Nagarkurnool District Latest News

కల్వకుర్తి రూరల్‌: ఉమ్మడి పాలమూరు ప్రాంత అభివృద్ధికి సాగునీటి ప్రాజెక్టులు ఎంతో కీలకమని.. పెండింగ్‌ పనులను వెంటనే పూర్తి చేయడంతో పాటు పాలమూరుకు నష్టం కలిగించే డిండి ప్రాజెక్టును రద్దు చేయాలని ఉమ్మడి మహబూబ్‌నగర్‌ పెండింగ్‌ ప్రాజెక్టుల సాధన జేఏసీ నాయకులు డిమాండ్‌ చేశారు. గురువారం పండుగ సాయన్న జయంతి సందర్భంగా కల్వకుర్తిలో లక్ష సంతకాల సేకరణ కార్యక్రమాన్ని ప్రారంభించారు. ఈ సందర్భంగా జేఏసీ నాయకులు మాట్లాడుతూ.. దశాబ్దాలుగా పాలమూరు రైతులు సాగునీటి కోసం ఎదురుచూస్తున్నారని.. ప్రాజెక్టులు పూర్తిస్థాయిలో అందుబాటులోకి రాకపోవడంతో అనేక ఇబ్బందులు పడుతున్నారన్నారు. పాలమూరు రంగారెడ్డి ఎత్తిపోతల పథకంతో పాటు పెండింగ్‌ ప్రాజెక్టులను యుద్దప్రాతిపదికన పూర్తిచేసి, జిల్లాకు దక్కాల్సిన నీటి వాటాను అందించాలని డిమాండ్‌ చేశారు. డిండి ఎత్తిపోతలతో ప్రభావితమయ్యే గ్రామాల ప్రజల సమస్యలను ప్రభుత్వం పరిగణనలోకి తీసుకోవాలని కోరారు. కార్యక్రమంలో నాయకులు కానుగుల జంగయ్య, వీరస్వామి మాదిగ, పెద్దయ్యగౌడ్‌, చీమర్ల అర్జున్‌రెడ్డి, రాజు, రుక్నొద్దీన్‌, పర్వతాలగౌడ్‌ పాల్గొన్నారు.

నాగర్‌కర్నూల్‌: జిల్లాకేంద్రమైన నాగర్‌కర్నూల్‌ మున్సిపాలిటీలో మౌలిక వసతుల అభివృద్ధికి రాష్ట్ర ప్రభుత్వం రూ.40 కోట్లు మంజూరు చేసింది. మున్సిపాలిటీ పరిధిలో అండర్‌గ్రౌండ్‌ డ్రెయినేజీ నిర్మాణాలు పూర్తికాని ప్రాంతాల్లో మిగిలిన పనులను చేపట్టడంతో పాటు సీసీరోడ్ల నిర్మాణానికి ఈ నిధులను వినియోగించనున్నారు. ఈ మేరకు మున్సిపల్‌ పరిపాలనశాఖ ఈ నెల 22న జీఓ ఆర్టీ నంబర్‌ 953ను జారీ చేసింది. రెండు విభాగాలకు సమానంగా నిధులు.. గతంలో జారీ చేసిన జీఓ ఆర్టీ నంబర్‌ 872 ప్రకారం మున్సిపాలిటీలో యూజీడీ పనుల కోసం అదనంగా రూ.40 కోట్లు మంజూరు చేసేందుకు ప్రభుత్వం అనుమతి ఇచ్చింది. అయితే, తెలంగాణ పట్టణ ఆర్థిక మౌలిక వసతుల అభివృద్ధి సంస్థ (టీయూఎఫ్‌ఐడీసీ) వైస్‌ చైర్మన్‌, మేనేజింగ్‌ డైరెక్టర్‌ చేసిన ప్రతిపాదనల మేరకు నిధుల వినియోగంలో మార్పులు చేయాలని ప్రభుత్వం నిర్ణయించింది. దీంతో మొత్తం రూ.40 కోట్లలో రూ.20 కోట్లను యూజీడీ వ్యవస్థ అందుబాటులో లేని ప్రాంతాల్లో మిగిలిన పనులకు, మరో రూ.20 కోట్లను సీసీ రోడ్ల నిర్మాణానికి కేటాయించారు. పట్టణంలో భూగర్భ డ్రెయినేజీ పనులతో పాటు రహదారుల అభివృద్ధికి కూడా నిధులు వినియోగించేలా ఉత్తర్వుల్లో మార్పులు చేశారు. అండర్‌గ్రౌండ్‌ డ్రెయినేజీకి రూ.20కోట్లు.. సీసీరోడ్లకు రూ.20కోట్లు కేటాయింపు హర్షణీయం.. మున్సిపాలిటీ అభివృద్ధికి ప్రభుత్వం రూ.40కోట్లు కేటాయించటం హర్షించదగ్గ విషయం. ఇందుకు చొరవ చూపిన ఎంపీ మల్లు రవి, ఎమ్మెల్యే కూచుకుళ్ల రాజేశ్‌రెడ్డి, ఎమ్మెల్సీ దామోదర్‌రెడ్డికి కృతజ్ఞతలు. ఈ నిధులతో పట్టణంలోని అవసరమైన చోట మురుగు కాల్వలు, సీసీరోడ్ల నిర్మాణం చేపడుతాం. – తీగల సునీంద్ర, మున్సిపల్‌ చైర్మన్‌, నాగర్‌కర్నూల్‌

కందనూలు: జిల్లాలో రెండో దశ జనగణన పకడ్బందీగా, సమర్థవంతంగా నిర్వహించేందుకు అధికారులు, సిబ్బంది ప్రభుత్వ నిర్దేశిత విధి విధానాలను తప్పనిసరిగా పాటించాలని కలెక్టర్‌ హేమంత కేశవ్‌ పాటిల్‌ సూచించారు. జనగణన రెండో దశపై ఆర్డీఓలు, మున్సిపల్‌ కమిషనర్లు, జనగణన చార్జ్‌ అధికారులు, సహాయ చార్జ్‌ అధికారులకు అవగాహన కల్పించేందుకు గురువారం కలెక్టరేట్‌లోని ప్రధాన హాల్‌లో ఏర్పాటుచేసిన రెండు రోజుల శిక్షణ కార్యక్రమాన్ని అచ్చంపేట సబ్‌ కలెక్టర్‌ సలోని ఛాబ్రా, అదనపు కలెక్టర్లు చెన్నయ్య, దేవసహాయంతో కలిసి ఆయన ప్రారంభించి మాట్లాడారు. జనగణన అత్యంత ప్రాధాన్యమైన ప్రభుత్వ కార్యక్రమమన్నారు. ఈ ప్రక్రియలో సేకరించే సమాచారం ప్రామాణికంగా ఉండేలా అధికారులు ప్రత్యేక శ్రద్ధ వహించాలని సూచించారు. సమాచార సేకరణ, నమోదు తదితర ప్రక్రియల్లో నిర్లక్ష్యానికి తావులేకుండా, ప్రతి వివరాన్ని జాగ్రత్తగా పరిశీలించి నమోదు చేయాలని ఆదేశించారు. శిక్షణలో వివరించే అంశాలను పూర్తిస్థాయిలో అవగాహన చేసుకుని, క్షేత్రస్థాయిలో వాటిని తప్పనిసరిగా అమలు చేయాలని తెలిపారు. విధి నిర్వహణలో ఎదురయ్యే సందేహాలను శిక్షణ సమయంలోనే నివృత్తి చేసుకోవాలని సూచించారు. అనంతరం రెండో దశలో చేపట్టాల్సిన విధులు, బాధ్యతలు, అనుసరించాల్సిన కార్యాచరణపై శిక్షకులు శివరామకృష్ణ, రిషిత్‌రెడ్డి శిక్షణ ఇచ్చారు.

రైతులకు ప్రయోజనం.. ఎల్‌నినో ప్రభావంతో వర్షాలు లేకపోవడంతో రైతులు ఇబ్బందులు పడుతున్నారు. జలసిరి కార్యక్రమం ద్వారా ప్రతి రైతు తన వ్యవసాయ పొలంలో నీటి గుంతలు తవ్వించే అవకాశం లభించింది. తద్వారా పంట పొలాలలకు ఉపయోగపడే విధంగా ఏర్పాటు చేస్తున్నాం. అర్హత కలిగిన ప్రతి రైతు పొలాల్లో నీటి కుంటలు, బోర్‌వెల్‌ రీచార్జి తదితర పనులను సద్వినియోగం చేసుకోవాలి. – చిన్న ఓబులేషు, డీఆర్డీఓ కందనూలు: ఎల్‌నినో ప్రభావంతో సరైన వర్షాలు లేక చెరువులు, కుంటలు వెలవెలబోతున్నాయి. రోజురోజుకూ భూగర్భజలాలు అడుగంటిపోతున్నాయి. సాగు, తాగునీటికి తీవ్ర ఇబ్బందులు పడే పరిస్థితులు నెలకొన్నాయి. ఈ నేపథ్యంలో నీటి వనరుల అభివృద్ధికి ప్రభుత్వం ప్రాధాన్యం ఇస్తోంది. అందులో భాగంగా వీబీ–జీ రామ్‌జీ పథకం ద్వారా జలసిరి కార్యక్రమానికి శ్రీకారం చుట్టింది. అందులో భాగంగా గ్రామాల్లో నీటి వనరుల అభివృద్ధి, చెరువుల పునరుద్ధరణ, ఇంకుడు గుంతల నిర్మాణం, వర్షపునీటి నిల్వ వంటి పనులను ముమ్మరం చేశారు. తద్వారా గ్రామీణ కూలీలకు ఉపాధి లభించడంతో పాటు రైతులకు ప్రయోజనం చేకూరుతుందని అధికారులు చెబుతున్నారు. చేపడుతున్న పనులు ఇవే.. జిల్లాలో వాన నీటిని సద్వినియోగం చేసుకొని భూగర్భజలాలు పెంచడం కోసం వివిధ రకా ల పనులను చేపడుతున్నారు. ఉపాధి కూ లీలు, లబ్ధిదారులకు ధర గిట్టుబాటు అయ్యేలా పనుల రేట్లను పెంచారు. ఇంకుడు గుంతకు రూ. 6,600, బోర్‌వెల్‌ రీచార్జీకి రూ. 36వేలు, సామూహిక ఇంకుడు గుంతకు రూ. 13,500, ఫారం పాండ్‌కు (5 రకాలు) రూ. 2లక్షల చొప్పున వీబీ–జీ రామ్‌జీ పథకంలో నిధులు వెచ్చిస్తున్నారు. మొత్తం కూలీలు : 3.67లక్షలు యాక్టివ్‌ జాబ్‌కార్డులు : 98వేలు ప్రస్తుతం పనిచేస్తున్న వారు : 8,200 యాక్టివ్‌ కూలీలు : 1.59లక్షలు జిల్లాలో మొత్తం జాబ్‌కార్డులు : 1.92లక్షలు కల్వకుర్తి పట్టణంలో గురువారం సద్దుల బతుకమ్మ సంబురాలు అంబరాన్నంటాయి. ఉదయం నుంచే మహిళలు, యువతులు తీరొక్క పూలతో బతుకమ్మలను అందంగా పేర్చి.. సాయంత్రం కై లాస గుట్టపైకి పలు కాలనీల నుంచి ఊరేగింపుగా చేరుకొని ఆడి పాడారు. బతుకమ్మ సంబురాలతో పూలసింగిడిని తలపించింది. – కల్వకుర్తి రూరల్‌ – వివరాలు IIIలో..వీబీ–జీ రామ్‌జీ పథకంలో నీటి సంరక్షణ పనులకు ప్రాధాన్యం భూగర్భజలాలు పెంపొందించేలా కార్యాచరణ రైతులకు చేకూరనున్న ప్రయోజనం ఇవీ ప్రయోజనాలు.. వ్యవసాయ పొలాల్లో ఫారం పాండ్స్‌ (నీటి కుంటలు) ఏర్పాటు చేస్తున్నారు. తద్వారా వర్షపు నీటిని నిల్వ చేసి, వ్యవసాయ అవసరాలకు వినియోగించవచ్చు. అలాగే గ్రామ పరిసరాల్లో పెర్కోలేషన్‌ ట్యాంక్‌లు నిర్మిస్తున్నారు. దీంతో భూగర్భజలాలు వృద్ధి అవుతాయి. ఇళ్లలో వినియోగించిన నీటిని, వర్షపు నీటిని భూమిలోకి ఇంకించి, భూగర్బ జలాలు పెరిగేందుకు ఇంకుడు గుంతలు ఉపయోగపడతాయి. వీటి నిర్మాణాలపై ప్రత్యేక దృష్టి పెట్టారు. బోర్‌వెల్‌ల చుట్టూ గుంతలు తీసి, నిర్మాణం చేయడం వల్ల వర్షపు నీరు బోర్‌వెల్‌ లోపలికి వెళ్లి రీచార్జి చేస్తుంది. ఓపెన్‌ వెల్‌ చుట్టూ నిర్మాణం చేయడం వల్ల భూగర్భజలమట్టం పెరుగుతుంది. ఇలా నీటి సంరక్షణ పనులతో సాగు, తాగునీటి కొరతను అధిగమించవచ్చు. కూలీలకు స్థానికంగానే ఉపాధి.. వీబీ–జీ రామ్‌జీ పథకంతో జలసిరి పనులను అనుసంధానం చేయడంతో గ్రామీణ కూలీలకు స్థానికంగానే ఉపాధి లభిస్తోంది. అదే సమయంలో గ్రామాల్లో నీటి వనరులు అభివృద్ధి చెందుతున్నాయి. అయితే అధికారులు గ్రామాల వారీగా నీటి అవసరాలను గుర్తించి, ప్రాధాన్యత ఆధారంగా పనులు చేపట్టాల్సిన అవసరం ఉంది. జలసిరి పనులు కేవలం కాగితాలకే పరిమితం కాకుండా, క్షేత్రస్థాయిలో ఫలితాలు ఇచ్చేలా చర్యలు తీసుకోవాలి. చేపట్టిన పనుల నాణ్యతను పర్యవేక్షించడం, నీటి నిల్వ సామర్థ్యాన్ని అంచనా వేయడం, కూలీలకు సకాలంలో వేతనాలు అందించడం వంటి అంశాలపై అధికారులు దృష్టి సారించాలి. ప్రజల భాగస్వామ్యంతో జలసిరి పనులను సమర్థవంతంగా అమలుచేస్తే, నీటి సంరక్షణతో పాటు గ్రామీణాభివృద్ధికి బాటలు వేయవచ్చనే అభిప్రాయం వ్యక్తమవుతోంది.

కందనూలు: తమ న్యాయమైన డిమాండ్ల సాధన కోసం జాతీయ ఆరోగ్య మిషన్‌ (ఎన్‌హెచ్‌ఎం) ఉద్యోగులు చేపట్టిన నిరవధిక సమ్మె గురువారం పదో రోజుకు చేరింది. ఈ సందర్భంగా కలెక్టరేట్‌ వద్ద ఏర్పాటుచేసిన సమ్మె శిబిరంలో ఉద్యోగులు ఒంటి కాలిపై నిలబడి నిరస న తెలిపారు. అనంతరం జేఏసీ జిల్లా అధ్యక్షుడు డా.బాలకృష్ణ, ప్రధాన కార్యదర్శి కుమార్‌ మాట్లాడుతూ.. ఎన్‌హెచ్‌ఎం ఉద్యోగులు న్యాయమైన డిమాండ్ల పరిష్కారం కోసం పది రోజులుగా వివిధ రూపాల్లో నిరసనలు తెలుపుతున్నా ప్రభుత్వం నుంచి స్పష్టమైన హామీ రాకపోవడం ఆవేదన కలిగిస్తోందన్నారు. ఉద్యోగాల క్రమబద్ధీకరణ, సమాన పనికి సమాన వేతనం, ఈహెచ్‌ఎస్‌ అమలు చేయాల ని కోరారు. కార్యక్రమంలో జేఏసీ గౌరవాధ్యక్షు డు శ్రీనివాసులు, కోశాధికారి ప్రవీణ్‌, జేఏసీ ప్రతినిధులు డా.జగన్‌, డా.మహతి, డా.సాయి కంఠ, రజియా, సురేష్‌, వినోద్‌కుమార్‌ పాల్గొన్నారు. 325వ రోజుకు చేరిన దీక్షలు చారకొండ: గోకారం జలాశయం నిర్మాణంలో ఎర్రవల్లి, ఎర్రవల్లి తండాలను ముంపు నుంచి మినహాయించాలని చేపట్టిన రీలే నిరాహార దీక్షలు గురువారం నాటికి 325వ రోజుకు చేరాయి. ఈ సందర్భంగా నిర్వాసితులు మాట్లాడుతూ.. కొండారెడ్డిపల్లిలో సీఎం రేవంత్‌రెడ్డి పర్యటన సందర్భంగా డిండి ఎత్తిపోతలను రద్దు చేయాలని, ఎర్రవల్లి ,ఎర్రవల్లి తండా నిర్వాసితుల గోడు పట్టదా అని ఫ్లకార్డు ప్రదర్శించి.. తమ సమస్యలను సీఎం దృష్టికి తీసుకెళ్లడం జరిగిందన్నారు. ఇప్పటికై నా తమ గ్రామాలను ముంపు ముప్పు నుంచి మినహాయించాలని కోరారు. కాగా, ఎర్రవల్లిలో చేపట్టిన దీక్ష శిబిరంలో ఉమ్మడి మహబూబ్‌నగర్‌ పెండింగ్‌ ప్రాజెక్టుల సాధన సమితి ఆద్వర్యంలో డీఎల్‌ఐని రద్దు చేయాలని సంతకాల సేకరణ చేపట్టారు. కార్యక్రమంలో ఆయా గ్రామాల నిర్వాసితులు, జేఏసీ నాయకులు పాల్గొన్నారు. 24న ఉమ్మడి జిల్లా క్రికెట్‌ ఎంపికలు మహబూబ్‌నగర్‌ క్రీడలు: జోగులాంబ గద్వాల జిల్లా కేంద్రంలోని మినీ స్టేడియంలో ఈనెల 24వ తేదీన స్కూల్‌ గేమ్స్‌ ఫెడరేషన్‌ అండర్‌–19 విభాగం బాలబాలికల ఉమ్మడి జిల్లాస్థాయి క్రికెట్‌ ఎంపికలు జరుగుతాయని అండర్‌–19 ఉమ్మడి జిల్లా ఎస్‌జీఎఫ్‌ కార్యనిర్వాహక కార్యదర్శి వేణుగోపాల్‌ గురువారం ఓ ప్రకటనలో తెలిపారు. విద్యార్థులు ఆధార్‌కార్డు, బోనఫైడ్‌, ఎస్‌ఎస్‌సీ మెమోతో ఆ రోజు ఉదయం 10 గంటలకు మినీ స్టేడియంకు చేరుకోవాలని ఆయన సూచించారు.

● వైభవంగా ముగిసిన దేవి శరన్నవరాత్రి ఉత్సవాలు ● పూర్ణాహుతి, నాగకన్యల బావిలో తీర్థావళి ● నేత్రపర్వంగా ఆదిదంపతుల నదీ విహారం అలంపూర్‌లో తుంగభద్ర నదిలో హంసవాహనంలో ఆది దంపతుల విహారం అలంపూర్‌: అలంపూర్‌ జోగుళాంబ, బాలబ్రహ్మేశ్వర స్వామివార్ల తెప్పోత్సవం మంగళవారం రాత్రి తుంగభద్ర పుష్కరఘాట్‌లో వైభవంగా జరిగింది. హంస వాహనంపై కొలువుదీరిన ఆదిదంపతుల నదీ విహారం భక్తులను విశేషంగా ఆకట్టుకుంది. విద్యుత్‌ దీపాల వెలుగులు, బాణసంచా కాంతుల నడుమ సాగిన తెప్పోత్సవాన్ని తిలకించేందుకు వేలాది మంది భక్తులు తరలివచ్చారు. తెప్పోత్సవానికి ముందు బాలబ్రహ్మేశ్వర స్వామివారు మంగళవాయిద్యాల నడుమ పల్లకీ సేవలో జోగుళాంబ అమ్మవారి ఆలయానికి చేరుకున్నారు. ప్రత్యేక పూజల అనంతరం ఉత్సవమూర్తులను పుష్కర ఘాట్‌కు తీసుకెళ్లి నదీ పూజలు, నవక పూజలు నిర్వహించారు. అనంతరం హంస వాహనంపై దేవతామూర్తులను కొలువుదీర్చి తుంగభద్ర నదిలో విహరింపజేశారు. కార్యక్రమంలో ఎమ్మెల్యే విజయుడు, ఆలయ ఈఓ దీప్తి, అమ్మవారి దీక్ష స్వీకరించిన స్వాములు పాల్గొన్నారు. తెప్పోత్సవంతో శరన్నవరాత్రి ఉత్సవాలు ముగిశాయి. జోగుళాంబ మాత పాహిమాం వివరాలు IIలో..

కందనూలు: శాంతిభద్రతల పరిరక్షణలో పోలీసుల సేవలు ఎనలేనివని ఎస్పీ సంగ్రామ్‌ సింగ్‌జీ పాటిల్‌ అన్నారు. బుధవారం పోలీసు అమరవీరుల సంస్మరణ దినోత్సవం సందర్భంగా జిల్లా పోలీసు పరేడ్‌ మైదానంలోని స్థూపానికి అమరవీరుల కుటుంబ సభ్యులతో కలిసి పూలమాలలు వేసి ఘనంగా నివాళులర్పించారు. ఈ సందర్భంగా ఎస్పీ మాట్లాడుతూ.. పోలీసులు లేని సమాజాన్ని ఊహించలేమన్నారు. శాంతిభద్రతలను పరిరక్షించే క్రమంలో ఎందరో పోలీసులు అమరులయ్యారని గుర్తుచేశారు. 1993 నవంబర్‌ 14న సోమశిలలో జరిగిన దుర్ఘటనలో విధి నిర్వహణలో అశువులు బాసిన పోలీసు అమరుల త్యాగాలు చిరస్మరణీయమని అన్నారు. అలాగే వారి కుటుంబాలకు పోలీసుశాఖ అన్నివిధాలా అండగా ఉంటుందన్నారు. విపత్తులు, పండుగలు, ఎన్నికలు వంటి అన్ని సందర్భాల్లో పోలీసులు ముందుండి సేవలందిస్తున్నారని.. వారి త్యాగాలు అమూల్యమైనవని అన్నారు. దేశాభివృద్ధికి శాంతి, స్థిరత్వం, సామాజిక సమైక్యత అవసరమని.. పోలీసు వ్యవస్థను కాపాడేందుకు నిరంతరం కృషి చేస్తోందన్నారు. అంతకుముందు ఎస్పీ, ఏఎస్పీ పోలీసుల గౌరవ వందనం స్వీకరించారు. అమరవీరులకు సాయుధ దళాలు సంప్రదాయ స్మృతి పరేడ్‌ నిర్వహించారు. అనంతరం పోలీసు పరేడ్‌ నుంచి అంబేడ్కర్‌ చౌరస్తా వరకు శాంతి ర్యాలీ నిర్వహించారు. కార్యక్రమంలో ఏఎస్పీ వెంకటేశ్వర్లు, డీఎస్పీలు బుర్రి శ్రీనివాస్‌, శ్రీనివాస్‌, సీఐ ఆశోక్‌రెడ్డి, ఎస్‌ఐ వెంకట్‌రెడ్డి తదితరులు పాల్గొన్నారు. అమరుల స్థూపానికి నివాళులర్పిస్తున్న కుటుంబ సభ్యుల

ముఖ్యమంత్రి రేవంత్‌రెడ్డి చేతుల మీదుగా ప్రాథమిక ఆరోగ్యకేంద్రం, సెంట్రల్‌ లైటింగ్‌ సిస్టం, ఎస్‌టీపీలను ప్రారంభించడంతో పాటు ఏటీసీ సెంటర్‌కు భూమిపూజ చేయాల్సి ఉండగా.. ఆయన ఆదేశాల మేరకు ఎంపీ మల్లు రవి, ఎమ్మెల్యే వంశీకృష్ణ వాటిని ప్రారంభించారు. కాగా, రాష్ట్ర ముఖ్యమంత్రిగా స్వగ్రామాన్ని అన్నివిధాలుగా అభివృద్ధి చేయాలన్న సంకల్పంతో ఇప్పటి వరకు దాదాపు రూ.200 కోట్ల నిధులను మంజూరు చేశారు. ముఖ్యమంత్రి ఇంటి నుంచి జమ్మిచెట్టు వరకు నడుచుకుంటూ వెళ్తున్న క్రమంలో గ్రామ పంచాయతీ, బస్‌షెల్టర్‌, సోలార్‌ సెంట్రల్‌ లైటింగ్‌ సిస్టం, మిల్క్‌ చిల్లింగ్‌ సెంటర్‌, నూతనంగా నిర్మిస్తున్న పాఠశాల, నాలుగు లెన్ల రహదారిని చూసి మురిసిపోయారు.

● జిల్లా కేంద్రంలో అంబరాన్నంటిన సంబరాలు ● భక్తిశ్రద్ధలతో శమీ పూజలు కందనూలు: విజయదశమి పర్వదినాన్ని మంగళవారం జిల్లావ్యాప్తంగా ఘనంగా జరుపుకొన్నారు. శమీ శమయతే పాపం.. శమీ శత్రు వినాశనం.. అర్జునస్య ధరుర్ధారీ రామస్య ప్రియదర్శనం అని పఠిస్తూ.. శమీ వృక్షానికి ప్రత్యేక పూజలు నిర్వహించారు. అలాగే తెల్లవారుజాము నుంచే దేవాలయాలను సందర్శించి ప్రత్యేక పూజలు చేశారు. సాయంత్రం జమ్మిచెట్టు వద్దకు ఊరేగింపుగా చేరుకుని ప్రత్యేక పూజల అనంతరం ఒకరినొకరు జమ్మిపత్రం పంచుకొని శుభాకాంక్షలు తెలియజేసుకున్నారు. జిల్లా కేంద్రంలోని మినీ ట్యాంక్‌బండ్‌ వద్ద నిర్వహించిన దసరా ఉత్సవాల్లో ఎమ్మెల్యే డా.కూచుకుళ్ల రాజేశ్‌రెడ్డి, సరితారెడ్డి దంపతులు పాల్గొని సందడి చేశారు. ఈ సందర్భంగా మహిళలతో కలిసి బతుకమ్మ ఆడారు. అనంతరం శమీ పూజ చేశారు. జిల్లా కేంద్రంలో చేపట్టిన అభివృద్ధి కార్యక్రమాలను ఎమ్మెల్యే వివరించారు. విజయదశమి పర్వదినం అందరి జీవితాల్లో కొత్త వెలుగులు నింపాలని ఆకాంక్షించారు. జిల్లా కేంద్రాన్ని అన్ని రంగాల్లో అభివృద్ధి చేసి, ఒక ఆధునిక పట్టణంగా తీర్చిదిద్దడమే లక్ష్యంగా పనిచేస్తున్నట్లు చెప్పారు. కార్యక్రమంలో మున్సిపల్‌ చైర్మన్‌ తీగల సునీంద్ర, వైస్‌ చైర్మన్‌ బాదం రమేశ్‌, కౌన్సిలర్లు, కాంగ్రెస్‌ పార్టీ నాయకులు పాల్గొన్నారు. శమీ వృక్షానికి పూజలు చేస్తున్న ఎమ్మెల్యే కూచుకుళ్ల రాజేశ్‌రెడ్డి జిల్లా కేంద్రంలోని మినీ ట్యాంక్‌బండ్‌పై దసరా ఉత్సవాల్లో పాల్గొన్న జనం

● సాగునీటి ప్రాజెక్టుల పనులను పూర్తిచేయడమే లక్ష్యం ● ఎకై ్సజ్‌, పర్యాటకశాఖ మంత్రి జూపల్లి కృష్ణారావు నార్లాపూర్‌ రిజర్వాయర్‌ తూము నుంచి ఎల్లూరు రిజర్వాయర్‌లోకి నీటిని విడుదల చేస్తున్న మంత్రి జూపల్లి కృష్ణారావు కొల్లాపూర్‌ రూరల్‌: ఎంజీకేఎల్‌ఐ ద్వారా అదనంగా మరో లక్ష ఎకరాలకు సాగునీరు అందుతుందని రాష్ట్ర ఎకై ్సజ్‌, పర్యాటకశాఖ మంత్రి జూపల్లి కృష్ణారావు అన్నారు. బుధవారం కొల్లాపూర్‌ మండలం బోడబండ తండా సమీపంలోని నార్లాపూర్‌ రిజర్వాయర్‌ తూము నుంచి ఎల్లూరు రిజర్వాయర్‌లోకి సాగునీటిని విడుదల చేశారు. ఈ సందర్భంగా మంత్రి మాట్లాడుతూ.. పాలమూరు ప్రాజెక్టు నుంచి కేఎల్‌ఐకి సంబంధించిన ఎల్లూరు రిజర్వాయర్‌లోకి వెయ్యి క్యూసెక్కుల నీటిని విడుదల చేయడం ద్వారా అదనంగా మరో లక్ష ఎకరాల ఆయకట్టుకు సాగునీరు అందుతుందన్నారు. అలాగే ప్రజలకు తాగునీటి ఇబ్బందులు తలెత్తకుండా అవసరమైన చర్యలు తీసుకుంటున్నట్లు మంత్రి వివరించారు. నార్లాపూర్‌ నుంచి ఏదుల వరకు కాల్వల పనులు పూర్తి కావాల్సి ఉందన్నారు. మార్గమధ్యంలో మూడు చోట్ల తండు తవ్వకాలు చేపట్టాల్సి ఉండటంతో పాటు బ్రిడ్జీల నిర్మాణం కొనసాగుతోందన్నారు. కొన్ని ప్రాంతాల్లో రాతి నేల ఉండటంతో తవ్వకాలకు సమయం పడుతోందని ఆయన వివరించారు. అవి పూర్తి కాకుండా నీటిని విడుదలచేస్తే ముందుకు తీసుకెళ్లడం సాధ్యంకాదని స్పష్టం చేశారు. కాల్వ నిర్మాణం పూర్తిచేసి నీటిని సజావుగా ముందుకు తీసుకెళ్లేందుకు ఇంకా నాలుగు నెలల సమయం పడుతుందన్నారు. ప్యాకేజీ–3 పనులను బీఆర్‌ఎస్‌ ప్రభుత్వమే పూర్తిచేసి ఉంటే, ప్రస్తుతం ఈ పరిస్థితి వచ్చేది కాదన్నారు. మాజీ మంత్రి కేటీఆర్‌, నిరంజన్‌రెడ్డితో సహా బీఆర్‌ఎస్‌ నాయకులు పాలమూరు ప్రాజెక్టు క్షేత్రస్థాయి పరిస్థితులను తెలుసుకోకుండా నీటిని విడుదల చేయాలని డిమాండ్‌ చేయడం ప్రజలను తప్పుదోవ పట్టించడమేనని ఆయన అన్నారు. ప్రాజెక్టుల పురోగతిని పరిశీలించి, వాస్తవాల ఆధారంగా మాట్లాడాలని సూచించారు. గాలి మాటలతో ప్రజలను తప్పుదోవ పట్టించే ప్రయత్నాలు మానుకోవాలని హితవు పలికారు. అసంపూర్తి పనులను పూర్తిచేసి రైతులకు సాగునీరు అందించడమే ప్రభుత్వ లక్ష్యమన్నారు. అనంతరం మిషన్‌ భగీరథ పథకం పంపహౌజ్‌లో అధికారులతో మంత్రి సమీక్షించారు. సమావేశంలో కొల్లాపూర్‌ మున్సిపల్‌ చైర్‌పర్సన్‌ రెడ్డి జ్యోతి, వైస్‌చైర్మన్‌ రహింపాషా, ఇరిగేషన్‌ అధికారులు ఉన్నారు. ● కొల్లాపూర్‌ మండలం సోమశిలలో ఇందిరమ్మ ఇళ్ల నిర్మాణాలకు మంత్రి జూపల్లి కృష్ణారావు భూమిపూజ చేశారు. ఈ సందర్భంగా ఆయన మాట్లాడుతూ.. కాంగ్రెస్‌ ప్రభుత్వంలో పేదల సొంతింటి కల నెరవేరుతోందన్నారు. అర్హులందరికీ ఇందిరమ్మ ఇళ్లు మంజూరు చేయడమే తమ లక్ష్యమన్నారు. అనంతరం లబ్ధిదారులకు ఇళ్ల మంజూరు పత్రాలను అందజేశారు. కార్యక్రమంలో సర్పంచ్‌ వెంకటలక్ష్మి, ఆలయ కమిటీ చైర్మన్‌ రామకృష్ణ, ఆర్మీ వెంకటస్వామి, రామ్మోహన్‌ పాల్గొన్నారు.

● డిండి ప్రాజెక్టు రద్దు చేయాలని ఫ్లకార్డు ప్రదర్శన నాగర్‌కర్నూల్‌: దసరా ఉత్సవాల్లో పాల్గొనేందుకు స్వగ్రామం కొండారెడ్డిపల్లికి వచ్చిన సీఎం రేవంత్‌రెడ్డికి డిండి ప్రాజెక్టుపై నిరసన సెగ తగిలింది. గ్రామంలోని హనుమాన్‌ ఆలయానికి సీఎం వెళ్తుండగా.. వంగూరు మండలం పొల్కంపల్లికి చెందిన చీమర్ల అర్జున్‌రెడ్డి ఫ్లకార్డు ప్రదర్శిస్తూ.. డిండి ప్రాజెక్టును రద్దు చేయాలని, గోకారం రిజర్వాయర్‌లో ఎర్రవల్లి, ఎర్రవల్లి తండాలు ముంపు లేకుండా చూడాలని, ఉమ్మడి జిల్లాలోని పెండింగ్‌ ప్రాజెక్టులను పూర్తిచేయాలని గట్టిగా నినాదాలు చేశారు. సీఎం ఎదురుగానే ఫ్లకార్డును ప్రదర్శించి అందరినీ ఆశ్చర్యపరిచారు. ఈ ఘటనతో పోలీసులు కంగుతిన్నారు. వెంటనే అర్జున్‌రెడ్డి వద్ద ఫ్లకార్డు లాక్కొని, అతడిని పక్కకు లాగేశారు. ఈ సందర్భంగా ఆయన మాట్లాడుతూ.. డిండి ప్రాజెక్టుతో పాలమూరు ప్రాంతానికి తీరని అన్యాయం జరుగుతుందన్నారు. ఆ ప్రాజెక్టును రద్దు చేయడంతో పాటు ఉమ్మడి పాలమూరులోని పెండింగ్‌ ప్రాజెక్టులను వేగంగా పూర్తి చేయాలని డిమాండ్‌ చేశారు. అప్పటి వరకు తమ పోరాటం ఆగదని పేర్కొన్నారు. కాగా, డిండి ప్రాజెక్టును రద్దు చేయాలని స్వంత ప్రాంతం నుంచే నిరసన వ్యక్తం కావడం.. ఇప్పటికే స్థానిక ఎమ్మెల్యేలు ఏదుల రిజర్వాయర్‌ నుంచి కాకుండా కృష్ణానది నుంచి నేరుగా డిండి ప్రాజెక్టుకు నీరు తీసుకుపోవాలని లోలోపల ఒత్తిడి తీసుకొస్తున్న అంశానికి ఈ నిరసన తోడైందని చెప్పవచ్చు.

● ఆంజనేయస్వామి ఆలయంలో ప్రత్యేక పూజలు.. ప్రజాప్రతినిధులు, అధికారులతో భేటీ ● షెడ్యూల్‌ విడుదల చేసిన సీఎంఓ కార్యాలయం ● పకడ్బందీ ఏర్పాట్లు చేసిన యంత్రాంగం ● పర్యవేక్షించిన కలెక్టర్‌, ఎస్పీ.. అధికారులతో సమీక్ష నాగర్‌కర్నూల్‌/ వంగూరు: దసరా పండుగను పురస్కరించుకుని రాష్ట్ర ముఖ్యమంత్రి ఎనుముల రేవంత్‌రెడ్డి ముచ్చటగా మూడోసారి సీఎం హోదాలో మంగళవారం స్వగ్రామం కొండారెడ్డిపల్లికి రానున్నారు. ఇందుకు సంబంధించి జిల్లా అధికార యంత్రాంగం ఏర్పాట్లను పకడ్బందీగా పూర్తిచేశారు. గడిచిన మూడేళ్లలో కొండారెడ్డిపల్లిలో దాదాపు రూ.200 కోట్లతో అభివృద్ధి కార్యక్రమాలను ప్రారంభించి పూర్తిచేశారు. మంగళవారం సీఎం రూ.30 కోట్ల అభివృద్ధి పనులను ప్రారంభించనున్నారు. రూ.10 కోట్లతో నిర్మించనున్న ఏటీసీ సెంటర్‌, రూ.9.5 కోట్లతో నిర్మించిన ఎస్‌టీపీ, ప్రాథమిక ఆరోగ్యకేంద్రం, శ్రీశైలం హైవే నుంచి గ్రామం వరకు ఏర్పాటు చేసిన సోలార్‌ సెంటర్‌ లైటింగ్‌ సిస్టంను ముఖ్యమంత్రి ప్రారంభించనున్నారు. ఇందుకు సంబంధించి ఆయా శాఖల అధికారులు ఏర్పాట్లను పూర్తిచేశారు. కొండారెడ్డిపల్లిలో అధికారుల పర్యటన, గ్రామంలోని ఆలయాలు పూలు, విద్యుత్‌ లైట్లతో శోభాయమానంగా తీర్చిదిద్దడం, గ్రామస్తులు పెద్దఎత్తున ఫ్లెక్సీలు ఏర్పాటు చేయడంతో కొండారెడ్డిపల్లి మొత్తం కోలాహలంగా మారింది. బతుకమ్మలతో స్వాగతం.. ప్రత్యేక హెలీక్యాప్టర్‌లో సీఎం రేవంత్‌రెడ్డి మంగళవారం కొండారెడ్డిపల్లికి రానున్నారు. ఈ మేరకు సీఎం హెలీప్యాడ్‌ వద్ద దిగిన వెంటనే బతుకమ్మ, సాంస్కృతిక నృత్యాలతో స్వాగతం పలికేందుకు గ్రామస్తులు సన్నద్ధమవుతున్నారు. సోమవారం ఇన్‌చార్జి కలెక్టర్‌ ఆదర్శ్‌ సురభి, ఎస్పీ సంగ్రామ్‌సింగ్‌జీ పాటిల్‌, సీఎం భద్రతా అధికారి శ్రీధర్‌ తదితరులు గ్రామంలో సీఎం పర్యటించే ప్రాంతాలను పర్యవేక్షించారు. ఈ సందర్భంగా తీసుకోవాల్సిన జాగ్రత్తలను అధికారులకు సూచించారు. ప్రధానంగా ముఖ్యమంత్రి గ్రామంలోని అంజనేయస్వామి ఆలయం, జమ్మిచెట్టు వద్ద ఎక్కువ సేపు ఉండే అవకాశం ఉండడంతో ఆ ప్రాంతంలో పటిష్ట భద్రతా చర్యలు చేపట్టాలని అధికారులు నిర్ణయించారు. ముఖ్యమంత్రిని చూసేందుకు వచ్చే ప్రజలకు ఎలాంటి అసౌకర్యం కలగకుండా చర్యలు తీసుకోవాలన్నారు. అనంతరం ఆయా ప్రభుత్వ శాఖల అధికారులతో కలెక్టర్‌, ఎస్పీ సమీక్ష నిర్వహించారు. గ్రామంలో విద్యుత్‌, తాగునీటి సరఫరాలో ఎలాంటి అసౌకర్యం కల గకుండా సిబ్బంది చర్యలు తీసుకోవాలన్నారు. సమావేశంలో అదనపు కలెక్టర్లు చెన్నయ్య, దేవసహాయం, ఏఎస్పీ వెంకటేశ్వ ర్లు, సీఎం సోదరుడు, గ్రామ అభివృద్ధి కమిటీ చైర్మన్‌ ఎనుముల కృష్ణారెడ్డి తదితరు లు పాల్గొన్నారు. సీఎం రేవంత్‌రెడ్డి మంగళవారం ఉదయం 11.20 గంటలకు హైదరాబాద్‌లోని డాక్టర్‌ ఎంసీఆర్‌హెచ్‌ఆర్‌డీ ఇనిస్టిట్యూట్‌ నుంచి హెలీక్యాప్టర్‌లో బయలుదేరుతారు. మధ్యాహ్నం 12 గంటలకు కొండారెడ్డిపల్లికి చేరుకుంటారు. మధ్యాహ్నం 12.15 నుంచి 12.45 గంటల వరకు గ్రామంలోని ఆంజనేయస్వామి ఆలయాన్ని సందర్శించి పూజలు చేస్తారు. అనంతరం సొంతింటికి వెళ్తారు. మధ్యాహ్నం 2 గంటలకు ప్రజాప్రతినిధులు, అధికారులతో ప్రత్యేకంగా సమావేశమై మాట్లాడతారు. సాయంత్రం 6 గంటలకు గ్రామంలోని మైసమ్మ ఆలయం, జమ్మిచెట్టు వద్ద పూజలు చేయడానికి ఇంటి నుంచి బయలుదేరుతారు. సాయంత్రం 6.45 గంటలకు ఆంజనేయస్వామి ఆలయ వేదిక వద్ద ప్రజలను కలుసుకుని వారితో మాట్లాడతారు. తిరిగి రాత్రి 7 గంటలకు రోడ్డు మార్గంలో కొండారెడ్డిపల్లి నుంచి హైదరాబాద్‌కు బయలుదేరి వెళ్తారు.

మన్ననూర్‌: అమ్రాబాద్‌ మండలం వటువర్లపల్లి గ్రామస్తులు స్వచ్ఛందంగా పునరావాసం కోరుకుంటున్నారని డీఎఫ్‌ఓ రేవంత్‌ చంద్ర అన్నారు. ఆదివారం అటవీశాఖ ఆధ్వర్యంలో గ్రామస్తులతో నిర్వహించిన సమావేశంలో 240 కుటుంబాలు పునరావాసానికి సిద్ధంగా ఉన్నామని ఎంఓయూ చేసుకున్నారు. ఈ సందర్భంగా డీఎఫ్‌ఓ మాట్లాడుతూ.. అటవీశాఖ అధికారులు, సిబ్బంది గ్రామస్తులను బెదిరింపులకు పాల్పడుతున్నారని వస్తున్న ఆరోపణల్లో ఏమాత్రం నిజం లేదన్నారు. ఎలాంటి బలవంతం లేకుండా స్వచ్ఛందంగా పునరావాసం కోరుకునే వారికి మాత్రమే ప్రభుత్వం తరఫున కల్పించే సహకారం ఉంటుందని తెలిపారు. కార్యక్రమంలో ఎఫ్‌డీఓ చంద్ర ప్రకాశ్‌ సింఘాల్‌, ఎంపీడీఓ రామన్న, ఎప్‌ఆర్‌ఓలు వీరేష్‌, ఈశ్వర్‌, పునరావాసం కమిటీ అధ్యక్షుడు సాయిబాబు, ఉపసర్పంచ్‌ బాల్‌రాజ్‌ పాల్గొన్నారు. మోకాళ్లపై కూర్చొని ఉద్యోగుల నిరసన కందనూలు: జాతీయ ఆరోగ్య మిషన్‌ పరిధిలో పనిచేస్తున్న కాంట్రాక్ట్‌, ఔట్‌సోర్సింగ్‌ ఉద్యోగులు తమ న్యాయమైన డిమాండ్ల సాధన కోసం జిల్లా కేంద్రంలో చేపట్టిన నిరవధిక సమ్మె ఆదివారం ఆరో రోజుకు చేరింది. జాయింట్‌ యాక్షన్‌ కమిటీ ఆధ్వర్యంలో ఉద్యోగులు మోకాళ్లపై కూర్చొని నిరసన కార్యక్రమం చేపట్టారు. ఈ సందర్భంగా వారు మాట్లాడుతూ.. ఏళ్లుగా ఆరోగ్యశాఖలో విధులు నిర్వహిస్తూ, ప్రజలకు సేవలందిస్తున్న ఎన్‌హెచ్‌ఎం ఉద్యోగుల సమస్యల పరిష్కారంపై ప్రభుత్వం నిర్లక్ష్యం వహించడం సరైంది కాదన్నారు. కాంట్రాక్ట్‌, ఔట్‌సోర్సింగ్‌ ఉద్యోగులను క్రమబద్ధీకరించడంతో పాటు సమాన పనికి సమాన వేతనం అమలు చేయాలని డిమాండ్‌ చేశారు. కార్యక్రమంలో జిల్లా అధ్యక్షుడు బాలకృష్ణ, జనరల్‌ సెక్రటరీ కుమార్‌, రాష్ట్ర ఉపాధ్యక్షుడు గౌస్‌ బాషా పాల్గొన్నారు. ఉపాధ్యాయుల సమస్యలను పరిష్కరించాలి కందనూలు: పెండింగ్‌లో ఉన్న ఉపాధ్యాయుల సమస్యలను పరిష్కరించాలని ఎస్టీయూ రాష్ట్ర మాజీ అధ్యక్షుడు పర్వత్‌రెడ్డి అన్నారు. ఆదివారం జిల్లా కేంద్రంలోని ఎస్టీయూ కార్యాలయంలో ఏర్పాటు చేసిన సమావేశంలో ఆయన మాట్లాడుతూ ప్రభుత్వం ఉపాధ్యాయులకు ఇచ్చిన మాట ప్రకారం హెల్త్‌ కార్డులు, పీఆర్సీ, తదితర అంశాలపై దృష్టి సారించాలని కోరారు. కార్యక్రమంలో జిల్లా అధ్యక్షుడు శ్రీధర్‌రావు, ప్రధాన కార్యదర్శి మధుసూదన్‌రెడ్డి రమేష్‌, ప్రభాకర్‌ తదితరులు పాల్గొన్నారు.

● అత్యధికంగా లా, ఇంజినీరింగ్‌ కళాశాలలకు కేటాయింపు ● త్వరలో రోస్టర్‌, నోటిఫికేషన్‌ ఇవ్వనున్న అధికారులు మహబూబ్‌నగర్‌ ఎడ్యుకేషన్‌: పాలమూరు యూనివర్సిటీలో రెగ్యులర్‌ ప్రతిపాదికన అసిస్టెంట్‌ ప్రొఫెసర్‌ పోస్టులు భర్తీ చేసేందుకు ఇటీవల జీఓ 31ని విడుదల చేసిన ప్రభుత్వం తాజాగా డిపార్టుమెంట్ల వారీగా భర్తీ చేసే పోస్టులకు అనుమతిస్తూ జీఓ 142 జారీచేసింది. మొత్తం పీయూలోని 19 డిపార్ట్‌మెంట్లలో 152 పోస్టులు ఉండగా ఇందులో ప్రస్తుతం రెగ్యులర్‌ ప్రతిపాదికన 18 మంది పనిచేస్తుండగా.. 134 పోస్టులు ఖాళీగా ఉన్నాయి. ఈ క్రమంలో కేవలం 45 పోస్టులకు మాత్రమే భర్తీకి అనుమతించింది. అయితే కాంట్రాక్టు అధ్యాపకులు పనిచేస్తున్న మెజార్టీ డిపార్ట్‌మెంట్లలో ప్రభుత్వం రెగ్యులర్‌ పోస్టులను భర్తీ చేయడంపై సుముఖత వ్యక్తం చేసినట్లు తెలుస్తుంది. ప్రధానంగా పీయూలో కొత్తగా ప్రారంభించిన లా, ఇంజినీరింగ్‌ కళాశాలల్లో లాలో 8, ఇంజినీరింగ్‌లో మూడు డిపార్ట్‌మెంట్లలో 23 పోస్టుల భర్తీకి అనుమతి ఇచ్చింది. యూనివర్సిటీ పరిధిలో భర్తీ చేయనున్న పోస్టులు కావడంతో వాటికి సంబంధించి రోస్టర్‌, నోటిఫికేషన్‌ ప్రక్రియను అధికారులు చేపట్టనున్నారు. అంతేకాకుండా ఈ ప్రక్రియను మార్చిలోగా పూర్తి చేయాలని అధికారులు భావిస్తున్నట్లు సమాచారం. ఇందుకోసం పలు కమిటీలను కూడా త్వరలో ఏర్పాటు చేయనున్నారు. డిపార్ట్‌మెంట్‌ పోస్టులు బాటనీ 2 బిజినెస్‌ మేనేజ్‌మెంట్‌ 1 ఇంగ్లిష్‌ 4 మేథమెటిక్స్‌ 1 లా ( ఎల్‌ఎల్‌బీ, ఎల్‌ఎల్‌ఎం) 8 ఇంజినీరింగ్‌ సీఎస్‌ఈ 6 ఇంజినీరింగ్‌– సీఎస్సీ డాటాసైన్స్‌ 6 ఇంజినీరింగ్‌ (హ్యూమనిటీస్‌, 10 సోషల్‌ సైన్స్‌) ఇంజినీరింగ్‌ ఫిజికల్‌ ఎడ్యుకేషన్‌ 1

అమరచింత: ప్రియదర్శిని జూరాల ప్రాజెక్టు ప్రధాన కుడి, ఎడమ కాల్వలకు ఆదివారం అధికారులు నీటిని విడుదల చేశారు. వారాబందీ విధానంతో ఆయకట్టుకు నీటిని విడుదల చేస్తున్న అధికారులు 4 రోజుల పాటు వదిలి 3 రోజులు నిలిపివేశారు. మరో తడి కోసం ఆదివారం ప్రధాన ఎడమకాల్వకు 1,190 క్యూసెక్కులు, కుడికాల్వకు 730 క్యూసెక్కుల నీటిని వదులుతున్నారు. జూరాల ఆయకట్టు పరిధిలో సుమారు 1.15 లక్షల ఎకరాల్లో రైతులు వివిధ రకాల పంటలు సాగుచేశారు. ప్రస్తుతం వరి పంట పొట్టదశలో ఉండటంతో సాగునీటిని పొదుపుగా వినియోగించుకోవాలని ప్రాజెక్టు అధికారులు రైతులకు సూచిస్తున్నారు. జలాశయంలో ప్రస్తుతం 3.664 టీఎంసీల నీరు నిల్వ ఉందని అధికారులు వెల్లడించారు.

కందనూలు: సమాజంలో చెడును పారద్రోలి, ప్రజలకు రక్షణ కల్పించడమే తమ లక్ష్యమని ఎస్పీ సంగ్రామ్‌ సింగ్‌జీ పాటిల్‌ అన్నారు. విజయదశమి పర్వదినాన్ని పురస్కరించుకొని ఆదివారం జిల్లా సాయుధ దళం కార్యాలయంలో ఆయుధ పూజ నిర్వహించారు. ఈ సందర్భంగా పోలీస్‌ శాఖకు చెందిన ఆయుధాలతో పాటు వాహనాలకు ఎస్పీ ప్రత్యేక పూజలు చేశారు. అనంతరం ఆయన మాట్లాడుతూ.. విజయదశమి సందర్భంగా పోలీస్‌ శాఖ ఆయుధ పూజ నిర్వహించడం గొప్ప సంప్రదాయమని తెలిపారు. జిల్లాలో శాంతిభద్రతల పరిరక్షణ కోసం పోలీస్‌శాఖ నిరంతరం కృషి చేస్తోందన్నారు. ప్రజల భద్రతే లక్ష్యంగా పోలీస్‌ అధికారులు, సిబ్బంది అంకితభావంతో విధులు నిర్వహించాలని ఎస్పీ సూచించారు. కార్యక్రమంలో అదనపు ఎస్పీ వెంకటేశ్వర్లు, డీఎస్పీ శ్రీనివాస్‌, సీఐ అశోక్‌రెడ్డి, ఎస్‌ఐ వెంకట్‌రెడ్డి పాల్గొన్నారు.

బతుకమ్మ బతుకమ్మ ఊయ్యాలో.. బంగారు బతుకమ్మ ఊయ్యాలో.. ఒక్కేసి పువ్వేసి చందమామ అంటూ మహిళలు ఆడిపాడారు. ఆదివారం జిల్లా కేంద్రంలోని ఎమ్మెల్యే క్యాంపు కార్యాలయంతో పాటు అచ్చంపేట పట్టణంలోని భక్త మార్కండేయ ఆలయం, ఐలవ్‌ అచ్చంపేట వద్ద సద్దుల బతుకమ్మ వేడుకలు అంబర్నాంటాయి. తెలంగాణ సాంస్కృతిక వైభవానికి ప్రతీకగా నిలిచే వేడుకల్లో మహిళలు, యువతులు పెద్ద ఎత్తున పాల్గొని బతుకమ్మ పాటలకు బొడ్డెమ్మ ఆడారు. ఉత్సవాల్లో ఎమ్మెల్యేలు కూచుకుళ్ల రాజేశ్‌రెడ్డి – సరితారెడ్డి, డా.చిక్కుడు వంశీకృష్ణ – అనురాధ దంపతులు పాల్గొన్నారు. అచ్చంపేటలో మున్సిపల్‌శాఖ ఆధ్వర్యంలో నిర్వహించిన వేడుకల్లో వివిధ కుల, ప్రజా సంఘాలు, మహిళా సంఘాలు, అంగన్‌వాడీ సిబ్బంది తీరొక్క పూలతో బతుకమ్మలను తయారుచేసి ఆడిపాడారు. – నాగర్‌కర్నూల్‌/అచ్చంపేట

పాన్‌గల్‌: ప్రస్తుతం నెలకొన్న కరువు కాలం తెచ్చింది కాదని.. కాంగ్రెస్‌ ప్రభుత్వం తీసుకొచ్చిన కరువని కొల్లాపూర్‌ మాజీ ఎమ్మెల్యే బీరం హర్షవర్ధన్‌రెడ్డి అన్నారు. ఆదివారం మండల కేంద్రంలోని ఈదమ్మ ఆలయం సమీపంలో ఉన్న కేఎల్‌ఐ ఎంజే–6 పరిధిలో ఎండిన వరి పంటలను స్థానిక నాయకులతో కలిసి ఆయన పరిశీలించారు. ఈ సందర్భంగా మాట్లాడుతూ.. ప్రస్తుత ప్రభుత్వం సాగునీరు ఇవ్వడం లేదని.. కనీసం విద్యుత్‌ సరఫరా సక్రమంగా చేస్తే చేతికొచ్చిన పంటను రైతులు కాపాడుకుంటారన్నారు. ఓ పక్క సాగునీటి కష్టాలు, మరోపక్క విద్యుత్‌ కోతలతో పంటలు ఎండి రైతులు తీవ్రంగా నష్టపోతున్నారని ఆవేదన వ్యక్తం చేశారు. కాంగ్రెస్‌ ప్రభుత్వం కేసీఆర్‌ను తిట్టడం తప్ప రైతులకు సాగునీరు, విద్యుత్‌, రైతుబంధు ఇవ్వడంలో పూర్తిగా విఫలమైందని ఆరోపించారు. భీమా కాల్వ చివరి ఆయకట్టుకు సాగునీరు అందక రైతులు ఘర్షణ పడుతున్నారని.. అధికారుల పర్యవేక్షణ లేకనే గొడవలు జరుగుతున్నాయని విమర్శించారు. పంట నష్టపోయిన రైతులకు పరిహారం అందించి ఆదుకోవాలన్నారు. ఇప్పటికై నా అధికారులు స్పందించి పంటలు చేతికందే దశలోనైనా సాగునీరు, కోతలు లేకుండా విద్యుత్‌ సరఫరా చేసి పంటలను కాపాడాలని.. లేనిచో బీఆర్‌ఎస్‌ పార్టీ ఆధ్వర్యంలో రైతులతో కలిసి ఆందోళనలు చేపడతామని హెచ్చరించారు. బీఆర్‌ఎస్‌ పార్టీ మండల అధ్యక్షుడు వీరసాగర్‌, న్యాయవాది రవికుమార్‌, చంద్రునాయక్‌, వెంకటయ్యనాయుడు, దాసునాయక్‌, గోపాల్‌రెడ్డి, రాంచందర్‌యాదవ్‌, సర్పంచ్‌లు కిశోర్‌నాయక్‌, కృష్ణనాయుడు, ఆయా గ్రామాల పార్టీ నాయకులు పాల్గొన్నారు.

పెద్దకొత్తపల్లిలో నేలకొరిగిన వరిపైరు, తాడూరు మండలం అల్లాపూర్‌లో దెబ్బతిన్న పత్తిపంట పెద్దకొత్తపల్లి/తాడూరు: జిల్లాలోని పలు ప్రాంతాల్లో శనివారం రాత్రి మోస్తరు వర్షం కురిసింది. ఒక్కసారిగా ఆకాశం మేఘావృతమై కురిసిన వర్షంతో చేతికొచ్చే దశలో ఉన్న వరి, పత్తిపంటలు దెబ్బతిన్నాయి. పెద్దకొత్తపల్లిలో అవ్వగారి కృష్ణయ్య, లక్ష్మయ్యకు చెందిన దాదాపు 12 ఎకరాల వరిపైరు కంకి దశలో ఉండగా.. పూర్తిగా నేలకొరిగింది. గింజలు పట్టకుండా తాలుగా మారే అవకాశం ఉందని రైతులు ఆందోళన చెందుతున్నారు. అలాగే తాడూరు మండల కేంద్రంతో పాటు అల్లాపూర్‌ తదితర గ్రామాల్లో పత్తిపంటకు నష్టం వాటిల్లింది. ఇప్పటికే ఎల్‌నినో ప్రభావంతో వర్షాలు లేక దిగుబడి పూర్తిగా తగ్గిందని రైతులు దిగాలు చెందుతున్నారు. ప్రస్తుతం కురిసిన వర్షంతో ఉన్న పత్తి కాయలు కిందపడ్డాయని వాపోతున్నారు. వర్షాలకు పంటలు దెబ్బతిన్న రైతులను ప్రభుత్వం ఆదుకోవాలని కోరుతున్నారు.

కొల్లాపూర్‌: త్వరలోనే మిషన్‌ భగీరథ స్కీంకు నీటి సరఫరా సమస్యలు శాశ్వతంగా తీరనున్నాయి. ఉమ్మడి పాలమూరు జిల్లాతో పాటు రంగారెడ్డి జిల్లాలోని పలు ప్రాంతాలకు భగీరథ స్కీం ద్వారా తాగునీటిని అందిస్తున్న విషయం తెలిసిందే. కొల్లాపూర్‌ మండలం ఎల్లూరు సమీపంలోని మిషన్‌ భగీరథ స్కీంకు ప్రస్తుతం ఎంజీకేఎల్‌ఐ ద్వారా నీటిని సరఫరా చేస్తున్నారు. ఇక నుంచి పాలమూరు ప్రాజెక్టు ద్వారా నీటి సరఫరాకు ప్రభుత్వం శ్రీకారం చుట్టబోతోంది. ఇందుకోసం నార్లాపూర్‌ రిజర్వాయర్‌కు అనుసంధానంగా పంప్‌హౌజ్‌ నిర్మించింది. ఈ పనులు దాదాపుగా తుదిదశకు చేరాయి. త్వరలోనే పంప్‌హౌజ్‌ను ప్రారంభించేందుకు సన్నాహకాలు చేస్తున్నారు. తాగునీటి సరఫరా ఇలా.. కేఎల్‌ఐ ప్రాజెక్టుకు అనుసంధానంగా ఎల్లూరులో మిషన్‌ భగీరథ పంప్‌హౌజ్‌ నిర్మించారు. ఇక్కడి నుంచి ఉమ్మడి మహబూబ్‌నగర్‌ జిల్లాతో పాటు, రంగారెడ్డి జిల్లాలోని 3 నియోజకవర్గాల్లో కలిపి మొత్తం 84 మండలాల్లోని 3,912 గ్రామాల ప్రజలకు తాగునీరు అందించేందుకు పైప్‌లైన్లు, వాటర్‌ట్యాంకులు నిర్మించారు. శాశ్వత పరిష్కారం దిశగా.. మిషన్‌ భగీరథ స్కీంకు వేసవిలో నీటి సరఫరాకు ఇబ్బందులు ఎదురవుతున్న నేపథ్యంలో గత ప్రభుత్వం ఈ సమస్యకు శాశ్వత పరిష్కారం చూపాలని భావించింది. మిషన్‌ భగీరథ స్కీంకు సమీపంలోనే పాలమూరు ప్రాజెక్టు పరిధిలోని నార్లాపూర్‌ రిజర్వాయర్‌ కూడా ఉంది. కేఎల్‌ఐ పరిధిలోని ఎల్లూరు రిజర్వాయర్‌ నీటినిల్వ సామర్థ్యం 0.36 టీఎంసీ కాగా.. నార్లాపూర్‌ రిజర్వాయర్‌ సామర్థ్యం 6.4 టీఎంసీలు. దీంతో నార్లాపూర్‌ రిజర్వాయర్‌ ద్వారా మిషన్‌ భగీరథ స్కీంకు నీటిని మళ్లించాలని అప్పటి ప్రభుత్వం నిర్ణయించింది. ఇందుకోసం రెండు ప్రత్యామ్నాయాలను సిద్దం చేసింది. మొదటగా నార్లాపూర్‌ రిజర్వాయర్‌ పూర్తి నీటి నిల్వతో ఉన్నప్పుడు ఎలాంటి పంపింగ్‌ లేకుండా స్లూయిస్‌ ద్వారా ఎల్లూరు రిజర్వాయర్‌లోకి నీటిని మళ్లించేలా ఏర్పాట్లు చేశారు. నార్లాపూర్‌ రిజర్వాయర్‌లో ఫుల్‌గేజ్‌ నీటి నిల్వ లేని సమయంలో కూడా మిషన్‌ భగీరథకు నీటిని తరలించేందుకు వీలుగా సున్నపుతండా వద్ద పంప్‌హౌజ్‌ నిర్మాణానికి చర్యలు చేపట్టారు. ఇందుకోసం రూ. 140కోట్లు కేటాయించింది. పంప్‌హౌజ్‌ నిర్మాణం నిదానంగా సాగుతూ.. ఇన్నాళ్లకు తుదిదశకు చేరింది. తాగునీటి పథకానికి పాలమూరు ప్రాజెక్టు నుంచి నీటి సరఫరాకు సిద్ధం ఎల్లూరు సమీపంలోని సున్నపుతండాలో రూ.140కోట్లతోపంప్‌హౌజ్‌ నిర్మాణం 1.7 కేవీ సామర్థ్యంతో 6 మోటార్లు ఏర్పాటు సీఎం చేతుల మీదుగా ప్రారంభించేందుకు సన్నాహకాలు

● దిగువకు సాఫీగా నీటి ప్రవాహం.. రైతుల హర్షం బల్మూర్‌: మండలంలోని కొత్తపల్లి వద్ద అక్రమంగా ఎత్తిన కేఎల్‌ఐ కాల్వ షెట్టర్‌ను అధికారులు మూసివేశారు. కేఎల్‌ఐ నీటిని డిండి చెరువుకు నీరు మళ్లిస్తున్న తీరుపై శనివారం ‘సాక్షి’లో ‘కేఎల్‌ఐ నీరు మళ్లింపు’ శీర్షికన ప్రచురితమైన కథనానికి అధికారులు స్పందించారు. ఈ మేరకు తుమ్మెన్‌పేట చెరువు వైపు నీటిని మళ్లించేందుకు ఏర్పాటు చేసిన కాల్వ (షెట్టర్‌) మార్గాన్ని మూసివేశారు. ఈ మేరకు ఇరిగేషన్‌ శాఖ ఈఈ, అధికారులు క్షేత్రస్థాయికి చేరుకుని పరిస్థితిని పరిశీలించారు. అక్కడ ఏర్పాటు చేసిన హిటాచీ యంత్రాన్ని తొలగించడంతోపాటు షెట్టర్‌ను మూసివేశారు. దీంతో కేఎల్‌ఐ కాల్వ నీరు దిగువ ప్రాంతాలకు సాఫీగా ప్రవహించేందుకు మార్గం సుగమమైంది. కాల్వ నీటి మళ్లింపుతో సాగునీటికి ఇబ్బందులు ఎదురవుతాయని ఆందోళన చెందిన దిగువ ప్రాంత రైతులకు అధికారుల చర్యలతో ఊరట లభించింది. సమస్యను వెలుగులోకి తెచ్చి.. పరిష్కారానికి కృషిచేసిన ‘సాక్షి’ కథనంపై రైతులు హర్షం వ్యక్తం చేశారు.

నాగర్‌కర్నూల్‌: తెలంగాణ సంస్కృతి, సంప్రదాయాలకు ప్రతీకగా బతుకమ్మ పండుగ నిలుస్తుందని అదనపు కలెక్టర్‌ చెన్నయ్య అన్నారు. శనివారం సాయంత్రం కలెక్టరేట్‌లో గ్రామీణాభివృద్ధి శాఖ ఆధ్వర్యంలో స్వయం సహాయక మహిళా సంఘాల భాగస్వామ్యంతో బతుకమ్మ సంబరాలను ఘనంగా నిర్వహించారు. ఈ సందర్భంగా కలెక్టరేట్‌ ప్రాంగణంలో మహిళలు వివిధ రకాల రంగురంగుల పూలతో అందంగా బతుకమ్మలను పేర్చి, సంప్రదాయబద్ధంగా పూజలు నిర్వహించారు. అనంతరం బతుకమ్మ పాటలు పాడుతూ బతుకమ్మల చుట్టూ ఆడిపాడారు. దీంతో కలెక్టరేట్‌ ప్రాంగణమంతా పండుగ శోభను సంతరించుకుంది. ఈ సందర్భంగా అదనపు కలెక్టర్‌ మాట్లాడుతూ ప్రకృతిలో లభించే వివిధ రకాల పూలతో బతుకమ్మ పేర్చి, మహిళలంతా ఒకచోట చేరి ఆనందోత్సాహాల మధ్య ఈ పండుగను జరుపుకోవడం తెలంగాణ ప్రత్యేకత అన్నారు. బతుకమ్మ పండుగ మహిళల్లో ఐక్యత, సోదరభావాన్ని పెంపొందించడంతోపాటు ప్రకృతితో మనిషికి ఉన్న అనుబంధాన్ని చాటి చెబుతుందని తెలిపారు. తెలంగాణ ప్రత్యేకతను చాటిచెప్పే పండుగలను భావితరాలకు పరిచయం చేయడంతోపాటు మహిళలు కుటుంబ బాధ్యతలు, సామాజిక, ఆర్థిక రంగాల్లోనూ కీలక పాత్ర పోషిస్తున్నారని, స్వయం సహాయక మహిళా సంఘాల సభ్యులు ఇలాంటి సాంస్కృతిక కార్యక్రమాల్లో ఉత్సాహంగా పాల్గొనడం అభినందనీయమన్నారు. కార్యక్రమంలో డీఆర్‌ఓ పాండు, డీఆర్‌డీఓ చిన్న ఓబులేసు, ఏపీడీ రాజేశ్వరి, మహిళా ఉద్యోగులు, స్వయం సహాయక మహిళా సంఘాల సభ్యులు పాల్గొన్నారు.

