Khammam District News

● విద్యార్థుల ప్రగతిపై తల్లిదండ్రులతో చర్చ ● ప్రోగ్రెస్‌ కార్డులు అందించనున్న ఉపాధ్యాయులువిద్యార్థుల ప్రగతిలో తల్లిదండ్రుల భాగస్వామ్యం కీలకంగా ఉంటుంది. జిల్లాలోని అన్ని ప్రభుత్వ పాఠశాలల్లో నేడు పేరెంట్స్‌ – టీచర్స్‌ మీటింగ్‌లు నిర్వహిస్తున్నారు. ఇప్పటికే విద్యార్థుల తల్లిదండ్రులకు సమాచారం ఇచ్చాం. తల్లిదండ్రులు ఈ సమావేశాలకు హాజరై పిల్లల విద్యా ప్రగతిని తెలుసుకుని, మెరుగుపడేలా ఉపాధ్యాయులతో సహకరించాలి. – వాసంతి, జిల్లా విద్యాశాఖాధికారిఖమ్మం సహకారనగర్‌: ప్రభుత్వ విద్యాసంస్థల్లో చదువుతున్న విద్యార్థుల పురోగతిని తల్లిదండ్రులకు తెలియజేసేందుకు గాను పేరెంట్స్‌ – టీచర్స్‌ మీటింగ్‌(సమావేశాలు) నిర్వహించాలని ప్రభుత్వం ఆదేశించింది. ఈ మేరకు గురువారం జిల్లాలోని అన్ని పాఠశాలల్లో పీటీఎం నిర్వహించనున్నారు. కాగా, జిల్లాలోని అన్ని యాజమాన్యాల పరిధి ప్రభుత్వ విద్యాసంస్థలు 1,176 ఉండగా, 66,650మంది విద్యార్థులు చదువుతున్నారు. ఎస్‌ఏ ఫలితాలపై విశ్లేషణ గతనెలలో సమ్మేటివ్‌ అసెస్‌మెంట్‌–1 పరీక్షలు నిర్వహించారు. ఈ పరీక్షల్లో వచ్చిన విద్యార్థులకు వచ్చిన మార్కులు, వారి అభ్యసన సామర్థ్యాలు, విద్యా ప్రమాణాలపై ఉపాధ్యాయులు తల్లిదండ్రులకు వివరిస్తారు. ఏయే సబ్జెక్టులలో వెనుకబడి ఉన్నారో వివరించి, ఇంటి వద్ద కూడా చదివించేలా సూచనలు చేస్తారు. ఆపై హోలిస్టిక్‌ ప్రోగ్రెస్‌ కార్డులు అందిస్తారు. అభ్యసన లోపాల గుర్తింపు ఎస్‌ఏ–1 పరీక్షల ఫలితాల ఆధారంగా విద్యార్థుల్లో అభ్యసన లోపాలను గుర్తించి, వెనుకబడిన వారిపై ప్రత్యేక శ్రద్ధ చూపనున్నారు. విద్యార్థులు కనీస అభ్యసన సామర్థ్యాలను సాధించేలా ఉపాధ్యాయులు ప్రత్యేక బోధన అమలుచేస్తారు. అంతేకాక విద్యార్థుల ప్రగతిని నిరంతరం పర్యవేక్షిస్తూ, వారి అభ్యసన స్థాయిని మెరుగుపరచడానికి తీసుకోవా ల్సిన చర్యలపై తల్లిదండ్రులతో చర్చిస్తారు. పాఠశాలతో పాటు ఇంటి వద్ద కూడా అనుకూలమైన అభ్యసన వాతావరణాన్ని కల్పించాలని సూచిస్తారు. కాగా, మెగా పీటీఎంతో పాటు గురువారం అన్ని ప్రభుత్వ పాఠశాలల్లో అమ్మ ఆదర్శ పాఠశాల కమిటీ సమావేశాలు కూడా నిర్వహించనున్నారు. పాఠశాల అభివృద్ధి, విద్యార్థులకు కల్పిస్తున్న సౌకర్యాలు, పాఠశాల అవసరాలు, సంబంధిత అభివృద్ధి కార్యక్రమాలపై కమిటీ సభ్యులతో చర్చిస్తారు.

పెనుబల్లి: మండలంలోని లంకపల్లిలో సోమవారం జరిగిన రోడ్డు ప్రమాదంలో గాయపడిన పుచ్చకాయల తులసమ్మ( 50) చికిత్స పొందుతూ బుధవారం మృతి చెందింది. ఆమె కూలీ పనులకు వెళ్లి ఇంటికి తిరిగి వస్తుండగా లంకపల్లి సెంటర్‌లో ద్విచక్ర వాహనం ఢీకొట్టింది. ఘటనలో తీవ్రంగా గాయపడిన తులసమ్మకు ఖమ్మంలో చికిత్స చేయిస్తుండగా బుధవారం మృతి చెందింది. ఆమెకు ఓ కుమార్తె, కుమారుడు ఉండగా, వీఎం బంజర్‌ పోలీసులు కేసు నమోదు చేశారు. అంతర్‌ జిల్లా ముఠా అరెస్ట్‌ ఖమ్మం క్రైం: తాళం వేసి ఉన్న ఇళ్లను గుర్తించేందుకు పొద్దంతా కారులో తిరుగుతూ రెక్కీ నిర్వహించడం.. ఎంపిక చేసుకున్న ఇళ్లలో రాత్రివేళ చోరీలకు పాల్పడుతున్న అంతర్‌ జిల్లా ముఠాను ఖమ్మం సీసీఎస్‌ పోలీసులు అరెస్ట్‌ చేశారు. గత ఐదు నెలలుగా ఈ ముఠా ఖమ్మం, మహబూబాబాద్‌ జిల్లాల్లోని పలు ప్రాంతాలకు చోరీకి పాల్ప డినట్లు గుర్తించారు. ఈ మేరకు అడిషనల్‌ డీసీపీ రామానుజం బుధవారం వివరాలు తెలిపారు. ఖమ్మంకు చెందిన చల్లా వెంకటేశ్వర్లు, పాయన నవీన్‌, వాజేడుకు చెందిన వేములవాడ జీవనప్రకాష్‌ కలిసి విలాసవంతమైన జీవి తానికి అలవాటు పడి చోరీలు మొదలు పెట్టారు. ఖమ్మం జిల్లాలోని వైరా, ఏన్కూరు, కల్లూరు, కారేపల్లితో పాటు మహబూబాబాద్‌ జిల్లాల్లోని పలు ప్రాంతాల్లో చోరీలకు పాల్పడగా కేసులు నమోదు నమోదయ్యాయి. ఈమేరకు సీపీఎస్‌ ఏసీపీ సర్వర్‌, సీఐలు రాజ్‌కుమార్‌ గౌడ్‌, వంశీకృష్ణ నిఘా వేయగా వారం క్రితం ఇద్దరు పట్టుబడ్డారు. ఈ బృందం నాయకుడు వెంకటేశ్వర్లును బుధవారం అరెస్ట్‌ చేయగా, ఒక కారు, యాభై గ్రాముల బంగారం, 400గ్రాముల వెండిం స్వాధీనం చేసుకున్నట్లు అడిషనల్‌ డీసీపీ తెలిపారు. ఈ సందర్భంగా ఏసీపీ సీఐ, ఎస్సైలతో పాటు ఉద్యోగులు వేణు, ఓంప్రకాష్‌, హరికృష్ణ, సుధీర్‌, నరసింహారావు, మంగిత్యా, జానీ, శ్రీధర్‌, సతీష్‌, సుందరం, నర్సింహారావును ఆయన అభినందించారు.

సాక్షి ప్రతినిధి, ఖమ్మం: జిల్లాపై ‘మురసు’ పంజా విసిరింది. రెండు రోజులుగా కురుస్తున్న వర్షాలతో పంట చేలలోకి నీరు చేరగా.. ప్రాజెక్టులు, చెరువులు అలుగు పోస్తున్నాయి. ఫలితంగా కొన్ని గ్రామాలకు రాకపోకలు స్తంభించాయి. జిల్లావ్యాప్తంగా మంగళవారం ఉదయం 8–30నుంచి బుధవారం ఉదయం 8.30 గంటల వరకు సగటున 9.2 సెం.మీ. వర్షపాతం నమోదైంది. అత్యధికంగా పెనుబల్లిలో 22.5 సెం.మీ. రికార్డు స్థాయి వర్షపాతం నమోదైందని అధికారులు వెల్లడించారు. ఇక బుధవారం రోజంతా జిల్లాలో జల్లులు కురిశాయి. ఉదయం 8–30నుంచి రాత్రి 7 గంటల వరకు 2.6 మి.మీ. వర్షపాతం నమోదైంది. వేంసూరు మండలంలో అత్యధికంగా 8.5 మి.మీ. వర్షపాతం నమోదు కాగా.. చలితీవ్రత పెరిగి వృద్ధులు, పిల్లలు ఇబ్బంది పడ్డారు. గురువారం సైతం తేలికపాటి వర్షాలు కురుస్తాయని వాతావరణ శాఖ వెల్లడించింది. ఈ సీజన్‌లో ఇదే.. ఈ ఏడాది వానాకాలం ప్రారంభమైనప్పటి నుంచి ఎల్‌నినో ప్రభావంతో వర్షాలు ముఖం చాటేశాయి. మళ్లీ ఈ నెలలో అర్నబ్‌ తుపాన్‌తో తక్కువ వర్షపాతమే నమోదు కాగా.. ప్రస్తుతం మురసు తుపాన్‌ ప్రభావంతో జోరువాన కురుస్తోంది. ఈ మొత్తం సీజన్‌లో ఇదే పెద్ద వర్షంగా రికార్డులు చెబుతున్నాయి. మంగళవారం ఉదయం నుంచి బుధవారం ఉదయం వరకు సత్తుపల్లి నియోజకవర్గంలో అత్యధిక వర్షపాతం నమోదైంది. పెనుబల్లిలో 22.5 సెం.మీ, సత్తుపల్లిలో 21.8, వేంసూరులో 21.2, కల్లూరులో 21 సెం.మీ. వర్షం కురిసింది. ఇక బుధవారం రోజంతా జిల్లాలో జల్లులు కురిశాయి. ఉదయం 8–30నుంచి రాత్రి 7 గంటల వరకు 2.6 మి.మీ. వర్షపాతం నమోదైంది. వేంసూరు మండలంలో అత్యధికంగా 8.5మి.మీ. వర్షపాతం నమోదు కాగా.. చలితీవ్రత పెరిగి వృద్ధులు, పిల్లలు ఇబ్బంది పడ్డారు. గురువారం సైతం తేలికపాటి వర్షాలు కురుస్తాయని వాతావరణ శాఖ వెల్లడించింది. ప్రాజెక్టులు, చెరువుల్లోకి వరద.. సీజన్‌లో సరైన వర్షాలు లేక వట్టిపోయిన ప్రాజెక్టులు, చెరువులు ప్రస్తుత తుపాన్‌తో జలకళ సంతరించుకుంటున్నాయి. తల్లాడ మండలం బిల్లుపాడు–రామచంద్రాపురం గ్రామాల మధ్య వాగు ఉధృతంగా ప్వహిస్తోంది. పాలేరు బ్యాలెన్సింగ్‌ రిజర్వాయర్‌ నీటినిల్వ సామర్థ్యం 23 అడుగులు కాగా.. ప్రస్తుతం 19.70అడుగులకు చేరింది. వైరా రిజర్వాయర్‌ నీటిమట్టం 19 అడుగులు కాగా, మంగళవారం వరకు 16.8 అడుగులుగా ఉంది. వైరాతో పాటు సమీప మండలాల్లో కురిసిన వర్షంతో వరద చేరగా బుధవారం 19అడుగులకు చేరి అలుగు పోస్తోంది. నీటిమట్టం ఉంది. సామర్థ్యం కలిగిన ఈ రిజర్వాయర్‌ నీటిమట్టం గరిష్టస్థాయికి చేరి అలుగు పోస్తోంది. పెనుబల్లి మండలంలోని లంకాసాగర్‌ మధ్య తరహా ప్రాజెక్టు 16 అడుగుల సామర్థ్యంతో ఉండగా, ప్రస్తుతం 6వేల క్యూసెక్కుల వరద చేరుతోంది. స్తంభించిన రాకపోకలు పెనుబల్లి మండలం పాతకారాయిగూడెం చెరువు అలుగు ఉధృతంగా పారుతుండడంతో రెండు గ్రామాలకు రాకపోకలు స్తంభించాయి. ఎర్రుపాలెం మండలం కట్టలేరుకు వరద ఉధృతి పెరుగుతోంది. సత్తుపల్లి శివారు రాజీవ్‌నగర్‌ వెళ్లే దారిలో పంట పొలాల నుంచి వరద నీరు పోటెత్తింది. పెనుబల్లి మండలం కుప్పెనకుంట్ల దీప చెరువు నీరు పోటెత్తడంతో గ్రామంలోని వెళ్లే రహదారి నీట మునిగింది. జిల్లాపై ‘మురసు’ పంజా

తుపాన్‌ ప్రభావంతో మంగళవారం నుంచి జిల్లా అంతటా వర్షం కురుస్తోంది. వర్షప్రభావం సత్తుపల్లి నియోజకవర్గంలో ఎక్కువగా ఉండగా, మండలంలోని బేతుపల్లి చెరువుకు సైతం వరద చేరుతోంది. ఈ విషయం తెలియడంతో చెరువులోని చేపలు వరదలో కొట్టుకుపోకుండా వలల కట్టేందుకు ఎనిమిది మంది మత్స్యకారులు వెళ్లారు. అయితే, వారు వలలు కట్టే సమయానికి వరద ఉధృతి తీవ్రంగా ఉండడం.. ఆపై మరింత పెరగడంతో అందులో చిక్కుకుపోయారు. దీంతో విషయాన్ని స్థానికులకు సమాచారం ఇచ్చేసరికి ఆలస్యం కాగా, సాయంత్రం అధికారులకు విషయం తెలిసింది. భద్రాద్రి జిల్లా దమ్మపేటకు చెందిన మహిళ వరదలో చిక్కుకోగా ఆమెను రక్షించేందుకు చాతకొండ బెటాలియన్‌ నుంచి ఎస్‌డీఆర్‌ఎఫ్‌ సిబ్బంది వెళ్లారు. అక్కడ మహిళను సురక్షిత ప్రాంతానికి చేర్చి తిరిగి బయలుదేరే సమయాన బేతుపల్లి చెరువు వరదలో మత్స్యకారులు చిక్కుకున్నారనే సమాచారాన్ని జిల్లా అధికారులు ఎస్‌డీఆర్‌ఎఫ్‌ బృందానికి తెలిపారు. దీంతో అక్కడి నుంచి నేరుగా బేతుపల్లికి చేరుకుని రెస్క్యూ బోట్లలో వెళ్లారు. తొలుత రామనగరానికి చెందిన మత్స్యకారుడు బొందల రమేష్‌, కాకర్లపల్లికి చెందిన మరో ఇద్దరు మత్స్యకారులను రక్షించి ఒడ్డుకు చేర్చారు. ఆ వెంటనే వారిని ఆస్పత్రికి తరలించారు. ఇద్దరిని రక్షించాక ఎస్‌డీఆర్‌ఎఫ్‌ సిబ్బంది 10 మంది రెండు బోట్లలో తిరిగి మత్స్యకారులు ఉన్న చోటుకు బయలుదేరారు. వీరి వెంట దారి చూపించేందుకు సత్తుపల్లి మండలం రామానగరం చెందిన మత్స్యకారుడు బొమ్మకంటి రాజు కూడా బోట్‌ ఎక్కాడు. వరదలో చిక్కుకున్న ఐదుగురు మత్స్యకారులు అలుగు పక్కన ఉన్న సిమెంట్‌ తొరను పట్టుకొని సురక్షితంగానే ఉండడంతో త్వరగానే రక్షించి తీసుకొస్తారని అంతా భావించారు. ఇంతలోనే దమ్మపేట మండలం నుంచి బేతుపల్లికి చెరువు పోటెత్తిన వరద ప్రవాహం అంతకంతకు పెరిగింది. ఈక్రమాన చెరువు నుంచి తమ్మిలేరు వాగుకు వరద పెరగడంతో చెరువు అలుగు వద్ద ఎస్‌డీఆర్‌ఎఫ్‌ సిబ్బంది వెళ్తున్న బోట్లు తిరగబడ్డాయి. దీంతో వారు అలుగులో నుంచి తమ్మిలేరు వాగులో కొట్టుకుపోయారు. పది మంది సిబ్బంది, వారితో వెళ్లిన మత్స్యకారుడు రాజు కూడా గల్లంతు కాగా.. ఒడ్డున ఉన్న సిబ్బంది అప్రమత్తమయ్యారు. ఎన్‌డీఆర్‌ఎఫ్‌ బోట్లలో బేతుపల్లి చెరువులోకి వెళ్లి అటు ఎస్‌డీఆర్‌ఎఫ్‌ సిబ్బంది, ఇటు మత్స్యకారుల కోసం గాలింపు మొదలుపెట్టారు. అంతేకాక చుట్టుపక్కల నుంచి అంబులెన్స్‌లను పిలిపించి పోలీస్‌ సిబ్బందిని భారీగా తరలించారు. అలాగే, సత్తుపల్లి పెద్ద వంతెన దగ్గర వరదలో ఎవరైనా కొట్టుకువస్తే రక్షించేలా పెద్ద తాళ్లతో సిబ్బందిని నియమించారు. మరోపక్క పెద్ద వంతెన బలహీనంగా ఉండటంతో సత్తుపల్లి – అశ్వారావుపేట మధ్య రాకపోకలను నిలిపివేశారు. వరదలో మత్స్యకారులు గల్లంతవడం, ఆ తర్వాత సిబ్బంది వెళ్లిన బోటు బోల్తా పడడంతో రాష్ట్ర మంత్రులు పొంగులేటి శ్రీనివాసరెడ్డి, తుమ్మల నాగేశ్వరరావు స్పందించారు. సహాయక చర్యల్లో నిమగ్నమైన కలెక్టర్‌ దివాకర, అధికారులతో ఫోన్‌లో మాట్లాడి సహాయక చర్యలను పర్యవేక్షించారు.బేతుపల్లి చెరువులో చిక్కుకున్న మత్స్యకారులు

ఖమ్మం సహకారనగర్‌: ప్రభుత్వం నిర్ణయించిన ధరలకే బియ్యం విక్రయించాలని, బియ్యం కృత్రిమ కొరత సృష్టించినా, ధరలు పెంచినా కఠిన చర్యలు తీసుకుంటామని కలెక్టర్‌ దివాకర టీ.ఎస్‌. స్పష్టం చేశారు. కలెక్టరేట్‌లో బుధవారం అదనపు కలెక్టర్‌ పి.శ్రీనివాసరెడ్డితో కలిసి ఆయన బియ్యం ధరల నియంత్రణ, సరఫరాపై వివిధ శాఖల అధికారులు, మిల్లర్లు, వ్యాపారులతో సమీక్షించారు. ఈ సందర్భంగా కలెక్టర్‌ మాట్లాడుతూ నిర్ణీత ధరలకు బియ్యం ప్రజలకు అందుబాటులో ఉండేలా అధికా రులు పర్యవేక్షించాలన్నారు. ప్రతీ షాప్‌ వద్ద బీపీటీ, కేఎన్‌ఎం రకం కిలో రూ.66, ఆర్‌ఎన్‌ఆర్‌, తెలంగాణ సోనా రకం కిలో రూ.74, హెచ్‌ఎంటీ, జేఎస్‌ఆర్‌ రకం బియ్యం కిలో రూ.79కు విక్రయించేలా బోర్డులు ఏర్పాటు చేయించాలని తెలిపారు. మిల్లర్ల నుంచి రిటైల్‌ వ్యాపారుల వరకు ఇదే ధరలు అమలయ్యేలా తనిఖీలు చేపట్టాలని చెప్పారు. పౌర సరఫరాల శాఖ అధికారి చందన్‌కుమార్‌, సివిల్‌ సప్లయీస్‌ డీఎం మల్లికార్జునబాబు తదితరులు పాల్గొన్నారు. ఈవీఎం గోదాం వద్ద భద్రత ఈవీఎం గోదాం పటిష్ట నిఘాతో భద్రతా ఏర్పాట్లు చేయాలని కలెక్టర్‌ దివాకర టీ.ఎస్‌. సూచించారు. కలెక్టరేట్‌ ఆవరణలోని ఈవీఎం గోదాంను బుధవారం ఆయన అదనపు కలెక్టర్‌ శ్రీనివాసరెడ్డితో కలిసి తనిఖీ చేశారు. ఈ సందర్భంగా కలెక్టర్‌ మాట్లాడుతూ గోడౌన్‌ వద్ద నిఘా పెంచి, భద్రతా లోపాలు రాకుండా చూడాలని తెలిపారు. ఎన్నికల విభాగం ఉద్యోగులు ఎం.ఏ.రాజు, అన్సారీ పాల్గొన్నారు.కలెక్టర్‌ దివాకర టీ.ఎస్‌.

గోదాంల్లోని బియ్యం పేదలకు పంచుతాం ఖమ్మంమయూరిసెంటర్‌: దేశంలో గత 50ఏళ్లలో లేనంత తీవ్రమైన కరువు పరిస్థితులు నెలకొన్నందున పాలకులు వెంటనే కరువు సహాయక చర్యలు చేపట్టాలని, లేనిపక్షంలో వచ్చేనెల ‘మార్చ్‌ టు గోడౌన్‌’ పేరిట గోదాంలను బద్దలుకొట్టి పేద ప్రజలకు బియ్యం పంపిణీ చేస్తామని అఖిల భారత వ్యవసాయ కార్మిక సంఘం జాతీయ ప్రధాన కార్యదర్శి బి.వెంకట్‌ వెల్లడించారు. ఖమ్మంలోని సుందరయ్య భవన్‌లో బుధవారం ఏర్పాటుచేసిన సమావేశంలో ఆయన మాట్లాడారు. ఎల్‌నినో వల్ల కొంత కరువు ఏర్పడితే, ప్రభుత్వాల నిర్లక్ష్యం, తప్పుడు విధానాలతో అది తీవ్రమైందని చెప్పారు. కరువు నివారణ, సహాయక చర్యల కోసం కేంద్ర, రాష్ట్ర ప్రభుత్వాలు తక్షణమే రూ.2 లక్షల కోట్లు కేటాయించి ప్రజా పంపిణీ వ్యవస్థ ద్వారా పేదలకు నిత్యావసర సరుకుల కోటా రెట్టింపు చేయాలని డిమాండ్‌ చేశారు. ఎఫ్‌సీఐ గోదాంల్లో 6కోట్ల టన్నుల ధాన్యం నిల్వలు ఉన్నా ఇవ్వకుండా, ప్రధాని మోదీ, సీఎం రేవంత్‌రెడ్డి కార్పొరేట్‌ కంపెనీలకు కొమ్ముకాస్తూ ధరల పెంపునకు సహకరిస్తున్నారని ఆరోపించారు. కాగా, ‘సర్‌’కు వ్యతిరేకంగా, జ్ఞానేష్‌కుమార్‌ రాజీ నామా డిమాండ్‌తో సుదీర్ఘ పోరాటం కొనసాగిస్తామని పేర్కొన్నారు. ఇక దేశంలో వ్యవసాయ రంగాన్ని మోదీ ప్రభుత్వం కార్పొరేట్‌ కంపెనీలకు కట్టబెట్టేలా రైతులకు ఇచ్చే సబ్సిడీల్లో కోత విధిస్తోందని ధ్వజమెత్తారు. కాగా, ఈనెల 15న నల్లగొండలో జరిగే అఖిల భారత రైతు సంఘం మహాసభలకు తెలంగాణ నుండి లక్ష మంది రైతులు, వ్యవసాయ కార్మికులు పాల్గొననున్నారని వెల్లడించారు. వచ్చే ఫిబ్రవరి 14 నుండి 17 వరకు బెంగళూరులో వ్యవసాయ కార్మిక సంఘం అఖిల భారత మహాసభలు జరగనున్నాయని తెలిపారు. సంఘం రాష్ట్ర ఉపాధ్యక్షుడు పొన్నం వెంకటేశ్వరరావు, జిల్లా అధ్యక్ష, కార్యదర్శులు మెరుగు సత్యనారాయణ, యర్రా శ్రీనివాసరావు, నాయకులు పడిగల నాగేశ్వరరావు, సారంగి పాపారావు తదితరులు పాల్గొన్నారు.

● విజిలెన్స్‌ ఎత్తులకు పైఎత్తులు వేస్తున్న వ్యాపారుల ● రైతుల పేరిట అమ్మకాలు, లైసెన్స్‌ లేకుండానే కొందరి వ్యాపారం ● కొరడా ఝులిపించేందుకు సిద్ధమవుతున్న మార్కెటింగ్‌ శాఖఖమ్మంవ్యవసాయం: పంట ఉత్పత్తుల క్రయవిక్రయాల్లో పన్ను ఎగ్గొట్టేలా వ్యాపారులు అనుసరిస్తున్న ఆర్‌డీ, జీరో ఎత్తులపై ప్రభుత్వం సీరియస్‌ గా ఉంది. ఖమ్మం మార్కెట్‌లో ఆర్‌డీకి చెక్‌ పెట్టడంతో మొదలైన వ్యవహారం రాష్ట్రవ్యాప్త విజిలెన్స్‌ తనిఖీలకు దారి తీసింది. ఈ తనిఖీల్లో విస్తుపోయే అంశాలు బయటపడినట్లు సమాచారం. ఈనేపథ్యాన మార్కెటింగ్‌ శాఖ వరంగల్‌ రీజినల్‌ డిప్యూటీ డైరెక్టర్‌ పద్మావతి రెండు రోజులుగా ఖమ్మంలో మకాం వేసి తనిఖీలు సాగిస్తున్నారు. కోల్డ్‌ స్టోరేజీల్లో అక్రమాలు, లైసెన్స్‌ లేని వ్యాపారాలు, అనుమతులు లేకుండా మిర్చి వంటి పంటల రవాణా వంటివి తనిఖీల్లో బయటపడగా, డీడీ ఇచ్చే నివేదిక ఆధారంగా కొందరు అధికారులు, కార్యదర్శులపైనా చర్యలు తీసుకునే అవకాశముందని తెలిసింది. ధర.. పన్నుల్లో వ్యత్యాసం పంట ఉత్పత్తుల క్రయవిక్రయాల్లో అక్రమాలకు తావు ఇవ్వకుండా ప్రభుత్వం వేస్తున్న ఎత్తులకు వ్యాపారులు పైఎత్తులు వేస్తున్నారు. రైతుల నుంచి కొనుగోలు చేసిన ధర కాకుండా తక్కువగా చూపించి పన్ను ఎగవేస్తున్నారు. వ్యవసాయ మార్కెట్లకు ఒక శాతం పన్నుతో పాటు పంటను బట్టి కేంద్ర, రాష్ట్ర ప్రభుత్వాలకు 4 – 5శాతం పన్నులు చెల్లించాల్సి ఉంటుంది. కానీ వ్యాపారులు ధర తక్కువగా నమోదు చేసి రేట్‌ డిఫరెన్స్‌(ఆర్‌డీ)తో పన్ను చెల్లిస్తున్నారు. ఇంకొందరు జీరో వ్యాపారం చేస్తూ పూర్తిగా ఎగవేస్తున్నారు. ఆర్‌డీ విధానానికి చెక్‌ పెట్టేందుకు ఖమ్మం మార్కెట్‌ అధికారులు కఠినంగా వ్యవహరించారు. దీంతో వ్యాపారులు ఆగస్టు రెండో వారంలో ఒకరోజు మిర్చి కొనుగోళ్లను నిలిపివేయగా.. ప్రభుత్వం ఆగ్రహించి రాష్ట్రవ్యాప్తంగా మార్కెట్లలో తనిఖీ చేయించింది. బయటపడిన అక్రమాలు ఖమ్మం, వైరా, మధిర, మద్దులపల్లి మార్కెట్ల పరిధి కోల్డ్‌ స్టోరేజీల్లో మిర్చి క్రయవిక్రయాల్లో ఆర్‌డీఓ, జీరో వ్యవహారాలు బయటపడ్డాయి. ఈక్రమాన వ్యాపారులు కోల్డ్‌ స్టోరేజీల్లో నిల్వ ఉంచిన రైతుల పంటలను కొనుగోలు చేసి, వారి పేరిటే బయటకు తరలించి విక్రయించడం మొదలుపెట్టారు. ఈ విషయం ఉన్నతాధికారుల దృష్టికి చేరడంతో జిల్లా మార్కెటింగ్‌శాఖ అధికారులతో పాటు పలు మార్కెట్ల కార్యదర్శులకు నోటీసులు జారీ చేశారు. కాగా, వ్యాపారుల అక్రమాల్లో కొందరు ఉద్యోగుల ప్రమే యం కూడా ఉందనే చర్చ జరుగుతోంది. ఈ నేపథ్యాన ఆర్‌డీ, జీరో అంశాలపై విజిలెన్స్‌ బృందాల పనితీరు పరిశీలనకు మార్కెటింగ్‌ శాఖ వరంగల్‌ రీజియన్‌ డీడీ పద్మావతి రెండు రోజులుగా ఖమ్మంలో మకాం వేశారు. పలు మార్కెట్ల పరిధి కోల్డ్‌ స్టోరేజీలు, చెక్‌ పోస్టులతో పాటు ఖమ్మం మార్కెట్లో క్రయవిక్రయాలను పరిశీలించిన ఆమె పలుచోట్ల అక్రమాలను గుర్తించారని సమాచారం. ఓ కోల్డ్‌ స్టోరేజీ నుంచి అనుమతి లేకుండా లారీలో మిర్చి తరలిస్తున్నట్లు గుర్తించిన డీడీ, ఉన్నతాధికారులకు నివేదిక ఇచ్చినట్లు తెలిసింది. మొత్తంగా వైరా వ్యవసాయ మార్కెట్‌ పరిధిలో తొమ్మిది మంది, మధిర మార్కెట్‌ కమిటీ పరిధిలో 13 మంది వ్యాపారులు లైసెన్స్‌ లేకుండా క్రయవిక్రయాలు జరుపుతున్నట్లు గుర్తించారని సమాచారం. ఈ సందర్భంగా డీడీ మాట్లాడుతూ అక్రమాలకు పాల్పడే వారిపై చర్యలు తీసుకుంటామని తెలిపారు. ఇప్పటికే వైరా, మధిర మార్కెట్లలో లైసెన్సు లేకుండా వ్యాపారాలు చేసే వారిని గుర్తించగా, చెక్‌ పోస్టులపైనా నిగా వేశామని వెల్లడించారు.

ఎన్‌డీఆర్‌ఎఫ్‌ సిబ్బంది గాలిస్తూ ఎస్‌డీఆర్‌ఎఫ్‌ సిబ్బంది ఉన్న ప్రాంతాన్ని గుర్తించారు. వరద మధ్యలో ఉన్న చెట్టు ఆధారంగా ఉన్న నలుగురిని గుర్తించినా వారి వద్దకు చేరలేకపోయినట్లు తెలిసింది. ఆ తర్వాత రాత్రి 10–35 గంటలకు మత్స్యకారుల ఉన్న ప్రాంతం వద్దకు చేరుకున్నారు. అక్కడ కాకర్లపల్లికి చెందిన పొదిలి శ్రీనివాసరావు, పొదిలి అర్జున్‌రావు, పొదిలి రామయ్య, ఇనుముల అనిల్‌, రామనగరానికి చెందిన రమేష్‌ తదితరులను బోటులోకి ఎక్కించుకుని రాత్రి 11–15 గంటలకు ఒడ్డుకు చేరారు. మరో ఆరుగురు సిబ్బంది కోసం తిరిగి గాలింపు మొదలుపెట్టగా, గుర్తించిన నలుగురిని కూడా తీసుకురావాల్సి ఉండడంతో అర్ధరాత్రి పొద్దుపోయే వరకు ఉత్కంఠ కొనసాగుతోంది.

ఖమ్మం స్పోర్ట్స్‌: రాష్ట్రస్థాయి పాఠశాలల అండర్‌–17 అథ్లెటిక్స్‌ పోటీలు బుధవారం ఖమ్మంలోని పోలీస్‌ పరేడ్‌ మైదానంలో ప్రారంభమయ్యాయి. ఈసందర్భంగా డీఈఓ వాసంతి క్రీడా పతాకాన్ని ఎగురవేసి మాట్లాడుతూ విద్యార్థుల్లో క్రీడా ప్రతిభను మరింత మెరుగుపరుచుకునేందుకు పోటీలు దోహదం చేస్తాయని తెలిపారు. గెలుపోటములను సమానంగా స్వీకరించి నైపుణ్యాలు పెంచుకునేలా కృషి చేయాలని సూచించారు. అనంతరం డీవైఎస్‌ఓ టి.సునీల్‌రెడ్డి మాట్లాడుతూ ఖేలో ఇండియా అథ్లెటిక్స్‌ రాష్ట్ర స్థాయి పోటీల్లో జిల్లా క్రీడాకారులు ప్రతిభ చాటాలని ఆకాంక్షించారు. జాతీయస్థాయి పోటీలు సమీపించడంతో వాతావారణం అనుకూలించకపోయినా రాష్ట్రస్థాయి పోటీలు నిర్వహించడం అభినందనీయమని తెలిపారు. ఈకార్యక్రమంలో జిల్లా పాఠశాలల క్రీడా కార్యదర్శి వై.చిన్ని, ఎంఈఓ శైలజలక్ష్మి, సీఐ ఎస్‌.కే.నాగుల్‌మీరా, యూటీఎఫ్‌ జిల్లా అధ్యక్షుడు ఎస్‌.కే.రంజాన్‌, క్రీడా అసోసియేషన్ల బాధ్యులు ఆదర్శ్‌కుమార్‌, సుధాకర్‌, నాగూల్‌ మీరా, కంభం రాము, రోజా, సునీత రమాదేవి తదితరులు పాల్గొన్నారు. ఈ సందర్భంగా 1,500 మీటర్ల పరుగు పందెం పోటీలను డీఈఓ తదితరులు జెండా ఊపి ప్రారంభించారు. ఇందులో బాలుర విభాగం నుంచి ఎం.గణేష్‌(నల్లగొండ) ఎం.చరణ్‌ తేజ(ఆదిలాబాద్‌), వి.గణేష్‌(రంగారెడ్డి), బాలికల విభాగంలో ఎం.డీ.ఆస్మిన్‌(కరీంనగర్‌), ఎం.రాజేశ్వరి(ఆదిలాబాద్‌), పి.నక్షత్ర(రంగారెడ్డి) మొదటి మూడు స్థానాలు కై వసం చేసుకున్నారు. కాగా, ఈ పోటీలు గురువారం కూడా కొనసాగనున్నాయి.అండర్‌–17 పోటీలకు 500మంది అథ్లెట్ల హాజరు

పెనుబల్లి: ట్రాక్టర్ల పుల్‌వీల్స్‌ను ఎత్తుకెళ్తున్న ముఠా ను అరెస్ట్‌ చేసినట్లు సత్తుపల్లి రూరల్‌ సీఐ సరవయ్య తెలిపారు. వీఎంబంజర్‌, వేంసూరు పోలీసుస్టేషన్ల పరిధిలో నమోదైన కేసులకు సంబంధించి ఐదుగురిని అరెస్టు చేయడంతో పాటు రూ. 6.50 లక్షల విలువైన పుల్‌వీల్స్‌ స్వాధీనం చేసుకున్నామని వెల్ల డించారు. వీఎం బంజర్‌ స్టేషన్‌ బుధవారం ఏర్పాటుచేసిన సమావేశంలో ఆయన వివరాలు వెల్లడించారు. ఎస్‌ఐ షాకీర్‌, సిబ్బంది టి.వెంకటేశ్వర్లు, ఎస్‌.రాజమల్లు, జి.శ్రీనివాస్‌తో కలిసి వాహనా తనిఖీ చేస్తుండగా ముత్తగూడెం గ్రీన్‌ఫీల్డ్‌ హైవే బ్రిడ్జి వద్ద రెండు బొలెరో వాహనాల్లో ట్రాక్టర్‌ పుల్‌ వీల్స్‌ను తీసుకెళ్తున్న ఐదుగురిని గుర్తించారు. వీరి ఆరా తీయగా చక్రాలను చోరీ చేసినట్లు బయటపడింది. ఈమేరకు సత్తుపల్లి, దమ్మపేట, అశ్వారావుపేట మండలాలకు చెందిన పంతంగి చెన్నకేశవ, కుంట రాఘవేంద్ర, మేకల గోవర్దన్‌, పుచ్చి ముత్తయ్య, గోపిన నవీన్‌ పట్టుబడగా, ఎస్‌,కే.మస్తాన్‌ పరారీలో ఉన్నాడని సీఐ తెలిపారు. నిందితులను సత్తుపల్లి కోర్టులో హాజరుపర్చి, రిమాండ్‌కు తరలించినట్లు చెప్పారు. కాగా, కేసు విచారణలో కీలకంగా వ్యవహరించిన సీఐ నరసయ్య, వీఎం బంజర్‌, వేంసూరు ఎస్‌ఐలు షాకీర్‌, పల్లెల ప్రదీప్‌ ను సీపీ సునీల్‌దత్‌, ఏసీపీ వసుంధర యాదవ్‌ అభినందించారు.

ఖమ్మంఅర్బన్‌: జల వనరుల శాఖలో నిబంధనలకు విరుద్ధంగా, కక్షపూరితంగా జారీ చేసిన డిప్యూటేషన్లను రద్దు చేయాలని టీఎన్జీవోస్‌ జిల్లా అధ్యక్ష, కార్యదర్శులు గుంటుపల్లి శ్రీనివాసరావు, కొణిదెన శ్రీనివాస్‌ డిమాండ్‌ చేశారు. ఈమేరకు బుధవారం ఖమ్మంలో సీఈ వాసంతికి వినతిపత్రం అందజేసి మాట్లాడారు. పదోన్నతిపై బాధ్యతలు చేపట్టిన కొద్దికాలానికే గెజిటెడ్‌, నాన్‌గెజిటెడ్‌, నాలుగో తరగతి, ఔట్‌సోర్సింగ్‌ ఉద్యోగులకు ఇష్టానుసారంగా డిప్యూటేషన్లు ఇస్తున్నారని పేర్కొన్నారు. కల్లూరు సర్కిల్‌ జూనియర్‌ అసిస్టెంట్‌ మాతంగి రవిని తొలుత ఏన్కూరు సబ్‌డివిజన్‌కు డిప్యుటేషన్‌పై పంపి, అనంతరం కొత్తగూడెం క్వాలిటీ కంట్రోల్‌ సబ్‌డివిజన్‌కు బదిలీ చేశారని తెలిపారు. అలాగే సత్తుపల్లి డివిజన్‌ ఔట్‌సోర్సింగ్‌ డీఈఓ రమేష్‌ను ఖమ్మం ప్రధాన కార్యాలయానికి పంపారని పేర్కొన్నారు. ఉద్యోగుల వ్యక్తిగత, కుటుంబ పరిస్థితులను పరిగణనలోకి తీసుకోకుండా జారీ చేస్తున్న ఉత్తర్వులను రద్దు చేసి ఉద్యోగులకు న్యాయం చేయాలని కోరారు.

● అరుదైన వ్యాధి చికిత్సకు రూ.22 లక్షలు అవసరం ● దాతలు చేయూత ఇవ్వాలని కుటుంబం వేడుకోలునేలకొండపల్లి: ఓ చిన్నారి ప్రాణాపాయ పరిస్థితుల్లో కొట్టుమిట్టాడుతోంది. అరుదైన వ్యాధి బారిన పడిన బాలిక చికిత్సకు రూ.22లక్షల అవసరమని చెప్పడంతో నిరుపేద కుటుంబం కన్నీరుమున్నీరవుతోంది. దాతలు దయతలచి తమ బిడ్డ ప్రాణాలు కాపాడాలని తల్లిదండ్రులు కోరుతున్నారు. పుట్టుకతో వచ్చే సమస్య నేలకొండపల్లికి చెందిన కొత్తా రవీందర్‌ సాధారణ మెకానిక్‌గా జీవనం సాగిస్తున్నాడు. ఆయన కుమార్తె మహాన్య కొన్నాళ్ల క్రితం అనారోగ్యం బారిన పడడంతో ఆస్పత్రిలో చూపించగా.. ‘కోలెడోచల్‌ సిస్ట్‌’ సమస్యతో బాధపడుతున్నట్లు తేలింది. తద్వారా కాలేయం నుంచి పిత్తాశయం, చిన్న పేగులకు జీర్ణ సంబంధిత పైత్యరసాన్ని తీసుకుకెళ్లే పైత్య వాహికలు అసాధారణంగా విస్తరించడం లేదా బెలూన్‌లా ఉబ్బడం వల్ల వచ్చే అరుదైన సమస్యగా గుర్తించారు. దీంతో రవీందర్‌ తన స్థాయికి మించి అందినకాడికల్లా అప్పులు తెచ్చి వైద్యం చేయించారు. ప్రస్తుతం హైదరాబాద్‌లోని ఓ ప్రైవేట్‌ ఆస్పత్రిలో మహాన్యను చేర్పించగా, చికిత్స, ఇతర వైద్య ఖర్చుల కోసం దాదాపు రూ.22 లక్షల వరకు అవసరమని వైద్యులు తెలిపారు. ఇంత డబ్బు ఎలా సమకూర్చుకోవాలో తెలియక రవీందర్‌ కుటుంబం కన్నీరుమున్నీరవుతోంది. తమ బిడ్డను కాపాడుకునేందుకు దాతలు చేయూతనివ్వాలని కోరుతున్నారు. ఆర్థిక సాయం చేయాలనుకునే వారు 97054 75820 నంబర్‌కు ఫోన్‌ పే చేయాలని రవీందర్‌ విజ్ఞప్తి చేశారు.

● ప్రవళిక మృతికి నిరసనగా బస్సులు బంద్‌ ● రీజియన్‌ వ్యాప్తంగా కార్మికుల ఆందోళనలు ● ప్రభుత్వ హామీతో మధ్యాహ్నం తర్వాత విధుల్లోకి సిబ్బంది..ఖమ్మం మయూరిసెంటర్‌/మణుగూరు టౌన్‌: కండక్టర్‌ ప్రవళికకు కుటుంబీకులు, సహచర కన్నీటి వీడ్కోలు పలికారు. అశ్వాపురం మండలం మిట్టగూడెం వద్ద గత నెల 25న మణుగూరు డిపో బస్సులో నుంచి ప్రయాణికురాలు తోసేయడంతో ప్రవళిక బస్సు టైర్ల కింద పడి తీవ్ర గాయాలతో చికిత్స పొందుతూ మృతి చెందింది. ఆమె మృతికి నిరసనగా ఆర్టీసీ కార్మికులు బుధవారం రీజియన్‌లో బంద్‌ నిర్వహించారు. కండక్టర్‌ కుటుంబానికి న్యాయం చేయాలని, ఘటనకు బాధ్యులపై కఠిన చర్యలు తీసుకోవాలని డిమాండ్‌ చేస్తూ బుధవారం డిపోల వద్ద కార్మికులు విధులు బహిష్కరించి నిరసన తెలిపారు. నిలిచిపోయిన బస్సులు రీజియన్‌లోని డిపోల వద్ద ఆర్‌టీసీ కార్మికులు, సంఘాల నాయకులు కార్మిక జేఏసీ ఆధ్వర్యాన నల్ల బ్యాడ్జీలు ధరించి వర్షంలోనూ ఆందోళన చేపట్టారు. దీంతో బస్సులు డిపోల నుంచి బయటకు రాలేదు. బుధవారం మధ్యాహ్నం ఒంటిగంట వరకు రీజియన్‌ వ్యాప్తంగా 515 సర్వీసులకు గాను 37 సర్వీసులు(7శాతం) మాత్రమే నడిచాయి. ఖమ్మం డిపోలో 139 సర్వీసులకు 18, మధిరలో 52 సర్వీసులకు 8, సత్తుపల్లిలో 99 సర్వీసులకు గాను మూడు, భద్రాచలంలో 74 సర్వీసులకు గాను ఒక్క బస్సే నడిచింది. కొత్తగూడెంలో 59, సర్వీసులకు గాను 5, ఇల్లందులో 32 సర్వీసులకు గాను 2 మాత్రమే నడిచాయి. ప్రవళిక విధులు నిర్వర్తించే మణుగూరులో 60 సర్వీసుల్లో ఒక్కటి కూడా నడవలేదు. ప్రభుత్వ హామీతో... కార్మికులు నిరసనలతో బస్సులు నిలిచిపోగా, ప్రభుత్వం ప్రవళిక కుటుంబానికి అండగా ఉంటామని ప్రకటించింది. ఆమె కుటుంబానికి కుటుంబానికి ఉద్యో గం, ఇందిరమ్మ ఇల్లు మంజూరు చేయనున్నట్లు రవా ణా శాఖ మంత్రి పొన్నం ప్రభాకర్‌ ప్రకటించారు. ప్రభుత్వం, ఆర్టీసీ తరఫున కలిపి రూ.10 లక్షల ఎక్స్‌గ్రేషియా అందించడంతో పాటు, ఆర్టీసీ తీసుకున్న నిర్ణయం మేరకు బ్యాంకు నుంచి రూ.కోటి ప్రమాద బీమా కూడా అందుతుందని వెల్లడించారు. ఈమేరకు స్పష్టమైన ప్రకటన వెలువడటంతో కార్మికులు మధ్యాహ్నం తర్వాత సమ్మెను విరమించి విధుల్లో చేరగా బస్సులు రోడ్డెక్కాయి. ప్రయాణికులకు వెల్‌కమ్‌ చెప్పి.. గతంలో ఆర్టీసీ యాజమాన్యం ప్రయాణికులకు స్వాగతం చెబుతూ సిబ్బందితో వీడియోలు చేయించి సోషల్‌ మీడియాలో ప్రచారం చేసింది. అప్పుడు ప్రవళిక సురక్షితంగా గమ్యాన్ని చేరేందుకు ఎల్ల ప్పుడూ ఆర్టీసిలోనే ప్రయాణించండంటూ చేసిన వీడియో బుధవారం సామాజిక మాధ్యమాల్లో చక్కర్లు కొట్టింది. బస్సులోకి ప్రయాణికులకు వెల్‌కం చెప్పిన బంగారు తల్లి.. ఇక సెలవంటూ వెళ్లిపోయిందంటూ ఆర్టీసీ కార్మికులు నివాళులర్పించారు. కాగా, ఆమె మృతదేహాన్ని బుధవారం రాత్రి మణుగూరు డిపో వద్దకు తీసుకురాగా, తోటి కార్మికులు, కార్మిక సంఘాల నాయకులు నివాళులర్పించారు. తల్లి విజయలక్ష్మి, మహిళా కార్మికులు కన్నీరుమున్నీరయ్యారు. ఎమ్మెల్యే పాయం వెంకటేశ్వర్లు నివాళులర్పించారు. కండక్టర్‌ మృతిపై హత్య కేసు అశ్వాపురం: ఆర్టీసీ కండక్టర్‌ గుండు ప్రవళిక(28) మృతిపై బుధవారం పోలీసులు హత్య కేసు నమోదు చేశారు. ఈనెల 25న బస్సు ప్రమాదంపై ప్రయాణికురాలు, మండల పరిధిలోని పిచుకలపాడుతండా గ్రామానికి చెందిన మౌనికపై పోలీసులు హత్యాయత్నం కేసు నమోదు చేసి అరెస్ట్‌ చేసి రిమాండ్‌కు తరలించారు. కండక్టర్‌ మృతి చెందడంతో హత్య కేసుగా మార్చి దర్యాప్తు చేస్తున్నట్టు సీఐ ఎల్లయ్య తెలిపారు.

మత్స్యకారులు గల్లంతు కావడం, రక్షించేందుకు వెళ్లిన ఎస్‌డీఆర్‌ఎఫ్‌ సిబ్బంది బోట్‌ బోల్తా పడినట్లు తెలియగానే కలెక్టర్‌ దివాకర టీఎస్‌, అదనపు కలెక్టర్‌ శ్రీనివాసరెడ్డి చేరుకున్నారు. అలాగే, భద్రాద్రి ఎస్పీ రోహిత్‌రాజ్‌, సత్తుపల్లి ఎమ్మెల్యే రాగమయి కూడా వచ్చారు. అప్పటికే చీకటి పడడం, వరద ఉధృతితో సహాయక చర్యలకు ఆటంకం ఏర్పడింది. కాగా, వరద హెచ్చరికల నేపథ్యాన సహాయక చర్యల కోసం ముందస్తుగా విజయవాడ నుంచి ఎన్‌డీఆర్‌ఎఫ్‌ బృందాన్ని ఖమ్మంకు క్రితం రప్పించారు. కలెక్టర్‌ సూచనలతో ఆ బృందం బేతుపల్లి చెరువు వద్దకు చేరుకుని సహాయక చర్యలను ప్రారంభించింది.

డబుల్‌ బెడ్‌ రూమ్‌ ఇళ్లలోకి వరద సత్తుపల్లిటౌన్‌: సత్తుపల్లిలోని వేశ్యకాంతల చెరువు బుధవారం రాత్రి అలుగు పోటెత్తడంతో వరద నీరు సమీపంలోని డబుల్‌ బెడ్‌ రూమ్‌ ఇళ్లల్లోకి చేరింది. తమ్మినేరు వాగు ఉధృతి కారణంగా వరద వెనక్కి నెట్టి, గ్రౌండ్‌ఫ్లోర్‌లోని ఇళ్లు నీటమునిగా యి. దీంతో ఎమ్మెల్యే డాక్టర్‌ మట్టా రాగమయి చేరుకొని సహాయక చర్యలు చేపట్టారు. అక్కడ నివసిస్తున్న 96 కుటుంబాలను మున్సిపల్‌ ట్రాక్టర్ల ద్వారా సురక్షిత ప్రాంతాలకు తరలించారు. వరద ఉధృతికి జాతీయ రహదారిపైకి సైతం నీరు చేరింది.

ఖమ్మంమయూరిసెంటర్‌: వచ్చే ఏడాది జనవరిలో కోల్‌కతాలో జరగనున్న ట్రేడ్‌ యూనియన్‌ సెంటర్‌ ఆఫ్‌ ఇండియా(టీయూసీఐ) జాతీయ మహాసభల విజయవంతానికి అందరూ సహకరించాలని రాష్ట్ర ప్రధాన కార్యదర్శి ఎస్‌.ఎల్‌.పద్మ పిలుపునిచ్చారు. ఖమ్మంలోని రామనర్సయ్య విజ్ఞాన కేంద్రంలో జిల్లా అధ్యక్షుడు ఏ.వెంకన్న అధ్యక్షతన మంగళవారం జరిగిన జిల్లా కమిటీ సమావేశంలో ఆమె మాట్లాడుతూ దేశంలో సంఘటిత, అసంఘటిత రంగాల్లోని కార్మికులకు శ్రమకి తగ్గ పలితం లేకపోగా, కాంట్రాక్ట్‌, ఔట్‌ సోర్సింగ్‌ వ్యవస్థను పెంచి కనీస వేతనం, ఉద్యోగ భద్రత, లేకుండా చేశారని పేర్కొన్నారు. ఈమేరకు కార్మిక హక్కులపై జరుగుతున్న దాడిని తిప్పికొట్టేందుకు టీయూసీఐ అఖిల భారత మహాసభలు దోహదపడతాయని తెలిపారు. ఈ సమావేశంలో టీయూసీఐ జిల్లా ప్రధాన కార్యదర్శి జి.రామయ్య, నాయకులు సీ.వై.పుల్లయ్య, శ్రీనివాస్‌, ఆవుల అశోక్‌, పగిడి కత్తుల రామదాసు, గోస్‌ పుల్లయ్య, ధరావత్‌ సక్రు, కె.పుల్లారావు, పేరబోయిన వెంకన్న పాల్గొన్నారు.

ఖమ్మం లీగల్‌: ఖమ్మం రెండో అదనపు ప్రథమ శ్రేణి కోర్టు న్యాయమూర్తి ఏపూరి బిందుప్రియ బదిలీ అయ్యారు. ఆమెను మంచిర్యాల జిల్లా లక్సెట్టిపేట జూనియర్‌ సివిల్‌ జడ్జిగా బదిలీ చేస్తూ హైకోర్టు రిజిస్ట్రార్‌ జనరల్‌ నుంచి మంగళవారం ఉత్తర్వులు జారీ అయ్యాయి. పొగాకు రహిత సమాజ నిర్మాణానికి కృషి ముదిగొండ: పొగాకు రహిత సమాజ నిర్మాణానికి ప్రతీఒక్కరు పాటుపడాలని జిల్లా ప్రోగ్రాం అధికారి డాక్టర్‌ అరుణాదేవి సూచించారు. ముదిగొండ ప్రభుత్వ జూనియర్‌ కాలేజీలో మంగళవారం ఏర్పాటుచేసిన అవగాహన సదస్సులో ఆమె మాట్లాడారు. పొగాకు వినియోగంతో యువత భవిష్యత్‌ను నాశనం చేసుకుంటున్నారని పేర్కొన్నారు. పొగాకు ఉత్పత్తుల వినియోగంతో కేన్సర్‌ బారిన పడే ప్రమాదముందన్నందున అప్రమత్తంగా ఉండాలని తెలిపారు. వైద్యాధికారులు సోహెల్‌, సత్యనారాయణ, కాలేజీ ప్రిన్సిపాల్‌ శ్రీనివాసరావు, అధ్యాపకులు, ఉద్యోగులు టి.ఉష, నాగేంద్రప్రసాద్‌, మధుసూదన్‌, వసంత పాల్గొన్నారు. నవజాత శిశు రక్షణపై అవగాహనరఘునాథపాలెం: నవజాత శిశువుల ఆరోగ్య పరిరక్షణపై ఆశా కార్యకర్తలు అవగాహన కలిగి ఉండి, ప్రత్యేక శ్రద్ధ వహించాలని జిల్లా వ్యాక్సిన్‌ మేనేజర్‌ సీహెచ్‌.వెంకటరమణ సూచించారు. రఘునాథపాలెం మండలం మంచుకొండ పీహెచ్‌సీ పరిధి మంచుకొండ, బాలాజీనగర్‌ పీహెచ్‌సీలను మంగళవారం ఆయన తనిఖీ చేసి మాట్లాడారు. ఆశా కార్యకర్తలు వారి పరిధిలోని గర్భిణులు, బాలింతలు, నవజాత శిశువుల ఆరోగ్య పరిస్థితులను ఎప్పటికప్పుడు పర్యవేక్షించాలని తెలిపారు. గృహ సందర్శనల ద్వారా గర్భిణులు, బాలింతలకు జాగ్రత్తలపై అవగాహన కల్పించాలన్నారు. శిశువుల్లో ప్రమాద సంకేతాలను గుర్తించగానే ఆలస్యం చేయకుండా ఆస్పత్రులకు తరలించాలని తెలిపారు. సకాలంలో వ్యాధి లక్షణాల గుర్తింపు, ఆస్పత్రులకు సిఫారసు, ఆపై వైద్యం అందించడం ద్వారా మాతా, శిశు మరణాలను తగ్గించవచ్చని పేర్కొన్నారు. అలాగే, ఆశా కార్యకర్తలు, ఏఎన్‌ఎంలు జాతీయ ఆరోగ్య కార్యక్రమాల్లో వందశాతం లక్ష్య సాధనకు కృషి చేయాలని సూచించారు. ఈ సమావేశాల్లో వైద్యులు రంజిత్‌, మోనిక, శృతి, సూపర్‌వైజర్లు పాల్గొన్నారు. ‘ఆయిల్‌ఫెడ్‌’లో ఉద్యోగ నియామకాలుపోస్టుల భర్తీకి అనుమతించిన ఆర్థికశాఖఅశ్వారావుపేటరూరల్‌: తెలంగాణ సహకార నూనె గింజల సమాఖ్య లిమిటెడ్‌(టీజీ ఆయిల్‌ఫెడ్‌)లో దశాబ్దం తర్వాత ఉద్యోగాల భర్తీకి ఆర్థిక శాఖ గ్రీన్‌ సిగ్నల్‌ ఇచ్చింది. ఈ మేరకు జీవో 1712 ద్వారా గత నెల 31న ఉత్తర్వులు జారీచేసింది. సంస్థలో ఖాళీలను భర్తీ చేయాలన్న ప్రతిపాదనలతో నియామకాలకు అనుమతించింది. నియామకం పూర్తయితే ఆయిల్‌ఫెడ్‌లో ఉద్యోగుల కొరత చాలా వరకు తీరనున్నది. భర్తీ చేసే పోస్టులు ఇవే ఆయిల్‌ఫెడ్‌లో ఏళ్లుగా ఖాళీగా ఉన్న డిప్యూటీ మేనేజర్‌(ఎం.టెక్‌ –ఒక పోస్టు), డిప్యూటీ మేనేజర్‌(అగ్రి–ఒక పోస్టు), ఏఈఈ(మెకానికల్‌– ఆరు), కెమిస్ట్‌(ఒకటి), ఎగ్జిక్యూటివ్‌ (జనరల్‌–4), జూనియర్‌ ఆపరేటర్‌(4), జూనియర్‌ ఎగ్జిక్యూటివ్‌ (9), ఫీల్డ్‌ ఆఫీసర్లు(3) చొప్పున భర్తీకి అనుమతులు వచ్చాయి. ఈ పోస్టులన్నీ వచ్చే ఆర్థిక సంవత్సరం నాటికి భర్తీ చేసేలా ఉత్తర్వులు జారీ అయ్యాయి. వీటిని కాంట్రాక్ట్‌ పద్ధతిలో నియమించనున్నారు. మరో 73 పోస్టులు శాశ్వత విధానంలో భర్తీకి అనుమతి ఇవ్వగా, రెగ్యులర్‌ పోస్టులను రాత పరీక్ష ద్వారా ఎంపికచేసే బాధ్యతను జేఎన్‌టీయూకి అప్పగించారు. దీనికి సంబంధించి త్వరలోనే నోటీఫికేషన్‌ రానున్నట్లు సమాచారం. కాగా, ఔట్‌ సోర్సింగ్‌ ద్వారా నియమితులయ్యే ఉద్యోగులకు ఆయిల్‌ ఫెడ్‌ సంస్థ సొంత నిధుల నుంచే వేతనాలు చెల్లించాల్సి ఉంటుంది. దశాబ్ద కాలం తర్వాత రాష్ట్ర మంత్రి తుమ్మల నాగేశ్వరరావు చొరవతో ఉద్యోగాల భర్తీకి అనుమతులు రావడం పట్ల ఆయిల్‌పాం రైతు సంఘం బాధ్యులు హర్షం వ్యక్తం చేశారు.

తల్లాడ: మండలంలోని రంగంబంజర వద్ద మంగళవారం ఆర్టీసీ బస్సు, డీసీఎం వ్యాన్‌ ఎదురెదురుగా ఢీకొనడంతో ఎనిమిమది మంది ప్రయాణికులు గాయపడ్డారు. ఘటనకు సంబంధించిన వివరాలిలా ఉన్నాయి. సత్తుపల్లి నుంచి ఖమ్మం వెళ్తున్న సత్తుపల్లి డిపో బస్సును హైదరాబాద్‌ నుంచి తిరువూరు వైపు వెళ్తున్న వ్యాన్‌ అతివేగంగా ఢీకొట్టింది. ఘటనలో బస్సు భాగంగా దెబ్బతినగా ప్రయాణికలు కె.రమాదేవి, కె.బాలకృష్ణ, బానోత్‌ విజయరామరాజు, డి.పార్వతి, డి.చెన్నేశ్వర్‌రావు, డి.శివనాగలక్ష్మి, డి.సుజాతకు గాయాలయ్యాయి. ఈ తల్లాడ ఎస్‌ఐ ఎన్‌.వెంకటకృష్ణ చేరుకుని దర్యాప్తు చేపట్టారు. బస్సు ఢీకొని వృద్ధుడికి గాయాలు తిరుమలాయపాలెం: ఆర్టీసి బస్సు ఢీకొనడంతో ఓ వృద్ధుడికి తీవ్ర గాయ్యాలయ్యాయి. మండలంలోని హస్నాబాద్‌ గ్రామానికి చెందిన నారెడ్డి పాపిరెడ్డి సోమవారం ఉదయం సుబ్లేడు క్రాస్‌ వద్ద ఆటో ఎక్కేందుకు రోడ్డు పక్కన నడిచి వెళ్తుండగా ఖమ్మం నుంచి మరిపెడ వైపు వెళ్తున్న వరంగల్‌ డిపో ఎలక్ట్రిక్‌ బస్సు ఢీకొట్టింది. ఘటనలో పాపిరెడ్డి కాళ్లకు తీవ్ర గాయాలు కాగా, ఆయన ఫిర్యాదుతో మంగళవారం పోలీసులు కేసు నమోదు చేశారు. ఎనిమిది మందికి గాయాలు

సాక్షి ప్రతినిధి, ఖమ్మం: బంగాళాఖాతంలో ఏర్పడిన అల్పపీడనంతో జిల్లా అంతటా ఎడతెరిపి లేకుండా వర్షం కురుస్తోంది. మురసు తుపానుతో జిల్లావ్యాప్తంగా మంగళవారం ఉదయం నుంచి రాత్రి వరకు వర్షం కురవగా.. చల్లగాలులు తోడయ్యాయి. ఏపీకి సరిహద్దుగా ఉన్న జిల్లాలోని మండలాల్లోనే ప్రభావం ఎక్కువగా ఉంది. వేంసూరు, ఎర్రుపాలెం, బోనకల్‌, సత్తుపల్లి, మధిర, కల్లూరు, పెనుబల్లి మండలాల్లో జల్లులుగా ప్రారంభమైన వాన అంతకంతకు పెరిగింది. కొద్దిరోజుల క్రితమే అర్నబ్‌ తుపాన్‌ రైతులను భయపెట్టింది. ఈ తుపాన్‌ ప్రభావం అంతగా లేకపోవడంతో ఊపిరి పీల్చుకున్నారు. ఇంతలోనే మురసు రూపంలో వచ్చిన మరో తుపాన్‌ రైతులను ఆందోళనకు గురిచేస్తోంది. బుధవారం కూడా జిల్లావ్యాప్తంగా భారీ వర్షాలు కురుస్తాయనే వాతావరణ శాఖ సూచనలు జారీ చేసింది. నిలకడగా వర్షం జిల్లావ్యాప్తంగా మంగళవారం ఉదయం వర్షం ప్రారంభమైంది. ఎడతెరిపి లేకుండా రోజంతా వర్షం కురవగా.. వానకు చలి తోడయింది. కొద్దిరోజుల క్రితం అర్నబ్‌ తుపాన్‌ మొదలైనా అది దిశ మార్చుకోవడంతో ఒక్కరోజు వర్షంతో ముప్పు తప్పింది. ప్రస్తుతం మురసు తుపాన్‌తో మంగళ, బుధవారం భారీ నుంచి అతిభారీ వర్షాలు కురుస్తాయని వాతావరణ శాఖ ప్రకటించింది. అయితే, మంగళవారం రోజంతా వాన కురిసినా భారీ వర్షం నమోదు కాలేదు. కానీ బుధవారం పరిస్థితి ఎలా ఉంటుందోనన్న భావనతో అధికారులు ముందస్తు చర్యలు చేపట్టారు. లోతట్టు ప్రాంతాలపై దృష్టి సారించడంతో పాటు భారీ వర్షాలతో వరదలు సంభవిస్తే అందుకు అనుగుణంగా తీసుకోవాల్సిన చర్యలకు సిద్ధమయ్యారు. ‘నీరు’గారుతున్న పంటలు తుపాన్‌ ప్రభావంతో చేతికి వచ్చిన పంటలు నీరు గారుతున్నాయి. ప్రధానంగా పత్తి చేలోనే తడిసి నీరు పట్టింది. ఇప్పటి వరకు రూ.9వేలకు పైగా క్వింటా ధర పలకగా తుపాన్‌ కారణంగా నాణ్యత, ధర పడిపోతుందని రైతుల్లో ఆందోళన నెలకొంది. ఇక వర్షంతో జిల్లాలోని చాలా ప్రాంతాల్లో వరి పైరు నేల వాలింది. గాలివానతో కొన్ని చోట్ల ధాన్యం నేల రాలింది. పంట కోతలకు సిద్ధమవుతున్న రైతులు ప్రస్తుత పరిస్థితిలో వెనకడుగు వేస్తున్నారు. అంతటా ముసురు పట్టడడంతో మరో రెండు రోజుల వరకు పంట కోతలు వాయిదా పడినట్టేనని తెలుస్తోంది.మండలం వర్షపాతం వేంసూరు 5.9 సత్తుపల్లి 4.7 కల్లూరు 3.4 మధిర 3.3 పెనుబల్లి 3.1 ఎర్రుపాలెం 3.1 బోనకల్‌ 2.9 వైరా 2.2

భద్రాచలం: నిరుద్యోగ గిరిజన యువత పోలీస్‌ ఉద్యోగాలు సాధించి జీవితంలో స్థిరపడాలని భద్రాచలం ఐటీడీఏ పీఓ బి.రాహుల్‌ సూచించారు. ఐటీడీఏ ప్రాంగణంలోని పీఎంఆర్సీ భవనం సమావేశ మందిరంలో నిర్వహిస్తున్న శిక్షణా కేంద్రాన్ని మంగళవారం ఆయన తనిఖీ చేశారు. అభ్యర్థులతో కూర్చొని బోధను పరిశీలించారు. ఈ సందర్భంగా పీఓ మాట్లాడుతూ అభ్యర్థులు నోట్స్‌ ప్రిపేర్‌ చేసుకుని పరీక్షలకు సిద్ధం కావాలన్నారు. పీఈటీసీ ప్రిన్సిపాల్‌ డాక్టర్‌ వీరూనాయక్‌, ఏసీఎంఓ రమేష్‌, కేర్‌టేకర్‌ సర్వేశ్వర్‌, వార్డెన్‌ మోహన్‌, పీడీలు వసంతం, పార్వతి పాల్గొన్నారు. ఐటీడీఏ పీఓ రాహుల్‌

● ●తిరిగి విధుల్లోకి తీసుకోవాలని ఉత్తర్వులు జారీ చేసిన సింగరేణి ● ఈ నెల 14వ తేదీ వరకు దరఖాస్తు గడువు విధించిన యాజమాన్యంరుద్రంపూర్‌/గోదావరిఖని: సింగరేణి సంస్థలో గైర్హాజర్‌ పేరుతో తొలగించిన కార్మికులను మళ్లీ విధుల్లోకి తీసుకునేందుకు యాజమాన్యం అంగీకరించింది. ఈమేరకు మంగళవారం ఆదేశాలు జారీ చేసింది. గైర్హాజరు కారణంగా 2023 నుంచి 2025 వరకు తొలగించిన ఉద్యోగుల కేసులను తిరిగి పరిశీలించాలని నిర్ణయించింది. ఇందుకోసం హైపవర్‌ కమిటీని ఏర్పా టు చేసింది. 2023 జనవరి 1 నుంచి 2025 డిసెంబర్‌ 31 మధ్య గైర్హాజరుతో తొలగించినవారు దరఖాస్తు చేసుకోవాలని స్పష్టం చేసింది. ఈ ఏడాది ఏప్రిల్‌ 1 నాటికి 46ఏళ్లు లేదా అంతకంటే తక్కువ వయసు కలిగి ఉండాలని పేర్కొంది. ఉప ముఖ్య మంత్రి భట్టి విక్రమార్క కోల్‌బెల్ట్‌ ప్రాంత ప్రజాప్రతినిధులతో సమావేశం సందర్భంగా డిస్మిస్డ్‌ ఉద్యోగులకు మళ్లీ ఉద్యోగ అవకాశం కల్పించాలని విన్నవించిన నేపథ్యంలో ఈ అంశాన్ని పరిశీలించాలని సింగరేణినిని ఆదేశించారు. ● తొలగించిన కాలానికి ముందున్న ఐదేళ్లలో ఏవైనా రెండేళ్లు కనీసం 100 మస్టర్లు పూర్తిచేసి ఉండాలి. ● జనరల్‌ అసిస్టెంట్‌ ట్రెయినీ అండర్‌గ్రౌండ్‌, కేటగిరీ–1 పోస్టులో పునర్‌ నియామకానికి వైద్యపరంగా ఫిట్‌గా ఉండాలి. ● అర్హత కలిగిన డిస్మిస్డ్‌ ఉద్యోగులు ప్రొఫార్మాలో దరఖాస్తు పూర్తించి చివరగా పనిచేసిన గని/ డిపార్ట్‌మెంట్‌ అధికారికి సమర్పించాలి. ● దరఖాస్తు సమర్పణకు ఈ నెల 14న చివరి తేదీగా నిర్ణయించారు. ● ఏరియా జీఎంలు అభ్యర్థుల దరఖాస్తులను పరిశీ లించి, తదుపరి చర్యల నిమిత్తం నిర్ణీత తేదీలోగా సంబంధిత అధికారులకు పంపించాలి. ● పూర్తివివరాల కోసం సంబంధిత గనులు లేదా శాఖల అధికారులను సంప్రదించాలి.

