Karimnagar District Latest News

కరీంనగర్‌/కోల్‌సిటీ: మనిషి శరీరంలో బయటకు కనిపించని అనేక రుగ్మతలు ఉంటాయి. ఎముక విరిగినా.. ఊపిరితిత్తుల్లో సమస్య తలెత్తినా.. గుండె పనితీరులో మార్పులొచ్చినా.. వాటిని పైకి చూసి గుర్తించడం సాధ్యం కాదు. అలాంటి అంతర్గత సమస్యలను కళ్లకు కట్టినట్లు చూపించే అద్భుతమే రేడియాలజీ. ఒకప్పుడు నలుపు తెలుపు ఎక్స్‌రే చిత్రాలకే పరిమితమైన ఈ వైద్య పరిజ్ఞానం నేడు డిజిటల్‌ ఎక్స్‌రే, అల్ట్రాసౌండ్‌, సీటీ స్కాన్‌, ఎంఆర్‌ఐ, 3డీ ఇమేజింగ్‌ వరకు విస్తరించింది. ఉత్తర తెలంగాణలోని ప్రభుత్వ, ప్రైవేటు ఆసుపత్రుల్లోనూ అత్యాధునిక మిషనరీలు అందుబాటులోకి వచ్చాయి. ఆదివారం ప్రపంచ రేడియోగ్రఫీ దినోత్సవాన్ని నిర్వహించనున్నారు. శరీర అంతరంగాలపై చిత్రముద్ర ఎక్స్‌రే పరీక్ష ద్వారా ఎముకల విరుగుళ్లు, ఊపిరితిత్తుల్లో ఇన్‌ఫెక్షన్లు, ఛాతీలోని మార్పులు, కొన్ని రకాల కణితులు, శరీరంలోని రాళ్లను గుర్తించవచ్చు. అల్ట్రాసౌండ్‌ ద్వారా గర్భంలోని శిశువు ఎదుగుదల, అవయవాల పరిస్థితిని తెలుసుకోవచ్చు. సీటీ స్కాన్‌తో శరీరంలోని అంతర్గత నిర్మాణాలను పలుకోణాల్లో పరిశీలించవచ్చు. ఎంఆర్‌ఐతో మెదడు, వెన్నెముక, కండరాలు, ఇతర మదు కణజాలాల సమస్యలను స్పష్టంగా గుర్తించవచ్చు. గుండె, మెదడు, మూత్రపిండాలు, రక్తనాళాలకు సంబంధించిన వ్యాధుల నిర్ధారణలోనూ ఇవి కీలక ఆధారాలుగా నిలుస్తున్నాయి. ఏఐతో మరింత కచ్చితత్వం.. రేడియాలజీ రంగంలో కృత్రిమ మేధ సరికొత్త మార్పులకు నాంది పలుకుతోంది. స్కానింగ్‌ చిత్రాలను విశ్లేషించి వ్యాధి లక్షణాలను త్వరగా గుర్తించేందుకు ఉపయోగపడుతోంది. రొమ్ము క్యాన్సర్‌ స్క్రీనింగ్‌, ఊపిరితిత్తుల్లో చిన్నపాటి గడ్డల గుర్తింపు, గుండె రక్తనాళాల్లో అడ్డంకుల పరిశీలన వంటి అంశాల్లో ఇది తోడ్పడుతోంది. చికిత్సలోనూ రేడియాలజీ ముద్ర ఇంటర్వెన్షనల్‌ రేడియాలజీ ద్వారా స్కానింగ్‌ చిత్రాల సహాయంతో శరీరంలోని సమస్యాత్మక ప్రాంతాలను గుర్తించి, చిన్న రంధ్రం లేదా సూది ద్వారా కొన్ని రకాల చికిత్సలు నిర్వహిస్తున్నారు. రక్తనాళాల్లోని అడ్డంకులను తొలగించడం, రక్తస్రావాన్ని నియంత్రించడం, కొన్ని కణితులకు చికిత్స చేయడం వంటి ప్రక్రియలు సాధ్యమవుతున్నాయి. జాగ్రత్తలు తప్పనిసరి.. ఆయనీకరణ వికిరణాలకు గురికాకుండా జాగ్రత్తలు తీసుకోవాలి. రేడియేషన్‌ మోతాదును సాధ్యమైనంత తక్కువగా ఉంచాలనే ఉద్దేశంతో ‘అలారా’ సూత్రాన్ని పాటిస్తారు. అంటే పరీక్షకు అవసరమైన స్థాయిలోనే వికిరణాలను వినియోగించాలి.

కరీంనగర్‌ కార్పొరేషన్‌: నగరపాలకసంస్థ కార్యాలయంలో దీపావళి వేడుకలు నిర్వహించారు. శనివారం కార్యాలయంలో ప్రత్యేకంగా దీపాలు, పూలతో అలంకరించారు. మేయర్‌ కొలగాని శ్రీనివాస్‌, డిప్యూటీ మేయర్‌ యాదగిరి సునీల్‌రావు దీపాలు వెలిగించి వేడుకలు ప్రారంభించారు. మేయర్‌ మాట్లాడుతూ నగర ప్రజలు ఆనందోత్సవాలతో పండగను జరుపుకోవాలన్నారు. కార్పొరేటర్లు మాసం గణేశ్‌, చాడగొండ కవిత బుచ్చిరెడ్డి, సరిళ్ల రాజకుమారి ప్రసాద్‌, నగరపాలకసంస్థ అదనపు కమిషనర్‌ ఆయాజ్‌, డిప్యూటీ కమిషనర్లు వేణుమాధవ్‌, ఖాదర్‌ మొహియొద్దీన్‌, సహాయ కమిషనర్‌ రాజమనోహర్‌, తేజస్విని, విజయలక్ష్మి, వెంకటేశ్‌, సునీల్‌ పాల్గొన్నారు. కరీంనగర్‌ కార్పొరేషన్‌: కరీంనగర్‌కే ప్రత్యేకంగా నిలిచిన సమాధుల పండుగకు అన్ని ఏర్పాట్లు చేసినట్లు మేయర్‌ కొలగాని శ్రీనివాస్‌ తెలిపారు. శనివారం వ్యవసాయ మార్కెట్‌యార్డ్‌ సమీపంలోని రెండు శ్మశానవాటికలతో పాటు వల్లంపహడ్‌లో జరుగుతున్న ఏర్పాట్లను పరిశీలించారు. కార్ఖానగడ్డ, కాశ్మీర్‌గడ్డ, సవరన్‌స్ట్రీట్‌, ఆదర్శనగర్‌, కిసాన్‌నగర్‌, బేడబుడగజంగాలకాలనీ, వల్లంపహడ్‌, చింతకుంట, కొత్తపల్లి, రేకుర్తి తదతర శ్మశానవాటికల్లో సమాధుల పండుగకు ఏర్పాట్లు చేశామని తెలిపారు. పారిశుధ్య పనులు, బ్లీచింగ్‌ చల్లడం, ప్రహరీలకు పెయింటింగ్‌, తాత్కాలిక ఎల్‌ఈడీ ఫ్లడ్‌లైట్లు, లైటింగ్‌ సిస్టమ్‌, తాగునీటి వసతి, వాటర్‌ ట్యాంకర్లు తదితర సదుపాయాలు కల్పించామన్నారు. కార్పొరేటర్లు కొంపెల్లి శ్వేత రమణ్‌, బొట్ల శ్యామల కిరణ్‌, సాదినేని లావణ్య మునీందర్‌, ఈఈ లచ్చిరెడ్డి పాల్గొన్నారు. కరీంనగర్‌: జాతీయ ఆరోగ్య మిషన్‌ (ఎన్‌హెచ్‌ఎం) పరిధిలో పనిచేస్తున్న ఉద్యోగులు చేపట్టిన నిరవధిక సమ్మె ఉధృతమవుతోంది. ఉద్యోగుల ఆందోళన శనివారం 26వ రోజు కొనసాగింది. నెలరోజులుగా సమ్మె చేస్తున్నప్పటికీ ప్రభుత్వం నుంచి స్పష్టమైన నిర్ణయం వెలువడకపోవడంపై ఉద్యోగులు అసంతృప్తి వ్యక్తం చేశారు. ప్రజారోగ్య పరిరక్షణలో కీలక పాత్ర పోషిస్తున్న తమ సమస్యలను తక్షణమే పరిష్కరించాలని డిమాండ్‌ చేశారు. 26 రోజులుగా సమ్మె కొనసాగుతుండటంతో ఉద్యోగులు ఆర్థికంగా ఎన్నో ఇబ్బందులు ఎదుర్కొంటున్నప్పటికీ, తమ హక్కుల సాధన విషయంలో వెనక్కి తగ్గడం లేదని స్పష్టం చేశారు. సీఎంఆర్‌పై సాగుతున్న విజిలెన్స్‌ దర్యాప్తుకరీంనగర్‌ అర్బన్‌: సీఎంఆర్‌ కేటాయింపు, వసూళ్లపై విజిలెన్స్‌ అండ్‌ ఎన్‌ఫోర్స్‌మెంట్‌ అధికారుల దర్యాప్తు కొనసాగుతోంది. తెలంగాణ స్టేట్‌ సివిల్‌ సప్లైస్‌ కార్పొరేషన్‌, జిల్లా పౌరసరఫరాల అధికారుల తీరుపై ఫిర్యాదు చేసిన చెంజర్ల గ్రామానికి చెందిన బోళ్ల వేణుగోపాల్‌ ఇంట్లో శనివారం అధికారులు విచారణ చేపట్టారు. కరీంనగర్‌లో విజిలెన్స్‌ అండ్‌ ఎన్‌ఫోర్స్‌మెంట్‌ డీఎస్పీ వెంకటేశ్వర్లు మధ్యాహ్నం 12గంటల నుంచి 3గంటల వరకు లోతుగా విచారించారు. అధికారుల అక్రమాలు, బాధ్యతారాహిత్యంపై ఆయన సమర్పించిన ఆధారాలను సేకరించిన విజిలెన్స్‌ అధికారులు, సంబంధిత పత్రాలను పరిశీలించి తదుపరి చర్యల నిమిత్తం వెనుదిరిగారు. కరీంనగర్‌క్రైం: రోడ్డు ప్రమాదంలో గాయపడిన హోంగార్డుకు కరీంనగర్‌ పోలీస్‌శాఖ అండగా నిలిచింది. సైదాపూర్‌ పోలీస్‌స్టేషన్‌లో డ్రైవర్‌గా విధులు నిర్వహిస్తున్న హోంగార్డు ఎండీ ముజీబ్‌ ఈ నెల 2న విధులు ముగించుకుని ద్విచక్ర వాహనంపై ఇంటికి వెళ్తుండగా జరిగిన రోడ్డు ప్రమాదంలో చేయి విరగడంతో పాటు తీవ్రంగా గాయపడ్డాడు. విషయం తెలుసుకున్న సీపీ గౌస్‌ ఆలం బాధితుడి వైద్య ఖర్చుల నిమిత్తం హోంగార్డు సంక్షేమ నిధి నుంచి రూ.40 వేల సాయాన్ని మంజూరు చేశారు. శనివారం హోంగార్డు ఆర్‌ఐ జానీమియా ఆధ్వర్యంలో ముజీబ్‌కు ఆర్థిక సాయానికి సంబంధించిన చెక్కును అందజేశారు.

వెలుగుల కేళీ.. దీపావళి పండుగను ఘనంగా జరుపుకునేందుకు జిల్లా ప్రజలు సిద్ధం అయ్యారు. లక్ష్మీపూజలు, కేదారేశ్వర నోములకు ఏర్పాట్లు చేసుకుంటున్నారు. పండుగ సందర్భంగా శనివారం ఉదయం నుంచే మార్కెట్లో సందడి నెలకొంది. ప్రమిదలు, గుమ్మడికాయలు, పూజాసామగ్రి కొనుగోలు చేసేవారితో కిటకిటలాడింది. బంతిపూలు మార్కెట్‌ను మంచెత్తగా కిలోకు రూ.50కి పైగానే పలికాయి. ఇక నగరంలోని అంబేద్కర్‌ స్టేడియం, మార్క్‌ఫెడ్‌ మైదానంలో టపాసుల స్టాళ్లు ఏర్పాటు చేయగా.. శనివారం నుంచే కొనుగోళ్లు షురూ అయ్యాయి. గతంలో రూ.300లకు కిలో చొప్పున అమ్మకాలు జరిపిన నిర్వాహకులు ప్రస్తుతం రూ.500 నుంచి రూ.600 వరకు విక్రయిస్తున్నారు. టపాసుల హోల్‌సేల్‌ ధరలు పెరగడమే ఇందుకు కారణమని చెబుతుండగా పండుగ సందర్భంగా తప్పదు కాబట్టి బడ్జెట్లో కొనుగోలు చేస్తున్నామని ప్రజలు పేర్కొంటున్నారు. దీపావళి సందర్భంగా కరీంనగర్‌ బస్టాండ్‌లోనూ రద్దీ నెలకొంది. వివిధ ప్రాంతాలకు వెళ్లేవారితో పాటు, పట్నం నుంచి పండక్కి వచ్చేవారితో సందడి నెలకొంది. దీపావళి స్పెషల్‌ పేరిట పలు ప్రాంతాలకు ప్రత్యేక బస్సులు నడిపిస్తూ.. ప్రయాణికులకు ఇబ్బంది లేకుండా ఆర్టీసీ అధికారులు పర్యవేక్షించారు. – సాక్షి ఫొటోగ్రాఫర్‌, కరీంనగర్‌

పెద్దపల్లి: పెద్దపల్లి జిల్లా సుల్తానాబాద్‌కు చెందిన యువతి లకిశ్రీ కట్టల మోడలింగ్‌ రంగంలో సత్తా చాటారు. వరంగల్‌లో తెలంగాణ స్పార్క్‌ ఆధ్వర్యంలో నిర్వహించిన ‘తెలంగాణ స్పార్క్‌ సీజన్‌–1’ గ్రాండ్‌ ఫెస్టివల్‌లో ప్రతిభ కనబరిచి రెండు అవార్డులను కై వసం చేసుకున్నారు. మిస్‌ తెలంగాణ సెకండ్‌ రన్నరప్‌గా నిలవడంతో పాటు మిస్‌ పెద్దపల్లి టైటిల్‌ను సొంతం చేసుకుని ప్రత్యేక గుర్తింపు పొందారు. మోడలింగ్‌పై ఆసక్తితో ఈ రంగంలోకి అడుగుపెట్టిన లకిశ్రీ గతంలోనూ పలు పోటీల్లో పాల్గొని అనేక కిరీటాలు సాధించారు. తాజా విజయంతో తన ప్రతిభను మరోసారి చాటుకున్నారు. ఈ సందర్భంగా ఈవెంట్‌ నిర్వాహకులు గౌస్‌ పాషా ఆమెను అభినందించారు. లకిశ్రీ విజయంపై తల్లిదండ్రులు కట్టల శ్రీనివాస్‌, పావని హర్షం వ్యక్తం చేశారు. ప్రస్తుతం బి.ఫార్మసీ ఫైనలియర్‌ చదువుతున్న లకిశ్రీ భవిష్యత్తులో మిస్‌ ఇండియా కిరీటాన్ని గెలుచుకోవడమే తన లక్ష్యమని తెలిపారు.

కరీంనగర్‌కల్చరల్‌/విద్యానగర్‌: వర్ణాల కాంతులు.. దీపాల వెలుగులు.. పులకించే మనసులు.. ఉప్పొంగే తనువులు.. వెలుగులు పర్వదినం దీపావళికి సంకేతాలు. చెడుపై మంచి సాఽధించిన విజయానికి గుర్తుగా దీపావళిని ఆదివారం ప్రజలు ఆనందంగా జరుపుకోనున్నారు. వ్యాపార సముదాయాల వద్ద లక్ష్మీదేవికి పూజలు నిర్వహంచడం అనవాయితీ. ఇంటిల్లిపాది ఉత్సాహంగా పాల్గొనే సంబురం. ఉదయాన్నే లేవడం, తలంటు పోసుకోవడం, కొత్త బట్టలు వేసుకోవడం విందు భోజనాలను ఆరగించడంతో సాయంత్రానికి అసలైన ఆనందం మొదలవుతుంది. నిశీధి నిశ్శబ్దాన్ని బాణసంచాలతో బెదరగొట్టి చిమ్మ చీకట్లను చెల్లాచెదురు చేసే సంబురమే దీపావళి. లక్ష్మి పూజలు దీపావళి అమావాస్య రోజున లక్ష్మిపూజకు అధిక ప్రాధాన్యత ఉంటుంది. సహస్రనామాలతో, అష్టోత్తరాలతో, దండకాలతో లక్ష్మిదేవిని ప్రసన్నురాలిని చేసుకోవడానికి పూజలు చేస్తారు. లక్ష్మిదేవి కటాక్షం కోసం, అసుర సంధ్యవేళతో ఇళ్లలోకి వస్తుందనే నమ్మకంతో ఆమెకు స్వాగతం పలికి సాదా తమ ఇళ్లలో కొలువుతీరమని వేడుకుంటూ పూజలు చేస్తారు. టపాసులతో జాగ్రత్త దీపావళి పండుగ ఎందరికో ఆనందాన్ని కలిగిస్తే మరికొందరిని విషాదంలో నింపుతుంది. అతి ఉత్సాహంతో టపాసులు కాల్చేటప్పుడు జాగ్రత్తలు తీసుకొని కారణంగా ప్రమాదాలను కోరి తెచ్చుకుంటూ ఆస్పత్రుల పాలవుతుంటారు. గతకాలంలో దీపాల వెలుగులకు, పొటాష్‌ మందుగుండు దిబ్సిసాలకే పరిమితమైన పండుగ ఇప్పుడు బాంబులు, టపాసుల పేలుళ్లతో వాడవాడలా దద్దరిల్లిపోతున్నాయి. హైడ్రోజన్‌, డబుల్‌ సౌండ్స్‌, త్రిబుల్‌ సౌండ్స్‌ వంటి పేర్లతో తయారు అవుతున్నాయి. సాధారణంగా మనిషి వినికిడి శక్తి 50 డెసిబుల్స్‌ మాత్రమే. అంతకు మించిన శబ్దాలను వింటే చెవికి ఎంతో కొంత మేరకు నష్టం కలుగుతుంది. 70 డెసిబుల్స్‌ దాటిన ధ్వనులను వింటే నష్టం తీవ్రంగానే ఉంటుంది. ఈ పరిస్థితులు రాకుండా తగిన జాగ్రత్తలతో దీపావళిని జరుపుకోవాలి. నేడు దీపావళి పర్వదినం కేదారీ నోములు, లక్ష్మిదేవి పూజలు మార్కెట్లో సందడి.. టపాసులతో జాగ్రత్త అంటున్న నిపుణులు

ఇరుకుల్ల వద్ద జాతీయ రహదారిలోకి ప్రవేశించేమార్గంలో ప్రమాదకరంగా ఉన్న స్పీడ్‌బ్రేకర్లురాజీవ్‌రహదారి వద్ద యూటర్న్‌ తీసుకుంటున్న డీసీఎంకరీంనగర్‌ రూరల్‌: రాజీవ్‌ రహదారి నుంచి వరంగల్‌ జాతీయ రహదారిలోకి ప్రవేశించేందుకు దారి తెలియక వాహనదారులు అయోమయానికి గురవుతున్నారు. సూచిక బోర్డులు లేకపోవడంతో గోదావరిఖని నుంచి వచ్చేవారు ఇరుకుల్ల వద్ద జాతీయ రహదారిపైకి ఎలా వెళ్లాలో తెలియక ఆందోళన చెందుతున్నారు. యూటర్న్‌ ఉన్నప్పటికీ సూచికబోర్డులు లేకపోవడంతో కొందరు ఫ్లైఓవర్‌ పక్కనే ఉన్న సర్వీస్‌ రోడ్డు నుంచి వెళ్లడంతో ఇరుకుల్ల వాగు వరకు వెళ్లి వెనక్కి వస్తున్నారు. మరికొందరు దుర్శేడ్‌ మీదుగా జాతీయ రహదారిపైకి ప్రవేశిస్తున్నారు. భారీ వాహనాల రాకపోకలతో దుర్శేడ్‌లో ఇరుకుగా ఉన్నరోడ్డుపై తరచూ ప్రమాదాలు చోటుచేసుకుంటున్నాయి. ప్రమాదకరంగా యూటర్న్‌ జగిత్యాల– వరంగల్‌ జాతీయ రహదారి 563 డిజైన్‌ లోపంతో వాహనదారులకు శాపంగా మారింది. ఇరుకుల్ల వద్ద వాహనాలు యూటర్న్‌ తీసుకుని జాతీయ రహదారి ఎక్కాలి. నేషనల్‌ హైవే అధికా రులు ఈ ప్రాంతంలో ఎలాంటి సూచిక బోర్డులు ఏర్పాటు చేయకపోవడంతో అయోమయానికి గురవుతున్నారు. ఇరుకుల్ల గ్రామస్తులు యూటర్న్‌ ద్వారానే కరీంనగర్‌కు రాకపోకలను సాగిస్తున్నారు. గోదావరిఖని నుంచి వచ్చే వాహనాలు అతివేగంగా రావడంతో ప్రతి రోజు ప్రమాదాలు జరుగుతున్నాయి. ఇప్పటికే సుమారు 10మంది గ్రామస్తులు యూటర్న్‌ వద్ద రోడ్డు ప్రమాదాల్లో మృతిచెందారు. ప్రస్తుతం వరంగల్‌ జాతీయ రహదారిలోకి యూటర్న్‌ ద్వారా వాహనాలు ప్రవేశిస్తుండటంతో ట్రాఫిక్‌ జామ్‌ ఏర్పడుతోంది. భారీ స్పీడ్‌ బ్రేకర్లతో ప్రమాదాలు వరంగల్‌ జాతీయ రహదారిని మొదటిదశలో వరంగల్‌ నుంచి ఇరుకుల్ల వరకు నిర్మించారు. రెండో దశలో ఇరుకుల్ల నుంచి జూబ్లీనగర్‌, నగునూరు, కొత్తపల్లి మీదుగా జగిత్యాల వరకు చేపట్టనున్నారు. జాతీయ రహదారిలోకి ప్రవేశించే, దిగే ప్రాంతాల్లో భారీ స్పీడ్‌బ్రేకర్లు ఏర్పాటు చేశారు. వరంగల్‌ నుంచి వచ్చే వాహనాలు కిందకు దిగే ప్రాంతం స్లోపుగా ఉండటంతో స్పీడ్‌ బ్రేకర్ల మీదుగా వేగంగా వచ్చి అదుపుతప్పి బోల్తా పడుతున్నాయి. ఇటీవల క్రషర్‌లోడ్‌తో వచ్చిన లారీ బోల్తాపడగా సమీపంలో ఉన్న ద్విచక్రవాహనదారులకు తృటిలో ప్రమాదం తప్పింది. జాతీయ రహదారి నుంచి కిందకు దిగిన వాహనదారులు కరీంనగర్‌, పెద్దపల్లి, గోదావరిఖనికి ఎటు నుంచి వెళ్లాలో తెలియక అయోమయానికి గురవుతున్నారు. కరీంనగర్‌కు వెళ్లాలంటే సుమారు రెండు కిలోమీటర్ల దూరంలో ఉన్న మొగ్ధుంపూర్‌ జెడ్పీ పాఠశాల వద్ద యూటర్న్‌ తీసుకోవాల్సి వస్తోంది. కొందరు ఇరుకుల్ల యూటర్న్‌ ద్వారానే కరీంనగర్‌ వెళ్లేందుకు రాంగ్‌రూట్‌లో వెళ్తుండటంతో ప్రమాదాలు జరుగుతున్నాయి. ఇప్పటికై నా నేషనల్‌ హైవే అధికారులు స్పందించి రహదారికి ఇరువైపులా సూచికబోర్డులు ఏర్పాటు చేయాలని వాహనదారులు కోరుతున్నారు.

● వెలమ కార్పొరేషన్‌ చైర్మన్‌ జువ్వాడి నర్సింగరావు కోరుట్ల: ఉమ్మడి కరీంనగర్‌ జిల్లా ప్రజలకు రుణపడి ఉంటానని రాష్ట్ర వెలమ కార్పొరేషన్‌ చైర్మన్‌ జువ్వాడి నర్సింగరావు అన్నారు. హైదరాబాద్‌లోని మైత్రీవనంలో శనివారం బాధ్యతలు స్వీకరించారు. జిల్లా రాజకీయాల్లో తన తండ్రి జువ్వాడి సేవలు చిరస్మరణీయమని, ఆయన వారసత్వంగా రాజకీయాల్లోకి వచ్చిన తనకు ముఖ్యమంత్రి రేవంత్‌రెడ్డి తగిన గుర్తింపునిచ్చారని తెలిపారు. పని చేసే కార్యకర్తలకు కాంగ్రెస్‌ ప్రభుత్వంలో తగిన గుర్తింపు దక్కుతుందన్నారు. పార్టీని ప్రజల్లోకి మరింతగా తీసుకెళ్తానన్నారు. కోరుట్ల నియోజకవర్గ అభివృద్ధికి నిరంతరం కృషి చేస్తున్నానని తెలిపారు. తన ప్రమాణ స్వీకారానికి భారీగా తరలివచ్చిన పార్టీ శ్రేణులు, అభిమానులకు ధన్యవాదాలు తెలిపారు. మంత్రులు శ్రీధర్‌ బాబు, అడ్లూరి లక్ష్మణ్‌ కుమార్‌, వివేక్‌, ప్రభుత్వ సలహాదారు వేంనరేందర్‌ రెడ్డి, విప్‌ ఆది శ్రీనివాస్‌, జువ్వాడి కృష్ణారావు, జువ్వాడి చంద్రశేఖర్‌ రావు, కోరుట్ల, మెట్‌పల్లి మున్సిపల్‌ చైర్మన్లు తిరుమల వసంత, మైలారపు లింబాద్రి, వివిద మండలాల కాంగ్రెస్‌ అధ్యక్షులు, పార్టీ శ్రేణులు, నాయకులు పాల్గొన్నారు.

● మాజీ ఎంపీ బోయినపల్లి వినోద్‌కుమార్‌ మానకొండూర్‌: తెలంగాణాలో ఎల్‌నినోతో కరువు రాలేదని, కాంగ్రెస్‌ ప్రభుత్వమే కాళేశ్వరం ప్రాజెక్టుపై లేనిపోని బూచీలు చూపె డుతూ బ్యారేజీలు మరమ్మతు చేయక కరువు సృష్టించిందని మాజీ ఎంపీ బోయినపల్లి వినోద్‌కుమార్‌ మండిపడ్డారు. మాజీ ఎమ్మెల్యే రసమయి బాలకిషన్‌, మాజీ ఎమ్మెల్సీ నారదాసు లక్ష్మణ్‌రావు, బీఆర్‌ఎస్‌ జిల్లా అధ్యక్షుడు జీవీ.రామకృష్ణారావుతో కలిసి శనివారం మానకొండూర్‌లో మాట్లాడారు. జూన్‌, జూలైకల్లా అన్నారం సుందిల్ల బ్యారేజీలను మరమ్మతు చేయాలని సీఎం నిర్ణయం తీసుకోవడం మంచిదేనన్నారు. కేసీఆర్‌ చేపట్టిన కాళేశ్వరంతో కేసీఆర్‌కు పేరు ప్రతిష్టలు వస్తాయని, ఆయన్ను బద్నాం చేయాలని ఎన్‌డీఎస్‌ఏ రిపోర్టు పేరిట సీఎం కాలయాపన చేశాడని అరోపించారు. కేంద్ర ప్రభుత్వానికి ఎన్‌డీఎస్‌ రిపోర్టు 2024లో ఇవ్వగా రెండేళ్ల తరువాత రిపేరు చేస్తామని సీఎం రేవంత్‌రెడ్డి ప్రకటించడం దుర్మార్గమన్నారు. కేవలం కేసీఆర్‌పై ద్వేషంతోనే జాప్యం చేశారన్నారు. కరువును సృష్టించిన కాంగ్రెస్‌ ప్రభుత్వం తెలంగాణ ప్రజలకు క్షమాపణలు చెప్పాలన్నారు. ఆరు నెలల్లో బ్యారేజీలు ఎలా రిపేరు చేస్తారని ప్రశ్నించారు. నాయకులు సిద్ధం వేణు, తాళ్లపల్లి శేఖర్‌గౌడ్‌, శ్రీనివాస్‌రెడ్డి, కేతిరెడ్డి దేవేందర్‌రెడ్డి, రావుల రమేశ్‌, నాగిశేఖర్‌, సర్పంచ్‌లు ఎరుకల శ్రీనివాస్‌గౌడ్‌, పారునంది కిషన్‌ పాల్గొన్నారు.

కరీంనగర్‌: కరీంనగర్‌ పార్లమెంట్‌ నియోజకవర్గం పరిధిలోని ప్రభుత్వ పాఠశాలల్లో పదోతరగతి చదువుతున్న విద్యార్థుల ఈ ఏడాది పరీక్ష ఫీజును కేంద్ర హోంశాఖ సహాయ మంత్రి బండి సంజయ్‌కుమార్‌ చెల్లించారు. శనివారం కరీంనగర్‌, రాజన్న సిరిసిల్ల, సిద్దిపేట, హనుమకొండ, జగిత్యాల జిల్లాల బీజేపీ ముఖ్య నేతల ఆధ్వర్యంలో ఆయా జిల్లాల కలెక్టర్లకు చెక్కులు అందజేశారు. కరీంనగర్‌ జిల్లాలో 4,356 మంది విద్యార్థులకు సంబంధించి రూ.5,44,500 విలువైన చెక్కు, రాజన్న సిరిసిల్ల జిల్లాలో 3,920 మందికి రూ.4,90,000, సిద్దిపేట జిల్లాలో 1,133 మందికి రూ. 1,37,140, జగిత్యాల జిల్లాలో 1,087 మందికి రూ.1,35,875, హనుమకొండ జిల్లాలో 463 మంది విద్యార్థులకు రూ.57,875 విలువైన చెక్కులు అందించారు. మంత్రి తీసుకున్న ఈ నిర్ణయంతో పార్లమెంట్‌ పరిధిలోని 10,959 మంది పేద విద్యార్థులకు ప్రత్యక్షంగా లబ్ధి చేకూరనుంది. కరీంనగర్‌లో చెక్కు అందించిన వారిలో మేయర్‌ కొలగాని శ్రీనివాస్‌, రాష్ట్ర అధికార ప్రతినిధి, డిప్యూ టీ మేయర్‌ సునీల్‌ రావు, బాస సత్యనారాయణ రావు, పార్లమెంట్‌ కన్వీనర్‌ బి.ప్రవీణ్‌ రావు, రాష్ట్ర కార్యవర్గ సభ్యుడు కె.ఆంజనేయులు పాల్గొన్నారు.

సొంతింటి కల సాకారమై.. తమ ఇంట్లో తొలి దీపావళి జరుపుకుంటున్న ఇందిరమ్మ ఇళ్ల లబ్ధిదారుల కుటుంబాల్లో పండుగ వెలుగులు నిండాలని కలెక్టర్‌ చిత్రా మిశ్రా ఆకాంక్షించారు. రాష్ట్ర ప్రభుత్వం ప్రతిష్టాత్మకంగా చేపట్టిన ‘మా ఇందిరమ్మ ఇంట్లో దీపావళి’ని లబ్ధిదారుల ఇళ్లలో పండుగ వాతావరణం ఉట్టిపడేలా ఘనంగా నిర్వహించాలని పిలుపునిచ్చారు. ఈ కార్యక్రమ పోస్టర్‌ను శనివారం ఆవిష్కరించారు. అడిషనల్‌ కలెక్టర్‌ (రెవెన్యూ) డి.శ్రీనివాస్‌రెడ్డి, డీఆర్‌వో స్వా మి, గృహ నిర్మాణశాఖ ప్రాజెక్టు డైరెక్టర్‌ సుదర్శన్‌ పాల్గొన్నారు.

రోడ్డు ప్రమాద బాధితులు, మెదడులో రక్తస్రావం, పక్షవాతం లక్షణాలతో వచ్చే వారికి వెంటనే ఇమేజింగ్‌ పరీక్షలు అవసరం. సీటీ స్కాన్‌తో రక్తస్రావం, గాయాల తీవ్రతను గుర్తించవచ్చు. ఎంఆర్‌ఐతో మెదడు, నరాలు, కండరాలు, వెన్నెముక సమస్యలను క్షుణ్ణంగా పరిశీలించవ చ్చు. అల్ట్రాసౌండ్‌తో గర్భస్థ శిశువు ఎదుగుదల, కాలేయం, మూత్రపిండాలు తదితర అవయవాల పరిస్థితిని తెలుసుకోవచ్చు. డాప్లర్‌ పరీక్ష రక్తప్రసరణలోని అ డ్డంకులను గుర్తించేందుకు ఉపయోగపడుతుంది. క్యాన్సర్‌ చికిత్సలో కణితుల పరిమా ణం, వ్యాప్తిని అంచనా వేయడంలోనూ రేడియాలజీయే కీలకం. – కె.హారిక, రేడియాలజిస్టు

దీపావళి పండుగలో ఎంత సరదా ఉందో ప్రమాదం అంతే ఉంది. గుండె జబ్బు ఉన్నవారు భారీ శబ్దాలకు దూరంగా ఉండాలి. హైడ్రోజన్‌ బాంబులతో అత్యంత భారీ శబ్ధం వస్తుంది. గుండెవీక్‌గా ఉన్నా వారు, గుండెకు సంబంధించిన వ్యాధులున్న వారు, హార్ట్‌ అటాక్‌ వచ్చి కోలుకున్న వారు, పిల్లలు, వృద్ధులు తగిన జాగ్రత్తలు తీసుకోవాలి. ఈ శబ్దాల వలన గుండె ఎక్కువగా కొట్టుకోవడం. బీపీ పెరగడం, గుండెల్లో దడవంటివి ఉంటే వెంటనే డాక్టర్‌ను సంప్రదించడం మంచిది. – పి.ప్రియాంక, పిల్లల వైద్య నిపుణురాలు కాలిన గాయాలపై నీరు పోయాలి టపాసులు కాల్చే సమయంలో గాయమైతే గాయాలపై నీరు పోయాలి. వీలైతే సబ్బుతో కడగాలి. ఎందుకంటే టపాసుల్లో ఉంటే పొటాషియం, సురేకారం ఇతర రసాయనాలు రక్తంలో కలిసి మరింత ప్రమాదాన్ని కలిగిస్తాయి. కాలిన గాయాలను శుభ్రంగా కడిగి యాంటి సెప్టిక్‌ క్రిమ్‌ పూయాలి. 24 గంటల్లోగా డాక్టర్‌ను సంప్రదించాలి. లేకుంటే ఇన్‌ఫెక్షన్‌ సోకే అవకాశం ఉంటుంది. శరీరంలోని సున్నిత భాగాలకు గాయాలైతే వీలైనంత తొందరగా దగ్గరల్లో ఉన్న డాక్టర్‌ దగ్గరికి తీసుకెళ్లాలి. – వి.సుమన్‌చందర్‌ రావు, చర్మ వ్యాధుల నిపుణుడు ప్రాథమిక చికిత్స చేయవద్దు మనిషి వినికిడి శక్తి 20 నుంచి 60 డెసిబల్స్‌ మాత్రమే. అంతకన్నా ఎక్కువగా అంటే 80 డెసిబుల్స్‌ ఉంటే చెవినొప్పి వస్తుంది. ప్రస్తుతం లభిస్తున్న బాంబులు 100 నుంచి 180 డిసిబల్స్‌ శబ్ధం చేసేవి. 120 డిసిబల్స్‌ శబ్దం వలన వినికిడి శక్తి కోల్పోవడం జరుగుతుంది. చెవికి దగ్గరగా అంత శబ్దం వస్తే కర్ణభేరి పగిలిపోయే అవకాశం ఉంటుంది. ఒక వేళ చెవి నొప్పి వచ్చిన, చెవిలో నుంచి రక్తం వచ్చిన వెంటనే డాక్టర్‌ను సంప్రదించాలి. – సీహెచ్‌ రమణాచారి, ఈఎన్‌టీ నిపుణుడు, కరీంనగర్‌

కరీంనగర్‌ కార్పొరేషన్‌: ప్రజల సమస్యలను ప్రత్యక్షంగా తెలుసుకొని పరిష్కరించేందుకు నగర మేయర్‌ కొలగాని శ్రీనివాస్‌ డివిజన్‌ బాట.. మేయర్‌ మాట అనే సరికొత్త కార్యక్రమానికి శ్రీకారం చుట్టారు. నగరంలోని 66 డివిజన్లలో క్షేత్రస్థాయిలో నెలకొన్న సమస్యలు, ప్రజల అవసరాలు స్వయంగా తెలుసుకొనేందుకు, ప్రాధాన్య క్రమంలో వాటిని పరిష్కరించేందుకు అధికారులతో కలిసి ఆయన ఒక్కో డివిజన్‌లో పర్యటించనున్నారు. ప్రతీ పది రోజులకు ఒక డివిజన్‌ చొప్పున 66 డివిజన్లలో పర్యటించేందుకు ఆయన ప్రణాళికలు రూపొందించుకున్నారు. శుక్రవారం మొదటి రోజు నగరంలోని 9వ డివిజన్‌లో పర్యటించారు. డివిజన్‌ పరిధిలోని కోతిరాంపూర్‌, అలకాపురికాలనీల్లో స్థానిక కార్పొరేటర్‌ పడిశెట్టి వసంతలక్ష్మి భూమయ్య, నగరపాలక సంస్థ అధికారులు తదితరులతో కలిసి కాలనీల వాసులతో మాట్లాడారు. స్థానికంగా ఎదుర్కొంటున్న రోడ్లు, డ్రైనేజీ, తాగునీరు, వీధి దీపాలు, పారిశుధ్యం తదితర సమస్యలపై ఆరా తీశారు. ప్రజలు తన దృష్టికి తెచ్చిన డ్రైనేజీ, రోడ్ల సమస్యలను పరిశీలించారు. పలు కాలనీల్లో దెబ్బతిన్న రోడ్లు, డ్రైనేజీ శిథిలావస్థకు చేరి రోడ్డుపై పారుతున్న మురుగు కాలువలను తనిఖీ చేశారు. ఏడాది లోగా ప్రక్షాళన డంప్‌యార్డ్‌ సమస్యను శాశ్వతంగా పరిష్కరించేందుకు ప్రణాళికలు సిద్ధం చేశామని మేయర్‌ తెలి పారు. 9వ డివిజన్‌లో పర్యటన సందర్భంగా మా ట్లాడారు. బండి సంజయ్‌ సూచనలతో ప్రజల సమస్యలను క్షేత్రస్థాయిలో తెలుసుకునేందుకు డివిజన్‌ బాట కార్యక్రమాన్ని చేపట్టామని తెలిపారు. డివిజన్‌కు ప్రధాన సమస్యయిన డంప్‌యార్డ్‌ను పూర్తిస్థాయిలో ప్రక్షాళన చేస్తామని హామీ ఇచ్చారు. 40 ఏళ్లుగా ఉన్న డంప్‌యార్డ్‌ సమస్య రాత్రికి రాత్రి పోయేది కాదని, ప్రజలు సంయమనం పాటించాలన్నారు. ఏడాది కాలంలో డంప్‌యార్డ్‌ సమస్యను శాశ్వతంగా పరిష్కరిస్తామని అన్నారు. డిప్యూటీ కమిషనర్‌ వేణుమాధవ్‌, డీఈ దేవేందర్‌రెడ్డి, ఏఈ భీంవర్ధన్‌రెడ్డి, పర్యావరణ ఇంజనీర్‌ స్వామి, శానిటరీ ఇన్‌స్పెక్టర్‌ శ్రీధర్‌ పాల్గొన్నారు.

వీబీజీ రామ్‌జీ పథకం(మహాత్మాగాంధీ జాతీయ గ్రామీణ ఉపాధిహామీ పథకం) కూలీలకు చక్కని ఉపాధి వేదికగా నిలుస్తోంది. ఎల్‌నినో కారణంగా గ్రామాల్లో పనుల్లేక ఉపాధి పనులను ఆశ్రయిస్తున్నారు. ఏ కాలంలోనైనా పనులు కల్పించడం దీని ప్రత్యేకత కాగా.. జాతరలా పనులకు తరలుతున్నారు. జిల్లాలో ప్రతిరోజు 2,973 పనులు జరుగుతుండగా.. 12,676 మంది ఉపాధి పనులను సద్వినియోగం చేసుకుంటున్నారు. గత నవంబర్‌లో వేయి మంది మాత్రమే పనులకు వెళ్లగా.. ఎల్‌నినో హెచ్చరికల నేపథ్యంలో పదింతలకు పైగా కూలీలు పనులను ఆశ్రయిస్తున్నారు.కరీంనగర్‌ అర్బన్‌: విలీన గ్రామాల్లో ఉపాధి పనుల్లేక పనులు వెతుక్కోవాల్సిన పరిస్థితి. మున్సిపాలిటీల్లో కలిసి తమ గ్రామం హోదా పెరిగిందని సంతోషించాలో.. పనుల్లేక పస్తులుండటంపై రోదించాలో తెలియని అయోమయ స్థితి. జిల్లాల పునర్విభజన, మున్సిపాలిటీల అప్‌గ్రేడేషన్‌తో గ్రామాల రూపురేఖలే మారిపోయాయి. జిల్లాలో చాలా గ్రామాలు మున్సిపాలిటీలు, కార్పొరేషన్‌లో చేరాయి. కరీంనగర్‌ కార్పొరేషన్‌లో 18 గ్రామాలకు పైగా విలీనం చేశారు. హుజూరాబాద్‌, జమ్మికుంట, కొత్తపల్లి, చొప్పదండి మున్సిపాలిటీల్లో 20కి పైగా గ్రామాలను కలిపారు. ప్రస్తుతం సదరు గ్రామాలు గ్రామ పంచాయతీ పాలకవర్గం నుంచి మున్సిపాలిటీలో వార్డులుగా మారగా.. ఉపాధిహామీ పథకం దూరమైంది. ఆయా గ్రామాల్లో సుమారు 7వేల మందికి పైగా ఉపాధి కూలీలుండగా.. ఉపాధి పనుల్లేక ఇతర ప్రాంతాల్లో ఉపాధి వెతుక్కుంటున్నారు. విలీన గ్రామాల్లో ఉపాధి పనులు కల్పించాలని ప్రజాప్రతినిధులు వినతులు సమర్పిస్తున్నా ఆచరణలో అమలు కావడం లేదు. ఉపాధి కూలీలకు కూలి నేరుగా ఖాతాలకే చెల్లింపులు జరుగుతున్నాయి. గ్రామం యూనిటీగా పనులు జరుగుతున్నాయి. కూలీల గ్రూపుల వ్యవస్థ ఉండదు. ఇదివరకు సోమవారం పనులు ప్రారంభమై శనివారం లేదా గురువారం ప్రారంభమై బుధవారం పనులు ముగిసేలా పద్ధతి ఉండేది. ప్రస్తుతం ఏరోజు పనికి ఆరోజు డిమాండు బట్టి పని కల్పించే వెసులుబాటు ఉంది. ఇందుకు కూలీలు చేయగలిగే 100 రోజులు సరిపడా పనుల గుర్తింపు చేసి గ్రామసభ తీర్మానంతో పనులు ఆమోదించనున్నారు. పని కోసం దరఖాస్తు చేసుకున్న కూలీలకు 15 రోజుల్లో ఉపాధి కల్పించకుంటే నిరుద్యోగ భృతి చెల్లించాలనేది నిబంధన. మస్టర్‌ పూర్తయిన వెంటనే 5 రోజుల్లో చెల్లింపులు చేయాల్సి ఉండగా.. సదరు విధానం ఆచరణలో అమలవడం లేదని కూలీలు చెబుతున్నారు. ఒకవేళ నమోదు చేయకుంటే ఆలస్య రుసుమును విధించాలి. మరి ఈ వేసవిలోనైనా నిరుద్యోగ భృతి లభిస్తుందా చూడాలి. కాగా ఉపాధిహామీ చట్టం ప్రకారం పట్టణ ప్రాంతాలకు వర్తించదని, దానిపై ఇప్పటివరకు ఎలాంటి ఉత్తర్వులు రాలేదని గ్రామీణాభివద్ధి శాఖ అధికారులు వివరించారు. రాష్ట్ర ప్రభుత్వం తరఫున ఏదైనా ప్రత్యేకంగా నిధులు కేటాయిస్తే పనులు చేపట్టే అవకాశముందని చెబుతున్నారు. ఉపాధి పనులు జరిగేచోట సౌకర్యాలు కల్పిస్తామని తెలిపారు. కేరళలో 2010 నుంచి పట్టణ ఉపాధిహామీ పథకాన్ని చేపట్టి నిరుపేదలకు ఏటా 100 రోజుల పని కల్పిస్తోంది. ఈవిధంగా అందుబాటులోకి వచ్చే ఉపాధి అవకాశాల్లో 50 శాతం మహిళలకు కేటాయించారు. పట్టణాల్లో నైపుణ్యం అవసరం లేని కూలీ పనులను ఈ పథకం కింద కల్పిస్తున్నారు. చెట్ల పెంపకం, తోట పనులతో పర్యావరణ సంరక్షణకు ఈ పథకం తోడ్పడుతోంది. పట్టణ రహదారుల పక్కన, పాఠశాల మైదానాల్లో పండ్ల మొక్కలను నాటారు. రోడ్ల పక్కన గడ్డి, కలుపు మొక్కలు తొలగించడం, వరద నీటి కాల్వలను శుభ్రం చేయడం, ప్లాస్టిక్‌ చెత్తను ఏరేయడం వంటి పనులను పట్టణ ఉపాధిహామీ కింద చేపడుతున్నారు. వర్షాకాలంలో రోడ్డుపై వరద, మురుగు పొంగిపొర్లకుండా జాగ్రత్తలు తీసుకుంటున్నారు. మండలం పనుల హాజరవుతున్న చిగురుమామిడి 149 671 చొప్పదండి 230 769 ఇల్లందకుంట 89 743 గంగాధర 265 1,512 గన్నేరువరం 143 742 హుజూరాబాద్‌ 120 579 జమ్మికుంట 184 854 కరీంనగర్‌ రూరల్‌ 338 644 శంకరపట్నం 168 943 కొత్తపల్లి 143 339 మానకొండూర్‌ 248 1,244 రామడుగు 329 1,006 సైదాపూర్‌ 185 874 తిమ్మాపూర్‌ 219 903 వీణవంక 163 853

బస్టాండ్‌ ఆవరణలో అంధకారంలో ప్లాట్‌ఫాంలుడిపో–1 ముందు చీకటిఔట్‌ గేటులో చీకట్లోనే బయటకు వస్తున్న ప్రయాణికులుఉత్తర తెలంగాణకే తలమానికంగా ఉన్న కరీంనగర్‌ ఆర్టీసీ బస్టాండ్‌లో ప్రయాణికుల భద్రత ప్రశ్నార్థకంగా మారుతోంది. వేలాది మంది నిత్యం రాకపోకలు సాగించే బస్టాండ్‌లో రాత్రివేళల్లో చీకటి రాజ్యమేలుతుండగా.. భద్రతా ఏర్పాట్లు నామమాత్రంగా మారుతున్నాయనే విమర్శలు వ్యక్తమవుతున్నాయి. ముఖ్యంగా బస్టాండ్‌ ఔట్‌ గేట్‌ పరిసరాల్లో కనీసం వీధి దీపాలు కూడా వెలగకపోవడం ఆందోళన కలిగిస్తోంది. గురువారం రాత్రి బస్టాండ్‌ ఇన్‌గేట్‌ సమీపంలో హత్య జరగగా.. బస్టాండ్‌ పరిసరాల్లో నెలకొన్న భద్రతా లోపాలు మరోసారి చర్చనీయాంశంగా మారాయి. బస్టాండ్‌ ఔట్‌ గేట్‌ నుంచి బయటకు వెళ్లే మార్గంలో ఇరువైపులా ఏపుగా పెరిగిన చెట్లు, వెలగని వీధి దీపాలతో రాత్రి నిర్మానుష్య వాతావరణం కనిపిస్తోంది. బస్టాండ్‌ ప్రధాన ద్వారం, ఆటో స్టాండ్‌ వద్ద, వన్‌ డిపో ఎదుట, బస్సులు నిలిపే ప్రదేశాల్లోనూ సరైన వెలుతురు లేదు. ప్లాట్‌ఫారాల వద్ద చీకటి అలుముకుంటోంది. పోలీస్‌ ఔట్‌ పోస్ట్‌లో సిబ్బంది విధుల నిర్వహణపై ప్రయాణికులు ప్రశ్నలు లేవనెత్తుతున్నారు. బస్టాండ్‌లోని 41 సీసీ కెమెరాల్లో కేవలం 30 మాత్రమే పని చేస్తున్నాయి. పగలు బస్టాండ్‌లో నలుగురు సెక్యూరిటీ సిబ్బంది విధులు నిర్వహిస్తుండగా.. రాత్రి మాత్రం ఇద్దరే ఉంటున్నట్లు సమాచారం. బస్టాండ్‌ ఔట్‌ గేట్‌ నుంచి ఆటోస్టాండ్‌ వరకు హైమాస్ట్‌, వీధి దీపాలు ఏర్పాటు చేయాలని ప్రయాణికులు కోరుతున్నారు. – కరీంనగర్‌సిబ్బంది లేక ఖాళీగా ఉన్న పోలీస్‌ ఔట్‌ పోస్టుఆటోస్టాండ్‌, సిబ్బంది వాహనాల వద్ద చిమ్మచీకటిఔట్‌ గేటు వద్ద ఖాళీగా ఉన్న సెక్యూరిటీ కుర్చి

సాక్షిప్రతినిధి,కరీంనగర్‌: జగిత్యాలకు చెందిన చిన్నారి రుద్ర మానేశ్‌ కథ సుఖాంతమైంది. పిల్లాడి దత్తత వ్యవహారంలో డీడబ్ల్యూవో భాస్కర్‌ వ్యవహరించిన తీరుపై శుక్రవారం మంత్రి అడ్లూరి లక్ష్మణ్‌ కుమార్‌ ఆగ్రహం వ్యక్తంచేశారు. దీంతో స్పందించిన అధికారులు డాక్యూమెంట్లు పరిశీలించి తల్లిదండ్రుల అభిప్రాయం మేరకు దత్తతను అధికారికంగా పూర్తిచేశారు. ఇది ఇలాఉంటే డీడబ్ల్యూవో భాస్కర్‌ డిప్యూటేషన్‌ మీద ఉన్నారు. డిప్యూటేషన్‌ ముగిసి కూడా నెలరోజులు దాటుతోంది. అయినా డిపార్ట్‌మెంట్‌కు సంబంధించి రూ.2 కోట్ల బిల్లులు క్లెయిమ్‌ చేశారు. ఈ బిల్లులు ఆమోదించే ముందు ట్రెజరీ విభాగం అప్రమత్తమైంది. డీడబ్ల్యూవో డిప్యూటేషన్‌ ముగిసిన విషయాన్ని గుర్తించి బిల్లులను తిప్పిపంపింది. దీంతో సిబ్బంది రెండు నెలలుగా వేతనాలు కూడా నిలిచిపోయాయి. ఈ విషయంపై జిల్లా ఎస్టీవో పద్మను వివరణ కోరగా.. భాస్కర్‌ డిప్యూటేషన్‌ కొనసాగింపుపై అధికారిక ఆదేశాలు లేని కారణంగా బిల్లులు తిప్పి పంపామని, సిబ్బందికి వేతనాలు నిలిచిన మాట వాస్తవమేనని వెల్లడించారు. ఇదే విషయమై డీడబ్ల్యూవో భాస్కర్‌ను వివరణ కోరగా.. తానెలాంటి బిల్లులు క్లెయిమ్‌ చేయలేదని విషయాన్ని దాటవేయడం గమనార్హం. డీడబ్ల్యూవో బిల్లుల విషయం దృష్టికి రాలేదు డీడబ్ల్యూవో భాస్కర్‌ బిల్లులు క్లెయిమ్‌ చేసిన విషయం ఇంతవరకూ దృష్టికి రాలేదు. ఈ విషయాన్ని స్వయంగా నేనే పరిశీలిస్తాను అని కలెక్టర్‌ సత్యప్రసాద్‌ సాక్షికి తెలిపారు.

