Bhadradri District News

కొత్తగూడెంఅర్బన్‌: నేషనల్‌ చిల్డ్రన్‌ సైన్స్‌ కాంగ్రెస్‌ జిల్లాస్థాయి ప్రదర్శనలు ఆకట్టుకున్నాయి. కొత్తగూడెం ఆనందఖని ప్రాంతంలోని జిల్లా శిక్షణ కేంద్రంలో ఈ కార్యక్రమం నిర్వహించారు. జిల్లావ్యాప్తంగా వివిధ పాఠశాలల నుంచి హాజరైన విద్యార్థులు 107 ప్రాజెక్ట్‌లు ప్రదర్శించారు. వాటిలో ఉత్తమంగా ఉన్న ఆరు ప్రాజెక్ట్‌లను అధికారులు రాష్ట్రస్థాయి పోటీలకు ఎంపికచేశారు. వినూత్న శాసీ్త్రయ ప్రదర్శనలకు 107 పాఠశాలల నుంచి 240 మంది విద్యార్థులు హాజరయ్యారు. పరిశోధనా నైపుణ్యాలను, వినూత్న ఆలోచనలను ప్రదర్శించి పలువురి ప్రశంసలు అందుకున్నారు. ఈ సందర్భంగా జిల్లా విద్యాశాఖ అధికారి ఎస్‌.శంభూ ప్రసాద్‌ మాట్లాడుతూ విద్యార్థులు పాఠ్యపుస్తకాలకే పరిమితం కాకుండా నిత్యజీవితంలో ఎదురయ్యే రకరకాల సమస్యలకు శాసీ్త్రయ పరిష్కారాలు కనుగొనే దిశగా ఆలోచించాలని పిలుపునిచ్చారు. కాగా డిగ్రీ కాలేజ్‌ లెక్చరర్లు సుమలత, సంధ్యారాణి, నాగమణి ప్రసన్న పోటీలకు న్యాయనిర్ణేతలుగా వ్యవహరించారు. జిల్లా సైన్స్‌ అధికారి బి. సంపత్‌ కుమార్‌, ఏఎంఓ మాధవరావు, కె. పరమయ్య, గైడ్‌ ఉపాధ్యాయులు పాల్గొన్నారు. నూరు శాతం ఉత్తీర్ణతే లక్ష్యంబూర్గంపాడు: వార్షిక పరీక్షల్లో పదో తరగతి విద్యార్థులు నూరు శాతం ఉత్తీర్ణత సాధించేలా కృషి చేయాలని జిల్లా విద్యా శాఖాధికారి శంభూప్రసాద్‌ ఉపాధ్యాయులకు సూచించారు. బూర్గంపాడులోని ప్రభుత్వ ఉన్నత పాఠశాలలో బుధవారం తనిఖీ చేశారు. విద్యార్థులఅభ్యసన సామర్థ్యాలను పరీక్షించారు. చదువులో వెనుకబడిన వారికి ప్రత్యే తరగతులు బోధించాలన్నారు. ఎంఈఓ యదుసింహరాజు, హెచ్‌ఎం రవీలాదేవి పాల్గొన్నారు.రాష్ట్రస్థాయి పోటీలకు ఆరు ప్రాజెక్ట్‌ల ఎంపిక

పాల్వంచరూరల్‌: నిర్ణీత కాల పరిమితిలో వందశాతం లక్ష్యాన్ని సాధించాలని, అవసరమైన డేటాను అప్‌డేట్‌ చేయాలని జిల్లా వైద్య ఆరోగ్యశాఖ అధికారి డాక్టర్‌ తుకారాం రాథోడ్‌ అన్నారు. పాతఆర్డీఓ కార్యాలయంలోని డిప్యూటీ డీఎంహెచ్‌ఓ కార్యాలయంలో బుధవారం నిర్వహించిన వైద్యాధికారుల సమీక్షా సమావేశంలో మాట్లాడారు. ఎన్‌సీడీ డేటా అప్‌డేట్‌ ప్రక్రియను రెండు రోజుల్లో పూర్తిచేయాలని, ఏఎన్‌సీ రిజిస్ట్రేషన్‌ బుధవారం లోగా పూర్తిచేయాలని ఆదేశించారు. 102 సేవల వినియోగం మెరుగు పర్చాలన్నారు. ఐఎఫ్‌ఏ కన్జంప్షన్‌ అశ్వాపురం పీహెచ్‌సీలో కేవలం 8శాతం మాత్రమే నమోదైందని, తక్షణమే మెరుగుపర్చాలని ఆదేశించారు. అధికారులు సైదులు, ప్రతాప్‌ తదితరులు పాల్గొన్నారు. లక్ష్యాలను పూర్తి చేయాలి చుంచుపల్లి: జిల్లాలోని అన్ని ప్రాథమిక ఆరోగ్య కేంద్రాల్లో ప్రజారోగ్య కార్యక్రమాలను ప్రణాళికాబద్ధంగా నిర్వహించి నిర్దేశించిన లక్ష్యాలను పూర్తి చేయాలని డీఎంహెచ్‌ఓ డాక్టర్‌ తుకారాం రాథోడ్‌ వైద్యాధికారులను ఆదేశించారు. మాతా శిశు సంరక్షణ, హెచ్‌పీవీ వ్యాక్సినేషన్‌, టీబీ, లెప్రసీ, కీటక జనిత వ్యాధుల నివారణ తదితర కార్యక్రమాలపై బుధవారం డీఎంహెచ్‌ఓ కార్యాలయంలో సమీక్ష నిర్వహించారు. పీహెచ్‌సీల్లో వైద్యాధికారులు, సిబ్బంది సమయపాలన పాటించాలని సూచించారు.డీఎంహెచ్‌ఓ డాక్టర్‌ తుకారాం రాథోడ్‌

● జిల్లాలో కొత్తగా 16,198 మందికి పింఛన్‌ మంజూరు ● ఈ నెల 18 వరకు ప్రొసీడింగ్స్‌ పంపిణీ చుంచుపల్లి: ప్రభుత్వం కొత్తగా చేయూత పింఛన్ల మంజూరుకు శ్రీకారం చుట్టింది. జిల్లాలో 18,776 మంది దరఖాస్తు చేసుకోగా, 16,198 మందికి కొత్తగా పింఛన్లు మంజూరయ్యాయి. దీంతో ఆయా కుటుంబాలు హర్షం వ్యక్తం చేస్తున్నాయి. మరో 2,578 దరఖాస్తులు తిరస్కరణకు గురైనట్లు అధికా రులు తెలిపారు. ఈ నెల 12 నుంచి 18వ తేదీ వరకు వారం రోజులపాటు లబ్ధిదారులకు మంజూ రు పత్రాలు (ప్రొసీడింగ్స్‌) అందజేయనున్నారు. ఎమ్మెల్యేలు, స్థానిక ప్రజాప్రతినిధుల సమక్షంలో నియోజకవర్గ, మండల కేంద్రాల్లో గ్రామసభల ద్వారా పంపిణీకి సెర్ప్‌ అధికారులు విస్తృత ఏర్పా ట్లు చేస్తున్నారు. లబ్ధిదారులకు ముందస్తు సమాచారం అందించడం, గ్రామసభల నిర్వహణ, పంపిణీ కేంద్రాల వద్ద అవసరమైన ఏర్పాట్లు చేయడంపై దృష్టి పెట్టారు. వృద్ధులు, బీడీ కార్మికులకు నిరాశ కొత్త పింఛన్ల మంజూరుతో కొందరికి లబ్ధి జరుగనున్నా.. మరికొందరికి ఎదురుచూపులు తప్పడంలేదు. వృద్ధులు, బీడీ కార్మికులకు ఈసారీ నిరాశే ఎదురైంది. వయసు మీదపడటంతో కూలి పనులకు వెళ్లలేని పరిస్థితిలో ఉన్న వృద్ధులు, బీడీ కార్మికులు పింఛను కోసం ఎదురుచూస్తున్నారు. అనారోగ్య సమస్యలు, వయోభారం, పెరుగుతున్న నిత్యావసరాల ధరలతో కుటంబ పోషణ భారంగా మారిందని ఆవేదన చెందుతున్నారు. గతంలో పలుమార్లు దరఖాస్తులు చేసుకున్నా కొత్తగా మంజూరు చేసే విభాగాల్లో వీటికి మినహాయింపు ఇచ్చారు. కొత్త పింఛన్ల పంపిణీతో పాటు మిగిలిపోయిన అర్హుల దరఖాస్తులనూ పరిశీలించి తదుపరి విడతలో న్యాయం చేయాలని పలువురు కోరుతున్నారు. కొత్త పింఛన్ల మంజూరుపై డీఆర్‌డీఓ ఎం.విద్యాచందనను సంప్రదించగా.. గురువారం నుంచి లబ్ధిదారులకు ప్రొసీడింగ్స్‌ అందజేస్తామని తెలిపారు. పారదర్శకంగా విచారణ జరిపి అర్హులకు మాత్రమే కొత్త పింఛన్లు మంజూరు చేస్తున్నట్లు పేర్కొన్నారు. కొత్తగూడెం అర్బన్‌/చుంచుపల్లి: జిల్లాలో గురువారం నుంచి చేయూత పింఛన్ల ప్రొసీడింగ్స్‌ పంపిణీ చేయనున్నారు. ఈ నెల 12 నుంచి 15వ తేదీ వరకు కొత్తగూడెం, అశ్వారావుపేట నియోజకవర్గ పరిధిలోని వివిధ మండలాలు, మున్సిపాలిటీల్లో ప్రొసీడింగ్స్‌ పంపిణీ అందజేయనున్నారు. 12న మధ్యాహ్నం 3.30 గంట లకు చుంచుపల్లి, లక్ష్మీదేవిపల్లి మండలాల్లోని లబ్ధిదారులకు కొత్తగూడెం క్లబ్‌లో, 13న ఉద యం 10 గంటలకు సుజాతనగర్‌లోని రైతువేదికలో, ఉదయం 11 గంటలకు కొత్తగూడెం మున్సి పాలిటీ పరిధిలో కొత్తగూడెం క్లబ్‌లో పంపిణీ చేపడతారు. అదే రోజు మధ్యాహ్నం 3 గంటలకు పాల్వంచ మండలం, మున్సిపాలిటీ పరిధిలో పంపిణీ చేస్తారు. అశ్వారావుపేట నియోజకవర్గ పరిధిలో 13న ఉదయం 10 గంటలకు అశ్వారావుపేట మండలం, మున్సిపాలిటీలో పంపిణీ చేపడతారు. మధ్యాహ్నం 2 గంటలకు దమ్మపేట మండలంలో కార్యక్రమం నిర్వహిస్తారు. 14న మధ్యాహ్నం 2 గంటలకు ములకలపల్లి మండలంలో, 15న ఉదయం 10 గంటలకు చండ్రుగొండ మండలంలో, మధ్యాహ్నం 2 గంటలకు అన్నపురెడ్డిపల్లి మండలంలో ప్రొసిడింగ్స్‌ పంపిణీ జరగనుంది. ఈ మేరకు కలెక్టర్‌ అంకిత్‌ బుధవారం ఒక ప్రకటనలో వివరాలు వెల్లడించారు. లబ్ధిదారులు నిర్ణీత సమయాలు, కేటాయించిన పంపిణీ కేంద్రాలకు చేరుకుని పింఛన్లు స్వీకరించాలని డీఆర్‌డీఏ అధికారులు కోరారు. తదుపరి షెడ్యూల్‌లో మిగతా మండలాల వివరాలు వెల్లడిస్తామని తెలిపారు.

రామకృష్ణాపూర్‌: సింగరేణి సంస్థ ఆధ్వర్యాన కంపెనీ స్థాయి క్రికెట్‌ చాంపియన్‌షిప్‌ పోటీలు మంచిర్యాల జిల్లా రామకృష్ణాపూర్‌లోని ఠాగూర్‌ స్టేడియంలో బుధవారం ప్రారంభమయ్యాయి. మూడు రోజులపాటు పోటీలు జరగనుండగా, మందమర్రి – బెల్లంపల్లి సంయుక్త జట్టు, శ్రీరాంపూర్‌ జట్టు, మణుగూరు – ఇల్లెందు సంయుక్త జట్టు, కొత్తగూడెం కార్పొరేట్‌ జట్టు, ఆర్జీ–1, 2 సంయుక్త జట్టు, ఆర్జీ 3 – భూపాలపల్లి సంయుక్త జట్లు పాల్గొంటున్నాయి. మందమర్రి ఏరియా జీఎం రాధాకృష్ణ బ్యాటింగ్‌ చేసి పోటీలను ప్రారంభించి మాట్లాడారు. కోలిండియా స్థాయి పోటీల్లోనూ రాణించి సింగరేణి కీర్తి ప్రతిష్టలు చాటాలని పిలుపునిచ్చారు. కాగా, ఆర్జీ 3 – భూపాలపల్లి, ఇల్లెందు – మణుగూరు సంయుక్త జట్ల మధ్య పోటీ జరగగా, ఇల్లెందు – మణుగూరు జట్టు విజయం సాధించింది. వివిధ విభాగాల అధికారులు, నాయకులు రమేశ్‌, అశోక్‌, ఖాదిర్‌, సలెంద్ర సత్యనారాయణ, కార్తీక్‌, సురేందర్‌, అశోక్‌, నరేందర్‌రెడ్డి, శ్రీనివాస్‌ తదితరులు పాల్గొన్నారు.

ఖమ్మంఅర్బన్‌: ఉమ్మడి ఖమ్మం జిల్లాలోని సాగునీటి ప్రాజెక్టుల పెండింగ్‌ పనులు, భూసేకరణ తదితర అంశాలపై రాష్ట్ర భారీ నీటి పారుదల శాఖ మంత్రి ఉత్తమ్‌కుమార్‌రెడ్డితో వ్యవసాయశాఖ మంత్రి తుమ్మల నాగేశ్వరరావు చర్చించారు. హైదరాబాద్‌లో బుధవారం మంత్రులు సమావేశం కాగా, జల వనరుల శాఖ ఉన్నతాధికారులు సైతం పాల్గొన్నారు. ఈ సందర్భంగా సీతమ్మసాగర్‌ ప్రాజెక్టు పనుల పునఃప్రారంభం, సీతారామ ఎత్తి పోతల పథకం, జూలూరుపాడు టన్నెల్‌, వెంకమ్మచెరువు కాలువ, పెద్దవాగు పునరుద్ధరణ, కాల్వలకు బదులు పైపుల ఏర్పాటు ప్రతిపాదనలను మంత్రి తుమ్మల వివరించారు. అలాగే, ఖమ్మంలో మున్నేటికి రిటైనింగ్‌ వాల్‌ నిర్మాణం, లకారం చెరువుకు నీటి మళ్లింపు, ధంసలాపురం పెద్దచెరువు, ఖానా పురం చెరువు అభివృద్ధి, టేకులపల్లి వద్ద సాగర్‌ కాల్వపై గైడ్‌వాల్‌ నిర్మాణం, దోమలవాగు చెరువు సామర్థ్యం పెంపు, మారెళ్లపాడు ఎత్తిపోతల పథకం, సోలార్‌ విద్యుత్‌ కేంద్రాల ఏర్పాటు ప్రతిపాదనపై చర్చించారు. ఈ ప్రతిపాదనలు కార్యరూపం దాలి స్తే రైతులకు సాగునీటి వసతులు మెరుగుపడతాయని, ఖమ్మం నగరానికి తాగునీటి భద్రత, వరద ముప్పు నుంచి రక్షణ లభిస్తుందని వివరించగా మంత్రి ఉత్తమ్‌ సానుకూలంగా స్పందించారు.సాగునీటి ప్రాజెక్టుల పనులపై సమీక్ష

అశ్వారావుపేటరూరల్‌: తెలంగాణ, ఏపీ రాష్ట్రాల సరిహద్దులోని అటవీ ప్రాంతాల్లో మరోసారి పెద్దపులి సంచరిస్తోంది. గత రెండు రోజులుగా ఏపీలోని ఏలూరు జిల్లా వేలేరుపాడు మండలం కొత్తూరు అటవీ ప్రాంతంలో పులి సంచరిస్తున్నట్లు అక్కడి అధికారులు చెబుతున్నారు. ఈ నేపథ్యంలో ఆ ప్రాంతానికి సమీపంలో ఉన్న అశ్వారావుపేట మండలం కావడిగుండ్ల, గుబ్బల మంగమ్మ ఆలయ ప్రాంతాల్లో అటవీ శాఖ అధికారులు అప్రమత్తమయ్యారు. మంగళవారం రాత్రి వేలేరుపాడు మండలం కొత్తూరు గ్రామంలో బ్రహ్మయ్య అనే రైతుకు చెందిన ఓ ఆవు, రెండు దూడలను హతమార్చింది. ఆ తర్వాత అక్కడి నుంచి గుండ్లమడుగు అటవీ ప్రాంతంలోకి వెళ్లినట్లు పాదముద్రల ద్వారా గుర్తించారు. గతంలో పులికి ఏపీ అటవీ శాఖ అధికారులు ట్రాకర్‌ అమర్చారని, ట్రాకర్‌ ద్వారా వస్తున్న సిగ్నల్స్‌ ఆధారంగా ఏపీ సరిహద్దులోనే సంచరిస్తున్నట్లు గుర్తించామని ఫారెస్టు రేంజర్‌ మురళీకృష్ణ తెలిపారు. సరిహద్దు ప్రాంతాలు కావడంతో చుట్టు పక్కల గిరిజన గ్రామస్తులను అప్రమత్తం చేస్తున్నామని పేర్కొన్నారు. పులి సంచారం నేపథ్యంలో అటవీ ప్రాంతంలోకి వెళ్లొద్దని సూచించారు. కాగా, ఈ ఏడాది జనవరిలో ఏపీ వైపు నుంచి తెలంగాణ సరిహద్దుల్లో రెండు రోజులు సంచరించింది. పెద్దపులి సమీప అటవీ ప్రాంతాల్లోనే సంచరించడం పట్ల స్థానికులు ఆందోళన వ్యక్తం చేస్తున్నారు. అప్రమత్తమైన అటవీ శాఖ అధికారులు

టేకులపల్లి: మండలంలోని దాస్‌ తండా పంచాయతీ పరిధి లచ్యాతండా ప్రాథమిక పాఠశాల మనుగడ ప్రశ్నార్థకంగా మారింది. గత విద్యా సంవత్సరంలో ఇక్కడ ఇద్దరు ఉపాధ్యాయులు పనిచేశారు. ఈ ఏడాది ముగ్గురే విద్యార్థులు ఉండటంతో, విద్యాశాఖ అధికారులు ఒక ఉపాధ్యాయుడిని నరసాయిగూడెం పాఠశాలకు డిప్యూటేషన్‌పై పంపారు. రికార్డుల ప్రకారం పాఠశాలలో ముగ్గురు విద్యార్థులు ఉన్నా, ప్రస్తుతం ఒక్కడే పాఠశాలకు వస్తున్నాడు. ముగ్గురిలో ఐదో తరగతి బాలిక టేకులపల్లి ప్రాథమిక పాఠశాలకు, మూడో తరగతి విద్యార్థి ఏ కాలనీతండా పాఠశాలకు వెళ్తున్నారు. మిగిలిన దివ్యాంగ బాలుడిని మాత్రమే రోజూ తల్లిదండ్రులు బడికి తీసుకొస్తున్నారు. అయితే, పాఠశాల మూతబడితే గ్రామంలో విద్య దూరమవుతుందనే భయంతో సర్పంచ్‌, గ్రామ పెద్దలు, ఉపాధ్యాయులు స్థానిక పిల్లలను బడిలో చేర్పించే ప్రయత్నాలు చేస్తున్నారు. మరోవైపు ఏకై క ఉపాధ్యాయురాలిని ఇక్కడి నుంచి బదిలీ చేస్తే పాఠశాల మూతపడే ప్రమాదం ఉందని గ్రామస్తులు ఆందోళన చెందుతున్నారు. విద్యాశాఖ అధికారులు స్పందించి తగిన చర్యలు తీసుకోవాలని కోరుతున్నారు.

పెనుబల్లి: విద్యార్థులు గెలుపునకు పొంగిపోకుండా, ఓటమికి కుంగిపోకుండా ముందుకు సాగాలని.. ప్రతీ ఓటమి తర్వాత పట్టుదలగా ముందుకు సాగితే విజయం దరిచేరుతుందని సత్తుపల్లి ఎంఎల్‌ఏ మట్టా రాగమయి దయానంద్‌ తెలిపారు. మండలంలోని కుప్పనకుంట్ల మహాత్మా జ్యోతిబాపూలే పాఠశాలలో ఉమ్మడి జిల్లా స్థాయి బాలుర క్రీడాపోటీలు బుధవారం ప్రారంభమయ్యాయి. ఈ పోటీలను ప్రారంభించిన ఎమ్మెల్యే రాగమయి మాట్లాడుతూ విద్యారంగం, విద్యార్థుల అభివృద్ధి ముఖ్యమంత్రి రేవంత్‌రెడ్డి అనేక మార్పులు తీసుకొచ్చారని చెప్పారు. విద్యార్థులు చదువుతో పాటు ఆటల్లో తర్ఫీదు పొందితే మానసిక, శారీరక దృఢత్వం సొంతమవుతుందని తెలిపారు. పోటీల్లో స్నేహపూర్వకంగా ముందుకు సాగి గెలుపోటములను సమానంగా స్వీకరించాలని సూచించారు. తొలుత జ్యోతిప్రజ్వలన చేసి చేసిన ఎమ్మెల్యే క్రీడాకారుల నుంచి గౌరవవందనాన్ని స్వీకరించడమే కాక వాలీబాల్‌ ఆడి క్రీడాకారుల్లో ఉత్సాహాన్ని నింపారు. గురుకులాల ఉమ్మడి జిల్లా ఆర్‌సీఓ సీహెచ్‌.రాంబాబు, సీఐ సరవయ్య, ప్రిన్సిపాల్‌ ఎ.జ్యోతితో పాటు నాయకులు, ఉపాధ్యాయులు, డాక్టర్‌ మట్టా దయానంద్‌, బుక్కా కృష్ణవేణి, భవాని, వినీల, పి.వెంకటేశ్వరావు, సోమరాజు సీతారామారావు, కీసర శ్రీనివాసరెడ్డి, పసుమర్తి విశ్వనాధ్‌, మాధవరెడ్డి, కిరణ్‌, చిన్న స్వామి, వంగా గిరిజ, రాధాకృష్ణ పాల్గొన్నారు.సత్తుపల్లి ఎమ్మెల్యే రాగమయి

భద్రాచలం: పీవీటీజీ గ్రామాల్లో వీబీ జీ రామ్‌జీ (ఉపాధిహామీ) పథకం కింద నిర్దేశించిన పనుల లక్ష్యాలను నిర్ణీత గడువులోగా పూర్తిచేస్తామని ఐటీడీఏ ఏపీఓ (జనరల్‌) డేవిడ్‌ రాజ్‌ తెలిపారు. బుధవారం రాష్ట్ర గ్రామీణాభివృద్ధి శాఖ కమిషనర్‌ దివ్యా దేవరాజన్‌ అదనపు కలెక్టర్లు, ఐటీడీఏ పీఓలు, సంబంధిత శాఖల అధికారులతో వీడియో కాన్ఫరెన్స్‌ నిర్వహించారు. వీబీ జీ రామ్‌ జీ పథకం కింద చేపట్టిన పనుల పురోగతి, లక్ష్యాల సాధనపై సమీక్షించారు. ఐటీడీఏ నుంచి హాజరైన ఏపీఓ మాట్లాడు తూ పీవీటీజీ గ్రామాల్లో పనుల అమలుకు ప్రత్యేక ప్రణాళిక రూపొందిస్తున్నట్లు పేర్కొన్నారు. ఇంకు డు గుంతల నిర్మాణం, బోరుబావుల రీచార్జ్‌ నిర్మాణాలు, వ్యవసాయ కుంటల ఏర్పాటు పనులకు ప్రాధాన్యమిస్తున్నట్లు వివరించారు. డీఎస్వో ప్రభా కర్‌రావు, బీఆర్‌ఎల్‌జీఎఫ్‌ సిబ్బంది తదితరులు పాల్గొన్నారు. జీసీసీ అకౌంట్స్‌ పరిశీలన భద్రాచలంలోని జీసీసీ కార్యాలయానికి సంబంధించిన అకౌంట్స్‌ను బుధవారం ఏపీఓ పరిశీలించారు. డీఆర్‌ డిపోలు, జీసీసీ కార్యాలయం ద్వారా నిత్యావసర సరుకులు కొనుగోలు అమ్మకాలకు సంబంధించిన అకౌంట్‌ పుస్తకాలు, ఇతర రికార్డులు తనిఖీ చేశారు. జీసీసీ మేనేజర్‌ సమ్మయ్య పాల్గొన్నారు.

భద్రాచలం: భద్రాచలంలోని శ్రీ సీతారామ చంద్రస్వామి దేవస్థానంలో బుధవారం రామయ్య కల్యాణం కనుల పండువగా సాగింది. తెల్లవారుజామునే గర్భగుడిలో స్వామివారికి సుప్రభాత సేవ, సేవా కాలం, ఆరాధన పూజలు చేశారు. అనంతరం మిథిలా స్టేడియంలోని రామసేవా మండపంలో కొలువుదీర్చి నిత్యకల్యాణ మూర్తులకు విశ్వక్సేన పూజ, పుణ్యావాచనం నిర్వహించారు. ఆతర్వాత స్వామికి కంకణధారణ, యజ్ఞోపవీత ధారణ, అమ్మవారికి కంకణధారణ, యోక్త్రధారణ గావించిన అర్చకులు నిత్య కల్యాణ మహోత్సవాన్ని శాస్త్రోక్తంగా పూర్తిచేశారు. నేటి నుంచి బొగ్గు నాణ్యత వారోత్సవాలురుద్రంపూర్‌: సింగరేణిలో ఈ నెల 12వ తేదీ నుంచి 18వ తేదీ వరకు క్వాలిటీ విభాగం ఆధ్వర్యంలో బొగ్గు నాణ్యత వారోత్సవాలు నిర్వహించనున్నారు. ‘వినియోగదారుడికి నాణ్యమైన ఉత్పత్తి, వినియోగదారుడి సంతృప్తి’అనే నినాదంతో ఉత్సవాలు జరపనున్నారు. ఈ కార్యక్రమాన్ని ఈ నెల 12న కొత్తగూడెంలోని ప్రధాన కార్యాలయంలో ప్రారంభించనుండగా, సంస్థవ్యాప్తంగా నాణ్యతపై పలు కార్యక్రమాలు నిర్వహించనున్నారు. 21న ప్రత్యేక లోక్‌ అదాలత్‌ కొత్తగూడెంఅర్బన్‌: ఈ నెల 21న చెక్‌ బౌన్స్‌ (ఎన్‌ఐ యాక్ట్‌) కేసుల పరిష్కారం కోసం ప్రత్యేక లోక్‌ అదాలత్‌ నిర్వహించనున్నట్లు ప్రధాన జిల్లా న్యాయమూర్తి జి. ప్రేమలత, జిల్లా న్యాయ సేవా అధికార సంస్థ కార్యదర్శి ఎం.రాజేందర్‌ బుధవారం ఒక ప్రకటన తెలిపారు. న్యాయస్థానాల్లో పెండింగ్‌లో ఉన్న చెక్‌ బౌన్స్‌ కేసులను ఇరువర్గాల రాజీ మార్గం ద్వారా వేగంగా పరిష్కరించుకోవడానికి ఇది మంచి అవకాశమని పేర్కొన్నారు. లోక్‌ అదాలత్‌లో లభించే తీర్పుకు సివిల్‌ కోర్టు డిక్రీతో సమానమైన ప్రాధాన్యత ఉంటుందని, దీని ద్వారా సమయం, డబ్బు ఆదా అవుతాయని వివరించారు. రైల్వే ఆస్పత్రిలో సీఎండీ తనిఖీలుకొత్తగూడెంఅర్బన్‌: భద్రాచలం రోడ్డు రైల్వే స్టేషన్‌ను బుధవారం రైల్వే సీఎండీ నిర్మల సందర్శించారు. జనరల్‌ విజిల్‌లో భాగంగా ఆమె బీడీసీఆర్‌ రైల్వే ఆస్పత్రిని పరిశీలించారు. రానున్న పుష్కరాల సందర్భంగా రైల్వే ఆస్పత్రిలో అందుబాటులో ఉన్న వైద్యం, మందులు, సిబ్బంది తదతర విషయాలను వైద్యాధికారులను అడిగి తెలుసుకున్నారు. అనంతరం వైద్యాధికారులు, సిబ్బందితో సమావేశం నిర్వహించి పలు సూచనలు చేశారు. ఈ కార్యక్రమంలో రైల్వే ఆస్పత్రి వైద్యులు, సిబ్బంది పాల్గొన్నారు. దర్యాప్తు వేగవంతం చేయాలిభద్రాచలంటౌన్‌: పెండింగ్‌ కేసుల దర్యాప్తు వేగవంతం చేయాలని ఎస్పీ రోహిత్‌రాజు ఆదేశించారు. భద్రాచలం పోలీస్‌స్టేషన్‌ను బుధవారం ఆయన సందర్శించారు. రికార్డులు, సిబ్బంది పనితీరును పరిశీలించారు. ఈ సందర్భంగా మాట్లాడుతూ నాణ్యమైన విచారణతో కేసులను త్వరితగతిన పరిష్కరించాలని ఆదేశించారు. బాధితులతో మర్యాదగా వ్యవహరించాలని చెప్పారు. సైబర్‌ నేరాలపై ప్రజలకు అవగాహన కల్పించాలని, అసాంఘిక కార్యకలాపాలపై నిఘా ఉంచాలని సూచించారు. డీఎస్పీ అరుణ్‌ కుమార్‌, సీఐ సట్ల రాజు, ఎస్‌ఐలు రామకృష్ణ, కేశవ్‌ సిబ్బంది పాల్గొన్నారు.

సత్తుపల్లిరూరల్‌: బెటాలియన్‌ సిబ్బంది విధుల్లో క్రమశిక్షణ, అంకితభావం కనబర్చాలని టీజీఎస్‌పీ బెటాలియన్ల డీఐజీ పి.మురళీకృష్ణ సూచించారు. సత్తుపల్లి మండలం గంగారంలోని 15వ ప్రత్యేక పోలీస్‌ బెటాలియన్‌ను బుధవారం ఆయన తనిఖీ చేశారు. తొలుత కమాండెంట్‌ ఎన్‌.పెద్దబాబు డీఐజీకి స్వాగతం పలికాక ఆయన సిబ్బంది నుంచి గౌరవ వందనం స్వీకరించారు. ఆ తర్వాత బెటాలియన్‌లోని పరిపాలనా భవనం, ఇతర విభాగాలను పరిశీలించాక మాట్లాడారు. ఉద్యోగులు సమర్థవంతంగా విధులు నిర్వర్తిస్తూ, పోలీస్‌ శాఖ నిర్దేశించిన ప్రమాణాలకు అనుగుణంగా ప్రజలకు సేవలు అందించాలని సూచించారు. అదనపు కమాండెంట్‌ ఏ.అంజయ్య, ఉద్యోగులు బి.వేణుగోపాలరెడ్డి, బి.వినాయకరావు తదితరులు పాల్గొన్నారు.15వ బెటాలియన్‌లో తనిఖీ చేసిన డీఐజీ మురళీకృష్ణ

ఒకరు మృతి అన్నపురెడ్డిపల్లి: మండలంలోని గుంపెన శివారులో బుధవారం తెల్లవారుజామున జరిగిన రోడ్డు ప్రమాదంలో ఓ వ్యక్తి అక్కడికక్కడే మృతి చెందాడు. చండ్రుగుండ మండలం రామక్క బంజర్‌ గ్రామానికి చెందిన పద్దం వెంకటేశ్వరరావు(41) తన ట్రాక్టర్‌పై ఎర్రగుంట నుంచి స్వగ్రామానికి వెళ్తున్నాడు. ఈ క్రమంలో తెల్లవారుజామున సత్తుపల్లి నుంచి కొత్తగూడెం వెళ్తున్న బొగ్గు టిప్పర్‌ వెనుక నుంచి ఢీకొట్టింది. ఘటనలో ట్రాక్టర్‌ పక్కకు పడిపోగా, వెంకటేశ్వరరావుకు తలకు తీవ్రగాయాలై ఘటనాస్థలిలోనే మృతి చెందాడు. అన్నపురెడ్డిపల్లి ఎస్సై విజయసింహారెడ్డి కేసు నమోదు చేసి దర్యాప్తు చేపట్టారు. కుమారుడి దాడిలో తండ్రి మృతిదుమ్ముగూడెం: కుమారుడు దాడి చేయడంతో గాయపడి చికిత్స పొందుతున్న వ్యక్తి మృతి చెందా డు. ఈ ఘటనలో కుమారుడిపై బుధవారం పోలీసులు హత్యకేసు నమోదు చేశారు. పోలీసుల కథనం ప్రకారం.. మండలంలోని బండిరేవు గ్రామానికి చెందిన మేకల తాతయ్య(84) కుమారుడు ధనుంజయ్‌ జులాయిగా తిరుగుతూ నిత్యం ఇంట్లో గొడవలు చేస్తున్నాడు. తండ్రి పేరిట ఉన్న ఎకరం పొలం తన పేరు మీద రాయాలని, తనకు పెళ్లి చేయాలని వేధిస్తున్నాడు. ఈ నెల 2న రాత్రి తండ్రి ఎదురింటి ముందు పడుకుని ఉండగా ధనుంజయ్‌ సెంట్రింగ్‌ రాడ్‌తో దాడి చేశాడు. దీంతో తీవ్ర గాయాలు కాగా, కుటుంబసభ్యులు భద్రాచలం, అక్కడి నుంచి వరంగల్‌ ఎంజీఎంకు తరలించారు. తాతయ్య చికిత్స పొందుతూ మంగళవారం మృతి చెందాడు. మృతుడి కుటుంబసభ్యుల ఫిర్యా దు మేరకు చర్ల సీఐ రాజువర్మ, ఎస్‌ఐ శ్యామ్‌ప్రసాద్‌ కేసు నమోదు చేసి దర్యాప్తు చేస్తున్నారు. కాగా, నిందితుడు పరారీలో ఉన్నట్టు పోలీసులు తెలిపారు. 11 కేజీల గంజాయి స్వాధీనంభద్రాచలంటౌన్‌: భద్రాచలంలో ఎకై ్సజ్‌ అధికారులు చేపట్టిన తనిఖీల్లో 11.6 కేజీల గంజాయి స్వాధీనం చేసుకున్నారు. కూనవరం రోడ్డులోని ఇసుక రీచ్‌ వద్ద బుధవారం వాహనాల తనిఖీ చేస్తుండగా, ద్వి చక్ర వాహనంపై గంజాయి తరలిస్తున్న ఇద్దరు పట్టుబడ్డారు. వీరిని విచారించగా సిద్దిపేట జిల్లా భరత్‌నగర్‌కు చెందిన కాల్వ వెంకటేశ్‌, కోడూరు సురేశ్‌గా తేలింది. రూ.6.90 లక్షల విలువైన గంజాయి స్వాధీనం చేసుకోగా, తనిఖీల్లో ఎకై ్సజ్‌ ఎస్‌ఐ సీహెచ్‌.శ్రీహరిరావు, సిబ్బంది పాల్గొన్నారు.

వైరారూరల్‌: విద్యార్థులు చదువుతో పాటు క్రీడల్లోనూ రాణించాలని వైరా ఎమ్మెల్యే మాలోతు రాందాస్‌నాయక్‌ సూచించారు. క్రీడల్లో గెలుపోటములు సమానంగా స్వీకరిస్తూ ముందుకు సాగితే విజయాలు సొంతమవుతాయని తెలిపారు. వైరా మండలం రెబ్బవరంలోని ముసలిముడుగు మహా త్మా జ్యోతిబాపూలే పాఠశాలలో అండర్‌–17 విభాగం బాలికల క్రీడాపోటీలు బుధవారం ప్రారంభమయ్యాయి. ఉమ్మడి జిల్లాలోని 12 గురుకులాలకు చెందిన 420 మంది విద్యార్థినులు పాల్గొనగా పోటీలను ఎమ్మెల్యే రాందాస్‌ ప్రారంభించి మాట్లాడారు. విద్యార్థులు క్రీడల్లో పాల్గొనడం ద్వారా శారీరక, మానసిక వికాసం పెరుగుతుందని తెలిపారు. విద్యార్థినులకు కబడ్డీ, ఖో–ఖో, బ్యాడ్మింటన్‌, అథ్లెటిక్స్‌ పోటీలు నిర్వహించనుండగా గురుకులాల ఆర్‌సీఓ రాంబాబు, ఎంఈఓ చావా శ్రీనివాసరావు, ప్రిన్సిపాల్‌ రాధిక, సర్పంచ్‌ వేల్పుల జ్యోతి, మార్కెట్‌ చైర్మన్‌ బోళ్ల గంగారావు, వైరా మున్సిపల్‌ వైస్‌ చైర్మన్‌ కట్ల సంతోష్‌, నాయకులు బొర్రా రాజశేఖర్‌, దాసరి దానియేలు, రాంపూడి రోశయ్య, కట్ల రంగారావు, డాక్టర్‌ కాపా మురళీకృష్ణ, వీరంశెట్టి సీతరాములు, పమ్మి అశోక్‌, దొడ్డా పుల్లయ్య, కోసూరి శ్రీనివాసరావు పాల్గొన్నారు. వైరా ఎమ్మెల్యే రాందాస్‌ నాయక్‌

సాక్షి ప్రతినిధి, భద్రాద్రి కొత్తగూడెం: నిన్నామొన్నటి వరకు తెలంగాణలో మావోయిస్టు ప్రభావిత జిల్లాగా భద్రాద్రి కొత్తగూడేనికి పేరుండేది. కానీ, రాబోయే రోజుల్లో కలప, గంజాయి అక్రమ రవాణాకు అడ్డాగా మార్చేందుకు పక్కా ప్రణాళిక సిద్ధమవుతోంది. పోలీసు నిఘా, అటవీశాఖ తనిఖీల్లో వాడీవేడి తగ్గడంతో అక్రమార్కులు పంజా విసిరేందుకు సిద్ధమవుతున్నారు. మరింత సరుకు అక్రమ పద్ధతిలో అల్లి చెట్టు వేర్లు (ఐరన్‌ ఉడ్‌) జిల్లా మీదుగా రవాణా అవుతున్నాయి. ఇప్పటికే పన్నెండు టన్నుల సరుకు జిల్లా దాటి ఏపీ మీదుగా తమిళనాడులోకి వెళ్లిపోయింది. రేపో మాపో జిల్లాలోకి వచ్చేందుకు ఛత్తీస్‌గఢ్‌ రాష్ట్ర సరిహద్దు గ్రామాల్లో మరో ఏడు టన్నుల సరుకు రెడీగా ఉన్నట్టు సమాచారం. సుక్మా జిల్లాలోని ధర్మపేట, ఎర్రమామిడి, మారాయిగూడెం, పాలోడి, కిష్టారంతోపాటు బీజాపూర్‌ జిల్లాలోని పామేడు, ఊసూరు, ధర్మారం గ్రామాల్లో అల్లి చెట్ల వేర్ల నిల్వలు భారీగా ఉన్నాయి. వాటిని ముందుగా జిల్లాలోని దుమ్ముగూడెం, చర్ల మండలాల్లోని స్థావరాలకు తరలించి, అక్కడి నుంచి అదును చూసుకుని రాష్ట్ర సరిహద్దులు దాటించనున్నారు. కీలక స్థానంలో జిల్లా ఛత్తీస్‌గఢ్‌, ఆంధ్రప్రదేశ్‌లతో సరిహద్దును పంచుకుంటోంది. ఒడిశా సైతం సమీపంలోనే ఉంది. ఛత్తీస్‌గఢ్‌, ఒడిశా, ఏపీలలో సరిహద్దు జిల్లాలుగా ఉన్న బీజాపూర్‌, సుక్మా, మల్కన్‌గిరి, పోలవరం, అల్లూరి జిల్లాల్లో దట్టమైన అడవులు విస్తరించి ఉన్నాయి. గోదావరి, శబరి, సీలేరు నదులు ప్రవహించే ఈ ప్రాంతంలో ఒకే రకమైన భౌగోళిక పరిస్థితులు ఉంటాయి. పొరుగు రాష్ట్రాల్లోని చిక్కటి అడవులు విస్తరించిన ప్రాంతాల నుంచి మైదాన ప్రాంతాలకు రావడానికి జిల్లా గేట్‌ వేగా ఉంది. దీంతో స్మగ్లర్లు జిల్లాపై కన్నేశారు. మావోయిస్టుల ప్రభావం తగ్గాక దక్షిణ బస్తర్‌, ఏఓబీ ప్రాంతాల నుంచి గంజాయి, కలప అక్రమ రవాణాకు జిల్లానే ఎంచుకుంటున్నారు. ఒక్కొక్కటిగా చక్కబెడుతూ పెద్దగా అనుమానం రాకుండా అల్లిచెట్ల వేర్లను స్థానిక గిరిజనుల ద్వారా సేకరిస్తున్నారు. వాటిని భద్రపరించేందుకు అనువుగా స్థానిక గ్రామాల్లోని కొందరిని మచ్చిక చేసుకుంటున్నారు. పోగేసిన వేర్లతో ట్రక్‌ వెళ్లే రూట్‌, ఆ దారిలో వచ్చే చెక్‌పోస్టులు, అక్కడ తీసుకోవాల్సిన ‘జాగ్రత్తలు’ తదితర వ్యవహారాలు చక్కబెట్టే పనిని ప్రస్తుతం చాపకింద నీరులా చేస్తున్నారు. ఏడాది క్రితం ఈ ప్రణాళిక తెర మీదకు తీసుకురాగా గడిచిన ఆరు నెలలుగా వేర్ల అక్రమ రవాణా సాగిపోతోంది. ఆరంభంలో పత్తి బేళ్ల కింద వేర్లను సరఫరా చేశారు. ఆ తర్వాత దారి మధ్యలో వచ్చే సర్కారు తనిఖీలను తప్పించే ఉపాయం దొరకడంతో ప్రస్తుతం పత్తి బేళ్లు, ఇతర కవరింగులు అవసరం లేకుండానే ట్రక్కులు సాఫీగా సాగిపోతున్నాయి. చర్ల, దుమ్ముగూడెం మండలాల్లో ఈ దందాతో సంబంధం ఉన్న వ్యక్తులు కేవలం ఆరు నెలల వ్యవధిలోనే లక్షాధికారులు కావడం, ఎడాపెడా ఆస్తులు కూడబెడుతుండటం ఈ మాఫియా ఎదుగుతున్న తీరుకు అద్దం పడుతోంది. రాబోయే రోజుల్లో మరింత మందిని ఈ అక్రమ వ్యాపారం వైపు ఆకర్షించి అల్లి వేర్ల నుంచి క్రమంగా గంజాయి, టేకు కలప అక్రమ రవాణా చేయడం ఇక్కడి అక్రమార్కల అసలు లక్ష్యంగా ఉంది.గడిచిన నాలుగేళ్లలో జిల్లా మీదుగా గంజాయి అక్రమ రవాణా జోరుగా సాగింది. తెలంగాణ ప్రభుత్వం గంజాయి అక్రమ రవాణాపై దృష్టి పెట్టడంతో ఇటీవల నిఘా పెరిగింది. గంజాయి అక్రమ రవాణా చేస్తున్న వాహనాలు విరివిగా పట్టుబడుతున్నాయి. దీంతో గంజాయి ముఠాలు కొత్త దారులు వెతుకుతున్నాయి. మావోయిస్టుల ప్రభావం కూడా తగ్గడంతో మరోసారి దండకారణ్యంలోని విలువైన కలపను అక్రమంగా తరలించే మాఫియా సిద్ధమైంది. అయితే, కలప దందాకు వీలుగా క్షేత్రస్థాయిలో పరిస్థితులను ఆకలింపు చేసుకునే క్రమంలో ముందుగా అల్లిచెట్ల వేర్ల దందాను తెరపైకి తెచ్చింది.జిల్లా మీదుగా కలప స్మగ్లింగ్‌కు మాఫియా ప్లాన్‌

మణుగూరు టౌన్‌: ప్రభుత్వం కేటాయించిన డబుల్‌ బెడ్‌ రూం ఇళ్లు విక్రయిస్తున్నట్లు వచ్చిన ఆరోపణలపై బుధవారం ఇంటెలిజెన్స్‌ అధికారులు ఆరా తీశారు. మణికంఠనగర్‌లో లబ్ధిదారులు డబుల్‌బెడ్రూం ఇళ్లను విక్రయించుకుంటున్న తీరుపై ‘సాక్షి’ దినపత్రికలో కథనం ప్రచురితమైంది. దీంతో ఇంటెలిజెన్స్‌ అధికారులు క్షేత్రస్థాయిలో పర్యటించి విచా రణ చేపట్టారు. ఎన్ని ఇళ్లు, ఎంతకు విక్రయించారనే వివరాలు సేకరించారు. ఇళ్లలో అద్దెకు ఉంటున్న వారి వివరాలు సేకరించినట్లు తెలిసింది. ప్రభుత్వ ఉద్యోగులు కూడా డబుల్‌బెడ్రూం లబ్ధిదారులుగా ఉన్నట్లు సమాచారం. కాగా విచారణ సమయంలోనే అశ్వాపురం మండలానికి చెందిన కొందరు డబుల్‌బెడ్రూం ఇల్లు కొనుగోలు చేసి రంగులు వేస్తుండటం గమనార్హం.

కొత్తగూడెంఅర్బన్‌: భూముల రీసర్వే ప్రక్రియను ప్రజలకు మేలు జరిగేలా, వివాదాలకు తావులేకుండా పకడ్బందీగా, పారదర్శకంగా నిర్వహించాలని రాష్ట్ర రెవెన్యూ, హౌసింగ్‌, పౌర సంబంధాల శాఖ మంత్రి పొంగులేటి శ్రీనివాస రెడ్డి అధికారులను ఆదేశించారు. బుధవారం హైదరాబాద్‌ నుంచి రెవెన్యూ శాఖ కార్యదర్శి లోకేష్‌ కుమార్‌, ఇతర ఉన్నతాధికారులతో కలిసి కలెక్టర్లతో భూముల రీసర్వే ప్రక్రియపై మంత్రి వీడియో కాన్ఫరెన్స్‌ నిర్వహించారు. కలెక్టరేట్‌ నుంచి కలెక్టర్‌ అంకిత్‌, అదనపు కలెక్టర్‌ డి.వేణుగోపాల్‌, భద్రాచలం సబ్‌ కలెక్టర్‌ మృణాల్‌ శ్రేష్ఠ తదితరులు వీడియో కాన్ఫరెన్స్‌కు హాజరయ్యారు. పంటల సాగుపై ముందస్తు ప్రణాళికసూపర్‌బజార్‌(కొత్తగూడెం): జిల్లాలో ఎల్‌నినో ప్రభావంతో ఏర్పడే వర్షాభావ పరిస్థితులు, లోటు వర్షపాతాన్ని దృష్టిలో ఉంచుకుని వ్యవసాయ రంగంపై ప్రతికూల ప్రభావం పడకుండా వ్యవసాయ శాఖ ఆధ్వర్యంలో ముందస్తు ప్రణాళికతో పలు చర్యలు చేపడుతున్నట్లు కలెక్టర్‌ అంకిత్‌ బుధవారం ఒక ప్రకటనలో తెలిపారు. భూగర్భ జలాల లభ్యత, సాగునీటి వనరుల పరిస్థితులను పరిగణనలోకి తీసుకొని జిల్లాలోని అన్ని మండలాల పరిధిలో రైతులు పంటల సాగులో తగిన మార్పులు చేసుకునేలా క్షేత్రస్థాయిలో విస్తృత అవగాహన కల్పించాలని వ్యవసాయ శాఖ అధికారులను ఆదేశించారు. నీటి వినియోగం అధికంగా ఉండే వరి సాగును తగ్గించి, నీటి లభ్యతకు అనుగుణంగా ఆరుతడి పంటలు, పప్పుధాన్యాలు, నూనెగింజల సాగును ప్రోత్సహించాలని సూచించారు. గత సీజన్‌తో పోలిస్తే సాగు విస్తీర్ణం సుమారు 31 శాతం తగ్గే అవకాశం ఉందని తెలిపారు. గతంలో 89,348 ఎకరాల్లో సాగైన వరి పంటను ఈ సీజన్‌లో 29,300 ఎకరాలకు పరిమితం చేయాలనే అంచనాతో చర్యలు చేపడుతున్నట్లు వివరించారు. నీటి కొరతను అధిగమించాలిమణుగూరు రూరల్‌ : ఎల్‌నినో ప్రభావ నేపథ్యంలో రైతులు ప్రత్యామ్నాయ పంటల సాగుతో నీటి కొరతను అధిగమించాలని, వరి సాగుకు దూరంగా ఉండాలని జిల్లా వ్యవసాయశాఖ అధికారి జి.బాబూ రావు సూచించారు. బుధవారం మణుగూరు మండలంలోని చినరాయిగూడెం, అనంతారం గ్రామాలను సందర్శించారు. రైతులతో సమావేశమై పంటల సాగుపై పలు సూచనలు చేశారు. తక్కువ నీటితో సాగయ్యే అపరాలు, పప్పుధాన్యాలు, నూనెగింజల పంటలను సాగు చేయాలని సూచించారు. ఈ కార్యక్రమంలో మణుగూరు ఏఓ వి.రాహుల్‌రెడ్డి, ఏఈఓ కొమరం లక్ష్మణ్‌రావు, రైతులు కె.గాదె రాజు, కె.రామారావు, కె.భద్రయ్య, ఎం.మంగయ్య, నర్సింహరావు తదితరులు పాల్గొన్నారు. వీడియో కాన్ఫరెన్స్‌లో మంత్రి పొంగులేటి

భద్రాచలం: రానున్న గోదావరి పుష్కరాలకు భద్రాచలాన్ని సర్వాంగ సుందరంగా తీర్చిదిద్దేందుకు చేపట్టిన అభివృద్ధి పనులను యుద్ధప్రాతిపదికన పూర్తి చేయాలని దేవాదాయ శాఖ ప్రిన్సిపల్‌ సెక్రటరీ శైలజా రామయ్యర్‌ అధికారులను ఆదేశించారు. పుష్కరాలకు వచ్చే భక్తులకు అసౌకర్యం కలగకుండా పటిష్ట ఏర్పాట్లు చేయాలని సూచించారు. బుధవారం భద్రాచలంలో పర్యటించిన ఆమె శ్రీ సీతారామచంద్రస్వామి ఆలయ అభివృద్ధి పనులు, గోదావరి నది తీరంలో నిర్మిస్తున్న నూతన పుష్కర ఘాట్‌ పనులను పరిశీలించారు. అనంతరం సబ్‌ కలెక్టర్‌ కార్యాలయంలో దేవాదాయ శాఖ కమిషనర్‌ హనుమంతరావు, కలెక్టర్‌ అంకిత్‌, ఎస్పీ రోహిత్‌ రాజు, సబ్‌ కలెక్టర్‌ మృణాల్‌ శ్రేష్ఠతో కలిసి వివిధ శాఖల అధికారులు, ఇంజనీర్లు, కన్సల్టెంట్లు, ఆర్కిటెక్ట్‌లు, కాంట్రాక్టర్లు, కమిటీ సభ్యులతో సమీక్ష నిర్వహించారు. శాఖల వారీగా పనుల పురోగతి, పూర్తయిన పనులు, పెండింగ్‌లో ఉన్న అంశాలు, ఎదురవుతున్న సమస్యలపై సమీక్షించారు. దేశవిదేశాల నుంచి భద్రాచలానికి వచ్చే భక్తులకు సౌకర్యవంతమైన దర్శనం కల్పించడంతోపాటు ఘాట్ల వద్ద సురక్షితమైన ఏర్పాట్లు చేయాలని సూచించారు. సమన్వయం ఉండాలి తాగునీరు, విద్యుత్‌, రహదారులు, పారిశుద్ధ్యం, డ్రెయినేజీ, వైద్య సేవలు, భద్రత, రవాణా, అగ్నిమాపక ఏర్పాట్లను సమన్వయంతో చేపట్టాలన్నారు. పుష్కరవనం ఏర్పాటుకు అనువైన స్థలాన్ని గుర్తించాలన్నారు. భక్తుల బస కోసం డార్మెటరీలను సిద్ధం చేయాలన్నారు. దేవస్థానం అభివృద్ధి పనులు, పుష్కర ఘాట్ల నిర్మాణానికి రాష్ట్ర ప్రభుత్వం రూ.348.59 కోట్ల నిధులు విడుదల చేసిందని తెలిపారు. శ్రీరామనవమి నాటికి అభివృద్ధి పనులన్నీ పూర్తి చేయాలని ఆదేశించారు. అనంతరం శ్రీ సీతారామ చంద్రస్వామి దేవస్థానంలో ప్రత్యేక పూజలు చేశారు. అంతరాలయంలో మూలమూర్తులను దర్శించుకున్నారు. పండితులు వేదాశీర్వచనం చేయగా, ఈఓ దామోదర్‌రావు స్వామి వారి ప్రసాదాలను, జ్ఞాపికను అందజేశారు. ఈ సమావేశంలో దేవస్థానం ఈఓ దామోదర్‌ రావు, ఆర్‌అండ్‌బీ ఈఈ నాగేశ్వరరావు, డీపీఓ అనూష, ట్రాన్స్‌కో ఎస్‌ఈ మహేందర్‌, డీఎంహెచ్‌ఓ తుకారం రాథోడ్‌, డీఏఓ భగవాన్‌రెడ్డి, తహసీల్దార్‌ రవికుమార్‌, భద్రాచలం సర్పంచ్‌ పూనెం కృష్ణ, తదితరులు పాల్గొన్నారు. పాల్వంచరూరల్‌: పెద్దమ్మతల్లి ఆలయాన్ని దేవాదాయ ధర్మాదాయశాఖ రాష్ట్ర కమిషనర్‌ ఎం.హనుమంతరావు బుధవారం సందర్శించారు. అమ్మవారి సన్నిధిలో ప్రత్యేక పూజలు నిర్వహించారు. ఈఓ విజయ్‌కుమార్‌ అమ్మవారి శేష వస్త్ర ప్రసాదాలను కమిషనర్‌కు అందజేశారు. అనంతరం ఆలయ పరిసరాలను పరిశీలించిన కమిషనర్‌ దేవాలయ అభివృద్ధిపై ఆరా తీశారు. సిబ్బంది, అర్చకుల సమస్యలను అడిగి తెలుసుకున్నారు. సమస్యల పరిష్కారానికి తగిన చర్యలు తీసుకుంటామని అన్నారు. దేవాదాయశాఖ అధికారులు వీరస్వామి, శేషయ్య పాల్గొన్నారు.

రుద్రంపూర్‌: ప్రతీ ఉద్యోగి నైతిక విలువలు పాటించాలని సాఫ్ట్‌ స్కిల్‌ ట్రైనర్‌ ఎన్‌ఎల్‌పీ ప్రాక్టీషనర్‌ కిషోర్‌ బగాడియా అన్నారు. కొత్తగూడెంలోని సింగరేణి ప్రధాన కార్యాలయంలో బుధవారం విజిలెన్స్‌ అవగాహన వారోత్సవా లలో భాగంగా రీజియన్‌లోని కొత్తగూడెం, మణుగూరు, ఇల్లెందు, సత్తుపల్లి ఏరియాల అధికారులకు ‘నిజాయితీ ద్వారా సమృద్ధి’ అనే అంశంపై అవగాహన కార్యక్రమం నిర్వహించా రు. ఈ సందర్భంగా మాట్లాడుతూ పారదర్శకతతో కూడిన సేవలు, నిజాయితీతో కూడిన విధానాలు సంస్థల అభివృద్ధికి దోహదపడతా యని అన్నారు. అవినీతి నిర్మూలనకు చేపట్టాల్సిన చర్యలపై పవర్‌పాయింట్‌ ప్రజెంటేషన్‌ ద్వారా వివరించారు. ఈ కార్యక్రమంలో జీఎంలు సీహెచ్‌ శ్రీనివాస్‌, జి.దేవేందర్‌, విజయప్రసాద్‌ మురళీధర్‌ రాజు, కే.రామ్మోహన్‌ పాల్గొన్నారు. రాష్ట్రస్థాయి పరీక్షలకు ఎంపిక ఇల్లెందు: రాష్ట్ర గోసేవ విభాగం ఆధ్వర్యంలో ఈ నెల 15న హైదరాబాద్‌లో నిర్వహించనున్న గోవిజ్ఞాన రాష్ట్రస్థాయి పరీక్షలకు ఇల్లెందుకు చెందిన ఇద్దరు విద్యార్థినులు ఎంపికయ్యారు. ఇల్లెందు పాత గిరిజన సంక్షేమ ఆశ్రమ ఉన్నత బాలికల పాఠశాలలో తొమ్మిదో తరగతి చదువుతున్న బానోత్‌ రాజేశ్వరి, కున్నోత్‌ నిఖిత రాష్ట్రస్థాయి పరీక్షలకు ఎంపికై నట్లు హెచ్‌ఎం భావ్‌సింగ్‌ బుధవారం తెలిపారు. ఈ సందర్భంగా విద్యార్థినులను పలువురు అభినందించారు. 9 రెస్టారెంట్ల లైసెన్స్‌లు సస్పెండ్‌భద్రాచలంటౌన్‌: భద్రాచలంలో ఆహార భద్రతా శాఖ అధికారులు బుధవారం విస్తృత తనిఖీలు చేపట్టారు. నిబంధనలు పాటించని తొమ్మిది రెస్టారెంట్ల లైసెన్సులను తాత్కాలికంగా సస్పెండ్‌ చేశారు. వీటిలో సాయిదుర్గా, గీతాంజలి, గౌతమి స్పైసీ, రాఘవేంద్ర, స్వాతి, అన్నపూర్ణ, నాగ సత్య బిర్యానీ పాయింట్‌, ఎస్‌ఆర్‌కే, అనిల్‌ రెస్టారెంట్లు ఉన్నాయి. కోసల, చందమామ, న్యూ వెన్నెల మెస్‌ల నిర్వహణలో లోపాలను గుర్తించి నోటీసులు జారీ చేశారు. 565 కిలోల నాణ్యత లేని ఆహార పదార్థాలను ధ్వంసం చేశారు. రేక్‌ పాయింట్‌కు రూ.2,646 మె.టన్నుల యూరియా చింతకాని: చింతకాని మండలం పందిళ్లపల్లిలోని రేక్‌ పాయింట్‌కు కోరమాండల్‌ కంపెనీకి చెందిన 2,646 మెట్రిక్‌ టన్నుల యూరియా బుధవారం చేరింది. ఇందులో నుంచి ఖమ్మం జిల్లాకు 1,046 మె. టన్నులు, భద్రాద్రి కొత్తగూడెం జిల్లాకు 800 మె.టన్నులు, మహబూబాబాద్‌ జిల్లాకు 700 మె.టన్నులు సరఫరా చేసినట్లు ఖమ్మం డీఏఓ పుల్లయ్య తెలిపారు. మరో వంద మెట్రిక్‌ టన్నులను బఫర్‌ స్టాక్‌గా నిల్వ చేశామని వెల్లడించారు. నేడు కాంట్రాక్టర్ల జిల్లాస్థాయి సమావేశంపాల్వంచరూరల్‌: మండల పరిధి పెద్దమ్మతల్లి ఆలయ సముదాయంలోని పెద్దమ్మతల్లి ఫంక్షన్‌హాల్లో గురువారం ఉదయం 10 గంటలకు కాంట్రాక్టర్ల జిల్లాస్థాయి సమావేశం నిర్వహించనున్నట్లు కాంట్రాక్టర్‌, మాజీ జెడ్పీటీసీ యర్రంశెట్టి ముత్తయ్య బుధవారం ఒక ప్రకటనలో తెలిపారు. సమావేశంలో వివిధ శాఖల పరిధి లోని పెండింగ్‌లోబిల్లులు, అధికారులతో ఎదురవుతున్న సమస్యలు, కాంట్రాక్టర్ల హక్కులు, ప్రయోజనాల పరిరక్షణ కోసం తీసుకోవాల్సిన చర్యలపై చర్చిస్తామని పేర్కొన్నారు. కొడిసెలగూడెంలో కార్డెన్‌ అండ్‌ సెర్చ్‌ దమ్మపేట: మండలంలోని అంకంపాలెం గ్రామపంచాయితీ పరిధి కొడిశెలగూడెంలో బుధవారం తెల్ల వారుజామున పోలీసులు కార్డెన్‌ అండ సెర్చ్‌ నిర్వహించారు. అశ్వారావుపేట సీఐ నాగరాజురెడ్డి ఆధ్వర్యాన మొత్తం 52 ఇళ్లల్లో సోదా లు చేశారు. ఈ సందర్భంగా బైక్‌లు, ఆటోలు, ట్రాక్టర్‌ పత్రాలను తనిఖీ చేసి, నాలుగు ద్విచక్ర వాహనాల యజమానులకు జరిమానా విధించారు. అనంతరం సీఐ మాట్లాడుతూ మాదకద్రవ్యాల వినియోగం, గంజాయి అమ్మకాల సమాచారం తెలిస్తే పోలీసులకు తెలియచేయాలని సూచించారు. రోడ్డు భద్రత, సైబర్‌ నేరాల కట్టడిపై అవగాహన కల్పించారు. దమ్మపేట, అశ్వారావుపేట ఎస్‌ఐలు, సిబ్బంది పాల్గొన్నారు.

● ఎన్‌బీ వారెంట్ల జారీలో నిర్లక్ష్యం వద్దు ● నేర సమీక్షలో ఎస్పీ రోహిత్‌రాజ్‌ సూపర్‌బజార్‌(కొత్తగూడెం): పెండింగ్‌ కేసుల దర్యాప్తు వేగంగా చేపడుతూ నిందితులకు శిక్ష పడేలా ఆధారాలు సేకరించాలని ఎస్పీ రోహిత్‌రాజ్‌ ఆదేశించారు. కొత్తగూడెంలో మంగళవారం జరిగిన నెలవారీ నేర సమీక్ష సమాశంలో ఆయన పెండింగ్‌ కేసులు, దర్యాప్తు పురోగతి, కోర్టు సంబంధిత అంశాలపై చర్చించి సూచనలు చేశారు. ప్రతీ కేసులో నేరస్తులకు శిక్ష పడేలా నాణ్యమైన దర్యాప్తు చేయాలని, తద్వారా బాధితులకు న్యాయం జరుగుతుందని తెలిపారు. దర్యాప్తులో జాప్యం, నిర్లక్ష్యం చేయొద్దని, నాన్‌ బెయిలబుల్‌ వారెంట్ల జారీలో వేగం పెంచాలని సూచించారు. అంతేకాక గంజాయి రవాణా, విక్రయం, వినియోగంపై ప్రత్యేక నిఘా ఏర్పాటు చేయాలని, గంజాయితో ఎదురయ్యే అనర్థాలపై యువతకు అవగాహన కల్పించాలని తెలిపారు. అలాగే, మహిళలు, బాలికలు, చిన్నారుల భద్రతకు ప్రాధాన్యతనిస్తూ భరోసా కేంద్రం, షీ–టీమ్స్‌ ద్వారా అవగాహన కార్యక్రమాలు నిర్వహించాలని చెప్పారు. ఈ సమావేశంలో కొత్తగూడెం, పాల్వంచ, మణుగూరు, ఇల్లెందు, డీసీఆర్‌బీ, భద్రాచలం డీఎస్పీలు ఆదినారాయణ, సతీష్‌కుమార్‌, రవీందర్‌రెడ్డి, వెంకన్నబాబు, మల్లయ్యస్వామి, అరుణ్‌కుమార్‌తో పాటు సీఐలు, ఎస్‌ఐలు పాల్గొన్నారు. పోలీసు ఉద్యోగార్థులకు స్టడీ మెటీరియల్‌ సూపర్‌బజార్‌(కొత్తగూడెం): పోలీసు శాఖలో ఎస్సై, కానిస్టేబుల్‌ ఉద్యోగాలకు సిద్ధమవుతున్న అభ్యర్థులకు పోలీసు శాఖ, సింగరేణి సంస్థ సంయుక్తంగా ఆధ్వర్యాన శిక్షణ ఇస్తున్నారు. ఈమేరకు అభ్యర్థులకు మంగళవారం స్టడీ మెటీరియల్‌ అందించగా, ఎస్పీ రోహిత్‌రాజ్‌ మాట్లాడారు. క్రమశిక్షణ, పట్టుదల, నిరంతర సాధనతో ఉద్యోగాలు సాధించొచ్చని తెలిపారు. ఉచిత శిక్షణను అభ్యర్థులు సద్వినియోగం చేసుకుంటూ, అధ్యాపకులు సూచనలు పాటిస్తూ ఉద్యోగాలు పొందాలని పేర్కొన్నారు. ఎస్‌బీ ఇన్‌స్పెక్టర్‌ ఈ.శ్రీనివాస్‌, ఆర్‌ఐలు బి.రవి, కృష్ణారావు తదితరులు పాల్గొన్నారు.