కల్వకుర్తి రూరల్‌: డిండి లిఫ్ట్‌ ఇరిగేషన్‌ ప్రాజెక్టులో భాగంగా కల్వకుర్తి నియోజకవర్గం మాడుగుల మండలంలోని ఇర్విన్‌ గ్రామం వద్ద నిర్మించే రిజర్వాయర్‌ను వెంటనే రద్దు చేయాలని డిమాండ్‌ చేస్తూ ఇర్విన్‌, బైరాపూర్‌ రైతులు శనివారం సీఎం రేవంత్‌రెడ్డి స్వగ్రామం కొండారెడ్డిపల్లి గేటు కమాన్‌ వద్ద తీవ్ర నిరసన వ్యక్తం చేశారు. రిజర్వాయర్‌ చేపడితే తమ విలువైన భూములు కోల్పోవడంతోపాటు వ్యవసాయం చేయడం కష్టమవుతుందని రైతులు ఆవేదన వ్యక్తం చేశారు. కల్వకుర్తిలో నిర్వహిస్తున్న మహా ధర్నాకు వస్తూ సీఎం సొంత గ్రామం వద్ద జేఏసీ నాయకుడు రమేష్‌గౌడ్‌ ఆధ్వర్యంలో కొద్దిసేపు ఆందోళన చేపట్టారు. ఈ సందర్భంగా పలువురు మాట్లాడుతూ ప్రభుత్వం ఇచ్చే పరిహారం తమ భూములకు ఏమాత్రం ప్రత్యామ్నాయం కాదని, భూములు కోల్పోతే జీవనాధారం దెబ్బతింటుందని వాపోయారు. తమ సమస్యకు పరిష్కారం రిజర్వాయర్‌ రద్దు మాత్రమేనని తేల్చిచెప్పారు. రాష్ట్ర ప్రభుత్వం తమ సమస్యపై వెంటనే స్పందించి రిజర్వాయర్‌ రద్దు చేయాలని, లేకపోతే రాబోయే రోజుల్లో పెద్దఎత్తున ఆందోళనలు చేపడతామని వారు హెచ్చరించారు.

రైతుల సంక్షేమం, ఆర్థికాభివృద్ధే లక్ష్యం ● ఉప్పునుంతల పీఏసీఎస్‌కు అంతర్జాతీయ అవార్డులు ● రైతులకు అందుబాటులో డికార్డిగేటర్‌ ● విత్తనం, ధాన్యం కొనుగోళ్ల వరకు అన్నిరకాల సేవలు –IIలో u●సంఘం అభివృద్ధి అందరి సభ్యుల సమిష్టి కృషితోనే సాధ్యమవుతుంది. ఆదర్శ పీఏసీఎస్‌గా అభివృద్ధి చేయడానికి నాబార్డు, సీడీఎఫ్‌ సహకారంతో పీఏసీఎస్‌కు నూతన భవనం, కొత్తగా గోదాంలు, డికార్డిగేటర్‌ నిర్మించాం. రైతులకు అన్నిరకాల రుణాలు ఇస్తున్నాం. 68శాతం రుణాల రికవరీతో ముందంజలో ఉన్నాం. అందరి సహకారంతో రెండుసార్లు రాష్ట్రస్థాయిలో నాబార్డు అవార్డును అందుకోవడం సంతోషంగా ఉంది. – కొత్త రవీందర్‌రావు, సీఈఓ పీఎసీఎస్‌ ఉప్పునుంతల మాకు అవసరమైన విత్తనాలు, ఎరువులు అందుబాటులో ఉంటున్నాయి. పంట పండించిన తర్వాత ధాన్యం కూడా వారే కొనుగోలు చేస్తున్నారు. రుణాలు క్రమం తప్పకుండా రెన్యూవల్‌ చేస్తున్నాం. పంటలకు బీమాతోపాటు వడ్డీ రాయితీ వస్తుంది. పంట రుణాలతోపాటు గేదెలు, గొర్రెల పెంపకం, కోళ్ల ఫారాలకు లోన్లు ఇస్తున్నారు. – తేనేటి నారాయణరెడ్డి, రైతు ఉప్పునుంతల ఇతర బ్యాంకుల వద్దకు రుణం కోసం వెళ్లడానికి మనసుఒప్పకోదు. పీఏసీఎస్‌ మాకు ఇంటిబ్యాంకు మాదిరిగా అనిపిస్తోంది. ప్రతిసారి ఇక్కడే రుణం తీసుకుంటాం. క్రమం తప్పకుండా రెన్యూవల్‌ చేస్తున్నాం.. ఏదైనా అత్యవసరం పడితే బంగారుపై కూడా రుణాలు ఇస్తున్నారు. మాకు అన్నివిధాలుగా రుణ సహాయం అందిస్తున్నారు. – మంగని మనోహర్‌, రైతు మర్రిపల్లి, ఉప్పునుంతల అచ్చంపేట/ఉప్పునుంతల: రైతుల సంక్షేమం, ఆర్థికాభివృద్ధే లక్ష్యంగా ఉప్పునుంతల ప్రాథమిక వ్యవసాయ సహకార సంఘం పనిచేస్తోంది. ఉమ్మడి జిల్లాలో ఈ పీఏసీఎస్‌ ఆదర్శంగా నిలుస్తూ రాష్ట్ర స్థాయిలో ఉత్తమ అవార్డులు సైతం సొంతం చేసుకుంది. రైతులకు సకాలంలో రుణాలు అందిండచం మొదలు రికవరీలో ముందుంటూ ప్రగతి పథంలో నడిపిస్తున్నారు. కేవలం రుణాలకే పరిమితం కాకుండ రైతులకు అవసరమయ్యే ఎరువులు, విత్తనాలను అందుబాటులో ఉంచడంతోపాటు రైతులు పండించిన వరి, వేరుశెనగ వంటి పంటలను కొనుగోళ్లు చేస్తూ లాబాలబాటలో నడుస్తోంది. పంటల బీమా రైతులకు వర్తించే విధంగా జాగ్రత్తలు తీసుకుంటున్నారు. ఇలా అన్ని రకాల సేవలు అందుతుండటంతో పీఏసీఎస్‌లో రుణాలు తీసుకోవడానికి రైతులు మొగ్గుచూపుతున్నారు. ఉప్పునుంతల–అచ్చంపేట ప్రధాన రహదారిలో దేవదారికుంట సమీపంలోని గోదాంలో రూ.2.50కోట్లతో డికార్డిగేటర్‌ను అందుబాటులోకి తెచ్చారు. ఎఫ్‌పీఓల భాగస్వామ్యంతో ఏర్పాటైంది. ఉప్పునుంతల రైతు ఉత్పత్తుల సంస్థ ద్వారా రైతులు పడించిన వేరుశెనగ పంటను ఆధునిక వేరుశెనగ డికార్డిగేటర్‌కు తీసుకొచ్చే అవకాశం కల్పించారు. ఎఫ్‌పీఓల ద్వారా సేకరించిన వేరుశెనగను ప్రాసెసింగ్‌ చేసి ప్యాకేజీ, బ్రాండింగ్‌ చేసి అధిక ఆదాయం పొందే అవకాశం ఉంది. రైతులకు దీని ద్వారా తక్కువ ధరకే నాణ్యమైన విత్తనాలు అందించనున్నారు. నిల్వ చేసేందుకు అదనంగా పెద్ద గోదాం ఏర్పాటు చేయనున్నారు. త్వరలో పీఏసీఎస్‌ ద్వారా డెయిరీ మిల్స్‌ సెంటర్‌(పాల కొనుగోలు కేంద్రం) ఏర్పాటు చేయనున్నారు. ఆయిల్‌ పాం పడించిన రైతుల కోసం శాశ్వత కొనుగోలు కేంద్రం ఏర్పాటుకు సన్నాహాలు జరుగుతున్నాయి.

ఉప్పునుంతల పీఏసీఎస్‌ రాష్టస్థాయిలో 2020జూన్‌, 2025జూన్‌లో ఉత్తమ పీఏసీఎస్‌గా రెండుసార్లు అవార్డులు అందుకొని తోటి సంఘాలకు ఆదర్శంగా నిలుస్తోంది. తెలంగాణ రాష్ట్ర వ్యాప్తంగా నాబార్డు అవార్డుకు ఎంపికై న ఆరు పీఏసీఎస్‌లో ఉమ్మడి పాలమూరు జిల్లా నుంచి ఉప్పునుంతల పీఏసీఎస్‌ ఎంపిక కావడం గమనార్హం. పీఏసీఎస్‌లో 11,550 మంది రైతులు సంఘ సభ్యులు, 1525 మంది ఎఫ్‌పీఓ సభ్యలు ఉన్నారు. 68 శాతం రుణ రికవరీతోపాటు ఇన్‌ బ్యాలెన్సింగ్‌, బ్యాంక్‌ సేవలు, రికార్డుల నిర్వాహణ, పారామీటర్‌, సంఘం ప్రగతిపై రాష్ట్రస్థాయిలో ఈ పీఏసీఎస్‌ రెండు పర్యాయాలు నాబార్డు నుంచి అవార్డును అందుకుంటుంది. సంఘంలోని సభ్యులైన రైతులకు విరివిగా పంట, దీర్ఘకాలిక రుణాలు, బంగారు ఆభరణాలపై రుణాలు, ఇతర చిరువ్యాపారులకు రుణాలు అందిస్తున్నారు. పీఏసీఎస్‌ ద్వారా రైతులకు స్వల్పకాలిక పంట రుణాలు రూ.30 కోట్లు ఇచ్చారు. దీర్ఘకాలిక రుణాలు (పాడి, కోళ్లపరిశ్రమ, గొర్రెల పెంపకం, ట్రాక్టర్లు) రూ.40కోట్లు, బంగారు ఆభరణాలపై రూ.16కోట్లు రుణాలతో రూ.86కోట్లు టర్నవర్‌తో నడుస్తోంది.

చారకొండ: డిండి లిఫ్టు ఇరిగేషన్‌ను రద్దు చేస్తే పాలమూరు రైతులకు న్యాయం జరుగుతుందని ఎర్రవల్లి నిర్వాసితులు అన్నారు. గోకారం జలాశయంలో చారకొండ మండలంలోని ఎర్రవల్లి, ఎర్రవల్లి తండా ప్రజల భూములు కోల్పోయి నిరాశ్రయులుగా మారినా.. గ్రామాలు సైతం ముంపునకు గురవుతున్నాయని, జలాశయం సామర్థ్యం తగ్గించి.. ముంపు నుంచి తమ గ్రామాలను మినహామించాలని కోరుతూ చేపట్టిన రిలే నిరసన దీక్షలు శనివారం నాటికి 320 రోజులకు చేరాయి. ప్రభుత్వానికి, అధికారుల దృష్టికి తీసుకెళ్లి ముంపు నుంచి మినహాయించాలని కోరుతున్నా పట్టించుకోవడం లేదని వాపోయారు. ప్రభుత్వం ఇకనైనా తమ గ్రామాన్ని ముంపు నుంచి కాపాడాలని, అప్పటి వరకు దీక్షలు కొనసాగిస్తామని గ్రామస్తులు తేల్చిచెప్పారు. మరోవైపు డీఎల్‌ఐ లిఫ్టును రద్దు చేయాలని, ఉమ్మడి పాలమూరులో పెండింగ్‌ ప్రాజెక్టులు పూర్తిచేయాలని శనివారం కల్వకుర్తి జేఏసీ ఆధ్వర్యంలో చేపట్టిన మహాధర్నాకు ఎర్రవల్లి, ఎర్రవల్లి తండా నిర్వాసితులు, మండలంలోని నాయకులు, మేధావులు, యువకులు, మహిళలు భారీగా తరలివెళ్లారు.

మహబూబ్‌నగర్‌ మున్సిపాలిటీ: గ్రాడ్యుయేట్‌ ఎన్నికలకు సంబంధించి ఓటర్ల నమోదుపై ప్రత్యేక దృష్టి పెట్టాలని రాష్ట్ర ఎకై ్సజ్‌, పర్యాటక శాఖ మంత్రి జూపల్లి కృష్ణారావు సూచించారు. శనివారం సాయంత్రం జిల్లా కేంద్రంలోని ఓ ఫంక్షన్‌ హాలులో డీసీసీ అధ్యక్షుడు ఎ.సంజీవ్‌ ముదిరాజ్‌ అధ్యక్షతన కాంగ్రెస్‌ పార్టీ ఉమ్మడి మహబూబ్‌నగర్‌ జిల్లా పట్టభద్రుల ఎమ్మెల్సీ ఎన్నికల సన్నాహక సమావేశం జరిగింది. ఈ సందర్భంగా మంత్రి మాట్లాడుతూ గ్రామస్థాయి నుంచి జిల్లా స్థాయి వరకు పార్టీ కార్యకర్తలు, నాయకులు ప్రతి గ్రాడ్యుయేట్‌ను కలిసి ఓటరుగా తప్పక నమోదు చేయించాలన్నారు. పార్టీ అభ్యర్థి సామ రాంమోహన్‌రెడ్డి గెలుపు దీనిపైనే ఆధారపడి ఉందన్నారు. అందరూ బాధ్యతతో వ్యవహరించి వచ్చే నెల 6వ తేదీలోగా ఈ ప్రక్రియ పూర్తి చేయించాలన్నారు. ఉమ్మడి మహబూబ్‌నగర్‌ జిల్లాలో పెండింగ్‌ ప్రాజెక్టులను పూర్తి చేయకుండా ఎండబెట్టిన బీఆర్‌ఎస్‌, పాలమూరు– రంగారెడ్డి ఎత్తిపోతలకు జాతీయ హోదా ఇవ్వని బీజేపీ నేతలకు ఈ ఎన్నికల్లో ఓట్లు అడిగే నైతిక హక్కు లేదని విమర్శించారు. సామాజిక మాధ్యమాల్లో వివిధ అంశాలపై ప్రతిపక్షాలు చేసే తప్పుడు ప్రచారాన్ని తిప్పికొట్టాలన్నారు. ఈ మూడేళ్ల ప్రజాపాలనలో అమలు చేస్తున్న సంక్షేమ, అభివృద్ధి పథకాలను క్షేత్రస్థాయిలో వివరించాలన్నారు. ఈ ఎన్నిక దిక్సూచి: మంత్రి వాకిటి శ్రీహరి ఈ గ్రాడ్యుయేట్‌ ఎమ్మెల్సీ ఎన్నిక ఆ తర్వాత జరిగే స్థానిక సంస్థల ఎన్నికలు, శాసనసభ సాధారణ ఎన్నికలకు దిక్సూచి లాంటిదని రాష్ట్ర పశుసంవర్ధక, క్రీడల శాఖ మంత్రి వాకిటి శ్రీహరి అన్నారు. గత ఎన్నికలు జరిగినప్పుడు 5.31 లక్షల మంది పట్టభద్రులు ఉండగా.. ఇందులో 55 శాతం ఉమ్మడి పాలమూరులోనే ఉన్నారని పేర్కొన్నారు. ఈ విషయాన్ని గ్రహించి ఏమాత్రం నిర్లక్ష్యం వహించకుండా ఈ ఎన్నికల్లో పార్టీ అభ్యర్థిని గెలిపించాల్సిన బాధ్యత అందరిపై ఉందన్నారు. అన్ని విభాగాలు కలిసికట్టుగా పనిచేయాలి: చల్లా వంశీచంద్‌రెడ్డి కాంగ్రెస్‌ పార్టీకి చెందిన అన్ని విభాగాల నాయకులు సమష్టిగా పనిచేసి గ్రాడ్యుయేట్‌ ఎమ్మెల్సీ ఎన్నికల్లో పార్టీ అభ్యర్థిని భారీ మెజారిటీతో గెలిపించి సీఎం రేవంత్‌రెడ్డికి ‘గిఫ్ట్‌’గా ఇవ్వాలని సీడబ్ల్యూసీ ప్రత్యేక ఆహ్వానితుడు చల్లా వంశీచంద్‌రెడ్డి విజ్ఞప్తి చేశారు. వచ్చే నెల 6వ తేదీలోగా అన్ని గ్రామాల్లో ప్రతి పట్టభద్రుడిని కలిసి ఓటరుగా నమోదు చేయించాల్సిన బాధ్యత కాంగ్రెస్‌ పార్టీ నాయకులపై ఉందన్నారు. పట్టభద్రులందరూ ఓటరుగా తప్పక నమోదు చేయించుకోవాలని కాంగ్రెస్‌ పార్టీ అభ్యర్థి సామ రాంమోహన్‌రెడ్డి కోరారు. ఈ ఎన్నిక ఎంతో ప్రతిష్టాత్మకమని, ప్రతి కాంగ్రెస్‌ కార్యకర్య, నాయకుడు తామే అభ్యర్థిగా భావించి కష్టపని పనిచేయాలన్నారు. తాను గెలిస్తే శాసనమండలిలో ఆయా సమస్యలను ప్రస్తావించి రాష్ట్ర ప్రభుత్వం దృష్టికి తీసుకెళతానన్నారు. ఈ ఎన్నికల్లో ఒక్కటి కావడానికి బీఆర్‌ఎస్‌, బీజేపీ లోపాయకారీ ఒప్పందం చేసుకుంటాయని ఆరోపించారు. కార్యక్రమంలో నాగర్‌కర్నూల్‌ ఎంపీ. డా.మల్లురవి, ఎమ్మెల్సీ కూచుకుళ్ల దామోదర్‌రెడ్డి, ప్రభుత్వ విప్‌, ఎమ్మెల్యే యెన్నం శ్రీనివాస్‌రెడ్డి, ఎమ్మెల్యేలు అనిరుధ్‌రెడ్డి, జి.మధుసూదన్‌రెడ్డి, వీర్లపల్లి శంకర్‌, మేఘారెడ్డి, డా.రాజేశ్‌రెడ్డి, వంశీకృష్ణ, శాట్‌ చైర్మన్‌ శివసేనారెడ్డి, కార్పొరేషన్‌ చైర్మన్లు ఒబేదుల్లా కొత్వాల్‌, సరిత పాల్గొన్నారు. ప్రతిపక్షాల తప్పుడు ప్రచారం తిప్పికొట్టాలి: మంత్రి జూపల్లి కృష్ణారావు కాంగ్రెస్‌ పార్టీ ఉమ్మడి మహబూబ్‌నగర్‌ జిల్లా ఎమ్మెల్సీ ఎన్నికల సన్నాహక సమావేశం

కల్వకుర్తి రూరల్‌: అందుబాటులో ఉన్న వనరులను ఉపయోగించుకుంటూ రోగులకు మెరుగైన వైద్యసేవలు అందించడంతోపాటు ఆస్పత్రిలో పరిశుభ్రతను పాటించినందుకు కల్వకుర్తి కమ్యూనిటీ హెల్త్‌ సెంటర్‌కు రాష్ట్ర ప్రభుత్వం కాయకల్ప అవార్డు ప్రకటించిందని ఆస్పత్రి సూపరింటెండెంట్‌ శివరాంనాయక్‌ తెలిపారు. శనివారం ఆస్పత్రిలో ఏర్పాటు చేసిన విలేకరుల సమావేశంలో ఆయన మాట్లాడారు. గత మార్చి నెలలో వైద్య, ఆరోగ్యశాఖ బృందం ఆస్పత్రిని సందర్శించి నాణ్యతా ప్రమాణాలు, పరిశుభ్రత, రోగులకు అందిస్తున్న వైద్యసేవలను పరిశీలించిందని.. అనంతరం ఆస్పత్రిని అవార్డుకు ఎంపిక చేశారని వెల్లడించారు. ప్రతిరోజు ఆస్పత్రికి 450 నుంచి 600 మంది రోగులు వస్తున్నారని ఇందులో 400 మందికిపైగా రక్త పరీక్షలు, నెలకు 100కుపైగా కాన్పులు, ఆపరేషన్లు, 58 మంది డయాలసిస్‌ రోగులకు సేవలందిస్తున్నట్లు చెప్పారు. అయితే ఆస్పత్రిలో 6 వైద్యుల ఖాళీలు, 8 నర్సింగ్‌ సిబ్బంది కొరత ఉన్న విషయాన్ని ఎమ్మెల్యే కసిరెడ్డి నారాయణరెడ్డి దృష్టికి తీసుకెళ్లామన్నారు. ఎమ్మెల్యే సహకారంతో ప్రజలకు మెరుగైన వైద్యసేవలు అందిస్తున్నామని పేర్కొన్నారు. ‘కొల్లాపూర్‌ నుంచి పోటీ చేసే అంశాన్ని పరిశీలిస్తా’ కొల్లాపూర్‌: వచ్చే అసెంబ్లీ ఎన్నికల్లో కొల్లాపూర్‌ నుంచి పోటీ చేసే అంశాన్ని పరిశీలిస్తానని ఎమ్మెల్సీ తీన్మార్‌ మల్లన్న అన్నారు. బీసీలకు రాజ్యాధికారం దక్కాలని ఆయన చేపట్టిన పాదయాత్ర శనివారం సాయంత్రం కొల్లాపూర్‌కు చేరుకుంది. ఈ సందర్భంగా స్థానిక ఎన్టీఆర్‌ చౌరస్తాలో నిర్వహించిన కార్నర్‌ మీటింగ్‌లో ఆయన మాట్లాడారు. వచ్చే ఎన్నికల్లో కొల్లాపూర్‌ నుంచి బరిలోకి దిగాలని చాలామంది తనను కోరుతున్నారని.. పోటీచేసే అంశాన్ని పరిశీలిస్తానని చెప్పారు. సీఎం రేవంత్‌రెడ్డి, మంత్రి జూపల్లి కృష్ణారావు తమ స్వార్థం కోసం పార్టీలు మారుతూ అధికారాన్ని అనుభవిస్తున్నారని, కిందిస్థాయిలో ఉండే బీసీలు మాత్రం పార్టీలు మారకుండా అలాగే ఉండిపోతున్నారని, అందుకే బీసీల్లో రాజకీయ ఎదుగుదల లేకుండా పోతోందన్నారు. బీసీలు కూడా అవసరాలకు అనుగుణంగా పార్టీలు మారితేనే అధికారం అనుభవించవచ్చనే విషయాన్ని గుర్తుంచుకోవాలన్నారు. తాను పాదయాత్ర చేపట్టి నెలరోజులు కావొస్తుందని, బతుకమ్మ, దసరా పండుగల సందర్భంగా పాదయాత్ర శనివారం ముగించి మళ్లీ 25వ తేదీ నుంచి పునఃప్రారంభిస్తానని పేర్కొన్నారు.నాయకులు రాజశేఖర్‌, మాసయ్యయాదవ్‌, చంద్రయ్యయాదవ్‌, రాము పాల్గొన్నారు. నూతన కార్యాలయంలో ఆర్టీఏ సేవలు ప్రారంభం కందనూలు: జిల్లాకేంద్రంలోని కొల్లాపూర్‌ చౌరస్తా వద్ద నూతనంగా నిర్మించిన జిల్లా రవాణా శాఖ కార్యాలయంలో శనివారం సేవలు ప్రారంభించినట్లు ఆర్టీఏ ఇమ్రాన్‌ అహ్మద్‌ తెలిపారు. జిల్లా ప్రజలకు రవాణా శాఖ సేవలను మరింత చేరువ చేయడంతోపాటు వాహనదారులకు మెరుగైన సౌకర్యాలు కల్పించే లక్ష్యంతో నూతన కార్యాలయాన్ని అందుబాటులోకి తీసుకొచ్చినట్లు చెప్పారు. రవాణా శాఖకు సంబంధించిన పనుల కోసం కార్యాలయానికి వచ్చే ప్రజలకు అవసరమైన సేవలను సులభంగా అందించేందుకు చర్యలు తీసుకుంటున్నట్లు తెలిపారు. జిల్లా ప్రజలు డ్రైవింగ్‌ లైసెన్సులు, వాహనాల రిజిస్ట్రేషన్లు తదితర సేవల కోసం నూతన కార్యాలయాన్ని సంప్రదించాలని సూచించారు.

బల్మూర్‌: నల్లమలలోని చెంచు గూడేల్లో ప్రతి కుటుంబానికి వీబీజీ రాంజీ ఉపాధి హామీ పథకం ద్వారా ఏడాది పొడవునా పని కల్పించడమే ప్రభుత్వ లక్ష్యం అని వీబీజీ రాంజీ సంయుక్త కమిషనర్‌ శేషుకుమార్‌ అన్నారు. శుక్రవారం ఆయన హైదరాబాద్‌ నుంచి ఆకస్మికంగా వచ్చి మండలంలోని గుడిబండ, బిళ్లకల్‌ గ్రామాల్లో చెంచు ఆవాసాలను సందర్శించారు. ఉపాధి హామీ పనుల్లో పాల్గొంటున్న చెంచు కూలీలతో మాట్లాడి పనుల తీరును పరిశీలించారు. చెంచులకు వెంటనే జాబ్‌ కార్డులు మంజూరు చేయాలని, ఒక్క కూలీ కూడా మిస్‌ కాకుండా అందరూ పనులకు హాజరయ్యేలా చూడాలని ఎంపీడీఓను ఆదేశించారు. చెంచు కుటుంబాల ఆర్థిక అభివృద్ధికి వీబీజీ రాంజీ పథకం ఎంతగానో ఉపయోగపడుతుందని, పనుల్లో నాణ్యతా ప్రమాణాలు పాటించాలని సూచించారు. కార్యక్రమంలో ఎంపీడీఓ రేవత్‌రెడ్డి, ఏపీఓ భాస్కర్‌, మల్లేష్‌, ఈసీ స్వామి, ఏపీఎం సైదులు, పీఏ నిరంజన్‌ తదితరులు పాల్గొన్నారు.

● కొండారెడ్డిపల్లిలో చేపట్టిన పలు అభివృద్ధి కార్యక్రమాలను ఎంపీ మల్లురవి, ఎమ్మెల్యే వంశీకృష్ణ ఆదివారం ప్రారంభిస్తారని అధికారులు పేర్కొన్నారు. దాదాపు 8 అభివృద్ధి పనులను వారు ప్రారంభిస్తారని చెప్పారు. వంగూరు: దసరా పండుగను పురస్కరించుకుని స్వగ్రామానికి వస్తున్న రాష్ట్ర ముఖ్యమంత్రి ఎనుముల రేవంత్‌రెడ్డి పర్యటనకు సంబంధించి ఎలాంటి ఒడుదుడుకులు లేకుండా పకడ్బందీ ఏర్పాట్లు చేయాలని ఇన్‌చార్జి కలెక్టర్‌ ఆదర్శ్‌ సురభి అన్నారు. ఇందుకోసం కొండారెడ్డిపల్లి గ్రామాన్ని శోభాయమానంగా తీర్చిదిద్దాలని ఆయన అధికారులను ఆదేశించారు. ఈ మేరకు శుక్రవారం కొండారెడ్డిపల్లి గ్రామంలో అభివృద్ధి పనులను పరిశీలించారు. ముఖ్యమంత్రి ప్రారంభించనున్న పీహెచ్‌సీ, భూగర్భ మురుగు నీటి శుద్ధి కేంద్రం, సోలార్‌ వీధి లైట్లు, శంకుస్థాపన చేయనున్న ఏటీసీ సెంటర్‌ను పరిశీలించారు. అనంతరం అధికారులతో మాట్లాడుతూ ముఖ్యమంత్రి పర్యటన సందర్భంగా కొండారెడ్డిపల్లి గ్రామాన్ని అన్ని హంగులతో ముస్తాబు చేయాలన్నారు. ముఖ్యమంత్రి దర్శనం చేసుకునే ఆలయం, జమ్మిచెట్టు వద్ద పూలతోరణాలు, అలంకరణ, విద్యుద్దీకరణ చేయాల న్నారు. రెప్పపాటులో కూడా విద్యుత్‌ అంతరాయం ఏర్పడవద్దని ఇందుకు సంబంధించి చర్య లు తీసుకోవాలని అవసరమైతే జమ్మిచెట్టు వద్ద జనరేటర్‌ ఏర్పాటు చేయాలని విద్యుత్‌ అధికారులకు చెప్పారు. గతంలో మాదిరిగానే పోలీసు బందోబస్తు ఉండాలని సూచించారు. కార్యక్రమంలో అదనపు కలెక్టర్లు చెన్నయ్య, దేవసహాయం, అ చ్చంపేట సబ్‌ కలెక్టర్‌ సలోని ఛాబ్రా, సర్పంచ్‌ వెంకటయ్య, ఉపసర్పంచ్‌ వేమారెడ్డి, అభివృద్ధి కమిటీ సభ్యులు వెంకట్‌రెడ్డి, కృష్ణారెడ్డి పాల్గొన్నారు. ఏర్పాట్లను పర్యవేక్షించిన ఇన్‌చార్జి కలెక్టర్‌ ఆదర్శ్‌ సురభి

బల్మూర్‌: కేఎల్‌ఐ కాల్వ నీటి మళ్లింపుపై తీవ్ర ఆగ్రహం వ్యక్తమవుతోంది. డిండి చెరువుకు నీటిని తరలించేందుకు కొత్తపల్లి వద్ద షట్టర్‌ తెరిచి.. గురువారం హిటాచీ యంత్రంతో గ్రామ రహదారి ధ్వంసం చేసి.. కాల్వ తవ్వారు. ఈ వ్యవహారంతో దిగువ ప్రాంతాల రైతులకు సాగునీటి కష్టాలు తప్పవనే ఆందోళన నెలకొంది. బల్మూరు మండలంలోని తుమ్మెన్‌పేట, ఉప్పునుంతల మండలంలోని లక్ష్మాపూర్‌ చెరువులను నింపాలనే పేరుతో నీటిని మళ్లిస్తున్నట్లు తెలుస్తోంది. అయితే ఆ చెరువులు ఇప్పటికే నిండిపోయాయని స్థానికులు చెబుతున్నారు. నిండిన చెరువులకు మళ్లీ నీటిని తరలించడం వెనుక ఉద్దేశమేమిటనే ప్రశ్నలు తలెత్తుతున్నాయి. నిండిన చెరువుల ద్వారా పారే అలుగులతో దిగువనున్న డిండి చెరువుకు కేఎల్‌ఐ కాల్వ నీరు తరలించాలనే కుట్ర పన్నుతున్నారని రైతులు మండిపడుతున్నారు. షెట్టర్‌ తెరిచింది ఆ రైతులే.. డిండి ప్రాంతానికి చెందిన కొంతమంది గురువారం రాత్రి హిటాచీ యంత్రంతో వచ్చి కొత్తపల్లి వద్ద కేఎల్‌ఐ కాల్వ షెట్టర్‌ కింది కాల్వ వెడల్పు చేసి తెరిచారని స్థానిక రైతులు తెలిపారు. దీనిపై అధికారులను నిలదీస్తే రెండు చెరువులను నింపడానికే షెట్టర్‌ కొంచెం తెరిచామని సాకులు చెబుతున్నారని రైతులు ఆగ్రహం వ్యక్తం చేస్తున్నారు. షెట్టర్‌ ఒక్కసారిగా ఓపెన్‌ చేయడంతో నీటి తాకిడికి కొత్తపల్లి గ్రామానికి వెళ్లే రహదారి ద్వంసమైందని గ్రామస్తులు ఆగ్రహం వ్యక్తం చేస్తున్నారు. దీనికితోడు ఇదిలాగే కొనసాగితే బల్మూరు, ఉప్పునుంతల, అచ్చంపేట, వంగూరు తదితర దిగువ ప్రాంతాల రైతులకు సాగునీరు అందకపోతే పంటలు ఎండిపోయే ప్రమాదం ఉంది. ఒకవైపు సాగునీటి కోసం రైతులు ఎదురుచూస్తుంటే.. మరోవైపు నీటిని ఇతర ప్రాంతాలకు మళ్లిస్తున్నారనే ఆరోపణలు తీవ్ర కలకలం రేపుతున్నాయి. ఆ చెరువులు నిండాయి.. మా గ్రామ సమీపంలోని కేఎల్‌ఐ కాల్వ వద్ద గురువారం డిండి ప్రాంతానికి చెందిన కొంతమంది వచ్చి హిటాచీతో కాల్వ వెడల్పు చేయడమే కాకుండా షెట్టర్‌ ఓపెన్‌ చేశారు. నెల రోజుల క్రితమే లీకేజీ నీటితోనే తుమ్మెన్‌పేట చెరువు నిండి అలుగు పారుతుంది. లక్ష్మాపూర్‌ చెరువు కూడా నిండింది. వీటిని ఇప్పుడు నింపాల్సిన అవసరమే లేదు. షెట్టర్‌ ఒక్కసారిగా తెరవడంతో గ్రామ రహదారి ధ్వంసమై పొలాలకు వెళ్లలేని పరిస్థితి నెలకొంది. అధికారులను నిలదీస్తే సాకులు చెబుతున్నారు. – వెంకటయ్య, రైతు, కొత్తపల్లి గ్రామం షెట్టర్‌ బంద్‌ చేస్తాం.. తుమ్మెన్‌పేట, లక్ష్మాపూర్‌ చెరువులను నింపడం కోసమే కొత్తపల్లి వద్ద షెట్టర్‌ ఓపెన్‌ చేశాం. షెట్టర్‌ తెరవడానికి ఎవరికి అనుమతి ఇవ్వలేదు. ఇక్కడి రైతులకే నీరు సరిపోదు కాబట్టి డిండికి నీళ్లు ఎందుకు వదులుతాం. రైతులు చేస్తున్న ఆరోపణల్లో వాస్తవం లేదు. – అమర్‌సింగ్‌, ఈఈ, నీటిపారుదల శాఖ కొత్తపల్లి వద్ద షెట్టర్‌ ఓపెన్‌ చేసి డిండి చెరువుకు అక్రమంగా తరలింపు ఇప్పటికే నిండిన తుమ్మెన్‌పేట, లక్ష్మాపూర్‌ చెరువులకు మళ్లీ నీరెందుకో? గ్రామ రహదారి ధ్వంసంతో రాకపోకలకు ఆటంకం కొరవడిన నీటిపారుదల శాఖఅధికారుల పర్యవేక్షణ చివరి ఆయకట్టుకు సాగునీరు అందదని రైతుల ఆందోళన

జానపదాల హోరు.. బతుకమ్మ ఆడుతున్న మహిళా పోలీసు సిబ్బంది కందనూలు/ అచ్చంపేట రూరల్‌: తీరొక్క పూలతో చూడముచ్చటైన బతుకమ్మలు.. జానపద గేయాల హోరుకు అనుగుణంగా కాళ్లగజ్జెల సవ్వడి తోడై బతుకమ్మ సంబురాలు అంబరాన్నంటాయి. తెలంగాణ సంస్కృతి, సంప్రదాయాన్ని ప్రతిబింబించే పూల పండుగ బతుకమ్మ వేడుకలను శుక్రవారం సాయంత్రం కలెక్టరేట్‌లో, ఎస్పీ కార్యాలయాల్లో వైభవంగా నిర్వహించారు. ఈ సందర్భంగా ఆయా కార్యక్రమాల్లో మహిళా ఉద్యోగులు, యువతులు, మహిళలు పెద్దఎత్తున పాల్గొని.. చిత్తూ చిత్తూల బొమ్మ.. శివుని ముద్దుల గుమ్మా.. బంగారు బొమ్మ దొరికెనమ్మో ఈ వాడలోన.. అంటూ బతుకమ్మ ఆడారు. జిల్లా ఎస్పీ సంగ్రామ్‌సింగ్‌జీ పాటిల్‌ కుటుంబ సమేతంగా పాల్గొన్నారు. ఎస్పీ మాట్లాడుతూ ‘బతుకమ్మ పండుగ తెలంగాణ ఆడపడుచుల ఆత్మీయతకు, ప్రకృతితో మమేకమైన జీవన విధానానికి ప్రతీక అన్నారు. అలాగే అచ్చంపేట సివిల్‌ కోర్టు ఆవరణలో నిర్వహించిన బతుకమ్మ వేడుకల్లో జడ్జి స్పందన గౌరమ్మ పూజ చేసి ప్రారంభించారు. మహిళా ఉద్యోగులు ఆటపాటలతో సందడి చేశారు. సైబర్‌ నేరాలపై బతుకమ్మ

జడ్పీ సెంటర్‌ (మహబూబ్‌నగర్‌): చిన్నచింతకుంట మండలం అమ్మాపూర్‌ సమీపంలోని శ్రీ కురుమూర్తిస్వామి దేవస్థానంలో నవంబర్‌ 10 నుంచి 25వ తేదీ వరకు నిర్వహించనున్న బ్రహ్మోత్సవాలకు పకడ్బందీ ఏర్పాట్లు చేయాలని దేవరకద్ర ఎమ్మెల్యే జి. మధుసూదన్‌రెడ్డి, కలెక్టర్‌ ఖుష్బూగుప్తా అధికారులను ఆదేశించారు. శుక్రవారం కలెక్టరేట్‌లో నిర్వహించిన జిల్లా స్థాయి సమన్వయ కమిటీ సమావేశంలో వారు జాతర ఏర్పాట్లపై సమీక్షించారు. ఎ మ్మెల్యే మాట్లాడుతూ భక్తులకు ఎలాంటి అసౌక ర్యం కలగకుండా ముందస్తు కార్యాచరణతో అన్ని ఏర్పాట్లు పూర్తి చేయాలన్నారు. తాగునీటికి ఇబ్బందులు లేకుండా చూడాలని, వైద్య శిబిరాలు ఏర్పా టు చేసి 24 గంటల పాటు వైద్య సేవలు అందించాలని సూచించారు. పోలీసు బందోబస్తు పటిష్ఠం చేయడంతో పాటు ట్రాఫిక్‌ నియంత్రణ, వాహనాల పార్కింగ్‌కు ప్రత్యేక చర్యలు తీసుకోవాలన్నారు. ఘాట్‌ రోడ్డు పనులు కొనసాగుతున్నందున కొండపైకి వాహనాలను అనుమతించకుండా చూడాలని సూచించారు. నవంబర్‌ 16న జరిగే ఉద్దాల ఉత్సవానికి భక్తుల రద్దీని దృష్టిలో ఉంచుకుని అదనపు ఆర్టీసీ బస్సులు నడపాలని, రహదారుల మరమ్మతులు పూర్తి చేయాలని తెలిపారు. నిరంతర విద్యుత్‌ సరఫరా, పారిశుధ్య నిర్వహణ, తాత్కాలిక మరుగుదొడ్ల ఏర్పా టు చేపట్టాలని, జాతర ప్రాంతంలో మద్యం విక్రయాలను నియంత్రించాలని అధికారులకు సూ చించారు. కురుమూర్తిస్వామి దేవస్థానాన్ని ప్రముఖ ఆధ్యాత్మిక కేంద్రంగా అభివృద్ధి చేసేందుకు మాస్టర్‌ ప్లాన్‌ రూపొందిస్తున్నట్లు వెల్లడించారు. కలెక్టర్‌ ఖుష్బూ గుప్తా మాట్లాడుతూ గత అనుభవాలను దృష్టిలో ఉంచుకుని తాగునీరు, పారిశుధ్యం, వైద్యం, రవాణా, భద్రతకు ప్రాధాన్యమివ్వాలని సూచించా రు. భక్తులకు సమాచారాన్ని అందించేందుకు సూచిక బోర్డులు ఏర్పాటు చేయాలని, వివిధ శాఖల సమన్వ యం కోసం ఇంటిగ్రేటెడ్‌ కంట్రోల్‌ రూమ్‌ ఏర్పాటు చేయాలని ఆదేశించారు. ముఖ్యమైన రోజు ల్లో అవసరమైతే ట్యాంకర్ల ద్వారా నీటిని సరఫరా చేయాలని, విద్యుత్‌ అంతరాయాలు తలెత్తకుండా ప్రత్యామ్నాయ ఏర్పాట్లు సిద్ధం చేసుకోవాలని తెలిపారు. అనంతరం బ్రహ్మోత్సవాల పోస్టర్‌ను విడుదల చేశారు. సమావేశంలో ట్రెయినీ కలెక్టర్‌ శివాని, అదనపు కలెక్టర్‌ జేఎల్‌బీ హరిప్రియ, ఏఎస్పీ రత్నం, డీఆర్‌ఓ నిర్మల, ఆలయ చైర్మన్‌ బత్తుల బాలరాజు, ఈఓ మదన్‌రెడ్డి, అధికారులు పాల్గొన్నారు.

దేవీ శరన్నవరాత్రి ఉత్సవాలు భక్తిశ్రద్ధలతో కొనసాగుతున్నాయి. ఈ క్రమంలో గురువారం ఐదోరోజు నాగర్‌కర్నూల్‌, అచ్చంపేటలోని శ్రీవాసవీ కన్యకాపరమేశ్వరి దేవి ఆలయాల్లో అమ్మవారు లలితా త్రిపుర సుందరి దేవి అలంకరణలో భక్తులకు దర్శనమిచ్చారు. ఈ సందర్భంగా అచ్చంపేటలోని వాసవీ కన్యకాపరమేశ్వరి ఆలయ ఆవరణలోని వేంకటేశ్వరస్వామి ఆలయంలో సహస్ర దీపాలంకరణ ఉంజాల్‌ సేవ నిర్వహించారు. జిల్లాకేంద్రంలోని కన్యకాపరమేశ్వరి ఆలయంలో ఎస్పీ సంగ్రామ్‌ సింగ్‌జీ పాటిల్‌ దంపతులు ప్రత్యేక పూజలు చేశారు. – నాగర్‌కర్నూల్‌/ కందనూలు/ అచ్చంపేట

తొమ్మిది ఎకరాలలో పత్తి పంట సాగు చేశాను. అంతా వర్షాధార పంటనే. వర్షానికి ఏదో మాయ రోగంవచ్చి కురవకపాయే. పంట ఎదుగలేదు. ఉన్న కాయలతో ఎకరానికి 2–3 క్వింటాళ్ల దిగుబడి రావచ్చు. ధర బాగుంది కానీ.. దిగుబడి లేకపాయే. పెట్టిన పెట్టుబడి సైతం చేతికి రాదు. – దేవ్‌సింగ్‌ రైతు, కమాల్‌పూర్‌ తండా అప్పు మిగిలింది.. నేను ఐదు ఎకరాలు కౌలుకు తీసుకొని పత్తి పంట సాగు చేశా. తీవ్ర వర్షభావ పరిస్థితులతో పత్తి దిగుబడి పూర్తిగా తగ్గిపోయింది. పంట దిగుబడి లేక కష్టం పోను రూ.1.50 లక్షల వరకు అప్పు మిగిలింది. కౌలు పత్తి రైతులను ప్రభుత్వం ఆదుకోవాలి. – బీర్ల శివ, రైతు, మిడ్జిల్‌ 22 నుంచి పత్తి కొనుగోళ్లు సీసీఐ ద్వారా పత్తి కొనుగోళ్లకు దసరా పండుగ తర్వాత 22 నుంచి స్లాట్లు ఓపెన్‌ చేస్తాం. ప్రస్తుతం మార్కెట్‌ ప్రభుత్వ మద్దతు ధర క్వింటాకు రూ.8,667 కంటే చాలా ఎక్కువగా ఉంది. దీంతో రైతులు ఎవరూ సీసీఐ కేంద్రాల్లో విక్రయించడానికి రారు. క్వింటాకు రూ.100 వ్యత్యాసం ఉన్నా ఎక్కువ ఎక్కడ ధర ఉంటే అక్కడే అమ్ముతారు. ప్రస్తుతం తాము సీసీఐ ద్వారా కొనుగోళ్లు చేయడానికి సిద్ధంగా ఉన్నాం. – రమేష్‌, సీసీఐ అధికారి ●

● అన్ని శాఖలు సమన్వయంతో పనిచేయాలి ● ఉమ్మడి జిల్లా ప్రత్యేకాధికారి వీపీ గౌతం ● ఎల్‌నినో ప్రభావంపై అన్ని జిల్లాల కలెక్టర్లతో సమీక్ష అచ్చంపేట రూరల్‌: రైతు సంక్షేమం కోసం కాంగ్రెస్‌ ప్రజా ప్రభుత్వం పాటుపడుతోందని, సూపర్‌ ఎల్‌నినో ప్రభావం ఉన్నప్పటికీ రైతు బాగు కోసం ప్రయత్నాలు చేస్తోందని ఎంపీ మల్లురవి అన్నారు. గురువారం అచ్చంపేటలోని వ్యవసాయ మార్కెట్‌ ఆవరణలో నూతన పాలకమండలి చైర్మన్‌ గోపాల్‌రెడ్డి, వైస్‌ చైర్మన్‌ శివ, సభ్యుల ప్రమాణ స్వీకారం నిర్వహించారు. కార్యక్రమానికి ఎంపీ మల్లు రవి, ఎమ్మెల్యేలు వంశీకృష్ణ, రాజేశ్‌రెడ్డి హాజరై మాట్లాడారు. ప్రతిపక్ష పార్టీ నాయకులు లేనిపోని ఆరోపణలు చేస్తున్నారని, గతంలో లేని విధంగా సూపర్‌ ఎల్‌నినో ప్రభావంతో ఇబ్బందులు పడాల్సి వస్తోందన్నారు. సీఎం రేవంత్‌రెడ్డి, మంత్రులు, ఎమ్మెల్యేలు ప్రజలు, రైతులకు ఇబ్బందులు కలగకుండా ప్రత్యామ్నాయ ఏర్పాట్లు చేస్తున్నారన్నారు. రైతుల బాగుకోసం అనేక నిర్ణయాలు తీసుకుంటున్నారన్నారు. పంట నష్టపరిహారం చెల్లించడానికి ప్రయత్నిస్తున్నారని పేర్కొన్నారు. నూతన పాలకమండలి రైతులకు అనుగుణంగా పని చేయాలని సూచించారు. ఎమ్మెల్యే వంశీకృష్ణ మాట్లాడుతూ పార్టీలో కష్టపడిన వారికి తగిన గుర్తింపు ఉంటుందన్నారు. అచ్చంపేట వ్యవసాయ మార్కెట్‌ను సీఎం, మంత్రులు, ఎంపీ సహకారంతో అభివృద్ధి చేస్తామన్నారు. కార్యక్రమంలో నాయకులు మాధవరెడ్డి, రాజేందర్‌, శివ, గౌరీశంకర్‌, రాంబాబునాయక్‌, ఛత్రునాయక్‌, రామనాథం, మల్లేష్‌, నర్సింహారెడ్డి, ప్రతాప్‌రెడ్డి, వెంకట్‌రెడ్డి, కాశన్నయాదవ్‌ తదితరులు పాల్గొన్నారు. దేశంలో నియంత పాలన దేశ ప్రజలు బీజేపీకి వ్యతిరేకంగా ఉన్నారని, బీజేపీ ప్రభుత్వం ప్రజాస్వామ్యాన్ని ఖూనీ చేస్తోందని ఎంపీ మల్లురవి ఆరోపించారు. అచ్చంపేటలోని ఎమ్మెల్యే క్యాంపు కార్యాలయంలో ఎమ్మెల్యే వంశీకృష్ణతో కలిసి విలేకరుల సమావేశంలో మాట్లాడారు. సర్‌ పేరుతో బీజేపీ వ్యతిరేకుల ఓట్లు తొలగిస్తున్నారని ఆరోపించారు. గడిచిన రెండేళ్ల నుంచి రాహుల్‌గాంధీ పార్లమెంట్‌లో పోరాటం చేస్తున్నా.. ప్రధాని మోదీ, అమిత్‌షా నోరు మెదపడం లేదన్నారు. ఢిల్లీలోని జంతర్‌ మంతర్‌ వద్ద నిరసన కార్యక్రమానికి చేపట్టడానికి వెళ్లిన కాంగ్రెస్‌ ముఖ్యులపై లాఠీచార్జి చేయడం దారుణమన్నారు. ధర్నా చౌక్‌ లేకుండా చేస్తున్నారని, ప్రజల ఆగ్రహంతో వెయ్యి ధర్నా చౌక్‌లు పుట్టుకొస్తాయని చెప్పారు. దేశంలో బీజేపీ చివరి ప్రధానిగా మోదీ మిగిలిపోతారని జోస్యం చెప్పారు.

● జిల్లాలో సొంత భవనాలకు నోచుకోని పంచాయతీలు ● చాలా వరకు అంగన్‌వాడీలు, పాఠశాలల్లో నెట్టుకొస్తున్న వైనం ● సరిపడా వసతులు లేక పాలకవర్గాల సతమతం ● రికార్డుల భద్రత, సమావేశాల నిర్వహణకు అష్టకష్టాలు ● తాజాగా వీబీజీ రాంజీలో వందకుపైగా భవనాలు మంజూరు మా గ్రామ పంచాయతీ నూతన భవన నిర్మాణానికి 2023లో రూ.20 లక్షలు మంజూరయ్యాయి. కానీ, ఇంత వరకు పనులు పూర్తి కాలేదు. కాంట్రాక్టర్‌ నిధులు సరిపోవడం లేదని పనులు మధ్యలోనే వదిలేశారు. మెట్ల దగ్గర రూం, బండలు, కరెంటు, కలర్‌, ఇతర పనులు చేయాల్సి ఉంది. అదనంగా రూ.5 లక్షలు అవసరం పడుతున్నాయి. సొంత భవనం లేక రైతువేదికలో పంచాయతీ సమావేశాలు, నిర్వహణ కొనసాగుతుంది. – లక్ష్మి, సర్పంచ్‌, రాంనగర్‌, బల్మూర్‌ మండలం జిల్లాలోని ప్రతి పంచాయతీకి సొంత భవనాలు ఉండేలా ప్రభుత్వం ప్రణాళిక రూపొందించింది. కొత్తగా ఏర్పడిన పంచాయతీలతోపాటు పాత వాటన్నింటికీ సొంత భవనాలు నిర్మిస్తున్నాం. ప్రస్తుతం జిల్లాలో 104 గ్రామాలకు సొంత భవనాలు నిర్మించేందుకు నిధులు మంజూరయ్యా యి. గతంలో మంజూరైన కొన్ని భవనాలు ప్రారంభ దశలో ఉండగా.. మరికొన్ని స్లాబ్‌, ఇతర దశలో ఉన్నాయి. త్వరలోనే పంచాయతీ భవన నిర్మాణాలు పూర్తి చేసేందుకు చర్యలు తీసుకుంటున్నాం. – శ్రీరాములు, జిల్లా పంచాయతీ అధికారి అచ్చంపేట: పల్లెలే దేశానికి పట్టుగొమ్మలు. అలాంటి గ్రామ పంచాయతీలు ఇప్పటికీ సొంత భవనాలకు నోచుకోలేకపోతున్నాయి. జిల్లాలో మొత్తం 460 గ్రామాలు ఉండగా.. 167 పంచాయతీలకు సొంత భవనాలు లేవు. అలాగే సొంత భవనాలు ఉన్న 292లో చాలా వరకు శిథిలావస్థకు చేరుకున్నాయి. ఇందులో మరో 45 పంచాయతీలు అద్దె భవనాల్లో కొనసాగుతున్నాయి. అయితే 2026– 27 ఏడాదిలో వీబీజీ రాంజీ పథకం కింద జిల్లాలో 104 గ్రామాలకు సొంత భవనాలు నిర్మించడానికి ఒక్కో భవనానికి రూ.20 లక్షల చొప్పున మొత్తం రూ.20.80 కోట్ల నిధులు మంజూరయ్యాయి. మూడేళ్ల క్రితం మంజూరైనా.. జిల్లాలో 2023– 24, 2025– 26 సంవత్సరాల్లో ఎన్‌ఆర్‌ ఈజీఎస్‌, ఎస్‌డీఎఫ్‌ కింద 139 గ్రామాలకు కొత్త భవనాలు మంజూరయ్యాయి. ఇందులో 56 భవనాలు పూర్తి కాగా ఇందులో చాలా భవనాలు ఇప్పటికీ ప్రారంభోత్సవానికి నోచుకోలేదు. 78 భవనాలు ప్రారంభ దశలో ఉండగా.. మరికొన్ని స్లాబ్‌ లెవెల్‌లో ఉన్నాయి. బిజినేపల్లి మండలం అల్లీపూర్‌, కారుకొండ, అచ్చంపేట మండలం అక్కారం, పెంట్లవెల్లి మండలం జటప్రోల్‌, కోడేరు మండలం కోండ్రావుపల్లిలో స్థలాలు, ఇతర కారణాలతో ఇంత వరకు పనులు మొదలు పెట్టలేదు. ఎన్‌ఆర్‌ఈజీఎస్‌, ఎస్‌డీఎఫ్‌ పథకం ద్వారా పంచాయతీలకు రూ.20 లక్షల చొప్పున నిధులు మంజూరైనా సరిపోవడం లేదని పనులు చేసేందుకు కాంట్రాక్టర్లు ముందకు రావడం లేదు. అలాగే చేసిన పనులకు సకాలంలో బిల్లులు చెల్లించకపోవడంతో పనులు మధ్యలోనే వదిలేశారు. ఎక్కడ పడితే అక్కడ.. జిల్లాలో పంచాయతీలకు సొంత భవనాలు లేక ప్రభుత్వ పాఠశాలలు, రైతువేదికలు, అంగన్‌వాడీ కేంద్రాలు, కుల సంఘాలు, కమ్యూనిటీ హాళ్లు, మరికొన్ని చోట్ల అద్దె భవనాల్లో నిర్వహిస్తున్నారు. పాఠశాలల ఆవరణలో ఉన్న పంచాయతీలకు పాఠశాల వేళలో వివిధ పనుల కోసం ప్రజలు వస్తుండటంతో విద్యార్థులు ఇబ్బందులు పడుతున్నారు. అంగన్‌వాడీ కేంద్రాలకు గర్భిణులు, బాలింతలు, చిన్నారులకు పోషకాహారం పంచాల్సిన చోట పంచాయతీలు, రాజకీయ చర్చలు సాగుతుండటంతో గందరగోళంగా మారింది. ఇక సభలు, సమావేశాలు, అభివృద్ధి కార్యక్రమాలు నిర్వహించేందుకు ఇబ్బందులు పడాల్సి వస్తుంది. ఈ క్రమంలో వీబీజీ రాంజీ పథకం కింద రూ.20 లక్షలతో భవన నిర్మాణాలు చేపట్టే అవకాశం ఉంది. అచ్చంపేట నియోజకవర్గంలోని 44 పంచాయతీలకు మంజూరైన ఎస్‌డీఎఫ్‌ను వీబీజీ రాంజీ పథకంలోకి మార్చడానికి ఎమ్మెల్యే వంశీకృష్ణ చొరవ తీసుకున్నారు. సొంత కార్యాలయాలు లేనివి 167

నాగర్‌కర్నూల్‌: జాతీయ ఆరోగ్య మిషన్‌లో పనిచేస్తున్న కాంట్రాక్టు, ఔట్‌ సోర్సింగ్‌ సిబ్బందికి ఉద్యోగ భద్రత కల్పించాలని మాజీ ఎమ్మెల్యే మర్రి జనార్దన్‌రెడ్డి అన్నారు. కలెక్టరేట్‌ వద్ద ఎన్‌హెచ్‌ఎం ఉద్యోగులు చేపట్టిన నిరవధిక సమ్మె గురువారం మూడోరోజు కొనసాగింది. ఈ సందర్భంగా సమ్మె శిబిరాన్ని మాజీ ఎమ్మెల్యే సందర్శించి ఉద్యమానికి సంఘీభావం తెలిపి మాట్లాడారు. వైద్య, ఆరోగ్య సేవల్లో ఎన్‌హెచ్‌ఎం ఉద్యోగుల పాత్ర కీలకం అన్నారు. ఏళ్లుగా కాంట్రాక్టు, ఔట్‌సోర్సింగ్‌ విధానంలో పనిచేస్తున్న ఉద్యోగుల సమస్యలను ప్రభుత్వం గుర్తించి పరిష్కరించాలని కోరారు. అర్హులైన ఉద్యోగులను క్రమబద్ధీకరించడంతోపాటు ఉద్యోగ భద్రత కల్పించాలని, సమాన పనికి సమాన వేతనం అమలు చేయాలని, వేతనాల పెంపు, ఇతర సర్వీసు ప్రయోజనాలపై ప్రభుత్వం సానుకూలంగా స్పందించాలని, ఉద్యోగులతో చర్చలు జరిపి సమస్యలను పరిష్కరించి, వారు తిరిగి విధుల్లో చేరేలా చర్యలు తీసుకోవాలని కోరారు.

ఉమ్మడి మహబూబ్‌నగర్‌ జిల్లాలోని వర్షాభావ మండలాలను వెంటనే కరువు ప్రాంతాలుగా ప్రకటించి, పంట నష్టపోయిన రైతులకు ఎకరాకు రూ.30 వేల చొప్పున పరిహారం చెల్లించాలి. వలసలను అరికట్టడానికి ఉపాధి హామీ పనిదినాలను 120 నుంచి 200 రోజులకు పెంచి పనులు కల్పించాలి. మండల కేంద్రాల్లో తక్షణమే ఉచిత పశుగ్రాస డిపోలు, తాగునీటి సౌకర్యాలు ఏర్పాటు చేసి పాలమూరును కరువు కోరల నుంచి కాపాడాలి. – వెంకటస్వామి, జిల్లా కార్యదర్శి, తెలంగాణ రైతు సంఘం (ఏఐకేఎస్‌) ●

ఉప్పునుంతల: ప్రభుత్వం ప్రతిష్టాత్మకంగా చేపట్టిన భూ రీ సర్వే నిబంధనల మేరకు పకడ్బందీగా చేపట్టాలని అచ్చంపేట సబ్‌ కలెక్టర్‌ సలోని ఛాబ్రా అన్నారు. సోమవారం మండలంలోని తిర్మలాపూర్‌లో నిర్వహిస్తున్న భూ రీ సర్వే ప్రక్రియను ఆమె ఆకస్మికంగా పరిశీలించి.. వివరాలను సర్వేయర్లను అడిగి తెలుసుకున్నారు. ఇప్పటి వరకు గ్రామ శివారులోని ప్రభుత్వ భూములను గుర్తించి సర్వే చేయడం జరిగిందని సర్వేయర్లు వివరించారు. అనంతరం గ్రామంలోని రోడ్లు, నక్ష బాటలు, దారులను గుర్తించి సర్వే చేయడం జరుగుతుందని చెప్పారు. ఈ సందర్భంగా ఆమె మాట్లాడుతూ సర్వేలో ఎలాంటి పొరపాట్లకు తావులేకుండా గడువులోగా పూర్తిచేయాలని ఆదేశించారు. సబ్‌ కలెక్టర్‌ వెంట తహసీల్దార్‌ సునీత, షఫీఉల్లా, సర్పంచు శ్రీకాంత్‌ తదితరులున్నారు. ప్రజలు నిర్భయంగా పోలీసులను ఆశ్రయించాలి నాగర్‌కర్నూల్‌: ప్రజలు నిర్భయంగా పోలీస్‌ సేవల్ని వినియోగించుకోవాలని ఎస్పీ సంగ్రామ్‌ సింగ్‌జీ పాటిల్‌ అన్నారు. సోమవారం ఎస్పీ కార్యాలయంలో నిర్వహించిన ప్రజావాణిలో 7 ఫిర్యాదులు అందజేశారు. ఇందులో భూమికి సంబంధించినవి 4, తక్షణ పరిష్కారానికి సంబంధించినవి 3 అర్జీలు వచ్చాయి. ఈ సందర్భంగా ఎస్పీ మాట్లాడుతూ ప్రజలకు మరింత దగ్గరయ్యేలా, శాంతిభద్రతలు పరిరక్షిస్తూ ముందుకు సాగడమే లక్ష్యంగా జిల్లా పోలీస్‌ శాఖ పని చేస్తుందన్నారు. సమాంతర కాల్వకు నీటి సరఫరా అమరచింత: జూరాల జలాశయంలో రోజురోజుకు నీటిమట్టం తగ్గుతుందని చెబుతున్న అధికారులు సమాంతర కాల్వకు మాత్రం నీటి సరఫరాను నిలిపివేయలేకపోతున్నారు. ప్రస్తుతం కుడి, ఎడమ కాల్వలకు నీటిని నిలిపివేసిన అధికారులు సమాంతర కాల్వకు మాత్రం నీటిని వదలడం ఏమిటని ఆయకట్టు రైతులు ప్రశ్నిస్తున్నారు. సమాంతర కాల్వ ద్వారా రోజు 900 క్యూసెక్కుల నీరు పారుతోందని.. ఎగువన ఉన్న ఆయకట్టు పంటలు ఎండుముఖం పడుతున్నా పట్టించుకోని అధికారులు సమాంతర కాల్వకు మాత్రం సాగునీటిని ఎందుకు సరఫరా చేస్తున్నారని ఆవేదన వ్యక్తం చేస్తున్నారు. జలాశయానికి ఎగువ నుంచి వరద వస్తున్న సమయంలోనే సమాంతర కాల్వకు నీటిని విడుదల చేయాలనే నిబంధన ఉన్నా వరద లేని సమయంలో కూడా నీటిని వదలడం ఏమిటని రైతులు అధికారుల వైఖరిని తప్పుబడుతున్నారు. ఈ విషయాన్ని సమాంతర కాల్వ ఏఈ మహేందర్‌ వద్ద ప్రస్తావించగా.. లిఫ్ట్‌లకు సాగునీటిని పంపింగ్‌ చేస్తున్నట్లుగానే సమాంతర కాల్వకు నీటిని వదులుతున్నారని, కాల్వ పరిధిలో వరి పంటలు ఎండిపోకుండా నీటిని సరఫరా చేస్తున్నామని బదులిచ్చారు.

అచ్చంపేట రూరల్‌: అడవిలో అగ్ని ప్రమాదాలు జరగకుండా ముందు జాగ్రత్తలు తీసుకోవాలని రాష్ట్ర అటవీ అకాడమీ కోర్సు డైరెక్టర్‌ శ్రీనివాసులు, రిటైర్డ్‌ ఐఎఫ్‌ఎస్‌ అధికారి గంగారెడ్డి, డిప్యూటీ రేంజ్‌ ఆఫీసర్‌ రవికాంత్‌ అన్నారు. సోమవారం అచ్చంపేటలోని జీటీడీ చౌశింగ హాల్‌లో అటవీశాఖ అధికారులు, సిబ్బందికి శిక్షణ కార్యక్రమం నిర్వహించారు. ఈ సందర్భంగా వారు మాట్లాడుతూ అడవుల్లో అగ్ని ప్రమాదాల నివారణకు తీసుకోవాల్సిన ముందస్తు జాగ్రత్తలు, మంటలు వ్యాపించకుండా నియంత్రించే పద్ధతులు, అగ్ని ప్రమాదాలు సంభవించినప్పుడు తక్షణమే చేపట్టాల్సిన చర్యలపై శిక్షణ అందించారు. అటవీ సంపద, వన్యప్రాణుల సంరక్షణలో అగ్ని ప్రమాదాల నియంత్రణ ప్రాధాన్యతను వివరించారు. క్షేత్రస్థాయి సిబ్బందికి అవసరమైన నైపుణ్యాలను పెంపొందించి, అడవిలో అగ్ని ప్రమాదాలను సమర్థవంతంగా నివారించడం, నియంత్రించడం ఈ శిక్షణ కార్యక్రమం ప్రధాన ఉద్దేశం అన్నారు. కార్యక్రమంలో అటవీశాఖ అధికారులు యశ్‌చంద్ర ప్రకాష్‌ సింఘాల్‌, చంద్రశేఖర్‌, రేంజ్‌, డిప్యూటీ రేంజ్‌, సెక్షన్‌, బీట్‌ ఆఫీసర్లు, బేస్‌ క్యాంప్‌ సిబ్బంది పాల్గొన్నారు.

● చాలీచాలని జీతాలతో ఇబ్బందులు ● ఏళ్లతరబడిగా క్రమబద్ధీకరణకు నోచుకోని వైనం ● జిల్లాలో 150 మంది విధుల నిర్వహణ పనిభారంతో సతమతం.. జిల్లాలో పనిచేస్తున్న సెకండ్‌ ఏఎన్‌ఎంలు అదనపు పనిభారంతో మానసిక ఒత్తిడికి గురవుతున్నారు. నిబంధనల ప్రకారం ప్రతి 5 వేల మంది జనాభాకు విధులు నిర్వహించారు. అయితే ప్రస్తుతం 13 నుంచి 15 వేల మంది జనాభాకు ఇద్దరు ఏఎన్‌ఎంలు మాత్రమే ఉండడంతో అదనంగా పనిభారం పడుతుంది. దీనికి తోడు ఆఫ్‌లైన్‌ రిపోర్టులు ఇవ్వడంతోపాటు వాటిని ఆన్‌లైన్‌ చేయడం, పెరుగుతున్న జనాభాకు అనుగుణంగా నేషనల్‌ ప్రోగ్రాంలు నిర్వహిస్తూ ప్రజలకు అవగాహన కల్పిస్తున్నారు. పదో తరగతి, ఇంటర్‌ పరీక్షల సమయంలో పరీక్ష కేంద్రాల వద్ద ప్రత్యేకంగా విధులు నిర్వహిస్తారు. గతంలో పాఠశాలలు, హాస్టల్‌ పిల్లలకు షెడ్యూల్‌ ప్రకారం వైద్య పరీక్షలు చేసేవారు. ఇప్పుడు అదనంగా అంగన్‌వాడీ పాఠశాలల చిన్నారులు, విద్యా ర్థులకు సైతం వైద్య పరీక్షలు చేస్తున్నారు. ఇలా అదనపు పనిభారంతో కొంతమంది అనారోగ్యాల బారిన పడుతున్న సంఘటనలు లేకపోలేదు. కల్వకుర్తి రూరల్‌: వైద్య, ఆరోగ్య శాఖలో కీలకంగా పనిచేస్తున్న రెండో ఏఎన్‌ఎంలు అవస్థలు పడుతున్నారు. శ్రమ అధికం.. వేతనాలు తక్కువగా ఉండటంతో ఉద్యోగులు ఇబ్బందులు ఎదుర్కొంటున్నారు. తమ కష్టాలను ప్రభుత్వం ఎప్పుడు తీర్చుతుందోనని ఆశగా ఎదురుచూస్తున్నారు. నేషనల్‌ హెల్త్‌ మిషన్‌–2009 సంవత్సరం నుంచి కాంట్రాక్ట్‌ పద్ధతిలో పనిచేస్తున్న సెకండ్‌ ఏఎన్‌ఎంలు పనిభారంతో ఒత్తిడికి గురవుతున్నారు. జీతాలు తక్కువైనా పని చేస్తూ కుటుంబ పోషణలో ఆర్థికంగా సతమతమవుతున్నారు. తమకు ఎలాంటి పరీక్షలు లేకుండా రెగ్యులరైజ్‌ చేయాలనే డిమాండ్‌తో గతంలో ఎన్నో ఉద్యమాలు చేసినా ఫలితం లేకుండాపోయింది. ఉమ్మడి ఆంధ్రప్రదేశ్‌ నుంచి తెలంగాణ రాష్ట్రం నూతన జిల్లాలు ఏర్పాటు అయినప్పటికీ కాంటాక్ట్‌ పద్ధతిన పనిచేస్తున్న సెకండ్‌ ఏఎన్‌ఎంల జీవితాల్లో వెలుగులు మాత్రం నిండటం లేదు. జిల్లా పరిధిలో ఇలా.. జిల్లాలోని 32 పీహెచ్‌సీలలో 150 మంది రెండో ఏఎన్‌ఎంలు నెలకు రూ.27,300 వేతనంతో పనిచేస్తున్నారు. అనేక ఏళ్లుగా తక్కువ వేతనాలతో పనిచేస్తూ పేద ప్రజలకు వైద్య సేవలు అందిస్తున్న తమకు న్యాయం దక్కడం లేదని వాపోతున్నారు. ఇప్పటికై నా ప్రభుత్వం స్పందించి పెరుగుతున్న ధరలకు అనుగుణంగా వేతనాలు పెంచాలని కోరుతున్నారు. అలాగే అనేక ఏళ్లుగా చాలీచాలని వేతనాలతో పనిచేస్తున్న తమను క్రమబద్ధీకరించాలని సెకండ్‌ ఏఎన్‌ఎంలు వేడుకుంటున్నారు. ప్రభుత్వాలు, పాలకులు మారుతున్న తమ జీవితాలు మాత్రం మారడం లేదని ఆవేదన వ్యక్తం చేస్తున్నారు. ప్రస్తుతం కాంట్రాక్ట్‌, ఔట్‌ సోర్సింగ్‌ పద్ధతిలో పనిచేస్తున్న ఏఎన్‌ఎంలందరినీ క్రమబద్ధీకరించాలని గతంలో అనేకమార్లు వివిధ రూపాల్లో ఆందోళనలు చేసి తమ న్యాయమైన డిమాండ్లను ప్రభుత్వాల దృష్టికి తీసుకుపోయినప్పటికీ ఫలితాలు కానరాలేదు. ప్రస్తుత ప్రజా ప్రభుత్వం తమ ఆవేదనను గుర్తించి తమ ఉద్యోగాలను క్రమబద్ధీకరించాలని సెకండ్‌ ఏఎన్‌ఎంలు వేడుకుంటున్నారు.