మహిళలు, పిల్లలు, దివ్యాంగులు, వయోవృద్ధుల సంక్షేమ శాఖలోని దివ్యాంగుల బ్యాక్‌లాగ్‌ పోస్టుల భర్తీలో తీవ్ర జాప్యం జరుగుతోంది. ఎస్సీ, ఎస్టీ బ్యాక్‌లాగ్‌ పోస్టుల భర్తీ వెంటవెంట నే జరుగుతుండగా.. ఇక్కడ మాత్రం ఏళ్లు గడుస్తున్నాయి. పోస్టుల భర్తీ ఆన్‌లైన్‌ ద్వారానే చేపట్టాలని గత ప్రభుత్వం సూచించడంతో ఆన్‌లైన్‌ ప్రక్రియతోనే ఏళ్లుగా సాగదీశారు. తాజాగా మా న్యువల్‌ పద్ధతిలో నియామకాలు చేపట్టాలని ప్రసుత కాంగ్రెస్‌ ప్రభుత్వం నిర్ణయించినా.. క్షేత్రస్థాయిలో అమలు కావడం లేదు. మాన్యువల్‌గా నియామకాలు జరిపితే తమకు సమస్యలు వసాయని అధికారులు భయపడుతున్నారు. తొమ్మిదేళ్లుగా భర్తీ చేయకపోవడంతో పట్టభద్రులైన వికలాంగ అభ్యర్థులు తమకు వైకల్యమా లేదా ప్రభుత్వానికి వైకల్యమా అంటూ నిట్టూరుస్తున్నారు. కరీంనగర్‌టౌన్‌: దివ్యాంగులకు వీల్‌చైర్లు, కాలిపర్సులు, ఇతరత్రా ఉపకరణాల పంపిణీ ఆన్‌లైన్‌లో జరుగుతున్నప్పుడు బ్యాక్‌లాగ్‌ పోస్టులకు ఎందుకు ఉండదని ప్రశ్నిస్తున్నారు. ఇతర ప్రభుత్వ శాఖల్లో బ్యాక్‌లాగ్‌ పోస్టుల భర్తీ ఆన్‌లైన్‌లో జరుగుతున్నప్పుడు దివ్యాంగుల విషయంలో ఎందుకు చేయొద్దనే వాదన వినిపిస్తోంది. పైగా దివ్యాంగులకు సంబంధించిన జీవోలు చాలా సంక్షిష్టంగా ఉంటాయి. వాటిని అర్థం చేసుకొని అమలు చేయడం కష్టంగా ఉంటుంది. వికలాంగుల శాఖను మహిళా, శిశు సంక్షేమ శాఖలో విలీనం చేయడంతో.. ఈ శాఖ అధికారులకు ఆ జీవోలు కొత్త కావడంతో వాటిని అర్థం చేసుకొని ఆచరణలోకి తీసుకురావడానికి సమయం పడుతోంది. ఆన్‌లైన్‌ ద్వారా పోస్టుల భర్తీకి సాఫ్ట్‌వేర్‌ సమకూర్చాల్సిందిగా ఇప్పటికే రాష్ట్రంలోని దాదాపు అన్ని జిల్లాల దివ్యాంగుల సంక్షేమ అధికారులు ప్రభుత్వానికి ప్రతిపాదనలు పంపించారు. ప్రభుత్వం ఇందుకు సానుకూలంగా స్పందించింది. సాఫ్ట్‌వేర్‌ అందుబాటులోకి తీసుకొస్తామని తొమ్మిదేళ్లవుతున్నా ఆ ఊసే లేదు. పోస్టులపై అస్పష్టం ఆయా ప్రభుత్వ విభాగాల్లో దివ్యాంగుల బ్యాక్‌లాగ్‌ పోస్టులెన్ని ఉన్నాయనే విషయంలో స్పష్టత రావడం లేదు. ఆయా విభాగాలు పంపిన ఖాళీల వివరాలకు.. వాస్తవంగా ఉన్న ఖాళీలకు పొంతన ఉండడం లేదు. ఒక శాఖలో రెండు పోస్టులున్నట్టు చూపించినా.. తీరా పరిశీలిస్తే ఒకటే ఉంటోంది. మరికొన్నిచోట్ల వాస్తవంగా చూపిన వాటికన్నా ఎక్కువ ఖాళీలున్నాయి. ఎవరైనా 3 నెలలే.. దివ్యాంగుల శాఖలో బ్యాక్‌లాగ్‌ పోస్టులు భర్తీ కాకపోవడానికి ఈ శాఖలో సంక్షేమాధికారులకు తరచూ బదిలీలు కావడం, ఉద్యోగ విరమణ చేయడం, సిబ్బంది కొరత కూడా ప్రధాన కారణంగా చెబుతున్నారు. అధికారులు పట్టుమని నాలుగైదు నెలలు కూడా ఉండటం లేదు. అంతలోనే బదిలీ, దివ్యాంగుల సంక్షేమ శాఖను మహిళా, శిశు సంక్షేమ శాఖలో విలీనం చేయడం కూడా మరో కారణం. ఖాళీలపై అయోమయం జిల్లాలో మొదట దివ్యాంగులకు సంబంధించిన బ్యాక్‌లాగ్‌ పోస్టులెన్ని ఉన్నాయనే వివరాల సేకరణలో అధికారులు నిమగ్నమైనట్లు తెలిసింది. ప్రస్తుతం ఇంకా 20 వివిధ శాఖల నుంచి వికలాంగుల బ్యాక్‌లాగ్‌ పోస్టుల వివరాలు రావాల్సి ఉందని అధికారులు వెల్లడిస్తున్నారు. ప్రస్తుతం 40 వరకు బ్యాక్‌లాగ్‌ పోస్టులున్నట్లు వికలాంగ పట్టభద్రులు వెల్లడిస్తున్నారు. గతంలో కూడా 66 బ్యాక్‌లాగ్‌ పోస్టులున్నట్టు వివరాలందాయి. తీరా పరిశీలించిన తర్వాత అవి 41కు తగ్గిపోయాయి. గతంలో కూడా అంటే 2017లో బ్యాక్‌లాగ్‌ పోస్టులు 16 పోస్టులను చూపకుండా దొడ్డిదారిన నియామకాలకు తెర లేపారని ఆరోపిస్తూ వికలాంగుల హక్కుల పోరాట సమితి నాయకులు కలెక్టరేట్‌ ఎదుట ఆందోళనకు దిగిన సందర్భాలున్నాయి. ఇలాంటి పరిస్థితుల్లో వివిధ ప్రభుత్వ శాఖల అధికారులు పంపిన వివరాల ప్రాతిపదికన బ్యాక్‌లాగ్‌ పోస్టుల భర్తీని చేపడితే తమకు ఇబ్బందులు ఎదురవుతాయని అధికారులు భావించి నియామక ప్రక్రియ చేపట్టడం లేదు. ప్రభుత్వ మార్గదర్శకాలు వస్తే అప్పటి నుంచి ఇప్పటివరకు ఏర్పడిన ఖాళీలను సైతం భర్తీ చేయడానికి తాము సిద్ధంగా ఉన్నామని దివ్యాంగుల సంక్షేమ శాఖ అధికారులు చెబుతున్నారు. దివ్యాంగుల శాఖ ప్రత్యేక నోటిఫికేషన్‌ జారీ చేసి ఉద్యోగ నియామకాలు చేపట్టాలి. తొమ్మిదేళ్లుగా నియామకాలు చేపట్టకుండా ప్రభుత్వం వ్యవహరి స్తున్న తీరు బాధాకరం. కరీంనగర్‌ జిల్లా కేంద్రంలోని బస్టాండ్‌ వెనకభాగం దివ్యాంగుల భవన నిర్మాణం కోసం కేటాయించిన స్థలంలో భవన నిర్మాణానికి ప్రభుత్వం రూ.కోటి మంజూరు చేయాలి. – మొగిలి లక్ష్మయ్య, దివ్యాంగుల పట్టభద్రుల సంఘం రాష్ట్ర అధ్యక్షుడు20 ఏళ్లుగా కార్ఖనాగడ్డలోని హాస్టల్‌ ఉంటున్న. ఎంకామ్‌, బీఈడీ పూర్తయింది. తల్లి లేదు. తండ్రి వృద్ధుడు. పోటీ పరీక్షలు రాస్తున్న. తక్కవ పోస్టులుండటంతో ఉద్యోగం రావడం లేదు. ప్రభుత్వం అవుట్‌ సోర్సింగ్‌ లేదా కాంట్రాక్ట్‌ ఉద్యోగమిచ్చి ఆదుకోవాలి. – జక్కుల రాజు15 సంవత్సరాలుగా జిల్లా కేంద్రంలోని వృద్ధులు, వికలాంగుల వసతి గృహంలో ఉంటున్న. ఎలాంటి ఆధారం లేదు. ప్రభుత్వం వికలాంగులపై వివక్ష వీడి బ్యాక్‌లాక్‌ పోస్టులను భర్తీ చేయాలి. లేదా ప్రయివేట్‌ ఉపాధి కల్పించి ఆదుకోవాలి. – కె.పరశురాం, ఎంబీఏ

● డీఆర్డీవో మచ్చ గీత హుజూరాబాద్‌ రూరల్‌: రాష్ట్ర ప్రభుత్వం ప్రతిష్టాత్మకంగా చేపడుతున్న ఉపాధిహామీ పథకం పనులను ప్రజల్లోకి తీసుకెళ్లడంతోపాటు పూర్తి పారదర్శకత కోసమే సామాజిక తనిఖీలు నిర్వహిస్తున్నట్లు జిల్లా గ్రామీణ అభివృద్ధి అధికారి మచ్చ గీత తెలిపారు. శుక్రవారం హుజూరాబాద్‌ మండల పరిషత్‌ కార్యాలయంలో 17వ విడత ఉపాధిహామీ సామాజిక తనిఖీ ప్రజావేదిక కార్యక్రమాన్ని నిర్వహించారు. మండలంలోని 20 గ్రామాలకు సంబంధించి 01.04.2025 నుంచి 31.03.2026 వరకు ఏడాది కాలంలో ఉపాధిహామీ కింద(వీబీజీ రామ్‌జీ) చేపట్టిన పనులపై సామాజిక తనిఖీ బృందాలు క్షేత్రస్థాయిలో పూర్తి విచారణ జరిపి ఆ నివేదికలను ప్రజావేదికలో సమర్పించాయి. ఈ సందర్భంగా తనిఖీ బందాలు అభ్యంతరం వ్యక్తం చేసిన పనులపై డీఆర్డీవో సమగ్రంగా విచారణ జరిపి.. కొన్ని గ్రామాల్లో నిధుల రికవరీకి ఆదేశించారు. ఎంపీడీవో సునీత, సర్పంచులు, కార్యదర్శులు, ఉపాధి సిబ్బంది, సామాజిక తనిఖీ బృందం సభ్యులు పాల్గొన్నారు. బాణాసంచా దుకాణాల వద్ద భద్రతా చర్యలుకరీంనగర్‌క్రైౖం: దీపావళి పండుగను దృష్టిలో ఉంచుకొని బాణాసంచా విక్రయాల సందర్భంగా ఎలాంటి ప్రమాదాలు చోటుచేసుకోకుండా అధికారులు ముందస్తు భద్రతా చర్యలు చేపడుతున్నట్లు ఫైర్‌ అధికారి శ్రీనివాస్‌రెడ్డి తెలిపారు. ఈ ఏడాది జిల్లావ్యాప్తంగా తాత్కాలిక బాణా సంచా విక్రయ దుకాణాలకు మొత్తం 223 లైసెన్సులు మంజూరు చేయగా.. జిల్లాలో ఇప్పటికే 8 హోల్‌సేల్‌ దుకాణాలు కొనసాగుతున్నాయి. అధికారులు శుక్రవారం అల్గునూరు, కొత్తపల్లి, ముగ్ధుంపూర్‌ ప్రాంతాల్లోని హోల్‌సేల్‌ బాణాసంచా దుకాణాలను తనిఖీ చేశారు. కరీంనగర్‌ నగరంలో తాత్కాలిక బాణాసంచా దుకాణాల ఏర్పాటుకు గుర్తించిన బహిరంగ ప్రదేశాలను పరిశీలించారు. దుకాణాల యజమానులకు అగ్ని ప్రమాదాల నివారణ, భద్రతా ప్రమాణాల అమలు, ప్రమాదాలు జరగకుండా తీసుకోవాల్సిన ముందస్తు జాగ్రత్తలపై పలు సూచనలు చేశారు. నిబంధనలను తప్పనిసరిగా పాటించాలని, వినియోగదారులు, వ్యాపారుల భద్రతకు ప్రాధాన్యమివ్వాలని అధికారులు సూచించారు. జిల్లా జైలు సూపరింటెండెంట్‌గా బాధ్యతలు స్వీకరణకరీంనగర్‌క్రైౖం: జిల్లా జైలు సూపరింటెండెంట్‌గా ఎ.వెంకటేశం శుక్రవారం బాధ్యతలు స్వీకరించారు. ఇప్పటివరకు సూపరింటెండెంట్‌గా విధులు నిర్వహించిన జె.విజయ్‌ దేని చర్లపల్లి సెంట్రల్‌ జైలుకు బదిలీ అయ్యారు. చర్లపల్లి సెంట్రల్‌ జైలులో డిప్యూటీ సూపరింటెండెంట్‌ ఆఫ్‌ జైల్స్‌గా విధులు నిర్వహిస్తున్న ఎ.వెంకటేశం.. జిల్లా జైలు నూతన సూపరింటెండెంట్‌గా బాధ్యతలు చేపట్టారు. జిల్లా సబ్‌ జైల్స్‌ అధికారిగా కూడా బాధ్యతలు స్వీకరించారు. బదిలీపై వెళ్తున్న జె.విజయ్‌కు జిల్లా జైలు అధికారులు, సిబ్బంది ఘనంగా వీడ్కోలు పలికారు. ఆయన సేవలను కొనియాడారు. పత్తి మార్కెట్‌కు 3 రోజుల సెలవుజమ్మికుంట: జమ్మికుంట వ్యవసాయ పత్తి మార్కెట్‌కు శని, ఆదివారాలు సాధారణ, సోమవారం అమవాస్య కారణంగా సెలవులుంటాయని, మంగళవారం యధావిధిగా యూర్డులో క్రయవిక్రయాలు ప్రారంభమౌతాయని చైర్‌పర్సన్‌ పూల్లూరి స్వప్నసదానందం, ఉన్నత శ్రేణి కార్యదర్శి మల్లేశం తెలిపారు. జమ్మికుంట వ్యవసాయ పత్తి మార్కెట్‌కు 132 వాహనాల్లో 1,210 క్వింటాళ్ల పత్తిని రైతులు అమ్మకానికి తీసుకొచ్చారు. క్వింటాల్‌ పత్తి ధర గరిష్టంగా రూ.8,770, మోడల్‌ ధర రూ.8,550, కనిష్ట ధర రూ.8,300కు ప్రైవేటు వ్యాపారులు కొనుగోలు చేయగా.. గ్రేడ్‌–2 కార్యదర్శి పర్యవేక్షించారు.

● పదో తరగతి విద్యార్థిపై నలుగురు తోటి విద్యార్థుల దాడి ● వీపు, ముఖంపై పిడిగుద్దులు ● పోలీసులను ఆశ్రయించిన బాధిత కుటుంబం ధర్మారం: పెద్దపల్లి జిల్లా ధర్మారం మండలం నందిమేడారం బాలుర గురుకుల విద్యాలయంలో ర్యాగింగ్‌ కలకలం రేపింది. పదో తరగతి విద్యార్థిపై అదే తరగతికి చెందిన నలుగురు విద్యార్థులు దాడి చేసిన ఘటన వెలుగులోకి వచ్చింది. గురువారం రాత్రి స్టడీ అవర్‌ ముగిశాక విద్యార్థులందరు నిద్రించేందుకు వెళ్లారు. ఈక్రమంలో పదో తరగతి విద్యార్థి పడుకునేందుకు బ్లాంకెట్‌ కోసం గది వద్దకు వెళ్తుండగా అక్కడకు వచ్చిన తోటి నలుగురు విద్యార్థులు నెక్కరు, షర్టు కిందకు లాగారు. ఎందుకు లాగుతున్నారని ప్రశ్నించటంతోపాటు దుషించాడు. తమనే దూషిస్తావా అంటూ ఆ నలుగురు టెన్త్‌ విద్యార్థి వీపు, ముఖంపై పిడుగుద్దులు కురిపించారు. ఈ విషయం ఎవరికై నా చెబితే తీవ్ర పరిణామాలు ఉంటాయని హెచ్చరించారు. భయపడిన బాధితుడు ఎవరికీ చెప్పలేదు. శుక్రవారం ఉదయం తోటి విద్యార్థులతో స్నానానికి వెళ్లగా వీపుపై ఎర్రగా, కమిలిపోయిన గాయాలు కనిపించాయి. దీనిపై పీఈటీ రాజశేఖర్‌ ఆరా తీయడంతో ఘటన వెలుగులోకి వచ్చింది. వెంటనే ప్రిన్సిపాల్‌ విద్యాసాగర్‌ దృష్టికి తీసుకెళ్లారు. నిందితులోతపాటు బాధితుడిని పిలిపించి ఆరా తీశారు. విద్యార్థుల తల్లిదండ్రులకు ఫోన్‌చేసి విద్యాలయానికి రావాలని ఆదేశించారు. గాయపడిన విద్యార్థిని సిక్‌రూంకు పంపించి ప్రథమ చికిత్స చేయించారు. గాయపడిన విద్యార్థి అనాథ కావడంతో బాగోగులు చూసుకునే బాబాయి బాలసాని కుమారస్వామి, పిన్ని పుష్పలత గోదావరిఖని నుంచి మధ్యాహ్నం 2 గంటలకు విద్యాలయానికి చేరుకున్నారు. ప్రిన్సిపాల్‌తో మాట్లాడిన అనంతరం నిందితులను ప్రశ్నించారు. వారు నిర్లక్ష్యంగా సమాధానం ఇవ్వడంతో పోలీసులను ఆశ్రయించారు. సమాచారం అందుకున్న ఎస్సై ఎంబడి శ్రీకాంత్‌ విద్యార్థుల తల్లిదండ్రుల సమక్షంలోనే నలుగురు విద్యార్థులకు కౌన్సెలింగ్‌ ఇచ్చారు. గాయపడిన విద్యార్థి కుటుంబ సభ్యులు ఫిర్యాదు చేస్తే కేసు నమోదు చేస్తామని ఎస్సై శ్రీకాంత్‌ తెలిపారు.కాగా, గురుకులంలో గతంలోనూ ఇలాంటి ఒకట్రెండు ఘటనలు చోటుచేసుకున్నట్లు సమాచారం. తాజాగా అనాథ బాలుడిపై దాడి వెలుగులోకి రావడంతో ర్యాగింగ్‌, వేధింపులను ఎలా అరికడతారనే ఆందోళన వ్యక్తమవుతోంది. జల్సాలకు అలవాటు పడి.. బైక్‌ దొంగగా మారి..పెద్దపల్లిరూరల్‌: జల్సాలు, ఇతర అవసరాల కోసం సులువుగా డబ్బు సంపాదించాలనుకుని బైక్‌ దొంగతనాలు చేయాలనుకున్న బైరి నరేశ్‌.. అందుకు పెద్దపల్లిలోని జిల్లా ప్రభుత్వ ఆస్పత్రని ఎంచుకున్నాడు. కొన్ని నెలలుగా 8 బైక్‌లు ఎత్తుకెళ్లాడు. శుక్రవారం మంథని ఫ్‌లైఓవర్‌ వంతెన వద్ద పోలీసులకు చిక్కాడు. ఏసీపీ గజ్జి కృష్ణ విలేకరుల సమావేశంలో వివరాలను వెల్లడించారు. జగిత్యాల జిల్లా ఎండపల్లి మండలం ముంజంపల్లికి చెందిన బైరినరేశ్‌ ప్రస్తుతం పెద్దపల్లిలోని హనుమాన్‌నగర్‌లో నివాసముంటున్నాడు. కొంతకాలం బసంత్‌నగర్‌ సిమెంట్‌ ఫ్యాక్టరీలో కార్మికుడిగా పనిచేసి అనారోగ్యానికి గురయ్యాడు. ఆ తర్వాత తనకు అవసరమైన డబ్బును సులువుగా సంపాదించేందుకు బైక్‌ దొంగతనాలను ఎంచుకుని జిల్లా ప్రభుత్వాస్పత్రి ముందు పార్కింగ్‌ చేసిన బైక్‌లను ఆగస్టు నుంచి ఎత్తుకెళుతూ తన ఇంటి పరిసరాల్లో దాచాడు. ఇప్పటివరకు ఎత్తుకెళ్లిన 8 బైక్‌లను పోలీసులు స్వాధీనం చేసుకున్నారు.

కరీంనగర్‌క్రైం: మద్యం మత్తులో ఇద్దరు స్నేహితుల మధ్య తలెత్తిన వివాదం దారుణ హత్యకు దారి తీసింది. చిన్నపాటి గొడవ కాస్తా ప్రాణాలు తీసుకునే స్థాయికి చేరడంతో ఒక యువకుడు హత్యకు గురయ్యాడు. ఈ ఘటన కరీంనగర్‌ బస్టాండ్‌ ప్రాంతంలో గురువారం అర్ధరాత్రి చోటుచేసుకుంది. వివరాలు.. జహీరాబాద్‌కు చెందిన మద్ది సుధాకర్‌ అలియాస్‌ సిద్ధు(23) మంచిర్యాల చౌరస్తా సమీపంలోని ఓ ఫుడ్‌ కోర్టులో పని చేస్తున్నాడు. అతడికి కార్ఖానగడ్డకు చెందిన మీర్జా ఇబ్రహీం బేగ్‌(23)తో గతంలో పరిచ యం ఏర్పడి స్నేహితులుగా మారారు. ఇద్దరూ తరచూ కలిసి మద్యం తాగుతూ బస్టాండ్‌ పరిసర ప్రాంతాల్లో సంచరించేవారు. ఈ క్రమంలో రెండు, మూడు రోజులుగా వారి మధ్య తరచూ గొడవలు జరుగుతున్నట్లు సమాచారం. ఈ నేపథ్యంలో గురువారం అర్ధరాత్రి 12 గంటలు దాటిన తర్వాత మరోసారి ఇద్దరి మధ్య వివాదం తలెత్తింది. ఈ క్రమంలో సుధాకర్‌.. ఇబ్రహీం బేగ్‌ కుటుంబ సభ్యులను ఉద్దేశించి దూషించడంతో.. ఆగ్రహానికి గురైన బేగ్‌ సమీపంలో ఉన్న సిమెంట్‌ బండరాయితో సుధాకర్‌ తలపై సుమారు పదిసార్లు బలంగా కొట్టడంతో అక్కడికక్కడే మృతిచెందినట్లు సమాచారం. బస్టాండ్‌ సిబ్బంది వెంటనే వన్‌టౌన్‌ పోలీసులకు సమాచారమందించారు. పోలీసులు వెంటనే ఘటనా స్థలానికి చేరుకొని మతదేహాన్ని ప్రభుత్వ ఆసుపత్రికి తరలించారు. కేసు నమోదు చేసి దర్యాప్తు చేపట్టిన పోలీసులు.. నిందితుడి కోసం గాలిస్తున్నారు. నిందితుడి ఆచూకీని పోలీసులు గుర్తించినట్లు సమాచారం. పూర్తి వివరాలు పోలీసుల దర్యాప్తులో వెల్లడి కానున్నాయి.

మల్యాల: ఆధ్యాత్మిక ఉత్సవాలకు కొండగట్టు సిద్ధమవుతోంది. భక్తుల కోర్కెలు తీర్చే కొంగుబంగా రం కొండగట్టు అంజన్న 60 వసంతాల అనంతరం చందనోత్సవానికి ముస్తాబవుతున్నాడు. స్వామివారి నిజరూప దర్శనంతో కొండగట్టులో ఆధ్యాత్మికత పరిమళాలు వెదజల్లనున్నాయి. స్వామివారి నిజరూప దర్శనం చేసుకు నే భాగ్యంతో భక్తుల జన్మ పునీతం కానుంది. ఆ రు రోజులపాటు నిర్వహించే చందనోత్సవం, మ హా సంప్రోక్షణ అనంతరం భక్తులకు స్వామివారి నిజ రూప దర్శన భాగ్యం 40 రోజులపాటు కలగనుంది. ఆరు రోజులు చందనోత్సవం.. ఆర్జిత సేవలు రద్దు కొండగట్టు అంజన్న ఆలయం హనుమాన్‌ జయంతిని మించిన ఆధ్యాత్మిక ఉత్సవాలకు ముస్తాబవుతోంది. 60 ఏళ్లుగా ప్రతీ మంగళ, శనివారాల్లో స్వామివారికి చందనంతో పూజలు కొనసాగుతుండగా, స్వామివారి మూలవిరాట్టుపై పేరుకుపోయిన చందనాన్ని దేవతా వృక్షాల కర్రలతో తొలగించేందుకు చందనోత్సవం నిర్వహించనున్నారు. ఈనెల 15 నుంచి 20 వరకు స్వామివారి మూలవిరాట్టు దర్శనంతోపాటు ఆర్జిత సేవలు రద్దు చేయనున్నారు. చెక్కతో చేసిన స్వామివారి మూర్తి దర్శనంతోపాటు, శ్రీ వేంకటేశ్వరస్వామి, అమ్మవారి దర్శనంతోపాటు, స్వామివారి దర్శనం కల్పించనున్నారు. చందనోత్సవానికి బెంగళూరు జీయర్‌స్వామి, విజయవాడ జీయర్‌స్వామితోపాటు, 50మందికిపైగా వేద పండితులు, అర్చకుల ఆధ్వర్యంలో చందనోత్సవాలు నిర్వహిస్తారు. స్వామివారి శక్తిస్వరూపాన్ని కలశంలోకి ఆవాహనం చేసి, యాగశాలలో నిత్యం ఐదు గుండాల హోమాలు నిర్వహిస్తారు. ఆరో రోజు స్వామివారి శక్తిని కలశం నుంచి మూలవిరాట్టుకు ఆవాహనం చేసి, పునఃప్రతిష్ట చేయనున్నారు. స్వామివారి ఆలయ గోపురంపై సుదర్శన చక్రం ప్రతిష్ఠాపన, రాజగోపురంపై కలశ కుంభాషేకం నిర్వహిస్తారు. తరలిరానున్న భక్తులు 60 ఏళ్లుగా ఆంజనేయస్వామి మూలవిరాట్టుపై పేరుకుపోయిన చందనాన్ని తొలగించేందుకు యాగశాలలో నిత్య హోమాలు నిర్వహిస్తారు. ప్రత్యేకంగా రూపొందించిన పరికరాలతో చందనాన్ని తొలగిస్తూ స్వామివారి నిజరూప దర్శనం కల్పిస్తారు. స్వామివారి నిజరూప దర్శనం 40 రోజులపాటు కల్పించనుండటంతో నిత్యం సుమారు 50వేల మంది భక్తులు వస్తారనే అంచనా మేరకు ఆలయంలో ఏర్పాట్లు చేస్తున్నారు. చందనోత్సవాలను ఘనంగా నిర్వహించేందుకు అవసరమైన ఏర్పాట్లు చేయాలని కలెక్టర్‌ సత్యప్రసాద్‌ అధికారులను ఆదేశించారు.ఆంజనేయస్వామి మూలవిరాట్టు కొండగట్టు ఆంజనేయస్వామి ఆలయం చందనోత్సవాలకు ఆంజనేయస్వామి ముస్తాబు 40 రోజులపాటు భక్తులకు స్వామివారి నిజరూప దర్శన భాగ్యం అంజన్న నామస్మరణతో పులకించనున్న కొండగట్టు

వేములవాడఅర్బన్‌/వేములవాడరూరల్‌: కొడుకు బతికుండగానే శ్మశానికి తీసుకెళ్లడంతో ఆ తల్లిగుండె తల్లడిల్లింది. అనారోగ్య సమస్యతో కొన ఊపిరితో ఉన్న కొ డుకును చూసి ఆ తల్లి వేదన అంతులేనిది అయింది. ఈ విషయం తెలుసుకున్న ప్రభుత్వ విప్‌ ఆది శ్రీనివాస్‌ స్పందించారు. ప్రభుత్వ ఆస్పత్రికి తరలించి మెరుగైన వైద్యం అందేలా చర్యలు తీసుకున్నారు. రాజన్నసిరిసిల్ల జిల్లా చందుర్తి మండలం కిష్టంపేటకు చెందిన మర్రిపల్లి అమృతకు ఇద్దరు కొడుకులు. ఒక కొడుకు నిజామాబాద్‌లో ఉంటుండగా, మరో కొడుకు రాకేశ్‌తో కలిసి ఐదేళ్లుగా వేములవాడలోని అద్దె ఇంట్లో ఉంటున్నారు. రాకేశ్‌ కొద్ది రోజులుగా కాలేయ సంబంధిత అ నారోగ్యంతో బాధపడుతున్నాడు. పరిస్థితి విషమించడంతో గురువారం వేములవాడ ప్రభుత్వ ఏరి యా ఆస్పత్రికి వెళ్లగా.. వైద్యులు సిరిసిల్ల ప్రభుత్వ ఆస్పత్రికి తీసుకెళ్లాలని సూచించారు. అక్కడికి వెళ్లలేని పరిస్థితుల్లో అద్దె ఇంటికి తిరిగొచ్చారు. కొన ఊపిరితో ఉన్న రాకేశ్‌ను చూసిన అద్దె ఇంటి యజమాని అభ్యంతరం తెలపడంతో ఏమి చేయలేని పరిస్థితిలో శుక్రవారం తెల్లవారుజామున వేములవాడలోని వైకుంఠధామానికి తీసుకెళ్లారు. ఈ విషయం తెలుసుకున్న ప్రభుత్వ విప్‌ ఆది శ్రీనివాస్‌ చలించిపోయారు. బాధితులకు అండగా నిలవాలని మున్సిపల్‌ పాలకవర్గానికి సూచించారు. వెంటనే మున్సిపల్‌ చైర్మన్‌ పుల్కం రాజు, కమిషనర్‌ లోకేశ్‌ వైకుంఠధామానికి చేరుకొని.. 108 అంబులెన్స్‌లో రాకేశ్‌ను సిరిసిల్ల జనరల్‌ ఆస్పత్రికి తరలించి చికిత్స అందేలా చర్యలు తీసుకున్నారు. రాకేశ్‌ పరిస్థితి విషమంగా ఉందని వైద్యులు తెలిపారు. మున్సిపల్‌ చైర్మన్‌ రాజు మాట్లాడుతూ ప్రభుత్వ విప్‌ ఆది శ్రీనివాస్‌ సూచనలతో ప్రభుత్వ ఆస్పత్రి వైద్యులు రాకేశ్‌ ఐసీయూలో చేర్చి.. మెరుగైన వైద్యం అందిస్తున్నట్లు తెలిపారు. మున్సిపల్‌ వైస్‌ చైర్మన్‌ నరాల శేఖర్‌, కౌన్సిలర్‌ కొండ రాజశేఖర్‌, నాయకులు మూడపల్లి నాగరాజు తదితరులు ఉన్నారు. కొడుకు బతికి ఉండగానే శ్మశానానికి.. ప్రభుత్వ విప్‌ ఆది శ్రీనివాస్‌ చొరవతో సిరిసిల్ల ప్రభుత్వ ఆసుపత్రికి తరలింపు

60 ఏళ్ల తర్వాత నిర్వహిస్తున్న కొండగట్టు ఆంజనేయస్వామి చందనోత్సవాన్ని విజయవంతం చేయాలి. ఆరు రోజులపాటు స్వామివారి దర్శనం నిలిపివేస్తాం. స్వామివారిపై నుంచి తొలగించిన పవిత్రమైన చందనాన్ని భక్తులకు అందుబాటులో ఉంచుతాం. భక్తులకు అన్ని సౌకర్యాలు కల్పించేందుకు ఏర్పాట్లు చేస్తున్నాం. – అంజనారెడ్డి, ఆలయ ఈవో ఘనంగా చందనోత్సవాలు ఇద్దరు పీఠాధిపతులతోపాటు వేద పండితుల ఆధ్వర్యంలో చందనోత్సవాలు ఘనంగా నిర్వహిస్తాం. ఆరు రోజులపాటు స్వామివారిపై చందనాన్ని దేవతా వృక్షాల కర్రలతో ప్రత్యేకంగా తయారు చేసిన పరికరాలు ఉపయోగించి తొలగిస్తాం. అనంతరం స్వామివారి నిజరూప దర్శనం భక్తులకు కల్పిస్తాం. – జితేంద్రస్వామి, ఆలయ ప్రధాన అర్చకుడు

గ్రామ పంచాయతీ కార్మికులకు పెండింగ్‌ వేతనాలు వెంటనే చెల్లించాలని, ఆన్‌లైన్‌లో పేర్లు నమోదు కాని కార్మికుల పేర్లను నమోదు చేయాలని గ్రామ పంచాయతీ కార్మికులు నిరసన వ్యక్తం చేశారు. కలెక్టరేట్‌ వద్ద నిర్వహించిన ధర్నాలో పలువురు మాట్లాడారు. జిల్లావ్యాప్తంగా పని చేస్తున్న మల్టీపర్పస్‌ వర్కర్లకు 2 నెలలుగా వేతనాలందక తీవ్ర ఇబ్బందులు పడుతున్నారని ఆవేదన వ్యక్తం చేశారు. సుమారు 200 మంది కార్మికుల పేర్లు ఆన్‌లైన్‌లో నమోదు కాలేదన్నారు. కొందరికి 6 నుంచి 18 నెలల వరకు వేతనాలు పెండింగ్‌లో ఉన్నాయన్నారు. సీఐటీయూ జిల్లా కార్యదర్శి గీట్ల ముకుందరెడ్డి, పంచాయతీ యూనియన్‌ జిల్లా ప్రధాన కార్యదర్శి కొప్పుల శంకర్‌, సీఐటీయూ జిల్లా అధ్యక్షుడు ఉప్పునూటి శ్రీనివాస్‌, యూనియన్‌ జిల్లా కమిటీ సభ్యులు రుద్రారపు నాంపల్లి, గాజర్ల రాజు, అలిశెట్టి రామానుజం, మహంకాళి కొమురయ్య, ఆకునూరి సుధాకర్‌, మేకల కమలాకర్‌, బొజ్జ మదనక్క, వడ్డూరి లక్ష్మీనారాయణ, కాష్పాక శంకర్‌, వేల్పుల రాములు, కుమార్‌ తదితరులు పాల్గొన్నారు. – కరీంనగర్‌టౌన్‌

ఎన్‌హెచ్‌ఎం ఉద్యోగుల న్యాయమైన డిమాండ్ల సాధన కోసం జిల్లా ఎన్‌హెచ్‌ఎం జేఏసీ ఆధ్వర్యంలో చేపట్టిన నిరవధిక సమ్మె శుక్రవారం 25వ రోజుకు చేరుకుంది. ఉద్యోగులు కారం పొడితో భోజనం చేస్తూ వినూత్న నిరసన తెలిపారు. నిత్యావసర వస్తువుల ధరలు రోజురోజుకూ పెరుగుతుండగా.. మరోవైపు 25 రోజులుగా వేతనాలందక కుటుంబ పోషణ భారంగా మారిందని ఉద్యోగులు ఆవేదన వ్యక్తం చేశారు. కనీస అవసరాలకు సరుకులు కొనుగోలు చేయలేని దుస్థితి నెలకొందని వాపోయారు. సమస్యలు పరిష్కరించే దాకా నిరవధిక సమ్మె కొనసాగిస్తామని జేఏసీ నాయకులు స్పష్టం చేశారు. – కరీంనగర్‌

కరీంనగర్‌ అర్బన్‌: జిల్లాలో పత్తి ప్రధాన పంటగా 43,878 ఎకరాల్లో సాగైంది. ఈ నేపథ్యంలో కొనుగోళ్లపరంగా ఎలాంటి ఇబ్బందుల్లేకుండా సీసీఐ అధికారులు వన్‌ సాఫ్ట్‌వేర్‌ సిస్టం ప్రైవేట్‌ లిమిటెడ్‌ సంస్థ ఆధ్వర్యంలో వాట్సాప్‌ యాప్‌ రూపొందించారు. రాష్ట్ర మార్కెటింగ్‌ శాఖకు దీన్ని అనుసంధానించారు. రాష్ట్రవ్యాప్తంగా అన్ని సీసీఐ కేంద్రాల కొనుగోళ్ల తాజా వివరాలను యాప్‌లో అందుబాటులో ఉంచుతారు. కొనుగోళ్ల తాజా సమాచారం యాప్‌ ద్వారా రైతులకు ఎప్పటికప్పుడు అందుబాటులోకి వస్తుంది. జిన్నింగ్‌ మిల్లులో ఎన్ని వాహనాలున్నాయి? తమ సీరియల్‌ ఎప్పుడు వస్తుందో కూడా తెలుసుకోవచ్చు. ఏమిటి.. ఎలా.. వాట్సాప్‌ నంబర్‌ 8897281111ను మొబైల్‌లో సేవ్‌ చేసుకోవాలి. వాట్సాప్‌లోకి వెళ్లి రైతులు హెచ్‌ఐ(హాయ్‌) అని టైప్‌ చేస్తే వెంటనే వన్‌ సాఫ్ట్‌ సిస్టమ్‌ ప్రైవేట్‌ లిమిటెడ్‌ పేరుతో అది తెరచుకుంటుంది. ఇందులో ఇంగ్లిషు, తెలుగు, హిందీ భాషల్లో కావాల్సిన దాన్ని ఎంపిక చేసుకోవచ్చు. ఉదాహరణకు తెలుగు ఎంపిక చేసుకుంటే అర్హత తనిఖీ, విక్రయ సమాచారం, తక్పట్టి వివరాలు, కేంద్రంలో వేచి ఉండే సమయం, ఇలా 4 ఆప్షన్లు కనిపిస్తాయి. రైతులు సాగు చేసిన పత్తి వివరాలు, రైతు ఎన్ని క్వింటాళ్ల వరకు విక్రయించుకునేందుకు అర్హత ఉందనేది మొదట కనిపిస్తుంది. ఒకవేళ రైతులు పత్తి విక్రయిస్తే ఎంతసరకు విక్రయించారు, చెల్లింపు డబ్బుల వివరాలు కనిపిస్తాయని మార్కెటింగ్‌ వర్గాలు తెలిపాయి. వానాకాలం సీజన్లో పత్తి రైతులు, దిగుబడి అంచనా వివరాలను వ్యవసాయ శాఖ అధికారులు, వ్యవసాయ విస్తరణ అధికారులు నమోదు చేశారు. సదరు సమాచారాన్ని సీసీఐ కేంద్రాలకు అందజేశారు. వ్యవసాయ శాఖ వద్ద ఉన్న రైతులకే యాప్‌ అందుబాటులో ఉంటుంది. సీరియల్‌లో ఉన్న వాహనాల సంఖ్య, లోడింగ్‌, అన్‌ లోడింగ్‌ వివరాలు ప్రత్యక్షమవుతాయి. సరుకు విక్రయించిన తర్వాత తక్పట్టి వివరాలు, ధరల వివరాలు, నగదు ఎన్ని రోజుల్లో జమవుతుందో స్టేటస్‌ కూడా తెలుసుకోవచ్చు. ఒకసారి పంట విక్రయించిన రైతులు.. తదుపరి చేతికందే పత్తి అంచనాను సైతం యాప్‌లో పొందుపరచొచ్చు. తద్వారా అధికారులకు కొనుగోళ్లపై ఓ అంచనా ఉంటుంది. జిల్లాలో మొత్తం సాగు విస్తీర్ణం: 3,34,606 ఎకరాలు పత్తి సాగు విస్తీర్ణం: 43,878ఎకరాలు దిగుబడి అంచనా: 3.07లక్షల క్వింటాళ్లు పత్తి మద్దతు ధర(క్వింటాలుకు): మధ్యరకం రూ.8,267, పొడవాటి రకం రూ.8,667ప్రస్తుతం విపణిలో పత్తి ధర మద్దతుకు మించి ధర పలుకుతోంది. ఈ క్రమంలో ధర పడిపోతే మద్దతు ధరకు కొనేందుకు సీసీఐ సిద్ధమవుతోంది. ఇప్పటికే జిల్లాలోని హెచ్చు ప్రాంతాల్లో పత్తి తొలితీత పూర్తవగా.. విక్రయాలు కూడా ఊపందుకున్నాయి. రైతులు తెల్ల బంగారాన్ని విక్రయించాలంటే గతంలో భారత పత్తి సంస్థ(సీసీఐ) కేంద్రాల వద్ద రోజుల తరబడి నిరీక్షించేవారు. ఈ సమస్యకు పరిష్కారంగా ప్రత్యేక యాప్‌ను అందుబాటులోకి తెచ్చారు. రైతు ఎప్పుడు సరుకు తీసుకెళ్లాలనే సమాచారం నుంచి నగదు జమ వరకు సకల వివరాలు తెలుసుకోవచ్చు. వాట్సాప్‌ నంబర్‌ 8897281111 హాయ్‌ అని మెస్సేజ్‌ చేస్తే సరి

కరీంనగర్‌ అర్బన్‌: కలెక్టరేట్‌ కార్యాలయ సమీ పంలో ఉన్న ఈవీఎం, వీవీప్యాట్‌ గోదామును గురువారం జిల్లా అదనపు కలెక్టర్‌ డి.శ్రీనివాస్‌ రెడ్డి వివిధ రాజకీయ పార్టీల ప్రతినిధులతో కలిసి తనిఖీ చేశారు. గోదాంలో ఈవీఎం, వీవీప్యాట్‌ యంత్రాల భ ద్రతకు సంబంధించి చేపట్టిన ఏర్పాట్లను సమగ్రంగా పరిశీలించారు. ఎన్నికల సంఘం నిర్దేశించిన మార్గదర్శకాలు, నిబంధనల ప్రకారం ఈవీఎం, వీవీప్యాట్‌ గోదాములను క్రమం తప్పకుండా తనిఖీ చేస్తూ, సంబంధిత వివరాలతో కూడిన నివేదికలను ఎప్పటికప్పుడు ఎన్నికల సంఘానికి పంపిస్తున్నట్లు తెలిపారు. భద్రతా చర్యలు, పర్యవేక్షణ వ్యవస్థ, సిబ్బంది విధుల నిర్వహణ తీరును అడిగి తెలుసుకున్నారు. వివిధ పార్టీల ప్రతినిధులు సత్తినేని శ్రీనివాస్‌, నాంపల్లి శ్రీని వాస్‌, పడిశెట్టి భూమయ్య, ఎర్రబెల్లి రవీందర్‌, బర్కత్‌ అలీ, కరీంనగర్‌ అర్బన్‌ తహసీల్దార్‌ నీరటి రాజేశ్‌, డీటీ ముజమిల్‌ పాల్గొన్నారు.తాగునీటి ఎద్దడి తలెత్తకుండా చర్యలుకరీంనగర్‌ కార్పొరేషన్‌: ఎల్‌నినో ప్రభావంతో నగరపాలకసంస్థ పరిధిలో తాగునీటి ఎద్దడి తలెత్తకుండా ముందు జాగ్రత్త చర్యలు చేపడుతున్నట్లు మేయర్‌ కొలగాని శ్రీనివాస్‌ తెలిపారు. ప్రజలు కూడా నీటిని పొదుపుగా వాడుకొని ప్రకృతి విపత్తును ఎదుర్కోవడంలో సహకరించాలని పిలుపునిచ్చారు. గురువారం 31వ డివిజన్‌ దుర్గమ్మగడ్డలోని హనుమాన్‌ ఆలయంలో ఏర్పాటు చేసిన తాగునీటి బోరు మోటారును కార్పొరేటర్‌ ముఖద్దర్‌ అలీతో కలిసి ప్రారంభించారు. ఎల్‌నినో ప్రభావం, రానున్న వేసవి కాలం దృష్ట్యా నగర ప్రజలకు తాగునీటి కొరత రాకుండా ప్రణాళికాబద్దంగా చర్యలు తీసుకుంటున్నామని తెలిపారు. నూతన కలెక్టరేట్‌కు ప్రభుత్వ జీవిత బీమా కార్యాలయంకరీంనగర్‌ అర్బన్‌: రాష్ట్ర ప్రభుత్వ జీవిత బీమా (టీఎస్‌జీఎల్‌ఐ) జిల్లా కార్యాలయం ఇక నూతన కలెక్టరేట్‌ నుంచి విధులు నిర్వహించనుంది. ఇప్పటికే కార్యాలయాన్ని కలెక్టరేట్‌కు తరలించగా ఉమ్మడి జిల్లా ప్రజలకు సేవలందించనుంది. డెత్‌ క్లెయిమ్స్‌, మెచ్యూరిటీ క్లెయిమ్స్‌, పాలసీలు, పాలసీ వివరాలు, లోన్లు, ఇతర సేవలను వినియోగించుకోవచ్చు. కరీంనగర్‌, రాజన్న సిరిసిల్ల, పెద్దపల్లి, జగిత్యాల జిల్లాల్లోని ఉద్యోగులు, పాలసీదారులు ఇకపై తమ అవసరాల నిమిత్తం నూతన కలెక్టరేట్‌ భవనంలో రూమ్‌ నంబర్‌ 201 లోని జిల్లా బీమా కార్యాలయాన్ని సంప్రదించాలని అధికారులు సూచించారు. దరఖాస్తులకు ఆహ్వానంకరీంనగర్‌ స్పోర్ట్స్‌: జిల్లాలోని 48 పాఠశాలలకు సంబంధించిన 96 మంది ఉపాధ్యాయులకు, 1,520 మంది విద్యార్థులకు మొత్తం 1616 యూనిట్ల స్కౌట్‌ యూనిఫారాలు, షూస్‌, క్యాప్స్‌, ఇతర వస్తువుల సరఫరాకు అర్హులైన స్థానిక లేదా బహిరంగ మార్కెట్‌ టెండర్‌దారుల నుంచి దరఖాస్తులు కోరుతున్నట్లు జిల్లా విద్యాశాఖాధికారి తిరుపతి రావు గురువారం ఒక ప్రకటనలో తెలిపారు. ఆసక్తి గలవారు జిల్లా విద్యాశాఖ కార్యాలయంలో సంప్రదించి, రూ.5వేలు డిమాండ్‌ డ్రాఫ్ట్‌ చెల్లించాలని పేర్కొన్నారు. ఈ నెల 6 నుంచి 12వరకు టెండర్‌ ఫారాలను పొందవచ్చునని పేర్కొన్నారు. పూర్తి చేసిన సీల్డ్‌ టెండర్‌ ఫారాలను, రూ.లక్ష ఈఎండీ డిమాండ్‌ డ్రాఫ్ట్‌తో కలిపి 12న సాయంత్రం 5 గంటల లోపు డీఈఓ కార్యాలయంలో అందజేయాలని తెలిపారు. సీల్డ్‌ టెండర్లను 13న జిల్లా అదనపు కలెక్టర్‌ సమక్షంలో తెరువబడునని, పూర్తి వివరాలకు 8317681792 నంబరును సంప్రదించాలని తెలిపారు. పవర్‌కట్‌ ప్రాంతాలుకొత్తపల్లి: విద్యుత్‌ తీగలకు అడ్డుగా ఉన్న చెట్ల కొమ్మల తొలగింపు పనుల కారణంగా శుక్రవారం ఉదయం 7.30 గంటల నుంచి 10 గంటల వరకు 11 కేవీ హిందూపురి కాలనీ ఫీడర్‌ పరిధిలోని హిందూపురి కాలనీ, ఆర్టీసీ వర్క్‌షాప్‌ ప్రాంతం, వివేకానందపురి, మహారాజా బార్‌ వెనుక ప్రాంతం, ఎస్‌ఆర్‌ఆర్‌ కళాశాల పరిసర ప్రాంతాల్లో విద్యుత్‌ సరఫరా నిలిపివేస్తున్నట్లు టౌన్‌ 1 ఏడీఈ పి.శ్రీనివాస్‌ గౌడ్‌ తెలిపారు.

కరీంనగర్‌రూరల్‌: వ్యవసాయంలో ఆధునిక పద్ధతులు, శాస్త్రవేత్తల సలహాలు, సూచనలు, ప్రభుత్వ కార్యక్రమాలను రైతులకు చేరవేయాలనే లక్ష్యంతో ప్రభుత్వం ప్రారంభించిన రైతునేస్తం కార్యక్రమం క్రమేపీ ఆదరణ కోల్పోతోంది. ప్రతీ మంగళవారం నిర్వహించే రైతు నేస్తంలో రైతులు పాల్గొనేందుకు ఆసక్తి చూపడంలేదు. ప్రొఫెసర్‌ జయశంకర్‌ వ్యవసాయ విశ్వవిద్యాలయం, వ్యవసాయశాఖ సంయుక్త ఆధ్వర్యంలో చేపట్టిన ఈ కార్యక్రమం క్షేత్రస్థాయిలో లక్ష్యాలను చేరుకోవడం లేదనే ఆరోపణలున్నాయి. రైతులు లేకుండానే అధికారులు మొక్కుబడిగా కార్యక్రమాన్ని నిర్వహిస్తున్నారు. 45 రైతువేదికల్లో రైతునేస్తం జిల్లాలో 72 రైతువేదికలుండగా 45 రైతువేదికల్లో ఆధునిక సాంకేతిక పరిజ్ఞానంతో వీడియోకాన్ఫరెన్స్‌ సౌకర్యం కల్పించారు. 2024లో మొదటిదశలో నియోజకవర్గంలోని ఒక రైతువేదికను ఎంపిక చేసి రైతునేస్తం కార్యక్రమం ప్రారంభించగా రెండో దశలో మండలానికో రైతువేదిక చొప్పున మొత్తం 15 రైతువేదికల్లో ఎంపిక చేశారు. మూడో దశలో 2025లో 30 రైతువేదికల్లో సీఎం రేవంత్‌రెడ్డి ప్రారంభించగా ప్రస్తుతం మొత్తం 45 రైతువేదికల్లో రైతునేస్తం అమలవుతోంది. శాస్త్రవేత్తలు, అధికారులు పంటల సాగు, విత్తనాలు, ఎరువుల వినియోగం, సాంకేతిక పద్ధతులు, పంట వ్యర్ధాల నిర్వహణ, ప్రభుత్వ పథకాల వివరాలను వివరిస్తున్నారు. అయితే క్షేతస్థాయిలో రైతుల నుంచి స్పందన లేకపోవడంతో నామమాత్రంగా సాగుతోంది. ప్రస్తుతం రైతులందరూ వరికోతలు చేపట్టి కొనుగోలు కేంద్రాలకు ధాన్యం తరలించే పనుల్లో నిమగ్నం కాగా అధికారులు మాత్రమే హాజరవుతున్నారు. కొన్ని రైతువేదికల్లో టెక్నికల్‌ సమస్యలతో వీడియో కాన్ఫరెన్స్‌ పనిచేయడంలేదు. ఏఈవోలపై నిర్వహణ భారం రైతువేదికల నిర్వహణ బాధ్యత ఏఈవోలకు భారంగా మారింది. మూడేళ్ల నుంచి ప్రభుత్వం నిధులు విడుదల చేయకపోవడంతో ఏఈవోలే సొంతంగా ఖర్చుచేస్తున్నారు. పలు గ్రామాల్లోని రైతువేదికలు గ్రామాలకు దూరంగా ఉండటంతో రైతులను ప్రతీ మంగళవారం తరలించడం కష్టంగా మారింది. రాత్రివేళల్లో భద్రత లేకపోవడంతో టీవీ, ప్రొజెక్టర్‌ తదితర పరికరాలను దొంగలు ఎత్తుకెళ్లే అవకాశముందని అధికారులు ఆందోళనవ్యక్తం చేస్తున్నారు. ప్రభుత్వం స్పందించి రైతునేస్తం నిర్వహిస్తున్న వేదికలకు రక్షణగా నైట్‌వాచ్‌మెన్లను నియమించేందుకు తగిన చర్యలు చేపట్టాలని రైతుసంఘాల ప్రతినిధులు, అధికారులు కోరుతున్నారు.

నగరంలోని గణేశ్‌నగర్‌లో వరుసగా మూడు ఇళ్లకు బోర్లలో నీరు తగ్గడంతో కొత్తగా బోర్లు వేయించారు. 900– 1,000 ఫీట్ల వరకు వేసినా చుక్క రాకపోగా కనీసం తడి కూడా లేదు. దీంతో చేసేదిలేక రెండు, మూడు నెలలు చూసి అద్దెకున్న వారిని ఖాళీ చేయాలని భావిస్తున్నారు. ఇది కేవలం గణేశ్‌నగర్‌లోనే కాదు నగరంలో కాంక్రీట్‌మయంగా మారిన హెచ్చు ప్రాంతాల్లో ఇదే దుస్థితి. ఇంకుడు గుంత లేని ఇళ్లలో మరీ ఎక్కువ.కరీంనగర్‌ అర్బన్‌: ఎల్‌నినో క్రమంలో జలవనరుల సంరక్షణ, జల కాలుష్యంపై దృష్టి కేంద్రీకరించాల్సిన పరిస్థితి ఏర్పడింది. వర్షాల లేమితో పాటు కొద్దిరోజులుగా భూగర్భ జలాలు పడిపోవడంతో పల్లె, పట్టణాల్లో నీటి సమస్య ఏర్పడుతోంది. కరీంనగర్‌, హుజూరాబాద్‌, జమ్మికుంట పట్టణాల్లో సమస్య అధికంగా ఉండగా గ్రామీణ ప్రాంతాల్లోనూ పలు చోట్ల ఇదే పరిస్థితి. గతంలో 200 ఫీట్ల వరకు బోర్లు వేయగా పుష్కలంగా నీరు వచ్చేది. ప్రస్తుతం వేయి అడుగుల వరకు బోరు వేసినా నీరు రావడం లేదు. కొత్తగా బోర్లు వేసినా ఫలితం లేకపోవడంతో ఇళ్లలో నీటి సమస్య ఏర్పడుతోంది. అద్దెకు న్నవారిని ఖాళీ చేయించే పరిస్థితి ఏర్పడుతోంది. నిబంధనలకు విరుద్ధంగా తవ్వకాలు జిల్లాకేంద్రంతో పాటు మండలాల్లోనూ నిబంధనలకు విరుద్ధంగా బోర్ల తవ్వకాలు చేస్తున్నారు. ఒకరికి మించి ఒకరు లోతులో బోర్లు వేస్తుండటంతో భూగర్బజలాలు వేగంగా పడిపోతున్నాయి. జిల్లాలో 14 మీటర్ల లోతులోకి భూగర్బజలాలు పడిపోగా ఇపుడే ఇలా ఉంటే వేసవిలో నీటి ఎద్దడి తీవ్రంగా ఉండనుంది. వాల్టా చట్టం ప్రకారం బోర్ల తవ్వకానికి అంక్షలు విధించాలి. అంతేగాకుండా ఇంకు డు గుంతల నిర్మాణాన్ని ప్రోత్సహిస్తే తప్ప భూగర్బజలాలను కాపాడుకోవడం కష్టమే. నగరంలోని చా లా అపార్ట్‌మెంట్లు, ఇళ్లలోని బోర్లు మార్చిలో వట్టిపోతుంటాయి కానీ ఈ సారి నవంబర్‌ నెలలోనే పరిస్థితి తీవ్రరూపం దాల్చింది. ఎండిపోయిన బోర్లలో మళ్లీ సమృద్ధిగా నీరు రావాలంటే ఇంజక్షన్‌ బోర్‌వెల్‌ విధానమే మేలని నిపుణులు అంటున్నారు. వృథాకు ఇలా అడ్డుకట్ట పట్టణాల్లో, గ్రామాల్లో ఒక్కో కుటుంబం నిత్యం అన్ని అవసరాల్లో సుమారు 50లీటర్ల నీటిని వృథా చేస్తోందని నిపుణుల అంచనా. జాగ్రత్తగా వ్యవహరిస్తే ఈ వినియోగాన్ని గణనీయంగా తగ్గించొచ్చు. వంట సమయంలో బియ్యం కడిగే నీటిని పారబోయకుండా మొక్కలకు పోయాలి. వంట చేసే సమయంలో చాలా మంది ట్యాప్‌ను ఆన్‌చేసి వదిలేస్తుంటారు. మొత్తం పాత్రల్ని శుభ్రం చేసిన తర్వాత సన్నని ధారపెట్టి పాత్రల్ని శుభ్రం చేసుకోవాలి. స్నానానికి వినియోగించే బకెట్‌ నీటి సామర్థ్యం 15నుంచి 20లీటర్లు.. చాలామంది ట్యాప్‌ వదిలేసి స్నానం చేస్తుంటారు. దీంతో ఒక్కొక్కరు రెండు, మూడు బకెట్ల నీటిని వినియోగించినట్లే.. ఒక్క బకెట్‌తో స్నానాన్ని చేయొచ్చు. బట్టలు ఉతికేటప్పుడు ఒక్కొ జతకు ఒక్కొ బకెట్టు వాడకుండా ఒకసారి శుభ్రం చేసిన నీటిలో మరొక జతను శుభ్రం చేసి అటు తరువాత మళ్లీ ఫ్రెష్‌ నీళ్లలో శుభ్రం చేస్తే నీటిని పొదుపు చేయవచ్చు. బోజనం చేసిన తరువాత చేతులు కడిగేందుకు ట్యాప్‌ను పూర్తిస్థాయిలో వదిలేస్తే రెండు, మూడు లీటర్ల నీరు వృథా అవుతుంది. కార్లు, బైకులు కడిగేందుకు చాలా మంది పైపులు ఉపయోగిస్తారు. దీంతో విద్యుత్తు, నీరు ఎంతో వృథా అవుతుంది. దీనికి బదులు బకెట్‌ నీటితో తడిగుడ్డ ఉపయోగించి వాహనాన్ని శుభ్రం చేసుకోవచ్చు. ఇంట్లో వాటర్‌ప్యూరిఫైడ్‌ యంత్రాలు వాడేవారు చాలామంది ఇంటి నీటి ట్యాంకులకు అనుసంధానం చేసి వాడుతుంటారు. నీరుశుద్ధి కావడానికి రెండింతల నీరు వృథా అవుతుంది. ఈ నీటిని బకెట్లు పెట్టి పట్టుకుని దుస్తులు పిండటానికి, వంట పాత్రలు కడగటానికి వినియోగించొచ్చు.

ఈ రెండు నెలల్లో బాబు ఆరోగ్యం పూర్తిగా క్షీణించింది. దాదాపు రెండు కిలోలకుపైగా బరువు తగ్గాడని, మానసిక ఆరోగ్యం దెబ్బతిందని, నిద్రలో పదేపదే ఉలిక్కి పడి లేచి ఏడుస్తున్నాడని తల్లిదండ్రులు, న్యాయవాది క్యాస రఘునందన్‌ రెడ్డి ఆరోపిస్తున్నారు. కలెక్టర్‌ను జిల్లా అధికారులు తప్పుదోవపట్టిస్తున్నారని విమర్శించారు. పిల్లాడి ఒంటిపై గాయాలు ఎలా వచ్చాయని ప్రశ్నిస్తున్నారు. ఈ విషయమై జిల్లా సంక్షేమ అధికారి భాస్కర్‌ను వివరణ కోరగా.. పిల్లాడి విషయంలో హైకోర్టు ఇచ్చిన మధ్యంతర ఉత్తర్వులను రద్దు చేయాలని హైకోర్టులో రిట్‌ దాఖలు చేసిన విషయాన్ని అంగీకరించారు. దాని వల్ల పిల్లాడు దూరమయ్యే పరిస్థితి ఉండకపోవచ్చని అభిప్రాయపడ్డారు. ఇలాంటి కేసులు సుప్రీంకోర్టులో 160కిపైగా పెండింగ్‌లో ఉన్నాయని, ఈ కేసును సైటేషన్‌గా తీసుకుని వారంతా కోర్టులను ఆశ్రయిస్తారన్న కారణంతో రిట్‌ దాఖలు చేశామని వివరించారు. జిల్లా అధికారులు అసలు పిల్లాడు లక్ష్మణ్‌– సుమలతలకు జన్మించలేదని అనుమానం వ్యక్తం చేస్తున్నారు. దీన్ని శ్రీనివాస్‌ లాయర్‌ రఘునందన్‌రెడ్డి ఖండిస్తున్నారు. ఈ కేసులో కలెక్టర్‌ను జిల్లా అధికారులు తప్పు దోవ పట్టిస్తున్నారని ఆరోపిస్తున్నారు. అదే సమయంలో 2023 నవంబరులో పిల్లాడు జగిత్యాల ప్రభుత్వాస్పత్రిలో జన్మించినట్లుగా బర్త్‌ సర్టిఫికెట్‌ వెలుగులోకి రావడం బాబు బంధువుల్లో చర్చకు దారితీసింది. ఒకవేళ జిల్లా అధికారుల అనుమానం నిజమైతే.. పిల్లాడికి జగిత్యాల మున్సిపల్‌ అధికారులు బర్త్‌ సర్టిఫికెట్‌ ఎలా జారీ చేస్తారు? అందులో అతని తల్లిదండ్రులుగా లక్ష్మణ్‌–సుమలత పేర్లు ఎలా పొందుపరుస్తారు? అన్న ప్రశ్నను బాబు తరపు బంధువులు లేవనెత్తుతున్నారు.తల్లిదండ్రులతో బాలుడుసాక్షిప్రతినిధి,కరీంనగర్‌: ‘అమ్మా.. నాకు భయమేస్తోంది..రాత్రిపూట ఒక్కడినే పడుకోలేకపోతున్నా.. నన్ను తీసుకుపో’ అంటూ మూడేళ్ల చిన్నారి దిక్కులు పిక్కటిల్లేలా చేసిన రోదనలు సోషల్‌ మీడియాను కుదిపేశాయి. ప్రపంచవ్యాప్తంగా ఉన్న తెలుగువారు బాలుడికి మద్దతుగా నిలిచారు. పిల్లాడి విడుదలను పరిశీలించాలంటూ కోర్టు ఇచ్చిన ఆదేశాలు అమలు కాలేదు. చివరికి మంత్రులు జోక్యంతో ఆ పసివాడు తల్లి ఒడి చేరాడు. కానీ, ఆ ఆనందం వారికి ఎన్నో రోజులు నిలిచేలా లేదు. బాబును తీసుకెళ్లడాన్ని జిల్లా సీ్త్ర శిశు సంక్షేమ అధికారులు సవాలు చేస్తూ హైకోర్టును ఆశ్రయించారు. దీంతో కథ మరో మలుపు తిరిగింది. ఇప్పటికే ఒళ్లంతా గాయాలతో, ఎలర్జీతో బాధపడుతున్న బాలుడు.. శారీరకంగా, మానసికంగా చాలా కుంగిపోయాడు. ఈ నెలాఖరున చిన్నారి మూడో పుట్టినరోజు సమీపిస్తున్న వేళ.. మళ్లీ తల్లి ఒడికి దూరమైతే.. అతని మానసిక పరిస్థితి మరింత దిగజారుతుందని సర్వత్రా ఆందోళన వ్యక్తమవుతోంది. జగిత్యాలకు చెందిన క్యాసరపు శ్రీనివాస్‌ దంపతులకు సంతానం లేదు. దీంతో నిజామాబాద్‌కు చెందిన లక్ష్మణ్‌– సుమలత దంపతుల కుమారుడిని దత్తత తీసుకున్నారు. ఇటీవల గుర్తుతెలియని వ్యక్తులు 1098 టోల్‌ఫ్రీ నంబరు ద్వారా జిల్లా సీ్త్రశిశు సంక్షేమశాఖకు ఫిర్యాదు చేశారు. దత్తత చెల్లదంటూ ఆగస్టు 26న అధికారులు పిల్లాడిని హోంకు తరలించారు. దత్తతలో అక్రమాలు జరిగాయంటూ శ్రీనివాస్‌గౌడ్‌, సరిత, లక్ష్మణ్‌– సుమలతపై జిల్లా సంక్షేమ అధికారుల ఫిర్యాదుతో జగిత్యాల పీఎస్‌లో ఎఫ్‌ఐఆర్‌ నమోదు చేశారు. దీంతో శ్రీనివాస్‌ దంపతులు న్యాయపోరాటానికి దిగారు. పిల్లాడి అప్పగింతను పరిశీలించాలని జిల్లా అధికారులకు హైకోర్టు మధ్యంతర ఉత్తర్వులిచ్చింది. అయినా వారు పిల్లాడిని తల్లికి అప్పగించలేదు. ఈ ఉత్తర్వులను సస్పెండ్‌ చేయాలంటూ హైకోర్టులో రిట్‌ దాఖలు చేశారు. ఈ పరిణామంపై తల్లిదండ్రులతోపాటు సర్వత్రా ఆందోళన వ్యక్తమవుతోంది.