నేలకొండపల్లి: మండల కేంద్రంలోని బౌద్ధక్షేత్రం పరిసరాల్లో మంగళవారం డ్రోన్‌ ద్వారా సర్వే నిర్వహించారు. క్షేత్రం పరిసరాల్లో ఇటీవల జరిపిన తవ్వకాల్లో చారిత్రక ఆధారాలు లభించిన విషయం విదితమే. ఈమేరకు బౌద్ధుల నివాసం ఉన్న ప్రాంతం ఎంత మేర ఉంటుందో గుర్తించేలా కలెక్టర్‌ ఆదేశాలతో డ్రోన్‌ సర్వే చేపట్టారు. బౌద్ధక్షేత్రం చుట్టూ ముజ్జుగూడెం, అనాసాగారం, సధాశివాపురం, బైరాగి గుట్ట, పాతకొత్తూరు, నేలకొండపల్లి ప్రాంతాల్లో దాదాపు వంద ఎకరాల విస్తీర్ణం మేర సర్వే నిర్వహిస్తూ వీడియోలు, ఫొటోలు చిత్రీకరించారు. క్షేత్రం పక్కన మరో ఎనిమిది ఎకరాల భూమి సేకరించి మ్యూజియం ఏర్పాటు చేయడమే కాక సమీపంలోని బాలసముద్రం చెరువును అభివృద్ధి చేయనున్నారు. ప్రస్తుతం చేపట్టిన సర్వే ఆధారంగా మాస్టర్‌ ప్లాన్‌లో ఈ పనులను పొందుపరుస్తారు. వెలుగులోకి చారిత్రక ఆధారాలు నేలకొండపల్లిలోని బౌద్ధక్షేత్రం వద్ద బౌద్ధుల నివాసం ఉన్నట్లు చారిత్రక ఆధారాలు వెలుగులోకి వస్తున్నాయి. కొత్త తెలంగాణ చారిత్రక బృందం సభ్యులు ముజ్జుగూడెం, అనాసాగారం, సధాశివాపురం, కొత్తకొత్తూరు, పాతకొత్తూరు ప్రాంతాల్లో పరిశీలన చేయగా, ఆనాడు వాడినట్టు భావిస్తున్న ఇటుకలు, మట్టి పాత్రలు, ఇనుము కాల్చిన అవశేషాలను గుర్తించారు. అంతేకాక నీటి నిల్వ గుంటలను గుర్తించామని బృందం సభ్యుడు పసుమర్తి శ్రీనివాస్‌ తెలిపారు. ఈ విషయాన్ని రాష్ట్ర కమిటి ప్రతినిధులు రామోజు హరగోపాల్‌, కట్టా శ్రీనివాస్‌ దృష్టికి తీసుకెళ్లగా ప్రభుత్వం మరింత లోతుగా పరిశోధనలు చేయాలని కోరారు.చుట్టూ వంద ఎకరాల మేర పరిశీలన

ఉచిత ప్రయాణం.. ● ‘మహాలక్ష్మి’ రద్దీకి అనుగుణంగా పెరగని సర్వీసులు ● రెండేళ్లలో 12.34 కోట్ల మంది మహిళల ప్రయాణం ● ప్రవళిక ఘటనతో ఆర్టీసీలో భద్రతా చర్యలుచుంచుపల్లి: ఆర్‌టీసీ బస్సుల్లో మహిళలకు ఉచిత ప్రయాణం..వారికి ఆర్థికంగా ఊరట కలిగిస్తోంది. ఇదే సమయాన పెరుగుతున్న ప్రయాణికుల సంఖ్యకు అనుగుణంగా బస్సులు, సర్వీసులు, సిబ్బంది పెరగకపోవడం సమస్యలకు దారి తీస్తోంది. సీట్లన్నీ నిండిపోయినా ప్రయాణికులు ఎక్కుతూనే ఉండటంతో తలుపుల వద్ద, మెట్లపై, ఫుట్‌బోర్డుపై నిలబడి ప్రమాదకరంగా ప్రయాణించాల్సి వస్తోంది. ఇటీవల మణుగూరు డిపో కండక్టర్‌ ప్రవళిక మృతి ఘటన బస్సుల్లో భద్రతా లోపాలను తెరపైకి తీసుకొచ్చింది. దీంతో యాజమాన్యం అప్రమత్తమై బస్సులకు తలుపులు ఏర్పాటు చేయడంతో పాటు ప్రయాణికులు ఎక్కిన తర్వాతే బస్సులను కదిలించాలని ఆదేశించింది. భద్రతా చర్యలు సరైనవే అయినా పెరిగిన రద్దీకి తగినట్లు సర్వీసులు పెంచితేనే ప్రయోజనం ఉంటుందనే భావన వ్యక్తమవుతోంది. 12.34 కోట్ల మంది మహిళల ప్రయాణం.. మహాలక్ష్మి పథకం ప్రారంభమైన 2023 డిసెంబర్‌ 9 నుంచి ఈ ఏడాది సెప్టెంబర్‌ 30 వరకు ఖమ్మం రీజియన్‌లో మహిళా ప్రయాణాల సంఖ్య 12,34,10,796కు చేరింది. రీజియన్‌లోని ఖమ్మం, మధిర, సత్తుపల్లి, భద్రాచలం, కొత్తగూడెం, మణుగూరు, ఇల్లెందు డిపోల పరిధిలో రోజుకు సగటున 1,20,754 మంది మహిళలు ప్రయాణిస్తున్నారు. ఇందులో ఖమ్మం డిపో పరిధిలో అత్యధికంగా 3.04 కోట్ల ప్రయాణాలు నమోదయ్యాయి. ఈ గణాంకాలు పథకం వినియోగాన్ని తెలియజేస్తున్నప్పటికీ.. బస్సులపై పెరుగుతున్న భారాన్నీ స్పష్టం చేస్తున్నాయి. బస్సులకు తలుపులు.. భద్రతకు పెద్దపీట ప్రవళిక మృతి ఘటన నేపథ్యంలో ఆర్టీసీ ఉన్నతాధికారులు భద్రతా చర్యలకు ఉపక్రమించారు. ప్రతీ బస్సుకు తలుపు ఉందా, లేదా.. ఉంటే పని తీరు ఎలా ఉందో పరిశీలించాలని ఆదేశించారు. అంతేకాక ప్రయాణికులు బస్సు ఎక్కిన తర్వాత తలుపులు మూశాకే బస్సులను కదిలించాలని సూచించారు. ఖమ్మం రీజియన్‌ పరిధిలో ఏడు డిపోఏల పరిధిలో అధికారులు తనిఖీలు చేపడుతున్నారు. మొత్తం 652 బస్సులలో డోర్ల పనితీరు, ల్యాచెస్‌ (తాళాలు), సేఫ్టీ గ్రిల్స్‌ను మెకానికల్‌ విభాగాలు పరిశీలిస్తున్నాయి. పాడైపోయిన డోర్లను వెంటనే బాగు చేయడం, తలుపులు లేని పల్లె వెలుగు, ఎక్స్‌ప్రెస్‌ బస్సులకు తక్షణమే కొత్త డోర్లను అమర్చే పనులను యుద్ధ ప్రాతిపదికన చేపట్టారు. ఇప్పటివరకు 28 బస్సులను తనిఖీ చేయగా.. పదింటి తలుపులను సరిచేశారు. మిగతా వాటి పరిశీలన కూడా కొనసాగుతోంది. ముఖ్యంగా ఎక్స్‌ప్రెస్‌, పల్లెవెలుగు సర్వీసుల్లో రద్దీ అధికంగా ఉండడంతో వీటిపై ప్రధానంగా దృష్టి సారించారు. బస్సులు కదులుతున్నప్పుడు ఫుట్‌బోర్డుపై నిలబడటం, ఎక్కే సమయంలో తోపులాటలు ప్రమాదాలకు కారణమవుతున్నాయి. మరోవైపు రద్దీని నియంత్రిస్తూ టికెట్లు జారీచేయడం, సమయపాలన పాటించడం కండక్టర్లు, డ్రైవర్లకు సవాలుగా మారింది. అయితే, తలుపుల ఏర్పాటు మాత్రమే సమస్యకు పరిష్కారం కాదని, రద్దీ మార్గాల్లో అదనపు బస్సులు, ప్రత్యేక ట్రిప్పులు నడిపిస్తేనే ప్రయాణం సురక్షితంగా సాగుతుందనే భావన వ్యక్తమవుతోంది.డిపో మహిళలు రోజుకు సరాసరి సంఖ్య ఖమ్మం 3,04,22,883 29,767 మధిర 1,38,81159 13,582 సత్తుపల్లి 2,14,38,330 20,976 భద్రాచలం 1,48,68,767 14,549 కొత్తగూడెం 1,81,73,426 17,782 మణుగూరు 1,86,37,062 18,236 ఇల్లెందు 59,89,169 5,860 మొత్తం 12,34,10,796 1,20,754 ఖమ్మం రీజియన్‌ పరిధిలోని ఏడు డిపోల్లోని బస్‌ల డోర్లు పనిచేసేలా చర్యలు తీసుకుంటాం. ఈ డిపోల పరిధిలోని బస్‌ల డోర్లను పరిశీలన చేయిస్తున్నాం. దీనిపై కండక్టర్లకు కూడా అవగాహన కల్పిస్తాం. డోర్‌ క్లోజ్‌ చేయకుండా స్టేజి నుంచి ముందుకు కదలొద్దని ఆదేశిస్తాం. – ఏ.సరిరామ్‌, రీజినల్‌ మేనేజర్‌, ఖమ్మం ఆర్‌టీసీలో మహాలక్ష్మి పథకం అమలుతో ప్రయాణికుల సంఖ్య గణనీయంగా పెరిగింది. అందు కు అనుగుణంగా బస్సుల సంఖ్య, సర్వీసులను పెంచాల్సిన అవసరం ఉంది. సీట్లకు మించి ప్రయాణికులను ఎక్కించుకోవడం, ఫుట్‌బోర్డు ప్రయాణాలు ప్రమాదా లకు దారితీస్తున్నాయి. కండక్టర్లు, డ్రైవర్లపై పని ఒత్తిడి కూడా పెరుగుతోంది. తక్షణమే అదనపు బస్సులు నడిపి ప్రయాణికులు, సిబ్బంది భద్రతకు ప్రాధాన్యం ఇవ్వాలి. – భాస్కర్‌, ఈయూ రాష్ట్ర కార్యదర్శి

మణుగూరు టౌన్‌: నిరుపేదలు, నిలువ నీడ లేని కుటుంబాలకు గౌరవ ప్రదమైన, సురక్షితమైన శాశ్వత గృహం కేటాయించాలనే సంకల్పంతో ప్రభుత్వం కేటాయించిన డబుల్‌ బెడ్రూం ఇళ్లను విక్రయిస్తున్నారనే ప్రచారం ఆశ్చర్యాన్ని కలిగిస్తోంది. మణుగూరు మణికంఠనగర్‌లోని 80 డబుల్‌ బెడ్రూం ఇళ్లను 2020–21 సంవత్సరంలో పేదలకు కేటాయించారు. ఇందులో కొన్నింటిని లబ్ధిదారులు విక్రయిస్తుండగా, మరికొందరు అద్దెకు ఇచ్చినట్లు తెలుస్తోంది. అనర్హులకు దక్కడంతో... గుడిసెలు, అద్దె ఇళ్లలో ఉంటున్న వారికి పక్కా ఇంటి వసతి కల్పించే లక్ష్యంతో మణుగూరు ఉడతానిగుంపులోని మణికంఠనగర్‌లో 80 డబుల్‌ బెడ్రూం ఇళ్లను నిర్మించారు. మాజీ ఎమ్మెల్యే రేగా కాంతారావు హయాంలో లబ్ధిదారులకు కేటాయించగా, ప్రస్తుతం పలువురు అమ్ముకుతున్నట్లు తెలిసింది. ఇప్పటికే 30కి పైగా ఇళ్లలో ఇతరులు తిష్టవేశారని సమాచారం. అయితే, లబ్ధిదారుల ఎంపిక సమయాన అనర్హులకు దక్కడం, వారికి గతంలోనే ఇల్లు ఉండడంతో ఇక్కడి డబుల్‌ బెడ్రూం ఇంటిని అద్దెకు ఇచ్చి నెలనెలా ఆదాయం పొందుతున్నట్లు తెలుస్తోంది. ఇంకొందరు ప్రభుత్వం మారినందున ఎవరూ పట్టించుకోరనే భావనతో రూ.1.50 లక్షల నుంచి రూ.2 లక్షలకు విక్రయిస్తూ బాండ్‌ పేపర్లపై రాయించుకున్నట్లు సమాచారం. ఫిర్యాదులు ఉన్నా.. చర్యలు సున్నా.. డబుల్‌ బెడ్రూం ఇళ్లలో లబ్ధిదారులు కాకుండా ఇతరులు ఉంటున్నారని, ఇంకొందరు అమ్ముకున్నారని తహసీల్దార్‌, ఎంపీడీఓ కార్యాలయాల్లో పలువురు ఫిర్యాదు చేశారు. అయినా నామమాత్రంగా విచారణ చేపట్టి వదిలేస్తున్నారనే ఆరోపణలు ఉన్నాయి. కొందరు ప్రభుత్వ ఉద్యోగులకు కూడా ఇందులో ఇళ్లు ఉండడంతోనే విచారణను పక్కదారి పట్టిస్తున్నారనే ప్రచారం జరుగుతోంది. ఇంకొందరి ఇళ్లలో అధికారులు ఆకస్మిక తనిఖీ చేసి లబ్ధిదారులు నివసించడం లేదని గుర్తించినా చర్యలు తీసుకోకపోవడం విమర్శలకు తావిస్తోంది. ఇప్పటికై నా అధికారులు దృష్టి సారించి విక్రయాలు జరిపిన లబ్ధిదారులపై చర్యలు తీసుకుని నిరుపేదలకు ఇళ్లు కేటాయించాలని పలువురు కోరుతున్నారు.

● పదో తరగతి విద్యార్థులపై ప్రత్యేక దృష్టి ● హెచ్‌ఎంలు, వార్డెన్లతో సమీక్షలో ఐటీడీఏ పీఓ రాహుల్‌భద్రాచలం: గిరిజన సంక్షేమ శాఖ పరిధి ఆశ్రమ పాఠశాలలు, వసతి గృహాల్లో చదువుతున్న విద్యార్థుల పోస్ట్‌మెట్రిక్‌, ప్రీమెట్రిక్‌ స్కాలర్‌షిప్‌లకు సంబంధించి దరఖాస్తుల ఆన్‌లైన్‌ ప్రక్రియ త్వరగా పూర్తిచేయాలని భద్రాచలం ఐటీడీఏ పీఓ బి.రాహుల్‌ ఆదేశించారు. ఐటీడీఏ సమావేశ మందిరంలో ఉమ్మడి జిల్లాలోని ఏటీడీఓలు, హెచ్‌ఎంలు, వార్డెన్లతో మంగళవారం సమావేశమైన పీఓ మాట్లాడుతూ డైట్‌, కాస్మోటిక్‌ చార్జీలు, ఇతర బిల్లుల దరఖాస్తులను గడువులోగా పరిష్కరించి విద్యార్థుల ఖాతాల్లో సకాలంలో జమ అయ్యేలా చర్యలు తీసుకోవాలని చెప్పారు. అలాగే, స్కాలర్‌షిప్‌ల రిజిస్ట్రేషన్‌ ప్రక్రియ, విద్యార్థులకు యూనిఫామ్‌ పంపిణీ, సరుకుల నాణ్యత పరిశీలనపై సూచనలు చేశారు. అంతేకాక పదో తరగతి విద్యార్థుల్లో వెనుకబడిన వారిని గుర్తించడంతో పాటు ఉద్దీపకం వర్క్‌బుక్‌–3, వారధి పుస్తకంలోని పోటీ పరీక్షల అంశాలను బోధించాలని సూచించారు. బాలికల భద్రత విషయంలో అప్రమత్తంగా ఉండాలని పీఓ ఆదేశించారు. పీఎంహెచ్‌ కళాశాలల విద్యార్థులు 4,800 మంది స్కాలర్‌షిప్‌ దరఖాస్తులు పెండింగ్‌ ఉన్నందున అవసరమైన ప్రక్రియ ఈనెల 20 నాటికి పూర్తిచేయించాలని తెలిపారు. ఈ సమావేశంలో ట్రైబల్‌ వెల్ఫేర్‌ డీడీ చందన, ఏటీడీఓలు చంద్రమోహన్‌, రాధమ్మ, భారతీదేవి, ఇన్‌చార్జ్‌ ఏఓ రామకృష్ణారెడ్డి తదితరులు పాల్గొన్నారు. శాస్త్ర, సాంకేతిక రంగాల్లో గిరిజన విద్యార్థులు రాణించాలి గిరిజన విద్యార్థులు చదువుతో పాటు శాస్త్ర, సాంకేతిక రంగాలపై అవగాహన పెంపొందించుకొని పరిశోధనల వైపు అడుగులు వేయాలని ఐటీడీఏ పీఓ బి.రాహుల్‌ సూచించారు. జన్‌ జాతీయ గౌరవ్‌ దివస్‌ వేడుకల్లో భాగంగా ఐటీడీఏ ప్రాంగణంలోని గిరిజన భవనంలో గిరిజన విద్యార్థులకు హైదరాబాద్‌కు చెందిన సీఎస్‌ఐఆర్‌–ఇండియన్‌ ఇన్‌స్టిట్యూట్‌ ఆఫ్‌ కెమికల్‌ టెక్నాలజీ(ఐఐసీటీ) సహకారంతో ఏర్పాటుచేసిన శాసీ్త్రయ అవగాహన సదస్సును పీఓ ప్రారంభించారు. అనంతరం శాస్త్రవేత్తలు డాక్టర్‌ సురేందర్‌ సింగ్‌ జాదవ్‌, డాక్టర్‌ ఆరాధన ప్రియదర్శిని, డాక్టర్‌ బానోతు లింగ, డాక్టర్‌ సి.చంద్రశేఖర్‌, సీనియర్‌ రీసెర్చ్‌ స్కాలర్‌ పి.రవీంద్రరెడ్డి శాసీ్త్రయ పరిశోధనలు, నూతన ఆవిష్కరణలు, ఉన్నత విద్య ద్వారా లభించే అవకాశాలను వివరించారు. అనంతరం శాస్త్రవేత్తలతో విద్యార్థులు ముఖాముఖి చర్చల్లో పాల్గొని సందేహాలను నివృత్తి చేసుకున్నారు. అలాగే, వివిధ అంశాల్లో పోటీలు నిర్వహించి విజేతలకు బహుమతులు అందజేశారు. ఏపీఓ(జనరల్‌) డేవిడ్‌ రాజ్‌, గురుకులాల ఆర్‌సీఓ అరుణకుమారి తదితరులు పాల్గొన్నారు.

కొత్తగూడెంఅర్బన్‌: గౌరవప్రదమైన ఉపాధ్యాయ వృత్తిలో ఉండి చిన్నారులతో అసభ్యకరంగా వ్యవహరిస్తున్న ఇల్లెందు జేబీఎస్‌ పాఠశాల ఉపాధ్యాయుడిని వెంటనే విధుల నుంచి తొలగించాలని పీడీఎస్‌యూ రాష్ట్ర అధ్యక్షుడు కాంపాటి పృథ్వీ, మరో వర్గం రాష్ట్ర, జిల్లా కార్యదర్శులు ఏ.సాంబ, జె.గణేష్‌ డిమాండ్‌ చేశారు. ఈమేరకు కొత్తగూడెంలో మంగళవారం వారు డీఈఓ శంభుప్రసాద్‌కు వినతిపత్రం అందజేసి మాట్లాడారు. ఉపాధ్యాయుడి తీరుతో పాఠశాలలో విద్యార్థినుల జీవితం ప్రశ్నార్థకంగా మారినందున ఆలస్యం చేయకుండా విధుల నుంచి తొలగించాలని కోరారు. అంతేకాక సదరు ఉపాధ్యాయుడు తన తప్పును కప్పిపుచ్చుకోవడానికి ఉపాధ్యాయుల మధ్య కులాల వైరుధ్యం ఉన్నట్లు చిత్రీకరిస్తున్న అంశంపై దృష్టి సారించాలని తెలిపారు.

మణుగూరు టౌన్‌: మణుగూరు మున్సిపాలిటీ పరిధి చినరావిగూడెంలో నిర్వహిస్తున్న భూముల రీసర్వేను డిసెంబర్‌ నెలాఖరు లోగా పూర్తి చేయాలని కలెక్టర్‌ అంకిత్‌ ఆదేశించారు. క్షేత్రస్థాయిలో సర్వేను మంగళవారం పరిశీలించిన ఆయన అటవీ భూముల సరిహద్దులు, భూముల విస్తీర్ణం, సర్వే పురోగతిపై సర్వేయర్లను అడిగి తెలుసుకున్నారు. మొత్తం 1,395 ఎకరాల్లో అటవీశాఖ రికార్డుల ప్రకారం 554 ఎకరాలు అటవీ భూమి ఉందని వారు తెలిపారు. ఈమేరకు వేగంగా సర్వే పూర్తి చేయాలని కలెక్టర్‌ సూచించారు. జిల్లాలోని 70 గ్రామాలతో పాటు నక్షాలు లేని ఏడు గ్రామాల్లో రీసర్వే చేపడుతున్నామని తెలిపారు. అటవీ, రెవెన్యూ అధికారులు సమన్వయంతో భూముల రికార్డులు, సరిహద్దులను క్షేత్రస్థాయిలో పరిశీలించి వాస్తవ వివరాలను నమోదు చేయాలని స్పష్టం చేశారు. ఎలాంటి పొరపాట్లకు తావులేకుండా పకడ్బందీగా రీసర్వే పూర్తిచేయాలని ఆదేశించారు. కాగా, పట్టాపాస్‌ పుస్తకాలు ఉన్నా అటవీశాఖ నుంచి వస్తున్న అభ్యంతరాలపై పలువురు గ్రామస్తులు కలెక్టర్‌ దృష్టికి తీసుకెళ్లారు. ఆతర్వాత ఆయన గ్రామస్తులతో మాట్లాడి తాగునీరు, విద్యుత్‌ సరఫరాపై ఆరా తీశారు. వీధి దీపాలపై పలువురు ఫిర్యాదు చేయడంతో తక్షణమే పరిష్కరించాలని మున్సిపల్‌ కమిషనర్‌కు సూచించారు. ఈ కార్యక్రమంలో సబ్‌ కలెక్టర్‌ మృణాల్‌ శ్రేష్ఠ, తహసీల్దార్‌ నరేశ్‌, మున్సిపల్‌ కమిషనర్‌ ప్రసాద్‌, హౌసింగ్‌ ఏఈ పావని పాల్గొన్నారు. పశుసంపద సంరక్షణకు కార్యాచరణ సూపర్‌బజార్‌(కొత్తగూడెం): ఎల్‌నినో ప్రభావంతో వర్షాభావ, కరువు పరిస్థితులను ముందుగానే అంచనా వేస్తూ పశుసంపద సంరక్షణకు ప్రత్యేక కార్యాచరణ రూపొందిస్తున్నట్లు కలెక్టర్‌ అంకిత్‌ తెలిపారు. కరువు పరిస్థితుల్లో పశువులకు పచ్చిమేత, తాగునీటి కొరత ఏర్పడకుండా ముందస్తు చర్యలు తీసుకుంటున్నామని చెప్పారు. ఈమేరకు పశుపోషణపై ఆధారపడిన రైతులు వీబీజీ రామ్‌జీ పథకాన్ని సద్వినియోగం చేసుకోవాలని సూచించారు. ఇందుకు సంబంధించి వివరాలు, దరఖాస్తుల కోసం ఎంపీడీఓ, గ్రామపంచాయతీ కార్యాలయాల్లో సంప్రదించాలని కలెక్టర్‌ ఓ ప్రకటనలో సూచించారు.రాయిగూడెం కాలనీలో పరిశీలించిన కలెక్టర్‌ అంకిత్‌

మండలంలోని గోదావరిపై దుమ్ముగూడెం ఆనకట్ట ఎత్తు పెంపు పనులు జోరుగా సాగుతున్నాయి. ఇటీవల గోదావరిలో వరద పెరగడంతో పనులకు ఆటంకం ఏర్పడగా, మళ్లీ రెండు రోజుల నుంచి జోరందుకున్నాయి. ప్రస్తుతం ఇసుక బస్తాలతో మూడో లేయర్‌ వేస్తున్నారు. సుమారు 200 మంది కార్మికులు పడవల సాయంతో ఇసుక బస్తాలు తీసుకెళ్లి కట్టపై పేరుస్తున్నారు. ఆనకట్ట ఎత్తు ఒక మీటర్‌ పెంచడం ద్వారా కనీసం ఒక టీఎంసీ నీటిని నిల్వ చేస్తే.. వేసవిలో మూడు జిల్లాలకు తాగునీరు, పరిశ్రమలకు నీటి కొరత ఏర్పడదని చెబుతున్నారు. ఈమేరకు రూ.కోటి వ్యయంతో చేపడుతున్న పనులు పది రోజుల్లో పూర్తవుతాయని అధికారులు వెల్లడించారు. – అశ్వాపురం

సూపర్‌బజార్‌(కొత్తగూడెం): సత్తుపల్లి మండలం బేతుపల్లి చెరువుకు ఇటీవల భారీగా వరద వచ్చిన సమయాన చిక్కుకున్న మత్స్యకారులను రక్షించే రెస్క్యూ ఆపరేషన్‌లో పాల్గొన్న ఎస్‌డీఆర్‌ఎఫ్‌ సిబ్బందిని తెలంగాణ స్పెషల్‌ పోలీస్‌ డీఐజీ పి. మురళీకృష్ణ అభినందించా రు. లక్ష్మీదేవిపల్లి మండలం చాతకొండ ఆరో బెటాలియన్‌లో ఉద్యోగులకు ఆయన మంగళవారం ప్రశంసాపత్రాలు అందజేశారు. ఈ సందర్భంగా డీఐజీ మాట్లాడుతూ ప్రాణాలను సైతం లెక్కచేయకుండా మత్స్యకారులను రక్షించిన ఉద్యోగుల ధైర్యసాహసాలు అభినందనీయమన్నారు. చాతకొండ, గంగారం బెటాలియన్ల కమాండెంట్లు పీసీవీ.రమణ, పెద్ద బాబు, అధికారులు ఎస్‌.శ్రీధర్‌రాజా, ఏ.వీ.రమణయ్య, శోభన్‌బాబు, జె.లెనిన్‌బాబు, సీహెచ్‌వీ.శ్రీనివాసరెడ్డి, జీ.వీ.రామారావు, బి.జానయ్య తదితరులు పాల్గొన్నారు. వైద్య, ఆరోగ్య కార్యక్రమాలపై సమీక్ష చుంచుపల్లి: జిల్లాలో జాతీయ ఆరోగ్య కార్యక్రమాలను నిర్దేశిత లక్ష్యాల మేరకు సకాలంలో పూర్తి చేయాలని కుటుంబ సంక్షేమ శాఖ రాష్ట్ర సంచాలకుడు ఎం.డీ.ముషారఫ్‌ అలీ ఫారూఖీ ఆదేశించారు. హైదరాబాద్‌ నుంచి వీసీ మంగళవారం ఆయన జిల్లా వైద్య, ఆరోగ్యశాఖ అధి కారులతో గర్భిణుల సంరక్షణ, వ్యాక్సినేషన్‌, 104, 108 సేవలు, మలేరియా, క్షయ, కుష్ఠు వ్యాధుల నివారణ, అసంక్రమిత వ్యాధులు, అంధత్వ నివారణ తదితర కార్యక్రమాల పురో గతిని సమీక్షించారు. వీసీ కి జిల్లా నుంచి డీఎంహెచ్‌ఓ తుకారాం రాథోడ్‌, అదనపు డీఎంహెచ్‌ఓ సైదులు, అధికారులు పాల్గొన్నారు. నేటి నుంచి సింగరేణి స్థాయి క్రికెట్‌ సమరం రామకృష్ణాపూర్‌: మంచిర్యాల జిల్లా రామకృష్ణాపూర్‌లో సింగరేణి స్థాయి క్రికెట్‌ చాంపియన్‌షిప్‌ పోటీలు బుధవారం ప్రారంభం కానున్నా యి. మూడురోజుల పాటు ఠాగూర్‌ స్టేడియం, మందమర్రి సింగరేణి స్కూల్‌ మైదానంలో పోటీల నిర్వహణకు ఏర్పాట్లు పూర్తయ్యాయి. మందమర్రి – బెల్లంపల్లి సంయుక్త జట్టు, శ్రీ రాంపూర్‌ జట్టు, ఇల్లెందు – మణుగూరు సంయుక్త జట్టు, ఆర్‌జీ–1, ఆర్‌జీ–2 సంయుక్త జట్టు, ఆర్‌జీ –3, భూపాలపల్లి సంయుక్త జట్టు, కొత్తగూడెం కార్పొరేట్‌ జట్టు పోటీల్లో పాల్గొననున్నాయి. లీగ్‌ పద్ధతిలో భాగంగా ఆరు జట్లను రెండు పూల్స్‌గా విభజిస్తారు. లీగ్‌ మ్యాచ్‌ల అనంతరం రెండు పూల్స్‌లో అగ్రస్థానాన నిలిచిన జట్లు ఫైనల్స్‌లో తలపడుతాయి. ఇక్కడ ప్రతిభ కనబరిచే క్రీడాకారులతో కోలిండియా స్థాయి పోటీల్లో పాల్గొనే జట్టును ఎంపిక చేస్తారు.

మణుగూరు టౌన్‌: మణుగూరు ఓపెన్‌కాస్ట్‌ విస్తరణ ప్రభావిత ప్రజలకు ఆర్‌అండ్‌ఆర్‌ ప్యాకేజీ కింద పరిహారం మంజూరుకు ఆమోదం లభించింది. కలెక్టర్‌ అంకిత్‌ అధ్యక్షతన మంగళవారం జరిగిన జిల్లా స్థాయి కమిటీ సమావేశంలో రూ.8.19 కోట్ల పరిహారం చెల్లింపునకు ఆమోదం తెలిపారు. ఈ నిర్ణయంతో మణుగూరుకు చెందిన 71 కుటుంబాల్లోని 149 మంది లబ్ధిదారులకు రూ.5.50లక్షల చొప్పున పరిహారం అందనుంది. అర్హులైన కుటుంబాలకు నిబంధనల ప్రకారం పారదర్శకంగా పరిహారం అందించాలని కలెక్టర్‌ అధికారులను ఆదేశించారు. ఈ సమావేశంలో ఎమ్మెల్యే పాయం వెంకటేశ్వర్లు, భద్రాచలంఐటీడీఏ పీఓ రాహుల్‌ పాల్గొన్నారు.మణుగూరు ఓసీ ప్రభావిత లబ్ధిదారులకు రూ.8.19 కోట్లు

● కార్తీకమాసంలో మంచి ముహూర్తాలు ● మొదలుకానున్న శుభకార్యాలుఖమ్మంగాంధీచౌక్‌: చాతుర్మాస్యం ముగిసి కార్తీక మాసం మొదలుకావడంతో చాన్నాళ్లుగా ఆగిపోయిన శుభకార్యాల సందడి మళ్లీ ప్రారంభం కానుంది. ఈనెల 10 నుంచి డిసెంబర్‌ 8 వరకు కొనసాగే పవిత్ర మాసంలో వివాహాలు, గృహప్రవేశాలు, నిశ్చితార్థాలకు మంచి ముహూర్తాలు ఉన్నాయని పండితులు చెబుతున్నారు. శివకేశవుల అనుగ్రహం పొందే కార్తీక మాసంలో చేసే వివాహాలకు శివపార్వతుల ఆశీస్సులు లభిస్తాయని భక్తుల నమ్మిక. దీంతో ముహూర్తాలు ఖరారు చేస్తుండగా మండపాల నుంచి పురోహితుల వరకు, బంగారం షాపుల నుంచి డెకరేషన్‌ వారి వరకు బిజీ కానున్నారు. శుభ ముహూర్తాలివే.. ఈ కార్తీక మాసంలో ముహూర్తాలు బలంగా ఉన్నాయని పండితులు చెబుతున్నారు. ఈనెల 12 నుంచి డిసెంబర్‌ 3వ తేదీ వరకు శుభ ముహూర్తాలు ఉన్నాయి. ఇందులో వివాహాలకు ఈనెల 12, 15, 18, 20, 21, 22, 25, 26వ తేదీలతో పాటు డిసెంబర్‌ నెలలో 2, 3వ తేదీలు అనువుగా ఉన్నాయని చెబుతున్నారు. ప్రధానంగా ఈనెల 20, 21, 25, 26వ తేదీలతో పాటు డిసెంబర్‌ 2, 3వ తేదీలను పెళ్లిళ్లకు బలమైన ముహూర్తంగా చెబుతుండడంతో ఆయా రోజుల్లో ఫంక్షన్‌ హాళ్లు, కల్యాణ మండపాలు ఇప్పటికే బుక్‌ అయ్యాయి. ఇక ఈనెల 15, 20, 21, 22, 25, 26వ తేదీల్లో గృహప్రవేశం, శంకుస్థాపన, నిశ్చితార్థానికి మంచి ముహూర్తాలు ఉన్నాయని పండితులు చెబుతున్నారు.

సాక్షి భద్రాద్రి కొత్తగూడెం: సాంకేతికత, ఆర్టిఫీషియల్‌ ఇంటెలిజెన్స్‌ అంతటా వ్యాపిస్తున్న వేళ జిల్లాలోని అడవుల్లో ఇప్పటికీ అనాగరిక ఘటనలు వెలుగు చూస్తున్నాయి. మంత్రగాళ్లనే ముద్ర వేసి దారుణ హత్యలకు పాల్పడే పద్ధతి ఇంకా కొనసాగుతోందని ఈ ఘటన ద్వారా బయటపడుతోంది. ప్రధానంగా ఆదివాసీ, గిరిజన గూడేలు ఈ తరహా దాడులకు కేరాఫ్‌గా మారాయి. అదే రోజు హత్య విశ్వసనీయ వర్గాల సమాచారం ప్రకారం.. మడకం భీమయ్యకు వెజ్జోడుగా గొత్తికోయ తెగలో పేరుంది. వెజ్జోడు అంటే గొత్తికోయ ఆదివాసీ తెగలకు సంబంధించిన భూతవైద్యుడు. జ్వరం, జలుబు, ఒంటి నొప్పులు వంటి సమస్యలకు ఆకు పసరు, మూలికా వైద్యం చేయడంతో పాటు గాలి, ధూళి సోకడం వంటి మూఢ విశ్వాసాలు నమ్మేవారు ఆయనతో పూజలు చేయించుకుంటారు. ఈ క్రమంలోనే మణుగూరు మండలం బూడుగుల గ్రామానికి చెందిన పదం రాంబాబు కుటుంబ సభ్యులకు గాలి సోకిందని భావిస్తూ ఆయన ఇంటికి భీమయ్యను పదం మాసయ్య తీసుకొచ్చాడు. అదేరోజు మధ్యాహ్నం వరకు ఇంట్లో పూజలు చేశారు. ఆ తర్వాత భీమయ్య ఇంటికి బయలుదేరగా మాసయ్య తోడుగా వెళ్లాడు. అప్పటి నుంచి ఇద్దరి జాడ కనిపించడం లేదు. మంత్రాల భయంతో గాలి, ధూళి సోకిదంటూ తరచూ వెజ్జోడుగా పేరున్న భీమయ్యను తమ గ్రామానికి పదం మాసయ్య తీసుకొస్తుండడం స్థానికులకు నచ్చలేదని తెలుస్తోంది. అంతేకాక పలువురు వారి కుటుంబీకుల అనారోగ్యానికి మాసయ్య, భీమయ్యలే కారణమనే అనుమానాలు పెరిగాయి. దీంతో గతనెల 7న పూజలు చేసి ఆళ్లపల్లి మండలం బుస్సాయిగూడెంకు వెళ్తున్న వీరిపై మార్గమధ్యలో బూడుగుల గ్రామానికి చెందిన కొందరు వ్యక్తులు దాడి చేశారు. కర్రలతో విపరీతంగా కొట్టగా వృద్ధులైన వారు తట్టుకోలేక అక్కడిక్కడే చనిపోయారు. ఆపై మృతదేహాలను జోలెలో కట్టుకుని అదే దారిలో మరో మూడున్నర కిలోమీటర్ల దూరం ప్రయాణించి మల్లేపల్లి తోగు దగ్గర చెక్‌డ్యామ్‌ సమీపంలో గొయ్యి తవ్వి పాతి పెట్టారు. గోతులు బయటకు కనిపించడకుండా చెట్లను కొట్టి కొమ్మలను వాటిపై వేశారు. తండ్రి జాడ కోసం నందిని వెతుకుతున్న క్రమాన.. ఆళ్లపల్లి నుంచి మణుగూరు దారిలో భీమయ్య వాడిన వాటర్‌ బాటిల్‌, బియ్యం సంచి, దారి వెంట బియ్యం పడిన ఆనవాళ్లు కనిపించడంతో దారుణం జరిగినట్టు అనుమానించి పోలీసులకు ఫిర్యాదు చేశారు. ఈమేరకు మంగళవారం విచారణ చేపట్టిన పోలీసులు ఘటనాస్థలికి చేరుకుని మృతదేహాలను వెలికి తీశారు. ఈ జంట హత్యలకు కారణమైన ఐదుగురిని ఇప్పటికే పోలీసులు అదుపులోకి తీసుకున్నట్లు తెలిసింది.క్షుద్ర పూజల చిత్రం (ఏఐ) మణుగూరు మండలం బుగ్గ గ్రామపంచాయతీ పరిధి బూడుగుల గ్రామంలో 30కి పైగా గొత్తికోయ కుటుంబాలు నివాసం ఉంటున్నాయి. ఇందులో పదం మాసయ్య(70).. ఆళ్లపల్లి మండలం బుస్సాయిగూడెంకు చెందిన మడకం భీమయ్య (80)ను గతనెల 7న తన గ్రామానికి ఆహ్వానించాడు. అప్పటి నుంచి వీరిద్దరు కానరాకుండా పోయారు. దీంతో భీమయ్య కుమార్తె ఎట్టి నందిని తండ్రి ఆచూకీ కోసం ప్రయత్నిస్తోంది. ఈక్రమాన భీమయ్య, పదం మాసయ్యను మంత్రగాళ్లనే నెపంతో తీవ్రంగా కొట్టి చంపివేశారని తెలిసింది. దీంతో సోమవారం ఆమె మణుగూరు పోలీసులకు ఇచ్చిన ఫిర్యాదుతో మంగళవారం ఘటనాస్థలికి వెళ్లిన పోలీసులు పాతిపెట్టిన మృతదేహాలను వెలికి తీశారు. చేతబడి అనుమానంతో ఆళ్లపల్లి మండలం బూసరాయికి చెందిన మడకం రాజును గత ఏడాది ఆగస్టు 8న కర్రలతో కొట్టి చంపారు. ఆళ్లపల్లి మండలం మర్కోడు మండలం జల్లేరు వాగు దగ్గర మంత్రాల నెపంతో స్థానికులు దాడి చేయడంతో పూనెం నారాయణ అలియాస్‌ రామనాథం(57) ఈ ఏడాది సెప్టెంబర్‌ 17న హత్యకు గురయ్యాడు. బూర్గంపాడు మండలం జింకలగూడెంలో భూతవైద్యం పేరుతో ఓ వృద్ధురాలిని చెట్టుకు కట్టేసి కొట్టిన వీడియోలు సెప్టెంబర్‌ 21న వెలుగులోకి వచ్చాయి.గిరిజన, గొత్తికోయలను వీడని మూఢనమ్మకాలు

సూపర్‌బజార్‌(కొత్తగూడెం): ఎల్‌నినో నేపథ్యాన వర్షాభావ పరిస్థితులు నెలకొన్న నేపథ్యాన అన్నదాతలు, ప్రజలను ఆదుకునేందుకు తెలంగాణను తక్షణమే కరువు రాష్ట్రంగా ప్రకటించాలని సీపీఐ రాష్ట్ర కార్యదర్శి, కొత్తగూడెం ఎమ్మెల్యే కూనంనేని సాంబశివరావు డిమాండ్‌ చేశారు. సీపీఐ, రైతుసంఘం సంయుక్త ఆధ్వర్యాన మంగళవారం కలెక్టరేట్‌ ఎదుట చేపట్టిన ధర్నాలో ఆయన మాట్లాడారు. ఇప్పటికే కరువు పరిస్థితులు మొదలుకాగా, రాబోయే రోజుల్లో ఇది మరింత తీవ్రమయ్యే అవకాశముందన్నారు. ఈమేరకు జిల్లా, నియోజకవర్గ స్థాయిలో అఖిలపక్ష సమావేశాలు నిర్వహించి సమగ్రంగా గుర్తించాలని కోరారు. ఎలాంటి సర్వే చేయకుండానే రాష్ట్ర ప్రభుత్వం కేంద్రం నుంచి రూ.25 వేల కోట్లు అడగడం అశాసీ్త్రయమని, క్షేత్రస్థాయిలో నష్టం అంతకంటే ఎక్కువగానే ఉన్నందున కేంద్ర, రాష్ట్ర బృందాలు పర్యటించి శాసీ్త్రయంగా నష్టాన్ని లెక్కించాలని డిమాండ్‌ చేశారు. అంతేకాక రాష్ట్రంలో కేవలం 364 మండలాలనే కాక తెలంగాణ మొత్తాన్ని కరువు రాష్ట్రంగా ప్రకటించి పంట వేయని రైతులతో పాటు సాగు చేసి నష్టపోయిన రైతులను ఆదుకోవాలన్నారు. సీపీఐ జిల్లా కార్యదర్శి ఎస్‌.కే.సాబీర్‌ పాషా 16 మండలాలనే కాకుండా టేకులపల్లి, పాల్వంచ, భద్రాచలం, జూలూరుపాడు, సుజాతనగర్‌, లక్ష్మీదేవిపల్లి, ఇల్లెందు మండలాలను కూడా కరువు జాబితాలో చేర్చాలని కోరారు. ధర్నాలో సీపీఐ రాష్ట్ర కార్యవర్గ సభ్యులు ముత్యాల విశ్వనాథం, కల్లూరు వెంకటేశ్వరరావు, కొత్తగూడెం మేయర్‌ మూడ్‌ గణేష్‌, నాయకులు నరాటి ప్రసాద్‌, సలిగంటి శ్రీనివాస్‌, సరెడ్డి పుల్లారెడ్డి, మున్నా లక్ష్మీకుమారి, ఎస్‌.డీ.సలీం, చంద్రగిరి శ్రీనివాసరావు, కంచర్ల జమలయ్య, వి.పూర్ణచందర్‌రావు తదితరులు పాల్గొన్నారు.

భద్రాచలం: భద్రాచలంలోని శ్రీ సీతారామ చంద్రస్వామి దేవస్థానంలో మంగళవారం రామయ్య నిత్యకల్యాణం కమనీయంగా జరిగింది. తెల్లవారుజామునే గర్భగుడిలో స్వామి వారికి సుప్రభాత సేవ, సేవా కాలం, ఆరాధన పూజలు చేశారు. అనంతరం మిథిలా స్టేడియంలో ఉత్సవమూర్తులను కొలువుదీర్చి స్వామివా రికి విశ్వక్సేన పూజ, పుణ్యావాచనం నిర్వహించారు. అలాగే, స్వామికి కంకణధారణ, యజ్ఞోపవేత ధారణ, అమ్మవారికి కంకణధారణ, యోక్త్రధారణ గావించిన అర్చకులు నిత్యకల్యాణ మహోత్సవాన్ని శాస్త్రోక్తంగా పూర్తిచేశారు. రూ.1.14లక్షల విలువైన రబ్బర్‌ కార్పెట్లు వితరణ శ్రీ సీతారామచంద్రస్వామి దేవస్థానానికి రూ.1.14 లక్షల విలువైన రబ్బర్‌ కార్పెట్లను హైదరాబాద్‌ వాసులు మంగళవారం వితరణగా అందచేశారు. హైదరాబాద్‌లోని ఒయాసిస్‌ ఆస్పత్రి వైద్యులు కృష్ణ చైతన్య – హరిత దంపతులు వారి స్నేహితుల సహకారంతో కార్పెట్లను ఆలయ ఈఓ దామోదర్‌రావుకు అందజేశారు. ఈ సందర్భంగా ఈఓ మాట్లాడుతూ రబ్బర్‌ కార్పెట్లు నిత్య కల్యాణ మండపం ప్రాంగణంలో భక్తులకు ఉపయోగపడతాయని తెలిపారు. ఆలయ ఏఈఓ శ్రావణ్‌కుమార్‌, అనిల్‌కుమార్‌, స్థానికులు గొర్ల వెంకటేశ్వరరావు, నాగరాజు తదితరులు పాల్గొన్నారు. పర్యాటక కేంద్రంగా బేతంపూడి ప్రాజెక్టు పరిశీలించిన డీపీఓ అనూష టేకులపల్లి/టేకులపల్లి రూరల్‌: మండలంలోని బేతంపూడి ప్రాజెక్టును పర్యాటక కేంద్రంగా తీర్చిదిద్దేందుకు నిర్ణయించినట్లు జిల్లా పంచాయతీ అధికారి, ఇన్‌చార్జ్‌ టూరిజం, యువజన క్రీడల శాఖాధికారి బి.అనూష వెల్లడించారు. ఈమేరకు ఆమె మంగళవారం క్షేత్రస్థాయిలో పరిశీలించి పర్యాటక అభివృద్ధి ఉన్న అవకాశాలు, కల్పించాల్సిన వసతులపై చర్చించారు. తొలుత డీపీఓ బేతంపూడి జిల్లా పరిషత్‌ పాఠశాల, బేతంపూడితో పాటు శంభుని గూడెం, చంద్రుతండా జీపీలను తనిఖీ చేశారు. పాఠశాలల్లో మధ్యాహ్న భోజన మెనూ పై ఆరా తీసిన ఆమె గ్రామాల్లో ఇంకుడు గుంతల నిర్మాణంపై సూచనలు చేశారు. ఈ కార్యక్రమాల్లో ఎంపీడీఓ కొండపల్లి శ్రీదేవి, ఎంపీఓ దండ్యాల రామారావు, ఏపీఓ కళంజి శ్రీనివాస్‌, సర్పంచ్‌లు, కార్యదర్శులు పాల్గొన్నారు. విద్యార్థుల నైపుణ్యాలకు పదును పెట్టాలిడీఈఓ శంభుప్రసాద్‌ టేకులపల్లి: మండలంలోని సులానగర్‌ జెడ్పీ హైస్కూల్‌, కోయగూడెం, హనుమతండా ఎంపీయూపీఎస్‌ల్లో డీఈఓ శంభుప్రసాద్‌ మంగళవారం తనిఖీ చేశారు. ఈ సందర్భంగా తరగతి గదుల్లో ఉపాధ్యాయుల బోధనా పద్ధతులు, విద్యార్థుల సామర్థ్యాలను పరిశీలించారు. హనుమా తండా పాఠశాలలో విద్యార్థుల అభ్యసనా స్థాయి మెరుగ్గా ఉండడంతో ఉపాధ్యాయుడు బి.రమేష్‌బాబును అభినందించారు. అయితే, పిల్లల నైపుణ్యాలకు మరింత పదును పెట్టేలా వర్క్‌ బుక్‌(అభ్యసన దీపిక)లతో సాధన చేయించాలని సూచించారు. హెచ్‌ఎం లక్ష్మయ్య, ఉద్యోగులు సునీల్‌, బాలాజీ తదితరులు పాల్గొన్నారు. రేక్‌ పాయింట్‌కు కాంప్లెక్స్‌ ఎరువులు చింతకాని: చింతకాని మండలం పందిళ్లపల్లి రేక్‌ పాయింట్‌కు మంగళవారం ఐపీఎల్‌ కంపెనీకి చెందిన కాంప్లెక్స్‌ ఎరువులు చేరాయి. ఇందులో డీఏపీ 1,209.80 మెట్రిక్‌ టన్నులు, పొటాష్‌ 127.70 మెట్రిక్‌ టన్నులు ఉన్నాయని ఖమ్మం జిల్లా వ్యవసాయ శాఖాధికారి డి.పుల్ల య్య తెలిపారు. వీటిని కోటా వారీగా ఖమ్మం, భద్రాద్రి, మహబూబాబాద్‌ జిల్లాకు చేరవేసినట్లు వెల్లడించారు.

అశ్వారావుపేట: అశ్వారావుపేట మున్సిపాలిటీ అభివృద్ధికి రూ.48.72 కోట్ల నిధులు మంజూరు చేయాలని ఎమ్మెల్యే జారె ఆదినారాయణ కోరారు. ఈమేరకు పనుల ప్రతిపాదనలు జిల్లా ఇన్‌చార్జ్‌ మంత్రి వాకిటి శ్రీహరికి ఎమ్మెల్యే మంగళవారం హైదరా బాద్‌లో అందజేశారు. ఖమ్మం ఎంపీ రామసహా యం రఘురాంరెడ్డి, ఇరిగేషన్‌ డెవలప్‌మెంట్‌ కార్పొరేషన్‌ మాజీ చైర్మన్‌ మువ్వా విజయబాబు, అశ్వారావుపేట మున్సిపల్‌ వైస్‌చైర్మన్‌ జూపల్లి రమేష్‌తో పాటు మంత్రిని కలిసిన ఎమ్మెల్యే ప్రతిపాదనలను సమర్పించారు. మున్సిపాలిటీలోని 22 వార్డుల్లో సీసీరోడ్లు, డ్రెయిన్ల నిర్మాణానికి రూ. 35.52 కోట్లు, భగత్‌సింగ్‌ సెంటర్‌ నుంచి అంబేడ్కర్‌ నగర్‌ వరకు ప్రధాన రహదారికి ఇరువైపులా డ్రెయిన్ల నిర్మాణానికి రూ.4.33కోట్లు విడుదల చేయాలని కోరారు. అలాగే, పారిశుద్ధ్య పనుల నిర్వహణ కోసం వాహనాల కొనుగోలుకు రూ.2కోట్లు, ఎల్‌ఈడీ వీధిదీపాలకు రూ.25లక్షలు, తాగునీటి పైప్‌ లైన్ల ఏర్పాటుకు రూ.50 లక్షలు, మోటార్లు, పంపుసెట్ల ఏర్పాటుకు రూ.25 లక్షలు కేటాయించాలని ప్రతిపాదనలు అందజేశారు. మంత్రి శ్రీహరికి ఎమ్మెల్యే జారె వినతి

తెలుగు మాసాల్లో అత్యంత పవిత్రమైనదిగా, శివకేశవులకు ప్రీతికరమైనదిగా భావించే కార్తీక మాసం వచ్చేసింది. మంగళవారం నుంచి వచ్చే నెల 9వ తేదీ వరకు కార్తీక మాసోత్సవాలు కొనసాగనున్నాయి. ఈమేరకు ఉమ్మడి జిల్లాల్లోని శివాలయాల్లో ప్రత్యేక పూజలకు ఏర్పాట్లు చేశారు. –పాల్వంచ రూరల్‌ / భద్రాచలం టౌన్‌/ ఖమ్మం గాంధీచౌక్‌ / సత్తుపల్లి టౌన్‌ ముస్తాబైన శివాలయాలు కార్తీక మాసోత్సవాలకు శివాలయాలు ముస్తాబయ్యాయి. ఆలయాలను విద్యుత్‌ దీపాలతో అలంకరించడమే కాక ప్రత్యేక పూజలకు పెద్దసంఖ్యలో వచ్చే భక్తులు ఇబ్బంది పడకుండా ఏర్పాట్లు చేశారు. కార్తీక మాసంలో శివాలయాల గోపురంపై దీపాన్ని వెలిగించి నెల పాటు అఖండంగా వెలుగుతూ ఉంచుతారు. ఈ ఆకాశ దీపాన్ని దర్శించుకుంటే సకల దోషాలు తొలగిపోతాయని భక్తులు నమ్ముతారు. కాగా, ఈ నెల పాటు శివాలయాల్లో ప్రత్యేక పూజలు, రుద్రాభిషేకాలు, లక్షబిల్వార్చన, లక్ష దీపారాధనలు జరగనున్నాయి. ఖమ్మంలోని శ్రీ గుంటు మల్లేశ్వర స్వామి దేవస్థానం, సుగ్గల వారి తోటలోని శ్రీ అన్నపూర్ణ సహిత కాశీ విశ్వేశ్వర ఆలయంతో పాటు జిల్లాలోని వివిధ శివాలయాల్లో ప్రత్యేక పూజలకు ఏర్పాట్లు పూర్తయ్యాయి. భక్తి.. ఆరోగ్య రక్షణ కార్తీక మాసం కేవలం ఆధ్యాత్మికతకే కాదు ఆరోగ్యానికీ మేలు చేస్తుందని పెద్దలు చెబుతారు. ఈ మాసంలో చలి ప్రభావం రోజురోజుకు ఎక్కువవుతుంది. ఉపవాసం, తెల్లవారుజామునే నదీ స్నానం, నువ్వుల నూనె, ఆవు నెయ్యితో దీపారాధన, ఉసిరి, తులసి పూజలు శరీరంలో రోగనిరోధక శక్తిని పెంచుతాయి. దీపాల నుంచి వచ్చే ధూపం వాతావరణాన్ని శుద్ధి చేస్తుందని, ఉసిరి చెట్టు కింద వనభోజనాలు చేయడం వల్ల ఆరోగ్యం చేకూరుతుందని విశ్వాసం. నెల పాటు సాత్విక ఆహారం తీసుకోవడం, మాంసాహారం, మద్యం మానేయడం వల్ల శరీరం, మనసు శుద్ధి అవుతాయి. అలాగే, కార్తీక మాసంలో చేసే దానధర్మాలు, దీపదానం, అన్నదానం పుణ్యాన్ని ఇస్తాయని పండితులు చెబుతున్నారు. ఇక కార్తీక సోమవారాలు, ఏకాదశి, ద్వాదశి, పౌర్ణమి రోజులు మరింత విశిష్టమైనవి భావిస్తారు. ఈమేరకు ఇళ్లలో భక్తులు తులసి కోట వద్ద దీపం వెలిగించి పూజ చేయడంతో పాటు ప్రతీ సోమవారాల్లో ఉపవాసం ఉంటూ శివుడిని ఆరాధిస్తారు. నోములు, వ్రతాలు చేసే భక్తుల రద్దీ, అభిషేకాలు, దీపారాధన, ప్రత్యేక అలంకరణలతో ఆలయాలు కళకళలాడనున్నాయి. నదీస్నానానికి ప్రాధాన్యత కార్తీకమాసంలో తెల్లవారుజామున నదీస్నానం ఆచరిస్తే పుణ్యప్రదమని పెద్దలు చెబుతారు. నదీతీరాల్లో సూర్యోదయానికి ముందే స్నానాలు చేసి దీపారాధన, ఇష్టదైవాల పూజలు నిర్వహిస్తారు. ఈక్రమాన భద్రాచలంలోని గోదావరి తీరం వద్ద ఈ నెల పాటు రద్దీ నెలకొననుంది. కార్తీక మాసం మంగళవారం మొదలుకానుంది. నెల పాటు శివుడికి ప్రతిప్రాతమైన మాసం కాగా, ప్రతీ సోమవారం తులసి, ఉసిరి చెట్టు వద్ద దీపారాధన చేయడం వలన శుభ ఫలితాలు లభిస్తాయి. సూర్యోదయానికి ముందు దీపారాధాన చేయడం ద్వారా విశిష్ట ఫలితాలు ఉంటాయి. ప్రతీ సోమవారం ఉపవాసం ఉంటూ దీపారాధన, దానధర్మాలు చేస్తే మంచి ఫలితాలు వస్తాయి. – పద్మనాభశర్మ, వేదపండితుడు, పెద్దమ్మతల్లి ఆలయం, పాల్వంచభద్రాచలంటౌన్‌: భద్రాచలంలోని శ్రీ సీతారామచంద్రస్వామి దేవస్థానం ఆధ్వర్యాన కార్తీకమాసం సందర్భంగా ప్రత్యేక పూజలు నిర్వహించనున్నారు. శివాలయంలో ప్రతీ సోమవారం ప్రత్యేక అభిషేకాలు, అర్చనలు జరుగుతాయని ఈఓ కె.దామోదర్‌రావు తెలిపారు. అలాగే, ఈనెల 16న భస్మాభిషేకం, 23న చందనాభిషేకం, 24న జ్వాలాతోరణం, 29న స్వామివారి కల్యాణం, 30న శర్కరాభిషేకం, డిసెంబర్‌ 7న లక్షబిల్వార్చన నిర్వహిస్తామని వెల్లడించారు. అంతేకాక ప్రతీ సోమవారం గోదావరి తీరంలో నదీహారతి, మిథిలా స్టేడియంలోని నిత్యకల్యాణ మండపంలో ప్రతిరోజూ ఉదయం 6నుంచి 8 గంటల వరకు సామూహిక సత్యనారాయణ స్వామి వ్రతాలు ఉంటాయని తెలిపారు. ఆలయ అభివృద్ధి పనుల నేపథ్యాన శివాలయానికి వెళ్లేందుకు రంగనాయకుల గుట్ట పైనుంచి మార్గం ఏర్పాటు చేసినట్లు ఈఓ వెల్లడించారు. ప్రత్యేకం.. మల్లికార్జునస్వామి ఆలయం అన్నపురెడ్డిపల్లి: అన్నపురెడ్డిపల్లిలోని శ్రీ భ్రమరాంబ సమేత మల్లికార్జున స్వామి దేవాలయం కార్తీక మాసోత్సవాలకు ముస్తాబైంది. జిల్లాలో మరెక్కడా లేని విధంగా 108 శివలింగాలతో లింగాకారంలో నిర్మితమైన ఈ ఆలయం ప్రముఖ పుణ్యక్షేత్రంగా విరాజిల్లుతోంది. ఆలయ ప్రాంగణంలో దక్షిణామూర్తి, భక్త కన్నప్ప, మార్కండేయ, శివ పార్వతులు, వాయు లింగం, నంది విగ్రహాఅలు ఉండగా, ఏటా కార్తీక మాసంలో ఉమ్మడి జిల్లా వ్యాప్తంగా భక్తులు తరలిస్తారు. ఈమేరకు ఆలయ ప్రాంగణంలోని కోనేరులో పుణ్యస్నానాలు, ఆలయంలో ప్రత్యేక పూజలు, అభిషేకాలకు ఏర్పాట్లు చేశారు. కాగా, కార్తీక మాసంలో భాగంగా 20వ తేదీన అన్నాభిషేకం, 24వ తేదీన జ్వాలాతోరణం, వచ్చేనెల 7వ తేదీన శివ పార్వతుల కల్యాణోత్సవం నిర్వహించనున్నారు. కాగా, పూజలకు హాజరయ్యే భక్తులు ఇబ్బంది పడకుండా ఏర్పాట్లు చేసినట్లు ఆలయ మేనేజర్‌ పాకాల రమణ తెలిపారు. ప్రాచీన కాలం నుంచి వస్తున్న సంప్రదాయాల ప్రకారం ఆలయంలో స్వామి వారికి ప్రత్యేక పూజలు, అభిషేకాలు నిర్వహిస్తాం. దీపారాధనలు, ఉపవాస దీక్షలతో శివనామ స్మరణ చేస్తే భక్తులతో ఈ నెల పాటు ఆధ్యాత్మికత వెల్లివిరుస్తుంది. ఈ మాసంలో స్వామిని దర్శించుకోవడం ఎంతో పుణ్యప్రదం. – సత్యనారాయణ శర్మ, ఆలయ ప్రధాన అర్చకుడు

చండ్రుగొండ : అసైన్‌మెంటు పట్టాలకు సంబంధించి భూముల హద్దులు చూపాలని ఆదివాసీలు తహసీల్దార్‌ కార్యాలయం ఎదుట చేపట్టిన ఆందోళన సోమవారం కూడా కొనసాగింది. 40 మంది కుటుంబాలు ఆందోళనలో పాల్గొన్నాయి. సోమవారం ప్రజావాణిలో ఎంపీడీఓ బయ్యారపు అశోక్‌, డిప్యూటీ తహసీల్దార్‌ హైందవిలకు వినతిపత్రం అందించారు. లోకాయుక్త తీర్పును అమలు చేస్తామని చెప్పిన తహసీల్దార్‌ తప్పించుకు తిరుగుతున్నారని ఆదివాసీలు ఆరోపిస్తున్నారు. సీతాయిగూడెం, అయన్నపాలెం గ్రామాలకు చెందిన 40 మంది ఆదివాసీలకు మండలంలోని దామరచర్ల గ్రామ శివారులోని 136 ఎకరాల భూములను కేటాయిస్తూ సుమారు మూడు దశాబ్దాల క్రితం ప్రభుత్వం అసైన్‌మెంటు పట్టాలు ఇచ్చింది. అయితే క్షేత్రస్థాయిలో భూములు చూపలేదు. దశాబ్దకాలం నుంచి ఆదివాసీలు ఆందోళన చేస్తున్నా సమస్య పరిష్కారం కావడంలేదు. సీలింగ్‌గా చూపిన భూములను ఓ భూస్వామి కొందరు చిన్నకారు రైతులకు విక్రయించాడు. గిరిజనేతర రైతులు సైతం పేదలే కావడంతో రాజకీయ నాయకులు వారికి అండగా నిలుస్తున్నారు. దీంతో సమస్య జఠిలంగా మారింది. లోకాయుక్త ఉత్తర్వులు ఇలా .. నవంబర్‌ 11వ తేదీ లోపు ఆదివాసీలకు భూములు కేటాయించాలని లోకాయుక్త (హైదరాబాద్‌) ఈ ఏడాది మే 2న ఉత్తర్వులు జారీ చేసింది. లేని పక్షంలో ఆదివాసీలు 11న కోర్టుకు హాజరు కావాలని ఆదేశించింది. దీంతో ఆదివాసీలు తాత్కాలికంగా ఆందోళన విరమించి సోమవారం సాయంత్రం హైదరాబాద్‌కు బయల్దేరారు.

ఇల్లెందురూరల్‌: వృద్ధుడిని కుటుంబ సభ్యులే హతమార్చిన ఘటన ఆదివారం రాత్రి జరిగింది. మృతుడి బంధువుల కథనం ప్రకా రం.. వృద్ధుడు భూక్య శుక్లా (58) భార్య సోల్తి కలిసి వేపలగడ్డతండాలో నివా సం ఉంటున్నాడు. గతంలో గ్రామ సమీపంలో చిన్న షెడ్డు ఏర్పాటు చేసుకుని దుకాణం నిర్వహించేవాడు. కుమారుడు మృతితో దుకాణం మూసివేశాడు. ఆదివారం రాత్రి గ్రామస్తులతో కలిసి దీపావళి వేడుకల్లో గడిపాడు. అనంతరం గతంలో నిర్వహించిన దుకాణం వద్దకు వెళ్లా డు. రాత్రి తిరిగి ఇంటికి రాకపోవడంతో అక్కడే నిద్రపోయి ఉంటాడని మృతుడి భార్య భావించింది. ఉదయమే శుక్లా దుకాణంలో ఉరి వేసుకున్నాడని తెలియడంతో భార్య సోల్తితోపాటు గ్రామస్తులు అక్కడికి చేరుకున్నారు. తలకు బలమైన గాయం ఉండటం, రక్తస్రావం కావడంతో అనుమానించిన గ్రామస్తులు పోలీసులకు ఫిర్యాదు చేశారు. డీఎస్పీ వెంకన్నబాబు, సీఐ సురేష్‌ చేరుకుని విచారణ చేపట్టారు. పోలీసు జాగిలం ఘటనా స్థలం నుంచి అరకిలోమీటరు దూరంలో ఉన్న వేపలగడ్డతండా గ్రామంలో శుక్లా కోడలు సోదరుడైన ధరావత్‌ కిషన్‌ ఇంటికి వెళ్లింది. దీంతో అతన్ని అదుపులోకి తీసుకుని విచారించి, శుక్లా మనవడు రాజేష్‌ను అరెస్ట్‌ చేవారు. ఇద్దరిని పోలీసుస్టేషన్‌కు తరలిస్తుండగా అడ్డుపడిన మృతుడి కోడలు వినోద తానే హత్య చేయించానని బహిరంగంగా అంగీకరించింది. దీంతో పోలీసులు ఆమెను కూడా అదుపులోకి తీసుకున్నారు. కాగా, ఆస్తి కోసమే కుటుంబ పెద్దనే హత్య చేసి ఉంటారని అనుమానం వ్యక్తం చేశారు. మూడు నెలల క్రితం మృతుడు శుక్లా కుమారుడు భూక్య బాలు ఆత్మహత్య ఘటన కూడా హత్యోదంతమేనని గ్రామస్తులు అనుమానిస్తున్నారు. మృతు డి భార్య సోల్తి ఫిర్యాదుతో కేసు నమోదు చేసినట్లు సీఐ సురేష్‌ తెలిపారు. కుటుంబ సభ్యులే నిందితులు

సత్తుపల్లిటౌన్‌: తల్లిదండ్రులు ట్రాక్టర్‌ కొనివ్వలేదని మనస్తాపంతో ఓ యువకుడు బేతపల్లి చెరువులో దూకి ఆత్మహత్యకు పాల్పడ్డాడు. ఈమేరకు సోమవారం మృతదేహాన్ని గుర్తించారు. దమ్మపేట మండలం సీతారామపురం గ్రా మానికి చెందిన కడెం మనోజ్‌(20) ట్రాక్టర్‌ డ్రైవర్‌గా పనిచేస్తున్నాడు. కొంతకాలంగా సొంత ట్రాక్టర్‌ కొనివ్వాలని తండ్రి సురేష్‌ను కోరుతుండగా ఆర్థిక పరిస్థితి కారణంగా ఆయన దాటవేశాడు. దీంతో మనస్తాపానికి గురైన మనోజ్‌ ఈనెల 6న సాయంత్రం ఇంటి నుంచి వెళ్లి తిరిగి రాలేదు. దీంతో దమ్మపేట పోలీసులకు ఫిర్యాదు చేయగా, కేసు నమోదు చేశారు. అయితే, ఆయన అదేరోజు బేతుపల్లి చెరు వు కళంగి వద్ద దూకి ఆత్మహత్యకు పాల్పడినట్లు భావిస్తున్నారు. కాగా, ఈనెల 4వ తేదీ రాత్రి బేతుపల్లి చెరువులో గల్లంతైన ఎస్‌డీఆర్‌ఎఫ్‌ బోట్ల కోసం సిబ్బంది డ్రోన్‌ కెమెరాతో గాలింపు చేపట్టారు. ఈక్రమాన సోమవారం సాయంత్రం మృతదేహాన్ని గుర్తించారు. బయటకు తీశాక వివరాల కోసం సమీప ప్రాంతా ల్లో ఆరా తీస్తుండగా మనోజ్‌ మృతదేహంగా ఆయన కుటుంబీకులు నిర్ధారించారు. అయితే, మృతదేహం ఉబ్బిపోవడంతో వైద్యులతో అక్కడే పోస్టుమార్టం చేయించామని సత్తుపల్లి సీఐ టి.శ్రీహరి తెలిపారు. మనస్తాపంతో యువకుడు.. బూర్గంపాడు: మనస్తాపంతో ఉరి వేసుకుని యువకుడు ఆత్మహత్యకు పాల్ప డిన ఘటన బూర్గంపాడులో ఆదివారం జరిగింది. పోలీసుల కథనం ప్రకారం.. మండలానికి చెందిన భవానీ గిరీశ్‌(19) డిప్లొమో ఫెయిల్‌ అవడంతో తండ్రికి హోటల్‌ వ్యాపారంలో చేదోడువాదొడుగా ఉంటున్నాడు. ఆదివారం మధ్యాహ్నం ఇంట్లో ఎవరూ లేని సమయంలో ఉరి వేసుకున్నాడు. గమనించిన కుటుంబ సభ్యులు భద్రాచలం ఏరియా ఆస్పత్రికి తీసుకెళ్లగా, పరీక్షించిన వైద్యులు అప్పటికే మృతి చెందినట్లు నిర్ధారించారు. కేసు నమోదు చేసి దర్యాప్తు చేపట్టినట్లు ఎస్‌ఐ నాగభిక్షం తెలిపారు. కుటుంబ కలహాలతో ఒకరు.. బూర్గంపాడు: భార్యాభర్తల నడుమ కలహాలతో భర్త ఆత్మహత్య చేసుకున్న సంఘటన సోమవారం జరిగింది. పోలీసుల కథనం ప్రకారం.. మోరంపల్లి బంజరకు చెందిన శనగ సాంబశివరావు(33) ఆటో నడుపుకుంటూ జీవనం సాగిస్తున్నాడు. కొంతకాలంలో కుటుంబ కలహాలు జరుగుతున్నాయి. ఈ క్రమంలో ఇంట్లో ఎవరూ లేని సమయంలో ఉరి వేసుకుని ఆత్మహత్యకు పాల్పడ్డాడు. మృతుడికి భార్య, ఇద్దరు పిల్లలు ఉన్నారు. మృతుడి తండ్రి నర్సయ్య ఫిర్యాదుతో పోలీసులు కేసు నమోదు చేశారు. ఇల్లెందులో వ్యక్తి.. ఇల్లెందురూరల్‌: మండలంలోని రొంపేడు గ్రామంలో పైడిపల్లి విద్యాసాగర్‌ (44) సోమవారం ఉరివేసుకుని ఆత్మహత్య చేసుకున్నాడు. కుటుంబ సభ్యుల కథనం ప్రకారం.. ఏడాది క్రితం భార్యకు విడాకులిచ్చి ఇల్లెందు పట్టణంలోని స్టేషన్‌బస్తీకి చెందిన చెన్నబోయిన రేణుకను ప్రేమించి వివాహం చేసుకున్నాడు. ఆమైపె అనుమానంతో గత సెప్టెంబర్‌ 10న హత్య చేశాడు. ఈ కేసులో అరైస్టెన విద్యాసాగర్‌ రెండు రోజుల క్రితం బెయిల్‌పై విడుదలై స్వ గ్రామం వచ్చాడు. పండుగ రోజు ఇంట్లో ఎవరూ లేని సమయంలో ఉరి వేసుకుని ఆత్మహత్య చేసుకున్నాడు. కుటుంబ సభ్యుల ఫిర్యాదు మేరకు కేసు నమోదు చేసి విచారణ చేస్తున్నట్లు సీఐ సురేష్‌ తెలిపారు. బోట్ల కోసం వెతుకుతుండగా మృతదేహం గుర్తింపు

భద్రాచలం: భద్రాచలంలోని శ్రీ సీతారామ చంద్రస్వామి దేవస్థానంలో సోమవారం సీతా రాముల కల్యాణం ఘనంగా జరిగింది. తెల్ల వారుజామునే గర్భగుడిలో స్వామివారికి సుప్రభాత సేవ, సేవాకాలం, ఆరాధన పూజలు చేశా రు. అనంతరం మిథిలా స్టేడియంలోని రామ సేవా మండపంలో కొలువుదీర్చి స్వామి వారికి విశ్వక్సేన పూజ, పుణ్యావాచనం చేశారు. ఆ తర్వాత స్వామికి కంకణధారణ, యజ్ఞోపవేత ధారణ, అమ్మవారికి కంకణధారణ, యోక్త్రధారణ గావించిన అర్చకులు నిత్యకల్యాణ ఘట్టా న్ని శాస్త్రోక్తంగా పూర్తిచేశారు. శాశ్వత నిత్యాన్నదానానికి విరాళంరామాలయంలో శాశ్వత నిత్యాన్నదాన కార్యక్రమానికి భద్రాచలానికి చెందిన భక్త దంపతులు కె.రామకృష్ణ – వనజ రూ.1,00,116 విరాళం అందజేశారు. అనంతరం స్వామివారిని దర్శించుకుని పూజలు చేశారు. పెద్దమ్మతల్లికి విశేషపూజలుపాల్వంచరూరల్‌: దీపావళి పర్వదినం సందర్భంగా పెద్దమ్మతల్లికి అర్చకులు విశేష పూజ లు నిర్వహించారు. మండలంలోని శ్రీ కనకదుర్గ(పెద్దమ్మతల్లి) ఆలయానికి దీపావళికి తోడు ఆదివారం సెలవు కావడంతో భక్తులు పోటెత్తా రు. ఉమ్మడి జిల్లాలోని పలు ప్రాంతాల నుంచి భక్తులు రావడంతో ఆలయ ప్రాంగణం కిటకిట లాడింది. ఈసందర్భంగా అర్చకులు అమ్మ వారికి విశేష పూజలు చేయగా, భక్తులు ఒడిబియ్యం, పసుపు కుంకుమ, చీరలు సమర్పించి మొక్కలు చెల్లించుకున్నారు. ఈఓ ఏ.విజయ్‌కుమార్‌, వేదపండితులు పద్మనాభశర్మ, అర్చకులు రవికుమార్‌శర్మ భక్తులు పాల్గొన్నారు. రేపటి నుంచి క్రికెట్‌ పోటీలురుద్రంపూర్‌: మందమర్రి ఏరియాలో ఈ నెల 11 నుంచి 13వ తేదీ వరకు కంపెనీ లెవల్‌ క్రికెట్‌ పోటీలు నిర్వహించనున్నారు. సింగరేణివ్యాప్తంగా కొత్తగూడెం ఏరియా–కార్పొరేట్‌, ఇల్లెందు–మణుగూరు, ఆర్జీ–,1,2, భూపాలపల్లి–ఆర్జీ–3, మందమర్రి–బెల్లంపల్లి, శ్రీరాంపూర్‌ జట్లు పోటీల్లో పాల్గొననున్నాయి. కంపెనీస్థాయి పోటీల్లో ప్రతిభచూపినవారిని వచ్చే జనవరిలో కోలిండియా స్థాయి పోటీలకు పంపనున్నారు. ఈ మేరకు సింగరేణి యాజమాన్యం సోమవారం వివరాలు వెల్లడించింది. రేపు దేవాదాయ శాఖ ప్రిన్సిపల్‌ సెక్రటరీ పర్యటనభద్రాచలం: దేవాదాయ శాఖ ప్రిన్సిపల్‌ సెక్రటరీ శైలజా రామయ్యర్‌ బుధవారం భద్రాచలం రానున్నారు. భద్రాచలంలో జరుగుతున్న శ్రీ సీతారామ చంద్రస్వామి దేవస్థానం అభివృద్ధిపనులతో పాటుగా గోదావరి పుష్కరాల పనులపై సమీక్షించనున్నారు. పనులను పరిశీ లించనున్నారు. దేవదాయ శాఖ కమిషనర్‌, ఇతర అధికారులు కూడా రానున్నారు. కిన్నెరసానిలో జలవిహారంపాల్వంచరూరల్‌: కిన్నెరసాని రిజర్వాయర్‌లో ఆది, సోమవారాల్లో పర్యాటకులు జలవిహారం చేశారు. రాష్ట్రంలోని పలు ప్రాంతాల నుంచి వచ్చిన సందర్శకులు డ్యామ్‌, జలాశయం, డీర్‌ పార్కులోని దుప్పులను వీక్షించారు. 337మంది పర్యాటకులు కిన్నెరసానిలోకి ప్రవేశించగా, వైల్డ్‌లైఫ్‌ శాఖకు రూ.17,935, ఆదాయం లభించింది. 150మంది బోటు షికారు చేయగా టూ రిజం కార్పొరేషన్‌ సంస్థకు రూ.7,600 ఆదా యం లభించినట్లు నిర్వాహకులు తెలిపారు.