ఖమ్మం స్పోర్ట్స్‌: ఖేలో ఇండియా యూత్‌గేమ్స్‌లో భాగంగా ఖమ్మంకు కేటాయించిన ఆర్చరీ పోటీల నిర్వహణలో ఇబ్బందులు రాకుండా పట్టిష్టమైన ఏర్పాట్లు చేయాలని ఢిల్లీకి చెందిన శాయ్‌ కోచ్‌, పోటీల కోఆర్డినేటర్‌ రూపేష్‌కుమార్‌ సింగ్‌ సూచించారు. ఖమ్మంలోని సర్దార్‌ పటేల్‌ స్టేడియంలో పోటీల నిర్వహణకు ఉన్న వసతులను మంగళవారం ఆయన అధికారులతో కలిసి పరిశీలించారు. దేశంలోని వివిధ రాష్ట్రాలకు చెందిన 300 మందికి పైగా క్రీడాకారులు హాజరవుతారని చెప్పారు. ఈమేరకు పోటీల నిర్వహణతో పాటు క్రీడాకారుల వసతి, భద్రత ఏర్పాట్లపై ఇప్పటి నుంచే దృష్టి సారించాలని తెలిపారు. అంతేకాక క్రీడాభిమానుల కోసం ప్రత్యేక గ్యాలరీలు సిద్ధం చేయాలని చెప్పారు. తెలంగాణ అర్చరీ అసోసియేషన్‌ ప్రతినిధి, జాతీయ ఆర్చరీ డెవలప్‌మెంట్‌ కమిటీ సభ్యుడు పుట్టా శంకరయ్య మాట్లాడుతూ పోటీల నిర్వహణకు ఇబ్బంది రాకుండా ఏర్పాట్లు చేస్తామని తెలిపారు. ఇందుకోసం టెక్నికల్‌ కమిటీని ఏర్పాటు చేస్తున్నట్లు చెప్పారు. డీవైఎస్‌ఓ టి.సునీల్‌రెడ్డి మాట్లాడుతూ పోటీల విజయవంతానికి ఉన్నతాధికారుల సహకారం తీసుకుంటామని తెలిపారు. అథ్లెటిక్స్‌ కోచ్‌ ఎం.డీ.గౌస్‌, మేనేజర్‌ ఉదయ్‌కుమార్‌ తదితరులు పాల్గొన్నారు.కోఆర్డినేటర్‌, శాయ్‌ కోచ్‌ రూపేష్‌కుమార్‌

జిల్లా ఉపాధి కల్పన శాఖాధికారి మాధవి ఖమ్మం సహకారనగర్‌: విద్యార్థులు అంతర్లీనంగా దాగి ఉన్న ప్రతిభను గుర్తించి వెలికితీస్తే జీవితంలో ఉన్నత స్థాయికి చేరుకోవచ్చని జిల్లా ఉపాధి కల్పన శాఖాధికారి ఎన్‌.మాధవి తెలిపారు. ఖమ్మంలోని ఎస్‌ఆర్‌ బీజీఎన్‌ఆర్‌ కళాశాల విద్యార్థులు పి.రిషిక, ఎన్‌.మీనాక్షి, పి.శ్రావణి, ఎస్‌.కే.ఉద్దండు సాహెబ్‌, బి.గణేష్‌ రాష్ట్ర స్థాయిలో జిజ్ఞాస కేంద్రం నిర్వహించిన రాష్ట్రస్థాయి పోటీలో గణితం విభాగం నుంచి ప్రథమ బహుమతి సాధించారు. ఈమేరకు మంగళవారం జరిగిన సమావేశంలో విద్యార్థులను వీరికి రూ.30వేల చెక్కు అందజేసి మాధవి మాట్లాడారు. క్రమశిక్షణ, ఏకాగ్రత, అధ్యయనానికి తోడు తల్లిదండ్రులు, గురువులు చూపించే మార్గంలో నడిస్తే విజయాలు సొంతమవుతాయని తెలిపారు. కళాశాల ప్రిన్సిపాల్‌ మహ్మద్‌ జాకీరుల్లా అధ్యక్షతన జరిగిన ఈ కార్యక్రమంలో జిజ్ఞాస కోఆర్డినేటర్‌ డాక్టర్‌ ఎం.పిచ్చయ్యతో పాటు అధ్యాపకులు ఏఎల్‌ఎన్‌.శాస్త్రి, సునంద, సత్యవతి, కనకదుర్గ, శ్రీనివాస్‌, బంగారి, శ్రీనివాస శరీన్‌ తదితరులు పాల్గొన్నారు. పారామెడికల్‌ కోర్సుల్లో ప్రవేశ గడువు పొడిగింపు ఖమ్మం వైద్యవిభాగం: ప్రభుత్వ మెడికల్‌ కళాశాలలో కొనసాగుతున్న డిప్లొమా ఇన్‌ అనస్థీషియా టెక్నీషియన్‌, డిప్లొమా ఇన్‌ మెడికల్‌ ఇమేజింగ్‌ టెక్నీషియన్‌ కోర్సుల్లో ప్రవేశాల గడువును ఈనెల 13వరకు పొడిగించారు. రెండేళ్ల కాల వ్యవధితో ఈ కోర్సులు కొనసాగుతున్నాయని ప్రిన్సిపాల్‌ డాక్టర్‌ టి.శంకర్‌ తెలిపారు. రెండు కోర్సుల్లో 30 సీట్ల చొప్పున 60 సీట్లు అందుబాటులో ఉన్నాయని, బైపీసీ విద్యార్థులకు మొదటి ప్రాధాన్యత ఇవ్వనుండగా ఆ తర్వాత ఎంపీసీ, ఇతర కోర్సులు పూర్తిచేసిన విద్యార్థులకు సీట్లు కేటాయిస్తామని వెల్లడించారు. ఆసక్తి ఉన్న వారు వివరాల కోసం కళాశాల కార్యాలయంలో సంప్రదించాలని ప్రిన్సిపాల్‌ సూచించారు. స్కాలర్‌షిప్‌ దరఖాస్తులు పరిష్కరించాలి ఖమ్మంమయూరిసెంటర్‌: ఎస్సీ, బీసీ, మైనారిటీ సంక్షేమ శాఖల్లో విద్యార్థుల స్కాలర్‌షిప్లకు సంబంధించి ఆధార్‌ సీడింగ్‌ పూర్తి చేయాలని సాంఘిక సంక్షేమ శాఖ డీడీ జ్యోతి సూచించారు. ఖమ్మంలోని అంబేద్కర్‌ భవన్‌లో ప్రభుత్వ, ప్రైవేట్‌ కళాశాలల ప్రిన్సిపాళ్లతో మంగళవారం సమావేశమైన ఆమె మాట్లాడుతూ కళాశాల స్థాయిలో పెండింగ్‌ దరఖాస్తులను పరిష్కరించడంతో పాటు జిల్లా అధికారి కార్యాలయానికి ఫార్వర్డ్‌ చేయాలని తెలిపారు. విద్యార్థుల దరఖాస్తులు, అవసరమైన పత్రాలను పరిశీలించాలకే ఫార్వర్డ్‌ చేయాలని స్పష్టం చేశారు. కాగా, విద్యార్థుల ఆధార్‌ కార్డును బ్యాంకు ఖాతా నంబర్‌తో అనుసంధానంలో ఇబ్బందులు ఎదురైతే ఇండియా పోస్ట్‌ పేమెంట్స్‌ బ్యాంక్‌లో ఖాతా తెరవచ్చని బ్యాంకు మేనేజర్‌ రాజేష్‌ తెలిపారు. ఏదైనా కళాశాలలో 20 మందికి పైగా విద్యార్థులు ఉంటే తమ సిబ్బంది నేరుగా వస్తారని పేర్కొన్నారు. ఈ సమావేశంలో సంక్షేమ శాఖల ఉద్యోగులు మహ్మద్‌ అబ్దుల్‌ రవూఫ్‌, అజ్మీరా గోపీచంద్‌ నాయక్‌, వెక్కిరాల శ్రీనివాస్‌, మహ్మద్‌ అస్లాంఖాన్‌, శాంతం రవికిరణ్‌, కె.పవన్‌కుమార్‌, యాకూబ్‌పాషా, మల్లారెడ్డి, మురహరి పాల్గొన్నారు. బొగ్గు ఉత్పత్తికి ఆటంకం సత్తుపల్లి: తుపాన్‌ ప్రభావంతో సత్తుపల్లిలోని సింగరేణి గనుల్లో మంగళవారం బొగ్గు ఉత్పత్తికి ఆటంకం ఏర్పడింది. జేవీఆర్‌ ఓసీలో 40వేల టన్నులు, కిష్టారం ఓసీలో 8వేల టన్నుల బొగ్గు ఉత్పత్తి నిలిచిపోయింది. అంతేకాక జేవీఆర్‌ ఓసీలో 1.45లక్షల క్యూబిక్‌ మీటర్లు, కిష్టారంలో 45 వేల క్యూబిక్‌ మీటర్ల మట్టి వెలికితీత పనులకు అడ్డంకి ఏర్పడింది.

● మత్స్య శాఖలో నిబంధనలకు విరుద్ధంగా జారీ ● రెండేళ్ల క్రితం కోమట్లగూడెంలో అక్రమంగా 89 సభ్యత్వాలు ● ఆ సమయాన ఇన్‌చార్జ్‌గా ఉన్న అధికారిపై సస్పెన్షన్‌ వేటు ఖమ్మంవ్యవసాయం: మత్స్య శాఖకు సంబంధించి ప్రభుత్వ పథకాల అమలు, బీమా సౌకర్యం, ఉపాధి అవకాశాలకు సభ్యత్వం అవసరం కావడంతో విపరీతమైన డిమాండ్‌ ఏర్పడింది. దీన్ని ఆసరాగా చేసుకుని జిల్లాలో సభ్యత్వాల జారీలో యథేచ్ఛగా అక్రమాలు సాగుతున్నాయి. మత్స్యకారుల సంక్షేమం, ఉపాధి కోసం ప్రభుత్వం మత్స్య సహకార సంఘాలను ఏర్పాటు చేసింది. ఈ సంఘాల్లో అర్హులైన వారిని సభ్యులుగా చేరుస్తారు. అలా సభ్యత్వం ఉన్నవారికే కేంద్ర, రాష్ట్ర ప్రభుత్వాలు చేపల వేట, విక్రయానికి కేటాయించే వాహనాలు, ఇతర పథకాలు అందుతాయి. ప్రమాదవశాత్తు మరణించిన మత్స్యకారుల కుటుంబానికి రూ.5 లక్షల బీమా సౌకర్యం అమలవుతోంది. ఇష్టారాజ్యంగా జారీ నిబంధనలను విస్మరించి చింతకాని మండలం కోమట్లగూడెం మత్స్య సహకార సంఘం పరిధిలో 89మందికి సభ్యత్వాలు జారీ చేశారు. జిల్లా ఇన్‌చార్జ్‌ మత్స్యశాఖాధికారిగా ఆంజనేయస్వామి ఉన్న సమయాన ఈ సభ్యత్వాలు ఇచ్చారు. ఆయన 2022–24 కాలంలో జిల్లా అధికారిగా పనిచేసినా సభ్యత్వాలు ఇవ్వలేదు. ఆతర్వాత సూర్యాపేట జిల్లా అధికారిగా, మహబూబాబాద్‌ ఇన్‌చార్జిగా ఉంటూ అదనంగా ఖమ్మం బాధ్యతలు నిర్వర్తించిన సమయంలో టీ–మత్స్య పోర్టల్‌ యాప్‌లో 89 మందిని నమోదు చేశారు. దీనిపై సంఘ ప్రతినిధులు మంత్రి వాకిటి శ్రీహరి, డైరెక్టర్‌ నిఖిలకు ఫిర్యాదు చేయగా.. డిప్యూటీ డైరెక్టర్‌ సుజాత విచారణ జరిపారు. ఆమె ఇచ్చిన నివేదిక ఆధారంగా ఆంజనేయస్వామిని సస్పెండ్‌ చేస్తూ తాజాగా ఉత్తర్వులు జారీ చేశారు. 2021లోనూ ఇలాగే... 2021లో కూడా 17 మత్స్య సహకార సంఘాల పరిధిలో పలువురికి సభ్యత్వాలు ఇచ్చారు. ఇందులో 60 మందికి సరైన అర్హత లేకున్నా సభ్యత్వాలు ఇచ్చినట్టు బయటపడింది. నిబంధనలను తుంగలో తొక్కి ఉన్నతాధికారుల అనుమతి లేకుండా నూతన సభ్యత్వాలను జారీ చేసినట్లు తేలడంతో అప్పటి జిల్లా అధికారి షకీలా భానును సస్పెండ్‌ చేశారు. 500 సభ్యత్వాలు పెండింగ్‌ జిల్లాలో 900 వరకు జలాశయాలు ఉండగా, వీటి పరిధిలోని 237 మత్స్య సహకార సంఘాల్లో 16,644 మంది సభ్యులు కొనసాగుతున్నాయి. ప్రస్తుతం వివిధ సంఘాల నుంచి మరో 500 సభ్యత్వాల సిఫారసులు పెండింగ్‌లో ఉన్నాయి. కమిటీల మధ్య సమన్వయ లోపం, ధ్రువీకరణ పత్రాల్లో సమగ్రత లేకపోవడం, రాజకీయ జోక్యం వంటి అంశాలు సభ్యత్వాల కేటాయింపునకు ఆటంవకంగా మారిందని తెలుస్తోంది. అయితే, కొందరు ఏకంగా హైకోర్టును ఆశ్రయించి సభ్యత్వాలు పొందారు. కాగా, ప్రస్తుతం పెండింగ్‌ ఉన్న దరఖాస్తులను ఉన్నతాధికారుల ఆదేశాలు, నిబంధనల మేరకే పరిశీలిస్తామని ప్రస్తుత జిల్లా మత్స్యశాఖ అధికారి ఏ.మల్లేశం స్పష్టం చేశారు.నూతన సభ్యత్వాలకు మత్స్య సహకార సంఘాల కమిటీల తీర్మానంతో జిల్లా అధికారులకు సిఫారసు చేయాలి. జిల్లా అధికారులు పరిశీలించి ఉన్నతాధికారులకు పంపాలి. ఆతర్వాత వల వేయడం, లాగడం, తెప్పపై ఉండి వల విసరడం, ఈత కొట్టడం వంటివి పరీక్షించి నివేదికను రాష్ట్ర డైరెక్టర్‌కు సమర్పించాలి. అక్కడి నుంచి ఆమోదం లభిస్తేనే సభ్యత్వం ఇవ్వాల్సి ఉంటుంది.

రఘునాథపాలెం: రైతులు పండించిన పంట ఉత్పత్తులను గోదాముల్లో భద్రపర్చుకుని, ధర మెరుగ్గా ఉన్నప్పుడు అమ్ముకుంటే లాభాలు వస్తాయని ఇన్‌స్టిట్యూట్‌ ఆఫ్‌ కోఆపరేటివ్‌ మేనేజ్‌మెంట్‌ (ఐసీఎం) డైరెక్టర్‌ శ్యామ్‌కుమార్‌ తెలిపారు. వేర్‌ హౌసింగ్‌ డెవలప్‌మెంట్‌ అండ్‌ రెగ్యులేటరీ అథారిటీ(డబ్ల్యూడీఆర్‌ఏ), ఐసీఎం ఆధ్వర్యాన రఘునాథపాలెంలో రైతులు, వ్యాపారులు, మిల్లర్లకు మంగళవారం అవగాహన కల్పించారు. ఈ సందర్భంగా శ్యామ్‌కుమార్‌ మాట్లాడుతూ పంట కోతల సమయంలో తక్కువ ధర ఉన్నప్పుడు విక్రయించకుండా గోదాముల్లో భద్రపర్చుకుని, అనుకూలమైన సమయంలో విక్రయించడం ద్వారా ఆర్థిక ప్రయోజనం పొందవచ్చని వివరించారు. గోదాముల్లో 50 కిలోల బస్తా నెల అద్దె రూ.5గా నిర్ణయించగా, రైతులకు 35 శాతం రాయితీ వర్తిస్తుందని తెలిపారు. అనంతరం జింకలతండా రోడ్డులో గోదాంను పరిశీలించి రైతులకు అవగాహన కల్పించాలని మేనేజర్‌కు సూచించారు. ఈకార్యక్రమంలో రఘునాథపాలెం పీఏసీఎస్‌ చైర్మన్‌ తాతా రఘురాం, సర్పంచ్‌ గాజుల కృష్ణారావుతో పాటు గొడుగు నర్సింహారావు, బండారు నాగేశ్వరరావు, బోయిన వెంకటనర్సయ్య, బోడా కృష్ణ, నంద్యానాయక్‌, పురం రాములు, గాజుల నర్సింహారావు తదితరులు పాల్గొన్నారు.

కూసుమంచి: కాంగ్రెస్‌ అధికారంలోకి వచ్చాక పేదలకు మెరుగైన విద్య, వైద్యం అందించడాన్ని ప్రాధాన్యతగా తీసుకున్నామని రాష్ట్ర రెవెన్యూ, గృహనిర్మాణ, సమాచార శాఖల మంత్రి పొంగులేటి శ్రీనివాసరెడ్డి తెలిపారు. కూసుమంచి మండలం గంగబండతండా వద్ద రూ.45.50 కోట్ల వ్యయంతో నిర్మిస్తున్న వంద పడకల ఏరియా ఆస్పత్రి నిర్మాణ పనులను మంగళవారం ఆయన కలెక్టర్‌ దివాకర టీ.ఎస్‌.తో కలిసి పరిశీలించారు. నిర్మాణ పనుల పురోగతిని అఽధికారుల ద్వారా తెలుసుకున్న మంత్రి మాట్లాడుతూ వచ్చే జూన్‌ నెలాఖరుకు పనులను పూర్తి చేసి ఆస్పత్రిని అందుబాటులోకి తీసుకురావాలని ఆదేశించారు. గత ప్రభుత్వంలో అనారోగ్యం వస్తే పేదలు వైద్యం చేయించుకోలేక ఆర్థికంగా చితికిపోయే వారని తెలిపారు. కానీ తాము వచ్చాక ప్రభుత్వ ఆస్పత్రుల్లో నాణ్యమైన ఉచిత వైద్యం అందేలా భారీగా నిధులను కేటాయిస్తున్నామని చెప్పారు. పాలేరు నియోజకవర్గంలో వంద పడకల ఆస్పత్రి గత ప్రభుత్వంలో కలగా మిగిలితే తాము ఆ కలను నిజం చేస్తున్నామని తెలిపారు. ఈకార్యక్రమంలో డీసీహెచ్‌ఎస్‌ రాజశేఖర్‌, ఆర్‌డీఓ శ్రీనివాస్‌, వైద్యశాఖ ఈఈ ఉమామహేశ్వరరావు, తహసీల్దార్‌ సైదులు, సర్పంచ్‌లు వడిత్య రాజమ్మ, మేడిపల్లి విజయ, కాంగ్రెస్‌ మండల అద్యక్షులు బజ్జూరి వెంకటరెడ్డి, నాయకులు పాల్గొన్నారు. పేదల ఆత్మగౌరవానికి ప్రతీక ఇందిరమ్మ ఇళ్లు తిరుమలాయపాలెం: పేద ప్రజల ఆత్మగౌరవానికి ఇందిరమ్మ ఇళ్లు ప్రతీకగా నిలుస్తున్నాయని మంత్రి పొంగులేటి శ్రీనివాసరెడ్డి తెలిపారు. కలెక్టర్‌ దివాకరతో కలిసి తిరుమలాయపాలెం మండలంలోని దమ్మాయిగూడెంలో రెండో విడత లబ్ధిదారులు 187మందికి ఇళ్ల మంజూరు పత్రాలతో పాటు కల్యాణలక్ష్మి, షాదీ ముబారక్‌ చెక్కులు పంపిణీ చేశారు. అనంతరం మంత్రి మాట్లాడుతూ అర్హులైన నిరుపేదలందరికీ కుల, మత, రాజకీయాలకు అతీతంగా ఇందిరమ్మ ఇళ్లను మంజూరు చేస్తామని తెలిపారు. మండలంలో మొదటి విడత మంజూరైన 810 ఇళ్లలో 700 ఇళ్లు పూర్తయ్యాయని, చివరి నిరుపేదకు ఇల్లు అందే వరకు పథకం కొనసాగుతుందని వివరించారు. కలెక్టర్‌ దివాకర మాట్లాడుతూ పూర్తి అర్హత ఉన్న నిజమైన పేదలనే పారదర్శకంగా ఎంపిక చేస్తున్నామని తెలిపారు. అనంతరం ఏలువారిగూడెంలో ఎన్‌.నగేష్‌ – మంగమ్మ నిర్మించుకున్న ఇందిరమ్మ ఇంటి గృహప్రవేశంలో మంత్రి పాల్గొనగా, ఏలువారిగూడెంలో రూ.2 కోట్లతో చేపట్టే బీటీ రోడ్డు, బీరోలు జిల్లా పరిషత్‌ ఉన్నత పాఠశాల ఆవరణలో రూ.48 లక్షలతో నిర్మిస్తున్న ఓహెచ్‌ఎస్‌ఆర్‌ నిర్మాణ పనులకు శంకుస్థాపన చేశారు. ఆర్‌డబ్ల్యూఎస్‌, పీఆర్‌ ఎస్‌ఈలు శేఖర్‌రెడ్డి, జి.వెంకట్‌రెడ్డి, హౌజింగ్‌ పీడీ భూక్యా శ్రీనివాస్‌, ఆర్‌డీఓ ఎన్‌.శ్రీనివాస్‌, సిలార్‌ సాహెబ్‌, తహసీల్దార్‌ విల్సన్‌, ఆత్మ చైర్మన్‌ చావా శివరామకృష్ణతో పాటు నాయకులు, ప్రజాప్రతినిధులు రామసహాయం నరేష్‌రెడ్డి, బెల్లం శ్రీనివాస్‌, కొప్పుల అశోక్‌, వినోద, గుగులోతు తులసి, నర్సింహ, గుమ్మడి దేవభిక్ష, వనవాసం నరేందర్‌రెడ్డి తదితరులు పాల్గొన్నారు. కాగా, ఎర్రగడ్డ గ్రామపంచాయతీ పరిధి గోపాలపురంలో విద్యుత్‌ శాఖ లైన్‌ ఇన్‌స్పెక్టర్‌ గడ్డికొప్పుల రాములు ఉద్యోగ విరమణ సన్మానంలో కూడా మంత్రి పాల్గొని మాట్లాడారు. ఎస్‌ఈ ఇనుగుర్తి శ్రీనివాసాచారి, ఏదులాపురం మున్సిపల్‌ చైర్‌ పర్సన్‌ పోకబత్తిని అనిత తదితరులు పాల్గొన్నారు. ఖమ్మంరూరల్‌: రాష్ట్రంలో పేద ప్రజల సంక్షేమం, అభివృద్ధే ధ్యేయంగా పాలన సాగుతోందని మంత్రి పొంగులేటి శ్రీనివాసరెడ్డి తెలిపారు. ఏదులాపురం మున్సిపాలిటీ పరిధి 14, 15, 16వ వార్డుల్లో రూ.312.90 లక్షలతో నిర్మించే అంతర్గత సీసీ రోడ్ల పనులకు కలెక్టర్‌ దివాకరతో కలిసి శంకుస్థాపన చేశాక మంత్రి మాట్లాడారు. గత 33 నెలల కాలంలో కేవలం తెల్ల వారుపల్లి ప్రాంతంలోనే అభివృద్ధి పనులకు రూ.16.86 కోట్లు వెచ్చించామన్నారు. అలాగే, 105 మందికి ఇందిరమ్మ ఇళ్లు మంజూరు చేయడం ద్వారా పేదలకు అండగా నిలిచామని చెప్పారు. భూముల సమగ్ర సర్వే రాష్ట్రంలో సుమారు 125ఏళ్ల క్రితం భూముల సర్వే జరిగిందని, మళ్లీ ఇప్పుడు రాష్ట్రంలో ప్రతీ అంగుళాన్ని సర్వే చేసి భూములు ఉన్న ఆసాములకు భరోసా కల్పించే కార్యక్రమానికి శ్రీకారం చుట్టినట్లు మంత్రి పొంగులేటి అన్నారు. పాలేరు నియోజకవర్గంలోని అన్ని గ్రామాల్లో సర్వేపై జరగనుందని తెలిపారు. సర్వే పూర్తయ్యాక యజమానులకు క్యూఆర్‌ కోడ్‌, మ్యాప్‌తో సహా అందించి ప్రతీ భూమికి భూధార్‌ నంబర్‌ కేటాయిస్తామని చెప్పారు. మద్దులపల్లి మార్కెట్‌ కమిటీ చైర్మన్‌ హరినాధ్‌బాబు, హౌజింగ్‌ పీడీ భూక్యా శ్రీనివాస్‌, ఆర్‌డీఓ ఎన్‌.శ్రీనివాస్‌, మున్సిపల్‌ కమిషనర్‌ ఏ.శ్రీనివాసరెడ్డి తదితరులు పాల్గొన్నారు.

ఖమ్మం సహకారనగర్‌: దీపావళి సందర్భంగా ప్రజల భద్రతకు అత్యంత ప్రాధాన్యత ఇచ్చేలా టపాసుల దుకాణాల కేటాయింపులో పారదర్శకత పాటించాలని కలెక్టర్‌ దివాకర టీ.ఎస్‌. సూచించారు. కలెక్టరేట్‌లో మంగళవారం ఆయన అదనపు కలెక్టర్‌ డాక్టర్‌ పి.శ్రీజ, కేఎంసీ కమిషనర్‌ అభిషేక్‌ అగస్త్య, కల్లూరు సబ్‌ కలెక్టర్‌ అజయ్‌ యాదవ్‌తో కలిసి షాపుల కేటాయింపు, భద్రతా ఏర్పాట్లపై సమీక్షించారు. ఈ సందర్భంగా కలెక్టర్‌ దివాకర మాట్లాడుతూ టపాసుల విక్రయాలు, వినియోగం సందర్భంగా ప్రమాదాలు జరగకుండా అవసరమైన అన్ని జాగ్రత్తలు తీసుకోవాలన్నారు. ఈమేరకు అగ్నిమాపక, వైద్య శాఖల ఉద్యోగులు సిద్ధంగా ఉండాలని తెలిపారు. టపాసుల షాప్‌ల కేటాయింపులో అవకతవకలకు జరగకుండా లాటరీ విధానం అమలుచేయాలని సూచించారు. డివిజన్‌ స్థాయిలో సబ్‌ కలెక్టర్‌, ఆర్‌డీఓ ఆధ్వర్యాన సంబంధిత శాఖల అధికారులతో సమన్వయం చేసుకోవాలని తెలిపారు. కాగా, ఖమ్మంలో టపాసుల దుకాణాల ఏర్పాటుకు 224 దరఖాస్తులు అందగా, అందుబాటులో ఉన్న షాప్‌లను లాటరీ పద్ధతిలో కేటాయించనున్నట్లు వివరించారు. ఈసమావేశంలో డీఎంహెచ్‌ఓ రామారావు, కేఎంసీ అసిస్టెంట్‌ కమిషనర్‌ అనిల్‌కుమార్‌, డీపీఓ వినోద్‌కుమార్‌ తదితరులు పాల్గొన్నారు. కలెక్టర్‌ దివాకర టీ.ఎస్‌.

● కేంద్రం నుంచి రూ.25వేల కోట్ల సాయం కేటాయించాలి ● సీపీఐ రాష్ట్ర కార్యదర్శి కూనంనేని సాంబశివరావు కొణిజర్ల: ఎల్‌నినో ప్రభావం కారణంగా పంటలు పండక రైతులు, ప్రజలు ఇబ్బంది పడుతున్న నేపథ్యాన తెలంగాణను కరువు రాష్ట్రంగా ప్రకటించాలని సీపీఐ రాష్ట్ర కార్యదర్శి, కొత్తగూడెం ఎమ్మెల్యే కూనంనేని సాంబశివరావు డిమాండ్‌చేశారు. కొణిజర్ల, తనికెళ్లలో బీళ్లుగా మారిన భూములను మంగళవారం ఆయన పరిశీలించారు. అనంతరం తనికెళ్లలో కూనంనేని మాట్లాడుతూ ఎల్‌నినో ప్రభావంతో రాష్ట్ర వ్యాప్తంగా లక్షలాది ఎకరాల్లో రైతులు సాగు చేసిన పంటలు చేతికి రాక నష్టపోయారని తెలిపారు. వరి, పత్తి ఎకరానికి రూ.30వేలు, మిర్చి, ఇతర పంటలు ఎకరాకు రూ.50 వేలే కాక బీడు భూములకు సైతం పరిహారం అందించాలని డిమాండ్‌ చేశారు. అలాగే, వ్యవసాయ కూలీలకు కరువు భత్యంగా రూ.10 వేలతో పాటు రేషన్‌ బియ్యం, 16 రకాల నిత్యావసర వస్తువులు అందించాలన్నారు. కేంద్ర, రాష్ట్ర ప్రభుత్వాలు కరువుపై దృష్టి పెట్టకుండా నిందారోపణలు చేసుకుంటున్నారని, ఇకనైనా కేంద్రం జోక్యం చేసుకుని రాష్ట్రానికి రూ.25 వేల కోట్లు కరువు సాయం ప్రకటించాలన్నారు. రానున్న రోజుల్లో నీటి ఎద్దడి తీవ్రరూపం దాల్చే అవకాశం ఉన్నందున సీఎం రేవంత్‌రెడ్డి కరువు ప్రభావిత ప్రాంతాలపై దృష్టి సారించాలని సూచించారు. ఈకార్యక్రమంలో రైతు సంఘం రాష్ట్ర అధ్యక్షుడు బాగం హేమంతరావు, సీపీఐ నాయకులు జమ్ముల జితేందర్‌రెడ్డి, ఎర్రా బాబు, దొండపాటి రమేష్‌, గడల భాస్కరరావు, స్వర్ణ రమేష్‌, ఏపూరి రామాంజనేయులు, తోట రామాంజనేయులు, తదితరులు పాల్గొన్నారు.

కారేపల్లి: ప్రభుత్వ ఉద్యోగ, ఉపాధ్యాయులకు మెరుగైన ఫిట్‌మెంట్‌తో పీఆర్‌సీని సాధిస్తామని, అందుకోసం సంఘం బాధ్యులు ప్రభుత్వంతో చర్చలు జరుపుతున్నారని పీఆర్‌టీయూ జిల్లా అధ్యక్షుడు కట్టా శేఖర్‌రావు తెలిపారు. కారేపల్లి జిల్లా పరిషత్‌ ఉన్నత పాఠశాలలో జరిగిన సమావేశంలో ఆయన మాట్లాడారు. రానున్న ఎమ్మెల్సీ ఎన్నికల్లో పీఆర్‌టీయూ తరఫున రాష్ట్ర మాజీ అధ్యక్షుడు సుంకరి భిక్షంగౌడ్‌ పోటీ చేయనున్నారని తెలిపారు. ఆయనను గెలిపించుకుని ఉపాధ్యాయ, పట్టభధ్రుల సమస్యలపై ప్రభుత్వంతో పోరాడి హక్కులు సాధించుకుందామని పేర్కొన్నారు. ఈ సమావేశంలో పీఆర్‌టీయూ మండల అధ్యక్ష, ప్రధాన కార్యదర్శులు బానోతు నరసింహ, చంద్రశేఖర్‌, రాష్ట్ర, జిల్లా అసోసియేట్‌ అధ్యక్షులు ఎం.వేణుమాధవ్‌రావు, జి.విజయ అమృత్‌కుమార్‌తో పాటు అజ్మీర సోమ్లా, వి.విజయలక్ష్మి, బాలిన వెంకటరెడ్డి, హెచ్‌ఎం సాల్మన్‌రాజ్‌ తదితరులు పాల్గొన్నారు. పీఆర్‌టీయూ జిల్లా అధ్యక్షుడు శేఖర్‌రావు

సత్తుపల్లిటౌన్‌: సరదాగా వాలీబాల్‌ ఆడిన ముగ్గురు మిత్రులు బిర్యానీ తిని ద్విచక్ర వాహనంపై ఇంటికి వెళ్తుండగా గుర్తు తెలియని వాహనం ఢీకొట్టింది. ఘటనలో ఒకరు మృతి చెందగా, మిగతా ఇద్దరికి తీవ్ర గాయాలయ్యాయి. సత్తుపల్లి శివారు సింగరేణి బైపాస్‌ రోడ్డులో సోమవారం రాత్రి జరిగిన ఈ ప్రమాదం వివరాలిలా ఉన్నాయి. పెనుబల్లి మండలం లంకపల్లి పరిధి శ్రీనివాసపురానికి చెందిన కొరసా రాము(25) లారీ క్లీనర్‌గా పని చేస్తూ కుటుంబానికి పెద్ద దిక్కుగా ఉన్నాడు. అలాగే, కూలీ పనులతో కుటుంబాన్ని పోషించే పద్దం రాధాకృష్ణ, కాకా నర్సింహారావుతో కలిసి శ్రీనివాసపురంలో వాలీబాల్‌ ఆడారు. ఆ తర్వాత బైక్‌పై సత్తుపల్లికి వచ్చి బిర్యానీ తిన్నాక తిరుగు ప్రయాణమయ్యారు. సింగరేణి బైపాస్‌లోని జీఎం కార్యాలయం సమీప మలుపు వద్ద గుర్తు తెలియని వాహనం వీరి ద్విచక్ర వాహనాన్ని ఢీకొట్టింది. ఘటనలో తీవ్రగాయాలైన రాము అక్కడికక్కడే మృతి చెందగా, నర్సింహారావు, రాధాకృష్ణకు తీవ్ర గాయాలు కావడంతో 108లో సత్తుపల్లి ప్రభుత్వ ఆస్పత్రిలో చేర్పించారు. అయితే, వీరి పరిస్థితి కూడా విషమంగా ఉండడంతో మెరుగైన వైద్యం కోసం ఖమ్మం తరలించారు. కాగా, మృతుడు రాముకి పక్షవాతంతో బాధపడుతున్న తండ్రి తిరుపతయ్య, తల్లి అచ్చమ్మతో పాటు ముగ్గురు అక్కాచెల్లెలు ఉన్నారు. ఘటనపై కేసు నమోదు చేసినట్లు ఎస్సై అశోక్‌ తెలిపారు.ఒకరి మృతి, మరో ఇద్దరి పరిస్థితి విషమం

ఖమ్మంఅర్బన్‌/రఘునాథపాలెం: రానున్న ఎమ్మెల్సీ ఎన్నిక దృష్ట్యా పట్టభద్రులందరినీ ఓటర్లుగా నమోదు చేయించడంలో బీఆర్‌ఎస్‌ శ్రేణులు కృషి చేయాలని మాజీ మంత్రి పువ్వాడ అజయ్‌కుమార్‌ సూచించారు. ఖమ్మం, రఘునాథపాలెం మండలాల నాయకులతో సోమవారం సమావేశమైన ఆయన మాట్లాడారు. గత ఎన్నికల ఓటర్ల జాబితాతో పాటు ఆతర్వాత పట్టభద్రులైన వారిని గుర్తించి ఓటర్లుగా నమోదు చేయిస్తూ, పార్టీ యాప్‌లో కూడా ఓటర్ల వివరాలను అప్‌లోడ్‌ చేయాలని తెలిపారు. నాయకులు నేరుగా పట్టభద్రుల ఇళ్లకు వెళ్లి అవగాహన కల్పించాలని చెప్పారు. కాగా, రాష్ట్రంలో కరువు ప్రకృతి తెచ్చింది కాదని, కాంగ్రెస్‌ ప్రభుత్వ అసమర్థతతో ఏర్పడిందని ఆరోపించారు. బీఆర్‌ఎస్‌ శ్రేణులు ప్రజలకు ఈ విషయాన్ని వివరిస్తూ రానున్న పట్టభద్రుల ఎమ్మెల్సీ ఎన్నికల్లో పార్టీ అభ్యర్థి విజయానికి కృషి చేయాలని పువ్వాడ సూచించారు. ఈసమావేశాల్లో నాయకులు బచ్చు విజయ్‌కుమార్‌, నాగండ్ల కోటేశ్వరరావు, దండా జ్యోతిరెడ్డి, కూరాకుల వలరాజు, కొనకంచి ప్రసాద్‌, వల్లభనేని రామారావు, వీరూనాయక్‌, మద్దినేని వెంకటరమణ, గుత్తా రవి, హరిప్రసాద్‌, పిన్ని కోటేశ్వరరావు, మెంటం రామారావు, లక్ష్మణ్‌నాయక్‌, యాస రామారావు, పెంట్యా, శంకర్‌, పొట్టపల్ల రాజా, వెంకటేశ్వర్లు పాల్గొన్నారు. బీఆర్‌ఎస్‌ శ్రేణుల సమావేశంలో మాజీ మంత్రి పువ్వాడ

నేలకొండపల్లి: పట్టపగలే ఇంటి తాళం పగులగొట్టిన గుర్తుతెలియని వ్యక్తులు నగదు, వెండి పాత్ర చోరీ చేశారు. మండలంలోని బైరవునిపల్లికి చెందిన మల్లెబోయిన శ్రీనివాసరావు, ఆయన భార్య, కుమారుడు, కోడలు సోమవారం తాళం వేసి బయటకు వెళ్లారు. ఈ విషయాన్ని గుర్తించిన గుర్తుతెలియని వ్యక్తులు ముందు, వెనుక రెండు తాళాలు పగులగొట్టి ఇంట్లోకి ప్రవేశించారు. ఇంట్లో రెండు బీరువాలు పగలగొట్టి రూ.10 వేల నగదుతో పాటు వెండి పాత్ర ఎత్తుకెళ్లారు. సాయంత్రం ఇంటికి వచ్చిన శ్రీనివాసరావు చోరీ విషయాన్ని గుర్తించి పోలీసులకు సమాచారం ఇవ్వగా కేసు నమోదు చేసి దర్యాప్తు ప్రారంభించారు.

● కేంద్ర ప్రభుత్వ పింఛన్‌దారులకు ప్రయోజనం ● మీసేవ కేంద్రాలతో పాటు సెల్‌ఫోన్‌ ద్వారా కూడా సేవలు ఖమ్మం సహకారనగర్‌: కేంద్రప్రభుత్వ రంగ శాఖలతో పాటు సంస్థల్లో విధులు నిర్వర్తించిన వారికి నెలనెలా పింఛన్‌ అందుతుంది. అయితే, ఏటా ఒకసారి వారు జీవించి ఉన్నట్లు సర్టిఫికెట్‌ తప్పనిసరిగా బ్యాంకులు, పోస్టాఫీసుల్లో ధ్రువీకరణ పత్రం(లైఫ్‌ సర్టిఫికెట్‌) సమర్పించాల్సి ఉంటుంది. అయితే, ఈ సర్టిఫికెట్‌ సమర్పించేందుకు కార్యాలయాల చుట్టూ తిరగాల్సి పని లేదు. గతేడాది నుంచి కేంద్ర ప్రభుత్వం జీవన్‌ప్రమాణ్‌ వెబ్‌సైట్‌ ద్వారా డిజిటల్‌ లైఫ్‌ సర్టిఫికెట్‌ సమర్పించే అవకాశం అందుబాటులోకి వచ్చింది. ఆన్‌లైన్‌లో నమోదు ఇలా.. మీ సేవ కేంద్రాల్లో కాకుండా స్వయంగా కూడా డిజిటల్‌ లైఫ్‌ సర్టిఫికెట్‌ కోసం దరఖాస్తు చేసుకునే అవకాశం ఉంది. దీని కోసం https://jeevanpramaan.gov.in వెబ్‌సైట్‌లో లాగిన్‌ కావాలి. ఆపై అప్లికేషన్‌ డౌన్‌ లోడ్‌ చేసుకుని ఇన్‌స్టాల్‌ చేసుకోవాలి. ఆ తర్వాత ఆధార్‌ సంఖ్య, పెన్షన్‌ పేమెంట్‌ ఆర్డర్‌, బ్యాంకు అకౌంట్‌ వివరాలు, మొబైల్‌ నంబర్‌ నమోదు చేయాలి. అనంతరం ఒక నంబర్‌ను కేటాయిస్తూ మొబైల్‌కు ఎస్‌ఎంఎస్‌ వస్తుంది. ఈ నంబర్‌ను పెన్షన్‌ పంపిణీ సంస్థకు సంస్థకు ఆన్‌లైన్‌లో పంపే అవకాశం ఉంది. అలాగే, జీవన్‌ ప్రమాణ్‌ వెబ్‌సైట్‌లో లొకేటెడ్‌ సెంటర్‌ కాలమ్‌ క్లిక్‌ చేస్తే జిల్లాలో సిటిజన్‌ సర్వీస్‌ సెంటర్‌, వారి ఫోన్‌ నంబర్‌, చిరునామాతో పాటు చిరునామా గూగుల్‌ మ్యాప్‌ ద్వారా కనిపిస్తుంది. నెట్‌ అందుబాటులో లేని వారు సమీపంలోని జీవన్‌ ప్రమాణ్‌ సెంటర్ల జాబితా పొందుటకు ఫోన్‌ నుంచి జేపీఎల్‌ అని ఆంగ్ల అక్షరాలు టైప్‌చేసి స్పేస్‌ ఇచ్చి పిన్‌కోడ్‌ను 77382–99899కు ఎస్‌ఎంఎస్‌ చేయవచ్చు. అదనపు సమాచారం కోసం జీవన్‌ ప్రమాణ్‌ హెల్ప్‌ డెస్క్‌ 1800111555ను సంప్రదించే అవకాశం కూడా ఉంది.డిజిటల్‌ సేవలు ఆధార్‌ అనుసంధానంగా జరుగుతాయి. బయోమెట్రిక్‌, ఐరిస్‌ విధానంలో డిజిటల్‌ లైవ్‌ (జీవన్‌ ప్రమాణ్‌) సర్టిఫికెట్‌ జారీ చేస్తున్నారు. ఈ సేవలను పెన్షనర్లకు అందించేందుకు ఉమ్మడి జిల్లాలోని మీసేవ కేంద్రాలకు సైతం అవకాశం కల్పించారు. దీంతో పాటు పెన్షనర్స్‌ అసోసియేషన్‌ సభ్యులు సెల్‌ఫోన్ల ద్వారా జీవన్‌ ప్రమాణ్‌ సర్టిఫికెట్లను నమోదు చేస్తున్నారు. సిటిజన్‌ సర్వీస్‌ సెంటర్ల వద్దకు వెళ్లి బొటన వేలి ముద్ర ద్వారా వివరాలు నమోదు చేసుకుని జీవన్‌ ప్రమాణ్‌ గుర్తింపు సంఖ్య పొందవచ్చు. ఏటా నవంబర్‌లో పెన్షనర్లు జీవించి ఉన్నట్లుగా సంబంధిత అధికారి ముందు హాజరై లైఫ్‌ సర్టిఫికెట్‌ సమర్పించాలి. కానీ గ్రామాలు, పిల్లల వద్ద శేష జీవితం గడిపే పెన్షనర్లు బ్యాంకులకు రావడం ఇబ్బంది మారుతోంది. ఈ నేపథ్యాన సర్టిఫికెట్‌ సమర్పించే విషయంలో కేంద్రప్రభుత్వం ఆన్‌లైన్‌ సేవలు అందుబాటులోకి తీసుకొచ్చింది. పెన్షనర్లు ఉన్న చోట నుంచే డిజిటల్‌ సర్టిఫికెట్‌ తీసుకోవచ్చు.

పాల్వంచరూరల్‌: పాల్వంచ మండలంలోని పెద్దమ్మగుడి ఆలయం వద్ద వ్యాపార దుకాణాలకు నిర్వహించిన బహిరంగ వేలంపాటలో పోటీ నెలకొంది. తద్వారా ఆలయానికి గతేడాది కంటే అదనంగా రూ.2,11,200 ఆదాయం లభించింది. శ్రీకనకదుర్గ(పెద్దమ్మతల్లి) ఆలయంలో సోమవారం కొత్త కాంప్లెక్స్‌ పరిధిలోని 1, 2, 3, 5, 6, 7, 8, 10, 12 నంబర్ల షాపులకు, పాతకాంప్లెక్స్‌లోని 1వ నంబర్‌ దుకాణం, రెండు ఏసీ ఫంక్షన్‌ హాళ్లు, పూలవిక్రయాలు, ఫొటోలు తీసుకునేందుకు, స్క్రాప్‌ విక్రయాలకు సీల్డ్‌ టెండర్‌ కం బహిరంగ వేలంపాటలు నిర్వహించారు. దేవాదాయ, ధర్మాదాయశాఖ కొత్తగూడెం డివిజన్‌ పరిశీలకుడు ఆనంద్‌, ఈఓ విజయ్‌కుమార్‌ పర్యవేక్షించారు. పోటీతో పెరిగిన ఆదాయం 5వ నంబర్‌ షాపునకు ముగ్గురు పోటీపడగా జగన్నాథపురానికి చెందిన పి.వీరభద్రం రూ.1.44 లక్షలు హెచ్చుపాట పాడి దక్కించుకున్నారు. గతేడాది ఇదేషాపునకు రూ.98,400 ఉండగా, ఈసారి రూ. 45,600 అదనంగా ఆదాయం పెరిగింది. 6వ దుకా ణాన్ని జగన్నాథపురానికి సీహెచ్‌ భవాని రూ. 1.32 లక్షలకు హెచ్చుపాటపాడి దక్కించుకున్నారు. గతేడాది ఇదేషాపునకు రూ.86,400 ఆదాయం రాగా, ఈసారి రూ.45,600 పెరిగింది. 7వ షాపును కూడా జగన్నాథపురానికే చెందిన బి.నాగలక్ష్మి రూ. 1,69,200 హెచ్చుపాడి దక్కించుకున్నారు. గతేడాది ఇదేషాపునకు రూ.1,03,200 రాగా, ఈసారి రూ.66వేల ఆదాయం పెరిగింది. 8వ షాపును బి.శైలజ రూ.3.72లక్షలకు దక్కించుకుంది. ఇదే షాపునకు గతేడాది రూ.3.18లక్షలు వచ్చింది. ఈసారి రూ.54వేల ఆదాయం పెరిగింది. దుకాణాలు దక్కించుకున్నవారంతా జగన్నాథపురం గ్రామానికే చెందిన వారే కావడం గమనార్హం. కాగా, మిగిలిన షాపుల వేలంపాటకు ఎవరూ ముందుకు రానికారణంగా వాయిదా వేసినట్లు ఈఓ తెలిపారు. దుకాణాలకు గతేడాది కంటే పెరిగిన ఆదాయం

● భర్త మరణిస్తే ఇక భార్యకు తక్షణ పింఛన్‌ ● చేయూత పెన్షన్‌ పరిధి విస్తరణకు ప్రభుత్వం చర్యలు చుంచుపల్లి: ఆపదలో ఉన్న కుటుంబాలకు ఆర్థిక భరోసా కల్పించడమే లక్ష్యంగా రాష్ట్ర ప్రభుత్వం చేయూత పింఛన్ల విధానంలో కీలక మార్పులకు శ్రీకారం చుట్టింది. ఇప్పటికే పింఛన్‌ పొందుతున్న కుటుంబంలో పెద్దదిక్కుగా ఉన్న వ్యక్తి మరణిస్తే ఆ కుటుంబానికి అందుతున్న ఆర్థిక సాయం నిలిచిపోకుండా చర్యలు చేపట్టింది. పింఛన్‌ పొందుతున్న వ్యక్తి మృతి చెందితే అర్హత మేరకు అతని భార్యకు తక్షణమే పింఛన్‌ మంజూరు చేసేలా ఇన్‌స్టంట్‌ పెన్షన్‌ విధానాన్ని అమల్లోకి తేవాలని నిర్ణయించింది. ఇప్పటివరకు వృద్ధాప్య పింఛనుదారుల భార్యలకు మాత్రమే అందుబాటులో ఉన్న ఈ వెసులుబాటును తాజాగా మరికొన్ని కేటగిరీలకు వర్తింపజేసింది. దివ్యాంగులు, గీత కార్మికులు, చేనేత కార్మికులు, డయాలసిస్‌, హెచ్‌ఐవీ, పైలేరియా బాధితుల కుటుంబాలకూ ఈ సదుపాయాన్ని విస్తరింపజేయనుంది. ఈ మేరకు పంచాయతీరాజ్‌, గ్రామీణాభివృద్ధి శాఖ ఇటీవల మార్గదర్శకాలు జారీ చేసింది. మరోవైపు ఇటీవల కొత్తగా దరఖాస్తు చేసుకున్నవారు పింఛన్‌ మంజూరు కోసం ఎదురుచూస్తున్నారు. పింఛన్‌దారుడు మృతి చెందితే కుటుంబానికి అండగా.. ఉమ్మడి ఖమ్మం జిల్లాలో ప్రస్తుతం చేయూత కింద 3,19,442 మంది వివిధ రకాల సామాజిక భద్రతా పింఛన్లు పొందుతున్నారు. ఇందులో భద్రాద్రి కొత్తగూడెం జిల్లాలో 1,24,687 మంది ఉండగా, ఖమ్మం జిల్లాలో 1,94,755 మంది ఉన్నారు. పింఛన్‌ పొందుతున్న వ్యక్తి మరణిస్తే వృద్ధాప్యంలో ఉన్న భార్య ఆర్థిక ఇబ్బందులు ఎదుర్కొనే పరిస్థితి ఉంది. పింఛన్‌ కోసం మళ్లీ దరఖాస్తు చేసుకోవడం, అర్హతల పరిశీలన, మంజూరు ప్రక్రియ పూర్తయ్యే వరకు ఎదురుచూడాల్సి వచ్చేది. ఈ సమస్యను గుర్తించిన ప్రభుత్వం ఇన్‌స్టంట్‌ పెన్షన్‌ విధానాన్ని తేబోతుంది. రాష్ట్ర ప్రభుత్వ నిర్ణయం వల్ల అభాగ్యులకు చేయూత పథకం మరింత ఆర్థిక భరోసాగా నిలవనుంది. రాష్ట్ర ప్రభుత్వ మార్గదర్శకాల ప్రకారం అర్హులకు చేయూత పింఛన్‌ అందేలా చర్యలు తీసుకుంటున్నాం. కొత్తగా వచ్చిన దరఖాస్తులపై క్షేత్రస్థాయి విచారణ ఇప్పటికే పూర్తయింది. జాబితా సిద్ధం చేస్తున్నాం. ప్రభుత్వం నుంచి తదుపరి ఆదేశాలు అందిన వెంటనే పింఛన్ల మంజూరు ప్రక్రియ చేపడతాం. ఇన్‌స్టంట్‌ పెన్షన్‌ విధానం విస్తరణతో పింఛన్‌దారులు మరణించిన కుటుంబాలకు ఆర్థిక ఇబ్బందులు కలగకుండా వెసులుబాటు కలుగుతుంది. – ఎం.విద్యాచందన, భద్రాద్రి డీఆర్‌డీఓఇటీవల ప్రభుత్వం కొత్తగా పింఛన్‌ కోసం దరఖాస్తులు ఆహ్వానించింది. భద్రాద్రి కొత్తగూడెం జిల్లాలో 19,346 మంది, ఖమ్మం జిల్లాలో 27,766 మంది కొత్త పింఛన్ల కోసం దరఖాస్తు చేసుకున్నారు. ఉమ్మడి జిల్లావ్యాప్తంగా ఈ సంఖ్య 47,112కు చేరింది. వీరిలో అర్హులను గుర్తించేందుకు అధికారులు క్షేత్రస్థాయిలో విచారణ పూర్తి చేశారు. ప్రభుత్వం నుంచి ఆదేశాలు వెలువడితే కొత్త లబ్ధిదారులకు పింఛన్లు అందే అవకాశం ఉంది.

ఖమ్మంక్రైం: బహుమతులు, లాటరీల పేరుతో కాక ఉద్యోగం ఇప్పిస్తామంటూ నమ్మించి ఖాతాల నుంచి నగదు స్వాహా చేస్తున్న ఘటనలు ఇప్పటికే పలుచోట్ల వెలుగుచూశాయి. తాజాగా క్యూవీఎస్‌ఈ(క్వాంటమ్‌ వెస్ట్‌ స్టాక్‌ ఎక్స్ఛేంజ్‌) యాప్‌ పేరిట మోసాలు మొదలైనట్లు ప్రచారం జరుగుతోంది. పెట్టుబడి పేరిట ఈ యాప్‌ ద్వారా రూ.వేలు, రూ.లక్షల్లో కొల్లగొడుతున్నారని తెలుస్తోంది. వివిధ ప్రాంతాల ప్రజలు ఈ పేరుతో వచ్చిన ప్రకటనలు నమ్మి మోసపోగా.. జిల్లాలో అలాంటి కేసులేమీ ఇప్పటివరకై తే నమోదు కాలేదు. అయినప్పటికీ ప్రజలు అప్రమత్తంగా ఉండాలని కేంద్ర, రాష్ట్ర సైబర్‌ క్రైం విభాగాల ఆదేశాలతో జిల్లా పోలీసులు విస్తృత ప్రచారం చేస్తున్నారు. లాభం.. చేర్పిస్తే ఆదాయం విదేశాలకు సంబంధించిన ఈ యాప్‌ ద్వారా సైబర్‌ నేరగాళ్లు ఫోన్‌ చేసి పెట్టుబడి పెడితే అత్యధిక లాభాలు వస్తాయని నమ్మించారు. ఎవరైనా సానుకూలగా స్పందిచగానే ఏపీకే ఫైల్‌ పంపించి డౌన్‌లోడ్‌ చేసుకుని ఇన్‌స్టాల్‌ చేసుకోవాలని సూచిస్తారు. తద్వారా మన కరెన్సీ ప్రకారం రూ.54వేలు పెట్టుబడితే ఒక శాతం లాభం వస్తుందని ఆశ చూపిస్తారు. దీనికి తోడు ఇతరులను యాప్‌లో చేర్పిస్తే మొదటి రిఫరల్‌కు రూ.5వేలు, రెండో స్థాయి రిఫరల్‌కు రూ.2,500 వస్తాయని నమ్మిస్తారు. అంతేకాక పెట్టుబడి కూడా క్రిప్టో కరెన్సీ ఎక్స్ఛేంజ్‌ ప్లాట్‌ఫాం బినాన్స్‌ ద్వారా పెట్టాలని సూచిస్తున్నట్లు తెలిసింది. కాగా, క్యూవీఎస్‌ఈ యాప్‌ ద్వారా పెద్ద ఎత్తున ఆన్‌లైన్‌ పెట్టుబడి మోసాలు జరుగుతున్నట్లు కేంద్ర, రాష్ట్ర సైబర్‌ క్రైమ్‌ విభాగాలు గుర్తించారు. ఈమేరకు జిల్లాలో ఎవరూ మోసపోకుండా సైబర్‌ క్రైమ్‌ పోలీసులు విస్తృత అవగాహన కల్పిస్తున్నారు. ఈ జాగ్రత్తలు పాటిస్తే మేలు ● తక్కువ సమయంలో అధిక లాభాలు వస్తాయనే అనధికారిక ప్రకటనలను నమ్మవద్దు. ● గుర్తుతెలియని వ్యక్తులు పంపే ఏపీకే పైళ్లు, అనుమానాస్పద యాప్‌లను డౌన్‌లోడ్‌ చేసుకోవద్దు. ● క్రిప్టో కరెన్సీ రూపంలో బదిలీ సూచిస్తే అప్రమత్తంగా ఉండాలి. ● ఓటీపీలు, బ్యాంక్‌ ఖాతా వివరాలు, పాస్‌వర్డ్‌లను ఇతరులతో పంచుకోవద్దు. ఇతరులను రిఫర్‌ చేస్తే అదనపు ఆదాయం వస్తుందని చెప్పే పథకాలపై జాగ్రత్తగా ఉండాలి. ● మోసానికి గురైతే వెంటనే జాతీయ సైబర్‌క్రైమ్‌ హెల్ప్‌ లైన్‌ 1930 నంబర్‌కు ఫోన్‌ చేయాలి. ● లేదా WWW.cybercrime.gov.in వెబ్‌సైట్‌ ద్వారా త్వరగా ఫిర్యాదు చేస్తే నష్టాన్ని తగ్గించుకునే అవకాశం ఉంటుంది.

ఖమ్మం సహకారనగర్‌: ప్రజలు అందించే ఫిర్యాదులు, వినతిపత్రాలను ఎప్పటికప్పుడు పరిశీలించి పరిష్కరించాలని కలెక్టర్‌ దివాకర టీ.ఎస్‌. అధికారులను ఆదేశించారు. కలెక్టరేట్‌లో సోమవారం గ్రీవెన్స్‌ డే(ప్రజావాణి)లో భాగంగా ఆయన అదనపు కలెక్టర్‌ పి.శ్రీజతో కలిసి ప్రజల నుంచి ఫిర్యాదులు స్వీకరించారు. అనంతరం అధికారులతో సమావేశమై గతంలో అందిన ఫిర్యాదుల పురోగతిపై ఆరా తీశాక సూచనలు చేశారు. ఈకార్యక్రమంలో ట్రెయినీ అసిస్టెంట్‌ కలెక్టర్‌ పారస్‌కుమార్‌, డీఆర్వో రామమూర్తి, వివిధ శాఖల అధికారులు పాల్గొన్నారు. ఫిర్యాదుల్లో కొన్ని... ● ఏదులాపురం మున్సిపాలిటీ పరిధి లబ్ధిదారులకు ఇందిరమ్మ ఇళ్ల మంజూరు పత్రాల పంపిణీ సందర్భంగా కాంగ్రెస్‌ నేతల తీరు కారణంగా సీపీఐ కౌన్సిలర్ల హక్కులకు భంగం కలిగిందని ఆ పార్టీ నాయకులు ఫిర్యాదు చేశారు. సీపీఐ మండల కార్యదర్శి పుచ్చకాయల సుధాకర్‌, కౌన్సిలర్‌ దండి రంగారావు, నాయకులు మిడికంటి చిన్న వెంకటరెడ్డి, చెరుకుపల్లి భాస్కర్‌రావు, వెంపటి సురేందర్‌, రామకోటి, నాగేశ్వరరావు, వీరభద్రం, బాబు పాల్గొన్నారు. ● కూసుమంచి మండలం తురకగూడెంలో కొమ్ము ఇందిరమ్మకు డబుల్‌ బెడ్‌రూమ్‌ ఇల్లు కేటాయించగా, దురదృష్టవశాత్తు కుటుంబ సభ్యులంతా మరణించారని స్థానికులు తెలిపారు. ఇంటికి చట్టబద్ధమైన హక్కుదారులు లేకపోతే మరొకరికి కేటాయించాలని కోరారు. ● చింతకాని మండలం వందనం గ్రామ చెరువుకు సాగర్‌ ఎడమ కాల్వ నీటి సరఫరా పునరుద్ధరించాలని స్థానికులు, మత్స్య సొసైటీ సభ్యులు వినతిపత్రం అందజేశారు. పారదర్శకంగా ‘సర్‌’ ప్రక్రియ ప్రత్యేక సమగ్ర ఓటర్ల జాబితా సవరణ(ఎస్‌ఐఆర్‌) ప్రక్రియను ఎన్నికల సంఘం మార్గదర్శకాలు, నిబంధనల ప్రకారం పారదర్శకంగా పూర్తి చేయాలని రాష్ట్ర ప్రధాన ఎన్నికల అధికారి సి.సుదర్శన్‌రెడ్డి ఆదేశించారు. హైదరాబాద్‌ నుంచి సోమవారం ఆయన వీడియో కాన్ఫరెన్స్‌ ద్వారా సమీక్షించారు. అందుబాటులో లేని, చిరునామా మారిన వారే కాక మృతుల ఓటర్ల వివరాలను పూర్తిస్థాయిలో ధ్రువీకరించుకున్నాకే తొలగించాలని తెలిపారు. సరైన విచారణ లేకుండా ఏ ఒక్క ఓటరు పేరు తొలగించొద్దని సూచించారు. జిల్లా నుంచి కలెక్టర్‌ దివాకర మాట్లాడుతూ జిల్లాలో 1,75,841మంది అనామలీస్‌, మ్యాపింగ్‌ కాని ఓటర్లకు గాను 1,75,163 మంది విచారణ పూర్తిచేశామని తెలిపారు. అలాగే, ఎమ్మెల్సీ ఎన్నికలో ఓటర్లుగా ఇప్పటికీ 81వేల దరఖాస్తులుగా అందాయని పేర్కొన్నారు. ఈ వీసీలో కేఎంసీ కమిషనర్‌ అభిషేక్‌ అగస్త్య, కల్లూరు కల్లూరు సబ్‌ కలెక్టర్‌ అజయ్‌యాదవ్‌, ఆర్‌డీఓ ఎన్‌.శ్రీనివాస్‌, ఎన్నికల విభాగం ఉద్యోగులు ఎం. ఏ.రాజు, అన్సారీ పాల్గొన్నారు.గ్రీవెన్స్‌ డేలో కలెక్టర్‌ దివాకర టీ.ఎస్‌.

