Bhadradri District News

ములకలపల్లి: హైదరాబాద్‌లోని ప్రైవేట్‌ ఆస్పత్రిలో నర్స్‌గా పనిచేస్తుండగా, హత్యకు గురైన ములకలపల్లి మండలానికి చెందిన ఆదివాసీ యువతి కుటుంబానికి ప్రభుత్వం బాసటగా నిలిచింది. గత నెల 28న ఆమె ఉంటున్న గది లో యువతి హత్యకు గురైన విషయం విదిత మే. ఈమేరకు బాధిత కుటంబానికి ప్రభుత్వం తరఫున డబుల్‌ బెడ్రూం ఇల్లు మంజూరు చేస్తామని మంత్రులు సీతక్క, పొంగులేటి శ్రీనివాసరెడ్డి అప్పట్లోనే ప్రకటించారు. ఈమేరకు ఎమ్మె ల్యే జారె ఆదినారాయణ శనివారం ఇంటి నిర్మాణానికి భూమిపూజ చేశారు. ఎంపీడీఓ సత్యనారాయణ, సర్పంచ్‌ మడకం రవి, నాయకులు బత్తుల అంజి, జహీరుద్దీన్‌ తదితరులు పాల్గొన్నారు. రికార్డులు పక్కాగా నిర్వహించాలి డీఎంహెచ్‌ఓ తుకారాం రాథోడ్‌ ములకలపల్లి(అన్నపురెడ్డిపల్లి): పీహెచ్‌సీ, హెల్త్‌ సబ్‌ సెంటరల్లో వైద్య పరీక్షలు, ప్రజలకు అందిన మందులు, స్టాక్‌ ఇతర వివరాలను రికార్డుల్లో క్రమం తప్పకుండా నమోదు చేయాలని డీఎంహెచ్‌ఓ తుకారం రాథోడ్‌ ఆదేశించా రు. ఎర్రగుంట పీహెచ్‌సీ పరిధి అన్నపురెడ్డిపల్లి సబ్‌హెల్త్‌ సెంటర్‌ను శనివారం ఆయన తనిఖీ చేశారు. ఈ సందర్భంగా ఓపీ రికార్డులు, మందుల లభ్యతను పరిశీలించడమే కాక గర్భిణులు, బాలింతలు, చిన్నారులకు అందుతున్న వైద్యసేవలపై ఆరా తీశారు. వైద్యులు, సిబ్బంది సమయపాలన పాటిస్తూ ప్రజలకు మెరుగైన వైద్యం అందించాలని సూచించారు. అనంతరం మండల కేంద్రంలోని రెండు ప్రైవేట్‌ డయాగ్నస్టిక్‌ సెంటర్లను డీఎంహెచ్‌ఓ తనిఖీ చేశారు. శ్రీవారికి నిత్యకల్యాణం, అభిషేకం ఎర్రుపాలెం: తెలంగాణ తిరుపతిగా పేరున్న జమలాపురంలోని శ్రీ వేంకటేశ్వరస్వామి ఆలయంలో శనివారం ప్రత్యేక పూజలు జరిగాయి. తెల్లవారుజామునే స్వామి మూలవిరాట్‌తో పాటు ఆలయ ఆవరణలోని శ్రీవారి పాదానికి అర్చకులు పంచామృతంతో అభిషేకాలు చేశారు. ఆతర్వాత స్వామి, అలివేలు మంగ, పద్మావతి అమ్మవార్లను పట్టువస్త్రాలతో అలంకరించి నిత్యకల్యాణం జరిపించారు. అనంతరం పల్లకీ సేవ నిర్వహించగా పెద్దసంఖ్యలో పాల్గొన్న భక్తులు మొక్కులు చెల్లించుకున్నారు. ఈఓజగన్మోహన్‌రా వు, వ్యవస్థాపక ధర్మకర్త ఉప్పల విజయదేవశర్మ, ప్రధాన అర్చకులు ఉప్పల శ్రీనివాసశర్మ, ఉద్యోగులు సోమయ్య, కృష్ణప్రసాద్‌ పాల్గొన్నారు. పశువుల వాహనం పట్టివేత భద్రాచలంఅర్బన్‌: అక్రమంగా పశువులను తరలిస్తున్న వాహనాన్ని భద్రాచలం టౌన్‌ పోలీసులు పట్టుకున్నారు. చర్ల నుంచి బూర్గంపాడు వైపు ఆరు పశువులతో వెళ్తున్న వాహనాన్ని బ్రిడ్జి పాయింట్‌ వద్ద పోలీసులు శనివారం ఆపి తనిఖీ చేశారు. ఈమేరకు అనుమతి లేదని తేలడంతో వాహనాన్ని స్వాధీనం చేసుకుని ముగ్గురిపై కేసు నమోదు చేసినట్లు టౌన్‌ ఎస్‌ఐ రామకృష్ణ తెలిపారు.

● టీబీ ముక్త్‌ జన జాతీయ అభియాన్‌లో జిల్లా ఎంపిక ● తొలి విడతలో 371, రెండో విడతలో 350 గ్రామాల్లో పరీక్షలు ● ఊరిలోని జనాభా అందరికీ తప్పనిసరిగా పరీక్షలు ● అశ్వారావుపేట మండలం వేదాంతపురంలో ప్రత్యేక శిబిరంఅశ్వారావుపేటరూరల్‌: ఏటా టీబీ బాధితుల సంఖ్య పెరుగుతుండటంతో నియంత్రణకు కేంద్ర, రాష్ట్ర ప్రభుత్వాలు చర్యలు చేపడుతున్నాయి. టీబీ వ్యాధి నిర్మూలనే లక్ష్యంగా కేంద్ర ప్రభుత్వం వైద్య ఆరోగ్య శాఖ ద్వారా ‘టీబీ ముక్త్‌ జన జాతీయ అభియాన్‌’ పథకాన్ని అమలు చేస్తోంది. స్వచ్ఛంద సంస్థ సహకారంతో బాధితులను గుర్తించేందుకు విడతల వారీగా గ్రామాల్లో పరీక్షలు చేపడుతోంది. ఈ పథకానికి రాష్ట్రంలోని ఆదిలాబాద్‌, ఆసిఫాబాద్‌తో పాటు భద్రాద్రి కొత్తగూడెం జిల్లాలను ఎంపిక చేశా రు. జిల్లాలోని 23 మండలాల్లోని 371 గ్రామాలను తొలి విడత కింద ఎంపిక కాగా, రెండో విడతలో మరో 350 గ్రామాలకు అవకాశం దక్కింది. వేదాంతపురం నుంచి శ్రీకారం.. తొలి విడత ఎంపికై న అశ్వారావుపేట మండలం వేదాంతపురంలో ఈ నెల 18న ప్రత్యేక టీబీ శిబిరం ప్రారంభించారు. టీబీ వ్యాధి బాధితులు అధికంగా ఉన్న గ్రామాలకు ప్రాధాన్యత ఇవ్వగా, తొలి రోజే ఈ గ్రామంలో ఏడుగురికి టీబీ వ్యాధి లక్షణాలు ఉన్నట్లు గుర్తించారు. ఈ నెల 19వ తేదీ నుంచి దమ్మపేట మండలం పట్వారీగూడెం, దుమ్ముగూడెం మండలంలోని గౌరారం గ్రామాల్లో కూడా ఈ ప్రత్యేక వైద్య శిబిరాలు ప్రారంభించినట్లు సంస్థ కోఆర్డినేటర్‌ హనుమంత్‌ నాయక్‌ తెలిపారు. కాగా, రెండు వారాలకు మించి దగ్గు, జ్వరం, బరువు తగ్గడం, అలసట, ఛాతీలో నొప్పి, రాత్రి సమయంలో చెమటలు పట్టడం, వంటి లక్షణాల కనిపిస్తే వైద్యులను సంప్రదించి పరీక్షలు చేయించుకోవాలి. వ్యాధిని నిర్లక్ష్యం చేస్తే ప్రాణాంతకంగా మారే అవకాశం కూడా ఉంది. ప్రతీ ఒక్కరికీ పరీక్ష ఎంపిక చేసిన గ్రామంలో పిరమల్‌ స్వచ్ఛంద సంస్థ ఆధ్వర్యంలో గ్రామంలోని ప్రతి ఇంటికి వెళ్లి సర్వే చేస్తారు. ప్రతీ ఒక్కరికి టోకెన్‌ ఇచ్చి, పరీక్షించే సమయాన్ని ముందుగానే తెలుపుతారు. ఆ సిబ్బంది ద్వారా సంచార ఎక్స్‌రే, కిట్లు ద్వారా కల్లె పరీక్ష చేస్తారు. వ్యాధి ఉన్నట్లు గుర్తిస్తే తక్షణమే బాధితులకు వైద్య సేవలు అందించి, వ్యాధి నివారణకు అవసరమైన మందులను ఉచితంగా అందిస్తారు.టీబీ రహిత జిల్లాగా మార్చేందుకు కృషి చేస్తున్నాం. ఎంపిక చేసిన గ్రామాల్లో వైద్య బృందం, స్వచ్ఛంద సంస్థ ద్వారా వంద శాతం వ్యాధి పరీక్షలు నిర్వహిస్తున్నాం. ప్రతీ ఇంట్లో ప్రతీ ఒక్కరు పరీక్షలు చేయించుకోవాలి. వ్యాధి నిర్ధారణయితే బాధితులకు వైద్య సేవలతోపాటు ఉచితంగా మందులు అందిస్తాం. – డాక్టర్‌ బానోతు ప్రసాద్‌, జిల్లా క్షయ నియంత్రణ అధికారి

చుంచుపల్లి: అటవీ ఉద్యోగుల అప్రమత్తంగా ఉంటేనే అటవీసంపద, వన్యప్రాణులు, సహజ వనరుల సంరక్షణ సాధ్యమవుతుందని జిల్లా అటవీ అధికారి సిద్ధార్థ్‌ విక్రమ్‌ సింగ్‌ తెలిపారు. కొత్తగూడెంలో శనివారం ఆయన కొత్తగూడెం, పాల్వంచ డివిజన్‌ అధికారులతో సమావేశమయ్యారు. కమాండ్‌ అండ్‌ కంట్రోల్‌ సెంటర్‌ ద్వారా 24 గంటలూ అటవీ ప్రాంతాలను పర్యవేక్షిస్తూ, సమాచారం అందగానే స్పందించాలని సూచించారు. అక్రమ కలప రవాణా, అనుమానాస్పద కదలికలపై టాస్క్‌ఫోర్స్‌, రేంజ్‌ అధికారులు సమన్వయంతో చర్యలు చేపట్టాలని ఆదేశించారు. వన్యప్రాణుల ఆవాసాల రక్షణ, అక్రమ వేట, విద్యుత్‌ ఉచ్చుల నియంత్రణకు ప్రాధాన్యత ఇవ్వాలని తెలిపారు. పాల్వంచ ఎఫ్‌డీఓ కృష్ణప్రసాద్‌, రేంజ్‌ అధికారులు శ్రీనివాస్‌, సురేష్‌, తేజస్విని, శ్రీనివాసరావు, మురళి తదితరులు పాల్గొన్నారు. ఉద్యోగికి కుటుంబానికి ఆర్థికసాయం బూర్గంపాడు మండలంలో విధులు నిర్వర్తిస్తూ వేట గాళ్లు అమర్చిన విద్యుత్‌ ఉచ్చుకు తాకి మృతి చెందిన చెరువు సింగారం బీట్‌ అధికారి బి.నవీన్‌ కుటుంబానికి భారత అటవీ సేవల సంక్షేమ నిధి అండగా నిలిచింది. ఈమేరకు రూ.2లక్షల ఆర్థిక సాయం ప్రకటించగా, తొలివిడత రూ.లక్ష చెక్కును నవీన్‌ తండ్రికి డీఎఫ్‌ఓ సిద్ధార్థ్‌ విక్రమ్‌సింగ్‌ శనివారం అందజేశారు.

చుంచుపల్లి: ఇందిరమ్మ ఇళ్ల మంజూరు, బిల్లుల చెల్లింపుల్లో అవినీతికి తావులేకుండా పారదర్శకంగా, నిబంధనల మేరకు వ్యవహరించాలని గృహ నిర్మాణ శాఖ రాష్ట్ర విజిలెన్స్‌ అధికారి పి.బలరామ్‌ ఆదేశించారు. కొత్తగూడెంలోని గృహ నిర్మాణ శాఖ కార్యాలయంలో శనివారం ఆయన సహాయ ఇంజనీర్లతో ఇళ్ల నిర్మాణ ప్రగతి, పనుల నాణ్యతపై సమీక్షించారు. లబ్ధిదారులు ఎవరిచేతిలో మోసపోకుండా అవగాహన కల్పించాల ని సూచించారు. అనంతరం ఉద్యోగులతో అవినీతి రహిత ప్రతిజ్ఞ చేయించారు. గృహ నిర్మాణశాఖ ప్రాజెక్టు డైరెక్టర్‌ సవేరాం, అధికారులు పాల్గొన్నారు. భద్రాచలంలో విచారణ.. భద్రాచలంఅర్బన్‌: ఇందిరమ్మ ఇళ్ల వ్యవహారంలో వచ్చిన ఫిర్యాదులపై విజి లెన్స్‌ అధికారి పి.బలరామ్‌ విచారణ చేపట్టారు. లబ్ధిదారుల నుంచి రూ.5వేల చొప్పున కాంగ్రెస్‌ నాయకులు అడుగుతున్నారంటూ ఫిర్యాదు అందడంతో ఆయన శనివారం భద్రాచలం లో 43 మంది లబ్ధిదారులతో మాట్లాడారు. అయితే, తమనెవరూ డబ్బులు అడగలేదని లబ్ధిదారులు చెప్పినట్లు సమాచారం. ఎవరైనా నగదు డిమాండ్‌ చేస్తే టోల్‌ఫ్రీ నంబర్‌కు 1800599 5991కు ఫిర్యాదు చేయాలని ఆయన సూచించారు.

భద్రాచలం: శ్రీ సీతారామ చంద్రస్వామి దేవస్థానం ఆధ్వర్యంలో శనివారం స్వామివారి నిత్యకల్యాణం కమనీయంగా జరిగింది. తొలుత తెల్లవారుజామున గర్భగుడిలో స్వామి వారికి సుప్రభాత సేవ, సేవా కాలం, ఆరాధన తదితర పూజలు చేశారు. అనంతరం నిత్యకల్యాణానికి మిథిలా స్టేడియం ప్రాంగణంలో ఉన్న శ్రీరామ సేవా మండపంలో ఉత్సవ మూర్తులను కొలువుదీర్చారు. స్వామి వారికి విశ్వక్సేన పూజ, పుణ్యావాచనం చేశారు. స్వామివారికి కంకణధారణ, యజ్ఞోపవీత ధారణ, అమ్మవారికి కంకణధారణ, యోక్త్రధారణ గావించి నిత్య కల్యాణ మహోత్సవాన్ని శాస్త్రోక్తంగా జరిపారు. గ్రామాభివృద్ధికి సమగ్ర ప్రణాళికలుఇల్లెందురూరల్‌: వికసిత్‌ గ్రామపంచాయతీ ప్లాన్‌ ద్వారా గ్రామ సమగ్రాభివృద్ధి కోసం సమగ్రమైన ప్రణాళికలు సిద్ధం చేయాలని జిల్లా పంచాయతీ అధికారి అనూష సూచించారు. మండలంలోని సుదిమళ్ల రైతువేదికలో ఇల్లెందు, టేకులపల్లి, గుండాల, ఆళ్లపల్లి మండలాల సర్పంచ్‌లు, కార్యదర్శులకు శనివారం ఏర్పాటుచేసిన సదస్సులో ఆమె మాట్లాడారు. వీబీజీ రాంజీ ద్వారా కూలీలకు 125 రోజుల పనిదినాల కల్ప న, కేంద్ర, రాష్ట్ర భాగస్వామ్యంతో నీటి భద్రత, మౌలిక సదుపాయాలు, జీవనోపాధి తదితర 375 పనులను నిర్ధేశించారని చెప్పారు. ఈమేరకు గ్రామ అవసరాలు, అందుబాటులో ఉన్న వనరుల ఆధారంగా ప్రణాళికల రూపకల్పనకు సర్పంచ్‌లు, కార్యదర్శులు వచ్చేనెల 2న గ్రామసభలు నిర్వహించాని సూచించారు. అనంతరం పూబెల్లి గ్రామంలో ప్రణాళిక రూపకల్పనపై అవగాహన కల్పించారు. మెడికల్‌ బోర్డ్‌లో 15 మంది ఇన్‌వ్యాలిడేషన్‌ రుద్రంపూర్‌: కొత్తగూడెంలోని సింగరేణి ప్రధా న ఆస్పత్రిలో రెండు రోజులుగా నిర్వహిస్తున్న కార్పొరేట్‌ మెడికల్‌ బోర్డ్‌ శనివారం ముగిసింది. వివిధ ఏరియాల నుంచి 120 మంది కార్మికులకు సమాచారం ఇవ్వగా 69 మందే హాజరయ్యారు. వీరిలో 15 మందిని మాత్రమే ఇన్‌వ్యాలిడేషన్‌ చేయగా, 38 మంది పిట్‌ఫర్‌ సేమ్‌జాబ్‌, ఐదుగురిని హయ్యర్‌ రిఫరల్‌కు, 11 మంది పిట్‌ ఫర్‌ సర్పేస్‌కు ఎంపిక చేస్తూ నిర్ణయం తీసుకున్నారు. మొత్తంగా 12.50శాతమే ఇన్‌వ్యాలిడేషన్‌ కాగా, వీరి కుటుంబంలో ఒకరికి ఉద్యోగం ఇవ్వనున్నారు.

సాక్షి ప్రతినిధి, ఖమ్మం: గ్రాడ్యుయేట్‌ ఎన్నికల్లో బీఆర్‌ఎస్‌ పార్టీ విజయ దుందుభి మోగించాలని, అందుకు తగిన ప్రణాళికలు ఇప్పటినుంచే రూపొందించుకోవాలని మాజీ మంత్రి, పార్టీ వర్కింగ్‌ ప్రెసిడెంట్‌ కేటీఆర్‌ సూచించారు. హైదరాబాద్‌లోని బీఆర్‌ఎస్‌ భవన్‌లో శనివారం ఉమ్మడి ఖమ్మం, నల్లగొండ, వరంగల్‌ జిల్లాల నేతలతో ఆయన సమావేశమయ్యారు. ఈ సందర్భంగా త్వరలో జరిగే పట్టభద్రుల నియోజకవర్గ ఎన్నికపై సమీక్షించిన కేటీఆర్‌... స్థానాన్ని బీఆర్‌ఎస్‌ కై వసం చేసుకునే దిశగా ముందుకు సాగాలని పిలుపునిచ్చారు. అర్హులైన ప్రతీ ఒక్కరిని ఓటర్లుగా చేర్పించాలని, ‘సర్‌’లో ఎవరూ ఓట్లు కోల్పోకుండా పార్టీ శ్రేణులు పర్యవేక్షించాలని తెలిపారు. ఉమ్మడి జిల్లాల వారీగా నేతలు సమన్వయంతో పనిచేస్తూ క్రియాశీలక నేతలకు బాధ్యతలను అప్పగించాలని సూచించారు. ఉమ్మడి ఖమ్మం జిల్లాలో పార్టీ బలంగా ఉందనే విషయం ఈ విజయంతో నిరూపితమవుతుందని కేటీఆర్‌ ధీమా వ్యక్తం చేశారు. ఈ సమావేశంలో మాజీ మంత్రి పువ్వాడ అజయ్‌కుమార్‌, ఎంపీ వద్దిరాజు రవిచంద్ర, ఎమ్మెల్సీ తాత మధుసూదన్‌, మాజీ ఎంపీ నామ నాగేశ్వరరావు, మాజీ ఎమ్మెల్యేలు వనమా వెంకటేశ్వరరావు, సండ్ర వెంకటవీరయ్య, కందాల ఉపేందర్‌రెడ్డి, రేగా కాంతారావు, బానోత్‌ హరిప్రియ, మెచ్చా నాగేశ్వరరావు, బానోత్‌ చంద్రావతి, తాటి వెంకటేశ్వర్లు, మెచ్చా నాగేశ్వరరావు, జెడ్పీ చైర్మన్‌ లింగాల కమల్‌రాజు, నాయకులు పాల్గొన్నారు. ఉమ్మడి జిల్లా నేతలతో మాజీ మంత్రి కేటీఆర్‌

పాల్వంచ రూరల్‌: ఉమ్మడి జిల్లాలోని పర్యాటక ప్రాంతాలు పర్యాటకులను కనువిందు చేస్తున్నా యి. ఆహ్లాదాన్ని పంచే ఎత్తయిన కొండలు, పచ్చని అడవులు, పారే సెలయేరులు, జలపాతాలు, రాష్ట్రంలోనే ప్రసిద్ధి గాంచిన కిన్నెరసాని జలాశయం పర్యాటకులు, ప్రకృతి ప్రేమికులను విశేషంగా ఆకట్టుకుంటున్నాయి. ఈక్రమాన సామాజిక, సాంస్కృతిక, రాజకీయ, ఆర్థిక అభివృద్ధిలో పర్యాటకం విలువలను తెలియజేయడానికి ప్రతీ ఏడాది సెప్టెంబర్‌ 27న నిర్వహించే ప్రపంచ పర్యాటక దినోత్సవాన్ని పురస్కరించుకుని ఈ ఏడాది పర్యాటకాన్ని ఆర్టిఫీయల్‌ ఇంటిలిజెన్స్‌ ఇతివృత్తంగా తీర్చిదిద్దేందుకు పర్యాటక శాఖ దృష్టి సారించింది. సౌకర్యాలు నిల్‌.. ఉమ్మడి జిల్లాలో కొండాకోనలతో చూడచక్కని ప్రకృతి అందాల పరిసరాలు, అద్భుతమైన ఆధ్యాత్మిక క్షేత్రాలు, చారిత్రకమైన కట్టడాలు ఉన్నా, బహుముఖ ప్రయోజనాలు కలిగిన పర్యాటక ప్రాంతాల్లో ఆశించిన అభివృద్ధి జరగడం లేదు. ఉమ్మడి జిల్లాను పర్యాటక హాబ్‌గా తీర్చిదిద్దుతామని నేతలు హామీ ఇచ్చినా ఆచరణలో అమలుకాకపోవడంతో పర్యాటక శాఖ ఆదాయానికి గండి పడుతోంది. పాల్వంచ మండలంలోని కిన్నెరసాని పర్యాటక ప్రాంతాన్ని అభివృద్ధి చేసేందుకు ప్రభుత్వం ఏకో టూరిజం ద్వారా రూ.కోట్ల వ్యయం ఖర్చు చేసి అద్దాల మేడ, కాటేజీలు, బోటు షికారు, సఫారీ వాహనాలు ఏర్పాటు చేశారు. కిన్నెరసానికి పది కిలోమీటర్ల దూరంలో ఉన్న మందేరకలపాడు వద్ద చప్పట్ల బావి జలపాతం, కేశవాపురం గ్రామ సమీపంలో గుట్ట నుంచి ఏడాది పొడవునా జాలు వారే జలధారకు రోడ్డు ఏర్పాటు చేస్తే స్థానికులకు ఉపాధి, ప్రభుత్వానికి ఆదాయం లభిస్తుంది. ఈ పర్యాటక ప్రాంతాలను అన్ని విధాలుగా ప్రభుత్వం ఊతమిస్తే పర్యాటక రంగం పరుగులు పెడుతుంది. ఉమ్మడి జిల్లాలో టూరిస్ట్‌ స్థలాలు.. ● గోదావరి నది తీరంలో దేశంలోనే ప్రసిద్ధ పుణ్యక్షేత్రంలో ఒక్కటైన భద్రాచలం శ్రీసీతారామ చంద్రస్వామి దేవాలయంలో రామాయణం కాలంనాటి ఘట్టాల బాపుబొమ్మలు, వాటి ఆనవాళ్లు పర్యాటకులను ఆకట్టుకుంటున్నాయి. ● భద్రాచలానికి 36 కిలోమీటర్ల దూరంలో గోదావరి నది ఒడ్డున ఉన్న పర్ణశాల ప్రకృతి రమణీయ దృశ్యాలతో విరజిల్లుతోంది. ● అన్నపురెడ్డిపల్లి మండల కేంద్రంలో కాకతీయుల కాలంలో నిర్మించిన శ్రీ వేంకటేశ్వరస్వామి ఆలయం భారతదేశ సంస్కృతి, సంప్రదాయలను ప్రతిబింబించేలా స్తంభాలు, గోడలపై శిల్పాలు దర్శనమిస్తున్నాయి. ● జమలాపురంలో చిన్న తిరుపతిగా పేరుగాంచిన వేంకటేశ్వరస్వామి ఆలయంలో నిత్యపూజలు, భక్తుల రద్దీతో కళకళలాడుతుంటుంది. కూసుమంచిలో కాకతీయులు నిర్మాణం చేసిన శివాలయం, విశ్రాంతి భవనం ఉంది. ● నేలకొండపల్లిలో వంద ఎకరాల విస్తీర్ణంలో మట్టితో నిర్మాణం చేసిన చారిత్రక కట్టడాలు, మజ్జుగూడెంలో ఉన్న బౌద్ధులు నాడు నిర్మించిన స్తూపాలు, గృహాలు ఉన్నాయి. పాలేరు రిజర్వాయర్‌లో బోటింగ్‌, కెఫటేరియన్‌, చిల్డ్రన్‌ పార్కు, ఖమ్మం పట్టణంలో చారిత్రక కట్టడం ఖమ్మం ఖిల్లాతో పాటు లకారం చెరువును ఆకర్షనీయంగా తీర్చిదిద్దడంతో పర్యాటలకు వినోదాన్ని అందిస్తుంది. రూ.8 కోట్ల వ్యయంతో సెన్సార్‌ బ్రిడ్జి నిర్మాణం చేశారు. ● వైరా, పాలేరు రిజర్వాయర్‌లలో ఏర్పాటు చేసిన బోటింగ్‌ సౌకర్యం పర్యాటకులను ఆకట్టుకుంటోంది. కాగా, గత మూడేళ్ల కాలంలో వివిధ ప్రాంతాల నుంచి వచ్చిన పర్యాటకులు భద్రాద్రి కొత్తగూడెం జిల్లాకు 1,43,768 మంది, ఖమ్మం జిల్లాకు 1,10,868 మంది తరలివచ్చి ప్రకృతి అందాలను తిలకించినట్లుగా తెలంగాణ టూరిజం కార్పొరేషన్‌ సంస్థ ధ్రువీకరించింది.జిల్లాలోని పర్యాటక ప్రాంతాలపై విద్యార్థులకు అవగాహన కల్పించి జాగృతం చేస్తాం. లక్ష్మీదేవిపల్లి మండలంలోని కారుకొండ రామవరంలో ట్రెక్కింగ్‌ నిర్వహిస్తాం. ప్రతీ సంవత్సరం జిల్లాలోని ప్రకృతి అందాలు వీక్షించేందుకు గతేడాది విదేశీ టూరిస్టులు 30 నుంచి 40 మంది వరకు వచ్చివెళ్లారు. – అనూష, జిల్లా పర్యాటకశాఖ అధికారి

చర్ల: చర్ల ప్రభుత్వ వైద్యశాలలో 24గంటల వ్యవధిలో ఎనిమిది ప్రసవాలు నిర్వహించారు. మండల కేంద్రంలోని కమ్యూనిటీ హెల్త్‌ సెంటర్‌కు వివిధ గ్రామాలకు చెందిన ఎనిమిది మంది గర్భిణులను ప్రసవానికి తీసుకొచ్చారు. ఈమేరకు వైద్యులు శుక్రవారం రాత్రి నుంచి శనివారం మధ్యాహ్నం వరకు నలుగురికి సాధారణ ప్రసవాలు చేయగా, మరో నలుగురికి సిజేరియన్‌ నిర్వహించారు. గర్భిణుల్లో బత్తినపల్లికి చెందిన మిడియం సమ్మక్క, సీ కత్తిగూడెంకు చెందిన పాయల నవిత, కారం హారి, దానవాయిపేటకు చెందిన మడకం శిరీష, ఆనందకాలనీకి చెందిన మడకం రాధ, చర్లకు చెందిన నగెండ్ల హర్షిత, ఛత్తీస్‌గఢ్‌ రాష్ట్రం బీజాపూర్‌ జిల్లా మద్దేడుకు చెందిన గ్రేసీ చెటిల్‌, ధర్మారానికి చెందిన బొల్లె రమ్య ఉన్నారు. సూపరింటెండెంట్‌ సాయివర్దన్‌ పర్యవేక్షణలో వైద్యులు శ్రావణి, కృష్ణప్రసాద్‌, ఉద్యోగులు స్నేహ, అబ్రార్‌, శైలజ, దయామణి ప్రసవాలు చేయగా తల్లీబిడ్డలు సురక్షితంగా ఉన్నారని తెలిపారు. కాగా, సీహెచ్‌సీలో పీడియాట్రిషన్‌ ఒక్కరే విధుల్లో ఉండడంతో సేవల్లో ఇబ్బందులు ఎదురవుతున్నందున సరిపడా వైద్యులను నియమించాలనే సూచనలు వస్తున్నాయి.

భద్రాచలంటౌన్‌: గిరిజన ఉత్పత్తులకు మార్కెటింగ్‌ కల్పిస్తూ, పర్యాటక రంగంలో వినూత్న ప్రాజెక్టుగా నిలిచిన భద్రగిరి మార్ట్‌కు రాష్ట్రస్థాయి పర్యాటక అవార్డు లభించింది. ‘బెస్ట్‌ ఇన్నోవేటివ్‌ టూరిజం ప్రాజెక్ట్‌ / ప్రొడక్ట్‌’ పురస్కారాన్ని శనివారం హైదరాబాద్‌లో జరిగిన పర్యాటక దినోత్సవ వేడుకల్లో డిప్యూటీ సీఎం భట్టి విక్రమార్క, పర్యాటక శాఖ మంత్రి జూపల్లి కృష్ణారావు చేతుల మీదుగా భద్రాచలం ఐటీడీఏ పీఓ బి.రాహుల్‌ అందుకున్నారు. గిరిజన మహిళలు తయారు చేసే ఆర్గానిక్‌, చిరుధాన్యాల ఉత్పత్తులకు భద్రగిరి మార్ట్‌ ద్వారా మార్కెటింగ్‌ సౌకర్యం కల్పించగా 100 మందికి పైగా మహిళలకు జీవనోపాధి లభిస్తోంది. ఈ కార్యక్రమంలో ఏపీఓ డేవిడ్‌రాజ్‌ పాల్గొన్నారు.

సూపర్‌బజార్‌(కొత్తగూడెం): భూమి, భుక్తి, వెట్టి చాకిరి విముక్తి కోసం పోరాడిన వీరనారి చాకలి ఐల మ్మ ఆశయ సాధనకు ప్రతిఒక్కరూ పాటుపడాలని కలెక్టర్‌ అంకిత్‌ అన్నారు. కలెక్టరేట్‌లో శనివా రం జిల్లా వెనుకబడిన తరగతుల అభివృద్ధి శాఖ ఆధ్వర్యాన ఐలమ్మ జయంతి వేడుకలు నిర్వహించగా ఆమె చిత్రపటం వద్ద నివాళులర్పించాక కలెక్టర్‌ మాట్లాడారు. దేశ్‌ముఖ్‌లు, రజాకార్ల అరాచకాలకు వ్యతిరేకంగా పోరాడడమే కాక తెలంగాణ రైతాంగ పోరాటంలో పాల్గొన్న ఐలమ్మ నేటి తరానికి స్ఫూర్తి గా నిలుస్తారని తెలిపారు. జిల్లా బీసీ అభివృద్ధి శాఖ అధికారి పి.విజయలక్ష్మి, నాయకులు నేరెళ్ల రమేష్‌, అజిత్‌కుమార్‌, కె.వంశీ, పి. కొండల్‌, పి.శంకర్‌, ఎన్‌.మల్లయ్య, ఎన్‌.మోహన్‌రావు, కొదుమూరి సత్యనారాయణ, జి.సత్యనారాయణ పాల్గొన్నారు. పుష్కర పనుల్లో వేగం గోదావరి పుష్కరాల సందర్భంగా చేపడుతున్న పనుల్లో వేగం పెంచి, త్వరగా పూర్తయ్యేలా పర్యవేక్షించాలని దేవాదాయ శాఖ ప్రిన్సిపల్‌ సెక్రటరీ శైలజ రామయ్యర్‌ సూచించారు. హైదరాబాద్‌ నుంచి శనివారం ఆమె వీడియో కాన్ఫరెన్స్‌ ద్వారా సమీక్షించగా భద్రాచలంలో చేపట్టిన పనులను కలెక్టర్‌ అంకిత్‌ వివరించారు. పుష్కర ఘాట్లు, ఆలయాల అభివృద్ధి పనులతో పాటు భక్తులకు అవసరమైన మౌలిక వసతుల కల్పన పనులు చేపడుతున్నామని తెలిపారు. జయంతి వేడుకల్లో కలెక్టర్‌ అంకిత్‌

● ఇప్పటికే గోదావరిలో 2వేలకు పైగా విగ్రహాల నిమజ్జనం ● సరిపడా ఏర్పాట్లులేక భక్తుల ఎదురుచూపులుభద్రాచలంటౌన్‌: భద్రాచలం పట్టణంతో పాటు గోదావరి తీరాన భారీ గణనాథుల విగ్రహాలే కనిపిస్తున్నాయి. ఎల్‌నినో ప్రభావంతో ఉమ్మడి ఖమ్మం జిల్లాలోనే రాష్ట్రంలోని పలు ప్రాంతాల్లో చెరువుల్లోకి ఆశించిన స్థాయిలో నీరు చేరలేదు. దీంతో పలు ప్రాంతాల భక్తులు వినాయక విగ్రహాలను నిమజ్జనం కోసం భద్రాచలానికి తీసుకొస్తున్నారు. కరీంనగర్‌, వరంగల్‌, ఖమ్మం, రంగారెడ్డి, హైదరాబాద్‌ తదితర ప్రాంతాల నుంచి విగ్రహాలను తీసుకురావడంతో గత వారం రోజులుగా రాత్రింబవళ్లు నిమజ్జనం కొనసాగుతోంది. ఇప్పటివరకు 2వేల విగ్రహాలను గోదావరిలో నిమజ్జనం చేయగా, ఆది, సోమవారం వరకు మరో వేయి విగ్రహాలు వచ్చే అవకాశం ఉందని అంచనా వేస్తున్నారు. సరైన ఏర్పాట్లు లేక... గోదావరిలో నిమజ్జనానికి వందలాదిగా విగ్రహాలు తీసుకొస్తున్నారని తెలిసినా అధికారులు సరైన ఏర్పాట్లుచేయలేదనే విమర్శలు వస్తున్నాయి. కేవలం ఒకే లాంచీ ఏర్పాటుచేయడంతో కొందరి విగ్రహాలను దించి గోదావరి ఒడ్డున పెట్టారు. మరికొందరు భక్తులు వాహనాల్లోనే విగ్రహాలతో గంటల తరబడి వేచి చూడాల్సి వస్తోంది. ఆలస్యం జరుగుతుండడంతో కొందరు బ్రిడ్జిపై నుంచి గోదావరిలో విగ్రహాలను నిమజ్జనం చేస్తున్నారు. కాగా, కరకట్ట, గోదావరి ఘాట్‌, జాతీయ రహదారి పరిసరాల్లో పోలీసులు భారీ బందోబస్తు ఏర్పాటు చేయగా ట్రాఫిక్‌ అంతరాయం కలగకుండా డీఎస్పీ అరుణ్‌కుమార్‌ పర్యవేక్షిస్తున్నారు. ఇకనైనా లాంచీల సంఖ్యతో పాటు గజ ఈతగాళ్లు మరింత మందిని ఏర్పాటుచేస్తేనే నిమజ్జనం త్వరగా పూర్తయ్యే అవకాశముంది.

ఖమ్మంమయూరిసెంటర్‌: దేశంలో మోదీ పాలనను నిరసిస్తూ ఆందోళనలు చేపట్టనున్నట్లు సీపీఐ జాతీయ సమితి సభ్యుడు బాగం హేమంతరావు తెలిపా రు. ఈమేరకు అక్టోబర్‌, నవంబర్‌లో ప్రజలకు అవగాహన కల్పించడమే కాక డిసెంబర్‌ 2, 3, 4 తేదీల్లో జైల్‌భరో కార్యక్రమాన్ని నిర్వహిస్తామని వెల్లడించారు. ఖమ్మం గిరిప్రసాద్‌ భవన్‌లో శనివారం ఏనుగు గాంధీ అధ్యక్షతన జరిగిన సీపీఐ జిల్లా కార్యవర్గ సమావేశంలో ఆయన మాట్లాడారు. ప్రధాని మోదీ ప్రభుత్వ రంగ సంస్థలను బీజేపీ అనుబంధంగా మా ర్చడంతో సీబీఐ, ఎన్‌ఫోర్స్‌మెంట్‌, ఎన్నికల సంఘం సహా వివిధ సంస్థలు స్వతంత్రను కోల్పోయాయన్నారు. రాష్ట్ర ప్రభుత్వం కూడా హామీల అమలులో విఫలమైందన్నారు. ఇందిరమ్మ ఇళ్లను కాంగ్రెస్‌ నాయకులు సిఫారసు చేసిన వారికి కాకుండా అర్హులకు ఇవ్వాలని డిమాండ్‌ చేశారు. అలాగే, వృథాగా పోతున్న వర్షపు నీటిని చెరువులకు మళ్లించాలని, సాగర్‌ ఎడమ కాలువ వచ్చే జలాలను చెరువులు, కుంటలు నింపాలని కోరారు. ఈ సమావేశంలో పార్టీ జిల్లా కార్యదర్శి దండి సురేష్‌, నాయకులు మహ్మద్‌ మౌలానా, జమ్ముల జితేందర్‌రెడ్డి పాల్గొన్నారు. జ్ఞానేష్‌కుమార్‌ రాజీనామా చేయాల్సిందే.. ఖమ్మం మామిళ్లగూడెం: ప్రజాస్వామ్య వ్యవస్థకు కళంకం తెచ్చేలా వ్యవహరించిన కేంద్ర ఎన్నికల సంఘం కమిషనర్‌ జ్ఞానేష్‌కుమార్‌ రాజీనామా చేయాల్సిందేనని సీపీఐ జిల్లా కార్యదర్శి దండి సురేష్‌ డిమాండ్‌ చేశారు. ఈ మేరకు శనివారం ఖమ్మంలో రాస్తారోకో నిర్వహించగా ఆయన మాట్లాడారు. పలువురు నాయకులు, కార్యకర్తలు పాల్గొన్నారు. ఏఐకేఎంస్‌ జాతీయ మహాసభలకు ఏర్పాట్లు ఖమ్మంమయూరిసెంటర్‌: అఖిల భారత రైతుకూలీ సంఘం(ఏఐకేఎంఎస్‌) జాతీయ మహాసభలకు ఏర్పాట్లు చేస్తున్నట్లు సంఘం రాష్ట్ర గౌరవ అధ్యక్షుడు వి.కోటేశ్వరరావు తెలిపారు. ఖమ్మంలో ఈనెల 28నుంచి 30వ తేదీ వరకు మహాసభలు జరగనుండగా, శనివారం నగరంలోని న్యూడెమోక్రసీ కార్యాలయంలో జెండాలు, తోరణాలు, ఫ్లెక్సీలను తయారీని పరిశీలించి ఆయన మాట్లాడారు. సభ ఏర్పాట్లలో పీడీఎస్‌యూ, పీవైఎల్‌, పీఓడబ్ల్యూ, ఐఎఫ్‌ టీయూ, అరుణోదయ సాంస్కృతిక సమాఖ్య ప్రజాసంఘాల బాధ్యులు నిమగ్నమయ్యారని తెలిపారు. ఈమేరకు 28న జరిగే బహిరంగ సభలో అన్నివర్గాల ప్రజలు పాల్గొని విజయవంతం చేయాలని కోరారు. ఈ కార్యక్రమంలో న్యూడెమోక్రసీ, అనుబంధ సంఘాల నాయకులు బండారు ఐలయ్య, గాదె ఝాన్సీ, టి.శ్రీనివాస్‌, అందె మంగ, ఉదయ్‌, పవన్‌, కోల లక్ష్మీనారాయణ, బి కిషన్‌, నాగేశ్వరరావు తదితరులు పాల్గొన్నారు. డీఎల్‌ఎస్‌ఏ ద్వారా ఉచిత న్యాయసాయం ఖమ్మంలీగల్‌: అవసరమైన వారికి ఉచిత న్యాయం అందిస్తామని ఖమ్మం జిల్లా న్యాయసేవాధికార సంస్థ(డీఎల్‌ఎస్‌ఏ) కార్యదర్శి పి.దేవీమానస తెలిపారు. ప్రపంచ బధిరుల దినోత్సవం సందర్భంగా శనివారం ఖమ్మంలోని అంధుల, బధిరుల పాఠశాలలో ఏర్పాటుచేసిన అవగాహన సదస్సులో ఆమె మాట్లాడారు. దివ్యాంగుల హక్కుల చట్టం, న్యాయ సేవాధికార సంస్థల చట్టంలోని ముఖ్యాంశాలు, దివ్యాంగులకు అందుబాటులో ఉండే సదుపాయాలు, వివక్ష లేని విద్య, ఉపాధి అవకాశాలను వివరించారు. న్యాయపరమైన సమస్యలు ఎదురైతే సంప్రదించాలని సూచించారు. ఈ కార్యక్రమంలో పాఠశాల సిబ్బంది పాల్గొన్నారు. బచ్చోడుఏఈఓపై సస్పెన్షన్‌ వేటు ● యూరియా పేరిట నగదు వసూళ్లు తిరుమలాయపాలెం: యూరియా పేరిట రైతులను నమ్మించి డబ్బులు తీసుకుని అక్రమాలకు పాల్పడిన తిరుమలాయపాలెం మండలంలోని బచ్చోడు ఏఈఓ కల్యాణ్‌పై సస్పెన్షన్‌ వేటు పడింది. యూరియా కొరతను ఆసరాగా చేసుకున్న ఆయన మండలంలోని వివిధ గ్రామాల్లో రైతులకు యూరియా ఇప్పిస్తానంటూ నగదు వసూలు చేశాడు. ఆపై వారికి యూరియా ఇప్పించకపోగా, డబ్బులు కూడా తిరిగి ఇవ్వకపోవడంతో రైతులు ఏఓ దృష్టికి తీసుకువెళ్లారు. దీంతో కూసుమంచి ఏడీఏ రాజేష్‌కుమార్‌ విచారణ చేపట్టి ఇచ్చిన నివేదిక మేరకు కల్యాణ్‌ను సస్పెండ్‌ చేస్తూ శనివారం ఖమ్మం జిల్లా వ్యవసాయ శాఖాధికారి డి.పుల్లయ్య ఉత్తర్వులు జారీ చేశారు. కాగా, కళ్యాణ్‌ మహబూబాబాద్‌ జిల్లాలో పనిచేసినప్పుడు కూడా ఓసారి సస్పెండ్‌ అయ్యాడు.

● రెడ్‌క్రాస్‌లో ముగిసిన నామినేషన్ల ఉపసంహరణ ● పదవులు పంచుకుని రాజీ పడిన ఇరువర్గాలు ● 28న చైర్మన్‌, వైస్‌చైర్మన్‌, ట్రెజరర్‌ ఎన్నికభద్రాచలం: జిల్లా రెడ్‌క్రాస్‌ సొసైటీ ఎన్నికలు చివరకు ఏకగ్రీవమయ్యాయి. సుదీర్ఘ కాలం అనంతరం ఎన్నికలు జరుగుతాయని భావించినా నామినేషన్లు దాఖలు చేసిన రెండు వర్గాల నడుమ రాజీ కుదరడంతో కథ సుఖాంతమైంది. మేనేజింగ్‌ కమిటీని 15మందిని ఎన్నుకోవాల్సి ఉండగా.. పదవులను ఇరువర్గాలు పంచుకునేలా అవగాహనకు రావడంతో మిగతా వారిని పోటీ నుంచి తప్పించారు. తొమ్మిది.. ఆరు చొప్పున పదవులు రెడ్‌క్రాస్‌ జిల్లా కమిటీ ఎన్నిక కోసం ఈనెల 24న నామినేషన్లు దాఖలు చేశారు. నామినేషన్ల ఉపసంహరణ శనివారం గడువు శనివారంతో ముగియనుండడంతో ఇరువర్గాల వారు ఓటర్లను ప్రసన్నం చేసుకోవడంలో నిమగ్నమయ్యారు. ఎన్నికలు అనివార్యమైతే వచ్చేనెల 4వ తేదీన పోలింగ్‌ జరగాల్సి ఉంది. అయితే, రెండు వర్గాల అభ్యర్థులు శనివారం భద్రాచలానికి చెందిన ఓ ప్రముఖుడి వద్ద రాజీ మంతనాలు సాగించారు. చివరకు మాజీ చైర్మన్‌ అభ్యర్థి వర్గానికి ఈసారి కూడా ఆరు మెంబర్‌ పదవులు, మరో వర్గానికి తొమ్మిది పదవులు ఇచ్చేలా నిర్ణయం జరిగింది. మొదటి వర్గానికి చైర్మన్‌ పదవి, రెండో వర్గానికి సెక్రటరీ, కోశాధికారి పదవి ఇచ్చేలా అంగీకారం కుదిరింది. ఉపసంహరణలో ఉత్కంఠ నామినేషన్ల ఉపసంహరణ గడువు శనివారం మధ్యాహ్నం ముగియనుండడంతో భద్రాచలంలో పదవులపై ఒప్పందాలు కుదరగానే రెండు వర్గాల అభ్యర్థులతో ఉరుకులు, పరుగులపై కొత్తగూడెంలోని కలెక్టరేట్‌కు చేరారు. అక్కడ పోటీ పడుతున్న వారిని రప్పించి బుజ్జగించి నామినేషన్లను ఉపసంహరింపజేశారు. దీంతో ఈసారి ఎలాగైనా పదవి దక్కించుకోవాలని ఆశించిన పలువురు నిరాశకు లోనయ్యారు. అయితే, కొందరు వారి పదవుల కోసం తమను బలి పశువులుగా చేశారని వాపోయినట్లు సమాచారం. కాగా, మేనేజింగ్‌ కమిటీలో 15మంది పేర్లు ఖరారు కావడంతో ఈనెల 28న సోమవారం సమావేశమై ఇందులో నుంచి చైర్మన్‌, వైస్‌చైర్మన్‌, ట్రెజరర్‌, స్టేట్‌ కమిటీ మెంబర్లను ఎన్నుకుంటారు. కాగా, రెడ్‌క్రాస్‌ జిల్లా ప్రెసిడెంట్‌గా కలెక్టర్‌ వ్యవహరిస్తారు.

అధిక సంఖ్యలో టైర్లతో బరువు యంత్రం లోడుతో వెళ్తున్న ఓ లారీని స్థానికులు ఆసక్తిగా పరిశీలించారు. ఏపీలోని విశాఖపట్నం నుంచి హైదరాబాద్‌లోని ఓ ఫ్యాక్టరీకి అవసరమైన భారీ యంత్రాన్ని తరలిస్తున్నారు. ఈ లారీకి ముందు, వెనుక రెండు ఎస్కార్ట్‌ కార్లతోపాటు విద్యుత్‌ వైర్లు, బోర్డులు, ఆర్చీలను తప్పించేందుకు మరో పది మంది సిబ్బంది కూడా ఉన్నారు. ఈ భారీ వాహనాన్ని చూసేందుకు స్థానికులు ఆసక్తి చూపారు. అశ్వారావుపేట జాతీయ రహదారిపై ఈ వాహనం కనిపించగా, దానికి 106 టైర్లు ఉన్నాయి. – అశ్వారావుపేట రూరల్‌

అశ్వారావుపేటరూరల్‌: అశ్వారావుపేటలో వచ్చే నెల 10 నుంచి 12వ తేదీ వరకు రాష్ట్ర స్థాయి బాలికల అండర్‌–20 కబడ్డీ పోటీలు నిర్వహించనున్నట్లు ఎమ్మెల్యే జారె ఆదినారాయణ తెలిపారు. ఈ మేరకు శుక్రవారం వివరాలు వెల్లడించారు. పోటీలు మూడు రోజులపాటు రాత్రి, పగలు జరుగుతాయని అన్నారు. 33 జిల్లాల నుంచి 34 జట్లు(హైదారాబాద్‌ నుంచి రెండు జట్లు) పాల్గొంటాయన్నారు. 476 మంది క్రీడాకారులు హాజరు కానున్నారని, వసతి ఏర్పాట్లు చేస్తున్నట్లు తెలిపారు. ప్రతిభ చూపిన క్రీడాకారులను జాతీయస్థాయికి ఎంపిక చేస్తామని చెప్పారు. అనంతరం ప్రచార పోస్టర్లను ఆవిష్కరించారు. మున్సిపల్‌ వైస్‌ చైర్మన్‌ జూపల్లి రమేష్‌బాబు, ఆత్మ కమిటీ చైర్మన్‌ ఎస్‌ వీరభద్రరావు, కాంగ్రెస్‌ నాయకులు పాల్గొన్నారు.ఎమ్మెల్యే జారె ఆదినారాయణ

తల్లిదండ్రులకు కూతుళ్లతో ప్రత్యేక అనుబంధం ఉంటుంది. కూతురు ఉన్నతస్థానానికి చేరితే మురిసిపోతారు. కూతురితో గడిపిన ప్రతీ విషయం వారికి తీపిజ్ఞాపకమే. మీకు ఉన్న అలాంటి తీపి జ్ఞాపకాలు, మీ కుమార్తె విజయాలను డాటర్స్‌ డే (కూతురు దినోత్సవం) సందర్భంగా ‘సాక్షి’ పాఠకులతో పంచుకోండి. తల్లిదండ్రులు తమ కూతురుతో దిగిన సెల్ఫీ, మీ పేరు, ప్రాంతం వివరాలను వాట్సాప్‌ నంబర్‌కు పంపండి. వచ్చిన వాటిలో ఉత్తమమైనవి 27వ తేదీన ప్రచురిస్తాం.ఫొటోలు, వివరాలు పంపాల్సిన చివరి తేదీ : ఈనెల 26(శనివారం) సాయంత్రం 4 గంటలు మీరు పంపాల్సిన వాట్సాప్‌ నంబర్‌ : 90103 02330

నిమజ్జనానికి భద్రాచలం తరలిన గణనాథులు ● కొత్తగూడెం ప్రకాశం స్టేడియంలో ఎమ్మెల్యే ప్రత్యేక పూజలు ● జిల్లా కేంద్రంలో ఘనంగా శోభాయాత్ర సూపర్‌బజార్‌(కొత్తగూడెం)/భద్రాచలంఅర్బన్‌: వీధివీధినా కొలువుదీర్చిన వినాయక విగ్రహాలు నిమజ్జనానికి బయల్దేరాయి. అంగరంగ వైభవంగా పూజలందుకున్న గణపతి ప్రతిమలు గంగ ఒడికి చేరాయి. జిల్లావ్యాప్తంగా శుక్రవారం గణనాథులను నిమజ్జనం చేశారు. ఎక్కువ మంది భక్తులు గోదావరిలో నిమజ్జనం చేసేందుకు బొజ్జ గణపయ్యను భద్రాచలం తీసుకెళ్లారు. కొందరు గ్రామ సమీపంలోని చెరువుల్లో నిమజ్జనం చేశారు. జిల్లా కేంద్రంలో శుక్రవారం రాత్రి శోభాయాత్ర వైభవంగా సాగింది. కొత్తగూడెం ప్రకాశం స్టేడియంలో గణేష్‌ ఉత్సవ కమిటీ ఆధ్వర్యంలో ప్రత్యేక పూజలు నిర్వహించారు. సూపర్‌బజార్‌ సెంటర్‌లో ఏర్పాటు సచేసిన స్వాగత వేదిక వద్ద ఎమ్మెల్యే కూనంనేని సాంబశివరావు శోభాయాత్ర ప్రారంభించారు. ఈ సందర్భంగా మాట్లాడుతూ హైదరాబాద్‌ తర్వాత కొత్తగూడెంలోనే ఘనంగా ఉత్సవాలు జరుగుతాయని అన్నారు. పోలీసులు పటిష్ట బందోబస్తు ఏర్పాటు చేశారు. ఈ కార్యక్రమాల్లో మాజీ మంత్రి వనమా వెంకటేశ్వరరావు, మేయర్‌ మూడ్‌ గణేష్‌, డిప్యూటీ మేయర్‌ లలితకుమారి, ఉత్సవ కమిటీ అధ్యక్షుడు యెర్రా కామేష్‌, కాంగ్రెస్‌ జిల్లా అధ్యక్షురాలు దేవీ ప్రసన్న, నాయకులు వనమా రాఘవేందర్‌రావు, నాగ సీతారాములు, కంచర్ల చంద్రశేఖర్‌రావు, మండే వీరహనుమంతరావు, ఎస్‌కే సాబీర్‌పాషా తదితరులు పాల్గొన్నారు. కొత్తగూడెంలోని శ్రీ విజయ విఘ్నేశ్వర స్వామి దేవస్థానంలో గణపతి నవరాత్రి ఉత్సవాల్లో భాగంగా సుప్రభాత సేవ జరిపారు. అనంతరం మహాన్యాస పూర్వక ఏకాదశి రుద్రాభిషేకం నిర్వహించారు. వేద పారాయణ గణపతి అనుస్థానం, మహా పూర్ణాహుతి నిర్వహించారు. ఆలయ ఈఓ రజినీకుమారిని భక్తులు సన్మానించారు.

జూలూరుపాడు(సుజాతనగర్‌): ఈ నెల 30వ తేదీలోగా ఈ ఫార్మర్‌ ఐడీ రిజిస్ట్రేషన్‌ పూర్తి చేయాలని జిల్లా వ్యవసాయశాఖ అధికారి బాబూరావు సూచించారు. సుజాతనగర్‌ మండలంలో కొనసాగుతున్న రిజిస్ట్రేషన్‌ కార్యక్రమాన్ని శుక్రవారం ఆయన పరిశీలించారు. ఈ సందర్భంగా మాట్లాడుతూ ఆధార్‌ కార్డు, భూమి పట్టాదారు పాస్‌ బుక్‌, ఆధార్‌ లింక్‌ ఉన్న మొబైల్‌ నంబర్‌తో ఏఈఓలను, మీ సేవా కేంద్రాల్లో సంప్రదించాలని సూచించారు. ఏడీఏ సుధాకర్‌, ఏఓ నర్మద, ఏఈఓలు నరసింహ, నవ్య, స్వప్న, రైతులు పాల్గొన్నారు. విద్యార్థినికి రూ. లక్ష నగదు బహుమతిజూలూరుపాడు: మండలంలోని పాపకొల్లు పీఎంశ్రీ జిల్లా పరిషత్‌ ఉన్నత పాఠశాలలో పదో తరగతి చదుకున్న కందుకూరి పూజితకు శ్రీరామ్‌ గ్రూప్స్‌ సంస్థ రూ.లక్ష నగదు బహుమతి అందజేసింది. పదో తరగతిలో పూజిత 565 మార్కులు సాధించి నియోజకవర్గ స్థాయిలో టాపర్‌గా నిలిచింది. జిల్లా స్థాయిలో నాలుగో స్థానం సాధించింది. హైదరాబాద్‌లో గురువారం జరిగిన కార్యక్రమంలో తెలంగాణ రాష్ట్ర గవర్నర్‌ శివప్రతాప్‌ శుక్లా చేతుల మీదుగా విద్యార్థినికి నగదు అందించారు. ప్రస్తుతం విద్యార్థిని ఖమ్మంలో ఇంటర్‌ ఫస్ట్‌ ఇయర్‌ చదువుతోంది. ఈ సందర్భంగా విద్యార్థినిని హెచ్‌ఎం ఎస్కే మీరా సాహెబ్‌, ఉపాధ్యాయులు అభినందించారు. పోషకాహారంపై అవగాహనఅశ్వారావుపేటరూరల్‌: ప్రతీ అంగన్‌వాడీ కేంద్రంలో పోషణ మాసం కార్యక్రమాలు నిర్వహించాలని జిల్లా సంక్షేమ అధికారిణి జేఎంఎస్‌ లెని నా అన్నారు. శుక్రవారం అశ్వారావుపేట ఐసీడీఎస్‌ ప్రాజెక్ట్‌ స్థాయిలో జరిగిన కార్యక్రమంలో పోషకాహారం ప్రాధాన్యత, సమతుల్య ఆహారం, పిల్లలు, గర్భిణులు, బాలింతలు, ఆరోగ్య పరిరక్షణలో పోషకాహారం పాత్రపై అవగాహన కల్పించారు. స్థానికంగా లభించే ఆకుకూరలు, కూరగా యలు, పప్పులు, చిరుధాన్యాల ఆహార పదార్థాలను రోజూవారీ ఆహారంలో తీసుకునేలా కృషి చేయాలన్నారు. పోషణమాసం కార్యక్రమం పట్ల సిబ్బంది నిర్లక్ష్యం వహిస్తే చర్యలు తీసుకుంటామ ని హెచ్చరించారు. ఈ సమావేశంలో అధికారులు ప్రదీప్‌, హసీనా, ముత్తమ్మ, అలేఖ్య, సూపర్‌వైజర్లు పాల్గొన్నారు. వర్క్‌షాప్‌ను విజయవంతం చేయాలిభద్రాచలం: ఐటీడీఏలో అక్టోబర్‌ 2 నుంచి 5వ తేదీ వరకు నిర్వహించే 12వ జాతీయ గోండి–కోయ భాష ప్రామాణీకరణ నిఘంటువు వర్క్‌షాప్‌ను విజయవంతం చేయాలని ఏపీఓ(జనరల్‌) డేవిడ్‌ రాజ్‌ సూచించారు. శుక్రవారం ఐటీడీఏలో అధికారులు, కమిటీ సభ్యులతో నిర్వహించిన సమన్వయ సమావేశంలో మాట్లాడారు. వర్క్‌షాప్‌నకు తెలంగాణ, ఆంధ్రా, ఛత్తీస్‌గఢ్‌, ఒడిశా, మధ్యప్రదేశ్‌, మహారాష్ట్ర, జార్ఖండ్‌, అసోం రాష్ట్రాల నుంచి సుమారు 120 మంది ప్రతినిధులతో పాటు రాష్ట్ర మంత్రులు, అధికారులు హాజరవుతారని చెప్పారు. అధికారులు రాంబాబు, వీరూ నాయక్‌, కమిటీ సభ్యులు నెహ్రూ, కన్నయ్య, రాధాకృష్ణమూర్తి పాల్గొన్నారు.

ఇల్లెందురూరల్‌: ఎల్‌నినో ప్రభావంతో భిన్నమైన వాతావరణ మార్పులు చోటుచేసుకుంటుండగా మిర్చి పంటలో చీడపీడల బెడద ఎక్కువైంది. అడపాదడపా కురుస్తున్న వర్షాలు ఇతర పంటలకు జీవం పోస్తున్నా మిర్చి తోటలను దెబ్బతీస్తున్నాయి. చీడపీడలు ఆశించి మొక్క ఎదగడం లేదని రైతులు ఆందోళన చెందుతున్నారు. ముడతతో మొదలై.. సీజన్‌లో ఆగస్టు చివరి వారం నుంచి రైతులు మిర్చి నారు నాటుకోవడం ప్రారంభించారు. ఆరంభంలో వర్షాలు కురవడంతో ఆనందంగా సస్యరక్షణ చర్యలు చేపట్టారు. ఆ వెంటనే ఎండ తీవ్రత అధికం కావడంతో మిర్చికి ముడత తెగులు సోకింది. కొన్ని ఆకులు పైకి మరికొన్ని కిందకు గిన్నెలా ముడుచుకున్నాయి. దీంతో తోటల్లో సగానికి పైగా మొక్కలు మొక్కలు గిడసబారిపోయి ఎదుగూబొదుగూ లేకుండా దర్శనమిస్తున్నాయి. ముడత తెగులు నివారణకు రసాయనాలు పిచికారీ చేస్తుండగానే వేడి వాతావరణం ప్రభావంతో రసం పీల్చే పురుగులైన తెల్లదోమ, తామర పురుగులు, పేనుబంక బెడద విపరీతంగా పెరుగుతూ ఒక మొక్క నుంచి మరో మొక్కకు వేగంగా వ్యాప్తి చెంది వడలిపోయేలా చేశాయి. ఈ క్రమంలోనే కాండం తొలిచే పురుగు ఆవహించి మొక్కలు విరిగిపోతున్నాయి. భారంగా పెట్టుబడి.. ముడత, వైరస్‌, కాండం తొలిచే పురుగు ఉధృతి నివారణకు రైతులు పురుగు ముందుల దుకాణాలను ఆశ్రయిస్తున్నారు. పురుగు మందులను పిచికారీ చేస్తున్నా తెగుళ్లు, వైరస్‌ ఉధృతి తగ్గడం లేదు. ఇప్పటికే ఎకరం విస్తీర్ణంలో పురుగు మందుల పిచికారీ కోసం రూ.10వేలకు పైగా ఖర్చు చేశామని రైతులు చెబుతున్నారు. వీటికితోడు తెగుళ్ల ప్రభావంతో నేలవాలిన మొక్కల స్థానంలో కొత్తవి నాటేందుకు నారు కొనుగోలు చేస్తుండటంతో పెట్టుబడి వ్యయం పెరుగుతోంది.సమగ్ర యాజమాన్య పద్ధతులతో ముడత, రసం పీల్చే, కాండం తొలిచే పురుగులను నివారించుకోవాలని కేవీకే శాస్త్రవేత్తలు డాక్టర్‌ హేమంత్‌కుమార్‌, డాక్టర్‌ శివ సూచిస్తున్నారు. తొలి దశలోనే వైరస్‌ లక్షణాలు కలిగిన మొక్కలను తొలగిస్తే వైరస్‌ వ్యాప్తిని అరికట్టవచ్చన్నారు. గట్లపై, పంటలో ఉన్న వైరస్‌లకు స్థావరాలైన కలుపు లేదా వేరే జాతికి చెందిన మొక్కలను తొలగించి పంటలను శుభ్రం చేసుకోవాలని, సిఫారసు చేసిన ఎరువులనే వాడాలని, సకాలంలో నీటి తడులు ఇవ్వాలని తెలిపారు. రసం పీల్చే పురుగు నివారణ కోసం తోటల్లో పసుపు, నీలిరంగు అట్టలను ఎకరానికి 10 నుంచి 15 వరకు పెట్టుకోవాలన్నారు. నెల రోజుల క్రితం మిర్చినారు నాటాను. పదిహేను రోజుల క్రితం ముడత ఆశించగా ఆ వెంటనే వైరస్‌, కాండం తొలిచే పురుగు ఉధృతి పెరిగి మొక్క ఎదుగుదలపై ప్రభావం పడింది. నివారణకు రసాయనాలు పిచికారీ చేస్తున్నా మార్పు కనిపించడం లేదు. – గుగులోత్‌ భద్రు, రైతు, మస్సివాగు గ్రామం

పాల్వంచ: విద్యార్థుల్లో అభ్యసన సామర్థ్యాలను పెంపొందించాలని భద్రాచలం ట్రైబల్‌ వెల్ఫేర్‌ డిప్యూటీ డైరెక్టర్‌ ఎస్‌.చందన అన్నారు. శుక్రవారం పట్టణంలోని ప్రభుత్వ గిరిజన ఆశ్రమ బాలికల ఉన్నత పాఠశాలను తనిఖీ చేశారు. విద్యార్థులతో మాట్లాడి విద్యా సామర్థ్యాలను పరిశీలించారు. సిలబస్‌ పూర్తిపై ఆరా తీశారు. పాఠశాల వంటశాల, సరుకుల స్టోర్‌ రూం పరిశీలించారు. పరిసరాలతోపాటు మరుగుదొడ్లను ఎప్పటికప్పుడు శుభ్రంగా ఉంచాలని ఆదేశించారు. ఉపాధ్యాయులకు టాయిలెట్‌, బాత్‌ రూం సౌకర్యం కల్పించాలని కోరగా, చర్యలు తీసుకుంటామని హామీ ఇచ్చారు. విద్యాప్రమాణాలను పెంపొందించాలని సూచించారు. సహాయ సంక్షేమ అధికారి ఎస్‌.చంద్రమోహన్‌, హెచ్‌ఎం బి.చెన్నారావు, హెచ్‌డబ్ల్యూఓ ఎ.కల్యాణి, ఉపాధ్యాయులు పి.నర్సయ్య, బి.కిషన్‌, కె.సురేష్‌, రఘు, ఎం.గంగ, జ్యోతి, ఆదిలక్ష్మి, సరస్వతి, కళా వతి తదితరులు పాల్గొన్నారు. ట్రైబల్‌ వెల్ఫేర్‌ డీడీ చందన

● అప్పారావుపేట పామాయిల్‌ ఫ్యాక్టరీలో భారీగా నిల్వలు ● స్థానిక లారీలకు కిరాయి ఎక్కువంటున్నారని వ్యాపారుల వాదన ● గిట్టుబాటు కాకపోవడంతో పెంచాలని కోరుతున్న లారీ యజమానులు ● ఉప ఉత్పత్తుల తరలింపుపై నెలరోజులుగా ప్రతిష్టంభన దమ్మపేట: అప్పారావుపేట పామాయిల్‌ ఫ్యాక్టరీలో ఉప ఉత్పత్తుల నిల్వలు గుట్టల మాదిరిగా పేరుకుపోతున్నాయి. వర్షాకాలం సీజన్‌ కావడంతో ఫ్యాక్టరీకి పామాయిల్‌ గెలల ఉధృతి పెరిగింది. ఈ నెలలో 21వ తేదీ వరకే సమారు 35 వేల మెట్రిక్‌ టన్నుల గెలలను క్రషింగ్‌ చేశారు. క్రషింగ్‌ అనంతరం వచ్చే పామాయిల్‌ గింజ పెంకులు, కెర్నల్‌ కేకు, డీమక్‌ పౌడర్‌ వంటివి ఉప ఉత్పత్తులు అధికంగా లభిస్తున్నాయి. అయితే ఇతర ప్రాంతాల లారీలను రానివ్వకపోవడం, ఇక్కడి లారీల యజమానులు, యూనియన్‌ బాధ్యులు అధిక ధర అడుగుతుండటంతో తరలించలేకపోతున్నామని వ్యాపారులు చెబుతున్నారు. మంత్రి తుమ్మల ఆదేశించినా.. గత సోమవారం ఫ్యాక్టరీని రాష్ట్ర వ్యవసాయ శాఖ మంత్రి తుమ్మల నాగేశ్వరరావు సందర్శించారు. ప్రాంగణంలో పేరుకుపోయిన నిల్వలను గమనించి అధికారులను ప్రశ్నించారు. జిల్లా రవాణా శాఖ అధికారికి ఫోన్‌ చేసి లారీలను అడ్డుకుని, ఫ్యాక్టరీ ఉప ఉత్పత్తుల రవాణాను అడ్డంకులు సృష్టిస్తున్న వారిపై చర్యలు తీసుకుని, సమస్యను తక్షణమే పరిష్కరించాలని ఆదేశించారు. ఈ నేపథ్యంలో మంగళవారం మోటార్‌ వెహికల్‌ ఇన్‌స్పెక్టర్‌ నిర్మల ఫ్యాక్టరీకి వచ్చి లారీ యూనియన్‌ బాధ్యులు, ఫ్యాక్టరీ యాజమాన్యంతో చర్చలు జరిపినా సమస్య పరిష్కారం కాలేదు. ఇతర ప్రాంతాల లారీలను అడ్డుకోకపోవడంతో కొంతమేర ఉప ఉత్పత్తులను తరలిస్తున్నారు. అధికారులు చొరవ చూపి ఇరుపక్షాలతో పూర్తిస్థాయిలో చర్చించి రవాణా సమస్యకు శాశ్వత పరిష్కారం చూపాల్సిన అవసరం ఉంది. ఉప ఉత్పత్తుల తరలింపునకు స్థానిక లారీలనే వినియోగించాలని యూనియన్‌ బాధ్యులు డిమాండ్‌ చేస్తున్నారు. ఇతర ప్రాంతాల నుంచి వచ్చే లారీలను అడ్డుకుంటున్నారు. ఇక్కడి లారీల్లో తరలించేందుకు అంగీకరిస్తున్నా అధిక మొత్తంలో కిరాయి అడుగుతున్నారని వ్యాపారులు చెబుతున్నారు. వ్యాపారులు ఇచ్చే ధర గిట్టుబాటు కావడంలేదని లారీల యజమానులు పేర్కొంటున్నారు. డీజిల్‌, ఇన్సూరెన్స్‌, విడి భాగాల ధరలు పెరిగిన నేపథ్యంలో లారీ కిరాయి కూడా పెంచాలని కోరుతున్నారు. కొన్ని రూట్లకు తరలిస్తున్నా, మరికొన్ని రూట్లలో తరలింపునకు గిట్టుబాటు కావడంలేదని లారీలు పెట్టడం లేదు. దీంతో పలువురు వ్యాపారులు నెల రోజులుగా రవాణాను నిలిపివేశారు. దీంతో ఫ్యాక్టరీ ప్రాంగణంలో నిల్వలు పేరుకుపోతున్నాయి.

