Jagitial District Latest News

కథలాపూర్‌(వేములవాడ): వేములవాడ నియోజకవర్గంలోని కథలాపూర్‌, మేడిపెల్లి, బీమారం మండలాల రైతులు దశాబ్దాలుగా ఎదురుచూస్తున్న సూరమ్మ ప్రాజెక్టు పనులు చివరి దశలో ఉండగా.. ప్రధానకాలువ భూనిర్వాసితులకు పరిహారం డబ్బులు వారి ఖాతాల్లో చేరాయి. ఇక పనులు త్వరలోనే ప్రారంభమవుతాయని రైతులు ఆశాభావం వ్యక్తం చేస్తున్నారు. ఎల్లంపెల్లి ఎత్తిపోతల పథకం ఫేజ్‌–2 స్టేజీ 1 పనుల్లో భాగంగా సూరమ్మ ప్రాజెక్టు నిర్మించి కుడి, ఎడమ కాలువల ద్వారా మెట్టప్రాంతమైన కథలాపూర్‌, మేడిపెల్లి, బీమారం, రుద్రంగి మండలాల్లో 50 వేల ఎకరాలకు సాగు నీరందించడం లక్ష్యం. గత ప్రభుత్వ హయంలో పదేళ్లుగా సూరమ్మ ప్రాజెక్టు పనులు చేపట్టలేదు. కాంగ్రెస్‌ ప్రభుత్వం అధికారంలోకి వచ్చాక అసంపూర్తిగా ఉన్న ప్రాజెక్టు పనుల్లో కదలిక వచ్చింది. మత్తడి పనులు పూర్తయి, ప్రస్తుతం తూం నిర్మాణ పనులు జరుగుతున్నాయి. 2018లో భూమిపూజ బీఆర్‌ఎస్‌ హయాంలో సూరమ్మ ప్రాజెక్టు కుడి, ఎడమ కాలువ పనులకు రూ.204 కోట్లు మంజూరు చేస్తూ 2018 జూన్‌ 22న అప్పటి నీటిపారుదలశాఖ మంత్రి హరీశ్‌రావు భూమిపూజ చేశారు. తర్వాత పనులు చేపట్టకపోవడంతో అప్పట్లో ప్రతిపక్షంలో ఉన్న కాంగ్రెస్‌ నేత ఆది శ్రీనివాస్‌తోపాటు నాలుగు మండలాల కాంగ్రెస్‌ నాయకులు పలుమార్లు నిరసనలు తెలిపారు. కాంగ్రెస్‌ అధికారంలోకి వచ్చాక పనుల్లో కదలిక వచ్చి మూడేళ్లుగా కేవలం ప్రాజెక్టు పనులే సాగుతున్నాయి. కాగా, కాలువ పనులకు ఇంకెంత కాలం పడుతోందనని ఈ ప్రాంత రైతులు నిరాశ చెందుతున్నారు. ఖాతాల్లోకి రూ.55 కోట్లు సూరమ్మ ప్రాజెక్ట్‌ కుడి ఎడమ కాలువ పనుల భూసేకరణ ప్రక్రియ పూర్తయింది. కథలాపూర్‌, మేడిపెల్లి, బీమారం మండలాల్లోని ఆయా గ్రామాల పరిధిలో 518 ఎకరాల భూమి అవసరమని అధికారులు గుర్తించారు. గత నెలలోనే భూములు కోల్పోయిన రైతుల ఖాతాల్లో రూ. 55 కోట్లు జమ చేశారు. మరోవైపు ప్రధాన కుడి ఎడమ కాలువలకు అనుసంధానంగా ఉపకాలువల నిర్మాణాలకు భూ సేకరణ పూర్తి కావాల్సి ఉంది. సూరమ్మ ప్రాజెక్టు

పచ్చదనంపైజగిత్యాల: పట్టణంలో డివైడర్లు, జంక్షన్ల సుందరీకరణ, పచ్చదనం కోసం బల్దియా ఆధ్వర్యంలో హరితహారం పథకం కింద మొక్కలు నాటారు. కాగా, వాటి సంరక్షణ మర్చిపోవడంతో మొక్కలు ఎండిపోతున్నాయి. మున్సిపాలిటీలో గ్రీన్‌ బడ్జెట్‌ కింద లక్షలాది రూపాయలు కేటాయిస్తున్నారు. ఇటీవలే వన మహోత్సవం పేరిట లక్ష మొక్కల కొనుగోలుకు టెండర్లు పిలిచి పట్టణంలో పంపిణీ చేశామని చెబుతుండగా, అవి ఎక్కడా కన్పించడం లేదు. అసలు మొక్కలు పంపిణీ చేసిన దాఖలాలు లేవని ఆరోపణలు వెల్లువెత్తుతున్నాయి. కళాహీనంగా జంక్షన్లు జిల్లా కేంద్రంలోని కొత్తబస్టాండ్‌, పాతబస్టాండ్‌ వద్ద జంక్షన్లు ఉన్నా వాటిలో గ్రాస్‌ లేక, ఫౌంటేయిన్‌ పనిచేయక అందులో చెట్లు ఎండిపోయే స్థితికి చేరి కళాహీనంగా మారాయి. జంక్షన్లలోని చెట్లు, మొక్కలకు రోజూ ట్రాక్టర్ల ద్వారా నీరు అందించాలి. కానీ, వాటిని పట్టించుకోవడం లేదనే ఆరోపణలు వస్తున్నాయి. నీరు లేక బల్దియాలోని నర్సరీల్లో మొక్కలు ఎండిపోతున్నాయి. ఒకవైపు ఎల్‌నినో ప్రభావంతో వర్షాలు లేక మొక్కలను ఎలా పెంచుతారో, టెండర్లు ఎందుకు పిలిచారో అర్థం కావడం లేదని పలువురు బహిరంగంగానే చర్చిస్తున్నారు. కాగా, మొక్కల మెయింటనెన్స్‌ కింద రూ.50 లక్షల వరకు ఖర్చులు చూపుతున్నారని, వాటి వినియోగంలో అవకతవకలు జరిగాయని, విచారణ చేపట్టాలని మాజీ కౌన్సిలర్‌ జయశ్రీ ఇటీవల అధికారులకు ఫిర్యాదు చేశారు.

మండలంలోని పలు గ్రామాల్లో సాగునీటికి ఇబ్బందులున్నాయి. చెరువుల్లో నీళ్లు అడుగంటి యాసంగిలో పంటలకు నీళ్లు అందే పరిస్థితులు లేవు. ప్రాజెక్టు కాలువ పనులు త్వరగా పూర్తి చేసి మండలంలోని చెరువులు నింపాలి. అప్పుడే ఈ ప్రాంత రైతులకు సాగునీటి సమస్య తీరుతుంది. – మామిడిపెల్లి రవి, మాజీ ఎంపీటీసీ, కథలాపూర్‌ వరి కోతలు పూర్తయ్యాక.. సూరమ్మ ప్రాజెక్టు కుడి, ఎడమ కాలువ పనుల భూసేకరణ, పరిహారం చెల్లింపులు పూర్తయ్యాయి. పనులు చేపట్టే భూముల్లో వరి పంటలు కోతకు వచ్చాయి. కోతలు పూర్తయ్యాక పనులు ప్రారంభిస్తాం. – సంత్‌ ప్రకాశ్‌రావు, ఎల్లంపెల్లి ఎత్తిపోతల విభాగం ఈఈ

జగిత్యాల: జగిత్యాల మున్సిపల్‌ షాపింగ్‌ కాంప్లెక్స్‌లకు డివిజన్‌ కేంద్రంగా ఉన్నప్పుడు టెండర్లు నిర్వహించారు. ఆ సమయంలో టెండర్‌ పొందిన కొందరు నిర్వాహకులు ఇతరులకు కిరాయి ఇచ్చి అద్దె దందా కొనసాగిస్తున్నారు. నిబంధనల ప్రకారం టెండర్లు పొందినవారే కొనసాగాలి. ఇంత వ్యవహారం జరుగుతున్నా అధికారులు చూసీచూడనట్లు వ్యవహరిస్తున్నారని ఆరోపణలు వచ్చాయి. ఇటీవల జరిగిన కౌన్సిల్‌ సమావేశంలో మున్సిపల్‌ షాపింగ్‌ కాంప్లెక్స్‌లకు టెండర్లు నిర్వహించాలని నిర్ణయించారు. గత టెండర్‌దారులకు నోటీసులు జారీ చేసి 15 రోజుల్లో వివరణ ఇవ్వాలని కోరారు. ఈనెల 3 వరకు మొత్తం రెంట్‌ చెల్లించాల్సి ఉంటుంది. దాదాపు 17 ఏళ్ల క్రితం టెండర్‌ నిర్వహించగా, పాత వారే కొనసాగుతున్నారు. అందులో బినామీలే అత్యధికంగా ఉన్నారు. నిబంధనల ప్రకారం మూడేళ్లకోసారి టెండర్లు నిర్వహించాలి. కానీ, జగిత్యాల జిల్లాగా ఏర్పడి పదేళ్లు అవుతున్నా ఇప్పటికీ టెండర్లు నిర్వహించలేదు. జిల్లా కేంద్రంగా ఏర్పడడంతో.. జిల్లా కేంద్రంగా అవతరించడంతో జగిత్యాలలో మార్కెట్‌ ధరలు, ప్రజల తాకిడి, వాణిజ్య వ్యాపారాలు రోజురోజుకు పెరిగిపోయాయి. కార్పోరేట్‌కు దీటుగా షాపింగ్‌ కాంప్లెక్స్‌లు, దుకాణాలు వెలుస్తున్నాయి. మున్సిపల్‌ కాంప్లెక్స్‌లు విలువైన స్థలాల్లో ఉండటంతో వీటికి కొత్తగా టెండర్లు నిర్వహిస్తే బల్దియాకు మంచి ఆదాయం సమకూరనుంది. కాగా, గతంలో టెండర్‌ పొందిన వారు అప్పటి కిరాయే చెల్లిస్తున్నారు. కొందరు పూర్తి అద్దె చెల్లించని వారు కూడా ఉన్నారు. 198 దుకాణాలు జగిత్యాల బల్దియాకు సంబంధించి అంగడిబజార్‌, పార్క్‌ సంది, ఎంపీడీవో కార్యాలయం ఎదురుగా, పాతబస్టాండ్‌ సమీపంలో 198 దుకాణాలున్నాయి. ఇందులో ఒకట్రెండు మినహా అన్ని అద్దెకే నడుస్తున్నాయి. 17 ఏళ్ల క్రితం నిర్వహించిన టెండర్ల ద్వారా అప్పుడే బల్దియాకు రూ.10 కోట్ల ఆదాయం వచ్చింది. మళ్లీ టెండర్లు నిర్వహిస్తే మూడు రెట్లు పెరిగే అవకాశం ఉంది. ప్రస్తుతం ప్రైవేటు కాంప్లెక్స్‌లకు రూ.20 వేల నుంచి రూ.30 వేల అద్దె ఉంది. మున్సిపల్‌ కాంప్లెక్స్‌లకు మాత్రం రూ.10 వేల వరకు ఉంటుంది. ఒక్కరిద్దరు మినహా షాపుల్లో వేరేవారే కొనసాగుతున్నారు. ఇప్పటి నుంచే ప్రయత్నాలు టెండర్లు నిర్వహిస్తున్నట్లు అధికారులు పేర్కొనడంతో ఎలాగైనా దక్కించుకోవాలని పలువురు ప్రయత్నాలు చేస్తున్నట్లు తెలిసింది. గతంలో టెండర్లు పొందిన వారు సైతం మళ్లీ పొందేలా రాజకీయ ఒత్తిళ్లు తెస్తున్నట్లు విశ్వసనీయంగా తెలిసింది. ఒకవేళ టెండర్లు నిర్వహిస్తే మున్సిపల్‌కు అత్యధికంగా ఆదాయం లభించే అవకాశాలు ఉండగా, వాటికి డిమాండ్‌ సైతం చాలా ఉంది. టెండర్లు నిర్వహిస్తాం మున్సిపల్‌ షాపింగ్‌ కాంప్లెక్స్‌లకు సంబంధించి త్వరలోనే టెండర్లు నిర్వహిస్తాం. గతంలో టెండర్లు పొందిన వారికి నోటీసులు జారీ చేశాం. నవంబర్‌ 3న ముగుస్తుంది. వివరాలన్నీ పరిశీలించిన వెంటనే టెండర్లు వేస్తాం. – సత్యప్రణవ్‌, మున్సిపల్‌ కమిషనర్‌, జగిత్యాల

జగిత్యాలరూరల్‌: కేంద్ర, రాష్ట్ర ప్రభుత్వాల భాగస్వామ్యంతో జిల్లాకేంద్రంలోని మోతె చెరువును సుందరీకరిస్తామని నిజామాబాద్‌ ఎంపీ ధర్మపురి అర్వింద్‌ అన్నారు. పనుల కోసం అమృత 2.0లో కేంద్రం నిధులు మంజూరు చేసిందన్నారు. ఆర్నెళ్లు గడుస్తున్నా పనులు ముందుకుసాగకపోవడంపై అసంతృప్తి వ్యక్తం చేశారు. పనులు చేయని ఎమ్మెల్యే సంజయ్‌ శంకుస్థాపన ఎందుకు చేశారని ప్రశ్నించారు. వచ్చే ఎన్నికల్లో తెలంగాణలో అధికారంలోకొస్తామన్నారు. బీజేపీ నియోజకవర్గ ఇన్‌చార్జి భోగ శ్రావణి, జిల్లా అధ్యక్షుడు రాచకొండ యాదగిరి బాబు, రాష్ట్ర కార్యవర్గ సభ్యులు అనూప్‌రావు, పట్టణ అధ్యక్షుడు కాశెట్టి తిరుపతి, మున్సిపల్‌ ఫ్లోర్‌ లీడర్‌ వేముల శ్రీనివాస్‌, కౌన్సిలర్లు నిమ్మల నాగరాజు, గట్టిపెల్లి మానస, జ్ఞానేశ్వర్‌ పాల్గొన్నారు. ముందుగా బీర్‌పూర్‌ మండలం కండ్లపల్లి నుంచి మంగేళ పెద్దమ్మ గుడి, పెద్దమ్మ గుడి నుంచి రంగసాగర్‌ వరకు రహదారి నిర్మాణానికి నిధులు మంజూరు చేయాలని బీజేపీ ఎస్సీ మోర్చా జిల్లా అధ్యక్షుడు నారపాక అశోక్‌, బీర్‌పూర్‌ మండల అధ్యక్షుడు ఆడెపు నర్సయ్య, జిల్లా కార్యదర్శి పాత రమేశ్‌ వినతిపత్రం సమర్పించారు. ఈపీఎఫ్‌వో కార్యాలయం ఏర్పాటు చేయండి జగిత్యాలటౌన్‌: జిల్లా కేంద్రంలో ఈపీఎఫ్‌వో కార్యాలయాన్ని ఏర్పాటు చేయాలని బీజేపీ కార్మిక సెల్‌ నాయకులు ఎంపీని కోరారు. ఈపీఎఫ్‌వో రీజనల్‌ కార్యాలయాలు కరీంనగర్‌, నిజామాబాద్‌లో ఉండటంతో డెత్‌, జెన్యునిటీ సర్టిఫికెట్‌ వంటి అవసరాలకు కార్మికులు వ్యయప్రయాసలకు గురవుతున్నారని కట్ట విజయ్‌, బండారి ప్రభాకర్‌, బండారి గంగారెడ్డి, హన్మాండ్లు, గంగారాం తదితరులు పాల్గొన్నారు. మాట్లాడుతున్న ఎమ్మెల్యే గంగుల కమలాకర్‌

● మాజీమంత్రి జీవన్‌రెడ్డి జగిత్యాలటౌన్‌: కరాటేతో ఆత్మరక్షణ, ఆత్మవిశ్వాసాన్ని పెరుగుతుందని మాజీమంత్రి, బీఆర్‌ఎస్‌ రాష్ట్ర ప్రధాన కార్యదర్శి జీవన్‌రెడ్డి అన్నారు. జిల్లాకేంద్రంలో గోజిరాయ్‌ రాష్ట్రస్థాయి కరాటే పోటీలను ఆయన ఆదివారం ప్రారంభించారు. విజేతలకు బహుమతులు అందించారు. పాఠశాల స్థాయి నుంచే క్రీడలకు ప్రాధాన్యం ఇవ్వాలని, వ్యాయామ ఉపాధ్యాయులను నియమించి విద్యార్థులను క్రీడల వైపు ప్రోత్సహించాలని సూచించారు. మున్సిపల్‌ మాజీ చైర్‌పర్సన్‌ విజయలక్ష్మి, నాయకులు దేవేందర్‌రెడ్డి, పోటీల నిర్వాహకులు పాల్గొన్నారు. రాష్ట్రస్థాయి పోటీలకు ఎంపిక జాతీయ ఉత్తమ మహిళా రైతుకు సన్మానం మూడు రోజులు మిషన్‌ భగీరథ నీరు బంద్‌ఇబ్రహీంపట్నం: కోరుట్ల, జగిత్యాల, ధర్మపురి నియోజకవర్గ పరిధిలోని గ్రామాల్లో ఈనెల 2 నుంచి 4 వరకు మిషన్‌ భగీరథ నీటి సరఫరా బంద్‌ చేస్తున్నట్లు ఈఈ జానకి తెలిపారు. మిషన్‌ భగీరథ పథకం పైపులైన్‌ మరమ్మతు చేస్తున్నామని పేర్కొన్నారు. ఆయా గ్రామాల్లో బోరుబావులను వినియోగించుకుని సహకరించాలని కోరారు.

వాతావరణం ఆకాశం మేఘావృతమై ఉంటుంది. గాలిలో తేమశాతం ఎక్కువగా నమోదవుతుంది. వర్షం కురిసే అవకాశం తక్కువగా ఉంది.7పాల ఉత్పత్తి పెంచే ఆవులురైతులు వ్యవసాయంతోపాటు పాడి పరిశ్రమ వై పు అడుగులు వేస్తున్నారు. డెయిరీఫారాలకు బ్యాంకులు రుణాలు ఇస్తుండడంతో చదువుకు న్న యువ రైతులు ముందుకొస్తున్నారు. నృసింహునికి మొక్కులుధర్మపురి: శ్రీలక్ష్మీనృసింహస్వామి దర్శనానికి ఆదివారం భక్తులు తరలివచ్చారు. ముందుగా గోదావరిలో పుణ్య స్నానాలు ఆచరించి స్వామివారికి మొక్కులు చెల్లించుకున్నారు.

జగిత్యాలజోన్‌: కీలక కేసుల్లో ఫోరెన్సిక్‌ సాక్ష్యాలకు కోర్టుల్లో అధిక ప్రాధాన్యం ఉంటుందని జిల్లా ప్రధాన న్యాయమూర్తి సి.రత్న పద్మావతి అన్నారు. జిల్లా కోర్టులో ప్రోబ్‌ ల్యాబ్స్‌ ఫోరెన్సిక్‌ ఆధ్వర్యంలో ఫోరెన్సిక్‌ సాక్ష్యాలకు సంబంధించిన విషయాలపై శనివారం అవగాహన సదస్సు నిర్వహించారు. కేసుల విచారణలో ప్రత్యక్ష సాక్షులతోపాటు ఫోరెన్సిక్‌ వంటి శాసీ్త్రయమైన ఆధారాలకు అధిక విలువ ఇస్తాయని, నేరం జరిగిన తీరు, నిందితుడి గుర్తింపునకు మద్దతుగా నిలుస్తాయని, వేలిముద్రలు, డీఎన్‌ఏ పరీక్షలు, చేతిరాతలు ఆ రంగాల్లో నిపుణులు ఇచ్చే నివేదికలను సాక్ష్యంగా పరిగణించే అవకాశం ఉంటుందని వివరించారు. సీనియర్‌ సివిల్‌ జడ్జి నాగేశ్వర్‌రావు మాట్లాడుతూ టెక్నాలజీ రంగంలోనూ మాయాజాలాన్ని ఫోరెన్సిక్‌ నిపుణులు బట్టబయలు చేసే అవకాశం ఉంటుందన్నారు. జిల్లా న్యాయసేవా సంస్థ కార్యదర్శి మట్ట సరిత మాట్లాడుతూ.. నేరం జరిగిన స్థలంలో సీజ్‌ చేసిన వస్తువులు, అక్కడ లభించే ఆధారాలు ఫోరెన్సిక్‌ ల్యాబ్‌కు పంపడం ద్వారా నేర సంబంధిత విషయాల్లో కచ్చితత్వం ఏర్పడుతుందని పేర్కొన్నారు. ప్రోబ్‌ ల్యాబ్‌ ఫోరెనిక్స్‌ ఎండీ ఎర్రగోల్ల మోహన్‌ మాట్లాడుతూ.. ఒక వ్యక్తి నేరం చేశాడా..? లేదా అనే విషయాలను సందేహాలకు తావులేకుండా నిరూపించడానికి ఫోరెన్సిక్‌ పరీక్షలు ఉపయోగపడతాయని తెలిపారు. కార్యక్రమంలో బార్‌ అసోసియేషన్‌ అధ్యక్షుడు ఎర్ర నర్సయ్య, ఉపాధ్యక్షుడు సత్యం, న్యాయవాదులు పాల్గొన్నారు. భయపడి అఘాయిత్యాలు దాచొదుఅఘాయిత్యాలకు పాల్పడి.. ఎవరికై నా చెబితే చంపేస్తామని బెదిరిస్తే అలాంటివి తల్లిదండ్రులకు చెప్పాలని న్యాయ సేవాసంస్థ కార్యదర్శి మట్ట సరిత సూచించారు. జిల్లాకేంద్రంలోని మైనార్టీ రెసిడెన్షియల్‌ స్కూల్‌లో పోక్సో చట్టంపై అవగాహన కల్పించారు. అసౌకర్యం కలిగించే విషయాలను కుటుంబ సభ్యులతోపాటు నమ్మకమైన ఉపాధ్యాయులకు వివరించాలన్నారు. బాలికలలపై లైంగిక వేధింపులకు పాల్పడితే కఠిన శిక్షలు ఉంటాయన్నారు. జిల్లా లీగల్‌ ఎయిడ్‌ డిఫెన్స్‌ కౌన్సిల్‌ కటుకం చంద్రమోహన్‌, జిల్లా బాలల సంరక్షణ అధికారి సురేశ్‌, అసిస్టెంట్‌ లీగల్‌ ఎయిడ్‌ డిఫెన్స్‌ కౌన్సిల్‌ అనురాధ, ఉపాధ్యాయులు పాల్గొన్నారు.

సిరిసిల్ల: సిరిసిల్ల పట్టణంలో మెజార్టీ సామాజిక వర్గం పద్మశాలీలు. కోటీశ్వరులైనా, సామా న్య మధ్యతరగతి వారైనా వారింట్లో జరిగే పెళ్లిలో శాకాహార భోజనమే పెడుతారు. మూ డున్నర దశాబ్దాలుగా ఇక్కడి పద్మశాలి సమాజం ఆచరిస్తున్న సంప్రదాయం. 1990లో మొ దలైన ఈ విధానాన్ని ఇప్పటికీ కొనసాగిస్తున్నా రు. పెళ్లి జరిగే ఇంట్లో హోమం ఉంటుంది కాబ ట్టి మాంసాహారం ముట్టకూడదన్న కులపెద్దల నిర్ణయం మేరకు పెళ్లిలో మాంసాహారన్ని ని షేధించారు. ఆర్థికంగా ఉన్నవారు పెళ్లిలో శా కాహారం పెట్టి, మరుసటి రోజు లేదా.. ఇంకో రోజు విందులో మాంసాహారాన్ని వడ్డిస్తున్నారు.

కోరుట్ల: ప్రభుత్వ పాఠశాలల్లో స్వచ్ఛత నిర్వహణ కోసం ఏర్పాటు చేసిన స్పెషల్‌ వర్కర్లకు ఆర్నెళ్లుగా వేతనాలు అందడం లేదు. తాత్కాలిక పద్ధతిన నియామకం అయిన వీరు వేతనాల కోసం ఎవరిని అడగాలో తెలియక పాఠశాలల్లో వెట్టిచాకిరీ చేయాల్సిన దుస్థితిలో కొట్టుమిట్టాడుతున్నారు. ఇతర జిల్లాల్లోని వర్కర్లకు వేతనాలు వస్తుండగా.. జిల్లా మాత్రం ఆర్నెళ్లుగా ఇవ్వడం లేదని కార్మికులు ఆవేదన వ్యక్తం చేస్తున్నారు. విద్యార్థుల సంఖ్య ఆధారంగా.. జిల్లాలోని 1609 ప్రభుత్వ ఉన్నత, ప్రాథమికోన్నత పాఠశాలల్లో తరగతి గదులు, టాయ్‌లెట్లను పరిశుభ్రంగా ఉంచాలన్న యోచనతో గత జూన్‌లో స్వచ్ఛ కార్మికుల నియామకానికి విద్యాశాఖ అనుమతించింది. విద్యార్థుల సంఖ్యకు ఆధారంగా ఒకరు..ఇద్దరు లేదా ముగ్గురు కార్మికులను ఏర్పాటు చేసుకునేందుకు అవకాశం కల్పించారు. వీరి వేతనాలను పాఠశాలల్లో ఉన్న విద్యార్థుల సంఖ్యను బట్టి నిర్ధారించారు. ఏదైనా పాఠశాలలో 200 మందికి పైగా విద్యార్థులు ఉంటే కార్మికులకు రూ.10 వేలు, వంద లోపు విద్యార్థులు ఉంటే రూ.6వేలు, 30 మంది విద్యార్థులున్న పాఠశాలల్లో రూ.3 వేలు చెల్లించేందుకు నిర్ణయించారు. ఇలా జిల్లాలో సుమారు 670మందిని నయమించారు. వీరు ప్రతిరోజూ ఉదయం 9 నుంచి సాయంత్రం 5 గంటల వరకు అక్కడే ఉండాల్సి ఉంటుంది. అందని వేతనాలు జూన్‌లో కార్మికుల నియామకం జరగగా.. అప్పటినుంచి ఇప్పటివరకు నయాపైసా వేతనం అందలేదు. ఆర్నెల్లు వేతనాలు పెండింగ్‌లో ఉండడంతో కుటుంబ పోషణ భారంగా మారిందంటున్నారు కార్మికులు. కనీసంగా రూ.60వేల నుంచి రూ. 18వేల వరకు వేతనాలు పెండింగ్‌లో ఉన్నాయి. ఉమ్మడి కరీంనగర్‌ జిల్లాలోని ఇతర జిల్లాలో ఇదే రీతిలో పనిచేస్తున్న స్వచ్చత కార్మికులకు వేతనాలు వస్తున్నట్లు కార్మికులు చెబుతున్నారు. దసరా, బతుకమ్మ పండుగల సందర్భంగా తమకు వేతనాలు వస్తాయని ఆశపడినా..చేతిలో నయారూపాయి లేక నానా అవస్థలు పడ్డారు. పనిచేస్తున్న పాఠశాలల ప్రధానోపాధ్యాయులను అడుగుతున్నప్పటికీ వేతనాలు రాలేదన్న సమాధానాలు విని విసిగిపోతున్నారు.

కోరుట్ల: ప్రభుత్వ ఆసుపత్రికి వచ్చే రోగులకు నాణ్యమైన వైద్యం అందించాలని కలెక్టర్‌ సత్యప్రసాద్‌ అన్నారు. పట్టణంలోని వంద పడకల ఆసుపత్రిని శనివారం సందర్శించారు. అనంతరం సమీక్ష సమావేశం నిర్వహించారు. విధులపై నిర్లక్ష్యం వహి స్తే చర్యలు తప్పవన్నారు. ఆర్డీవో జీవాకర్‌ రెడ్డి, ఆసుపత్రి సూపరింటెండెంట్‌ పాల్గొన్నారు. కోతుల బెడద తీవ్రంగా ఉంది కోరుట్లరూరల్‌: కలెక్టర్‌ కల్లూర్‌ శివారులోని కస్తూరి బా గాందీ పాఠశాల, కళాశాలను సదర్శించారు. విద్యార్థులతో కలిసి భోజనం చేశారు. పాఠశాలలో కోతులబెడద తీవ్రంగా ఉందని, గుంపుగా రావడంతో విద్యార్థులు భయబ్రాంతులకు గురవుతున్నారని ప్రిన్సిపాల్‌ కలెక్టర్‌ దృష్టికి తీసుకొచ్చారు. పరిసరాల్లో చెత్తను తొలగించేలా చర్యలు తీసుకోవాలని ఎంపీడీవోను ఆదేశించారు. సర్పంచ్‌ చిట్నేని లత, వనతడుపుల అంజయ్య పాల్గొన్నారు.ఆస్పత్రి సూపరింటెండెంట్‌ సస్పెన్షన్‌ జగిత్యాల: విధుల నిర్వహణలో నిర్లక్ష్యం, పరిపాలన పర్యవేక్షణలో వైఫల్యం, ముందస్తు అనుమతి లేకుండా విధులకు గైర్హాజరైన కోరుట్ల ఏరియా ఆస్పత్రి సూపరింటెండెంట్‌ సునీతరాణిని సస్పెండ్‌ చేస్తూ కలెక్టర్‌ సత్యప్రసాద్‌ ఉత్తర్వులు జారీ చేశారు. కలెక్టర్‌ ఏరియా ఆస్పత్రిని సందర్శించగా.. అనుమతి లేకుండా విధులకు గైర్హాజరైనట్లు గుర్తించారు. సగం సిబ్బందికి ఒకేసారి సెలవు మంజూరు చేసినట్లు తెలుసుకున్నారు. క్రమశిక్షణ చర్యలు ముగిసే వరకు సస్పెన్షన్‌ అమలులో ఉంటుందన్నారు.