ముగ్గురిపై కేసు నమోదు కొత్తగూడెంఅర్బన్‌: చిట్టీల పేరుతో మోసం చేసిన ముగ్గురిపై పోలీసులు కేసు నమోదు చేశారు. సోమవారం డీఎస్పీ ఆదినారాయణ వెల్లడించిన వివరాల ప్రకారం.. కొత్తగూడెం పట్టణంలోని న్యూగొల్లగూడేనికి చెందిన కట్టుల సరోజ, కట్టుల చంద్రకళ, కట్టుల కుమా ర్‌ 11 ప్రైవేటు చిట్టీలు నిర్వహిస్తూ పలువురి నుంచి రూ.55,33,745 వసూళ్లు చేశారు. చిట్టీల ద్వారా వసూళ్లు చేసిన డబ్బులను తిరిగి చెల్లించకపోవడంతో బాధితులు ఫిర్యాదు చేశా రు. దీంతో కేసు నమోదు చేసిన పోలీసులు విచారణ చేపట్టారు. కొత్తగూడెం రైల్వేస్టేషన్‌ వద్ద ముగ్గురు నిందితులను అదుపులోకి తీసుకున్నారు. నిందితులను కోర్టులో హాజరుపర్చి నట్లు డీఎస్పీ తెలిపారు. గాయానికి ‘కుట్లు’ వేయడంలోనూ నిర్లక్ష్యం!అశ్వారావుపేటరూరల్‌: ఓ యువకుడి కాలు భాగంలో గాయం కాగా, ఆ గాయానికి కుట్లు వేయడంలోనూ ప్రభుత్వ ఆస్పత్రి సిబ్బంది నిర్లక్ష్యంగా వ్యవహరించిన ఘటన విమర్శలకు దారితీసింది. అశ్వారావుపేటకు చెందిన యువకుడు రాజేష్‌ సోమవారం మధ్యాహ్నం తన ఇంటి వద్ద పనులు చేసే క్రమంలో కాలికి రేకు గుచ్చుకుని గాయమైంది. చికిత్స కోసం ప్రభుత్వ ఏరి యా ఆస్పత్రికి వెళ్లడంతో, సిబ్బంది గాయానికి మూడు కుట్లు వేసి కట్టుకట్టికి ఇంటికి పంపించారు. ఇంటి వద్దకు వెళ్లి విశ్రాంతి తీసుకుంటున్న క్రమంలో గాయం నుంచి అధిక రక్తస్రావం కావడంతో కట్టు విప్పి చూస్తే ఆస్పత్రిలో వేసిన కుట్లు ఊడిపోయి కనిపించాయి. ఆందోళన చెంది ఓ ప్రైవేటు ఆస్పత్రికి వెళ్లి మళ్లీ కుట్లు వేయించుకున్నారు. ఆ తర్వాత ప్రభుత్వ ఆస్పత్రి వద్దకు వెళ్లి సిబ్బందిని నిలదీస్తే ఒత్తిడి కారణంగా ఊడిపోయి ఉంటాయని నిర్లక్ష్యంగా సమాధానం చెబుతున్నట్లు బాధితుడు వాపోయాడు. పోలీసు వాహనం అడ్డగింతజూలూరుపాడు(సుజాతనగర్‌): సుజాతనగర్‌ మండలం సింగభూపాలెంలో సోమవారం రాత్రి నిర్వహించిన సదర్‌ ఉత్సవాల్లో ఉద్రిక్తత చోటు చేసుకుంది. ఇక్కడ డీజే ఏర్పాటుచేయగా, ఎస్‌ఐ కల్యాణి సిబ్బందితో వెళ్లి అనుమతి లేదంటూ అభ్యంతరం తెలిపారు. దీంతో పోలీ సుల వాహనాన్ని గ్రామస్తులు చుట్టుముట్టారు. ఈమేరకు నిర్వాహకులపై న్యూసెన్స్‌ కేసు నమోదు చేసినట్లు తెలిసింది జేవీఆర్‌ ఓసీ–2కి ఫైవ్‌ స్టార్‌ రేటింగ్‌ సత్తుపల్లిరూరల్‌: సత్తుపల్లి జేవీఆర్‌ ఓసీ–2 బొగ్గు గనికి కేంద్ర బొగ్గు మంత్రిత్వ శాఖ ప్రతిష్ఠాత్మకమైన ఫైవ్‌ స్టార్‌ రేటింగ్‌ ప్రకటించింది. ఈ సందర్భంగా సత్తుపల్లి ఏరియాలో సోమవారం విజ యోత్సవ సంబురాలు జరుపుకున్నారు. ఏరియా జీఎం వెంకటాచారి తదితరులు పాల్గొన్నారు.

భద్రాచలం: ప్రభుత్వ సంక్షేమ పథకాలు అర్హులైన ప్రతీ గిరిజన కుటుంబానికి అందాలని ఐటీడీఏ ప్రాజెక్టు అధికారి బి.రాహుల్‌ ఆదేశించారు. సోమవారం ఐటీడీఏ సమావేశ మందిరంలో నిర్వహించిన గిరిజన దర్బార్‌లో వివిధ ఆదివాసీ గిరిజన గ్రామాల నుంచి వచ్చిన ప్రజల నుంచి అర్జీలు స్వీకరించారు. ఈ సందర్భంగా మాట్లాడుతూ గిరిజన దర్బార్‌లో స్వీకరించిన ప్రతీ దరఖాస్తును ఆన్‌లైన్‌లో నమోదు చేయాలని తెలిపారు. ఆయా విభాగా ల అధికారులు జాప్యం చేయకుండా సమస్యలను పరిష్కరించాలని అన్నారు. వైద్య ఖర్చుల నిమిత్తం ఆర్థికసాయం, కల్యాణలక్ష్మి, ఒంటరి మహిళలకు ఆర్థిక ప్రోత్సాహకాలు, తాగునీటి సౌకర్యం, ఉన్నత చదువులకు ఆర్థికసాయం, ఇందిరమ్మ ఇళ్ల మంజూ రు, వ్యక్తిగత రుణాలు, కిరాణా దుకాణాలు, ఫ్యాన్సీ స్టోర్ల ఏర్పాటుకు తోడ్పాటునందించాలని, బ్యాంకు రుణాలు, ప్రభుత్వ, ప్రైవేటు రంగాల్లో ఉపాధి పొందేందుకు శిక్షణ కల్పించాలని అర్జీలు సమర్పించా రు. అధికారులు డేవిడ్‌రాజ్‌, ఆనంద్‌కుమార్‌, మధుకర్‌, సైదులు, ఉదయ్‌కుమార్‌, వేణు, భూక్య గన్యా, మణిదర్‌ తదితరులు పాల్గొన్నారు. ఐటీడీఏ పీఓ రాహుల్‌

సూపర్‌బజార్‌(కొత్తగూడెం): ప్రజావాణి కార్యక్రమంలో ప్రజల నుంచి స్వీకరించిన అర్జీల్లో పెండింగ్‌లో ఉన్న వినతులపై ప్రత్యేక దృష్టి సారించాలని కలెక్టర్‌ అంకిత్‌ ఆదేశించారు. కలెక్టరేట్‌లో సోమవా రం నిర్వహించిన ప్రజావాణి కార్యక్రమంలో అదనపు కలెక్టర్‌ డి.వేణుగోపాల్‌తో కలిసి ప్రజల నుంచి ఫిర్యాదులు స్వీకరించారు. వినతులను పరిశీలించి సంబంధిత అధికారులకు ఎండార్స్‌ చేశారు. అధికారులు సమన్వయంతో అర్జీలను పరిష్కరించాలని చెప్పారు. ప్రజావాణి దరఖాస్తుల్లో కొన్ని ఇలా.. ● సుజాతనగర్‌ మండలం గరీబ్‌పేట గ్రామపంచాయతీ పరిధిలోని లక్ష్మీపురం తండాకు చెందిన లకావత్‌ రమేష్‌ తన తండ్రి మాన్య రెండేళ్ల క్రితం మృతి చెందాడని, ఆయన పేరుపై ఉన్న ఆర్‌ఓఎఫ్‌ఆర్‌ పట్టాను తన పేరుపై బదిలీ చేయాలని విన్నవించాడు. ● కొత్తగూడెం పోస్టాఫీస్‌ నుంచి హేమచంద్రాపురం వరకు ఉన్న భారీ లారీల రాకపోకల కారణంగా రోడ్డుపై గుంతలు ఏర్పడటంతో పాటు విపరీతమైన దుమ్ము, ధూళి వ్యాపిస్తోందని శేషగిరినగర్‌కు చెందిన లక్ష్మీదేవి వినతిపత్రం అందజేశారు. రహదారిని మెరుగుపర్చాలని, దుమ్ములేవకుండా వాటర్‌ ట్యాంకర్ల ద్వారా నీటిని చల్లించాలని విన్నవించారు. ● ఇల్లెందులోని రెండో నంబర్‌ బస్తీకి చెందిన 70 ఏళ్ల మొండయ్య తన కుమారుడు మరణించినప్పటి నుంచి కోడలు, మనవడు తనను పట్టించుకోవడం లేదని, దాడులకు పాల్పడుతూ దూషిస్తున్నారని, మూడురోజులుగా భోజనం కూడా పెట్టడం లేదని కలెక్టర్‌కు ఫిర్యాదు చేశాడు. వారిపై చర్యలు తీసుకుని, తనకు రక్షణ కల్పించాలని వినతిపత్రం అందజేశాడు. ● టేకులపల్లి మండలం లక్ష్మీతండాకు చెందిన భూక్యా మంగీలాల్‌ అనే ప్రభుత్వ ఉపాధ్యాయుడు వాగును, వాగుకు ఇరువైపులా ఉన్న తమ భూమిలో కొంత భాగాన్ని ఆక్రమించుకున్నాడని, విచారణ జరిపాలని జత్య తండాకు చెందిన భూక్యా పూల్‌ సింగ్‌ విన్నవించాడు. ● కొత్తగూడెం ఆర్డీఓ కార్యాలయంలో నిర్వహించిన గ్రీవెన్స్‌లో ఒక్క ఫిర్యాదు కూడా రాలేదు. తాగునీటి భద్రతకు ప్రాధాన్యతజిల్లాలో ఎల్‌నినో ప్రభావంతో భవిష్యత్‌లో వర్షాభావ, కరువు పరిస్థితులు ఏర్పడినా ప్రజలకు తాగునీటి ఇబ్బందులు తలెత్తకుండా ముందస్తు ప్రణాళికతో పటిష్ట చర్యలు చేపడుతున్నట్లు కలెక్టర్‌ అంకిత్‌ సోమవారం తెలిపారు. సీతారామ ఎత్తిపోతల పథకంలో భాగంగా అశ్వాపురం మండలంలోని బీజీ కొత్తూరు పంప్‌ హౌస్‌–1 వద్ద ఖరీఫ్‌ 2026 సీజన్‌లో మొత్తం 1,604 గంటల పాటు భారీ మోటార్లను నిర్వహించి గోదావరి నది నుంచి 9.088 టీఎంసీల నీటిని ప్రధాన కాలువలోకి ఎత్తిపోసినట్లు కలెక్టర్‌ వివరించారు. వీకే రామవరం వద్ద పంప్‌ హౌస్‌–2, కమలాపురం వద్ద పంప్‌ హౌస్‌–3 ద్వారా కూడా నీటిని వివిధ ప్రాంతాలకు తరలించినట్లు తెలిపా రు. సీతారామ ఎత్తిపోతల పథకం ద్వారా గోదావరి జలాలను సమర్థవంతంగా వినియోగించుకోవడం వల్ల జిల్లాలో తాగునీటి భద్రతకు భరోసా కల్పించడంతో పాటు 20 చెరువుల్లో నీటి నిల్వలను పెంచడం, 9,436 ఎకరాల ఆయకట్టుకు సాగునీటి భద్రత కల్పించడం, భూగర్భ జలాల పెంపునకు దోహదపడటం సాధ్యమైందని కలెక్టర్‌ వెల్లడించారు. గైనిక్‌ సేవలు నిర్విరామంగా అందించాలి బూర్గంపాడు: గైనిక్‌ సేవలు రోజూ అందాలని కలెక్టర్‌ అంకిత్‌ ఆదేశించారు. సోమవారం బూర్గంపాడు సామాజిక ఆరోగ్య కేంద్రాన్ని ఆకస్మికంగా తనిఖీ చేశారు. కిచెన్‌, ఇన్‌పేషెంట్‌ వార్డులను పరిశీలించారు. అనంతరం రక్తపరీక్ష కేంద్రాన్ని సందర్శించి వివరాలను అడిగి తెలుసుకున్నారు. వైద్యులు, సిబ్బంది హాజరు రిజిస్టర్లను పరిశీలించారు. అనంతరం ఆస్పత్రి ఆవరణలో నూతనంగా నిర్మిస్తున్న ఆస్పత్రి భవనాన్ని కలెక్టర్‌ పరిశీలించి, వేగంగా పనులు పూర్తి చేయాలని ఆదేశించారు. ప్రజావాణిలో కలెక్టర్‌ అంకిత్‌

● ఐరన్‌ఉడ్‌ టార్గెట్‌గా కొత్త కలప మాఫియా ● అక్టోబర్‌లోనే 12.50 టన్నుల వేర్ల రవాణా ● చోద్యం చూస్తున్న ఫారెస్ట్‌ చెక్‌పోస్ట్‌ సిబ్బందిసాక్షి ప్రతినిధి, భద్రాద్రి కొత్తగూడెం: జిల్లాలోని దుమ్ముగూడెం, చర్ల మండలాలతోపాటు ఛత్తీస్‌గఢ్‌లో విరివిగా అల్లి చెట్టు లేదా ఐరన్‌ ఉడ్‌ (మెమైసెలాన్‌ అమ్‌బెల్లాటం) చెట్లు ఉన్నాయి. వాటి వేర్లు, ఆకులు, బెరడులను షుగర్‌ వ్యాధికి చిట్కా వైద్యంగా ఉపయోగిస్తారనే ప్రచారం జరుగుతోంది. ఔష ధ లక్షణాలు కలిగిన ఈ చెట్టు నుంచి వంపులు తిరిగే గుణం కలిగిన దృఢమైన కలప వస్తుంది. దీంతో ఈ కలపపై కన్నేసిన స్మగ్లింగ్‌ మాఫియా ఆరంభంలో చిట్కా వైద్యం పేరుతో ఇక్కడ పాతుకుపోయింది. ముందుగా ఆకులు, బెరడు, వేర్ల అక్రమ రవాణాతో మొదలు పెట్టి క్రమంగా కలప స్మగ్లింగ్‌కు అవసరమైన ‘సర్దుబాట్లు’ చర్ల, దుమ్ముగూడెం మండలాల్లో చేస్తోంది. పావులుగా స్థానికులు దట్టమైన అడవుల్లో గుబురుగా పెరిగే అల్లి చెట్లను గుర్తించడం, వాటి నుంచి వేర్లు, బెరడు, కొన్ని సందర్భాల్లో ఆకులను సేకరించే పనిని స్థానికంగా ఉన్న గిరిజనులు లేదా వలస ఆదివాసీలకు సిండికేట్‌ అప్పగిస్తోంది. అడవుల్లో తిరుగుతూ కష్టపడి సేకరించిన ఆకులు, బెరడు, వేర్లకు కేజీకి రూ.50 వంతున చెల్లిస్తోంది. ఇలా సేకరించిన వేర్లను ఏపీలోని తిరువూరు, విజయవాడలలోని బయ్యర్లకు రూ.250 వంతున అమ్ముతోంది. అక్కడి నుంచి కేజీ రూ.2,500 లెక్కన తమిళనాడు వరకు సరఫరా చేస్తున్నారు. గోదావరి తీరం వెంబడి నిల్వలు పేరుకు చిట్కా వైద్యానికి ఔషధ మొక్కల సరఫరా అయినప్పటికీ అల్లి చెట్లను పూర్తిగా నరికివేసి, ఆ చెట్ల నుంచి కలపను తమిళనాడు, ఏపీలోని పడవలు తయారు చేసే సంస్థలకు విక్రయిస్తున్నారు. దీంతో బెరడు, ఆకుల కంటే వేర్ల సేకరణకే ఎక్కువగా ప్రాధాన్యం ఇస్తున్నారు. అక్టోబర్‌లోనే కేవలం దుమ్ముగూడెం మండలం పరిధిలో లక్షా ఇరవై ఐదు వేల కేజీల వేర్లను సేకరించారు. ఇలా సేకరించిన వేర్లను 25కేజీల బస్తాల్లో కూర్చి, దుమ్మగూడెం మండలంలోని బట్టిగూడెం, కోడివారిగుంపు, నల్ల బెల్లి గ్రామాల్లో గోదావరి తీరం వెంబడి వెలిసిన గోదాము(గుడిసెలు)ల్లో నిల్వ చేశారు. మరికొంత చర్లలో నిల్వ చేశారు. ఆగమేఘాల మీద తరలింపు చెట్టు వేర్ల సేకరణ, నిల్వ ఉంచడం వంటి రిస్క్‌తో కూడిన అన్ని పనులు తమతో చేయిస్తూ వచ్చిన లాభాలన్నీ అల్లిచెట్ల సిండికేట్‌ జేబుల్లోకి వేసుకోవడంపై స్థానికుల నుంచి వ్యతిరేకత వచ్చింది. మెల్లగా విషయం బయటకు పొక్కడం మొదలైంది. దీంతో మూడు వేర్వేరు రహస్య స్థావరాల్లో దాచిన 12.50 మెట్రిక్‌ టన్నుల వేర్లను ఇటీవల ఏపీ మీదుగా తమిళనాడుకు తరలించినట్టు సమాచారం. దీపావళి పండగ హడావుడిని ఆసరాగా చేసుకుని శుక్ర, శనివారాల్లో (నవంబరు 6, 7) రెండే వేర్వురు మినీ ట్రక్‌లలో వేర్లను తరలించినట్టు తెలుస్తోంది. ఈ క్రమంలో దందాలో కీలకంగా వ్యవహరిస్తున్న వ్యక్తి రోడ్డు ప్రమాదానికి గురైనట్టు తెలుస్తోంది. దీంతో దుమ్ముగూడెం మండలంలోనే రహస్య స్థావరంలో ఉండిపోయిన చివరి లోడ్‌ను ఎలా తరలించా లనే అంశంపై సిండికేట్‌ సభ్యులు మల్లగుల్లాలు పడుతున్నట్టు తెలుస్తోంది. తనిఖీలు ఏవీ? రాష్ట్రంలోనే భద్రాద్రికొత్తగూడెం జిల్లాలో అత్యధికంగా అడవులు ఉన్నాయి. ఛత్తీస్‌గఢ్‌, ఏపీలతో జిల్లాకు సరిహద్దులు ఉన్నాయి. ఒడిశా సమీపంలోనే ఉంది. భౌగోళికంగా ఉన్న ప్రాముఖ్యత వల్ల జిల్లాలో అటవీశాఖ ఆధ్వర్యంలో అనేక చెక్‌పోస్టులు ఏర్పా టు చేశారు. ఇక్కడ నిత్యం తనిఖీలు జరుగుతుంటాయి. అయినా అటవీశాఖ అధికారులు, సిబ్బంది కన్నుగప్పి టన్నుల కొద్దీ అల్లి చెట్టు వేర్లు జిల్లా, రాష్ట్ర సరిహద్దులు దాటుతున్నాయి. దీంతో ఫారెస్ట్‌ చెక్‌పోస్టుల పనితీరుపై విమర్శలు వస్తున్నాయి. అల్లిచెట్ల వేర్లు

పాల్వంచ: దీపావళి పండుగ రోజు రెండు బైక్‌లు ఢీకొని ఇద్దరు మృతి చెందారు. పోలీసుల కథనం ప్రకారం.. టేకులపల్లి మండలం బిల్లూడుతండాకు చెందిన బి.సోమ్లా (40), భార్య సుజాత, ఆమె పెద్దక్క విజయ కలిసి ఆదివారం దీపావళి పండుగ కావడంతో పాల్వంచలోని దేవిజ్యాతండాలో ఉంటున్న విజయ కూతురు మాలోతు సింధు ఇంటికి బయలు దేరారు. సుజాత ముందుగా ఆటోలో వెళ్లింది. బైక్‌పై సోమ్లా, వదిన విజయ వెళ్తున్నారు. అదే సమయంలో బొల్లేరుగూడేనికి చెందిన పైడిపల్లి రంజిత్‌ మరో బైక్‌పై కిన్నెరసాని వైపు నుంచి పాల్వంచ వైపు వస్తున్నాడు. ఈక్రమంలో అనుబోస్‌ ఇంజనీరింగ్‌ కళాశాల సమీపంలో రెండు బైక్‌లు ఢీకొన్నాయి. తీవ్ర గాయాలై సోమ్లా అక్కడికక్కడే మృతి చెందాడు. విజయకు గాయాలు కాగా ప్రభుత్వాస్పత్రికి తరలించారు. రంజిత్‌కు తీవ్రగాయాలు కాగా, అంబులెన్స్‌ వాహనంలో ఖమ్మం తరలిస్తుండగా మార్గమధ్యలో మృతిచెందాడు. పండుగ పూట ఇద్దరు వ్యక్తులు దుర్మరణం చెందడంతో ఇరు కుటుంబాల్లో విషాదం అలముకుంది. ఎస్‌ఐ టి. నాగరాజు కేసు నమోదు చేసి దర్యాప్తు చేస్తున్నారు. రెండు బైక్‌లు ఢీకొని ఇద్దరు మృతి

చుంచుపల్లి: జిల్లాలో జాతీయ ఆరోగ్య మిషన్‌(ఎన్‌హెచ్‌ఎం) కింద 95 పోస్టుల భర్తీకి సోమవారం దరఖాస్తుల స్వీకరణ ప్రారంభించారు. ఇందుకోసం జిల్లా వైద్య ఆరోగ్య శాఖ కార్యాలయంలో ప్రత్యేక కౌంటర్లు ఏర్పాటు చేశారు. వైద్యులు, స్టాఫ్‌ నర్సులు, ఏఎన్‌ఎంలు, ల్యాబ్‌ టెక్నీషియన్లు, ఫార్మసిస్టులు తదితర పోస్టులను కాంట్రాక్టు, ఔసోర్సింగ్‌ విధానంలో భర్తీ చేయనున్నారు. ఈ నెల 13వ తేదీ వరకు దరఖాస్తులు స్వీకరిస్తారు. విద్యార్హతల మార్కులకు 90 శాతం, వయసు ఆధారిత వెయిటేజీకి 10 శాతం కేటాయించి మెరిట్‌ ఆధారంగా ఎంపిక చేస్తారు. అభ్యర్థులు దరఖాస్తుతోపాటు రూ. వెయ్యి డీడీ జతచేయాలని అధికారులు తెలిపారు. దీపావళి వేడుకల్లో వ్యక్తికి గాయాలుగుండాల: దీపావళి వేడుకల్లో భాగంగా టపాసులు కాల్చుతున్న సమయంలో ఆరుబయట కూర్చున్న ఓ వ్యక్తికి తగిలి గాయాలైన సంఘటన ఆళ్లపల్లి మండలంలో ఆదివారం జరిగింది. ఆళ్లపల్లి మండల కేంద్రానికి చెందిన బత్తిని శ్రీధర్‌ దీపావళి రోజు ఆదివారం సాయంత్ర ఆరుబయట కూర్చొని ఉన్నాడు. స్థానికులు టపాసులు కాల్చుతుండగా ఒక్కసారిగా ఓ టపాసు ఎగిరిపడి అతని వీపు భాగంలో బలంగా తగిలింది. దీంతో తీవ్రంగా గాయపడిన అతన్ని స్థానిక ఆస్పత్రికి తరలించి వైద్యం అందించారు.

అన్నపురెడ్డిపల్లి: అర్హులైన వారికే చేయూత పెన్షన్లు అందేలా దరఖాస్తుల పరిశీలన కొనసాగుతోందని డీఆర్‌డీఓ విద్యాచందన తెలిపారు. మండలంలోని పెద్దిరెడ్డిగూడెంలో చేయూత పెన్షన్ల కోసం అందిన దరఖాస్తుల ఆధారంగా శనివారం ఆమె క్షేత్రస్థాయిలో పరిశీలించారు. దరఖాస్తుదారుల ఇళ్లకు వెళ్లి వారి స్థితిగతులు, అర్హతలపై ఆరా తీశారు. అనంతరం డీఆర్‌డీఓ మాట్లాడుతూ అర్హులైన పేదలకు ప్రభుత్వం పింఛన్లు మంజూరు చేయనుందని తెలిపారు. ఏపీడీ రమణ, పంచాయతీ కార్యదర్శి నరేష్‌ పాల్గొన్నారు. వైద్య, ఆరోగ్య శాఖలో 95 పోస్టుల భర్తీకి దరఖాస్తులు చుంచుపల్లి: జిల్లాలోని ప్రాథమిక ఆరోగ్య కేంద్రాల్లో జాతీయ ఆరోగ్య మిషన్‌(ఎన్‌హెచ్‌ఎం) ద్వారా వివిధ కేటగిరీలకు చెందిన 95 పోస్టుల భర్తీకి నోటిఫికేషన్‌ జారీ చేసినట్లు డీఎంహెచ్‌ఓ తుకారాం రాథోడ్‌ తెలిపారు. పోస్టుల వారీగా అర్హతలు, ఇతర వివరాలను జిల్లా అధికారిక వెబ్‌సైట్‌లో పొందుపరిచామని తెలిపారు. ఈమేరకు ఆసక్తి ఉన్న అభ్యర్థులు ఈనెల 9నుంచి 13వ తేదీలోగా దరఖాస్తు చేసుకోవాలని సూచించారు. అలాగే, ల్యాబ్‌ టెక్నీషియన్‌, సీనియర్‌ ట్రీట్‌మెంట్‌ సూపర్‌వైజర్‌ (ఎస్టీఎల్‌ఎస్‌) పోస్టులకు సంబంధించి ప్రొవిజనల్‌ జాబితాను జిల్లా వెబ్‌సైట్‌తో పాటు డీఎంహెచ్‌ఓ కార్యాలయంలో ప్రదర్శించినట్లు తెలిపారు. అభ్యంతరాలు ఉంటే 10 నుంచి 12వ తేదీ వరకు కార్యాలయంలో తెలియజేయాలని డీఎంహెచ్‌ఓ సూచించారు. పంచాయతీ కార్యదర్శి పనితీరుపై ఆగ్రహంపాల్వంచరూరల్‌: గ్రామపంచాయతీకి సంబంధించిన రికార్డులను అప్‌డేట్‌ చేయని కార్యదర్శి బి.రమేష్‌పై జిల్లా పంచాయతీ అఽధికారి అనూష అసహనం వ్యక్తం చేశారు. మండలంలోని తోగ్గూడెంలో జెడ్పీ సీఈఓ నాగలక్ష్మితో కలిసి శనివారం ఆమె పర్యటించారు. గ్రామంలో నిర్మించిన ఎస్‌హెచ్‌ఓ వీఓ భవనానికి సంబంధించి సీఎస్‌సీ కాంప్లెక్స్‌ నిర్మాణ పనులతో పాటు రామాలయంలో ఇంకుడు గుంత నిర్మాణ పనులను ప్రారంభించారు. అనంతరం జీపీ కార్యాలయానికి వెళ్లిన డీపీఓ రికార్డులు తనిఖీ చేశారు. అయితే, పూర్తిస్థాయిలో వివరాలు రికార్డుల్లో లేకపోవడంతో కార్యదర్శిపై అసంతృప్తి వ్యక్తం చేసిన డీపీఓ, ఎప్పటికప్పుడు వివరాలు నమోదు చేయాలని ఆదేశించారు. ఎంపీఓ షేక్‌ షాబ్నా, సర్పంచ్‌ శోభ, ఏపీఓ రఘుపతి, ఈసీ పుల్లయ్య తదితరులు పాల్గొన్నారు. ప్రశాంతంగా ఏఈఈ పరీక్షజూలూరుపాడు(సుజాతనగర్‌): టీజీపీఎస్సీ ఆధ్వర్యాన అసిస్టెంట్‌ ఎగ్జిక్యూటివ్‌ ఇంజనీర్ల ఎంపికకు నిర్వహించిన పరీక్ష సుజాతనగర్‌ మండలం వేపలగడ్డలోని అబ్దుల్‌ కలాం కాలేజీలో శనివారం ప్రశాంతంగా ముగిసింది. రెండు సెషన్లలో పరీక్ష నిర్వహించగా, మొదటి సెషన్‌కు 90మందిలో 22మంది, రెండో సెషన్‌కు 23మంది అభ్యర్థులు గైర్హాజరయ్యా రు. కేంద్రం వద్ద పోలీసు బందోబస్తు ఏర్పాటుచేయగా అధికారులు పర్యవేక్షించారు.

ఖమ్మం సహకారనగర్‌: ప్రత్యేక ఓటరు జాబితా సవరణ(ఎస్‌ఐఆర్‌) ప్రక్రియలో భాగంగా విడుదల చేసిన ముసాయిదా ఓటర్ల జాబితాలో పేర్లు లేని అర్హులకు భారత ఎన్నికల సంఘం మరో అవకాశం కల్పించిందని కలెక్టర్‌ అంకిత్‌ తెలిపారు. ఎన్యుమరేషన్‌ ఫారాలు అందని వారు, విచారణకు గైర్హాజరైన వారే కాక నివాసం మారిన, రెండేసి చోట్ల ఓట్లు ఉన్న వారు ఈ అవకాశాన్ని వినియోగించుకోవాలని సూచించారు. ఈ కేటగిరీ కింద మొత్తం 1,32,785 మంది ఓటర్లు ఉండగా, అర్హులు 21వ తేదీ వరకు ఎన్యుమరేషన్‌ ఫారాలు సమర్పించవచ్చని తెలిపారు. జాబితాలో పేరు ఉండి అదే చిరునామాలో నివసిస్తున్నవారు ఎన్యుమరేషన్‌ ఫారంతోపాటు అనుబంధం పత్రం సమర్పించాలని, మరో ప్రాంతానికి నివాసం మార్చుకున్నవారు కొత్త చిరునామా ధ్రువీకరణ పత్రాన్ని అందజేయాలని తెలిపారు. అయితే, ఇప్పటికే ఫారం–6 ద్వారా ఓటరు నమోదుకు దరఖాస్తు చేసుకున్నవారు ఎన్యుమరేషన్‌ ఫారం సమర్పించాల్సిన అవసరం లేదని వెల్లడించారు. తొలుత రాష్ట్ర ప్రధాన ఎన్నికల అధికారి సి.సుదర్శన్‌రెడ్డి నిర్వహించిన వీడియో కాన్ఫరెన్స్‌లో కలెక్టర్‌ అంకిత్‌ పాల్గొన్నారు. ‘మా ఇందిరమ్మ ఇంట్లో దీపావళి’ ఇందిరమ్మ ఇళ్లలో లబ్ధిదారులతో కలిసి ప్రజాప్రతినిధులు, అధికారులు దీపావళి సంబురాలు జరుపుకోవాలని రాష్ట్ర ప్రభుత్వం సూచించింది. ‘మా ఇంది రమ్మ ఇంట్లో దీపావళి సంబురాలు’లో భాగంగా లక్ష్మీదేవిపల్లి మండలం శ్రీనగర్‌ కాలనీలో వసంత, ఉపేంద్ర, లీలావతి ఇళ్లకు శనివారం రాత్రి వెళ్లిన కలెక్టర్‌ అంకిత్‌.. లబ్ధిదారుల కుటుంబ సభ్యులతో కలిసి దీపాలు వెలిగించి, టపాసులు కాల్చారు. హౌసింగ్‌ పీడీ సవేరాం, ఎంపీడీఓ సుస్మిత తదితరులు పాల్గొన్నారు. మరింత వేగంగా భూముల రీసర్వే జూలూరుపాడు(సుజాతనగర్‌): భూవివాదాలను పరిష్కరించేలా చేపడుతున్న రీ సర్వే వేగంగా, పారదర్శకంగా పూర్తి చేయాలని కలెక్టర్‌ అంకిత్‌ ఆదేశించారు. సుజాతనగర్‌ మండలం రాఘవాపురంలో సర్వేను శనివారం పరిశీలించిన ఆయన ఉద్యోగులతో చర్చించారు. గ్రామ పరిధిలో 1,800 ఎకరాల భూమిని సర్వే చేయించాల్సి ఉండగా, అన్ని జాగ్రత్తలు తీసుకోవాలని సూచించారు. ప్రతీ భూమి హద్దులు కచ్చితంగా గుర్తిస్తూనే యజమానుల వద్ద ఆధారాలు పరిగణనలోకి తీసుకోవాలని తెలిపారు. తహసీల్దార్‌ కృష్ణప్రసాద్‌, సర్వేయర్‌ కిరణ్‌కుమార్‌ తదితరులు పాల్గొన్నారు.

కార్డెన్‌ సెర్చ్‌లో డీఎస్పీ రవీంద్రరెడ్డి మణుగూరు టౌన్‌: అనుమానాస్పద వ్యక్తులు సంచరిస్తే అప్రమత్తంగా ఉంటూ పోలీసులకు సమాచారం అందించా లని మణుగూరు డీఎస్పీ రవీంద్రరెడ్డి సూచించా రు. మణుగూరు మున్సి పాలిటీ పరిధి కమలాపురంలో శనివారం తెల్ల వారుజామున కార్డెన్‌ సెర్చ్‌ నిర్వహించారు. ఈ సందర్భంగా స్థానికుల ఆధార్‌కార్డులను పరిశీలించడమే కాక సరైన పత్రాలు లేని 56 మోటార్‌ సైకిళ్లు, ఏడు ఆటోలను స్వాధీనం చేసుకున్నారు. అలాగే, ఏడు నివా సాల్లో అక్రమంగా నిల్వ చేసిన రూ.18,300 విలువైన మద్యాన్ని సీజ్‌ చేశారు. ఈ సందర్భంగా డీఎస్పీ మాట్లాడుతూ మైనర్లకు వాహనాలు ఇస్తే కఠినంగా వ్యవహరిస్తామన్నారు. హెల్మెట్‌ లేకుండా వాహనాలు నడపడం, వాహనాల్లో సరైన ధ్రువపత్రాలు లేకపోవడమే కాక గంజాయి విక్రయాలపై కఠినంగా వ్యవహరిస్తామని తెలిపారు. తనిఖీల్లో సీఐ నాగబాబు, మణుగూరు, అశ్వాపురం ఎస్‌ఐలు నగేశ్‌, రవూఫ్‌, శాంతి తదితరులు ఉన్నారు. ఇసుక క్వారీ నుంచి రూ.80వేల బాకీ డబ్బు ఇప్పించాలంటూ ట్యాంక్‌ ఎక్కిన వ్యక్తి మణుగూరు టౌన్‌: ఓ ఇసుక క్వారీలో పని చేసి న తనకు డబ్బులు ఇవ్వ డం లేదంటూ ఓ వ్యక్తి వాటర్‌ ట్యాంక్‌ ఎక్కి ఆత్మహత్యకు యత్నించా డు. మణుగూరు బాపనకుంట ఏరియాకు చెందిన చంద్రశేఖర్‌ గుండ్లసింగారం ఇసుక క్వారీలో పనిచేశాడు. సుమారు ఆరు నెలల పనికి రూ.80వేలు రావాల్సి ఉండగా, ర్యాంపు నిర్వాహకులు ఫోన్‌ ఎత్తకుండా వేధిస్తున్నారని చెబుతూ శనివారం గాంధీబొమ్మ సెంటర్‌లోని వాటర్‌ట్యాంక్‌ ఎక్కాడు. డబ్బులు చెల్లించకపోతే దూకుతానని పేర్కొనగా, కుటుంబ సభ్యులు వేడుకున్నా వినలేదు. చివరకు సీఐ నాగబాబు న్యాయం చేస్తానని నచ్చచెబుతుండగా, ఆయన ఫోన్‌లో మాట్లాడే క్రమాన సిబ్బంది పైకి వెళ్లి చాకచక్యంగా చంద్రశేఖర్‌ను కిందకు తీసుకొచ్చారు. పోలీస్‌స్టేషన్‌లో పిటీషన్‌ ఇస్తే విచారణ చేపడతామని హామీ ఇచ్చారు.

●రెండో స్థానాన నిలిచిన కొత్తగూడెం యూసీఈఈ ఖమ్మం: రెండు రోజులుగా ఖమ్మంలో జరుగుతున్న కాకతీయ యూనివర్సిటీ పరిధి ఖమ్మం జోన్‌ డిగ్రీ కళాశాలల క్రికెట్‌ పోటీలు శనివారం ముగిశాయి. ఈమేరకు ఖమ్మం ఎస్‌ఆర్‌అండ్‌ బీజీఎన్‌ఆర్‌ – కొత్తగూడెం యూసీఈఈ జట్ల మధ్య జరిగిన ఫైనల్స్‌ హోరాహోరీగా సాగింది. తొలుత బ్యాటింగ్‌కు దిగిన ఎస్‌ఆర్‌ అండ్‌ బీజీఎన్‌ఆర్‌ కళాశాల జట్టు నిర్ణీత ఓవర్లలో 91 పరుగులు చేసి నాలుగు వికెట్లు కోల్పోయింది. అనంతరం యూసీఈఈ జట్టు చివరి వరకు పోరాడినా 10 పరుగుల తేడాతో ఓటమిపాలైంది. ఖమ్మం జోన్‌ క్రీడా కార్యదర్శి డాక్టర్‌ బి.వెంకన్న ట్రోఫీలు అందజేశారు. ఈ కార్యక్రమంలో పీడీలు డాక్టర్‌ కోటయ్య, గోపీకష్ణ, జె.ఉపేందర్‌, ఎం.డీ.మతిన్‌ తదితరులు పాల్గొన్నారు. రాష్ట్ర స్థాయి పురస్కారాలకు దరఖాస్తులుకొత్తగూడెంఅర్బన్‌: రానున్న అంతర్జాతీయ దివ్యాంగుల దినోత్సవం సందర్భంగా జిల్లాలో దివ్యాంగుల సాధికారతకు కృషి చేస్తున్న వ్యక్తులు, సంస్థల నుంచి రాష్ట్రస్థాయి పురస్కారాల కోసం దరఖాస్తులు ఆహ్వానిస్తున్నట్లు ఇన్‌చార్జ్‌ డీడబ్ల్యూఓ తార తెలిపారు. వ్యక్తిగత కేటగిరీతో పాటు సంస్థల ఆధ్వర్యాన కృషి చేస్తున్న వారు దరఖాస్తు చేసుకోవచ్చని, దరఖాస్తు విధానం, పూర్తి మార్గదర్శకాల కోసం అధికారిక వెబ్‌సైట్‌లో పరిశీలించాలని పేర్కొన్నారు. అర్హత కలిగిన వారు ఈనెల 16వ తేదీలోగా తగిన ధ్రువీకరణ పత్రాలతో తమ కార్యాలయంలో దరఖాస్తులు అందజేయాలని సూచించారు.

భద్రాచలంఅర్బన్‌: భద్రాచలం ఫుట్‌బాల్‌ క్లబ్‌ ఆధ్వర్యంలో నాలుగో రాష్ట్రస్థాయి సెవెన్‌ ఏ సైడ్‌ ఫుట్‌బాల్‌ పోటీలు శనివారం ప్రారంభమయ్యాయి. రెండు రోజుల పాటు జరిగే ఈ పోటీల కు 12 జట్లు హాజరయ్యా యి. పోటీలను భద్రాచలం ఎమ్మెల్యే డాక్టర్‌ తెల్లం వెంకట్రావు, ఎస్‌ఎస్‌ 6 ఇన్‌ఫ్రా సీఈఓ సూరినేని శ్రీనివాస్‌, ఐటీసీ కాంట్రాక్టర్‌ ఉంగరాల వెంకట్రావు ప్రారంభించారు. సీనియర్‌ క్రికెట్‌ క్రీడాకారుడు సలీం, ఫుట్‌బాల్‌ క్లబ్‌ అధ్యక్షుడు జకరయ్యతో పాటు చలపతి, కమిటీ సభ్యులు రవి, కోలా రాజు, నాగార్జున, మన్మధ, ప్రసాద్‌, హరీష్‌, పవన్‌ తదితరులు పాల్గొన్నారు. కొనసాగుతున్న ఆదివాసీల ఆందోళనచండ్రుగొండ: పట్టాల్లో ఉన్న విస్తీర్ణం మేరకు భూమి చూపించాలనే డిమాండ్‌తో ఆదివాసీలు చండ్రుగొండలోని తహసీల్‌ ఎదుట చేపట్టిన ఆందోళన రెండో రోజుకు చేరింది. శుక్రవారం వంటావార్పు చేసుకుని రాత్రి ఇక్కడే నిద్రించిన వారు శనివారం కూడా ఆందోళన కొనసాగించారు. దామరచర్ల శివార్లలోని 136 ఎకరాల సీలింగ్‌ భూములను అయన్నపాలెం, సీతాయిగూడెం గ్రామాలకు చెందిన 40 మంది ఆదివాసీ రైతులకు మూడు దశాబ్దాల క్రితం అప్పటి ప్రభుత్వం పట్టాలు జారీ చేసింది. కానీ ఇప్పటివరకు క్షేత్రస్థాయిలో భూమి చూపించలేదు. లబ్ధిదారుల్లో ప్రస్తుతం 14 మందే జీవించి ఉన్నారు. ఈక్రమాన లోకాయుక్తను ఆశ్రయించగా ఈనెల 11వ తేదీలోపు అసైన్డ్‌ భూములను ఆదివాసీలకు క్షేత్రస్థాయిలో చూపాలని ఆదేశించింది. ఈమేరకు వారు ఆందోళన చేపడుతుండగా, రెండు రోజులుగా తహసీల్దార్‌ కార్యాలయానికి హాజరు కావడం లేదు. ఆందోళనకు సంఘం నాయకులు రాజిని వెంకటేశ్వర్లు, ఎస్‌.సీతారాములు, వాసం నాగేశ్వరరావు నాయకత్వం వహిస్తున్నారు. ఆయిల్‌పామ్‌ ఫ్యాక్టరీ మేనేజర్‌గా పవన్‌ఫ్యాక్టరీల పర్యవేక్షకుడిగా నాగబాబు అశ్వారావుపేటరూరల్‌: ఆయిల్‌ఫెడ్‌ సంస్థలో విధులు నిర్వర్తిస్తున్న పలు వురు ఉద్యోగులకు స్థానచలనం కలిగింది. అశ్వారావుపేట ఆయిల్‌పామ్‌ ఫ్యాక్టరీ మేనేజర్‌గా చేసిన కార్తీక్‌ను అవినీతి ఆరోపణలతో ఇటీవల సస్పెండ్‌ చేశారు. ఈ స్థానంలో ఖమ్మం జిల్లా వేంసూరు మండలం కల్లూరిగూడెం ఫ్యాక్టరీ ఇన్‌చార్జ్‌ పవన్‌కుమార్‌ను నియమించగా ఆయన శనివారం విధుల్లో చేరారు. అలాగే మేనేజర్‌ నాగబాబుకు అదనంగా కల్లూరిగూడెం, అప్పారావుపేట, అశ్వారావుపేట ఫ్యాక్టరీల పర్యవేక్షణ బాధ్యతలు అప్పగించారు. అంతేకాక దమ్మపేట మండలం అప్పారావుపేట ఫ్యాక్టరీ డిప్యూటీ మేనేజర్‌ బాణాల వెంకటేష్‌ను కల్లూరుగూడెం ఫ్యాక్టరీ ఇన్‌చార్జ్‌గా బదిలీ చేస్తూ ఉత్తర్వులు జారీ అయ్యాయి.

భద్రాచలం: విపత్తులు సంభవించినప్పుడు ప్రజల ప్రాణాలు, ఆస్తులను కాపాడటమే లక్ష్యంగా అంకితభావంతో విధులు నిర్వర్తించే సిబ్బంది పనితీరు అభినందనీయమని భద్రాచలం సబ్‌ కలెక్టర్‌ మృణాల్‌ శ్రేష్ఠ పేర్కొన్నారు. విపత్తుల సమయాన సేవలందించిన ఫ్రంట్‌లైన్‌ సిబ్బందిని శనివారం ఆయ న తన కార్యాలయంలో సన్మానించి ప్రశంసాపత్రాలు అందజేశారు. ఈ సందర్భంగా సబ్‌ కలెక్టర్‌ మాట్లాడుతూ గోదావరి వరదల సమయంలోనే కాక శ్రీరామనవమి, ముక్కోటి ఏకాదశి, గణేశ్‌, దుర్గామాత విగ్రహాల నిమజ్జనం సందర్భాల్లో సిబ్బంది బాధ్యతాయుతంగా పనిచేశారని కొని యాడారు. గజ ఈతగాళ్లు కరుకు ప్రసాద్‌, కుమ్మర సత్యనారాయణ, పారిశుద్ధ్య కార్మికులు సుడాల కౌసల్య, సామంతుల పుష్ప, ఆశా కార్యకర్త గొర్రెముచ్చు రమాదేవి, అగ్నిమాపక కేంద్రం హోంగార్డు పానుగంటి రమేష్‌కు ప్రశంసాపత్రాలు అందజేయగా, వీరి స్ఫూర్తితో అందరూ విధులు నిర్వర్తించాలని సూచించారు. ఈ కార్యక్రమంలో డీఏఓ భగవాన్‌రెడ్డితో పాటు వివిధ విభాగాల ఉద్యోగులు పాల్గొన్నారు.

● రూ.27.51 లక్షల విలువైన ఆభరణాలు స్వాధీనం ● వివరాలు వెల్లడించిన ఎస్పీ రోహిత్‌రాజ్‌ఇల్లందు: ఇల్లెందు కేంద్రంగా వరుస చోరీలకు పాల్పడుతున్న ముగ్గురిని పోలీసులు అరెస్ట్‌ చేశారు. నిందితుల నుంచి సుమారు రూ.27.51 లక్షల విలువైన బంగారు, వెండి ఆభరణాలతో పాటు మూడు సెల్‌ఫోన్లు, ఒక ల్యాప్‌టాప్‌ను స్వాధీనం చేసుకోగా, వివరాలను శనివారం ఇల్లెందు పోలీస్‌ స్టేషన్‌లో ఎస్పీ రోహిత్‌రాజ్‌ వెల్లడించారు. ఇల్లెందుకు చెందిన లోద్‌ విశాల్‌ కుమార్‌, లోద్‌ గౌతమ్‌, కళ్యాణ్‌ కోరి సులభంగా డబ్బు సంపాదించాలనే ఆశతో చోరీలు మొదలుపెట్టారని తెలిపారు. జేకే కాలనీ, సింగరేణి నివాస గృహాలు, సుభాష్‌నగర్‌, ఆజాద్‌నగర్‌, వెంగళరావునగర్‌తో పాటు పలు ప్రాంతాల్లో తాళాలు వేసి ఉన్న ఇళ్లను గుర్తించి చోరీ చేశారని చెప్పారు. వీరిలో ఇద్దరు పీజీ పూర్తి చేయ డం గమనార్హం. కాగా, నిందితుల నుంచి 165 గ్రాముల బంగారం, రెండు కిలోల 205 గ్రాముల వెండి ఆభరణాలు, ఒక ల్యాప్‌టాప్‌, మూడు సెల్‌ ఫోన్లు స్వాధీనం చేసుకున్నారు. పది చోరీ కేసుల్లో నిందితులను అరెస్ట్‌ చేయడంలో కీలకంగా వ్యవహరించిన కానిస్టేబుల్‌ రవికి ఎస్పీ నగదు పురస్కారం అందజేయగా, డీఎస్పీ ఉప్పలపాటి వెంకన్నబాబు, సీఐ తాటిపాముల సురేష్‌ను అభినందించారు. ఈ సమావేశంలో ఎస్‌ఐలు ఉమ, సారంగపాణి, సిబ్బంది పాల్గొన్నారు. ఫింగర్‌ ప్రింట్‌, క్లూస్‌ టీమ్‌ విభాగాలు పరిశీలన సూపర్‌బజార్‌(కొత్తగూడెం): పోలీస్‌ హెడ్‌క్వార్టర్స్‌లోని ఫింగర్‌ ప్రింట్‌, క్లూస్‌ టీమ్‌ విభాగాలను ఎస్పీ రోహిత్‌రాజ్‌ శనివారం పరిశీలించారు. ఆయా విభా గాల్లో అందుబాటులో ఉన్న ఆధునిక సాంకేతిక పరి కరాలు, నేర పరిశోధనలో వాటి వినియోగం, ఇప్పటికే పరిష్కరించిన కేసుల వివరాలను ఆరా తీసి ఉద్యోగులకు సూచనలు చేశారు. టేకులపల్లి: టేకులపల్లి పోలీస్‌ స్టేషన్‌ను ఎస్పీ రోహిత్‌ రాజు శనివారం తనిఖీ చేశారు. ఈ సందర్భంగా స్టేషన్‌ ఆవరణ, కార్యాలయ పరిసరాలను పరిశీలించాక పెండింగ్‌ కేసులు విచారణపై సమీక్షించారు. నేర పరిశోధనలో సాంకేతిక పరిజ్ఞానాన్ని వినియోగిస్తూ నిందితులను గుర్తించాలని సూచించారు. సీఐ బత్తుల సత్యనారాయణ, ఎస్‌ఐ తిరుపతి, ఏఎస్‌ఐ బోడిక నరసింహారావు, సిబ్బంది పాల్గొన్నారు.

● ప్రేమ పెళ్లి.. ఆపై రెండో భర్తగా కొనసాగడంపై అయిష్టత ● భార్యను హతమార్చి మృతదేహాన్ని బైక్‌పై తీసుకెళ్లిన కానిస్టేబుల్‌ ● వివరాలు వెల్లడించిన ఎస్పీ రోహిత్‌రాజుకొత్తగూడెంఅర్బన్‌: ఆమెకు అప్పటికే వివాహం జరిగి ఓ కుమారుడు ఉండగా, భర్త మృతి చెందాడు. ఆ తర్వాత ఇన్‌స్ట్రాగామ్‌లో పరిచయమైన కానిస్టేబుల్‌ ప్రేమించానని వెంటబడగా ఇద్దరి కులాలు వేర్వేరు కావడంతో పెద్దలు అంగీకరించలేదు. అయినా అందరినీ ఎదిరించి పెళ్లి చేసుకున్న ఆయన గొడవ పడుతూ చివరికి హతమార్చాడు. ఈమేరకు వివరాలను ఎస్పీ రోహిత్‌రాజ్‌ కొత్తగూడెం త్రీటౌన్‌ పోలీసుస్టేషన్‌లో శనివారం వివరాలు వెల్లడించారు. ఇన్‌స్టాలో పరిచయం, రెండో పెళ్లి ములుగు జిల్లా ఏటూరునాగారానికి చెందిన భవానీ (30) కి వివాహం జరిగి కుమారుడు జన్మించాక భర్త మృతి చెందాడు. ఇన్‌స్ట్రాగామ్‌లో వీడియోలు పోస్ట్‌ చేసే ఆమెకు భద్రాద్రి జిల్లా టేకులపల్లి మండలం గోలియాతండాకు చెందిన ఏఆర్‌ కానిస్టేబుల్‌ బోడా నరేందర్‌ పరిచయమయ్యాడు. ప్రేమించానని వెంటపడిన ఆయన వేర్వేరు కులాలు కావడంతో ఇరు కుటుంబాల పెద్దలు అడ్డు చెప్పినా రెండేళ్ల క్రితం ఆలయంలో పెళ్లి చేసుకున్నాడు. భవానీకి మొదటి భర్తతో జన్మించిన కుమారుడు ఆమె సోదరి వద్ద ఉంటుండగా, కొత్తగూడెం ప్రగతినగర్‌లోని అద్దె ఇంట్లో నరేందర్‌ దంపతులు కాపురం పెట్టా రు. వీరికి తొలి సంతానంగా బిడ్డ జన్మించినా కొన్నాళ్లకే కన్నుమూసింది. ప్రస్తుతం భవానీ నాలుగు నెలల గర్భవతి. అయితే, పెళ్లయి రెండేళ్లు దాటినా కుటుంబ సభ్యుల నుంచి అభ్యంతరాలు కొనసాగుతుండడం, భవానీకి రెండో భర్తగా కొనసాగడం ఇష్టం లేని నరేందర్‌ ఆమెను వదిలించుకోవాలని నిర్ణయించుకున్నాడు. ఇందులో భాగంగా 3వ తేదీన రాత్రి ఇంట్లోనే ఆమెను హతమార్చాడు. ఆనవాళ్లు దొరకొద్దని గోదావరిలో.. భవానీని హతమార్చాక మృతదేహాన్ని నరేందర్‌ తొలు త బైక్‌పై స్వగ్రామమైన గోలియాతండాకు తీసుకెళ్లాడు. అక్కడ పొలంలో మృతదేహాన్ని పెట్టి విషయాన్ని కుటుంబీకులకు చెప్పాడు. అనంతరం 4వ తేదీన రాత్రి 11 గంటలకు తండ్రి హరిలాల్‌ సాయంతో మృతదేహాన్ని తీసుకుని బైక్‌పైనే భద్రాచలం వెళ్లి బ్రిడ్జిపై నుంచి గోదావరిలో వేశాడు. వరదలో కొట్టుకుపోతే ఆనవాళ్లు దొరకవనే భావనతో ఈ పనిచేసిన ఆయన ఇంటికి వచ్చేశాడు. ఈక్రమాన భవానీ కనిపించకపోవడం, నరేందర్‌ సరైన సమాధానం చెప్పకపోవడంతో ఆమె సోదరి గుండారపు స్వరూప 6వ తేదీన కొత్తగూడెం త్రీటౌన్‌ పోలీసులకు ఫిర్యాదు చేయడంతో దర్యా ప్తు మొదలుపెట్టారు. ఆమె ఫిర్యాదులో నరేందర్‌పై అనుమానాలు వ్యక్తం చేయగా ఆయనను అదుపులోకి తీసుకుని ప్రశ్నించడంతో విషయం బయటపెట్టాడు. దీంతో భద్రాచలంవద్ద గోదావరిలో శుక్రవారం జాలర్ల సాయంతో గాలింపు చేపట్టగా చివరకు బూర్గంపాడు మండలం వద్ద మృతదేహాన్ని గుర్తించారు. ఈమేరకు నరేందర్‌ను కోర్టులో హాజరుపరిచి రిమాండ్‌కుతరలిం చనుండగా, నేరంలో ఎవరెవరి ప్రమేయం ఉందో తేల్చేందుకు దర్యాప్తు కొనసాగిస్తామని ఎస్పీ తెలిపా రు. కేసువిచారణలో కీలకంగా వ్యవహరించిన కొత్త గూడెం డీఎస్పీ ఆదినారాయణ, చుంచుపల్లి, త్రీటౌన్‌, వన్‌టౌన్‌ సీఐలు ఆర్‌.వెంకటేశ్వర్లు, ఇంద్రసేనారెడ్డి, జితేందర్‌, అన్నపురెడ్డిపల్లి, త్రీటౌన్‌ ఎస్సైలు విజయ్‌ సింహారెడ్డి, రమేష్‌, సిబ్బందిని ఎస్పీఅభినందించారు.

సాక్షి ప్రతినిధి, ఖమ్మం: ఈ వానాకాలంలో ఉమ్మడి ఖమ్మం రైతులకు దెబ్బమీద దెబ్బ తగులుతోంది. ఎల్‌నినోతో కారణంగా సీజన్‌లో పంటలు అంతంత మాత్రంగానే సాగయ్యాయి. అరకొరగా సాగైన పంటలకు డిమాండ్‌ ఉందని సంతోషిస్తుండగానే తుపాన్లు ముంచేశాయి. ఉమ్మడి జిల్లాలో 34,231 ఎకరాల్లో పంటలకు నష్టం వాటిల్లినట్లు వ్యవసాయాధికారులు ప్రాథమికంగా అంచనా వేశారు. అయితే, ఈ పంటలకు పరిహారం ఇచ్చిన పెట్టుబడికి సైతం సరిపోనందున తడిసిన పంటలను ప్రభుత్వమే మద్దతు ధరతో కొనుగోలు చేయాలనే డిమాండ్‌ పెరుగుతోంది. సంతోషిస్తుండగానే.. వర్షాకాలం ప్రారంభం నుంచి ఎల్‌నినోతో వర్షాలు లేకపోగా ఎండలు పెరిగాయి. సీజన్‌ మొత్తంలో కేవలం సెప్టెంబర్‌లో రెండు రోజులపాటు కురిసిన వర్షాలు పంటలకు ఊపిరి పోశాయి. బోర్లు, బావులు, అడపా దడపా వచ్చిన గోదావరి జలాలతో రైతులు కష్టాలకోర్చి సాగు చేపట్టారు. ప్రస్తుతం కొన్నిచోట్ల వరి కోతలు ప్రారంభం కాగా.. పత్తి మొదటి తీత పూర్తయింది. ఇంకొన్ని చోట్ల వరికి చివరి తడులు అవసరం ఉండగా.. కోతలు కూడా చేపట్టాల్సి ఉంది. దిగుబడులు తక్కువగాఉండడం, యాసంగి పంటల సాగు ఉంటుందో లేదో తెలియని పరిస్థితుల్లో అరకొర పంటలకు డిమాండ్‌ పెరిగి మద్దతు ధర కంటే ఎక్కువ చెల్లించి వ్యాపారులు కొనుగోళ్లు మొదలుపెట్టారు. దీంతో కనీసం పెట్టుబడులైనా దక్కుతాయని రైతులు ఆశపడ్డారు. వరి వంగి.. పత్తి నాని.. రైతులు సంతోషంలో ఉండగానే ఉమ్మడి జిల్లాపై ఒకటి వెంట ఇంకొకటి అన్నట్టు అర్నబ్‌, మురసు తుపాన్లు పంటలను ఊడ్చేశాయి. కోత దశలో ఉన్న వరితో పాటు తుది దశకు చేరిన పత్తి, మిర్చి పంటలు వర్షాలకు తడిసిముద్దయ్యాయి. చేలన్నీ చెరువులను తలపిస్తుండగా కోసిన ధాన్యం నానిపోయింది. అలాగే, వరి కంకులు నేలవాలి మొలకెత్తుతున్నాయి. ఈ వరిని కోసేందుకు ఎక్కువ ఖర్చు చేయాల్సి వస్తుందని రైతులు వాపోతున్నారు. ఇక పత్తి తడిసిపోవడంతో కాయల నుంచి కిందకు పడిపోతోంది. పత్తి కాయలు కుళ్లిపోతున్నాయని రైతులు కన్నీటి పర్యంతమవుతున్నారు. మొక్కజొన్నల పరిస్థితి కూడా అలాగే ఉండడంతో రహదారులపై ఆరబోస్తున్నారు. 34 వేల ఎకరాలకు పైగా.. తుపాన్ల ధాటికి నష్టపోయిన పంటలపై వ్యవసాయాఽధికారులు అంచనాల తయారీలో నిమగ్నమయ్యారు. ఉమ్మడి జిల్లాలో 34,231 వేల ఎకరాల్లో పంటలకు నష్టం వాటిల్లినట్లు ప్రాథమికంగా గుర్తించారు. ఖమ్మం జిల్లాలో 23,140 ఎకరాలు, భద్రాద్రి కొత్తగూడెం జిల్లాలో 11,091 ఎకరాల్లో పంటలకు నష్టం జరిగినట్లు అంచనా. రెండు, మూడు రోజుల్లో అధికారులు పూర్తిస్థాయిలో నష్టం అంచనాలు సిద్ధం చేసి ప్రభుత్వానికి సమర్పిస్తారు. తుది అంచనాల నాటికి ఉమ్మడి జిల్లాలో నష్టం 50 వేల ఎకరాలు దాటొచ్చని భావిస్తున్నారు. అయితే, ప్రభుత్వం పరిహారం ఇచ్చినా పెట్టుబడుల్లో సగం కూడా రాదనే ఆందోళన రైతుల్లో వ్యక్తమవుతోంది. ఈ క్రమాన తుపాన్ల కారణంగా తడిసిన వరి, పత్తితో పాటు మిర్చి, మొక్కజొన్నలను మద్దతు ధరతో కొనుగోలు చేయాలని కోరుతున్నారు. కానీ ఉమ్మడి జిల్లాలో ఇప్పటివరకు ప్రభుత్వ ఆధ్వర్యంలో ధాన్యం, పత్తికి సంబంధించి సీసీఐ కేంద్రాలు పూర్తిస్థాయిలో ప్రారంభం కాలేదు. తక్షణమే ఈ కేంద్రాలను తెరిచి నిబంధనలను సడలించి పంటలను కొనుగోలు చేయాలనే డిమాండ్‌ వస్తోంది.ఖమ్మం జిల్లా నేలకొండపల్లి మండలం తిరుమలాపురానికి చెందిన మాలోత్‌ వెంకటేశ్వరరావు రెండున్నర ఎకరాల్లో వరి సాగు చేశాడు. ఎకరానికి రూ.30 వేల చొప్పున పెట్టుబడి పెట్టగా ఇటీవల తుపాన్‌తో పంట నేలమట్టమైంది. వరి కంకులన్నీ నేలవాలి మొలకెత్తాయి. శనివారం ఎకరంన్నర వరిని మిషన్‌తో కోయడానికి దాదాపు 10 గంటలు పట్టడంతో రూ.35 వేలు ఖర్చయ్యాయి. ఇటు దిగుబడి తగ్గి, అటు పెట్టుబడులు పెరగడంతో మిగిలేదేమీ ఉండదని వాపోతున్నాడు.పంటల నష్టంపై సమగ్ర సర్వే ఖమ్మంవ్యవసాయం: మురసు తుపాన్‌తో జిల్లాలో జరిగిన పంట నష్టంపై సమగ్ర సర్వే నిర్వహించి నివేదిక ఇవ్వాలని రాష్ట్ర ప్రభుత్వం ఆదేశించింది. ఈమేరకు శనివారం నుంచి వ్యవసాయ శాఖ అధికారులు క్షేత్రస్థాయిలో సర్వే మొదలుపెట్టారు. ఈనెల 2, 3వ తేదీల్లో మురసు తుపాను ఉమ్మడి జిల్లాలో బీభత్సం సృష్టించగా, చేతికందే దశలో ఉన్న వరి, పత్తి పంటలతో పాటు మిర్చి, కూరగాయల పంటలు కూడా ధ్వంసమయ్యాయి. ఇప్పటికే ఖమ్మం జిల్లాలోని 23,140 ఎకరాలు, భద్రాద్రి జిల్లాలోని 11,091 ఎకరాల్లో పంటలకు నష్టం జరిగిందని ప్రాథమిక గుర్తించారు. ఈక్రమాన ప్రభుత్వం ప్రకృతి వైపరీత్యాల నిబంధనల మేరకు 33 శాతం నష్టాన్ని పరిగణనలోకి తీసుకొని సర్వే చేయాలని ఆదేశించడంతో ఏఈఓలు రంగంలోకి దిగారు. రైతు భరోసా క్రాప్‌ డ్యామేజ్‌ పోర్టల్‌లో వివరాలను నమోదు చేయనున్నారు. ఇప్పటికే ఎల్‌నినో ప్రభావంతో ఏర్పడిన వర్షాభావ, కరువు పరిస్థితులపై సర్వే కొనసాగుతోంది. ఈనెల 10వ తేదీ నాటికి కరువు మండలాల్లో పంటల పరిస్థితిపై నివేదిక సమర్పించాల్సి ఉంది. ఇక 11వ తేదీ నాటికి తుపాన్‌తో ఎదురైన నష్టంపై కలెక్టర్‌ ఆమోదంతో ప్రభుత్వానికి నివేదిక సమర్పించనున్నట్లు ఖమ్మం డీఏఓ పుల్లయ్య తెలిపారు. ఉమ్మడి జిల్లాలో 34వేల ఎకరాలకు పైగా పంటల నష్టం

కొత్తగూడెంఅర్బన్‌: కొత్తగూడెం మున్సిపల్‌ కార్పొరేషన్‌ పాలకవర్గాల సమావేశాలను నిర్దిష్టమైన గడువు లేకుండా నిర్వహిస్తుండడంపై విమర్శలు వస్తున్నాయి. సమయానికి అనుగుణంగా సమావేశాలు నిర్వహించి ప్రజల సమస్యలపై చర్చించి, అభివృద్ధి పనులకు ఆమోదం తెలపాల్సి ఉండగా, అందుకు విరుద్ధంగా వ్యవహరిస్తున్నారు. ఈమేరకు రెండు నెలల తర్వాత శనివారం మేయర్‌ మూడ్‌ గణేష్‌ అధ్యక్షతన కౌన్సిల్‌ సమావేశం నిర్వహించారు. అయితే, అజెండాలో 32 అంశాలను పొందుపర్చగా.. ఆ కాపీలను ముందుగా సభ్యులకు ఇచ్చారో, లేదో స్పష్టంగా తెలియరాలేదు. అయినప్పటికీ హడావుడిగా 32 అంశాలపై చర్చించారు. ప్రధానంగా కాలిపోయిన ఎల్‌ఈడీ లైట్ల స్థానంలో కొత్తవి కొనుగోలు చేయడానికి సాధారణ నిధుల రూ.10 లక్షల కేటాయింపు, ఎలక్ట్రికల్‌ పనులకు కావాల్సిన భద్రత కిట్లు, పరికరాల కొనుగోలుకు మరో రూ.3లక్షలు, దీపావళి సందర్భంగా శ్మశానవాటికల దగ్గర లైటింగ్‌ ఏర్పాటుకు రూ.1.50 లక్షలు, వీధి దీపాల నిర్వహణ సిబ్బంది నియామకానికి రూ.10లక్షలు కేటాయిస్తూ నిర్ణయాలు తీసుకున్నారు. డిప్యూటీ మేయర్‌ సిరిపురపు లలితకుమారి, కార్పొరేటర్లు, అధికారులు పాల్గొనగా.. సరైన చర్చ లేకుండానే అజెండాలోని అంశాలకు ఆమోదం తెలిపారని కొందరు అసంతృప్తి వ్యక్తం చేశారు. రామవరం సమస్యలపై వినతి రుద్రంపూర్‌: రామవరం ప్రాంతంలో స్థిరాస్థి పేర్ల మార్పిడి, తదితర అంశాలపై నిర్ణయం తీసుకోవాలంటూ 16వ డివిజన్‌ కార్పొటర్‌ మునిగడప పద్మ మేయర్‌ గణేష్‌కు వినతిపత్రం అందజేశారు. అలాగే, 18వ డివిజన్‌లో అంగన్‌వాడీ కేంద్రాలకు పక్కా భవనాలు నిర్మించాలని కార్పొరేటర్‌ హిమశ్రీ కోరారు. అంతేకాక వీధి దీపాల ఏర్పాటుపై దృష్టి సారించాలని వినతిపత్రం అందజేశారు.