ములకలపల్లి: బయోచార్‌ తయారీకి ఉపయోగించే యంత్రం నిరుపయోగంగా మారింది. ములకలపల్లి రైతువేదిక ఆవరణలో దీన్ని ఓ మూలన పడేశారు. ఎండిన చెట్ల కొమ్మలు, పత్తి కట్టెను ఈ యూనిట్‌లో కాల్చి బొగ్గుగా తయారు చేస్తారు. ఆపై పొడిగా మార్చి ఎండిన ఆవుపేడ, ఆవు మూత్రం కలిపితే బయోచార్‌ సిద్ధమవుతుంది. దీన్ని సేంద్రియ ఎరువుగా పంటల్లో వినియోగిస్తే చీడపీడల నివారణతోపాటు అధిక దిగుబడి సాధ్యమవుతుంది. భద్రాద్రి జిల్లా కలెక్టర్‌గా జితేష్‌ వి.పాటిల్‌ ఉన్నప్పుడు ప్రతీ డంపింగ్‌ యార్డులో యూనిట్లు ఏర్పాటు చేయాలని ఆదేశించారు. కానీ ములకలపల్లిలో ఏర్పాటుచేసిన యూనిట్‌ కలెక్టర్‌ బదిలీ కాగానే మూలన పడేయడం గమనార్హం.

ఖమ్మం వైద్యవిభాగం: ఖమ్మం జిల్లా జనరల్‌ ఆస్పత్రికి వచ్చే పేద ప్రజలకు మెరుగైన వైద్య సేవలు అందించడమే కాక మౌలిక వసతులు కల్పించడంపై కలెక్టర్‌ దివాకర టీ.ఎస్‌. ప్రత్యేక దృష్టి సారించారు. ఇందులో భాంగా కేటాయించిన నిధులో చేపట్టిన పనులు చురుగ్గా కొనసాగుతున్నాయి. ఈ పనులు పూర్తయితే వైద్యసేవలు మరింత మెరుగుపడనున్నాయి. నాలుగు జిల్లాల నుంచి జనం ఖమ్మం జిల్లా ఆస్పత్రికి ఖమ్మం, భద్రాద్రి కొత్తగూడెం జిల్లాలతో పాటు మహబూబాబాద్‌, సూర్యాపేట ప్రజలు కూడా వైద్యం కోసం వస్తుంటారు. మెడికల్‌ కాలేజీ ఏర్పాటయ్యాక జనం తాకిడి మరింత పెరిగింది. నిత్యం 1,500 – 2,000 వరకు వైద్యసేవల కోసం వస్తుండగా, ఆ స్థాయిలో సౌకర్యాలు లేకపోవడంతో ఇబ్బందులు ఏర్పడుతున్నాయి. ఓపీ చిట్టీల కోసమే కాక మందుల కోసం వేచి చూడాల్సి వస్తోంది. కొనసాగుతున్న అభివృద్ధి పనులు పెద్దాస్పత్రికి ఎంఆర్‌ఐ యంత్రం మంజూరు కాగా, ట్రాన్స్‌ఫార్మర్‌, విద్యుత్‌ లైన్‌ పనులు ముమ్మరంగా సాగుతున్నాయి. లైన్‌ సిద్ధమైన ఎంఆర్‌ఐ స్కానింగ్‌ యంత్రాన్ని తెప్పిస్తారు. అలాగే ఓపీ విభాగం ఇరుగ్గా ఉండడంతో జనం పడిగాపులు కాయాల్సి వస్తోంది. ఈ నేపథ్యాన ఆస్పత్రి వెలుపల అదనంగా షెడ్లు నిర్మిస్తున్నారు. ఈ నిర్మానాలు పూర్తయితే ఓపీ చిట్టీల జారీలో వేగం పెరగనుంది. అంతేకాక ఫార్మసీ విభాగం విస్తరణకు విశాలమైన గది నిర్మిస్తున్నారు. అది రెండు నెలల్లో అందుబాటులోకి వచ్చే అవకాశం ఉంది. అలాగే బయో మెడికల్‌ వేస్ట్‌ వేసేందుకు ప్రత్యేక గదులు నిర్మించారు. ఇంకా మెడికల్‌ కళాశాలతో ఆస్పత్రిని అనుసంధానించే ఫుట్‌ ఓవర్‌ బ్రిడ్జి నిర్మాణ పనులు కూడా వేగంగా జరుగుతున్నాయి. ఇవేకాక ఆస్పత్రిలో టాయిలెట్ల ఆధునికీకరణ పనులు కూడా యుద్ధప్రాతిపదికన నిర్వహిస్తున్నారు. కలెక్టర్‌ దివాకర, అడిషనల్‌ కలెక్టర్‌ శ్రీజ ప్రత్యేక చొరవతో ఆస్పత్రిలో పలు అభివృద్ధి పనులు ముమ్మరంగా సాగుతున్నాయి. ప్రజలకు మెరుగైన వైద్య సేవలు అందించేందుకు పలు రకాల పనులు నిర్వహిస్తున్నారు. ఇవన్నీ పూర్తయితే వైద్యసేవలు మరింత మెరుగుపడతాయి. అంతేకాక అధునాతన పరికరాల ఏర్పాటుకు టెండర్‌ ప్రక్రియ కొనసాగుతోంది. – డాక్టర్‌ నరేందర్‌, ఆస్పత్రి మెడికల్‌ సూపరింటెండెంట్‌ఆస్పత్రికి వచ్చే జనం పడుతున్న ఇబ్బందులు కలెక్టర్‌ దివాకర దృష్టికి వెళ్లటంతో ప్రత్యేక దృష్టి సారించారు. వసతుల కల్పన, అభివృద్ధిపనుల కోసం వివిధ శాఖల నుంచి నిధులు కేటాయించారు. అంతేకాక తరచూ ఆస్పత్రి అధికారులతో సమీక్షలు నిర్వహిస్తూ సేవలు మెరుగు పడేలా చర్యలు తీసుకుంటున్నారు. వైద్యులు సమయపాలన పాటించేలా చర్యలు చేపట్టారు. ఈక్రమాన పరిస్థితులు గతంలో కంటే మెరుగయ్యాయి.

వేంసూరు: ఎల్‌నినో ప్రభావంతో సాగునీరు, విద్యుత్‌ కొరత ఏర్పడుతుందని చెబుతున్న ప్రభుత్వం, అధికారులు రానున్న యాసంగిలో వరి, మొక్కజొన్న కాకుండా తక్కువ నీరు అవసరమయ్యే పంటలు సాగు చేయాలని ప్రచారం చేస్తున్నారు. అయితే, సాగునీటి వసతి ఉన్న పలువురు రైతులు మాత్రం మొక్కజొన్న సాగుకే మొగ్గు చూపుతున్నారు. వానాకాలం పంటగా పెసర, మినుము, ఇతరత్రా సాగు చేసిన రైతులు కోతలు పూర్తవడంతో మొక్కజొన్న విత్తడం మొదలుపెట్టారు. ఇప్పటికే కొందరు రైతులు నాటిన విత్తనాల మొలకలు రాగా.. తక్కువ నీటితో సాగు చేసేలా డ్రిప్‌ పద్ధతి అవలంభిస్తున్నారు.

ఖమ్మం వ్యవసాయం: ఎల్‌నినో ప్రభావంతో ఏర్పడిన వర్షాభావ పరిస్థితులు జిల్లా పాడి రైతులను కుంగదీస్తున్నాయి. పశుగ్రాసం కొరతకు తోడు దాణా ధరల పెరుగుదలతో పాడి రైతులకు పశుపోషణ భారంగా మారింది. ఖమ్మం జిల్లాలో పశుసంవర్ధక శాఖ లెక్కల ప్రకారం 3.25 లక్షల పాడి పశువులు ఉన్నాయి. ఇందులో గేదెలు 2.51 లక్షలు, ఆవులు 74 వేలు ఉండగా.. రైతులు వీటి నుంచి సేకరించే పాలను విజయ డెయిరీతో పాటు ప్రైవేట్‌ డెయిరీలకు విక్రయిస్తున్నారు. వరిగడ్డి ధర రెట్టింపు పశువులకు ప్రధాన ఆహారమైన పచ్చి గడ్డి, వరిగడ్డి కొరత తీవ్రమైంది. వర్షాలు లేక ఉష్ణోగ్రతలు పెరగడంతో భూములు బీళ్లుగా వదిలేశారు. వర్షాభావం వల్ల వరి సాగు విస్తీర్ణం తగ్గి వరిగడ్డి ఉత్పత్తి పడిపోయింది. సాధారణంగా వరి కోతల సీజన్‌లో ట్రాక్టర్‌ ట్రక్కు(100 మోపులు) ధర రూ.8వేల నుంచి రూ.10 వేల వరకు ఉండేది. ఇప్పుడు ఏకంగా రూ.15 వేలకు చేరింది. గత ఏడాది రూ.80 నుంచి రూ.100 పలికిన మోపు ధర ఈ ఏడాది రూ.150కి చేరడం గమనార్హం. జీఎస్టీ మినహాయింపు ఉన్నా.. పాల దిగుబడి కోసం తవుడు, మినప, పెసర చున్నీలు, వేరుశనగ పిండి, పత్తి గింజల పిండి, ఖనిజ మిశ్రమాన్ని పశువులకు దాణాగా వాడుతారు. వరి, పప్పు ధాన్యాలు, వేరుశనగ సాగు తగ్గడంతో ఉప ఉత్పత్తుల ధరలు అమాంతం పెరిగాయి. కేంద్రం ఇటీవల జీఎస్టీ సంస్కరణల్లో భాగంగా పశుగ్రాసం, తవుడు, చున్నీలు వంటి పలు దాణా పదార్థాలపై ఐదు శాతం ఉన్న జీఎస్టీని పూర్తిగా తొలగించింది. అయినా ముడి సరుకు కొరత, డిమాండ్‌ కారణంగా రైతులకు ప్రయోజనం దక్కడం లేదు. పెరగని పాల ధర ఓ వైపు పశువుల ధరలు రూ.లక్షల్లో పలుకుతుండగా.. మరోవైపు గ్రాసం, దాణా ధరలు అందనంత దూరాన ఉన్నాయి. ఇదే సమయాన పాల ధర పెరగకపోవడంతో పశుపోషణ భారంగా మారిందని రైతులు వాపోతున్నారు. ప్రస్తుతం లీటర్‌ పాల ధర ప్రాంతాల ఆధారంగా రూ.80 నుంచి 100 వరకు ఉంది.దాణా గతంలో ప్రస్తుతం తవుడు 1,500 2,400మినప, పెసర చున్నీలు 2,800 3,500పత్తి గింజల పిండి 2,800 3,700ఖనిజ మిశ్రమం 6,000 7,500 మరోపక్క గిట్టుబాటు కాని పాల ధరలతో ఆవేదనమాకు ఎనిమిది గేదెలు ఉన్నాయి. పాల ఉత్పత్తే జీవనాధారం. ధరలు పెరిగినందున ప్రభుత్వం సబ్సిడీపై దాణా, మినరల్‌ మిక్చర్‌ ఇస్తే ఉపయోగకరంగా ఉంటుంది. – నాగేశ్వరరావు, వెంకటగిరిగ్రాసం కొరతను అధిగమించేలా సైలేజ్‌, అజోల్లా, హైడ్రోపోనిక్‌ పద్ధతులపై దృష్టి సారించాలి. చెరువుల శిఖం భూముల్లో పశుగ్రాసం పెంచే అంశాన్ని పరిశీలిస్తున్నాం. – డాక్టర్‌ బి.పురంధర్‌, ఖమ్మం జిల్లా పశు వైద్యాధికారినాలుగు గేదెలు ఉన్నాయి. పంటలతో పాటు పాడి లాభదాయకంగా ఉండేది. కానీ ఇప్పుడు వరిగడ్డి, తవుడు, మినప చున్నీ ధరలు బాగా పెరిగి పోషణ భారంగా మారింది. – జంగా నవీన్‌రెడ్డి, పండితాపురం

సాక్షి ప్రతినిధి, ఖమ్మం: వానాకాలం సీజన్‌లో లోటు వర్షపాతంతో పంటల దిగుబడి తగ్గగా.. చేతికి వచ్చిన అరకొర పంటలకు డిమాండ్‌ పెరిగింది. ఈనేపథ్యాన రైతులు అమ్ముకునేందుకు సిద్ధమవుతుండగా వరుణుడి ప్రభావం ఆందోళనకు గురిచేస్తోంది. జిల్లాలో మురాస్‌ తుపాన్‌ కారణంగా ఆకాశం మేఘావృతమై సోమవారం ఉదయం నుంచి పలు ప్రాంతాల్లో జల్లులు కురుస్తున్నారు. దీంతో చేతికందుతున్న పత్తి, వరి పంటలు దెబ్బతినే ప్రమాదముందనే ఆవేదన వ్యక్తమవుతోంది. ఎల్‌ని‘నో’ ఈ ఏడాది వర్షాకాలంపై ఎల్‌నినో కారణంగా లోటు వర్షపాతం నమోదైంది. దీనికితోడు పొడి వాతావరణం, అధిక ఉష్ణోగ్రతలతో పంటల సాగు ప్రశ్నార్థంగా మారింది. జిల్లాలో ఈసారి అన్ని పంటలు కలిపి 5,53,329 ఎకరాల్లో సాగవగా, ఇందులో వరి 2,92,915 ఎకరాల్లో, పత్తి 2,16,229 ఎకరాల్లో సాగయ్యాయి. జూలై, ఆగస్ట్‌ నెలల్లో వర్షాలు ముఖం చాటేయడంతో పంటలు వడపడ్డాయి. సెప్టెంబర్‌లో రెండు, మూడు రోజులు కురిసిన వర్షాలే కొంతమేరకు ఆదుకున్నాయి. మొత్తంగా వానాకాలం సీజన్‌లో 79.1 సెం.మీ. సాధారణ వర్షపాతానికి గాను 58.6 సెం.మీ.లే నమోదైంది. చేతికొస్తున్న పంటలు అరకొర వర్షాలే కురిసినా, అందుబాటులో ఉన్న వనరులతో రైతులు పంటలు కాపాడుకుంటూ వచ్చారు. ప్రస్తుతం పత్తి ఒక తీత పూర్తవగా, రెండు, మూడో తీతలు కొనసాగుతున్నాయి. మరోపక్క వరి కోతలు ప్రారంభమయ్యాయి. వరి సన్న రకం క్వింటాకు రూ.2,441, పత్తికి రూ.8,667గా ప్రభుత్వం మద్దతు ధర ప్రకటించింది. కానీ వ్యాపారులు ధాన్యం క్వింటా రూ.3వేల నుంచి రూ.4వేల వరకు కొనుగోలు చేస్తున్నారు. పత్తికి గరిష్టంగా రూ.9,600 ధర పలుకుతోంది. ప్రభుత్వం కనీస మద్దతు కన్నా బహిరంగ మార్కెట్‌లో అధిక ధర ఉండడంతో సెప్టెంబర్‌, అక్టోబర్‌ నెలల్లో ఖమ్మం వ్యవసాయ మార్కెట్‌కు 1,19,851 బస్తాల(47,940 క్వింటాలు) పత్తి అమ్మకానికి వచ్చింది. మరోపక్క వ్యాపారులు కల్లాల వద్దే ధాన్యం కొనుగోలు చేస్తుండగా, ఇంకొందరు రైతులు నేరుగా మిల్లులకు తరలిస్తున్నారు. దిగుబడి తగ్గి.. డిమాండ్‌ పెరిగి.. అనావృష్టి కారణంగా పంటల సాగు, దిగుబడి గణనీయంగా తగ్గింది. నైరుతి రుతు పవనాల జాడ లేకపోగా, తుపాన్లు, అకాల వర్షాలు కూడా కురవలేదు. సాగర్‌ నీరు సైతం విడుదల కాలేదు. కొన్ని ప్రాంతాలకు గోదావరి జలాలను ఏన్కూరు కాల్వ ద్వారా అందాయి. ఈక్రమాన ప్రధాన పంటలైన వరి, పత్తి దిగుబడి తగ్గడం.. యాసంగిలోనూ పంటల సాగుపై అనుమానాలు ఉండడంతో చేతికొస్తున్న అరకొర పంటలకు డిమాండ్‌ పెరిగింది. దీంతో స్థానిక వ్యాపారులే కాక చుట్టు పక్కల జిల్లాలు, ఇతర రాష్ట్రాల నుంచి కూడా వచ్చి కొనుగోలు చేస్తున్నారు. పత్తి పంట నాలుగు ఎకరాల్లో సాగు చేశా. చేతికి వచ్చే దశలో వర్షం భయపెడుతోంది. తుపాన్‌ కారణంగా రైతులంతా పత్తి తీసేందుకు పోటీ పడుతున్నారు. దీంతో కూలీల కొరత ఉంది. వర్షం ఇలాగే కురిస్తే పత్తి నాణ్యత తగ్గే ప్రమాదం ఉంది. – నాగండ్ల మోహన్‌రావు, ఎదుళ్లచెరువుచేతికొచ్చిన పంటకు మంచి ధర పలుకుతోందని రైతులు సంతోషిస్తుండగానే తుపాన్లు దాడి చేస్తున్నాయి. ఇటీవల అర్నబ్‌ తుపానుతో జిల్లాలోని పలు చోట్ల పత్తి దెబ్బతినగా, వరి నేలవాలింది. ఇంతలోనే మురాస్‌ తుపాన్‌ మొదలైంది. జిలాల్లో ఆకాశం మేఘావృతమై పలుచోట్ల జల్లులు కురుస్తున్నాయి. ఎక్కువ వర్షం కురిస్తే పత్తి పూర్తిగా దెబ్బతింటుందనే ఆందోళనలో రైతులు ఉన్నారు. మరోపక్క గరిష్టంగా క్వింటా రూ.9,600 పలికిన పత్తి ధర సోమవారం రూ.8,800కు తగ్గడంతో వారి భయాన్ని మరింత పెంచుతోంది. ఇక వరి పరిస్థితి కూడా అలాగే ఉంది.తుపాన్‌ ప్రభావంతో రైతుల్లో ఆందోళన

ఖమ్మం మయూరిసెంటర్‌/తిరుమలాయపాలెం: రాష్ట్ర మంత్రి పొంగులేటి శ్రీనివాసరెడ్డి మంగళవారం జిల్లాలో పర్యటించనున్నారు. ఉదయం 11గంటలకు కూసుమంచి మండలం గంగబండతండాలో నిర్మించే వంద పడకల ఆస్పత్రి స్థలాన్ని పరిశీలించనున్న మంత్రి, ఆ తర్వాత ఏదులాపురం మున్సిపాలిటీ పరిధి తెల్దారుపల్లి చావిడి సెంటర్‌లో అంతర్గత సీసీ రోడ్డు నిర్మాణాలకు శంకుస్థాపన చేస్తారు. మధ్యాహ్నం 2–30 గంటలకు తిరుమలాయపాలెం మండలం దమ్మాయిగూడెంలో ఇందిరమ్మ రెండో విడత లబ్ధిదారులకు ఇళ్ల మంజూరు పత్రాలు, కల్యాణలక్ష్మి, షాదీముబారక్‌ లబ్ధిదారులకు చెక్కులు అందజేస్తారు. ఆతర్వాత సాయంత్రం ఏలువారిగూడెంలో బీటీ రోడ్డు. బీరోలులో ఓవర్‌ హెడ్‌ సర్వీస్‌ రిజర్వాయర్‌ నిర్మాణానికి మంత్రి శంకుస్థాపన చేయనున్నారు. ల్యాబ్‌ టెక్నీషియన్లకు శిక్షణ ఖమ్మం వైద్యవిభాగం: జిల్లాలోని ల్యాబ్‌ టెక్నీషియన్లకు మలేరియా, ఇతర వ్యాధులకు సంబంధించి పరీక్షలపై శిక్షణ ఇచ్చారు. ఖమ్మంలోని పాత డీఎంహెచ్‌ఓ కార్యాలయంలో సోమవారం మలేరియా నిర్మూలనలో భాగంగా పరీక్షలు, విధులపై అవగాహన కల్పించారు. రక్తనమూనాల సేకరణ, పరీక్ష, నివేదికలపై శిక్షణ ఇచ్చారు. ఈకార్యక్రమంలో డీఎంఓ వెంకటేశ్వర్లు, ఏఎంఓ వేణుగోపాల్‌ పాల్గొన్నారు. ‘దుమ్ముగూడెం’ వద్ద పెరుగుతున్న నీటి మట్టంఅశ్వాపురం: ఎల్‌నినో ప్రభావంతో రాబోయే రోజుల్లో నీటి ఎద్దడి ఏర్పడే అవకాశం లేకపోలేదు. ఈ నేపథ్యంలో ఉమ్మడి ఖమ్మం జిల్లాతోపాటు మహబూబాబాద్‌, సూర్యాపేట జిల్లాలకు మిషన్‌ భగీరథ తాగునీరు అందించేందుకు ప్రభుత్వం ముందస్తు చేర్యలు చేపట్టింది. ఈ మేరకు అశ్వాపురం మండల పరిధి కుమ్మరిగూడెంలోని దుమ్ముగూడెం ఆనకట్ట ఎత్తు మరో మీటరు పెంచేలా పనులు నిర్వహిస్తోంది. దీంతో గోదావరి నీరు ఆనకట్ట వద్ద దిగువకు రాకుండా ఉంటుంది. ప్రస్తుతం పనులు ముమ్మరంగా సాగుతుండగా, ఆనకట్టపై ఇసుక బస్తాలతో ఒక లేయర్‌ పూర్తి చేశారు. రెండో లేయర్‌ పనులు చేపడుతున్నారు. ఇసుక బస్తాలు అడ్డ్డుకట్టగా వేయడంతో ఇటీవల అలుగు పోసిన ఆనకట్ట వద్ద నదిలో నీటిమట్టం క్రమంగా పెరుగుతోంది. వారం, పది రోజుల్లో పనులు పూర్తయ్యే అవకాశం ఉంది. దీంతో ఆనకట్ట వద్ద ఒక టీఎంసీ నీరు నిల్వ ఉండనుంది. ముఖచిత్ర హాజరు నమోదు ట్రయల్‌ రన్‌.. కొత్తగూడెంఅర్బన్‌: సాంకేతికత అమలులో ముందుండే సింగరేణి సంస్థ తాజాగా ఉద్యోగుల హాజరు నమోదులోనూ అధునాతన సాంకేతికత అమలు దిశగా చర్యలు చేపట్టింది. పారదర్శకత పెంచడం కోసం ప్రయోగాత్మకంగా కొత్తగూడెం ఏరియాలో ఫేస్‌ రికగ్నిషన్‌ అటెండెన్స్‌ (ముఖచిత్ర నమోదు ఆధారిత హాజరు)ను సోమవారం ప్రవేశపెట్టింది. ఇప్పటికే సింగరేణిలో కొన్ని జీఎం కార్యాలయాల్లో బయోమెట్రిక్‌ హాజరు విధానం అమల్లో ఉన్నా ఏరియావ్యాప్తంగా గనులు, విభాగాలన్నింటిలోనూ అమలు చేయడం ఇదే ప్రథమం. ఈ విధానం ద్వారా ఉద్యోగుల్లో క్రమశిక్షణ పెరుగుతుందని, సమయపాలన పాటిస్తారని యాజమాన్యం భావిస్తోంది. సింగరేణిలో దాదాపు 40 వేల మంది కార్మికులు ఉండగా కొత్తగూడెం ఏరియాలో సుమారు 1,600 మంది పనిచేస్తున్నారు. కొత్తగూడెం ఏరియాలో పైలట్‌ ప్రాజెక్టుగా ట్రయల్‌ రన్‌ ప్రారంభించింది. మొదటిరోజు ఆటంకాలు లేకుండా హాజరు నమోదు కావడంతో ఉద్యోగులు హర్షం వ్యక్తం చేశారు. అనంతరం ఇతర ఏరియాల్లోని గనులు, విభాగాల్లోనూ అమలు చేయనున్నారు.

కేయూ క్యాంపస్‌: కాకతీయ యూనివర్సిటీ పరిధి ఉమ్మడి వరంగల్‌, ఖమ్మం, ఆదిలాబాద్‌ జిల్లాల్లోని అంతర్‌ కళాశాలల హాకీ క్రీడాపోటీలు సోమవారం హనుమకొండలో నిర్వహించారు. ఈ పోటీలను కేయూ స్పోర్ట్స్‌బోర్డు సెక్రటరీ డాక్టర్‌ టి.శాస్త్రి, స్పోర్ట్స్‌బోర్డు మాజీ సెక్రటరీ వై.వెంకయ్య ప్రారంభించారు. ఈ టోర్నీలో ప్రతిభ చూపిన 24 మంది క్రీడాకారులను సౌత్‌జోన్‌ ఇంటర్‌ వర్సిటీ టోర్నమెంట్‌లో పాల్గొనే జట్టుకు ఎంపిక చేసినట్లు శాస్త్రి తెలిపారు. సెలక్టర్లుగా ఫిజికల్‌ డైరెక్టర్లు శ్రీనివాస్‌రెడ్డి, యూసిన్‌, మహేశ్‌, అజయ్‌రెడ్డి, ఫిజికల్‌ డైరెక్టర్స్‌ అసోసియేషన్‌ జాయింట్‌ సెక్రటరీ మట్టెడ కుమార్‌ వ్యవహరించారు. స్మార్ట్‌ ఫోన్‌తోనూ కంప్యూటర్‌ స్కిల్స్‌ ఖమ్మంగాంధీచౌక్‌: ఉపాధికి ఉపయోగపడే కంప్యూటర్‌ కోర్సులను స్మార్ట్‌ఫోన్‌తోనూ నేర్చుకోవచ్చని విజయా ఏజెన్సీస్‌ బాధ్యులు నూతి విజయ తెలిపారు. ఇటీవల శిక్షణ పూర్తయిన చిల్డ్రన్స్‌ బ్యాచ్‌, టాలీ బ్యాచ్‌ విద్యార్థులకు రఘునాథపాలెం ఎస్‌ఐ ఎస్‌.డీ.షహీనా సోమవారం సర్టిఫికెట్లు అందజేశారు. అనంతరం ట్రెయినర్‌ విజయ మాట్లాడుతూ పాఠశాల విద్య నుంచి ఉన్నత విద్య వరకు అన్ని స్థాయిల వారికి ఆన్‌లైన్‌లో కంప్యూటర్‌ కోర్సులు బోధిస్తున్నామని తెలిపారు. నిరుపేద విద్యార్థులు, మహిళలకు ఉచితంగా శిక్షణ ఇచ్చేందుకు సిద్ధమని వెల్లడించారు. పెన్షనర్ల సమస్యలు పరిష్కరించాలి ఖమ్మం మామిళ్లగూడెం: పెన్షనర్లు ఎదుర్కొంటున్న సమస్యలను పరిష్కరించాలని ‘టాప్రా’ ఖమ్మం జిల్లా ప్రధాన కార్యదర్శి కల్యాణ నాగేశ్వరావు డిమాండ్‌ చేశారు. ఈమేరకు సోమవారం ఖమ్మం పీఎఫ్‌ కార్యాలయం వద్ద నిరసన తెలిపాక ఆయన మాట్లాడారు. కనీస పింఛన్‌ రూ.9వేలకు పెంచడంతో పాటు కేంద్ర, రాష్ట్ర ప్రభుత్వ ఉద్యోగుల మాదిరి ఆరునెలలకోసారి డీఆర్‌ చెల్లించాలని కోరారు. అంతేకాక పెన్షనర్లు, వారి కుటుంబ సభ్యులకు ఉచిత వైద్యం కల్పించాలని, పెన్షనర్లు మరణిస్తే కుటుంబ సభ్యులకు రూ.5వేలు చెల్లించాలని డిమాండ్‌ చేశారు. నిరసనలో నాయకులు టీ.ఎన్‌.రావు, ఏటుకూరి రామారావు, పిల్లలమర్రి వెంకటేశ్వరావు, భాస్కర్‌రెడ్డి, చావ చిట్టెమ్మ, పారుపల్లి ఝాన్సీ, తోకల బాబు, వాసిరెడ్డి మల్లికార్జునరావు, ఏడు నూతల రవికుమార్‌, స్వామి, శ్రీధర్‌, అంజయ్య, కే.వీ.రామారావు పి.నాగేశ్వరరావు, డి.శ్రీనివాస్‌, కె.వెంకటేశ్వర్లు పాల్గొన్నారు.

తిరుమలాయయపాలెం: సీతారామ ప్రాజెక్టు కాల్వల తవ్వకానికి సేకరించిన భూముల్లోని చెట్లు, బావులు, బోర్లు, ఇతర ఆస్తులకు పరిహారం చెల్లించే విషయంలో అక్రమాలు జరుగుతున్నాయనే ప్రచారం జరుగుతోంది. ఈ విషయమై ‘సాక్షి’లో సోమవారం ‘సీతారామా... ఇదేమి మాయ!?’ శీర్షికన కథనం ప్రచురితమైంది. ఈ కథనం ఆధారంగా బాధిత రైతులు పలువురు కలెక్టర్‌ దివాకరకు గ్రీవెన్స్‌లో ఫిర్యాదు చేశారు. అర్హులకు పరిహారం అందేలా చర్యలు తీసుకోవాలని కోరగా, ఆయన జలవనరులశాఖ అధికారులపై అసహనం వ్యక్తం చేసినట్లు తెలిసింది. మంగళవారం నుంచి విచారణ చేపట్టి నివేదిక ఇవ్వాలని అధికారులను ఆదేశించారని రైతులు తెలిపారు.

జీఓ 58, 59 ద్వారా అందిన దరఖాస్తుల విచారణ ఈనెల 15లోగా పూర్తిచేయాలని కలెక్టర్‌ దివాకర ఆదేశించారు.ఈ రైతు పేరు బుర్ర కృష్ణ. నేలకొండపల్లి మండలం భైరవునిపల్లికి చెందిన ఈ రైతు ఎనిమిది ఎకరాల్లో వరి సాగు చేశాడు. అరకొరగా వర్షాలు కురిసినా అందుబాటులో ఉన్న నీటితో పంటను కంటికి రెప్పలా కాపాడుకున్నాడు. మొన్నటి అర్నబ్‌ తుపాన్‌తో కొంత పంట నేలవాలితే కూలీలతో నిలబెట్టించాడు. మళ్లీ ఇప్పుడు ఆకాశంలో కమ్ముకుంటున్న మబ్బులను చూస్తుంటే గుండెల్లో రైళ్లు పరిగెడుతున్నాయని చెబుతున్నాడు. పంట చేతికి వచ్చే సమయానికి వరుస తుపాన్లు వెంటాడుతున్నాయని ఆందోళన వ్యక్తం చేశాడు. వర్షం ఇలాగే కురిస్తే నష్టం తప్పదని వాపోయాడు.

రామాలయ ఈఓ దామోదర్‌రావుభద్రాచలం: భద్రాచలం శ్రీ సీతారామచంద్రస్వామి దేవస్థానం ఆధ్వర్యంలో కార్తీక మాసాన్ని పురస్కరించుకుని ప్రత్యేక పూజలు నిర్వహించనున్నట్లు ఆలయ ఈఓ దామోదర్‌రావు తెలిపారు. ఈ మేరకు సోమవారం వివరాలు వెల్లడించారు. ఈ నెల 9 నుంచి డిసెంబర్‌ 8వ తేదీ వరకు దేవస్థానానికి అనుబంధంగా ఉన్న అన్నపూర్ణ సమేత కాశీ విశ్వేశ్వరస్వామివారి ఆలయం (శివాలయం)లో ప్రత్యేక పూజలు, అభిషేకాలు జరపనున్నట్లు పేర్కొన్నారు. ఈ నెల 9న సోమవారం సాయంత్రం 6 గంటలకు కార్తీక మాస ఆకాశదీపం, 16న మొదటి సోమవారం సందర్భంగా ప్రత్యేక పూజలు, భస్మాభి షేకం, 23న రెండో సోమవారం సందర్భంగా ప్రత్యేక పూజలు, చందనాభిషేకం, 24న కార్తీక పౌర్ణమి సందర్భంగా పూజలు, జ్వాలాతోరణం ఉంటాయని వెల్లడించారు. 29న ఆదివారం ఉదయం 10 గంటలకు శ్రీ స్వామివారి కల్యాణం, 30న మూడో సోమవారం శర్యారాభిషేకం, డిశంబర్‌ 7న నాలుగో సోమవారం పూజలు లక్ష బిల్వార్చన ఉంటుందని వివరించారు. కార్తీక మాసం సందర్భంగా పవిత్ర గోదావరి నదీతీరంలో ప్రతి సోమవారం నదీ హారతి కార్యక్రమాన్ని నిర్వహించనున్నారు. ఈ నెల 10 నుంచి డిసెంబర్‌ 8 వరకు రోజూ సాయంత్రం 6 గంటల నుంచి రాత్రి 8 గంటల వరకు శ్రీ రామ సేవా మండపం వద్ద సామూహిక శ్రీ సత్యనారాయణ స్వామివారి వ్రతాలు నిర్వహించనున్నట్లు ఈఓ తెలిపారు.

● డిసెంబర్‌లోగా మిల్లర్లు సీఎంఆర్‌ అప్పగించాల్సిందే.. ● పెండింగ్‌ బియ్యం సేకరణపై అధికారుల దృష్టి ఖమ్మం సహకారనగర్‌: జిల్లాలోని రైస్‌ మిల్లులకు కేటాయించిన ధాన్యాన్ని మర ఆడించి క్లస్టమ్‌ మిల్లింగ్‌ రైస్‌(సీఎంఆర్‌)గా అప్పగించాల్సి ఉన్నా కొందరు నిర్లక్ష్యంగా వ్యవహరిస్తున్నారు. పలుమార్లు గడువులు పొడిగించినా తీరు మారకపోవడంతో ఇటీవల ప్రభుత్వం తనిఖీలు చేయించడంతో ధాన్యం నిల్వలు తక్కువ ఉండడమే కాక బియ్యాన్ని పక్కదారి పట్టించినట్లు తేలింది. ఈ నేపథ్యాన ప్రభుత్వం చివరి అవకాశంగా డిసెంబర్‌ వరకు గడువు ఇస్తూ నిర్ణయం తీసుకుంది. 93వేల మె.టన్నులకు పైగా బాకీ ప్రభుత్వం కొనుగోలు కేంద్రాల సేకరించిన ధాన్యంలో 3,56,778.560 మెట్రిక్‌ టన్నులను జిల్లాలోని రైస్‌ మిల్లులకు కేటాయించింది. ఇందులో 67శాతం అంటే 23,35,593.468 మెట్రిక్‌ టన్నుల బియ్యాన్ని సీఎంఆర్‌గా తిరిగి అప్పగించాల్సి ఉంటుంది. ఇందుకోసం జనవరి 31వ తేదీ వరకు గడువు పెట్టగా, ఇప్పటివరకు 1,41,686.115మెట్రిక్‌ టన్నుల బియ్యమే అందాయి. మిగిలిన 93,899.454 మె.టన్నుల బియ్యాన్ని అప్పగించేందుకు డిసెంబర్‌ వరకు ప్రభుత్వం తుది గడువు ప్రకటించింది. విజిలెన్స్‌ తనిఖీలతో గుట్టురట్టు జిల్లాలో రెండు నెలల క్రితం విజిలెన్స్‌ అండ్‌ ఎన్‌ఫోర్స్‌మెంట్‌ బృందాలు తనిఖీ చేపట్టాయి. మొత్తం 14 రైస్‌ మిల్లుల్లో తనిఖీ చేయగా ధాన్యం నిల్వల్లో భారీగా తేడా ఉన్నట్లు బయటపడింది. దీంతో నిల్వ ఉన్న ధాన్యం విలువతో పాటు జరిమానా చెల్లించాలని ప్రభుత్వం ఆదేశించారు. ఈమేరకు 14 మిల్లుల్లో 21,146.313 మె.టన్నుల ధాన్యం విలువ, జరిమానా కలిపి రూ.64,63,35,632 కోట్లు చెల్లించాల్సి ఉండగా, రూ.49,48,00,976 మాత్రమే చెల్లించారు. మిగతా రూ.15,15,34,656ను మిల్లర్లు చెల్లించాల్సి ఉంది. ఈక్రమాన బకాయి పడిన మిల్లర్లపై క్రిమినల్‌ కేసులు నమోదు చేశారు. నిల్వల్లో తేడాలు అక్టోబర్‌లో జిల్లాలోని తొమ్మిది రైస్‌ మిల్లుల్లో తనిఖీ చేపట్టగా, మూడు మిల్లుల్లో 6,019.99 మె. టన్నుల ధాన్యం తక్కువగా ఉందని పౌరసరఫరాల శాఖ అధికారులు తేల్చారు. ఈ ధాన్యం విలువ రూ.18,71,21,465కు గాను మిల్లర్లు రూ.2,98,56,405 మాత్రమే చెల్లించారు. ఇంకా రూ.15,72,65,060 చెల్లించాల్సి ఉంది. ఆతర్వాత కమిషనర్‌ కార్యాలయం నుంచి వచ్చిన ప్రత్యేక బృందాలు అప్పటికే తనికీ చేసిన రెండు మిల్లుల్లో పునఃపరిశీలన (సూపర్‌ చెక్‌) చేపట్టారు. దీంతో ఒక మిల్లులో 339.682 మె. టన్నుల ధాన్యం తేడా రావడంతో వారు విధించిన రూ.1,18,49,875 జరిమానా కూడా పెండింగ్‌ ఉంది. ఈక్రమాన విధుల్లో నిర్లక్ష్యం వహించే అధికారులపై చర్యలు తీసుకుంటూనే సీఎంఆర్‌ సేకరణ, జరిమానా వసూళ్లపై ప్రత్యేక దృష్టి సారించారు. జిల్లాలోని రైస్‌మిల్లర్లకు కేటాయించిన ధాన్యాన్ని మర ఆడించి సీఎంఆర్‌గా చెల్లించాలి. ప్రస్తుతం 93,899.454 మె.టన్నుల బియ్యం బకాయి ఉన్నారు. ఈ బియ్యాన్ని డిసెంబర్‌లోగా అప్పగించేలా సూచనలు చేస్తున్నాం. – చందన్‌కుమార్‌, డీసీఎస్‌ఓ

నలుగురికి తీవ్ర గాయాలు చర్ల: ఆగి ఉన్న ఆటోలో నుంచి ప్రయాణికులు దిగుతున్న క్రమంలో వేగంగా వచ్చిన కారు ఢీకొట్టింది. దీంతో ఆటోలో ఉన్న నలుగురికి తీవ్ర గాయాలు, మరికొందరికి స్వల్ప గాయాలయ్యాయి. ఈ ఘటన ఆదివారం దుమ్ముగూడెం మండలంలోని చిననల్లబల్లి, కేశవాపురం గ్రామాల మధ్యలో జరిగింది. చర్ల మండలంలోని పులిగుండాల గ్రామానికి చెందిన కొందరు ఆటోలు చిననల్లబల్లి కేశవాపురం మధ్యలో ఉన్న చర్చిలో ఆదివారం ప్రార్థనకు వెళ్లారు. చర్చి ముందున్న రహదారి పక్కన ఆటో ఆపి దిగుతుండగా హైదరాబాద్‌ నుంచి వస్తున్న కారు ఢీకొట్టింది. దీంతో పులిగుండాలకు చెందిన మైనిక, వీరమ్మ, భద్రయ్య, సీతారాములకు తీవ్ర గాయాలయ్యాయి. మరికొందరికి స్వల్ప గాయాలయ్యా యి. క్షతగాత్రులను చికిత్స నిమిత్తం ములకపాడు, భద్రాచలం ఆస్పత్రులకు తరలించారు. కాగా, ఈ ఘటనపై ఫిర్యాదు అందలేదని సీఐ వెంకటప్పయ్య తెలిపారు. పరిష్కారానికి నోచుకోని ప్రజా సమస్యలుభద్రాచలంటౌన్‌: భద్రాచలం నియోజకవర్గంలో ప్రజా సమస్యలు పరిష్కారానికి నోచుకోవడం లేదని తెలంగాణ రక్షణ సేన రాష్ట్ర మహిళా ప్రధాన కార్యదర్శి కనగాల చైతన్య విమర్శించారు. ఆదివారం పట్టణంలోని హరి త హోటల్‌లో నిర్వహించిన విలేకరుల సమావేశంలో మాట్లాడారు. గతంలో బీఆర్‌ఎస్‌ ప్రభుత్వం, ఇప్పుడు కాంగ్రెస్‌ ప్రభుత్వం ప్రజా సమస్యలను విస్మరించాయని ఆరోపించారు. భద్రాచలంలో డబుల్‌ బెడ్రూం ఇళ్ల కోసం దరఖాస్తు చేసుకున్న పేదలు ఎదురుచూపులు చూస్తున్నారని పేర్కొన్నారు. బూర్గంపాడు రహదారిని అభివృద్ధి చేయాలని, చర్ల–వెంకటాపురం రహదారి సమస్యలను పరిష్కరించాలని కోరారు. ఇసుక అక్రమ రవాణాను అరికట్టాలని, దుమ్ముగూడెం ప్రాంత రైతులకు సాగునీరు అందించాలని డిమాండ్‌ చేశారు. టీఆర్‌ఎస్‌ రాష్ట్ర మహిళా ప్రధాన కార్యదర్శి కనగాల చైతన్య

ఖమ్మంమయూరిసెంటర్‌: కేంద్ర ప్రభుత్వం అనుసరిస్తున్న ప్రజాస్వామ్య వ్యతిరేక విధానాలు దేశాభివృద్ధికి ఆటకంగా నిలుస్తున్నాయని సీపీఎం రాష్ట్ర కార్యదర్శివర్గ సభ్యులు పోతినేని సుదర్శన్‌రావు విమర్శించారు. ఖమ్మంలో ఆదివారం నిర్వహించిన జిల్లా ప్లీనరీ సమావేశంలో ఆయన మాట్లాడుతూ అంతర్జాతీయంగా కార్పొరేట్‌ వ్యవస్థకు ప్రతినిధిగా ఉన్న ట్రంప్‌ విధానాలకు కేంద్ర ప్రభుత్వం తలొగ్గి, దేశ ప్రయోజనాలను తాకట్టు పెడుతోందని ఆరో పించారు. దేశ సంపదను కార్పొరేట్‌ శక్తులకు కట్టబెట్టడమే కాక న్యాయమైన హక్కుల కోసం పోరాడుతున్న విద్యార్థులపై అణచివేతకు పాల్పడుతోందని పేర్కొన్నారు. అంతేకాక ‘సర్‌’ పేరుతో దేశంలో 13 కోట్ల మంది, తెలంగాణలో 70 లక్షల మంది ఓట్ల తొలగింపునకు కుట్ర పన్నారని తెలి పారు. కాగా, పట్టభద్రుల ఎన్నికల్లో పీడీఎఫ్‌ మద్దతు ఇస్తున్న అభ్యర్థిని గెలిపించుకోవాలని, నల్ల గొండలో జరిగే రైతు మహాసభలకు జన సమీకరణ చేయాలని పిలుపునిచ్చారు. అలాగే, సీపీఎం నాయకుడు సామినేని రామారావు హత్య కేసులో కాంగ్రెస్‌ నేతలు అనుసరిస్తున్న వైఖరిపై రాజీలేని పోరాటం చేస్తామని పోతినేని తెలిపారు. పార్టీ జిల్లా కార్యదర్శి నున్నా నాగేశ్వరరావు మాట్లాడుతూ జిల్లాలో ఎల్‌నినో ప్రభావంతో తీవ్ర కరువు పరిస్థితులు నెలకొన్నందున రైతులు, వ్యవసాయ కూలీలను ప్రభుత్వం ఆదుకోవాలని డిమాండ్‌ చేశారు. ఈ సమావేశంలో నాయకులు మాచర్ల భారతి, బుగ్గవీటి సరళ, బండి పద్మ, బండి రమేష్‌, కల్యాణం వెంకటేశ్వరరావు వై.విక్రమ్‌, మాదినేని రమేష్‌, యర్రా శ్రీనివాసరావు, భూక్యా వీరభద్రం, బొంతు రాంబాబు, మడుపల్లి గోపాల్‌రావు, మెరుగు సత్యనారాయణ, ఎమ్మెల్సీ అభ్యర్థి కొల్లి సత్యనారాయణ తదితరులు పాల్గొన్నారు.సీపీఎం నేతలు పోతినేని, నాగేశ్వరరావు

ఖమ్మం మయూరిసెంటర్‌: పెట్టుబడిదారీ వ్యవస్థకు వ్యతిరేకంగా కార్మికవర్గం, రైతాంగం, ప్రజలు ఐక్యంగా పోరాడి దోపిడీ లేని సమసమాజాన్ని స్థాపించుకోవడం ద్వారా అమరవీరులకు నివాళి అర్పించాలని సీపీఐ(ఎంఎల్‌) మాస్‌లైన్‌ ఖమ్మం జిల్లా కార్యదర్శి సీ.వై. పుల్లయ్య పిలుపునిచ్చారు. ఖమ్మంలోని రామనర్సయ్య విజ్ఞాన కేంద్రంలో ఆదివారం జరిగిన అమరవీరుల సంతాప సభలో ఆయన అమరవీరుల స్థూపం వద్ద ఎర్రజెండా ఆవి ష్కరించి మాట్లాడారు. వందేళ్ల కమ్యూనిస్టు ఉద్య మ చరిత్రలో స్వాతంత్య్రం, భూమి, భుక్తి, విముక్తి కోసం ఎందరో ప్రాణాలర్పించారని గుర్తుచేశారు. భగత్‌సింగ్‌, అల్లూరి సీతా రామరాజుతో పాటు తెలంగాణ సాయుధ పోరాటంలో 4వేల మంది కమ్యూనిస్టులు అమరులయ్యారని పేర్కొన్నారు. కాగా, కేంద్రంలోని మోదీ ప్రభుత్వం దేశ మౌలిక వనరులను కార్పొరేట్లకు కట్టబెట్టడమే కాక, ‘సర్‌’ పేరుతో కోట్లాది మంది ఓటర్ల పేర్లు అక్రమంగా తొలగించారని విమర్శించారు. ఈమేరకు అమరుల స్ఫూర్తితో కార్యకర్తలు పోరాడాలని కోరా రు. మాస్‌లైన్‌, అనుబంధ సంఘాల నాయకులు ఝాన్సీ, సీహెచ్‌.శిరోమణి, కె.శ్రీనివాస్‌, శ్రీనివాస్‌, నామాల ఆజాద్‌, లెనిన్‌, బొల్లి కొమరయ్య, రఘు, మురళి, వెంకటేష్‌ పాల్గొన్నారు.

ఖమ్మం మామిళ్లగూడెం: కాంగ్రెస్‌ అధికారంలోకి వచ్చిన అనతికాలంలోనే ప్రభుత్వ భూములను అమ్మడమే కాక సహజ వనరులను పక్కదారి పట్టిస్తూ దోపిడీకి తెరతీసిందని బీజేపీ జాతీయ నాయకుడు డాక్టర్‌ పొంగులేటి సుధాకర్‌రెడ్డి విమర్శించా రు. ఖమ్మంలోని బీజేపీ కార్యాలయంలో ఆదివారం జరిగిన సమావేశంలో ఆయన మాట్లాడుతూ కాంగ్రెస్‌ నాయకులు కాంట్రాక్టుల పేరుతోనే కాక 22ఏ భూముల పేరుతో అక్రమాలకు పాల్పడుతున్నారని ఆరోపించారు. సత్తుపల్లి మండలం బుగ్గపాడు ఫుడ్‌ పార్క్‌ వ్యవహారంలోనూ రూ.వేల కోట్ల కుంభకోణం జరిగిందని తెలిపారు. కేవలం రూ.22 కోట్ల టర్నోవర్‌ కలిగిన కంపెనీకి 72 ఎకరాల విలువైన భూమిని ఎకరాకు కేవలం రూ.25లక్షల చొప్పున కట్టబెట్టారని పేర్కొన్నారు. దీని వెనుక ఎవరు ఉన్నారో బయటపెట్టే వరకు పోరాడుతామని తెలి పారు. అలాగే, సింగరేణి బొగ్గు గనుల్లో జరుగుతున్న అవినీతిని వెలికితీస్తామని చెప్పారు. అనంతరం 51వ డివిజన్‌లో ఎమ్మెల్సీ ఓటరు నమోదు కేంద్రాన్ని ఆయన పరిశీలించారు. ●ఖమ్మంఅర్బన్‌: ఖమ్మం 9వ డివిజన్‌ రోటరీనగర్‌లో బీజేపీ నాయకుడు కుమిలి శ్రీనివాసరావు ఆధ్వర్యాన ఏర్పాటుచేసిన పట్టభద్రుల ఎమ్మెల్సీ ఓటరు నమోదు కేంద్రాన్ని బీజేపీ జాతీయ నాయకుడు పొంగులేటి సుధాకర్‌రెడ్డి ప్రారంభించారు. పట్టభద్రులంతా ఓటర్లుగా నమోదయ్యేలా అవగాహన కల్పించాలని సూచించారు. ఈ కార్యక్రమాల్లో పార్టీ జిల్లా అధ్యక్షుడు నెల్లూరి కోటేశ్వరరావు, నాయకులు ఉదయ్‌ప్రతాప్‌, రుద్ర ప్రదీప్‌, నున్న రవికుమా ర్‌, వీరల్లి రాజేష్‌, గుత్తా వెంకటేశ్వరరావు, అల్లిక అంజయ్య, మంద సరస్వతి, రీగన్‌, సురేష్‌, కృష్ణ, సాయిరాం, రుద్రగాని మాధవ్‌, శ్రీలక్ష్మీరెడ్డి, గడిల నరేష్‌, మహేందర్‌సింగ్‌, వెంకటనారాయణ, ఈవీ రమేష్‌, నీలిమ, ముత్యం, రాము పాల్గొన్నారు. బీజేపీ నాయకుడు సుధాకర్‌రెడ్డి

ఖమ్మంగాంధీచౌక్‌: గుజరాత్‌ రాష్ట్రం ఏక్తా నగర్‌లోని స్టాచ్యూ ఆఫ్‌ యూనిటీ వద్ద నిర్వహించిన రాష్ట్రీయ ఏక్తా దివస్‌ వేడుకల్లో ఖమ్మం ఎకో క్లబ్‌ ప్రతినిధులు హాజరయ్యారు. ఎకో–క్లబ్‌ ఎన్విరాన్‌మెంటల్‌ సొసైటీ అధ్యక్ష, ప్రధాన కార్యదర్శులు డాక్టర్‌ కడవెండి వేణుగోపాల్‌, అరుణకుమారి ఇందులో పాల్గొన్నారు. ప్రధాని మోదీ ముఖ్యఅతిథిగా పాల్గొన్న వేడుకల్లో పాల్గొన్న వారు మాట్లాడుతూ సర్దార్‌ పటేల్‌ ఆశయాలు దేశ సమైక్యతకు స్ఫూర్తిగా నిలుస్తాయని తెలిపారు. జాతీయ ఐక్యతా ఉద్యమంలో భాగంగా పర్యావరణ పరిరక్షణను అందరూ బాధ్యతగా స్వీకరించాలని కోరారు. అండర్‌–17 జిల్లా అథ్లెటిక్స్‌ జట్లు సిద్ధంఖమ్మం స్పోర్ట్స్‌: అండర్‌–17 అథ్లెటిక్స్‌ బాలబాలికల జట్లను ఎంపిక చేసినట్లు జిల్లా పాఠశాలల క్రీడా సంఘం కార్యదర్శి వై.చిన్ని వెల్లడించారు. ఈ జట్లు త్వరలో జరిగే రాష్ట్రస్థాయి పోటీల్లో పాల్గొంటాయని తెలిపారు. బాలుర జట్టుకు ఆర్‌.మోహన్‌, ఏ.నాగరాజు, పి.జితేందర్‌, ఎస్‌.విజయరామ అరవింద్‌, ఎం.చరణ్‌ నాయక్‌, ఎస్‌.శ్రీకాంత్‌, జె.వినీల్‌, డి.అవినా ష్‌, కె.వాసు, కె.గోపాలకృష్ణ, ఎం.సాయిభరత్‌, కె.దిలీప్‌, జె.కార్తీక్‌, ఎన్‌.ఫ్రాంక్లిన్‌, బి.చరణ్‌, కె.ఆనంద్‌, ఎం.వివేకవర్థన్‌, పి.అభిరాం దొర, ఎం.అభి, పి.అజయ్‌, కె.ఆనంద్‌ ఎంపికయ్యారని పేర్కొన్నారు. అలాగే, బాలికల జట్టుకు వై.శృతిహాసన్‌, ఎం.ప్రవళిక, జి.ప్రసన్నలక్ష్మి, టి.తేజశ్రీ, ఏ.వైష్ణవి, ఎం.సాయిదీపిక, పి. స్వప్న, వేదార్షిని, సీహెచ్‌.మీనాక్షి, ఏ.గౌరీప్రియ, పి.సంగీత, బి.మైథిలి, ఎం.శాంతి, భువనేశ్వరి, ఈ.వినీల, సీహెచ్‌. కార్తీక, కె. నవ్య, ఈ.విజయదుర్గ, ఎం.హర్షిణి ఎంపికయ్యారని తెలిపారు. వివాదాస్పద స్థలాన్ని పరిశీలించిన డీఐఎస్‌ పెనుబల్లి: పెనుబల్లి – కల్లూరు మండలాల మధ్య వివాద భూమి హద్దులను ఆదివారం జిల్లా డిప్యూటీ ఇన్‌స్పెక్టర్‌ ఆఫ్‌ సర్వే(డీఐఎస్‌) నాగభూషణం పరిశీలించారు. పెనుబల్లి మండలం తాళ్లపెంట రెవెన్యూ, కల్లూరు మండలం గోకవరం రెవెన్యూ మధ్య కర్రలపాడు, ఎర్రబంజర, బత్తులపల్లి గ్రామాల్లో భూములు గతంలో తాళ్లపంట రెవెన్యూలో ఉండగా.. ఇప్పుడు గోకవరం రెవెన్యూలో చూపిస్తున్నారంటూ వివాదం నెలకొంది. ఈమేరకు రైతులు ఇటీవల కల్లూరు సబ్‌కలెక్టర్‌ అజయ్‌కుమార్‌యాదవ్‌కు ఫిర్యాదు చేశారు. ఈ నేపథ్యాన ఆదివారం డీఐఎస్‌ నాగభూషణం, సర్వేయర్లతో కలిసి హద్దులపై స్థానిక రైతులతో చర్చించారు. రికార్డుల ఆధారంగా సమస్యను జిల్లా అధికారుల దృష్టికి తీసుకెళ్లి పరిష్కారానికి కృషి చేస్తామని తెలిపారు. సర్వేయర్లు ఈ.శ్రీనివాసరావు, ఈశ్వరి, స్వప్న, ప్రవీణ్‌, జీపీఓ సత్యవాణి పాల్గొన్నారు. వాతావరణ మార్పులపై అవగాహనఇల్లెందురూరల్‌: ఎల్‌నినో ప్రభావం వల్ల వాతావరణంలో చోటుచేసుకుంటున్న మార్పులపై రైతులు అవగాహన పెంచుకుని, అందుకు అనుగుణంగా పంటలు సాగు చేయాలని ఖమ్మం జిల్లా వ్యవసాయశాఖ అధికారి పుల్లయ్య సూచించారు. ఇల్లెందు మండలం ధనియాలపాడులో ఇఫ్కో, ఫ్యాక్ట్‌ సంస్థలు ఏర్పాటు చేసిన అవగాహన సదస్సులో ఆయన మాట్లాడారు. వాతావరణ పరిస్థితులకు అనుగుణంగా పంటలు సాగు చేయడమే కాక సరైన యాజమాన్య పద్ధతులు పాటించి, సాంకేతికతను వినియోగించాలని తెలిపారు. అనంతరం పలువురు రైతులకు నానో యూరియా, నానో డీఏపీ, జింక్‌తో పాటు 20 మంది పేదలకు దుప్పట్లు పంపిణీ చేశారు. ధనియాలపాడు సర్పంచ్‌ సనప సావిత్రి, ఉపసర్పంచ్‌ అంజనేయులుతో పాటు ఈసం భద్రయ్య, నర్సయ్య, ఏపె వెంకటేశ్వర్లు, ఈసం కొమురమ్మ, జబ్బ అంజయ్య, సనప సురేష్‌, నాగార్జున, రామకృష్ణ పాల్గొన్నారు.

● నీటి సరఫరాల పథకాల పరిస్థితిపై ఆరా ● ఈనెలలో సర్వే, డిసెంబర్‌ నాటికి మరమ్మతుల పూర్తి ● నేడు సమీక్షించనున్న కలెక్టర్‌ఖమ్మంఅర్బన్‌: ఎల్‌నినో ప్రభావం వర్షాభావ పరిస్థితులు నెలకొన్నాయి. జిల్లాలో ఆశించిన స్థాయిలో వర్షాలు కురవకపోవడంతో జలాశయాల్లోకి అంతంత మాత్రంగానే నీరు చేరింది. మరోపక్క భూగర్భ జలాలు అడుగంటే అవకాశముంది. ఈ నేపథ్యాన రానున్న వేసవిలో తాగునీటి ఎద్దడి తలెత్తకుండా జిల్లా గ్రామీణ నీటి సరఫరా(ఆర్‌డబ్ల్యూఎస్‌) శాఖ ముందస్తు చర్యలకు సిద్ధమవుతోంది. ఏటా వేసవికి నెల ముందు తాగునీటి పథకాలను పరిశీలించి అవసరమైన మరమ్మతులు చేపట్టేవారు. కానీ ఈసారి పరిస్థితుల కారణంగా ముందుగానే నీటి వనరుల పరిస్థితిని అంచనా వేసి, సమస్యాత్మక ప్రాంతాలను గుర్తించేందుకు ఈనెల 15నుంచి జిల్లావ్యాప్తంగా ప్రత్యేక సర్వేకు సిద్ధమవుతున్నారు. ఈమేరకు పథకాల పనితీరు, ముందస్తు చర్యలపై కలెక్టర్‌ అధ్యక్షతన సోమవారం సమీక్ష జరగనుంది. సమస్య వస్తే ఎలా ? ఈ ఏడాది ఎల్‌నినో ప్రభావంతో ఎండ తీవ్రత పెరిగి నీటి వనరులు అడుగంటుతాయనే అంచనా లతో అధికారులు ముందస్తుగా అప్రమత్తమయ్యా రు. జిల్లాలోని 20 మండలాల పరిధి 915 హ్యాబిటేషన్లకు గాను 911 హ్యాబిటేషన్లకు మిషన్‌ భగీరథ ద్వారా తాగునీటి సరఫరా అవుతోంది. జిల్లా వ్యాప్తంగా 8,289 చేతిపంపులు, 1,298 స్థానిక నీటి సరఫరా పథకాలు, 294 సింగిల్‌ఫేజ్‌ మోటార్లు, 257 బహిరంగ బావుల ద్వారా ప్రజలకు తాగునీరు అందిస్తున్నారు. ప్రస్తుతం జిల్లాలో ఎక్కడా తాగునీటి ఎద్దడి లేదని చెబుతున్నా... రానున్న రోజుల్లో ఇబ్బంది వస్తే ఎలా ఎదుర్కోవాలనే అంశంపై ముందస్తు కసరత్తు చేస్తున్నారు. ప్రత్యేక బృందాల ఆధ్వర్యాన సర్వే జిల్లాలోని అన్ని ఆవాసాల్లో తాగునీటి పథకాల స్థితి గతులు, నీటి లభ్యతపై ఆరా తీసేందుకు ఈనెల 15నుంచి ప్రత్యేక బృందాలు క్షేత్రస్థాయిలో పర్యటించనున్నాయి. చేతిపంపులు, బోర్లు, పంప్‌సెట్లు, తాగునీటి పథకాల పనితీరును పరిశీలించడంతో పాటు అవసరమైన మరమ్మతులు, పైపులైన్ల లీకేజీలను గురిస్తారు. అవసరమైన చోట తక్షణమే మరమ్మతులు చేపట్టేలా చర్యలు తీసుకోనున్నారు. ఇందుకోసం ఎంపీడీఓలు, పంచాయతీ కార్యదర్శులు, ఆర్‌డబ్ల్యూఎస్‌, గ్రిడ్‌ ఏఈలు, సర్పంచ్‌లతో సమన్వయ సమావేశాలు నిర్వహించి కార్యాచరణ రూపొందించనున్నారు. ప్రత్యేక సర్వే ద్వారా గుర్తించిన సమస్యలను డిసెంబర్‌ నాటికి మరమ్మతు చేసి వేసవికి సిద్ధం కానున్నారు. ఇదే సమయాన గ్రిడ్‌ నుంచి నీటి సరఫరాలో అంతరాయం ఏర్పడినా, స్థానిక నీటివనరులు అడుగంటినా ప్రజలకు ఇబ్బంది రాకుండా ప్రత్యామ్నాయ వనరులను సైతం గురిస్తారు. అవసరమైన ప్రాంతాల్లో అద్దె బోర్లు, ఇతర నీటి వనరుల వినియోగంతోపాటు ట్యాంకర్ల ద్వారా నీటి సరఫరా చేసేలా ప్రణాళిక రూపొందిస్తారు. ప్రస్తుతం ఉన్న సమాచారం మేరకు జిల్లాలో ఎక్కడ కూడా తాగునీటి ఎద్దడి లేదు. అయితే, రానున్న రోజుల్లో ఎల్‌నినోతో ఎద్దడి ఎదురైతే ఎలా ఎదుర్కోవాలో గుర్తిచేందుకు గ్రామాల్లో సర్వే చేయనున్నాం. ఆపై నివేదిక రూపొందించిన ఉన్నతాధికారుల సూచనలతో కార్యాచరణ సిద్ధం చేస్తాం. – శేఖర్‌రెడ్డి, ఆర్‌డబ్ల్యూఎస్‌ ఎస్‌ఈ

దమ్మపేట: గంజాయి సేవిస్తున్న ఆరుగురు వ్యక్తులతోపాటు గంజాయిని కలిగి ఉన్న మరో ఇద్దరిని పోలీసులు శనివారం రాత్రి అరెస్టు చేశారు. అశ్వారావుపేట సీఐ నాగరాజు రెడ్డి వెల్లడించిన వివరాల ప్రకారం... దమ్మపేట పోలీస్‌ స్టేషన్‌ పరిధిలో ఎస్సై బి.రాజేష్‌ కుమార్‌ సిబ్బందితో కలిసి పెట్రోలింగ్‌ నిర్వహిస్తున్నారు. ఈ క్రమంలో ఆర్లపెంట గ్రామ శివారులోని శ్మశాన వాటిక వద్ద గంజాయి సేవిస్తున్న ఆరుగురు వ్యక్తులను గుర్తించి అదుపులోకి తీసుకున్నారు. విచారణ జరపగా లంకాలపల్లి కి చెందిన పొట్ట సాయికుమార్‌, నాగుపల్లికి చెందిన లావుడ్యా చైతన్య వద్ద గంజాయి ఉన్నట్లు గుర్తించారు. వారిని కూడా అరెస్ట్‌ చేసి, 250 గ్రాముల గంజాయి, రెండు మొబైల్‌ ఫోన్లు, మోటార్‌ సైకిల్‌ను స్వాధీనం చేసుకున్నారు. స్వాధీనం చేసుకున్న గంజాయి విలువ సుమారు రూ.12,500లు ఉంటుందని సీఐ తెలిపారు. ఆదివారం కేసు నమోదు చేసి, గంజాయి సేవించిన ఆరుగురిని, గంజాయితో పట్టుబడిన ఇద్దరిని దమ్మపేట కోర్టులో హాజరు పరిచారు. గంజాయి సేవించిన ఆరుగురిని డీ అడిక్షన్‌ సెంటర్‌కు, గంజాయి కలిగి ఉన్న ఇద్దరు వ్యక్తులను రిమాండ్‌కు తరలించారు.