జగిత్యాల: కొండగట్టులోని శ్రీఆంజనేయస్వామి ఆలయంలో స్వామివారికి 60ఏళ్ల అనంతరం చందనోత్సవాన్ని వైభవంగా నిర్వహించేందుకు చర్యలు తీసుకుంటున్నామని కలెక్టర్‌ సత్యప్రసాద్‌ అన్నారు. ఈనెల 15 నుంచి 20 వరకు చందనోత్సవం, మహా సంప్రోక్షణ ఉంటుందని, డిసెంబర్‌ 29 వరకు స్వామివారి నిజరూప దర్శనం కల్పిస్తామన్నారు. డిసెంబర్‌ 29న స్వామివారికి మండలపూజ, సింధూర లేపనం చేపట్టనున్నట్లు పేర్కొన్నారు. ఏర్పాట్లు చేయాలి కార్తీకమాసం సందర్భంగా కొండగట్టుకు భక్తుల సంఖ్య పెరుగుతుందని, నిజరూప దర్శనానికి ని త్యం 50 వేల మంది వచ్చే అవకాశం ఉందని అన్నా రు. పార్కింగ్‌, ట్రాఫిక్‌ నియంత్రణ, పోలీసు బందో బస్తుపై ప్రత్యేక దృష్టి సారించాలన్నారు. క్యూలైన్లు, పార్కింగ్‌ ప్రాంతాల్లో భక్తుల సౌకర్యార్థం చలువ పందిళ్లు వేసి తాగునీరు అందుబాటులో ఉంచాలన్నారు. ఆర్టీసీ అధికారులు ప్రత్యేక బస్సులు నడిపించాలని, వేములవాడ నుంచి జగిత్యాలకు 8 బస్సులను కొండగట్టు మీదుగా నడపాలన్నారు. ఆర్డీవో మధుసూదన్‌, డీఎస్పీ పురుషోత్తంరెడ్డి, కొండగట్టు ఈవో అంజనారెడ్డి, డీపీవో మదన్‌మోహన్‌, డీఎంహెచ్‌వో సుజాత, మిషన్‌ భగీరథ, ఫైర్‌ అధికారులు పాల్గొన్నారు. దరఖాస్తులు ఆహ్వానం మహాత్మగాంధీ జ్యోతిబాపూలే విద్యాసంస్థల్లో ఖాళీల భర్తీకి దరఖాస్తులు ఆహ్వానిస్తున్నట్లు కలెక్టర్‌ తెలిపారు. బీర్‌పూర్‌, మెట్‌పల్లిలో పీఈటీ, జగిత్యాల బాలుర జూనియర్‌ కళాశాలలో హెల్త్‌ సూపర్‌వైజర్‌, రాజారంలో జూనియర్‌ లెక్చరర్‌ భౌతికశాస్త్రం (మహిళలకు మాత్రమే), గొల్లపల్లి బాలికల పాఠశాల టీజీటీ గణితం (మహిళలకు మాత్రమే) ఖాళీలున్నాయని, ఈనెల మూడో తేదీ వరకు దరఖాస్తు చేసుకోవాలన్నారు. వివరాలకు 91541 02664లో సంప్రదించాలని కోరారు. ఉచిత నైపుణ్య శిక్షణ ప్రవేశానికి.. గిరిజన, ఎస్టీ నిరుద్యోగ యువతకు ఉచిత నైపుణ్య శిక్షణ ప్రవేశానికి దరఖాస్తులు ఆహ్వానిస్తున్నట్లు కలెక్టర్‌ తెలిపారు.

కోల్‌సిటీ: నాకు చిన్నప్పటి నుంచి మాంసాహారం అలవాటు లేదు. నా అలవాటే మా కుటుంబ అలవాటుగా మారింది. ఫొటోగ్రాఫర్‌గా పనిచేస్తున్న నా భర్త సుధీర్‌, బెంగళూరులో ఉ ద్యోగం చేస్తున్న నా కుమార్తె సాయిఆరతి, పంజాబ్‌లో బీటెక్‌ చదువుతున్న నా కుమారుడు సాయిఅభిషేక్‌ పూర్తిగా శాకాహారమే తీసుకుంటున్నారు. మా ఇంట్లో ఎవరూ మాంసాహారం ముట్టుకోరు. జీవహింసకు దూరంగా ఉండటం, ప్రాణులపై ప్రేమ చూపడం మా జీవన విధానంలో భాగమయ్యాయి. శాకాహారం తీసుకుంటూ ఆరోగ్యంగా ఉన్నాం. – ఎదులపురం నాగమణి, గృహిణి, గోదావరిఖని

కొడిమ్యాల: నాకు 96 ఏళ్లు. ఎలాంటి నొప్పులు, దీర్ఘకాలిక వ్యాధులు లేవు. ఇందుకు కారణం చిన్నప్పటి నుంచి శాకాహారమే తింటాను. ఇప్పటివరకు అసలు మాంసాహారమే ముట్టలేదు. పప్పులు, కూరగాయలు, ఆకుకూరలు, స్వచ్ఛమైన పాలు, పెరుగు తీసుకుంటా. బయటి ఆహారం అసలే అలవాటు లేదు. ఇంట్లో వండేదే తింటా. ఆ అలవాట్లే నన్ను ఈ వయసులోనూ ఏ రోగాల బారిన పడకుండా కాపాడాయి. నా తోటివారు మోకాళ్ల నొప్పులు, బీపీ, షుగర్‌ అని ఇబ్బంది పడుతుంటే, నేను ఇప్పటికీ నా పనులు సొంతంగా చేసుకుంటాను. – కోల మల్లవ్వ, నాచుపల్లి, కొడిమ్యాల

జగిత్యాలరూరల్‌: ప్రభుత్వ ఆస్పత్రిలో సదుపాయాలు కల్పించడంలో ప్రభుత్వం విఫలమైందని బీఆర్‌ఎస్‌ రాష్ట్ర ప్రధాన కార్యదర్శి, మాజీమంత్రి జీవన్‌రెడ్డి అన్నారు. బీర్‌పూర్‌ మండలం తుంగూర్‌కు చెందిన బండారి సుశీల అనారోగ్యంతో మృతిచెందగా.. ఆమె కుటుంబ సభ్యులను పరామర్శించారు. సుశీల మరణం బాధాకరమని, సకాలంలో వైద్యం అందకపోవడం ఆవేదన కలిగించిందన్నారు. ఆమెకు నిమ్స్‌లో చికిత్స అందించేందుకు వైద్యులతో మాట్లాడగా.. వెంటిలేటర్‌ అందుబాటులో లేదన్నారని, గాంధీ ఆస్పత్రిలో చేర్పిస్తే ఆపరేషన్‌కు అవసరమైన యంత్రాలు పనిచేయడం లేదని సూపరింటెండెంట్‌ సమాచారం ఇచ్చాడని వెల్లడించారు. ఉస్మానియా ఆస్పత్రికి తరలించే ప్రయత్నంలో సుశీల మృతిచెందడం బాధాకరమన్నారు. నిమ్స్‌లో వెంటిలేటర్ల కొరత, గాంధీ ఆస్పత్రిలో పరికరాలు ఏడాదిగా పనిచేయకపోవడమేంటని ప్రశ్నించారు. ఆరోగ్యశ్రీ సేవలు అందడం లేదన్నారు. రాష్ట్రంలోని అన్ని ప్రభుత్వ ఆస్పత్రుల్లో అవసరమైన వైద్య పరికరాలు, వెంటిలేటర్లు, నిపుణులైన వైద్యులను అందుబాటులో ఉంచేలా చర్యలు తీసుకోవాలని కోరారు. ఆయన వెంట జెడ్పీ మాజీ వైస్‌ చైర్మన్‌ హరిచరణ్‌రావు, మాజీ జెడ్పీటీసీ కొల్ముల రమణ, మాజీ ఎంపీపీ మసర్థి రమేశ్‌, మాజీ సర్పంచులు జితేందర్‌, ముక్క శంకర్‌, ఆడెపు తిరుపతి, నాయకులు సుభాష్‌, జోగిరెడ్డి, మొండయ్య, శేఖర్‌ పాల్గొన్నారు. సైబర్‌ నేరాలపై అప్రమత్తత అవసరం జగిత్యాలక్రైం: సైబర్‌ నేరాల నివారణకు అప్రమత్తత, అవగాహన ఎంతో అవసరమని ఎస్పీ అశోక్‌ కుమార్‌ అన్నారు. జాతీయ సైబర్‌ భద్రత అవగాహన మాసంలో భాగంగా పోలీసుశాఖ ఆధ్వర్యంలో శనివారం సైబర్‌ ఫ్లాష్‌ వాక్‌ నిర్వహించారు. ఆగండి – ఆలోచించండి – ధ్రువీకరించండి నినాదంతో నిర్వహించిన ఈ ఫ్లాష్‌ వాక్‌ పాత బస్టాండ్‌ నుంచి తహసీల్దార్‌ చౌరస్తా వరకు కొనసాగింది. డిజిటల్‌ యుగంలో సైబర్‌ నేరగాళ్లు కొత్త పద్ధతుల్లో ప్రజలను మోసం చేస్తున్నారని, ఫేక్‌ లింకులు, ఓటీపీ మోసాలు, నకిలీ కస్టమర్‌ కేర్‌ నంబర్లు, డిజిటల్‌ అరెస్ట్‌ పేరుతో బెదిరింపులకు పాల్పడుతున్నారని తెలిపారు. డీఎస్పీ పురుషోత్తంరెడ్డి, పట్టణ సీఐ కరుణాకర్‌, సైబర్‌ క్రైం సీఐ కృష్ణమూర్తి, ఎస్సైలు కిరణ్‌ కుమార్‌, దినేష్‌, మహేశ్‌, మల్లేశ్‌, సుప్రియా, సైబర్‌ క్రైం సిబ్బంది పాల్గొన్నారు. దేశ ఐక్యతకు మార్గదర్శి వల్లభాయ్‌ పటేల్‌ దేశ ఐక్యతకు వల్లభాయ్‌ పటేల్‌ స్ఫూర్తిని స్మరించుకుందామని ఎస్పీ అన్నారు. పోలీస్‌ కార్యాలయంలో పటేల్‌ చిత్రపటానికి పూలమాల వేసి నివాళులు అర్పించారు. సీఐలు వేణు, సైదులు, శ్రీధర్‌, ఆర్‌ఎస్సైలు, పోలీసు సిబ్బంది పాల్గొన్నారు. అర్ధరాత్రి వేళ నిఘా పటిష్టం శాంతిభద్రతల పరిరక్షణకు రాత్రి సమయంలో నిఘాను మరింత బలోపేతం చేస్తున్నామని ఎస్పీ అన్నారు. శుక్రవారం రాత్రి జగిత్యాల, మెట్‌పల్లి ప్రాంతాల్లో పర్యటించి పెట్రోలింగ్‌ విధానాన్ని పరిశీలించారు. రాత్రి సమయంలో సమర్థవంతమైన పెట్రోలింగ్‌ నిర్వహించడం ద్వారా ప్రజల్లో భద్రతాభావం పెరుగుతుందన్నారు. విధి నిర్వహణలో ఉద్యోగుల పాత్ర కీలకం విధి నిర్వహణలో ఉద్యోగుల పాత్ర కీలకమని అడిషనల్‌ ఎస్పీ అన్నారు. ఎస్సై మహ్మద్‌ అలీమోద్దీన్‌, ఏఆర్‌ ఎస్సై అహ్మద్‌ఖాన్‌ ఉద్యోగ విరమణ పొందగా.. వీడ్కోలు పలికారు.

– ప్రాణం తీసిన పెట్రోల్‌ బంకు వివాదం ధర్మపురి: వృద్ధాప్యంలో తల్లిదండ్రుల బాధ్యతలు చూడాల్సిన కొడుకు పెట్రోల్‌బంక్‌ విషయంలో తండ్రితో గొడవ పడి పెట్రోల్‌బంక్‌ వద్దే కర్రతో కొట్టి చంపాడు. ఈ ఘటన మండలంలోని నేరెల్ల గ్రామంలో విషాదం నింపింది. గ్రామస్తులు, పోలీసుల కథనం ప్రకారం.. మండలంలోని నేరెల్లకు చెందిన మేడిపెల్లి వెంకటేశ్‌ (55 )కు ఒకగానొక్క కొడుకు లక్ష్మణ్‌. కొంతకాలంగా తండ్రీ కొడుకుల మధ్య ఆస్తి తగాదాలు నడుస్తున్నాయి. లక్ష్మణ్‌ అమెరికా వెళ్లి రెండేళ్ల క్రితమే గ్రామానికి వచ్చి వ్యవసాయ పనులు చూసుకుంటున్నాడు. ఇటీవల తండ్రి పేరుమీద పెట్రోలు బంకు మంజూరైంది. బంకును గ్రామ సమీపంలో నిర్మిస్తున్నారు. పనులు పూర్తి దశకు చేరాయి. బంక్‌ను లీజుకు తీసుకుని నడిపించుకుంటానని తండ్రికి అగ్రిమెంట్‌ రాసిచ్చాడు. తీరా సమయానికి బంక్‌ను తానే నడిపించుకుంటానని తండ్రి మొండికేయడంతో ఇరువురి మధ్య మాటామాట పెరిగింది. కోపోద్రిక్తుడైన కొడుకు పక్కనే ఉన్న కర్రతో తండ్రి తలపై బాదడంతో అక్కడికక్కడే మృతి చెందాడు. సంఘటన స్థలాన్ని సీఐ రాంనర్సింహరెడ్డి, ఎస్సై సధాకర్‌ పరిశీలించి వివరాలు సేకరించారు. కేసు దర్యాప్తు చేస్తున్నట్లు ఎస్సై తెలిపారు. ఇళ్లకు సెల్‌ నంబర్లు అనుసంధానం చేయాలి రాయికల్‌: గ్రామీణ ప్రాంతాల్లోని ఇళ్ల నంబర్లకు మొబైల్‌ నంబర్లు అనుసంధానం చేయాలని డీపీవో మదన్‌మోహన్‌ అన్నారు. స్థానిక ఎంపీడీవో కార్యాలయంలో పంచాయతీ కార్యదర్శులు, మేట్స్‌తో సమీక్ష సమావేశం నిర్వహించారు. జలసిరి పనులు, మ్యాజిక్‌ సోపిట్స్‌ నిర్మాణానికి అనువైన ప్రదేశాల గుర్తింపు, ఉపాధి కూలీల హాజరు శాతం వివరాలు, ఇంటి పన్ను వసూళ్లు తదితర అంశాలపై అవగాహన కల్పించారు. ఈ కార్యక్రమంలో ఎంపీడీవో చిరంజీవి, డీవీవో వకీల్‌, ఎంపీవో మహేశ్వర్‌రెడ్డి పాల్గొన్నారు. ఎస్సై బెదిరించారని ఎస్పీకి ఫిర్యాదు మేడిపల్లి: భూ వివాదంలో మేడిపల్లి ఎస్సై తనను బెదిరించి.. బలవంతంగా బైండోవర్‌ కాగితాలపై సంతకాలు పెట్టించారని, ఆ అవమానం భరించలేక ఆత్మహత్యకు యత్నించానని, తనకు న్యాయం చేయాలని మేడిపల్లి మండలం రాగోజిపేటకు చెందిన బాలసాని జయ(56) ఎస్పీకి ఫిర్యాదు చేశారు. తాను ఒంటరి మహిళనని, తన భూమి, ఇల్లును తమ బంధువులు ఆక్రమించేందుకు యత్నిస్తున్నారని, ఈ విషయమై ఫిర్యాదు చేయడానికి పోలీస్‌స్టేషన్‌కు వెళ్తే ఎస్సై తన ఫిర్యాదు తీసుకోకుండా రౌడీషీట్‌ ఒపెన్‌ చేస్తానని బెదిరించారని, తన ప్రత్యర్థులు ఫిర్యాదు చేస్తే శుక్రవారం పోలీసులు ఇంటికి వచ్చి తనను ఇబ్బంది పెట్టారని పేర్కొన్నారు. ఉదయం నుంచి సాయంత్రం వరకు తనను పోలీస్‌స్టేషన్‌లో ఉంచుకున్నారని, పోలీస్‌ జీపులో ఎక్కించి రెవెన్యూ ఆఫీసులో బైండోవర్‌ కాగితాలపై బలవంతంగా సంతకాలు పెట్టించారని ఆమె ఆరోపించారు. ఆ వేఽధింపులు భరించలేక చనిపోవాలని ఎలుకల మందు తాగానని, ఆసుపత్రిలో చికిత్స పొందుతున్నానని, తనను వేధించిన ఎస్సైపై చర్యలు తీసుకోవాలని కోరారు.

శాకాహారమే అద్భుతం.. అమృతందేశవిదేశాల్లో మంథని రుచులుమంథని: సంప్రదాయ వంటలకు పుట్టినిల్లుగా నిలుస్తోంది మంథని. వేదాలు, మేధావులతో పాటు బ్రాహ్మణులు తమ పాకశాస్త్ర నైపుణ్యాన్ని ప్రపంచవ్యాప్తంగా చాటారు. ఏ ప్రాంతంలో చేయని శాకాహార వంటలు కొన్ని మంథని బ్రాహ్మణుల చేతుల్లో తయారవుతాయి. ఇక్కడి ప్రత్యేకమైన గుమ్మడికాయతో చేసే బరడా, చల్లా పులుసు, పాలకూర ఉప్పుడు పిండి, సొజ్జ భక్ష్యాలు ఎంతో ప్రత్యేకం. నాగ్‌పూర్‌ సిటీ మేయర్‌ ఇంట్లో వీరు శాకాహార వంటలు చేసి జీవనోపాధి పొందేవారు. వీరి తర్వాత చాలా మంది దేశవిదేశాల్లో మంథని వంట రుచులను పంచుతున్నారు. 1907–85లో మంథనికి చెందిన ముద్దు రాధాక్రిష్టయ్య లండన్‌లో పార్ట్‌టైమ్‌ వెయిటర్‌గా పనిచేశారు. మాజీ ప్రధాని వీపీ నరసింహారావు పదవీకాలంలో మంథనికి చెందిన రంగి కిశోర్‌కుమార్‌(కిట్టు) పర్సనల్‌ కుక్‌గా పని చేశారు.

● రాత్రివేళ టిప్పర్లతో మట్టి అక్రమ రవాణా ● నిబంధనలు తుంగలోకి ● రైస్‌మిల్లు పూడ్చివేత కోసం దందా ● మూడు టిప్పర్లు, పొక్లెయిన్‌ సీజ్‌ ● నలుగురిపై కేసులు నమోదుగొల్లపల్లి: గొల్లపల్లి మండల కేంద్రంలోని నల్లగుట్ట ప్రాంతంలో మట్టి మాఫియా బరితెగించింది. క్రషర్‌ గుట్ట (భీముని గుట్ట) నుంచి అనుమతులు లేకుండా.. నిబంధనలకు విరుద్ధంగా రాత్రివేళల్లో సాగిస్తున్న మట్టి అక్రమ దందాను స్థానిక ప్రజాప్రతినిధులు, రెవెన్యూ అధికారులు శనివారం వేకువజామున బట్టబయలు చేశారు. చీకటి మాటున కొల్లగొట్టుడు 15 రోజులుగా రాత్రి 10 గంటల నుంచి వేకువజామున 5 గంటల వరకు ఈ చీకటి వ్యాపారం నిరాటంకంగా సాగుతోంది. క్రషర్‌ గుట్ట నుంచి తవ్విన మట్టిని అబ్బాపూర్‌లో నూతనంగా నిర్మిస్తున్న ఓ ప్రైవేట్‌ రైస్‌ మిల్లు పూడ్చివేత పనులకు తరలిస్తున్నారు. పక్కా సమాచారంతో గొల్లపల్లి సర్పంచ్‌ నల్ల నీరజ భర్త సతీష్‌ రెడ్డి, ఉపసర్పంచ్‌ గురుజాల బుచ్చిరెడ్డి అర్ధరాత్రి రంగంలోకి దిగారు. పీహెచ్‌సీ వద్ద ఒక టిప్పర్‌ను, నేరుగా గుట్ట వద్దకు వెళ్లి మరో మూడు టిప్పర్లను అడ్డుకుని అధికారులకు సమాచారం అందించారు. ప్రజాప్రతినిధులు, అధికారులపై బెదిరింపులు సమాచారం అందుకున్న వెంటనే ఆర్‌ఐ బాపురెడ్డి, జీపీవో జవహర్‌, పోలీస్‌ సిబ్బంది శుక్రవారం రాత్రి 10:30 గంటలకు ఘటనా స్థలానికి చేరుకున్నారు. ఆ సమయంలో టిప్పర్‌ డ్రైవర్లు అధికారులు, ప్రజాప్రతినిధులతో వాగ్వాదానికి దిగారు. శ్రీఅందరికీ అమ్యామ్యలు ముట్టజెప్పినం.. అడ్డుకోవడానికి మీరెవరు..? అంటూ బెదిరింపులకు దిగడం గమనార్హం. అయినప్పటికీ అధికారులు ససేమిరా అనడంతో వాహనాల టైర్లలో గాలి తీసివేసి.. తాళాలు వేసి డ్రైవర్లు పరారయ్యారు. వేకువజామున 3 గంటల ప్రాంతంలో మళ్లీ వచ్చిన డ్రైవర్లు టిప్పర్లలోని మట్టిని అక్కడే అన్‌లోడ్‌ చేసి తప్పించుకునే యత్నం చేయగా.. అప్పటివరకు అక్కడే కాపలాగా ఉన్న ప్రజాప్రతినిధులు గట్టిగా నిలదీసి పట్టుకున్నారు. సీజ్‌.. క్రిమినల్‌ కేసులు.. శనివారం ఉదయం తహసీల్దార్‌ మాజీద్‌ ఆదేశాల మేరకు మూడు టిప్పర్లు, ఒక పొక్లెయిన్‌ను పోలీస్‌స్టేషన్‌కు తరలించి సీజ్‌ చేశారు. టిప్పర్ల యజమానులు, డ్రైవర్లయిన వెల్గటూర్‌కు చెందిన బొల్లపు మహేష్‌, గూడెంకు చెందిన కారంగుల సుశీల, ఓర్సు ఆనందం పొక్లెయిన్‌ యజమాని, పెగడపల్లికి చెందిన ఈరవేణి ప్రశాంత్‌పై కేసులు నమోదు చేశారు. ఖజానాకు గండి ప్రభుత్వ భూమి లేదా గుట్ట నుంచి మట్టి తరలించాలంటే తహసీల్దార్‌ క్షేత్రస్థాయి విచారణ, కలెక్టర్‌ లేదా ఆర్డీవో పరిపాలనా అనుమతి, మైనింగ్‌ శాఖ ఎన్‌వోసీ తప్పనిసరి. మైనింగ్‌ శాఖకు చెల్లించాల్సిన సీనరేజ్‌ ఫీజు, డీఎంఎఫ్‌ నిధులు ఎగ్గొట్టి అక్రమంగా తరలిస్తుండటంతో ప్రభుత్వ ఖజానాకు భారీగా గండి పడుతోంది. పదిహేను రోజులుగా ఇంత బహిరంగంగా దందా సాగుతుండటం వెనుక ఏ స్థాయి వ్యక్తుల అండదండలు ఉన్నాయన్నది మండలంలో చర్చనీయాంశంగా మారింది. కొద్దిపాటి జరిమానాతో వాహనాలను విడిచిపెట్టేందుకు ఒత్తిళ్లు వస్తున్నట్లు ప్రచారం జరుగుతుండగా.. సమగ్ర విచారణ జరిపి అసలు సూత్రధారులపై కఠిన చర్యలు తీసుకోవాలని స్థానికులు డిమాండ్‌ చేస్తున్నారు.

వెల్గటూర్‌: పత్తి కొనుగోళ్లు పారదర్శకంగా చేపట్టాలని మంత్రి లక్ష్మణ్‌ కుమార్‌ అధి కారులను ఆదేశించారు. ఎండపల్లి మండలం కొత్తపేట జిన్నింగ్‌ మిల్లులో సీసీఐ కొనుగోలు కేంద్రాన్ని శనివారం ప్రారంభించారు. రైతులకు ఇబ్బంది కలగకుండా కొనాలని సూచించారు. పారదర్శకత పాటించాలని ఆదేశించారు. ఏఎంసీ చైర్మన్‌ గోళ్ల తిరుపతి, సర్పంచులు పాల్గొన్నారు. అర్హులందరికీ ఇందిరమ్మ ఇల్లు ధర్మపురి: అర్హులందరికీ ఇందిరమ్మ ఇళ్లు మంజూరు చేస్తామని మంత్రి అడ్లూరి అన్నారు. ఎంపీడీవో కార్యాలయంలో ఇందిరమ్మ ఇళ్ల ప ట్టాలు పంపిణీ చేశారు. ఇల్లులేని వారందరికీ ఇళ్లు అందిస్తామన్నారు. వివిధ గ్రామాల లబ్ధిదారులకు పట్టాలు పంపిణీ చేశారు. గ్రంథాలయ చైర్మన్‌ ఎస్‌.దినేష్‌, తహసీల్దార్‌ శ్రీనివాస్‌, ఎంపీడీవో రవీందర్‌ న్నారు. కిడ్నీ బాధితుడి వైద్యానికి రూ.1.30 లక్షలు సాయం ధర్మపురి: ఒక వైపు పేదరికం.. అద్దె ఇంట్లో నివాసం. మరోవైపు రెండు కిడ్నీలు చెడిపోయి వైద్యం కోసం ఇబ్బంది పడుతున్న దైన్యం. అలాంటి ఓ నిరుపేద బాధితుడి వైద్య ఖర్చులకు ఫేస్‌బుక్‌ పోస్టుకు స్పందించిన దాతలు రూ.1.30 లక్షలు విరాళాలు అందించి తమ ఔదార్యాన్ని చాటుకున్నారు. ఆంధ్రప్రదేశ్‌ రాష్ట్రం కర్నూలు జిల్లాకేంద్రానికి చెందిన నీలం నర్సింహులు కారు డ్రైవర్‌. వచ్చిన సంపాదనతో భార్య, ముగ్గురు కూతుళ్లను పోషించుకుంటున్నాడు. కొన్నేళ్ల క్రితం నర్సింహులుకు రెండు కిడ్నీలు చెడిపోయాయి. అప్పటినుంచి ఇంటివద్దనే ఉంటున్నాడు. భార్య భాగ్యలక్ష్మి పలువురి ఇళ్లలో వంట పనులు చేస్తూ కుటుంబాన్ని నెట్టుకొస్తోంది. నర్సింహులు కిడ్నీ మార్పిడి కోసం వైద్యపరంగా ఇబ్బంది పడుతున్నాడు. వీరి సమస్యను తెలుసుకున్న ధర్మపురికి చెందిన సామాజిక సేవకుడు రేణుకుంట రమేశ్‌ గత నెల 3న ఫేస్‌బుక్‌లో పోస్టు చేసి సాయం అందించాలని కోరాడు. ఎన్నారైలు, ఇతర దాతలు బాధితుడి బ్యాంకు ఖాతాకు రూ.1.30 లక్షలు విరాళాలుగా పంపించారు. నర్సింహులుకు నవంబర్‌లో కిడ్నీ మార్పిడి చికిత్స జరుగుతుందని రమేశ్‌ తెలిపాడు. రాష్ట్రస్థాయి పోటీలకు వెల్లుల విద్యార్థులుమెట్‌పల్లిరూరల్‌: ఎస్జీఎఫ్‌ ఉమ్మడి కరీంనగర్‌ జిల్లాస్థాయి అథ్లెటిక్స్‌లో మెట్‌పల్లి మండలం వెల్లుల జెడ్పీహెచ్‌ఎస్‌ పాఠశాల విద్యార్థులు ప్రతిభ కనబరి చారు. కరీంనగర్‌ అంబేడ్కర్‌ స్టేడియంలో జరి గిన పోటీల్లో అండర్‌–17 విభాగంలో రేస్‌వాక్‌లో జెట్టి ప్రజ్ఞ, రన్నింగ్‌లో జెట్టి మోక్ష ప్రథమ స్థానంలో నిలిచి రాష్ట్ర స్థాయికి ఎంపికయ్యారు. వీరిని హెచ్‌ఎం శ్రీనివాస్‌రెడ్డి అభినందించారు. మల్యాల గురుకులం విద్యార్థి మల్యాల: తాటిపల్లి బాలికల గురుకులం విద్యార్థిని ఆర్‌.మనీష అథ్లెటిక్స్‌ పో టీలకు ఎంపికై నట్లు ప్రిన్సిపాల్‌ మానస తెలి పారు. జిల్లాస్థాయి పోటీల్లో 3వేల మీటర్ల పరు గు పందెంలో ప్రతిభ కనబరిచినట్లు వివరించారు. కబడ్డీ పోటీల్లో మగ్గిడి విద్యార్థులు.. ధర్మపురి: మండలంలోని మగ్గిడి ఆదర్శ పాఠశాల విద్యార్థులు పీఎంశ్రీ జిల్లా స్థాయిలో ప్రథమ బహుమతి సాధించారు. వారిలో ముగ్గురు విద్యార్థులు వంశీ, ఎండీ.హంగ్య, మహ్మద్‌ మత్‌లబ్‌ రాష్ట్రస్థాయికి ఎంపికయ్యారు. విద్యార్థులను ప్రిన్సిపాల్‌ మహేష్‌ పిడి రాజేందర్‌లు అభినందించారు. బాల్య వివాహాలు చేయొద్దుజగిత్యాలరూరల్‌: బాల్య వివాహాలు అరికట్టడం అందరి బాధ్యత అని జిల్లా సంక్షేమాధికారి భాస్కర్‌ అన్నారు. శనివారం అంతర్జాతీయ బాలికల దినోత్సవాన్ని మహిళాఅభివృద్ధి, శిశు సంక్షేమ శాఖ ఆధ్వర్యంలో ధరూర్‌, లక్ష్మీపూర్‌ బీసీ బాలికల పాఠశాలల్లో ఘనంగా నిర్వహించారు. బాలికల హక్కులు కాపాడాలన్నారు. డీఎంహెచ్‌వో సుజాత మాట్లాడుతూ బాలికలు పౌష్టికాహారం తీసుకోవాలన్నారు. జిల్లా వెనుకబడిన తరగతుల సంక్షేమాధికారి జయరాజ్‌, డీసీపీయూ, హెచ్‌యూబీ, సఖీ కేంద్రం సిబ్బంది పాల్గొన్నారు.