తల్లిదండ్రుల సెల్‌ఫోన్లకు పంపే డిజిటల్‌ మార్కుల జాబితాకరీంనగర్‌ టౌన్‌: ఒకే తరగతి గదిలో చదువుతున్న విద్యార్థులందరి అభ్యసన సామర్థ్యాలు ఒకేలా ఉండవు. కొందరు పాఠాలను త్వరగా అర్థం చేసుకుంటే.. మరికొందరు అదే అంశాన్ని నేర్చుకోవడానికి ఎక్కువ సమయం తీసుకుంటారు. పరీక్షల ఫలితాల్లో కనిపించే ఈ వ్యత్యాసాలను గుర్తించడం, వాటికి అనుగుణంగా బోధనలో మార్పులు చేయడం అంత సులభం కాదు. ఈ పరిస్థితికి పరిష్కారంగా విద్యాశాఖ తీసుకొస్తున్న డిజిటల్‌ మూల్యాంకన విధానం ప్రభుత్వ పాఠశాలల పనితీరులో కొత్త అధ్యాయానికి తెరతీయనుంది. జిల్లాలో 40వేల మంది విద్యార్థులు జిల్లాలో ప్రాథమిక పాఠశాలలు 386, ప్రాథమిక ఉన్నత పాఠశాలలు 73, జిల్లా పరిషత్‌ పాఠశాలలు 146, మోడల్‌ స్కూళ్లు 11. కేజీబీవీలు 14 ఉండగా వీటీల్లో మొత్తంగా 40,765 మంది విద్యార్థులు చదువుతున్నారు. ఒకటో తరగతి నుంచి పదో తరగతి వరకు విద్యార్థులకు నిర్వహించే ఎఫ్‌ఏ, ఎస్‌ఏ పరీక్షల మార్కులను ఆన్‌లైన్‌లో నమోదు చేయడం ద్వారా ప్రతి ఒక్కరి విద్యాస్థాయిని విడివిడిగా పరిశీలించే వీలుంటుంది. ఏ విద్యార్థి ఏ పాఠ్యాంశంలో పట్టు సాధించారు? ఎవరికి ఇంకా ప్రాథమిక అవగాహన కూడా అవసరం? ఏ సబ్జెక్టులో ఫలితాలు ఆశించిన స్థాయిలో లేవు? అనే అంశాలపై స్పష్టత వస్తుంది. దీంతో తరగతి మొత్తాన్ని ఒకే ప్రమాణంతో అంచనా వేయకుండా వ్యక్తిగత అభ్యసన స్థాయికి ప్రాధాన్యం ఇవ్వవచ్చు. ఫలితాలే కాదు.. మార్పు కనిపించాలి! డిజిటల్‌ విధానంలో మార్కులు నమోదు చేయడం ఒక ముందడుగు మాత్రమే. ఆ వివరాల ఆధారంగా విద్యార్థుల వెనుకబాటును అధిగమించే చర్యలు తీసుకున్నప్పుడే ఆశించిన ఫలితం లభిస్తుంది. ప్రతి విద్యార్థి చదవడం, రాయడం, అర్థం చేసుకోవడం, విశ్లేషించడం వంటి ప్రాథమిక సామర్థ్యాలను సాధించేలా కార్యాచరణ ఉండాలి. ఆన్‌లైన్‌లో నమోదయ్యే గణాంకాలు తరగతి గదిలో బోధనా మార్పులకు దారితీస్తేనే ఈ ప్రయత్నానికి సార్థకత చేకూరుతుంది. చివరకు మార్కుల పట్టికలో కనిపించే అంకెలు కాకుండా.. విద్యార్థుల్లో పెరిగే జ్ఞానం, నైపుణ్యాలే ఈ విధానం విజయానికి అసలైన కొలమానం కానున్నాయి.

కరీంనగర్‌ అర్బన్‌: వాడిన నూనెను మళ్లీ మళ్లీ వా డుతూ ప్రజల ప్రాణాలకే ముప్పు తెస్తున్నారు. గురువారం రాత్రి ఫుడ్‌ సేఫ్టీ అధికారులు నగరంలోని కేఎఫ్‌సీలో మెరుపుదాడులు నిర్వహించగా విస్తుపోయే అంశాలు వెలుగుచూశాయి. వాడిన నూనెను మళ్లీ మళ్లీ వాడుతున్నట్లుగా గుర్తించి 80 లీటర్ల నూనె స్వాఽధీనం చేసుకున్నారు. రికార్డుల నిర్వహణ లోపభూయిష్టంగా ఉండటం, నిబంధనలను విస్మరించడం వంటి లోపాలను గుర్తించగా కేఎఫ్‌సీని సీజ్‌ చేశారు. ఆయిల్‌తో పాటు వివిధ రకాల ముడిపదార్థాల శాంపిళ్లను సేకరించినట్లు గెజిటెడ్‌ ఫుడ్‌ ఇన్‌స్పెక్టర్‌ రోహిత్‌రెడ్డి, ఫుడ్‌ సేఫ్టీ అధికారి అంకిత్‌రెడ్డి వివరించారు. ఆహార భద్రతా ప్రమాణాలను పాటించకుండా ప్రజా రోగ్యంతో ఆటలాడితే ఎంతటివారినైనా ఉపేక్షించమని హెచ్చరించారు.

మానకొండూర్‌: ప్రభుత్వం ఏర్పాటు చేసిన కొనుగోలు కేంద్రాల్లోనే ధాన్యాన్ని విక్రయించి మద్దతు ధర పొందాలని మానకొండూర్‌ వ్యవసాయ మార్కెట్‌ కమిటీ చైర్మన్‌ రేవల్లి రాజలింగం సూచించారు. మండలంలోని ఈదులగట్టేపల్లి గ్రామంలో హాకా ఆధ్వర్యంలో ఏర్పాటు చేసిన వరి ధాన్యం కొనుగోలు కేంద్రాన్ని గురువారం ప్రారంభించారు. కొనుగోలు కేంద్రాల్లో రైతులకు ఎలాంటి ఇబ్బందులు కలగకుండా తగినన్ని టార్పాలిన్లు అందుబాటులో ఉంచాలని, అధికారులు అన్ని రకాల ముందస్తు చర్యలు చేపట్టాలని అన్నారు. కార్యక్రమంలో గ్రామ సర్పంచ్‌ మీస సత్యనారాయణ, హాకా జిల్లా అధికారి కృష్ణయ్య, మానకొండూర్‌ సొసైటీ అధ్యక్షులు నాగిశెట్టి రాజయ్య, నాయకులు రామినేని రమణ, దూలం వీరస్వామి గౌడ్‌, కనకం అశోక్‌, రా మాంజనేయులు, ముక్కెర సతీశ్‌, చిరంజీవి, బండి సమ్మయ్య, బందెల మహేందర్‌, మట్టెపల్లి ఆంజనేయులు, బెడద ప్రభాకర్‌ తదితరులు పాల్గొన్నారు.

హుజూరాబాద్‌: ఎల్‌నినో ప్రభావంతో ఏర్పడిన వర్షాభావ పరిస్థితుల దృష్ట్యా జిల్లాలోని 16 మండలాలను కరువు మండలాలుగా ప్రకటించి రైతులను ఆదుకోవాలని సీపీఎం జిల్లా కార్యదర్శి మిల్కూరి వాసుదేవరెడ్డి డిమాండ్‌ చేశారు. గురువారం పార్టీ కార్యాలయంలో మాట్లాడారు. వర్షాభావం వల్ల ఎండిపోయిన వాణిజ్య పంటలకు ఎకరాకు రూ.50 వేలు, ఇతర పంటలకు రూ.30 వేల పరిహారం ఇవ్వాలన్నారు. ప్రభుత్వ ఆసుపత్రిలో మందుల కొరత తీర్చాలని, బైపాస్‌ మీదుగా వెళ్లే బస్సులు బస్టాండ్‌లోకి వచ్చేలా ఆర్టీసీ చర్యలు తీసుకోవాలని కోరారు. సమావేశంలో ప్రతాప్‌ శ్రీనివాస్‌, కొప్పుల శంకర్‌, కదిరె రమేష్‌, కొంకట చంద్రయ్య, రాచపల్లి సారయ్య, వెంకటేష్‌, మోరే మహేష్‌, మైస చేరాలు, శ్రీధర్‌ తదితరులు పాల్గొన్నారు.

శంకరపట్నం: ఇటీవల మరణించిన గద్దపాక గ్రామపంచాయతీ 7వ వార్డు సభ్యుడు వేణు కుటుంబసభ్యులను గురువారం వార్డు సభ్యుల ఫోరం సభ్యులు పరామర్శించారు. వేణు చిత్రపటానికి పూలమాల వేసి నివాళి అర్పించి ఆర్థిక సాయం అందజేశారు. సర్పంచ్‌ పర్శరాములు, వార్డు సభ్యుల ఫోరం వ్యవస్థాపకురాలు జ్యోతి, మండల ఇన్‌చార్జి రమణారెడ్డి, భరత్‌, అసీఫ్‌, రమేశ్‌, మోహీన్‌, జైపాల్‌, వెంకటేశ్‌, రాజు, శంకర్‌రెడ్డి, శ్రీకాంత్‌, శేఖర్‌ తదితరులు పాల్గొన్నారు. దొంగల అప్పగింత శంకరపట్నం: మండలంలోని గొల్లపల్లిలో పైపులు, విద్యుత్‌ వైర్లు, కేబుల్‌ దొంగతనానికి పాల్పడుతున్న ఆరుగురు మహిళలను గురువారం గ్రామస్తులు పట్టుకొని పోలీసులకు అప్పగించారు. అన్నదాతలు అప్రమత్తంగా ఉండాలి హుజూరాబాద్‌ రూరల్‌: ప్రభుత్వ ‘రైతు భరోసా’ నిధుల పేరుతో వచ్చే సైబర్‌ మోసపూరిత సందేశాల పట్ల అన్నదాతలు అప్రమత్తంగా ఉండాలని వ్యవసాయశాఖ సహాయ సంచాలకులు (ఏడీఏ) సునీత సూచించారు. నిధులు జమ కావాలంటే లింకులపై క్లిక్‌ చేయాలంటూ సైబర్‌ నేరగాళ్లు పంపే మెసేజ్‌లను నమ్మవద్దన్నారు. రైతులు బ్యాంకు ఖాతా వివరాలు, ఓటీపీ, ఏటీఎం పిన్‌ సమాచారాన్ని ఎవరికీ చెప్పొద్దని కోరారు. నేడు సామాజిక తనిఖీ ప్రజావేదిక హుజూరాబాద్‌ రూరల్‌: మండల పరిషత్‌ కార్యాలయ సమావేశ మందిరంలో శుక్రవారం 17వ విడత సామాజిక తనిఖీ ప్రజావేదిక నిర్వహించనున్నట్లు ఎంపీడీవో తూర్పాటి సునీత ప్రకటనలో తెలిపారు. వీబీజీ రాంజీ పథకంలో భాగంగా మండలంలోని ఆయా గ్రామాల్లో ఇటీవల చేపట్టిన సామాజిక తనిఖీలపై ప్రజావేదిక జరుగుతుందని, సంబంధిత శాఖల అధికా రులు, సిబ్బంది హాజరుకావాలని కోరారు. అమరవీరులకు నివాళి హుజూరాబాద్‌: విప్లవ విద్యార్థి ఉద్యమ అమరవీరుల త్యాగాలు మరువలేనివని ప్రగతిశీల ప్రజాస్వామ్య విద్యార్థి సంఘం (పీడీఎస్‌యూ) ఉమ్మడి కరీంనగర్‌ జిల్లా ప్రధాన కార్యదర్శి కూతాటి రాణా ప్రతాప్‌ అన్నారు. అమరవీరుల సంస్మరణ వారోత్సవాల్లో భాగంగా గురువారం కాకతీయ జూనియర్‌ కళాశాలలో కామ్రేడ్‌ జంపాల చంద్రశేఖర్‌ ప్రసాద్‌ వర్ధంతి నిర్వహించారు. ఆయన చిత్రపటానికి పూలమాలలు వేసి నివాళులర్పించారు. కార్యక్రమంలో పీడీఎస్‌యూ జిల్లా సహాయ కార్యదర్శి కొనేటి ప్రశాంత్‌, నాయకులు రాహుల్‌, దిలీప్‌, సందీప్‌, నవీన్‌ తదితరులు పాల్గొన్నారు. 05 హెచ్‌ జెడ్‌ బి 01:

రామడుగు: సమాజ మార్పునకు న్యాయ విజ్ఞానం సాధనంగా కావాలని జిల్లా సీనియర్‌ సివిల్‌ న్యాయమూర్తి, జిల్లా న్యాయ సేవాధికార సంస్థ కార్యదర్శి యశ్వంత్‌సింగ్‌ అన్నారు. జాతీయ న్యాయ సేవల దినోత్సవం సందర్భంగా గురువారం రామడుగు మండలం వెదిర కిమ్స్‌ లా కళాశాలలో ఏర్పాటు చేసిన న్యాయ అవగాహన సదస్సులో మాట్లాడారు. న్యాయ విజ్ఞానాన్ని ప్రజల హక్కుల పరిరక్షణకు, సమాజంలో సమానత్వం, న్యాయ స్థాపనకు వినియోగించాలని అన్నారు. కిమ్స్‌ విద్యాసంస్థల వైస్‌ చైర్మన్‌ పేర్యాల సాకేత్‌రామారావు, లా కళాశాల ప్రిన్సిపాల్‌ పి.నవీన్‌కుమార్‌, జిల్లా న్యాయ సేవాధికార సంస్థ సభ్యులు కిరణ్‌కుమార్‌, చంద్రప్రకాశ్‌రెడ్డి, అధ్యాపకులు కొమురయ్య, వెంకటస్వామి, కిషన్‌, వంశీకృష్ణ, కీర్తి, విద్యార్థులు పాల్గొన్నారు.

జమ్మికుంట: మున్సిపల్‌ పరిధిలో ట్రేడ్‌ లైసెన్స్‌ రుసుము చెల్లంచకుండా ప్రభుత్వ ఆదాయానిక గండి కోడుతున్న దుకాణాలపై తనిఖీలు చేసి విచారణ జరపాలని కమిషనర్‌కు ఫిర్యాదు చేసినట్లు 30 వార్డు కౌన్సిలర్‌ చందారాజు తెలిపారు. కొందరు షాపు యాజమానులు తప్పుడు సెల్ఫ్‌ డిక్లరేషన్‌ ఇచ్చి కొలతలకు తగ్గట్టుగా లైసెన్స్‌ ఫీజు చెల్లించకుండా రూ.లక్షల పన్ను ఎగవేస్తున్నారని, దీంతో మున్సిపాలిటీకి నష్టం వాటిల్లుతోందని ఆరోపించారు. వార్డు పరిధిలో దుకాణ సమూదాయాల కొలతలు తీసి నిబంధనల ప్రకారం పన్నులు, ఫెనాల్టీలు విధించాలని అన్నారు. భూమిపూజ చిగురుమామిడి: మండలకేంద్రంలో నూతనంగా నిర్మిస్తున్న మూడు వీవో సంఘాలకు గురువారం పీఏసీఎస్‌ చైర్మన్‌ చిటుమల్ల రవీందర్‌, ఉప సర్పంచ్‌ విజయలక్ష్మిలు భూమిపూజ చేసి పనులు ప్రారంభించారు. వార్డు సభ్యులు అన్నపూర్ణ, శివాంజనేయులు, అనిల్‌, సౌందర్య, లావణ్య, భాగ్య, సమ్మయ్య, పీఆర్‌ఏ నిరంజన్‌రెడ్డి, ఐకేపీ ఏపీఎం రజిత, పంచాయతీకార్యదర్శి రమేశ్‌, సీఏలు, సీసీలు, మహిళలు పాల్గొన్నారు. కాగా చిగురుమామిడిలో జలసిరి కింద చేపట్టిన బోర్‌వెల్‌ రీచార్జీ ఫిట్‌ పనులకు సర్పంచ్‌ భవానీ భూమిపూజ చేశారు. దస్తావేజు లేఖరుల సంఘం ఎన్నిక గంగాధర: దస్తావేజు లేఖరుల సంఘం మండల అధ్యక్షుడిగా చిన్నోజ్వల మునీందర్‌, ఉపాధ్యక్షులుగా బొద్దుల ప్రతాప్‌, ప్రధాన కార్యదర్శిగా తాండ్ర రమేశ్‌, కోశాధికారిగా గంగాధర రాజశేఖర్‌, సభ్యులుగా ఇప్పలపల్లి రమణ, తాళ్ల సుధాకర్‌, బొంగని శ్రీముఖ ఎన్నికయ్యారు. ఎన్నికలను సీనియర్‌ రైటర్లు తోట చంద్రయ్య, తాళ్ల అంజయ్య, గంట కిషన్‌ ఆధ్వర్యంలో నిర్వహించారు. నేడు ధాన్యం కొనుగోలు కేంద్రాలు ప్రారంభం చిగురుమామిడి: మండలంలోని చిగురుమామిడి, సుందరగిరి, నవాబుపేట్‌, ఇందుర్తి, ముదిమానిక్యం, సీతారాంపూర్‌, లంబాడిపల్లి, తో పాటు పలు గ్రామాల్లో శుక్రవారం ధాన్యం కొనుగోలు కేంద్రాలను ప్రారంభించనున్నట్లు పీఏసీఎస్‌ చైర్మన్‌ చిటుమల్ల రవీందర్‌ ఒక ప్రకటనలో తెలిపారు. ఆయా గ్రామాల సర్పంచులు, ఐకేపీ, సింగిల్‌విండో డైరెక్టర్లు, రైతులు హాజరు కావాలని కోరారు. ఫెర్టిలైజర్‌ షాపుల ఆకస్మిక తనిఖీ వీణవంక: మండలంలోని ఫెర్టిలైజర్‌ షాపులను జిల్లా వ్యవసాయ అధికారి ఛత్రునాయక్‌ గురువారం ఆకస్మికంగా తనిఖీ చేశారు. ఎరువులు, పురుగు మందులను నిర్దేశిత ధరలకే విక్రయించాలని, నకిలీ ఎరువులు అమ్మితే చట్టరీత్యా చర్యలు తీసుకుంటామని డీలర్లను హెచ్చరించారు. రైతులను ఇబ్బందులకు గురిచేయకుండా రికార్డులను సక్రమంగా నిర్వహించాలన్నారు. కార్యక్రమంలో ఏవో గణేష్‌, ఏఈవోలు శ్రావణ్‌, తిరుపతి తదితరులు పాల్గొన్నారు. ప్రతీ శుక్రవారం డ్రైడేగా పాటించాలి రామడుగు: ప్రతీ గ్రామ పంచాయతీ స్థాయిలో సర్పంచ్‌, వార్డు సభ్యులు, ఆశ కార్యకర్త, అంగన్వాడీ టీచర్లు, ఏఎన్‌ఎంలు, పంచాయతీ కార్యదర్శిని కలిసి వైద్య సిబ్బంది ప్రతీ శుక్రవారం డ్రైడేగా పాటించాలని జిల్లా వైద్యాధికారి రాజగోపాల్‌రావు సూచించారు. మండల కేంద్రంలోని ప్రాథమిక ఆరోగ్య కేంద్రాన్ని గురువారం ఆకస్మికంగా తనిఖీ చేశారు. వైద్యాధికారి నాజియా, సిబ్బంది పాల్గొన్నారు.

కరీంనగర్‌: జాతీయ ఆరోగ్య మిషన్‌ (ఎన్‌హెచ్‌ఎం) పరిధిలో పనిచేస్తున్న ఉద్యోగుల న్యాయమైన డిమాండ్ల సాధనకు ఎన్‌హెచ్‌ఎం జేఏసీ కరీంనగర్‌ ఆధ్వర్యంలో చేపట్టిన నిరవధిక సమ్మె గురువారం 24వ రోజు కొనసాగింది. ఈ సందర్భంగా ఉద్యోగులు వినూత్న రీతిలో తమ చేతులపై గోరింటాకుతో ఎన్‌హెచ్‌ఎం జేఏసీ అని రాసుకొని నిరసన తెలిపారు. దీర్ఘకాలంగా సేవలందిస్తున్నప్పటికీ తమ సమస్యలు పరిష్కారం కాకపోవడంతో ఆవేదన వ్యక్తం చేస్తున్నారు. ఉద్యోగుల రెగ్యులరైజేషన్‌, వేతనాల పెంపు, ఉద్యోగ భద్రతతో పాటు ఇతర న్యాయమైన డిమాండ్లను ప్రభుత్వం తక్షణమే పరిష్కరించాలని ఎన్‌హెచ్‌ఎం జేఏసీ నాయకులు కోరారు.

వీణవంక: కోర్కల్‌, లక్ష్మక్కపల్లి గ్రామాల్లో చెక్‌డ్యామ్‌ల పునర్నిర్మాణాన్ని ఐదేళ్లుగా పట్టించుకోకపోవడం పాలకుల నిర్లక్ష్యానికి నిదర్శనమని బీజేపీ జిల్లా మాజీ అధ్యక్షుడు గంగాడి కృష్ణారెడ్డి అన్నారు. గురువారం బీజేపీ మండల అధ్యక్షుడు బత్తిని నరేశ్‌గౌడ్‌ ఆధ్వర్యంలో చెక్‌డ్యామ్‌లను పరిశీలించారు. గత బీఆర్‌ఎస్‌, ప్రస్తుత కాంగ్రెస్‌ ప్రభుత్వాలు చెక్‌డ్యామ్‌లను విస్మరించాయని, ఎమ్మెల్యే పాడి కౌశిక్‌రెడ్డి సొంత మండలంలో సమస్య పరిష్కారానికి చొరవ చూపకపోవడం విచారకరమన్నారు. వెంటనే నిధులు మంజూరు చేసి పనులు ప్రారంభించకపోతే రైతులతో కలిసి ఆందోళన చేస్తామని హెచ్చరించారు. కార్యక్రమంలో నాయకులు గణపతి, ర ఘు, సంపత్‌రావు, రాజేందర్‌, వినోద్‌కుమార్‌, రమణారెడ్డి, రాజు, కొండల్‌రెడ్డి, ఆదిరెడ్డి,పెద్దిమాల్లారె డ్డి, శ్రీనివాస్‌, సర్పంచులు, కార్యకర్తలు పాల్గొన్నారు.

చొప్పదండి: పట్టణంలోని సాంఘిక సంక్షేమ గురుకుల బాలికల విద్యాలయంలో విద్యార్థుల సమస్యలను పరిష్కరిస్తానని ఎమ్మెల్యే మేడిపల్లి సత్యం తెలిపారు. పేరెంట్స్‌ కమిటీ ఇచ్చిన వినతిపత్రంపై ఆయన స్పందించారు. విద్యాలయంలో డ్రైనేజీ సమస్య పరిష్కరించాలని, శీతాకాలంలో వేడి నీటి స్నానం చేసేందుకు గ్లీజర్లు ఏర్పాటు చేయాలని సభ్యులు విన్నవించారు. విద్యాలయ ప్రిన్సిపాల్‌ స్వాతి, వైస్‌ ప్రిన్సిపాల్‌ దీప్తి, కమిటీ చైర్మన్‌ సంబోజి సునీల్‌, భూమయ్య, సురేశ్‌, శ్రీనివాస్‌ తదితరులు పాల్గొన్నారు. వేతనమివ్వడం లేదని ఆత్మహత్యాయత్నం చొప్పదండి: తనకు 3 నెలలుగా జీతం ఇవ్వకుండా వేధిస్తున్నారని, కారోబార్‌ పోస్టు నుంచి తొలగించే కుట్రలు చేస్తున్నారని దేశాయిపేటకు చెందిన నరేందర్‌రెడ్డి గురువారం గ్రామ పంచాయతీ ఎదుట పురుగు మందు డబ్బాతో ఆత్మహత్యాయత్నం చేశాడు. గ్రామస్తుల కథనం ప్రకారం.. తనపై అధికారి ఉద్దేశపూర్వకంగా కారోబార్‌ పోస్టు నుంచి బయటకు పంపించే కుట్రలు చేస్తున్నాడని, పాలకవర్గానికి సంబంధం లేకుండా జరుగుతోందని ఆరోపిస్తూ నరేందర్‌రెడ్డి పురుగు మందు తాగుతానని పంచాయతీ ఎదుట నిరసన వ్యక్తం చేశాడు. గ్రామస్తులు పురుగుల మందు డబ్బాను తీసుకొని పడేశారు. పాలకవర్గంతో మాట్లాడుతామని హామీ ఇచ్చి నిరసనను విరమింపజేశారు. మధుమేహంపై జాగ్రత్త చర్యలు అవసరం చొప్పదండి: ప్రజలు మధుమేహంపై ముందు జాగ్రత్త చర్యలు తీసుకోవడం అత్యవసరమని లయన్స్‌ క్లబ్‌ జిల్లా గవర్నర్‌ లయన్‌ మోర భద్రేశం అన్నారు. భూపాలపట్నం గ్రామంలో గురువారం ఉచితంగా డయాబెటిక్‌ వైద్యశిబిరం నిర్వహించా రు. గ్రామస్తులకు వైద్య పరీక్షలు నిర్వహించి పలు సూచనలు చేశారు. క్లబ్‌ అధ్యక్షుడు వల్లాల జగన్‌, కార్యదర్శి దూస రాము, వల్లాల కృష్ణహరి, రాజేశ్‌ పవార్‌, ఛత్రపతి శ్రీనివాస్‌ తదితరులు పాల్గొన్నా రు. ఖేత్‌ బచావో అభియాన్‌ గంగాధర: ఉప్పరమల్యాల గ్రామంలో గురువారం వ్యవసాయ శాఖ ఆధ్వర్యంలో ఖేత్‌ బచావో అభియాన్‌ కార్యక్రమం నిర్వహించారు. వ్యవసాయ శాస్త్రవేత్త ప్రభాకర్‌ మాట్లాడుతూ.. నేల ఆరోగ్య పరిరక్షణపై ప్రతీ రైతు అవగాహన పెంచుకోవాలని సూచించారు. ఏడీఏ ప్రియదర్శిని, సర్పంచ్‌ ముద్దం నగేశ్‌, ఏవో శ్రీనివాస్‌, ఏఈవో వెంకట్‌, రైతులు పాల్గొన్నారు.

గంగాధర: ప్రభుత్వం కొనుగోలు కేంద్రాలను ప్రారంభించడం కాదని, వెంటనే ధాన్యం తూకం వేయాలని బీఆర్‌ఎస్‌ మండల అధ్యక్షుడు మేచినేని నవీన్‌రావు డిమాండ్‌ చేశారు. మండల కేంద్రంలో గురువారం విలేకర్లతో మాట్లాడారు. మండలంలో చొప్పదండి ఎమ్మెల్యే కొనుగోలు కేంద్రాలను ప్రారంభిస్తున్నారే తప్ప.. తూకం మాత్రం వేయడం లేదని ఆరోపించారు. బీఆర్‌ఎస్‌ నాయకులు వేముల దామొదర్‌, రామిడి సురేందర్‌, జోగు సాగర్‌, మడ్లపల్లి గంగాధర్‌, ఎండీ నజీర్‌హుస్సేన్‌, శ్రీమల్ల మేగరాజ్‌, ఆదిమల్లు, శ్రీనివాస్‌రెడ్డి, మల్లేశం, కనకయ్య, అఖిల్‌ పాల్గొన్నారు.

రాజీవ్‌ రహదారిపై తిమ్మాపూర్‌: మండలంలో కోతుల సంఖ్య పెరుగుతోంది. వానరాలు గ్యాంగులుగా యుద్ధాలకు దిగుతున్నాయి. వృద్ధులు, చిన్న పిల్లలు, ఒంటరిగా వెళ్లేవారిపై దాడులు చేస్తున్నాయి. ఆధిపత్య పోరుతో హడలెత్తిస్తున్నాయి. మరోవైపు అలుగునూర్‌ నుంచి రేణిగుంట వరకు రాజీవ్‌ రహదారిపై ప్రతీరోజు కోతులు వాహనాల కిందపడి చనిపోతున్నాయి. జిల్లా నుంచి మాత్రమే కాకుండా ఇతర జిల్లాల నుంచి కూడా పట్టుకున్న కోతులను తిమ్మాపూర్‌ శివారు ప్రాంతాల్లో వదులుతున్నారు. కొత్తగా వచ్చిన కోతులు, ఇప్పటికే ఉన్నవాటి మధ్య ఆధిపత్యం కోసం పోరాటాలు జరుగుతున్నాయి. వృద్ధులు, చిన్నపిల్లలపై దాడులు చేస్తున్నాయి. ఆహారం దొరకక రాజీవ్‌రహదారి వైపు పరుగెడుతున్నాయి. ఆహారం లేక రాత్రి సమయాల్లో రహదారి పక్కన తిరుగుతూ రోడ్డుపైపడే గింజలు తింటున్నాయి. ఈ క్రమంలో వేగంగా వచ్చే వాహనాల కింద పడి మరణిస్తున్నాయి. హృదయం చలించింది... ఉదయం పిల్లల్ని స్కూలు తీసుకెళ్లేందుకు బండిపై వెళ్తుండగా కాకతీయ కాల్వ సమీ పంలో నాలుగు కోతులు నుజ్జునుజై మరణించి కనిపించాయి. గతంలో వానరాలు చనిపోతే వాటికి దహన సంస్కరణ చేసి విగ్రహం ఏర్పాటు చేసేవారు. కానీ.. ప్రస్తు త పరిస్థితుల్లో కోతులు విచ్చలవిడిగా రావడంతో రోడ్లపై దయనీయ స్థితిలో మరణించి కనిపిస్తే హృదయం కలిచి వేస్తుంది. అధికారులు స్పందించి చర్యలు తీసుకో వాలి. – కూన సర్వేశ్‌, చేపల కాలనీ, అల్గునూరు

కరీంనగర్‌/కరీంనగర్‌ అర్బన్‌: రోడ్డు ప్రమాదం జరిగినప్పుడు వెంటనే స్పందించి బాధితులకు సాయం అందించాలని కలెక్టర్‌ చిత్రామిశ్రా సూచించారు. కలెక్టరేట్‌లో గురువారం పీఎం రహత్‌, రహ్‌వీర్‌ పథకాల అమలుపై సమీక్ష నిర్వహించారు. ఈ సందర్భంగా మాట్లాడుతూ, రోడ్డు ప్రమాద బాధితులకు పీఎం రహత్‌ పథకం కింద రూ.1.5 లక్షల వరకు నగదు రహిత వైద్య సేవలు అందిస్తారని వివరించారు. రోడ్డు ప్రమాదంలో గాయపడిన వారిని ఆసుపత్రికి తరలించి ప్రాణాలు కాపాడిన వారికి రహ్‌వీర్‌ పథకం కింద రూ.25వేల నగదు ప్రోత్సాహకం అందిస్తారని తెలిపారు. బాధితులకు సాయం చేసే వారికి చట్టపరమైన రక్షణ కల్పించడంతోపాటు వారి వివరాలను గోప్యంగా ఉంచుతారని పేర్కొన్నారు. హిట్‌ అండ్‌ రన్‌లో మరణించిన వారి కుటుంబాలకు రూ.2 లక్షలు, గాయపడిన వారికి రూ.50 వేల పరిహారం అందించే పథకం అమల్లో ఉందని తెలిపారు. అడిషనల్‌ కలెక్టర్‌ రెవెన్యూ శ్రీనివాస్‌రెడ్డి, డీఆర్‌వో స్వామి, డీటీవో జైపాల్‌రెడ్డి, జిల్లా వైద్య ఆరోగ్యశాఖ అధికారి రాజగోపాల్‌రావు, జిల్లా సంక్షేమ అధికారి సరస్వతి, ఏసీపీ శ్రీనివాస్‌జీ, ఈడీఏఆర్‌ కోఆర్డినేటర్‌ శ్రీనివాస్‌ గౌడ్‌, ఆరోగ్యశ్రీ జిల్లా కోఆర్డినేటర్‌ మోతే రాజు, డీఎం విజయ్‌ కుమార్‌ పాల్గొన్నారు. ఇబ్బందుల్లేకుండా ధాన్యం కొనుగోళ్లు వానాకాలం ధాన్యం కొనుగోళ్లలో రైతులకు ఇబ్బందులు కలగకుండా చర్యలు చేపట్టాలని కలెక్టర్‌ చిత్రామిశ్రా ఆదేశించారు. కొనుగోలు చేసిన ధాన్యానికి సంబంధించిన డబ్బులు రైతుల ఖాతాల్లో ఎప్పటికప్పుడు జమయ్యేలా చూడాలని సూచించారు. గురువారం రాత్రి కరీంనగర్‌ ఐడీఓసీలో పౌరసరఫరాల అధికారులు, రైస్‌ మిల్లర్లతో ధాన్యం కొనుగోళ్లపై కలెక్టర్‌ సమీక్ష నిర్వహించారు. కొనుగోలు కేంద్రాల నిర్వహణ, ధాన్యం తరలింపు, రైతులకు చెల్లింపులు తదితర అంశాలపై అధికారులకు పలు సూచనలు చేశారు. కటింగ్‌ పేరిట రైతులకు ఎలాంటి ఇబ్బందులు సృష్టించవద్దని సూచించారు.

సాక్షిప్రతినిధి, కరీంనగర్‌ ●: వరద కాలువ నుంచి రైతులకు సాగునీరందించేందుకు ప్రత్యేక అదనపు కాల్వల(యూటీలు) నిర్మాణానికి భూసేకరణ చేసేందుకు ప్రభుత్వం ప్రయత్నాలు ముమ్మరం చేసింది. రామడుగు మండలం షానగర్‌ వద్ద ఉన్న వరద కాలువ నుంచి దేశరాజ్‌పల్లి వరకు దాదాపు 8.6 కిలోమీటర్ల మేర కాలువ నిర్మాణానికి భూసేకరణ చేసేందుకు ప్రభుత్వం చర్యలు చేపట్టింది. ఈ కాలువ నిర్మాణం కోసం షానగర్‌, వెదిర, కోరటపల్లి, దేశరాజ్‌పల్లి, మోతె గ్రామాల పరిధిలో దాదాపు రైతుల నుంచి 85 ఎకరాలు సేకరణ చేసేందుకు ఆధికారులు కసరత్తు ప్రారంభించారు. ఈ కాలువ నిర్మాణానికి గతంలో ప్రభుత్వం గ్రామాల్లో గ్రామసభలను నిర్వహించింది. అధికారులు భూసేకరణ ప్రారంభించి 24 ఎకరాలను సేకరించారు. తర్వాత ప్రభుత్వం నిధులు విడుదల చేయకపోవడంతో భూసేకరణ ప్రక్రియ నిలిచిపోయింది. తర్వాత ఇప్పుడు మళ్లీ భూసేకరణ చేసేందుకు అధికారులు చర్యలు చేపట్టారు. ఇందులో భాగంగా ప్రస్తుతం 61 ఎకరాలను సేకరించేందుకు ప్రభుత్వం పీఎన్‌ కూడా విడుదల చేసింది. గతంలో కాలువ నిర్మాణం కోసం షానగర్‌, వెదిర, కోరటపల్లి, మోతె గ్రామాల్లో భూసేకరణ కోసం అధికారులు పనులు కూడా నిర్వహించారు. కేవలం దేశరాజ్‌పల్లిలో మాత్రమే భూసేకరణ చేయలేదని అధికారులు వివరించారు. అయితే గతంలో సేకరించిన 24 ఎకరాలు పోను.. ప్రస్తుత నోటిఫికేషన్‌ ఆధారంగా మిగిలిన 61 ఎకరాలు దేశరాజ్‌పల్లి సహా ప్రక్రియ పెండింగ్‌లో ఉన్న మిగిలిన గ్రామ పరిధుల నుంచి భూసేకరణ జరగనుంది.ప్రాజెక్టు మొత్తం విస్తీర్ణం(85 ఎకరాలు) షానగర్‌, వెదిర, కోరటపల్లి, దేశరాజ్‌పల్లి, మోతె గ్రామాల పరిధిలోకి వస్తుంది. గతంలో నిలిచిపోయిన ప్రక్రియను ఇప్పుడు మళ్లీ ప్రారంభించారు కాబట్టి.. ఈ 61 ఎకరాలు దేశరాజ్‌పల్లితోపాటు మిగిలిన 4 గ్రామాల్లో భూముల నుంచి సేకరిస్తున్నారు. ఇప్పటికే సేకరించాల్సిన భూములను గుర్తించిన అధికారులు.. తదుపరి ప్రక్రియను ప్రారంభించేందుకు సిద్ధమవుతున్నారు. త్వరలో ఆయా గ్రామాల్లో గ్రామసభలు నిర్వహించి భూముల వివరాలు, రైతుల అభిప్రాయాలు తెలుసుకోనున్నట్లు తెలుస్తోంది. కలెక్టర్‌ అక్టోబర్‌ 29న జారీ చేసిన ప్రాథమిక భూసేకరణ నోటిఫికేషన్‌ ప్రకారం మొత్తం 96 ఎకరాల 13 గుంటల భూమిని సేకరించాల్సి ఉంది. ఇందులో గంగాధర మండలం గట్టుబూత్కూర్‌ గ్రామంలో ఎడమ ప్రధాన కాలువకు 15.23 గుంటలు, కురిక్యాల గ్రామంలో 5.30 గుంటలు, రామడుగు మండలం వెదిర గ్రామంలో 48.14 గుంటల భూమి అవసరమని గుర్తించారు. కుడి ప్రధాన కాలువ నిర్మాణానికి గట్టుబూత్కూర్‌లో 22.02 గుంటలు, వెలిచాల గ్రామంలో 4.24 గుంటల భూమిని సేకరించనున్నారు. ఈ భూములన్నీ ప్రధాన కాలువ–4 నిర్మాణంలో భాగంగా వినియోగించనున్నారు. కాలువల నిర్మాణానికి భూసేకరణ ప్రక్రియ ప్రారంభం కావడంతో భూములు కోల్పోయే రైతుల్లో పరిహారంపై చర్చ మొదలైంది. గతంలో భూసేకరణ చేసి రైతులకు ప్రతీ ఎకరాకు రూ.25వేల మేర పరిహారం అందజేసినట్లు రైతులు తెలిపారు. తమ విలువైన భూములు పోవడంతో తీవ్రమైన నష్టం జరిగిందని, ప్రభుత్వం తమ పరిస్థితిని ఆలోచించి నాణ్యమైన పరిహారం అందజేయాలని బాధిత రైతులు తెలిపారు. ప్రస్తుతం మార్కెట్‌లో ఉన్న భూముల ధరలకు అనుగుణంగా నష్ట పరిహారం చెల్లించాలని కోరుతున్నారు. ప్రభుత్వ నిర్ణయించిన విలువకు, వాస్తవ మార్కెట్‌ ధరకు మధ్య వ్యత్యాసం ఉంటే తమకు నష్టం జరుగుతుందని ఆందోళన వ్యక్తం చేస్తున్నారు. సాగు భూములే జీవనాధారంగా ఉన్న కుటుంబాలకు తగిన పరిహారం అందించాలని డిమాండ్‌ చేస్తున్నారు. గ్రామసభల సందర్భంగా తమ అభిప్రాయాలు, అభ్యంతరాలను అధికారుల దృష్టికి తీసుకెళ్లేందుకు రైతులు సిద్ధమవుతున్నారు. భూసేకరణలో భాగంగా రెవెన్యూ అధికారులు గుర్తించిన భూముల వివరాలను గ్రామస్తులకు తెలియజేయడంతోపాటు బాధిత రైతుల అభిప్రాయాలను సేకరించేందుకు గ్రామసభలు కీలకం కానున్నాయి. భూముల విస్తీర్ణం, సేకరణకు సంబంధించిన వివరాలు, పరిహార అంశాలపై రైతులకు స్పష్టత రావాల్సి ఉంది. భూసేకరణ, పునరావాసం, పునఃస్థాపనకు సంబంధించి 2013 చట్టంలోని నిబంధనల ప్రకారం తదుపరి చర్యలు చేపట్టేందుకు అధికారులు ఏర్పాట్లు చేస్తున్నారు. ఈ ప్రక్రియలో అదనపు కలెక్టర్‌ను నిర్వాహకుడిగా నియమించగా.. ప్రత్యేక ఉప కలెక్టర్‌(భూసేకరణ, పునరావాసం)కు సంబంధిత బాధ్యతలు అప్పగించారు. ఒకవైపు కాలువల నిర్మాణంతో సాగునీటి వ్యవస్థకు ప్రయోజనం చేకూరుతుందని భావిస్తుండగా.. మరోవైపు భూములు కోల్పోయే రైతులకు ఎంతమేర పరిహారం అందుతుందన్న అంశం ఆసక్తికరంగా మారింది. గ్రామసభల నిర్వహణ, రైతుల అభ్యంతరాల స్వీకరణ, పరిహారంపై తీసుకునే నిర్ణయాల ఆధారంగా భూసేకరణ ప్రక్రియ తదుపరి దశకు చేరనుంది.యూటీ కాలువ కింద మా పంట భూమి 30 గుంటలు పోతుంది. మంచి పత్తి పండే పంట చేను కాలువ కింద పోతుండడంతో ఉపాధి కోల్పోతున్నాం. పరిహారం ప్రభుత్వం గుంటకు రూ.3లక్షల మేర అందజేస్తే బాగుంటుంది. ఈ భూమితోపాటు జాతీయ రహదారి నిర్మాణంలో పంట పొలం కోల్పోతున్నాం. మా కుటుంబానికి తీరని నష్టం కలుగుతుంది. – నరెడ్డి శ్రీనివాస్‌రెడ్డి, రైతు, వెదిర

కరీంనగర్‌ కార్పొరేషన్‌: నిధుల కేటాయింపులో వివక్ష చూపుతున్నారంటూ కాంగ్రెస్‌ కార్పొరేటర్లు నగరపాలక సంస్థ కార్యాలయంలో బుధవారం ఆందోళనకు దిగారు. అభివృద్ధి పనులకు సంబంధించి తమ ప్రతిపాదనలు ఎందుకు పరిగణనలోకి తీసుకోలేదంటూ నిరసన చేపట్టారు. సమాధానం చెప్పేవరకు కదిలేది లేదంటూ ఈఈ లచ్చిరెడ్డిని ఆయన చాంబర్‌లోనే గంటన్నరపాటు దిగ్బంధించారు. చివరకు మేయర్‌, కమిషనర్‌ హామీతో ఆందోళన విరమించారు. నగరపాలక సంస్థ సాధారణ నిధులతో చేపట్టనున్న అభివృద్ధి పనుల్లో తమ ప్రతిపాదనలు పరిగణనలోకి తీసుకోలేదంటూ కాంగ్రెస్‌ కార్పొరేటర్లు వైద్యుల అంజన్‌కుమార్‌, వరాల నర్సింగం, చాడగొండ కవిత బుచ్చిరెడ్డి, సరిళ్ల రాజకుమారి ప్రసాద్‌, పడిశెట్టి వసంతలక్ష్మి భూమయ్య ఆగ్రహం వ్యక్తం చేశారు. సాధారణ నిధులతో చేపట్టిన అభివృద్ధి పనులకు సంబంధించిన టెండర్‌ సిద్ధ్దం కాగా.. అందులో తమ ప్రతిపాదనలు లేకపోవడంపై నగరపాలక సంస్థ కార్యాలయంలోని ఈఈ లచ్చిరెడ్డిని నిలదీశారు. తమపార్టీ కార్పొరేటర్ల పట్ల ఎందుకు వివక్ష చూపుతున్నారంటూ ప్రశ్నించారు. రాష్ట్రంలో అధికారంలో ఉన్న తాము నగర అభివృద్ధికి సహకరిస్తుంటే తమ డివిజన్లలోనే అభివృద్ధి పనులు పెట్టకపోవడమేమిటని మండిపడ్డారు. స్పష్టమైన హామీ వచ్చేవరకు ఇక్కడి నుంచి కదిలేది లేదని, ఈఈని కూడా కదలనియ్యమంటూ నిరసన తెలిపారు. చివరకు మేయర్‌ కొలగాని శ్రీనివాస్‌, నగరపాలక సంస్థ కమిషనర్‌ ప్రఫుల్‌ దేశాయ్‌ ఫోన్‌లో మాట్లాడారు. కాంగ్రెస్‌ కార్పొరేటర్ల ప్రతిపాదనల మేరకు పనులు పెడుతామని హామీ ఇవ్వడంతో ఆందోళన విరమించారు.

కరీంనగర్‌: కరీంనగర్‌ పార్లమెంట్‌ నియోజకవర్గ పరిధిలోని ప్రభుత్వ పాఠశాలల్లో పదోతరగతి చదువుతున్న విద్యార్థులందరికీ ఈ ఏడాది కూడా పరీక్ష ఫీజును తానే చెల్లిస్తానని కేంద్ర హోం శాఖ సహాయ మంత్రి బండి సంజయ్‌కుమార్‌ హామీ ఇచ్చారు. ఈ నిర్ణయంతో 5 జిల్లాలకు చెందిన 10,959 మంది విద్యార్థులకు ప్రయోజనం చేకూరనుంది. తెలంగాణ ప్రాంత ప్రభుత్వ ఉపాధ్యాయ సంఘం(తపస్‌) కరీంనగర్‌ జిల్లా అధ్యక్షుడు అన్నపునేని తిరుపతిరావు, ప్రధాన కార్యదర్శి జారతి నర్సయ్య 5 రోజుల క్రితం కేంద్ర మంత్రిని కలిసి వినతిపత్రం అందజేశారు. ప్రభుత్వ పాఠశాలల్లో చదువుతున్న పేద విద్యార్థులు పరీక్ష ఫీజు చెల్లించేందుకు ఇబ్బందులు పడుతున్నారని, గతేడాది మాదిరిగానే ఈసారి కూడా ఫీజులు చెల్లించి ఆదుకోవాలని కోరారు. దీనిపై సానుకూలంగా స్పందించిన బండి సంజయ్‌.. తన పార్లమెంట్‌ నియోజకవర్గ పరిధిలోని ప్రభుత్వ పాఠశాలల్లో పదోతరగతి చదువుతున్న విద్యార్థులందరి పరీక్ష ఫీజును చెల్లిస్తానని హామీ ఇచ్చారు. ఈ మేరకు సంబంధిత జిల్లాల డీఈవోలకు సమాచారమందించారు. విద్యార్థుల ఫీజుకు సంబంధించిన పూర్తి వివరాలను సేకరించి రెండు, మూడు రోజుల్లో చెక్కు రూపంలో చెల్లించాలని నిర్ణయించారు. నియోజకవర్గ పరిధిలో రాజన్న సిరిసిల్ల జిల్లాలో 3,920 మంది, కరీంనగర్‌ జిల్లాలో 4,356 మంది, జగిత్యాల జిల్లాలో 1,087 మంది, సిద్దిపేట జిల్లాలో 1,133 మంది, హన్మకొండ జిల్లాలో 463 మంది విద్యార్థులు పదోతరగతి చదువుతున్నారు. ఇప్పటికే ప్రభుత్వ పాఠశాలల విద్యార్థులకు ఉచితంగా బ్రాండెడ్‌ సైకిళ్లను పంపిణీ చేసిన బండి సంజయ్‌.. సీఎస్‌ఆర్‌ నిధులు, దాతల సహకారంతో పాఠశాలల్లో అదనపు తరగతి గదులు, మరుగుదొడ్ల నిర్మాణానికి కూడా చర్యలు చేపట్టారు. ప్రభుత్వ పాఠశాలల్లో మౌలిక సదుపాయాల కల్పనతోపాటు పేద విద్యార్థులపై ఆర్థిక భారం తగ్గించే దిశగా ఈ కార్యక్రమాలు చేపడుతున్నారు.

● రాష్ట్ర ఎన్నికల మాజీ కమిషనర్‌, విశ్రాంత ఐఏఎస్‌ అధికారి సి.పార్థసారథి కరీంనగర్‌టౌన్‌: ఉపాధ్యాయుల మేధస్సుకు కృత్రిమ మేధస్సు(ఏఐ) తోడైతే విద్యార్థులకు మరింత మెరుగైన విద్య అందించొచ్చని రాష్ట్ర ఎన్నికల మాజీ కమిషనర్‌, విశ్రాంత ఐఏఎస్‌ అధికారి సి.పార్థసారథి అన్నారు. మారుతున్న సాంకేతిక పరిజ్ఞానానికనుగుణంగా బోధనా పద్ధతుల్లోనూ మార్పులు తీసుకురావాలని సూచించారు. జిల్లా యంత్రాంగం ఆధ్వర్యంలో బుధవారం కలెక్టరేట్‌ ఆడిటోరియంలో ఆర్టిఫిషియల్‌ ఇంటెలిజెన్స్‌ ఫర్‌ బెటర్‌ లెర్నింగ్‌ అంశంపై నిర్వహించిన వర్క్‌షాప్‌కు ఆయన ముఖ్య అతిథిగా హాజరయ్యారు. 98 ప్రభుత్వ పాఠశాలలకు చెందిన 330 మంది గణితం, భౌతిక, జీవశాస్త్ర ఉపాధ్యాయులు పాల్గొన్నారు. ఈ సందర్భంగా ఆయన మాట్లాడుతూ.. ఏఐని సహాయక సాధనంగా ఉపయోగించుకుంటే పాఠ్యాంశాలను సులభంగా, ఆసక్తికరంగా బోధించొచ్చన్నారు. ప్రపంచ పరిణామాలపై విద్యార్థులకు అవగాహన కల్పించేందుకు ఉపాధ్యాయులు ఈ సాంకేతికతపై పట్టు సాధించాలని సూచించారు. కలెక్టర్‌ చిత్రా మిశ్రా మాట్లాడుతూ.. విద్యార్థులకు చిన్ననాటి నుంచే ఏఐపై అవగాహన కల్పించాలన్నారు. ఈ కార్యక్రమంలో అదనపు కలెక్టర్‌ అశ్విని తానాజీ వాకడే, ఎస్సీఈఆర్టీ డైరెక్టర్‌ రమేశ్‌, ఆర్డీవో షర్మిల, ఇన్‌చార్జి డీఈవో తిరుపతిరావు, రిసోర్స్‌పర్సన్‌ లక్ష్మీనాథం, విద్యాశాఖ కోఆర్డినేటర్లు మిల్కూరి శ్రీనివాస్‌, అశోక్‌రెడ్డి, సైన్స్‌ ఆఫీసర్‌ జైపాల్‌రెడ్డి, నంది శ్రీనివాస్‌ తదితరులు పాల్గొన్నారు.

కరీంనగర్‌ అర్బన్‌: పత్తి కొనుగోళ్లలో దళారులు ధరను శాసిస్తున్నారు. నెలల తరబడి కష్టపడ్డ కర్షకుడి శ్రమను నిమిషాల్లోనే పిండేస్తున్నారు. ఇతర రాష్ట్రాలు, జిల్లాల్లో క్వింటాల్‌కు రూ.9,300కు పైగా ధర పలుకుతుండగా ఇక్కడ రైతులకు శఠగోపం పెడుతున్నారు. ఇటీవల జమ్మికుంటలో మార్కెట్‌ చైర్‌పర్సన్‌ పత్తి ధర కోతపై నిలదీసిన విషయం తెలిసిందే. కరీంనగర్‌, జమ్మికుంట, గంగాధర, గోపాల్‌రావుపేట, చొప్పదండిలో ఇదే దుస్థితి. జి ల్లాలో మార్కెట్‌ కార్యదర్శులతో పాటు కీలక పోస్టులన్నీ ఖాళీగా ఉండడంతో పర్యవేక్షణ కరువైంది. వచ్చేదే అరకొర.. ఖరీదు తాపీగా.. మార్కెట్లతో పాటు జిన్నింగ్‌ మిల్లులకు వచ్చే పత్తి తక్కువే. కానీ వ్యాపారుల ధరల నిర్ణయం తాపీగా జరుగుతోంది. ఉదయమే రైతులు మార్కెట్‌కు చేరుతుండగా వ్యాపారులు మధ్యాహ్నం దాటితే గానీ ఖరీదు చేయడం లేదు. అన్ని మార్కెట్లలో కలిపి నిత్యం 1,500 క్వింటాళ్లకు మించి పత్తి రాకపోగా వచ్చిన అరకొర పత్తి కొనుగోలులో ఆలస్యం చేయడం వ్యాపారులకే చెల్లుతోంది. బస్తాలు కోయడం, చేతి స్పర్శతో నాణ్యత చెప్పడం ఆపై కూటమి కట్టిన వ్యాపారులు ధర నిర్ణయిస్తున్నారు. కొంత దిగుబడికి మద్దతు ధరకు రూ.100కు మించి ఖరీదు చేస్తుండగా తదుపరి నీకిది నాకది అంటూ లోలోన కుమ్మకై ్క మద్దతు ధరకు తక్కువగా కొనుగోలు చేస్తున్నారు. ఇతర జిల్లాల్లో ధరలను పోల్చితే రూ.500 నుంచి రూ.800 పైగా తక్కువగా ఖరీదు చేస్తున్నారు. జిన్నింగ్‌ మిల్లుల్లోనూ దోపిడీ మార్కెట్లలో పంట ఉత్పత్తులను విక్రయించే రైతులకు నాలుగేళ్లుగా భిన్న పరిస్థితి నెలకొంది. ఈ– నామ్‌ మార్కెట్‌ వరకే పరిమితమవగా సిండికెట్‌ దందా సాగుతోంది. ఇక పత్తి పంటను జిన్నింగ్‌ మిల్లుల్లోనే కొనుగోలు చేస్తున్నారు. ఇదేంటని మార్కెట్‌ అధికారులను ప్రశ్నిస్తే యార్డుకు రైతులు విడిపత్తి తేవడం లేదని, అటే తీసుకెళుతున్నారని మిల్లుల నిర్వాహకులకే వత్తాసు పలుకుతున్నారు. వ్యవసాయ మార్కెట్లలోనే కొనుగోళ్లు జరిగితే రైతులకు కోతలు లేకుండా లాభం చేకూరనుంది. ఒకవేళ ధర ఇష్టం లేకపోతే అక్కడే ధర వచ్చేవరకు ఉంచుకోవచ్చు. జిన్నింగ్‌ మిల్లులో ఆ పరిస్థితి లేదు. రైతులకు భరోసా ఏదీ ఎకరంన్నర భూమిలో పత్తి వేసిన. వచ్చిన మూడు బస్తాలను మార్కెట్‌కు తీసుకొస్తే ఖరీదు చేయడం ఆలస్యం చేస్తున్నారు. రూ.8300లకు మించి ధర పెట్టడం లేదు. ఇలాగైతే రైతు బతుకు ఎట్లా.. ఎక్కడుంది రైతుకు భరోసా. – కనకయ్య, రైతు, రామడుగుపత్రికల్లోనే మద్దతు ధర కనీస మద్దతు ధర రూ.8667 అని పత్రికల్లో చదవడమే తప్పా మార్కెట్‌లో ధర పెట్టడం లేదు. మంత్రులు, కలెక్టర్‌ మద్దతు ధరకు అమ్మాలని చెబుతున్నారు. మార్కెట్లో జరుగుతున్నది అందుకు విరుద్ధం. పత్రికల్లో కాదు ఆచరణలో అన్నదాతకు ప్రయోజనం కలగాలి. – శ్రీనివాస్‌, నగునూరు, కరీంనగర్‌ రూరల్‌

కరీంనగర్‌: జిల్లాలో కేన్సర్‌ కేసుల సంఖ్య ఆందోళన కలిగిస్తోంది. ముఖ్యంగా మహిళల్లో రొమ్ము, గర్భాశయ ముఖద్వార కేన్సర్‌ కేసులు అధికంగా నమోదవడం కలవరపెడుతోంది. ఆరోగ్య మహిళా కార్యక్రమం కింద 2023 మార్చి 8 నుంచి ఇప్పటి వరకు నిర్వహించిన పరీక్షల్లో వెలుగుచూసిన గణాంకాలు పరిస్థితి తీవ్రతను తెలియజేస్తున్నాయి. జిల్లాలో మొత్తం 1,092 అనుమానిత కేన్సర్‌ కేసులను గుర్తించగా, 102 మందికి వ్యాధి నిర్ధారణ అయినట్లు సమాచారం. మహిళల్లోనే అధికం.. గుర్తించిన అనుమానిత కేసుల్లో మహిళల సంఖ్య అధికంగా ఉంది. 369 మందిలో బ్రెస్ట్‌ కేన్సర్‌ అనుమానిత లక్షణాలు గుర్తించగా, 65 మందికి నిర్ధారణ అయింది. గర్భాశయ ముఖద్వార కేన్సర్‌కు సంబంధించి 263 అనుమానిత కేసులు గుర్తించగా, 21 మందికి నిర్ధారణ అయింది. నోటి కేన్సర్‌కు సంబంధించి 460 అనుమానిత కేసులు కాగా, 10 మందికి వ్యాధి నిర్ధారణ అయింది. ఇవి అధికారిక లెక్కలు.. అనధికారికంగా మరో రెండింతలు ఉన్నట్లు తెలుస్తోంది. పొంచి ఉన్న ముప్పు మారుతున్న ఆహారపు అలవాట్లు, శారీరక శ్రమ తగ్గడం, అధిక బరువు, మద్యపానం, పొగాకు, గుట్కా వినియోగం కేన్సర్‌ ముప్పును పెంచుతున్నాయి. పొగాకుతో నోటి కేన్సర్‌, ధూమపానం వల్ల ఊపిరితిత్తుల కేన్సర్‌ వచ్చే ప్రమాదం ఉంది. జన్యుపరమైన అంశాలు, వయసు, హార్మోన్ల మార్పులు, కొన్ని వైరస్‌ల ప్రభావం వ్యాధికి కారణమవుతాయి. దీర్ఘకాలిక దగ్గు, అసాధారణ రక్తస్రావం, ఆకస్మికంగా బరువు తగ్గడం, తగ్గని నొప్పులు వంటి లక్షణాలను నిర్లక్ష్యం చేయకూడదని వైద్యులు సూచిస్తున్నారు. ముందస్తు గుర్తింపుతోనే ప్రాణ రక్షణ కేన్సర్‌ను మొదటి, రెండో దశల్లో గుర్తిస్తే చికిత్సతో మెరుగైన ఫలితాలు సాధించవచ్చు. స్క్రీనింగ్‌లో అనుమానిత లక్షణాలు కనిపిస్తే బయాప్సీ తదితర నిర్ధారణ పరీక్షలు చేయించుకోవాలి. రొమ్ము, గర్భాశయ ముఖద్వార కేన్సర్లకు సంబంధించి మహిళలు వైద్యుల సూచన మేరకు పరీక్షలు చేయించుకోవాలి. గర్భాశయ ముఖద్వార కేన్సర్‌ నివారణకు హెచ్‌పీవీ టీకా కీలకం. అర్హులైన బాలికలకు నిర్ణీత వయసులో టీకా వేయించడం ద్వారా భవిష్యత్తులో వ్యాధి ముప్పును తగ్గించవచ్చని చెబుతున్నారు. మెరుగైన వైద్యసేవలు కేన్సర్‌ చికిత్సలో శస్త్రచికిత్స, కీమోథెరపీ, రేడియోథెరపీ ప్రధానమైనవి. వీటితోపాటు ఇమ్యూనోథెరపీ, టార్గెటెడ్‌ థెరపీ వంటి ఆధునిక చికిత్సలు అందుబాటులోకి వస్తున్నాయి. కరీంనగర్‌ ప్రభుత్వ ప్రధానాసుపత్రిలో డేకేర్‌ కీమోథెరపీ, నొప్పి నివారణ, పాలియేటివ్‌ కేర్‌ సేవలు అందిస్తున్నాం. బాధితులకు మానసిక ధైర్యం కల్పిస్తూ, నిరంతర వైద్య పర్యవేక్షణ, ఫాలోఅప్‌ చేస్తున్నాం. కేన్సర్‌ అంటే మరణశాసనం కాదని, ముందస్తు గుర్తింపు, సరైన చికిత్సతో వ్యాధిని జయించవచ్చనే అవగాహన ప్రజల్లో కల్పించే ప్రయత్నం చేస్తున్నాం. – డాక్టర్‌ వీరారెడ్డి, జీజీహెచ్‌ సూపరింటెండెంట్‌

● బ్యాంకర్లకు కలెక్టర్‌ ఆదేశం కరీంనగర్‌ అర్బన్‌: ఎల్‌నినో ప్రభావంతో జిల్లాలో కరువు పరిస్థితులు నెలకొన్నందున అర్హులైన రైతులకు బ్యాంకర్లు అండగా నిలవాలని కలెక్టర్‌ చిత్రా మిశ్రా బ్యాంక్‌ అధికారులను ఆదేశించారు. కరువు వేళ సిబ్బంది మానవతా దక్పథంతో వ్యవహరించి పంట రుణాల పునర్వ్యవస్థీకరణ ద్వారా రైతులకు ఆర్థిక ఉపశమనం కల్పించాలని కోరారు. బుధవారం జిల్లా కేంద్రంలోని ఐడీవోసీలో ఆర్డీవోలు షర్మిల, జలకుమారితో కలిసి ఎల్‌డీఎం ఉమాశంకర్‌, ఆర్బీఐ ఏజీఎం చిరంజీవి, నాబార్డ్‌ డీడీఎం జయప్రకాశ్‌, ఇతర బ్యాంక్‌ ఉన్నత అధికారులతో సమావేశం నిర్వహించారు. కరీంనగర్‌ అర్బన్‌, కరీంనగర్‌ రూరల్‌, హుజూరాబాద్‌ మండలాలను ప్రభుత్వం కరువు మండలాలుగా గుర్తించిందన్నారు. పాక్షిక కరువు మండలాల్లో 36 నెలల వరకు రుణాలను మధ్యకాలిక రుణాలుగా మార్చేలా చర్యలు తీసుకోవాలని ఆదేశించారు. రైతుల ఆర్థిక ఇబ్బందులను దృష్టిలో ఉంచుకొని బ్యాంకర్లు బలవంతపు రుణ వసూళ్లకు పాల్పడొద్దని స్పష్టం చేశారు. ఉపయోగపడేలా పని చేయాలికరీంనగర్‌సిటీ: సమాజానికి ఉపయోగపడేలా సామాజిక మధ్యమాలు పని చేయాలని, వాటిలో అన్ని రంగాల్లో తెలుగును వినియోగించాల ని శాతవాహన యూనివర్సిటీ వీసీ ఉమేశ్‌కుమార్‌ తెలిపారు. కరీంనగర్‌లోని ఎస్‌ఆర్‌ఆర్‌ కాలేజీ, శాతవాహన విశ్వవిద్యాలయం తెలుగు విభాగం సంయుక్తంగా నిర్వహిస్తున్న సామాజిక మాధ్యమాలు, వివిధ ప్రక్రియలు, రచన విధానాలు అనే 2 రోజుల వర్క్‌షాప్‌ ముగింపు సమావేశం బుధవారం నిర్వహించారు. ఈ కార్యక్రమానికి ముఖ్య అతిథిగా ఉమేశ్‌కుమార్‌ హాజరై మాట్లాడారు. సాహిత్య ప్రక్రియల విస్తృతితోనే సామాజిక చైతన్యం సాధ్యమని అన్నారు. కళాశాల ప్రిన్సిపాల్‌ ప్రొఫెసర్‌ కల్వ కుంట రామకృష్ణ, టీజీసీ జీటీఏ రాష్ట్ర అధ్యక్షుడు కడారు సురేందర్‌రెడ్డి, తెలుగు విభా గాధిపతి బూర్ల చంద్రశేఖర్‌, వైస్‌ ప్రిన్సిపాల్‌ టి.రాజయ్య, స్టాఫ్‌ క్లబ్‌ సెక్రటరీ శ్రీనివాస్‌రెడ్డి పాల్గొన్నా రు. సీఐడీ విచారణ ముమ్మరంజమ్మికుంట: ఉమ్మడి కరీంనగర్‌ జిల్లాలో సీఎమ్మార్‌ కుంభకోణంపై సీఐడీ కేసు నమోదు చేయడం కలకలం రేపుతుంది. విజిలెన్స్‌ అధికారులు తనిఖీల ఆధారంగా 10 రోజుల క్రితం సీఐడీ రంగంలోకి దిగి జమ్మికుంటకు చెందిన ఒల్లాల మల్లికార్జున్‌, యాంసాని సంపత్‌, లెంకలపల్లి మధుసూదన్‌, హుజూరాబాద్‌కు చెందిన కృష్ణమూర్తిపై కేసు నమోదు చేసి రిమాండ్‌కు విషయం తెలిసిందే. ఆ మిల్లుల్లోని భాగస్వాములపై కేసు నమోదైంది. పరారీలో ఉండగా.. అదపులోకి తీసుకునేందుకు సీఐడీ వేట కొనసాగిస్తోంది. ఈ క్రమంలో ఆ మిల్లర్లను కోర్డు ద్వారా సీఐడీ కస్టడీకి తీసుకొని బుధవారం జమ్మికుంట 3 మిల్లుల్లో నిందితుల సమక్షంలో ముమ్మరంగా విచారణ చేపట్టింది. 3 మిల్లుల్లోని రికార్డుల తనిఖీ నిర్వహించారు. విచారణలో గోప్యత పాటించారు. లోతైన విచారణతో పూర్తిస్థాయిలో కీలక అధారాలు సేకరించినట్లు విశ్వనీయ సమాచారం. స్వల్పంగా తగ్గిన పత్తి ధరజమ్మికుంట: జమ్మికుంట వ్యవసాయ పత్తి మార్కెట్‌లో పత్తి ధర క్రమంగా స్వల్పంగా తగ్గుతూ వస్తోంది. సోమవారం 8,800 ఉన్న పత్తి ధర బుధవారం రూ.8,710 పలికింది. మోడల్‌ ధర రూ.8,550, కనిష్ట ధర రూ.8,300కు ప్రైవేటు వ్యాపారులు కొనుగోలు చేశారు. క్రయవిక్రయాలను మార్కెట్‌ చైర్‌పర్సన్‌ పూల్లూరి స్వప్నసదానందం, ఉన్నత శ్రేణి కార్యదర్శి మల్లేశం, గ్రేడ్‌–2 కార్యదర్శి రాజా పర్యవేక్షించారు.