● లేదంటే రైతులతో కలిసి ఉద్యమం: మాజీ మంత్రి నిరంజన్‌రెడ్డి ● రైతుల పంటలు ఎండుతున్నా పట్టించుకోరా? ● నార్లాపూర్‌లో సిద్ధంగా ఉన్న పంపులు ఎందుకు నడపడం లేదు? ● కేఎల్‌ఐ, పాలమూరు ప్రాజెక్టులకు 24 గంటల విద్యుత్‌ ఇవ్వాలి – కొల్లాపూర్‌ రూరల్‌ సున్నపుతండా వద్ద డీ–5 కాల్వను పరిశీలిస్తున్న మాజీ మంత్రి నిరంజన్‌రెడ్డి, మాజీ ఎమ్మెల్యే హర్షవర్ధన్‌రెడ్డి తదితరులు వివరాలు II లో..

ఉమామహేశ్వర ఆలయ ఈఓ బదిలీ నేడు విద్యుత్‌ సరఫరాలో అంతరాయం అచ్చంపేట రూరల్‌: పట్టణంలోని 132/33 కేవీ సబ్‌స్టేషన్‌లో మరమ్మతు కారణంగా సోమవారం మధ్యాహ్నం 3 నుంచి 5 గంటల వరకు విద్యుత్‌ సరఫరాలో అంతరాయం ఉంటుందని ఏడీఈ శ్రీనివాసులు తెలిపారు. సబ్‌స్టేషన్‌ పరిధిలోని వివిధ మండలాలు, గ్రామాల్లో విద్యుత్‌ సరఫరా ఉండదని, ఈ అంతరాయానికి వినియోగదారులు, రైతులు సహకరించాలని ఆయన కోరారు. 17న మహాధర్నా జడ్పీసెంటర్‌ (మహబూబ్‌నగర్‌): ఉమ్మడి మహబూబ్‌నగర్‌ జిల్లాలో పెండింగ్‌ ప్రాజెక్టులను పూర్తి చేయాలని డిమాండ్‌ చేస్తూ ఈ నెల 17న కల్వకుర్తి తహసీల్దార్‌ కార్యాలయం ఎదుట మహాధర్నా నిర్వహించనున్నట్లు పెండింగ్‌ ప్రాజెక్టుల సాధన జేఏసీ చైర్మన్‌ రాజేందర్‌రెడ్డి తెలిపారు. ఆదివారం విడుదల చేసిన ప్రకటనలో పాలమూరుకు దక్కాల్సిన నీటిని నల్లగొండ జిల్లాకు తరలించే ప్రయత్నాలను ఆపాలని డిమాండ్‌ చేశారు. దీనివల్ల జిల్లాలోని పెండింగ్‌ ప్రాజెక్టులకు అన్యాయం జరుగుతుందని పేర్కొన్నారు. గత ప్రభుత్వాలు సాగునీటి వనరుల కల్పనలో విఫలమయ్యాయని, శాశ్వత ప్రాజెక్టులకు పెట్టుబడులు పెట్టకపోవడంతో ఈ పరిస్థితి నెలకొందని విమర్శించారు. ఉమ్మడి జిల్లాలోని ఐదు జిల్లాల నుంచి రైతులు, నిర్వాసితులు, ప్రజాప్రతినిధులు పెద్ద సంఖ్యలో తరలివచ్చి మహాధర్నాను విజయవంతం చేయాలని కోరారు. ఆక్టోపస్‌ సమీపంలో జరిగిన ప్రమాదంలో గాయపడిన క్షతగాత్రులు (ఫైల్‌)హైదరాబాద్‌– శ్రీశైలం– తోకలపల్లి జాతీయ రహదారి–765 రెండు తెలుగు రాష్ట్రాలకు అత్యంత కీలకమైంది. దక్షిణకాశీగా గుర్తింపు పొందిన శ్రీశైలానికి హైదరాబాద్‌, కర్ణాటక, మహారాష్ట్ర, తెలంగాణ జిల్లాల నుంచి పెరిగిన వాహనాల రద్దీకి అనుగుణంగా రెండు వరుసల రహదారిపై ప్రయాణం చేయడం ఇబ్బందికరంగా మారింది. ప్రస్తుతం ప్రతిరోజు సగటున 10 వేల వాహనాలు రాకపోకలు సాగిస్తున్నాయి. శని, ఆది, సోమవారాల్లో ఈ సంఖ్య 12 వేలకు చేరుతుంది. 2027 నాటికి 15 వేలు, 2040 నాటికి 30 వేలకు చేరుతుందని ట్రాఫిక్‌ అధ్యయనంలో తేలింది. ఈ రహదారి నల్లమల అటవీ ప్రాంతం గుండా సాగుతుండగా.. సుమారు 56 కి.మీ., మార్గం అమ్రాబాద్‌ టైగర్‌ రిజర్వు ప్రాంతంలో ఉండటంతో పెద్దపులులు, ఇతర వన్యప్రాణుల సంచారం ఉంటుంది. కాబట్టి ఈ రోడ్డు విస్తరణకు గతంలో చేసిన ప్రయత్నాలు ఫలించలేదు. ఈ నేపథ్యంలోనే మూడేళ్లుగా అటవీ మార్గంలో బ్రాహ్మణపల్లి (మన్ననూర్‌)– పాతాళగంగా వరకు ఎలివేటెడ్‌ కారిడార్‌ నిర్మాణం ప్రతిపాదనలు నడుస్తున్నాయి. దీంతోపాటు ఓఆర్‌ఆర్‌ ఎగ్జిట్‌–13 నుంచి రావిర్యాల, మీర్‌ఖాన్‌పేట్‌ మీదుగా ఆకుతోటపల్లి వరకు నడుస్తున్న రతన్‌టాటా గ్రీన్‌ ఫీల్డ్‌ హైవే కొనసాగింపుగా బ్రాహ్మణపల్లి వరకు గ్రీన్‌ఫీల్డ్‌ హైవే ప్రతిపాదనలు రాష్ట్ర ప్రభుత్వం చేసింది.మన్ననూరు నుంచి శ్రీశైలం వరకు ఉన్న రెండు వరుసల జాతీయ రహదారి ఇరుకుగా ఉండటం, విస్తరణకు నోచుకోకపోవడంతో వాహనాలు అతివేగంతో ప్రయాణించడం వల్ల ఎక్కువ ప్రమాదాలు చోటు చేసుకుంటున్నాయి. నియంత్రించడంలో జాతీయ రహదారులు, పోలీసు, అటవీశాఖ అధికారులు విఫలమవుతున్నారు. నల్లమల ఘాట్‌ రోడ్డు తీవ్రమైన మలుపులతో ఉండటంతో సుదూర ప్రాంతాల నుంచి వచ్చే వారికి సరైన అవగాహన లేక ప్రమాదాలు చోటు చేసుకుంటున్నాయి. అమ్రాబాద్‌ అభయారణ్య ప్రాంతంలో రాత్రి 9 నుంచి ఉదయం 6 గంటల వరకు వాహనాల ప్రవేశం నిషిద్ధం. అయితే కొందరు ఈ నిబంధనలకు తూట్లు పొడుస్తూ ప్రమాదాలకు కారణమవుతున్నారు. రాత్రి 9 గంటలలోపే చెక్‌పోస్టు దాటి.. అటవీ ప్రాంతంలో వాహనాలు ఆపి మద్యం తాగి అర్ధరాత్రి ప్రయాణాలు సాగిస్తుండటం ప్రమాదాలకు దారితీస్తోంది. నల్లమలలో ఇటీవల చోటుచేసుకున్న చాలా ప్రమాదాలు ఈ కోవలోకే వస్తాయి. రోడ్డుపై స్పీడు బ్రేకర్లు, హెచ్చరిక బోర్డులు ఏర్పాటు చేసినా వాహనదారులు వీటిని పట్టించుకోవడం లేదు. రాత్రి సమయంలో సరైన పర్యవేక్షణ లేకపోవడంతో నిబంధనలు అతిక్రమిస్తున్నారు. అలాగే ఈ మార్గంలో రాకపోకలు అధికంగా ఉండటం వల్ల నాలుగు వరుసల రహదారి ఏర్పాటు చేయాల్సిన అవసరం ఉంది.రాష్ట్రస్థాయి పోటీల్లో విజేతలుగా నిలవాలి మహబూబ్‌నగర్‌ క్రీడలు: రాష్ట్రస్థాయి స్కూల్‌ గేమ్స్‌ ఫెడరేషన్‌ క్రీడాపోటీల్లో ఉమ్మడి జిల్లా జట్లు మెరుగైన ప్రతిభ కనబరిచి విజేతలుగా నిలవాలని జిల్లా ఎస్‌జీఎఫ్‌ కార్యనిర్వాహక కార్యదర్శి వేణుగోపాల్‌ అన్నారు. సంగారెడ్డిలో ఆదివారం నుంచి ప్రారంభమైన రాష్ట్రస్థాయి ఎస్‌జీఎఫ్‌ అండర్‌–19 కబడ్డీ పోటీల్లో పాల్గొనే ఉమ్మడి జిల్లా బాల, బాలికల జట్లు తరలివెళ్లాయి. కబడ్డీ జట్లను స్థానిక మెయిన్‌ స్టేడియంలో వేణుగోపాల్‌ అభినందించారు. సమష్టిగా ఆడితే విజయం సాధించవచ్చని అన్నారు. అదే విధంగా సిద్దిపేటలో ఆదివారం నుంచి జరుగుతున్న స్కూల్‌ గేమ్స్‌ ఫెడరేషన్‌ అండర్‌–14, 17 బాల, బాలికల రాష్ట్రస్థాయి యోగా పోటీలకు ఉమ్మడి జిల్లా క్రీడాకారులు బయలుదేరారు. క్రీడాకారులను జిల్లా ఎస్‌జీఎఫ్‌ కార్యదర్శి అభినందించారు. రాష్ట్రస్థాయి యోగా పోటీల్లో పతకాలు సాధించాలని ఆకాంక్షించారు. ప్రభుత్వం నూతనంగా విడుదల చేసిన మార్గదర్శకాల ప్రకారం ఇల్లు నిర్మించాలని జిల్లాలో 616 మంది లబ్ధిదారులకు నోటీసులు జారీ చేశాం. స్లాబ్‌ సైజు ఎక్కువ వేయడం వల్ల లబ్ధిదారులపై అదనపు భారం పడి అప్పుల పాలు అవుతున్నారని ప్రభుత్వం పరిమితి విధించి ఇళ్ల నిర్మాణం చేపట్టుకోవాలని ఆదేశాలు ఇచ్చింది. ఎవరైనా నిబంధనలు అమలు చేయకపోతే బిల్లుల చెల్లింపు నిలిచిపోతుంది. ఈ మేరకు జిల్లాలో ఇందిరమ్మ ఇళ్ల లబ్ధిదారులకు అవగాహన కల్పిస్తున్నాం. – గోపాల్‌నాయక్‌, ఇన్‌చార్జి హౌసింగ్‌ పీడీ కల్వకుర్తి రూరల్‌: రాష్ట్ర ప్రభుత్వం ప్రతిష్టాత్మకంగా అమలు చేస్తున్న ఇందిరమ్మ ఇళ్ల పథకం లబ్ధిదారులకు గృహ నిర్మాణ శాఖ షాక్‌ ఇచ్చింది. సొంత స్థలంలో ఇల్లు నిర్మించుకునే పేదలకు ప్రభుత్వం అందిస్తున్న రూ.5 లక్షల ఆర్థిక సహాయం సద్వినియోగం కావాలనే సంకల్పంతో కొత్త నిబంధనలను అమల్లోకి తెచ్చింది. అనుమతించిన స్లాబ్‌కు నుంచి విస్తీర్ణం పెంచే వారిపై నియంత్రణ చర్యలు చేపట్టింది. ఎవరైనా నిబంధనలు అతిక్రమించి స్లాబ్‌ సైజు విస్తరిస్తే ప్రభుత్వం నుంచి ఇచ్చే సాయం నిలిచిపోతుందని హెచ్చరించారు. కొత్త నిబంధనలు ప్రస్తుతం నిర్మాణంలో ఉన్న ఇందిరమ్మ ఇళ్లకు వర్తిస్తాయని ప్రభుత్వం ఆదేశాలలో పేర్కొంది. ఇప్పటికే జిల్లాలో నోటీసుల పంపిణీ కార్యక్రమానికి శ్రీకారం చుట్టారు. క్షేత్రస్థాయిలో చాలామంది లబ్ధిదారులు ఇందిరమ్మ ఇళ్ల నిర్మాణంలో గోడల కంటే 3 నుంచి 8 అడుగుల వరకు స్లాబును ముందుకు పొడిగించినట్లు అధికారులు గుర్తించారు. ఇలా చేయడం వల్ల ప్రభుత్వం నుంచి అందే రూ.5 లక్షల ఆర్థిక సహాయం సరిపోక పేదలు అప్పుల బారిన పడుతున్నారని, మరికొందరు ఈ భారం తట్టుకోలేక ఇళ్ల నిర్మాణాలను మధ్యలోనే నిలిపివేస్తున్నట్లు ప్రభుత్వం భావిస్తుంది. ఈ క్రమంలోనే ప్రభుత్వం అందించే సహాయంతోనే ఇంటి నిర్మాణం పూర్తి కావాలనే ఉద్దేశంతో స్లాబ్‌ వైశాల్యంపై పరిమితులు విధించారు. ఈ నేపథ్యంలో ఇంటి స్లాబ్‌ 750 చదరపు అడుగులు దాటితే చెల్లింపులు నిలిపివేస్తామంటూ గృహ నిర్మాణ శాఖ అధికారులు లబ్ధిదారులకు నోటీసులు పంపిణీ చేసే ప్రక్రియను వేగవంతం చేశారు. నత్తనడకన నిర్మాణాలు.. జిల్లాలోని 20 మండలాల్లో మొదటి విడతలో 9,814, రెండో విడతలో 850 ఇళ్లను ప్రభుత్వం మంజూరు చేసింది. ఇందులో ఇప్పటికే 2,600 ఇళ్ల నిర్మాణాలు పూర్తి కాగా.. ఇప్పటి వరకు 1,700 ఇళ్లు ప్రారంభానికే నోచుకోలేదు. బేస్మెంట్‌ లెవెల్‌లో 1,506 ఇళ్లు ఉండగా.. రెంటల్‌ లెవెల్‌లో 616 ఇళ్లు, 3,300 ఇళ్లకు మార్కౌట్‌ ఇవ్వగా.. మిగతావి వివిధ దశలో ఉన్నట్లు అధికారుల లెక్కలు చెబుతున్నాయి. ఈ క్రమంలో జిల్లాలో ఇళ్ల నిర్మాణాలు నత్తనడకన సాగుతుండడంతో అధికారులు క్షేత్రస్థాయి పర్యటనలు మరింత పెంచారు. ఆయా మండలాల ఎంపీడీఓలు, పంచాయతీ కార్యదర్శులు, హౌసింగ్‌ ఏఈలు, డీఈలు గ్రామాల్లో పర్యటిస్తూ లబ్ధిదారులకు అవగాహన కల్పిస్తున్నారు.అచ్చంపేట రూరల్‌: శ్రీశైల ఉత్తర ముఖద్వారమైన ఉమామహేశ్వర ఆలయ ఈఓగా ఉప్పునుంతల మండలంలోని మామిళ్లపల్లి లక్ష్మీనర్సింహస్వామి ఆలయ ఈఓ నర్సింహులు బదిలీపై వచ్చారు. ఈ మేరకు ఇక్కడి ఈఓ శ్రీనివాసరావు మామిళ్లపల్లి లక్ష్మీనర్సింహస్వామి ఆలయానికి బదిలీపై వెళ్లారు. వివిధ శాఖల్లో జరుగుతున్న ఉద్యోగుల బదిలీల ప్రక్రియలో భాగంగానే దేవాదాయ శాఖ అధికారులు ఈ నిర్ణయం తీసుకున్నట్లు తెలిసింది. వైశాల్యం పెరిగితే బిల్లుల నిలిపివేతకు ఆదేశాలు లబ్ధిదారులు అప్పుల పాలు కావొద్దనే ఉద్దేశంతో చర్యలు తాజాగా కొత్త మార్గదర్శకాలు జారీ చేసిన ప్రభుత్వం జిల్లాలో ఇప్పటికే 616 మందికి నోటీసులు ప్రభుత్వం విడుదల చేసిన జీఓ నం.352 ప్రకారం 400 చదరపు అడుగుల ప్లింత్‌ ఏరియా కలిగిన ఇంటికి స్లాబ్‌ వైశాల్యం గరిష్టంగా 500 ఫీట్లలోపే ఉండాలి. 600 స్క్వేర్‌ ఫీట్‌ ప్లింత్‌ ఏరియా కలిగిన ఇంటికి స్లాబ్‌ గరిష్టంగా 750 స్క్వేర్‌ ఫీట్ల వరకే ఉండాలి. ఇంటి ముందు వైపు స్లాబ్‌ పొడిగింపును గరిష్టంగా మూడు అడుగులకు పరిమితం చేసి మిగిలిన మూడు వైపులా ఒక్క అడుగు మాత్రమే పొడిగించాలని ఆదేశాలలో స్పష్టం చేశారు. ఈ నిబంధనలను ఈ నెల ఒకటి నుంచి అమలులోకి వచ్చాయి. స్లాబ్‌ నిర్మాణంలో సైజు పెంచితే బిల్లు చెల్లింపులు నిలిపివేస్తామని నోటీసులో హెచ్చరించారు. ఇప్పటికే ఎక్కువ విస్తీర్ణంలో స్లాబ్‌ వేసిన వారు హౌసింగ్‌ అధికారులను సంప్రదించాలని, నిబంధనలు పాటించకుండా ఆర్థికంగా నష్టపోతే లబ్ధిదారులే బాధ్యత వహించాలని హౌసింగ్‌ శాఖ పేర్కొంది. మార్గదర్శకాలకు విరుద్ధంగా అదనపు నిర్మాణం చేపట్టి నష్టపోకుండా జాగ్రత్త వహించాలని లబ్ధిదారులకు జారీ చేసిన నోటీసులలో ప్రభుత్వం సూచించింది.

అచ్చంపేట: ఓటర్ల జాబితా ప్రత్యేక సమగ్ర సవరణ (సర్‌)లో భాగంగా ఉమ్మడి జిల్లాలో దరఖాస్తులు అందాయి. జూన్‌ 15 నుంచి అక్టోబరు 7 వరకు దరఖాస్తులు, అభ్యంతరాలు స్వీకరించడంతోపాటు ద్రువీకరణ పత్రాలు సమర్పించారు. ఉమ్మడి జిల్లావ్యాప్తంగా 18 ఏళ్లు నిండి, ఇప్పటి వరకు ఓటర్ల జాబితాలో పేరు లేని వారు ఫారం–6 ద్వారా 19,307 మంది ఓటర్లు దరఖాస్తు చేసుకోగా ఇప్పటి వరకు 1,874 మంది అర్హులుగా నిర్ధారించారు. ఫారం–6ఏ ప్రవాస భారతీయ ఓటర్లుగా 33 మంది దరఖాస్తు చేసుకోగా ఇప్పటి వరకు ముగ్గురిని అర్హులుగా తేల్చారు. ఇక ముసాయిదా జాబితాలో ఓటర్ల తొలగింపునకు 1,478 దరఖాస్తులు ఫారం–7 ద్వారా వచ్చాయి. ఇందులో 656 మంది ఓటర్లు అనర్హులుగా తేల్చి తొలగించారు. కొత్తగా నమోదు కానున్న ఓటర్లను సైతం పరిగణలోకి తీసుకుంటే నవంబరు 9న ప్రకటించనున్న తుది ఓటర్ల జాబితా కోసం అధికారులు కసరత్తు చేస్తున్నారు. ఓటర్ల వివరాల్లో మార్పులు/ తప్పులు, దిద్దబాటు/ చిరునామా మార్పు కోసం ఫారం–8 ద్వారా 29,048 దరఖాస్తులు రాగా.. 1,2147 దరఖాస్తులు మార్పులు చేర్పులు చేశారు. ఓటరు వివరాల్లో మార్పులు, సవరణ, చిరునామా, ఎపిక్‌ మార్పిడికి దరఖాస్తులు ఎక్కువగా సమర్పించారు. ఈ దరఖాస్తులను నవంబర్‌ 5లోగా పరిష్కరించి ఆ మేరకు తుది ఓటర్ల జాబితాలో మార్పులు, చేర్పులకు ఈసీ చర్యలు తీసుకోనుంది. వీటిని స్థానిక ఈఆర్వోలు/ ఏఈఆర్వోలు పరిశీలించి పరిష్కరిస్తారు. విదేశాల్లో ఉన్న ప్రవాస భారతీయ పౌరుల నమోదుకు సంబంధించిన ఫారం–6ఏకు ఉమ్మడి పాలమూరు జిల్లాల్లో స్పందన అంతగా కనిపించలేదు. 13 నియోజకవర్గాల్లో కలిసి 33 దరఖాస్తులు రాగా వాటిలో మూడింటికి పరిష్కారం లభించింది. అలాగే ఓటర్ల వివరాల్లో తప్పులను సరిదిద్దడానికి, చిరునామా మార్పు, పేర్లలో దొర్లిన తప్పులకు సంబంధించి ఫారం–8 ద్వారా పెద్దఎత్తున దరఖాస్తులు వచ్చాయి. పాలమూరులో 5,428 దరఖాస్తులు రాగా 1,869 దరఖాస్తులు సవరించారు. అచ్చంపేటలో 3,050, కొడంగల్‌లో 2,776, దేవరకద్రలో 2,439, నారాయణపేటలో 2,080 దరఖాస్తులు వచ్చాయి. ముగిసిన ‘సర్‌’ అభ్యంతరాలు, ఫిర్యాదుల స్వీకరణ ప్రక్రియ పరిశీలనలో నిమగ్నమైన అధికార యంత్రాంగం ఉమ్మడి జిల్లాలో 19,307 కొత్త ఓటర్ల నమోదుకు దరఖాస్తులు విదేశీ ఓటర్ల నమోదుకు స్పందన కరువు

● జకినాలపల్లిలో సబ్‌స్టేషన్‌ ముట్టడి.. వంటావార్పు కల్వకుర్తి రూరల్‌: ఎడాపెడా విధిస్తున్న కరెంట్‌ కోతలపై అన్నదాతలు ఆక్రోశం వెల్లగక్కారు. ఎప్పుడు వస్తుందో.. ఎప్పుడు పోతుందో.. తెలియని పరిస్థితుల్లో సరఫరా ఉండటంతో ఆదివారం ఊర్కొండ మండలంలోని జకినాలపల్లి విద్యుత్‌ సబ్‌స్టేషన్‌ వద్ద పెద్దఎత్తున ఆందోళన చేపట్టారు. జగినాలపల్లి, ఊర్కొండపేట రైతులు సబ్‌స్టేషన్‌ను ముట్టడించి.. ప్రభుత్వానికి, విద్యుత్‌ అధికారులకు వ్యతిరేకంగా పెద్దఎత్తున నినాదాలు చేశారు. ఈ సందర్భంగా రైతులు మాట్లాడుతూ తాము సాగు చేసిన వేరుశనగ పంటకు సాగునీరు అందక ఎండిపోయే పరిస్థితి వచ్చిందన్నారు. రూ.వేలు వెచ్చించి పంటలు సాగు చేశామని, ఇప్పుడు విద్యుత్‌ కోతలతో నీరు పారక పంటలు ఎండిపోయే పరిస్థితి వచ్చిందని ఆవేదన వ్యక్తం చేశారు. కనీసం పశువులకు తాగునీరు సైతం అందే పరిస్థితి లేకుండా పోయిందని ఆరోపించారు. కోతలు లేకుండా విద్యుత్‌ సరఫరా చేస్తామంటేనే ఆందోళన విరమిస్తామని భీష్మించి కూర్చున్నారు. రైతులకు పోలీసులు, విద్యుత్‌ ఏఈ సలేశ్వరం నచ్చజెప్పే ప్రయత్నం చేసినా వినిపించుకోలేదు. బోరు, బావుల ద్వారా పంటలు పండిద్దామంటే కరెంట్‌ కోతలు ఇబ్బందులకు గురిచేస్తున్నాయని ఊర్కొండపేట మాజీ సర్పంచ్‌ కృష్ణగౌడ్‌ ఆవేదన చేశారు. అక్కడే వంటావార్పు చేపట్టి భోజనాలు చేశారు. అనంతరం కోతలు లేకుండా విద్యుత్‌ సరఫరా చేయాలని డిమాండ్‌తో కూడిన వినతిపత్రాన్ని ఏఈ సలేశ్వరం గౌడ్‌కు అందజేశారు. కార్యక్రమంలో రైతులు రామాంజనేయులు, అంజయ్య, శ్రీధర్‌రెడ్డి, జంగయ్య, మల్లేష్‌, చంద్రయ్య, సురేందర్‌, సాయిరెడ్డి, యాదయ్య, బాలరాజు, జంగయ్య పాల్గొన్నారు.

మహబూబ్‌నగర్‌ మున్సిపాలిటీ: దసరా పండుగ సెలవులను దృష్టిలో ఉంచుకుని మహబూబ్‌నగర్‌ ఆర్టీసీ రీజియన్‌ పరిధిలో ఈ నెల 9 నుంచి 22వ తేదీ వరకు మొత్తం 762 ప్రత్యేక బస్సులను నడిపేందుకు అధికారులు ఏర్పాట్లు చేశారు. ప్రయాణికుల రద్దీకి అనుగుణంగా అదనపు బస్సులను అందుబాటులో ఉంచుతున్నారు. అయితే, ఈ వివరాలను శనివారం అధికారికంగా ప్రకటించడం గమనార్హం. డిపోల వారీగా బస్సుల వివరాలు ప్రత్యేక బస్సుల నిర్వహణలో భాగంగా ఈ నెల 9న 88, 10న 43, 11న 63, 12న 34, 13న 29, 14న 38, 15న 22, 16న 68, 17న 79, 18న 77, 19న 70, 20న 34, 21న 29 బస్సులను నడపాలని ప్రణాళిక రూపొందించారు. చివరి రోజైన ఈ నెల 22న మరో 88 ప్రత్యేక బస్సులను నడపనున్నారు. డిపోల వారీగా నాగర్‌కర్నూల్‌ నుంచి 123, నారాయణపేట నుంచి 91, గద్వాల నుంచి 85, అచ్చంపేట, వనపర్తి డిపోల నుంచి 80 చొప్పున, మహబూబ్‌నగర్‌ నుంచి 78, షాద్‌నగర్‌ నుంచి 77, కల్వకుర్తి నుంచి 68, కొల్లాపూర్‌ నుంచి 52, కోస్గి నుంచి 28 ప్రత్యేక బస్సులను అందుబాటులోకి తీసుకొచ్చారు. హైదరాబాద్‌ రూట్‌లో అధిక ట్రిప్పులు హైదరాబాద్‌ రూట్‌లో ప్రయాణికుల రద్దీ ఎ క్కువగా ఉండటంతో ఈ మార్గంలో అధిక సంఖ్యలో అదనపు బ స్సులను నడుపుతున్నా రు. ఈ మార్గం ద్వారా ఆర్టీసీకి ఎక్కువ ఆదా యం వచ్చే అవకాశం ఉంది. కర్నూలు రూట్‌లోనూ అదనపు బస్సులను ఏర్పాటు చేశారు. ప్రయాణికుల రద్దీని దృష్టిలో ఉంచుకుని హైదరాబాద్‌లోని వివిధ ప్రాంతాలతో పాటు ఉమ్మడి మహబూబ్‌నగర్‌ జిల్లాలోని బస్టాండ్లలో అదనపు వాలంటీర్లను అందుబాటులో ఉంచుతున్నారు. ప్రయాణికుల సౌకర్యార్థం తాగునీరు, షెల్టర్లు, కూర్చునేందుకు కుర్చీలు ఏర్పాటు చేస్తున్నారు. బస్సుల వివరాలు, ప్రయాణ సూచనలను ఎప్పటికప్పుడు తెలియజేసేలా చర్యలు చేపట్టారు. ఆర్టీసీ ఆదాయం పెరిగే అవకాశం దసరా పండుగ నేపథ్యంలో సాధారణ రోజులతో పోలిస్తే మహబూబ్‌నగర్‌ ఆర్టీసీ రీజియన్‌ ఆదాయం కొంత పెరిగే అవకాశం ఉంది. పండుగ ప్రారంభమైన తొలి మూడు రోజులు, పండుగ ముగిసిన తర్వాత రెండు రోజులు ప్రయాణికుల రద్దీ అధికంగా ఉండే అవకాశం ఉంది. దీంతో ఆర్టీసీ ఆదాయం పెరుగుతుందని అధికారులు అంచనా వేస్తున్నారు. హైదరాబాద్‌ రూట్‌లోనే అధికంగా అదనపు ట్రిప్పులు ఈ నెల 22 వరకు ప్రత్యేక బస్సుల నిర్వహణ బస్టాండ్లలో తాగునీరు, షెల్టర్లు, కూర్చునేందుకు కుర్చీలు సద్వినియోగం చేసుకోవాలి దసరా పండుగను పురస్కరించుకొని ప్రయాణికుల సౌకర్యార్థం అదనపు బస్సులు నడుపుతున్నాం. ఈ అవకాశాన్ని అందరూ సద్వినియోగం చేసుకోవాలి. అనుమతి లేని ప్రైవేట్‌ వాహనాలను ఆశ్రయించవద్దు. ఆర్టీసీ బస్సు ల్లో ప్రయాణం సురక్షితంగా ఉంటుంది. బస్టా ండ్లలో వారికి అన్ని సౌకర్యాలు కల్పిస్తున్నాం. – పి.సంతోష్‌కుమార్‌, ఆర్టీసీ రీజినల్‌ మేనేజర్‌, మహబూబ్‌నగర్‌

అచ్చంపేట రూరల్‌: పట్టణంలోని 132/33 కేవీ సబ్‌స్టేషన్‌లో సాంకేతిక కారణాలతో పట్టణంతో పాటు వివిధ మండలాలకు విద్యుత్‌ సరఫరాలో అంతరాయం ఏర్పడింది. పట్టణంలోని సాయినగర్‌ కాలనీ వద్ద ఉప్పునుంతలకు సరఫరా అయ్యే 33కేవీ విద్యుత్‌ వైరు తెగిపోయి ఛానల్‌పై పడటంతో 132/33 కేవీ సబ్‌స్టేషన్‌లోని 33కేవీ బస్‌ అనే పరికరం పాడైంది. దీంతో శనివారం ఉదయం 9 నుంచి మధ్యాహ్నం 2గంటల వరకు అచ్చంపేట, ఉప్పునుంతల, వెల్టూరు, నడింపల్లి, అమ్రాబాద్‌ 33/11 కేవీ సబ్‌స్టేషన్లకు విద్యుత్‌ సరఫరా నిలిచిపోయింది. విషయం తెలుసుకున్న ఏడీఈ శ్రీనివాసులు, ఏఈఈ ఆంజనేయులు, ట్రాన్స్‌కో ఏఈఈ అనిల్‌ సబ్‌స్టేషన్‌లో మరమ్మతు చేయించి సరఫరాను పునరుద్ధరించారు. శనేశ్వరుడికి తైలాభిషేకాలు కందనూలు: మహాలయ అమావాస్య సందర్భంగా శనివారం నందివడ్డేమాన్‌ శనేశ్వరాలయానికి భక్తులు పోటెత్తారు. ఆలయ పూజారి గవ్వమఠం విశ్వనాథశాస్త్రి వేద మంత్రోచ్ఛరణల మధ్య స్వామివారికి తిల, తైలాభిషేకలు, అష్టోత్తర పూజలను భక్తిశ్రద్ధలతో నిర్వహించారు. అమావాస్య శనివారం రావడం ప్రత్యేకమని.. స్వామివారిని కొలిచిన వారికి విశేష పుణ్యఫలితం కలుగుతుందని ఆయన తెలిపారు. కార్యక్రమంలో ఆలయ చైర్మన్‌ వెల్దండ గోపాల్‌రావు, సర్పంచ్‌ సుగుణమ్మ పాల్గొన్నారు. దేవీ శరన్నవరాత్రి ఉత్సవాలకు ముస్తాబు అచ్చంపేట: దేవీ శరన్నవరాత్రి ఉత్సవాలు ఆదివారం నుంచి ప్రారంభం కానున్నాయి. ఊరూరా దుర్గామాతకు విశేష పూజలు అందనున్నాయి. ఉత్సవాల్లో భాగంగా జిల్లాలోని ప్రసిద్ధ ఆలయాలతో పాటు ప్రత్యేకంగా ఏర్పాటుచేసిన మండపాలను విద్యుద్దీపాలు, రకరకాల పుష్పాలతో సర్వాంగ సుందరంగా ముస్తాబు చేశారు. అచ్చంపేటలో శ్రీవాసవీ కన్యకా పరమేశ్వరి, తాలూకా రెడ్డి సేవాసమితి, రక్షిత మహిళా సొసైటీ, వెలమ సంఘం, భక్త మార్కండేయ, భ్రమరాంబ ఆలయాల్లో ఉత్సవాలకు అన్ని ఏర్పాట్లు చేశారు. నవరాత్రులను పురస్కరించుకుని అమ్మవారు తొమ్మిది అవతారాలలో భక్తులకు దర్శనమివ్వనున్నారు.

మన్ననూర్‌: నల్లమల అటవీ ప్రాంతంలో అటవీశాఖ శిక్షణ అధికారుల పర్యటన శనివారం కొనసాగింది. రెండో రోజు సలేశ్వరం క్షేత్రాన్ని సందర్శించారు. ఈ సందర్భంగా దూలపల్లి అకాడమీ డీఎఫ్‌ఓ మాధవరావు సమక్షంలో అటవీ లోతట్టు ప్రాంతంలో ట్రెక్కింగ్‌ చేసిన 60 మంది శిక్షణ ఎఫ్‌ఎస్‌ఓ, ఎఫ్‌బీఓలు ఈ ప్రాంతం ప్రాధాన్యత విశిష్టతలను తెలుసుకున్నారు. నల్లమల పరిసరాలు, వన్యప్రాణుల మనుగడ, ప్రాధాన్యత, అడవుల అభివృద్ధిని తెలుసుకున్న అధికారులు.. తమ సర్వీసులో ఓ మధురానుభూతిగా నిలిచిపోతాయని అన్నారు. ఆదివారం తమ పర్యటన ముగించుకొని తీరిగి అకాడమీకి చేరుకోనున్నట్లు తెలిపారు. వారి వెంట స్థానిక ఎఫ్‌ఎస్‌ఓలు మౌనిక, నర్సింహులు తదితరులు ఉన్నారు.

● పాలమూరులో నాటి బొడ్డెమ్మ.. నేటి బతుకమ్మ ● వెయ్యేళ్ల చరిత్ర.. తరతరాల సాంస్కృతిక వారసత్వం ● కుప్పాంబిక కాలం నుంచే బొడ్డెమ్మ వేడుకలు ● వందమంది కవులతో ‘బతుకమ్మ మొగ్గలు’ ● ‘సాక్షి’తో పాలమూరు సాహితీ అధ్యక్షుడు డాక్టర్‌ భీంపల్లి శ్రీకాంత్‌ స్టేషన్‌ మహబూబ్‌నగర్‌: పూలను పేర్చి బతుకును కొలిచే పండుగ.. ఆడబిడ్డల ఆటపాటల్లో ఆత్మీయతను పంచే వేడుక.. ప్రకృతిని ఆరాధిస్తూ తెలంగాణ అస్తిత్వాన్ని చాటే సాంస్కృతిక సంబురం బతుకమ్మ. తరతరాలుగా వస్తున్న ఈ పండుగకు పాలమూరుతో విడదీయలేని అనుబంధం ఉంది. నేటి బతుకమ్మ వేడుకల వెనుక నాటి బొడ్డెమ్మ సంప్రదాయం, సంస్థానాల కాలం నాటి చరిత్ర, సాహిత్య పరిమళాలు దాగి ఉన్నాయని పాలమూరు సాహితీ అధ్యక్షుడు డాక్టర్‌ భీంపల్లి శ్రీకాంత్‌ వివరించారు. బతుకమ్మ పండుగ విశిష్టత, పాలమూరు సాహిత్యంలో దాని స్థానం గురించి ఆయన ‘సాక్షి’తో పంచుకున్న విశేషాలు ఆయన మాటల్లోనే.. నాటి బొడ్డెమ్మ.. నేటి బతుకమ్మ బతుకమ్మ పేరు విస్తృతంగా ప్రచారంలోకి రాకముందు దక్షిణ తెలంగాణలో బొడ్డెమ్మ సంప్రదాయం ప్రాచుర్యంలో ఉండేది. ఆడబిడ్డలంతా ఒకచోట చేరి ఆటపాటలతో సందడి చేసేవారు. కాలక్రమంలో ఈ సంప్రదాయం బతుకమ్మ వేడుకలతో మమేకమైందని చెప్పవచ్చు. ఈ పండుగకు సుదీర్ఘ చరిత్ర ఉంది. పాలమూరు ప్రాంతానికి చెందిన తొలి తెలుగు కవయిత్రిగా గుర్తింపు పొందిన కుప్పాంబిక 13వ శతాబ్దంలో తన రాజధాని బుద్ధపురం (నేటి భూత్పూర్‌)లో దసరా ఉత్సవాలను వైభవంగా నిర్వహించేవారు. ఆ ఉత్సవాల్లో బొడ్డెమ్మ వేడుకలకు ప్రత్యేక స్థానం ఉండేది. వేడుకల్లో పాల్గొన్న మహిళలకు చీరలు, బహుమతులు అందించి గౌరవించేవారు. సంస్థానాల్లోనూ ఘనంగా.. పాలమూరు ప్రాంతంలోని సంస్థానాల కాలంలోనూ దసరా ఉత్సవాలు అట్టహాసంగా జరిగేవి. జటప్రోలు, గద్వాల, వనపర్తి, ఆత్మకూరు, అలంపూర్‌, గోపాలపేట తదితర సంస్థానాల్లో మహిళలు బొడ్డెమ్మ వేడుకలను ప్రత్యేకంగా నిర్వహించేవారు. తెలంగాణలోని పలు సంస్థానాల్లోనూ ఈ సంప్రదాయం కొనసాగినట్లు చారిత్రక ఆధారాలు తెలియజేస్తున్నాయి. తరతరాలుగా కొనసాగుతున్న ఈ వేడుకలు నేటి బతుకమ్మ పండుగలోనూ సంస్కృతి, సంప్రదాయాల వారసత్వాన్ని చాటుతున్నాయి. బతుకమ్మపై విస్తృత సాహిత్యం పాలమూరు సాహిత్య ప్రపంచంలో బతుకమ్మకు ప్రత్యేక స్థానం ఉంది. ఈ పండుగ ఇతివృత్తంగా పలువురు కవులు, రచయితలు పద్యాలు, కవితలు, గేయాలు, కథలు రచించారు. 19వ శతాబ్దానికి చెందిన ప్రముఖ వాగ్గేయకారుడు వేపూరు హనుమద్దాసు రామాయణ గాథను బతుకమ్మ పాట రూపంలో రచించడం విశేషం. తెలంగాణ సంస్కృతి, సంప్రదాయాలను పాటల రూపంలో ప్రజలకు చేరువ చేయడంలో ఇలాంటి రచనలు కీలక పాత్ర పోషించాయి. నాగర్‌కర్నూల్‌ జిల్లా వంగూరు మండలం రంగాపురం గ్రామానికి చెందిన ప్రముఖ కవి, పరిశోధకులు గుండోజు యాదగిరి ‘సమ్మక్క సారలమ్మ బతుకమ్మ పాట’ పేరుతో ఒక పుస్తకాన్ని రచించారు. కల్వకుర్తికి చెందిన డా.ద్యాప విజితారెడ్డి ‘బతుకమ్మ పండుగ– పరిశీలన’ అంశంపై పరిశోధన చేశారు. వీరేకాక ఇంకా చాలామంది కవులు బతుకమ్మపై వివిధ ప్రక్రియల్లో రచనలు చేశారు. తెలంగాణ అస్తిత్వానికి పతాక రంగురంగుల పూలతో అలంకరించే బతుకమ్మ కేవలం పండుగ మాత్రమే కాదు.. ఊరువాడలను ఒక్కటి చేసే సామూహిక సంబురం. మహిళల ఆటపాటలు, ప్రకృతి ఆరాధన, ఆత్మీయత కలగలిసిన ఈ వేడుక తెలంగాణ సాంస్కృతిక వైభవానికి ప్రతీక. బతుకమ్మ పాటల్లో ప్రకృతి సౌందర్యం ప్రతిఫలిస్తుంది. ఈ పండుగ మహిళా జీవితాలకు ఆనందాన్ని పంచుతూ తెలంగాణ అస్తిత్వాన్ని తరతరాలకు చాటుతోంది. వందమంది కవులతో ‘బతుకమ్మ మొగ్గలు’ బతుకమ్మ సాహిత్యాన్ని మరింత విస్తృతంగా పాఠకులకు పరిచయం చేయాలనే ఉద్దేశంతో తన సంపాదకత్వంలో వందమంది కవులు రచించిన కవితలతో ‘బతుకమ్మ మొగ్గలు’ పుస్తకాన్ని పాలమూరు సాహితీ సంస్థ ఆధ్వర్యంలో ప్రచురించాం. 2019లో వనపర్తిలో మాజీ మంత్రి సింగిరెడ్డి నిరంజన్‌రెడ్డి ఈ పుస్తకాన్ని ఆవిష్కరించారు. మహబూబ్‌నగర్‌లో మరో కార్యక్రమంలో మాజీ మంత్రి వి.శ్రీనివాస్‌గౌడ్‌ ఆవిష్కరించారు. బతుకమ్మపై మరింత సాహిత్యం రావాల్సిన అవసరం ఎంతో ఉంది. బతుకమ్మ మొగ్గలు రంగురంగుల పూలతో అందంగా అలంకరిస్తూనే ఊరువాడంతటినీ ఏకం చేసే పండుగ తెలంగాణ సాంస్కృతిక ప్రతీక బతుకమ్మ బతుకమ్మ బతుకమ్మ ఊయ్యాల అంటూ పాడుతూనే మహిళామణులంతా ఆడుతూ వీనుల విందు చేస్తారు మహిళా జాతికి మణిహారం బతుకమ్మ పండుగ ఆడపడుచులు ప్రకృతి సౌందర్యాన్ని కీర్తిస్తూనే తీరొక్క పూలతో బతుకమ్మను ఆరాధిస్తారు తెలంగాణ అస్తిత్వానికి అసలైన పతాక బతుకమ్మ – డాక్టర్‌ భీంపల్లి శ్రీకాంత్‌

మన్ననూర్‌: రాష్ట్ర ఉపముఖ్యమంత్రి మల్లు భట్టి విక్రమార్క ఈ నెల 14న నల్లమల ప్రాంతంలో పర్యటించనున్నట్లు ఎమ్మెల్యే డా.చిక్కుడు వంశీకృష్ణ తెలిపారు. శనివారం మన్ననూర్‌లో 220/33 కేవీ సబ్‌స్టేషన్‌ నిర్మాణ ఏర్పాట్లను ఆయన పరిశీలించిన అనంతరం స్థానిక విలేకర్లతో మాట్లాడారు. అచ్చంపేట నియోజకవర్గంలో విద్యుత్‌ సమస్యను శాశ్వతంగా పరిష్కరించేందుకు గాను మన్ననూర్‌ పురుగుల గుట్ట వద్ద రూ. 69కోట్లతో చేపట్టే 220/33 కేవీ సబ్‌స్టేషన్‌ నిర్మాణానికి డిప్యూటీ సీఎం శంకుస్థాపన చేస్తారని చెప్పారు. సబ్‌స్టేషన్‌ నిర్మాణం పూర్తయితే ఈ ప్రాంతంలో లోఓల్టేజీ సమస్య తీరడంతో పాటు వినియోగదారులకు నాణ్యమైన విద్యుత్‌ అందుతుందన్నారు. సబ్‌స్టేషన్‌ నిర్మాణానికి శంకుస్థాపనతో పాటు పలు సంక్షేమ, అభివృద్ధి కార్యక్రమాల్లో డిప్యూటీ సీఎం పాల్గొంటారని ఆయన తెలిపారు. సమావేశంలో సర్పంచులు మంజుల రాజారాం, కోటయ్య, కాంగ్రెస్‌ పార్టీ మండల అధ్యక్షుడు ఎంఏ రహీం, ఉపసర్పంచ్‌ రమణగౌడ్‌, నాయకులు పంబలి బుచ్చయ్య, శ్రీనివాసులు, కుమారస్వామి, బాలస్వామి, మేరాజ్‌, తుల్చానాయక్‌, మధు ఉన్నారు.

కందనూలు: తెలంగాణ వచ్చాక నాగర్‌కర్నూల్‌కు మహర్ధశ పట్టింది. జిల్లాల పునర్వ్యవస్థీకరణలో భాగంగా 2016 అక్టోబర్‌ 11న జిల్లాగా ఏర్పాటు కావడంతో ఈ ప్రాంత ముఖచిత్రం పూర్తిగా మారిపోయింది. జిల్లా కేంద్రమైన నాగర్‌కర్నూల్‌ శరవేగంగా అభివృద్ధి చెందుతూ వస్తోంది. కలెక్టర్‌, ఎస్పీ, అడిషనల్‌ కలెక్టర్లు, అన్నిశాఖల ఉన్నతాధికారులు అందుబాటులోకి రావడంతో ప్రజలకు పాలన మరింత చేరువైంది. అధికారిక నిర్ణయాల్లో జాప్యం తగ్గింది. ప్రభుత్వ శాఖల కార్యాలయాల ఏర్పాటుతో పరిపాలనా కార్యకలాపాలకు కొత్తరూపం వచ్చింది. పాలనలో కొత్త పుంతలు.. జిల్లాలో మొత్తం 20 మండలాలు ఏర్పాటయ్యాయి. అలాగే రెవెన్యూ డివిజన్లుగా నాగర్‌కర్నూల్‌, అచ్చంపేట, కల్వకుర్తి, కొల్లాపూర్‌ కొనసాగుతున్నాయి. చిన్న చిన్న పల్లెలు, మారుమూల తండాలు గ్రామ పంచాయితీలుగా మారడంతో ఆయా గ్రామాల్లో స్వయం పాలనకు అడుగులు పడ్డాయి. వ్యవసాయమే ప్రధాన ఆధారం.. జిల్లా ఆర్థిక వ్యవస్థలో వ్యవసాయం కీలక పాత్ర పోషిస్తోంది. 2016లో జిల్లావ్యాప్తంగా 60వేల ఎకరాల్లో మాత్రమే వరిసాగు చేసేవారు. 2026లో లక్షా 80వేల ఎకరాలకు సాగు విస్తీర్ణం పెరిగింది. అలాగే పత్తి 3 లక్షల ఎకరాలు, మొక్కజొన్న 95వేల ఎకరాల్లో సాగుచేస్తున్నారు. పదేళ్ల కాలంలో పంటల సాగు రెండింతలు పెరిగింది. రైతులకు సాగునీరు.. మహాత్మాగాంధీ కల్వకుర్తి ఎత్తిపోతల పథకం ద్వారా మొత్తం 4.51 లక్షల ఎకరాలకు గాను 3.07 లక్షల ఎకరాలకు సాగునీరు అందుతుంది. ఈ పథకంతో అచ్చంపేట, ఉప్పునుంతల, తెలకపల్లి, లింగాల, బల్మూరు, కల్వకుర్తి మండలాల్లో సాగునీటి సమస్య తీరింది. అలాగే పాలమూరు – రంగారెడ్డి ఎత్తిపోతల పథకం ద్వారా 12.30లక్షల ఎకరాలకు సాగునీరు, పల్లెలకు తాగునీరు అందనుంది. మౌలిక వసతుల కల్పన.. జిల్లాలోని గ్రామీణ ప్రాంతాల్లో రహదారులు, తాగు నీరు, పారిశుద్ధ్యం, డ్రెయినేజీ వంటి మౌలిక వసతులు మరింత మెరుగుపడ్డాయి. ప్రజలకు అందుబాటులోకి రవాణా సదుపాయాలు, ప్రభుత్వ కార్యాలయాల్లో మెరుగైన సేవలు, పట్టణాల్లో పారిశుద్ధ్య నిర్వహణ వంటి అంశాలకు ప్రాధాన్యం పెరిగింది. నల్లమల అటవీ ప్రాంతం, అమ్రాబాద్‌ పులుల అభయారణ్యం వంటి ప్రకృతి సంపద జిల్లాకు ప్రత్యేక గుర్తింపు తీసుకొస్తున్నాయి. పర్యావరణ పరిరక్షణకు ప్రాధాన్యమిస్తూ.. పర్యాటక రంగం అభివృద్ధికి బాటలు వేస్తున్నారు. అటవీ ప్రాంతాల సమీపంలో నివసించే ప్రజల జీవనోపాధిని మెరుగుపరచడంతో పాటు ప్రకృతి సంపదను భవిష్యత్‌ తరాలకు కాపాడాల్సిన బాధ్యత కూడా ఉంది. కలెక్టరేట్‌ జిల్లా ఏర్పాటుతో ప్రజలకు చేరువైన పాలన అందుబాటులోకి మెరుగైన విద్య, వైద్యం సాగునీటి ప్రాజెక్టులతో గణనీయంగా పెరిగిన సాగు విస్తీర్ణం పర్యాటక ప్రాంతాల అభివృద్ధిపై ప్రత్యేక దృష్టి నేడు జిల్లా ఆవిర్భావ దినోత్సవం భవిష్యత్‌ లక్ష్యాలపై దృష్టిపెట్టాలి జిల్లాగా ఏర్పడి పదేళ్లు పూర్తవుతున్న సందర్భంగా ఇప్పటి వరకు జరిగిన అభివృద్ధిపై సమీక్షించుకోవడంతో పాటు, భవిష్యత్‌లో సాధించాల్సిన లక్ష్యాలపై దృష్టిసారించాల్సిన అవసరం ఉంది. జిల్లా ఏర్పాటుతో ప్రజలకు పరిపాలన మరింత చేరువయ్యే అవకాశం ఏర్పడింది. ప్రభుత్వ కార్యాలయాలు, సంక్షేమ పథకాలు, ప్రజా సమస్యల పరిష్కారంలో జిల్లా కేంద్రం కీలక పాత్ర పోషిస్తోంది. – రవికాంత్‌రావు, జిల్లా బార్‌ అసోసియేషన్‌ అధ్యక్షుడు, నాగర్‌కర్నూల్‌ మరింత అభివృద్ధి సాధించాలినాగర్‌కర్నూల్‌ జిల్లా మరింత అభివృద్ధి సాధించాల్సిన అవసరం ఉంది. ప్రజలకు జిల్లాస్థాయి పాలనతో పాటు విద్య, వైద్యం మెరుగుపర్చాలి. ఈ ప్రాంతంలో రైలుమార్గం అందుబాటులో లేకపోవడం, పాలిటెక్నిక్‌, ఇంజనీరింగ్‌ కళాశాలలు లేవు. పాలకులు శ్రద్ధ వహించి.. జిల్లాకు అన్ని సౌకర్యాలు కల్పించాలి. – శ్రీధర్‌, విశ్రాంత ఉద్యోగుల సంఘం జిల్లా అధ్యక్షుడు, నాగర్‌కర్నూల్‌ అందుబాటులో మెరుగైన వైద్యం జిల్లా ఏర్పాటు తర్వాత మెడికల్‌, నర్సింగ్‌ కళాశాలలతో పాటు డయాగ్నొస్టిక్‌ హబ్‌ ఏర్పాటైంది. ఏరియా ఆస్పత్రి నుంచి జిల్లా జనరల్‌ ఆస్పత్రి స్థాయికి అప్‌గ్రేడ్‌ అయింది. జిల్లాలోని పేదలకు మెరుగైన వైద్యసేవలు అందుబాటులోకి వచ్చాయి. పదేళ్ల ప్రస్థానం.. ముందున్న లక్ష్యాలు జిల్లా ఏర్పాటుతో పరిపాలనా సౌలభ్యం పెరిగినా.. అభివృద్ధి ఫలాలు జిల్లాలోని ప్రతి గ్రామానికి సమానంగా చేరాల్సిన అవసరం ఉంది. ప్రభుత్వ శాఖల మధ్య సమన్వయం, ప్రజా సమస్యల పరిష్కారంలో వేగం, అభివృద్ధి పనుల్లో పారదర్శకత కీలకంగా మారాయి. ప్రజాప్రతినిధులు, అధికారులు సమన్వయంతో పనిచేస్తూ ప్రజల అవసరాలకు అనుగుణంగా ప్రణాళికలు రూపొందించాల్సిన అవసరం ఉంది.

జిల్లా కేంద్రంలోని మినీ ట్యాంక్‌బండ్‌ జిల్లా పోలీసు కార్యాలయం జిల్లావ్యాప్తంగా మొత్తం 753 ప్రభుత్వ పాఠశాలల్లో 48,798 మంది, కేజీబీవీల్లో 7,098 మంది విద్యార్థులు విద్యనభ్యసిస్తున్నారు. అలాగే బీసీ, ఎస్సీ, ఎస్టీ గురుకులాలు, ఆదర్శ విద్యాలయాల ఏర్పాటుతో పేద విద్యార్థులకు మెరుగైన విద్య అందుబాటులోకి వచ్చింది. ఈ విద్యా సంవత్సరం కల్వకుర్తి, నాగర్‌కర్నూల్‌, కొల్లాపూర్‌ నియోజకవర్గాల్లో కొత్తగా యంగ్‌ ఇండియా ఇంటిగ్రేటెడ్‌ రెసిడెన్షియల్‌ పాఠశాలల నిర్మాణానికి రాష్ట్ర ప్రభుత్వం చర్యలు చేపట్టింది.

కందనూలు: జిల్లాలో రానున్న రబీ సీజన్‌లో ఆరుతడి పంటల సాగు చేసేలా రైతులకు ప్రోత్సహిస్తున్నామని కలెక్టర్‌ హేమంత కేశవ్‌ పాటిల్‌ అన్నారు. ప్రస్తుత వాతావరణ పరిస్థితులు, వ్యవసాయం, భూగర్భ జలాలు, తాగునీటి వసతి, ఇంకుడు గుంతల నిర్మాణం, పంచాయతీరాజ్‌ శాఖ పనితీరు, ప్రజలకు అవసరమైన మౌలిక సదుపాయాల కల్పనపై సీఎస్‌ సంజయ్‌జాజు శుక్రవారం హైదరాబాద్‌ నుంచి అన్ని జిల్లాల కలెక్టర్లతో వీసీ నిర్వహించారు. ఈ సందర్భంగా జిల్లాలో వ్యవసాయ పరిస్థితులను కలెక్టర్‌ వివరించారు. గత వానాకాలం సీజన్‌లో జిల్లాలో సుమారు 4.87 లక్షల ఎకరాల్లో పంటలు సాగు చేయగా, ప్రస్తుతం సాగు విస్తీర్ణం 1.41 లక్షల ఎకరాలకు తగ్గిందని వెల్లడించారు. ముఖ్యంగా పత్తితోపాటు వరి సాగుపైనా ప్రభావం పడినట్లు చెప్పారు. రానున్న రబీ సీజన్‌లో అందుబాటులో ఉన్న నీటి వనరులు, సాగుకు అనుకూలమైన పరిస్థితులను పరిగణలోకి తీసుకుని రైతులకు తగిన సూచనలు అందించడంతోపాటు ఆరుతడి పంటల సాగుపై దృష్టి సారించనున్నట్లు వివరించారు. అనంతరం జిల్లా అధికారులతో కలెక్టర్‌ మాట్లాడుతూ జిల్లాలో కరువు మండలాలను గుర్తించేందుకు చర్యలు తీసుకోవాలని, నీటిపారుదలకు సంబంధించిన గ్రామసభలు నిర్వహించి మాత్రమే సాగునీటిని విడుదల చేయాలని చెప్పారు. సమావేశంలో అదనపు కలెక్టర్లు చెన్నయ్య, దేవసహాయం, వివిధ శాఖల అధికారులు పాల్గొన్నారు.

మన్ననూర్‌: అమ్రాబాద్‌ పులుల రక్షిత అభయారణ్యంలోని గుండం సమీపంలో జంగిల్‌ సఫారీలో పర్యటిస్తున్న పర్యాటకులకు శుక్రవారం పెద్దపులి కనిపించింది. ఈ నెల 1న జంగిల్‌ సఫారీ పునఃప్రారంభించిన విషయం తెలిసిందే. ఈ క్రమంలో మరుసటి రోజు నుంచి తరుచుగా ప్రయాణికులు, పర్యాటకులకు పెద్దపులి కనిపిస్తుండటంతో ఆనందం వ్యక్తం చేస్తున్నారు. అభయారణ్యంలో వన్యప్రాణులతోపాటు పెద్దపులుల సంఖ్య గణనీయంగా పెరగడమే ఇందుకు కారణమని పలువురు చర్చించుకుంటున్నారు. నల్లమలలో శిక్షణ అధికారులు హైదరాబాద్‌ దూలపల్లి అటవీ శాఖలో శిక్షణ పొందుతున్న ఎఫ్‌ఎస్‌ఓలు, బీట్‌ ఆఫీసర్లు శుక్రవారం నల్లమల, అమ్రాబాద్‌ పులుల రక్షిత అభయారణ్యంలో పర్యటించారు. ఈ సందర్భంగా ఎఫ్‌డీఓ చంద్ర ప్రకాష్‌ సింఘాల్‌ సమక్షంలో మన్ననూర్‌లోని ఈసీ సెంటర్‌ను పరిశీలించిన అనతరం సఫారీ వాహనాల్లో ఫర్హాబాద్‌, వ్యూ పాయింట్లను సందర్శించారు. ఈ క్రమంలో ఇక్కడి పరిస్థితులు, అడవులు, వన్యప్రాణుల మనుగడ, ప్రకృతి ప్రేమికుల కోసం ఏర్పాటు చేసిన జంగిల్‌ సఫారీ తదితర వాటి గురించి శిక్షణ అధికారులకు వివరించారు.

కందనూలు: సైబర్‌ మోసాలపై అప్రమత్తంగా ఉండాలని ఎస్పీ సంగ్రామ్‌ సింగ్‌జీ పాటిల్‌ అన్నారు. తెలంగాణ సైబర్‌ సెక్యూరిటీ బ్యూరో ఆధ్వర్యంలో అక్టోబర్‌ నెలను సైబర్‌ అవేర్నెస్‌ (అవగాహన) మాసంగా నిర్వహిస్తున్న నేపథ్యంలో శుక్రవారం జిల్లా పోలీస్‌ కార్యాలయంలో సైబర్‌ క్రైం అవగాహన వాల్‌పోస్టర్‌ను ఆవిష్కరించారు. ఈ సందర్భంగా ఎస్పీ మాట్లాడుతూ డిజిటల్‌ యుగంలో రోజురోజుకూ పెరుగుతున్న సైబర్‌ మోసాల పట్ల ప్రజలు అప్రమత్తంగా ఉండాలని, ప్రతిఒక్కరూ ఆగండి.. ఆలోచించండి.. అడుగు వేయండి.. అనే మూడంచెల విధానం పాటించాలని సూచించారు. ఇంటి వద్ద నుంచే సులభంగా డబ్బు సంపాదించవచ్చని, రేటింగ్స్‌ ఇస్తే పార్ట్‌ టైం ఉద్యోగాలు ఇస్తామని చెప్పి పంపే వ్యాట్సాప్‌, టెలిగ్రాం మెసేజ్‌లను నమ్మవద్దని, తక్కువ సమయంలో ఎక్కువ లాభాలు ఇస్తామని చెప్పే నకిలీ ట్రేడింగ్‌ యాప్‌లు, క్రిప్టో కరెన్సీ స్కీంల పట్ల అప్రమత్తంగా ఉండాలన్నారు. అపరిచిత వ్యక్తుల నుంచి వచ్చే లింకులను క్లిక్‌ చేయవద్దని, బ్యాంక్‌, వ్యక్తిగత వివరాలను ఎవరితోనూ పంచుకోవద్దని పేర్కొన్నారు. ఒకవేళ సైబర్‌ మోసానికి గురైతే వెంటనే ఉచిత హెల్ప్‌లైన్‌ నంబర్‌ 1930కి ఫిర్యాదు చేయాలని సూచించారు. కార్యక్రమంలో ఏఎస్పీ వెంకటేశ్వర్లు, సైబర్‌ క్రైం ఎస్‌ఐ గిరిమనోహర్‌రెడ్డి, స్పెషల్‌ బ్రాంచ్‌ ఎస్‌ఐ శ్రీనివాస్‌, జిల్లా సైబర్‌ క్రైం టీం సభ్యులు తేజశ్రీ, రవికుమార్‌ పాల్గొన్నారు.