సూపర్‌బజార్‌(కొత్తగూడెం): గణేష్‌ నిమజ్జన ఊరేగింపులో మారణాయుధం తల్వార్‌తో ప్రజలకు ఇబ్బంది కలిగేలా ప్రవర్తించి, భయభ్రాంతులకు గురిచేసిన నలుగురు వ్యక్తులను శుక్రవారం పోలీసులు అరెస్ట్‌ చేసి రిమాండ్‌కు తరలించారు. డీఎస్పీ ఆదినారాయణ కథనం ప్రకారం.. బుధవారం రాత్రి 11.30 గంటలకు గరీబ్‌పేట గ్రామంలో గణేష్‌ నిమజ్జన ఊరేగింపు జరుగుతుండగా అదే గ్రామానికి చెందిన చిత్తరి లింగాప్రసాద్‌ తల్వార్‌ పట్టుకుని జన సమూహంలో తిరుగుతూ ప్రజలకు ఇబ్బంది కలిగేలా ప్రవర్తించాడు. అతనితోపాటు పల్లె సతీష్‌, గోగుల నవీన్‌, నందతండాకు చెందిన భూక్య గణేష్‌ కూడా ప్రజలను భయభ్రాంతులకు గురిచేశారు. సమాచారం అందుకున్న పోలీసులు అక్కడి చేరుకోగా గమనించిన నలుగురు పరారయ్యారు. విచారణ చేపట్టి నలుగురిని అరెస్ట్‌ చేసి రిమాండ్‌కు తరలించారు. శాంతిభద్రతలకు విఘా తం కలిగిస్తే కఠిన చర్యలు తీసుకుంటామని డీఎస్పీ అన్నారు. నలుగురిని అరెస్ట్‌ చేసిన పోలీసులు

●15 గేట్లు ఎత్తి 65,157 క్యూసెక్కుల వరదనీరు విడుదల చర్ల: ఎగువన ఛత్తీస్‌గఢ్‌లో కురుస్తున్న వర్షాలకు తాలిపేరు మధ్యతరహా ప్రాజెక్టులోకి భారీగా వరద నీరు వచ్చి చేరుతోంది. ప్రాజెక్ట్‌కు 25 క్రస్టు గేట్లు ఉండగా, 15 గేట్లను ఎత్తి 65,157 క్యూసెక్కుల వరదనీటిని దిగువకు విడుదల చేస్తున్నారు. రెండు రోజులుగా ప్రాజెక్టులోకి స్వల్పంగా వరదనీరు వచ్చినప్పటికీ శుక్రవారం ఉదయం వరద ఉధృతి పెరిగింది. దిగువకు నీటిని విడుదల చేస్తుండటంతో తాలిపేరు నది ఉధృతంగా ప్రవహిస్తోంది. ప్రాజెక్ట్‌ పూర్తిస్థాయి నీటిమట్టం 74 మీటర్లు కాగా, 73.08 మీటర్ల వద్ద క్రమబద్ధీకరిస్తున్నారు. కుడి కాలువ ద్వారా 5 క్యూసెక్కులు, ఎడమ కాలువ ద్వారా 20 క్యూసెక్కుల నీటిని పంటలకు విడుదల చేస్తున్నారు. కాగా శుక్రవారం ప్రాజెక్ట్‌ వద్ద 53 మిల్లీ మీటర్ల వర్షపాతం నమోదైంది.

● అధికారులకు కలెక్టర్‌ అంకిత్‌ ఆదేశం ● గురుకులం నిర్మాణ స్థల సర్వే పరిశీలనఇల్లెందురూరల్‌: యంగ్‌ ఇండియా ఇంటిగ్రేటెడ్‌ గురకులం భవన నిర్మాణ ప్రదేశంలో భూముల సరిహద్దు నిర్ధారణ కోసం సర్వే వేగవంతం చేయాలని కలెక్టర్‌ అంకిత్‌ అధికారులను ఆదేశించారు. మండలంలోని సీఎస్పీ బస్తీ గ్రామపంచాయతీ పరిధిలో రెండు సర్వే నంబర్ల వివాదంపై హైకోర్టు ఆదేశం మేరకు నిర్వహిస్తున్న సమగ్ర సర్వేను శుక్రవారం ఆయన పరిశీలించారు. సర్వే నంబర్‌ 618, సర్వే నంబర్‌ 549/1 భూములకు సంబంధించి రికార్డులు, పాత నక్షాలు, పాస్‌బుక్‌లు, భూభారతి రికార్డులను పరిశీలించారు. రికార్డుల్లో నమోదైన వివరాలకు అనుగుణంగా భూ విస్తీర్ణం, సరిహద్దులు వాస్తవ పరిస్థితులను పరిశీలించి క్షేత్రస్థాయి పరిస్థితులతో సరిపోల్చాలని ఆదేశించారు. సర్వే ఆధారంగా అందుబాటులో ఉన్న రికార్డులతో సరిహద్దులను స్పష్టంగా నిర్ధారించాలన్నారు. ఈ క్రమంలో బాధిత రైతులు తమ వద్ద ఉన్న పాత పాస్‌పుస్తకాలను కలెక్టర్‌కు చూపించారు. సుదీర్ఘకాలంగా ఇక్కడే వ్యవసాయం ద్వారా జీవనం సాగిస్తున్నామని, కోర్డు ఆదేశాల మేరకు తాము సాగు చేసుకుంటున్న భూములకు స్పష్టమైన సరిహద్దులు చూపించాలని విజ్ఞప్తి చేశారు. కాగా, సర్వే పూర్తి సమగ్ర నివేదికను సమర్పించాలని రెవెన్యూ, సర్వే అండ్‌ ల్యాండ్‌ రికార్డ్స్‌ అధికారులను కలెక్టర్‌ ఆదేశించారు. ఈ కార్యక్రమంలో ఆర్డీఓ మధు, తహసీల్దార్‌ షాఖాసీం, ఏడీ సర్వే శ్రీనివాస్‌, ఎంపీడీఓ ధన్‌సింగ్‌, సర్వేయర్‌ ప్రియాంక తదితరులు పాల్గొన్నారు.

పాల్వంచరూరల్‌ : వన్యప్రాణి సంరక్షణకు సిబ్బంది నిరంతరం అప్రమత్తంగా ఉండాలని, అటవీ కలప నరికివేత, రవాణా, వన్యప్రాణి వేటపై నిఘా పెంచాలని జిల్లా అటవీశాఖ అధికారి సిద్దార్థ్‌ విక్రమ్‌ సింగ్‌ ఆదేశించారు. వైల్డ్‌లైఫ్‌ డివిజన్‌ కార్యాలయంలో శుక్రవారం సమీక్షా సమావేశం నిర్వహించారు. వన్యప్రాణి ఆవాసాలు, నీటి వనరులు, సున్నిత ప్రాంతాలు, అక్రమ వేటకు అవకాశం ఉన్న ప్రదేశాలు, అటవీ నేరాల నియంత్రణ, అడవిలో అగ్నిప్రమాదాల నివారణపై సమీక్షించారు. ఈ సందర్భంగా మాట్లాడుతూ సిబ్బంది నిరంతరం గస్తీ నిర్వహించడంతోపాటు అనుమానాస్పద కదలికలు, వేట ఉచ్చులు, విద్యుత్‌ తీగలను గమనించాలన్నారు. కిన్నెరసాని అటవీ ప్రాంతంలో వన్యప్రాణి స్వేచ్ఛాయుత సంచారానికి అనుకూల పరిస్థితులు కల్పించాలనానరు. సమావేశంలో ఎఫ్‌డీఓ బి.బాబు, రేంజర్లు కనకమ్మ, కవిత మాధురి, జ్యోత్స్నదేవి, కిరణ్‌కుమార్‌, కిషన్‌ పాల్గొన్నారు. డీఎఫ్‌ఓ సిద్దార్థ్‌ విక్రమ్‌ సింగ్‌

భద్రాచలంఅర్బన్‌: పట్టపగలు వృద్ధురాలిని మాట లతో ఏమార్చి, కళ్లల్లో కారం కొట్టి, మెడలోని బంగారు గొలుసు లాక్కుని ఉడాయించాడు. ఈ ఘట న పట్టణంలోని కూనవరం రోడ్డులో అన్నపూర్ణ ఫంక్షన్‌ హాల్‌ వద్ద శుక్రవారం జరిగింది. స్థానికుల కథ నం ప్రకారం.. కట్టా రామానుజమ్మ అనే వృద్ధురా లు అక్కడి ఓ చిన్న దుకాణంలో కూర్చుని ఉండగా ముఖానికి కర్చీఫ్‌ కట్టుకుని బైక్‌పై ఓ వ్యక్తి వచ్చాడు. కొద్దిసేపు మాట్లాడి, కంట్లో కారం కొట్టి మెడలో ఉన్న సుమారు రెండు తులాల బంగారు గొలుసు ను లాగాడు. ఆమె గొలుసును గట్టిగా పట్టుకోవడంతో ఒక భాగం చేతిలో ఉండిపోగా, సుమా రు ఏడు గ్రాముల బంగారం ఉన్న మరో భాగం తీసుకుని దుండగుడు బైక్‌పై పరారయ్యాడు. చోరీకి గురైన బంగారం విలువ సుమారు రూ.లక్ష వరకు ఉంటుందని బాధితురాలు తెలిపింది. 100 ద్వారా సమాచారం ఇవ్వగా పోలీసులు సంఘటనా స్థలా న్ని పరిశీలించి, విచారణ చేపట్టారు. బంగారు గొలుసు అపహరించిన దుండగుడు

● ఉపాధి పనులతో శాశ్వత ఆస్తుల సృష్టి ● ఉమ్మడి వరంగల్‌, ఖమ్మం అధికారులతో సమీక్షలో మంత్రి సీతక్కసాక్షిప్రతినిఽధి, వరంగల్‌: గ్రామీణ ప్రాంతాలకు రహదారి అనుసంధానంతోపాటు నీటి భద్రత, ఉపాధి అవకాశాలు, శాశ్వత ఆస్తుల సృష్టికి ప్రభుత్వం ప్రాధాన్యం ఇస్తోందని రాష్ట్ర పంచాయతీరాజ్‌, గ్రామీణాభివృద్ధి శాఖ మంత్రి ధనసరి సీతక్క (అనసూయ) తెలిపారు. ఇందులో భాగంగా ఉమ్మడి వరంగల్‌, ఖమ్మం జిలాల్ల్లో హ్యామ్‌ రోడ్ల పనులను అక్టోబర్‌ 25 నుంచి దశలవారీగా ప్రారంభిస్తామని చెప్పారు. హనుమకొండ కలెక్టరేట్‌లో శుక్రవారం జరిగిన సమావేశంలో ఉమ్మడి వరంగల్‌, ఖమ్మం జిల్లాల అధికారులతో వివిధ పనులపై మంత్రి సమీక్ష నిర్వహించారు. అనంతరం ఏర్పాటు చేసిన సమావేశంలో సీతక్క వివరాలు వెల్లడించారు. వరంగల్‌ నుంచి ఖమ్మం వరకు పనుల కదలిక.. రెండు ఉమ్మడి జిల్లాల్లోని గ్రామీణ ప్రాంతాల్లో పనులను షెడ్యూల్‌ ప్రకారం ప్రారంభించాలని అధికా రులను ఆదేశించినట్లు మంత్రి సీతక్క చెప్పారు. రెండు ఉమ్మడి జిల్లాల పరిధిలో 1,366 కి.మీ. మేర 445 రహదారులను అభివృద్ధి చేసేందుకు రూ. 1,130 కోట్ల వరకు అవసరమని తెలిపారు. రోడ్ల జాబితాలో 90శాతం ఇప్పటికే ఉన్నవి అభివృద్ధి చేయనుండగా.. 10 శాతం కొత్త రహదారులు నిర్మి స్తామన్నారు. ప్రతీ ఆవాసం నుంచి గ్రామానికి, గ్రామం నుంచి మండల కేంద్రానికి రహదారి సౌకర్యం ఉండాలన్నదే ‘హ్యామ్‌’ లక్ష్యమని తెలిపారు. ఈ విధానంలో రోడ్లు నిర్వహణ బాధ్యత 15 ఏళ్లపాటు కాంట్రాక్టర్లకే ఉండేలా ప్రణాళిక రూపొందించినట్లు చెప్పారు. ఆస్తుల సృష్టి, నీటి భద్రత ఉపాధి హామీ(వీబీజీ రామ్‌జీ) పథకాన్ని గ్రామాల్లో శాశ్వత ఆస్తులను సృష్టించేలా మారుస్తున్నట్లు సీతక్క తెలిపారు. జలసిరి కార్యక్రమం కింద ఇంటింటా ఇంకుడు గుంత, ప్రతీ ఊరికి ఊట కుంట, ప్రతీ పంటకు పంట కుంట నిర్మించడమే కాక ఏజెన్సీ గ్రామాల వాగుల వద్ద చెక్‌డ్యామ్‌లు నిర్మిస్తామని చెప్పారు. వర్షపు నీటిని నిల్వ చేయడం, భూగర్భ జలాల పెంపే లక్ష్యంగా గాంధీ జయంతి సందర్భంగా అక్టోబర్‌ 2న గ్రామ సమగ్ర ప్రణాళికలను ఆవిష్కరిస్తామని తెలిపారు. కాగా, ఉమ్మడి వరంగల్‌, ఖమ్మం జిల్లాల్లో ప్రస్తుతం తాగు అవసరాలకు సరిపడా నీరు ఉందని మంత్రి స్పష్టం చేశారు. అయినా వేసవిని దృష్ట్యా బోర్లు, మోటా ర్లు, రిజర్వాయర్లు, పైపులైన్లలో అవసరమైన మరమ్మతులు చేపట్టాలన్నారు. ఈ సమీక్షలో పంచాయతీరాజ్‌ శాఖ స్పెషల్‌ సీఎస్‌ దానకిషోర్‌, కమిషనర్‌ దివ్య దేవరాజన్‌, స్పెషల్‌ కమిషనర్‌ శ్రీలక్ష్మి, అడిషనల్‌ కమిషనర్‌ రవీందర్‌, మిషన్‌ భగీరథ, పీఆర్‌ ఈఎన్‌సీలు కృపాకర్‌రెడ్డి, జగదీశ్వర్‌, రెండు ఉమ్మడి జిలాల్ల అధికారులు పాల్గొన్నారు.

● సొసైటీ పీఠం కోసం బరిలోకి దిగిన రెండు ప్యానెళ్లు ● అక్టోబర్‌ 4న ఎన్నికలు, అదే రోజు ఫలితాలు భద్రాచలం: ఇంతకాలం ఏకగ్రీమవుతున్న జిల్లా రెడ్‌క్రాస్‌ సొసైటీలో ఈసారి ఎన్నికల వేడి రాజుకుంది. చైర్మన్‌ పీఠం, కమిటీ సభ్యత్వం కోసం రెండు వర్గాలు ఎన్నికల బరిలో దిగాయి. గురువారం నామినేషన్‌ గడువు ముగియగా మొత్తం 31 నామినేషన్లు దాఖలయ్యాయి. అక్టోబర్‌ 4న ఎన్నికలు నిర్వహించి, అదే రోజు సాయంత్రం ఫలితాలను ప్రకటించనున్నారు. కుదరని ఏకాభిప్రాయం గతంలో లాగానే చైర్మన్‌ పదవితోపాటు మొత్తం కమిటీని ఏకగ్రీవం చేసేందుకు రెండు రోజులపాటు భద్రాచలంలో పలువురు వైద్యులు, ప్రముఖులు, సంస్థకు సంబంధించిన ముఖ్యులతో చర్చలు జరిపారు. రెండు వర్గాల మధ్య ఏకాభిప్రాయం కుదరకపోవడంతో పోటీ అనివార్యంగా మారింది. ప్రస్తుతం సంస్థలో 2,524 మంది సభ్యులు ఉన్నారు. గతంలో సుమారు 900 మంది సభ్యులు ఉండగా, తాజాగా మరో 1,624 మంది సభ్యత్వం తీసుకున్నట్లు సొసైటీ వర్గాలు తెలిపాయి. మాజీ చైర్మన్‌ డాక్టర్‌ కాంతారావు 15 మందితో కూడిన ప్యానెల్‌తో బరిలోకి దిగారు. మరోవైపు టీఎన్‌జీఓ జిల్లా మాజీ అధ్యక్షుడు చల్లగుళ్ల నాగేశ్వరరావు 14 మంది నూతన అభ్యర్థులతో మరో ప్యానెల్‌గా పోటీ చేస్తున్నారు. మరో ఇద్దరు వ్యక్తిగతంగా నామినేషన్లు దాఖలు చేశారు. తుది జాబితా ప్రకటించాక ప్రచారం, సభ్యులతో సంప్రదింపులు, వ్యూహాలతో ఎన్నికల వేడి మరింత రాజుకోనుంది. ఈ ప్రశ్నలకు బదులేది? రెడ్‌క్రాస్‌ ఎన్నికల నేపథ్యంలో అసలు సంస్థలో ఏముంది? ఆదాయం ఎంత? వ్యయం ఎంత? సేవా కార్యక్రమాల నిర్వహణ ఎలా? సభ్యత్వాల పెంపు వెనుక ఉద్దేశం ఏమిటీ? తదితర ప్రశ్నలు సోషల్‌ మీడియాలో చక్కర్లు కొడుతున్నాయి. రెడ్‌క్రాస్‌ వంటి సేవా సంస్థలో పదవుల కోసం పోటీ పడటానికి సేవా భావమే ప్రధానమా? లేక మరేదైనా ఆర్థిక ప్రయోజనం ఇమిడి ఉందా? అనే చర్చ కూడా సాగుతోంది. కాగా, సంస్థ ఆర్థిక వ్యవహారాలు, ఆదాయ, వ్యయాల వివరాలు వెల్లడియితేనే ఈ ప్రశ్నలకు స్పష్టత వచ్చే అవకాశం ఉంది.

ఠాణాలో ఇరువర్గాల ఘర్షణకొత్తగూడెంఅర్బన్‌: గొడవల నేపథ్యంలో ఫిర్యాదు చేసేందుకు వచ్చిన ఇరువర్గాలు పోలీస్‌ స్టేషన్‌లోనే పరస్పరం దాడులు చేసుకున్నాయి. ఠాణాలో విధులు నిర్వరిస్తున్న సిబ్బందికి ఆటంకం కలిగించాయి. త్రీటౌన్‌ పోలీసు స్టేషన్‌లో డీఎస్పీ ఆదినారాయణ శుక్రవారం వెల్లడించిన వివరాల ప్రకారం.. కొత్తగూడేనికి చెందిన కొరదల కుమార్‌, అతని భార్య వినోదకు సంబంధించిన కుటుంబ వివాదం నేపథ్యంలో ఇరువర్గాలవారు త్రీటౌన్‌కు వచ్చారు. ఈ క్రమంలో మాటామాట పెరిగి పరస్పరం దూషించుకున్నారు. ఒకరిపై మరొకరు దాడులకు పాల్ప డ్డారు. ఇటుకరాయితో దాడిచేయగా దున్నపోతుల రాజు అనే వ్యక్తికి ముక్కుపై గాయమైంది. వెంకటమల్లు అనే మహిళను కొందరు వ్యక్తులు జుట్టు పట్టుకుని, చేతులతో కొట్టారు. పరస్పరం ఫిర్యాదులు చేసుకోవడంతో ఇరువర్గాలవారిపై పోలీసులు కేసులు నమోదు చేశారు. ఘర్షణను అదుపు చేసే క్రమంలో విధులు నిర్వహిస్తున్న పోలీసు అధికారులను సైతం ఇరువర్గాల వారు నెట్టివేశారు. విధులకు ఆటంకం కలిగించారు. కాగా, పోలీసులు పలువురిని అరెస్ట్‌ చేసి, రిమాండ్‌కు తరలించారు. పోలీస్‌స్టేషన్‌ ప్రాంగణంలో శాంతిభద్రతలకు విఘాతం కలిగించడం, విధుల్లో ఉన్న పోలీసు సిబ్బందికి ఆటంకం కలిగించడం వంటి చర్యలను తీవ్రంగా పరిగణిస్తామని డీఎస్పీ హెచ్చరించారు.

భద్రాచలం: భద్రాచల రామాలయంలో శుక్రవారం స్వామివారి నిత్యకల్యాణం వైభవోపేతంగా జరిగింది. నిత్యకల్యాణానికి మిథిలా స్టేడియంలోని రామ సేవా మండపంలో స్వామివారి నిత్యకల్యాణ మూర్తులను కొలువుదీర్చారు. ఆ తర్వాత విశ్వక్సేన పూజ, పుణ్యావాచనం గావించారు. స్వామివారికి కంకణధారణ, యజ్ఞోపవీత ధారణ, అమ్మవారికి కంకణధారణ, యోక్త్రధారణ గావించి నిత్యకల్యాణ ఘట్టాన్ని శాస్త్రోక్తంగా జరిపారు.పెద్దమ్మతల్లికి పంచామృతాభిషేకంపాల్వంచరూరల్‌: పెద్దమ్మతల్లి అమ్మవారికి వైభవంగా పంచామృతాభిషేక పూజలు నిర్వహించారు. మండలంలోని శ్రీకనకదుర్గ (పెద్దమ్మతల్లి) ఆలయంలో శుక్రవారం అర్చకులు అమ్మవారి జన్మస్థలం వద్ద పంచామృతం, పసుపు, కుంకుమ, గాజులు, హారతి సమర్పించారు. అనంతరం ఆలయంలోని మూలవిరాట్‌కు పంచామృతంతో అభిషేక పూజలు, పంచహారతులు, నివేదన, నీరాజనం, మంత్రపుష్పం పూజలతోపాటు కుంకుమ పూజ, గణపతిహోమం నిర్వహించారు. నేడు చండీహోమంపౌర్ణమిని పురస్కరించుకుని పెద్దమ్మతల్లి ఆలయంలో శనివారం చండీహోమం నిర్వహించనున్నట్లు ఈఓ విజయ్‌కుమార్‌ శుక్రవారం ఒక ప్రకటనలో తెలిపారు. వివరాలకు 63034 08458లో సంప్రదించాలని కోరారు. గోదావరిలో పెరుగుతున్న ప్రవాహంభద్రాచలంఅర్బన్‌: ఎగువ ప్రాంతాల్లో కురుస్తున్న భారీ వర్షాలతో భద్రాచలం వద్ద గోదావరిలో వరద ప్రవాహం పెరుగుతోంది. గురువారం అర్ధరాత్రి నుంచి ఉధృతి పెరుగుతుండగా, రాత్రి 12 గంటలకు 17.40 అడుగులుగా నీటిమట్టం నమోదైంది. శుక్రవారం ఉదయం 6 గంటలకు 17.80 అడుగులకు చేరగా, మధ్యాహ్నం 12 గంటలకు 19.30 అడుగులుగా నమోదైంది. సాయంత్రం 4 గంటలకు 20.10 అడుగులకు చేరుకుంది. గోదావరి ఎగువ ప్రాంతాలతోపాటు ఛత్తీస్‌గఢ్‌లో వర్షాలు కురుస్తుండటంతో నీటిమట్టం మరింత పెరిగే అవకాశం ఉందని నీటిపారుదల శాఖ అధికారులు అంచనా వేస్తున్నారు.

సూపర్‌బజార్‌(కొత్తగూడెం)/భద్రాచలంఅర్బన్‌: జిల్లాకు నూతనంగా అదనపు ఐదు జూనియర్‌ సివిల్‌ జడ్జి కమ్‌ అదనపు జ్యుడీషియల్‌ మెజిస్ట్రేట్‌ ఆఫ్‌ ఫస్ట్‌ క్లాస్‌ కోర్టులు మంజూరయ్యాయి. కొత్తగూడెం జిల్లా కోర్టులో మూడు, భద్రాచలం, మణుగూరుకు ఒక్కొక్కటి మంజూరయ్యాయి. రాష్ట్రవ్యాప్తంగా 200 కొత్త కోర్టులను మంజూరు చేస్తూ న్యాయశాఖ ఈ నెల 24న జీఓ నంబర్‌ 59 జారీ చేసింది. అందులో జిల్లాకు ఐదు కేటాయించారు. భద్రాచలంలో ఇప్పటికే రెండు కోర్టులు ఉండగా, తాజాగా మూడో కోర్టు మంజూరైంది. కొత్తగూడెం జిల్లా కోర్టుకు మంజూరైన మూడింటిలో ఒకటి పాల్వంచలో ఏర్పాటు చేయాలని న్యాయవాదులు, ప్రజలు కోరుతున్నారు. నూతనంగా మంజూరైన కోర్టులకు త్వరితగతిన సదుపాయాలు కల్పించాలని, జిల్లాకు ఐదు కోర్టులు మంజూరు కావడం హర్షణీయమని కొత్తగూడెం బార్‌ అసోసియేషన్‌ ప్రధాన కార్యదర్శి గడిపెల్లి మహేష్‌ పేర్కొన్నారు. శుక్రవారం భద్రాచలం కోర్టు ప్రాంగణంలో న్యాయవాదులు స్వీట్లు పంచుకుని సంబరాలు చేసుకున్నారు. కొత్త కోర్టు మంజూరుకు సహకరించిన హైకోర్టు న్యాయమూర్తులు జస్టిస్‌ భీమపాక నగేష్‌, జస్టిస్‌ కాజా శరత్‌కు బార్‌ అసోసియేషన్‌ ప్రత్యేకంగా కృతజ్ఞతలు తెలిపింది. అధ్యక్షుడు కొడాలి శ్రీనివాస్‌, ప్రధాన కార్యదర్శి పూసాల శ్రీనివాసాచారి, జాయింట్‌ సెక్రటరీ తాతా లలిత, మాజీ అధ్యక్షుడు టి.చైతన్య, న్యాయవాదులు రావి రామ్మోహన్‌, వైఎస్సార్‌ శర్మ, అవులూరి సత్యనారాయణ, తిరుమలరావు, కె.అరుణశ్రీ, ఎంవీ రమ తదితరులు హర్షం వ్యక్తం చేశారు. కొత్తగూడెంలో మూడు, మణుగూరు, భద్రాచలంలలో ఒక్కోటి

రాయపర్తి: హైదరాబాద్‌లో గణేష్‌ నిమజ్జన బందోబస్తుకు వెళ్లగా బైక్‌ ఢీకొట్టడంతో మృతి చెందిన ఎస్సై కునుసోతు వెంకన్న(57) అంత్యక్రియలు గురువారం అధికార లాంఛనాలతో నిర్వహించారు. కొత్తగూడెం టూ టౌన్‌ ఎస్సైగా విధులు నిర్వర్తిస్తున్న వెంకన్న బుధవారం మృతి చెందిన విషయం విదితమే. ఆయన మృతదేహాన్ని స్వగ్రామమైన వరంగల్‌ జిల్లా రాయపర్తి మండలం కిష్టాపురం తీసుకెళ్లగా, పోలీసు లాంఛనాలతో అంత్యక్రియలు నిర్వహించారు. ఎస్సై వెంకన్నకు భార్య హచ్చమ్మ, ఓ కుమార్తె, కుమారుడు ఉన్నారు. ఎస్సై కుటుంబానికి అండగా ప్రభుత్వం : సీఎం సాక్షి, హైదరాబాద్‌/సూపర్‌బజార్‌(కొత్తగూడెం): గణేష్‌ నిమజ్జనం బందోబస్తు విధుల్లో ఉన్న కొత్తగూడెం టూ టౌన్‌ ఎస్‌ఐ కె.వెంకన్న వాహనం ఢీకొన్న ఘటనలో గాయపడి మృతి చెందడం బాధాకరమని ముఖ్యమంత్రి ఏరేవంత్‌రెడ్డి పేర్కొన్నారు. ఆయన కుటుంబానికి ప్రభుత్వం అన్ని విధాలుగా అండగా నిలబడుతుందని సీఎం హామీ ఇచ్చారు. ప్రమాదానికి కారణమైన నిందితుడిపై చట్టపరంగా కఠిన చర్యలు తీసుకోవాలని పోలీసు అధికారులను సీఎం ఆదేశించారు. కాగా, ఎస్సై వెంకన్న మృతిపై కొత్తగూడెం ఎమ్మెల్యే కూనంనేని సాంబశివరావు, ఎస్పీ రోహిత్‌రాజ్‌, సీపీఐ జిల్లా కార్యదర్శి సాబీర్‌పాషా సంతాపం తెలిపారు.

● ఇప్పటికే గోదావరి ఒడికి సుమారు 800 విగ్రహాలు.. ● నేడు భారీగా తరలిరానున్న గణపతి ప్రతిమలు భద్రాచలంటౌన్‌: భద్రాచలం వద్ద గోదావరిలో వినాయక నిమజ్జనం కొనసాగుతోంది. జోరు వర్షంలోనూ భక్తులు పలు ప్రాంతాల నుంచి గణపతి ప్రతిమలను తీసుకొస్తున్నారు. అధికారులు క్రేన్లు, లాంచీల సాయంతో నది మధ్యలో నిమజ్జనం చేస్తున్నారు. గురువారం ఒక్కరోజే 100కు పైగా విగ్రహాలను, ఇప్పటివరకు సుమారు 800 విగ్రహాలు నిమజ్జనం చేసినట్లు అధికారులు తెలిపారు. భారీ వర్షాలతో నిమజ్జన ఘాట్‌ బురదమయంగా మారింది. దీంతో భక్తులు ఇబ్బందులు కలగకుండా పంచాయతీ సిబ్బంది ఇసుక, రాతి మొరం పోసి చదును చేశారు. శుక్రవారం 11వ రోజు కావడంతో విగ్రహాలు అధిక సంఖ్యలో తరలివచ్చే అవకాశం ఉందని అధికారులు తెలిపారు. మరోవైపు గోదావరి వరద ఉధృతి పెరుగుతున్న నేపథ్యంలో అధికారులు అప్రమత్తమయ్యారు. పోలీసులు, ఎస్‌డీఆర్‌ఎఫ్‌ సిబ్బంది, గజ ఈతగాళ్లను అందుబాటులో ఉంచారు. పటిష్ట భద్రతా ఏర్పాట్లు చేస్తున్నట్లు ఎస్పీ రోహిత్‌రాజు, సబ్‌ కలెక్టర్‌ మృణాల్‌ శ్రేష్ఠ తెలిపారు. గురువారం వారు నిమజ్జన ప్రాంతాన్ని పరిశీలించి అధికారులకు పలు సూచనలు చేశారు. భక్తుల రాకపోకలు, విగ్రహాల తరలింపు, ట్రాఫిక్‌ నిర్వహణలో శాఖల మధ్య సమన్వయం ఉండాలని ఆదేశించారు. నిమజ్జన నేపథ్యంలో శుక్రవారం ట్రాఫిక్‌ మళ్లించనున్నారు. భద్రాచలం బ్రిడ్జి–యూబీ సెంటర్‌–బస్టాండ్‌–అంబేద్కర్‌ సెంటర్‌–కూనవరం రోడ్‌–డిగ్రీ కళాశాల–కరకట్ట– నిమజ్జన పాయింట్‌ మార్గంలో ట్రాఫిక్‌ను క్రమబద్ధీకరించనున్నారు. పాయింట్‌ వద్దకు వచ్చే వాహనాల్లో ఇద్దరికి మించి వ్యక్తులను అనుమతించొద్దని ఎస్పీ సూచించారు. పాయింట్‌ వద్ద టపాసులు కాల్చకుండా ఆంక్షలు విధించారు. భక్తులు, శోభాయాత్ర నిర్వాహకులు పోలీసుల సూచనలు పాటించాలని సూచించారు. డీఎస్పీ అరుణ్‌కుమార్‌, ఇతర అధికారులు పాల్గొన్నారు.

పాల్వంచ/మణుగూరు టౌన్‌: కేటీపీఎస్‌, బీటీపీఎస్‌ ప్లాంట్ల వద్ద గురువారం ఉద్రిక్తత నెలకొంది. ప్లాంట్ల సందర్శనకు వచ్చిన బీఆర్‌ఎస్‌ నాయకులను అడ్డుకోవడంతో ఈ పరిస్థితి ఏర్పడింది. లోపలకు అనుమతించకపోవడంతో గులాబీ నాయకులు నిరసన తెలిపారు. పోలీసులను నెట్టుకుంటూ లోపలకు చొచ్చుకెళ్లే ప్రయత్నం చేశారు. కాంగ్రెస్‌ ప్రభుత్వం విద్యుత్‌ వ్యవస్థను భ్రష్టుపట్టిస్తోందని, పాలకులు పర్సంటేజీల కోసం కుంభకోణాలకు పా ల్పడుతున్నారని బీఆర్‌ఎస్‌ నాయకులు ఆరోపించారు. పాల్వంచలో కేటీపీఎస్‌ 7వ దశ సందర్శనకు వచ్చిన బీఆర్‌ఎస్‌ ప్రజా ప్రతినిధులు, నాయకులను పోలీసులు అడ్డుకోవడంతో ఉద్రిక్తతకు దారి తీసింది. తీవ్ర తోపులాట జరిగింది. బీఆర్‌ఎస్‌ పార్లమెంటరీ నేత, ఎంపీ వద్దిరాజు రవిచంద్ర, మాజీ ఎమ్మెల్యేలు వనమా వెంకటేశ్వరరావు, మెచ్చా నాగేశ్వరరావు, జిల్లా గ్రంథాలయ సంస్థ మాజీ చైర్మన్‌ దిండిగాల రాజేందర్‌, పలువురు కార్పొరేటర్లు, నాయకులు ప్లాంట్‌ వద్దకు వస్తుండగా కేటీపీఎస్‌ అంబేద్కర్‌ సెంటర్‌లోనే నిలిపివేశారు. దీంతో బీఆర్‌ఎస్‌ నాయకులు పోలీసులను కొంతదూరం నెట్టుకుంటూ వెళ్లారు. తోపులాటలో 7వ డివిజన్‌ కార్పొరేటర్‌ సింధుతపస్వీ కింద పడగా, చేతికి గాయమైంది. రవిచంద్ర, వనమా, మెచ్చాలను మాత్రమే ప్లాంట్‌లోకి అనుమతించగా వారు చీఫ్‌ ఇంజనీర్‌ శివరామ్‌ రెడ్డితో సమావేశమై మాట్లాడారు. బొగ్గు నిల్వలను పరిశీలించారు. నాయకులందరినీ అనుమతి ఇవ్వకపోవడంతో అక్కడే బైఠాయించి ధర్నా నిర్వహించారు. మీడియా ప్రతినిధులను కూడా అంబేద్కర్‌ సెంటర్‌ వద్దే నిలిపివేయడంతో వారుకూడా నిరసన తెలిపారు. బీటీపీఎస్‌ ప్లాంట్‌ను సందర్శించేందుకు మాజీ మంత్రి పువ్వాడ అజయ్‌కుమార్‌, మాజీ ఎమ్మెల్యే రేగా కాంతారావు నాయకులతో కలిసి రాగా పోలీసులు అడ్డుకున్నారు. ముగ్గురినే లోపలికి అనుమతిస్తామని అధికారులు చెప్పడంతో బీఆర్‌ఎస్‌ నాయకులు గేటు వద్ద బైఠాయించి ధర్నా నిర్వహించారు. పాల్వంచ, మణుగూరు డీఎస్పీలు సతీష్‌కుమార్‌, రవీంద్రరెడ్డి ఆధ్వర్యంలో బందోబస్తు చేపట్టారు. ఎంపీ వద్దిరాజు రవిచంద్ర ఆందోళన అనంతరం ఎంపీ వద్దిరాజు రవిచంద్ర విలేకరులతో మాట్లాడుతూ బొగ్గు సరఫరాలో కాంగ్రెస్‌ ప్రభుత్వం భారీ స్కాంకు పాల్పడిందని ఆరోపించారు. నాణ్యత లేని బొగ్గు సరఫరా చేస్తుండటంతో విద్యుత్‌ ఉత్పత్తి సగానికి సగం పడిపోయిందని అన్నారు. అపారమైన బొగ్గు నిల్వలు ఉన్నా పక్క రాష్ట్రాల బొగ్గును వినియోగిస్తున్నారని విమర్శించారు. సీతామహాలక్ష్మి, రాజు గౌడ్‌, పూసల విశ్వనాధం, అన్వర్‌ పాషా, కార్పొరేటర్లు మధుచంద్‌, రాంబాబు, నాయకులు మల్లెల రవిచంద్ర, వీరన్న, అనుదీప్‌, నవతన్‌ తదితరులు పాల్గొన్నారు. సింగరేణి బకాయి తక్షణమే చెల్లించాలి మాజీ మంత్రి పువ్వాడ అజయ్‌ విద్యుత్‌ సంస్థల నుంచి సింగరేణి బకాయి రూ. 52 వేల కోట్లను చెల్లించాలని మాజీ మంత్రి పువ్వాడ అజయ్‌ డిమాండ్‌ చేశారు. ఆందోళన సందర్భంగా ఆయన మాట్లాడుతూ థర్మల్‌ పవర్‌ ప్లాంట్‌లకు సక్రమంగా బొగ్గు సరఫరా చేయాలన్నారు రాష్ట్రంలోని అన్ని థర్మల్‌ విద్యుత్‌ ప్లాంట్లలో సామర్థ్యం మేరకు విద్యుత్‌ ఉత్పత్తి చేయడం లేదని, బీటీపీఎస్‌లోనే రెండు యూనిట్లు పనిచేయడం లేదని ఆరోపించారు. బీఆర్‌ఎస్‌ ప్రభుత్వ హయాంలో రైతులకు, పరిశ్రమలకు నాణ్యమైన విద్యుత్‌ అందించామని చెప్పారు. కాంగ్రెస్‌ ప్రభుత్వం రైతులకు కనీసం 8 గంటల విద్యుత్‌ కూడా అందించలేకపోతోందని విమర్శించారు. నాయకులు నాగభూషణం, రామకృష్ణ, రాంప్రసాద్‌, కుర్రి నాగేశ్వరరావు, సతీష్‌రెడ్డి, కోడి అమరేందర్‌, పోశం నర్సింహారావు, శ్రీలత, గుమ్మడి గాంధీ, దాట్ల వాసుబాబు, లక్ష్మణ్‌, రాంబాబు, అప్పారావు తదితరులు పాల్గొన్నారు.

సూపర్‌బజార్‌(కొత్తగూడెం): ప్రాధాన్యతా రంగాలకు రుణాల మంజూరు వేగవంతం చేయాలని డీఆర్‌ఓ పద్మావతి ఆదేశించారు. 2026–27 ఆర్థిక సంవత్సరానికి సంబంధించిన మొదటి త్రైమాసిక జిల్లా సంప్రదింపుల కమిటీ (డీసీసీ), జిల్లా స్థాయి సమీక్ష కమిటీ (డీఎల్‌ఆర్‌సీ) సమావేశం గురువారం కలెక్టరేట్‌లో నిర్వహించారు. లీడ్‌ బ్యాంక్‌ మేనేజర్‌ రామిరెడ్డి, రిజర్వ్‌ బ్యాంక్‌ ఆఫ్‌ ఇండియా ఏజీఎం చిరంజీవి, తెలంగాణ గ్రామీణ బ్యాంక్‌ రీజినల్‌ మేనేజర్‌ నాగరాజు, వివిధ బ్యాంకుల అధికారులు పాల్గొన్నారు. ప్రాధాన్యతా రంగాల రుణాల లక్ష్యాలపై సమీక్ష నిర్వహించారు. ఈ సందర్భంగా డీఆర్వో మాట్లాడుతూ 2026 జూన్‌ 30వ తేదీ నాటికి జిల్లాలో రూ.5,702.78 కోట్ల వార్షిక లక్ష్యానికి రూ 1,578.08 కోట్లు మంజూరు చేశామని, 27.67 శాతం నమోదైందని తెలిపారు. వ్యవసాయ రంగానికి రూ.4,591.84 కోట్ల లక్ష్యానికి రూ.1,148.87 కోట్లు (25.01 శాతం) మంజూరు చేసినట్లు వెల్లడించారు. ఎంఎస్‌ఎంఈ రంగంలో రూ.888.98 కోట్ల లక్ష్యానికి రూ 403.1 కోట్లు (45.34 శాతం), విద్యా రుణాలు రూ 21.4 కోట్ల లక్ష్యానికి రూ.3.44కోట్లు (16.07 శాతం), గృహ రుణాలు రూ.35 కోట్ల లక్ష్యానికి రూ.5.08 కోట్లు (14.51 శాతం) మంజూరు చేసినట్లు వివరించారు. పీఏం సూర్య ఘర్‌ పథకంలో రూ.7.06 కోట్ల లక్ష్యానికి 6.76 కోట్ల(95.75 శాతం) రుణాలు ఇచ్చినట్టు తెలిపారు. ఇతర విభాగాల్లో రూ.153.5 కోట్ల లక్ష్యానికి రూ 10.82 కోట్లు మంజూరు చేసి 7.05 శాతం నమోదు చేసినట్లు పేర్కొన్నారు. జిల్లాలో మూడు పోస్టాఫీస్‌లు వేరే పోస్టాఫీస్‌లలో విలీనం అవుతున్నాయని తెలిపారు. స్ట్రీట్‌ వెండర్లకు రుణం రూ.10 వేల నుంచి రూ. 15 వేలకు పెంచామన్నారు. ఈ సమావేశంలో అడిషనల్‌ డీఆర్‌డీఏ నీలేష్‌, జిల్లా వ్యవసాయ శాఖ అధికారి బాబూరావు, పశుసంవర్ధక శాఖ అధికారి మల్లయ్య తదితరులు పాల్గొన్నారు. డీఆర్‌ఓ పద్మావతి

భద్రాచలంఅర్బన్‌: ఆటోలో బంగారు ఉంగరాలు, నగదు కనిపించాయి.. ఎవరూ చూడలేదు కదా అని తన వద్దే ఉంచుకోలేదు. నేరుగా పోలీస్‌స్టేషన్‌కు వెళ్లి అప్పగించి నిజాయితీ చాటుకున్నారు భద్రాచలం సీతారాంనగర్‌ కాలనీకి చెందిన చుంచుపల్లి కాత్యాయనీ. ఏఎస్‌ఆర్‌ కాలనీకి చెందిన నవ్య గురువారం ముత్తూట్‌లో తాకట్టు పెట్టిన బంగారాన్ని విడిపించుకుని ఆటోలో ఇంటికి బయలుదేరారు. ఇంటి వద్ద దిగే హడావుడిలో రెండు బంగారు ఉంగరాలు, రూ.23,340ల నగదును ఆటోలోనే మరిచిపోయారు. ఆ తర్వాత అదే ఆటో ఎక్కిన కాత్యాయనీ వాటిని గుర్తించి వెంటనే టౌన్‌ పోలీస్‌స్టేషన్‌లో అప్పగించారు. ఆరా తీసిన పోలీసులు నవ్యకు సమాచారం అందించి సీఐ నాగరాజు, టౌన్‌ ఎస్సై రామకృష్ణ ఆధ్వర్యాన రెండు బంగారు ఉంగరాలు, రూ.23 వేల నగదు అందజేశారు. ఈమేరకు కాత్యాయనీని ఎస్‌ఐతో పాటు పలువురు అభినందించారు.

పాల్వంచరూరల్‌/అశ్వారావుపేటరూరల్‌/చర్ల: వర్షాలకు ప్రాజెక్ట్‌ల్లోకి వరద నీరు వచ్చి చేరుతోంది. కిన్నెరసానిలోకి 2 వేల క్యూసెక్కుల ఇన్‌ఫ్లో ఉండగా, 407 అడుగుల నీటినిల్వ సామర్థ్యం కలిగిన జలాశయం నీటిమట్టం గురువారం 405.60అడుగులకు పెరిగింది. చర్ల మండలంలోని తాలిపేరు ప్రాజెక్ట్‌లోకి వరద ఉధృతి కొనసాగుతోంది. 13 గేట్లను రెండు అడుగుల మేర ఎత్తి ఉంచి 17,732 క్యూసెక్కుల వరదనీటిని దిగువకు విడుదల చేస్తున్నారు. ఎఫ్‌ఆర్‌ఎల్‌ 74 మీటర్లు కాగా 73.39 మీటర్ల వద్ద క్రమబద్ధీకరిస్తున్నారు. అశ్వారావుపేట మండలంలోని గుమ్మడవల్లి వద్దగల పెదవాగు ప్రాజెక్ట్‌కూ వరదనీరు పోటెత్తుతోంది. ప్రాజెక్టు నుంచి భారీగా వరదనీరు బయటకు వెళ్లడంతో ఏపీలోని ఏలూరు జిల్లా వేలేరుపాడు మండలంలోని లోతట్టు ప్రాంతాలు ముంపునకు గురవుతున్నాయి. ఊట్లపల్లి సమీపంలోని వెంకమ్మ చెరువు జలకళ సంతరించుకుంది. దాదాపు రెండు వేల ఎకరాల్లో రెండు పంటలకు సాగునీరు అందించే ఈ చెరువు గత 15 ఏళ్ల కాలంలో తొలిసారి పూర్తిగా ఎండిపోయింది. తాజాగా వరద చేరుతుండటంతో రైతులు హర్షం వ్యక్తం చేస్తున్నారు.

ఎమ్మెల్యే జారె ఆదినారాయణ ములకలపల్లి: రాజుపేట శివారులోని పాములేరు వాగుపై కూలిన వంతెన స్థానంలో నూతన వంతెన తక్షణమే నిర్మిస్తామని ఎమ్మెల్యే జారె ఆదినారాయణ తెలిపారు. పాల్వంచ–మందలపల్లి ఆర్‌అండ్‌బీ రోడ్డులో కూలిన బ్రిడ్జిని గురువారం పరిశీలించారు. ఈ సందర్భంగా ఆయన మాట్లాడుతూ భారీ వర్షాలతో వచ్చిన వరద ఉధృతికి పిల్లర్లు కుంగి, వంతెన కూలిపోయిందన్నారు. ఆ బ్రిడ్జిని పూర్తిగా తొలగించి, హైలెవల్‌ బ్రిడ్జి నిర్మిస్తామని తెలిపారు. అనంతరం ఆర్‌అండ్‌బీ ఎస్‌ఈ లాల్‌సింగ్‌ వంతెనను పరిశీలించి మాట్లాడారు. బ్రిడ్జి నిర్మాణానికి ప్రతిపాదనలు సిద్ధం చేస్తున్నట్లు తెలిపారు. వాహనాల రద్దీకి అనుగుణంగా నూతన వంతెన ఎత్తు పెంచుతామన్నారు. పాల్వంచ నుంచి వచ్చే భారీ, అతిభారీ వాహనాలు కొత్తగూడెం, వీఎం బంజర, సత్తుపల్లి మీదుగా మందలపల్లికి వెళ్లాలని తెలిపారు. మందలపల్లి నుంచి వచ్చే భారీ, అతిభారీ వాహనాలు అశ్వారావుపేట, వినాయకపురం, కుక్కునూరు, బూర్గంపాడు మీదుగా పాల్వంచ వెళ్లాలని సూచించారు. బైక్‌లు, ఆటోలు, కార్లు, చిన్నవాహనాలు పాల్వంచ నుంచి ములకలపల్లి సాయిబాబా గుడి, జీపీ ఆఫీస్‌ రోడ్డు, గొల్లగూడెం మీదుగా కంపగూడెం క్రాస్‌రోడ్డు నుంచి రాకపోకలు సాగించాలని తెలిపారు. కాగా, ఘటనపై రాష్ట్ర మంత్రి తుమ్మల నాగేశ్వరరావు ఆర్‌అండ్‌బీ ఈఈ శంకర్‌రావుతో ఫోన్లో మాట్లాడి, వివరాలు ఆరా తీశారు. కొత్త వంతెన నిధుల మంజూరుకు కృషి చేస్తానని తెలిపారు. ఈ కార్యక్రమాల్లో ఈఈ శంకర్‌రావు, డీఈలు విశ్వనాథ్‌, ప్రకాష్‌, తహసీల్దార్‌ స్వాతిబిందు, ఎంపీడీఓ సత్యనారాయణ, ట్రాన్స్‌ కో ఏఈ నరేష్‌, నాయకులు నరాటి ప్రసాద్‌, పైడి వెంకటేశ్వరరావు, బత్తుల అంజి, కారం సుధీర్‌, కొయ్యల అచ్యుతరావు, పుష్పాల చందర్‌రావు, బండి కొమరయ్య, శగనపాటి సీతారాములు తదితరులు ఉన్నారు. గంజాయి కేసులో నిందితుడి ఆస్తుల జప్తు రూ.21.15 లక్షల విలువైన ఆస్తులు, బ్యాంకు ఖాతా సీజ్‌ పినపాక: గంజాయి అక్రమ రవాణా కేసులో నిందితుడి ఆస్తులను జప్తు చేసినట్లు ఏడూళ్ల బయ్యారం సీఐ వెంకటేశ్వరరావు గురువారం తెలిపారు. 2025 ఆగస్టు 28న నమోదైన కేసులో నిందితుడు పల్లపు రఘు గంజాయి అక్రమ రవాణా ద్వారా ఆస్తులు కూడబెట్టినట్లు దర్యాప్తులో గుర్తించారు. ఇందులో భాగంగా అతని పేరుతో ఉన్న రెండు కార్లు, ఒక మోటార్‌ సైకిల్‌, భార్యకు సంబంధించిన బ్యాంకు ఖాతాను న్యాయస్థానం ఉత్తర్వుల మేరకు జప్తు చేసినట్లు తెలిపారు. వీటి మొత్తం విలువ సుమారు రూ.21,15,907గా పేర్కొన్నారు. గంజాయి అక్రమ రవాణాకు పాల్పడే వారిపై కఠిన చర్యలు తీసుకోవడంతో పాటు నేరాల ద్వారా సంపాదించిన ఆస్తులను గుర్తించి జప్తు చేస్తామని సీఐ తెలిపారు. కాగా, దర్యాప్తు చేపట్టిన సీఐ వెంకటేశ్వరరావు, ఎస్‌ఐ సురేష్‌, సిబ్బందిని జిల్లా ఎస్పీ రోహిత్‌ రాజు ఐపీఎస్‌ అభినందించారు.

● నేలవాలిన పంటచేలు ● ఇళ్లపై విరిగిపడిన చెట్లు, విద్యుత్‌ స్తంభాలు ● క్షేత్రస్థాయిలో పరిశీలించిన అధికార యంత్రాంగం బూర్గంపాడు: ఐదు నిమిషాల గాలీ, వాన అతలాకుతలం చేసింది. వందల ఎకరాల పంటచేలను నేలమట్టం చేశాయి. విరిగిపడిన చెట్లు, విద్యుత్‌ స్తంభాలతో గ్రామాల్లో విధ్వంసం సృష్టించాయి. తిరగబడిన ఇళ్ల పైకప్పులు, తెగిన విద్యుత్‌ కేబుల్‌ లైన్లతో భయానక పరిస్థితులు నెలకొన్నాయి. బుధవారం సాయంత్రం మోరంపల్లిబంజర, వేపలగడ్డ, కొమ్ము నకిరిపేట గ్రామాల్లో సుడిగాలి తీవ్రతకు భారీగా నష్టం వాటిల్లింది. నేలవాలిన పంటచేలు, చెట్లు, విద్యుత్‌ స్తంభాలు.. గాలి దుమారానికి మోరంపల్లిబంజర, వేపలగడ్డ, కొమ్ము నకిరిపేట గ్రామాల్లోని పత్తి, వరి చేలు నేలవాలాయి. 15 రోజుల్లో పత్తి చేతికందనుండగా.. పొట్ట దశలో ఉన్న వరి మాగాణులు కూడా నేలవాలాయి. సుమారు ఐదువందల ఎకరాలలో పంటనష్టం జరిగినట్లు రైతులు చెబుతున్నారు. అలాగే పలుచోట్ల చెట్లు, విద్యుత్‌ ఇళ్లపై పడటంతో ఇంట్లోని సామగ్రి, రేకులు ధ్వంసమై నష్టం వాటిల్లింది. ఇళ్ల పైకప్పులు లేచిపోగా.. తోపుడు బండ్లు, బడ్డీ కొట్లు, ఆటోలు, టూవీలర్స్‌ తిరగబడ్డాయి. అధికారుల క్షేత్రస్థాయి పరిశీలన.. సుడిగాలి తీవ్రతకు జరిగిన నష్టాన్ని గురువారం అధికార యంత్రాంగం క్షేత్రస్థాయిలో పరిశీలించింది. వ్యవసాయశాఖ అధికారులు పంటచేలను పరిశీలించి నష్టం అంచనాలపై నివేదికలు తయారు చేశారు. రెవెన్యూ, పంచాయతీ అధికారులు గ్రామాలలో జరిగిన నష్టాన్ని నమోదు చేసుకున్నారు. విద్యుత్‌శాఖ అధికారులు విద్యుత్‌ పునరుద్ధరణకు తక్షణ చర్యలు చేపట్టారు. అధికారులతో పాటుగా స్థానిక ప్రజాప్రతినిధులు, రాజకీయ పార్టీల నాయకులు గ్రామాల్లో పర్యటించి బాధితులకు భరోసా కల్పించి హామీలిచ్చారు.

పాల్వంచరూరల్‌: మండల పరిధిలోని దంతలబోరు ఎస్సీకాలనీని బుధవారం రాత్రి గాలీవాన విధ్వంసం సృష్టించింది. 10 విద్యుత్‌ పోల్స్‌ విరిగిపడగా, చెట్లు విరిగిపడి పది ఇళ్లు ధ్వంసమయ్యాయి. దీంతో గ్రామంతో పాటు బండ్రుగొండ, గొళ్లగూడెం, దంతలబోరు, సంగం గ్రామాలకు విద్యుత్‌ సరఫరా నిలిచిపోయింది. విద్యుత్‌ ఏఈ రవీందర్‌ గురువారం సిబ్బందితో కలిసి కొత్త పోల్స్‌, వైర్లను అమర్చి విద్యుత్‌ను పునరుద్ధరించారు. అలాగే ఎంపీడీఓ పి.రాజారావు దంతలబోరు ఎస్సీకాలనీ గ్రామాన్ని సందర్శించి జరిగిన నష్టాన్ని సంబంధిత శాఖల అధికారుల ద్వారా వివరాలను నమోదు చేయించారు. ఈక్రమాన బాధిత కుటుంబాలను పలు పార్టీల నాయకులు పరామర్శించి న్యాయం జరిగేలా పోరాటం చేస్తామన్నారు.

పాల్వంచరూరల్‌: పెద్దమ్మతల్లి అమ్మవారికి వైభవంగా సువర్ణ పుష్పార్చన పూజలు నిర్వహించారు. మండలంలోని శ్రీకనక దుర్గ(పెద్దమ్మతల్లి) ఆలయంలో గురువారం అర్చకులు అమ్మవారికి 108 సువర్ణపుష్పాలతో అర్చన, హారతి, మంత్రపుష్పం, నివేదన తదితర పూజలు జరిపారు. అర్చకులు పద్మనాభశర్మ, రవికుమార్‌ శర్మ పాల్గొన్నారు.గిరిజన గురుకులాల్లో ప్రవేశాలకు స్పాట్‌ కౌన్సెలింగ్‌ భద్రాచలంటౌన్‌: ఐటీడీఏ పరిధిలోని గిరిజన సంక్షేమ గురుకుల పాఠశాలల్లో 5నుంచి 9వ తరగతి వరకు, జూనియర్‌ కాలేజీల్లో ఇంటర్‌ ప్రథమ సంవత్సరంలో ఖాళీ సీట్ల భర్తీకి ఈనెల 26న స్పాట్‌ కౌన్సెలింగ్‌ నిర్వహించనున్నట్లు ఐటీడీఏ పీఓ బి.రాహుల్‌ తెలిపారు. అర్హత కలిగిన గిరిజన విద్యార్థినీ, విద్యార్థులు ఉదయం 10గంటలకు ప్రవేశం కోరుకునే పాఠశాల, కళాశాలలో ఒరిజినల్‌ సర్టిఫికెట్లు, కుల ధ్రువీకరణ పత్రం, రెండు పాస్‌పోర్ట్‌ సైజు ఫొటోలు, రెండు సెట్ల జిరాక్స్‌లతో హాజరుకావాలని సూచించారు. బాలురకు దమ్మపేట, కిన్నెరసాని, గుండాల, సింగరేణి, తిరుమలాయపాలెం, కృష్ణసాగర్‌ గురుకులాల్లో, బాలికలకు భద్రాచలం, సుదిమళ్ల, మణుగూరు, కొత్తగూడెం, వైరా, అంకంపాలెం, అన్నపురెడ్డిపల్లి కళాశాలల్లో సీట్లు అందుబాటులో ఉన్నాయని తెలిపారు. రెడ్‌క్రాస్‌ ఎన్నికలకు 31 నామినేషన్లుసూపర్‌బజార్‌(కొత్తగూడెం)/భద్రాచలం/చుంచుపల్లి: రెడ్‌క్రాస్‌ సొసైటీ జిల్లా శాఖ ఎన్నికల ప్రక్రియ కొనసాగుతోంది. నామినేషన్ల గడువు గురువారంతో ముగియగా మొత్తం 31 మంది నామినేషన్లు దాఖలు చేశారు. ఎన్నికల అధికారి పర్యవేక్షణలో నామినేషన్ల స్వీకరణ ప్రక్రియ ప్రశాంతంగా, పారదర్శకంగా సాగింది. తదుపరి నామినేషన్ల పరిశీలన, చెల్లుబాటు అయ్యే అభ్యర్థుల తుది జాబితా ప్రకటన తదితర ప్రక్రియలు నిర్ణీత షెడ్యూల్‌ ప్రకారం జరగనున్నాయి. వచ్చే నెల 4న ఎన్నికలు నిర్వహించనున్నారు ఈ మేరకు ఎన్నికల అధికారి, సీపీఓ జె.సునీత వివరాలు వెల్లడించారు. ప్రభుత్వ ఆస్పత్రుల భద్రతపై ఆడిట్‌భద్రాచలంఅర్బన్‌: రాష్ట్రంలోని అన్ని ప్రభుత్వ ఆస్పత్రుల్లో నెల రోజుల్లో ఫైర్‌, ఎలక్ట్రికల్‌, స్ట్రక్చరల్‌ ఆడిట్లు పూర్తి చేస్తామని వైద్య, ఆరోగ్యశాఖ మంత్రి దామోదర్‌ రాజనర్సింహ ప్రకటించారు. దీంతో భద్రాచలం ఏరియా ఆస్పత్రిలోనూ ఫైర్‌, ఎలక్ట్రికల్‌, భవన భద్రతా ఏర్పాట్లను పరిశీలించనున్నారు. ఇటీవల ‘సాక్షి’ పరిశీలనలో ఇక్కడి ఎస్‌ఎన్‌సీయూలో స్మోక్‌ డిటెక్టర్లు, ఆటోమేటిక్‌ స్ప్రింక్లర్లు, ఫైర్‌ పైప్‌లైన్‌ లేనట్లు వెల్లడైంది. మాన్యువల్‌ అలారం, ఫైర్‌ ఎగ్జిట్‌, నాలుగు అగ్నిమాపక పరికరాలు అందుబాటులో ఉండగా, ఫైర్‌ ఎన్‌ఓసీ ప్రక్రియ కొనసాగుతోంది. కాగా, జిల్లా స్థాయిలో కలెక్టర్‌ చైర్మన్‌గా మల్టీ డిపార్ట్‌మెంటల్‌ కమిటీల ఏర్పాటు చేయనున్నట్లు మంత్రి తెలిపారు. మెడికల్‌ పీజీ సీట్లపై ఆశలుభద్రాచలంఅర్బన్‌: భద్రాచలం ఏరియా ఆస్పత్రిలో జనరల్‌ సర్జరీ, గైనకాలజీ, పీడియాట్రిక్స్‌ విభాగాల్లో నాలుగు చొప్పున 12 పీజీ సీట్ల మంజూరుపై ఆస్పత్రి అధికారులు ఆశాభావం వ్యక్తంచేస్తున్నారు. ఇప్పటికే జనరల్‌ సర్జరీ, గైనకాలజీ విభాగాల్లో ఎన్‌ఎంసీ బృందం తనిఖీలు పూర్తవగా, తాజాగా పీడియాట్రిక్స్‌ విభాగంలో గురువారం తనిఖీలు చేపట్టింది. చైన్నెలోని ప్రభుత్వ కిల్‌పాక్‌ మెడికల్‌ కాలేజీ పీడియాట్రిక్స్‌ ప్రొఫెసర్‌ డాక్టర్‌ ఎజిలరసు రామలింగం ఆస్పత్రిని సందర్శించి వైద్యసేవలు, సిబ్బంది, బోధనా వసతులు, పరికరాలు, రికార్డులను పరిశీలించారు. మూడు విభాగాల్లో తనిఖీలు పూర్తికావడంతో ఎన్‌ఎంసీ నిర్ణయం కీలకం కానుంది. సూపరింటెండెంట్‌ రాజశేఖరరెడ్డి, పిల్లల వైద్యులు విజయరావు, క్రాపా విజయ్‌ పాల్గొన్నారు. సింగరేణిలో క్రీడా పోటీలు రుద్రంపూర్‌: సింగరేణి కొత్తగూడెం ఏరియాలో గురువారం రీజియన్‌ స్థాయి బాడీ బిల్డింగ్‌ , వెయిట్‌ లిఫ్టింగ్‌, పవర్‌ లిఫ్టింగ్‌ పోటీలు నిర్వహించారు. కొత్తగూడెం, కార్పొరేట్‌, సత్తుపల్లి ఏరియా కార్మికులు పాల్గొనగా, ప్రకాశం స్టేడియంలో ప్రారంభించారు. ఏరియా పర్సనల్‌ మేనేజర్‌ ఎల్‌. తిరుపతి, ఇతర డీవైపీఎం జి.హరీష్‌, సూపర్‌వైజర్‌ పాసినెట్‌, ఏఐటీయూసీ నాయకులు కే.రాములు, సముద్రాల సుదాకర్‌, సకినాల సమ్మయ్య పాల్గొన్నారు.