● అక్రమంగా వెలుస్తున్న బహుళ అంతస్తుల నిర్మాణాలు ● భద్రాచలంలో యథేచ్ఛగా ఏజెన్సీ చట్టాల ఉల్లంఘన ● యజమానులకు నోటీసులు జారీ చేసిన అధికారులు భద్రాచలంఅర్బన్‌: ఏజెన్సీ చట్టాలు అమల్లో ఉన్న భద్రాచలం పట్టణంలో బహుళ అంతస్తుల భవనాలు వెలుస్తుండటంతోపై విమర్శలు వ్యక్తమవుతున్నాయి. అధికారిక సమాచారం ప్రకారం శాంతినగర్‌, మెడికల్‌ కాలనీ, చప్టా దిగువ, కొత్తపేట తదితర ప్రాంతాల్లో జీ+2 భవనాలు సుమారు 40, జీ+4 భవనాలు మరో 11 వరకు ఉన్నాయి. వీటిలో కొన్ని పూర్తికాగా, మరికొన్ని నిర్మాణ దశలో ఉన్నాయి. నిబంధనల ఉల్లంఘనలపై భవనాల యజమానులకు అధికారులు నోటీసులు జారీ చేశారు. భద్రాచలం షెడ్యూల్డ్‌ ఏజెన్సీ ప్రాంతం కావడంతో భూముల బదలాయింపుపై ఆంక్షలు అమల్లో ఉన్నాయి. 1/70 చట్టం అమలులో ఉన్నా విచ్చలవిడిగా భవనాలు నిర్మిస్తుండటంతో అధికారుల తీరుపై సందేహాలు వ్యక్తమవుతున్నాయి. భక్తుల అవసరమే ఆసరా భద్రాచలంలో ఏటా జరిగే శ్రీరామనవమి, ముక్కోటి ఏకాదశి తదితర ఉత్సవాలకు వివిధ ప్రాంతాల నుంచి వేలాదిగా భక్తులు తరలివస్తుంటారు. ఆ సమయంలో వసతి గదులకు డిమాండ్‌ ఉంటుంది. దీంతో కొందరు భారీ భవనాలు నిర్మించి గదులను అధిక అద్దెలకు ఇస్తున్నారనే ఆరోపణలున్నాయి. సాధారణ రోజుల్లో ఒక ధర, ఉత్సవాల సమయంలో మరో ధర వసూలు చేస్తున్నట్లు తెలుస్తోంది. దూరప్రాంతాల నుంచి వచ్చే భక్తులు తప్పనిసరి పరిస్థితుల్లో అధిక మొత్తం చెల్లించి గదులు తీసుకోవాల్సి వస్తోంది. అయితే భవనాలకు వాణిజ్య అనుమతులు ఉన్నాయా? నివాస అవసరాల కోసం నిర్మించి లాడ్జీలుగా వినియోగిస్తున్నారా? అగ్నిమాపక భద్రతా ప్రమాణాలు పాటిస్తున్నారా? అనే అంశాలను అధికారులు విచారించాల్సి ఉంది. మరోవైపు ఏజెన్సీ భూములు, నిర్మాణ అనుమతులపై హైకోర్టులో 15 వరకు కేసులు ఉన్నట్లు సమాచారం. గతంలో కూలిన నాలుగు అంతస్తుల భవనం గతంలో భద్రాచలంలో నిర్మిస్తున్న నాలుగు అంతస్తుల భవనం పేకమేడలా కుప్పకూలింది. నాసిరకంగా నిర్మించడంతో భవనం కూలిపోగా, శిథిలాల కింద పడి ఇద్దరు కార్మికులు మృతి చెందారు. తీవ్ర విషాదాన్ని మిగిల్చిన ఈ ఘటన నిర్మాణాల నాణ్యత, అధికారుల పర్యవేక్షణపై అనేక ప్రశ్నలు లేవనెత్తింది. అలాంటి ప్రమాదం మరోసారి జరగకుండా ప్రస్తుతం నిర్మిస్తున్న భవనాల పటిష్టతను పరిశీలించాల్సిన అవసరం ఉంది. ఇద్దరు ఐఏఎస్‌ అధికారులున్నా.. భద్రాచలంలో సబ్‌ కలెక్టర్‌, ఐటీడీఏ పీఓ.. ఇద్దరు ఐఏఎస్‌ అధికారులు ఉన్నారు. అయినా ఏజెన్సీ ప్రాంతంలో బహుళ అంతస్తుల నిర్మాణాలు వెలుస్తుండటం చర్చనీయాంశంగా మారింది. రెండు కీలక కార్యాలయాలు భద్రాచలంలోనే ఉన్నందున సంబంధిత శాఖలతో సమన్వయం చేసుకుని భూ హక్కులు, నిర్మాణ అనుమతులు, భద్రతా ప్రమాణాలపై తనిఖీలు చేపట్టాల్సిన అవసరం ఉంది. ఇప్పటికే పలు భవనాలకు నోటీసులు జారీ చేసిన నేపథ్యంలో తదుపరి చర్యలు తీసుకోవాలని ఏజెన్సీ ప్రజలు కోరుతున్నారు. నిబంధనల ఉల్లంఘనలపై చర్యలు చేపట్టాలని డిమాండ్‌ చేస్తున్నారు.

తల్లాడ: లయన్స్‌ క్లబ్‌ ద్వారా పలు సేవా కార్యక్రమాలు చేపట్టిన క్లబ్‌ ప్రతినిధి దారా శ్రీనివాసరావును ఇండియన్‌ గ్లోరీ అవార్డు వరించింది. కళా రత్న మూవీస్‌ ఆధ్వర్యంలో శనివారం రాత్రి హైదరాబాద్‌ జూబ్లీహిల్స్‌ ప్రసాద్‌ ల్యాబ్‌లో అవార్డు ప్రదానం చేశారు. సినీ హీరో సుమన్‌ అవార్డు అందజేసి శాలువాతో సన్మానించి జ్ఞాపికను అందించారు. అవార్డు రావడం పట్ల తల్లాడ లయన్స్‌ క్లబ్‌ అధ్యక్షుడు కర్నాటి లక్ష్మారెడ్డి, కార్యదర్శి గులివిందుల సుధా నాయుడు, కోశాధికారి చల్లా రామాంజనేయ తదితరులు హర్షం వ్యక్తం చేశారు. బైక్‌పై అత్తారింటికి వెళ్తూ..●అదుపుతప్పి కింద పడి వ్యక్తి మృతి సత్తుపల్లిటౌన్‌: అత్తారింటికి వెళ్తున్న వ్యక్తి ద్విచక్ర వాహనం అదుపుతప్పి కిందపడి అక్కడికక్కడే మృతి చెందిన సంఘటన సదాశివునిపేటలో ఆదివారం రాత్రి జరిగింది. వివరాలు ఇలా.. సత్తుపల్లి మండలం తుంబూరు గ్రామానికి చెందిన తురక రాంబాబు (40) ట్రాక్టర్‌ నడుపుతూ కుటుంబాన్ని పోషిస్తున్నాడు. ఆదివారం రాత్రి తుంబూరు నుంచి సిద్ధారంలోని అత్తారింటికి ద్విచక్ర వాహనంపై వస్తున్నాడు. మార్గమధ్యలో సదాశివునిపేట గ్రామంలో రోడ్డుపై ఆరబోసిన ధాన్యం రాశులు కుప్పను చీకట్లో కనిపించలేదు. దీంతో రాశులపై నుంచి వెళ్లడంతో బైక్‌ అదుపుతప్పి కిందపడ్డాడు. తీవ్రగాయాలై అక్కడికక్కడే మృతి చెందాడు. మృతుడికి భార్య పుల్లమ్మ, కుమార్తె, కుమారుడు ఉన్నారు. కాగా ప్రమాదానికి ధాన్యపు రాశులే కారణమని, వాటి యజమానులు తమకు న్యాయం చేయాలంటూ మృతుడి కుటుంబ సభ్యులు ఆందోళనకు దిగారు. ఎస్సై అశోక్‌ సంఘటనా స్థలానికి చేరుకుని దర్యాప్తు చేపట్టారు.

ఖమ్మంఅర్బన్‌: నాలుగు దశాబ్దాల క్రితం కలిసి చదువుకున్న స్నేహితులంతా మళ్లీ ఒకేవేదికపైకి చేరారు. ఏన్కూరు జిల్లా పరిషత్‌ ఉన్నత పాఠశాల 1986–87 విద్యా సంవత్సరం పదో తరగతి బ్యాచ్‌ విద్యార్థుల సమ్మేళనం ఆదివారం ఖమ్మంలో నిర్వహించారు. వివిధ ప్రాంతాల్లో స్థిరపడిన వారంతా హాజరుకాగా, పరస్పరం పలకరించుకుని కుటుంబ వివరాలు తెలుసుకోవడమే కాక పాఠశాల అనుభవాలను పంచుకున్నారు. అనంతరం నాటి గురువులు ఏలూరు కృష్ణమూర్తి, దాసు, సూరిని సన్మానించారు. పూర్వ విద్యార్థులు వజినేపల్లి శ్రీనివాసరావు, మాదినేని శ్రీనివాసరావు, చీకటి రమేష్‌, భూమా నరసింహారావు, కంభంపాటి నాగేశ్వరరావు, యండ్రాతి శ్రీనివాసరావు, జర్రిపోతుల సుందర్‌రావు, మేడ ధర్మారావు, స్వర్ణ ప్రహ్లాదరావు, జగ్గు, వీరన్న, నంబూరి రాము, గెల్లి సత్యనారాయణ, ముదిగొండ నరసింహారావు, వందనపు నారాయణ, కేఎన్‌వీ. జ్యోతి, మాలతి, శ్రీదేవి, కృష్ణకుమారి, శారద, వాణి, ఉష, పద్మ, ఝాన్సీ, మణి పాల్గొన్నారు. ఉత్సాహంగా ఏన్కూరు పూర్వ విద్యార్థుల సమ్మేళనం

తిరుమలాయపాలెం: సీతారామ ప్రాజెక్టు నిర్మాణానికి సంబంధించి భూసేకరణలో అవకతవకలు జరిగాయనే ఆరోపణలు వెల్లువెత్తుతున్నాయి. రైతుల భూముల్లోని బావులు, బోర్లు, పైపులు, చెట్లు, ఫెన్సింగ్‌కు పరిహారం చెల్లించే ప్రక్రియలో అక్రమాలు జరిగాయన్న చర్చ జరుగుతోంది. 2021లో ప్రారంభమైన ఈ ప్రక్రియలో భాగంగా నేటికీ కొందరు రైతులకు పూర్తిస్థాయిలో పరిహారం అందకపోగా.. ఇంకొందరికి మాత్రం అధికంగా అందిందనే విమర్శలు వస్తున్నాయి. కొందరు రైతుల భూముల్లో బావులు, పైపులు, చెట్లు లేకపోయినా పరిహారం జాబితాలో చేర్చారని, అర్హుల పేర్లను మాత్రం విస్మరించారని.. అధికారులు చేతివాటం చూపడంతో ఇలా జరిగిందని రైతులు మండిపడుతున్నారు. కాగా, నష్టపరిహారానికి రైతుల ఎంపికలో ఇరిగేషన్‌, ఆర్‌డబ్ల్యూఎస్‌, అటవీ, ఉద్యాన, ఎకై ్సజ్‌ శాఖ అధికారులు పాలుపంచుకున్నారు. అధికారులకు ఫిర్యాదు చేసినా.. సీతారామ ప్రాజెక్టు కోసం ఏళ్ల క్రితమే భూములు సేకరించి రైతులకు పరిహారం చెల్లించారు. అయితే, ఆయా భూముల్లోని బావులు, బోర్లు, పైపులు, చెట్లు, ఫెన్సింగ్‌ తదితర ఆస్తులకు సంబంధించిన పరిహారం చెల్లింపులో జాప్యం జరుగుతోంది. ఇప్పటికే పలుమార్లు కలెక్టరేట్‌ గ్రీవెన్స్‌లో ఫిర్యాదు చేసినా పరిష్కారం లభించడం లేదని రైతులు వాపోతున్నారు. మండలంలోని అజ్మీరా తండా పరిధి రాకాసితండాకు చెందిన కలువాల యాకయ్య, బానోతు రవి భూముల్లోని పైపులు, చెట్లు కోల్పోగా రవి పేరిట ఎక్కువ పరిహారంతో అవార్డు చేసినట్లు తెలిసింది. దీంతో యాకయ్య తనకు రావాల్సిన పరిహారం మరో ఖాతా పేరిట నమోదైందని కలెక్టరేట్‌లో ఫిర్యాదు చేశాడు. దీంతో ఇటీవల కొందరికి పరిహారం విడుదలైనా రవి పేరిట జమ కాలేదు. దీంతో రవి ఉన్నతాధికారులకు ఫిర్యాదు చేశాడు. పరిహారం అక్రమాలు జరగడమే కాక అధికారులు ఇష్టారాజ్యంగా వ్యవహరించడంతో రైతుల మధ్య వివాదాలు ఏర్పడే పరిస్థితి నెలకొంది. ఈ విషయమై ప్రశ్నిస్తే రైతులే తేల్చుకోవాలని అధికారులు సూచిస్తున్నట్లు తెలిసింది. ఈమేరకు పరిహారం పంపిణీలో అక్రమాలు జరిగినప్పుడు ఆరోపణలు వస్తున్నందున క్షేత్రస్థాయి సర్వే వివరాలు, పరిహారం చెల్లింపులపై ఉన్నతాధికారులు సమగ్ర విచారణ చేపట్టాలని రైతులు కోరుతున్నారు.మండలంలోని తిప్పారెడ్డిగూడెంకు ఓ రైతుకు చెందిన ఒకే వ్యవసాయ బావికి ముగ్గురు కుటుంబ సభ్యుల పేర్లపై పరిహారం చెల్లించేందుకు అధికారులు అవార్డు సిద్ధం చేశారని తెలిసింది. స్థానికుడైన ఓ రైతు సమాచార హక్కు చట్టం ద్వారా అవార్డు కాపీ సేకరించగా ఈ విషయం వెలుగుచూసింది. సదరు రైతుకు ఒకే బావి ఉండగా ముగ్గురు కుటుంబ సభ్యుల పేరిట సుమారు రూ.26లక్షలకు పైగా అవార్డు అయి ఉండడం విస్మయాన్ని కలిగిస్తుంది. ఈ వ్యవహారంపై సమగ్ర విచారణ జరిపితే పరిహారం పంపిణీలో మరిన్ని అక్రమాలు బయటపడతాయని చెబుతున్నారు.ప్రాజెక్టు పరిహారంలో అక్రమాల పరంపర నా వ్యవసాయ బావి, పైపులు కోల్పోయినా పరిహారం రాలేదు. 2021 నాటి అవార్డు కాపీలో పేరు ఉన్నప్పటికీ సవరించిన కాపీలో లేదు. కాల్వ తవ్వకం సమయాన మట్టి, రాళ్లు వేయడంతో బావి మొత్తం పూడిపోతుంది. అధికారులు న్యాయం చేయాలి. – బానోతు మోహన్‌, రాకాసితండాకాల్వ కింద భూమి పోగా మూడు కుంటల భూమి, బావి మిగిలింది. అప్పటి కలెక్టర్‌ దృష్టికి తీసుకెళ్తే పరిశీలించాలని అధికారులకు చెప్పారు. కానీ మొదట అవార్డు ప్రకారం పరిహారం ఇవ్వాలని నిర్ణయించి, ఆ తర్వాత రీసర్వే పేరుతో తొలగించారు. – పోతుగంటి సహాదేవ్‌, రైతు, రాకాసితండా

ఖమ్మంమయూరిసెంటర్‌: ఓటర్ల జాబితాల ప్రత్యేక సమగ్ర సవరణ(ఎస్‌ఐఆర్‌) ప్రక్రియ రద్దు, కేంద్ర ఎన్నికల సంఘం ప్రధాన కమిషనర్‌ (సీఈసీ) జ్ఞానేష్‌ కుమార్‌ రాజీనామా డిమాండ్‌తో ‘ఇండియా’ కూటమి పార్టీ ఆధ్వర్యాన ఆదివారం ఢిల్లీలో భారీ ర్యాలీ నిర్వహించారు. ఈ ర్యాలీలో రాష్ట్ర మంత్రి పొంగులేటి శ్రీనివాసరెడ్డి, ఖమ్మం ఎంపీ రామసహాయం రఘురాంరెడ్డి పాల్గొన్నారు. వీరి వెంట టీజీఐటీసీ మాజీ చైర్మన్‌ మువ్వా విజయబాబు తదితరులు ఉన్నారు. ఆర్చరీ టోర్నీకి తెలంగాణ ప్రతినిధిగా శంకరయ్య ఖమ్మం స్పోర్ట్స్‌: ఖేలో ఇండియా యూత్‌ గేమ్స్‌లో భాగంగా ఖమ్మంలో ఆర్చరీ పోటీలు జరగనున్నాయి. డిసెంబర్‌లో జరిగే ఈ టోర్నీ పర్యవేక్షణ కోసం తెలంగాణ ఆర్చరీ అసోసియేషన్‌ ప్రతినిధిగా జాతీయ ఆర్చరీ అభివృద్ధి కమిటీ సభ్యుడు పుట్టా శంకరయ్యను నియమించారు. ఈమేరకు అసోసియేషన్‌ రాష్ట్ర అధ్యక్ష, కార్యదర్శులు టి.రాజు, పి.అరవింద్‌కుమార్‌ తెలంగాణ స్పోర్ట్స్‌ అథారిటీకి సమాచారం ఇచ్చారు. కాగా, శంకరయ్య ఆర్చరీ అసోసియేషన్‌ ఉమ్మడి జిల్లా కార్యదర్శిగా, ఒలింపిక్‌ సంఘం ఉమ్మడి జిల్లా అధ్యక్షుడిగా కూడా వ్యవహరిస్తున్నారు. పీఆర్‌సీపై కాలయాపన తగదు ● టీఎస్‌ యూటీఎఫ్‌ రాష్ట్ర కార్యదర్శి నాగేశ్వరరావు మధిర/ఖమ్మం సహకారనగర్‌: ఉద్యోగ, ఉపాధ్యాయులకు పీఆర్‌సీ అమలులో రాష్ట్రప్రభుత్వం జాప్యాన్ని విడనాడాలని టీఎస్‌ యూటీఎఫ్‌ రాష్ట్ర కార్యదర్శి పారుపల్లి నాగేశ్వరరావు డిమాండ్‌ చేశారు. మధిర, ఖమ్మంలో ఆదివారం జరిగిన సమావేశాల్లో ఆయన మాట్లాడుతూ పీఆర్‌సీ 40 నెలలు ఆలస్యం కావడం మునుపెన్నడూ జరగలేదన్నారు. ఉద్యోగు, ఉపాధ్యాయులు, పెన్షనర్లు అసంతృప్తితో ఉన్నందున పీఆర్‌సీ ప్రకటించడంతో పాటు పెండింగ్‌ డీఏలు విడుదల చేయాలని, సీపీఎస్‌ను రద్దు చేయాలని కోరారు. అలాగే, ప్రభుత్వ పాఠశాలల మూసివేతకు దారితీసే విధానాలను విడనాడి విద్యారంగాన్ని బలోపేతం చేయాలని, ఉపాధ్యాయులపై యాప్‌ల భారం తగ్గించి బోధనకే పరిమితం చేయాలని సూచించారు. ఈ సమావేశంలో జిల్లా కార్యదర్శి షేక్‌ నాగూర్‌వలీ, నాయకులు నర్సయ్య, సురేష్‌, ఉద్దండ్‌, పద్మ, అరవింద్‌, కేశ్యా, జ్యోతి, గురవయ్య, రవిబాబు, రాంబాబు, శంకర్‌రావు, బండారు నాగరాజు, అనుమోలు కోటేశ్వరరావు, జి.రామకృష్ణ, ఊట్ల కొండలరావు, షేక్‌ ఇబ్రహీం తదితరులు పాల్గొన్నారు. ‘దీన్‌ దయాళ్‌ స్పర్శ’ పరీక్ష ఖమ్మంగాంధీచౌక్‌: విద్యార్థులకు స్టాంపుల సేకరణపై ఆసక్తి పెంచేందుకు తపాలా శాఖ ప్రవేశపెట్టిన ‘దీన్‌ దయాళ్‌ స్పర్శ యోజన’లో భాగంగా ఆదివారం పరీక్ష నిర్వహించారు. ఖమ్మంలోని ప్రభుత్వ మహిళా డిగ్రీ కళాశాలలో పరీక్ష జరగగా 108 మంది విద్యార్థులు హాజరయ్యారు. పరీక్షా కేంద్రాన్ని ఖమ్మం డివిజన్‌ తపాలా శాఖ సూపరింటెండెంట్‌ వీరభద్రస్వామి పరిశీలించి మాట్లాడారు. ఆరు నుంచి తొమ్మిదో తరగతి చదివే విద్యార్థుల కోసం తపాలా శాఖ ఈ పథకాన్ని అమలుచేస్తోందని తెలిపారు. స్టాంపుల సేకరణను అలవాటుగా మార్చడంతో పాటు పరిశోధన దృక్ఫథాన్ని పెంచడమే లక్ష్యమని పేర్కొన్నారు. ఈ పరీక్షలో ప్రతిభ కనబరిచిన విద్యార్థులకు ఏటా రూ. 6 వేల చొప్పున ఉపకార వేతనం అందుతుందని ఆయన తెలిపారు.

ఖమ్మం స్పోర్ట్స్‌: రాష్ట్రస్థాయి జూనియర్‌ బాలికల హ్యాండ్‌బాల్‌ టోర్నీలో భాగంగా ఉత్కంఠభరితంగా సాగిన ఫైనల్‌ మ్యాచ్‌లో ఉమ్మడి ఖమ్మం జిల్లా జట్టు టైటిల్‌ను కై వసం చేసుకుంది. ఖమ్మంలోని సర్దార్‌ పటేల్‌ స్టేడియంలో రెండు రోజులుగా జరుగుతున్న టోర్నీ ఆదివారం ముగిసింది. ఈ మేరకు ఫైనల్స్‌లో ఖమ్మం – వరంగల్‌ జట్లు తలపడగా మ్యాచ్‌ హోరాహోరీగా సాగింది. చివరకు ఖమ్మం 11 గోల్స్‌ సాధించగా, వరంగల్‌ 8 గోల్స్‌కే పరిమితం కావడంతో ఖమ్మం బాలికలు విజయం దక్కించుకున్నారు. ఇక మూడో స్థానం కోసం మహబూబ్‌నగర్‌ – ఆదిలాబాద్‌ జట్లు తలపడగా సమాన పాయింట్లు రావడంతో ఇరు జట్లకు ట్రోఫీ అందజేశారు. డీవైఎస్‌ఓ టి.సునీల్‌రెడ్డి, హ్యాండ్‌బాల్‌ అసోసియేషన్‌ రాష్ట్ర కార్యదర్శి శ్యామల పవన్‌కుమార్‌, హ్యాండ్‌బాల్‌ జిల్లా అధ్యక్ష, కార్యదర్శులు బి.అశోక్‌రెడ్డి, వరికూటి మోహన్‌తో పాటు మంత్రి పొంగులేటి క్యాంపు కార్యాలయ ఇన్‌చార్జి తుంబూరు దయాకర్‌రెడ్డి తదితరులు ట్రోఫీలు అందజేశారు. ఇంకా ఈ కార్యక్రమంలో వరికూటి సుబ్బారావు, వేముల ఆదినారాయణ, కె.తంబి, ఎన్‌.ఉప్పల్‌రెడ్డి, లాలు, శ్రీవిద్య తదితరులు పాల్గొన్నారు.

భద్రాచలంటౌన్‌: భద్రాచలంలోని శ్రీసీతారామ చంద్రస్వామివారి అంతరాలయంలోని మూలమూర్తులకు ఆదివారం అభిషేకం, సువర్ణ పుష్పార్చన జరిపారు. తెల్లవారుజామునే గర్భగుడిలో స్వామివారికి సుప్రభాత సేవ, సేవాకాలం, ఆరాధన తదితర పూజలు చేశారు. అనంతరం పల్లకీసేవగా రామసేవా మండపానికి చేర్చి విశ్వక్సేన పూజ, పుణ్యావాచనం జరిపారు. స్వామికి కంకణధారణ, యజ్ఞోపవీత ధారణ, అమ్మవారికి కంకణధారణ, యోక్త్రధారణ గావించి నిత్యకల్యాణ ఘట్టాన్ని ఆలయ అర్చకులు శాస్త్రోక్తంగా పూర్తిచేశారు. సెలవు రోజు కావడంతో నిత్య కల్యాణంలో భక్తులు అధిక సంఖ్యలో పాల్గొన్నారు.

మండలంలోని వివిధ గ్రామాల్లో వరి కోతలు జోరుగా సాగుతున్నాయి. ఈ నేపథ్యాన ప్రభుత్వ మద్దతు ధరకు మించి మిల్లర్లు కొనుగోలు చేస్తుండడంతో రైతులు బారులు దీరుతున్నారు. ఆదివారం మండలంలోని బైరవునిపల్లి, సింగారెడ్డిపాలెం, చెరువుమాధారం తదితర గ్రామాలకు చెందిన రైతులు 40కి పైగా ట్రాక్టర్లతో ఓ మిల్లుకు ధాన్యం తీసుకొచ్చారు. తొలుత పచ్చి ధాన్యాన్ని సైతం మంచి ధరతో కొనుగోలు చేసిన మిల్లర్లు రెండు రోజుల క్రితం సిండికేట్‌గా మారి ధర తగ్గించారు. అయితే, ఆదివారం మాత్రం హెచ్‌ఎంటీ క్వింటా రూ.3,800, చింట్లు క్వింటా రూ.4,150 చొప్పున కొనుగోలు చేయడంతో రైతులకు ఉపశమనం కలిగినట్లయింది. – నేలకొండపల్లి

సాక్షి ప్రతినిధి, ఖమ్మం: పౌర సరఫరాల సంస్థలో అక్రమాల పుట్ట కదులుతోంది. కూర్చున్న కొమ్మనే నరుక్కున్న చందంగా కొందరు అధికారులు వ్యవహరిస్తున్న తీరు విమర్శలకు తావిస్తోంది. ఓవైపు సీఎంఆర్‌ చెల్లింపుల్లో జాప్యం జరుగుతుండగా.. మరోవైపు మిల్లర్లు, పౌర సరఫరాల సంస్థ అధికారుల కుమ్మక్కు వ్యవహారం బట్టబయలవుతోంది. వీటన్నింటినీ పర్యవేక్షించాల్సిన విజిలెన్స్‌ బృందాల్లో కొందరు అధికారుల తీరు ఇదే తరహాలో ఉండడంతో సంస్థ అవకతవకలకు నిలయంగా మారుతోంది. గతంలో విజిలెన్స్‌ అండ్‌ ఎన్‌ఫోర్స్‌మెంట్‌ అధికారులు తనిఖీల పేరుతో వసూళ్లకు పాల్పడిన విషయం బయటపడింది. ఇప్పుడు మిల్లులో ఉన్న నిల్వల కన్నా ఎక్కువగా ఉన్నట్లు లెక్కల్లో చూపిన పౌర సరఫరాల సంస్థ జిల్లా అసిస్టెంట్‌ మేనేజర్‌(ఏఎం) రాచూరి సృజన సస్పెన్షన్‌కు గురయ్యారు. ఏళ్లుగా ఇదే తంతు.. కొనుగోలు కేంద్రాల నుంచి మిల్లులకు కేటాయించే ధాన్యాన్ని సకాలంలో సీఎంఆర్‌గా మార్చి పౌరసరఫరాల సంస్థకు అందజేయాలి. కానీ కొన్నేళ్లుగా గడువులోగా సీఎంఆర్‌ అందిన దాఖలాలు లేవు. గడువు పూర్తి కావడం.. ప్రభుత్వం మరికొంత సమయం ఇవ్వడం ఆనవాయితీగా కొనసాగుతోంది. ఈక్రమాన సీఎంఆర్‌ అందజేతలో నిర్లక్ష్యంగా వ్యవహరించే మిల్లర్లపై చర్యలు తీసుకోవాల్సిన పౌర సరఫరాల సంస్థ అధికారుల తీరు అందుకు విరుద్ధంగా ఉంటోంది. సకాలంలో సీఎంఆర్‌ చెల్లించకపోయినా చర్యలు తీసుకోవడంలో అధికారులు విఫలమవుతున్నారనే విమర్శలున్నాయి. అధికారులు – మిల్లర్ల మధ్య ఉన్న అవగాహనే ఇందుకు కారణమనే చర్చ జరుగుతోంది. 14 మిల్లుల్లో తక్కువ నిల్వలు.. జిల్లాలో 2025–26 ఏడాది వానాకాలం, యాసంగి సీజన్‌లో సేకరించిన ధాన్యాన్ని సీఎంఆర్‌ కోసం మిల్లర్లకు అప్పగించారు. అయితే మిల్లర్లు బియ్యాన్ని అందజేయకపోవడంతో విజిలెన్స్‌ అండ్‌ ఎన్‌ఫోర్స్‌మెంట్‌ విభాగం తనిఖీలు చేపట్టింది. ఈ మేరకు 14 మిల్లుల్లో భారీ స్థాయిలో ధాన్యం తక్కువగా ఉన్నట్లు గుర్తించారు. ఈ ధాన్యం విలువ రూ. 64,63,35,632 కాగా.. అధికారులు ధాన్యం విలువ, జరిమానాలో 11 మిల్లుల నుంచి కొంత మేర రికవరీ చేశారు. అయినా ఇంకా రూ.కోట్లలో బకాయి రావాల్సి ఉంది. అలాగే అక్రమాలకు పాల్పడిన ఆరు రైస్‌ మిల్లుల బాధ్యులపై పోలీసులు ఇప్పటికే ఎఫ్‌ఐఆర్‌లు నమోదు చేశారు. అంతా సాఫీగా ఉన్నట్లు... కొనుగోలు కేంద్రాల్లో సేకరించిన ధాన్యాన్ని మర ఆడించి సీఎంఆర్‌కు ప్రభుత్వానికి అప్పగించేలా మిల్లులకు కేటాయిస్తారు. కానీ మిల్లర్లు సీఎంఆర్‌ ఇవ్వకుండా ధాన్యం పక్కదారి పట్టిస్తున్నారు. కొన్నేళ్లుగా ఇదే తంతు కొనసాగుతుండగా, ప్రభుత్వం తనిఖీలకు నిర్ణయించినా పౌరసరఫరాల సంస్థ అధి కారులు–మిల్లర్ల మధ్య అవగాహనతో ఎలాంటి చర్యలు తీసుకోవడం లేదు. మిల్లుల తనిఖీ సమయాన రికార్డులకు సరిపడా నిల్వలు లేకున్నా అంతా సవ్యంగానే ఉందని నివేదికలు ఇస్తున్నారు. ఈనెల 14న ఖమ్మంలోని శ్రీరామ మోడ్రన్‌ పారాబాయిల్డ్‌ రైస్‌మిల్లును పౌర సరఫరాల సంస్థ జిల్లా అసిస్టెంట్‌ మేనేజర్‌ రాచూరి సృజన తనిఖీ చేశారు. మిల్లులో 2025–26 ఖరీఫ్‌ ధాన్యం 2,384.920 మెట్రిక్‌ టన్నులు ఉన్నట్లు నమోదు చేశారు. ఇదే మిల్లుల్లో తర్వాత రెండు రోజులకు ఈటీఎఫ్‌ మెంబర్‌ వి.సైదులు తనిఖీ చేస్తే 2,071 మెట్రిక్‌ టన్నుల ధాన్యమే ఉందని బయటపడింది. దీంతో విచారణ అనంతరం అసిస్టెంట్‌ మేనేజర్‌ను సస్పెండ్‌ చేశారు. ఈక్రమంలోనే పౌర సరఫరాల సంస్థల్లోని ఇంకొందరు అధికారులు, ఉద్యోగులపైనా విచారణ జరుగుతున్నట్లు తెలిసింది.మిల్లుల్లో తగ్గుతున్న సీఎంఆర్‌ ధాన్యం నిల్వలు నిబంధనలను ఖాతరు చేయకుండా మిల్లర్లు రేషన్‌ బియ్యం దందా చేయడమే కాక సీఎంఆర్‌, ధాన్యాన్ని పక్కదారి పట్టిస్తుండడంతో ప్రభుత్వం కఠిన చర్యలకు ఉపక్రమించింది. ఈ నేపథ్యాన ఉమ్మడి ఖమ్మం జిల్లాలో తనిఖీలకు రిటైర్డ్‌ డీఎస్పీ నేతృత్వాన బృందాన్ని నియమించారు. అయితే, తనిఖీల సమయంలో బృందం ఇన్‌చార్జి వసూళ్లకు పాల్పడడం గమనార్హం. బృందంలోని మరో ఇద్దరు ఉద్యోగులతో కలిసి వసూళ్లకు పాల్పడినట్లు బయటపడింది. ముదిగొండలోని ఓ రైస్‌ మిల్లర్‌ నుంచి రూ.5 లక్షలు, టేకులపల్లి మండలంలోని రేషన్‌ బియ్యం దందా చేస్తున్న వ్యక్తి నుంచి రూ.4 లక్షలు వసూలు చేశారని సంస్థ కమిషనర్‌ స్టీఫెన్‌ రవీంద్రకు ఫిర్యాదులు వెళ్లాయి. ఫలితంగా ఆయా మిల్లుల్లో తనిఖీ సందర్భంగా అక్రమాలను గుర్తించినా వదిలేసినట్లు ఫిర్యాదుల్లో పేర్కొన్నారు.

● తుపాన్లతో అన్నదాతల్లో ఆందోళన ● పంటలు చేతికందే సమయాన గుబులుఖమ్మంవ్యవసాయం: వానాకాలం పంటలు చేతికి అందుతున్న వేళ వరుస తుపాన్లు జిల్లా రైతులను కలవరపెడుతున్నాయి. నిన్నామొన్నటి వరకు అర్నబ్‌ తుపాన్‌ ప్రభావం కొనసాగింది. ఆ సమయంలో జిల్లాలోని పలుచోట్ల పంటలు నేలవాలాయి. దీని నుంచి రైతులు తేరుకోకముందే ఆదివారం ‘మురసు’ తుపాన్‌ గండం మొదలైంది. ఎల్‌నినో పరిస్థితుల్లో అవస్థ పడుతూ సాగు చేసిన వరి, పత్తి వంటి పంటలు ఇప్పుడిప్పుడే చేతికందుతున్నాయి. సాగు సమయాన వానలు లేకపోగా, ఇప్పుడు కోత సమయంలో తుపాన్ల ప్రభావం రైతులను ఆవేదన కలిగిస్తోంది. 1,138 ఎకరాల్లో పంట నష్టం గత వారం అర్నబ్‌ తుపాన్‌ కారణంగా జిల్లాలో వర్షం అంతంత మాత్రంగానే కురిసినా, ఈదురుగాలులు బీభత్సం సృష్టించాయి. వ్యవసాయ శాఖ ప్రాథమిక అంచనా ప్రకారం జిల్లాలోని 53 గ్రామాల 558 మంది రైతులకు చెందిన 1,138 ఎకరాలకు పైగా వరి పంటకు నష్టం వాటిల్లింది. అలాగే, పలుచోట్ల పత్తి పంటకు కూడా నష్టం ఎదురైంది. వరి నేలవాలడంతో హార్వెస్టర్లతో కోయడం ఇబ్బందికరంగా మారిందని చెబుతున్నారు. ఇప్పుడేం జరుగుతుందో ? ప్రస్తుత వానాకాలం జిల్లాలో వరి 2,41,109 ఎకరాల్లో, పత్తి 2,35,637 ఎకరాల్లో సాగయ్యాయి. ప్రస్తుతం వరి కోతలు, పత్తి తీతలు జోరుగా సాగుతున్నాయి. ఈనేపథ్యాన వరుస తుపాన్లు రైతులను ఆందోళనకు గురి చేస్తున్నాయి. అయితే, తుపాన్‌ వేళ వరి కోయొద్దని, పత్తి తీతను కూడా నిలిపివేయాలని వ్యవసాయ శాఖ అధికారులు సూచిస్తున్నారు. కాగా, అర్నబ్‌ ప్రభావం నుంచి తేరుకోకముందే మురసు తుపాన్‌ ప్రభావం మొదలైంది. కాగా, ఆదివారం ఉదయం జిల్లాలో ఆకాశం మేఘావతమై పలుచోట్ల ఓ మోస్తరు వర్షం కురిసింది. తుపాన్‌ ప్రభావం బుధవారం వరకు ఉంటుందని వాతావరణ శాఖ హెచ్చరించిన నేపథ్యాన రైతులు ఆందోళన చెందుతున్నారు. జిల్లాకు రెడ్‌ అలర్ట్‌ మురసు తుపాన్‌ నేపథ్యాన జిల్లాతో పాటు మహబూబాబాద్‌, సూర్యాపేట జిల్లాల్లో అతి భారీ వర్షం కురిసే అవకాశముందని వాతావరణశాఖ ప్రకటించింది. ఈనెల 3, 4వ తేదీల్లో(మంగళ, బుధవారం) ప్రభావం ఉంటుందంటూ రెడ్‌ అలర్ట్‌ (అతి భారీ వర్షాలు) ప్రకటించారు. అయితే, సోమ, గురువారం కూడా వర్షాలు కురిసే అవకాశముందని చెబుతున్నారు.

● రామారావు హత్య కేసులో నిజమైన నేరస్తులను పట్టుకోవాలి ● సీపీఎం రాష్ట్ర కార్యదర్శి జాన్‌వెస్లీ చింతకాని: పేదప్రజల విముక్తి, దోపిడీ వ్యవస్థ నిర్మూలన, సమసమాజ స్థాపనే కమ్యూనిస్టు ఉద్యమ లక్ష్యమని సీపీఎం రాష్ట్ర కార్యదర్శి జాన్‌వెస్లీ వెల్లడించారు. గత ఏడాది అక్టోబర్‌ 31న హత్యకు గురైన చింతకాని మండలం పాతర్లపాడుకు చెందిన సీపీఎం సీనియర్‌ నాయకుడు సామినేని రామారావు ప్రథమ వర్ధంతి సభ శనివారం రాత్రి గ్రామంలో నిర్వహించారు. ఈ సభకు హాజరైన జాన్‌వెస్లీ తొలుత సామినేని విగ్రహానికి నివాళులర్పించాక మాట్లాడారు. పేదలు, రైతులు, శ్రామిక వర్గాల పక్షాన నిరంతరం పోరాడిన నాయకుడు రామారావు అని కొనియాడారు. కాగా, సీపీఎం ఇతర రాజకీయ పార్టీల మాదిరి అధికారం, వ్యక్తిగత ప్రయోజనాల కోసం పనిచేయదని, అధికారంలో కాంగ్రెస్‌ ఉన్నా, బీఆర్‌ఎస్‌ ఉన్నా పీడిత ప్రజల పక్షాన నిలబడి ప్రశ్నించే ధైర్యం కమ్యూనిస్టు నాయకత్వానికి ఉందని తెలిపారు. కమ్యూనిస్టు ఉద్యమాన్ని అణిచివేయాలనే ఉద్దేశంతో నాయకులను హత్య చేసినా ఉద్యమం ఆగలేదని, రామారావు హత్యతోనూ ఇక్కడ ఎర్రజెండా ఉద్యమాన్ని ఆపలేరన్నారు. రామారావు హత్యకు రాజకీయ, ఆర్థిక కారణాలు ఉన్నాయంటున్న పోలీసులు అందుకు ఆధారాలను ప్రజల ముందు ఉంచాలని డిమాండ్‌ చేశారు. జిల్లాలో డిప్యూటీ సీఎం మల్లు భట్టి విక్రమార్క హత్యా రాజకీయాలను ప్రోత్సహిస్తున్నారని ఆరోపించారు. ఇటీవల కొందరిని అరెస్ట్‌ చేసినట్లు సీపీ వెల్లడించగా.. నేరం ఒప్పుకోవాలంటూ వారిని బలవంతం చేయడం వెనుక కూడా భట్టి హస్తం ఉందని విమర్శించారు. కాగా, రామారావు హత్య కేసులో అసలు దోషులను వెలికితీసేలా ముఖ్యమంత్రి రేవంత్‌రెడ్డి స్పందించి సిట్‌ ఏర్పాటుచేయాలని జాన్‌వెస్లీ ఈ సందర్భంగా డిమాండ్‌ చేశారు. ఇంకా ఈ సమావేశంలో సీపీఎం రాష్ట్ర కార్యదర్శి వర్గ సభ్యుడు పోతినేని సుదర్శన్‌రావు, జిల్లా కార్యదర్శి నున్నా నాగేశ్వరావు, నాయకులు మడిపల్లి గోపాల్‌రావు, పొన్నం వెంకటేశ్వరావు, లక్ష్మి, బండి రమేష్‌, బండి పద్మ, కల్యాణపు వెంకటేశ్వరావు, చింతలచెర్వు కోటేశ్వరావు, కిలారు సురేష్‌, తదితరులు పాల్గొన్నారు.

ఖమ్మం సహకారనగర్‌: ప్రభుత్వం నిర్ణయించిన ధరలకే బియ్యం విక్రయించాలని జిల్లా పౌర సరఫరాల అధికారి చందన్‌కుమార్‌ ఆదేశించారు. జిల్లా కేంద్రంలోని పలు దుకాణాలను శనివారం తనిఖీ చేసిన ఆయన మాట్లాడారు. ప్రభుత్వ మార్గదర్శకాల ప్రకారం 26 కిలోల బస్తాకు బీపీటీ, కేఎన్‌ఎం రకమైతే కిలో రూ.66చొప్పున, ఆర్‌ఎన్‌ఆర్‌, తెలంగాణ సోనా కిలో రూ.74, హెచ్‌ఎంటీ, జేఎస్‌ఆర్‌ కిలో రూ.79 ధర ప్రామాణికంగా నిర్ణయించినట్లు తెలిపారు. ఈమేరకు ధరల వివరాలతో బ్యానర్‌ను రైస్‌ మిల్లర్లు, హోల్‌ సేల్‌, రిటైల్‌ వ్యాపారులు షాపుల్లో ప్రదర్శించాలని సూచించారు. ధరలు పెంచినట్లు తేలితే వ్యాపారులపై కఠిన చర్యలు తీసుకుంటామని హెచ్చరించారు.జిల్లా పౌర సరఫరాల అధికారి చందన్‌కుమార్‌

ఖమ్మంమయూరిసెంటర్‌: దేశ సమగ్రత కోసం ప్రాణాలను అర్పించిన నేత ఇందిరాగాంధీ అని కాంగ్రెస్‌ జిల్లా అధ్యక్షుడు నూతి సత్యనారాయణగౌడ్‌ అన్నారు. ఖమ్మంలోని పార్టీ కార్యాలయంలో దేశ మొదటి ప్రధాని ఇందిరాగాంధీ వర్ధతి, తొలి ఉప ప్రధాని సర్దార్‌ వల్లభాయ్‌ పటేల్‌ జయంతి నిర్వహించారు. ఈ సందర్భంగా వారి చిత్రపటాలకు పూలమాలలు వేసి నివాళులర్పించాక సత్యనారాయణ మాట్లాడుతూ ఇందిరాగాంధీ తన త్యాగాలతో దేశ చరిత్రలో చెరగని ముద్ర వేశారని తెలిపారు. పార్టీ, అనుబంధ సంఘాల నాయకులు బానోత్‌ బాలాజీనాయక్‌, గజ్జెల్లి వెంకన్న, సయ్యద్‌ ముజాహిద్‌ హుస్సేన్‌, రంగా జనార్దన్‌, కొట్టే రాజశేఖర్‌, కాజా మురళి, గజ్జి సూర్యనారాయణ, ఫజల్‌, రమణ, ధోన్‌వాన్‌ వెంకట్రావు, తలారి నాగభూషణం, తీగల రాము పాల్గొన్నారు. భట్టిపై ఆరోపణలు గర్హనీయం డిప్యూటీ సీఎం మల్లు భట్టి విక్రమార్కపై సీపీఎం నాయకులు చేస్తున్న నిరాధార, అసత్య ఆరోపణలు గర్హనీయమని కాంగ్రెస్‌ జిల్లా అధ్యక్షుడు సత్యనారాయణ పేర్కొన్నారు. సీపీఎం జిల్లా నాయకత్వం ఉనికి కోల్పోవడంతోనే చౌకబారు రాజకీయాలకు పాల్పడుతోందని, డిప్యూటీ సీఎం దిష్టిబొమ్మలు దహనం చేయడం వారి దిగజారుడు రాజకీయానికి నిదర్శనమని తెలిపారు. పాతర్లపాడకు చెందిన సీపీఎం నేత సామినేని రామారావును హత్య చేసిన వారిని శిక్షించాలని తాము గతంలోనే పోలీసు శాఖను కోరినట్లు వెల్లడించారు.డీసీసీ అధ్యక్షుడు నూతి సత్యనారాయణగౌడ్‌

ఖమ్మం సహకారనగర్‌: పట్టభద్రుల ఎమ్మెల్సీ ఎన్నికకు సంబంధించి ఓటర్ల నమోదుకు ఈనెల 6వ తేదీ తర్వాత కూడా అవకాశం ఉంటుందని రాష్ట్ర ఎన్నికల అదనపు సీఈఓ డాక్టర్‌ వాసం వెంకటేశ్వర్‌రెడ్డి తెలిపారు. కలెక్టరేట్‌లో శనివారం కలెక్టర్‌ దివాకర టీ.ఎస్‌తో కలిసి ఓటర్ల నమోదుపై సమీక్షించారు. ఈ సందర్భంగా ఆయన మాట్లాడుతూ ఓటరుగా నమోదుకు వచ్చిన దరఖాస్తుల పరిశీలన వేగంగా చేపట్టాలని సూచించారు. 2023 అక్టోబర్‌ 31 నాటికి డిగ్రీ పూర్తి చేసిన వారి ఒరిజినల్‌ డిగ్రీ సర్టిఫికెట్‌ అందుబాటులో లేకపోతే సంబంధిత విద్యాసంస్థ అధిపతి ధ్రువీకరించిన సర్టిఫికెట్‌ను కూడా పరిగణనలోకి తీసుకోవాలని తెలిపారు. ఓటరు దరఖాస్తు గడువు ఈనెల 6తో ముగియదని, ముసాయిదా ఓటరు జాబితా ప్రచురణ అనంతరం డిసెంబర్‌ 10వ తేదీ వరకు క్లెయిమ్‌లు, అభ్యంతరాల రూపంలో దరఖాస్తులు సమర్పించేందుకు అవకాశం ఉందని చెప్పారు. అభ్యర్థుల నామినేషన్ల దాఖలుకు చివరి తేదీ నాటికి కూడా ఫారం–18 దరఖాస్తులు సమర్పిస్తే నిబంధనల ప్రకారం స్వీకరిస్తామనే అంశాన్ని పార్టీల ప్రతినిధులు, పట్టభద్రులకు అవగాహన కల్పించాలని సూచించారు. ఇదే సమయాన ఒకే ప్రాంతం నుంచి, ఒకే ఐడీ ద్వారా వందల సంఖ్యలో దరఖాస్తులు వస్తే అప్రమత్తంగా వ్యవహరించాలని తెలిపారు. అనంతరం కలెక్టర్‌ దివాకర మాట్లాడుతూ జిల్లాలో ఇప్పటివరకు పట్టభద్రుల నుంచి 73,898 దరఖాస్తులు అందాయని, వీటి విచారణ, పోలింగ్‌ కేంద్రాల గుర్తింపుపై దృష్టి సారించామని వివరించారు. ఈ సమావేశంలో ఖమ్మం, భద్రాద్రి అదనపు కలెక్టర్లు పి.శ్రీనివాసరెడ్డి, డి.వేణుగోపాల్‌, కల్లూరు, భద్రాచలం సబ్‌ కలెక్టర్లు అజయ్‌యాదవ్‌, మృణాల్‌ శ్రేష్ఠ, ఖమ్మం, కొత్తగూడెం ఆర్‌డీఓలు ఎన్‌.శ్రీనివాస్‌, మధు, ఎన్నికల విభాగం ఉద్యోగులు ఎం.ఏ.రాజు, అన్సారీ పాల్గొన్నారు.అదనపు సీఈఓ వెంకటేశ్వర్‌రెడ్డి

● ఆర్‌జేడీ కృష్ణవేణి ఖమ్మంమయూరిసెంటర్‌: పోషన్‌ అభియాన్‌ పథకాన్ని సమర్థవంతంగా అమలు చేయాలని సీ్త్ర, శిశు సంక్షేమ శాఖ ఆర్‌జేడీ కృష్ణవేణి ఉద్యోగులకు సూచించారు. ఖమ్మంలోని సఖి వన్‌ స్టాప్‌ సెంటర్‌ను శనివారం పరిశీలించిన ఆమె రికార్డులు పరిశీలించడమే కాక ఆశ్రయం పొందుతున్న బాధిత మహిళలతో మాట్లాడి సేవలపై ఆరా తీశారు. అనంతరం శిశుగృహ, బాలల సదనాన్ని సందర్శించి పిల్లలకు కల్పిస్తున్న వసతులు, పోషణప వివరాలు తెలుసుకున్నారు. అలాగే, బాలల సదనంను కూడా పరిశీలించిన ఆర్‌జేడీ నిర్వహణపై ఉద్యోగులకు సూచనలు చేశారు. ఈ కార్యక్రమంలో జిల్లా సంక్షేమ అధికారి పాలేటి ప్రమీల, జిల్లా బాలల సంక్షేమ అధికారి విష్ణువందన, ఉద్యోగులు ముత్తయ్య, నవ్య, యశోద, శ్రీనివాస్‌, అరుణ, ఎస్‌.డీ.సమ్రీన్‌, స్వరూపరాణి, అంజని, సరిత, బాబు పాల్గొన్నారు. జిల్లా స్థాయి దివ్యాంగుల క్రీడాపోటీలు ఖమ్మం స్పోర్ట్స్‌: జిల్లాస్థాయి దివ్యాంగుల క్రీడా పోటీలను ఖమ్మంలోని సర్దార్‌ పటేల్‌ స్టేడియంలో శనివారం నిర్వహించారు. విద్యాశాఖ ఆధ్వర్యాన కబడ్డీ, రన్నింగ్‌, చెస్‌, క్యారమ్స్‌ తదితర పోటీలు నిర్వహించగా జూనియర్‌, సీనియర్‌ కేటగిరీల్లో 75 మంది క్రీడాకారులు పాల్గొన్నారు. పోటీలను డీవైఎస్‌ఓ టి.సునీల్‌రెడ్డి ప్రారంభించి మాట్లాడుతూ దివ్యాంగులు ఆత్మస్థైర్యంతో పోటీ పడుతూ అన్ని రంగాల్లో రాణించాలని సూచించారు. ఈ కార్యక్రమంలో విద్యాశాఖ అధికారి బాజోజు ప్రవీణ్‌కుమార్‌, పీఈటీలు పారిజాతం, సునీత, రాజకుమారి, శివ, మాలతి పాల్గొన్నారు.

ఎర్రుపాలెం: మండలంలోని జమలాపురం శ్రీ వేంకటేశ్వరస్వామి ఆలయంలో శనివారం ప్రత్యేక పూజలు జరిగాయి. తెల్లవారుజామునే స్వామి మూలవిరాట్‌తో పాటు ఆలయ ఆవరణలోని శ్రీవారి పాదానికి పంచామృతంతో అభిషేకం చేశారు. అనంతరం స్వామి, అలివేలు మంగ, పద్మావతి అమ్మవార్లను పట్టువస్త్రాలతో అలంకరించిన భక్తులు పెద్దసంఖ్యలో హాజరైన భక్తుల సమక్షాన నిత్యకల్యాణం, పల్లకీ సేవ నిర్వహించారు. కాగా, ఏపీ రాష్ట్రం ఎన్టీఆర్‌ జిల్లా కనుమూరు గ్రామానికి చెందిన గొర్రల సత్యనారాయణరెడ్డి – సుభద్ర దంపతులు ఆలయంలో నిత్యాన్నదానికి రూ.1,00,116 నగదును విరాళంగా అందజేశారు. ఈకార్యక్రమంలో వ్యవస్థాపక ధర్మకర్త ఉప్పల విజయదేవశర్మ, ప్రధాన అర్చకులు ఉప్పల శ్రీనివాసశర్మ, ఉప ప్రధాన అర్చకులు ఉప్పల మురళీమోహన్‌శర్మ, ఉద్యోగులు సోమయ్య, కృష్ణప్రసాద్‌ తదితరులు పాల్గొన్నారు. వేగంగా భూముల రీసర్వే పెనుబల్లి: ప్రభుత్వం ప్రతిష్టాత్మకంగా చేపట్టిన భూములు రీసర్వే వేగంగా నిర్వహిస్తూ త్వరగా పూర్తయ్యేలా చూడాలని జిల్లా సర్వే అధికారి నాగభూషణం సూచించారు. పెనుబల్లి మండలం తాళ్లపెంటలో సర్వేను శనివారం ఆయన పరిశీలించి ఉద్యోగులకు సూచనలు చేశారు. భూవివాదాలను శాశ్వతంగా పరిష్కరించేలా చేపట్టిన సర్వేలో ఎలాంటి లోటుపాట్లు జరగకుండా చూడాలని తెలిపారు. రైతులు కూడా వారి ఉన్న పూర్తి ఆధారాలతో ఉద్యోగులకు సహకరించాలని సూచించారు. సర్వే పూర్తయితే భూమికి సంబంధించి సమస్త వివరాలతో భూ ఆధార్‌కార్డులు అందుతాయని తెలిపారు. సర్వేయర్‌ ఈశ్వరి, ఉద్యోగులు సత్యవాణి, ప్రవీణ్‌, స్వప్న, వీరబాబు పాల్గొన్నారు. జిల్లాకు 20 కస్టమ్‌ హైరింగ్‌ సెంటర్లు ఖమ్మంవ్యవసాయం: వ్యవసాయ యాంత్రీకరణ పథకం కింద జిల్లాకు 20 సంచార వ్యవసాయ యంత్ర కేంద్రాలు(కస్టమ్‌ హైరింగ్‌ సెంటర్స్‌) మంజూరు చేస్తూ ఉత్తర్వులు జారీ అయ్యాయి. యాంత్రీకరణ పథకం కింద జిల్లాకు రూ.3.04 కోట్లు కేటాయించగా, ఒక్కో కేంద్రానికి రూ.20 లక్షల వరకు రాయితీ లభించనుంది. రైతు ఉత్పత్తిదారుల సంఘాలు, పాల సహకార సంఘాలు, మహిళా స్వయం సహాయక సంఘాల సభ్యులను అర్హులుగా నిర్ణయించారు. ఈ కేంద్రాల్లో పవర్‌ టిల్లర్‌, రోటవేటర్‌, ఎంబీ నాగలి, పవర్‌ కలుపు తీత యంత్రం, రైతు డ్రోన్‌, కంబైన్‌ హార్వెస్టర్‌, పసుపు ఉడకబెట్టే – పాలిష్‌ యంత్రాలు, వరి ఆరబెట్టే యంత్రం, గడ్డి కట్టలు కట్టే తదితర 37 రకాల యంత్రాల కొనుగోలుకు అనుమతి ఉంది. ఈమేరకు ఆసక్తి ఉన్న సంఘాలు నవంబర్‌ మొదటి వారం నుంచి ఆన్‌లైన్‌లో దరఖాస్తులు చేసుకోవచ్చని జిల్లా వ్యవసాయ శాఖ అధికారి ధనసరి పుల్లయ్య తెలిపారు. ఆతర్వాత వ్యాపారుల ఎంపిక, ఆపై అధికారుల తనిఖీ తర్వాత ఖాతాలో రాయితీ జమ అవుతుందని వెల్లడించారు. మెరుగైన ఫలితాల సాధనకు కృషి మధిర: ఇంటర్మీడియట్‌ వార్షిక పరీక్షల్లో మెరుగైన ఫలితాలు సాధించేలా అధ్యాపకులు ఇప్పటి నుంచే ప్రత్యేక శ్రద్ధతో బోధించాలని జిల్లా ఇంటర్మీడియట్‌ విద్యా శాఖాధికారి రవిబాబు సూచించారు. మధిర ప్రభుత్వ జూనియర్‌ కళాశాలను శనివారం తనిఖీ చేసిన ఆయన విద్యార్థుల హాజరు, బోధనపై ఆరా తీశాక అధ్యాపకులతో సమావేశమయ్యారు. విద్యార్థులు ప్రతీరోజు హాజరయ్యేలా పర్యవేక్షిస్తూ, వెనుకబడిన వారికి ప్రత్యేక తరగతులు నిర్వహించాలని తెలిపారు. అలాగే, మొదటి సంవత్సరం విద్యార్థులను ప్రాక్టికల్‌ పరీక్షలకు సిద్ధం చేయాలని చెప్పారు. ప్రిన్సిపాల్‌ జి.శంకర్‌, అధ్యాపకులు లత, పి.కమల, పి.అరుణ, బి.సుధ తదితరులు పాల్గొన్నారు.

● వాహనం ట్యూబ్‌ పగిలి, రిమ్‌ విరగడంతో ఘటన నేలకొండపల్లి: ఖమ్మం – కోదాడ జాతీయ రహదారి వెళ్తున్న వాహనం టైర్‌లోని ట్యూబ్‌ పగలడమే కాక రిమ్‌ విరగడంతో బోల్తా పడింది. ఘటనలో పలువురు తీవ్ర గాయాలతో బయటపడగా పెనుప్రమాదం తప్పినట్లయింది. మహబూబాబాద్‌ జిల్లా బయ్యారానికి చెందిన సెంట్రింగ్‌ కూలీలు శనివారం ఖమ్మం నుంచి కోదాడకు అశోక్‌ లేలాండ్‌ వాహనంలో కర్ర తీసుకెళ్తున్నారు. మార్గమధ్యలో నేలకొండపల్లికి రాగానే వాహనం టైర్‌లోని ట్యూబ్‌ పగలడమే రిమ్‌ విరగడంతో బోల్తా పడింది. సెంట్రింగ్‌ కర్రలపై కూర్చున్న బయ్యారానికి చెందిన సురేష్‌, రాంసింగ్‌, సురేష్‌, హన్మంతు, నరేష్‌కు తీవ్రగాయాలు కాగా, క్యాబిన్‌లో ఉన్న మరో ఇద్దరు కూడా గాయపడ్డారు. క్షతగాత్రులను నేషనల్‌ హైవే అంబులెన్స్‌లో నేలకొండపల్లి ఆస్పత్రికి తరలించి ప్రథమ కిచిత్స అనంతరం ఖమ్మం తరలించారు. ఈమేరకు పోలీసులు చేరుకుని వివరాలు సేకరించారు. బ్యాంకు ఉద్యోగినిపై సహోద్యోగి కత్తి దాడి వైరా: వైరా మున్సిపాలిటీ పరిధి బ్రాహ్మణపల్లి అగ్రహారం గ్రామీణ వికాస బ్యాంక్‌లో మహిళా ఉద్యోగినిపై సహోద్యోగి కత్తితో దాడి చేశారు. ఇద్దరి మధ్య నెలకొన్న వివాదం చివరకు కత్తిపోట్లకు దారి తీసింది. గ్రామీణ వికాస బ్యాంక్‌లో ఫీల్డు అఫీసర్లుగా తేజశ్రీ, పిల్లి ప్రదీప్‌ విధులు నిర్వర్తిస్తున్నారు. కొంతకాలంగా ప్రదీప్‌ ప్రవర్తనలో తేడా రావడంతో దూరంగా ఉండాలని తేజ అతనిని దూరంగా ఉండమని హెచ్చరించింది. ఈక్రమాన శనివారం మధ్యాహ్నం 2గంటల సమయాన బ్యాంకులోనే ప్రదీప్‌ కూరగాయలు కోసే కత్తితో తేజశ్రీపై ఒక్కసారిగా దాడి చేశాడు. ఘటనతో అవాక్కయిన ఆమె తప్పించుకునే క్రమాన చేతులు అడ్డుపెట్టగా బలమైన గాయమైంది. బ్యాంకు మేనేజర్‌, సిబ్బంది ఆమెను ఆస్పత్రికి తరలించారు. కాగా, తనపై దాడి చేయడమే కాకుండా చంపుతానని ప్రదీప్‌ బెదిరిస్తున్నాడని ఆమె ఇచ్చిన ఫిర్యాదుతో కేసు నమోదు చేశామని ఎస్‌ఐ పి.రామారావు తెలిపారు. ఆర్థిక ఇబ్బందులు తాళలేక ఆత్మహత్య చింతకాని: ఆర్థిక ఇబ్బందులు తాళలేక చింతకాని మండలం చిన్నమండవకు చెందిన నాగులవంచ శ్రీనివాసరావు(50) శనివారం ఆత్మహత్య చేసుకున్నాడు. ముదిగొండ మండలం పమ్మి గ్రామానికి చెందిన శ్రీనివాసరావు రెండు నెలల క్రితం చిన్నమండవకు వచ్చి సెలూన్‌ షాప్‌ నడిపిస్తున్నాడు. అయితే, ఆయన గతంలో ఓ ఫైనాన్స్‌ సంస్థ నుంచి ఇంటిపై రుణం తీసుకున్నాడు. ఆ రుణం చెల్లించే పరిస్థితి లేకపోవడంతో ఎలుకల నివారణ మందు తాగగా ఆయనను 108లో ఖమ్మం ప్రభుత్వ ఆస్పత్రికి తరలించారు. చికిత్స పొందుతూ పరిస్థితి విషమించడంతో శ్రీనివాసరావు మృతి చెందగా, కేసు నమోదు చేసి దర్యాప్తు చేస్తున్నట్లు ఎస్‌ఐ నరేష్‌ తెలిపారు.

● పది ఉమ్మడి జిల్లాల నుంచి హాజరైన మహిళా జట్లు ● పోటీలను ప్రారంభించిన డీవైఎస్‌ఓ సునీల్‌రెడ్డిఖమ్మం స్పోర్ట్స్‌: రాష్ట్రస్థాయి 48వ జూనియర్‌ బాలికల హ్యాండ్‌బాల్‌ చాంపియన్‌షిప్‌ పోటీలు శనివారం ఖమ్మంలోని సర్దార్‌ పటేల్‌ స్టేడియంలో ప్రారంభమయ్యాయి. రాష్ట్రంలోని పది ఉమ్మడి జిల్లాల వారీగా జట్లు హాజరుకాగా, పోటీలను డీవైఎస్‌ఓ టి.సునీల్‌రెడ్డి ప్రారంభించి మాట్లాడుతూ జిల్లా క్రీడారంగంలో విప్లవాత్మకమైన మార్పులు తీసుకొచ్చామని తెలిపారు. జిల్లా కేంద్రంలోని స్టేడియంలో వసతులు కల్పించడమే కాక మండల కేంద్రాల్లో మినీ స్టేడియాలను నిర్మించామన్నారు. వీటి ని సద్వినియోగం చేసుకుంటూ క్రీడాకారులు ఉన్నత స్థాయికి ఎదగాలని ఒలింపిక్‌ అసోసియేషన్‌ జిల్లా అధ్యక్షుడు పుట్టా శంకరయ్య మాట్లాడుతూ ఖేలో ఇండియా యూత్‌ గేమ్స్‌లో భాగంగా జిల్లాలో తొలిసారి ఆర్చరీ పోటీలు నిర్వహించనున్నట్లు చెప్పారు. హ్యాండ్‌బాల్‌ అసోసియేషన్‌ రాష్ట్ర కార్యదర్శి శ్యామల పవన్‌కుమార్‌ మాట్లాడుతూ హ్యాండ్‌బాల్‌లో జిల్లా నుంచి ఎందరో క్రీడాకారులు ఉన్నత స్థాయికి చేరారని తెలిపారు. అనంతరం నిర్వహించిన సాంస్కృతిక కార్యక్రమాలు ఆకట్టుకోగా, క్రీడా సంఘాల ప్రతినిధులు ఎన్‌.ఉప్పల్‌రెడ్డి, బి.గోవిందారెడ్డి, వీవీఎస్‌ఎన్‌.మూర్తి తదితరులు పాల్గొన్నారు. ఖమ్మం, వరంగల్‌ జట్ల శుభారంభం రాష్ట్ర స్థాయి టోర్నీలో తొలిరోజు లీగ్‌ మ్యాచ్‌ల ఫలితాలు ఇలా ఉన్నాయి. ఖమ్మం జట్టు రంగారెడ్డిపైనే కాక నల్లగొండ జట్టుపై విజయం సాధించింది. ఇక వరంగల్‌ జట్టు నిజామాబాద్‌ జట్టుతో పాటు మెదక్‌, హైదరాబాద్‌ జట్లపైనా గెలిచింది. అంతేకాక మహబూబ్‌నగర్‌ జట్టు మెదక్‌, నిజామాబాద్‌ జట్లపై ఆదిలాబాద్‌ జిలాల జట్టు కరీంనగర్‌పై విజయం సాధించింది.