వీపనగండ్ల: వరి కొనుగోలు కేంద్రాల్లో ధాన్యాన్ని సేకరించే సమయంలో ప్రభుత్వ నిబంధనలు విధిగా పాటించాలని వ్యవసాయశాఖ ఏడీ తిప్పస్వామి ఆదేశించారు. శుక్రవారం మండలంలోని గోపల్‌దిన్నెలో చిన్నంబావి, వీపనగండ్ల మండలాల కొనుగోలు కేంద్రాల సిబ్బంది, వీఓఏల శిక్షణ కార్యక్రమానికి ఆయన హాజరై పలు సూచనలు చేశారు. కొనుగోలు కేంద్రాల్లో రైతులకు ఇబ్బందులు కలగకుండా తగిన వసతులు కల్పించడంతో పాటు నాణ్యమైన ధాన్యాన్ని సేకరించాలని, రైతులకు డబ్బులను సకాలంలో చెల్లించేందుకు అవసరమైన చర్యలు తీసుకోవాలన్నారు. కార్యక్రమంలో మండల వ్యవసాయ అధికారి డాకేశ్వర్‌గౌడ్‌, ఏపీఎం మద్దిలేటి పాల్గొన్నారు. మురిసిన పూల పండుగ

వంగూరు: రాష్ట్ర ముఖ్యమంత్రి రేవంత్‌రెడ్డి దసరా పండుగ కోసం స్వగ్రామానికి వస్తున్న సందర్భంగా పలు అభివృద్ధి కార్యక్రమాలకు ప్రారంభోత్సవం, శంకుస్థాపన చేయనున్నట్లు ఎమ్మెల్యే వంశీకృష్ణ తెలిపారు. ఈ మేరకు శుక్రవారం ఆయన సీఎం స్వగ్రామం కొండారెడ్డిపల్లిలో అధికారులతో సమీక్షా సమావేశం నిర్వహించి మాట్లాడారు. కొండారెడ్డిపల్లిలో ప్రభుత్వ ఆస్పత్రి ప్రారంభోత్సవం, ఏటీసీ సెంటర్‌కు శంకుస్థాపన చేస్తారన్నారు. సీఎం పర్యటన సందర్భంగా భారీ ఎత్తున జనసమీకరణ ఉండడంతో ఎలాంటి ఇబ్బందులు జరగకుండా పోలీసుశాఖ తగు చర్యలు చేపట్టాలని సూచించారు. అలాగే సాంస్కృతిక కార్యక్రమాలను నిర్వహించాలని, అభివృద్ధి కార్యక్రమాలను ప్రభుత్వ శాఖల వారిగా సిద్ధం చేయాలని అన్నారు. సీఎం మధ్యాహ్నం ఒంటిగంటలోగా కొండారెడ్డిపల్లికి చేరుకుని రాత్రి 8 గంటల ప్రాంతంలో రోడ్డు మార్గాన కొడంగల్‌ బయలుదేరుతారని చెప్పారు. సమావేశంలో సీఎం సోదరుడు, గ్రామ అభివృద్ధి కమిటీ చైర్మన్‌ కృష్ణారెడ్డి, సర్పంచ్‌ వెంకటయ్య, ఉపసర్పంచ్‌ వేమారెడ్డి తదితరులు పాల్గొన్నారు. ఎమ్మెల్యే వంశీకృష్ణ

మారిన జీవనశైలి.. ఉరుకులు, పరుగుల జీవితం, సమయానికి ఆహారం తీసుకోకపోవడం, పాస్ట్‌ఫుడ్‌, అధిక చక్కెర కలిగిన పానియాలు తీసుకోవడం, నిద్రలేమి వంటివి ఆరోగ్య సమస్యలకు దారితీస్తున్నాయి. గంటల తరబడి కూర్చొని పనిచేయడం, వ్యాయామానికి సమయం కేటాయించకపోవడం వల్ల శరీరంలో కొవ్వు పెరిగి మధుమేహం, అధిక రక్తపోటు వచ్చే ప్రమాదం పెరుగుతోంది. కుటుంబ చరిత్రలో ఈ వ్యాధులు ఉండటం కూడా ముప్పును పెంచుతుంది. లక్షణాలు కనిపించకుండానేబీపీ, షుగర్‌ వ్యాధులు ప్రారంభ దశలో స్పష్టమైన లక్షణాలు చూపకపోవచ్చు. అందువల్ల చాలామంది తమకు వ్యాధి ఉన్న విషయాన్ని గుర్తించలేకపోతున్నారు. సాధారణ ఆరోగ్య పరీక్షలు చేయించుకున్నప్పుడు అనుకోకుండా బయటపడుతున్న సందర్భాలూ ఉన్నాయి. తరచూ దాహం వేయడం, మూత్ర విసర్జన పెరగడం, అలసట వంటి లక్షణాలు మధుమేహంలో కనిపించవచ్చు. అయితే లక్షణాలు లేకపోయినా వ్యాధి ఉండే అవకాశం ఉంది. అందుకే వయసు, కుటుంబ చరిత్ర, ఇతర ఆరోగ్య ప్రమాదాలను బట్టి వైద్యుల సూచన మేరకు పరీక్షలు చేయించుకోవాలని వైద్యులు సూచిస్తున్నారు. చిన్న వయసులోనే.. 30 ఏళ్లకే బీపీ, షుగర్‌ వస్తే వాటిని నిర్లక్ష్యం చేయడం భవిష్యత్‌లో తీవ్ర సమస్యలకు దారితీయవచ్చు. నియంత్రణలో లేని మధుమేహం, అధిక రక్తపోటు గుండె జబ్బులు, మూత్రపిండాల సమస్యలు, చూపు దెబ్బతినడం, పక్షవాతం వంటి సమస్యల ప్రమాదాన్ని పెంచుతాయి. చిన్న వయసులోనే వ్యాధులు నిర్ధారణ కావడంతో దీర్ఘకాలం పాటు ఆరోగ్యంపై శ్రద్ధ చూపాల్సిన అవసరం ఏర్పడుతుంది. కందనూలు: ఒకప్పుడు 50 ఏళ్లు దాటిన వారిలో ఎక్కువగా కనిపించే అధిక రక్తపోటు (బీపీ), మధుమేహం (షుగర్‌) వంటి వ్యాధులు ప్రస్తుత కాలంలో 30 ఏళ్లకే పలకరిస్తున్నాయి. జిల్లాలో వైద్య, ఆరోగ్య శాఖ ఆధ్వర్యంలో నిర్వహిస్తున్న నాన్‌ కమ్యూనికేబుల్‌ డీసీజెస్‌ (ఎన్‌సీడీ) సర్వేలో బీపీ, షుగర్‌ బారిన పడినవారు బయటపడుతున్నారు. మారుతున్న జీవనశైలి, శారీరక శ్రమ తగ్గడం, ఆహారపు అలవాట్లలో మార్పులు, మానసిక ఒత్తిడి వంటి అంశాలు ఆరోగ్యంపై తీవ్ర ప్రభావం చూపుతున్నాయి. ఫలితంగా చిన్న వయసులోనే బీపీ, షుగర్‌ బారిన పడుతున్న వారి సంఖ్య పెరుగుతుండటం ఆందోళన కలిగిస్తోంది. ముందస్తు పరీక్షలు బీపీ, షుగర్‌ను ముందుగానే గుర్తిస్తే సరైన చికిత్స, జీవనశైలిలో మార్పులతో వాటిని నియంత్రణలో ఉంచుకోవచ్చు. బీపీ, షుగర్‌ వ్యాధులు ప్రారంభ దశలో స్పష్టమైన లక్షణాలు కనిపించకుండానే ఉండే అవకాశం ఉంది. దీంతో చాలామంది తమకు వ్యాధి ఉన్న విషయాన్ని గుర్తించలేకపోతున్నారు. సొంత వైద్యం, అపోహలకు దూరంగా ఉండాలి. యువత ఆరోగ్యంపై ప్రత్యేక శ్రద్ధ చూపుతూ క్రమం తప్పకుండా వైద్య పరీక్షలు చేయించుకోవాలి. సర్వేలో వ్యాధుల గుర్తింపు.. వైద్య, ఆరోగ్య శాఖ ఆధ్వర్యంలో జిల్లాలో నిర్వహిస్తున్న ఎన్‌సీడీ సర్వేలో మధుమేహం, రక్తపోటు వంటి దీర్ఘకాలిక వ్యాధుల బారిన ఎంతమంది పడుతున్నారో తెలుసుకుంటున్నారు. జాతీయ ఆరోగ్య మిషన్‌ పథకంలో భాగంగా అన్ని ప్రభుత్వ ప్రాథమిక ఆరోగ్య కేంద్రాలు, కమ్యూనిటీ హెల్త్‌ సెంటర్లు, పట్టణ ఆరోగ్య కేంద్రాలు, జిల్లా ఆస్పత్రులు.. ఇలా అన్నింటిలోనూ బీపీ, షుగర్‌ పరీక్షలు చేస్తున్నారు. 2011 జనాభా లెక్కల ప్రకారం జిల్లాలో 9,18,917 మంది జనాభా ఉండగా.. 30 ఏళ్ల పైబడిన వారు 4,84,885 మంది ఉన్నట్లు గుర్తించారు. ఇప్పటి వరకు 3,63,919 మందికి వైద్య పరీక్షలు నిర్వహించగా.. మధుమేహం ఉన్నవారు 37,842 మంది, రక్తపోటు (బీపీ) ఉన్నవారు 64,880 మంది ఉన్నట్లు గుర్తించి, వారికి వైద్యంతోపాటు అవసరమైన మందులు అందిస్తున్నారు. వారి వివరాలను వెబ్‌ పోర్టల్‌లో నమోదు చేసి ఎన్‌సీడీ కార్డు ఇస్తున్నారు. జిల్లాను పీడిస్తున్న దీర్ఘకాలిక వ్యాధులు ఆరోగ్యంపై నిర్లక్ష్యమే ప్రధాన కారణం మారుతున్న ఆహారపు అలవాట్లతో తీవ్ర ముప్పు వైద్య పరీక్షల్లో వెలుగు చూస్తున్న వాస్తవాలు జిల్లాలో కొనసాగుతున్న ఎన్‌సీడీ సర్వే

● ఆర్టీసీలో గుర్తింపు సంఘం ఎన్నికల్లో టీడబ్ల్యూయూ కూటమి విజయఢంకా ● రీజియన్‌లోని 10 డిపోలకు గాను 8 చోట్ల గెలుపు మహబూబ్‌నగర్‌ మున్సిపాలిటీ/ కందనూలు/ అచ్చంపేట రూరల్‌/ కొల్లాపూర్‌/ కల్వకుర్తి టౌన్‌: ఆర్టీసీలో శుక్రవారం జరిగిన గుర్తింపు సంఘం ఎన్నికలలో టీడబ్ల్యూయూ కూటమి విజయఢంకా మోగించింది. మహబూబ్‌నగర్‌ రీజియన్‌ పరిధిలోని పది డిపోలకు గాను ఎనిమిది చోట్ల ‘బాణం’ దూసుకెళ్లింది. గద్వాలలో ఈయూ అలయెన్స్‌ (నిచ్చెన గుర్తు), షాద్‌నగర్‌లో టీజేఎంయూ (గద గుర్తు) గెలుపొందినట్లు అనధికారికంగా వెల్లడైంది. సాయంత్రం 6.30 గంటల నుంచి లెక్కింపు చేపట్టి గంట నుంచి రెండు గంటల వ్యవధిలోనే ఫలితాలను వెల్లడించారు. మహబూబ్‌నగర్‌ డిపోలో మాత్రం రాత్రి 10 గంటల తర్వాతే జిల్లా కార్మిక శాఖ అధికారులు ప్రకటించారు. ఇక లెక్కింపు పూర్తయిన అనంతరం బ్యాలెట్‌ బాక్స్‌లను సీల్‌ చేసి ఐదు జిల్లాకేంద్రాల్లోని డీసీఎల్‌ కార్యాలయాల్లో భద్రపరిచారు. ఈ నెల 17న తుది ఫలితాలను కార్మిక శాఖ అధికారులు అధికారికంగా వెల్లడించనున్నారు.

అచ్చంపేట: ఓటరు జాబితాను పక్కాగా రూపొందించేందుకు ఎన్నికల సంఘం చేపట్టిన స్పెషల్‌ ఇంటెన్సివ్‌ రివిజన్‌ (సర్‌) ప్రక్రియ అధికారుల పాలనపై తీవ్ర ప్రభావం చూపుతోంది. రెవెన్యూ, మున్సిపల్‌ అధికారులతో పాటు అంగన్‌వాడీ టీచర్లు, ఇతర సిబ్బంది అంతా సర్‌ విధుల్లోనే నిమగ్నమయ్యారు. ఫలితంగా సాధారణ కార్యాలయ పనులు, పౌర సేవలు, ఫిర్యాదుల పరిష్కారం వంటి రోజువారీ వ్యవహారాల్లో తీవ్ర జాప్యం జరుగుతోంది. పలు కార్యాలయాల్లో సిబ్బంది లేక కుర్చీలన్నీ ఖాళీగానే కనిపిస్తున్నాయి. సర్‌ ప్రక్రియను సాకుగా చూపుతూ.. కొందరు అధికారులు, సిబ్బంది విధులకు డుమ్మా కొడుతున్నారని తెలుస్తోంది. ప్రజలు తమ సమస్యలపై కార్యాలయానికి వస్తే.. సర్‌ ప్రక్రియ ముగిసే వరకు సార్‌ రారనే సమాధానం సిబ్బంది నుంచి వస్తోంది. ఈ క్రమంలో అచ్చంపేట మున్సిపాలిటీలో నెలకొన్న సమస్యలను పరిష్కరించడంలో పుర కమిషనర్‌ అనుసరిస్తున్న తీరుపై స్థానిక ఎమ్మెల్యే డా.చిక్కుడు వంశీకృష్ణ తీవ్రంగా మందలించారు. గత జూన్‌ 5న పట్టణాభివృద్దికి రూ. 25కోట్లు మంజూరు చేయాలని ఎమ్మెల్యే వంశీకృష్ణ సీఎం రేవంత్‌రెడ్డికి లేఖ రాయగా.. సీడీఎంఏ నుంచి ప్రతిపాదనలు పంపాలని ఆగస్టు 26న మున్సిపల్‌ కార్యాలయానికి లేఖ అందింది. ఆ లేఖ అంది నెలరోజులు గడిచినా ప్రతిపాదనలను ఎందుకు పంపించలేదని ప్రశ్నించగా.. సర్‌ ప్రక్రియ, ఇతరత్రా కారణాలు చెప్పినట్లు తెలిసింది. పండింగ్‌లో పనులు.. ఇందిరమ్మ ఇళ్లు, జనన, మరణ ధ్రువీకరణ, మ్యుటేషన్లు, భవన నిర్మాణ అనుమతులు తదితర పనుల కోసం కార్యాలయాలకు వచ్చే ప్రజలకు అధికారులు అందుబాటులో లేకుండా పోతుండటంతో ఉసూరుమంటూ వెనుదిరుగుతున్నారు. అలాగే పరిపాలనా వ్యవస్థలు, విభాగాల పునర్వ్యవస్థీకరణ, పెరుగుతున్న పౌర ఫిర్యాదులు వంటి అంశాలు సవాళ్లుగా మారాయి. ఓటరు జాబితా సవరణ కీలకమైనదే అయినప్పటికీ.. ప్రజలకు అవసరమైన సేవలు ఆగకూడదనే అభిప్రాయాలు వ్యక్తమవుతున్నాయి. సర్‌ విధులకు వెళ్లిన సిబ్బందికి ప్రత్యామ్నాయంగా వారి పనులుచేసే ఇతర సిబ్బందిని కేటాయించడం, ముఖ్యమైన పౌర సేవలకు ప్రత్యేక బృందాలను ఏర్పాటు చేయడం, ఫిర్యాదుల పరిష్కారానికి ప్రత్యేక డెస్క్‌లు ఏర్పాటు చేయడం వంటి చర్యలు చేపట్టాలని ప్రజలు కోరుతున్నారు. రెవెన్యూ, మున్సిపల్‌ కార్యాలయాల్లో పడకేసిన కార్యకలాపాలు సర్‌ ప్రక్రియలో అధికారులు, సిబ్బంది తలమునకలు కార్యాలయాల్లో ముందుకు కదలని ఫైళ్లు ప్రజలకు తప్పని ఇబ్బందులు ప్రజలకు ఇబ్బందులు లేకుండా.. సర్‌ ప్రక్రియలో భాగంగా నోటీసులు అందజేసిన ఓటర్ల హియరింగ్‌, ఫీల్డ్‌ విజిట్‌లో ఉండటంతో ఇబ్బందులు ఏర్పడ్డాయి. ఇప్పడు సర్‌ ప్రక్రియ దాదాపు పూర్తి కావడంతో అందరికీ అందుబాటులో ఉంటున్నాం. రూ. 25కోట్లకు సంబంధించిన అభివృద్ది పనుల ప్రణాళిక కూడా సిద్ధంచేసి సీడీఎంఏకు పంపించాం. ప్రజలకు ఇబ్బందులు కలుగకుండా పరిపాలన కార్యక్రమాలు కొనసాగిస్తున్నాం. మున్సిపల్‌ కార్మికులు, సిబ్బందికి ఎప్పటికప్పుడు జీతభత్యాలు చెల్లిస్తున్నాం. – మురళి, మున్సిపల్‌ కమిషనర్‌, అచ్చంపేట

జూరాల ఆయకట్టు రైతుల ఆక్రందన ఎడమ కాల్వకు సాగు నీళ్లు ఇవ్వలేమని అధికారుల ప్రకటన క్రమంలో గత నెల 16న ప్రాజెక్ట్‌ సమీపంలోని ఆత్మకూరు, అమరచింత మండలాలకు చెందిన రైతులు ఆందోళన బాటపట్టారు. 17, 18 తేదీల్లో సైతం నిరసనలు తెలిపినా.. ప్రజాప్రతినిధులు గాని, అధికారులు గాని పట్టించుకోలేదు. ఈ క్రమంలో 19న ఎడమ కాల్వ హెడ్‌ రెగ్యులేటరీ వద్ద ఆందోళన చేస్తున్న రైతులకు సీపీఎం నాయకులు, శ్రేణులు మద్దతు తెలిపాయి. జూరాల ప్రాజెక్ట్‌ ముఖద్వారం వద్ద బీజేపీ సైతం రైతులకు సంఘీభావంగా ఆందోళనకు దిగింది. దీంతో అక్కడికి చేరుకున్న పీజేపీ అధికారులు నీరు విడుదల చేయలేమని చెప్పడంతో ఆగ్రహించిన రైతులు వారితో వాగ్వాదానికి దిగడంతోపాటు స్వయంగా ఎడమ కాల్వ పరిధిలో రెండు గేట్లు ఎత్తి నీటిని విడుదల చేశారు. ఆ తర్వాత పోలీసులు భారీ సంఖ్యలో అక్కడికి చేరుకోవడం.. తెరిచిన గేట్లు బంద్‌ చేయడం తెలిసిందే. ఆ తర్వాత రోజు బీఆర్‌ఎస్‌ ఆందోళనలకు పిలుపునివ్వగా.. పలువురు నేతలను గృహనిర్బంధం చేశారు. సాక్షి ప్రతినిధి, మహబూబ్‌నగర్‌: ఆరుగాలం కష్టపడి సాగుచేసిన పంట కళ్ల ముందే ఎండిపోతుంటే ఏ రైతు చూస్తూ ఊరుకోగలడు.. నాటిన పైరుకు నీరందించి బతికించుకునేందుకు నానా తంటాలు పడుతాడు. ఇదే కోవలో సాగునీటి కోసం అలమటిస్తున్న జూరాల ఎడమ కాల్వ ఆయకట్టు రైతులు చేసిన పని నేరమైంది. ఎల్‌నినో, వర్షాభావంతో ఎండిపోతున్న తమ పంటలను కాపాడుకునేందుకు ఆందోళనకు దిగిన ఆ అన్నదాతలు స్వయంగా నీటిని విడుదల చేసుకోగా.. వారిపై పోలీసులు నాన్‌బెయిలబుల్‌ కేసులు నమోదు చేశారు. పోలీసుల చర్యలతో వనపర్తి జిల్లాలోని అమరచింత, ఆత్మకూర్‌ మండలాల్లో ఉద్విగ్న పరిస్థితులు నెలకొనగా.. ఉమ్మడి పాలమూరు వ్యాప్తంగా కలకలం రేగింది. సాగు నీరివ్వమని అడిగితే కేసులు పెడతారా అంటూ సదరు రైతులు ప్రశ్నిస్తుండగా.. ప్రభుత్వ తీరుపై రైతు, ప్రజా సంఘాలు, ప్రతిపక్ష పార్టీలు భగ్గుమంటున్నాయి. గత నెల 19న జరిగిన ఘటనను సీరియస్‌గా తీసుకున్న ప్రభుత్వం సదరు ఆందోళనకారులపై చర్యలు తీసుకోవాలనే ఆదేశంతో నందిమళ్ల డివిజన్‌ డీఈ అదే రోజు అమరచింత పోలీస్‌స్టేషన్‌లో ఫిర్యాదు చేశారు. ఈ మేరకు ఆత్మకూర్‌ మండలంలోని ఆరేపల్లి, మూలమళ్ల, కత్తేపల్లి, వీరరాఘవపురం, అమరచింత మండలంలోని నందిమళ్ల, అమరచింత గ్రామాలకు చెందిన 14 మంది రైతులు (కృష్ణారెడ్డి– వీరరాఘవాపురం, రాజు– మోట్లంపల్లి, కురుమూర్తి– నందిమళ్ల, జీఎస్‌ గోపి– అమరచింత, ఎండీ జబ్బార్‌– పాన్‌గల్‌, షరీఫ్‌, నరేష్‌– మూలమళ్ల, శేఖర్‌రెడ్డి– గుంటిపల్లి, ఏటి భాస్కర్‌, ఏటి లక్ష్మణ్‌, దేవేందర్‌, వేణు– ఆరేపల్లి, నర్సింహ, సద్దల భాను)పై కేసులు నమోదు చేశారు. బీఎన్‌ఎస్‌ 132, 305(2), 352, 221, 126(2), 329(3), 189(2), 191(2), 324(4), 190 బీఎన్‌ఎస్‌ అండ్‌ సెక్షన్‌ 3 పీడీపీపీ, ఎసీటీ సెక్షన్ల కింద నాన్‌బెయిలబుల్‌ కేసులు నమోదు చేయడం 20 రోజుల తర్వాత ఆలస్యంగా గురువారం వెలుగులోకి వచ్చింది. దీంతో బీఆర్‌ఎస్‌ నాయకులు ఆత్మకూరు సర్కిల్‌ కార్యాలయానికి చేరుకుని సీఐతో భేటీ అయ్యారు. రైతులపై అక్రమ కేసులు పెట్టడం దారుణమంటూ నిలదీశారు. రైతులపై నాన్‌బెయిలబుల్‌ కేసులు నమోదు చేయడంపై వివిధ రైతు, ప్రజా సంఘాలు, వామపక్షాలు, ప్రతిపక్ష పార్టీల నేతలు మండిపడుతున్నారు. అన్నదాతలను నేరస్థుల్లా చూడడం దారుణమని, పంటలకు నీరివ్వడం చేతకాకపోగా.. రైతులపై కేసులు బనాయించడం ప్రభుత్వ నిరంకుశత్వానికి నిదర్శనమని ఆగ్రహం వ్యక్తం చేస్తున్నారు. రైతులపై పెట్టిన నాన్‌బెయిలబుల్‌ కేసులను తక్షణమే బేషరతుగా ఉపసంహరించుకోవాలని.. అలాగే చివరి ఆయకట్టు వరకూ ఎండిపోతున్న పంటలకు సాగునీరు ఇవ్వాలని డిమాండ్‌ చేస్తున్నారు. లేనిపక్షంలో జూరాల ఆయకట్టుతోపాటు ఉమ్మడి జిల్లావ్యాప్తంగా ఆందోళనలను ఉధృతం చేస్తామని హెచ్చరిస్తున్నారు. ఎడమ కాల్వకు నీరు విడుదల చేసిన రైతులపై నాన్‌బెయిలబుల్‌ కేసులు కలకలం రేపుతున్న పోలీసుల చర్యలు అమరచింత, ఆత్మకూర్‌ మండలాల్లో ఉద్విగ్న పరిస్థితులు భగ్గుమంటున్న ప్రజా, రైతు సంఘాలు, ప్రతిపక్ష పార్టీల నేతలు ఇందిరా ప్రియదర్శిని జూరాల ప్రాజెక్ట్‌ పరిధిలో కుడి, ఎడమ కాల్వల కింద జోగుళాంబ గద్వాల, వనపర్తి జిల్లాల్లో రైతులు ఈ వానాకాలం సీజన్‌లో సుమారు 1.15 లక్షల ఎకరాల వరకు సాగు చేశారు. అయితే వర్షాభావ పరిస్థితుల్లో ప్రభుత్వం ఆరుతడి పంటలకే సాగు నీరందిస్తామని చెప్పినప్పటికీ.. లక్ష ఎకరాలకు పైగా వరి సాగైంది. ప్రస్తుతం పొట్ట దశలో ఉన్న పంటకు నీటి తడులు అవసరం కాగా.. భవిష్యత్‌లో తాగునీటికి ఇబ్బందులు ఎదురవుతాయనే ఉద్దేశంతో ఎడమ కాల్వకు నీరివ్వలేమని అధికారులు ప్రకటించారు. ఈ ఆయకట్టులో వనపర్తి జిల్లాలోని ఆత్మకూరు, అమరచింత, మదనాపురం, పెబ్బేరు, కొత్తకోట, శ్రీరంగాపురం, వీపనగండ్ల, చిన్నంబావి మండలాల్లో మొత్తం 85 వేల ఎకరాలు ఉండగా.. అధికారుల ప్రకటనతో రైతులు బెంబేలెత్తారు.

48 గంటల ముందే.. ఎన్నికల ప్రచారం ఈ నెల 1 నుంచి 7 వరకు కొనసాగింది. మహబూబ్‌నగర్‌ రీజియన్‌ పరిధిలో అధికార పార్టీ కాంగ్రెస్‌ మద్దతుతో టీడబ్ల్యూయూ ఎన్నికల బరిలో నిలిచింది. ఈ కూటమిలో ఎస్‌డబ్ల్యూఎఫ్‌, టీఎంయూ (అశ్వత్థామరెడ్డి వర్గం) ఉండగా బాణం గుర్తు కేటాయించారు. మరో కూటమిలో ఈయూతోపాటు టీఎంయూ (థామస్‌రెడ్డి వర్గం), ఎన్‌ఎంయూ ఉండగా రాష్ట్రస్థాయిలో బస్సు, రీజియన్‌ స్థాయిలో నిచ్చెన గుర్తు కేటాయించారు. ఈ రెండు కూటములతోపాటు టీజేఎంయూ ఒంటరిగా గద గుర్తుతో పోటీ చేస్తోంది. ప్రచారంలో భాగంగా ఈ నెల 1, 2 తేదీల్లో ఈయూ అలయెన్స్‌కు చెందిన రాష్ట్రస్థాయి నాయకులు పది డిపోలలో విస్తృతంగా ప్రచారం నిర్వహించారు. ఇక ఈనెల 5న టీడబ్ల్యూయూ కూటమికి చెందిన రాష్ట్రస్థాయి నాయకులు వనపర్తిలో ప్రచారం చేశారు. అలాగే వారం రోజులపాటు ఆయా డిపోలలో స్థానిక నాయకులు ప్రచారం చేశారు. వాస్తవానికి పోలింగ్‌కు 48 గంటల ముందే ప్రచారం ముగిసినా.. ఈ నెల 8న ఓటర్లను వ్యక్తిగతంగా నాయకులు కలిసి తమకే ఓటు వేయాలని విన్నవించడం గమనార్హం. ప్రధానంగా ఈ రెండు కూటముల మధ్యే పోటీ ఉంటుందని భావిస్తున్నారు. వీరిలో ఏ కూటమి ఎక్కడెక్కడ గెలుస్తుందో 24 గంటల్లోనే అనధికారికంగా బయట పడనుంది. మొదట క్లాస్‌–3, ఆ తర్వాతే క్లాస్‌–6 ఓట్లను లెక్కించనున్నారు. మహబూబ్‌నగర్‌ మున్సిపాలిటీ: ఉమ్మడి మహబూబ్‌నగర్‌ రీజియన్‌ పరిధిలోని పది డిపోలలో శుక్రవారం ఆర్టీసీ గుర్తింపు సంఘం ఎన్నికలకు పోలింగ్‌ జరగనుంది. ఆయా డీఎం కార్యాలయాల్లో ఉదయం 5 నుంచి సాయంత్రం 6 గంటల వరకు ఈ ప్రక్రియ కొనసాగనుంది. పోలింగ్‌ ముగిసిన 15 నిమిషాల తర్వాత ఎక్కడికక్కడే ఓట్లను కార్మిక శాఖ అధికారులు లెక్కించి ఉన్నతాధికారులకు నివేదించనున్నారు. అయితే అధికారికంగా ఈ నెల 17న ఎన్నికల ఫలితాలను ప్రకటిస్తారు. అందుకు గాను ఈపాటికే అన్ని ఏర్పాట్లు చేశారు. గురువారమే ఆయా ప్రాంతాలకు బ్యాలెట్‌ బాక్సులు, బ్యాలెట్‌ పేపర్లు, ఎన్నికల సామగ్రిని పంపించారు. ప్రతి డిపోలో ఒక్కొక్క పోలింగ్‌ బూత్‌ ఏర్పాటు చేశారు. అదే శాఖకు చెందిన ప్రిసైడింగ్‌ ఆఫీసర్‌తోపాటు ఇద్దరు పోలింగ్‌ ఆఫీసర్లు విధుల్లో ఉంటారు. అవసరమైన చోట అదనంగా మరొకరు సిబ్బంది అందుబాటులో ఉంటారు. కాగా, ఆన్‌ డ్యూటీలో ఉన్న డ్రైవర్లు, కండక్టర్లు, గ్యారేజీ సిబ్బంది పోస్టల్‌ బ్యాలెట్‌ వినియోగించుకోనున్నారు. ఈ నెల 14న ఆయా జిల్లాకేంద్రాల్లోని డీసీఎల్‌ కార్యాలయంలో వీరికి పోస్టల్‌ బ్యాలెట్‌ పంపిణీ చేయనున్నారు. మరుసటి రోజు పూర్తి చేసినవి తిరిగి అందజేయాల్సి ఉంటుంది. ఆర్టీసీలో గుర్తింపు సంఘం ఎన్నికలకు ఏర్పాట్లు పూర్తి రీజియన్‌లోని 10 డిపోలలో ఓటేయనున్న 3,062 మంది ఆన్‌ డ్యూటీలో ఉన్న వారికి 14న పోస్టల్‌ బ్యాలెట్‌ పంపిణీ 15న 5 జిల్లాకేంద్రాల్లోని డీసీఎల్‌లో అందజేతకు అవకాశం 17న అధికారికంగా తుది ఫలితాలు వెల్లడి 3,062 మంది ఓటర్లు రీజియన్‌ పరిధిలోని పది డిపోలలో మొత్తం 3,098 మంది ఓటర్లు అర్హత సాధించినట్లు గత నెల 26న జిల్లా కార్మిక శాఖ అధికారులు ప్రకటించారు. అయితే వీరిలో కొందరు రిటైర్డ్‌ కావడంతో తాజాగా 3,062 మంది ఓటర్లుగా నిర్ధారించారు. వీరిలో మహబూబ్‌నగర్‌ డిపో పరిధిలో 410 మంది, ఆర్‌ఎం కార్యాలయ సిబ్బంది 41 మంది, వనపర్తి డిపోలో 389 మంది, గద్వాల డిపోలో 371 మంది, కల్వకుర్తి డిపోలో 354 మంది, అచ్చంపేట డిపోలో 307 మంది, నారాయణపేట, నాగర్‌కర్నూల్‌ డిపోలలో 285 మంది చొప్పున, షాద్‌నగర్‌ డిపోలో 284 మంది, కొల్లాపూర్‌ డిపోలో 226 మంది, కోస్గి డిపోలో 110 మంది ఉన్నారు. ఒక్కొక్కరు రెండేసి ఓట్లు వేయాల్సి ఉంటుంది. రాష్ట్రస్థాయి (క్లాస్‌–3)లో తెలుపు రంగు, రీజియన్‌ స్థాయి (క్లాస్‌–6)లో ఆకుపచ్చ రంగులో బ్యాలెట్‌ పేపర్‌ ముద్రించారు. ఇక ఎక్కడా ఎలాంటి అవాంఛనీయ ఘటనలు చోటు చేసుకోకుండా ఆయా పోలింగ్‌ కేంద్రాల వద్ద పోలీసులతో గట్టి బందోబస్తు కల్పిస్తున్నారు.

కందనూలు: జాతీయ మెడికల్‌ కౌన్సిల్‌ సూచించిన విధంగా ఇంటర్‌షిప్‌ కాలంలో ప్రతి గ్రాడ్యుయేట్‌ వైద్యుడికి స్టైఫండ్‌ పారితోషికాన్ని చెల్లించాలని ఫారెన్‌ మెడికల్‌ గ్రాడ్యుయేట్‌ అసోసియేషన్‌ జిల్లా అధ్యక్షుడు డా.సాయిశశాంక్‌ ప్రభుత్వాన్ని డిమాండ్‌ చేశారు. గురువారం జిల్లా ఆస్పత్రి ప్రధాన గేట్‌ ఎదుట నిరసన కార్యక్రమం చేపట్టారు. ఈ సందర్భంగా ఆయన మాట్లాడుతూ.. గత జనవరి నుంచి నేటి వరకు ప్రభుత్వం నుంచి ఎలాంటి స్టైఫండ్‌ స్వీకరించలేదన్నారు. ఆస్పత్రుల్లో క్యాజువాలిటీ, ఇంటెన్సిస్‌ కేర్‌ యూనిట్‌, అన్ని విభాగాల ఓపీ సేవలు 24 గంటలపాటు అందిస్తున్నామని.. సమాన పనికి సమాన పారితోషికం చెల్లించి న్యాయం చేయాలని కోరారు. కార్యక్రమంలో ఇంటెన్సివ్‌ వైద్యులు సమీర్‌, హిమాని, అక్షిత, నవీన్‌ పాల్గొన్నారు. అవగాహనతోనే ఎయిడ్స్‌ నియంత్రణ కందనూలు: హెచ్‌ఐవీ/ఎయిడ్స్‌ నివారణకు తీసుకోవాల్సిన జాగ్రత్తలపై పాఠశాల, కళాశాల విద్యార్థులతో పాటు డ్రైవర్లు, వలస కుటుంబాలకు పూర్తి అవగాహన కల్పించాల్సిన అవసరముందని డీఎంహెచ్‌ఓ డా.కృష్ణ అన్నారు. గురువారం కలెక్టరేట్‌లోని మినీ సమావేశ మందిరంలో నాగర్‌కర్నూల్‌, గద్వాల, వనపర్తి జిల్లాలకు చెందిన ఐసీటీసీ కౌన్సెలర్లు, స్వచ్ఛంద సంస్థ నిర్వాహకులతో సమావేశమై జాతీయ ఎయిడ్స్‌ నియంత్రణ కార్యక్రమం అమలుపై సమీక్షించారు. ఈ సందర్భంగా ఆయన మాట్లాడుతూ.. ప్రతి గర్భిణికి విధిగా హెచ్‌ఐవీ స్క్రీనింగ్‌ నిర్వహించి.. పాజిటివ్‌ గర్భిణులు క్రమం తప్పకుండా ఏఆర్‌టీ మందులు వాడేలా చూడాలన్నారు. తల్లి నుంచి బిడ్డకు హెచ్‌ఐవీ సోకకుండా సిబ్బంది కృషి చేయాలని సూచించారు. సమావేశంలో డా.రఫిక్‌, రమేశ్‌, రవీంద్రరెడ్డి, సాయికుమార్‌ ఉన్నారు. ఉమ్మడి జిల్లా రిజిస్ట్రార్‌గా దీపక్‌ జెడ్పీసెంటర్‌ (మహబూబ్‌నగర్‌): ఉమ్మడి మహబూబ్‌నగర్‌ జిల్లా రిజిస్ట్రార్‌గా పేరపాక దీపక్‌ గురువారం బాధ్యతలు స్వీకరించారు. అనంతరం కలెక్టరేట్‌లో కలెక్టర్‌ ఖుష్బూ గుప్తాను మర్యాదపూర్వకంగా కలిసి పుష్పగుచ్ఛం అందజేశారు. ఉమ్మడి జిల్లా రిజిస్ట్రార్‌గా తన బాధ్యతలను సమర్థవంతంగా నిర్వహిస్తూ, రిజిస్ట్రేషన్‌ సేవలను ప్రజలకు మరింత సులభతరం చేసి, పారదర్శకంగా, వేగవంతంగా సేవలు అందించేందుకు కృషి చేయాలని ఆమె సూచించారు.

● ‘నక్కలగండి’ ముంపు బాధితులకు మెరుగైన పునరావాసం ● కలెక్టర్‌ హేమంత కేశవ్‌ పాటిల్‌, ఎమ్మెల్యే వంశీకష్ణ అచ్చంపేట/మన్ననూర్‌: ఎస్‌ఎల్‌బీసీ అవుట్‌లెట్‌ టన్నెల్‌, నక్కలగండి రిజర్వాయర్‌ నిర్వాసితుల సమస్యలను పరిష్కరించి.. అండగా ఉంటామని కలెక్టర్‌ హేమంత కేశవ్‌ పాటిల్‌, ఎమ్మెల్యే డా.చిక్కుడు వంశీకృష్ణ అన్నారు. గురువారం అచ్చంపేట మండలం మన్నెవారిపల్లి ఎస్‌ఎల్‌బీసీ సొరంగం, నక్కలగండి రిజర్వాయర్‌ పనులను అచ్చంపేట సబ్‌ కలెక్టర్‌ సలోని ఛాబ్రాతో కలిసి క్షేత్రస్థాయి పరిశీలన చేశారు. ఈ సందర్భంగా ఎస్‌ఎల్‌బీసీ సొరంగం పనుల పురోగతి వివరాలను సంబంధిత అధికారులతో తెలుసుకున్నారు. అలాగే నక్కలగండి రిజర్వాయర్‌ నిర్మాణ పురోగతి, ముంపు ప్రాంతాలు, భూసేకరణ, నిర్వాసితులకు పునరావాసం, పరిహారం తదితర అంశాలపై అధికారులతో చర్చించారు. అనంతరం వారు మాట్లాడుతూ.. ప్రాజెక్టు పనుల్లో ఎలాంటి జాప్యం లేకుండా సంబంధిత శాఖల అధికారులు సమన్వయంతో పనిచేయాలని సూచించారు. రిజర్వాయర్‌ పరిధిలోని మర్లపాడు తండా, కేశతండా నిర్వాసిత కుటుంబాలకు ప్రభుత్వం నిర్దేశించిన నిబంధనల ప్రకారం పునరావాసం, పరిహారం, అవసరమైన మౌలిక వసతులు కల్పించేలా చర్యలు తీసుకుంటామన్నారు.

ప్రజాస్వామ్య వ్యవస్థలో ప్రజలందరికి ఆహారం అందిస్తున్న రైతుల చేతులకు సంకెళ్లు వేసే రోజులొస్తే అది ఆ ప్రభుత్వానికి చివరి రోజులు. జూరాల ఆయకట్టు రైతులకు వానాకాలంలో పూర్తిస్థాయిలో సాగునీరు ఇవ్వకపోవడం ప్రభుత్వానిదే తప్పు. ఎగువ నుంచి వస్తున్న వరదను పూర్తిస్థాయిలో నిల్వ చేసుకోలేక ఆయకట్టు రైతులను ఆగం చేస్తామనడం సరైంది కాదు. సాగునీరు ఇవ్వమన్న రైతులపై అక్రమంగా కేసులు నమోదు చేయడం సరైంది కాదు. వెంటనే ఉపసంహరించుకోవాలి.. లేనిపక్షంలో రైతులతో కలిసి ఆందోళన చేపడతాం. – జాన్‌వెస్లీ, సీపీఎం రాష్ట్ర కార్యదర్శి

బస్సే పెట్టుబడి.. మహబూబ్‌నగర్‌ మున్సిపాలిటీ: గ్రామీణ మహిళా సంఘాల సభ్యులను కోటీశ్వరులను చేయాలనే ఉద్దేశంతో రాష్ట్ర ప్రభుత్వం చేపట్టిన బస్సుల కేటాయింపుతో వారికి అదనపు ఆదాయం సమకూరుతోంది. ఇప్పటికే సీ్త్రనిధి, బ్యాంకు లింకేజీ కింద తక్కువ వడ్డీకి రుణాలు ఇస్తోంది. అలాగే ఏటా విద్యార్థుల యూనిఫాం కుట్టే (స్టిచ్చింగ్‌) పనిని సైతం అప్పగించిన విషయం విదితమే. ఇందులో భాగంగా అద్దె బస్సుల పథకం కింద ఏకంగా సెర్ప్‌ నుంచి రూ.30 లక్షల గ్రాంట్‌ రావడం.. దీనిని ప్రభుత్వానికి తిరిగి చెల్లించాల్సిన అవసరం లేకపోవడంతో మండల మహిళా సమాఖ్యలకు ఎంతో వెసులుబాటు కలిగింది. తమ వాటా కింద కేవలం రూ.6 లక్షలు మాత్రమే భరిస్తే చాలు ఏకంగా బస్సు యజమానులుగా రిజిస్ట్రేషన్‌ చేయిస్తున్నారు. వీటిని ఆర్టీసీ 84 నెలల పాటు ఒక్కో బస్సును లీజుకు తీసుకుని ఏకంగా ప్రతి నెలా రూ.69,468 చొప్పున అద్దె రూపంలో చెల్లిస్తోంది. ఇక ఈ బస్సుల నిర్వహణకు అయ్యే ఖర్చులు సైతం సంస్థనే భరిస్తుండటంతో ఇది వారికి వరంగా మారింది. ఈ మొత్తం మండల మహిళా సమాఖ్య ఖాతాలో నేరుగా జమ అవుతుండటంతో అవసరమైన సభ్యులకు అత్యవసర సమయంలో కావాల్సిన రుణం ఇస్తూ ఎంతో ఆసరాగా నిలుస్తున్నారు. డిపోల వారీగా బస్సుల కేటాయింపు ఇలా.. మహబూబ్‌నగర్‌ రీజియన్‌ పరిధిలోని పది డిపోలలో ప్రస్తుతం ఆర్టీసీవి చెందినవి 455, ప్రైవేట్‌ కాంట్రాక్టర్లవి 360, మండల మహిళా సమాఖ్యలవి 65, జేబీఎంవీ 23 ఇలా మొత్తం 903 బస్సులు నడుస్తున్నాయి. వీటిలో షాద్‌నగర్‌ డిపోనకు 18, మహబూబ్‌నగర్‌కు 16, వనపర్తికి 14, నారాయణపేట, గద్వాలకు 4 చొప్పున, నాగర్‌కర్నూల్‌, కల్వకుర్తి, అచ్చంపేట, కొల్లాపూర్‌కు 2 చొప్పున; కోస్గికి 1 మండల మహిళా సమాఖ్యకు చెందిన బస్సులను ఆర్టీసీ అద్దెకు తీసుకుంది. భవిష్యత్తులో సంస్థకు చెందిన బస్సులు ఎక్కడైనా కాలం (15 ఏళ్లు దాటిన) చెల్లినవి ఉంటే వాటి స్థానంలో మండల మహిళా సమాఖ్యల ద్వారానే కొత్త బస్సులు అద్దెకు తీసుకుని నడిపించనున్నారు. షాద్‌నగర్‌ డిపో పరిధిలో అత్యధికంగా 18 కొత్త బస్సుకు సెర్ప్‌ నుంచి రూ.30 లక్షల గ్రాంట్‌ మహిళా సమాఖ్య వాటా రూ.6 లక్షలు.. ఆర్టీసీ నుంచి నెలకు రూ.69,468 అద్దె అదనపు ఆదాయంతో ఆర్థికంగా చేయూత ప్రైవేట్‌ కాంట్రాక్టర్‌కు చెందిన అద్దె బస్సుకు ప్రతినెలా రూ.1.20 లక్షల నుంచి రూ.1.30 లక్షల వరకు చెల్లించాల్సి వస్తోంది. అలాంటి రాష్ట్ర ప్రభుత్వమే మండల మహిళా సమాఖ్యలకు గ్రాంట్‌ కింద బస్సులు కొనుగోలు చేసి ఇస్తోంది. వీటికి అద్దె రూపంలో కేవలం రూ.69 వేల పైచిలుకు మాత్రమే చెల్లిస్తున్నాం. ఈ పథకం అమలుతో మా సంస్థకు అద్దె బస్సుల భారం తగ్గినట్లే. కాలం చెల్లిన బస్సుల స్థానంలో దశల వారీగా మండల సమాఖ్య బస్సులనే వినియోగిస్తాం. – పి.సంతోష్‌కుమార్‌, ఆర్‌ఎం, మహబూబ్‌నగర్‌ రీజియన్‌

అద్దె బస్సుల పథకం మహిళా సభ్యులకు వరం లాంటిది. రాష్ట్ర ప్రభుత్వం సెర్ప్‌ ద్వారా వివిధ పథకాల కింద మమ్మల్ని ఆర్థిక స్వావలంబన దిశగా ముందుకు తీసుకెళ్తున్నందుకు ఎంతో సంతోషంగా ఉంది. ఇప్పటికే సీ్త్రనిధి, బ్యాంకు లింకేజీ ద్వారా రుణాలు పొందుతున్నాం. ఇక బస్సును మా పేరిట రిజిస్ట్రేషన్‌ చేసి యజమానులుగా మార్చడం ఎంతో బలం చేకూర్చింది. అద్దె రూపంలో వస్తున్న డబ్బులు ఎంతగానో ఉపయోగపడుతున్నాయి. – వరలక్ష్మి, అధ్యక్షురాలు, మండల మహిళా సమాఖ్య, మహమ్మదాబాద్‌

కందనూలు: పేదల సంక్షేమం, సుపరిపాలన, దేశ భద్రతే బీజేపీ ధ్యేయమని ఆ పార్టీ రాష్ట్ర ప్రధాన కార్యదర్శి తూళ్ల వీరేందర్‌గౌడ్‌ అన్నారు. ప్రధానమంత్రి నరేంద్ర మోదీ ప్రజా జీవితంలో 25ఏళ్ల సుపరిపాలన పూర్తిచేసుకున్న సందర్భంగా బుధవారం ఢిల్లీలో నిర్వహించిన వికసిత్‌ భారత్‌ సంకల్ప సభను జిల్లా కేంద్రంలోని ఓ ఫంక్షన్‌హాల్‌లో బీజేపీ నాయకులు, కార్యకర్తలు వీక్షించారు. అనంతరం జిల్లా అధ్యక్షుడు నరేందర్‌రావు ఆధ్వర్యంలో అంబేడ్కర్‌ చౌరస్తా వరకు వికసిత్‌ భారత్‌ సేవాజ్యోతి ర్యాలీ చేపట్టారు. ఈ సందర్భంగా వీరేందర్‌గౌడ్‌ మాట్లాడుతూ.. ప్రధాని నరేంద్ర మోదీ హయాంలో దేశాభివృద్ధి, పేదల సంక్షేమం, సుపరిపాలనకు అత్యంత ప్రాధాన్యం ఇస్తున్నట్లు తెలిపారు. భారత్‌ను ప్రపంచంలో శక్తివంతమైన దేశంగా నిలబెట్టే దిశగా ముందుకెళ్తున్నారని అన్నారు. దేశంలో ఒకప్పుడు పేదరికం, అణగారిన వర్గాలకు ప్రభుత్వ ఫలాలు అందిన దాఖలాలు లేవన్నారు. ప్రస్తుతం ప్రతి ఇంటికీ నేరుగా ప్రభుత్వ ఫలాలు అందుతున్నాయని తెలిపారు. వికసిత్‌ భారత్‌ లక్ష్యసాధనకు ప్రతి కార్యకర్త అంకితభావంతో పనిచేయాలని ఆయన పిలుపునిచ్చారు. కార్యక్రమంలో బీజేపీ రాష్ట్ర కార్యదర్శి పోతుగంటి భరత్‌ప్రసాద్‌, జాతీయ బీసీ కమిషన్‌ మాజీ సభ్యుడు తల్లోజు ఆచారి, జిల్లా ప్రధాన కార్యదర్శి నాగేందర్‌గౌడ్‌, బీజేవైఎం జిల్లా అధ్యక్షుడు ధన్నోజు నరేశ్‌ ఆచారి, పట్టణ అధ్యక్షుడు ప్రమోద్‌కుమార్‌ పాల్గొన్నారు.

● రాష్ట్ర ఎకై ్సజ్‌, పర్యాటకశాఖ మంత్రి జూపల్లి కృష్ణారావు కొల్లాపూర్‌: సామాజిక మాధ్యమాల్లో తనపై తప్పుడు ప్రచారం చేస్తే పరువునష్టం దావాతో పాటు క్రిమినల్‌ కేసులు వేస్తానని రాష్ట్ర ఎకై ్సజ్‌, పర్యాటకశాఖ మంత్రి జూపల్లి కృష్ణారావు హెచ్చరించారు. బుధవారం కొల్లాపూర్‌లోని మంత్రి క్యాంపు కార్యాలయంలో విలేకర్లతో మాట్లాడుతూ.. మాజీ మంత్రి నిరంజన్‌రెడ్డి తనపై తప్పుడు ఆరోపణలు చేయడం మానుకోవాలన్నారు. తాను నిజాయతీగా రాజకీయాలు చేశానని.. వ్యాపారాలు చేసి రాజకీయాల్లోకి వచ్చానని చెప్పారు. నిరంజన్‌రెడ్డి కొల్లాపూర్‌లో ఒకసారి పోటీచేస్తే డిపాజిట్‌ కూడా రాలేదన్నారు. వనపర్తి ప్రజలు ఒకసారి ఆయన పాలన చూశాక, రెండోసారి గెలిపించకుండా ఇంటికి పంపారన్నారు. వచ్చే ఎన్నికల్లో కూడా ఆయన గెలిచేది లేదన్నారు. ఉమ్మడి పాలమూరు జిల్లాలోని ప్రాజెక్టులను తాను కుర్చీ వేసుకొని మరీ పూర్తిచేయిస్తానని కేసీఆర్‌ పలుమార్లు చెప్పారని గుర్తుచేశారు. మరి ఎందుకు ప్రాజెక్టులను పూర్తిచేయలేదో చెప్పాలని డిమాండ్‌ చేశారు. రైతుల పంటలను కాపాడేందుకే వారాబందీ విధానం అమలుచేస్తున్నామని వివరించారు. కేఎల్‌ఐ ప్రాజెక్టులో పూర్తిస్థాయిలో పంపులను నడిపేందుకు చర్చలు చేపట్టామని తెలిపారు.

కందనూలు: స్థానిక ఆర్టీసీ డిపోలోని ప్రతి ఉద్యోగి ఎన్నికల్లో బాణం గుర్తుకు ఓటువేసి గెలిపించాలని ఎమ్మెల్సీ కూచుకుళ్ల దామోదర్‌రెడ్డి కోరారు. బుధవారం తెలంగాణ వర్కర్స్‌ యూనియన్‌ తరఫున ఆర్టీసీ డిపో వద్ద ఎన్నికల ప్రచారం నిర్వహించారు. ఆర్టీసీని ప్రభుత్వంలో విలీనం చేసి, ఉద్యోగులకు ఉద్యోగ భద్రత కల్పించడంతో పాటు పెండింగ్‌ బకాయిల చెల్లింపునకు కృషి చేస్తానని హామీ ఇచ్చారు. కార్యక్రమంలో డిపో చైర్మన్‌ పరుశరాం, డిపో అధ్యక్షుడు బాబురావు, కార్యదర్శి పెంటయ్య, పద్మ, నిర్మల, చంద్రకళ పాల్గొన్నారు. ● జిల్లా కేంద్రంలోని మినీ ట్యాంక్‌బండ్‌పై దసరా ఉత్సవాలను వైభవంగా నిర్వహించేందుకు అన్ని ఏర్పాట్లు చేయాలని ఎమ్మెల్సీ దామోదర్‌రెడ్డి అధికారులకు సూచించారు. మినీ ట్యాంక్‌బండ్‌పై లైటింగ్‌, పారిశుద్ధ్యం తదితర అంశాలను ఆయన పరిశీలించారు. ఈ సందర్భంగా అధికారులకు పలు సూచనలు చేశారు. ఆయన వెంట మున్సిపల్‌ చైర్మన్‌ తీగల సునేంద్ర, కమిషనర్‌ నాగిరెడ్డి, కౌన్సిలర్‌ పడిగె శంకర్‌ ఉన్నారు. అభ్యసన సామర్థ్యాలు పెంపొందించాలి కందనూలు: ప్రభుత్వ పాఠశాలల్లో ప్రతి విద్యార్థి అభ్యసన సామర్థ్యాన్ని పెంపొందించేందుకు ఉపాధ్యాయులు కృషి చేయాలని డీఈఓ రమేశ్‌కుమార్‌ సూచించారు. బుధవారం నాగర్‌కర్నూల్‌, తాడూరు, తిమ్మాజీపేట, బిజినేపల్లి మండలాల్లోని పలు పాఠశాలలు, కేజీబీవీల్లో ఆయన ఆకస్మిక తనిఖీలు చేపట్టారు. ఈ సందర్భంగా విద్యార్థుల హాజరు, విద్యాబోధన, పాఠశాల నిర్వహణను పరిశీలించారు. తరగతి గదుల్లో విద్యార్థులకు పలు ప్రశ్నలు వేసి, అభ్యసన సామర్థ్యాలను తెలుసుకున్నారు. ప్రతి పాఠశాలలో విద్యా ప్రమాణాలను మెరుగుపర్చాలని ఆయన ఉపాధ్యాయులకు సూచించారు. విద్యార్థుల హాజరుశాతాన్ని పెంచేందుకు తల్లిదండ్రులతో సమన్వయం చేసుకుంటూ, అవసరమైన చర్యలు చేపట్టాలని తెలిపారు. ఆయా మండలాల్లో ఎస్‌ఏ–1 పరీక్షల మూల్యాంకనం, మధ్యాహ్న భోజనం వివరాలను తెలుసుకున్నారు. ఇన్‌చార్జి జీసీడీఓ నిర్మల, ఇన్‌చార్జి డీఎస్‌ఓ శైలజ ఉన్నారు. సహజ వ్యవసాయానికి ప్రాధాన్యం ఇవ్వాలి కొల్లాపూర్‌: రైతులు సహజ వ్యవసాయానికి ప్రాధాన్యం ఇవ్వాలని జిల్లా వ్యవసాయశాఖ అధికారి యశ్వంత్‌రావు సూచించారు. నేషనల్‌ సెంటర్‌ ఫర్‌ ఆర్గానిక్‌ అండ్‌ నేచురల్‌ అగ్రికల్చర్‌ ఆధ్వర్యంలో బుధవారం కొల్లాపూర్‌లో కృషి సఖీలకు ప్రకృతి వ్యవసాయంపై శిక్షణ తరగతులు నిర్వహించారు. ఈ సందర్భంగా ఆయన మాట్లాడుతూ.. ప్రకృతి సిద్ధంగా లభించే కషాయాలు, కంపోస్టు ఎరువుల ద్వారా వ్యవసాయం చేయడం ద్వారా మంచి దిగుబడులతో పాటు నాణ్యమైన ఉత్పత్తులు వస్తాయన్నారు. సహజ వ్యవసాయంపై రైతులను చైతన్యం చేసేందుకు కృషి సఖీలు కృషి చేయాలని సూచించారు. చైల్డ్‌కేర్‌ ఆర్గనైజేషన్‌ ఆధ్వర్యంలో వారికి ఐదు రోజుల పాటు శిక్షణ తరగతులు నిర్వహించనున్నట్లు తెలిపారు. కార్యక్రమంలో ఏఓ చిన్నహుస్సేన్‌ యాదవ్‌, మస్తాన్‌రావు, శ్రీనివాస్‌ పాల్గొన్నారు. 30 క్వింటాళ్ల నల్లబెల్లం స్వాధీనం లింగాల: హైదరాబాద్‌ నుంచి ట్రాన్స్‌పోర్టు వాహనంలో మండల కేంద్రానికి తరలిస్తున్న 30 క్వింటాళ్ల నల్లబెల్లం, 100 కిలోల పటికను ఎకై ్సజ్‌ శాఖ సిబ్బంది బుధవారం స్వాధీనం చసుకున్నారు. వ్యాపారులు అక్రమంగా నల్లబెల్లం విక్రయాలు జరుపుతున్నారనే సమాచారం అందడంతో ఎకై ్సజ్‌ శాఖ అధికారులు వాహన తనిఖీలు చేపట్టారు. ఈ క్రమంలో ఓ వాహనంలో కిరాణం సరుకులతో పాటు నల్లబెల్లం తరలిస్తున్నట్లు గమనించారు. సోదాలు చేయగా 60 బస్తాల బెల్లం (3 వేల కిలోలు), 100 కిలోల పటిక లభ్యమైంది. వాహనం డ్రైవర్‌ మల్లేష్‌ను అదుపులోకి తీసుకొని వ్యాపారులు జి.సాయిబాబు, మాకం మురళి, సంతోష్‌, రాంపూర్‌ జగదీశ్వర్‌, శ్రీకాంత్‌పై కేసులు నమోదు చేసినట్లు జిల్లా టాస్క్‌ ఫోర్సు సీఐ నాగార్జురెడ్డి తెలిపారు. తనిఖీల్లో ఎకై ్సజ్‌ సీఐ ఓంకార్‌, టాస్క్‌ ఫోర్సు సిబ్బంది పాల్గొన్నారు.

కందనూలు: ఓటరు జాబితా ప్రత్యేక సమగ్ర సవరణ ప్రక్రియ పారదర్శకంగా కొనసాగుతోందని కలెక్టర్‌ హేమంత కేశవ్‌ పాటిల్‌ అన్నారు. బుధవారం కలెక్టరేట్‌లో రాజకీయ పార్టీల ప్రతినిధులతో నిర్వహించిన సమావేశంలో ఆయన మాట్లాడారు. జిల్లాలోని మూడు అసెంబ్లీ నియోజకవర్గాల్లో మొత్తం 1,15,824 మందికి నోటీసులు జారీ చేయగా.. ఇప్పటివరకు 1,15,494 మంది విచారణ పూర్తి చేశామన్నారు. 323 కేసుల్లో విచారణ గడువు ముగిసిందని.. 7 కేసులకు రీషెడ్యూల్‌ గడువు ముగిసిందని కలెక్టర్‌ వివరించారు. డీఈఓ స్థాయిలో మొత్తం 1,036 కేసులు పెండింగ్‌లో ఉండగా.. 123 కేసులు 5 రోజులకు పైగా పెండింగ్‌లో ఉన్నాయన్నారు. 6,904 కేసులు పరిశీలన చేయగా.. మరో 5 కేసులు ఇంకా వెరిఫై చేయాల్సి ఉందన్నారు. అలాగే కేటగిరీ వారీగా డిస్పోజల్‌ స్థితిని కూడా కలెక్టర్‌ వివరించారు. మొత్తం 509 కేసులు ఫైనల్‌కు అనర్హమైనవిగా గుర్తించగా.. 1,06,793 కేసులు విచారణ అనంతరం ఫైనల్‌ చేయనున్నట్లు తెలిపారు. 3,862 కేసులు విచారణ లేకుండానే ఫైనల్‌ చేసినట్లు చెప్పారు. ఇతర అంశాలకు సంబంధించి ఫైనల్‌ కోసం పార్క్‌ చేసిన ఓట్లు మొత్తం 5,02,767 ఉన్నాయని తెలిపారు. అలాగే లాజికల్‌ డిస్క్రెపెన్సీస్‌ 1,00,965, నో మ్యాపింగ్‌ 9,716, లాజికల్‌ డిస్క్రెపెన్సీస్‌ 154, నో మ్యాపింగ్‌ 355 ఉన్నాయని వివరించారు. నాగర్‌కర్నూల్‌ నియోజకవర్గంలో 43,569, అచ్చంపేటలో 39,594, కొల్లాపూర్‌లో 32,687 నోటీసులు జారీ చేయాల్సినవిగా నమోదయ్యాయని తెలిపారు. సర్‌ ప్రక్రియలో ప్రతి దశను నిబంధనల ప్రకారం, పారదర్శకంగా నిర్వహిస్తున్నామని.. రాజకీయ పార్టీల ప్రతినిధులు తమ అభిప్రాయాలు, అభ్యంతరాలను సంబంధిత అధికారుల దృష్టికి తీసుకురావాలని సూచించారు. సమావేశంలో కలెక్టరేట్‌ ఎన్నికల విభాగం సూపరింటెండెంట్‌ రవికుమార్‌, ఎన్నికల డీటీ కల్పన ఉన్నారు.

మాకు ఏడు నెలల క్రితమే సెర్ప్‌ ద్వారా రాష్ట్ర ప్రభుత్వం బస్సును మంజూరు చేసింది. దీనిని గద్వాల డిపోలో 84 నెలల వరకు లీజ్‌కు ఇచ్చాం. ప్రతి నెలా రూ.69వేల పైచిలుకు మండల మహిళా సమాఖ్య ఖాతాలో జమ అవుతున్నాయి. దీని ద్వారా ఇప్పటివరకు అద్దె రూపంలో రూ.5.50 లక్షలు సమకూరింది. ఈ డబ్బుల నుంచి మహిళా సభ్యులకు అవసరమైన సమయంలో రుణం ఇస్తున్నాం. ఇలా మాకు ఎంతో మేలు కలిగింది. – మునెమ్మ, అధ్యక్షురాలు, మండల మహిళా సమాఖ్య, మల్దకల్‌ మాకు కేటాయించిన బస్సును హనుమకొండ జిల్లా పరకాల డిపోలో లీజ్‌కు ఇచ్చాం. దీని ద్వారా ప్రతినెలా వచ్చే అద్డె మొత్తంలో రూ.50 వేలను ఆదాయ అభివృద్ధి కార్యక్రమాలకు వినియోగిస్తున్నాం. సామాజిక పెట్టుబడి నిధి (కమ్యూనిటీ ఇన్‌వెస్ట్‌మెంట్‌ ఫండ్‌ –సీఐఎఫ్‌) రూపంలో రుణం కావాల్సిన మహిళా సభ్యులకు ఇవ్వడానికి అవకాశం ఉంటుంది. మిగిలిన రూ.19 వేలను సిబ్బంది వేతనాలు, ఇతర ఖర్చులకు వెచ్చిస్తున్నాం. – గోవిందమ్మ, అధ్యక్షురాలు, మండల మహిళా సమాఖ్య, నారాయణపేట ●

కందనూలు: కేంద్ర ఎన్నికల కమిషనర్‌ జ్ఞానేశ్‌కుమార్‌ను తక్షణమే ఆ పదవి నుంచి తొలగించి అతని అరెస్టు చేసి విచారణ జరిపించాలని సీపీఐ, సీపీఎం ఆధ్వర్యంలో ఆధ్వర్యంలో మంగళవారం కలెక్టరేట్‌ ఎదుట ధర్నా నిర్వహించారు. ఈ సందర్భంగా సీపీఎం జిల్లా కార్యవర్గ సభ్యుడు శ్రీను ఆధ్వర్యంలో చేపట్టిన నాయకులు మాట్లాడుతూ దేశంలోని అత్యున్నత ప్రజాస్వామ్యక సంస్థలలో ఒకటైన ఎన్నికల కమిషన్‌ కేంద్ర ప్రభుత్వానికి అనుకూలమైన విధానాన్ని అమలు చేస్తున్నాయని ఆరోపించారు. దేశ పౌరులైన 13 కోట్ల మంది ఓట్లను తొలగించిన ఎన్నికల కమిషన్‌ తిరిగి వెంటనే చేర్చాలని, వివాదాలకు కారణమైన ఫాం–6ను సవరించాలని డిమాండ్‌ చేశారు. ఢిల్లీలో విద్యార్థులు చేస్తున్న ఆందోళనలో పోలీసులు ప్రవర్తించిన తీరు సరైంది కాదని అన్నారు. కార్యక్రమంలో సీపీఎం జిల్లా కార్యదర్శి పర్వతాలు, సీపీఐ రాష్ట్ర సమితి సభ్యుడు కేశవులుగౌడ్‌, నాయకులు గీత, శివశంకర్‌ పాల్గొన్నారు. .............

అచ్చంపేట: బతుకమ్మ పండుగకు చీరలొచ్చాయ్‌. ఇందిరా మహిళా శక్తి పథకం ద్వారా అక్కాచెల్లెళ్లకు రాష్ట్ర ప్రభుత్వం బతుకమ్మ పండుగ కానుకగా చీరలు ఇవ్వాలని నిర్ణయించింది. మహిళలకు చిలుక పచ్చ రంగులో మెరిసిపోయే చీరలు అందించనున్నారు. పండుగ మరో 15 రోజులు ఉండగానే ముందుస్తుగా జిల్లాకు ఇప్పటికే సగం చీరలు రాగా.. మిగతావి త్వరలోనే వస్తాయని అధికారులు చెబుతున్నారు. సద్దుల బతుకమ్మ రెండ్రోజుల ముందుగానే పంపిణీ చేసేందుకు జిల్లా యంత్రాంగం ఏర్పాట్లు చేస్తోంది. తెలంగాణ సంస్కృతికి ప్రతీక.. అతివలకు అత్యంత ఇష్టమైన పండుగ బతుకమ్మ ఎంగలి పూల నాటి నుంచి మహిళలు చేసే సందడి కనులవిందే. ఉదయం వేళలో పూలు తేవడం.. బొడ్డెమ్మలను పేర్చడం.. సాయంత్రం వేళలో పాటల కోలాహలంతో బతుకమ్మను కీర్తించడం ప్రతీతి. జిల్లాలోని లోగిళ్లలో చిన్నారుల నుంచి మహిళా వృద్ధుల వరకు పండుగ వాతావరణం నెలకొంటుంది. తెలంగాణ రాష్ట్ర ఆవిర్భావం తర్వాత బీఆర్‌ఎస్‌ ప్రభుత్వ హయాం నుంచి బతుకమ్మ పండుగ సందర్భంగా మహిళలకు ఉచితంగా చీరలు పంపిణీ చేస్తున్నారు. చేనేత కార్మికులకు ఉపాధి కల్పించడంతోపాటు ఆడపడుచులకు పండుగ కానుకగా చీరలు ఇవ్వాలనే ఉద్దేశంతో గత ప్రభుత్వం ఈ పథకాన్ని ప్రవేశపెట్టింది. అప్పట్లో రేషన్‌ కార్డులో 18 ఏళ్లు నిండిన ప్రతి మహిళకు చీరలు అందించారు. ప్రస్తుతం కాంగ్రెస్‌ పార్టీ అధికారంలోకి వచ్చిన తర్వాత కూడా పథకాన్ని కొనసాగిస్తుంది. ప్రస్తుతం జిల్లాలో 2.40 లక్షల మంది మహిళలు పొదుపు సంఘాల్లో సభ్యులుగా ఉన్నారు. గతేడాది పాలపిట్ట రంగులో ఒకే డిజైన్‌లో పంపిణీ చేయగా.. ఈసారి చిలకపచ్చ రంగు కలిగినవి ఇవ్వనున్నారు. సిరిసిల్ల నేత కార్మికులు వాటిని తయా రు చేశారు. ఈ నెల 20న దసరా సందర్భంగా బతుకమ్మ ఉత్సవాలు జరగనున్న విషయం తెలిసిందే. ఈ నెల 11 నుంచి ఎంగిలి పూల బతుకమ్మ ప్రారంభం కానుండగా.. వీలైనంత త్వరగా పంపిణీ చేయాలని భావిస్తున్నారు. మహిళలకు దసరా పండుగ కానుకగా అందజేత ఇప్పటికే జిల్లాకు చేరిన 92,106 చీరలు త్వరలో రానున్న మరో 1.48 లక్షలు సద్దుల బతుకమ్మకు ముందే పంపిణీ చేసేలా ఏర్పాట్లు గోదాంలలో నిల్వ.. బతుకమ్మ చీరలను అక్టోబరు మొదటి వారంలోగా సరఫరా చేసి పండుగకు రెండు, మూడు రోజుల ముందు పంపిణీ పూర్తి చేయాలని రాష్ట్ర ప్రభుత్వం నిర్ణయించింది. అయితే అనుకున్న దానికి వారం రోజుల ముందుగానే జిల్లాకు 92,106 చీరలు చేర్చా రు. వీటిని జిల్లాకేంద్రంతోపాటు అచ్చంపేటలోని గోదాంలలో భద్రపర్చారు. మిగిలిన చీరలు జిల్లాకు చేరిన తర్వాత ఆయా గోదాంల నుంచి మండల సమైక్యలకు అందించనున్నారు. అక్కడి నుంచి గ్రామస్థాయిలో ఉండే వీఓఏలకు ద్వారా మహిళలందరికీ పంపిణీ చేస్తారు. ఈ ప్రక్రియ మొత్తం సద్దుల బతుకమ్మకు రెండు, మూడు రోజుల ముందే పూర్తయ్యేలా జిల్లా అధికార యంత్రాంగం సన్నాహాలు చేస్తోంది. ఆధార్‌, రేషన్‌ ఆధారంగా.. ప్రభుత్వం మహిళా సంఘాల సభ్యులకు దసరా కానుకగా చీరలు పంపిణీ చేయాలని నిర్ణయించింది. ప్రస్తుతం జిల్లాకు వచ్చిన 92,106 చీరలను గోదాంలలో భద్రపర్చాం. 18 ఏళ్లు నిండిన ప్రతిఒక్కరికీ బతుకమ్మ చీరలు అందిస్తారు. ఈ నెల 10 తర్వాత మండల కేంద్రాలకు పంపించేలా ఏర్పాట్లు చేస్తున్నాం. తొలుత స్వయం సహాయక సంఘాల సభ్యులకు అందించాక.. మిగిలిన వారికి ఆధార్‌, రేషన్‌కార్డు ఆధారంగా పంపిణీ చేస్తారు. – చిన్న ఓబులేసు, డీఆర్‌డీఓ

కందనూలు: జిల్లాకేంద్రంలోని ఎస్పీ కార్యాలయంలో జిల్లాలో వివిధ పోలీస్‌స్టేషన్లలో ఉన్న ఇన్నోవా వాహనాలను ఎస్పీ సంగ్రామ్‌ సింగ్‌జీ పాటిల్‌ మంగళవారం తనిఖీ చేశారు. ఈ సందర్భంగా వాహనాల కండిషన్ల గురించి డ్రైవర్లను అడిగి తెలుసుకున్నారు. ఏమైనా మరమ్మతుకు గురైతే వెంటనే సరి చేసుకోవాలని సూచించారు. అలాగే ప్రతి డ్రైవర్‌కు నెలకి ఒకసారి మెడికల్‌ కండిషన్‌తోపాటు కంటి పరీక్ష చేయించాలని పోలీస్‌ ట్రాన్స్‌పోర్టు అధికారి రాఘవరావుకు సూచించారు. ఎవరైనా డ్రైవర్లు అనారోగ్యంగా ఉంటే వారిని తప్పించి కొత్త డ్రైవర్లకు ట్రైనింగ్‌ ఇచ్చి నియమించుకోవాలని, వాహనాలను జాగ్రత్తగా చూసుకొని ఎలాంటి ప్రమాదాలకు గురికాకుండా చూసుకోవాలని ఆదేశించారు. పశువైద్య శిబిరాలను వినియోగించుకోండి తాడూరు: రగామీణ ప్రాంతాల్లో పశుసంపదను పెంపొందించేందుకు పశువైద్యశాఖ ఆధ్వర్యంలో నిర్వహిస్తున్న పశు సంతానోత్పత్తి శిబిరాలను పాడి రైతులు సద్వినియోగం చేసుకోవాలని జిల్లా పశుసంవర్ధకశాఖ అధికారి జ్ఞానశేఖర్‌ అన్నారు. మంగళవారం మండలంలోని యతాత్మపూర్‌లో రాష్ట్ర పశుసంవర్ధక శాఖ ఆధ్వర్యంలో పశుసంతానోత్పత్తి శిబిరం ఏర్పాటు చేసి పశువులకు టీకాలు వేశారు. ఈ సందర్భంగా ఆయన మాట్లాడుతూ శిబిరాల ఆవశ్యకతపై రైతులకు అవగాహన కల్పించారు. పశువులలో వంధత్వ నివారణ కోసం క్రమం తప్పకుండా శిబిరాలు నిర్వహిస్తున్నామని చెప్పారు. శిబిరాలలో వ్యాధి నిరోధక, గర్భకోశ పరీక్షలు నిర్వహించి దూడలకు నట్టల నివారణ మందులు డైవార్మింగ్‌ వంటివి ఇస్తున్నట్లు పేర్కొన్నారు. వీబీ జీ రాంజీ పథకం ద్వారా నిర్మించే పశువుల పాకల ప్రాముఖ్యత, కిసాన్‌ క్రెడిట్‌ రైతులకు అందించే తక్కువ వడ్డీ రుణాల గురించి వివరించారు. కార్యక్రమంలో డాక్టర్‌ ప్రవీణ్‌కుమార్‌, సర్పంచ్‌ మాధవిరెడ్డి, ఉపసర్పంచ్‌ భాస్కర్‌, పశుసంవర్ధకశాఖ గోపాలమిత్రలు, రైతులు పాల్గొన్నారు. వీరభద్ర.. మంగళం మహబూబ్‌నగర్‌ రూరల్‌: మన్యంకొండ శ్రీ లక్ష్మీవేంకటేశ్వరస్వామి దేవస్థానం ఆవరణలోని క్షేత్రపాలకుడు శ్రీ వీరభద్రస్వామి అగ్నిగుండం కార్యక్రమం మంగళవారం తెల్లవారుజామున వైభవంగా నిర్వహించారు. ఉత్సవాల్లో భాగంగా జిల్లా నలుమూలల నుంచి తరలివచ్చిన భక్తులు స్వామివారి సంకీర్తనలు ఆలపిస్తూ నందికోళ్లు, ఖడ్గాలు ప్రదర్శించారు. అనంతరం ఉత్సవ విగ్రహాన్ని దేవస్థానం నుంచి కోనేరు వద్దకు తీసుకెళ్లి ప్రత్యేక పూజలు నిర్వహించారు. అక్కడి నుంచి సన్నాయి వాయిద్యాల మధ్య మంగళహారతులతో ఊరేగింపుగా అగ్నిగుండం వద్దకు తీసుకొచ్చారు. భక్తులు కోనేరులో పుణ్యస్నానాలు ఆచరించి తడిబట్టలతో అగ్నిగుండం వద్దకు చేరుకున్నారు. ప్రత్యేక పూజల అనంతరం కణకణమండే అగ్నిగుండంపై నడిచి భక్తిని చాటుకున్నారు. అనంతరం మహామంగళహారతి, గురుస్వాములకు ప్రత్యేక హారతి నిర్వహించారు. స్వామివారికి అభిషేకం, అర్చనలు చేసి, శ్రీ ఈశ్వర వీరప్పయ్యస్వామికి ప్రత్యేక పూజలు నిర్వహించడంతో ఉత్సవాలు ముగిశాయి. కార్యక్రమంలో దేవస్థానం చైర్మన్‌ అళహరి మధుసూదన్‌కుమార్‌, ఈఓ శ్రీనివాసరాజు, పాలక మండలి సభ్యులు, అర్చకులు పాల్గొన్నారు.