● లాటరీ పద్ధతిలో లబ్ధిదారుల ఎంపిక ● ఎమ్మెల్యే కూనంనేని సాంబశివరావు పాల్వంచరూరల్‌: అర్హులందరికీ డబుల్‌ బెడ్రూం ఇళ్లు ఇవ్వాలని ఉంది.. కానీ అక్కడ నిర్మించిన ఇళ్ల కంటే ఎక్కువ దరఖాస్తులు రావడంతో లాటరీ పద్ధతిన పారదర్శంకగా కేటాయిస్తున్నట్లు ఎమ్మెల్యే కూనంనేని సాంబశివరావు అన్నారు. గురువారం పాల్వంచ మున్సిపాలిటీ పరిధిలోని నవభారత్‌ ఏరియాలో నిర్మించిన డబుల్‌ బెడ్రూం ఇళ్ల లబ్ధిదారుల ఎంపికను మండల పరిధిలోని పెద్దమ్మగుడి దేవాలయానికి చెందిన ఫంక్షన్‌హాల్‌లో తహసీల్దార్‌ దారా ప్రసాద్‌ ఆధ్వర్యాన లాటరీ పద్ధతిలో చేపట్టారు. ఈ సందర్భంగా ఎమ్మెల్యే మాట్లాడుతూ.. 360 డబుల్‌ బెడ్రూం ఇళ్లకు గాను 4,061 దరఖాస్తులు రాగా ఇందులో అర్హులైనవారు 1,254 మాత్రమే ఉన్నారని, వారికి మాత్రమే లాటరీ పద్ధతిలో ఇళ్లను కేటాయించినట్లు తెలిపారు. తక్కువ ఇళ్లకు ఎక్కువ మంది లబ్ధిదారులు ఉండటంతో ప్రభుత్వ ఆదేశానుసారం చిన్నపిల్లలతో లాటరీ తీయించినట్లు తెలిపారు. అనంతరం కలెక్టర్‌ అంకిత్‌ మాట్లాడుతూ.. ఇల్ల ఎంపికలో ఎలాంటి అవకతవకలు, పైరవీలకు అవకాశం లేకుండా డ్రా పద్ధతిలో 360 మంది లబ్ధిదారులను ఎంపిక చేశామన్నారు. ఇందులో ఎస్సీలకు 61, ఎస్టీలకు 22, మైనార్టీలకు 43, దివ్యాంగులకు 18 ఇళ్లు కేటాయించామని, మిగిలినవి కూడా లాటరీ ద్వారా ఎంపిక చేస్తామన్నారు. ఆతర్వాత లబ్ధిదారులకు ఇంటి హక్కు పత్రాలు అందించారు. ఈ కార్యక్రమంలో ఆర్డీఓ మధు, కొత్తగూడెం కార్పొరేషన్‌ మేయర్‌ గణేష్‌, డిఫ్యూటీ మేయర్‌ లలితకుమారి, కమిషనర్‌ సుజాత, డీసీసీ కార్పొరేటర్లు, డీసీఎంఎస్‌ మాజీ చైర్మన్‌ కొత్వాల శ్రీనివాసరావు, డీసీసీ అధ్యక్షురాలు తోట దేవి ప్రసన్న, సీపీఐ జిల్లా కార్యదర్శి ఎస్‌కె.సాబీర్‌పాషా, కాంగ్రెస్‌ నాయకులు పాల్గొన్నారు. లబ్ధిదారుల ఎంపికలో వాగ్వాదం డ్రా పద్ధతిలో జరిగిన లబ్ధిదారుల ఎంపికలో బీసీలపై వివక్షత చూపుతున్నారని, ఈ ఎంపికలు నిలిపివేయాలని బీజేపీ జిల్లా అధ్యక్షుడు బైరెడ్డి ప్రభాకర్‌రెడ్డి వేదికపై ఎమ్మెల్యే కూనంనేని సాంబశివరావును డిమాండ్‌ చేశారు. దీంతో ప్రభుత్వ ఆదేశాల మేరకు ఇస్తున్నట్లు ఎమ్మెల్యే తెలపడంతో వారిద్దరి మధ్య వాగ్వాదం నెలకొంది. దీంతో పోలీసులు రంగప్రవేశం చేసి బైరెడ్డితో పాటు బీజేపీ నాయకులను బయటకు పంపించారు. ఈక్రమాన బీజేపీకి చెందిన మహిళా నాయకురాలు వీడియో తీయగా సీపీఐ జిల్లా కార్యదర్శి ఎస్‌కె.సాబిర్‌పాషా గమనించి ఆ వీడియోను డిలీట్‌ చేశారు. అనంతరం బైరెడ్డి ప్రభాకర్‌రెడ్డితో సహా మొత్తం 15మందిని పోలీసులు అదుపులోకి తీసుకుని పట్టణ పోలీస్‌స్టేషన్‌కు తరలించారు. 50 శాతం ఉన్న బీసీలకూ ఇళ్లు ఇవ్వాలి లాటరీ ద్వారా ఇళ్లు ఇస్తామని చెప్పి ఎమ్మెల్యే సాంబశివరావు రిజర్వేషన్‌ అమలు విధానం తీసుకురావడంతో బీజేపీ జిల్లా అధ్యక్షుడు బైరెడ్డి ప్రభాకర్‌రెడ్డి అభ్యంతరం వ్యక్తం చేశారు. గురువారం ఆయన విలేకరులతో మాట్లాడుతూ.. ఎస్సీ, ఎస్టీలకు ఇవ్వడంలో అభ్యంతరం లేదు కానీ ఓటు బ్యాంక్‌ రాజకీయాలు కోసం 50శాతం ఉన్న బీసీలకు కేటాయించకుండా 12శాతం ఉన్న ముస్లింలకు 42 ఇళ్లు ఇవ్వడం సరికాదన్నారు. గత ప్రభుత్వం ఇచ్చిన 2016 జీఓను తీసుకొచ్చి అమలు చేయడం సరికాదన్నారు. కొత్తగూడెంలో మిగిలిన 214 ఇళ్ల కేటాయింపు సూపర్‌బజార్‌(కొత్తగూడెం): అర్హులందరికీ దశలవారీగా డబుల్‌ బెడ్రూం ఇళ్లు అందేలా ప్రభుత్వ దృష్టికి తీసుకెళ్లి కృషి చేస్తామని కొత్తగూడెం ఎమ్మెల్యే కూనంనేని సాంబశివరావు తెలిపారు. కొత్తగూడెం మండలంలో మిగిలి ఉన్న 214 డబుల్‌ బెడ్రూం ఇళ్ల ఎంపిక కోసం గురువారం కొత్తగూడెం క్లబ్‌లో ఏర్పాటు చేసిన లక్కీ డ్రా కార్యక్రమంలో ఆయన మాట్లాడారు. కొత్తగూడెం మండలంలో మొత్తం 756 డబుల్‌ బెడ్రూం ఇళ్లు ఉండగా, ఇప్పటికే 542 ఇళ్లకు లబ్ధిదారుల ఎంపిక పూర్తయినట్లు తెలిపారు. ఇందులో ఎస్సీలకు 17 శాతంతో 36 ఇళ్లు, ఎస్టీలకు 6 శాతంతో 13 ఇళ్లు, బీసీ–ఓసీ కేటగిరీలకు 65 శాతంతో 139 ఇళ్లు, మైనారిటీలకు 12 శాతంతో 26 ఇళ్లు కేటాయించారు. ఇందులో 203 ఇళ్లు సాధారణ కేటగిరీకి, 11 ఇళ్లు దివ్యాంగుల కేటగిరీకి ఇచ్చారు. ప్రస్తుత దశలో మొత్తం 2,547 మంది అర్హులు ఉండగా.. వీరిలో ఎస్సీ కేటగిరీలో 741 మంది, ఎస్టీ కేటగిరీలో 161 మంది, బీసీ–ఓసీ కేటగిరీలో 1,253 మంది, మైనారిటీ కేటగిరీలో 392 మంది ఉన్నారన్నారు. ప్రస్తుతం 214 ఇళ్లకు అర్హులైన వారి సంఖ్య 2,500కు పైగా ఉండటంతో లక్కీ డ్రా ద్వారా ఎంపిక చేస్తున్నామని తెలిపారు. కలెక్టర్‌ అంకిత్‌ మాట్లాడుతూ లబ్ధిదారుల ఎంపిక ప్రక్రియలో వంద శాతం పారదర్శకత పాటిస్తున్నామని తెలిపారు. ఈ కార్యక్రమంలో కొత్తగూడెం కార్పొరేషన్‌ మేయర్‌ మూడ్‌ గణేష్‌, డిప్యూటీ మేయర్‌ సిరిపురపు లలిత కుమారి, గ్రంథాలయ చైర్మన్‌ పసుపులేటి వీరబాబు, డీసీఎంఎస్‌ మాజీ చైర్మన్‌ కొత్వాల శ్రీనివాస్‌, కొత్తగూడెం సహకార సంఘం అధ్యక్షుడు మండే వీరహనుమంతరావు, మున్సిపల్‌ కమిషనర్‌ సుజాత, తహసీల్దార్లు పుల్లయ్య, కృష్ణ ప్రసాద్‌ పాల్గొన్నారు.

రుద్రంపూర్‌/మణుగూరు టౌన్‌/సత్తుపల్లి రూరల్‌: రుద్రంపూర్‌: రెండు రోజులు కురుస్తున్న వర్షాలతో సింగరేణి కొత్తగూడెం రీజియన్‌లో 22 వేల టన్నుల బొగ్గు ఉత్పత్తికి అంతరాయం ఏర్పడింది. కొత్తగూడెం, సత్తుపల్లి, మణుగూరు, ఇల్లెందు ఏరియాల్లోని గనుల్లో నీరు నిలవడంతో ఈ పరిస్థితి ఎదురైంది. ఇక సింగరేణి వ్యాప్తంగా 12 ఏరియాల్లో వ58 వేల టన్నుల బొగ్గు ఉత్పత్తి నిలిచిపోయింది. అలాగే, సింగరేణి వ్యాప్తంగా 18 ఓసీల్లో రోజుకు 13లక్షల క్యూబిక్‌ మీటర్ల ఓవర్‌ బర్డెన్‌(ఓబీ) తీయాల్సి ఉండగా, 3 లక్షల క్యూబిక్‌ మీటర్లకే పరిమితమైంది. కాగా, వర్షం కారణంగా ఓసీల్లోని క్వారీల్లో నిలిచిన నీటిని అధికారులు ప్లాన్‌టూన్‌ పంపుల ద్వారా బయటకు తోడేస్తున్నారు. డిజిటల్‌ క్రాప్‌ సర్వేను వేగవంతం చేయాలి బూర్గంపాడు: క్షేత్రస్థాయి పరిశీలనతో డిజిటల్‌ క్రాప్‌ సర్వేను త్వరితగతిన పూర్తి చేయాలని జిల్లా వ్యవసాయశాఖ అధికారి బాబూరావు సూచించారు. బూర్గంపాడు మండలంలోని మోరంపల్లిబంజర గ్రామంలో జరుగుతున్న డిజిటల్‌ క్రాప్‌ సర్వేను గురువారం పరిశీలించిన సందర్భంగా ఆయన మాట్లాడారు. ఈ సర్వేలో నమోదైన వివరాల ఆధారంగానే పంటల అమ్మకాలు, ప్రభుత్వ పథకాలకు అవకాశాలుంటాయన్నారు. ఏఈఓలు తమ పరిధిలో సర్వే ప్రక్రియను వేగవంతం చేయాలని, అందుకు రైతులు సహకరించాలన్నారు. ఈ కార్యక్రమంలో మండల వ్యవసాయ అధికారి శంకర్‌, ఏఈఓలు వైష్ణవి, పవన్‌, శృతి రైతులు పాల్గొన్నారు. తహసీల్దార్‌, ఆదివాసీల మధ్య వాగ్వాదం.. దుమ్ముగూడెం: మండలంలోని చెరుపల్లి గ్రామంలో రెవెన్యూ అధికారులతో ఆదివాసీలు వాగ్వాదానికి దిగిన సంఘటన ఇది. చెరుపల్లి వై జంక్షన్‌లో అనుమతులు లేకుండా భారీ షాపింగ్‌ కాంప్లెక్స్‌ నిర్మిస్తున్నారని గ్రామస్తులు గత రెండు రోజుల క్రితం తహసీల్దార్‌ అశోక్‌కుమార్‌కు ఫిర్యాదు చేశారు. ఈ నేపథ్యాన గురువారం విచారణకు వచ్చిన తహసీల్దార్‌తో గిరిజనులు వాగ్వాదానికి దిగారు. షెడ్యూల్‌ ప్రాంతంలో 1/70, పీసా చట్టానికి వ్యతిరేకంగా షాపుల నిర్మాణం ఆపాలని అధికారులకు ఫిర్యాదు చేసిన ఎవరూ పట్టించుకోవడం లేదని గిరిజనులు ఆరోపిస్తున్నారు. పంచాయతీ నుంచి నిర్మాణం చేపట్టొద్దని నోటీసులు ఇచ్చినా అక్రమంగా రాత్రి పూట మట్టి తోలాకాలు చేస్తున్నారని, తక్షణమే నిర్మాణాలను ఆపాలని డిమాండ్‌ చేశారు. ఈ కార్యక్రమంలో తెల్లం రామకృష్ణ, కొత్తపల్లి సర్పంచ్‌ కొర్సా దుర్గామ్మ, కోయనర్సాపురం సర్పంచ్‌ కొర్సా అర్జున్‌, మాజీ ఉపసర్పంచ్‌ రామచంద్రయ్య తదితరులు పాల్గొన్నారు. కేయూ పరిధిలో నేటి పరీక్షలు వాయిదా కేయూ క్యాంపస్‌: కాకతీయ యూనివర్సిటీ పరిధిలోని ఉమ్మడి వరంగల్‌, ఖమ్మం, ఆదిలాబాద్‌ జిల్లాల్లో శుక్రవారం జరగాల్సిన దూరవిద్య డిగ్రీ, పీజీ, రెగ్యులర్‌ లా తదితర పరీక్షలు వాయిదా వేసినట్లు పరీక్షల నియంత్రణాధికారి కె.రాజేందర్‌ తెలిపారు. భారీ వర్షాల హెచ్చరికల నేపథ్యాన గురువారం కూడా పరీక్షలు వాయిదా వేశామని పేర్కొన్నారు. మిగిలిన పరీక్షలు టైంటేబుల్‌ ప్రకారం యథావిధిగా జరుగుతాయని, 24, 25 తేదీల పరీక్షలు మళ్లీ ఎప్పుడు నిర్వహించేది తర్వాత ప్రకటిస్తామని తెలిపారు.

సూపర్‌బజార్‌(కొత్తగూడెం)/పాల్వంచరూరల్‌: జిల్లాలో అల్పపీడన ప్రభావంతో కురుస్తున్న వర్షాలు వర్షాకాలం పంటల సాగుకు ప్రాణం పోశాయి. అధికారిక గణాంకాల ప్రకారం బుధవారం ఉదయం 8.30 గంటల నుంచి గురువారం ఉదయం 8.30 గంటల వరకు జిల్లాలో సరాసరి వర్షపాతం 43.5 మి.మీగా నమోదైంది. అధికంగా అశ్వారావుపేటలో 78.4 మి.మీ వర్షపాతం నమోదు కాగా పినపాకలో అల్పంగా 12 మి.మీ వర్షపాతం నమోదైంది. జిల్లాలో ఇప్పటివరకు ఏడు మండలాల్లో సాధారణ వర్షపాతం నమోదు కాగా మిగిలిన 16 మండలాలు ఇంకా లోటు వర్షపాతం జాబితాలోనే ఉన్నాయి. అయితే గతంతో పోలిస్తే మెరుగైన స్థితికి చేరుకున్నాయి. అశ్వాపురం, ఇల్లెందు, టేకులపల్లి, జూలూరుపాడు, చండ్రుగొండ, కొత్తగూడెం, పాల్వంచ మండలాల్లో సాధారణ వర్షపాతం నమోదైంది. కరకగూడెం, పినపాక, చర్ల, దుమ్ముగూడెం, మణుగూరు, ఆళ్లపల్లి, గుండాల, అన్నపురెడ్డిపల్లి, చుంచుపల్లి, సుజాతనగర్‌, లక్ష్మీదేవిపల్లి, బూర్గంపాడు, భద్రాచలం, ములకలపల్లి, దమ్మపేట, అశ్వారావుపేట మండలాలు ఇంకా లోటు వర్షపాతంలోనే ఉన్నాయి. కాగా, జూన్‌ 1వ తేదీ నుంచి ఇప్పటివరకు జిల్లా సరాసరి 950.3 మి.మీ వర్షపాతం నమోదు కావాల్సి ఉంది. కానీ వర్షాభావ పరిస్థితుల కారణంగా సరాసరి 726.1 మి.మీ మాత్రమే నమోదైంది. ఇంకా 23.6 శాతం లోటు ఉంది. చెరువుల్లోకి చేరుతున్న వరద జిల్లాలో రెండు, మూడు రోజులుగా కురుస్తున్న వర్షాలకు చెరువులు, కుంటల్లోకి వరద నీరు చేరుతోంది. పలు చెరువులు, చెక్‌ డ్యామ్‌లు జలకళ సంతరించుకున్నాయి. కొత్తగూడెం ఇరిగేషన్‌ సర్కిల్‌లో మొత్తం 2,813 చెరువులు ఉన్నాయి. ఇందులో జిల్లాతోపాటు ములుగు జిల్లాలో కలిసిన వెంకటాపురం, వాజేడు మండలాలు కూడా ఉన్నాయి. ప్రస్తుతం 180 చెరువులు నిండి అలుగు పోస్తున్నాయి. 409 చెరువులు 25 శాతం మేర నిండాయి. 530 చెరువులు 25నుంచి 50 శాతం, 869 చెరువులు 50నుంచి75 శాతం వరకు, 795 చెరువులు 75శాతం నుంచి 100 శాతం నిండాయి. పాల్వంచ మండలంలోని కిన్నెరసాని, ములకలపల్లి మండలంలోని మూకమామిడి ప్రాజెక్టు, చర్ల వద్ద తాలిపేరు నిండుకుండను తలపిస్తున్నాయి. జోగారావు చెరువు, మందెరకలపాడు వద్ద రాళ్లవాగు పిక్‌డ్యామ్‌ అలుగుపోస్తున్నాయి. కిన్నెరసాని నదిపై సోములగూడెం, సూరారం వద్ద ఉన్న చెక్‌ డ్యామ్‌లు పొంగి పొర్లుతున్నాయి. చెరువులు నిండక ముందే పంటలు సాగు చేసిన రైతులు నీళ్లు సరిపోవని కలత చెందుతున్న తరుణంలో రెండు రోజులుగా కురుస్తున్న వర్షాలు ఊరటనిస్తున్నాయి. చెరువులు, కుంటలు నిండా వరద నీరు చేరడంతో రైతులు హర్షం వ్యక్తంచేస్తున్నారు. ఇటీవల కురుస్తున్న వర్షాలకు అధిక శాతం చెరువులు, కుంటలు ప్రాజెక్టుల్లో వరద నీరుచేరి నిండాయి. పంటలకు నీళ్లు సరిపడా వచ్చాయి. భారీ వర్షాలకు చెరువులు, కుంటలు పూర్తిస్థాయిలో నిండాయి. –శ్రీనివాసరెడ్డి, జిల్లా జలవనరులశాఖ సీఈజిల్లాలో రెండు రోజులుగా జోరు వర్షం మండలం వర్షపాతం కరకగూడెం 26.8 పినపాక 12.0 చర్ల 30.2 దుమ్ముగూడెం 35.2 అశ్వాపురం 27.8 మణుగూరు 32.4 ఆళ్లపల్లి 34.2 గుండాల 15.8 ఇల్లెందు 48.2 టేకులపల్లి 33.8 జూలూరుపాడు 67.8 చండ్రుగొండ 58.0 మండలం వర్షపాతం అన్నపురెడ్డిపల్లి 32.4 చుంచుపల్లి 35.0 సుజాతనగర్‌ 58.0 కొత్తగూడెం 48.6 లక్ష్మీదేవిపల్లి 33.2 పాల్వంచ 54.4 బూర్గంపాడు 43.2 భద్రాచలం 51.2 ములకలపల్లి 67.0 దమ్మపేట 77.0 అశ్వారావుపేట 78.4 సరాసరి 43.5

జూలూరుపాడు(సుజాతనగర్‌): ప్రజలకు మెరుగైన వైద్యసేవలు అందించేలా కృషి చేస్తున్నట్లు డీఎంహెచ్‌ఓ డాక్టర్‌ తుకారాం రాథోడ్‌ అన్నారు. గురువారం సుజాతనగర్‌ ప్రభుత్వ ప్రాథమిక ఆరోగ్య కేంద్రాన్ని ఆయన ఆకస్మికంగా తనిఖీ చేశారు. ఈ సందర్భంగా ఆస్పత్రిలో వైద్యసేవలు, మందుల నిల్వలు, రికార్డుల నిర్వాహణ, ప్రజలకు అందుతున్న ఆరోగ్యసేవలను పరిశీలించారు. వైద్యసిబ్బందికి పలు సూచనలు చేయడంతో పాటు ఈడీడీ క్యాలెండర్‌ను క్రమంతప్పకుండా నిర్వహించాలని ఆయన ఆదేశించారు. ఏఆర్‌వీ, ఏవీ, యాంటీ రేబీస్‌ వ్యాక్సిన్‌ అందుబాటులో ఉంచాలని ఫార్మసిస్ట్‌కు సూచించారు. ఓఆర్‌ఎస్‌, జింక్‌ మాత్రలు నిల్వ ఉండేలా చూడాలన్నారు. కుటుంబ నియంత్రణ కార్నర్‌ను అవసరమైన సమాచారంతో నిర్వహించాలన్నారు. ఈ కార్యక్రమంలో పీఓ–సీహెచ్‌ఐ డాక్టర్‌ బి.ప్రతాప్‌, డీసీఎంఓ మోహన్‌, సీహెచ్‌ఓ నాగభూషణం, వైద్యసిబ్బంది పాల్గొన్నారు. డీఎంహెచ్‌ఓ డాక్టర్‌ తుకారాం రాథోడ్‌

భద్రాచలంటౌన్‌: భద్రాచలంలోని కూనవరం రోడ్డు ఇసుక రీచ్‌ సమీపాన ద్విచక్ర వాహనంపై తరలిస్తున్న 3.5 కిలోల ఎండు గంజాయిని ఎకై ్సజ్‌ ఎన్‌ఫోర్స్‌మెంట్‌ అధికారులు బుధవారం స్వాధీనం చేసుకున్నారు. నల్లగొండ జిల్లా చిట్యాలకు చెందిన మస్క్‌ మున్నా, జున్జు శ్రీనివాస్‌ ఏపీలోని మారేడుమిల్లి నుంచి ఘట్‌కేసర్‌కు బైక్‌పై గంజాయి తరలిస్తుండగా పట్టుబడ్డారు. వీరి నుంచి గంజాయితో పాటు బైక్‌, రెండు సెల్‌ఫోన్లు స్వాధీనం చేసుకున్నారు. తనిఖీల్లో ఎన్‌ఫోర్స్‌మెంట్‌ సీఐ నరేందర్‌రెడ్డి, ఎస్‌ఐ శ్రీహరివరావు పాల్గొనగా, తదుపరి విచారణ కోసం నిందితులను భద్రాచలం ఎకై ్సజ్‌ స్టేషన్‌లో అప్పగించారు.

భద్రాచలంటౌన్‌: భద్రాచలంలోని పవిత్ర గోదావరి నదీతీరంలో వినాయక నిమజ్జనానికి సర్వం సిద్ధమైంది. ఈ మేరకు నిమజ్జనాన్ని గురు, శుక్రవారాల్లో రెండు రోజుల పాటు నిర్వహించేందుకు అధికారులు ఏర్పాట్లు పూర్తి చేశారు. జిల్లాతోపాటు తెలంగాణ, ఆంధ్రప్రదేశ్‌లోని పలు ప్రాంతాల నుంచి సుమారు మూడు వేల విగ్రహాలు నిమజ్జనానికి వస్తాయని అధికారులు అంచనా వేస్తున్నారు. భారీ విగ్రహాల నిమజ్జనానికి రెండు క్రేన్లను, ఏపీ నుంచి రెండు లాంచీలను సిద్ధం చేశారు. సహాయక సిబ్బంది, 15 మంది గజ ఈతగాళ్లను నియమించారు. కరకట్ట, నిమజ్జన ప్రాంతంలో ఫ్లడ్‌లైట్లు ఏర్పాటు చేసి, నిరంతర విద్యుత్‌ సరఫరా కోసం జనరేటర్లను సిద్ధంగా ఉంచారు. భక్తుల కోసం వైద్య శిబిరాలు, తాగునీటి సదుపాయాలను ఏర్పాటు చేశారు. నిమజ్జన మార్గాల్లో ప్రత్యేక పారిశుద్ధ్య చర్యలు చేపట్టారు. రోడ్ల వెంట శుభ్రత పనులు నిర్వహించడంతోపాటు బ్లీచింగ్‌ చల్లిస్తున్నారు. రెండు చోట్ల పార్కింగ్‌... నిమజ్జనానికి వచ్చే భక్తుల వాహనాల కోసం పట్టణంలో మూడు చోట్ల పార్కింగ్‌ సదుపాయం కల్పించారు. రామాలయం సమీపంలో, ఫారెస్ట్‌ చెక్‌పోస్ట్‌ వద్ద, వ్యవసాయ మార్కెట్‌ యార్డ్‌లో వాహనాలను నిలిపేలా ఏర్పాట్లు చేశారు. జూనియర్‌ కళాశాల నుంచి సీఆర్‌పీఎఫ్‌ క్యాంపు వరకు యూటర్న్‌ల వద్ద బారికేడ్లు ఏర్పాటు చేసి ట్రాఫిక్‌ ఇబ్బందులు తలెత్తకుండా చర్యలు చేపట్టారు. రూట్‌ మ్యాప్‌ లేక ఇబ్బందులు.. నిమజ్జనానికి విగ్రహాలను తీసుకొచ్చే నిర్వాహకులు పోలీస్‌ ఔట్‌ పోస్ట్‌ వద్ద వివరాలు నమోదు చేసుకుని టోకెన్‌ తీసుకోవాలని, సూచించిన రూట్‌ మ్యాప్‌ ప్రకారమే నిమజ్జన ప్రాంతానికి చేరుకోవాలని అధికారులు తెలిపారు. భద్రాచలానికి ఇప్పటికే సుమారు 300లకు పైగా విగ్రహాలు నిమజ్జనానికి వచ్చాయి. ఎక్కడా రూట్‌ మ్యాప్‌కు సంబంధించిన గుర్తులను ఏర్పాటు చేయకపోవడంతో భక్తులు విగ్రహాలను తీసుకెళ్లేందుకు తీవ్ర ఇబ్బందులు పడుతున్నారు. పోలీసుల ఆంక్షలు .. నిమజ్జన ప్రదేశంలో డీజేలు, బాణాసంచా వినియోగాన్ని నిషేధించారు. కరకట్టపైకి వాహనాలను తీసుకురావొద్దని, బ్రిడ్జిపై నుంచి నిమజ్జనం నిర్వహించేందుకు అనుమతి లేదన్నారు. విగ్రహాన్ని తీసుకొచ్చే వాహనంతో ఇద్దరికి మాత్రమే అనుమతి ఉంటుందన్నారు. గోదావరిలో వరద నీరు అధికంగా ఉన్నందున నిమజ్జనానికి వచ్చే భక్తులు, ఉత్సవ కమిటీ సభ్యులు పోలీసుల సూచనలు, నిబంధనలు తప్పనిసరిగా పాటించాలన్నారు. భద్రాద్రి ప్రాంతంలోని వైన్స్‌షాపులను గురువారం మూసివేయాలని ఎక్సైజ్‌ శాఖ అధికారులు ఉత్తర్వులు జారీ చేశారు. నిమజ్జనం సందర్భంగా సుమారు 200 మంది పోలీసులతో బందోబస్తు ఏర్పాటు చేశాం. జిల్లా ఉన్నతాధికారుల సూచనలతో నిమజ్జన కార్యక్రమాలను నిరంతరం పర్యవేక్షిస్తున్నాం. ఎలాంటి అవాంఛనీయ ఘటనలు చోటు చేసుకోకుండా ముందస్తు చర్యలు చేపట్టాం. నిమజ్జనానికి వచ్చే భక్తులు పోలీసులకు సహకరించాలి – అరుణ్‌కుమార్‌, డీఎస్పీ, భద్రాచలం

● కాలు జారడంతో వెలుగుచూసిన మోసం ● వ్యాపారులు పదిలం.. పేదల బంగారంపై ఆందోళన అశ్వారావుపేట: ‘మాయల ఫకీరు ప్రాణం చెట్టు తొర్రలో’ అన్నట్లుగా బంగారు తాకట్టు గుట్టును మామిడి చెట్టు బయటపెట్టింది. అశ్వారావుపేటకు చెందిన యువకుడు సుబ్బు పలువురి నుంచి బంగారం సేకరించి అవసరమైన నగదుకు మించి ఒకరి పేరుతో ఇంకొకరి ఆభరణాలు తాకట్టు పెట్టడం, ఆ వివరాల రశీదులన్నీ తన వద్దే ఉంచుకుంటాడని సమాచారం. అయితే, ఇన్నాళ్లు విషయం బయటకు రాకున్నా ఓ మామిడి చెట్టు ఈ గుట్టును బయటపెట్టడంతో బాధితుల్లో ఆందోళన మొదలైంది. ఇందుకు సంబంధించి వివరాలిలా ఉన్నాయి. కాయ కోస్తుండగా ప్రమాదం అశ్వారావుపేటకు చెందిన సుబ్బుకు అనారోగ్యం కారణంగా ప్రతిరోజు నిద్రించే ముందు ఇంటి వెనకాల పునాస మామిడి కాయ తినడం అలవాటని తెలిసింది. పది రోజుల క్రితం కాయ కోసే క్రమంలో ఆయన చెట్టు పైనుంచి జారి పడగా గాయాలు కావడంతో ఖమ్మం ఆస్పత్రిలో చేర్పించారు. ఈక్రమాన ఫోన్‌ స్విచాఫ్‌ చేయడంతో అశ్వారావుపేటలోని వ్యాపారులకు తెలిసింది. దీంతో పలువురి బంగారాన్ని సుబ్బు తమ వద్ద బంగారాన్ని మారుపేర్లతో తాకట్టు పెట్టిన విషయం బయటపెట్టారు. అయితే, పత్రాలన్నీ సుబ్బు వద్దే ఉండడంతో ఎవరి బంగారం ఇంకెవరి పేరిట తాకట్టు పెట్టాడో తెలియక జనాల్లో ఆందోళన మొదలైంది. ఇదే సమయాన నలుగురు వ్యాపారులు, ఫైనాన్స్‌ వ్యాపారి, వడ్డీ వ్యాపారులు ఆభరణాలను విడిపించేసుకున్నారని తెలిసింది. ఇందులో కొందరు యజమానికి అవసరమైన దాని కంటే 2 – 3 రెట్లు అప్పు తీసుకుని ఆ డబ్బుతో వ్యాపారాలు చేసేవారని సమాచారం. ఇంకొందరు సబ్బు ద్వారా ఇంకొందరి పేర్లతో తాకట్టు పెట్టించి, సుబ్బుతో పాటు బ్యాంకుల సిబ్బందికి వాటాలు ఇచ్చేవారన్న ప్రచారం జరుగుతోంది. మళ్లీ వ్యాపారమే.. గత శుక్రవారం నుంచి పలు మలుపులు తిరుగుతున్న వ్యవహారంలో సుబ్బు వద్ద వందలాది తాకట్టు స్లిప్పులు బయటపడ్డాయి. ఎవరి బంగారం ఎవరి పేరుతో తాకట్టు పెట్టాడో వెల్లడించినా.. యజమాని తీసుకున్న అప్పు కంటే బ్యాంకులో బినామీ పేరుతో మూడు, నాలుగు రెట్ల అప్పు ఉండడం గమనార్హం. దీంతో యజమని బాకీ చెల్లించినా ఆభరణం విడుదల చేయలేని పరిస్థి ఉండగా, మిగతా రుణం ఎవరు తీసుకున్నారో సుబ్బు వెల్లడించాల్సి ఉంది. కాగా, మంగళవారం వరకు ఏ ఒక్కరూ ఫిర్యాదు చేయలేదని పోలీసులు పట్టించుకోవడం లేదని సమాచారం. అయితే, పోలీసులను ఆశ్రయిస్తే బంగారం తాకట్టు పెట్టిన రశీదులు దక్కవనే బెదిరింపులతో బాధితులు ముందుకు రావడం లేదన్న ప్రచారం జరుగుతోంది.

ఖమ్మంవ్యవసాయం: మత్స్యకారుల ఉపాధే లక్ష్యంగా రూపొందించిన చేప పిల్లల పంపిణీ పథకానికి ఈసారి వరుణుడి రూపంలో అవాంతరాలు ఎదురయ్యాయి. ఎల్‌నినో కారణంగా వర్షాభావ పరిస్థితులు నెలకొనగా వ్యవసాయ రంగానికే కాక అనుబంధ రంగాలపైనా తీవ్ర ప్రభావం పడుతోంది. వర్షాలు లేక జలాశయాల్లో నీరు ఆశించిన స్థాయిలో చేరకపోవడంతో చేపపిల్లల పంపిణీ పథకంలో మార్పులు, చేర్పులకు నిర్ణయించారు. మారుతున్న ప్రతిపాదనలు ఏటా మాదిరిగానే ఈసారి కూడా ప్రభుత్వం చేపపిల్లల పంపిణీకి నిధులు మంజూరు చేసి జిల్లాల వారీగా ప్రతిపాదనలు రూపొందించాలని తొలుత ఆదేశించింది. దీంతో అధికారులు జలాశయాల విస్తీర్ణం ఆధారంగా రెండు సైజుల్లో చేపపిల్లల సేకరణకు ఆగస్టులో టెండర్లు ఆహ్వానించారు. ఈమేరకు అర్హత సాధించిన వారి సీడ్‌ చెరువులను నిపుణుల బృందం తనిఖీ చేసింది. ఇక చేపపిల్లలు వదలడమే తరువాయి అనుకుంటున్న క్రమాన వర్షాభావ పరిస్థితులతో ప్రభుత్వం పునఃపరిశీలించాలలని మత్స్యశాఖను ఆదేశించింది. దీంతో ప్రతిపాదనలు పూర్తిగా మారనున్నాయి. ఈమేరకు మత్స్యశాఖ వినతితో 0–25 శాతం, 25 – 50 శాతం నీరు ఉన్న జలాశయాల వివరాలను ఇరిగేషన్‌ శాఖ అధికారులు సమర్పించారు. ప్రణాళికలు మరోసారి ఇరిగేషన్‌ శాఖ ఇచ్చిన నివేదికలు, జలాశయాల్లో నీటి వనరుల ఆధారంగా చేప పిల్లల పథకానికి మరోసారి మత్స్య శాఖ అధికారులు ప్రణాళికలు రూపొందిస్తున్నారు. అయితే కొత్తగా టెండర్లు పిలిచే అవకాశం లేనందున గతంలో ఖరారు చేసిన టెండర్‌దారుల నుంచి చేపపిల్లలు సేకరించే అవకాశముంది. పూర్తి సామర్థ్యంలో మూడు వంతుల నీరు ఉన్న జలాశయాల్లోనే చేప పిల్లలు పంపిణీ చేయనున్నట్లు తెలుస్తుండగా.. ఖమ్మం జిల్లాలో 430, భద్రాద్రి జిల్లాలో 370 వరకు జలాశయాల్లో మాత్రమే పథకం అమలయ్యే అవకాశముంది. జలాశయాల్లో నీటి నిల్వలపై ఇరిగేషన్‌ శాఖ నుంచి నివేదికలు అందాయి. వీటి ఆధారంగా చేపల పిల్లల పథకం అమలుకు ప్రణాళికలు సిద్ధం చేస్తున్నాం. నీరు ఉన్న జలాశయాల్లో చేప పిల్లలు వదిలే అవకాశముంది. కొద్ది రోజుల్లో పథకానికి తుదిరూపం వస్తుంది. – మల్లేశం, శివప్రసాద్‌, ఖమ్మం, భద్రాద్రి జిల్లాల మత్స్యశాఖ అధికారులుఇరిగేషన్‌ శాఖ అధికారుల నివేదిక ఆధారంగా చేపపిల్లలు ఎదిగే స్థాయిలో నీరు ఉన్న చెరువుల్లోనే వదలనున్నట్లు తెలుస్తోంది. ఖమ్మం జిల్లాలోని 862 జలాశయాల్లో రూ.4.60 కోట్లతో 3.47 కోట్ల చేపపిల్లలు, భద్రాద్రి కొత్తగూడెం జిల్లాలోని 740 జలాశయాల్లో రూ.2కోట్లతో 1.80కోట్ల చేప పిల్లలను వదిలేందుకు తొలుత టెండర్లు పూర్తి చేశారు. కానీ నీటి కొరత కారణంగా లక్ష్యం 50 శాతానికి పడిపోయే పరిస్థితి కనిపిస్తోంది. ఇదే జరిగితే ఉమ్మడి జిల్లాలో వేలాది మంది మత్స్యకారుల ఉపాధికి ఇక్కట్లు ఎదురవుతాయి. ఉమ్మడి జిల్లాలో సుమారు 25 వేల మత్స్యకార కుటుంబాలు చేపల వేటే ఆధారంగా జీవనం సాగిస్తున్నట్లు అంచనా.

మణుగూరు టౌన్‌: మణుగూరులోని పలు ప్రాంతాల్లో ప్రతిష్ఠించిన వినాయకుడి చేతిలో లడ్డూలను బుధవారం వేలం నిర్వహించారు. ఈ సందర్భంగా బులియన్‌ మర్చంట్‌ గణేశ్‌ మండపంలోని లడ్డూను నీరజ జ్యూయెలరీ యజమాని కంచర్ల శ్రీనివాస్‌ రూ.3,47,116 కు దక్కించుకోగా, చాంబర్‌ ఆఫ్‌ కామర్స్‌ లడ్డూను రూ.51వేలకు వందనపు వాసు గెలుచుకున్నారు. గణనాథుడి లడ్డూ రూ.1,00,116 అశ్వాపురం: మండలంలోని మొండికుంటలో రామాలయం వద్ద ప్రతిష్ఠించిన శ్రీ గణనాథుడి చేతిలోని 36 కేజీల లడ్డూకు బుధవారం వేలం నిర్వహించారు. ఈ సందర్భంగా ఉపసర్పంచ్‌ చలమల్ల శివారెడ్డి రూ.1,00,116కు కై వసం చేసుకున్నారు. ఇది మండలంలోనే అత్యధిక ధర అని నిర్వాహకులు తెలిపారు. ‘తాలిపేరు’లోకి పెరుగుతున్న వరద చర్ల: మండలంలోని మధ్యతరహా ప్రాజెక్టు అయిన తాలిపేరులోకి వరద ఉధృతి పెరుగుతోంది. బుధవారం రాత్రి 10 గంటలకు నుంచి ప్రాజెక్టులోకి ఎగువ నుంచి వరద ఉధృతి చేరుతుండడంతో 25 గేట్లలో ఆరింటిని రెండేసి అడుగుల చొప్పున ఎత్తి 8,198 క్యూసెక్కుల చొప్పున నీటిని దిగువకు విడుదల చేస్తున్నారు. ప్రాజెక్టు పూర్తిస్థాయి నీటిమట్టం 74మీటర్లు కాగా, వరద కారణంగా 73.40 మీటర్లుగా క్రమబద్ధీకరిస్తున్నారు. ఇటు తెలంగాణతో పాటు ప్రాజెక్టు ఎగువ ప్రాంతమైన ఛత్తీస్‌గఢ్‌లోనూ ఎడతెరిపి లేకుండా వర్షాలు కురుస్తుండడంతో ప్రాజెక్టులోకి మరింతగా వరద చేరే అవకాశముందని సిబ్బందిని అప్రమత్తం చేసినట్లు ప్రాజెక్టు డీఈ తిరుపతి తెలిపారు. సివిల్స్‌ ఉచిత శిక్షణ దరఖాస్తు గడువు పొడిగింపు భద్రాచలంటౌన్‌: సివిల్‌ సర్వీసెస్‌ పరీక్షకు సిద్ధమవుతున్న అభ్యర్థులకు ఇచ్చే ఉచిత శిక్షణ కోసం దరఖాస్తు గడువును ఈనెల 30వ తేదీ వరకు పొడిగించారని ఐటీడీఏ పీఓ బి.రాహుల్‌ ఒక ప్రకటనలో తెలిపారు. తెలంగాణకు చెందిన అర్హులైన ఎస్సీ, ఎస్టీ, బీసీ అభ్యర్థులు ఈ అవకాశాన్ని సద్వినియోగం చేసుకోవాలని సూచించారు. ఆబ్జెక్టివ్‌, ఆప్టిట్యూడ్‌ స్క్రీనింగ్‌ పరీక్ష ఆధారంగా అభ్యర్థుల ఎంపిక ఉంటుందని, అర్హులు వెబ్‌సైట్‌ ద్వారా దరఖాస్తు చేసుకోవాలని తెలిపారు. పూర్తి వివరాల కోసం 91210 87421, 62817 66534 నంబర్లలో సంప్రదించాలని పీఓ తెలిపారు. గిరిజన యువతకు ఉచిత ఉద్యోగ శిక్షణ ఐటీడీఏ ఆధ్వర్యంలో గిరిజన నిరుద్యోగ యువతీ యువకులకు 3 – 4 నెలల పాటు ఉచిత ఉద్యోగ నైపుణ్య శిక్షణ ఇవ్వనున్నట్లు పీఓ బి.రాహుల్‌ తెలిపారు. భద్రాచలం, ఇల్లెందు, అశ్వారావుపేట, ఖమ్మం వైటీసీల్లో టైలరింగ్‌, బ్యూటీ థెరపిస్ట్‌, కంప్యూటర్‌ హార్డ్‌వేర్‌, డ్రోన్‌ టెక్నీషియన్‌, హోటల్‌ మేనేజ్‌మెంట్‌ తదితర కోర్సుల్లో శిక్షణ ఉంటుందని పేర్కొన్నారు. వివరాలకు 93474 66615, 81061 41505 నంబర్లలో సంప్రదించవచ్చని పీఓ వెల్లడించారు. బతికి ఉండగానే డెత్‌ సర్టిఫికెట్‌ ! ఫోర్జరీ పత్రాలతో ఆస్తుల బదలాయింపు ఇల్లెందు: ఇల్లెందు తహసీల్దార్‌ కార్యాలయం, సబ్‌ రిజిస్ట్రార్‌ కార్యాలయంతోపాటు మున్సిపాలిటీ కాస్త పలుకుబడి ఉంటే చాలు ఏదైనా సాధ్యమనేనన్న ప్రచారాన్ని నిజం చేసే మరో ఘటన ఆలస్యంగా వెలుగు చూసింది. బతికే ఉన్న వ్యక్తి పేరిట డెత్‌ సర్టిఫికెట్‌ జారీ చేయగా.. ఫోర్జరీ పత్రాలతో ఆ వ్యక్తి ఆస్తులను బదలాయించుకున్న ఘటన ఇది. ఇల్లెందు నంబర్‌ –2 బస్తీ 7వ వార్డుకు చెందిన బొల్లం రాములు పేరుతో 1–5–159/1 నంబర్‌ కలిగిన ఇల్లు ఉంది. అయితే, సరిత అనే మహిళ రాములు మృతి చెందినట్లు హైదరాబాద్‌ నుంచి డెత్‌ సర్టిఫికెట్‌, ఆపై ఇల్లెందు తహసీల్‌ నుంచి ఫ్యామిలీ సర్టిఫికెట్‌ తీసుకుని మరికొన్ని ఫోర్జరీ పత్రాలతో రాములు ఇంటిని తన పేరిట మార్పించుకుంది. అంతేకాక పేరు మార్పిడి కూడా చేయించుకుంది. కొన్నాళ్ల క్రితం రాములు మున్సిపాలిటీకి ఇంటి పన్ను చెల్లించేందుకు వెళ్లగా ఆయన పేరుతో ఇల్లే లేదని చెప్పడంతో విషయం వెలుగు చూసింది. ఎవరికి ఫిర్యాదు చేసినా ఎటూ తేలకపోవడంతో ఆందోళన చెందుతున్నాడు. అయితే, అమ్మకం, పేరు మార్పిడికి సమర్పించిన పత్రాలన్నీ ఫోర్జరీ చేసినట్లు ప్రచారం జరుగుతోంది. మున్సిపల్‌ కమిషనర్‌ సందీప్‌ను వివరణ కోరగా ఇప్పటి వరకు విషయం తమ దృష్టికి రాలేదని, అయినా పరిశీలన చేస్తామని తెలిపారు.

అశ్వారావుపేట: చోరీ కేసులో నిందితుడైన వ్యక్తి పోలీస్‌ స్టేషన్‌ నుంచి పరారై పురుగుల మందు తాగి ఆత్మహత్యకు పాల్పడ్డాడు. ఆపై గ్రామపెద్దల సమక్షంలో అంత్యక్రియలు పూర్తిచేశారు. ఈ విషయంలో గ్రామస్తులు, పోలీసులకు ఎలాంటి సంబంధం/ అభ్యంతరం లేదంటూ కుటుంబ సభ్యులతో వాంగ్మూలం సేకరించడం చర్చనీయాంశంగా మారింది. అశ్వారావుపేట మండలం జమ్మిగూడెంలో బుధవారం చోటు చేసుకున్న ఈ ఘటన వివరాలు ఇలా ఉన్నాయి. జమ్మిగూడెంలోని ఓ ఇంట్లో బంగారం చోరీ జరగగా స్థానికులైన అన్నదమ్ములపై అనుమానంతో ఫిర్యాదు చేశారు. దీంతో ఇద్దరిని మూడు రోజులుగా పోలీసుస్టేషన్‌కు పిలిపించి విచారిస్తున్నారు. ఒకరైన గోలిశెట్టి నాగు(29) పోలీస్‌ స్టేషన్‌ నుంచి మంగళవారం పరారయ్యాడు. ఆతర్వాత బుధవారం పురుగుల మందు సేవించి ఆత్మహత్యకు పాల్పడడంతో మృతదేహాన్ని గ్రామానికి తరలించి అంత్యక్రియలు పూర్తిచేశారు. తొలుత పోలీసు చిత్రహింసల కారణంగా బలవన్మరణానికి పాల్పడినట్లు ప్రచారం జరగగా... మధ్యాహ్నం గ్రామస్తులు పంచాయితీ నిర్వహించి ఆయన తల్లితో వేలిముద్ర వేయించుకున్నారు. ఆ పత్రంపై గ్రామస్తులు, పోలీసులకు కానీ ‘సంబంధం’ లేదు అనే వాక్యంలో సంబంధం పదాన్ని కొట్టి వేసి ‘అభ్యంతరం’ అని రాసి మృతుడి భార్య, తల్లి వేలిముద్రలు వేయించడం గమనార్హం. పోలీసుల తీరుపై ఆరోపణలు వచ్చిన క్రమాన ఈ వాంగ్మూలం ఎందుకు తీసుకున్నారో తేలాల్సి ఉంది. ఈ విషయమై అశ్వారావుపేట ఎస్సై యయాతి రాజును సంప్రదించగా నాగు, రఘురాంను కొట్టి, తిట్టకుండా విచారణ చేయడంతో నేరాన్ని అంగీకరించారని తెలిపారు. చోరీ సొత్తు నాగు దాచిపెట్టిన చోటు నుంచి రఘురాం మాయం చేశాడని ఇద్దరూ వాదులాడుకున్నారన్నారు. ఇంటికి వెళ్లిన నాగును తండ్రి మందలించగా బుధవారం ఆత్మహత్యకు చేసుకున్నాడని ఆయన భార్య ఫిర్యాదు మేరకు కేసు నమోదు చేశామన్నారు.చోరీ కేసులో నిందితుడి ఆత్మహత్యపై వాంగ్మూలం

భద్రాచలంఅర్బన్‌: తక్కువ వడ్డీకి రుణం ఇప్పిస్తానని ఒకరి వద్ద, కుదువ పెట్టి నగదు ఇప్పిస్తానంటూ ఇంకొకరి వద్ద, రుణంలో కొంత తనకు ఈఎంఐలు కడతానని మరొకరి వద్ద.. ఇలా పలువురిని నమ్మించి పెద్ద మొత్తంలో నగదు, బంగారం తీసుకున్నట్లు భద్రాచలంలోని జగదీశ్‌ కాలనీకి చెందిన ఓ వ్యక్తిపై ఆరోపణలు వెల్లువెత్తుతున్నాయి. ఇప్పటివరకు దాదాపు రూ.60 లక్షల వరకు తీసుకున్నట్లు తెలియగా, ఇంకా పలువురు బాధితులు ముందుకు రావాల్సి ఉంది. అయితే, కొందరు ఉద్యోగులు కావడంతో విషయం చెప్పేందుకు వెనుకాడుతున్నట్లు సమాచారం. రుణాలు ఇప్పించే వ్యవహారాల్లో మధ్యవర్తిగా ఉన్న సదరు వ్యక్తి పలువురితో పరిచయాలు పెంచుకుని ఒకరి నుంచి 83 గ్రాముల బంగారం, ఇంకొందరి వద్ద నగదు తీసుకున్నట్లు తెలిసింది. తిరిగి రుణవాయిల చెల్లింపు సమయం రావడంతో దాటవేస్తుండడంతో వెంకటేశ్వర కాలనీకి చెందిన ఉప్పు పవన్‌కుమార్‌ పోలీసులకు ఫిర్యాదు చేసినట్లు సమాచారం. రుణం ఇప్పిస్తానని చెప్పడంతో తొలుత రూ.75 వేలు, ఆతర్వాత విడతల వారీగా రూ.3లక్షలు ఇవ్వగా పని జరగకున్నా డబ్బు తిరిగి ఇవ్వడం లేదని ఫిర్యాదులో పేర్కొన్నట్లు తెలిసింది.

జూలూరుపాడు: జూలూరుపాడు మండలం వెంగన్నపాలెం ఎస్సీకాలనీకి చెందిన బీఎస్సీ నర్సింగ్‌ విద్యార్థిని ఇంద్రవల్లి హారణి(18) అనుమానాస్పద స్థితిలో మంగళవారం సాయంత్రం మృతి చెందిన విషయం విదితమే. ఈమేరకు నిందితులను కఠినంగా శిక్షించాలని డిమాండ్‌ చేస్తూ బుధవారం జూలూరుపాడులోని పాపకొల్లు క్రాస్‌ వద్ద భద్రాచలం రహదారిపై కుటుంబసభ్యులు, బంధువులు, వివిధ పార్టీల నాయకులు రాస్తారోకో నిర్వహించారు. కొత్తగూడెం ప్రభుత్వ ఆస్పత్రిలో పోస్టుమార్టం అనంతరం హారణి మృతదేహాన్ని కుటుంబీకులకు అప్పగించగా అంబులెన్స్‌లో తరలిస్తున్న క్రమాన ఆందోళన జరుగుతుండటంతో ఉద్రిక్తత నెలకొంది. కొత్తగూడెం డీఎస్పీ ఆదినారాయణ చేరుకొని వారికి నచ్చచెప్పే ప్రయత్నం చేసినా నిందితులను శిక్షించే వరకు ఆందోళన విరమించేది లేదని తేల్చిచెప్పారు. ఇంతలో మణుగూరు నుంచి వెళ్తున్న రాష్ట్ర మంత్రి తుమ్మల నాగేశ్వరరావు ఆగి వివరాలు తెలుసుకున్నారు. ఆయన ఎస్పీ రోహిత్‌ రాజుకు ఫోన్‌లో మాట్లాడి నిందితులను పట్టుకునేందుకు ప్రత్యేక బృందాలను ఏర్పాటు చేయాలని సూచించారు. అంతేకాక ప్రభుత్వం తరపున బాధిత కుటుంబానికి న్యాయం చేస్తామని హామీ ఇవ్వడంతో రాస్తారోకో విరమించారు. వివిధ పార్టీలు, సంఘాల నాయకులు యాసా నరేష్‌, గుండెపిన్ని వెంకటేశ్వర్లు, గార్లపాటి వెంకటి, కొడెం సీతాకుమారి, కుదురుపాక నిర్మల, గుగులోత్‌ వంశీ, జార్జిరెడ్డి, సురేష్‌, అశోక్‌, బాలాజీ, తరుణ్‌, ఎస్‌.కే. చాంద్‌పాషా, చింటు పాల్గొన్నారు. నివాళులర్పించిన ఎమ్మెల్యేలు చుంచుపల్లి: కొత్తగూడెం ప్రభుత్వ ఆస్పత్రి మార్చురీలో వద్ద హారణి మృతదేహం వద్ద కొత్తగూడెం, వైరా ఎమ్మెల్యేలు కూనంనేని సాంబశివరావు, రాందాస్‌ నాయక్‌ నివాళులర్పించారు. ఎస్‌ఐ జీనత్‌కుమార్‌, పోలీసుతో మాట్లాడి వివరాలు తెలుసుకున్నారు. అన్ని విధాలుగా హారణి కుటుంబానికి అండగా ఉంటామని, నిందితులకు కఠిన శిక్ష పడేలా చర్యలు తీసుకుంటామని హామీ ఇచ్చారు. మేయర్‌ మూడ్‌ గణేష్‌, ఉప సర్పంచ్‌ పాషా, సీపీఐ జిల్లా కార్యదర్శి ఎస్‌.కే.సాబీర్‌ పాషా తదితరులు పాల్గొన్నారు.

దమ్మపేట: అక్రమంగా తరలిస్తున్న రూ.7.05 లక్షల విలువైన టేకు దుంగలను జిల్లా అటవీ శాఖ టాస్క్‌ఫోర్స్‌, స్థానిక అధికారులు స్వాధీనం చేసుకున్నారు. ఈ మేరకు ఫారెస్ట్‌ కమాండ్‌ కంట్రోల్‌ సెంటర్‌ నుంచి అందిన సమాచారంతో మండలంలోని అంకంపాలెం బీట్‌లో బుధవారం తనిఖీలు చేపట్టగా టేకు కలప దుంగలు లభ్యమయ్యాయి. అనుమతి పత్రాలు లేకుండా అక్రమంగా నిల్వ చేసి 57 టేకు రౌండ్‌ దుంగలు (2.775 క్యూబిక్‌ మీటర్లు), 44 టేకు సాన్‌ సైజులు (2.460 క్యూబిక్‌ మీటర్లు) లభించాయని అధికారులు తెలిపారు. ఈ కలప విలువ రూ.7.05 లక్షలు కాగా, కేసు నమోదు చేశామని వెల్లడించారు. తనిఖీల్లో టాస్క్‌ఫోర్స్‌ ఎఫ్‌ఆర్‌ఓ శ్రీనివాస్‌, ఎఫ్‌ఎస్‌ఓలు లోకనాథం, ప్రసాదలింగం, దమ్మపేట ఎఫ్‌ఆర్‌ఓ శ్రీను, బీట్‌ అధికారి ఏ.పార్వతి పాల్గొన్నారు.

● లక్ష్మీతాయారు ఉపాలయ దిశ మార్పుపై చర్చ ● రామదాసు కాలం నాటి స్థానమే సరైనదని ఓ వర్గం ● ఆగమశాస్త్రం అనుసరించాలంటున్న వైదిక పెద్దలుభద్రాచలం: భద్రాచలంలోని శ్రీ సీతారామచంద్రస్వామి దేవస్థానం అభివృద్ధి, పునరుద్ధరణ పనులు వేగంగా కొనసాగుతున్నాయి. ఇదే సమయాన తొలగించిన లక్ష్మీతాయారు అమ్మవారి ఉపాలయం పునర్నిర్మాణంపై చర్చ మొదలైంది. ఉపాలయాన్ని గతంలో ఉన్న చోటులో కాకుండా మూలమూర్తులకు కుడి వైపున ప్రతిష్ఠించాలని వైదిక పెద్దలు కోరుతున్నారు. అయితే దీనిపై స్థానికులు ఆక్షేపణలు వ్యక్తం చేయడం చర్చకు దారి తీసింది. చారిత్రక వారసత్వం భక్తరామదాసు కాలం నాటి ఆలయ నిర్మాణం, స్థానం, దిశలను చారిత్రక వారసత్వంగా పరిగణించాలని ఓ వర్గం కోరుతోంది. ఈమేరకు భద్రాద్రి పరిరక్షణ సమితి పేరుతో బూసిరెడ్డి శంకర్‌రెడ్డి ప్రకటన విడుదల చేశారు. అప్పట్లో లక్ష్మీతాయారు అమ్మవారి సన్నిధిని ప్రత్యేకంగా ఏర్పాటుచేసి తూర్పుముఖంగా ప్రతిష్ఠించారని అందులో పేర్కొన్నారు. శతాబ్దాలుగా కొనసాగుతున్న సన్నిధి, ఆరాధనా సాంప్రదాయంలో మార్పులు చేయడానికి ముందు ఆగమ పండితులు, వైదిక నిపుణుల అభిప్రాయాలను తప్పనిసరిగా తీసుకోవాలని కోరుతున్నారు. భక్తుల వాదన ప్రకారం గతంలో ఆలయ విస్తరణ, పునరుద్ధరణ జరిగిన సందర్భాల్లోనూ లక్ష్మీతాయారు అమ్మవారి సన్నిధిని ప్రస్తుత స్థానంలోనే కొనసాగించినందున ఇప్పుడూ అదే నియమం పాటించాలని విజ్ఞప్తి చేస్తున్నారు. శాస్త్ర ప్రకారమే.. ఆలయ అభివృద్ధిని ఆగమ శాస్త్రం ప్రకారమే చేపట్టాలని వైదిక పెద్దలు కోరుతున్నారు. ఇందులో భాగంగానే ఆగమ శాస్త్రం, సంప్రదాయం ప్రకారమే సీతాలక్ష్మణ సమేతుడైన రామయ్య మూలమూర్తులకు కుడిపక్కన శ్రీ లక్ష్మీతాయారు అమ్మవారు, ఎడమ ప్రక్కన గోదాదేవి, లక్ష్మీ అమ్మవారికి ఎదురుగా భక్త రామదాసు, గోదాదేవికి ఎదురుగా కనక సీతా అమ్మవారి ఉపాలయాలను నిర్మించాలని వారు చెబుతున్నారు. ఫలితంగా వరుస క్రమంలో ఉపాలయాలను దర్శించుకుంటూ స్వామి వారి మూలమూర్తుల పరిపూర్ణ దర్శనం పూర్తవుతుందని పేర్కొంటున్నారు. అలాగే, భక్త రామదాసు కాలంలో ఉపాలయాల నిర్మానం చేపట్టలేదని, వైష్ణవ సంప్రదాయ ప్రకారం లక్ష్మీ అమ్మవారి ఉపాలయాన్ని అనంతర కాలంలో నాటి పరిస్థితులకు తగినట్లుగా నిర్మించినట్లు చెబుతున్నారు. ఆగమ శాస్త్రానికి విరుద్ధంగా తామేం సూచనలు చేయలేదని.. భక్తుల రద్దీ దృష్ట్యా దర్శన సౌకర్యాలు, క్యూలైన్లు, ప్రాంగణాల విస్తరణ, ఉపాలయాల పునర్నిర్మాణం అవసరమని అభిప్రాయపడుతున్నారు.ఉపాలయాల నిర్మాణంపై ప్రభుత్వం, దేవాదాయ శాఖ తీసుకునే తుది నిర్ణయంపై సర్వత్రా ఆసక్తి నెలకొంది. ఇప్పటికే వైదిక పెద్దలు దేవాదాయ శాఖ ఉన్నతాధికారులకు విన్నవించగా.. మరో వైపు భద్రాద్రి పరిరక్షణ పేరుతో కూడా లేఖలు సమర్పించారు. దీంతో అన్ని పక్షాల అభిప్రాయాలను పరిగణనలోకి తీసుకుని పారదర్శకంగా నిర్ణయం తీసుకోవాలని భక్తులు విజ్ఞప్తి చేస్తున్నారు. ఈ నేపథ్యాన వివాదం పరిష్కారానికి ఆగమ పండితులు, వైదిక బృందం, స్తపతులు, నిపుణులు, అధికారులు, భక్త సమాజాలతో కలిసి పరిశీలించాలనే సూచనలు వస్తున్నాయి.

గోదావరి జలాలతోఅశ్వాపురం: వర్షాభావ పరిస్థితులు ఎదురైనా పినపాక నుండి పాలేరు వరకు ఉమ్మడి ఖమ్మం జిల్లాలోని పది నియోజకవర్గాలకు సీతారామ ప్రాజెక్టు ద్వారా గోదావరి జలాలు అందించి సస్యశ్యామలం చేయడమే తమ ప్రభుత్వ లక్ష్యమని రాష్ట్ర మంత్రులు పొంగులేటి శ్రీనివాసరెడ్డి, తుమ్మల నాగేశ్వరరావు తెలిపారు. అశ్వాపురం మండలం బీజీ కొత్తూరు సీతారామ ప్రాజెక్ట్‌ సమీపాన నిర్మించిన మారెళ్లపాడు ఎత్తిపోతల పథకాన్ని బుధవారం ఎంపీ బలరాంనాయక్‌, పినపాక ఎమ్మెల్యే పాయం వెంకటేశ్వర్లు, కలెక్టర్‌ అంకిత్‌ తదితరులతో కలిసి ప్రారంభించి తుమ్మలచెరువుకు గోదావరి జలాలను వదిలారు. అనంతరం గొందిగూడెంలో డెలివరీ సిస్టర్న్‌ వద్ద గోదావరి జలాలకు పూజలు చేశారు. నీరు వదలడం నా అదృష్టం రైతుల చిరకాల కోరిక అయిన తుమ్మలచెరువుకు నీరు వదిలేలా మారెళ్లపాడు లిఫ్ట్‌ను పది నెలల్లో ఎమ్మెల్యే పాయం కృషితో పూర్తి చేశామని.. ఇప్పుడు నీరు వదలడం అదృష్టమని మంత్రి తుమ్మల నాగేశ్వరరావు తెలిపారు. గతంలో గోదావరి జలాలు దుమ్ముగూడెం నుంచి రోళ్లపాడుకు, అక్కడి నుంచి బయ్యారం వెళ్లి ఇల్లెందు నియోజకవర్గానికి అందాల్సి ఉన్నా గత ప్రభుత్వం అలైన్‌మెంట్‌ మార్చిందన్నారు. ఈమేరకు జూలూరుపాడు టన్నెల్‌, లలితాపురం వద్ద ఎత్తిపోతల పథకంతో పాటు ఇల్లెందులో సవరించిన అంచనాలు సిద్ధం చేసి సీతారామ ద్వారా సాగునీరు అందిస్తామన్నారు. అంతేకాక కొత్తగూడెం, వైరాతో పాటు పది నియోజకవర్గాల్లో డిస్ట్రిబ్యూటరీ కెనాళ్లకు టెండర్లు పూర్తయినందున త్వరగా పనులు చేపట్టి ఏడు లక్షల ఎకరాలు సాగులోకి తీసుకొస్తామన్నారు. ప్రగళ్లపల్లి లిఫ్ట్‌ ద్వారా పాలెంవాగు, తాలిపేరు, మోడికుంటవాగుతో భద్రాచలంలో అన్ని మండలాలకు సాగునీరు, పినపాక నియోజకవర్గంలో పులుసుబొంత ప్రాజెక్ట్‌, దోమలవాగు బ్యాలెన్స్‌ రిజర్వాయర్‌ నిర్మాణాలకు కృషి చేస్తామని తెలిపారు. అన్ని వర్గాల సంక్షేమమే లక్ష్యం రాష్ట్రంలోని అన్ని వర్గాల సంక్షేమమే ప్రభుత్వ లక్ష్యమని మంత్రి పొంగులేటి శ్రీనివాసరెడ్డి తెలిపారు. మారెళ్లపాడు ఎత్తిపోతల పథకం ద్వారా తొలి విడతలో 4,300 ఎకరాలకు, ఆపై దశలవారీగా 23వేల ఎకరాలకు సాగునీరు అందించే పనులు చేపడుతున్నామని చెప్పారు. పులుసుబొంత ప్రాజెక్టుకు సంబంధించి భూసేకరణ, అటవీ శాఖకు ప్రత్యామ్నాయ భూముల కేటాయింపు జరుగుతున్నందున త్వరలోనే రిజర్వాయర్ల నిర్మాణానికి నిధులు మంజూరు చేస్తామన్నారు. మణుగూరు ప్రభుత్వ ఆసుపత్రిలో వైద్య సేవలు విస్తరించి రోజుకు సుమారు 500 మంది సేవలు పొందేలా తాము వచ్చాకే కృషి చేశామని తెలిపారు. ఎమ్మెల్యేలు తెల్లం వెంకట్రావు, కోరం కనకయ్య, జారె ఆదినారాయణ, ఎస్పీ రోహిత్‌రాజ్‌, డీఎఫ్‌ఓ సిద్ధార్థ్‌ విక్రమ్‌సింగ్‌, సబ్‌ కలెక్టర్‌ మృణాల్‌ శ్రేష్ట, సీఈ శ్రీనివాసరెడ్డి, అధికారులు, ప్రజాప్రతినిధులు పాల్గొన్నారు.దివంగత మహానేత వైఎస్సార్‌ హయాంలో 2005 డిసెంబర్‌ 31న దుమ్ముగూడెం రాజీవ్‌సాగర్‌ ప్రాజెక్టుకు పునాదులు వేశారని, ఆయన హయాంలోనే మారెళ్లపాడు వరకు పనులు ప్రారంభమయ్యాయని ఎమ్మెల్యే పాయం వెంకటేశ్వర్లు తెలిపారు. వైఎస్సార్‌ హయాంలో చేపట్టిన దుమ్ముగూడెం రాజీవ్‌సాగర్‌ ప్రాజెక్ట్‌ను గత ప్రభుత్వం సీతారామ ప్రాజెక్టుగా మార్చిందన్నారు. మారెళ్లపాడు ఎత్తిపోతల పథకం ప్రారంభంతో అశ్వాపురం, పినపాక ప్రాంత రైతుల దశాబ్దాల కల నెరవేరిందని తెలిపారు. కుడి కాల్వ పనులు రూ.130 కోట్లతో పనులు చేపడుతుండగా, సుమారు 11,981 ఎకరాలకు నీరు అందుతుందని చెప్పారు. తుమ్మల చెరువు ప్రధాన కాల్వ బలోపేతం, కాంక్రీట్‌ లైనింగ్‌, 22 కి.మీ. డిస్ట్రిబ్యూటరీ కాల్వల నిర్మాణానికి నిధులు మంజూరు చేయాలని మంత్రులను కోరారు. అలాగే, గొందిగూడెం, వెంకటాపురం వంటి గిరిజన గ్రామాలతో పాటు మణుగూరు ప్రాంతంలోని రెగులగండి చెరువుకు నీటి సరఫరా, బూర్గంపాడు ప్రాంతంలోని దొమ్మలవాగు రిజర్వాయర్‌ను మినీ రిజర్వాయర్‌గా అభివృద్ధి చేయాలని విజ్ఞప్తి చేశారు.

తిరిగి బాధ్యతలు అప్పగించిన సర్కారు కొత్తగూడెంఅర్బన్‌: ఎౖక్సైజ్‌, ప్రొహిబిషన్‌ జిల్లా సూపరింటెండెంట్‌గా తిరిగి ఏ.శ్రీనివాసరెడ్డి నియమితులయ్యారు. గత నెలలో భద్రాచలంలోని ఎకై ్సజ్‌ స్టేషన్‌ నుంచి గంజాయి అక్రమ రవాణా కేసుకు సంబంధించి ఓ నిందితుడు తప్పించుకున్నాడు. దీనిపై విచారణ చేపట్టిన అధికారులు ఘటనకు బాధ్యులుగా భద్రాచలం సీఐ, కానిస్టేబుల్‌ను సస్పెండ్‌ చేశారు. అంతేకాక పర్యవేక్షణ లోపం ఉందంటూ జిల్లా ఎకై ్సజ్‌ అధికారి శ్రీనివాసరెడ్డిని సరెండర్‌ చేశారు. అయితే, పూర్తి స్థాయిలో విచారణ చేపట్టిన ఉన్నతాధికారులు శ్రీనివాసరెడ్డి 34 ఏళ్ల సర్వీసును పరిగణనలోకి తీసుకుని మరోసారి ఇలాంటి ఘటనలు జరగకుండా పర్యవేక్షించాలని సూచిస్తూ జిల్లాలోనే పోస్టింగ్‌ ఇచ్చారు. ఈమేరకు బుధవారం ఆయన కొత్తగూడెంలోని జిల్లా కార్యాలయంలో బాధ్యతలు స్వీకరించారు.నేడు మద్యం విక్రయాలపై నిషేధం గణేష్‌ నిమజ్జనం నేపథ్యాన గురువారం పలు ప్రాంతాల్లో వైన్స్‌, బార్‌ షాపుల్లో మద్యం అమ్మకాలపై నిషేధం విధించినట్లు ఎకై ్సజ్‌ సూపరింటెండెంట్‌ శ్రీనివాసరెడ్డి వెల్లడించారు. కొత్తగూడెం, పాల్వంచ, ఇల్లెందు, భద్రాచలం స్టేషన్ల పరిధిలోని వైన్స్‌, బార్లు గురువారం ఉదయం 6నుంచి శుక్రవారం ఉదయం 6గంటల వరకు మూసివేయాలని సూచించారు. నిబంధనలకు విరుద్ధంగా ఎవరైనా వ్యవహరిస్తే ఎకై ్సజ్‌ చట్టం ప్రకారం కఠినచర్యలు ఉంటాయని వెల్లడించారు. కాగా, మణుగూరు, అశ్వారావుపేటలో మాత్రం విక్రయాలపై నిషేధం ఉండదని తెలిపారు.