కొడిమ్యాల: వడ్లు ఆరబెట్టేందుకు వెళ్తున్న మహిళ మెడలోంచి పుస్తెలతాడు లాక్కెళ్లిన ముగ్గురు దొంగల ముఠాను పోలీసులు బుధవారం అరెస్ట్‌ చేశారు. మల్యాల సీఐ రాజ్‌కుమార్‌, కొడిమ్యాల ఎస్సై నరేశ్‌ కుమార్‌ కథనం ప్రకారం.. గంగారంతండాకు చెందిన అజ్మీర దూరి (50) మంగళవారం ఉదయం సూరంపేట ఐకేపీ కేంద్రానికి నడుచుకుంటూ వెళ్తుండగా బైక్‌పై వచ్చిన ముగ్గురు దుండగులు ఆమె మెడలోని రెండున్నర తులాల బంగారు పుస్తెలతాడును లాక్కుని పరారయ్యారు. బాధితురాలి ఫిర్యాదుతో దర్యాప్తు చేపట్టిన పోలీసులు.. బుధవారం నాచుపల్లి ఇటుకబట్టీల శివారులో అనుమానాస్పదంగా తిరుగుతున్న కోరుట్లకు చెందిన గణేశ్‌, మరో ఇద్దరు మైనర్లను అదుపులోకి తీసుకుని విచారణ చేపట్టారు. వారు నేరం చేసినట్లు ఒప్పుకున్నారు. దొంగతనానికి వాడిన బైక్‌ను జగిత్యాలరూరల్‌ మండలం తిప్పన్నపేటలో చోరీ చేసినట్లు పోలీసులు గుర్తించారు. వారి నుంచి రెండున్నర తులాల బంగారం, బైక్‌, మొబైల్‌ ఫోన్లను స్వాధీనం చేసుకుని, నిందితులను రిమాండ్‌కు తరలించినట్లు పోలీసులు తెలిపారు.

కరీంనగర్‌స్పోర్ట్స్‌: ఖేలో ఇండియా, స్పోర్ట్స్‌ అథారిటీ ఆఫ్‌ ఇండియా(ఎస్‌ఏఐ), సైక్లింగ్‌ ఫెడరేషన్‌ ఆఫ్‌ ఇండియా(సీఎఫ్‌ఐ) సంయుక్త ఆధ్వర్యంలో తెలంగాణ సైక్లింగ్‌ అసోసియేషన్‌ సహకారంతో నవంబర్‌ 16, 17ల్లో హైదరాబాద్‌లోని ఉస్మానియా యూనివర్సిటీ సైక్లింగ్‌ వెలోడ్రోమ్‌లో అస్మిత ఖేలో ఇండియా మహిళల సైక్లింగ్‌ జోనల్‌ లీగ్‌(ట్రాక్‌) నిర్వహించనున్నారు. ఈ వివరాలను కరీంనగర్‌ జిల్లా సైక్లింగ్‌ అసోసియేషన్‌ చైర్మన్‌ డాక్టర్‌ వి.నరేందర్‌రెడ్డి, అధ్యక్షులు డాక్టర్‌ కెప్టెన్‌ బి.మధుసూదన్‌రెడ్డి సంయుక్తంగా వెల్లడించారు. ఈ పోటీలు ఉమెన్‌ ఎలైట్‌, జూనియర్‌, సబ్‌–జూనియర్‌ అనే 3 విభాగాల్లో జరగనున్నాయి. జాతీయస్థాయి పోటీలకు తెలంగాణ నుంచి ప్రతిభావంతులైన క్రీడాకారిణులను ఎంపిక చేయడమే ఈ లీగ్‌ ప్రధాన లక్ష్యం. ఆసక్తి ఉన్న అభ్యర్థులు మరిన్ని వివరాల కోసం అసోసియేషన్‌ కార్యదర్శి సురభి వేణుగోపాల్‌(9032762247)ను సంప్రదించొచ్చు.

హుజూరాబాద్‌: భారత స్వాతంత్య్ర సమరయోధుడు వేముగంటి శ్యాంప్రసాదరావు(86) మంగళవారం కన్నుమూశారు. కొంతకాలంగా ఆయన అనారోగ్యంతో బాధపడుతున్నారు. బీబీనగర్‌ ఎయిమ్స్‌లో చికిత్స పొందుతూ తుదిశ్వాస విడిచారు. పర్వేద గ్రామానికి చెందిన శ్యాంప్రసాదరావు.. చిన్నతనం నుంచే భారత స్వాతంత్య్ర ఉద్యమంతో పాటు నిజాం వ్యతిరేక పోరాటంలో చురుగ్గా పాల్గొన్నారు. జీవితాంతం క్రమశిక్షణ, సామాజిక విలువలకు కట్టుబడి ప్రజాసేవలో గడిపారు. ఆయనకు కుమారుడు మధుకర్‌రావు, కుమార్తె రమణి ఉన్నారు. మనుమడు ఎల్‌వీ అర్జున్‌ తెలంగాణ రాష్ట్ర యూత్‌ ఫోర్స్‌ అధ్యక్షుడిగా కొనసాగుతున్నారు. శ్యాంప్రసాదరావు మృతికి రాజ్యసభ మాజీ సభ్యుడు కెప్టెన్‌ వి.లక్ష్మీకాంతారావు, ఎంపీ ఈటల రాజేందర్‌, ఎమ్మెల్యే పాడి కౌశిక్‌రెడ్డి, మాజీ ఎమ్మెల్యే వొడితల సతీశ్‌కుమార్‌, కాంగ్రెస్‌ నియోజకవర్గ ఇన్‌చార్జి వొడితల ప్రణవ్‌, మాజీ ఎమ్మెల్యే దాస్యం వినయ్‌భాస్కర్‌, మాజీ ఎమ్మెల్సీ లక్ష్మణరావు తదితరులు సంతాపం తెలిపారు.

● భర్తే హత్య చేశాడని బంధువుల ఆరోపణ జమ్మికుంట: పట్టణంలో బుధవారం ఓ వివాహిత ఉరేసుకుని మృతి చెందింది. స్థానికులు, బంధువుల తెలిపిన వివరాలు.. హన్మకొండ జిల్లా పరకాలకు చెందిన జ్యోష్న(33)కు జమ్మికుంట పట్టణానికి చెందిన రాజుతో 15 ఏళ్ల క్రితం వివాహమైంది. వీరికి ఇద్దరు పిల్లలు, రాజు తన భార్య చెల్లెలు స్వాతిని రెండో వివాహం చేసుకోవడంతో కుటుంబంలో తర చూ గొడవలు జరుగుతున్నాయి. ఈ క్రమంలో జ్యోష్న అనుమానాస్పదంగా మృతిచెందడం, భర్తే హత్య చేసి ఆత్మహత్యగా చిత్రీకరించాడని బంధువులు ఆరోపించారు. మృతురాలి తల్లి అలేటి రజిత పోలీసులకు ఫిర్యాదు చేసినట్లు సమాచారం. చికిత్స పొందుతూ వ్యక్తి..జగిత్యాల క్రైం: జిల్లాకేంద్రంలో రెండు ద్విచక్రవాహనాలు ఢీకొన్న ఘటనలో తీవ్రంగా గాయపడి చికిత్స పొందుతున్న పట్టణానికి చెందిన చెట్‌పల్లి శివశంకర్‌ (43) బుధవారం మృతిచెందాడు. అక్టోబర్‌ 23న ఆయన ద్విచక్రవాహనంపై వెళ్తుండగా.. డెయిరీ సమీపంలో ధరూర్‌ గ్రామానికి చెందిన ఓ వ్యక్తి బైక్‌పై అతివేగంగా వచ్చి శివశంకర్‌ను ఢీకొట్టాడు. తీవ్రంగా గాయపడిన శివశంకర్‌ను కరీంనగర్‌.. అక్కడినుంచి హైదరాబాద్‌ తరలించారు. తిరిగి జగిత్యాల ప్రభుత్వ ఆస్పత్రికి తీసుకొచ్చారు. ఇక్కడ చికిత్స పొందుతూ మృతిచెందాడు. మృతుడి కుమారుడు రితేష్‌ ఫిర్యాదు మేరకు కేసు దర్యాప్తు చేస్తున్నట్లు పట్టణ పోలీసులు తెలిపారు. డ్రైనేజీలో పడి మహిళ..మెట్‌పల్లిరూరల్‌: ప్రమాదవశాత్తు డ్రైనేజీలో పడి మహిళ మృతి చెందిన ఘటన మల్లాపూర్‌ మండల కేంద్రంలో మంగళవారం చోటుచేసుకుంది. మల్లాపూర్‌ ఎస్సై అనిల్‌ కథనం ప్రకారం.. మండల కేంద్రానికి చెందిన చిప్ప నడిపిలక్ష్మీ(58) మంగళవారం సాయంత్రం షాపింగ్‌కు వెళ్తున్నానని చెప్పి ఇంటి నుంచి బయల్దేరింది. రాత్రి అయినా ఇంటికి తిరిగిరాలేదు. కుటుంబసభ్యులు ఆమె కోసం వెతుకుతుండగా డ్రైనేజీలో అనుమానాస్పదంగా పడిపోయి కనిపించింది. ఆమెను బయటకు తీసి చూడగా.. ఒంటిపై గాయాలు కనిపించాయి. చికిత్స నిమిత్తం మెట్‌పల్లి ప్రభుత్వ ఆసుపత్రికి తరలించగా.. అప్పటికే మృతిచెందినట్లు వైద్యులు తెలిపారు. మృతురాలి భర్త లక్ష్మణ్‌ ఫిర్యాదు మేరకు అనుమానాస్పదంగా మృతి చెందినట్లు కేసు నమోదు చేసినట్లు ఎస్సై పేర్కొన్నారు.

జగిత్యాల క్రైం: జగిత్యాల శివారు గాంధీనగర్‌లో తాళంవేసిన ఇంట్లో గుర్తుతెలియని దొంగలు చోరీకి పాల్పడ్డారు. గాంధీనగర్‌కు చెందిన గెల్లె రాధ తన భర్త రెండునెలల క్రితం మరణించడంతో ఇటీవల తన బంధువుల ఇంటికి వెళ్లింది. బుధవారం మధ్యాహ్నం ఇంటికి చేరుకోగా.. ఇంటి తాళాలు పగులగొట్టి ఉన్నాయి. లోపలికి వెళ్లి చూడగా.. ఐదు తులాల బంగారు ఆభరణాలు, 15 తులాల వెండి నగలు, రూ.40వేలు కనిపించలేదు. బాధితురాలి ఫిర్యాదు మేరకు పట్టణ ఎస్సై కిరణ్‌ సంఘటన స్థలానికి చేరుకుని చోరీ జరిగిన ఇంటిని పరిశీలించారు. బాధితురాలి ఫిర్యాదు మేరకు కేసు నమోదు చేసినట్లు తెలిపారు. 28న నవోదయ ప్రవేశ పరీక్షచొప్పదండి: ఉమ్మడి జిల్లా వ్యాప్తంగా ఈ నెల 28న జవహర్‌ నవోదయ విద్యాలయంలో ఆరో తరగతిలో ప్రవేశానికి పరీక్ష నిర్వహిస్తున్నట్లు ప్రిన్సిపాల్‌ బ్రహ్మానంద రెడ్డి తెలిపారు. బుధవారం ఆయన మీడియాతో మాట్లాడారు. ఉమ్మడి జిల్లా వ్యాప్తంగా 20 కేంద్రాల్లో పరీక్ష కోసం ఏర్పాట్లు చేసినట్లు వివరించారు. దరఖాస్తు చేసిన 3,888 మంది విద్యార్థుల హాల్‌ టికెట్లు ఆన్‌లైన్‌లో అందుబాటులో ఉన్నాయన్నారు. హాల్‌ టికెట్లలో ఏవైనా తప్పులు ఉంటే ఈనెల 20వ తేదీలోగా చొప్పదండిలోని జవహర్‌ నవోదయ విద్యాలయంలో సంప్రదించాలని సూచించారు. ఎస్సై, కానిస్టేబుల్‌పై ఫిర్యాదు కరీంనగర్‌క్రైౖం: రోడ్డు ప్రమాదం కేసులో ఇరికిస్తామంటూ బెదిరించి రూ.30వేలు వసూలు చేశారని ఆరోపిస్తూ శంకరపట్నం మండలం కేశవపట్నం గ్రామానికి చెందిన చల్లా రాజ్‌కుమార్‌ శంకరపట్నం ఎస్సై శేఖర్‌రెడ్డి, కానిస్టేబుల్‌ శ్రీధర్‌రెడ్డిలపై పోలీస్‌ కమిషనర్‌ గౌస్‌ ఆలం కార్యాలయంలో బుధవారం ఫిర్యాదు చేశారు. జూన్‌ 16న పోలీసులు తన ట్రాక్టర్‌ను బలవంతంగా స్టేషన్‌కు తీసుకెళ్లి ప్రమాదం కేసులో ఇరికిస్తామని బెదిరించి తన తండ్రి వద్ద రూ.30వేలు తీసుకున్నారన్నారు. ట్రాక్టర్‌, సెల్‌ఫోన్‌ను తిరిగి అప్పగించారని చెప్పారు. ఈ వ్యవహారంపై విచారణ జరిపి బాధ్యులపై చర్యలు తీసుకోవాలని పోలీస్‌ కమిషనర్‌ను కోరారు. శంకరపట్నం ఎస్సై శేఖర్‌రెడ్డిని సంప్రదించగా.. ఫిర్యాదులో ఉన్న అంశాలు మొత్తం అవాస్తవమని వివరించారు. గంజాయి పట్టివేత పెద్దపల్లిరూరల్‌: పెద్దపల్లి మండలం రాఘవాపూర్‌ శివారులోని ఇటుకబట్టీల్లో పనిచేసే కూలీలకు విక్రయించేందుకు వచ్చిన వ్యక్తి నుంచి కిలో 160 గ్రాముల గంజాయి (రూ.58 వేల విలువ)ని బుధవారం స్వాధీనం చేసుకున్నట్టు రూరల్‌ ఎస్సై మధూకర్‌ తెలిపారు. జనగాం జిల్లా బచ్చన్నపేటకు చెందిన లోకేశ్‌ (ప్రస్తుతం హైదరాబాద్‌లో నివాసం) నాగపూర్‌ నుంచి గంజాయి తీసు కొచ్చి ఇటుకబట్టీల్లో పనిచేసే ఒడిశా కూలీలకు విక్రయించేందుకు తిరుగుతున్నాడు. అను మానాస్పదంగా తిరుగుతున్న ఆయనను అదుపులోకి తీసుకొని బ్యాగు తనిఖీ చేయగా గంజాయి లభ్యమైంది. కేసు నమోదు చేసి రిమాండ్‌కు తరలించినట్టు ఎస్సై వివరించారు.

జగిత్యాలఅగ్రికల్చర్‌: ఉమ్మడి కరీంనగర్‌ జిల్లా వ్యవసాయాధారితం. వరితోపాటు రకరకాల పంటలు సాగు చేస్తుంటారు. అయితే ఆయా పంటలకు ఆశించే పురుగులు, తెగుళ్లను అరికట్టేందుకు అన్నదాతలు డ్రోన్‌ సహాయంతోనే రసాయన మందులు పిచికారీ చేస్తున్నారు. రైతులపై భారం పడకుండా.. కేంద్రప్రభుత్వం డ్రోన్‌ ప్రమోషన్‌ స్కీం కింద ఇఫ్కో భాగస్వామ్యంతో సహకార సంఘాలు, రైతు ఉత్పత్తిదారుల సంఘాలకు సబ్సిడీపై డ్రోన్లను అందిస్తోంది. ఇప్పటికే జిల్లాలో ఆరు సహకార సంఘాలు కొనుగోలు చేయగా.. మరిన్ని సంఘాలు కొనుగోలుకు ప్రతిపాదనలు సిద్ధం చేశాయి. డ్రోన్ల అవసరం ఎందుకంటే.. ఇప్పటివరకు కూలీల సహాయంతో పంటలపై రసాయనాలు పిచికారీ చేయడంతో రైతులకు ఎక్కువ ఖర్చయ్యేది. పైగా కూలీలు దొరకని పరిస్థితి. కూలీలు స్ప్రేడబ్బాను భుజాన వేసుకుని పొలాల్లో తిరగడం ద్వారా మందు వాసనకు అస్వస్థతకు గురయ్యేవారు. మందు పొలమంతా సరిగా పడేది కాదు. ఎకరం పొలం పిచికారీ చేసేందుకు గంట, రెండుగంటల సమయం పట్టేది. అదే డ్రోన్‌ ద్వారా కేవలం 7 నుంచి 12 నిమిషాల్లోనే పిచికారీ చేయొచ్చు. డ్రోన్లలో అల్ట్రా వాల్యూమ్‌ స్ప్రేయింగ్‌ టెక్నాలజి ఉండటంతో మందును చిన్న తుంపర్లుగా మార్చి పొలమంతా పడేలా చేస్తుంది. దీనివల్ల 20 నుంచి 40 శాతం రసాయన మందు ఖర్చు తగ్గుతుంది. సాధారణ పద్దతిలో ఎకరాకు 150 నుంచి 200 లీటర్ల నీరు అవసరమైతే.. డ్రోన్‌తో కేవలం 10 నుంచి 15 లీటర్ల నీటితోనే ఎకరంలో పిచికారీ చేయొచ్చు. డ్రోన్‌ రెక్కల నుంచి వచ్చే ఒత్తిడితో మందు ఆకుల పైభాగంలోనే కాకుండా.. మొక్క కింది భాగంలో కూడా పడే అవకాశం ఉంది. మామిడి, మొక్కజొన్న, చెరుకు వంటి ఎత్తైన పంటలపై కూడా పిచికారీ చేసే అవకాశం ఉంటుంది. ఇటీవల నానో యూరియా, డీఏపీ వంటి ఎరువులు ద్రవరూపంలో రావడం, వాటిని వాడేందుకు రైతులు ముందుకొస్తుండటంతో వాటిని డ్రోన్‌ ద్వారా పిచికారీ చేయడం మరింతగా తేలికగా మారింది. సబ్సిడీపై డ్రోన్లు కేంద్ర ప్రభుత్వం నిర్వహిస్తున్న సబ్‌ మిషన్‌ ఆన్‌ అగ్రికల్చర్‌ మెకనైజేషన్‌ కింద సహకార, రైతు ఉత్పత్తిదారుల సంఘాలకు సబ్సిడీపై డ్రోన్లు సరఫరా చేస్తున్నారు. 10 నుంచి 20 లీటర్ల సామర్థ్యం గల డ్రోన్‌ ధర రూ.6 లక్షల నుంచి రూ.15లక్షల వరకు ఉంటుంది. సహకార సంఘాలు మాత్రం బ్యాటరీలు, జనరేటర్లు వంటి కొత్త ఫీచర్స్‌ ఉన్న రూ.15లక్షల ఆధునాతన డ్రోన్లను కొనుగోలు చేస్తున్నాయి. వీటికి 40 శాతం వరకు సబ్సిడీ ఇస్తోంది. మహిళా సంఘాలకు 80 శాతం సబ్సిడీ ఇస్తున్నారు. ఇప్పటివరకు జగిత్యాల, బీర్‌పూర్‌ వంటి ఆరు సహకార సంఘాలు డ్రోన్లను కొనుగోలు చేశాయి. మరిన్ని సంఘాలు కొనుగోలు చేసేందుకు ప్రతిపాదనలు సిద్ధం చేశాయి. సంఘాలు ఎకరం పిచికారీ చేస్తే రూ.350 నుంచి రూ.400 రైతుల నుంచి తీసుకుంటున్నాయి. ఒక్కో డ్రోన్‌కు రూ.15 లక్షలు ఎకరాకు పిచికారీ చేస్తే రూ.350 రూ.400సహకార సంఘాలకు డ్రోన్లు జగిత్యాల జిల్లాలో ఇప్పటికే ఆరు, ఏడు సహకార సంఘాలు డ్రోన్లను కొనుగోలు చేశాయి. రాబోయే రోజుల్లో 51 సహకార సంఘాలు కొనుగోలు చేయాలని ప్రతిపాదనలు సిద్ధం చేశాయి. డ్రోన్లను ఉపయోగించడం ద్వారా రైతులకు ఖర్చుతో పాటు సకాలంలో పనులు పూర్తవుతున్నాయి. – సీహెచ్‌.మనోజ్‌కుమార్‌, సహకార అఽధికారి, జగిత్యాల

పెద్దపల్లిరూరల్‌: పెద్దపల్లి పట్టణంలోని సాగర్‌ రోడ్డుకు చెందిన ఆసిఫాఅంజుమ్‌(24) ఉరి వేసుకొని ఆత్మహత్య చేసుకుంది. ఆరేళ్ల క్రితం అంజుమ్‌కు ఓదెల మండలం గూడెం గ్రామానికి చెందిన అఫ్రోజ్‌తో వివాహం అయ్యింది. వీరికి ఇద్దరు పిల్లలు. భర్త అఫ్రోజ్‌తో తరచూ గొడవలు జరిగేవి. దీంతో ఆమె కొద్దిరోజుల క్రితం పిల్లలను భర్తవద్దే వదలి పుట్టింటికి వచ్చింది. భర్త వద్దకు వెళ్లాలని పెద్దలు సూచించినా.. వినిపించుకోలేదు. ఈ క్రమంలో బుధవారం ఇంట్లో ఎవరూ లేని సమయంలో ఉరివేసుకొని ఆత్మహత్య చేసుకుంది. కేసు దర్యాప్తు చేస్తున్నట్లు టౌన్‌ ఎస్సై రాజశేఖర్‌ తెలిపారు.

కోల్‌సిటీ/గోదావరిఖని: పెద్దపల్లి జిల్లా గోదావరిఖని సమీప వీర్లపల్లిలోని ఈశ్వర కృప వృద్ధాశ్రమంలో రెండేళ్లుగా ఆశ్రయం పొందుతున్న అడిచర్ల భూదేవి (75) మంగళవారం రాత్రి జీజీహెచ్‌లో కన్నుమూశారు. కుటుంబ సభ్యులు లేని ఆమె నేత్రదానంతో ఇద్దరికి చూపునివ్వనుండగా, పార్థివదేహం వైద్య విద్యార్థుల అధ్యయనానికి ఉపయోగపడనుంది. సదాశయ ఫౌండేషన్‌ చొరవతో ఎల్వీ ప్రసాద్‌ నేత్రబ్యాంకు బృందం నేత్రాలను సేకరించింది. జీజీహెచ్‌ ఆర్‌ఎంవోల సహకారంతో పార్థివదేహాన్ని సిమ్స్‌కు అప్పగించారు. భూదేవి మెడికో విద్యార్థులకు తొలి గురువుగా మారారని ప్రిన్సిపాల్‌ డాక్టర్‌ దయాళ్‌ సింగ్‌ పేర్కొన్నారు. ఆమె చివరి కోరిక నెరవేర్చడం సంతృప్తినిచ్చిందని ఆశ్రమ డైరెక్టర్లు తెలిపారు. అనాథగా జీవించిన భూదేవి మరణానంతరం నలుగురికి మేలు చేసి మానవత్వానికి నిదర్శనంగా నిలిచారు. కార్యక్రమంలో ఆశ్రమ డైరెక్టర్లు గంట సత్తయ్య, లక్కడి మాధవరెడ్డి, బట్టల వెంకటయ్య తదితరులు పాల్గొన్నారు. ఆశ్రమ నిర్వాహకుల చొరవను సదాశయ ఫౌండేషన్‌, లయన్స్‌ క్లబ్‌ ప్రతినిధులు అభినందించారు. వృద్ధురాలు భూదేవి అమర సందేశం

కరీంనగర్‌టౌన్‌: వార్డు సభ్యులు సమస్యలు పరిష్కరించాలని సంఘం రాష్ట్ర అధ్యక్షుడు, న్యాయవాది అతికం రాజశేఖర్‌గౌడ్‌ డిమాండ్‌ చేశారు. కరీంనగర్‌ జిల్లాకేంద్రంలో సంఘం మహిళా విభాగం జిల్లా అధ్యక్షులు కామెర తిరుమల అధ్యక్షతన నిర్వహించిన సమావేశంలో మాట్లాడారు. రాష్ట్రంలో లక్షకు పైగా వార్డు సభ్యులు ఉన్నారని, వారికి గౌరవ వేతనంగా రూ.5వేలు, హెల్త్‌ కార్డులు ఇవ్వాలని, అకాల మరణం చెందితే రూ.20లక్షలు ప్రకటించాలని కోరారు. గ్రామీణ ప్రాంతాల్లో అభివృద్ధి పనుల శిలాఫలకాలపై పేర్లు రాయించాలన్నారు. ఉప సర్పంచుల ఫోరం రాష్ట్ర అధ్యక్షుడు బోట్ల కార్తీక్‌ ఆధ్వర్యంలో డిసెంబర్‌ 29న కరీంనగర్‌లో నిర్వహించే బహిరంగ సభను విజయవంతం చేయాలని కోరారు. సంఘం రాష్ట్ర ఉపాధ్యక్షుడు చిలుముల నవీన్‌ కుమార్‌, అధికార ప్రతినిధి నాగుల సాంబయ్య, బొబ్బటి శ్రీకాంత్‌, పబ్బ మహేశ్‌ గౌడ్‌, జగిత్యాల, రాజన్నసిరిసిల్ల జిల్లా అధ్యక్షులు ఆకుల శ్రీదేవి, అమ్మిగల్ల గోపాల్‌, లక్ష్మీనారాయణ తదితరులు పాల్గొన్నారు. సంఘం రాష్ట్ర అధ్యక్షుడు, న్యాయవాది అతికం రాజశేఖర్‌ గౌడ్‌

గంభీరావుపేట: ప్రభుత్వ పాఠశాలల్లో విద్యాప్రమాణాల పెంపు.. విద్యార్థుల అభ్యసన సామర్థ్యాలపై సమగ్ర విశ్లేషణకు ప్రభుత్వం ప్రత్యేక కార్యక్రమానికి శ్రీకారం చుట్టింది. విద్యార్థుల ప్రగతిని తల్లిదండ్రులకు వివరించేందుకు ఈనెల 5న జిల్లాలోని అన్ని ప్రభుత్వ పాఠశాలల్లో మెగా పేరెంట్స్‌–టీచర్స్‌ మీటింగ్‌(పీటీఎం) నిర్వహించనున్నారు. విద్యార్థులు సాధించిన మార్కులను, వారి పురోగతికి తీసుకోవాల్సిన చర్యలపై చర్చించనున్నారు. ఉమ్మడి కరీంనగర్‌ జిల్లాలో 2,465 పాఠశాలలు, 1.49 లక్షలకు పైగా విద్యార్థులు ఉన్నారు. విద్యార్థుల చేతుల్లోకి ‘సమగ్ర ప్రగతి పత్రాలు’ ఇటీవల నిర్వహించిన సమ్మేటివ్‌ అసెస్‌మెంట్‌(ఎస్‌ఏ)–1 పరీక్షల ఫలితాల ఆధారంగా విద్యార్థుల ప్రతిభను ఈ సమావేశాల్లో విశ్లేషించనున్నారు. సబ్జెక్టుల వారీగా విద్యార్థులు సాధించిన మార్కులు, వారి అభ్యసన సామర్థ్యాలు, చదువులో వెనుకబడిన అంశాలను ఉపాధ్యాయులు వివరించనున్నారు. విద్యార్థుల సమగ్ర విద్యా పురోగతిని తెలియజేసే ‘హోలిస్టిక్‌ ప్రోగ్రెస్‌ కార్డు’లను (హెచ్‌పీసీ) సైతం అందజేయనున్నారు. కార్డులో ‘నా గురించి’ విద్యార్థుల విద్యాసంబంధ ప్రగతి, సహ పాఠ్యకార్యక్రమాలు, హాజరు, ప్రవర్తన నమోదుకు సమగ్ర ప్రగతికార్డులను రూపొందించారు. ఈ కార్డులో విద్యార్థుల పూర్తి వివరాలతోపాటు పలు అంశాలు ఉన్నాయి. ఉపాధ్యాయుల సాయంతో విద్యార్థులు ఈ అంశాలను నమోదు చేయాల్సి ఉంది. విద్యార్థుల అభిరుచులు.. ఖాళీ సమయంలో ఏం చేస్తారు.. విద్యాసంవత్సరానికి విద్యాలక్ష్యం.. ఏమి కావాలనుకుంటున్నారు.. ఈ విద్యా సంవత్సరంలో నేర్చుకున్న మూడు కొత్త విషయాలు కార్డుల్లో రాయాల్సి ఉంటుంది. వెనుకబడిన వారిపై ప్రత్యేక దృష్టి చదువులో వెనుకబడిన విద్యార్థులను గుర్తించి, ఆయా సబ్జెక్టుల్లో పట్టు సాధించేలా ప్రత్యేక బోధనందించేందుకు చర్యలు తీసుకోనున్నారు. విద్యార్థుల అభ్యసన లోపాలను అధిగమించేందుకు ఉపాధ్యాయులు చేపట్టే కార్యాచరణను తల్లిదండ్రులకు వివరించనున్నారు. ఇంటి వద్ద పిల్లల చదువుపై తల్లిదండ్రులు ప్రత్యేక శ్రద్ధ చూపేలా అవగాహన కల్పించనున్నారు. నేడు అన్ని ప్రభుత్వ పాఠశాలల్లో ‘మెగా పీటీఎం’ విద్యార్థుల ప్రగతిపై వివరించనున్న ఉపాధ్యాయులు వెనుకబడిన విద్యార్థులకు ప్రత్యేక బోధనఅమ్మ ఆదర్శ పాఠశాలల కమిటీల సమావేశాలు మెగా పీటీఎంతోపాటు అమ్మ ఆదర్శ పాఠశాలల కమిటీ(ఏఏపీసీ) సమావేశాలు కూడా నిర్వహించనున్నారు. అన్ని ప్రభుత్వ పాఠశాలల్లో సమావేశాలు విజయవంతంగా జరిగేలా సంబంధిత మండలాల ఎంఈవోలకు విద్యాశాఖ ఆదేశాలు జారీచేసింది. పాఠశాలలు, ఉపాధ్యాయులు, తల్లిదండ్రుల మధ్య సమన్వయం పెరిగితేనే విద్యార్థుల ప్రతిభకు మరింత ప్రోత్సాహం లభిస్తుందని విద్యాశాఖ భావిస్తోంది.

పెద్దపల్లి/గోదావరిఖని: తెలంగాణలో సాగునీటి ప్రాజెక్టుల ప్రాధాన్యతను చాటుతూ మేడిగడ్డ ప్రాజెక్టు నుంచి కొండపోచమ్మ సాగర్‌ వరకు చేపట్టిన 400 కిలోమీటర్ల మహా సైకిల్‌ యాత్ర విజయవంతంగా ముగిసింది. పెద్దపల్లి మాజీ ఎమ్మెల్యే దాసరి మనోహర్‌రెడ్డి సూచనల మేరకు బీఆర్‌ఎస్‌ నాయకులు ఉప్పు రాజ్‌కుమార్‌, సరేశ్‌ యాత్ర పూర్తిచేశారు. యాత్ర ముగింపు అనంతరం బుధవారం ఎర్రవెల్లిలోని నివాసంలో బీఆర్‌ఎస్‌ అధినేత, మాజీ ముఖ్యమంత్రి కల్వకుంట్ల చంద్రశేఖర్‌రావును మర్యాదపూర్వకంగా కలిశారు. కేసీఆర్‌ ఆశీర్వాదం తీసుకున్నారు. నాయకులతో కేసీఆర్‌ సుమారు మూడు గంటలపాటు సమావేశమయ్యారు. వివిధ అంశాలపై ఆరా తీశారు. ఈ సందర్భంగా భోజనం, తేనేటి విందు ఏర్పాటు చేశారు. గోదావరిఖని చెందిన బొడ్డు రవీందర్‌, మేకల నవీన్‌, పారుపల్లి అనిల్‌కుమార్‌, మంచినీళ్ల రాకేశ్‌, ముత్యం లక్ష్మణ్‌గౌడ్‌, అమ్ము కుమార్‌(ముత్తారం), పెద్దపల్లి ప్రాంతానికి చెందిన శ్రీధర్‌, సతీశ్‌గౌడ్‌, పూసాల రామకృష్ణ, శ్రీనివాస్‌, రవీందర్‌, కాశీపాక వాసు తదితరులు పాల్గొన్నారు.

వేములవాడఅర్బన్‌: వేములవాడ రాజన్న దేవస్థానానికి వరంగల్‌కు చెందిన భక్తులు తనుగుల రత్నాకర్‌–అన్నపూర్ణ దంపతులు భారీ కానుకను బుధవారం సమర్పించారు. ఈ సందర్భంగా వారు మాట్లాడుతూ తమ కుమారుడు జయంత్‌ పేరిట సుమారు 2 కిలోల బరువు గల వెండి గంప, బిందె, ప్లేట్‌ను తయారు చేయించి స్వామివారికి కానుకగా అందజేసినట్లు తెలిపారు. ఈ వెండి కానుకలను రాజన్న ఆలయ ఈవో రమాదేవికి అందజేశారు. కార్యక్రమంలో డిప్యూటీ ఈవో ప్రతాప నవీన్‌ కుమార్‌, అధికారులు తదితరులు ఉన్నారు. భర్త ఇంటి ఎదుట భార్య ఆందోళనకోరుట్ల: అత్తింటి వేధింపులు భరించలేక ఆత్మహత్యకు యత్నించిన తనకు న్యాయం చేయాలని కోరుతూ భర్త ఇంటి ఎదుట భార్య బుధవారం ఆందోళనకు దిగింది. కోరుట్లకు చెందిన తన భర్త గట్ల రాజు, ఆయన కుటుంబ సభ్యుల వేధింపులతో తాను 20 నెలల క్రితం ఆత్మహత్యకు యత్నించానని, తనను విదేశాల్లో ఉంటున్న తన భర్త రాజు ఆదుకోవాలని కోరింది. ఆందోళన విషయం తెలుసుకున్న ఆమె అత్తింటివారు ఇంటికి తాళం వేసి వెళ్లిపోయినట్లు సమాచారం. బాధితురాలికి మహిళా సంఘాలు మద్దతు తెలిపాయి.

ఖమ్మం స్పోర్ట్స్‌: రాష్ట్రస్థాయి పాఠశాలల అండర్‌–17 అథ్లెటిక్స్‌ పోటీలు ఖమ్మంలోని పోలీస్‌ పరేడ్‌ మైదానంలో బుధవారం ప్రారంభమయ్యాయి. ఈసందర్భంగా డీఈఓ వాసంతి క్రీడా పతాకాన్ని ఎగురవేసిన మాట్లాడుతూ విద్యార్థుల్లో క్రీడా ప్రతిభను మరింత మెరుగుపరుచుకునేందుకు పోటీలు దోహదం చేస్తాయని తెలిపారు. అనంతరం డీవైఎస్‌ఓ టి.సునీల్‌రెడ్డి మాట్లాడగా తొలిరోజు 1,500 మీటర్ల పరుగు పందెం పోటీ నిర్వహించారు. ఇందులో బాలుర విభాగం నుంచి ఎం.గణేష్‌(నల్లగొండ) ఎం.చరణ్‌ తేజ (ఆదిలాబాద్‌), వి.గణేశ్‌ (రంగారెడ్డి), బాలికల విభాగంలో ఎండీ యాస్మిన్‌(కరీంనగర్‌), ఎం.రాజేశ్వరి(ఆదిలాబాద్‌), పి.నక్షత్ర(రంగారెడ్డి) మొదటి మూడు స్థానాలు కై వసం చేసుకున్నారు. కాగా, ఈ పోటీలు గురువారం కూడా కొనసాగనున్నాయి.

● ఇద్దరి అరెస్టు.. రిమాండ్‌కు తరలింపు కొత్తపల్లి(కరీంనగర్‌): గంజాయి విక్రయిస్తున్న ఇద్దరిని కొత్తపల్లి పోలీసులు అరెస్టు చేశారు. వారి వద్ద నుంచి 2.200 కిలోల గంజాయి, సెల్‌ఫోన్లు స్వాధీనం చేసుకున్నారు. కొత్తపల్లి సీఐ బిల్లా కోటేశ్వర్‌ వివరాల మేరకు రేకుర్తికి చెందిన మహమ్మద్‌ మున్నా, మహమ్మద్‌ షారుక్‌ కొంతకాలంగా మహారాష్ట్రతో పాటు ఇతర రాష్ట్రాల నుంచి తక్కువ ధరకు గంజాయిని కొనుగోలు చేసి కరీంనగర్‌ తీసుకొస్తున్నారు. చిన్నచిన్న ప్యాకెట్లుగా చేసి విద్యార్థులు, ఇతరులకు విక్రయిస్తూ డబ్బు సంపాదిస్తున్నారు. 15 రోజుల క్రితం మహారాష్ట్రలోని నాగ్‌పూర్‌కు వెళ్లి గుర్తుతెలియని వ్యక్తుల వద్ద కిలోకు రూ.20 వేల చొప్పున 2.200 కిలోల గంజాయి కొనుగోలు చేసి రేకుర్తికి తీసుకొచ్చారు. కిలో గంజాయి రూ.50 వేల చొప్పున విక్రయించేందుకు సిద్ధమయ్యారు. రేకుర్తిలోని సమ్మక్క గద్దెల వద్ద మంగళవారం గంజాయి తీసుకెళ్తుండగా పెట్రోలింగ్‌ నిర్వహిస్తున్న ఎస్సై సాంబమూర్తి తనిఖీ చేశారు. సంచిలో గంజాయి, సెల్‌ఫోన్లు లభించగా స్వాధీనం చేసుకొని కేసు నమోదు చేశారు. నిందితులను అరెస్టు చేసి రిమాండ్‌కు తరలించినట్లు సీఐ తెలిపారు.

కాజీపేట: కాజీపేట ఈఎల్‌ఎస్‌ రైల్వే క్వార్టర్స్‌లో మంగళవారం రాత్రి రైల్వే ఉద్యోగి దూలం శ్రీనివాస్‌ (45) ఉరేసుకుని ఆత్మహత్యకు పాల్పడ్డారు. కుటుంబ సభ్యుల కథనం ప్రకారం.. శ్రీనివాస్‌ కొద్దిరోజులుగా విధులకు హాజరుకాకుండా ఇంటి వద్దే ఉంటున్నారు. రామగుండంలో పాయింట్స్‌మెన్‌గా పని చేస్తున్న శ్రీనివాస్‌పై అధికారులు క్రమ శిక్షణ చర్యలు తీసుకోవడంతో మనస్తాపం చెంది ఆత్మహత్య చేసుకున్నట్లు చెప్పారు. పోలీసులు కేసు నమోదు చేసి విచారణ జరుపుతున్నారు. వృద్ధురాలి ఆత్మహత్య ఆగిఉన్న లారీని ఢీకొని యువకుడు మృతి

● షార్ట్‌ సర్క్యూట్‌తో దగ్ధమైన ప్లాస్టిక్‌ గోదాం ● రూ. 50లక్షల వరకు ఆస్తి నష్టం? తంగళ్లపల్లి(సిరిసిల్ల): మండలంలోని లక్ష్మీపూర్‌ శివారులో మంగళవారం రాత్రి భారీ అగ్నిప్రమాదం చోటుచేసుకుంది. ఓ ప్లాస్టిక్‌ గోదాంలో షార్ట్‌ సర్క్యూట్‌ కారణంగా మంటలు చెలరేగి భారీ స్థాయిలో ఆస్తి నష్టం వాటిల్లింది. వివరాల్లోకి వెళ్తే.. తంగళ్లపల్లి మండల కేంద్రానికి చెందిన స్క్రాప్‌ వ్యాపారి కోల నవీన్‌ లక్ష్మీపూర్‌ శివారులో ప్లాస్టిక్‌, స్క్రాప్‌ గోదాం నిర్వహిస్తున్నాడు. మంగళవారం రాత్రి గోదాంలో అకస్మాత్తుగా విద్యుత్‌ షార్ట్‌ సర్క్యూట్‌ సంభవించి మంటలు ఎగిసిపడ్డాయి. లోపల ఉన్నదంతా ప్లాస్టిక్‌ సామగ్రి కావడంతో మంటలు వేగంగా వ్యాపించి గోదాం అగ్నికి ఆహుతైంది. సమాచారం అందుకున్న అగ్నిమాపక సిబ్బంది హుటాహుటిన సంఘటనా స్థలానికి చేరుకుని మంటలను ఆర్పేందుకు శ్రమిస్తున్నారు. ఈ ప్రమాదంలో మొదట రూ.15 లక్షల విలువైన సామగ్రి పూర్తిగా దగ్ధమైనట్లు భావించినప్పటికీ మంటల తీవ్రతకు సుమారు రూ.50 లక్షల వరకు ఆస్తి నష్టం జరిగి ఉండొచ్చని యజమాని, స్థానికులు అంచనా వేస్తున్నారు. ప్రమాదానికి సంబంధించిన పూర్తి వివరాలు ఇంకా తెలియాల్సి ఉంది. అధికారులు, పోలీసులు సంఘటనా స్థలానికి చేరుకుని వివరాలు సేకరిస్తున్నారు.

సప్తగిరికాలనీ(కరీంనగర్‌): ఆంగ్ల అక్షరాలన్నీ ఒకటే.. పదాలు వేరు.. అంకెలు కూడా ఒకటే.. ఫార్ములాలు అనేకం. ఈ నేపథ్యంలో విద్యార్థులను ఇంగ్లిష్‌, మ్యాథ్స్‌లో తీర్చిదిద్దేందుకు ‘సాక్షి’ మీడియా గ్రూప్‌ కన్వీనర్‌గా స్పెల్‌బీ తరహా పరీక్షలు నిర్వహిస్తోంది. ఇంగ్లిష్‌తో ప్రపంచాన్ని చుట్టేయొచ్చు.. మ్యాథ్స్‌ వస్తే పోటీ పరీక్షల్లో టాప్‌లో నిలవొచ్చుననే ఉద్దేశంతో విద్యార్థుల తల్లిదండ్రులు తమ పిల్లలను ఇలాంటి పరీక్షలపై ఆసక్తి చూపించారు. మంగళవారం ‘సాక్షి’ మీడియా గ్రూప్‌ ఆధ్వర్యంలో ఉమ్మడి కరీంనగర్‌ జిల్లా వ్యాప్తంగా నిర్వహించిన ‘సాక్షి’ స్పెల్‌బీ, మ్యాథ్స్‌బీ లెవల్‌–1 పరీక్షకు విశేష స్పందన వచ్చింది. వివిధ కేటగిరీల్లో నిర్వహణ ఉమ్మడి కరీంనగర్‌ జిల్లా వ్యాప్తంగా విద్యార్థులకు స్పెల్‌బీ, మ్యాథ్స్‌బీ లెవల్‌–1 పరీక్ష నిర్వహించారు. వివిధ పాఠశాలలకు చెందిన ఒకటి నుంచి పదో తరగతి విద్యార్థులు హాజరయ్యారు. అక్షర దోషాలు లేకుండా పదాలు రాయడం, కొత్త ఇంగ్లిష్‌ పదాలు, గణిత ఫార్ములాలు విద్యార్థులకు తెలియజేసేందుకు ఈ పరీక్ష నిర్వహించారు. కేటగిరీ–1లో భాగంగా ఒకటి, రెండో తరగతి, రెండో కేటగిరీలో మూడు, నాలుగో తరగతి, కేటగిరీ–3లో ఐదు నుంచి ఏడో తరగతి, కేటగిరీ–4లో ఎనిమిది నుంచి పదో తరగతి విద్యార్థులకు పరీక్ష నిర్వహించారు. పరీక్ష తీరును ‘సాక్షి’ కరీంనగర్‌ యూనిట్‌ మేనేజర్‌ వైద శ్రీనివాస్‌, సాక్షి సిబ్బంది మహేందర్‌రెడ్డి, సాగర్‌రెడ్డి, మహేందర్‌ పరిశీలించారు.

● బావిలో మునిగి యువకుడి దుర్మరణం ● నెల క్రితమే గల్ఫ్‌నుంచి సెలవుపై ఇంటికి రాక.. ● రాఘవపట్నంలో విషాద ఛాయలుగొల్లపల్లి: కష్టాల కడలి దాటి.. గల్ఫ్‌దేశంలో ఎండనక.. వాననక రెక్కలు ముక్కలు చేసుకుని వచ్చిన కొడుకును ఓ ఇంటివాడిని చేయాలని ఆ తల్లిదండ్రులు ముచ్చటపడ్డారు. మంచి సంబంధం కుదిర్చి పెళ్లి చేద్దామనుకుంటున్న వేళ.. విధి వక్రించింది. రోజువారీ అలవాటు ప్రకారం సరదాగా ఈతకొడదామని బావిలోకి దిగిన ఆ యువకుడిని మృత్యువు బండరాళ్ల రూపంలో కాటేసింది. చేతికందివచ్చిన పెద్దకొడుకు విగతజీవిగా మారడంతో ఆ తల్లిదండ్రుల కడుపుకోత వర్ణనాతీతంగా మారింది. ఈ హృదయ విదారక ఘటన గొల్లపల్లి మండలం రాఘవపట్నంలో తీవ్ర విషాదం నింపింది. ఉదయం వాకింగ్‌కు వెళ్లి.. పోలీసులు, స్థానికుల కథనం ప్రకారం.. రాఘవపట్నం గ్రామానికి చెందిన ఆడెపు భూమయ్య పెద్ద కుమారుడు మధు (28). కుటుంబానికి చేదోడువాదోడుగా ఉండేందుకు ఉపాధి నిమిత్తం గల్ఫ్‌ వెళ్లాడు. నెల క్రితమే సెలవుపై స్వగ్రామానికి చేరుకున్నాడు. మధుకు తల్లిదండ్రులు పెళ్లి సంబంధాలు చూస్తున్నారు. ప్రతిరోజూ ఉదయం వాకింగ్‌ వెళ్లే అలవాటున్న మధు.. మంగళవారం ఉదయం కూడా నడక కోసం బయలుదేరాడు. బండరాళ్లు తగిలి తీవ్ర గాయాలు వాకింగ్‌ ముగించుకుని తిరిగి వస్తుండగా గంగదేవిపల్లి శివారులోని వ్యవసాయ బావి కనిపించింది. సరదాగా ఈత కొడదామని బావిలోకి దిగాడు. నీటిలోకి దూకిన సమయంలో బావిలోని బండరాళ్లు అతడి తల, మోకాళ్లకు బలంగా తాకాయి. దీంతో తీవ్ర రక్తస్రావమై, నొప్పితో ఊపిరాడక బావిలోనే మునిగి ప్రాణాలు కోల్పోయాడు. తల్లిదండ్రుల కన్నీరుమున్నీరు భూమయ్యకు ముగ్గురు కుమారులు కాగా.. మధు పెద్దవాడు. మిగిలిన ఇద్దరు కుమారులు కూడా విదేశాల్లోనే ఉపాధి పొందుతున్నారు. కొడుకును పెళ్లిపీటలపై చూసుకోవాలని ఆశపడ్డ కన్నవారికి శోకమే మిగిలింది. ‘ఉదయమే నవ్వుతూ వెళ్లిన కొడుకు ఇలా శవమై తిరిగొస్తాడనుకోలేదే..’ అంటూ తల్లిదండ్రులు గుండెలవిసేలా రోదిస్తున్న తీరు కన్నీరు పెట్టించింది. మృతుడి తండ్రి భూమయ్య ఇచ్చిన ఫిర్యాదు మేరకు కేసు నమోదు చేసి దర్యాప్తు జరుపుతున్నట్లు ఎస్సై ఎం.కృష్ణసాగర్‌రెడ్డి తెలిపారు.

పెద్దపల్లి/పెద్దపల్లిరూరల్‌: విద్యార్థుల్లో భాషా నైపుణ్యాన్ని పెంపొందించేందుకు పదాల ఉచ్ఛారణపై పట్టు సాధించేలా ప్రోత్సాహించేందుకు వీలుగా ‘సాక్షి’ స్పెల్‌బీ పోటీలు మంగళవారం పెద్దపల్లి మండలం నిమ్మనపల్లిలోని పల్లవి మోడల్‌ హైస్కూల్‌లో పాఠశాల కరస్పాండెంట్‌ శోభారాణి ఆధ్వర్యంలో నిర్వహించారు. స్కూల్‌స్థాయి, జిల్లా, రాష్ట్రస్థాయిల్లో నిర్వహించే ఈ పోటీల్లో ప్రతిభ చూపిన విజేతలకు ప్రశంసాపత్రాలు, నగదు బహుమతులను అందించనున్నారు. విద్యార్థులు స్పెల్లింగ్‌ నైపుణ్యాలను నిరూపించుకోవడానికి ఇది సరైన అవకాశంగా పాఠశాల నిర్వాహకులు పేర్కొంటున్నారు.

కరీంనగర్‌ టౌన్‌: మధ్యప్రదేశ్‌లోని గ్వాలియర్‌లో అక్టోబర్‌ 23 నుంచి 28 వరకు నిర్వహించిన 21వ అంతర్జాతీయ సాంస్కృతిక ఉత్సవం ఉద్భవ్‌– 2026లో పారమిత హెరిటేజ్‌ పాఠశాల విద్యార్థులు సత్తాచాటారు. గ్రూప్‌ మ్యూజికల్‌ బ్యాండ్‌ విభాగంలో ప్రథమస్థానం సాధించారు. వాయిద్య సంగీతం సోలో విభాగంలో కిట్ల చరణ్‌ ప్రథమ, ఏవీకే క్రితిక్‌ ద్వితీయస్థానం సాధించారు. వివిధ దేశాలకు చెందిన సంగీత బృందాలు పాల్గొన్న ఈ పోటీల్లో పారమిత విద్యార్థులు ప్రతిభ కనబరచడంపై పాఠశాల చైర్మన్‌ ఇ.ప్రసాదరావు హర్షం వ్యక్తం చేశారు. సంగీత ఉపాధ్యాయులు జితుమణి శర్మ, కిరణ్‌, సాహు, సూరజ్‌ను అభినందించారు.

బీఆర్‌ఎస్‌ పాలకవర్గం ఉన్న సమయంలో కొంతమంది కార్పొరేటర్లు భవన నిర్మాణదారుల నుంచి డబ్బులు వసూలు చేయడం, భూదందాలకు పాల్పడిన ఉదంతాలను గుర్తు చేస్తూ, బీజేపీ కార్పొరేటర్లు ఆ దందాలకు పాల్పడవద్దని కేంద్ర మంత్రి బండి సంజయ్‌ మా కార్పొరేటర్లను హెచ్చరించారు. అవినీతి మరక అంటితే భవిష్యత్‌ ఉండదని ముందు జాగ్రత్తలు చెప్పారు. దీనికి బీఆర్‌ఎస్‌ నాయకులు విపరీత అర్థాలు తీస్తున్నారు. – కొలగాని శ్రీనివాస్‌, మేయర్‌, నగరపాలకసంస్థబీజేపీ కార్పొరేటర్లు భవన నిర్మాణదారుల నుంచి వసూళ్లు చేయడం, భూదందాలకు పాల్పడడాన్ని ఆధారాలతో సహా నిరూపిస్తాం. కేంద్ర మంత్రి బండి సంజయ్‌ విశ్వసించే మహాశక్తి ఆలయంలోనే ఆధారాలను బయటపెడుతాం. అప్పుడే ఎవరిపై చర్యతీసుకొంటారో, తానే బాధ్యత వహిస్తారో బండి సంజయ్‌ నిర్ణయించుకోవాల్సి ఉంటుంది. బీజేపీ కార్పొరేటర్లపై మేం చేసిన ఆరోపణలకు పూర్తిగా కట్టుబడి ఉన్నాం. – చల్ల హరిశంకర్‌, నగర అధ్యక్షుడు, బీఆర్‌ఎస్‌కేంద్ర మంత్రి బండి సంజయ్‌ నిజమే చెప్పారు. కొంతమంది బీజేపీ కార్పొరేటర్లు సాగిస్తున్న అక్రమ వసూళ్ల దందా సంజయ్‌ దృష్టికి రావడంతోనే ఆ వ్యాఖ్యలు చేశారు. గతంలో బీఆర్‌ఎస్‌ హయాంలోనూ కొంతమంది అక్రమాలకు పాల్పడ్డారు. అక్రమాల్లో రెండు పార్టీలదీ ఒకే తీరు. అవినీతి లేని పాలనను అందించాలని కేంద్ర మంత్రికి చిత్తశుద్ధి ఉంటే అక్రమాలకు పాల్పడుతున్న కార్పొరేటర్లపై వెంటనే చర్యలు తీసుకోవాలి. – వైద్యుల అంజన్‌కుమార్‌, అధ్యక్షుడు, కార్పొరేషన్‌ కాంగ్రెస్‌ కమిటీ

కొత్తపల్లి(కొత్తపల్లి): ప్రతి ఇంటికీ ఇంకుడు గుంత.. ప్రతి పొలానికి పంటకుంట నిర్మించుకోవడం ద్వారా భవిష్యత్తులో నీటి ఎద్దడిని నివారించవచ్చని కలెక్టర్‌ చిత్రా మిశ్రా అభిప్రాయపడ్డారు. కొత్తపల్లి మండలం బద్దిపల్లిలో వీబీ జీ రాంజీ కార్యక్రమం ద్వారా నిర్మించిన ఇంకుడు గుంతలు, నాగుల మ ల్యాల గ్రామంలో రైతు ఎడ్ల లత పొలం వద్ద నిర్మించిన పంటకుంటను పరిశీలించారు. ఈ సందర్భంగా కలెక్టర్‌ మాట్లాడుతూ భూగర్భ జలాల పెంపు, నీటి సంరక్షణ లక్ష్యంగా రాష్ట్ర ప్రభుత్వం జలసిరిని ప్రారంభించిందన్నారు. జిల్లాలో ఈ కార్యక్రమం కింద ఇంటి వద్ద ఇంకుడు గుంతలు, పంట పొలా ల్లో పంట కుంటలు, ప్రభుత్వ భూముల్లో కమ్యూనిటీ వ్యవసాయ ఇంకుడు గుంతల నిర్మాణాలు ముమ్మరంగా సాగుతున్నాయన్నారు. ఆసిఫ్‌నగర్‌లోని పీహెచ్‌సీని సందర్శించి, ప్రజలకు నాణ్యమైన వైద్య సేవలు అందించాలని ఆదేశించారు. ఎలగందుల గ్రామంలోని తెలంగాణ మోడల్‌ స్కూల్‌, కస్తూరిబా గాంధీ బాలికల విద్యాలయాన్ని సందర్శించారు. విద్యా ప్రమాణాలు, విద్యార్థినులకు కల్పిస్తున్న వసతులు, భోజన సదుపాయాలను పరి శీలించి ఉపాధ్యాయులకు పలు సూచనలు చేశారు. మోడల్‌ స్కూల్‌, కేజీబీవీల్లో పారిశుధ్యాన్ని మెరుగుపరచాలని ఆదేశించారు. ప్రాథమిక ఆరోగ్య కేంద్రాలు, ఇతర ప్రభుత్వ భవనాల నిర్మాణాలకు సంబంధించి పెండింగ్‌లో ఉన్న భూ సమస్యలను పరిష్కరించి, భూ కేటాయింపుల ప్రక్రియను పూర్తి చేయాలని అధికారులను ఆదేశించారు. సర్పంచులు తాండ్ర శ్రీనివాస్‌, అంజయ్య, చంద్రకళ పాల్గొన్నారు.