ఆగస్టులో జిల్లా సగటు భూగర్భ జలమట్టం 7.17 మీటర్లు ఉండగా.. సెప్టెంబర్‌లో కురిసిన వర్షానికి 0.13 మీటర్ల నీటిమట్టం పెరిగింది. దీంతో 7.04 మీటర్లుగా నమోదైంది. మండలాల వారీగా మాత్రం హెచ్చుతగ్గులు ఉన్నాయి. అమ్రాబాద్‌లో ఆగస్టులో 12.05 మీటర్ల లోతుకు పడిపోగా సెప్టెంబర్‌లో కురిసిన వర్షానికి 2.84 మీటర్లు నీటిమట్టం పెరిగి 9.21 లోతులో నిలిచిపోయింది. ఊర్కొండలో 0.80 మీటర్ల మేర మార్పు నమోదై 8.69 మీటర్ల లోతులో ఉండిపోయాయి. నాగర్‌కర్నూల్‌లో 11.23 నుంచి 11.62 మీటర్లకు, పదరలో 10.06 నుంచి 10.60 మీటర్లకు పెరిగింది.

కందనూలు: మట్టి పరీక్ష కేంద్ర భవన నిర్మాణ పనులను త్వరగా పూర్తిచేయాలని కలెక్టర్‌ హేమంత కేశవ్‌ పాటిల్‌ అన్నారు. జిల్లాకేంద్రంలోని ఎస్పీ కార్యాలయ సమీపంలో రూ.65 లక్షల వ్యయంతో నిర్మిస్తున్న నూతన మట్టి పరీక్ష కేంద్ర భవనాన్ని కలెక్టర్‌ మంగళవారం పరిశీలించారు. ఈ సందర్భంగా భవన నిర్మాణ పనుల పురోగతి, ఇప్పటి వరకు పూర్తయిన పనులు, ఇంకా చేపట్టాల్సిన పనుల వివరాల గురించి అధికారులను అడిగి తెలుసుకున్నారు. భూసార పరీక్షలు నిర్వహించేందుకు అవసరమైన పరికరాల ఏర్పాటుపై వ్యవసాయ శాఖ అధికారులతో చర్చించారు. మట్టి పరీక్ష కేంద్రానికి సంబంధించి మిగిలిన పనులను ఎలాంటి జాప్యం లేకుండా త్వరగా పూర్తి చేయాలని ఆదేశించారు. పెండింగ్‌ పనులకు అవసరమైన నిధులను త్వరగా విడుదల చేయించేలా చర్యలు తీసుకోవాలని, కేంద్రం చుట్టూ ప్రహరీ నిర్మాణానికి అవసరమైన చర్యలు చేపట్టాలని ఆర్‌అండ్‌బీ అధికారులకు సూచించారు. భవనంలో అవసరమైన మరమ్మతు గుర్తించి, వాటికి సంబంధించిన అంచనాలను సిద్ధం చేయాలన్నారు. అందుబాటులో ఉన్న స్థలాన్ని సక్రమంగా వినియోగించుకుంటూ మట్టి పరీక్ష కేంద్రానికి అవసరమైన అన్ని సౌకర్యాలు కల్పించాలని పేర్కొన్నారు. కార్యక్రమంలో డీఏఓ యశ్వంత్‌రావు, ఆర్‌అండ్‌బీ అధికారి శ్రీధర్‌ తదితరులు పాల్గొన్నారు.

అడ్మిషన్లు పెరిగే అవకాశం ప్రభుత్వ పాఠశాలల్లో మౌలిక వసతుల కల్పనలో భాగంగా మరుగుదొడ్ల నిర్మాణానికి నిధులు మంజూరు చేయడం ఉపయోగకరమని అధికారులు పేర్కొంటున్నారు. విద్యార్థుల సంఖ్యకు అనుగుణంగా వసతులు కల్పిస్తే పాఠశాలల్లో అడ్మిషన్లు పెరిగే అవకాశం ఉందని చెబుతున్నారు. – గోవిందరాజులు, డీఈఓ, నారాయణపేట మహబూబ్‌నగర్‌ ఎడ్యుకేషన్‌: ప్రభుత్వ పాఠశాలల్లో మౌలిక వసతుల కొరతకు చెక్‌ పెట్టే దిశగా ప్రభుత్వం చర్యలు చేపట్టింది. ఉమ్మడి మహబూబ్‌నగర్‌ జిల్లాలో మరుగుదొడ్ల సదుపాయం లేని, ఉన్నా విద్యార్థుల సంఖ్యకు సరిపోని పాఠశాలలను గుర్తించి కొత్తగా 764 మరుగుదొడ్ల నిర్మాణానికి అనుమతులు మంజూరు చేసింది. ఇందులో 670 ప్రైమరీ పాఠశాలలు, 94 హైస్కూళ్లు ఉన్నాయి. ఒక్కో మరుగుదొడ్డి నిర్మాణానికి రూ.4.80 లక్షల చొప్పున కేటాయించగా.. మొత్తం రూ.36.67 కోట్ల మేర నిధులు వెచ్చించనున్నారు. కొన్ని పాఠశాలల్లో మరుగుదొడ్లు పూర్తిగా లేకపోగా.. మరికొన్ని చోట్ల పాతవి శిథిలావస్థకు చేరడం, విద్యార్థుల సంఖ్యకు అనుగుణంగా లేకపోవడంతో అదనపు యూనిట్లను మంజూరు చేశారు. పాఠశాలల్లో వసతుల మెరుగుదలతో విద్యార్థుల హాజరు, అడ్మిషన్లు పెరిగే అవకాశం ఉందని అధికారులు భావిస్తున్నారు. మణికొండకు 8 టాయిలెట్లు మహబూబ్‌నగర్‌ రూరల్‌ మండలం యూపీఎస్‌ మణికొండలో 244 మంది విద్యార్థులు చదువుతున్నారు. పాత మరుగుదొడ్లను తొలగించి కొత్తవి నిర్మించినా అవి ఇంకా అందుబాటులోకి రాలేదు. దీంతో పాఠశాలకు ఏకంగా ఎనిమిది మరుగుదొడ్లు మంజూరయ్యాయి. గద్వాల యూపీఎస్‌ మెడికొండకు నాలుగు, యూపీఎస్‌ ఇందువాసికి ఐదు, యూపీఎస్‌ నందిన్నెకు ఆరు చొప్పున మంజూరయ్యాయి. 70 పాఠశాలలకు రెండు, 35 పాఠశాలలకు మూడు, 10 పాఠశాలలకు నాలుగు చొప్పున టాయిలెట్లు మంజూరు చేశారు. జిల్లా ప్రైమరీ మరుగు హైస్కూళ్లు మరుగు పాఠశాలలు దొడ్లు దొడ్లు మహబూబ్‌నగర్‌ 133 214 25 32 జోగుళాంబ గద్వాల 83 130 25 32 నాగర్‌కర్నూల్‌ 53 82 9 9 వనపర్తి 64 95 13 20 నారాయణపేట 103 122 7 9 మొత్తం 436 670 73 94 ఉమ్మడి జిల్లాలో మంజూరైన మరుగుదొడ్లు ఉమ్మడి జిల్లాలో 764 టాయిలెట్ల నిర్మాణానికి సర్కారు గ్రీన్‌సిగ్నల్‌ 436 ప్రైమరీ, 73 హైస్కూళ్లకు మంజూరు ఒక్కో టాయిలెట్‌కు రూ.4.80 లక్షలు.. మొత్తం రూ.36.67 కోట్లు విద్యార్థుల సంఖ్యకు అనుగుణంగా అదనపు వసతులు

నాగర్‌కర్నూల్‌: జిల్లాలో ఎల్‌నినో ప్రభావం స్పష్టంగా కనిపిస్తోంది. నైరుతి రుతుపవనాల ఆగమనంతో సాధారణ వర్షపాతానికి మించి వర్షాలు కురిసేవి. కానీ, ఈ ఏడాది పరిస్థితి అంతా తారుమారైంది. గతంలో ఎన్నడూ లేని విధంగా.. సాధారణ వర్షపాతం పక్కన పెడితే జిల్లాలో 31.23 శాతం లోటు నమోదైంది. ఈ ప్రభావం భూగర్భ జలాలపై తీవ్రంగా పడింది. 7.04 మీటర్ల లోతుకు జలమట్టం పడిపోయింది. మరోవైపు వానాకాలంలోనే ఎండలు వేసవిని తలపిస్తున్నాయి. ఫలితంగా ఇటు వర్షాలు లేక.. అటు బోరు, బావుల్లో నీరు లేక పంటలు ఎండిపోయే పరిస్థితి దాపురించింది. జూన్‌ నుంచి సెప్టెంబర్‌ వరకు జిల్లాలో సాధారణంగా 477.1 మి.మీ., వర్షపాతం నమోదు కావాల్సి ఉండగా.. 328.1 మి.మీ., మాత్రమే కురిసి.. ఏకంగా 31.23 శాతం లోటు ఏర్పడింది. జూన్‌లో 22 శాతం అధిక వర్షపాతం నమోదైనప్పటికీ.. జూలైలో 37, ఆగస్టులో 53, సెప్టెంబర్‌లో 39 శాతం లోటు నమోదైంది. దీంతో వర్షాకాలం ముగిసే నాటికి భూగర్భజలాలపై ఆ ప్రభావం కనిపించింది. వెల్దండ మండలంలోని చొక్కన్నపల్లి గ్రామానికి చెందిన రైతు శశిధర్‌రెడ్డి తనకున్న మూడు బోర్లతోపాటు కేఎల్‌ఐ కాల్వ నీటి ఆధారంగా 5 ఎకరాల్లో వరిపంట సాగు చేశాడు. అయితే కేఎల్‌ఐ కాల్వలో ఇప్పటికీ చుక్క నీరు రాకపోగా.. లోటు వర్షపాతం ప్రభావంతో బోరుబావుల్లో జలాలు ఇంకిపోయాయి. ఫలితంగా మూడు బోర్లు సన్నటి ధారలా నీరు వస్తున్నాయి. దీనికితోడు కరెంట్‌ కోతలతో పారిన పొలమే మళ్లీ మళ్లీ పారుతోంది. ప్రస్తుతం వరిపంట పొట్ట దశలో ఉండగా.. చివరికి పంట చేతికొస్తుందో.. లేదోనని రైతు ఆందోళన చెందుతున్నాడు. వానాకాలం నాలుగు నెలల్లో కురిసిన వర్షపాతం ఇలా (మి.మీ.,).. నెల సాధారణం కురిసింది లోటు అధికం జూన్‌ 84.9 103.7 – 22 జూలై 116.7 73.9 37 – ఆగస్టు 130.9 62.0 53 – సెప్టెంబర్‌ 144.6 88.5 39 – ఆగస్టులో భూగర్భ జలమట్టం 7.17 మీ., వర్షపాతం లోటు 31.23 శాతం సెప్టెంబర్‌లో భూగర్భ జలమట్టం 7.04 మీ., కోడేరులో అత్యల్పంగా 1.16 మీ., నాగర్‌కర్నూల్‌లో అత్యధికంగా నీటి లోతు 11.62 మీ., ఎల్‌నినో ప్రభావం వచ్చే ఏడాది ఫిబ్రవరి వరకు ఉంటుందని వాతావరణ నిపుణలు హెచ్చరిస్తున్నారు. గత వారం రోజుల నుంచి తీవ్రమైన ఎండలు.. ఉక్కపోత ఉండటంతో ప్రజలు తీవ్ర అసౌకర్యానికి గురవుతున్నారు. వ్యవసాయ పొలంలో పనిచేసే కూలీలు సైతం ఎండ తీవ్రతతో ఇబ్బంది పడుతున్నారు. ఇదే పరిస్థితి వచ్చే ఏడాది ఫిబ్రవరి వరకు ఉంటే ఎలా అని అందరిలో ఆందోళన నెలకొంది. ఇప్పటికే పత్తి పంట వర్షాభావంతో దిగుబడి గణనీయంగా తగ్గనుంది. దీపావళి దాటిన తర్వాత పత్తి పంట పూర్తి కావొచ్చు. ఇక భూగర్భజలాలు, కరెంట్‌ కోతలతో వరి పంటకు నీరుపారడం కష్టంగా మారింది. కొన్నిచోట్ల ఎండిపోతున్నాయి. పంట చేతికి రావడానికి మరో రెండు నెలలు పడుతుంది. అదేవిధంగా వేరుశనగ పంట సైతం బాగేనా సాగు చేశారు. నాలుగు నెలల పంట కాగా.. పరిస్థితి చూస్తే పంటలు చేతికి వచ్చేనా లేదా అన్న అనుమానం రైతుల్లో నెలకొంది. పంటలు చేతికి రాకపోతే రైతన్న ఆర్థికంగా తీవ్రంగా దెబ్బతినే అవకాశం ఉంది. దీంతో ఆ ప్రభావం అన్నిరంగాలపై పడనుంది. ఈశాన్య రుతుపవనాలు తిరుగు సమయంలో లేక తుపాన్‌ ఏర్పడి వర్షాలు కురిస్తే తప్ప వచ్చే ఏడాది జూన్‌ వరకు వర్షాలు ఉండే పరిస్థితి లేదు. అ ప్పటి వరకు భూగర్భజలాలు గణనీయంగా లోతుకు పడిపోతాయని భూగర్భజల శాఖ అధికారులు ఆందోళన వ్యక్తం చేస్తున్నారు. ఈసారి వానాకాలంలో 31 శాతం లోటు వర్షపాతం జిల్లాలో సగటున 7.04 మీటర్ల లోతుకు భూగర్భజలాలు అత్యధికంగా నాగర్‌కర్నూల్‌లో 11.62 మీటర్ల కిందకి.. వర్షాలు తగ్గడంతో జలవనరులపై పెరుగుతున్న ఒత్తిడి పొట్ట దశలో వరిపంట.. ఆందోళనలో రైతులు

కల్వకుర్తి రూరల్‌: పట్టభద్రుల ఓటరు నమోదు కార్యక్రమాన్ని పార్టీ శ్రేణులు పెద్దఎత్తున చేపట్టడంతోపాటు అనుక్షణం నిఘా ఉంచాలని రాష్ట్ర ఫుడ్‌ కమిషన్‌ చైర్మన్‌ గోలి శ్రీనివాసరెడ్డి అన్నారు. మంగళవారం కల్వకుర్తిలో ఓటరు నమోదుపై నిర్వహించిన అవగాహన కార్యక్రమానికి ఆయన ముఖ్య అతిథిగా హాజరై మాట్లాడారు. బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ పిలుపుమేరకు అన్ని నియోజకవర్గాల్లో పట్టభద్రుల ఓటరు నమోదు అవగాహన సమావేశాలు నిర్వహిస్తున్నామన్నారు. కల్వకుర్తిలో మాజీ మున్సిపల్‌ చైర్మన్‌ ఎడ్మ సత్యం ఆధ్వర్యంలో ఏర్పాటు చేసిన సమావేశంలో ఆయన మాట్లాడుతూ మహబూబ్‌నగర్‌, రంగారెడ్డి, హైదరాబాద్‌ జిల్లాల పరిధిలో పట్టపద్రుల ఓటు నమోదును పక్కాగా నిర్వహించాలన్నారు. నియోజకవర్గంలోని అన్ని వార్డులు, మున్సిపాలిటీలు, గ్రామాల్లో పట్టభద్రులను గుర్తించి ఓటరుగా నమోదు చేయించాలన్నారు. గతంలో ఓటు నమోదు చేసుకున్నవారు మరోసారి నమోదు చేసుకోవాలని, పార్టీ సానుభూతిపరులు ఏ ఒక్కరూ మిస్‌ కాకుండా చూడాలన్నారు. ఈ సందర్భంగా నూతనంగా ఓటరు నమోదు చేసుకున్న వారితో మాట్లాడారు. పెద్దఎత్తున అవగాహన కార్యక్రమాలు, సోషల్‌ మీడియా, వాట్సాప్‌ గ్రూపులు తదితర మార్గాల ద్వారా పెద్దఎత్తున ప్రచారం చేయాలన్నారు. యువత, ఉద్యోగులు, నిరుద్యోగ పట్టభద్రులు, ప్రైవేట్‌ రంగంలో పనిచేస్తున్న వారిని సంప్రదించి ఓటరుగా నమోదు చేయాలన్నారు. కార్యక్రమంలో నాయకులు దశరథ నాయక్‌, రాంరెడ్డి, విజయ్‌గౌడ్‌, ఐజాక్‌, షాహేద్‌, రాముడునాయక్‌, ప్రదీప్‌, నాగులునాయక్‌, యాదగిరిరెడ్డి, కిషోర్‌ తదితరులు పాల్గొన్నారు.

● ప్రజావాణికి 54 అర్జీలు ● సత్వర పరిష్కారానికి కలెక్టర్‌ ఆదేశాలు కందనూలు: ప్రజావాణిలో అందించే అర్జీలను పెండింగ్‌లో ఉంచకుండా సత్వర చర్యలు చేపట్టి.. బాధితులకు భరోసానిచ్చేలా చొరవ చూపాలని కలెక్టర్‌ హేమంత కేశవ్‌ పాటిల్‌ అధికారులను ఆదేశించారు. కలెక్టరేట్‌ సమావేశ మందిరంలో సోమవారం నిర్వహించిన ప్రజావాణికి వివిధ ప్రాంతాల నుంచి వచ్చిన బాధితుల సమస్యలను ఆయన స్వయంగా తెలుసుకుని అర్జీలు స్వీకరించారు. వివిధ సమస్యలపై మొత్తం 54 అర్జీలు అందగా.. పరిష్కారానికి చర్యలు తీసుకోవాలని సంబంధిత అధికారులకు కలెక్టర్‌ సూచించారు. ప్రతి ఫిర్యాదును 30 రోజుల్లోగా పరిష్కరించాలని ఆదేశించారు. ప్రజావాణి అనంతరం జిల్లా అధికారులతో సమీక్షించారు. శాఖల వారీగా ఎఫ్‌ఆర్‌ఎస్‌ను రోజు ఎంత మంది నమోదు చేసుకుంటున్నారని ఆరా తీశారు. ప్రతి ఉద్యోగి, అధికారి సమయపాలన పాటించాలని.. లేనిచో కఠిన చర్యలు తప్పవని ఆయన హెచ్చరించారు. కార్యక్రమంలో అదనపు కలెక్టర్‌ చెన్నయ్య, డీఆర్వో పాండు, ఏఓ చంద్రశేఖర్‌ పాల్గొన్నారు.

అమ్రాబాద్‌ మండలం మద్దిమడుగులో చెంచు కుటుంబాలైన మాకు ప్రభుత్వం 11 ఇందిరమ్మ ఇళ్లు మంజూరు చేసింది. మేము ఇళ్లను బేస్‌మెంట్‌ వరకు కట్టాం. ఇప్పుడు అటవీశాఖ అధికారులు వచ్చి మీరు ఇక్కడ ఇళ్లు కట్టుకోవడానికి అవకాశం లేదని చెబుతున్నారు. మాకు న్యాయం చేయాలి. – ఇందిరమ్మ ఇళ్ల లబ్ధిదారులు, మద్దిమడుగు, అమ్రాబాద్‌ మండలం న్యాయం చేయండి సారు.. మాకు చేగుంట శివారులోని సర్వేనం.215లో 34 గుంటల భూమి ఉంది. అట్టి భూమి పొరపాటున 34 గుంటలకు బదులు 11 గుంటలు మాత్రమే పడింది. మిగుతా భూమి ఇతరుల పేరు మీద చూపిస్తుంది. అధికారులు విచారణ చేసి, మాకు న్యాయం చేయాలి. – నారంజి, చేగుంట, తిమ్మాజిపేట మండలం

నాగర్‌కర్నూల్‌ మున్సిపాలిటీలోని ఉయ్యాలవాడ శివారులో సర్వేనం. 174, 177, 178, 179, 158లలో కొన్నెళ్ల క్రితం వెంచర్‌ చేయడం జరిగింది. ప్రస్తుతం ఆ ప్రాంతంలోని కొంత భాగంలో పాలమూరు – రంగారెడ్డి ఎత్తిపోతల పథకం టన్నెల్‌ నిర్మిస్తున్నారు. మిగిలిన భాగంలో ఇంకా ప్లాట్లు ఉన్నాయి. వాటిలో ఇళ్లు కట్టుకోవడానికి అనుమతులు ఇవ్వాలి. లేనిచో మా ప్లాట్లకు నష్టపరిహారమైనా చెల్లించాలి. – పాలమూరు ఎత్తిపోతల టన్నెల్‌ బాధితుల సంఘం, నాగర్‌కర్నూల్‌ నష్టపరిహారం చెల్లించండి.. నాగర్‌కర్నూల్‌ మున్సిపాలిటీలోని ఉయ్యాలవాడ శివారులో మెడికల్‌ కళాశాల నిర్మాణానికి సర్వేనం. 237/3/ఎ1, 237/5/2లో 2.20 ఎకరాలకు గాను 1.20 ఎకరాల భూమిని తీసుకోవడం జరిగింది. అందుకు నష్టపరిహారం చెల్లించకపోగా.. ఎకరా భూమిని భూ భారతి పోర్టల్‌లో చూపించడం లేదు. దీనిపై 2025 అక్టోబర్‌లో హైకోర్టును ఆశ్రయించగా.. 2023 భూసేకరణ చట్టం ప్రకారం మాకు నష్టపరిహారం చెల్లించాలని ఆదేశాలు జారీ చేసింది. అయినా ఇప్పటివరకు అధికారులు నష్టపరిహారం చెల్లించలేదు. మాకు న్యాయం చేయాలి. – కాకునూరు మధు, ఉయ్యాలవాడ, నాగర్‌కర్నూల్‌ మున్సిపాలిటీ ●

కందనూలు: ప్రజలు నిర్భయంగా మూడో వ్యక్తి ప్రమేయం లేకుండా నేరుగా తమ సమస్యలపై పోలీసులకు ఫిర్యాదు చేయాలని ఎస్పీ సంగ్రామ్‌ సింగ్‌జీ పాటిల్‌ సూచించారు. సోమవారం జిల్లా పోలీసు కార్యాలయంలో నిర్వహించిన ప్రజావాణికి వివిధ గ్రామాల నుంచి వచ్చిన బాధితుల నుంచి 14 ఫిర్యాదులు స్వీకరించారు. వీటిలో 7 భూ తగాదాలపై, మరో 7 తగు న్యాయం కోసం ఫిర్యాదులు అందగా.. పరిష్కారం కోసం సంబంధిత స్టేషన్లకు పంపినట్లు ఎస్పీ తెలిపారు. ఆర్టీఐ దరఖాస్తులను నిర్లక్ష్యం చేయొద్దు : కలెక్టర్‌ కందనూలు: సమాచార హక్కు చట్టం (ఆర్టీఐ) కింద ప్రజల నుంచి అందిన దరఖాస్తులను నిబంధనల మేరకు పరిశీలించి.. నిర్ణీత కాలపరిమితిలోగా పరిష్కరించాలని కలెక్టర్‌ హేమంత కేశవ్‌ పాటిల్‌ అన్ని శాఖల అధికారులను ఆదేశించారు. సోమవారం కలెక్టరేట్‌లోని ప్రధాన సమావేశ మందిరంలో అదనపు కలెక్టర్లు చెన్నయ్య, దేవసహాయంతో కలిసి ఆర్టీఐ, ఎఫ్‌ఆర్‌ఎస్‌, ప్రభుత్వ కార్యాలయాల్లో సిబ్బంది హాజరు తదితర అంశాలపై సమీక్షించారు. ఈ సందర్భంగా కలెక్టర్‌ మాట్లాడుతూ.. ఆర్టీఐ దరఖాస్తులను నిర్లక్ష్యం చేయొద్దన్నారు. నిబంధనల మేరకు దరఖాస్తుదారులకు అవసరమైన సమాచారాన్ని అందించాలని ఆదేశించారు. వివిధ శాఖల్లో పెండింగ్‌లో ఉన్న ఆర్టీఐ దరఖాస్తులను ప్రత్యేకంగా గుర్తించి.. వాటి పరిష్కారానికి ప్రాధాన్యం ఇవ్వాలని అధికారులకు సూచించారు. దరఖాస్తుల పరిష్కారంలో ఎలాంటి జాప్యం జరగకుండా సంబంధిత ఉన్నతాధికారులు ప్రత్యేక శ్రద్ధ వహించాలని తెలిపారు. ప్రజలకు సమాచారం అందించే విషయంలో పారదర్శకతతో విధులు నిర్వహించాలన్నారు. అన్ని ప్రభుత్వ కార్యాలయాల వెలుపల ప్రజలకు స్పష్టంగా కనిపించే విధంగా సమాచారం అందించే అధికారి వివరాలతో పాటు సంబంధిత అధికారి ఫోన్‌ నంబర్‌ తప్పనిసరిగా ఏర్పాటుచేయాలని ఆదేశించారు. అధికారులు, సిబ్బంది సమయపాలన పాటిస్తూ.. విధులకు సకాలంలో హాజరై ప్రజలకు మెరుగైన సేవలు అందించేలా శాఖాధిపతులు నిరంతరం పర్యవేక్షించాలని కలెక్టర్‌ సూచించారు. ప్రతి పట్టభద్రుడిని ఓటరుగా నమోదు చేయాలి కందనూలు: నియోజకవర్గంలో ప్రతి పట్టభద్రుడిని ఓటరుగా నమోదు చేయించాలని మాజీ ఎమ్మెల్యే మర్రి జనార్దన్‌రెడ్డి బీఆర్‌ఎస్‌ పార్టీ శ్రేణులకు సూచించారు. సోమవారం జిల్లా కేంద్రంలోని బీఆర్‌ఎస్‌ కార్యాలయంలో పార్టీ కార్యకర్తలతో నిర్వహించిన విసృతస్థాయి సమావేశంలో ఆయన మాట్లాడారు. నాగర్‌కర్నూల్‌ నియోజకవర్గ పరిధిలోని అన్ని గ్రామాలు, మున్సిపల్‌ వార్డుల్లో పట్టభద్రులను గుర్తించి.. ఓటరుగా నమోదు చేయించేందుకు కృషి చేయాలన్నారు. ప్రధానంగా పార్టీ సానుభూతిపరుల ఓట్లపై ప్రత్యేక దృష్టిసారించాలని సూచించారు. ప్రతి గ్రామ, వార్డు స్థాయిలో పార్టీ నాయకులు, కార్యకర్తలు సమన్వయంతో పనిచేస్తూ గ్రాడ్యుయేట్‌ ఓటర్లను చైతన్యపరచాలని సూచించారు. కాగా, నాగర్‌కర్నూల్‌ మండలం గగ్గలపల్లికి చెందిన పార్టీ నాయకుడు రామచంద్రుడు ఇటీవల గుండెపోటుతో మృతిచెందగా.. కుటుంబ సభ్యులను మర్రి జనార్దన్‌రెడ్డి పరామర్శించి, ప్రగాఢ సానుభూతి తెలిపారు. నేడు కలెక్టరేట్‌ వద్ద వామపక్షాల ధర్నా కందనూలు: కేంద్ర ఎన్నికల కమిషనర్‌ జ్ఞానేశ్‌కుమార్‌ గుప్తాను తొలగించాలని డిమాండ్‌ చేస్తూ మంగళవారం వామపక్ష పార్టీల ఆధ్వర్యంలో కలెక్టరేట్‌ వద్ద ధర్నా చేపట్టనున్నట్లు సీపీఐ జిల్లా కార్యదర్శి ఎస్‌ఎండీ ఫయాజ్‌, సీపీఎం జిల్లా కార్యదర్శి పర్వతాలు తెలిపారు. సోమవారం జిల్లా కేంద్రంలోని సీపీఐ కార్యాలయంలో నిర్వహించిన సమావేశంలో వారు మాట్లాడారు. దేశంలో 13 కోట్ల మంది పౌరుల ఓట్లను అక్రమంగా తొలగించిన జ్ఞానేశ్‌కుమార్‌ గుప్తాను తక్షణమే తొలగించి, అరెస్టు చేయాలని డిమాండ్‌ చేశారు. ప్రజాస్వామ్యంలో అతిపెద్ద పదవిలో ఉన్న వ్యక్తి హుందాతనంగా వ్యవహరించడంలో ఘోరంగా విఫలమవుతున్నారని విమర్శించారు. ధర్నా కార్యక్రమానికి అన్ని పార్టీల నాయకులు, కార్యకర్తలు తరలిరావాలని పిలుపునిచ్చారు. సమావేశంలో సీపీఐ రాష్ట్ర కంట్రోల్‌ కమిషన్‌ సభ్యులు ఆనంద్‌జీ, సీపీఎం జిల్లా కమిటీ సభ్యుడు అశోక్‌ ఉన్నారు.

జిల్లాలో 10 మండలాలు ఎంపిక.. జిల్లాలో వేరుశనగ పంటసాగు విస్తీర్ణం పెంచేందుకు కేంద్ర ప్రభుత్వం అమలుచేస్తున్న విత్తనాల పంపిణీకి జిల్లా వ్యవసాయశాఖ ఎక్కువగా వేరుశనగ పండించే 10 మండలాలను ఎంపిక చేసింది. గతేడాది అచ్చంపేట, లింగాల, ఉప్పునుంతల, బల్మూర్‌, వంగూరు, కల్వకుర్తి, వెల్దండ, ఊర్కొండ, కొల్లాపూర్‌, పెద్దకొత్తపల్లి మండలాలు ఎంపికయ్యాయి. ఆయా మండలాల్లో 14,164 క్వింటాళ్ల వేరుశనగ విత్తనాలను 12,812 మంది రైతులకు పంపిణీ చేశారు. ఈ ఏడాది కొల్లాపూర్‌, పెద్దకొత్తపల్లి మండలాల్లో వేరుశనగ సాగు అంతంత మాత్రమేనని గుర్తించి తొలగించారు. వాటి స్థానంలో అమ్రాబాద్‌ మండలాన్ని చేర్చారు. ఈ ఏడాది మొత్తంగా 10 మండలాలను ఎంపిక చేయగా.. లేపాక్షి, గిర్‌–4, గిర్‌–5 రకాల విత్తనాలను పంపిణీ చేస్తున్నారు. నాగర్‌కర్నూల్‌: కేంద్ర ప్రభుత్వం నూనె గింజల సాగు విస్తీర్ణం, ఉత్పాదకత పెంచాలనే లక్ష్యంతో జాతీయ వంట నూనెలు – నూనె గింజల మిషన్‌ (ఎన్‌ఎంఈఓ) నెలకొల్పింది. ఈ పథకం కింద రైతులకు నాణ్యమైన విత్తనాలు అందించి, నూనె గింజలు ఉత్పత్తిచేసే పంటల సాగును ప్రోత్సహిస్తోంది. అందులో భాగంగా గతేడాది నుంచి వేరుశనగ, సోయాబీన్‌, పొద్దుతిరుగుడు, నువ్వులు ఇతరత్రా నూనె గింజల పంపిణీకి ప్రత్యేకంగా నిధులు కేటాయిస్తోంది. జిల్లాకు కేవలం వేరుశనగ విత్తనాల కోసమే రూ.16.14 కోట్లకు పైగా కేటాయించగా.. 14,164 క్వింటాళ్ల విత్తనాలను ఎంపిక చేసిన రైతులకు యాసంగి సీజన్‌లో ఉచితంగా పంపిణీ చేశారు. ఈ ఏడాది సైతం రూ. 15కోట్ల నిధులు కేటాయించగా.. 11,800 క్వింటాళ్ల విత్తనాలు జిల్లాకు వచ్చాయి. ఆరేళ్ల పాటు కొనసాగింపు.. రాష్ట్రంలోనే వేరుశనగను అధికంగా సాగుచేసే జిల్లాగా నాగర్‌కర్నూల్‌ పేరొందింది. దీంతో ఈ పథకానికి కేంద్రం జిల్లాను ఎంపిక చేసింది. ఆరేళ్ల పాటు పథకం అమలులో ఉండనుంది. 2025–26 నుంచి ప్రారంభించగా.. 2030–31 వరకు కొనసాగనుంది. ఏటా ఎంపిక చేసిన మండలాల్లో రైతులకు అర ఎకరం నుంచి రెండున్నర ఎకరాల సాగుకు అవసరమైన విత్తనాలను ఉచితంగా పంపిణీ చేస్తూ వస్తున్నారు. తద్వారా రైతులపై విత్తన కొనుగోలు భారం తప్పుతోంది. ఎకరానికి ఒక క్వింటా వేరుశనగ ఇవ్వగా.. వాటిని విత్తనాలుగా మార్చాల్సి వస్తుంది. ఆ రైతుకు ఉన్న పొలంలో సాగుచేసి, పండించిన పంటను విక్రయించుకోవాలి. నూనె సైతం తయారు చేసుకోవచ్చు. నూనె గింజల సాగుకు ప్రభుత్వ ప్రోత్సాహం ఎన్‌ఎంఈఓ ద్వారా రైతులకు ఉచితంగా విత్తనాలు 2025–26లో జిల్లాకు రూ. 16.14కోట్లు కేటాయింపు 12,812మంది రైతులకు 14,164 క్వింటాళ్ల వేరుశనగ విత్తనాలు పంపిణీ 2026–27లో 11,800 క్వింటాళ్ల విత్తనాల పంపిణీకి రూ.15కోట్లు మంజూరు

జిల్లాలోని గ్రంథాలయాల్లో పనిచేస్తున్న స్వీపర్లకు నాలుగు నెలల నుంచి జీతాలు రావడం లేదు. ఈ విషయాన్ని ఉన్నతాధికారులకు నివేదిక అందజేశాం. వారి నుంచి వచ్చే ఆదేశాల ప్రకారం స్వీపర్లకు జీతాలు చెల్లించేలా చర్యలు తీసుకుంటాం. – ప్రతాప్‌, జిల్లా గ్రంథాలయాల కార్యదర్శి గత నాలుగు నెలల నుంచి జీతాలు రాక కుటుంబ పోషణ కష్టతరంగా మారింది. పిల్లల ఫీజులు, ఇంటి కిరాయిలు అప్పు చేసి కట్టుకోవాల్సిన పరిస్థితి ఏర్పడింది. అధికారులు చొరవ తీసుకొని వెంటనే జీతాలు చెల్లించేలా చర్యలు తీసుకోవాలి. – పవన్‌, స్వీపర్‌, తెలకపల్లి గ్రంథాలయం ప్రతిరోజు ఉదయం 8 నుంచి రాత్రి 8 గంటల వరకు గ్రంథాలయంలో విధులు నిర్వహిస్తున్న స్వీపర్లకు వేతనాలు సకాలంలో రాకపోవడంతో అప్పులు చేసి కుటుంబాన్ని నడుపుతున్నాం. అరకొర జీతాలు సరిగా చెల్లించకపోవడంతో ఇబ్బంది పడాల్సి వస్తోంది. – జంబులు, స్వీపర్‌, కల్వకుర్తి గ్రంథాలయం జిల్లా, మండల గ్రంథాలయల్లో సిబ్బంది కొరత తీవ్రంగా ఉంది. ఉద్యోగులు లేకపోవడంతో పుస్తకాల నిర్వహణ, పాఠకులకు సేవలు అందించడం కష్టంగా మారింది. కొన్నిచోట్ల ఒక్కరే అన్ని పనులు చూసుకునే పరిస్థితి నెలకొంది. ప్రభుత్వం చొరవ తీసుకొని సిబ్బందిని నియమించి గ్రంథాలయాలను కాపాడాల్సిన అవసరం ఉంది. – తిరుపతి, పాఠకుడు ●

పాన్‌గల్‌: గిరిజనుల హక్కులను కాలరాస్తున్న కేంద్ర, రాష్ట్ర ప్రభుత్వాలపై ఉద్యమానికి సిద్ధం కావాలని గిరిజన సంఘం రాష్ట్ర అధ్యక్షుడు ధర్మానాయక్‌ పిలుపునిచ్చారు. ఆదివారం పాన్‌గల్‌ మండల కేంద్రంలో నిర్వహించిన తెలంగాణ గిరిజన సంఘం జిల్లా 3వ మహాసభలో ఆయన మాట్లాడారు. గిరిజన జనాభా ప్రతిపాదికన 10 శాతం రిజర్వేషన్లు సక్రమంగా అమలు చేయకపోవడంతో విద్య, ఉపాధి, ఉద్యోగాల్లో గిరిజన బిడ్డలు ఎంతో నష్టపోతున్నారన్నారు. గిరిజన తండాలకు ఇప్పటికీ సరైన రోడ్లు, మౌలిక వసతులు లేకపోవడంతో ఇబ్బందులు పడుతున్నారన్నారు. పంచాయతీలుగా ఏర్పడిన తండాలను రెవెన్యూ జీపీలుగా గుర్తించి, ప్రత్యేక నిధులు కేటాయించాలని డిమాండ్‌ చేశారు. ఎంతో కాలంగా గిరిజనులు సాగుచేసుకుంటున్న పోడు భూములకు పట్టాలు ఇచ్చి, అటవీశాఖ అధికారుల వేధింపులు ఆపాలన్నారు. కాంగ్రెస్‌ ప్రభుత్వం చేవెళ్ల డిక్లరేషన్‌ అమలు చేయకుండా మోసం చేసిందన్నారు. కేంద్ర, రాష్ట్ర ప్రభుత్వాలు అవలంబిస్తున్న గిరిజన వ్యతిరేక విధానాలను ఎండగడుతూ.. గిరిజనులకు దక్కాల్సిన హక్కుల సాధనకు కలిసికట్టుగా పోరాడుతామన్నారు. తమ సమస్యల పరిష్కారం కోసం ఈ నెల 10న ఛలో హైదరాబాద్‌ కార్యక్రమం నిర్వహించనున్నట్లు తెలిపారు. కాగా, సంఘం ఆధ్వర్యంలో భవిష్యత్‌లో చేపట్టాల్సిన కార్యక్రమాలు, సంఘం బలోపేతానికి తీసుకోవాల్సిన ప్రణాళికలపై చర్చించి తీర్మానాలు చేశారు. గిరిజనుల వేషధారణలో చిన్నారులు చేసిన నృత్యం అలరించింది. సమావేశంలో గిరిజన సంఘం జిల్లా నాయకులు రవినాయక్‌, బాల్యానాయక్‌, అనిత, బాలునాయక్‌, హరినాయక్‌, చంద్రూనాయక్‌, గోపినాయక్‌, లక్ష్మణ్‌నాయక్‌, శ్రీధర్‌నాయక్‌, మాత్రునాయక్‌, అన్నారంతండా సర్పంచ్‌ కృష్ణమ్మ, మాజీ సర్పంచ్‌ శాంతమ్మ పాల్గొన్నారు.

● ఖరీఫ్‌ సీజన్‌లో 1.25 లక్షల ఎకరాల్లో వరి సాగు ● 3.16 లక్షల మె.ట., దిగుబడి రానున్నట్లు అంచనా ● 1.20 లక్షల మె.ట., ధాన్యం సేకరణ లక్ష్యం ● గన్నీ బ్యాగుల కొరత లేకుండా చర్యలు అచ్చంపేట: జిల్లాలో రైతులకు ఎలాంటి ఇబ్బందులు కలగకుండా వానాకాలం సీజన్‌ ధాన్యం సేకరణకు అధికార యంత్రాంగం సన్నద్ధమవుతోంది. జిల్లాలో ఏటేటా వరిసాగు విస్తీర్ణం పెరుగుతుండగా.. పంటల దిగుబడికి అనుగుణంగా కొనుగోలు కేంద్రాల ఏర్పాటుకు చర్యలు చేపట్టింది. మరో నెలరోజుల్లో పంట చేతికొచ్చే అవకాశం ఉన్నందున కొనుగోలు ప్రక్రియ చేపట్టేందుకు కసరత్తు ప్రారంభించింది. జిల్లాలో 3.16 లక్షల మె.ట., టన్నుల ధాన్యం వస్తుందని వ్యవసాయ అధికారులు అంచనా వేయగా.. ఐకేపీ, పీఏసీఎస్‌, మెప్మా ఆధ్వర్యంలో 183 కొనుగోలు కేంద్రాల ఏర్పాటుకు ప్రభుత్వం నిర్ణయించింది. ధాన్యం వచ్చినా.. రాకపోయినా ఈ నెల మొదటి వారంలోనే కేంద్రాలు ఏర్పాటు చేయాలని ప్రభుత్వం ఆదేశాలు జారీ చేసింది. గతేడాది కొనుగోలు కేంద్రాల ద్వారా ప్రభుత్వం 1.14 లక్షల మె.ట., ధాన్యం కొనుగోలు చేయగా.. ఈసారి 1.20 లక్షల మె.ట., ధాన్యం వస్తోందని అంచనా వేశారు. వంద ఎకరాల కంటే ఎక్కువ వరి సాగైనా గ్రామాల్లో అక్కడే కొనుగోలు కేంద్రాలు ఏర్పాటు చేయాలనే ఆదేశాలు ఉన్నాయి. ఇందుకు అవసరమైన తూకాలు, గోతాలు, తేమ నిర్ధారణ యంత్రాలు, టార్పాలిన్లు, వరి జల్లెడ పట్టే పరికరాలు ఇలా అన్నింటినీ అందుబాటులో ఉంచుకోవాలని సూచించింది. అలాగే కొనుగోలు కేంద్రాల వద్ద రైతులకు తాగునీటి సౌకర్యం, తాత్కాలికంగా మౌళిక వసతులు కల్పించాల్సి ఉంది. ఇప్పటికే కలెక్టర్‌ సమీక్ష.. జిల్లాలో ప్రస్తుతం వానాకాలం సీజన్‌లో 1,25,172 ఎకరాల్లో వరి సాగుచేశారు. ఇందులో సుమారు 88 శాతం సన్నరకం కాగా.. 12 శాతం దొడ్డు రకం సాగైంది. ప్రభుత్వం గ్రేడ్‌–ఏ రకం ధాన్యం క్వింటాకు రూ.2,320, సాధారణ రకానికి రూ.2,300 మద్దతు ధర ప్రకటించింది. అయితే సన్న రకం ధాన్యానికి అదనంగా రూ.500 బోనన్‌ చెల్లిస్తుండటంతో ప్రైవేట్‌ వ్యాపారుల ధాన్యం కేంద్రాలకు రాకుండా జాగ్రత్తలు తీసుకుంటున్నారు. సన్నరకం ధాన్యంలో దొడ్డు రకం కలవకుండా జాగ్రత్తలు తీసుకొనేలా ఆదేశాలు జారీ చేశారు. ధాన్యం కొనుగోలు చేసిన వెంటనే ఆన్‌లైన్‌లో వివరాలు నమోదు చేసి.. 48 గంటల్లో రైతుల బ్యాంకు ఖాతాల్లో డబ్బులు జమచేయాలని కలెక్టర్‌ హేమంత కేశవ్‌ పాటిల్‌ గత నెల 29న జరిగిన సమీక్షలో వెల్లడించారు. అలాగే ట్యాగ్‌ చేసిన మిల్లులకు మాత్రమే ధాన్యం తరలించాల్సి ఉంటుంది. ఇతర రాష్ట్రాల నుంచి వరిధాన్యం జిల్లాకు రాకుండా పోలీస్‌, రవాణా శాఖ అధికారులు పటిష్ట నిఘా ఏర్పాటు చేయాలని ఆదేశించారు. ప్రభుత్వం సూచించిన సన్నాలకు అందించే బోనస్‌ రూ.500ప్రస్తుత వానాకాలం సీజన్‌లో రైతులు పండించిన వరిధాన్యాన్ని కొనుగోలు చేసేందుకు ముందుస్తుగా ఏర్పాట్లు చేస్తున్నాం. జిల్లావ్యాప్తంగా 183 కొనుగోలు కేంద్రాలు ఏర్పాటుకు కసరత్తు ప్రారంభిస్తున్నాం. పంట చేతికొచ్చే నాటికి అన్ని ఏర్పాట్లు పూర్తి చేసి.. కొనుగోళ్లు ప్రక్రియ పారదర్శకంగా చేపడుతాం. – యశ్వంత్‌రావు, జిల్లా వ్యవసాయాధికారి ●గత వానాకాలం, యాసంగిలో ప్రభుత్వం ఏర్పాటు చేసిన కొనుగోలు కేంద్రాలపై రైతులు పెద్దగా ఆసక్తి చూపలేదు. ఎక్కువ శాతం రైతులు ప్రైవేట్‌ వ్యాపారులకే ధాన్యం అమ్మడంతో కొనుగోలు కేంద్రాల లక్ష్యం నెరవేరలేదు. జిల్లాలో సన్న రకాలకు ఇచ్చే ధర గిట్టుబాటు కాకపోవడంతో ప్రైవేట్‌లోనే ధాన్యం విక్రయించారు. 2 లక్షల మె.ట., ధాన్యం కొనుగోలు సేకరణగా లక్ష్యంగా పెట్టుకొని మొత్తం 236 కొనుగోలు కేంద్రాలను ఏర్పాటు చేయగా.. కేవలం 1.14 లక్షల మె.ట., సేకరించారు. ఇదిలా ఉండగా కొనుగోలు కేంద్రాల వద్ద సిబ్బంది అందుబాటులో లేకపోవడం, తేమ పేరుతో ధరలు తగ్గించడం వంటివి కూడా కారణమయ్యాయి. అలాగే యాసంగిలో 202 కొనుగోలు కేంద్రాలు ఏర్పాటు చేసి 2 లక్షల మె.ట., ధాన్యం సేకరణ లక్ష్యం పెట్టుకోగా.. 1.12 లక్షల మె.ట., మాత్రమే వచ్చింది. ధాన్యంలో నాణ్యతా ప్రమాణాలను పరిశీలించిన తర్వాతే ధరను నిర్ణయిస్తారు. కొనుగోలు కేంద్రాల్లో ధాన్యం విక్రయించే రైతులు పట్టాదారు పాస్‌పుస్తకం, బ్యాంకు అకౌంట్‌, ఏఈఓతో ధ్రువపత్రాలు సమర్పించాల్సి ఉంటుంది.

ఊగిసలాడుతున్న కృష్ణానదిపై ఐకానిక్‌ బ్రిడ్జి నిర్మాణం –8లో uకొల్లాపూర్‌ సమీపం నుంచి కృష్ణానదిపై ఐకానిక్‌ బ్రిడ్జి నిర్మించే ప్రాంతం వరకు జాతీయ రహదారి నిర్మాణానికి 53 హెక్టార్ల భూ సేకరణ చేపడుతునున్నాం. ఇందులో 25 హెక్టార్ల అటవీ భూమి ఉండగా వారి నుంచి ఎన్‌ఓసీ వచ్చింది. రెవెన్యూ పరిధిలోని భూములు సేకరించేందుకు నోటిఫికేషన్‌ ఇచ్చాం. భూములు కోల్పోయే వారికి నోటీసులు జారీచేశాం. ఇటీవలే కొందరు రైతులకు పరిహారం డబ్బులు వారి బ్యాంకు ఖాతాల్లో జమ అయ్యాయి. మిగిలిన వారికి కూడా త్వరలోనే పరిహారం చెల్లింపులు జరుగుతాయి. అయితే దాదాపుగా 70 మంది రైతులు మాత్రం ఇప్పటి వరకు తమ భూములకు సంబంధించిన పత్రాలు సమర్పించలేదు. వారికి కొన్ని రోజుల క్రితమే ఫాం–2 నోటీసులు ఇచ్చాం. నిర్ణీత సమయంలోగా వారు స్పందించకుంటే నిబంధనల ప్రకారం ఆయా భూములను స్వాధీనం చేసుకుంటాం. – భన్సీలాల్‌, ఆర్డీఓ, కొల్లాపూర్‌ కొల్లాపూర్‌: ఒకవైపు రెండు తెలుగు రాష్ట్రాలను కలుపుతూ.. దాదాపు 80 కి.మీ., మేర దూరభారం తగ్గించే రహదారి.. మరోవైపు ఎన్నో ఏళ్ల పోరాటం, కృష్ణానదిలో నాటు పడవ ప్రమాదాల్లో ఎంతోమంది మృతిచెందిన తర్వాత మంజూరైన వంతెన. ఈ రెండు పనులను ఒకే ప్రాజెక్టుగా అనుసంధానిస్తూ.. కేంద్ర ప్రభుత్వం జాతీయ రహదారి–167కే నిర్మాణానికి నిధులు కేటాయించింది. సుమారు ఐదేళ్ల క్రితం మంజూరైన రోడ్డు పనులు మూడేళ్ల క్రితం ప్రారంభమయ్యాయి. ఇక కృష్ణానదిపై నిర్మించబోయే ఐకానిక్‌ వంతెన ఆసియా ఖండంలోనే అతిపెద్దది. ఈ వంతెన నిర్మాణానికి సంబంధించి టెండర్లను కూడా కేంద్రం మూడేళ్ల క్రితమే ఆహ్వానించింది. దీనికి ఎన్నో ప్రముఖ కంపెనీలు టెండర్‌ కోసం దరఖాస్తు చేసుకోగా.. ఇప్పటికీ ఓపెన్‌ కావడం లేదు. ఇందుకు ప్రధానంగా రెవెన్యూ పరిధిలోని భూ సేకరణలో జాప్యమే కారణమన్న ఆరోపణలు వినిపిస్తున్నాయి. ఫలితంగా రెండు ప్రాంతాలు, లక్షలాది మంది ప్రజలకు మేలు చేసే ప్రతిష్టాత్మక ప్రాజెక్టుపై పాలకులు, అధికారుల చిత్తశుద్ధిని వేలెత్తి చూపేలా చేస్తోంది. ఐదు ప్యాకేజీలుగా విభజన జాతీయ రహదారి–167కేను 2021లో మంజూరు చేశారు. ఐదు ప్యాకేజీలుగా పనులను విభజన చేశారు. మొదటి ప్యాకేజీలో భాగంగా అదే ఏడాది సెప్టెంబర్‌లో కల్వకుర్తి నుంచి సోమశిల రోడ్డు వరకు రహదారి విస్తరణ, బైపాస్‌ నిర్మాణాలకు సంబంధించిన టెండర్లు ఓపెన్‌ చేశారు. ఈ పనుల టెండర్‌ను రూ.436.91 కోట్లకు ఆర్‌కే ఇన్‌ఫ్రా అనే సంస్థ దక్కించుకుంది. వీరు 2023 జూలైలో అధికారికంగా పనులు ప్రారంభించారు. ఈ పనులు దాదాపుగా తుదిదశకు చేరుకున్నాయి. తాడూరు సమీపంలో బైపాస్‌ రహదారి నిర్మాణాలు జరుగుతున్నాయి. ఇప్పటి వరకు 85 శాతానికిపైగా పనులు పూర్తయ్యాయి. ఆంధ్రప్రదేశ్‌ రాష్ట్రంలో చేపట్టిన 4, 5 ప్యాకేజీల పనులు కూడా దాదాపుగా పూర్తి కావొస్తున్నాయి. 2, 3వ ప్యాకేజీలలో కృష్ణానదిపై ఐకానిక్‌ సస్పెన్సివ్‌ కేబుల్‌ బ్రిడ్జితోపాటు అప్రోచ్‌ రహదారులు ఉన్నాయి. జాతీయ రహదారి–167కే మొత్తం పొడవు 185.90 కి.మీ., కాగా.. 87.360 – 88.437 కి.మీ., మధ్యభాగంలో ఐకానిక్‌ వంతెన నిర్మిస్తారు. ఈ పనుల కోసం రూ.963 కోట్లు కేటాయించి 2023 నవంబర్‌ 2న టెండర్లను నేషనల్‌ హైవే అథారిటీ ఆహ్వానించింది. పలు జాతీయ, అంతర్జాతీయ కంపెనీలు టెండర్లు దాఖలు చేశాయి. వంతెన పనులు చేపట్టే ప్రదేశానికి వెళ్లే దారిలో అటవీ, రెవెన్యూ భూములను సేకరించాల్సి ఉంది. భూ సేకరణలో జాప్యం కారణంగా మూడేళ్లుగా టెండర్ల ఓపెన్‌ను వాయిదా వేస్తూ వస్తున్నారు. ఇప్పటి వరకు 39 సార్లు టెండర్ల ఓపెన్‌ గడువును వాయిదా వేస్తూ వచ్చారు. టెండర్లు తెరిచేందుకే మూడేళ్లు గడిచిపోయిన పుణ్యకాలం వివిధ రకాల సాకులతో 39 సార్లు వాయిదాల పర్వం రెవెన్యూ పరిధిలో భూ సేకరణలో జాప్యమే ప్రధాన కారణం ప్రతిష్టాత్మక ప్రాజెక్టుపై అధికారులు, ప్రజాప్రతినిధుల్లో కొరవడిన చిత్తశుద్ధి

జిల్లాలో 17 లైబ్రరీలకు ముగ్గురు మాత్రమే రెగ్యులర్‌ సిబ్బంది కందనూలు: ప్రజలకు విజ్ఞానం, విద్యార్థులకు విద్య, నిరుద్యోగులకు పోటీ పరీక్షల సమాచారం అందించాల్సిన గ్రంథాలయాలు సిబ్బంది కొరతతో ఇబ్బందులు ఎదుర్కొంటున్నాయి. మనిషి జ్ఞానం సంపాదించడంలో గ్రంథాలయాల పాత్ర కీలకం. ప్రభుత్వాలు పట్టణం, మండలంలో గ్రంథాలయాలను ఏర్పాటు చేసింది. కానీ, మౌళిక వసతులు కల్పించడంలో మాత్రం ఘోరంగా విఫలమైంది. కనీసం పుస్తకాలు, కుర్చీలు, మరుగుదొడ్లు, ఫ్యాన్లు, విద్యుత్‌ దీపాలు లేక పోటీ పరీక్షలకు సిద్ధమయ్యే పేద అభ్యర్థులు, ఇతర పుస్తకాలు చదివే ప్రజలు ఇబ్బందులు పడుతున్నారు. జిల్లావ్యాప్తంగా మొత్తం 17 గ్రంథాలయాలు ఉండగా.. వాటి నిర్వహణకు కేవలం ముగ్గురు రెగ్యులర్‌ సిబ్బంది, ఐదుగురు పార్ట్‌టైం సిబ్బందితో మాత్రమే నడుస్తున్నాయి. జిల్లాలోని గ్రంథాలయాలకు సంబంధించి పుస్తకాల నిర్వహణ, పాఠకులకు అవసరమైన సేవలు అందించడం, రికార్డుల నిర్వహణ, పుస్తకాల జారీ, తిరిగి స్వీకరణ వంటి అనేక పనులను పరిమిత సంఖ్యలో ఉన్న సిబ్బంది నిర్వహించాల్సి వస్తోంది. దీంతో కొన్ని గ్రంథాలయాల్లో సిబ్బంది లేక సేవలు అందించడంలో సమస్యలు తలెత్తుతున్నాయి. వీటికి తోడు గ్రంథాలయాలకు నీరు, కరెంట్‌, పేపర్‌, నెట్‌ బిల్లులు రాక ఉద్యోగులు తమ జీతంలో నుంచి వెచ్చించాల్సిన దుస్థితి నెలకొంది. జిల్లాలో 17 లైబ్రరీలకు గాను 17 మంది లైబ్రరీయన్‌, 17 మంది స్వీపర్లు ఉండాలి. కానీ, ముగ్గురు రెగ్యులర్‌ ఉద్యోగులు, ఇద్దరు ఔట్‌సోర్సింగ్‌, ఐదు మంది పార్టుటైం ఉద్యోగులు, 13 మంది స్వీపర్లు పనిచేస్తున్నారు. ఇందులో రెగ్యులర్‌ ఉద్యోగులైన పరమేశ్వరి లింగాల, ఉప్పునుంతల, బల్మూరు, నాగర్‌కర్నూల్‌, జిలానీబేగం కొల్లాపూర్‌, పెద్దకొత్తపల్లి, వెంకటస్వామి కల్వకుర్తి, వెల్దండ, నాగర్‌కర్నూల్‌, ఔట్‌ సోర్సింగ్‌ ఉద్యోగి అరుంధతి తెలకపల్లి, అచ్చంపేట లైబ్రరీలో విధులు నిర్వహిస్తూ సందర్భానుసారం వారు మారుతూ ఉంటారు. అయితే ఉన్న ముగ్గురు ఉద్యోగులు కూడా సమయపాలన పాటించడం లేదని, వారికి తోచినప్పుడు వచ్చి రిజిష్టర్‌లో సంతకాలు పెడుతున్నారన్న విమర్శలు వినిపిస్తున్నాయి. సిబ్బంది లేక వెలవెలబోతున్న విజ్ఞాన భాండాగారాలు నాలుగు నెలలుగా జీతాలు రాక స్వీపర్ల అవస్థలు సిబ్బంది కొరతతో పాఠకులకు తప్పని ఇబ్బందులు ఏళ్లుగా పట్టించుకోని పాలక ప్రభుత్వాలు ప్రతిరోజు గ్రంథాలయాల్లోని కుర్చీలను శుభ్రపరచడం, పరిసరాలను పరిశుభ్రంగా ఉంచడం వంటి పనులు చేస్తూ జీవనం సాగిస్తున్న స్వీపర్లకు నాలుగు నెలలుగా వేతనాలు అందక అవస్థలు పడుతున్నారు. నెలసరి వేతనాలపై ఆధారపడే స్వీపర్లకు జీతాలు నిలిచిపోవడంతో నిత్యావసరాలు, కుటుంబ ఖర్చులు, పిల్లల చదువుల వంటి అవసరాలను తీర్చుకోవడం కష్టతరంగా మారిందని ఆవేదన వ్యక్తం చేస్తున్నారు. చేసిన పనికి వేతనం అందకపోవడంతో అప్పులు చేసి కుటుంబాన్ని పోషించాల్సిన పరిస్థితి నెలకొందని వాపోతున్నారు. వచ్చే దసరా పండుగనైనా గుర్తు పెట్టుకొని జీతాలు చెల్లించాలని వారు కోరుతున్నారు.

తిమ్మాజిపేట: కొండపై చిన్నపాటి గుహలో స్వయంభూగా వెలసిన శ్రీలక్ష్మీనర్సింహస్వామి ఆలయం ఉన్న అప్పాజిపల్లి గ్రామం గొప్ప ఆధ్యాత్మిక కేంద్రంగా విరాజిల్లుతుందని రాష్ట్ర దేవాదాయ శాఖ కమిషనర్‌ హన్మంతురావు అన్నారు. మండలంలోని అప్పాజిపల్లి గ్రామ సమీపంలో నర్సన్నగుట్టపై వెలసిన శ్రీలక్ష్మీనర్సింహస్వామిని శనివారం ఎమ్మెల్సీ కూచుకుళ్ల దామోదర్‌రెడ్డి, సభ్యులు చిలుక రాజేందర్‌రెడ్డి, జిల్లా ఎండోమెంట్‌ అధికారులతో కలిసి కమిషనర్‌ దర్శించుకున్నారు. ఈ సందర్భంగా ఆయన మాట్లాడుతూ తాను ఇక్కడికి వచ్చేటప్పుడు చిన్న ఆలయం అని భావించానని, కానీ గుట్టపై చిన్న గుహలో స్వామివారు భక్తులకు దర్శనమిస్తున్న తీరు ఈ క్షేత్రం మహిమాన్విత్వాన్ని తెలియజేస్తుందన్నారు. ఏరియల్‌ సర్వే ద్వారా ప్రణాళిక రూపొందించి మొదట రూ.50 లక్షలతో ఆలయ అభివృద్ధికి కృషిచేస్తామన్నారు. రాజగోపురం, కల్యాణ మండపం, భక్తులకు డైనింగ్‌ హాల్‌, ఇతర సౌకర్యాల కోసం ప్రతిపాదనలు పంపిస్తామన్నారు. అంతకు ముందు వారికి అర్చకులు, పూర్ణకుంభంతో స్వాగతం పలికి శాలువాలతో ఘనంగా సత్కరించారు. కార్యక్రమంలో ఈఈ దుర్గాప్రసాద్‌, అసిస్టెంట్‌ కమిషనర్‌ శ్రీనివాసరాజు, స్తపతివల్లి నాయగం, ఆలయ కమిటీ అధ్యక్షుడు సురేందర్‌రెడ్డి, సభ్యులు రాందేవరెడ్డి, రామచంద్రారెడ్డి, వివేక్‌రెడ్డి, ఎల్లారెడ్డి, సర్పంచులు వెంకటయ్య, భాస్కర్‌గౌడ్‌, గోపాల్‌ తదితరులు పాల్గొన్నారు. వెంకన్న ఆలయంలో ప్రత్యేక పూజలు కందనూలు: పాలెం శ్రీవేంకటేశ్వరస్వామిని దేవాదాయ శాఖ కమిషనర్‌ హన్మంతురావు, ఎమ్మెల్సీ కూచుకుళ్ల దామోదర్‌రెడ్డి దర్శించుకొని ప్రత్యేక పూజలు చేశారు. అంతకు ముందు ఆలయ ఈఓ జయపాల్‌రెడ్డి వారికి ఆలయ మర్యాదలతో పూర్ణకుంభ స్వాగతం పలికారు. అనంతరం కమిషనర్‌ ఆలయానికి సంబంధించిన భూమి, ఆదాయ వనరులు, అర్చకులు, సిబ్బంది సమస్యలు, ఆలయ పునర్నిర్మాణం గురించి అడిగి తెలుసుకున్నారు. త్వరలో మాస్టర్‌ ప్లాన్‌ రూపొందించాలని ఈఓను ఆదేశించారు.