● ఎనిమిది స్కూళ్ల నుంచి హాజరైన 320 మంది క్రీడాకారులు ● పోటీలను ప్రారంభించిన ఎమ్మెల్యే కనకయ్యటేకులపల్లి: టేకులపల్లి మండలంలోని ఏకలవ్య మోడల్‌ రెసిడెన్షియల్‌ పాఠశాలలో భద్రాద్రి క్లస్టర్‌ స్థాయి క్రీడాపోటీలు బుధవారం ప్రారంభమయ్యాయి. ఇల్లెందు ఎమ్మెల్యే కోరం కనకయ్య జ్యోతి ప్రజ్వలన చేసి పోటీలను ప్రారంభించగా క్రీడాకారుల నుంచి గౌరవ వందనం స్వీకరించారు. అనంతరం ఎమ్మెల్యే మాట్లాడుతూ విద్యార్థుల మానసిక, శారీరక వికాసానికి చదువుతో పాటు క్రీడలు అవసరమని పేర్కొన్నారు. క్రీడాపోటీల్లో పాల్గొనడం ద్వారా గెలుపోటములను సమానంగా స్వీకరించే తత్వం అలవడుతుందని తెలిపారు. క్రీడల్లో రాణిస్తే ఉద్యోగ, ఉపాధి అవకాశాల్లో ప్రాధాన్యత దక్కుతుందని చెప్పారు. ఈమేరకు ప్రభుత్వ ప్రోత్సాహాన్ని సద్వినియోగం చేసుకోవాలని సూచించారు. టేకులపల్లితో పాటు గుండుగలపల్లి, ములకలపల్లి, చర్ల, పాల్వంచ, గుండాల, సింగరేణి, దుమ్ముగూడెం ఏకలవ్య పాఠశాలలకు చెందిన 320 మంది క్రీడాకారులు హాజరుకాగా, మూడు రోజుల పాటు వివిధ అంశాల్లో క్రీడా పోటీలు జరగనున్నాయి. శ్రీలక్ష్మి, నోడల్‌ ఆఫీసర్‌ కృష్ణ, స్పోర్ట్స్‌ ఆఫీసర్‌ వీరూనాయక్‌, ప్రిన్సిపాల్‌ నిశాంత్‌ కృష్ణవ, సర్పంచ్‌ నరేష్‌, ఎస్‌ఐ తిరుపతి తదితరులు పాల్గొన్నారు.

భద్రాచలం: భద్రాచలం శ్రీ సీతారామ చంద్రస్వామి దేవస్థానంలో బుధవారం రామయ్య కల్యాణం కమనీయంగా సాగింది. తెల్లవారుజామునే గర్భగుడిలో స్వామి వారికి సుప్రభాత సేవ, సేవాకాలం, ఆరాధన తదితర పూజలు చేశారు. అనంతరం మిథిలా స్టేడియంలోని రామ సేవా మండపంలో స్వామివారిని కొలువుదీర్చి కల్యాణమూర్తులకు విశ్వక్సేన పూజ, పుణ్యావాచనం చేశారు. ఆతర్వాత స్వామికి కంకణధారణ, యజ్ఞోపవేత ధారణ, అమ్మవారికి కంకణధారణ, యోక్త్రధారణ గావించి నిత్యకల్యాణ మహోత్సవాన్ని శాస్త్రోక్తంగా జరిపించారు. బీటీపీఎస్‌లో విద్యుత్‌ ఉత్పత్తికి అంతరాయం మణుగూరు టౌన్‌: మండలంలోని భద్రాద్రి థర్మల్‌ పవర్‌ స్టేషన్‌(బీటీపీఎస్‌)లో సాంకేతిక లోపం ఎదురైంది. దీంతో ఒకటో యూనిట్‌లో 540 మెగావాట్ల విద్యుత్‌ ఉత్పత్తికి ఆటంకం ఏర్పడింది. ఈనెల 9వ తేదీన మూడో యూనిట్‌ అంతరాయం ఏర్పడి మరమ్మతులు కొనసాగుతుండగానే ఒకటో యూనిట్‌ కూడా మొరాయించడం గమనార్హం. అయితే, బొగ్గు నిల్వలు లేకపోవడంతోనే ఉత్పత్తి నిలిపివేశారనే ప్రచారం నేపథ్యాన సీఈ బిచ్చన్నను వివరణ కోరగా అలాంటిదేమీ లేదని బదులిచ్చారు. జీ–15 బొగ్గు సుమారు 97వేల టన్నుల మేర నిల్వ ఉందని, ఒకటో యూనిట్‌లోని రోటర్‌ ఎగ్జాస్ట్‌లో సాంకేతిక లోపం కారణంగానే ఉత్పత్తి నిలిచిపోయిందని తెలిపారు.

భద్రాచలం/అశ్వాపురం: రాష్ట్ర మంత్రులు పొంగులేటి శ్రీనివాసరెడ్డి, తుమ్మల నాగేశ్వరరావు బుధవారం భద్రాద్రి కొత్తగూడెం జిల్లాల్లో పర్యటించనున్నారు. మంత్రి పొంగులేటి ఉదయం భద్రాచలంలోని శ్రీ సీతారామచంద్రస్వామి దేవస్థానంలో పూజలు చేసి అభివృద్ధి పనులను పరిశీలిస్తారు. ఆతర్వాత సబ్‌ కలెక్టర్‌ కార్యాలయంలో వివిధ శాఖల అధికారులతో ఆలయ అభివృద్ధిపై సమీక్షించనున్నారు. మధ్యాహ్నం 12గంటలకు అశ్వాపురం మండలంలోని బీజీ కొత్తూరులో మారెళ్లపాడు ఎత్తిపోతల పథకాన్ని మంత్రులు పొంగులేటి శ్రీని వాసరెడ్డి, తుమ్మల నాగేశ్వరరావు ప్రారంభి స్తారు. కాగా, అక్కడి నుంచి మంత్రి తుమ్మల ఖమ్మం చేరుకుని ముస్తఫానగర్‌ సెంటర్‌లో జరిగే గణేశ్‌ శోభాయాత్రలో పాల్గొంటారు. నేటి నుంచి క్లస్టర్‌ స్థాయి క్రీడా పోటీలు టేకులపల్లి: టేకులపల్లిలోని ఏకలవ్య మోడల్‌ రెసిడెన్షియల్‌ స్కూల్‌లో బుధవారం నుంచి మూడు రోజుల పాటు క్లస్టర్‌ స్థాయి క్రీడా పోటీలు జరగనున్నాయి. ఈమేరకు వివరాలను పాఠశాల ప్రిన్సిపాల్‌ నిషాంత్‌ కృష్ణవ మంగళవారం వెల్లడించారు. టేకులపల్లితో పాటు గండుగులపల్లి, ములకలపల్లి, చర్ల, పాల్వంచ, గుండాల, సింగరేణి, దుమ్ముగూడెంలోని ఏకలవ్య మోడల్‌ రెసిడెన్షియల్‌ పాఠశాలల విద్యార్థులు పోటీల్లో పాల్గొంటారని తెలిపారు. హ్యాండ్‌బాల్‌, బాస్కెట్‌బాల్‌, కబడ్డీ, ఖో–ఖో, వాలీ బాల్‌, పరుగు పందెం తదితర అంశాల్లో పోటీలు జరగనున్నాయని పేర్కొన్నారు. రిజిస్ట్రేషన్‌ శాఖలో మొరాయించిన సర్వర్‌ ఖమ్మంమయూరిసెంటర్‌: రిజిస్ట్రేషన్‌ శాఖలో మంగళవారం సర్వర్‌ మొరాయించగా సేవల్లో అంతరాయం ఏర్పడింది. సాంకేతిక కారణాలతో ఈ పరిస్థితి నెలకొనగా ఉమ్మడి జిల్లాలోని సబ్‌ రిజిస్ట్రార్‌ కార్యాలయాల్లో రోజువారీ పనులు ఆలస్యమయ్యాయి. ఉదయం నుంచి రాత్రి వరకు ఈ సమస్య కొనసాగగా ఒక్కో డ్యాక్యుమెంట్‌ రిజిస్ట్రేషన్‌కు దాదాపు గంటన్నరకు పైగా సమయం పట్టింది. దీంతో కార్యాలయాలకు వచ్చిన వారే కాక అధికారులు అవస్థలు ఎదుర్కొన్నారు. పాఠశాలల్లో ‘స్వచ్ఛత’ కార్యక్రమాలుబూర్గంపాడు: పాఠశాలల్లో ‘స్వచ్ఛతా హీ సేవ’ కార్యక్రమాలు చేపడుతూ పరిశుభ్రతపై విద్యార్థులకు అవగాహన కల్పించాలని జిల్లా పరిషత్‌ సీఈఓ నాగలక్ష్మి సూచించారు. మండలంలోని మోరంపల్లిబంజర ప్రాథమిక పాఠశాలలో మంగళవారం ఆమె మొక్కలు నాటి మాట్లాడా రు. తడి, పొడి చెత్త, వైద్య వ్యర్థాలు, శానిట రీ వ్యర్థాలను వేర్వేరుగా సేకరించాలని, తడి చెత్తతో వర్మీ కంపోస్ట్‌ తయారీపై స్థానిక సంస్థలు దృష్టి సారించాలని తెలిపారు. పొడి చెత్తలో రీస్లైకింగ్‌ వ్యర్థాలను వేరుచేసి వాటిని విక్రయి స్తే ఆదాయం వస్తుందని చెప్పారు. ఈ కార్యక్రమంలో ఎంపీడీఓ జమలారెడ్డి, ఎంపీఓ రామకృష్ణ, సర్పంచ్‌ బొర్రా సుభద్ర, ఉప సర్పంచ్‌ పొక్కుల రవి తదితరులు పాల్గొన్నారు. సీఎంఆర్‌ఎఫ్‌ చెక్కులు పంపిణీ చేసిన ఎంపీఖమ్మం వైరారోడ్‌: ప్రైవేట్‌ ఆస్పత్రుల్లో చికిత్స చేయించుకున్న వారికి తన సిఫారసుతో మంజూరైన సీఎంఆర్‌ఎఫ్‌ చెక్కులను రాజ్యసభ సభ్యుడు వద్దిరాజు రవిచంద్ర అందజేశారు. ఖమ్మం బుర్హాన్‌పురంలోని క్యాంపు కార్యాలయంలో 34 మందికి రూ.7లక్షల విలువైన చెక్కులను మంగళవారం అందజేశాక ఆయన మాట్లాడారు. బీఆర్‌ఎస్‌ నాయకులు దండా జ్యోతిరెడ్డి, శీలంశెట్టి వీరభద్రం, తోట రామారావు, హరిప్రసాద్‌, పాల నాగేశ్వరరావు, లేడిబోయిన గోపాలరావు పాల్గొన్నారు. వినాయక మండపాల్లో పూజలు పాల్వంచ: పాల్వంచలోని పలు డివిజన్లలో గణేష్‌ మండపాల వద్ద మంగళవారం ఎంపీ వద్ది రాజు రవిచంద్ర ప్రత్యేక పూజలు చేశారు. ఆయనను నిర్వహకులు సన్మానించారు. నాయకులు మల్లెల రవి చంద్ర, దాసరి సురేష్‌, నాయుడు, కార్పొరేటర్లు పాల్గొన్నారు.

ఖమ్మం వైద్యవిభాగం: ఖమ్మం ప్రభుత్వ జనరల్‌ ఆస్పత్రిలో రక్త పరీక్షలు నిర్వహంచేందుకు నూతన యంత్రాన్ని కేటాయించారు. క్రిటికల్‌ కేర్‌ బ్లాక్‌కు రూ. 3.75 కోట్ల విలువైన ఆటోమెటిక్‌ బయోకెమిస్ట్రీ అనలైజర్‌ మిషన్‌ను కేటాయించగా సెంట్రల్‌ ల్యాబ్‌లో అమరుస్తున్నారు. రెండు రోజుల్లో ఇది అందుబాటులోకి వస్తుందని ఆస్పత్రి మెడికల్‌ సూపరింటెండెంట్‌ నరేందర్‌ తెలిపారు. బయోకెమిస్ట్రీ అనలైజర్‌ మిషన్‌ ద్వారా గంటకు వంద శాంపిళ్లను పరీక్షించవచ్చని, వేయి రకాల రక్త పరీక్షలు చేయొచ్చని వెల్లడించారు. లివర్‌, కిడ్నీ పనితీరు పరీక్షలు, గ్లూకోజ్‌, లిపిడ్‌ ప్రొఫైల్‌, ఎంజైమ్స్‌, ప్రోటీన్స్‌ తదితర పరీక్షల నివేదికలు కచ్చితత్వంతో వస్తాయని తెలిపారు. ఇన్నాళ్లు ఎక్కువగా రక్త నమూనాలను డయోగ్నస్టిక్‌ హబ్‌కు పంపిస్తుండగా, అక్కడి యంత్రాలు మొరాయిస్తుండడంతో అవాంతరాలు ఎదురవుతున్నాయి. ఈనేపథ్యాన కొత్త యంత్రం రావడంతో కష్టాలు తీరుతాయని భావిస్తున్నారు.ఖమ్మం పెద్దాస్పత్రికి ఆటోమెటిక్‌ బయోకెమిస్ట్రీ అనలైజర్‌ మిషన్‌

● ఆదిలాబాద్‌ రిమ్స్‌ ఘటనతో చర్చ ● భద్రాచలం ఎస్‌ఎన్‌సీయూలో కానరాని స్మోక్‌ డిటెక్టర్లు, స్ప్రింక్లర్లు, పైప్‌లైన్‌ ● నిధుల లేమితో ఫైర్‌ ఎన్‌ఓసీలో జాప్యం ● చివరి మాక్‌డ్రిల్‌ మూడేళ్ల క్రితం నిర్వహణభద్రాచలంఅర్బన్‌: పుట్టినప్పుడే అనారోగ్య సమస్యలు ఉన్న చిన్నారులకు ప్రత్యేక నవజాత శిశు సంరక్షణ కేంద్రం(ఎస్‌ఎన్‌సీయూ) చికిత్స అందిస్తుంటారు. ఏజెన్సీ ప్రాంతానికి కీలక వైద్య కేంద్రంగా ఉన్న భద్రాచలం ఏరియా ఆస్పత్రిలో 20 పడకలతో కూడిన ఎస్‌ఎన్‌సీయూ ఉండగా.. ఈ విభాగంలో వార్మర్లు, ఆక్సిజన్‌, ఇతర వైద్య పరికరాలు నిరంతరం పనిచేస్తుంటాయి. ఇలాంటి సమయంలో షార్ట్‌ సర్క్యూట్‌ లేదా ఏసీలో సమస్యతో పొగ వస్తే... తొలి క్షణాల్లోనే గుర్తించే వ్యవస్థ ఉందా, పరిస్థితి విషమించి మంటలు చెలరేగితే పసికందులను ఎంత వేగంగా సురక్షిత ప్రాంతానికి తరలించగలరనే ప్రశ్నలు తలెత్తుతున్నాయి. ఆదిలాబాద్‌ రిమ్స్‌లో సోమవారం అర్ధరాత్రి అగ్ని ప్రమాదం జరగడంతో ఈ చర్చ మొదలైంది. ఈమేరకు ఆస్పత్రిలో ‘సాక్షి’ మంగళవారం పరిశీలించగా అగ్నిమాపక పరికరాలు, ఫైర్‌ ఎగ్జిట్‌ వంటి ఏర్పాట్లు ఉన్నా ఎస్‌ఎన్‌సీయూలో పొగను స్వయంచాలకంగా గుర్తించే స్మోక్‌ డిటెక్టర్లు కానీ స్ప్రింక్లర్లు, ఫైర్‌ పైప్‌లైన్లు లేనట్లు తేలింది. అంతేకాక ఫైర్‌ అలారం కూడా దానికదే కాకుండా ప్రమాదాన్ని గుర్తించిన సిబ్బంది మోగించాల్సిందే. ప్రతీ నిమిషం కీలకమే.. ఆస్పత్రిలోని 20 పడకల ఎస్‌ఎన్‌సీయూ ప్రారంభమైనప్పటి నుంచి ఇప్పటివరకు 22,919 మంది నవజాత శిశువులకు ఇక్కడ వైద్యసేవలు అందాయి. ప్రస్తుతం 15 మంది చికిత్స పొందుతున్నారు. ఏదైనా ఆపద వస్తే సిబ్బందే వారిని సురక్షిత ప్రాంతానికి తరలించాల్సి ఉంటుంది. పైగా కొందరు ఆక్సిజన్‌, వార్మర్లు, ఇతర వైద్య పరికరాలపై ఆధారపడి ఉండడంతో తరలింపు మరింత జాగ్రత్తగా జరగాలి. ఎస్‌ఎన్‌సీయూలో నాలుగు అగ్నిమాపక పరికరాలు ఉండగా అత్యవసరంగా బయటకు వెళ్లేందుకు ఫైర్‌ ఎగ్జిట్‌ ఉంది. అయితే పొగ మొదలుకాగానే హెచ్చరించే ఆటోమేటిక్‌ వ్యవస్థ లేకపోవడం ప్రధాన లోటుగా కనిపిస్తోంది. మంటలను సిబ్బంది గుర్తించి స్పందించడం కంటే.. పొగ మొదలైన క్షణాల్లోనే ప్రమాదాన్ని బయటకు తెలియజేసే ఈ వ్యవస్థ కీలకం. నిధుల దగ్గరే ఆగిన ఎన్‌ఓసీ ఏరియా ఆస్పత్రిలో మొత్తంలో 50 అగ్నిమాపక పరికరాలు ఉండగా, వినియోగంపై సిబ్బందికి శిక్షణ కూడా ఇచ్చారు. విద్యుత్‌ వ్యవస్థను తనిఖీ చేయడంతోపాటు అవసరాల ఆధారంగా ఏసీలకు సర్వీసింగ్‌ చేస్తున్నారు. అయినా ఆస్పత్రికి ఫైర్‌ ఎన్‌ఓసీ ప్రక్రియ పూర్తికాలేదు. నిధుల సమస్యతో ఈ పరిస్థితి నెలకొన్నట్లు తెలిసింది. నిత్యం పెద్ద సంఖ్యలో రోగులు వచ్చే ఆస్పత్రిలో బడ్జెట్‌ కారణంగా కీలకమైన భద్రతా పనులను పట్టించుకోకపోవడం గమనార్హం. ప్రధానంగా స్మోక్‌ డిటెక్టర్లు, స్ప్రింక్లర్లు, ఫైర్‌ పైప్‌లైన్‌ వ్యవస్థలను అమర్చి ఎన్‌ఓసీ ప్రక్రియ పూర్తి చేస్తే అగ్ని ప్రమాదాలను ఎదుర్కొనే వ్యవస్థ మరింత పటిష్టం కానుంది. అగ్నిమాపక పరికరాలు ఎన్ని ఉన్నాయన్న దానికంటే ప్రమాదం వచ్చినప్పుడు ఎంత వేగంగా ఉపయోగించగలరన్నదే కీలకం. భద్రాచలం ఆస్పత్రిలో అగ్నిమాపక శాఖ ఆధ్వర్యాన 2023లోనే చివరిసారిగా మాక్‌డ్రిల్‌ జరిగింది. అప్పటి సిబ్బంది పలువురు బదిలీ కాగా, ఆ స్థానంలో కొత్త వారు వచ్చారు. దీంతో అనుకోని ప్రమాదం జరిగితే వీరిలో ఎందరు వేగంగా స్పందించగలరు, పసికందులను ఎంత సమయంలో బయటకు తరలించగలరు.. మంచానికే పరిమితమైన, ఆక్సిజన్‌పై ఉన్న వారిని సురక్షితంగా బయటకు తీసుకురాగలరా అన్న సందేహాలు వ్యక్తమవుతున్నాయి. ఈమేరకు ఆదిలాబాద్‌ ఘటన నేపథ్యాన భద్రతా ఏర్పాట్లను మరోమారు పరిశీలించడమే కాక పూర్తిస్థాయి మాక్‌డ్రిల్‌ నిర్వహించాలనే సూచనలు వస్తున్నాయి. అగ్ని ప్రమాదం వంటి అత్యవసర పరిస్థితి ఎదురైతే వెంటనే స్పందించేలా ప్రణాళిక ఉంది. ము ఖ్యంగా ఎస్‌ఎన్‌సీ యూలోని పసికందులను సురక్షితంగా తరలించేందుకు ప్రాధాన్యత ఇస్తాం. మాస్‌ క్యాజు వాలిటీ సమయంలో అనుసరించే విధానంలోనే వైద్యులు, నర్సులు, సిబ్బందిని రెస్క్యూలోకి తీసుకొస్తాం. ఆస్పత్రిలో భద్రతను మరింత పటిష్టం చేసేందుకు అవసరమైన అన్ని చర్యలు చేపడుతాం. – డాక్టర్‌ రాజశేఖర్‌రెడ్డి, ఏరియా ఆస్పత్రి సూపరింటెండెంట్‌

భద్రాచలం: భద్రాచలం శ్రీ సీతారామ చంద్రస్వామి దేవస్థానంలో జరుగుతున్న అభివృద్ధి, పునరుద్ధరణ పనులపై రాష్ట్ర మంత్రి పొంగులేటి శ్రీనివాసరెడ్డి బుధవారం సమీక్షించనున్నారు. ఇటీవల రామాలయ వైదిక పెద్దలు సూచించిన మార్పులపై మంత్రి నేతృత్వాన జరిగే సమావేశంలో సమీక్షిస్తారని తెలిసింది. ప్రధానంగా దక్షిణం వైపు నిర్మిస్తున్న ఉపాలయాలకు భూస్పర్శ ఉండాలని వారు కోరడంతో అందుకు తగినట్లు మార్పులతో ప్లాన్‌ రూపొందించినట్లుగా సమాచారం. అలాగే, స్వామి వారి మూలమూర్తులకు ఇరువైపులా లక్ష్మీతాయారు అమ్మవారు, గోదాదేవి అమ్మవార్ల ఉపాలయాలను సూచించగా, దానిపై మంత్రి సలహాలు, సూచనల మేరకు అర్కిటెక్ట్‌లు నిర్ణయం తీసుకునే అవకాశముంది. అర్చకులు సూచించినట్లుగా భూస్పర్శ మేరకు ఉపాలయాలను నిర్మిస్తే, గత ప్లాన్‌లో పొందుపర్చిన దర్బార్‌ సేవా మండపం, హుండీ లెక్కింపు మండపాల విషయంలో ఏం నిర్ణయం తీసుకుంటారో తేలాల్సి ఉంది. మొత్తంగా మంత్రి పొంగులేటి సమీక్ష అనంతరం స్పష్టత రానుంది. నేడు పొంగులేటి సమీక్షలో మరింత స్పష్టత

టేకులపల్లి: జిల్లావ్యాప్తంగా రైతులకు డిజిటల్‌ గుర్తింపు కార్డుల జారీ కోసం ఫార్మర్‌ ఐడీ నమోదు చేస్తున్నట్లు జిల్లా వ్యవసాయ శాఖ అధికారి వేల్పుల బాబురావు తెలిపారు. టేకులపల్లి మండలం సులానగర్‌లో డిజిటల్‌ క్రాప్‌ సర్వే, ఫార్మర్‌ ఐడీ రిజిస్ట్రేషన్‌ను మంగళవారం ఆయన పరిశీలించి మాట్లాడారు. రిజిస్ట్రేషన్‌ కోసం ఈనెల 30వరకు గ్రామాల్లో శిబిరాలు నిర్వహిస్తున్నందున రైతులు ఏఈఓలను కానీ మీ సేవ కేంద్రాల్లో కానీ ఆధార్‌ కార్డు, భూమి పట్టాదార్‌ పాస్‌బుక్‌, ఆధార్‌తో లింక్‌ అయిన మొబైల్‌ నంబర్‌తో సంప్రదించాలని చెప్పా రు. ఈ నంబర్‌ ఆధారంగా రైతులకు ప్రభు త్వ ప్రయోజనాలు సులభంగా అందుతాయని తెలి పా రు. పంటలను కనీస మద్దతు ధరతో విక్రయించుకోవడంతో పాటు ఎరువుల కొనుగోలు, బ్యాంకుల రుణాలు పొందడానికి ఐడీ ఉపయోగపడుతుందని చెప్పారు. ఇప్పటికే నమోదు చేసుకున్న రైతులు నిర్దేశిత లింక్‌ ద్వారా ఆధార్‌ నంబర్‌ నమోదు చేస్తే ‘రైతు ఐడీ’ పొందొచ్చని డీఏఓ తెలిపారు. ఏడీఏ జి.లాల్‌చంద్‌, ఏఓ ఎన్‌.అన్నపూర్ణ, ఏఈఓ భాగ్యశ్రీ పాల్గొన్నారు.

ఖమ్మంమయూరిసెంటర్‌: టీజీఎస్‌ ఆర్టీసీలో గుర్తింపు యూనియన్‌ ఎన్నికల ప్రక్రియ మొదలైంది. ఈ మేరకు మంగళవారం కార్మిక సంఘాల నాయకులతో ఖమ్మం జిల్లా డిప్యూటీ కమిషనర్‌ ఆఫ్‌ లేబర్‌, ఎన్నికల డిప్యూటీ రిటర్నింగ్‌ అధికారి ఎం.కోటేశ్వర్లు సమావేశమయ్యారు. ఈ సందర్భంగా ముసాయదా ఓటర్ల జాబితాను విడుదల చేయగా, రీజి యన్‌ పరిధిలో 1,804మంది ఓటర్లు ఉన్నట్లు పేర్కొ న్నారు. కాగా, జాబితాపై ఈనెల 24వ తేదీ వరకు అభ్యంతరాలు స్వీకరించి, వాటి పరిష్కారం అనంతరం 25న తుది జాబితా ప్రకటిస్తారు. ఎన్ని కల నియమావళి ప్రకారం ప్రశాంత వాతావరణంలో, పారదర్శకంగా ఎన్నికలు జరిగేలా కార్మిక సంఘాల నాయకులు సహకరించాలని డీసీఎల్‌ కోటేశ్వర్లు కోరారు. కాగా, ముసాయిదా జాబితా ప్రకారం ఖమ్మం డిపోలో అత్యధికంగా 416మంది ఓటర్లు ఉండగా, భద్రాచలంలో డిపోలో 336 మంది, సత్తుపల్లిలో 296 మంది, మణుగూరులో 249 మంది, మధిరలో 193 మంది, కొత్తగూడెంలో 179 మంది, ఇల్లెందులో 106 మందితో పాటు ఆర్‌ఎం కార్యాలయంలో 29 మంది ఓటర్లు ఉన్నట్లు వెల్లడించారు. ఖమ్మం రీజియన్‌లో 1,804 మంది ఓటర్లు

సూపర్‌బజార్‌(కొత్తగూడెం): వర్క్‌షాప్‌లో ఆయుధాల నిర్వహణ, మరమ్మతులు, భద్రతా ప్రమాణాలపై అధికారులు అప్రమత్తంగా ఉండాలని ఎస్పీ రోహిత్‌రాజ్‌ సూచించారు. కొత్తగూడెంలోని ఓఎస్డీ కార్యాలయాన్ని మంగళవారం తనిఖీ చేసిన ఆయన డాగ్‌ స్క్వాడ్‌, బాంబ్‌ డిస్పోజల్‌ టీమ్‌, ఆయుధ కర్మాగార వర్క్‌షాప్‌, సిబ్బంది బ్యారక్స్‌ను పరిశీలించారు. ఆయా విభాగాల్లో సిబ్బందికి అందుతున్న వసతి, పరికరాలపై ఆరా తీశాక మరమ్మతులు అవసరమైతే చేయించాలని అధికారులకు సూచించారు. అలాగే, జాగిలాల ఆరోగ్యంపై శ్రద్ధ వహిస్తూ నేరాల ఛేదనలో సేవలను సమర్థవంతంగా వినియోగించుకోవాలని తెలిపారు. బాంబ్‌ డిస్పోజల్‌ టీమ్‌ వద్ద పరికరాలు, భద్రతా సామగ్రి, వర్క్‌షాప్‌లో ఆయుధాల నిర్వహణ, మరమ్మతులపై సూచనలు చేశారు. గణేష్‌ నిమజ్జనానికి బందోబస్తు సూపర్‌బజార్‌(కొత్తగూడెం): జిల్లాలో గణేష్‌ నిమజ్జనం ప్రశాంతంగా, సురక్షితంగా సాగేలా పటిష్టమైన బందోబస్తు, ట్రాఫిక్‌ నియంత్రణ చర్యలు చేపడుతున్నట్లు ఎస్పీ రోహిత్‌రాజ్‌ తెలిపారు. జిల్లావ్యాప్తంగా వేయి మందితో బందోబస్తు ఏర్పాటు చేస్తుండగా, నిమజ్జన శోభాయాత్ర సాగే ప్రధాన మార్గాలు, నిమజ్జన ప్రదేశాలు, సున్నితమైన ప్రాంతాలను ముందుగానే గుర్తించామని వెల్లడించారు. భద్రాచలం నిమజ్జనం ఘాట్‌కు భారీగా భక్తులు తరలివచ్చే అవకాశం ఉండడంతో పరిసరాల్లో ఎక్కువ మంది సిబ్బందిని నియమించనున్నట్లు తెలిపారు. కాగా, ట్రాఫిక్‌ నియంత్రణ, వాహనాల మళ్లింపు, పార్కింగ్‌పై పోలీసు అధికారులు శ్రద్ధ వహించాలని, డీజేలు, టపాసులను అనుమతించొద్దని సూచించారు. ఈ విషయంలో నిబంధనలు ఉల్లంఘించే వారిపై చట్టపరమైన చర్యలు తీసుకుంటామని హెచ్చరించారు. కాగా, గణేష్‌ మండపాల నిర్వాహకులు కూడా పోలీసు శాఖ సూచనలు పాటిస్తూ నిమజ్జనం ప్రశాంతంగా పూర్తయ్యేలా సహకరించాలని ఎస్పీ రోహిత్‌రాజ్‌ ఓ ప్రకటనలో సూచించారు.ఓఎస్‌డీ కార్యాలయంలో పరిశీలించిన ఎస్పీ రోహిత్‌రాజ్‌

భద్రాచలం: మాతృభాషపై పట్టు పెంచుకోవడం విద్యార్థుల వ్యక్తిత్వ వికాసానికి దోహదపడుతుందని భద్రాచలం ఐటీడీఏ పీఓ బి.రాహుల్‌ అన్నారు. తెలుగు భాషపై గిరిజన విద్యార్థుల్లో ఆసక్తిని పెంచడంతో పాటు వారిలో సృజనాత్మక ప్రతిభను వెలికితీయడమే లక్ష్యంగా పోటీలు నిర్వహిస్తున్నామని తెలిపారు. తెలంగాణ భాషా దినోత్సవాన్ని పురస్కరించుకుని ఐటీడీఏ ప్రాంగణంలోని గిరిజన భవన్‌లో మంగళవారం పోటీలు నిర్వహించగా తొలుత కాళోజీ నారాయణరావు చిత్రపటానికి పూలమాల వేసి నివాళులర్పించారు. అనంతరం విద్యార్థుల సాంస్కృతిక ప్రదర్శనలను వీక్షించారు. ఆతర్వాత పీఓ మాట్లాడుతూ విద్యార్థుల్లో తెలుగు భాషపై పట్టు పెంచేలా పోటీలను నిర్వహించామని తెలిపారు. అనంతరం వివిధ పోటీల్లో విజేతలకు పీఓ బహుమతులు అందజేశారు. ట్రైబల్‌ వెల్ఫేర్‌ డీడీలు ఫిరంగి, చందన, గురుకులాల ఆర్‌సీఓ అరుణకుమారి, వివిధ విభాగాల అధికారులు రమేష్‌, రాములు, చంద్రమోహన్‌, రాధమ్మ, భారతీదేవి, గోపాలరావు తదితరులు పాల్గొన్నారు. భద్రాచలం ఐటీడీఏ పీఓ రాహుల్‌

సూపర్‌బజార్‌(కొత్తగూడెం): భూములకు సంబంధించి భవిష్యత్‌లో వివాదాలు ఎదురు కాకుండా భూముల రీసర్వేను పకడ్బందీగా నిర్వహించాలని కలెక్టర్‌ అంకిత్‌ ఆదేశించారు. రామవరం రెవెన్యూ పరిధి సుజాతనగర్‌ – రామవరం – గరీబ్‌పేట ట్రై జంక్షన్‌ వద్ద జరుగుతున్న సర్వేను మంగళవారం ఆయన పరిశీలించారు. రెవెన్యూ పరిధిలో 1,950 ఎకరాల భూమి సర్వే చేయాల్సి ఉండగా, ఇప్పటికే గ్రామ సరిహద్దుల నిర్ధారణ, అటవీ భూముల హద్దుల పరిశీలన పూర్తయిందని అధికారులు తెలి పారు. అనంతరం కలెక్టర్‌ మాట్లాడుతూ కొన్ని సరేనంబర్లలో పట్టా, అసైన్‌, అటవీ భూములు కలిసి ఉన్నందున హద్దులను రికార్డుల ఆధారంగా స్పష్టంగా నిర్ధారించాలని సూచించారు. అటవీ భూముల హద్దులు ఇప్పటికే తేలిన చోట్ల రీ సర్వే త్వరగా పూర్తిచేయాలని తెలిపారు. అలాగే, ఆర్‌ఓఎఫ్‌ఆర్‌ పట్టాలు కలిగిన వ్యక్తుల భూములకు రీ సర్వే ద్వారా స్పష్టమైన హద్దులు వెల్లడించాలని ఆదేశించారు. కొత్తగూడెం తహసీల్దార్‌ పుల్లయ్య, ఉద్యోగులు అశోక్‌, గణపతి తదితరులు పాల్గొన్నారు. రామవరంలో పరిశీలించిన కలెక్టర్‌ అంకిత్‌

అక్టోబర్‌లోగా ‘సత్తుపల్లి’కి ములకలపల్లి: అక్టోబర్‌ నెలాఖరులోగా సత్తుపల్లి ట్రంక్‌ కెనాల్‌కు గోదావరి జలాలు అందిస్తామని వ్యవసాయ శాఖ మంత్రి తుమ్మల నాగేశ్వరరావు తెలిపారు. సోమవారం ఎమ్మెల్యే జారె ఆదినారా యణ, కలెక్టర్‌ అంకిత్‌తో కలిసి ఆయన పర్యటించారు. తొలుత కుమ్మరిపాడు వాగుపై రూ.4.60 కోట్ల వ్యయంతో నిర్మించిన హైలెవల్‌ బ్రిడ్జిని ప్రా రంభించారు. అనంతరం కమలాపురం శివారులోని పంప్‌హౌస్‌–3లో 30 మెగావాట్ల సామర్థ్యంగల మోటార్‌ స్విచ్‌అన్‌ చేసి, ట్రయల్‌రన్‌ నిర్వహించారు. డిశ్చార్జ్‌ పాయింట్‌ వద్ద అన్నదైవం చెరువుకు పరుగులెత్తుతున్న నీటి ఉధృతిని పరిశీలించారు. అనంతరం విలేకరుల సమావేశం నిర్వహించారు. ఈ సందర్భంగా మాట్లాడుతూ కమలాపురం పంప్‌ హౌస్‌ నుంచి గండుగులపల్లి పంప్‌హౌస్‌–4కు 40 కి.మీ. పొడవునా ప్రధాన కాలువ నిర్మించాల్సి ఉండగా, ఇప్పటికే 33 కి.మీ పనులు పూర్తయినట్లు తెలి పారు. గోదావరి జలాలకు పూజలు నిర్వహించి చీరె, సారె సమర్పించారు. ఇరిగేషన్‌ సీఈ శ్రీనివాసరెడ్డి, కాంగ్రెస్‌ మండల అధ్యక్షుడు జహీర్‌, మాజీ జెడ్పీటీసీలు బత్తుల అంజి, పైడి వెంకటేశ్వరరావు, పర్వతనేని అమర్‌నాథ్‌, పువ్వాల మంగపతి, అడపా నాగేశ్వరరావు, బాల అప్పారా వు, ఈర్ల కిరణ్‌, ఇతర అధికారులు పాల్గొన్నారు. మట్టిలో దిగబడిన మంత్రి వాహనండిశ్చార్జ్‌ పాయింట్‌ పరిశీలనకు వెళ్తున్న క్రమంలో దారి బాగా లేకపోవడంతో ఆయన దిగి నడిచి వెళ్తుండగా.. క్యాంపర్‌ వాహనం రావడంతో తుమ్మల దానిలో డీసీకి చేరుకున్నారు. అనంతరం అదే వాహనంలో తిరిగి వస్తుండగా తుమ్మలను అనుసరిస్తున్న కారు పూర్తిగా మట్టిలో దిగబడింది. దీంతో ఎమ్మెల్యే జారె ఆదినారాయణతోపాటు, స్థానిక నాయకులు, ఇరిగేషన్‌ సిబ్బంది అతికష్టం మీద కారును బయటకు తీశారు. ఆతర్వాత అక్కడి నుంచి మరో కారులో తుమ్మల పంప్‌హౌస్‌ గెస్ట్‌హౌస్‌కు చేరుకున్నారు. పామాయిల్‌ ఫ్యాక్టరీ సందర్శన.. దమ్మపేట: మండలంలోని అప్పారావుపేట పామాయిల్‌ ఫ్యాక్టరీని రాష్ట్ర వ్యవసాయ శాఖ మంత్రి తుమ్మల నాగేశ్వరరావు సోమవారం సందర్శించా రు. గెలలను పరిశీలించి, అధికారులకు పలు సూచనలు చేశారు. ఫ్యాక్టరీ ఉప ఉత్పత్తుల రవాణాలో స్థానిక లారీ యజమానులు ఇబ్బంది పెడుతున్నారని మేనేజర్‌ నాగబాబు విన్నవించగా, స్పందించిన మంత్రి రవాణా శాఖ అధికారితో మాట్లాడిసమస్య సత్వరమే పరిష్కరించాలని ఆదేశించారు.

సూపర్‌బజార్‌(కొత్తగూడెం): అటవీ, రెవెన్యూ భూ సమస్యలను సమన్వయంతో పరిష్కరించాలని కలెక్టర్‌ అంకిత్‌ అన్నారు. కలెక్టరేట్‌లో సోమవారం అదనపు కలెక్టర్‌ వేణుగోపాల్‌, ఐటీడీఏ పీఓ రాహుల్‌, భద్రాచలం సబ్‌ కలెక్టర్‌ మణాల్‌ శ్రేష్ట, జిల్లా అటవీ శాఖ అధికారి సిద్ధార్థ విక్రమ్‌ సింగ్‌, అటవీ శాఖ అధికారులు, తహసీల్దార్లు, సర్వేయర్లతో కలిసి సమీక్షించారు. పాపకొల్లు గ్రామంలోని అటవీ, ప్రభుత్వ, పట్టా భూముల సరిహద్దులు, పాత రికా ర్డులకు సంబంధించిన భూ వివాదంపై చర్చించా రు. పాత ఖాస్రా పహాణీ, రెవెన్యూ రికార్డులు, ప్రస్తుత రికార్డులను పరిశీలించి వాస్తవ పరిస్థితులను నిర్ధారించాలని అధికారులను ఆదేశించారు. అశ్వాపురం పరిధిలోని తుమ్మలచెరువు, మామిళ్లగూడెం ప్రాంతాల్లో అటవీ సరిహద్దుకు వెలుపల ఉన్న భూములకు సంబంధించిన లబ్ధిదారుల దరఖాస్తులు, పట్టాదారు పాస్‌పుస్తకాల జారీ ప్రక్రియపై కూడాసమీక్షించారు. ఎన్‌హెచ్‌–930 పి విస్తరణకు సంబంధించిన అటవీ భూముల మళ్లింపు, ప్రత్యామ్నాయ అటవీకరణ భూముల గుర్తింపు అంశాలపై చర్చించారు. వెట్‌ల్యాండ్స్‌ గుర్తింపు, సంరక్షణపై కూడా కలెక్టర్‌ సమీక్షించారు. పోలవరం బ్యాక్‌వాటర్స్‌, పులుసుబొంత ప్రాజెక్టు, సింగరేణి సీఏ భూములపై కూడా చర్చించారు. అనంతరం నీటి పారుదల ప్రాజెక్టుల భూసేకరణ, పరిహారం, పునరావాసంపై మంత్రి ఉత్తమ్‌కుమార్‌ రెడ్డి నిర్వహించిన వీడియో కాన్ఫరెన్స్‌కు కలెక్టరేట్‌ నుంచి హాజరయ్యారు. సీఎస్సార్‌ నిధులతో ట్యాబ్‌లుకరూర్‌ వైశ్య బ్యాంక్‌ యాజమాన్యం సీఎస్‌ఆర్‌ నిధులతో రూ 5,63,509 విలువైన 25 ట్యాబ్‌లను కలెక్టర్‌ అంకిత్‌కు సోమవారం అందజేసింది. బ్యాంక్‌ ప్రతినిధులు కిషోర్‌ వర్మ, బాలాజీ సురేష్‌, ఖుద్దూస్‌, సీపీఓ సునీత పాల్గొన్నారు. అటవీ– రెవెన్యూ భూ సమస్యపై కలెక్టర్‌ అంకిత్‌

పాల్వంచరూరల్‌: పాల్వంచ ఎంపీడీఓ కార్యాలయంలో ఓ అర్జీదారుడు తన సమస్యను పరి ష్కారం చేయడంలేదని రెండు చెవ్వుల్లో పూలు పెట్టుకుని వచ్చి ప్రజావాణిలో అర్జీ అందజేశాడు. కిన్నెరసాని గ్రామ పంచాయతీ రాజాపురం గ్రామానికి చెందిన బుడగం సత్యనారాయణ నిరసన తెలిపాడు. ఈ సందర్భంగా ఆయన మాట్లాడుతూ ఎంపీడీఓ కార్యాలయంలో నిర్వహించే ప్రజావాణిలో సమస్యలు పరిష్కారం కావడం లేదని అన్నారు. తన పామాయిల్‌ తోటలో విద్యుత్‌ కనెక్షన్‌ కోసం ప్రజా వాణిలో రెండుసార్లు దరఖాస్తు చేసినా అధికారులు పట్టించుకోవడంలేదన్నాడు. విద్యుత్‌శాఖ అధికారులకు దరఖాస్తు చేసుకుంటే రెవెన్యూ శాఖ నుంచి ఎన్‌ఓసీ తేవాలని చెబుతున్నారని, రెన్యూ అధికారులు మాత్రం ఇవ్వడంలేదని ఆవేదన వ్యక్తం చేశాడు. కాగా సోమవారం ఎంపీడీఓ ప్రజావాణికి హాజరుకాలేదు. కొందరు హాజరైనా ఒక దరఖాస్తు మాత్రమే వచ్చింది. అర్జీలను పరిష్కరించాలిభద్రాచలంటౌన్‌: గిరిజన దర్బార్‌లో వచ్చిన అర్జీలను త్వరితగతిన పరిష్కరించి, అర్హులకు ప్రభుత్వ సంక్షేమ పథకాలు అందేలా చర్యలు చేపట్టాలని ఐటీడీఏ ఏపీఓ డేవిడ్‌రాజ్‌ అధికారులను ఆదేశించారు. సోమవారం ఐటీడీఏ సమావేశ మందిరంలో నిర్వహించిన గిరిజన దర్బార్‌లో ఆర్సీఓ గురుకులం అరుణకుమారి, ఏడీఎంహెచ్‌ఓ సైదులతో కలిసి ఆయన అర్జీలు స్వీకరించారు. 150కుపైగా దరఖాస్తులు వచ్చినట్లు తెలిపారు. ఉదయ్‌కుమార్‌, పవర్‌ వేణు, సున్నం రాంబాబు, ఆదినారాయణ, హేమంత్‌ తదితరులు పాల్గొన్నారు. మందుల దుకాణాల్లో తనిఖీలుపినపాక: మండలంలోని పలు మందుల దుకాణాలను జిల్లా డ్రగ్‌ ఇన్‌స్పెక్టర్‌ అశ్విని సోమవారం ఆకస్మికంగా తనిఖీ చేశారు. మందుల విక్రయాలు, రికార్డులు, నిల్వలను పరిశీలించారు. ఈ సందర్భంగా ఆమె మాట్లాడుతూ నిబంధనలు ఉల్లంఘిస్తే చర్యలు తప్పవని హెచ్చరించారు. ఈ.బయ్యారంలో నిబంధనలు ఉల్లంఘించిన మూడు మందుల దుకాణాల నిర్వాహకులకు షోకాజ్‌ నోటీసులు జారీ చేశారు. ‘వయో వృద్ధుల’ పురస్కారాలకు దరఖాస్తుల ఆహ్వానంసూపర్‌బజార్‌(కొత్తగూడెం): అక్టోబర్‌ 1న అంతర్జాతీయ వయో వృద్ధుల దినోత్సవం సందర్భంగా వయో వృద్ధుల సాధికారత కోసం సేవలందిస్తున్నవారికి పురస్కారాలు ప్రదానం చేయనున్నారు. ఈ మేరకు అర్హత ఉన్న వ్యక్తులు, సంస్థల నుంచి దరఖాస్తులు ఆహ్వానిస్తున్నారు. ఈమేరకు డీడబ్ల్యూఓ స్వర్ణలత లెనీనా సోమవారం ఒక ప్రకటన చేశారు. దరఖాస్తు ఫారం, మార్గదర్శకాల కోసం www. wdsc. telangana. gov. in వెబ్‌సైట్‌ సందర్శించాలని సూచించారు. భద్రాచలం ఆస్పత్రి సేవలపై మంత్రి స్పందనభద్రాచలంటౌన్‌: భద్రాచలం ఏరియా ఆస్పత్రిలో కంటి వైద్య సేవలపై ‘సాక్షి’లో ప్రచురితమైన కథనానికి స్పందన లభించింది. ఈ నెల 20న ‘వెలుగు నింపుతున్న దవాఖానా’ శీర్షికన ప్రచురితమైన కథనాన్ని వైద్య, ఆరోగ్య శాఖ మంత్రి దామోదర్‌ రాజనర్సింహ తన అధికారిక ‘ఎక్స్‌’ ఖాతాలో పోస్ట్‌ చేశారు. ఉచిత కంటి శస్త్రచికిత్సలు, మెరుగైన వైద్య సేవలను ప్రస్తావించిన కథనంపై మంత్రి స్పందించడంతో వైద్య సిబ్బంది, స్థానికులు హర్షం వ్యక్తం చేశారు.

భద్రాచలం టౌన్‌: హక్కుల సాధన కోసం ఆదివాసీలు సోమవారం ఆందోళన చేపట్టారు. తుడుందెబ్బ ఆధ్వర్యంలో ఆదివాసీ మార్చ్‌ పేరిట బ్రిడ్జి సెంటర్‌ నుంచి ఐటీడీఏ కార్యాలయం వరకు ర్యాలీ చేపట్టారు. అనంతరం కార్యాలయాన్ని ముట్టడించారు. ఈ సందర్భంగా నాయకులు మాట్లాడుతూ హక్కుల సాధనలో ఆదివాసీ ఎమ్మెల్యేలు పూర్తిగా విఫలమయ్యారని ఆరోపించారు. ఐటీడీఏ ద్వారానే ఏజెన్సీ ఉద్యోగాలు భర్తీ చేయాలని, ఐటీడీఏలలో సింగిల్‌ లైన్‌ పరిపాలన అమలు చేయాలని డిమాండ్‌ చేశారు. సుమారు 4 గంటలపాటు ఆందోళన కొనసాగింది. అనంతరం అధికారులకు వినతిపత్రం ఇచ్చారు. ఈ కార్యక్రమంలో తుడుందెబ్బ జాతీయ అధ్యక్షుడు కోట్నాక్‌ విజయ్‌ కుమార్‌, రాష్ట్ర అధ్యక్షుడు మైపతి అరుణ్‌ కుమార్‌, నాయకులు ఈసం సుధాకర్‌, పుర్క బాపురావు, జంగులు, రమేష్‌, వెంకటనారాయణ, సతీష్‌, వసంతరావు, తంబాల రవి పాల్గొన్నారు. ఐటీడీఏ ఎదుట నిరసన

విగ్రహాల తరలింపులో సూపర్‌బజార్‌(కొత్తగూడెం)/పాల్వంచ: భారీ వినాయక విగ్రహాల తరలింపులో జాగ్రత్తలు పాటించాలని విద్యుత్‌ శాఖ నోడల్‌ అధికారి పి.మధుసూదన్‌ రావు, ఎస్‌ఈ మహేందర్‌ సూచించారు. సోమవారం కొత్తగూడెం, పాల్వంచ, భద్రాచలం ప్రాంతాల్లో భారీ వినాయక విగ్రహాల మండపాలను పరిశీలించారు. ఉత్సవ కమిటీలతో మాట్లాడి విగ్రహాల తరలింపులో విద్యుత్‌ లైన్ల గమనించాలని, విద్యుత్‌ ప్రమాదాలు రక్షణ చర్యలు తప్పనిసరిగా పాటించాలని ఆదేశించారు. అనంతరం రైతులతో సమావేశం నిర్వహించారు. వ్యవసాయ విద్యుత్‌ సరఫరా స్థితిగతులు, క్షేత్ర స్థాయిలో రైతులు ఎదుర్కోంటున్న సాంకేతిక సమస్యలను అడిగి తెలుసుకున్నారు. నిరంతర, నాణ్యమైన విద్యుత్‌ సరఫరా అందించేందుకు తీసుకోవాల్సిన చర్యలపై పలు సూచనలు చేశారు.

సూపర్‌బజార్‌(కొత్తగూడెం): ఎస్సీ, ఎస్టీలు ఆర్థికంగా ఎదగాలని రాష్ట్ర షెడ్యూల్‌ కులాల, తెగల కమిషన్‌ చైర్మన్‌ బక్కి వెంకటయ్య అన్నారు. కలెక్టరేట్‌లో సోమవారం ల్యాండ్‌, సర్వీస్‌( ఆర్‌ఓఆర్‌), అట్రాసిటీస్‌ అంశాలపై ముగ్గురు కమిషన్‌ సభ్యులతో కలిసి సమీక్ష నిర్వహించారు. వివిధ ప్రభుత్వ శాఖల్లో ఎస్సీ, ఎస్టీ ఉద్యోగుల వివరాలు అడిగి తెలుసుకున్నారు. నమోదైన ఎస్సీ ఎస్టీ కేసుల వివరాలు, ఉద్యోగుల సమస్యలు, ఉద్యోగుల సంఖ్య, భర్తీ కానీ బ్యాక్‌లాగ్‌ పోస్టుల వివరాలపై ఆరా తీశారు. అనంతరం చైర్మన్‌ మాట్లాడుతూ రాష్ట్ర ప్రభుత్వం అమలు చేస్తున్న సంక్షేమ పథకాలు, రక్షణ చట్టాలను సద్వినియోగం చేసుకోవాలన్నారు. ఉద్యోగ నియామకాల్లో రోస్టర్‌ విధానం అమలుకు చర్యలు తీసుకుంటామని తెలిపారు. ఎస్సీ, ఎస్టీలను వేధింపులకు గురిచేస్తే కఠిన చర్యలు తీసుకుంటామని హెచ్చరించారు. తహసీల్దార్లు, ఎంపీడీఓ లు, సీడీపీఓలు జిల్లా అధికారులతో సమన్వయం చేసుకుంటూ సమస్యలను పరిష్కరించాలని ఆదేశించారు. గిరిజనుల కోసం భద్రాద్రి మార్ట్‌ ఏర్పాటు చేయడంపై ఐటీడీఏ పీఓ రాహుల్‌ను అభినందించారు. చైర్మన్‌ పోలీస్‌ శాఖ నివేదిక అడుగగా, ఎస్పీ రోహిత్‌రాజు మాట్లాడుతూ 2014 నుంచి ఇప్పటివరకు జిల్లాలో 1,115 ఎస్సీ, ఎస్టీ అట్రాసిటీ కేసులు నమోదయ్యాయని తెలిపారు. అందులో 51 కేసులు ప్రస్తుతం విచారణలో ఉన్నాయని, 20 కేసుల్లో చార్జిషీట్‌ దాఖలు చేశామని, రెండింటిపై హైకోర్టు స్టే ఉందని, 9 కేసుల్లో లీగల్‌ ఒపీనియన్‌ అవసరం ఉందని, 20 కేసులు పెండింగ్‌లో ఉన్నాయని వివరించారు. అనంతరం పలువురు బాధితుల నుంచి ఫిర్యాదులు స్వీకరించారు. కమిషన్‌ సభ్యులు లక్ష్మీనారాయణ, రాంబాబు నాయక్‌,నీలాదేవి, డీబీఎఫ్‌ శంకర్‌, పీఓ రాహుల్‌, భద్రాచలం సబ్‌ కలెక్టర్‌ మృణాల్‌ శ్రేష్ట, అదనపు కలెక్టర్లు వేణుగోపాల్‌, విద్యాచందన, ఇతర అధికారులుపద్మావతి, సునీత, శ్రీలత, ఉపేందర్‌, నాగలక్ష్మి,అనూష, బాబురావు, మహేందర్‌ పాల్గొన్నారు. భద్రాద్రి మార్ట్‌.. భేష్‌ భద్రాచలం: గిరిజనాభివృద్ధికి భద్రాచలంలో భద్రాద్రి మార్ట్‌ ఏర్పాటు చేయడం ప్రశంసనీయమని తెలంగాణ రాష్ట్ర ఎస్సీ, ఎస్టీ కమిషన్‌ చైర్మన్‌ బక్కి వెంకట య్య అన్నారు. సోమవారం ఆయన మార్ట్‌ ను ఎస్సీ, ఎస్టీ కమిషన్‌ సభ్యులతో కలిసి సందర్శించారు. అటవీ ఉత్పత్తులను పరిశీలించారు. ఈ సందర్భంగా మాట్లాడుతూ ప్రజలు గిరిజన ఉత్పత్తులను కొనుగోలు చేసి, గిరిజన ఎస్‌హెచ్‌జీ గ్రూప్‌ మహిళలు, గిరిజన రైతులకు ఆర్థికంగా చేయూత అందించాలని అన్నారు. అధికారులు డేవిడ్‌ రాజ్‌, రాంబాబు, జయరాజ్‌, విజిలెన్స్‌ కమిటీ మెంబర్‌ వెంకటేశ్వర్లు పాల్గొన్నారు. రామాలయంలో ప్రత్యేక పూజలు శ్రీ సీతారామ చంద్రస్వామివారిని కుటుంబ సభ్యులతో కలిసి దర్శించుకున్నారు. ఆలయానికి వచ్చిన ఆయనకు అర్చకులు, అధికారులు సంప్రదాయబద్ధంగా స్వాగతం పలికారు. ఆలయ ప్రదక్షిణ అనంతరం అంతరాలయంలో మూలమూర్తులకు పూజలు చేశా రు. పండితులు వేదాశీర్వచనం చేసి స్వామి వారి ప్రసాదాలను అందించారు.

పాల్వంచరూరల్‌: వివిజయవాడ–జగదల్‌పూర్‌ (30వ నంబర్‌) జాతీయ రహదారిపై ఏర్పడ్డ గుంతలను ఎన్‌హెచ్‌ఏఐ అధికారులు పూడ్చివేశారు. మండల పరిధిలోని రంగాపురం నుంచి నవభారత్‌ వరకు బీసీఎం జాతీయ రహదారి ‘హైవేపై అన్నీ గుంతలే’ శీర్షికన శనివారం ‘సాక్షి’లో కథనం ప్రచురితమైంది. దీంతో జాతీయ రహదారుల శాఖ అధికారులు స్పందించారు. పట్టణం పరిధిలోని సీ కాలనీ గేటు నుంచి ఆరోగ్యమాత చర్చి వరకు హైవేపైన ఉన్న ప్రమాదకరమైన గుంతలను పూడ్చారు. కంకర, తారుతో మరమ్మతులు నిర్వహించారు. ఉరివేసుకుని వ్యక్తి ఆత్మహత్యపెనుబల్లి: మనస్థాపంతో ఒక వ్యక్తి ఉరి వేసుకుని ఆత్మహత్యకు పాల్పడిన ఘటన ఆదివారం పెనుబల్లి మండలంలో చోటు చేసుకుంది. పోలీసుల కథనం ప్రకారం.. మండలంలోని లంకా శేషయ్య బంజర గ్రామానికి చెందిన గొరిపత్తి నాగేశ్వరావు (40) భార్య ఇటీవల చనిపోవడంతో మనస్థాపానికి గురయ్యాడు. వీరికి ఒక కుమారుడు. ఈనేపథ్యాన ఆదివారం గ్రామం పరిధిలోని ఆయిల్‌ఫామ్‌ తోటలో చెట్టుకు ఉరివేసుకుని ఆత్మహత్యకు పాల్పడినట్లు తెలిసింది. విషయం తెలుసుకున్న వీఎం బంజర ఎస్సై షేక్‌.షాకీర్‌ తన సిబ్బందితో ఘటన స్థలానికి చేరుకుని పోస్టుమార్టం నిమిత్తం పెనుబల్లి ప్రభుత్వ ఆస్పత్రికి తరలించారు. ఈ ఘటనపై ఎస్‌ఐ షాకీర్‌ విచారణ చేపట్టారు.

● ఘటన స్థలాన్ని పరిశీలించిన క్లూస్‌ టీమ్‌ ● పోలీసుల అదుపులో నిందితులు?కరకగూడెం: మండలంలోని గొత్తికోయ అశ్వాపురంపాడు గ్రామానికి చెందిన వజ్జ భీమరాజుపై శనివా రం జరిగిన హత్యాయత్నం ఘటనపై పోలీసులు దర్యాప్తు ముమ్మరం చేశారు. ఆదివారం ఘటనాస్థలాన్ని క్లూస్‌ టీమ్‌తో కలిసి ఏడూళ్ల బయ్యారం సీఐ వెంకటేశ్వరరావు, కరకగూడెం ఎస్సై పీవీఎన్‌ రావు పరిశీలించారు. ఘటనకు సంబంధించిన ఆధారా లను సేకరించి దర్యాప్తు కొనసాగిస్తున్నారు. ప్రస్తు తం భీమరాజు కొత్తగూడెం ప్రభుత్వ ఆస్పత్రిలో అత్యవసర చికిత్స పొందుతున్నారు. పాత కక్షలే కారణం.. పోలీసుల ప్రాథమిక విచారణలో ఈ దాడి వెనుక పాత కక్షలు ఉన్నట్లు తెలుస్తోంది. కొన్ని నెలల క్రితం ఇదే గ్రామానికి చెందిన సీపీఎం నేత, గ్రామ పెద్ద కొవ్వాసి వెంకటేష్‌ను హత్య చేసిన కేసులో భీమరాజు జైలు శిక్ష అనుభవించి వచ్చాడు. జైలు నుంచి విడుదలయ్యాక గ్రామంలో సాధారణ జీవితం గడుపుతున్న భీమరాజుపై వెంకటేష్‌ కుమారుడు, బావమరిది పగ పెంచుకుని ఎలాగైనా ప్రతీకారం తీర్చుకోవాలనుకు న్నారు. మరో ఇద్దరి సాయంతో వేటకొడవళ్లతో ఈ ఘాతుకానికి ఒడిగట్టినట్లు సమాచారం. తప్పించుకున్న చిన్నారి.. శనివారం భీమరాజు గ్రామ పరిధిలోని అటవీ ప్రాంతంలో పశువులను మేపుతున్న సమయాన ఈ దాడి జరుగగా.. భీమరాజుతో పాటు ఆయన కుమార్తె కూడా అక్కడే ఉంది. దుండగుల బారి నుంచి ఆ చిన్నారి తప్పించుకుని గ్రామానికి చేరుకుని తల్లికి విషయం చెప్పింది. వెంటనే బాధితుడి భార్య పోలీసులకు సమాచారం అందించి ఘటనా స్థలా నికి వెళ్తుండగా, తన భర్తపై దాడి చేసి తిరిగి వస్తున్న నలుగురు గ్రామస్తులను చూసింది. ఆ నలుగురు వ్యక్తులే ఈ హత్యాయత్నానికి ఒడిగట్టారని ఆమె పోలీసులు, మీడియా ముందర వారి పేర్లను బహిరంగపరిచింది. దీంతో ప్రస్తుతం పోలీసులు కేసు నమోదు చేసి, నిందితుల కోసం గాలింపు చర్యలు చేపడుతున్నారు. కాగా, ఇద్దరు నిందితులు పోలీసులకు లొంగిపోయారని సమాచారం. ఈ విషయంపై ‘సాక్షి’సీఐను వివరణ కోరగా ఎవ్వరిని కూడా అదుపులో తీసుకోలేదని పేర్కొన్నారు.