ఇల్లెందు/ఇల్లెందురూరల్‌: ప్రస్తుత ఖరీఫ్‌ సీజన్‌లో మండలంలో మొక్కజొన్న సాగు విస్తీర్ణం భారీగా పడిపోయింది. వర్షాభావ పరిస్థితిలో సాగు చేసిన పంట ఆశాజనకంగా దిగుబడినివ్వలేదు. అరకొరగా చేతికొచ్చిన మక్కలను విక్రయించేందుకు తేమశాతం కోసం రైతులు రహదారులపై ఆరబోశారు. మురసు తీపాన్‌ ప్రభావంతో రెండు రోజులపాటు వర్షం రావడంతో మక్కలు నాని మొలకెత్తాయి. దీంతో రైతులు కన్నీరుమున్నీరవుతున్నారు. పట్టాలు కప్పినా ఫలితం లేకుండాపోయింది. తడిసి రంగు మారినట్లుగా ఉన్న మక్కలకు వ్యాపారులు ధర తగ్గిస్తారని రైతులు వాపోతున్నారు. మండలంలోని రొంపేడు నుంచి మర్రిగూడెం గ్రామం వరకు రహదారులపై ఆరబోసిన మక్కలకు మొత్తం మొలకలే వచ్చాయి. వ్యవసాయశాఖ అధికారులు పరి శీలించి రైతులకు నష్టపరిహారం చెల్లించాలని రాజ కీయ పక్షాలు డిమాండ్‌ చేస్తున్నాయి. ఇల్లెందు నుంచి గుండాల వరకు మొక్కజొన్నలే.. ఇల్లెందు నుంచి గుండాల వరకు ప్రధాన రహదారి వెంట ఎక్కడ చూసినా మొక్కజొన్న పంటను ఆరబోసిన దృశ్యాలే కనిపిస్తున్నాయి. రాత్రి వేళల్లో పట్టాలు కప్పి, రైతులు పంట వద్దనే నిద్రిస్తున్నారు. మక్కలను రోడ్డుపై ఆరబెట్టడంతో రెండు బస్సులు ఎదురెదురుగా వచ్చినప్పుడు రాకపోకలకు ఇబ్బందులు ఎదురవుతున్నాయి. ఈసారి మొక్కజొన్నకు క్వింటాకు రూ.2,461 కనీస మద్దతు ధర ఉండగా, బహిరంగ మార్కెట్‌లో రూ.3 వేల వరకు పలుకుతోంది. ఇల్లెందు, గుండాల మండలాల్లో సుమారు 50 వేల ఎకరాల్లో మొక్కజొన్న సాగు చేసినట్లు అంచనా. చేతికొచ్చిన పంటను ఆరబోసుకునేందుకు సరైన స్థలాలు లేకపోవడంతో బీటీ రోడ్లనే కల్లాలుగా మార్చుకుంటున్నారు. గతంలో ప్రభుత్వం పంటల ఆరబోతకు సిమెంట్‌ కల్లాలను మంజూరు చేసింది. సిమెంట్‌ కల్లాలు లేని రైతులు పంటను రహదారులపైకి తీసుకొచ్చి రోడ్డులో కొంత భాగాన్ని ఆక్రమించి ఆరబోస్తున్నారు. పిల్లాపాపలతో రేయింబవళ్లు పంట వద్దే ఉంటున్నారు.

రుద్రంపూర్‌: యువత మత్తు, మాదక ద్రవ్యాలు, చెడు వ్యసనాలకు దూరంగా ఉండాలని మంచి నడవడికను అలవర్చుకోవాలని అదనపు కలెక్టర్‌ వేణుగోపాల్‌ అన్నారు. శుక్రవారం కొత్తగూడెం క్లబ్‌లో జిల్లా యువజన, క్రీడల శాఖ ఆద్వర్యంలో జిల్లా స్థాయి యువ కళాకారుల ఎంపికలు జరిగాయి. పోటీల్లో 550 మంది కళాకారులు పాల్గొన్నారు. ఈ సందర్భంగా స్వామి వివేకనందా చిత్రపటానికి పూలమాల వేసి నివాళులర్పించారు. అదనపు కలెక్టర్‌ జ్యోతి ప్రజ్వలన చేసి కార్యక్రమాన్ని ప్రారంభించి మాట్లాడారు. ప్రతిభ కనబరిచి జాతీయ స్థాయిలో కూడా విజేతలుగా నిలవాలని ఆకాంక్షించారు. జానపద నృత్యాలు, జానపద గేయాలు, వీధి నాట కం, వ్యక్తిగత విభాగాల్లో పెయింటింగ్‌, కవిత్వం, తదితర అంశాల్లో పోటీలు నిర్వహించగా, విజేతలకు డీవైఎస్‌ఓ బి.అనుష సర్టిఫికెట్లు, షీల్డ్‌లు అందించారు. జిల్లా స్థాయిలో ప్రథమ స్థానం సాధించిన కళాకారులు రాష్ట్రస్థాయి ఉత్సవాలకు హాజరుకానున్నారు. ఈ కార్యక్రమంలో సిబ్బంది తిరుమలరావు, పులి లక్ష్మయ్య, న్యాయనిర్ణేతలు బాలు, రాజేష్‌, హుస్సేన్‌ షేక్‌, మూస, కోచ్‌లు అబ్దుల్‌ నభీ, కళ్యాణ్‌, మల్లికార్జున్‌, నాగేందర్‌, డేవియల్‌, రాంబాబు పాల్గొన్నారు.

బూర్గంపాడు: మండలంలోని మోరంపల్లి బంజర్‌ గ్రామానికి చెందిన శనగ రవీంద్రబాబు అంతర్జాతీయ స్థాయిలో ప్రతిభ చాటుకున్నారు. ఆయన రూపొందించిన ‘యాడ్స్‌’ చిత్రానికి లండన్‌ ఇంటర్నేషనల్‌ సినీ అవార్డ్స్‌లో ఏకంగా 9 విభాగాల్లో అవార్డులు లభించాయి. బెస్ట్‌ స్టోరీ, బెస్ట్‌ షార్ట్‌ ఫిల్మ్‌, బెస్ట్‌ స్క్రీన్‌ ప్లే, బెస్ట్‌ ఎడిటర్‌, బెస్ట్‌ డైరెక్టర్‌, బెస్ట్‌ సినిమాటోగ్రాఫర్‌, బెస్ట్‌ తెలుగు ఫిల్మ్‌, బెస్ట్‌ థ్రిల్లర్‌, బెస్ట్‌ ఫిల్మ్‌ మేకర్‌ విభాగాల్లో పురస్కారాలు అందుకున్నారు. కేటీపీఎస్‌లో ఉద్యోగి అయిన రవీంద్రబాబు ఉద్యోగ బాధ్యతలు నిర్వహిస్తూనే తన అభిరుచికి అనుగుణంగా చిత్రాన్ని రూపొందించారు. ఇటీవల హైదరాబాద్‌లో ప్రదర్శించగా పలువురి ప్రశంసలు అందుకుంది. ఈ సందర్భంగా ఆయన్ను పలువురు అభినందించారు. జిల్లా స్థాయి సైన్స్‌ కాంగ్రెస్‌కు ఎంపికభద్రాచలంటౌన్‌: భద్రాచలం ప్రభుత్వ ఉన్నత పాఠశాల 8వ తరగతి విద్యార్థులు సిహెచ్‌.యగ్నేష్‌, బి.శ్యామ్‌ ప్రీతమ్‌ కృష్ణ 32వ జాతీయ బాలల సైన్స్‌ కాంగ్రెస్‌ జిల్లా స్థాయి పోటీలకు ఎంపికయ్యారు. ‘సుస్థిరత కోసం సైన్స్‌, ఆవి ష్కరణలు’ ఇతివృత్తంతో రూపొందించిన ‘ఫ్రమ్‌ ప్లాస్టిక్‌ టు పాటరీ’ ప్రాజెక్టు జిల్లా స్థాయి ప్రదర్శనకు ఎంపికై ంది. ప్లాస్టిక్‌ వ్యర్థాల నివారణ, మట్టి పాత్రల వినియోగాన్ని ప్రోత్సహించడం ఈ ప్రాజెక్టు ముఖ్య ఉద్దేశం. ఈ నెల 11న కొత్తగూడెంలోని జిల్లా శిక్షణ కేంద్రంలో జరిగే ప్రదర్శనలో విద్యార్థులు తమ ప్రాజెక్టు ను ప్రదర్శించనున్నారు. గైడ్‌ టీచర్‌ ప్రసాద్‌బాబు మార్గదర్శకత్వంలో విద్యార్థులు ప్రాజెక్టు ను రూపొందించారు. విద్యార్థులను ప్రధానో పాధ్యాయుడు జి. జాన్సన్‌, ఉపాధ్యాయ బృందం అభినందించారు. అర్ధరాత్రి వరకు ఆదివాసీల ఆందోళనపట్టాలు ఇచ్చిన భూములు చూపాలని చండ్రుగొండలో నిరసన చండ్రుగొండ: మండలంలోని దామరచర్ల గ్రామ శివారులో ఉన్న సీలింగ్‌ భూములను క్షేత్రస్థాయిలో చూపాలని ఆదివాసీలు తహసీ ల్దార్‌ కార్యాలయం ఎదుట శుక్రవారం ధర్నా నిర్వహించారు. అక్కడే వంటావార్పు నిర్వహించి, అర్ధరాత్రి వరకు ఆందోళన కొనసాగించారు. దశాబ్దాల క్రితం సీతాయిగూడెం, అయన్నపాలెం గ్రామాలకు చెందిన 40 మంది ఆది వాసీలకు 136 ఎకరాల సీలింగ్‌ భూముల పట్టాలను ప్రభుత్వం జారీ చేసింది. కానీ ఇప్పటివరకు క్షేత్రస్థాయిలో భూముల హద్దులు నిర్ణయించి కేటాయించలేదు. దీంతో కొన్నేళ్లుగా ఆదివాసీలు పోరాటం సాగిస్తున్నారు. ఈ క్రమంలో ఇటీవల హైదరాబాద్‌లోని లోకా యుక్త కోర్టు భూములు ఆదివాసీలకు కేటా యించాలని ఆదేశాలు జారీ చేసింది. దసరా పండుగ అనంతరం భూ సర్వే నిర్వహించి భూములను కేటాయిస్తామని తహసీల్దార్‌ హామీ ఇచ్చారు. రోజులు గడుస్తున్నా హామీ నెరవేర్చకపోవడంతో ఆదివాసీలు ఆందోళనకు దిగారు. ఈ ఆందోళనకు ఆదివాసీ సంఘం నాయకులు రాజిని వెంకటేశ్వర్లు, సిద్దిని సీతా రాములు, వాసం నాగేశ్వరరావు, పిట్టల చుక్క మ్మ, ఆర్‌ సరోజిని నాయకత్వం వహించారు. ముగిసిన ఆపద మిత్ర శిక్షణసూపర్‌బజార్‌(కొత్తగూడెం): టీజీ ఎస్‌డీఆర్‌ఎఫ్‌ ఆధ్వర్యంలో లక్ష్మీదేవిపల్లి మండలం చాతకొండ 6వ బెటాలియన్‌లో గత నెల 31న ప్రారంభమైన యువ ఆపద మిత్ర శిక్షణ కార్యక్రమం శుక్రవారం విజయవంతంగా ముగిసింది. శిక్షణ పూర్తి చేసిన 49 మంది వలంటీర్లకు వీడ్కోలు కార్యక్రమం నిర్వహించారు. వారం రోజులపాటు ఎస్‌డీఆర్‌ఎఫ్‌ ఇన్‌స్ట్రక్టర్ల ఆధ్వర్యంలో విపత్తులు, అత్యవసర పరిస్థితుల్లో చేపట్టాల్సిన రక్షణ చర్యలపై సైద్ధాంతిక, ప్రాయోగిక శిక్షణ అందించారు. రోడ్డు ప్రమాదాలు ప్రకృతి వైపరీత్యాలు, వరదలు, అగ్ని ప్రమాదా లు, ఇతర ప్రమాదాల్లో బాధితులను సురక్షితంగా తరలించే విధానాలు, పాము, తేలు కాట్ల సమయంలో తీసుకోవాల్సిన ప్రాథమిక చర్యలు, భూకంపాలు, సునామీలు తదితర విపత్తుల సమయంలో భవనాల్లో చిక్కుకున్న వారి ని రక్షించే పద్ధతులపై తర్ఫీదు ఇచ్చారు. ఈ సందర్భంగా బెటాలియన్‌ కమాండెంట్‌ పీసీవీ రమణ మాట్లాడుతూ శిక్షణలో నేర్చుకున్న నైపుణ్యాలను అత్యవసర పరిస్థితుల్లో సమర్థవంతంగా వినియోగించి ప్రజలకు తక్షణ సహా యం అందించాలని సూచించారు. ఈ కార్యక్రమంలో బెటాలియన్‌ అదనపు కమాండెంట్‌ ఎస్‌ శ్రీధర్‌ రాజా, అసిస్టెంట్‌ కమాండెంట్లు రామకృష్ణారెడ్డి, రంజిత్‌కుమార్‌, ఏఓ సత్యవతి, ఆర్‌ఐలు జె లెనిన్‌ బాబు, శ్రీనివాసరెడ్డి, జీవీ రామారావు, బి.జానయ్య పాల్గొన్నారు.

బూర్గంపాడు: మండలంలోని సారపాకలో గురువారం రాత్రి జరిగిన రోడ్డు ప్రమాదంలో యువకుడు మృతి చెందాడు. బసప్ప క్యాంపునకు చెందిన నిఖిల్‌ (20) ఐటీసీ కర్మాగారంలో కాంట్రాక్టు కార్మికుడిగా పనిచేస్తున్నాడు. భద్రాచలం నుంచి సారపాకకు ద్విచక్ర వాహనంపై తిరిగి వస్తుండగా గోదావరి వంతెన దాటిన అనంతరం వాహనం అదుపుతప్పి కిందపడ్డాడు. తీవ్ర గాయాలై అక్కడికక్కడే మృతి చెందాడు. మృతుడి తల్లి అనిత ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు. విద్యుదాఘాతంతో గేదెలు మృతిటేకులపల్లిరూరల్‌: ఇటీవల కురిసిన వర్షాలు, ఈదురు గాలులకు విద్యుత్‌ తీగలు తెగిపడ్డాయి. భీల్యాతండాకు చెందిన ధరావత్‌ కుమారి పెంచుతున్న గేదెలు శుక్రవారం మేతకు వెళ్లి తీగలు తగిలి విద్యుదాఘాతానికి గురై మృతి చెందాయి. మృతి చెందిన గేదెల విలువ సుమారు రూ. 80వేలు ఉంటుందని అంచనా. ఆటో డ్రైవర్‌పై కేసు నమోదుభద్రాచలంటౌన్‌: భద్రాచలం ఆర్టీసీ బస్టాండ్‌లో స్టేషన్‌ మాస్టర్‌ వెంకన్నపై ఆటో డ్రైవర్‌ దాడి చేసిన ఘటనలో పోలీసులు కేసు నమోదు చేశారు. బస్టాండ్‌లో బస్సులు నిలిపే పాయింట్‌ వద్ద ఆటోను నిలపడంతో తొలగించాలని స్టేషన్‌ మాస్టర్‌ సూచించారు. దీంతో ఇద్దరి మధ్య వాగ్వాదం నెలకొంది. ఈ క్రమంలో ఆటో డ్రైవర్‌ దాడి చేశాడు. బాధితుడి ఫిర్యాదుతో ఆటో డ్రైవర్‌పై కేసు నమోదు చేసినట్లు ఎస్‌ఐ సతీష్‌ తెలిపారు. షార్ట్‌ సర్క్యూట్‌తో ఇల్లు దగ్ధంసూపర్‌బజార్‌(కొత్తగూడెం): లక్ష్మీదేవిపల్లి మండలం హమాలీకాలనీలో శుక్రవారం రాత్రి షార్ట్‌ సర్క్యూట్‌తో ఇల్లు దగ్ధమైంది. ఆ సమయంలో ఇంట్లో ఎవరూ లేకపోవడంతో పెనుప్రమాదం తప్పింది. కాలనీకి చెందిన బి.వెంకటేశ్వర్లు చికిత్స కోసం కుటుంబ సభ్యులతో కలిసి హైదరాబాద్‌ వెళ్లాడు. రాత్రి సమయంలో ఇంట్లో నుంచి మంటలు రావడం చుట్టుపక్కల వాళ్లు గమనించి అగ్నిమాపక అధికారులకు సమాచారం అందించారు. వారు వచ్చి మంటలను ఆర్పివేశారు. సుమారు రూ.4.50 లక్షల ఆస్తినష్టం జరిగినట్టు అంచనా.

● భార్యను హత్య చేసిన ఏఆర్‌ కానిస్టేబుల్‌ ● ఆపై మృతదేహాన్ని గోదావరి నదిలో వేసిన నిందితుడు ● బూర్గంపాడు సమీపంలో మృతదేహం లభ్యం ● మృతురాలు ప్రస్తుతం నాలుగు నెలల గర్భవతికొత్తగూడెం అర్బన్‌/బూర్గంపాడు: ప్రేమించి పెళ్లాడిన భర్తే కాలయముడిగా మారాడు. అనుమా నం పెనుభూతంగా మారడంతో పోలీసు శాఖలో కాని స్టేబుల్‌గా విధులు నిర్వర్తిస్తున్న వ్యక్తి భార్య ను హత్య చేసి ఆనవాళ్లు దొరకకుండా సంచిలో మూట గట్టి గోదావరిలో విసిరేసిన ఘటన ఇది. కొత్తగూడెం త్రీటౌన్‌, బూర్గంపాడు పోలీసుల కథనం ప్రకారం వివరాలిలా ఉన్నాయి. ఇన్‌స్టాలో పరిచయం టేకులపల్లి మండలానికి చెందిన నరేందర్‌ కొత్తగూడెంలో ఏఆర్‌ కానిస్టేబుల్‌గా విధులు నిర్వర్తిస్తున్నా డు. ఆయనకు ఇన్‌స్ట్రాగామ్‌లో రెండేళ్ల క్రితం ములు గు జిల్లా ఏటూరునాగారానికి చెందిన భవాని (30) తో పరిచయం ఏర్పడగా, ప్రేమించుకున్నారు. వేర్వే రు కులాలు కావడంతో పెళ్లికి ఇరు కుటుంబాలు అంగీకరించలేదు. దీంతో ఆలయంలో ప్రేమవివా హం చేసుకున్నాక కొత్తగూడెం ప్రగతినగర్‌లో కాపు రం పెట్టారు. భవానికి తొలి సంతానంగా జన్మించిన శిశువు కొద్దిరోజులకే అనారోగ్యంతో మృతి చెందింది. ఆ తర్వాత మళ్లీ రెండోసారి గర్భం దాల్చగా ప్రస్తుతం నాలుగు నెలలు నిండాయి. అయితే, ఆమెకు గతంలో ఇతరులతో పరిచయం ఉందంటూ నరేందర్‌ అనుమానం పెంచుకోగా, ఇటీవల ఇన్‌స్టాలో ఇంకొందరితో చాటింగ్‌ చేస్తోందని గొడవ పడినట్లు తెలిసింది. ఈ విషయమై ఇద్దరి మధ్య తరచూ విబేధాలు తలెత్తుతున్నాయి. ఈ క్రమంలోనే ఈ నెల 3న రాత్రి ఘర్షణ పడడంతో ఇంట్లోనే ఆమెను హత్య చేసిన నరేందర్‌ తన స్వగ్రామమైన వెళ్లిపోయాడు. అక్కడ తన కుటుంబీకుల విషయాన్ని చెప్పి ఒకరిని తీసుకుని కొత్తగూడెం వచ్చి భవాని మృతదేహాన్ని మూటగట్టి 4వ తేదీన రాత్రి వాహనంలో తీసుకెళ్లి భద్రాచలం బ్రిడ్జి పైనుంచి గోదావరి నదిలో విసిరివేశాడు. అప్పటికే భవాని కుటుంబ సభ్యులు ఆమె కనిపించడం లేదని పోలీసులకు ఫిర్యాదు చేయగా విచారిస్తున్నారు. ఇంతలోనే నరేందర్‌ శుక్రవారం పోలీసులకు లొంగిపోగా హత్య సంఘటన వెలుగులోకి వచ్చింది. బూర్గంపాడు సమీపాన మృతదేహం భవానిని నరేందర్‌ హత్య చేసినట్లు అంగీకరించి పోలీసులకు లొంగిపోవడంతో గాలింపు మొదలు పెట్టారు. కొత్తగూడెం, భద్రాచలం, బూర్గంపాడు పోలీసులు శుక్రవారం ఉదయం నుంచి గజ ఈతగాళ్లలో నదిలో గాలింపు చేపట్టారు. నీటిలో నానడంతో కదిలించలేని స్థితిలో చీకటిపడిన సమయాన మృతదేహాన్ని బూర్గంపాడు సమీపంలో గుర్తించా రు. ఆ తర్వాత భద్రాచలం ఏరియా ఆస్పత్రి మా ర్చురీకి తరలించారు. కొత్తగూడెం డీఎస్పీ ఆదినా రాయణ, పలు స్టేషన్ల సీఐలు ఇంద్రసేనారెడ్డి, యాసిన్‌, జితేందర్‌ గాలింపును పర్యవేక్షించారు. కాగా, మృతదేహం తరలింపులో నరేందర్‌కు ఎవ రు సహకరించారు, అందులో కుటుంబీకులే ఉన్నారా, భార్యను ఆయన ఎలా హత్య చేశాడన్న తదితర వివరాలు తెలియాల్సి ఉంది.

పాల్వంచరూరల్‌: భార్య పుట్టింటికి వెళ్లి రాకపోవడంతో మనస్తాపం చెందిన భర్త ఉరివేసుకు ని ఆత్మహత్యకు పాల్పడ్డాడు. ఎస్‌ఐ సురేష్‌ కథనం ప్రకారం.. మండల పరిధిలోని నాగారం కాలనీకి చెందిన కోడిగుడ్ల వ్యా పారం చేసుకుంటూ జీవనంసాగిస్తున్న బానోతు రాము(35)కు అదే గ్రామానికి చెందిన శైలాజతో వివా హం జరిగింది. దంపతులకు ఇద్దరుకుమారులు. కుటుంబ కలహాల కారణంగా భార్య పదినెలల క్రితం పుట్టింటికి వెళ్లింది. కాపురానికి తిరిగి రాకపోవడంతో మనస్తాపం చెంది శుక్రవారం ఇంట్లో ఫ్యాన్‌కు చీరతో ఉరివేసుకుని ఆత్మహత్య చేసుకున్నాడు. పోలీసులు మృతదేహాన్ని పోస్టుమార్టం నిమిత్తం పాల్వంచ ఏరి యా ఆస్పత్రికి తరలించారు. కేసు నమోదు చేసినట్లు ఎస్‌ఐ తెలిపారు. కాగా మృతుడి వద్ద ఇద్దరి పేర్లు రాసి ఉన్న సూసైడ్‌ నోట్‌ లభించిందనే ప్రచారంపై ఎస్‌ఐని వివరణకోరగా.. సూసైడ్‌నోటు దొరకలేదని తెలిపారు. గడ్డి మందు తాగి ఒకరు.. భద్రాచలంటౌన్‌: మద్యం తాగేందుకు కుటుంబ సభ్యులు డబ్బులు ఇవ్వలేదనే మనస్తాపంతో ఓ వ్యక్తి గడ్డి మందు తాగి ఆత్మహత్యకు పాల్పడ్డాడు. పోలీసుల కథనం ప్రకారం.. భద్రాచలం అశోక్‌నగర్‌ కొత్తకాలనీకి చెందిన బట్టు వెంకట్రావు (40) మద్యానికి బానిసయ్యాడు. ఈ నెల 2న మద్యం మత్తులో గడ్డి మందు తాగి కుటుంబీకులకు చెప్పడంతో ప్రభుత్వ ఆస్పత్రికి తరలించారు. చికిత్స పొందుతూ శుక్రవారం మృతిచెందాడు. పోలీసులు కేసు దర్యాప్తు చేస్తున్నారు.

టపాసుల దుకాణదారులు ప్రమాదాలకు తావులేకుండా నిబంధనలు పాటించాలి. ఎవరైనా ఉల్లంఘిస్తే చర్యలు తీసుకుంటాం. బాణాసంచా విక్రయాలకు అనుమతులు పొందాలి. ప్రతీ దుకాణంలో అగ్నిమాపక పరికరాలు, ఇసుక, నీళ్ల డ్రమ్ములు, బకెట్లు అందుబాటులో ఉంచుకోవాలి. పరిసరాల్లో ధూమపానం, అగ్గిపుల్లలు వెలిగించడం నిషేధం. విద్యుత్‌ షార్ట్‌ సర్క్యూట్‌ జరగకుండా వైరింగ్‌ విద్యుత్‌ పరికరాల విషయంలో తగిన జాగ్రత్తలు పాటించాలి. పోలీస్‌, అగ్నిమాపక, అత్యవసర నంబర్లు అందరికీ కనిపించేలా ప్రదర్శించాలి. చిన్నపాటి నిర్లక్ష్యం కూడా భారీ ప్రమాదానికి దారితీసే అవకాశం ఉంటుంది. అందుకే ప్రతి ఒక్కరూ బాధ్యతగా వ్యవహరించాలి. –సతీష్‌కుమార్‌, డీఎస్పీ, పాల్వంచ

భద్రాచలం: గోదావరి పుష్కరాల దృష్ట్యా భద్రాచలం వద్ద చేపడుతున్న అభివృద్ధి పనుల్లో భాగంగా చప్టా దిగువ రోడ్డు విస్తరణకు రంగం సిద్ధమవుతోంది. 42 అడుగుల వెడల్పు ఉన్న రహదారిని 60 అడుగులకు విస్తరించేందుకు రెవెన్యూ, ఆర్‌అండ్‌బీ శాఖల అధికారులు భూసేకరణపై సర్వే పూర్తి చేశా రు. రోడ్డును ఇరువైపులా కాకుండా ఒకేవైపు మాత్ర మే విస్తరించాలని అధికారులు నిర్ణయించారు. యోగానంద లక్ష్మీనరసింహాలయం వైపు ఉన్న ఇళ్లు, దుకాణాలు, స్థలాలనే సేకరించేందుకు కసరత్తు చేస్తున్నారు. సుమారు 60ఇళ్ల తొలగింపుతోపాటు భూములకు పరిహారం కలిపి దాదాపు రూ.60 కోట్ల వరకు అవసరమవుతుందని ప్రాథమికంగా అంచనా వేసినట్లు తెలుస్తోంది. విస్తరణ ఒక వైపే.. గోదావరి ఘాట్‌ నుంచి రామాలయానికి చేరుకునే చప్టా దిగువ రహదారి 42 అడుగుల వెడల్పుతో ఉంది. సాధారణ రోజుల్లోనే ఈ మార్గంలో రాకపోకలు కొంత ఇబ్బందికరంగా ఉంటుంది. ఇక శ్రీరామనవమి, వైకుంఠ ఏకాదశి వేళల్లో భక్తుల రద్దీతో పరిస్థితి మరింత ఇబ్బందికరంగా మారుతోంది. గోదావరి స్నానఘట్టాల నుంచి ఆలయానికి వచ్చే భక్తులు, వాహనాలు ఒకేసారి ఈ మార్గంలో ప్రయాణించా ల్సి రావడంతో ట్రాఫిక్‌ సమస్యలు తలెత్తుతున్నా యి. ఈ నేపథ్యంలో రహదారిని 60 అడుగులకు విస్తరించాలని మంత్రులు ఆదేశాలు జారీ చేయడంతో అధికారులు కార్యాచరణ ప్రారంభించారు. తొలుత రోడ్డుకు ఇరువైపులా సమానంగా విస్తరణ చేపట్టేలా అధికారులు సర్వే నిర్వహించారు. క్షేత్రస్థాయిలో పరిస్థితులను పరిశీలించిన అనంత రం విస్తరణ దిశను మార్చినట్లు తెలుస్తోంది. రహదారికి ఒకవైపు ప్రభుత్వ భూమి అందుబాటులో ఉండటంతోపాటు, మరోవైపు యోగానంద లక్ష్మీనరసింహా లయం వైపు ఉన్న నిర్మాణాలను తొలగిస్తే ఆలయ పరిసరాలను కూడా అభివృద్ధి చేసే అవకాశం ఉంటుందని అధికారులు భావించారు. దీంతో రోడ్డు విస్తరణను పూర్తిగా లక్ష్మీనరసింహాలయం వైపే చేపట్టేలా ప్రతిపాదనలు సిద్ధం చేసినట్లు సమాచారం. నిర్వాసితులకు న్యాయం జరిగితేనే ముందడుగు రోడ్డు విస్తరణకు సర్వే పూర్తయినా నిర్వాసితులకు న్యాయం జరిగితేనే ముందడుగే పడే పరిస్థితి నెలకొని ఉంది. ప్రతిపాదనలకు ఆమోదం, నిధుల విడుదల, నిర్వాసితులకు పరిహారం చెల్లింపు వంటి అంశాలు కొలిక్కి వస్తే రోడ్డు విస్తరణ పనులు వేగం పుంజుకుని పుష్కరాల నాటికి పూర్తయ్యే అవకాశం ఉంటుంది. రోడ్డు విస్తరణకు మూడు రోజులుగా రెవెన్యూ, ఆర్‌అండ్‌బీ శాఖల అధికారులు క్షేత్రస్థాయిలో విస్తృతంగా సర్వే నిర్వహించారు. కరకట్ట దిగువ భాగం నుంచి రామాలయం పడమటి వైపు వరకు ఉన్న ఇళ్లు, దుకాణాలు, ఖాళీ స్థలాలను గుర్తించి వివరాలు నమోదు చేశారు. భూముల విస్తీర్ణం, నిర్మాణాల స్వరూపం, ఇతర వివరా లను పరిశీ లించి నష్టపరిహార అంచనాలను రూపొందించినట్లు సమాచారం. ప్రాథమికంగా సుమారు 60 ఇళ్లను తొలగించాల్సి ఉంటుందని అధికారులు గుర్తించినట్లు తెలుస్తోంది. ఇందులో ఇళ్ల నిర్మాణాలకు సుమారు రూ.23కోట్ల వరకు పరిహారం చెల్లించాల్సి ఉంటుందని అంచనా వేయగా, భూ ముల సేకరణకు మరో రూ. 40కోట్ల వరకు అవసరమవుతుందని ప్రాథమికంగా లెక్కలు వేసినట్లు సమాచారం. మొత్తంగా భూసేకరణ, నిర్మాణాల పరిహారం కలిపి సుమా రు రూ.60 కోట్లకు పైగా నిధులు అవసరమయ్యే పరిస్థితి కనిపిస్తోంది. ఈ మేరకు రూపొందించిన నివేదికను ఉన్నతాధికారులకు అందించే పనుల్లో ఉన్నారు. కలెక్టర్‌ మరోమారు సంబంధిత శాఖల అధికారులతో సమావేశం నిర్వహించి నివేదికపై సమీక్షించిన అనంతరం తదుపరి చర్యలు తీసుకునే అవకాశం ఉంది.

దీపావళి పండగ వేళ మహిళలు మరింత అప్రమత్తంగా ఉండాలి. గృహిణులు, గర్భిణులు బాణాసంచా కాల్చే సమయంలో తగిన జాగ్రత్తలు తీసుకోవాలి. పూజల సమయంలో మహిళలు పట్టు చీరలు, నైలాన్‌ జార్జెట్‌, సింథటిక్‌ దుస్తులు ధరిస్తుంటారు. వీటికి నిప్పురవ్వలు తగిలితే చాలా వేగంగా మంటలు అంటుకుంటాయి. టపాసులు కాల్చేటప్పుడు కచ్చితంగా కాటన్‌ దుస్తులు మాత్రమే ధరించాలి. బాణాసంచా పేలుస్తున్న సమయంలో చీరకొంగులను నడుముకు చుట్టుకోవాలి. గాలిలో కొట్టుకునే కొంగుల వల్ల ప్రమాదం జరిగే అవకాశం ఎక్కువగా ఉంటుంది. శానిటైజర్లలో ఆల్కహాల్‌ ఉంటుంది. టపాసులు కాల్చేముందు, దీపాలు పెట్టే ముందు చేతులకు శానిటైజర్‌ రాసుకోవద్దు. టపాసుల పొగలో ఉండే సీసం, కాడ్మియం వంటి భారీ లోహాలు గర్భిణుల శ్వాస ద్వారా కడుపులోని బిడ్డపై ప్రభావం చూపే ప్రమాదం ఉంది. గర్భిణులు టపాసులు కాల్చేటప్పుడు దూరంగా ఉండటమే సురక్షితం. బాణాసంచా పొగ వల్ల చర్మ సంబంధ వ్యాధులు కూడా సంక్రమిస్తాయి. ప్రమాదవశాత్తు చిన్నపాటి నిప్పురవ్వలు పడి కాలితే ఆ ప్రదేశంలో 15 నుంచి 20 నిమిషాలపాటు సాధారణ చల్లటి నీరుపోయాలి. అవసరమైతే వైద్యులను సంప్రదించాలి. –డాక్టర్‌ క్రాంతి మోహార, జగన్నాథపురం పీహెచ్‌సీ అధికారి

భద్రాచలం: శ్రీ సీతారామ చంద్రస్వామి దేవస్థానంలో స్వామివారి నిత్యకల్యాణం వైభవోపేతంగా జరిగింది. తొలుత తెల్లవారుజామున గర్భగుడిలో స్వామివారికి సుప్రభాత సేవ, సేవాకాలం, ఆరాధన తదితర పూజలు చేశారు. అనంతరం నిత్యకల్యాణానికి మిథిలా స్టేడియంలోని రామసేవా మండపంలో స్వామివారిని కొలువు దీర్చారు. విశ్వక్సేన పూజ, పుణ్యాహవాచనం చేశారు. స్వామివారికి కంకణధారణ, యజ్ఞోపవీత ధారణ, అమ్మవారికి కంకణధారణ, యోక్త్రధారణ గావించి నిత్యకల్యాణ ఘట్టాన్ని ఆలయ అర్చకులు శాస్త్రోక్తంగా జరిపారు. పెద్దమ్మతల్లికి పంచామృతాభిషేకం పాల్వంచరూరల్‌: పెద్దమ్మతల్లికి వైభవంగా పంచామృతాభిషేకం నిర్వహించారు. మండలంలోని శ్రీకనకదుర్గ(పెద్దమ్మతల్లి) ఆలయంలో శుక్రవారం అర్చకులు అమ్మవారి జన్మస్థలం వద్ద పంచామృతం, పసుపు, కుంకుమ, గాజులు, హారతి సమర్పించారు. అనంతరం ఆలయంలోని మూలవిరాట్‌కు పంచామృతంతో అభిషేక పూజలు, పంచహారతులు, నివేదన, నీరాజనం, మంత్రపుష్పం పూజలతోపాటు కుంకుమపూజ, గణపతిహోమం నిర్వహించారు. నేడు రుద్రహోమం పూజలు మాస శివరాత్రిని పురస్కరించుకుని పెద్దమ్మతల్లి ఆలయంలో శనివారం రుద్రహోమ పూజలు నిర్వహించనున్నట్లు ఈఓ తెలిపారు. భక్తులు రూ.1,516 చెల్లించి గోత్రనామాలను నమోదు చేసుకోవాలని పేర్కొన్నారు. ముర్రేడు వాగు రిటైనింగ్‌ వాల్‌కు రూ.50 కోట్లు సూపర్‌బజార్‌(కొత్తగూడెం): ముర్రేడు వాగు వరద ముప్పునకు శాశ్వత పరిష్కారం చూపుతూ రిటైనింగ్‌ వాల్‌ నిర్మాణానికి ప్రభుత్వం రూ.50.50 కోట్ల నిధులు మంజూరు చేసిందని సీపీఐ రాష్ట్ర కార్యదర్శి, కొత్తగూడెం ఎమ్మెల్యే కూనంనేని సాంబశివరావు తెలిపారు. ఈ మేరకు శుక్రవారం వివరాలు వెల్లడించారు. జనావాసాల మధ్య ప్రవహిస్తున్న ముర్రేడు వాగుకు రిటైనింగ్‌ వాల్‌ నిర్మించడంలో గత పాలకులు పూర్తిగా విఫలమయ్యారని విమర్శించారు. వాగులో వరద ఉధృతితో శ్రీనగర్‌, ప్రశాంతి నగర్‌, సాయినగర్‌ ప్రజలు తీవ్ర ఇబ్బందులు పడుతున్నారని అన్నారు. శ్మశాన వాటికలకు వెళ్లే మార్గాలు సైతం మునిగిపోయి ప్రజలు నరకయాతన అనుభవించారని ఆవేదన వ్యక్తం చేశారు. మంత్రులపై ఒత్తిడి తేగా వాగుకు ఇరువైపులా రక్షణ గోడ నిర్మాణానికి నిధులు మంజూరయ్యాయని తెలిపారు. వైటీసీలో వ్యవసాయ డ్రోన్‌ శిక్షణభద్రాచలం: రైతులకు ఆధునిక సాంకేతిక పరిజ్ఞానం అందించేందుకు భద్రాచలం ఐటీడీఏ ప్రాంగణంలోని యూత్‌ ట్రైనింగ్‌ సెంటర్‌లో వ్యవసాయ డ్రోన్‌ శిక్షణ కార్యక్రమం నిర్వహిస్తున్నట్లు ఐటీడీఏ పీఓ బి.రాహుల్‌ శుక్రవారం ప్రకటనలో తెలిపారు. పంటలకు పురుగుమందులు, ఎరువులను వేగంగా పిచికారీకి శిక్షణ ఉపయోగపడుతుందని పేర్కొన్నారు. శిక్షణను సద్వినియోగం చేసుకోవాలని, వివరాలకు వైటీసీలో సంప్రదించాలని కోరారు. విద్యార్థికి స్వర్ణపతకంపాల్వంచ: పాఠశాలల క్రీడా సమాఖ్య నిర్వహించిన రాష్ట్ర స్థాయి పోటీల్లో పాల్వంచ ఆదర్శ ఇంటిగ్రేటెడ్‌ మోడల్‌ స్కూల్‌ విద్యార్థి పి.షణ్ముఖ్‌ ప్రతిభ కనబర్చాడు. శుక్రవారం ఖమ్మంలో జరిగిన పోటీల్లో 45 కేజీల విభాగంలో స్వర్ణపతకం సాధించాడు. ఈ సందర్భంగా పాఠశాల ప్రిన్సిపాల్‌ రెంటల నాగభూషణం, ఉపాధ్యాయులు విద్యార్థిని అభినందించారు. మెరుగైన వైద్య సేవలు అందించాలిచుంచుపల్లి: ప్రభుత్వాస్పత్రిలో మెరుగైన వైద్యం అందించాలని జిల్లా వైద్య ఆరోగ్యశాఖ అధికారి డాక్టర్‌ తుకారాం రాథోడ్‌ సూచించారు. శుక్రవారం కొత్తగూడెంలోని ప్రభుత్వ ప్రధాన ఆస్పత్రిని సందర్శించారు. వివిధ విభాగాల్లో అందిస్తున్న వైద్య సేవలను పరిశీలించారు. బాధితులతో మాట్లాడి వైద్యులు అందుతున్న తీరును తెలుసుకున్నారు. అనంతరం ఆస్పత్రి పర్యవేక్షకులు, సంబంధిత వైద్యులు, సిబ్బందితో సమావేశమయ్యారు. వివిధ వైద్య కార్యక్రమాల అమలు తీరు, విభాగాల మధ్య సమన్వయం, సేవలందించడంలో ఎదురవుతున్న సమస్యలపై చర్చించారు. ఈ కార్యక్రమంలో ఆస్పత్రి పర్యవేక్షకుడు డాక్టర్‌ రాధామోహన్‌, గుండెపోటు చికిత్స విభాగం బాధ్యులు డాక్టర్‌ సందీప్‌, డాక్టర్‌ దినేష్‌, డాక్టర్‌ రాకేష్‌, హరికిషన్‌, ఇతర వైద్య సిబ్బంది పాల్గొన్నారు.

కొత్తగూడెంఅర్బన్‌: కొత్తగూడెం మున్సిపల్‌ కార్పొరేషన్‌గా అప్‌గ్రేడ్‌ చేశాక రూ.32 కోట్లు నగరాభివృద్ధి నిధుల నుంచి కేటాయించారు. ఆ నిధులతో చేపట్టే పనుల్లో కొన్నింటికి శంకుస్థాపనలు చేయగా, మరికొన్ని ప్రారంభ దశలో ఉన్నాయి. వీటితోపాటు కేంద్ర, రాష్ట్ర ప్రభుత్వాల నిధులు, విదేశీ బ్యాంకు రుణం మొత్తం రూ.600 కోట్లతో కార్పొరేషన్‌ అభివృద్ధి చేసేందుకు ప్రయత్నాలు జరుగుతున్నాయి. ఈ క్రమంలోనే నాలుగు నెలల క్రితం కార్పొరేషన్‌ అధికారులు భారీ స్థాయిలో కమీషన్లు మిగిలించుకునేందుకు రహస్యంగా డీపీఆర్‌ టెండర్‌ అప్పగించారు. అభివృద్ధి ప్రణాళిక సిద్ధం చేయించారు. పంపకాల పర్సంటేజీలో తేడాలతో అధికారుల మధ్య ఒప్పందాలు బహిర్గతమయ్యాయి. దీంతో ఉన్నతాధికారుల ఆదేశాలతో డీపీఆర్‌ టెండర్‌ను రద్దు చేశారు. వారం రోజుల్లో సర్వే వారం రోజుల్లో డీపీఆర్‌ సర్వే ప్రారంభమవుతుందని మున్సిపల్‌ కార్పొరేషన్‌ ఇంజనీరింగ్‌ అధికారులు చెబుతున్నారు. రూ. 600 కోట్లు విడుదల చేశాకనే డీపీఆర్‌ తయారు చేసే కన్సల్టెన్సీకి కమీషన్‌ ఇచ్చేలా ఒప్పందం చేసుకున్నట్లు తెలుస్తోంది. దీనిపై అధికారులు వివరణ ఇచ్చేందుకు నిరాకరిస్తున్నారు. కన్సల్టెన్సీకి ఇచ్చే కమీషన్‌ ఎంతనే విషయం కూడా వెల్లడించడంలేదు. డీపీఆర్‌ సిద్ధమయ్యాక కేంద్ర, రాష్ట్ర ప్రభుత్వాల ఒప్పందంతో విదేశీ బ్యాంకు ముందు అభివృద్ధి ప్రతిపాదనలు పెట్టాలి. బ్యాంక్‌ అంగీకరించి నిధులు మంజూరు చేస్తే అభివృద్ధి పనులు పట్టాలు ఎక్కే అవకాశం ఉంటుంది. ఇందంతా జరిగేందుకు దాదాపు ఆరు నెలల సమయం పట్టే అవకాశం ఉంటుందని నిపుణులు చెబుతున్నారు. ఇక తెలంగాణ రాష్ట్రంలోని పట్టణాల్లో మౌలిక సదుపాయాల అభివృద్ధికి అర్బన్‌ చాలెంజ్‌ ఫండ్‌ కింద ఐదు ప్రాజెక్టులకు నిధుల మంజూరుకు కేంద్ర ప్రభుత్వం ఆమోదం తెలిపింది. భవిష్యత్‌లో కొత్తగూడెం మున్సిపల్‌ కార్పొరేషన్‌లో అభివృద్ధి కోసం కూడా రూ.600 కోట్ల నిధులకు కేంద్ర ప్రభుత్వ వాటా కింద నిధుల మంజూరుకు ఆమోదం తెలిపే అవకాశం ఉంది. అయితే అధికారులు ఎంత త్వరగా డీపీఆర్‌ను సిద్ధం చేస్తే నిధులు కూడా అంత త్వరగా మంజూరై అభివృద్ధి పనులు పట్టాలెక్కే అవకాశం ఉంది. మళ్లీ డీపీఆర్‌ సిద్ధం చేసేందుకు గత నెలలో మళ్లీ ఆన్‌లైన్‌లో టెండర్‌ పిలిచారు. మూడు కన్సల్టెన్సీలు టెండర్లు దాఖలు చేయగా, ఒకరి టెండర్‌ దరఖాస్తు సక్రమంగా లేదని అధికారులు రద్దు చేశారు. మిగిలిన ఇద్దరిలో ఎక్కువకు కోడ్‌ చేసిన ఖమ్మానికి చెందిన మంగళం కన్సల్టెన్సీ టెండర్‌ దక్కించుకుంది. గతంలో అభివృద్ధి పనులు చేపట్టినవారికే అధికారులు మొదటి ప్రాధాన్యం ఇవ్వాల్సి ఉంది. అయితే ప్రస్తుతం టెండర్‌ దక్కించుకున్న సంస్థకు అనుభవం లేదని విమర్శలు వస్తున్నాయి.

సూపర్‌బజార్‌(కొత్తగూడెం): ప్రభుత్వ లక్ష్యాల సాధనలో జిల్లాల పనితీరును మరింత మెరుగుపడాలని, ప్రభుత్వ పథకాల అమలు, నిధుల వినియోగం, నిర్దేశిత లక్ష్యాల సాధనపై అధికారులు ప్రత్యేక దృష్టి సారించాలని రాష్ట్ర ప్రభుత్వ ప్రధాన కార్యదర్శి సంజయ్‌ జాజు ఆదేశించారు. శుక్రవారం ఆయన కలెక్టర్లతో నిర్వహించిన వీడియో కాన్ఫరెన్స్‌లో విద్యాశాఖ, వీబీజీ రామ్‌జీ, చేయూత పెన్షన్ల వెరిఫికేషన్‌, తాగునీటి సరఫరా, ఇందిరమ్మ ఇళ్ల నిర్మాణం తదితర అంశాలపై సమీక్షించారు. కలెక్టరేట్‌ నుంచి కలెక్టర్‌ అంకిత్‌, అదనపు కలెక్టర్‌ డి.వేణుగోపాల్‌, భద్రాచలం సబ్‌ కలెక్టర్‌ మృణాల్‌ శ్రేష్ఠ, ఇతర అధికారులు వీడియో కాన్ఫరెన్స్‌కు హాజరయ్యారు.

భద్రాచలంటౌన్‌: హైదరాబాద్‌ నుంచి వచ్చిన ఆహార భద్రతా శాఖ స్పెషల్‌ టార్క్‌ఫోర్స్‌ అధికారులు శుక్రవారం హోటళ్లు, రెస్టారెంట్లపై మెరుపు దాడులు నిర్వహించారు. నిబంధనలు పాటించని 11 రెస్టారెంట్ల లైసెన్సులను సస్పెండ్‌ చేశారు. మరో నాలుగింటికి మెరుగుదల నోటీసులు జారీ చేశారు. వినియోగానికి పనికిరాని 565 కిలోల నాసిరకం ముడి ఆహార పదార్థాలను గుర్తించి తొలగించారు. హోటళ్ల నిర్వాహకులు పరిశుభ్రత, ఆహార నాణ్యత ప్రమాణాలు తప్పనిసరిగా పాటించాలని అధికారులు హెచ్చరించారు.

పెద్దల పర్యవేక్షణలోనే చిన్నపిల్లలు టపాసులు కాల్చాలి. పేలని టపాసులను చేతులతో తీయడానికి పిల్లలను అనుమతించవద్దు. బాణాసంచాలో రసాయనలు ఉండటంతో, అవి కాల్చినప్పుడు వెలువడే పొగ పీల్చితే దీర్ఘకాలిక, స్వల్పకాలిక అనారోగ్య సమస్యలు తలెత్తే అవకాశం ఉంది. పొగలో ఉండే సల్ఫర్‌ డయాకై ్సడ్‌, నైట్రోజన్‌ డయాకై ్సడ్‌, పిల్లల శ్వాసనాళాల్లో చేరి ఆస్తమా, బ్రాంకై టిస్‌ వంటి సమస్యలను పెరుగుతాయి. పిల్లల ఊపిరితిత్తులు పూర్తిగా వృద్ధి చెందవు. ఎడతెరిపిలేని దగ్గు, గొంతు మంట, కళ్ల మంటలు, పిల్లికూతలు వచ్చే అవకాశం ఉంది. మతాబుల్లో వినియోగించే బేరియం, అల్యూమినియం, పొటాషియం వంటి రసాయనాలు పిల్లల సున్నితమైన చర్మానికి తగిలినప్పుడు దురద, ఎర్రటి పొక్కులు వచ్చే ప్రమాదం కూడా ఉంది. పిల్లల చెవిలో కర్ణభేరి చాలా సున్నితంగా ఉంటుంది. పెద్ద శబ్దాలు చేసే లక్ష్మీబాంబులు వంటివి పేల్చినప్పుడు వినికిడి శక్తి తాత్కాలికంగా లేదా శాశ్వతంగా దెబ్బతినే ప్రమాదం ఉంది. అకస్మాత్తుగా వచ్చే శబ్దాలతో చిన్న పిల్లలు తీవ్రమైన భయాందోళనకు గురవుతారు. గుండె వేగం పెరగడం, రాత్రి వేళల్లో నిద్రలో ఉలిక్కిపడిలేవడం వంటి జరుగుతాయి. –డాక్టర్‌ ముక్కంటేశ్వరరావు, పిల్లల వైద్యనిపుణుడు, పాల్వంచ ప్రభుత్వాస్పత్రి

మొక్కజొన్నకు మొలకలు ఖరీఫ్‌ సీజన్‌లో పండించిన మొక్కజొన్నలు రోడ్లపై ఆరబెట్టగా తుపాన్‌కు తడిసి మొలకెత్తాయి. శనివారం శ్రీ 7 శ్రీ నవంబర్‌ శ్రీ 2026సాక్షి ప్రతినిధి, భద్రాద్రి కొత్తగూడెం: తెలంగాణ, ఛత్తీస్‌గఢ్‌ రాష్ట్రాల్లో విస్తరించిన దండకారణ్యంలో మావోయిస్టుల ప్రభావం తగ్గిపోయాక కలప స్మగ్లర్లు అక్రమంగా ప్రవేశిస్తున్నారు. ఆయుర్వేద మొక్కల సేకరణ పేరుతో అడవిపై ఆధిపత్యం కోసం ప్రయత్నిస్తున్నారు. అన్నలు లేక.. జిల్లాలోని దుమ్ముగూడెం, చర్ల మండలాలు ఛత్తీస్‌గఢ్‌ రాష్ట్రంలోని సుక్మా, బీజాపూర్‌ జిల్లాలకు సరిహద్దులుగా ఉన్నాయి. బస్తర్‌ ప్రాంతానికి చెందిన ఆ రెండు జిల్లాలు గతేడాది చివరి వరకు మావోయిస్టు కంచుకోటలుగా ఉన్నాయి. దీంతో ఆ ప్రాంతంలో ఫారెస్టు శాఖ ఉనికి నామమాత్రంగా ఉండేది. కలప స్మగ్లర్లు సైతం అక్రమాలకు వెనుకాడేవారు. కేంద్ర ప్రభుత్వ మావోయిస్టుల నిర్మూలన కార్యక్రమాలతో గత మార్చి 31 నాటికి సుక్మా, బీజాపూర్‌ జిల్లాలో కూడా మావోయిస్టుల ప్రభావం తగ్గిపోయింది. ఈ క్రమంలో ఇప్పుడిప్పుడే అటవీశాఖ పట్టు సాధించేందుకు ప్రయత్నిస్తోంది. అంతకంటే ముందే స్మగ్లర్లు పాగా వేశారు. కలప, అటవీ ఉత్పత్తుల దందాలోకి దూసుకుపోతున్నారు. ఐరన్‌ ఉడ్‌ చెట్లకు చేటు బీజాపూర్‌, సుక్మా జిల్లాలతోపాటు చర్ల, దుమ్ముగూడెం మండలాల పరిధిలో విస్తరించిన అడవుల్లో అల్లి చెట్టు లేదా ఐరన్‌ ఉడ్‌ (మెమైసెలాన్‌ అమ్‌బెల్లాటం) చెట్లు విరివిగా ఉంటాయి. వీటి చెట్ల ఆకులు, బెరడు, వేర్లు ఇలా ప్రతీ భాగాన్ని ఆయుర్వేద/ మూలిక/ సంప్రదాయ వైద్యంలో వినియోగిస్తారు. గతంలో ఈ తరహా వైద్య విధానాలకు పెద్దగా ప్రాచుర్యం లేదు. సోషల్‌ మీడియా వచ్చిన తర్వాత ఇలాంటి చిట్కా వైద్యం పట్ల ఆసక్తి చూపించే వారు పెరిగారు. దీన్ని ఆసరాగా చేసుకుని ఐరన్‌ ఉడ్‌ చెట్లకు ముప్పు తెస్తున్నారు. చర్ల, దుమ్ముగూడెం మండలాలకు పాకిన వైనం అల్లి చెట్టు కాండం నుంచి వచ్చే కలప దృఢంగా ఉండటంతోపాటు వంపులు తిరిగే గుణాన్ని కలిగి ఉంటుంది. పడవల తయారీకి అధికంగా ఈ కలపనే వినియోగిస్తారు. డిమాండ్‌ ఉండటంతో అక్రమార్కులు అల్లి చెట్లను క్రమపద్ధతిలో నరికేస్తున్నారు. ఇందుకోసం మూలికా వైద్యం ముసుగు ధరిస్తున్నారు. ఆరంభంలో వైద్య మూలికలు సేకరిస్తున్నారనే నెపంతో సుక్మా, బీజాపూర్‌ జిల్లాల పరిధిలో ఐరన్‌ ఉడ్‌ చెట్ల బెరడ్లను సేకరించారు. ఆ తర్వాత షుగర్‌ వ్యాధికి అల్లి చెట్టు వేర్లు బాగా పని చేస్తాయనే ప్రచారం జరగడంతో క్రమంగా చెట్ల వేర్లను నరికేయడం మొదలైంది. చెట్టు చనిపోయే విధంగా వేర్లను ఎక్కడిక్కడ తెంచేస్తున్నారు. ఆ తర్వాత కలపను అమ్మేస్తున్నారు. దందా సుక్మా, బీజాపూర్‌ జిల్లాల్లో మొదలైప్పటికీ ప్రస్తుతం దుమ్ముగూడెం, చర్ల మండలాల వరకు పాకింది. చెట్ల వేర్లు, ఆకులు, మూలికలు అని చెబుతూ స్థానిక గిరిజనులకు నామ్‌కే వాస్తేగా కూలీ ముట్ట చెప్పి అడవులను హరించివేస్తున్నారు. చిట్కా వైద్యం పేరుతో అడవుల్లో జరుగుతున్న విధ్వంసంపై అటవీశాఖ దృష్టి పెట్టాలని స్థానికులు కోరుతున్నారు. బీజాపూర్‌, సుక్మా జిల్లాలు ఛత్తీస్‌గఢ్‌ రాష్ట్ర రాజధాని రాయ్‌పూర్‌తోపాటు బస్తర్‌ ప్రాంత రాజధానిగా చెప్పుకునే జగ్‌దల్‌పూర్‌కు కూడా దూరంగా ఉంటాయి. అక్కడికి వెళ్లేందుకు పరిమిత రవాణా సౌకర్యాలు ఉండటంతో జిల్లా సరిహద్దు ప్రజలకు చర్ల, దుమ్ముగూడెం మండలాలతోనే వ్యాపార లావాదేవీలు ఎక్కువ. అడవుల్లో లభించే అటవీ ఉత్పత్తులతోపాటు కలప అక్రమ రవాణాలో సైతం దుమ్ముగూడెం, చర్లకు చెందిన కొన్ని ముఠాలు ఆధిపత్యం చెలాయించేవి. టేకు, పెద్ద ఏగిస కలప, ఇప్ప పూలు, తేనె వంటి అటవీ ఉత్పత్తుల్లో వీటి హవా నడిచేది. అయితే, ఇప్పుడు టేకు, పెద్ద ఏగిస కలప అక్రమ రవాణా కష్టంతో కూడుకున్న వ్యవహారం కావడంతో కొత్త మార్గంలో దందాకు తెర లేపారు.

కొత్తగూడెంఅర్బన్‌/చుంచుపల్లి: వినియోగదారులకు తక్కువ తూకంతో సరుకులు విక్రయిస్తూ మోసాలకు పాల్పడితే కఠిన చర్యలు తీసుకుంటామని జిల్లా తూనికలు, కొలతల శాఖ అధికారి కూచన మనోహర్‌ హెచ్చరించారు. శుక్రవారం కొత్తగూడెంలోని బాబుక్యాంప్‌, విద్యానగర్‌, పెద్దబజార్‌ ప్రాంతాల్లో బియ్యం, కిరాణా, జనరల్‌ స్టోర్లలో అధికారులు తనిఖీలు నిర్వహించారు. 26 కిలోలుగా పేర్కొన్న బియ్యం బస్తాల్లో కేవలం 25 కిలోలే ఉన్నట్లు గుర్తించారు. ప్యాకేజ్డ్‌ కమోడిటీస్‌ నిబంధనలను ఉల్లంఘించిన వ్యాపారులపై ఆరు కేసులు నమోదు చేశారు. ఈ సందర్భంగా మనోహర్‌ మాట్లాడుతూ ప్యాకింగ్‌ చేసిన సరుకులపై నికర బరువును స్పష్టంగా ముద్రించాలని, ప్రకటించిన తూకం ప్రకారమే విక్రయించాలని వ్యాపారులకు సూచించారు. వినియోగదారులు సైతం కొనుగోలు సమయంలో సరుకుల బరువును పరిశీలించాలని సూచించారు.

సూపర్‌బజార్‌(కొత్తగూడెం): మురసు తుపాన్‌ ప్రభావంతో వివిధ శాఖల పరిధిలో సంభవించిన నష్టాలపై సమగ్ర అంచనాలు సిద్ధం చేయాలని కలెక్టర్‌ అంకిత్‌ ఆదేశించారు. గురువారం అధికారులతో నిర్వహించిన టెలీకాన్ఫరెన్స్‌లో తుపాన్‌ ప్రభావం, జరిగిన నష్టాలు, చేపట్టిన పునరుద్ధరణ చర్యలపై సమీక్షించారు. ఈ సందర్భంగా మాట్లాడుతూ అన్ని శాఖల అధికారులు సమన్వయంతో పనిచేస్తూ తుపాన్‌ వల్ల జరిగిన నష్టాలపై సమగ్ర వివరాలను నిర్దేశిత గడువులోగా అందజేయాలన్నారు. క్షేత్రస్థాయిలో నష్టాలను పరిశీలించి, వాస్తవ పరిస్థితులకు అనుగుణంగా వివరాలను నమోదు చేయాలని సూచించారు. వ్యవసాయ శాఖ అధికారి ప్రాథమిక నివేదిక ప్రకారం సుజాతనగర్‌ మండలంలో కూరగాయల పంటలు, దమ్మపేట మండలంలో ఆయిల్‌పామ్‌ పంటలకు నష్టం జరిగిందని తెలిపారు. 100 విద్యుత్‌ స్తంభాలు, ఏడు చెరువులు దెబ్బతిన్నాయని, అశ్వారావుపేటలో సుమారు 20 ఇళ్లు దెబ్బతిన్నాయని ఆయా శాఖల అధికారులు వివరించగా, నివేదిక అందించాలని కలెక్టర్‌ ఆదేశించారు. మున్సిపాలిటీలో రెగ్యులర్‌ ఏఈ నియమించాలని సూచించారు. ఇందిరమ్మ ఇళ్లకు జరిగిన నష్టాల వివరాలను సేకరించాలన్నారు. ఎమ్మెల్సీ ఓటరు దరఖాస్తుల పరిశీలన వేగవంతం చేయాలిగ్రాడ్యుయేట్‌ ఎమ్మెల్సీ ఎన్నికల ఓటరు నమోదు కోసం అందిన ఫారం–18 దరఖాస్తుల పరిశీలన ప్రక్రియ వేగవంతం చేయాలని రాష్ట్ర ప్రధాన ఎన్నికల అధికారి సుదర్శన్‌ రెడ్డి ఆదేశించారు. హైదరాబాద్‌ నుంచి గురువారం కలెక్టర్లతో నిర్వహించిన వీడియో కాన్ఫరెన్స్‌లో మాట్లాడారు. కలెక్టరేట్‌ నుంచి కలెక్టర్‌ అంకిత్‌ వీడియో కాన్ఫరెన్స్‌కు హాజరయ్యారు. అనంతరం అధికారులతో నిర్వహించిన సమావేశంలో మాట్లాడారు. ఓటరు దరఖాస్తుల పరిశీలన 15 రోజుల్లోగా పూర్తి చేయాలన్నారు. జిల్లాలో ఎలక్టోరల్‌ లిటరసీ క్లబ్‌ల ఏర్పాటుకు చర్యలు చేపట్టాలన్నారు. విద్యార్థులు, యువతకు ఓటు హక్కు, ప్రజాస్వామ్యంలో ఓటు ప్రాధాన్యతపై అవగాహన కల్పించాలని సూచించారు. అదనపు కలెక్టర్‌ డి.వేణుగోపాల్‌, కొత్తగూడెం ఆర్డీఓ మధు, ఎన్నికల సూపరింటెండెంట్‌ రంగా ప్రసాద్‌ తదితరులు పాల్గొన్నారు.కలెక్టర్‌ అంకిత్‌

అశ్వారావుపేట : మురసు తుపాన్‌ బాధితులకు ప్రభుత్వం ఉండగా ఉంటుందని ఖమ్మం ఎంపీ ఆర్‌.రఘురాంరెడ్డి, ఎమ్మెల్యే జారె ఆదినారాయణ అన్నారు. మండలంలో భారీ వర్షాలు, వరదలకు దెబ్బతిన్న ప్రాంతాలను గురువారం వారు పరిశీలించారు. కోతకు గురైన గుమ్మడిపల్లి ప్రాజెక్ట్‌ రింగ్‌ బండ్‌, మున్సిపాలిటీలో ముంపునకు గురైన కాలనీలను సందర్శించారు. దెబ్బతిన్న ఇళ్లు, పంట పొలాలు, రహదారులు, చెరువులను పరిశీలించారు. బాధితులతో మాట్లాడి, అండగా ఉంటామని భరోసా ఇచ్చారు. అనంతరం ఎంపీ, ఎమ్మెల్యే మాట్లాడుతూ బాధితులకు నష్టపరిహారం అందేలా కృషి చేస్తామని తెలిపారు. దెబ్బతిన్న రహదారులకు మరమ్మతులు చేపట్టాలని అధికారులకు సూచించారు. ప్రజలకు తాగునీరు, విద్యుత్‌ వైద్యం వంటి అత్యవసర సేవల్లో అంతరాయం కలగకుండా చూడాలన్నారు. ఆత్మకమిటీ చైర్మన్‌ సుంకవల్లి వీరభద్రరావు, మున్సిపల్‌ వైస్‌ చైర్మన్‌ జూపల్లి రమేష్‌, ప్రజాప్రతినిధులు, నాయకులు పాల్గొన్నారు.ఖమ్మం ఎంపీ రఘురాం రెడ్డి

ఎస్‌డీఆర్‌ఎఫ్‌ సిబ్బందికి చెందిన రెండు బోట్లు బోల్తాపడటానికి ‘యాంకరింగ్‌ తాడు’ కారణమైంది. అందులో ఉన్న కానిస్టేబుల్‌ బానోతు బాలాజీ వెల్లడించిన వివరాల ప్రకారం.. మత్స్యకారులు సమీపానికి చేరుకోగానే వారి వైపు యాంకరింగ్‌ తాడు బోటు నుంచి విసిరారు. అదికాస్త బోటు మోటారులో ఇరుక్కుపోవటంతో మొదట ఒక బోటు బోల్తా పడింది. ఆ వెనుకే వస్తున్న రెండో బోటు మొదటి దానిని తాకి బోల్తా కొట్టింది. దీంతో 11 మంది నీళ్లల్లో పడిపోయారు. మత్స్యకారుడు ధర్మరాజు లైఫ్‌ జాకెట్‌ లేకున్నా, ఆందోళన వ్యక్తమైనా సిబ్బందితో ఉండడంతో ఏమీ జరగలేదు. ఎస్‌డీఆర్‌ఎఫ్‌ సుశిక్షితులు కావడం, మానసికంగా, శారీరకంగా బలంగా ఉండడంతో రాత్రంతా చిమ్మచీకటి, చుట్టూ వరద పారుతున్నా చెట్లను ఆసరాగా చేసుకుని కాలం గడిపారు. తరచూ టార్చ్‌ లైట్లు వేస్తుండగా.. ఒడ్డు నుంచి అధికారులు వేసిన లైట్లు కనిపించడంతో ఆనవాళ్లు బయటపడ్డాయి.