పెద్దకొత్తపల్లి: మామిడి తోటల్లో సస్యరక్షణ, యాజమాన్య పద్ధతులు పాటించాలని కేవీకే శాస్త్రవేత్త డాక్టర్‌ శైలా అన్నారు. శనివారం మండలంలోని కల్వకోల్‌ గ్రామంలో ఉద్యాన, పట్టు పరిశ్రమ శాఖ ఆధ్వర్యంలో మామిడి తోటల్లో చేపట్టాల్సిన యాజమాన్య పద్ధతులపై రైతులకు అధికారులు, శాస్త్రవేత్తలు అవగాహన కల్పించారు. ప్రస్తుతం ఎల్‌నినో ప్రభావంతో ఉద్యాన పంటలు, ముఖ్యంగా మామిడి తోటల్లో చేపట్టాల్సిన యాజమాన్య పద్ధతులు, మామిడి పూతకు ముందు, పూత సమయంలో పాటించాల్సిన సస్యరక్షణ చర్యల గురించి వివరించారు. నీటి యాజమాన్య పద్ధతులు, డ్రిప్‌ వినియోగించడం, ఉన్న నీటిని సమర్థవంతంగా వినియోగించడం, మామిడి పండ్లను వివిధ నష్టాల నుంచి కాపాడుకోవడం వంటి అంశాలపై అవగాహన కల్పించారు. అదనపు ఆదాయం కోసం కూరగాయల సాగును ప్రోత్సహించడం, పంట మార్పిడి విధానాలను పాటించడం వంటి వాటిని వెల్లడించారు. కార్యక్రమంలో ఉద్యానవన అధికారులు వెంకటేశం, లక్ష్మణ్‌, ఏఓ శిరీష, సర్పంచ్‌ శ్రీనివాసులు, ఉప సర్పంచ్‌ కుర్మయ్య, రైతులు పాల్గొన్నారు. దశాబ్దం తర్వాత ఆర్టీసీలో ఎన్నికలు కందనూలు: గత ప్రభుత్వం యూనియన్లను అణచివేసి ఆర్టీసీ కార్మికులను తీవ్ర ఇబ్బందులకు గురిచేసిందని టీడబ్ల్యూయూ రాష్ట్ర ఉపాధ్యక్షుడు నాగయ్యగౌడ్‌ అన్నారు. శనివారం జిల్లాకేంద్రంలోని ఆర్టీసీ బస్‌ డిపో గేటు మీటింగ్‌ నిర్వహించారు. ఈ సందర్భంగా ఆయన మాట్లాడుతూ దశాబ్దం తర్వాత ఆర్టీసీలో జరుగుతున్న ఎన్నికలు చాలా కీలకమైనవని అన్నారు. ఈ నెల 9న జరిగే యూనియన్‌ ఎన్నికల్లో డిపో ఉద్యోగులు తమ అమూల్యమైన రెండు ఓట్లు బాణం గుర్తుకే వేసి అత్యధిక మెజార్టీతో గెలిపించాలని విజ్ఞప్తి చేశారు. కార్యక్రమంలో టీడబ్ల్యూయూ రీజినల్‌ అధ్యక్షుడు నారాయణ, ఎస్‌డబ్ల్యూఎఫ్‌ రాష్ట్ర ఉపాధ్యక్షుడు ప్రభాకర్‌ తదితరులు పాల్గొన్నారు. శనేశ్వరుడికి పూజలు కందనూలు: బిజినేపల్లి మండలంలోని నందివడ్డెమాన్‌ గ్రామంలో శనేశ్వరస్వామికి భక్తులచే శని గ్రహదోష నివారణకు తిలతైలాభిషేక పూజలు నిర్వహించినట్లు పూజారి గవ్వమఠం విశ్వనాథశాస్త్రి తెలిపారు. ప్రతిఒక్కరు జన్మరీత్యా, గోచార రీత్యా శనిగ్రహ దోష నివారణకు స్వామివారిని శక్తి మేరకు పూజించాలని చెప్పారు. అనంతరం భక్తులకు వేద ఆశీర్వచనం, తీర్థ ప్రసాదాల పంపిణీ చేశారు. కార్యక్రమంలో ఆలయ చైర్మన్‌ గోపాల్‌రావు, సర్పంచ్‌ సుగుణమ్మ, భక్తులు పాల్గొన్నారు.

● పాఠశాలల నిర్వహణ, ఇతర ఖర్చుల నిమిత్తం నిధులు ● ఉమ్మడి జిల్లాలో 292 ప్రైమరీ బడులకు రూ.1,69 కోట్లు విడుదల మహబూబ్‌నగర్‌ ఎడ్యుకేషన్‌: ప్రభుత్వం 2024–25 విద్యాసంవత్సరం నుంచి దశల వారీగా ప్రభుత్వం ఉమ్మడి మహబూబ్‌నగర్‌ జిల్లావ్యాప్తంగా ప్రీ ప్రైమరీ పాఠశాలలను ప్రారంభించింది. ఇందులో ముఖ్యంగా ఎల్‌కేజీ, యూకేజీ విద్యను అందించి, ప్రభుత్వ బడుల్లో విద్యార్థుల హాజరుశాతం పెంచేందుకు ఈ చర్యలు చేపట్టింది. మొత్తం ఉమ్మడి మహబూబ్‌నగర్‌ జిల్లా వ్యాప్తంగా 292 ప్రైమరీ పాఠశాలలను ప్రభుత్వం ఏర్పాటు చేసిన క్రమంలో అందులో పనిచేస్తున్న సిబ్బందికి నాలుగు నెలల వేతనాన్ని మంజూరు చేసింది. ఇందులో ఇన్‌స్ట్రక్టర్‌కు రూ.8 వేలు, ఆయాకు రూ.6 వేలను మంజూరు చేసింది. ఈ నిధులు మొదట ఎంఈఓల ఖాతాలో జమ కాగా, అక్కడి నుంచి అమ్మ ఆదర్శ పాఠశాలు, పాఠశాల హెచ్‌ఎంల ఖాతాలకు వెళ్లిన అనంతరం ఆధార్‌లింక్‌ ఉన్న ఇన్‌స్ట్రక్టర్‌, ఆయా ఖాతాలో నేరుగా జమచేసే విధంగా ఆదేశాలు జారీ చేశారు. వేతనాల్లో ఆలస్యం లేకుండా నిధులు విడుదల చేయడంపై ఇన్‌స్ట్రక్టర్‌, ఆయాలు హర్షం వ్యక్తం చేస్తున్నారు. ఈ అంశంపై డీఈఓ విజయకుమారిని వివరణ కోరగా ఇటీవల ప్రారంభించిన ప్రీ ప్రైమరీ బడుల సిబ్బందికి సంబంధించిన వేతనాలను ప్రభుత్వం విడుదల చేసిందని, వాటిని నిబంధనల ప్రకారం విడుదల చేయాలని సూచించారు. ●

● తొలిముద్ద కార్యక్రమాన్ని ప్రారంభించిన మంత్రి జూపల్లి కృష్ణారావు కొల్లాపూర్‌/ కొల్లాపూర్‌ రూరల్‌: చదువుతోపాటు క్రీడలపైన యువత, విద్యార్థులు ఆసక్తి పెంచుకోవాలని రాష్ట్ర ఎకై ్సజ్‌, పర్యాటక శాఖ మంత్రి జూపల్లి కృష్ణారావు అన్నారు. శనివారం మండలంలోని ఎల్లూరులో క్రీడా మైదానం, అభివృద్ధి పనులకు భూమిపూజ చేశారు. అలాగే కొల్లాపూర్‌ ఎంపీడీఓ కార్యాలయంలో చిన్నారులకు తొలిముద్ద తినిపించి.. అనంతరం చౌటబెట్లకు వెళ్లే దారిలోని ఎస్టీ హాస్టల్‌ భవనం పునర్నిర్మాణానికి శంకుస్థాపన చేశారు. ఈ సందర్భంగా మంత్రి మాట్లాడుతూ క్రీడలతో శారీరక ఆరోగ్యం, మానసిక ఉల్లాసం, క్రమశిక్షణ అలవడుతుందని చెప్పారు. ప్రతిభావంతులైన క్రీడాకారులు మారుమూల ప్రాంతాలకే పరిమితం కాకుండా రాష్ట్ర, జాతీయ, అంతర్జాతీయ స్థాయిలో పాల్గొని ప్రతిభచాటాలని ఆకాంక్షించారు. ప్రతిఒక్కరు ఆరోగ్యం కోసం రోజుకు కనీసం ఒక గంట వ్యాయామానికి కేటాయించాలని సూచించారు. గ్రామీణ ప్రాంతాల్లో క్రీడా వసతులను మెరుగుపరిచేందుకు, యువతలోని ప్రతిభను వెలికితీసేందుకు ప్రజా ప్రభుత్వం కృషి చేస్తుందన్నారు. గతంలో ఎన్నడూ లేనివిధంగా రాష్ట్రంలో సంక్షేమ పథకాలు అమలవుతున్నాయని, పేద, బలహీన వర్గాల అభ్యున్నతి కోసం ప్రభుత్వం పనిచేస్తోందని చెప్పారు. ఆయా కార్యక్రమాల్లో మున్సిపల్‌ చైర్‌పర్సన్‌ రెడ్డి జ్యోతి, వైస్‌ చైర్మన్‌ షేక్‌ రహీంపాషా, కాంగ్రెస్‌ పార్టీ మండలాధ్యక్షుడు బాలరాజు తదితరులు పాల్గొన్నారు.

గద్వాల: ఎల్‌నినో ప్రభావంతో ఇప్పటికే వర్షాధారిత పంటలు పూర్తిగా దెబ్బతినగా.. జూరాల నీటి ఆధారంగా సాగు చేసిన వరిపంట చివరికి దక్కుతుందా.. లేదా.. అన్న మీమాంసలో రైతులు కొట్టుమిట్టాడుతున్నారు. జూరాల జలాశయంలో లైవ్‌ స్టోరేజీ కింద 4.5 టీఎంసీల నీటి లభ్యతతోపాటు కర్ణాటక వదులుతామన్న 5 టీఎంసీల ఆధారంగా అధికారులు నవంబర్‌ వరకు వారాబందీ విధానంలో పంటలకు సాగునీరు అందిస్తామని ప్రకటించారు. అయితే తాజాగా కర్ణాటక కృష్ణాబేసిన్‌లో జూరాలకు నీటి విడుదల నిలిపివేయడంతో జూరాల, నెట్టెంపాడు కింద సాగైన పంటల పరిస్థితి ఆగమ్యగోచరంగా మారింది. దీంతో సరిగ్గా చేతికొచ్చే దశలో సాగునీటి సమస్య ఎదురై పంట దిగుబడులపై తీవ్ర ప్రభావం చూపుతుందనే ఆందోళన రైతుల్లో వ్యక్తమవుతోంది. శుక్రవారం నుంచి అమలులోకి.. జూరాల ఎడమ, కుడి ప్రధాన కాల్వలతోపాటు, నెట్టెంపాడు ప్రాజెక్టు కింద 2.50 లక్షల ఎకరాల్లో వరిపంట సాగైంది. అయితే జూరాల ప్రాజెక్టుకు ఎగువ నుంచి నీరు పూర్తిగా నిలిచిపోవడంతో జలాశయంలో అందుబాటులో ఉన్న 4.5 టీఎంసీల లైవ్‌ స్టోరేజీ ఆధారంగా వారాబందీ పద్ధతిలో పంటలకు సాగునీటిని విడుదల చేయాలని అధికారులు నిర్ణయించి.. శుక్రవారం నుంచి అమలులోకి తీసుకువచ్చారు. వాస్తవానికి సాగైన పంటలు పూర్తిస్థాయిలో చేతికి రావాలంటే కనీసం 5– 6 టీఎంసీల నీరు అవసరం కాగా.. అయితే ప్రస్తుతం జూరాలలో 4.5 టీఎంసీలు మాత్రమే అందుబాటులో ఉంది. మరి వారాబందీ విధానంతో ఈ పంటలు పూర్తిస్థాయిలో పండుతాయా.. అన్న ప్రశ్న రైతుల్లో తలెత్తుతోంది. కర్ణాటక సీఎం డీకే శివకుమార్‌తో మంత్రులు జూపల్లి కృష్ణారావు, వాకిటి శ్రీహరి తదితరులు (ఫైల్‌) జూరాల, నెట్టెంపాడు కింద 2.50 లక్షల ఎకరాల్లో సాగు ప్రస్తుతం 4.5 టీఎంసీలు మాత్రమే లైవ్‌ స్టోరేజీ నవంబర్‌ వరకు వారాబందీతో సాగునీరు విడుదల అయోమయంలో చివరి ఆయకట్టు రైతులు నా కున్న ఎకరాల్లో వరిపంట సాగుచేశా. ఇప్పటికే ఎకరాకు రూ.30 వేల వరకు పెట్టుబడి పెట్టా. పంటపూర్తిగా చేతికి రావాలంటే డిసెంబర్‌ వరకు నీళ్లు కావాలి. వారాబందీతో నవంబర్‌ వరకు నీళ్లు ఇస్తామని అధికారులు చెబుతున్నారు. మరి మేం వేసుకున్న పంటలు పరిస్థితి ఏం కావాలి. ప్రభుత్వం స్పందించి పంటలు కాపాడాలి. – ఆంజేయులు రైతు, కొండేరు, ఎర్రవల్లి మండలం జూరాల ఎడమ కాల్వ కింద 9 ఎకరాల్లో వరిపంట సాగుచేశాను. ప్రస్తుతం వారాబందీ అంటూ మరోమారు కాల్వలకు సాగునీరు నిలిపివేశారు. ఇకపై కాల్వలకు సాగునీరు ఇస్తారో.. లేదోనన్న సందేహాలు కలుగుతున్నాయి. ఈసారి పంట మాత్రం చేతికి అందే పరిస్థితి కనిపిస్తలేదు. అలా అయితే నేను రూ.3 లక్షల మేర నష్టపోతాను. – వెంకటేష్‌, రైతు, గుంటిపల్లి, ఆత్మకూర్‌ మండలం జూరాల జలాశయంలో ప్రస్తుతం 8.5 టీఎంసీలు నీరు అందుబాటులో ఉంది. ఇందులో డెడ్‌స్టోరేజీ 3.7 టీఎంసీలు కాగా.. లైవ్‌ స్టోరేజీ కింద 4.5 టీంఎసీలు. ఈ క్రమంలో లైవ్‌స్టోరేజీ కింద ఉన్న 4.5 టీఎంసీల నీటి నుంచి వారాబందీ విధానంతో నవంబర్‌ వరకు సాగునీరు విడుదల చేస్తాం. రైతులు నీటిని పొదుపుగా వినియోగించుకుని పంటలు కాపాడుకోవాలి. – వెంకట్‌, డీఈ, ఇరిగేషన్‌శాఖ వారాబందీ విధానంతో నవంబర్‌ వరకు సాగునీటిని సరఫరా చేస్తామని అధికారులు ప్రకటించారు. అయితే జూరాల కుడి ప్రధాన కాల్వ పరిధిలో ఎర్రవల్లి, ఇటిక్యాల మండలాలు, ఎడమ కాల్వ పరిధిలో పెబ్బేరు, శ్రీరంగాపురం, చిన్నంబావి, వీపనగండ్ల మండాలల్లోని చివరి ఆయకట్టు సుమారు 30– 40 వేల ఎకరాల్లో వరి పంట సాగుచేశారు. ఈ పంటలు పూర్తిస్థాయిలో చేతికి రావాలంటే డిసెంబర్‌ వరకు సాగునీరు ఇవ్వాలి. మరి వారాబందీ అమలు చేస్తున్న నేపథ్యంలో చివరి ఆయకట్టు పరిస్థితి ఆగమ్యగోచరంగా మారింది.

జూరాల ప్రాజెక్టు కింద సాగునీటి సరఫరాలో అంతరాయం తలెత్తి పంటలు దెబ్బతినే పరిస్థితి తలెత్తడంతో రైతులు గతనెలలో పలుమార్లు రోడెక్కి ధర్నా చేశారు. చివరికి జూరాల కాల్వ గేట్లు సైతం తెరిచి నీటిని విడుదల చేసుకోవడంతో ప్రభుత్వంలో ఒక్కసారిగా ఆందోళన నెలకొంది. పరిస్థితిని అధిగమించేందుకు సీఎం రేవంత్‌రెడ్డి స్పందించారు. జూరాల ఆయకట్టు పంటలను కాపాడేందుకు కర్ణాటక సీఎంతో మాట్లాడి ఒప్పించాలని మంత్రులు జూపల్లి కృష్ణారావు, వాకిటీ శ్రీహరిలను పురమాయించారు. దీంతో వారు గత నెల 22న ఉమ్మడి జిల్లాలోని పలువురు ఎమ్మెల్యేలతో కలిసి కర్ణాటక వెళ్లారు. 23న సీఎం డీకే శివకుమార్‌, ఇరిగేషన్‌ శాఖ మంత్రి షర్వ రాజస్వామి, ప్రిన్సిపల్‌ సెక్రెటరీ షాల్వాతో మంతనాలు జరిపారు. జూరాల కింద సాగైన పంటల పరిస్థితిని వివరించి మొత్తానికి రోజుకు 5 క్యూసెక్కుల చొప్పున 50 రోజులపాటు 5 టీఎంసీల నీటిని విడుదల చేసేందుకు కర్ణాటక ప్రభుత్వం ఒప్పుకున్నట్లు మంత్రులు ప్రకటించారు. అయితే మంత్రులు చేసిన ప్రయత్నం మూణ్నాళ్ల ముచ్చటగానే మిగిలింది. ఎగువ నుంచి వచ్చే నీరు ఈ నెల 2 నాటికే నిలిచిపోయింది.

● ప్రత్యేక అవసరాల పిల్లలకు బోధన, సహాయక సేవలు ● ఐదు నెలల నియామకం.. నెలకు రూ.16,500 వేతనం ● ఉమ్మడి జిల్లాలో 104 మంది గెస్ట్‌ స్పెషల్‌ ఎడ్యుకేటర్ల నియామకం మహబూబ్‌నగర్‌ ఎడ్యుకేషన్‌: పీఎం శ్రీ పాఠశాలల్లో చదువుతున్న ప్రత్యేక అవసరాలు గల విద్యార్థులకు మెరుగైన విద్య, సహాయక సేవలు అందించేందుకు ప్రభుత్వం గెస్ట్‌ స్పెషల్‌ ఎడ్యుకేటర్లను నియమించనుంది. ఐదు నెలల కాలానికి చేపట్టనున్న ఈ నియామకాల్లో ఒక్కొక్కరికి నెలకు రూ.16,500 వేతనం చెల్లించనున్నారు. ఉమ్మడి మహబూబ్‌నగర్‌ జిల్లాలో మొత్తం 104 పీఎం శ్రీ పాఠశాలల్లో వీరిని నియమించేందుకు విద్యాశాఖ చర్యలు చేపట్టింది. కాగా.. పీఎం శ్రీ పాఠశాలలతో పాటు క్లస్టర్‌, మండల, కాంప్లెక్స్‌ పరిధిలోని ప్రత్యేక అవసరాలు గల విద్యార్థులకు గెస్ట్‌ స్పెషల్‌ ఎడ్యుకేటర్లు సేవలు అందించాల్సి ఉంటుంది. కంటిచూపు, వినికిడి, శారీరక వైకల్యం, మేధోపరమైన వైకల్యం తదితర సమస్యలు ఉన్న విద్యార్థులకు వారి అవసరాలకు అనుగుణంగా ప్రత్యేక బోధన అందించనున్నారు. ఇప్పటికే దాదాపు అన్ని మండల కేంద్రాల్లోని భవిత సెంటర్ల ద్వారా ప్రత్యేక అవసరాలు గల పిల్లలకు సేవలు అందుతున్నాయి. పీఎం శ్రీ పాఠశాలల్లో ప్రత్యేక విద్యా బోధకుల నియామకంతో వారికి మరిన్ని సేవలు అందనున్నాయి.

● వీరంరాజుపల్లిలో స్థలాన్ని పరిశీలించిన కలెక్టర్‌ హేమంత కేశవ్‌ పాటిల్‌ బల్మూర్‌: మండలంలోని వీరంరాజుపల్లి గ్రామంలో సెంట్రల్‌ కిచెన్‌ ప్రాసెసింగ్‌ యూనిట్‌ ఏర్పాటుకు చర్యలు చేపడుతున్నట్లు కలెక్టర్‌ హేమంత కేశవ్‌పాటిల్‌ అన్నారు. గ్రామంలోని సర్వే నం.15లో అనువైన స్థలాన్ని శనివారం సబ్‌ కలెక్టర్‌ సలోని ఛాబ్రాతో కలిసి కలెక్టర్‌ పరిశీలించారు. ఈ సందర్భంగా ఆయన మాట్లాడుతూ అంగన్‌వాడీ కేంద్రాలు, పాఠశాలల విద్యార్థులకు పౌష్టికాహారం అందించడమే లక్ష్యంగా సెంట్రల్‌ కిచెన్ల ఏర్పాటుకు చర్యలు చేపడుతున్నట్లు వివరించారు. అవసరమైన కూరగాయలు, ఆకుకూరలు, పండ్లను స్థానికంగా సాగుచేసి వినియోగించుకునే విధంగా ప్రణాళిక రూపొందించాలని అధికారులకు సూచించారు. గ్రామంలోని పాఠశాలను సందర్శించి వసతులపై ఆరా తీశారు. గ్రామస్తులు సెంట్రల్‌ కిచెన్‌ యూనిట్‌ ఏర్పాటుకు తమ భాగస్వామం అందించి సహకరించాలని కోరారు. అనంతరం గ్రామంలో రైతు శ్యాంసుందర్‌రెడ్డి తన 8 ఎకరాల భూమిలో ఆయిల్‌పాం సాగుకోసం తీసుకొచ్చిన 400 మొక్కలను కలెక్టర్‌ పరిశీలించారు. ఆయిల్‌పాం సాగుకు అవసరమైన నీటి లభ్యత, మొక్కలు నాటే విధానం, సంరక్షణకు తీసుకుంటున్న జాగ్రత్తలు, ఇప్పటి వరకు అయిన వ్యయం తదితర వివరాలు అడిగి తెలుసుకున్నారు. అనంతరం పోలిశెట్టిపల్లి క్లస్టర్‌ రైతువేదికలో రాష్ట్ర వ్యవసాయ శాఖ మంత్రి తుమ్మల నాగేశ్వరరావు నిర్వహించిన రైతు నేస్తం కార్యక్రమంలో కలెక్టర్‌ పాల్గొన్నారు. వ్యవసాయ రంగానికి సంబంధించిన అంశాలపై జరిగిన కార్యక్రమాన్ని వీక్షించారు. కార్యక్రమంలో జిల్లా వ్యవసాయ అధికారి యశ్వంత్‌రావు, అచ్చంపేట డివిజన్‌ వ్యవసాయ అధికారి చంద్రశేఖర్‌, తహసీల్దార్‌ శ్రీకాంత్‌, ఎంపీడీఓ రేవత్‌రెడ్డి, వ్యవసాయాధికారి నరేష్‌, సర్పంచ్‌లు మనోహర్‌, లక్ష్మి తదితరులు పాల్గొన్నారు.

కొల్లాపూర్‌ రూరల్‌: కొల్లాపూర్‌ మండలం సున్నపుతండా సమీపంలోని కేఎల్‌ఐ ప్రాజెక్టు ప్రధాన కాల్వకు అనుసంధానమైన డీ–5 కాల్వకు సాగునీరు వదలాలని కుడికిల్ల, నార్లాపూర్‌, సున్నపుతండా రైతులు శనివారం సున్నపుతండా సమీపంలో జరుగుతున్న పాలమూరు ప్రాజెక్టు పనులను అడ్డుకున్నారు. ఈ సందర్భంగా రైతులు మాట్లాడుతూ.. సున్నపుతండా సమీపంలో ఉన్న కేఎల్‌ఐ డీ–5 పంట కాల్వ లింకును కట్‌ చేయడంతో ఆయా గ్రామాలకు చెందిన 2వేల ఎకరాల్లో రైతుల పంటలు ఎండిపోతున్నాయని ఆరోపించారు. మూడు వారాలుగా అధికారులు కాల్వకు సాగునీరు విడుదల చేయడంలేదని వాపోయారు. పాలమూరు ప్రాజెక్టు నార్లాపూర్‌ రిజర్వాయర్‌ నుంచి మిషన్‌ భగీరథ ప్రాజెక్టుకు సంబంధించిన పనులు జరగడంతో కాల్వ లింకును అధికారులు కట్‌ చేశారని, మోటర్ల ద్వారా పంటలు ఎండిపోకుండా కాల్వకు సాగునీరు ఇస్తామన్న అధికారులు ఇవ్వడం లేదని మండిపడ్డారు. మూడు వారాల నుంచి పంటలు ఎండిపోతున్నాయని ఆవేదన వ్యక్తం చేశారు. అందుకే పనులను అడ్డుకుంటున్నట్లు పేర్కొన్నారు. అధికారులు మాత్రం స్పందించడం లేదని, రైతులు పాలమూరు ప్రాజెక్టు పనులు చేస్తున్న వాహనాలను సున్నపుతండా నుంచి తీర్నంపల్లి వరకు పనులు చేయకుండా అడ్డుకున్నారు. డీ–5 కాల్వకు సాగునీరు ఇచ్చే వరకు నిరసన కొనసాగిస్తామన్నారు. కార్యక్రమంలో కుడికిల్ల, నార్లాపూర్‌, సున్నపుతండా రైతులు పాల్గొన్నారు. నిరసనపై ఈఈ అమర్‌సింగ్‌ను వివరణ కోరగా స్పందించలేదు.

పాలమూరు: ఉమ్మడి పాలమూరు జిల్లాలో న్యాయసేవలు మరింత చేరువ కానున్నాయి. కేసుల సంఖ్యకు అనుగుణంగా కోర్టులు లేకపోవడంతో పెరుగుతున్న పెండింగ్‌ కేసులకు కొంతమేర పరిష్కారం లభించనుంది. రాష్ట్రవ్యాప్తంగా 200 అదనపు జూనియర్‌ సివిల్‌ జడ్జి కోర్టుల ఏర్పాటుకు ప్రభుత్వం విధానపరమైన అనుమతులు మంజూరు చేయగా.. ఉమ్మడి పాలమూరు పరిధిలో ఐదు జిల్లాలకు 11 కొత్త కోర్టులు అందుబాటులోకి రానున్నాయి. దీంతో న్యాయస్థానాలపై పెరుగుతున్న పనిభారం తగ్గడంతోపాటు కేసుల విచారణ వేగవంతమయ్యే అవకాశం ఉంది. ఏళ్లుగా పేరుకుపోతున్న కేసులు ప్రతి ఏటా లోక్‌ అదాలత్‌ల ద్వారా పెద్ద సంఖ్యలో కేసులు పరిష్కారమవుతున్నా.. అదే సమయంలో కొత్త కేసులు కూడా కోర్టులకు వస్తున్నాయి. దీంతో పెండింగ్‌ కేసుల సంఖ్య పూర్తిస్థాయిలో తగ్గడం లేదు. కొన్ని కోర్టుల్లో న్యాయమూర్తులు, మౌలిక వసతుల కొరత కూడా విచారణ ప్రక్రియపై ప్రభావం చూపుతోంది. ఫలితంగా కేసుల పరిష్కారానికి ఎక్కువ సమయం పడుతోంది. విచారణ వేగవంతం అయ్యే అవకాశం కేసుల సంఖ్యకు అనుగుణంగా కోర్టుల సంఖ్య పెంచడం ద్వారా ఒక్కో న్యాయస్థానంపై ఉన్న భారాన్ని తగ్గించవచ్చని న్యాయవర్గాలు భావిస్తున్నాయి. కొత్త కోర్టులు పూర్తిస్థాయిలో అందుబాటులోకి వస్తే కేసుల విచారణను విభజించడంతో పాటు కొత్తగా దాఖలయ్యే కేసులను కూడా త్వరగా స్వీకరించే అవకాశం ఉంటుంది. ముఖ్యంగా గ్రామీణ ప్రాంతాల ప్రజలకు న్యాయసేవలు మరింత చేరువ కానున్నాయి. కేసుల సంఖ్యకు అనుగుణంగా కోర్టుల ఏర్పాటు, న్యాయమూర్తుల అందుబాటు పెరగడం వల్ల దీర్ఘకాలంగా పెండింగ్‌లో ఉన్న కేసుల పరిష్కారానికి కూడా దోహదపడే అవకాశం ఉంది. కొత్త కోర్టుల ఏర్పాటుతో న్యాయం కోసం దూర ప్రాంతాలకు వెళ్లాల్సిన అవసరం కొంతమేర తగ్గనుంది. ఉమ్మడి జిల్లాకు 11 అదనపు జూనియర్‌ సివిల్‌ జడ్జి కోర్టులు తగ్గనున్న కోర్టులపై కేసుల భారం వేగంగా పరిష్కారం కానున్న పెండింగ్‌ కేసులు

కల్వకుర్తి టౌన్‌/ పెద్దకొత్తపల్లి: కల్వకుర్తి నియోజకవర్గ అభివృద్ధికి తన శాఖ నుంచి అవసరమైన పూర్తి సహకారం అందిస్తానని రాష్ట్ర ఎస్సీ, ఎస్టీ, మైనార్టీ, వికలాంగ, వృద్ధుల సంక్షేమ శాఖ మంత్రి అడ్లూరి లక్ష్మణ్‌ అన్నారు. శుక్రవారం రాష్ట్ర ఎకై ్సజ్‌, పర్యాటక శాఖ మంత్రి జూపల్లి కృష్ణారావు, ఎంపీ మల్లురవి, కలెక్టర్‌ హేమంత కేశవ్‌ పాటిల్‌, ఎమ్మెల్యే కసిరెడ్డి నారాయణరెడ్డి, మున్సిపల్‌ చైర్‌పర్సన్‌ రత్నమాలతో కలిసి మున్సిపల్‌ కార్యాలయ ఆవరణలో ఏర్పాటు చేసిన గాంధీజీ విగ్రహాన్ని ఆవిష్కరించారు. అనంతరం మంత్రి అడ్లూరి మాట్లాడుతూ ఎస్సీ సంక్షేమ శాఖ పరిధిలో చేపట్టాల్సిన అభివృద్ధి పనులపై ప్రతిపాదనలు అందజేస్తే బడ్జెట్‌లో నిధులు కేటాయించేలా చూస్తానని, ఇందుకోసం పట్టణంతోపాటు నియోజకవర్గంలోని అవసరాలను గుర్తించి ప్రాధాన్యతా క్రమంలో ప్రతిపాదనలు సిద్ధం చేయాలని సూచించారు. మహాత్మగాంధీ చూపిన సత్యం, అహింస, సేవా మార్గాలు సమాజానికి ఎప్పటికీ స్ఫూర్తిదాయకమని అభిప్రాయపడ్డారు. మంత్రి జూపల్లి కృష్ణారావుతో మాట్లాడుతూ కల్వకుర్తి పట్టణ అభివృద్ధికి ప్రభుత్వం పూర్తి సహకారం అందిస్తుందన్నారు. పర్యాటక అభివృద్ధి శాఖ ద్వారా రూ.కోటి నిధులతో ఆడిటోరియం నిర్మాణానికి మంజూరు చేయిస్తానని హామీ ఇచ్చారు. పట్టణానికి అవసరమైన మౌలిక వసతులపై సమగ్ర ప్రతిపాదనలు రూపొందించి ప్రభుత్వం దృష్టికి తీసుకురావాలని చెప్పారు. అలాగే పెద్దకొత్తపల్లిలో ఏర్పాటు చేసిన మహాత్మ జ్యోతిరావు పూలే, మహేంద్రనాథ్‌ విగ్రహాలను మంత్రులు జూపల్లి కృష్ణారావు, అడ్లూరి లక్ష్మణ్‌, ఎంపీ మల్లు రవి, ఎమ్మెల్సీ గోరటి వెంకన్న, ఎమ్మెల్యే వంశీకృష్ణ, ప్రొఫెసర్‌ కాశీం ఆవిష్కరించి నివాళులర్పించారు. అవకాశాలను సద్వినియోగం చేసుకోండి.. ఎంపీ మల్లురవి మాట్లాడుతూ కల్వకుర్తి పట్టణ అభివృద్ధికి ప్రభుత్వం అందిస్తున్న అవకాశాలను సద్వినియోగం చేసుకోవాలన్నారు. పట్టణానికి అవసరమైన అభివద్ధి పనులకు తనవంతు సహకారం అందిస్తానని తెలిపారు. ఎమ్మెల్యే కసిరెడ్డి నారాయణరెడ్డి మాట్లాడుతూ కల్వకుర్తి అభివృద్ధికి మంత్రులు జూపల్లి కృష్ణారావు, అడ్లూరి లక్ష్మణ్‌ ఇచ్చిన హామీలు కీలకం అన్నారు. కల్వకుర్తి ప్రజల ఆకాంక్షలకు అనుగుణంగా స్పందించి అభివృద్ధి పనులకు హామీలు ఇచ్చిన మంత్రులకు, సహకరిస్తున్న ఎంపీ, కలెక్టర్‌, మున్సిపల్‌ పాలకవర్గానికి ఎమ్మెల్యే కృతజ్ఞతలు తెలిపారు. అనంతరం పట్టణంలోని పాలమూరు చౌరస్తాలో రూ.50 లక్షలతో ఏర్పాటు చేయనున్న డాక్టర్‌ బీఆర్‌ అంబేడ్కర్‌ విగ్రహానికి భూమిపూజ చేశారు. అలాగే మున్సిపాలిటీలో ఏర్పాటు చేసిన వార్డు కార్యాలయాలను మంత్రులు ప్రారంభించారు. కార్యక్రమంలో మున్సిపల్‌ వైస్‌చైర్మన్‌ షానవాజ్‌ఖాన్‌, మున్సిపల్‌ కమిషనర్‌ మహమూద్‌ షేక్‌ తదితరులు పాల్గొన్నారు. ప్రాధాన్యత క్రమంలో ప్రతిపాదనలు పంపించండి రాష్ట్ర ఎస్సీ, ఎస్టీ, మైనార్టీ, వికలాంగ, వృద్ధుల సంక్షేమ శాఖ మంత్రి అడ్లూరి లక్ష్మణ్‌ మున్సిపాలిటీలో ఆడిటోరియం నిర్మాణానికి రూ.కోటి నిధులు : మంత్రి జూపల్లి

ఈసారి వర్షాభావం వల్ల చెరువుల్లో నీరు లేకపోవడంతో చేపపిల్లలు తక్కువగా విడుదల చేస్తున్నారు. దీంతో చేపల ఉత్పత్తి గణనీయంగా తగ్గిపోతుంది. ఆ ప్రభావం మత్స్యకారుల జీవనోపాధిపై పడుతుంది. చేపల ఉత్పత్తి పెరిగితే మత్స్యకారుల కుటుంబాలు ఆర్థికంగా లాభపడుతాయి. చెరువులోకి నీరు రాకపోవడంతో చాలా నష్టం. త్వరలో జిల్లాలోని చెరువుల్లో చేపపిల్లలు వదులుతారు. – ఆంజనేయులు, మత్స్యకారుల సంఘం జిల్లా అధ్యక్షుడు చేపల ఉత్పత్తి తగ్గితే మత్స్యకారుల కుటుంబాలపై తీవ్ర ప్రభావం చూపుతుంది. ప్రభుత్వమే మత్స్యకారుల కుటుంబాలను ఆదుకోవాలి. గతేడాది చేపల పెంపకంతో ఉపాధి దొరికింది. ఈసారి వర్షాలు లేక చెరువుల్లోకి నీరు రాకపోవడంతో చేపపిల్లలను తక్కువగా వదులుతున్నారు. చాలా చెరువుల్లో చేపల పెంపకమే ఆగిపోతుంది. మా వృత్తిపై ప్రభావం ఉండటంతోపాటు ఆర్థికంగా నష్టం నష్టపోతాం. – వెంకటస్వామి, మత్స్యకార్మికుడు, కొల్లాపూర్‌ జిల్లాలో చేపపిల్లల పెంపకానికి అనుకూలంగా ఉన్న చెరువులను 284 గుర్తించాం. వాటిలో వారం రోజుల్లోగా పెద్ద, చిన్న చేపపిల్లలు వదులుతాం. వర్షాభావ పరిస్థితులతో నీరు రాకపోవడంతో తక్కువ చెరువుల్లో చేపపిల్లలు విడుదల చేస్తున్నాం. జిల్లాలోని చెరువుల్లో పెంచే చేపపిల్లలు బొత్స, రవ్వ, బంగారు తీగ, మిరుగల రకాలు ఉన్నాయి. – నర్సింహారావు, జిల్లా మత్స్యశాఖ అధికారి ●

జిల్లాలో ప్రశ్నార్థకంగా మారిన చేపపిల్లల పెంపకం ● వర్షాభావ పరిస్థితులతో 75 శాతం నిండని చెరువులు ● ఈసారి 284 చెరువుల్లోనే చేపపిల్లలు పెంచాలని నిర్ణయం ● గతేడాదితో పోలిస్తే 20 శాతమే దిగుబడి రానుందని అంచనా ● మత్స్యకార్మికుల జీవనోపాధిపై ఎల్‌నినో పడగ –8లో uనాగర్‌కర్నూల్‌: రైతన్నలపైనే కాదు.. మత్స్యకారుల జీవనోపాధిపై ఎల్‌నినో ప్రభావం తీవ్రంగా ఉంది. తీవ్ర వర్షాభావ పరిస్థితుల నేపథ్యంలో చెరువుల్లోకి నీరు రాకపోవడంతో చేపపిల్లల పెంపకం ప్రశ్నార్థకంగా మారింది. గతేడాది ఇప్పటికే చేపపిల్లలను చెరువుల్లో వదలిపెట్టగా.. ఈసారి ఇంకా వదల్లేదు. అయితే మరో వారం రోజుల్లో వదలడానికి ప్రణాళిక సిద్ధం చేశారు. జిల్లాలో 1,256 చెరువులు ఉండగా వాటిలో కేవలం 284 చెరువుల్లోనే పెంచాలని మత్స్యశాఖ నిర్ణయం తీసుకుంది. ఇందులో ఐదు రిజర్వాయర్లు, 28 పెద్ద చెరువులు, 251 ఇతర కుంటలు, చెరువుల్లోనే చేప పిల్లలు వదలనున్నారు. మి గతా చెరువులు నీరు లేక వెలవెలబోతుండటంతో పెంపకానికి నిరాకరించారు. ఏటా చేపల ఉత్పత్తిపై ఆధారపడి జీవనం సాగించే మత్స్యకారులు ప్రస్తుత పరిస్థితిని చూసి ఆందోళన చెందుతున్నారు. వదలనున్న చేపవిత్తనాలు 1.43 కోట్లు

నాగర్‌కర్నూల్‌: జాతిపిత మహాత్మగాంధీ ఆశయ సాధనకు ప్రతిఒక్కరూ కృషిచేయాలని ఏఎస్పీ వెంకటేశ్వర్లు అన్నారు. శుక్రవారం జిల్లాకేంద్రంలోని ఎస్పీ కార్యాలయంలో గాంధీజీ జయంతిని పురస్కరించుకొని ఆయన చిత్రపటానికి పూలమాల వేసి ఘనంగా నివాళులర్పించారు. ఈ సందర్భంగా ఆయన మాట్లాడుతూ మహాత్మగాంధీ పాటించిన అహింస, సత్యం, శాంతి మార్గాలు నేటి సమాజానికి, పోలీస్‌ వ్యవస్థకు ఎంతో మార్గదర్శకం అన్నారు. గాంధీజీ ఆశయాలను ప్రతిఒక్కరూ తమ జీవితంలో అలవరుచుకోవాలని, సమాజంలో శాంతిభద్రతల పరిరక్షణ, ప్రజాసేవకు పోలీసులు నిబద్ధతతో కృషి చేయడమే గాంధీజీకి మనం ఇచ్చే నిజమైన నివాళి అన్నారు. కార్యక్రమంలో రిజర్వ్‌ ఇన్‌స్పెక్టర్‌ జగన్‌, ఎస్‌ఐలు రమేష్‌, శ్రీనివాస్‌, ఆర్‌ఎస్‌ఐలు ప్రశాంత్‌, గౌస్‌పాషా, శివాజీ పాల్గొన్నారు. వెదురు వస్తువుల తయారీపై శిక్షణ మన్ననూర్‌: వెదురుతో ఆకర్శనీయమైన పరికరాలు, వస్తువులు తయారు చేయడంలో పరిజ్ఞానం కలిగి ఉన్న ఆదివాసీ చెంచులు, మేదరులను ప్రోత్సహించేందుకు మాతృభూమి సంస్థ ముందుకు వచ్చిందని సంస్థ అధ్యక్షుడు ప్యారసాని రమాకాంత్‌ అన్నారు. శుక్రవారం గాంధీ జయంతిని పురస్కరించుకొని అప్పాపూర్‌లో గ్రామసభ నిర్వహించారు. అనంతరం సర్పంచ్‌ శివమ్మతో కలిసి నల్లమల అటవీ లోతట్టు ప్రాంతంలోని అప్పాపూర్‌, భౌరాపూర్‌, ఈర్లపెంట, మేడిమల్కల, సంఘిడి గుండాలు చెంచు పెంటలలో పర్యటించి చెంచుల జీవన విధానం తదితర అంశాల గురించి చర్చించారు. వెదురుతో వస్తువులు తయారు చేసేందుకు 1,500 మంది మేదరులు, చెంచులకు కేంద్ర ప్రభుత్వం ప్రోత్సాహంతో శిక్షణ ఇప్పించడం జరుగుతుందన్నారు. గతంలో విద్యుత్‌ సౌకర్యం లేని చెంచు పెంటలు, గూడేలలో సోలార్‌ లైట్లు అందజేయడం జరిగిందన్నారు. వచ్చే దసరా పండగకు రూ.10 లక్షల వ్యయంతో 100 సోలార్‌ వీధిలైట్లను ఆయా పెంటలలో అమర్చేందుకు ప్రణాళిక సిద్ధం చేశామన్నారు. కార్యక్రమంలో ఆదివాసీ జాగృతి ఫౌండేషన్‌ అధ్యక్షుడు చింతల భాస్కర్‌, చెంచు లోకం జిల్లా కార్యదర్శి గురువయ్య, చెంచు నాయకులు వెంకటయ్య, బయ్యన్న, నాగన్న, మహేష్‌, వాల్‌సింగ్‌, రవి, నీలాద్రి, వివేక్‌ వర్ధన్‌ పాల్గొన్నారు.

● ఏఎక్స్‌ఎల్‌ పేరుతో సామర్థ్యాల పెంపునకు శ్రీకారం ● ఉమ్మడి జిల్లాలో 192.. జిల్లాలో 28 పాఠశాలలు ఎంపిక ● ఆయా పాఠశాలలకు కంప్యూటర్లు, సామగ్రి సరఫరా నర్వ: ప్రభుత్వ ప్రాథమిక పాఠశాలల్లో చదువులో వెనుకబడిన విద్యార్థుల విద్యా సామర్థ్యాల పెంపునకు మరో ముందడుగు పడింది. ఇప్పటికే ఎఫ్‌ఎల్‌ఎన్‌ కార్యక్రమం అమలు చేస్తున్నా ఆశించిన ఫలితాలు లేవు. ఈ నేపథ్యంలో ఉమ్మడి జిల్లాలో ఎంపిక చేసిన పాఠశాలల్లో ఏఎక్స్‌ఎల్‌ పేరిట ఏఐ ద్వారా అసిస్టెంట్‌ సహకారంతో విద్యా సామర్థ్యాలు మెరుగుపర్చేలా చర్యలు తీసుకోనున్నారు. ఇప్పటికే ఆయా పాఠశాలలకు అవసరమైన కంప్యూటర్లు, సామగ్రిని రాష్ట్ర విద్యాశాఖ సరఫరా చేసింది. ఉమ్మడి జిల్లాలో 3.50 లక్షలు.. ఉమ్మడి జిల్లాలో 3.50 లక్షల మంది విద్యార్థులు విద్యనభ్యసిస్తున్నారు. ప్రాథమిక పాఠశాలల విద్యార్థుల్లో ఆశించిన స్థాయిలో విద్యా సామర్థ్యాలు ఉండటం లేదని ఇటీవల కేంద్రం విడుదల చేసిన పీజీఐ సర్వేతో స్పష్టమైనట్లు సమాచారం. ఈ నేపథ్యంలో ఉమ్మడి జిల్లాలోని 192 ప్రాథమిక పాఠశాలలను ఈ కార్యక్రమానికి ఎంపిక చేసి ఒక్కో పాఠశాలకు మూడు నుంచి 5 కంప్యూటర్ల చొప్పున మొత్తం 735 కంప్యూటర్లు సరఫరా చేశారు. వీటితో పాటు ఒక్కో కంప్యూటర్‌కు రెండు హెడ్‌సెట్‌లు, యూపీఎస్‌లు, టేబుళ్లు, కుర్చీలు, ఇంటర్‌నెట్‌ సౌకర్యం, విద్యుత్‌ సరఫరా పరికరాలు అందజేశారు. నీతి ఆయోగ్‌ సూచన మేరకు.. జిల్లాలో నీతి ఆయోగ్‌ సూచన మేరకు ప్రత్యేకంగా స్పార్క్‌ (స్కూల్‌ ప్రోగ్రామ్‌ ఫర్‌ ఏఐ రెడినెస్‌ అండ్‌ నాలెడ్జ్‌) ద్వారా ప్రాథమిక పాఠశాలలో ఏఎక్స్‌ఎల్‌ డిజిటల్‌ ల్యాబ్‌లు ఏర్పాటు చేశారు. ఇందుకోసం యాస్పిరేషన్‌ బ్లాక్‌ నర్వ మండలంలో ప్రతి ప్రాథమిక పాఠశాలను ఎంపిక చేసి ఏఐ కంప్యూటర్‌ ల్యాబ్‌లను ఏర్పాటు చేశారు. వీటి పనితీరును పరిశీలించేందుకు కొన్నిరోజుల కిందట నీతి ఆయోగ్‌ అధికారులు నర్వ మండలాన్ని సందర్శించారు. పాఠశాలల్లో కంప్యూటర్ల ద్వారా ఏఐ అసిస్టెంట్‌తో అందించిన విద్యాబోధన క్షేత్రస్థాయిలో సత్ఫలితాలు ఇస్తుందని కితాబిచ్చారు. ఏఎక్స్‌ఎల్‌ కార్యక్రమానికి ఎంపికై న పాఠశాలల్లోని 3, 4, 5 తరగతుల్లో వెనకబడిన విద్యార్థులను గుర్తిస్తారు. వీరికి కంప్యూటర్‌లో ప్రత్యేకంగా ఇన్‌స్టాల్‌ చేసిన ఏఐ అసిస్టెంట్‌ ద్వారా ఉపాధ్యాయులు బోధన అందిస్తారు. ప్రధానంగా తెలుగు, ఆంగ్లం, గణితం పాఠ్యాంశాలకు సంబంధించి ఏయే అంశాల్లో విద్యార్థులు వెనకబడ్డారో ఏఐ అసిస్టెంట్‌ గుర్తించి వారికి అక్షరాలు, అంకెలు గుర్తించడం, చదవడం, లెక్కలు చేయడంలో సాయం అందించి విద్యా సామర్థ్యాల మెరుగునకు చర్యలు తీసుకుంటారు. ఏఎక్స్‌ఎల్‌ ప్రోగ్రామ్‌ ద్వారా జిల్లాలో ఎంపికచేసిన 28 పాఠశాలల్లో కంప్యూటర్‌ విద్యాబోధన అందిస్తున్నాం. 3, 4, 5 తరగతుల విద్యార్థులకు వెనుకబడ్డ పాఠ్యాంశాల్లో మెరుగైన ఫలితాలు సాధించేలా ఏఐ ద్వారా ఉపాధ్యాయులు బోధన అందిస్తున్నారు. ఎంపికై న పాఠశాలల్లో కార్యక్రమం పకడ్బందీగా జరిగేలా చర్యలు తీసుకుంటాం. – విద్యాసాగర్‌, ఏఎంఓ, నారాయణపేట

పెద్దకొత్తపల్లి: మాజీ మంత్రి దివంగత పుట్టపాగ మహేంద్రనాథ్‌ జీవిత చరిత్ర అందరికీ ఆదర్శప్రాయమని మహేంద్రనాథ్‌ తనయుడు, కర్ణాటక మాజీ డీజీపీ పుట్టపాగ రవీంద్రనాథ్‌ అన్నారు. శుక్రవారం మండలంలోని జొన్నలబొగుడలో మాజీమంత్రి మహేంద్రనాథ్‌ జన్మ శతాబ్ది సంచికను విద్యార్థి పీవీ కౌశిక్‌ చేత ఆవిష్కరించారు. ఈ సందర్భంగా ఆయన మాట్లాడుతూ తన తండ్రి మహేంద్రనాథ్‌ గాంధేయ మార్గంలో నడిచి తమకు కూడా అదే మార్గంలో పయనించాలని సూచించారన్నారు. బడుగు, బలహీన వర్గాల పట్ల ఎంతో ప్రేమతో వారి అభ్యన్నతికి కృషి చేశారని కొనియాడారు. అలాగే వక్తలు సర్పంచ్‌ ధర్మేందర్‌, ఐక్యత సమాజ ప్రతినిధులు నర్సింహ, రాఘవులు, నిరంజన్‌రెడ్డి, రాజారావు, బాలరాజు, సాంబశివ తదితరులు మాట్లాడారు. పుస్తకావిష్కరణ అనంతరం గాంధీ చిత్రపటానికి పూలమాల వేసి నివాళులర్పించారు.

గద్వాల న్యూటౌన్‌: క్రీడల్లో గెలుపోటమలు సహజమని, ప్రతి క్రీడాకారుడు క్రీడాస్ఫూర్తిని అలవర్చుకోవాలని జిల్లా హకీ అసోసియేషన్‌ అధ్యక్షుడు త్యాగరాజు అన్నారు. స్థానిక నల్ల సోమనాద్రి స్టేడియంలో బుధవారం ఎస్‌జీఎఫ్‌ఏ ఉమ్మడి జిల్లా స్థాయి అండర్‌ –17 హకీ టోర్నమెంట్‌ను ఆయన ప్రారంభించారు. టోర్నీలో గద్వాల జిల్లాతో పాటు వనపర్తి, మహబూబ్‌నగర్‌, నాగర్‌కర్నూల్‌ నుంచి సుమారు 100 మంది క్రీడాకారులు పాల్లొన్నారు. ఈసందర్భంగా ఏర్పాటు చేసిన సమావేశంలో ఆయయన మాట్లాడారు. ఓటమిని నిరుత్సాహంగా భావించకుండా, మరింత పట్టుదలతో ముందుకు సాగాలని క్రీడాకారులకు సూచించారు. ప్రతిభ కల్గిన క్రీడాకారులను గుర్తించి, వారి భవిష్యత్‌కు ఉపయోగపడే విధంగా నిష్పక్షపాతంగా ఎంపికలు చేపట్టాలని సెలక్షన్‌ కమీటీకి సూచించారు. క్రీడాకారులు ఆటపై పూర్తి శ్రద్ధ పెట్టడంతో పాటు క్రమశిక్షణ పాటించాలన్నారు. గాయాలు కాకుండా తగిన జాగ్రత్తలు తీసుకోవాలన్నారు. ఈ టోర్నీ ద్వారా ప్రతిభావంతులైన క్రీడాకారులను గుర్తించి వారికి భవిష్యత్‌లో ఉన్నత స్థాయి పోటీల్లో అవకాశాలు కల్పించేందుకు నిర్వాహకులు కృషి చేయాలన్నారు. కార్యక్రమంలో అసోసియేషన్‌ సెక్రటరీ ఆనంద్‌కుమార్‌, పీడీ నాగేష్‌, క్రీడాకారులు పాల్గొన్నారు.

పది నెలల్లో పెరుగుదల ఇలా.. ● గతేడాది ఇదే నెలలో రూ 4,500 ధర.. ప్రస్తుతం రూ.7,100కు విక్రయం ● ఉమ్మడి జిల్లా ప్రజలపై రోజు రూ.15లక్షల వరకు భారం ● ఎల్‌నినో ప్రభావంతో వరిసాగు విస్తీర్ణం తగ్గడమే కారణం పది నెలలుగా సన్నబియ్యం ధరలను పరిశీలిస్తే, ప్రజల గుండె గుభేలుమంటోంది. గతేడాది నవంబర్‌లో కింటా బియ్యం ధర రూ. 4,400 ఉండగా.. ప్రస్తుతం రూ. 6,400 నుంచి రూ. 6,600 వరకు విక్రయిస్తున్నారు. అయితే మార్చి నుంచి ధరల పెరుగుదల ప్రారంభమైంది. ఫిబ్రవరి వరకు రూ. 4,600 ఉండగా.. ఏప్రిల్‌లో ఏకంగా క్వింటాకు రూ. 300 పెరిగి, రూ. 4,900కి విక్రయించారు. మే నుంచి జూలై వరకు రూ.200 పెరుగుకుంటూ వచ్చింది. జూలైలో రూ. 5,500 ఉండగా.. ఆగస్టులో చివరి వారంలో రూ. 6,300కు చేరింది. సెప్టెంబర్‌ నెలాఖరులో రూ. 7వేల వరకు ధర పలికింది. ఈ రేట్లు కేవలం హోల్‌సెల్‌ వ్యాపారులకు మాత్రమే. వారికి హమాలీ, రవాణా ఖర్చుతో క్వింటాకు మరో రూ. 200 వరకు పెరుగుతుంది. ఈ లెక్కన ప్రజలకు రూ. 7,100 నుంచి రూ.7,300 వరకు బియ్యం విక్రయిస్తున్నారు.

కందనూలు/కొల్లాపూర్‌/కోడేరు: గిరిజనులు ఎదుర్కొంటున్న సమస్యల పరిష్కారానికి అధికారులు సత్వర చర్యలు తీసుకోవాలని.. ఎట్టి పరిస్థితుల్లోనూ నిర్లక్ష్యం వహించొద్దని జాతీయ ఎస్టీ కమిషన్‌ సభ్యుడు జాటోతు హుస్సేన్‌ నాయక్‌ అన్నారు. బుధవారం కొల్లాపూర్‌ నియోజకవర్గంలోని ముక్కిడిగుండం, జీల్దార్‌తిప్ప, తెల్లరాళ్లపల్లి తండా, ఠాగూర్‌ తండా, ఎత్తంగట్టు, జొన్నలబొగుడ తండాల్లో ఆయన గిరిజనులతో ముఖాముఖి నిర్వహించి.. వారి సమస్యలతో పాటు పోడు భూముల సాగు విస్తీర్ణం, సాగునీటి వనరులను తెలుసుకున్నారు. అనంతరం ఐడీఓసీ సమావేశ మందిరంలో కలెక్టర్‌ హేమంత కేశవ్‌ పాటిల్‌, ఎస్పీ సంగ్రామ్‌ సింగ్‌జీ పాటిల్‌తో కలిసి గిరిజనుల సమస్యలపై పలు శాఖల అధికారులతో సుదీర్ఘంగా సమీక్షించారు. ఈ సందర్భంగా హుస్సేన్‌ నాయక్‌ మాట్లాడుతూ.. గిరిజనుల అవసరాలకు అనుగుణంగా ప్రభుత్వ శాఖల అధికారులు పనిచేయాలన్నారు. గిరిజనులకు ఏ సమస్య వచ్చినా జాతీయ గిరిజన పోర్టల్‌ ద్వారా ఫిర్యాదు చేస్తే యుద్దప్రాతిపదికన పరిష్కరిస్తామని భరోసానిచ్చారు. జిల్లాలోని గిరిజన తండాల్లో అవసరమైన వసతులను కల్పించేందుకు అధికారులు ప్రత్యేక శ్రద్ధ వహించాలని.. ఎత్తంగట్టు దేవాలయాన్ని అభివృద్ధి చేసేందుకు అవసరమైన నిధులు మంజూరు చేస్తానన్నారు. అటవీశాఖ ఆధ్వర్యంలోని రోడ్డు ఏర్పాటు చేయాలని ఆయన సూచించారు. తండాల్లో గిరిజనుల ఇళ్ల నిర్మాణాలు, రోడ్లు తదితర మౌలిక వసతుల అభివృద్ధికి అటవీశాఖ అధికారులు కృషి చేయాలన్నారు. కొల్లాపూర్‌ నియోజకవర్గంలో కొన్నేళ్లుగా పోడు భూములను సాగుచేస్తున్న గిరిజన రైతులను ఇబ్బందులు పెట్టొద్దని ఫారెస్ట్‌ రేంజర్‌ వాణికుమారికి సూచించారు. అటవీ ప్రాంతంలోని మునీశ్వరుడిని పూజించేందుకు గిరిజనులకు అన్ని వసతులతో కూడిన అనుమతులు ఇవ్వాలని ఆదేశించారు. జీల్దార్‌తిప్ప చెరువుకు కేఎల్‌ఐ ప్రాజెక్టు నుంచి సాగునీరు అందించేందుకు కృషి చేస్తానన్నారు. కాగా, గిరిజన సంఘాల నాయకులు ఎస్టీ కమిషన్‌ సభ్యుడికి వివిధ అంశాలపై వినతిపత్రాలను సమర్పించగా.. సానుకూలంగా స్పందించారు. ప్రజలు జాతీయ ఎస్టీ, ఎస్సీ, బీసీ కమిషన్ల సేవలను సద్వినియోగం చేసుకోవాలని సూచించారు. అదే విధంగా ఎత్తంగట్టు వద్ద సేవాలాల్‌ ఆలయ నిర్మాణానికి బీజేపీ జిల్లా మాజీ అధ్యక్షుడు ఎల్లేని సుధాకర్‌రావుతో కలిసి స్థలాన్ని పరిశీలించారు. ఇటీవల ఎస్‌ఐ అకారణంగా దాడి చేయడంతో గాయపడిన పరమేశ్‌ను ఆయన పరామర్శించారు. అదనపు కలెక్టర్లు చెన్నయ్య, దేవసహాయం, అచ్చంపేట సబ్‌ కలెక్టర్‌ సలోని చాబ్రా, డీఎఫ్‌ఓ రేవంత్‌ చంద్ర, డీఆర్వో పాండు, జిల్లా గిరిజన సంక్షేమశాఖ అధికారి కోటయ్య, ఆర్డీఓ భన్సీలాల్‌, తహసీల్దార్లు మాధవి, జమీల్‌, నాయకులు దిలీప్‌ ఆచారి, కోటాజీ, లింగన్‌గౌడ్‌, ఎల్లయ్య, అశోక్‌, తిరుపతి నాయక్‌, హనుమంత్‌ నాయక్‌, సర్పంచ్‌ లాలీబాయ్‌, ఉపసర్పంచ్‌ శేఖర్‌, మల్లేష్‌ యాదవ్‌ మాజీ సర్పంచ్‌ ఆర్యా బోజ్యానాయక్‌ పాల్గొన్నారు. పోడు రైతులను ఇబ్బందులకు గురిచేయొద్దు తండాల్లో మౌలిక వసతులు కల్పించాలి జాతీయ ఎస్టీ కమిషన్‌ సభ్యుడు జాటోతు హుస్సేన్‌ నాయక్‌

● తొలిసారి ఎమ్మార్సీల్లో 9వ తరగతి జవాబు పత్రాల మూల్యాంకనం ● ప్రక్రియను పరిశీలించనున్న అధికారులు.. మార్కుల నమోదు ● ప్రభుత్వ సిలబస్‌ను పట్టించుకోని ప్రైవేటు యాజమాన్యాలు మహబూబ్‌నగర్‌ ఎడ్యుకేషన్‌: ఉమ్మడి మహబూబ్‌నగర్‌ జిల్లా వ్యాప్తంగా ఎస్‌ఏ–1 (సమ్మేటివ్‌ అసెస్‌మెంట్‌) పరీక్షలు నేటి నుంచి(గురువారం) ప్రారంభం కానున్నాయి. ప్రాథమిక స్థాయి నుంచి ఉన్నత పాఠశాలల వరకు విద్యార్థులకు పరీక్షలు నిర్వహించనున్నారు. తొలిసారిగా పరీక్షల జవాబు పత్రాలను మండల విద్యావనరుల కేంద్రాల్లో (ఎమ్మార్సీ) మూల్యాంకనం చేయనున్నారు. ప్రభుత్వ, ప్రైవేటు పాఠశాలలకు ప్రశ్నాపత్రాలను ఎమ్మార్సీల నుంచే పంపించనున్నారు. పరీక్షలు పూర్తయిన అనంతరం జవాబు పత్రాలను తిరిగి ఎమ్మార్సీలకు తరలించి మూల్యాంకనం చేపడతారు. ప్రాథమిక స్థాయి జవాబు పత్రానికి రూ.2, హైస్కూల్‌ స్థాయికి రూ.3 చొప్పున పారితోషికం చెల్లించనున్నారు. ఉమ్మడి జిల్లాలో 2,200 ప్రభుత్వ పాఠశాలల్లో 1.80 లక్షల మంది, 1,230 ప్రైవేటు పాఠశాలల్లో 1.10 లక్షల మంది విద్యార్థులు చదువుతున్నారు. మొత్తంగా 2.90 లక్షల మంది పరీక్షలకు హాజరుకానున్నారు. మూల్యాంకనం అనంతరం మార్కులను నమోదు చేసి, ప్రక్రియను అధికారులు పర్యవేక్షించనున్నారు. కాగా.. దీనిపై ఉపాధ్యాయసంఘాల నుంచి కొంత వ్యతిరేకత రావడంతో బుధవారం రాత్రి మూల్యాంకనానికి సంబంధించిన నిబంధనలు మార్చారు. రాష్ట్రంలోని అన్ని జిల్లాల్లో తొమ్మిదో తరగతి విద్యార్థుల జవాబు పత్రాలను మూల్యాంకనం చేయనున్నారు. ఆరో తరగతి విద్యార్థుల జవాబు పత్రాల మూల్యాంకన కూడా ఎమ్మార్సీలో మూల్యాంకనం చేయాల్సి ఉన్నా.. కేవలం తొమ్మిది జిల్లాలను మాత్రమే ఎంపిక చేస్తూ రాష్ట్ర పాఠశాల విద్యా మరియు సమగ్ర శిక్షా డైరెక్టర్‌ జారీ చేసిన ఉత్తర్వులు జారీ చేసింది. ఇందులో ఉమ్మడి పాలమూరు జిల్లాలకు మినహాయింపు ఇచ్చారు. ప్రైవేటు బడుల్లో అనుమానాలు ప్రైవేటు పాఠశాలల్లో అధిక శాతం యాజమాన్యాలు ప్రభుత్వ సిలబస్‌కు అనుగుణంగా బోధన సాగించడం లేదన్న ఆరోపణలు ఉన్నాయి. సొంత సిలబస్‌, పుస్తకాలను అమలు చేస్తున్న నేపథ్యంలో ప్రభుత్వం రూపొందించిన ప్రశ్నాపత్రాలతో పరీక్షలు నిర్వహిస్తారా అనే సందేహాలు వ్యక్తమవుతున్నాయి. గతంలో కొన్ని పాఠశాలల్లో ప్రశ్నాపత్రాలను ముందుగానే విద్యార్థులకు ఇచ్చి జవాబులు రాసుకుని రావాలని సూచించారన్న ఆరోపణలు కూడా ఉన్నాయి. కొత్త మూల్యాంకన విధానంతో ఇలాంటి అక్రమాలకు అడ్డుకట్ట పడుతుందా అనే చర్చ జరుగుతోంది.

కొల్లాపూర్‌: పుస్తక పఠనంతోనే విద్యార్థుల్లో జ్ఞానంతో పాటు జ్ఞాపకశక్తి పెంపొందుతుందని హైదరాబాద్‌ ప్రాంతీయ విద్యా సంచాలకులు ఎం.సోమిరెడ్డి అన్నారు. బుధవారం ఆయన కొల్లాపూర్‌ మండలంలోని పలు ప్రభుత్వ పాఠశాలలను తనిఖీ చేశారు. స్థానిక కస్తూర్బాగాంధీ బాలికల విద్యాలయానికి రూ. 40వేల విలువైన రోటీ మేకింగ్‌ మిషన్‌, రూ. 10వేల విలువైన పుస్తకాలను అందజేశారు. ఈ సందర్భంగా ఆర్జేడీ మాట్లాడుతూ.. విద్యార్థుల్లో పఠనాశక్తిని పెంచేందుకు ఉపాధ్యాయులు కృషిచేయాలన్నారు. భాషా నైపుణ్యాలు, ఆలోచనా విధానం, ఊహాశక్తి, సృజనాత్మకత వంటి అంశాలు పుస్తక పఠనం ద్వారా నేర్చుకోవచ్చని తెలిపారు. విద్యార్థులకు ఉపయోగపడే పాఠ్యపుస్తకాలను ప్రతి పాఠశాలలో అందుబాటులో ఉంచాలని ఆయన సూచించారు. కేజీబీవీల్లో ప్రభుత్వం కల్పిస్తున్న వసతి సదుపాయాలను విద్యార్థినులు సద్వినియోగం చేసుకొని చదువులో రాణించాలని ఆకాంక్షించారు. అనంతరం ఆర్జేడీని స్థానిక మున్సిపల్‌ చైర్‌పర్సన్‌ రెడ్డి జ్యోతి సత్యనారాయణ శాలువాతో సత్కరించారు. కార్యక్రమంలో ఎంఈఓ ఇమ్మానుయేల్‌, మున్సిపల్‌ కౌన్సిలర్లు అన్వర్‌ పాషా, పెబ్బేటి శేఖర్‌, కేజీబీవీ ప్రత్యేకాధికారి నారాయణమ్మ పాల్గొన్నారు. ఆగని పోరాటం చారకొండ: గోకారం రిజర్వాయర్‌ సామర్థ్యం తగ్గించే వరకు తమ పోరాటం ఆగదని ఎర్రవల్లి, ఎర్రవల్లి తండా నిర్వాసితులు తేల్చిచెప్పారు. తమ గ్రామాలను ముంపు ముప్పు నుంచి కాపాడాలని డిమాండ్‌ చేస్తూ చేపట్టిన రిలే దీక్షలు బుధవారం నాటికి 303వ రోజుకు చేరుకున్నాయి. ఈ సందర్భంగా వారు మాట్లాడుతూ.. కొన్ని నెలలుగా నిరసన కార్యక్రమాలు నిర్వహిస్తున్నా ఎవరూ పట్టించుకోవడం లేదని ఆవేదన వ్యక్తంచేశారు. తమ సమస్య సీఎం దృష్టికి చేరి, న్యాయం జరిగే వరకు రిలే దీక్షలు కొనసాగిస్తామన్నారు. కార్యక్రమంలో నిర్వాసితులు బాలయ్య, గోపాల్‌, ప్రకాశ్‌, శ్రీరామ్‌ పాల్గొన్నారు. రేపు ఫుట్‌బాల్‌ క్రీడాకారుల ఎంపికలు మహబూబ్‌నగర్‌ క్రీడలు: తెలంగాణ రాష్ట్ర ఫుట్‌బాల్‌ అసోసియేషన్‌ ఆధ్వర్యంలో త్వరలో జరిగే రాష్ట్రస్థాయి సీనియర్‌ పురుషుల, మహిళల ఫుట్‌బాల్‌ టోర్నమెంట్‌లో పాల్గొనే ఉమ్మడి జిల్లా ఫుట్‌బాల్‌ జట్ల ఎంపికలను ఈనెల 2వ తేదీన ఉదయం 9 గంటలకు జిల్లాకేంద్రంలోని మెయిన్‌ స్టేడియంలో నిర్వహిస్తునట్లు జిల్లా ఫుట్‌బాల్‌ అసోసియేషన్‌ ప్రధాన కార్యదర్శి జి.భానుకిరణ్‌ బుధవారం ఓ ప్రకటనలో తెలిపారు. ఎంపికలో పాల్గొనే క్రీడాకారులు ఒరిజినల్‌ ఆధార్‌కార్డు, బర్త్‌ సర్టిఫికెట్‌, కాన్సెంట్‌ ఫామ్‌, పాస్‌పోర్టు ఫొటోలతో హాజరుకావాలని కోరారు. మహబూబ్‌నగర్‌తో పాటు నాగర్‌కర్నూల్‌, నారాయణపేట జిల్లాల క్రీడాకారులు ఎంపికల్లో పాల్గొనాలని సూచించారు. వివరాల కోసం 9396439663 నంబర్‌ను సంప్రదించాలని సూచించారు. కరువు జిల్లాగా ప్రకటించాలి తాడూరు: తీవ్రమైన వర్షాభావ పరిస్థితులతో రైతులు సాగుచేసిన పంటలు చాలా వరకు దెబ్బతిన్నాయని.. నాగర్‌కర్నూల్‌ను కరువు జిల్లాగా ప్రకటించి, రైతులను ఆదుకోవాలని డీహెచ్‌పీఎస్‌ జిల్లా అధ్యక్షుడు భరత్‌ డిమాండ్‌ చేశారు. బుధవారం తాడూరు, ఏటిదారిపల్లి, గోవిందాయపల్లి గ్రామాల్లో పంట పొలాలను పరిశీలించారు. ఈ సందర్భంగా ఆయన మాట్లాడుతూ.. ఈసారి వర్షాలు లేకపోవడం, కరెంటు కోతల కారణంగా పంటలు ఎండిపోతున్నాయన్నారు. ఎకరాకు రూ.50వేల పరిహారం చెల్లించి రైతులను ఆదుకోవాలని కోరారు. కార్యక్రమంలో రైతులు మశన్న, వెంకటయ్య, అనిల్‌కుమార్‌, ఆంజనేయులు, బాలమణి, శ్రీలత పాల్గొన్నారు.