రామడుగు(చొప్పదండి): రాష్ట్రంలో ఏర్పడిన కరువు పరిస్థితులను పరిశీలించి, కేంద్ర ప్రభుత్వం జాతీయ విపత్తుగా ప్రకటించాలని సీపీఐ సీనియర్‌ నాయకుడు, మాజీ ఎమ్మెల్యే చాడ వెంకట్‌రెడ్డి డిమాండ్‌ చేశారు. రామడుగు మండలం దేశరాజ్‌పల్లి, మోతె గ్రామాల్లో ఎండిన వరిపంటలను మంగళవారం పరిశీలించారు. ఈ సందర్భంగా మాట్లాడుతూ రాష్ట్రంలో ఎల్‌నినో ప్రభావంతో పంటలు ఎండిపోవడం జరిగిందని, కేంద్రం కరువు సహాయక చర్యలు చేపట్టి ప్రత్యేక నిధులు కేటాయించాలని కోరా రు. వరదకాలువ ద్వారా సాగునీరు అందిస్తామని 35 ఏళ్లుగా చెబుతున్నప్పటికీ, నేటికీ నీరు అందడం లేదన్నారు. రైతుల కష్టాలపై ఈ నెల 10న కలెక్టరేట్‌ ఎదుట ఆందోళన చేస్తామన్నా రు. పార్టీ జిల్లా కార్యదర్శి పంజాల శ్రీనివాస్‌, రాష్ట్ర కౌన్సిల్‌ సభ్యులు పొనగంటి కేదారి, అందె స్వామి, జిల్లా కార్యవర్గ కౌన్సిల్‌ సభ్యుడు కొయ్యడ సృజన్‌కుమార్‌, బోయిని ఆశోక్‌, గూ డెం లక్ష్మీ, లక్ష్మారెడ్డి, సురేందర్‌రెడ్డి ఉన్నారు. మార్కెట్‌ స్థలం ఆక్రమణలపై అధికారులు మౌనం వీడాలికరీంనగర్‌ టౌన్‌: జిల్లాకేంద్రంలోని ప్రధాన మార్కెట్‌ స్థలంలో ఆక్రమణలు, నిర్మాణాలపై మున్సిపల్‌ అధికారులు ఎందుకు చర్యలు తీసుకోవడం లేదని మాజీ మేయర్‌ రవీందర్‌సింగ్‌ ప్రశ్నించారు. మంగళవారం నగరంలో మాట్లాడుతూ మార్కెట్‌ భూమి విషయంలో గతంలో హైకోర్టు, సుప్రీంకోర్టు తీర్పులు మున్సిపాలిటీ కి అనుకూలంగా వచ్చినప్పటికీ ఆక్రమణలపై చర్యలు లేకపోవడం అనుమానాలకు తావి స్తోందన్నారు. కొంత స్థలాన్ని ఆక్రమించి నిర్మాణాలు చేపడుతున్నట్లు ఫిర్యాదులు అందినా పట్టణ ప్రణాళిక విభాగం పట్టించుకోవడం లేదని ఆరోపించారు. బీజేపీ పాలకవర్గానికి, మేయర్‌కు, కేంద్ర మంత్రి బండి సంజయ్‌కి ఈ వ్యవహారంతో సంబంధం లేకపోతే వెంటనే ఆక్రమణల తొలగింపునకు చర్యలు తీసుకోవాలని కోరారు. నాయకులు సోహాన్‌సింగ్‌, మైఖేల్‌ శ్రీనివాస్‌, ముంజ రవీందర్‌, డి.అనూప్‌, భాస్కర్‌రావు, మోహన్‌రావు పాల్గొన్నారు. ప్రజారోగ్య సేవల్లో నిర్లక్ష్యం వద్దుకొత్తపల్లి(కరీంనగర్‌): ప్రజారోగ్య సేవల్లో నిర్లక్ష్యం వహించొద్దని జిల్లా వైద్య ఆరోగ్యశాఖ అధి కారి డాక్టర్‌ రాజగోపాల్‌రావు సూచించారు. కొత్తపల్లి ప్రాథమిక ఆరోగ్య కేంద్రాన్ని మంగళవారం సందర్శించారు. పలు రికార్డులు పరి శీలించి, ఆస్పత్రికి వచ్చిన రోగులతో మాట్లాడారు. వారికి అందుతున్న వైద్యసేవలను ఆరా తీశారు. వైద్య సిబ్బందితో మాట్లాడుతూ గ్రామస్థాయిలో సర్పంచ్‌, వార్డు సభ్యులు, ఆశా కార్యకర్తలు, అంగన్వాడీ కార్యకర్తలు, ఏఎన్‌ఎంలు, పంచాయతీ కార్యదర్శులు కలిసి ప్రతి వారం సమావేశాలు నిర్వహించాలని సూచించారు. సిబ్బంది సెలవులు తీసుకోవా ల్సి వస్తే ముందస్తుగా అనుమతి పొందాలని స్పష్టం చేశారు. డాక్టర్‌ మౌనిక, ప్రాథమిక ఆరోగ్యకేంద్ర వైద్యులు, సిబ్బంది పాల్గొన్నారు. క్వింటాల్‌ పత్తి రూ.8,770జమ్మికుంట: జమ్మికుంట మార్కెట్లో క్వింటాల్‌ పత్తి గరిష్టంగా రూ.8,770 పలికింది. మంగళవారం మార్కెట్‌కు 222 వాహనాల్లో 1,802 క్వింటాళ్ల పత్తిని రైతులు అమ్మకానికి తెచ్చారు. మోడల్‌ ధర రూ.8,650, కనిష్ట ధర రూ.8,300 కు వ్యాపారులు కొనుగోలు చేశారు. క్రయ విక్రయాలను మార్కెట్‌ చైర్‌పర్సన్‌ పూల్లూరి స్వప్న, ఉన్నతశ్రేణి కార్యదర్శి మల్లేశం, గ్రేడ్‌–2 కార్యదర్శి రాజా పర్యవేక్షించారు.

ఎవరా..కరీంనగర్‌ కార్పొరేషన్‌: నగరంలోని కొంతమంది కార్పొరేటర్లు తమ డివిజన్లలో అరాచకాలకు పాల్పడుతున్న ఉదంతాలు తరచూ వెలుగు చూస్తున్నాయి. ముఖ్యంగా ఇండ్లు, భవనాల నిర్మాణాల్లో అక్రమ వసూళ్లకు పాల్పడుతున్న ఘటనలను ‘సీ ట్యాక్స్‌’, ‘సీ ట్యాక్స్‌ స్పీడప్‌’, ‘కార్ప్ఙొరేట్‌’ర్లు’ శీర్షికన గతంలో ‘సాక్షి’ వెలుగులోకి తీసుకురావడం తెలిసిందే. ప్రస్తుతం స్వయంగా కేంద్ర హోం శాఖ సహాయ మంత్రి బండి సంజయ్‌ చేసిన వ్యాఖ్యలు ‘సాక్షి’ కథనాలకు బలం చేకూర్చగా, మరోసారి కొంతమంది కార్పొరేటర్ల అక్రమ వసూళ్లపై తీవ్రస్థాయిలో చర్చమొదలైంది. నగరంలో ఇండ్లు, భవనాలు, వాణిజ్య సముదాయాలు, అపార్ట్‌మెంట్ల నిర్మాణాలు పెరుగుతున్నాయి. రుణాలు తీసుకొని తమ జీవిత స్వప్నం నెరవేర్చుకొంటున్న సమయంలో కొంతమంది కార్పొరేటర్లు రూ.లక్షలు ఇవ్వాలంటూ బెదిరింపులకు దిగుతుండడంతో నిర్మాణదారులు బేజారవుతున్నారు. జీవితంలో ఇల్లు కట్టుకుంటే చాలనుకునే మధ్యతరగతి జీవులు కార్పొరేటర్ల ఆగడాలను తట్టుకోలేకపోతున్నారు. తమ డివిజన్‌ పరిధిలో కంకర, ఇసుక కనిపిస్తే చాలు టక్కున వాలిపోయి, ‘ఏం కడుతున్నారు.. ఎవరు కడుతున్నారు’’ అంటూ ఆరా తీసి దందాకు పాల్పడుతున్నారు. ఒకరిద్దరు కార్పొరేటర్లు నిర్మాణాల వివరాలతో డైరీ మెయింటెయిన్‌ చేస్తున్నారు. ‘బండి’ క్లాస్‌తో బేజార్‌ నిర్మాణదారుల నుంచి వసూళ్లు, భూ దందాల్లో వేలుపెడుతున్న ఘటనలు తన దృష్టిలో ఉన్నాయంటూ బండి సంజయ్‌ ఇచ్చిన వార్నింగ్‌తో నగరంలోని అక్రమ వసూళ్ల పుట్ట కదులుతోంది. అవినీతి, అక్రమాలు సహించేది లేదంటూ మంత్రి చేసిన ఘాటు వ్యాఖ్యలు నగరవ్యాప్తంగా తీవ్ర చర్చనీయాంశంగా మారాయి. ఆయన వద్ద సమాచారం ఉండడంతోనే పరోక్షంగా హెచ్చరికలు జారీ చేశాడనే ప్రచారం బీజేపీలో అంతర్గతంగా ఉంది. దీంతో మంత్రి వద్ద ఉన్న సమాచారం ఎవరిది, ఎవరు చెప్పి ఉంటారు.. అంటూ ‘సంబంధిత’ కార్పొరేటర్లలో పరేషాన్‌ మొదలైంది. ఈ మధ్యకాలంలో మంత్రిని తమ ప్రాంతంలోని ‘బాధితులు’ ఎవరైనా కలిశారా అంటూ ఆరా తీస్తున్నారు.డబ్బులు ఇవ్వాలంటూ నిర్మాణదారులను బెదిరించిన ఆడియో రికార్డులు తమ వద్ద ఉన్నాయంటూ బీఆర్‌ఎస్‌ చేస్తున్న ఆరోపణలతో బీజేపీ కార్పొరేటర్లలో టెన్షన్‌ మొదలైంది. ఆడియో రికార్డులు నిజంగానే ఉన్నాయా, లేక బెదిరించడానికి అంటున్నారా, ఉంటే ఎవరివి ఉన్నాయి అంటూ ఆ పార్టీలో ఉన్న తమ సన్నిహితులతో పలువురు ఆరా తీస్తున్నట్లు సమాచారం. డబ్బులు వసూలు చేసిన సమయంలో ఎవరెవరితో మాట్లాడారో, బెదిరించారో గుర్తుకుతెచ్చుకొని, మధ్యవర్తుల ద్వారా వారితో సంప్రదింపులకు దిగుతున్నారు. ఒకవేళ ఆడియో రికార్డులు ఉన్నట్లు తేలితే రాజీకి సైతం ప్రయత్నాలు ముమ్మరం చేశారు.

కరీంనగర్‌ అర్బన్‌: ధాన్యం కొనుగోలు కేంద్రాలపై ప్రభుత్వం నిఘాను తీవ్రతరం చేసింది. సన్నాలు, దొడ్డురకం ధాన్యం కొనుగోళ్లలో ఇబ్బందులు తలెత్తకుండా వేర్వేరు కేంద్రాలు ఏర్పాటు చేసేలా కార్యాచరణ రూపొందించారు. ఆయా కేంద్రాల్లో కొనుగోళ్ల పరంగా ఎలాంటి సమస్య తలెత్తినా వెంటనే పరిష్కరించేలా మండలస్థాయిలో కమిటీ ఏర్పాటు చేయనున్నారు. ఇందులో తహసీల్దార్‌, ఎంపీడీవో, ఎస్సై, ఏఈవోలు, ఐకేపీ ఏపీఎంలు, పీఏసీఎస్‌ అసిస్టెంట్‌ రిజిస్టార్‌, సీఈవో, మెప్మా అధికారులు సభ్యులుగా ఉంటారు. కమిటీలకు సంబంధించి అవగాహన సదస్సు నిర్వహించారు. సన్నాల గుర్తింపు ఇలా సన్న ధాన్యంపై అనుమానం ఉంటే కేంద్రానికి కేటాయించిన మైక్రోమీటర్‌ ద్వారా రైతు, ఏఈ వో, కేంద్ర నిర్వాహకుల సమక్షంలో ధాన్యం గింజను కొలుస్తారు. వడ్లను మిల్లులకు తరలించే క్రమంలోనూ గన్నీ సంచులపై సన్నరకం అయితే ‘ఎస్‌’, దొడ్డు రకం అయితే ‘డీ’ అని గుర్తులు పెడతారు. ధాన్యం పొట్టు తీసి పొ డవు, వెడల్పు నిష్పత్తి లెక్కిస్తే 3 కన్నా తక్కువ ఉంటే దొడ్డురకం, ఎక్కువ ఉంటే సన్నరకం ధాన్యంగా గుర్తిస్తారు. ధాన్యం నాణ్యతపై అవగాహన జిల్లావ్యాప్తంగా పీఏసీఎస్‌, ఐకేపీ, మెప్మా ఆధ్వర్యంలో 318 ధాన్యం కొనుగోలు కేంద్రాలు ఏర్పాటు చేయగా ఈ సారి అదనంగా టార్పాలిన్లు, సన్నరకం ధాన్యాన్ని కొలిచే మైక్రోమీటర్‌ కేటాయించారు. అవసరం ఉన్న చోట కమిటీ సభ్యుల నిర్ణయం మేరకు జిల్లాస్థాయి అధికా రులకు తెలిపి మరికొన్ని కేంద్రాలు ఏర్పాటుచేస్తారు. ధాన్యం కొనుగోలు చేసిన 48 గంటల్లో నగదు జమ చేసేలా కసరత్తు చేస్తున్నారు. సన్నాల లెక్కలు సరియేనా? సన్నరకం సాగు విస్తీర్ణంపై అనుమానాలు వ్యక్తమవుతున్నాయి. పంటల వివరాల నమోదు పక్కాగా జరగలేదని తెలుస్తోంది. ఏఈవోలు క్షేత్రస్థాయిలో వరి పంటను చూసి ఏది సన్నరకమో, దొడ్డు రకమో గుర్తించలేని పరిస్థితి. పంట దిగుబడి కొనుగోలు కేంద్రాలకు వస్తేనే స్పష్టత వచ్చే అవకాశముంది.

కరీంనగర్‌ అర్బన్‌: జిల్లాలోని డిఫాల్ట్‌ రైస్‌మిల్లర్ల అరెస్టు అంశం రాష్ట్రవ్యాప్తంగా సంచలనం రేపగా తాజాగా విజిలెన్స్‌ ఎన్‌ఫోర్స్‌మెంట్‌ పౌరసరఫరాల శాఖలో తనిఖీలు చేపట్టడం చర్చనీయాంశంగా మారింది. కలెక్టరేట్‌లోని జిల్లా పౌరసరఫరాల శాఖ కార్యాలయంలో మంగళవారం సాయంత్రం 4గంటల నుంచి రాత్రి 8గంటల వరకు దాదాపు నాలు గు గంటల పాటు రికార్డులు తనిఖీ చేశారు. విజి లెన్స్‌ డీఎస్పీ వెంకటేశం ఆధ్వర్యంలో రైస్‌మిల్లులకు ధాన్యం కేటాయింపులు, తనిఖీల తీరు అంశాలను పరిశీలించారు. ఇటీవల జమ్మికుంట, హుజూరాబా ద్‌కు చెందిన నలుగురు రైస్‌మిల్లర్లను అరెస్టు చేయగా సీఐడీ కస్టడీకి తీసుకున్న విషయం తెలిసిందే. ఈ క్రమంలో గత కొన్నేళ్లుగా ఽమిల్లులకు ధాన్యం కేటాయింపులు చేసిన తీరు, సీఎంఆర్‌ ఎంత మేరకు రాబట్టారు, గతంలో డిఫాల్ట్‌ అయిన మిల్లరుకు ఏమైనా ధాన్యం కేటాయింపులు చేశారా వంటి అంశాలను ఆరా తీశారు. పౌరసరఫరాల సంస్థ కార్యాలయంలో డిఫాల్ట్‌ మిల్లర్ల వివరాలను సేకరించినట్లు తెలుస్తోంది. పీడీఎస్‌ బియ్యం, గ్రేడ్‌–ఏ సన్నధాన్యం నిర్వహణ, బకాయిలున్న మిల్లర్లపై పర్యవేక్షణ, నెలవారీ క్షేత్రస్థాయి తనిఖీలు సరిగా నిర్వహించారా, తనిఖీలు చేస్తే ఏమేం చర్యలు తీసుకున్నారనే కోణంలో వివరాలు సేకరించారని సమాచారం. పలు కీలక దస్త్రాలను స్వాధీనం చేసుకున్నట్లు తెలు స్తోంది. ఇటీవల రైస్‌మిల్లర్లకు ధాన్యం కేటాయింపులు, బకాయిలపై కలెక్టర్‌కు ఫిర్యాదులు అందాయి. ఏఏ మిల్లుకు ఎలా ధాన్యం రవాణా చేశారో స్పష్టంగా అందులో పేర్కొన్నట్లు సమాచారం. సాధారణ తనిఖీల్లో భాగంగానే విజిలెన్స్‌ తనిఖీలు చేపట్టిందని, ప్రతీ ఏడాది చేస్తుందని పౌరసరఫరాలశాఖ అధికారులు వివరించారు.

మానకొండూర్‌: మానకొండూర్‌ మండలంలో నేషనల్‌ హైవే 563తో వివిధ గ్రామాల ప్రజలు ఎదుర్కొంటున్న సమస్యలు, హైవేపై ఫుట్‌ఓవర్‌ బ్రిడ్జి నిర్మాణం అంశాలపై పీడీ భరద్వా జ్‌ ఆధ్వర్యంలో అధికారుల బృందం మండలంలోని పలు గ్రామాల్లో మంగళవారం పర్యటించింది. శ్రీనివాస్‌నగర్‌ గ్రామానికి అవతలి వైపు ఉన్న పంట పొలాలకు వెళ్లేందుకు అండర్‌ పాస్‌ లేకపోవడంతో ఇబ్బందులు పడుతున్నామని సర్పంచ్‌ ఎరుకల శ్రీనివాస్‌గౌడ్‌ పీడీ దృష్టికి తీసుకొచ్చారు. ఈదులగట్టేపల్లి, ఖాదర్‌గూడెం, శంషాబాద్‌ గ్రామాల వద్ద హైవేను పీడీ పరిశీలించారు. సర్పంచులు మీస సత్యనా రాయణ, కనవేని అక్షయ శ్రీనివాస్‌, మెరుగు కళావతి సంపత్‌, గ్రామస్తులతో మాట్లాడి సర్వీసు రోడ్డు సమస్యలపై ఆరా తీశారు. ఫుట్‌ ఓవర్‌ బ్రిడ్జి, లిఫ్ట్‌ బ్రిడ్జి నిర్మాణాలకు అనువైన స్థలాలను ఎంపిక చేయాలని సూచించారు. పవర్‌కట్‌ ప్రాంతాలుకొత్తపల్లి: చెట్ల కొమ్మల తొలగింపు పనుల కారణంగా బుధవారం ఉదయం 10 నుంచి మ ధ్యాహ్నం 12 గంటల వరకు 11 కె.వీ.ఉజ్వల పార్కు ఫీడర్‌పరిధిలోని ఎలైట్‌ హాస్పిటల్‌, కమాన్‌, విషాల్‌ మార్ట్‌, కిషోర్‌ ఆటోస్టోర్‌, సీపీ ఐ కార్యాలయం, గణేశ్‌నగర్‌ ప్రాంతాలతో పా టు 11 కె.వీ.కాపువాడ ఫీడర్‌ పరిధిలోని మీరా హాస్పిటల్‌, గౌరిశెట్టి కాంప్లెక్స్‌, బొమ్మ వెంకన్న భవనం, అహ్మద్‌పుర, సహజ, జేఎన్‌, కన్యకా పరమేశ్వరీ బాంకెట్‌ హాల్‌ ప్రాంతాల్లో విద్యుత్‌ నిలిపివేస్తున్నట్లు టౌన్‌–1,2 ఏడీఈలు పి.శ్రీనివాస్‌గౌడ్‌, ఎం.లావణ్య తెలిపారు.

కరీంనగర్‌సిటీ: విద్యార్థులు జాతీయస్థాయి వేదికలపై ప్రతిభను చాటుకుంటూ దేశాభివృద్ధి, ప్రజాస్వామ్య విలువలు, యువత బాధ్యతలపై అవగాహన పెంపొందించుకోవాలని అదనపు కలెక్టర్‌ ఆశ్విని తానాజీ వాకడే సూచించారు. ఎస్సారార్‌ కళాశాలలో బీఎస్సీ తృతీయ సంవత్సరం చదువుతున్న ఎం.శ్రీనిత్య మాజీ ఉపప్రధాని సర్దార్‌ వల్లభభాయ్‌ పటేల్‌ 151వ జయంతి సందర్భంగా న్యూఢిల్లీలోని భారత పార్లమెంట్‌లో నిర్వహించిన కార్యక్రమంలో పాల్గొంది. ఈ సందర్భంగా అదనపు కలెక్టర్‌ అశ్విని తానాజీ వాకడే శ్రీనిత్యను ప్రత్యేకంగా అభినందించారు. కళాశాల ప్రిన్సిపాల్‌ కె.రామకృష్ణ, జిల్లా యువజన అధికారి ఎం.తిరుపతి, అడ్వైజరీ కమిటీ చైర్మన్‌ కె.సురేందర్‌రెడ్డి పాల్గొన్నారు.

● టీజీఎఫ్‌ఐ ప్రతినిధులు సిరిసిల్ల: కళాకారుల ఐక్యత, సంక్షేమమే లక్ష్యంగా తెలంగాణ ఫోక్‌ ఇండస్ట్రీ(టీజీఎఫ్‌ఐ)ను ఏర్పాటు చేసినట్లు నిర్వాహకులు తెలిపారు. సిరిసిల్ల కాలేజీ మైదానంలో సోమవారం నిర్వహించిన విలేకరుల సమావేశంలో టీజీఎఫ్‌ఐ అధ్యక్షుడు పత్తిపాటి రమణాకర్‌, ప్రధాన కార్యదర్శి మహ్మద్‌ సత్తార్‌ మాట్లాడారు. తెలుగు ఫోక్‌ అసోసియేషన్‌ ఆధ్వర్యంలో తెలంగాణ ఫోక్‌ ఇండస్ట్రీ ఆవిర్భావ వేడుకలను సిరిసిల్ల పట్టణ కేంద్రంలో పెద్ద ఎత్తున నిర్వహించేందుకు ఏర్పాట్లు చేస్తున్నామన్నారు. రాష్ట్రంలో తొలిసారి వివిధ రంగాలకు చెందిన కళాకారులను ఒకే వేదికపైకి తీసుకొస్తున్నట్లు తెలిపారు. రాష్ట్రంలోని అన్ని జిల్లాల నుంచి కవులు, కళాకారులు, టెక్నీషియన్లు, కెమెరామెన్లు, సినీ రంగంలోని 24 క్రాఫ్ట్‌లకు చెందిన ప్రతినిధులు పెద్ద సంఖ్యలో హాజరవుతున్నారని వివరించారు. సిరిసిల్ల పాత బస్టాండ్‌ నుంచి కళాకారుల భారీ ర్యాలీ ప్రారంభమై సభా వేదిక వరకు కొనసాగుతుందని వెల్లడించారు. ఈ కార్యక్రమంలో ముందుగా నమోదు చేసుకున్న కళాకారులకు వరుస క్రమంలో పాటలు అవకాశం ఇస్తామన్నారు. తెలుగు చిత్ర పరిశ్రమకు ప్రభుత్వం కల్పిస్తున్న రాయితీలు, ప్రోత్సాహకాలను తెలంగాణ ఫోక్‌ ఇండస్ట్రీ కళాకారులకు కూడా అందించాలని డిమాండ్‌ చేశారు. సీనియర్‌ కళాకారులకు నెలవారీ పెన్షన్‌, ఆరోగ్య బీమా సదుపాయం, నిరుపేద కళాకారులకు పక్కా ఇళ్లు, వడ్డీ లేని రుణాలు, సీనియర్‌ కళాకారుల పిల్లలకు ఉచిత విద్య సదుపాయం కల్పించాలని కోరారు. టీజీఎఫ్‌ఐ ప్రతినిధులు దరువు అంజన్న, గజ్వేల్‌ వేణు, జడల రమేశ్‌, ఆకునూరి దేవయ్య, కాపర్తి మల్లికార్జున్‌, మంకాల ప్రసాద్‌, పాత శ్రీధర్‌, చీకోడు నరసింహులు, తేలు విజయ, శిరీష, ఎడమల శ్రీధర్‌రెడ్డి, నక్క శ్రీకాంత్‌యాదవ్‌, నవీన్‌, చిత్తారమ్మ మల్లేశం, శ్రీధర్‌, దుర్గాప్రసాద్‌ తదితరులు పాల్గొన్నారు.

కరీంనగర్‌ అర్బన్‌: ఏళ్ల తరబడి సమస్యల పరిష్కారం కోసం తిరుగుతున్నాం.. ఆశగా రావడం నిరాశగా వెనుదిరగడం తప్పా ప్రయోజనం శూన్యం. మీరైనా సమస్యలపై దృష్టిపెట్టరూ..అంటూ అర్జీదారులు కలెక్టర్‌తో గోడు వెల్లబోసుకున్నారు. సోమవారం కలెక్టరేట్‌లో జరిగిన ప్రజావాణికి ప్రధానంగా భూ సమస్యలు, ఇందిరమ్మ ఇళ్లు, పింఛన్ల అర్జీలు రాగా కలెక్టర్‌ చిత్రామిశ్రా ప్రతీ అర్జీని నిఽశితంగా పరిశీలించారు. మొత్తం 287 అర్జీలు వచ్చాయని ఏవో తెలిపారు. అదనపు కలెక్టర్లు శ్రీనివాస్‌రెడ్డి, అశ్విని తానాజీ, డీఆర్వో స్వామి పాల్గొన్నారు.

● రైతుబీమా కోసం ఎదురుచూపులు ● అప్పుల ఊబిలో అన్నదాత కుటుంబం ● ప్రభుత్వం ఆదుకోవాలని వేడుకోలువీర్నపల్లి: నిరుపేద రైతు మరణంతో ఆ కుటుంబం వీధిన పడింది. ఇంటి బాధ్యతలు, పిల్లల భవిష్యత్తు, వ్యవసాయ పనులు కుటుంబ సభ్యులపై పడ్డాయి. కుటుంబానికి అండగా నిలవాల్సిన వ్యక్తి దూరం కావడంతో ఇద్దరు భార్యలు, ఆరుగురు పిల్లలు దిక్కుతోచని వారయ్యారు. ప్రభుత్వం రైతుబీమా సొమ్ము అందక ఆర్థిక ఇబ్బందుల్లో కొట్టుమిట్టాడుతోంది. రూ.6 లక్షల వరకు ఖర్చు రాజన్నసిరిసిల్ల జిల్లా వీర్నపల్లి మండలం భావుసింగ్‌నాయక్‌తండా పంచాయతీ పరిధిలోని గోల్యనాయక్‌ తండాకు చెందిన బట్టు ధన్‌సింగ్‌ తల్లి లక్ష్మితోపాటు ఇద్దరు భార్యలు సునీత, స్రవంతి, పిల్లలు భారతి, మహిమ, రవి, రాకేశ్‌, ఆకాశ్‌, అలేఖ్యలతో కలిసి ఉండేవాడు. కుటుంబానికి ఉన్న 37 గుంటల భూమిపై ఆధారపడి జీవించసాగారు. ఇందిరమ్మ ఇల్లు మంజూరుకావడంతో రూ.6లక్షల వరకు అప్పు చేసి పనులు చేశారు. కుటుంబానికి ఆధారంగా ఉన్న ధన్‌సింగ్‌ గత నెలలో మృతిచెందడంతో వారు దిక్కులేని వారయ్యారు. రైతుబీమా రూ.5లక్షలు వస్తేనే అప్పుల నుంచి గట్టెక్కుతామని ఆ కుటుంబం పేర్కొంటుంది. పేద కుటుంబానికి అండగా నిలిచి, వారి కష్టాలను తీర్చేందుకు ప్రభుత్వం చొరవ చూపాలని గ్రామస్తులు కోరుతున్నారు.

యైటింక్లయిన్‌కాలనీ: పెద్దపల్లి జిల్లా రామగుండం కార్పొరేషన్‌ యైటింక్లయిన్‌కాలనీకి చెందిన దొడ్ల నర్సమ్మ (90) అనారోగ్యంతో సోమవారం మృతిచెందింది. పుట్టేడు దు:ఖంలో కూడా సమాజ హితం కోసం ఆమె నేత్రాలను దానం చేసేందుకు కుటుంబ సభ్యులు మందుకు రాగా సదాశయ ఫౌండేషన్‌ ఆద్వర్యంలో వాసన్‌ ఐ బ్యాంక్‌ టెక్నీషియన్‌ చందు సహకారంతో నర్సమ్మ నేత్రాలను సేకరించి హైదరాబాద్‌కు తరలించారు. మృతురాలి నేత్రాలను దానం చేసిన కుమారులు, కోడళ్లు కుమారస్వామి–హైమవతి, శ్రీనివాస్‌–వినోద, కుమార్తెలు, రామనమ్మ, జానకమ్మ, మనవళ్లు దినేశ్‌, రవి, మనవరాలు కీర్తనలను ఫౌండేషన్‌ అధ్యక్షుడు శ్రావణ్‌కుమార్‌, జాతీయ ప్రధాన కార్యదర్శి లింగమూర్తి, సంస్థ ప్రతినిధులు, సభ్యులు అభినందించారు.

గరిష్టం/కనిష్టం29.0/26.0మంగళవారం శ్రీ 3 శ్రీ నవంబర్‌ శ్రీ 20267కొత్తపల్లి: మంగళవారం ఉదయం 10 నుంచి 11గంటల వరకు 11కేవీ ఐబీ ఫీడర్‌ పరిధిలోని ఐబీ చౌర స్తా, సర్కస్‌ మైదానం ప్రాంతాల్లో విద్యుత్‌ నిలిపివేస్తున్నట్లు టౌన్‌ 2 ఏడీఈ ఎం.లావణ్య తెలిపారు.జమ్మికుంట: మార్కెట్‌లో క్వింటాల్‌ పత్తి రూ.8,800 పలికింది. సోమవారం 2,038 క్వింటాళ్ల పత్తిని రైతులు తెచ్చారు. మోడల్‌ ధర రూ.8,600, కనిష్ట ధర రూ.8,300కు వ్యాపారులు కొనుగోలు చేశారు.

ఈ ఉత్సవాలను దీపావళి సందర్భంగా ఏటా మా కుటుంబమే ఘనంగా నిర్వహిస్తోంది. వారంపాటు ఉపవాస దీక్షలతో పూజలు చేస్తాం. మా గ్రామానికి ఇతర జిల్లాల నుంచి వచ్చే గిరిజనులకు అన్ని రకాల సదుపాయాలు కల్పిస్తూ సంస్కతి సంప్రదాయాలను కాపాడుతున్నాం. – భీంరావ్‌, ప్రభుత్వ ఉపాధ్యాయుడు, జగన్నాథ్‌పూర్‌ గుస్సాడీతో సమైక్యత దండారీ ఉత్సవాలతో గిరిజనుల్లో సమైక్యత గుస్సాడీ ద్వారా పెంపొందుతుంది. నిర్మల్‌, ఆదిలాబాద్‌ జిల్లాల నుంచి వచ్చినవారు దండారీ సందర్భంగా గుస్సాడీ వేషధారణ ధరిస్తారు. ఇరు గ్రామాల మధ్య సత్సంబంధాలు పెంపొందుతాయి. వివాహ బంధాలకు వేదికగా చేసుకుంటాం – సిడెం భీం, మాజీ సర్పంచ్‌, జగన్నాథ్‌పూర్‌ సంప్రదాయాలను కాపాడుతున్నాం హైటెక్‌ యుగంలో కూడా గిరిజనులు దండారీ ఉత్సవాలతో వారం పాటు ఘనంగా జరుపుకుంటున్నాం. తరతరాల నుంచి వస్తున్న సంప్రదాయాన్ని కాపాడు కుంటూ నేటి తరానికి ఆదర్శంగా నిలుస్తున్నాం. మన ఆచార సాంప్రదాయాలే నేటి యువతకు ఆదర్శం. – పరంచ శంకర్‌, సర్పంచ్‌, జగన్నాథ్‌పూర్‌

ఎక్కువ మంది కోళ్ల పెంపకం అనగానే పౌల్ట్రీ ఫాం అని.. షెడ్డు వేయాలి. దాణా కావాలి. డాక్టర్‌కు చూపించాలి. అది అంతా ఓ పెద్ద కథ అని అనుకుంటారు. అవేమి అవసరం లేకుండానే ఆదాయం పెంచుకోవచ్చని సూచిస్తున్నారు నిపుణులు. చేను వద్ద ఎక్కువసేపు ఉండే రైతులు అక్కడే నాటు కోళ్లను పెంచుకోవచ్చు. ముందుగా ఓ నాలుగైదు నాటుకోళ్లను పెంచుకోవాలి. అవి గుడ్లు పెట్టాక పొదిగిస్తే కనీసం 50 పిల్లలవుతాయి. అక్కడే రెండు, మూడు చిన్న గూడులను కట్టిస్తే సరిపోతుంది. చేనులో పండే ధాన్యం, కాస్త మక్కలు వాటి కోసం కొంచెం పక్కన పెడితే సరిపోతుంది. ఇప్పుడు నాటుకోళ్లకు భలే గిరాకీ ఉంది. ఇష్టమున్నప్పుడు అమ్ముకుంటే చేతిలో డబ్బులుంటాయి. రైతులకు పాలిచ్చే గేదె ఉంటే ఎకరం పొలం ఉన్నట్లే లెక్క అని నిపుణులు చెబుతున్నారు. పెద్దమొత్తంలో డెయిరీ ఫాంలు పెట్టాలంటే ఇబ్బందేమో కానీ రైతులు తమ శక్తికి సరిపడా రెండు, మూడు గేదెలతో కనీసం రూ.30వేలు సులువుగా పాలతో సంపాదించుకోవచ్చు. పంట పొలాల్లోని గడ్డిని తీసుకొచ్చి పాలు పితికే అలవాటుంటే గేదెలు ఆదాయ వనరులుగా పనికొస్తాయి. హోటళ్లలో, చుట్టు పక్కల వారికి పాలు పోస్తే రోజు లేదా నెలవారీగా చేతికి డబ్బులొస్తాయి.

ఉపసర్పంచ్‌కు కత్తిపోట్లుఎల్లారెడ్డిపేట: రాజన్నసిరిసిల్ల జిల్లా ఎల్లారెడ్డిపేట మండలం బండలింగంపల్లి ఉపసర్పంచ్‌ బొడ్డు రాజుపై కత్తిపోట్లు కలకలం రేపాయి. నిందితుడిని పోలీసులు రిమాండ్‌కు తరలించారు. సీఐ ఓదెల వెంకటేశ్‌ తెలిపిన వివరాలు. బండలింగంపల్లి ఉపసర్పంచ్‌ బొడ్డు రాజు టెంట్‌హౌస్‌ నిర్వహిస్తున్నాడు. టెంట్‌హౌస్‌లో పనిచేసే అదే గ్రామానికి చెందిన బొడ్డు నరేశ్‌, జక్కుల మహేశ్‌లతో కలిసి రాజు ఆదివారం అర్ధరాత్రి ఆటోలో వస్తుండగా డీజిల్‌ అయిపోవడంతో అదే గ్రామంలోని కాసరవేణి ఎల్లం ఇంటికి వెళ్లారు. అక్కడే నిల్చున్న వ్యక్తి అకారణంగా వీరితో గొడవకు దిగాడు. ఈక్రమంలోనే ఇంట్లో నుంచి మరో వ్యక్తి అజ్మీర శ్రీను కూరగాయల కత్తితో పరుగెత్తుకుంటూ వచ్చి రాజును పొడిచాడు. తీవ్రరక్తస్రావమైన రాజును వెంటనే మండల కేంద్రంలోని ప్రైవేట్‌ ఆస్పత్రికి తరలించారు. అజ్మీర శ్రీను స్వస్థలం మెదక్‌ జిల్లా శంకరంపేట మండలం మీర్జంపల్లి. బండలింగంపల్లిలో పెయింటింగ్‌ పని చేస్తున్నాడు. బాధితుడి ఫిర్యాదుతో అజ్మీర శ్రీనును అరెస్ట్‌ చేశారు. పేయింటర్‌ దాడిలో గాయపడ్డ రాజును బీఆర్‌ఎస్‌ జిల్లా అధ్యక్షుడు తోట ఆగయ్య, పీఏసీఎస్‌ చైర్మన్‌ గుండారపు కృష్ణారెడ్డి తదితరులు పరామర్శించారు. పేకాట స్థావరంపై దాడికరీంనగర్‌ క్రైం: పేకాట ఆడుతున్న ఆరుగురిని కరీంనగర్‌ వన్‌టౌన్‌ పోలీసులు పట్టుకున్నారు. రామచంద్రాపూర్‌ కాలనీలోని ఓ ఇంటి మొదటి అంతస్తులో పేకాట ఆడుతున్నట్లు సమాచారం అందడంతో సోమవారం సాయంత్రం దాడి చేశారు. ఆరుగురిని పట్టుకుని, రూ.32,340నగదు, ఆరు సెల్‌ఫోన్లు స్వాధీనం చేసుకున్నారు. నిందితులపై చట్టప్రకారం చర్యలు తీసుకుంటామని సీఐ కె.రాంచందర్‌రావు తెలిపారు.

వారం రోజుల షెడ్యూల్‌ ఇదే.. ● మొదటిరోజు గ్రామదేవతలకు మొక్కి పూజలు నిర్వహించి వారంరోజుల పండుగను ప్రారంభిస్తారు. ● రెండోరోజు గిరిజనులు ఒక గ్రామం నుంచి మరో గ్రామానికి వెళ్తారు. ● మూడోరోజు వెళ్లిన గ్రామాల్లో గ్రామ దేవతలకు ప్రత్యేక పూజలు నిర్వహించి గుస్సాడీ నృత్యాలు, మహిళల కోలాటాలతో కోలాహలంగా గడుపుతారు. ● నాలుగో రోజు గ్రామంలోని ఇంటింటికీ మంగళహారతులతో వెళ్లి పూజలు నిర్వహిస్తారు. ● ఐదోరోజు కుల పెద్ద ఇంటి వద్ద ప్రత్యేక పూజలు నిర్వహించి విందు భోజనాలు ఆరగిస్తారు. ● ఆరోరోజు కుల పెద్దకు ఇంటిదేవతను అప్పగిస్తారు. ● ఏడో రోజు దీక్ష విరమణ. రాయికల్‌ : గిరిజనులు తరతరాల నుంచి వచ్చే గుస్సాడీ బంధాన్ని హైటెక్‌ యుగంలోనూ కొనసాగిస్తున్నారు. ఏటా దీపావళి సందర్భంగా గిరిజనులు వారంపాటు గ్రామంలో వేడుక జరుపుకుంటున్నారు. రాయికల్‌ మండలంలోని జగన్నాథపూర్‌, బీర్‌పూర్‌, సారంగాపూర్‌ మండలాల్లోని చిత్రవేణిగూడెంలో ఉత్సవాలను ఘనంగా నిర్వహిస్తున్నారు. నిర్మల్‌ జిల్లా చిట్యాల, ఆదిలాబాద్‌ జిల్లా ఊట్నూరు మండలం నుంచి గిరిజనులు గుస్సాడీ వేషధారణతో జగన్నాథపూర్‌ గ్రామానికి వచ్చి దండారి ఉత్సవాల్లో పాల్గొంటున్నారు. వేషధారణ ప్రత్యేకం గుస్సాడీ వేషధారులు అత్యంత నియమనిష్టలతో ఉంటారు. సంబరాలు ముగిసే వరకు ఒకే దగ్గర ఉంటారు. స్నానం చేయరు. వీరిని దేవతలు ఆవహిస్తారని, చేతిలోని మంత్రదండంతో శరీరాన్ని తాకితే వ్యాధులు నయమవుతాయని గిరిజనులు నమ్ముతారు. గుస్సాడీలను ఆహ్వానించి అతిథి భోజనాలు పెడితే సంతానం కలుగుతుందన్న భరోసా. తలపై నెమలి ఈకలతో తయారు చేసిన కుంటే ధరిస్తారు. డప్పులు, బాజాలు, తుడుం మొదలైన వాయిద్యాల శబ్దాలకు గజ్జెల సవ్వడిని అనుగుణంగా అడుగులు వేస్తూ చేతిలో మంత్రదండాన్ని కదిలిస్తూ.. నృత్యాలు చేస్తారు. నిర్మల్‌, ఆదిలాబాద్‌తోపాటు జిల్లా నుంచి సుమారు 500 మంది గిరిజనులు జగన్నాథ్‌పూర్‌ చేరుకున్నారు. గోండులను కలుపుతున్న దీపావళి వేడుక దశాబ్దాలుగా వస్తున్న గిరిజనుల సంప్రదాయం రాయికల్‌ మండలం జగన్నాథ్‌పూర్‌లో ఉత్సవాలు

కరీంనగర్‌ క్రైం: పోలీసుశాఖలో పదోన్నతి పొందుతున్న అధికారులు పెరిగిన బాధ్యతలను సమర్థవంతంగా నిర్వర్తించేందుకు క్రమశిక్షణ, వృత్తి నైపుణ్యం, సాంకేతిక పరిజ్ఞానాన్ని అలవర్చుకోవాలని సీపీ గౌస్‌ఆలం సూచించారు. ఏఎస్‌ఐ నుంచి ఎస్‌ఐ, ఏఆర్‌ఎస్‌ఐ నుంచి ఆర్‌ఎస్‌ఐ పదోన్నతి పొందనున్న అధికారులకు కరీంనగర్‌ పోలీస్‌ ట్రైనింగ్‌ కళాశాలలో ఏర్పాటు చేసిన ప్రీ ప్రమోషనల్‌ శిక్షణ తరగతులను సోమవారం ప్రారంభించారు. ఈ సందర్భంగా సీపీ మాట్లాడుతూ మారుతున్న నేరాల స్వరూపానికి అనుగుణంగా తమ పరి జ్ఞానాన్ని పెంపొందించుకోవాలన్నా రు. నూతనంగా అమల్లోకి వచ్చిన భారతీయ న్యాయ సంహిత , భారతీయ నాగరిక్‌ సురక్ష సంహిత , భారతీయ సాక్ష్య అధినియం చట్టాలపై సంపూర్ణ అవగాహన కలిగి ఉండాలన్నారు. పీటీసీ ప్రిన్సిపాల్‌, ఏఎస్పీ ఎం.పిచ్చయ్య మాట్లాడుతూ 315 మంది సివిల్‌ ఏఎస్సైలు మూడు నెలల పాటు ఎస్‌ఐ పదోన్నతి శిక్షణ పొందనున్నారన్నారు. వీరి లో 280 మంది పురుషులు, 35మంది మహిళలు ఉన్నారన్నారు. ఏఆర్‌కు చెందిన 59మంది, మొత్తంగా 374 మంది శిక్షణలో పాల్గొంటున్నట్లు వివరించారు. పీటీసీ వైస్‌ ప్రిన్సిపాల్స్‌ మల్లికార్జున్‌, బి.గంగాధర్‌, డీఎస్పీలు పి.శివరామయ్య, జి.విజయపాల్‌రెడ్డి, బి.నారాయణ, కె.నాగేశ్వరరావు పాల్గొన్నారు.

రైతులు తమ వ్యవసాయభూమిలో కొంత భాగంలో తప్పకుండా కూరగాయలకు ప్రాధాన్యతనివ్వాలి. పావు ఎకరంలో నాలుగైదు రకాల కూరగాయలు సాగు చేస్తే ఆరు నెలల పాటు దిగుబడి వస్తుంది. తెంపి అమ్ముకుంటే ప్రతిసారి రూ.500 వరకు వస్తాయి. సమయానుకూలంగా టమాటా, మిర్చి, వంకాయ వంటి నారు పోయాలి. మెంతి, కొత్తిమీరతో ఎంతో లాభం. ఎక్కడ కాస్త స్థలం ఉన్నా వాటిని సాగు చేయాలి. వరి, మొక్కజొన్నను రెండు ఎకరాల్లో సాగు చేస్తే ఎంత డబ్బులొస్తాయో పావు ఎకరం కూరగాయల సాగుతో అంతకన్నా ఎక్కువ ఆదాయం గడించొచ్చని శాస్త్రవేత్తలు చెబుతున్నారు.

● రద్దీ ప్రాంతాల నుంచి ద్విచక్ర వాహనాల చోరీ ● ఆందోళన చెందుతున్న వాహనదారులు జగిత్యాలక్రైం: జగిత్యాల జిల్లాలో వరుసగా ద్విచక్ర వాహనాలు దొంగలు చోరీకి పాల్పడుతున్నారు. జగిత్యాల, మెట్‌పల్లి, కోరుట్ల, రాయికల్‌, ధర్మపురి మున్సిపాలిటీలతోపాటు, మండల కేంద్రాల్లో రద్దీగా ఉండే ప్రాంతాల్లో పార్కింగ్‌ చేసిన ద్విచక్రవాహనాలను ఎత్తుకెళ్తున్నారు. పార్కింగ్‌ చేసిన వాహనాలపై నిఘా పెట్టి చోరీలకు పాల్పడుతున్నారు. రద్దీ ప్రాంతాల నుంచి.. పట్టణాల్లో ప్రధానంగా కళాశాలలు, బస్టాండ్లు, షాపింగ్‌మాల్స్‌, కూరగాయల మార్కెట్లు, వ్యాపార సముదాయాల వద్ద పార్కింగ్‌ చేసి హ్యాండిల్‌ లాక్‌ చేస్తున్నా దొంగలు వాటిని చాకచక్యంగా లాక్‌ తొలగించి వాహనాలను ఎత్తుకెళ్తున్నారు. చోరీ చేసిన ద్విచక్రవాహనాలను విడిభాగాలుగా చేసి విక్రయించుకుని సొమ్ము చేసుకుంటున్నారు. సీసీ కెమెరాలున్నా.. పట్టుబడని దొంగలు జిల్లావ్యాప్తంగా షాపింగ్‌మాల్స్‌, కళాశాలల వద్ద సీసీకెమెరాలు ఉన్నా దొంగతనం చిత్రాలు సీసీ కెమెరాల్లో రికార్డు అవుతున్నా పోలీసులకు పట్టుబడటం లేదు. పోలీసులకు ద్విచక్ర వాహనదారులను పట్టుకోవడం సవాల్‌గా మారింది. వారం క్రితం జగిత్యాల పట్టణానికి చెందిన భీమయ్య కొత్తబస్టాండ్‌లో బైక్‌ను పార్క్‌ చేసి బయటకు వచ్చే సరికి గుర్తుతెలియని దొంగలు ఎత్తుకెళ్లారు. గత నెల 27న ధర్మపురి పట్టణానికి చెందిన శ్రీనివాస్‌ తన ఇంటి ముందు ద్విచక్రవాహనం పార్క్‌ చేసి కొద్దిసేపటి తర్వాత వచ్చి చూసేసరికి గుర్తుతెలియని దొంగలు ఎత్తుకెళ్లారు. జగిత్యాల పట్టణానికి చెందిన ఓ న్యాయవాది గతనెల 24న మినీస్టేడియం ముందు పార్క్‌ చేసి వాకింగ్‌కు వెళ్లి తిరిగి వచ్చేసరికి గుర్తుతెలియని దొంగలు ద్విచక్ర వాహనాన్ని ఎత్తుకెళ్లారు.

కోరుట్ల: పట్టణంలోని ఓ బీఈడీ కళాశాలలో ఫీజు విషయమై విద్యార్థులు సోమవారం ఆందోళనకు దిగారు. విద్యార్థుల కథనం ప్రకారం.. రెండేళ్ల బీఈడీ కోర్సులో మేనేజ్‌మెంట్‌ కోటా కింద ఫస్టియర్‌ ఫీజు అడ్వాన్స్‌గా చెల్లించి సదరు కళాశాలలో చేరారు. రెండో సంవత్సరం మూడో సెమిస్టర్‌లో ప్రస్తుతం టీచింగ్‌ ప్రాక్టీస్‌ కోసం ఫస్టియర్‌ రికార్డులు అడగగా.. యాజమాన్యం ఫస్టియర్‌ ఫీజు చెల్లించాలని పేర్కొంది. తాము కళాశాలలో చేరినప్పుడే ఫస్టియర్‌ ఫీజు రూ.1.20లక్షలు చెల్లించామని స్పష్టం చేశారు. యాజమాన్యం మాత్రం తమకు ఫీజు ఇప్పటి వరకు ముట్టలేదని, ఫీజు చెల్లిస్తేనే రికా ర్డులు ఇస్తామనడంతో 40 మంది విద్యార్థులు ఆందోళన వ్యక్తం చేస్తున్నారు. కళాశాల యాజమాన్య నిర్లక్ష్యం ఫలితంగా తమ భవిష్యత్తు గందరగోళంలో పడిందని ఆందోళన చెందుతున్నారు. ఉన్నతాధికారులు జోక్యం చేసుకుని తమకు న్యాయం జరిగేలా చూడాలని విద్యార్థులు కోరుతున్నారు. మేనేజ్‌మెంట్‌ కోటా విద్యార్థుల ఆందోళన

జగిత్యాలక్రైం: ఉన్న ఊరులో ఉపాధి లేక విదేశాలకు వెళ్లి ఎంతోకొంత సంపాదించుకోవాలన్న వారి కోరిక ఏజెంట్ల మోసాలతో ఎడారిగా మారింది. రూ.లక్షలు పెట్టి మోసపోయి నానా ఇబ్బందులు ఎదుర్కొంటున్నారు. ఇజ్రాయిల్‌లో పని కల్పిస్తామని కొంతమంది ఏజెంట్లు కరీంనగర్‌, జగిత్యాల, నిజామాబాద్‌, నిర్మల్‌, మంచిర్యాల, ఆదిలాబాద్‌, సిద్దిపేట జిల్లాలకు చెందిన వందలాది మంది నిరుద్యోగుల నుంచి నెల రోజుల క్రితం పాస్‌పోర్టులు తీసుకున్నారు. ఒక్కొక్కరి నుంచి రూ.5 నుంచి రూ.9 లక్షల వరకు వసూలు చేశారు. కొంతమంది ఏజెంట్లు ముందే డబ్బులు తీసుకున్నారు. ఇజ్రాయిల్‌ నుంచి 60 మంది తిరిగిరాక ఏజెంట్లు వీరికి ఇజ్రాయిల్‌లో ఎంప్లాయిమెంట్‌ వీసా కల్పిస్తామని నమ్మించి వారి నుంచి డబ్బులు వసూలు చేసి 60 మందికి విజిట్‌ వీసాలు ఇచ్చారు. వీరంతా నెల క్రితం ముంబయ్‌ ఎయిర్‌పోర్టు నుంచి జోర్డన్‌ వెళ్లారు. అక్కడి నుంచి బస్సులో టెల్‌అవివ్‌ నగరానికి చేరుకుని ఓ హోటల్‌లో బస చేశారు. గైడ్‌ నిఘాతో వాపస్‌ వచ్చిన కార్మికులు అక్కడకు వెళ్లగానే కంపెనీ వారు వచ్చి టెల్‌అవివ్‌ హోటల్‌ నుంచి తీసుకెళ్లి ఉద్యోగం చూపిస్తారని ఇక్కడి ఏజెంట్లు చెప్పారు. రోజులు గడుస్తున్నా.. ఎవరూ రాకపోవడంతో హోటల్‌ నుంచి బయటకు రాగా.. అక్కడి గైడ్‌ గమనించి హోటల్‌ యజమానులకు సమాచారం అందించాడు. వెంటనే అక్కడి పోలీసులు వీరందరికీ పట్టుకుని తిరిగి ముంబయ్‌కి పంపించారు. స్వగ్రామానికి చేరుకున్న వీరంతా తమ డబ్బులు తమకు చెల్లించాలని ఏజెంట్లపై ఒత్తిడి పెంచారు. అప్పటినుంచి ఏజెంట్లు ఫోన్లు స్విచ్ఛాఫ్‌ చేసుకుని పరారీలో ఉన్నట్లు సమాచారం.

గొల్లపల్లి: నిన్నటిదాకా కళ్లముందు తిరిగిన ఆ యువకుడిని డెంగీ బలి తీసుకుంది. స్థానికుల కథనం ప్రకారం.. జగిత్యాల జిల్లా గొల్లపల్లి మండలం చందోలికి చెందిన పిట్టల రమేశ్‌(30) ప్రాథమిక వ్యవసాయ సహకార సంఘంలో చిరుద్యోగిగా పనిచేస్తున్నాడు. ఆయనకు భార్య, కుమారుడు, కూతురు ఉన్నారు. గత నెల 25న తీవ్ర జ్వరం రావడంతో కుటుంబసభ్యులు జగిత్యాలలోని ప్రైవేట్‌ ఆసుపత్రికి తరలించారు. నయం కాకపోవడంతో అక్టోబరు 30న రక్తపరీక్షలు చేయించగా డెంగీగా నిర్ధారణ అయింది. ప్లేట్‌లెట్లు పడిపోయి పరిస్థితి విషమించడంతో 31న కరీంనగర్‌లోని ఓ ప్రైవేట్‌ ఆసుపత్రికి తరలించారు. పరిస్థితి ఆందోళనకరంగా ఉందని అక్కడి వైద్యులు చెప్పడంతో అదేరోజు అర్ధరాత్రి హైదరాబాద్‌లోని ఓ కార్పొరేట్‌ ఆసుపత్రికి తీసుకెళ్లారు. అక్కడ చికిత్స పొందుతుండగానే మెదడులో రక్తస్రావం (బ్రెయిన్‌ బ్లీడింగ్‌) కావడంతో పరిస్థితి మరింత చేయిదాటింది. రెండు రోజులపాటు వైద్యులు తీవ్రంగా శ్రమించినప్పటికీ శరీరం సహకరించకపోవడంతో మృతిచెందాడు. అప్పుల పాలైనా దక్కని ప్రాణం రమేశ్‌ ప్రాణం ఎలాగైనా నిలబెట్టుకోవాలని కుటుంబసభ్యులు తాపత్రయపడ్డారు. ఆసుపత్రుల చుట్టూ తిరుగుతూ వైద్యచికిత్సల కోసం సుమారు రూ.4.50 లక్షల వరకు వెచ్చించారు. చేతిలో చిల్లిగవ్వ లేకపోవడంతో బంధువులు, స్నేహితులు కొంతవరకు ఆర్థికసాయం అందించగా.. మిగిలిన మొత్తాన్ని అధిక వడ్డీలకు అప్పుగా తెచ్చి ఆసుపత్రులకు చెల్లించారు. అప్పుల పాలైనా తమ కళ్లముందు బిడ్డ ప్రాణాలతో తిరిగొస్తాడని ఆశించిన ఆ పేద కుటుంబానికి చివరకు శోకమే మిగిలింది. కన్నీటి సంద్రంలో చందోలి.. రమేశ్‌ మృతదేహం స్వగ్రామమైన చందోలికి చేరుకోవడంతో గ్రామంలో విషాదఛాయలు అలుముకున్నాయి. భర్త శవంపై పడి భార్య లాస్య పెట్టిన రోదనలు స్థానికుల హృదయాలను పిండేశాయి. తండ్రి ఇక లేడన్న విషయం తెలియక అమాయకంగా చూస్తున్న కొడుకు, కూతురును చూసి గ్రామస్తులు కన్నీరుమున్నీరయ్యారు. సంపాదించే వ్యక్తి అర్ధంతరంగా తనువు చాలించడంతో అప్పుల ఊబిలో చిక్కుకున్న ఆ అభాగ్య కుటుంబాన్ని ప్రభుత్వం, ప్రజాప్రతినిధులు పెద్ద మనసుతో ఆదుకోవాలని గ్రామస్తులు వేడుకుంటున్నారు. ఆస్పత్రులు తిరిగినా దక్కని ప్రాణం మెదడులో బ్లీడింగ్‌తో యువకుడి మృతి రూ.4.50లక్షలు అప్పు చేసి వైద్యం అందించినా దక్కని ప్రాణం

తిమ్మాపూర్‌: మండలంలోని వచ్చునూర్‌ గ్రామంలో ఓ వృద్ధురాలు అనుమానాస్పద స్థితిలో చనిపోయింది. స్థానికుల వివరాల ప్రకకారం గ్రామానికి చెందిన ఉప్పులేటి లచ్చవ్వ(65) ఓ రేకులషెడ్డులో నివసిస్తోంది. ఆదివారం రాత్రి నిద్రపోయిన ఆమె సోమవారం ఉదయం బయటకు రాలేదు. ఇంటి వెనుక ఉండే కొడుకు, కుటుంబసభ్యులు వచ్చి చూసేసరికి మంచంలోని చనిపోయి ఉంది. సీఐ అనిల్‌, ఎస్‌ఐ అరుణ్‌ గ్రామానికి చేరుకుని విచారించారు. పోస్టుమార్టం కోసం కరీంనగర్‌ ప్రభుత్వాసుపత్రికి తరలించారు. మృతదేహంపై బంగారం కనిపించకపోవడంతో బంగారం దోచుకుని హత్య చేసినట్లు అనుమానాలు వ్యక్తమవుతున్నాయి. హత్య జరిగిందా ఇంకేమైనా కారణముందా అనే కోణంలో పోలీసులు విచారిస్తున్నారు. అనుమానాస్పద మృతిగా కేసు నమోదు చేసుకుని ఎల్‌ఎండీ పోలీసులు దర్యాప్తు చేస్తున్నారు. చికిత్స పొందుతూ వ్యక్తి..వీణవంక: మండలంలో కిష్టంపేట గ్రామానికి చెందిన బోయిని రాయమల్లు(55) చెట్టు కొమ్మలు కొడుతూ జారి పడగా చికిత్స పొందుతూ చనిపోయాడు. పోలీసుల వివరాల ప్రకారం.. గత నెల 31న మధునయ్య టేకు కొమ్మలు కొట్టేందుకు కూలీ పనికి వెళ్లాడు. కొమ్మలు కొడుతూ కాలుజారి కిందపడ్డాడు. తలకు తీవ్ర గాయాలు కావడంతో కరీంనగర్‌ ఆసుపత్రికి తరలించారు. పరిస్థితి విషమించి ఈ నెల 1న మృతి చెందాడు. మృతుడి కొడుకు కుమార్‌ ఫిర్యాదు మేరకు దర్యాప్తు చేస్తున్నట్లు ఎస్సై ఆవుల తిరుపతి తెలిపారు. చేపల వేటకు వెళ్లి ఒకరు..గన్నేరువరం: చేపలవేటకు వెళ్లి ఒకరు మృతి చెందారు. గన్నేరువరం చెందిన రంగనవేని మల్లయ్య (65)సోమవారం ఊరచెరువు కింద ఉన్న ఒర్రె ప్రాంతంలో చేపలు పట్టేందుకు వెళ్లాడు. సాయంత్రం అయినా ఇంటికి రాకపోవడంతో కుటుంబసభ్యులు చేపలు పట్టే ఒర్రె ప్రాంతంలోకి వెళ్లి గాలించగా నీటిలో మృతి చెంది కనిపించాడు. సమాచారం అందుకున్న పోలీసులు ఘటన స్థలానికి చేరుకుని వివరాలు సేకరించారు. మృతునికి భార్య, ఇద్దరు కూతుళ్లు, ఇద్దరు కుమారులు ఉన్నారు.