● వరద నుంచి బయటపడిన సిబ్బంది, మత్స్యకారులు ● ఆనందం వ్యక్తం చేసిన కుటుంబీకులు సత్తుపల్లిటౌన్‌: దాదాపు 10 – 12 గంటల పాటు సత్తుపల్లి మండలం బేతపల్లి వరద ప్రవాహంలో ఎస్‌డీఆర్‌ఎఫ్‌ సిబ్బంది, మత్స్యకారులు చిక్కుకున్నారు. చుట్టూ చిమ్మచీకటి, కనుచూపు మేర వరద.. అందరికీ ఈత వచ్చినా నీటిలో దిగితే ఎటు వెళ్తారో తెలియక చెట్లు, బండలను ఆసరా చేసుకుని గడిపారు. అధికారులు, ఎన్‌డీఆర్‌ఎఫ్‌ బృందం కృషితో అందరూ సురక్షితంగా బయటపడ్డారు. ఈ సందర్భంగా వారు ఒడ్డుకు చేరగానే గంటల తరబడి ఎదురుచూసిన కుటుంబీకులు ఆనందంతో ఆలింగం చేసుకున్నారు. ఈ సందర్భంగా వారి అభిప్రాయాలు...

దమ్మపేట: మురసు తుపాన్‌ కారణంగా గండ్లు పడి, దెబ్బతిన్న చెరువులకు శాశ్వత రక్షణ చర్యలు చేపడతామని రాష్ట్ర రెవెన్యూ శాఖ మంత్రి పొంగులేటి శ్రీనివాసరెడ్డి అన్నారు. గురువారం మండలంలోని తుపాన్‌ ప్రభావిత ప్రాంతాల్లో సత్తుపల్లి, అశ్వారావుపేట ఎమ్మెల్యేలు మట్టా రాగమయి, జారె ఆదినారాయణలతో కలిసి ఆయన పర్యటించారు. తొట్టిపంపు శివారులో పది మంది వ్యక్తులు వరద నీటిలో చిక్కుకుపోయిన ప్రాంతాన్ని, సమీపంలోని గండి పడిన ముసళ్లబంధం చెరువును, నీట మునిగిన వరి పంటలను పరిశీలించారు. రెస్క్యూ ఆపరేషన్‌ చేసి పది మంది ప్రాణాలు కాపాడిన ఎస్డీఆర్‌ఎఫ్‌ బృందాన్ని అభినందించి, శాలువాతో సత్కరించారు. గండుగులపల్లి శివారులో వంతెన వద్ద దెబ్బతిన్న పంటలను పరిశీలించి, నష్టంపై రైతులను వివరాలు అడిగి తెలుసుకున్నారు. అనంతరం దమ్మపేట పేరంటాల చెరువు గండ్లను పరిశీలించారు. అలుగు కాలువ వెడల్పు చేయాలని, సమీపంలోని వంతెన ఎత్తు పెంచాలని, కాలువ వెంబడి ఉన్న గుడిసెలను తొలగించి, వారికి ఇందిరమ్మ ఇళ్లను మంజూరు చేయాలని అధికారులను ఆదేశించారు. పంటలకు తీవ్ర నష్టం పరిశీలన అనంతరం మంత్రి విలేకరులతో మాట్లాడుతూ ఏపీ సరిహద్దులోనున్న అశ్వారావుపేట, సత్తుపల్లి నియోజకవర్గాల్లో కురిసిన అతి భారీ వర్షాలతో ఇరిగేషన్‌, రోడ్లు, విద్యుత్‌ శాఖల పరిధితోపాటు పంటలకు తీవ్ర నష్టం వాటిల్లిందన్నారు. ఎల్‌నినో ప్రభావంతో రైతులు నష్టపోతున్న క్రమంలోనే తుపాన్‌ రావడం విచారకరమని అన్నారు. ముంపు బాధితులకు రాష్ట్ర ప్రభుత్వం అండగా ఉంటుందని తెలిపారు. గడిచిన 36 గంటలుగా ఎమ్మెల్యేలు, రెండు జిల్లాల కలెక్టర్లు, పోలీసులు, ఇతర శాఖల అధికారులు అప్రమత్తంగా వ్యవహరించడం వల్ల ఎలాంటి ప్రాణహాని జరగలేదని చెప్పారు. అనంతరం దమ్మపేటలో సీనియర్‌ కాంగ్రెస్‌ నాయకుడు చిన్నశెట్టి చిట్టిబాబు వివాహ వేడుకలకు హాజరై ఆశీర్వదించారు. కార్యక్రమంలో కలెక్టర్‌ అంకిత్‌, ఎస్పీ రోహిత్‌ రాజు, ట్రెయినీ డిప్యూటీ కలెక్టర్‌ మద్దినేని మురళి, ఇరిగేషన్‌ సీఈ శ్రీనివాసరెడ్డి, అశ్వారావుపేట మున్సిపల్‌ వైస్‌ చైర్మన్‌ జూపల్లి రమేష్‌, కాంగ్రెస్‌ నాయకులు పగడాల రాంబాబు, పర్వతనేని ప్రసాద్‌, చిన్నశెట్టి యుగంధర్‌, యర్రగొర్ల రాధాకృష్ణ తదితరులు పాల్గొన్నారు.

తీరని నష్టంసాక్షి ప్రతినిధి, భద్రాద్రి కొత్తగూడెం: మురసు తుపాన్‌ జిల్లాపై తీవ్ర ప్రభావం చూపించింది. మూడు రోజులపాటు కురిసిన వర్షాలతో భారీగా పంట నష్టం వాటిల్లడంతోపాటు రోడ్లు కూడా దెబ్బతిన్నాయి. మరోవైపు ఈ సీజన్‌ సగటు వర్షపాత లోటును మురసు భారీగా తగ్గించింది. నైరుతినై.. ఈశాన్యం జై నైరుతి రుతుపవనాల వేళ జూన్‌ నుంచి అక్టోబర్‌ వరకు జిల్లా వ్యాప్తంగా 22.48 శాతం లోటు వర్షపాతం నమోదైంది. ఈశాన్య రుతుపవనాల సీజన్‌లో అర్నబ్‌, మురసు తుపాన్లతో అక్టోబర్‌ చివరి, నవంబర్‌ మొదటి వారంలో జిల్లాలో సమృద్ధిగా వర్షాలు కురిశాయి. మురసు తుపాను ప్రభావం జిల్లాపై అధికంగా కనిపించింది. జిల్లాలో 23 మండలాలు ఉండగా, 15 మండలాల్లో అతి భారీ, భారీ వర్షాలు కురిశాయి. మిగిలిన 8 మండలాల్లోనూ ఓ మోస్తరు నుంచి సాధారణ వర్షపాతం నమోదైంది. ఫలితంగా అక్టోబర్‌ చివరి నాటికి 22.48 శాతంగా ఉన్న లోటు వర్షపాతం నవంబర్‌ 5 నాటికి 12.90 శాతంగా నమోదైంది. దాదాపు 9 శాతం మేరకు లోటు భర్తీ అయింది. పంట నష్టం ప్రాథమిక అంచనాల ప్రకారం మురసుతో కురిసిన భారీ వర్షాల వల్ల జిల్లా వ్యాప్తంగా 11,091 ఎకరాల్లో పంట నష్టం వాటిల్లింది. పొట్ట దశలో ఉన్న వరి పైర్లకు అధికంగా నష్టం జరిగింది. తీత దశలో ఉన్న పత్తి రైతులు కూడా నష్టపోయారు. వరి, పత్తి తర్వాత మినుములు సాగు చేసిన రైతులకు ఎక్కువగా నష్టం వాటిల్లింది. జిల్లా వ్యాప్తంగా 1,125 ఎకరాల్లో మినుము పంటకు నష్టం వాటిల్లగా, అందులో 1,120 ఎకరాలు కేవలం అశ్వారావుపేట మండలంలో ఉన్నాయి. మరో 25 ఎకరాలు ములకలపల్లి మండలంలో ఉన్నాయి. పామాయిల్‌లో అంతర పంటగా సాగవుతున్న మినుముపై మురసు ప్రభావం అధికంగా పడింది. దీనికి తోడు అశ్వారావుపేట మండలంలో పది గ్రామాల్లో 105 మంది రైతులకు చెందిన 155 ఎకరాల్లో ఇసుక మేటలు వేశాయి. పదెకరాల్లో మక్క పంటకు నష్టం జరిగింది. నష్టపోయిన రైతులను ప్రభుత్వం ఏ మేరకు ఆదుకుంటుందనేది ఇప్పుడు ప్రధాన విషయంగా మారింది. చిన్నాభిన్నమైన రోడ్లు ఇప్పటికే గోతులమయంగా మారిన పంచాయతీరాజ్‌, ఆర్‌అండ్‌బీ రోడ్లు తాజా వానలలతో మరింత దారుణంగా మారాయి. దమ్మపేట, అశ్వారావుపేట, ములకలపల్లి మండలాల్లో పరిస్థితి దారుణంగా ఉంది. భారీ వరద కారణంగా ఇప్పటికే పాల్వంచ–దమ్మపేట మెయిన్‌ రోడ్డులో రాకపోకలకు అంతరాయం కలుగుతోంది. వర్షపు నీరు నిలవడంతో బూర్గంపాడు–భద్రాచలం–చర్ల రోడ్ల పరిస్థితి ఇబ్బందికరంగా ఉంది.గత నెల 29 నాటి గణాంకాల ప్రకారం జిల్లాలో 16 మండలాల్లో లోటు వర్షపాతం, ఏడు మండలాల్లో సాధారణ వర్షపాతం నమోదైంది. తాజాగా కురిసిన భారీ వర్షాలతో గణాంకాలు మారాయి. ప్రస్తుతం 10 మండలాల్లో లోటు వర్షపాతం, 11 మండలాల్లో సాధారణ వర్షపాతం నమోదైంది. అశ్వారావుపేట, చండ్రుగొండ మండలాలు అధిక వర్షపాతం కేటగిరీలోకి వెళ్లాయి. భారీ వానలు పడినా దమ్మపేట మండలం ఇప్పటికీ లోటు జాబితాలోనే ఉంది. ఇక గోదావరి తీరం వెంబడి ఉన్న మండలాల్లో చర్ల, అశ్వాపురంలలో సాధారణ వర్షపాతం ఉండగా, మిగిలిన అన్ని మండలాలు లోటు వర్షపాతంలోనే ఉన్నాయి. నవంబర్‌ రెండో వారంలో బంగాళాఖాతంలో మరో తుపాను ఏర్పడవచ్చనే వార్తలు వినిపిస్తున్నాయి. ఆ తుపాన్‌ ప్రభావం ఏమైనా జిల్లా మీద కనిపిస్తే వర్షపాత లోటు మరింత కొంత తగ్గే అవకాశముంది. అధిక ప్రభావం చూపిన అర్నబ్‌, మురసు తుపాన్లు పంట విస్తీర్ణం నష్టపోయిన ప్రభావిత (ఎకరాల్లో) రైతులు గ్రామాలు వరి 6,504 2,991 101పత్తి 3,297 1,547 54మినుము 1,125 455 15

మణుగూరు రూరల్‌: తెలంగాణ జెన్‌కో పరిధిలోని డీఏవీ విద్యాలయాల ప్రిన్సిపాళ్లు, ఉపాధ్యాయులు గురువారం బీటీపీఎస్‌ టౌన్‌షిప్‌లోని డీఏవీ హైస్కూల్‌ను సందర్శించారు. కంప్యూటర్‌ ల్యాబ్‌, క్రీడా ప్రాంగణం, పార్కింగ్‌ సౌకర్యాలను పరిశీలించారు. కార్పొరేట్‌ పాఠశాలలకు ధీటుగా ఉన్న మౌలిక సదుపాయాలు, బోధనా విధానాలు ఉన్నాయని పేర్కొన్నారు. వచ్చే విద్యాసంవత్సరం నుంచి సీబీఎస్‌ఈ సిలబస్‌ అమలు కానుండడంతో బీటీపీఎస్‌ ఉద్యోగుల పిల్లలకు మెరుగైన విద్యావకాశాలు అందుతాయన్నారు. అనంతరం పాఠశాల అభివృద్ధికి కృషి చేసిన సీఈ బిచ్చన్నతో సమావేశమయ్యారు. శాలువాతో సన్మానించారు. ఐఎఫ్‌ఎంఐఎస్‌పై శిక్షణసూపర్‌బజార్‌(కొత్తగూడెం): ఇంటిగ్రేటెడ్‌ ఫైనాన్షియల్‌ మేనేజ్‌మెంట్‌ ఇన్ఫర్‌మేషన్‌ సిస్టం (ఐఎఫ్‌ఎంఐఎస్‌) జిల్లా స్థాయి కాస్కేడింగ్‌ శిక్షణ కార్యక్రమాన్ని గురువారం కలెక్టరేట్‌లో నిర్వహించారు. జిల్లాలోని వివిధ ప్రభుత్వ శాఖలకు చెందిన 450 మంది అధికారులు, ఉద్యోగులు హాజరయ్యారు. ప్రభుత్వ శాఖల్లో డిజిటల్‌ ఆర్థిక పరిపాలన వ్యవస్థను సమర్థవంతంగా అమలు చేయడంలో భాగంగా ఈ శిక్షణ నిర్వహించారు. ఆయా మాడ్యూల్స్‌ వినియోగ విధానాలు, కార్యాచరణ పద్ధతులు, ఆర్థిక నిర్వహణలో వాటి ప్రాముఖ్యతపై అవగాహన కల్పించారు. జిల్లా ఖజానా అధికారి జక్కా మీనాక్షి, ఇతర అధికారులు సైదులు, పి.శ్రీనివాస్‌, బి శారద, అక్బర్‌ పాషా పాల్గొన్నారు. జి.రష్మి తేజస్వీ, అరుణ్‌ పవర్‌ పాయింట్‌ ద్వారా అవగాహన కల్పించారు. సత్తుపల్లి సబ్‌ రిజిస్ట్రార్‌గా మధు బూర్గంపాడుకు సునీత ఖమ్మంమయూరిసెంటర్‌: టీజీపీఎస్సీ గ్రూప్‌–2 నోటిఫికేషన్‌ ద్వారా నూతనంగా ఎంపికై , శిక్షణ పూర్తి చేసుకున్న సబ్‌ రిజిస్ట్రార్లకు ప్రభుత్వం పోస్టింగ్‌లు కేటాయించింది. ఇందులో భాగంగా జోన్‌–4 పరిధి సత్తుపల్లి సబ్‌ రిజిస్ట్రార్‌గా నకారకాంతి మధును నియమిస్తూ రాష్ట్ర రిజిస్ట్రేషన్లు, స్టాంప్‌ల శాఖ కమిషనర్‌ అండ్‌ ఇన్‌స్పెక్టర్‌ జనరల్‌ రాజీవ్‌గాంధీ హనుమంతు ఉత్తర్వులు జారీ చేశారు. కాగా, సత్తుపల్లి సబ్‌ రిజిస్ట్రార్‌గా గురువారం విధుల్లో చేరిన మధు రెండు రోజుల పాటు సెలవులో వెళ్లారు. ఇక వరంగల్‌లో రిజిస్ట్రార్‌ ఆడిటర్‌గా విధులు నిర్వర్తిస్తున్న సునీతను బూర్గంపాడు సబ్‌ రిజిస్ట్రార్‌గా నియమిస్తూ ఉత్తర్వులు జారీ అయ్యాయి. పాఠశాలలను పరిశుభ్రంగా ఉంచాలిఅశ్వారావుపేట/ములకలపల్లి: పాఠశాలలను పరిశుభ్రంగా ఉంచాలని డీఈఓ శంభూ ప్రసాద్‌ సూచించారు. అశ్వారావుపేట, ములకలపల్లి మండలాల్లో రెండు రోజులుగా కురుస్తున్న వర్షాలతో వరద నీరు చేరిన పాఠశాలలను గురువారం పరిశీలించారు. ఆవరణ బురదమయం కావడంతో అశ్వారావుపేట మండలంలోని పాఠశాలలకు సెలవులు ఇచ్చారు. అయినా డీఈఓ పర్యటించి పాఠశాల పరిస్థితులను పరిశీలించారు. అనంతరం ఎంఈఓ కార్యాలయాన్ని సందర్శించి రికార్డులను పరిశీలించారు. బురదమయంగా మారిన ములకలపల్లి మండలం తాళ్లపాయ ప్రాథమిక పాఠశాలను పరిశీలించారు. సర్పంచ్‌ సహకారంతో పాఠశాలను సత్వరమే పరిశుభ్రం చేయించాలని సూచించారు. అనంతరం కంపగూడెం స్కూల్‌ సందర్శించి, రికార్డులను పరిశీలించారు. ఎంఈఓలు పి ప్రసాద్‌ రావు, జగపతి, సత్యనారాయ, సీఆర్పీ ప్రభాకరాచార్యులు, సర్పంచ్‌ గడ్డం సుజాత పాల్గొన్నారు. బ్యాంక్‌ అకౌంట్‌ నుంచి నగదు మాయంఇల్లెందురూరల్‌: మండలంలోని విజయలక్ష్మినగర్‌కు చెందిన బానోత్‌ కవిత హెచ్‌డీఎఫ్‌సీ బ్యాంక్‌ అకౌంట్‌ నుంచి నగదు మాయమైంది. పోలీసుల కథనం ప్రకారం.. ఫోన్‌ మాట్లాడుతున్న క్రమంలో మూడు సార్లు సెల్‌కు అప్‌డేట్‌ చేయాలని మెసేజ్‌ వచ్చింది. ఆ వెంటనే ఫోన్‌ స్విచ్చాఫ్‌ అయింది. ఆ తర్వాత మూడు దఫాలుగా రూ.95 వేలు డ్రా అయినట్లు మెసేజ్‌ వచ్చింది. బాధితురాలు సైబర్‌ క్రైమ్‌ పోలీసులకు ఫిర్యాదు చేయడంతో రూ.85వేల నగదు ఫ్రీజ్‌ చేశారు. గురువారం ఇల్లెందు పోలీసుస్టేషన్‌లో ఫిర్యాదు చేయగా, కేసు నమోదు చేసినట్లు సీఐ సురేష్‌ తెలిపారు.

కల్లూరు రూరల్‌: పురుగుల మందు తాగిన వ్యక్తి చికిత్స పొందుతూ మృతి చెందాడు. కల్లూరు మండలం చండ్రుపట్లకు చెందిన మర్సకట్ల శేఖర్‌ ఇంట్లో డబ్బులు తీసుకెళ్లి దుబారా ఖర్చులు చేస్తుండటంతో భార్య రాణి వారించింది. ఈక్రమాన ఇద్దరి మధ్య ఘర్షణ జరగగా, శేఖర్‌ గతనెల 23వ తేదీన పురుగుల మందు తాగాడు. ఆయనకు ఆస్పత్రిలో చికిత్స చేయిస్తుండగా గురువారం మృతి చెందాడు. ఘటనపై ఆయన భార్య ఫిర్యాదుతో కేసు నమోదు చేసినట్లు ఎస్సై నాగరాజు తెలిపారు. బైక్‌ కొనివ్వలేదని యువకుడు ఆత్మహత్య ఖమ్మంక్రైం: స్పోర్ట్స్‌ బైక్‌ కావాలని అడిగితే తండ్రి కొనివ్వలేదని ఓ యువకుడు బలవన్మరణానికి పాల్పడ్డాడు. కూసుమంచి మండలం బోడియాతండాకు చెందిన ధరావత్‌ జశ్వంత్‌తేజ(20) ఖమ్మంలో ఓ ప్రైవేట్‌ కళాశాలలో డిగ్రీ చదువుతూ సారధినగర్‌ ప్రాంతంలోని అద్దె గదిలో ఉంటున్నాడు. కొన్నాళ్లుగా ఆయన తనకు స్పోర్ట్‌ బైక్‌ కావాలని తండ్రిని అడుగుతుండగా, ఈ ఏడాది కరువుతో పంటలు లేనందున మరేదైనా బైక్‌ తీసుకోవాలని నచ్చచెప్పాడు. అయినా జశ్వంత్‌ స్పోర్ట్‌ బైక్‌ కోసం పట్టుబట్టడంతో తన వల్ల కాదని తండ్రి చెప్పారు. ఈక్రమాన గత నెల 14న అద్దె గదిలో గడ్డి మందు తాగిన జశ్వంత్‌ను స్థానికుల ఇచ్చిన సమాచారంతో ఆస్పత్రిలో చేర్పించారు. ఈమేరకు పరిస్థితి విషమించడంతో గురువారం మృతి చెందాడు, ఘటనపై ఆయన సోదరుడు చరణ్‌ ఫిర్యాదుతో పోలీసులు కేసు నమోదు చేశారు. ఖమ్మం లీగల్‌: అప్పు చెల్లించే క్రమాన ఇచ్చిన చెక్కు చెల్లకపోవడంతో ఏడాది జైలుశిక్ష విధిస్తూ ఖమ్మం ఒకటో అదనపు ప్రథమ శ్రేణి మెజిస్ట్రేట్‌ బిక్కం రజిని గురువారం తీర్పు చెప్పారు. ఖమ్మంకు చెందిన ఏ.నారాయణరావు వద్ద ముదిగొండ మండలం పమ్మి గ్రామానికి చెందిన వడ్డే సతీష్‌ 2017 అక్టోబర్‌లో రూ.6లక్షల అప్పు తీసుకున్నాడు. తిరిగి 2019 డిసెంబర్‌లో రూ.9.12లక్షలకు చెక్కు జారీ చేసినా ఆయన అకౌంట్ను బ్లాక్‌ చేయడంతో నిరాదరణకు గురైంది. దీంతో నారాయణరావు ప్రైవేట్‌ కేసు దాఖలు చేయగా విచారించిన న్యాయమూర్తి సాక్షాధారాలు పరిశీలన అనంతరం తీర్పు వెలువరించారు. ఈమేరకు సతీష్‌కు ఏడాది జైలుశిక్ష విధించడమే కాక ఫిర్యాదికి రూ.9.12లక్షలు చెల్లించాలని తీర్పు చెప్పారు.

‘ఎస్‌డీఆర్‌ఎఫ్‌లో రెండున్నర ఏళ్ల నుంచి పనిచేస్తున్న. బేతుపల్లి వరదలో బోట్‌ బోల్తా పడగా చీకటి కావడంతో అదుపు తప్పాం. వరద ఉధృతికి కేకలు వేసినా వినిపించదు. అయినా మా ధైర్యమే మమ్మల్ని నిలబెట్టింది. ఇలాంటి పరిస్థితి ఎవరికి రావొద్దు. ఇది మరో జన్మగా భావిస్తా.’ అని చాతకొండ ఎస్‌డీఆర్‌ఎఫ్‌ బృందం సభ్యుడు బి.నరేష్‌ తెలిపారు. ఆయన భార్య మౌనిక మాట్లాడుతూ ‘బేతుపల్లి చెరువులో మా ఆయన సహా పలువురు గల్లంతయ్యారని తెలిసి అర్ధరాత్రి ఒంటిగంటకి వచ్చాం. చెరువు దగ్గరికి వెళ్లి ఎదురుచూస్తూ గడిపాం. బాగా టెన్షన్‌ పడ్డాం. ఇలాంటి పరిస్థితి ఎప్పుడూ రావొద్దు’ అని పేర్కొన్నారు.

భద్రాచలంఅర్బన్‌: బేతుపల్లి చెరువు వరదలో చిక్కుకున్న మత్స్యకారులను రక్షించేందుకు వెళ్లిన సమయాన బోటు బోల్తా పడడంతో గల్లంతైన ఎస్‌డీఆర్‌ఎఫ్‌ బృందంలో భద్రాచలం అగ్నిమాపక కేంద్రం కానిస్టేబుల్‌ పేరం వెంకట్రామిరెడ్డి కూడా ఉన్నారు. బూర్గంపాడు మండలం మొరంపల్లి బంజరు వాసి, మాజీ సైనికుడైన ఆయన కానిస్టేబుల్‌గా పనిచేస్తున్నారు. బోటు బోల్తా పడడంతో వరదలో కొట్టుకుపోయిన ఆయన మధ్యలో చెట్టును పట్టుకుని ప్రాణాలు కాపాడుకున్నారు. బుధవారం రాత్రి 7గంటల నుంచి గురువారం ఉదయం సుమారు 11 గంటలపాటు చెట్టుపైనే ఉండగా.. ఆయనను ఎన్‌డీఆర్‌ఎఫ్‌ సిబ్బంది సురక్షితంగా ఒడ్డుకు చేర్చారు. ఆయన గల్లంతైనట్లు తెలియడంతో ఆందోళన చెందిన కుటుంబీకులు ఉదయం ఊపిరి పీల్చుకున్నారు.

● భద్రాచలం సబ్‌ కలెక్టర్‌ మృణాల్‌ శ్రేష్ఠ ● పుష్కరాల ఏర్పాటు పనులు పరిశీలన భద్రాచలం: గోదావరి పుష్కరాలకు లక్షలాది మంది భక్తులు వచ్చే అవకాశం ఉందని, ఈ నేపథ్యంలో వాహనాల పార్కింగ్‌, భక్తుల రాకపోకలు, రద్దీ నియంత్రణ, హోల్డింగ్‌ కేంద్రాల ఏర్పాట్లపై దృష్టి సారించామని భద్రాచలం సబ్‌ కలెక్టర్‌ మృణాల్‌ శ్రేష్ఠ అన్నారు. గురువారం ఆయన పార్కింగ్‌ ప్రదేశాలు, ఘాట్లు, రోడ్డు విస్తరణ పనులను పరిశీలించారు. గోదావరి కరకట్ట దిగువన జరుగుతున్న పుష్కర ఘాట్‌ పనులను పరిశీలించి, అధికారులకు పలు సూచనలు చేశారు. అనంతరం అభయాంజనేయస్వామి ఆలయం నుంచి సీతానిలయం వరకు రోడ్డు విస్తరణపై సంబంధిత శాఖల అధికారులతో చర్చించారు. 80 అడుగుల వెడల్పుతో విస్తరించే అవకాశాలపై సమీక్షించారు. ఆ తర్వాత డీఎస్పీ అరుణ్‌కుమార్‌, ఇతర శాఖల అధికారులతో కలిసి సారపాక వైపు పుష్కరవనం, భద్రాచలం చర్ల రోడ్డులోని త్రివేణి స్కూల్‌, జూనియర్‌ కళాశాల మైదానం, కూనవరం రోడ్డులోని ఖాళీ స్థలాలను పరిశీలించారు. ఈసారి అదనపు పార్కింగ్‌ స్థలాలను గుర్తించాలని అధికారులను ఆదేశించారు. వివిధ ప్రాంతాల్లో హోల్డింగ్‌ కేంద్రాలు, తాత్కాలిక బస కేంద్రాలు ఏర్పాటు చేయాలని సూచించారు. క్యూ లైన్లు, స్టేడియంలో ప్రత్యేక సెక్టార్ల ఏర్పాటుకు అవకాశాలను పరిశీలించాలని చెప్పారు. మోతె వద్ద ఉన్న పుష్కర ఘాట్‌ను సైతం సందర్శించి ఏర్పాట్లను సమీక్షించారు. ఆలయ ఈఓ దామోదర్‌రావు, వివిధ శాఖల అధికారులు పాల్గొన్నారు.

దమ్మపేట: గిరిజన సంక్షేమ శాఖ పరిధిలోని ఆశ్రమ పాఠశాలలు, వసతి గృహాల విద్యార్థులందరికీ ప్రభుత్వం సమకూర్చిన కిట్లు అందేలా వార్డెన్లు శ్రద్ధ వహించాలని భద్రాచలం ఐటీడీఏ ప్రాజెక్టు అధికారి బి.రాహుల్‌ ఆదేశించారు. దమ్మపేటలోని గిరిజన సంక్షేమ బాలుర వసతి గృహాన్ని గురువారం తనిఖీ చేసిన ఆయన వసతి గదులు, హాస్టల్‌ ఆవరణను పరిశీలించారు. రెండు రోజులుగా కురుస్తున్న వర్షాలతో హాస్టల్‌ ఆవరణలో నీరు నిలిచిందని, పాత భవనం కావడంతో గోడలకు చెమ్మ వచ్చి షాక్‌ వస్తోందని వార్డెన్‌ చెప్పగా, తాత్కాలిక మరమ్మతులు చేయించాలని ఏఈని ఆదేశించారు. కొత్త భవనం నిర్మాణానికి ప్రతిపాదనలు సమర్పించాలని సూచించారు. ఆ తర్వాత విద్యార్థులతో మాట్లాడిన పీఓ కిట్‌ అందిందా అని ఆరా తీశారు. అలాగే, ఆధార్‌ అనుసంధానం, ఫేస్‌ రికగ్నిషన్‌ సిస్టమ్‌ నమోదుపై సూచనలు చేశారు. వాగులు, కాల్వల వద్దకు పిల్లలను అనుమతించొద్దని, రాత్రిపూట బయటకు వెళ్లకుండా చూడాలని వార్డెన్‌కు సూచించారు. ట్రైబల్‌ వెల్ఫేర్‌ ఈఈ మధుకర్‌, డీఈ బాపనయ్య, ఏఈ సుబ్బరాజు, వార్డెన్‌ కృష్ణబాబు పాల్గొన్నారు. గిరిజన విద్యార్థులకు గ్లోబల్‌ స్కిల్స్‌భద్రాచలంటౌన్‌: గిరిజన విద్యార్థుల్లో గ్లోబల్స్‌ స్కిల్స్‌ పెంపొందిస్తున్నట్లు ఐటీడీఏ పీఓ బి.రాహుల్‌ తెలిపారు. ఖమ్మం, దమ్మపేట, కొత్తగూడెం, మణుగూరు గురుకుల డిగ్రీ కళాశాలలకు చెందిన 225 మంది విద్యార్థులను ఎంపిక చేసి డిజిటల్‌ మార్కెటింగ్‌, సైబర్‌ సెక్యూరిటీ కోర్సుల్లో ఉచిత శిక్షణ అందించారు. డాటా ప్రో కంప్యూటర్స్‌ ప్రైవేట్‌ లిమిటెడ్‌ ఆధ్వర్యంలో గత ఆగస్టు 28 నుంచి అక్టోబర్‌ 7 వరకు శిక్షణ కొనసాగింది. శిక్షణ పూర్తి చేసుకున్న వారికి గురువారం పీఓ సర్టిఫికెట్లు అందించి మాట్లాడారు. ఆర్‌సీఓ అరుణకుమారి, కళాశాలల ప్రిన్సిపాళ్లు రజిని, స్పందన, అనురాధ, రవి తదితరులు పాల్గొన్నారు.

అశ్వారావుపేటరూరల్‌: మురసు తుపాన్‌ ప్రభావంతో కురిసిన కుండపోత వర్షానికి అశ్వారావుపేట మండలం ఊట్లపల్లి వద్దనున్న వెంకమ్మ చెరువుకు వరద పోటెత్తింది. ఎగువ ప్రాంతంలోని దమ్మపేట మండలంలోని చెరువులు, ఇతర ప్రాంతాల నుంచి వచ్చిన వరదకు బుధవారం ఉదయం నుంచే వెంకమ్మ చెరువు అలుగుపోసింది. గురువారం తెల్లవారుజామున ఒక్కసారిగా వరద ఉధృతరూపం దాల్చడంతో అలుగు పక్కనే ఆనకట్టకు సుమారు 70 మీటర్ల మేర భారీ గండి పడింది. దీంతో వరద నీరంతా పొలాల్లోకి ప్రవహించడంతో సుమారు 800 ఎకరాల్లో వరి పంటకు నష్టం వాటిల్లింది. వేరుశెనగ, మినుము పంటల్లో ఇసుక, మట్టి దిబ్బలు పేరుకుపోయాయి. పామాయిల్‌, కొబ్బరి తోటల్లో వరదనీరు పోటెత్తింది. దిగువన ఉన్న అశ్వారావుపేట–భద్రాచలం అంతరాష్ట్ర రహదారిపై దాదాపు నాలుగు గంటలపాటు వరద ప్రవహించింది. ఉధృతికి 700 మీటర్ల మేర బీటీ రహదారి అప్రోచ్‌ కొట్టుకుపోయింది. రెండు చోట్ల కల్వర్టులు ధ్వంసమయ్యాయి. వాహనాల రాకపోకలకు అంతరాయం ఏర్పడింది. ఈ క్రమంలోనే నారాయణపురం గ్రామానికి చెందిన సుబ్బరావునే వ్యక్తి ద్విచక్రవాహనం అదుపుతప్పి వరదనీటిలో కొట్టుకుపోగా, గమనించిన స్థానికులు పోలీసులు కలిసి తాళ్ల సాయంతో సురక్షితంగా బయటకు తీశారు. కాగా నీటిపారుదల శాఖ లెక్కల ప్రకారం చెరువు ఆయకట్టు 1280 ఎకరాలు ఉండగా, అదనంగా మరో రెండు వేల ఎకరాల్లో రైతులు పంటలను సాగు చేస్తున్నారు. 40 ఏళ్ల క్రితం కూడా.. వెంకమ్మ చెరువు 1986లో కురిసిన అతి భారీ వర్షాలతో ఆనకట్ట మధ్య భాగంలో సుమారు 20 మీటర్ల మేర గండి పడింది. ఆ తర్వాత నుంచి ఇప్పటిదాకా భారీ వర్షాలను తట్టుకుంది. సుమారు 30 గంటల వ్యవధిలో 41 సెం.మీ. వర్షపాతం నమోదు కావడం, దమ్మపేటలోని చెరువుల నుంచి కూడా భారీగా వరద రావడంతో చెరువుకు గండి పడింది.

పాల్వంచరూరల్‌: మండలంలోని కేశవాపురం – జగన్నాథపురం గ్రామాల మధ్య కొలువైన శ్రీ కనకదుర్గ(పెద్దమ్మతల్లి) ఆలయంలో గురువారం ప్రత్యేక పూజలు జరిగాయి. పెద్దమ్మతల్లి అర్చకులు 108 సువర్ణ పుష్పాలతో అర్చన చేయడమే కాక హారతి, మంత్రపుష్పం సమర్పించారు. పూజల్లో ఆలయ ఈఓ విజయ్‌కుమార్‌, అర్చకులు, వేదపండితులు పద్మనాభశర్మ, ప్రసాద్‌ శర్మ పాల్గొన్నారు. వృద్ధుల హక్కుల పరిరక్షణకు లీగల్‌ ఎయిడ్‌ క్లినిక్‌జిల్లా న్యాయ సేవా అధికార సంస్థ కార్యదర్శి రాజేందర్‌ సూపర్‌బజార్‌(కొత్తగూడెం): వృద్ధుల హక్కుల పరిరక్షణకు, వారికి న్యాయ సహాయం అందించేందుకు వృద్ధుల హక్కుల పరిరక్షణకు లీగల్‌ ఎయిడ్‌ క్లినిక్‌ ఏర్పాటు చేసినట్లు జిల్లా న్యాయ సేవా అధికార సంస్థ కార్యదర్శి ఎం.రాజేందర్‌ తెలిపారు. గురువారం కొత్తగూడెం ఆర్డీఓ కార్యాలయంలో ఏర్పాటు చేసిన సీనియర్‌ సిటిజన్‌ ట్రిబ్యునల్‌ న్యాయ సహాయ కేంద్రాన్ని ఆయన ప్రారంభించి మాట్లాడారు. వృద్ధులకు ఆస్తి సంబంధిత సమస్యలు, పిల్లల ద్వారా నిర్లక్ష్యం, పోషణ, సంరక్షణకు సంబంధించిన సమస్యలు ఎదురైనప్పుడు న్యాయ సహాయం అంఇస్తామని తెలిపారు. డిప్యూటీ లీగల్‌ ఎయిడ్‌ కౌన్సిల్‌ పి.నిరంజన్‌ రావు, అసిస్టెంట్‌ లీగల్‌ డిఫెన్స్‌ కౌన్సిల్స్‌ పావని, సాహితి, ఆర్డీఓ కార్యాలయ డిప్యూటీ ఏఓ లక్ష్మణ్‌, పారా లీగల్‌ వలంటీర్లు భారతి, రాజకుమారి, జానకీరామ్‌, వీరభద్రం, లీగల్‌ సర్వీసెస్‌ సిబ్బంది పాల్గొన్నారు. బాధ్యతలు చేపట్టిన జడ్జి రాంప్రసాదరావుకొత్తగూడెంఅర్బన్‌: జిల్లా ఒకటో అదనపు జిల్లా సెషన్స్‌ జడ్జిగా డి.రాంప్రసాదరావు గురువారం బాధ్యతలు స్వీకరించారు. రంగారెడ్డి జిల్లా 6వ అదనపు జిల్లా సెషన్స్‌ జడ్జిగా పనిచేస్తున్న ఆయన బదిలీపై ఇక్కడకు వచ్చారు. ఈ సందర్భంగా న్యాయమూర్తిని జిల్లా న్యాయవాదుల సంఘం అధ్యక్షుడు కిరణ్‌ కుమార్‌ ముదల్కర్‌, ప్రధాన కార్యదర్శి మహేష్‌ గడిపెల్లి, కార్యవర్గ సభ్యులు గడదాసు నాగరాజు, దొడ్డ ప్రసాద్‌, బానోత్‌ దేవదాస్‌లు కలిసి పుష్పగుచ్ఛం అందించారు. శతరాగ దాశరథి గ్రంథావిష్కరణభధ్రాచలం: భక్త రామదాసు రచించిన భక్తి సాహిత్య సంపద దాశరథీ శతకానికి సంగీత రూపంలో గుర్తింపు తీసుకువచ్చే అరుదైన ప్రయత్నం జరిగింది. గాయని జి. శ్రీరామరత్న శతకంలోని 103 పద్యాలను 103 విభిన్న రాగాల్లో స్వరపరిచారు. స్వర వివరాలు, పద్య తాత్పర్యాలతో కలిపి ‘శతరాగ దాశరథి’ పేరిట విశిష్ట గ్రంథాన్ని రూపొందించగా, శ్రీ సీతారామ చంద్రస్వామి దేవస్థానం ఈఓ కె.దామోదర్‌ రావు గురువారం ఆలయంలో ఆవిష్కరించారు. ఈ సందర్భంగా ఈఓ మాట్లాడుతూ భక్తి సాహిత్యాన్ని సంగీతంతో అనుసంధానిస్తూ భావితరాలకు అందించే ప్రయత్నం ప్రశంసనీయమని పేర్కొన్నారు. ఆలయ పర్యవేక్షకుడు లింగాల సాయిబాబా, రామాయణ పారాయణదారు ఎస్‌టీజీ అంతర్వేది కృష్ణమాచార్యులు పాల్గొన్నారు.

సత్తుపల్లి: క్షణక్షణం ఉత్కంఠ.. గంటల తరబడి నిరీక్షణ.. అధికారుల సూచనలు.. కుటుంబీకుల్లో ఆందోళన.. ఇదీ సత్తుపల్లిలోని బేతుపల్లి చెరువు వద్ద బుధవారం రాత్రి 7గంటల నుంచి గురువారం ఉదయం 7గంటల వరకు నెలకొన్న పరిస్థితి. బేతుపల్లి చెరువు వరదలో చిక్కుకున్న మత్స్యకారులను రక్షించేందుకు వెళ్లిన ఎస్‌డీఆర్‌ఎఫ్‌ సిబ్బంది బోట్లు బోల్తా పడడంతో అందరూ గల్లంతు కాగా ఆందోళన నెలకొంది. ఈక్రమాన ఎన్‌డీఆర్‌ఎఫ్‌ బృందం రంగంలోకి దిగడం, ఖమ్మం కలెక్టర్‌ దివాకర, భద్రాద్రి ఎస్పీ రోహిత్‌రాజ్‌ పర్యవేక్షణలో 12గంటల రెస్క్యూ ఆపరేషన్‌ అనంతరం ఎలాంటి ప్రాణనష్టం జరగకుండా అందరూ సురక్షితంగా బయటకు రావడంతో ఉత్కంఠకు తెరపడింది. గంటల తరబడి సహాయక చర్యలను పర్యవేక్షించిన అధికారులపై అభినందనలు వెల్లువెత్తగా.. వరద నుంచి బయటపడిన సిబ్బంది కుటుంబీకులు ఊపిరి పీల్చుకున్నారు.కలెక్టర్‌.. రాత్రంతా క్షేత్రస్థాయిలోనే బేతుపల్లి చెరువు వరదలో ఎనిమిది మంది మత్స్యకారులు బొంతల రమేష్‌, పొదిలి శ్రీనివాసరావు, రామయ్య, పొదిలి అర్జున్‌రావు, కుంచపు మారేశ్వరరావు, వల్లెపు మనోజ్‌, ఇనుముల అనిల్‌, నీలాల గిరి చిక్కుకున్నారనే సమాచారం అందిన వెంటనే కలెక్టర్‌ దివాకర చెరువు వద్దకు చేరుకున్నారు. భద్రాద్రి కొత్తగూడెం జిల్లా చాతకొండ బెటాలియన్‌ నుంచి ఎస్‌డీఆర్‌ఎఫ్‌ సిబ్బంది రాగానే సహాయక చర్యలు ప్రారంభించారు. రెవెన్యూ, ఫైర్‌, పోలీస్‌ అధికారులను కలెక్టర్‌ సమన్వయపరుస్తుండగా తొలుత బోట్‌లో వెళ్లిన ఎస్‌డీఆర్‌ఎఫ్‌ సిబ్బంది ముగ్గురు మత్స్యకారులను సురక్షితంగా బయటకు తీసుకొచ్చారు. ఆ తర్వాత మరో రెండు బోట్లలో పది మంది సిబ్బంది, ఒక మత్స్యకారుడు గైడ్‌గా వెళ్లాడు. అయితే, ఆ రెండు బోట్లు వరద ఉధృతితో బోల్తా పడి అంతా గల్లంతవడంతో భద్రాద్రి ఎస్పీ రోహిత్‌రాజ్‌తో కలిసి ఎస్‌డీఆర్‌ఎఫ్‌ సిబ్బందిని రంగంలోకి దించారు. తొలి ప్రాధాన్యత మత్స్యకారులకే.. రెండు బోట్లు బోల్తాపడగా ఎస్‌డీఆర్‌ఎఫ్‌ బృందంలోని ఎస్సై, సిబ్బంది మురళి, నరేష్‌, వేణు, సీతయ్య, కాశీరామ్‌, బాలాజీ, నల్లమోతు రాజ, నజీర్‌ యాసిన్‌, వెంకట్రామిరెడ్డి, నజర్‌ వలీ గల్లంతయ్యారు. అయితే, ఎస్‌డీఆర్‌ఎఫ్‌ సిబ్బంది సుశిక్షితులు కావడంతో... ధైర్యంగా చెప్పుకుంటూ విజయవాడ నుంచి వచ్చిన ఎన్‌డీఆర్‌ఎఫ్‌ సిబ్బందిని రెండు బోట్లలో పంపించారు. అయితే, తొలి ప్రాధాన్యత ఐదుగురు మత్స్యకారులను రక్షించడానికే ఇచ్చారు. దీంతో బుధవారం రాత్రి 11–15 గంటలకు మత్స్యకారులను ఒడ్డుకు చేర్చడంతో ఒక అంకం ముగిసింది. అసలు టాస్క్‌ అప్పుడే మొదలైంది.. పది మంది ఎస్‌డీఆర్‌ఎఫ్‌ సిబ్బంది, దారి చూపించడానికి వెళ్లిన మత్స్యకారుడు బెజవాడ ధర్మరాజును రక్షించేందుకు ఎస్పీ రోహిత్‌రాజ్‌తో కలిసి ఫోన్‌ ట్రాకింగ్‌ చేస్తూ రక్షించేందుకు ఉన్న మార్గాలపై కలెక్టర్‌ చర్చించారు. కాకర్లపల్లి శివాలయం మీదుగా లాక్‌ల వద్దకు వెళ్లి బేతుపల్లి ప్రత్యామ్నాయ మార్గంలో ఉన్న ఫోన్‌ సిగ్నళ్లు గుర్తించడంతో వారి ఆచూకీ తెలిసింది. దీంతో గురువారం తెల్లవారుజామున 4–30 గంటల నుంచే ఎన్‌డీఆర్‌ఎఫ్‌ సిబ్బందిని అప్రమత్తం చేసి వారిని రక్షించేందుకు సిద్ధమయ్యారు. ఈమేరకు ఉదయం 7–15గంటలకు వారిని సురక్షితంగా బయటకు తీసుకురావడం.. ఎటువంటి ప్రాణ నష్టం జరగకుండా రెస్క్యూ ఆపరేషన్‌ ముగియడంతో అప్పటికే అక్కడకు చేరుకున్న మంత్రులు పొంగులేటి, తుమ్మల తదితరులు కలెక్టర్‌ దివాకరను అభినందించారు.

భద్రాచలంఅర్బన్‌: గోదావరి ఉప్పొంగితే పలు గ్రామాలకు రాకపోకలు స్తంభిస్తున్నాయి. మున్నేరు ఉగ్రరూపం దాల్చితే కాలనీలు నీటమునుగుతున్నాయి. ఉమ్మడి ఖమ్మం జిల్లాలో భారీ వర్షాలు కురిసిన ప్రతిసారీ ఇవే పరిస్థితులు ఎదురవుతున్నాయి. ఆ సమయంలో ప్రాణాలు కాపాడేందుకు ప్రత్యేక రక్షణ బృందాలను విజయవాడ నుంచి రప్పించాల్సి వస్తోంది. అవి చేరుకునేలోపు పరిస్థితులు మరింత విషమించే ప్రమాదముంది. ఈ నేపథ్యంలో భద్రాచలం కేంద్రంగా శాశ్వత విపత్తు రక్షణ దళం ఏర్పాటు అవసరం స్పష్టమవుతోంది. సిబ్బంది భద్రతకు ప్రాధాన్యమివ్వాలి 2022 జూలైలో గోదావరికి వచ్చిన భారీ వరదలు భద్రాచలం పరిసర ప్రాంతాలను ముంచెత్తాయి. 2024 సెప్టెంబర్‌లో మున్నేరు వరదలు ఖమ్మం నగరాన్ని అతలాకుతలం చేశాయి. దీంతో లోతట్టు ప్రాంతాల ప్రజలను పునరావాస కేంద్రాలకు తరలించాల్సి వచ్చింది. తాజాగా సత్తుపల్లి మండలం బేతుపల్లి చెరువులో చిక్కుకున్న మత్స్యకారులను రక్షించేందుకు వెళ్లిన బృందాల పడవలు బోల్తాపడటంతో రక్షణ సిబ్బంది సైతం ప్రమాదంలో చిక్కుకున్నారు. అనంతరం సహాయక చర్యల్లో పాల్గొన్న ఎన్‌డీఆర్‌ఎఫ్‌ బృందం మత్స్యకారులతోపాటు ఎస్డీఆర్‌ఎఫ్‌ సిబ్బందిని రక్షించింది. అయితే ఈ ఘటన రక్షించేందుకు వెళ్లేవారి భద్రతకూ ప్రాధాన్యం ఇవ్వాల్సిన అవసరాన్ని గుర్తుచేసింది. భద్రాచలంలో శాశ్వత రక్షణ దళం.. భద్రాద్రి జిల్లాలో కొత్తగా ఏర్పాటు చేసిన డీడీఆర్‌ఎఫ్‌ సిబ్బందికి తొలుత చిన్న చెరువుల్లో, అనంతరం గోదావరిలో రక్షణ చర్యలపై శిక్షణ ఇచ్చారు. సాధారణ నీటిలో సాధన చేయడానికి, ఉధృతంగా ప్రవహించే వరదలో ప్రాణాలు కాపాడటానికి ఎంతో తేడా ఉంటుంది. జాతీయ విపత్తు ప్రతిస్పందన దళం దేశవ్యాప్తంగా ప్రత్యేక సహాయక చర్యలు చేపడుతుండగా, రాష్ట్ర విపత్తు ప్రతిస్పందన దళం రాష్ట్ర అవసరాలకు అనుగుణంగా పనిచేస్తోంది. ఈ నేపథ్యంలో భద్రాచలంలో సైనిక స్థాయి శిక్షణ, ఆధునిక పరికరాలతో ప్రత్యేక రాష్ట్ర రక్షణ దళాన్ని, ఎన్‌డీఆర్‌ఎఫ్‌ ప్రాంతీయ కేంద్రం ఏర్పాటు చేయాలని పలువురు కోరుతున్నారు. వరదొచ్చాక బృందాలను రప్పించడం కంటే వరద రాకముందే రక్షణ వ్యవస్థను సిద్ధం చేస్తే ప్రజల ప్రాణాలకు భరోసా కల్పించచ్చు. భద్రాచలం అగ్నిమాపక కేంద్రంలో 17 మంది సిబ్బంది ఉండాల్సి ఉండగా ప్రస్తుతం 11 మందే విధులు నిర్వహిస్తున్నారు. అగ్నిప్రమాదాల నివారణతోపాటు భద్రాచలంలో జరిగే ప్రధాన ఉత్సవాలు, ఉమ్మడి జిల్లాలో వరద సహాయక చర్యలకు వీరినే వినియోగిస్తున్నారు. దీంతో వారిపై అదనపు భారం పడుతోంది. ఒక ప్రాంతంలో వరద సహాయక చర్యల్లో పాల్గొంటున్న సమయంలో మరోచోట అగ్నిప్రమాదం సంభవిస్తే పరిస్థితి ఏమిటనే ప్రశ్న తలెత్తుతోంది. ఈ నేపథ్యంలో ఖాళీగా ఉన్న ఆరు పోస్టులను భర్తీ చేయడంతోపాటు వరద సహాయక చర్యల కోసం ప్రత్యేకంగా మరో 16 మందితో ఎస్‌డీఆర్‌ఎఫ్‌ ప్రత్యేక బృందాన్రి ఏర్పాటు చేయాల్సిన అవసరం ఉంది. అగ్నిమాపక విధులు, వరదల్లో ప్రాణరక్షణ చర్యలకు వేర్వేరు బృందాలను అందుబాటులో ఉంచితే అత్యవసర పరిస్థితుల్లో వేగంగా స్పందించే అవకాశం ఉంటుంది. గోదావరి, మున్నేటి వరదలతో ఉమ్మడి ఖమ్మం జిల్లాకు ముప్పు

చుంచుపల్లి/మణుగూరు టౌన్‌: కండక్టర్‌ ప్రవళికకు కన్నీటి వీడ్కోలు పలికారు. అశ్వాపురం మండలం మిట్టగూడెం వద్ద గత నెల 25న మణుగూరు డిపో బస్సులో ప్రయాణికురాలు తోసేయడంతో ప్రవళిక బస్సు టైర్ల కింద పడి తీవ్ర గాయాలై చికిత్స పొందుతూ మృతి చెందింది. ఆమె మృతికి నిరసనగా ఆర్టీసీ కార్మికులు బుధవారం బంద్‌ నిర్వహించారు. కండక్టర్‌ కుటుంబానికి న్యాయం చేయాలని, ఘటనకు బాధ్యులపై కఠిన చర్యలు తీసుకోవాలని డిమాండ్‌ చేస్తూ బుధవారం జిల్లావ్యాప్తంగా కార్మికులు విధులు బహిష్కరించారు. డిపో గేట్ల వద్ద నిరసనలు భద్రాచలం, మణుగూరు, కొత్తగూడెం, పాల్వంచ, ఇల్లెందు ఆర్టీసీ డిపోల వద్ద కార్మికులు, కార్మిక సంఘాల నాయకులు ఆందోళన చేపట్టారు. విధి నిర్వహణలో ఉన్న కార్మికులకు భద్రత కల్పించాలని డిమాండ్‌ చేశారు. మధ్యాహ్నం ఒంటి గంట వరకు బస్సులు డిపోలకే పరిమితమయ్యాయి. మణుగూరులో మాత్రం డిపో నుంచి ఒక బస్సు కూడా కదల్లేదు. సర్వీసులు నిలిచిపోవడంతో ఆర్టీసీ భారీగా నష్టపోయింది. మణుగూరు డిపోలో 84 బస్సులు నిలిచిపోగా, రూ.15 లక్షలు, కొత్తగూడెంలో 48 బస్సులు నిలిచిపోగా రూ. 10 లక్షలు, భద్రాచలంలో 40 సర్వీసులు నిలిచిపోగా రూ. 15 లక్షలు, ఇల్లెందులో 21 సర్వీసులు నిలిచిపోగా రూ. 4 లక్షల ఆదాయాన్ని ఆర్టీసీ కోల్పోయింది. కుటుంబానికి ప్రభుత్వం భరోసా కండక్టర్‌ ప్రవళిక కుటుంబానికి ఉద్యోగం, ఇందిరమ్మ ఇల్లు మంజూరు చేయనున్నట్లు రవాణాశాఖ మంత్రి పొన్నం ప్రభాకర్‌ ప్రకటించారు. ప్రభుత్వం, ఆర్టీసీ తరఫున కలిపి రూ.10లక్షల ఎక్స్‌గ్రేషియా అందించడంతో పాటు, ఆర్టీసీ తీసుకున్న నిర్ణయం మేరకు బ్యాంకు నుంచి రూ.కోటి ప్రమాద బీమా కూడా అందుతుందని వెల్లడించారు. హైదరాబాద్‌లోని ఉస్మానియా ఆస్పత్రి మార్చురీ వద్ద ప్రవళిక పార్థివదేహానికి మంత్రి పొన్నం ప్రభాకర్‌, ఆర్టీసీ ఎండీ నాగిరెడ్డి నివాళులర్పించారు. అనంతరం ఆమె తల్లిని పరామర్శించి ఆర్టీసీ కుటుంబం అండగా ఉంటుందని హామీ ఇచ్చారు. బాధ్యులపై కఠినచర్యలు తీసుకుంటామని తెలిపా రు. కాగా, కొత్తగూడెం ఆర్టీసీ డిపోలో ప్రవళిక చిత్రపటానికి పూలమాల వేసి నివాళులర్పించారు. డిపో మేనేజర్‌ రాజ్యలక్ష్మి, ఉద్యోగులు నివాళులర్పించినవారిలో ఉన్నారు. మణుగూరులో ర్యాలీ మణుగూరు డిపో ఎదుట కార్మికులు ఆందోళన చేపట్టారు. పట్టణంలో ఆర్టీసి జేఏసీ, ఔట్‌ సోర్సింగ్‌ కండక్టర్స్‌ ఆధ్వర్యంలో డిపో నుంచి వాసవీసురక్షా బస్టాండ్‌ మీదుగా అంబేద్కర్‌ చౌరాస్తా వరకు ర్యాలీ నిర్వహించారు. అంబేద్కర్‌ చౌరస్తా వద్ద మానవహారం నిర్మించారు. సీపీఐ, సీపీఎం, బీసీ సంఘం, ఎమ్మార్పీఎస్‌, బీజేపీ, టీయూసీఐ, ఇఫ్టూ, నాయకులు ర్యాలీలో పాల్గొని కార్మికులకు మద్దతు తెలిపా రు. ఆర్టీసీ గుర్తింపు కార్మిక సంఘం నాయకుడు రాంబాబు మాట్లాడుతూ మృతురాలి తల్లికి రూ.కోటి పరిహారం, ఇన్సూరెన్స్‌ అత్యవసరంగా అందించాలని డిమాండ్‌ చేశారు. మణుగూరు డీఎస్పీ రవీంద్రరెడ్డి, సీఐ నాగబాబు, ఎస్‌ఐ నగేశ్‌లు అవాంఛనీయ సంఘటనలు చోటు చేసుకోకుండా భద్రత చర్యలు చేపట్టారు. అంతిమ వీడ్కోలు మృతదేహాన్ని బుధవారం రాత్రి మణుగూరు డిపో వద్దకు తీసుకురాగా, తోటి కార్మికులు, కార్మిక సంఘాల నాయకులు నివాళులర్పించారు. తల్లి విజయలక్ష్మి, మహిళా కార్మికులు కన్నీరుమున్నీరయ్యారు. ఎమ్మెల్యే పాయం వెంకటేశ్వర్లు మృతదేహంపై పూలమాలవేసి నివాళులర్పించారు. తల్లి విజయలక్ష్మిని పరామర్శించి ధైర్యం చెప్పారు. ఎస్‌డబ్ల్యూఎఫ్‌(సీఐటీయూ) రాష్ట్ర, జిల్లా నాయకులు లింగమూర్తి, బాణాల రాంబాబు, గుండు మాధవరావు, వెంకటేశ్వర్లు, రోశయ్య, వెంకటయ్య, కేవి రామారావు, తాటి సుధాకర్‌, ఆర్‌ఎన్‌ రావు, రమాదేవి, శేఖర్‌, ఉపేందర్‌, ఎంప్లాయిస్‌ యూనియన్‌ నాయకులుబాబు, ఈదురు వెంకన్న, రాఘవులు, గోపాల్‌, అప్పారావు, సీపీఐ నాయకులు సరెడ్డిపుల్లారెడ్డి, దుర్‌ాగ్యల సుధాకర్‌, మున్నా లక్ష్మీకుమారి తదితరులు నివాళులర్పించిన వారిలో ఉన్నారు. ప్రభుత్వమే కారణం.. ఆర్టీసీ ఎంప్లాయీస్‌ యూనియన్‌ రాష్ట్ర కార్యదర్శి భాస్కర్‌ నివాళులర్పించి మాట్లాడారు. ప్రభుత్వం మహాలక్ష్మి పథకం కింద ఉచిత ప్రయాణం ప్రకటించి బస్సులను తగ్గిస్తోందని ఆరోపించారు. దీంతో విపరీతమైన ప్రయాణికుల రద్దీ పెరిగి ఇలాంటి ఘటనలు జరగడానికి ప్రభుత్వమే కారణమవుతోందని ఆరోపించారు. అనంతరం కార్మికులు, బంధువులు కన్నీటి వీడ్కోలు పలికారు. అశ్వాపురం: ఆర్టీసీ కండక్టర్‌ గుండు ప్రవళిక(28) మృతిపై బుధవారం పోలీసులు హత్య కేసు నమోదు చేశారు. మండల పరిధిలోని మిట్టగూడెం వద్ద గత నెల 25న మణుగూరు డిపోకు చెందిన ఆర్టీసు బస్సులో ప్రయాణికురాలు తోసేయడంతో ప్రవళిక బస్సు టైర్ల కింద పడి తీవ్ర గాయాలపాలైంది. హైదరాబాద్‌ సాయిసంజీవని ఆస్పత్రిలో చికిత్స పొందుతూ మంగళవారం రాత్రి మృతి చెందింది. ఉస్మానియా జనరల్‌ ఆస్పత్రిలో ప్రవళిక మృతదేహానికి పోసుమార్టం నిర్వహించారు. ఈ నెల 25న బస్సు ప్రమాదంపై ప్రయాణికురాలు, మండల పరిధిలోని పిచుకలపాడుతండా గ్రామానికి చెందిన మౌనికపై పోలీసులు హత్యాయత్నం కేసు నమోదు చేసి అరెస్ట్‌ చేసి రిమాండ్‌కు తరలించారు. కండక్టర్‌ మృతి చెందడంతో హత్య కేసుగా మార్చి దర్యాప్తు చేస్తున్నట్టు సీఐ ఎల్లయ్య తెలిపారు. గతంలో ఆర్టీసీ యాజమాన్యం ప్రయాణికులకు స్వాగతం చెబుతూ సిబ్బందితో వీడియోలు చేయించి సోషల్‌ మీడియాలో ప్రచారం చేసింది. అప్పుడు ప్రవళిక సురక్షితంగా గమ్యాన్ని చేరేందుకు ఎల్లప్పుడూ ఆర్టీసిలోనే ప్రయాణించండంటూ చేసిన వీడియో బుధవారం సామాజిక మాధ్యమాల్లో చక్కర్లు కొట్టింది. బస్సులోకి ప్రయాణికులకు వెల్‌కం చెప్పిన బంగారు తల్లి.. ఇక సెలవంటూ వెళ్లిపోయిందంటూ ఆర్టీసీ కార్మికులు నివాళులర్పించారు.

భద్రాచలం సబ్‌ కలెక్టర్‌ మృణాల్‌ శ్రేష్ఠభద్రాచలం: రానున్న గోదావరి పుష్కరాల కోసం వివిధ శాఖల ఆధ్వర్యంలో చేపట్టిన అభివృద్ధి పనులను వేగవంతం చేయాలని భద్రాచలం సబ్‌ కలెక్టర్‌ మృణాల్‌ శ్రేష్ఠ అధికారులను ఆదేశించారు. పుష్కరాలకు వచ్చే భక్తులకు ఇబ్బందులు కలగకుండా ముందస్తు ప్రణాళికతో ఏర్పాట్లు చేపట్టాలని సూచించారు. బుధవారం సబ్‌ కలెక్టర్‌ కార్యాలయంలో గోదావరి పుష్కరాల ఏర్పాట్లపై వివిధ శాఖల అధికారులతో ప్రత్యేక సమీక్ష సమావేశం నిర్వహించారు. నిర్మాణ పనుల్లో నాణ్యతా ప్రమాణాలను పాటించాలని చెప్పారు. భక్తుల రాకపోకలకు అనువుగా ఘాట్ల వద్ద అవసరమైన మౌలిక సదుపాయాలు కల్పించాలన్నారు. సురక్షితమైన తాగునీటి సరఫరాకు పక్కా ప్రణాళిక రూపొందించాలని, భక్తులకు నిరంతరం అందుబాటులో ఉండేలా చర్యలు తీసుకోవాలని ఆదేశించారు. పుష్కర ప్రాంతాల్లో ఆకర్షణీయమైన లైటింగ్‌ ఏర్పాటు చేయడంతో పాటు ఘాట్లు, పరిసర ప్రాంతాల్లో మెరుగైన పారిశుద్ధ్య నిర్వహణ చేపట్టాలని సూచించారు. శాఖల మధ్య సమన్వయం పెంపొందించుకొని పనుల పురోగతిని ఎప్పటికప్పుడు సమీక్షించుకోవాలన్నారు. ఈ సమావేశంలో డీపీఓ అనూష, రామాలయ ఈఓ దామోదర్‌ రావు, వివిధ శాఖల అధికారులు పాల్గొన్నారు.

పాల్వంచ: కొద్దిరోజులుగా కురుస్తున్న వర్షాలతో కేటీపీఎస్‌ కర్మాగారంలో విద్యుదుత్పత్తి తగ్గిపోయింది. హైడల్‌ ప్రాజెక్ట్‌ల నుంచి ఉత్పత్తి అధికంగా వస్తుండటంతోపాటు రాత్రి వేళల్లో విద్యుత్‌ వినియోగం తగ్గుతోంది. దీంతో రాత్రి వేళల్లో కేటీపీఎస్‌లో ఉత్పత్తిని బ్యాక్‌డౌన్‌లో ఉంచుతున్నారు. 9వ యూనిట్‌లో 250 మెగావాట్లకు గాను సుమారు 150 మెగావాట్లు, 11 యూనిట్‌లో 500 మెగావాట్లకు గాను 300 మెగావాట్లు, 12 యూనిట్‌లో 800 మెగావాట్లకు గాను 700 మెగావాట్లకు ఉత్పత్తి తగ్గించారు. మరో వైపు నాణ్యత లేని బొగ్గు సైతం వస్తుండటంతో యూనిట్లు ట్రిప్‌ కాకుండా ముందస్తు జాగ్రత్తగా తక్కువ లోడ్‌తో యూనిట్లను నడుపుతున్నట్లు తెలుస్తోంది. వార్షిక మరమ్మతులతో 10వ యూనిట్‌ నిలిపివేత కేటీపీఎస్‌ 5వ దశ కర్మాగారంలోని 250 మెగావాట్ల సామర్థ్యం కలిగిన 10వ యూనిట్‌ను బుధవారం వార్షిక మర్మమతుల కోసం ఉత్పత్తిని పూర్తిగా నిలిపివేశారు. సుమారు 20 రోజుల్లో మరమ్మతులు పూర్తి చేసి, అనంతరం ఉత్పత్తిని పునరుద్ధరిస్తామని సీఈ ఎం.ప్రభాకర్‌ రావు తెలిపారు. వర్షాల కారణంగా 5వ దశలో 250 మెగావాట్లకు గాను 240 మెగావాట్ల విద్యుత్‌ ఉత్పత్తి చేస్తున్నారు.