వాతావరణం ఆకాశం మేఘావృతమై ఉంటుంది. కొన్నిచోట్ల చిరుజల్లులు, మరికొన్ని చోట్ల మోస్తరు వర్షం కురిసే అవకాశం ఉంది. 7భోపాల్‌లో ఒగ్గుడోలు ప్రదర్శనగొల్లపల్లి: మధ్యప్రదేశ్‌ రాజధాని భోపాల్‌లో మండలంలోని ఆత్మకూరుకు చెందిన దికొండ రాజుమల్లు ఒగ్గుడోలు కళాబృందం అద్భుత ప్రదర్శన కనబరించింది.నృసింహాలయంలో భక్తుల రద్దీధర్మపురి: శ్రీలక్ష్మీనృసింహస్వామి ఆలయంలో భక్తుల రద్దీ నెలకొంది. శనివారం ఒక్కరోజే వివిధ సేవల కింద రూ.2,25,034 ఆదాయం సమకూరిందని ఈవో శ్రీనివాస్‌ తెలిపారు.

నిజామాబాద్‌అర్బన్‌: దంపతులపై దాడి చేసిన కేసులో ఇద్దరు నిందితులను నిజామాబాద్‌ ఒకటో టౌన్‌ పోలీసులు శనివారం అరెస్టు చేసి రిమాండ్‌కు తరలించారు. ఎస్‌హెచ్‌వో శ్రీనివాస్‌ తెలిపిన వివరాలిలా ఉన్నాయి. నిజామాబాద్‌ నగరానికి చెందిన దంపతులు రెండు రోజుల క్రితం బోధన్‌రోడ్‌లోని ఫిష్‌ మార్కెట్‌ వద్ద నిలబడి ఉన్నారు. ఓ ఆటో వేగంగా రావడంతో నెమ్మదిగా వెళ్లాలని సూచించారు. దీంతో ఆటోలో ఉన్న డ్రైవర్‌ కమ్మరి రాజు, రామంచ విష్ణు వారితో వాగ్వాదానికి దిగి రాడ్‌తో దాడి చేసి పారిపోయారు. దంపతుల ఫిర్యాదు మేరకు కేసు నమోదు చేసుకున్న పోలీసులు విచారణ చేపట్టారు. నిందితులను మోపాల్‌ మండలం మంచిప్ప గ్రామానికి చెందిన కమ్మరి రాజు, కామారెడ్డి జిల్లా కేంద్రానికి చెందిన రామంచ విష్ణుగా గుర్తించారు. శనివారం వాహనాలను తనిఖీ చేస్తుండగా వీరు పట్టుబడ్డారని ఎస్‌హెచ్‌వో తెలిపా రు. కమ్మరి రాజుపై గతంలో కరీంనగర్‌ టూ టౌన్‌, గంగాధర, కొత్తపల్లి, కరీంనగర్‌ రూరల్‌, జగిత్యాల జిల్లా మెట్‌పల్లి, కమ్మర్‌పల్లి, కామారెడ్డి, ఆర్మూర్‌, మోపాల్‌ నిజామాబాద్‌ వన్‌ టౌన్‌ పరిధిలో వాహనాల చోరీ కేసులు ఉన్నట్లు ఎస్‌హెచ్‌వో శ్రీనివాస్‌ తెలిపారు. రెండో నిందితుడు రామంచ విష్ణుపై నిజామాబాద్‌ వన్‌ టౌన్‌, రాజన్న సిరిసిల్ల జిల్లా ముస్తాబాద్‌, నిజామాబాద్‌ రూరల్‌, నిజామాబాద్‌ నాలుగో టౌన్‌, కామారెడ్డి జిల్లా సదాశివనగర్‌ పోలీస్‌ స్టేషన్‌లో చోరీ కేసులు నమోదైనట్లు పేర్కొన్నారు. నిందితులు ఉపయోగించిన ఆటో సైతం అపహరించినదేనని తెలిపారు. ఆటో చోరీపై నిజామాబాద్‌ వన్‌టౌన్‌లో కేసు నమోదైందన్నారు.

జగిత్యాలఅగ్రికల్చర్‌: ఎల్‌నినో నేపథ్యంలో యాసంగిలో వరి సాగు చేస్తే రైతులు ఇబ్బంది పడాల్సి వస్తుందని, పెసర, మినుము, అలిసంత వంటి పప్పు దినుసులు, వేరుశెనగ, నువ్వులు, ఆముదం వంటి నూనెగింజల పంటలు సాగు చేయాలని జిల్లా వ్యవసాయాధికారి వడ్డెపల్లి భాస్కర్‌ తెలిపారు. ఎల్‌నినో ప్రభావం, యాసంగి పంటల సాగుపై ‘సాక్షి’తో పలు విషయాలు పంచుకున్నారు. ● ఎల్‌నినోతో వర్షాభావ పరిస్థితులు నవంబర్‌ నెల నుంచి వచ్చే జూలై వరకు ఎల్‌నినో తీవ్ర రూపం దాల్చే అవకాశం ఉంది. వర్షాభావంతో కరువుఛాయలు అలుముకుంటాయి. బావులు, చెరువులు, కుంటలు ఎండిపోయే అవకాశం ఉంది. బావుల్లో ఉన్న కొద్దిపాటి నీటిని పొదుపుగా వాడుకోవాలి. సాగునీరు ఉన్న ప్రాంతాల్లో ఆరుతడి పంటలే సాగు చేసుకోవాలి. పంటలు చేతికందే దశలో నీరు ఇవ్వకుంటే పెట్టుబడి నష్టపోయే ప్రమాదం ఉంది. ● పడిపోతున్న సాగు జిల్లా సాగు విస్తీర్ణం నాలుగు లక్షల ఎకరాలు. యాసంగిలో సాగు విస్తీర్ణం 2.50 లక్షలకు పడిపోయే అవకాశం ఉంది. గతేడాది యాసంగిలో మూడు లక్షల ఎకరాల్లో వరి సాగు చేస్తే ఇప్పడు 1.50 లక్షల ఎకరాలకు పడిపోనుంది. మక్క 70 వేల ఎకరాలు, నువ్వులు 16వేలు, పెసర 3,456, పల్లి 1015, సజ్జ 1300, కూరగాయలు 1600 ఎకరాల్లో సాగు చేసే అవకాశం ఉంది. ● దిగుబడి తగ్గే అవకాశం వర్షాభావ పరిస్థితుల నేపథ్యంలో ఆరుతడి పంట ల్లోనూ దిగుబడి తగ్గే అవకాశం ఉంది. అధిక ఉష్ణో గ్రతలతో పురుగులు, తెగుళ్లు ఆశించి పూత, మొగ్గ రాలిపోయే అవకాశం ఉంది. భూమిలో తేమ సరిపోక మొక్కలు వళ్లిపోతాయి. తక్కువ నీటితో సాగయ్యే పంటలకు ప్రాధాన్యం ఇవ్వాలి. 2 నుంచి 3 నెలల్లో పూర్తయ్యే పంటను ఎంచుకోవాలి. ● సబ్సిడీపై విత్తనాల సరఫరా ఆరుతడి పంటల్లో కొన్ని రకాల విత్తనాలను వ్యవసాయ శాఖ ద్వారా సబ్సిడీపై సరఫరా చేస్తున్నాం. నువ్వు మూడు వేల ఎకరాలు, శనగ 30, మొక్కజొన్న వెయ్యి ఎకరాల వరకు పెసర, మినుము విత్తనాలను సబ్సిడీపై ఇవ్వాలని నిర్ణయించాం. జనుమును సీడ్‌ కార్పొరేషన్‌ ద్వారా సబ్సిడీపై విత్తనాలు ఇవ్వడంతోపాటు, బై బ్యాక్‌ పద్ధతిలో మార్కెట్‌ ధరకు తీసుకునేలా ఒప్పందం చేసుకుంటాం. ● ఈనెల 30 వరకు అవగాహన సదస్సులు యాసంగిలో సాగు చేసే పంటలు, ఎల్‌నినో ఎదుర్కోనే పరిస్థితులపై రైతులకు అవగాహన కల్పిస్తున్నాం. ఈ కార్యక్రమం ఈనెల 30 వరకు కొనసాగనుంది. వరి సాగుతో కలిగే ఇబ్బందులు, ఆరుతడి పంటలు సాగు చేయడం ద్వారా కలిగే లాభాలను వివరిస్తున్నాం. మండల వ్యవసాయాధికారి, తహసీల్దార్‌, ఎంపీడీవో, ఎంపీవో, ఇరిగేషన్‌ ఏఈ, ఎన్‌పీడీసీఎల్‌ ఏఈ వంటి వారితో ప్రత్యేక బృందాలు ఏర్పాటు చేసి గ్రామాల్లో మరోసారి సమావేశాలు నిర్వహించేలా కలెక్టర్‌ కార్యాచరణ రూపొందించారు. ● కస్టమ్‌ హైరింగ్‌ సెంటర్లకు యంత్ర పరికరాలు కస్టమ్‌ హైరింగ్‌ సెంటర్లకు వ్యవసాయంలో ఉపయోగించే డోజర్లు, రోటేవేటర్లు, లెవలింగ్‌ యంత్రాలు వంటి ఆధునిక యంత్రాలు ఇవ్వనున్నాం. ఇందులో పరికరం రేటును బట్టి అందులో 50 శాతం సబ్సిడీ ఇవ్వనున్నాం. ఫార్మర్స్‌ ప్రొడ్యూసర్‌ కంపెనీలు, మహిళా సంఘాలకు ఇవ్వాలని నిర్ణయించాం. జిల్లాకు 11 యూనిట్లు మంజూరు అయ్యాయి. ● అనుబంధ రంగాలపై ప్రధాన దృష్టి పాడి, కోళ్ల పరిశ్రమ, పుట్టగొడుగులు, చేపల పెంపకం వంటి అనుబంధ రంగాల వైపు రైతులను మళ్లించేలా దృష్టి పెట్టాం. లబ్ధిదారులకు నాబార్డు, బ్యాంకుల ద్వారా రుణాలు అందించేలా చూస్తున్నాం. కర్భూజ వంటి పండ్లతోటల ద్వారా కూడా ఆదాయం వస్తుంది. ఎరువులను యాప్‌ ద్వారా బుక్‌ చేసుకోవాలి. జిల్లాకు 50 వేల టన్నుల యూరియా, 9 టన్నుల డీఏపీ, 2వేల టన్ను సూపర్‌, 38వేల టన్నుల కాంప్లెక్స్‌ ఎరువులు సిద్దంగా ఉంచాం.

వెల్గటూర్‌: గుంతలరోడ్డుతో వేగలేకపోతున్నామని, రోడ్డు నిర్మాణం చేపట్టి న్యాయం చేయాలని డిమాండ్‌ చేస్తూ మండలంలోని జగదేవుపేట గ్రామస్తులు మండల కేంద్రంలో శనివారం ధర్నాకు దిగారు. వారి కథనం ప్రకారం.. 15 ఏళ్లుగా జగదేవుపేట, చర్లపల్లి వెళ్లే రోడ్డు గుంతలమయంగా మారి ప్రయాణానికి వీలు లేకుండా ఉందని, నాయకులు మారినా సమస్య తీరడం లేదని, ఎన్నికల సమయంలో రోడ్డు నిర్మిస్తామని హామీ ఇవ్వడం రాజకీయ నాయకులకు అలవాటుగా మారిందన్నారు. జంగల్‌నాలా ప్రాజెక్టుకు లిఫ్ట్‌ ద్వారా నీళ్లు నింపుతామని హామీ ఇచ్చినా నెరవేరలేదన్నారు. అక్రమంగా నిర్వహిస్తున్న క్రషర్లతో దుమ్ము, ధూళి, పొగ గ్రామంలో వ్యాపించి శ్వాసకోశ సమస్యలు వస్తున్నాయని తెలిపారు. ఓవర్‌ లోడ్‌తో నడిచే వందలాది టిప్పర్లతో రోడ్లు ధ్వంసం అవుతున్నాయని తెలిపారు. మంత్రి లక్ష్మణ్‌ కుమార్‌ స్పందించి న్యాయం చేయాలని, లేదంటే తమ పోరాటాన్ని మరింత ఉధృతం చేస్తామని హెచ్చరించారు.

కోల్‌సిటీ: ఎనిమిదేళ్లుగా నేను, నా భార్య రమాదేవి నాన్‌వెజ్‌కు దూరంగా ఉంటున్నాం. ఆకుకూరలు, కూరగాయలతో కూడిన ఆహారం తీసుకుంటున్నాం. గతంలో ఎన్టీపీసీలో పనిచేస్తున్న సమయంలో జరిగిన ప్రమాదం తర్వాత ఆరోగ్యంపై మరింత శ్రద్ధ పెట్టాను. నాన్‌వెజ్‌ తీసుకున్నప్పుడు ఏసీడీటీ, శరీర నొప్పులలు వంటి సమస్యలు ఎదురయ్యేవి. శాకాహారాన్ని అలవాటు చేసుకున్న తర్వాత ఆరోగ్యంలో మంచి మార్పులు వచ్చాయి. శాకాహారం ఆరోగ్యకరమైన జీవనశైలికి దోహదపడుతుందని నా అనుభవం చెబుతోంది. – జొంగోని శ్రీనివాస్‌, ప్రైవేట్‌ ఉద్యోగి, గోదావరిఖని

కోరుట్ల: మాది కోరుట్ల. పూర్తి శాకాహా రిని. వైద్యురాలిగా పనిచేస్తూనే మాంసాహారానికి దూరంగా ఉంటున్నా. శాకాహారంలో సంతృప్త కొవ్వులు, కొలెస్ట్రాల్‌ తక్కువగా ఉండటంతో గుండె జబ్బులు రావు. పీచు పదార్థాలు ఎక్కువగా ఉండటంతో కార్బోహైడ్రేట్స్‌ విడుదల చేసే గ్లూకోజ్‌ క్రమ పద్ధతిలో ఉండి మధుమేహం దూరంగా ఉంటుంది. మహిళలకు పీరియడ్స్‌ సమయంలోనూ హార్మోన్‌ విడుదల బ్యాలెన్స్‌గా ఉంటుంది. రోగనిరోధక శక్తి పెరిగి కేన్సర్‌ రిస్క్‌ ఉండదు. పప్పు, ఆకుకూరలు, పండ్లు, నువ్వులతో ఎన్నో ప్రయోజనాలున్నాయి. – డాక్టర్‌ అనురాధ, కోరుట్ల

రాయికల్‌: రాయికల్‌ ప్రభుత్వ ఆస్పత్రిలో ప్రసవాల సంఖ్య పెంచాలని ఎమ్మెల్యే సంజయ్‌కుమార్‌ అన్నారు. శుక్రవారం ఆస్పత్రి అభివృద్ధి కమిటీ సమావేశానికి హాజరై మాట్లాడారు. ఆస్పత్రిలో మత్తు డాక్టర్‌, ముగ్గురు మహిళా వైద్యులు ఉన్నా ప్రసవాల సంఖ్య ఎందుకు తగ్గుతుందని, సంఖ్య పెరగాలని వైద్యులకు సూచించారు. జిల్లా కో ఆర్డినేటర్‌ రామకృష్ణ, కమిషనర్‌ మనోహర్‌గౌడ్‌, తహసీల్దార్‌ నాగార్జున, సూపరింటెండెంట్‌ శశికాంత్‌రెడ్డి, లయన్స్‌క్లబ్‌ అధ్యక్షుడు ప్రసాద్‌, తలారి రాజేశ్‌, స్పందన, సాగర్‌రావు, మచ్చ శేఖర్‌ పాల్గొన్నారు. అభివృద్ధి పనులు త్వరగా పూర్తి చేయాలి జగిత్యాల: అభివృద్ధి పనులు త్వరగా పూర్తి చేయాలని ఎమ్మెల్యే సంజయ్‌కుమార్‌ అన్నారు. శుక్రవారం పట్టణంలోని తీన్‌ఖని వద్ద రూ.75 లక్షలతో ఉర్దూఘర్‌ నిర్మాణ పనులకు శంకుస్థాపన చేశారు. ఎస్‌ఈ రెహమాన్‌, ఈఈ లక్ష్మణ్‌రావు తదితరులు పాల్గొన్నారు. ‘ఛలో ఢిల్లీ’ బయల్దేరిన నాయకులు సర్‌ ప్రక్రియపై నిరసన తెలిపేందుకు ఛలో ఢిల్లీ కార్యక్రమానికి సంబంధించి జగిత్యాల నుంచి కాంగ్రెస్‌ నాయకులు వెళ్తున్న బస్సును ఎమ్మెల్యే సంజయ్‌కుమార్‌ జెండా ఊపి ప్రారంభించారు. డీసీసీ అధ్యక్షుడు నందయ్య, నాయకులు పాల్గొన్నారు. ఎమ్మెల్యే సంజయ్‌కుమార్‌

మెట్‌పల్లిరూరల్‌: జిల్లాలోని అటవీశాఖలో ఏం జరుగుతోందనేది చర్చనీయాంశంగా మారింది. ఆ శాఖ కు సంబంధించిన మెట్‌పల్లి ఫారెస్ట్‌ రేంజ్‌ పరిధిలో వందలాది ఎకరాల భూములు అన్యాక్రాంతమైనప్పటికీ అధికారులు ఎందుకు పట్టించుకోలేదన్నది ప్రశ్నార్థకంగా మారింది. మెట్‌పల్లి మండలం రంగారావుపేట బీట్‌ కంపార్ట్‌మెంట్‌ పరిధి రంగారావుపేట, అల్లూరి సీతరామరాజు తండా శివా రు ప్రాంతంలో అటవీ భూములు పెద్ద ఎత్తున ఆక్రమణ లకు గురయ్యాయి. ఏళ్లుగా సాగుతున్న ఈ త తంగంపై విజిలెన్స్‌ దృష్టి సారించి లోతుగా దర్యా ప్తు జరపడం..స్థానిక అధికారుల పర్యవేక్షణలేమిని ఎత్తిచూపుతుందన్న విమర్శలు వ్యక్తమవుతున్నా యి. మరోవైపు కొద్దిరోజుల క్రితం హైదరాబాద్‌ నుంచి విజిలెన్స్‌ బృందం విచారణకు వస్తున్నారని తెలుసుకున్న ఓ అధికారి ఓ ప్రజాప్రతినిధికి ఫోన్‌ చేసి ‘తాను చేయాల్సింది చేసినా.. విధుల్లో భాగంగా నిబంధనల ప్రకారం నడుచుకున్నా.. సిబ్బంది పై చర్యలు కూడా తీసుకున్నానని కొంచెం చూడండని..తన తప్పేమి లేదు’ అని చెప్పడం గమనార్హం. పంటలకు వరదకాల్వ నుంచి పైప్‌లైన్లు రంగారావుపేట, అల్లూరి సీతరామరాజుతండా ప్రాంతాల్లో ఆక్రమణలకు గురైన అటవీ భూముల్లో కొందరు పంటలు సాగు చేస్తుండగా, మిగతా చోట్ల ఖాళీగానే వదిలిపెట్టినట్లు తెలిసింది. అయితే సాగుచేస్తున్న పంట పొలాలకు వరదకాల్వ నుంచి పైప్‌లైన్లు వేసుకున్నట్లు సమాచారం. కాగా, కాల్వలో వేసుకున్న మోటార్లకు ట్రాన్స్‌ఫార్మర్ల నుంచి కరెంట్‌ కనెక్షన్‌ తీసుకోవాలంటే నిబంధనల ప్రకారం ఆన్‌లైన్‌లో దరఖాస్తు చేసుకోవాలి. ఇందుకు సాగు చేసుకుంటున్న భూమికి సంబంధించి పాస్‌బుక్‌, వన్‌–బీ, నివాస కరెంట్‌ బిల్లు, గ్రామ జీపీవో ధ్రువీకరణ పత్రం, కెపాసిటర్‌ రశీదు తప్పనిసరి. కానీ, అటవీ భూముల్లో సాగుకు విద్యుత్‌ కనెక్షన్‌ ఎలా వచ్చిందోనన్నది తేలాల్సి ఉంది. ఇదిలా ఉండగా మరికొందరు వారికి సంబంధించిన వ్యవసాయ భూముల వరకు గతంలో కనెక్షన్‌లు తీసుకోగా..ఆభూముల వద్దే బావుల మాదిరిగా తవ్వించుకొని వాటిలోకి కాల్వ నీటిని తరలించి అటవీ భూముల్లో సాగు చేస్తున్న పంటలకు సరఫరా చేసుకుంటున్నట్లు తెలిసింది. ఇంకొందరు బోర్లు వేయించుకున్నట్లు సమాచారం. అటవీ భూముల ఆక్రమణలు ఏళ్ల కిందటే ప్రారంభమైనా ఏప్రిల్‌ 2024 నుంచి ఆ ఏడాది చివరి వరకు పెద్ద ఎత్తున జరిగాయని, ఆ సమయంలో ఫిర్యాదులు చేసినా పట్టించుకోలేదని ఆ ప్రాంతానికి చెందిన వారు చెబుతున్నారు. విజిలెన్స్‌ నివేదికే కీలకం అటవీ భూముల దందా వ్యవహారంపై ప్రస్తుతం విజిలెన్స్‌ లోతుగా విచారణ జరపుతుండడంతో ఆ శాఖలోని అధికారులు, సిబ్బందిలో వణుకు మొదలైంది. కొద్దిరోజుల క్రితం విచారణకు వచ్చిన విజిలెన్స్‌, ప్లయింగ్‌ స్క్వాడ్‌, ఉన్నతాధికారుల బృందం భూముల ఆక్రమణలను చూసి కంగుతిన్నారు. పలు విషయాలపై లోతుగా ఆరా తీశారు. ఏడేళ్ల క్రితం నుంచి పనిచేసిన, ప్రస్తుతం పనిచేస్తున్న అధికారులను హైదరాబాద్‌లోని చీఫ్‌ కన్జర్వేటర్‌ కార్యాలయంలో విచారించగా.. మిగతా కిందిస్థాయి సిబ్బందిని జిల్లాలోని అటవీ కార్యాలయంలో విచారించినట్లు తెలిసింది. మొత్తంగా అటవీ భూముల దందా వ్యవహారంలో విజిలెన్స్‌ నివేదికనే కీలకంగా మారగా..బాధ్యులపై చర్యలు తీసుకుంటారా.. లేదా..అనే దానితో పాటు ఇకనైనా భూముల ఆక్రమణలు ఆగిపోతాయా.. ఆక్రమించిన భూములను అధికారులు తమ ఆధీనంలోకి తీసుకుంటారా అనేది వేచి చూడాల్సిందే. భూముల దందాను పట్టించుకోకపోవడంపై విమర్శలు లోతుగా దర్యాప్తు జరుపుతున్న విజిలెన్స్‌ అటవీ అధికారుల్లో గుబులు

32.0/24.0శనివారం శ్రీ 31 శ్రీ అక్టోబర్‌ శ్రీ 20267గరిష్టం/కనిష్టంనిరసనజగిత్యాల: జిల్లా కేంద్రంలోని లింగంపేట ప్రభుత్వ బడిలో నాణ్యత లేని దుస్తులు పంపిణీ చేశారని వి ద్యార్థులు, తల్లిదండ్రులు నిరసన తెలిపారు. మంచి యూనిఫామ్స్‌ అందించాలని డిమాండ్‌ చేశారు. వాతావరణం ఆకాశం పాక్షికంగా మేఘావృతమై ఉంటుంది. చలిగాలులు కొనసాగుతాయి. వర్షం కురిసే అవకాశం తక్కువగా ఉంది.

ధర్మపురి: ధర్మపురి శ్రీలక్ష్మీనృసింహస్వామి అనుబంధ శ్రీవేంకటేశ్వర ఆలయంలో శుక్రవారం స్వామివారికి క్షీరాభిషేకం చేసి పూలతో అలంకరించారు. అర్చకుడు శ్రీనివాసాచార్యులు ప్రత్యేక పూజలు చేసి ఆలయ ప్రాంగణంలో లక్ష్మీహవన కార్యక్రమం నిర్వహించారు. విద్యార్థినులు అప్రమత్తంగా ఉండాలిజగిత్యాలజోన్‌: విద్యార్థినులు వ్యక్తిగత భద్రతపై అప్రమత్తంగా ఉండాలని జిల్లా న్యాయ సేవ సంస్థ కార్యదర్శి మట్ట సరిత అన్నారు. శుక్రవారం జగిత్యాల రూరల్‌ మండలం చల్‌గల్‌ జెడ్పీ హైస్కూల్‌లో పోక్సో చట్టంపై అవగాహన కల్పించారు. ఎవరైనా అసభ్యంగా ప్రవర్తించినా, లైంగిక వేధింపులకు పాల్పడితే ఆ విషయాలను తల్లిదండ్రులకు లేదా ఉపాధ్యాయులకు వివరించాలన్నారు. బాలల సంరక్షణ అధికారి సురేశ్‌ తదితరులున్నారు. పనులు నాణ్యతతో చేపట్టాలిమెట్‌పల్లి: పట్టణంలోని ఇరిగేషన్‌ క్యాంపులో రూ.92లక్షలతో నిర్మించే కార్యనిర్వాహక ఇంజినీరు కార్యాలయ భవన నిర్మాణ పనులకు శుక్రవారం రాష్ట్ర వెలమ కార్పొరేషన్‌ చైర్మన్‌ జువ్వాడి నర్సింగరావు శంకుస్థాపన చేశారు. ఈ సందర్భంగా ఆయన మాట్లాడుతూ, ఆధునిక వసతులతో నిర్మిస్తున్న భవన పనులను నాణ్యతగా చేపట్టాలన్నారు. వ్యవసాయ మార్కెట్‌ కమిటీ చైర్మన్‌ కూన గోవర్ధన్‌, ఈఈ సురేశ్‌, డీఈ అరుణోదయ్‌కుమార్‌, ఏఈలు తిరుపతి, అమూల్య, అనురాగ్‌, భూంరాజ్‌, డీఏవో విజయేందర్‌, సూపరింటెండెంట్‌ అమరేందర్‌రెడ్డి తదితరులున్నారు.కుష్ఠువ్యాధిపై సర్వేజగిత్యాలరూరల్‌: కుష్ఠువ్యాధి గుర్తింపునకు ఇంటింటి సర్వే చేపట్టడం జరుగుతుందని రాష్ట్ర లెప్రసీ బృందం వైద్యాధికారి డాక్టర్‌ రాజు అన్నారు. శుక్రవారం జగిత్యాల అర్బన్‌ మండలం ధరూర్‌లో సర్వే నిర్వహించారు. శరీరంపై తెల్లటి, ఎర్రటి, రాగి రంగు మచ్చలు ఏర్పడితే ప్రభుత్వ ఆరోగ్య కేంద్రాల్లో పరీక్షలు చేయించుకోవాలన్నారు. డెప్యూటీ డీఎంహెచ్‌వో శ్రీనివాస్‌, వైద్యాధికారి సౌజన్య పాల్గొన్నారు. నాణ్యమైన భోజనం వడ్డించాలిఇబ్రహీంపట్నం: విద్యార్థులకు మెనూ ప్రకారం నాణ్యమైన భోజనం వడ్డించాలని, పరిసరాలు శుభ్రంగా ఉంచాలని జిల్లా వెల్ఫేర్‌ అధికారి డాక్టర్‌ భాస్కర్‌ సూచించారు. శుక్రవారం మండలకేంద్రంలోని కస్తూరిభాగాంధీ బాలికల విద్యాలయాన్ని ఆకస్మికంగా తనిఖీ చేశారు. తహసీల్దార్‌ వరప్రసాద్‌, వైద్యాధికారి హరీశ్‌, స్పెషల్‌ ఆఫీసర్‌ రజిత పాల్గొన్నారు. జిల్లాకు వర్ష సూచనజగిత్యాలఅగ్రికల్చర్‌: జిల్లాలో అక్టోబర్‌ 31 నుంచి నవంబర్‌ 4 వరకు అతితేలిక పాటి నుంచి ఓ మోస్తరు వర్షాలు కురిసే అవకాశాలున్నాయని పొలాస వ్యవసాయ పరిశోధనస్థానం వాతావరణ శాస్త్రవేత్త బి.శ్రీలక్ష్మి తెలిపారు. ముఖ్యంగా నవంబర్‌ 2, 4వ తేదీల్లో జిల్లాలో అక్కడక్కడ ఉరుములు, మెరుపులు, బలమైన ఈదురుగాలులతో కూడిన వర్షం కురిసే అవకాశం ఉందని, 3న అతిభారీ వర్షం కురిసే అవకాశం ఉందన్నారు. పగటి ఉష్ణోగ్రత 20–33, రాత్రి ఉష్ణోగ్రత 21–23 డిగ్రీలు నమోదయ్యే అవకాశం ఉందన్నారు. గాలిలో తేమ ఉదయం 91–95, మధ్యాహ్నం 46–70 శాతం మధ్య ఉంటుందని, ఆగ్నేయ దిశ నుంచి ఈదురుగాలులు గంటకు 2–6 కి.మీ వేగంతో వీచే అవకాశం ఉందన్నారు.