● బాలికల గురుకుల పాఠశాలలో ఊడిపడిన పెచ్చులు ● తీవ్రగాయాలతో బయటపడిన ఇద్దరు విద్యార్థినులు ● మరమ్మతు పనులు మధ్యలో ఆగడమే కారణమని విమర్శలు బోనకల్‌: బోనకల్‌లోని సాంఘిక సంక్షేమ గురుకుల బాలికల విద్యాలయంలో శనివారం పెనుప్రమాదం తప్పింది. స్లాబ్‌ పైపెచ్చులు ఊడి పడడంతో పాఠం వింటున్న ఇద్దరు విద్యార్థులపై పడగా తీవ్రగాయాలతో బయటపడ్డారు. ఇదే సమయాన విద్యార్థినులంతా బయటకు పరుగులు తీశారు. పాఠశాలలో 5వ తరగతి నుంచి ఇంటర్‌ ద్వితీయ సంవత్సరం వరకు 580 మంది విద్యార్థినులు చదువుకుంటున్నారు. ఈమేరకు శనివారం 9వ తరగతి విద్యార్థులు 60 మందికి ఉపాధ్యాయురాలు సాంఘిక శాస్త్రం పాఠం బోధిస్తుండగా, స్లాబ్‌ పైకప్పు నుంచి కాంక్రీట్‌ పెచ్చులు ఊడి పడ్డాయి. దీంతో చిరునోములకు చెందిన చాపలమడుగు పూజిత తలకు, నాగిలిగొండకు చెందిన అద్దంకి కీర్తన కాలికి తీవ్రగాయమైంది. ఇన్‌చార్జ్‌ ప్రిన్సిపాల్‌ షేక్‌ షీలాబేగం, ఉపాధ్యాయులు స్థానిక ప్రాథమిక ఆరోగ్య కేంద్రానికి తీసుకెళ్లగా డాక్టర్‌ స్రవంతి చికిత్స చేశారు. విషయం తెలిసి ఆస్పత్రికి వచ్చిన తల్లిదండ్రులు తమ పిల్లల పరిస్థితి చూసి కన్నీరుమున్నీరయ్యారు. మధ్యలో ఆగిన మరమ్మతులు 2013లో నిర్మించిన పాఠశాల భవనం కొన్నేళ్లకే శిథిలావస్థకు చేరుకుంది. ఈ విషయాన్ని పది నెలల క్రితం ఉన్నతాధికారులకు సమాచారం ఇవ్వడంతో మరమ్మతులకు రూ.15 లక్షలు మంజూరు చేశారు. అయితే, కాంట్రాక్టర్‌ రత్నాకర్‌ కేవలం రూ.3.50లక్షలతో డ్రెయినేజీ పనులు చేపట్టి, స్లాబ్‌ పనులను నిలిపివేశారు. ఈ విషయాన్ని అధికారులకు తెలియజేయడంతో కాంట్రాక్ట్‌ రద్దుచేసి రూ.11.50లక్షలతో మరమ్మతుల పనులను మరో కాంట్రాక్టర్‌కు కేటాయించినా ఇంకా ప్రారంభించలేదు. కాగా, ప్రమాద సమాచారం తెలియడంతో తహసీల్దార్‌ సుధాకర్‌ క్షేత్రస్థాయిలో పరిశీలించడంతో పాటు ఆస్పత్రిలో విద్యార్థినుల చికిత్సపై ఆరా తీశారు. ఘటనపై సమగ్ర నివేదిక ఉన్నతాధికారులకు అందిస్తామని తహసీల్దార్‌ తెలిపారు. అయితే, ప్రస్తుతం స్లాబ్‌ పెచ్చులు ఊడినపడిన గదిలోనే కాక మరికొన్ని గదుల్లోనూ ఇదే పరిస్థితి ఉన్నందున అధికారులు తక్షణమే స్పందించాలని తల్లిదండ్రులు కోరుతున్నారు.పెచ్చులు ఊడి సువ్వలు తేలిన మరో గదిలో విద్యార్థినులు

ఏన్కూరులోని మిర్చి చేనుఖమ్మంవ్యవసాయం: దేశంలోనే మిర్చి సాగులో తెలుగు రాష్ట్రాలది ప్రత్యేక స్థానం. అందులోనూ విదేశాల్లో విపరీతమైన డిమాండ్‌ ఉన్న ‘తేజ’ రకం మిర్చి ఖమ్మం జిల్లాలోనూ అత్యధిక సాగవుతోంది. కానీ కొన్నాళ్లుగా ఈ రకం సాగు చేసే రైతులు ప్రతికూల పరిస్థితులను ఎదుర్కొంటున్నారు. తెగుళ్లకు తోడు చైనా నుంచి ఆర్డర్లు తగ్గడం.. ఎల్‌నినోతో నీటి ఎద్దడి, క్రిమిసంహారకాల ప్రభావంతో దిక్కుతోచని పరిస్థితి ఎదుర్కొంటుండగా, ఆ ప్రభావం సాగుపై పడుతోంది. ధరలో ఒడిదుడుకులు చైనాకు తేజ రకం మిర్చి ఎగుమతులు జోరుగా సాగిన 2023లో క్వింటాకు రూ.25వేల ధర పలికింది. ఆ తర్వాత చైనాలో కూడా ఈ రకం సాగు పెరగడం, ఇక్కడ క్రిమిసంహారకాల సమస్య తోడవడంతో ఎగుమతులు మందగించి 2024లో ధర రూ.12 వేలకు పతనమైంది. ఈ ఏడాది చైనా ఆర్డర్లు లేకున్నా దేశీయ మార్కెట్‌తో పాటు బంగ్లాదేశ్‌, మలేషియా, సింగపూర్‌ దేశాలకు ఎగుమతులు జరుగుతుండటంతో ధర నిలకడగా ఉంది. సీజన్‌లో సగటున రూ.18 వేలు, కోల్డ్‌ స్టోరేజీల్లో నిల్వ చేసిన మిర్చికి ప్రస్తుతం రూ.23,500 పలుకుతోంది. పెట్టుబడులు.. ఎల్‌నినో వాత మిర్చి సాగు ఎకరాకు రూ.1.50 లక్షల వరకు పెట్టుబడి అవుతుంది. మూడేళ్లుగా తామర పురుగు పూత, పిందె దశలో ఆశించి పంటను నాశనం చేస్తుండగా, ఈ ఏడాది జెమినీ వైరస్‌ తోడైంది. గత ఏడాది మంచి ధర ఉండడంతో ఈసారి రైతులు సాగుకు సిద్ధమవుతుండగా, ఎల్‌నినో వారి ఆశలను కమ్మేసింది. 2024–25లో 59,205 ఎకరాలు, 2025–26లో 31,713 ఎకరాలుగా ఉన్న సాగు విస్తీర్ణం ఈ ఏడాది 35,343 ఎకరాలుగా నమోదైంది. గత ఏడాది పోలిస్తే కాస్త ఎక్కువే అయినా జిల్లా పరిస్థితులను పరిశీలిస్తే మాత్రం ఆశాజనకం కాదని చెబుతున్నారు. 2024లో 10,954 వేల సాగు విస్తీర్ణం కలిగిన రఘునాథపాలెం మండలంలో ఈ ఏడాది కేవలం 5,397 ఎకరాల్లోనే మిర్చి సాగు చేయడం గమనార్హం.ఖమ్మం ప్రాంతంలో పండించే తేజ రకం మిర్చిలో క్రిమిసంహారకాల(పెస్టిసైడ్‌ రెసిడ్యూ) శాతం ఎక్కువగా ఉంటోందనే కారణంతో చైనా నుంచి ఆర్డర్లు మందగించాయనే చర్చ వ్యాపారుల్లో సాగుతోంది. తామర పురుగు, జెమినీ వైరస్‌ను అరికట్టేందుకు రైతులు మోతాదుకు మించి పిచికారీ చేసే పురుగు మందుల అవశేషాలు మిగిలిపోతుండడం.. అంతర్జాతీయ ప్రమాణాలకు ఆటంకంగా మారుతోందని చెబుతున్నారు.మిర్చి సాగుకు కేంద్ర బిందువుగా ఖమ్మం జిల్లా 2024–25 2025–26 2026–27 ఖమ్మం 59,205.23 31,713.22 35,343.00 భద్రాద్రి 17,590.28 9,695.38 8,369.00 మొత్తం 76,796.11 41,409.20 43,712.00

● పోలీసు కమిషనర్‌ సునీల్‌దత్‌ ● టేకులపల్లి కేసీఆర్‌ టవర్స్‌లో ఆకస్మిక తనిఖీలుఖమ్మంఅర్బన్‌: ప్రజలకు భద్రతపై భరోసా కల్పించడమే కాక నేరాల నియంత్రణలో వారి భాగస్వామ్యాన్ని పెంచడమే లక్ష్యంగా ‘కమ్యూనిటీ కనెక్ట్‌’ కార్యక్రమాలు నిర్వహిస్తున్నట్లు పోలీసు కమిషనర్‌ సునీల్‌దత్‌ తెలిపారు. ఖమ్మంలోని టేకులపల్లిలోని కేసీఆర్‌ టవర్స్‌ ప్రాంతంలో గంజాయి వినియోగం, అసాంఘిక కార్యకలాపాలపై వరుస ఫిర్యాదుల నేపథ్యాన శనివారం ఆకస్మిక తనిఖీలు నిర్వహించారు. వివిధ విభాగాలకు చెందిన 286 మంది పోలీసు ఉద్యోగులు పాల్గొనగా, ప్రతీ ఇంటినీ తనిఖీ చేసి అనుమానాస్పద వ్యక్తుల వివరాలు సేకరించారు. ఈక్రమాన సరైన ధ్రువపత్రాలు లేని 62 ద్విచక్ర వాహనాలు, ఐదు ఆటోలను స్వాధీనం చేసుకున్నారు. అలాగే, గంజాయి విక్రయిస్తున్న ఇద్దరు, సేవిస్తున్న 12 మందిని గుర్తించడంతోపాటు ముగ్గురు చోరీ నిందితులు, ఇద్దరు అనుమానితులను గుర్తించారు. అంతేకాక మణిదీప్‌ వద్ద 15 గ్రాముల గంజాయి లభించడంతో కేసు నమోదు చేశారు. ఈ సందర్భంగా సీపీ మాట్లాడుతూ స్థానికుల విజ్ఞప్తి మేరకు పెట్రోలింగ్‌ను మరింత ముమ్మరం చేయడంతో పాటు బెల్ట్‌షాపుల కట్టడికి ఎకై ్సజ్‌ శాఖతో సమన్వయం చేసుకుంటామని తెలిపారు. యువత మత్తు పదార్థాలకు బానిసలై జీవితాలను నాశనం చేసుకోవద్దని సూచించారు. ప్రజలు ఇళ్ల వద్ద సీసీ కెమెరాలు ఏర్పాటు చేసుకుంటే అసాంఘిక కార్యకలాపాలకు అడ్డుకట్ట వేయవచ్చని తెలిపారు. అడిషనల్‌ డీసీపీ రామానుజం, ఏసీపీలు రమణమూర్తి, మహేష్‌, ఫణీందర్‌, సర్వర్‌, సీఐలు సాదిక్‌ పాషా, చిట్టిబాబు, కరుణాకర్‌, శివప్రసాద్‌, నాగరాజు, ఆర్‌ఐలు కామరాజు, శ్రీశైలం, సురేష్‌ తదితరులు పాల్గొన్నారు.ఖమ్మంక్రైం: దేశ తొలి ఉపప్రధాని సర్దార్‌ వల్లబాయ్‌ పటేల్‌ జయంతి సందర్భంగా పోలీస్‌ హెడ్‌ క్వార్టర్స్‌లో శనివారం జాతీయ ఐక్యతా దినోత్సవాన్ని నిర్వహించారు. ఈ సందర్భంగా జాతీయ సమైక్యత, సమగ్రత, భద్రతను కాపాడేందుకు ప్రతిఒక్కరూ అంకితభావంతో పనిచేయాలంటూ సీపీ సునీల్‌దత్‌ ప్రతిజ్ఞ చేయించారు. అడిషనల్‌ డీసీపీలు రామానుజం, కుమారస్వామి, ఏసీపీలు సాంబరాజు నర్సింహారావు, ఏఓ కళావతి, ఆర్‌ఐ కామరాజు, పోలీస్‌ అసోసియేషన్‌ అధ్యక్షుడు హేమనాధ్‌ తదితరులు పాల్గొన్నారు.

రఘునాథపాలెం: ఎల్‌నినో ప్రభావంతో భూగర్భ జలాలు పడిపోవడమే కాక అధిక ఉష్ణోగ్రతలు నమోదయ్యే అవకాశం ఉన్నందున రైతులు పంటల సాగులో తగిన జాగ్రత్తలు పాటించాలని జిల్లా ఉద్యానవన శాఖాధికారి ఎం.వీ.మధుసూదన్‌, జిల్లా వ్యవసాయశాఖ అధికారి పుల్లయ్య సూచించారు. రఘునాథపాలెం మండలం మంచుకొండలో శనివారం నిర్వహించిన అవగాహన సదస్సులో వారు మాట్లాడారు. అందుబాటులో ఉన్న నీటిని పొదుపుగా వినియోగిస్తూ బిందు సేద్యం ద్వారా పంటలను కాపాడుకోవాలని, రబీలో తక్కువ నీటితో సాగయ్యే కూరగాయల పంటలకు ప్రాధాన్యత ఇవ్వాలని తెలిపారు. వరికి బదులు ఆరుతడి పంటలు, పప్పుదినుసులు సాగు చేయాలని కోరారు. వర్షపు నీటిని ఒడిసిపట్టేలా వ్యవసాయ క్షేత్రాల్లో నీటి కుంటలు ఏర్పాటు చేసుకోవాలని సూచించారు. అనంతరం మల్యాల ఉద్యాన పరిశోధనా స్థానం శాస్త్రవేత్త డాక్టర్‌ ప్రశాంత్‌ మాట్లాడగా సొసైటీల చైర్మన్లు మందనపు సుధాకర్‌, తాత రఘురామ్‌, సర్పంచ్‌ తేజావత్‌ శంకర్‌నాయక్‌, ఉద్యాన అధికారి జి.నగేష్‌, ఏఓ ఉమామహేశ్వర్‌రెడ్డి, రైతు గోగినేని రవికుమార్‌ తదితరులు పాల్గొన్నారు.

ఖమ్మం వైరారోడ్‌: రాష్ట్రప్రభుత్వం పాలనను పూర్తిగా గాలికొదిలేసిందని రాజ్యసభ సభ్యుడు వద్దిరాజు రవిచంద్ర విమర్శించారు. ఖమ్మంలోని బీఆర్‌ఎస్‌ పార్టీ కార్యాలయంలో శనివారం ఆయన ఎమ్మెల్సీలు తాతా మధుసూదన్‌, తక్కళ్లపల్లి రవీందర్‌రావుతో కలిసి మాట్లాడారు. సీఎం సమా మంత్రులు తరచూ ఢిల్లీ బాట పడుతుండడంతో ఇక్కడ పాలన పూర్తిగా కుంటుపడిందన్నారు. మరోపక్క బూటకపు వాగ్దానాలు, ప్రధాన ప్రతిపక్షంపై తప్పుడు ప్రచారం చేయడం తప్ప హామీల అమలుపై దృష్టి సారించడం లేదని ఆరోపించారు. ఫార్మాసిటీ కోసం కేసీఆర్‌ భూములను సేకరించి పెడితే ఫ్యూచర్‌ సిటీ అంటూ సీఎం ఆగమాగం చేస్తున్నారన్నారు. ఈ సమావేశంలో నాయకులు గుండాల కృష్ణ, రాకేష్‌రెడ్డి, ఉప్పల వెంకటరమణ, నరేందర్‌, సుబ్బారావు తదితరులు పాల్గొన్నారు.ఎంపీ వద్దిరాజు రవిచంద్ర

● మెడికల్‌ కాలేజీ, జీజీహెచ్‌ అనుసంధానంగా నిర్మాణం రూ.3.25 కోట్ల నిధులు కేటాయింపుఖమ్మం వైద్యవిభాగం: ఖమ్మం ప్రభుత్వ జనరల్‌ ఆస్పత్రితో మెడికల్‌ కాలేజీని అనుసంధానిస్తూ చేపట్టిన ఫుట్‌ ఓవర్‌ బ్రిడ్జి(ఎఫ్‌ఓబీ) నిర్మాణ పనులు చకచకా జరుగుతున్నాయి. ఈమేరకు శనివారం బ్రిడ్జికి సంబంధించిన స్తంభాలను భారీ క్రేన్లతో అమర్చారు. ఎఫ్‌ఓబీ నిర్మాణానికి ప్రభుత్వం గతంలో నిధులు కేటాయించింది. ఈ ఏడాది మార్చిలో శంకుస్ధాపన చేయగా ఇప్పటికే ఆస్పత్రి, కాలేజీలో పిల్లర్లు నిర్మించారు. ఆ తర్వాత పనులు ఆగిపోగా మళ్లీ ఇటీవల ప్రారంభించి చకచకా చేపడుతున్నారు. రాకపోకలు సులువయ్యేలా... మెడికల్‌ కళాశాలలో ప్రస్తుతం 400మంది విద్యార్థులు చదువుతున్నారు. వీరు ఆస్పత్రికి వెళ్లివచ్చే క్రమాన నిత్యం రద్దీ ఉండే రోడ్డును దాటాల్సి రావడంతో ఇబ్బందులు ఎదురవుతున్నాయి. అలాగే ప్రొఫెసర్లు, అసోసియేట్‌, అసిస్టెంట్‌ ప్రొఫెసర్లు, బోధనేతర సిబ్బంది కూడా అటూఇటు తిరగాల్సి వస్తోంది. ఈక్రమాన ఫుట్‌ ఓవర్‌ బ్రిడ్జి నిర్మాణానికి రూ.3.25 కోట్లు కేటాయించింది. పూర్తిగా ఇనుప స్తంభాలతో ఈ బ్రిడ్జి నిర్మించడంతో పాటు రెండు వైపులా లిఫ్ట్‌లు అమర్చనున్నారు. మరో నెలలో బ్రిడ్జి నిర్మాణం పూర్తవుతుందని ఇంజనీరింగ్‌ విభాగం అధికారులు వెల్లడించారు.

ఖమ్మంమయూరిసెంటర్‌: ఖమ్మం ముస్తఫా నగర్‌లో నిబంధనలకు విరుద్ధంగా నిర్వహిస్తున్న సుధా ఎంటర్‌ప్రైజెస్‌ బేకరీకి సంబంధించిన బట్టీని అధికారులు శనివారం సీజ్‌ చేశారు. బట్టీ నుంచి వెలువడుతున్న దట్టమైన పొగ, బూడిద కారణంగా ఇబ్బంది పడుతున్నట్టు సమీప ప్రజల నుంచి అందిన ఫిర్యాదుతో గతంలో నోటీసులు జారీ చేసినా, జరిమానా విధించినా యజమాన్యం పట్టించుకోలేదని గుర్తించారు. ఈమేరకు ఇన్‌చార్జ్‌ శానిటరీ ఇన్‌స్పెక్టర్‌ కె.మల్లయ్య, ఫుడ్‌ సేఫ్టీ అధికారి లోకేష్‌తో పాటు వివిధ విభాగాల సిబ్బంది పరిశీలించి సీజ్‌ చేశారు. వ్యాపార సంస్థల నిర్వాహకులు మున్సిపల్‌ నిబంధనలు, కాలుష్య నియంత్రణ ప్రమాణాలు, ఆహార భద్రతా నిబంధనలు తప్పనిసరిగా పాటించాలని సూచించారు. రాష్ట్రస్థాయి అథ్లెటిక్స్‌ పోటీలకు జట్ల ఎంపిక కల్లూరు రూరల్‌: హైదరాబాద్‌లో ఈనెల 2వ తేదీ నుంచి జరిగే రాష్ట్రస్థాయిలో పోటీల్లో పాల్గొనే అథ్లెటిక్స్‌ ఉమ్మడి ఖమ్మం జిల్లా జట్లను శనివారం ఎంపిక చేశారు. కల్లూరులోని మినీ స్టేడియంలో శనివారం జరిగిన ఎంపిక పోటీలకు ఉమ్మడి జిల్లా నుంచి 184 మంది బాలబాలికలు హాజరయ్యారు. వీరిలో ప్రతిభ కనబర్చిన వారిని గుర్తించి ఈవెంట్‌కు ఇద్దరు చొప్పున 36 మందిని ఎంపిక చేసినట్లు పాఠశాలల క్రీడా సమాఖ్య జిల్లా కార్యదర్శి వై.చిన్ని తెలిపారు. ఎంపిక పోటీలను పీడీలు, పీఈటీలు సీహెచ్‌.కృష్ణయ్య, సుధీర్‌, రవి, వీరరాఘవయ్య, ఎస్‌.కే.నాగుల్‌ మీరా, ఎస్‌.కే.రంజాన్‌, వెంకటేశ్వర్లు పర్యవేక్షించారు. అడ్మిట్‌ కార్డులు డౌన్‌లోడ్‌ చేసుకోండి కూసుమంచి: పాలేరులోని జవహర్‌ నవోదయ విద్యాలయలో 2027–28 విద్యా సంవత్సరానికి ఆరో తరగతిలో ప్రవేశ పరీక్షకు దరఖాస్తు చేసుకున్న విద్యార్థులు అడ్మిట్‌ కార్డులను డౌన్‌లోడ్‌ చేసుకోవాలని ఇన్‌చార్జి ప్రిన్సిపాల్‌ వెంకటరమణ సూచించారు. నవోదయ విద్యాసమితి వెబ్‌సైట్‌లో అడ్మిన్‌ కార్డులు అందుబాటులో ఉన్నాయని ఆయన ఓ ప్రకటనలో తెలిపారు. మత్స్యకారులకు ముగిసిన శిక్షణ కూసుమంచి: కూసుమంచి మండలం పాలేరులోని మత్స్య పరిశోధనా కేంద్రంలో మత్స్య రైతులు, మత్స్యకారులకు దేశవాళీ తెల్లచేపల పెంపకంపై ఇస్తున్న మూడు రోజుల శిక్షణ శనివారంతో ముగిశాయి. ఖమ్మం, ఆసిఫాబాద్‌, నల్లగొండ, సూర్యాపేట, ఆదిలాబాద్‌ జిల్లాల మత్స్యరైతులు పాల్గొనగా, ఏపీ మత్స్య విశ్వవిద్యాలయం ఫార్మర్‌ డీన్‌ డాక్టర్‌ రవీంద్రకుమార్‌రెడ్డి పలు అంశాలను అవగాహన కల్పించారు. దేశవాళీ చేపల పెంపకంలో యాజమాన్య పద్ధతులు తదితర అంశాలను వివరించగా, శిక్షణ పొందిన వారికి సర్టిఫికెట్లు అందజేశారు. ఈ కార్యక్రమంలో పాలేరు పరిశోధనా కేంద్రం ప్రధాన శాస్త్రవేత్త డాక్టర్‌ శ్యాంప్రసాద్‌, శాస్త్రవేత్తలు రవీందర్‌, శాంతన్న, నాగరాజు తదితరులు పాల్గొన్నారు. తుపాన్‌ ప్రభావిత ప్రాంతాల్లో ఖమ్మం ఉద్యోగుల సేవలు ఖమ్మంవ్యవసాయం: ఆంధ్రప్రదేశ్‌లో అర్నబ్‌ తుపాన్‌ ప్రభావిత ప్రాంతాల్లో విద్యుత్‌ వ్యవస్థ దెబ్బతినగా, పునరుద్ధరణ పనుల్లో ఖమ్మం సర్కిల్‌ ఉద్యోగులు పాల్గొంటున్నారు. ఏపీలోని వెట్లపాలెం, కొప్పిగుంట, తిమ్మాపురం, ఇనవోలు, నకరం, అమలాపురం తదితర ప్రాంతాల్లో దెబ్బతిన్న లైన్లు, స్తంభాలు, ట్రాన్స్‌ఫార్మర్ల మరమ్మతు పనుల్లో సర్కిల్‌ నుంచి వెళ్లిన 468 మంది సిబ్బంది పాల్గొంటున్నారని ఎస్‌ఈ శ్రీనివాసాచారి తెలిపారు. ప్రభావిత ప్రాంతాల్లో త్వరగా విద్యుత్‌ పునరుద్ధరణే లక్ష్యంగా పనిచేస్తున్నారని పేర్కొన్నారు.

● ఎస్‌హెచ్‌జీల ప్రొఫైల్‌ మానిటరింగ్‌ వేగవంతం ● ఆన్‌లైన్‌లో పరిశీలనతో పారదర్శకత ● జిల్లాలో కొనసాగుతున్న ఆమోద ప్రక్రియఖమ్మంమయూరిసెంటర్‌: గ్రామీణ ప్రాంత మహిళలను ఆర్థికంగా సాధికారత వైపు నడిపించేలా స్వయం సహాయక సంఘాల(ఎస్‌హెచ్‌జీలు)కు ప్రభుత్వాలు రుణసాయం అందిస్తున్నాయి. బ్యాంకు లింకేజీ, సీ్త్ర నిధి ద్వారా వడ్డీ లేని రుణాలు అందుతుండగా.. వీటి మంజూరు, చెల్లింపుల్లో అక్రమాలకు తావులేకుండా పారదర్శకత పెంచడమే లక్ష్యంగా ప్రొఫైల్‌ మానిటరింగ్‌ ప్రక్రియ కేంద్ర ప్రభుత్వం తీసుకొచ్చింది. ప్రత్యేకంగా తీసుకొచ్చిన ‘లోకోస్‌ యాప్‌’ ద్వారా అక్రమాలకు చెక్‌ పెట్టనున్నారు. జిల్లాలో ఈ–కేవైసీ నమోదు ప్రక్రియను గ్రామీణాభివృద్ధి సంస్థ అధికారులు ముమ్మరం చేశారు. వివరాలు సమగ్రంగా.. లోకోస్‌ యాప్‌లో సంఘంలోని ప్రతీ సభ్యురాలి ఆధార్‌, బ్యాంకు ఖాతా, మొబైల్‌ నంబర్‌, బుక్‌ కీపర్‌ వివరాలను నమోదు చేస్తారు. అధికారులు వివరాలను క్షుణ్ణంగా పరిశీలించి వివరాలను నమోదుకు ఆమోదం తెలుపుతున్నారు. భవిష్యత్‌లో అర్హులైన మహిళలకే ప్రభుత్వ పథకాలు, రుణాలు అందడానికి ఇది ఉపయోగపడుతుందని అధికారులు పేర్కొంటున్నారు. ఖమ్మం రూరల్‌ అగ్రస్థానం.. జిల్లా వ్యాప్తంగా ప్రొఫైల్‌ మానిటరింగ్‌ ప్రక్రియ చురుగ్గా సాగుతోంది. ఖమ్మం రూరల్‌ మండలంలో 1,011 సంఘాలకు చెందిన 10,364 మంది సభ్యుల ప్రొఫైళ్లను నమోదు చేయగా, జిల్లాలో మొదటి స్థానాన నిలిచింది. ఆ తర్వాతి స్థానాల్లో కొణిజర్ల మండలంలోని 589 సంఘాలకు చెందిన 6,435 మంది సభ్యులు, కల్లూరులో 588 సంఘాలకు చెందిన 7,648 మంది సభ్యుల వివరాలను యాప్‌లో నమోదు చేశారు. పెండింగ్‌ ప్రక్రియపై దృష్టి.. యాప్‌లో నమోదు కాని సంఘాల సభ్యుల వివరాలను అధికారులు పరిశీలిస్తున్నారు. ప్రస్తుతం ప్రాజెక్ట్‌ మేనేజర్‌ స్థాయిలో 516 సంఘాలకు సంబంధించి 4,845 మంది సభ్యులు వివరాలు పరిశీలన దశలోనే ఉన్నాయి. సాంకేతిక లోపాలు, సరిపోలని వివరాల కారణంగా 535 సంఘాలకు సంబంధించి 3,088 మంది సభ్యులు వివరాలు తిరస్కరణకు గురయ్యాయి. వీటితో పాటు బుక్‌ కీపర్‌ మ్యాపింగ్‌కు సంబంధించి 13,759 సంఘాలకు సంబంధించి 90,113 మంది సభ్యుల వివరాలు ఆమోదించాల్సి ఉంది. సమాచారంలో తప్పులు లేకుండా సరిచేసి, తిరస్కరణకు గురైన ప్రొఫైళ్లను పునఃపరిశీలించాలని డీఆర్‌డీఏ అధికారులు సిబ్బందిని ఆదేశించారు.లోకోస్‌ యాప్‌ ప్రొఫైల్‌

ఖమ్మంమయూరిసెంటర్‌: బడుగు, బలహీన వర్గాలకు చెందిన విద్యార్థుల భద్రతపై ప్రభుత్వం నిర్లక్ష్యంగా వ్యవహరిస్తోందని బీఆర్‌ఎస్‌ నాయకుడు పగడాల నాగరాజు ఆరోపించారు. రఘునాథపాలెం మండలం గణేష్‌పాడుకు చెందిన ఇంటర్‌ విద్యార్థిఅజయ్‌ శుక్రవారం ఖమ్మంలోని బీసీ బాలుర కళాశాల వసతిగృహంలో మృతి చెందిన విషయం విదితమే. ఈమేరకు ఆయన కుటుంబానికి న్యాయం చేయాలంటూ ప్రభుత్వ ఆస్పత్రి మార్చురీ వద్ద శనివారం ఆందోళన చేపట్టారు. ఈ సందర్భంగా నాగరాజు మాట్లాడుతూ అజయ్‌ మృతిపై అనుమానాలు ఉన్నందున, విచారణ చేపట్టి ఆయన కుటుంబానికి న్యాయం చేయాలని డిమాండ్‌ చేశారు. దీంతో అదనపు కలెక్టర్‌ శ్రీనివాసరెడ్డి చేరుకుని నాయకులు, బాధిత కుటుంబీకులతో చర్చించారు. కుటుంబంలో ఒకరికి ఔట్‌సోర్సింగ్‌ ఉద్యోగం, డబుల్‌ బెడ్‌రూమ్‌ ఇల్లు మంజూరుకు చర్యలు తీసుకుంటామని హామీ ఇవ్వగా, బీసీ సంక్షేమ శాఖ డీడీ జ్యోతి కుటుంబానికి ఆర్థిక సాయం అందజేశారు. సుడా మాజీ చైర్మన్‌ బచ్చు విజయ్‌కుమార్‌, గుత్తా రవి, రవికిరణ్‌, పిన్ని కోటేశ్వరరావు, యాస రామారావు, భరత్‌, రాంబాబు, లావణ్య, మెంటం రామారావు, పాషా మాటేటి కిరణ్‌, చిన్నం మల్లేశం, పగడాల మధు, మోటె కుమార్‌ తదితరులు పాల్గొన్నారు.ఆస్పత్రి మార్చురీ వద్ద నేతల ఆందోళన

ఖమ్మంరూరల్‌: రాష్ట్రంలో అర్హులైన పేద ప్రజలందరికీ ఇందిరమ్మ ఇల్లు మంజూరు చేస్తామని రాష్ట్ర రెవెన్యూ, హౌజింగ్‌, సమాచార పౌరసంబంధాల శాఖల మంత్రి పొంగులేటి శ్రీనివాసరెడ్డి వెల్లడించారు. ఏదులాపురం మున్సిపాలిటీ పరిధిలోని శుక్రవారం ఏర్పాటుచేసిన సమావేశంలో ఖమ్మం రూరల్‌ మండలం, మున్సిపాలిటీ పరిధిలోని 176 మందికి రెండో విడతలో భాగంగా ఇందిరమ్మ ఇళ్ల పట్టాలు కలెక్టర్‌ దివాకర టీ.ఎస్‌తో కలిసి మంత్రి పంపిణీ చేశారు. ఈ సందర్భంగా పొంగులేటి మాట్లాడుతూ తమ ప్రభుత్వం వచ్చాక పేదల సొంతింటి కలను నిజం చేయాలనే తపనతో పనిచేస్తున్నామని తెలిపారు. మొదటి విడతలో 4.5 లక్షల ఇళ్లు మంజూరు చేయగా, రెండో విడతలో 2.5 లక్షల ఇళ్లు ఇస్తున్నామని తెలిపారు. హైదరాబాద్‌ క్యూర్‌ ప్రాంతంలో మరో లక్ష ఇళ్లు కలిపితే రెండు విడతల్లో రాష్ట్రవ్యాప్తంగా 8 లక్షల ఇళ్లను నిర్మించేలా రూ.40 వేల కోట్లు కేటాయించామని చెప్పారు. ఇందిరమ్మ ఇళ్ల పథకం పథకం వంద శాతం పేదోళ్ల మనసు దోచిన, మెచ్చిన పథకమని తెలిపారు. అర్హతే ప్రామాణికంగా కులం, మతం, పార్టీ చూడకుండా ఇళ్లతో పాటు ఇతర సంక్షేమ పథకాలు అమలుచేస్తున్నామని మంత్రి చెప్పారు. ప్రతిపక్షాలు ఎన్ని గావుకేకలు పెట్టినా, దండాలు పెట్టినా, క్షుద్ర పూజలు చేసినా తమ ప్రభుత్వం ప్రజల దీవెనలతో మళ్లీ అధికారంలోకి వస్తుందని తెలిపారు. కలెక్టర్‌ దివాకర మాట్లాడుతూ ఏదులాపురం మున్సిపాలిటీకి మొదటి విడతలో 467 ఇళ్లు మంజూరు కాగా, ఇందులో 400 వరకు పూర్తయ్యాయని తెలిపారు. లబ్ధిదారులకు అత్యంత పారదర్శకంగా ఎంపిక చేశామని, ప్రతీ దశలో బిల్లులు సాఫీగా జమ అవుతుండడంతో లబ్ధిదారులు త్వరగా ఇళ్లు నిర్మించుకుంటున్నారని చెప్పారు. ఆదర్శంగా ఏదులాపురం ఏదులాపురం మున్సిపాలిటీని రాష్ట్రంలోనే మోడల్‌గా తీర్చిదిద్దుతామని మంత్రి పొంగులేటి శ్రీనివాసరెడ్డి తెలిపారు. మున్సిపాలిటీ పరిధి వివిధ వార్డుల్లో రూ.4.96కోట్లతో నిర్మించే 46 అంతర్గత సీసీ రోడ్లు, రూ.2.50 కోట్ల వ్యయంతో ప్రకాశ్‌ నగర్‌ బ్రిడ్జి నుంచి కోదాడ ఆర్‌ అండ్‌ బీ రోడ్డు వరకు నిర్మించే బీటీ రోడ్డు పనులకు కలెక్టర్‌ దివాకరతో కలిసి శంకుస్థాపన చేశాక మంత్రి మాట్లాడారు. మున్సిపల్‌ పరిధి 6, 7, 8వ డివిజన్లలో రూ.79.79 కోట్ల విలువైన పనులకు శంకుస్థాపన జరిగిందన్నారు. మున్సిపాలిటీని రాష్ట్రంలోనే ఆదర్శంగా తీర్చిదిద్దుతానని ఇచ్చిన హామీ మేరకు సుమారు రూ. 100 కోట్లకు పైగా నిధులు తీసుకొచ్చామని తెలిపారు. కాగా, కాంగ్రెస్‌ అధికారంలోకి వచ్చాక 200 యూనిట్ల ఉచిత విద్యుత్‌, మహిళలకు ఉచిత ప్రయాణం, రేషన్‌షాపుల్లో సన్నబియ్యం పంపిణీ జరుగుతోందని, మహిళలకు సున్నా వడ్డీ రుణాలు ఇస్తున్నామని చెప్పారు. ఈ కార్యక్రమాల్లో హౌజింగ్‌ పీడీ భూక్యా శ్రీనివాస్‌, ఏదులాపురం మున్సిపల్‌ చైర్‌ పర్సన్‌ పోకబత్తిని అనిత, వైస్‌ చైర్మన్‌ తమ్మినేని నవీన్‌, కమిషనర్‌ ఆళ్ల శ్రీనివాసరెడ్డి, ఆర్‌ అండ్‌ బీ, పీఆర్‌ ఎస్‌ఈలు యుగంధర్‌ రావు, వెంకట్‌రెడ్డి, వివిధ శాఖల అధికారులు, నాయకులు పాల్గొన్నారు.

వరంగల్‌ – ఖమ్మం – నల్లగొండ శాసనమండలి పట్టభద్రుల స్థానానికి ఓటరు నమోదు గడువు సమీపిస్తోంది. ఓటర్ల నమోదుకు సెప్టెంబర్‌ 28న నోటిఫికేషన్‌ జారీ చేయగా, తొలుత పట్టభద్రులు ఆసక్తి చూపారు. ఆ తర్వాత పెద్దగా ముందుకు రాకపోవడంతో ఇప్పటి వరకు జిల్లాలో 78,074 దరఖాస్తులే అందాయి. నమోదుకు నవంబర్‌ 6వ తేదీ వరకే గడువు ఉండడంతో రాజకీయ పార్టీల ఆధ్వర్యాన ప్రత్యేక శిబిరాలు ఏర్పాటుచేసి పట్టభద్రులను కలుస్తున్నారు. – సాక్షి ప్రతినిధి, ఖమ్మం

ఖమ్మం స్పోర్ట్స్‌: కాకతీయ యూనివర్సిటీ పరిధి ఖమ్మం జోన్‌ డిగ్రీ, పీజీ కళాశాలల క్రికెట్‌ టోర్నమెంట్‌ నవంబర్‌ 4నుంచి మూడు రోజుల పాటు నిర్వహిస్తున్నట్లు కేయూ స్పోర్ట్స్‌ బోర్డు కార్యదర్శి ప్రొఫెసర్‌ శాస్త్రి ఒక ప్రకటనలో తెలిపారు. ఖమ్మం వైరా రోడ్డులోని డెక్కన్‌ క్రికెట్‌ మైదానంలో ఈ టోర్నీ జరుగుతుందని పేర్కొన్నారు. ఎస్‌ఆర్‌అండ్‌బీజీఎన్‌ఆర్‌ కళాశా ల నిర్వహణలో జరిగే పోటీల్లో ప్రతిభ కనబర్చిన క్రీడాకారులతో ఖమ్మం జోన్‌ జట్టుకు ఎంపిక చేస్తామని తెలిపారు. టోర్నీ ఆర్గనైజింగ్‌ కార్యదర్శిగా అసోసియేట్‌ ప్రొఫెసర్‌ డాక్టర్‌ బి.వెంకన్న వ్యవహరించనుండగా, క్రీడాకారులు వివరాల కోసం 94412 36384 నంబర్‌లో సంప్రదించాలని సూచించారు. గురుకుల డిగ్రీ కళాశాల విద్యార్థినికి బంగారు పతకం కొణిజర్ల: కొణిజర్ల మండలం తనికెళ్లలోని తెలంగా ణ గిరిజన సంక్షేమ మహిళా డిగ్రీ కళాశాల విద్యార్థి జర్పుల కావ్య కేయూ నుంచి బంగారు పతకం సాధించింది. 2022–25 విద్యాసంవత్సరంలో బీఎస్‌సీ ఎంబీజెడ్‌సీ పూర్తిచేసిన ఆమె పతకానికి ఎంపికై ంది. వచ్చేనెల 28న కాకతీయ యూనివర్సిటీలో జరిగే స్నాతకోత్సవంలో బంగారు పక తం అందుకోనుంది. కారేపల్లి మండలం వెంకటియా తండాకు చెందిన కావ్యను ప్రిన్సిపాల్‌ కె.రజని, అధ్యాపకులు అఽభినందించారు. కండక్టర్‌ను పరామర్శించిన కూనంనేని ఖమ్మంమయూరిసెంటర్‌: అశ్వాపురంలో కదులుతున్న బస్సు నుంచి ప్రయాణికురాలు తోసేయగా తీవ్రగాయాలతో చికిత్స పొందుతున్న మణుగూరు డిపో కండక్టర్‌ జి.ప్రవళికను సీపీఐ రాష్ట్ర కార్యదర్శి, కొత్తగూడెం ఎమ్మెల్యే, కూనంనేని సాంబశివరావు శుక్రవారం పరామర్శించారు. హైదరాబాద్‌లోని సాయి సంజీవని ఆస్పత్రిలో ఆమెను పరామర్శించిన కూనంనేని, చికిత్సపై వైద్యులతో మాట్లాడడమే కాక ఆమె తల్లికి ఽధైర్యం చెప్పారు. సీపీఐ, ఏఐటీయూసీ, ఆర్టీసీ ఎంప్లాయీస్‌ యూనియన్‌ ప్రవళికకు అండగా ఉంటాయని తెలిపారు. నీలాద్రి ఆలయం ఈఓగా మధుపాయ్‌ చౌదరి పెనుబల్లి: మండలంలోని ప్రముఖ పుణ్యక్షేత్రం నీలాద్రీశ్వర ఆలయ ఈఓగా మధుపాయ్‌ చౌదరి నియమి తులయ్యారు. ప్రస్తుత ఈఓ రజినికుమారి శనివారం ఉద్యోగ విరమణ చేయనున్నారు. దీంతో ఖమ్మం మైసమ్మ గుడి ఈఓ మధుపాయ్‌ను నియమించగా, ఆదివారం ఆయన బాధ్యతలు స్వీకరిస్తారు. షాప్‌లకు 3న వేలంపాట కార్తీకమాసం సందర్భంగా నీలాద్రిశ్వర ఆలయంలో షాప్‌ల ఏర్పాటుకు నవంబర్‌ 3న వేలంపాట నిర్వహించనున్నట్లు అధికారులు తెలిపారు. లడ్డూ, పులిహోర, కొబ్బరికాయలు, పూజద్రవ్యాలు అమ్మడంతో పాటు కొబ్బరిచిప్పలు, తలనీలాలు పోగు చేసుకోవడం, సైకిల్‌ స్టాండ్‌, కూల్‌ డ్రింక్స్‌ షాపు నిర్వహణకు ఆసక్తి ఉన్న వారు డిపాజిట్‌ చెల్లించి వేలంలో పాల్గొనాలని సూచించారు. విద్యార్థినులు అప్రమత్తంగా ఉండాలి ఖమ్మంలీగల్‌: అసభ్యకరమైన ప్రవర్తనలను ఎదుర్కొనేలా విద్యార్థినులు అప్రమత్తంగా ఉండాలని ఖమ్మం ప్రిన్సిపల్‌ జూనియర్‌ సివిల్‌ జడ్జి జ్యోతిర్మయి సూచించారు. ఖమ్మం నయాబజార్‌ పాఠశాలలో హెచ్‌ఎం చావా ఉషారాణి అధ్యక్షతన శుక్రవారం నిర్వహించిన సమావేశంలో ఆమె మాట్లాడారు. కుటుంబం, పాఠశాలలో లేదా బయట ప్రదేశంలో ఎవరైనా తపేఉ్పడు వ్యవహరిస్తే ఆ సమాచారాన్ని ధైర్యంగా చెప్పాలని తెలిపారు. అనంతరం విద్యార్థులతో ప్రతిజ్ఞ చేయించారు. ఎస్సై కొండలరావు, ఉపాధ్యాయులు మాధవరావు, సురేష్‌, బాబు, గోపాల, లక్ష్మి, గురువమ్మ, సంపత్‌ తదితరులు పాల్గొన్నారు.

ఎర్రుపాలెం: రానున్న యాసంగిలో జిల్లా రైతులు ఆరుతడి పంటలే సాగు చేయాలని జిల్లా వ్యవసాయాధికారి ధనసరి పుల్లయ్య కోరారు. ఎర్రకుపాలెం మండలం రాజుపాలెంలో శుక్రవారం ఏర్పాటుచేసిన రైతుల సదస్సులో ఆయన మాట్లాడారు. ఎల్‌నినో కారణంగా వర్షాభావ పరిస్థితులు నెలకొన్నందున అధికంగా నీరు అవసరమయ్యే వరి, మొక్కజొన్న కాకుండా పెసర, మినుము, వేరు శనగ, నువ్వుల తదితర ఆరుతడి పంటలు, చిరుధాన్యాలు, కూరగాయలే సాగు చేయాలని సూచించారు. భూగర్భ జలమట్టాలు తగ్గే అవకాశం ఉన్నందున నీటిని పొదుపుగా వినియోగించుకోవాలని, విత్తనోత్పత్తి మొక్కజొన్న సాగు చేసే రైతులు వ్యవసాయ శాఖ ఉద్యోగులకు సమాచారం ఇవ్వడంతో పాటు గ్రామాలకు వచ్చే దళారుల వద్ద కాకుండా డీలర్ల వద్దే విత్తనాలు కొనుగోలు చేయాలని సూచించారు. తొలుత మీనవోలు, బనిగండ్లపాడు, ఎర్రుపాలెం, రాజుపాలెం గ్రామాల్లో ఎరువుల దుకాణాలను తనిఖీ చేసిన డీఏఓ రికార్డుల నిర్వహణ, ఎరువుల అమ్మకంపై డీలర్లకు సూచనలు చేశారు. ఏఓ బోయినపల్లి సాయిశివ, ఏఈఓ కూరెళ్ల వంశీకృష్ణసాయి పాల్గొన్నారు.

ఖమ్మంమయూరిసెంటర్‌: సీపీఎం నేత సామినేని రామారావు హత్య కేసులో పోలీసులు దోషులను పట్టుకుంటే సీపీఎం నాయకులు ఓర్వలేక కాంగ్రెస్‌ పార్టీపై బురదజల్లే ప్రయత్నం చేస్తున్నారని పార్టీ జిల్లా అధ్యక్షుడు నూతి సత్యనారాయణ గౌడ్‌, సుడా చైర్మన్‌ పువ్వాళ్ల దుర్గాప్రసాద్‌ పేర్కొన్నారు. ఖమ్మంలోని పార్టీ కార్యాలయంలో శుక్రవారం వారు మాట్లాడుతూ పోలీసులు నిష్పక్షపాతంగా విచారణ చేపట్టి దోషులను అరెస్ట్‌ చేశారని తెలిపారు. అయితే, హత్య వెనుక అసలు నిజాలు నిగ్గు తేల్చేందుకు మరింత లోతుగా దర్యాప్తు చేసి దోషులకు చట్టపరంగా కఠిన శిక్ష పడేలా చూడాలని కోరారు. కాగా, సీపీఎం నేతలు చేస్తున్న ఆరోపణలన్నీ అవాస్తవమని, ఆ పార్టీ నేతలవి మొదటి నుంచి హత్యా రాజకీయాలేనని పేర్కొన్నారు. మధిర నియోజకవర్గంలో డిప్యూటీ సీఎం భట్టి హయాంలో శాంతిభద్రతలు మెరుగ్గా ఉన్నాయని, గతంలో సీపీఎం ప్రాతినిధ్యం వహించినప్పుడు ప్రజలు భయంగా బతికారరు. నారాయణపురంలో సీపీఎం కార్యకర్తలు కాంగ్రెస్‌ లో చేరడంతో అసత్య ఆరోపణలు చేస్తున్నారని తెలిపారు. మాజీ ఎమ్మెల్సీలు బాలసాని లక్ష్మీనారాయణ, పోట్ల నాగేశ్వరరావు, మాజీ ఎమ్మెల్యే కొండబాల కోటేశ్వరరావు, నాయకులు రాయల నాగేశ్వరరావు, గజ్జెల్లి వెంకన్న, పుచ్చకాయల వీరభద్రం, దొబ్బల సౌజన్య, బొడ్డు బొందయ్య, మొక్క శేఖర్‌గౌడ్‌ తదితరులు పాల్గొన్నారు. డీసీసీ అధ్యక్షుడు నూతి, సుడా చైర్మన్‌ పువ్వాళ్ల

ఖమ్మంవ్యవసాయం: అర్నబ్‌ తుపాన్‌ ధాటికి ఏపీలోని పలు ప్రాంతాల్లో విద్యుత్‌ వ్యవస్థ అతలాకుతమైంది. ఈమేరకు తెగిపడిన లైన్లు, నేలకొరిగిన స్తంభాలను పునరుద్ధరించేందుకు డిప్యూటీ సీఎం భట్టి విక్రమార్క ఆదేశాలతో తెలంగాణ నుంచి పలువురు విద్యుత్‌ ఉద్యోగులను పంపించారు. ఈమేరకు ఎన్పీడీసీఎల్‌ సీఎండీ వరుణ్‌రెడ్డి పర్యవేక్షణలో శుక్రవారం ఖమ్మం సర్కిల్‌ నుంచి 399 మంది సిబ్బంది 42 బృందాలుగా ఏపీకి బయలుదేరారు. అవసరమైన వాహనాలు, సామగ్రితో సిబ్బంది వెళ్లగా, జిల్లాకు చెందిన పలువురు విద్యుత్‌ కాంట్రాక్టర్లు కూడా తమ సిబ్బంది, యంత్ర పరికరాలు బయలుదేరారు. కాగా, సిబ్బంది, కాంట్రాక్టర్లను సమన్వయం చేసేలా ఇంజినీరింగ్‌ అధికారులను కూడా పంపించినట్లు ఎస్‌ఈ ఇనుగుర్తి శ్రీనివాసాచారి తెలిపారు.399 మంది సిబ్బందితో తరలిన 42 బృందాలు

సత్తుపల్లి: క్రీడాకారిణులు శివంగుల్లా చివరివరకు నువ్వా, నేనా అన్నట్లు తలపడ్డారు. క్షణక్షణం ఉత్కంఠతో మ్యాచ్‌ సాగగా రాష్ట్ర స్థాయి కబడ్డీ పోటీల పైనల్స్‌లో నల్లగొండ జిల్లా జట్టు రంగారెడ్డి జిల్లా జట్టుపై విజయం సాధించి ట్రోఫీ దక్కించుకుంది. సత్తుపల్లిలో మూడు రోజులుగా జిల్లా కబడ్డీ అసోసియేషన్‌ – మువ్వా విజయ్‌బాబు యువసేన ఆధ్వర్యాన్న నిర్వహిస్తున్న 73వ రాష్ట్ర సీనియర్‌ మహిళా కబడ్డీ పోటీలు శుక్రవారం ముగిశాయి. ఫైనల్స్‌లో నల్లగొండ – రంగారెడ్డి జిల్లాల జట్లు తలపడగా నల్లగొండ జట్టు 44 పాయింట్లు సాధించింది. రంగారెడ్డి జట్టు 29 పాయింట్లకే పరిమితం కావడంతో 15 పాయింట్ల తేడాతో నల్లగొండ జట్టు ఘన విజయం సాధించింది. ఫైనల్‌ మ్యాచ్‌ను మంత్రి పొంగులేటి శ్రీనివాసరెడ్డి సతీమణి మాధురి కబడ్డీ కూతకు వెళ్లి ప్రారంభించారు. సెమీస్‌లోనూ హోరాహోరీ ఫ్రీ క్వార్టర్స్‌ తర్వాత సెమీ ఫైనల్స్‌కు ఖమ్మం, రంగారెడ్డి, నల్లగొండ, జనగామ జిల్లాల జట్లు చేరాయి. ఖమ్మం – రంగారెడ్డి జట్ల మధ్య జరిగిన సెమీస్‌లో ఖమ్మం జట్టు తొలుత పైచేయి సాధించినా చివరి 15 నిమిషాల్లో తలకిందులై రంగారెడ్డి జట్టు విజయం సాధించింది. మరో సెమీస్‌లో జనగామ జట్టుపై నల్లగొండ సునాయాసంగా గెలిచి ఫైనల్స్‌కు చేరుకుంది. అంతర్జాతీయ స్థాయిలో గేమ్‌ సిటీ క్రీడాకారులను ప్రోత్సహించేందుకు రాష్ట్ర ప్రభుత్వం ఫోర్త్‌ సిటీలో అంతర్జాతీయ ప్రమాణాలతో గేమ్‌ సిటీని నిర్మిస్తోందని రాష్ట్ర మంత్రి పొంగులేటి శ్రీనివాసరెడ్డి తెలిపారు. మహిళా కబడ్డీ టోర్నీ విజేత నల్లగొండ, రన్నరప్‌గా నిలిచిన రంగారెడ్డి జట్లకు ట్రోఫీలు అందజేశాక మంత్రి మాట్లాడుతూ తెలంగాణ క్రీడాకారులు ప్రపంచ దేశాలతో పోటీపడేలా క్రీడా పాలసీని తీసుకొచ్చామని తెలిపారు. క్రీడాకారులు గెలుపోటములను సమానంగా తీసుకుని ముందుకు సాగాలన్నారు. ఎమ్మెల్యే రాగమయి మాట్లాడుతూ మహిళలు అన్ని రంగాల్లో మాదిరి క్రీడల్లోనూ దూసుకెళ్లడం ఆనందంగా ఉందని తెలిపారు. టీజీఐటీసీ మాజీ చైర్మన్‌ మువ్వా విజయబాబు మాట్లాడుతూ రాష్ట్ర స్థాయి మహిళా కబడ్డీ టోర్నీ నల్లగొండలో జరగాల్సి ఉన్నా, మంత్రి పొంగులేటి పుట్టినరోజు సందర్భంగా ఖమ్మం జిల్లాకు అవకాశం ఇవ్వడంపై కృతజ్ఞతలు తెలిపారు. ఈ కార్యక్రమంలో అశ్వారావుపేట, భద్రాచలం, పినపాక, ఇల్లెందు ఎమ్మెల్యేలు జారే ఆదినారాయణ, తెల్లం వెంకట్రావు, పాయం వెంకటేశ్వర్లు, కోరం కనకయ్య, కబడ్డీ అసోసియేషన్‌ ఖమ్మం, భద్రాద్రి కొత్తగూడెం జిల్లాల బాధ్యులు కటికల క్రిస్టోఫర్‌బాబు, కె.స్వాతిముత్యం, సీహెచ్‌.సుధాకర్‌, సత్తుపల్లి, కల్లూరు మున్సిపల్‌ చైర్మన్లు ఎం.డీ.రెహానాబేగం, మోహన్‌నాయక్‌, ఉద్యోగ జేసీ రాష్ట్ర సెక్రటరీ జనరల్‌ ఏలూరి శ్రీనివాసరావు, నాయకులు దేవీప్రసన్న, డాక్టర్‌ మట్టా దయానంద్‌, ఎం.డీ.కమల్‌పాషా, మందపాటి ముత్తారెడ్డి, తోట సుజలరాణి, గణేష్‌, బొంతు వేణు, గాదె చెన్నారావు, మట్టా ప్రసాద్‌, ఎస్‌.కే.మౌలాలీ, కూకలకుంట దయాకర్‌తో పాటు పీఈటీలు, పీడీలు, కోచ్‌లు పాల్గొన్నారు.

ఖమ్మంరూరల్‌: పనులు పూర్తిచేయడకుండానే బిల్లుల కోసం ఒత్తిడి చేస్తూ, నిబంధనల ప్రకారం వ్యవహరించిన అధికారులపై కాంట్రాక్టర్‌ తప్పుడు ఆరోపణలు చేస్తున్నారని విద్యుత్‌ శాఖ ఖమ్మంరూరల్‌ డీఈ సీహెచ్‌.నాగేశ్వరరావు పేర్కొన్నారు. ఏదులాపురం మున్సిపాలిటీ పరిధి రూరల్‌ సబ్‌ డివిజన్‌ కార్యాలయంలో శుక్రవారం ఆయన మాట్లాడుతూ విద్యుత్‌ సరఫరాలో ఇబ్బందులు రాకుండా పెద్ద లైన్‌ మార్పు పనుల కోసం రూ.37 లక్షలతో అంచనాలు రూపొందించినట్లు తెలిపారు. చిన్న వెంకటగిరిలో ఆరు టవర్లు, చిన్నతండాలో నాలుగు టవర్లు ఏర్పాటు చేయాల్సి ఉండగా, చిన్నతండాలో రెండు టవర్లే వదిలేశారని చెప్పారు. అంతేకాక వేసిన టవర్లకు కూడా వైర్లు లాగలేదన్నారు. నిబంధనల ప్రకారం పనులన్నీ చేశాకే బిల్లులు సమర్పించాలని కాంట్రాక్టర్‌కు సూచించినా, తాము సహకరించడం లేదని ఆరోపించడం సరికాదన్నారు. ఈ సమావేశంలో ఏఈ కోక్యానాయక్‌ పాల్గొన్నారు.

ఖమ్మం హకారనగర్‌: డాక్టర్‌ బీ.ఆర్‌ అంబేద్కర్‌ సార్వత్రిక విశ్వవిద్యాలయం డిగ్రీ ప్రథమ, ద్వితీయ, తృతీయ సంవత్సరాల మొదటి, మూడు, ఐదో సెమిస్టర్‌ తరగతులు ఆదివారం నుంచి ప్రారంభం కానున్నాయి. ప్రతీ ఆదివారం ఉదయం 9నుంచి సాయంత్రం 5గంటల వరకు తరగతులు జరుగుతాయని ఎస్‌ఆర్‌ బీజీఎన్‌ఆర్‌ కళాశాల ప్రిన్సిపాల్‌ డాక్టర్‌ మహ్మద్‌ జాకీరుల్లా, ప్రాంతీయ అధ్యయన కేంద్రం కోఆర్డినేటర్‌ డాక్టర్‌ జి.వీరన్న తెలిపారు. ఈమేరకు అభ్యర్థులు హాజరుకావాలని సూచించారు. అలాగే, డిగ్రీ ద్వితీయ, తృతీయ సంవత్సరం, పీజీ ద్వితీయ సంవత్సరం విద్యార్థులు నవంబర్‌ 5వ తేదీలోగా ట్యూషన్‌ ఫీజును ఆన్‌లైన్‌లో చెల్లించాలని తెలిపారు. ఇంటర్‌లో ఉత్తమ ఫలితాలు సాధించాలి ఖమ్మంసహకారనగర్‌: ఈ విద్యాసంవత్సరం ఇంటర్‌లో ఉత్తమ ఫలితాలు నమోదయ్యేలా ఇప్పటి నుంచే ప్రత్యేక తరగతులు నిర్వహించాలని డీఐఈఓ రవిబాబు సూచించారు. ఖమ్మం శాంతినగర్‌ ప్రభుత్వ జూనియర్‌ కళాశాలను శుక్రవారం తనిఖీ చేసిన ఆయన తరగతి గదులు, సైన్స్‌ ల్యాబ్‌లు, వసతులు, విద్యార్థుల మార్కులను పరిశీలించి మాట్లాడారు. వెనుకబడిన విద్యార్థులకు ప్రత్యేక తరగతులు నిర్వహిస్తూ, వారి ప్రగతిని తల్లిదండ్రులకు తెలియజేయాలని సూచించారు. ప్రిన్సిపాల్‌ ఆర్‌.గోవిందరావు, అధ్యాపకులు పాల్గొన్నారు. కేజీబీవీలో డీఈఓ తనిఖీ బోనకల్‌: మండల కేంద్రంలోని కస్తూర్బాగాంధీ పాఠశాలలో డీఈఓ డి.వాసంతి శుక్రవారం తనిఖీ చేశారు. ఈ సందర్భంగా విద్యార్థుల ప్రగతిని పరిశీలించాక ఉపాధ్యాయులకు సూచనలు చేశారు. ఆతర్వాత నాబార్డ్‌ నిధులతో చేపట్టే డైనింగ్‌హాల్‌ నిర్మాణానికి స్థలాన్ని పరిశీలించిన డీఈఓ, డీఈ నాగేశ్వరావుతో చర్చించారు. డీఈఓ దామాల పుల్లయ్య, ఉపాధ్యాయులు పాల్గొన్నారు. ప్రయోగాలతోనే విజ్ఞానం ఖమ్మంసహకారనగర్‌: విద్యార్థులకు పాఠ్యాంశాలతో పాటు ప్రయోగాల ద్వారా బోధిస్తే విజ్ఞానం పెరుగుతుందని జన విజ్ఞాన వేదిక రాష్ట్ర ఉపాధ్యక్షుడు అలవాల నాగేశ్వరరావు తెలిపారు. డీఎస్సీ–2024లో నియమితులైన సైన్స్‌ ఉపాధ్యాయులకు ఖమ్మం రిక్కాబజార్‌ ఉన్నత పాఠశాలలో సైన్స్‌ ప్రయోగాలపై జేవీవీ ఆధ్వర్యాన శుక్రవారం అవగాహన కల్పించారు. ఈ సందర్భంగా నాగేశ్వరరావు మాట్లాడుతూ విద్యార్థులు ప్రయోగాలు చేస్తూ నేర్చుకోవడం వల్ల విజ్ఞానశాస్త్రంపై ఆసక్తితో పాటు శాసీ్త్రయ దృక్పథం పెరుగుతుందన్నారు. అనంతరం కేవీకే.శర్మ, కె.రామారావు, బి.హనుమ, ఈ.వెంకటేశ్వర్లు పలు అంశాలపై అవగాహన కల్పించారు. సీఎంఓ ప్రవీణ్‌ కుమార్‌, జిల్లా సైన్స్‌ అధికారి ఆర్‌.శ్రీనివాసరావు, హెచ్‌ఎంలు వి.శాంత, మాధవరావు, జేవీవీ జిల్లా అధ్యక్ష, ప్రధాన కార్యదర్శులు ఎస్వీ.రమేష్‌, నాగేందర్‌తో పాటు మోహన్‌, సూర్యనారాయణ, శ్రీరాములు, పి.రామకృష్ణ, టి.రామకృష్ణ, రాఘవయ్య, డాన్‌ బాస్కో తదితరులు పాల్గొన్నారు.

చింతకాని: చింతకాని మండలం పందిళ్లపల్లిలోని రేక్‌ పాయింట్‌కు క్రిబ్‌కో కంపెనీకి చెందిన 1,319.40 మెట్రిక్‌ టన్నుల యూరియా శుక్రవారం చేరింది. ఈ మేరకు కోటా వారీగా ఖమ్మం జిల్లాకు 519.40 మె. టన్నులు, భద్రాద్రి కొత్తగూడెం జిల్లాకు 500 మె. టన్నులు, మహబూబాబాద్‌ జిల్లాకు 200 మె. టన్నులు సరఫరా చేశామని ఖమ్మం డీఏఓ డి.పుల్లయ్య తెలిపారు. మరో 100 మెట్రిక్‌ టన్నుల యూరియా బఫర్‌ స్టాక్‌గా నిల్వ చేశామని వెల్లడించారు. నేటి నుంచి రాష్ట్రస్థాయి హ్యాండ్‌బాల్‌ టోర్నీ ఖమ్మం స్పోర్ట్స్‌: రాష్ట్రస్థాయి జూనియర్‌ బాలికల హ్యాండ్‌బాల్‌ చాంపియన్‌షిప్‌ పోటీలు ఖమ్మంలో శనివారం నుంచి మూడు రోజుల పాటు జరగనున్నాయి. ఖమ్మం సర్దార్‌ పటేల్‌ స్టేడియంలో జరిగే పోటీలకు రాష్ట్రంలో పది ఉమ్మడి జిల్లాల నుంచి జట్లు హాజరుకానున్నాయి. లీగ్‌ కం నాకౌట్‌ పద్ధతిలో జరిగే మ్యాచ్‌ల నిర్వహణకు ఏర్పాట్లు పూర్తిచేశామని, ఫ్లడ్‌ లైట్ల వెలుతురులో మ్యాచ్‌లు జరుగుతాయని హ్యాండ్‌బాల్‌ అసోసియేషన్‌ జిల్లా కార్యదర్శి వరికూటి మోహన్‌ తెలిపారు. అసోసియేషన్‌ నూతన కార్యవర్గం ఏర్పడ్డాక తొలిసారి ఈ పోటీలు జరుగుతున్నాయి. శ్రీనిధి బకాయిలు వంద శాతం రికవరీ కామేపల్లి: మహిళా సంఘాల సభ్యులు తీసుకున్న శ్రీనిధి రుణాలను వంద శాతం వసూలు చేసేలా అధికారులు, సిబ్బంది చొరవ చూపాలని శ్రీనిధి రీజనల్‌ మేనేజర్‌ రవీందర్‌నాయక్‌ సూచించారు. కామేపల్లిలోని అజంతా మండల మహిళా సమాఖ్య కార్యాలయంలో శ్రీనిధి రుణాలు, వసూళ్లపై శుక్రవారం ఆయన సమీ క్షించారు. సభ్యుల పురోగతికి తోడ్పడుతున్న శ్రీనిధి రుణాల చెల్లింపుల్లో జాప్యం జరగకుండా అవగాహన కల్పించాలని తెలిపారు. ఎక్కు వ బకాయిలు ఉన్న ప్రాంతాలపై కమ్యూనిటీ కోఆర్డినేటర్లు, విలేజ్‌ ఆర్గనైజేషన్‌ అసిసెంట్లు ప్రత్యేక దృష్టి సారించాలన్నారు. సంఘాల వారీగా బకాయిలను పరిశీలిస్తూ సభ్యులతో మాట్లాడి సకాలంలో చెల్లించేలా చైతన్యపరుస్తూ వంద శాతం లక్ష్యాన్ని సాధించాలని ఆర్‌ఎం స్పష్టం చేశారు. ఈ కార్యక్రమంలో ఏపీఎం వెంకటరామారావు, వీఓఏ, సీసీలు పాల్గొన్నారు. రైతుల ఖాతాల్లోకి కేంద్ర పెట్టుబడి సాయం ఖమ్మంవ్యవసాయం: ప్రధానమంత్రి కిసాన్‌ సమ్మాన్‌ యోజన 24వ విడత నిధులు శుక్రవా రం విడుదలయ్యాయి. పీఎం నరేంద్రమోదీ గుజరాత్‌లోని బనస్కంత నుంచి దేశవ్యాప్తంగా రైతులకు నిధులు విడుదల చేశారు. ఏటా అర్హులైన రైతులు ఎకరాకు రూ.6 వేల చొప్పున విడతకు రూ.2 వేలు ఖాతాల్లో జమ చేస్తున్నారు. ఈ విడత జిల్లాలో 1.03 లక్షల మంది రైతుల ఖాతా ల్లో రూ.20.68 కోట్లు జమ అయ్యే అవకాశం ఉన్నట్లు వ్యవసాయ శాఖ తెలిపింది. కాగా, నిధుల విడుదల కార్యక్రమాన్ని జిల్లాలోని 62 రైతు వేదికల్లో ప్రత్యక్ష ప్రసారం చేశారు.