● పాటల పల్లకిలో సిరిసిల్ల ● నేడు తెలంగాణ ఫోక్‌ ఇండస్ట్రీ ఆవిర్భావ వేడుకలు ● తరలివస్తున్న రెండు వేల మంది కళాకారులు ఆర్కెస్ట్రా నుంచి యూట్యూబ్‌ ఆల్బమ్‌ల దాకా.. సిరిసిల్లలో ఆర్కెస్ట్రా బృందాలే కాదు.. యూట్యూబ్‌లో ఆల్బమ్‌లను తీర్చిదిద్దే సంగీత దర్శకులు, సాంకేతిక పరిజ్ఞానం ఉన్న టెక్నీషియన్లు ఉన్నారు. కార్మికక్షేత్రంలో పురుడు పోసుకున్న పాటలెన్నో ఎల్లలు దాటి ప్రఖ్యాతిగాంచాయి. ‘బలగం’ సినిమాలో ‘హరి హరి రాఘవులే.. అయ్యే బాలి బాలి’ అంటూ.. ఆ సినిమా దర్శకుడు యెల్దండి వేణు రాగం ఎత్తితే... ప్రేక్షకులు కన్నీరు పెట్టారు. ‘కమ్మనైన అమ్మ పాట వింటే ఎంత మధురమో..’ అంటూ.. జీ.ఎల్‌.నాందేవ్‌ అందించిన సంగీతం ప్రతి ఒక్కరి హృదయాలను బరువెక్కించింది. ‘అమ్మ నేను బోతున్న లంకలోనికి.. సీతమ్మ జాడ తేవడానికి’ అంటూ.. జడల రమేశ్‌ అందుకున్న గానం ఎల్లలు దాటింది. ‘ఏమే పిల్లా అన్నప్పుడల్లా.. గుచ్చే పూల బాణాలు..’ అంటూ శిరీష జానపదానికి మహిళాలోకం పట్టం కట్టింది. కోనరావుపేట మండలం మరిమడ్లకు చెందిన మాట్ల తిరుపతి రాసిన పాటలు సాహిత్యకారులను మన్ననలు పొందాయి. సినారె బాటలో.. రాజన్న సిరిసిల్ల జిల్లా ప్రాంతంలోని సంగీత దర్శకులు, గాయనీ, గాయకులు సంగీతం ప్రపంచంలో తమదైన ముద్ర వేస్తున్నారు. జ్ఞానపీఠ అవార్డు గ్రహీత డాక్టర్‌ సి.నారాయణరెడ్డి.. ‘నన్ను దోచుకుందువటే.. వన్నెల దొరసాని’ అంటూ మొదలుపెట్టిన పాటల ప్రపంచంలో ఎందరో యువరచయితలు తమదైన శైలితో దూసుకెళ్తున్నారు. ‘వద్దంటే ఎములాడ పోతాను అంటవే.. పొల్లగాని గుండు ఆడ గీకిత్తనంటవే’ అంటూ.. సుద్దాల బాలయ్య చేసిన గానం ఇప్పటికీ మార్మోగుతూనే ఉంది. సిరిసిల్ల ప్రాంత కళాకారులు పది కాలాలపాటు గుర్తుండిపోయే పాటలకు పురుడు పోయగా.. ఇక్కడి జనం పాటకు పల్లకీ కట్టి గౌరవించారు. సిరిసిల్ల: తెలంగాణ మట్టి జానపదాల తొట్టి. రోజురోజుకు జానపద సాహిత్యం సంగీత సామ్రాజ్యాన్ని ఏలుతోంది. భక్తి.. భుక్తి.. ఉద్యమశక్తిగా నిలిచింది పల్లెపాట. సినిమా పాటలైనా.. లలిత సంగీతమైనా.. విషాద గీతమైనా.. పాటల పల్లకీలో జానపదం ఊరేగుతోంది. జానపదాల పూదోటలో వికసించిన కళాకారులు నేడు వస్త్రోత్పత్తి ఖిల్లాలో కలుసుకుంటున్నారు. పల్లెపాటకు పల్లకీ పడుతున్నారు. రెండు వేల మంది కళాకారులు మంగళవారం సాయంత్రం సిరిసిల్లలోని జూనియర్‌ కాలేజీ గ్రౌండ్‌ వేదికగా జానపద పాటలకు పట్టం కడుతున్నారు. రాష్ట్రంలోని సంగీత కళాకారులు ఏకమై తెలంగాణ ఫోక్‌ ఇండస్ట్రీ ఆవిర్భావ తొలి వేడుకలను నిర్వహిస్తున్న సందర్భంగా ‘సాక్షి’ ప్రత్యేక కథనం.

కరీంనగర్‌ సిటీ/కొత్తపల్లి(కరీంనగర్‌): శాతవాహన యూనివర్సిటీలో ఆదివారం ఆత్మహత్య చేసుకున్న చంద్రకళ(30) మృతికి ప్రేమ వేధింపులే కారణమని పోలీసులు తేల్చారు. ఇందుకు కారణమైనట్లు ఆరోపణలు ఎదుర్కొంటున్న నిందితుడిని కొత్తపల్లి పోలీసులు అరెస్ట్‌ చేసి రిమాండ్‌కు తరలించారు. సీఐ బిల్లా కోటేశ్వర్‌ వివరాల ప్రకారం.. రంగారెడ్డి జిల్లా షాద్‌నగర్‌కు చెందిన దక్కలి చిన్నయ్య, లక్ష్మమ్మ దంపతుల మూడో కుమార్తె చంద్రకళ (30) కరీంనగర్‌లోని శాతవాహన విశ్వవిద్యాలయంలో ఎల్‌ఎల్‌బీ ద్వితీయ సంవత్సరం చదువుతోంది. ఉద్యోగం కోసం హెదరాబాద్‌లో కోచింగ్‌ తీసుకుంటున్న సమయంలో మంచిర్యాల జిల్లా శ్రీరాంపూర్‌కు చెందిన గజ్జల హరికృష్ణతో పరిచయం ఏర్పడి ప్రేమగా మారింది. చంద్రకళను వివాహం చేసుకుంటానని రెండేళ్లుగా నమ్మిస్తూ వస్తున్నాడు. కొంతకాలం తర్వాత పెళ్లికి నిరాకరించడమే కాకుండా, శారీరకంగా, మానసికంగా వేధిస్తున్నాడు. ఆదివారం ఉదయం ఇద్దరి మధ్య ఫోన్లో గొడవ జరిగింది. ‘నువ్వు చస్తే మరో అమ్మాయిని పెళ్లి చేసుకుంటా’ అని హరికృష్ణ వేధించడంతో చంద్రకళ తాను ఉంటున్న వసతిగృహంలోని గదిలో మధ్యాహ్నం 2.30 గంటల సమయంలో ఫ్యాన్‌కు ఉరేసుకుని ఆత్మహత్య చేసుకుంది. మృతదేహనికి సోమవారం పోస్టుమార్టం నిర్వహించి, కుటుంబసభ్యులకు అప్పగించారు. విద్యార్థి, దళిత సంఘాల నిరసన చంద్రకళ కుటుంబానికి న్యాయం చేయాలని పలు విద్యార్థి, పౌరహక్కులు, దళిత సంఘాల నాయకులు ఆస్పత్రికి చేరుకుని ధర్నాకు దిగారు. యూనివర్సిటీలో తరగతులు బహిష్కరించారు. విద్యార్థి కుటుంబానికి రూ.50లక్షల ఎక్స్‌గ్రేషియా, ఒకరికి ఉద్యోగం ఇవ్వాలని, నిర్లక్ష్యంగా వ్యవహరించిన వార్డెన్లను సస్పెండ్‌ చేయాలని డిమాండ్‌ చేశారు. విషయం తెలుసుకున్న ఎస్‌యూ వీసీ ఉమేశ్‌కుమార్‌, రిజిస్ట్రార్‌ సతీశ్‌ కుమార్‌ ఆస్పత్రికి చేరుకుని మృతురాలి తల్లిదండ్రులను ఓదార్చారు. ఆందోళన చేస్తున్న విద్యార్థి, దళిత సంఘాల నాయకులతో మాట్లాడారు. చంద్రకళ కుటుంబానికి రూ.4లక్షల ఎక్స్‌గ్రేషియా, కుటుంబంలో ఒకరికి ఔట్‌సోర్సి ంగ్‌ ఉద్యోగం ఇస్తామని హమీ ఇచ్చారు. తక్షణసాయంగా రూ.1.50 లక్షలు అందించారు. ఆందోళన చేసినవారిలో దళిత లిబరేషన్‌ ఫ్రంట్‌ రాష్ట్ర ప్రధాన కార్యదర్శి మర్వాడి సుదర్శన్‌, పౌరహక్కుల సంఘం రాష్ట్ర సహయ కార్యదర్శి కుమారస్వామి, పౌరహక్కుల సంఘం ఉమ్మడి జిల్లా అధ్యక్షుడు లక్ష్మణ్‌, విరసం ఉమ్మడి జిల్లా కన్వీనర్‌ రాజయ్య, శాతవాహన యూనివర్సిటీ విద్యార్థి సంఘం నాయకుడు కరికె మహేశ్‌, ఎస్‌ఎఫ్‌ఐ జిల్లా అధ్యక్షుడు అరవింద్‌, ఏఐఎస్‌ఎఫ్‌ శాతవాహన యూనివర్సిటి కన్వీనర్‌ వరుణ్‌ శివాజీ తదితరులు ఉన్నారు. కనిపించని వార్డెన్లు, ఇన్‌చార్జిలు వసతిగృహంలో ఆత్మహత్య చేసుకున్న చంద్రకళ మృతదేహాన్ని చూసేందుకు హెచ్‌వోడీలు, వార్డెన్లు, కేర్‌టేకర్లు రాకపోవడం బాధకరమని పలువురు విద్యార్థులు వాపోయారు. ఎస్‌యూ మహిళా వసతిగృహంలో సుమారు 400 మందికి పైగా విద్యార్థినులు ఉంటారు. వీరి పర్యవేక్షణకు ఇద్దరు వార్డెన్లు, ఒక కేర్‌టేకర్‌ ఉన్నారు. నిరంతరం విద్యార్థులకు అందుబాటులో ఉండాల్సిన వార్డెన్లు కంటికి కూడా కనిపించరని విద్యార్థులు చెబుతున్నారు. నెలలో ఒకటి రెండుసార్లు మాత్రమే వచ్చి వెళ్తారని ఆరోపిస్తున్నారు. చంద్రకళ ఆత్మహత్య విషయంలో వార్డెన్లు, కేర్‌ టేకర్ల పర్యవేక్షణ లోపం కూడా ఉందని పేర్కొంటున్నారు. హాస్టల్‌లో విద్యార్థినుల ప్రవర్తనపై తప్పనిసరిగా దృష్టి సారించేలా ఎస్‌యూ అధికారులు చర్యలు తీసుకోవాలని కోరుతున్నారు.

కరీంనగర్‌క్రైం: గ్రామీణ ప్రజలకు న్యాయ సేవలను మరింత చేరువ చేయడంతో పాటు, ఉచిత న్యాయసాయంపై అవగాహన కల్పించి, లోక్‌ అదాలత్‌ ద్వారా కేసులను సత్వరమే పరి ష్కరించేందుకు సంచార లోక్‌ అదాలత్‌, ఉచిత న్యాయ సేవల వాహనం అందుబాటులోకి వచ్చింది. సోమవారం జిల్లా కోర్టు ఆవరణలో ప్రధాన న్యాయమూర్తి ఎస్‌.శివకుమార్‌ జెండా ఊపి ప్రారంభించారు. రాష్ట్ర న్యాయ సేవాధికార సంస్థ అందించిన ఈ వాహనం ద్వారా కరీంనగర్‌, జగిత్యాల, రాజన్న సిరిసిల్ల, పెద్దపల్లి, సిద్దిపేట జిల్లాల్లో న్యాయ సేవలు అందించనున్నారు. ప్రతి నెలా ఒక్కో జిల్లాలో విస్తృతంగా పర్యటిస్తూ గ్రామీణ ప్రాంతాల్లో న్యాయ చైతన్య సదస్సులు నిర్వహించనున్నా రు. ఈ వాహనం గ్రామాల్లోని ప్రధాన కూడళ్లకు చేరుకుని వీడియో ప్రదర్శనల ద్వారా న్యా య సేవాధికార సంస్థ పనితీరు, ఉచిత న్యాయసాయం పొందే హక్కు, లోక్‌ అదాలత్‌ ప్రయోజనాలను వివరించనుంది. తద్వారా ప్రజలకు సులభంగా న్యాయం అందించడమే లక్ష్యమని జిల్లా న్యాయ సేవాధికార సంస్థ కార్యదర్శి, న్యాయమూర్తి యశ్వంత్‌ సింగ్‌ తెలిపారు. హామీలు అమలు చేయకుంటే పోరాటమేహుజూరాబాద్‌: రిటైర్డ్‌ ఉద్యోగులకు రాష్ట్ర ప్రభుత్వం ఇచ్చిన హామీలు అమలు చేయకుండా నిర్లక్ష్యం చేస్తోందని, దీర్ఘకాలిక సమస్యలను తక్షణమే పరిష్కరించకపోతే పోరాటానికి సిద్ధమవుతామని ప్రభుత్వ రిటైర్డ్‌ ఉద్యోగుల సంఘం రాష్ట్ర అధ్యక్షుడు పేరి వెంకట్‌రెడ్డి హెచ్చరించారు. సోమవారం హుజూరాబాద్‌లో మా ట్లాడుతూ పీఆర్సీని ఇప్పటివరకు ప్రకటించకపోవడం బాధాకరమన్నారు. ఉద్యోగవిరమణ చేసినవారికి అందాల్సిన బెనిఫిట్స్‌ పెండింగ్‌లో ఉండటంతో ఆర్థిక ఇబ్బందులు ఎదుర్కొంటున్నారని ఆవేదన వ్యక్తం చేశారు. అనారోగ్య సమస్యలతో బాధపడుతున్న రిటైర్డ్‌ ఉద్యోగులకు హెల్త్‌ కార్డులు పూర్తిస్థాయిలో ఉపయోగపడేలా చర్యలు తీసుకోవాలని కోరారు. సంఘం రాష్ట్ర ప్రధాన కార్యదర్శి ఎండీ ఉస్మాన్‌ భాషా, జిల్లా ప్రధాన కార్యదర్శి జాలి మ హేందర్‌రెడ్డి, నాయకులు గంజి జయవర్ధన్‌, నరెడ్ల రాజమణి, గోపాల్‌రావు పాల్గొన్నారు. బీజేపీ పాలకవర్గ అవినీతిపై సంజయ్‌ సమాధానం చెప్పాలికరీంనగర్‌ టౌన్‌: నగరపాలక సంస్థలో బీజేపీ మేయర్‌, డిప్యూటీ మేయర్‌, కార్పొరేటర్లపై వస్తున్న అవినీతి ఆరోపణలపై కేంద్ర హోంశాఖ సహాయ మంత్రి బండి సంజయ్‌ ప్రజలకు సమాధానం చెప్పాలని బీఆర్‌ఎస్‌ నగర అధ్యక్షుడు చల్ల హరిశంకర్‌ డిమాండ్‌ చేశారు. సోమవారం మంకమ్మతోటలోని మీకోసం కార్యాలయంలో మాట్లాడుతూ బీజేపీ పాలకవర్గ సభ్యులు అవినీతికి పాల్ప డితే బ్లాక్‌లిస్టులో పెడతానని బండి సంజయ్‌ చేసిన వ్యాఖ్యలే అనుమానాలకు తావిస్తున్నాయని అన్నారు. జనరల్‌ ఫండ్‌, యూఏడీఎఫ్‌ నిధులు కలిపి సుమారు రూ.100 కోట్లు ఖర్చు చేసినట్లు చెబుతున్నా క్షేత్రస్థాయిలో అభివృద్ధి కనిపించడం లేదన్నారు. బీజేపీ కార్పొరేటర్లు ప్రాతినిథ్యం వహిస్తున్న డివిజన్లలో భవన నిర్మాణ అనుమతుల విషయంలో డబ్బులు డిమాండ్‌ చేస్తున్నారనే ఆరోపణలు ఉన్నాయని తెలిపారు. గత ఎనిమిది నెలల 15 రోజుల్లో జారీ చేసిన అనుమతుల వివరాలను పరిశీలించి, భవన యజమానులను విచారించాలని సూచించారు. పార్టీ నగర ప్రధాన కార్యదర్శి గడ్డం ప్రశాంత్‌రెడ్డి, అనూప్‌కుమార్‌, ఆరె రవి పాల్గొన్నారు. కరీంనగర్‌క్రైం: కమిషనరేట్‌ పరిధిలో శాంతిభద్రతల పరిరక్షణ దృష్ట్యా సభలు, సమావేశాలు, ర్యాలీల నిర్వహణకు పోలీసుల అనుమతి తప్పనిసరిగా పొందాలని సీపీ గౌస్‌ ఆలం తెలిపారు. డీజేల వినియోగం, డ్రోన్లు, పారాగ్లైడర్ల వినియోగంపై నిషేధాజ్ఞలను ఈ నెల 30 వరకు పొడిగించారు. నిబంధనలు ఉల్లంఘించిన వారిపై చట్టపరమైన చర్యలు తీసుకుంటామని సీపీ హెచ్చరించారు.

కోల్‌సిటీ: గర్భం దాల్చిన నాటి నుంచి ప్రసవం వరకు ఓ తల్లికి పోషకాహార లోటు లేకుండా అండగా నిలిచింది గోదావరిఖనికి చెందిన నీడ స్వచ్ఛంద సేవా సంస్థ. సంస్థ దత్తత తీసుకున్న స్థానిక ఇంది రానగర్‌కు చెందిన నిరుపేద గర్భిణి జమున పండంటి మగబిడ్డకు జన్మనివ్వడంతో ఆ కుటుంబంలో ఆనందం వెల్లివిరిసింది. గర్భధారణ సమయం నుంచి తొమ్మిది నెలలపాటు పౌష్టికాహారం, పండ్లు, తృణధాన్యాలను సంస్థ అందించింది. ఈ సేవ కు దేవులపల్లి సురేశ్‌–శ్వేత దంపతులు మొదటి దాతలుగా, యూనియన్‌ బ్యాంకు ఉద్యోగి షేక్‌ కరీముల్లా రెండో దాతగా ఆర్థికసాయం అందించారు. సోమవారం చిన్నారి జన్మించిన 21వ రోజు సందర్భంగా నిర్వహించిన కార్యక్రమంలో నీడ ప్రాజెక్టు ఇన్‌చార్జి, యూనియన్‌ బ్యాంకు ఉద్యోగి ఎస్‌.కరుణ్‌కుమార్‌ చిన్నారికి దుస్తులు, తల్లికి పండ్లు అందజేశారు. ఈ సందర్భంగా జమున, ఆమె తల్లి దాతలకు కృతజ్ఞతలు తెలిపారు. సంస్థ అధ్యక్షుడు రమేశ్‌గౌడ్‌, ప్రతినిధి సాయి పాల్గొన్నారు. నితిన్‌ నబీన్‌ పర్యటన వాయిదాకరీంనగర్‌: బీజేపీ జాతీయ అధ్యక్షుడు నితిన్‌ నబీన్‌ కరీంనగర్‌ పర్యటన వాయిదా పడింది. దీపావళి ముగిసిన వెంటనే కరీంనగర్‌లో పర్యటిస్తానని నితిన్‌ నబీన్‌ స్పష్టం చేశారు. కరీంనగర్‌లో నిర్వహించతలపెట్టిన ‘మహా పాదయాత్ర’కు స్వయంగా హాజరవుతానని పేర్కొన్నారు. ఈ సందర్భంగా బీజేపీ జిల్లా అధ్యక్షుడు మల్లేశం స్పందిస్తూ, పార్టీ శ్రేణులందరూ రాబోయే మహా పాదయాత్ర కోసం సమాయత్తం కావాలని పిలుపునిచ్చారు. దీపావళి తర్వాత జరగబోయే ఈ మహా పాదయాత్రతో జిల్లాలో పార్టీ మరింత పుంజుకుంటుందని ధీమా వ్యక్తం చేశారు.

వేములవాడఅర్బన్‌/చందుర్తి: రాజన్న సిరిసిల్ల జిల్లా చందుర్తి మండలం ఎన్గల్‌ గ్రామానికి చెందిన గొర్రె సాత్విక(20) వేములవాడ పట్టణంలోని తన మేనమామ ఇంట్లో ఆత్మహత్యకు పాల్పడింది. వేములవాడ టౌన్‌ సీఐ వీరప్రసాద్‌, స్థానికులు తెలిపిన వివరాలు. ఎన్గల్‌కు చెందిన గొర్రె లక్ష్మీరాజం–మంజుల దంపతులకు ముగ్గురు సంతానం. పెద్ద కూతురు వివాహం కాగా, రెండో కూతురు సాత్విక కరీంనగర్‌లో ఈవెంట్‌ ఆర్గనైజర్‌గా పనిచేస్తుంది. కరీంనగర్‌లోని ఓ యువకుడితో ప్రేమవ్యవహారం విఫలం కావడంతో సోమవారం మేనమామ ఇంట్లో ఉరివేసుకుంది. తండ్రి రాక కోసం తండ్రి లక్ష్మీరాజం జీవన్‌పాధి కోసం గల్ఫ్‌ దేశం వెళ్లాడు. చిన్నకూతురు స్వాతిక ఆత్మహత్య చేసుకున్న విషయం తెలుసుకున్న తండ్రి హుటాహుటిన స్వగ్రామానికి బయలుదేరాడు. మృతురాలు తల్లి మంజుల ఫిర్యాదుతో వేములవాడ పోలీసులు కేసు నమోదు చేసి, దర్యాప్తు చేస్తున్నారు. ఉరేసుకుని వ్యక్తి... జమ్మికుంట: అనారోగ్య కారణాలతో మనస్తాపానికి గురై శివరాత్రి రాజయ్య (57) ఆత్మహత్య చేసుకున్నాడు. స్థానికులు, బంధువులు తెలిపిన వివరాలు.. జమ్మికుంట మున్సిపల్‌ పరిధి హౌజింగ్‌ బోర్డు కాలనీకి చెందిన రాజయ్య ఒడ్డెర పని చేసుకుంటూ జీవనం సాగిస్తున్నాడు. కొంతకాలంగా అనారోగ్యంతో బాధపడుతూ సోమవారం ఇంట్లో ఎవరూ లేని సమయంలో ఉరేసుకున్నాడు. నాలుగేళ్ల క్రితం భార్య మృతి చెందింది. మృతుడికి కొడుకు, ఇద్దరు కుమార్తెలు, కొడుకు ప్రవీణ్‌ ఫిర్యాదుతో పోలీసులు కేసు నమోదు చేసుకున్నారు. రాజయ్య అంత్యక్రియల నిమిత్తం కౌన్సిలర్‌ శ్రీపతి స్వర్ణలత నరేశ్‌ రూ. 5,000 అందజేశారు. చికిత్స పొందుతూ మృతి పెద్దపల్లిరూరల్‌: పెద్దపల్లి మండలం రంగాపూర్‌ గ్రామానికి చెందిన బొడ్డుపల్లి సదయ్య (40) చికిత్సపొందుతూ మృతిచెందాడు. గత నెల 16న గ్రామస్టేజీ వద్ద నిలబడి ఉండగా మంథని నుంచి వేగంగా వచ్చిన కారు ఢీకొట్టడంతో సదయ్యకు గాయాలయ్యాయి. ఆసుపత్రిలో చికిత్స పొందుతూ మరణించగా కుటుంబీకుల ఫిర్యాదు మేరకు కేసు నమోదు చేసినట్టు రూరల్‌ ఎస్సై మధుకర్‌ తెలిపారు. బియ్యం పట్టివేత పెద్దపల్లి: అక్రమంగా నిల్వ ఉంచిన 6 క్వింటాళ్ల పీడీఎస్‌ సన్నబియ్యం పట్టుకున్నట్లు జిల్లా పౌరసరఫరాల అధికారి శ్రీనాథ్‌ తెలిపారు. సోమవారం పౌరసరఫరాల అధికారులు పెద్దపల్లి పట్టణంలోని సాగర్‌ రోడ్‌లో ఓ ఇంట్లో తనిఖీలు నిర్వహించారు. ప్రజాపంపిణీ వ్యవస్థ ద్వారా సరఫరా చేసే సన్నబియ్యాన్ని ప్యాకేజీ బ్యాగుల్లో నింపుతున్న బజ్జూరి శంకర్‌, తండ్రి రాములును అధికారులు పట్టుకున్నారు. మొత్తం 6 క్వింటాళ్ల సన్నబియ్యాన్ని స్వాధీనం చేసుకుని ఎంఎల్‌ఎస్‌ పాయింట్‌కు అప్పగించారు. పీడీఎస్‌ సన్నబియ్యాన్ని తక్కువ ధరకు కొనుగోలు చేసి అధిక ధరకు విక్రయిస్తున్న శంకర్‌పై కేసు నమోదు చేశారు. డీటీసీఎస్‌ పోచయ్య, రాజిరెడ్డి, కానిస్టేబుల్‌ శ్రీనివాస్‌ పాల్గొన్నారు.

● గిర్‌, సాహివాల్‌, పుంగనూర్‌ ఆవుల పెంపకానికి రైతుల మొగ్గు ● దేశీయ ఆవుల పాలకు పట్టణాల్లో ఫుల్‌ డిమాండ్‌ జగిత్యాలఅగ్రికల్చర్‌: రైతులు వ్యవసాయంతోపాటు పాడి పరిశ్రమ వైపు అడుగులు వేస్తున్నారు. డెయిరీఫారాలకు బ్యాంకులు రుణాలు ఇస్తుండటంతో చదువుకున్న యువ రైతులు ముందుకొస్తున్నారు. పాలకు లీటర్‌కు రూ.80 నుంచి రూ.100 వరకు రేటు పలుకుతుండటంతో ఆవులకు డిమాండ్‌ ఏర్పడింది. ఇప్పటివరకు హైబ్రిడ్‌ ఆవులతో పాల వ్యాపారం చేసిన రైతులు, కొత్తగా డెయిరీఫారాలు పెట్టే రైతులు దేశీయ ఆవుల కొనుగోలుకు మొగ్గు చూపుతున్నారు. జిల్లా పశు సంవర్థక శాఖ దేశీయ ఆవులను రైతు సదస్సులో ప్రదర్శనగా పెడుతూ రైతుల దృష్టిని ఆకర్షిస్తున్నారు. దేశీ ఆవులకు డిమాండ్‌ ఎందుకంటే.. దేశీ ఆవులు ఇచ్చే పాలకు మార్కెట్‌లో చాలా డిమాండ్‌ ఉంది. సాధారణ పాల కంటే ఎక్కువ ధర కూడా పలుకుతుంది. పాలతో పాటు నెయ్యికి సైతం విపరీతమైన మార్కెటింగ్‌ ఉంది. జిల్లాలో వేసవి ఉష్ణోగ్రతలను తట్టుకునే సామర్థ్యం గలవి కావడంతో రైతులు దేశీయ ఆవుల వైపు ఆకర్షితులవుతున్నారు. దీనికి తోడు, దేశీ ఆవులకు వ్యాది నిరోధక శక్తి ఎక్కువగా ఉండి, ఎక్కువగా రోగాల బారిన పడే అవకాశం లేదు. దేశీయ ఆవుల పాలకే కాకుండా ఆవులు విసర్జించే పేడ, మూత్రానికి సైతం భారీ డిమాండ్‌ ఉంది. దేశీయ ఆవుల పేడ, మూత్రంతో జీవామృతం, ఘనామృతం తయారు చేసి పంటలకు వాడుతూ, రసాయన ఎరువుల ఖర్చులను తగ్గించుకునే వెసులుబాటు ఉంది. అలాగే, వీటికి ప్రతి రోజు పచ్చిమేత అవసరం లేదు. ఎండుగడ్డి వంటి సాధారణ మేత సరిపోతుంది. వీటికి హైబ్రిడ్‌ ఆవుల వలే ఖరీదైన దాణా అవసరం లేదు. దేశీ ఆవుల్లో మూడు రకాలపై దృష్టి.. దేశీ ఆవుల్లో రైతులు మూడు రకాల ఆవులపై ప్రధానంగా దృష్టి పెడుతున్నారు. గిర్‌, సాహివాల్‌, పుంగనూర్‌ ఆవులు అధికంగా పాల దిగుబడిని ఇవ్వడంతో పాటు స్థానిక వాతావరణ పరిస్థితులను తట్టుకుంటాయి. ఇప్పటికే జిల్లాలో పొలాస, లక్ష్మీపూర్‌, మెట్‌పల్లి, బీర్పూర్‌ తదితర ప్రాంతాల్లో కొంతమంది అభ్యుదయ రైతులు దేశీయ ఆవులను పెంచుతున్నారు. పుంగనూర్‌ ఆవు.. ఆంధ్రప్రదేశ్‌లోని చిత్తూరు జిల్లా పుంగనూర్‌కు చెందిన స్థానిక ఆవు. ఇది దక్షిణ భారతదేశంలో గొప్ప స్వదేశీ ఆవు. ఈ ఆవును మంచిగా పెంచితే రోజుకు 4–5 లీటర్లు పాలు ఇస్తుంది. గిర్‌ ఆవు... గుజరాత్‌ రాష్ట్రంలోని గిర్‌ ప్రాంతంలోని ఆవు. గోధుమ రంగు మచ్చలతో చూడడానికి బాగుంటుంది. రోజుకు సగటున 8–15 లీటర్ల పాలు ఇస్తుంది. సాహివాల్‌ ఆవు.. పంజాబ్‌, హర్యానా, రాజస్థాన్‌, ఉత్తరప్రదేశ్‌లో ఈ ఆవులు ఎక్కువ. పాల దిగుబడి రోజుకు సగటున 10–15 లీటర్లు ఉంటుంది. రోగ నిరోధక శక్తి ఎక్కువగా ఉండి, రోగాలు రావు. దేశీ ఆవులపై పశుసంవర్థక శాఖ ఫోకస్‌ దేశీ ఆవులపై జిల్లా పశు సంవర్థక శాఖ ప్రత్యేక ఫోకస్‌ పెడుతోంది. దేశీ ఆవుల సంతతిని పెంచేందుకు నేషనల్‌ ఆర్టిఫీషియల్‌ ఇన్‌సెమినేషన్‌ కింద నాణ్యమైన దేశీ జాతుల వీర్యంతో కృత్రిమ గర్భధారణ చేయిస్తున్నారు. దీనిద్వారా పుట్టే దూడలు అధిక రోగ నిరోధక శక్తితో పాటు ఎక్కువ పాల దిగుబడినిచ్చే సామర్థ్యంతో పెరుగుతాయి. పశువుల ఆరోగ్య సంరక్షణ కోసం ఆయా పశువైద్యశాలల్లో పశువైద్యులు, వెటర్నరీ అసిస్టెంట్‌ అందుబాటులో ఉన్నారు. గ్రామాల్లో పశు సేవలు అందించేందుకు గోపాలమిత్రలను నియమించారు.

కరీంనగర్‌సిటీ: భవిష్యత్‌ లక్ష్యంతో.. ఉన్నత చదువుల కోసం వచ్చిన విద్యార్థిని వ్యక్తిగత కారణాలతో ఆత్మహత్య చేసుకోవడం శాతవాహన యూనివర్సిటీలో కలకలం రేపింది. రంగారెడ్డి జిల్లా షాద్‌నగర్‌లోని ఫరూక్‌నగర్‌కు చెందిన డెక్కలి చంద్రకళ (30) యూనివర్సిటీలో ఎల్‌ఎల్‌బీ ద్వితీయ సంవత్సరం చదువుతూ వసతి గృహంలో ఉంటోంది. ఇటీవల దసరా సెలవులకు ఇంటికి వెళ్లివచ్చిన చంద్రకళ రెండురోజులుగా కొంత ముభావంగా ఉంటోందని ఆమె స్నేహితులు తెలిపారు. రెండు రోజులుగా ఎక్కువగా ఫోన్‌లో మాట్లాడుతూ ఉంటున్న చంద్రకళ ఆదివారం మధ్యాహ్నం సుమారు 1.30 గంటల సమయంలో తన స్నేహితులు వచ్చి లంచ్‌కు పిలిచారు. తనకు తలనొప్పిగా ఉందని, విశ్రాంతి తీసుకుంటానని వారికి సూచించింది. మళ్లీ స్నేహితులు సుమారు 3.30 గంటల సమయంలో గదికి వచ్చి చూడగా లోపలి వైపు గడియపెట్టి ఉండడంతో పలుమార్లు పిలిచినా స్పందన రాలేదు. కిటికిలోంచి చూడగా ఫ్యాన్‌కు ఉరేసుకుని కనిపించింది. సెక్యూరిటీ సహాయంతో తలుపులు తీసి వర్సిటీ అధికారులు, పోలీసులకు సమాచారం అందించారు. వారు వచ్చి చంద్రకళను కిందకు దింపి ఆస్పత్రికి తరలించగా అప్పటికే చనిపోయినట్లు వైద్యులు తెలిపారు. సంఘటన స్థలానికి చేరుకున్న కొత్తపల్లి సీఐ బిల్లా కోటేశ్వర్‌ మృతురాలి వివరాలు సేకరించి ఆమె తల్లిదండ్రులకు సమాచారం ఇచ్చారు. ఎంతో ఇష్టంతో ఎల్‌ఎల్‌బీకి.. షాద్‌నగర్‌కు చెందిన చంద్రకళ మూడేళ్ల కోర్సులో భాగంగా శాతవాహన వర్సిటీలో ఎల్‌ఎల్‌బీలో చేరారు. తన చిన్నతనంలో జరిగిన ఓ సంఘటన ఆధారంగా ఇష్టంతోనే ఎల్‌ఎల్‌బీలో చేరినట్లు సేహ్నితుల వద్ద ప్రస్తావించేదని సమాచారం. ఆమె 8 ఏళ్ల వయసులో ఉన్న సమయంలో ఇంటి సమీపంలో జరిగిన ఓ నేరానికి సంబంధించి పోలీసుల విచారణ చూసిన ఆమె ఎప్పటికై నా లాయర్‌గా పని చేయాలని నిర్ణయించుకున్నట్లు పలుమార్లు చెప్పేదని ఆమె స్నేహితులు తెలిపారు. కళాశాల క్రీడాపోటీల్లో ఎంతో ఉత్సాహంగా పాల్గొనేదని, తాజాగా హిమచల్‌ప్రదేశ్‌లోని ఎన్‌సీసీ క్యాంప్‌ ఎంపికకూ ప్రయత్నించినట్లు తెలిసింది. పర్యవేక్షణ కరువు... శాతవాహన యూనివర్సిటీలో మహిళా వసతిగృహంపై పర్యవేక్షణ కరవైందని విద్యార్థులు ఆరోపిస్తున్నారు. రెండుమూడు రోజులుగా ముభావంగా ఉంటున్న చంద్రకళను పర్యవేక్షణ అధికారులు గమనించకపోవడం గమనార్హం. కొందరు విద్యార్థినులు ఈ విషయాన్ని వసతిగృహం పర్యవేక్షణ అధికారులు దృష్టి తీసుకెళ్దామని అనుకున్నా.. ఎవరూ అందుబాటులో లేరని తెల్సింది.

కరీంనగర్‌: నగరపాలక పరిధిలో ఇంటి నిర్మాణ అనుమతులు, భూ వ్యవహారాల్లో అవినీతి ఆరోపణలు వస్తే ఎంతటివారినైనా ఉపేక్షించేది లేదని కేంద్ర హోంశాఖ సహాయమంత్రి బండి సంజయ్‌కుమార్‌ హెచ్చరించారు. పర్మిషన్ల కోసం డబ్బులు డిమాండ్‌ చేసినా, భూ వ్యవహారాల్లో తలదూర్చినా సంబంధిత కార్పొరేటర్లను బ్లాక్‌లిస్టులో పెడతానని స్పష్టం చేశారు. కరీంనగర్‌లోని ఓ ప్రైవేటు ఫంక్షన్‌హాల్‌లో నిర్వహించిన అసెంబ్లీ నియోజకవర్గ బీజేపీ నేతల సమావేశంలో కొందరు కార్పొరేటర్లు, నాయకుల తీరుపై ఆయన తీవ్రస్థాయిలో మండిపడినట్లు తెలిసింది. కొందరు కార్పొరేటర్లు ఇంటి నిర్మాణ అనుమతుల కోసం డబ్బులు వసూలు చేస్తున్నారని, షాపుల వద్దకు వెళ్లి కలెక్షన్లు చేస్తున్నారని తన దృష్టికి వచ్చిందన్నారు. ఇకపై ఇలాంటి వ్యవహారాలను సహించేది లేదని, పార్టీ క్రమశిక్షణ, నిజాయితీకి విరుద్ధంగా వ్యవహరించే వారిపై కఠిన చర్యలు తీసుకుంటానని హెచ్చరించారు. ఇంటి యజమానికి ఎలాంటి ప్రతిఫలం ఆశించకుండా అనుమతులు ఇప్పించి సాయం చేస్తే జీవితాంతం గుర్తుంచుకుంటారని, అదే డబ్బులు వసూలు చేస్తే ఎన్నికల్లో ఓట్లు ఎలా వస్తాయని ప్రశ్నించారు. గెలిచిన తర్వాత కొందరు కార్పొరేటర్లు పార్టీ కార్యక్రమాలను పట్టించుకోవడం లేదని అసంతృప్తి వ్యక్తం చేశారు. ఎన్నికల సమయంలో పార్టీ చేసిన సయాన్ని గుర్తుచేసుకుని ఆత్మవిమర్శ చేసుకోవాలని, పార్టీ తనకేమిచ్చిందని కాకుండా పార్టీ కోసం తానేం చేశానని ఆలోచించాలని సూచించారు. తమ డివిజన్లలో ప్రజల మధ్య ఉంటూ పార్టీ కార్యక్రమాలు నిర్వహిస్తే పార్టీనే గుర్తించి గౌరవిస్తుందని పేర్కొన్నారు. పార్టీ తనను కార్యక్రమాలకు పిలవడం లేదంటూ విమర్శలు చేయడం, పార్టీపై లూజ్‌ కామెంట్స్‌ చేయడం సరికాదన్నారు. పార్టీ ఎవరి కోసం ఆగదని, పార్టీని విమర్శించినా, బ్లాక్‌మెయిల్‌ ధోరణితో వ్యవహరించినా ఉపేక్షించేది లేదని స్పష్టం చేశారు. మేయర్‌ కొలగాని శ్రీనివాస్‌, డిప్యూటీ మేయర్‌ యాదగిరి సునీల్‌రావు, మాజీ మేయర్‌ డి.శంకర్‌, బాస సత్యనారాయణ, నల్లాల ఓదెలు, కోమాల ఆంజనేయులు, గుజ్జ శ్రీను, రమేశ్‌, బోయినిపల్లి ప్రవీణ్‌రావు, రాజేంద్రప్రసాద్‌ పాల్గొన్నారు.

గరిష్టం/కనిష్టం34.0/26.07పాల ఉత్పత్తి పెంచే ఆవులురైతులు వ్యవసాయంతోపాటు పాడి పరిశ్రమ వై పు అడుగులు వేస్తున్నారు. డెయిరీఫారాలకు బ్యాంకులు రుణాలు ఇస్తుండడంతో చదువుకు న్న యువ రైతులు ముందుకొస్తున్నారు. 8లోu సోమవారం శ్రీ 2 శ్రీ నవంబర్‌ శ్రీ 2026నృసింహునికి మొక్కులుధర్మపురి: శ్రీలక్ష్మీనృసింహస్వామి దర్శనానికి ఆదివారం భక్తులు తరలివచ్చారు. ముందుగా గోదావరిలో పుణ్య స్నానాలు ఆచరించి స్వామివారికి మొక్కులు చెల్లించుకున్నారు.

జమ్మికుంట: సీఎమ్మార్‌ కేసులో సీఐడీ దూకుడు పెంచింది. అక్రమాల ఆరోపణ ఎదుర్కొంటున్న నలుగురు మిల్లర్లను విచారించేందుకు కోర్టులో కస్ట డీ పిటిషన్‌ వేసినట్లు తెలిసింది. 8 రోజుల క్రితం జ మ్మికుంట, హుజూరాబాద్‌కు చెందిన నలుగురు మిల్లర్లను అదుపులోకి తీసుకున్న విషయం తెలిసిందే. సదరు మిల్లర్ల భాగస్వామలు మిల్లులకు తాళాలు వేసి అజ్ఞాతంలోకి వెళ్లారు. ఇప్పటికీ అందుబాటులోకి రాకపోవడంతో సీఐడీ ఉన్నతాధికారులు సీరియస్‌గా తీసుకున్నారు. ఎట్టి పరిస్థితుల్లోనూ రెండురోజుల్లోగా అందుబాటులోకి రావాలని ఆదేశాలు జారీ చేసినట్లు సమాచారం. ఇదిలా ఉండగా సోమవారం జిల్లా కోర్టు మిల్లర్లు, సీఐడీ పిటిషన్లపై వి చారించనున్నట్లు తెలిసింది. దీంతో మిల్లర్లకు కస్టడి యా.. బెయిలా.. అని ఉత్కంఠ నెలకొంది. భయం భయంగా మిల్లర్లు సీఐడీ దూకుడు నేపథ్యంలో మిల్లర్లు భయం భయంగా గడుపుతున్నారు. సన్నాలు మాయం చేసి దొడ్డు రకం బియ్యం ఇవ్వగా.. సదరు వ్యత్యాసంపై కొందరు ప్రభుత్వానికి డీడీల ద్వారా సన్నాల మిగులు డబ్బులు చెల్లించారు. మరికొందరు డీడీలు తీశారు. డీడీలు తీసిన మిల్లర్లపై సైతం కేసులు కా నున్నట్లు తెలిసింది. ఆరోపణలు ఎదుర్కొంటున్న మిల్లర్లు బెయిల్‌కోసం హైదరాబాద్‌ వెళ్లినట్లు సమాచారం. సీఐడీ కేసులు నమోదైనవారందరూ అరెస్ట్‌ అయ్యేవరకు మిల్లర్లకు బెయిల్‌ వచ్చే చాన్స్‌ లేదని, ఇంకా ఎంత మంది మిల్లర్లపై కేసులు నమోదవుతాయనే చర్చ స్థానికంగా జోరుగా సాగుతోంది.

రామగుండం: హైదరాబాద్‌–సిర్పూర్‌ కాగజ్‌నగర్‌ – బీదర్‌(17011/12) ఇంటర్‌ సిటీ ఎక్స్‌ప్రెస్‌ రైలుకు ఈ నెల 3వ తేదీ నుంచి లింక్‌ హాఫ్‌ మ్యాన్‌ బుస్క్‌(ఎల్‌హెచ్‌బీ– 14 బోగీలతో) రాకపోకలు సాగించనున్నట్లు రైల్వేశాఖ ఉత్తర్వులు జారీచేసింది. ఇప్పటి వరకు ఐసీఎఫ్‌ 16 బోగీలతో నడిచిన ఈ రైలుకు ప్రత్యేక రేక్‌ కేటాయించడంతో నిర్దేశిత సమయానికి రాకపోకలు సాగించే అవకాశం ఉంది. ప్రమాదంలో పక్కకు జరిగినా, ఒకదానికొకటి ఢీకొట్టినా, బోగీలు ఒకదాని పైకి ఒకటి ఎక్కవు. ప్రాణనష్టం తగ్గుతుంది. ఈ బోగీలు స్టెయిన్‌లెస్‌ స్టీల్‌తో తయారు చేసినవి. ప్రమాద సమయంలో ఒత్తిడిని తట్టుకునే స్వభావం ఉంటుంది. త్వరగా తుప్పు పట్టే అవకాశాలు తక్కువ. గంటకు 160 కి.మీ. –200 కి.మీ. వేగంతో ప్రయాణించడానికి అనుకూలంగా ఉంటాయి. అధునాతన షాక్‌ అబ్జార్బర్స్‌ ఉండడంతో రైలు వేగంగా వెళుతున్నా కుదుపులు తెలియవు. ఎల్‌హెచ్‌బీ బోగీల్లో శక్తివంతమైన డిస్క్‌బ్రేక్‌ సిస్టమ్‌ ఉండడంతో వేగాన్ని త్వరగా అదుపులోకి తీసుకురావచ్చు. పొడవుగా అధికంగా ఉండడవంతో ఎక్కువ మంది ప్రయాణికులు ప్రయాణించొచ్చుయ. పాత బోగీల్లో 64 సీట్లు ఉంటే ఎల్‌హెచ్‌బీలో 72 సీట్లు ఉంటాయి. అధునాతన బయో–టాయిలెట్‌ వ్యవస్థ ఉంటుంది. తక్కువ బరువు ఉండడంతో ఇంధనం ఆదా అవుతుంది. రేపటి నుంచి హైదరాబాద్‌– సికింద్రాబాద్‌ – బీదర్‌ మధ్య రాకపోకలు

కరీంనగర్‌ కార్పొరేషన్‌: ఓట్‌ బచావో.. దేశ్‌ బచావో పేరిట ఢిల్లీలో ఆదివారం ఏఐసీసీ చేపట్టిన నిరసన ప్రదర్శనలో ఉమ్మడి కరీంనగర్‌ జిల్లా మంత్రులు, ఎమ్మెల్యేలు పాల్గొన్నారు. బీసీ సంక్షేమ, రవాణాశాఖ మంత్రి పొన్నం ప్రభాకర్‌, సంక్షేమ శాఖ మంత్రి అడ్లూరి లక్ష్మణ్‌ కుమార్‌, పీసీసీ ఎస్సీ సెల్‌ అధ్యక్షుడు, ఎమ్మెల్యే కవ్వంపల్లి సత్యనారాయణ, డీసీసీ అధ్యక్షుడు, ఎమ్మెల్యే మేడిపల్లి సత్యం, కార్పొరేషన్‌ కాంగ్రెస్‌ కమిటీ అధ్యక్షుడు వైద్యుల అంజన్‌ కుమార్‌, సుడా మాజీ చైర్మన్‌ కోమటిరెడ్డి నరేందర్‌ రెడ్డి, కార్పొరేటర్లు వరాల నర్సింగం, కాంతాల జగన్‌ రెడ్డి, పర్వతం మల్లేశం పాల్గొన్నారు. జాబ్‌మేళాకు విశేష స్పందనకరీంనగర్‌ సిటీ: ఎస్సారార్‌ ప్రభుత్వ కళాశాలలో ఆదివారం నిర్వహించిన మెగా జాబ్‌మేళాకు విశేష స్పందన లభించింది. కళాశాల తెలంగాణ స్కిల్స్‌ నాలెడ్జ్‌ సెంటర్‌ కెరీర్‌ గైడెన్స్‌ సెల్‌ ఆధ్వర్యంలో హైదరాబాద్‌కు చెందిన రుచిత అసోసియేట్స్‌ సంస్థ సహకారంతో మేళా నిర్వహించారు. ప్రైవేటు రంగ సంస్థల్లో ఎలక్ట్రానిక్స్‌, ఎలక్ట్రికల్‌, సోలార్‌ సిస్టమ్స్‌ తయారీ పరిశ్రమల్లో ఉద్యోగ అవకాశాలు కల్పించనున్నారు. ప్రిన్సిపాల్‌ కె.రామకృష్ణ మాట్లాడుతూ విద్యార్థులు ఈ అవకాశాన్ని సద్వినియోగం చేసుకోవాలని సూచించారు. టీఎస్‌కేసీ కోఆర్డినేటర్‌ బొడ్డు సతీశ్‌కుమార్‌ మాట్లాడుతూ జాబ్‌మేళా డిగ్రీ విద్యార్థులకు ఎంతో ఉపయోగం అన్నారు. ఆర్మీ జవాన్‌కు ఘనస్వాగతంమానకొండూర్‌: 18ఏళ్లపాటు దేశసేవ చేసి ఉద్యోగ విరమణ అనంతరం ఆదివారం గ్రామానికి వచ్చిన ఆర్మీ జవాన్‌కు గ్రామస్తులు, కుటుంబ సభ్యులు ఘనస్వాగతం పలికారు. మండలంలోని అన్నారం గ్రామానికి చెందిన ఆరెల్లి రాధ వెంకటనర్సు కొడుకు ఆరెల్లి మహేందర్‌ 2009లో ఆర్మీలో చేరాడు. వివిధ హోదాల్లో జమ్ముకశ్మీర్‌, పంజాబ్‌, రాజస్తాన్‌, పశ్చిమ బెంగాల్‌ రాష్ట్రాల సరిహద్దుల్లో విధులు నిర్వహించాడు. 18 ఏళ్ల పాటు దేశసేవ చేసి ఇటీవల ఉద్యోగ విరమణ పొందాడు. ఈ సందర్భంగా స్వగ్రామానికి వచ్చిన మహేందర్‌కు గ్రామస్తులు, కుటుంబసభ్యులు స్నేహితులు దారిపొడవునా పూలవర్షం కురిపిస్తూ ఘన స్వాగతం పలికారు. ఎస్జీఎఫ్‌ క్రీడలు విజయవంతం చేయాలికరీంనగర్‌స్పోర్ట్స్‌: జిల్లాలో నిర్వహించే జోనల్‌, జిల్లా, రాష్ట్రస్థాయి ఎస్జీఎఫ్‌ క్రీడలు విజయవంతం చేయాలని జిల్లా వ్యాయామ ఉపాధ్యాయ సంఘం అధ్యక్షుడు బాబు శ్రీనివాస్‌ అన్నారు. ఆదివారం జిల్లాకేంద్రంలోని అంబేద్కర్‌ స్టేడియంలో జరిగిన సమావేశంలో మాట్లాడారు. పీటీఐ వ్యాయామం ఉపాధ్యాయులకు మినిమం స్కేల్‌ వర్తింపజేయాలన్నారు. జిల్లాలోని 16 మండలాల్లో వ్యాయామ ఉపాధ్యాయ సభ్యత్వ నమోదును పెద్ద ఎత్తున నిర్వహిస్తామని పేర్కొన్నారు. జిల్లా ఎస్జీఎఫ్‌ కార్యదర్శి బన్సీలాల్‌ మాట్లాడుతూ, జిల్లా స్థాయిలో అన్ని క్రీడలు విజయవంతంగా పూర్తి చేస్తున్నామన్నారు. ఈనెల 13 నుంచి 15 వరకు కరీంనగర్‌ సెయింట్‌ ఆల్ఫోన్స్‌ పాఠశాలలో రాష్ట్రస్థాయి బాస్కెట్‌బాల్‌ పోటీలు నిర్వహిస్తామని పేర్కొన్నారు. వ్యాయామ ఉపాధ్యాయులు ఎలాంటి అక్రమాలకు తావివ్వకుండా, ప్రతిభ గల క్రీడాకారులను రాష్ట్రస్థాయి పోటీలకు ఎంపిక చేయాలని సూచించారు. ప్రధాన కార్యదర్శి ఆడెపు శ్రీనివాస్‌, రాష్ట్ర ప్రతినిధులు కృష్ణ, వీరన్న, శ్రీనివాసరావు, కనకం సమ్మయ్య, బిట్ర శ్రీనివాస్‌, వంగపల్లి సూర్యప్రకాష్‌, రమేశ్‌, రవి, చంద్రశేఖర్‌, బాలసాని రాజ్‌కుమార్‌, సత్యనారాయణ, లక్ష్మణ్‌, శ్రీలత పాల్గొన్నారు.

కరీంనగర్‌టౌన్‌: శ్రీచైతన్య ఇంటర్మీడియట్‌ విద్యాసంస్థల ఐఐటీ–నీట్‌ అకాడమీ ఆధ్వర్యంలో ఆదివారం కరీంనగర్‌లో నిర్వహించిన శ్రీచైతన్య స్కాలర్‌షిప్‌ టాలెంట్‌ టెస్ట్‌–2026కు 15,615 మంది విద్యార్థులు హాజరయ్యారు. విద్యాసంస్థల అధినేత ముద్దసాని రమేశ్‌రెడ్డి మాట్లాడుతూ ఆర్థిక ఇబ్బందుల కారణంగా నాణ్యమైన విద్యకు దూరమవుతున్న ప్రతిభావంతులైన విద్యార్థులను ప్రోత్సహించడమే ఈ పరీక్ష లక్ష్యమని అన్నారు. ఎంపికై న వారికి 100 శాతం ఉచిత విద్యతో పాటు ప్రత్యేక రాయితీలు కల్పించనున్నట్లు వెల్లడించారు. పరీక్షలో మొదటి స్థానం సాధించిన వారికి ల్యాప్‌టాప్‌, 2 నుంచి 10వ స్థానాల్లో నిలిచిన వారికి ట్యాబ్‌లు అందిస్తామన్నారు. అలాగే పరీక్షకు హాజరైన వారందరికీ కూపన్లు అందజేసి నిర్వహించిన లక్కీ డ్రాలో విజేతలకు స్మార్ట్‌ టీవీ, సైకిల్‌, సెల్‌ఫోన్‌లు అందజేసి అభినందించారు. స్కాలర్‌షిప్‌ టాలెంట్‌ టెస్ట్‌ ఫలితాలను మూడు, నాలుగు రోజుల్లో ప్రకటించి విద్యార్థులకు తెలియజేయనున్నట్లు నిర్వాహకులు తెలిపారు. కార్యక్రమంలో శ్రీచైతన్య కళాశాలల సెక్రటరీ సాయి చైతన్యరెడ్డి, డైరెక్టర్‌ కర్ర నరేందర్‌ రెడ్డి, జూనియర్‌ కళాశాలల డీన్‌ జగన్‌మోహన్‌ రెడ్డి, ప్రిన్సిపాల్స్‌, శ్రీనివాస్‌ అధ్యాపకులు, అధ్యాపకేతర సిబ్బంది పాల్గొన్నారు.

కోరుట్లటౌన్‌: సౌదీ అరేబియాలోని రియాద్‌లో 20 రోజుల క్రితం గుండెపోటుతో మృతి చెందిన కోరుట్ల మండలం అయిలాపూర్‌ గ్రామానికి చెందిన ద్యావనపల్లి సాయిప్రసాద్‌(38) మృతదేహం ఆదివారం స్వగ్రామానికి చేరింది. సాయిప్రసాద్‌ ఉపాధి కోసం సౌదీ అరేబియా వెళ్లి పని చేసుకుంటున్నాడు. 20 రోజుల క్రితం బాత్‌రూంలో స్నానం చేస్తుండగా గుండెపోటుతో మృతి చెందినట్లు సోదరుడు విజయ్‌కుమార్‌ తెలిపారు. సాయిప్రసాద్‌ మృతితో భార్య, ఇద్దరు కుమారులు విషా దంలో మునిగిపోయారు. బాధిత కుటుంబానికి ప్రభుత్వం రూ.5 లక్షలు ఎక్స్‌గ్రేషియా అందించి ఆదుకోవాలని బంధువులు విజ్ఞప్తి చేశారు. మహిళ మెడలోంచి పుస్తెలతాడు చోరీ తిమ్మాపూర్‌: బైక్‌ పై భర్తతో కలిసి ఇంటికి వెళ్తున్న ఓ మహిళ మెడలోని పుస్తెలతాడును ఇద్దరు గుర్తు తెలియని దుండగులు లాక్కెళ్లిన ఘటన ఆదివారం సాయంత్రం తిమ్మాపూర్‌ మండల కేంద్రంలోని మిర్చి యార్డ్‌ వద్ద ఘటన చోటు చేసుకుంది. మండలంలోని రామకష్ణ కాలనీ ఉపజ్ఞ హోమ్స్‌ కు చెందిన చుంచు లక్ష్మి తన భర్త శ్రీనివాస్‌ తో కలిసి ఎల్‌ఎండీ కాలనీకి వెళ్లి తిరిగి ఇంటికి బైక్‌ పై బయలుదేరారు. తిమ్మాపూర్‌ స్టేజీ సమీపంలోని మిర్చియార్డ్‌ ముందుకు రాగానే వెనుక నుంచి వేగంగా వచ్చిన బైక్‌ వచ్చిన దుండగులు, లక్ష్మి మెడలో ఉన్న పుస్తెలతాడును ఒక్కసారిగా బలంగా లాగి పరారయ్యారు.దాడితో బైక్‌ అదుపుతప్పి భార్యాభర్తలు కిందపడబోయారు. వెంటనే తేరుకున్న లక్ష్మీ గట్టిగా కేకలు వేయడంతో స్థానికులు అక్కడికి చేరుకునేలోపు దుండగులు వేగంగా పారిపోయారు. ఈ ఘటనలో సుమారు అర్ధ తులం బంగారు పుస్తెలు చోరీకి గురైనట్లు బాధితురాలు తెలిపింది. ఈ మేరకు కేసు నమోదు చేసి దర్యాప్తు చేస్తున్నట్లు ఎస్సై అరుణ్‌ తెలిపారు.