జగిత్యాల: రాజకీయాలకతీతంగా మున్నూరుకాపుల ఐక్యతే లక్ష్యంగా ముందుకెళ్తున్నామని, వెబ్‌సైట్‌లో ప్రతి ఒక్కరూ సభ్యత్వ నమోదు చేసుకోవాలని మున్నూరుకాపుల సంఘం వ్యవస్థాపక రాష్ట్ర అధ్యక్షుడు దేవయ్య పటేల్‌ అన్నారు. శుక్రవారం ప్రెస్‌క్లబ్‌లో మాట్లాడారు. రాష్ట్రంలోని అన్ని జిల్లాల్లో సంఘాల ఏర్పాటు, నాయకత్వ నిర్మాణంలో భాగస్వామ్యం వహించామని పేర్కొన్నారు. మున్నూరుకాపుల జనాభాకు సంబంధించి వివిధ సర్వేల్లో భిన్నమైన గణాంకాలు వెలువడుతున్నాయని ఆవేదన వ్యక్తం చేశారు. గతంలో 51 లక్షలు ఉండగా, కుటుంబ సమగ్ర సర్వేలో 25 లక్షలు నమోదైందని, తాజా కులగణనలో కేవలం 13 లక్షలే చూపించారన్నారు. ప్రతి ఒక్కరి వివరాలు ఉండాలన్న ఉద్దేశంతో డిజిటల్‌ వెబ్‌సైట్‌ ద్వారా నమోదు చేసేలా ఏర్పాట్లు చేస్తున్నామన్నారు. అనంతరం సభ్యత్వ నమోదు వెబ్‌సైట్‌ పోస్టర్‌ ఆవిష్కరించారు. రైతు సంఘం అధ్యక్షుడు సత్తన్న, రవీందర్‌, రాజేశ్‌, వంగల రమేశ్‌, లింగారెడ్డి, గంగాధర్‌, పాము సత్యం పాల్గొన్నారు.

జగిత్యాల: ఎల్‌నినోతో భూగర్భజలాలు అడుగంటుతున్నాయి. దీంతో జిల్లా కేంద్రంలో తాగునీటి ముప్పు ఏర్పడే పరిస్థితి నెలకొంది. జగిత్యాలలోని ధర్మసముద్రం, హౌసింగ్‌బోర్డు ఫిల్టర్‌బెడ్‌కు డబ్బా గ్రామం నుంచి భగీరథ నీరు సరఫరా అవుతాయి. ప్రస్తుతం ఆ నీరు తక్కువగా వస్తోంది. దీంతో ధర్మసముద్రంలోని నీటిని సరఫరా చేస్తున్నారు. కాగా, హౌసింగ్‌బోర్డు ఫిల్టర్‌బెడ్‌ దెబ్బతినడంతో ఇక్కడి నుంచి నీరు వెళ్లే ట్యాంక్‌లకు భగీరథ నీటినే సరఫరా చేయాల్సిన పరిస్థితి ఏర్పడింది. దీంతో పట్టణంలోని కొన్ని వార్డులకు నీరు సరిగా సరఫరా కావడం లేదు. మరమ్మతుల్లో ఫిల్టర్‌బెడ్‌.. ధర్మసముద్రం వద్ద రెండు ఫిల్టర్‌బెడ్‌లు శిథిలావస్థకు చేరగా, హౌసింగ్‌బోర్డుకాలనీలో మరో ఫిల్టర్‌బెడ్‌ పూర్తిగా దెబ్బతింది. దీంతో మిషన్‌ భగీరథ నుంచి వచ్చే నీటినే నేరుగా సరఫరా చేస్తున్నారు. ఫిల్టర్‌బెడ్‌ను 15 రోజుల్లో మరమ్మతు చేసి వినియోగంలోకి తెస్తామని అధికారులు చెబుతున్నారు. అలాగే భగీరథ పైప్‌లైన్‌ తరుచూ మెట్‌పల్లి, కోరుట్ల, జగిత్యాల ప్రాంతాల్లో పగిలిపోవడంతో ఆ నీళ్లు ఎప్పుడు వస్తాయో రావో తెలియని పరిస్థితి నెలకొంది. రోజూ 18.6 ఎంఎల్‌ నీటి సరఫరా జిల్లా కేంద్రంలో రోజూ 18.6 ఎంఎల్‌ (మిలియన్‌ లీటర్స్‌) నీటిని సరఫరా చేస్తుంటారు. ఫిల్టర్‌బెడ్‌ మరమ్మతుకు గురికావడంతో పాటు సక్రమంగా భగీరథ నీరు రాక పట్టణవాసులు తాగునీటికి ఇబ్బందులు ఎదుర్కొంటున్నారు. అలాగే పట్టణంలో 12 చోట్ల ప్రధాన లీకేజీలు, ఫిల్టర్‌బెడ్‌తో పాటు, ప్రధాన వాటర్‌ట్యాంక్‌ల వద్ద నీరు అధికంగా లీకవుతుండడంతో రోజూ సుమారు ఒక ఎంఎల్‌ నీరు వృథాగా పోతున్నట్లు తెలుస్తోంది. ప్రస్తుతం మున్సిపాలిటీ నుంచి 12–13 ఎంఎల్‌ నీటిని సరఫరా చేస్తుండగా ఇవి ఏమాత్రం సరిపోవడం లేదు. కొన్ని వార్డులకు అధికారులు రోజు విడిచి రోజు నీటి సరఫరా చేస్తున్నారు. మొన్నటి వరకు 45 నిమిషాల నుంచి గంట పాటు నీటి సరఫరా చేయగా, ప్రస్తుతం 30 నిమిషాలు మాత్రమే ఇస్తున్నారు. నీటి లీకేజీలు అరికట్టేందుకు ఇటీవల టెండర్లు పిలిచారు. మున్సిపాలిటీలో లేబర్‌ లేకపోవడంతో టెండర్ల ద్వారా పిలిచినా ఎవరూ రావడం లేదని తెలిసింది. పట్టణంలో అండర్‌గ్రౌండ్‌లో పాత పైప్‌లైన్లు ఉండడంతో లీకేజీలు ఏర్పడుతున్నాయి. గతంలో అమృత్‌ పథకం కింద రూ.35 కోట్లు మంజూరు కాగా కొత్తపైప్‌లైన్లు, ట్యాంక్‌లు నిర్మిస్తున్నారు. ఆ పనులు కూడా సక్రమంగా జరగడం లేదు. అడుగంటుతున్న ధర్మసముద్రం జగిత్యాల పట్టణవాసులకు ధర్మసముద్రం చెరువు వరప్రదాయిని. భగీరథ నీళ్లు రాకుంటే ఈ నీరే దిక్కు. గతంలో ఈ చెరువును ఎస్సారెస్పీ నీటితో నింపి పట్టణమంతా సరఫరా చేసేవారు. భగీరథ నీరు వచ్చాక డబ్బా గ్రామం నుంచి వాటర్‌ ఫిల్టర్‌బెడ్‌లకు అనుసందానం చేసి ఆ నీటినే సరఫరా చేస్తున్నారు. వీటికి మరమ్మతు వచ్చినప్పుడు మళ్లీ ట్యాంక్‌ నీరే వినియోగించుకోవాల్సిన పరిస్థితి నెలకొంది. ప్రస్తుతం ఫిల్టర్‌బెడ్‌ దెబ్బతినడం, భగీరథ నీరు రాక పట్టణవాసులకు జలగండం పొంచి ఉంది. అలాగే, ధర్మసముద్రం క్రమంగా దెబ్బతింటోంది. కట్ట సరిగా లేక నీరు వృథా అవుతోంది. గతంలో కట్టకు ఇసుక బస్తాలు వేశారు. చెరువును విస్తరించాలని, ప్రణాళిక రూపొందించి కట్టను 1.5 మీటర్ల ఎత్తు పెంచాలని గతంలో నిర్ణయించినా ఆ పనులు ముందుకు సాగడం లేదు. జిల్లా కేంద్రంలో పడిపోతున్న భూగర్భజలాలు ధర్మసముద్రం చెరువులో తగ్గుతున్న నీటిమట్టం మరమ్మతుకు గురయిన ఫిల్టర్‌బెడ్‌ పలుచోట్ల తాగునీటికి ఇబ్బంది పడుతున్న పట్టణవాసులు పట్టణం వివరాలు జనాభా లక్షకు పైగా నల్లా కనెక్షన్లు 14,000 రోజూ నీటి సరఫరా 18.6 మిలియన్‌ లీటర్స్‌ ప్రస్తుతం సరఫరా 12 మిలియన్‌ లీటర్స్‌ ధర్మసముద్రం సామర్థ్యం 935 ఎంఎల్‌ ప్రస్తుతం ఉన్ననీరు 720 ఎంఎల్‌ (30–40 రోజుల వరకు సరిపోతాయి)ఇబ్బందులు లేకుండా చర్యలు ప్రస్తుతం గ్రిడ్‌ వాటర్‌ సరఫరా చేస్తున్నాం. ప్రజలకు ఇబ్బందులు లేవు. ఫిల్టర్‌బెడ్‌ 10 రోజుల్లో అందుబాటులోకి వస్తుంది. లీకేజీలు అరికట్టేలా టెండర్లు పిలవడం జరిగింది. ప్రస్తుతం నీటికి ఎలాంటి ఇబ్బందులు లేవు. ప్రజలు కూడా నీటిని పొదుపుగా వాడుకోవాలి. – అరుణ్‌, డీఈ

● జిల్లాలో 118 సబ్‌స్టేషన్లు, 25,374 ట్రాన్స్‌ఫార్మర్లు ● ‘సాక్షి’తో ఎన్పీడీసీఎల్‌ ఎస్‌ఈ సుదర్శనం జగిత్యాల అగ్రికల్చర్‌: ‘ఎల్‌నినో నేపథ్యంలో విద్యుత్‌ ఉత్పత్తి తగ్గుతున్నందున యాసంగిలో వరి సాగుకు కరెంట్‌ ఇచ్చే పరిస్థితి కనబడటం లేదు. కేవలం ఆరుతడి పంటలకు మాత్రం విద్యుత్‌ కోతలు లేకుండా చూస్తాం’ అని ఎన్పీడీసీఎల్‌ ఎస్‌ఈ సుదర్శనం అన్నారు. ప్రస్తుతం ఉదయం 4.40 నుంచి సాయంత్రం 4.40 గంటల వరకు నిరంతరాయంగా నాణ్యమైన విద్యుత్‌ సరఫరా చేస్తున్నామని పేర్కొన్నారు. జిల్లాలో యాసంగి పంటలకు విద్యుత్‌ సరఫరా పరిస్థితుల పై ‘సాక్షి’తో పలు విషయాలు పంచుకున్నారు.బి.సుదర్శనం, ఎస్‌ఈ, ఎన్పీడీసీఎల్‌

పెగడపల్లి: జలసిరి పథకంలో భాగంగా గ్రామీణ ప్రాంతాల్లో చేపట్టిన నీటి సంరక్షణ పనులకు ప్రాధాన్యతనిస్తూ పథకాన్ని విజయవంతం చేయాలని కలెక్టర్‌ సత్యప్రసాద్‌ ఆదేశించారు. శుక్రవారం మండలంలోని నంచర్ల గ్రామంలో జరుగుతున్న ఫాంపాండ్‌ పనులను సర్పంచ్‌ కుంటాల వనజ, అధికారులతో కలిసి తనిఖీ చేశారు. అనంతరం ఎంపీడీవో కార్యాలయంలో జలసిరి, వీబీజీరామ్‌జీ పథకం పనులపై సమీక్ష నిర్వహించారు. వీబీజీరామ్‌జీ పథకం నిధులు సమర్థవంతంగా వినియోగిస్తూ సాధ్యమైనంత మేరకు కూలీలకు ఎక్కువ పని దినాలు కల్పించాలన్నారు. జలసిరి పథకం అమలులో నిర్లక్ష్యం వహిస్తే ఉపేక్షించేది లేదని హెచ్చరించారు. సీఈవో గౌతమ్‌రెడ్డి, డీఆర్డీవో రఘువరణ్‌, ఆర్డీవో మధుసూదన్‌, డీఎల్‌పీవో విమల, డీఈ అశ్విన్‌, ఎంపీడీవో ప్రేమ్‌సాగర్‌, తహసీల్దార్‌ సయ్యద్‌ నిజామొద్దీన్‌, ఏపీవో అనిల్‌, ఉప సర్పంచ్‌ శ్యాంసుందర్‌రెడ్డి పాల్గొన్నారు. కలెక్టర్‌ సత్యప్రసాద్‌

మెట్‌పల్లి: మెట్‌పల్లి మున్సిపల్‌ సమావేశాన్ని అధికార కాంగ్రెస్‌, బీజేపీ, బీఆర్‌ఎస్‌, స్వతంత్ర కౌన్సిలర్లు మూకుమ్మడిగా బహిష్కరించారు. చైర్మన్‌ మైలారపు లింబాద్రి ఏకపక్షంగా వ్యవహరిస్తున్నారని పేర్కొంటూ.. నిరసనకు దిగారు. గురువారం ఉదయం 11గంటలకు మున్సిపల్‌ కార్యాలయంలో చైర్మన్‌ అధ్యక్షతన సమావేశం ఏర్పాటు చేశారు. చైర్మన్‌, వైస్‌చైర్మన్‌ ఓంకారి నవీన్‌, కౌన్సిలర్లు మొత్తం 26మంది, ఇద్దరు కో–ఆప్షన్‌ సభ్యులు హాజరయ్యారు. సమావేశం ప్రారంభమైన వెంటనే కాంగ్రెస్‌ కౌన్సిలర్లు గుడికందుల అజయ్‌, నునుగొండ నరేశ్‌ మినహా మిగతా కౌన్సిలర్లు, కో–ఆప్షన్‌ సభ్యులు బహిష్కరిస్తున్నట్లు ప్రకటించి బయటకు వెళ్లిపోయారు. అనంతరం మున్సిపల్‌ ప్రధాన ద్వారం ఎదుట నిరసన తెలిపారు. ఈ సందర్భంగా పలువురు మాట్లాడుతూ అజెండాను రూపొందించే విషయంలో కౌన్సిలర్లతో చర్చించకుండా చైర్మన్‌ ఏకపక్షంగా నిర్ణయాలు తీసుకుంటున్నారని విమర్శించారు. ప్రజలు ఎన్నుకున్న కౌన్సిలర్లకు పాలనలో ప్రాధాన్యం ఇవ్వకపోవడంతో వార్డుల్లో సమస్యలు పరిష్కారం కావడం లేదన్నారు. జనరల్‌ ఫండ్‌ నుంచి కాంట్రాక్టర్లకు బిల్లులు చెల్లించవద్దని చెప్పినప్పటికీ పట్టించుకోవడం లేదన్నారు. దీనివల్ల భవిష్యత్తులో కార్మికుల వేతనాలకు ఇబ్బందులు తలెత్తే అవకాశముంటుందన్నారు. చైర్మన్‌ తన వైఖరిని మార్చుకుని ఎజెండా రూపకల్పనలో కౌన్సిలర్లకు భాగస్వామ్యం కల్పించాలని డిమాండ్‌ చేశారు. మరోవైపు కౌన్సిలర్ల బహిష్కరణతో సమావేశాన్ని శుక్రవారానికి వాయిదా వేసినట్లు కమిషనర్‌ శ్రీనివాస్‌గౌడ్‌ తెలిపారు. చైర్మన్‌ ఏకపక్షంగా వ్యవహరిస్తున్నారన్న కౌన్సిలర్లు మున్సిపల్‌ కార్యాలయం ఎదుట నిరసన శుక్రవారానికి వాయిదా వేసిన అధికారులు

● డీఎంహెచ్‌వో సుజాతజగిత్యాల: బాల్య వివాహాలతో కలిగే అనర్థాలపై అవగాహన కల్పించాలని, స్కానింగ్‌ కేంద్రాల్లో నిబంధనలు పాటించాలని డీఎంహెచ్‌వో సుజాత అన్నారు. వైద్యశాఖ కార్యాలయంలో పీసీ పీఎన్‌డీటీ చట్ట నిబంధనలపై అడ్వైజరీ కమిటీ సమావేశంలో మాట్లాడారు. బాల్య వివాహాలు జరగకుండా సంబంధిత శాఖలు సమన్వయంతో పనిచేయాలని పేర్కొన్నారు. వైద్యులు స్కానింగ్‌ కేంద్రాలను ఆకస్మికంగా తనిఖీ చేయాలని, ఫారం ఎఫ్‌ రికార్డులు సక్రమంగా నిర్వహించాలన్నారు. మాతాశిశు సంక్షేమాధికారి జైపాల్‌రెడ్డి మాట్లాడుతూ.. ప్రతినెలా ఐదో తేదీలోపు ఫాం ఎఫ్‌ పోర్టల్‌లో నమోదు చేయాలన్నారు. జిల్లాలో మొత్తం 89 స్కానింగ్‌ కేంద్రాలు అనుమతి పొంది ఉన్నాయని, ఆయా కేంద్రాలు చట్ట నిబంధనల తప్పనిసరిగా పాటించాలన్నారు. కార్యక్రమంలో గైనకాలజిస్ట్‌లు కనకదుర్గ, విశ్వభారతి, స్నేహ పాల్గొన్నారు.

● జిల్లా న్యాయ సేవా అధికార సంస్థ కార్యదర్శి సరితజగిత్యాలజోన్‌: పిల్లలపై లైంగిక వేధింపులకు పాల్పడితే శిక్షలు కఠినంగా ఉంటాయని జిల్లా న్యాయ సేవా అధికార సంస్థ కార్యదర్శి మట్ట సరిత అన్నారు. జిల్లాకేంద్రంలోని కస్తూరిబా గాంధీ బాలికల విద్యాలయంలో పోక్సో చట్టంపై గురువారం అవగాహన కల్పించారు. అనంతరం పోస్టర్‌ ఆవిష్కరించారు. విద్యార్థినులకు ఎలాంటి సమస్య ఎదురైనా ధైర్యంగా కుటుంబసభ్యులకు తెలపాలన్నారు. అసభ్యకర మెసేజ్‌లు వస్తే పోలీస్‌స్టేషన్‌లో ఫిర్యాదు చేయాలని సూచించారు. జిల్లా బాలల సంరక్షణ అధికారి సురేష్‌, పాఠశాల ఉపాధ్యాయ బృందం, విద్యార్థినులు పాల్గొన్నారు. పెండింగ్‌ కేసులు పరిష్కరించాలి● ధర్మపురి జూనియర్‌ సివిల్‌ జడ్జి ధర్మపురి: పెండింగ్‌ కేసులు త్వరితగతిన పరిష్కరించాలని జూనియర్‌ సివిల్‌ జడ్జి యోగి జానకీ అధికారులకు సూచించారు. ధర్మపురి కోర్టులో గురువారం వివిధ శాఖల అధికారులతో సమన్వయ సమావేశం ఏర్పాటు చేశారు. వివిధ కారణాలతో నమోదైన కేసుల పరిష్కారంలో పోలీస్‌శాఖ కీలక పాత్ర పోషించాలన్నారు. పీపీ, సీఐ రాంనర్సింహరెడ్డి, ఎస్సైలు సధాకర్‌, శ్రీకాంత్‌ తదితరులున్నారు. రాయికల్‌ తహసీల్దార్‌ కార్యాలయం తనిఖీరాయికల్‌: పట్టణంలోని తహసీల్దార్‌ కార్యాలయాన్ని అడిషనల్‌ కలెక్టర్‌ ప్రసూనాంబ గురువారం తనిఖీ చేశారు. భూభారతి, ప్రజావాణి, భూ సమస్యలపై తహసీల్దార్‌ నాగార్జునను అడిగి తెలుసుకున్నారు. ఉప్పుమడుగులో కొనసాగుతున్న రీసర్వేను పరిశీలించారు. ఆమెను స్వర్ణకార సంఘం సభ్యులు సంజీవచారి, దుర్శెట్టి రంగయ్య, ఆంజనేయులు, గోపి, శ్రీనివాస్‌, ప్రసాద్‌ సన్మానించారు. అంజన్న సన్నిధిలో అటవీ శాఖ అధికారి పూజలుమల్యాల: కొండగట్టు శ్రీఆంజనేయస్వామివారిని జిల్లా అటవీశాఖ అధికారి రవిప్రసాద్‌ గురువారం దర్శించుకున్నారు. ఆయనను ఆలయ ఈవో అంజనారెడ్డి స్వామివారి శేషవస్త్రంతో సత్కరించారు. కొండగట్టు ఆలయ అభివృద్ధికి 180ఎకరాల అటవీస్థలం కేటాయించాలని ఈవో కోరగా.. డీఎఫ్‌వో సానుకూలంగా స్పందించినట్లు తెలిపారు. ఇప్పటికే సర్వే పూర్తి చేశామని పేర్కొన్నారు. ఎఫ్‌ఆర్‌వో పద్మారావు, డీఆర్వో శ్రీనివాస్‌, సురేశ్‌ రావు, ఎఫ్‌బీవో అశ్విని పాల్గొన్నారు. మోతె చెరువు నీరు వృథాజగిత్యాలజోన్‌: ఎల్‌నినోతో నీటి సమస్యలు ఉత్పన్నమవుతున్న తరుణంలో పట్టణాన్ని ఆనుకుని ఉన్న మోతె చెరువు నుంచి నీరు వృథాగా కిందకు వెళ్తుండడంపై విమర్శలు వ్యక్తమవుతున్నాయి. ఈ చెరువులో నీరుంటే.. సగం పట్టణానికి తాగునీరు అందించే అవకాశం ఉంటుంది. మత్తడి సరిగ్గా లేకపోవడంతో నీరు వృథాగా వెళ్తుండడంతో నీటిమట్టం రోజురోజుకూ తగ్గిపోతోంది.

వ్యవసాయంలో కూలీల కొరత తీవ్రమతోంది. ప్రస్తుత పరిస్థితుల్లో సాగు ఖర్చులు తగ్గించి, రైతులకు లాభసాటిగా మార్చేందుకే ప్రభుత్వం కస్టమ్‌ హైరింగ్‌ సెంటర్లను (సీహెచ్‌సీ) ప్రోత్సహిస్తోంది. ఈ పథకం ద్వారా చిన్న, సన్నకారు రైతులకు కూడా ఖరీదైన ఆధునిక యంత్రాలు తక్కువ అద్దెకే అందుబాటులోకి వస్తాయి. విత్తనం వేయడం మొదలుకుని కోత, ప్రాసెసింగ్‌ వరకు అత్యాధునిక పరికరాలను సమకూర్చుకునేందుకు ప్రభుత్వం ఒక్కో యూనిట్‌పై రూ.20 లక్షల వరకు రాయితీ ఇస్తోంది. కలెక్టర్‌ ఆధ్వర్యంలోని కమిటీ ద్వారా లబ్ధిదారుల ఎంపిక పూర్తిగా పారదర్శకంగా జరుగుతుంది. అర్హత గల రైతు గ్రూపులు, మహిళా సంఘాలు, పీఏసీఎస్‌ సంఘాలు వెంటనే దరఖాస్తు చేసుకోవాలి. అవకాశాన్ని సద్వినియోగం చేసుకుని అన్నదాతలు యంత్ర సాగు వైపు అడుగులు వేయాలని కోరుతున్నాం.

● ఆస్తులు తీసుకుని గెంటేస్తున్న సంతానం ● పెరుగుతున్న అనుమానాస్పద ఆత్మహత్యలు● మల్యాలకు చెందిన ఓ వృద్ధురాలు అనారోగ్యంతో బాధపడుతున్నప్పటికీ ఆమె కుమారులు ఏకంగా ఆర్డీవో కార్యాలయంలోనే వదిలిపెట్టి వెళ్లారు. ● విద్యార్థులకు విద్యాబుద్ధులు నేర్పించే ఉపాధ్యాయులకు కూడా తల్లిదండ్రులు భారమవుతున్నారు. జగిత్యాలలోని ధర్మపురికి చెందిన ఉపాధ్యాయులు తల్లిదండ్రులను పోషించకపోవడంతో నేరుగా వారు ఆర్డీవో కార్యాలయానికి వచ్చి ఫిర్యాదు చేశారు. జగిత్యాలకు చెందిన రాజవ్వ అనే వృద్ధురాలిని ఆమె కుమారులు వృద్ధాప్య పెన్షన్‌ డబ్బులు ఇవ్వడం లేదని దాడిచేయడంతో కాలు విరిగింది. మానవత్వం లేకుండా మోతె శ్మశాన వాటికలో వదిలేశారు.రాయికల్‌ ప్రాంతానికి చెందిన ఓ వృద్ధుడు తన కూతురికి ఆస్తిని గిఫ్ట్‌డీడ్‌ చేయగా.. ఆస్తిని అనుభవిస్తున్న కూతురు తనకు పోషణ ఖర్చులు ఇవ్వకుండా ఇబ్బందులు పెట్టడంతో ఆ గిఫ్ట్‌డీడ్‌ రద్దు చేయాలని జిల్లా కలెక్టర్‌కు ఫిర్యాదు చేశారు. వృద్ధులు సైబర్‌ మోసాలకూ గురవుతున్నారు. జిల్లా కేంద్రంలోని ఓ రిటైర్డ్‌ ఉద్యోగి బ్యాంక్‌ ఖాతాకు ఓ వ్యక్తి లింక్‌ చేసుకుని వృద్ధుడికి తెలియకుండా మొబైల్‌ నంబరు లింక్‌ చేసుకుని వచ్చిన పెన్షన్‌ డబ్బులను సుమారు రూ.18 లక్షలు డ్రా చేసుకుని మోసాలకు పాల్పడ్డాడు.