రఘునాథపాలెం: ఉపాధి కోసం వచ్చి గుర్తుతెలియని వ్యక్తి చేతిలో మోసపోయిన ఏపీలోని కృష్ణా జిల్లా వాసికి చిమ్మపూడి గ్రామస్తులు అండగా నిలిచారు. సుతారీ పని ఇప్పిస్తానని నమ్మించిన ఓ వ్యక్తి మూడు రోజుల క్రితం కృష్ణా జిల్లా ఘంటసాల గ్రామానికి చెందిన అనపర్తి శ్రీనివాస్‌ను బైక్‌పై తీసుకొచ్చి మార్గమధ్యలో వదిలేసి వెళ్లిపోయాడు. దీంతో నడుస్తూ చిమ్మపూడి చేరుకున్న ఆయనకు స్థానికులు సచ్చు నాగేశ్వరరావు, రాచర్ల సైదులు భోజనం ఏర్పాటుచేశారు. ఆతర్వాత మార్కెట్‌ మాజీ డైరెక్టర్‌ గుండ్ల ముత్తయ్యకు తెలియడంతో రైలు టికెట్‌ కొనుగోలు చేయడంతో పాటు ప్రయాణ ఖర్చులకు నగదు, భోజనం అందించి శ్రీనివాస్‌ను స్వగ్రామానికి పంపించారు. హత్యాయత్నంపై కేసు నమోదు రఘునాథపాలెం: భూవివాదం నేపథ్యాన ఓ వ్యక్తిపై ఇద్దరు దాడి చేసి తీవ్రంగా గాయపరిచిన ఘటన వేపకుంట్ల రెవెన్యూ పరిధిలో గురువారం చోటుచేసుకుంది. కొణిజర్ల మండలం బోడియా తండాకు చెందిన భద్రుకు రఘునాథపాలెం మండలం వేపకుంట్ల రెవె న్యూ పరిధి సర్వే నంబర్‌ 14లో వ్యవసాయ భూమి ఉంది. ఈ భూమికి సంబంధించి గతంలో ఆయనకు బంధువులైన లచ్చు, వీరన్నతో వివాదాలు జరిగాయి. ఈక్రమాన గురువారం భద్రు పొలంలో పనిచేస్తుండగా లచ్చు, వీరన్న గడ్డపార, రాళ్లతో దాడికి పాల్పడ్డారు. ఈమేరకు ఘటనపై ఆయన కుమారుడు వీరన్న ఇచ్చిన ఫిర్యాదుతో శుక్రవారం కేసు నమోదు చేసినట్లు రఘునాథపాలెం పోలీసులు తెలిపారు.

● సింగరేణి వ్యాప్తంగా 100 శాతం బొగ్గు ఉత్పత్తి ● 123శాతంతో అగ్రస్థానాన మందమర్రి, ఆతర్వాత 118 శాతంతో సత్తుపల్లి ● ఆర్థిక సంవత్సరంలో ఇప్పటివరకు 96శాతం ఉత్పత్తిరుద్రంపూర్‌: సింగరేణి వ్యాప్తంగా 12ఏరియాలకు గాను అక్టోబర్‌లో నిర్దేశించిన 51,19,864 టన్నుల బొగ్గు ఉత్పత్తికి లక్ష్యానికి 51,19,865 లక్షల టన్నుల ఉత్పత్తి ద్వారా వంద శాతం నమోదైంది. ఆర్థిక సంవత్సరం గడిచిన ఏడు మాసాల్లో పరిశీలిస్తే 31.98 మిలియన్‌ టన్నుల లక్ష్యానికి 30.77 మిలియన్‌ టన్నుల(96శాతం) ఉత్పత్తి సాధించింది. సింగరేణి వ్యాప్తంగా 20 భూగర్భ గనుల్లో గడిచిన ఏడు మాసాల్లో 3.26 మిలియన్‌ టన్నులకు గాను 2.37 మిలియన్‌ టన్నులు(73శాతం), 18 ఓపెన్‌ కాస్ట్‌ గనుల్లో 28.72 మిలియన్‌ టన్నులకు 28.40 మిలియన్‌ టన్నులు(96శాతం) ఉత్పత్తి సాధించినట్లు అధికారులు వెల్లడించారు. ఐదు ఏరియాల్లో వంద శాతం సంస్థ వ్యాప్తంగా అక్టోబర్‌లో వంద శాతం ఉత్పత్తి నమోదైనా ఏరియాల వారీగా పరిశీలిస్తే 12కు గాను ఐదు ఏరియాల్లోనే వంద శాతం నమోదైంది. మందమర్రి ఏరియా 123శాతంతో మొదటి స్థానాన నిలవగా సత్తుపల్లి ఏరియా 118శాతంతో రెండో స్థానం దక్కించుకుంది. ఇక మణుగూరు ఏరియాలో 115శాతం, కొత్తగూడెం ఏరియా 109, ఆర్జీ–1 ఏరియా 108 శాతం సాధించాయి. మిగతా ఇల్లెందు ఏరియాలో 63 శాతం, బెల్లంపల్లి ఏరియా 90శాతం, శ్రీరాంపూర్‌ ఏరియా 95శాతం, ఆర్జీ–2 ఏరియా 95శాతం, ఆర్జీ–3 ఏరియా 89శాతం, భూపాలపల్లి ఏరియా 80 శాతం, అడ్రియాల ప్రాజెక్ట్‌ 13శాతానికి పరిమితమయ్యాయి.ఏరియా శాతంమణుగూరు 135 సత్తుపల్లి 131 బెల్లంపల్లి 107 ఆర్జీ–2 101 మందమర్రి 72 ఆర్జీ–1 70 ఏరియా శాతంఆర్జీ–3 68 ఇల్లెందు 66 భూపాలపల్లి 52 కొత్తగూడెం 64 శ్రీరాంపూర్‌ 44 అడ్రియాల 22గతంలో కంటే కొత్తగూడెం ఏరియాలో బొగ్గు ఉత్పత్తి పుంజుకుంటోంది. వీకేసీఎంకు స్టేజీ–2 అనుమతులు వచ్చిన నేపథ్యాన మరో రెండు రెండు నెలలో ఉత్పత్తి ఇంకో లక్ష టన్నులు పెరిగే అవకాశం ఉంది. పీవీకే–5లో కూడా ఎల్‌హెచ్‌డీల ద్వారా 100శాతం ఉత్పత్తికి ప్రయత్నాలు చేస్తున్నాం. – వెంకటేశ్వరరావు, డైరెక్టర్‌ (ప్రాజెక్ట్‌ అండ్‌ ప్లానింగ్‌)

● జిల్లాలో ‘మీడియేషన్‌ ఫర్‌ ది నేషన్‌’ ప్రత్యేక డ్రైవ్‌ ● ఈ ఏడాది డిసెంబర్‌ 31 వరకు నిర్వహణప్రజలకు సులభంగా, ఉచితంగా, స్నేహపూర్వక వాతావరణంలో న్యాయం అందించేందుకు నిరంతరం కృషి చేస్తున్నాం. ప్రత్యేక డ్రైవ్‌ను విజయవంతం చేయడానికి న్యాయవాదులు, కోర్టు సిబ్బంది, సంబంధిత శాఖల అధికారులు, ప్రజలు సహకరించాలి. వివాదాలు లేకుండా కేసుల పరిష్కారమే లక్ష్యంగా చేపట్టిన ప్రత్యేక డ్రైవ్‌ను కక్షిదారులు సద్వినియోగం చేసుకోవాలి. – ఎం.నాగరాజు, జిల్లా ప్రధాన న్యాయమూర్తి న్యాయం అంటే తీర్పుతో వివాదాన్ని ముగించడం మాత్రమే కాదు. ఇరుపక్షాల విభేదాలను తొలగించి, పరస్పర అవగాహనతో శాశ్వత పరిష్కారం కల్పించడం కూడా. మధ్యవర్తిత్వం ద్వారా కక్షిదారులు సమస్యలపై స్వేచ్ఛగా చర్చించుకుని, పరస్పర అంగీకారంతో సామరస్యపూర్వక పరిష్కారం పొందొచ్చు. ఇరుపక్షాల ప్రయోజనాలకు అనుగుణమైన పరిష్కారమే ప్రధాన లక్ష్యం. – పి.దేవీమానస, కోఆర్డినేటర్‌, మీడియేషన్‌ సెంటర్‌ఖమ్మంలీగల్‌: వాయిదాలకు తిరిగే బాధ లేదు.. కాలయాపన, ఖర్చులు అసలే ఉండవు.. ఇరుపక్షాలకూ ఆమోదయోగ్యమైన రీతిలో వివా దాలకు స్వస్తి పలకాలనే లక్ష్యంతో జాతీయ, రాష్ట్ర న్యాయ సేవాధికార సంస్థల ఆదేశాల మేరకు జిల్లాలో ’మీడియేషన్‌ ఫర్‌ ది నేషన్‌ 3.0’ ప్రత్యేక కార్యక్రమానికి శ్రీకారం చుట్టారు. కేసులు పేరుకుపోయిన నేపథ్యాన చిన్న కేసు తేలడానికి కూడా ఒక్కోసారి ఏళ్లు పడుతోంది. ఈ జాప్యాన్ని నివారించడానికి ప్రత్యామ్నాయ వివాద పరిష్కార మార్గంలో భాగంగా మధ్యవర్తిత్వాన్ని తెరపైకి తీసుకొచ్చారు. ఈనెల 1వ తేదీ నుంచి ప్రారంభమైన ప్రత్యేక డ్రైవ్‌ డిసెంబర్‌ 31వరకు కొనసాగనుంది. జిల్లాలో మీడియేషన్‌ సెంటర్‌ 2016 సెప్టెంబర్‌ 7న మొదలుకాగా, పలు కేసులకు పరిష్కారం లభించింది. మధ్యవర్తిత్వం అంటే.. ఇద్దరు వ్యక్తుల మధ్య వివాదం వచ్చినప్పుడు వారు కోర్టుకు వెళ్లకుండా తటస్థంగా ఉండే మూడో వ్యక్తి సాయంతో పరిష్కరించుకోవడమే మధ్యవర్తిత్వం. ఇందులో రెండు రకాలు ఉన్నాయి. ఆర్బిట్రేషన్‌లో ఇద్దరూ తమ వాదనలు ఒక న్యాయ నిపుణుడి ముందు వినిపిస్తారు. ఆయన ఇచ్చే తీర్పు ఇద్దరికీ కట్టుబడి ఉంటుంది. మరొకటి మధ్యవర్తిత్వం. ఇందులో ఇద్దరి మధ్య రాజీ కుదిరేలా మాట్లాడతారు. ఇక్కడ తీర్పు ఇద్దరి ఇష్ట్రపకారమే ఉంటుంది. సామరస్యంగా ముగింపు కేసుల్లో గొడవ పెరగకుండా, సామరస్యంగా పరిష్కారం పొందేందుకు ఉద్దేశంతో ‘మీడియేషన్‌ యాక్ట్‌ –2023’ కేంద్ర ప్రభుత్వం తీసుకొచ్చింది. మధ్యవర్తిత్వం(మీడియేషన్‌) అనేది కేవలం కోర్టుల్లో పెండింగ్‌ ఉన్న కేసులను తగ్గించే ప్రక్రియ మాత్రమే కాదు. వివాదాలను స్నేహపూర్వకంగా, సమర్థవంతంగా పరిష్కరించుకునే గొప్ప వేదికగా నిలుస్తోందని చెబుతున్నారు. ఎలా నివేదిస్తారు.. మధ్యవర్తిత్వానికి కేసులు బదలాయించాలంటే సెక్షన్‌ 89 ప్రొసీజర్‌ కోడ్‌ ప్రకారం ఏదైనా వివాదంలో పరిష్కారానికి తగిన అంశం ఉందో సంబంధిత న్యాయమూర్తి తన విచక్షణ ద్వారా ప్రత్యామ్నాయ వివాద పరిష్కారానికి నివేదించవచ్చు. ఆపై కక్షిదారులు, వారి న్యాయవాదులు మధ్యవర్తిత్వాన్ని కోరుకునే స్వేచ్ఛ ఉంది. అలా కోరుకున్న పక్షంలో ఆ వివాదాన్ని పరిష్కారం కోసం మధ్యవర్తిత్వ కేంద్రానికి పంపుతారు. ఏయే కేసులకు అవకాశం.. సుదీర్ఘమైన న్యాయ ప్రక్రియ వల్ల జరిగే సమయం, డబ్బు వృథాను నివారించడంతో పాటు మానసిక ఒత్తిడి తగ్గించుకోవడానికి మధ్యవర్తిత్వం ఎంతో దోహదపడుతుంది. ముఖ్యంగా కుటుంబ తగాదా కేసులు, చెక్‌ బౌన్స్‌ కేసులు, మోటార్‌ యాక్సిడెంట్‌ క్లెయిమ్‌లు, భూ తగాదాలు, పరిష్కరించదగిన క్రిమినల్‌ (కాంపౌండబుల్‌) కేసులను ఇరువర్గాల మధ్య సంబంధ బాంధవ్యాలు చెడిపోకుండా కాపాడుకుంటూనే సామరస్యంగా పరిష్కరించుకోవచ్చని స్పష్టం చేశారు. మధ్యవర్తిత్వం ద్వారా త్వరగా ప్రతిస్పందన లభించనుండగా, ఖర్చులు ఉండకపోగా సామరస్యపూర్వక పరిష్కారం లభిస్తుంది.

ఖమ్మంమయూరిసెంటర్‌: సీపీఎం నాయకుడు సామినేని రామారావు హత్య కేసు దర్యాప్తు పూర్తిగా పక్కదారి పట్టించేలా సాగుతోందని సీపీఎం రాష్ట్ర కార్యదర్శి వర్గ సభ్యుడు పోతినేని సుదర్శన్‌రావు ఽఆరోపించారు. ఖమ్మంలోని సుందరయ్య భవన్‌లో శుక్రవారం ఏర్పాటుచేసిన సమావేశంలో ఆయన మాట్లాడుతూ రామారావు హత్య కేసులో అసలు హంతకులను కాపాడేలా పోలీసులు కొత్త కథనం అల్లారని తెలిపారు. కేసులో 14 మంది సాక్షులను విచారించామని చెప్పినా, అందులో ఇద్దరు ఉద్యోగులు మినహా మిగిలిన వాళ్లంతా వేరే పేర్లు చెబుతున్నారని స్పష్టం చేశారు. అయినప్పటికీ సంబంధం లేని అంశాలను తెరపైకి తెస్తూ తప్పుడు కథనాలు అల్లుతున్నారని ధ్వజమెత్తారు. అసలైన హంతకులను శిక్షించే వరకు సీపీఎం పార్టీ తరఫున న్యాయపోరాటం చేస్తామని ఆయన స్పష్టం చేశారు. మధిర నియోజకవర్గంలో హత్యారాజకీయాలు చేస్తున్నారని, ఇప్పటి వరకు సీపీఎం శ్రేణులు ముగ్గురిని హత్య చేశారని చెప్పారు. అన్యాయాలు, అక్రమాలను ప్రశ్నించినందుకే రామారావును సైతం హత్య చేశారని ఆరోపించారు. ప్రభుత్వ పెద్దల స్క్రిప్ట్‌ ప్రకారమే అంతా జరుగుతున్నా, అది ఎన్నో రోజులు సాగదని తెలిపారు. ఈ సమావేశంలో సీపీఎం జిల్లా కార్యదర్శి నున్నా నాగేశ్వరరావు, నాయకులు బండి రమేష్‌, బండి పద్మ, కళ్యాణం వేంకటేశ్వరరావు, మాదినేని రమేష్‌, వై.విక్రమ్‌, చింతలచెర్వు కోటేశ్వరరావు, ఎం.గోపాలరావు తదితరులు పాల్గొన్నారు.సీపీఎం రాష్ట్ర కార్యదర్శివర్గ సభ్యుడు పోతినేని

ఖమ్మంమయూరిసెంటర్‌: ప్రభుత్వ సంక్షేమ వసతిగృహంలో ఉంటూ ఇంటర్‌ చదువుతున్న విద్యార్థి మృతి చెందగా.. వార్డెన్‌ నిర్లక్ష్యమే కారణమంటూ విద్యార్థి సంఘాల నాయకులు ఆందోళనకు దిగారు. రఘునాథపాలెం మండలం గణేశ్వరం గ్రామానికి చెందిన అచన అజయ్‌కుమార్‌ (17) ఖమ్మంలోని బీసీ బాలుర కళాశాల వసతిగృహంలో ఉంటూ ఏఎస్‌ఆర్‌ జూనియర్‌ కళాశాలలో ఇంటర్‌(ఎంఎల్‌టీ) ద్వితీయ సంవత్సరం చదువుతున్నాడు. శుక్రవారం మధ్యాహ్నం మరుగుదొడ్డికి వెళ్లిన ఆయన కుప్పకూలాడు. ఎంతకూ బయటకు రాకపోవడంతో గమనించిన తోటి విద్యార్థులు చూడగా కుప్పకూలి ఉండడంతో 108లో ప్రభుత్వ ఆస్పత్రికి తీసుకెళ్లగా అప్పటికే మృతి చెందినట్లు వైద్యులు నిర్ధారించారు. కాగా, అజయ్‌ రెండు రోజులుగా అనారోగ్యంతో ఉండడంతో శుక్రవారం కళాశాలకు వెళ్లకపోగా, అప్పటివరకు తమతో గడిపిన ఆయన మృతితో స్నేహితులు దిగ్భ్రాంతికి గురయ్యారు. కన్నీరుమున్నీరైన తల్లి వ్యవసాయ కూలీలైన లక్ష్మీనారాయణ – ఉపేంద్ర దంపతులకు ముగ్గురు సంతానం. లక్ష్మీనారాయణ 2015లో మృతి చెందడంతో తల్లి పిల్లలను పోషిస్తోంది. ఈక్రమాన హఠాత్తుగా అజయ్‌ మృతితో తల్లి, కుటుంబీకులు కన్నీరుమున్నీరుగా విలపించారు. కాగా, విద్యార్థి సంఘాల నాయకులు, బంధువులు జీజీహెచ్‌ మార్చురీ వద్దకు చేరుకున్నారు. అజయ్‌ మృతిపై అనుమానాలు ఉన్నాయని, హాస్టల్‌ వార్డెన్‌ నిర్లక్ష్యం వల్లే ఈ ఘటన జరిగినందున సస్పెండ్‌ చేయాలంటూ ఆందోళనకు దిగారు. అంతేకాక బాధిత కుటుంబానికి పరిహారం అందించాలన్నారు. ఈమేరకు బీసీ డీడీ జి.జ్యోతి చేరుకుని వారికి నచ్చచెప్పారు.

ఖమ్మంఅర్బన్‌: ఎమ్మెల్సీ ఎన్నికల్లో ఓటు హక్కు వినియోగించుకునేలా అర్హులైన పట్టభద్రులంతా ఓటర్లుగా నమోదు చేసుకోవాలని రాష్ట్ర వ్యవసాయ శాఖ మంత్రి తుమ్మల నాగేశ్వరరావు సూచించారు. వచ్చేనెల 6వ తేదీతో గడువు ముగియనున్నందున దరఖాస్తు చేసుకోవాలని తెలిపారు. ఖమ్మం చర్చి కాంపౌండ్‌, గాంధీచౌక్‌, కార్పొరేషన్‌ కార్యాలయం, రోటరీనగర్‌ ప్రాంతాల్లో పార్టీ ఆధ్వార్యన ఏర్పాటుచేసిన శిబిరాలను శుక్రవారం మంత్రి పరిశీలించి మాట్లాడారు. గత ఎమ్మెల్సీ ఎన్నికల్లో ఓటు వేసిన వారే కాక కొత్త ఓటర్లు కూడా దరఖాస్తు చేసుకోవాలని స్పష్టం చేశారు. ప్రజాస్వామ్యంలో విలువైన ఓటు హక్కు వినియోగించుకునేలా పట్టభద్రులు ముందుకు రావాలని మంత్రి పిలుపునిచ్చారు. సుడా, గ్రంథాలయ సంస్థల చైర్మన్లు పువ్వాళ్ల దుర్గాప్రసాద్‌, ఎం.డీ.ఖాదర్‌ బాబా, కాంగ్రెస్‌ నగర అధ్యక్షుడు నాగండ్ల దీపక్‌ చౌదరితో పాటు ఎర్రం బాలగంగాధర్‌ తిలక్‌, పైడిపల్లి సత్యనారాయణ, నారాయణరావు తదితరులు పాల్గొన్నారు.మంత్రి తుమ్మల నాగేశ్వరరావు

ఖమ్మంవ్యవసాయం: తెలంగాణ విద్యుత్‌ సంస్థల ఆధ్వర్యంలో ఈనెల 26వ తేదీ నుంచి 28వ తేదీ వరకు యాదగిరిగుట్టలో నిర్వహించిన ఇంటర్‌ సర్కిల్‌ సాంస్కృతిక పోటీల్లో ఖమ్మం సర్కిల్‌ ఉద్యోగులు ప్రతిభ కనబరిచారు. జానపద గీతాల పోటీల్లో పురుషుల విభాగం నుంచి ఏ.శేఖర్‌బాబు ప్రథమ బహుమతి సాధించగా, వాయిద్య సంగీత విభాగంలో వి.ఫణికుమార్‌ రన్నరప్‌గా నిలిచారు. ఈ సందర్భంగా విజేతలను గురువారం ఖమ్మంలో చీఫ్‌ ఇంజనీర్‌(ప్రాజెక్ట్స్‌) ఏ.సురేందర్‌, ఎస్‌ఈ ఇనుగుర్తి శ్రీనివాసాచారి అభినందించారు. కాల్వలకు భూసేకరణపై గ్రామసభలు రఘునాథపాలెం: సీతారామ ప్రాజెక్ట్‌ ప్యాకేజీ–4 పరిధిలో ఎల్‌ఎం–15 కాల్వల నిర్మాణానికి కావాల్సిన భూసేకరణపై అధికారులు దృష్టి సారించారు. ఈమేరకు రఘునాథపాలెం మండలం మంచుకొండ, రేగులచలక, కోయచలక, చిమ్మపూడిల్లో స్పెషల్‌ డిప్యూటీ కలెక్టర్‌ (భూసేకరణ) జి.సదానందం ఆధ్వర్యాన గురువారం గ్రామసభలు నిర్వహించారు. కాల్వల అలైన్‌మెంట్‌, ఎంత మేర భూమి అవసరమవుతుందనే అంశాన్ని జలవనరులశాఖ డీఈ జి.మోతీలాల్‌ వివరించారు. అనంతరం ఎస్‌డీసీ మాట్లాడుతూ రైతులకు ప్రభుత్వ నిబంధనల ప్రకారం పరిహారం అందుతుందని తెలిపారు. తహసీల్దార్‌ ఎస్‌.శ్వేత, సర్పంచ్‌లు యండపల్లి రమాదేవి, నర్సిరెడ్డి, శంకర్‌, నాగేశ్వరరావు తదితరులు పాల్గొన్నారు. ప్రణాళికాయుతంగా గ్రంథాలయాల అభివృద్ధి ఖమ్మంగాంధీచౌక్‌: జిల్లాలో గ్రంథాలయాల అభివృద్ధికి ప్రణాళికాయుతంగా చర్యలు తీసుకుంటున్నామని గ్రంథాలయ సంస్థ జిల్లా చైర్మన్‌ మహ్మద్‌ ఖాదర్‌ బాబా తెలిపారు. ఖమ్మంలోని సిటీ లైబ్రరీలో గురువారం నిర్వహించిన సమావేశంలో బడ్జెట్‌పై చర్చించాక ఆయన మాట్లాడారు. సొంత భవనాలు కలిగిన గ్రంథాలయాల మరమ్మతులు, సౌకర్యాల కల్పనతో పాటు అవసరమైన చోట నూతన భవనాల నిర్మాణానికి నిధులు కేటాయించామన్నారు. అలాగే, ఇంటర్నెట్‌ సేవలు, కలర్‌ ప్రింటర్లు, అంధ విద్యార్థుల కోసం ప్రత్యేక విభాగం ఏర్పాటు చేయనున్నట్లు తెలిపారు. కాగా, గ్రామపంచాయతీల నుంచి సెస్‌ బకాయిల వసూలుపై దృష్టి సారించామని చైర్మన్‌ వెల్లడించారు. ఈ సమావేశంలో డీపీఆర్‌ఓ ఎం.ఏ.గౌస్‌, గ్రంథాలయ కార్యదర్శి పి.పద్మజ తదితరులు పాల్గొన్నారు. నేడు రైతుల ఖాతాల్లోకి ‘పీఎం కిసాన్‌’ నిధులు 1.03 లక్షల మందికి రూ.20.68 కోట్లు ఖమ్మంవ్యవసాయం: పీఎం కిసాన్‌ సమ్మాన్‌ యోజన పథకం 24వ విడత నిధులను ప్రధాని మోదీ శుక్రవారం ఉదయం గుజరాత్‌లోని బనస్కంత నుంచి విడుదల చేయనున్నారు. ఈ విడతలో జిల్లాకు చెందిన 1.03 లక్షల మంది రైతుల ఖాతాల్లో రూ.2వేల చొప్పున రూ.20.68 కోట్లు జమ కానున్నాయి. కాగా, నిధుల విడుదల కార్యక్రమాన్ని జిల్లాలోని 62 రైతు వేదికల్లో ప్రత్యక్ష ప్రసారానికి ఏర్పాట్లు చేశామని జిల్లా వ్యవసాయ అధికారి ధనసరి పుల్లయ్య తెలిపారు. కనుల పండువగా రామయ్య కల్యాణంభద్రాచలం: భద్రాచలంలోని శ్రీ సీతారామ చంద్రస్వామి దేవస్థానంలో గురువారం రామయ్య నిత్యకల్యాణం కనుల పండువగా సాగింది. తొలుత గర్భగుడిలో స్వామి వారికి సుప్రభాతసేవ, సేవాకాలం, ఆరాధన పూజలు చేశారు. అనంతరం రామసేవా మండపంలో ప్రత్యేక పూజల అనంతరం స్వామికి కంకణధారణ, యజ్ఞోపవీత ధారణ, అమ్మవారికి కంకణధారణ, యోక్త్రధారణ గావించి నిత్యకల్యాణ మహోత్సవాన్ని శాస్త్రోక్తంగా జరిపారు.

ఖమ్మంసహకారనగర్‌: చట్టసభల్లో అధికార, ప్రతిపక్ష సభ్యులు వ్యవహరించే తీరుతో హావభావాలు, వాగ్దాటితో విద్యార్థులు ఆకట్టుకున్నారు. ప్రధానమంత్రి, స్పీకర్‌, డిప్యూటీ స్పీకర్‌, మంత్రులు, ప్రతిపక్ష నేతలకు తోడు మార్షల్స్‌గా విద్యార్థులు వ్యవహరించిన మాక్‌ పార్లమెంట్‌ను ఖమ్మంలోని జిల్లా పరిషత్‌ సమావేశ హాల్‌లో గురువారం నిర్వహించారు. ఈ కార్యక్రమంలో డీఈఓ డి.వాసంతి మాట్లాడుతూ ప్రతీ పాఠశాలలో మాక్‌ పార్లమెంట్‌ కార్యక్రమం ఏటా రెండు, మూడు సార్లు నిర్వహించాలని సూచించారు. తద్వారా విద్యార్థులకు చట్టసభలపై అవగాహన పెరుగుతుందని తెలిపారు. అలాగే, జిల్లా పరిషత్‌ సీఈఓ దీక్షారైనా కూడా కార్యక్రమాన్ని పరిశీలించి విద్యార్థులను అభినందించారు. ఉత్సాహంగా మాక్‌ పార్లమెంట్‌

గద్వాల న్యూటౌన్‌: జోగుళాంబ గద్వాల జిల్లా కేంద్రంలో ఎస్‌జీఎఫ్‌ ఆధ్వర్యాన నిర్వహించిన 70వ రాష్ట్రస్థాయి బాలుర అండర్‌–17 క్రికెట్‌ టోర్నీ విజేతగా ఖమ్మం జట్టు నిలిచింది. గురువారం సాయంత్రం రంగారెడ్డితో జరిగిన ఫైనల్స్‌లో ఖమ్మం క్రీడాకారులు సమష్టిగా రాణించి 62 పరుగుల తేడాతో ఘనవిజయాన్ని సొంతం చేసుకున్నారు. ఫైనల్‌లో పరుగుల వరద ఖమ్మం – రంగారెడ్డి జట్ల మధ్య ఫైనల్‌ మ్యాచ్‌ హోరాహోరీగా సాగింది. తొలుత బ్యాటింగ్‌కు దిగిన ఖమ్మం జట్టు నిర్ణీత 15 ఓవర్లలో కేవలం మూడు వికెట్లు కోల్పోయి 177 పరుగులు చేసింది. ఓపెనర్లు ప్రసన్న 81, చైతన్య 21 పరుగులతో శుభారంభాన్ని అందించారు. ఆతర్వాత బ్యాటింగ్‌ చేసిన రంగారెడ్డి ఆరు వికెట్లు కోల్పోయి 115 పరుగులకే పరిమితం కావడంతో ఓటమి పాలైంది. తొలుత రెండు సెమీఫైనల్‌ మ్యాచ్‌లు కూడా ఉత్కంఠభరితంగా సాగాయి. మొదటి సెమీస్‌ మహబూబ్‌నగర్‌ – రంగారెడ్డి జట్ల మధ్య జరగగా.. 3 వికెట్ల తేడాతో రంగారెడ్డి విజయం సాధించి ఫైనల్‌కు చేరుకుంది. రెండో సెమీస్‌లో ఖమ్మం – మెదక్‌ జట్లు తలపడ్డాయి. మ్యాచ్‌లో ఖమ్మం 52 పరుగుల తేడాతో మెదక్‌ను చిత్తుచేసింది. కాగా, టోర్నీ విజేత ఖమ్మం జట్టుకు జోగుళాంబ గద్వాల డీఈఓ విజయలక్ష్మితో పాటు నిర్వాహకులు ట్రోఫీ అందజేసి అభినందించారు. ఎస్‌జీఎఫ్‌ టోర్నీలో రంగారెడ్డిపై ఘనవిజయం

నేలకొండపల్లి: మండలంలోని రాజేశ్వరపురంలో సోలార్‌ పవర్‌ ప్లాంట్‌ ఏర్పాటుకు అవసరమైన స్థలాన్ని గురువారం అప్పగించారు. ఎన్పీడీసీఎల్‌ ఆధ్వర్యాన ఈ ప్లాంట్‌ ఏర్పాటుచేయనుండగా 6.10 ఎకరాల ప్రభుత్వ స్థలం పత్రాలను ఏఈ నారాయణరావుకు సర్పంచ్‌ దండా రంగయ్య అందజేశారు. జీపీఓ దామళ్ల జానకీరామయ్య, పంచాయతీ కార్యదర్శి తదితరులు పాల్గొన్నారు. రేపు అండర్‌–17 అథ్లెటిక్స్‌ ఎంపిక పోటీలు పెద్దమ్మతల్లికి సువర్ణ పుష్పార్చనపాల్వంచరూరల్‌: పాల్వంచ మండలం కేశవాపురం – జగన్నాథపురం గ్రామాల మధ్య కొలువైన శ్రీకనకదుర్గ (పెద్దమ్మతల్లి) ఆలయంలో గురువారం అమ్మవారికి వైభవంగా సువర్ణ పుష్పార్చన పూజలు నిర్వహించారు. అర్చకులు అమ్మవారికి 108 సువర్ణ పుష్పాలతో అర్చన, హారతి, మంత్రపుష్పం, నివేదన తదితర పూజలు నిర్వహించారు. పూజల్లో ఆలయ ఈఓ విజయ్‌కుమార్‌, వేదపండితుడు పద్మనాభశర్మ పాల్గొన్నారు. తుపాన్‌ నష్టంపై ప్రాథమిక నివేదిక కూసుమంచి: అర్బన్‌ తుపాన్‌తో జిల్లాలో జరిగిన పంట నష్టంపై ప్రాథమిక అంచనా రూపొందించినట్లు జిల్లా వ్యవసాయ అధికారి పుల్లయ్య తెలిపారు. మండలంలోని కూసుమంచి, కిష్టాపురం గ్రామాల్లో నేలకొరిగిన పంటలను గురువారం ఆయన పరిశీలించి మాట్లాడారు. తుపాన్‌ ప్రభావంతో పలుచోట్ల వరి పొలాలు నేలవాలాయని తెలిపారు. ఈమేరకు రైతులు తగిన జాగ్రత్తలతో పంటలను కాపాడుకోవాలని సూచించారు. అలాగే, యాసంగిలో వరి, మొక్కజొన్న కాకుండా తక్కువ కాల పరిమితి, తక్కువ నీటితో సాగయ్యే అపరాలు, నూనెగింజల పంటలు ఎంచుకోవాలని తెలిపా రు. కూసుమంచి ఏడీఏ రాజేష్‌, ఏఓ రామడుగు వాణి, ఏఈఓ జానీబాబా పాల్గొన్నారు.

సత్తుపల్లిలో జరుగుతున్న 73వ రాష్ట్ర స్థాయి మహిళా కబడ్డీ పోటీలు గురువారం రెండో రోజుకు చేరాయి. రాష్ట్రంలోని 33 జిల్లాల నుంచి 34 జట్లు హాజరుకాగా.. క్రీడాకారులు విజయమే లక్ష్యంగా పోటాపోటీగా తలపడ్డారు. నువ్వా, నేనా అన్నట్లు పోటీల్లో తలపడిన క్రీడాకారుల్లో ఉత్సాహం నింపేందుకు నిర్వాహకులు రాత్రి క్యాంప్‌ ఫైర్‌ ఏర్పాటుచేశారు. ఈ సందర్భంగా నిర్వాహకులతో పాటు క్రీడాకారిణులు ఆటపాటలతో సందడి చేశారు. కాగా, టోర్నీ సెమీస్‌, ఫైనల్స్‌ శుక్రవారం జరగనున్నాయి. – సత్తుపల్లి– 8లో

● రెండో రోజుకు చేరిన రాష్ట్రస్థాయి కబడ్డీ పోటీలు ● నేడు సెమీస్‌, ఫైనల్స్‌సత్తుపల్లి: సత్తుపల్లిలో 73వ రాష్ట్ర స్థాయి మహిళా కబడ్డీ పోటీలు హోరాహోరీగా సాగుతున్నాయి. రెండో రోజైన గురువారం వర్షం లేకపోవడం, వాతావరణం పొడిగా మారడంతో పోటీలను తిలకించేందుకు క్రీడాభిమానులు పెద్ద ఎత్తున తరలివచ్చారు. జిల్లా కబడ్డీ అసోసియేషన్‌ – మువ్వా విజయ్‌బాబు యూత్‌ ఆధ్వర్యాన నిర్వహిస్తున్న ఈ పోటీలకు 33 జిల్లాల నుంచి 34 జట్లు హాజరయ్యాయి. ఈమేరకు 71 లీగ్‌ మ్యాచ్‌లను 12 పూల్స్‌గా విభజించారరు. లీగ్‌ మ్యాచ్‌లు చివరి దశకు చేరడంతో గురువారం ప్రతీ మ్యాచ్‌ ఉత్కంఠగానే సాగింది. నేడు టోర్నీ ముగింపు టోర్నీలో భాగంగా బుధ, గురువారం లీగ్‌ మ్యాచ్‌లు నిర్వహించారు. ఇక చివరి రోజైన శుక్రవారం ప్రీ క్వార్టర్‌, సెమీ ఫైనల్స్‌, ఫైనల్స్‌ పోటీలు జరుగుతాయి. ఈమేరకు 16జట్ల నుంచి ఎనిమిది, ఆపై నాలుగు, ఆతర్వాత రెండు జట్లను ఫైనల్స్‌ ఎంపిక చేస్తారు. పెద్దసంఖ్యలో హాజరవుతున్న అభిమానులు ఇబ్బంది పడకుండా భారీ ఎల్‌ఈడీ స్క్రీన్లు ఏర్పాటు చేశారు. కాగా, శుక్రవారం జరిగే ముగింపు వేడుకలకు రాష్ట్ర మంత్రి పొంగులేటి శ్రీనివాసరెడ్డి హాజరై విజేతలకు బహుమతి ప్రదానం చేస్తారని టీజీఐడీసీ మాజీ చైర్మన్‌ మువ్వా విజయ్‌బాబు వెల్ల డించారు. అలాగే, కలెక్టర్‌ దివాకర టీ.ఎస్‌., సీపీ సునీల్‌దత్‌, సత్తుపల్లి ఎమ్మెల్యే డాక్టర్‌ మట్టా రాగమయి దయానంద్‌ తదితరులు హాజరవుతారని తెలిపారు. ఈకార్యక్రమంలో మాజీ ఎమ్మెల్సీ బాలసాని లక్ష్మీనారాయణ, కబడ్డీ అసోసియేషన్‌ రాష్ట్ర ఉపాధ్యక్షుడు కటికల క్రిస్టోఫర్‌ బాబు, రాష్ట్ర, జిల్లా నాయకులు కె.స్వాతిముత్యం, సీహెచ్‌.సుధాకర్‌, మందపాటి ముత్తారెడ్డి, చల్లగుళ్ల నర్సింహారావు, తోట సుజలరాణి, గాదె చెన్నారావు, ఎం.డీ.కమల్‌ పాషా, మట్టా ప్రసాద్‌, ఎస్‌.కే.మౌలాలి, కూకులకుంట దయాకర్‌, పీఈటీలు, పీడీలు పాల్గొన్నారు. రెండు రోజు పోటీల వివరాలు కబడ్డీ పోటీలలో పాల్గొన్న ప్రతీ క్రీడాకారురాలికి ప్రత్యేక బహుమతి, జ్ఞాపిక, సర్టిఫికెట్‌ అందిస్తున్నారు, కాగా, రెండో రోజైన గురువారం జరిగిన మ్యాచ్‌ల్లో హనుమకొండపై సిద్దిపేట, ఆదిలాబాద్‌పై హైదరాబాద్‌, యాదాద్రి భువనగిరి జట్టుపై రంగారెడ్డి, నిర్మల్‌ జట్టుపై వరంగల్‌ జట్టు గెలిచింది. అలాగే, సంగారెడ్డి జట్టుపై ఖమ్మం, జయశంకర్‌ భూపాలపల్లిపై నల్లగొండ, హైదరాబాద్‌–1 జట్టుపై జనగామ, హనుమకొండపై ఆసిఫాబాద్‌, కరీంనగర్‌పై భద్రాద్రి కొత్తగూడెం జట్టు విజయం సాధించింది. ఇక సిరిసిల్ల జట్టుపై సిద్దిపేట, మెదక్‌పై సూర్యాపేట, ములుగుపై మహబూబ్‌నగర్‌, నాగర్‌కర్నూల్‌పై నిజామాబాద్‌, నారాయణపేటపై జగిత్యాల, మంచిర్యాలపై వనపర్తి, సిద్దిపేట జట్టుపై జోగుళాంబ గద్వాల జిల్లా జట్టు గెలిచింది.

నేలకొండపల్లి: ఇంటర్‌ విద్యార్థులకు సైతం మధ్యాహ్న భోజన పథకంలో భాగంగా వారానికి మూడు కోడిగుడ్ల చొప్పున అందిస్తున్నామని జిల్లా ఇంటర్‌ విద్యాశాఖాధికారి కె.రవిబాబు తెలిపారు. మండల కేంద్రంలోని ప్రభుత్వ జూనియర్‌ కాలేజీని గురువారం తనిఖీ చేసిన ఆయన మాట్లాడారు. విద్యార్థులకు పౌష్టికాహారం అందేలా జిల్లాలోని 21 కాలేజీల్లో గుడ్లు అందిస్తున్నట్లు తెలిపారు. ఇంటర్‌ ప్రథమ సంవత్సరంలో మారిన సిలబస్‌ విద్యార్థులకు అర్థమయ్యేలా బోధించాలని అధ్యాపకులకు సూచించారు. వంట గది ఇలానే ఉంటుందా? మండలంలోని కోరట్లగూడెం ప్రభుత్వ ప్రాథమిక పాఠశాలను మండల ప్రత్యేక అధికారి అయిన డీఐఈఓ తనిఖీ చేయగా, మెనూ అమలులో మార్పులపై అసంతృప్తి వ్యక్తం చేశారు. అలాగే, వంట గది అపరిశుభ్రంగా ఉండడంతో ‘సొంతిళ్లు అయితే ఇలాగే వదిలేస్తారా, కరెంట్‌ లేకున్నా ఎందుకు పట్టించుకోవడం లేదు’ అని ప్రశ్నించారు. అంతేకాక విద్యార్థులకు ఒకే జత యూనిఫాం అందిందని తెలియడంతో ఐకేపీ ఏపీఎంను ఫోన్‌ చేసి సూచనలు చేశారు. ఎంపీడీఓ ఎం.యర్రయ్య, ఎంఈఓ తదితరులు పాల్గొనగా పాఠశాల ప్రహరీ నిర్మాణానికి నిధులు మంజూరు చేయాలని కాంగ్రెస్‌ నాయకుడు బచ్చలకూరి నాగరాజు కోరారు.

ఖమ్మంలీగల్‌: బాలలపై లైంగిక నేరాలను నిరోధించడంలో పోక్సో చట్టం కీలక పాత్ర పోషిస్తుందని జిల్లా మూడో అదనపు జ్యుడీషియల్‌ ఫస్ట్‌ క్లాస్‌ న్యాయమూర్తి ఏ.ప్రవీణ్‌ తెలిపారు. ఈమేరకు ప్రతీ విద్యార్థి హక్కులపై అవగాహన కలిగి ఉండాలని సూచించారు. ఖమ్మం శాంతినగర్‌లోని ప్రభుత్వ ఉన్నత పాఠశాలలో పోక్సో(ప్రొటెక్షన్‌ ఆఫ్‌ చిల్డ్రన్‌ ఫ్రం సెక్సువల్‌ అఫెన్సెస్‌) చట్టంపై విద్యార్థులకు గురువారం అవగాహన కల్పించారు. ఈ సందర్భంగా న్యాయమూర్తి మాట్లాడుతూ పిల్లల రక్షణకు చట్టపరమైన భరోసా ఉందనే విషయాన్ని తెలుసుకోవాలన్నారు. ఏదైనా అనుచిత ప్రవర్తన ఎదురైతే భయపడకుండా తల్లిదండ్రులు, ఉపాధ్యాయులకు తెలియజేయాలని సూచించారు. ఇదే సమయాన బాలల హక్కులను గౌరవించడం, వారి భద్రతకు ప్రాధాన్యత ఇవ్వడాన్ని సమాజంలోని ప్రతి ఒక్కరు బాధ్యతగా భావించాలని తెలిపారు. ఈ సమావేశంలో ఖమ్మం వన్‌టౌన్‌ సీఐ షాదిక్‌ పాషా, హెచ్‌ఎం చల్ల గాని కృపాబాలానందం తదితరులు పాల్గొన్నారు. మధిరలో అఘోర సాధువు మధిర: ఉత్తరప్రదేశ్‌లోని బృందావన్‌కు చెందిన అఘోర సాధువు బాబా ప్రేమ్‌గిరి గురువారం మధిర వచ్చారు. ఈ సందర్భంగా అంబికా ఫ్యాన్సీ షాప్‌తో పాటు పలు వ్యాపార సంస్థలకు వెళ్లగా, వ్యాపారులు ఆశీర్వాదాలు పొందారు. ఆయనను చూడడానికి స్థానికులు ఆసక్తి కనబరిచారు. బైక్‌లో పెట్టిన నగదు మాయం షాప్‌లోకి వెళ్లొచ్చేసరికి రూ.2.50లక్షలు చోరీ వైరా: ద్విచక్రవాహనంలో పెట్టిన నగదును గుర్తు తెలియని వ్యక్తులు యజమాని కన్నుగప్పి చోరీ చేశారు. వైరా మండలం విప్పలమడకకు చెందిన మన్నెం మాలాద్రి గురువారం వైరా సొసైటీ కార్యాలయంలో 35గ్రాముల బంగారాన్ని తాకట్టు పెట్టి రూ 2.50లక్షల రుణం తీసుకున్నాడు. నగదును బైక్‌లో పెట్టుకుని వెళ్తూ ఓ షాప్‌ వద్ద ఆగాడు. షాప్‌లోకి వెళ్లొచ్చేసరికి వాహనంలో నగదు కనిపించలేదు. గుర్తుతెలియని వ్యక్తులు వెంబడించి నగదు చోరీ చేశారనే అనుమానంతో ఫిర్యాదు చేయగా దర్యాప్తు చేస్తున్నట్లు ఎస్‌ఐ రామారావు తెలిపారు.

గుజరాత్‌ రాష్ట్రంలోని నేషనల్‌ ఫోరెన్సిక్‌ సైన్స్‌ యూనివర్సిటీ నిపుణులు రంగంలోకి దిగాక రామారావు హత్య కేసు ఓ కొలిక్కి వచ్చింది. గతంలో సేకరించిన ఆధారాలకు తోడు నిపుణుల విచారణతో బయటపడిన అంశాల ఆధారంగా ఖమ్మం రూరల్‌ తెల్దారుపల్లికి చెందిన బోడపట్ల శ్రీనివాసరావు అలియాస్‌ మెంటల్‌ శ్రీను, నూకల లింగయ్య, మల్లారపు లక్ష్మయ్య, కార్లపూడి ఉదయ్‌కుమార్‌ అలియాస్‌ రుక్మాన్‌ కుమార్‌ను అరెస్ట్‌ చేశారు. వీరిలో ఉదయ్‌ కాక మిగతా ముగ్గురు గతంలో రాష్ట్రవ్యాప్తంగా సంచలనం సృష్టించిన బీఆర్‌ఎస్‌ నాయకుడు, ఖమ్మంరూరల్‌ మండలం తెల్దారుపల్లికి చెందిన తమ్మినేని కృష్ణయ్య హత్య కేసుతో పాటు చౌటపల్లిలో జరిగిన హత్య కేసులోనూ నిందితులు. అయితే, హత్యకు దారి తీసిన పరిస్థితులు, ఎవరు ప్రేరేపించారనే అంశాలపై విచారణ జరుగుతోందని, మిగతా నిందితులను త్వరలోనే అరెస్ట్‌ చేస్తామని పోలీసు కమిషనర్‌ వివరించారు. కాగా, నిందితులను గురువారం ఉదయం చింతకాని పోలీసుస్టేషన్‌కు తీసుకురాగా.. ఆతర్వాత సీన్‌ రీ కన్‌స్ట్రక్షన్‌ కోసం మత్కేపల్లి పరిధి తుమ్మలమ్మ చెరువు కట్ట వద్దకు తీసుకెళ్లారు. ఆపై ఖమ్మం తరలించగా సీపీ వివరాలు వెల్లడించారు. రామారావు హత్య కేసులో సమగ్ర పర్యవేక్షణ అధికారిగా వైరా ఏసీపీ సారంగపాణి, వైరా సీఐ వెంకటప్రసాద్‌, మధిర రూరల్‌ సీఐ రమేష్‌, ఎస్సైలు వీరేందర్‌, నరేష్‌ పనిచేయగా వీరిని సీపీ అభినందించి రివార్డులు అందజేశారు.

సాక్షి ప్రతినిధి, భద్రాద్రి కొత్తగూడెం: పామాయిల్‌ సాగులో రాష్ట్రానికి భద్రాద్రి కొత్తగూడెం, ఖమ్మం జిల్లాలు ఆదర్శంగా ఉన్నాయి. ఈ ఆదర్శం మాటున అక్రమాల ఆలాపన కూడా వినిపిస్తోంది. పామాయిల్‌ సాగు రంగంలో తమకు సాటి లేదని చెప్పుకునే కొందరు పెద్దల సిండికేట్‌ వ్యవహారాలే ఇందుకు కారణమనే ఆరోపణలు వినిపిస్తున్నాయి. ఎఫ్‌ కోడ్‌ ద్వారా.. పామాయిల్‌ మొక్కలను విదేశాల నుంచి దిగుమతి చేసుకుని ఆసక్తి ఉన్న రైతులకు సబ్సిడీపై అందిస్తున్నారు. దీంతో రైతులు తెలంగాణ ఆయిల్‌పామ్‌ ఫెడరేషన్‌కు దరఖాస్తు లేదా రిజిస్ట్రర్‌ చేసుకుంటే ఎకరానికి 57 మొక్కల చొప్పున ఇస్తారు. మొక్కలు నాటాక మూడేళ్ల తర్వాత దిగుబడి ప్రారంభమవుతుంది. మొక్కలను అమ్మేందుకు రైతులకు ఆయిల్‌ ఫెడ్‌ కోడ్‌ను కేటాయిస్తుంది. దీన్నే ఫార్మర్‌కోడ్‌ (ఎఫ్‌) కోడ్‌ అంటారు. ఈ కోడ్‌తోనే రైతు ఇచ్చిన ఫ్రెష్‌ ఫ్రూట్‌ బంచ్‌ (ఎఫ్‌ఎఫ్‌బీ)కు అప్పుడున్న ఆయిల్‌ ఎక్ట్రాక్షన్‌ రేషియో (ఓఈఆర్‌) ఆధారంగా అతని బ్యాంకు ఖాతాలో నగదు జమ అవుతుంది. పామాయిల్‌ గెలలను ఫ్యాక్టరీ వరకు తరలించినందుకు రైతులకు రవాణా చార్జీలను ఐదు శ్లాబులుగా చెల్లిస్తారు. ఇందుకోసం ఎఫ్‌కోడ్‌కు అనుసంధానంగా ప్రతీ రైతుకు ట్రాన్స్‌పోర్ట్‌ కోడ్‌ కూడా ఉంటుంది. ఎఫ్‌కోడ్‌కు అనుబంధంగా ఉన్న రైతు బ్యాంకు ఖాతాలో అమ్మిన గెలలకు సంబంధించిన నగదు జమయితే, ట్రాన్స్‌పోర్ట్‌ కోడ్‌లో రవాణా చార్జీలు జమవుతాయి. సిబ్బంది, అధికారుల సాయంతో.. ఆరంభంలో ఆయిల్‌పామ్‌ సాగు తక్కువగా ఉండటంతో ఒక కుటుంబంలో వేర్వేరు వ్యక్తుల పేరు మీద పట్టాలకు సంబంధించి ఆ కుటుంబంలో ఒకరి పేరు మీదనే ఎఫ్‌కోడ్‌లు జారీ అయ్యాయి. ఆ తర్వాత దశలో ఎకరానికి ఎంత దిగుబడి వస్తుందనే అంశంపై ఇప్పటివరకు కటాఫ్‌ను టీజీ ఆయిల్‌ఫెడ్‌ నిర్ణయించలేదు. ఎఫ్‌ కోడ్‌ కలిగిన రైతు పేరుతో ఎన్ని టన్నుల గెలలు వచ్చాయి, ఎక్కడి నుంచి వచ్చాయనే వివరాల ఆధారంగానే టీజీ ఫెడ్‌ నుంచి చెల్లింపులు జరుగుతున్నాయి. దీన్ని ఆధారంగా చేసుకుని దమ్మపేట, అశ్వారావుపేటలలో ఉన్న కొందరు భారీ మోసాలకు తెర లేపారు. దీనికి టీజీఫెడ్‌లోని కొందరు సిబ్బంది, అధికారులు చేయి కలపడంతో మూడు పువ్వులు ఆరు కాయలుగా దందా సాగుతోంది.దూరం (కి.మీ) టన్నుకు చెల్లించే చార్జీ0 - 15 రూ. 370 16 - 30 రూ. 460 31 - 50 రూ. 560 51 - 85 రూ. 750 86 - 120 రూ. 900పామాయిల్‌ సాగులో దూసుకుపోతున్న ఉమ్మడి ఖమ్మం

హతుడు సీపీఎం రాష్ట్ర స్థాయి నాయకుడు కావడం.. హత్య జరిగింది డిప్యూటీ సీఎం భట్టి నియోజకవర్గం కావడంతో ఘటన రాష్ట్రవ్యాప్తంగా సంచలనమైంది. దీంతో సీపీ సునీల్‌దత్‌ స్వయంగా రంగంలోకి విచారణ చేపట్టారు. ఘటనాస్థలి నుంచి కత్తి పౌచ్‌, రుమాలే కాక చెప్పులు స్వాధీనం చేసుకోగా, దుండగుల ఆచూకీ కనిపెట్టేందుకు ఐదు ప్రత్యేక బృందాలను ఏర్పాటు చేశారు. గ్రామంలోని సెల్‌టవర్‌ పరిధిలో రికార్డు అయిన సంభాషణల ఆధారంగా దర్యాప్తు చేపట్టాలని భావించినా.. పాతర్లపాడు సమీపాన రైల్వేట్రాక్‌ ఉండడంతో వందలాది ఫోన్‌ నంబర్లు నమోదు కావడం వల్ల పురోగతి కానరాలేదు. ఆపై సీసీ పుటేజీలు పరిశీలించడంతో పాటు ఇతర సాంకేతికత సాయం తీసుకున్నాక ఫలితం దక్కక పోలీసులకు ఈ హత్య కేసు సవాల్‌గా మారింది.

ఖమ్మం వైద్యవిభాగం: రోడ్డు ప్రమాదాల్లో క్షతగాత్రులకు సత్వర వైద్యం అందించి వారి ప్రాణాలను కాపాడటమే లక్ష్యంగా అమలు చేస్తున్న పీఎం రాహత్‌ పథకం కింద ఆరోగ్యశ్రీ జాబితాలోని అన్ని ప్రభుత్వ, ప్రైవేట్‌ ఆస్పత్రులు నమోదు చేయించాలని కలెక్టర్‌ దివాకర టీ.ఎస్‌. ఆదేశించారు. కలెక్టరేట్‌లో గురువారం నిర్వహించిన జిల్లా స్థాయి రోడ్డు భద్రతా కమిటీ సమావేశంలో పీఎం రాహత్‌ పథకం లక్ష్యాలు, అమలు విధానం, ఆస్పత్రుల రిజిస్ట్రేషన్‌ ప్రక్రియను వివరించారు. ఆతర్వాత కలెక్టర్‌ దివాకర మాట్లాడుతూ ఆరోగ్యశ్రీ పథకం కింద ఎంప్యానెల్‌ అయిన ఆస్పత్రులను పీఎం రాహత్‌ పథకంలో చేర్చేలా ప్రత్యేక డ్రైవ్‌ నిర్వహిస్తున్నట్లు తెలిపారు. వచ్చే శనివారం అన్ని ప్రాథమిక ఆరోగ్య కేంద్రాలు, కమ్యూనిటీ హెల్త్‌ సెంటర్లు బాధ్యులు అవసరమైన పత్రాలతో కలెక్టరేట్‌కు రావాలని సూచించారు. వచ్చే సోమవారం నాటికి ప్రతీ ఆస్పత్రి రిజిస్ట్రేషన్‌ పూర్తయ్యేలా అధికారులు సమన్వయంతో పనిచేయాలని తెలిపారు. కాగా, ఈ పథకం కింద రోడ్డు ప్రమాద బాధితులకు 7 రోజుల వరకు రూ.1.5 లక్షల వరకు నగదు రహిత చికిత్స అందించొచ్చని చెప్పారు. కాగా, ప్రమాదం జరిగిన వెంటనే 112 అత్యవసర సేవలకు ఫోన్‌ చేయాలనే అంశాన్ని ప్రజల్లోకి విస్తృతంగా తీసుకెళ్లాలని, అన్ని 108 అంబులెన్సులకు ట్రాకింగ్‌ ఏర్పాటు చేయాలని సూచించారు. ఈ సమావేశంలో ట్రెయినీ అసిస్టెంట్‌ కలెక్టర్‌ పరాస్‌ కుమార్‌, ఏసీపీ శ్రీనివాసులు తదితరులు పాల్గొన్నారు. ప్రత్యామ్నాయ పంటలే సాగు చేయండి ఖమ్మం రూరల్‌: ఎల్‌నినో ప్రభావంతో వర్షభావ పరిస్థితులు నెలకొన్నందున రైతులు యాసంగిలో అధిక నీరు అవసరమయ్యే వరికి బదులు ప్రత్యామ్నాయ పంటలను సాగు చేయాలని కలెక్టర్‌ దివాకర టీ.ఎస్‌. సూచించారు. మండలంలోని చింతపల్లిలో నిర్వహించిన రైతు అవగాహన సదస్సులో ఆయన మాట్లాడుతూ భూగర్భ జలాలు తగ్గడం, వచ్చే ఏడాది ఆగస్టు వరకు వర్షాలు తక్కువగా కురుస్తాయనే సూచనలతో కూరగాయలు, చిరుధాన్యాలు వంటి తక్కువ నీటితో పండే పంటలను సాగు చేయాలన్నారు. పశువుల దాణా సమస్య తలెత్తకుండా ఉచిత పశుగ్రాస విత్తనాల కిట్లు అందిస్తుండగా, ఉపాధి హామీ పథకం ద్వారా రోజుకు రూ.308 కూలీతో ఎక్కువ పనిదినాలు కల్పించనున్నట్లు చెప్పారు. కాగా, ఏటా చింతపల్లికి వసల వచ్చే నైజీరియా కొంగలు సంరక్షణ కోసం అటవీ శాఖ ఆధ్వర్యంలో ప్రత్యేక కార్యాచరణ అమలుచేయనున్నట్లు కలెక్టర్‌ చెప్పారు. అనంతరం ఇందిరమ్మ ఇళ్ల మంజూరు, ఎమ్మెల్సీ ఎన్నికలకు పట్టభద్రుల ఓట్ల నమోదుపై సూచనలు చేశారు. అభివృద్ధి పనుల్లో వేగం పాలేరు నియోజకవర్గంలో అభివృద్ధి పనులను వేగవంతం చేసి త్వరగా పూర్తయ్యేలా చూడాలని కలెక్టర్‌ దివాకర అధికారులను ఆదేశించారు. మద్దులపల్లిలో జేఎన్టీయూ ఇంజనీరింగ్‌ కళాశాల నిర్మాణ పనులను పరిశీలించి మాట్లాడారు. బాలుర, బాలికల హాస్టళ్ల భవనాలు, ప్రధాన భవనం, అకడమిక్‌ బ్లాక్‌ నిర్మాణాలపై ఆరా తీసిన ఆయన నాణ్యతతో వేగంగా జరిగేలా చూడాలని తెలిపారు. ఆతర్వాత కలెక్టర్‌ వెంకటగిరిలో అసంపూర్తిగా ఉన్న జీ పస్ల్‌ 2 భవనాలను పరిశీలించి ప్రజలకు ఉపయోగపడేలా చేయాల్సిన పనులపై ప్రతిపాదనలు సమర్పించాలని అధికారులను ఆదేశించారు. ఈ కార్యక్రమాల్లో జిల్లా వ్యవసాయ, ఉద్యాన శాఖల అధికారులు డి.పుల్లయ్య, ఎం.వీ.మధుసూదన్‌, మద్దులపల్లి మార్కెట్‌ చైర్మన్‌ హరినాథ్‌బాబు, ఏదులాపురం మున్సిపల్‌ కమిషనర్‌ ఏ.శ్రీనివాసరెడ్డి, వివిధ శాఖల అధికారులు రాజేష్‌, వినయేందర్‌రెడ్డి, రవికుమార్‌, సురేష్‌, మహేష్‌బాబు తదితరులు పాల్గొన్నారు.కలెక్టర్‌ దివాకర టీ.ఎస్‌.

● అనుమతులు, సర్టిఫికెట్ల జారీలో అలసత్వం సరికాదు ● డిసెంబర్‌లో సీఎం చేతుల మీదుగా అభివృద్ధి పనుల ప్రారంభోత్సవాలు ● రాష్ట్ర మంత్రి తుమ్మల నాగేశ్వరరావుఖమ్మం మయూరిసెంటర్‌: ఖమ్మం మున్సిపల్‌ కార్పొరేషన్‌ పరిధిలో నిబంధనలకు విరుద్ధంగా, అక్రమంగా చేపట్టే నిర్మాణాలను ముందుగానే గుర్తించి నిలిపివేయాలని రాష్ట్ర మంత్రి తుమ్మల నాగేశ్వరరావు ఆదేశించారు. కేఎంసీ కార్యాలయంలో గురువారం ఆయన నగరంలో జరుగుతున్న అభివృద్ధి పనులపై అధికారులతో సమీక్షించారు. ఈ సందర్భంగా మంత్రి మాట్లాడుతూ టౌన్‌ ప్లానింగ్‌ విభాగం అధికారులు నిత్యం క్షేత్ర స్థాయిలో పర్యవేక్షిస్తూ అక్రమ నిర్మాణాలపై ఫిర్యాదులు వచ్చే వరకు వేచి ఉండకుండా ముందుగానే నిర్మాణాలను అడ్డుకోవాలని తెలిపారు. అలాగే, నిర్మాణాల అనుమతులు, అవసరమైన సర్టిఫికెట్ల జారీలో జాప్యం జరుగుతుండడంపై ఆరా తీశారు. టౌన్‌ ప్లానింగ్‌, సుడాపై ఫిర్యాదులు అధికంగా వస్తున్నాయని చెప్పారు. ఎల్‌ఆర్‌ఎస్‌ అనుమతుల్లో జాప్యం లేకుండా ఇరిగేషన్‌, రెవెన్యూ శాఖలతో సమన్వయం చేసుకోవాలని సూచించారు. డిసెంబర్‌లో ఖమ్మంకు సీఎం.. నగరంలో జరుగుతున్న అభివృద్ధి పనుల్లో వేగం పెంచి నవంబర్‌ నెలాఖరు వరకు పూర్తి చేయాలని మంత్రి తుమ్మల సూచించారు. డిసెంబర్‌లో సీఎం రేవంత్‌రెడ్డి చేతుల మీదుగా పనుల ప్రారంభోత్సవం జరగనున్నందున, వెలుగుమట్లలో ఇందిరమ్మ ఇళ్ల నిర్మాణ పనులపైనా దృష్టి పెట్టాలని తెలిపారు. అలాగే, నగరంలో ఆస్తిపన్నుతో పాటు నీటి సరఫరా, ఇతర పన్నులను వంద శాతం పూర్తి చేయాలని మంత్రి ఆదేశించారు. పన్నుల వసూళ్లలో వెనుక బడిన ప్రాంతాలను గుర్తించి ప్రత్యేక కార్యాచరణ రూపొందించాలని, పారిశుద్ధ్య నిర్వహణ, ప్రభుత్వ భూముల పరిరక్షణ, ఆర్‌అండ్‌బీ అతిథి గృహం, బడ్జెట్‌ హోటల్‌, ఇంటిగ్రేటెడ్‌ డివిజన్‌ కార్యాలయ నిర్మాణాలు, టేకులపల్లి బ్రిడ్జి వద్ద రక్షణ ఏర్పాట్లు, ఖమ్మం ఖిల్లా రోప్‌వే పనులపై సూచనలు చేశారు. ఈ సమావేశంలో సుడా చైర్మన్‌ పువ్వాళ్ల దుర్గాప్రసాద్‌, కేఎంసీ కమిషనర్‌ అభిషేక్‌ అగస్త్య, వివిధ విభాగాల అధికారులు పాల్గొన్నారు. ఖమ్మం అర్బన్‌: లుగుమట్ల కాలనీలో ఇందిరమ్మ ఇళ్ల నిర్మాణాలతో పాటే సమాంతరంగా మౌలిక వసతులు కల్పిస్తూ నవంబర్‌ నెలాఖరులోగా పూర్తి చేయాలని మంత్రి తుమ్మల నాగేశ్వరరావు ఆదేశించారు. కలెక్టర్‌ దివాకరతో కలిసి కాలనీలో పనులను ఆయన పరిశీలించారు. పనుల్లో జాప్యం జరగకుండా ప్రతిరోజూ పర్యవేక్షించాలని తెలిపారు. సుడా చైర్మన్‌ పువ్వాళ్ల దుర్గాప్రసాద్‌, హౌసింగ్‌ పీడీ భూక్యా శ్రీనివాస్‌ పాల్గొన్నారు.