టేకులపల్లి: ఇల్లెందు మండలం లచ్చగూడెం పంచాయతీ కొమ్ముగూడెం తండాకు చెందిన గుగులోతు మోహన్‌, ఉమా (30) దంపతుల కుటుంబంలో విషాదం నెలకొంది. బిడ్డను కలిసేందుకు వెళ్తున్న ఆ కుటుంబానికి తెలియకుండానే ఉమాకు చివరి ప్రయాణంగా మారింది. వివరాల్లోకి వెళితే.. మోహన్‌, ఉమా దంపతులకు ఇద్దరు కుమార్తెలు కాగా.. పెద్ద కుమార్తె పూజ శ్రీ రామవరం ఏకలవ్య పాఠశాలలో ఏడో తరగతి, చిన్న కుమార్తె జైశ్రీ ఇల్లెందులోని ఓ ప్రైవేట్‌ పాఠశాలలో రెండో తరగతి చదువుతోంది. మోహన్‌ వ్యవసాయ పనులతో పాటు ఎలక్ట్రీషియన్‌గా పనిచేస్తూ కుటుంబాన్ని పోషిస్తున్నాడు. లచ్చగూడెం పంచాయతీ రెండో వార్డు సభ్యుడిగానూ కొనసాగుతున్నాడు. ఆదివా రం కావడంతో పెద్ద కుమార్తెను చూసేందుకు మోహన్‌, ఉమా దంపతులు తమ చిన్న కుమార్తె జైశ్రీని వెంట తీసుకుని బైక్‌పై రామవరం ఏకలవ్య పాఠశాలకు బయలుదేరారు. ఈక్రమాన టేకులపల్లి మండలం తొమ్మిదో మైలుతండా పంచాయతీ సాయనపేట సమీపానికి చేరుకోగానే వెనుక నుంచి వేగంగా వచ్చిన యాష్‌ ట్యాంకర్‌ లారీ వారి బైక్‌ను ఢీకొట్టింది. ప్రమాదంలో మోహన్‌, చిన్న కుమార్తె జై శ్రీ రోడ్డు పక్కకు పడిపోగా, ఉమా రోడ్డుపై పడిపోగా లారీ టైర్ల మధ్యలో ఉమా చిక్కుకుని అక్కడికక్కడే మృతిచెందింది. కొద్ది సేపటి వరకు బిడ్డను పట్టుకుని రోదిస్తున్న మోహన్‌ అపస్మారక స్థితిలోకి వెళ్లాడు. భర్త కళ్లముందే భార్య ప్రాణాలు కోల్పోవడం, కుమార్తెకు గాయాలుకావడం ఆ కుటుంబంలో తీవ్ర విషాదా న్ని నింపింది. సమాచారం అందుకున్న టేకులపల్లి ఎస్సై తిరుపతి సంఘటనా స్థలానికి చేరుకుని ట్రాఫిక్‌కు అంతరాయం కలగకుండా చర్యలు చేపట్టి పంచనామా నిర్వహించారు. తీవ్రంగా గాయపడిన మోహన్‌, స్వల్ప గాయాలైన జైశ్రీని ఇల్లెందు ఆస్పత్రికి, ఆపై ఖమ్మం తరలించారు. ఉమా మృతదేహాన్ని పోస్టుమార్టం నిమిత్తం ఇల్లెందు ప్రభుత్వాస్పత్రికి తరలించి ఆపై కుటుంబసభ్యులకు అప్పగించారు. ఆదివారం పూట కన్నబిడ్డను చూసేందుకు స్వీట్లు, తినుబండారాలు తీసుకుని ఆనందంగా బయలుదేరిన ఉమా.. తిరిగి ఇంటికి రాకుండానే అనంతలోకాలకు వెళ్లడం స్థానికులు, కుటుంబసభ్యులను కలచివేసింది. విషయం తెలుసుకున్న లచ్చగూడెం సర్పంచ్‌ జరుపుల లక్ష్మ ణ్‌, గ్రామస్తులు సంఘటనా స్థలానికి చేరుకుని సహాయక చర్యలకు సహకరించారు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు. యాష్‌ ట్యాంకర్‌ ఢీకొని దుర్మరణం, భర్త, కుమార్తెకు గాయాలు

ఖమ్మంక్రైం: పెళ్లయి రెండున్న ర నెలలు దాటకముందే అనుమానంతో తరుచూ వేధించే భర్త, అత్త, మామల వేధింపులతో తీవ్ర మనస్తాపానికి గురైన నవ వధువు ఆత్మహత్య కు పాల్పడింది. టూటౌన్‌ సీఐ బాలకృష్ణ కథనం ప్రకారం.. ఏపీలోని ఎన్టీఆర్‌ జిల్లా జగ్గయ్యపేట ప్రాంతం చిల్లకల్లుకు చెందిన నాగలీల, రామకృష్ణ దంపతుల కుమార్తె నాగలక్ష్మి(20)ని ఖమ్మంలోని రమణగుట్ట ప్రాంతంలో సెక్యూరిటీ గార్డుగా పనిచేస్తున్న గుంజి నాగార్జునతో రెండున్నర నెలల క్రితం వివాహమైంది. అయితే వివాహం అయినప్పటి నుంచి నాగార్జున నాగలక్ష్మిపై అనుమానంతో వేధింపులకు గురిచేస్తున్నాడు. దీనికి తోడు అతడి తల్లి నాగమణి, తండ్రి నాగేశ్వరావులు కుమారుడికి వత్తాసు పలుకుతూ నాగలక్ష్మిని మరింత వేధింపులకు గురి చేయడం ప్రారంభించారు. దీంతో ఆమె ఇంట్లో ఎవరు లేని సమయంలో ఫ్యాన్‌కు ఉరివేసుకుని ఆత్మహత్యకు పాల్పడింది. ఇంటి పక్కన వారు కిటికీలో నుంచి చూసి కుటుంబసభ్యులకు సమాచారం అందించారు. సమాచారం అందుకున్న పోలీసులు అన్నం ఫౌండేషన్‌ ఆధ్వర్యాన మృతదేహాన్ని పెద్దాస్పత్రి మార్చురీకి తరలించారు. మృతురాలి తల్లి ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. అయితే నాగలక్ష్మి మృతిపై తమకు అనుమానాలు ఉన్నాయని, ఆమె మెడలో పుస్తెలతాడు కనిపించలేదని బంధువులు టూటౌన్‌ పోలీస్‌ స్టేషన్‌లో కొద్దిసేపు ఆందోళన చేశారు. మనస్తాపంతో నవ వధువు ఆత్మహత్య

పాల్వంచరూరల్‌: కిన్నెరసానిలో ఆదివారం పర్యాటకులు సందడి చేశారు. రాష్ట్రంలోని పలు ప్రాంతాల నుంచి సందర్శకులు తరలివచ్చారు. డీర్‌ పార్కులోని దుప్పులను, డ్యామ్‌పైనుంచి జలాశయాన్ని వీక్షించారు. అనంతరం బోటు షికారు చేశారు. 433 మంది పర్యాటకులు కిన్నెరసానిలోకి ప్రవేశించగా రూ.19,215, సఫారీ ద్వారా రూ.10,050 వైల్డ్‌లైఫ్‌ విభాగానికి ఆదాయం లభించింది. 160 మంది బోటింగ్‌ చేయగా రూ.8,280 ఆదాయం టూరిజం శాఖకు లభించినట్లు నిర్వాహకులు తెలిపారు. ‘విన్‌ విజన్‌’ ఆస్పత్రి ప్రారంభంఖమ్మం వైద్యవిభాగం: ఖమ్మంలో ఏర్పాటు చేసిన విన్‌ విజన్‌ కంటి ఆస్పత్రిని రాష్ట్ర వ్యవసాయ శాఖ మంత్రి తుమ్మల నాగేశ్వరరావు ఆదివారం ప్రారంభించారు. మాజీ ఎంపీ రామసహాయం సురేందర్‌రెడ్డి, ఖమ్మం ఎంపీ రామసహాయం రఘురాంరెడ్డితో కలిసి ఆస్పత్రిని ప్రారంభించిన మంత్రి జిల్లా ప్రజలకు మెరుగైన వైద్య సేవలు అందించి వారి మన్నలను పొందాలన్నారు. ఈ కార్యక్రమంలో సుడా చైర్మన్‌ దుర్గాప్రసాద్‌, మాజీ ఎమ్మెల్సీ బాలసాని లక్ష్మీనారాయణ, కాంగ్రెస్‌ నాయకులు సాధు రమేష్‌రెడ్డి, నాగళ్ల దీపక్‌ చౌదరి, తదితరులు పాల్గొన్నారు. గిరిజన దర్బార్‌కు హాజరు కావాలిభద్రాచలంటౌన్‌: ఐటీడీఏలో సోమవారం నిర్వహించనున్న గిరిజన దర్బార్‌, సబ్‌ కలెక్టర్‌ కార్యాలయంలో జరిగే ప్రజావాణి కార్యక్రమాలకు అన్ని శాఖల అధికారులు సకాలంలో హాజరు కావాలని ఐటీడీఏ పీఓ బి.రాహుల్‌, సబ్‌ కలెక్టర్‌ మృణాల్‌ శ్రేష్ఠ సూచించారు. ఈ మేరకు ఆదివారం సంయుక్త ప్రకటన విడుదల చేశారు. ఉదయం 10.30 గంటలకు ఆయా కార్యాలయాల సమావేశ మందిరాల్లో తప్పనిసరిగా హాజరుకావాలని పేర్కొన్నారు. ప్రమాదవశాత్తు ట్రాక్టర్‌ డ్రైవర్‌ మృతి పాల్వంచరూరల్‌: అతివేగంగా, నిర్లక్ష్యంగా ట్రాక్టర్‌ నడిపిన డ్రైవర్‌ చెట్టును ఢీకొని ప్రమాదవశాత్తు మృతిచెందాడు. పోలీసుల కథనం ప్రకారం.. బూర్గంపాడు మండలం ఉప్పుసాక గ్రామానికి చెందిన సున్నం శివాజీ(25) సీతారామసాగర్‌ ప్రాజెక్టులో లస్కర్‌గా పనిచేస్తున్నాడు. ఆదివారం పాల్వంచ పట్టణంలోని శివనగర్‌లో నివాసం ఉంటున్న అన్న శ్రీకాంత్‌ ఇంటికొచ్చి తిరిగి టీజీ 28 సీటీఆర్‌ 0473 నంబర్‌ గల ట్రాక్టర్‌ను తీసుకుని స్వగ్రామానికి వెళ్తున్నాడు. ఈక్రమాన పాల్వంచ మండలం పాండురంగాపురం గ్రామ శివారులో ట్రాక్టర్‌ను అతివేగంగా, నిర్లక్ష్యంగా నడపడంతో ట్రాక్టర్‌ అదుపుతప్పి రోడ్డు పక్కనే ఉన్న చెట్టును ఢీకొట్టాడు. దీంతో శివాజీ కిందపడగా ట్రాక్టర్‌ టైర్‌ మీద నుంచి వెళ్లడంతో త్రీవగాయాలయ్యాయి. అటుగా వెళ్తున్న తాటి విజయ్‌, సోలం సారయ్యలు గమనించి పాల్వంచలోని ఆస్పత్రికి తరలించగా.. అప్పటికే మృతిచెందినట్లు వైద్యులు తెలిపారు. మృతుడి సోదరుడు శ్రీకాంత్‌ ఫిర్యాదు మేరకు కేసు నమోదు చేసినట్లు ఎస్‌ఐ సురేశ్‌ తెలిపారు. పాల వ్యాన్‌ బోల్తా.. కొత్తగూడెంఅర్బన్‌: కొత్తగూడెం సింగరేణి ఉమెన్స్‌ కళాశాల ఎదురు రోడ్డులో ఆదివారం తెల్లవారుజామున పాల లోడుతో వెళ్తున్న వ్యాన్‌ (టీజీ 05 టీ 9447) అదుపు తప్పి రహదారిపై బొల్తా పడింది. ఈ ప్రమాదంలో పాలన్నీ రోడడ్డుపాలు కాగా గమనించిన స్థానికులు డ్రైవర్‌, క్లీనర్‌లను సురక్షితంగా బయటకు తీశారు. వారికి స్వల్ప గాయాలతో బయటపడ్డారు. అతి వేగం, డ్రైవర్‌ నిద్రమత్తుతో ప్రమాదం జరిగిఉంటుందని తెలుస్తోంది. సమాచారం అందుకున్న పోలీసులు ఘటన స్థలానికి చేరుకుని ట్రాఫిక్‌ను క్రమబద్ధీకరించారు.

పాల్వంచరూరల్‌: విద్యుత్‌ షార్ట్‌ సర్క్యూట్‌తో ఇల్లు దగ్ధం కాగా సుమారు రూ.10లక్షల విలువైన ఆస్తినష్టం వాటిల్లింది. వివరాలిలా.. పాల్వంచ పట్టణ పరిధిలోని కరకవాగులోని మహమ్మద్‌ ముబీన్‌కు చెందిన ఇంట్లో ఎవరు లేని సమయాన శనివారం రాత్రి విద్యుత్‌ షార్ట్‌ సర్క్యూట్‌ జరిగింది. దీంతో ఇంట్లో నుంచి మంటలు ఎగిసి పడటంతో చుట్టు పక్కల ప్రజలు భయాబ్రాంతులకు గురికాగా ప్రమాదంలో కుమార్తె వివాహం కోసం కొనుగోలు చేసిన దుస్తులు, కుమారుడు, కుమార్తెలకు చెందిన ఎంబీఏ సర్టిఫికెట్లతో సహా సుమారు రూ.10లక్షల విలువైన సామగ్రి అగ్నికి ఆహుతయ్యాయి. ప్రమా దం జరిగిన సమయంలో ముబీన్‌ పాల్వంచలో ఉండగా అతని భార్య సిద్దిపేటలోని బంధువుల ఇంటికి వెళ్లింది. అగ్నిప్రమాద విషయాన్ని స్థానికులు ముబీన్‌కు, అగ్నిమాపక అధికారులకు సమాచారం ఇవ్వగా అగ్నిమాపక శకటం వచ్చే సరికి మంటలను అదుపుచేశారు. సమాచారం అందుకున్న రెవెన్యూ అధికారులు సంఘటన స్థలాన్ని పరిశీలించి ఆస్తినష్టాన్ని అంచనా వేశారు. ప్రభుత్వం తమను ఆదుకోవాలని ఇంటి యజమాని కోరారు.

● వాయిదా పడిన పథకానికి మళ్లీ ఊపిరి ● నవంబర్‌ 19నుంచి రూ.లక్ష సాయంపై ప్రకటన ● ఉమ్మడి జిల్లాలో 1.60 లక్షలకు పైగా దరఖాస్తులుచుంచుపల్లి: కాంగ్రెస్‌ ఎన్నికలకు ముందు ప్రకటించిన ఆరు గ్యారంటీల్లో భాగంగా నిరుద్యోగ యువతకు స్వయం ఉపాధి కల్పించేందుకు ప్రతిష్టాత్మకంగా చేపట్టిన రాజీవ్‌ యువ వికాసం పథకంలో మళ్లీ కదలిక వచ్చింది. గతంలో దరఖాస్తులు స్వీకరించి ఎంపిక ప్రక్రియ చేపట్టినా వివిధ కారణాలతో అమలు ముందుకు సాగలేదు. ఈక్రమాన నవంబర్‌ 19 నుంచి తొలి విడతగా రూ.లక్షలోపు ఆర్థిక సాయం అందించేందుకు చర్యలు చేపట్టాలని డిప్యూటీ సీఎం భట్టి విక్రమార్క తాజాగా అదికారులను ఆదేశించారు. దీంతో ఇప్పటికే దరఖాస్తు చేసుకుని ఎదురుచూస్తున్న ఉమ్మడి జిల్లా యువతలో ఆశలు చిగురించాయి. ఉమ్మడి జిల్లాలో 1.60 లక్షల మందికి పైగా దరఖాస్తు చేసుకున్నారు. యువతకు ఆర్థిక సాయం అందించి సొంతంగా వ్యాపారం, స్వయం ఉపాధి యూనిట్లు ఏర్పాటు చేసుకునేలా అవకాశం కల్పించాలన్నది ఈ పథకం ఉద్దేశం. వ్యవసాయ ఆధారిత కార్యకలాపాలు, పశుపోషణ, చిన్న పరిశ్రమలు, సేవా రంగం, రవాణా తదితర విభాగాల్లో యూనిట్లను ఏర్పాటు చేసుకునే అవకాశం ఉంది. గత ఏడాది మార్చిలో దరఖాస్తులు 2025 మార్చి 17 నుంచి ఏప్రిల్‌ 14 వరకు రాజీవ్‌ యవ వికాసం పథకానికి వివిధ వర్గాల నుంచి అధికారులు దరఖాస్తులు స్వీకరించారు. ఈమేరకు ఖమ్మం జిల్లాలో 95,325, భద్రాద్రి కొత్తగూడెం జిల్లాలో 64,882 కలిపి మొత్తంగా 1,60,207 దరఖాస్తులు నమోదయ్యాయి. ఎస్సీ, ఎస్టీ, బీసీ, మైనారిటీ, ఈబీసీ తదితర వర్గాల నుంచి యువత దరఖాస్తు చేసుకున్నారు. రూ.50వేల నుంచి యూనిట్లు రాజీవ్‌ యువ వికాసం పథకం విధివిధానాల ప్రకా రం స్వయం ఉపాధి యూనిట్ల స్థాయి ఆధారంగా రూ.50 వేల నుంచి రూ.4 లక్షల వరకు రుణ సౌకర్యం, రాయితీ అమలవుతుంది. రూ.50వేల యూనిట్‌కు వంద శాతం సబ్సిడీ, రూ.లక్ష వరకు 90 శాతం సబ్సిడీ, రూ.లక్ష నుంచి రూ.2లక్షల వరకు 80 శాతం సబ్సిడీ, రూ. 2లక్షల నుంచి రూ.4 లక్షల వరకు 70 శాతం సబ్సిడీ ఉంటుందని ప్రభుత్వం మార్గదర్శకాల్లో వెల్లడించింది. ఉమ్మడి జిల్లాలో మొదటి విడతగా దాదాపు 38,230 యూనిట్ల పంపిణీ లక్ష్యంగా నిర్ణయించగా.. దరఖాస్తుల పరిశీలన ఇప్పటికే పూర్తయినందున జాబితా ఆధారంగా ఇంటర్వ్యూలు నిర్వహించి యూనిట్లకు ఎంపిక చేయాల్సి ఉంది. అయితే ఏడాది కాలంగా వివిధ కారణాలతో వాయిదా వేస్తూ వచ్చిన ప్రభుత్వం.. తాజాగా రూ.లక్ష వరకు సాయం కోసం దరఖా స్తు చేసుకున్న వారికే ప్రాధాన్యత ఇవ్వాలని భావిస్తోంది. నవంబర్‌ 19 నుంచి తొలి విడత సాయం అందించనున్నట్లు ప్రభుత్వం ప్రకటించడంతో దరఖాస్తుదారుల్లో ఆశలు చిగురిస్తుండగా.. అధికారిక మార్గదర్శకాలు వెలువడ్డాక మరింత స్పష్టత రానుంది. కార్పొరేషన్‌ భద్రాద్రి జిల్లా ఖమ్మం జిల్లా బీసీ 20,602 39,616 ఎస్సీ 12,488 29,742 ఎస్టీ 27,792 14,416 మైనార్టీ 2,844 7,412 ఈ బీసీ 1,049 4,022 క్రిస్టియన్‌ 107 117 మొత్తం 64,882 95,325రాష్ట్ర ప్రభుత్వం రాజీవ్‌ యువ వికాసం పథకాన్ని నవంబర్‌ 19 నుంచి అమలు చేయాలనే ఆలోచనలో ఉన్నట్లు తెలిసింది. గతంలో దరఖాస్తుల పరిశీలన మరింత లోతుగా చేపట్టాలనే నిర్ణయంతో వాయిదా వేసింది. యువ వికాసంపై ప్రభుత్వం నుంచి వచ్చే ఆదేశాల మేరకు నడుచుకుంటాం. మార్గదర్శకాలు వెలువడగానే లబ్ధిదారుల ఎంపిక అత్యంత పారదర్శకంగా చేపడతాం. – బి.నాగలక్ష్మి, భద్రాద్రి జిల్లా కోఆర్డినేటర్‌, రాజీవ్‌ యువ వికాసం

● గొంతు నులిమి వృద్ధురాలిని హత్యచేసిన దుండగులు ● బంగారం, వెండి ఆభరణాలు అపహరణఅశ్వాపురం: మెడలో వేసుకున్న బంగారం, వెండి ఆభరణాలే ఆ వృద్ధురాలి పాలిట శాపమయ్యాయి. రాత్రి సమయాన ఇంట్లో నిద్రిస్తుండగా దొంగలు ఇంట్లోకి చొరబడి ఆమె గొంతు నులిమి హతమార్చి ఆభరణాలను ఎత్తుకెళ్లారు. పోలీసులు, కుటుంబసభ్యుల కథనం ప్రకారం.. మండలంలోని తురంవారిగూడెం గ్రామానికి చెందిన జర్పుల సువాలి (62) శనివారం రాత్రి ఇంట్లో నిద్రిస్తోంది. ఈక్రమాన గుర్తుతెలియని దుండగులు ఆమె గొంతు నులిమి హత్య చేసి ఒంటిపై ఉన్న బంగారు, వెండి ఆభరణాలను అపహరించారు. ఆమె వద్ద మొత్తం మూడు తులాల బంగారపు చైన్‌, చెవుల కమ్మలు, ఐదు తులాలు వెండి పట్టీలు ఎత్తుకెళ్లారు. సమాచారం అందుకున్న సీఐ ఎల్లయ్య, మణుగూరు డీఎస్పీ రవీందర్‌రెడ్డి సంఘటనా స్థలాన్ని పరిశీలించారు. మృతురాలు కుమారుడు నాగార్జున ఫిర్యాదు మేరకు సీఐ కేసు నమోదు చేసి దర్యాప్తు చేస్తున్నారు.

అశ్వారావుపేటరూరల్‌: అరుదైన వ్యాధితో బాధ పడుతున్న ఓ బాలుడి వైద్యానికి నగదు వితరణగా అందిస్తామని చెప్పిన కేటుగాళ్లు సైబర్‌ మోసానికి పాల్పడ్డాడు. బాధితుడి కథనం ప్రకారం.. అశ్వారావుపేటలో గతకొంతకాలంగా అద్దె ఇంట్లో జీవ నం సాగిస్తున్న తాపీ కార్మికుడు రుక్కం రాజేష్‌, ప్రశాంతి దంపతుల ఏడేళ్ల కుమారుడు రీత్విక్‌ జోఝెల్‌ అరుదైన డీఎండీ(డ్యూచేన్‌ మస్క్యులర్‌ డిస్ట్రోఫి) అనే వ్యాధితో పుట్టుక నుంచే బాధపడుతున్నాడు. దీంతో హైదరాబాద్‌లోని నిమ్స్‌ ఆస్పత్రిలో చూపించగా.. పరీక్షించిన వైద్యులు బాలుడికి డీఎండీ వ్యాధి ఉన్నట్లు గుర్తించి నివారణకు విదేశాల నుంచి రూ.26కోట్ల విలువైన ఇంజెక్షన్‌ చేయాల్సి ఉంటుందని చెప్పారు. సోషల్‌ మీడియాలో వీడియోలు.. విషయం తెలిసిన నాటి నుంచి బాలుడి వైద్యానికి సాయం చేయాలని సోషల్‌ మీడియాలో వీడియోలు షేర్‌ చేయగా, ఈ వీడియోలు చూసిన గుర్తు తెలియన సైబర్‌ నేరగాళ్లు బాలుడి వైద్యానికి రూ.25లక్షల వితరణ అందిస్తామని ఈ నెల 11వ తేదీన సంధ్య ఫౌండేషన్‌, రామ్‌రాజ్‌ కాటన్‌ దుస్తులు, నకిలీ ‘హర్షసాయి’ప్రొఫైల్‌తో వాట్సాప్‌ కాల్‌, వీడియో కాల్‌ చేసి మాట్లాడారు. అయితే, తాము నగదు సాయం చేసేందుకు ముందుగా ప్రాసెస్‌ ఫీజు కింద కొంతనగదు చెల్లించాలని చెప్పడంతో బాధితుడి నమ్మి విడతల వారిగా మొత్తం రూ.83వేలను ఫోన్‌పే ద్వారా పంపించాడు. కొద్ది రోజుల్లో సాయం అందుతుందని చెప్పిన కేటుగాళ్లు, ఆనాటి నుంచి ఫోన్లు స్విచాఫ్‌ చేశారు. రోజులు గడుస్తున్న సాయం అందకపోవడంతో మోసపోయినట్లు గ్రహించిన బాధితుడు సైబర్‌ క్రైమ్‌ హెల్ప్‌లైన్‌కు ఫిర్యాదు చేసినట్లు ఆదివారం బాధితుడు విలేకరులకు చెప్పాడు. వైద్యానికి సాయం చేస్తామని రూ.83వేలు కాజేసిన వైనం

● చివరిసారి 2016 జూలై 19న ఆర్‌టీసీలో ఎన్నికలు ● నాడు ఆరు డిపోల పరిధిలో 2,950, నేడు ఏడింట్లో 1,808 ఓట్లే.. ● ‘గుర్తింపు’ ఎన్నికల్లో ప్రధాన సంఘాల మధ్యే పోటీకి అవకాశం ● ఎన్నికల నిర్వహణపై కార్మికుల్లో హర్షాతిరేకాలుఖమ్మం మయూరిసెంటర్‌: తెలంగాణ రాష్ట్ర రోడ్డు రవాణా సంస్థ(టీజీఎస్‌ ఆర్టీసీ)లో సుదీర్ఘ కాలం తర్వాత గుర్తింపు సంఘం ఎన్నికల సందడి మొదలైంది. చివరిసారి 2016 జూలై 19న యూనియన్‌ గుర్తింపు ఎన్నికలు జరగ్గా, సరిగ్గా పదేళ్ల అనంతరం సమరానికి తెరలేచింది. ఈ నేపథ్యాన ఖమ్మం రీజియన్‌లోని ప్రధాన సంఘాలు ఎన్నికలను స్వాగతిస్తూ తమ గుర్తింపును చాటుకునేందుకు కసరత్తు మొదలుపెట్టాయి. కార్మికుల హక్కులు, సమస్యల పరిష్కారమే అజెండాగా ప్రచార వ్యూహాలకు పదును పెడుతున్నాయి. అటు రాష్ట్ర, ఇటు రీజియన్‌ స్థాయిలో మొదటి వరసలో నిలిచేలా పోటీకి సిద్ధమవుతున్నారు. పెరిగిన డిపోలు.. తగ్గిన ఓటర్లు 2016 గుర్తింపు సంఘం ఎన్నికలు జరిగినప్పుడు ఖమ్మం రీజియన్‌ పరిధిలో ఖమ్మం, సత్తుపల్లి, మధిర, కొత్తగూడెం, భద్రాచలం, మణుగూరు డిపోలు ఉన్నాయి. ఆతర్వాత ఇల్లెందు డిపో ఏర్పాటవడంతో ఆ సంఖ్య ఏడుకు చేరింది. 2016 నాటి ఎన్నికల్లో 2,950 మంది ఓటర్లు ఉండగా.. ఆ సంఖ్య ఇప్పుడు వేయికి పైగా తగ్గినట్లు అధికారిక లెక్కలు చెబుతున్నాయి. ప్రస్తుతం రీజియన్‌లో ఓటు హక్కు కలిగిన ఉద్యోగులు 1,808 మందే ఉన్నారు. గత దశాబ్ద కాలంలో పెరిగిన ఉద్యోగ విరమణలు, కొత్త నియామకాలు లేకపోవడంతో ఓటర్ల సంఖ్య 1,100 వరకు తగ్గింది. కొత్తగా చేపట్టిన నియామకాలన్నీ కాంట్రాక్ట్‌ విధానంలో కావడంతో ఆయా ఉద్యోగులకు ఓటు హక్కు లేదు. ఓట్ల సంఖ్య తక్కువగా ఉన్న నేపథ్యాన అక్టోబర్‌ 9న జరిగే ఎన్నికల్లో ప్రతీ ఓటు కీలకంగా నిలవనుంది. ప్రధాన డిమాండ్లే అజెండాగా.. ఈ ఏడాది అక్టోబర్‌ 9న జరిగే గుర్తింపు సంఘం ఎన్నికల్లో ప్రధాన డిమాండ్లనే అజెండాగా తీసుకొని సంఘాలు ప్రచారంలో పాల్గొననున్నాయి. ప్రభుత్వంలో ఆర్టీసీ విలీన ప్రక్రియను ముందుకు తీసుకెళ్లడం, ఉద్యోగులకు పూర్తిస్థాయి ప్రభుత్వ ప్రయోజనాల సాధన ప్రధాన డిమాండ్లుగా ఉన్నాయి. అలాగే, నిలిచిపోయిన పే–రివిజన్‌, బకాయిల విడుదల కూడా అజెండాలో చేరనుంది. ఇక రీజియన్‌లోని ఏడు డిపోలకు సరిపడా కొత్త బస్సులు తీసుకురావడం, ఉద్యోగుల నియామకం, కార్మికుల సమస్యలు పరిష్కారం, డ్రైవర్లు, కండక్టర్లు, గ్యారేజ్‌ సిబ్బందిపై పెరుగుతున్న పనిభారానికి చెక్‌ పెట్టడం వంటి డిమాండ్లు బలంగా వినిపించనున్నారు. వెల్ఫేర్‌ బోర్డుకు చెక్‌ గత ప్రభుత్వం 2016 జూలైలో ఆర్టీసీ గుర్తింపు సంఘం ఎన్నికలు నిర్వహించింది. అనంతర కాలంలో కార్మికులు పలు డిమాండ్లతో 50 రోజుల పాటు సమ్మె చేసి విధులకు దూరంగా ఉన్నారు. సమ్మె విరమించాక నాటి ప్రభుత్వం గుర్తింపు సంఘాలను రద్దు చేయడంతో పాటు తిరిగి ఎన్నికలు నిర్వహించలేదు. కార్మికుల సమస్యలను వినేందుకు ప్రత్యేకంగా వెల్ఫేర్‌ బోర్డును తీసుకొచ్చి సమస్యలు తెలుసుకుంటూ పరిష్కరించడం మొదలైంది. కానీ ఈ విధానంలో కార్మికుల సమస్యలు పూర్తి స్థాయిలో పరిష్కారం కాలేదనేది చెబుతున్నారు. కాంగ్రెస్‌ ఎన్నికలకు ముందు ఆర్టీసీ కార్మికులకు ఇచ్చిన హామీల్లో భాగమైన గుర్తింపు సంఘం ఎన్నికలను నిర్వహించేందుకు ప్రకటన చేయడమే కాక.. ఎన్నికల నిర్వహణకు నోటిఫికేషన్‌ సైతం జారీ చేసింది. దీంతో కార్మికులు, సంఘాల నాయకులు హర్షం వ్యక్తం చేస్తూ ఎన్నికలకు సిద్ధమవుతున్నారు.2016 జూలై 19న జరిగిన ఎన్నికల్లో రాష్ట్రస్థాయిలో నాటి అధికార పార్టీకి చెందిన తెలంగాణ మజ్దూర్‌ యూనియన్‌(టీఎంయూ) విజయం సాధించింది. ఖమ్మం రీజియన్‌కు వచ్చే సరికి మాత్రం భిన్నమైన ఫలితం నమోదైంది. వామపక్ష పార్టీలకు అనుబంధంగా ఉన్న ఎస్‌డబ్ల్యూఎఫ్‌–ఈయూ కూటమిగా పోటీ చేసి అత్యధిక ఓట్లు సాధించడం ద్వారా రీజియన్‌ గుర్తింపు సంఘంగా నిలిచింది. ఇక రీజియన్‌లో రెండో స్థానంలో టీఎంయూ, మూడో స్థానంలో ఎన్‌ఎంయూ నిలిచాయి. ప్రస్తుతం జరిగే ఎన్నికల్లో రీజియన్‌లో పోటీ రెండు ప్రధాన సంఘా ల మధ్యే పోటీ ఉంటుందన్న చర్చ జరుగుతోంది.

బూర్గంపాడు: ఏజెన్సీ ఏరియాలోని గిరిజన రైతులు ఎదుర్కొంటున్న సమస్యల పరిష్కారమే లక్ష్యంగా రాష్ట్ర ఎస్సీ, ఎస్టీ కమిషన్‌ చైర్మన్‌ బక్కి వెంకటయ్య సోమవారం జిల్లాలో పర్యటించనున్నారు. ఆదివారం సాయంత్రమే ఆయన జిల్లాకు చేరుకోగా, బీపీఎల్‌ గెస్ట్‌ హౌస్‌ వద్ద ఐటీడీఏ ఏపీఓ డేవిడ్‌ రాజ్‌, ఇతర అధికారులు పుష్పగుచ్ఛం అందించి ఘన స్వాగతం పలికారు. నేటి ప్రజావాణి రద్దుకొత్తగూడెంఅర్బన్‌: రాష్ట్ర ఎస్సీ, ఎస్టీ కమిషన్‌ చైర్మ న్‌, ఐదుగురు సభ్యుల బృందం సోమవారం జిల్లాలో పర్యటించి ఎస్సీ, ఎస్టీ అట్రాసిటీలు, భూ సమస్యలు, ఆర్‌ఓఆర్‌ అమలు తదితర అంశాలపై జిల్లా అధికార యంత్రాంగంతో సమీక్ష సమావేశం నిర్వహించనుంది. ఈ నేపథ్యంలో సోమవారం ఐడీఓసీ కార్యాలయంలో నిర్వహించే ప్రజావాణి కార్యక్రమాన్ని రద్దు చేస్తున్నట్లు కలెక్టర్‌ అంకిత్‌ ఒక ప్రకటనలో తెలిపారు. ప్రజలు ఈ విషయాన్ని గమనించి, ప్రజావాణిలో దరఖాస్తులు సమర్పించేందుకు కలెక్టర్‌ కార్యాలయానికి రావద్దని సూచించారు.

రుద్రంపూర్‌: సింగరేణి కార్మికులు లాభాల వాటా కోసం ఎదురుచూస్తున్నారు. ఆర్థిక సంవత్సరం ముగిసి ఆరు నెలలు గడుస్తున్నా యాజమాన్యం లాభాలు ప్రకటించలేదు. 2025–26 ఆర్థిక సంవత్సరంలో 58 మిలియన్‌ టన్నుల బొగ్గు ఉత్పత్తి సాధించగా, 62.17 మిలియన్‌ టన్నుల బొగ్గు రవాణా చేశారు. 2024–25లో ఆర్థిక సంవత్సరంలో 69 మిలియన్‌ టన్నులు ఉత్పత్తి చేయగా, రూ. 6,393 కోట్ల లాభం వచ్చినట్లు ప్రకటించింది. గతేడాది సెప్టెంబర్‌ 29న 34 శాతం వాటాగా రూ.802.4 కోట్లను కార్మికుల ఖాతాల్లో జమ చేసింది. ఈ ఏడాది లాభాల్లో 40 శాతం వాటా పర్మనెంట్‌, 10 శాతం వాటా కాంట్రాక్ట్‌ కార్మికులకు ఇవ్వాలని కార్మిక సంఘాలు డిమాండ్‌ చేస్తున్నాయి. కాగా, గతంలో యాజమాన్యం లాభాల వాటాను విద్యాసంస్థల పునః ప్రారంభ సమయంలో చెల్లించేది. క్రమంగా అది కాస్తా దసరాకు చేరింది. గతేడాది దసరా ముందు చెల్లించిన యాజమాన్యం ఈ ఏడాది ఇంకా లాభాలను ప్రకటించలేదు. ఆ రూ.6,315 కోట్లు ఏమయ్యాయి? సింగరేణి సంస్థ 2023–24 ఆర్థిక సంవత్సరంలో నూతన గనులు, సంస్థ అభివృద్ధి కోసం రూ. 2,283 కోట్లను యాజమాన్యం పక్కనపెట్టింది. 2024–25లో లాభాలు రూ.6,393 కోట్లు రాగా, సుమారు 4,034 కోట్లు పక్కన పెట్టింది. మొత్తం రూ.6,315 కోట్లు మిగల్చగా, ఆ సొమ్ము ఏమైందని కార్మికులు ప్రశ్నిస్తున్నారు. రూ. 4,300 కోట్ల ఓడీ కూడా ఎందుకుందనే ప్రశ్నా ఉత్పన్నమవుతోంది. పేరుకుపోతున్న బకాయిలు గత ప్రభుత్వ హయాంలో సింగరేణికి విద్యుత్‌ సంస్థలు రూ.19,733 కోట్ల బకాయి పడ్డాయి. ప్రస్తుత ప్రభుత్వ హయాంలో అవి రూ. 56 వేల కోట్లకు చేరాయి. బకాయిలు వసూళ్లలో యాజమాన్యం నిర్లక్ష్యం వహిస్తోందని, కార్మిక నేతలు కూడా మౌనం పాటిస్తున్నారనే ఆరోపణలు వ్యక్తమవుతున్నాయి. బకాయిలు వసూలు చేస్తే కంపెనీ ఆర్థికపరిస్థితి మెరుగుపడే అవకాశం ఉంటుంది.

భద్రాచలం: భద్రాచల శ్రీ సీతారామ చంద్రస్వామి దేవస్థాన అంతరాలయంలో మూలమూర్తులకు ఆదివారం అభిషేకం జరిపారు. అనంతరం మిథిలా స్టేడియంలోని రామ సేవా మండపంలో ఉత్సవ మూర్తులను కొలువుదీర్చారు. నిత్యకల్యాణ ఘట్టాన్ని శాస్త్రోక్తంగా జరిపారు. కనుల పండువగా నదీహారతిభద్రాచలంటౌన్‌: భద్రాచలం వద్ద గోదావరికి ఆదివారం నదీహారతి ఘనంగా నిర్వహించారు. గణపతి పూజ, అష్టోత్తర శతనామార్చన నిర్వహించారు. స్వామివారికి 12 సార్లు, గోదావరి మాతకు 21 సార్లు హారతి ఇచ్చినట్లు అర్చకులు తెలిపారు. పెద్దమ్మతల్లికి విశేష పూజలుపాల్వంచరూరల్‌: పెద్దమ్మతల్లికి అర్చకులు విశేష పూజలు నిర్వహించారు. మండలంలోని శ్రీ కనకదుర్గ (పెద్దమ్మతల్లి) ఆలయానికి ఆదివారం జిల్లా నలుమూలలతోపాటు పొరుగు రాష్ట్రాల నుంచి భక్తులు అధిక సంఖ్యలో తరలివచ్చారు. దీంతో ఆలయ ప్రాంగణం కిటకిటలాడింది. క్యూలైన్‌ ద్వారా భక్తులు అమ్మవారిని దర్శించుకున్నారు. అన్నప్రాసనలు, ఒడిబియ్యం, పసుపు కుంకుమలు, చీరలు సమర్పించి మొక్కులు చెల్లించుకున్నారు. పూజా కార్యక్రమంలో ఈఓ విజయ్‌కుమార్‌, వేదపండితుడు పద్మనాభశర్మ, అర్చకుడు రవికుమార్‌శర్మ పాల్గొన్నారు.ప్రశాంతంగా ఫిట్టర్‌ రాత పరీక్షరుద్రంపూర్‌: సింగరేణి సంస్థలో ఫిట్టర్‌ కేటగిరీ–1 విభాగంలో ఖాళీగా ఉన్న 96 పోస్టుల భర్తీకి ఆదివారం సింగరేణి మహిళా కళాశాలలో రాత పరీక్ష నిర్వహించారు. మొత్తం 84 మంది అభ్యర్థులకు దరఖాస్తు చేసుకున్నారు. పరీక్షకు 72 మంది హాజరుకాగా, మిగిలిన 12 మంది గైర్హాజరయ్యారు. పరీక్ష కేంద్రంలో పర్సనల్‌ రిక్రూట్‌మెంట్‌ సెల్‌ విభాగం ఏజే మురళీధర్‌రావు, విజిలెన్స్‌ విభాగం జీఎం ఎస్‌వీ మురళీధర్‌రావు పర్యవేక్షించారు. ఆదివారం రాత్రి సింగరేణి వెబ్‌సైట్‌, సింగరేణి ప్రధాన కార్యాలయం మెయిన్‌ గేట్‌ వద్ద నోటీస్‌ బోర్డులో ఫలితాలు అందుబాటులో ఉంచుతామని రిక్రూట్‌మెంట్‌ సెల్‌ విభాగం జీఎం తెలిపారు. ఏజీఎం పర్సనల్‌ పి.వేణుగోపాలరావు, బి. సమ్మయ్య, డి. నాగేశ్వరరావు, ఎండీ గౌసుద్దీన్‌, సింగరేణి మహిళా కళాశాల ఇన్‌చార్జి ప్రిన్సిపల్‌ మంజుల పాల్గొన్నారు.

భద్రాచలం: విపత్కర, ఆపద సమయాల్లో సేవలందించే ఇండియన్‌ రెడ్‌క్రాస్‌ సొసైటీలో ఎన్నికల నగారా మోగింది. జిల్లా శాఖల మేనేజింగ్‌ కమిటీల పదవీకాలం ముగియడంతో రాష్ట్రంలోని 30 జిల్లా శాఖలకు ఒకేసారి అక్టోబర్‌ 4 ఎన్నికలు నిర్వహించాలని రాష్ట్ర శాఖ నిర్ణయించింది. దీంతో భద్రాచలంలో సైతం ఎన్నికల హడావుడి మొదలయింది. 15 మంది మేనేజింగ్‌ కమిటీ సభ్యుల ఎన్నికకు ఈ నెల 24న నామినేషన్లు స్వీకరించనున్నారు. 25న పరిశీలన, 26న ఉపసంహరణ, 26న అభ్యర్థుల తుది జాబితా ప్రకటన ఉంటుంది. అక్టోబర్‌ 4న కలెక్టరేట్‌ల పోలింగ్‌ నిర్వహించనున్నట్లు జిల్లా ఎన్నికల అధికారి జె.సునీత నోటిఫికేషన్‌ను విడుదల చేశారు. భద్రాచలంలో విశిష్ట సేవలు 1920లో ఏర్పడిన రెడ్‌ క్రాస్‌ సొసైటీ చట్టం కింద భద్రాచలంలో ఏర్పాటు చేసిన రెడ్‌ క్రాస్‌ సంస్థ విశిష్ట సేవలను అందించింది. భద్రాచలంలోని ఇండియన్‌ రెడ్‌క్రాస్‌ బ్లడ్‌ సెంటర్‌కు హోల్‌బ్లడ్‌తో పాటు ప్యాక్డ్‌ రెడ్‌ సెల్స్‌, వాష్డ్‌ రెడ్‌ సెల్స్‌, ఫ్రెష్‌ ఫ్రోజన్‌ ప్లాస్మా, ప్లేట్‌లెట్‌ కాన్సన్‌ట్రేట్‌, ప్లేట్‌లెట్‌ రిచ్‌ ప్లాస్మా వంటి రక్త భాగాల సేవలను అందిస్తోంది. అత్యవసర వైద్య సేవలకోసం గిరిజన ప్రాంతాలకు ఎలక్ట్రిక్‌ ఆటో అంబులెన్స్‌లు ఏర్పాటు చేయడంతోపాటు పలువురికి హైజీన్‌ కిట్ల పంపిణీ చేపట్టింది. తలసేమియా, సికిల్‌ సెల్‌, అనీమియా వార్డుల విస్తరణ సైతం చేపట్టింది. భద్రాచలంలో కేన్సర్‌ స్క్రీనింగ్‌ కేంద్రం ఏర్పాటుకు కృషి జరుగుతోంది. సంస్థ కార్యకలాపాల గోప్యతపై ఆరోపణలు భద్రాచలం రెడ్‌ క్రాస్‌ సంస్థ విశిష్ట సేవలను అందించటంలో ముందున్నా ఆ సంస్థ కార్యకలాపాలను గోప్యంగా ఉంచటంపై ఆరోపణలు వస్తున్నాయి. సుదీర్ఘ కాలంలో ఒకే కమిటీ పాలనలో ఉండటంతోపాటు ఆదాయ, వ్యయ ఖర్చులను బహిరంగ పర్చటం లేదని, ఉచితంగా, తక్కువ ధరకు అందిచాల్సిన రక్తం, ప్లేట్‌లెట్స్‌ ప్యాకెట్లను అధిక ధరలకు విక్రయిస్తున్నారనే ఆరోపణలు ఉన్నాయి. ప్రభుత్వ జూనియర్‌ కళాశాల క్రీడా మైదానం స్థలం ఆక్రమించుకుని నిర్మాణాలను చేపట్టారనే విమర్శలు ఉన్నాయి. భద్రాచలం విభాగంలో అనేక అవినీతి అరోపణలు ఉండటంతోనే డ్రగ్స్‌ విభాగం, ఇతర అధికారులను ‘మామూళ్ల’తో నోరు మూయించారని పలువురు ఆరోపిస్తున్నారు. మూడేళ్లకోసారి జరగాల్సిన ఎన్నికలను కావాలనే ఆలస్యం చేస్తూ, అదే నాయకత్వం నడిచేవిధంగా వ్యవహరించారనే విమర్శలు కూడా ఉన్నాయి. సొసైటీ ఎన్నికల్లో పోటీ చేసేందుకు పలువురు ఆసక్తి చూపుతున్నారు. సుదీర్ఘకాలంపాటు చైర్మన్లుగా వ్యవహరించిన డాక్టర్‌ రాజారెడ్డి, డాక్టర్‌ కాంతారావు మరోసారి బరిలో దిగేందుకు సిద్ధమవుతున్నారు. తాము కూడా పోటీకి సిద్ధంగా ఉన్నామని భద్రాచలం కెమిస్ట్‌ అండ్‌ డ్రగ్గిస్ట్‌ డివిజన్‌ అధ్యక్షుడు పరిమి సోమశేఖర్‌, అదే సంస్థకు సెక్రటరీగా ఉన్న చల్లగుళ్ల నాగేశ్వరరావు సోషల్‌ మీడియాలో ప్రకటించారు. గాంధీపథం కన్వీనర్‌ బూసిరెడ్డి శంకర్‌ రెడ్డి సైతం ఆసక్తిగా ఉన్నట్లు తెలుస్తోంది. అయితే ఏకగ్రీవం కోసం కాంతారావు చర్చలు జరుపుతున్నట్లు సమాచారం.

మాజీ ఎమ్మెల్సీ అలుగుబెల్లి నర్సిరెడ్డిచుంచుపల్లి: ప్రభుత్వ విద్యారంగం పరిరక్షణకు కృషి చేస్తున్నట్లు యూటీఎఫ్‌ మాజీ ఎమ్మెల్సీ అలుగుబెల్లి నర్సిరెడ్డి, టీఎస్‌ యూటీఎఫ్‌ రాష్ట్ర అధ్యక్షుడు చావా రవి అన్నారు. డిసెంబర్‌ 26, 27, 28 తేదీల్లో కొత్తగూడెంలో సంఘం రాష్ట్ర మహాసభలను నిర్వహించనున్నారు. ఈ నేపథ్యంలో ఆదివారం కొత్తగూడెంలోని శ్రీరామ ఫంక్షన్‌ హాల్‌లో జిల్లా అధ్యక్షుడు బి.మురళీమోహన్‌ అధ్యక్షతన ఆహ్వాన సంఘం సన్నాహక సమావేశం నిర్వహించారు. ఈ సందర్భంగా వారు మాట్లాడుతూ మహాసభలను విజయవంతం చేసేందుకు ఉపాధ్యాయులు, సంఘం నాయకులు సమన్వయంతో పనిచేయాలన్నారు. ప్రభుత్వ పాఠశాలల్లో మౌలిక వసతుల కల్పన, ఖాళీగా ఉన్న ఉపాధ్యాయ పోస్టుల భర్తీపై ప్రభుత్వం దృష్టి సారించాలని అన్నారు. ఈ కార్యక్రమంలో కొత్తగూడెం మున్సిపల్‌ కార్పొరేషన్‌ మేయర్‌ మూడ్‌ గణేష్‌, డిప్యూటీ మేయర్‌ లలిత కుమారి, మచ్చా వెంకటేశ్వర్లు, ఎస్‌కేసాబీర్‌ పాషా, కోనేరు పూర్ణచంద్రరావు, బి రాజు, విద్యానగర్‌ సర్పంచ్‌ భూక్య శాంతి శ్రీ, విద్యానగర్‌ ఉప సర్పంచ్‌ వాసిరెడ్డి మురళి, నాయకులు రామారావు, వెంకట పుల్లయ్య తదితరులు పాల్గొన్నారు.

ఖమ్మంమయూరిసెంటర్‌: దేశంలో విద్యను కాషాయీకరించేలా ప్రయత్నాలు జరుగుతున్నాయని ఏఐఎస్‌ఎఫ్‌ రాష్ట్ర కార్యదర్శి పుట్టా లక్ష్మణ్‌ పేర్కొన్నారు. ఈక్రమాన చరిత్రను వక్రీకరిస్తూ, పసి మెదళ్లలో మతోన్మాదాన్ని నింపుతున్నారని తెలిపారు. అఖిల భారత విద్యార్థి సమాఖ్య(ఏఐఎస్‌ఎఫ్‌) ఖమ్మం జిల్లా 28వ మహాసభలు శనివారం ఐఎంఏ హాల్‌లో జరగగా, తొలుత పాత నెహ్రూనగర్‌ నుంచి పాత బస్టాండ్‌, మయూరిసెంటర్‌ మీదుగా హాల్‌ వరకు ప్రదర్శన నిర్వహించారు. అనంతరం సంఘ పతాకాన్ని ఏఐఎస్‌ఎఫ్‌ జాతీయ మాజీ ఉపాధ్యక్షుడు రావి శివరామకృష్ణ ఆవిష్కరించగా లక్ష్మణ్‌ మాట్లాడుతూ బడ్జెట్‌లో విద్యకు నిధుల కేటాయింపు పూర్తిగా తగ్గిపోగా, కేటాయించిన నిధులు కూడా ఖర్చు చేయడం లేదని ఆరోపించారు. రాష్ట్రంలో అధికారంలోకి వస్తే విద్యకు ప్రాధాన్యత ఇస్తామని చెప్పిన రేవంత్‌రెడ్డి ఆ మాట మరవడమే కాక ప్రైవేట్‌లో ఫీజుల నియంత్రణను సైతం విస్మరించారని పేర్కొన్నారు. సీపీఐ జిల్లా కార్యదర్శి దండి సురేష్‌ మాట్లాడుతూ వైఎస్‌.రాజశేఖర్‌రెడ్డి సీఎంగా ఉన్న సమయంలో ఫీజు రీయింబర్స్‌మెంట్‌ పథకాన్ని తీసుకొచ్చి వేలాది మందికి లబ్ధి చేకూరిస్తే గత కేసీఆర్‌, నేటి రేవంత్‌రెడ్డి సర్కార్‌ విద్యా రంగాన్ని పట్టించుకోవడం లేదని ఆరోపించారు. అనంతరం జిల్లా కార్యదర్శి ఇటికాల రామకృష్ణ నివేదిక సమర్పించగా, సీపీఐ, అనుబంధ సంఘాల నాయకులు జమ్ముల జితేందర్‌రెడ్డి, మడుపల్లి లక్ష్మణ్‌, బుర్ర మనోజ్‌, అమృత, బత్తినేని నీరజ, మామిళ్ల శ్రీనాథ్‌ రెడ్డి, చింతల రమేష్‌, అజిత్‌, తదితరులు పాల్గొన్నారు.ఏఐఎస్‌ఎఫ్‌ మహాసభలో రాష్ట్ర కార్యదర్శి పుట్టా లక్ష్మణ్‌

భద్రాచలం: భద్రాచలం శ్రీ సీతారామ చంద్రస్వామి స్వామివారి నిత్యకల్యాణం శనివారం కమనీయంగా జరిగింది. తొలుత తెల్లవారుజామున గర్భగుడిలో స్వామి వారికి సుప్రభాత సేవ, సేవా కాలం, ఆరాధన తదితర పూజలు చేశారు. అనంతరం నిత్యకల్యాణానికి మిథిలా స్టేడియం ప్రాంగణంలో ఉన్న శ్రీ రామా సేవా మండపంలో ఉత్సవమూర్తులను కొలువుదీర్చారు. స్వామివారికి విశ్వక్సేన పూజ, పుణ్యాహవాచనం చేశారు. స్వామి వారికి కంకణధారణ, యజ్ఞోపవీత ధారణ, అమ్మవారికి కంకణధారణ, యోక్త్రధారణ గావించి నిత్యకల్యాణ మహోత్సవాన్ని శాస్త్రోక్తంగా జరిపారు. నేడు కవి సమ్మేళనంభద్రాచలంటౌన్‌: పట్టణంలోని పాల్‌రాజు ఇంజనీరింగ్‌ కళాశాలలో శ్రీశ్రీ కళావేదిక ఆధ్వర్యంలో ఆదివారం శతాధిక కవి సమ్మేళనం నిర్వహించనున్నారు. సమ్మేళనం పోస్టర్లను ఐటీడీఏ పీఓ బి.రాహుల్‌ శనివారం తన చాంబర్‌లో ఆవిష్కరించారు. ఈ సందర్భంగా మాట్లాడుతూ దాదాపు 200 మంది కవులు పాల్గొననున్న సమ్మేళనం ద్వారా తెలుగు భాష, సాహిత్యాల గొప్పతనాన్ని భావితరాలకు చాటిచెప్పవచ్చన్నారు. శ్రీశ్రీ కళావేదిక జాతీయ అధికార ప్రతినిధి, పాల్‌రాజు ఇంజనీరింగ్‌ కళాశాల చైర్మన్‌ వరలక్ష్మి సాయిరాం, రాష్ట్ర కోఆర్డినేటర్‌ సురేష్‌బాబు తోటమల్ల, జిల్లా ప్రతినిధి ఎర్రంశెట్టి పూర్ణిమ తదితరులు పాల్గొన్నారు. రేపు జిల్లా అథ్లెటిక్స్‌ ఎంపిక పోటీలుసూపర్‌బజార్‌(కొత్తగూడెం): ఈనెల 21న ఉద యం 8 గంటల నుంచి కొత్తగూడెం ప్రకాశం స్టేడియంలో జిల్లాస్థాయి అథ్లెటిక్స్‌ ఎంపిక పోటీలు నిర్వహించనున్నట్లు జిల్లా అథ్లెటిక్స్‌ అసోసియేషన్‌ జనరల్‌ సెక్రటరీ కె మహీధర్‌ శనివారం ఒక ప్రకటనలో తెలిపారు. ప్రతిభ చూపిన క్రీడాకారులను ఈ నెల 26, 27 తేదీల్లో హన్మకొండలోని జవహర్‌లాల్‌ నెహ్రూ స్టేడియంలో నిర్వహించనున్న రాష్ట్ర అథ్లెటిక్స్‌ పోటీలకు ఎంపిక చేస్తామని పేర్కొన్నారు. అండర్‌–14, 16, 18, 20 బాల, బాలికల విభాగాల్లో, 60, 100, 400, 600, 1000, 1500 మీటర్ల పరుగు, లాంగ్‌ జంప్‌, షాట్‌పుట్‌ విభాగాల్లో పోటీలు ఉంటాయని తెలిపారు. క్రీడాకారులు ఈ నెల 21న ఉదయం 8 గంటలకు ప్రకాశం స్టేడియంలో అథ్లెటిక్స్‌ కోచ్‌ డి మల్లికార్జునరావుకు రిపోర్ట్‌ చేయాలని సూచించారు. సులభంగా విద్యుత్‌ బిల్లుల చెల్లింపుసూపర్‌బజార్‌(కొత్తగూడెం): విద్యుత్‌ వినియోగదారులు బిల్లులను సులభంగా చెల్లించేందుకు తెలంగాణ ఉత్తర విద్యుత్‌ పంపిణీ సంస్థ లిమిటెడ్‌ (టీజీఎన్‌పీడీసీఎల్‌) డిజిటల్‌ చెల్లింపు విధానాలను అందుబాటులోకి తెచ్చిందని విద్యుత్‌ ఎస్‌ఈ గొట్టిముక్కుల మహేందర్‌ శనివారం తెలిపారు. గూగుల్‌ పే, ఫోన్‌ పే, పేటీఎం, భీమ్‌, టీజీఎన్‌పీడీసీఎల్‌ యాప్‌ల ద్వారా డిజిటల్‌ చెల్లింపులు క్రమంగా పెరుగుతున్నారని పేర్కొన్నారు. భద్రాద్రి కొత్తగూడెం సర్కిల్‌లో 2024–25 ఆర్థిక సంవత్సరంలో 6,73,254 మంది, 2025–26 ఆర్థిక సంవత్సరంలో 8,27,984 మంది ఆన్‌లైన్‌ ద్వారా బిల్లులు చెల్లించారని వివరించారు. కరకగూడెంలో మతసామరస్యంవినాయకుడి లడ్డూను దక్కించుకున్న ముస్లిం వ్యక్తి కరకగూడెం: కరకగూడెంలో నిర్వహించిన గణేష్‌ ఉత్సవాలు మతసామరస్యాన్ని చాటిచెప్పాయి. మండల కేంద్రంలో గణేష్‌ ఉత్సవ కమిటీ, కౌండిన్య యూత్‌ ఆధ్వర్యంలో శనివారం నిర్వహించిన స్వామివారి లడ్డూ వేలం పాటలో మండల కాంగ్రెస్‌ పార్టీ అధ్యక్షుడు సయ్యద్‌ ఇక్బాల్‌ హుస్సేన్‌ రూ. 3,116కు స్వామివారి లడ్డూను దక్కించుకున్నారు. మత సామరస్యాన్ని కాపాడేందుకు ప్రతి ఒక్కరూ ముందుకు రావాలని పిలుపునిచ్చారు. ఈ సందర్భంగా ఇక్బాల్‌ హుస్సేన్‌ను పలువురు అభినందించారు.

● ఐదో రోజు భద్రాచలం వద్ద గోదావరిలో వినాయక నిమజ్జనం ● నది కలుషితం కాకుండా పూజ సామగ్రి సేకరణకు ప్రత్యేక కౌంటర్లుభద్రాచలంటౌన్‌: భద్రాచలం వద్ద గోదావరి నదీ తీరాన వినాయక నిమజ్జన వేడుకలు కోలాహలంగా సాగుతున్నాయి. నవరాత్రి ఉత్సవాల్లో భాగంగా శనివారం ఐదో రోజు గణనాథుల ప్రతిమలను భక్తులు నిమజ్జం చేస్తున్నారు. ఈ ఏడాది మూడో రోజు నుంచే విగ్రహాలు భద్రాచలానికి తరలివస్తున్నాయి. ఉమ్మడి జిల్లాలోని పలు ప్రాంతాల నుంచి శనివా రం సుమారు 50కి పైగా విగ్రహాలు నిమజ్జనానికి తరలివచ్చాయి. భక్తుల జయజయధ్వానాలు, మంగళవాయిద్యాల నడుమ అధికారులు విగ్రహాలను నదిలో నిమజ్జనం చేశారు. నిమజ్జన ఘాట్‌ వద్ద భక్తులకు ఇబ్బందులు కలగకుండా అధికారులు ఏర్పాట్లు చేశారు. భారీ విద్యుత్‌ దీపాలను (లైటింగ్‌) ఏర్పాటు చేశారు. గ్రామ పంచాయతీ సిబ్బంది పారిశుద్ధ్య పనులు చేపడుతున్నారు. గోదావరి నదిని, పర్యావరణాన్ని కాపాడేందుకు అధికారులు ఈసారి ప్రత్యేక శ్రద్ధ తీసుకున్నారు. భక్తులు విగ్రహాలతోపాటు తీసుకువచ్చే పూజా పత్రి, ప్లాస్టిక్‌ కవర్లు, ఇతర పూజా సామగ్రిని నదిలో వేయకుండా ఘాట్‌ వద్ద ప్రత్యేక కౌంటర్లను ఏర్పాటు చేశారు. భక్తుల నుంచి సేకరించిన ఆ వ్యర్థాలను సిబ్బంది అక్కడికక్కడే తొలగిస్తున్నారు. సురక్షితంగా నిమజ్జనం చేసేందుకు క్రేన్‌, లాంచీని అందుబాటులో ఉంచారు. పగటిపూట నిమజ్జన ప్రక్రియ సజావుగానే సాగుతున్నా రాత్రి వేళలో లాంచీ సేవలు అందుబాటులో లేకపోవడంతో ఉత్సవ కమిటీ నిర్వాహకులు, భక్తులు కొంత ఇబ్బంది పడ్డారు. రాత్రి వేళల్లో కూడా లాంచీ సౌకర్యం కల్పించాలని భక్తులు కోరుతున్నారు.

ఖమ్మంమయూరిసెంటర్‌: తెల్లవారుజామున 3–30 గంటలకే విధులకు హాజరై హైదరాబాద్‌ వెళ్లిన ఆర్టీసీ కండక్టర్‌ సామినేని లక్ష్మీనారాయణ(57) గుండెపోటుతో మృతి చెందారు. ఖమ్మం డిపో కండక్టర్‌ ఎస్‌.ఎల్‌.నారాయణ శనివారం ఇల్లెందు – హైదరాబాద్‌ సర్వీస్‌కు కండక్టర్‌గా వెళ్లారు. తెల్లవారుజామునే బయలుదేరి హైదరాబాద్‌ వెళ్లగా, అక్కడ టిఫిన్‌ చేసి తిరుగు ప్రయాణానికి సిద్ధమవుతుండగా గుండెపోటు రావడంతో బస్సులోనే కుప్పకూలాడు. సిబ్బంది ఆయనను యశోద ఆస్పత్రికి, ఆతర్వాత తార్నాక ఆర్టీసీ ఆస్పత్రికి తరలించగా అప్పటికే మరణించినట్లు వైద్యులు నిర్ధారించారు. బస్టాండ్‌లో సిబ్బంది ఆయనకు సీపీఆర్‌ చేసినా ప్రయోజనం దక్కలేదు. కాగా, లక్ష్మీనారాయణకు భార్య సుభద్ర, ఇద్దరు కొడుకులు ఉన్నారు. నవ్వుతూ పలకరించి.. ఖమ్మం డిపోలో శనివారం తెల్లవారుజామున విధులకు హాజరైన కండక్టర్‌ లక్ష్మీనారాయణ తోటి ఉద్యోగులను నవ్వుతూ పలకరించారు. హైదరాబాద్‌లో ఆయన మృతి చెందాడని తెలియడంతో ఉద్యోగులు దిగ్భ్రాంతికి లోనయ్యారు. కాగా, పుణేలో సాఫ్ట్‌వేర్‌ ఇంజనీర్‌గా పనిచేస్తున్న పెద్ద కుమారుడి వివాహం కార్తీకమాసంలో చేయాలని సిద్ధమవుతుండగా ఈ ఘటన జరగడంతో విషాదం నెలకొంది. కాగా, ఎంజీబీఎస్‌లో లక్ష్మీనారాయణ గుండెపోటుతో కుప్పకూలిన విషయం తెలియగానే ఖమ్మం ఆర్‌ఎం సరిరామ్‌ స్పందించి ఉన్నతాధికారులకు సమాచారం ఇవ్వడమే కాక ఆస్పత్రికి తీసుకెళ్లేలా సిబ్బందికి సూచనలు చేశారు. అయితే, ఫలితం దక్కక ఆయన మృతి చెందడంతో మృతదేహాన్ని ఖమ్మం తీసుకొచ్చేందుకు అంబులెన్స్‌ ఏర్పాటు చేయించారు. ఖమ్మం నేతాజీనగర్‌లోని ఇంటికి లక్ష్మీనారాయణ మృతదేహాన్ని తీసుకురాగా భార్య సుభద్ర కన్నీరుమున్నీరయ్యారు. అక్కడ ఆర్‌ఎం సరిరామ్‌, డీఎం శివప్రసాద్‌, ఉద్యోగులు నివాళులర్పించారు. ఎంజీబీఎస్‌లో గుండెపోటుతో కుప్పకూలిన వైనం

భద్రాచలం: బూర్గంపాడు మండలం నాగినేనిప్రోలు రెడ్డిపాలెం గ్రామానికి చెందిన పత్తి విష్ణువర్ధన్‌ రెడ్డి హైకోర్టు డిజిగ్నేటెడ్‌ సీని యర్‌ న్యాయవాదిగా నియమితులయ్యారు. ఉమ్మడి ఖమ్మం జిల్లాలో ఇప్పటివరకు ఈ హోదాను పొందిన రెండో వ్యక్తి ఆయనే. గతంలో ఆయన ఉమ్మడి ఆంధ్రప్రదేశ్‌, తెలంగాణ హైకోర్టుకు అసిస్టెంట్‌ సొలిసిటర్‌ జనరల్‌గా, జాతీయ దర్యాప్తు సంస్థ (ఎన్‌ఐఏ) తరఫున స్పెషల్‌ పబ్లిక్‌ ప్రాపిక్యూటర్‌గా పనిచేశారు. బార్‌ కౌన్సిల్‌ అఫ్‌ ఇండియా మెంబర్‌గా బాధ్యతలు నిర్వర్తిస్తూ న్యాయవాదుల సమస్యలు, హక్కులు, సంక్షేమానికి సంబంధించిన అంశాల్లో చురుకై న పాత్ర పోషించారు. పాదయాత్రకు మద్దతుకొత్తగూడెంఅర్బన్‌: భద్రాచలం శ్రీ సీతారామచంద్రస్వామి దేవస్థానం నుంచి తిరుపతి వెంకటేశ్వరస్వామి క్షేత్రం వరకు భక్తులు సుమారు 600 కిలోమీటర్ల మేర ‘భద్రాద్రి రాముడు టు గోవిందుడు’ పాదయాత్ర చేపట్టారు. వీరికి జిల్లా సరిహద్దులో మేయర్‌ మూడ్‌ గణేష్‌, సీపీఐ జిల్లా కార్యదర్శి సాబీర్‌ పాషా మద్దతు తెలిపారు. సమాజ హితం కోసం రోజుకో చెట్టు నాటుతూ యాత్ర సాగించడం అభినందనీయమని అన్నారు. త్రివేణి విద్యాసంస్థల డైరెక్టర్లు గొల్లపూడి వీరేంద్రచౌదరి, వై. వెంకటేశ్వరరావు, ప్రిన్సిపాల్‌ మురళి, సనత్‌, సురేష్‌ తదితరులు పాల్గొన్నారు. ఐకేపీ కార్యాలయంలో ఆడిట్‌ పాల్వంచరూరల్‌: ఐకేపీ కార్యాలయంలో శని వారం రాష్ట్ర కమ్యూనిటీ బేస్డ్‌ ఆర్గనైజింగ్‌ అధి కారి (సీబీఓ) వీరస్వామి బృందం ఆడిట్‌ చేసింది. స్వయం సహా యక సంఘాల అభివృద్ధికి మూడేళ్ల క్రితం ప్రభుత్వం ఐకేపీ కార్యాలయాల్లో కస్టమ్‌ హైరింగ్‌ సెంటర్లను ఏర్పాటు చేసింది. వ్యవసాయ యంత్ర పరికరాలను అందించగా, వాటిని సన్న, చిన్నకారు రైతులకు అద్దెకు ఇస్తున్నారు. అద్దె వసూలుతో వస్తున్న నగదును సంఘాలు అభివృద్ధికి వినియోగించుకుంటున్నారు. పాల్వంచ ఐకేపీ సెంటర్‌లో 2023లో కొనుగోలు చేసిన 25 తైవాన్‌ పవర్‌ స్పేయర్లు, 10 ఆయిల్‌ ఇంజన్లు, స్పింక్లర్లు, పైపులను తనిఖీచేశారు. పది తైవాన్‌ పవర్‌ స్ప్రేయర్లు పనిచేయడంలేదని గుర్తించారు. నివేదికను సెర్ప్‌ సీఈఓకు పంపనున్నట్లు అధికారులు తెలిపారు. డ్రైవర్‌పై భౌతిక దాడిదమ్మపేట: ఓవర్‌ టేక్‌ చేసేందుకు దారి ఇవ్వలేదనే నెపంతో ఆర్టీసీ డ్రైవర్‌(కాంట్రాక్ట్‌ ఉద్యోగి)పై భౌతిక దాడికి పాల్పడిన ఘటన మండల పరిధిలోని గణేష్‌పాడు సమీపంలో శనివారం జరిగింది. పోలీసుల కథనం ప్రకారం... సత్తుపల్లి డిపోకు చెందిన పల్లె వెలుగు బస్సు దమ్మపేట నుంచి వయా అప్పారావుపేట మీదుగా సత్తుపల్లికి వెళ్తోంది. ఈ క్రమంలో బస్సు గణేష్‌పాడు సమీపంలోకి చేరుకోగా. గుడిమెట్ల రామారావు అనే వ్యక్తి టాటా మ్యాజిక్‌ వాహనం నడుపుతూ బస్సును ఓవర్‌ టేక్‌ చేయడానికి ప్రయత్నించాడు. కాగా, దారి ఇవ్వలేదనే నెపంతో బస్సును ఆపి, డ్రైవర్‌ మార్గం శ్రీనివాస్‌పై భౌతిక దాడికి పాల్పడ్డాడు. బాధితుడి ఫిర్యాదు మేరకు కేసునమోదు చేశామని ఎస్‌ఐ రాజేష్‌ తెలిపారు. పీఆర్‌సీ హామీని నెరవేర్చాలికల్లూరురూరల్‌: ఉద్యోగ, ఉపాధ్యాయులకు పీఆర్‌సీ అమలుచేస్తామని ఇచ్చిన హామీని ముఖ్యమంత్రి రేవంత్‌రెడ్డి నెరవేర్చాలని పీఆర్‌టీయూ జిల్లా ప్రధాన కార్యదర్శి ఆర్‌.రంగారావు కోరారు. కల్లూరులో శనివారం జరిగిన సమావేశంలో ఆయన మాట్లాడుతూ రాష్ట్రంలో కాంగ్రెస్‌ ప్రభుత్వం ఏర్పడి మూడేళ్లు కావొస్తున్నా ఉద్యోగులకు ఇచ్చిన ఏ హామీ అమలుచేయాలని ఆరోపించారు. పీఆర్‌సీ అమలు, డీఏలు, బకాయిల చెల్లింపుతో పాటు సీపీఎస్‌ రద్దుపై నిర్ణయం తీసుకోక ఉద్యోగ, ఉపాధ్యాయుల్లో నిరాశ అలుముకుందని తెలిపారు. ఈమేరకు రాష్ట్ర స్థాయిలో చేసిన ఉద్యమానికి తలొగ్గి త్వరలో పరిష్కరిస్తామని సీఎం స్వయంగా హామీ ఇచ్చినాకార్యాచరణ రూపొందించలేదన్నారు. ఈ సమావేశంలో పీఆర్‌టీయూ జిల్లా అసోసియేట్‌ అధ్యక్షుడు ఆర్‌.బ్రహ్మారెడ్డి, నాయకులు పాకాల రమేష్‌, వెంకటేశ్వర్లు, సురేష్‌బాబు, చెన్నకేశవరెడ్డి, ఎం.డీ.మౌలాలి, షేక్‌ చాంద్‌సాహెబ్‌, టి.సత్యనారాయణరెడ్డి, వీరవల్లి శ్రీనివాసరావు, బోబోలి శ్రీనివాసరావు తదితరులు పాల్గొన్నారు.