జగిత్యాల: చెత్త నిర్వహణలో ఆధునిక విధానాలు పాటించాలని, ఇందుకు ప్రజలు సహకరించాలని ఎమ్మెల్యే సంజయ్‌కుమార్‌ అన్నారు. జగిత్యాల బల్దియా సమావేశాన్ని చైర్‌పర్సన్‌ సమిండ్ల వాణి అధ్యక్షతన గురువారం నిర్వహించారు. ముఖ్య అతిథిగా పాల్గొన్న ఆయన మాట్లాడుతూ.. పారిశుధ్య సమస్య శాశ్వత పరిష్కారానికి ప్రజలు, ప్రజాప్రతినిధులు, అధికారులు సమష్టిగా కృషి చేద్దామన్నారు. తడి, పొడి చెత్త వేరు చేసి ఇవ్వడం ద్వారా ప్రాసెస్‌ చేయడం సులవవుతుందన్నారు. ప్రొజెక్టర్‌ ద్వారా చెత్త నిర్వహణ, వ్యర్థాల శాసీ్త్రయ ప్రాసెసింగ్‌పై వివరించారు. పట్టణాభివృద్ధికి కృషి జగిత్యాల పట్టణాభివృద్ధికి కృషి చేస్తున్నట్లు చైర్‌పర్సన్‌ వాణి అన్నారు. ఎల్‌ఈడీ లైట్లు, హైమాస్ట్‌ లైట్లు, సెంట్రల్‌ లైటింగ్‌ నిర్వహణ, జనరేటర్లు, డ్రైనేజీ మరమ్మతు, మోతె చెరువు పార్క్‌లో ఫెన్సింగ్‌ వంటి అంశాలకు కౌన్సిల్‌ ఆమోదం లభించిందన్నారు. అనారోగ్యంతో కోమాలో ఉన్న రెండో వార్డు ఆఫీసర్‌ వైద్య చికిత్సకు సభ్యులు ఒకనెల గౌరవ వేతనాన్ని అందించేందుకు అంగీకరించారు. వైస్‌ చైర్‌పర్సన్‌ జీనత్‌ పర్వీన్‌, కమిషనర్‌ సత్యప్రణవ్‌ పాల్గొన్నారు. ముందుగా ఎమ్మెల్యే 33వ వార్డుకు చెందిన అఖిలకు సీఎంఆర్‌ఎఫ్‌ కింద మంజూరైన రూ.1.06 లక్షల విలువైన చెక్కును అందించారు. ప్రజల సహకారం తప్పనిసరి జగిత్యాల ఎమ్మెల్యే సంజయ్‌కుమార్‌

కథలాపూర్‌(వేములవాడ): చేయూత పింఛన్లు అర్హులైన వారికి మంజూరు చేసేందుకు అధికార యంత్రాంగం కసరత్తు చేస్తోంది. ఈ ఏడాది ఆగస్టు 13 నుంచి సెప్టెంబర్‌ 16 వరకు దరఖాస్తులు స్వీకరించిన మండలస్థాయి అధికారులు గ్రామాలకు వెళ్లి వారి స్థితిగతులు, సర్టిఫికెట్లను యాప్‌ ద్వారా పరిశీలించారు. అనర్హులుగా తేలిన కొందరి దరఖాస్తులను ప్రాథమిక స్థాయిలోనే తిరస్కరించారు. అనంతరం అర్హుల జాబితాలను ఎంపీడీవోలకు అందించగా.. వారు ధ్రువీకరించి జిల్లా అధికారులకు పంపించారు. తాజాగా మరింత లోతుగా పరిశీలించేందుకు ఒక్కో నియోజకవర్గానికి ఒక్కో జిల్లాస్థాయి అధికారిని నియమించారు. జిల్లా అధికారులు తమకు కేటాయించిన గ్రామాల్లో పర్యటించి ర్యాండమ్‌గా ఎంపిక చేసిన దరఖాస్తులను క్షుణ్ణంగా పరిశీలించే ప్రక్రియ ప్రారంభించారు. 17,494 చేయూత దరఖాస్తులు జిల్లాలో చేయూత పింఛన్‌ల కోసం 17,494 మంది దరఖాస్తు చేసుకున్నారు. మండలస్థాయి అధికారులు క్షేత్రస్థాయిలో పరిశీలన చేసినప్పటికీ అనర్హులున్నట్లు అనుమానాలు వ్యక్తమయ్యాయి. ఈ నేపథ్యంలో జిల్లాస్థాయి అధికారులు పకడ్బందీగా విచా రణ చేస్తున్నారు. మండల, జిల్లాస్థాయి అధికారుల పరిశీలన తర్వాత ఇప్పటి వరకు 3,238 దరఖాస్తులను తిరస్కరించారు. ఇంకా జిల్లాస్థాయి అధికారులు ర్యాండమ్‌గా తనిఖీ చేసే ప్రక్రియ కొనసాగుతోంది. కొత్త పింఛన్లను దసరా పండుగ నాటికి అందిస్తామని ప్రభుత్వం ప్రకటించినా.. దసరా పండుగ అయిపోయినప్పటికీ స్పష్టమైన ప్రకటన రాకపోవడంతో దరఖాస్తుదారుల్లో ఉత్కంఠ నెలకొంది. మరోసారి విచారణ: రఘువరణ్‌, డీఆర్డీవో చేయూత పింఛన్ల కోసం దరఖాస్తులు స్వీకరించి మండలస్థాయి అధికారుల విచారణ పూర్తయింది. అర్హులకు పింఛన్లు అందించాలని జిల్లాస్థాయి అధికారులతో దరఖాస్తులను గ్రామాల్లో ర్యాండమ్‌గా విచారణ చేయిస్తున్నాం. వీలైనంత తొందరగా ఈ ప్రక్రియ పూర్తయ్యాక కొత్త పింఛన్లు మంజూరవుతాయి. క్షేత్రస్థాయిలో మరోసారి విచారిస్తున్న అధికారులు జిల్లాలో 17,494 మంది పింఛన్లకు దరఖాస్తు

28.0/16.0శుక్రవారం శ్రీ 30 శ్రీ అక్టోబర్‌ శ్రీ 20267గరిష్టం/కనిష్టంసంకష్టహర చతుర్థి పూజలుజగిత్యాలరూరల్‌: సహస్ర లింగాలాలయంలో సంకష్ట హర చతుర్థి పూజలు చేశారు. మహాగణపతికి అభిషేకాలు చేశారు. ఆలయ ఫౌండర్‌ నలమాసు గంగాధర్‌, భక్తులు పాల్గొన్నారు. వాతావరణం ఆకాశం పాక్షికంగా మేఘావృతమై ఉంటుంది. కొన్నిచోట్ల చిరుజల్లులు కురిసే అవకాశం ఉంది. చలిగాలులు కొనసాగుతాయి. మహాగణపతికి పూజలుధర్మపురి: శ్రీరామలింగేశ్వరస్వామి ఆలయ ప్రాంగణంలోని మహాగణపతికి సంకటహర చతుర్థి నిర్వహించారు. పాలెపు ప్రవీణ్‌కుమార్‌ అభిషేకం, హారతి మంత్రపుష్పం చేశారు.

రాయికల్‌: రాయికల్‌ పట్టణంలోని వైద్య విధాన పరిషత్‌ ఆస్పత్రికి ప్రతిరోజూ వందలాది మంది రోగులు వస్తుంటారు. పట్టణం, మండలంలోని 32 గ్రామాలతోపాటు చుట్టుపక్క మండలాలైన మల్లాపూర్‌, కోరుట్ల, నిర్మల్‌ జిల్లా కడెం నుంచి ఇక్కడి ఆస్పత్రికి వచ్చి వైద్యసేవలు పొందుతుంటారు. అయితే ఆస్పత్రిలో సరైన వసతులు లేక వైద్యులు, రోగులు, వారి బంధువులు తీవ్ర ఇబ్బందులు పడుతున్నారు. అసౌకర్యాల మధ్య సేవలు ఆస్పత్రిలో ఇన్వర్టర్‌ ఉన్నా.. సామర్థ్యం సరిపోలేదు. జనరేటర్‌ కోసం నిధులు మంజూరైనా.. ఇప్పటివరకు తెప్పించడం లేదు. రోగులకు స్వచ్ఛమైన తాగునీరు అందించేందుకు వాటర్‌ ప్లాంట్‌ లేదు. కేవలం లయన్స్‌క్లబ్‌ సభ్యులు ప్రతిరోజు బాటిళ్ల ద్వారా అందించే నీరే దిక్కవుతున్నాయి. ఆపరేషన్‌ థియేటర్‌లో సరైన పరికరాలు లేవు. ఆపరేషన్‌ సమయంలో వైద్యులు ఇబ్బంది పడాల్సిన పరిస్థితి నెలకొంది. నవజాత శిశువుల కోసం వార్మర్‌ హీట్‌ థెరపీ వంటి సౌకర్యం లేకపోవడంతో జిల్లా కేంద్రానికి తీసుకెళ్లాల్సిన పరిస్థితి నెలకొంది. కనీసం కుర్చీలు, టేబుళ్లు లేకపోవడంతో గంటల తరబడి నిలబడాల్సిన పరిస్థితి నెలకొంది. ఆస్పత్రి ఆవరణతోపాటు, పలు గదుల్లో రూప్‌ లీకేజీలు ఎక్కువ కావడంతో వర్షం కురిస్తే లీకై గదులు జలమయం అవుతున్నాయి. ఫర్నిచర్‌, కంప్యూటర్లు లేక నానా అవస్థ పడుతున్నామని సిబ్బంది అంటున్నారు. స్థానిక ఎమ్మెల్యే సంజయ్‌కుమార్‌ స్పందించి వైద్య విధాన పరిషత్‌ ఆస్పత్రిలో యుద్ధ ప్రతిపాదికన వసతులు కల్పించాలని కోరుతున్నారు. నేడు ఆయన అధ్యక్షతన జరిగే ఆస్పత్రి అభివృద్ధి కమిటీ సమావేశంలో సరైన నిర్ణయం తీసుకోవాలని సూచిస్తున్నారు. ఆపరేషన్‌ థియేటర్‌లో పరికరాల కొరత తాగునీటికి రోగుల గోసగోస రాయికల్‌ ఆస్పత్రి సమస్యలు పట్టేదెవరికీ..? నేడు ఆస్పత్రి అభివృద్ధి కమిటీ సమావేశం

గొల్లపల్లి: వ్యవసాయ రంగంలో కూలీల కొరతను అధిగమించి, ఉత్పాదకతను పెంచేందుకు ప్రభుత్వం యంత్రసాగుకు పెద్దపీట వేస్తోంది. ఇందులో భాగంగా జిల్లాకు 11 కస్టమ్‌ హైరింగ్‌ సెంటర్లను (సీహెచ్‌సీ) మంజూరు చేసింది. ఖరీదైన ఆధునిక సాగు యంత్రాలను కొనుగోలు చేయలేని చిన్న, సన్నకారు రైతులకు అద్దె ప్రాతిపదికన పరికరాలను అందుబాటులోకి తేవడమే ఈ పథకం ముఖ్య ఉద్దేశం. ఒక్కో యూనిట్‌ విలువపై గరిష్టంగా 40 శాతం (రూ.20 లక్షల వరకు) సబ్సిడీని ప్రభుత్వం అందించనుంది. పారదర్శకంగా ఎంపిక రైతులకు మేలు.. సంఘాలకు ఆర్థిక ఊతం అందుబాటులోకి రానున్న ఆధునిక యంత్రాలివే జిల్లాకు 11 కస్టమ్‌ హైరింగ్‌ సెంటర్లు మంజూరు ఒక్కో యూనిట్‌పై రూ.20 లక్షల వరకు రాయితీ చిన్న, సన్నకారు రైతులకు తగ్గనున్న ఖర్చు

రాయికల్‌: కేంద్ర ప్రభుత్వ పథకాలను హస్త కళాకారులు సద్వినియోగం చేసుకోవాలని హస్తకళల ప్రోత్సాహక అధికారి ప్రవీణ్‌కుమార్‌ అన్నారు. పట్టణంలోని శాలివాహన సంక్షేమ సంఘంలో సమావేశం నిర్వహించారు. ఈ సందర్భంగా ఆయన మాట్లాడుతూ.. కళాకారులకు గుర్తింపుకార్డులు, నైపుణ్యాభివృద్ధి, శిక్షణ, కేంద్ర ప్రభుత్వ రుణాలు, బీమా వంటి పథకాలపై అవగాహన కల్పించారు. సంఘం జిల్లా అధ్యక్షుడు మామిడిపల్లి కృష్ణ, యూత్‌ అధ్యక్షుడు నరేశ్‌, ప్రధాన కార్యదర్శి గంగాధరి సురేశ్‌, పట్టణ అధ్యక్షుడు కొత్తపల్లి హన్మండ్లు, ఉపాధ్యక్షుడు కొత్తపల్లి ప్రసాద్‌, కార్యదర్శి వినోద్‌, సంఘ నాయకులు పాల్గొన్నారు.

● గుబులు పుట్టిస్తున్న ఎలక్ట్రిక్‌ బస్సులు ● మొరాయింపులు.. అగ్నిప్రమాదాలతో భద్రతపై ప్రశ్నలు కరీంనగర్‌టౌన్‌: కరీంనగర్‌ రీజియన్‌లో ఎలక్ట్రిక్‌ బస్సుల వరుస ఘటనలు ఆందోళన కలిగిస్తున్నాయి. బ్యాటరీ విభాగం నుంచి పొగలు రావడం, మంటలు చెలరేగడం, ప్రయాణంలో బస్సులు నిలిచిపోవడం వంటి ఘటనలు ప్రయాణికుల్లో భయాందోళనలు రేకెత్తిస్తున్నాయి. గురువారం హైదరాబాద్‌కు వెళ్తున్న బస్సు మొరాయించడంతో మరోసారి ఈ అంశం చర్చనీయాంశంగా మారింది. వరుస ఘటనలు గతేడాది జూన్‌ 28న కరీంనగర్‌–2 డిపోలో బస్సును స్టార్ట్‌చేసే క్రమంలో బ్యాటరీ విభాగం నుంచి పొగలు, మంటలు వచ్చాయి. ప్రయాణికులు ఎక్కకముందే ఘటన చోటుచేసుకోవడంతో పెను ప్రమాదం తప్పింది. ఈఏడాది జూన్‌ 21న కరీంనగర్‌ నుంచి హైదరాబాద్‌కు వెళ్తున్న ఎలక్ట్రిక్‌ బస్సులో అలుగునూరు సమీపంలోని కాకతీయ కాలువ వద్ద మంటలు చెలరేగాయి. డ్రైవర్‌ అప్రమత్తమై ప్రయాణికులను కిందకు దించడంతో ప్రాణనష్టం తప్పింది. జూలై 1న కరీంనగర్‌–2 డిపోలో మరో ఎలక్ట్రిక్‌ బస్సు బ్యాటరీ నుంచి పొగలు రావడంతో మంటలు చెలరేగాయి. అగ్నిమాపక సిబ్బంది మంటలను అదుపులోకి తెచ్చారు. సెప్టెంబర్‌ 18న అదే డిపోలో బస్సును స్టార్ట్‌ చేసిన అనంతరం పొగలు రావడంతో అధికారులు అప్రమత్తమయ్యారు. ఇలా కొద్ది నెలల వ్యవధిలోనే చోటుచేసుకున్న ఘటనలు ఎలక్ట్రిక్‌ బస్సుల నిర్వహణ, భద్రతా ప్రమాణాలపై సందేహాలు రేకెత్తిస్తున్నాయి. మార్గమధ్యలోనే మొరాయింపు బస్సులు తరచూ మొరాయించడం మరో సమస్యగా మారుతోంది. మార్గమధ్యలో బస్సులు నిలిచిపోవడంతో ప్రయాణికులు గమ్యస్థానాలకు చేరేందుకు ఇబ్బందులు పడుతున్నారు. హైదరాబాద్‌ వంటి దూరప్రాంతాలకు వెళ్లే వారు బస్సు ఎప్పుడు తిరిగి ప్రారంభమవుతుందో తెలియక ఆందోళన చెందుతున్నారు. గురువారం జరిగిన ఘటన ఈ సమస్యను మరోసారి తెరపైకి తెచ్చింది. సాంకేతిక లోపాలపై విచారణ ఏదీ ఎలక్ట్రిక్‌ బస్సుల్లో బ్యాటరీలు, వైరింగ్‌, ఛార్జింగ్‌ వ్యవస్థ, ఇతర సాంకేతిక భాగాల పనితీరు కీలకం. వీటిలో ఏదైనా లోపం తలెత్తితే తీవ్ర పరిణామాలు ఎదురయ్యే అవకాశముంది. ప్రతి ఘటనకు కారణం సాంకేతిక పరిశీలనతోనే నిర్ధారించాలి. వరుస ఘటనల నేపథ్యంలో బస్సుల బ్యాటరీ వ్యవస్థలు, వైరింగ్‌, నిర్వహణ ప్రమాణాలపై సమగ్ర తనిఖీలు చేపట్టాల్సిన అవసరముంది. బస్సులను రోడ్డెక్కించే ముందు భద్రతా ప్రమాణాలను కచ్చితంగా పరిశీలించడంతో పాటు, లోపాలు గుర్తించి, పూర్తిస్థాయిలో మరమ్మతు చేసిన తర్వాతే సేవల్లోకి తీసుకురావాలి. ప్రయాణికుల భద్రతే ముఖ్యం ప్రజా రవాణాలో ఎలక్ట్రిక్‌ బస్సులు కీలకపాత్ర పోషిస్తున్నప్పటికీ, ప్రయాణికుల ప్రాణభద్రతకు ప్రాధాన్యం ఇవ్వాలి. వరుసగా చోటుచేసుకుంటు న్న అగ్నిప్రమాదాలు, మొరాయింపులపై ఆర్టీసీ అధికారులు సమగ్ర విచారణ చేపట్టి, ఘటనలకు కారణాలను వెల్లడించాల్సిన అవసరముంది. సమస్యలు పునరావృత్తం కాకుండా పరిష్కా ర చర్యలు చేపట్టాలి. లేదంటే ఎలక్ట్రిక్‌ బస్సులపై ప్రయాణికుల్లో నమ్మకం సన్నగిల్లే ప్రమాదముంది.

మల్యాల: కొండగట్టు శ్రీఆంజనేయస్వామి ఆలయంలోని 14 హుండీలకు భక్తుల ద్వారా వచ్చిన ఆదాయాన్ని గురువారం లెక్కించారు. 76 రోజులకు రూ.1.23 కోట్లు, 68 విదేశీ కరెన్సీ సమకూరినట్లు ఆలయ ఈవో అంజనా రెడ్డి తెలిపారు. మిశ్రమ వెండి, బంగారం బ్యాగులో వేసి, సీల్‌ వేసి, తిరిగి హుండీల్లో భద్రపరిచారు. నారాయణపూర్‌ను ముంపు గ్రామంగా ప్రకటించాలని కోరుతూ భక్తులు రాసిన లేఖ హుండీలో లభించినట్లు ఆలయ అధికారులు తెలిపారు. ఏఈవో హరిహరనాథ్‌, సూపరింటెండెంట్‌ సునీల్‌కుమార్‌, అధికారులు, అర్చకులు పాల్గొన్నారు.

జగిత్యాలరూరల్‌:వర్షాభావ పరిస్థితులు, ఎల్‌నినో ప్రభావంతో వ్యవసాయ పనులు లేక ఇబ్బంది పడుతున్న గ్రామీణ కూలీలకు వీబీజీరాంజీ పథకం ఆసరాగా నిలుస్తోంది. అర్హులకు కొత్త జాబ్‌ కార్డులు మంజూరు చేస్తూ.. జిల్లాలోని 385 గ్రామ పంచాయతీల్లో ఉపాధి పనులను ముమ్మరం చేశారు. ఫలితంగా గ్రామీణ ప్రాంతాల్లో ఉపాధి హామీకి కూలీల సంఖ్య పెరుగుతోంది. నూతన పనులకు శ్రీకారం జిల్లా వ్యాప్తంగా వీబీజీ రామ్‌జీ పథకం కింద చెక్‌డ్యామ్‌లు, ఇంకుడుగుంతలు, వ్యవసాయ కుంటల నిర్మాణం, చెరువుల్లో పూడికతీత, ఇందిరమ్మ ఇళ్ల మరుగుదొడ్ల నిర్మాణం, చెట్లకు కాలువలు చేయడం వంటి పనులను అధికారులు వేగవంతం చేశారు. ప్రభుత్వం కూలీలకు 250 పని దినాలు కల్పిస్తూ, రోజుకు రూ.308 చొప్పున కూలి చెల్లిస్తోంది. ప్రస్తుతం జిల్లాలో 99,500 జాబ్‌ కార్డులు ఉండగా, కొత్తగా దరఖాస్తు చేసుకున్న వారికి వెంటనే కార్డులు మంజూరు చేస్తున్నారు. ఉపాధికి పెరగనున్న డిమాండ్‌ యాసంగి పంటల సాగు రైతులు ఆశించిన స్థాయిలో వ్యవసాయ పనులు ఉండే అవకాశం లేకపోవడంతో.. నవంబర్‌ నుంచి ఉపాధి పనులకు వచ్చే కూలీల సంఖ్య భారీగా పెరగనుందని అధికారులు అంచనా వేస్తున్నారు. ప్రస్తుతం 14 వేల మంది కూలీలు పనులకు హాజరవుతుండగా.. డిమాండ్‌కు తగినట్లు రూ.23.06 కోట్లతో 13,612 పనులను చేపడుతున్నారు. క్షేత్రస్థాయిలో టెక్నికల్‌, ఫీల్డ్‌ అసిస్టెంట్లు ఉపాధి పనులపై ప్రజలకు విస్తృతంగా అవగాహన కల్పిస్తున్నారు.

జగిత్యాల: ప్రజాసేవలో నిజాయితీ, పారదర్శకత ఉద్యోగి బాధ్యత అని అదనపు కలెక్టర్‌ ప్రసూనాంబ అన్నారు. కలెక్టరేట్‌లో గురువారం విజిలెన్స్‌ అవగాహన వారోత్సవాలను అవినీతి నిరోధక శాఖ డీఎస్పీ మహేందర్‌రెడ్డి ఆధ్వర్యంలో నిర్వహించారు. ప్రజాసేవలో నిజాయితీ, పారదర్శకత, జవాబుదారీతనం ఉండాలన్నారు. అవినీతి నివారణ కేవలం ఒక శాఖ బాధ్యత మాత్రమే కాదని, ప్రజల విశ్వాసాన్ని నిలబెట్టేలా ప్రతి అధికారి, ఉద్యోగి బాధ్యతగా పనిచేయాలన్నారు. ప్రజలకు అవసరమైన సమాచారాన్ని స్పష్టంగా అందించడంతోపాటు, దరఖాస్తులను అనవసరంగా పెండింగ్‌లో ఉంచకూడదన్నారు. డీఎస్పీ మహేందర్‌రెడ్డి మాట్లాడుతూ..ఉద్యోగులు నైతిక బాధ్యతగా ఉంటూ ఎలాంటి ప్రలోభాలకు తావివ్వకుండా చట్టానికి లోబడి విధులు నిర్వర్తించాలని సూచించారు. అనంతరం ఉద్యోగులతో ప్రతిజ్ఞ చేయించారు. వివిధ శాఖల అధికారులు పాల్గొన్నారు.

ధర్మపురి: జ్వరంతో బాధపడుతూ.. వైద్య చికిత్స చేయించుకున్నప్పటికీ యువకుడి మృతిపై గురువారం వైద్య ఆరోగ్యశాఖ అధికారులు విచారణ చేపట్టారు. మృతుని సోదరుడు, వైద్యుల కథనం ప్రకారం.. ధర్మపురి మండలం రాజారం గ్రామానికి చెందిన వేమునూరి వినిత్‌ (35) ఈ ఏడాది ఆగష్టు 27న జ్వరం రావడంతో ధర్మపురిలోని ఓ ప్రైవేట్‌ ఆస్పత్రిలో వైద్య చికిత్స చేయించుకున్నాడు. అనంతరం ఓ ఆర్‌ఎంపీ వైద్యుడు ఇచ్చిన వైద్యంతో పరిస్థితి విషమించగా.. జగిత్యాలలోని ప్రైవేట్‌ ఆస్పత్రికి.. అక్కడి నుంచి కరీంనగర్‌ ఆస్పత్రికి తరలించారు. చికిత్స పొందుతూ అదే నెల 28న మృతిచెందాడు. ఆర్‌ఎంపీ వైద్యం వికటించడంతోనే వినిత్‌ చనిపోయాడని అతడి సోదరుడు ప్రవీణ్‌ పోలీస్‌స్టేషన్‌, డీఎంహెచ్‌వో కార్యాలయంలో ఫిర్యాదు చేశాడు. ఈ మేరకు గురువారం డిప్యూటీ డీఎంహెచ్‌వో శ్రీనివాస్‌ ఆధ్వర్యంలో మృతుడి నివాసం వద్దకు వెళ్లి సర్పంచ్‌, భార్య, కుటుంబ సభ్యుల సమక్షంలో విచారణ చేపట్టారు. ఆస్పత్రుల్లో వైద్య పరీక్షలు చేయించుకున్న రికార్డులు, కుటుంబసభ్యుల నుంచి సమాచారం సేకరించారు. నివేదికను జిల్లా వైద్య ఆరోగ్యశాఖకు సమర్పిస్తామని శ్రీనివాస్‌ తెలిపారు.

● దుకాణాలు, హాస్టళ్లలో సోదాలు తిమ్మాపూర్‌: కరీంనగర్‌ సీపీ గౌస్‌ ఆలం, ఉన్నతాధికారుల ఆదేశాల మేరకు ఎల్‌ఎండీ కాలనీ పోలీస్‌ స్టేషన్‌ పరిధిలోని పాన్‌షాపులు బాలుర హాస్టళ్లలో నార్కోటిక్స్‌ డాగ్‌ సహాయంతో ఎల్‌ఎండీ ఎస్‌ఐ అరుణ్‌, పోలీసులు తనిఖీలు నిర్వహించారు. యువతను మత్తు పదార్థాల నుంచి దూరంగా ఉంచడంతో పాటు, మాదకద్రవ్యాల అక్రమ వినియోగం మరియు సరఫరాను అరికట్టే లక్ష్యంతో ఈ తనిఖీలు చేపట్టారు. అనుమానాస్పద కార్యకలాపాలపై నిఘా ఉంచుతూ, మాదకద్రవ్యాలకు సంబంధించిన సమాచారం తెలిస్తే వెంటనే పోలీసులకు తెలియజేయాలని ప్రజలను కోరారు. మాదకద్రవ్యాల నిర్మూలనకు ప్రజలు పోలీసులకు సహకరించాలని ఎల్‌ఎండీ కాలనీ పోలీసులు విజ్ఞప్తి చేశారు.

కరీంనగర్‌ క్రైం: తిరుమలలో కరీంనగర్‌ భగత్‌నగర్‌కు చెందిన సిరిగినేని కొండలరావు(55)గురువారం గుండెపోటుతో మృతి చెందాడు. శ్రీవేంకటేశ్వరస్వామి దర్శనం అనంతరం గదికి చేరుకుని, కుటుంబ సభ్యులతో అరుణాచలానికి బయల్దేరేందుకు సిద్ధమవుతూ ఒక్కసారిగా కుప్పకూలాడు. వెంటనే ఆస్పత్రికి తరలించగా, అప్పటికే మృతి చెందినట్లు వైద్యులు నిర్ధారించారు. దీంతో కుటుంబ సభ్యులు కన్నీటి పర్యంతమయ్యారు. గుర్తుతెలియని మృతదేహంకరీంనగర్‌క్రైం: కరీంనగర్‌ పరిధిలోని అలుగునూరు బ్రిడ్జి కింద గుర్తుతెలియని వ్యక్తి మృతదేహం లభ్యమైంది. స్థానికులు ఇచ్చిన సమాచారంతో పోలీసులు పరిశీలించారు. మృతుడు గ్రీన్‌ కలర్‌ టీషర్ట్‌, ప్యాంటు ధరించి ఉన్నట్లు తెలిపారు. వివరాలు తెలియకపోవడంతో మృతదేహాన్ని కరీంనగర్‌ సివిల్‌ ఆసుపత్రిలో భద్రపరిచారు. ఎవరైనా గుర్తిస్తే కరీంనగర్‌ వన్‌టౌన్‌ పోలీస్‌ స్టేషన్‌కు సమాచారం అందించాలని సీఐ రాంచందర్‌రావు కోరారు. క్యూఆర్‌ కోడ్‌తో భిక్షాటనరామగుండం: ఓ అంధ భిక్షాటకుడు తన బ్యాంక్‌ అకౌంట్‌ నంబర్‌తో కూడిన క్యూఆర్‌ కోడ్‌ను మెడలో వేసుకొని రైలులో భిక్షాటన చేయడాన్ని ప్రయాణికులు ఆసక్తిగా చూశారు. చేతి కర్రసాయంతో ఓ అంధ భిక్షాటకుడు కరీంనగర్‌ జిల్లా జమ్మికుంట రైల్వేస్టేషన్‌లో రైలెక్కి బోగీలో మెల్లమెల్లగా భిక్షాటన చేస్తూ ముందుకెళ్లాడు. కాగా, తన మెడలో ఉన్న క్యూఆర్‌ కోడ్‌కు ఎంతమంది ధర్మం చేస్తున్నారో కూడా తెలియని ఆ అమాయక అంధుడి బ్యాంకు ఖాతాలో రోజూ ఎంత జమవుతుందో, ఎవరు డ్రా చేస్తారో కానీ, కంటి చూపు లేకుండా రైళ్లలో భిక్షాటన చేస్తుండడం ప్రయాణికుల మనసును కదిలించింది. విద్యుత్‌ మోటార్ల దొంగల అరెస్టుకరీంనగర్‌ రూరల్‌: విద్యుత్‌ మోటార్లు, ట్రాన్స్‌ఫార్మర్లలోని కాపర్‌వైర్ల దొంగతనానికి పాల్పడిన ఇద్దరిని గురువారం అరెస్టు చేసినట్లు కరీంనగర్‌రూరల్‌ సీఐ నిరంజన్‌రెడ్డి తెలిపారు. కరీంనగర్‌కు చెందిన ఆటోడ్రైవర్లు వివర్‌ సాయికుమార్‌(28), వజీద్‌ పాషా(24) కొత్తపల్లి మండలం బద్దిపల్లిలోని ఇందిరమ్మ కాలనీలో నివాసముంటూ రాత్రివేళల్లో ఆటోలో తిరుగుతూ వ్యవసాయబావుల వద్ద ఉన్న విద్యుత్‌ మోటార్లు, ట్రాన్స్‌ఫార్మర్లను పగులకొట్టి కాపర్‌వైర్లను దొంగతనం చేశారని వివరించారు. కరీంనగర్‌ మండలంలోని పలు గ్రామాల్లో వరుసగా దొంగతనాలు జరగడంతో ప్రత్యేక నిఘా పెట్టి గురువారం ఇద్దరిని అదుపులోకి తీసుకుని విచారించినట్లు తెలిపారు. కరీంనగర్‌రూరల్‌, కొత్తపల్లి, మానకొండూరు పోలీస్‌స్టేషన్లలో ఇద్దరిపై 8 కేసులు నమోదైనట్లు పేర్కొన్నారు. మూడు విద్యుత్‌ మోటార్లు, ఆటోను స్వాధీనం చేసుకుని కోర్టులో హాజరుపరిచి రిమాండ్‌కు తరలించినట్లు వివరించారు.