ఖమ్మం స్పోర్ట్స్‌: రాష్ట్రస్థాయి పాఠశాలల అండర్‌–17 అథ్లెటిక్స్‌ పోటీలు బుధవారం ఖమ్మంలోని పోలీస్‌ పరేడ్‌ మైదానంలో ప్రారంభమయ్యాయి. ఈసందర్భంగా డీఈఓ వాసంతి క్రీడా పతాకాన్ని ఎగురవేసి మాట్లాడుతూ విద్యార్థుల్లో క్రీడా ప్రతిభను మరింత మెరుగుపరుచుకునేందుకు పోటీలు దోహదం చేస్తాయని తెలిపారు. గెలుపోటములను సమానంగా స్వీకరించి నైపుణ్యాలు పెంచుకునేలా కృషి చేయాలని సూచించారు. అనంతరం డీవైఎస్‌ఓ టి.సునీల్‌రెడ్డి మాట్లాడుతూ ఖేలో ఇండియా అథ్లెటిక్స్‌ రాష్ట్ర స్థాయి పోటీల్లో జిల్లా క్రీడాకారులు ప్రతిభ చాటాలని ఆకాంక్షించారు. జాతీయస్థాయి పోటీలు సమీపించడంతో వాతావారణం అనుకూలించకపోయినా రాష్ట్రస్థాయి పోటీలు నిర్వహించడం అభినందనీయమని తెలిపారు. ఈకార్యక్రమంలో జిల్లా పాఠశాలల క్రీడా కార్యదర్శి వై.చిన్ని పాల్గొన్నారు. అండర్‌–17 పోటీలకు 500మంది అథ్లెట్ల హాజరు

దమ్మపేట: మండల పరిధిలో కురుస్తున్న వర్షాలకు మల్లెపూల వాగు ఒక్కసారిగా ఉప్పొంగడంతో బుధవారం పొలం పనులకు వెళ్లిన 11 మంది గ్రామస్తులు వేర్వేరు ప్రాంతాల్లో వరద నీటిలో చిక్కుకున్నారు. వీరిని ఎస్‌డీఆర్‌ఎఫ్‌ బృందాలు రక్షించాయి. మండలంలోని దురదపాడు గ్రామానికి చెందిన వీరప్రోలునాగమణి(43) గ్రామ శివారులోని పొలం వద్దకు వెళ్లి ఆకస్మికంగా వచ్చిన వరద ఉధృతికి వాగులో చిక్కుకుపోయింది. పొలం గట్టుపై ఉన్న ఓ చెట్టును ఆశ్రయించి అక్కడే ఆగిపోయింది. విషయాన్ని గ్రామస్తులు వ్యవసాయ శాఖ మంత్రి తుమ్మల నాగేశ్వరరావు దృష్టికి తీసుకెళ్లగా, ఆయన జిల్లా ఉన్నతాధికారులతో ఫోన్‌లో మాట్లాడారు. దీంతో అక్కడకు చేరుకున్న రెస్క్యూ బృందం, బోటు ద్వారా వెళ్లి ఆమెను సురక్షితంగా బయటకు తీసుకువచ్చింది. మరో ఘటనలో.. మండలంలోని తొట్టిపంపు గ్రామ శివారు గుబ్బల మంగమ్మ ఆలయం సమీపంలో వ్యవసాయ పనుల కోసం వచ్చిన అదే గ్రామానికి చెందిన పది మంది వ్యక్తులు వరద నీరు ఒక్కసారిగా చుట్టుముట్టడంతో చిక్కుకుపోయారు. వారు నిలబడిఉన్న రహదారి ఎత్తుగా ఉండటంతో క్షేమంగా ఉన్నప్పటికీ, ఎటువైపు బయటకు వెళ్లలేని పరిస్థితి ఏర్పడింది. సమాచారం అందుకున్న అధికారులు ఎస్డీఆర్‌ఎఫ్‌ బృందాలను రప్పించారు. బోట్లలో వారి వద్దకు చేరుకుని పది మందిని సురక్షితంగా బయటకు తరలించారు. సహాయక చర్యలను తహసీల్దార్‌(ట్రెయినీ డిప్యూటీ కలెక్టర్‌) మద్దినేని మురళి పర్యవేక్షించారు. ములకలపల్లిలో.. ములకలపల్లి: మండలంలోని మూకమామిడి గ్రామానికి చెందిన మిర్యాల మధు, మరో ఇద్దరు రైతులతో బుధవారం పాతమూకమాడి సమీపంలోని పంట చేలోకి వెళ్లాడు. మోటారు తొలగించి తిరిగి ఇంటికి బయలుదేశారు. మార్గమధ్యలోకి వచ్చిన మధు తోటలో పవర్‌ స్ప్రేయర్‌ ఉందంటూ మళ్లీ చేలోకి వెళ్లాడు. ఆ సమయంలో వాగు గమనం మార్చుకుని రెండోపాయగా చీలిపోయి, మధు పత్తి చేను గుండా ప్రవహించింది. దీంతో రెండు ప్రవా హాల నడుమ చిక్కుకున్న మధు, చెట్టు ఎక్కి సహా యం కోసం అభ్యర్థించాడు. తోటి రైతుల సమాచారంతో ఎస్సై మధుప్రసాద్‌ డీడీఆర్‌ఎఫ్‌, ఎస్‌డీఆర్‌ఎఫ్‌ బృందాలతో అక్కడకు చేరుకున్నారు. వరద ప్రవాహం ఉధృతంగా ఉండటంతో ఐదు గంటలపాటు రెస్క్యూ నిర్వహించారు. డ్రోన్‌ సాయంతో సహాయక చర్యలుచేపట్టారు. సాయంత్రానికి మధు ను క్షేమంగా వాగు దాటించి తీసుకొచ్చారు. సర్పంచ్‌ ఆదిలక్ష్మి, పాల్వంచ సీఐ సతీష్‌, తహసీల్దార్‌ స్వాతిబిందు సహాయక చర్యలను పర్యవేక్షించారు.వేర్వేరు ప్రాంతాల్లో రక్షణ చర్యలు

● అరుదైన వ్యాధి చికిత్సకు రూ.22 లక్షలు అవసరం ● దాతలు చేయూత ఇవ్వాలని కుటుంబం వేడుకోలునేలకొండపల్లి: ఓ చిన్నారి ప్రాణాపాయ పరిస్థితుల్లో కొట్టుమిట్టాడుతోంది. అరుదైన వ్యాధి బారిన పడిన బాలిక చికిత్సకు రూ.22లక్షల అవసరమని చెప్పడంతో నిరుపేద కుటుంబం కన్నీరుమున్నీరవుతోంది. దాతలు దయతలచి తమ బిడ్డ ప్రాణాలు కాపాడాలని తల్లిదండ్రులు కోరుతున్నారు. పుట్టుకతో వచ్చే సమస్య నేలకొండపల్లికి చెందిన కొత్తా రవీందర్‌ సాధారణ మెకానిక్‌గా జీవనం సాగిస్తున్నాడు. ఆయన కుమార్తె మహాన్య కొన్నాళ్ల క్రితం అనారోగ్యం బారిన పడడంతో ఆస్పత్రిలో చూపించగా.. ‘కోలెడోచల్‌ సిస్ట్‌’ సమస్యతో బాధపడుతున్నట్లు తేలింది. తద్వారా కాలేయం నుంచి పిత్తాశయం, చిన్న పేగులకు జీర్ణ సంబంధిత పైత్యరసాన్ని తీసుకుకెళ్లే పైత్య వాహికలు అసాధారణంగా విస్తరించడం లేదా బెలూన్‌లా ఉబ్బడం వల్ల వచ్చే అరుదైన సమస్యగా గుర్తించారు. దీంతో రవీందర్‌ తన స్థాయికి మించి అందినకాడికల్లా అప్పులు తెచ్చి వైద్యం చేయించారు. ప్రస్తుతం హైదరాబాద్‌లోని ఓ ప్రైవేట్‌ ఆస్పత్రిలో మహాన్యను చేర్పించగా, చికిత్స, ఇతర వైద్య ఖర్చుల కోసం దాదాపు రూ.22 లక్షల వరకు అవసరమని వైద్యులు తెలిపారు. ఇంత డబ్బు ఎలా సమకూర్చుకోవాలో తెలియక రవీందర్‌ కుటుంబం కన్నీరుమున్నీరవుతోంది. తమ బిడ్డను కాపాడుకునేందుకు దాతలు చేయూతనివ్వాలని కోరుతున్నారు. ఆర్థిక సాయం చేయాలనుకునే వారు 97054 75820 నంబర్‌కు ఫోన్‌ పే చేయాలని రవీందర్‌ విజ్ఞప్తి చేశారు.

జిల్లా వ్యవసాయశాఖ అధికారి బాబూరావు జూలూరుపాడు(సుజాతనగర్‌): తుపాన్‌ ప్రభా వంతో దెబ్బతిన్న పంటల సంరక్షణకు రైతులు తగిన జాగ్రత్తలు తీసుకోవాలని జిల్లా వ్యవసాయశాఖ అధికారి బాబూరావు సూచించారు. సుజాతనగర్‌ మండలం వేపలగడ్డలో మురసు తుపాన్‌ ప్రభావంతో దెబ్బతిన్న వరి పంటను బుధవారం పరిశీలించారు. ఈ సందర్భంగా మాట్లాడుతూ దెబ్బతిన పంటల్లో వ్యవసాయశాఖ అధికారుల సలహా మేరకు సస్యరక్షణ చర్యలు చేపట్టాలన్నారు. అశ్వారావుపేట, దమ్మపేట, ములకలపల్లి మండలాల్లో అధిక వర్షపాతం నమోదైన నేపథ్యంలో పంట నష్టంపై ప్రాథమిక అంచనాలు రూపొందించినట్లు తెలిపారు. ఇప్పటివరకు సుమారు 1,600 ఎకరాల్లో మినుము పంట, 1,500 ఎకరాల్లో వరి పంట దెబ్బతిన్నట్లు ప్రాథమికంగా అంచనా వేశామని, ఇంకా వివరాలు సేకరిస్తున్నామని వివరించారు. కొత్తగూడెం ఏడీఏ సుధాకర్‌, సుజాతనగర్‌ ఎంఏఓ నర్మద పాల్గొన్నారు. ఉపాధి వనరుగా మలుచుకోవాలిఇల్లెందురూరల్‌: వర్మీ కంపోస్టు తయారీ, మేకల పెంపకంపై ఐటీడీఏ ద్వారా పొందిన శిక్షణను ఉపాధి వనరుగా మలచుకోవాలని వ్యవసాయ నైపుణ్యాభివృద్ధి సంస్థ (ఏఎస్‌సీఐ) ప్రతినిధులు సతీష్‌పాండే, రీతురాజ్‌ పురుషోత్తం సూచించారు. ఇల్లెందు వైటీసీ పర్యవేక్షణలో మండలంలోని పూబెల్లి గ్రామంలో సేంద్రియ ఎరువుల తయారీ, టేకులపల్లి మండలం రోళ్ళపాడు గ్రామంలో మేకల పెంపకం శిక్షణ తరగతులను బుధవారం పరిశీలించారు. సేంద్రియ ఎరువు తయారీ, తీసుకోవాల్సిన జాగ్రత్తలు, మేకల పెంపకంలో మెళకువలు, వాటికి వచ్చే వ్యాధులు, నివారణకు తీసుకోవా ల్సిన జాగ్రత్తలపై రైతులతో చర్చించారు. వ్యవసాయంతోపాటు అనుబంధ రంగాలపై అవగాహన పెంపొందించుకుంటే ప్రత్యామ్నాయ ఉపాధి వనరుగా ఉంటాయని పేర్కొన్నారు. వైటీసీ ఇన్‌చార్జి అనసూర్య, శిక్షకురాలు కీర్తన, పూబెల్లి సర్పంచ్‌ సాయమ్మ, కార్యదర్శి బాలకృష్ణ తదితరులు పాల్గొన్నారు. అంతర్‌ జిల్లా ముఠా అరెస్ట్‌ ఖమ్మం క్రైం: తాళం వేసి ఉన్న ఇళ్లను గుర్తించేందుకు పొద్దంతా కారులో తిరుగుతూ రెక్కీ నిర్వహించడం.. ఎంపిక చేసుకున్న ఇళ్లలో రాత్రివేళ చోరీలకు పాల్పడుతున్న అంతర్‌ జిల్లా ముఠా ను ఖమ్మం సీసీఎస్‌ పోలీసులు అరెస్ట్‌ చేశారు. గత ఐదు నెలలుగా ఈ ముఠా ఖమ్మం, మహబూబాబాద్‌ జిల్లాల్లోని పలు ప్రాంతాలకు చోరీకి పాల్ప డినట్లు గుర్తించారు. ఈ మేరకు అడిషనల్‌ డీసీపీ రామానుజం బుధవారం వివరాలు తెలిపారు. ఖమ్మంకు చెందిన చల్లా వెంకటేశ్వర్లు, పాయన నవీన్‌, వాజేడుకు చెందిన వేములవాడ జీవనప్రకాష్‌ కలిసి విలాసవంతమైన జీవి తానికి అలవాటు పడి చోరీలు మొదలు పెట్టారు. ఖమ్మం జిల్లాలోని వైరా, ఏన్కూరు, కల్లూరు, కారేపల్లితో పాటు మహబూబాబాద్‌ జిల్లాల్లోని పలు ప్రాంతాల్లో చోరీలకు పాల్పడగా కేసులు నమోదు నమోదయ్యాయి. ఈమేరకు సీపీఎస్‌ ఏసీపీ సర్వర్‌, సీఐలు రాజ్‌కుమార్‌ గౌడ్‌, వంశీకృష్ణ నిఘా వేయగా వారం క్రితం ఇద్దరు పట్టుబడ్డారు. ఈ బృందం నాయకుడు వెంకటేశ్వర్లును బుధవారం అరెస్ట్‌ చేయగా, ఒక కారు, యాభై గ్రాముల బంగారం, 400గ్రాముల వెండిం స్వాధీనం చేసుకున్నట్లు అడిషనల్‌ డీసీపీ తెలిపారు. ఈ సందర్భంగా ఏసీపీ సీఐ, ఎస్సైలతో పాటు ఉద్యోగులు వేణు, ఓంప్రకాష్‌, హరికృష్ణ, సుధీర్‌, నరసింహారావు, మంగిత్యా, జానీ, శ్రీధర్‌, సతీష్‌, సుందరం, నర్సింహారావును ఆయన అభినందించారు. ఐరన్‌ స్క్రాప్‌ దొంగల పట్టివేతమణుగూరు టౌన్‌: సింగరేణి కాలరీస్‌ మణుగూరు ఏరియాలోని పీకేఓసీ–4 అంతర్గత ఓబీ డంప్‌ వద్ద ఇనుప సామగ్రి చోరీకి పాల్పడి ఐరన్‌ను ఎత్తుకెళ్తున్న దొంగలను సెక్యూరిటీ సిబ్బంది బుధవారం మధ్యాహ్నం పట్టుకున్నారు. మున్సిపాలిటీలోని శేషగిరినగర్‌కి చెందిన ఇద్దరు మహిళలను, గాంధీనగర్‌కి చెందిన ఇద్దరు మహిళలు, ఒక వ్యక్తిని అదుపులోకి తీసుకున్నారు. వారిని పోలీసులకు అప్పగించినట్లు సిబ్బంది తెలిపారు.

అశ్వారావుపేట అతలాకుతలమైంది. మురసు తుపాన్‌ ప్రభావంతో నియోజకవర్గవ్యాప్తంగా కురిసిన వర్షం తీరని నష్టాన్ని మిగిల్చింది. జిల్లాలోని ఇతర ప్రాంతాల్లోనూ పంటలను దెబ్బతీసింది. కుండపోత వర్షానికి వాగులు, వంకలు ఉధృతంగా ప్రవహించాయి. చెరువు కట్టలు తెగిపోయాయి. రహదారులు కోతకు గురయ్యాయి. పంట చేలు నీట మునిగాయి. పత్తి, వరి, వేరుశెనగ, మినుము, మిర్చి, మొక్కజొన్న పంటలు, పామాయిల్‌ తోటలు దెబ్బతిన్నాయి. లోతట్టు ప్రాంతాల ఇళ్లు జలమయంగా మారాయి. దమ్మపేట, ములకలపల్లి మండల కేంద్రాలు వరదతో ముంచెత్తాయి. వాగులు ఉప్పొంగి, రహదారులు తెగిపోయి రాకపోకలు స్తంభించాయి. అశ్వారావుపేట మండలం ఊట్లపల్లి–నల్లబాడు చెరువు ప్రధాన రహదారిపై ఆటో, ద్విచక్రవాహనాలు కొట్టుకుపోయాయి. పలు చోట్ల వృక్షాలు విరిగిపడ్డాయి. అశ్వారావుపేటలో 27.8 సెం.మీ, ములకలపల్లిలో 23.8 సెం.మీ వర్షపాతం నమోదైంది. మూకమామిడి ప్రాజెక్ట్‌ అలుగు, ఇతర ప్రాంతాల వరదతో మొగరాలగుప్ప శివారులోని పాములేరు వాగుపై వంతెన కూలిపోయింది. పలు గ్రామాలు జలదిగ్బంధంలోనే ఉండిపోయాయి. ముర్రేడు, పాములేరు ఉధృత రూపం దాల్చాయి. ములకలపల్లిలో 3 అడుగుల ఎత్తులో ఉన్న ఆర్‌అండ్‌బీ రోడ్డు డివైడర్‌ మీదుగా వరద ప్రవహించింది. రహదారులు తెగి పాల్వంచ, అన్నపురెడ్డిపల్లి మార్గాల్లో రాకపోకలు స్తంభించాయి. దమ్మపేట మండలంలో 16.5సెం.మీ వర్షపాతం నమోదైంది. దమ్మపేట శివారు ముంపు ప్రాంతవాసులను జిల్లా పరిషత్‌ ఉన్నత పాఠశాల పునరావాస కేంద్రానికి తరలించారు. విద్యుత్‌ స్తంభాలు కిందపడిపోగా వైర్లు వరద నీటిలో వేలాడాయి. ప్రధాన రహదారిపైకి భారీగా వరద నీరు చేరి దమ్మ పేటలో రాకపోకలు నిలిచిపోయాయి. ఏర్పడింది. కొత్తగూడెం, పాల్వంచ, దుమ్ముగూడెం తదితర ప్రాంతాల్లో కూడా ఓ మోస్తరు నుంచి భారీ వర్షాలు కురిశాయి. –సాక్షి నెట్‌వర్క్‌ మురసు తుపాన్‌ ప్రభావంతో భారీగా వర్షాలు

● తుపాన్‌ ప్రభావంతో సుమారు 20 వేల ఎకరాల్లో పంట నష్టం ● చేతికందే దశలో పంటలు చేజారిపోవడంతో రైతుల మనోవేదన బూర్గంపాడు: మురసు తుపాన్‌ రైతులను ముంచింది. చేతికందే సమయంలో పంటలు దెబ్బతిన్నాయి. తుపాన్‌ ప్రభావంతో కురిసిన భారీ వర్షాలు, ఈదురుగాలులు వరి పొలాలు, మిర్చి తోటలు నేలవాలాయి. తొలివిడత దశలో ఉన్న పత్తి చేలు కూడా దెబ్బతిన్నాయి. వరి పంట నేలవాలడంతో దిగుబడిపై ప్రభావం చూపనుంది. వడ్లు రాలిపోవడం, తడిసిన పంట నాణ్యత దెబ్బతినే ప్రమాదం ఉండటంతో రైతులు ఆందోళన చెందుతున్నారు. వేలాది రూపాయల పెట్టుబడి పెట్టి సాగు చేసిన మిర్చి తోటలు దెబ్బతిన్నాయి. ఈదురుగాలుల ధాటికి పలు చోట్ల మొక్కలు నేలకొరిగాయి. పంట ఎదుగుదల, దిగుబడిపై ప్రభావం పడుతుందేమోనని రైతులు దిగులు చెందుతున్నారు. తొలివిడత తీతలు కొనసాగుతున్న సమయంలో తుపాన్‌ రావడంతో చేలల్లో పూసిన పత్తి నేలరాలింది. పత్తి తడిసిపోవడంతో నల్లబడి ధర తగ్గే అవకాశం ఉందని రైతులు ఆవేదన చెందుతున్నారు. 20 వేల ఎకరాల్లో పంట నష్టం మురసు తుపాను ప్రభావంతో జిల్లాలో సుమారు 20 వేల ఎకరాల్లో వివిధ పంటలకు నష్టం వాటిల్లినట్లు అంచనా. వరి, మిర్చి, పత్తి, మొక్కజొన్న పంటలు ప్రధానంగా దెబ్బతిన్నాయి. పంట చేతికొచ్చే సమయంలో నష్టం జరగడంతో రైతులు ఆర్థికంగా ఇబ్బందులు ఎదుర్కొనే పరిస్థితి ఏర్పడింది. వ్యవసాయ శాఖ అధికారులు క్షేత్రస్థాయిలో దెబ్బతిన్న పంటలను పరిశీలించి, నష్టం అంచనా వేయాలని రైతులు కోరుతున్నారు. ప్రభుత్వం పంట నష్టానికి పరిహారం చెల్లించాలని విజ్ఞప్తి చేస్తున్నారు. ఎంతో ఆశతో మిర్చి సాగు చేసి, వేలాది రూపాయలు పెట్టుబడి పెట్టాను. కానీ మురసు తుపాన్‌ మా ఆశలపై నీళ్లు చల్లింది. భారీ వర్షాలు, ఈదురుగాలులతో పంటంతా దెబ్బతిన్నది. ప్రభుత్వం స్పందించి నష్టపోయిన రైతులకు పరిహారం అందించాలి. –పాండవుల దర్గయ్య రైతు,టేకుల చెరువు

పాల్వంచరూరల్‌: ఎల్‌నినో ప్రభావం కారణంగా ఇప్పటివరకు చెరువుల్లోకి నీరు అంతంతమాత్రంగానే చేరింది. మురసు తుపాన్‌ ప్రభావంతో రెండు, మూడు రోజులుగా కురుస్తున్న వర్షాలకు చెరువులు నిండుతున్నాయి. కుంటలు, చెక్‌ డ్యామ్‌లు నిండుకుండలా మారుతున్నాయి. జిల్లాలో మొత్తం 2,384 చెరువులు ఉండగా, ప్రస్తుతం 510 చెరువులు అలుగు పోస్తున్నాయి. 139 చెరువుల్లోకి 25 శాతం మేర నీరు చేరింది. 554 చెరువులు 25నుంచి 50 శాతం వరకు, 726 చెరువులు 50 నుంచి 75 వరకు, 455 చెరువులు 75 శాతం నుంచి 100 శాతం వరకు నిండాయని జలవనరులశాఖ సీఈ శ్రీనివాసరెడ్డి తెలిపారు. బుధవారం కురిసిన భారీ వర్షానికి వాగులు ఉప్పొంగి వరద నీరు వచ్చి చెరువుల్లో చేరుతోంది. పాల్వంచ మండలం దంతలబోరు, బండ్రుగొండ, నాగారం గ్రామాల చెరువులు, మందేరకలపాడు వద్ద రాళ్లవాగు పిక్‌డ్యామ్‌ కూడా అలుగుపోస్తున్నాయి. సోములగూడెం, సూరారం చెక్‌ డ్యామ్‌లు పొంగిపొర్లుతుండగా, రేగులగూడెం పంచాయతీలోని ఎర్రసాని చెరువు అలుగుపారుతోంది. తహసీల్దార్‌ వేధింపులు?సబ్‌ కలెక్టర్‌కు ఫిర్యాదు చేసిన సిబ్బంది! మణుగూరు టౌన్‌: తహసీల్దార్‌ వ్యవహార శైలిపై కార్యాలయ సిబ్బంది బుధవారం భద్రాచలం సబ్‌ కలెక్టర్‌కు ఫిర్యాదు చేసినట్లు తెలిసింది. విశ్వసనీయ సమాచారం ప్రకారం... ఫీల్డ్‌ విధులకు వెళ్లిన కొందరు సిబ్బంది ఆలస్యంగా వస్తున్నారని, సర్టిఫికెట్ల జారీలో ఆలస్యం చేస్తున్నారని, ఎస్‌ఐఆర్‌, ఎమ్మెల్సీ ఓటు నమోదులో జాప్యం చేస్తున్నారని తహసీల్దార్‌ సిబ్బందిని మందలించినట్లు సమాచారం. దశాబ్దాల అనుభవం ఉన్న అధికారులను ఉద్దేశించి ‘చేతగాకపోతే జీపీఓగా పనిచేసుకోండి... కలెక్టర్‌ దగ్గర మీ సంగతి తేలుస్తా, మెమోలు జారీ చేయిస్తా. అంటూ సిబ్బందిని దుర్భాషలాడినట్లు సమాచారం. దీంతో కొందరు సబ్‌ కలెక్టర్‌కు ఫిర్యాదు చేసినట్లు తెలిసింది. ట్రాక్టర్‌ చక్రాల దొంగలు అరెస్టుపెనుబల్లి: ట్రాక్టర్ల పుల్‌ వీల్స్‌ను ఎత్తుకెళ్తున్న ముఠా ను అరెస్ట్‌ చేసినట్లు సత్తుపల్లి రూరల్‌ సీఐ సరవయ్య తెలిపారు. వీఎం బంజర్‌, వేంసూరు పోలీసుస్టేషన్ల పరిధిలో నమోదైన కేసులకు సంబంధించి ఐదుగురిని అరెస్టు చేయడంతో పాటు రూ. 6.50 లక్షల విలువైన పుల్‌వీల్స్‌ స్వాధీనం చేసుకున్నామని వెల్ల డించారు. వీఎం బంజర్‌ స్టేషన్‌ బుధవారం ఏర్పాటుచేసిన సమావేశంలో ఆయన వివరాలు వెల్లడించారు. ఎస్‌ఐ షాకీర్‌, సిబ్బంది టి.వెంకటేశ్వర్లు, ఎస్‌.రాజమల్లు, జి.శ్రీనివాస్‌తో కలిసి వాహనా తనిఖీ చేస్తుండగా ముత్తగూడెం గ్రీన్‌ఫీల్డ్‌ హైవే బ్రిడ్జి వద్ద రెండు బొలెరో వాహనాల్లో ట్రాక్టర్‌ పుల్‌ వీల్స్‌ను తీసుకెళ్తున్న ఐదుగురిని గుర్తించారు. వీరి ఆరా తీయగా చక్రాలను చోరీ చేసినట్లు బయటపడింది. ఈమేరకు సత్తుపల్లి, దమ్మపేట, అశ్వారావుపేట మండలాలకు చెందిన పంతంగి చెన్నకేశవ, కుంట రాఘవేంద్ర, మేకల గోవర్దన్‌, పుచ్చి ముత్తయ్య, గోపిన నవీన్‌ పట్టుబడగా, ఎస్‌,కే.మస్తాన్‌ పరారీలో ఉన్నాడని సీఐ తెలిపారు. నిందితులను సత్తుపల్లి కోర్టులో హాజరుపర్చి, రిమాండ్‌కు తరలించినట్లు చెప్పారు. కాగా, కేసు విచారణలో కీలకంగా వ్యవహరించిన సీఐ నరసయ్య, వీఎం బంజర్‌, వేంసూరు ఎస్‌ఐలు షాకీర్‌, పల్లెల ప్రదీప్‌ ను సీపీ సునీల్‌దత్‌, ఏసీపీ వసుంధర యాదవ్‌ అభినందించారు.

భద్రాచలంటౌన్‌: భద్రాచల శ్రీ సీతారామచంద్రస్వామి దేవస్థానంలో ఈ నెల 25న నిర్వహించనున్న కృత్తికా దీపోత్సవం సందర్భంగా తిరువీధి సేవ రద్దు చేసినట్లు ఆలయ ఈఓ కె.దామోదర్‌రావు బుధవారం ఒక ప్రకటనలో తెలిపారు. ఆలయ అభివృద్ధి పనుల కారణంగా తిరువీధి సేవ నిర్వహించడం లేదని, ఆలయ చుట్టుసేవ యథావిధిగా ఉంటుందని పేర్కొన్నారు. ఈ నెల 8న దీపావళి పర్వదినం సందర్భంగా మంగళహారతులు, అభిషేకాలు తదితర పూజా కార్యక్రమాలు యథావిధిగా నిర్వహించనున్నట్లు వెల్లడించారు. 11న బాలల సైన్స్‌ కాంగ్రెస్‌కొత్తగూడెంఅర్బన్‌: జిల్లా స్థాయి జాతీయ బాలల సైన్స్‌ కాంగ్రెస్‌ పోటీలను ఈ నెల 11వ తేదీన నిర్వహించనున్నట్లు డీఈఓ ఎస్‌.శంభూప్రసాద్‌ తెలిపారు. కొత్తగూడెంలోని ఆనందఖని జెడ్పీహెచ్‌ఎస్‌లో జరిగే పోటీల్లో ‘సుస్థిరత కోసం సైన్స్‌, ఆవిష్కరణలు‘ ప్రధాన ఇతివృత్తంగా విద్యార్థులు ఎగ్జిబిట్లను ప్రదర్శించాల్సి ఉంటుందని పేర్కొన్నారు. నిబంధనలు, సూచనలకు సంబంధించి ఆన్‌లైన్‌లో రిజిస్ట్రేషన్‌ చేసుకుని, ఆ ఫారంతో హాజరుకావాలని, 10 – 14 ఏళ్ల విద్యార్థులను జూనియర్స్‌గా, 14 – 17 ఏళ్ల వారిని సీనియర్స్‌గా పరిగణిస్తామని తెలిపారు. అన్ని ప్రభుత్వ, ప్రైవేట్‌, ఎయిడెడ్‌, మోడల్‌ పాఠశాలల నుంచి ఎక్కువ సంఖ్యలో విద్యార్థులు హాజరయ్యేలా ఉపాధ్యాయులు చొరవ చూపాలని సూచించారు. ఇక్కడ అర్హత సాధించే ఉత్తమ ప్రాజెక్టులను రాష్ట్ర స్థాయి పోటీలకు ఎంపిక చేస్తామని, వివరాలకు జిల్లా కోఆర్డినేటర్‌, జిల్లా సైన్స్‌ అధికారి బి.సంపత్‌కుమార్‌ను సంప్రదించాలని డీఈఓ ఓ ప్రకటనలో తెలిపారు. వైద్య కోర్సుల దరఖాస్తు గడువు పెంపుచుంచుపల్లి: ప్రభుత్వ వైద్య కళాశాలలో రెండేళ్ల కాలపరిమితి కలిగిన వైద్య ప్రయోగశాల సాంకేతిక నిపుణుల శిక్షణ, మూత్రపిండాల శుద్ధి చికిత్స కోర్సుల్లో 30 చొప్పున సీట్ల భర్తీకి దరఖాస్తులు ఆహ్వానిస్తున్నారు. దరఖాస్తుల గడువును ఈ నెల 13వ వరకు పొడిగించారు. అర్హులైన విద్యార్థులు ఆన్‌లైన్‌లో దరఖాస్తు చేసుకుని, అవసరమైన ధ్రువపత్రాలను ప్రభుత్వ వైద్య కళాశాలలో సమర్పించాలని ప్రిన్సిపాల్‌ బుధవారం ఒక ప్రకటనలో తెలిపారు. ‘ఆరోగ్య’ లక్ష్యం సాధించాలిచుంచుపల్లి: జిల్లాలో అమలవుతున్న ప్రజారోగ్య కార్యక్రమాల లక్ష్యాలను నిర్దేశిత గడువులోగా పూర్తి చేయాలని జిల్లా వైద్య ఆరోగ్యశాఖ అధికారి డాక్టర్‌ తుకారాం రాథోడ్‌ ఆదేశించారు. బుధవారం వైద్యాధికారులు, పర్యవేక్షకులతో నిర్వహించిన సమీక్షలో టీబీ నిర్మూలన, హెచ్‌పీవీ టీకాలు, మాతా శిశు ఆరోగ్య కార్యక్రమాల పురోగతిని సమీక్షించారు. అర్హులైన టీబీ రోగులకు ఆరు నెలలపాటు నెలకు రూ.1,000 చొప్పున పోషకాహార సాయం అందించాలన్నారు.హెచ్‌పీవీ టీకాల లక్ష్యం పూర్తి చేయాలని చెప్పారు. అదనపు డీఎంహెచ్‌ఓలు, ప్రోగ్రాం అధికారులు, వైద్య సిబ్బంది పాల్గొన్నారు. 22న రాష్ట్ర స్థాయి డ్యాన్స్‌ పోటీలుఇల్లెందు: భద్రాద్రి 24 క్రాఫ్ట్స్‌ ఆధ్వర్యంలో ఇల్లెందులో ఈ నెల 22న రాష్ట్రస్థాయి డ్యాన్స్‌ పోటీలు నిర్వహించనున్నారు. ఈ పోటీల పోస్టర్లను బుధవారం ఇల్లెందులోని ఎంఆర్‌జీ నారాయణ పాఠశాలలో కౌన్సిలర్‌ దండు సారయ్య, విద్యావేత్త డాక్టర్‌ ఆకుల లక్ష్మి, హెచ్‌ఎం వంగూరి శ్రీనివాసరావు ఆవిష్కరించారు. ఈ సందర్భంగా వారు మాట్లాడుతూ కళలు, కళాకారులను ప్రోత్సహించేలా పోటీలు నిర్వహించడం అభినందనీయమన్నారు. అనంతరం భద్రాద్రి 24 క్రాఫ్ట్స్‌ వ్యవస్థాపక అధ్యక్షుడు కడారి వెంకటేష్‌, జిల్లా అధ్యక్షుడు శ్రీకాంత్‌తో పాటు శేఖర్‌, సాయి, కంకణాల రాజేష్‌ మాట్లాడుతూ ఆరు విభాగాల్లో పోటీలు నిర్వహిస్తామని, విజేతలకు నగదు బహుమతులు అందిస్తామని తెలిపారు. నేటి నుంచి కరాటే టోర్నీ ఖమ్మం స్పోర్ట్స్‌: జిల్లా జూనియర్‌ కళాశాలల క్రీడా సంఘం ఆధ్వర్యాన రాష్ట్రస్థాయి అండర్‌–19 కరాటే పోటీలను గురువారం నుంచి నిర్వహించనున్నారు. ఖమ్మంలోని సర్దార్‌ పటేల్‌ స్టేడియంలో ఈ పోటీలు జరుగుతాయి. పోటీలకు రాష్ట్రవ్యాప్తంగా 400 మంది బాలబాలికలు హాజరవుతారు. బరువు కేటగిరీల వారీగా నిర్వహించే పోటీల న్యాయనిర్ణేతగా గోపతి సైదులు వ్యవహరిస్తారు.

సూపర్‌బజార్‌(కొత్తగూడెం): లక్ష్మీదేవిపల్లి పోలీస్‌ స్టేషన్‌ పరిధిలోని ఎదురుగడ్డ గ్రామానికి చెందిన మేడి అఖిల్‌ హత్య కేసులో పోలీసులు మరో ముగ్గు రు నిందితులను అరెస్ట్‌ చేశారు. ఈ కేసులో ఇప్పటికే నలుగురు నిందితులను అరెస్ట్‌ చేసిన విష యం విదితమే. దర్యాప్తు కొనసాగిస్తున్న పోలీసులు హత్య కేసులో ప్రమేయం ఉన్న ఎదురుగడ్డ గ్రామానికి చెందిన సురేష్‌, పవన్‌, వినోద్‌లను మంగళవారం అదుపులోకి తీసుకున్నారు. కోర్టులో హాజరుపరచగా, న్యాయమూర్తి రిమాండ్‌ విధించారని కొత్తగూడెం డీఎస్పీ ఆదినారాయణ తెలిపా రు. నిందితుల నుంచి మూడు సెల్‌ఫోన్లను స్వాధీనం చేసుకున్నారు. చుంచుపల్లి సీఐ వెంకటేశ్వర్లు, లక్ష్మీదేవిపల్లి ఎస్సై అఖిల, పోలీస్‌ సిబ్బంది పాల్గొన్నారు. రుణం పేరుతో టోకరా.. బాధితుడి ఆత్మహత్యాయత్నం సూర్యాపేట టౌన్‌: ఇంటి నిర్మాణం కోసం రుణం ఇప్పిస్తానని నమ్మించి.. డాక్యుమెంట్లు, ఖాళీ చెక్కులు తీసుకున్న వ్యక్తి నగదు కాజేయడంతో మనస్తాపానికి గురైన బాధితుడు ఆత్మహత్యాయత్నం చేశాడు. ఈ ఘటన సూర్యాపేట జిల్లా కేంద్రంలో చోటుచేసుకుంది. పోలీసులు మంగళవారం తెలిపిన వివరాల ప్రకారం.. ఖమ్మం జిల్లా తిరుమలాయపాలెంకు చెందిన బానోత్‌ రంగా కొత్తగా ఇల్లు నిర్మించుకోవాలని భావించాడు. ఈ విషయం తెలిసి సూర్యాపేటలోని అయ్యప్ప ఏజెన్సీకి చెందిన మురళి ఆయనను సంప్రదించి రుణం ఇప్పిస్తానని నమ్మించాడు. ఈక్రమాన ఇంటికి సంబంధించిన డాక్యుమెంట్లతో పాటు రూ.3 వేల నగదు, సంతకం చేసిన ఖాళీ చెక్కులను రంగా నుంచి మురళి తీసుకున్నాడు. అయితే, మూడు నెలల క్రితం రంగా బాబాయి బ్యాంకు ఖాతా నుంచి కొంత డబ్బు డెబిట్‌ అయింది. ఆ ఖాళీ చెక్కును ఉపయోగించి నిందితుడు రూ.48 వేలు డ్రా చేసినట్లు బయటపడింది. ఈ విషయమై సోమవారం సూర్యాపేటలోని మురళి కార్యాలయానికి రంగా వెళ్లి మాట్లాడగా తనకేమీ తెలియదని నిర్లక్ష్యంగా సమాధానమివ్వడంతో పాటు రంగాను దుర్భాషలాడాడు. దీంతో మనస్తాపానికి గురైన ఆయన పురుగుల మందు తాగడంతో స్థానికులు 108లో ప్రభుత్వ ఆస్పత్రికి తరలించారు. ఘటనపై బాధితుడి ఫిర్యాదుతో మంగళవారం కేసు నమోదు చేసినట్లు పట్టణ సీఐ వెంకటయ్య తెలిపారు.

కొత్తగూడెంఅర్బన్‌: పీఎంశ్రీ పాఠశాలల జిల్లాస్థాయి క్రీడా పోటీలను మంగళవారం కొత్తగూడెం ప్రకాశం స్టేడియంలో జిల్లా విద్యాశాఖ అధికారి శంభూప్రసాద్‌ ప్రారంభించారు. జిల్లాలోని 24 పీఎంసీలు పాఠశాలల బాలబాలికలు పోటీల్లో పాల్గొన్నారు. బాలుర విభాగంలో అన్నపురెడ్డిపల్లి టీజీటీడబ్ల్యూర్‌జేసి, రెండో స్థానంలో దమ్మపేట టీజీటీడబ్ల్యూఆర్‌ఎస్‌ నిలువగా, బాలికల విభాగంలో సుడిమళ్ల టీజీటీడబ్ల్యూఆర్‌ఎస్‌ మొదటి స్థానం, రెండో స్థానంలో ములకలపల్లి టీజీటీ డబ్ల్యూఆర్‌ఎస్‌ నిలి చింది. ఈ కార్యక్రమంలో ఏఎంఓ మాధవరావు, ఎస్‌జిఎఫ్‌ సెక్రెటరీ భావ్‌సింగ్‌, బి.ప్రేమ్‌కుమార్‌, వి.నరేష్‌ పాల్గొన్నారు.

● కేంద్రం నుంచి రూ.25వేల కోట్ల సాయం కేటాయించాలి ● సీపీఐ రాష్ట్ర కార్యదర్శి కూనంనేని సాంబశివరావు కొణిజర్ల: ఎల్‌నినో ప్రభావం కారణంగా పంటలు పండక రైతులు, ప్రజలు ఇబ్బంది పడుతున్న నేపథ్యాన తెలంగాణను కరువు రాష్ట్రంగా ప్రకటించాలని సీపీఐ రాష్ట్ర కార్యదర్శి, కొత్తగూడెం ఎమ్మెల్యే కూనంనేని సాంబశివరావు డిమాండ్‌చేశారు. కొణిజర్ల, తనికెళ్లలో బీళ్లుగా మారిన భూములను మంగళవారం ఆయన పరిశీలించారు. అనంతరం తనికెళ్లలో కూనంనేని మాట్లాడుతూ ఎల్‌నినో ప్రభావంతో రాష్ట్ర వ్యాప్తంగా లక్షలాది ఎకరాల్లో రైతులు సాగు చేసిన పంటలు చేతికి రాక నష్టపోయారని తెలిపారు. వరి, పత్తి ఎకరానికి రూ.30వేలు, మిర్చి, ఇతర పంటలు ఎకరాకు రూ.50 వేలే కాక బీడు భూములకు సైతం పరిహారం అందించాలని డిమాండ్‌ చేశారు. అలాగే, వ్యవసాయ కూలీలకు కరువు భత్యంగా రూ.10 వేలతో పాటు రేషన్‌ బియ్యం, 16 రకాల నిత్యావసర వస్తువులు అందించాలన్నారు. కేంద్ర, రాష్ట్ర ప్రభుత్వాలు కరువుపై దృష్టి పెట్టకుండా నిందారోపణలు చేసుకుంటున్నారని, ఇకనైనా కేంద్రం జోక్యం చేసుకుని రాష్ట్రానికి రూ.25 వేల కోట్లు కరువు సాయం ప్రకటించాలన్నారు. రానున్న రోజుల్లో నీటి ఎద్దడి తీవ్రరూపం దాల్చే అవకాశం ఉన్నందున సీఎం రేవంత్‌రెడ్డి కరువు ప్రభావిత ప్రాంతాలపై దృష్టి సారించాలని సూచించారు. ఈకార్యక్రమంలో రైతు సంఘం రాష్ట్ర అధ్యక్షుడు బాగం హేమంతరావు, సీపీఐ నాయకులు జమ్ముల జితేందర్‌రెడ్డి, ఎర్రా బాబు, దొండపాటి రమేష్‌, గడల భాస్కరరావు, స్వర్ణ రమేష్‌, ఏపూరి రామాంజనేయులు, తోట రామాంజనేయులు, తదితరులు పాల్గొన్నారు.

కరకగూడెం/మణుగూరురూరల్‌: ప్రజలకు నాణ్య మైన వైద్యం అందించాలని డీఎంహెచ్‌ఓ తుకారాం రాథోడ్‌ సూచించారు. మంగళవారం పినపాక, కరకగూడెం ప్రాథమిక ఆరోగ్య కేంద్రాలను తనిఖీ చేశా రు. రికార్డులను, ఫార్మసీ, ల్యాబ్‌లను పరిశీలించా రు. రోగులతో మాట్లాడి వైద్య సేవలపై ఆరా తీశా రు. మణుగూరు మున్సిపాలిటీ పరిధి లోని చేపల మార్కెట్‌ ప్రాంతంలో పర్యటించారు. పారిశుద్ధ్యంపై స్థానికులకు పలు సూచనలు చేశారు. అనంతరం శివలింగాపురంలోని మణుగూరు ప్రాథమిక ఆరో గ్య కేంద్రాన్ని సందర్శించి ఆశాడే కార్యక్రమానికి హాజరై నెలవారి సమీక్ష నిర్వహించారు. రికార్డులు, నివేదికలను పరిశీలించారు. ఈ సందర్భంగా మా ట్లాడుతూ వైద్యులు, సిబ్బంది బాధ్యతాయుతంగా విధులు నిర్వహించాలని సూచించారు. మిషన్‌ భగీ రథ నీటిని కాచి చల్లార్చిన తర్వాతనే తాగాలన్నా రు. అనంతరం ఆశా కార్యకర్తలకు అవసరమైన పరీక్షల కిట్లు, మందులను అందజేశారు. ఈ కార్యక్రమాల్లో మున్సిపల్‌ కమిషనర్‌ ప్రసాద్‌ వైద్యాధి కారులు మోహన్‌, వీరస్వామి, రవితేజ, పోలెబోయిన కృష్ణయ్య పాల్గొన్నారు. డీఎంహెచ్‌ఓ తుకారాం రాథోడ్‌

●పోలీసులు పట్టించుకోలేదనే ఆరోపణలు దమ్మపేట: మండలంలోని అల్లిపల్లి గ్రామ శివారు నుంచి మందలపల్లికి సోమవారం అర్ధరాత్రి సమయంలో అనుమతులు లేకుండా అక్రమంగా ట్రాక్టర్లలో మట్టిని తరలించారు. పదుల సంఖ్యలో ట్రాక్టర్లలో మట్టి తరలిస్తుండగా స్థాని కులు అడ్డగించి, నిలదీశా రు. అదే సమయంలో అటువైపు వెళ్తున్న పెట్రోలింగ్‌ పోలీసులు ట్రాక్టర్లను గమనించినా పట్టించుకోకుండా వెళ్లిపోవడంపై స్థానికుల నుంచి విమర్శలు వెల్లువెత్తుతున్నాయి. రాత్రి వేళల్లో బహిరంగంగా జరుగుతున్న మట్టి దందాపై సంబంధిత అధికారులు నిమ్మకు నీరెత్తినట్లుగా వ్యవహరించడం సందేహాలకు తావిస్తోంది. ఈ ఘటనపై ఎస్సై రాజేష్‌కుమార్‌ను వివరణ కోరగా.. అనుమతులు లేకుండా మట్టి రవాణాకు పాల్పడినవారిపై బైండోవర్‌ కేసు నమోదు చేస్తామని తెలిపారు.

ములకలపల్లి: వరుస తుపాన్ల నేపథ్యంలో హాస్టల్‌ ఆవరణలో మురుగునీటి నిల్వ ఉండకుండా చూసుకోవాలని, విధిగా పరిసరాల పరిశుభ్రత పాటించాలని కలెక్టర్‌ అంకిత్‌ ఆదేశించారు. మండల పరిధి లోని కమలాపురం ఆశ్రమ హాస్టల్‌ను మంగళవారం ఆకస్మికంగా తనిఖీ చేశారు. మధ్యాహ్న భోజన సమయంలో వసతి గృహానికి వచ్చిన కలెక్టర్‌ విద్యార్థులతో మాట్లాడారు. ఆహార నాణ్యతపై ఆరా తీశారు. ఈ సందర్భంగా మాట్లాడుతూ మెనూ పక్కాగా అమలు చేయాలని, తాజా కూరగాయాలే వంటల్లో వినియోగించాలని స్పష్టం చేశారు. చదువులో వెనుకబడిన విద్యార్థులపై ప్రత్యేక దృష్టి సారించాలని తెలిపారు. అనంతరం స్టోర్‌రూం, కిచెన్‌లను పరిశీలించారు. ఆర్‌ఓ ప్లాంట్‌ నిరుపయోగంగా ఉండడాన్ని గమనించిన కలెక్టర్‌ సత్వరమే మరమ్మతులు చేయించాలని ఆదేశించారు. తహసీల్దార్‌ స్వాతిబిందు, ఎంఈఓ సత్యనారాయణ, ఉపాధ్యాయుడు రాంకిషన్‌, పీఈటీ నాగప్రత్యూష తదితరులు ఉన్నారు. ఈవీఎం గోదాం తనిఖీ సూపర్‌బజార్‌(కొత్తగూడెం): కొత్తగూడెం ఆర్డీఓ కార్యాలయ ప్రాంగణంలోని ఈవీఎం గోదాంను కలెక్టర్‌ అంకిత్‌ మంగళవారం తనిఖీ చేశారు. ఈవీ ఎంలు, వీవీప్యాట్లు భద్రపరిచిన స్ట్రాంగ్‌ రూమ్‌ను పరిశీలించారు. అనంతరం సీసీ కెమెరాల నియంత్రణ గదిని సందర్శించి కెమెరాల పనితీరు, రికార్డింగ్‌ వ్యవస్థ, విద్యుత్‌ బ్యాకప్‌, భద్రతా పర్యవేక్షణ ఏర్పాట్లను పరిశీలించి సిబ్బందికి పలు సూచనలు చేశారు. కొత్తగూడెం ఆర్డీఓ మధు, తహసీల్దార్‌ పుల్ల య్య, ఎన్నికల సూపరింటెండెంట్‌ రంగా ప్రసాద్‌, సిబ్బంది అశోక్‌ తదితరులు పాల్గొన్నారు. కలెక్టర్‌ అంకిత్‌

● భద్రాచలంలో వెంటాడుతున్న ప్రభుత్వ స్థలాల కొరత ● ఆఫీసులన్నీ ఒకే సముదాయంలోకి చేర్చితే మెరుగైన సేవలు ● ఇప్పటి కార్యాలయాల స్థలాలు ఇతర అభివృద్ధి అవసరాలకు.. ● స్టేషన్‌ ఘన్‌పూర్‌ తరహాలో కాంప్లెక్స్‌ నిర్మించాలని స్థానికుల విన్నపం భద్రాచలం: గిరిజన ప్రాంతాలకు ముఖద్వారంగా, దక్షిణ అయోధ్యగా పేరుగాంచిన భద్రాచలం నియోజకవర్గ కేంద్రంలో ఇంటిగ్రేటెడ్‌ రెవెన్యూ డివిజనల్‌ ఆఫీసెస్‌ కాంప్లెక్స్‌ నిర్మాణ ఆవశ్యకత ఏర్పడింది. వివిధ ప్రభుత్వ శాఖల కార్యాలయాలను ఒకే సముదాయంలో ఉంటే ప్రజలకు మెరుగైన సేవలు అందే అవకాశం ఉంది. ప్రముఖ పుణ్యక్షేత్రంలో ప్రభుత్వ స్థలాల సమర్థ వినియోగంపై అధికారులు ప్రత్యేక దృష్టి సారించాల్సిన అవసరం ఉంది. శిథిలావస్థకు చేరిన పలు కార్యాలయాలు తెలంగాణ, ఆంధ్రప్రదేశ్‌ రాష్ట్ర విభజనలో భద్రాచలం ఎంతో చిన్నబోయింది. పట్టణం మినహా మండలం అంతా ఆంధ్రాలో కలిసింది. దీంతో ప్రభుత్వ స్థలాలు తగ్గిపోయి అభివృద్ధికి ఆటంకంగా మారింది. ఈ నేపథ్యంలో భద్రాచలంలో ఉన్న ప్రభుత్వ కార్యాలయాలను ఒక్క చోటకు చేర్చితే, ఇప్పటి కార్యాలయాల స్థలాలను ఇతర అభివృద్ధి అవసరాలకు వినియోగించుకోవచ్చు. దీనికి తోడు ప్రస్తుతం ఉన్న తహసీల్దార్‌ కార్యాలయం, సబ్‌ కలెక్టర్‌ ఇతర ప్రభుత్వ కార్యాలయాలు శిథిలావస్థకు చేరాయి. వీటి మరమ్మతులకు తరచూ నిధులు కేటాయించాల్సి వస్తోంది. మరికొన్ని కార్యాలయాలను ఐటీడీఏ కాంప్లెక్స్‌లోకి మార్చారు. ఈ సమస్యలన్నింటికీ ఇంటిగ్రేటెడ్‌ కాంప్లెక్స్‌తో పరిష్కారం లభిస్తుందని చెప్పవచ్చు. స్టేషన్‌ ఘన్‌పూర్‌ డివిజన్‌ కేంద్రంలో ఈ తరహా నిర్మాణం జరుగుతుండటంతో, భద్రాచలంలో కూడా నిర్మాణం చేపట్టాలని స్థానికులు డిమాండ్‌ చేస్తున్నారు. ఎమ్మెల్యే, ఎంపీలు, ఉన్నతాధికారులు దృష్టి సారించాల్సిన అవసరం ఉంది. ఒకే ప్రాంగణంలో ఉంటే సేవల మెరుగు ఇంటిగ్రేటెడ్‌ ఆఫీస్‌ అందుబాటులోకి వస్తే వివిధ ప్రభుత్వ శాఖల సేవలు ఒకే ప్రాంగణంలో ఉంటాయి. దీంతో ప్రజలు ప్రభుత్వ పనుల కోసం వేర్వేరు కార్యాలయాల చుట్టూ తిరిగే ఇబ్బందులు తగ్గుతాయి. పరిపాలనా వ్యవస్థ మరింత సమర్థవంతంగా పనిచేయడంతోపాటు, భద్రాచలం డివిజన్‌ కేంద్రంగా ప్రభుత్వ సేవలకు మరింత ప్రాధాన్యత లభిస్తుంది. డివిజన్‌ ఇంటిగ్రేటెడ్‌ ఆఫీస్‌ నిర్మాణం, కార్యాలయాల తరలింపు వంటి అంశాలపై సంబంధిత శాఖలు సమగ్రంగా ప్రణాళిక రూపొందిస్తే ప్రభుత్వ భవనాలు, స్థలాల వినియోగాన్ని మరింత సమర్థవంతంగా నిర్వహించే అవకాశం ఉంటుంది. కూనవరం రోడ్డులో అటవీశాఖ స్థలం.. భద్రాచలంలో ప్రస్తుతం రామాలయానికి వెళ్లే దారిలో అగ్నిమాపక కేంద్రం, ఆ తర్వాత సబ్‌ కలెక్టర్‌ కార్యాలయం, పోలీసు, తహసీల్దార్‌ కార్యాలయాలు, సబ్‌ జైల్‌ ఉన్నాయి. ఇదే అభివృద్ధికి అత్యంత ప్రాధాన్యత స్థలంగా మారింది. బస్టాండ్‌ పక్కన, కూనవరం రోడ్డులో ఉన్న అటవీశాఖ స్థలాన్ని వినియోగించుకునే అవకాశం ఉంది. కొత్త మార్కెట్‌లో ఖాళీగా ఉన్న స్థలంలో ఇంటిగ్రేటెడ్‌ మార్కెట్‌కు అవకాశం ఉన్నా అది ప్రతిపాదన దశలోనే ఆగిపోయింది. దీనికి తోడు పలుచోట్ల తక్కువ విస్తీర్ణంలో ప్రభుత్వ స్థలాలు ఉన్నాయి. ఆలయ అభివృద్ధి, భక్తుల వసతికి ఉపయోగం శ్రీ సీతారామ చంద్రస్వామివారి ఆలయానికి నిత్యం భక్తులు వస్తుండగా, ముక్కోటి, శ్రీరామనవమి బ్రహ్మోత్సవాలు, ఇతర ముఖ్యమైన పర్వదినాల్లో భక్తుల రద్దీ అధికంగా ఉంటోంది. భద్రాచలం టూరిజంకు కేంద్రంగా మారుతున్న నేపథ్యంలో ఆలయ పరిసరాల్లో వసతి గృహాలు, భక్తుల విశ్రాంతి కేంద్రాలు, పార్కింగ్‌ స్థలాలు, ఇతర మౌలిక సదుపాయాలకు ప్రభుత్వ స్థలాలు ఉపయోగపడే అవకాశం ఉంది. రెవెన్యూ, దేవాదాయ శాఖలతోపాటు ఇతర ప్రభుత్వ విభాగాలు సమన్వయంతో పరిశీలన చేపట్టే విధంగా కలెక్టర్‌ దృష్టి సారించాలని డివిజన్‌ ప్రజలు, భక్తులు కోరుతున్నారు. ఏఐ చిత్రం

ఖమ్మంమయూరిసెంటర్‌: వచ్చే ఏడాది జనవరిలో కోల్‌కతాలో జరగనున్న ట్రేడ్‌ యూనియన్‌ సెంటర్‌ ఆఫ్‌ ఇండియా(టీయూసీఐ) జాతీయ మహాసభల విజయవంతానికి అందరూ సహకరించాలని రాష్ట్ర ప్రధాన కార్యదర్శి ఎస్‌.ఎల్‌.పద్మ పిలుపునిచ్చారు. ఖమ్మంలోని రామనర్సయ్య విజ్ఞాన కేంద్రంలో జిల్లా అధ్యక్షుడు ఏ.వెంకన్న అధ్యక్షతన మంగళవారం జరిగిన జిల్లా కమిటీ సమావేశంలో ఆమె మాట్లాడుతూ దేశంలో సంఘటిత, అసంఘటిత రంగాల్లోని కార్మికులకు శ్రమకి తగ్గ పలితం లేకపోగా, కాంట్రాక్ట్‌, ఔట్‌ సోర్సింగ్‌ వ్యవస్థను పెంచి కనీస వేతనం, ఉద్యోగ భద్రత, లేకుండా చేశారని పేర్కొన్నారు. ఈమేరకు కార్మిక హక్కులపై జరుగుతున్న దాడిని తిప్పికొట్టేందుకు టీయూసీఐ అఖిల భారత మహాసభలు దోహదపడతాయని తెలిపారు. ఈ సమావేశంలో టీయూసీఐ జిల్లా ప్రధాన కార్యదర్శి జి.రామయ్య, నాయకులు సీ.వై.పుల్లయ్య, శ్రీనివాస్‌, ఆవుల అశోక్‌, పగిడి కత్తుల రామదాసు, గోస్‌ పుల్లయ్య, ధరావత్‌ సక్రు, కె.పుల్లారావు, పేరబోయిన వెంకన్న పాల్గొన్నారు.

భద్రాచలంఅర్బన్‌: భద్రాచలం జ్యుడీషియ ల్‌ ఫస్ట్‌క్లాస్‌ మెజిస్ట్రేట్‌ వి.శివనాయక్‌ నల్లగొండకు బదిలీ అయ్యారు. రాష్ట్రవ్యాప్తంగా పలు వురు జూనియర్‌ సివిల్‌ జడ్జిలను బదిలీ చేస్తూ హైకోర్టు మంగళవారం ఉత్తర్వులు జారీ చేసింది. శివనాయక్‌ను నల్లగొండ ప్రిన్సిపల్‌ జూని యర్‌ సివిల్‌ జడ్జిగా నియమిస్తూ, ఈ నెల 12 లోగా విధుల్లో చేరాలని ఉత్తర్వుల్లో పేర్కొంది. భద్రాచలంలో ఆయన స్థానాన కొత్త న్యాయమూర్తిని నియమించే వరకు అదనపు ప్రథమ శ్రేణి న్యాయమూర్తి దుర్గాభవానికి బాధ్యతలు అప్పగించారు. న్యాయమూర్తి బిందుప్రియ.. ఖమ్మం లీగల్‌: ఖమ్మం రెండో అదనపు ప్రథమ శ్రేణి కోర్టు న్యాయమూర్తి ఏపూరి బిందుప్రియ బదిలీ అయ్యారు. ఆమెను మంచిర్యాల జిల్లా లక్సెట్టిపేట జూనియర్‌ సివిల్‌ జడ్జిగా బదిలీ చేస్తూ హైకోర్టు రిజిస్ట్రార్‌ జనరల్‌ నుంచి మంగళవారం ఉత్తర్వులు జారీ అయ్యాయి. ఏఐకేఎస్‌ సభలను జయప్రదం చేయాలిరుద్రంపూర్‌: ఈ నెల 15 నుంచి 18వ తేదీ వరకు నల్లగొండలో జరిగే అఖిల భారత కిసాన్‌ సభ (ఏఐకేఎస్‌) జాతీయ మహాసభలను జయప్రదం చేయాలని సీపీఎం రాష్ట్ర కార్యదర్శివర్గ సభ్యుడు పోతినేని సుదర్శన్‌ కోరారు. మంగళవారం మంచికంటి భవన్‌లో నిర్వహించిన సమావేశంలో మాట్లాడారు. ఈ నెల 15న లక్షమంది రైతులతో బహిరంగ సభ, పదివేల మంది రెడ్‌ షర్ట్‌ వలంటీర్లతో కవాతు నిర్వహిస్తామని తెలిపారు. జిల్లా నుంచి నాలుగు వేల మంది రైతలను సభలకు తరలి స్తామని అన్నారు. ఈ కార్యక్రమంలో జిల్లా కార్యదర్శి మచ్చా వెంకటేశ్వర్లు, నాయకులు అన్నవరపు కనకయ్య, ఏజే రమేష్‌, అన్నవరపు సత్యనారాయణ, కారం పుల్లయ్య, కే.బ్రహ్మా చారి, లిక్కి బాలరాజు, రేపాకుల శ్రీనివాస్‌, కున్సోత్‌ ధర్మా పాల్గొన్నారు. ముందస్తు బెయిల్‌ విచారణ వాయిదాభద్రాచలంఅర్బన్‌: భద్రాచలంలో గ్యాస్‌ గోదాం మేనేజర్‌ అనంతుల లక్ష్మీనారాయణ ఆత్మహత్య కేసులో ముందస్తు బెయిల్‌ పిటిషన్ల విచారణను హైకోర్టు ఈ నెల 6వ తేదీకి వాయిదా వేసింది. ఈ కేసులో నిందితులుగా ఉన్న రాజులపూడి రజిత, విలేకర్లు ఎల్‌.రాజేష్‌, నాగచంద్రరావు అలియాస్‌ నాగచందు, మహ్మద్‌ అబ్దుల్‌ ఖలీం కలిసి ఒక పిటిషన్‌, మరో నిందితుడైన విలేకరి తలారి రవికుమార్‌ విడిగా ముందుస్తు బెయిల్‌ కోసం పిటిషన్‌ వేసిన విషయం విదితమే. ఈ రెండు పిటిషన్లు మంగళవారం విచారణకు రాగా, ఫిర్యాదుదారు తరఫున న్యాయవాది ఎస్‌.మదన్‌ మోహన్‌రావు హాజరై గడువు కోరడంతో విచారణను కోర్టు వాయిదా వేసింది. ఇళ్ల తొలగింపునకు అధికారుల కసరత్తుభద్రాచలంటౌన్‌: భద్రాచలం దేవస్థానం అభివృద్ధి పనుల్లో భాగంగా దక్షిణ ద్వారం నుంచి గోదావరి నదికి వెళ్లే మార్గంలోని లక్ష్మీనారాయణ స్వామి ఆలయం వైపు ఉన్న ఇళ్ల తొలగింపునకు అధికారులు చర్యలు చేపట్టారు. బాధితులకు ఆర్‌అండ్‌ఆర్‌ ప్యాకేజీ అందించేందుకు మంగళవారం రెవెన్యూ ఇన్‌స్పెక్టర్‌ కీర్తిఆధ్వర్యంలో ఇంటింటి సర్వే నిర్వహించారు. మొత్తం 57 ఇళ్లలో 18 ఏళ్లు నిండిన వారిని గుర్తించే ప్రక్రియ చేపట్టారు. అందులో భాగంగా 62 మందిని పరిశీలించి ఐదుగురిని గుర్తించారు. మిగిలిన వివరాల సేకరణకు బుధవా రం పూర్తిస్థాయిలో సర్వే చేపట్టనున్నట్లు రెవె న్యూ అధికారులు వెల్లడించారు. పొగాకు రహిత సమాజ నిర్మాణానికి కృషి ముదిగొండ: పొగాకు రహిత సమాజ నిర్మాణానికి ప్రతీఒక్కరు పాటుపడాలని ఖమ్మం జిల్లా ప్రోగ్రాం అధికారి డాక్టర్‌ అరుణాదేవి సూచించారు. ముదిగొండ ప్రభుత్వ జూని యర్‌ కాలేజీలో మంగళవారం ఏర్పాటుచేసిన అవగాహన సదస్సులో ఆమె మాట్లాడారు. పొగాకు వినియోగంతో యువత భవిష్యత్‌ను నాశనం చేసుకుంటున్నారని పేర్కొన్నారు. పొగాకు ఉత్పత్తుల వినియోగంతో కేన్సర్‌ బారిన పడే ప్రమాదముందన్నందున అప్రమత్తంగా ఉండాలని తెలిపారు.

దిగుబడులపై ఆందోళన జిల్లా వ్యాప్తంగా ఈ ఏడాది సుమారు 2.20 లక్షల ఎకరాల్లో పత్తి, 1.70 లక్షల ఎకరాల్లో వరి సాగు చేశారు. ఎల్‌నినో ప్రభావంతో ప్రతికూల పరిస్థితులు ఎదుర్కొన్న రైతులు ఎన్నో కష్టనష్టాలకు ఓర్చి పంటలను సాగు చేశారు. ఆశించిన స్థాయిలో దిగుబడులు రాకపోవడంతో ఇప్పటికే ఆందోళనలో ఉన్న రైతులకు ఇప్పుడు వర్షాలు మరింత నష్టాన్ని మిగులుస్తున్నాయి. ప్రస్తుతం తొలి విడత పత్తి తీతలు ముమ్మరంగా సాగుతుండగా, ఎకరాకు సుమా రు మూడు నుంచి నాలుగు క్వింటాళ్ల దిగుబడి వస్తున్నట్లు రైతులు చెబుతున్నారు. తడిసిన పత్తి, మొలకెత్తుతున్న కాయలు ఇప్పటికే అర్నబ్‌ తుపాన్‌ కారణంగా సుమారు వారం రోజులపాటు పత్తి తీతలు నిలిచిపోయాయి. వర్షాలు తగ్గుముఖం పట్టడంతో మళ్లీ తీతలు ప్రా రంభిద్దామనుకునే సమయంలో మురసు తుపాన్‌తో వర్షాలు కురుస్తున్నాయి. వర్షాలకు పత్తి తడిసిపోవడంతో నాణ్యత దెబ్బతినే ప్రమాదం నెలకొంది. తడిసిన పత్తిలో మొలకలు రావడంతో రైతులు ఆందోళన చెందుతున్నారు. వరి కోతలకు బ్రేక్‌ జిల్లాలో పలుచోట్ల వరి కోతలు ముమ్మరంగా సాగుతున్న తరుణంలో వర్షాలు రైతుల ఆశలపై నీళ్లు చల్లాయి. కోతకు సిద్ధమైన వరి పంటలను, ఇప్పటికే కోసి కల్లాల్లో ఆరబెట్టిన ధాన్యాన్ని కాపాడుకోవడం కష్టంగా మారింది. వర్షాలు ఇలాగే కొనసాగితే కోతలు మరో వారం రోజులపాటు నిలిచిపోయే పరిస్థితి ఉందని రైతులు ఆందోళన వ్యక్తం చేస్తున్నారు. ధాన్యం తడిసిపోవడం, రంగు మారడం, నాణ్యత తగ్గడం వంటి సమస్యలు ఎదురయ్యే అవకాశం ఉంది. ఆదుకోవాలని వేడుకోలు వరుస వర్షాలు, నిలిచిన పంట పనులు, ధరల తగ్గుదలతో రైతులు దిక్కుతోచని స్థితిలో ఉన్నారు. పంట నష్టాలను క్షేత్రస్థాయిలో పరిశీలించి, నష్టపోయిన రైతులను ఆదుకోవాలని, పంట ఉత్పత్తులకు గిట్టుబాటు ధర కల్పించేలా చర్యలు తీసుకోవాలని కోరుతున్నారు. పంటలను కాపాడుకునేందుకు అవసరమైన సూచనలు, సహాయక చర్యలు అందించాలని విజ్ఞప్తి చేస్తున్నారు.ఎల్‌నినో ప్రభావంతో జిల్లాలో 16 మండలాల్లో వర్షాభావ పరిస్థితులు నెలకొన్నాయి. లోటు వర్షపాతం నమోదైంది. వర్షాలు కోతకు రాని పంటలకు ఊపిరి పోస్తుండగా, కోతకు వచ్చిన పంటలను దెబ్బతీస్తున్నాయి. అన్నపురెడ్డిపల్లి, దమ్మపేట, అశ్వారావుపేట మండలాల్లో పత్తి, వరి, మొక్కజొన్న పంటలు కోతకు సిద్ధంగా ఉండడంతోపాటు కొన్ని చోట్ల కోతలు కూడా పూర్తయ్యాయి. కోతలు పూర్తయిన పంటలు కూడా తడిసిపోతున్నాయి. వర్షాలు తగ్గాక చీడపీడలు సోకకుండా పంటల సస్యరక్షణ చర్యలు చేపట్టాలని, దీనివల్ల అదనపు ఆర్థికభారం పడుతుందని రైతులు ఆవేదన చెందుతున్నారు. కాగా, మంగళవారం అత్యధికంగా అశ్వారావు పేటలో 65 మి.మీ, అత్యల్పంగా కరకగూడెంలో 1 మి.మీ వర్షపాతం నమోదైంది.వర్షాల కారణంగా పంటల నాణ్యతపై ప్రభావం పడుతుండగా, మార్కెట్లో ధరలు కూడా పడిపోతున్నాయని రైతులు వాపోతున్నారు. మొన్నటి వరకు క్వింటా పత్తి ధర సుమారు రూ.9 వేల వరకు పలకగా, ప్రస్తుతం రూ.7,500కు పడిపోయిందని చెబుతున్నారు. మరోవైపు క్వింటా ధాన్యం ధర రూ.3,500 నుంచి రూ.2,500కు తగ్గినట్లు పేర్కొంటున్నారు. తేమ, నాణ్యత తదితర అంశాల ప్రభావంతో వ్యాపారులు, మిల్లర్లు ధరలు తగ్గిస్తుండటంతో రైతులకు గిట్టుబాటు కావడం లేదనే ఆవేదన వ్యక్తమవుతోంది.ఐదెకరాల్లో పత్తి సాగు చేశాను. పంట చేతికొచ్చే సమయంలో వర్షాలు పడుతుండటంతో పత్తి తీయలేకపోతున్నాం. ఇప్పటికే వర్షాలకు పత్తి తడిసిపోయింది. వాతావరణం అనుకూలించక తీతలు నిలిచిపోయాయి. పత్తి నాణ్యత దెబ్బతినే పరిస్థితి ఏర్పడింది. పెట్టుబడులు పెట్టి పంట పండిస్తే చేతి కొచ్చే వేళ ప్రకృతి ఆటంకం కలిగిస్తోంది. ప్రభుత్వం మా పరి స్థితిని గుర్తించి ఆదుకోవాలి. –ఎండీ అక్తర్‌, రైతు, పద్మాపురం, కరకగూడెం మండలంవర్షాలకు పొలాల్లో నీరు ఎక్కువగా నిల్వ ఉండకుండా కాల్వలు ఏర్పాటు చేసుకోవాలి. తుపాన్‌ ప్రభావంతో ఇంకా వర్షాలు కురి సే అవకాశం ఉన్నందున రైతులు తగిన జాగ్రత్తలు తీసుకోవాలి. వానాకాలం సీజన్‌లో ఆలస్యంగా పంటలు వేసుకున్నవారికి ఈ వర్షాలు ఎంతో ఉపయోగం. వరికోతలు ఇప్పటివరకు కేవలం 5శాతం మాత్రమే పూర్తయ్యాయి. రైతులు వ్యవసాయాధికారులు సలహాలు, సూచనలు పాటించాలి. – వి.బాబూరావు, జిల్లా వ్యవసాయాధికారి

భద్రాచలం: నిరుద్యోగ గిరిజన యువత పోలీస్‌ ఉద్యోగాలు సాధించి జీవితంలో స్థిరపడాలని ఐటీడీఏ ప్రాజెక్ట్‌ అధికారి బి.రాహుల్‌ సూచించారు. మంగళవారం ఐటీడీఏ ప్రాంగణంలోని పీఎంఆర్సీ భవనం సమావేశ మందిరంలో ఐటీడీఏ ఆధ్వర్యంలో నిర్వహిస్తున్న పోలీస్‌ పరీక్షల శిక్షణా కేంద్రాన్ని తనిఖీ చేశారు. అభ్యర్థులతో కూర్చొని ఫ్యాకల్టీ బోధనాపద్ధతులను పరిశీలించారు. ఈ సందర్భంగా పీఓ మాట్లాడుతూ అభ్యర్థులు నోట్స్‌ ప్రిపేర్‌ చేసుకుని పరీక్షలకు సిద్ధం కావాలన్నారు. ఈ కార్యక్రమంలో పీఈటీసీ ప్రిన్సిపాల్‌ డాక్టర్‌ వీరు నాయక్‌, ఏసీఎంఓ రమేష్‌, కేర్‌ టేకర్‌ సర్వేశ్వర్‌ దొర, వార్డెన్‌ మోహన్‌, పీడీలు వసంతం, పార్వతి పాల్గొన్నారు. ఐటీడీఏ పీఓ రాహుల్‌

భద్రాచలం: రామాలయంలో ఖాళీ పోస్టుల భర్తీలో అక్రమాలు జరిగాయంటూ డోలు విద్వాంసుడు మంగళవారం శ్రీ సీతారామ చంద్రస్వామి దేవస్థాన ఈఓ దామోదర్‌రావుకు ఫిర్యాదు చేశాడు. ఫిర్యాదులోని వివరాల ప్రకారం.. ఇటీవల దేవస్థానం ఆధ్వర్యంలో ఖాళీగా ఉన్న వైదిక పోస్టులతోపాటు డోలు, మృదంగ విద్వాంసుల పోస్టులకు సిబ్బందిని నియమించారు. అయితే డోలు వాయిద్యకారుడి పోస్టు భర్తీలో అక్రమాలు జరిగాయంటూ ఆ పోస్టులో ఇప్పటివరకు కాంట్రాక్ట్‌ పద్ధతిన పని చేసిన వీరబాబు ఆరోపిస్తున్నారు. తెలంగాణ నివాసులతో మాత్రమే భర్తీ చేయాల్సి ఉండగా, ఆంధ్రప్రదేశ్‌కు చెందిన వారిచే భర్తీ చేశారంటూ ఆరోపణలు చేస్తున్నారు. రేషన్‌ కార్డు, ఇతర ధ్రువీకరణ పత్రాల ఆధారాలు పరిశీలించాలని ఈఓను కోరారు. కాగా దీనిపై ఆలయ ఈఓ దామోదర్‌రావును వివరణ కోరగా.. నిబంధనల ప్రకారమే పోస్టుల భర్తీ జరిగిందని తెలిపారు. అయినా ఫిర్యాదును పరిశీలించి ఉన్నతాధికారుల దృష్టికి తీసుకెళ్తానని పేర్కొన్నారు.