● జిల్లాలో 1,138 ఎకరాల్లో నేలవాలిన పంట ● ప్రాథమికంగా అంచనా వేసిన వ్యవసాయ శాఖఖమ్మం వ్యవసాయం: అర్నబ్‌ తుపాన్‌ చేతికందే పంటలను దెబ్బతీసింది. జిలాల్లో మంగళవారం రాత్రి నుంచి బుధవారం రాత్రి వరకు ఓ మోస్తరు వర్షమే కురిసినా, తీవ్రగామైన ఈదురుగాలులతో పంటలు నేలపాలయ్యాయి. ప్రస్తుతం పత్తితీతలు జోరుగా సాగుతుండగా, వరి కోతలు కూడా ప్రారంభమయ్యాయి. ఈ సీజన్‌లో జిల్లా అంతటా కలిపి వరి 2,41,109 ఎకరాల్లో, పత్తి 2,35,637 ఎకరాల్లో సాగయ్యాయి. తుపాన్‌ కారణంగా బలమైన గాలులు వీయడంతో కంకి దశలో ఉన్న వరి నేలవాలిందని వ్యవసాయ శాఖ ప్రాథమికంగా గుర్తించింది. 53 గ్రామాల్లో నష్ట తీవ్రత తుపాన్‌ కారణంగా జిల్లాలోని 53గ్రామాల్లో 558 మంది రైతులకు చెందిన 1,138 ఎకరాల్లో వరి పంటకు నష్టం వాటిల్లినట్లు వ్యవసాయ శాఖ ప్రాథమిక నివేదికలో వెల్లడించింది. అదికంగా కూసుమంచి వ్యవసాయ డివిజన్‌లో 725 ఎకరాల్లో నష్టం జరగగా, అందులో కూసుమంచి మండలంలో 310 ఎకరాలు, నేలకొండపల్లిలో 285 ఎకరాలు ఉన్నాయి. ఇక మధిర డివిజన్‌లోని ఎర్రుపాలెం మండలంలో 208 ఎకరాలు, సత్తుపల్లి డివిజన్‌ లోని కల్లూరు మండలంలో 150 ఎకరాలు, వేంసూరు మండలంలో 55 ఎకరాల్లో పంట దెబ్బతిన్నట్లు గుర్తించారు. నేలవాలిన వరి పైరును హార్వెస్టర్‌లతో కోయడానికి ఇబ్బంది కానుండగా, కూలీలతో కోయిస్తే రైతులపై అదనపు భారం పడనుంది. 33 శాతం నష్టం వాటిల్లితేనే.. ప్రకృతి వైపరీత్యాలు సంభవించినప్పుడు నిబంధనల ప్రకారం 33 శాతం పంట నష్టం జరిగితేనే వ్యవసాయ, రెవెన్యూ శాఖల ఆధ్వర్యాన సర్వే చేయించి ప్రభుత్వం పరిహారాన్ని ప్రకటిస్తుంది. ప్రస్తుతం జిల్లాలో అర్నబ్‌ తుపాన్‌ కారణంగా జరిగిన పంట నష్టాన్ని ప్రాథమికంగానే గుర్తించారు. ప్రభుత్వం ఆదేశిస్తే సర్వే ద్వారా నష్టం శాతాన్ని గుర్తించి పరిహారానికి సిఫారసు చేయాల్సి ఉంటుంది. వర్షపాతం అంతంతే.. అర్నబ్‌ తుపాన్‌తో భారీ వర్షాలు కురుస్తాయని అంతా భావిస్తే ఆ అంచనాలు తలకిందులయ్యాయి. ఈదురుగాలులే తప్ప వర్షం ఆశించిన స్థాయిలో కురవలేదు. జిల్లాలో బుధవారం ఉదయం 8–30నుంచి గురువారం ఉదయం 8–30 గంటల వరకు 24 గంటల్లో జిల్లా వ్యాప్తంగా సగటున 15.4 మి.మీ. వర్షపాతం నమోదైంది. అత్యధికంగా సత్తుపల్లిలో 26.2 మి.మీ., వేంసూరులో 24.8, ఎర్రుపాలెంలో 22.6, బోనకల్‌ లో 21.8 మి.మీ. నమోదైనట్లు అధికారులు వెల్లడించారు. ఇవికాక మధిర, కామేపల్లి, ఖమ్మం రూరల్‌, కూసుమంచి, ఖమ్మం అర్బన్‌, ఏన్కూరు, తల్లాడ, ముదిగొండ, సింగరేణి, నేలకొండపల్లి, తిరుమలాయపాలెం, రఘునాథపాలెం, కొణిజర్ల, కల్లూరు, వైరా, చింతకాని, పెనుబల్లి కూడా వర్షపాతం నమోదైంది.నేలకొండపల్లి: రెండు రోజుల తుపాన్‌ ప్రభావంతో బలమైన ఈదురుగాలులు వీయగా చేతికొచ్చే దశలో ఉన్న వరి పంట నేలవాలింది. ఇదిలాగే నేలకు వదిలేస్తే వరి కంకి మొక్కగా మారే అవకాశముంది. దీంతో అదనపు భారమైనా రైతులు కూలీలను నియమించి నిలబెట్టిస్తున్నారు. నేలకొండపల్లి మండలంలో కూలీకి రూ.350 చొప్పున చెల్లించేలా పలువురు రైతులు పనిచేయిస్తుండగా.. ఇంకొందరు ఇప్పటికే పెట్టుబడి పెరిగిందని, మరింత భారం భరించలేమంటూ వెనుకడుగు వేస్తున్నారు.

కూసుమంచి: అర్హత కలిగిన ప్రతీఒక్కరి ఓటు హక్కును పరిరక్షించడమే ధ్యేయమని జిల్లా ఎలక్టోరల్‌ రోల్‌ పరిశీలకురాలు శ్రీదేవసేన తెలిపారు. కూసుమంచిలోని ఎంపీడీఓ కార్యాలయంలో బుధవారం ‘ఎస్‌ఐఆర్‌’ అమలుపై ఆమె కలెక్టర్‌ దివాకర టీ.ఎస్‌.తో కలిసి ఈఆర్‌ఓలతో సమీక్షించారు. ఈసందర్భంగా దేవసేన మాట్లాడుతూ ఫారం 6, 6ఏ,7, 8 పరిష్కారంలో తప్పులు దొర్లకుండా నిత్యం పర్యవేక్షించాలని సూచించారు. అలాగే, ఎన్‌ఐఆర్‌ల నుంచి అందిన దరఖాస్తులను క్షుణ్ణంగా పరిశీలించి నిబంధనల మేరకు పరిష్కరించాలని తెలిపారు. బూత్‌స్థాయి అధికారులు ఇంటింటి సర్వే చేపట్టాలని, అర్హులైన ఏ ఒక్కరు ఓటు హక్కు కోల్పోకుండా చూడాలని సూచించారు. అంతేకాక ప్రతీ నియోజకవర్గంలో అఽత్యధిక ఓటు చేర్పులు, తొలగింపులు ఉన్న 20 పోలింగ్‌ కేంద్రాలను నమూనాగా తీసుకుని పునఃపరిశీలన చేపట్టాలని తెలిపారు. అలాగే, నోటీసుల జారీ, విచారణ చేపట్టాక రికార్డులు భద్రపర్చాలని ఈఆర్‌ఓలకు సూచించారు. ఇక ఎపిక్‌ కార్డుల పంపిణీ, యువ ఓటర్ల నమోదు, ఫిర్యాదుల పరిష్కారంపై ప్రత్యేక దృష్టి సారించి కచ్చితమైన ఓటరు జాబితా రూపకల్పనలో పాలుపంచుకోవాలని ఆమె తెలిపారు. అనంతరం కలెక్టర్‌ దివాకర మాట్లాడుతూ జిల్లాలోని ఐదు నియోజకవర్గాలకు సంబంధించి 10,85,927 మంది ఓటర్లకుగాను 99.99 శాతం సర్వే పూర్తయిందని తెలిపారు. ఎన్నికల కమిషన్‌ మార్గదర్శకాలకు అనుగుణంగా గడువులోగా ‘సర్‌’ ప్రక్రియ పూర్తిచేస్తామని వెల్లడించారు. సమావేశంలో అదనపు కలెక్టర్‌ శ్రీజ, కేఎంసీ కమిషనర్‌ అభిషేక్‌ అగస్త్య, ఎస్‌డీసీ సదానందం, ఆర్‌డీఓ శ్రీనివాస్‌, కూసుమంచి, ఖమ్మం అర్బన్‌ తహసీల్దార్లు సైదులు, జయచంద్ర, ఎన్నికల విభాగం ఉద్యోగులు రాజు, అన్సారీ పాల్గొన్నారు.జిల్లా ఎలక్టోరల్‌ రోల్‌ పరిశీలకురాలు శ్రీదేవసేన

● అమెరికా నుంచి ఖమ్మం చేరిన అక్షిత మృతదేహం ● మిన్నంటిన తల్లిదండ్రులు, బంధువుల రోదనలు ఖమ్మంఅర్బన్‌: ఉన్నత చదువుల కోసం అమెరికా వెళ్లిన నల్లమల అక్షిత గుండెపోటుతో మృతి చెందగా, ఐదు రోజుల అనంతరం ఆమె మృతదేహం ఖమ్మం చేరుకుంది. ఈనెల 23న అమెరికాలోని న్యూయార్క్‌లో మృతిచెందిన అక్షిత మృతదేహాన్ని తీసుకుని ఆమె సోదరుడు అక్షయ్‌ మంగళవారం అర్ధరాత్రి దాటాక హైదరాబాద్‌లోని రాజీవ్‌గాంధీ అంతర్జాతీయ విమానాశ్రయానికి చేరుకున్నాడు. మంత్రి తుమ్మల తనయుడు యుగంధర్‌, నాయకులు రావూరి సైదబాబు, చండ్రా రాంబాబు ప్రత్యేక వాహనంలో మృతదేహాన్ని ఖమ్మంలోని మమతా రోడ్డులోని అక్షిత నివాసానికి బుధవారం ఉదయం తీసుకొచ్చారు. తల్లిదండ్రులకు గుండెకోత.. కళ్లముందు ఆడుతూ పాడుతూ పెరిగిన కూతురు ఉన్నత చదువుల కోసం అమెరికా వెళ్లి ఉద్యోగంలో చేరేందుకు సిద్ధమవుతున్న క్రమాన కన్నుమూసి విగతజీవిగా ఇంటికి చేరడంతో అక్షిత తల్లిదండ్రులు నల్లమల ఆనంద్‌ – కల్పనతో పాటు కుటుంబీకులు కన్నీరుమున్నీరయ్యారు. అక్షిత మృతదేహంపై పడి తల్లిదండ్రులు రోదించిన తీరు అందరినీ కలిచివేసింది. కుటుంబ సభ్యులు, బంధువుల రోదనలతో ఆ ప్రాంతం మిన్నంటగా, బల్లెపల్లి శ్మశానవాటికకు తీసుకెళ్లి అంత్యక్రియలు పూర్తిచేశారు. సుడా, మార్కెట్‌ చైర్మన్లు పువ్వాళ్ల దుర్గాప్రసాద్‌, యరగర్ల హన్మంతరావు, కాంగ్రెస్‌ జిల్లా అధ్యక్షుడు నూతి సత్యనారాయణ, మాజీ ఎమ్మెల్యే చంద్రావతి, వివిధ పార్టీల నాయకులు నున్నా నాగేశ్వరరావు, బాగం హేమంతరావు, సంక్రాంతి నాగేశ్వరరావు, బాలసాని లక్ష్మీనారాయణ తదితరులు అక్షిత మృతదేహం వద్ద నివాళులర్పించి కుటుంబీకులను పరామర్శించారు.

బంగాళాఖాతంలో ఏర్పడిన అల్పపీడనంతో మొదలైన అర్నబ్‌ తుపాన్‌ జిల్లాపై ప్రభావం చూపుతోంది. తుపాన్‌ తీవ్రత జిల్లాపై మంగళ, బుధ, గురువారం ఉంటుందని వాతావరణ శాఖ హెచ్చరించింది. అయితే మంగళవారం వాతావరణం మేఘావృతం కాగా రాత్రి నుంచి వర్షం మొదలైంది. బుధవారం ఉదయం నుంచి ముసురుతో కూడిన వర్షం రోజంతా కురిసింది. జిల్లాలో బుధవారం 1.2 సెం.మీ. వర్షపాతం నమోదు కాగా, ఆకాశం మేఘావృతమై చలిగాలులు వీస్తున్నాయి. గురువారం సైతం జిల్లావ్యాప్తంగా వర్షం కురిసే అవకాశముంది. – సాక్షి ప్రతినిధి, ఖమ్మంఎడతెరిపి లేకుండా.. జిల్లాలో మంగళవారం అర్ధరాత్రి ప్రారంభమైన వర్షం ఎడతెరిపి లేకుండా కురిసింది. అల్పపీడనం కారణంగా వాతావరణంలో ఒక్కసారిగా మార్పు చోటు చేసుకుంది. ఇన్నాళ్లు ఉక్కపోత ఉండగా.. మంగళ, బుధవారాల్లో చలితీవ్రత పెరిగి ఉష్ణోగ్రతలు పడిపోయాయి. గురువారంతో పాటు రానున్న మూడు, నాలుగు రోజుల్లో తేలికపాటి వర్షాలు కురిసే అవకాశం ఉన్నట్లు వాతావరణ శాఖ ప్రకటించింది. బుధవారం భారీ వర్షాలు కురుస్తాయనే హెచ్చరికతో అధికారులు ముందస్తు జాగ్రత్తలు తీసుకున్నారు. పంటలకు ఊపిరి కోత దశకు చేరుకుని, నీటి తడులు అవసరమైన పంటలకు ఈ వర్షం వరంలా మారింది. ఇప్పటి వరకు వర్షాలు లేక ఎండిపోతున్న పంటలకు మేలు చేసినట్లయింది. జిల్లాలో పత్తి కాకుండా 3,37,100 ఎకరాల్లో ఇతర పంటలు సాగయ్యాయి. అందులో 2,92,915 ఎకరాల్లో వరి సాగైంది. సీజన్‌లో వర్షాలు లేక పంటల దిగుబడి అంతంత మాత్రంగానే నమోదవుతోంది. చివరి దశలో ఉన్న పంటలకు ఈ వర్షం ఉపయోగం కాగా, భారీ వర్షం నమోదైతే మాత్రం పంట చేతికి వస్తుందా, రాదా అన్న ఆందోళన కూడా రైతులు వెంటాడుతోంది. నేలవాలిన వరి.. దెబ్బతిన్న పత్తి గత రెండు వారాల నుంచి జిల్లాలో వరి కోతలు ప్రారంభమయ్యాయి. కోత దశలో ఉన్న వరికి ఈ వర్షం ఉపయోగంగా మారనుంది. అయితే, ఈదురు గాలులు వీచిన చోట వరి చేలు నేలవాలాయి. ఇదే సమయాన వాతావరణ శాఖ సూచించినట్లు భారీ నుంచి అతిభారీ వర్షాలు లేకపోవడంతో పంటలకు అధిక నష్టం వాటిల్లలేదు. కానీ ఈదురు గాలుల ప్రభావం ఎక్కువగా ఉంటే కోత దశకు వచ్చిన వరి ధాన్యం నేలరాలుతుందని వాపోతున్నారు. మరోపక్క తుపాన్‌తో వరి, మిర్చి పంటలకు కొంత మేలు జరిగినా, పత్తిపంట మాత్రం దెబ్బతిన్నది. జిల్లాలో 2,16,229 ఎకరాల్లో పత్తి సాగైంది. ఇప్పటికే రెండు తీతలు పూర్తవగా మార్కెట్‌కు అమ్మకానికి కూడా తీసుకొస్తున్నారు. ఈ దశలో వర్షం కురవడంతో చేలలో ఉన్న పత్తి తడిసిపోతోంది. పత్తి కుళ్లిపోవడం, రంగు మారి, నాణ్యత దెబ్బతింటే ధర పడిపోయే ప్రమాదముంది. తిరుమలాయపాలెం, కొణిజర్ల, వైరా, ఏన్కూరు, కామేపల్లి, కారేపల్లి మండలాల్లో పత్తి పూర్తిగా తడిసిపోగా.. తల్లాడలో తీతకు సిద్ధంగా ఉన్న పత్తి తడిసింది. అర్నబ్‌ ప్రభావంతో జిల్లా అంతటా వర్షం ఉమ్మడి జిల్లాలో అర్నబ్‌ తుపాన్‌ ప్రభావంపై రాష్ట్ర రెవెన్యూ, గృహనిర్మాణ, సమాచార శాఖల మంత్రి పొంగులేటి శ్రీనివాసరెడ్డి ఆరా తీశారు. రెండు జిల్లాల్లో భారీ వర్షాలు కురిసే అవకాశం ఉన్నందున ప్రజలు అప్రమత్తంగా ఉండాలని మంత్రి సూచించారు. ఈదురుగాలుల నేపథ్యంలో ఇబ్బందులు, నష్టం కలగకుండా ముందస్తు జాగ్రత్తలు తీసుకోవాలని అధికారులను ఆదేశించారు. ఖమ్మం కలెక్టర్‌ దివాకర టీ.ఎస్‌., భద్రాద్రి కలెక్టర్‌ అంకిత్‌తో బుధవారం ఫోన్‌లో మంత్రి మాట్లాడి వాతావరణ పరిస్థితులు తెలుసుకున్నారు. తుపాన్‌ పరిస్థితులను ఎప్పటికప్పుడు సమీక్షిస్తూ, అధికారులు అందుబాటులో ఉండేలా చర్యలు తీసుకోవాలని సూచించారు.

ఖమ్మంవ్యవసాయం: అర్నబ్‌ తుపాన్‌ నేపథ్యాన ఖమ్మం వ్యవసాయ మార్కెట్‌లో విక్రయానికి తీసుకొచ్చిన పంటలు తడవకుండా మార్కెట్‌ అధికారులు ప్రత్యేక చర్యలు చేపట్టారు. మార్కెట్‌ చైర్మన్‌ యరగర్ల హన్మంతరావు, ఉన్నత శ్రేణి కార్యదర్శి పి.ప్రవీణ్‌కుమార్‌ చొరవతో బుధవారం నూతన మిర్చి యార్డులోని షెడ్లలో క్రయవిక్రయాలు నిర్వహించారు. ఇప్పటికే షెడ్ల నిర్మాణ పనులు పూర్తవడంతో, కొద్ది రోజులుగా మిర్చి కొనుగోళ్లు నూతన మార్కెట్‌లోని ఆరో నంబర్‌ షెడ్‌లో నిర్వహిస్తున్నారు. ప్రస్తుతం మరో షెడ్‌లో పత్తి కొనుగోళ్లు చేపట్టారు. కాగా, సోమవారం మిర్చి 300కు పైగా శాంపిళ్లతో పాటు ఆరు వేల బస్తాల పత్తిని రైతులు తీసుకొచ్చారు. మిర్చి ధర క్వింటాకు జెండాపాటలో రికార్డుల స్థాయిలో రూ.23,525 పలకగా, పత్తికి గరిష్టంగా రూ.9వేల ధర పలికింది. ఇక పెసర తదితర పంటల విక్రయాలు యథావిధిగా పత్తి యార్డులోని షెడ్‌లోనే సాగించారు. నేడు, రేపు కొనుగోళ్లకు బ్రేక్‌ తుపాన్‌ నేపథ్యాన రెండు రోజుల పాటు ఖమ్మం వ్యవసాయ మార్కెట్‌లో పంటల కొనుగోళ్లు నిలిపివేయాలని చాంబర్‌ ఆఫ్‌ కామర్స్‌ బాధ్యులు నిర్ణయించారు. ఈమేరకు మార్కెట్‌ కమిటీకి లేఖ ఇచ్చారు. తుపాన్‌ నేపథ్యాన నెలకొన్న వాతావరణంతో కొనుగోళ్లు, రవాణా ఇబ్బంది మారినందున గురు, శుక్రవారం పంట కొనుగోలు చేయలేమని తెలిపారు.వర్షం నేపథ్యాన అధికారుల నిర్ణయం

శిక్షణలో డీఈఓ వాసంతి ఖమ్మంసహకారనగర్‌: ప్రత్యేక అవసరాలు కలిగిన పిల్లలను ప్రారంభ దశలోనే గుర్తించేలా పాఠశాలల్లో స్క్రీనింగ్‌ పకడ్బందీగా నిర్వహించాలని డీఈఓ డి.వాసంతి సూచించారు. ఖమ్మంలోని సైన్స్‌ మ్యూజియంలో బుధవారం ప్రశస్త్‌ యాప్‌పై ఏర్పాటుచేసిన శిక్షణలో ఆమె మాట్లాడారు. పాఠశాలల్లో ఉపాధ్యాయులు స్క్రీనింగ్‌–1ను బాధ్యతాయుతంగా పూర్తి చేయాలని తెలిపారు. ప్రతీ విద్యార్థిని పరీక్షించి ప్రత్యేక అవసరాల కలిగిన పిల్లలను గుర్తిస్తే చికిత్స సులువవుతుందని చెప్పారు. విద్యాశాఖ సీఎంఓ బి.ప్రవీణ్‌కుమార్‌ మాట్లాడుతూ అన్ని విద్యాసంస్థల్లో స్క్రీనింగ్‌–1 వంద శాతం పూర్తి చేసి 21 రకాల వైకల్యాలకు సంబంధించి ప్రశ్నలకు యాప్‌లో సమాధానాలు నమోదు చేయాలని సూచించారు. సైన్స్‌ మ్యూజియం అధికారి శ్రీనివాస్‌, స్పెషల్‌ ఎడ్యుకేషన్‌ టీచర్లు, ఐఈఆర్‌పీలు, టెక్నికల్‌ రిసోర్స్‌ టీచర్లు పాల్గొన్నారు. ఐదు మండలాలకు నీటి సరఫరా నిలిపివేత కూసుమంచి: కూసుమంచి మండలం జీళ్లచెరువులోని మిషన్‌ భగీరథ ప్రాజెక్టు నీటిశుద్ధి ప్లాంట్‌ నుంచి రెండు రోజుల పాటు తాగునీటి సరఫరా నిలిపివేస్తున్నట్లు ఎస్‌ఈ శేఖర్‌రెడ్డి తెలిపారు. ఎల్‌నినో దృష్ట్యా తాగునీటి ఇక్కట్లు రాకుండా ముందస్తు నిర్వహణ పనులు చేపడుతున్నామని వెల్లడించారు. ఈ క్రమాన నేలకొండపల్లి, రఘునాథపాలెం, ఖమ్మం రూరల్‌ మండలాల్లోని అన్ని గ్రామాలకు, ముదిగొండ, కూసుమంచి మండలాల్లో కొన్ని గ్రామాలకు గురు, శుక్రవారం తాగునీటి సరఫరా నిలిచిపోతుందని తెలిపారు. తిరిగి శనివారం సరఫరాను పునరుద్ధరిస్తామని, ఈ విషయాన్ని ప్రజలు గమనించాలని సూచించారు. పథకాల అమలులో అగ్రస్థానం ఖమ్మం మామిళ్లగూడెం: సీ్త్ర, శిశు సంక్షేమ శాఖకు సంబంధించి పథకాల అమలులో జిల్లా రాష్ట్రంలోనే మొదటి స్థానాన ఉందని శాఖ జాయింట్‌ డైరెక్టర్‌ అక్వేశ్వరరావు తెలిపారు. కలెక్టరేట్‌లో బుధవారం ఆయన శాఖ అధికారులతో పథకాల అమలుపై సమీక్షించారు. పోషణ్‌ అభియాన్‌, మిషన్‌ వాత్సల్స్య పథకాల అమలు, పురోగతిపై చర్చించిన జేడీ జిల్లా అధికారులను అభినంందించారు. ఈకార్యక్రమంలో డీడబ్ల్యూఓ ప్రమీల, పోషణ్‌ అభియాన్‌ రాష్ట్ర బృందం సభ్యులు రాహుల్‌, కల్పనతో పాటు సీడీపీఓలు పాల్గొన్నారు.

ఖమ్మం మయూరిసెంటర్‌: దసరా పండుగ వేళ ఆర్టీసీకి కాసుల వర్షం కురిసింది. ప్రయాణికులకు ఇబ్బంది ఎదురుకాకుండా డిపోల వారీగా అధికారులు సమన్వయంతో ప్రత్యేక సర్వీసులు ఏర్పాటుచేయడంతో ఖమ్మం రీజియన్‌కు భారీ ఆదాయం సమకూరింది. వెల్లువలా ప్రయాణికులు దసరా సందర్భంగా ఆర్టీసీ అధికారులు ఈనెల 9 నుంచి 26వ తేదీ వరకు రోజువారీ సర్వీసులతో పాటు అదనపు సర్వీసులు నడిపించారు. ఇందులో ప్రధానంగా 9నుంచి 19వ తేదీ వరకు హైదరాబాద్‌ తదితర ప్రాంతాల నుంచి ఉమ్మడి జిల్లాలోని వివిధ ప్రాంతాలకు పెద్ద ఎత్తున వచ్చిన ప్రయాణికులతో బస్సులు కిటకిటలాడాయి. పండుగకు ముందు 25,63,352 మంది ప్రయాణించగా, పండుగ ముగిశాక ఈనెల 20 నుంచి 26వరకు ఉమ్మడి జిల్లా నుంచి హైదరాబాద్‌కు 16,08,917 మంది ఆర్టీసీ బస్సుల్లో ప్రయాణించారు. మొత్తంగా పండుగ సీజన్‌లో 41,72,269 మంది బస్సుల్లో రాకపోకలు సాగించారు. 52,02,135 కి.మీ. ప్రయాణం ప్రయాణికుల రద్దీ దృష్ట్యా ఈనెల 9 నుంచి 19 వరకు హైదరాబాద్‌ పరిసర ప్రాంతాల నుంచి ఉమ్మడి ఖమ్మం జిల్లాకు 927 అదనపు సర్వీసులతో కలిపి 7,283 బస్సులు నడిపించారు. ఇవన్నీ 31,98,724 కిలోమీటర్ల మేర తిరగగా రూ.17,13,48,498 ఆదాయం సమకూరింది. ఇక తిరుగు ప్రయాణంలో 460 అదనపు సర్వీసులతో కలిపి మొత్తం 4,466 సర్వీసులను ఆపరేట్‌ చేశారు. ఈక్రమాన 20,03,411 కి.మీ. తిరిగిన ఈ బస్సుల ద్వారా రూ.11,38,44,582 ఆదాయం వచ్చింది. మొత్తంగా పండుగ వేళ 1,387 అదనపు సర్వీసులతో కలిపి మొత్తం 11,749 బస్సులు నడిపించామని రీజినల్‌ మేనేజర్‌ సరిరామ్‌ వెల్లడించారు. ఈ సర్వీసులు 52,02,135 కిలోమీటర్లు ప్రయాణించగా, సంస్థకు రికార్డు స్థాయిలో రూ.28,51,93,080 కోట్ల ఆదాయం సమకూరిందని తెలిపారు. కాగా, ప్రయాణికుల రద్దీకి అనుగుణంగా అంకితభావంతో విధులు నిర్వర్తించిన డ్రైవర్లు, కండక్టర్లకు ఆర్‌ఎం అభినందనలు తెలిపారు.దసరా సర్వీసులతో రూ.28.51 కోట్ల ఆదాయం

● బురదలో నవజాత శిశువు ● ఆస్పత్రికి చేర్చిన స్థానికులు, ఆశా కార్యకర్తరఘునాథపాలెం: కన్ను తెరవడమే ఆలస్యం.. ఆ పసికందుకు కష్టాలు మొదలయ్యాయి. అప్పుడే జన్మించిన మగ శిశువును గుర్తుతెలియని వ్యక్తులు బొప్పాయి తోటలోని బురదలో వదిలివెళ్లిన ఘటన రఘునాథపాలెం మండలంలోని వీఆర్‌ బంజర సమీపాన బుధవారం వెలుగుచూసింది. ఉదయం 6 గంటల సమయాన వాటర్‌ ట్యాంక్‌ పక్కన తోటలో శిశువును గుర్తించిన స్థానికులు సర్పంచ్‌ రమణకు సమాచారం అందించగా, ఆయన తన కారులో ఆశా కార్యకర్త రమాదేవి ద్వారా ఖమ్మం ప్రభుత్వ ఆస్పత్రికి తరలించారు. స్పందించిన అధికారులు శిశువును ఆస్పత్రిలో చేర్చారనే సమాచారంతో జిల్లా బాలల పరిరక్షణ అధికారి విష్ణువందన, జిల్లా మహిళా సంక్షేమ అధికారి ప్రమీల, ఐసీడీఎస్‌ సూపర్‌వైజర్‌ పర్వీన్‌ చికిత్సపై వైద్యులతో చర్చించారు. శిశువు ఆరోగ్య పరిస్థితి నిలకడగానే ఉండగా, బుధవారం తెల్లవారుజామున 2గంటల సమయాన జన్మించి ఉండొచ్చని భావిస్తున్నారు. ఈమేరకు రఘునాథపాలెం సీఐ టి.కరుణాకర్‌ సంఘటనా స్థలాన్ని పరిశీలించి శిశువును ఎవరు వదిలివెళ్లారో గుర్తించేందుకు విచారణ చేపట్టారు. గ్రామ పరిధిలో నెలలు నిండిన గర్భిణుల వివరాల సేకరణలో నిమగ్నమయ్యారు. కాగా, ఏ కారణం చేతనైనా పిల్లలను పెంచలేని పరిస్థితి ఎదురైతే తమకు అప్పగించాలే తప్ప వదిలేయొద్దని జిల్లా బాలల పరిరక్షణ అధికారి విష్ణువందన కోరారు. తద్వారా పిల్లలను సంరక్షిస్తూ అవసరమైన దంపతులకు చట్టప్రకారం దత్తత ఇస్తామని తెలిపారు.

● 20 ఏళ్లుగా విధులు నిర్వర్తిస్తున్నా భద్రత కరువు ● సమస్యలు పరిష్కరించాలనే డిమాండ్‌తో నిరవధిక సమ్మె చుంచుపల్లి: జాతీయ ఆరోగ్య మిషన్‌(ఎన్‌హెచ్‌ఎం) ఉద్యోగులు రెండు దశాబ్దాలుగా సేవలందిస్తున్నా క్రమబద్ధీకరణకు నోచుకోవడంలేదు. సరైన వేతనాలు, ఆరోగ్య భద్రత, ఇతర ప్రయోజనాలు కూడా లభించడంలేదు. ఈ నేపథ్యంలో తమకు న్యాయం చేయాలని రాష్ట్రవ్యాప్తంగా సమ్మె చేపడుతున్నారు. ఈమేరకు ఉమ్మడి జిల్లాలో కూడా ఉద్యోగులు నిరవధిక సమ్మె చేపట్టారు. ఇందులో భాగంగా 78 కేడర్ల పరిధిలో ఉద్యోగులు డిమాండ్ల సాధనకు ఈనెల 13 నుంచి ఆందోళనలు చేపడుతున్నారు. అర్నాబ్‌ తుపాన్‌ నేపథ్యంలో భద్రాద్రి జిల్లాలో కలెక్టర్‌ ఆదేశాల మేరకు బుధ, గురువారాల్లో అత్యవసర వైద్య సేవలకు మినహాయింపు ఇస్తూ నిరసనలకు తాత్కాలిక విరామం ఇచ్చారు. శుక్రవారం నుంచి మళ్లీ ధర్నా చౌక్‌ వద్ద నిరవధిక సమ్మె కొనసాగించనున్నట్లు ఉద్యోగులు వెల్లడించారు. వివిధ ఆస్పత్రుల్లో సేవలు ఎన్‌హెచ్‌ఎం సిబ్బంది జిల్లా ఆస్పత్రులు, సామాజిక ఆరోగ్య కేంద్రాలు, ప్రాథమిక ఆరోగ్య కేంద్రాలు, పల్లె దవాఖానాలు, బస్తీ దవాఖానాల్లో వైద్యులు, నర్సులు, ఏఎన్‌ఎంలు, పారామెడికల్‌ సిబ్బంది, ఫార్మసిస్టులు, డేటా ఎంట్రీ ఆపరేటర్లు, సాంకేతిక సిబ్బందిగా సేవలందిస్తున్నారు. ప్రభుత్వ ఆరోగ్య కార్యక్రమాలను ప్రజలకు చేరువ చేస్తున్నారు. కోవిడ్‌ పరీక్షలు, వ్యాక్సినేషన్‌లో కీలకంగా పనిచేశారు. రోగ్య మహిళ, పల్లె దవాఖానా, బస్తీ దవాఖానా వంటి సేవల్లోనూ భాగస్వాములవుతున్నారు. కాగా, ఎన్‌హెచ్‌ఎం సిబ్బంది సమ్మెతో ప్రభుత్వ వైద్యారోగ్య వ్యవస్థలో పనిభారం పెరుగుతోంది. క్షేత్రస్థాయిలో అందించే సేవలకు ఆటంకాలు ఏర్పడుతున్నాయి. ●ఎన్‌హెచ్‌ఎం ఉద్యోగులందరినీ ప్రభుత్వ ఉద్యోగులుగా గుర్తించాలి. ●సుప్రీంకోర్టు ఆదేశాల ప్రకారం సమాన పనికి సమాన వేతనం అమలు చేయాలి. ప్రతీ కేడర్‌కు వేతన నిర్ధారణ చేసి, 100 శాతం గ్రాస్‌ శాలరీ చెల్లించాలి. ●జీఓ 1195కు సంబంధించి వేతనాల్లో తలెత్తిన సమస్యలను పరిష్కరించి, పెంచిన వేతనాలు అమలు చేయాలి. కాంట్రాక్టు ఉద్యోగులను ఔట్‌సోర్సింగ్‌ విధానంలోకి మార్చకుండా స్టేట్‌ హెల్త్‌ సొసైటీ ద్వారా వేతనాలు ఇవ్వాలి. ●ప్రతి నెలా ఐదో తేదీలోపు వేతనాలు విడుదల చేయాలి. పెండింగ్‌లో ఉన్న 5 శాతం వార్షిక ఇంక్రిమెంట్‌, 8 శాతం లాయల్టీ బోనస్‌ మంజూరు చేయాలి. ●ఈహెచ్‌ఎస్‌, గ్రూప్‌ పర్సనల్‌ యాక్సిడెంట్‌ ఇన్సూరెన్స్‌ స్కీమ్‌ (జీపీఏఐఎస్‌) వర్తింపజేయాలి. ●మహిళా ఉద్యోగులందరికీ 180 రోజుల వేతనంతో కూడిన ప్రసూతి సెలవులు మంజూరు చేయాలి. ●విధుల్లో ఉండగా ఉద్యోగి మరణిస్తే కుటుంబానికి రూ.50 లక్షల ఎక్స్‌గ్రేషియా చెల్లించడంతోపాటు కుటుంబ సభ్యులకు కారుణ్య నియామకంలో ఉద్యోగం ఇవ్వాలి. ఖమ్మంవైరారోడ్‌: ఎన్‌హెచ్‌ఎం ఉద్యోగుల సమస్యలపై ప్రభుత్వం వెంటనే స్పందించి పరిష్కరించాలని మాజీ ఎమ్మెల్యే డాక్టర్‌ బి.చంద్రావతి డిమాండ్‌ చేశారు. ఖమ్మంలో జాతీయ ఆరోగ్య మిషన్‌(ఎన్‌హెచ్‌ఎం) ఉద్యోగులు చేపట్టిన నిరవధిక సమ్మె శిబిరాన్ని బుధవారం ఆమె సందర్శించి మాట్లాడారు. భారీ వర్షాలు కురుస్తున్నప్పటికీ ఎన్‌హెచ్‌ఎం ఉద్యోగులు ఆందోళన కొనసాగించడం వారి సమస్యల తీవ్రతకు నిదర్శనమని తెలిపారు. రాష్ట్రవ్యాప్తంగా ఎన్‌హెచ్‌ఎం ఉద్యోగుల సమ్మె 16వ రోజుకు చేరినా ప్రభుత్వం స్పందించకపోవడం సరికాదని పేర్కొన్నారు.

కూసుమంచి: అతివేగంగా వెళ్తున్న డీసీఎం ముందు ఉన్న ట్రాక్టర్‌ను ఢీకొట్టడంతో ట్రాక్టర్‌ నడుపుతున్న యువకుడు మృతి చెందిన ఘటన ఇది. ఖమ్మం – సూర్యాపేట జాతీయ రహదారిపై మంగళవారం రాత్రి జరిగిన ఈ ప్రమాదం వివరాలు... కూసుమంచి మండలం హట్యాతండాకు చెందిన గుగులోత్‌ సురేష్‌(30) ట్రాక్టర్‌పై ఖమ్మం వరిగడ్డి తీసుకెళ్లి తిరిగి ఇంటికి వస్తున్నాడు. ఈక్రమాన జుజుల్‌రావుపేట సమీపంలో వెనక నుంచి వేగంగా వచ్చిన డీసీఎం ట్రాక్టర్‌ను ఓవర్‌టేక్‌ చేసే క్రమాన ఇంజిన్‌ను ఢీకొట్టింది. ఘటనలో ఇంజిన్‌ అదుపుతప్పి బోల్తా పడగా ట్రాక్టర్‌ నడుపుతున్న సురేష్‌ తీవ్ర గాయాలతో మృతి చెందాడు. ట్రాక్టర్‌ ట్రక్కు ఇంజిన్‌ నుంచి విడిపోయినా బోల్తా పడకపోవడంతో అందులో ఉన్న కిషన్‌, శంకర్‌ గాయాలతో బయటపడ్డారు. కాగా, సురేష్‌కు భార్య, ఇద్దరు పిల్లలు ఉన్నారు. మోటార్‌ ఆన్‌ చేస్తుండగా విద్యుదాఘాతంతో... బోనకల్‌: ఇంటి ఆవరణలోని మోటార్‌ ఆన్‌ చేస్తుండగా మోటార్‌కు విద్యుత్‌ సరఫరా కావడంతో షాక్‌కు గురైన వ్యక్తి వ్యక్తి ప్రాణాలు కోల్పోయాడు. మండలంలోని చిన్నబీరవల్లికి చెందిన పేరబత్తిని యాకోబ్‌(63) తన ఇంటి ఆవరణంలో భూగర్బ నీటితొట్టి ఏర్పాటు చేసుకున్నాడు. రెండురోజులుగా గ్రామంలో తాగునీటి సరఫరా నిలిచిపోవడంతో తొట్టిలో నిల్వ ఉన్న నీటిని మోటార్‌ ద్వారా ట్యాంక్‌కు ఎక్కించేందుకు సిద్ధమయ్యాడు. అయితే, వర్షంతో మోటార్‌ తడిచి విద్యుత్‌ సరఫరా అవుతున్న విషయాన్ని గుర్తించిన యాకోబు మోటార్‌ను ముట్టుకోవడంతో షాక్‌కు గురై అక్కడికక్కడే మృతి చెందాడు. ఆయనకు భార్య, ఇద్దరు కుమార్తెలు ఉన్నారు. కళ్ల మందే ఇంటి పెద్ద మృతి చెందడంతో వారు కన్నీరుమున్నీరుగా విలపించారు. చికిత్స పొందుతున్న లారీ డ్రైవర్‌... కూసుమంచి: ఖమ్మం – సూర్యాపేట జాతీయ రహదారిపై మంగళవారం రాత్రి జరిగిన రోడ్డు ప్రమాదంలో తీవ్రగాయాల పాలైన లారీ డ్రైవర్‌ చికిత్స పొందుతూ బుధదవారం తెల్లవారుజామున మృతి చెందాడు. పోలీసులు తెలిపిన వివరాల మేరకు... మండలంలోని జుజుల్‌రావుపేట సమీపాన జాతీయ రహదారిపై మంగళవారం రాత్రి ట్రాక్టర్‌ను డీసీఎం ఢీకొట్టగా పోలీసులు వాహనాలను సర్వీసు రోడ్డుపైకి మళ్లించారు. ఈక్రమాన ఖమ్మం వైపు నుంచి హైదరాబాద్‌ వెళ్తున్న లారీ సర్వీసు రోడ్డుపై నిలిపి ఉంచిన కంటైనర్‌ లారీని వెనక నుంచి ఢీకొట్టింది. దీంతో లారీ డ్రైవర్‌ అయ్యన్న బాబు(58) తీవ్రంగా గాయపడడంతో ఆస్పత్రికి తరలించగా చికిత్స పొందుతూ మృతి చెందాడు. కాగా, అయ్యన్నబాబు స్వస్థలం ఏపీలోని అనకాపల్లి జిల్లా లింగభూపాలం అగ్రహారం గ్రామంగా గుర్తించి, ఆయన కుమారుడి ఫిర్యాదుతో కేసు నమోదు చేసినట్లు ఎస్సై సతీష్‌ తెలిపారు. గాయపడిన వృద్ధుడు... ఖమ్మంరూరల్‌: మండలంలోని కోదాడ క్రాస్‌ వద్ద ద్విచక్రవాహనం ఢీకొన్న ఘటనలో గాయపడిన తేజావత్‌ లక్ష్మా(56) చికిత్స పొందుతూ మృతి చెందాడు. నేలకొండపల్లి మండలం శంకరగిరితండాకు చెందిన లక్ష్మా ఈనెల 27న ఖమ్మం నుంచి తల్లంపాడు వైపుకు నడిచి వెళ్తుండగా కోదాడ క్రాస్‌ వద్ద కూసుమంచి వైపు నుంచి ఖమ్మం వస్తున్న ద్విచక్రవాహనం ఎదరుగా ఢీకొట్టింది. ఘటనలో తీవ్రగాయాల పాలైన లక్ష్మాకు ఖమ్మంలో చికిత్స అనంతరం వరంగల్‌ ఎంజీఎం ఆస్పత్రికి తరలించగా చికిత్స పొందుతూ గురువారం మృతి చెందాడు. ఆయన కుమార్తె బి.కుమారి ఫిర్యాదుతో కేసు నమోదు చేసినట్లు సీఐ ముష్క రాజు తెలిపారు.

ఖమ్మంలీగల్‌: ఖమ్మం శుక్రవారిపేటకు చెందిన షేక్‌ ఖాజామియా రూ.24 లక్షలకు గాను సీనియర్‌ సివిల్‌ జడ్జి కోర్టులో బుధవారం దివాలా పిటీషన్‌(ఐపీ) దాఖలు చేశారు. వివిధ వ్యాపారాలు చేసిన తాను నష్టపోయానని పేర్కొన్నాడు. ఈమేరకు 18మందిని ప్రతివాదులుగా చేరుస్తూ న్యాయవాది ద్వారా పిటీషన్‌ దాఖలు చేశారు. గంజాయి నిర్వీర్యం తల్లాడ/సూపర్‌బజార్‌(కొత్తగూడెం): జిల్లాలోని వివిధ ప్రాంతాల్లో 35 కేసుల్లో స్వాధీనం చేసుకున్న 982.562 కేజీల గంజాయితోపాటు హాష్‌ ఆయిల్‌ను నిర్వీర్యం చేసినట్లు భద్రాద్రి కొత్తగూడెం ఎస్పీ రోహిత్‌రాజ్‌ తెలిపారు. తల్లాడ మండలం గోపాలపేటలోని ఏడబ్ల్యూఎం కన్సల్టింగ్‌ లిమిటెడ్‌ ప్రాంగణంలో గంజాయి, హాష్‌ ఆయిల్‌ను నిర్వీర్యం చేయగా, వీటి విలువ రూ.4.91కోట్లు ఉంటుందని వెల్లడించారు. ఈ కార్యక్రమంలో సీఐ కరుణాకర్‌, ఆర్‌ఐ నరసింహారావు, ఎస్‌ఐ హారిక, సిబ్బంది పాల్గొన్నారు.

కామేపల్లి: రోడ్డు ప్రమాదంలో తీవ్రంగా గాయపడిన ఓ వ్యాపారి మృతి చెందగా, పుట్టెదు దుంఖంలోనూ ఆయన కుటుంబీకులు వ్యాపారి అవయవాలను దానం చేసి ఆదర్శంగా నిలిచారు. మండలంలోని పండితాపురం గ్రామానికి చెందిన వ్యాపారి ఇంజం నాగేశ్వరరావు(57) ఇటీవల ఖమ్మంలో జరిగిన రోడ్డు ప్రమాదంలో తీవ్రంగా గాయపడ్డాడు. ఖమ్మంలో, ఆతర్వాత హైదరాబాద్‌లో చికిత్స చేయిస్తుండగా బ్రెయిన్‌ డెడ్‌ అయిందని వైద్యులు బుధవారం నిర్ధారించారు. దీంతో ఆయన సజీవంగా నిలిచిపోవాలనే భావనతో కుటుంబ సభ్యులు అవయవ దానం చేసేందుకు నిర్ణయించుకున్నారు. ఈమేరకు జీవన్‌దాన్‌ బృందం ఆయన ఊపిరితిత్తులు, కిడ్నీలు, ఇతర అవయవాలను సేకరించింది. కాగా, నాగేశ్వరరావు భార్య విజయలక్ష్మి కొణిజర్ల మండలం లాలాపురం ప్రభుత్వ పాఠశాలలో ఉపాధ్యాయురాలు కాగా, వీరికి ఓ కుమారుడు ఉన్నాడు. రేపు ఉపాధ్యాయులకు శిక్షణ ఖమ్మం సహకారనగర్‌: డీఎస్సీ–2024 ద్వారా స్కూల్‌ అసిస్టెంట్‌(ఎస్‌ఏ)లుగా ఎంపికై న ఫిజికల్‌ సైన్స్‌, బయాలజికల్‌ సైన్స్‌ ఉపాధ్యాయులకు జన విజ్ఞానవేదిక ఆధ్వర్యాన శిక్షణ ఇవ్వనున్నట్లు జిల్లా అధ్యక్ష, ప్రధాన కార్యదర్శులు ఎస్‌.వీ.రమేష్‌, అలవాల నాగేందర్‌ తెలిపారు. ‘లో కాస్ట్‌–నో కాస్ట్‌’ విధానంలో ప్రయోగాలు చేసే విధానంపై శిక్షణ ఉంటుందని పేర్కొన్నారు. ఖమ్మంలోని రిక్కాబజార్‌ హైస్కూల్‌లో 30వ తేదీన ఉదయం 10 గంటలకు మొదలయ్యే శిక్షణను వినియోగించుకోవాలని కోరారు. వ్యాపారి అవయవాలు దానం చేసిన కుటుంబం

ఖమ్మంరూరల్‌: చేసిన పనికి బిల్లు మంజూరు కాకుండా అధికారి ఇబ్బంది పెడుతున్నాడంటూ ఓ కాంట్రాక్టర్‌ బుధవారం రూరల్‌ విద్యుత్‌ శాఖ డీఈ కార్యాలయం ఎదుట పురుగుమందు డబ్బాతో నిరసన తెలిపాడు. కాంట్రాక్టర్‌ తెలిపిన వివరాలిలా ఉన్నాయి. ఏదులాపురం మున్సిపల్‌ పరిధి వెంకటగిరి, చిన్నతండాలో ఇళ్లపై ఉన్న విద్యుత్‌లైన్లను మార్చడానికి ఆవుల మల్లయ్య కాంట్రాక్ట్‌ తీసుకున్నాడు. కొంతవరకు పనులు చేయగా, చిన్నతండాలో ఇళ్ల మధ్య, పైన ఉన్న లైన్లను మార్చే పనులను గ్రామస్తులు అడ్డుకున్నారు. దీంతో ఈనెల 7న విద్యుత్‌ డీఈ నాగేశ్వరరావు చిన్నతండాలో వాసులతో చర్చించినా గ్రామస్తులు అంగీకరించలేదు. ఇప్పటికే రూ.22లక్షలు సామగ్రితో పాటు కూలీలకు పెట్టుబడి పెట్టినందున అంత మేర బిల్లు చేయాలని మల్లయ్య కోరగా, గురువారం ఎల్‌ఓసీ ఆన్‌లైన్‌ చేస్తామనడంతో కార్యాలయానికి వచ్చాడు. తీరా వచ్చాక రూ.50వేలు డిమాండ్‌ చేశారని ఆరోపిస్తూ మల్లయ్య.. తనకు చావే శరణ్యమంటూ పురుగుల మందు డబ్బాతో కార్యాలయం ఎదుట బైఠాయించాడు. దీంతో ఏడీ విషయాన్ని ఎస్‌ఈ శ్రీనివాసచారి దృష్టికి తీసుకెళ్లగా ఆయన బిల్లు మంజూరు చేస్తామని చెప్పడంతో ఆందోళన విరమించాడు. ఈవిషయమై డీఈ నాగేశ్వరరావును వివరణ కోరగా కాంట్రాక్టర్‌ను డబ్బులు అడిగిన మాట అవాస్తవమని, బిల్లు మంజూరు కోసం ఎల్‌ఓసీ పంపించినట్లు తెలిపారు.బిల్లు ఇవ్వడం లేదని కాంట్రాక్టర్‌ నిరసన

ఖమ్మంమయూరిసెంటర్‌: పట్టభద్రుల ఎమ్మెల్సీ ఎన్నిక నేపథ్యాన ఓటర్ల నమోదు ప్రక్రియను వేగంగా చేపట్టాలని కాంగ్రెస్‌ జిల్లా అధ్యక్షుడు నూతి సత్యనారాయణ గౌడ్‌ సూచించారు. ఖమ్మంలోని పార్టీ కార్యాలయంలో బుధవారం జరిగిన ముఖ్య నేతల సమావేశంలో ఆయన మాట్లాడారు. కాంగ్రెస్‌ అభ్యర్థి సర్వోత్తమ్‌రెడ్డి విజయమే లక్ష్యంగా అర్హులైన పట్టభద్రులను గుర్తించి ఓటర్లుగా నమోదు చేయించే బాధ్యత మండల, గ్రామస్థాయి నాయకులు తీసుకోవాలని తెలిపారు. అలాగే, ఎల్‌నినో ప్రభావంపై ప్రతిపక్షాల విమర్శలను తిప్పికొడుతూ, ప్రభుత్వం తీసుకుంటున్న చర్యలను వివరించాలని తెలిపారు. మాజీ ఎమ్మెల్సీ పోట్ల నాగేశ్వరరావు, మాజీ ఎమ్మెల్యే కొండబాల కోటేశ్వరరావు, నాయకులు పాల్గొన్నారు. కరువు మండలాలుగా ప్రకటించాలి ఖమ్మం మామిళ్లగూడెం: జిల్లాలోని చింతకాని, తిరుమలాయపాలెం మండలాలను కూడా కరువు మండలాలుగా ప్రకటించాలని అఖిల భారత ఐక్య రైతు సంఘం నాయకులు డిమాండ్‌ చేశారు. ప్రభుత్వం జిల్లాలోని 17 మండలాలను కరువు జాబితాలో చేర్చినా, చింతకాని, తిరుమలాయపాలెంను విస్మరించడం సరికాదని పేర్కొన్నారు. వర్షాభావంతో పంటలు పండక రెండు మండలాల్లో రైతులు నష్టపోయిన నేపథ్యాన డిప్యూటీ సీఎం భట్టి విక్రమార్క, మంత్రి పొంగులేటి శ్రీనివాసరెడ్డి చొరవ చూపాలని సంఘం జిల్లా కార్యదర్శి కోలేటి నాగేశ్వరరావు ఓ ప్రకటనలో కోరారు. కొనసాగుతున్న వారోత్సవాలు ఖమ్మంక్రైం: విజిలెన్స్‌ అవగాహన వారోత్సవాల్లో భాగంగా బుధవారం జిల్లా పంచాయతీ కార్యాలయం, షెడ్యూల్డ్‌ కులాల అభివృద్ధి శాఖ ఉప సంచాలకుల కార్యాలయంలో అవగాహన కల్పించారు. ఈమేరకు ఏసీబీ డీఎస్పీ రమేష్‌బాబు, సీఐ శేఖర్‌ ఆయా శాఖల ఉద్యోగులతో అవినీతి రహిత సమాజం కోసం పాటుపడతామని ప్రతిజ్ఞ చేయించారు. ప్రభుత్వ సేవలను నిష్పక్షపాతంగా, లంచాలకు తావు లేకుండా అందించాలని సూచించారు. గంజాయి స్వాధీనం ఖమ్మంక్రైం: ఖమ్మం కొత్త బస్టాండ్‌లో బుధవారం చేపట్టిన తనిఖీల్లో ఎకై ్సజ్‌ స్టేషన్‌–1 పోలీసులు గంజాయి స్వాధీనం చేసుకున్నారు. సీఐ చిరంజీవి, ఎస్‌ఐ రేష్మాసుల్తానా ఆధ్వర్యాన తనిఖీ చేస్తుండగా ఒడిశా రాష్ట్రంలోని మల్కాన్‌గిరికి చెందిన కుషాకై లో, కుషాముదలి అనుమానాస్పదంగా కనిపించారు. వీరి బ్యాగ్‌ల్లో పరిశీలిస్తే 2.295కిలోల గంజాయి లభించింది. అనంతరం నిందితులను కోర్టులో హాజరుపరిచి రిమాండ్‌కు తరలించారు. తనిఖీల్లో కానిస్టేబుళ్లు వీరబాబు, వెంకటేశ్వర్లు, బాలకృష్ణ, వెంకన్న, అమలాకుమారి తదితరులు పాల్గొన్నారు.

ఖమ్మం మామిళ్లగూడెం: సామాజికంగా, ఆర్థికంగానే కాక విద్యాపరంగానూ బీసీలను పాలకవర్గాలు అణచి వేస్తున్నాయని మున్నూరుకాపు సంఘం రాష్ట్ర అధ్యక్షుడు పుట్టం పురుషోత్తమరావు ఆవేదన వ్యక్తం చేశారు. ఖమ్మంలోని మున్నురుకాపు హాస్టల్‌ ప్రాంగణంలో బుధవారం జరిగిన జిల్లా కార్యవర్గ, అనుబంధ సంఘాల సమావేశంలో ఆయన మాట్లాడారు. రాష్ట్రంలోని బీసీల విషయంలో ప్రభుత్వం అణచివేసే ధోరణి అవలంభిస్తోందని విమర్శించారు. ఎన్నికలు వచ్చినప్పుడు బీసీల జపం చేస్తుండగా, అధికారంలోకి వచ్చాక ప్రాతినిధ్యం కల్పించడం లేదని తెలిపారు. రాష్ట్రంలో 60 శాతంగా ఉన్న బీసీల్లో 22 శాతం మున్నూరుకాపులు ఉన్నందున, తక్కువ శాతంగా ఉన్నారని చూపడం సరికాదన్నారు. ఇకనైనా బీసీలను ఓటు బ్యాంకుగా చూసే రాజకీయాలకు ముగింపు పలకాలని, రాష్ట్ర మంత్రి వర్గంలో మున్నూరు కాపులు ఒకరికై నా అవకాశం కల్పించాలని కోరారు. సంఘం జిల్లా గౌరవ అధ్యక్షుడు కొత్తా సీతారాములు అధ్యక్షతన జరిగిన ఈ సమావేశంలో రాష్ట్ర ఉపాధ్యక్షుడు ఆకుల గాంధీ, రాష్ట్ర కార్యదర్శి ఆవుల రామారావు, జిల్లా అధ్యక్ష, ప్రధాన కార్యదర్శులు శీలంశెట్టి వీరభద్రం, పసుపులేటి దేవేందర్‌తో పాటు నాయకులు కంచి సత్యనారాయణ, పగడాల మంజుల, పారా నాగేశ్వరరావు, పొదిల రవికుమార్‌, పసుపులేటి నాసరయ్య, మడూరి పూర్ణచందర్‌రావు, తోట రమేష్‌, పారా ఉదయ్‌కుమార్‌, తోట వీరభద్రం, సాయికృష్ణ, రమాదేవి, వెంకటేశ్వరరావు, ఆళ్ల కృష్ణ, మేకల నాగేందర్‌ తదితరులు పాల్గొన్నారు.మున్నూరుకాపు సంఘం రాష్ట్ర అధ్యక్షుడు పురుషోత్తమరావు

సత్తుపల్లి: కబడ్డీ.. కబడ్డీ అంటూ కూత, పాయింట్ల కోసం పోటీ పడుతున్న క్రీడాకారులకు తోడు క్రీడాభిమానుల కేరింతలోనే సత్తుపల్లి హోరెత్తింది. సత్తుపల్లిలో ఏర్పాటుచేసిన 73వ రాష్ట్రస్థాయి మహిళా కబడ్డీ పోటీలు బుధవారం ప్రారంభమయ్యాయి. జిల్లా కబడ్డీ అసోసియేషన్‌ – మువ్వా విజయ్‌బాబు యూత్‌ ఆధ్వర్యంలో నిర్వహిస్తున్న ఈ పోటీల్లో భాగంగా తొలుత రాష్ట్ర మంత్రి పొంగులేటి శ్రీనివాసరెడ్డి పుట్టినరోజు సందర్భంగా కేక్‌ కట్‌ చేశారు. అనంతరం పోటీలను సత్తుపల్లి ఎమ్మెల్యే డాక్టర్‌ మట్టా రాగమయి దయానంద్‌, టీజీఐడీసీ మాజీ చైర్మన్‌ మువ్వా విజయ్‌బాబు ప్రారంభించారు. ఖమ్మం జట్టు బోణీ కబడ్డీ టోర్నీకి 33 జిల్లాల నుంచి 34 జట్లు హాజరయ్యాయి. తుపాన్‌ హెచ్చరికలతో వర్షం కురిసినా ఇబ్బంది రాకుండా జర్మన్‌ టెక్నాలజీతో టెంట్లు, సింథటిక్‌ మ్యాట్లు ఏర్పాటుచేయగా,, తిలకించేందుకు వచ్చిన వారి కోసం రేకుల షెడ్లు వేయించారు. తొలిరోజు ఉదయం ఖమ్మం – పెద్దపల్లి మధ్య మ్యాచ్‌ జరగగా ఖమ్మం జిల్లాజట్టు 45 పాయింట్లతో ఘనవిజయం సాధించింది. ఆతర్వాత రంగారెడ్డి – ములుగు మధ్య మ్యాచ్‌లో రంగారెడ్డి, హైదరాబాద్‌ – మెదక్‌ మధ్య మ్యాచ్‌లో హైదరాబాద్‌, వరంగల్‌ – నాగర్‌కర్నూల్‌ జట్ల మధ్య జరిగిన మ్యాచ్‌లో నాగర్‌ కర్నూల్‌ గెలిచింది. తొలిరోజు మొత్తంగా 20 మ్యాచ్‌లు నిర్వహించారు. ఇక రెండో రోజైన గురువారం లీగ్‌, నాకౌట్‌ మ్యాచ్‌లు నిర్వహిస్తారు. అలాగే, చివరి రోజైన శుక్రవారం సెమీ ఫైనల్స్‌, ఫైనల్స్‌ నిర్వహించనున్నారు. ఈకార్యక్రమంలో మున్సిపల్‌ చైర్పర్సన్‌ ఎం.డీ.రెహానా కమల్‌పాషా, కబడ్డీ అసోసియేషన్‌ రాష్ట్ర ఉపాధ్యక్షుడు, జిల్లా కార్యదర్శి కటికాల క్రిస్టోఫర్‌బాబు, భద్రాద్రి జిల్లా కార్యదర్శి కె.స్వాతిముత్యంతో పాటు సీహెచ్‌.సుధాకర్‌, తోట సుజలరాణి, మందపాటి ముత్తారెడ్డి, దోమా ఆనంద్‌బాబు, భీమిరెడ్డి సుబ్బారెడ్డి, గాదె చెన్నారావు, ఉడతనేని అప్పారావు, ఎం.డీ.కమల్‌పాషా, మట్టా ప్రసాద్‌, కూకలకుంట నాని, పీఈటీలు, పీడీలు, కోచ్‌లు పాల్గొన్నారు.రాష్ట్రస్థాయి మహిళా కబడ్డీ పోటీలకు సత్తుపల్లి ఆతిథ్యం ఇవ్వడం సంతోషంగా ఉందని ఎమ్మెల్యే రాగమయి పేర్కొన్నారు. రాష్ట్రం నలుమూలల నుంచి వచ్చిన మహిళా క్రీడాకారులకు అసౌకర్యం కలగకుండా ఏర్పాట్లు చేయడం అభినందనీయమని తెలిపారు. గెలుపోటములను సమానంగా స్వీకరించి క్రీడా స్ఫూర్తితో ముందుకు సాగాలని సూచించారు. టీజీఐడీసీ మాజీ చైర్మన్‌ విజయ్‌బాబు మాట్లాడుతూ రాష్ట్ర స్థాయి కబడ్డీ టోర్నీని మంత్రి పొంగులేటి జన్మదినం పురస్కరించుకొని ఏర్పాటు చేశామని తెలిపారు.సత్తుపల్లిలో రాష్ట్రస్థాయి కబడ్డీ పోటీలు ప్రారంభం

● నీటి కొరతతో పథకం కుదింపు ● ఖమ్మం జిల్లాలో 64, భద్రాద్రి జిల్లాల్లో 61 జలాశయాల్లోనే పిల్లలు ● ప్రభుత్వం అనుమతిస్తే రెండు రోజుల్లో ప్రక్రియఖమ్మంవ్యవసాయం: మత్స్యకారుల ఉపాధి, సంక్షేమాన్ని దృష్టిలో పెట్టుకుని రాష్ట్ర ప్రభుత్వం అమలు చేస్తున్న ఉచిత చేప పిల్లల పథకానికి ఈ ఏడాది నీటి గండం ఎదురైంది. ఎల్‌నినో పరిస్థితులతో జలాశయాల్లో నీరు అడుగంటడంతో ఈ పథకం నానాటికీ కుదించుకుపోతోంది. సాధారణంగా వర్షాకాలం జలాశయాల్లో ఉచితంగా చేప పిల్లలను వదిలి, వాటి సంరక్షణ బాధ్యతను మత్స్య సహకార సంఘాలకు అప్పగిస్తారు. అయితే ఈ ఏడాది జలాశయాల్లో నీరు లేకపోవడంతో పథకం అమలు సాధ్యం కావడం లేదు. అన్ని ఏర్పాట్లు చేసినా, నీటి లభ్యత లేక అధికారులు చేప పిల్లలను వదలలేకపోతున్నారు. దీంతో శాశ్వతంగా నీరుండే జలాశయాల్లో మాత్రమే పథకం అమలు చేయాలని ప్రభుత్వం భావిస్తోంది. నీటిపారుదల శాఖ నివేదికల ఆధారంగా ఆరు నెల ల పాటు 50 శాతానికి పైగా నీరు ఉండే జలాశయాలను గుర్తించే కసరత్తు జరుగుతుంది. ఏటా ఉమ్మడి ఖమ్మం జిల్లాలోని 1,622 జలాశయాల్లో రూ. 6 కోట్ల వ్యయంతో 5.50 కోట్ల చేప పిల్లలను వదిలేవారు. ఈ ఏడాది పరిస్థితులను తలకిందులు కాగా, కేవలం 125 జలాశయాలకే పథకం పరిమితం కానుంది. ఖమ్మం జిల్లాలో... జిల్లాలో 882 జలాశయాల్లో రూ. 4.60 కోట్ల విలువైన 3.47 కోట్ల చేప పిల్లలను వదలాలని తొలుత ప్రణాళిక చేశారు. కానీ నీటి కొరతతో ఇప్పుడు కేవలం 64 జలాశయాలకే పరిమితం చేయనున్నారు. పాలేరు, వైరా, బేతుపల్లి రిజర్వాయర్లతో పాటు పెద్ద చెరువుల్లో సుమారు రూ.కోటి విలువైన 1.05 కోట్ల (80–100 మి.మీ సైజు) చేప పిల్లలను వదిలే అంశాన్ని పరిశీలిస్తున్నారు. భద్రాద్రి కొత్తగూడెం జిల్లాలో... ఈ జిలాల్లో తొలుత 740 జలాశయాల్లో రూ.2.10 కోట్ల విలువైన 1.76 కోట్ల చేప పిల్లలను వదలాలని నిర్ణయించారు. కానీ నీటి లభ్యత లేక కేవలం 61 జలాశయాల్లో రూ.కోటి విలువైన 77 లక్షల చేప పిల్లలను వదలాలనే ఆలోచనకు వచ్చారు. చర్ల మండలం తాలిపేరు, అశ్వాపురం మండలం తుమ్మలచెరువు, కొత్తగూడెం మండలంలోని సింగభూపాలం వంటి జలాశయాల్లో చేప పిల్లలను పంపిణీ చేసే అంశాన్ని పరిశీలిస్తున్నారు. ఒకటి, రెండు రోజుల్లో అనుమతి రాష్ట్రప్రభుత్వం, మత్స్యశాఖ ఒకటి,రెండు రోజుల్లో చేపపిల్లలు వదిలేందుకు అనుమతి ఇవ్వనున్నట్లు తెలిసింది. ఈ విషయమై త్వరలో జరిగే రాష్ట్ర స్థాయిలో నిర్ణయం వెలువడుతుందని చెబుతున్నారు. ఇప్పటికే ఆలస్యమైనందున, శాశ్వతంగా నీరు ఉండే జలాశయాల్లోనైనా చేప పిల్లలను వదిలితే మత్స్యకారులకు ప్రయోజనం కలుగుతుంది. ఉమ్మడి ఖమ్మం జిల్లాలో చేపల వేటపై ఆధారపడి 25 వేల మత్స్యకార కుటుంబాలు జీవనం సాగిస్తున్నందున ప్రభుత్వం త్వరగా నిర్ణయం వెలువరించాలని కోరుతున్నారు.