కరీంనగర్‌టౌన్‌: ‘అయ్యా.. ఒంట్లో సత్తువ ఉన్నంత వరకు కష్ట పడ్డాం. పిల్లలను పెద్ద చేశాం. సంపాదించింది సమానంగా పంచిచ్చాం. ఇప్పుడు వయసు మీద పడ్డది. ఒంట్లో ఓపిక కష్టపడేంత శక్తి లేదు. కొడుకులు బువ్వ పెడ్తలేరు. ఇంట్లో ఉండనిస్తలేరు. ఆస్తులు లాక్కుంటున్నారు’. అంటూ ఇలా అనేక సమస్యలతో ప్రతీ సోమవారం కరీంనగర్‌ కలెక్టరేట్‌లో జరిగే ప్రజావాణిలో పదుల సంఖ్యలో పండుటాకులు ఫిర్యాదు చేస్తున్నారు. అర్జీ స్వీకరిస్తున్న అధికారులు వృద్ధులకు న్యాయం జరిగేలా చర్యలు తీసుకుంటామని హామీ ఇస్తున్నారు. డివిజన్‌స్థాయిలో ట్రిబ్యునల్‌ ఏర్పాటు చేసి వయోవృద్ధుల సంరక్షణకు ప్రత్యేక చర్యలు తీసుకుంటున్నారు. మలిసంధ్యలో కష్టాలు తల్లిదండ్రులను కొడుకులు రోడ్డుపై వదిలేస్తున్నా రు. జిల్లాలో ఇలాంటి ఘటనలు తరచూ వెలుగులోకి వస్తుండగా ప్రజావాణిలో ఫిర్యాదు చేసేవారి సంఖ్య పెరుగుతోంది. ఇలాంటి సమస్యలకు చెక్‌ పెడుతూ ప్రభుత్వం డివిజన్‌స్థాయిలో ఓ ట్రిబ్యునల్‌ ఏర్పాటు చేసింది. తల్లిదండ్రులను వీధిపాలు చేస్తే కొడుకులు కటకటాలు లెక్కించాల్సిందేనని హెచ్చరిస్తోంది. వృద్ధుల సంపూర్ణ బాధ్యత ఉన్నవారు ఎవరైనా అందుకు విరుద్ధంగా వ్యవహరిస్తే 3 నెలల జైలుశిక్ష, రూ. 5 వేల జరిమానా విధిస్తోంది. బతుకు భారం.. అధికారులే ఆధారం ఆస్తి సంపాదించి ఇచ్చిన తల్లిదండ్రులకు తనయులు పట్టెడన్నం పెట్టడం లేదు. జీవిత చరమాంకంలో ఆదుకోవాల్సింది పోయి చేతులు దులుపుకుంటున్నారు. దీంతో జిల్లాలో చాలా మంది న్యాయం కోసం పోలీసుస్టేషన్లు, కోర్టులను ఆశ్రయిస్తున్నారు. ఈ క్రమంలో వృద్ధుల చట్టాలను పకడ్బందీగా అమలు చేసేందుకు కలెక్టర్‌ డివిజన్ల వారీగా ట్రిబ్యునల్‌ ఏర్పాటు చేశారు. డివిజన్‌ ప్రిసైడింగ్‌ అధికారిగా ఆర్డీవో వ్యవహరిస్తారు. వృద్ధుల సంఘం నుంచి ఒక ప్రతినిధి, కౌన్సెలేషన్‌ అధికారి ఉంటారు. డివిజన్‌ కార్యాలయంలో వృద్ధులు ఫిర్యాదు చేయవచ్చు. ఆర్డీవో సంబంధిత తహసీల్దార్‌కు విచారణ కోసం ఆదేశిస్తారు. ఇరు వర్గాలను పిలిచి వాదనలు విని న్యాయం చేస్తారు. వినని పక్షంలో కౌన్సెలేషన్‌ అధికారికి అనుసంధానం చేస్తారు. ఒకవేళ న్యాయం జరగలేదని భావిస్తే జిల్లా అప్పిలేట్‌ అధికారి కలెక్టర్‌ను ఆశ్రయించవచ్చు. పోషణ సంక్షేమ చట్టం 2007 తల్లిదండ్రులు, వయోవృద్ధుల పోషణ సంక్షేమ చట్టం–2007 పకడ్బందీగా అమలయ్యేలా కలెక్టర్‌ పర్యవేక్షిస్తున్నారు. కన్నవారిని విస్మరిస్తే జైలు కూడు తప్పదని హెచ్చరిస్తున్నారు. సొంత సంపాదనతో తమను తాము పోషించుకోలేని వృద్ధులకు నెలకు రూ.10 వేలకు మించకుండా పోషణ నిమిత్తం పిల్లల నుంచి పొందవచ్చు.సాయం కోసం సంప్రదించండి జిల్లాకేంద్రంలోని హెల్ప్‌లైన్‌ నంబర్‌ 14567చైల్డ్‌ హెల్ప్‌లైన్‌ 1098ఉమెన్‌ హెల్ప్‌లైన్‌ 181(ఆర్డీవోకు నేరుగా ఫిర్యాదు చేయవచ్చు) ‘వృద్ధులైన తల్లిదండ్రుల సంరక్షణకు అందాల్సి న నెలవారీ భరణం సకాలంలో అందేలా అధి కారులు పర్యవేక్షించాలి. తల్లిదండ్రులకు కోర్టు లేదా ఆర్డీవో నుంచి ప్రతినెలా నిర్దేశించిన మొ త్తాన్ని వారసులు ఆలస్యం లేకుండా చెల్లించేలా పర్యవేక్షించాలి. భరణం అందకపోతే పిల్లలు, వారసులతో నిర్దేశించిన మొత్తాన్ని ఇప్పించాలి. – ఇటీవలి సమావేశంలో ఆర్డీవో షర్మిల జిల్లావ్యాప్తంగా వచ్చిన ఫిర్యాదులు ఏడాది ఫిర్యాదులు 2023 117 2024 129 2025 1472026 63(ఇప్పటి వరకు)ఫిర్యాదు చేస్తే చర్యలు మలి వయసులో తల్లిదండ్రులకు వారసులు తోడుగా ఉండాలి. అనవసరంగా ఫిర్యాదుల వరకు తెచ్చుకోకూడదు. వృద్ధులు కూడా తప్పుడు ఫిర్యాదులు చేస్తే ఉపేక్షించం. పిల్లల ఆదరణకు నోచుకోని బాధితులు నేరుగా, పోస్టు ద్వారా, ఆర్టీవో అధ్యక్షతన ఏర్పాటయ్యే వృద్ధుల సంక్షేమ కమిటీలకు, 14567 టోల్‌ఫ్రీ నంబర్‌కు ఫిర్యాదు చేయవచ్చు. – ఎం.సరస్వతి, మహిళా శిశుసంక్షేమ, వయోవృద్ధులశాఖ జిల్లా అధికారి

సిరిసిల్ల టౌన్‌: తెలంగాణ వికాస సమితి ఆధ్వర్యంలో మల్లావఝల సదాశివుడు స్మారక పురస్కారాలు –2026కు ప్రముఖ కవి, రచయిత డా.సంగిశెట్టి శ్రీనివాస్‌, చమన్‌ సింగ్‌ లు ఎంపికయ్యారని జిల్లా కోఆర్డినేటర్‌ నడిమెట్ల శ్రీనివాస్‌ తెలిపారు. ఈ నెల 3న హైదారబాద్‌లోని భైరతాబాద్‌ మోక్షగుండం విశ్వేశ్వరయ్య భవన్‌లో జరిగే కార్యక్రమంలో కేటీఆర్‌ చేతుల మీదుగా పురస్కారాలు అందజేయనున్నట్లు తెలిపారు. ఆదివారం సిరిసిల్లలో తెలంగాణ వికాస సమితి ప్రతినిధులు ఆహ్వాన పోస్టర్‌ను ఆవిష్కరించారు. ఈ కార్యక్రమంలో అడ్వకేట్‌ బాబు, ఆంకారపు రవి, కామారపు శ్రీనివాస్‌, మహేశ్‌ తదితరులు పాల్గొన్నారు. సోలార్‌ కేబుల్‌ వైర్ల చోరీ వీణవంక: మండలంలోని చల్లూరు గ్రామ శివారులో కలవేణ రాజనర్సుకు చెందిన సోలార్‌ పవర్‌ ప్లాంట్‌ లో గుర్తు తెలియని వ్యక్తులు కేబుల్‌ వైర్లను దొంగలించినట్లు బాధితుడు ఇచ్చిన ఫిర్యాదు మేరకు కేసు నమోదు చేసినట్లు ఎస్సై ఆవుల తిరుపతి తెలిపారు. పవర్‌ ప్లాంట్‌ నిర్మాణ పనులు జరుగుతుండగా రూ.90వేల విలువ చేసే కేబుల్‌ వైర్లను రెండు సార్లు ఎత్తుకెళ్లారని పోలీసులకు ఫిర్యాదు చేయడంతో ఆదివారం ఎస్సైతో పాటు సిబ్బంది క్షేత్రస్థాయిలోకి వెళ్లి పరిశీలించారు. నిందితులను పట్టుకుంటామని వివరించారు. శతాధిక వృద్ధురాలు మృతి కథలాపూర్‌(వేములవాడ): కథలాపూర్‌ మండలంలోని సిరికొండలో ముంజ ఎల్లవ్వ(102) అనే శతాధిక వృద్ధురాలు అనారోగ్యంతో ఆదివారం మృతిచెందిన ట్లు గ్రామస్తులు తెలిపా రు. ఎల్లవ్వకు ఇద్దరు కూతుళ్లు, ఒక కుమారుడు ఉండగా... మనుమలు, మనుమరాళ్లు సుమారు 60 మంది వరకు ఉన్నట్లు బంధువులు పేర్కొన్నారు. ఎల్లవ్వ అందరితో కలిసి మెలిసి ఉంటూ అనాటి ముచ్చట్లు చెప్పేదని గ్రామస్తులు గుర్తు చేసుకుంటున్నారు. ఆర్టీసీ బస్సు కింద పడి వృద్ధురాలికి గాయాలు జగిత్యాలక్రైం: జగిత్యాల రూరల్‌ మండలంలోని కల్లెడ గ్రామానికి చెందిన లింగవ్వ అనే వృద్ధురాలు ఆర్టీసీ బస్సు కింద గాయాలపాలైంది.లింగవ్వ ధర్మపురికి వెళ్లేందుకు కల్లెడ బస్టాండ్‌ వద్ద ఆర్టీసీ బస్సు ఎక్కుతుండగా బస్సు కదలడంతో ఆమె కింద పడిపోయింది. దీంతో ఆమె కాలుపై వెనుక టైరు ఎక్కడంతో తీవ్ర గాయాలయ్యాయి. వెంటనే ఆమెను స్థానికులు జగిత్యాల ప్రభుత్వాసుపత్రిలో చేర్పించారు.

పదేళ్లుగా దేశీయ ఆవులైన గిర్‌ ఆవులను పెంచుతున్నాను. వాటి ద్వారా వచ్చే పాలను ఇంటి అవసరాలకు వాడుకుంటూ, ఆవి విసర్జించే పేడ, మూత్రంతో జీవామృతం, ఘనామృతం తయారు చేసి పంటలకు వాడుతున్నాను. ఎలాంటి రసాయన ఎరువులు వేయకుండానే మంచి దిగుబడులు వస్తున్నాయి. – మిట్టపెల్లి రాములు, తుంగూర్‌, బీర్‌పూర్‌(మం)దేశీయ ఆవులతో అనేక ప్రయోజనాలు దేశీయ ఆవుల వల్ల అనేక ప్రయోజనాలు ఉండటంతో చాలా మంది ఇప్పటికే గ్రామాల్లో పెంచుతున్నారు. దేశీయ ఆవుల పాలకు చాలా డిమాండ్‌ ఉంది. పశు సంవర్ధక శాఖ ద్వారా గ్రామాల్లో పశు ఆరోగ్య శిబిరాలు నిర్వహించి, రైతులకు అవగాహన కల్పిస్తున్నాం. – బి.ప్రకాష్‌, జిల్లా పశు సంవర్థక శాఖ అధికారి, జగిత్యాల

యజ్ఞవరాహస్వామి క్షేత్రంలో జరుగుతున్న 40వ బ్రహ్మోత్సవాల్లో భాగంగా ఆదివారం స్వామివారికి పలు విశేషసేవలు నిర్వహించారు. ఉదయం సూర్యప్రభ వాహనసేవ, పూలంగిసేవ, అష్టాదశ పాదపద్మారాధన, అన్నకూటోత్సవం నిర్వహించారు. సాయంత్రం మహాశాంతి హోమం, సహస్రదీపాలంకరణ, గజవాహనసేవలు అలరించాయి. బ్రహ్మోత్సవాల సందర్భంగా వివిధ రంగాలకు చెందిన 40 మంది ప్రముఖులకు ప్రజ్ఞా పురస్కారాలను అందజేశారు. సర్వవైదిక సంస్థానం మేనేజింగ్‌ ట్రస్టీ శ్రీభాష్యం వరప్రసాద్‌, సంస్థానం సభ్యులు పాల్గొన్నారు. సోమవారం రథోత్సవం, చూర్ణోత్సవం, పూర్ణాహుతి, శ్రీపుష్పయాగం, ఏకాంతసేవతో బ్రహ్మోత్సవాలు ముగియనున్నాయి. – కరీంనగర్‌ కల్చరల్‌

కరీంనగర్‌ టౌన్‌: సాగునీటి సమస్యలపై ప్రభుత్వాన్ని నిలదీస్తూ, పోరాటం సాగిస్తామని కరీంనగర్‌ ఎమ్మెల్యే గంగుల కమలాకర్‌, మాజీ ఎంపీ బోయినపల్లి వినోద్‌ కుమార్‌ స్పష్టం చేశారు. నగరంలోని ఓ హోటల్‌లో ఆదివారం కమలాకర్‌ అధ్యక్షతన ఉమ్మ డి జిల్లా బీఆర్‌ఎస్‌ ముఖ్య నాయకులు సమావేశమయ్యారు. రైతులకు సాగునీరు అందించడంలో ప్రస్తుతం నెలకొన్న పరిస్థితులను ప్రజలకు వివరించేందుకు కేటీఆర్‌ నేతృత్వంలో నవంబర్‌ 11 నుంచి 14 మధ్య రెండు రోజులపాటు బస్సుయాత్ర చేపట్టనున్నట్లు వెల్లడించారు. మేడిగడ్డ నుంచి ప్రారంభమయ్యే బస్సుయాత్ర గోదావరి పరివాహక ప్రాంతంలోని ప్రధాన సాగునీటి ప్రాజెక్టుల మీదుగా సాగుతుందన్నారు. తెలంగాణ ఉద్యమ చరిత్రకు ప్రతీకగా నిలిచిన దీక్షా దివస్‌ను పురస్కరించుకొని నవంబర్‌ 29న అలుగునూర్‌ లేదా నుస్తులాపూర్‌లో 50వేల మందితో భారీ బహిరంగ సభ నిర్వహించేందుకు సన్నాహాలు చేస్తున్నట్లు తెలిపారు. మాజీ మంత్రులు కొప్పుల ఈశ్వర్‌, జీవన్‌ రెడ్డి, ఎమ్మెల్సీ ఎల్‌.రమణ, మాజీ ఎమ్మెల్సీ నారదాసు లక్ష్మణరావు, మాజీ ఎమ్మెల్యేలు దాసరి మనోహర్‌రెడ్డి, విద్యాసాగర్‌ రావు, పుట్ట మధు, కోరుకంటి చందర్‌, రసమయి బాలకిషన్‌, సుంకె రవిశంకర్‌, దేవేందర్‌రెడ్డి, కోలేటి దామోదర్‌, జీవీ.రామకృష్ణారావు, తోట ఆగయ్య, కొండూరు రవీందర్‌ రావు, దావ వసంత, సిద్ధంవేణు, చల్ల హరిశంకర్‌ పాల్గొన్నారు.

పెద్దపల్లిరూరల్‌: జిల్లాలో ఉన్న చారిత్రక ఖిల్లాలను సందర్శించి వాటి ప్రాముఖ్యతను తెలుసుకునేందుకు ఆదివారం చేపట్టిన సీతమ్మలొద్ది ట్రెక్కింగ్‌ కు అనూహ్య స్పందన లభించింది. పెద్దపల్లి మండలం రంగాపూర్‌ శివారు నుంచి మొదలైన ట్రెక్కింగ్‌ 9 కిలోమీటర్ల మేర సాగింది. 560 మంది ట్రెక్కింగ్‌లో పాల్గొన్నారు. సీతమ్మ లొద్దికి చేరుకునే మార్గమధ్యంలో ఉన్న పిడుగుతొర్ర, భీమన్న ఆలయం లాంటి చారిత్రక ప్రదేశాలను తిలకించారు. వాటి విశిష్టతను పురావస్తు అధికారి బీఎన్‌రెడ్డి వారికి వివరించారు. కార్యక్రమంలో జిల్లా మార్కెటింగ్‌ అధికారి ప్రవీణ్‌రెడ్డి, పర్వతారోహకుడు మహిపాల్‌రెడ్డి, రవీందర్‌రెడ్డి, సీఐ ప్రవీణ్‌కుమార్‌, మార్కెటింగ్‌ డీడీఎం పద్మావతి పాల్గొన్నారు.ప్రకృతి ఒడిలో విజ్ఞాన యాత్ర .కరీంనగర్‌టౌన్‌: ఉమ్మడి కరీంనగర్‌ జిల్లాకు చెందిన 45 మంది ప్రధానోపాధ్యాయులు ఆదివారం మంచిర్యాల జిల్లా జన్నారం అటవీ ప్రాంతం, కడెం ప్రాజెక్టును సందర్శించారు. విద్యా విజ్ఞాన యాత్రలో భాగంగా చేపట్టిన ఈ పర్యటనలో ప్రకృతి అందాలను,జింకలు, ఇతర వన్యప్రాణులను అటవీ సఫారీ వాహనాల్లో పర్యటించి వీక్షించారు. వివిధ వృక్షజాతులు, జీవవైవిధ్యం, అడవుల సంరక్షణ ఆవశ్యకతను తెలుసుకున్నారు. అనంతరం అటవీ మ్యూజియాన్ని సందర్శించారు. విజ్ఞాన యాత్ర మధురానుభూతులను మిగిల్చిందని వారు పేర్కొన్నారు.

కరీంనగర్‌: ఓటమి భయంతో కాంగ్రెస్‌ రాజ్యాంగ పరిరక్షణ పేరిట రాజకీయ డ్రామాలకు తెరలేపుతోందని బీజేపీ మహిళా మోర్చా రాష్ట్ర అధ్యక్షురాలు డాక్టర్‌ శిల్పారెడ్డి విమర్శించారు. ఎన్నికల సంఘం, ప్రత్యేక సమగ్ర ఓటరు జాబితా సవరణ (ఎస్‌ఐఆర్‌)పై కాంగ్రెస్‌ చేస్తున్న ఆరోపణలు రాద్ధాంతమని పేర్కొన్నారు. ఈనెల 5న కరీంనగర్‌లో నిర్వహించనున్న మహా పాదయాత్ర సన్నాహక సమావేశం జిల్లా అధ్యక్షురాలు గుర్రాల నిర్మలారెడ్డి ఆధ్వర్యంలో నగరంలో శనివారం జరిగింది. ముఖ్య అతిథిగా హాజరైన శిల్పారెడ్డి మాట్లాడుతూ కేంద్ర ఎన్నికల సంఘంపై బురదజల్లుతూ రాజ్యాంగం ప్రమాదంలో ఉందంటూ కాంగ్రెస్‌ నిరాధార ప్రచారం చేస్తోందని ఆరోపించారు. నవంబర్‌ 1న ఢిల్లీలోని రామ్‌లీలా మైదానంలో నిర్వహించనున్న నిరసన కార్యక్రమం రాజకీయ ఉనికి కోసమేనన్నారు. పోలీసులకు, లాఠీలకు భయపడవద్దంటూ రాహుల్‌గాంధీ కార్యకర్తలను రెచ్చగొట్టేలా మాట్లాడటం సరికాదన్నారు. బీజేపీ జిల్లా అధ్యక్షుడు సాయిని మల్లేశం, మేయర్‌ కొలగాని శ్రీనివాస్‌, రాష్ట్ర అధికార ప్రతిని ధి, డిప్యూటీ మేయర్‌ వై.సునీల్‌రావు, మాజీ జెడ్పీ చైర్మన్‌ కనుమల్ల విజయ మాట్లాడుతూ ఓట్ల చోరీ, ఎస్‌ఐఆర్‌పై నిరాధార ఆరోపణలతో ఎన్నికల సంఘం ప్రతిష్టను దెబ్బతీసేందుకు కాంగ్రెస్‌ ప్రయత్నిస్తోందని విమర్శించారు. కాంగ్రెస్‌ విధానాలను ప్రజాక్షేత్రంలో ఎండగట్టడంతో పాటు ప్రజాస్వా మ్య పరిరక్షణ లక్ష్యంగా కరీంనగర్‌లో మహా పాదయాత్ర నిర్వహిస్తున్నట్లు నాయకులు తెలిపారు. ప్రజలు, యువత, మహిళలు పెద్ద ఎత్తున పాల్గొని విజయవంతం చేయాలని పిలుపునిచ్చారు.

కోల్‌సిటీ: నాకు చిన్నప్పటి నుంచి మాంసాహారం అలవాటు లేదు. నా అలవాటే మా కుటుంబ అలవాటుగా మారింది. ఫొటోగ్రాఫర్‌గా పనిచేస్తున్న నా భర్త సుధీర్‌, బెంగళూరులో ఉ ద్యోగం చేస్తున్న నా కుమార్తె సాయిఆరతి, పంజాబ్‌లో బీటెక్‌ చదువుతున్న నా కుమారుడు సాయిఅభిషేక్‌ పూర్తిగా శాకాహారమే తీసుకుంటున్నారు. మా ఇంట్లో ఎవరూ మాంసాహారం ముట్టుకోరు. జీవహింసకు దూరంగా ఉండటం, ప్రాణులపై ప్రేమ చూపడం మా జీవన విధానంలో భాగమయ్యాయి. శాకాహారం తీసుకుంటూ ఆరోగ్యంగా ఉన్నాం. – ఎదులపురం నాగమణి, గృహిణి, గోదావరిఖని

● హుజూరాబాద్‌, జమ్మికుంట ఆస్పత్రుల్లో అదనపు కలెక్టర్‌ అశ్వినీ తానాజీ వాకడే హుజూరాబాద్‌/జమ్మికుంట: ప్రభుత్వాస్పత్రిలో వైద్యసేవల విషయంలో నిర్లక్ష్యం వహిస్తే చర్యలు తప్పవని అదనపు కలెక్టర్‌ అశ్వినీ తానాజీ వాకడే హెచ్చరించారు. శనివారం హుజూరాబాద్‌ ప్రభుత్వ ఏరియా ఆస్పత్రి, జమ్మికుంట ఆస్పత్రిని ఆకస్మికంగా తనిఖీ చేశారు. వార్డులు, లేబర్‌రూం, మెడికల్‌ స్టోర్‌ను పరిశీలించారు. హుజూరాబాద్‌లో రోగులకు అందుతున్న వైద్యసేవలపై సూపరింటెండెంట్‌ రవీందర్‌ను అడిగి తెలుసుకున్నారు. లేబర్‌ రూమ్‌లో రిజిస్టర్ల నిర్వహణ, మెడికల్‌ స్టోర్‌లో రికార్డులు అసంపూర్తిగా ఉండటంపై అసహనం వ్యక్తం చేశారు. విధులకు హాజరైన వైద్యులు, సిబ్బంది వివరాలను అటెండెన్స్‌ రిజిస్టర్‌తో సరిపోల్చి పరిశీలించారు. ఆసుపత్రి ఎదుట ప్రైవేట్‌ అంబులెన్స్‌లు నిలపకుండా చర్యలు తీసుకోవాలని సూచించారు. మళ్లీ తనిఖీలకు వస్తానని, ఆస్పత్రి నిర్వహణ గాడిలో పడాలని ఆదేశించారు. అసిస్టెంట్‌ కలెక్టర్‌ హరిప్రసాద్‌, ఆర్డీవో జలకుమారి, డీసీహెచ్‌ఎస్‌ డాక్టర్‌ కృష్ణప్రసాద్‌, డాక్టర్‌ హఖీయోద్దీన్‌ ఖాన్‌, డిప్యూటీ డీఎంహెచ్‌వో ప్రభుదాస్‌, మున్సిపల్‌ చైర్‌పర్సన్‌ రొంటాల సుహాసిని, తహసీల్దార్‌ జక్కని నరేందర్‌, కమిషనర్‌ బి.కిషన్‌ పాల్గొన్నారు.

కరీంనగర్‌ అర్బన్‌: రాజనీతిజ్ఞుడు, ఉక్కు మనిషి అయిన సర్దార్‌ వల్ల భాయ్‌ పటేల్‌ స్ఫూర్తితో దేశ సమైక్యత, సమగ్రతను పెంచేందుకు కృషి చేద్దామని కలెక్టర్‌ చిత్రామిశ్రా అన్నారు. దేశ తొలి ఉప ప్రధాని సర్దార్‌ వల్లభాయ్‌ పటేల్‌ జయంతి సందర్భంగా జిల్లా కేంద్రంలోని ఐడీఓసీలో జాతీయ ఐక్యతా దినోత్సవం నిర్వహించారు. కలెక్టర్‌, అధికారులు, సిబ్బంది రాష్ట్రీయ ఏక్తా దివస్‌ ప్రతిజ్ఞ చేశారు. కుల,మతాలు, ప్రాంతాలకతీతంగా మహనీయులు చూపిన బాటలో నడుస్తూ దేశ అభివృద్ధిలో అందరు భాగస్వాములు కావాలన్నారు. డీఆర్‌వో స్వామి పాల్గొన్నారు.

కరీంనగర్‌ క్రైం: పోలీసు అమరవీరుల త్యాగాలు వెలకట్టలేనివని సీపీ గౌస్‌ ఆలం కొనియాడారు. పోలీస్‌ అమరవీరుల సంస్మరణ వారోత్సవాల ముగింపు సందర్భంగా శనివారం రాత్రి కొవ్వొత్తుల ర్యాలీ నిర్వహించారు. తెలంగాణ చౌక్‌ నుంచి అమరవీరుల స్తూపం వరకు ర్యాలీ సాగింది. సీపీ, పీస్‌ అండ్‌ వెల్ఫేర్‌ కమిటీ సభ్యులు, స్వచ్ఛంద సంస్థల ప్రతినిధులు, విద్యార్థులు, పోలీసు సిబ్బంది కొవ్వొత్తులతో అమరవీరులకు నివాళి అర్పించారు. ఉమ్మడి జిల్లాలో ఇప్పటివరకు 47మంది పోలీసులు విధి నిర్వహణలో అమరులయ్యారని గుర్తుచేశారు. ఏసీపీలు వెంకటస్వామి, యాదగిరిస్వామి, విజయ్‌కుమార్‌ పాల్గొన్నారు.

కోరుట్ల: మాది కోరుట్ల. పూర్తి శాకాహా రిని. వైద్యురాలిగా పనిచేస్తూనే మాంసాహారానికి దూరంగా ఉంటున్నా. శాకాహారంలో సంతృప్త కొవ్వులు, కొలెస్ట్రాల్‌ తక్కువగా ఉండటంతో గుండె జబ్బులు రావు. పీచు పదార్థాలు ఎక్కువగా ఉండటంతో కార్బోహైడ్రేట్స్‌ విడుదల చేసే గ్లూకోజ్‌ క్రమ పద్ధతిలో ఉండి మధుమేహం దూరంగా ఉంటుంది. మహిళలకు పీరియడ్స్‌ సమయంలోనూ హార్మోన్‌ విడుదల బ్యాలెన్స్‌గా ఉంటుంది. రోగనిరోధక శక్తి పెరిగి కేన్సర్‌ రిస్క్‌ ఉండదు. పప్పు, ఆకుకూరలు, పండ్లు, నువ్వులతో ఎన్నో ప్రయోజనాలున్నాయి. – డాక్టర్‌ అనురాధ, కోరుట్ల

కరీంనగర్‌క్రైం: జిల్లా న్యాయసేవాధికార సంస్థ ఆధ్వర్యంలో శనివారం జిల్లాజైలులో ఖైదీలకు న్యాయ విజ్ఞాన సదస్సు నిర్వహించారు. ము ఖ్య అతిథిగా పాల్గొన్న డీఎల్‌ఎస్‌ఏ కార్యదర్శి, సీనియర్‌ సివిల్‌ జడ్జి యశ్వంత్‌సింగ్‌ మాట్లాడుతూ ఆర్థిక స్థోమత లేని ఖైదీలు ఉచిత న్యా యసాయం పొందడం రాజ్యాంగబద్ధమైన హ క్కు అన్నారు. ఉచిత న్యాయసేవలు, బెయిల్‌ విధానం, లోక్‌ అదాలత్‌ ద్వారా కేసుల పరిష్కారంపై అవగాహన కల్పించారు. మహిళా ఖైదీల విభాగాన్ని సందర్శించి, లీగల్‌ ఎయిడ్‌ హెల్ప్‌ డెస్క్‌ను పరిశీలించారు. నేర నిరూపణలో పురోగతి కరీంనగర్‌క్రైం: నేరస్తులకు శిక్షలు పడేలా కేసులను పక్కా సాక్ష్యాధారాలతో న్యాయస్థానాల్లో నిరూపించడంలో కరీంనగర్‌ కమిషనరేట్‌ పు రోగతి సాధించిందని సీపీ గౌస్‌ ఆలం తెలిపా రు. 2025లో 33.70 శాతంగా ఉన్న కన్విక్షన్‌ రేటు 2026లో 41.73 శాతానికి పెరిగిందన్నా రు. ఈ ఏడాది ఇప్పటివరకు పరిష్కారమైన 2,013 క్రిమినల్‌ కేసుల్లో 840 కేసుల్లో నేరం రు జువైందని, ఏడు హత్య కేసుల్లో నిందితులకు జీవిత ఖైదు పడిందని వెల్లడించారు. తాజాగా కరీంనగర్‌ రూరల్‌ పోలీస్‌స్టేషన్‌ పరిధిలోని హత్యాయత్నం కేసులో నిందితుడికి మూడేళ్ల జైలు శిక్ష, టూటౌన్‌ పరిధిలోని హత్య కేసులో నిందితుడికి జీవిత ఖైదు విధిస్తూ న్యాయస్థానాలు తీర్పునిచ్చాయని తెలిపారు. నేర నిరూపణల సంఖ్య 25కు చేరిందన్నారు. కేసుల దర్యాప్తు, నేర నిరూపణలో ప్రతిభ కనబరిచిన పోలీసులు, పబ్లిక్‌ ప్రాసిక్యూటర్లు, కోర్టు సిబ్బందిని సీపీ సత్కరించి ప్రశంసించారు. పార్లమెంట్‌లో ఎస్సారార్‌ విద్యార్థిని గళం కరీంనగర్‌సిటీ: భారతదేశ ఉక్కుమనిషి సర్ధార్‌ వల్లభాయ్‌ పటేల్‌ 151వ జయంతి సందర్భంగా పార్లమెంట్‌లో నిర్వహించిన ప్రత్యేక వికసిత్‌ భారత్‌ కార్యక్రమంలో కరీంనగర్‌లోని ఎస్సారార్‌ ప్రభుత్వ కళాశాల విద్యార్థిని ఎం.శ్రీనిత్య ప్రసంగించారు. రాష్ట్రం నుంచి అవకాశం పొందిన ఏకై క వ్యక్తిగా శ్రీనిత్య నిలిచారు. భారత పార్లమెంట్‌ వేదికపై ప్రాతినిధ్యం వహించడం కళాశాలకు ఎంతో గర్వకారణం అని ప్రిన్సిపాల్‌ కె.రామకృష్ణ, వైస్‌ ప్రిన్సిపాల్స్‌ పి.నితిన్‌, టి.రాజయ్య కొనియాడారు. సేంద్రియ సాగుతో ఆరోగ్యం కరీంనగర్‌రూరల్‌: సేంద్రియ విధానంలో పంటలను సాగు చేయడం ద్వారా నేల ఆరోగ్యంగా ఉంటుందని జిల్లా వ్యవసాయాధికారి ఛత్రునాయక్‌ అన్నారు. శనివారం కరీంనగర్‌ మండలం చెర్లభూత్కూర్‌లో నిర్వహించిన ఖేత్‌ బచా వో అభియాన్‌ కార్యక్రమంలో ముఖ్యఅతిథిగా పాల్గొన్నారు. రైతులు సేంద్రియ, ప్రకృతి వ్యవసాయం చేస్తూ భూమిని కాపాడాలన్నారు. ఏడీఏ రణధీర్‌, ఏవో సత్యం పాల్గొన్నారు. కూరగాయలు పండించాలి కొత్తపల్లి: రైతులు కూరగాయలు, పూలసాగును చేపట్టి అధిక లాభాలు పొందాలని జిల్లా ఉద్యాన, పట్టు పరిశ్రమ అధికారి జగన్మోహన్‌ రెడ్డి సూచించారు. కొత్తపల్లి మండలం బద్దిపల్లి, కొండాపూర్‌ గ్రామాల్లో శనివారం క్షేత్రస్థాయి పర్యటించిన ఆయన కూరగాయల పందిరి సాగు, బంతి పూల పంటలను పరిశీలించారు. బీర, కాకర, దొండ వంటి తీగజాతి కూరగాయల సాగును ప్రోత్సహించేందుకు సిమెంట్‌ లేదా రాతి స్తంభాలతో శాశ్వత పందిరి నిర్మాణం చేపట్టడానికి ఉద్యానశాఖ ద్వారా ఎకరానికి రూ.లక్ష సబ్సిడీ అందజేస్తున్నట్లు తెలిపారు. కొండాపూర్‌లో సుమారు 50 మంది రైతులు కూరగాయలు సాగు చేస్తూ, కరీంనగర్‌ సమీపంలో ఉండటంతో పంటలను సులభంగా మార్కెటింగ్‌ చేసుకుంటున్నారని తెలుసుకొని అభినందించారు.

శాకాహారమే అద్భుతం.. అమృతందేశవిదేశాల్లో మంథని రుచులుమంథని: సంప్రదాయ వంటలకు పుట్టినిల్లుగా నిలుస్తోంది మంథని. వేదాలు, మేధావులతో పాటు బ్రాహ్మణులు తమ పాకశాస్త్ర నైపుణ్యాన్ని ప్రపంచవ్యాప్తంగా చాటారు. ఏ ప్రాంతంలో చేయని శాకాహార వంటలు కొన్ని మంథని బ్రాహ్మణుల చేతుల్లో తయారవుతాయి. ఇక్కడి ప్రత్యేకమైన గుమ్మడికాయతో చేసే బరడా, చల్లా పులుసు, పాలకూర ఉప్పుడు పిండి, సొజ్జ భక్ష్యాలు ఎంతో ప్రత్యేకం. నాగ్‌పూర్‌ సిటీ మేయర్‌ ఇంట్లో వీరు శాకాహార వంటలు చేసి జీవనోపాధి పొందేవారు. వీరి తర్వాత చాలా మంది దేశవిదేశాల్లో మంథని వంట రుచులను పంచుతున్నారు. 1907–85లో మంథనికి చెందిన ముద్దు రాధాక్రిష్టయ్య లండన్‌లో పార్ట్‌టైమ్‌ వెయిటర్‌గా పనిచేశారు. మాజీ ప్రధాని వీపీ నరసింహారావు పదవీకాలంలో మంథనికి చెందిన రంగి కిశోర్‌కుమార్‌(కిట్టు) పర్సనల్‌ కుక్‌గా పని చేశారు.

ఇటీవల కలెక్టరేట్‌ నూతన భవనాన్ని ప్రారంభించారు. నగరంలోని పలు ప్రాంతాల్లో ఇప్పటి వరకు అద్దెకున్న వివిధశాఖలకు కలెక్టరేట్‌లో గదులు కేటాయించారు. కలెక్టర్‌ చిత్రామిశ్రా ఆదేశాలతో రెండు మూడు రోజులుగా కలెక్టరేట్‌లోకి ఆఫీసులను మార్చుతున్నారు. కార్యాలయాలకు సరిపడా ఫర్నిచర్‌ లేకపోవడంతో ఫైళ్లు తీసుకొచ్చి మూలన పడేస్తున్నారు. అధికారులు ఇంకా రాకపోగా.. ఫర్నిచర్‌ పూర్తిగా కేటాయిస్తే పరిపాలన సాగించే అవకాశముంది. ఇలా ఇష్టానుసారంగా పడేసిన ఫైళ్లలో ముఖ్యమైనవి దొరక్కుండా పోతే బాధ్యులెవరో అధికారులకే తెలియని ప్రజలు అంటున్నారు. – సాక్షి ఫొటోగ్రాఫర్‌, కరీంనగర్‌

సిరిసిల్ల: సిరిసిల్ల పట్టణంలో మెజార్టీ సామాజిక వర్గం పద్మశాలీలు. కోటీశ్వరులైనా, సామా న్య మధ్యతరగతి వారైనా వారింట్లో జరిగే పెళ్లిలో శాకాహార భోజనమే పెడుతారు. మూ డున్నర దశాబ్దాలుగా ఇక్కడి పద్మశాలి సమాజం ఆచరిస్తున్న సంప్రదాయం. 1990లో మొ దలైన ఈ విధానాన్ని ఇప్పటికీ కొనసాగిస్తున్నా రు. పెళ్లి జరిగే ఇంట్లో హోమం ఉంటుంది కాబ ట్టి మాంసాహారం ముట్టకూడదన్న కులపెద్దల నిర్ణయం మేరకు పెళ్లిలో మాంసాహారన్ని ని షేధించారు. ఆర్థికంగా ఉన్నవారు పెళ్లిలో శా కాహారం పెట్టి, మరుసటి రోజు లేదా.. ఇంకో రోజు విందులో మాంసాహారాన్ని వడ్డిస్తున్నారు.

కొడిమ్యాల: నాకు 96 ఏళ్లు. ఎలాంటి నొప్పులు, దీర్ఘకాలిక వ్యాధులు లేవు. ఇందుకు కారణం చిన్నప్పటి నుంచి శాకాహారమే తింటాను. ఇప్పటివరకు అసలు మాంసాహారమే ముట్టలేదు. పప్పులు, కూరగాయలు, ఆకుకూరలు, స్వచ్ఛమైన పాలు, పెరుగు తీసుకుంటా. బయటి ఆహారం అసలే అలవాటు లేదు. ఇంట్లో వండేదే తింటా. ఆ అలవాట్లే నన్ను ఈ వయసులోనూ ఏ రోగాల బారిన పడకుండా కాపాడాయి. నా తోటివారు మోకాళ్ల నొప్పులు, బీపీ, షుగర్‌ అని ఇబ్బంది పడుతుంటే, నేను ఇప్పటికీ నా పనులు సొంతంగా చేసుకుంటాను. – కోల మల్లవ్వ, నాచుపల్లి, కొడిమ్యాల

హుజూరాబాద్‌: శాకాహారం తీసుకుంటే అన్ని పోషకాలు అందుతున్నాయని భావించకూడదు. రోజువారీ ఆహారంలో పప్పులు, ఆకుకూరలు, చిరుధాన్యాలు ఉండాలి. శరీరానికి అవసరమైన ప్రొటీన్లు, ఐరన్‌, కాల్షియం, విటమిన్‌ బి12 అందేలా చూసుకోవాలి. పూర్తిగా జంతు సంబంధిత ఆహారం మానేసినవారు విటమిన్‌ బి12 విషయంలో శ్రద్ధ వహించాలి. అవసరమైతే వైద్యుల సలహాతో పరీక్షలు, సప్లిమెంట్లు తీసుకోవాలి. – రావుల సుజాత, డైటీషియన్‌, ప్రభుత్వ ఆస్పత్రి, హుజూరాబాద్‌

కోల్‌సిటీ: ఎనిమిదేళ్లుగా నేను, నా భార్య రమాదేవి నాన్‌వెజ్‌కు దూరంగా ఉంటున్నాం. ఆకుకూరలు, కూరగాయలతో కూడిన ఆహారం తీసుకుంటున్నాం. గతంలో ఎన్టీపీసీలో పనిచేస్తున్న సమయంలో జరిగిన ప్రమాదం తర్వాత ఆరోగ్యంపై మరింత శ్రద్ధ పెట్టాను. నాన్‌వెజ్‌ తీసుకున్నప్పుడు ఏసీడీటీ, శరీర నొప్పులలు వంటి సమస్యలు ఎదురయ్యేవి. శాకాహారాన్ని అలవాటు చేసుకున్న తర్వాత ఆరోగ్యంలో మంచి మార్పులు వచ్చాయి. శాకాహారం ఆరోగ్యకరమైన జీవనశైలికి దోహదపడుతుందని నా అనుభవం చెబుతోంది. – జొంగోని శ్రీనివాస్‌, ప్రైవేట్‌ ఉద్యోగి, గోదావరిఖని

ఆర్మూర్‌: ఇజ్రాయెల్‌, రష్యా దేశాల్లో వర్క్‌ వీసాలు ఇప్పిస్తానని మోసం చేస్తున్న నకిలీ ఏజెంట్‌ను నిజామాబాద్‌ జిల్లా పోలీసులు అరెస్టు చేశారు. శుక్రవారం ఆర్మూర్‌ ఎస్‌హెచ్‌వో చంద్రశేఖర్‌రెడ్డి తెలిపిన వివరాలు.. ఆర్మూర్‌కు చెందిన షేక్‌ తాహా పాస్‌పోర్టులు, వీసాలు ఇప్పించి ఇతర దేశాలకు పంపుతామంటూ అనుమతి లేకుండా పట్టణంలోని మహాలక్ష్మి కాలనీలో షైన్‌ అబ్రాడ్‌ కన్సల్టెన్సీ నిర్వహిస్తున్నాడు. కొన్నేళ్లుగా నిజామాబాద్‌ జిల్లాలోని ఆర్మూర్‌, బాల్కొండ, కమ్మర్‌పల్లి, మోర్తాడ్‌, నందిపేట్‌, వేల్పూర్‌, జక్రాన్‌పల్లి, ముగ్పాల్‌ తదితర మండలాలతోపాటు కరీంనగర్‌, జగిత్యాల, నిర్మల్‌ జిల్లాలలోని నిరుద్యోగుల నుంచి అధిక మొత్తంలో డబ్బులు వసూలు చేస్తున్నాడు. ఇజ్రాయెల్‌, రష్యా తదితర దేశాలకు పంపిస్తానని, వర్క్‌ వీసాలు ఇప్పిస్తానని చెప్పి, ఒక్కొక్కరి నుంచి రూ.3 లక్షల నుంచి రూ. 10 లక్షల వరకు డబ్బులు వసూలు చేశాడు. సరైన వీసాలు ఇవ్వకుండా, కొందరికి విజిట్‌ వీసాలు ఇచ్చి, మరికొందరికి వీసాలు ఇవ్వకుండా పాస్‌పోర్టులు దగ్గర పెట్టుకొని మోసం చేసి తిరుగుతున్నాడు. ఈ విషయమై పలువురు బాధితులు షేక్‌ తాహాపై ఫిర్యాదు చేశారని, దీంతో కేసు నమోదు చేసి నిందితుడిని అదుపులోకి తీసుకున్నామని ఎస్‌హెచ్‌వో తెలిపారు. విచారణ చేసిన అనంతరం షేక్‌ తాహా నుంచి కారు, సెల్‌ఫోన్‌ స్వాధీనం చేసుకొని కోర్టులో హాజరుపరిచామన్నారు. షైన్‌ అబ్రాడ్‌ కన్సల్టెన్సీ బాధితులు ఎవరైనా ఉంటే పోలీసులను సంప్రదించాలని ఎస్‌హెచ్‌వో చంద్రశేఖర్‌రెడ్డి సూచించారు. ట్రాక్టర్‌ ఢీకొని వృద్ధుడి మృతికరీంనగర్‌క్రైం: నగరంలోని జ్యోతినగర్‌లో శుక్రవారం జరిగిన రోడ్డు ప్రమాదంలో కన్నెగంటి ప్రసాదరావు(70) మృతిచెందాడు. టూటౌన్‌ పోలీసుల వివరాల ప్రకారం ప్రసాదరావు తన కుమార్తెను వావిలాలపల్లిలోని వివేకానంద కళాశాలలో దింపి బైక్‌పై తిరిగి వస్తుండగా కెమిస్ట్‌ భవన్‌ సమీపంలో వెనుక నుంచి వేగంగా వచ్చిన ట్రాక్టర్‌ ఢీకొట్టింది. ఈ ప్రమాదంలో ఆయన తలకు తీవ్ర గాయాలయ్యాయి. స్థానికులు 108 వాహనంలో ప్రభుత్వ ఆసుపత్రికి తరలించగా అప్పటికే మృతిచెందినట్లు వైద్యులు నిర్ధారించారు. మృతుడి కుమారుడు కనకరత్నకుమార్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు.

మెట్‌పల్లిరూరల్‌/కొడిమ్యాల: మెట్‌పల్లి మండలం రామలచ్చక్కపేట ప్రభుత్వ ప్రాథమిక పాఠశాల ఉపాధ్యాయురాలు విజయలక్ష్మి ఆల్‌రౌండర్‌ బెస్ట్‌ పెర్ఫార్మర్‌గా గుర్తింపు పొందారు. హైదరాబాద్‌ రవీంద్రభారతిలో భాషా సాంస్కృతిక శాఖ, బీఆర్‌ అంబేద్కర్‌ తెలంగాణ సెక్రటేరియట్‌ అసోసియేషన్‌ సంయుక్తంగా ఆల్‌ ఇండియా సివిల్‌ సర్వీసెస్‌ మ్యూజిక్‌, డాన్స్‌ అండ్‌ షార్ట్‌ ఫిల్మ్‌ సెలక్షన్స్‌ నిర్వహించారు. ఈ నెల 28న ప్రారంభమైన కార్యక్రమం శుక్రవారం ముగిసింది. ఫోక్‌ గ్రూప్‌ డాన్స్‌, ఫోక్‌ సోలో సాంగ్‌, ఫోక్‌ గ్రూప్‌ సాంగ్‌, అయ్యా బాబోయ్‌ ఏఐ షార్ట్‌ ఫిల్మ్‌ విభాగాల్లో ప్రతిభ కనబరిచిన విజయలక్ష్మి ఆల్‌రౌండర్‌ బెస్ట్‌ పెర్ఫార్మర్‌గా గుర్తింపు సాధించింది. ఈ మేరకు కల్చర్‌ సెక్రటరీ యామిని కనకధార, కల్చరల్‌ వింగ్‌ మేనేజర్‌ శ్రీశైలం ప్రశంసాపత్రం అందజేశారు. అలాగే కొడిమ్యాల మండలం ఆరపల్లి ప్రాథమిక పాఠశాల ఉపాధ్యాయురాలు శ్రావణి క్లాసికల్‌ సోలో డ్యాన్స్‌, తదితర విభాగాల్లో సత్తాచాటి ప్రశంసాపత్రం అందుకుంది.

సిరిసిల్ల అర్బన్‌: గంపెడాశలతో గల్ఫ్‌బాట పట్టిన వ్యక్తి అనారోగ్య ంతో మృతిచెందాడు. సిరిసిల్ల పరిధిలోని చంద్రంపేట జ్యోతినగర్‌కు చెందిన అల్లెపు మల్లయ్య(55) పది నెలల క్రితం బహ్రెయిన్‌ వెళ్లాడు. విధులు ముగించుకొని గదికొచ్చిన తర్వాత జ్వరం, తలనొప్పి కోసం ట్యాబ్లెట్‌ వేసుకున్న కొద్దిసేపటికే అకస్మాత్తుగా కిందపడిపోయాడు. వెంటనే స్వగ్రామంలో ఉన్న తన భార్య దేవవ్వకు ఫోన్‌లో సమాచారం ఇచ్చి ఆస్పత్రిలో చేరాడు. వారం రోజులుగా చికిత్స పొందుతూ గురువారం మృతిచెందినట్లు బహ్రెయిన్‌లో ఉన్న తన స్నేహితులు ఫోన్‌ ద్వారా సమాచారం అందించారు. కూతుళ్ల వివాహాల కోసం రూ.17లక్షల వరకు లోన్‌ తీసుకున్నాడని, తమను ప్రభుత్వం ఆదుకోవాలని మృతుని భార్య దేవవ్వ, కుటుంబ సభ్యులు కోరారు.

కొత్తపల్లి(కరీంనగర్‌)/పెద్దపల్లి: అర్నబ్‌ తుపాను ప్రభావంతో ఆంధ్రప్రదేశ్‌లో విద్యుత్‌ సరఫరాకు అంతరాయం ఏర్పడింది. సరఫరాను పునరుద్ధరించేందుకు ఎన్పీడీసీఎల్‌ సీఎండీ కర్నాటి వరుణ్‌రెడ్డి ఆదేశాల మేరకు కరీంనగర్‌ సర్కిల్‌ నుంచి ప్రత్యేక బృందాలను ఏపీలోని అమలాపురం ప్రాంతానికి పంపించారు. కరీంనగర్‌ సర్కిల్‌ నుంచి 13 బృందాల్లోని 131 మంది విద్యుత్‌ సిబ్బంది, ఐదుగురు కాంట్రాక్టర్ల ఆధ్వర్యంలో మరమ్మతుల కోసం శుక్రవారం కరీంనగర్‌ నుంచి బయలుదేరి వెళ్లారు. వీరితోపాటు నాలుగు ఆకర్‌ మిషన్లు, ఐదు వాహనాలను కూడా పంపించారు. తుపాను ప్రభావిత ప్రాంతాల్లో విద్యుత్‌ లైన్ల మరమ్మతు చేపట్టి, వీలైనంత త్వరగా విద్యుత్‌ సరఫరాను పునరుద్ధరించేందుకు ఈ బృందాలు సేవలందించనున్నాయని కరీంనగర్‌ సర్కిల్‌ ఎస్‌ఈ విజేందర్‌రెడ్డి తెలిపారు. అత్యవసర పరిస్థితుల్లో ఇతర ప్రాంతాలకు సహకరించేందుకు విద్యుత్‌ శాఖ సిబ్బంది ముందుకు రావడం అభినందనీయమన్నారు. ఈ మేరకు ఏపీకి వెళ్లే విద్యుత్‌ సిబ్బంది వాహనాలకు శుక్రవారం జెండా ఊపీ ఎస్‌ఈ ప్రారంభించారు. ఈ కార్యక్రమంలో విద్యుత్‌ శాఖకు చెందిన డీఈలు, ఏడీలు, ఏఈలు, ఉపేందర్‌, రాజం, రవి, ప్రదీప్‌ ఇతర అధికారులు, ఉద్యోగులు, కార్మికులు పాల్గొన్నారు.

మేడిపల్లి(భీమారం): ఆ విద్యార్థిని పరుగు పందెంలో ఎక్కడ పాల్గొన్నా.. మెడల్‌ ఆమె సొంతం కావా ల్సిందే. భీమారం మండలం గోవిందారం గ్రామానికి చెందిన బత్తుల రుచిత రాష్ట్రస్థాయిలో తొమ్మిదిసార్లు రాణించి జిల్లా పేరును నిలబెట్టింది. కాగా, ఆ విద్యార్థి కుటుంబాన్ని ఆర్థిక ఇబ్బందులు వెంటాడుతున్నాయి. చదువులు చదించలేమని, పరుగు పందేలపై ఆశలు వదిలేసుకోవాలని కుటుంబీకులు చెప్పడంతో కన్నీరు పెట్టుకుంటూ స్కూల్‌ హెచ్‌ఎం. వ్యాయామ ఉపాధ్యాయుడికి చెప్పుకుని బాధపడింది. గోవిందారం గ్రామానికి చెందిన బత్తుల రుచిత స్థానిక ప్రభుత్వ పాఠశాలలో పదో తరగతి చదువుతోంది. 6వ తరగతి నుంచే పరుగుపందెంలో ప్రత్యేక గుర్తింపు తెచ్చుకొని, ఇప్పటి వరకు తొమ్మదిసార్లు రాష్ట్ర స్థాయిలో 800 మీటర్లు, 600 మీటర్ల పోటీల్లో సత్తాచాటింది. కాగా, నేషనల్‌ లెవల్‌లో పోటీపడాలంటే ప్రత్యేక కోచింగ్‌ అవసరం. డబ్బు వెచ్చించి కోచింగ్‌ తీసుకునే స్థోమత లేకపోవడంతో రుచిత ఉపాధ్యాయులకు చెప్పుకుంటూ కన్నీరు పెట్టుకుంది. ఎవరైనా దాతలు ముందుకొచ్చి ప్రోత్సాహం అందిస్తే నేషనల్‌ లెవల్‌లో ఆడి, దేశం తరఫున ఒలింపిక్స్‌లో ఆడుతానంటుంది రుచిత. ఆర్థికంగా ఇబ్బంది పడుతున్న విద్యార్థిని ప్రోత్సహిస్తే జాతీయస్థాయిలో రాణించే అవకాశం

కరీంనగర్‌ స్పోర్ట్స్‌: జిల్లా పాఠశాలల క్రీడాసమాఖ్య (ఎస్జీఎఫ్‌) ఆధ్వర్యంలో కరీంనగర్‌ ప్రాంతీయ క్రీడా పాఠశాలలో ఉమ్మడి జిల్లాస్థాయి బాలబాలికల అథ్లెటిక్స్‌ పోటీలు శుక్రవారం ఘనంగా ప్రారంభమయ్యాయి. కరీంనగర్‌, జగిత్యాల, రాజన్న సిరిసిల్ల, పెద్దపల్లి జిల్లాల నుంచి అండర్‌–14, అండర్‌–17 విభాగాల్లో దాదాపు 250 మంది క్రీడాకారులు పాల్గొన్నారు. పోటీలను ప్రారంభించిన జిల్లా ఎస్జీఎఫ్‌ కార్యదర్శి ఎల్‌. బన్సీలాల్‌ మాట్లాడుతూ.. ప్రతిభ కలిగిన క్రీడాకారులను ప్రోత్సహించేందుకే ఈ పోటీలను నిర్వహిస్తున్నామని, ప్రతిభ చూపిన వారిని రాష్ట్రస్థాయి పోటీలకు ఎంపిక చేస్తామని తెలిపారు. బాలబాలికలకు రన్స్‌, జంప్స్‌, త్రోస్‌, వాకింగ్‌ విభాగాలలో పోటీలు నిర్వహించి విజేతలకు పతకాలు అందజేశారు. కన్వీనర్‌ పోతన శ్రీనివాస్‌, పీడీలు డాక్టర్‌ ఎజాజ్‌ అహ్మద్‌, చంద్రశేఖర్‌, రమేశ్‌ పాల్గొన్నారు.

వీర్నపల్లి: రాజన్నసిరిసిల్ల జిల్లా వీర్నపల్లి మండలం గర్జనపల్లి ఫారెస్ట్‌ క్వార్టర్స్‌లో జరిగిన రంగురాళ్ల దొంగతనం కేసులో పోలీసులు శుక్రవారం ముగ్గురిని అరెస్ట్‌ చేసి రిమాండ్‌కు తరలించారు. ఎస్సై వి.లక్ష్మణ్‌ తెలిపిన వివరాలు. మండలంలోని అడవిపదిరకు చెందిన వేముల శేఖర్‌, వేముల అలియస్‌ ఎముల ఆదివిష్ణు, కోనరావుపేట మండలం మరిమడ్లకు చెందిన బత్తుల ప్రవీణ్‌ అటవీ ప్రాంతం నుంచి రంగురాళ్లు సేకరిస్తున్నట్లు తెలుసుకున్న గర్జనపల్లి అటవీ అధికారులు వారి ఇళ్లలో సోదాలు నిర్వహించారు. రెండు బస్తాల రంగురాళ్లను స్వాధీనం చేసుకుని ఈనెల 5న గర్జనపల్లి ఫారెస్ట్‌ గెస్ట్‌హౌస్‌లో భద్రపరిచారు. అదే రాత్రి గెస్ట్‌హౌస్‌లో భద్రపరిచిన రంగురాళ్లు చోరీకి గురయ్యాయి. ఈ ఘటనపై ఫారెస్ట్‌ బీట్‌ ఆఫీసర్‌ లావణ్య పోలీసులకు ఫిర్యాదు చేశారు. వీర్నపల్లి ఎస్సై వేముల లక్ష్మణ్‌ కేసు నమోదు చేసి దర్యాప్తు చేపట్టారు. విచారణలో ముగ్గురి ప్రమేయం ఉన్నట్లు గుర్తించి శుక్రవారం అరెస్టు చేశారు. వారి నుంచి 60 కిలోల రంగురాళ్లతోపాటు ఒక సెల్‌ఫోన్‌ను స్వాధీనం చేసుకున్నారు. అనంతరం నిందితులను కోర్టులో హాజరుపరిచి రిమాండ్‌కు తరలించారు. పేకాడుతూ పట్టుబడిన విండో చైర్మన్‌శంకరపట్నం: కేశవపట్నంలోని ఓ ప్రాంతంలో సాగుతున్న పేకాట స్థావరంపై శుక్రవారం రాత్రి టాస్క్‌పోర్స్‌ ఏసీపీ సతీశ్‌ ఆధ్వర్యంలో దాడులు చేశారు. గద్దపాక విండో చైర్మన్‌ బసవయ్యతో పాటు పలువురు పట్టుబడ్డారు. వారినుంచి రూ.11,350 నగదు, ఆరు సెల్‌ఫోన్లు, రెండు ద్విచక్ర వాహనాలను స్వాధీనం చేసుకున్నారు. వారిపై కేసు నమోదు చేశామని ఎస్సై శేఖర్‌రెడ్డి తెలిపారు. కరీంనగర్‌ బస్టాండు వద్ద గుర్తుతెలియని వ్యక్తి మృతికరీంనగర్‌క్రైం: కరీంనగర్‌ ఆర్టీసీ బస్టాండ్‌ సమీపంలో గుర్తుతెలియని వ్యక్తి మృతి చెందాడు. పోలీసుల వివరాల ప్రకారం శుక్రవారం మధ్యాహ్నం సుమారు 1.30 గంటల సమయంలో డివైడర్‌పై ఓ వ్యక్తి స్పృహ లేకుండా పడి ఉండటాన్ని గమనించిన స్థానికులు 108 అంబులెన్స్‌కు సమాచారం అందించారు. అంబులెన్స్‌ సిబ్బంది అతడిని ఆసుపత్రికి తరలించగా అప్పటికే మృతి చెందినట్లు వైద్య సిబ్బంది నిర్ధారించారు. మృతుడి వయసు సుమారు 40 నుంచి 45 ఏళ్లు ఉంటుందని, లేత గులాబీ రంగు ఫుల్‌హ్యాండ్స్‌ టీషర్ట్‌, నలుపు రంగు ప్యాంటు ధరించి ఉన్నాడని వన్‌టౌన్‌ పోలీసులు తెలిపారు. మృతదేహాన్ని కరీంనగర్‌ ప్రభుత్వ ఆసుపత్రి మార్చురీలో భద్రపరిచారు. ఆచూకీ తెలిసినవారు వన్‌టౌన్‌ పోలీసులను సంప్రదించాలని కోరారు. ఉరేసుకొని రైతు ఆత్మహత్యజమ్మికుంట: జమ్మికుంట మండలం పాపక్కపల్లిలో అప్పుల బాధతో ఓ రైతు శుక్రవారం సాయంత్రం ఆత్మహత్య చేసుకున్నాడు. గ్రామానికి చెందిన పుట్టకొక్కుల రాజయ్య (62) తనకున్న రెండెకరాలతో పాటు ఐదెకరాలు కౌలుకు తీసుకుని పత్తి, వరి సాగు చేశాడు. పెట్టుబడికి రూ.10లక్షల అప్పు చేశాడు. దిగుబడులు అశించిన మేరకు రాకపోవడంతో అప్పులు తీర్చే మార్గం లేక మనస్తాపంతో ఇంట్లో ఉరివేసుకొని ఆత్మహత్య చేసుకున్నాడు. రాజయ్యకు భార్య రాధ, కూతురు ఉన్నారు.