● భద్రాచలం ఎమ్మెల్యే వెంకట్రావు అనర్హత కేసులో మరో పిటిషన్‌? ● ఇంప్లీడ్‌కు బీజేపీ లీగల్‌ సెల్‌ సన్నాహాలు ● దానం నాగేందర్‌పై అనర్హత వేటుతో మరోసారి చర్చనీయాంశంగా తెల్లం కేసుభద్రాచలం: భద్రాచలం ఎమ్మెల్యే తెల్లం వెంకట్రావు అనర్హత వ్యవహారం మరోసారి న్యాయస్థానం ముందుకు వచ్చింది. పార్టీ ఫిరాయింపుల అంశంపై దాఖలైన పిటిషన్ల విచారణ కొనసాగుతున్న నేపథ్యంలో తమ వాదనను కూడా వినిపించేలా తెల్లం వెంకట్రావును ఇంప్లీడ్‌ చేయాలని బీజేపీ లీగల్‌ సెల్‌ తరఫున పిటిషన్‌ దాఖలు చేసేందుకు సన్నాహాలు జరుగుతున్నట్లు తెలుస్తోంది. వెంకట్రావు అనర్హతపై కొనసాగుతున్న కేసు తెలంగాణ హైకోర్టులో డబ్ల్యూ.పీ. నంబర్‌ 8642/2026లో కూన పాండు వివేకానంద్‌ పిటిషనర్‌గా ఉన్నారు. ఈ పిటిషన్‌లో తెలంగాణ శాసనసభ స్పీకర్‌ కమ్‌ ట్రిబ్యునల్‌ ప్రధాన ప్రతివాదిగా, భద్రాచలం ఎమ్మెల్యే తెల్లం వెంకట్రావు రెండో ప్రతివాది గా ఉన్నారు. పదో షెడ్యూల్‌ కింద దాఖలైన అనర్హత పిటిషన్‌పై స్పీకర్‌ తీసుకున్న నిర్ణయాన్ని సవాలు చేస్తూ ఈ పిటిషన్‌ దాఖలైంది. హైకోర్టు రికార్డుల్లో ఈ కేసుకు సంబంధించి రెండో ప్రతివాదికి నోటీసు జారీ అయినట్లు తెలుస్తోంది. 2025 డిసెంబర్‌ 17న స్పీకర్‌ ఇచ్చిన ఉత్తర్వును సవాలు చేస్తూ సంబంధిత రికార్డులను కోర్టు పరిశీలించాలని, ఆ ఉత్తర్వును రద్దు చేసి అనర్హత పిటిషన్‌పై తగిన ఆదేశాలు ఇవ్వాలని పిటిషన్‌లో కోరినట్లు సమాచారం. 2023 అసెంబ్లీ ఎన్నికల్లో భద్రాచలం నుంచి బీఆర్‌ఎస్‌ అభ్యర్థిగా గెలిచిన తెల్లం వెంకట్రావు అనంతరం కాంగ్రెస్‌ పార్టీలో చేరారు. ఈ నేపథ్యంలో ఆయనపై అనర్హత కోరుతూ గతంలోనే పిటిషన్లు దాఖలయ్యాయి. స్పీకర్‌ నిర్ణయాన్ని సవాలు చేస్తూ హైకోర్టును ఆశ్రయించారు. ఈ వ్యవహారంలో తెల్లం వెంకట్రావుతోపాటు పలువురు ఎమ్మెల్యేలకు సంబంధించిన పార్టీ ఫిరాయింపు కేసులు హైకోర్టు పరిధిలో ఉన్నాయి. వీటిలో స్పీకర్‌ అనర్హత పిటిషన్లపై తీసుకున్న నిర్ణయాలను సవాలు చేస్తూ దాఖలైన పిటిషన్లు కూడా ఉన్నాయి. అక్టోబర్‌ 6న కీలక విచారణ తాజా ప్రొసీడింగ్స్‌ ప్రకారం ఈ నెల 16న హైకోర్టు ధర్మాసనం ముందు కేసులపై విచారణ జరిగింది. తెల్లం వెంకట్రావుకు సంబంధించిన కేసు సైతం వీటిలో ఉంది. తదుపరి విచారణ కోసం ఈ కేసులను అక్టోబర్‌ 6న మధ్యాహ్నం 2.15 గంటలకు లిస్ట్‌ చేయాలని కోర్టు ఆదేశించింది. ఖైరతాబాద్‌ ఎమ్మెల్యే దానం నాగేందర్‌ అనర్హత వ్యవహారంలో హైకోర్టు ఇచ్చిన తీర్పునేపథ్యంలో.. ఇతరపార్టీ ఫిరాయింపు కేసులపై కూడా రాజకీయ, న్యాయవర్గాల్లో ఆసక్తి పెరిగింది. దానం నాగేందర్‌ కేసులో హైకోర్టు తీర్పు వెలువడిన నేపథ్యంలో అదే పదో షెడ్యూల్‌కు సంబంధించిన అంశంలో తెల్లం వెంకట్రావు కేసు తదుపరి పరిణామాలపై ఆసక్తి నెలకొంది. ఇదే సమయంలో దానం నాగేందర్‌ తీర్పును ప్రస్తావిస్తూ బీజేపీ నేతలు తెల్లం వెంకట్రావు అనర్హత అంశాన్ని ముందుకు తీసుకురావడం రాజకీయంగా చర్చనీయాంశంగా మారింది. బీజేపీ లీగల్‌ సెల్‌ ఇంప్లీడ్‌ పిటిషన్‌తో ముందుకు వస్తే.. ఇప్పటికే హైకోర్టులో ఉన్న ఈ వ్యవహారానికి మరో న్యా యపరమైన మలుపు చేరే అవకాశం ఉంది. కాగా ఇంప్లీడ్‌ పిటిషన్‌పై కోర్టు ఏ నిర్ణయం తీసుకుంటుంది? ప్రధాన అనర్హత పిటిషన్‌పై ఎలాంటి ఆదేశాలు వెలువడతాయి? అన్నది అక్టోబర్‌ 6న జరిగే విచారణతో మరింత స్పష్టత వచ్చే అవకాశం ఉంది.

కరకగూడెం: ఓ వ్యక్తిపై వేటకొడవళ్లతో హత్యాయత్నం చేసిన ఘటన కరకగూడెంలో శనివారం జరి గింది. పోలీసులు తెలిపిన వివరాల ప్రకారం.. మండలంలోని వలస ఆదివాసీ గ్రామమైన అశ్వాపురంపాడుకు చెందిన వజ్జ భీమరాజు శనివారం సమీప అటవీ ప్రాంతంలో పశువులను మేపుతుండగా గుర్తుతెలియని వ్యక్తులు వేటకొడవళ్లతో దాడి చేశా ు. తల, మెడపై తీవ్ర గాయాలయ్యాయి. గ్రామస్తులు సమాచారంతో వచ్చిన పోలీసులు భీమరాజును ట్రాక్టర్‌లో గ్రామానికి చేర్చి, అక్కడి నుంచి 108 వాహనంలో మణుగూరు ప్రభుత్వ ఆస్పత్రికి తరలించారు. పరిస్థితి విషమంగా ఉండటంతో మెరుగైన వైద్యంకోసం కొత్తగూడెం ప్రభుత్వ ఆస్పత్రికి తీసుకెళ్లారు. బాధితుడి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై పీవీఎన్‌ రావు తెలిపారు. కాగా, పాతకక్షల నేపథ్యంలోనే దాడి జరిగినట్లు గ్రామస్తులు చెబు తుండగా, నిందితులు ఎవరనేది పోలీసులు దర్యాప్తులో తేలనుంది. నిందితులు పోలీస్‌స్టేషన్‌లో లొంగిపోయారనే ప్రచారాన్ని పోలీసులు ఖండించారు. బంగారు నగలు చోరీఇల్లెందు: సింగరేణి ఇల్లెందు ఏరియా వర్క్‌షాప్‌లో పని చేస్తున్న ఓ అప్రెంటీస్‌కు చెందిన మూడున్నర తులాల బంగారు నగలు చోరీకి గురయ్యాయి. సింగరేణి మండలం విశ్వనాథపల్లి గ్రామానికి చెందిన స్రవంతి గత మార్చి నుంచి సింగరేణి ఏరియా వర్క్‌ షాప్‌లో అప్రెంటీస్‌గా పనిచేస్తోంది. గత ఏప్రిల్‌ 30న వర్క్‌షాప్‌లోకి వచ్చిన ఆమె తన మెడలోని బంగారు అభరణాలు తీసి హ్యాండ్‌ బ్యాగులో పెట్టి ర్యాక్‌లో భద్రపర్చింది. కాగా, శనివారం మధ్యాహ్నం మిత్రురాలు వివాహానికి వెళ్లేందుకు బ్యాగు తీసి చూడగా ఆభరణాలు మాయమయ్యాయి. బాధితురాలి ఫిర్యాదుతో ఎస్‌ఐ సారంగపాణి కేసు నమోదు చేసి దర్యాప్తు చేపట్టారు. కుటుంబ కలహాలతో ఆత్మహత్యకొత్తగూడెంఅర్బన్‌: కుటుంబ కలహాలతో శనివారం ఓ వ్యక్తి ఆత్మహత్య చేసుకున్నాడు. త్రీటౌన్‌ సీఐ కథథనం ప్రకారం.. బూడిదగడ్డకు చెందిన పూనం రాజేష్‌(32), సంధ్య దంపతులు. వీరికి ఐదేళ్ల బాలిక లాస్య ఉంది. రాజేష్‌ స్థానికంగా కూల్‌డ్రింక్‌ కంపెనీలో ట్రాలీడ్రైవర్‌గా పని చేస్తూ జీవనం సాగిస్తున్నాడు. కాగా, తరచూ దంపతుల మధ్య గొడవలు జరుగుతున్నాయి. దీంతో మనస్తాపం చెందిన రాజేష్‌ ఇంట్లో ఎవరూ లేని సమయంలో ఉరివేసుకుని ఆత్మహత్యకు పాల్పడ్డాడు. రాజేష్‌ చెల్లెలు శైలజ ఫిర్యాదుతో పోలీసులు కేసు నమోదు చేసి దర్యాప్తు చేస్తున్నారు. వలస ఆదివాసీపై హత్యాయత్నం

మంగపేట: ములుగు జిల్లా మంగపేట మండలం మల్లూరులోని శ్రీ హేమాచల లక్ష్మీనర్సింహస్వామిని భద్రాద్రి జిల్లా ఎస్పీ రోహిత్‌ రాజు శనివారం కుటుంబ సభ్యులతో కలిసి దర్శించుకున్నారు. ఆలయ అధికారులు, పూజారులు ముక్కామల రాజశేఖర్‌శర్మ, వెంకటనారాయణ శర్మ వారికి స్వాగతం పలకగా, స్వామిని దర్శించుకుని ప్రత్యేక పూజలు చేశారు. అనంతరం ఎస్పీకి అర్చకులు స్వామి, అమ్మవార్ల శేషవస్త్రాలు, వేదాశీర్వచనం అందజేశారు. 4న రెడ్‌క్రాస్‌ ఎన్నికలుభద్రాచలంటౌన్‌: ఇండియన్‌ రెడ్‌క్రాస్‌ సొసైటీ జిల్లా బ్రాంచ్‌ పాలకవర్గ సభ్యుల ఎన్నిక అక్టోబర్‌ 4న నిర్వహించనున్నట్లు ఎన్నికల అధికారి శనివారం ఒక ప్రకటనలో తెలిపారు. ఈ మేరకు ఎన్నికల షెడ్యూల్‌ వెల్లడించారు. 15 మంది జిల్లా కార్యవర్గ సభ్యులను ఎన్నుకోనుండగా, పోటీ చేసే అభ్యర్థులు నామినేషన్‌ రుసుం రూ.10 వేలు చెల్లించాల్సి ఉంటుందని పేర్కొన్నారు.

వైరా/ములకలపల్లి: గిరిజన ప్రాంతాల్లోని యువతీ యువకులు పోలీసు ఉద్యోగ నియామకాల్లో 75 శాతం రిజర్వేషన్లు కలిపించాలని వైరా, అశ్వారావుపేట, పినపాక ఎమ్మెల్యేలు మాలోత్‌ రాందాస్‌ నాయక్‌, జారె ఆదినారాయణ, పాయం వెంకటేశ్వ ర్లు కోరారు. ఈ సందర్భంగా వారు శనివారం హైదరాబాద్‌లో ఎస్సీ, ఎస్టీ సంక్షేమ శాఖ మంత్రి అడ్లూరి లక్ష్మణ్‌తో కలిసి సీఎం రేవంత్‌రెడ్డికి వినతిపత్రం అందజేశారు. గిరిజన యువతకు భరోసా కల్పించేలా రిజర్వేషన్లు పెంచాలని, భౌగోళిక, సామాజిక ఆర్థిక పరిస్థితులను పరిగణనలోకి తీసుకుని రిజర్వేషన్లు అమలు చేయాలని కోరారు. అలాగే, ములకలపల్లిలో బాలికల ఆశ్రమ పాఠశాల ఏర్పాటు చేయాలని ఎమ్మెల్యే జారె ఆదినారాయణ మంత్రి లక్ష్మణ్‌కుమార్‌కు వినతిపత్రం అందజేశారు. సీఎం రేవంత్‌రెడ్డికి ఎమ్మెల్యేల వినతి

అశ్వారావుపేటరూరల్‌: తాకట్టు పెట్టిన తమ బంగారం భద్రంగా ఉందో లేదోనని బాధితులు ఆందోళన చెందుతున్నారు. అశ్వారావుపేటలోని సీఎస్‌ బీ బ్యాంక్‌లో కొద్ది నెలలుగా ఓ కిందిస్థాయి ఉద్యో గి... ఒకరి బంగారం మరొకరి పేరుతో తాకట్టు పెట్టడం, తాకట్టు పెట్టేందుకు వచ్చేవారికి నకిలీ రసీదులు ఇచ్చి, ఆ తర్వాత వారికి తెలియకుండా అదే బంగారంపై అదనపు రుణాన్ని పొందడం వంటి ఘటనలు పాల్పడుతున్నట్లు ఆరోపణలు వస్తున్నాయి. ఖాతాదారుల వద్ద ఉన్న రసీదులకు, బ్యాంక్‌ స్టేట్‌మెంట్‌లో ఉన్న రుణాల వివరాలకు పొంతన లేదు. రుణం రూ.వేలల్లో తీసుకుంటే.., రికార్డుల్లో రూ.లక్షల్లో కనిపిస్తోందని బాధితులు ఆందోళన వ్యక్తం చేస్తున్నారు. ఈ వ్యవహారం శుక్రవారం వెలుగులోకి రాగా, శనివారం కూడా బాధితులు బ్యాంక్‌ వద్దకు పెరుగులు పెట్టారు. సిబ్బందితో వాగ్వాదానికి దిగి దాడికి యత్నించారు. దీంతో కొంత ఉద్రిక్తత నెలకొనగా, పోలీసులు భద్రత కల్పించారు. ఈ నేపథ్యంలో సీఐ నాగరాజు రెడ్డి, ఎస్‌ఐ యయాతీ రాజు బ్యాంక్‌ ఉద్యోగులను పోలీస్‌ స్టేషన్‌కు పిలిపించి విచారణ చేపట్టారు. కాగా, ఈ ఘటనపై తమకు ఫిర్యాదు అందలేదని, పూర్తి స్థాయిలో వివరాలు సేకరించి చర్యలు తీసుకుంటామని సీఐ తెలిపారు. ప్రైవేటు బ్యాంక్‌ వద్ద బాధితుల ఆందోళన

జూలూరుపాడు: గ్రామ సమాఖ్య భవనాల నిర్మాణ పనులు త్వరితగతిన పూర్తి చేయాలని జెడ్పీ సీఈఓ బి.నాగలక్ష్మి అధికారులను ఆదేశించారు. శనివారం జూలూరుపాడు మండలం వినోభానగర్‌ గ్రామ పంచాయతీలో పర్యటించారు. గ్రామ పరిసరాలు, వీధులను పరిశీలించారు. తడి చెత్త, పొడి చెత్త, శానటరీవేస్ట్‌, హానికరమైన చెత్తను సేకరించాలనిసూచించారు. గ్రామ సమాఖ్య భవనాన్ని పరిశీలించి, నాలుగు వారాల్లో పనులు పూర్తి అయ్యేలా చూడాలన్నారు. అనంతరం ప్రభుత్వ ప్రాథమికోన్న పాఠశాలలో ఇంకుడు గుంతను పరిశీలించారు. ఆ తర్వాత గ్రామ పంచాయతీ కార్యాలయాన్ని సందర్శించి, రికార్డులు తనిఖీ చేశారు. కార్యక్రమంలో జూలూరుపాడు ఎంపీఓ తులసీరామ్‌, సర్పంచ్‌ గంగావత్‌ నవీన్‌, పంచాయతీ సెక్రటరీ లక్ష్మణ్‌, ఉపాధ్యాయులు, విద్యార్థులు పాల్గొన్నారు. జెడ్పీ సీఈఓ నాగలక్ష్మి

భద్రాచలం: భద్రాచలంలోని పవిత్ర గోదావరిలో వినాయక నిమజ్జనం ప్రశాంతంగా జరిగేలా అన్ని ఏర్పాట్లు చేస్తున్నట్లు కలెక్టర్‌ అంకిత్‌ తెలిపారు. శనివారం గోదావరి నది తీర ప్రాంతంలో నిమజ్జన ఘాట్ల వద్ద ఏర్పాట్లను ఆయన భద్రాచలం సబ్‌ కలెక్టర్‌ మృణాల్‌ శ్రేష్ఠతో కలిసి పరిశీలించారు. లాంచీలు, బారికేడింగ్‌, లైటింగ్‌, సీసీ కెమెరాల పర్యవేక్షణ, తాగునీరు, వైద్య బృందాలు, గజ ఈతగాళ్లు తదితర వివరాలను అధికారులను అడిగి తెలుసుకున్నారు. ఈ సందర్భంగా కలెక్టర్‌ మాట్లాడుతూ నదీ తీర ప్రాంతంలో అపశృతులకు తావులేకుండా విస్తృత భద్రతా, రక్షణ చర్యలు చేపట్టాలన్నారు. ఈ నెల 24, 25, 26వ తేదీల్లో జరిగే నిమజ్జన వేడుకలకు పోలీస్‌, రెవెన్యూ, రవాణా, వైద్య ఆరోగ్య, అగ్నిమాపక, అటవీ, ఇరిగేషన్‌, దేవాదాయ, పంచాయతీ శాఖల అధికారులు, సిబ్బంది సమన్వయంతో పనిచేయాలని చెప్పారు. నిర్దేశించిన ప్రదేశాల్లోనే నిమజ్జనం జరిగేలా ప్రణాళిక రూపొందించాలన్నారు. వాహనాలను నిర్దిష్ట పార్కింగ్‌ ప్రాంతాల్లోనే నిలపాలని, చిన్నపిల్లలు, వృద్ధులు, మహిళలు నదీ ఘాట్‌ ప్రాంతంలో జాగ్రత్తలు పాటించాలని భక్తులకు సూచించారు. మద్యం తాగి నిమజ్జన కార్యక్రమాలకు రాకూడదని కమిటీలకు, భక్తులకు సూచించారు. ఊరేగింపుల సమయంలో డీజేలు, అధిక శబ్దపూరిత మ్యూజిక్‌ వాడకూడదని, ట్రాఫిక్‌కు ఆటంకం కలిగించొద్దని చెప్పారు. పునరుద్ధరణ పనులు సకాలంలో పూర్తి చేయాలి శ్రీ సీతారామ చంద్రస్వామి దేవస్థానం పునరుద్ధరణ నిర్మాణ పనులు సకాలంలో పూర్తి చేయాలని కలెక్టర్‌ అంకిత్‌ అన్నారు. దేవాలయంలో జరుగుతున్న అభివృద్ధి పనులను పరిశీలించి మాట్లాడారు. నాణ్యతా లోపాలు లేకుండా చూడాలన్నారు. పుష్కరాల ప్రారంభంలోపు ఘాట్ల అభివృద్ధి పనులు పూర్తి చేయాలన్నారు. భద్రాచలం సర్పంచ్‌ పూనెం కృష్ణ, డీఎస్పీ అరుణ్‌ కుమార్‌, పంచాయతీ ఈఓ శ్రీనివాస్‌ రావు, దేవాలయ ఈఓ దామోదర్‌ రావు, ఎంవీఐ సంగం వెంకట పుల్లయ్య, ఇరిగేషన్‌ ఏఈఈలు రవితేజ, గణేష్‌, ఐటీసీ ప్రతినిధులు చెంగల్‌ రావు, దుర్గాప్రసాద్‌ పాల్గొన్నారు.

ఖిలా వరంగల్‌: క్రీడల్లో రాణించిన విద్యార్థులకు మంచి భవిష్యత్‌ ఉంటుందని కాకతీయ యూనివర్సిటీ రిజిస్ట్రార్‌ ప్రొఫెసర్‌ జి.రామచంద్రం తెలిపారు. వరంగల్‌ బొల్లికుంటలోని వాగ్దేవి ఇంజనీరింగ్‌ కళాశాల క్రీడామైదానంలో నిర్వహిస్తున్న కేయూ యూనివర్సిటీ అండ్‌ కాలేజ్‌ మహిళా క్రీడోత్సవాలను శనివారం ఆయన ప్రారంభించి మాట్లాడారు. వరంగల్‌, ఖమ్మం, ఆదిలాబాద్‌ ఉమ్మడి జిల్లాల నుంచి 780 మంది మహిళా క్రీడాకారులు హాజరుకాగా ఈనెల 21 తేదీ వరకు కబడ్డీ, సాఫ్ట్‌బాల్‌, బాస్కెట్‌బాల్‌, బాల్‌ బ్యాడ్మింటన్‌, క్రాస్‌ కంట్రీ అంశాల్లో పోటీలు జరుగుతాయని తెలిపారు. కేయూ స్పోర్ట్స్‌ బోర్డ్‌ సెక్రటరీ ప్రొఫెసర్‌ టి.శాస్త్రి, వాగ్దేవి కళాశాల డైరెక్టర్‌ వాణిదేవితో పాటు హెచ్‌.సుదర్శన్‌రెడ్డి, ఫ్రొఫెసర్‌ సునీల్‌రెడ్డి, రవీందర్‌, ఫిజికల్‌ డైరెక్టర్లు పాల్గొన్నారు. కేయూ రిజిస్ట్రార్‌ రామచంద్రం

సూపర్‌బజార్‌(కొత్తగూడెం): ప్రస్తుత ఎల్‌నినో పరి స్థితుల్లో పొద్దుతిరుగుడు సాగుతో రైతులు మెరుగు ఆదాయం పొందవచ్చని వరంగల్‌ ఆర్‌ఏఆర్‌ఎస్‌ అసోసియేట్‌ డైరెక్టర్‌ ఆఫ్‌ రీసెర్చ్‌ డాక్టర్‌ ఎం శ్రీధర్‌ అన్నారు. హైదరాబాద్‌లోని ఐకార్‌, ఇండియన్‌ ఇన్‌స్టిట్యూట్‌ ఆఫ్‌ ఆయిల్‌సీడ్స్‌ రీసెర్చ్‌ సహకారంతో గిరి జన ఉప ప్రణాళిక ప్రాజెక్టులో భాగంగా కేవీకే ప్రాంగణంలో శనివారం కిసాన్‌ మేళా, పొద్దుతిరుగుడు హైబ్రిడ్‌ విత్తనాల పంపిణీ కార్యక్రమాన్ని నిర్వహించారు. ఈ సందర్భంగా మాట్లాడుతూ రైతులు పంటల వైవిధ్యీకరణపై దృష్టి సారించాలని సూచించా రు. హైదరాబాద్‌ ఐకార్‌ ప్రిన్సిపల్‌ సైంటిస్టులు డాక్టర్‌ జి.సురేష్‌, జీడీ సతీష్‌కుమార్‌లు మాట్లాడు తూ రైతు ఉత్పత్తిసంఘాల ద్వారా నూనెగింజలను సమష్టిగా ఉత్పత్తి చేయాలని సూచించారు. ఐకార్‌ సీనియర్‌ సైంటిస్ట్‌ డాక్టర్‌ హెచ్‌పి మీనా, జిల్లా వ్యవసాయ అధికారి బాబూరావు కూడా మాట్లాడారు. సుజాతనగర్‌ తెలంగాణ గ్రామీణవికాస్‌ బ్యాంక్‌ సీనియర్‌ మేనేజర్‌ జి సునీల్‌ కుమార్‌, శాస్త్రవేత్తలు డాక్టర్‌ ఎస్‌ ఓం ప్రకాష్‌, భరత్‌ పాల్గొన్నారు. వరంగల్‌ వ్యవసాయ పరిశోధన కేంద్రం డైరెక్టర్‌ శ్రీధర్‌

చుంచుపల్లి: జిల్లాలో అటవీ, నీటిపారుదల శాఖల సమన్వయంతో అభివృద్ధి పనులకు వేగం చేసేందుకు చర్యలు తీసుకుంటామని జిల్లా అటవీశాఖ అధికారి సిద్ధార్థ్‌ విక్రమ్‌సింగ్‌ అన్నారు. అటవీ, నీటిపారుదల శాఖలకు సంబంధించిన వివిధ అంశాలపై పరస్పర సమన్వయంతో చర్యలు చేపట్టేందుకు శనివారం కొత్తగూడెం వనవిహార్‌ ఫారెస్ట్‌ కాంప్లెక్స్‌లోని జిల్లా అటవీ అధికారి కార్యాలయంలో సమన్వయ సమావేశం నిర్వహించారు. ఈ సందర్బంగా మాట్లాడుతూ జిల్లాలో అభివృద్ధి కార్యక్రమాలు, నీటిపారుదల ప్రాజెక్టులకు అవసరమైన చర్యలు చేపడుతున్న సమయంలో అటవీ సంరక్షణ, వన్యప్రాణుల రక్షణ, పర్యావరణ పరిరక్షణకు సంబంధించిన నిబంధనలను తప్పనిసరిగా పాటించాలన్నారు. అటవీ శాఖ అధికారులు, సిబ్బందితో పాటు నీటి పారుదల శాఖ సీఈ శ్రీనివాసరెడ్డి, భద్రాచలం ఎస్‌ఈ మహేశ్వరరావు, సిబ్బంది కృష్ణ, జానీ, తదితరులు పాల్గొన్నారు. జిల్లా అటవీశాఖ అధికారి సిద్ధార్థ్‌ విక్రమ్‌ సింగ్‌

సూపర్‌బజార్‌(కొత్తగూడెం): కరువు నివారణ చర్యలు చేపట్టాలని డిమాండ్‌ చేస్తూ ఏఐకేఎంఎస్‌ ఆధ్వర్యంలో శనివారం కలెక్టరేట్‌ ఎదుట ధర్నా నిర్వహించారు. అనంతరం కలెక్టరేట్‌ ఏఓ అనంత రామకృష్ణకు వినతిపత్రం అందజేశారు. ఈ సందర్భంగా జరిగిన సభలో జిల్లా అధ్యక్షులు కల్తి వెంకటేశ్వర్లు, జిల్లా ప్రధాన కార్యదర్శి ఏనుగు చంద్రారెడ్డి మాట్లాడుతూ జిల్లాలో నెలకొన్న వర్షాభావ పరిస్థితిపై సర్వే నిర్వహించి పంట నష్టాలపై నివేదిక తయారు చేయాలని కోరారు. సీతారామ ప్రాజెక్ట్‌ ప్రారంభ డిజైన్‌ ప్రకారం కాలువ పనులను పూర్తి చేసి జిల్లాలోని సాగు భూములకు నీళ్లు ఇస్తే కరువును నివారించుకునే అవకాశం ఉండేదని అన్నారు. సాగునీటి ప్రాజెక్టుల పట్ల ప్రభుత్వ నిర్లక్ష్యం కారణంగా జిల్లాలోని రైతులు కరువు పరిస్థితిని ఎదుర్కోవాల్సి వస్తుందని అన్నారు. పోడు భూములకు పట్టాలు ఇవ్వాలన్నారు. ఈ కార్యక్రమంలో నాయకులు ఎస్‌కే ఉమర్‌, కొమరం సత్యనారాయణ, పెద్దగోని ఆదిలక్ష్మి, భూక్యహర్జ్య, కొమరం సత్యనారాయణ, కుంజ కృష్ణ, భూక్య నర్సింగ్‌, లక్ష్మి, రమేష్‌ పాల్గొన్నారు. రీ సర్వేకు రైతులు సహకరించాలిబూర్గంపాడు: భూముల డిజిటల్‌ రీ సర్వేకు రైతులు సహకరించాలని కలెక్టర్‌ అంకిత్‌ సూచించారు. పినపాక పట్టీనగర్‌ రెవెన్యూ పరిధిలోని అంజనాపురం గ్రామంలో జరుగుతున్న భూముల డిజిటల్‌ రీ సర్వేను శనివారం పరిశీలించారు. స్థానిక రైతులతో మాట్లాడి భూముల రీ సర్వేపై అభిప్రాయాలు తెలుసుకున్నారు. ఈ సందర్భంగా కలెక్టర్‌ మాట్లాడుతూ భూముల డిజిటల్‌ రీ సర్వే ప్రక్రియ వేగవంతం చేయాలని అధికారులను ఆదేశించారు. రీ సర్వేతో కచ్చితమైన సరిహద్దులు నమోదవుతాయన్నారు. సర్పంచ్‌ బానోతు పద్మ, ఉపసర్పంచ్‌ వెంకటరమణ పాల్గొన్నారు.

ఉమ్మడి ఖమ్మం జిల్లాలో గ్రాడ్యుయేట్‌ ఎమ్మెల్సీ ఎన్నికల హడావుడి మొదలైంది. ఇప్పటికే పార్టీలు అభ్యర్థుల ఎంపికపై కసరత్తు మొదలుపెట్టాయి. బీఆర్‌ఎస్‌ నుంచి రాకేష్‌రెడ్డి పేరు అధికారికంగా ఖరారు చేయకున్నా ఆయన ఉమ్మడి జిల్లాలో పార్టీ కార్యక్రమాల్లో పాల్గొంటున్నారు. ఇక కాంగ్రెస్‌ నుంచి ముగ్గురు, నలుగురి పేర్లు అధిష్టానం వద్దకు వెళ్లాయి. మరోపక్క జనసేన నుంచి గడల శ్రీనివాస్‌ పేరు ఖరారైంది. ప్రస్తుతం ఓటర్ల నమోదు కోసం రాష్ట్ర ఎన్నికల సంఘం షెడ్యూల్‌ విడుదల చేయడంతో ఆశావహులు ఓటర్ల నమోదుపై దృష్టి సారించారు. – సాక్షి ప్రతినిధి, ఖమ్మంఎన్నికలో బీఆర్‌ఎస్‌.. ఉప ఎన్నికలో కాంగ్రెస్‌ వరంగల్‌–ఖమ్మం–నల్లగొండ పట్టభద్రుల నియోజకవర్గ ఎమ్మెల్సీగా చింతపండు నవీన్‌(తీన్మార్‌ మల్లన్న) కొనసాగుతున్నారు. తొలుత ఈ స్థానానికి 2021లో జరిగిన ఎన్నికల్లో బీఆర్‌ఎస్‌ అభ్యర్థి పల్లా రాజేశ్వర్‌రెడ్డి విజయం సాధించారు. అయితే, ఆయన 2023 అసెంబ్లీ ఎన్నికల్లో జనగామ నుంచి గెలవగా ఎమ్మెల్సీ స్థానానికి ఉప ఎన్నిక అనివార్యమైంది. 2024 మే 27న ఎన్నిక జరగ్గా జూన్‌ 8న వెలువడిన ఫలితాల్లో బీఆర్‌ఎస్‌ అభ్యర్థి ఏ.రాకేష్‌రెడ్డిపై కాంగ్రెస్‌ అభ్యర్థి తీన్మార్‌ మల్లన్న విజయం సాధించారు. ఆయన పదవీకాలం వచ్చే ఏడాది మార్చితో ముగియనుంది. గ్రాడ్యుయేట్‌ ఎన్నిక కోసం.. పట్టభద్రుల ఎమ్మెల్సీ ఎన్నికపై రాజకీయ పార్టీలు కొద్ది నెలలుగా వ్యూహాలు రచిస్తున్నాయి. ప్రధానంగా అభ్యర్థుల ఎంపికపైనే దృష్టి కేంద్రీకరించాయి. ఇటీవల ఢిల్లీలో కాంగ్రెస్‌ పార్టీ అధిష్టానం నిర్వహించిన సమావేశంలోనూ వచ్చే ఏడాది జరిగే రెండు పట్టభద్రుల ఎమ్మెల్సీ ఎన్నికలపై చర్చించారు. వరంగల్‌–ఖమ్మం–నల్లగొండ పట్టభద్రుల నియోజకవర్గానికి సంబంధించి ముగ్గురు నుంచి నలుగురు పేర్లను అధిష్టానానికి సమర్పించారు. ఇక గత ఎన్నికల్లో బీఆర్‌ఎస్‌ అభ్యర్థిగా పోటీ చేసిన రాకేష్‌రెడ్డి ఈసారి కూడా పోటీ చేయొచ్చనే అంచనాలతో ఉమ్మడి జిల్లాలో కొంతకాలంగా విస్తృతంగా పర్యటిస్తున్నారు. అలాగే, జనసేన నుంచి గడల శ్రీనివాసరావు పేరు అధికారికంగా ప్రకటించగా.. బీజేపీ కూడా అభ్యర్థి ఎంపికపై దృష్టి సారించింది. రాజకీయ పార్టీల్లో కదలిక ఓటర్ల దరఖాస్తు షెడ్యూల్‌ విడుదలతో రాజకీయ పార్టీల్లో కదలిక వచ్చింది. పార్టీలన్నీ ఓటర్ల నమోదును ప్రాధాన్యతగా తీసుకుంటున్నాయి. ఎక్కువ మంది ఓటర్లను నమోదు చేయిస్తేనే గెలుపునకు అవకాశం ఉంటుందనే భావనతో ఆశావహులు ఆ దిశగా దృష్టి సారించారు. ఈనెల 28న నోటిఫికేషన్‌ విడుదలయ్యాక ఉమ్మడి జిల్లాలో విస్తృతంగా ఓటర్ల నమోదును చేయించాలనే భావనతో సిద్ధమవుతున్నారు. ఇప్పటికే టికెట్‌ ఖరారైన వారితోపాటు అభ్యర్థిత్వంపై ఆశ ఉన్న వారంతా గత ఓటర్ల జాబితా ఆధారంగా ఏర్పాట్లలో నిమగ్నమయ్యారు. పట్టభద్రుల ఎమ్మెల్సీ ఎన్నికలకు ప్రతీసారి కొత్త ఓటర్ల జాబితా తయారు చేస్తారు. ఈక్రమాన వచ్చే ఏడాది మార్చిలో జరిగే ఎన్నికల కోసం పట్టభద్రులు ఓటర్లుగా నమోదు చేసుకునేందుకు రాష్ట్ర ఎన్నికల సంఘం షెడ్యూల్‌ విడుదల చేసింది. ఓటరు నమోదుకు ఈనెల 28న నోటిఫికేషన్‌ జారీ కానుండగా, నవంబర్‌ 6వ తేదీ వరకు ఫారం – 18 ద్వారా దరఖాస్తు చేసుకోవచ్చు. అదేనెల 25న ముసాయిదా ఓటర్ల జాబితా విడుదల చేసి, అభ్యంతరాల స్వీకరణ, పరిష్కారం అనంతరం డిసెంబర్‌ 30న తుది ఓటరు జాబితా విడుదల చేస్తారు. ఈ ఏడాది నవంబర్‌ 1వ తేదీ నాటికి డిగ్రీ పూర్తి చేసి మూడేళ్లయిన వారు ఓటరుగా నమోదు చేసుకోవచ్చు.ఉమ్మడి జిల్లాలో గ్రాడ్యుయేట్‌ ఎమ్మెల్సీ హడావుడి

భధ్రాచలం: గిరిజన సంక్షేమ శాఖ ఆశ్రమ పాఠశాలలు, వసతి గృహాల్లోని విద్యార్థులందరికీ యూని ఫామ్‌ అందించాలని భద్రాచలం ఐటీడీఏ ప్రాజెక్టు అధికారి బి.రాహుల్‌ ఆదేశించారు. ఐటీడీఏ నుంచి శుక్రవారం ఆయన ఉమ్మడి జిల్లాలోని అధికారులు, హెచ్‌ఎంలు, వార్డెన్లతో వీడియో కాన్ఫరెన్స్‌ ద్వారా మాట్లాడారు. ఈనెల 25వ తేదీలోగా యూనిఫామ్‌ అందించేలా అవసరమైతే మహిళా సంఘాల సభ్యు ల సంఖ్య పెంచాలని తెలిపారు. అలాగే, అధికారులు తమ పరిధిలోని పాఠశాలల్లో ఉద్దీపకం, వారధి పుస్తకాల ద్వారా అందుతున్న బోధనపై దృష్టి సారించాలని, ఈ సమయాన ఫొటోలు దిగి పోస్ట్‌ చేయాలని తెలిపారు. కాగా, సర్దుబాటు చేసిన ఉపాధ్యాయులను హెచ్‌ఎంలు రిలీవ్‌ చేసి, విధుల్లో చేర ని వారి వేతనం నిలిపివేయాలని ఆదేశించారు. అలాగే, ప్రీ మెట్రిక్‌ స్కాలర్‌షిప్‌ కోసం విద్యార్థులకు కుల, నివాసం, ఆదాయం, ఆధార్‌ ధ్రువీకరణ పత్రాలు అందేలా ప్రత్యేక క్యాంపులు నిర్వహించాలని తెలిపారు. వీసీలో ట్రైబల్‌ వెల్ఫేర్‌ డీడీ చందన తదితరులు పాల్గొన్నారు. విద్యార్థులు క్రీడల్లో పాల్గొనాలి విద్యార్ధులు చదువుతో పాటు క్రీడల్లోనూ పాలు పంచుకునేలా ఉపాధ్యాయులు ప్రోత్సహించాలని ఐటీడీఏ పీఓ రాహుల్‌ సూచించారు. భద్రాచలం గురుకులం జూనియర్‌ కళాశాల ప్రాంగణంలో ఎస్‌జీ ఎఫ్‌ఐ ఆధ్వర్యాన నిర్వహిస్తున్న మండల స్థాయి పాఠశాలల క్రీడాపోటీలను శుక్రవారం పీఓ ప్రారంభించారు. అనంతరం ఆయన మాట్లాడుతూ క్రీడాపోటీల్లో పాల్గొనడంతో గెలుపోటములను సమానంగా స్వీకరించే గుణం అలవడుతుందని తెలిపారు. భద్రాచలం సర్పంచ్‌ పూనెం కృష్ణ, ఎంఈఓ బెక్కంటి శ్రీనివాసరావు, ఉపాధ్యాయులు వెంకటేశ్వర్లు, రామచందర్రావు, రాజా శ్రీనివాసరావు, హేమలత, రమణ తదితరులు పాల్గొన్నారు. ఐటీడీఏ ప్రాజెక్టు అఽధికారి రాహుల్‌

పాల్వంచ/పాల్వంచరూరల్‌: పట్టణం, మండలాల్లోని పలు మండపాల్లో వినాయకుడిని శుక్రవారం కరెన్సీ నోట్లతో అలంకరించారు. గట్టాయిగూడెంలో గణపతి విగ్రహాన్ని రూ.11 లక్షల కరెన్సీ నోట్లతో అలంకరించారు. కమిటీ సభ్యులు లక్ష్మారెడ్డి, మహేష్‌, సాయి రాఘవ, వికాస్‌, కరుణాకర్‌, గోపి, సాయితేజ తదితరులు పూజలు చేశారు. మండల పరిధిలోని లక్ష్మీదేవిపల్లిలో వినాయకుడిని రూ. లక్ష కరెన్సీ నోట్లతో అలంకరించారు. అనంతరం కుంకుమార్చన పూజలు చేశారు. ఈ కార్యక్రమంలో సర్పంచ్‌ భూక్యా మంజుల, ఉపసర్పంచ్‌ మూలగుండ్ల ప్రేమ్‌కుమార్‌, భూక్యా కాంతమ్మ, నక్క కుమారి, కృష్ణకుమారి, మమత, రమ్య, దుర్గ, మంగ,శి వజ్యోతి తదితరులు పాల్గొన్నారు. మున్నూరు కాపు సంఘం ఆధ్వర్యంలో బాపూజీనగర్‌లో ఏర్పాటు చేసిన మండపంలో వినాయకుడిని రూ.కోటి కరెన్సీ నోట్లతో అలంకరించారు. భద్రాచలంటౌన్‌: పాత మార్కెట్‌ గణేష్‌ ఉత్సవ కమిటీ ఆధ్వర్యంలో వినాయక చవితి వేడుకల్లో భాగంగా 150 కేజీల భారీ గణేష్‌ మహా లడ్డూను భక్తులకు ప్రసాదంగా సమర్పించారు. సుమారు రూ.50 వేల విలువైన లడ్డూను కార్తికేయ ఎంటర్‌ప్రైజెస్‌ ప్రొప్రైటర్‌ బొజ్జా సాయికిరణ్‌–ప్రణీత దంపతులు వితరణ చేశారు.

జిల్లా పంచాయతీ అధికారి అనూషఅశ్వాపురం/మణుగూరు రూరల్‌: గ్రామాల పరిశుభత్రకు ప్రతీ ఒక్కరు కృషి చేయాలని జిల్లా పంచాయతీ అధికారి అనూష అన్నారు. అశ్వాపురం జిల్లా పరిషత్‌ ఉన్నత పాఠశాల, మణుగూరు మండలం తోగ్గూడెం, కూనవరం, రామానుజవరం ప్రభుత్వ పాఠశాలల్లో స్వచ్ఛతా హీ సేవా కార్యక్రమంలో భాగంగా విద్యార్థులకు స్వచ్ఛతపై అవగాహన కల్పించారు. విద్యార్థులకు వ్యాసరచన పోటీలు నిర్వహించారు. ఈ సందర్భంగా మాట్లాడుతూ నాలుగు రకాల చెత్తను వేరు చేసే విధానం, ప్లాస్టిక్‌ రహిత గ్రామం, నీటి పొదుపు, మొక్కల పెంపకం, ప్రకృతి పరిరక్షణ, గ్రామ పరిశుభ్రత వంటి అంశాలపై అవగాహన కల్పించారు. విద్యార్థుల ద్వారా ప్రతి ఇంటికీ స్వచ్ఛత సందేశం చేరాలనే ఉద్దేశంతో పాఠశాల నుంచే ఈ కార్యక్రమాన్ని ప్రారంభించినట్లు డీపీఓ తెలిపారు. స్వచ్ఛత, పచ్చదనం, చెత్త సేకరణ, పర్యావరణ పరిరక్షణ అంశాలపై విద్యార్థులకు వ్యాసరచన పోటీలు నిర్వహించారు. కొండాయిగూడెం పుష్కరఘాట్‌ వద్ద వినా యక నిమజ్జన ఏర్పాట్లను పరిశీలించి అధికారులకు పలు సూచనలు చేశారు. మొండికుంట గ్రామపంచాయతీ కార్యాలయాన్ని సందర్శించారు. రికార్డులు పరిశీలించి, పారిశుద్ధ్య కార్యక్రమాలపై ఆరా తీశారు. డంపింగ్‌ షెడ్‌, వైకుంఠధామం, పల్లె ప్రకృతివనాలను పరిశీలించి మాట్లాడారు. ఈ కార్యక్రమాల్లో ఎంపీడీఓలు ముత్యాలరావు, శ్రీకాంత్‌, ఎంపిఓ పి వెంకటేశ్వరరావు, సర్పంచ్‌లు బాణోత్‌ సదర్‌లాల్‌, మర్రి సంధ్య, మడకం కృష్ణ, ఏనిక శ్వేత, బాడిశ కల్పన, ఉపసర్పంచ్‌లు తుల్లూరి ప్రకాష్‌రావు, శివారెడ్డి తదితరులు పాల్గొన్నారు.

సూపర్‌బజార్‌(కొత్తగూడెం): వెదురు పెంపకాన్ని ప్రోత్సహించడం ద్వారా పచ్చదనాన్ని పెంపొందించడంతోపాటు నేలకోతను నియంత్రించవచ్చని కలెక్టర్‌ అంకిత్‌ అన్నారు. ప్రపంచ వెదురు దినోత్సవా న్ని పురస్కరించుకుని వెనుకబడిన తరగతుల అభివృద్ధి శాఖ ఆధ్వర్యంలో కలెక్టరేట్‌లో శుక్రవారం వేడుకలు నిర్వహించారు. ఈ సందర్భంగా కలెక్టర్‌ మాట్లాడుతూ వెదురు వేగంగా పెరిగే సహజ వనరు మాత్రమే కాకుండా పర్యావరణ పరిరక్షణలో కీలక పాత్ర పోషిస్తుందని అన్నారు. వెదురును ఇళ్ల నిర్మాణం, ఫర్నిచర్‌, కాగితం, హస్తకళలు, అలంకరణ వస్తువులు తదితర అనేక రకాల ఉత్పత్తుల తయారీలో వినియోగిస్తున్నారని తెలిపారు. వెదురు ఉత్పత్తుల తయారీ, మార్కెటింగ్‌పై అవసరమైన శిక్షణ, అవగాహన కల్పించడం ద్వారా మరిన్ని ఉపాధి అవకాశాలు కల్పించవచ్చని అన్నారు. అనంతరం వెదురుతో తయారు చేసిన బొకే కలెక్టర్‌కు అందజేశారు. ఈ కార్యక్రమంలో వెనుకబడిన తరగతుల అభివృద్ధిశాఖ అధికారిణి విజయలక్ష్మి, మేదరి కుల సంఘ నాయకులు కొంటు శ్రీనివాస్‌, స్వ రూప, సింధూజ, కళావతి, రమాదేవి, పిల్లి శీను, సోమయ్య, బొల్లం శ్రీనివాస్‌, ప్రవల్లిక, కళాకారులు, చేతి వృత్తిదారులు పాల్గొన్నారు. టెలికాం ప్రాజెక్టులపై సమీక్ష కేంద్ర ప్రభుత్వ డిజి టల్‌ భారత్‌ నిధి (డీబీఎన్‌) నిధులతో చేపడుతున్న టెలికాం ప్రాజెక్టుల పురోగతి, ప్రస్తుత టెలికాం మౌలిక సదుపాయాల స్థితిపై టెలికమ్యూనికేషన్‌ డిప్యూటీ డైరెక్టర్‌ జనరల్‌ డి భాస్కరరావు, ఎన్‌ సత్యనారాయణలు శుక్రవారం కలెక్టరేట్‌లో కలెక్టర్‌ అంకిత్‌ను కలిసి వివరించారు. 16 ప్రాంతాలలో 4జి సాచురేషన్‌ ప్రాజెక్టు సైట్లకు భూసేకరణ పెండింగ్‌లో ఉందని తెలిపారు. భూముల గుర్తింపు, కేటా యింపు ప్రక్రియ వేగవంతం చేయాలని కోరారు. ప్రభుత్వం ఇటీవల జారీ చేసిన జీఓ ప్రకారం ఏదైనా తవ్వకం పనులు చేపట్టే ముందు సంబంధిత శాఖల అధికారులు తప్పనిసరిగా కాల్‌ బిఫోర్‌ యు సాగ్‌ యాప్‌ను ఉపయోగించేలా ఆదేశాలు ఇవ్వాలన్నారు. దీంతో స్పందించిన కలెక్టర్‌ తగిన చర్యలు తీసుకుంటామన్నారు. ఈ సమావేశంలో ఏజీఎం సుభాష్‌, జేటీఓ సందీప్‌, బాలకృష్ణ, సైదులు, అసిస్టెంట్‌ డైరెక్టర్‌ లక్ష్మణ్‌ కుమార్‌ తదితరులు పాల్గొన్నారు. పాల్వంచ ఆస్పత్రిలో తనిఖీ పాల్వంచ: పాల్వంచలోని ఏరియా ఆస్పత్రిలో కలెక్టర్‌ అంకిత్‌ శుక్రవారం తనిఖీ చేశారు. ఐపీ, ఎమర్జెన్సీ, డయాలసిస్‌, బ్లడ్‌ బ్యాంక్‌, ఆపరేషన్‌ థియేటర్లను పరిశీలించారు. జ్వరాల కేసుల వివరాలు అడిగి తెలుసుకున్నారు. బెడ్ల కొరత, అదనపు అంతస్తు నిర్మాణ సమస్యలను సూపరింటెండెంట్‌ డాక్టర్‌ ముక్కంటేశ్వరరావు వివరించగా, ఇంజనీరింగ్‌ విభాగంతో ప్రతిపాదనలు సిద్ధం చేసి పంపాలని సూచించారు. జూలూరుపాడులో డయాలసిస్‌ సెంటర్‌ ఏర్పాటు చేయాలని రోగుల బంధువుల విన్నవించారు. తహసీల్దార్‌ దారా ప్రసాద్‌, ఆర్‌ఎంఓ సోమరాజుదొర, సిబ్బంది పాల్గొన్నారు. ‘సర్‌‘ హియరింగ్‌ వేగవంతం చేయాలి కొత్తగూడెంఅర్బన్‌: ‘సర్‌’లో హియరింగ్‌ ప్రక్రియ వేగవంతం చేయాలని కలెక్టర్‌ అంకిత్‌ రెవెన్యూ అధికారులను ఆదేశించారు. శుక్రవారం కొత్తగూడెం తహసీల్దార్‌ కార్యాలయంలో హియరింగ్‌ ప్రక్రియను పరిశీలించారు. నోటీసులు అందుకున్న ఓటర్లతో మాట్లాడారు. వారి తెచ్చిన ధ్రువపత్రాలను పరిశీలించి పలు సూచనలు చేశారు. అనంతరం పీఎంశ్రీ పథకంలో కొనసాగుతున్న కూలీలైన్‌ ప్రభుత్వ పాఠశాలను సందర్శించారు. విద్యార్థుల అభ్యసన సామర్థ్యాన్ని పరిశీలించారు. వంటశాలను పరిశీలించి, పౌష్టికాహారం అందించాలని ఆదేశించారు. రెవెన్యూ అధికారులు, సిబ్బంది తదితరులు పాల్గొన్నారు. కలెక్టర్‌ అంకిత్‌

భద్రాచలం: శ్రీ సీతారామ చంద్రస్వామివారి దేవస్థానంలో శుక్రవారం స్వామివారి నిత్యకల్యాణ వేడుక ఘనంగా జరిగింది. తెల్లవారుజామునే గర్భగుడిలో వైఖానస ఆగమోక్తంగా స్వామివారికి సుప్రభాత సేవ, సేవాకాలం, ప్రత్యేక ఆరాధనా క్రతువులను ఆలయ అర్చకులు వేదమంత్రాల మధ్య నిర్వహించారు. అనంతరం నిత్యకల్యాణ మహోత్సవం కోసం మిథిలా స్టేడియంలోని రామసేవా మండపంలో మూర్తులను కొలువుదీర్చారు. విఘ్న నివా రకుడు విశ్వక్సేనుల వారి పూజతో ప్రారంభమైన ఈ దివ్య క్రతువులో పుణ్యావాచనం, మంగళవాయిద్యాల ధ్వనుల నడుమ కంకణధారణ, యజ్ఞోపవేత ధారణ గావించారు. అమ్మవారికి కంకణధారణ, యోక్త్రధారణ గావించి వేద పండితులు శాస్త్రోక్తంగా సీతారాముల కల్యాణ ఘట్టాన్ని పూర్తి చేశారు. పెద్ద సంఖ్యలో హాజరైన భక్తులు కల్యాణ వేడుకను తిలకించి ఆనందభరితులయ్యారు. పెద్దమ్మతల్లికి పంచామృతాభిషేకంపాల్వంచరూరల్‌: పెద్దమ్మతల్లి అమ్మవారికి వైభవంగా పంచామృతాభిషేకం నిర్వహించా రు. మండలంలోని శ్రీ కనకదుర్గ(పెద్దమ్మతల్లి) ఆలయంలో శుక్రవారం అర్చకులు ప్రత్యేక పూజలు చేశారు. అమ్మవారి జన్మస్థలం వద్ద పంచామృతం, పసుపు, కుంకుమ, గాజులు, హారతి సమర్పించారు. అనంతరం ఆలయంలోని మూలవిరాట్‌కు పంచామృతంతో అభిషేక పూజలు, పంచహారతులు, నివేదన, నీరా జనం, మంత్రపుష్పం పూజలతోపాటు కుంకుమపూజ, గణపతిహోమం నిర్వహించారు. ఈ కార్యక్రమంలో ఆలయ ఈఓ విజయ్‌కుమార్‌ పాల్గొన్నారు. విద్యుత్‌ సమస్యలపై వినతులుదుమ్ముగూడెం: మండలంలోని ములకపాడు విద్యుత్‌ సబ్‌స్టేషన్‌ ఆవరణలో ఏర్పాటు చేసిన వినియోగదారుల సదస్సులో అధికారులు స్వీకరించారు. విద్యుత్‌ పునరుద్ధరణ, కాలిపోయిన ట్రాన్స్‌ఫార్మర్లు, ఓల్టేజీ హెచ్చుతగ్గులు, లోపాలు ఉన్న మీటర్లు మార్చడం, నూతన సర్వీసులు మంజూరు, అదనపు లోడు క్రమబద్ధీకరణ,వంగిపోయిన పోల్స్‌, మిడిల్‌ పోల్స్‌, వ్యవసాయ మోటార్‌ కనెక్షన్లు, వీధిలైట్లు వైర్లు తది తర సమసల్యపై వినియోగదారులు వినతి పత్రాలు అందజేశారు. సీజీఆర్‌ఎఫ్‌ చైర్మన్‌ మాధవరావు, సభ్యులు శేషారావు, సత్యనారా యణ, రామారావు, విద్యుత్‌శాఖ అధికారులు మహేందర్‌, జీవన్‌కుమార్‌, శ్రీధర్‌ పాల్గొన్నారు.

● మరో తొమ్మిది నెలల్లో గోదావరి పుష్కరాలు ప్రారంభం ● భద్రాచలం వద్ద కోటి మంది స్నానమాచరిస్తారని అంచనా ● కొత్తవి నిర్మించకుండా పాతఘాట్లతోనే సరిపెడుతున్న ప్రభుత్వం ● 2015 తరహాలోనే 2027లోనూ భక్తులకు సౌకర్యాల లేమి తప్పదా? భద్రాచలం: గోదావరి పుష్కరాలు సమీపిస్తున్నాయి. 2027 జూన్‌ 26 నుంచి జూలై 7 వరకు జరగనున్నాయి. రాష్ట్రవ్యాప్తంగా సుమారు 8 కోట్ల మంది భక్తులు పుష్కర స్నానం చేస్తారని, భద్రాచలానికే సుమారు కోటి మంది వస్తారని ప్రభుత్వం అంచనా వేస్తోంది. ఈ నేపథ్యంలో జిల్లాలో తొలిదశలో రూ. 68.8 కోట్లతో పుష్కరాల పనులు చేపట్టారు. రెండో విడతలో రూ.26.46 కోట్లు విడుదల చేశారు. రెండు విడతల్లోనూ భద్రాచలంలో మినహా ఎక్కడా కొత్త ఘాట్ల నిర్మాణం చేపట్టడంలేదు. 42 లక్షల మందికే కిక్కిరిస్తే.. కోటి మంది వస్తే ఎలా..? గత పుష్కరాలకు 8 ఘాట్లలో 42లక్షల మంది వస్తేనే భక్తులు కిక్కిరిసిపోయారు. ఈసారి కోటి మంది వస్తే ఘాట్లు సరిపోతాయా? సౌకర్యాల్లేక ఇబ్బందులు పడాల్సిందేనా? అనే ప్రశ్నలు ఉత్పన్నమవుతున్నాయి. ఇతర చోట్ల కొత్త ఘాట్లు, డార్మెటరీ హాల్స్‌ నిర్మించకపోవడంపై భక్తుల నుంచి ఆగ్రహం వ్యక్తమవుతోంది. పాత ఘాట్లకు మరమ్మతులతోనే సరిపెట్టకుండా ప్రణాళిక రూపొందించి తగిన సౌకర్యాలు కల్పించాలని కోరుతున్నారు. ప్రస్తుతం భద్రాచలం వద్ద మాత్రమే గోదావరి ఘాట్‌ విస్తరణ చేపడుతున్నారు. వీఐపీ ఘాట్‌గా పిలిచే బూర్గంపాడు మండల పరిధిలోని మోతె, దుమ్ముగూడెం మండలంలోని పర్ణశాలలో కేవలం పాత ఘాట్లకు మరమ్మతులకు మాత్రమే నిధులు ఇచ్చారు. అయి తే లక్ష మంది భక్తులను క్లస్టర్‌గా తీసుకుని, ప్రతీ క్లస్టర్‌ను ప్రధాన ఘాట్లుగా విభజించి నిర్మాణం, వాటర్‌ షవర్లు ఏర్పాటు చేస్తే భక్తులకు ఇబ్బందులు తప్పే అవకాశం ఉంది. ప్రణాళిక రూపొందించి.. ఆ ప్రకారం చేస్తే మేలు గోదావరి పుష్కరాలు అంటే 12 ఏళ్లకోసారి వచ్చే మహాఆధ్యాత్మిక ఉత్సవం. భద్రగిరి రామయ్య సన్నిధిలో పుష్కార స్నానం చేసేందుకు భక్తులు ఆసక్తి చూపుతారు. అలాంటిది భఽద్రాచలం నియోజకవర్గంలో పుష్కరాలకు ముందస్తు మాస్టర్‌ ప్లాన్‌ రూపొందించి అమలు చేయాల్సి ఉండగా, కేవలం ౖపైపె పూతల పనులే చేపట్టడంపై విమర్శలు వస్తున్నాయి. భక్తుల సంఖ్యకు అనుగుణంగా ఘాట్ల నిర్మాణం, పార్కింగ్‌, వసతి, వైద్య, పారిశుద్ధ్య, ట్రాఫిక్‌ వసతులను మెరుగుపర్చాల్సిన ఆవశ్యకత ఉంది. 12 రోజుల్లో భద్రాచలం వచ్చే భక్తులకు వసతి కల్పించటమే ప్రధాన సమస్య. దీనిని ఎదుర్కొనేందుకు తాత్కాలిక డార్మెటరీలు, పాఠశాలలు, కాలేజీలను తాత్కాలిక వసతి కేంద్రాలుగా మార్చడం, టెంట్‌ సిటీల ఏర్పాటు, కుటుంబాల కోసం ప్రత్యేక శిబిరాలు, మహిళలు, వృద్ధులు, దివ్యాంగులకు ప్రత్యేక వసతి కల్పించాలి. ఇవన్నీ సక్రమంగా అందుబాటులోకి రావాలంటే గోదావరి పుష్కరాలు–2027 మాస్టర్‌ ప్లాన్‌ రూపొందించి అమలు చేయాల్సి ఉంది. అదే సమయంలో భద్రాచలం రామాలయ అభివృద్ధి పనులు జరుగుతున్న నేపథ్యంలో భక్తులకు ఇబ్బందులు తలెత్తకుండా పుష్కర ఏర్పాట్లు చేయాలని భక్తులు కోరుతున్నారు. రాష్ట్రంలోనే భద్రాచలం గోదావరి ఘాట్‌ ప్రధాన పుష్కర ఘాట్‌గా ఉంటుంది. 2015లో పుష్కరాల ప్రారంభం రోజునే సుమారు 2లక్షల మంది పుష్క ర స్నానం ఆచరించినట్లు గణాంకాలు చెబు తున్నాయి. విపరీతమైన రద్దీతో భక్తులు తీవ్ర ఇబ్బందులు పడ్డారు. భద్రాచలంలో ఘాట్‌ పరిధి బయట నదిలో స్నానం చేస్తూ ఓ విద్యార్థి మృతి చెందాడు. రద్దీ నియంత్రణ, ట్రాఫిక్‌, క్యూలు, పార్కింగ్‌ సవాలుగా మారాయి.

సబ్‌కలెక్టర్‌ మృణాల్‌ శ్రేష్ఠ భద్రాచలంటౌన్‌: ప్రభుత్వ కార్యాలయాలకు వచ్చే ప్రజల సమస్యలను త్వరితగతిన పరిష్కరించాలని భద్రాచలం సబ్‌కలెక్టర్‌ మృణాల్‌ శ్రేష్ఠ ఆదేశించారు. శుక్రవారం పట్టణంలోని సబ్‌కలెక్టర్‌, తహసీల్దార్‌ కార్యాలయాల్లో తనిఖీ చేశారు. అక్కడికి వచ్చిన ప్రజలతో మాట్లాడారు. వృద్ధులు, దివ్యాంగులు, ఒంటరి మహిళల సమస్యలకు మొదటి ప్రాధాన్యత ఇవ్వాలని సూచించారు.తహసీల్దార్‌ రవికుమార్‌, డీటీ బాలకృష్ణ, జూనియర్‌ అసిస్టెంట్‌ రామ్‌నాయక్‌, సిబ్బంది పాల్గొన్నారు.

అశ్వారావుపేటరూరల్‌: క్షయ రహిత గ్రామాలే లక్ష్యంగా వైద్య ఆరోగ్య శాఖ కృషి చేస్తోందని, ఎంపిక చేసిన గ్రామాల్లో వంద శాతం టీబీ పరీక్షలు చేస్తామని డీఎంహెచ్‌ఓ డాక్టర్‌ తుకారాం రాథోడ్‌ తెలిపారు. శుక్రవారం మండలంలోని వేదాంతపురంలో పిరమల్‌ స్వచ్ఛంద సంస్థ సహకారంతో ఏర్పాటు చేసిన టీబీ ప్రత్యేక శిబిరాన్ని ప్రారంభించి మాట్లాడారు. రాష్ట్రంలోని ఆదిలాబాద్‌, ఆసిఫాబా ద్‌, భద్రాద్రి కొత్తగూడెం జిల్లాలు తొలి విడతలో భాగంగా టీబీ ముక్త్‌ జన జాతీయ అభియాన్‌ కింద ఎంపికయ్యాయని తెలిపారు. జిల్లాలోని 371 గ్రా మాలను తొలి విడత కింద ఎంపిక చేయగా, అందులో వేదాంతపురం కూడా ఉందన్నారు. ఐదు రోజులపాటు ఇంటింటి సర్వే ద్వారా గ్రామస్తులకు టీబీ పరీక్షలు చేస్తారని పేర్కొన్నారు. తొలి రోజు గ్రామంలో 50 మందికి టీబీ పరీక్షలు నిర్వహించగా, ఏడుగురిలో వ్యాధి లక్షణాలు కనిపించడంతో మందులు పంపిణీ చేశారు. అనంతరం అశ్వారావుపేట ప్రభుత్వ ఏరియా ఆస్పత్రి, అటెండర్స్‌ కాలనీలోని ఐటీడీఏ బాలికల ఆశ్రమ ఉన్నత పాఠశాల ను సందర్శించారు. ప్రభుత్వ ఆస్పత్రికి వచ్చే రోగులను ప్రైవేటు ఆస్పత్రులకు రిఫర్‌ చేస్తున్నట్లు వస్తు న్న ఆరోపణలపై ఆరా తీసి, మరోసారి ఇలాంటి ఆరోపణలు వస్తే సహించేదిలేదన్నారు. జ్వరంతో బాధపడుతున్న విద్యార్థులకు మెరుగైన వైద్య సేవలు అందించాలని చెప్పారు. జిల్లా క్షయ నివారణ అధికారి డాక్టర్‌ బానోతు ప్రసాద్‌, డీపీఓ నళిని, గుమ్మడవల్లి పీహెచ్‌సీ వైద్యురాలు నందిత, సిబ్బంది పాల్గొన్నారు. డీఎంహెచ్‌ఓ డాక్టర్‌ తుకారాం రాథోడ్‌

● రంగాపురం నుంచి నవభారత్‌ వరకు అడుగుకో గొయ్యి ● నిత్యం ప్రమాదాలు జరిగి గాయపపడుతున్న వాహనదారులు ● పదేళ్లవుతున్నా పూర్తికాని 30వ నంబర్‌ జాతీయ రహదారి పనులుపాల్వంచరూరల్‌: నిత్యం రద్దీగా ఉండే 30వ నంబర్‌ జాతీయ రహదారి ప్రమాదకరంగా మారింది. విజయవాడ నుంచి భద్రాచలం మీదుగా జగదల్‌పూర్‌ వెళ్లే ఈ మార్గంలో రోడ్డు గుంతలమయంగా తయారైంది. వాహనదారులు ప్రాణాలు అరచేతిలో పెట్టుకుని వెళ్లాల్సివస్తోంది. నవభారత్‌ నుంచి రంగాపురం వద్ద ఉన్న కిన్నెరసాని బ్రిడ్జి వరకు గుంతలు ఏర్పడి ప్రమాదాలు జరుగుతున్నాయి. పెద్దమ్మతల్లి గుడి, బస్వతారాకకాలనీ, లక్ష్మీదేవిపల్లి, ఆరోగ్యమాతచర్చి, సీ కాలనీ గేట్‌, అంబేద్కర్‌సెంటర్‌, లారీఅసోసియేషన్‌ హాల్‌,పాతపాల్వంచ, నవభారత్‌ వరకు అడుగడుగునా గుంతలు ఉన్నాయి. ఇక వర్షం కురిస్తే వర్షపునీరు చేరి గుంతలు కనిపించడంలేదు. ఫలితంగా బైక్‌లు, ఆటోలు నిత్యం ప్రమాదాలకు గురై ప్రయాణికులు క్షతగాత్రులుగా మారుతున్నారు. కనీసం ప్యాచ్‌ వర్క్‌ అయినా చేపట్టి గుంతలు పూడ్చాలని వాహనదారులు కోరుతున్నారు. దశాబ్దం గడుస్తున్నా పూర్తికాని పనులు సారపాక నుంచి రుద్రంపూర్‌ వరకు చేపట్టిన జాతీయ రహదారి పనులు దశాబ్దం గడుస్తున్నా పూర్తి కాలేదు. మూడో ప్యాకేజీ కింద రూ.299 కోట్లతో 42 కిలోమీటర్ల మేర పనులు చేపట్టి, 2017 నాటికి పూర్తిచేయాలని నేషనల్‌ హైవే అథారిటీ నిర్దేశించింది. కానీ పనులు దక్కించుకున్న సంస్థ పనులను అసంపూర్తిగా వదిలేసింది. ప్రధాన రహదారి పనులతోపాటు డ్రె యినేజీ, ఫుట్‌పాత్‌ పనులు చేపట్టాల్సిఉంది. ● ప్రధాన రహదారిపై పాల్వంచలో సీతానగర్‌ కాలనీ నుంచి సీకాలనీ గేటు వరకు సుమారు మూడు కిలోమీటర్ల పొడవునా మరో లేయర్‌ తారు నిర్మాణం చేపట్టాల్సి ఉంది. అసంపూర్తిగా వదిలివేయడంతో పాత తారు లేచిపోయి గుంతలు ఏర్పడి ప్రమాదకరంగా మారింది. ● కేశవాపురం కల్వర్టు వద్ద నిర్మించిన కొద్దిరోజులకే రోడ్డు కుంగిపోగా తిరిగి మరమ్మతులు చేశా రు. అయినా వర్షాలకు మళ్లీ కోతకు గురైంది. అక్కడే నడిరోడ్డుపై గుంత ఏర్పడగా, తాత్కాలికంగా మరమ్మతులు చేశారు. ఇక్కడ ఫుట్‌పాత్‌ కూడా పూర్తిచేయకపోవడంతో డ్రెయినేజీ నీరు రోడ్డుపై ప్రవహిస్తోంది. ● లక్ష్మీదేవిపల్లిలోని సాంఽఘిక సంక్షేమ గురుకుల పాఠశాల సమీపంలో రోడ్డు బీటలువారింది. జగన్నాధపురం, నాగారంకాలనీ మధ్య ఆర్‌టీఏ చెక్‌పోస్టు వద్ద రోడ్డు దెబ్బతిన్నది. నవభారత్‌ వద్ద కల్వర్టు పనులు పెండింగ్‌లో ఉన్నాయి. ● రోడ్డు మద్యలో డివైడర్లను కూడా అసంపూర్తిగానే నిర్మించారు. మూలములుపుల వద్ద ప్రమాద హెచ్చరిక బోర్డులు ఏర్పాటు చేయలేదు. పాల్వంచ బస్టాండ్‌ నుంచి పెద్దమ్మగుడి వరకు డివైడర్‌ మధ్యలో అక్కడక్కడా అసంపూర్తిగా వదిలేశారు. దీంతో బైక్‌లు, కార్లు, ఆటోలు ఇటు నుంచి అటు, అటు నుంచి ఇటు దాటుతూ ప్రమాదాలకు గురవుతున్నాయి. డిగ్రీ కళాశాల వద్ద అసంపూర్తిగా డివైడర్‌ అంబేద్కర్‌ సెంటర్‌లో..రంగాపురం వద్ద కిన్నెరసాని బ్రిడ్జి నిర్మాణ టెండర్‌ ప్రక్రియ ఇంకా పూర్తికాలేదు. జాతీయ రహదారిపై 20 కిలోమీటర్ల మేర ఫుట్‌పాత్‌ పనులు, డ్రెయినేజీ పనులు పూర్తిచేయాల్సిఉంది. మరో లేయర్‌ తారు కూడా వేయాల్సి ఉంది. పలుమార్లు కాంట్రాక్ట్‌ పొందిన రాజ్‌దీప్‌ కంపెనీకి నోటీసులు కూడా జారీ చేశారం. అయినా స్పందనలేదు. దీంతో కాంట్రాక్ట్‌ రద్దు చేసి, కొత్తవారికి పనులు కేటాయించాలని ఏడాది క్రితమే ప్రభుత్వానికి ప్రతిపాదనలు పంపాం. –టి.రామకృష్ణ, ఎన్‌హెచ్‌ ఈఈజాతీయ రహదారిపై పాల్వంచ, బూర్గంపాడు మండలాల మధ్య కిన్నెరసాని బ్రిడ్జి శిథిలావస్థకు చేరింది. గతంలో కిన్నెరసాని పొంగిపొర్లడంతో బ్రిడ్జి కోతకు గురైంది. దీంతో వాహనాల రాకపోకలు నిలిపివేసి తాత్కాలిక మరమ్మతులు చేపట్టారు. 2024లో రూ.22 కోట్లతో బ్రిడ్జి మంజూరైనా ఇప్పటివరకు పనులు చేపట్టలేదు. టెండర్‌ పూర్తికాలేదని అధికారులు చెబుతున్నారు.