– చాకచక్యంగా రక్షించిన ఫైర్‌ సిబ్బంది కరీంనగర్‌ క్రైం: కరీంనగర్‌లోని గణేశ్‌నగర్‌– హనుమాన్‌నగర్‌ పరిధిలో డోర్‌ సెల్ఫ్‌ లాక్‌ కావడంతో గదిలో చిక్కుకున్న 18 నెలల చిన్నారిని అగ్నిమాపకశాఖ సిబ్బంది చాకచక్యంగా రక్షించారు. సమాచారం అందుకున్న వెంటనే సంఘటనా స్థలానికి వెళ్లి తలుపును తెరిచి చిన్నారిని సురక్షితంగా బయటకు తీసుకొచ్చారు. స్టేషన్‌ ఫైర్‌ ఆఫీసర్‌ కె.నరేష్‌ కుమార్‌, ఎల్‌ఎఫ్‌ఎఫ్‌ యాదగిరి, ఫైర్‌ ఫైటర్‌ టెక్నికల్‌ పి.శ్రీనివాస్‌, ఫైర్‌ ఫైటర్లు ఎం.రాజ్‌కుమార్‌, సీహెచ్‌.కిషోర్‌, కె.ప్రసాద్‌ పాల్గొన్నారు. జీడీకే–11గనిపై కార్మికుడి ఆత్మహత్యాయత్నం గోదావరిఖని: కాలికి గాయం ఉన్నా అండర్‌గ్రౌండ్‌లో విధులు నిర్వహించాలని అధికారులు ఒత్తిడి చేస్తున్నారని పేర్కొంటూ గురువారం జీడీకే–11గనిపై సింగరేణి కార్మికుడు బుచ్చిబాబు ఒంటిపై పెట్రోల్‌పోసుకుని ఆత్మహత్యాయత్నానికి పాల్పడ్డాడు. గనిలో జనరల్‌ అసిస్టెంట్‌గా పనిచేస్తున్న బుచ్చిబాబు 2019 నుంచి సంస్థలో విధులు నిర్వహిస్తున్నాడు. రోడ్డుప్రమాదంలో కాలుకు గాయాలు కావడంతో సర్ఫేస్‌లో విధులు నిర్వహిస్తున్నాడు. గురువారం నుంచి అండర్‌గ్రౌండ్‌లో డ్యూటీకి వెళ్లాలని సూచించడంలో సాయంత్రం మేనేజర్‌ కార్యాలయం ఎదుట పెట్రోల్‌ పోసుకుని నిప్పంటించుకునేందుకు ప్రయత్నించాడు. వెంటనే అక్కడ ఉన్నవారు అడ్డుకోవడంతో పాటు మంటలను ఆర్పివేశారు. ఈఘటనలో బుచ్చిబాబు కాళ్ల ప్రాంతంలో సుమారు 6 శాతం గాయాలయ్యాయి. గోదావరిఖని ఏరియా ఆసుపత్రిలో చికిత్స పొందుతున్నారు. కాగా, రెండేళ్ల నుంచి వ్యక్తిగత పరిస్థితులను దృష్టిలో ఉంచుకుని సర్ఫేస్‌లో విధులు నిర్వహించేందుకు యాజమాన్యం అవకాశం కల్పించిందని, గుర్తింపు కార్మిక సంఘం అభ్యర్థన మేరకు శుక్రవారం నుంచి అదనంగా సర్ఫేస్‌ విధులు నిర్వహించేందుకు వెసులుబాటు కల్పించిందని అధికారులు తెలిపారు. ఈఘటనపై విచారణ జరిపించి బాధ్యులపై తగిన చర్యలు తీసుకుంటామని యాజమాన్యం ప్రకటించింది. బిహార్‌ యువకుడిపై కత్తితో దాడిమెట్‌పల్లి: పట్టణంలో బిహార్‌ యువకుడిపై అదే రాష్ట్రానికి చెందిన కొందరు కత్తితో దాడి చేసిన సంఘటన కలకలం సృష్టించింది. ఎస్సై కిరణ్‌కుమార్‌ కథనం ప్రకారం.. బీహార్‌కు చెందిన హిట్లర్‌కుమార్‌ (20) మూడు నెలల క్రితం కూలీ పని కోసం మెట్‌పల్లికి వచ్చాడు. దసరా రోజు కూలీ పనులు చేస్తున్న అదే రాష్ట్రానికి చెందిన రాహుల్‌, బబ్లూ, సందీప్‌, పునీత్‌, మనోజ్‌ చౌదరితో హిట్లర్‌కుమార్‌కు గొడవ జరిగింది. అప్పటినుంచి ఐదుగురు అతడిపై పగ పెంచుకున్నారు. బుధవారం రాత్రి బస్టాండ్‌ వద్ద హిట్లర్‌ ఉండగా.. ఐదుగురు వచ్చి అతడిపై కత్తితో దాడి చేశారు. తీవ్రంగా గాయపడిన అతడిని చికిత్స నిమిత్తం జగిత్యాల ఆసుపత్రికి తరలించారు. ఐదుగురిపై కేసు నమోదు చేసినట్లు ఎస్సై పేర్కొన్నారు. ప్రైవేటు ఉపాధ్యాయుడిపై పోక్సో కేసుకరీంనగర్‌ క్రైం: నగరంలోని ఓ ప్రైవేట్‌ పాఠశాలలో ఉపాధ్యాయుడిగా పనిచేస్తున్న శ్రీధర్‌ అనే వ్యక్తిపై పోక్సో కేసు నమోదైంది. శ్రీధర్‌ మరో పాఠశాలలో చదువుతున్న విద్యార్థినికి స్నాప్‌చాట్‌ ద్వారా అసభ్య సందేశాలు పంపిస్తూ, ప్రేమిస్తున్నానంటూ వెంటపడుతున్నాడని ఆరోపణలు వచ్చాయి. బాధిత విద్యార్థిని తల్లి ఇచ్చిన ఫిర్యాదు మేరకు వన్‌టౌన్‌ పోలీసులు కేసు నమోదు చేశారు.

జగిత్యాలరూరల్‌: పంటలు వేయబోమని రైతులతో ఒప్పందాలు రాయించుకోవడం తన జీవితంలో ఎప్పుడూ చూడలేదని బీఆర్‌ఎస్‌ రాష్ట్ర ప్రధాన కార్యదర్శి, మాజీమంత్రి జీవన్‌రెడ్డి అన్నారు. సారంగాపూర్‌ మండలం రంగపేటలో రైతులతో మాట్లాడారు. ఎల్‌నినో ప్రభావం ఉందని, కరువు వస్తుందని, పంటలకు నీరు ఇవ్వబోమని, విద్యుత్‌ సరఫరా చేయలేమని చేతులెత్తేయడం ప్రభుత్వ అసమర్థతకు నిదర్శనమన్నారు. విద్యుత్‌ ఉత్పత్తికి అవసరమైన వనరులు అందుబాటులో ఉన్నా.. కొరత ఎందుకు ఏర్పడుతోందని ప్రశ్నించారు. ఆయన వెంట నాయకులు తేలు రాజు, అనంతుల గంగారెడ్డి, దావ తిరుపతి, రామడుగు రవి, వెంకటేశ్‌, సుధాకర్‌, నరేశ్‌ పాల్గొన్నారు.

● డిప్యూటీ డీఎంహెచ్‌వో శ్రీనివాస్‌ జగిత్యాల: హెచ్‌ఐవీ వ్యాధికి నివారణే మార్గమని డిప్యూటీ డీఎంహెచ్‌వో శ్రీనివాస్‌ అన్నారు. ఎస్‌కేఎన్‌ఆర్‌ ప్రభుత్వ ఆర్ట్స్‌ అండ్‌ సైన్స్‌ కళాశాలలో ఎయిడ్స్‌ నివారణ విభాగం ఆధ్వర్యంలో విద్యార్థులకు ఆటల పోటీలు నిర్వహించారు. హెచ్‌ఐవీ వ్యాప్తి మార్గాలు, పరీక్షలు, చికిత్స ప్రాముఖ్యతను వివరించారు. హెచ్‌ఐవీ బాధితుల పట్ల వివక్షత చూపరాదన్నారు. రేస్‌ అగెనెస్ట్‌ హెచ్‌ఐవీ నినాదంతో యువతకు పరుగుపందెం నిర్వహించారు. ప్రొఫెసర్‌ ఇందిరాదేవి, కో–ఆర్డినేటర్‌ రాజేందర్‌రెడ్డి, మురళి పాల్గొన్నారు.

కరీంనగర్‌ రూరల్‌: రాష్ట్రంలోని పలు ప్రాంతాల్లో దొంగతనాలకు పాల్పడి తప్పించుకు తిరుగుతున్న దొంగను బుధవారం రూరల్‌ పోలీసులు అరెస్టు చేశారు. సీఐ నిరంజన్‌రెడ్డి వివరాల ప్రకారం.. పెద్దపల్లి జిల్లా సుల్తానాబాద్‌ మండలం అల్లీపూర్‌కు చెందిన బాలసాని అజయ్‌ ఇంటర్‌ చదువుతుండగానే దొంగతనాలకు అలవాటుపడ్డాడు. గతంలో మానకొండూరు మండలం ఊటూరు బ్యాంకు దోపిడీ, సుల్తానాబాద్‌లో జరిగిన మూడు దొంగతనాల్లో అరెస్టయ్యాడు. 2025లో హైదరాబాద్‌కు వెళ్లి ఓ షాపింగ్‌మాల్‌లో సేల్స్‌మెన్‌గా పనిచేస్తుండగా సెక్యూరిటిగార్డు రాజుతో కలిసి నాగర్‌కర్నూల్‌ జిల్లా తెలకపల్లిలోని ఓ ఇంట్లోకి చొరబడి రెండున్నర తులాల బంగారం, కొంత నగదు ఎత్తుకెళ్లారు. గత ఆగస్టులో బొమ్మకల్‌ పరిధిలోని విజయ్‌నగర్‌ కాలనీలోని ఓ ఇంట్లోకి ప్రవేశించి పావుతులం బంగారం, 25 తులాల వెండి అపహరించాడు. పోలీసులకు ఆనవాళ్లు దొరకకుండా కారం పొడి చల్లి తప్పించుకపోయాడు. నాట్‌ గ్రిడ్‌ యాప్‌ ద్వారా అజయ్‌ అనవాళ్లను సేకరించిన పోలీసులు బుధవారం బొమ్మకల్‌లోని దాబా వద్ద పట్టుకున్నారు. అనంతరం కోర్టులో హాజరుపరిచారు.

ధర్మపురి: ఇటీవల నిర్వహించిన రాష్ట్రస్థాయి పోటీల్లో ప్రతిభ కనబర్చిన మండలంలోని మగ్గిడి గురుకులం పాఠశాలకు చెందిన విద్యార్థి హన్షల్‌ జాతీయస్థాయికి ఎంపికై నట్లు ప్రిన్సిపాల్‌ రమేశ్‌ తెలిపారు. హన్షల్‌ ఇటీవల నారాయణపేటలో నిర్వహించిన రాష్ట్రస్థాయి అండర్‌–14 రెజ్లింగ్‌ పోటీలు నిర్వహించారు. ఇందులో బంగారు పతకం అందుకున్నాడు. ఈనెల 31న ఢిల్లీలో జరిగే జాతీయస్థాయి పోటీల్లో పాల్గొంటాడని తెలిపారు. ప్రిన్సిపాల్‌, పీడీ సంతోష్‌, కోచ్‌ వినయ్‌ హన్షల్‌ను అభినందించారు. రాష్ట్రస్థాయి కరాటే పోటీలకు జగిత్యాలరూరల్‌: జగిత్యాల రూరల్‌ మండలం కండ్లపల్లి మోడల్‌స్కూల్‌ విద్యార్థి సాత్విక్‌ ఎస్జీఎఫ్‌ అండర్‌ –14 విభాగంలో రాష్ట్రస్థాయి కరాటే పోటీలకు ఎంపికై నట్లు పీడీలు అజీమ్‌, వినిత్‌ తెలిపారు. సాత్విక్‌ను ప్రిన్సిపల్‌ సరితాదేవి, వైస్‌ ప్రిన్సిపల్‌ నాగేశ్‌, ఉపాధ్యాయ బృందం అభినందించారు. కబడ్డీ పోటీలకు చల్‌గల్‌ విద్యార్థి.. చల్‌గల్‌ జెడ్పీ పాఠశాలకు చెందిన రిషిక రాష్ట్రస్థాయి కబడ్డీ పోటీలకు ఎంపికై నట్లు పీడీ వెంకటలక్ష్మీ తెలిపారు. సత్తుపల్లిలో నిర్వహించే పోటీల్లో రిషిక పాల్గొనున్నట్లు తెలిపారు. రిషికను హెచ్‌ఎం చంద్రశేఖర్‌, సర్పంచ్‌ జున్ను రాజేందర్‌, ఎస్‌ఎంసీ చైర్మన్‌ నీరటి సుకన్య అభినందించారు. రేషన్‌ డీలర్ల సంఘం రాష్ట్ర జాయింట్‌ సెక్రటరీగా లక్ష్మణ్‌మెట్‌పల్లి: రేషన్‌ డీలర్ల సంక్షేమ సంఘం రాష్ట్ర జాయింట్‌ సెక్రటరీగా పట్టణానికి చెందిన బత్తుల లక్ష్మణ్‌ను నియమించినట్లు అధ్యక్షుడు నాయికోటి రాజు బుధవారం ఒక ప్రకటనలో తెలిపారు. గతంలో లక్ష్మణ్‌ సంఘంలో పలు పదవులు నిర్వహించారు. ఆయన నియామకంపై పలువురు డీలర్లు హర్షం వ్యక్తం చేశారు. డీలర్ల సమస్యల పరిష్కారానికి తన వంతు కృషి చేస్తానని పేర్కొన్నారు.

కరీంనగర్‌లో ఆస్ట్రేలియా ‘సంప్రదాయ కోర్సులతో తల్లిదండ్రులు తమ అభిప్రాయాలను విద్యార్థులపై రుద్దుతున్నారు. ఇది విద్యార్థులపై ఒత్తిడి కలగజేస్తుంది. వారి ఆసక్తిని గమనించి సంప్రదాయ మెడిసిన్‌, ఇంజినీరింగ్‌కు బదులుగా అన్ని రకాల ఆర్ట్స్‌, మ్యూజిక్‌, సైన్స్‌, కామర్స్‌ కోర్సులకు పెద్దపీట వేయాలి. అందుకే అన్ని విభాగాల్లోనూ విద్యార్థులు రాణించేలా ఆస్ట్రేలియా ప్రభుత్వంతో ఒప్పందం చేసుకున్నాం. అక్కడి కరిక్యులంతో విద్యార్థుల్లో ప్రతిభాపాటవాలను ప్రోత్సహించి వారిని వివిధ రంగాల్లో సమర్థులుగా తీర్చిదిద్దేందుకు కరీంనగర్‌ వేదికగా ఇంటర్నేషనల్‌ స్థాయి విద్యను అందించేందుకు అన్ని ఏర్పాట్లు పూర్తి చేసుకున్నాం’ అని అల్ఫోర్స్‌ విద్యాసంస్థల చైర్మన్‌ వుట్కూరి నరేందర్‌రెడ్డి పేర్కొన్నారు. బుధవారం ‘సాక్షి’తో పలు అంశాలు వెల్లడించారు. – సాక్షిప్రతినిధి, కరీంనగర్‌ నైపుణ్య ఆధారిత విద్యకు ప్రాధాన్యం ఇవ్వాలని ఎందుకు భావిస్తున్నానంటే.. ప్రతి విద్యార్థి ఒకే రంగంలో రాణించలేడు. కొందరికి సాంకేతిక రంగంపై ఆసక్తి ఉంటే, మరికొందరు వ్యాపార నిర్వహణ, వ్యవసాయం, కళలు, సంగీతం, క్రీడలు వంటి రంగాల్లో ప్రతిభ చూపుతారు. అందుకే ఒకేషనల్‌, టెక్నికల్‌, స్కిల్‌ బేస్డ్‌ కోర్సులకు మరింత ప్రాధాన్యమివ్వాలి. పాఠశాలస్థాయిలో నర్సరీ నుంచి 12వ తరగతి వరకు విద్యార్థుల అభ్యసనాన్ని క్రమబద్ధంగా కొనసాగించే విధానం ఉంటే వారికి విద్యాపరంగా నిరంతర పురోగతి సాధ్యమవుతుంది. తరచూ పరీక్షల ఒత్తిడికి గురిచేయకుండా, వారి ప్రతిభను గుర్తించవచ్చు. చిన్న వయస్సు నుంచే విద్యార్థుల్లో ఆసక్తులు, ప్రతిభ వేర్వేరుగా ఉంటాయి. సబ్జెక్టుల ఎంపిక విద్యార్థుల వయసు, అభిరుచి, విద్యా పునాదులు, భవిష్యత్తు లక్ష్యాలకు అనుగుణంగా ఉండాలి.ఇటీవల పశ్చిమ ఆస్ట్రేలియాలో పర్యటించాను. దేశంలోని వివిధ రాష్ట్రాలకు చెందిన 12 మంది విద్యారంగ ప్రముఖులతో కలిసి అక్కడి విశ్వవిద్యాలయాలు, పాఠశాలలను సందర్శించాం. వారి విద్యా విధానం, పాఠ్యప్రణాళిక, బోధనా పద్దతులు, విద్యార్థులకు అందుతున్న ఉపాధి అవకాశాలను పరిశీలించాం. ప్రధానంగా అకడమిక్‌ సబ్జెక్టులతో పాటు బిజినెస్‌ మేనేజ్‌మెంట్‌, ఎకనామిక్స్‌, అగ్రికల్చర్‌ సైన్స్‌, వెటర్నరీ, ఆర్ట్స్‌, మ్యూజిక్‌, స్పోర్ట్స్‌ వంటి రంగాల్లోనూ విద్యార్థులకు అవకాశాలు కల్పిస్తున్నారు. విద్యార్థులు తమ ఆసక్తికి అనుగుణంగా భవిష్యత్తు మార్గాన్ని ఎంచుకునేలా ప్రోత్సహిస్తున్నారు.తల్లిదండ్రుల ఆసక్తి, మారుతున్న విద్యా అవసరాలను దృష్టిలో పెట్టుకుని వెస్ట్‌ ఆస్ట్రేలియా కరిక్యులంతో ఇంటర్నేషనల్‌ స్కూల్‌ను ప్రారంభించాలని ప్రణాళిక రూపొందించాం. అనుమతులు రాగానే వచ్చే విద్యా సంవత్సరంలో నర్సరీ నుంచి రెండో తరగతి వరకు ప్రారంభిస్తాం. ఇక ఐఐటీ, మెడిసిన్‌తో పాటు ఇతర కెరీర్‌ అవకాశాలను గురించి చెప్పాలంటే.. ఐఐటీ, వైద్య విద్యతో పాటు క్లాట్‌, చార్టర్డ్‌ అకౌంటెన్సీ, వ్యవసాయం, వెటర్నరీ, క్రీడలు, సాంకేతిక విద్య, వ్యాపార నిర్వహణ వంటి అనేక రంగాల్లో అవకాశాలు ఉన్నాయి. పిల్లల ఆసక్తిని గుర్తించి సరైన సమాచారం, మార్గదర్శకత్వం అందిస్తే వారికి అనువైన రంగంలో మంచి భవిష్యత్‌ను నిర్మించుకోగలరు. విద్య అనేది కేవలం సర్టిఫికెట్లు, మార్కులు సంపాదించడానికి మాత్రమే కాదు. మంచి వ్యక్తిత్వం, ఆలోచనా సామర్థ్యం, నైపుణ్యాలు, బాధ్యతాయుతమైన జీవన విధానాన్ని అలవర్చుకోవడానికి ఉపయోగపడాలి. తల్లిదండ్రులు సైతం తమ ఆశయాలను పిల్లలపై రుద్దకుండా, వారి ప్రతిభను ప్రోత్సహించాలి.

మేడిపల్లిలో రోడ్డుపై బైఠాయించి నిరసన తెలుపుతున్న బీజేపీ నాయకులు జగిత్యాలరూరల్‌ మండలం పొరండ్లలో ఎండిపోయిన పంటను మేస్తున్న పశువులు జగిత్యాలరూరల్‌: జిల్లాను కరువు వెంటాడుతోంది. వానాకాలంలో నెలకొన్న వర్షాభావం, ఎల్‌నినో ప్రభావం, నేలలో పడిపోయిన తేమ శాతం తదితర అంశాలను పరిగణనలోకి తీసుకున్న ప్రభుత్వం జిల్లావ్యాప్తంగా మూడు మండలాలను కరువు ప్రభావిత ప్రాంతాలుగా ప్రకటించింది. ఈ మేరకు రెవెన్యూ శాఖ జీవో ఎంఎస్‌ నంబర్‌ 3 విడుదల చేసింది. జగిత్యాల, జగిత్యాలరూరల్‌, కొడిమ్యాల మండలాలలో కరువు ఉన్నట్లు ప్రభుత్వం నిర్ధారించింది. జూన్‌ ఒకటి నుంచి సెప్టెంబర్‌ 30 వరకు నమోదైన వర్షపాత లోటును అంచనా వేసిన సర్కార్‌.. తక్షణమే సహాయక చర్యలు చేపట్టేందుకు కార్యాచరణ ప్రణాళికలు సమర్పించాలని వ్యవసాయ, అనుబంధ శాఖల అధికారులను ఆదేశించింది. పడిపోయిన భూగర్భజలాలు ఎల్‌నినో ప్రభావంతో భూగర్భజలాలు ఇప్పుడే అడుగంటాయి. వర్షకాలంలో రైతులు ముఖ్యంగా వరిపంట సాగుచేసేవారు. కానీ వరిపంట సాగుచేసిన రైతులు కొన్ని చోట్ల వర్షాలు లేకపోవడంతో సాగునీరు, విద్యుత్‌ కోతలతో సతమతమవుతున్నారు. ఇప్పటికే కొందరి రైతుల పంటలు ఎండిపోయాయి. యాసంగి పంటలు సాగు చేయవద్దని, కొద్దిపాటి నీటితో సాగయ్యే పంటలపైనే దృష్టి సారించాలని ప్రభుత్వం సూచిస్తోంది. కరువు మండలాలుగా ప్రకటించాలని.. మేడిపల్లి/కథలాపూర్‌: మేడిపల్లి, భీమారం, కథలాపూర్‌ మండలాలను కరువు ప్రాంతాలుగా గుర్తించాలని బీజేపీ నాయకులు బుధవారం ఆందోళనకు దిగారు. మేడిపల్లిలో నిజామాబాద్‌–జగిత్యాల రహదారిపై బైఠాయించారు. కార్యక్రమంలో పార్టీ మండల అధ్యక్షుడు చిట్యాల సురేష్‌, నాగం శివకుమార్‌, క్యాతం దశరథరెడ్డి, రెబ్బస్‌ మల్లయ్య, తొగరి లక్ష్మిపతి, కొప్పెర లింగరెడ్డి, అన్నాడి జలపతి రెడ్డి, కథలాపూర్‌లో కిసాన్‌మోర్చా రాష్ట్ర అధికార ప్రతినిధి కొడిపెల్లి గోపాల్‌రెడ్డి, బీజేపీ మండల అధ్యక్షుడు మల్యాల మారుతి, నాయకులు మహేశ్‌, నరెడ్ల రవి, ఆరెల్లి శివ, ఆనంద్‌రెడ్డి, గాంధారి శ్రీనివాస్‌, పల్లికొండ ప్రసాద్‌, జిల్లా సత్యం, లింగం తదితరులు పాల్గొన్నారు.

జగిత్యాలరూరల్‌: విద్యార్థినులు వ్యక్తిగత భద్రతపై అప్రమత్తంగా ఉండాలని జిల్లా న్యాయ సేవాధికార సంస్థ కార్యదర్శి మట్టా సరిత అన్నారు. న్యాయ సేవాధికార సంస్థ ఆధ్వర్యంలో జిల్లాకేంద్రంలోని బాలికల గురుకులంలో పోక్సో చట్టంపై అవగాహన కల్పించారు. 18ఏళ్ల లోపున్న వారిపై లైంగికదాడులు, వేధింపుల నుంచి పోక్సో చట్టం కాపాడుతుందన్నారు. ఎవరైనా అనుచితంగా ప్రవర్తించినా లేదా వేధింపులకు పాల్పడినా భయపడకుండా తల్లిదండ్రులు, ఉపాధ్యాయులకు తెలపాలన్నారు. అనంతరం పోక్సో చట్టం అవగాహన పోస్టర్‌ ఆవిష్కరించారు. కార్యక్రమంలో చీఫ్‌ లీగల్‌ ఎయిడ్‌ డిఫెన్స్‌ కౌన్సిల్‌ కె.చంద్రమోహన్‌, చైల్డ్‌ ప్రొటెక్షన్‌ ఆఫీసర్‌ సురేష్‌, న్యాయవాదులు మమత, స్వప్న, పాఠశాల ప్రధానోపాధ్యాయురాలు, ఉపాధ్యాయ బృందం పాల్గొన్నారు.

వాతావరణం ఆకాశం మేఘావృతమై ఉంటుంది. కొన్ని చోట్ల చిరుజల్లులు కురిసే అవకాశం ఉంది. చలిగాలులు వీస్తాయి. 7చింతకుంట చెరువు పరిశీలనజగిత్యాల: జిల్లాకేంద్రం శివారు చింతకుంట చెరువును కలెక్టర్‌ సత్యప్రసాద్‌ బుధవారం పరిశీలించారు. చెరువు పరిరక్షణకు ప్రణాళిక సిద్ధం చేయాలన్నారు. ఎల్‌నినోను ఎదుర్కొవాలిఇబ్రహీంపట్నం: ఎల్‌నినోను ఎదుర్కొవాలని పంచాయతీ రాజ్‌ కమిషనర్‌ దివ్యనటరాజన్‌ అన్నారు. సర్పంచులు, పంచాయతీ కార్యదర్శులతో వీడియో కాన్ఫరెన్స్‌లో మాట్లాడారు.

పెగడపల్లి: కాళేశ్వరం నుంచి నీటిని ఎత్తిపోస్తే కేసీఆర్‌కు మంచిపేరు వస్తుందన్న అక్కసుతోనే ప్రభుత్వం రైతులకు తీరని అన్యాయం చేస్తొందని మాజీమంత్రి కొప్పుల ఈశ్వర్‌ అన్నారు. మండల కేంద్రంలో బుధవారం విలేకరులతో మాట్లాడారు. తుమ్మిడిహెట్టి నుంచి ఎల్లంపల్లికి గ్రావిటీ ద్వారా నీళ్లు తెస్తామని చెప్పడం విడ్డూరంగా ఉందన్నారు. మేడిగడ్డకు స్వల్ప మరమ్మతులు చేసి కన్నెపల్లి పంపుహౌస్‌ నుంచి నీరు తరలించే అవకాశమున్నా ప్రభుత్వం పట్టించుకోవడం లేదన్నారు. తుమ్మిడిహెట్టి పాజెక్టును తెరపైకి తెచ్చి కొత్త డ్రామాకు తెరలేపిందన్నారు. కన్నెపల్లి పంపుహౌస్‌ నుంచి నీటిని ఎత్తిపోసి రైతులకు సాగునీరు అందించాలని డిమాండ్‌ చేశారు. ఆయన వెంట బీఆర్‌ఎస్‌ రాష్ట్ర నాయకుడు రమణారావు, మండల అధ్యక్షుడు మల్లారెడ్డి, సర్పంచ్‌ వీరేశం, నాయకులు ఆనందం, లక్ష్మణ్‌, రాజశేఖర్‌, తిరుపతి, అంజి, పద్మ, లక్ష్మీనారాయణ, విజయ్‌యాదవ్‌, అరుణ్‌, రాజమల్లు ఉన్నారు.