ప్రభుత్వం రేషన్‌ దుకాణాల్లో లబ్దిదారులకు సన్నబియ్యం పంపిణీ చేస్తోంది. అంతేకాకుండా వసతి గృహాలు, పాఠశాలలు, కళాశాలల్లో సన్నబియ్యమే వండుతున్నారు. సన్న వడ్లను ప్రభుత్వమే సీఎంఆర్‌ రూపంలో కొనుగోలు చేసి, బియ్యం ఇచ్చే విధంగా రైస్‌మిల్లులతో ఒప్పందం కుదుర్చుకుంది. దీంతో మార్కెట్‌లో సన్న వడ్ల కొరత ఏర్పడింది. ఇది కూడా బియ్యం ధరల పెంపునకు ఓ కారణంగా భావించవచ్చు. మార్కెట్‌లో సన్న వడ్ల నిల్వలు బాగా తగ్గిపోయాయి. దీంతో కొరత పెరగి బియ్యం ధరలు పెరుగుతున్నాయని వ్యాపారులు అభిప్రాయపడుతున్నారు.

కందనూలు: పట్టణాన్ని పరిశుభ్రంగా ఉంచేందుకు కృషి చేస్తున్న కార్మికుల ఆరోగ్యాన్ని కాపాడాల్సిన బాధ్యత తమపై ఉందని మున్సిపల్‌ చైర్మన్‌ తీగల సునేంద్రకుమార్‌ అన్నారు. స్వచ్ఛ సర్వేక్షణ్‌ కార్యక్రమంలో భాగంగా బుధవారం స్థానిక మున్సిపల్‌ కార్యాలయంలో పారిశుద్ధ్య కార్మికులు, సిబ్బందికి వైద్యశిబిరం నిర్వహించారు. ఈ సందర్భంగా చైర్మన్‌ మాట్లాడుతూ.. మున్సిపాలిటీని స్వచ్ఛంగా ఉంచేందుకు పారిశుద్ధ్య కార్మికులు నిరంతరం శ్రమిస్తున్నారన్నారు. ఈ క్రమంలో కార్మికులు ఆరోగ్య సంరక్షణపై ప్రత్యేక శ్రద్ధ చూపాలని సూచించారు. అనంతరం వైద్యసిబ్బంది కార్మికులకు పలు పరీక్షలు నిర్వహించి.. అవసరమైన మందులను అందజేశారు. మున్సిపల్‌ కమిషనర్‌ నాగిరెడ్డి, వైస్‌చైర్మన్‌ బాదం రమేశ్‌, కౌన్సిలర్లు పాల్గొన్నారు.

● నల్లమల అటవీ గ్రామాల పునరావాసంతో సురక్షిత నివాస వసతి ● కలెక్టర్‌ హేమంత కేశవ్‌ పాటిల్‌ నాగర్‌కర్నూల్‌: నల్లమల అటవీ ప్రాంతంలో నివసిస్తున్న ప్రజల జీవన ప్రమాణాలు మెరుగుపర్చడమే ప్రభుత్వ లక్ష్యమని.. అందులో భాగంగా వారికి సురక్షితమైన నివాస వసతి కల్పించేందుకు పునరావాస ప్రక్రియ చేపట్టిందని కలెక్టర్‌ హేమంత కేశవ్‌ పాటిల్‌ అన్నారు. అమ్రాబాద్‌ టైగర్‌ రిజర్వు ఫారెస్ట్‌ కోర్‌ ఏరియాలోని సార్లపల్లి, కుడిచింతలపల్లి, తాటిగుండాల, కొల్లంపెంట గ్రామాలకు చెందిన 36 మంది పునరావాస లబ్ధిదారులకు బుధవారం కలెక్టరేట్‌లో డీఎఫ్‌ఓ రేవంత్‌చంద్రతో కలిసి ఇళ్ల స్థలాల పట్టాలను పంపిణీ చేశారు. ఈ సందర్భంగా కలెక్టర్‌ మాట్లాడుతూ.. పెదకొత్తపల్లి మండలం బాచారం సమీపంలో ఏర్పాటుచేసిన పునరావాస కేంద్రంలో 250 గజాల చొప్పున ఇళ్ల స్థలాలు కేటాయించినట్లు తెలిపారు. పునరావాస ప్రక్రియలో భాగంగా మొత్తం 417 కుటుంబాలు ప్రభుత్వం నిర్దేశించిన ప్యాకేజీని అందుకుంటున్నారన్నారు. వీరిలో 257 కుటుంబాలకు ఇళ్ల స్థలాలు ఇవ్వగా.. మిగిలిన 160 కుటుంబాలు రూ. 15లక్షల పునరావాస ప్యాకేజీ తీసుకున్నారని పేర్కొన్నారు. పునరావాస కేంద్రంలో ప్రజలకు అవసరమైన మౌలిక సదుపాయాలు అందుబాటులో ఉండేలా సంబంధిత అధికారులు సమన్వయంతో చర్యలు చేపట్టాలని కలెక్టర్‌ సూచించారు. అర్హులందరికీ సంక్షేమ పథకాలు అందేలా చూడాలని తెలిపారు. పారదర్శకంగా భూముల రీ సర్వే.. కందనూలు: జిల్లాలో భూముల రీ సర్వేను పారదర్శకంగా నిర్వహించాలని కలెక్టర్‌ హేమంత కేశవ్‌ పాటిల్‌ అన్నారు. బిజినేపల్లి మండలం ఖానాపూర్‌లో చేపట్టిన రీ సర్వేను ఆయన పరిశీలించారు. ఈ సందర్భంగా రైతులతో మాట్లాడి రీ సర్వే ప్రక్రియపై ఆరా తీశారు. ప్రభుత్వం చేపడుతున్న భూముల రీ సర్వేతో కలిగే ప్రయోజనాలను వివరించారు. భూములకు స్పష్టమైన హద్దులు ఏర్పడటంతో పాటు భవిష్యత్‌లో భూ సమస్యలు తగ్గే అవకాశం ఉంటుందన్నారు. ఖానాపూర్‌ గ్రామ పరిధిలో మొత్తం 2,525.15 ఎకరాల భూములను రీ సర్వే ప్రక్రియలోకి తీసుకున్నట్లు కలెక్టర్‌ తెలిపారు. రైతులకు ఏమైనా సందేహాలు లేదా సమస్యలు ఉంటే సంబంధిత అధికారుల దృష్టికి తీసుకురావాలని సూచించారు. అనంతరం గ్రామంలో ప్రాథమిక పాఠశాలను తనిఖీ చేశారు. విద్యార్థులకు కల్పిస్తున్న సౌకర్యాలను తెలుసుకున్నారు. అయితే విద్యార్థుల సంఖ్యకు అనుగుణంగా తరగతి గదులు, మౌలిక వసతులు అవసరమని హెచ్‌ఎం రాజారెడ్డి కలెక్టర్‌కు వివరించారు. ఆయన వెంట తహసీల్దార్‌ మునీరుద్దీన్‌, సర్పంచ్‌ ఇందిరా ఉన్నారు.

కొన్ని రోజుల నుంచి బియ్యం రేట్లు విపరీతంగా పెరిగాయి. కిలో రూ. 60 నుంచి రూ. 70 వరకు అమ్ముతున్నారు. మధ్యతరగతి కుటుంబాలు కొనుగోలుచేసే పరిస్థితి లేదు. వాటితో పాటు నిత్యావసరాల ధరలు కూడా విపరీతంగా పెరిగాయి. సామాన్యులు చాలా ఇబ్బందులు పడుతున్నారు. ప్రభుత్వం స్పందించి ధరలు తగ్గించాలి. – పరమేశ్వర్‌, నాగర్‌కర్నూల్‌ 20ఏళ్ల నుంచి బియ్యం వ్యాపారం చేస్తున్నా. ఈ విధంగా ధరల పెంపు ఎప్పుడు చూడలేదు. గతంలో ప్రతినెలా క్వింటాపై రూ.100 పెరిగేది. ఈ స్థాయిలో పెరగడం ఇదే మొదటి సారి. బియ్యం కొనుగోలు చేసేవారు చాలా ఇబ్బంది పడుతున్నారు. ఇక్కడ పండే సన్నరకం ధాన్యాన్ని ఇతర రాష్ట్రాలకు ఎగుమతి చేయకుండా ఉంటే కొంతమేర రేట్లు తగ్గే అవకాశం ఉంది. – గుబ్బ ఈశ్వర్‌, బియ్యం వ్యాపారి, కల్వకుర్తి ●

పాన్‌గల్‌: రాష్ట్ర ప్రభుత్వం ఆయిల్‌పాం, పండ్ల తోటల పెంపకం, పందిరి సాగు, మల్చింగ్‌, డ్రిప్‌, కూరగాయాల నారు తదితర పథకాలకు రాయితీలను అందిస్తోందని.. రైతులు సద్వినియోగం చేసుకోవాలని జిల్లా ఉద్యాన అధికారి విజయభాస్కర్‌, కేవీకే శాస్త్రవేత్త డా. రాజేందర్‌రెడ్డి కోరారు. మంగళవారం మండలంలోని తెల్లరాళ్లపల్లిలో ఉద్యానశాఖ ఆధ్వర్యంలో నిర్వహించిన రైతు అవగాహన సదస్సుకు వారు ముఖ్యఅతిథులుగా హాజరై మాట్లాడారు. వాతావరణ మార్పులు, అధిక ఉష్ణోగ్రత్తలు, అసమాన వర్షపాతం పరిస్థితుల్లో మామిడి తోటలను కాపాడుకోవడానికి రైతులు ముందస్తు ప్రణాళికతో యాజమాన్య పద్ధతులు పాటించాలని, అందుబాటులో ఉన్న నీటిని పొదుపుగా వినియోగించుకోవాలని సూచించారు. అవసరానికి మించి నత్రజని ఎరువులు వినియోగించకుండా సమతుల పోషక యాజమాన్యం పాటించాలన్నారు. పలువురు మామిడి రైతులు తమ సమస్యలను అధికారుల దృష్టికి తీసుకరాగా శాసీ్త్రయ పరిష్కారాలను సూచించారు. కార్యక్రమంలో ఉద్యాన అధికారులు కృష్ణయ్య, బాలప్రకాశ్‌, డెవలప్‌మెంట్‌ కో–ఆర్డినేటర్‌ రవికుమార్‌ పాల్గొన్నారు.

కందనూలు: మీడియేషన్‌ (మధ్య వర్తిత్వం) ద్వారా కేసులు త్వరగా పరిష్కారం లభిస్తుందని జిల్లా ప్రధాన న్యాయమూర్తి రమాకాంత్‌ అన్నారు. మంగళవారం జిల్లా కోర్టులో ఏర్పాటు చేసిన మీడియా సమావేశంలో ఆయన మాట్లాడారు. కోర్టులో సివిల్‌, బ్యాంకింగ్‌, ఫైనాన్షియల్‌, మ్యాట్రిమోని తదితర కేసులను సుదీర్ఘంగా కొనసాగించకుండా, ఇరుపక్షాల మధ్య చర్చల ద్వారా వివాదాన్ని పరిష్కరించుకోవచ్చని, ఇందులో ప్రభుత్వం న్యాయవాది మధ్యవర్తిత్వం వహించి ఇరుపక్షాల మాటలను విని, పరస్పర అంగీకారంతో కేసులకు పరిష్కారం చూపిస్తుందన్నారు. దీని ద్వారా కోర్టు సమయం, కక్షిదారుల ఖర్చులు తగ్గుతాయని, ఇరుపక్షాల మధ్య స్నేహపూర్వక వాతావరణం కొనసాగుతుందని అభిప్రాయపడ్డారు. అంగీకారం కుదిరినప్పుడు, చట్టపరమైన ప్రక్రియ ద్వారా కేసులను పరిష్కరించుకొని త్వరగా న్యాయం పొందవచ్చన్నారు. అనంతరం మీడియేషన్‌ పోస్టర్‌ను ఆవిష్కరించారు. సమావేశంలో స్పెషల్‌ సెషన్స్‌ జడ్జి నసీమా సుల్తానా, జిల్లా లీగల్‌ సర్వీసెస్‌ అథారిటీ సెక్రెటరి నిహారిక తదితరులు పాల్గొన్నారు.

పెద్దకొత్తపల్లి: సమాజంలో జరుగుతున్న అనేక అసమానతలపై, తమ హక్కుల సాధన కోసం యువత విప్లవ యువ కిశోరం షాహిద్‌ భగత్‌సింగ్‌ స్ఫూర్తితో ఉద్యమించాలని సీపీఐ జిల్లా కార్యదర్శి ఎస్‌ఎండీ ఫయాజ్‌ అన్నారు. మంగళవారం మండలంలోని కల్వకోలులో భగత్‌సింగ్‌ జయంతి ఉత్సవాలను పురస్కరించుకొని ఆయన చిత్రపటానికి పూలమాల వేసి నివాళులర్పించారు. ఈ సందర్భంగా ఆయన మాట్లాడుతూ భరత మాత వీరపుత్రుడు భగత్‌సింగ్‌ని ఈ దేవ యువత ఐకాన్‌గా తీసుకోవాలన్నారు. భగత్‌సింగ్‌కు భారతరత్న ప్రకటించాలని డిమాండ్‌ చేశారు. ఆయన ఆశయ సాధనకు ప్రతి ఒక్కరు కృషి చేయాలని కోరారు. కార్యక్రమంలో నాయకులు లక్ష్మీనారాయణ, ఉప సర్పంచ్‌ కుర్మయ్య, కృష్ణ, కుర్మయ్య, ప్రకాష్‌, శేఖర్‌, వెంకటయ్య, ధర్మరాజు, శివ, తిరుపతయ్య తదితరులు పాల్గొన్నారు. చెస్‌తో ఏకాగ్రత, మేధోశక్తి పెంపు ఉప్పునుంతల: చెస్‌ క్రీడతో విద్యార్థుల ఆలో చన శక్తి, ఏకాగ్రతతోపాటు మేధోశక్తి పెంపొందుతుందని ఎస్‌జీఎఫ్‌ జిల్లా కార్యదర్శి నాగేశ్వర్‌రావు అన్నారు. మంగళవారం జిల్లా పరిషత్‌ ఉన్నత పాఠశాలలో అండర్‌– 14, 17 విభా గాల్లో 70వ జిల్లాస్థాయిలో నిర్వహించిన చెస్‌ టోర్నమెంట్‌ పోటీలను ప్రారంభించిన సందర్భంగా ఆయన పాల్గొని మాట్లాడారు. విద్యార్థులు చదువుతోపాటు క్రీడలపై ఆసక్తి పెంచుకోవాలని సూచించారు. క్రీడల్లో పాల్గొనడం వలన ఆరోగ్యం శారీరక దృఢత్వం, మానసిక ఉల్లాసంతోపాటు ఆత్మవిశ్వాసం పెరుగుతుందన్నారు. పోటీలకు జిల్లాలోని ఆయా పాఠశాలల నుంచి 285 మంది విద్యార్థులు పాల్గొన్నారు. జిల్లాస్థాయి పోటీల్లో గెలుపొందిన విజేతలను రాష్ట్రస్థాయి చెస్‌ పోటీలకు ఎంపిక చేయడం జరుగుతుందన్నారు. కార్యక్రమంలో ఎంఈఓ శ్రీనివాసరెడ్డి, సర్పంచ్‌ శ్రీనివాసులు, డీసీసీ ఉపాధ్యక్షుడు అనంతరెడ్డి, అమ్మ ఆదర్శ పాఠశాల కమిటీ చైర్మన్‌ శేఖర్‌గౌడ్‌, పీఈటీఏ అసోసియేషన్‌ అధ్యక్షుడు నిరంజన్‌యాదవ్‌, వ్యాయామ ఉపాధ్యాయులు మల్లయ్య, మణి, స్వరూప, లక్ష్మణ్‌ తదితరులు పాల్గొన్నారు. కోయిల్‌సాగర్‌లో తగ్గుతున్న నీటిమట్టం దేవరకద్ర: కోయిల్‌సాగర్‌ ప్రాజెక్టులో నీటిమట్టం రోజురోజుకూ స్వల్పంగా తగ్గుతోంది. మంగళవారం నాటికి 21.6 అడుగులకు చేరింది. ఐదు రోజుల క్రితం 21.9 అడుగుల నీరు ఉండగా.. ప్రస్తుతం 0.3 అడుగులు తగ్గింది. ఈ నెల 25వ తేదీ నుంచి ప్రాజెక్టు కుడి, ఎడమ కాలువల ద్వారా నీటి విడుదల కొనసాగుతోంది.

కందనూలు: జిల్లాలో ఖరీఫ్‌ సీజన్‌లో రైతులు పండించిన వరిధాన్యాన్ని సకాలంలో కొనుగోలు చేసేందుకు అవసరమైన అన్ని ఏర్పాట్లు ముందుగానే పూర్తి చేయాలని కలెక్టర్‌ హేమంత కేశవ్‌ పాటిల్‌ అన్నారు. మంగళవారం కలెక్టరేట్‌లోని వీసీ హాల్‌లో కొనుగోలు కేంద్రాల ఏర్పాటు, ధాన్యం రవాణా, నిల్వ, గన్నీ బ్యాగుల లభ్యత, తేమ శాతం పరిశీలన, కొనుగోలు కేంద్రాల్లో మౌలిక వసతులు తదితర అంశాలపై, వ్యవసాయ అనుబంధ శాఖల అధికారులతో సమన్వయ సమీక్షా సమావేశాన్ని అదనపు కలెక్టర్‌ చెన్నయ్యతో కలిసి నిర్వహించారు. ఈ సందర్భంగా కలెక్టర్‌ మాట్లాడుతూ జిల్లాలోని 20 మండలాల పరిధిలో 183 వరిధాన్యం కొనుగోలు కేంద్రాలను ఏర్పాటు చేయాలని, కొనుగోలు కేంద్రాలకు ధాన్యం తీసుకువచ్చిన రైతులు ఎక్కువ సమయం వేచి ఉండాల్సిన పరిస్థితి తలెత్తకుండా తగిన ప్రణాళికతో చర్యలు చేపట్టాలని స్పష్టం చేశారు. కొనుగోలు ప్రక్రియను సమన్వయంతో, పారదర్శకంగా నిర్వహిస్తూ, ప్రభుత్వం నిర్దేశించిన నిబంధనల ప్రకారం రైతులకు సకాలంలో ప్రయోజనాలు అందేలా అధికారులు ప్రత్యేక శ్రద్ధ వహించాలన్నారు. ధాన్యం కొనుగోలు కేంద్రాల్లో పారదర్శకత పెంపొందించి.. అక్రమాలకు తావులేకుండా ప్రతి కేంద్రాన్ని జియో ట్యాగింగ్‌ చేసి.. పీసీఎస్‌ఏపీ పోర్టల్‌లో నమోదు చేసి నిరంతరం పర్యవేక్షించాలని ఆదేశించారు. తూకం, తేమ కొలిచే యంత్రాలు, టార్పాలిన్లు, తాగునీటి వసతి తదితర 16 రకాల మౌలిక సదుపాయాల లభ్యతను పరిశీలించి, సంబంధిత ఫొటోలు, ఆధారాలను పోర్టల్‌లో అప్‌లోడ్‌ చేయాలన్నారు. క్షేత్రస్థాయిలో ఎదురయ్యే సమస్యలను ఎప్పటికప్పుడు గుర్తించి వెంటనే పరిష్కరించాలని ఆదేశించారు. వాతావరణ పరిస్థితులను నిరంతరం పర్యవేక్షిస్తూ.. రైతులకు ముందస్తు సమాచారం అందించేలా చర్యలు చేపట్టాలన్నారు.

కల్వకుర్తి రూరల్‌: క్రీడాకారులు క్రమశిక్షణతో సాధన చేసి పట్టుదలతో నిరంతరం ప్రయత్నిస్తే ప్రతి క్రీడాకారుడు అంతర్జాతీయ స్థాయికి చేరుకునే అవకాశం ఉంటుందని జిల్లా అథ్లెటిక్స్‌ అసోసియేషన్‌ ప్రధాన కార్యదర్శి స్వాములు అన్నారు. అథ్లెటిక్స్‌ ఫెడరేషన్‌ ఆఫ్‌ ఇండియా ఆధ్వర్యంలో 20 నేషనల్‌ ఇంటర్‌ డిస్టిక్‌ జూనియర్‌ అథ్లెటిక్స్‌కు జిల్లా క్రీడాకారులను ఎంపిక చేసే ప్రక్రియ జిల్లా పరిషత్‌ బాలుర ఉన్నత పాఠశాల మైదానంలో మంగళవారం నిర్వహించారు. ఈ పోటీలలో సత్తాచాటిన క్రీడాకారులు 12వ రాష్ట్ర సబ్‌ జూనియర్‌ అథ్లెటిక్స్‌ చాంపియన్‌షిప్‌–2026 అక్టోబర్‌ 11న కొమురం భీం ఆసిఫాబాద్‌ జిల్లాలో జరిగే పోటీలలో పాల్గొననున్నట్లు స్వాములు వెల్లడించారు. పోటీలకు మొత్తం 500 మంది క్రీడాకారులు హాజరు కాగా.. అండర్‌–10, 12, 14 బాలబాలికల విభాగాల్లో క్రీడాకారులను ఎంపిక చేశారు. మహబూబ్‌నగర్‌ జిల్లా అథ్లెటిక్స్‌ అసోసియేషన్‌ ప్రధాన కార్యదర్శి శరత్‌చంద్ర పర్యవేక్షణలో ఎంపిక ప్రక్రియ నిర్వహించారు. ఈ సందర్భంగా ఆయన మాట్లాడుతూ తాను పరిశీలించిన నివేదికను అథ్లెటిక్స్‌ ఫెడరేషన్‌ ఆఫ్‌ ఇండియాకు సమర్పిస్తానన్నారు. కార్యక్రమంలో ఫిజికల్‌ డైరెక్టర్‌ షంషీర్‌ అలీ, రాజేందర్‌, మల్లేష్‌, జయలక్ష్మి, జ్యోతి, స్మిత పాల్గొన్నారు.

మహబూబ్‌నగర్‌ క్రీడలు: జాతీయస్థాయి యోగా పోటీల్లో ఉమ్మడి జిల్లా క్రీడాకారులు ప్రతిభచాటి పతకాలు సాధించాలని ఉమ్మడి జిల్లా ఒలింపిక్‌ సంఘం ప్రధాన కార్యదర్శి కురుమూర్తిగౌడ్‌ అన్నారు. జిల్లా కేంద్రంలోని మెయిన్‌ స్టేడియంలో మంగళవారం జాతీయస్థాయి యోగా పోటీల్లో పాల్గొంటున్న ఉమ్మడి జిల్లా క్రీడాకారులు రిత్విక్‌రెడ్డి (8–10 ఏళ్ల విభాగం), దౌసిక్‌ ప్రసాద్‌ (10–12 ఏళ్ల విభాగం), ఎం.శివతేజ (14–16 ఏళ్ల విభాగం), సీహెచ్‌ అఖిల్‌ (16–18 ఏళ్ల విభాగం)లకు మ్యాట్‌లు అందజేసి అభినందించారు. ఈ సందర్భంగా ఉమ్మడి జిల్లా యోగా సంఘం ప్రధాన కార్యదర్శి టి.చంద్రశేఖర్‌ మాట్లాడుతూ అక్టోబర్‌ 1వ తేదీ నుంచి 5వ తేదీ వరకు రాజస్తాన్‌లో జాతీయస్థాయి యోగా పోటీలు జరుగుతాయని తెలిపారు. చెన్న వీరయ్య, జిల్లా యువజన, అథ్లెటిక్స్‌ కోచ్‌ సునీల్‌కుమార్‌, బాల్‌రాజు పాల్గొన్నారు.

ఇటీవల జూరాల ఆయకట్టు రైతులు నీటి కోసం ఎందుకు ఆందోళనలకు దిగాల్సి వచ్చిందో పాలకులు, ప్రతిపక్షాలు గ్రహించాలి. ఎల్‌నినో, వర్షాభావం వల్ల అని భావించినా.. నీటి నిర్వహణ, ప్రాజెక్ట్‌లు, రిజర్వాయర్ల నిర్మాణంలో నిర్లక్ష్యం, ప్రభుత్వాల బాధ్యతారాహిత్యమే ప్రధాన కారణాలు. స్వరాష్ట్రంలో 12 ఏళ్లు గడిచినా పాలమూరు ప్రాజెక్ట్‌ పూర్తికాకపోవడం విచారకరం. ఇప్పటికే రాంగ్‌ ఇంజినీరింగ్‌తో సమస్యలు ఎదుర్కొంటున్నాం. జిల్లా రైతాంగానికి మేలు చేసేలా ప్రాజెక్ట్‌లు, రిజర్వాయర్ల నిర్మాణంలో వేగం పెంచాలి. – రాజేందర్‌రెడ్డి, ఉమ్మడి జిల్లా పెండింగ్‌ ప్రాజెక్టుల సాధన జేఏసీ చైర్మన్‌

మహబూబ్‌నగర్‌ ఎడ్యుకేషన్‌: అకాడమిక్‌ రికార్డులను ఎప్పటికప్పుడు యూనివర్సిటీకి సమర్పించాలని పీయూ వీసీ శ్రీనివాస్‌ పేర్కొన్నారు. ఈమేరకు పీయూలో వివిధ కళాశాలల ప్రిన్సిపాల్‌తో నిర్వహించిన సమీక్ష కార్యక్రమంలో ఆయన మాట్లాడారు. టీచింగ్‌ డైరీలు క్రమం తప్పుకుండా నిర్వహించాలని, విద్యార్థులకు నాణ్యమైన విద్యను అందించేందుకు కృషి చేయాలని, విద్యార్థుల హాజరు శాతం పెంచడంతో పాటు అకాడమిక్‌ డెవలప్‌మెంట్‌పై ప్రత్యేక చర్యలు తీసుకోవాలన్నారు. కళాశాలల అభివృదికధ అవసరమైన చర్యలు చేపట్టాలని, అకాడమిక్‌ ప్రమాణాలపై మరింత మెరుగుపర్చాలని సూచించారు. కార్యక్రమంలో ప్రిన్సిపాళ్లు చంద్రకిరణ్‌, భూమయ్య తదితరులు పాల్గొన్నారు.

ఆదాయం కోల్పోతే డిపోపై ప్రభావం ఆర్టీసీ డిపోలో పనిచేస్తున్న కార్మికులకు వేధింపులు తప్పడం లేదని ఆందోళన చేస్తున్నారు. తమకు యూనియన్‌ గుర్తింపు లేకపోవడంతో అధికారులు ఇష్టారాజ్యంగా వ్యవహరిస్తున్నారన్న విమర్శలు వినిపిస్తున్నాయి. మహిళలు అనే కనికరం చూపకుండా రాత్రివేళ డ్యూటీలు వేస్తూ వారిని ఇబ్బందులకు గురి చేస్తున్నట్లు తెలుస్తోంది. చిన్న విషయాన్ని పెద్దగా రాద్ధాంతం చేస్తూ చర్యలు తీసుకుంటున్నట్లు కొందరు కార్మి కులు ఆవేదన వ్యక్తం చేశారు. గత పదేళ్లుగా ఉన్న రూట్లను రద్దు చేసుకొని ఇతర డిపోలకు వాటిని అప్పగిస్తే కల్వకుర్తి డిపో పరిస్థితి ప్రశ్నార్థకంగా మారుతుంది. రూట్లు లేకుండా ఆదాయం కోల్పోతే డిపో ఎందుకు అనే ప్రశ్న తలెత్తుతుంది. వెంటనే ప్రజాప్రతినిధులు కల్పించుకొని కల్వకుర్తి డిపోను బలోపేతం చేసి ప్రయాణికులకు మెరుగైన సేవలు అందించేలా చర్యలు తీసుకోవాలని కార్మికులు కోరుతున్నారు. కల్వకుర్తి రూరల్‌: ఉమ్మడి మహబూబ్‌నగర్‌ జిల్లాలోనే పోరాటాల ద్వారా సాధించిన డిపోగా కల్వకుర్తికి ప్రత్యేక గుర్తింపు ఉంది. ఇందుకు అనుగుణంగానే మూడు దశాబ్దాలుగా కల్వకుర్తి డిపో అంచెలంచెలుగా ఎదిగింది. ఇటీవల రాఖీ పౌర్ణమి పండుగ సందర్భంగా రాష్ట్రస్థాయిలో కలెక్షన్లలో అగ్రభాగాన నిలిచింది. అయితే సంబంధిత అధికారుల వ్యవహార శైలి, తీరుతో డిపో మనుగడ ప్రశ్నార్థకంగా మారే పరిస్థితులు నెలకొంటున్నాయి. కార్మికులపై వేధింపులు, బస్సు వేళలలో మార్పులు, కొన్ని బస్సులు ఇతర డిపోలకు కేటాయింపు తదితర విషయాలతో కల్వకుర్తి డిపోలోని కార్మికులు కలత చెందుతున్నారు. యాజమాన్యం అనుసరిస్తున్న నిరంకుశ వైఖరితో రోజురోజుకూ సమస్య జటిలంగా మారుతుందని ఆందోళన కార్మికులలో ఆందోళన వ్యక్తమవుతోంది. డిపో మనుగడకు ఇబ్బందిగా ఉన్న సమయంలో.. 10 సంవత్సరాల క్రితం కార్మికులు అప్పటి యాజమాన్యం విశేషంగా కష్టపడి సాధించిన రూట్లను ప్రస్తుత యాజమాన్యం వదిలేసే ప్రక్రియకు ప్రణాళిక సిద్ధం చేసినట్లు సమాచారం. సర్వీస్‌ల నిలిపివేత.. కల్వకుర్తి డిపో ఆదాయం పడిపోతుండడంతో డిపోను ఎత్తివేసేందుకు యాజమాన్యం సిద్ధమైంది. అప్పటి పరిస్థితులలో డిపో మేనేజర్‌గా వ్యవహరించిన వసురాం నాయక్‌ కార్మికులతో చర్చించి ఆర్డినరీ బస్సులను ఎక్స్‌ప్రెస్‌గా మార్చి.. జిల్లాలోని లింగాల, వట్టిపల్లి, తెలకపల్లి, యాపట్ల, తెలకపల్లి– లింగాల రూట్‌లో ఉన్న గ్రామాలను కలుపుతూ వెళ్లే విధంగా డే అవుట్‌, నైట్‌ అవుట్‌ బస్సులను నడిపించారు. దీంతో బస్సులలో ప్రయాణికుల రద్దీ పెరగడంతోపాటు డిపోకు ఆ రూట్లలో భారీగా ఆదాయం పెరిగింది. దీంతో కార్మికులు తమ కష్టం ఫలించిందని సంతోషించారు. 9 కొత్త బస్సులు వెనక్కి.. ప్రభుత్వం కల్వకుర్తి డిపోకు కొత్తగా 9 బస్సులను మంజూరు చేసినట్లు కార్మికులు తెలిపారు. అయితే యాజమాన్యం పంపిన కొత్త బస్సుల స్థానంలో 10 పాత బస్సులు డిపోకు రావడంపై వారు ఆందోళన వ్యక్తం చేశారు. కల్వకుర్తికి రావాల్సిన నూతన బస్సులు షాద్‌నగర్‌, కొల్లాపూర్‌, కోస్గి, మహబూబ్‌నగర్‌ తదితర డిపోలకు వెళ్లినట్లు సమాచారం. గతంలోనూ నూతన బస్సులు ఇతర డిపోలకు వెళ్తున్న విషయాన్ని కొందరు కల్వకుర్తి ఎమ్మెల్యే కసిరెడ్డి నారాయణరెడ్డి దృష్టికి తేవడంతో ఎమ్మెల్యే ఆగ్రహం వ్యక్తం చేసి బస్సులను తిరిగి కల్వకుర్తికి వచ్చేలా చేశారు. ప్రస్తుతం యాజమాన్యం సైతం మరోసారి కొత్తగా వచ్చే బస్సులను ఇతర డిపోలకు పంపడం చర్చనీయాంశంగా మారింది. ప్రశ్నార్థకంగా మారుతున్న కల్వకుర్తి డిపో నిర్వహణ పదేళ్ల క్రితం నాటి సర్వీసుల నిలిపివేతకు చర్యలు పది కొత్త బస్సులు ఇతర డిపోలకు మళ్లింపు మరోవైపు కార్మికులకు తప్పని వేధింపులు ప్రస్తుత అధికారుల తీరుతో జటిలమవుతున్న సమస్య కొత్త బస్సులు రాలేదు.. కల్వకుర్తి డిపోకు కొత్తగా బస్సులు రాలేదు. అలాగే లింగాల రూట్‌లో బస్సులు నిలిపివేసే ఆలోచన కూడా లేదు. కార్మికుల విషయంలోనూ నిబంధనల ప్రకారం వ్యవహరిస్తున్నాం. వేధింపులకు పాల్పడుతున్నారన్న ఆరోపణలు అవాస్తవం. – షాలిని, డీఎం, కల్వకుర్తి

తిమ్మాజిపేట మండలంలోని చేగుంట గ్రామ శివారులో సర్వే నం.215/ఇలో 34 గుంటల భూమిని మా తాతల నాటి నుంచి సాగు చేస్తూ జీవనం సాగిస్తున్నాం. ఈ భూమిలో నుంచి అధికారుల తప్పిదం వల్ల 23 గుంటల భూమి వేరే వారి పేరు మీద ఆన్‌లైన్‌లో నమోదవడంతో 11 గుంటల భూమి మాత్రమే రికార్డులో ఉంది. వేరే వారి పేరు మీద ఎక్కించిన భూమిని తిరిగి తన పేరు మీద చేర్చాలని ఎన్నో రోజుల నుంచి ఫిర్యాదు చేస్తున్నా అధికారులు పట్టించుకోకపోవడంతో సోమవారం కలెక్టరేట్‌ వద్ద వినూత్నంగా నిరసన తెలిపారు. – నారంజి, చేగుంట గ్రామం, తిమ్మాజిపేట మండలం

కందనూలు: ప్రజా సమస్యల పరిష్కారం కోసం కలెక్టరేట్‌లో నిర్వహించిన ప్రజావాణికి దరఖాస్తులు వెల్లువెత్తాయి. సోమవారం వివిధ ప్రాంతాల నుంచి వచ్చిన బాధితులు ప్రజావాణిలో జిల్లా అదనపు కలెక్టర్‌ను కలిసి అర్జీలు అందజేశారు. భూములు, ఉపాధి కల్పించాలని, ఇతర సమస్యలపై 51 ఫిర్యాదులు అందాయి. ఈ సందర్భంగా అదనపు కలెక్టర్‌ మాట్లాడుతూ ప్రజావాణి దరఖాస్తుల పరిష్కారంలో జాప్యం చేయకూడదన్నారు. దూర ప్రాంతాల నుంచి వచ్చిన ప్రజల సమస్యలు పరిష్కరించడం ప్రతి అధికారి బాధ్యత అన్నారు. కార్యక్రమంలో డీఆర్‌ఓ పాండు, కలెక్టరేట్‌ ఏఓ చంద్రశేఖర్‌ తదితరులు పాల్గొన్నారు. ప్రజావాణికి 51 దరఖాస్తులు

కందనూలు: పదోన్నతి బాధ్యతలను మరింత పెంచుతుందని ఎస్పీ సంగ్రామ్‌ సింగ్‌జీ పాటిల్‌ అన్నారు. వెల్దండ ఏఎస్‌ఐ శ్రీనివాసులు, వంగూరు ఏఎస్‌ఐ ఇబ్రహిం, కొల్లాపూర్‌ ఏఎస్‌ఐ రామస్వామిగౌడ్‌ ఇటీవలే ఎస్‌ఐగా పదోన్నతి పొందారు. ఈ మేరకు సోమవారం జిల్లా పోలీస్‌ కార్యాలయంలో ఎస్పీ వారికి అభినందనలు తెలిపి.. ఎస్‌ఐ హోదాకు సంబంధించిన స్టార్స్‌ అందించారు. అనంతరం ఎస్పీ మాట్లాడుతూ పదోన్నతి పొందిన ప్రతి పోలీస్‌ తమ బాధ్యతలను సమర్థవంతంగా నిర్వహిస్తూ.. ప్రజలకు మరింత మెరుగైన సేవలు అందించాలని సూచించారు. పోలీస్‌ గ్రీవెన్స్‌కు 8 అర్జీలు కందనూలు: ప్రజలు నిర్భయంగా.. మూడో వ్యక్తి ప్రమేయం లేకుండా.. నేరుగా తమ సమస్యలపై పోలీసులకు ఫిర్యాదు చేయాలని ఎస్పీ సంగ్రామ్‌ సింగ్‌జీ పాటిల్‌ అన్నారు. సోమవారం ఎస్పీ కార్యాలయంలో నిర్వహించిన గ్రీవెన్స్‌ సెల్‌లో బాధితుల నుంచి ఎస్పీ 8 ఫిర్యాదులు స్వీకరించారు. ఇందులో 4 భూమి, 3 భార్యాభర్తల గొడవ, 1 తగు న్యాయం చేయాలని ఫిర్యాదు వచ్చాయని, ఆయా ఫిర్యాదుల పరిష్కారం కోసం సంబంధిత స్టేషన్లకు పంపినట్లు చెప్పారు. ఐదు గ్రామాలకు నిధులు విడుదల అమ్రాబాద్‌: జిల్లాలో సర్పంచ్‌లు, వార్డు సభ్యులు లేని 5 గ్రామాలకు ప్రభుత్వం ప్రత్యేకంగా నిధులు మంజూరు చేసింది. అమ్రాబాద్‌ మండలంలోని ఐదు గ్రామ పంచాయతీలు కుమ్మరోనిపల్లికి రూ.4.20 లక్షలు, ఒంగురోనిపల్లికి రూ.3.37 లక్షలు, లక్ష్మాపూర్‌(బీకే)కు రూ.2.89 లక్షలు, కల్ములోనిపల్లికి రూ.2.15 లక్షలు, ప్రశాంత్‌నగర్‌కాలనీకి రూ.2.17 లక్షలు మంజూరయ్యాయని ఎంపీడీఓ రామన్న సోమవారం విలేకరులకు తెలిపారు. ఏజెన్సీ ప్రాంతమైన అమ్రాబాద్‌ మండలంలో మొత్తం 20 గ్రామ పంచాయతీలు ఉండగా గిరిజనులు లేని కుమ్మరోనిపల్లి, ఒంగురోనిపల్లి, లక్ష్మాపూర్‌(బీకే), కల్ములోనిపల్లి, ప్రశాంత్‌నగర్‌కాలనీ గ్రామాల్లో రిజర్వేషన్‌ కారణంగా స్థానిక ఎన్నికలు జరగలేదు. దీంతో ఇప్పటి వరకు ఎలాంటి నిధులు రాక ఇన్నాళ్లు గ్రామాల్లో పారిశుద్ధ్యం, నీరు కనీస సమస్యల పరిష్కారానికి అవస్థలు పడ్డ గ్రామ పంచాయతీలకు ప్రభుత్వం ప్రత్యేక చొరవతో నిధులు మంజూరు చేసిందని చెప్పారు. ఈ నిధులు ఏడాది వరకు మంచినీరు, పారిశుద్ధ్య పనులకు వినియోగించాల్సి ఉందని పేర్కొన్నారు.

● భూ సమస్యలకు శాశ్వత పరిష్కారమే లక్ష్యం ● నవంబర్‌ 15లోగా రీ సర్వే పూర్తి చేయాలి ● అలసత్వం ప్రదర్శించే అధికారులపై చర్యలు ● రాష్ట్ర రెవెన్యూ, గృహ నిర్మాణశాఖ మంత్రి పొంగులేటి శ్రీనివాస్‌రెడ్డి వనపర్తి: గత పాలకులు తీసుకొచ్చిన ధరణి దరిద్రాన్ని దూరం చేసేందుకే సీఎం రేవంత్‌రెడ్డి ప్రభుత్వం భూముల రీ సర్వేకు శ్రీకారం చుట్టిందని రాష్ట్ర రెవెన్యూ, గృహనిర్మాణశాఖ మంత్రి పొంగులేటి శ్రీనివాస్‌రెడ్డి చెప్పారు.రీసర్వేను అధికారులు అత్యంత ప్రాధాన్యతతో, పూర్తి బాధ్యతతో నిర్వహించాలని ఆదేశించారు. ముందుగా గ్రామాల సరిహద్దులను పక్కాగా నిర్ధారించుకుని, ఆ తర్వాత భూముల సర్వేను పక్కాగా చేపట్టాలన్నారు. సోమవారం వనపర్తి ఐడీఓసీ సమావేశ మందిరంలో రెవెన్యూ, గృహనిర్మాణం, భూముల రీసర్వే అంశాలపై నిర్వహించిన ఉమ్మడి జిల్లాస్థాయి సమావేశానికి రాష్ట్ర ఎకై ్సజ్‌, పర్యాటకశాఖ మంత్రి జూపల్లి కృష్ణారావు, పశుసంవర్ధకశాఖ మంత్రి వాకిటి శ్రీహరి, ఎమ్మెల్యేలతో కలిసి ఆయన హాజరై అధికారులతో సమీక్షించారు. ఈ సందర్భంగా మండలాల వారీగా భూముల రీసర్వే ప్రక్రియ పురోగతిపై తహసీల్దార్లు, సర్వేయర్లతో ఆరా తీశారు. అలాగే రైతుల నుంచి వ్యక్తమవుతున్న అనుభవాలను అడిగి తెలుసుకున్నారు. ఉమ్మడి జిల్లాస్థాయి సమీక్ష అనంతరం మంత్రి పొంగులేటి విలేకర్లతో మాట్లాడారు. సుమారు 120 ఏళ్ల క్రితం భూముల సర్వే నిర్వహించారని.. మళ్లీ ఇప్పుడు భూ సమస్యలకు శాశ్వత పరిష్కారం కల్పించాలనే లక్ష్యంతో రాష్ట్ర ప్రభుత్వం సమగ్ర రీసర్వే ప్రక్రియను చేపట్టిందన్నారు. తహసీల్దార్‌ స్థాయి నుంచి కలెక్టర్‌ వరకు అధికారులందరూ క్షేత్రస్థాయికి వెళ్లి ఈ ప్రక్రియను తప్పనిసరిగా పర్యవేక్షించాలన్నారు. నవంబర్‌ 15వ తేదీలోగా ప్రక్రియను పూర్తి చేయాలని ఆదేశించారు. సర్వే విషయంలో అటవీ, రెవెన్యూశాఖలు సమన్వయంతో పనిచేయాలని తెలిపారు. రీసర్వే ప్రక్రియకు సంబంధించి రైతులకు ఎప్పటికప్పుడు సమగ్ర సమాచారాన్ని అందిస్తూ.. ఎలాంటి ఇబ్బందులు కలుగకుండా చూడాలన్నారు. అధికారులు నిర్లక్ష్యంగా వ్యవహరించినా, అవినీతికి పాల్పడినా ఉపేక్షించేది లేదని హెచ్చరించారు. కాగా, కొన్ని ప్రాంతాల్లో ఆశించిన స్థాయిలో ముందుకు సాగకపోవడంపై మంత్రి అసంతృప్తిని వ్యక్తం చేశారు. అర్హులందరికీ ఇందిరమ్మ ఇళ్లు మంజూరు చేస్తామని మంత్రి పొంగులేటి అన్నారు. మొదటి విడతలో ప్రతి నియోజకవర్గానికి 3,500 ఇళ్లు కేటాయించగా.. రెండో విడతలో మరో 2వేల ఇళ్లను కేటాయిస్తున్నట్లు తెలిపారు. తొలి దశలో చేసిన తప్పులు రెండో దశలో పునరావృతం కానివ్వొద్దని అధికారులకు సూచించారు. మూడు, నాలుగో విడతల్లోనూ ఇందిరమ్మ ఇళ్ల మంజూరు ఉంటుందన్నారు. రాష్ట్రంలోని ఏ జనావాస ప్రాంతంలో పూరిగుడిసె ఉండనియ్యమన్నారు. మంత్రి జూపల్లి కృష్ణారావు మాట్లాడుతూ.. ప్రజల నుంచి వచ్చే అర్జీలను అధికారులు క్రమబద్ధమైన విధానంలో పరిశీలించి, పరిష్కార మార్గాలు చూపాలన్నారు. ప్రతి నెలలో ఒక్కో మండలానికి ఒక రోజు కేటాయించి, ఆ మండలానికి సంబంధించిన ప్రజా సమస్యలపై సమీక్షించాలన్నారు. అక్కడికక్కడే సమస్యల పరిష్కారానికి చర్యలు తీసుకోవాలని అధికారులకు సూచించారు. అర్జీల స్వీకరణ కోసం ప్రత్యేక వాట్సాప్‌ నంబర్‌ ఏర్పాటుచేసి ప్రజలకు తెలియజేయాలన్నారు. ప్రజల నుంచి వచ్చిన అర్జీలు వారం రోజులకు మించి పెండింగ్‌లో ఉండకూడదన్నారు. మంత్రి వాకిటి శ్రీహరి మాట్లాడుతూ.. మక్తల్‌ నియోజకవర్గంలో ప్రతిపాదిత పవర్‌ ప్లాంట్‌కు సంబంధించిన భూ సమస్యను పరిష్కరించే దిశగా సంబంధిత అధికారులు చర్యలు తీసుకోవాలని సూచించారు. ప్రజా సమస్యల పరిష్కారంలో అధికారులు నిర్లక్ష్యం వహించకుండా బాధ్యతగా పనిచేయాలని ప్రభుత్వ విప్‌, మహబూబ్‌నగర్‌ ఎమ్మెల్యే యెన్నం శ్రీనివాస్‌రెడ్డి పేర్కొన్నారు. కలెక్టర్‌ నుంచి క్షేత్రస్థాయి సిబ్బంది వరకు ప్రజలకు అందుబాటులో ఉండాలని.. అభివృద్ధి కార్యక్రమాల అమలుపై కలెక్టర్లు పూర్తి బాధ్యత తీసుకోవాలని కోరారు. సమావేశంలో కలెక్టర్లు ఖుష్బూగుప్తా, ఆదర్శ్‌ సురభి, రిజ్వాన్‌ బాషా షేక్‌, హేమంత కేశవ్‌ పాటిల్‌, సీహెచ్‌ ప్రియాంక, కార్పొరేషన్‌ చైర్మన్‌ సరిత, రెవెన్యూ శాఖ ముఖ్య కార్యదర్శి లోకేష్‌ కుమార్‌, రిజిస్ట్రేషన్లు, స్టాంప్స్‌ ప్రత్యేక కార్యదర్శి రాజీవ్‌ హనుమంతు, గృహనిర్మాణశాఖ ఎండీ గౌతమ్‌, ఎమ్మెల్యేలు మేఘారెడ్డి, మధుసూదన్‌రెడ్డి, అనిరుధ్‌రెడ్డి, బండ్ల కృష్ణమోహన్‌రెడ్డి, చిక్కుడు వంశీకృష్ణ, కూచుకుళ్ల రాజేశ్‌రెడ్డి, కసిరెడ్డి నారాయణరెడ్డి ఉన్నారు.

నాగర్‌కర్నూల్‌: కేంద్ర ఎన్నికల కమిషనర్‌ రాజీనామా చేయాలని ఎమ్మెల్యే రాజేశ్‌రెడ్డి అన్నారు. కేంద్ర ఎన్నికల కమిషన్‌ అవలంభిస్తున్న విధానాలకు వ్యతిరేకంగా ఏఐసీసీ పిలుపు మేరకు సోమవారం కలెక్టరేట్‌ ఎదుట కాంగ్రెస్‌ శ్రేణులు ధర్నా నిర్వహించారు. డీసీసీ అద్యక్షుడు, అచ్చంపేట ఎమ్మెల వంశీకృష్ణ ఆధ్వర్యంలో చేపట్టిన ధర్నా కార్యక్రమాన్ని ఉద్దేశించి రాజేశ్‌రెడ్డి మాట్లాడుతూ కేంద్ర ఎన్నికల కమిషన్‌ చేపట్టిన సర్‌ ప్రక్రియ ద్వారా దేశవ్యాప్తంగా 25 కోట్ల ఓట్లు గల్లంతవుతున్నాయని ఆరోపించారు. సర్‌ ప్రక్రియతో బీజేపీ అనేక ఓట్లను తొలగించి అధికారంలోకి వచ్చిందని దుయ్యబట్టారు. ప్రధాని నరేంద్రమోదీకి ఎన్నికల కమిషనర్‌ జ్ఞానేష్‌కుమార్‌ కీలుబొమ్మగా మారారని ఎద్దేవా చేశారు. కల్వకుర్తి ఎమ్మెల్యే కసిరెడ్డి నారాయణరెడ్డి మాట్లాడుతూ దేశంలో బీజేపీ ఓటు చోరీకి పాల్పడి.. అధికారంలోకి రావడానికి ప్రయత్నిస్తుందని, శాశ్వతంగా కేంద్రంలో అధికారంలో ఉండడానికి కుట్ర చేస్తుందని ఆరోపించారు. సర్‌ పేరుతో ఎస్సీ, ఎస్టీ, బీసీ ఓట్లను తొలగించాలని ప్రయత్నిస్తుందన్నారు. ఎమ్మెల్యే వంశీకృష్ణ మాట్లాడుతూ కేంద్రం ఎన్ని కుట్రలు చేసినా రాబోయే ఎన్నికల్లో కాంగ్రెస్‌ పార్టీని అధికారంలోకి తీసుకొచ్చి రాహుల్‌గాంధీని ప్రధాని చేయడమే లక్ష్యంగా పనిచేయాలని పిలుపునిచ్చారు. అనంతరం కలెక్టరేట్‌ ఏఓ చంద్రశేఖర్‌కు వినతిపత్రం అందజేశారు.

అచ్చంపేట: ఓటర్ల జాబితా ప్రత్యేక సమగ్ర సవరణ (సర్‌)పై ప్రజల్లో నెలకొన్న సందేహాలు, ఆందోళనలను తీర్చేందుకు కేంద్ర ఎన్నికల సంఘం కీలక నిర్ణయం తీసుకుంది. నోటీసులు అందుకున్న వారు వ్యక్తిగతంగా హాజరు కావాల్సిన అవసరం లేదని సూచించింది. అన్‌మ్యాప్డ్‌, వ్యత్యాసాల కారణంగా నోటీసులు అందుకున్న ఓటర్లు.. ఇకపై ఎలక్టోరల్‌ రిజిస్ట్రేషన్‌ ఆఫీసర్‌ (ఈఆర్‌ఓ) కార్యాలయానికి వెళ్లి వివరణ ఇవ్వాల్సిన అవసరం లేదు. నోటీసులు అందుకున్న ఓటర్ల ఇంటికే బీఎల్‌ఓలు వెళ్లి వారి వివరాలు, పత్రాలు సేకరించాలని ఆదేశించారు. సేకరించిన పత్రాలను బీఎల్‌ఓలు ఈసీఐసెట్‌ పోర్టల్‌లో అప్‌లోడ్‌ చేస్తే వాటిని ఈఆర్‌ఓ పరిశీలించి నిర్ణయం తీసుకోనున్నారు. కొన్ని ప్రత్యేక సందర్భాల్లో మాత్రమే నోటీసులు అందుకున్న ఓటర్లు విచారణ (హియరింగ్‌)కు హాజరు కావాల్సి ఉంటుంది. హియరింగ్‌ కూడా ఆన్‌లైన్‌లో నిర్వహించేందుకు అవకాశం ఉండగా.. వ్యక్తి బదులు కుటుంబ సభ్యులు హాజరు కావొచ్చని పేర్కొంది. సాఫ్ట్‌వేర్‌ లోపాలు.. సర్‌ ప్రక్రియలో చోటుచేసుకుంటున్న సాంకేతిక లోపాలు, సాఫ్ట్‌వేర్‌ అనువాద పొరపాట్లు గ్రామీణ ప్రాంత ప్రజలకు తీవ్ర ఇబ్బందులు సష్టిస్తున్నాయి. నోటీసులు రావడానికి గతంలో క్షేత్రస్థాయిలో సాఫ్ట్‌వేర్‌ వైఫల్యం వల్లే అనేది బహిరంగ రహస్యం. గ్రామాల్లో ఓటర్లు భౌతిక డిక్లరేషన్‌ ఫారాలను సరిగ్గా నింపి ఇచ్చినప్పటికీ.. సిస్టంలోని ఆటో– ట్రాన్స్‌లేషన్‌ లోపాల కారణంగా వేలాది మందికి నోటీసులు జారీ అవుతుండటం తీవ్ర ఆందోళనకు గురిచేస్తోంది. సమస్యను పరిష్కరించుకోవడానికి సామాన్యులకు గుర్తింపు కార్డులు చూపడం భారంగా మారింది. గ్రామాల్లో నివసించే చదువుకోని నిరుపేదలు, వృద్ధుల వద్ద ఆధార్‌, పాన్‌, డ్రైవింగ్‌ లైసెన్స్‌, రేషన్‌ కార్డులు ఉండకపోవచ్చు. దశాబ్దాలుగా అదే ఊరిలో ఉంటూ ఓటు హక్కు వినియోగించుకుంటున్న వారికి కూడా అదనంగా గుర్తింపు కార్డులు తీసుకురావాలని నోటీసులు ఇవ్వడం వారిని తీవ్ర ఇబ్బందులకు గురిచేస్తోంది. ఎన్నికల కమిషన్‌ నిబంధనల ప్రకారం నోటీసుల విచారణ వేగవంతం చేస్తాం. బీఎల్‌ఓలు ఇంటింటికి వెళ్లి పత్రాలు, వివరాలు సేకరించి ఈసీఐసెట్‌ పోర్టల్‌లో అప్‌లోడ్‌ చేస్తే వాటిని ఈఆర్వో పరిశీలించి పరిష్కరిస్తారు. డేటా నమోదులో ఎక్కడ లోపం ఉందో గుర్తించే ప్రక్రియ ఇప్పటికే ప్రారంభమైంది. జిల్లాలోని అన్ని పోలింగ్‌ కేంద్రాల్లో బీఎల్‌ఓలు అందుబాటులో ఉంటారు. అన్‌మ్యాప్డ్‌, తేడాలుండి నోటీసులు అందుకున్న ఓటర్ల పత్రాలు సమర్పించి పరిష్కారం కోసం సహకరించాలి. – హేమంత కేశవ్‌ పాటిల్‌, కలెక్టర్‌, నాగర్‌కర్నూల్‌ హియరింగ్‌ కోసం ఓటర్లు ఈఆర్‌ఓ వద్దకు వెళ్లాల్సిన అవసరం లేదు బీఎల్‌ఓలే ఓటర్ల ఇంటికి వచ్చి పత్రాల పరిశీలన, వివరాల సేకరణ ఆటో– ట్రాన్స్‌లేషన్‌ లోపాల వల్లే వేలాది మందికి నోటీసులు సర్టిఫికెట్ల కోసం మీసేవ కేంద్రాలకు పరుగులు ప్రజలు సర్వే ఫాంలో తమ పేర్లను తెలుగులో స్పష్టంగా రాసిచ్చినప్పటికీ.. పాత రికార్డుల్లోని ఇంగ్లిష్‌ పేర్లను ఆటోమేటిక్‌ సాఫ్ట్‌వేర్‌ ద్వారా తెలుగులోకి తర్జుమా చేయడం వల్ల తీవ్ర వ్యత్యాసాలు వచ్చాయి. ఇంటి పేర్లు మారడం, పేర్లలో ఒత్తులు, దీర్ఘాలు ఎగిరిపోవడం (ఉదా: లక్ష్మయ్య అనే పేరులో క్ష, య వత్తు దూరంగా జరగడం) వంటి చిన్నచిన్న తప్పులను కూడా సాఫ్ట్‌వేర్‌ తేడాగా గుర్తించి ఆటోమేటిక్‌గా నోటీసులు జనరేట్‌ చేసింది. అధికారులు క్షేత్రస్థాయిలో సేకరించిన కొత్త భౌతిక డిక్లరేషన్‌ ఫారాల డేటాను పక్కనబెట్టి, పాత ఆటోమేషన్‌ సిస్టంనే వాడటంతో సమస్య మొదటికి వచ్చింది.

తిమ్మాజిపేట: స్వయం సహాయక మహిళా సంఘాల సభ్యులు అక్షరాస్యత సాధించడమే లక్ష్యమని ఉల్లాస్‌ పరీక్షల రాష్ట్ర పరిశీలకుడు భాస్కర్‌, అసిస్టెంట్‌ డైరెక్టర్‌ శ్రీనివాస్‌రెడ్డి అన్నారు. ఆదివారం తిమ్మాజిపేట మండలంలోని మరికల్‌, గొరిట గ్రామాల్లో ఏర్పాటుచేసిన ఉల్లాస్‌ పరీక్ష కేంద్రాలను వారు పరిశీలించి.. స్థానిక అధికారులకు పలు సూచనలు చేశారు. ఉల్లాస్‌ పరీక్షలు రాస్తున్న అభ్యర్థులకు ఎలాంటి ఇబ్బందులు కలుగకుండా అవసరమైన అన్ని ఏర్పాట్లు చేయాలని సూచించారు. అదే విధంగా గుర్తించబడిన ప్రతి అభ్యర్థి పరీక్ష కేంద్రానికి వచ్చి, పరీక్ష రాసేలా సంబంధిత అధికారులు, వలంటీర్లు, సమన్వయంతో కృషి చేయాలన్నారు. తిమ్మాజిపేట మండలంలో 1,045 మందికి గాను అమ్మకు అక్షరమాల పరీక్ష రాసిన వారు 875 మంది ఉన్నారని ఏపీఎం నిరంజన్‌ తెలిపారు. వారి వెంట సీ్త్రనిధి డైరెక్టర్‌ అమృత, సీసీలు యాదమ్మ, వెంకటేశ్వరమ్మ, తిరుపతమ్మ, నాగరాజు ఉన్నారు. పోడు భూములకు పట్టాలివ్వాలి కొల్లాపూర్‌ రూరల్‌: గిరిజనులు సాగు చేసుకుంటున్న పోడు భూములకు పట్టాలివ్వాలని గిరిజన సంఘం జిల్లా ప్రధాన కార్యదర్శి అశోక్‌ నాయక్‌ ప్రభుత్వాన్ని డిమాండ్‌ చేశారు. ఆదివారం మండలంలోని అమరగిరిలో ఆదివాసి గిరిజనులతో సమావేశం నిర్వహించారు. ఈ సందర్భంగా ఆయన గిరిజనుల సమస్యలు అడిగి తెలుసుకున్నారు. అనంతరం అశోక్‌నాయక్‌ మాట్లాడుతూ పోడు భూములకు పట్టాలు ఇవ్వకపోతే పోరాటాలు చేస్తామని హెచ్చరించారు. కార్యక్రమంలో గిరిజనులు, తదితరులు ఉన్నారు. సాగునీటి వృథా.. తప్పని వ్యధ అమరచింత: ప్రియదర్శిని జూరాల ప్రాజెక్టు వద్ద వరద నీటిని తరలించేందుకు ఏర్పాటు చేసిన సమాంతర కాల్వ షట్టర్ల మరమ్మతు పూర్తిగాకపోవడంతో ప్రాజెక్టులో ఉన్న నిల్వనీరు వృథాగా పారుతోంది. ప్రభుత్వం మూడేళ్ల కిందట షట్టర్ల మరమ్మతుకు రూ.20 లక్షలు మంజూరు చేసింది. ప్రాజెక్టులో నీటిమట్టం తగ్గుముఖం పడుతున్న సమయంలో కాల్వ ప్రధాన హెడ్‌ రెగ్యులేటరీ వద్ద షట్టర్లకు నీటి సరఫరా నిలిపివేసేందుకు రింగ్‌బండ్‌ ఏర్పాటు చేయాల్సి ఉంది. ప్రతిసారి రింగ్‌బండ్‌ ఏర్పాటు చేయడం.. వచ్చిన వరద ప్రవాహంతో మొర్రం కొట్టుకుపోవడంతో మరమ్మతు పూర్తి కావడం లేదు. ప్రస్తుత సమయంలో ఆయకట్టుకు నీటిని విడుదల చేయక చేతులెత్తేస్తున్న అధికారులు.. సమాంతర కాల్వ నుంచి రోజు 60 నుంచి 100 క్యూసెక్కుల నీరు లీకేజీ రూపంలో వృథాగా పారుతున్నా అరికట్టలేకపోతున్నారు. ఇప్పటికై నా స్పందించి సమాంతర కాల్వ షట్టర్ల మరమ్మతు పూర్తిచేసి నీటి వృథాకు అడ్డుకట్ట వేయాలని ఆయకట్టు రైతులు కోరుతున్నారు.

కొల్లాపూర్‌: జూరాల ప్రాజెక్టు ప్రధాన ఎడమ కాల్వ చివరి ఆయకట్టుకు సాగునీరు అందించాలనే లక్ష్యంతో చేపట్టిన సింగోటం–గోపల్‌దిన్నె లింక్‌ కెనాల్‌ పనులు ఎప్పుడు పూర్తవుతాయో తెలియని అయోమయ పరిస్థితి నెలకొంది. భూసేకరణ పేరుతో పనుల్లో కాలయాపన జరుగుతోంది. ఫలితంగా కెనాల్‌పై ఆశలు పెట్టుకున్న రైతులు ఆందోళనకు గురవుతున్నారు. పాలక ప్రభుత్వాలు మారినా పనుల్లో పురోగతి కనిపించడం లేదని ఆవేదన చెందుతున్నారు. పెండింగ్‌లో పనులు.. కొల్లాపూర్‌ నియోజకవర్గంలో జూరాల ఎడమ కాల్వ కింద చివరి ఆయకట్టు వేలాది ఎకరాల భూములు ఉన్నాయి. ఈ ప్రాంత రైతులకు తరచుగా సాగునీటి సమస్యలు ఎదురవుతున్నాయి. దీంతో సాగునీటి సమస్యకు శాశ్వత పరిష్కారం చూపేందుకు సింగోటం–గోపల్‌దిన్నె లింకు కెనాల్‌కు శ్రీకారం చుట్టారు. కేఎల్‌ఐ ప్రాజెక్టు ద్వారా సాగునీటిని మళ్లించే విధంగా డిజైన్‌ చేశారు. ఇందుకోసం గత ప్రభుత్వం రూ. 147.7 కోట్లు మంజూరుచేసింది. ఐదేళ్ల క్రితం టెండర్ల ప్రక్రియ పూర్తిచేసి, పనులు ప్రారంభించింది. మొదట్లో గోపల్‌దిన్నె రిజార్వాయర్‌కు అనుసంధానంగా 5 కి.మీ. మేరకు కాల్వలను తవ్వారు. ఆ తర్వాత భూసేకరణ సమస్య పేరుతో పనులు నిలిచిపోయాయి. భూసేకరణ ప్రక్రియలో జాప్యం.. వనపర్తి జిల్లా పరిధిలో 200 ఎకరాలు, నాగర్‌కర్నూల్‌ జిల్లా పరిధిలో 100 ఎకరాలు భూసేకరణ చేపట్టాల్సి ఉంది. అయితే భూసేకరణ ప్రక్రియ అసంపూర్తిగానే ఉంది. గత ప్రభుత్వం ఈ పనుల పూర్తికి ప్రయత్నించినప్పటికీ వేర్వేరు కారణాల వల్ల ముందుకు సాగలేదు. కాంగ్రెస్‌ ప్రభుత్వం ఏర్పడిన తర్వాత మంత్రి జూపల్లి కృష్ణారావు కెనాల్‌ నిర్మాణ పనులపై అధికారులతో సమీక్షించారు. కెనాల్‌ తవ్వకాలకు అవసరమైన భూసేకరణ అంశాలపై చర్చించారు. నిర్వాసిత రైతులతోనూ మాట్లాడారు. పరిహారం చెల్లింపు అంశాలపై కూడా స్పష్టత ఇచ్చారు. కానీ అధికారులు మాత్రం పరిహారం చెల్లింపులో నిర్లక్ష్యం కనబరుస్తూ కాలయాపన చేస్తున్నారనే ఆరోపణలు ఉన్నాయి. కెనాల్‌ పూర్తయితే.. సింగోటం–గోపల్‌దిన్నె లింకు కెనాల్‌తో కొల్లాపూర్‌ నియోజకవర్గంలోని వీపనగండ్ల, చిన్నంబావి, కొల్లాపూర్‌, పెంట్లవెల్లి మండలాల్లోని చివరి ఆయకట్టుకు సాగునీరు అందుతుంది. పాన్‌గల్‌ మండలంలో కొంత మేరకు సాగునీరు అందనుంది. లింకు కెనాల్‌కు తూములు ఏర్పాటుచేసి, సమీపంలోని చెరువులు, కుంటలకు నీరు మళ్లించేలా డిజైన్లు రూపొందించారు. తద్వారా జూరాల ఎడమ కాల్వ కింద 24,500 ఎకరాలు, రాజీవ్‌ భీమా కాల్వల కింద 9,500 ఎకరాల ఆయకట్టుకు సాగునీరు లభిస్తుంది. అదే విధంగా వేసవిలో గోపల్‌దిన్నె రిజర్వాయర్‌ కింద ఉండే పలు గ్రామాలకు తాగునీటి సమస్య కూడా తీరుతుంది. అసంపూర్తిగా సింగోటం – గోపల్‌దిన్నె లింక్‌ కెనాల్‌ దీర్ఘకాలంగా పెండింగ్‌లోనే పనులు చివరి ఆయకట్టుకు తప్పని సాగునీటి సమస్య ఉన్నతాధికారులకు నివేదించాం.. లింక్‌ కెనాల్‌ తవ్వకాల కోసం అవసరమైన భూసేకరణకు చర్యలు చేపట్టాం. గ్రామాల వారీగా రైతులతో గతంలో మాట్లాడాం. మంత్రి జూపల్లి కృష్ణారావు కూడా పనుల పురోగతిపై చర్చించారు. కెనాల్‌ పనులకు సంబంధించిన అంశాలు ఉన్నతాధికారుల పరిశీలనలో ఉన్నాయి. – లోకిలాల్‌ నాయక్‌, ఈఈ, నీటిపారుదలశాఖ

వనపర్తి: జిల్లాలో మద్యం విక్రయాల విషయంలో ఎకై ్సజ్‌శాఖ పట్టు కోల్పోతోంది. ఐదు పురపాలికలు, 15 మండలాల పరిధిలో 36 మద్యం దుకాణాలు,, ఎనిమిది బార్లు అధికారంగా కొనసాగుతున్నాయి. కానీ జనావాస ప్రాంతాల్లోనూ నిరంతరం మద్యం లభించేలా బెల్టు దుకాణాలు ఏర్పాటయ్యాయి. నీటి సీసాలు లభించని గ్రామాలు ఉండొచ్చుగాని.. మందు దొరకని ప్రాంతాలు లేవంటే నమ్మాల్సిందే. ప్రభుత్వం మద్యం విక్రయాలపై సీజన్లు, పండుగలు తదితరాల పేరిట ఎకై ్సజ్‌ అధికారులకు లక్ష్యాలు విధించడంతో వారు బెల్టు దుకాణాల విషయంలో చూసీచూడనట్లు వ్యవహరిస్తున్నారనే ఆరోపణలు వెల్లువెత్తుతున్నాయి. కొన్ని గ్రామాల్లో ఈ దుకాణాల నిర్వహణకు స్థానికంగా అనధికార వేలం పాటలు నిర్వహిస్తున్నారనేందుకు ఇటీవల రాష్ట్ర ఎకై ్సజ్‌శాఖ మంత్రి జూపల్లి కృష్ణారావు నియోజకవర్గం, స్వగ్రామం సమీపంలోని గ్రామంలోనే.. బహిరంగ వేలం నిర్వహించారు. ఇలాంటి సంఘటనలపై చర్యలు తీసుకోవాలంటూ.. చిన్నంబావి మండలానికి చెందిన పలువురు ఎకై ్సజ్‌శాఖ ఈఎస్‌ కార్యాలయంలో ఫిర్యాదులు చేసినా చర్యలు శూన్యం. వేలం పాటలు వెలుగుచూసింది ఒకటి, రెండు ఉంటుండగా.. గ్రామస్తులు అభివృద్ధి పనుల పేరిట రహస్యంగా వేలం పాటలు నిర్వహించుకొని బెల్టు షాపుల ఏర్పాటుకు ఊతమిస్తుండటం గమనార్హం. కొన్ని ప్రాంతాల్లో స్థానికంగా భారీ మొత్తాలకు అనధికార ఒప్పందాలు జరుగుతున్నాయన్న ఆరోపణలు ఉన్నాయి. ఈ వ్యవహారంలో నగదు లావాదేవీలు ఎలా జరుగుతున్నాయి? ఎవరి అండదండలతో విక్రయాలు సాగుతున్నాయి? అనే అంశాలపై సమగ్ర విచారణ అవసరమని స్థానికులు కోరుతున్నారు. ఎకై ్సజ్‌శాఖ మద్యం విక్రయాల ద్వారా ప్రభుత్వానికి ఆదాయం సమకూర్చడంతో పాటు మద్యం అక్రమ విక్రయాలు, నిల్వలు, సరఫరాను అడ్డుకోవడం కూడా కీలక బాధ్యత వహించాల్సి ఉంటుంది. కానీ జిల్లాలో సంబంధితశాఖ విధులు అందుకు విరుద్ధంగా నిర్వహిస్తోందన్న ఆరోపణలున్నాయి. ఎకై ్సజ్‌శాఖ మంత్రి ఇలాకాలోనూ బెల్టు షాపులు జోరుగా నడుస్తున్నాయన్న ఆరోపణలు వినిపిస్తున్నాయి. మంత్రి ఇలాకాలో వేలం పాటలతో అక్రమ మద్యం దుకాణాల కేటాయింపు ఇటీవల వెలుగులోకి వచ్చిన బెక్కెం వేలం ఉదంతం పల్లె, పట్టణం, తండా తేడా లేకుండా వ్యాపారం ‘టార్గెట్ల’ కోసం చూసీచూడనట్లు వ్యవహరిస్తున్న ఎకై ్సజ్‌శాఖ మద్యం దుకాణాల నిర్వాహకుల హస్తంతోనేనా..? జిల్లాలో 2025–27 కాలానికి అధికారిక మద్యం విక్రయాలను లక్కీడిప్‌ పద్ధతిన 36 దుకాణాలు, శాశ్వతంగా నిర్వహించే బార్లు ఎనిమిదింటికే అనుమతి ఉంది. కానీ వేల సంఖ్యలో అక్రమ మద్యం దుకాణాలు కొనసాగుతున్నాయి. వీటిపై ఫిర్యాదు చేసేందుకు ప్రభుత్వం టోల్‌ఫ్రీ నంబర్‌ను రూపొందించినట్లుగా ప్రజలకు అవగాహన కల్పించడంలోనూ ఎకై ్సజ్‌శాఖ అధికారులు విఫలమయ్యారు. ఈ విషయం చాలామందికి తెలియకపోవడం గమనార్హం.