అశ్వారావుపేటరూరల్‌: ఎఫ్‌ఎఫ్‌బీ ధరల భాగస్వా మ్య నిష్పత్తిని సవరించాలని కేంద్ర వ్యవసాయ శాఖ మంత్రి శివరాజ్‌ సింగ్‌ చౌహాన్‌కు శుక్రవారం పామాయిల్‌ రైతు సంఘం నాయకుడు మద్దినేని వెంకటేశ్వర్లు(వెంకట్‌) హైదారాబాద్‌లో కలిసి వినతిపత్రం అందించారు. ఈ సందర్భంగా మాట్లాడుతూ ప్రస్తుతం అమల్లో ఉన్న ఎఫ్‌ఎఫ్‌బీ ధరల భాగస్వామ్య విధాన ప్రకారం రైతులకు 75.25 శాతం, పరిశ్రమకు 24.75శాతం వాటా లభిస్తోందన్నారు. కొన్నేళ్లలో తోటల విస్తరణ, సాగునీరు, ఎరువులు, కూలీలు, కోత, రవాణా, మొక్కల సంరక్షణ, ఇతర నిర్వహణ ఖర్చులు పెరి గిన నేపథ్యంలో రైతులకు 80శాతం, పరిశ్రమకు 20శాతం వాటాగా సవరించాలని కోరారు. పామాయిల్‌ టన్ను ధర రూ.25వేలుగా ప్రకటించాలన్నారు.

భద్రాచలంటౌన్‌: భద్రాచలం బీఈడీ కళాశాల ప్రిన్సిపాల్‌గా ధనసరి నాగమణి శుక్రవారం బాధ్యతలు స్వీకరించారు. ఇన్‌చార్జ్‌ ప్రిన్సిపాల్‌ భవాని నుంచి ఆమె బాధ్యతలు తీసుకున్నారు. అనంతరం ఐటీడీఏ పీఓ బి.రాహుల్‌ను మర్యాదపూర్వకంగా కలిశారు. అలాగే భద్రాచలం సర్పంచ్‌ పూనెం కృష్ణ తదితరులు ప్రిన్సిపాల్‌కు శుభాకాంక్షలు తెలిపారు. పామాయిల్‌ గెలల ధర పెంచాలిదమ్మపేట: పామాయిల్‌ గెలలు టన్నుకు రూ. 25 వేలకు పెంచి ఇవ్వాలని తెలంగాణ పామాయిల్‌ రైతుల సంక్షేమ సంఘం ఆధ్వర్యంలో కేంద్ర వ్యవసాయ శాఖ మంత్రి శివరాజ్‌ సింగ్‌ చౌహాన్‌కు వినతిపత్రం ఇచ్చారు. శుక్రవారం హైదరాబాద్‌లో రాష్ట్ర వ్యవసాయ శాఖ మంత్రి తుమ్మల నాగేశ్వరరావుతోపాటు సంఘం బాధ్యులు అలపాటి రామచంద్ర ప్రసాద్‌, నల్లమల వెంకటేశ్వరరావు కేంద్ర మంత్రిని కలిసి సమస్యలు వివరించారు. అథ్లెటిక్స్‌లో జిల్లాకు ఆరు పతకాలుసూపర్‌బజార్‌(కొత్తగూడెం): పాండిచ్చేరిలో ఈ నెల 16 నుంచి 18 వరకు నిర్వహించిన సౌత్‌ జోన్‌ జూనియర్‌ నేషనల్‌ అథ్లెటిక్స్‌ చాంపియన్‌న్‌షిప్‌లో జిల్లా క్రీడాకారులు ఆరు పతకాలు సాధించారు. ఈ మేరకు జిల్లా అథ్లెటిక్స్‌ అసోసియేషన్‌ జనరల్‌ సెక్రటరీ కె మహీధర్‌ శుక్రవారం వివరాలు వెల్లడించారు. మూడు బంగారు, మూడు కాంస్య పతకాలు గెలుచుకున్నారని తెలిపారు. కరకగూడేనికి చెందిన తోలెం శ్రీ తేజ, పాల్వంచకు చెందిన ఆర్‌.అభినవ్‌ నాయక్‌, చర్లకు చెందిన ఎం.శ్రీ విద్య దొర, భద్రాచలానికి చెందిన షేక్‌ అమ్రీన్‌ కాంస్య, డి పృథ్విక బంగారు, కాంస్య పతకాలు సాధించారని వివరించారు. విజేతలను కోచ్‌లు పి నాగేందర్‌, జన్ను గిరిప్రసాద్‌, డి.మల్లికార్జున్‌రావు, రమేష్‌, అసోసియేషన్‌ బాధ్యులు సారంగపాణి, జిల్లా క్రీడల అధికారి ఎం.పరంధామరెడ్డి తదితరులు అభినందించారు. ఆధునిక పద్ధతులు పాటించాలి డీఏఓ బాబూరావు ములకలపల్లి: అధిక పంట దిగుబడులు పొందేందుకు ఆధునిక పద్ధతులు పాటించాలని జిల్లా వ్యవసాయ అధికారి (డీఏఓ) బాబూరావు సూ చించారు. వ్యవసాయ సాంకేతిక యాజ మాన్య సంస్థ (ఏటీఎంఏ) ఆధ్వర్యంలో మండలపరిధి లోని పొగళ్లపల్లిలో ఆధునిక వ్యవసాయ పద్ధతులపై శుక్రవారం నిర్వహించిన సదస్సులో మాట్లాడారు. సర్పంచ్‌ మడకం రవి, అధికారులు భరత్‌, రవికుమార్‌, అరుణ్‌ బాబు,సుజాత, రమేష్‌, సూరిబాబు తదితరులు పాల్గొన్నారు. యూరియా విక్రయాలపై విచారణ ములకలపల్లిలో యూరియా అధిక ధరలకు విక్రయిస్తున్నట్లు వెల్లువెత్తుతున్న ఆరోపణలపై డీఏఓ బాబూరావు విచారణ చేపట్టారు. శుక్రవారం రైతువేదికలో పలువురు రైతులతో మా ట్లాడి, వివరాలు సేకరించారు. ఈ సందర్బంగా మాట్లాడుతూ .. ప్రభుత్వం నిర్ణయించిన ధరకంటే అధికంగా విక్రయిస్తే కఠిన చర్యలు తప్పవని స్పష్టం చేశారు. రైతులు పర్వతనేని అమర్‌నాథ్‌, నరాటి ప్రసాద్‌, కరుటూరి కృష్ణ, తన్నీరు నాగయ్య, ఊకంటి రవికుమార్‌, నందమూరి సురేష్‌, నల్లమోతు జగదీష్‌, సురభి రాజేష్‌, బింగి శేషగిరి, గుమ్మడి దేవస్వామి తదితరులు పాల్గొన్నారు. గిరిజన మ్యూజియానికి హంగులుభద్రాచలం: దేశ, విదేశాల నుంచి వచ్చే పర్యాటకులను ఆకట్టుకునేలా గిరిజన మ్యూజియాన్ని అన్ని హంగులతో తీర్చిదిద్దుతున్నట్లు ఐటీడీఏ ఏపీఓ డేవిడ్‌ రాజ్‌ తెలిపారు. శుక్రవారం ఆయన అధికారులతో కలిసి మ్యూజియాన్ని పరిశీలించారు. చేపట్టాల్సిన పనులపై చర్చించారు. మ్యూజియంలోని బోటింగ్‌, సెల్ఫీ పాయింట్లను అభివృద్ధి చేయడంతోపాటు పరిసరాలను పరిశుభ్రంగా ఉంచాలని సూచించారు. సందర్శకుల భద్రత కోసం సీసీ కెమెరాల పర్యవేక్షణ ఉండేలా చర్యలు తీసుకోవాలని సూచించారు.

● భద్రాచలం ఏరియా ఆస్పత్రిలో బాధితుల అవస్థ ● కొత్తగూడెం, ఖమ్మం వెళ్లి రావాలంటే వ్యయప్రయాసలు భద్రాచలంఅర్బన్‌: రాష్ట్రంలోని ప్రభుత్వాస్పత్రుల్లో కొత్తగా తొమ్మిది అత్యాధునిక 3–టెస్లా ఎంఆర్‌ఐ యంత్రాలను ఏర్పాటు చేయనున్నట్లు వైద్యారోగ్యశాఖ మంత్రి దామోదర రాజనర్సింహ ఈ నెల 10న శాసనమండలిలో వెల్లడించారు. ప్రభుత్వ ఆస్పత్రుల్లో ఒక్కొక్కటిగా ఆధునిక వైద్య సదుపాయాలు అందుబాటులోకి వస్తున్నా నాలుగు రాష్ట్రాల సరిహద్దు ప్రజలకు వైద్యానికి పెద్దదిక్కుగా ఉన్న భద్రాచలం ఆస్పత్రిలో మాత్రం ఎంఆర్‌ఐ లేదు. ఆస్పత్రికి వచ్చిన బాధితులు ఎంఆర్‌ఐ అవసరమైతే కొత్తగూడెం, ఖమ్మం వెళ్లాల్సివస్తోంది. బాధితులపై ఆర్థికభారం వ్యాధిని గుర్తించి తదుపరి చికిత్సను నిర్ణయించడంలో ఉపయోగపడే ఎంఆర్‌ఐ పరీక్ష భద్రాచలంలో అందుబాటులో లేకపోవడంతో ఏజెన్సీ ప్రజలు ఇబ్బందులు పడుతున్నారు. జిల్లాలోని ఏజెన్సీ మండలాలతోపాటు ఆంధ్రప్రదేశ్‌, ఛత్తీస్‌గఢ్‌, ఒడిశా సరిహద్దు గ్రామాల నుంచి కూడా రోగులు ఇక్కడికి వస్తుంటారు. ఇక్కడి నుంచి ఎంఆర్‌పై కోసం కొత్తగూడెం వెళ్లాలంటే 40, ఖమ్మం వెళ్లాలంటే 120 కిలోమీటర్ల దూరం ప్రయాణించాలి. దీంతో బాధితులకు వ్యయప్రయాసలు తప్పడంలేదు. ఇక ప్రైవే టు కేంద్రాల్లో ఎంఆర్‌ఐ తీయిస్తే రూ.5 వేల నుంచి రూ.10 వేల వరకు వసూలు చేస్తున్నారు. దీంతో ఆర్థికభారం తప్పడంలేదు. రాష్ట్రంలో తొమ్మిది కొత్త ఎంఆర్‌ఐలను ఏర్పాటు చేస్తున్న నేపథ్యంలో భద్రాచలంలో కూడా ఎంఆర్‌ఐ సౌకర్యాన్ని అందుబాటులోకి తీసుకురావాలని పలువురు కోరుతున్నారు.

పాల్వంచ: పట్టణంలోని శ్రీనివాస కాలనీ మినీ స్టేడియంలో ఐస్టా–2026 సీనియర్‌ టెన్నిస్‌ టోర్నమెంట్‌ను శుక్రవారం ఎస్పీ రోహిత్‌ రాజు, ఐటీడీఏ పీఓ బి.రాహుల్‌, మేయర్‌ మూడ్‌ గణేష్‌, ఎస్‌జీఈఎఫ్‌ చైర్మన్‌ ఎన్‌.సురేష్‌రెడ్డి బెలూన్లు ఎగురవేసి ప్రారంభించారు. ఈ సందర్భంగా ఎస్పీ మాట్లాడుతూ85 ఏళ్లు దాటిన క్రీడాకారులు కూడా ఉత్సాహంగా పోటీల్లో పాల్గొంటున్నారని తెలిపారు. జిల్లా క్రీడల అధికారి పరంధామరెడ్డి, డిప్యూటీ మేయర్‌ లలితకుమారి, గ్రంథాలయ సంస్థ చైర్మన్‌ వీరబాబు, సీపీఐ జిల్లా కార్యదర్శి ఎస్‌కె.సాబీర్‌పాషా, యుగంధర్‌ రెడ్డి, వై.వెంకటేశ్వర్లు, రామకృష్ణ, రాంబాబు పాల్గొన్నారు.

అడవులు, ఖనిజ సంపద, పారిశ్రామిక ప్రగతితో ప్రత్యేక గుర్తింపు పొందిన భద్రాద్రి కొత్తగూడెం జిల్లా విద్యారంగంలోనూ మరో ముందడుగు వేయనుంది. ఇన్నాళ్లూ జిల్లాకు దూరమైన సీబీఎస్‌ఈ విద్యా విధానం కేంద్ర ప్రభుత్వ చొరవతో అందుబాటులోకి రానుంది. ఇందుకోసం లక్ష్మీదేవిపల్లిలోని సుమారు ఐదెకరాల విజయ డెయిరీ స్థలాన్ని కేంద్రీయ విద్యాలయం ఏర్పాటుకు అధికారులు దాదాపు ఖరారు చేశారు. ప్రస్తుతం అక్కడ కొనసాగుతున్న డెయిరీని కలెక్టర్‌ ఆదేశాల మేరకు చుంచుపల్లి ప్రాంతానికి తరలించనున్నారు. – చుంచుపల్లిఇన్నాళ్లూ జిల్లాకు దూరమే.. భద్రాద్రి కొత్తగూడెం జిల్లా పారిశ్రామికంగా, ఖనిజ సంపద పరంగా రాష్ట్రంలో ప్రత్యేక స్థానాన్ని కలిగి ఉంది. కొత్తగూడెం, పాల్వంచ, భద్రాచలం వంటి ప్రాంతాల్లో ప్రభుత్వ, కేంద్ర ప్రభుత్వ రంగ సంస్థలు, పారిశ్రామిక సంస్థలు ఉన్నాయి. అయితే విద్యారంగంలో మాత్రం కేంద్రీయ విద్యాలయం లేకపోవడంతో విద్యార్థుళు కొత్తగూడెం వెలుపల ఉన్న పాఠశాలలపై ఆధారపడాల్సి వచ్చేది. అయితే కేంద్ర ప్రభుత్వ ఉద్యోగులు, రక్షణ, పారామిలటరీ సిబ్బంది తదితర కుటుంబాల వారు బదిలీల కారణంగా చదువుకు అంతరాయం కలగకుండా దేశ వ్యాప్తంగా ఒకే తరహా విద్యా వాతావరణాన్ని కల్పించాలనే ఉద్దేశంతో ఈ పాఠశాలల వ్యవస్థను రూపొందించారు. అయితే నిబంధనల ప్రకారం ఇతర విద్యార్థులకు కూడా ప్రవేశ అవకాశాలు ఉంటాయి. కేంద్రీయ విద్యాలయాల్లో పాఠ్య విద్యతో పాటు క్రీడలు, ప్రయోగశాలలు, గ్రంథాలయం, కళలు, ఇతర కార్యక్రమాలకు ప్రాధాన్యం ఉంటుంది. ముఖ్యంగా భద్రాద్రి జిల్లాలో పనిచేసే ఉద్యోగుల కుటుంబాలకు ఇది స్థానికంగా విద్యా సౌకర్యాన్ని కల్పించే అవకాశం ఉండనుంది. ఐదెకరాల్లో విద్యా ప్రాంగణం.. సుమారు ఐదెకరాల విస్తీర్ణంలో ఉన్న లక్ష్మీదేవిపల్లి ప్రాంతంలోని విజయ డెయిరీని చుంచుపల్లికి తరలిస్తే కొత్తగూడెం పట్టణానికి సమీపాన ఉండటం, రహదారి సౌకర్యం వంటి అంశాల నేపథ్యాన ఆ స్థలం విద్యా అవసరాలకు ఎంతో ఉపయోగపడనుంది. ప్రభుత్వ శాఖలు, కేంద్రీయ విద్యాలయ నిబంధనల ప్రకారం కేంద్రీయ విద్యాలయం అందుబాటులోకి వస్తే లక్ష్మీదేవిపల్లి, చుంచుపల్లి, కొత్తగూడెం పరిసర ప్రాంతాలతోపాటు పాల్వంచ వైపు నుంచి కూడా విద్యార్థులు రాకపోకలు సాగించే అవకాశం ఉంటుంది. కేంద్ర ప్రభుత్వ ఆధ్వర్యాన విద్యా సంస్థ జిల్లాలో అడుగుపెట్టడం ద్వారా సీబీఎస్‌ఈ విద్యపై అవగాహన పెరిగి జిల్లాలో విద్యా రంగానికి ప్రత్యేక గుర్తింపు లభిస్తుంది. ఇక పాఠశాల పూర్తిస్థాయిలో ఏర్పాటైతే బోధన, బోధనేతర సిబ్బంది రాకపోకలు, విద్యార్థుల రవాణా, పాఠశాల చుట్టూ అవసరమైన మౌలిక వసతుల అభివృద్ధి వంటి అంశాలు కూడా ప్రాధాన్యం సంతరించుకోనున్నాయి.ఇప్పటివరకు జిల్లాలో కేంద్రీయ విద్యాలయం లేకపోవడంతో సీబీఎస్‌ఈ విధానానికి దూరమైన విద్యార్థులకు కేంద్రీయ విద్యాలయం ప్రతిపాదన కార్యరూపం దాల్చితే కొత్తగూడెం పరిసర ప్రాంతాలతోపాటు సమీప మండలాల విద్యార్థులకు మరో విద్యా మార్గం తెరుచుకున్నట్టే. ఇటీవల కలెక్టర్‌ అంకిత్‌ లక్ష్మీదేవిపల్లిలోని మినీ పాల శీతలీకరణ కేంద్రాన్ని క్షేత్రస్థాయిలో పరిశీలించి, తరలింపు ప్రక్రియను వేగవంతం చేయాలని అధికారులను ఆదేశించగా.. పాడి రైతుల ప్రయోజనాలను దృష్టిలో పెట్టుకుని ప్రత్యామ్నాయ ఏర్పాట్లు చేయాలని జిల్లా యంత్రాంగం నిర్ణయించింది. ఇందుకోసం చుంచుపల్లిలో విజయ డెయిరీ కోసం ఇప్పటికే స్థల అన్వేషణ చేస్తూ.. అదే ప్రాంతంలో మినీ పాల శీతలీకరణ కేంద్రాన్ని ఏర్పాటు చేసి పాల సేకరణకు అంతరాయం లేకుండా ముందస్తు చర్యలు చేపట్టారు. భద్రాద్రికి తొలిసారిగా కేంద్రీయ విద్యాలయం

భద్రాచలంటౌన్‌: భద్రాచలం ఏరియా ఆస్పత్రిలో నాణ్యతా ప్రమాణాలు, అంతర్జాతీయ ధ్రువీకరణ ప్రక్రియలో భాగంగా గురువారం బీఎస్‌ఐ (ఐఎస్‌ఓ 7101) బృందం తనిఖీలు నిర్వహించింది. బీఎస్‌ఐ సభ్యులు డాక్టర్‌ శంతను, కల్పన, జిల్లా క్వాలిటీ ఇన్‌చార్జి రాధ పాల్గొన్నారు. ఆస్పత్రి సూపరింటెండెంట్‌ డాక్టర్‌ రాజశేఖర్‌ రెడ్డి తదితరులతో మాట్లాడారు. ఆస్పత్రిలోని అన్ని విభాగాలను పరిశీలించి, సేవల వివరాలను అడిగి తెలుసుకున్నారు. రోగుల భద్రత, వైద్య సేవల నాణ్యత, అత్యవసర విభాగాల పనితీరు, రికార్డుల నిర్వహణపై సమీక్ష నిర్వహించారు. మౌలిక వసతులు, ల్యాబ్‌ సౌకర్యాలు, మందుల నిల్వలు తదితర అంశాలను పరిశీలించారు. అనంతరం ఆస్పత్రి సిబ్బందితో సమావేశమై, వైద్య సేవల నాణ్యతను మరింత పెంచేందుకు లోపాలను అధిగమించేందుకు సూచనలు చేశారు. సలహాలు అందించారు. ఈ కార్యక్రమంలో ఆస్పత్రి వైద్యులు, హెడ్‌ నర్సులు, పారామెడికల్‌ సిబ్బంది పాల్గొన్నారు.

భద్రాచలం: భద్రాచలం శ్రీ సీతారామ చంద్రస్వామి దేవస్థానంలో గురువారం రామయ్య నిత్యకల్యాణం కనుల పండువగా జరిగింది. తొలుత తెల్లవారుజామున గర్భగుడిలో స్వామి వారికి సుప్రభాత సేవ, సేవా కాలం, ఆరాధన తదితర పూజలు చేశారు. అనంతరం నిత్యకల్యాణానికి రామసేవా మండపంలో కొలువుదీరిన స్వామివారికి విశ్వక్సేన పూజ, పుణ్యావాచనం చేశారు. స్వామివారికి కంకణధారణ, యజ్ఞోపవీత ధారణ, అమ్మవారికి కంకణధారణ, యోక్త్రధారణ గావించి నిత్యకల్యాణ మహోత్సవాన్ని శాస్త్రోక్తంగా జరిపారు. పెద్దమ్మతల్లికి సువర్ణ పుష్పార్చనపాల్వంచరూరల్‌: పెద్దమ్మతల్లి అమ్మవారికి వైభవంగా సువర్ణ పుష్పార్చన పూజలు చేశారు. మండలంలోని శ్రీకనకదుర్గ (పెద్దమ్మతల్లి) ఆలయంలో గురువారం అర్చకులు అమ్మవారికి 108 సువర్ణపుష్పాలతో అర్చన, హారతి, మంత్రపుష్పం, నివేదన తదితర పూజలు నిర్వహించారు. ఆలయ ఈఓ విజయ్‌కుమార్‌, అర్చకులు, పద్మనాభశర్మ, రవికుమార్‌ శర్మ పాల్గొన్నారు. ఆర్‌సీహెచ్‌పీని పరిశీలించిన రైల్వే ఏఓరుద్రంపూర్‌: సింగరేణి కొత్తగూడెం ఏరియా పరిధిలోని రుద్రంపూర్‌ కోల్‌ హ్యాండ్లింగ్‌ ప్లాంట్‌ (ఆర్‌సీహెచ్‌పీ)ని గురువారం సౌత్‌ సెంట్రల్‌ రైల్వే ఏఓ కులకర్ణి సుశాంత్‌ సుభాష్‌ సందర్శించారు. సీహెచ్‌పీలో బొగ్గు రవాణాలో ఉన్న సమస్యలను అడిగి తెలుసుకున్నారు. లోడింగ్‌, వేయింగ్‌ వివరాలు ఆరా తీశారు. ఆర్‌సీహెచ్‌పీ ఇన్‌చార్జి లింగా, రైల్వే స్టేషన్‌ ఇన్‌స్పెక్టర్‌ పాష, సింగరేణి కాలరీస్‌ ఎంప్లాయీస్‌ వెల్ఫేర్‌ అసోషియేషన్‌ జనరల్‌ సెక్రటరీ ఆంతోటి నాగేశ్వరరావు, నిమ్మల రాజు తదితరులు పాల్గొన్నారు. రేక్‌ పాయింట్‌కు 1,323 మె.టన్నుల యూరియా చింతకాని: చింతకాని మండలంలోని పందిళ్లపల్లి రేక్‌ పాయింట్‌కు క్రిబ్‌కో కంపెనీకి చెందిన 1,323 మెట్రిక్‌ టన్నుల యూరియా గురువారం చేరింది. ఇందులో నుంచి ఖమ్మం జిల్లాకు 523 మె.టన్నులు, భద్రాద్రి కొత్తగూడెం జిల్లాకు 400 మె.టన్నులు, మహబూబాబాద్‌ జిల్లాకు 300 మె.టన్నుల యూరియా సరఫరా చేశారు. మరో 100 మెట్రిక్‌ టన్నులను బఫర్‌ స్టాక్‌గా నిల్వ చేశామని ఖమ్మం డీఏఓ ధనసరి పుల్లయ్య తెలిపారు. ప్రజాపాలనతో గిరిజనాభివృద్ధిఐటీడీఏ పీఓ రాహుల్‌ భద్రాచలం: ప్రజాపాలనతో గిరిజనాభివృద్ధి సాధ్యమైందని ఐటీడీఏ ప్రాజెక్టు అధికారి బి. రాహుల్‌ అన్నారు. గురువారం తెలంగాణ ప్రజా పాలన దినోత్సవం సందర్భంగా ఐటీడీఏ ఆవరణలో జాతీయ పతాకాన్ని ఆవిష్కరించారు. పోలీసుల నుంచి గౌరవ వందనం స్వీకరించారు. ఈ సందర్భంగా పీఓ మాట్లాడుతూ సెప్టెంబర్‌ 17, 1948లో హైదరాబాద్‌ సంస్థానం భారతదేశంలో విలీనమైన రోజునే తెలంగాణలో ప్రజాపాలన ప్రారంభమైందని అన్నారు. భద్రాచలం సబ్‌ కలెక్టర్‌ కార్యాలయంలో సబ్‌ కలెక్టర్‌ మృణాళ్‌ శ్రేష్ఠ, శ్రీ సీతారామ చ్రందస్వామి దేవస్థానం కార్యాలయం ఆవరణలో ఈఓ దామోదర్‌రావు జాతీయ జెండాను ఆవిష్కరించి వందనం చేశారు. ఈ కార్యక్రమాల్లో అధికారులు ఆనంద కుమార్‌, చందన, రాంబాబు, అరుణకుమారి, ఉదయ్‌ కుమార్‌, భగవాన్‌ రెడ్డి శ్రావణ్‌కుమార్‌, భవాని రామకృష్ణ పాల్గొన్నారు.

కొణిజర్ల: పని ముగించుకుని కొన్ని నిమిషాల్లో ఇంటికి చేరతాడనగా ప్రమాదవశాత్తు జరిగిన ప్రమాదంలో ఓ పెయింటర్‌ మృతి చెందాడు. మండలంలోని పెద్దగోపతికి చెందిన కొమ్ము శివకృష్ణ(35) ఖమ్మంలో పెయింటర్‌గా పని చేస్తున్నాడు. ఈక్రమాన ఖమ్మలో పని ముగిశాక బుధవారం రాత్రి ద్విచక్రవాహనంపై పెద్దగోపతి వెళ్తుండగా చిన్నగోపతి శివారు మూల మలుపులో స్పీడ్‌ బ్రేకర్‌ వద్ద వాహనం స్కిడ్‌ కావడంతో ఆయన రోడ్డుపై పడ్డాడు. ఈక్రమాన తలకు తీవ్ర గాయాలు కావడంతో స్థానికులు 108 వాహనంలో ఖమ్మం తరలిస్తుండగా మృతి చెందాడు. కాగా, శివకృష్ణకు భార్య రేణుక, ఇద్దరు కుమారులు ఉండగా, ప్రస్తుతం భార్య ఎనిమిది నెలల గర్భిణి. శివకృష్ణ మృతితో కుటుంబంలో విషాదం నెలకొనగా.. ఘటనపై ఆయన కుటుంబీకుల ఫిర్యాదు మేరకు కేసు నమోదు చేసినట్లు ఎస్సై సూరజ్‌ తెలిపారు. బైక్‌ పైనుంచి జారి పడి పెయింటర్‌ మృతి

భద్రాచలం: ఏపీలోని పురుషోత్తపట్నం భూముల్లో ఉన్న రామయ్య భూముల రక్షణ విషయంలో ఎట్టకేలకు కదలిక వచ్చింది. కొన్నేళ్లుగా రామయ్య భూముల్లో అక్రమ నిర్మాణాలు ఇబ్బడిముబ్బడిగా పెరిగాయి. దీంతో దేవస్థానం సిబ్బంది నిర్మాణాల తొలగింపు చేపట్టగా, ఆక్రమణదారులతో వాగ్వాదాలు జరిగాయి. ఏపీ పోలీసు, రెవెన్యూ శాఖల నుంచి సరైన సహకారం లేకపోవడంతో దేవస్థానం అధికారులు చింతూరు పీఓ, రంపచోడవరం కలెక్టర్‌, ఇతర జిల్లా ఉన్నతాధికారులకు పలుమార్లు లేఖలు రాశారు. దీంతో స్పందించిన ఐడీడీఏ పీఓ రామాలయ అధికారులకు సహకరించాలని, అక్రమ నిర్మాణాలను తొలగించాలని ఇటీవల ఆయా శాఖ ఆధికారులకు ఆదేశాలను జారీ చేశారు. అభివృద్ధికి ఆ భూములే దిక్కు శ్రీ సీతారామ చంద్రస్వామి దేవస్థానానికి తెలంగాణ, ఆంధ్రప్రదేశ్‌ రాష్ట్రాల్లో 1,350 ఎకరాల భూమి ఉన్నట్లు దేవస్థానం వర్గాలు పేర్కొంటున్నాయి. ఇందులో 889 ఎకరాలు ఏపీలోని అల్లూరి సీతారామరాజు జిల్లాలోని పురుషోత్తపట్నం గ్రామంలో ఉంది. ఇందులో దాదాపు 750 ఎకరాల భూమి ఆక్రమణకు గురైందని అనధికార అంచనా. ఇది పోగా మిగిలిన భూమి మాత్రమే ప్రస్తుతం దేవస్థానం ఆధ్వర్యంలో ఉంది. రాష్ట్ర విభజన అనంతరం కేవలం భద్రాచలం పట్టణం మాత్రమే తెలంగాణలో ఉండి ఇతర ప్రాంతమంతా ఏపీకి వెళ్లిపోయింది. దీంతో దేవస్థానం ఆధ్వర్యంలో అభివృద్ధి పనులకు భద్రాచలంలో స్థలం లేకపోవడంతో ఆలయ అభివృద్ధి పనులకు పురుషోత్తపట్నంలోని దేవస్థానం భూములు మాత్రమే దిక్కుగా మారాయి. ఇప్పటికే సుమారు 104 ఎకరాల స్థలంలో గోశాలతోపాటు చెరువు, ఇతర అభివృద్ధి పనులు చేపట్టారు. ఇతర భూములు సైతం దేవస్థానం ఆధ్వర్యంలోకి వస్తే భక్తులకు వసతి, కాటేజీలు, ఇతర అభివృద్ధి పనులు చేపట్టే అవకాశం ఉంది. దీంతో దేవస్థానం వర్గాలు ప్రత్యేక దృష్టి సారించారు. కేవలం అక్రమ నిర్మాణాల తొలగింపుతోనే కాకుండా దేవస్థానం భూములకు సరిహద్దుల నిర్ధారణ, సమగ్ర సర్వే, హద్దుల ఏర్పాటు, రికార్డుల డిజిటలైజేషన్‌, నిరంతర పర్యవేక్షణ వంటి చర్యలు చేపట్టాలని భక్తులు, స్థానికులు కోరుతున్నారు. భవిష్యత్‌లో భద్రగిరి అభివృద్ధికి ఈ భూములు కీలకం కానున్న నేపథ్యంలో వాటిని పరిరక్షించి, భక్తుల అవసరాలకు అనుగుణంగా వినియోగించేలా సమగ్ర ప్రణాళిక రూపొందించాల్సిన అవసరం ఉంది. ఏపీ పోలీసు, రెవెన్యూ శాఖల సహాయ సహకారాలతో దేవస్థానం ఆధ్వర్యంలో ఖాళీగా ఉన్న అక్రమ నిర్మాణాలను బుధవారం తొలగించారు. మిగిలిన నిర్మాణాల విషయంలోనూ ఆలయ ఈఓ దామోదర్‌రావు వారితో చర్చించారు. ఆ ఇళ్లల్లో నివసిస్తున్న ప్రజలు గడువు కోరగా, ఈ నెల 25వ తేదీ లోపుగా ఖాళీ చేసి స్వచ్ఛందంగా తొలగించాలని సూచించారు. లేనిపక్షంలో యంత్రాల సహాయంతో పూర్తిగా తొలగిస్తామని హెచ్చరించారు.

సూపర్‌బజార్‌(కొత్తగూడెం): అన్ని రంగాలలో జిల్లా సమగ్రాభివృద్ధికి కృషి చేస్తున్నట్లు రాష్ట్ర వ్యవసాయ, సహకార, మార్కెటింగ్‌, చేనేత శాఖల మంత్రి తుమ్మల నాగేశ్వరరావు అన్నారు. కలెక్టరేట్‌లో గురువారం జరిగిన ప్రజాపాలన వేడుకలలో ఆయన ముఖ్య అతిథిగా పాల్గొన్నారు. జాతీయ పతాకాన్ని ఆవిష్కరించి వందనం చేశారు. పోలీసుల గౌరవ వందనాన్ని స్వీకరించారు. ఈ సందర్భంగా జిల్లా ప్రజలను ఉద్దేశించి మాట్లాడారు. అనంతరం విలేకరుల సమావేశంలో మాట్లాడారు. 1948 సెప్టెంబర్‌ 17 తెలంగాణ చరిత్రలో ఒక చిరస్మరణీయమైన రోజని అన్నారు. హైదరాబాద్‌ సంస్థానం భారత యూనియన్‌లో విలీనమైన మహత్తర ఘట్టానికి 78 సంవత్సరాలు పూర్తయిందని పేర్కొన్నారు. ఈ చారిత్రక సందర్భాన్ని పురస్కరించుకుని రాష్ట్ర ప్రభుత్వం ప్రజాపాలన దినోత్సవాన్ని అధికారికంగా నిర్వహిస్తోందని తెలిపారు. ప్రజల ఆకాంక్షల మేరకు సాధించుకున్న తెలంగాణ రాష్ట్రాన్ని అభివృద్ధి పథంలో ముందుకు తీసుకెళ్లేందుకు ప్రభుత్వం కృషి చేస్తోందని తెలిపారు. పేద ప్రజల సంక్షేమం, విద్య, వైద్య, ఉపాధి రంగాలకు ప్రాధాన్యమిస్తున్నట్లు చెప్పారు. రైతులు ఆర్థికంగా అభివృద్ధి చెందేలా సాగునీరు, విద్యుత్‌, మార్కెటింగ్‌, రవాణా సౌకర్యాలను మరింత బలోపేతం చేస్తున్నామని వివరించారు. సమగ్ర అభివృద్ధికి రహదారి, రైల్వే కనెక్టివిటీని మరింత బలోపేతం చేయాల్సిన అవసరం ఉందని అన్నారు. అమరావతి–జగదల్‌పూర్‌ జాతీ య రహదారిని కొత్తగూడెం, భద్రాచలం మీదుగా నాలుగు లేన్లుగా అభివృద్ధి చేస్తామని అన్నారు. జిల్లాలో విమానాశ్రయం ఏర్పాటుకు ప్రయత్నాలు కొనసాగుతున్నాయని, గోదావరి నదీ మార్గం ద్వారా రవాణా అవకాశాలను అభివృద్ధి చేసే అంశాన్ని కూడా పరిశీలిస్తున్నామని వివరించారు. ఈ కార్యక్రమంలో ఎమ్మెల్యేలు తెల్లం వెంకట్రావు, కోరం కనకయ్య, జారే ఆదినారాయణ, కలెక్టర్‌ అంకిత్‌, ఎస్పీ రోహిత్‌ రాజు, వివిధ శాఖల అధికారులు అదనపు కలెక్టర్‌ ఎం.విద్యాచందన, జెడ్పీ సీఈఓ నాగలక్ష్మి, డీఏఓ బాబూరావు తదితరులు పాల్గొన్నారు.

జిల్లా న్యాయ సేవాధికార సంస్థ కార్యదర్శి ఎం.రాజేందర్‌ టేకులపల్లి: న్యాయ సేవలను ఇంటింటికీ తీసుకెళ్లాలనే లక్ష్యంతో చేపట్టిన నల్సా 60 రోజుల మెగా ఔట్‌ రీచ్‌ డ్రైవ్‌ క్యాంపెయిన్‌లో భాగంగా గురువారం టేకులపల్లి మండలం రోళ్లపాడు గ్రామంలో జిల్లా న్యాయ సేవాధికార సంస్థ ఆధ్వర్యాన అవగాహన కార్యక్రమం నిర్వహించారు. ఈ కార్యక్రమానికి జిల్లా న్యాయ సేవాధికార సంస్థ కార్యదర్శి, సీనియర్‌ సివిల్‌ జడ్జి ఎం.రాజేందర్‌ ముఖ్య అతిథిగా హాజరై గ్రామ ప్రజలతో మాట్లాడారు. ఆర్థిక ఇబ్బందులు లేదా పేదరికం కారణంగా ఏ ఒక్కరూ న్యాయానికి దూరం కావొద్దని, సమస్యల పరిష్కారం కోసం జిల్లా న్యాయ సేవాధికార సంస్థను లేదా గ్రామంలో అందుబాటులో ఉండే ‘విలేజ్‌ లీగల్‌ ఎయిడ్‌ క్లినిక్‌’ను సంప్రదించి ఉచిత న్యాయ సాయాన్ని పొందాలన్నీరు. అనంతరం లోక్‌ అదాలత్‌ విధానం, న్యాయ విజ్ఞాన సదస్సులు, ఉచిత సలహాల ప్రాధాన్యతను ప్రజలకు సమగ్రంగా వివరించారు. సమాజంలో శాంతి భద్రతలు, న్యాయ సమన్వయం నెలకొనాలంటే చట్టాలపై అవగాహన తప్పనిసరని ఉద్ఘాటించింది. ఈ కార్యక్రమంలో టేకులపల్లి ఎస్‌ఐ తిరుపతి, గ్రామ సర్పంచ్‌ కోడెం రాఘవమ్మ, గ్రామ కార్యదర్శి బెజ్జంకి రాజు, నాగరాజులతో పాటు పారా లీగల్‌ వలంటీర్లు సతీష్‌ ఖండేల్‌వాల్‌, చరణ్‌ కుమార్‌, భారతి, రాజకుమారి, విద్యాసాగర్‌, జానకిరాం గ్రామ ప్రజలు పాల్గొన్నారు.

బీబీసీ లాక్‌ల వద్ద లభ్యమైన హరిప్రసాద్‌ మృతదేహంకొణిజర్ల: క్షణికావేశంలో భర్త నాగార్జునసాగర్‌ కాల్వలో దూకగా... ఆ విషయం తెలియగానే భార్య ఇంట్లో ఉరి వేసుకున్న విషయం విదితమే. కొణిజర్ల మండలం అమ్మపాలెంకు చెందిన ఆటో నడిపే తేజావత్‌ హరిప్రసాద్‌ కుటుంబంలో అప్పుల కారణంగా భార్య సునీతతో గొడవలు జరుగుతున్నాయి. ఈ క్రమాన బుధవారం ఉదయం బయటకు వెళ్లిన ఆయన సాగర్‌ కాల్వలో దూకుతున్నట్లు తన సోదరుడికి ఫోన్‌ చేశాడు. ఈ మేరకు గాలించగా వి.వెంకటాయపాలెం సమీపాన ఎన్నెస్పీ ప్రధాన కాల్వ వద్ద ఫోన్‌, ఆటో, చెప్పులు ఉండడంతో ఎన్‌డీఆర్‌ఎఫ్‌ బృందం గాలింపు చేపట్టారు. ఈ విషయం తెలియగానే ఇంట్లో ఉన్న సునీత ఉరి వేసుకుని ఆత్మహత్యకు పాల్పడింది. ఈక్రమాన రాత్రి వరకు గాలించినా హరిప్రసాద్‌ ఆచూకీ లభించలేదు. చివరకు గురువారం ఉదయం ఆయన మృతదేహం తనికెళ్ల బోనకల్‌ బ్రాంచ్‌ కాల్వ లాకుల వద్ద లభ్యమైంది. దీంతో భార్యాభర్తల మృతదేహాలను పోస్టుమార్టం అనంతరం కుటుబీకులకు అప్పగించగా సాయంత్రం అమ్మపాలెం తీసుకొచ్చారు. ఈ క్రమాన తల్లిదండ్రులను కోల్పోయిన పిల్లలు మనోహర్‌, భార్గవి రోదించిన తీరు అందరినీ కంటతడి పెట్టించింది. అనంతరం కుటుంబీకులు, స్థానికుల కన్నీటి నడుమ దంపతుల అంత్యక్రియలు పూర్తిచేశారు.

కలెక్టర్‌ అంకిత్‌ సూపర్‌బజార్‌(కొత్తగూడెం): కలెక్టరేట్‌లో వెనుకబడిన తరగతుల అభివృద్ధి శాఖ ఆధ్వర్యంలో గురువారం యజ్ఞ మహోత్సవ్‌ విరాట్‌ విశ్వకర్మ జయంతి వేడుకలు నిర్వహించారు. కలెక్టర్‌ అంకిత్‌, భద్రాచలం, ఇల్లెందు ఎమ్మెల్యేలు తెల్లం వెంకట్రావు, కోరం కనకయ్య తదితరులు విశ్వకర్మ చిత్రపటానికి పూలమాలలు వేసి ఘనంగా నివాళులర్పించారు. అధికారులు విద్యా చందన, విజయలక్ష్మి, బీసీ సంఘాల నాయకులు కాపర్తి వెంకటాచారి, వారాధి సత్యనారాయణ, నామోజు గోవిందాచారి, ఎలగందుల రామాచారి, అంబుల రామాచారి, బి సాంబయ్య, ఎస్‌ కృష్ణమాచారి, పొడిచేటి వెంకటాచారి తదితరులు పాల్గొన్నారు.చుంచుపల్లి: కొత్తగూడెం ప్రభుత్వ జనరల్‌ ఆస్పత్రిలో ప్రజలకు మెరుగైన వైద్య సేవలు అందించాలని కలెక్టర్‌ అంకిత్‌ అన్నారు. ఎలక్ట్రానిక్స్‌ కార్పొరేషన్‌ ఆఫ్‌ ఇండియా లిమిటెడ్‌ కార్పొరేట్‌ సోషల్‌ రెస్పాన్సిబిలిటీ నిధుల ద్వారా రూ.67.41 లక్షల విలువైన ఆధునిక వైద్య, ఆస్పత్రి పరిశుభ్రత పరికరాలను గురువారం ప్రభుత్వాస్పత్రికి అందజేశారు. ఈ సందర్భంగా కలెక్టర్‌ అంకిత్‌ మాట్లాడుతూ అందుబాటులోకి వచ్చిన ఆధునిక పరికరాలతో మెరుగైన ఐసీయూ, నేత్ర, ఆర్థోపెడిక్‌ తదితర వైద్య సేవలు అందించవచ్చని అన్నారు. అనంతరం కలెక్టర్‌ క్యాజువాలిటీ విభాగాన్ని సందర్శించారు. అత్యవసర వైద్య సేవల్లో జాప్యం చేయొద్దని అన్నారు. ఈసీఐఎల్‌ డైరెక్టర్‌ (పర్సనల్‌) కన్నెన్‌ విఏఎస్‌, అధికారులు పి.వేణుబాబు, సునీల్‌ కుమార్‌, అనిల్‌ కుమార్‌, పూర్ణచందర్‌, సాంబమూర్తి, ప్రభుత్వాస్పత్రి అధికారులు రాధామోహన్‌, సునీత పాల్గొన్నారు.

భద్రాచలంటౌన్‌: భద్రాచలం పట్టణంలో చోటు చేసుకుంటున్న వరుస మోసాలు ఆందోళన కల్గిస్తున్నాయి. ఈ మధ్య కాలంలో అధిక వడ్డీల ఆశ చూపి భరత్‌, ఉద్యోగాల పేరుతో స్థానిక ఎమ్మెల్యే పీఏ కల్యాణ్‌ చేసిన ఉదంతాలు మరువక ముందే గురువారం ఒక భారీ మోసం వెలుగుచూసింది. ఉద్యోగాలు ఇప్పిస్తామని, భీమవరం, పాలకొల్లు ప్రాంతాల్లోని రియల్‌ ఎస్టేట్‌ వెంచర్లు, అపార్ట్‌మెంట్లలో పెట్టుబడులు పెడితే భారీ లాభాలు వస్తాయంటూ నమ్మించి సుమారు రూ.5 కోట్ల వరకు వసూలు చేసి మోసగించారని బాధితులు ఆరోపిస్తున్నారు. బాధితులంతా ఒక్కసారిగా ఆందోళనకు దిగడం, ఈ క్రమంలో ఓ మహిళా ఆత్మహత్యాయత్నానికి పాల్పడటంతో పట్టణంలో తీవ్ర ఉద్రిక్తత రేగింది. బాధితుల కథనం ప్రకారం.. పిల్లల చదువుల ఫీజులు, వ్యాపార పెట్టుబడులు, ఇతర ఆకర్షణీయమైన పథకాల పేరుతో బత్తుల పద్మ పెద్ద మొత్తంలో నగదు వసూలు చేసింది. ఆమె భర్త బత్తుల శ్రీనివాస్‌ ప్రస్తుతం ఖమ్మంలో అసిస్టెంట్‌ కమర్షియల్‌ టాక్స్‌ ఆఫీసర్‌గా విధులు నిర్వర్తిస్తున్నారు. బాధితులు తమ ఇళ్లలోని బంగారాన్ని బ్యాంకుల్లో తాకట్టు పెట్టి, మరికొందరు బయట వడ్డీలకు అప్పులు తెచ్చి మరీ నమ్మకంతో పద్మకు డబ్బులు ఇచ్చినట్లు కన్నీరుమున్నీరయ్యారు. ఇల్లు ఖాళీ చేస్తుండగా ధర్నా.. తాము ఇచ్చిన డబ్బులు తిరిగి రాకపోగా, ఏసీటీఓ బత్తుల శ్రీనివాస్‌ గురువారం ఇల్లు ఖాళీ చేసి వెళ్తున్నారనే సమాచారంతో 30 మంది బాధితులు ఒక్కసారిగా ఆయన నివాసానికి చేరుకున్నారు. తమకు న్యాయం చేయాలంటూ ఇంటి ఎదుట బైఠాయించి ధర్నాకు దిగారు. నిందితులపై తక్షణమే చర్యలు తీసుకోవాలని డిమాండ్‌ చేశారు. ఈక్రమాన తీవ్ర మనస్తాపానికి గురైన ఓ మహిళ అందరూ చూస్తుండగానే ఆమె వెంట తెచ్చుకున్న మాత్రలు మింగడంతో పాటు ఒంటిపై పెట్రోల్‌ పోసుకుని ఆత్మహత్యాయత్నానికి పాల్పడింది. అక్కడే ఉన్న పలువురు వెంటనే ఆమెను అడ్డుకోవడంతో తృటిలో ప్రాణాపాయం తప్పింది. దీంతో ఉద్రిక్త పరిస్థితులు ఏర్పడగా.. సమాచారం అందుకున్న భద్రాచలం పట్టణ పోలీసులు అక్రడకు చేరుకుని ముందుగా ఆత్మహత్యాయత్నానికి పాల్పడిన మహిళను పట్టణంలోని ఒక ప్రైవేట్‌ ఆస్పత్రికి తరలించారు. ప్రస్తుతం ఆమె ఆమె ఆరోగ్య పరిస్థితి నిలకడగా ఉన్నట్లు సమాచారం. కాగా, ఈ ఘటనపై ఎటువంటి ఫిర్యాదు అందలేదని సీఐ నాగరాజు తెలిపారు.

చర్ల/దుమ్ముగూడెం: మలేరియా నియంత్రణపై వైద్యాధికారులు, సిబ్బంది దృష్టి సారించాలని వైద్య ఆరోగ్యశాఖ అడిషనల్‌ డైరెక్టర్‌ డాక్టర్‌ పద్మజ ఆదేశించారు. గురువారం ఆమె చర్ల, దుమ్ముగూడెం పీహెచ్‌సీలను సందర్శించారు. రికార్డులు పరిశీలించారు. మలేరియా కేసులు, మందులు, అందిస్తున్న వైద్య సేవలపై ఆరా తీశారు. ఈ సందర్భంగా మాట్లాడుతూ పాజిటివ్‌ కేసులను ఫాలోఅప్‌ చేయాలని సూచించారు. కేసుల సంఖ్య పెరగకుండా యాంటీ లార్వా కార్యక్రమాలను విస్తృతంగా చేపట్టాలని, ప్రతీ శుక్రవారం నిర్వహించే ఫ్రైడే–డ్రైడే నిర్వహించాలని చెప్పారు. ఛత్తీస్‌గఢ్‌ నుంచి చర్ల మండలానికి వచ్చే జ్వర పీడితులను తప్పనిసరిగా పరీక్షించాలని సూచించారు. వైద్యాధికారులు విజయకుమార్‌, శ్రీధర్‌, హారిక, పావని, పూజ, సిబ్బంది శ్రీనివాసరావు, రమాదేవి, కృష్ణయ్య, రామకృష్ణ తదితరులు పాల్గొన్నారు. వైద్య ఆరోగ్యశాఖ అడిషనల్‌ డైరెక్టర్‌ డాక్టర్‌ పద్మజ

చుంచుపల్లి:ప్రయాణికుల సౌకర్యార్థం కొత్తగూడెం ఆర్టీసీ డిపో నుంచి ఏపీలోని శ్రీకాకుళం, అమలాపురం, నర్సాపురం ప్రాంతాలకు గురువారం నుంచి సూపర్‌ లగ్జరీ సర్వీసులు ప్రారంభించినట్లు డిపో మేనేజర్‌ యు.రాజ్యలక్ష్మి తెలిపారు. శ్రీకాకుళం సర్వీసు భద్రాచలం నుంచి సాయంత్రం 5:15 గంటలకు మొదలై, కొత్తగూడెంకు 6:30 గంటలకు చేరుతుందని, అక్కడి నుంచి బయలుదేరి మరుసటి రోజు ఉ దయం 6:30కు శ్రీకాకుళం చేరుతుందని వెల్ల డించారు. అలాగే, అమలాపురం సర్వీసు కొత్తగూడెం నుంచి మధ్యాహ్నం 2:15 గంటలకు బయలుదేరి రాత్రి 9:30కు, నర్సాపురం బస్సు కొత్తగూడెం నుంచి మధ్యాహ్నం 3గంటలకు మొదలై రాత్రి 10 గంటలకు చేరుకుంటుందని పేర్కొన్నారు. కాగా, రద్దీ దృష్ట్యా గుంటూరుకు అదనంగా డీలక్స్‌ సర్వీసులు నడిపిస్తున్నందున ప్రయాణికులు సద్వియోగం చేసుకోవాలి డీఎం సూచించారు. కంటి వైద్య శిబిరాన్ని పరిశీలించిన డీఎంహెచ్‌ఓ పాల్వంచ: పాత పాల్వంచలోని బీసీ సంక్షేమ వసతి గృహంలో విద్యార్థుల కోసం ప్రతిభ, ఆర్‌బీఎస్‌కే బృందం ఆధ్వర్యాన ఏర్పాటు చేసిన కంటి వైద్య శిబిరాన్ని గురువారం డీఎంహెచ్‌ఓ డాక్టర్‌ తుకారాం రాథోడ్‌ ఆకస్మికంగా తనిఖీ చేశారు. ఈ సందర్భంగా విద్యార్థులకు అందిస్తున్న వైద్య సేవలు, కంటి పరీక్షలను సమీక్షించారు. అనంతరం ఆయన మాట్లాడుతూ.. వస తి గృహంలోని మొత్తం 250 మంది విద్యార్థులకు కంటి పరీక్షలు పూర్తి చేయగా.. అందులో 8 మందికి దృష్టి లోపం ఉన్నట్లు గుర్తించామన్నా రు. వారికి మెరుగైన వైద్య పరీక్షలు, ఉచిత చికి త్స అందించాలని ఆదేశించారు. అనంతరం స మతుల్య ఆహారం, పర్యావరణ పరిరక్షణ, ప్లా స్టిక్‌ వల్ల కలిగే దుష్ప్రాభావాలను వివరించారు. ‘పీఎం మెంటార్‌షిప్‌’లో ఖమ్మం విద్యార్థి ఖమ్మం సహకారనగర్‌: జాతీయ స్థాయిలో యువ, విద్యార్థి రచయితలను ప్రోత్సహించేలా ప్రవేశపెట్టిన ప్రధానమంత్రి మెంటార్‌ షిప్‌ – 2.0లో ఖమ్మం ఎస్‌ఆర్‌బీజీఎన్‌ఆర్‌ కాలేజీ విద్యార్థి ప్రతిభ చాటాడు. రెండేళ్ల క్రితం మెంటార్‌షిప్‌నకు ఎంపికై న డిగ్రీ విద్యార్థి మాదాసు ఉదయ్‌కిరణ్‌ ‘ప్రజాస్వామ్యం, సంస్థలు’ అంశంపై పరిశోధనాత్మక అధ్యయన నివేదిక సమర్పించగా నెలకు రూ.50వేల చొప్పున ఆరు నెలలకు రూ.3లక్షల గౌరవ భృతి అందుకున్నాడు. ఈ సందర్భంగా విద్యార్థిని కళాశాల ప్రిన్సిపాల్‌ డాక్టర్‌ మహ్మద్‌ జాకీరుల్లా గురువారం అభినందించి మాట్లాడారు. తమ విద్యార్థి పరిశోధన సారాంశాన్ని నేషనల్‌ బుక్‌ ట్రస్ట్‌ ప్రచురించిందని తెలిపారు. విశ్రాంత తెలుగు అధ్యాపకుడు డాక్టర్‌ సీతారాం ఉదయ్‌ను ప్రోత్సహించగా, ఈ కార్యక్రమంలో వివిధ విభాగాధిపతులు, అధ్యాపకులు డాక్టర్‌ రవివర్దన్‌, డాక్టర్‌ లక్ష్మణరావు, డాక్టర్‌ ఎం.పిచ్చయ్య, డాక్టర్‌ వేణుమాధవ్‌, డాక్టర్‌ పూర్ణచందర్‌ తదితరులు పాల్గొన్నారు. రోడ్డు ప్రమాదంలో ఒకరికి తీవ్రగాయాలుఅశ్వారావుపేటరూరల్‌: రోడ్డు ప్రమాదంలో ఒకరికి తీవ్ర గాయాలైన ఘటన గురువారం రాత్రి జరిగింది. పోలీసుల కథనం ప్రకారం.. మున్సిపాలిటీ పరిధిలోని గుర్రాల చెరువు గ్రామానికి చెందిన కలపాల శ్రీను ద్విచక్రవాహనంపై దమ్మపేట వైపు నుంచి స్వగ్రామానికి వస్తున్నాడు. ఈ క్రమంలో మార్గమధ్యలోని అచ్యుతాపురం క్రాస్‌ రోడ్‌ వద్ద అదుపుతప్పి ఆగి ఉన్న లారీను ఢీ కొట్టాడు. దీంతో తీవ్రంగా గాయపడగా, స్థానికులు దమ్మపేట ప్రభుత్వాస్పత్రికి తరలించారు. ప్రాథమిక చికిత్స అందించిన వైద్యులు మెరుగైన వైద్యం కోసం ఖమ్మం రిఫర్‌ చేశారు. పోలీసులు ఘటనా స్థలాన్ని సందర్శించి వివరాలు సేకరించారు. కేసు దర్యాప్తు చేపట్టారు.

భద్రాచలంటౌన్‌: గిరిజన ఉత్పత్తులకు మార్కెట్‌ సౌకర్యం కల్పిస్తూ ఏర్పాటు చేసిన భద్రగిరి మార్ట్‌ అభినందనీయమని టూరిజం డైరెక్టర్‌ రంజిత్‌ రాథోడ్‌ కొనియాడారు. గురువారం హైదరాబాద్‌ రవీంద్రభారతిలోని ఆయన చాంబర్‌లో ఐటీడీఏ ఏపీఓ డేవిడ్‌రాజ్‌ ఆయన్ను కలిశారు. భద్రగిరి మార్ట్‌ను టూరిజం హబ్‌గా అభివృద్ధి చేసే ప్రతిపాదనలను అందజేశారు. ఈ సందర్భంగా రంజిత్‌ మాట్లాడుతూ మార్ట్‌ ద్వారా గిరిజన రైతులు, మహిళా పొదుపు సంఘాల సభ్యులకు మెరుగైన ఉపాధి, ఆదాయం లభిస్తుందన్నారు.కాగా, మార్ట్‌లో మిల్లెట్‌ బిస్కెట్లు, పచ్చళ్లు, ఇప్పపువ్వు లడ్డూలు, తృణధాన్యాలు, జీసీసీ అటవీ ఉత్పత్తులను విక్రయిస్తూ 10 మంది నిరుద్యోగ యువతకు ఉపాధి కల్పిస్తున్నట్లు ఏపీఓ డేవిడ్‌రాజ్‌ వివరించారు.

సూపర్‌బజార్‌(కొత్తగూడెం): ముర్రేడు వాగులో పడి ఆటో డ్రైవర్‌ మృతి చెందిన సంఘటన గురువారం పాతకొత్తగూడెంలో ఆలస్యంగా వెలుగు చూసింది. పాత కొత్తగూడెంకు చెందిన ఎండీ దస్తగిరి పాషా (42) ఫైనాన్స్‌లో తీసుకున్న ఆటో విషయంలో గత కొంతకాలంగా వివాదాలు జరుగుతున్నాయి. ఈక్రమాన ఈనెల 13న దస్తగిరికి ఇంట్లో వివాదం జరగగా ఎప్పటిలానే తన కుమారుడితో కలిసి ఆటోలో పాత కొత్తగూడెంలోని డంపింగ్‌ యార్డ్‌ వద్దకు వెళ్లాడు. అక్కడ దిగి కుమారుడిని ఇంటికి పంపించి కాసేపటికీ తన కుమారుడికి ఫోన్‌ చేసి వచ్చి ఫోన్‌ తీసుకెళ్లమని చెప్పడంతో అతను అక్కడకు వచ్చి ఫోన్‌ తీసుకెళ్లాడు. ఆ తర్వాత దస్తగిరి ఇంటికి తిరిగి రాలేదు. దస్తగిరి అప్పుడప్పుడు ఇంట్లో చెప్పకుండానే కొద్ది రోజులపాటు బయటకు వెళ్తుంటాడని, ఇదే క్రమంలో 13న కూడా వెళ్లినట్లు కుటుంబసభ్యులు తెలిపారు. ఈ నేపథ్యాన పాత కొత్తగూడెంలోని ముర్రేడు వాగులో గుర్తుతెలియని మృతదేహాన్ని గుర్తించిన స్థానికులు పోలీసులకు సమాచారం ఇవ్వగా.. వారు అక్కడకు వెళ్లి పరిశీలించగా.. దస్తగిరి పాషాగా తేలింది. దీంతో కుటుంబ సభ్యులకు సమాచారం ఇచ్చి సంఘటన స్థలంలోనే వారి సమక్షంలో మృతదేహానికి పోస్టుమార్టం, పంచనామా నిర్వహించారు. మృతుడికి భార్య రేష్మ, కుమారుడు షారుక్‌ ఉన్నారు. మృతుడి కుమారుడు షారుక్‌ ఇచ్చిన ఫిర్యాదు మేరకు ఈ ఘటనపై కేసు నమోదు చేసి దర్యాప్తు చేస్తున్నట్లు కొత్తగూడెం వన్‌టౌన్‌ ఇన్‌స్పెక్టర్‌ ఎం.కరుణాకర్‌ తెలిపారు. మద్యం మత్తులో డ్రెయినేజీలో పడిన వ్యక్తి.. పాల్వంచ: మద్యం మత్తులో ఓ వ్యక్తి డ్రెయినేజీ కాల్వలో పడి మృతి చెందాడు. పోలీసుల కథనం ప్రకారం.. పట్టణంలో బాపూజీనగర్‌కు చెందిన వ్యాపారి నడిమికంటి సింహాద్రి కుమారుడు దాలి నాయుడు(37)కి, లక్ష్మితో 14ఏళ్ల క్రితం వివాహమైంది. వీరికి కూతురు, కొడుకు ఉన్నారు. లక్ష్మి ప్రస్తుతం విజయవాడలో సబ్‌ ఇన్‌స్పెక్టర్‌గా విధులు నిర్వర్తిస్తుండగా.. భార్యభర్తల మధ్య విభేదాలతో గత మూడేళ్లుగా దాలి నాయుడు పాల్వంచ వచ్చి తండ్రి వద్దే ఉంటున్నాడు. ఈక్రమాన మద్యానికి బానిస కాగా బుధవారం మధ్యాహ్నం బయటకు వెళ్తానని చెప్పి వెళ్లిన అతను రాత్రి అయినా ఇంటికి రాలేదు. గురువారం తెల్లవారుజామున నెహ్రునగర్‌లోని గెలాక్సీ అపార్ట్‌మెంట్‌ పక్కన ఉన్న డ్రెయినేజీ కాల్వలో పడి ఉన్నట్లు గుర్తించిన స్థానికులు కుటుంబసభ్యులకు సమాచారం అందించారు. దీంతో అక్కడకు వచ్చి చూడగా.. అప్పటికే చనిపోయి ఉన్నాడు. ఊపిరి ఆడక చనిపోయినట్లు అనుమానంతో పోలీసులకు ఫిర్యాదు చేయడంతో ఎస్‌ఐ నాగరాజు కేసు నమోదు చేశారు. బతుకుదెరువు కోసమని వెళ్లి.. ఇల్లెందురూరల్‌: మండలంలోని కొమరారం గ్రామానికి చెందిన కాంపాటి సుందర్‌ (42) బతుకుదెరువు కోసం రాష్ట్రం దాటి వెళ్లి గురువారం విగతజీవిగా ఇంటికి తిరుగొచ్చిన సంఘటన ఇది. మ్యాజిక్‌ డ్రైవర్‌గా, బ్యాండ్‌ మేళం ద్వారా ఉపాధి పొందేవాడు. వినాయక చవితి వేడుకల్లో బ్యాండ్‌ వాయించేందుకు ఒప్పందం మేరకు గుంటూరు జిల్లా తెనాలికి స్నేహితులతో కలిసి మూడు రోజుల క్రితం వెళ్లాడు. అక్కడ గురువారం ఉదయం గుండెపోటు రావడంతో నిద్రలోనే సుందర్‌ మృతి చెందినట్లు కుటుంబ సభ్యులు తెలిపారు. ఇంటికి చేరుకున్న సుందర్‌ భౌతికకాయానికి కొమరారం సర్పంచ్‌ అజ్మీర బిచ్చా, గ్రామపెద్దలు నివాళులర్పించి అంత్యక్రియల్లో పాల్గొన్నారు.