తల్లాడ: మండలంలోని రంగంబంజర వద్ద మంగళవారం ఆర్టీసీ బస్సు, డీసీఎం వ్యాన్‌ ఎదురెదురుగా ఢీకొనడంతో ఎనిమిమది మంది ప్రయాణికులు గాయపడ్డారు. ఘటనకు సంబంధించిన వివరాలిలా ఉన్నాయి. సత్తుపల్లి నుంచి ఖమ్మం వెళ్తున్న సత్తుపల్లి డిపో బస్సును హైదరాబాద్‌ నుంచి తిరువూరు వైపు వెళ్తున్న వ్యాన్‌ అతివేగంగా ఢీకొట్టింది. ఘటనలో బస్సు భాగంగా దెబ్బతినగా ప్రయాణికలు కె.రమాదేవి, కె.బాలకృష్ణ, బానోత్‌ విజయరామరాజు, డి.పార్వతి, డి.చెన్నేశ్వర్‌రావు, డి.శివనాగలక్ష్మి, డి.సుజాతకు గాయాలయ్యాయి. ఈ తల్లాడ ఎస్‌ఐ ఎన్‌.వెంకటకృష్ణ చేరుకుని దర్యాప్తు చేపట్టారు. బస్సు ఢీకొని వృద్ధుడికి గాయాలు తిరుమలాయపాలెం: ఆర్టీసి బస్సు ఢీకొనడంతో ఓ వృద్ధుడికి తీవ్ర గాయ్యాలయ్యాయి. మండలంలోని హస్నాబాద్‌ గ్రామానికి చెందిన నారెడ్డి పాపిరెడ్డి సోమవారం ఉదయం సుబ్లేడు క్రాస్‌ వద్ద ఆటో ఎక్కేందుకు రోడ్డు పక్కన నడిచి వెళ్తుండగా ఖమ్మం నుంచి మరిపెడ వైపు వెళ్తున్న వరంగల్‌ డిపో ఎలక్ట్రిక్‌ బస్సు ఢీకొట్టింది. ఘటనలో పాపిరెడ్డి కాళ్లకు తీవ్ర గాయాలు కాగా, ఆయన ఫిర్యాదుతో మంగళవారం పోలీసులు కేసు నమోదు చేశారు. ఎనిమిది మందికి గాయాలు

ఖమ్మం స్పోర్ట్స్‌: ఖేలో ఇండియా యూత్‌గేమ్స్‌లో భాగంగా ఖమ్మంకు కేటాయించిన ఆర్చరీ పోటీల నిర్వహణలో ఇబ్బందులు రాకుండా పట్టిష్టమైన ఏర్పాట్లు చేయాలని ఢిల్లీకి చెందిన శాయ్‌ కోచ్‌, పోటీల కోఆర్డినేటర్‌ రూపేష్‌కుమార్‌ సింగ్‌ సూచించారు. ఖమ్మంలోని సర్దార్‌ పటేల్‌ స్టేడియంలో పోటీల నిర్వహణకు ఉన్న వసతులను మంగళవారం ఆయన అధికారులతో కలిసి పరిశీలించారు. దేశంలోని వివిధ రాష్ట్రాలకు చెందిన 300 మందికి పైగా క్రీడాకారులు హాజరవుతారని చెప్పారు. ఈమేరకు పోటీల నిర్వహణతో పాటు క్రీడాకారుల వసతి, భద్రత ఏర్పాట్లపై ఇప్పటి నుంచే దృష్టి సారించాలని తెలిపారు. తెలంగాణ అర్చరీ అసోసియేషన్‌ ప్రతినిధి, జాతీయ ఆర్చరీ డెవలప్‌మెంట్‌ కమిటీ సభ్యుడు పుట్టా శంకరయ్య మాట్లాడుతూ పోటీల నిర్వహణకు ఇబ్బంది రాకుండా ఏర్పాట్లు చేస్తామని తెలిపారు. డీవైఎస్‌ఓ టి.సునీల్‌రెడ్డి మాట్లాడుతూ పోటీల విజయవంతానికి ఉన్నతాధికారుల సహకారం తీసుకుంటామని తెలిపారు.

భద్రాచలం: భద్రాచలం శ్రీ సీతారామ చంద్రస్వామి దేవస్థానంలో మంగళవారం రామయ్య కల్యాణం కమనీయంగా జరిగింది. తొలుత తెల్లవారుజామున గర్భగుడిలో స్వామివారికి సుప్రభాత సేవ, సేవాకాలం, ఆరాధన తది తర పూజలు చేశారు. అనంతరం నిత్యకల్యాణానికి మిథిలా స్టేడియంలో ఉత్సవ మూర్తులను కొలువుదీర్చారు. స్వామి వారికి విశ్వక్సేన పూజ, పుణ్యావాచనం చేశారు. స్వామివారికి కంకణధారణ, యజ్ఞోపవీత ధారణ, అమ్మవారికి కంకణధారణ, యోక్త్రధారణ గావించి నిత్యకల్యాణ మహోత్సవాన్ని శాస్త్రోక్తంగా జరిపారు. ‘నవోదయ’ హాల్‌ టికెట్లు విడుదలఈ నెల 28న ఆరో తరగతి ప్రవేశ పరీక్ష కరకగూడెం: జవహర్‌ నవోదయ విద్యాలయాల్లో 2027–28 విద్యా సంవత్సరానికి ఆరో తరగతి ప్రవేశాల కోసం నిర్వహించే పరీక్ష హాల్‌ టికెట్లు విడుదలయ్యాయని కరకగూడెం నవో దయ పాఠశాల ప్రిన్సిపాల్‌ రత్నయ్య మంగళవారం ఒక ప్రకటనలో తెలిపారు. ఈ నెల 28న జరగనున్న ప్రవేశ పరీక్షకు దరఖాస్తు చేసుకున్న అభ్యర్థులు ఎన్‌వీఎస్‌ అడ్మిషన్‌ పోర్టల్‌ https:// cbseitms. rcil. gov. in/ nvs ద్వారా హాల్‌టికెట్లను డౌన్‌లోడ్‌ చేసుకోవచ్చని పేర్కొన్నారు. కండక్టర్‌ ప్రవళిక ఆరోగ్యం విషమంఅశ్వాపురం: మండల పరిధిలోని మిట్టగూడెం వద్ద గత నెల 25న మణుగూరు డిపోకు చెందిన ఆర్టీసీ బస్సులో ప్రయాణికురాలు తోసివేయడంతో బస్సు టైర్ల కిందపడి రెండు కాళ్లకు తీవ్ర గాయాలై హైదరాబాద్‌లో ఆస్పత్రిలో చికిత్స పొందుతున్న కండక్టర్‌ ప్రవళిక ఆరో గ్యం మంగళవారం విషమించింది. పది రోజులుగా ఆమె హైదరాబాద్‌లో చికిత్స పొందుతోంది. రవాణా శాఖ మంత్రి పొన్నం ప్రభాకర్‌, ఆర్టీసీ ఉన్నతాధికారులు, యూనియన్ల నాయకులు పరామర్శించి ఆరో గ్యంపై వైద్యులతో మాట్లాడారు. మంగళవా రం ఉదయం అకస్మాత్తుగా బీపీ లెవల్‌ పడిపోయి గుండెపోటు వచ్చి ఆరోగ్యం విషమించిందని వైద్యులు తెలిపినట్లు మణుగూరు ఆర్టీసీ డీఎం వెల్లడించారు. వైద్యులు వెంటిలేటర్‌పై ఉంచి చికిత్స అందిస్తున్నారు. బీపీ లెవల్‌ పెరగకపోవడంతో చికిత్సకు అవయవాలు సహకరించడం లేదని వైద్యులు తెలి పారు. మణుగూరు డిపో మేనేజర్‌ శ్యామ్‌సుందర్‌, ఆర్టీసీ యూనియన్ల నాయకులు ఆస్పత్రికి వెళ్లి ప్రవళిక ఆరోగ్య పరిస్థితిపై వైద్యులతో మాట్లాడారు. సిబ్బంది సంక్షేమానికి ప్రాధాన్యతఎస్పీ రోహిత్‌ రాజు సూపర్‌బజార్‌(కొత్తగూడెం): పోలీస్‌ సిబ్బంది సంక్షేమానికి ప్రాధాన్యమిస్తామని ఎస్పీ రోహిత్‌రాజు అన్నారు. లక్ష్మీదేవిపల్లి మండలం చాతకొండలోని 6వ బెటాలియన్‌ను మంగళవారం సందర్శించారు. సిబ్బంది నుంచి గౌరవ వంద నం స్వీకరించారు. అనంతరం నూతనంగా నిర్మించనున్న మెన్‌ బ్యారెక్స్‌ నిర్మాణానికి భూమి పూజ నిర్వహించారు. ఈ సందర్భంగా మాట్లాడుతూ సిబ్బందికి అవసరమైన మౌలిక వసతులు కల్పించాలని చెప్పారు. ఈ కార్యక్రమంలో అదనపు కమాండెంట్‌ ఎస్‌ శ్రీధర్‌ రాజా, అసిస్టెంట్‌ కమాండెంట్లు ఏవీ రమణ య్య, రామకృష్ణారెడ్డి, సీఐ వెంకటేశ్వర్లు, ఎస్బీ ఇన్‌స్పెక్టర్‌ శ్రీనివాస్‌, ఆర్‌ఐలు జె.లెనిన్‌ బాబు, సీహెచ్‌వీ శ్రీనివాసరెడ్డి, జీవీ రామారావు, బి జానయ్య, బెటాలియన్‌ పోలీసు అధికారులు, సిబ్బంది పాల్గొన్నారు.

రఘునాథపాలెం: రైతులు పండించిన పంట ఉత్పత్తులను గోదాముల్లో భద్రపర్చుకుని, ధర మెరుగ్గా ఉన్నప్పుడు అమ్ముకుంటే లాభాలు వస్తాయని ఇన్‌స్టిట్యూట్‌ ఆఫ్‌ కోఆపరేటివ్‌ మేనేజ్‌మెంట్‌ (ఐసీఎం) డైరెక్టర్‌ శ్యామ్‌కుమార్‌ తెలిపారు. వేర్‌ హౌసింగ్‌ డెవలప్‌మెంట్‌ అండ్‌ రెగ్యులేటరీ అథారిటీ(డబ్ల్యూడీఆర్‌ఏ), ఐసీఎం ఆధ్వర్యాన రఘునాథపాలెంలో రైతులు, వ్యాపారులు, మిల్లర్లకు మంగళవారం అవగాహన కల్పించారు. ఈ సందర్భంగా శ్యామ్‌కుమార్‌ మాట్లాడుతూ పంట కోతల సమయంలో తక్కువ ధర ఉన్నప్పుడు విక్రయించకుండా గోదాముల్లో భద్రపర్చుకుని, అనుకూలమైన సమయంలో విక్రయించడం ద్వారా ఆర్థిక ప్రయోజనం పొందవచ్చని వివరించారు. గోదాముల్లో 50 కిలోల బస్తా నెల అద్దె రూ.5గా నిర్ణయించగా, రైతులకు 35 శాతం రాయితీ వర్తిస్తుందని తెలిపారు. అనంతరం జింకలతండా రోడ్డులో గోదాంను పరిశీలించి రైతులకు అవగాహన కల్పించాలని మేనేజర్‌కు సూచించారు. ఈకార్యక్రమంలో రఘునాథపాలెం పీఏసీఎస్‌ చైర్మన్‌ తాతా రఘురాం, సర్పంచ్‌ గాజుల కృష్ణారావుతో పాటు గొడుగు నర్సింహారావు, బండారు నాగేశ్వరరావు, బోయిన వెంకటనర్సయ్య పాల్గొన్నారు.

అశ్వారావుపేటరూరల్‌: తుపాన్‌ నేపథ్యంలో ఎడతెరిపిలేకుండా కురిసిన భారీ వర్షంతో మంగళవారం అశ్వారావుపేట మండలం గుమ్మడవల్లి వద్దగల పెద్దవాగు ప్రాజెక్ట్‌కు వరదనీరు పోటెత్తింది. ప్రాజెక్టు ఎగువ ప్రాంతాల్లోని వాగుల ద్వారా భారీగా వరదనీరు వచ్చి చేరుతోంది. అప్రమత్తమైన నీటిపారుదల శాఖ అధికారులు ఒక గేటు ఎత్తివేసి సుమారు 4200 క్యూసెక్కుల వరదనీటిని దిగువకు విడుదల చేస్తున్నారు. ప్రాజెక్టు పూర్తిస్థాయి నీటి మట్టం 0.154 టీఎంసీ కాగా, తాజాగా 1.5 మీటర్లు వరదనీరు చేరినట్లు ఏఈఈ రియాజ్‌ తెలిపారు.

● ●తిరిగి విధుల్లోకి తీసుకోవాలని ఉత్తర్వులు జారీ చేసిన సింగరేణి ● ఈ నెల 14వ తేదీ వరకు దరఖాస్తు గడువు విధించిన యాజమాన్యంరుద్రంపూర్‌/గోదావరిఖని: సింగరేణి సంస్థలో గైర్హాజర్‌ పేరుతో తొలగించిన కార్మికులను మళ్లీ విధుల్లోకి తీసుకునేందుకు యాజమాన్యం అంగీకరించింది. ఈమేరకు మంగళవారం ఆదేశాలు జారీ చేసింది. గైర్హాజరు కారణంగా 2023 నుంచి 2025 వరకు తొలగించిన ఉద్యోగుల కేసులను తిరిగి పరిశీలించాలని నిర్ణయించింది. ఇందుకోసం హైపవర్‌ కమిటీని ఏర్పా టు చేసింది. 2023 జనవరి 1 నుంచి 2025 డిసెంబర్‌ 31 మధ్య గైర్హాజరుతో తొలగించినవారు దరఖాస్తు చేసుకోవాలని స్పష్టం చేసింది. ఈ ఏడాది ఏప్రిల్‌ 1 నాటికి 46ఏళ్లు లేదా అంతకంటే తక్కువ వయసు కలిగి ఉండాలని పేర్కొంది. ఉప ముఖ్య మంత్రి భట్టి విక్రమార్క కోల్‌బెల్ట్‌ ప్రాంత ప్రజాప్రతినిధులతో సమావేశం సందర్భంగా డిస్మిస్డ్‌ ఉద్యోగులకు మళ్లీ ఉద్యోగ అవకాశం కల్పించాలని విన్నవించిన నేపథ్యంలో ఈ అంశాన్ని పరిశీలించాలని సింగరేణినిని ఆదేశించారు. ఇవీ నిబంధనలు ● తొలగించిన కాలానికి ముందున్న ఐదేళ్లలో ఏవైనా రెండేళ్లు కనీసం 100 మస్టర్లు పూర్తిచేసి ఉండాలి. ● జనరల్‌ అసిస్టెంట్‌ ట్రెయినీ అండర్‌గ్రౌండ్‌, కేటగిరీ–1 పోస్టులో పునర్‌ నియామకానికి వైద్యపరంగా ఫిట్‌గా ఉండాలి. ● అర్హత కలిగిన డిస్మిస్డ్‌ ఉద్యోగులు ప్రొఫార్మాలో దరఖాస్తు పూరించి చివరగా పనిచేసిన గని/డిపార్ట్‌మెంట్‌ అధికారికి సమర్పించాలి. ● దరఖాస్తు సమర్పణకు ఈ నెల 14న చివరి తేదీగా నిర్ణయించారు. ● ఏరియా జీఎంలు అభ్యర్థుల దరఖాస్తులను పరిశీ లించి, తదుపరి చర్యల నిమిత్తం నిర్ణీత తేదీలోగా సంబంధిత అధికారులకు పంపించాలి. ● పూర్తివివరాల కోసం సంబంధిత గనులు లేదా శాఖల అధికారులను సంప్రదించాలి.

దమ్మపేట: రెండు వేర్వేరు రోడ్డు ప్రమాదాల్లో ముగ్గురు వ్యక్తులకు తీవ్ర గాయాలయ్యాయి. స్థానికుల కథనం ప్రకారం... సోమవారం దమ్మపేట శివారులోని జయలక్ష్మి టాకీస్‌ సమీపంలోని వంతెనపై బైక్‌ను ఎదురుగా వస్తున్న కారు ఢీకొట్టింది. దీంతో బైక్‌పై ప్రయాణిస్తున్న, దమ్మపేటకు చెందిన సమీప బంధువులు మునగాల ఫకీర్‌(60), మునగాల బాలకృష్ణ(40) తీవ్రంగా గాయపడ్డారు. మండలంలోని పార్కలగండి గ్రామానికి చెందిన యువకుడు కణితి వినోద్‌ బైక్‌పై వెళ్తున్న క్రమంలో అదే గ్రామ శివారులో రోడ్డుపై పడి తీవ్రంగా గాయపడ్డాడు. క్షతగాత్రులను అంబులెన్స్‌లో దమ్మపేట ప్రభుత్వ ఆస్పత్రికి, అక్కడి నుంచి మెరుగైన వైద్యం కోసం ఖమ్మం తరలించారు. సైబర్‌ క్రైమ్‌ కేసులో ఐదుగురు రిమాండ్‌అశ్వాపురం: ప్రైవేట్‌ ఉద్యోగి అకౌంట్‌ నుంచి నగదు స్వాహా చేసిన ఐదుగురిపై సైబర్‌ క్రైం కేసు నమోదు కాగా, రిమాండ్‌ విధించారు. అశ్వాపురం మండలం రామచంద్రాపురం గ్రామానికి చెందిన చుంచు సునీల్‌ను ఫోన్‌ ద్వారా సంప్రదించిన వ్యక్తులు ఖాతా వివరాలు సేకరించి రూ.51,956 స్వాహా చేశారు. దీంతో ఆయన సెప్టెంబర్‌ 6న అశ్వాపురం పోలీసులకు ఫిర్యాదు చేయగా సీఐ ఎల్ల య్య ఆధ్వర్యాన సైబర్‌ క్రైమ్‌ పోలీసులతో కలిసి దర్యాప్తు చేశారు. ఈమేరకు అభిషేక్‌ కుమార్‌, అశుతోష్‌కుమార్‌, కుమార్‌ నిషు, రితేష్‌కుమార్‌, అభినాష్‌కుమార్‌ నిందితులని తేలగా, వారు ఇప్పటికే ఇతర కేసుల్లో చర్లపల్లి జైలులో శిక్ష అనుభవిస్తున్నారు. దీంతో సోమవారం వీడియో కాన్ఫరెన్స్‌ ద్వారా న్యాయమూర్తి ఎదుట హాజరుపర్చగా రిమాండ్‌ విధించారు. పంట కాల్వలోకి దూసుకెళ్లిన వాహనం నేలకొండపల్లి: అదుపు తప్పిన ఓ వాహనం పంట కాల్వలోకి దూసుకెళ్లింది. కూసుమంచికి చెందిన వ్యక్తి ఐస్‌క్రీమ్‌ అమ్మే వాహనంతో సోమవారం నేలకొండపల్లికి వస్తున్నాడు. మండలంలోని కోనాయిగూడెం సమీపానికి రాగానే మూలమలుపు వద్ద వాహనం అదుపు తప్పి కాల్వలోకి దూసుకెళ్లింది. డ్రైవర్‌కు స్వల్ప గాయాలు కాగా, స్థానికులు తాళ్ల సాయంతో వాహనాన్ని బయటకు లాగారు.

చుంచుపల్లి: ఎల్‌నినో ప్రభావంతో రానున్న వేసవి లో తాగునీటి ఎద్దడి తలెత్తకుండా ముందస్తు చర్యలు చేపట్టాలని స్థానిక సంస్థల అదనపు కలెక్టర్‌ విద్యా చందన అధికారులను ఆదేశించారు. ఈ నెల 15 నుంచి డిసెంబర్‌ 31వరకు జిల్లావ్యాప్తంగా ప్రత్యేక డ్రైవ్‌ నిర్వహించాలని, అన్ని ఆవాసాలకు నిరంతరాయంగా సురక్షిత తాగునీరు అందించేలా చర్యలు తీసుకోవాలని సూ చించారు. సోమవారం ఐడీఓసీలో నిర్వహించిన జిల్లా స్థాయి సమావేశంలో ఆమె మాట్లాడారు. అన్ని చేతి పంపులు, మో టా ర్ల పనితీరును పరిశీలించి మరమ్మతులు చేపట్టా లని, పైప్‌లైన్ల లీకేజీలను అరికట్టాలని ఆదేశించారు. నీటి ట్యాంకులు, రిజర్వాయర్లను శుభ్రపరచడంతోపాటు క్లోరినేషన్‌, నీటి నాణ్యత పరీక్షలు క్రమం తప్పకుండా నిర్వహించాలన్నారు. ప్రతీ మండల కేంద్రంలో బ్లీచింగ్‌ పౌడర్‌ నిల్వలు సిద్ధంగా ఉంచాలన్నారు. మిషన్‌ భగీరథ ఈఈ నళిని మాట్లాడుతూ తాగునీటి సమస్యల పరిష్కారం కోసం మిషన్‌ భగీరథ టోల్‌ఫ్రీ నంబర్‌ 1916పై ప్రజలకు విస్తృతంగా అవగాహన కల్పించాలని సూచించారు. ఈ సమావేశంలో సంబంధిత శాఖల అధికారులు పాల్గొన్నారు.అదనపు కలెక్టర్‌ విద్యా చందన

పాల్వంచరూరల్‌: పెద్దమ్మగుడి ఆలయం వద్ద వ్యా పార దుకాణాలకు నిర్వహించిన బహిరంగ వేలంపాటలో పోటీ నెలకొంది. తద్వారా ఆలయానికి గతేడాది కంటే అదనంగా రూ.2,11,200 ఆదా యం లభించింది. మండలంలోని శ్రీకనకదుర్గ(పెద్దమ్మతల్లి) ఆలయంలో సోమవారం కొత్తకాంప్లెక్స్‌ పరిధిలోని 1,2,3,5,6,7,8,10,12 నంబర్ల షాపులకు, పాతకాంప్లెక్స్‌లోని 1వ నంబర్‌ దుకా ణం, రెండు ఏసీ ఫంక్షన్‌ హాళ్లు, పూలవిక్రయాలు, ఫొటోలు తీసుకునేందుకు, స్క్రాప్‌ విక్రయాలకు సీల్డ్‌ టెండర్‌ కం బహిరంగ వేలంపాటలు నిర్వహించారు. దేవాదాయ, ధర్మాదాయశాఖ కొత్తగూడెం డివిజన్‌ పరిశీలకుడు ఆనంద్‌, ఈఓ విజయ్‌కుమార్‌ పర్యవేక్షించారు. పోటీతో పెరిగిన ఆదాయం 5వ నంబర్‌ షాపునకు ముగ్గురు పోటీపడగా జగన్నాథపురానికి చెందిన పి.వీరభద్రం రూ.1.44 లక్షలు హెచ్చుపాట పాడి దక్కించుకున్నారు. గతేడాది ఇదేషాపునకు రూ.98,400 ఉండగా, ఈసారి రూ. 45,600 అదనంగా ఆదాయం పెరిగింది. 6వ దుకా ణాన్ని జగన్నాథపురానికి సీహెచ్‌ భవాని రూ. 1.32 లక్షలకు హెచ్చుపాటపాడి దక్కించుకున్నారు. గతేడాది ఇదేషాపునకు రూ.86,400 ఆదాయం రాగా, ఈసారి రూ.45,600 పెరిగింది. 7వ షాపును కూడా జగన్నాథపురానికే చెందిన బి.నాగలక్ష్మి రూ. 1,69,200 హెచ్చుపాడి దక్కించుకున్నారు. గతేడాది ఇదేషాపునకు రూ.1,03,200 రాగా, ఈసారి రూ.66వేల ఆదాయం పెరిగింది. 8వ షాపును బి.శైలజ రూ.3.72లక్షలకు దక్కించుకుంది. ఇదే షాపునకు గతేడాది రూ.3.18లక్షలు వచ్చింది. ఈసారి రూ.54వేల ఆదాయం పెరిగింది. దుకాణాలు దక్కించుకున్నవారంతా జగన్నాథపురం గ్రామానికే చెందిన వారే కావడం గమనార్హం. కాగా, మిగిలిన షాపుల వేలంపాటకు ఎవరూ ముందుకు రానికారణంగా వాయిదా వేసినట్లు ఈఓ తెలిపారు. దుకాణాలకు గతేడాది కంటే పెరిగిన ఆదాయం

ఖమ్మంఅర్బన్‌/రఘునాథపాలెం: రానున్న ఎమ్మెల్సీ ఎన్నిక దృష్ట్యా పట్టభద్రులందరినీ ఓటర్లుగా నమోదు చేయించడంలో బీఆర్‌ఎస్‌ శ్రేణులు కృషి చేయాలని మాజీ మంత్రి పువ్వాడ అజయ్‌కుమార్‌ సూచించారు. ఖమ్మం, రఘునాథపాలెం మండలాల నాయకులతో సోమవారం సమావేశమైన ఆయన మాట్లాడారు. గత ఎన్నికల ఓటర్ల జాబితాతో పాటు ఆతర్వాత పట్టభద్రులైన వారిని గుర్తించి ఓటర్లుగా నమోదు చేయిస్తూ, పార్టీ యాప్‌లో కూడా ఓటర్ల వివరాలను అప్‌లోడ్‌ చేయాలని తెలిపారు. నాయకులు నేరుగా పట్టభద్రుల ఇళ్లకు వెళ్లి అవగాహన కల్పించాలని చెప్పారు. కాగా, రాష్ట్రంలో కరువు ప్రకృతి తెచ్చింది కాదని, కాంగ్రెస్‌ ప్రభుత్వ అసమర్థతతో ఏర్పడిందని ఆరోపించారు. బీఆర్‌ఎస్‌ శ్రేణులు ప్రజలకు ఈ విషయాన్ని వివరిస్తూ రానున్న పట్టభద్రుల ఎమ్మెల్సీ ఎన్నికల్లో పార్టీ అభ్యర్థి విజయానికి కృషి చేయాలని పువ్వాడ సూచించారు. ఈసమావేశాల్లో నాయకులు బచ్చు విజయ్‌కుమార్‌, నాగండ్ల కోటేశ్వరరావు, దండా జ్యోతిరెడ్డి, కూరాకుల వలరాజు, కొనకంచి ప్రసాద్‌, వల్లభనేని రామారావు, వీరూనాయక్‌, మద్దినేని వెంకటరమణ, గుత్తా రవి, హరిప్రసాద్‌, పిన్ని కోటేశ్వరరావు, మెంటం రామారావు, లక్ష్మణ్‌నాయక్‌, యాస రామారావు, పెంట్యా, శంకర్‌, పొట్టపల్ల రాజా, వెంకటేశ్వర్లు పాల్గొన్నారు. బీఆర్‌ఎస్‌ శ్రేణుల సమావేశంలో మాజీ మంత్రి పువ్వాడ

సూపర్‌బజార్‌(కొత్తగూడెం): ప్రజావాణి కార్యక్రమంలో ప్రజల నుంచి స్వీకరించే ప్రతీ వినతిని నిర్దేశిత గడువులోగా పరిష్కరించాలని కలెక్టర్‌ అంకిత్‌ అధికారులను ఆదేశించారు. కలెక్టరేట్‌లో సోమవా రం నిర్వహించిన ప్రజావాణి కార్యక్రమంలో కలెక్టర్‌ ప్రజల నుంచి అర్జీలు స్వీకరించారు. పరిశీలించి సంబంధత అధికారులకు ఎండార్స్‌ చేశారు. అదనపు కలెక్టర్లు డి.వేణుగోపాల్‌, విద్యాచందన పాల్గొన్నారు. దరఖాస్తులు కొన్నింటి వివరాలు.. ● తనకు గతంలో ఉన్న రేషన్‌ కార్డును అధికారులు కారణం లేకుండా రద్దు చేశారని, తిరిగి మంజూరు చేయాలని పాల్వంచ మండలానికి చెందిన వై.నాగలక్ష్మి కోరారు. ● అశ్వారావుపేట మండలం నందిపాడు ప్రాంతానికి చెందిన బత్తుల జానకమ్మ తనకు గతంలో అంత్యోదయ అన్న యోజన (ఏఏవై) కింద రేషన్‌ అందేదని, ప్రస్తుతం రేషన్‌ నిలిపివేశారని తెలిపారు. తాను వితంతువునని, సంతానం కూడా లేదని, తిరిగి ఏఏవై రేషన్‌ కార్డు మంజూరు చేయాలని కోరారు. ● లక్ష్మీదేవిపల్లి మండలం సాటివారిగూడెం గ్రామపంచాయతీ పరిధిలోని చాతకొండ ఎస్సీ కాలనీకి చెందిన మేక రజని ఇంటి స్థలం మంజూరు చేయాలని విన్నవించారు. ● కొత్తగూడెం కార్పొరేషన్‌ పరిధిలోని సఫాయి బస్తీకి చెందిన మహమ్మద్‌ జరీనా బేగం తాను పోలియో బాధితురాలినని, 2023లో ప్రభుత్వం అమలు చేసిన డబుల్‌ బెడ్‌రూమ్‌ ఇళ్ల పథకంలో కలెక్టర్‌ ఆధ్వర్యంలో నిర్వహించిన లాటరీ ద్వారా తనకు ప్లాట్‌ నంబర్‌ 602 కేటాయించినట్లు తెలి పారు. అద్దె భారం కారణంగా మరో ప్రాంతానికి మారిన సమయంలో అధికారులు తనిఖీకి వచ్చి నప్పుడు సరైన సమాచారం అందకపోవడంతో తనకు కేటాయించిన ఇంటిని రద్దు చేశారని వివరించారు. తనకు గతంలో కేటా యించిన డబుల్‌ బెడ్‌రూమ్‌ ఇంటిని తిరిగి మంజూరు చేయాలని కోరారు. ప్రజావాణిలో కలెక్టర్‌ అంకిత్‌

నేలకొండపల్లి: పట్టపగలే ఇంటి తాళం పగులగొట్టిన గుర్తుతెలియని వ్యక్తులు నగదు, వెండి పాత్ర చోరీ చేశారు. మండలంలోని బైరవునిపల్లికి చెందిన మల్లెబోయిన శ్రీనివాసరావు, ఆయన భార్య, కుమారుడు, కోడలు సోమవారం తాళం వేసి బయటకు వెళ్లారు. ఈ విషయాన్ని గుర్తించిన గుర్తుతెలియని వ్యక్తులు ముందు, వెనుక రెండు తాళాలు పగులగొట్టి ఇంట్లోకి ప్రవేశించారు. ఇంట్లో రెండు బీరువాలు పగలగొట్టి రూ.10వేల నగదుతో పాటు వెండి పాత్ర ఎత్తుకెళ్లారు. సాయంత్రం ఇంటికి వచ్చిన శ్రీనివాసరావు చోరీ విషయాన్ని గుర్తించి పోలీసులకు సమాచారం ఇవ్వగా కేసు నమోదు చేసి దర్యాప్తు ప్రారంభించారు.

భద్రాచలం: భద్రాచలం శ్రీ సీతారామచంద్రస్వామి దేవస్థానం ఆధ్వర్యంలో కార్తీక మాసాన్ని పురస్కరించుకుని ప్రత్యేక పూజలు నిర్వహించనున్నట్లు ఆలయ ఈఓ దామోదర్‌రావు తెలిపారు. ఈ మేరకు సోమవారం వివరాలు వెల్లడించారు. ఈనెల 9 నుంచి డిసెంబర్‌ 8వ తేదీ వరకు దేవస్థానానికి అనుబంధంగా ఉన్న అన్నపూర్ణ సమేత కాశీ విశ్వేశ్వరస్వామివారి ఆలయం (శివాలయం)లో ప్రత్యేక పూజ లు, అభిషేకాలు జరపనున్నట్లు పేర్కొన్నారు. ఈ నెల 9న సోమవారం సాయంత్రం 6 గంటలకు కార్తీకమాస ఆకాశదీపం, 16న మొదటి సోమవారం సందర్భంగా ప్రత్యేక పూజలు, భస్మాభిషేకం, 23న రెండో సోమవారం సందర్భంగా ప్రత్యేక పూజలు, చందనాభిషేకం, 24న కార్తీక పౌర్ణమి సందర్భంగా పూజలు, జ్వాలాతోరణం ఉంటాయని వెల్లడించా రు. 29న ఆదివారం ఉదయం 10 గంటలకు శ్రీ స్వామివారి కల్యాణం, 30న మూడో సోమవారం శర్యారాభిషేకం, డిశంబర్‌ 7న నాలుగో సోమవా రం పూజలు లక్ష బిల్వార్చన ఉంటుందని వివరించారు. కార్తీక మాసం సందర్భంగా పవిత్ర గోదావరి నదీతీరంలో ప్రతి సోమవారం నదీ హారతి కార్యక్రమాన్ని నిర్వహించనున్నారు. ఈ నెల 10నుంచి డిసెంబర్‌ 8 వరకు రోజూ సాయంత్రం 6 గంటల నుంచి రాత్రి 8 గంటల వరకు శ్రీ రామ సేవా మండపం వద్ద సామూహిక శ్రీ సత్యనారా యణ స్వామి వారి వ్రతాలు నిర్వహించనున్నట్లు తెలిపారు. రామాలయ ఈఓ దామోదర్‌రావు

కారేపల్లి: ప్రభుత్వ ఉద్యోగ, ఉపాధ్యాయులకు మెరుగైన ఫిట్‌మెంట్‌తో పీఆర్‌సీని సాధిస్తామని, అందుకోసం సంఘం బాధ్యులు ప్రభుత్వంతో చర్చలు జరుపుతున్నారని పీఆర్‌టీయూ ఖమ్మం జిల్లా అధ్యక్షుడు కట్టా శేఖర్‌రావు తెలిపారు. కారేపల్లి జిల్లా పరిషత్‌ ఉన్నత పాఠశాలలో జరిగిన సమావేశంలో ఆయన మాట్లాడారు. రానున్న ఎమ్మెల్సీ ఎన్నికల్లో పీఆర్‌టీయూ తరఫున రాష్ట్ర మాజీ అధ్యక్షుడు సుంకరి భిక్షంగౌడ్‌ పోటీ చేయనున్నారని తెలిపారు. ఆయనను గెలిపించుకుని ఉపాధ్యాయ, పట్టభధ్రుల సమస్యలపై ప్రభుత్వంతో పోరాడి హక్కులు సాధించుకుందామని పేర్కొన్నారు. ఈ సమావేశంలో పీఆర్‌టీయూ మండల అధ్యక్ష, ప్రధాన కార్యదర్శులు బానోతు నరసింహ, చంద్రశేఖర్‌, రాష్ట్ర, జిల్లా అసోసియేట్‌ అధ్యక్షులు ఎం.వేణుమాధవ్‌రావు, జి.విజయ అమృత్‌కుమార్‌తో పాటు అజ్మీర సోమ్లా, వి.విజయలక్ష్మి, బాలిన వెంకటరెడ్డి, హెచ్‌ఎం సాల్మన్‌రాజ్‌ తదితరులు పాల్గొన్నారు. పీఆర్‌టీయూ జిల్లా అధ్యక్షుడు శేఖర్‌రావు

సత్తుపల్లిటౌన్‌: సరదాగా వాలీబాల్‌ ఆడిన ముగ్గురు మిత్రులు బిర్యానీ తిని ద్విచక్ర వాహనంపై ఇంటికి వెళ్తుండగా గుర్తు తెలియని వాహనం ఢీకొట్టింది. ఘటనలో ఒకరు మృతి చెందగా, మిగతా ఇద్దరికి తీవ్ర గాయాలయ్యాయి. సత్తుపల్లి శివారు సింగరేణి బైపాస్‌ రోడ్డులో సోమవారం రాత్రి జరిగిన ఈ ప్రమాదం వివరాలిలా ఉన్నాయి. పెనుబల్లి మండలం లంకపల్లి పరిధి శ్రీనివాసపురానికి చెందిన కొరసా రాము(25) లారీ క్లీనర్‌గా పని చేస్తూ కుటుంబానికి పెద్ద దిక్కుగా ఉన్నాడు. అలాగే, కూలీ పనులతో కుటుంబాన్ని పోషించే పద్దం రాధాకృష్ణ, కాకా నర్సింహారావుతో కలిసి శ్రీనివాసపురంలో వాలీబాల్‌ ఆడారు. ఆ తర్వాత బైక్‌పై సత్తుపల్లికి వచ్చి బిర్యానీ తిన్నాక తిరుగు ప్రయాణమయ్యారు. సింగరేణి బైపాస్‌లోని జీఎం కార్యాలయం సమీప మలుపు వద్ద గుర్తు తెలియని వాహనం వీరి ద్విచక్ర వాహనాన్ని ఢీకొట్టింది. ఘటనలో తీవ్రగాయాలైన రాము అక్కడికక్కడే మృతి చెందగా, నర్సింహారావు, రాధాకృష్ణకు తీవ్ర గాయాలు కావడంతో 108లో సత్తుపల్లి ప్రభుత్వ ఆస్పత్రిలో చేర్పించారు. అయితే, వీరి పరిస్థితి కూడా విషమంగా ఉండడంతో మెరుగైన వైద్యం కోసం ఖమ్మం తరలించారు. కాగా, మృతుడు రాముకి పక్షవాతంతో బాధపడుతున్న తండ్రి తిరుపతయ్య, తల్లి అచ్చమ్మతో పాటు ముగ్గురు అక్కాచెల్లెలు ఉన్నారు. ఘటనపై కేసు నమోదు చేసినట్లు ఎస్సై అశోక్‌ తెలిపారు.ఒకరి మృతి, మరో ఇద్దరి పరిస్థితి విషమం

సూపర్‌బజార్‌(కొత్తగూడెం): సిబ్బంది ఎదుర్కొంటున్న సమస్యలను పరిష్కరించేందుకు కృషి చేస్తామని ఎస్పీ రోహిత్‌రాజు అన్నారు. సోమవారం ఆయన హేమచంద్రాపురం పోలీస్‌ హెడ్‌ క్వార్టర్స్‌ ను సందర్శించారు. మొదట ఏఆర్‌ డీఎస్పీ సత్యనారాయణ పుష్పగుచ్ఛం అందించి ఎస్పీకి స్వాగ తం పలికారు. అనంతరం పోలీస్‌ సిబ్బంది నుంచి గౌరవ వందనం స్వీకరించారు. పోలీస్‌ హెడ్‌ క్వార్టర్స్‌లో పునరుద్ధరించిన డాగ్‌ కెన్నెల్‌, బీడీ టీమ్‌ రూమ్‌, మెన్‌ బ్యారక్స్‌ను ఎస్పీ ప్రారంభించారు. మోటార్‌ వాహనాల పార్కింగ్‌ కోసం నూతనంగా నిర్మించిన షెడ్డు ప్రారంభించారు. డాగ్‌ల కోసం ప్రత్యేకంగా ఏర్పాటు చేసిన వసతులు, బ్యారక్స్‌ను పరిశీలించారు. అనంతరం ఓఎస్డీ కార్యాలయంలో పునరుద్ధరించిన ఆపరేషన్‌ ఆర్‌ఐ కార్యాలయ గది, మెన్‌ బ్యారక్స్‌ను ప్రారంభించారు. సిబ్బందితో మాట్లాడి సమస్యలు తెలుసుకున్నారు. ఎస్‌బీ ఇన్‌స్పెపెక్టర్‌ శ్రీనివాస్‌, ఆర్‌ఐలు సుధాకర్‌, రవి, నరసింహారావు, లాల్‌ బాబు, కృష్ణారావు పాల్గొన్నారు. విజేతలకు ఎస్పీ అభినందన జాతీయస్థాయి కుంగ్‌ఫూ కరాటే చాంపియన్‌ షిప్‌ పోటీల్లో జిల్లా క్రీడాకారులు సత్తా చాటారు. ఎల్‌.హర్షిత్‌ కుమార్‌, వి.శరణ్య సీహెచ్‌ సాత్విక, వి.సాయి శృతి పతకాలు సాధించారు. విజేతలను సోమవారం ఎస్పీ రోహిత్‌ రాజు తన కార్యాలయంలో సోమవారం అభినందించారు. సీసీ విజయ్‌కుమార్‌, స్పెషల్‌ బ్రాంచ్‌ సీఐ శ్రీనివాస్‌, మాస్టర్‌ పి.కాశీ హుస్సేన్‌ తదితరులు పాల్గొన్నారు. ఎస్పీ రోహిత్‌ రాజు

భద్రాచలం: భద్రాచలంలోని శ్రీ సీతారామ చంద్రస్వామి దేవస్థానంలో సోమవారం సీతా రాముల కల్యాణం వైభవంగా సాగింది. తెల్ల వారుజామునే గర్భగుడిలో స్వామి వారికి సుప్రభాత సేవ, సేవాకాలం, ఆరాధన పూజ లు చేశారు. అనంతరం మిథిలా స్టేడియంలోని రామ సేవా మండపంలో కొలువుతీదీర్చి స్వామికి విశ్వక్సేన పూజ, పుణ్యావాచనం చేశా రు. ఆతర్వాత స్వామికి కంకణధారణ, యజ్ఞోపవేత ధారణ, అమ్మవారికి కంకణధారణ, యోక్త్రధారణ గావించిన అర్చకులు నిత్యకళ్యాణ ఘట్టాన్ని శాస్త్రోక్తంగా పూర్తిచేశారు. ‘దుమ్ముగూడెం’ వద్ద పెరుగుతున్న నీటి మట్టంఅశ్వాపురం: ఎల్‌నినో ప్రభావంతో రాబోయే రోజుల్లో నీటి ఎద్దడి ఏర్పడే అవకాశం లేకపోలేదు. ఈ నేపథ్యంలో ఉమ్మడి ఖమ్మం జిల్లాతోపాటు మహబూబాబాద్‌, సూర్యాపేట జిల్లాలకు మిషన్‌ భగీరథ తాగునీరు అందించేందుకు ప్రభుత్వం ముందస్తు చేర్యలు చేపట్టింది. ఇందుకోసమే మండల పరిధిలోని కుమ్మరిగూడెంలోని దుమ్ముగూడెం ఆనకట్ట ఎత్తు మరో మీటరు పెంచేలా పనులు నిర్వహిస్తోంది. దీంతో గోదావరి నీరు ఆనకట్ట వద్ద దిగువకు రాకుండా ఉంటుంది. ప్రస్తుతం పనులు ముమ్మరంగా సాగుతుండగా, ఆనకట్టపై ఇసుక బస్తాలతో ఒక లేయర్‌ పూర్తి చేశారు. రెండో లేయర్‌ పనులు చేపడుతున్నారు. ఇసుక బస్తాలు అడ్డ్డుకట్టగా వేయడంతో ఇటీవల అలుగు పోసిన ఆనకట్ట వద్ద నదిలో నీటి మట్టం క్రమంగా పెరుగుతోంది. వారం, పది రోజుల్లో పనులు పూర్తయ్యే అవకాశం ఉంది. దీంతో ఆనకట్ట వద్ద టీఎంసీ నీరు నిల్వ ఉండనుంది. సర్‌ ప్రక్రియ పారదర్శకంగా పూర్తి చేయాలిసూపర్‌బజార్‌(కొత్తగూడెం): సర్‌ ప్రక్రియ పారదర్శకంగా, పకడ్బందీగా పూర్తిచేయాలని రాష్ట్ర ప్రధా న ఎన్నికల అధికారి సి.సుదర్శన్‌ రెడ్డి కలెక్టర్లను ఆదేశించారు. హైదరాబాద్‌ నుంచి సోమవారం కలెక్టర్లు, జిల్లా ఎన్నికల అధికారులు, వీడియో కాన్ఫరెన్స్‌ నిర్వహించారు. సర్‌ ప్రక్రియ పురోగతి, పెండింగ్‌ అంశాలు, తుది ఓటర్ల జాబితా ప్రచురణకు చేపట్టా ల్సిన చర్యలపై సమీక్షించారు. క్యాంపు కార్యాలయం నుంచి కలెక్టర్‌ అంకిత్‌ వీడియో కాన్ఫరెన్స్‌కు హాజరయ్యారు. ఎన్నికల సూపరింటెండెంట్‌ రంగ ప్రసాద్‌, నవీన్‌ పాల్గొన్నారు. ముఖచిత్ర హాజరు నమోదు ట్రయల్‌ రన్‌..సింగరేణి కొత్తగూడెం ఏరియాలో పైలట్‌ ప్రాజెక్ట్‌.. కొత్తగూడెంఅర్బన్‌: సాంకేతికత అమలులో ముందుండే సింగరేణి సంస్థ తాజాగా ఉద్యోగుల హాజరు నమోదులోనూ అధునాతన సాంకేతికత అమలు దిశగా చర్యలు చేపట్టింది. పారదర్శకత పెంచడం కోసం ప్రయోగాత్మకంగా కొత్తగూడెం ఏరియాలో ఫేస్‌ రికగ్నిషన్‌ అటెండెన్స్‌ (ముఖ చిత్ర నమోదు ఆధారిత హాజరు)ను సోమవారం ప్రవేశపెట్టింది. ఇప్పటికే సింగరేణిలో కొన్ని జీఎం కార్యాలయాల్లో బయోమెట్రిక్‌ హాజరు విధానం అమల్లో ఉన్నా ఏరియావ్యాప్తంగా గనులు, విభా గాలన్నింటిలోనూ అమలు చేయడం ఇదే ప్రథ మం. ఈ విధానం ద్వారా ఉద్యోగుల్లో క్రమశిక్షణ పెరుగుతుందని, సమయపాలన పాటిస్తారని యాజమాన్యం భావిస్తోంది. సింగరేణిలో దాదాపు 40 వేల మంది కార్మికులు ఉండగా కొత్తగూడెం ఏరియాలో సుమారు 1,600 మంది పనిచేస్తున్నారు. కొత్తగూడెంలో పైలట్‌ ప్రాజెక్టుగా ట్రయల్‌ రన్‌ ప్రారంభించింది. మొదటిరోజు ఆటంకాలు లేకుండా హాజరు నమోదు కావడంతో ఉద్యోగులు హర్షం వ్యక్తం చేశారు. అనంతరం ఇతర ఏరియాల్లోనూ అమలు చేయనున్నారు.

నిర్మాణాల తొలగింపుతో బయటపడిన కొండభద్రాచలం: ఏళ్లుగా ఆలయ నిర్మాణాల వెనుక మరుగునపడిపోయిన భద్రుడి గిరి మళ్లీ బయటపడింది! భద్రాచలంలోని శ్రీ సీతారామచంద్రస్వామి దేవస్థానం అభివృద్ధి, విస్తరణ పనుల్లో భాగంగా పాత కట్టడాలను తొలగించారు. దీంతో కొండ కనిపిస్తోంది. భద్రాచల క్షేత్రానికి భద్రుని గిరే మూలాధారం. స్థలపురాణం ప్రకారం.. భద్రుడు చేసిన తపస్సుకు మెచ్చిన శ్రీరాముడు వైకుంఠం నుంచి ప్రత్యక్షమై ఆయనకు మోక్షాన్ని ప్రసాదించాడట. భద్రుడి గిరిగా మారడంతో ఆ ప్రాంతం భద్రగిరిగా ప్రసిద్ధి చెందిందని ప్రతీతి. సీతాలక్ష్మణ సమేతుడైన శ్రీరామచంద్రుడు ఈ భద్రగిరిపైనే కొలువుదీరాడని భక్తుల విశ్వాసం. కాలక్రమేణా ఆలయ అభివృద్ధి కోసం కొండ చుట్టూ నిర్మాణాలు పెరిగి గిరి కనిపించకుండా పోయింది. ఇప్పుడు అభివృద్ధి పనుల్లో భాగంగా కట్టడాలను తొలగించడంతో గిరి స్వరూపం మళ్లీ వెలుగులోకి వచ్చింది.

సూపర్‌బజార్‌(కొత్తగూడెం): కృషి విజ్ఞాన కేంద్రం సాంకేతిక సేవలు, సలహాలు, సూచనలతో రైతులు అధిక దిగుబడులు సాధించాలని కొత్తగూడెం మేయర్‌ మూడ్‌ గణేష్‌ అన్నారు. కేవీకే, అశ్వారావుపేట వ్యవసాయ కళాశాల విద్యార్థుల గ్రామీణ వ్యవసాయ అనుభవ కార్యక్రమం సంయుక్త ఆధ్వర్యంలో సోమవారం కృషి విజ్ఞాన కేంద్రంలో రైతు సదస్సు, వ్యవసాయ ప్రదర్శన, మొక్కజొన్న విత్తనాల పంపిణీ కార్యక్రమం నిర్వహించారు. ఈ సందర్భంగా ఆయన మాట్లాడుతూ రైతులు మెరుగైన వ్యవసాయ పద్ధతులను అవలంబించాలని అన్నా రు. డిప్యూటీ మేయర్‌ ఎస్‌.లలితకుమారి మాట్లాడుతూ మహిళల భాగస్వామ్యంతో వ్యవసాయ కుటుంబాల ఆదాయాన్ని పెంపొందించడంతో పాటు గ్రామీణ ఆర్థికాభివృద్ధికి తోడ్పడవచ్చని అన్నారు. అశ్వారావుపేట వ్యవసాయ కళాశాల అసోసియేట్‌ డీన్‌ డాక్టర్‌ జె.హేమంత్‌ కుమార్‌ మాట్లాడుతూ ఆధునిక వ్యవసాయ సాంకేతిక పరిజ్ఞానంతో సాగు ఖర్చులను తగ్గించుకోవచ్చని అన్నారు. జిల్లా వ్యవసాయ అధికారి వి.బాబూరావు, సీనియర్‌ శాత్రవేత్త టి.భరత్‌, తెలంగాణ గ్రామీణ వికాస్‌ బ్యాంక్‌ సీనియర్‌ మేనేజర్‌ జి.సునీల్‌ కుమార్‌, అశ్వారావుపేట వ్యవసాయ కళాశాల అధ్యాపకులు డాక్టర్‌ సృజన్‌, డాక్టర్‌ శిరీష, డాక్టర్‌ రమేష్‌, బి శివ పాల్గొన్నారు. అనంతరం రైతులకు మొక్కజొన్న విత్తనాలను పంపిణీ చేశారు. కొత్తగూడెం మేయర్‌ మూడ్‌ గణేష్‌

భద్రాచలం: గిరిజన దర్బార్‌లో అందే వినతుల పరిష్కారంలో జాప్యం చేయొద్దని ఐటీడీఏ ప్రాజెక్ట్‌ అధికారి బి.రాహుల్‌ ఆదేశించారు. భద్రాచలంలోని ఐటీడీఏ కార్యాలయంలో సోమవారం జరిగిన గిరి జన దర్బార్‌లో ఆయన వినతులు, ఫిర్యాదులను స్వీకరించారు. అనంతరం మాట్లాడుతూ అధికారులు తక్షణమే పరిష్కరించగల సమస్యలను ఆలస్యం చేయొద్దని ఆదేశించారు. అన్ని అర్జీలను ఆన్‌లైన్‌లో నమోదు చేసి, అర్హులైన ప్రతి ఒక్కరికీ ప్రాధాన్యత ఆధారంగా సంక్షేమ పథకాలు అందించాలని తెలిపారు. వాల్‌పోస్టర్లు ఆవిష్కరణ స్వాతంత్య్ర సమరయోధుడు భగవాన్‌ బిర్సా ముండా జయంతిని పురస్కరించుకుని నిర్వహించనున్న జనజాతీయ గౌరవ దివస్‌ పక్షోత్సవాల వాల్‌పోస్టర్లను పీఓ రాహుల్‌ అధికారులు, ఆదివాసీ ప్రతినిధులతో కలిసి ఆవిష్కరించారు. ఈ సందర్భంగా మా ట్లాడుతూ పక్షోత్సవాల్లో భాగంగా గిరిజన స్వాతంత్య్ర సమరయోధుల త్యాగాలు, ఆదివాసీ సంస్కృతి, వారసత్వ సంపదను ప్రజలకు తెలియజేసేలా కార్యక్రమాలు చేపడుతున్నట్లు తెలిపారు. ఐటీడీఏ ఏపీఓ(జనరల్‌) డేవిడ్‌రాజ్‌, ఎస్‌డీసీ ఆనంద్‌ కుమార్‌, ట్రైబల్‌ వెల్ఫేర్‌ డీడీ చందన, గురుకులాల ఆర్‌సీఓ అరుణకుమారి, వివిధ విభాగాల అధికారులు మధుకర్‌, సైదులు, గన్యా, ఉదయ్‌కుమార్‌, మనిధర్‌, సున్నం రాంబాబు పాల్గొన్నారు.గిరిజన దర్బార్‌లో ఐటీడీఏ పీఓ రాహుల్‌

పాల్వంచరూరల్‌: సాధారణంగా అడవి దట్టంగా పెరగడానికి వంద నుంచి రెండు వందల ఏళ్లు పడుతుంది. అదే మియావాకీ పద్ధతిలో 20 నుంచి 30 ఏళ్లలోనే అడవి పెరుగుతుంది. ఆ పద్ధతిలో ప్లాంటేషన్‌ పెంచేందుకు పాల్వంచలోని అర్బన్‌పార్క్‌లో అటవీశాఖ అధికారులు శ్రీకారం చుట్టారు. మండలంలోని బస్వతారాకకాలనీ గ్రామపంచాయతీలో సోములగూడెం వెళ్లే మార్గంలో అటవీశాఖ అర్బన్‌ పార్క్‌ ఏర్పాటు చేసింది. పార్కుకు ఆదరణ లేకపోవడంతో ప్రజలను ఆకట్టుకునేందుకు పలు రకాల ప్రయోగాలను చేపడుతోంది. నాలుగేళ్ల క్రితం వంద హెక్టార్ల విస్తీర్ణంలో అర్బన్‌ పార్క్‌ ఏర్పాటు చేశారు. వాకింగ్‌ పాత్‌, చిన్నారుల కోసం చిల్డ్రన్‌ జోన్‌, ఓపెన్‌ జిమ్‌, రచ్చబండలు వంటి ఏర్పాటు చేశారు. తాజాగా మియావాకీ ప్లాంటేషన్‌ ఏర్పాటు చేస్తున్నారు. ఉపాధి కూలీలతో.. మియావాకీ ప్లాంటేషన్‌ ఏర్పాటుకు ఉపాధి కూలీలతో పనులు చేయిస్తున్నారు. మొక్కలు నాటేందుకు గోతులు తీయడం, స్థలాన్ని శుభ్రం చేయడం, కోసం 20 నుంచి 30మంది కూలీలను వినియోగిస్తున్నారు. వీరికి రోజుకు రూ.308 చొప్పున చొప్పున కూలి చెల్లిస్తున్నారు. తక్కువ స్థలంలో.. తక్కువ సమయంలో.. మియావాకీ ప్లాంటేషన్‌.. తక్కువ స్థలంలో.. తక్కు వ సమయంలో దట్టమైన కృత్రిమ అడవులను పెంచే ఆధునిక జపనీస్‌ వృక్షశాస్త్ర పద్ధతి. జపాన్‌కు చెందిన ప్రసిద్ధ వృక్ష శాస్త్రవేత్త డాక్టర్‌ అకీరా మియావాకీ ఈ విధానాన్ని కనుగొనడంతో, దీనికి మియావాకీ పద్ధతి అనే పేరొచ్చింది. నగరాల్లో ఖాళీ స్థలాలు, తక్కువ విస్తీర్ణంలో దట్టమైన చెట్లు పెంచేందుకు ఈ పద్ధతి ఉపయోగిస్తున్నారు. ఆయా ప్రాంతాల వాతావరణం, నేల స్వభావానికి సరిపోయే స్థానిక జాతుల మొక్కలు వేప, రావి, మర్రి, చింత వంటివి మాత్రమే ఎంచుకుంటారు. తోటల వలే కాకుండా చదరపు మీటరు స్థలంలో 3 నుంచి 5 మొక్కలను చాలా దగ్గరగా నాటుతారు. చిన్న పొదలు, మధ్యస్తంగా పెరిగే చెట్లు, బాగా ఎత్తుగా పెరిగే వృక్షాలను కలిపి ఒకే వరుసలో నాటుతారు. రెండు, మూడు దశాబ్దాల్లోనే అడవి దట్టంగా పెరుగుతుందని అటవీశాఖ అధికారులు చెబుతున్నారు. హైదరాబాద్‌లో ఇలాగే... రాష్ట్రంలోని పలు ప్రాంతాల్లో ఇప్పటికే మియావాకీ పద్ధతిలో అడవులు పెంచినట్లు అటవీశాఖ అధికా రులు చెబుతున్నారు. ప్రపంచంలోనే అతిపెద్ద మానవ నిర్మిత మియావాకీ అడవుల్లో ఒకటిగా హైదరాబాద్‌లోని శంషాబాద్‌ పేరొందిందని పేర్కొంటున్నారు. కేబీఆర్‌ నేషనల్‌ పార్క్‌, నక్లెస్‌ రోడ్డులో గ్రీన్‌ కారిడార్‌, గాజులరామారం, సెంట్రల్‌ యూనివర్సిటీలో, కరీంనగర్‌ జిల్లాలోని రాంపూర్‌, అలకాపురి ప్రాంతంలో, రామగుండం ప్రాంతాల్లో కూడా మియావాకీ పద్ధతిలో అడవులు పెంచినట్లు అటవీ శాఖ వెల్లడిస్తోంది. అర్బన్‌ పార్క్‌లో హెక్టార్‌ స్థలంలో పదివేల మొక్కలను నాటి మియావాకీ ప్లాంటేషన్‌ ఏర్పాటు చేస్తున్నాం. ఉపాధి కూలీల ద్వారా పనులు నిర్వహిస్తున్నాం. మొక్కలు నాటడానికి ముందే నేలను తవ్వి అందులో కొబ్బరి పొట్టు, ఊక, పశువుల ఎరువు వంటి సేంద్రియ పదార్థాలను కలిపి భూమిని సారవంతంగా మార్చేందుకు చర్యలు చేపడుతున్నాం. –క్రాంతి, పాల్వంచ రేంజ్‌ డీఆర్‌ఓ

భద్రాచలం: అర్హులకు ప్రభుత్వ పథకాలు అందేలా చూడాలని భద్రాచలం సబ్‌ కలెక్టర్‌ మృణాల్‌ శ్రేష్ఠ ఆదేశించారు. సోమవారం సబ్‌ కలెక్టర్‌ కార్యాలయంలో నిర్వహించిన ప్రజావాణి కార్యక్రమంలో ప్రజల నుంచి వివిధ సమస్యలపై అర్జీలను స్వీకరించారు. అనంతరం వాటిని సంబంధిత శాఖల అధికారులకు పంపించారు. ఈ సందర్భంగా మాట్లాడుతూ దరఖాస్తులను సంబంధిత అధికారులు తక్షణమే పరిష్కరించాలని ఆదేశించారు. రెవెన్యూ, భూ సమస్యలు, పింఛన్లు, ప్రభుత్వ సంక్షేమ పథకాలు, వ్యక్తిగత సమస్యలు, నిరుద్యోగుల సమస్యలపై ప్రజలు సమర్పించిన వినతులను పరిశీలించి అర్హులైన వారికి ప్రభుత్వ పథకాలు అందేలా చర్యలు తీసుకోవాలని సూచించారు. దరఖాస్తులు పెండింగ్‌లో ఉండకుండా చూడాలన్నారు. డీఏఓ భగవాన్‌రెడ్డి, నాయబ్‌ తహసీల్దార్‌ వినయ్‌శీల శ్రీరామ్‌, ఇతర అధికారులు పాల్గొన్నారు.

మణుగూరురూరల్‌: బొగ్గు ఉత్పత్తి లక్ష్యాలను సాధించేందుకు యంత్రాల సామర్థ్యాన్ని పూర్తి స్థాయిలో వినియోగించుకోవాలని సింగరేణి డైరెక్టర్‌(ఆపరేషన్స్‌) ఎల్‌వీ సూర్యనారాయణ సూచించారు. సోమవారం జీఎం కార్యాలయంలో నిర్వహించిన సమీక్ష సమావేశంలో మాట్లాడారు. ఏరియాలో రోజుకు 40వేల టన్నుల బొగ్గు ఉత్పతి సాధించాలని సూచించారు. ఎల్‌నినో ప్రభావ నేపథ్యంలో విద్యుత్‌, బొగ్గు విని యోగం పెరుగుతున్నందున డిమాండ్‌కు అనుగుణంగా షావెల్స్‌, ఇతర యంత్రాల పని గంటలను సమర్థవంతంగా వినియోగిస్తూ ఉత్పత్తి పెంచాలన్నారు. అనంతరం ఓసీ–4 గనిలోని బొగ్గు బెంచ్‌ను సందర్శించి ఉత్పత్తి పనులను పరిశీలించారు. అధికారులు ఎలీషా, బి.రవి, డి.వెంకటరామారావు, వి.మధన్‌నాయక్‌, శ్రీని వాసచారి, సీహెచ్‌ రాంబాబు, పి.రామకృష్ణ, ఎల్‌.దయాకర్‌, నాగరమేష్‌, రమణారెడ్డి, సర్వర్‌ నబీ పాల్గొన్నారు. టాస్క్‌ఫోర్స్‌ ఎస్‌ఐ సస్పెండ్‌ పేకాట ఏజెంట్లతో కుమ్మక్కే కారణం ఖమ్మంక్రైం: ఖమ్మం టాస్క్‌ఫోర్స్‌ ఎస్‌ఐ సురేష్‌ను సస్పెండ్‌ చేస్తూ పోలీసు కమిషనర్‌ సునీల్‌దత్‌ సోమవారం ఉత్తర్వులు జారీ చేశారు. ఖమ్మంలో పేకాట స్థావరాల ఏజెంట్లతో ఆయన కుమ్మక్కయ్యాడనే ఆరోపణలతో కొన్నాళ్ల క్రితం సురేష్‌ను హెడ్‌క్వార్టర్స్‌కు అటాచ్‌ చేశారు. విచారణ అనంతరం ఆరోపణ లు నిజమేనని రుజువు కావడంతో సస్పెండ్‌ చేస్తూ నిర్ణయం తీసుకున్నారు. లైంగిక దాడి కేసులో ఐదేళ్ల కఠిన కారాగార శిక్ష ఖమ్మంలీగల్‌/మధిర: బాలికపై లైంగిక దాడికి పాల్పడిన కేసులో నేరం రుజువు కాగా నిందితుడికి ఐదేళ్ల కఠిన కారాగార శిక్ష, రూ.10 వేల జరిమానా విధిస్తూ ఖమ్మం రెండో ఫాస్ట్‌ట్రాక్‌(పోక్సో) కోర్టు న్యాయమూర్తి డాక్టర్‌ పుల్లభట్ల పొగడ కృష్ణఅర్జున్‌ సోమవారం తీర్పు చెప్పారు. వివరాలిలా ఉన్నాయి. గత ఏడాది ఏప్రిల్‌ 28న మధిర ఎస్సీ కాలనీలో ఇంటి ముందు ఆడుకుంటున్న బాలికను గడ్డాల అరవింద్‌ అలియాస్‌ చిన్ని తన ఇంట్లోకి తీసుకెళ్లి బలవంతం చేయబోయాడు. ఈమేరకు మరుసటి రోజు అరవింద్‌పై పోక్సో కేసు నమోదైంది. కేసు విచారణలో భాగంగా ఆయనపై నేరం రుజువు కావడంతో జైలుశిక్ష, జరిమానా విధిస్తూ న్యాయమూర్తి తీర్పు చెప్పారు. కేసును అప్పటి వైరా ఏసీపీ ఎం.ఏ.రహమాన్‌ దర్యాప్తు చేయగా, ప్రాసికూషన్‌ తరఫున ఏపీపీ జె.శరత్‌కుమార్‌రెడ్డి వాదించారు. విచారణలో మధిర టౌన్‌ సీఐ దోమల రమేష్‌, ఉద్యోగులు ఎం.ఉమారాణి, వై.నాగేశ్వరావు, శ్రీకాంత్‌, ఆర్‌.నాగేశ్వరావు, అయూబ్‌ సహకరించారు. వేర్వేరు ప్రాంతాల్లో ఇద్దరు మహిళల అదృశ్యం ఖమ్మంఅర్బన్‌: వేర్వేరు చోట్ల ఇద్దరు మహిళలు కానరాకుండా పోయిన ఘటనలపై ఖమ్మం అర్బన్‌ పోలీసులు సోమవారం కేసులు నమోదు చేశారు. పాతఖానాపురానికి చెందిన 30 ఏళ్ల మహిళ గతనెల 25న ఇంటి నుంచి వెళ్లి తిరిగిరాలేదు. దీంతో కుటుంబ సభ్యులు ఇచ్చిన ఫిర్యాదు మేరకు కేసు నమోదైంది. అలాగే, ఖమ్మం గొల్లగూడెంకు చెందిన 20ఏళ్ల మహిళ సోమవారం ఇంటి నుంచి వెళ్లి తిరిగి రాలేదు. ఆమె కుటుంబ సభ్యులు ఎక్కడ వెతికినా ఆచూకీ లేకపోవడంతో వారి ఫిర్యాదు చేయగా ఇంకో కేసు నమోదు చేశారు. ద్విచక్ర వాహనం చోరీభద్రాచలంఅర్బన్‌: భద్రాచలం పట్టణంలోని ఐటీడీఏ రోడ్డులో ఉన్న గోదావరి ఫంక్షన్‌ హాల్‌ వద్ద ద్విచక్ర వాహనం చోరీకి గురైంది. ఎఫ్‌ఐఆర్‌లో నమోదైన వివరాల ప్రకారం.. పట్టణంలోని రాజీవ్‌నగర్‌ కాలనీకి చెందిన తోట ధనుంజయ రామ్‌ గత నెల 5న తెల్లవారుజామున ఫంక్షన్‌ హాల్‌ వద్ద బైక్‌ పార్క్‌ చేశాడు. ఉదయం చూసేసరికి వాహనం కనిపించలేదు. సోమవారం పోలీసులకు ఫిర్యాదు చేయగా, ఎస్‌ఐసతీష్‌ కేసు నమోదు చేసి దర్యాప్తు చేపట్టారు.