వైరారూరల్‌: పోషణ విషయంలో ఇబ్బందులు ఎదురవుతున్నందున, తన ఆస్తి తిరిగి అప్పగించాలని ఓ వృద్ధుడు చేసిన వినతితో అధికారులు స్పందించారు. వైరా మండలం నారపునేనిపల్లికి చెందిన వృద్ధుడు కొమ్మవరపు వెంకటేశ్వర్లుకు భార్య, ఇద్దరు కుమారులు ఉన్నారు. అయితే, పెద్ద కుమారుడు ఆస్తి తీసుకోని ఇంటి నుంచి వెళ్లగొట్టగా కుటుంబ పోషణకు ఇబ్బంది పడుతున్నట్లు ఆయన కలెక్టర్‌ దివాకరకు గ్రీవెన్స్‌ సెల్‌లో ఫిర్యాదు చేశాడు. దీంతో కలెక్టర్‌ ఆదేశాల మేరకు వైరా తహసీల్దార్‌ సీహెచ్‌.సురేష్‌ మంగళవారం వెంకటేశ్వర్లు కుటుంబీకులను పిలిపించారు. ఆయనకు 1–15 ఎకరం భూమితో పాటు నెలకు రూ.వేయి నగదు కుమారులు ఇచ్చేలా ఒప్పించడంతో ఆయన కృతజ్ఞతలు తెలిపారు. ఎఫ్‌ఆర్‌ఓ సునీల్‌ కుమార్‌, సర్పంచ్‌ శీలం చంద్రశేఖర్‌రెడ్డి పాల్గొన్నారు. ఉత్తమ ఫలితాల సాధనకు కృషి చేయాలి బోనకల్‌: విద్యార్థులకు ప్రత్యేక తరగతులు నిర్వహిస్తూ ఇంటర్‌ వార్షిక ఫలితాల్లో ఉత్తమ ఫలితాలు నమోదయ్యేలా అధ్యాపకులు కృషి చేయాలని జిల్లా ఇంటర్‌ విద్యాశాఖాధికారి(డీఐఈఓ) కె.రవిబాబు సూచించారు. బోనకల్‌ ప్రభుత్వ జూనియర్‌ కాలేజీని మంగళవారం తనిఖీ చేసిన ఆయన రికార్డులు పరిశీలించాక విద్యార్థులతో మాట్లాడి బోధనపై ఆరా తీశారు. ఇంటర్‌ ప్రథమ సంవత్సరంలో ప్రవేశపెట్టిన నూతన సిలబస్‌కు అనుగుణంగా పాఠాల బోధన, అంతర్గత మూల్యాంకనం, ప్రాక్టికల్స్‌ నిర్వహణపై అధ్యాపకులకు సూచనలు చేశారు. విద్యార్థులు వంద శాతం హాజరయ్యేలా చూడాలని తెలిపారు. ప్రిన్సిపాల్‌ నళినిశ్రీ, అధ్యాపకులు పాల్గొన్నారు.

పాల్వంచరూరల్‌: హైదరాబాద్‌లో జరిగే రాష్ట్రస్థాయి ఖేలో ఇండియా వాలీబాల్‌ టోర్నీలోపాల్గొనే ఉమ్మడి జిల్లా బాలబాలికల జట్లను ఎంపిక చేశారు. పాల్వంచ మండలం కిన్నెరసానిలోని గిరిజన క్రీడా పాఠశాలలో మంగళవారం నిర్వహించిన ఎంపిక పోటీలకు 65మంది బాలురు, 37మంది బాలికలు హాజరుకాగా, ప్రతిభ చూపిన 14మంది చొప్పున క్రీడాకారులతో జట్లను ఎంపిక చేశారు. తొలుత ఎంపిక పోటీలను ఏటీడీఓ చంద్రమోహన్‌ ప్రారంభించి మాట్లాడారు. అనంతరం జట్ల వివరాలను ఉమ్మడి జిల్లా ఖేలో ఇండియా వాలీబాల్‌ ఎంపికల ఇన్‌చార్జ్‌ సుధాకర్‌ వెల్లడించారు. ఈ పోటీలను ఒలింపిక్‌ అసోసియేషన్‌ ఉమ్మడి జిల్లా అధ్యక్షుడు పుట్టా శంకరయ్య, ఐటీడీఏ క్రీడల అధికారి గోపాల్‌రావు, పాఠశాల హెచ్‌ఎం చందు, పీడీలు, పీఈటీలు బట్ట హరికృష్ణ, భద్రం, రాంబాబు, పవన్‌కుమార్‌, ఎం.రాకేష్‌ తదితరులు పర్యవేక్షించారు.

ఖమ్మంమయూరిసెంటర్‌: జిల్లాలో సాధారణం కంటే తక్కువ వర్షపాతం నమోదైనందున, కరువు జిల్లాగా ప్రకటించి రైతులు, ప్రజలను ఆదుకోవా లని ఏఐకేఎంఎస్‌ జాతీయ ప్రధాన కార్యదర్శి జే.వీ.చలపతిరావు ప్రభుత్వాన్ని డిమాండ్‌ చేశారు. ఈమేరకు ఏఐకేఎంఎస్‌ ఆధ్వర్యాన మంగళవారం కలెక్టరేట్‌ వద్ద ధర్నా నిర్వహించి కలెక్టర్‌ దివాకరకు వినతిపత్రం అందజేశారు. అనంతరం చలపతి రావు మాట్లాడుతూ కరువు ఛాయలు వ్యవసాయ రంగం, గ్రామీణ ప్రజలకు తీవ్ర ఆందోళన కలిగిస్తున్నాయని తెలిపారు. రానున్న రోజుల్లో తాగునీటి సమస్యలు తలెత్తకుండా ముందస్తు ప్రణాళికలు రూపొందించి, క్షేత్రస్థాయిలో రైతులు, వ్యవసాయ కూలీలకు ప్రభుత్వం భరోసా కల్పించాలని విజ్ఞప్తి చేశారు. ఈ కార్యక్రమంలో ఏఐకేఎంఎస్‌ జిల్లా కార్యదర్శి ప్రకాష్‌, నాయకులు ఖాసిం, శీలం సుదర్శన్‌, సురేష్‌, ఎం.గిరి, మురళి, లింగయ్య, అప్పారావు తదితరులు పాల్గొన్నారు. ధర్నాలో ఏఐకేఎంఎస్‌ జాతీయ ప్రధాన కార్యదర్శి చలపతిరావు

● వారంలో రూ.800 పెరిగిన ధర ● ఖమ్మం మార్కెట్‌లో గరిష్టంగా రూ.23,500గా నమోదుఖమ్మంవ్యవసాయం: మిర్చి ధరకు మళ్లీ రెక్కలు వచ్చాయి. వారం వ్యవధిలోనే క్వింటాకు ఏకంగా రూ.800 పెరగడం రైతుల్లో ఆశలను చిగురింపజేస్తోంది. ఖమ్మం వ్యవసాయ మార్కెట్‌లో మంగళవారం తేజ రకం మిర్చి జెండా పాట ధర రూ.23,500గా పలికింది. ఈ ఏడాది ఇదే అత్యధిక ధర కావడం విశేషం. ఈనెల ఆరంభంలో రూ.21,350 ఉండగా, క్రమంగా 13వ తేదీ నాటికి రూ.22,000కు చేరింది. సోమవారం రూ.23,150గా నమోదైన ధర మంగళవారం ఒకేసారి రూ.350 పెరిగి రూ.23,500కు చేరడం చర్చనీయాంశంగా మారింది. సాగు లేక.. డిమాండ్‌ పెరిగి సాగు విస్తీర్ణం తగ్గడమే ధర పెరుగుదలకు కారణంగా భావిస్తున్నారు. ఎల్‌నినో నేపథ్యాన మిర్చి సాగు విస్తీర్ణం పడిపోయింది. ఆపై పైరు తెగుళ్ల బారిన పడి దిగుబడులు తగ్గడంతో డిమాండ్‌కు తగ్గట్టు సరఫరా లేక ధరలు పెరుగుతున్నాయి. ఘాటు అధికంగా ఉండే తేజ మిర్చిని దేశీయంగానే కాక బంగ్లాదేశ్‌, మలేషియా, సింగపూర్‌ దేశాలకు ఎగుమతి చేస్తుండడం ధర పెరగడానికి దోహదపడుతోంది.

ఖమ్మంఅర్బన్‌: మొన్నటి ఆదివారం రాత్రి పక్కింట్లో పుట్టినరోజు వేడుకలు.. ఆ వేడుకకు హాజరైన చిన్నారి బెలూన్లను చూసి మురిసిపోయింది. మరుసటి రోజు చిన్నారిని బెలూన్ల మధ్య నిలబెట్టి తల్లిదండ్రులు ఫొటోలు తీయగా.. అవే చివరి జ్ఞాపకాలుగా మిగులుతాయని ఊహించలేదు. అంగన్‌వాడీ కేంద్రానికి వెళ్లిన చిన్నారి ధన్యశ్రీ(5) విషపురుగు కాటు బారిన పడడంతో చికిత్స పొందుతూ మృతి చెందగా కుటుంబంలో విషాదం నెలకొంది. ఈ ఘటనకు సంబంధించి వివరాలు... అంగన్‌వాడీ కేంద్రం నుంచి ఆస్పత్రికి... ఖమ్మం ఏడో డివిజన్‌ టేకులపల్లికి చెందిన అయ్యదేవర రవి – స్వప్న దంపతుల పెద్ద కుమార్తె ధన్యశ్రీ స్థానిక అంగన్‌వాడీ కేంద్రంలో చదువుతోంది. దసరా సెలవుల అనంతరం సోమవారం ఉదయం కేంద్రానికి వెళ్లగా, కాసేపటికి ఆరోగ్యం బాగాలేదని సిబ్బంది సమాచారం ఇచ్చారు. మధ్యాహ్నం 12 గంటల సమయాన తల్లిదండ్రులు వెళ్లగా ముఖ మంతా దద్దుర్లు, ఒంటిపై వాపు రావడంతో ఖమ్మం ప్రభుత్వ ఆస్పత్రికి, అక్కడి నుంచి హైదరాబాద్‌ తీసుకెళ్లారు. అయితే, హైదరాబాద్‌ చేరుకునేలోగా ధన్యశ్రీ మృతి చెందింది. విషపు పురుగు కుట్టడంతోనే ఈ పరిస్థితి వచ్చి ఉండొచ్చని వైద్యులు చెప్పినట్లు తల్లిదండ్రులు వాపోయారు. కాగా, చింతకాని మండలం కొదుమూరు నుంచి పొట్టకూటి కోసం ఏడేళ్ల క్రితం రవి దంపతులు ఖమ్మం వలస వచ్చారు. రవి హమాలీగా, స్వప్న కూలీ పనులతో జీవనం సాగిస్తున్నారు. మృతదేహంతో ఆందోళన.. చిన్నారి మృతదేహంతో మంగళవారం ఆమె తల్లిదండ్రులు, కుటుంబ సభ్యులు ఆందోళనకు దిగారు. అంగన్‌వాడీ కేంద్రం పరిసరాల్లో చెత్తాచెదారం పేరుకుపోవడం, సిబ్బంది నిర్లక్ష్యంతోనే ఘటన జరిగిందని ఆరోపించారు. తొలుత అంగన్‌వాడీ కేంద్రం వద్ద, ఆతర్వాత ఖమ్మం–వైరా ప్రధాన రహదారిపై నిరసన తెలిపారు. రెండు గంటలకు పైగా నిరసన కొనసాగడంతో డీడబ్ల్యూఓ ప్రమీల విషయాన్ని అదనపు కలెక్టర్‌ శ్రీనివాసరెడ్డి దృష్టికి తీసుకెళ్లారు. దీంతో ఆయన చేరుకుని కుటుంబానికి డబుల్‌ బెడ్‌రూమ్‌ ఇల్లు, ఔట్‌సోర్సింగ్‌ విధానంలో ఒకరికి ఉద్యోగం ఇస్తామని హామీ ఇచ్చారు. అంతేకాక ముఖ్యమంత్రి సహాయనిధి నుంచి ఆర్థిక సాయం అందేలా చూస్తామని చెప్పడంతో ఆందోళన విరమించారు. ఏసీపీ రమణమూర్తి, సీఐలు రామకృష్ణ, నాగరాజు ఆధ్వర్యాన బందోబస్తు నిర్వహించారు. కాగా, రహదారిపై ఆందోళన నిర్వహించిన 30మందిపై ఖమ్మం టూటౌన్‌ పోలీసులు కేసు నమోదు చేయగా, చిన్నారి ధన్యశ్రీ మృతిపై ఆమె తండ్రి ఇచ్చిన ఫిర్యాదుతో ఖమ్మం అర్బన్‌ స్టేషన్‌లో కేసులు నమోదయ్యాయి.

హుడా కాంప్లెక్స్‌: భద్రాద్రి కొత్తగూడెం జిల్లా అశ్వాపురం మండలం మిట్టగూడెం వద్ద ప్రయాణికురాలు బస్సు నుంచి తోసేయడంతో తీవ్రంగా గాయపడిన కండక్టర్‌ ప్రవళికను రవాణా శాఖ మంత్రి పొన్నం ప్రభాకర్‌ పరామర్శించారు. కొత్తపేట సాయి సంజీవని ఆస్పత్రిలో చికిత్స పొందుతున్న ఆమెను మంగళవారం రాత్రి పరామర్శించి ఆరోగ్య వివరాలు, వైద్యంపై వైద్యులను అడిగి తెలుసుకున్నారు. ఈ సందర్భంగా మంత్రి మాట్లాడుతూ ప్రయాణికులకు ఇబ్బంది ఎదురైతే ఉన్నతాధికారులకు ఫిర్యాదు చేయాలే తప్ప భౌతిక దాడులకు పాల్పడటం సరికాదన్నారు. ఖమ్మంమయూరిసెంటర్‌: కండక్టర్‌ ప్రవళికను ఆర్‌టీసీ ఖమ్మం ఆర్‌ఎం ఏ.సరిరామ్‌ మంగళవారం పరామర్శించారు. ఆస్పత్రిలో పరామర్శించిన ఆయన చికిత్స వివరాలు తెలుసుకున్నారు. విధి నిర్వహణలో ఉన్న ఉద్యోగులపై దాడులు జరగడం విచారకరమని తెలిపారు. ఖమ్మం మీదుగా వెళ్లే పలు రైళ్ల రద్దుఖమ్మం రాపర్తినగర్‌: అర్నబ్‌ తుపాన్‌ కారణంగా ఖమ్మం మీదుగా రాకపోకలు సాగించే పలు రైళ్లను రద్దు చేశారు. ఈ వివరాలను ఖమ్మం రైల్వేస్టేషన్‌ మాస్టర్‌ రాజేంద్రం వెల్లడించారు. ఈమేరకు మంగళవారం సికింద్రాబాద్‌ నుంచి హౌరా వెళ్లే ఎక్స్‌ప్రెస్‌(12704), సికింద్రాబాద్‌ నుంచి భువనేశ్వర్‌ వెళ్లే ఎక్స్‌ప్రెస్‌(17016), హై దరాబాద్‌ నుంచి విశాఖపట్నం వెళ్లే(12728) రైలు రద్దయిందని తెలిపారు. అలాగే, మహబూబ్‌నగర్‌ నుంచి విశాఖపట్నం వెళ్లే(12862), సికింద్రాబాద్‌ నుంచి విశాఖపట్నం వెళ్లే (12740), లింగంపల్లి నుంచి కాకినాడ వెళ్లే(12776), లింగంపల్లి నుంచి నర్సాపూర్‌ వెళ్లే(17256), కాకినాడ నుంచి లింగంపల్లి వెళ్లే ఎక్స్‌ప్రెస్‌తో పాటు షిర్డీ ఎక్స్‌ప్రెస్‌(20810), సంబల్పూర్‌ నుంచి శ్రీకాకుళం రోడ్డుకు వెళ్లే రైలును రెండు మార్గాల్లో రద్దు చేసినందున ప్రయాణికులు గమనించాలని ఆయన కోరారు. కొనసాగుతున్న హెచ్‌ఎంల అధ్యయనం ఖమ్మంసహకారనగర్‌: జిల్లాలోని 28 పీఎంశ్రీ పాఠశాలల ప్రధానోపాధ్యాయులు నాయకత్వ లక్షణాలపై శిక్షణ కోసం మైసూర్‌లోని రీజినల్‌ ఇన్‌స్టిట్యూట్‌ ఆఫ్‌ ఎడ్యుకేషన్‌(ఆర్‌ఐఈ)కు వెళ్లారు. ఈ సందర్భంగా మంగళవారం ఆర్‌ఐఈ ప్రిన్సిపాల్‌ ప్రొఫెసర్‌ ప్రద్యుమ్న కుమార్‌ సేతి మాట్లాడుతూ ప్రధానోపాధ్యాయులు నాయకత్వ లక్షణాలను పెంచుకోవడం ద్వారా విద్యార్థులకు ఉత్తమ బోధన అందడమే కాక పాఠశాల నిర్వహణ మెరుగుపడుతుందని తెలిపారు. ఆర్‌ఐఈలోని పలు విభాగాలను హెచ్‌ఎంలు పరిశీలించగా డిపార్ట్‌మెంట్‌ ఆఫ్‌ ఎక్స్‌టెన్షన్‌ ఎడ్యుకేషన్‌ ఇన్‌చార్జ్‌, తెలంగాణ రాష్ట్ర ఇన్‌చార్జ్‌ ప్రొఫెసర్‌ డాక్టర్‌ చంద్రన్న కూడా మాట్లాడారు. బృందంలో జిల్లా అకడమిక్‌ మానిటరింగ్‌ అధికారి పెసర ప్రభాకర్‌రెడ్డి, ప్లానింగ్‌ కో–ఆర్డినేటర్‌ రామకృష్ణ పాల్గొన్నారు.

ఖమ్మంక్రైం: విధి నిర్వహణలో మృతి చెందిన ఎస్‌ఐ కుటుంబానికి రూ.లక్ష ఆర్థిక సాయాన్ని పోలీసు కమిషనర్‌ సునీల్‌దత్‌ మంగళవారం అందజేశారు. ఖమ్మం త్రీటౌన్‌ పోలీసుస్టేషన్‌లో ఎస్‌ఐగా పనిచేసిన డి.అనంతరాములు కుటుంబసభ్యులకు పోలీసు సిబ్బంది సంక్షేమ నిధి నుంచి మంజూరైన ఆర్థికసాయం చెక్కు అందజేశాక సీపీ మాట్లాడారు. విధినిర్వహణలో ప్రాణాలు కోల్పోయిన ఉద్యోగుల కుటుంబాలకు అండగా నిలవడం బాధ్యతగా భావిస్తున్నట్లు పేర్కొన్నారు. ఈ కార్యక్రమంలో ఏఓ కళావతి, పోలీసు ఉద్యోగుల అసోసియేషన్‌ అధ్యక్షుడు హేమనాఽథ్‌ పాల్గొన్నారు. విధుల్లో బాధ్యతగా వ్యవహరించాలి రేక్‌ పాయింట్‌కు 1,319 మె.టన్నుల యూరియా చింతకాని: చింతకాని మండలం పందిళ్లపల్లిలోని రేక్‌ పాయింట్‌కు ఆర్‌సీఎఫ్‌ కంపెనీకి చెందిన 1,319.22 మెట్రిక్‌ టన్నుల యూరియా మంగళవారం చేరింది. ఇందులో నుంచి ఖమ్మం జిల్లాకు 519.22 మె.టన్నులు, భద్రాద్రి కొత్తగూడెం జిల్లాకు 500 మె.టన్నులు, మహబూబాబాద్‌ జిల్లాకు 200 మె.టన్నులు సరఫరా చేసినట్లు ఖమ్మం జిల్లా వ్యవసాయ శాఖాధికారి డి.పుల్లయ్య తెలిపారు. మిగతా 100 మెట్రిక్‌ టన్నులను బఫర్‌ స్టాక్‌గా నిల్వ చేశామని వెల్లడించారు. నాణ్యమైన విద్య అందించడమే లక్ష్యం బోనకల్‌: ప్రభుత్వ పాఠశాలల్లో నాణ్యమైన విద్యాప్రమాణాలను కొనసాగిస్తూ విద్యార్థుల అభ్యసన సామర్థ్యాలను పెంచడమే లక్ష్యంగా ఉపాధ్యాయులు కృషి చేయాలని జిల్లా విద్యాశాఖాధికారి డి.వాసంతి సూచించారు. మండలంలోని ముష్టికుంట్ల, బోనకల్‌ ప్రాథమిక పాఠశాలలను మంగళవారం తనిఖీ చేసిన ఆమె విద్యార్థుల ప్రతిభను పరిశీలించారు. అలాగే, ముష్టికుంట్ల భవిత సెంటర్‌, ప్రీ–ప్రైమరీ తరగతులను కూడా పరిశీలించారు. అనంతరం ఉపాధ్యాయులతో సమావేశమైన డీఈఓ మాట్లాడుతూ ప్రాథమిక స్థాయి నుంచే విద్యార్థులు భాష, గణితంపై పట్టు సాధించేలా బోధించాలన్నారు. ఎంఈఓ దామాల పుల్లయ్య, మండల కోఆర్డినేటర్‌ మాధవరావు పాల్గొన్నారు. నేటి నుంచి రాష్ట్రస్థాయి మహిళా కబడ్డీ టోర్నీ సత్తుపల్లిటౌన్‌: సత్తుపల్లిలో బుధవారం నుంచి మూడు రోజుల పాటు రాష్ట్రస్థాయి కబడ్డీ టోర్నీ జరగనుంది. ఈమేరకు వివిధ జిల్లాల జట్లు మంగళవారం రాత్రి సత్తుపల్లికి చేరుకున్నాయి. జిల్లా కబడ్డీ అసోసియేషన్‌, మువ్వా విజయ్‌ బాబు యూత్‌ సంయుక్త ఆధ్వర్యాన నిర్వహించే పోటీలకు రాణి సెలబ్రేషన్స్‌ ఫంక్షన్‌ హాల్‌లో ఏర్పాట్లు చేశారు. తుపాన్‌ హెచ్చరికల నేపథ్యాన వర్షం వచ్చినా ఇబ్బంది కలగకుండా జర్మన్‌ టెంట్‌తో పాటు సింథటిక్‌ మ్యాట్లు ఏర్పాటు చేశారు. కాగా, ఏర్పాట్లను టీజీఐడీసీ మాజీ చైర్మన్‌ విజయ్‌బాబు పరిశీలించారు.

● ఉన్న వనరులతో తాగునీటికే ప్రాధాన్యత ● ఉమ్మడి జిల్లా అధికారులతో మంత్రి తుమ్మల సమీక్ష ఖమ్మం అర్బన్‌: ఎల్‌నినో ప్రభావంతో కరువు పరిస్థితులు నెలకొన్నందున యాసంగిలో వరికి బదులు తక్కువ నీటితో సాగయ్యే పంటలను ప్రోత్సహించాలని రాష్ట్ర వ్యవసాయ శాఖ మంత్రి తుమ్మల నాగేశ్వరరావు అధికారులను ఆదేశించారు. ఇదే సమయాన వానాకాలం సీజన్‌లో సాగు చేసిన పంటలను కాపాడేందుకు అన్ని చర్యలు తీసుకోవాలని తెలిపారు. ఖమ్మం కలెక్టరేట్‌లో ఖమ్మం, భద్రాద్రి కలెక్టర్లు దివాకర టీ.ఎస్‌., అంకిత్‌తో కలిసి వివిధ శాఖల అధికారులతో మంత్రి మంగళవారం సమీక్షించారు. భూగర్భ జలాల తగ్గుదల, సాగునీటి లభ్యత, తాగునీటి సరఫరా, వ్యవసాయం, విద్యుత్‌, పశుగ్రాసం లభ్యతపై చర్చించి సూచనలు చేశారు. వచ్చే ఏడాది జూలై వరకు తాగునీటి సరఫరాకు ఇబ్బంది తలెత్తకుండా ముందస్తు ప్రణాళికలు సిద్ధం చేయాలని తెలిపారు. యాసంగిలో వరి సాగు చేసి రైతులు నష్టపోకుండా పప్పుధాన్యాలు, చిరుధాన్యాలు, కూరగాయలు, ఇతర పంటలకు ప్రోత్సహిస్తూ విత్తనాలను సిద్ధం చేయాలని ఆదేశించారు. పాలేరు రిజర్వాయర్‌లో నీటి నిల్వలను సమర్థంగా నిర్వహిస్తూ, మిషన్‌ భగీరథ పైపులైన్ల లీకేజీలను అరికట్టాలని, గ్రామాల్లో పాత తాగునీటి పథకాలు, బోర్లు, ఓవర్‌హెడ్‌ ట్యాంకులను అవసరమైన చోట పునరుద్ధరించాలని సూచించారు. పశుగ్రాసం కొరత రాకుండా పచ్చిగడ్డి పెంపకాన్ని ప్రోత్సహించాలని, పశువులకు నీటి తొట్టెలు ఏర్పాటు చేయాలని తెలిపారు. విద్యుత్‌ పొదుపు, పిల్లల ఆరోగ్య పరిరక్షణ, ఆస్పత్రుల్లో మందుల లభ్యతపై ప్రత్యేక దృష్టి సారించాలని చెప్పారు. అనంతరం ఖమ్మం కలెక్టర్‌ దివాకర మాట్లాడుతూ భూగర్భ జలమట్టాలు సుమారు రెండు మీటర్లు తగ్గాయని, కామేపల్లి, మధిర, ఏన్కూరు, సత్తుపల్లి, ఎర్రుపాలెం ప్రాంతాల్లో జలమట్టాలు గణనీయంగా పడిపోయాయని తెలిపారు. భద్రాద్రి కలెక్టర్‌ అంకిత్‌ మాట్లాడుతూ జిల్లాలో గత ఏడాదితో పోలిస్తే భూగర్భ జలమట్టాలు సుమారు 3.5 మీటర్లు తగ్గాయని తెలిపారు. సుమారు 40 వేల ఎకరాల్లో వరికి బదులు ప్రత్యామ్నాయ పంటల సాగును ప్రోత్సహిస్తున్నామని వివరించారు. సుడా, జిల్లా గ్రంథాలయ సంస్థల చైర్మన్లు పువ్వాళ్ల దుర్గాప్రసాద్‌, మహ్మద్‌ ఖాదర్‌ బాబా, అదనపు కలెక్టర్‌ పి.శ్రీనివాసరెడ్డి, వివిధ శాఖల అధికారులు పాల్గొన్నారు.

ఖమ్మంమయూరిసెంటర్‌: ఈ ఏడాది ఎల్‌నినో ప్రభావంతో వర్షాభావ పరిస్థితులు నెలకొన్నాయి. సాధారణ వర్షపాతం కూడా నమోదు కాకపోవడంతో జలాశయాల్లో నీరు చేరక పంటల సాగు చతికిలపడింది. వరుణుడిపై నమ్మకంతో సాగు చేసిన పంటల దిగుబడి కూడా పడిపోయే పరిస్థితి నెలకొంది. అంతేకాక జలాశయాలు, భూగర్భజలాలు అడుగంటుతుండగా తాగునీటికి ముప్పు ఎదురయ్యే ప్రమాదం కనిపిస్తోంది. ఈక్రమాన జిల్లాల వారీగా పంటల సాగు విస్తీర్ణం, దిగుబడులు, జలాశయాల్లో నీటి నిల్వలు, భూగర్భ జలాల నివేదిక ఆధారంగా రాష్ట్రప్రభుత్వం కరువు మండలాలను ప్రకటించింది. రాష్ట్రంలో 365 మండలాలతో జాబితా విడుదల చేయగా ఉమ్మడి జిల్లా నుంచి 33 మండలాలు ఉన్నాయి. కరువు పరిస్థితులతో... ఉమ్మడి జిల్లాలో తీవ్ర వర్షాభావ పరిస్థితులు నెలకొనగా.. ఎల్‌నినో ప్రభావంతో ఎండలు నానాటికీ పెరుగుతున్నాయి. ఈనేపథ్యాన పంటలు చేతికొచ్చే పరిస్థితి లేక రైతులు ఆవేదన చెందుతున్నారు. ఈమేరకు రాష్ట్ర ప్రభుత్వం జిల్లాల వారీగా అందిన నివేదికలను పరిగణనలోకి తీసుకుని కరువు మండలాల జాబితా విడుదల చేసింది. నైరుతి రుతుపవనాల కాలంలో లోటు వర్షపాతం నమోదు కావడంతో ప్రభుత్వం ఈ నిర్ణయం తీసుకుంటూ జీఓ 3ను జారీ చేసింది. వర్షాభావ పరిస్థితుల తీవ్రత ఆధారంగా మండలాలను తీవ్ర కరువు, మధ్యస్త కరువు కింద వర్గీకరించారు. ఈ ఉత్తర్వులు తక్షణమే అమల్లోకి రానుండగా, రాబోయే ఆరు నెలల పాటు ఈ జాబితా ఆధారంగా సహాయక కార్యక్రమాలు కొనసాగుతాయని ప్రభుత్వం స్పష్టం చేసింది. సహాయక చర్యలకు సిద్ధం కరువు మండలాలను ప్రకటించిన నేపథ్యాన తదుపరి చర్యలకు ప్రభుత్వ ఆదేశాలతో జిల్లా యంత్రాంగం సిద్ధమవుతోంది. ఈమేరకు రైతులను ఆదుకునేందుకు పలు కీలక చర్యలను ప్రభుత్వం ప్రకటించింది. భద్రాద్రి కొత్తగూడెం జిల్లా : ఆళ్లపల్లి, లక్ష్మీదేవిపల్లి, పాల్వంచ, భద్రాచలం భద్రాద్రి కొత్తగూడెం జిల్లా : పినపాక, చర్ల, దుమ్ముగూడెం, అశ్వాపురం, మణుగూరు, అన్నపురెడ్డిపల్లి, చుంచుపల్లి, కొత్తగూడెం, బూర్గంపాడు, ములకలపల్లి, దమ్మపేట, అశ్వారావుపేట.ఇన్‌పుట్‌ సబ్సిడీ : అర్హులైన రైతులకు త్వరలోనే ప్రత్యక్ష నగదు బదిలీ (డీబిటి) ద్వారా వ్యవసాయ ఇన్‌పుట్‌ సబ్సిడీని అందించనున్నారు. రుణాల పునర్వ్యవస్థీకరణ : రిజర్వ్‌ బ్యాంక్‌ నిబంధనల ప్రకారం వ్యవసాయ రుణాలను పునర్వ్యవస్థీకరించేలా రాష్ట్ర స్థాయి బ్యాంకర్ల కమిటీతో చర్చిస్తారు. ఇదే సమయాన బలవంతపు రుణ వసూళ్లకు ఆస్కారం లేకుండా చర్యలు తీసుకోనున్నారు. తాగునీరు, మేత సరఫరా : ప్రజలకు తాగునీటి ఎద్దడి తలెత్తకుండా తగిన చర్యలు తీసుకోవడంతో పాటు, పశువుల కోసం తగిన వసతులు, మేత ఏర్పాట్లు చేస్తారు.ఉమ్మడి జిల్లాలోని 33 మండలాలతో జాబితా

ఖమ్మంరూరల్‌: మండలంలోని చింతపల్లి గ్రామంలో మంగళవారం కేంద్రబృందం సభ్యులు పర్యటించారు. ఇటీవల రాష్ట్రంలోని మూడు గ్రామపంచాయతీలు జాతీయ ఉత్తమ అవార్డుకు నామినేట్‌ కాగా, అందులో చింతపల్లి కూడా ఉంది. ఈమేరకు కేంద్ర జల నిర్వహణ బృందం సభ్యులు క్షేత్రస్థాయిలో పరిశీలించారు. తొలుత బృందానికి స్థానిక మహిళలు బతుకమ్మలతో స్వాగతం పలికారు. అనంతరం నీటి నిర్వహణకు చేపట్టిన పనులు, అందుబాటులో ఉన్న వనరులు, నీటి సంరక్షణకు తీసుకుంటున్న చర్యలను పరిశీలించారు. ఆతర్వాత పంచాయతీ రికార్డులు, గ్రామంలో నీటి వినియోగం, గ్రామస్తుల భాగస్వామ్యం, దీర్ఘ కాలిక నీటి లభ్యత, పంచాయతీ తీసుకున్న చర్యలపై ఆరా తీశారు. భూగర్భ నీటిమట్టం పెరుగుదల, డ్రెయినేజీ వ్యవస్థ, గ్రామంలో 274 ఇంకుడు గుంతలు ఏర్పాటుచేయడంపై అభినందించారు. బృందంలో పినాకి తహబీల్‌దార్‌, నిషా బారి, షర్మామి ఉండగా, వీరి వెంట ఎంపీడీఓ రవికుమార్‌, ఎంపీఓ మణి, సర్పంచ్‌ ఆరెంపుల మరియమ్మ పాల్గొన్నారు.

ఖమ్మంవైరారోడ్‌: పట్టభద్రుల ఎమ్మెల్సీ ఎన్నికల నేపథ్యాన ఓటర్ల నమోదును బీఆర్‌ఎస్‌ శ్రేణులు ప్రతిష్టాత్మకంగా తీసుకోవాలని మాజీ మంత్రి పువ్వాడ అజయ్‌కుమార్‌ సూచించారు. ఖమ్మంలోని పలు ప్రాంతాల్లో ఏర్పాటుచేసిన ఓటర్ల నమో దు కేంద్రాలను మంగళవారం ఆయన ఎమ్మెల్సీ తక్కెళ్లపల్లి రవీందర్‌రావుతో కలిసి పరిశీలించారు. ఈ సందర్భంగా పువ్వాడ మాట్లాడుతూ అర్హులైన పట్టభద్రులను కలిసి ఓటర్లుగా నమోదు చేయించాలని తెలిపారు. గత ఎన్నికల వివరాల ఆధారంగా వారికి ఫోన్‌ చేయాలని చెప్పారు. అయినా స్పందించకపోతే నేరుగా కలిసి ఓటర్లుగా నమోదు చేయించాలని చెప్పారు. గడువు సమీపిస్తున్నందున ప్రైవేట్‌ విద్యాసంస్థలు, నివాస ప్రాంతాలలో ప్రత్యేక క్యాంపులు ఏర్పాటు చేయాలని పువ్వాడ సూచించారు. నాయకులు గుండాల కృష్ణ, బచ్చు విజయ్‌కుమార్‌, పగడాల నాగరాజు, కర్నాటి కృష్ణ, షేక్‌ మక్బుల్‌, పల్లా రోజ్‌లీనా, నాగండ్ల కోటేశ్వరరావు, బిక్కసాని జస్వంత్‌, పసుమర్తి రామ్మోహన్‌, మాటేటి నాగేశ్వరరావు, బత్తుల మురళి, మెంతుల శ్రీశైలం, తిరుమల్‌ రావు, కొత్త వెంకటేశ్వరరావు, మేకల సుగుణరావు, శేషు, రామ్మూర్తి, బోజెండ్ల రామ్మోహన్‌, పాలడుగు పాపారావు పాల్గొన్నారు. మాజీ మంత్రి పువ్వాడ అజయ్‌ కుమార్‌

రఘునాథపాలెం: రఘునాథపాలెం మండలంలో విద్యుత్‌ తీగల చోరీ కలకలం రేపింది. మండలంలోని కోయచలక రోడ్డులోని వెంకటేశ్వర ఎస్టేట్‌ వెంచర్‌లో 30 విద్యుత్‌ స్తంభాలకు సంబంధించిన రూ.4లక్షల విలువైన తీగలతో పాటు కండక్టర్‌ను గుర్తుతెలియని వ్యక్తులు ఆదివారం రాత్రి అపహరించారు. ఈ వైర్‌కు సరఫరా లేకపోవడంతో నిందితుల పని సులువు కాగా, పోలీసుస్టేషన్‌కు కిలో మీటరు పరిధిలోనే చోరీ జరగడం గమనార్హం. వెంచర్‌ నిర్వాహకులు పోలీసులకు ఫిర్యాదు చేశారు. మోటార్ల వైర్‌ సత్తుపల్లి: సత్తుపల్లి మండలం సిద్ధారం రోడ్డులోని చల్లగుళ్ల నరసింహారావు పొలంలో జూన్‌లో ఓసారి మోటార్‌ వైరు చోరీకి గురైంది. మళ్లీ ఆదివారం రాత్రి మోటార్ల వైర్‌ను గుర్తుతెలియని వ్యక్తులు కట్‌ చేసి ఎత్తుకెళ్లారు. గతంలో పట్టుబడినా వదిలేయడంతోనే మళ్లీ ఇలా చేస్తున్నారని రైతులు మండిపడుతున్నారు. అజయ్‌తండాలో మోటార్‌ నేలకొండపల్లి: మండలంలోని అజయ్‌తండాకు చెందిన బి.వెంకటేశ్వరరావు మూడెకరాలు కౌలుకు తీసుకుని వ్యవసాయం చేస్తున్నాడు. ఆయన మంగళవారం పొలం వద్దకు వెళ్లగా రూ.40 వేల విలువైన మోటార్‌ కనిపించలేదు. చోరీకి గురైనట్లు గుర్తించి పోలీసులను ఆశ్రయించాడు. రూ.4 లక్షల విలువైన కండక్టర్‌, వైర్లు మాయం

వైరా: ముందు వెళ్తున్న లారీ బ్రేక్‌ డౌన్‌ అయి ఆగిపోగా వెనకాల గ్రానైట్‌ రాళ్ల లోడుతో వస్తున్న లారీ ఢీకొట్టింది. ఆపై రాయి జారి క్యాబిన్‌పై పడడంతో డ్రైవర్‌కు తీవ్రగాయాలై అక్కడికక్కడే మృతి చెందాడు. ఖమ్మం – దేవరపల్లి గ్రీన్‌ఫీల్డ్‌ హైవేపై వైరా సమీపాన మంగళవారం తెల్లవారుజామున ఈ ప్రమాదం జరిగింది. కరీంనగర్‌ నుంచి గ్రానైట్‌ లోడ్‌తో వస్తున్న లారీ కల్లూరు వైపు వెళ్తున్న లారీని వెనక నుంచి ఢీకొట్టింది. గ్రానైట్‌ లారీపై ఉన్న పెద్ద రాయి జారి క్యాబిన్‌పై పడగా లారీ నడుపుతున్న పశ్చిమబెంగాల్‌ రాష్ట్రం బిర్మూమ్‌ జిల్లా ఖిదిర్‌పూర్‌కు చెందిన షేక్‌.అనికూల్‌(29) ఘటనా స్థలంలోనే మృతి చెందాడు. ఈ ఘటనలో రాళ్లు రోడ్డుపై పడగా దాదాపు మూడు గంటల పాటు ట్రాఫిక్‌ స్తంభించింది. ఎస్‌ఐ పి.రామారావు సిబ్బందితో చేరుకుని వాహనాలను సోమవరం ఎగ్జిట్‌ నుంచి వైరా మీదుగా తరలించారు. అనంతరం జేసీబీ సాయంతో రాళ్లు తొలగించి, డ్రైవర్‌ను బయటకు తీసి పోస్టుమార్టం నిమిత్తం ఖమ్మం తరలించారు.గ్రానైట్‌ రాళ్లు పడడంతో డ్రైవర్‌ మృతి

● ఈ లక్ష్యంతో కార్యాచరణ రూపొందించండి ● జీఎఫ్‌ఎస్‌టీ వైస్‌ చైర్మన్‌ ఎస్పీ టక్కర్‌సాక్షిప్రతినిధి, ఖమ్మం: వచ్చే ఏడాది నాటికి జిల్లా ఆర్థిక వ్యవస్థను రూ.59 వేల కోట్లకు చేర్చే లక్ష్యంతో అన్ని రంగాల్లో సమగ్రాభివృద్ధి ప్రణాళిక రూపొందించాలని ఆంధ్రప్రదేశ్‌ మాజీ ప్రభుత్వ ప్రధాన కార్యదర్శి, జీఎఫ్‌ఎస్‌టీ వైస్‌ చైర్మన్‌ ఎస్పీ టక్కర్‌ సూచించారు. జిల్లా అభివృద్ధి ప్రణాళిక తయారీపై సంబంధిత అధికారులతో ఆయన వీడియో కాన్ఫరెన్స్‌ ద్వారా మంగళవారం సమీక్షించారు. ఈ వీసీకి కలెక్టరేట్‌ నుంచి కలెక్టర్‌ దివాకర టీ.ఎస్‌., అదనపు కలెక్టర్‌ డాక్టర్‌ పి.శ్రీజతో పాటు వివిధ శాఖల అధికారులు హాజరయ్యారు. ఈ సందర్భంగా టక్కర్‌ మాట్లాడుతూ జిల్లా అభివృద్ధి ప్రణాళికను స్థానిక పరిస్థితులు, ప్రజల అవసరాలు, అందుబాటులో ఉన్న వనరులను పరిగణనలోకి తీసుకుని రూపొందించాలన్నారు. జిల్లా తలసరి ఆదాయం రూ.3.30 లక్షలు ఉండగా.. రాష్ట్ర తలసరి ఆదాయంతో పోలిస్తే ఇంకా అభివృద్ధి సాధించాల్సిన అవసరముందని తెలిపారు. జిల్లాలో ఎక్కువ మంది ప్రజలు వ్యవసాయంపై ఆధారపడినా ఆర్థిక వ్యవస్థలో వాటా తక్కువగా ఉందని పేర్కొన్నారు. ప్రాథమిక రంగంపై సుమారు 64 శాతం మంది కార్మికులు ఆధారపడుతుండగా, జిల్లా స్థూల విలువ జోడింపులో వాటా సుమారు 24.2 శాతంగా ఉందని వివరించారు. ద్వితీయ రంగం వాటా సుమారు 12.9 శాతం కాగా, సేవా రంగం వాటా సుమారు 63 శాతంగా ఉందని తెలిపారు. పారిశ్రామిక రంగ వృద్ధికి సూక్ష్మ, చిన్న, మధ్యతరహా పరిశ్రమలను ప్రోత్సహిస్తూ, సమస్యల పరిష్కారానికి కృషి చేయాలని సూచించారు. అలాగే, మహిళా సంఘాల ద్వారా చేపట్టే వ్యాపారాలు, స్వయం ఉపాధి కార్యక్రమాలు, ఉత్పత్తుల తయారీ, మార్కెటింగ్‌ అవకాశాలను విస్తరించడంతో పాటు ఖమ్మం ఐటీ టవర్‌లో ఇంకా ఎన్ని ఉద్యోగ అవకాశాలు కల్పించవచ్చో గుర్తించాలని పేర్కొన్నారు. సమగ్ర అభివృద్ధి ప్రణాళిక జిల్లా సమగ్ర అభివృద్ధి ప్రణాళికలో భాగంగా ఏర్పాటు చేసిన 11 గ్రూపులు తమ పరిధిలోని అంశాలను సమగ్రంగా అధ్యయనం చేసి, అందుబాటులో ఉన్న గణాంకాలు, ప్రస్తుత పరిస్థితులు, అవకాశాల ఆధారంగా లక్ష్యాలను నిర్దేశించు కోవాలని ఆయన సూచించారు. మహిళా సంఘాలు, ఆరోగ్యం, పోషకాహారం, విద్య, నైపుణ్యాభివృద్ధి, పరిశ్రమలు, సేవారంగం, పట్టణాభివృద్ధి, పర్యాటకం, రవాణా, తాగునీరు, సాగునీరు, వ్యవసాయ అనుబంధ రంగాలు, మౌలిక సదుపాయాల అభివృద్ధి వంటి అంశాలను పరిగణనలోకి తీసుకోవాలన్నారు. అనంతరం అధికారులతో సమావేశమైన కలెక్టర్‌ దివాకర మాట్లాడుతూ అభివృద్ధి ప్రణాళిక రూపకల్పనలో సమన్వయంతో పనిచేయాలని సూచించారు.

కారేపల్లి: విద్యుత్‌ తీగల సాయంతో అటవీ జంతువుల వేటకు ప్రయత్నించిన నలుగురిపై అటవీ అధికారులు కేసు నమోదు చేశారు. ఈమేరకు మంగళవారం ఎఫ్‌ఆర్‌ఓ శ్రీనివాసరావు వెల్లడించిన వివరాలు.. మండలంలోని అప్పాయిగూడెంలో ఈనెల 24న రాత్రి తరచూ విద్యుత్‌ సరఫరాకు అంతరాయం ఏర్పడుతుండడంతో విద్యుత్‌ ఉద్యోగులు తనిఖీ చేశారు. ఈ సందర్భంగా ఓ రైతు ఆయిల్‌పామ్‌ తోటలో జంతువుల వేట కోసం ఏర్పాటుచేసిన విద్యుత్‌ వైర్లను గుర్తించారు. మాధారం గ్రామానికి చెందిన పబ్బుల రాములు, భూక్యా రఘు, రెడ్డిబోయిన వెంకన్న, ఎల్లిబోయిన నాగేశ్వరరావు ఈ వైర్లను ఏర్పాటు చేసినట్లు తేలడంతో కేసు నమోదు చేసి నలుగురిని అదుపులోకి తీసుకున్నట్టు ఎఫ్‌ఆర్‌ఐ తెలిపారు.

పాల్వంచ: అతివేగంతో వెళ్తున్న ప్రైవేట్‌ ట్రావెల్స్‌ బస్సు లగేజ్‌ డోర్‌ తెరుచుకోగా, అది పక్కనే మోటార్‌ సైకిల్‌పై వెళ్తున్న సింగరేణి ఉద్యోగికి తాకడంతో తీవ్రగాయాల పాలై మృతి చెందాడు. ఈ ఘటనకు సంబంధించి వివరాలు... సూర్యాపేట జిల్లా కోదాడ మండలం చిలుకూరు గ్రామానికి చెందిన రెడ్డి సతీష్‌రెడ్డి(40) తన కుటుంబంతో కలిసి పాల్వంచలోని నవభారత్‌ గాంధీనగర్‌లో ఉంటూ మణుగూరు సింగరేణి సంస్థలో ఉద్యోగం చేస్తున్నారు. మంగళవారం తెల్ల వారుజామున ఆయన టీ తాగేందుకు బైక్‌పై నవభారత్‌ సెంటర్‌కు వెళ్తున్నాడు. ఈ సమయాన కొత్తగూడెం వైపు నుంచి పాల్వంచ వైపు వస్తున్న బీఎస్‌ఆర్‌ ట్రావెల్స్‌ బస్సు డ్రైవర్‌ అతివేగంతో ముందు ఉన్న యాష్‌ ట్యాంకర్‌ను ఓవర్‌ టేక్‌ చేసేందుకు ప్రయత్నించాడు. ఈక్రమాన బస్సు ఎడమ వైపు లగేజ్‌ బాక్స్‌ డోర్‌ ఒక్కసారి తెరుచుకుని పక్కనే వెళ్తున్న సతీష్‌రెడ్డికి తాకడంతో రోడ్డుపై పడిపోయాడు. ఆయన తల వెనకాల గాయమై తీవ్ర రక్తస్రావంతో అక్కడికక్కడే మృతి చెందాడు. ఈ విషయం తెలిసి సతీష్‌రెడ్డి భార్య అనూష చేరుకుని మృతదేహం వద్ద విలపించిన తీరు స్థానికులను కలిచివేసింది. కాగా, ప్రమాదానికి కారణమైన బస్సు డ్రైవర్‌ కూసుమంచి మండలం చిన్న పోచారం గ్రామానికి చెందిన గడ్డం లక్ష్మీనారాయణపై కేసు నమోదు చేసినట్లు ఎస్‌ఐ టి.నాగరాజు తెలిపారు. కాగా, సతీష్‌కు భార్యతో పాటు కూమార్తెలు అభీష్ట, భవిష్య ఉన్నారు. పక్కనే వెళ్తున్న సింగరేణి ఉద్యోగికి తాకడంతో మృతి

కారేపల్లి: దసరా సందర్భంగా మండలంలోని ఉసిరికాయపల్లిలో నిర్వహించిన శ్రీకోటమైసమ్మతల్లి జాతర ఆదివారం ముగిసింది. ఈ మేరకు సోమవారం ఆలయ సత్రంలో దేవాదాయ శాఖ ఇన్‌స్పెక్టర్‌ సమత, ఈఓ కట్టుకూరు వెంకటయ్య , పర్సా ట్రస్టు చైర్మన్‌ పట్టాభిరామారావు సమక్షాన హుండీ ఆదాయాన్ని లెక్కించారు. ఐదు రోజుల పాటు జరిగిన జాతర సందర్భంగా మొత్తం రూ.32,02,697 ఆదాయం నమోదు కాగా, హుండీల ద్వారా రూ.8,02,366 కానుకలు వచ్చాయని అధికారులు వెల్లడించారు. గత ఏడాది జాతర ఆదాయం రూ.29,10,386 కాగా, ఈ ఏడాది రూ.2,92,311 పెరిగింది. హుండీల ద్వారా గత ఏడాది రూ.7,41,764 కానుకలు వస్తే ఈసారి రూ.20,602 పెరిగి రూ.8,02,366గా నమోదైంది. జాతరలో పూజా టికెట్ల ద్వారా గత ఏడాది రూ.4,95,290 వస్తే ఈ ఏడాది రూ.6,34,350, వేలం హక్కుల ద్వారా గత ఏడాది రూ.9,64,500 ఆదాయం రాగా, ఈ ఏడాది రూ.10,96,000 సమకూరింది. దేవాదాయ శాఖ అధికారులు పగడాల మోహన్‌కృష్ణ, పర్సా సాయిలలిత్‌, మూడ్‌ మోహన్‌చౌహాన్‌, గణితి నారాయణ, సర్పంచ్‌ వరలక్ష్మిరాజు, గ్రామ కార్యదర్శి భూక్యా నిరంజన్‌, గ్రామస్తులు బోడ బన్సీలాల్‌, ఇస్లావత్‌ శంకర్‌ పాల్గొన్నారు. గత ఏడాది కంటే రూ.2.92లక్షలు ఎక్కువ

ఖమ్మం సహకారనగర్‌: ప్రజావాణిలో అందే ప్రతీ దరఖాస్తును క్షుణ్ణంగా పరిశీలించి, బాధితులకు న్యాయం జరిగేలా చర్యలు తీసుకోవాలని అదనపు కలెక్టర్‌ డాక్టర్‌ పి.శ్రీజ అధికారులను ఆదేశించారు. కలెక్టరేట్‌లో సోమవారం నిర్వహించిన ప్రజావాణిలో భాగంగా ఆమె దరఖాస్తులు స్వీకరించారు. అనంతరం అధికారులతో సమావేశమై ఇప్పటివరకు పెండింగ్‌ ఉన్న దరఖాస్తులు, వాటి స్థితిగతులపై సమీక్షించి సూచనలు చేశారు. ఫిర్యాదుల్లో కొన్ని... వేంసూరుకు చెందిన డి.అపర్ణ దివ్యాంగురాలినైన తనకు ఉపాధి కల్పించాలని కోరారు. అలాగే, ఖమ్మంకు చెందిన మహమ్మద్‌ అబ్దుల్‌ కరీం టీ హబ్‌ డయాగ్నస్టిక్‌ కేంద్రంలో ల్యాబ్‌ టెక్నీషియన్‌గా పనిచేసిన తాను 2024 జనవరిలో ఉద్యోగం కోల్పోయానని తెలిపారు. తిరిగి ఉపాధి కల్పించాలని వినతిపత్రం అందజేశారు. ఖమ్మంకు చెందిన ట్రాన్స్‌జెండర్‌ ఎస్‌.కే.నమ్రీన్‌ ఔట్‌సోర్సింగ్‌ ఉద్యోగం కల్పించాలని దరఖాస్తు అందజేయగా, వైఎస్సార్‌ కాలనీకి చెందిన ఎం.రోజా తన భర్త వేధింపుల నుంచి రక్షణ కల్పించాలని వినతిపత్రం అందజేసింది.‘ప్రజావాణి’లో అదనపు కలెక్టర్‌ శ్రీజ

కూసుమంచి: ఖమ్మం – సూర్యాపేట జాతీయ రహదారిపై వెళ్తున్న ఆర్‌టీసీ బస్సు అదుపు తప్పి రోడ్డు పక్కనే పత్తి చేనులోకి దూసుకెళ్లింది. సోమవారం తెల్లవారుజామున చోటుచేసుకున్న ఈ ఘటన వివరాలు... భద్రాచలం డిపోనకు చెందిన డీలక్స్‌ బస్సు హైదరాబాద్‌ నుండి భద్రాచలం వెళ్తుండగా జాతీయ రహహదారిపై లింగారంతండా వద్ద అదుపు తప్పింది. దీంతో బస్సు రోడ్డు దిగి పక్కనే ఉన్న పత్తి చేనులోకి దూసుకెళ్లింది. ఈ సమయాన కొందరే ప్రయాణికులు ఉండడం, వారు స్వల్ప గాయాలతో బయట పడటంతో అంతా ఊపిరి పీల్చుకున్నారు. స్థానిక పోలీసులు, హైవే సిబ్బంది చేరుకుని క్షతగాత్రులను ఆస్పత్రికి తరలించారు. కాగా, బస్సు అతివేగం, డ్రైవర్‌ నిద్రమత్తే ప్రమాదానికి కారణమని భావిస్తున్నారు.

ఖమ్మంరూరల్‌: పట్టభద్రుల ఎమ్మెల్సీ ఎన్నికల్లో కాంగ్రెస్‌ అభ్యర్థి రాంరెడ్డి సర్వోత్తమ్‌రెడ్డిని మొదటి ప్రాధాన్యతా ఓట్లతో గెలిపించేలా పార్టీ శ్రేణులు ఇప్పటినుంచే కృషి చేయాలని రాష్ట్ర మంత్రి పొంగులేటి శ్రీనివాసరెడ్డి సూచించారు. ఈమేరకు పార్టీ నాయకులు ఓటర్ల నమోదుపై దృష్టి సారించాలని తెలిపారు. ఎమ్మెల్సీ ఎన్నికపై సోమవారం నిర్వహించిన పాలేరు నియోజకవర్గ స్థాయి సమావేశంలో మంత్రి మాట్లాడారు. మండలికి మంచి అభ్యర్థిని పంపితేనే ఫలితం ఉంటుందని తెలిపారు. ఖమ్మం, నల్లగొండ, వరంగల్‌ ఉమ్మడి జిల్లాల్లో కాంగ్రెస్‌ బలంగా ఉన్నందున, నవంబర్‌ 6వరకు పార్టీ శ్రేణులు ఉద్యమ స్ఫూర్తితో పనిచేస్తూ అత్యధికంగా ఓటర్లను నమోదు చేయించాలని సూచించారు. కాంగ్రెస్‌ అధికారంలోకి వచ్చినప్పటి నుంచి అన్నివర్గాల ప్రజలకు సంక్షేమ పథకాలు అందుతున్నందున పట్టభద్రులను ఓటర్లగా నమోదు చేయించి కాంగ్రెస్‌ అభ్యర్థి సర్వోత్తమ్‌రెడ్డి విజయానికి బాటలు వేయాలని సూచించారు. అలాగే, ‘సర్‌’కు నిరసనగా ఢిల్లీలో జరిగే ధర్నాకు తరలిరావాలని మంత్రి పిలుపునిచ్చారు. ఎల్‌నినోపై ప్రతిపక్షాల దుష్ప్రచారం ప్రపంచంలో వందకు పైగా దేశాలు ఎల్‌నినో ప్రభావంతో విపత్కర పరిస్థితిని ఎదుర్కొంటుండగా రాష్ట్రంలో బీఆర్‌ఎస్‌, బీజేపీ నేతలు దుష్ప్రచారం చేస్తున్నారని మంత్రి పొంగులేటి విమర్శించారు. ఈమేరకు ప్రతిపక్షాల కుట్రలపై మౌనంగా ఉండకుండా వారి విమర్శలను తిప్పికొట్టాలని, ఎల్‌నినోపై ప్రజలను కాంగ్రెస్‌ కార్యకర్తలు జాగృతం చేయాలని కోరారు. ఈ సమావేశంలో ఎమ్మెల్సీ అభ్యర్థి రామిరెడ్డి సర్వోత్తమ్‌రెడ్డి, కాంగ్రెస్‌ జిల్లా అధ్యక్షుడు నూతి సత్యనారాయణ, ఏదులాపురం మున్సిపల్‌ చైర్‌పర్సన్‌ అనిత, నాయకులు స్వర్ణకుమారి, నాగేశ్వరరావు, గోపాల్‌రెడ్డి, కృష్ణారెడ్డి, నరేష్‌రెడ్డి తదితరులు పాల్గొన్నారు. పాలేరు నియోజకవర్గంలో చేపడుతున్న అభివృద్ధి పనుల్లో నాణ్యతను పర్యవేక్షిస్తూనే గడువులోగా పూర్తయ్యేలా చూడాలని రాష్ట్ర మంత్రి పొంగులేటి శ్రీనివాసరెడ్డి ఆదేశించారు. ఖమ్మంలోనిక్యాంపు కార్యాలయంలో సోమవారం ఆయన కలెక్టర్‌ దివాకర టీ.ఎస్‌., అదనపు కలెక్టర్‌ పి.శ్రీనివాసరెడ్డితో కలిసి వివిధ శాఖల అధికారులతో సమావేశమయ్యారు. పాలేరు నియోజకవర్గంలో జరుగుతున్న అభివృద్ధి పనులు, పురోగతి, భూసేకరణ సమస్యలపై చర్చించి సూచనలు చేశారు. అభివృద్ధి పనుల్లో భూములు, ఇళ్లు కోల్పోతున్న నిర్వాసితులకు న్యాయం జరిగేలా భూమికి బదులు భూమి, ఇంటికి బదులు ఇల్లు ఇచ్చేలా వేగవంతమైన చర్యలు చేపట్టాలన్నారు. అలాగే, ఎల్‌నినో నేపథ్యాన నీటి పొదుపు, పంటల సాగుపై విస్తృత అవగాహన కల్పించాలని సూచించారు. జల వనరుల శాఖ సీఈ వాసంతి, జల వనరుల శాఖ, ఆర్‌అండ్‌బీ, పీఆర్‌, విద్యుత్‌, ఆర్‌డబ్ల్యూఎస్‌ ఎస్‌ఈలు ఎం.వెంకటేశ్వర్లు, యుగంధర్‌రావు, వెంకట్‌రెడ్డి, ఇనుగుర్తి శ్రీనివాసాచారి, శేఖర్‌రెడ్డి, మెడికల్‌ ఈఈ ఉమామహేశ్వరరావు, డీఏఓ డి.పుల్లయ్య తదితరులు పాల్గొన్నారు.

రఘునాథపాలెం: ఎల్‌నినో ప్రభావంతో వర్షాభావ పరిస్థితి నెలకొన్నందున రైతులు యాసంగి సాగుపై అప్రమత్తంగా ఉండాలని జిల్లా వ్యవసాయ అధికారి పుల్లయ్య సూచించారు. తక్కువ నీటితో సాగయ్యే ప్రత్యామ్నాయ పంటలకు ప్రాధాన్యత ఇవ్వాలని తెలిపారు. రఘునాథపాలెం మండలం చింతగుర్తిలో సోమవారం నిర్వహించిన అవగాహన సదస్సులో ఆయన మాట్లాడారు. సాగునీటిని పొదుపుగా వినియోగించుకోవాలని, నేలలో తేమను సంరక్షించే పద్ధతులు పాటించాలని చెప్పారు. శాసీ్త్రయ సాగు పద్ధతులతో దిగుబడి, ఆదాయం పెరుగుతుందని తెలిపారు. వ్యవసాయ విస్తరణ అధికారి బాలబత్తుల శిరిణ్మయి తదితరులు పాల్గొన్నారు.

ఖమ్మం మయూరిసెంటర్‌: ప్రభుత్వం ‘మహాలక్ష్మి’ పథకం ద్వారా మహిళలకు ఉచిత ప్రయాణాన్ని అందుబాటులోకి తీసుకురావడంతో ఆర్టీసీ పల్లె వెలుగు, ఎక్స్‌ప్రెస్‌ బస్సుల్లో రద్దీ అసాధారణంగా పెరిగింది. ఉమ్మడి జిల్లా వ్యాప్తంగా రోజుకు సుమారు 2లక్షల మంది ప్రయాణికులు పల్లెవెలుగు, ఎక్స్‌ప్రెస్‌ ఆర్టీసీ బస్సుల ద్వారా రాకపోకలు సాగిస్తున్నారు. ఈ పథకంతో మహిళలకు ఉచిత ప్రయాణం, ఆర్టీసీకి ఆదాయం వస్తున్నా... కండక్టర్లు, డ్రైవర్లకు మాత్రం ఇబ్బందులను తెచ్చిపెడుతోంది. బస్సు సామర్థ్యానికి మించి 100 – 150 మంది వరకు ఎక్కుతుండడం టికెట్లు జారీ చేయడం, ప్రయాణికులను నియంత్రించడం కత్తి మీద సాములా మారుతోంది. కొన్నిసార్లు అటు సిబ్బంది, ఇటు ప్రయాణికులు సంయమనం పాటించకపోవడంతో వాగ్వాదాలు ఘర్షణలకు దారి తీస్తున్నాయి. పెరిగిన పనిభారం మహాలక్ష్మి పథకం అమల్లోకి వచ్చాక ప్రయాణికుల సంఖ్య విపరీతంగా పెరగడమే కాక కొందరు సహనం కోల్పోయి వ్యవహరిస్తున్నారని ఉద్యోగులు చెబుతున్నారు. బస్సులో 55 మందికి మించి తీసుకొళ్లద్దని రవాణా శాఖ నిబంధనలు చెబుతున్నాయి. కానీ కొన్ని రూట్లలో 100 – 150 మంది వరకు ప్రయాణిస్తున్నారు. పలు రూట్లలో రద్దీకి తగ్గట్టు బస్సులు లేక, సామర్థ్యానికి మించి ఎక్కుతుండడంతో టికెట్ల జారీ, హాల్టింగ్‌ కోసం ప్రయాణ సమయం పెరిగి.. రోజుకు 15 గంటలకు పైగానే విధులు నిర్వర్తిస్తున్నామని సిబ్బంది వాపోతున్నారు. అయినా కొందరు ప్రయాణికులు చిన్న అంశాలకే గొడవ పడుతుండడం, తాజా ఘటనలో కండక్టర్‌ ప్రాణాల మీదకు రావడం ఆందోళన కలిగిస్తోందని చెబుతున్నారు. ఇటీవల ఖమ్మం బస్టాండ్‌లో ఓ కండక్టర్‌పై ప్రయాణికురాలి బంధువులు దాడి చేసిన విషయాన్ని గుర్తు చేస్తున్నారు. అయితే, మహిళా ప్రయాణికుల విషయంలో ఉచితంగా వెళ్తున్నారనే భావనతో కొందరు సిబ్బంది వ్యవహరిస్తున్న తీరు కూడా విమర్శలకు తావిస్తోంది. చర్యలు తీసుకోవాలని డిమాండ్‌ దాడులను అరికట్టడానికి యాజమాన్యం, ప్రభుత్వం కఠిన చర్యలు తీసుకోవాలని ఉద్యోగులు డిమాండ్‌ చేస్తున్నారు. మణుగూరు డిపో కండక్టర్‌పై జరిగిన దాడిని నిరసిస్తూ రీజియన్‌ వ్యాప్తంగా అన్ని డిపోల వద్ద సోమవారం నల్ల రిబ్బన్లు ధరించి నిరసన తెలిపారు. ఈమేరకు యాజమాన్యం, అధికారులు స్పందించి అటు ప్రయాణికులు, ఇటు సిబ్బంది నడుమ సమన్వయం పెరిగేలా అవసరమైన చర్యలు తీసుకోవాలనే సూచనలు వస్తున్నాయి. రోజుకు 2లక్షల మందికి పైగా.. ఖమ్మం రీజియన్‌ ఏడు డిపోల పరిధిలో పల్లెవెలుగు బస్సుల ద్వారా రోజుకు 95 వేల మంది ప్రయాణిస్తున్నారు. అలాగే, ఎక్స్‌ప్రెస్‌ బస్సుల్లో సుమారు 1.16లక్షల మంది రాకపోకలు సాగిస్తున్నారు. మొత్తంగా 2.10లక్షల మందికి పైగా ప్రయాణికుల రాకపోకలతో బస్సుల్లో రద్దీ ఉంటోంది.డిపో పల్లెవెలుగు ఎక్స్‌ప్రెస్‌ ఖమ్మం 58 46మధిర 17 38సత్తుపల్లి 42 34భద్రాచలం 19 31కొత్తగూడెం 30 24మణుగూరు 20 36ఇల్లెందు 16 14మొత్తం 202 223మణుగూరు డిపో బస్సులో ఆదివారం జరిగిన ఘటన ఆర్టీసీ సిబ్బంది భద్రతపై ఆందోళన రేకెత్తిస్తోంది. పల్లె వెలుగు బస్సులో ఓ మహిళ తన కుమారుడి టికెట్‌ కోసం రూ.100 ఇవ్వగా, మిగతా నగదు దిగేటప్పుడు తిరిగి ఇస్తానని కండక్టర్‌ ప్రవళిక టికెట్‌ వెనుక రాయడంతో గొడవ మొదలైంది. అశ్వాపురం మండలం మిట్టగూడెం వద్దకు వచ్చేసరికి వివాదం ముదిరి, కండక్టర్‌ను సదరు మహిళ కిందకు నెట్టేసింది. దీంతో కింద పడగా బస్సు వెనుక టైర్లు కాళ్ల పైనుంచి వెళ్లడంతో తీవ్ర గాయాలయ్యాయి. ప్రస్తుతం ప్రవళికకు చికిత్స కొనసాగుతుండగా, ప్రమాదానికి కారణమైన మహిళను రిమాండ్‌కు తరలించారు.