జగిత్యాలక్రైం: నేరాలు చేసి ఇతర దేశాలకు పారిపోయిన నిందితులతో కోర్టుల్లో కేసులు దీర్ఘకాలికంగా పెండింగ్‌లో ఉంటున్నాయి. వీటి పరిష్కారం కోసం విదేశాల్లో ఉన్న నిందితులపై జిల్లా పోలీసు యంత్రాంగం ప్రత్యేక దృష్టి సారించింది. ప్రత్యేక నిఘా పెట్టి లుక్‌ అవుట్‌ సర్క్యూలర్‌ (ఎల్‌వోసీఎస్‌) జారీ చేశారు. నిందితులు స్వదేశానికి వస్తున్న సమయంలో ఇమిగ్రేషన్‌ వారి సహాయంతో అరెస్ట్‌ చేసి జైలుకు తరలిస్తున్నారు. 152 మందిపై లుక్‌ అవుట్‌ నోటీసులు జగిత్యాల జిల్లాలో 2019 నుంచి ఇప్పటి వరకు నేరం చేసి ఇతర దేశాలకు పారిపోయిన 152 మందిపై లుక్‌ అవుట్‌ సర్క్యూలర్‌ జారీ చేయగా, 119 మందిని అరెస్ట్‌ చేశారు. కాగా, ఈ ఏడాది ఇప్పటి వరకు 19 మందిపై లుక్‌ అవుట్‌ నోటీసులు జారీ చేయగా, ప్రత్యేక బృందాలను ఏర్పాటు చేసి 16 మందిని అరెస్ట్‌ చేశారు. సత్వర కేసుల పరిష్కారానికి వారెంట్లు జిల్లా వ్యాప్తంగా దీర్ఘకాలికంగా కోర్టుల్లో పెండింగ్‌ కేసుల పరిష్కారానికి న్యాయశాఖ ఆదేశాల మేరకు పోలీసులు ప్రత్యేక చర్యలు చేపడుతున్నారు. జిల్లాలో పలు కేసుల్లో నిందితులుగా ఉండి కోర్టుకు హాజరు కాక తప్పించుకుని తిరుగుతున్న వారందరికీ కోర్టు నాన్‌బెయిలబుల్‌ వారెంట్‌ జారీ చేసి పోలీసులకు జాబితా అందజేస్తున్నారు. దీంతో పోలీసులు ప్రత్యేక బృందాలుగా ఏర్పడి నిందితులను పట్టుకుని కేసుల పరిష్కారానికి చొరవ చూపుతున్నారు. ఇమిగ్రేషన్‌ సెంటర్లలో నిందితుల జాబితా జిల్లాలో నేరాలకు పాల్పడి విదేశాలకు పారిపోయిన వారిని పట్టుకునేందుకు పోలీసులు వారి పూర్తి వివరాలు సేకరించి హైదరాబాద్‌, ముంబాయ్‌తో పాటు ఇతర నగరాల్లోని విమానాశ్రయాల్లో ఇమిగ్రేషన్‌ సెంటర్లకు సమాచారం అందజేస్తారు. నిందితులు స్వదేశానికి చేరుకోగానే ఇమిగ్రేషన్‌ సెంటర్‌ వద్ద గుర్తించి పోలీసులకు సమాచారం అందిస్తారు. దీంతో నిందితులను పట్టుకుని కోర్టుల్లో హాజరు పరుస్తారు. దీని వల్ల పెండింగ్‌ కేసులను పరిష్కరించే దిశగా పోలీసులు ప్రయత్నిస్తున్నారు. స్వదేశం రాగానే అరెస్ట్‌కు సిద్ధం నేరం చేసి విదేశాలకు వెళ్లిన 152 మంది ఇమిగ్రేషన్‌ సాయంతో గుర్తింపు

కరీంనగర్‌ టౌన్‌: మోడల్‌ స్కూళ్ల ఉపాధ్యాయులు తమ సమస్యల పరిష్కారానికి ఆందోళనలకు సిద్ధమయ్యారు. ఐదు ఉపాధ్యాయ సంఘాలతో ఏర్పాటైన మోడల్‌ స్కూల్స్‌ యూనియన్స్‌ జేఏసీ (ఎంఎస్‌జేఏసీ) ప్రభుత్వానికి 12 డిమాండ్లతో కూడిన వినతిపత్రాన్ని అందజేశారు. శుక్రవారం జిల్లావ్యాప్తంగా ఉన్న 11మోడల్‌ స్కూళ్లలో మధ్యాహ్న భోజ నసమయంలో నల్లబ్యాడ్జీతో నిరసన చేపట్టారు. నిరసన కార్యక్రమాల ప్రణాళిక శని, ఆదివారాల్లో పాఠశాలస్థాయిలోనే నిరసన కార్యక్రమాలు చేపట్టనున్నారు. నవంబర్‌ 2,3 తేదీల్లో తహసీల్దార్‌, ఎంపీడీవో, ఎంఈవోలకు వినతి పత్రాలు సమర్పిస్తారు. 4,5,6 తేదీలో డీఈవో, కలెక్టర్‌కు వినతిపత్రాలు అందించనున్నారు. 10,11,12 తేదీల్లో స్థానిక ఎమ్మెల్యే, ఎమ్మెల్సీ, ఎంపీలను కలసి సమస్యలను వివరిస్తారు. 17న చలో హైదరాబాద్‌ కార్యక్రమంతో పాఠశాల విద్యా డైరెక్టరేట్‌ ఎదుట ధర్నా చేపట్టేందుకు జేఏసీ స్టీరింగ్‌ కమిటీ అధ్వర్యంలో కార్యచరణ రూపొందించారు. జిల్లాలో 11మోడల్‌ స్కూళ్లు జిల్లావ్యాప్తంగా 11మోడల్‌ స్కూళ్లున్నాయి. ఒక్కో పాఠశాలలో ప్రిన్సిపాల్‌, పీజీటీలు –13 టీజీజీలు–6, అవుట్‌ సోర్సింగ్‌ సిబ్బంది నలుగురు చొప్పున మొత్తంగా 24 మంది స్టాప్‌ ఉంటారు. జిల్లాలో ఆరు ప్రిన్సిపాల్‌ పోస్టులు మాత్రమే రెగ్యులర్‌కాగా, మిగితా ఐదుగురు ఇన్‌చార్జిలు కొనసాగుతున్నారు. 200మంది పిజీటీలు, 50 మంది టీజీటీలు, 44మంది అవుట్‌ సోర్సింగ్‌ సిబ్బంది పని చేస్తున్నారు. హెచ్‌బీటీ 18మంది పనిచేస్తున్నారు. మిగిత పోస్టులు ఖాళీలుగా ఉన్నారు. ప్రధాన డిమాండ్లు మోడల్‌ స్కూళ్లను పాఠశాల విద్యాశాఖలో విలీనం చేయాలి. మరణించిన ఉద్యోగుల కుటుంబాలకు కారుణ్య నియామకాలు కల్పించడంతోపాటు, వారికి రావాల్సిన తుది ప్రయోజనాలు చెల్లించాలి. టీజీటీ ఉపాధ్యాయులకు జూన్‌ 2013 నుంచి నోషనల్‌ సర్వీసును వర్తింపజేయాలి. పెండింగ్‌లో ఉన్న కరవు భత్యం బకాయిలు చెల్లించడంతో పాటు, సీపీఎస్‌ మ్యాచింగ్‌ గ్రాంట్‌ విడుదల చేయాలి. ఉపాధ్యాయులు, సిబ్బందికి ఉద్యోగుల ఆరోగ్య పథకం (ఈహెచ్‌ఎస్‌) సౌకర్యం కల్పించాలి. జీవో 317ను అమలు చేసి, ఉపాధ్యాయులకు పదోన్నతులు కల్పించాలి. మోడల్‌ స్కూళ్లలో జూనియర్‌ లెక్చరర్‌ (జేఎల్‌) పోస్టులను మంజూరు చేయాలి. హిందీ పీజీటీ ఉపాధ్యాయుల పోస్టులను మంజూరు చేయాలి. ఖాళీగా ఉన్న పోస్టులను భర్తీ చేయడంతోపాటు, ప్రతి పాఠశాలకు ఒక జూనియర్‌ అసిస్టెంట్‌ పోస్టును కేటాయించాలి. టీజీటీ, పీజీటీ సైన్స్‌ ఉపాధ్యాయులపై ఉన్న అదనపు పనిభారాన్ని తగ్గించాలి. ఔట్‌సోర్సింగ్‌ ఉద్యోగులను క్రమబద్ధీకరించాలి. హెచ్‌బీటీ ఉపాధ్యాయులకు కనీస వేతనంగా నెలకు రూ.35 వేల చొప్పున చెల్లించాలి. 12 డిమాండ్లతో సర్కారుకు అల్టిమేటం ఎంఎస్‌ జేఏసీ అధ్వర్యంలో దశలవారీగా ఆందోళనకు పిలుపువిలీనంతోనే సమస్యలు పరిష్కారం పాఠశాల విద్యాశాఖలో మోడల్‌ స్కూల్‌ టీచర్లను విలీనం చేయడం ద్వారా వేతనాలు, సర్వీసు తదితర సమస్యలకు పరిష్కారం లభిస్తుంది. ఆంధ్రప్రదేశ్‌ తరహాలో మోడల్‌ స్కూళ్లను పాఠశాల విద్యలో విలీనం చేసి, 010 పద్దు ద్వారా వేతనాలు చెల్లించాలి. జీవో 317ను అమలు చేసి ఉపాధ్యాయులు, సిబ్బందిని కొత్త మల్టీ జోన్లు, జోన్లు, జిల్లాల వారీగా కేటాయించాలి. నాణ్యమైన ఫలితాలు అందిస్తున్న మోడల్‌ స్కూళ్లుపై ప్రభుత్వం సవతి తల్లి ప్రేమను విడనాడాలి. – అప్పాల అశోక్‌కుమార్‌, జేఏసీ స్టీరింగ్‌ కమిటీ నాయకుడు

గంభీరావుపేట: ప్రభుత్వ, ప్రైవేటు పాఠశాలల్లో చదువుతున్న విద్యార్థుల వివరాలను విద్యాశాఖ అధికారులు యూడైస్‌ ప్లస్‌లో(ఆన్‌లైన్‌)లో విద్యా సంవత్సరం ప్రారంభంలో నమోదు చేశారు. విద్యార్థుల వివరాలలో తప్పులు దొర్లినట్లు విద్యాశాఖ అధికారులు గుర్తించారు. వాటిని సరిచేయడానికి చివరి అవకాశం కల్పించారు. శనివారం నాటికి యూడైస్‌ ప్లస్‌లో వివరాలను సరిచేయాలని విద్యాశాఖ ఆదేశించింది. రాజన్నసిరిసిల్ల జిల్లాలో 315 ప్రాథమిక, 38 ప్రాథమికోన్నత, 111 ఉన్నత, 7 ఆదర్శ, 30 రెసిడెన్షియల్‌ పాఠశాలలు ఉన్నాయి. ఆయా పాఠశాలల్లో సుమారు 48వేల మంది విద్యార్థులు చదువుకుంటున్నారు. అలాగే 127 ప్రైవేటు పాఠశాలలు ఉండగా.. 30వేల మంది విద్యార్థులు చదువుతున్నారు. నమోదు చేసేటప్పుడు యూడైస్‌ ప్లస్‌లో విద్యార్థులకు సంబంధించిన వివరాలను నమోదు చేసేటప్పుడు అక్షర దోషాలు, సమాచారంలో తేడాలు, తరగతులు ఇతర వివరాల్లో పొరపాట్లు జరిగే అవకాశం ఉంటుంది. అలాగే పాఠశాల వివరాల్లోనూ తప్పులు ఉంటే వాటిని గుర్తించి సరిచేయాల్సి ఉంది. ఇందుకోసం సంబంధిత రికార్డులను పరిశీలించి ఆన్‌లైన్‌లో నమోదైన సమాచారాన్ని ధ్రువీకరించుకోవాల్సి ఉంది. ఆధార్‌కార్డులో ఉన్నట్లుగా ఇంటి పేరు రిజిస్టర్‌లో లేకుండా మరోలా ఉండడం, విద్యార్థి తల్లిదండ్రుల పేరు, పుట్టిన తేదీ తప్పుగా ఉండడం జరుగుతుంది. ప్రధానంగా పై తరగతులకు వెళ్లేటప్పుడు, పదో తరగతి, ఇంటర్‌ ఇతర పోటీపరీక్షల ఆన్‌లైన్‌లో నమోదు చేసే సమయంలో విద్యార్థులు తీవ్ర ఇబ్బందులు ఎదుర్కొంటున్నారు. వీటిని గుర్తించి తప్పుల సవరణకు ఉన్నతాధికారులు అవకాశం కల్పించారు. ప్రణాళికల రూపకల్పనకు కీలకం విద్యార్థుల భవిష్యత్‌కు సంబంధించి ప్రణాళికల రూపకల్పన చేయాలంటే పాఠశాలల్లో వారి వివరాలు సమగ్రంగా ఉండాలి. ఎంత మంది విద్యార్థులు చదువుతున్నారు.. ఏయే తరగతుల్లో చదువుతున్నారు.. పాఠశాలల్లో ఏయే సదుపాయాలు ఉన్నాయి.. అనే అంశాలపై స్పష్టమైన సమాచారం ఉంటేనే విద్యావ్యవస్థను బలోపేతం చేసుకునేందుకు వీలుంటుంది. తప్పుల సవరణకు నేడు చివరి అవకాశం

బియ్యం పిరం..జిల్లా మొత్తం జనాభా: 11లక్షలు కుటుంబాలు: 3.50లక్షలు రైస్‌డిపోలు: సుమారు 3,550 మిల్లులు: 160 బియ్యానికి పెంచిన ధర క్వింటాల్‌కు: 3,000(సుమారు) కుటుంబానికి సగటున 3 నెలలకు వినియోగం: క్వింటాల్‌ ధరలు ఇలాగే సాగితే వ్యాపారులకు లాభం: రూ.105కోట్లురెండు నెలల క్రితం జై శ్రీరామ్‌ బియ్యం కిలో రూ.50 ఉండేది. ఎల్‌నినో అనే ప్రకటన రాగానే సిండికెట్‌గా మారిన ధరలను పెంచేశారు. ప్రస్తుతం కిలో రూ.85కు విక్రయిస్తున్నారు. అంటే అంతలోనే రూ.35పెంచేశారు. రాష్ట్రంలో సరిపడా నిల్వలు ఉన్నా కృత్రిమ కొరత సృష్టిస్తున్నారు. కరీంనగర్‌ అర్బన్‌: పంటసాగుకు పడే కష్టం ఒక ఎత్తయితే.. ధాన్యాన్ని అమ్ముకునే సమయంలో ఎదుర య్యే సమస్యలు మరో ఎత్తు. మరోవైపు మార్కెట్లో బియ్యం ధరలు పెరుగుతుండటంతో సామాన్య, మధ్యతరగతి కుటుంబాలపై అదనపు భారం పడుతోంది. ధాన్యం కొనుగోలు ధరకు, వినియోగదారుడు బియ్యం కోసం చెల్లించే ధరకు మధ్య భారీ వ్యత్యాసం ఉండటంతో ఈ ప్రయోజనం ఎవరికి దక్కుతోందన్న ప్రశ్న ఉత్పన్నమవుతోంది. గంటల్లోనే వ్యాపారులు రూ.లక్షలు సంపాదిస్తుంటే అన్నదాత అదేస్థాయిలో దోపిడీకి గురవుతున్నాడు. ఎల్‌నినో ప్రభావమంటూ తొలుత ధరలను పెంచేసి ధాన్యం కొనుగోలు చేసిన వ్యాపారులు తీరా సిండికేట్‌గా మారి మద్దతు ధరకు కొంత ఎక్కువ ఇచ్చి భారీ మొత్తంలో నిల్వ చేస్తున్నారు. ధాన్యం, బియ్యానికి భారీ వ్యత్యాసం ప్రభుత్వం ధాన్యం క్వింటాల్‌కు రూ.2,441, గ్రేడ్‌–ఏ ధాన్యం రూ.2,461 కనీస మద్దతు ధరగా నిర్ణయించింది. గత మార్కెటింగ్‌ సీజన్‌లో సాధారణ రకం ధాన్యానికి రూ.2,369, గ్రేడ్‌–ఏ ధాన్యానికి రూ.2,389 చెల్లించారు. ఇవే ధరలతో కొనుగోలు చేసిన వ్యాపారులు ప్రస్తుతం ఇష్టారీతిగా పెంచేశారు. ధాన్యం నుంచి బియ్యం తయారై వినియోగదారుడి చేతికి చేరే వరకు అనేక ఖర్చులున్నాయని చెప్పి ధరలను పెంచడం విమర్శలకు తావిస్తోంది. కలెక్టర్‌ గారూ.. స్పందించరూ రైతుకు గిట్టుబాటు ధర అందకపోవడం, వినియోగదారుడు అధిక ధర చెల్లించాల్సి రావడం రెండూ సమస్యలే. ఈ రెండింటి మధ్య ఉన్న సరఫరా వ్యవస్థను సమీక్షించి, అనవసర ఖర్చులు లేదా అన్యాయమైన లాభాలు ఉంటే గుర్తించాల్సిన బాధ్యత ప్రభుత్వంపై ఉంది. ఎల్‌నినో ప్రభావం.. ఆహార భద్రతపై అప్రమత్తత అవసరమని, ఉత్పత్తి తగ్గితే రైతుకు నష్టం కలగకుండా చూడటంతోపాటు, బియ్యం ధరలు అదుపు తప్పకుండా చర్యలు తీసుకోవాలని ప్రజలు కోరుతున్నారు.జిల్లాలో ఽవరి కోతలు ఊపందుకున్నాయి. వారం రోజుల క్రితం పచ్చి వడ్లనే క్వింటాల్‌కు రూ.3500 ఇచ్చి కొనుగోలు చేశారు. పంట మార్కెట్‌ను ముంచెత్తే క్రమంలో రూ.2,600కు పరిమితం చేశారు. ఇతర జిల్లాలో రూ.4వేల వరకు ధర పలుకుతుండగా సిండికేట్‌గా మారిన వ్యాపారులు రైతును ముంచుతున్నారు.బియ్యం ధరలను పెంచి లాభపడేది.. ధాన్యం ధరలు తగ్గించి రూ.కోట్లు గడించేది వ్యాపారులే. అక్కడ సామాన్యులపై భారం పడుతుండగా ఇక్కడ రైతులను లూటీ చేస్తున్నారు. ఏసీల్లో కూర్చునేవారే ధరలను శాసిస్తుంటే ఎండలో చెమటోడ్చే రైతులు, సామాన్యులే బలిపశువులవుతున్నారు. ఇంత జరుగుతున్నా యంత్రాంగం చర్యలు శూన్యం.

కొత్తపల్లి/కరీంనగర్‌ క్రైం: పిల్లలు మంచి, చెడులను గుర్తించి, చెడు ప్రవర్తనను ధైర్యంగా వ్యతి రేకించడంతో పాటు సంబంధిత అధికారులకు ఫిర్యాదు చేయాలని జిల్లా న్యాయ సేవాధికార సంస్థ కార్యదర్శి, సీనియర్‌ సివిల్‌ జడ్జి యశ్వంత్‌ సింగ్‌ సూచించారు. జాతీయ న్యాయ సేవా ధికార సంస్థ ఆదేశాల మేరకు నిర్వహిస్తున్న సురక్షిత్‌ బచ్‌పన్‌ అభియాన్‌ కార్యక్రమంలో భాగంగా శుక్రవారం చింతకుంటలోని సాంఘిక సంక్షేమ బాలికల పాఠశాల, నగరంలోని ఆల్ఫోర్స్‌ టైనీటాట్స్‌, సప్తగిరికాలనీ, సుభాష్‌నగర్‌, దుర్శేడ్‌ ప్రభుత్వ పాఠశాలల్లో న్యాయ అవగాహన కార్యక్రమాలు నిర్వహించారు. యశ్వంత్‌ సింగ్‌, జూనియర్‌ సివిల్‌ జడ్జి చిరాగ్‌ మెహతా, నాలుగో అదనపు జూనియర్‌ సివిల్‌ జడ్జి బానోతు రాజేశ్వర్‌ విద్యార్థులకు పోక్సో చట్టం, బాలల హక్కులు, వ్యక్తిగత భద్రతపై అవగాహన కల్పించారు. ఎలాంటి న్యాయసాయం అవసరమైనా జిల్లా న్యాయసేవాధికార సంస్థను సంప్రదించవచ్చని పేర్కొన్నారు. అనంతరం చింతకుంటలోని ఎంఆర్‌బీ ఇటుక బట్టీని తనిఖీ చేశారు. గుర్తింపు పత్రాలు లేకుండా కార్మికులకు పని కల్పించిన యజమానులపై చర్యలు తీసుకోవాలని కార్మికశాఖ అధికారులను ఆదేశించారు.బండి సంజయ్‌ సహకారంతో డంప్‌యార్డు ప్రక్షాళనకరీంనగర్‌ కార్పొరేషన్‌: కేంద్ర హోంశాఖ సహా య మంత్రి బండి సంజయ్‌ సహకారంతో డంప్‌యార్డ్‌ను పూర్తిస్థాయిలో ప్రక్షాళన చేస్తున్నామని మేయర్‌ కొలగాని శ్రీనివాస్‌ తెలిపారు. ఇప్పుడు డంప్‌యార్డ్‌పై పోరాటం చేస్తామని చెబుతున్న వాళ్లు ఇన్ని రోజులు ఏం చేశారని ప్రశ్నించారు. శుక్రవారం 41వ డివిజన్‌ కట్టరాంపూర్‌లో డిప్యూటీ మేయర్‌ యాదగిరి సునీల్‌రావుతో కలిసి సాధారణ నిధులు రూ.12 లక్షలతో చేపట్టనున్న సీసీ రోడ్డు, డ్రైనేజీ నిర్మాణా లకు శంకుస్థాపన చేశారు. అనంతరం మాట్లాడుతూ డంప్‌యార్డ్‌ సమస్య శాశ్వత పరిష్కారానికి రూ.17 కోట్లు విడుదల చేసి తాము బ యోమైనింగ్‌ ప్రక్రియ చేపడుతున్నామని తెలి పారు. నగరంలో కొంతమందికి ఇంతకాలం డంప్‌యార్డు సమస్య, స్థానిక ప్రజల ఇబ్బందులు కనబడలేదని విమర్శించారు. తాము డంప్‌ యార్డు సమస్య పరిష్కారం దిశగా అడుగులు వేస్తుంటే ఓర్వలేక ఉనికి కోసం పాకులాడుతున్నారని ఆగ్రహం వ్యక్తం చేశారు. డంప్‌యార్డ్‌లో రెండు విధాలుగా పనులను ముమ్మరంగా చేసి పూర్తిస్థాయిలో ప్రక్షాళన చేస్తామని అన్నారు. కార్పొరేటర్‌ నాంపల్లి కవిత, ఈఈ లచ్చిరెడ్డి, ఏఈ భీంవర్ధన్‌రెడ్డి పాల్గొన్నారు. హెచ్‌ఆర్‌ఏ పెంచండికరీంనగర్‌ అర్బన్‌: ఎనిమిది కిలోమీటర్ల పరిధిలోని గ్రామాల్లో పనిచేస్తున్న ఉద్యోగులకు హెచ్‌ఆర్‌ఏను తిరిగి 17శాతానికి పెంచేలా ప్రభుత్వం చర్యలు తీసుకోవాలని ఎంప్లాయీస్‌ జేఏసీ జిల్లా చైర్మన్‌, టీఎన్జీవోల సంఘం జిల్లా అధ్యక్షుడు దారం శ్రీనివాస్‌రెడ్డి డిమాండ్‌ చేశారు. టీజీవోస్‌ జిల్లా అధ్యక్షుడు మడిపల్లి కాళీ చరణ్‌తో కలిసి శుక్రవారం కలెక్టర్‌ చిత్రామిశ్రాకు వినతిపత్రం ఇచ్చారు. నగరపాలక సంస్థకు 8 కిలోమీటర్ల పరిధిలోని గ్రామాల్లో పనిచేస్తున్న ప్రభుత్వ ఉద్యోగులు, ఉపాధ్యాయులు, గెజిటెడ్‌, నాన్‌ గెజిటెడ్‌ ఉద్యోగులకు హెచ్‌ఆర్‌ఏ విషయంలో జరుగుతున్న ఆర్థిక నష్టాన్ని నివారించాలని కోరారు. గత కలెక్టర్‌ 21 గ్రామాలకు హెచ్‌ఆర్‌ఏను 11నుంచి 17శాతానికి పెంచుతూ ఉత్తర్వులు జారీ చేశారని పేర్కొన్నారు. ఈ మేరకు 26 సెప్టెంబర్‌ 2025న గెజిట్‌ కూడా ప్రకటించబడిందని, ప్రస్తుతం రాష్ట్ర ప్రభుత్వ ప్రత్యేక అనుమతి, రాటిఫికేషన్‌ లేదనే కారణంతో హెచ్‌ఆర్‌ఏను 11శాతానికి తగ్గించారని వివరించారు. గతంలో చేపట్టిన సర్వే, జారీ చేసిన ఉత్తర్వులు, గెజిట్‌ ప్రకటనను పరిగణనలోకి తీసుకొని, ఆయా గ్రామాల్లో పనిచేస్తున్న ఉద్యోగులకు తిరిగి 17శాతం హెచ్‌ఆర్‌ఏ అమలయ్యేలా రాష్ట్ర ప్రభుత్వానికి రాటిఫికేషన్‌ కోసం అవసరమైన ప్రతిపాదనలు పంపాలని విజ్ఞప్తి చేశారు.

కొత్తపల్లి(కరీంనగర్‌): ‘ఎల్‌నినో ప్రభావంతో ఉష్ణోగ్రతలు రెట్టింపై, విద్యుత్‌ వినియోగం గణనీయంగా పెరిగే అవకాశముంది. పెరిగిన డిమాండ్‌కు అనుగుణంగా నాణ్యమైన విద్యుత్‌ సరఫరా కోసం టీజీఎన్‌పీడీసీఎల్‌ ముందస్తు చర్యలు చేపట్టింది. సబ్‌స్టేషన్లు, ట్రాన్స్‌ఫార్మర్లు, విద్యుత్‌ లైన్ల సామర్థ్యాన్ని పెంచడంతో పాటు అత్యవసర సేవలను అందుబాటులో ఉంచేందుకు ప్రణాళికలు సిద్ధం చేస్తున్నాం. కరెంట్‌ ఆదాలో రైతులు, ప్రజలు భాగస్వామ్యం కావాలి’ అని కరీంనగర్‌ ఆపరేషన్‌ సర్కిల్‌ ఎస్‌ఈ ఐరెడ్డి విజేందర్‌రెడ్డి పిలుపునిచ్చారు. రాబోవు వేసవిలో ఎల్‌నినో ప్రభావంతో విద్యుత్‌శాఖ ఎదుర్కొనే సవాళ్ల గురించి శుక్రవారం ‘సాక్షి’కి వివరించారు.రైతులు వ్యవసాయ మోటార్లకు ఐఎస్‌ఐ కెపాసిటర్లు ఏర్పాటు చేసుకోవాలి. స్టార్‌ రేటెడ్‌ మోటార్లు, పీవీసీ పైపులు వినియోగించాలి. ఆటో స్టార్టర్లను తొలగించి విద్యుత్‌ను పొదుపుగా వినియోగించాలి. కెపాసిటర్ల వినియోగంతో పవర్‌ ఫ్యాక్టర్‌ మెరుగుపడి విద్యుత్‌ వ్యవస్థపై అనవసర భారం తగ్గుతుంది. కరీంనగర్‌ ఆపరేషన్‌ సర్కిల్‌ పరిధిలో 33 కేవీ ఫీడర్లకు ప్రత్యామ్నాయ లైన్ల ఏర్పాటు, 26/11 కేవీ ఫీడర్లలో ఓవర్‌లోడ్‌ నివారణకు ప్రతిపాదనలు సిద్ధం చేశాం. ఇప్పటికే ఆరు ప్రాంతాల్లో నూతన సబ్‌స్టేషన్లు ప్రారంభించాం. మరో 11 ప్రాంతాల్లో సబ్‌స్టేషన్ల ఏర్పాటుకు ప్రతిపాదనలు రూపొందించాం. 683 నూతన డిస్ట్రిబ్యూషన్‌ ట్రాన్స్‌ఫార్మర్లు ఏర్పాటు చేశాం. భవిష్యత్‌ అవసరాల కోసం మరిన్ని అదనపు, సామర్థ్య పెంపు పనులకు ప్రతిపాదనలు సిద్ధం చేశాం. అధిక విద్యుత్‌ లోడును తట్టుకునేలా 69 కిలోమీటర్ల 33 కేవీ లైన్ల సామర్థ్యాన్ని పెంచేందుకు చర్యలు చేపట్టాం. 11 కేవీ మున్సిపల్‌ లైన్లను, 1,190.08 కిలోమీటర్ల గ్రామీణ విద్యుత్‌లైన్లను అధిక సామర్థ్యం కలిగిన కండక్టర్లతో మార్చేందుకు ప్రణాళికలు రూపొందించాం. విద్యుత్‌ సరఫరాలో అంతరాయాలు ఏర్పడితే వెంటనే స్పందించేందుకు డివిజన్‌, సర్కిల్‌, కార్పొరేట్‌స్థాయిలో 24 గంటల కంట్రోల్‌ రూమ్‌ అందుబాటు ఉంది. విద్యుత్‌ ఫిర్యాదుల కోసం 1912 టోల్‌ఫ్రీ నంబర్‌ వినియోగించుకోవాలి. ఎల్‌నీనో ప్రభావంతో ఏర్పడే వాతావరణ పరిస్థితులను ఎదుర్కొనేందుకు సిద్ధంగా ఉన్నాం. విద్యుత్‌ డిమాండ్‌ పెరిగినప్పటికీ సరఫరాలో అంతరాయాలు తగ్గించేలా క్షేత్రస్థాయిలో పర్యవేక్షిస్తున్నాం. విద్యుత్‌శాఖ చేపడుతున్న చర్యలకు తోడు రైతులు, గృహ, వాణిజ్య, పారిశ్రామిక వినియోగదారులు కరెంట్‌ను ఆదా చేసి కరువ సవాళ్లను ఎదుర్కొనేందుకు సహకరించాలి. గృహ వినియోగదారులు ఏసీలను 24 నుంచి 26 డిగ్రీల ఉష్ణోగ్రత వద్ద వినియోగించాలి. అవసరం లేని లైట్లు, ఫ్యాన్లు, స్టాండ్‌బై ఉపకరణాలను మెయిన్‌ స్విచ్‌ ద్వారా ఆఫ్‌ చేయాలి. వీలైన వారు రూఫ్‌టాప్‌ సోలార్‌ వ్యవస్థలను ఏర్పాటు చేసుకోవాలి. పారిశ్రామిక సంస్థలు విద్యుత్‌ డిమాండ్‌ అధికంగా ఉండే పీక్‌ అవర్స్‌లో భారీ యంత్రాల వినియోగాన్ని తగ్గించి, సాధ్యమైనంత వరకు ఆఫ్‌పీక్‌ సమయాలకు మార్చుకోవాలి.

నల్లానీరు, ఇంటింటా బోర్లు ఉన్నా నగరంలో చేతింపులకు ఇంకా ప్రాధాన్యం తగ్గలేదు. ఒకవైపు ఎల్‌నినో కరువు.. మరోవైపు వేసవి లో ఎలా ఉంటుందో అనే భయం ఇప్పటి నుంచే మంచినీటిని ఒడిసిపట్టేలా చేస్తోంది. అన్ని రకాల ప్రత్యామ్నాయాల గురించి ఆలోచన చేస్తున్న పాలకవర్గం నగరంలో నిరుపయోగంగా ఉన్న చేతిపంపులపైనా దృష్టి సారించాలని ప్రజలు కోరుతున్నారు. ఒక్కో డివిజన్లో పదుల సంఖ్యలో చేతిపంపులు మరమ్మతుకు గురికాగా.. బాగుచేస్తే దాహం తీర్చుతాయని సూచిస్తున్నారు. ఇప్పటికే భూగర్భ జలాలు అడుగంటిపోతుండగా, చేతిపంపులే దిక్కయ్యేనా అన్న విధంగా ముకరంపుర, జ్యోతినగర్‌లో ప్రజలే సొంతంగా మరమ్మతులు చేస్తున్నారు. బోరింగుల చుట్టూ చెత్తా చెదారం తొలగిస్తున్నారు. – సాక్షి ఫొటోగ్రాఫర్‌, కరీంనగర్‌

కరీంనగర్‌ టౌన్‌: ఆర్టీసీ రాష్ట్ర గుర్తింపు సంఘంగా గెలుపొందిన ఎంప్లాయీస్‌ యూనియన్‌ కార్మికుల సమస్యల పరిష్కారానికి కృషి చేస్తుందని యూనియన్‌ రాష్ట్ర ప్రధాన కార్యదర్శి ఈదురు వెంకన్న తెలిపారు. శుక్రవారం కరీంనగర్‌లోని బద్దం ఎల్లారెడ్డి భవన్‌లో కరీంనగర్‌ రీజియన్‌ విజయోత్సవ సభ నిర్వహించారు. ఈ సందర్భంగా వెంకన్న మాట్లాడుతూ తమపై నమ్మకంతో 5వేల మెజారిటీతో గెలిపించిన కార్మికులకు కృతజ్ఞతలు తెలిపారు. మహిళా కార్మికుల విధులు రాత్రి 8 గంటల్లోపు ముగించేలా చర్యలు తీసుకోవాలని కోరారు. ఏఐటీయూసీ రాష్ట్ర కార్యదర్శి టేకుమల్ల సమ్మయ్య మాట్లాడుతూ ఆర్టీసీ కార్మికులకు ఏఐటీయూసీ అండగా ఉంటుందన్నారు. రీజియన్‌ గౌరవాధ్యక్షుడు కంది అశోక్‌రెడ్డి, రాష్ట్ర కార్యదర్శి డి.సంజీవ్‌ కార్మికుల సమస్యలపై పోరాడుతామని తెలిపారు. సభకు బి.కాళిదాస్‌ అధ్యక్షత వహించారు. అనంతరం నగరంలో ర్యాలీ నిర్వహించి అంబేద్కర్‌ విగ్రహానికి పూలమాల వేసి నివాళి అర్పించారు. కరీంనగర్‌–1, 2డిపోల్లో యూనియన్‌ జెండాలు ఆవిష్కరించారు. రీజియన్‌ అధ్యక్ష కార్యదర్శులు ఎల్‌.ప్రకాశ్‌, కె.కొమురయ్య, ప్రవీణ్‌ కుమార్‌, బాలు, బి.మహేశ్‌, లక్ష్మణ్‌, మహిళా నాయకులు సుజాత, లక్ష్మి, రజిత పాల్గొన్నారు.

ధర్మారం: మండలంలోని పత్తిపాక గ్రామంలో యువశక్తి యూత్‌ వెల్ఫేర్‌ అసోసియేషన్‌ ఆధ్వర్యంలో నిర్వహిస్తున్న సేవా కార్యక్రమాలు అభినందనీయమని వివిధ రాష్ట్రాల డీవైఏలు అన్నారు. గురువారం పత్తిపాక గ్రామాన్ని సందర్శించారు. ఈ సందర్భంగా అసోసియేషన్‌ సభ్యులు సంఘం ద్వారా చేపట్టిన సేవా కార్యక్రమాలను అధికారులకు వివరించారు. అనంతరం అధికారులు మాట్లాడుతూ, అసోసియేషన్‌ సేవలు ఆదర్శనీయమని, మరిన్ని సేవా కార్యక్రమాలు చేపట్టాలని అన్నారు. కార్యక్రమంలో డీవైఏ గోలి తిరుపతిరెడ్డి, రాజస్థాన్‌, ఉత్తరప్రదేశ్‌, ఢిల్లీ, తమిళనాడు, ఒడిశా, కేరళం, జమ్మూకశ్మీర్‌ డీవైవోలు, విండో చైర్మన్‌ నోముల వెంకటరెడ్డి, అసోసియేషన్‌ ప్రతినిధులు మహేశ్‌, అధ్యక్షుడు జిల్లాల అనిల్‌, సెక్రటరీ అజాంత్‌ వేణు, నరేందర్‌, అకౌంటెంట్‌ కిరణ్‌, సర్పంచు మాందాల శ్రావణిహరీశ్‌ తదితరులు పాల్గొన్నారు.

● గుబులు పుట్టిస్తున్న ఎలక్ట్రిక్‌ బస్సులు ● మొరాయింపులు.. అగ్నిప్రమాదాలతో భద్రతపై ప్రశ్నలు కరీంనగర్‌టౌన్‌: కరీంనగర్‌ రీజియన్‌లో ఎలక్ట్రిక్‌ బస్సుల వరుస ఘటనలు ఆందోళన కలిగిస్తున్నాయి. బ్యాటరీ విభాగం నుంచి పొగలు రావడం, మంటలు చెలరేగడం, ప్రయాణంలో బస్సులు నిలిచిపోవడం వంటి ఘటనలు ప్రయాణికుల్లో భయాందోళనలు రేకెత్తిస్తున్నాయి. గురువారం హైదరాబాద్‌కు వెళ్తున్న బస్సు మొరాయించడంతో మరోసారి ఈ అంశం చర్చనీయాంశంగా మారింది. వరుస ఘటనలు గతేడాది జూన్‌ 28న కరీంనగర్‌–2 డిపోలో బస్సును స్టార్ట్‌చేసే క్రమంలో బ్యాటరీ విభాగం నుంచి పొగలు, మంటలు వచ్చాయి. ప్రయాణికులు ఎక్కకముందే ఘటన చోటుచేసుకోవడంతో పెను ప్రమాదం తప్పింది. ఈఏడాది జూన్‌ 21న కరీంనగర్‌ నుంచి హైదరాబాద్‌కు వెళ్తున్న ఎలక్ట్రిక్‌ బస్సులో అలుగునూరు సమీపంలోని కాకతీయ కాలువ వద్ద మంటలు చెలరేగాయి. డ్రైవర్‌ అప్రమత్తమై ప్రయాణికులను కిందకు దించడంతో ప్రాణనష్టం తప్పింది. జూలై 1న కరీంనగర్‌–2 డిపోలో మరో ఎలక్ట్రిక్‌ బస్సు బ్యాటరీ నుంచి పొగలు రావడంతో మంటలు చెలరేగాయి. అగ్నిమాపక సిబ్బంది మంటలను అదుపులోకి తెచ్చారు. సెప్టెంబర్‌ 18న అదే డిపోలో బస్సును స్టార్ట్‌ చేసిన అనంతరం పొగలు రావడంతో అధికారులు అప్రమత్తమయ్యారు. ఇలా కొద్ది నెలల వ్యవధిలోనే చోటుచేసుకున్న ఘటనలు ఎలక్ట్రిక్‌ బస్సుల నిర్వహణ, భద్రతా ప్రమాణాలపై సందేహాలు రేకెత్తిస్తున్నాయి. మార్గమధ్యలోనే మొరాయింపు బస్సులు తరచూ మొరాయించడం మరో సమస్యగా మారుతోంది. మార్గమధ్యలో బస్సులు నిలిచిపోవడంతో ప్రయాణికులు గమ్యస్థానాలకు చేరేందుకు ఇబ్బందులు పడుతున్నారు. హైదరాబాద్‌ వంటి దూరప్రాంతాలకు వెళ్లే వారు బస్సు ఎప్పుడు తిరిగి ప్రారంభమవుతుందో తెలియక ఆందోళన చెందుతున్నారు. గురువారం జరిగిన ఘటన ఈ సమస్యను మరోసారి తెరపైకి తెచ్చింది. సాంకేతిక లోపాలపై విచారణ ఏదీ ? ఎలక్ట్రిక్‌ బస్సుల్లో బ్యాటరీలు, వైరింగ్‌, ఛార్జింగ్‌ వ్యవస్థ, ఇతర సాంకేతిక భాగాల పనితీరు కీలకం. వీటిలో ఏదైనా లోపం తలెత్తితే తీవ్ర పరిణామాలు ఎదురయ్యే అవకాశముంది. ప్రతి ఘటనకు కారణం సాంకేతిక పరిశీలనతోనే నిర్ధారించాలి. వరుస ఘటనల నేపథ్యంలో బస్సుల బ్యాటరీ వ్యవస్థలు, వైరింగ్‌, నిర్వహణ ప్రమాణాలపై సమగ్ర తనిఖీలు చేపట్టాల్సిన అవసరముంది. బస్సులను రోడ్డెక్కించే ముందు భద్రతా ప్రమాణాలను కచ్చితంగా పరిశీలించడంతో పాటు, లోపాలు గుర్తించి, పూర్తిస్థాయిలో మరమ్మతు చేసిన తర్వాతే సేవల్లోకి తీసుకురావాలి. ప్రయాణికుల భద్రతే ముఖ్యం ప్రజా రవాణాలో ఎలక్ట్రిక్‌ బస్సులు కీలకపాత్ర పోషిస్తున్నప్పటికీ, ప్రయాణికుల ప్రాణభద్రతకు ప్రాధాన్యం ఇవ్వాలి. వరుసగా చోటుచేసుకుంటు న్న అగ్నిప్రమాదాలు, మొరాయింపులపై ఆర్టీసీ అధికారులు సమగ్ర విచారణ చేపట్టి, ఘటనలకు కారణాలను వెల్లడించాల్సిన అవసరముంది. సమస్యలు పునరావృత్తం కాకుండా పరిష్కా ర చర్యలు చేపట్టాలి. లేదంటే ఎలక్ట్రిక్‌ బస్సులపై ప్రయాణికుల్లో నమ్మకం సన్నగిల్లే ప్రమాదముంది.

మల్యాల: కొండగట్టు శ్రీఆంజనేయస్వామి ఆలయంలోని 14 హుండీలకు భక్తుల ద్వారా వచ్చిన ఆదాయాన్ని గురువారం లెక్కించారు. 76 రోజులకు రూ.1.23 కోట్లు, 68 విదేశీ కరెన్సీ సమకూరినట్లు ఆలయ ఈవో అంజనా రెడ్డి తెలిపారు. మిశ్రమ వెండి, బంగారం బ్యాగులో వేసి, సీల్‌ వేసి, తిరిగి హుండీల్లో భద్రపరిచారు. నారాయణపూర్‌ను ముంపు గ్రామంగా ప్రకటించాలని కోరుతూ భక్తులు రాసిన లేఖ హుండీలో లభించినట్లు ఆలయ అధికారులు తెలిపారు. ఏఈవో హరిహరనాథ్‌, సూపరింటెండెంట్‌ సునీల్‌కుమార్‌, అధికారులు, అర్చకులు పాల్గొన్నారు.

కరీంనగర్‌ కార్పొరేషన్‌: పారిశుధ్య నిర్వహణలో అలసత్వం వహిస్తే కఠిన చర్యలు తప్పవని మేయర్‌ కొలగాని శ్రీనివాస్‌ హెచ్చరించారు. రోడ్లపై చెత్త వేస్తే రూ.వెయ్యి నుంచి రూ.5వేలు జరిమానా వి ధించాలని ఆదేశించారు. గురువారం వేకువజాము న 58,66 డివిజన్లలో ఆకస్మికంగా తనిఖీ చేశారు. నగరపాలక సంస్థ కార్యాలయ ఆవరణతో పాటు టవర్‌సర్కిల్‌, పాత శివాలయం ప్రాంతాల్లో పారిశుఽ ద్య కార్మికుల బయోమెట్రిక్‌, హాజరు పాయింట్లను సందర్శించారు. టవర్‌సర్కిల్‌ ప్రాంతంలో శానిటేషన్‌ నిర్వహణను కార్పొరేటర్‌ వంగల పవన్‌తో కలిసి పరిశీలించారు. పలు రోడ్లు, వీధుల్లో చెత్త ఉండడాన్ని చూసి సిబ్బందిపై ఆగ్రహించారు. పనితీరు మార్చుకోవాలని, లేకుంటే చర్యలు తప్పవని హెచ్చరించారు. ఈ సందర్భంగా మేయర్‌ మాట్లాడుతూ నగరంలో పారిశుధ్య నిర్వహణలో అలసత్వం వహిస్తే సహించేది లేదన్నారు. రోడ్లు, డ్రైనేజీలు, బహిరంగ ప్రదేశాల్లో చెత్త వేస్తున్న వారిపై ప్రత్యేక దృష్టి సారించాలని సూచించారు. నిబంధనలు ఉల్లంఘిస్తే రూ.వెయ్యి నుంచి రూ.5వేల వరకు జరిమానా విధించాలని ఆదేశించారు. ప్రజలు, వ్యాపారులు చెత్తను బయట వేయకుండా స్వచ్ఛ ఆటో కార్మికులకు అందించాలన్నారు. సహాయ కమిషనర్‌ రాజమనోహర్‌, పర్యావరణ ఇంజినీర్‌ స్వామి పాల్గొన్నారు.

కరీంనగర్‌ క్రైం: బాలలపై లైంగిక నేరాలను అరికట్టి, వారి హక్కులను పరిరక్షించడమే లక్ష్యంగా జిల్లా న్యాయ సేవాధికార సంస్థ ఆధ్వర్యంలో ప్రభుత్వ పాఠశాలల్లో పోక్సో చట్టంపై అవగాహన కల్పించారు. గురువారం రాంనగర్‌, ఆరెపల్లి జిల్లా పరిషత్‌ పాఠశాలల విద్యార్థులకు సదస్సులు నిర్వహించారు. న్యాయమూర్తులు బానోతు రాజేశ్వర్‌, చిరాగ్‌ మెహతా పాల్గొని పోక్సోచట్టం–2012, బాలల హక్కులు, వ్యక్తిగత భద్రత, లైంగిక వేధింపుల నుంచి రక్షణ గురించి వివరించారు. అవసరమైనప్పుడు చైల్డ్‌హెల్ప్‌లైన్‌ 1098, అత్యవసర సాయానికి 112ను సంప్రదించాలని కోరారు. తాగునీరు, విద్యుత్‌ పొదుపే లక్ష్యంకరీంనగర్‌ అర్బన్‌: ఎల్‌నినో ప్రభావంతో రాను న్న రోజుల్లో నీటి లభ్యత, విద్యుత్‌ ఇబ్బందులు ఎదురయ్యే అవకాశాల నేపథ్యంలో ముందు జాగ్రత్త అత్యవసరమని కలెక్టర్‌ చిత్రామిశ్రా స్పష్టం చేశారు. వీబీజీ రామ్‌ జీ పథకం కింద చేపడుతున్న పనుల పురోగతిపై గురువారం రాత్రి కలెక్టరేట్‌లో సమీక్షించారు. జలసిరి పనులను వేగవంతం చేయాలన్నారు. గ్రామాల్లో తాగునీటి బోర్ల రీచార్జికి చర్యలు తీసుకోవాలని ఆదేశించారు. విద్యుత్‌ను పొదుపుగా వినియోగించేలా ప్రచారం చేయాలన్నారు. జీవాలకు తాగునీరు, పశుగ్రాసం కొరత లేకుండా ముందస్తు చర్యలు చేపట్టాలని సూచించారు. ప్రతి గ్రామంలో రూఫ్‌టాప్‌ హార్వెస్టింగ్‌ కార్యక్రమాన్ని చేపట్టాలని, ప్రభుత్వ కార్యాలయాలు, గ్రామ పంచాయతీ భవనాలు, హాస్టళ్లు, సా మూహిక అపార్ట్‌మెంట్లతో పాటు నీటి నిల్వకు అనువైన వివిధ ప్రాంతాల్లో వర్షపు నీటి సంరక్షణకు చర్యలు చేపట్టాలని ఆదేశించారు. అదనపు కలెక్టర్‌ అశ్విని తానాజీ వాకడే, జెడ్పీ సీఈవో శ్రీనివాస్‌, డీఆర్‌డీవో గీత, డీపీవో జగదీశ్వర్‌, పీఆర్‌ ఈఈ జనార్దన్‌ పాల్గొన్నారు. పంట మార్పిడికి ప్రణాళిక వీణవంక: ప్రస్తుత పరిస్థితుల్లో పంట మార్పిడి తప్పనిసరని, ఆరుతడి పంటలకు ప్రాధాన్యం ఇవ్వాలని కలెక్టర్‌ చిత్రామిశ్రా సూచించారు. వీణవంక మండలం పోతిరెడ్డిపల్లి, ఘన్ముక్కు ల గ్రామాల్లోని అయిల్‌పామ్‌, కూరగాయాల పంటలను క్షేత్రస్థాయిలో సందర్శించారు. ఆర్డీవో జలకుమారి, అయిల్‌ ఫెడరేషన్‌ డీఎం రోహిత్‌, ఏడీఏ సునీత ఉన్నారు.బియ్యం ఽకృత్రిమ కొరత సృష్టిస్తే వదలంకరీంనగర్‌ అర్బన్‌: ఎల్‌నినోను బూచిగా చూపి వినియోగదారులను మోసగిస్తే ఎట్టి పరిస్థితుల్లో ఉపేక్షించమని జిల్లా పౌరసరఫరాల అధి కారి గట్టు నర్సింగరావు హెచ్చరించారు. గురువారం రైస్‌ డిపోల హోల్‌సేల్‌, రిటైల్‌ వ్యాపారులతో కలెక్టరేట్‌లో సమావేశఽం నిర్వహించారు. మార్కెట్లో వివిధ రకాల బియ్యం లభ్యత, నిల్వల వివరాలు, ధరలను సమీక్షించారు. మార్కె ట్లో బియ్యానికి కృత్రిమ కొరత సృష్టించినా, అక్రమంగా నిల్వలు చేసినా, అధిక ధరలకు విక్రయించినా చట్ట ప్రకారం కఠిన చర్యలుంటాయని స్పష్టం చేశారు. వ్యాపార ప్రాంగణాల్లో స్టాక్‌ బోర్డులను తప్పనిసరిగా ఏర్పాటు చేయాలని, బియ్యం రకం, బియ్యం నిల్వల పరిమాణం, కిలోకు ఽఎంత ధరో స్పష్టంగా పేర్కొనాలని, ఎప్పటికప్పుడు నవీకరించాలని సూచించారు. పౌరసరఫరాల సంస్థ జిల్లా మేనేజర్‌ మంగళారపు రజనీకాంత్‌, సివిల్‌ సప్లయ్‌ డీటీ సురేందర్‌, సందీప్‌ పాల్గొన్నారు. పత్తి మార్కెట్‌కు సెలవుజమ్మికుంట: జమ్మికుంట పత్తి మార్కెట్‌కు తుపాన్‌ కారణంగా శుక్రవారం, శని,ఆదివారాలు సాధారణ సెలవులు ఉంటాయని మార్కెట్‌ చైర్‌పర్సన్‌ పూల్లూరి స్వప్న, కార్యదర్శి మల్లేశం తెలిపారు. మార్కెట్‌కు గురువారం 88వాహనాల్లో 687క్వింటాళ్ల పత్తిని రైతులు అమ్మకానికి తెచ్చారు. గరిష్ట ధర రూ.9,040, మోడల్‌ ధర రూ.8,850, కనిష్ట ధర రూ.8,400కు వ్యాపారులు కొనుగోలు చేశారు.

కరీంనగర్‌కార్పొరేషన్‌: డంప్‌యార్డ్‌లోని చెత్తగుట్టకు కదలికవస్తోంది. ఏళ్లకాలంగా డంప్‌యార్డ్‌ బాధితులు చేస్తున్న ఆందోళనలు ఫలించే క్షణం సమీపిస్తోంది. డంప్‌యార్డ్‌లో దాదాపు నాలుగు లక్షల మెట్రిక్‌ టన్నుల చెత్త ఉండగా, 2.34 లక్షల మెట్రిక్‌ టన్నులు బయోమైనింగ్‌ చేసేందుకు నగరపాలకసంస్థ టెండర్‌ పిలిచింది. బిడ్‌ దాఖలుకు గడువు ముగియగా, మిగితా ప్రక్రియ కొనసాగుతోంది. చెత్త బయోమైనింగ్‌కు టెండర్‌ డంప్‌యార్డ్‌లో చెత్తను బయోమైనింగ్‌ చేసేందుకు సుదీర్ఘకాలం తరువాత స్వచ్ఛభారత్‌ మిషన్‌ కింద సుమారు రూ.16 కోట్లతో టెండర్‌ పిలిచారు. ఈ నెల 26తో టెండర్‌ గడువు ముగిసింది. టెక్నికల్‌ బిడ్‌ ఓపెన్‌ చేయగా, నలుగురు కాంట్రాక్టర్లు టెండర్‌లో పాల్గొన్నారు. ప్రస్తుతం కాంట్రాక్టర్ల డాక్యుమెంట్లు, ఇతరత్రా పత్రాల పరిశీలన జరుగుతోంది. ఎవాల్యుయేషన్‌ పూర్తయిన తరువాత నలుగురు కాంట్రాక్టర్లలో నిబంధనల ప్రకారం ఎవరు అర్హులు, ఎవరు కాదు అనే రిపోర్ట్‌ను ఈఎన్‌సీకి పంపిస్తే ఆయన అర్హులెవరనేది నిర్ధారిస్తారు. ఆ తరువాత అర్హులైన కాంట్రాక్టర్లకు సంబంధించి ప్రైస్‌ బిడ్‌ ఓపెన్‌ చేసి, టెండర్‌ ఖరారు చేస్తారు. టెండర్‌ ఖరారయ్యాక సంబంధిత కాంట్రాక్టర్‌ పనులు ప్రారంభిస్తారు. ఈ ప్రక్రియ పూర్తవడానికి వారం, పదిరోజులు సమయం పట్టే అవకాశం ఉన్నట్లు అధికారులు తెలిపారు. తొలగనున్న 2.34లక్షల మెట్రిక్‌ టన్నుల చెత్త నగరంలోని డంప్‌యార్డ్‌లో దాదాపు 4 లక్షల మెట్రిక్‌ టన్నుల చెత్త నిల్వ ఉంది. ప్రతి రోజు 150 టన్నులు డంప్‌యార్డ్‌లోకి చేరుతోంది. యార్డులో చెత్త గుట్టలుగా పేరుకుపోయి మంటలు, పొగ రావడంతో సగం నగరం తీవ్ర ఇబ్బందులు ఎదుర్కొంటోంది. ప్రజలు అనారోగ్యానికి గురవుతుండడంతో తమ ఆందోళనను వెలిబుచ్చుతూనే ఉన్నారు. ఈ క్రమంలో సగం చెత్తను ఖాళీచేసేందుకు నగరపాలకసంస్థ సమాయత్తమైంది. 2.34లక్షల మెట్రిక్‌ టన్నుల చెత్తను బయోమైనింగ్‌ చేయనుంది. రూ.80 కోట్లతో ప్రాసెసింగ్‌ యూనిట్‌ డంప్‌యార్డ్‌లో ఉన్న చెత్తను బయోమైనింగ్‌ ద్వారా తగ్గించడంతో పాటు, అర్బన్‌ చాలెంజ్‌ ఫండ్‌(యూసీఎఫ్‌) నిధులు రూ.80 కోట్లతో ప్రాసెసింగ్‌ యూనిట్‌ను ఏర్పాటుచేసేందుకు నగరపాలకసంస్థ ప్రతిపాదనలు సిద్ధం చేసింది. యూసీఎఫ్‌ పథకంలో నగరానికి రూ.840 కోట్లు రానుండడం తెలిసిందే. ప్రస్తుతం ప్రక్రియ డీపీఆర్‌ దశలో ఉంది. ఈ నిధుల్లోని రూ.80 కోట్లతో ప్రాసెసింగ్‌ యూనిట్‌ను నెలకొల్పేందుకు ఇప్పటికే ప్రతిపాదించారు. ఇది ఆచరణకు నోచుకొంటే డంప్‌యార్డ్‌ సమస్య నగరానికి శాశ్వతంగా దూరమయ్యే అవకాశముంది. గత పాలకుల తరహాలో మాటలతో సరిపెట్టకుండా కేంద్ర హోం శాఖ సహాయ మంత్రి బండి సంజయ్‌ సహకారంతో డంప్‌యార్డ్‌ సమస్యకు శాశ్వత పరిష్కారం చూపిస్తున్నాం. సగం చెత్తను బయోమైనింగ్‌ చేసేందుకు టెండర్‌ పిలిచాం. క్రమంగా డంప్‌యార్డ్‌ను పూర్తిస్థాయిలో ప్రక్షాళన చేస్తాం. బయోమైనింగ్‌కు టెండర్‌ పిలవడంతో, విపక్షాలు మళ్లీ ఆందోళనల పేరిట నాటకాలకు తెరతీస్తున్నాయి. డంప్‌యార్డ్‌ సమస్య పరిష్కారానికి చిత్తశుద్ధితో ఉన్నది కేవలం బీజేపీ పాలకవర్గం మాత్రమే. – కొలగాని శ్రీనివాస్‌, నగర మేయర్‌

● దుకాణాలు, హాస్టళ్లలో సోదాలు తిమ్మాపూర్‌: కరీంనగర్‌ సీపీ గౌస్‌ ఆలం, ఉన్నతాధికారుల ఆదేశాల మేరకు ఎల్‌ఎండీ కాలనీ పోలీస్‌ స్టేషన్‌ పరిధిలోని పాన్‌షాపులు బాలుర హాస్టళ్లలో నార్కోటిక్స్‌ డాగ్‌ సహాయంతో ఎల్‌ఎండీ ఎస్‌ఐ అరుణ్‌, పోలీసులు తనిఖీలు నిర్వహించారు. యువతను మత్తు పదార్థాల నుంచి దూరంగా ఉంచడంతో పాటు, మాదకద్రవ్యాల అక్రమ వినియోగం మరియు సరఫరాను అరికట్టే లక్ష్యంతో ఈ తనిఖీలు చేపట్టారు. అనుమానాస్పద కార్యకలాపాలపై నిఘా ఉంచుతూ, మాదకద్రవ్యాలకు సంబంధించిన సమాచారం తెలిస్తే వెంటనే పోలీసులకు తెలియజేయాలని ప్రజలను కోరారు. మాదకద్రవ్యాల నిర్మూలనకు ప్రజలు పోలీసులకు సహకరించాలని ఎల్‌ఎండీ కాలనీ పోలీసులు విజ్ఞప్తి చేశారు.

గంభీరావుపేట: రాజన్నసిరిసిల్ల జిల్లా గంభీరావుపేట మండలం నర్మాలకు చెందిన మహ్మద్‌ రెహాన్‌(14) అనే విద్యార్థి నాలుగు రోజుల క్రితం అదృశ్యమయ్యాడు. రెహాన్‌ కామారెడ్డిలోని మదర్సా అరేబియా కాశీపూల్‌ ఉత్తమ్‌ పాఠశాలలో చదువుకుంటున్నాడు. దసరా సెలవుల అనంతరం తండ్రి షేక్‌ ఇమామ్‌ తన కుమారుడిని బడికి పంపించి వచ్చాడు. మరుసటి రోజే రెహాన్‌ తిరిగి ఇంటికొచ్చాడు. తనకు సెల్‌ఫోన్‌ కొనివ్వాలని లేకుంటే బడికి వెళ్లనని పట్టుబట్టాడు. ఈనెల 25న రెహాన్‌ ఎవరికీ చెప్పకుండా బయటకు వెళ్లిపోయాడు. బాలుడి అచూకీ ఎంతకీ లభించకపోవడంతో తండ్రి ఇమామ్‌ గురువారం పోలీసులకు ఫిర్యాదు చేశాడు. కేసు నమోదు చేసుకొని దర్యాప్తు చేస్తున్నట్లు పోలీసులు తెలిపారు.