● ప్లాస్టిక్‌ వస్తువుల దాడితో అల్లికలు కనుమరుగు ● కలప సేకరణపై ఆంక్షలు విధిస్తున్న అటవీశాఖ ● వెరసి ఉపాధి కోల్పోతున్న మేదరి కుటుంబాలు నేడు ప్రపంచ వెదురు దినోత్సవం అశ్వాపురం: ఉమ్మడి జిల్లాలో వెదురు కళాకృతుల తయారీకి ప్రత్యేకత ఉండేది. దట్టమైన అటవీ ప్రాంతంలో వెదురు లభిస్తుండటంతో అనేక కళాకృతులను తయారు చేసేవారు. కోళ్లగూళ్లు, చాటలు, ధాన్యం నిలువ చేసే గుమ్మీలు, గంపలు, బతుకమ్మ సిబ్బీలు, తడకలు తదితర వస్తువులు తయారు చేసి విక్రయిస్తూ మేదరులు జీవనోపాధి పొందేవారు. కాలక్రమేణా ప్రజల జీవన విధానంలో మార్పులు రావడం, అటవీశాఖ అధికారులు వెదురు సేకరించకుండా ఆంక్షలు విధించడంతో వస్తువుల ఉత్పత్తి తగ్గిపోయింది. మరోవైపు ప్లాస్టిక్‌, ఆధునిక టెక్నాలజీతో కూడిన వస్తువులు ఇబ్బడిముబ్బడిగా రావడంతో వెదురు వస్తువులకు ఆదరణ తగ్గిపోయింది. అల్లికలు కనుమరుగై ఫలితంగా మేదరులు ఉపాధి కోల్పోతున్నారు. ఉమ్మడి జిల్లా వ్యాప్తంగా ప్రతీ మండలంలో వెదురుతో కళాత్మక వస్తువులు తయారు చేసే కుటుంబాలు పదుల సంఖ్యలో ఉన్నాయి. కొన్నేళ్లుగా వెదురు సేకరణపై ఫారెస్టు అధికారులు ఆంక్షలు విధిస్తుండటంతో ఉపాధి కరువై ఆయా కుటుంబాలవారు వలస కూలీలుగా మారుతున్నారు. ఆదుకోని ప్రభుత్వాలు ప్రభుత్వాలు ప్రత్యేకంగా ఫెడరేషన్లు ఏర్పాటు చేసి కులవృత్తులపై ఆధారపడి జీవించే వారికి ఉపాధి కల్పిస్తామని పలుమార్లు హామీలు ఇచ్చాయి. కానీ ఆ దిశగా ఇంతవరకు చర్యలు చేపట్టలేదు. తగిన శిక్షణ కూడా ఇస్తామని చెప్పినా ఆచరణ రూపం దాల్చడంలేదు. ఇప్పటికై నా ప్రభుత్వం స్పందించి వెదురు సేకరణపై అటవీశాఖ ఆంక్షలు ఎత్తి వేయాలని, వెదురు వస్తువులు విక్రయించేందుకు మార్కెట్‌ సౌకర్యం కల్పించాలని పలువురు మేదరులు కోరుతున్నారు. ఉమ్మడి జిల్లాలో అనేక మంది వెదురు వస్తువుల తయారీపై ఆధారపడి జీవనం సాగిస్తున్నారు. ప్రస్తుతం ఆదరణ లేక రోడ్డున పడే పరిస్థతి నెలకొంది. మేదరులకు ఫెడరేషన్‌ ద్వారా ఉపాధి కల్పిస్తామని, రుణాలు ఇప్పిస్తామని ప్రభుత్వాలు హామీ ఇచ్చాయి. కానీ అమలు చేయలేదు. ఇప్పటికై నా ప్రభుత్వం స్పందించి మాకు ఉపాధి కల్పించాలి. –పెద్ది నాగకృష్ణ, మేదరి సంఘం నాయకుడు, మణుగూరు

వీర తెలంగాణ విప్లవ రైతాంగ పోరాటంలో జిల్లావాసులునైజాం తొత్తులుగా మారి స్థానిక పాలన చేపట్టిన భూస్వాములు, దొరలను ఎదిరిస్తూ సాగిన తెలంగాణ సాయుధ రైతాంగ పోరాటంలో రక్తం చిందించినవారు జిల్లా నుంచి కూడా ఉన్నారు. చరిత్ర పుటల్లో ఎక్కువగా చోటు దక్కక పోయినా ఆ వీరుల గాథలు కొంత మేరకు పుచ్చలపల్లి సుందరయ్య రాసిన వీర తెలంగాణ విప్లవ పోరాటం అనే పుస్తకంలో లభించాయి. తెలంగాణ సాయుధ పోరు విరమించి నేటి(సెప్టెంబర్‌ 17)కి 75 ఏళ్లు పూర్తయ్యాయి. ఈ సందర్భంగా ప్రత్యేక కథనం. –సాక్షి ప్రతినిధి, భద్రాద్రి కొత్తగూడెంపాల్వంచ ప్రాంత కమ్యూనిస్టు దళంలో 1948 మార్చిలో దమ్మపేట మండలం జమేదార్‌ బంజర గ్రామానికి చెందిన గిరిజన యోధుడు సోయం గంగులు చేరాడు. అనతికాలంలోనే పాల్వంచ అటవీ ప్రాంతాన్ని కమ్యూనిస్టులకు తిరుగులేని విప్లవ స్థావరంగా మార్చడంలో కీలక భూమిక పోషించాడు. మన్యం అటవీ మార్గాల్లో గంగులు దళాలను సమర్థవంతంగా నడిపిస్తూ రజాకార్ల దాడులను ఎక్కడికక్కడ తిప్పికొట్టాడు. నల్లమల గిరిప్రసాద్‌ దళానికి రక్షణ కవచంలా నిలిచింది. దీంతో సోయం గంగులును మట్టుబెట్టాలని భూస్వాములు, పెత్తందార్లు పన్నాగం వేశారు. ఆయన సమీప బంధువునే కోవర్టుగా ఉపయోగించుకుని ప్రస్తుత ఏపీలోని జీలుగుమిల్లి అటవీ ప్రాంతంలో గంగులును శత్రు బలగాలు బంధించాయి. చిత్రహింసలకు గురిచేసినా పార్టీ రహస్యాల గుట్టు విప్పలేదు. చివరకు 1951 మే 12న సత్తుపల్లి ప్రాంతంలోని రుద్రాక్షపల్లిలో రావిచెట్టుకు గంగులును కట్టేసి తుపాకీలతో కాల్చి చంపారు. సాయుధ పోరాటంలో సోయం గంగులు ‘కోయ బెబ్బులి’గా చేసిన త్యాగం, రాజీలేని పోరాట స్ఫూర్తి తెలంగాణ ప్రజల గుండెల్లో చిరస్థాయిగా నిలిచి ఉంటాయి. మరుగునపడిన ఇలాంటి వీరుల త్యాగాలను స్మరించుకోవాలి. –ఎస్‌కే సాబీర్‌ పాషా, సీపీఐ జిల్లా కార్యదర్శిసాయుధ పోరాట ఊహా (ఏఐ) చిత్రంతెలంగాణ సాయుధ రైతాంగ పోరాటం 1946లో మొదలై 1951 వరకు రెండు దశల్లో జరిగింది. ఆరంభంలో ఉమ్మడి నల్లగొండ, వరంగల్‌ జిల్లాలలో విప్లవ జ్వాలలు రాజుకున్నాయి. సుదీర్ఘ కాలం పోరాటం సాగడంతో గెరిల్లా శిక్షణ కోసం జిల్లాలోని అడవులను, ఆయుధాల కోసం సింగరేణి గనుల్లో ఉపయోగించే పేలుడు పదార్థాలు అవసరం పడ్డాయి. అలా రైతాంగ పోరాటం జిల్లాలోకి అడుగు పెట్టింది. 1949 తర్వాత రైతాంగ పోరాటం ఉమ్మడి ఖమ్మం జిల్లా కేంద్రంగానే కొనసాగింది. అందులోనూ కొత్తగూడెం, ఇల్లెందు లాంటి పట్టణాలు పాల్వంచ, అశ్వారావుపేట వంటి సంస్థానాల్లో ఇండియన్‌ ఆర్మీ, విప్లవకారుల మధ్య పోరు తారస్థాయికి చేరుకుంది. భద్రాచలం ఏజెన్సీలోని వరరామచంద్రాపురం మండలం పేరంటాలపల్లి (ప్రస్తుతం ఏపీలో ఉంది)లో అల్లూరి సీతారామరాజు సమకాలికుడు, ఉద్యమ సహచరుడిగా పేరున్న సింగరాజు అనే సాధువు రెండు వందల మందికి పైగా పోరాట యోధులకు గెరిల్లా యుద్దతంత్రంలో శిక్షణ ఇచ్చారు. ఇల్లెందు, కొత్తగూడెం బొగ్గు గనుల్లో ఉపయోగించే పేలుడు పదార్థాల గిడ్డంగులపై విప్లవకారులు దాడులు చేశారు. వాటిని నిజాం పోలీసు క్యాంపులపై దాడులు చేయడానికి ఉపయోగించారు. పోరాటం ఉధృత రూపం దాల్చడంతో పాల్వంచ సంస్థానంలో కోయ దళాలు, బొగ్గు గనుల ప్రాంతంలో కార్మిక సంఘాలు సాయుధ పోరాటానికి నడుం బిగించాయి. పాల్వంచ సంస్థానంలో భూపంపిణీ లక్ష్యంగా 120 ఆదివాసీ యువకులతో గెరిల్లా దళం ఏర్పాటైంది. దీన్ని అణచివేసేందుకు నిజాం సర్కార్‌ వేయి మంది సైనికులను పాల్వంచ తాలూకాకు పంపింది. 15 రోజులపాటు జరిగిన పోరులో ఎనిమిది మంది నిజాం సైనికులు చనిపోయారు. గెరిల్లా దళ నాయకుడు ముత్యాలు చనిపోగా మరో ఆరుగురిని నిజాం సర్కార్‌ ఉరి తీసి చంపింది. ఆ తర్వాత రజాకార్‌ దళాలు ములకలపల్లిలో క్యాంపు ఏర్పాటు చేశాయి. పాల్వంచలో నష్టపోయిన కోయ దళాలు ములకలపల్లిలోని రజాకార్‌ క్యాంపుపై నిత్యం దాడులు చేసింది. చివరకు బతుకుజీవుడా అనుకుంటూ ఈ క్యాంపును ఎత్తివేయాల్సి వచ్చింది. మరోవైపు సింగరేణి పారిశ్రామిక ప్రాంతంలో 1938లో సింగరేణి కాలరీస్‌ వర్కర్స్‌ యూనియన్‌ రహస్యంగా ఏర్పడింది. హెడ్డాఫీసులో క్లర్క్‌గా పని చేస్తున్న శేషగిరిరావు సాయుధ పోరాటంలో మొదటి అడుగు వేశారు. చివరకు శేషగిరిని 1948 ఏప్రిల్‌లో నెల్లిపాక దగ్గర నిజాం పోలీసులు కాల్చి చంపారు. అన్నపురెడ్డిపల్లి మండలంలో గుంపెన గ్రామంలో 1948లో రజాకార్లకు సాయుధ పోరాట యోధులకు మధ్య భీకర కాల్పులు జరిగాయి. వట్టికుంట నాగేశ్వరరావు నేతృత్వంలో గుంపెనలో సమావేశమైన 70 మంది సభ్యులతో కూడిన దళాన్ని కల్లూరు నుంచి భారీ సంఖ్యలో వచ్చిన రజాకార్లు చుట్టుముట్టారు. ప్రాణాలకు తెగించి విప్లవకారులు పోరాడుతూ అడవుల్లోకి దళం రిట్రీట్‌ అయ్యింది. ఈ దాడిలో ఒక గెరిల్లా, మరో ఇద్దరు గుంపెన గ్రామస్తులు చనిపోయారు. సాయుధ పోరాటంలో పాల్వంచ తాలూకా నుంచి 53 మంది, ఇల్లెందు తాలూకా నుంచి 70 మంది చనిపోయారు. ఇవి కాకుండా ఆనాటి పాల్వంచ తాలూకాలో ఉన్న ఆళ్లపల్లిలో 300 మంది, ఇల్లెందు తాలూకాలోని గుండాల దగ్గర జరిగిన పోరులో మరో 300 మంది పోరాటంలో ఉన్నవారు సామూహిక హత్యకు గురైనట్టు ఆరోపణలు ఉన్నాయి. ఇల్లెందు–నర్సంపేట రోడ్డులో గంగారం దగ్గర మిలిటరీ లారీ పేల్చివేత. కారేపల్లి మిలిటరీ క్యాంపుపై దాడి. 1949 జనవరి 1న తల్లాడ – కొత్తగూడెంలో కాల్పులు ఇద్దరు సైనికుల మృతి, ఏప్రిల్‌ 27న జరిగిన దాడిలో ఇద్దరు అధికారుల మృతి 1949 జనవరి 29న రోళ్లపాడు దగ్గర పోలీస్‌ కాన్వాయ్‌పై దాడి ముగ్గురు పోలీసుల మరణం 1949 మార్చి 26న కొత్తగూడెం సమీపంలో పోలీసుల లారీపై కాల్పులు నలుగురు మరణం గెరిల్లా యుద్ధ తంత్రం రక్షణ చర్యల్లో భాగంగా 150 మైళ్ల రోడ్ల ధ్వంసం

బూర్గంపాడు: జిల్లాలోని ఏజెన్సీ ప్రాంతంలో వైరల్‌ ఫీవర్స్‌ ప్రజలను వణికిస్తున్నాయి. ఇంటికి ఒకరి ద్దరు చొప్పున జ్వరంతో బాధపడుతున్నారు. జలు బు, జ్వరం, ఒంటినొప్పులతో ఆస్పత్రుల పాలవుతున్నారు. జ్వరపీడితులతో ప్రభుత్వ, ప్రైవేటు ఆస్పత్రులు కిటకిటలాడుతున్నాయి. భిన్న వాతావరణ పరిస్థితులే జ్వరాలకు కారణమని వైద్యులు చెబుతున్నారు. జిల్లాలోని పీహెచ్‌సీలు, సీహెచ్‌సీ లు, హెల్త్‌ సబ్‌సెంటర్‌లు, ప్రైవేటు ఆస్పత్రులకు జ్వరపీడితులు క్యూకడుతున్నారు. చిన్నారులు, వృద్ధులు, దీర్ఘకాలిక రోగులు ఎక్కువగా వైరల్‌ ఇన్ఫెక్షన్‌కు గురవుతున్నారు. ఒళ్లు నొప్పులు, తలనొప్పి, గొంతు నొప్పి, దగ్గు వంటి లక్షణాలు కనిపిస్తున్నా యి. రోజు 50 ఓపీ ఉండే ఆస్పత్రుల్లో ప్రస్తుతం 100కు పైగా కేసులు నమోదవుతున్నాయి. ఇన్‌పేషెంట్లతో వార్డులు కూడా నిండిపోతున్నాయి. వైద్య పరీక్ష కేంద్రాల వద్ద రద్దీ నెలకొంటోంది. బూర్గంపాడు సీహెచ్‌సీలో నిత్యం 150 ఓపీ కేసులు నమోదవుతున్నాయి. అప్పుడే వర్షం.. ఆ తర్వాత ఎండ, ఉక్కపోత ఒక్కరోజులోనే కొద్దిసేపు వర్షం, తర్వాత ఎండ తీవ్రత, ఉక్కపోత వంటి విభిన్న వాతావరణ పరిస్థితులు నెలకొంటున్నాయి. దీంతో ప్రజలు ఇబ్బందులు పడి వైరల్‌ ఇన్ఫెక్షన్‌కు గురవుతున్నారు. పొలం పనులకు వెళ్లిన రైతులు, కూలీలు, భవన నిర్మాణ కార్మికులు అధిక సంఖ్యలో జ్వరాల బారిన పడుతున్నారు. వైద్యారోగ్య శాఖ స్పందించి గ్రామాల్లో ఫీవర్‌ సర్వే నిర్వహించాలని, హెల్త్‌ క్యాంపులు పెట్టాలని పలువురు కోరుతున్నారు. గ్రామాల్లో పారిశుద్ధ్య చర్యలు చేపట్టాలని, దోమల నివారణకు మందులు పిచికారీ, ఫాగింగ్‌ చేయించాలని విజ్ఞప్తి చేస్తున్నారు. కాగా వాతావరణ మార్పులతోనే జ్వరాలు పెరుగుతున్నాయని, సాధారణ రోజుల కంటే ఓపీ రెట్టింపైందని బూర్గంపాడు సీహెచ్‌సీ సూపరింటెండెంట్‌ డాక్టర్‌ ప్రసాద్‌ తెలిపారు. జ్వరం రాగానే వైద్య పరీక్షలు చేయించుకుని, చికిత్స పొందాలని సూచించారు.

భద్రాచలం: భద్రాచలం శ్రీ సీతారామ చంద్రస్వామి దేవస్థాన అభివృద్ధి మాస్టర్‌ప్లాన్‌పై అయోమయం కొనసాగుతోంది. తొలుత రూపొందించిన మాస్టర్‌ ప్లాన్‌లో తరచూ మార్పులు చోటుచేసుకుంటున్నాయి. తాజాగా వైదిక సభ్యుల సలహాలతో మళ్లీ మార్పులు జరిగే అవకాశం ఉంది. తొలుత దేవాదాయ శాఖ ప్రతిపాదించిన మాస్టర్‌ ప్లాన్‌ బహిర్గతం చేసి, అర్చకులు, వైదిక పెద్దల సలహాలు స్వీకరించి ఉంటే ఈ తిప్పలు ఉండేవికావు. మార్పులు, చేర్పుల నేపథ్యంలో అభివృద్ధి పనులు నిర్ణీత కాలంలో పూర్తయ్యేనా అనే అనుమానాలు వ్యక్తమవుతున్నాయి. వైదిక పెద్దలు, అర్చకులు ఏం చెబుతున్నారంటే.. ● ప్రస్తుతం ఆలయ దక్షిణ వైపు భాగంలో ఉపాలయాలను నిర్మిస్తున్నారు. పిల్లర్లు నిర్మించి వాటి పైభాగంలో నిర్మాణాలు సాగుతున్నాయని గమనించిన వైదిక సభ్యులు ఇది ఆగమ శాస్త్రానికి విరుద్ధమంటూ ఈఓ, దేవాదాయ శాఖ కమిషనర్‌, ప్రజాప్రతినిధులకు ఫిర్యాదు చేశారు. ఆలయాలకు ఎట్టి పరిస్థితులలో భూ స్పర్శ ఉండాలి. ● రెండో ప్రాకారంలో నిత్యకల్యాణ మండపాన్ని ఎత్తులో నిర్మించాలి. ఆగ్నేయ దిశలో నిర్మిస్తే 400 సీటింగ్‌ కెపాసిటీ వచ్చే అవకాశం ఉంది. అదే రెండో ప్రాకారంలో నిర్మిస్తే సుమారు 700 సీటింగ్‌ వస్తుంది. ఆగ్నేయంలో నిత్యకల్యాణ మండపం నిర్మిస్తే, గతంలో అక్కడ ప్రతిపాదించిన దర్బారు సేవా మండపం మారే అవకాశం ఉంటుంది. ● ప్రస్తుతం పశ్చిమ ముఖంగా ఉన్న స్వామివారి మూలమూర్తుల పక్కన లక్ష్మీ తాయారు అమ్మవారు, గోదాదేవి ఉపాలయం నిర్మించాలి. లక్ష్మీతాయారు అమ్మవారికి ఎదురుగా భక్త రామదాసు, గోదాదేవికి ఎదురుగా కనక సీతమ్మ విగ్రహాలను నిర్మించాలి. అభివృద్ధి పేరుతో భద్రుని గుడిని తవ్వొద్దు. రాళ్లను తరలించొద్దు. రెండో ప్రాకారంలో సాంకేతికంగా అభివృద్ధి ఉన్నా మొదటి ప్రాకారం పరిధిలో పనులు మాత్రం ఆగమ శాస్త్రం ప్రకారం నిర్వహించాలి. ప్రభుత్వం ఆమోదించిన మాస్టర్‌ ప్లాన్‌పై గోప్యత పాటిస్తున్నారు. క్రమంగా ప్లాన్‌లో మార్పులు జరుగుతున్నాయి. గతంలో ఆంజనేయస్వామి ఉపాలయం తొలగించేది లేదని పేర్కొన్నారు. ఆ తర్వాత ఉపాలయం పునర్‌నిర్మాణం ప్లాన్‌లో చేర్చారు. ఇలా చీటికిమాటికి ప్లాన్‌లో మార్పులు జరగడం అందరినీ అయోమయానికి గురిచేస్తోంది. మాస్టర్‌ ప్లాన్‌ౖపైపె అధికారులకు కూడా స్పష్టతలేనట్లు తెలుస్తోంది. ప్లాన్‌ను తమకు అందించాలని ఆలయ ప్రధాన అర్చకుడు విజయరాఘవన్‌, కోటి రామస్వరూప్‌ ఇటీవల ఈఓకు వినతిపత్రం ఇవ్వడం గమనార్హం. ఆగమ శాస్త్రం ప్రకారం నిర్మాణాలు జరగాలని అర్చకులు కోరుతున్నా, మంత్రులు సైతం అదే చెబుతున్నా క్షేత్రస్థాయిలో ఇందుకు భిన్నంగా జరుగుతుండటం గమనార్హం. ఇప్పటికై నా దేవాదాయ శాఖ దృష్టి సారించి మాస్టర్‌ ప్లాన్‌పై అన్ని వర్గాల ప్రజల సందేహాలను నివృత్తి చేసేలా పవర్‌ పాయింట్‌ ప్రజెంటేషన్‌ను ఇవ్వాలని భక్తులు, అర్చకులు, వైదిక పెద్దలు కోరుతున్నారు.

● జిల్లా సరిహద్దుల్లో యథేచ్ఛగా అక్రమ రవాణా ● తాజాగా చర్లలో చిరుత చర్మం, గోళ్లు స్వాధీనం ● అటవీశాఖ పర్యవేక్షణ లోపంపై విమర్శలుభద్రాచలంటౌన్‌: వన్యప్రాణులను వేటగాళ్లు యథేచ్ఛగా వధిస్తున్నారు. చర్మం, గోళ్లు విక్రయించి సొమ్ము చేసుకుంటున్నారు. తాజాగా వన్యప్రాణుల వేట, అక్రమ రవాణాకు పాల్పడుతున్న ఆరుగురు నిందితులను పోలీసులు, అటవీశాఖ అధికారులు అరెస్ట్‌ చేశారు. చర్ల రేంజ్‌ పరిధిలోని కుర్నపల్లిలో నిర్వహించిన తనిఖీల్లో చిరుతపులి చర్మం, 9 గోళ్లు, 6 పళ్లు, పుర్రెను స్వాధీనం చేసుకున్నారు. నిందితులు కె.నారాయణ, పి.దేవేందర్‌, ఎ.సాయికిరణ్‌, జె.రాధాకృష్ణ, పి.సంతోష్‌, డి.బండిలపై వన్యప్రాణి సంరక్షణ చట్టం కింద కేసు నమోదు చేశారు. కోర్టు వీరికి 14 రోజుల రిమాండ్‌ విధించింది. గతంలోనూ ఇలాంటి సంఘటనలు జరిగాయి. గతేడాది అడవి వాలుగ(జాడు)ను స్వాధీనం చేసుకున్న అటవీశాఖ అధికారులు సుమారు 16 మందిపై కేసులు నమోదు చేశారు. గత నెల 24న పులి చర్మం, గోళ్లను స్వాధీనం చేసుకుని, ఆంధ్రప్రదేశ్‌లోని పోలవరం జిల్లాకు చెందిన నలుగురిని అరెస్ట్‌ చేశారు. కాగా, ఛత్తీస్‌గఢ్‌లోని బస్తర్‌ అటవీ ప్రాంతాల నుంచి జిల్లాలోకి వస్తున్న వన్యప్రాణులను వేటగాళ్లు లక్ష్యంగా చేసుకుంటున్నారు. ఉచ్చులు, విద్యుత్‌ తీగలతో హతమార్చుతున్నారు. వన్యప్రాణుల సంరక్షణకు కఠిన చర్యలు తీసుకుంటున్నామని అటవీ శాఖ చెబుతున్నా.. వరుసగా వెలుగుచూస్తున్న ఘటనలు క్షేత్రస్థాయిలో నిఘాపై ప్రశ్నలు లేవనెత్తుతున్నాయి.వన్యప్రాణులను వధించవారిపై చర్యలు తీసుకుంటున్నాం. ఛత్తీస్‌గఢ్‌ సరిహద్దు ప్రాంతాల్లో అటవీ సిబ్బందితో నిఘా మరింత తీవ్రం చేస్తాం. గ్రామాల్లో అవగాహన సదస్సులు కూడా నిర్వహిస్తాం. –ఎన్‌ఎస్‌ నిషా, భద్రాచలం ఎఫ్‌డీఓ

చండ్రుగొండ: రోడ్డు ప్రమాదంలో తీవ్రంగా గాయపడి చికిత్స పొందుతున్న వ్యక్తి బుధవారం మృతి చెందాడు. చండ్రుగొండ ఎస్సై శివరామకృష్ణ కథనం ప్రకారం... మండలంలోని మద్దుకూరు గ్రామానికి చెందిన తంబళ్ల రమేష్‌బాబు (39) ఈ నెల 8న రోడ్డు ప్రమాదంలో తీవ్రంగా గాయపడ్డాడు. ఖమ్మంలోని ఓ ప్రైవేటు ఆస్పత్రికి తరలించి, చికిత్స అందిస్తుండగా మృతిచెందాడు. మృతుడికి భార్య, కుమార్తె, కుమారుడు ఉన్నారు. పోలీసులు కేసు నమోదుచేసి దర్యాప్తు చేస్తున్నారు. జారిపడిన పెయింటింగ్‌ కార్మికుడు..చుంచుపల్లి: రెండు అంతస్తుల భవనానికి పెయింటింగ్‌ వేస్తుండగా ప్రమాదవశాత్తు జారిపడి ఓ కార్మికుడు మృతి చెందాడు. అన్నపురెడ్డిపల్లి మండలం గుంపెన గ్రామానికి చెందిన పెరుమాళ్ల సతీష్‌ (28) రాంనగర్‌లోని ఓ భవనంలో మంగళవారం పెయింటింగ్‌ పనులు చేస్తున్నాడు. ఈ క్రమంలో భవనంపై నుంచి జారి కిందపడిపోయాడు. తీవ్ర గాయాలుకాగా, భవనం యజమాని కొండబత్తిని మధు ప్రభుత్వాస్పత్రికి తరలించాడు. చికిత్స పొందుతూ రాత్రి మృతి చెందాడు. కుటుంబ సభ్యులు ఆసుపత్రికి చేరుకుని కన్నీరుమున్నీరయ్యారు. చుంచుపల్లి ఎస్సై రవి కుమార్‌ కేసు నమోదు చేసి దర్యాప్తు చేపట్టారు. నాటుసారా స్వాధీనంజూలూరుపాడు: మండలంలోని సురారం గ్రామానికి చెందిన ఓ వ్యక్తి నాటుసారా తయారు చేసుకుని, బైక్‌పై తరలిస్తుండగా ఎకై ్సజ్‌శాఖ అధికారులు బుధవారం పట్టుకున్నారు. సంబంధిత వ్యక్తి పారిపోగా, సుమారు 10 లీటర్ల నాటుసారాతోపాటు, బైక్‌ను స్వాధీనం చేసుకున్నట్లు ఎకై ్సజ్‌ సిబ్బంది తెలిపారు. రేషన్‌ బియ్యం సీజ్‌టేకులపల్లి: మండలం తడికలపూడి పంచాయతీ లక్ష్మీపురం గ్రామంలో బుధవా రం పోలీసులు వాహన తనిఖీలు చేపట్టారు. ఈక్రమంలో ఆటోలో అక్రమంగా తరలిస్తున్న 350 కిలోల రేషన్‌ బియ్యాన్ని పట్టుకున్నారు. ఆటోను స్వాధీనం చేసుకున్నారు. డ్రైవర్‌ గుగులోత్‌ కుమార్‌ను విచా రించగా, తడికలపూడి పరిసర గ్రామాల్లో తక్కువ ధరకు రేషన్‌ బియ్యం కొనుగోలు చేసి కారేపల్లికి చెందిన బానోత్‌ కోటేష్‌కు విక్రయిస్తున్నట్లు తెలిపాడు. దీంతో కుమార్‌, కోటేష్‌లపై కేసు నమోదు చేశామని ఎస్సై తిరుపతి పేర్కొన్నారు.

జిల్లాలో గురువారం మధ్యాహ్నం వరకు సాధారణ ఉష్ణోగ్రతలు నమోదవుతాయి. ఆ తర్వాత చిరు జల్లులు కురిసే అవకాశం ఉంది. మెనూ సక్రమంగా అమలు చేయాలిచుంచుపల్లి: హాస్టళ్లు, ఆశ్రమ పాఠశాలల్లో మెనూ సక్రమంగా అమలు చేయాలని కలెక్టర్‌ అంకిత్‌ హెచ్చరించారు. లక్ష్మీదేవిపల్లి మండలం రేగళ్ల తండాలోని ప్రభుత్వ గిరిజన ఆశ్రమ బాలుర ఉన్నత పాఠశాలను బుధవారం తనిఖీ చేశారు. పాఠశాల పరిసరాల్లో అపరిశుభ్రంగా ఉండటంతో ఆగ్రహం వ్యక్తం చేశారు. పరిశుభ్రంగా ఉంచాలని అధికారులను ఆదేశించారు. ఎన్‌సీసీ కార్యాలయాన్ని పరిశీలించారు. బాలుర వసతి గృహాన్ని పరిశీలించి సౌకర్యాలపై ఆరా తీశారు. కిచెన్‌, స్టోర్‌ రూమ్‌లను తనిఖీ చేశారు. ఆర్వో వాటర్‌ ప్లాంట్‌కు మరమ్మతులు చేపట్టి వినియోగంలోకి తేవాలన్నారు. విద్యార్థులతో మాట్లాడి సమస్యలు తెలుసుకున్నారు. బుధవారం మెనూలో చికెన్‌ అందించాల్సి ఉండగా, విద్యార్థులకు వడ్డించిన భోజనంలో చికెన్‌ లేకపోవడాన్ని గమనించి తీవ్ర ఆగ్రహం వ్యక్తం చేశారు. వార్డెన్‌కు షోకాజ్‌ నోటీసు జారీ చేయాలని అధికారులను ఆదేశించారు. విపత్తుల వేళ ఆపదమిత్రలు సిద్ధంగా ఉండాలి విపత్తుల సమయంలో ఆపదమిత్రలు కీలక పాత్ర పోషించాలని కలెక్టర్‌ అంకిత్‌ అన్నారు. లక్ష్మీదేవిపల్లి మండలం చాతకొండ ఆరో బెటాలియన్‌ తెలంగాణ స్పెషల్‌ పోలీస్‌ ఆధ్వర్యంలో యువ ఆపదమిత్రల శిక్షణ కార్యక్రమాన్ని జ్యోతి ప్రజ్వలన చేసి ప్రారంభించారు. ఈ సందర్భంగా మాట్లాడుతూ విపత్తుల వేళ అధికారిక సహాయక బృందాలు సంఘటనా స్థలానికి చేరుకునేలోపు ఆపదమిత్రలు తక్షణ సహాయక చర్యలు చేపట్టడం ద్వారా ప్రాణ, ఆస్తి నష్టాన్ని తగ్గించవచ్చన్నారు. బెటాలియన్‌ కమాండెంట్‌ పీసీవి రమణ, తహసీల్దార్‌ శిరీష, ఎంపీడీఓ సుస్మిత, శ్రీధర్‌ రాజా, మరియా దాస్‌, వివిధ శాఖల అధికారులు పాల్గొన్నారు

పాల్వంచరూరల్‌: నీటి కుంటల పనులను త్వరి తగతిన పూర్తిచేయాలని డీఆర్‌డీఓ పీడీ విద్యాచందన అధికారులను ఆదేశించారు. మండల పరిధి ఉల్వనూరు లక్ష్మీదేవిపల్లి గ్రామ పంచా యతీలో నిర్మిస్తున్న నీటికుంటలను బుధవా రం ఆమె పరిశీలించారు. వర్షాకాలంలో వృథా గా పోయే వర్షపు నీటిని నీటికుంటల్లో నిల్వ చేసుకుని, వర్షాలు లేని సమయంలో పంట లకు వినియోగించుకోవచ్చని అన్నారు. కుంట ల్లో నీరు నిల్వ ఉంటే భూగర్భజలాలు కూడా పెరుగుతాయని, చేపలను కూడా పెంచుకోవచ్చని చెప్పారు. ఏపీడీ రమణ, సర్పంచ్‌ వజ్జ లలిత, ఉపసర్పంచ్‌ రాపోలు రాంబాబు, కార్యదర్శి ఎం.పరశురాం తదితరులు పాల్గొన్నారు. శ్రీ విద్యకు బంగారు పతకంసూపర్‌బజార్‌(కొత్తగూడెం): పాండిచ్చేరి లోని ఇందిరాగాంధీ స్టేడియంలో ఈ నెల 16 నుంచి 18వ తేదీ వరకు జరుగుతున్న సౌత్‌ జోన్‌ జూని యర్‌ నేషనల్‌ అథ్లెటిక్స్‌ చాంపియన్‌ి షిప్‌లో చర్లకు చెందిన శ్రీ విద్య దొర 80 మీటర్ల హార్డి ల్స్‌ విభాగంలో బంగారు పతకం సాధించింది. ఈ సందర్భంగా జిల్లా అథ్లెటిక్స్‌ అసోసియేషన్‌ బాధ్యులు కె.మహీధర్‌, సారంగపాణి, వెంకటేశ్వర్‌రెడ్డి, కోచ్‌ సునంద కోరి, జిల్లా క్రీడల అధికారి ఎం.పరంధామరెడ్డి ఆమెను అభినందించారు. హెచ్‌ఎం, ఉపాధ్యాయులపై డీఈఓ ఆగ్రహంఇల్లెందురూరల్‌: మండలంలోని సుభాష్‌నగర్‌ హైస్కూల్‌ను బుధవారం డీఈఓ వాసంతి సందర్శించారు. విద్యార్థుల నోట్‌బుక్స్‌ కరెక్షన్‌ చేయకపోవడం సరికాదని హెచ్చరించారు. బేస్‌లైన్‌ టెస్ట్‌ను కేవలం 39 శాతం విద్యార్థులకే నిర్వహించడం పట్ల ఆగ్రహం వ్యక్తం చేశారు. ఎఫ్‌ఆర్‌ఎస్‌ లాగిన్‌లో విద్యార్థులు, ఉపాధ్యాయుల హాజరును పరిశీలించి ఉపాధ్యాయుడి లీవ్‌ను ఎందుకు అప్రూవ్‌ చేయలేదని, ఆగస్టులో టీచర్స్‌ మీటింగ్‌, పేరెంట్స్‌ మీటింగ్‌ ఎందు కు నిర్వహించలేదని హెచ్‌ఎం ఉమాశంకర్‌ను ప్రశ్నించారు. సైన్స్‌ల్యాబ్‌, లైబ్రరీలకు రిజిస్టర్‌ నిర్వహించకపోవడంపై సంతృప్తి వ్యక్తం చేశా రు. అనంతరం ఎంఈఓ కార్యాలయాన్ని సందర్శించి సీఆర్‌పీలకు విధినిర్వహణపై పలు సూ చనలు చేశారు. కార్యక్రమంలో ప్లానింగ్‌ కో ఆర్డినేటర్‌ సతీష్‌కుమార్‌ పాల్గొన్నారు. వ్యక్తిపై కేసుపాల్వంచ: పెళ్లి చేసుకుంటానని నమ్మించి మోసం చేసి, బెదిరించిన వ్యక్తిపై బుధవారం పోలీసులు కేసు నమోదు చేశారు. పోలీసుల కథనం ప్రకారం.. పట్టణానికి చెందిన 25 ఏళ్ల యువతి రుద్రంపూర్‌ ప్రభుత్వ ఐటీఐలో చదువుతున్న సమయంలో కుర్సం శ్రీరాములు(నాని) పరిచయమయ్యాడు. ప్రేమిస్తున్నానని, వివాహం చేసుకుంటానని నమ్మించి ఆమెతో శారీరక సంబంధం ఏర్పరచుకున్నాడు. అనంతరం తన స్వగ్రామమైన బొజ్జలగూడెం తీసుకెళ్లి సుమారు రెండేళ్ళపాటు కలిసి ఉన్నాడు. ఇటీవల సదరు యువతి పెళ్లి విషయం నిలదీయగా వివాహానికి నిరాకరించాడు. బాధితురాలి తో పాటు ఆమె తల్లిదండ్రులను అసభ్యకర పదజాలంతో దూషించి బెదిరించాడు. బాధితురాలి ఫిర్యాదు మేరకు ఎస్‌ఐ నాగరాజు కేసు నమోదు చేసి దర్యాప్తు చేస్తున్నారు. ఇద్దరిపై పోక్సో కేసు నమోదుబయ్యారం: మహబూబాబాద్‌ జిల్లా బయ్యా రం మండలంలోని వేర్వేరు గ్రామాలకు చెందిన ఇద్దరు బాలికలు గర్భం దాల్చగా.. ఇందుకు కారణమైన ఇద్దరిపై పోలీసులు బుధవారం పోక్సో కేసులు నమోదు చేశారు. ఎస్సై ప్రశాంత్‌బాబు కథనం ప్రకారం.. మండలంలోని ఓ గ్రామానికి చెందిన యువకుడికి భద్రాద్రి జిల్లా టేకులపల్లి మండలానికి చెందిన బాలికతో వివాహం జరిపించగా ఆమె గర్భం దాల్చింది. అదేవిధంగా మండలంలోని మరో గ్రామానికి చెందిన ఇరువురు మైనర్లు కొంతకాలంగా సహజీవనం చేస్తుండడంతో బాలిక గర్భం దాల్చింది. ఈ ఘటనలపై ఐసీడీఎస్‌ సూపర్‌వైజర్‌ ఫిర్యాదు ఆధారంగా ఓ యువకుడు, బాలుడిపై పోక్సో కేసు నమోదు చేసినట్లు ఎస్సై తెలిపారు.

చుంచుపల్లి: జిల్లావ్యాప్తంగా గురువారం నుంచి వచ్చే నెల 2వ తేదీవ రకు స్వచ్ఛతా హీ సేవా కార్యక్రమాలు చేపట్టనున్నారు. 471 గ్రామ పంచాయతీలు, రెండు మున్సిపాలిటీలు, కార్పొరేషన్‌ పరిధిలో ప్రభుత్వంతో ప్రజలు కలిసి పనిచేసేలా కార్యక్రమాలు నిర్వహించనున్నారు. పరిశుభ్రతను పెంపొందించడంతోపాటు చెత్త సమస్యకు శాశ్వత పరిష్కారం చూపడం, వ్యర్థాలను సక్రమంగా నిర్వహించడం, ప్రజల్లో బాధ్యతను పెంచడం వంటి అంశాలకు ప్రాధాన్యం ఇవ్వనున్నారు. స్వచ్ఛతలో భాగస్వామ్యం–స్వచ్ఛ భారత్‌–వికసిత భారత్‌ అనే స్ఫూర్తితో నిర్వహించే ఈ కార్యక్రమాల్లో ప్రజాప్రతినిధులు, అధికారులు, వివిధ వర్గాల ప్రజలను భాగస్వామ్యం చేయనున్నారు. ‘నా ఇల్లు–నా వీధి–నా గ్రామం–నా జిల్లా’ అనే నినాదంతో ప్రజలు ముందుకు వస్తే పరిశుభ్ర జిల్లాగా తీర్చిదిద్దే అవకాశం ఉంది. పాఠశాలల నుంచే పరిశుభ్రత విద్యార్థులు, యువతలో చిన్ననాటి నుంచే పరిశుభ్రతపై అవగాహన కల్పించేందుకు పాఠశాలల్లో ప్రత్యేక కార్యక్రమాలు నిర్వహించనున్నారు. పరిసరాల పరిశుభ్రత, చెత్త వేరు చేయడం, ప్లాస్టిక్‌ వినియోగం తగ్గించడం, పర్యావరణ పరిరక్షణ వంటి అంశాలపై అవగాహన కల్పించనున్నారు. వ్యర్థాలతో కళాకృతులు తయారు చేయడం, ఉపయోగపడే వస్తువులను రూపొందించడం వంటి కార్యక్రమాలతో ప్రజల్లో కొత్త ఆలోచనలకు ప్రోత్సాహం ఇవ్వనున్నారు. ఈ నెల 27న ప్రపంచ పర్యాటక దినోత్సవాన్ని పురస్కరించుకుని పర్యాటక ప్రాంతాల్లో ప్రత్యేక పారిశుద్ధ్య కార్యక్రమాలు చేపట్టనున్నారు. 17,18 తేదీల్లో పాఠశాలలు, కళాశాలల్లో విద్యార్థులు, యువతతో పరిశుభ్రతపై అవగాహన కార్యక్రమాలు, 19,20న చెత్త పేరుకుపోయే ప్రాంతాలను గుర్తించి ప్రత్యేక శుభ్రతా కార్యక్రమాలు, 21, 22న ప్రజలు ఎక్కువగా సంచరించే బహిరంగ ప్రదేశాల్లో ప్రత్యేక పారిశుద్ధ్య కార్యక్రమాలు నిర్వహించనున్నారు. 23,24న ఇంటింటి అవగాహన, ప్రజల భాగస్వామ్యంతో పరిశుభ్రత కార్యక్రమాలు, 30న పారిశుద్ధ్య కార్మికులకు ఆరోగ్య పరీక్షలు, రక్షణ పరికరాల పంపిణీ, సంక్షేమ కార్యక్రమాలు, అక్టోబర్‌ 1 ఉదయం 8 గంటలకు ‘ఒక రోజు.. ఒక గంట.. అందరం ఒక్కటిగా’అనే పిలుపుతో సామూహిక శ్రమదానం, అక్టోబర్‌ 2న గాంధీ జయంతిని పురస్కరించుకుని ప్రత్యేక గ్రామసభలు, స్వచ్ఛతా కార్యక్రమాలు నిర్వహిస్తారు.నేటి నుంచి అక్టోబర్‌ 2 వరకు స్వచ్ఛతా హీ సేవా కార్యక్రమాలు

కల్లూరురూరల్‌: కల్లూరు మండలం ముగ్గువెంకటాపురం సీ్త్రనిధి రుణాల్లో గోల్‌మాల్‌ జరిగింది. గ్రామంలో 22 మహిళా సంఘాలకు ఇచ్చిన రూ.43 లక్షల రుణాలు లెక్క తేలడం లేదు. రుణాలను క్రమం తప్పకుండా మహిళలు చెల్లించినా రికార్డుల్లో నమోదు కాకపోవడంతో వారు బుధవారం కల్లూరులోని సీ్త్ర శక్తి భవన్‌ ముందు నిరసన తెలిపారు. రుణ బకాయి, అందని బీమా ముగ్గు వెంకటాపురంలోని రేణుక గ్రూప్‌నకు రూ.3 లక్షల సీ్త్ర నిధి రుణం మంజూరైంది. ఇందులో బీమా రూ.20వేలు పోగా మిగతా రూ.2.80 లక్షలను ఏడుగురు సభ్యులు వాటాగా తీసుకున్నారు. రుణ మొ త్తాన్ని 2021 నాటికే చెల్లించినా, ప్రస్తుతం రూ.4.96 లక్షల బకాయి ఉందని రికార్డులో చూపిస్తున్నారని సభ్యులు చిలక పద్మ, చింతకాయల వెంకటరమణ వాపోయారు. అంతేకాక బీమా నగదు మినహా యించినా ఓ సభ్యురాలు 2023లో మృతి చెందితే రుణ బకాయి ఉందంటూ క్లెయిమ్‌ చేయలేదని తెలిపారు. అంతేకాక గ్రామానిరే చెందిన దుర్గమ్మ గ్రూప్‌ సభ్యులు 2020 సంవత్సరంలో రూ.2.5 లక్షల రుణం తీసుకుని 2023 నాటికి చెల్లించినా రికార్డులో బకాయిగా చూపిస్తున్నారని సభ్యలు చిలకా భాగ్యలక్ష్మి, శిరీష, రమ్య వెల్లడించారు. ఈమేరకు గ్రామంలోని 20 గ్రూపుల్లో ఇచ్చిన రూ.43 లక్షల రుణాలపై విచారణ చెల్లించాలని సభ్యులు డిమాండ్‌ చేశారు. ఈ విషయమై ఐకేపీ ఏపీఎం అశోక్‌రాణిని వివరణ కోరగా.. సీ్త్రనిధి రుణాలు, వసూళ్లకు సంబంధించి విచారణ జరిపిస్తామని చెప్పారు. డబ్బు చెల్లించిన మహిళలు తిరిగి చెల్లించాల్సిన అవసరం లేదని తెలిపారు. రుణాలు చెల్లించినా రికార్డులో బకాయే..

పాల్వంచరూరల్‌: పెద్దమ్మతల్లి ఆలయంలో తలనీలాలు పోగు చేసుకునే లైసెన్స్‌ హక్కులను ఏపీకి చెందిన వ్యక్తి రూ.18.75 లక్షలకు వేలంపాటలో దక్కించుకున్నాడు. మండల పరిధిలోని శ్రీకనకదుర్గ (పెద్దమ్మతల్లి) ఆలయంలో బుధవారం వ్యాపార దుకాణాలకు, తలనీలాలకు బహిరంగ వేలంపాట నిర్వహించారు. దేవాదాయ శాఖ కొత్తగూడెం డివిజనల్‌ పరిశీలకుడు కె.ఆనంద్‌ పర్యవేక్షించారు. భక్తులు సమర్పించిన తలనీలాలు పోగుచేసుకునేందుకు 11 నెలల కాలపరితికి వేలంపాట నిర్వహించగా, 12 మంది పోటీపడ్డారు. ఏపీ రాష్ట్రంలోని గుంటూరు జిల్లా పిరంగిపురానికి చెందిన శ్రీజగన్నాథం పాట దక్కించుకున్నాడు. గతేడాది తలనీలాలకు రూ.9.75 లక్షల ఆదాయం వచ్చింది. ఈ సారి రూ.9 లక్షల అదాయం అదనంగా లభించింది. ఈ ఏడాది జూలై 1 నుంచి ఈ నెల 16 వరకు ఆలయంలో పోగుచేసిన తలనీలాలను నల్లగొండ జిల్లా త్రిపురారం గ్రామానికి చెందిన ఆనగొంది సైదమ్మ రూ.2.95 లక్షలకు సొంతం చేసుకున్నారు. మిలిగిన వ్యాపార దుకాణాల పాటదారులు ఎవరూ ముందుకు రాకపోవడంతో ఈ నెల 30వ తేదీకి వేలంపాటలను వాయిదా వేసినట్లు ఈఓ విజయ్‌కుమార్‌ తెలిపారు.

టేకులపల్లి: హత్య కేసును పోలీసులు ఛేదించారు. బుధవారం టేకులపల్లిలో ఇల్లెందు డీఎస్పీ వెంకన్న బాబు వెల్లడించిన వివరాల ప్రకారం..పూనెం నారా యణ అలియాస్‌ రామనారాయణ (59) అనే వ్యక్తి ఛత్తీస్‌గఢ్‌ నుంచి నాలుగేళ్ల క్రితం ఆళ్లపల్లి మండలం సుద్దరేవు గ్రామానికి వలస వచ్చి కూలీగా పనిచేస్తున్నాడు. ఈ క్రమంలో కొమరం రామనాథం కుటుంబంతో అతనికి పరిచయం ఏర్పడి, వ్యవసాయ పనుల్లో సహాయం చేసేవాడు. అయితే రామనాథం ఇంటికి నారాయణ తరచూ రావడం, మద్యానికి బానిసకావడం, క్షుద్రపూజలు చేస్తాడనే అనుమానంతో పలుమార్లు గొడవలు జరిగాయి. ఈ నెల 11న రాత్రి కూడా నారాయణ మద్యం తాగి రామనాథం ఇంటికి వచ్చి గొడవపడ్డాడు. ఆ తర్వాత నారాయణను బెదిరించడానికి రామనాథం కత్తితో జల్లేరు వాగు వద్దకు వెళ్లాడు. అక్కడ నారా యణతో తీవ్ర స్థాయిలో వాగ్వాదం జరగ్గా కత్తితో దారుణంగా పొడిచి హత్య చేశాడు. మృతదేహాన్ని ముళ్లపొదల్లోకి నెట్టివేసి రామనాథం పారిపోయాడు. మర్కోడు పంచాయతీ సుద్దరేవు శివారులో జల్లేరు వాగు వద్ద మృతదేహం లభ్యంకాగా కేసు నమోదు చేసిన పోలీసులు దర్యాప్తు చేపట్టారు. బుధవారం సుద్దరేవు వద్ద నిందితుడిని అరెస్టు చేసి రిమాండ్‌కు తరలించారు. కేసును ఛేదించిన సీఐ బత్తుల సత్యనారాయణ, ఆళ్లపల్లి ఎస్‌ఐ సోమేశ్వర్‌, టేకులపల్లి ఎస్‌ఐ తిరుపతి, సిబ్బందిని డీఎస్పీ ప్రత్యేకంగా అభినందించారు.

పాల్వంచరూరల్‌: ఏజెన్సీ ప్రాంతంలో వ్యవసాయ భూములను చట్టవిరుద్ధంగా కమర్షియల్‌(వాణిజ్య) అవసరాలకు వినియోగిస్తున్నారు. మరికొందరు అనుమతులు లేకుండా వ్యవసాయ భూముల్లోనే వెంచర్లు వేసి ప్లాట్లుగా మార్చి విక్రయిస్తున్నారు. అయినా రెవెన్యూ అధికారులు మాత్రం పట్టించుకోవడంలేదు. మండల పరిధిలోని రంగాపురం నుంచి పాల్వంచ పట్టణం వరకు బీసీఎం జాతీయ రహదారికి ఇరువైపులా గిరిజన, గిరిజనేతర రైతులు వ్యవసాయ భూములపై ఆధారపడి జీవనం సాగిస్తున్నారు. అయితే కొందరు వ్యవసాయ భూములను కొనుగోలు చేసి ల్యాండ్‌ కన్వర్షన్‌ చేయకుండా, కొందరు తప్పుడు మార్గంలో కన్వర్షన్‌ చేయించుకుని కాంప్లెక్స్‌లు నిర్మించి వ్యాపారాలు సాగిస్తున్నారు. నాగారం కాలనీ వద్ద వాహనాల కంపెనీల పేరిట గిరిజనేతరులు భారీ షెడ్లను నిర్మించి వ్యాపారులు నిర్వహిస్తున్నారు. చట్టవిరుద్ధంగా వ్యవహరిస్తున్నవారిపై రెవెన్యూ అధికారులు చర్యలు తీసుకోవడంలేదని గిరిజనులు, గిరిజన సంఘాల నాయకులు ఆరోపిస్తున్నారు. కుంట రూ.10 లక్షలపైనే.. పెద్దమ్మగుడి దగ్గర నుంచి నాగారంకాలనీ వరకు రోడ్డు వెంట ఉన్న భూములకు అధిక డిమాండ్‌ ఉంది. ఎకరాకు రూ.50 నుంచి రూ.70 లక్షలు పలుకుతోంది. నాగారం కాలనీ నుంచి జగన్నాథపురం గ్రామం వరకు ఈ ధరలు ఉంటే, ఇక పెద్దమ్మగుడి వద్ద మాత్రం ఎకరం రూ. కోటికిపైనే పలుకుతోంది. ధరలు పెరగడంతో గిరిజనుల భూములపై అక్రమార్కుల కన్ను పడుతోంది. 1/70 చట్టం ఏం చెబుతోంది.. వ్యవసాయ భూమిని వాణిజ్య అవసరాలకు వినియోగించాలంటే చట్ట ప్రకారం అనుమతులు ఉండాలి. భూమి కొన్నాక నాలా పన్ను చెల్లించి నాన్‌ అగ్రికల్చర్‌గా మార్చుకున్న తర్వాతే ఏ వ్యాపారమైనా చేసేందుకు అవకాశం ఉంటుంది. సదరు భూమి షెడ్యూల్డ్‌ ఏరియా ల్యాండ్‌ ట్రాన్స్‌ఫర్‌ రెగ్యులేషన్‌ (ఎల్‌టీఆర్‌–1/70) చట్టం ఉల్లంఘన పరిధిలోకి రావడంలేదని అఫిడవిట్‌ సమర్పించాలి. ఒకవేళ ఎల్‌టీఆర్‌ పరిధిలో ఉంటే రెవెన్యూ శాఖ కన్వర్షన్‌కు అనుమతి ఇవ్వకూడదు. గిరిజనుల మధ్య భూ బదలాయింపు జరిగినా ఐటీడీఏ పీఓ/కలెక్టర్‌ నుంచి అనుమతులు తీసుకోవాల్సి ఉంటుంది. కానీ ఇవేమీ చేయకుండా పలువురు గిరిజనేతరులు జాతీయ రహదారి వెంట భూములను వాణిజ్య అవసరాలకు వినియోగిస్తున్నారు. మినహాయింపులు ఉన్నా.. ఏజెన్సీలో ఎల్‌టీఆర్‌ చట్టానికి కొన్ని మినహాయింపులు కూడా ఉన్నాయి. 1970కి ముందు నుంచే భూమి గిరిజనేతరుల చేతిలో ఉండి, రిజిస్ట్రేషన్‌/పట్టా కలిగి ఉంటే ఎల్‌టీఆర్‌ చట్టం వర్తించదని గతంలో న్యాయస్థానాలు తీర్పు ఇచ్చాయి. ఆ సమయంలో కూడా ఐటీడీఏ, రెవెన్యూ శాఖలు నిశితంగా లింక్‌ డాక్యుమెంట్లతో సహా పరిశీలించాకే అనుమతులు ఇవ్వాలి. తప్పుడు పత్రాలతో వాణిజ్య నిర్మాణాలు చేపడితే ఆ భూమిని ప్రభుత్వం స్వాధీనం చేసుకునే అధికారం ఉంటుంది. వ్యవసాయ భూములను కమర్షియల్‌గా మార్చుకోవాలంటే అది సాగుకు యోగ్యం కాదని ఆర్డీఓ నిర్ధారించాలి. ఆ తర్వాతనే రియల్‌ వ్యాపారానికి వినియోగించుకోవాలి, ఇందుకోసం ప్రభుత్వానికి సుమారు పదిశాతం మార్కెట్‌ విలువ ధర చెల్లించి అనుమతి పొందాలి. ఈ నిబంధనలు పాటించకుండానే కమర్షియల్‌ కాంప్లెక్స్‌లు వెలుస్తున్నాయి. కొందరు గ్రామ పంచాయతీ ద్వారా తీర్మానాలు చేయించుకుని పంటల సాగయ్యే భూములను కాజేస్తున్నారు. వ్యాపార కాంప్లెక్స్‌లు, ఫంక్షన్‌హాళ్లు నిర్మిస్తున్నారు. ఏజెన్సీ ప్రాంతంలో వ్యవసా య భూములను కన్వర్షన్‌ చేయడం నేరం. 1/70 నిబంధనలు ఉల్లంఘించి వ్యవసాయ భూములను కన్వర్షన్‌ చేసిన అధికారులపై చర్యలు తీసుకోవాలి. కన్వర్షన్‌ చేయకుండా వాణిజ్య అవసరాలకు వినిగియోగిస్తున్నవారిపైనా చర్యలు చేపట్టాలి. –సోయం సత్యనారాయణ, ఆదివాసీ సంఘం రాష్ట్ర నాయకుడు ఏజెన్సీ ప్రాంతంలో 1/70 భూ బదలాయింపు చట్టం ప్రకారం గిరిజనుల నుంచి గిరిజనులు మాత్రమే క్రయ, విక్రయాలు జరుపుకోవాలి. వ్యవసాయ భూములను కన్వర్షన్‌ చేసే అవకాశం ఉండదు. నిబంధనలు ఉల్లంఘిస్తే చర్యలు తీసుకుంటాం. సర్వే నంబర్ల ఆధారంగా ఫిర్యాదు చేస్తే విచారించి చర్యలు తీసుకుంటాం. –దారా ప్రసాద్‌, తహసీల్దార్‌, పాల్వంచ

భద్రాచలం: భద్రాచలం శ్రీ సీతారామ చంద్రస్వామి దేవస్థానంలో బుధవారం రామయ్య కల్యాణం కమనీయంగా జరిగింది. తొలుత తెల్లవారుజామున గర్భగుడిలో స్వామివారికి సుప్రభాత సేవ, సేవాకాలం, ఆరాధన తదితర పూజలు చేశారు. అనంతరం నిత్యకల్యాణానికి మిథిలా స్టేడియంలోని రామ సేవా మండపంలో స్వామివారిని కొలువుదీర్చారు. నిత్య కల్యాణ మూర్తులకు విశ్వక్సేన పూజ, పుణ్యావాచనం చేశారు. స్వామివారికి కంకణధారణ, యజ్ఞోపవీత ధారణ, అమ్మవారికి కంకణధారణ, యోక్త్రధారణ గావించి నిత్యకల్యాణ మహోత్సవాన్ని శాస్త్రోక్తంగా జరిపారు. శాశ్వత నిత్యాన్నదానానికి విరాళంభద్రాచలం: శ్రీ సీతారామ చంద్రస్వామి దేవస్థానం సన్నిధిలో జరిగే శాశ్వత నిత్యాన్నదానానికి బుధవారం పాల్వంచకు చెందిన భక్తులు విరాళం అందజేశారు. శ్రీనివాస కాలనీకి చెందిన జరబన వెంకన్న చౌదరి రూ. లక్ష ఆలయ అధికారులకు అందించగా, వారు దాతలకు రశీదు ఇచ్చారు. ఈ కార్యక్రమంలో ఆలయ పర్యవేక్షకుడు లింగాల సాయిబాబా, దాతల కుటుంబ సభ్యులు పాల్గొన్నారు. ప్రజాపాలన దినోత్సవానికి ముఖ్య అతిథిగా మంత్రి తుమ్మలసూపర్‌బజార్‌(కొత్తగూడెం): తెలంగాణ ప్రజా పాలన దినోత్సవం సందర్భంగా గురువారం ఉదయం 10 గంటలకు కలెక్టరేట్‌లో నిర్వహించనున్న కార్యక్రమానికి రాష్ట్ర వ్యవసాయ, సహకార, మార్కెటింగ్‌, చేనేత శాఖ మంత్రి తుమ్మల నాగేశ్వరరావు ముఖ్య అతిథిగా హాజరుకానున్నారు. ఈ సందర్భంగా మంత్రి జాతీయ పతాకాన్ని ఆవిష్కరించిన అనంతరం ప్రజలను ఉద్దేశించి సందేశం ఇవ్వనున్నారు. రీసర్వే వేగవంతం చేయాలిఅదనపు కలెక్టర్‌ వేణుగోపాల్‌ ములకలపల్లి(అన్నపురెడ్డిపల్లి): రైతుల సమన్వయంతో రీ సర్వే వేగవంతం చేయాలని అదనపు కలెక్టర్‌ వేణుగోపాల్‌ ఆదేశించారు. మండల పరిధిలోని నర్సాపురం శివారులో జరుగుతున్న రీ సర్వేను బుధవారం ఆయన పరిశీలించారు. సిబ్బందికి పలు సూచనలు చేశారు. కాగా, నర్సాపురం వెళ్తున్న క్రమంలో మధ్యలో రాళ్లవాగు నుంచి కారు వెళ్లే వీలు కాలేదు. బైక్‌పై వాగుదాటి, పొలాల గుండా సర్వే ప్రదేశానికి చేరుకున్నారు. తహసీల్దార్‌ స్వర్ణ, ఏడీ శ్రీనివాసరావు, సిబ్బంది రత్తయ్య, బాలకృష్ణ, పలువురు సర్వేయర్లు, రైతులు భీమిరెడ్డి శ్రీనివాస రెడ్డి, బన్నె ఏసుబాబు, చిన్నం వెంకటేశ్వర్లు. మల్లికార్జున రెడ్డి పాల్గొన్నారు. ‘చేయూత’కు 19,345 దరఖాస్తులుముగిసిన పింఛన్‌ దరఖాస్తు గడువు చుంచుపల్లి: కొత్త పింఛన్ల కోసం చేపట్టిన చేయూత దరఖాస్తుల స్వీకరణ గడువు ముగిసింది. జిల్లాలో వివిధ కేటగిరీల కింద బుధవారం సాయంత్రం 5 గంటల వరకు 19,345 దరఖాస్తులు వచ్చినట్లు అధికారులు వెల్లడించారు. అర్హత ఉన్నప్పటికీ ఇప్పటివరకు పింఛన్‌ అందని వారు, కొత్తగా పింఛన్‌ పొందేందుకు అర్హత సాధించిన వారు చేయూత కింద దరఖాస్తు చేసుకున్నారు. వృద్ధులు తప్ప వితంతువులు, దివ్యాంగులు, ఒంటరి మహిళలు తదితర వర్గా ల నుంచి దరఖాస్తులు వచ్చాయి. ఇక అధికారులు దరఖాస్తుల పరిశీలనపై దృష్టి పెట్టనున్నారు. వితంతువుల కేటగిరీలో 11,239, ఒంటరి మహిళలు 3,234, దివ్యాంగులు 4,778, చేనేత కార్మికులు ఒకరు, కల్లుగీత కార్మికుల విభాగంలో 93 చొప్పున దరఖాస్తులు అందాయి. ఇందులో గ్రామీణ ప్రాంతాల్లో 15,216 , పట్టణ ప్రాంతాల్లో 4,129 చొప్పున దరఖాస్తులు వచ్చాయని, రాత్రి వరకు ఆన్‌లైన్‌ ప్రక్రియ పూర్తయితే మరికొన్ని పెరిగే అవకాశం ఉందని అధికారులు తెలిపారు.

మణుగూరు రూరల్‌ : ఎస్‌ఐఆర్‌ ప్రక్రియలో అర్హులైన ప్రతీ ఒక్కరికి ఓటు హక్కు కల్పించాలని పినపాక నియోజకవర్గ ఈఆర్‌ఓ, ఐటీడీఏ పీఓ బి.రాహుల్‌ అధికారులను ఆదేశించారు. బుధవారం సమితిసింగారం గ్రామపంచాయతీలో ఎస్‌ఐఆర్‌ ఓటర్ల నమోదు కేంద్రాన్ని పరిశీలించారు. అనంతరం మణుగూరు తహసీల్దార్‌ కార్యాలయంలో అధికారులతో సమావేశమై నోటీసుల పంపిణీ, విచారణలు, పెండింగ్‌ కేసులు, ధ్రువపత్రాల పరిశీలనపై సమీక్షించారు. ఈ సందర్భంగా మాట్లాడుతూ అర్హుల పేర్లు తొలగించకుండా, అనర్హుల పేర్లు జాబితాలో చేరకుండా చూడాలన్నారు. తహశీల్దార్‌ అద్దంకి నరేష్‌, ఎంపీడీఓ శ్రీకాంత్‌, మున్సిపల్‌ కమిషనర్‌ ప్రసాదరావు, సిబ్బంది అనూష, రామారావు తదితరులు పాల్గొన్నారు.భద్రాచలం ఐటీడీఏ పీఓ రాహుల్‌

● ఐరన్‌ షాపు యజమాని షాపు, ఇంట్లో ఆకస్మికంగా సోదాలు ● ఐరన్‌ కొనుగోళ్లలో జీఎస్టీ ఎగవేత.. వ్యాపారి పరారీ!పాల్వంచ: పాల్వంచలోని ఓ ఐరన్‌ షాపు యజ మాని షాపులో, ఇంట్లో హైదరాబాద్‌కు చెందిన సీజీఎస్టీ, ఇంటెలిజెన్స్‌ అధికారులు బుధవారం తనిఖీలు చేపట్టడంతో పట్టణంలో కలకలం సృష్టించింది. సెజ్‌ యూనిట్‌ను ఫోర్జరీ పత్రాలతో ఏర్పా టు చేసుకుని జీరో పర్సంట్‌ జీఎస్టీతో ఐరన్‌ను కొనుగోలు చేసినట్లు ఫిర్యాదులు అందడంతో తనిఖీలు చేపట్టినట్లు తెలుస్తోంది. స్థానికుల కథనం ప్రకారం.. పట్టణంలోని బీసీఎం రోడ్‌లో ఉన్న తిరుమల ఐరన్‌ షాపు నిర్వాహకుడు దారా రవికిషోర్‌ షాపులో, నెహ్రూనగర్‌లోని ఇంట్లో ఏకకాలంలో సెంట్రల్‌ ఇంటెలిజెన్స్‌, విజిలెన్స్‌ సూపరింటెండెంట్‌ చంద్రశేఖర్‌, జీఎస్టీ సూపరింటెండెంట్‌ సౌజన్య ఆధ్వర్యంలో సుమారు పది మంది అధికారులు తనిఖీలు చేపట్టారు. అయితే వీరి రాకను గమనించిన సదరు వ్యాపారి సెల్‌ఫోన్‌ స్విచ్చాఫ్‌ చేసుకుని పరారీలో ఉన్నాడు. జీరో పర్సంట్‌ జీఎస్టీతో ఐరన్‌ కొనుగోలు? సదరు వ్యాపారి ఓ సెజ్‌ యూనిట్‌ పేరును ఫోర్జరీ పత్రాలతో సృష్టించి ఓ బడా కంపెనీకి సమర్పించి జీరో పర్సంట్‌ ట్యాక్స్‌తో ఐరన్‌ కొనుగోలు చేసినట్లు సమాచారం. భారీ ఎత్తున ఐరన్‌ను వివిధ ప్రాంతాలకు తరలించి సొమ్ము చేసుకున్నట్లు తెలు స్తోంది. ఈ వ్యవహారంపై ఆధారాలతో అధికారులకు ఫిర్యాదులు అందాయి. సుమారు రూ.30 కోట్ల మేరకు జీఎస్టీ ఎగవేతతో సరుకు తెప్పించినట్లు తెలుస్తోంది. దీంతో సోదాలు చేపట్టారు. తనిఖీలు రాత్రి వరకు కొనసాగాయి. ఈ విషయమై అధికారులను వివరణ కోరగా.. విచారణ అనంతరం పూర్తి వివరాలు వెల్లడిస్తామని తెలిపారు.

టేకులపల్లి: విద్యుత్‌ ట్రాన్స్‌ఫార్మర్ల నుంచి కాపర్‌ వైర్‌ చోరీ చేస్తున్న ముఠా సభ్యులను పోలీసులు అరెస్ట్‌ చేశారు. టేకులపల్లి సర్కిల్‌ ఆఫీస్లో మంగళవారం డీఎస్పీ యూ.వెంకన్నబాబు వెల్లడించిన వివరాల ప్రకారం... సీఐ బి.సత్యనారాయణ, ఎస్సై కె.తిరుపతి సిబ్బందితో కలిసి సమ్మక్క సారలమ్మ గద్దెల వద్ద మంగళవారం వాహన తనిఖీలు చేపట్టారు. పోలీసులను గమనించి ఆటోలో పారిపోతు న్న ముగ్గురు వ్యక్తులను పట్టుకున్నారు. విచారించగా నిందితులు పల్లపు వెంకటేష్‌, రౌతు రమేష్‌, వేముల సంతోష్‌గా తేలింది. వీరు ముత్యాలంపాడు, కోయగూడెం, శాంతి నగర్‌, సులానగర్‌, 9వ మైలు తండా, కొక్య తండా, బోడ్‌ ఏరియా పెట్రం చెలక తదితర ప్రాంతాల్లో 13 చోట్ల వరుస కాపర్‌ చోరీలకు పాల్పడినట్లు అంగీకరించారు. ఆటోను స్వాధీనం చేసుకున్నారు. రూ. 3.57లక్షల విలువైన 178.5 కేజీల కాపర్‌ వైరును పాల్వంచకు చెందిన స్క్రాప్‌ షాపు నిర్వాహకుడు సాయిరామ్‌, లోతువాగుకుక చెందిన తెలకలపల్లి బాబులకు విక్రయించినట్లు గుర్తించారు. నిందితులను అరెస్ట్‌ చేసి రిమాండ్‌కు తరలించారు. పరారీలో ఉన్న స్క్రాప్‌ వ్యాపారులు సాయిరామ్‌, తెలకలపల్లి బాబుల కోసం గాలింపు చర్యలు చేపట్టారు. కాగా, సీఐ, ఎస్‌ఐ, సిబ్బందిని డీఎస్పీ అభినందించారు. 13 చోట్ల రూ. 3.57 లక్షల విలువైన తీగ అపహరణ