● పోలీసుల పనితీరు తెలుసుకునేందుకు ఠాణాల్లో ఏర్పాటు ● సేవలపై అభిప్రాయాలు డీజీ ఆఫీస్‌కు చేరేలా చర్యలు ● 10 నెలలవుతున్నా ప్రచారం లేకపోవడంతో వినియోగించని ఫిర్యాదుదారులు పాల్వంచరూరల్‌: రాష్ట్ర ప్రభుత్వం పోలీసుశాఖ సేవలపై ప్రజల అభిప్రాయాలు తెలుసుకునేందుకు క్యూఆర్‌ కోడ్‌ ఏర్పాటు చేసినా ప్రజల నుంచి స్పందన లేదు. ప్రచారం చేయకపోవడమే ఇందుకు కారణమని తెలుస్తుండగా, కోడ్‌ పోలీసు స్టేషన్‌ గోడలపై అలంకార ప్రాయంగా మారింది. గత జనవరిలో ఏర్పాటు పోలీసుల పనితీరును తెలుసుకునేందుకు గతేడాది జనవరి 15న ప్రభుత్వం ప్రతీ పోలీస్‌ స్టేషన్‌లో క్యూఆర్‌ కోడ్‌ ఏర్పాటు చేసింది. ఫిర్యాదులు చేసిన అనంతరం స్టేషన్‌లో ఉన్న క్యూర్‌ కోడ్‌ను మొబైల్‌ ఫోన్‌తో స్కాన్‌చేసి పోలీసుల పనితీరుపై ఫిర్యాదు దారుడు తన అభిప్రాయాన్ని వ్యక్తం చేయాల్సి ఉంటుంది. ఎఫ్‌ఐఆర్‌, ఫిర్యాదు, ఈ–చలాన్‌, పాస్‌పోర్టు వంటి తదితర అంశాలపై పోలీసుల అందిస్తున్న సేవలు, పనితీరుపై ప్రజలు తెలిపే అభిప్రాయం డీజీ ఆఫీసుకు వెళ్లేలా ప్రభుత్వం చర్యలు చేపట్టింది. అయితే ఫిర్యాదుదారులు ఎవరూ క్యూఆర్‌ కోడ్‌ను స్కాన్‌ చేసేందుకు ఆసక్తి చూపడంలేదు. దీంతో ప్రభుత్వం ఆశించినట్లు ప్రజల నుంచి ఫీడ్‌బ్యాక్‌ రావడంలేదు. ప్రచారలోపంతో... ప్రజల నుంచి వచ్చే ఫీడ్‌ బ్యాక్‌ ఆధారంగా ఉన్నతాధికారులు ఆ స్టేషన్‌ పోలీసులకు ర్యాంక్‌లు ఇవ్వడంతోపాటు లోపాలపై శాఖాపరమైన చర్యలు తీసుకునే అవకాశం ఉంటుంది. కానీ ప్రచారలోపం కారణంగా ఎవరూ క్యూఆర్‌ కోడ్‌ను వినియోగించడంలేదు. కోడ్‌ను బహిరంగ ప్రదేశాల్లో, ఇతర ప్రభుత్వశాఖల కార్యాలయాల్లో కూడా ఏర్పాటు చేయాలని పలువురు పేర్కొంటున్నారు. ప్రజల్లో విస్తృతంగా ప్రచారం, అవగాహన కూడా కల్పించాల్సి ఉంది. అప్పుడే ప్రభుత్వం లక్ష్యం నెరవేరుతుంది. క్యూఆర్‌కోడ్‌ను ప్రజలు నిర్భయంగా వినియోగించుకోవాలి. ఫిర్యాదుదారులు స్టేషన్‌లో క్యూఆర్‌ కోడ్‌ను స్కాన్‌చేసి ఫీడ్‌ బ్యాక్‌ ఇస్తే నేరుగా డీజీ కార్యాలయానికి సమాచారం చేరుతుంది. అప్పుడే పోలీసుల పనితీరు తెలుస్తుంది. క్యూఆర్‌కోడ్‌ ద్వారా ఫీడ్‌ బ్యాక్‌ ఇచ్చిన ఫిర్యాదుదారుల పేర్లు రహస్యంగా ఉంచుతాం. దీనిపై ప్రజల్లో అవగాహన కల్పిస్తున్నాం. –సతీష్‌కుమార్‌, పాల్వంచ డీఎస్పీ

చుంచుపల్లి: ప్రభుత్వ మెడికల్‌ కాలేజీ విద్యార్థులకు హాస్టల్‌ వసతి ఇక్కట్లు తప్పనున్నాయి. బాయ్స్‌, గర్ల్స్‌ హాస్టళ్ల భవనాల నిర్మాణ పనులు తుది దశకు చేరుకున్నాయి. సుమారు రూ.174 కోట్లతో చేపట్టిన పనులు డిసెంబర్‌ నాటికి పూర్తి చేసేలా అధికారులు చర్యలు చేపట్టారు. ఇటీవల కలెక్టర్‌ అంకిత్‌ హాస్టల్‌ భవన నిర్మాణ పనులను క్షేత్రస్థాయిలో పరిశీలించి పనులు నాణ్యతా ప్రమాణాలతో, వేగవంతంగా పూర్తి చేయాలని ఆదేశించారు. దీంతో నిర్దేశిత గడువులోగా హాస్టళ్లను సిద్ధం చేసేందుకు ఆర్‌అండ్‌బీ అధికారులు కసరత్తు చేస్తున్నారు. మౌలిక సదుపాయాలు అందుబాటులోకి తెచ్చేందుకు దృష్టి సారించారు. భవనాల నిర్మాణాలు దాదాపు పూర్తికావడంతో ఫినిషింగ్‌ పనులు చేపట్టాల్సి ఉంది. వీటితోపాటు తాగునీటి పైపులైన్లు, విద్యుత్‌ సౌకర్యం, పారిశుద్ధ్యం భద్రత తదితర మౌలిక వసతులను సిద్ధం చేయాల్సి ఉంది. జనవరిలో అందుబాటులోకి.. హాస్టళ్లు ప్రారంభమైతే దూర ప్రాంతాలు, ఏజెన్సీ ప్రాంతాల నుంచి వచ్చి చదువుకుంటున్న విద్యార్థులకు ఊరట లభించనుంది. ప్రైవేటు హాస్టళలో ఉండే అవసరం తగ్గడంతోపాటు కళాశాల, ఆస్పత్రి, నివాస ప్రాంతాల మధ్య రాకపోకల ఇబ్బందులు కూడా తగ్గనున్నాయి. విద్యార్థుల సమయం ఆదా కావడంతో చదువు, వైద్య శిక్షణపై మరింత దృష్టి సారించేందుకు అవకాశం ఉంటుంది. అధికారులు నిర్దేశించుకున్న గడువు మేరకు పనులు పూర్తయితే వచ్చే ఏడాది జనవరిలో 600 మంది విద్యార్థులకు హాస్టల్‌ వసతి అందుబాటులోకి వచ్చే అవకాశం ఉంది. మెడికల్‌ కాలేజీ బాయ్స్‌, గర్ల్స్‌ హాస్టళ్ల నిర్మాణ పనులు తుది దశకు చేరుకున్నాయి. మిగిలిన పనులతోపాటు తాగునీరు, విద్యుత్‌ తదితర మౌలిక సదుపాయాల కల్పనపై దృష్టి సారించాం. డిసెంబర్‌ చివరి నాటికి నిర్మాణ పనులు పూర్తి చేసేలా చర్యలు తీసుకుంటున్నాం. జనవరిలో విద్యార్థులకు హాస్టల్‌ వసతి అందుబాటులోకి తీసుకొచ్చేందుకు ప్రయత్నిస్తాం. –చక్రధర్‌, డిప్యూటీ ఎగ్జిక్యూటీవ్‌ ఇంజనీర్‌

ఖమ్మం మామిళ్లగూడెం: కాంగ్రెస్‌ అధికారంలోకి వచ్చిన అనతికాలంలోనే ప్రభుత్వ భూములను అమ్మడమే కాక సహజ వనరులను పక్కదారి పట్టిస్తూ దోపిడీకి తెరతీసిందని బీజేపీ జాతీయ నాయకుడు డాక్టర్‌ పొంగులేటి సుధాకర్‌రెడ్డి విమర్శించా రు. ఖమ్మంలోని బీజేపీ కార్యాలయంలో ఆదివారం జరిగిన సమావేశంలో ఆయన మాట్లాడుతూ కాంగ్రెస్‌ నాయకులు కాంట్రాక్టుల పేరుతోనే కాక 22ఏ భూముల పేరుతో అక్రమాలకు పాల్పడుతున్నారని ఆరోపించారు. సత్తుపల్లి మండలం బుగ్గపాడు ఫుడ్‌ పార్క్‌ వ్యవహారంలోనూ రూ.వేల కోట్ల కుంభకోణం జరిగిందని తెలిపారు. కేవలం రూ.22 కోట్ల టర్నోవర్‌ కలిగిన కంపెనీకి 72 ఎకరాల విలువైన భూమిని ఎకరాకు కేవలం రూ.25లక్షల చొప్పున కట్టబెట్టారని పేర్కొన్నారు. దీని వెనుక ఎవరు ఉన్నారో బయటపెట్టే వరకు పోరాడుతామని తెలి పారు. అలాగే, సింగరేణి బొగ్గు గనుల్లో జరుగుతున్న అవినీతిని వెలికితీస్తామని చెప్పారు. అనంతరం 51వ డివిజన్‌లో ఎమ్మెల్సీ ఓటరు నమోదు కేంద్రాన్ని ఆయన పరిశీలించారు. ●ఖమ్మంఅర్బన్‌: ఖమ్మం 9వ డివిజన్‌ రోటరీనగర్‌లో బీజేపీ నాయకుడు కుమిలి శ్రీనివాసరావు ఆధ్వర్యాన ఏర్పాటుచేసిన పట్టభద్రుల ఎమ్మెల్సీ ఓటరు నమోదు కేంద్రాన్ని బీజేపీ జాతీయ నాయకుడు పొంగులేటి సుధాకర్‌రెడ్డి ప్రారంభించారు. పట్టభద్రులంతా ఓటర్లుగా నమోదయ్యేలా అవగాహన కల్పించాలని సూచించారు. ఈ కార్యక్రమాల్లో పార్టీ జిల్లా అధ్యక్షుడు నెల్లూరి కోటేశ్వరరావు, నాయకులు ఉదయ్‌ప్రతాప్‌, రుద్ర ప్రదీప్‌, నున్న రవికుమార్‌, వీరల్లి రాజేష్‌, గుత్తా వెంకటేశ్వరరావు, అల్లిక అంజయ్య, మంద సరస్వతి, రీగన్‌, సురేష్‌, కృష్ణ, సాయిరాం, రుద్రగాని మాధవ్‌, శ్రీలక్ష్మీరెడ్డి, గడిల నరేష్‌, మహేందర్‌సింగ్‌, వెంకటనారాయణ, ఈవీ రమేష్‌, నీలిమ, ముత్యం, రాము పాల్గొన్నారు. బీజేపీ నాయకుడు సుధాకర్‌రెడ్డి

● రాష్ట్ర స్థాయి హ్యాండ్‌బాల్‌ టోర్నీలో విజేతగా ఖమ్మం ● రెండో స్థానంలో నిలిచిన వరంగల్‌ జట్టుఖమ్మం స్పోర్ట్స్‌: రాష్ట్రస్థాయి జూనియర్‌ బాలికల హ్యాండ్‌బాల్‌ టోర్నీలో భాగంగా ఉత్కంఠభరితంగా సాగిన ఫైనల్‌ మ్యాచ్‌లో ఉమ్మడి ఖమ్మం జిల్లా జట్టు టైటిల్‌ను కై వసం చేసుకుంది. ఖమ్మంలోని సర్దార్‌ పటేల్‌ స్టేడియంలో రెండు రోజులుగా జరుగుతున్న టోర్నీ ఆదివారం ముగిసింది. ఈ మేరకు ఫైనల్స్‌లో ఖమ్మం – వరంగల్‌ జట్లు తలపడగా మ్యాచ్‌ హోరాహోరీగా సాగింది. చివరకు ఖమ్మం 11 గోల్స్‌ సాధించగా, వరంగల్‌ 8 గోల్స్‌కే పరిమితం కావడంతో ఖమ్మం బాలికలు విజయం దక్కించుకున్నారు. ఇక మూడో స్థానం కోసం మహబూబ్‌నగర్‌ – ఆదిలాబాద్‌ జట్లు తలపడగా సమాన పాయింట్లు రావడంతో ఇరు జట్లకు ట్రోఫీ అందజేశారు. డీవైఎస్‌ఓ టి.సునీల్‌రెడ్డి, హ్యాండ్‌బాల్‌ అసోసియేషన్‌ రాష్ట్ర కార్యదర్శి శ్యామల పవన్‌కుమార్‌, హ్యాండ్‌బాల్‌ జిల్లా అధ్యక్ష, కార్యదర్శులు బి.అశోక్‌రెడ్డి, వరికూటి మోహన్‌తో పాటు మంత్రి పొంగులేటి క్యాంపు కార్యాలయ ఇన్‌చార్జి తుంబూరు దయాకర్‌రెడ్డి తదితరులు ట్రోఫీలు అందజేశారు. ఇంకా ఈ కార్యక్రమంలో వరికూటి సుబ్బారావు, వేముల ఆదినారాయణ, కె.తంబి, ఎన్‌.ఉప్పల్‌రెడ్డి, లాలు, శ్రీవిద్య తదితరులు పాల్గొన్నారు.

● తుపాన్లతో అన్నదాతల్లో ఆందోళన ● పంటలు చేతికందే సమయాన గుబులుఖమ్మంవ్యవసాయం: వానాకాలం పంటలు చేతికి అందుతున్న వేళ వరుస తుపాన్లు జిల్లా రైతులను కలవరపెడుతున్నాయి. నిన్నామొన్నటి వరకు అర్నబ్‌ తుపాన్‌ ప్రభావం కొనసాగింది. ఆ సమయంలో ఖమ్మం జిల్లాలోని పలుచోట్ల పంటలు నేలవాలాయి. దీని నుంచి రైతులు తేరుకోకముందే ఆదివారం ‘మురసు’ తుపాన్‌ గండం మొదలైంది. ఎల్‌నినోతో పరిస్థితుల్లో అవస్థ పడుతూ సాగు చేసిన వరి, పత్తి వంటి పంటలు ఇప్పుడిప్పుడే చేతికందుతున్నాయి. సాగు సమయాన వానలు లేకపోగా, ఇప్పుడు కోత సమయంలో తుపాన్ల ప్రభావం రైతులను ఆవేదన కలిగిస్తోంది. 1,138 ఎకరాల్లో పంట నష్టం గత వారం అర్నబ్‌ తుపాన్‌ కారణంగా ఖమ్మం జిల్లాలో వర్షం అంతంత మాత్రంగాననే కురిసినా, ఈదురుగాలులు బీభత్సం సృష్టించాయి. వ్యవసాయ శాఖ ప్రాథమిక అంచనా ప్రకారం జిల్లాలోని 53 గ్రామాల 558 మంది రైతులకు చెందిన 1,138 ఎకరాలకు పైగా వరి పంటకు నష్టం వాటిల్లింది. అలాగే, పలుచోట్ల పత్తి పంటకు కూడా నష్టం ఎదురైంది. వరి నేలవాలడంతో హార్వెస్టర్లతో కోయడం ఇబ్బందిరంగా మారిందని చెబుతున్నారు. ఇప్పుడేం జరుగుతుందో ? ప్రస్తుత వానాకాలం ఖమ్మం జిల్లాలో వరి 2,41,109 ఎకరాల్లో, పత్తి 2,35,637 ఎకరాల్లో సాగయ్యాయి. ప్రస్తుతం వరి కోతలు, పత్తి తీతలు జోరుగా సాగుతున్నాయి. ఈనేపథ్యాన వరుస తుపాన్లు రైతులను ఆందోళనకు గురి చేస్తున్నాయి. అయితే, తుపాన్‌ వేళ వరి కోయొద్దని, పత్తి తీతను కూడా నిలిపివేయాలని వ్యవసాయ శాఖ అధికారులు సూచిస్తున్నారు. కాగా, అర్నబ్‌ ప్రభావం నుంచి తేరుకోకముందే మురసు తుపాన్‌ ప్రభావం మొదలైంది. కాగా, ఆదివారం ఉదయం జిల్లాలో ఆకాశం మేఘావృతమై పలుచోట్ల ఓ మోస్తరు కురిసింది. తుపాన్‌ ప్రభావం బుధవారం వరకు ఉంటుందని వాతావరణ శాఖ హెచ్చరించిన నేపథ్యాన రైతులు ఆందోళన చెందుతున్నారు. మురసు తుపాన్‌ నేపథ్యాన ఖమ్మం జిల్లాతో పాటు మహబూబాబాద్‌, సూర్యాపేట జిల్లాల్లో అతి భారీ వర్షం కురిసే అవకాశముందని వాతావరణశాఖ ప్రకటించింది. ఈనెల 3, 4వ తేదీల్లో(మంగళ, బుధవారం) ప్రభావం ఉంటుందంటూ రెడ్‌ అలర్ట్‌ (అతి భారీ వర్షాలు) ప్రకటించారు. అయితే, సోమ, గురువారం కూడా వర్షాలు కురిసే అవకాశముందని చెబుతున్నారు.

దమ్మపేట: గంజాయి సేవిస్తున్న ఆరుగురు వ్యక్తులతోపాటు గంజాయిని కలిగి ఉన్న మరో ఇద్దరిని పోలీసులు శనివారం రాత్రి అరెస్టు చేశారు. అశ్వారావుపేట సీఐ నాగరాజు రెడ్డి వెల్లడించిన వివరాల ప్రకారం... దమ్మపేట పోలీస్‌ స్టేషన్‌ పరిధిలో ఎస్సై బి.రాజేష్‌ కుమార్‌ సిబ్బందితో కలిసి పెట్రోలింగ్‌ నిర్వహిస్తున్నారు. ఈ క్రమంలో ఆర్లపెంట గ్రామ శివారులోని శ్మశాన వాటిక వద్ద గంజాయి సేవిస్తున్న ఆరుగురు వ్యక్తులను గుర్తించి అదుపులోకి తీసుకున్నారు. విచారణ జరపగా లంకాలపల్లి కి చెందిన పొట్ట సాయికుమార్‌, నాగుపల్లికి చెందిన లావుడ్యా చైతన్య వద్ద గంజాయి ఉన్నట్లు గుర్తించారు. వారిని కూడా అరెస్ట్‌ చేసి, 250 గ్రాముల గంజాయి, రెండు మొబైల్‌ ఫోన్లు, మోటార్‌ సైకిల్‌ను స్వాధీనం చేసుకున్నారు. స్వాధీనం చేసుకున్న గంజాయి విలువ సుమారు రూ.12,500లు ఉంటుందని సీఐ తెలిపారు. ఆదివారం కేసు నమోదు చేసి, గంజాయి సేవించిన ఆరుగురిని, గంజాయితో పట్టుబడిన ఇద్దరిని దమ్మపేట కోర్టులో హాజరు పరిచారు. గంజాయి సేవించిన ఆరుగురిని డీ అడిక్షన్‌ సెంటర్‌కు, గంజాయి కలిగి ఉన్న ఇద్దరు వ్యక్తులను రిమాండ్‌కు తరలించారు.

తిరుమలాయపాలెం: సీతారామ ప్రాజెక్టు నిర్మాణానికి సంబంధించి భూసేకరణలో అవకతవకలు జరిగాయనే ఆరోపణలు వెల్లువెత్తుతున్నాయి. రైతుల భూముల్లోని బావులు, బోర్లు, పైపులు, చెట్లు, ఫెన్సింగ్‌కు పరిహారం చెల్లించే ప్రక్రియలో అక్రమాలు జరిగాయన్న చర్చ జరుగుతోంది. 2021లో ప్రారంభమైన ఈ ప్రక్రియలో భాగంగా నేటికీ కొందరు రైతులకు పూర్తిస్థాయిలో పరిహారం అందకపోగా.. ఇంకొందరికి మాత్రం అధికంగా అందిందనే విమర్శలు వస్తున్నాయి. కొందరు రైతుల భూముల్లో బావులు, పైపులు, చెట్లు లేకపోయినా పరిహారం జాబితాలో చేర్చారని, అర్హుల పేర్లను మాత్రం విస్మరించారని.. అధికారులు చేతివాటం చూపడంతో ఇలా జరిగిందని రైతులు మండిపడుతున్నారు. కాగా, నష్టపరిహారానికి రైతుల ఎంపికలో ఇరిగేషన్‌, ఆర్‌డబ్ల్యూఎస్‌, అటవీ, ఉద్యాన, ఎకై ్సజ్‌ శాఖ అధికారులు పాలుపంచుకున్నారు. అధికారులకు ఫిర్యాదు చేసినా.. సీతారామ ప్రాజెక్టు కోసం ఏళ్ల క్రితమే భూములు సేకరించి రైతులకు పరిహారం చెల్లించారు. అయితే, ఆయా భూముల్లోని బావులు, బోర్లు, పైపులు, చెట్లు, ఫెన్సింగ్‌ తదితర ఆస్తులకు సంబంధించిన పరిహారం చెల్లింపులో జాప్యం జరుగుతోంది. ఇప్పటికే పలుమార్లు ఖమ్మం కలెక్టరేట్‌ గ్రీవెన్స్‌లో ఫిర్యాదు చేసినా పరిష్కారం లభించడం లేదని రైతులు వాపోతున్నారు. మండలంలోని అజ్మీరా తండా పరిధి రాకాసితండాకు చెందిన కలువాల యాకయ్య, బానోతు రవి భూముల్లోని పైపులు, చెట్లు కోల్పోగా రవి పేరిట ఎక్కువ పరిహారంతో అవార్డు చేసినట్లు తెలిసింది. దీంతో యాకయ్య తనకు రావాల్సిన పరిహారం మరో ఖాతా పేరిట నమోదైందని కలెక్టరేట్‌లో ఫిర్యాదు చేశాడు. దీంతో ఇటీవల కొందరికి పరిహారం విడుదలైనా రవి పేరిట జమ కాలేదు. దీంతో ఉన్నతాధికారులకు ఫిర్యాదు చేశాడు. పరిహారం అక్రమాలు జరగడమే కాక అధికారులు ఇష్టారాజ్యంగా వ్యవహరించడంతో రైతుల మధ్య వివాదాలు ఏర్పడే పరిస్థితి నెలకొంది. ఈ విషయమై ప్రశ్నిస్తే రైతులే తేల్చుకోవాలని అధికారులు సూచిస్తున్నట్లు తెలిసింది. పరిహారం పంపిణీలో అక్రమాలు జరిగినప్పుడు ఆరోపణలు వస్తున్నందున క్షేత్రస్థాయి సర్వే వివరాలు, పరిహారం చెల్లింపులపై ఉన్నతాధికారులు విచారణ చేపట్టాలని రైతులు కోరుతున్నారు.మండలంలోని తిప్పారెడ్డిగూడెంకు ఓ రైతుకు చెందిన ఒకే వ్యవసాయ బావికి ముగ్గురు కుటుంబ సభ్యుల పేర్లపై పరిహారం చెల్లించేందుకు అధికారులు అవార్డు సిద్ధం చేశారని తెలిసింది. స్థానికుడైన ఓ రైతు సమాచార హక్కు చట్టం ద్వారా అవార్డు కాపీ సేకరించగా ఈ విషయం వెలుగుచూసింది. సదరు రైతుకు ఒకే బావి ఉండగా ముగ్గురు కుటుంబ సభ్యుల పేరిట సుమారు రూ.26లక్షలకు పైగా అవార్డు అయి ఉండడం విస్మయాన్ని కలిగిస్తుంది. ఈ వ్యవహారంపై సమగ్ర విచారణ జరిపితే పరిహారం పంపిణీలో మరిన్ని అక్రమాలు బయటపడతాయని చెబుతున్నారు.ప్రాజెక్టు పరిహారంలో అక్రమాల పరంపర నా వ్యవసాయ బావి, పైపులు కోల్పోయినా పరిహారం రాలేదు. 2021 నాటి అవార్డు కాపీలో పేరు ఉన్నప్పటికీ సవరించిన కాపీలో లేదు. కాల్వ తవ్వకం సమయాన మట్టి, రాళ్లు వేయడంతో బావి మొత్తం పూడిపోతుంది. అధికారులు న్యాయం చేయాలి. – బానోతు మోహన్‌, రాకాసితండాకాల్వ కింద భూమి పోగా మూడు కుంటల భూమి, బావి మిగిలింది. అప్పటి కలెక్టర్‌ దృష్టికి తీసుకెళ్తే పరిశీలించాలని అధికారులకు చెప్పారు. కానీ మొదట అవార్డు ప్రకారం పరిహారం ఇవ్వాలని నిర్ణయించి, ఆ తర్వాత రీసర్వే పేరుతో తొలగించారు. – పోతుగంటి సహాదేవ్‌, రైతు, రాకాసితండా

భద్రాచలంటౌన్‌: భద్రాచలం శ్రీసీతారామ చంద్రస్వామివారి అంతరాలయంలోని మూలమూర్తులకు ఆదివారం అభిషేకం, సువర్ణ పుష్పార్చన జరిపారు. తొలుత తెల్లవారుజామున గర్భగుడిలో స్వామివారికి సుప్రభాత సేవ, సేవాకాలం, ఆరాధన తదితర పూజలు చేశారు. అనంతరం నిత్యకల్యాణానికి స్వామివారిని పల్లకీసేవగా మిథిలా స్టేడియం ప్రాంగణంలోని రామసేవా మండపంలో కొలువుదీర్చి విశ్వక్సేన పూజ, పుణ్యావాచనం జరిపారు. స్వామివారికి కంకణధారణ, యజ్ఞోపవీత ధారణ, అమ్మవారికి కంకణధారణ, యోక్త్రధారణ గావించి నిత్యకల్యాణ ఘట్టాన్ని ఆలయ అర్చకులు శాస్త్రోక్తంగా జరిపారు. సెలవు రోజు కావడంతో నిత్య కల్యాణంలో భక్తులు అధిక సంఖ్యలో పాల్గొన్నారు. రామాలయానికి రూ.40 వేల కార్పెట్లు వితరణభద్రాచలంలోని శ్రీ సీతారామచంద్ర స్వామి వారి ఆలయానికి హైదరాబాద్‌ ఒయాసిస్‌ ఆస్పత్రి డాక్టర్‌ కృష్ణచైతన్య – హరిత దంపతులు రూ.40 వేల విలువైన కార్పెట్లను ఆదివారం అందజేశారు. గతంలో కలర్‌ ప్రింటర్‌ కూడా అందజేసిన దాతలు, ఇప్పుడు కార్పెట్లను ఆలయ ఈఓ కే.దామోదర్‌రావు, ఏఈఓ శ్రావణ్‌కుమార్‌కు అందించాక స్వామిని దర్శించుకుని ప్రత్యేక పూజలు చేశారు. అనంతరం దాతలకు అధికారులు స్వామివారి ప్రసాదం, జ్ఞాపిక అందజేశారు. ఈ కార్యక్రమంలో గొర్ల వెంకటేశ్వరరావు, కడాలి నాగరాజు తదితరులు పాల్గొన్నారు. భద్రాచలం గోదావరి స్నానఘట్టాల వద్ద ఆదివారం గోదారమ్మకు ప్రత్యేక నదీహారతి సమర్పించారు. గణపతి పూజ, దీపోత్సవం, అష్టోత్తర శతనామార్చన అనంతరం హారతి సమర్పించి భక్తులకు ప్రసాదం పంపిణీ చేశారు. భద్రాద్రి పురోహితుల సంఘం అధ్యక్షుడు రామవజ్జల రవికుమార్‌, పురోహితులు సత్యప్రసాద్‌ శర్మ, రామాచార్యులు, తిరుపతిరావు, తేజశర్మ తదితరులు పాల్గొన్నారు.

భద్రాచలంఅర్బన్‌: ఏజెన్సీ చట్టాలు అమల్లో ఉన్న భద్రాచలం పట్టణంలో బహుళ అంతస్తుల భవనాలు వెలుస్తుండటంపై విమర్శలు వ్యక్తమవుతున్నాయి. అధికారిక సమాచారం ప్రకారం శాంతినగర్‌, మెడికల్‌ కాలనీ, చప్టా దిగువ, కొత్తపేట తదితర ప్రాంతాల్లో జీ+2 భవనాలు సుమారు 40, జీ+4 భవనాలు మరో 11 వరకు ఉన్నాయి. వీటిలో కొన్ని పూర్తికాగా, మరికొన్ని నిర్మాణ దశలో ఉన్నాయి. నిబంధనల ఉల్లంఘనలపై భవనాల యజమానులకు అధికారులు నోటీసులు జారీ చేశారు. భద్రాచలం షెడ్యూల్డ్‌ ఏజెన్సీ ప్రాంతం కావడంతో భూముల బదలాయింపుపై ఆంక్షలు అమల్లో ఉన్నాయి. 1/70 చట్టం అమలులో ఉన్నా విచ్చలవిడిగా భవనాలు నిర్మిస్తుండటంతో అధికారుల తీరుపై సందేహాలు వ్యక్తమవుతున్నాయి. భక్తుల అవసరమే ఆసరా భద్రాచలంలో ఏటా జరిగే శ్రీరామనవమి, ముక్కో టి ఏకాదశి తదితర ఉత్సవాలకు వివిధ ప్రాంతాల నుంచి వేలాదిగా భక్తులు తరలివస్తుంటారు. ఆ సమయంలో వసతి గదులకు డిమాండ్‌ ఉంటుంది. దీంతో కొందరు భారీ భవనాలు నిర్మించి గదులను అధిక అద్దెలకు ఇస్తున్నారనే ఆరోపణలున్నాయి. సాధారణ రోజుల్లో ఒక ధర, ఉత్సవాల సమయంలో మరో ధర వసూలు చేస్తున్నట్లు తెలుస్తోంది. దూరప్రాంతాల నుంచి వచ్చే భక్తులు తప్పనిసరి పరిస్థితుల్లో అధిక మొత్తం చెల్లించి గదులు తీసుకోవాల్సి వస్తోంది. అయితే భవనాలకు వాణిజ్య అనుమతులు ఉన్నాయా? నివాస అవసరాల కోసం నిర్మించి లాడ్జీలుగా వినియోగిస్తున్నారా? అగ్నిమాపక భద్రతా ప్రమాణాలు పాటిస్తున్నారా? అనే అంశాలను అధికారులు విచారించాల్సి ఉంది. మరోవైపు ఏజెన్సీ భూములు, నిర్మాణ అనుమతులపై హైకోర్టులో 15 వరకు కేసులు ఉన్నట్లు సమాచారం. గతంలో కూలిన నాలుగు అంతస్తుల భవనం గతంలో భద్రాచలంలో నిర్మిస్తున్న నాలుగు అంతస్తుల భవనం పేకమేడలా కుప్పకూలింది. నాసిరకంగా నిర్మించడంతో భవనం కూలిపోగా, శిథిలాల కింద పడి ఇద్దరు కార్మికులు మృతి చెందారు. తీవ్ర విషాదాన్ని మిగిల్చిన ఈ ఘటన నిర్మాణాల నాణ్యత, అధికారుల పర్యవేక్షణపై అనేక ప్రశ్నలు లేవనెత్తింది. అలాంటి ప్రమాదం మరోసారి జరగకుండా ప్రస్తుతం నిర్మిస్తున్న భవనాల పటిష్టతను పరిశీలించాల్సిన అవసరం ఉంది. ఇద్దరు ఐఏఎస్‌ అధికారులున్నా.. భద్రాచలంలో సబ్‌ కలెక్టర్‌, ఐటీడీఏ పీఓ.. ఇద్దరు ఐఏఎస్‌ అధికారులు ఉన్నారు. అయినా ఏజెన్సీ ప్రాంతంలో బహుళ అంతస్తుల నిర్మాణాలు వెలుస్తుండటం చర్చనీయాంశంగా మారింది. రెండు కీలక కార్యాలయాలు భద్రాచలంలోనే ఉన్నందున సంబంధిత శాఖలతో సమన్వయం చేసుకుని భూ హక్కులు, నిర్మాణ అనుమతులు, భద్రతా ప్రమాణాలపై తనిఖీలు చేపట్టాల్సిన అవసరం ఉంది. ఇప్పటికే పలు భవనాలకు నోటీసులు జారీ చేసిన నేపథ్యంలో తదుపరి చర్యలు తీసుకోవాలని ఏజెన్సీ ప్రజలు కోరుతున్నారు. నిబంధనల ఉల్లంఘనలపై చర్యలు చేపట్టాలని డిమాండ్‌ చేస్తున్నారు.

పాల్వంచరూరల్‌: పెద్దమ్మతల్లికి అర్చకులు విశేష పూజలు నిర్వహించారు. మండలంలోని శ్రీకనకదుర్గ (పెద్దమ్మతల్లి) ఆలయానికి ఆదివారం రాష్ట్రంలోని పలు ప్రాంతాల నుంచి భక్తులు అధిక సంఖ్యలో తరలివచ్చారు. దీంతో ఆలయ ప్రాంగణం కిటకిటలాడింది. భక్తులు క్యూలైన్‌ ద్వారా భక్తులు అమ్మవారిని దర్శించుకున్నారు. అన్నప్రాసనలు, ఒడిబియ్యం, పసుపు కుంకుమలు, చీరలు సమర్పించి మొక్కులు చెల్లించుకున్నారు. నేడు బహిరంగ వేలంపాటపెద్దమ్మతల్లి ఆలయంలో సోమవారం ఉదయం 11 గంటల నుంచి బహిరంగ వేలంపాటలు నిర్వహించనున్నట్లు ఈఓ ఎ.విజయ్‌కుమార్‌ ఆదివారం ఒక ప్రకటనలో తెలిపారు. రెండు ఏసీ ఫంక్షన్‌ హాల్స్‌, కొత్త కాంప్లెక్స్‌లోని 1,2,3,5,6,7,8,10,12 నంబర్‌ షాపులు, పాత కాంప్లెక్స్‌లోని 1వ నంబర్‌ షాపు, ఫొటోలు తీసుకునేందుకు లీజు, పూలదండలు విక్రయానికి లైసెన్స్‌ హక్కులు పొందేందుకుగాను సీల్డ్‌ టెండర్‌ కం బహిరంగ వేలంపాట నిర్వహించనున్నట్లు వివరించారు. వెండి శఠారి బహూకరణమణుగూరు రూరల్‌: మండలంలోని గుట్టమల్లారం గ్రామపంచాయతీలో ఉన్న శ్రీవెంకటేశ్వరస్వామి దేవాలయానికి చిట్టూరి శేషుకుమార్‌–నాగరత్నమణి దంపతులు వెండి శఠారిని బహూకరించారు. శేషుకుమార్‌ తన పుట్టినరోజు సందర్భంగా సుమారు రూ.1.20 లక్షల విలువైన 500 గ్రాముల వెండి శఠారిని స్వామివారికి సమర్పించారు. దాతలను ఆలయ కమిటీ చైర్మన్‌ దోసపాటి నాగేశ్వరరావు తదితరులు అభినందించారు. నేడు ప్రజావాణిసూపర్‌బజార్‌(కొత్తగూడెం): ప్రజా సమస్యల పరిష్కారం కోసం సోమవారం కలెక్టరేట్‌లో నిర్వహించనున్న ప్రజావాణి కార్యక్రమానికి అన్ని శాఖల జిల్లా అధికారులు ఉదయం 10గంటలకు హాజరుకావాలని కలెక్టర్‌ అంకిత్‌ ఆదివారం ఒక ప్రకటనలో తెలిపారు. ప్రజలు తమ సమస్యలపై లిఖితపూర్వక దరఖాస్తులను అందజేయాలని సూచించారు. ఉదయం 10.30 గంటలకు ప్రజావాణి కార్యక్రమం ప్రారంభమవుతుందని కలెక్టర్‌ పేర్కొన్నారు. కొత్తగూడెం ఆర్డీఓ కార్యాలయంలో, అన్ని మండల ప్రజా పరిషత్‌ కార్యాలయాల్లో కూడా ప్రజావాణి నిర్వహించనున్నట్లు తెలిపారు. గిరిజన దర్బార్‌..భద్రాచలంటౌన్‌: భద్రాచలం ఐటీడీఏలో సోమవారం నిర్వహించనున్న గిరిజన దర్బార్‌, సబ్‌ కలెక్టర్‌ కార్యాలయంలోని ప్రజావాణి కార్యక్రమాలకు అన్ని శాఖల అధికారులు ఉదయం 10.30 గంటలకు సకాలంలో హాజరుకావాలని ఐటీడీఏ పీఓ బి. రాహుల్‌, సబ్‌ కలెక్టర్‌ మృణాల్‌ శ్రేష్ఠ ఆదివారం వేర్వేరు ప్రకటనల్లో తెలిపారు. ప్రజలు తమ సమస్యలపై లిఖితపూర్వక ఫిర్యాదులు అందజేయాలని సూచించారు. కిన్నెరసానిలో జలవిహారం పాల్వంచరూరల్‌: పర్యాటక ప్రాంతమైన కిన్నెరసానిలో ఆదివారం సందడి నెలకొంది. రాష్ట్రంలోని పలుప్రాంతాల నుంచి పర్యాటకులు అధిక సంఖ్యలో తరలివచ్చారు. డ్యామ్‌, జలాశయం, డీర్‌ పార్కులోని దుప్పులను వీక్షించారు. 367 మంది పర్యాటకులు కిన్నెరసానిలోకి ప్రవేశించగా రూ.19,925, సఫారీ ద్వారా రూ.3,200 ఆదాయం వైల్డ్‌లైఫ్‌ శాఖకు లభించింది. 200 మంది బోటు షికారు చేయగా టూరిజం కార్పొరేషన్‌ సంస్థకు రూ.9,620 ఆదాయం లభించినట్లు నిర్వాహకులు తెలిపారు. భారీగా తగ్గిన ఆయిల్‌పామ్‌ గెలల ధరఅశ్వారావుపేట: అక్టోబర్‌ నెలలో తెలంగాణలోని ఆయిల్‌పామ్‌ గెలల ధర భారీగా తగ్గింది. ఫ్యాక్టరీలకు రైతుల తరలించిన గెలల టన్ను ధర రూ.22,658గా తెలంగాణ ఆయిల్‌ఫెడ్‌ నిర్ణయించింది. సెప్టెంబర్‌లో తరలించిన గెలల టన్ను ధర రూ. 23,641 ఉండగా రూ.983 తగ్గింది.

● నీటి సరఫరాల పథకాల పరిస్థితిపై ఆరా ● ఈనెలలో సర్వే, డిసెంబర్‌ నాటికి మరమ్మతుల పూర్తి ● నేడు సమీక్షించనున్న ఖమ్మం కలెక్టర్‌ఖమ్మంఅర్బన్‌: ఎల్‌నినో ప్రభావం వర్షాభావ పరిస్థితులు నెలకొన్నాయి. ఖమ్మం జిల్లాలో ఆశించిన స్థాయిలో వర్షాలు కురవకపోవడంతో జలాశయాల్లోకి అంతంత మాత్రంగానే నీరు చేరింది. మరోపక్క భూగర్భ జలాలు అడుగంటే అవకాశముంది. ఈ నేపథ్యాన రానున్న వేసవిలో తాగునీటి ఎద్దడి తలెత్తకుండా ఆర్‌డబ్ల్యూఎస్‌ శాఖ ముందస్తు చర్యలకు సిద్ధమవుతోంది. ఏటా వేసవికి నెల ముందు తాగునీటి పథకాలను పరిశీలించి అవసరమైన మరమ్మతులు చేపట్టేవారు. కానీ ఈసారి పరిస్థితుల కారణంగా ముందుగానే నీటి వనరుల పరిస్థితిని అంచనా వేసి, సమస్యాత్మక ప్రాంతాలను గుర్తించేందుకు ఈనెల 15నుంచి జిల్లావ్యాప్తంగా ప్రత్యేక సర్వేకు సిద్ధమవుతున్నారు. ఈమేరకు పథకాల పనితీరు, ముందస్తు చర్యలపై ఖమ్మం కలెక్టర్‌ అధ్యక్షతన సోమవారం సమీక్ష జరగనుంది. సమస్య వస్తే ఎలా ? ఈ ఏడాది ఎల్‌నినో ప్రభావంతో ఎండ తీవ్రత పెరిగి నీటి వనరులు అడుగంటుతాయనే అంచనా లతో అధికారులు ముందస్తుగా అప్రమత్తమయ్యా రు. జిల్లాలోని 20 మండలాల పరిధి 915 హ్యాబిటేషన్లకు గాను 911 హ్యాబిటేషన్లకు మిషన్‌ భగీరథ ద్వారా తాగునీటి సరఫరా అవుతోంది. జిల్లా వ్యాప్తంగా 8,289 చేతిపంపులు, 1,298 స్థానిక నీటి సరఫరా పథకాలు, 294 సింగిల్‌ఫేజ్‌ మోటార్లు, 257 బహిరంగ బావుల ద్వారా ప్రజలకు తాగునీరు అందిస్తున్నారు. ప్రస్తుతం జిల్లాలో ఎక్కడా తాగునీటి ఎద్దడి లేదని చెబుతున్నా... రానున్న రోజుల్లో ఇబ్బంది వస్తే ఎలా ఎదుర్కోవాలనే అంశంపై ముందస్తు కసరత్తు చేస్తున్నారు. ప్రత్యేక బృందాల ఆధ్వర్యాన సర్వే జిల్లాలోని అన్ని ఆవాసాల్లో తాగునీటి పథకాల స్థితి గతులు, నీటి లభ్యతపై ఆరా తీసేందుకు ఈనెల 15నుంచి ప్రత్యేక బృందాలు క్షేత్రస్థాయిలో పర్యటించనున్నాయి. చేతిపంపులు, బోర్లు, పంప్‌సెట్లు, తాగునీటి పథకాల పనితీరును పరిశీలించడంతో పాటు అవసరమైన మరమ్మతులు, పైపులైన్ల లీకేజీలను గురిస్తారు. అవసరమైన చోట తక్షణమే మరమ్మతులు చేపట్టేలా చర్యలు తీసుకోనున్నారు. ఇందుకోసం ఎంపీడీఓలు, పంచాయతీ కార్యదర్శులు, ఆర్‌డబ్ల్యూఎస్‌, గ్రిడ్‌ ఏఈలు, సర్పంచ్‌లతో సమన్వయ సమావేశాలు నిర్వహించి కార్యాచరణ రూపొందించనున్నారు. ప్రత్యేక సర్వే ద్వారా గుర్తించిన సమస్యలను డిసెంబర్‌ నాటికి మరమ్మతు చేసి వేసవికి సిద్ధం కానున్నారు. ఇదే సమయాన గ్రిడ్‌ నుంచి నీటి సరఫరాలో అంతరాయం ఏర్పడినా, స్థానిక నీటివనరులు అడుగంటినా ప్రజలకు ఇబ్బంది రాకుండా ప్రత్యామ్నాయ వనరులను సైతం గురిస్తారు. అవసరమైన ప్రాంతాల్లో అద్దె బోర్లు, ఇతర నీటి వనరుల వినియోగంతోపాటు ట్యాంకర్ల ద్వారా నీటి సరఫరా చేసేలా ప్రణాళిక రూపొందిస్తారు. ప్రస్తుతం ఉన్న సమాచారం మేరకు జిల్లాలో ఎక్కడ కూడా తాగునీటి ఎద్దడి లేదు. అయితే, రానున్న రోజుల్లో ఎల్‌నినోతో ఎద్దడి ఎదురైతే ఎలా ఎదుర్కోవాలో గుర్తిచేందుకు గ్రామాల్లో సర్వే చేయనున్నాం. ఆపై నివేదిక రూపొందించిన ఉన్నతాధికారుల సూచనలతో కార్యాచరణ సిద్ధం చేస్తాం. – శేఖర్‌రెడ్డి, ఖమ్మం ఆర్‌డబ్ల్యూఎస్‌ ఎస్‌ఈ

ఖమ్మంమయూరిసెంటర్‌: కేంద్ర ప్రభుత్వం అనుసరిస్తున్న ప్రజాస్వామ్య వ్యతిరేక విధానాలు దేశాభివృద్ధికి ఆటకంగా నిలుస్తున్నాయని సీపీఎం రాష్ట్ర కార్యదర్శివర్గ సభ్యులు పోతినేని సుదర్శన్‌రావు విమర్శించారు. ఖమ్మంలో ఆదివారం నిర్వహించిన జిల్లా ప్లీనరీ సమావేశంలో ఆయన మాట్లాడుతూ అంతర్జాతీయంగా కార్పొరేట్‌ వ్యవస్థకు ప్రతినిధిగా ఉన్న ట్రంప్‌ విధానాలకు కేంద్ర ప్రభుత్వం తలొగ్గి, దేశ ప్రయోజనాలను తాకట్టు పెడుతోందని ఆరో పించారు. దేశ సంపదను కార్పొరేట్‌ శక్తులకు కట్టబెట్టడమే కాక న్యాయమైన హక్కుల కోసం పోరాడుతున్న విద్యార్థులపై అణచివేతకు పాల్పడుతోందని పేర్కొన్నారు. అంతేకాక ‘సర్‌’ పేరుతో దేశంలో 13 కోట్ల మంది, తెలంగాణలో 70 లక్షల మంది ఓట్ల తొలగింపునకు కుట్ర పన్నారని తెలి పారు. కాగా, పట్టభద్రుల ఎన్నికల్లో పీడీఎఫ్‌ మద్దతు ఇస్తున్న అభ్యర్థిని గెలిపించుకోవాలని, నల్ల గొండలో జరిగే రైతు మహాసభలకు జన సమీకరణ చేయాలని పిలుపునిచ్చారు. అలాగే, సీపీఎం నాయకుడు సామినేని రామారావు హత్య కేసులో కాంగ్రెస్‌ నేతలు అనుసరిస్తున్న వైఖరిపై రాజీలేని పోరాటం చేస్తామని పోతినేని తెలిపారు. పార్టీ జిల్లా కార్యదర్శి నున్నా నాగేశ్వరరావు మాట్లాడుతూ జిల్లాలో ఎల్‌నినో ప్రభావంతో తీవ్ర కరువు పరిస్థితులు నెలకొన్నందున రైతులు, వ్యవసాయ కూలీలను ప్రభుత్వం ఆదుకోవాలని డిమాండ్‌ చేశారు. ఈ సమావేశంలో నాయకులు మాచర్ల భారతి, బుగ్గవీటి సరళ, బండి పద్మ, బండి రమేష్‌, కల్యాణం వెంకటేశ్వరరావు వై.విక్రమ్‌, మాదినేని రమేష్‌, యర్రా శ్రీనివాసరావు, భూక్యా వీరభద్రం, బొంతు రాంబాబు, మడుపల్లి గోపాల్‌రావు, మెరుగు సత్యనారాయణ, ఎమ్మెల్సీ అభ్యర్థి కొల్లి సత్యనారాయణ తదితరులు పాల్గొన్నారు.సీపీఎం నేతలు పోతినేని, నాగేశ్వరరావు

కొత్తగూడెంఅర్బన్‌: సింగరేణి సంస్థలో ఖాళీగా ఉన్న ఎలక్ట్రీషియన్‌ ట్రైనీ కేటగిరీ–1 పోస్టుల భర్తీకి ఆదివారం నిర్వహించిన రాత పరీక్ష ప్రశాంతంగా ముగిసింది. 63 పోస్టులు ఉండగా, ఇంటర్నల్‌ అభ్యర్థులతో భర్తీ చేసేందుకు యాజమాన్యం చర్యలు చేపట్టింది. సింగరేణి మహిళా కళాశాలలో రాత పరీక్ష నిర్వహించగా, 258 మంది అభ్యర్థులు హాజరయ్యారు. విజిలెన్స్‌, సెక్యూరిటీ సిబ్బంది పర్యవేక్షణలో, సీపీ కెమెరాల నిఘా మధ్య పరీక్ష నిర్వహించారు. పరీక్షను రిక్రూట్‌మెంట్‌ సెల్‌ జీఎం ఏజేఎం మురళీధరరావు, విజిలెన్స్‌ జీఎం మురళీధరరాజు పర్యవేక్షించారు. నియామకాలు పూర్తిగా మెరిట్‌పై ఆధారపడి ఉంటాయని, దళారులను నమ్మి ఎవరూ మోసపోవద్దని జీఎం మురళీధర్‌రావు సూచించారు. పరీక్ష ఫలితాలు ఆదివారం రాత్రి సింగరేణి వెబ్‌సైబ్‌లో, సింగరేణి ప్రధాన కార్యాలయ ముఖద్వార నోటీస్‌ బోర్డుపై అందుబాటులో ఉంచుతామని తెలిపారు.

టీఆర్‌ఎస్‌ రాష్ట్ర మహిళా ప్రధాన కార్యదర్శి కనగాల చైతన్య భద్రాచలంటౌన్‌: భద్రాచలం నియోజకవర్గంలో ప్రజా సమస్యలు పరిష్కారానికి నోచుకోవడం లేదని తెలంగాణ రక్షణ సేన రాష్ట్ర మహిళా ప్రధాన కార్యదర్శి కనగాల చైతన్య విమర్శించారు. ఆదివారం పట్టణంలోని హరి త హోటల్‌లో నిర్వహించిన విలేకరుల సమావేశంలో మాట్లాడారు. గతంలో బీఆర్‌ఎస్‌ ప్రభుత్వం, ఇప్పుడు కాంగ్రెస్‌ ప్రభుత్వం ప్రజా సమస్యలను విస్మరించాయని ఆరోపించారు. భద్రాచలంలో డబుల్‌ బెడ్రూం ఇళ్ల కోసం దరఖాస్తు చేసుకున్న పేదలు ఎదురుచూపులు చూస్తున్నారని పేర్కొన్నారు. బూర్గంపాడు రహదారిని అభివృద్ధి చేయాలని, చర్ల–వెంకటాపురం రహదారి సమస్యలను పరిష్కరించాలని కోరారు. ఇసుక అక్రమ రవాణాను అరికట్టాలని, దుమ్ముగూడెం ప్రాంత రైతులకు సాగునీరు అందించాలని డిమాండ్‌ చేశారు. 5నుంచి రాష్ట్రస్థాయి అండర్‌–19 కరాటే టోర్నీ ఖమ్మం స్పోర్ట్స్‌: ఖమ్మం జిల్లా జూనియర్‌ కళాశాలల క్రీడా సంఘం ఆధ్వర్యంలో రాష్ట్రస్థాయి అండర్‌–19 కరాటే పోటీలను ఈనెల 5నుంచి 7వ తేదీ వరకు ఖమ్మంలో నిర్వహించనున్నారు. సర్దార్‌ పటేల్‌ స్టేడియంలో ఈ పోటీలు జరుగుతాయని క్రీడాసంఘం కార్యదర్శి ఎం.డీ.మూసా కలీం తెలి పారు. రాష్ట్రంలోని వివిధ జిల్లాల నుంచి 400 మంది బాలబాలికలు హాజరవుతారని పేర్కొన్నారు. సమసమాజ స్థాపనతోనే అమరవీరులకు నివాళిఖమ్మం మయూరిసెంటర్‌: పెట్టుబడిదారీ వ్యవస్థకు వ్యతిరేకంగా కార్మికవర్గం, రైతాంగం, ప్రజలు ఐక్యంగా పోరాడి దోపిడీ లేని సమసమాజాన్ని స్థాపించుకోవడం ద్వారా అమరవీరులకు నివాళి అర్పించాలని సీపీఐ(ఎంఎల్‌) మాస్‌లైన్‌ ఖమ్మం జిల్లా కార్యదర్శి సీ.వై. పుల్లయ్య పిలుపునిచ్చారు. ఖమ్మంలోని రామనర్సయ్య విజ్ఞాన కేంద్రంలో ఆదివారం జరిగిన అమరవీరుల సంతాప సభలో ఆయన అమరవీరుల స్థూపం వద్ద ఎర్రజెండా ఆవిష్కరించి మాట్లాడారు. వందేళ్ల కమ్యూనిస్టు ఉద్యమ చరిత్రలో స్వాతంత్య్రం, భూమి, భుక్తి, విముక్తి కోసం ఎందరో ప్రాణాలర్పించారని గుర్తుచేశారు.

ఖమ్మంగాంధీచౌక్‌: గుజరాత్‌ రాష్ట్రం ఏక్తా నగర్‌లోని స్టాచ్యూ ఆఫ్‌ యూనిటీ వద్ద నిర్వహించిన రాష్ట్రీయ ఏక్తా దివస్‌ వేడుకల్లో ఖమ్మం ఎకో క్లబ్‌ ప్రతినిధులు హాజరయ్యారు. ఎకో–క్లబ్‌ ఎన్విరాన్‌మెంటల్‌ సొసైటీ అధ్యక్ష, ప్రధాన కార్యదర్శులు డాక్టర్‌ కడవెండి వేణుగోపాల్‌, అరుణకుమారి ఇందులో పాల్గొన్నారు. ప్రధాని మోదీ ముఖ్యఅతిథిగా పాల్గొన్న వేడుకల్లో పాల్గొన్న వారు మాట్లాడుతూ సర్దార్‌ పటేల్‌ ఆశయాలు దేశ సమైక్యతకు స్ఫూర్తిగా నిలుస్తాయని తెలిపారు. జాతీయ ఐక్యతా ఉద్యమంలో భాగంగా పర్యావరణ పరిరక్షణను అందరూ బాధ్యతగా స్వీకరించాలని కోరారు. అండర్‌–17 జిల్లా అథ్లెటిక్స్‌ జట్లు సిద్ధంఖమ్మం స్పోర్ట్స్‌: అండర్‌–17 అథ్లెటిక్స్‌ బాలబాలికల జట్లను ఎంపిక చేసినట్లు జిల్లా పాఠశాలల క్రీడా సంఘం కార్యదర్శి వై.చిన్ని వెల్లడించారు. ఈ జట్లు త్వరలో జరిగే రాష్ట్రస్థాయి పోటీల్లో పాల్గొంటాయని తెలిపారు. బాలుర జట్టుకు ఆర్‌.మోహన్‌, ఏ.నాగరాజు, పి.జితేందర్‌, ఎస్‌.విజయరామ అరవింద్‌, ఎం.చరణ్‌ నాయక్‌, ఎస్‌.శ్రీకాంత్‌, జె.వినీల్‌, డి.అవినా ష్‌, కె.వాసు, కె.గోపాలకృష్ణ, ఎం.సాయిభరత్‌, కె.దిలీప్‌, జె.కార్తీక్‌, ఎన్‌.ఫ్రాంక్లిన్‌, బి.చరణ్‌, కె.ఆనంద్‌, ఎం.వివేకవర్థన్‌, పి.అభిరాం దొర, ఎం.అభి, పి.అజయ్‌, కె.ఆనంద్‌ ఎంపికయ్యారని పేర్కొన్నారు. అలాగే, బాలికల జట్టుకు వై.శృతిహాసన్‌, ఎం.ప్రవళిక, జి.ప్రసన్నలక్ష్మి, టి.తేజశ్రీ, ఏ.వైష్ణవి, ఎం.సాయిదీపిక, పి. స్వప్న, వేదార్షిని, సీహెచ్‌.మీనాక్షి, ఏ.గౌరీప్రియ, పి.సంగీత, బి.మైథిలి, ఎం.శాంతి, భువనేశ్వరి, ఈ.వినీల, సీహెచ్‌. కార్తీక, కె. నవ్య, ఈ.విజయదుర్గ, ఎం.హర్షిణి ఎంపికయ్యారని తెలిపారు. వివాదాస్పద స్థలాన్ని పరిశీలించిన డీఐఎస్‌ పెనుబల్లి: పెనుబల్లి – కల్లూరు మండలాల మధ్య వివాద భూమి హద్దులను ఆదివారం ఖమ్మం జిల్లా డిప్యూటీ ఇన్‌స్పెక్టర్‌ ఆఫ్‌ సర్వే(డీఐఎస్‌) నాగభూషణం పరిశీలించారు. పెనుబల్లి మండలం తాళ్లపెంట రెవెన్యూ, కల్లూరు మండలం గోకవరం రెవెన్యూ మధ్య కర్రలపాడు, ఎర్రబంజర, బత్తులపల్లి గ్రామాల్లో భూములు గతంలో తాళ్లపంట రెవెన్యూలో ఉండగా.. ఇప్పుడు గోకవరం రెవెన్యూలో చూపిస్తున్నారంటూ వివాదం నెలకొంది. ఈమేరకు రైతులు ఇటీవల కల్లూరు సబ్‌కలెక్టర్‌ అజయ్‌కుమార్‌యాదవ్‌కు ఫిర్యాదు చేశారు. ఈ నేపథ్యాన ఆదివారం డీఐఎస్‌ నాగభూషణం, సర్వేయర్లతో కలిసి హద్దులపై స్థానిక రైతులతో చర్చించారు. రికార్డుల ఆధారంగా సమస్యను జిల్లా అధికారుల దృష్టికి తీసుకెళ్లి పరిష్కారానికి కృషి చేస్తామని తెలిపారు. సర్వేయర్లు ఈ.శ్రీనివాసరావు, ఈశ్వరి, స్వప్న, ప్రవీణ్‌, జీపీఓ సత్యవాణి పాల్గొన్నారు.

కొత్తగూడెంఅర్బన్‌: ఐక్యంగాఉంటే అభివృద్ధి సాధించవచ్చని సింగరేణి డైరెక్టర్లు ఎల్‌వీ సూర్యనారాయణ, కె. వెంకటేశ్వర్లు అన్నారు. భారతరత్న, సర్దార్‌ వల్లభాయి పటేల్‌ జయంతి సందర్భంగా జాతీయ ఐక్యతా దినోత్సవ కార్యక్రమాన్ని శనివారం సింగరేణి ప్రధాన కార్యాలయంలోని ఘనంగా నిర్వహించారు. ఈ సందర్భంగా వారు మాట్లాడుతూ ఐకమత్యంతో, జాతి మత విభేదాలు లేకుండా ఉంటే ఏదైనా సాధించవచ్చని అన్నారు. ఈ కార్యక్రమంలో జీఎంలు మురళీధర్‌రావు, జీవీ కిరణ్‌కుమార్‌, కార్మి క నాయకులు రమణమూర్తి, ఆర్‌.సంజీత్‌, హరి ప్రసాద్‌ తదితరులు పాల్గొన్నారు. అశ్వారావుపేట: భార్య మందలించిందని పురుగుల మందు తాగి ఓ వ్యక్తి ఆత్మహత్యకు పాల్పడిన ఘటన శనివారం జరిగింది. దమ్మపేట మండలం రంగువారిగూడెం గ్రామానికి చెందిన చింతల హరీష్‌ (32) మద్యానికి బానిస కావడంతో భార్య దుర్గ మందలించింది. దీంతో అశ్వారావుపేట మండలం నారంవారిగూడెంలోని తన సోదరి నారం ముత్తమ్మ ఇంటికి వెళ్లాడు. ముత్తమ్మ సాయంత్రం ఇంటికి చేరుకునే సరికి సోదరుడు హరీష్‌ పురుగుల మందు తాగి అపస్మారక స్థితిలో ఉన్నాడు. అశ్వారావుపేట ప్రభుత్వాస్పత్రికి తీసుకువెళ్లగా అప్పటికే మృతిచెందాడని వైద్యులు తెలిపారు. మృతుడి సోదరుడు చింతల రమేష్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై సాయికిషోర్‌ రెడ్డి తెలిపారు.

కొత్తగూడెంఅర్బన్‌: విద్యార్థుల్లో సామాజిక అంశాలపై అవగాహన పెంపొందించాలని ఇన్‌చార్జి డీఈ ఓ ఎస్‌. మాధవరావు అన్నారు. శనివారం కొత్తగూడెం ఆనందఖని జిల్లా పరిషత్‌ ఉన్నత పాఠశాలలో నిర్వహించిన జిల్లా స్థాయి రోల్‌ప్లే పోటీల ముగింపు కార్యక్రమంలో మాట్లాడారు. పాఠశాల స్థాయి నుంచే పిల్లల్లో సామాజిక స్పృహ, బాధ్యతాయుత ప్రవర్తనను అలవర్చడంలో ఉపాధ్యాయులు కీలక పాత్ర పోషించాలన్నారు. జిల్లాలోని వివిధ పాఠశాలల నుంచి వచ్చిన తొమ్మిదో తరగతి విద్యార్థుల బృందాలు పోటీల్లో ఉత్సాహంగా పాల్గొన్నాయి. ఆరోగ్యకరమైన ఎదుగుదల, మానసిక ఆరోగ్యం, లింగ సమానత్వం, పోషకాహారం, మాదకద్రవ్యాల దుర్వినియోగ నివారణ, పునరుత్పత్తి ఆరోగ్యం, హెచ్‌ఐవీ నివారణ, ఇంటర్నెట్‌–గాడ్జెట్ల సురక్షిత వినియోగం వంటి 11 రకాల సామాజిక అంశాలపై అద్భుతమైన నటన ద్వారా సమాజానికి చక్కని సందేశాలను ఇస్తూ ఆకట్టుకున్నారు. విజేతలకు మెమెంటోలు, సర్టిఫికెట్లు అందజేశారు. ఈ కార్యక్రమంలో జిల్లా సైన్స్‌ అధికారి బి.సంపత్‌ కుమార్‌, ఏఎంఓ టి. మాధవరావు, నీరజ అన్నపరెడ్డి, ఆనంద్‌, పరమయ్య పాల్గొన్నారు.

● మరో నెలలో వివాహం.. ● రైలు నుంచి దూకి బలవన్మరణంరఘునాథపల్లి: ఇష్టం లేని పెళ్లి సంబంధంతో మనస్తాపానికి గురైన యువతి రైలులో నుంచి దూకి ఆత్మహత్య చేసుకుంది. ఈ ఘటన జనగామ జిల్లా రఘునాథపల్లిలో శనివారం తెల్లవారుజామున జరిగింది. జీఆర్‌పీ పోలీసుల కథనం ప్రకారం.. జనగామ జిల్లా నర్మెట మండలం అమ్మాపురానికి చెందిన కుంటి బాబూరావు కుటుంబం 20 ఏళ్ల క్రితం భద్రాద్రి కొత్తగూడెం జిల్లా లక్ష్మీదేవిపల్లి మండలం శేషగిరినగర్‌ కాలనీలో స్థిరపడింది. బాబూరావు ఎలక్ట్రీషియన్‌గా కుటుంబాన్ని పోషి స్తుండగా, ఆయన కుమార్తె శ్రావణి (24) ప్రైవేట్‌ ఉద్యోగం చేస్తోంది. ఆమెకు కొంతకాలం క్రితం మేనబావతో వివాహం నిశ్చయించగా, శుక్రవారం రాత్రి పెళ్లిదుస్తులు కొనుగోలు చేసేందుకు మణుగూరు ఎక్స్‌ప్రెస్‌ రైలులో సికింద్రాబాద్‌కు బయలుదేరింది. మార్గమధ్యలో ఒకటి, రెండుసార్లు కుటుంబ సభ్యులతో ఫో్‌న్‌లో మాట్లాడిన ఆమె, శనివారం తెల్లవారుజామున 2.30 గంటల సమయంలో రఘునాథపల్లి శివారులో రైలులో నుంచి దూకి ఆత్మహత్య చేసుకుంది. టికెట్‌ ఆధారంగా గాలింపు.. శ్రావణి ఫోన్‌ ఎత్తకపోవడంతో ఆందోళన చెందిన కుటుంబ సభ్యులు ఆమె రిజర్వేషన్‌ టికెట్‌ను హైదరాబాద్‌లో ఉంటున్న మేనబావకు పంపించారు. ఆయన జనగామ రైల్వేస్టేషన్‌కు చేరుకుని పరిశీలించగా, రైలు బోగీలో ఆమె బ్యాగ్‌ లభించింది. కాగా జీఆర్‌పీ పోలీసులకు సమాచారం ఇవ్వడంతో రఘునాథపల్లి సమీపంలో పట్టాల పక్కన మృతదేహాన్ని గుర్తించారు. కాగా, మేనబావతో వివాహం ఇష్టం లేకపోవడం, అనారోగ్య సమస్యలతో మనస్తాపానికి గురైన ఆత్మహత్య చేసుకున్నట్లు తెలు స్తోంది. ఈ నెల 29న వివాహం జరగాల్సి ఉన్న క్రమంలో ఆత్మహత్య చేసుకోవడంతో తల్లిదండ్రులు, కుటుంబ సభ్యులు కన్నీరు మున్నీరుగా రోదిస్తున్నారు. పెళ్లి సందడి ఉండాల్సిన ఇంట్లో విషాదం అలుముకుంది.