నాగర్‌కర్నూల్‌/కల్వకుర్తి రూరల్‌: ఉమ్మడి మహబూబ్‌నగర్‌ జిల్లా రైతుల పాలిట శాపంగా మారిన డిండి ప్రాజెక్టును రద్దుచేసే వరకు ఉద్యమిస్తామని పెండింగ్‌ ప్రాజెక్టుల సాధన జేఏసీ నేతలు పునరుద్ఘాటించారు. వంగూరు మండలం ఉల్పర నుంచి ఆదివారం ఉమ్మడి పాలమూరు పెండింగ్‌ ప్రాజెక్టుల సాధన జేఏసీ ఆధ్వర్యంలో చేపట్టిన పాదయాత్రను ప్రొ.హరగోపాల్‌ జెండా ఊపి ప్రారంభించారు. రైతులు ఫ్లకార్డులను చేతబూని పాలమూరు నీరు ఇక్కడి రైతులకే దక్కాలని.. నల్లగొండ జిల్లాకు తరలించొద్దని నినదించారు. అక్కడి నుంచి పాదయాత్ర కోనాపూర్‌కు చేరుకోగా.. ఎమ్మెల్సీ కోదండరాం సంఘీభావం తెలిపారు. ఈ ప్రాంత రైతాంగం చేస్తున్న సాగునీటి సాధన ఉద్యమానికి ఎల్లవేళలా అండగా ఉంటానని ప్రకటించారు. ఈ ప్రాంతానికి అన్యాయంచేసి, నల్లగొండ జిల్లాకు నీటిని తీసుకుపోవడాన్ని వ్యతిరేకిస్తున్నట్లు చెప్పారు. ఆ ప్రాంతానికి మరో మార్గం ద్వారా నీరందించాలని ప్రభుత్వాన్ని కోరారు. కోనాపూర్‌ నుంచి రంగాపూర్‌ మీదుగా ఎల్లికల్‌ వరకు పాదయాత్ర సాగింది. అక్కడ ప్రజలకు పాదయాత్ర ప్రాధాన్యత, డిండి ప్రాజెక్టుతో జరిగే నష్టాన్ని జేఏసీ నాయకులు వివరించారు. ప్రజలు చైతన్యవంతులై ఉద్యమంలో కదం తొక్కాలని పిలుపునిచ్చారు. అక్కడి నుంచి కల్వకుర్తి సమీపానికి చేరుకున్న పాదయాత్రలో మహబూబ్‌నగర్‌ ఎంపీ డీకే అరుణ పాల్గొని సంఘీబావం ప్రకటించారు. అక్కడి నుంచి కల్వకుర్తి ఆర్డీఓ కార్యాలయానికి జేఏసీ నాయకులు చేరుకొని డీఏఓకు వినతిపత్రం అందజేశారు. కాగా, సీఎం రేవంత్‌రెడ్డి స్వంత మండలం నుంచే రైతన్నలు సాగునీటి కోసం పోరుబాట పట్టడం చర్చనీయాంశంగా మారింది. డిండి ప్రాజెక్టు ఆపే బాధ్యత సీఎందే.. పాలమూరుకు అన్యాయం చేసే డిండి ప్రాజెక్టు ఆపే బాధ్యత ఈ ప్రాంతానికి చెందిన ముఖ్యమంత్రి రేవంత్‌రెడ్డిదే అని మహబూబ్‌నగర్‌ ఎంపీ డీకే అరుణ అన్నారు. గత ప్రభుత్వంలో ఆగిపోయిన డిండి ఎత్తిపోతల పథకాన్ని మొదలుపెట్టడం అంటే, ఈ ప్రాంతానికి అన్యాయం చేయడమేనని అన్నారు. ఉమ్మడి పాలమూరు రైతాంగానికి పూర్తిస్థాయిలో నీళ్లు ఇవ్వాల్సింది పోయి నల్లగొండకు తరలించాలని చూడటం ఏమిటో అర్థం కావడం లేదన్నారు. పాలమూరుకు నష్టం చేస్తామంటే చూస్తూ ఊరుకోమని.. ప్రజల తరఫున ఉద్యమిస్తామని ఆమె హెచ్చరించారు. కల్వకుర్తి ఆర్డీఓ కార్యాలయం వద్ద నిర్వహించిన సభలో జేఏసీ నాయకులు ప్రొ.హరగోపాల్‌, రాఘవాచారి, రాజేందర్‌రెడ్డి, బెక్కెం జనార్దన్‌ మాట్లాడుతూ.. పాలమూరు–రంగారెడ్డి ప్రాజెక్టు నుంచి డిండి ఎత్తిపోతల ద్వారా నల్లగొండ ప్రాంతానికి సాగునీరు తీసుకుపోతే ఉమ్మడి పాలమూరుకు తీవ్ర అన్యాయం జరుగుతుందన్నారు. నల్లగొండకు నాగార్జునసాగర్‌ ప్రాజెక్టు ద్వారా నీటిని తీసుకెళ్లే అవకాశం ఉన్నప్పటికీ డిండి ప్రాజెక్టు పేరుతో జలదోపిడీ చేస్తున్నారని ఆరోపించారు. ఉమ్మడి రాష్ట్రంలో జరిగిన అన్యాయంతో ఉమ్మడి పాలమూరు జిల్లా ఎంతో నష్టపోయిందని.. ప్రత్యేక తెలంగాణ రాష్ట్రంలోనూ అదే పరిస్థితి రావడం దారుణమన్నారు. ప్రభుత్వం డిండి ప్రాజెక్టు నిర్మాణం ఆపాలని డిమాండ్‌ చేశారు. కార్యక్రమంలో మాజీ ఎమ్మెల్యేలు జైపాల్‌ యాదవ్‌, గువ్వల బాలరాజు, జాతీయ బీసీ కమిషన్‌ మాజీ సభ్యుడు తల్లోజు ఆచారి, జేఏసి నాయకులు వెంకట్‌గౌడ్‌, సదానందంగౌడ్‌, వీరబ్రహ్మాచారి, బీజేపీ నాయకులు నరేందర్‌రావు, వెల్దండ శ్రీనివాస్‌, బండె ల రామచంద్రారెడ్డి, దుర్గాప్రసాద్‌, జంగయ్య, దేవీలాల్‌ చౌహాన్‌, నాగేష్‌ గౌడ్‌, బ్రహ్మం, పులిజాల పరుశరాములు పాల్గొన్నారు. సీఎం స్వంత మండలం నుంచే మొదలైన పోరు పాలమూరును ఆగం చేయొద్దని జేఏసీ ఆధ్వర్యంలో కదిలిన రైతాంగం సంఘీభావం తెలిపిన ఎంపీ డీకే అరుణ, ఎమ్మెల్సీ కోదండరాం, ప్రొ.హరగోపాల్‌ తరలివచ్చిన రైతులు.. పాదయాత్రకు వివిధ గ్రామాల నుంచి రైతులు తరలివచ్చారు. కార్వంగ, ఉల్పర, కోనాపూర్‌, ఎల్లికల్‌, రంగాపూర్‌, కల్వకుర్తి తదితర గ్రామాల రైతులు పాదయాత్రలో పాల్గొన్నారు. చారకొండ మండలం ఎర్రవల్లి నుంచి అధికంగా వచ్చారు. డిండి ఎత్తిపోతల పథకంతో తమ గ్రామం ముంపునకు గురవుతుందని.. ఆ ప్రాజెక్టు వద్దని ప్రభుత్వానికి విజ్ఞప్తి చేశారు.

అచ్చంపేట మండల పరిషత్‌ షాపింగ్‌ కాంప్లెక్స్‌లో ఒక్కరికే రెండేసి దుకాణాలు కేటాయించడం.. ఏళ్ల తరబడి రీ టెండర్లు నిర్వహించకపోవడంపై విమర్శలు వ్యక్తమవుతున్నాయి. దుకాణదారులు రూ.లక్షల్లో బకాయిలు ఉన్నప్పటికీ అధికారులు పట్టించుకోవడం లేదని ఆరోపణలు లేకపోలేదు. అచ్చంపేటలో సామాన్య వ్యాపారులకు దుకాణాలు దొరకని ప్రస్తుత పరిస్థితుల్లో అతి తక్కువ అద్దెతో బడా వ్యాపారాలు కొనసాగిస్తున్నారు. కాగా, బినామీల నుంచి అధికంగా అద్దె వసూలు చేస్తున్న సదరు దుకాణదారులు.. ప్రభుత్వానికి మాత్రం రూ.లక్షల్లో బకాయిపడ్డారు. మండల పరిషత్‌ కార్యాలయ వివరాల ప్రకారం ఒక్కో దుకాణానికి రూ. 40వేల నుంచి రూ. 1.52లక్షల వరకు బకాయి ఉన్నారు. అచ్చంపేట: నిరుద్యోగ యువతకు ఉపాధి భరోసా కల్పించాలనే ఉద్దేశంతో ప్రభుత్వం మండల పరిషత్‌, మున్సిపల్‌, గ్రామ పంచాయతీలు, ఎస్పీ కార్పొరేషన్‌ ద్వారా దుకాణ సముదాయాలు నిర్మించింది. ఈ సంకల్పం మంచిదైనా ఏళ్ల తరబడి దుకాణాలకు టెండర్లు నిర్వహించకపోవడంతో వ్యాపారులు తిష్టవేసి.. బినామీలకు అద్దెకు ఇస్తున్నారు. అలాంటి వారిని ఖాళీ చేయించకుండా అధికారులు చోద్యం చూస్తుండటంతో చాలా మంది అడ్డా వ్యాపారాలు సాగిస్తున్నారు. ఏళ్ల తరబడి పట్టని అధికారులు.. అచ్చంపేట మండల పరిషత్‌ కార్యాలయం, ఏయూపీఎస్‌ పాఠశాల వద్ద ప్రధాన రహదారి పక్కన 2002లో 37 వ్యాపార దుకాణాలు నిర్మించి వివిధ వర్గాలకు కేటాయించారు. వాటి అగ్రిమెంట్‌ గడువు 2007, 2009తో ముగిసింది. అయితే ఏళ్లు గడుస్తున్నా తిరిగి వేలం నిర్వహించకపోవడంతో బినామీలు ఎక్కువయ్యారు. టెండర్‌దారులు అతితక్కువ అద్దెను ప్రభుత్వానికి చెల్లిస్తూ రెట్టింపు స్థాయిలో బినామీలకు అద్దెకిచ్చి సొమ్ము చేసుకుంటున్నారు. మండల పరిషత్‌ దుకాణ సముదాయంలోని 1, 5, 7, 8 దుకాణాలకు రూ. 5వేలు, 9 నుంచి 15 వరకు, 17 నుంచి 21 వరకు దుకాణాలకు రూ. 8వేలు, 6, 16, 22 నుంచి 37 వరకు రూ. 3వేలు మాత్రమే ప్రభుత్వానికి అద్దె చెల్లిస్తూ.. బినామీల నుంచి రూ. 10నుంచి రూ.15 వేలు వసూలు చేస్తున్నారు. కాగా, షాపింగ్‌ కాంప్లెక్స్‌లో డిపాజిట్లు, అద్దెలు సక్రమంగా చెల్లించకపోవడంతో ప్రభుత్వ ఆదాయానికి గండి పడుతోంది. ఇప్పటి వరకు రూ. 26.35లక్షల వరకు అద్దె బకాయిలు పేరుకుపోయినట్లు సమాచారం. ప్రతి ఏటా 5 నుంచి 10శాతం అద్దె పెంచాల్సి ఉన్నా.. ఏళ్ల తరబడి అదే అద్దె కొనసాగుతోంది. స్థానిక అధికారులు దుకాణదారులతో కుమ్ముకై పట్టనట్టు వ్యవహరిస్తున్నారనే ఆరోపణలు వ్యక్తమవుతున్నాయి. బకాయిలను వసూలు చేస్తాం.. అచ్చంపేట మండల పరిషత్‌ దుకాణ సముదాయంలో పేరుకుపోయిన బకాయిలను వసూలు చేసేందుకు చర్యలు తీసుకుంటాం. వ్యాపారులకు నోటీసులు జారీచేసే ప్రక్రియ చేపడుతాం. దుకాణాల్లో బినామీల లెక్కలు తేల్చుతాం. దుకాణాలు దక్కించుకున్న వారికి ఇచ్చిన అగ్రిమెంట్‌ పూర్తయి ఏళ్లు గడుస్తోంది. ఈ విషయంపై కలెక్టర్‌కు పూర్తి నివేదిక అందజేసి, తదుపరి ఆదేశాల మేరకు టెండర్ల నిర్వహణ చేపడుతాం. – వెంకటప్రసాద్‌, డీఎల్‌పీఓ దుకాణ సముదాయాలకు ఏళ్లుగా జరగని టెండర్లు అగ్రిమెంట్‌ గడువు తీరినా ఖాళీ చేయని వ్యాపారులు ఇతరులకు అద్దెకిచ్చి సొమ్ము చేసుకుంటున్న వైనం అచ్చంపేట మండల పరిషత్‌ షాపింగ్‌ కాంప్లెక్స్‌లో పేరుకుపోయిన బకాయిలు ప్రభుత్వ ఆదాయానికి గండి

● వచ్చేది మన ప్రభుత్వమే.. రైతులకు అండగా ఉంటాం ● బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ కందనూలు: రైతులకు సాగునీరు ఇవ్వలేని దుస్థితిలో కాంగ్రెస్‌ ప్రభుత్వం ఉందని బీఆర్‌ఎస్‌ వర్కింగ్‌ ప్రెసిడెంట్‌ కల్వకుంట్ల తారకరామారావు అన్నారు. ఆదివారం కొల్లాపూర్‌ మాజీ ఎమ్మెల్యే బీరం హర్షవర్ధన్‌రెడ్డి తండ్రి లక్ష్మారెడ్డి దశదిన కర్మకు హాజరైన ఆయన తిరుగు ప్రయాణంలో మాజీ మంత్రులు జగదీశ్వర్‌రెడ్డి, శ్రీనివాస్‌గౌడ్‌, లక్ష్మారెడ్డి, మాజీ ఎమ్మెల్యే మర్రి జనార్దన్‌రెడ్డితో కలిసి నాగర్‌కర్నూల్‌ మున్సిపాలిటీ పరిధిలోని దేశిటిక్యాల వద్ద మొక్కజొన్న, పత్తి పంటలను పరిశీలించారు. ఈ సందర్భంగా పలువురు రైతులు నీరు లేక పంటలు ఎండిపోతున్నాయని కేటీఆర్‌ వద్ద వాపోయారు. వ్యాపారుల వద్ద మిత్తికి అప్పులు తెచ్చి పంటలు సాగు చేశామని, ఆ మిత్తి పైసలు కూడా వచ్చే పరిస్థితి లేదని తమ గోసను వెలిబుచ్చారు. ఒకపక్క సాగునీరు, కరెంట్‌ లేక ఇబ్బందులు పడుతుంటే.. మరోపక్క యూరియా దొరకక అవస్థలు పడుతున్నామని ఆవేధన వ్యక్తం చేశారు. అనంతరం కేటీఆర్‌ మీడియాతో మాట్లాడుతూ రైతులు సాగునీరు లేక ఇబ్బందులు పడుతుంటే అధికార పార్టీకి చెందిన ఒక్క నాయకుడు కూడా వారిని పట్టించుకునే ప్రయత్నం చేయడం లేదని, ఇది ప్రకృతి తెచ్చిన కరువు కాదు.. కాంగ్రెస్‌ ప్రభుత్వం కావాలని సృష్టించిన విపత్తు అని దుయ్యబట్టారు. రైతుల పంటలకు సరిపడా నీరు ఇస్తే పంటలు పండితే ధాన్యాన్ని కొనాల్సి వస్తుందని, అలాగే వారికి డబ్బులు చెల్లించాల్సి వస్తుందనే ఉద్దేశంతో రేవంత్‌రెడ్డి ప్రభుత్వం రైతులను ఇబ్బంది పెడుతుందని విమర్శించారు. కేసీఆర్‌ ప్రభుత్వం ఉన్నప్పుడు జిల్లాలో 8.30 లక్షల ఎకరాలకు నీరు అందించి రైతులకు ఇబ్బందులు లేకుండా చూశామని గుర్తుచేశారు. నదులు, ప్రాజెక్టులలో పుష్కలంగా నీరున్నా.. రైతుల పంటలకు అందించలేని దుస్థితిలో కాంగ్రెస్‌ ప్రభుత్వం ఉందని ఆగ్రహం వ్యక్తం చేశారు. పంటలు ఎండిపోతుంటే అధికార పార్టీకి చెందిన ఏ నాయకుడికి రైతులను పలకరించే తీరిక లేకుండాపోయిందని ఆవేదన వెలిబుచ్చారు. పాలమూరు జిల్లా రైతులకు ఎండబెట్టి ఆంధ్ర ప్రభుత్వానికి నీటిని ధారాదత్తం చేస్తున్నారని ఆరోపించారు. రైతుల పక్షాన నిలబడి తప్పనిసరిగా న్యాయం జరిగే విధంగా పోరాటం చేస్తామని, రాష్ట్రంలో వచ్చేది మన ప్రభుత్వమే.. అండగా ఉంటామని కేటీఆర్‌ రైతులకు భరోసానిచ్చారు. కేటీఆర్‌ వెంట ఉమ్మడి జిల్లాలోని మాజీ ఎమ్మెల్యేలు మర్రి జనార్దన్‌రెడ్డి, ఆల వెంకటేశ్వర్‌రెడ్డి తదితరులున్నారు.

జిల్లాలో మద్యం అక్రమ విక్రయాలు, అందుకు సంబంధించి నిర్వహించే వేలం పాటలపై ప్రత్యేక దృష్టి సారించి చర్యలు తీసుకుంటాం. జిల్లావ్యాప్తంగా ఉన్న బెల్టు షాపుల నిర్వహణపై తనిఖీలు చేపడతాం. ఎక్కడైనా అనధికారికంగా మద్యం విక్రయాలు కొనసాగుతున్నట్లు తెలిస్తే అధికారులు, సిబ్బందికి సమాచారం ఇవ్వాలి చర్యలు తీసుకుంటాం. ఇటీవల బెక్కెం గ్రామంలో నిర్వహించిన వేలం పాట, బెల్టుషాపు నిర్వహణపై దాడులు నిర్వహించేందుకు ఇప్పటికే ఆదేశాలిచ్చాం. – ఎం.లింగాచారి, జిల్లా ప్రొహిబిషన్‌, ఎకై ్సజ్‌శాఖ అఽధికారి ●

మన్ననూర్‌: ఐటీడీఏ పరిధిలో అపరిష్కృతంగా ఉన్న సమస్యలను ముఖ్యమంత్రి రేవంత్‌రెడ్డి దృష్టికి తీసుకెళ్లి పరిస్కరిస్తానని రాష్ట్ర ఎస్సీ, ఎస్టీ కమిషన్‌ చైర్మన్‌ బక్కి వెంకటయ్య అన్నారు. శనివారం ఐటీడీఏ కార్యాలయ ఆవరణలో ఐటీడీఏకు అనుసంధానంగా ఉన్న గిరిజన అభివృద్ధి సంస్థ, విద్య, వైద్యం, ఇంజినీరింగ్‌, ఆర్డీటీ, జీసీసీ, ఐసీడీఎస్‌ తదితర అధికారులతో సమీక్షించారు. కొంతకాలంగా జరుగుతున్న అభివృద్ధి, సంక్షేమంతోపాటు ప్రస్తుతం ఎదుర్కొంటున్న సమస్యలను అడిగి తెలుసుకున్నారు. చెంచుల కోసం ప్రత్యేకంగా నిర్మిస్తున్న 22 ఆరోగ్య ఉప కేంద్రాలు అసంపూర్తిగా ఉన్నాయని, వాటిని పూర్తిస్థాయిలో నిర్మించి ప్రారంభిస్తే చెంచులకు మెరుగైన వైద్య సేవలు అందుతాయని, ఐటీడీఏ భవనానికి మరమ్మతు చేపట్టాలని ఏఓ జాఫర్‌ హుస్సేన్‌ తెలిపారు. మన్ననూర్‌లో కొనసాగిన సీఓఈ కళాశాలను నల్లమల విద్యార్థులకు అందుబాటులో ఉండేలా తిరిగి అచ్చంపేటలో కొనసాగించాలని ఆదివాసీ ఐక్యవేదిక రాష్ట్ర నాయకుడు శ్రీనివాసులు కోరారు. అనంతరం కమిషన్‌ చైర్మన్‌ మాట్లాడుతూ సీఎం రేవంత్‌రెడ్డి సూచన మేరకు ఐటీడీఏను సందర్శించానన్నారు. ముఖ్యంగా ఈ ప్రాంతంలోని పాఠశాలలు, వసతి గృహాలు, ప్రభుత్వ కార్యాలయాలు, ప్రహరీలు, అంగన్‌వాడీలకు పక్కా భవనాలతోపాటు కులాంతర వివాహాలకు ప్రోత్సాహకాలు అందించేలా కృషిచేస్తానన్నారు. అనంతరం అంబేడ్కర్‌ కాలనీలోని పాఠశాలను సందర్శించి సమస్యల గురించి తెలుసుకున్నారు. కమిటీ సభ్యుడు వెంకటకృష్ణ, సబ్‌ కలెక్టర్‌, ఐటీడీఏ పీఓ సలోని ఛాబ్రా, డీటీడీఓ కోటాజీ, వెంకట్‌నారాయణ, డీఎండీహెచ్‌ఓ రవికుమార్‌, డిప్యూటీ డీఎంహెచ్‌ఓ తారాసింగ్‌, ఆర్సీఓ కల్యాణి, జీసీసీ మేనేజర్‌ చంద్రభాను, చెంచు నాయకులు తదితరులు పాల్గొన్నారు. ● రాష్ట్ర ఎస్సీ, ఎస్టీ కమిషన్‌ చైర్మన్‌ బక్కి వెంకటయ్య

● 14 ఏళ్ల కూతురి మరణాన్ని జీర్ణించుకోలేక గుడి నిర్మించిన తండ్రి ● నిత్యం దీపం వెలిగిస్తూ.. జ్ఞాపకాల నెమరు పాపను ప్రాణంలా పెంచాం. చివరికి విధి పాపను దూరం చేసింది. అయినా పాప జ్ఞాపకాలను మరిచిపోలేకపోతున్నాం. పాప మా కళ్లెదుటే ఉండాలని గుడి కట్టాం. గుడిలో ఆమె ప్రతిమ, ఫొటో పుట్టిన రోజు, చనిపోయిన తేదీలలో ప్రత్యేకంగా పూజలు చేస్తున్నాం. గుర్తొచ్చినప్పుడల్లా గుడి వద్దకు వెళ్లి కాసేపు అక్కడే కూర్చొని ఆమె జ్ఞాపకాలను నెమరేసుకుంటాం. – రమేష్‌, గీతిక తండ్రి అచ్చంపేట రూరల్‌: అల్లారుముద్దుగా పెంచుకున్న కూతురు ఒక్కసారిగా అనారోగ్యంతో మృతిచెందింది. 14 ఏళ్ల ప్రాయంలో తమ కంటిపాప కనుమరుగైపోవడాన్ని ఆ తల్లిదండ్రులు తల్లడిల్లిపోయారు. భౌతికంగా దూరమైన కూతురి కోసం.. కోవెల నిర్మించి పూజలు చేస్తూ.. జ్ఞాపకాలను నెమరువేసుకుంటున్నారు. పాపంటే ప్రాణం.. కొల్లాపూర్‌ మండలంలోని చుక్కాయిపల్లి గ్రామానికి చెందిన మద్దరి రమేష్‌ అచ్చంపేట సివిల్‌ కోర్టు కానిస్టేబుల్‌గా విధులు నిర్వర్తిస్తున్నాడు. రమేష్‌, వరలక్ష్మి దంపతులకు 2009లో వివాహం కాగా.. వారికి ముగ్గురు సంతానం. వీరిలో మొదటి కూతురు గీతిక 2011 జూలై 17న జన్మించింది. అయితే కాన్పు సమయంలో వైద్యుడి తప్పిదం వల్ల బ్రెయిన్‌ డ్యామేజ్‌ అయ్యింది. మొదటి సంతానం కావడం.. ఆ దంపతులకు కూతురంటే అమిత ప్రేమ ఉండేది. ఎన్ని ఇబ్బందులున్నా ఆస్పత్రిలో చికిత్స చేయిస్తూ పాపను కాపాడుకోవాలని ఎన్నో ప్రయత్నాలు చేశారు. అలా 14 ఏళ్ల వయస్సులో 2024 అక్టోబర్‌ 21న పాప గీతిక చనిపోయింది. అపురూపంగా, అల్లారుముద్దుగా పెంచుకున్న పాప ఇకపై కళ్ల ముందు లేదని ఎంతో బాధపడ్డారు. ఆమె ఫొటోను చూస్తూ కుమిలిపోయేవారు. కనిపించకుండా పోయిన కూతురు కళ్ల ముందే ఉండాలనే తపనతో.. తమ సొంత గ్రామంలో ఉన్న స్థలంలో పాప జ్ఞాపకాలతో గుడి కట్టి.. పాప ప్రతిమను పెట్టారు. దేవతలను పూజించిన మాదిరిగానే గుర్తుకు వచ్చినప్పుడల్లా ఆ కోవెల వద్దకు వెళ్లి దీపం పెడతారు. ఆ దీపం ప్రతిరోజు వెలిగేలా చూస్తున్నారు. ప్రస్తుతం ఆ దంపతులకు ఒక పాప, కుమారుడు ఉండగా.. కూతురిపై మమకారం పోగొట్టుకోలేకపోతున్నారు. ప్రతిరోజు, ప్రతిక్షణం పాపనే తలుచుకుంటూ బాధపడుతున్నారు.

కల్వకుర్తి రూరల్‌: కూతురు 13 ఏళ్ల వయస్సులోనే తండ్రి చనిపోయినా.. ఆ తల్లి ఎంతో కష్టపడి కూతుర్ని ఉన్నత చదువులు చదివిస్తోంది. వెల్దండకు చెందిన అలివేలు తన కూతురు సరిత 13 ఏళ్ల వయస్సులోనే భర్త మృతిచెందాడు. దీంతో తల్లి ఎంతో కష్టపడి.. కూలి పనులు చేసి కూతుర్ని చదివిస్తుంది. తల్లి పడుతున్న కష్టాలను కళ్లారా చూసిన సరిత బాగా చదువుకొని మహబూబాబాద్‌ ప్రభుత్వ వైద్య కళాశాలలో ఎంబీబీఎస్‌ సీటు సాధించింది. ఎంబీబీఎస్‌ కోచింగ్‌ లాంగ్‌ టర్మ్‌ తీసుకున్నప్పుడు రూ.1.50 లక్షలు కావాల్సిన సమయంలో చదువు సైతం మానేయాలని అనుకున్నప్పటికీ తల్లి కష్టం గుర్తుకువచ్చి ఆ ఆలోచనను విరమించుకుని అనుకున్న లక్ష్యం వైపు ముందుకు సాగింది. వీరు ఉండడానికి ఇల్లు సైతం లేకపోవడంతో రేకుల ఇంట్లోనే ఉంటూ కాలం వెళ్లదీస్తున్నారు. అయితే వైద్య విద్య కోసం ఆర్థిక ఇబ్బందులు తలెత్తిన సందర్భంలో ఐక్యత ఫౌండేషన్‌ చైర్మన్‌ సుంకిరెడ్డి రాఘవేందర్‌రెడ్డి ముందుకు వచ్చి రూ.లక్ష ఆర్థిక సాయం అందించారు. అచ్చంపేట రూరల్‌: కూతుళ్లు అనే బేధం చూడని ఆ తండ్రి వ్యవసాయం చేస్తూ.. మరోవైపు నిత్యం ఆటో నడిపించి ఎంబీబీఎస్‌ చదివిస్తూ స్ఫూర్తిగా నిలిచాడు. అచ్చంపేట మండలంలోని అంకిరోనిపల్లి గ్రామానికి చెందిన పాత్లావత్‌ గోపినాథ్‌, విజయపద్మ దంపతుల ఇద్దరు కుమార్తెలు. తండ్రి 18 ఏళ్లుగా ఆటో నడుపుతూ, వ్యవసాయం చేసుకుంటూ ఇద్దరు కుమార్తెలను ప్రభుత్వ పాఠశాలలోనే చదివించారు. పెద్ద కూతురు జానకిప్రియ 2025 రంగారెడ్డి జిల్లా మహేశ్వరం మెడికల్‌ కళాశాలలో మొదటి సంవత్సరం పూర్తి చేసింది. అలాగే రెండో కుమార్తె దేవిప్రియ ఈ ఏడాది వనపర్తి మెడికల్‌ కళాశాలలో సీటు సాధించింది. ఒకే కుటుంబంలో ఇద్దరు గిరిజన విద్యార్థినులు ఎంబీబీఎస్‌ సీటు సాధించడంతో ఆ కుటుంబంలో ఆనందానికి అవధులు లేకుండా పోయాయి. తాను పడిన కష్టం.. తన కూతుళ్లను ప్రయోజకులను చేసిందని గోపినాథ్‌ ఆనందం వ్యక్తం చేశారు. కుమారుడు, కూతురు అనే తారతమ్యం లేకండా.. కూతుళ్లనే కొడుకుగా భావించి చదివిస్తున్నానని ఆయన పేర్కొన్నారు.

నాగర్‌కర్నూల్‌నేడు కూతుళ్ల దినోత్సవం ● ఆడబిడ్డ అని అధైర్యపడకుండా ఉన్నత విద్యకు బాసట ● కష్టాలు వెంటాడినా.. వెరవకుండా ముందుకు ● జిల్లాలో స్ఫూర్తినిస్తున్న పలువురు తల్లుల తాపత్రయం ● ఆటోనడిపి ఇద్దరు కూతుళ్లను ఎంబీబీఎస్‌ చదివిస్తున్న తండ్రి ● కూతురిపై మమకారంతో గుడి నిర్మించి పూజిస్తున్న ఓ నాన్న ఆదివారం శ్రీ 27 శ్రీ సెప్టెంబర్‌ శ్రీ 2026

కోడేరు: మండలంలో రైతుల సమస్యలను పరిష్కరించాలని రాష్ట్ర ఎకై ్సజ్‌, పర్యాటక శాఖ మంత్రి జూపల్లి కృష్ణారావును రైతులు కోరారు. శనివారం రాజాపూర్‌లో రైతులు ఎదుర్కొంటున్న సమస్యలను మంత్రి జూపల్లి దృష్టికి తీసుకువచ్చారు. ఈ సందర్భంగా రైతులు మాట్లాడుతూ ఎల్‌నినో కారణంగా వర్షాలు లేక పంటలు పండే పరిస్థితి కనిపించడం లేదని, కేఎల్‌ఐ డీ–8 కాల్వ ద్వారా చివరి ఆయకట్టు వరకు సాగునీరు అందించాలని కోరారు. దీంతో మంత్రి రైతుల ముందే సంబంధిత నీటి పారుదల శాఖ అధికారులతో మాట్లాడి చివరి ఆయకట్టు వరకు నీటిని విడుదల చేయాలని ఆదేశించారు. అలాగే విద్యుత్‌ స్తంభాలు లేక కట్టెలపై రైతులు విద్యుత్‌ వైర్లు ఏర్పాటు చేసుకొని తీవ్ర ఇబ్బందులు పడుతున్నారని తక్షణమే విద్యుత్‌ అధికారులు స్తంభాలను ఏర్పాటు చేయాలని చెప్పారు. సబ్సిడీ స్ప్రింక్లర్ల కోసం దరఖాస్తు చేసుకునేందుకు ఆన్‌లైన్‌లో రాజాపూర్‌ గ్రామం కనిపించడం లేదని మంత్రి దృష్టికి తెచ్చారు. గతంలో స్ప్రింక్లర్ల దరఖాస్తు చేసుకున్నా ఇప్పటి వరకు అందించలేదని ఆరోపించారు. దీంతో మంత్రి మాట్లాడుతూ రైతుల సమస్యలను వెంటనే పరిష్కరించేందుకు ఆయా శాఖల అధికారులతో మాట్లాడుతానని హామీ ఇచ్చారు. కార్యక్రమంలో కాంగ్రెస్‌ పార్టీ గ్రామ అధ్యక్షుడు సాంబశివుడు, ఉపసర్పంచ్‌ సిరాజ్‌, నాయకులు బాలయ్య, కుర్మయ్య, బాలచంద్రి, వెంకయ్య, విష్ణు, కురుమూర్తి తదితరులు పాల్గొన్నారు.

కందనూలు: నేను పదో తరగతి వరకు నాగర్‌కర్నూల్‌లోని ఎంజేపీ గురుకులంలో, ఇంటర్మీడియట్‌ వికారాబాద్‌ సీఓఈ గురుకులంలో చదివాను. ఆ తర్వాత అక్కడే నీట్‌ కోచింగ్‌ తీసుకుని ప్రస్తుతం నల్లగొండ జిల్లాలోని ప్రభుత్వ మెడికల్‌ కళాశాలలో ఎంబీబీఎస్‌ ఫైనల్‌ ఇయర్‌ చదువుతున్నా. నేను డాక్టర్‌ కావడానికి మా అమ్మ లక్ష్మి స్ఫూర్తి. మా నాన్న మల్లేష్‌ 2016లో మరణించాడు. అప్పటి నుంచి నన్ను మా చెల్లి, తమ్ముడిని కూలి పనిచేస్తూ మా అమ్మ చదివించింది. మా అమ్మ పడుతున్న కష్టాలను చూసి ఎలాగైనా ఉన్నత చదువులు చదివి మా కుటుంబానికి అండగా ఉండాలని కష్టపడి చదివి ఎంబీబీఎస్‌ సీటు సాధించాను. నాకు ఎంబీబీఎస్‌ సీటు రావడానికి ప్రోత్సహించిన మా గురువులకు, మా అమ్మకు రుణపడి ఉంటాను.

మాది నాగర్‌కర్నూల్‌ మండలం మంతటి గ్రామం. పదో తరగతి వరకు మా ఊరి జిల్లా పరిషత్‌ ఉన్నత పాఠశాలలో, ఇంటర్‌ ఎంజేపీ సిద్ధిపేటలో చదివాను. ఆ తర్వాత ఏడాదిపాటు నీట్‌ లాంగ్‌ టర్మ్‌ కోచింగ్‌ తీసుకొని ఎంబీబీఎస్‌ సీటు సాధించాను. మా నాన్న మల్లయ్య డ్రైవర్‌, అమ్మ లలిత కూలి పనిచేస్తూ మమ్మల్ని చదివించింది. మా నాన్న 2022లో గుండె సంబంధిత వ్యాధితో మరణించినా.. అమ్మ కష్టం, ఎన్‌ఆర్‌ఐ వెంకట్‌రెడ్డి ప్రోత్సాహంతో నేను ప్రస్తుతం నాగర్‌కర్నూల్‌లోని ప్రభుత్వ మెడికల్‌ కళాశాలలో ఫైనల్‌ ఇయర్‌ చదువుతున్నాను. పేదలకు వైద్యం చేయడమే లక్ష్యంగా ఈ వృత్తిని ఎంచుకున్నాను.

జిల్లాలోని నాలుగు డిపోలో పరిధిలో నిర్వహణ ● నేడు గుర్తుల కేటాయింపు.. అక్టోబర్‌ 9న పోలింగ్‌ ● జిల్లావ్యాప్తంగా 1,147 మంది కార్మికులు కందనూలు: సుదీర్ఘ విరామం తర్వాత ఆర్టీసీలో గుర్తింపు పొందిన సంఘం ఎన్నికల సందడి మొదలైంది. ఎన్నికల తేదీ ఖరారు కావడంతో వివిధ సంఘాలు బలాబలాలను అంచనా వేసుకుంటూ వ్యూహాలకు పదును పెడుతున్నాయి. రాష్ట్రవ్యాప్తంగా 11 ఆర్టీసీ గుర్తింపు యూనియన్లు ఉండగా.. జిల్లాలో మాత్రం ప్రధాన యూనియన్ల మధ్యనే ఎక్కువ పోటీ ఉన్నట్లు తెలుస్తోంది. గత ప్రభుత్వ హయాంలో కార్మికులు డిమాండ్ల సాధన కోసం సమ్మె చేయగా.. ఆర్టీసీలో యూనియన్లను నిషేధించిన విషయం తెలిసిందే. ఆనాటి నుంచి ఈనాటి వరకు ఎన్నికలు నిర్వహించకపోవడంతో కార్మికులు తమ సమస్యలు ఎవరికి చెప్పుకునే పరిస్థితి లేక సతమతమయ్యారు. ఇప్పుడు ఎన్నికలు జరుగుతుండటంతో కార్మికులకు కొంత ఊరట కలిగిస్తుంది. ప్రారంభమైన ప్రక్రియ.. గుర్తింపు సంఘం ఎన్నికలు నిర్వహించడానికి ఈ నెల 21న పోటీ చేయాల్సిన కార్మిక సంఘాలు సమ్మతి పత్రాలు సమర్పించాయి. 22న డిపో మేనేజర్లు ఓటర్ల జాబితా అందజేసి.. 24న అభ్యంతరాలు స్వీకరించారు. శుక్రవారం తుది ఓటరు జాబితా ప్రకటించగా.. శనివారం పోటీ చేసే యూనియన్లకు గుర్తుల కేటాయింపు, రిటర్నింగ్‌ అధికారికి తుది ఓటరు జాబితా సమర్పిస్తారు. 29న యూనియన్లకు డమ్మీ బ్యాలెట్‌ పేపర్లను పంపిణీ చేస్తారు. అక్టోబర్‌ 9న ఉదయం 5 నుంచి సాయంత్రం 6 గంటల వరకు పోలింగ్‌ నిర్వహిస్తారు. 17న ఫలితాలు వెల్లడిస్తారు. డిపో డ్రైవర్లు కండక్టర్లు మెకానిక్‌లు సూపర్‌ వైజర్లు నాగర్‌కర్నూల్‌ 87 145 28 28 అచ్చంపేట 94 160 34 21 కొల్లాపూర్‌ 64 106 30 15 కల్వకుర్తి 111 176 25 23 జిల్లాలోని నాలుగు డిపోల పరిధిలో ఉద్యోగులు ఇలా.. సమస్యలు పరిష్కారమయ్యేనా..? ఆర్టీసీలో అనేక కార్మిక సంఘాలు ఉన్నప్పటికీ ఎన్నికల్లో గెలుపొందిన సంఘాన్నే అధికారిక గుర్తింపు సంఘంగా పరిగణిస్తారు. రీజియన్‌ స్థాయి, రాష్ట్ర స్థాయిలో గుర్తింపు సంఘాలుంటాయి. రెండింటికి వేర్వేరు బ్యాలెట్‌ పత్రాలతో ఎన్నికలు నిర్వహిస్తారు. కార్మికుల వేతనాలు, డీఏలు, బోనస్‌ మొదలుకొని పలు సమస్యలపై చర్చలు జరిపే చట్టబద్ధమైన హక్కు గుర్తింపు పొందిన సంఘానికే ఉంటుంది. కండక్టర్లు, డ్రైవర్లు, మెకానిక్‌లు, ఇతర కార్మికుల సమస్యలు పరిష్కరించడానికి గెలుపొందిన సంఘం ముందుండి కృషి చేస్తుంది. అయితే గత పదేళ్ల నుంచి ఆర్టీసీలో యూనియన్లు లేకపోవడంతో యాజమాన్యం ఇష్టారాజ్యంగా వ్యవహరించింది. డ్యూటీ విషయంలో కార్మికులను ఇబ్బందులు పెడుతూ సెలవులు, స్పెషల్‌ ఆఫ్‌లు రద్దుచేయడం, రోజుకు 15 గంటల వరకు పనిచేయించడం, ఓటీలు ఇవ్వకపోవడంతో పదేళ్లపాటు ఆర్టీసీ కార్మికులు నానా ఇబ్బందులు ఎదుర్కొన్నారు. కార్మికులకు రావాల్సిన బకాయిలు సరైన సమయంలో చెల్లించకపోవడం వంటి సమస్యలను ఎదుర్కొంటున్నారు. ఇప్పుడు ఎన్నికలు రావడంతో ఇప్పటికై నా తమ సమస్యలు పరిష్కారం అవుతాయని ఆశతో ఎదురుచూస్తున్నారు.

నాగర్‌కర్నూల్‌/ కందనూలు: వీబీజీ రాంజీ పథకం అమలులో మార్గదర్శకాలు పాటించాలని కలెక్టర్‌ హేమంత కేశవ్‌పాటిల్‌ అన్నారు. శుక్రవారం జిల్లా గ్రామీణ అభివృద్ధి శాఖ ఆధ్వర్యంలో పంచాయతీరాజ్‌ సిబ్బందికి కలెక్టరేట్‌లో నిర్వహించిన అవగాహన సదస్సులో ఆయన పాల్గొని మాట్లాడారు. వీబీజీ రాంజీ పథకం లక్ష్యాలను క్షేత్రస్థాయిలో సమర్థవంతంగా అమలు చేయాలని సూచించారు. గ్రామీణ ప్రాంతాల్లో అర్హులైన ప్రజలకు ఉపాధి కల్పించడంతోపాటు, గ్రామాల దీర్ఘకాలిక అభివృద్ధికి దోహదపడే శాశ్వత ఆస్తులు, మౌలిక వసతుల కల్పన, నీటి వనరుల అభివృద్ధికి ప్రాధాన్యత ఇస్తూ పనులు చేపట్టాలన్నారు. పథకం కింద చేపట్టే పనుల్లో పారదర్శకత, జవాబుదారీతనం, నాణ్యత, సమయపాలనకు అత్యంత ప్రాధాన్యత ఇవ్వాలని ఆదేశించారు. పనుల పురోగతిని క్షేత్రస్థాయిలో నిరంతరం పర్యవేక్షిస్తూ, నిర్దేశిత ప్రమాణాలకు అనుగుణంగా పనులు పూర్తయ్యేలా సంబంధిత అధికారులు బాధ్యతగా వ్యవహరించాలన్నారు. అనంతరం వీబీజీ రాంజీ పథకంలో చేపట్టాల్సిన పనుల గుర్తింపు, ప్రాధాన్యత, అమలు విధానం, సాంకేతిక అంశాలు, పర్యవేక్షణ, రికార్డుల నిర్వహణ తదితర అంశాలపై సిబ్బందికి అవగాహన కల్పించారు. సమావేశంలో అదనపు కలెక్టర్‌ దేవసహాయం, డీఆర్‌ఓ పాండు, డీఆర్‌డీఓ చిన్న ఓబులేషు, డీపీఓ శ్రీరాములు, అదనపు డీఆర్‌డీఓ రాజేశ్వరి, డిప్యూటీ సీఈఓ గోపాల్‌నాయక్‌ తదితరులు పాల్గొన్నారు. ● వయోవృద్ధుల సంక్షేమంపై అవగాహన కల్పించాలని కలెక్టర్‌ అన్నారు. అంతర్జాతీయ వయోవృద్ధుల దినోత్సవాన్ని పురస్కరించుకొని వచ్చే నెల 1 వరకు వారం రోజుల పాటు నిర్వహించే ‘ఎల్డర్‌ గైడ్‌’ వాల్‌పోస్టర్లను కలెక్టర్‌ ఆవిష్కరించి మాట్లాడారు. వృద్ధులు ఎదుర్కొంటున్న సమస్యలు, సంరక్షణ, భద్రత, సంక్షేమం, చట్టబద్ధమైన హక్కులపై ప్రజలకు అవగాహన కల్పించాల్సిన అవసరం ఉందన్నారు. వయోవృద్ధుల హక్కుల పరిరక్షణకు సంబంధిత ప్రభుత్వ శాఖలు, స్వచ్ఛంద సంస్థలు, ప్రజలు సమన్వయంతో పనిచేయాలని సూచించారు. ● జిల్లాలో రీ సర్వే, భూభారతి పనులు వేగవంతం చేయాలని కలెక్టర్‌ అన్నారు. భూముల రీ సర్వే, భూ భారతి, రెవెన్యూ అంశాలపై అచ్చంపేట సబ్‌ కలెక్టర్‌ సలోని ఛాబ్రా, అదనపు కలెక్టర్‌ చెన్నయ్యతో కలిసి సమీక్ష నిర్వహించారు. ప్రతి గ్రామంలో రీ సర్వే ప్రక్రియను క్షేత్రస్థాయిలో పరిశీలిస్తూ, భూ రికార్డుల్లో ఎలాంటి పొరపాట్లకు తావులేకుండా చర్యలు తీసుకోవాలన్నారు. సర్వే పూర్తయిన తర్వాత బౌండరీల వారీగా మ్యాపులను రూపొందించాలని చెప్పారు.

ఈ ఫొటోలోని రైతు పేరు రామచంద్రారెడ్డి. దామరగిద్ద మండలం మద్దెలబీడు స్వగ్రామం. ఈయన రెండు ఎకరాల్లో వరి సాగు చేయగా.. బోరుబావిలో నీరు అడుగంటింది. మరోవైపు విద్యుత్‌ కోతలు. రోజుకు కేవలం 10 గుంటల పంటకు కూడా సక్రమంగా నీరు పారడం లేదు. దీంతో చేసేదిలేక ఎండిపోతున్న వరి పంటను పశువులకు వదిలేశారు. ఈ ఫొటోలోని రైతు పేరు వెంకటేష్‌. మరికల్‌ మండలం జిన్నారం గ్రామం. ఈయన 12 ఎకరాల్లో పత్తి, 5 ఎకరాల వరి సాగు చేశారు. ఇప్పటికే రెండు పంటలకుగాను సుమారు రూ.5 లక్షలు పెట్టుబడి పెట్టారు. పంట చేతికందే సమయంలో నీరందక పెట్టిన పెట్టుబడి కూడా చేతికందే పరిస్థితి కనిపించడం లేదు. ఆశించిన మేర వర్షాలు కురిసి ఉంటే సుమారు రూ.10 లక్షల వరకు లాభం వచ్చేది. ప్రస్తుతం పెట్టుబడికి చేసిన అప్పు తీర్చేందుకు మళ్లీ అప్పు చేయాల్సి వస్తోందని ఆవేదన చెందుతున్నారు. నారాయణపేట: వర్షాకాలం ముగింపు దశకు చేరుకున్నా ఉమ్మడి పాలమూరు జిల్లాను వర్షాభావ పరిస్థితులు వీడటం లేదు. వానాకాలం ముగియడానికి వారం రోజులే ఉండటంతో.. రైతుల్లో ఆందోళన నెలకొంది. జూన్‌ 1 నుంచి సెప్టెంబర్‌ 23 వరకు నమోదైన వర్షపాత గణాంకాలను పరిశీలిస్తే నారాయణపేట, వనపర్తి జిల్లాల్లో 35 శాతం, జోగుళాంబ గద్వాలలో 42 శాతం, మహబూబ్‌నగర్‌లో 29 శాతం, నాగర్‌కర్నూల్‌లో 32 శాతం లోటు నమోదైంది. మండలాల వారీగా పరిశీలిస్తే.. నారాయణపే జిల్లాలోని 11 మండలాల్లో జూన్‌ 1 నుంచి సెప్టెంబర్‌ 23 వరకు జిల్లా సగటు సాధారణ వర్షపాతం 469.5 మి.మీ. కాగా.. ఇప్పటి వరకు 306.6 మి.మీ. మాత్రమే నమోదైంది. మద్దూర్‌, కోస్గి మండలాల్లో మాత్రమే సాధారణ వర్షపాతం నమోదైంది. అధిక వర్షపాతం నమోదైన మండలం ఒక్కటీ లేకపోవడం గమనార్హం. మండలాల వారీగా పరిశీలిస్తే నర్వలో అత్యధికంగా 47 శాతం, ఊట్కూర్‌, మాగనూర్‌, మక్తల్‌లో 42 శాతం చొప్పున లోటు ఉంది. మరికల్‌లో 42, ధన్వాడలో 41, నారాయణపేటలో 38, దామరగిద్దలో 37, కృష్ణాలో 35, గుండుమాల్‌లో 29, కొత్తపల్లిలో 31 శాతం లోటు నమోదైంది. మద్దూర్‌ మండలంలో సాధారణ వర్షపాతం 421.2 మి.మీ.గాను 377.7 మి.మీ. నమోదై 10 శాతం లోటుతో సాధారణ స్థితిలో ఉంది. కోస్గిలో సాధారణ వర్షపాతం 519.2 మి.మీ.కుగాను 452.7 మి.మీ. నమోదై 13 శాతం లోటుతోనూ సాధారణ వర్షపాతం కేటగిరీలో ఉంది. వర్షాకాలం ముగింపు దశకు చేరుతున్నా జిల్లాలో 35 శాతం వర్షపాతం లోటు కొనసాగుతుండటంతో వర్షాధార పంటలపై ఆందోళన నెలకొంది. వనపర్తి జిల్లాలో.. వనపర్తి జిల్లాలో సాధారణ వర్షపాతం 474.3 మి.మీ. కాగా.. ఇప్పటి వరకు 306.4 మి.మీ. మాత్రమే నమోదైంది. బుధవారం జిల్లావ్యాప్తంగా సగటున 6.3 మి.మీ. వర్షం కురిసింది. దీంతో ఒక్కరోజు వర్షపాతం సాధారణం కంటే 125 శాతం అధికంగా నమోదైంది. అయినప్పటికీ గతంలో ఉన్న లోటు పూడ్చలేకపోయింది. ఆత్మకూర్‌లో అత్యధికంగా 64 శాతం, అమరచింతలో 53 శాతం, పాన్‌గల్‌లో 52 శాతం, చిన్నంబావిలో 46 శాతం, వనపర్తిలో 36 శాతం, ఏదులలో 35 శాతం లోటు వర్షపాతం నమోదైంది. రేవల్లి మండలంలో మాత్రమే ఇప్పటి వరకు 463.4 మి.మీ. వర్షపాతం నమోదై సాధారణ వర్షపాతం 452.5 మి.మీ.తో పోలిస్తే 2 శాతం అధికంగా ఉంది. మహబూబ్‌నగర్‌ జిల్లాలో.. మహబూబ్‌నగర్‌ జిల్లాలోని 17 మండలాల్లో 11 మండలాల్లో లోటు వర్షపాతం, ఒక మండలంలో తీవ్ర లోటు నమోదుకాగా.. ఐదు మండలాల్లో సాధారణ వర్షపాతం నమోదైంది. జిల్లా సాధారణ వర్షపాతం 487.7 మి.మీ. కాగా.. ఇప్పటి వరకు 345.5 మి.మీ. మాత్రమే నమోదైంది. బుధవారం జిల్లాలో 3.9 మి.మీ. వర్షపాతం నమోదైంది. చిన్నచింతకుంట మండలంలో అత్యంత దారుణ పరిస్థితి నెలకొంది. సాధారణంగా 433.8 మి.మీ. వర్షపాతం నమోదు కావాల్సి ఉండగా కేవలం 171.1 మి.మీ. మాత్రమే కురిసింది. 61 శాతం లోటు నమోదై ‘లార్జ్‌ డెఫిషియెంట్‌శ్రీగా నమోదైంది. మహబూబ్‌నగర్‌ రూరల్‌లో 52 శాతం, అడ్డాకులలో 51 శాతం, మహబూబ్‌నగర్‌ అర్బనన్‌లో 49 శాతం, కౌకుంట్ల, ముసాపేటలో 43 శాతం, భూత్పూర్‌లో40 శాతం, కోయిల్‌కొండలో 37 శాతం లోటు నమోదైంది. గండీడ్‌, నవాబ్‌పేట, బాలానగర్‌, జడ్చర్ల, మహ్మదాబాద్‌ మండలాల్లో సాధారణ వర్షపాతం నమోదైంది. గండీడ్‌, నవాబ్‌పేటలో సాధారణానికి 2 శాతం అధికంగా వర్షపాతం నమోదైంది. జోగుళాంబ గద్వాల జిల్లాలో.. జోగుళాంబ గద్వాల జిల్లాలో సాధారణ వర్షపాతం 421.6 మి.మీ. కాగా.. ఇప్పటి వరకు 244.1 మి.మీ. మాత్రమే నమోదైంది. వడ్డేపల్లిలో అత్యధికంగా 71 శాతం, ఉండవెల్లిలో 56 శాతం, మానవపాడులో 58 శాతం, గద్వాలలో 50 శాతం, మల్దకల్‌లో 50 శాతం, ఎరవ్రల్లిలో 59 శాతం, రాజోలిలో 46 శాతం, ఇటిక్యాలలో 41 శాతం, ధరూరులో 37 శాతం, అయిజలో 30 శాతం లోటు నమోదైంది. కేటీదొడ్డిలో 3 శాతం, గట్టులో 3 శాతం అధిక వర్షపాతం నమోదైంది. సాధారణ వర్షపాతం పరిధిలో ఉన్న ఈ రెండు మండలాలు జిల్లా సగటుతో పోలిస్తే మెరుగైన పరిస్థితిలో ఉన్నాయి. నాగర్‌కర్నూల్‌ జిల్లాలో.. నాగర్‌కర్నూల్‌ జిల్లాలో సాధారణ వర్షపాతం 444 మి.మీ.కాగా.. ఇప్పటివరకు 301.6 మి.మీ. మాత్రమే నమోదైంది. మండలాల వారీగా పరిశీలిస్తే పదరలో 60 శాతం, పెంట్లవెల్లిలో 56 శాతం, అమ్రాబాద్‌లో 53 శాతం, లింగాలలో 51 శాతం, పెద్దకొత్తపల్లిలో 51 శాతం లోటు నమోదైంది. మరోవైపు కొల్లాపూర్‌లో 27 శాతం, కల్వకుర్తిలో 36 శాతం, తాడూరులో 37 శాతం లోటు కొనసాగుతోంది. కోడేర్‌లో 14 శాతం, నాగర్‌కర్నూల్‌లో 16 శాతం, చారకొండలో 16 శాతం, వంగూర్‌లో 11 శాతం లోటు ఉండటంతో ఆయా మండలాలు సాధారణ వర్షపాతానికి దగ్గరగా ఉన్నాయి. ఉప్పునుంతలలో కేవలం 5 శాతం లోటు మాత్రమే నమోదైంది.

అచ్చంపేట: కృష్ణానదికి వచ్చే వరదను ఒడిసి పట్టుకోలేని దుస్థితి నెలకొంది. ఈ ఏడాది ఎల్‌నినో ప్రభావంలోనూ ఎగువన కురిసిన భారీ వర్షాలతో శ్రీశైలం ప్రాజెక్టుకు 184 టీఎంసీల వరద వచ్చింది. అయితే ఈ జలాశయం ఆధారంగా కృష్ణానదికి వచ్చే వరద నీటిని పూర్తిస్థాయిలో వాడుకోలేని పరిస్థితి దాపురించింది. రోజుకు 4 వేల క్యూసెక్కుల నీటిని ఎత్తిపోసుకునే అవకాశం ఉన్నా 2,400 క్యూసెక్కులు మాత్రమే పంపింగ్‌ చేస్తున్నారు. కేఎల్‌ఐ ద్వారా 4.25 లక్షల ఎకరాల ఆయకట్టుకు సాగునీరు అందించాలి. ఈ ప్రాజెక్టు కింద ఎల్లూరు, సింగోటం, జొన్నలబొగుడ, గుడిపల్లిగట్టు రిజర్వాయర్ల సామర్థ్యం 4 టీఎంసీలు మాత్రమే. కాల్వల ద్వారా చెరువులు, కుంటలకు నీరు వదులుతున్నా చివరి ఆయకట్టుకు అందడం లేదు. దీంతో అదనపు రిజర్వాయర్ల నిర్మాణం కోసం గత ప్రభుత్వం హయాంలో పంపిన ప్రతిపాదనలు బుట్టదాఖలయ్యాయి. అయితే రెండేళ్ల క్రితం సీఎం రేవంత్‌రెడ్డి ఉమ్మడి జిల్లా ప్రాజెక్టులపై నిర్వహించిన సమీక్షలో కేఎల్‌ఐ కింద రిజర్వాయర్ల సామర్థ్యం పెపు సాధ్యాసాధ్యాలను పరిశీలించి నివేదిక ఇవ్వాలని ఇరిగేషన్‌ అధికారులను ఆదేశించినా ఇంత వరకు అడుగు ముందకు పడలేదు. ప్రతిపాదనలు బుట్టదాఖలు.. కేఎల్‌ఐ కింద 47 అదనపు రిజర్వాయర్లను ప్రతిపాదించగా వీటిలో కేవలం 10 మాత్రమే సాధ్యమని గుర్తించారు. ఇందుకు సంబంధించి సర్వే పూర్తి చేసి గత ప్రభుత్వానికి నివేదిక పంపించారు. పూర్తి ఆయకట్టకు సాగునీరు అందించాలంటే కనీసం 30 టీఎంసీలు నిల్వ చేసే సామర్థ్యం కలిగిన రిజర్వాయర్లు అవసరమని సాగునీటిశాఖ అధికారులు చెబుతున్నారు. గత ప్రభుత్వం రిజర్వాయర్ల సామర్థ్యం పెంపుపై డీపీఆర్‌ సిద్ధం చేయాలని ఆదేశించారు. ఈ మేరకు ఇంజినీరింగ్‌ అధికారులు 2.14 టీఎంసీల నీటి నిల్వ సామర్థ్యం ఉన్న జొన్నలబొగుడ జలాశయాన్ని 6 టీఎంసీలకు, టీఎంసీ సామర్థ్యం గల గుడిపల్లిగట్టు జలాశయాన్ని 3–4 టీఎంసీలకు పెంచుకోవచ్చని అంచనా వేశారు. ప్రతిపాదించిన ప్రకారం నాగర్‌కర్నూల్‌, అచ్చంపేట, కల్వకుర్తి పరిధిలో ఇప్పటి వరకు ఒక్క రిజర్వాయర్‌ మంజూరు చేయని రాష్ట్ర ప్రభుత్వం 2023 మార్చి 2న వనపర్తి ప్రాంతంలోని ఘనపూర్‌ గణప సముద్రం, బుద్దారం చెరువులను రిజర్వాయర్లుగా మార్చేందుకు రూ.97.2 కోట్ల నిధులు మంజూరు చేసింది. దీంతో కేఎల్‌ఐ కింద మొదట ప్రతిపాదించిన ప్రాంతాలకు రిజర్వాయర్లు మంజూరు చేయకుండా పాలకులు చిన్నచూపు చూస్తున్నారనే అభిప్రాయాలు వ్యక్తమవుతున్నాయి. కృష్ణానీటిని నిల్వ చేసేందుకు రిజర్వాయర్లు కరువు భారీ జలాశయాలు లేక తప్పని పరిస్థితుల్లో దిగువకు.. ప్రతిపాదనల్లోనే జొన్నలబొగుడ, గుడిపల్లిగట్టు సామర్థ్యం పెంపు చివరి ఆయకట్టుకు తీరని సాగునీటి కష్టాలు చెరువులు, కుంటలు, కాల్వలపై ఆధారపడే పంటల సాగు

నాగర్‌కర్నూల్‌: రాష్ట్ర ప్రభుత్వం దసరా కానుకగా చేయూత పథకం కింద కొన్ని వర్గాలకు కొత్త పింఛన్లు మంజూరు చేయబోతుంది. ఈ నెల 16 వరకు అర్హులైన లబ్ధిదారుల నుంచి దరఖాస్తులు స్వీకరించిన విషయం తెలిసిందే. అయితే ఎన్నో ఏళ్ల నుంచి పింఛన్‌ కోసం ఎదురుచూస్తున్న వృద్ధులకు మాత్రం ఇవ్వడం లేదు. వారిని నిరాశపర్చచకుండా గ్రామ కార్యదర్శులు కేవలం దరఖాస్తులు మాత్రం తీసుకొన్నారు. కానీ, ఎక్కడా ఆన్‌లైన్‌లో నమోదు చేయలేదు. కేవలం వితంతువులు, ఒంటరి మహిళలు, దివ్యాంగులు, చేనేత, గీతా కార్మికులతోపాటు ఫైలేరియా, డయాలసిస్‌ బాధితులకు మాత్రమే కొత్త పింఛన్లు ఇవ్వనుంది. వీరి దరఖాస్తులను మాత్రమే ఆన్‌లైన్‌ చేయడంతో వాటిని ప్రభుత్వం నిబంధనల ప్రకారం విచారణ చేయడానికి మండల స్థాయి అధికారులకు బాధ్యత అప్పగించారు. వారు శుక్రవారం వరకు విచారణ పూర్తి చేసి సంబంధిత ఎంపీడీఓలకు అప్పగించనున్నారు. వాటిని ఎంపీడీఓ ఆన్‌లైన్‌లో నమోదు చేసిన తర్వాత జిల్లా అధికారులు పరిశీలించి ఆమోదించనున్నారు. ఉమ్మడి జిల్లావ్యాప్తంగా మొత్తం 65,566 మంది పింఛన్ల కోసం దరఖాస్తు చేసుకోగా.. ఫైలేరియా, డయాలసిస్‌ బాధితులను ఇందులో కలపలేదు. అలాగే వృద్ధుల దరఖాస్తులు స్వీకరించి.. ఆన్‌లైన్‌లో నమోదు చేసినా ఈ సంఖ్య రెట్టింపు అయ్యే అవకాశం ఉంది. చేయూత లబ్ధిదారుల దరఖాస్తులను విచారణ చేయడానికి మండల స్థాయిలో ఎంఈఓ, పీఆర్‌ఏఈ, ఆర్‌డబ్ల్యూఎస్‌ ఏఈ, ఎంపీఓలకు బాధ్యత అప్పగించారు. దరఖాస్తులు, గ్రామాల సంఖ్యను పరిగణలోకి తీసుకొని విచారణ అధికారులను ఎంపిక చేశారు. వారికి ముందుగానే పింఛను అర్హతకు సంబంధించి ఎలాంటి నియమ నిబంధనలను పరిగణలోకి తీసుకోవాలో వివరించారు. అంతేకాకుండా నింబంధనలకు సంబంధించిన వివరాలు అందజేశారు. ఒక్కో దరఖాస్తును ప్రభుత్వ నిబంధనల ప్రకారం సమగ్రంగా విచారణ చేసి అర్హులను ఎంపిక చేయాలని సూచించినట్లు నాగర్‌కర్నూల్‌ డీఆర్‌డీఓ ఓబులేష్‌ తెలిపారు. ఉమ్మడి జిల్లాలో 65,566 మంది దరఖాస్తులు క్షేత్రస్థాయిలో పరిశీలిస్తున్న మండలస్థాయి అధికారులు నేటితో ముగియనున్న విచారణ గడువు ప్రభుత్వ నిబంధనల మేరకులబ్ధిదారుల ఎంపిక పండుగ కానుకగా కొత్త పింఛన్లు ఇచ్చేందుకు కసరత్తు