● ఎస్పీ అశోక్‌కుమార్‌ జగిత్యాలక్రైం: రక్తదానం చేసేందుకు ప్రతిఒక్కరూ ముందుకు రావాలని ఎస్పీ అశోక్‌కుమార్‌ అన్నారు. పోలీసుల అమరవీరుల సంస్మరణ కార్యక్రమంలో భాగంగా ట్రాిఫిక్‌ శిక్షణ కేంద్రంలో బుధవారం రక్తదాన శిబిరం ప్రారంభించారు. కార్యక్రమానికి యువత నుంచి అనూహ్య స్పందన వస్తోందన్నారు. శిబిరాన్ని ఏర్పాటు చేసిన ఇండియన్‌ రెడ్‌క్రాస్‌ సొసైటీ, పోలీసు అధికారులను అభినందించారు. డీఎస్పీలు పురుషోత్తంరెడ్డి, డీఎంహెచ్‌వో సుజాత, సీఐలు సుధాకర్‌, కరుణాకర్‌, రాజ్‌కుమార్‌, తిరుపతి, వేణు, సైదులు, ఐఎంఏ సభ్యులు పాల్గొన్నారు. ట్రాఫిక్‌ సమస్యలు పరిష్కరించాలిజిల్లాకేంద్రంలో ట్రాఫిక్‌ సమస్యలు పరిష్కరించాలని ఎస్పీ అశోక్‌కుమార్‌ అన్నారు. ట్రాఫిక్‌ పోలీస్‌ స్టేషన్‌ను బుధవారం తనిఖీ చేశారు. రోడ్డు ప్రమాదాల నివారణ లక్ష్యంగా విధులు నిర్వర్తించాలన్నారు. ప్రధాన కూడళ్లు, రద్దీ ప్రాంతాలు, విద్యాసంస్థల పరిసరాలు, బస్టాండ్‌ ప్రాంతాల్లో ట్రాఫిక్‌ సమస్యలు తలెత్తకుండా ముందస్తు చర్యలు తీసుకోవాలని ఆదేశించారు. ట్రిపుల్‌ రైడింగ్‌, హెల్మెట్‌, సీట్‌ బెల్ట్‌ ధరించని వాహనదారులపై చట్టప్రకారం చర్యలు తీసుకోవాలని ఆదేశించారు. నృసింహుని హుండీ ఆదాయం రూ.59.97 లక్షలుధర్మపురి: ధర్మపురి శ్రీలక్ష్మీనృసింహస్వామి ఆ లయ ప్రాంగణంలో బుధవారం ఆలయ హుండీలకు భక్తుల ద్వారా వచ్చిన కానుకలను లెక్కించారు. 127రోజులకు గాను రూ.59,97,771 సమకూరినట్లు ఈవో శ్రీనివాస్‌ తెలిపారు. 42 గ్రాముల మిశ్రమ బంగారం, 3.400 కిలోల మిశ్రమ వెండి, 40 విదేశీనోట్లు వచ్చినట్లు పేర్కొన్నారు. దేవాదాయశాఖ సహాయ కమిషనర్‌ నాయిని సుప్రియ, అర్చకులు, సిబ్బంది, స్వచ్ఛంద సేవకులు తదితరులున్నారు. విద్యార్థులు మత్తుకు దూరంగా ఉండాలిజగిత్యాల: మత్తు రహిత సమాజ నిర్మాణం లక్ష్యమని, విద్యార్థులు మత్తుకు దూరంగా ఉండాలని రెడ్‌క్రాస్‌ సొసైటీ చైర్మన్‌ ఆకుతోట శ్రీనివాస్‌రెడ్డి అన్నారు. జిల్లాకేంద్రంలో బుధవారం మాదక ద్రవ్యాలకు వ్యతిరేకంగా అవగాహన ర్యాలీ నిర్వహించారు. జూనియర్‌ కళాశాల నుంచి తహసీల్‌ చౌరస్తా మీదుగా టవర్‌ నుంచి పాతబస్టాండ్‌ వరకు ర్యాలీ తీశారు. విద్యార్థి దశలో చెడు అలవాట్లకు ఆకర్షితులు కాకుండా ఉన్నత లక్ష్యాల వైపు మళ్లాలని సూచించారు. యువత ఆరోగ్యంగా ఉన్నప్పుడే దేశం అన్ని రంగాల్లో అభివృద్ధి చెందుతుందన్నారు. అనంతరం గవర్నర్‌ సందేశాన్ని ప్రత్యక్ష ప్రసారం ద్వారా వీక్షించారు. నశాముక్త్‌ భారత్‌ అభియాన్‌ లక్ష్యాలు, మాదక ద్రవ్యాల నిర్మూలనలో యువత పాత్ర, ఆరోగ్య సమాజ నిర్మాణం వంటి అంశాలపై గవర్నర్‌ శివప్రతాప్‌ శుక్లా వివరించారు. ఎస్‌కేఎన్‌ఆర్‌ జూనియర్‌ కళాశాల ప్రిన్సిపల్‌ నాగభూషణం, తిరుపతిరె డ్డి, ఉమాదేవి, నరేందర్‌గౌడ్‌, మధుకర్‌, రవి బాబు, సురేశ్‌, సత్యనారాయణ పాల్గొన్నారు. ఆస్పత్రిని అందుబాటులోకి తేవాలని.. ధర్మపురి: రూ.కోట్లతో నిర్మించిన పట్టణంలోని మాతాశిశు ఆస్పత్రిని వినియోగంలోకి తేవాలని డిమాండ్‌ చేస్తూ.. బీజేపీ నాయకులు బుధవారం జాతీయ రహదారిపై రాస్తారోకో చేపట్టారు. నాయకులు మాట్లాడుతూ.. ఆస్పత్రి వినియోగంలోకి రాకపోవడంతో మధ్యతరగతి ప్రజలు వైద్యం కోసం ఇబ్బంది పడుతున్నారని పేర్కొన్నారు. ప్రభుత్వం స్పందించి వెంటనే వైద్యులను నియమించాలని డిమాండ్‌ చేశారు. ఆస్పత్రిలో సేవలు లేక గర్భిణులు జగి త్యాల, కరీంనగర్‌ వంటి దూర ప్రాంతాలకు వెళ్లాల్సి వస్తోందన్నారు. ఆస్పత్రిని వినియోగంలోకి తేకపోతే ప్రజల పక్షాన ఆందోళన చేపడుతామని హెచ్చరించారు. ఆందోళనలో బీజేపీ నాయకులు, కార్యకర్తలు పాల్గొన్నారు.

జిల్లాలోని ఓ మున్సిపాలిటీ పరిధిలోని ఓ ప్రైవేటు పాఠశాలలో చదువుతున్న విద్యార్థికి పదో తరగతి ఫీజు రూ.1500 తేవాలని చెప్పడంతో ఇదే విషయాన్ని అతడు తల్లిదండ్రులకు చెప్పాడు. పరీక్ష ఫీజు అంత ఉండదని, ఎందుకంత వసూలు చేస్తున్నారని పాఠశాల యాజమాన్యాన్ని ప్రశ్నించాడు. ఇది ఒక్క ఆ పాఠశాలలోనే కాదు.. జిల్లాలోని అన్ని పాఠశాలల్లో కొనసాగుతున్న తతంగం. జగిత్యాల: పదో తరగతి పరీక్షల ఫీజుల విషయంలో కొన్ని ప్రైవేటు పాఠశాలల యాజమాన్యాలు విద్యార్థుల తల్లిదండ్రుల నుంచి అధిక మొత్తంలో వసూళ్లు చేస్తున్నారనే ఆరోపనలు వినిపిస్తున్నాయి. పదో తరగతికి సంబంధించి ఫీజు గడువు నవంబర్‌లో వచ్చే అవకాశం ఉంది. అయితే ముందస్తుగానే పరీక్ష ఫీజు అంటూ వసూళ్లు చేస్తున్నట్లు తెల్సింది. వాస్తవానికి పదో తరగతి పరీక్ష ఫీజు రూ.125 మాత్రమే. దీనిని ఆసరాగా చేసుకున్న కొన్ని ప్రైవేటు పాఠశాలల యాజమాన్యాలు ముందస్తుగానే ఫీజు పేరిట ఒక్కో విద్యార్థి నుంచి రూ.1500 నుంచి రూ.2వేల వరకు వసూలు చేస్తున్నట్లు సమాచారం. ఇది తమలాంటి మధ్యతరగతి కుటుంబాలపై భారం పడుతోందని తల్లిదండ్రులు ఆవేదన వ్యక్తం చేస్తున్నారు. ● అదనపు భారంపై ఆందోళన పదో తరగతి పరీక్షలకు హాజరయ్యే విద్యార్థులకు నిర్ణీత పరీక్ష ఫీజుతోపాటు, ఇతరత్రా కోసం వసూలు చేస్తున్నారు. విద్యార్థుల తల్లిదండ్రులకు మాత్రం చార్జీలకు సంబంధించిన వివరాలు స్పష్టంగా చెప్పడం లేదనే ఆరోపణలున్నాయి. వసూలు చేస్తున్నా వాటికి రశీదులు ఇవ్వడం లేదని తెలుస్తోంది. ఒక్కో విద్యార్థి రూ.1500 నుంచి రూ.2 వేలు చెల్లించాలంటే ఇబ్బంది పడాల్సి వస్తోందని తల్లిదండ్రులు చెబుతున్నారు. వాస్తవంగా ప్రైవేటు స్కూళ్లలో చదివించడం అంటే విద్యను కొనుక్కోవాల్సిందే. ఫీజులే తడిసి మోపెడవుతున్నాయి. ఎల్‌కేజీకే రూ.30నుంచి రూ.40 వేల వరకు ఉండగా.. పదో తరగతి విద్యార్థులకు సుమారు రూ.75వేల వరకు వసూలు చేస్తున్నారు. ఇప్పటికే పాఠశాలల ఫీజులకు సంబంధించిన ఫీజుల ఆడిట్‌ నివేదిక ఇవ్వాలని విద్యాశాఖ ఆదేశాలు జారీ చేసినా ఇవ్వడం లేదనే ఆరోపణలు వస్తున్నాయి. నిబంధనల ప్రకారం ప్రతి పాఠశాలలో ఫీజుల డిస్‌ప్లే ఏర్పాటు చేయాల్సి ఉంటుంది. కానీ ఎక్కడ కూడా మచ్చుకు కన్పించదు. ఏ అకేషన్‌ వచ్చినా ఫీజుల పేరిట వసూళ్లు చేస్తున్నారు. ● స్పందించని విద్యాశాఖ ఈ వ్యవహారంపై జిల్లా విద్యాశాఖ అధికారులు దృష్టి సారించి ప్రభుత్వ నిబంధనల ప్రకారం పరీక్ష ఫీజు ఎంత చెల్లించాలో తెలపాల్సిన అవసరముంది. అదే సమయంలో ప్రైవేటు యాజమాన్యాల ముందస్తు వసూళ్లపై దృష్టి సారించాల్సిన అవసరం ఎంతైనా ఉంది. ఇప్పటికే అత్యధికంగా ఫీజులు వసూలు చేస్తున్నా విద్యాశాఖ అధికారులు పట్టించుకోవడం లేదనే ఆరోపణలున్నాయి. విద్యాశాఖ అధికారులు చర్యలు తీసుకుని తల్లిదండ్రులకు ఇబ్బందులు కలగకుండా చర్యలు తీసుకోవాల్సిన బాధ్యత ఉంది. పలు స్కూళ్లలో కనీస నిబంధనలు పాటించడం లేదు. కొన్ని ఎలాంటి ప్లేగ్రౌండ్‌లేకపోవడం, సిటీ మధ్యలోనే స్కూళ్లను ఏర్పాటు చేయడం, చీకటి గదుల్లోనే తరగతుల నిర్వహణ ఉన్నప్పటికీ విద్యాశాఖ అధికారులు మాత్రం చూసీచూడనట్లు వ్యవహరిస్తున్నారని ఆరోపణలున్నాయి.

సాక్షి ప్రతినిధి, కరీంనగర్‌: ఉమ్మడి కరీంనగర్‌ జిల్లాలో కరువు చాయలు అలుముకున్నాయి. 2026 యాసంగి సీజన్‌కు సంబంధించి రాష్ట్ర ప్రభుత్వం విడుదల చేసిన కరువు ప్రభావిత మండలాల జాబితాలో కరీంనగర్‌, జగిత్యాల, రాజన్న సిరిసిల్ల జిల్లాలకు చెందిన ఎనిమిది మండలాలను చేర్చారు. ఆయా మండలాలను మోస్తరు కరువు ప్రభావిత ప్రాంతాలుగా ప్రభుత్వం గుర్తించింది. పెద్దపల్లి జిల్లాలో ఒక్క మండలాన్ని కూడా కరువు ప్రభావిత ప్రాంతంగా ప్రకటించకపోవడంపై అక్కడి అన్నదాతలు ఆవేదన వ్యక్తం చేస్తున్నారు. రాష్ట్ర రెవెన్యూ (విపత్తు నిర్వహణ)శాఖ వర్షపాత లోటు, వ్యవసాయ పరిస్థితులు, నేలలో తేమశాతం, భూగర్భ జలాల లభ్యత తదితర అంశాలను పరిగణనలోకి తీసుకొని మండలాల వారీగా కరువు తీవ్రతను అంచనా వేసినట్లు ఉత్తర్వుల్లో పేర్కొన్నారు. ఎనిమిది మండలాల్లో.. ప్రభుత్వ జాబితాలో కరీంనగర్‌ జిల్లాలో కరీంనగర్‌ అర్బన్‌, కరీంనగర్‌ రూరల్‌, హుజూరాబాద్‌ మండలాలు ఉన్నాయి. జగిత్యాల జిల్లాలో జగిత్యాల, జగిత్యాల రూరల్‌, కొడిమ్యాల మండలాలను ప్రభావిత ప్రాంతాలుగా గుర్తించారు. రాజన్న సిరిసిల్ల జిల్లాలో వేములవాడ, ఇల్లంతకుంట మండలాలుగా ప్రకటించారు. పెద్దపల్లి రైతుల్లో ఆవేదన పెద్దపల్లి జిల్లాలో ఒక్క మండలాన్ని కూడా కరువు ప్రభావిత ప్రాంతంగా ప్రకటించకపోవడంపై రైతుల్లో నిరాశ వ్యక్తమవుతోంది. వ్యవసాయంపై ఆధారపడి జీవించే రైతులు తమ ప్రాంతంలోని పరిస్థితులను పరిగణనలోకి తీసుకొని ఉంటే కరువు జాబితాలో చోటు దక్కేదని అభిప్రాయపడుతున్నా రు. కరువు ప్రభావం ఉన్న ప్రాంతాలకు ప్రభుత్వం ప్రకటించే సహాయక చర్యలు, వ్యవసాయ సంబంధిత రాయితీలు అందే అవకాశం ఉండటంతో తమ జిల్లాకు జాబితాలో చోటు లేకపోవడం ఆందోళనకు గురిచేస్తోంది. కరువు తీవ్రతను అంచనా వేసే సమయంలో క్షేత్రస్థాయిలో నెలకొన్న పరిస్థితులను పరిశీలించాలని రైతులు కోరుతున్నారు. వర్షపాతం, పంటల పరిస్థితి, భూగర్భ జలాల లభ్యత వంటి అంశాల ఆధారంగా తమ జిల్లాలోని మండలాలను మరోసారి పరిశీలించాలని విజ్ఞప్తి చేస్తున్నారు. ఆరు నెలల పాటు అమల్లో ఉత్తర్వులు ప్రభుత్వ ఉత్తర్వుల ప్రకారం కరువు ప్రభావిత మండలాల గుర్తింపు ఆరు నెలలపాటు అమల్లో ఉండనుంది. ఈ కాలంలో ప్రభావిత ప్రాంతాల్లో అవసరమైన సహాయక చర్యలు చేపట్టాలని సంబంధిత అధికారులకు ప్రభుత్వం సూచించింది. రైతులకు వ్యవసాయ పెట్టుబడి రాయితీలు, తాగునీటి సరఫరా, పశుగ్రాసం అందుబాటు, ఉపాధి కల్పన వంటి అంశాలపై అవసరమైన చర్యలు తీసుకోవాల్సి ఉంటుంది.

● జగిత్యాల ఎమ్మెల్యే సంజయ్‌కుమార్‌ జగిత్యాలరూరల్‌: నిరుపేదలందరికీ ప్రభుత్వం అండగా ఉంటుందని జగిత్యాల ఎమ్మెల్యే సంజయ్‌కుమార్‌ అన్నారు. జగిత్యాల అర్బన్‌, రూరల్‌ మండలాలకు చెందిన 85 మందికి సీఎంఆర్‌ఎఫ్‌ కింద మంజూరైన రూ.29లక్షలు, 93 మందికి కల్యాణలక్ష్మీ, షాదీముబారక్‌ చెక్కులు అందించారు. పట్టణ ప్రజలు తడి, పొడి చెత్త వేరుగా ఇవ్వాలని కోరారు. ఏఎంసీ చైర్మన్‌ నారాయణరెడ్డి, సింగిల్‌ విండో చైర్మన్లు దామోదర్‌రావు, సందీప్‌రావు, మాజీ జెడ్పీటీసీలు పెండెం రాములు, ఎల్లారెడ్డి, నాయకులు ముకుందం, మల్లేశంగౌడ్‌ పాల్గొన్నారు. అంగన్‌వాడీ కేంద్రం ప్రారంభం రూరల్‌ మండలం అంతర్గాంలో అంగన్‌వాడీ కేంద్రం–2 భవనాన్ని ఎమ్మెల్యే ప్రారంభించారు. పౌష్టికాహారం, ప్రాథమిక విద్య, ఆరోగ్య సేవలకు కేంద్రాలు దోహదపడుతున్నాయన్నారు. సర్పంచ్‌ నోముల రమ్య, ఎంపీడీవో రమాదేవి, తహసీల్దార్‌ హకీమ్‌, సీడీపీవో పాల్గొన్నారు. సారంగాపూర్‌ మండలం రంగపేట పంచాయతీ కార్మికుడు మేసు సుందర్‌రావు విద్యుత్‌ షాక్‌తో మృతి చెందగా.. రూ.4.50 లక్షల బాండ్‌, రూ.50వేల చెక్కును ఆయన భార్య రత్నమ్మకు అందించారు. సర్పంచ్‌లు శేఖర్‌, బాస మహేశ్‌, డీఈ గంగారాం, ఎంపీవో సలీం, ఏఈ శ్రీనివాస్‌, ఏడీఈ సింధుశర్మ పాల్గొన్నారు. వైద్య శిబిరాలు తప్పనిసరి జగిత్యాల: ప్రజల ఆరోగ్య పరిరక్షణకు వైద్య శిబిరాలు ముఖ్యమని ఎమ్మెల్యే అన్నారు. వెలమ సంక్షేమ మండలి, సికింద్రాబాద్‌ యశోద ఆస్పత్రి ఆధ్వర్యంలో ఉచిత వైద్య శిబిరాన్ని ప్రారంభించారు. ఆస్పత్రి నిర్వాహకులు సురేందర్‌రావు, కేడీసీసీ సభ్యులు రాంచందర్‌రావు, సాగర్‌రావు, ప్రధాన కార్యదర్శి వేణుగోపాల్‌రావు పాల్గొన్నారు.

జగిత్యాలజోన్‌: జిల్లా కోర్టులో మంగళవారం న్యాయ పరిపాలన అంశాలపై జిల్లా ప్రధాన న్యాయమూర్తి సి.రత్నపద్మావతి అధ్యక్షతన సమావేశం నిర్వహించారు. కలెక్టర్‌ సత్యప్రసాద్‌, ఎస్పీ అశోక్‌కుమార్‌, జిల్లాలోని వివిధ కోర్టుల జడ్జిలు పాల్గొన్నారు. ధరూర్‌ క్యాంప్‌లో కోర్టు కాంప్లెక్స్‌కు కేటాయించిన భూమి అప్పగించాలని, జిల్లాకు మంజూరైన కొత్త కోర్టులకు భవనాలు కేటాయించాలని, పెండింగ్‌ కేసులకు సంబంధించిన విషయాలపై చర్చించారు. భూసేకరణలో పరిహారాన్ని కోర్టు తీర్పుల ప్రకారం జమ చేయాలని కోరారు. పోలీస్‌, రెవెన్యూ శాఖల్లో సమన్వయం లేక కోర్టులకు నివేదికలు అందడం లేదన్నారు. జిల్లా కోర్టుల నుంచి పంపించిన లేఖలపై ఎప్పటికప్పుడు అధికారులు స్పందించాలని జడ్జిలు సూచించారు. నివేదికల్లో జాప్యాన్ని నివారిస్తే కేసుల విచారణ త్వరగా పూర్తయి కక్షిదారులకు సత్వర న్యాయం జరుగుతుందన్నారు. మొదటి అదనపు జడ్జి సునీత, సబ్‌ జడ్జి నాగేశ్వర్‌రావు, జ్యూడిషియల్‌ మేజిస్ట్రేట్‌ నిఖిషా, బార్‌ అసోసియేషన్‌ అధ్యక్షుడు ఎర్ర నర్సయ్య, డీఎస్పీలు, సీఐలు, పీపీలు పాల్గొన్నారు.

కథలాపూర్‌: మిషన్‌ భగీరథ పథకం ద్వారా ఇంటింటికీ మంచినీరు అందించాలన్నది ప్రభుత్వ లక్ష్యం. ఇందుకోసం రాజన్న సిరిసిల్ల జిల్లా అగ్రహారంలో ప్రత్యేకంగా ఏర్పాటు చేసిన మిషన్‌ భగీరథ గ్రిడ్‌ నుంచి పైపులైన్‌ ద్వారా మండలంలోని వివిధ గ్రామాలకు నీటిని సరఫరా చేస్తున్నారు. అయితే ఈ సరఫరా కొన్ని గ్రామాలకే పరిమితమైంది. చాలాగ్రామాలకు నెలల తరబడిగా నీరు రావడంలేదని, ఫిర్యాదు చేసినా పట్టించుకునేవారు లేరని ప్రజలు మండిపడుతున్నారు. 44 రక్షిత మంచినీటి ట్యాంకులు కథలాపూర్‌ మండలంలో 19 గ్రామాలున్నాయి. ఇంటింటికీ నల్లా ద్వారా నీరందించేందుకు 44 ట్యాంకులు నిర్మించారు. వీటి పరిధిలోని సుమారు 13వేల నల్లా కనెక్షన్లకు నీరందించాల్సి ఉంది. ఆయా గ్రామాల్లో నిర్మించిన రక్షిత మంచినీటి ట్యాంకులకు సుమారు 50 కిలోమీటర్ల దూరంలో ఉన్న వేములవాడ శివారులోని అగ్రహారం గ్రిడ్‌ నుంచి ప్రతిరోజు నీరు సరఫరా చేయాల్సి ఉంటుంది. గ్రిడ్‌ నుంచి నీటి సరఫరా చేస్తున్నప్పటికీ విద్యుత్‌ మోటార్ల సమస్యనో.. పైపులైన్లు సరిగాలేకనోగానీ.. మండలంలోని వివిధ గ్రామాల్లోని ట్యాంకులకు నీరు చేరడంలేదు. ఫలితంగా ప్రజలకు నీటి సమస్యలు ఎదురవుతున్నాయి. ఇలా నెలల తరబడి నీళ్లు రాకపోవడంతో సమస్యను అధికారుల దృష్టికి తీసుకెళ్లితే పరిష్కరిస్తామని చెబుతున్నా.. ఆ తర్వాత యథావిధిగా నీటి సమస్య ఉంటోందని ఆయా గ్రామాల ప్రజాప్రతినిధులు ఆవేదన వ్యక్తం చేస్తున్నారు. భగీరథ నీరు రాకపోవడంతో బోరుబావుల ద్వారా సరఫరా చేసి తామే విద్యుత్‌ బిల్లులు చెల్లించాల్సిన పరిస్థితులు నెలకొన్నాయని సర్పంచులు అంటున్నారు. నీటి సమస్యలున్న గ్రామాలివే.. మండలంలోని చింతకుంట, భూషణరావుపేట, ఊట్‌పెల్లి, పెగ్గెర్ల, బొమ్మెన, రాజారాంతండా, తక్కళ్లపెల్లి గ్రామాలకు మిషన్‌ భగీరథ గ్రిడ్‌ నుంచి సరిగా నీళ్లు రావడంలేదని ఆయా గ్రామాల ప్రజాప్రతినిధులు, ప్రజలు చెబుతున్నారు. విషయాన్ని ఆర్నెళ్ల క్రితం మండల సర్వసభ్య సమావేశంలో ప్రస్తావించామని, ప్రజావాణిలో స్వయంగా కలెక్టర్‌కు ఫిర్యాదు చేసినా సమస్య పరిష్కారం కాలేదని సర్పంచులు అంటున్నారు. సమస్యను నెలల తరబడి పరిష్కరించకపోవడం దారుణమని ఆగ్రహం వ్యక్తం చేస్తున్నారు. ఉన్నతాధికారులు స్పందించి మిషన్‌ భగీరథ నీరు సరఫరా అయ్యేలా చర్యలు తీసుకోవాలని కోరుతున్నారు. ఫిర్యాదు చేసినా పట్టింపులేదు సర్పంచ్‌గా గెలిచి నెలలు గడుస్తోంది. గ్రామంలో నీటి సమస్య ఉందని, మిషన్‌ భగీరథ నీరు ట్యాంకుకు రావడంలేదని అధికారులకు ఫిర్యాదు చేసిన. పరిష్కరిస్తామని చెబుతున్నారు తప్ప పట్టించుకోవడం లేదు. కొన్ని గ్రామాలకు సరఫరా చేసి కొన్ని గ్రామాలపై నిర్లక్ష్యం చేయడం తగదు. అధికారులు సమస్యపై ఇంత ఘోరంగా వ్యవహరించడం దారుణం. సమస్య పరిష్కరించుకుంటే ఉద్యమిస్తాం. – బద్దం మహేందర్‌రెడ్డి, సర్పంచ్‌, భూషణరావుపేట పరిష్కారంలో జాప్యం వద్దు అగ్రహారం మిషన్‌ భగీరథ గ్రిడ్‌ నుంచి 50 కిలోమీటర్ల దూరంలో ఉన్న మా ఊరి ట్యాంకుకు నీరు రావడంలే దు. ప్రజలకు నీరందించడంలో ఇబ్బందిగా ఉంది. విషయాన్ని అధికారుల దృష్టికి తీసుకెళ్లినా పరిష్కరించడంలేదు. ఎత్తు ప్రాంతాల్లో ఉన్న గ్రామాల్లోని ట్యాంకులకు నీరు చేరేలా ప్రత్యేక మోటార్లు ఏర్పాటు చేయాలి. కొత్త పైపులైన్‌ వేసి నీరు సరఫరా చేసి ప్రజల దాహార్తి తీర్చాలి. జాప్యం చేయవద్దు. – చిందం సుధాకర్‌, సర్పంచ్‌, బొమ్మెన నీరందించేలా చర్యలు మిషన్‌ భగీరథ గ్రిడ్‌ నుంచి కథలాపూర్‌ మండలంలోని చివరి గ్రామాలకు నీళ్లు చేరడంలేదని ఫిర్యాదులు వచ్చాయి. అప్పట్లో విద్యుత్‌ మోటార్ల సమస్య ఉండటం వల్ల నీటి సరఫరా సరిగా చేయలేకపోయాం. వాటిని రిపేర్‌ చేయించాం. మండలంలోని పైపులైన్‌ మధ్యలో ఉన్న గేట్‌ వాల్‌లను కంట్రోల్‌ చేసి అన్ని గ్రామాలకు నీళ్లు చేరేలా చూడాలని సిబ్బందికి ఆదేశాలిస్తాం. – విశ్వాన్‌, డీఈ, మిషన్‌ భగీరథ గ్రిడ్‌, వేములవాడ

వాతావరణం ఆకాశం మేఘావృతమై ఉంటుంది. కొన్నిచోట్ల చిరుజల్లులు కురిసే అవకాశం ఉంది. ఈదురుగాలులు వీస్తాయి. 7నృసింహాలయంలో వేలంధర్మపురి: నృసింహస్వామి ఆలయంలో కొబ్బరిముక్కల సేకరణకు వేలం వేయగా.. వేములవాడకు చెందిన దూలం జనార్దన్‌ రూ.40లక్షలకు దక్కించుకున్నాడు. స్వామివారి వస్త్రాల వేలానికి ఎవరూ ముందుకు రాకపోవడంతో వాయిదా వేశారు. యమధర్మరాజుకు పూజలు ధర్మపురి: యమధర్మరాజు ఆలయంలో వేదపండితులు బొజ్జ రమేశ్‌శర్మ ఆయుష్య హోమం, మంత్రపుష్పం నిర్వహించారు. ఈవో శ్రీనివాస్‌, సూపరింటెండెంట్‌ శ్రీనివాస్‌, సిబ్బంది ఉన్నారు.

జగిత్యాల: ఎల్‌నినోపై అప్రమత్తంగా ఉండాలని, తాగు, సాగునీటి సరఫరాకు చర్యలు తీసుకోవాలని కలెక్టర్‌ సత్యప్రసాద్‌ అన్నారు. కలెక్టరేట్‌లో కోరుట్ల ఎమ్మెల్యే సంజయ్‌, అదనపు కలెక్టర్‌తో కలిసి అధి కారులతో సమావేశమయ్యారు. జిల్లాలో 21శాతం లోటువర్షపాతం ఏర్పడిందన్నారు. యాసంగిలో వరి సాగు తగ్గించాలన్నారు. తక్కువ నీటితో పండే పంటలు ఎంచుకోవాలని రైతులకు సూచించారు. ఆర్నెళ్ల పాటు కొత్త బోర్లు వేయకుండా చూడాలన్నారు. వీబీజీరాం పథకం కింద ఇంకుడుగుంతలు, నీటి సంరక్షణ పనులు పూర్తి చేయాలన్నారు. ప్రజారోగ్యంపై వైద్యాధికారులు అప్రమత్తంగా ఉండాలని తెలిపారు. మిషన్‌ భగీరథ సమస్యలను పరి ష్కరించాలని ఎమ్మెల్యే సంజయ్‌ అన్నారు. గ్రామీణ ప్రాంతాల్లో రోజుకు 20,260 కిలోలీటర్లు అవసరం కాగా.. ప్రస్తుతం 12,900 కిలోలీటర్లు మాత్రమే ఇస్తున్నారని తెలిపారు. చేతిపంపులు, బోర్లకు మరమ్మతు చేయాలన్నారు. పైప్‌లైన్‌ లీకేజీలు, మున్సిపాలిటీలో తాగునీటి పనులు పూర్తి చేయాలన్నారు. పుష్కరాల పనులను పూర్తి చేయాలని కోరారు. అదనపు కలెక్టర్‌ ప్రసూనాంబ, ఆర్డీవోలు మధుసూదన్‌, జివాకర్‌రెడ్డి పాల్గొన్నారు. వియత్నాం అంశాలను అమలు చేయాలి వియత్నాం దేశంలో విద్యాసంస్థలను సందర్శించి అక్కడ తెలుసుకున్న అంశాలను జిల్లాలో అమలు చేయాలని కలెక్టర్‌ ఉపాధ్యాయులకు సూచించారు. ఎడ్యుకేషనల్‌ టూర్‌లో భాగంగా వియత్నం వెళ్లివచ్చిన ఉపాధ్యాయులను మంగళవారం అభినందించారు. కార్యక్రమంలో డీఈవో రాము, అకడమిక్‌ మానిటర్‌ అధికారి చంద్రశేఖర్‌రెడ్డి, పీఆర్టీయూ ప్రధాన కార్యదర్శి బోయినిపల్లి ఆనందరావు తదితరులు పాల్గొన్నారు. ధర్మారంలో అభివృద్ధి పనుల పరిశీలన కోరుట్లరూరల్‌: కోరుట్ల మండలం ధర్మారం గ్రామాన్ని కలెక్టర్‌ మంగళవారం సందర్శించారు. జలసిరి, నీటికుంటల పనులు పరిశీలించారు. ప్రాథమికోన్నత పాఠశాలను సందర్శించారు. మధ్యాహ్న భోజన నాణ్యత చూశారు. అంగన్‌వాడీ పిల్లలతో ముచ్చటించారు. భూ రీసర్వే పనుల పురోగతిని పరిశీలించి రైతులతో మాట్లాడారు. సర్పంచ్‌ రంజిత్‌రెడ్డి, డీఆర్‌డీవో రఘువరన్‌, తహసీల్దార్‌ కృష్ణ చైతన్య, ఎంపీడీవో రామకృష్ణ పాల్గొన్నారు.

జగిత్యాలరూరల్‌: పల్లెల్లో పచ్చదనం పెంపొందించి, ఆహ్లాదాన్ని పంచాలనే ఉద్దేశంతో గత ప్రభుత్వం పంచాయతీకొక పల్లె ప్రకృతి వనాలు ఏర్పాటు చేసింది. ఈ వనాల్లో పలు రకాల మొక్కలు నాటేవారు. ఇవి కొన్నేళ్లు గ్రామ పంచాయతీల పర్యవేక్షణలో కొనసాగాయి. ప్రస్తుతం గ్రామపంచాయతీలు పట్టించుకోకపోవడం.. ఎల్‌నినో ప్రభావంతో నీటి ఎద్దడి తలెత్తడంతో పర్యవేక్షణ కరువైంది. ప్రారంభంలో కొన్నేళ్ల పాటు వీటి నిర్వహణ బాగానే సాగినా.. ప్రస్తుతం ఆయా గ్రామాల పాలకవర్గాలు, అధికారులు కనీస శ్రద్ధ చూపకపోవడంతో వనాల పరిస్థితి దయనీయంగా మారింది. వనాల సమీపంలో నీటి వసతి ఉన్నప్పటికీ పట్టించుకునే నాథుడు కరువయ్యారు. ఒకప్పుడు ఏపుగా పెరిగిన పూలమొక్కలు, ఇతరత్రా ఇప్పుడు నీరులేక నిలువునా ఎండిపోయి దర్శనమిస్తున్నాయి. ఊరికి దూరంగా.. ఉనికికి భారంగా.. జిల్లాలో 385 గ్రామపంచాయతీల్లో 419 పల్లె ప్రకృతి వనాలు, మరో 18 బృహత్‌ ప్రకృతి వనాలను ఏర్పాటు చేశారు. వీటిని ప్రజలకు అందుబాటులో కాకుండా ఊరికి దూరంగా ఏర్పాటు చేయడంతో ఎవరూ అటువైపు వెళ్లలేని పరిస్థితి నెలకొంది. రూ.లక్షలు వెచ్చించిన ఈ వనాలకు తిరిగి పూర్వవైభవం తీసుకురావాలని స్థానికులు కోరుతున్నారు. పచ్చదనాన్ని వెదజల్లుతున్న పల్లెప్రకృతి వనాలు జిల్లాలో కొన్నిచోట్ల గ్రామపంచాయతీ అధికారులు, పాలకమండలి సభ్యులు ప్రత్యేక దృష్టి సారించడంతో పల్లె ప్రకృతి వనాలు పచ్చదనంతో వెదజల్లుతున్నాయి. నెలరోజులుగా వర్షాలు లేకపోవడం, పల్లె ప్రకృతి వనంలో నీటి వసతులు లేకపోవడంతో పచ్చని మొక్కలు ఎండిపోయే దశకు వచ్చాయి. ప్రస్తుతం నీరందిస్తే పచ్చదనంతో ఆహ్లాదకరమైన వాతావరణం అందించే పరిస్థితి నెలకొంది. పంచాయతీలే పర్యవేక్షించాలి ఈ వనాలు ఏర్పాటు చేసిన మొదటి మూడేళ్లు ఉపాధి హామీ పథకం కింద సంరక్షించాం. ప్రస్తుతం ఎల్‌నినో ప్రభావంతో గ్రామాల్లో ఉన్న పల్లె ప్రకృతి వనాలు ఎండిపోకుండా గ్రామపంచాయతీ పాలకవర్గాలు ప్రత్యేక దృష్టి సారించాలి. వాటి సంరక్షణ ప్రతి ఒక్కరు బాధ్యతగా తీసుకోవాలి. – రఘువరణ్‌, డీఆర్డీఏ పీడీ

● సీనియర్‌ సివిల్‌ జడ్జి నాగేశ్వర్‌రావు జగిత్యాలజోన్‌: పాఠశాలలు, స్నేహితులు, బంధువులు, తెలిసినవారితో ఏ సమస్య ఎదురైనా తల్లిదండ్రులతో చర్చించాలని జిల్లా సీనియర్‌ సివిల్‌ జడ్జి నాగేశ్వర్‌రావు అన్నారు. జిల్లాకేంద్రంలోని గర్ల్స్‌ హైస్కూల్‌లో పోక్సో చట్టంపై అవగాహన కల్పించారు. బాలికలపై లైంగికదాడులకు పాల్పడితే శిక్షలు కఠినంగా ఉంటాయన్నారు. రెండో అదనపు జ్యుడిషియల్‌ మేజిస్ట్రేట్‌ నిఖిషా మాట్లాడుతూ.. గుడ్‌టచ్‌, బ్యాడ్‌ టచ్‌, వ్యక్తిగత భద్రత, అనుచిత ప్రవర్తనను తల్లిదండ్రులు, ఉపాధ్యాయులకు భయం లేకుండా చెప్పాలని సూచించారు. అనంతరం విద్యార్థులతో ప్రతిజ్ఞ చేయించారు. హెచ్‌ఎం, ఉపాధ్యాయులు పాల్గొన్నారు. సైబర్‌ నేరాలపై అప్రమత్తంగా ఉండాలిజగిత్యాలరూరల్‌: సైబర్‌ నేరాలపై ప్రతిఒక్కరూ అప్రమత్తంగా ఉండాలని నాబార్డ్‌ జిల్లా అభివృద్ధి అధికారి దిలీప్‌చంద్ర అన్నారు. సారంగాపూర్‌ మండలకేంద్రంలో సైబర్‌ నేరాల అప్రమత్తత, అక్షరాస్యతపై మంగళవారం అవగాహన కల్పించారు. ఎవరైనా అపరిచితులు కాల్‌ చేస్తే ఓటీపీ చెప్పొద్దన్నారు. కార్యక్రమంలో సారంగాపూర్‌ తెలంగాణ గ్రామీణ బ్యాంక్‌ మేనేజర్‌ వెంకట్‌రెడ్డి, సీనియర్‌ బిజినెస్‌ మేనేజర్‌ లక్ష్మీనారాయణరెడ్డి, ఫైనాన్షియల్‌ మేనేజర్‌ ప్రవీణ్‌, సర్పంచ్‌ చేకుట అరుణ పాల్గొన్నారు. ‘పీఎం రహత్‌’ వినియోగించుకోవాలి

కోరుట్ల: కోరుట్ల ఆర్టీసీ డిపోలో పాత బస్సులే అధికంగా ఉన్నాయని ఎమ్మెల్యే కల్వకుంట్ల సంజయ్‌ అన్నారు. పట్టణంలోని ఆర్టీసీ బస్టాండ్‌ను మంగళవారం సందర్శించారు. కండీషన్‌లో ఉన్న బస్సులు నడపాలని డీఎంకు సూచించారు. ప్రయాణికులతో మాట్లాడి బస్టాండ్‌లో సౌకర్యాలు అడిగి తెలుసుకున్నారు. విద్యార్థుల కోసం పాఠశాలలకు సమయానుకూలంగా బస్సులు నడపాలన్నారు. యాదాద్రి, భద్రాచలం వంటి పుణ్యక్షేత్రాలకు ప్రత్యేక సర్వీసులు వేయాలని సూచించారు. కేసీఆర్‌ వంటి వ్యక్తి చరిత్రలో ఒక్కరే ఉంటారు ఇబ్రహీంపట్నం: కేసీఆర్‌ లాంటి వ్యక్తి చరిత్రలో ఒక్కరే ఉంటారని ఎమ్మెల్యే తెలిపారు. మండలకేంద్రంలోని రైతు వేదికలో 58 మంది లబ్ధిదారులకు రూ.58 లక్షల 6వేల 728 విలువైన కల్యాణలక్ష్మీ చెక్కులను అందించారు. ప్రజలకు ఎలాంటి అవసరాలు ఉంటాయో కేసీఆర్‌కు బాగా తెలుసని, అందుకే హామీలు ఇవ్వకున్నా అమలు చేశారని తెలిపారు. కేసీఆర్‌ కిట్టునుంచి రైతుబంధు వంటి పథకాలు తెచ్చారని, కాంగ్రెస్‌ ప్రభుత్వం మాత్రం వాటిని పూర్తిగా నీరుగారుస్తోందని విమర్శించారు. తులం బంగారం ఇస్తామని ఎగ్గొట్టిందని తెలిపారు. కేసీఆర్‌ వందేళ్లకు సరిపడా నీటి కోసం కాళేశ్వరం నిర్మిస్తే.. కాంగ్రెస్‌ ప్రభుత్వం పడావు పెట్టిందన్నారు. ఓటు విలువైందని, అందుకే ఆలోచించి పనులు చేసే నాయకుడికి ఓటు వేయాలని ప్రజలను కోరారు. తహసీల్దార్‌ వరప్రసాద్‌, ఎంపీడీవో గణేశ్‌, డిప్యూటి తహసీల్దార్‌ ప్రసాద్‌, ఆర్‌ఐ రేవంత్‌రెడ్డి, సింగిల్‌విండో చైర్మన్‌ పవన్‌, బీఆర్‌ఎస్‌ మండల అధ్యక్షుడు ఎలాల దశరథ్‌ రెడ్డి, ఉపసర్పంచ్‌ నాంపెల్లి రమేశ్‌, మాజీ వైస్‌ ఎంపీపీ నోముల లక్ష్మారెడ్డి, మాజీ కో–ఆప్షన్‌ చిన్నారెడ్డి తదితరులు పాల్గొన్నారు.

3,05,0002,64,6122,15,1002,15,0002,75,42117.620.17242,40,0882,10,3802,93,82515.2దిగువ మానేరుఎల్లంపల్లిమధ్యమానేరుజగిత్యాలరాజన్న సిరిసిల్లపెద్దపల్లికరీంనగర్‌రాష్ట్రంలో అత్యధికంగా వరిసాగు చేసే జిల్లాల్లో ఉమ్మడి కరీంనగర్‌ మొదటిస్థానంలో ఉంటుంది. అలాంటి వరిసాగుకు వచ్చే సీజన్‌లో బ్రేక్‌ పడనుంది. ఎల్‌నినో నేపథ్యంలో సాగునీటి కొరతతో ఇకపై రైతులు వరి పండించాలంటే నష్టానికి తమదే బాధ్యత అని విత్తనాలు విక్రయించే డీలర్లకు డిక్లరేషన్‌ ఇవ్వాలంటూ జరుగుతున్న సోషల్‌ మీడియా ప్రచారం చర్చనీయాంశమైంది. సాక్షి ప్రతినిధి, కరీంనగర్‌: వరిసాగుకు మిగిలిన పంటల కన్నా అధికంగా నీరు అవసరం. ఎల్‌నినో ప్రభావంతో వానాకాలానికి ముందే వ్యవసాయాధికారులు వరికి బదులు ప్రత్యామ్నాయ పంటలైన కూరగాయలు, ఇతర స్వల్పకాలిక పంటలకు ప్రాధాన్యం ఇవ్వాలని ఎంత అవగాహన కల్పించినా రైతులు వరికే మొగ్గు చూపారు. కరీంనగర్‌, సిరిసిల్ల, జగిత్యాల, పెద్దపల్లి జిల్లాల్లో గతేడాది సాగు విస్తీర్ణంలో దాదాపు 90శాతం పైగా వరినే సాగు చేశారు. ఉమ్మడి జిల్లాల్లో ఎస్సారెస్పీ వరద కాలువ, ఎగువ, మధ్య, దిగువ మానేరు, ఎల్లంపల్లి ప్రాజెక్టులు ఉన్నప్పటికీ.. అందులోని నీరు తాగేందుకు మాత్రమేనని, సాగునీరు ఇచ్చే పరిస్థితులు లేవని ప్రభుత్వం ఇప్పటికే పలుమార్లు స్పష్టం చేసిన విషయం తెలిసిందే. వ్యవసాయాధికారుల గ్రూపుల్లోనే.. ఈ సమయంలో ఓ డిక్లరేషన్‌ ఫారం రైతుల్లో తీవ్ర కలకలం రేపుతోంది. డీలర్ల వద్ద ఈ ఫారం నింపి ఇస్తేనే విత్తనాలు అందుతాయని సమాచారం. అందులో ఏముందంటే..? ఎల్‌నినో కారణంగా వరి సాగు చేయవద్దని ప్రభుత్వం చెబుతోంది. కరెంటు, సాగునీటి కొరతతో వరిసాగులో నష్టం వాటిల్లితే ప్రభుత్వానికి ఎలాంటి సంబంధం లేదు.. ఒకవేళ నష్టం వాటిల్లితే తాను ఎలాంటి నష్టపరిహారం ఆశించను. తన ఇష్టపూర్వకంగానే వరిని సాగుచేస్తున్నాం.. అంటూ రైతు తన చిరునామా, ఆధార్‌, ఫోన్‌నంబర్ల వివరాలతో కూడిన ఫారం వైరల్‌గా మారింది. అంతేకాకుండా ఈ ఫారం.. ఉమ్మడి జిల్లా వ్యవసాయాధికారుల గ్రూపులో షేర్‌ అవుతోంది. ఈ ప్రచారం కేవలం వ్యవసాధికారుల గ్రూపులకే పరిమితం కాలేదు. పలు గ్రామాల వాట్సప్‌ గ్రూపుల్లో, ఇతర సోషల్‌ మీడియా వేదికలపైన చక్కర్లు కొడుతోంది. విశ్వసనీయ సమాచారం మేరకు.. జిల్లా వ్యవసాయ ఉన్నతాధికారులు త్వరలోనే ఈ ఫారాలు త్వరలోనే విత్తనాల డీలర్లకు చేరతాయి అని కిందిస్థాయి సిబ్బందికి చెబుతున్నారు. అయితే, ఈ ప్రచారాన్ని వ్యవసాయశాఖ ఉన్నతాధికారులు మాత్రం ఖండిస్తున్నారు. సెల్ఫ్‌ డిక్లరేషన్‌ అంటూ సోషల్‌ మీడియాలో వైరల్‌ అవుతున్న ప్రచారాన్ని నమ్మొద్దు. కాలువల ద్వారా నీరిచ్చే అవకాశం లేనందున ఆరుతడి పంటలు వేయాలని చెబుతున్నాం. వేరుశనగ, పెసర తదితర విత్తనాలను సబ్సిడీపై అందజేస్తున్నాం. బోర్లు, బావుల్లో నీరున్నవారు ఆలోచించి పంటలు సాగు చేయాలి. – ఛత్రునాయక్‌, కరీంనగర్‌ జిల్లా వ్యవసాయ అధికారి 27.5523.2

అటవీ భూముల కోరుట్ల/మెట్‌పల్లి రూరల్‌: ఒకటి కాదు.. రెండుకా దు.. ఏడేళ్లుగా మెట్‌పల్లి అటవీ రేంజ్‌ పరిధిలో అట వీ భూముల అమ్మకాల దందా కొనసాగుతున్నట్లు అనుమానిస్తున్న ఉన్నతాధికారులు లోతుగా విచారణ చేపట్టారు. మెట్‌పల్లి మండలం రంగారాపేట, ఏఎస్‌ఆర్‌తండా, కథలాపూర్‌ మండలం ఇప్పపల్లి గ్రామాల పరిధిలో ఉన్న అటవీ భూములు సుమా రు 150 నుంచి 200 ఎకరాల మేర అన్యాక్రాంతమైందని, ఈ వ్యవహారంలో ఫారెస్టు అధికారుల పాత్ర ఉందని ఆరోపణలు వచ్చాయి. ఈ క్రమంలో ‘అటవీ భూములు అన్యాక్రాంతం’ శీర్షికన ఈనెల 16న ‘సాక్షి’ కథనం ప్రచురించింది. వెంటనే ఉన్నతాధికారులు విచారణకు ఆదేశించారు. ప్రస్తుతం అటవీ శాఖ విజిలెన్స్‌ విచారణ సాగుతోంది. ఏడేళ్లుగా ఏం చేశారు..? అటవీ భూముల అమ్మకాలు, ఆక్రమణ దందా ఏడేళ్లుగా సాగుతున్నట్లు ఆరోపణలు వచ్చిన నేపథ్యంలో ఆ సమయంలో ఎవరెవరు ఎంతకాలం మెట్‌పల్లి రేంజ్‌లో పనిచేశారు..? వారి హయాంలో ఏం జరిగిందనే అంశంపై ఉన్నతాధికారులు దృష్టి సారించారు. 2019 నుంచి 2026 వరకు రంగారావుపేట, ఏఎస్‌ఆర్‌తండా పరిధిలో ఎంత అటవీ భూమి ఉండేది..? ఆక్రమణలు ఏ సమయంలో జరిగాయన్న కోణంలో ఆరా తీస్తున్నారు. ఏడేళ్లపాటు పనిచేసిన రేంజ్‌, బీట్‌ అధికారులను హైదరాబాద్‌లోని చీఫ్‌ కన్జర్వేటర్‌ కార్యాలయంలో విచారించినట్లు సమాచారం. అటవీ భూములు ఎప్పుడు ఆక్రమణకు గురయ్యాయి..? ఆ సమయంలో అధికారులు ఏమైనా చర్యలు తీసుకున్నారా..? కేసులు నమోదు చేశారా..? భూమి చదును చేసిన వాహనాలను సీజ్‌ చేశారా..? ఎన్ని కేసులు నమోదయ్యాయి..? అని లోతుగా విచారణ చేసినట్లు తెలిసింది. మరోసారి అధికారుల సందర్శన అటవీ భూముల అన్యాక్రాంతం ఆరోపణలపై విచారణ కోసం సోమవారం మరోసారి అటవీ ఉన్నతాధికారులు క్షేత్రస్థాయిలో విచారణ చేశారు. మెట్‌పల్లి రేంజ్‌ పరిధిలోని రంగారాపేట, ఏఎస్‌ఆర్‌తండా బీట్‌ ఫారెస్టు అటవీ భూముల సమీపంలో శాటిలైట్‌ సర్వే నిర్వహించారు. అనంతరం అటవీ భూములకు హద్దులు ఏర్పాటు చేయడానికి అవసరమైన చర్యలకు నిర్మల్‌ సర్కిల్‌ చీఫ్‌ కన్జర్వేటర్‌ అపర్ణ ఆదేశాలు ఇచ్చారు. అటవీ భూముల ఆక్రమణ.. అమ్మకాల దందాలో అవినీతి ఆరోపణలు వచ్చిన మెట్‌పల్లి రేంజ్‌ కీలక అధికారి తన సెలవును పొడిగించుకున్నట్లు సమాచారం. త్వరలో ఉద్యోగ విరమణ చేయనున్న అధికారి సెలవును ఎందుకు పొడిగించుకున్నారన్న అంశం చర్చనీయాంశంగా మారింది.

జగిత్యాలటౌన్‌: కలెక్టరేట్‌లో సోమవారం నిర్వహించిన ప్రజావాణిలో కలెక్టర్‌ సత్యప్రసాద్‌ బాధితుల నుంచి ఫిర్యాదులు స్వీకరించారు. వాటిని పరిశీలించి పరిష్కరించాలని అధికారులను ఆదేశించారు. అదనపు కలెక్టర్‌ ప్రసూనాంబ, డీఆర్‌వో ప్రసాద్‌, డీపీవో మదన్‌మోహన్‌ తదితరులు పాల్గొన్నారు. భూసేకరణ నిలిపివేయండి నారాయణపూర్‌ రిజర్వాయర్‌ నుంచి సర్వాపూర్‌, గుడిపేట, ముత్యంపేట మీదుగా మల్యాల రాముని చెరువు నింపేందుకు కాలువ కోసం భూసేకరణ సర్వే చేస్తున్నారు. వరదకాలువ, రైల్వేలైన్‌, ఎన్‌హెచ్‌–563 కోసం ముత్యంపేటలో 600ఎకరాలు కోల్పోయాం. మరోసారి భూసేకరణ చేస్తే ఉన్నకొద్ది భూమి కూడా కోల్పోతాం. పోతారం చెరువు నుంచి గొలుసుకట్టు చెరువుల ద్వారా రామునిచెరువు నింపే అవకాశం ఉంది. – ముత్యంపేట రైతులు అసైన్డ్‌భూమి బదిలీ గ్రామంలోని సర్వేనంబర్‌17లో 14.22 ఎకరాల భూమిని 1950లో ప్రభుత్వం దళితులకు పంపిణీ చేసింది. బై నంబర్లతో న్యావనంది రాజగంగుకు 2.11 ఎకరాలు, రవితేజకు 16గుంటలు, రవిచరణ్‌ కు 16గుంటలు, రాజశేఖర్‌కు ఏడు గుంటలు, రాజేశ్‌కు 8గుంటలు బదిలీ చేశారు. ఆ భూమిని అక్రమంగా బదిలీ చేసిన వారిపై చర్యలు తీసుకోండి. – పూదరి నాగరాజు, రేగుంట, మెట్‌పల్లి పంట కాలువలోకి మిల్లు వ్యర్థాలు మల్యాల మండలం తక్కళ్లపల్లి పరిధిలోని శ్రీగణేశ్‌ ఇండస్ట్రీస్‌ రైస్‌ మిల్లు వ్యర్థాలు పక్కనే ఉన్న పంట కాలువలోకి వదులుతున్నారు. చేపలు, పశువులు, పర్యావరణంపై ప్రభావం పడుతోంది. పంచాయతీ నుంచి నోటీసులు పంపించినా మిల్లు యజమాని నిర్లక్ష్యంగా వ్యవహరిస్తున్నాడు. వ్యర్థాలు కాలువలోకి వదలకుండా చర్యలు తీసుకోండి. – తక్కళ్లపల్లి గ్రామస్తులు ‘దళితబంధు’ ఇప్పించండి 2023లో అప్పటి ప్రభుత్వం దళితబంధు కింద మాకు తొలి విడత రూ.రెండు లక్షలు విడుదల చేసి కలెక్టర్‌ అకౌంట్లో జమచేసింది. ఎన్ని కల కోడ్‌తో తాత్కాలికంగా నిలిచిపోయింది. ప్రస్తుతం రెండో విడత దళితబంధు విడుదల చేసేలా ప్రభుత్వం ఉత్తర్వులు జారీ చేసింది. మాకు నిధులు జమయ్యేలా చూడండి. – కథలాపూర్‌ మండల దళితులు దారిని పునరుద్ధరించండి గ్రామ శివారులోని సర్వేనంబర్‌ 236లోకి వెళ్లే 15 అడుగుల దారికి అడ్డంగా రాళ్లగోడ, ఇనుప ఫెన్సింగ్‌ ఏర్పాటు చేసి ఆక్రమించుకున్నారు. మా భూములకు వెళ్లేదారిని ఆక్రమించుకున్న వారిపై చర్యలు తీసుకుని రోడ్డును పునరుద్ధరించి న్యాయం చేయండి. – బల్మూరి విద్యాసాగర్‌రావు, మానాల, మల్యాల

జగిత్యాలటౌన్‌: ధర్మం, న్యాయం సత్యం, సేవామార్గాలను చూపిన వాల్మీకి మహానీయుడని అదనపు కలెక్టర్‌ ప్రసూనాంబ కొనియాడారు. ఆదికవి వాల్మీకి జయంతి సందర్భంగా కలెక్టరేట్‌లో సోమవారం ఆయన చిత్రపటానికి పూలమాల వేసి నివాళి అర్పించారు. రామాయణాన్ని కావ్యరూపంలో అందించిన మహానీయుడు వాల్మీకి అన్నారు. ఆర్డీవో మధుసూదన్‌గౌడ్‌, బీసీ సంక్షేమ అధికారి జయరాజ్‌, అధికారులు, సిబ్బంది పాల్గొన్నారు. మార్గదర్శి వాల్మీకిజగిత్యాలక్రైం: సాహిత్యానికి ఆదికవిగా.. మానవతా విలువలకు ప్రతీకగా నిలిచిన మహర్షి వాల్మీకి అని ఎస్పీ అశోక్‌కుమార్‌ అన్నారు. ఎస్పీ కార్యాలయంలో సోమవారం వాల్మీకి జయంతిని నిర్వహించారు. వాల్మీకి చిత్రపటానికి పూలమాల వేసి నివాళులర్పించారు. కార్యక్రమంలో డీసీఆర్బీ డీఎస్పీ రవికుమార్‌, ఆర్‌ఐ సైదులు, పోలీసు సిబ్బంది పాల్గొన్నారు. పోలీస్‌ గ్రీవెన్స్‌కు 15 దరఖాస్తులుఎస్పీ కార్యాలయంలో నిర్వహించిన గ్రీవెన్స్‌లో 15మంది నుంచి దరఖాస్తులను ఎస్పీ స్వీకరించారు. తక్షణమే చర్యలు తీసుకోవాలని పోలీసు అధికారులను ఆదేశించారు. రాష్ట్రస్థాయి పోటీలకు వెంకటాపూర్‌ విద్యార్థులుకోరుట్లరూరల్‌: మండలంలోని వెంకటాపూర్‌ ప్రభుత్వ ఉన్నత పాఠశాల విద్యార్థులు ఎస్‌జీ ఎఫ్‌ రాష్ట్రస్థాయి పోటీలకు ఎంపికయ్యారు. తోట చరణ్‌ తేజ, బర్కం విహంత్‌ కరీంనగర్‌ జోనల్‌ స్థాయి జూనియర్‌ వాలీబాల్‌ పోటీల్లో జిల్లా నుంచి ప్రాతినిధ్యం వహించి.. సంగారెడ్డిలో జరిగే రాష్ట్రస్థాయి పోటీలకు ఎంపికయ్యారని హెచ్‌ఎం గోపి కృష్ణారావు తెలిపారు. విద్యార్థులను సర్పంచ్‌ ద్యాగ గంగాధర్‌, ఉపాధ్యాయులు అభినందించారు. మహిళలు స్వయం ఉపాధి సాధించాలిమెట్‌పల్లిరూరల్‌: మహిళలు ఆర్థికంగా ఎదగా లని సెర్ప్‌ అడిషనల్‌ డీఆర్‌డీవో సునీత అన్నా రు. పట్టణంలో యూనియన్‌ బ్యాంక్‌ ఆధ్వర్యంలో మహిళలకు పుట్టగొడుగుల పెంపకంపై అవగాహన కల్పించారు. పుట్టగొడుగుల పెంపకం తక్కువ పెట్టుబడితో కూడుకుందన్నారు. శిక్షణలో ముడి సరుకుల ఎంపిక, గదులు సిద్ధం,ప్యాకింగ్‌, మార్కెటింగ్‌ నేర్పిస్తారని తెలిపారు. యూబీఐ ఆర్‌ఎస్‌ఈటీఐ డైరెక్టర్‌ బాబు, డీపీఎం రమేశ్‌, యూబీఐ చీఫ్‌ మేనేజర్‌ మహంతి, ఏపీఎం అశోక్‌ పాల్గొన్నారు. ఓటు బచావో విజయవంతం చేయాలిజగిత్యాల: ఢిల్లీలో నవంబర్‌ ఒకటిన జరగబోయే ఓటు బచావో.. దేశ్‌ బచావో కార్యక్రమాన్ని విజయవంతం చేయాలని ఏఐసీసీ ఉమ్మడి కరీంనగర్‌ జిల్లా ఇన్‌చార్జి శరత్‌ అన్నారు. సోమవారం జగిత్యాలకు వచ్చిన ఆయన డీసీసీ అధ్యక్షుడు నందయ్య, మాజీ ఎమ్మెల్యే శ్రీశైలంగౌడ్‌ ఆధ్వర్యంలో సమావేశం నిర్వహించారు. ఢిల్లీలో రాంలీల మైదానంలో కార్యక్రమం ఉటుందని, జగిత్యాల నుంచి పెద్ద ఎత్తున కార్యకర్తలు రావాలని అన్నారు. ఎమ్మెల్యే సంజయ్‌కుమార్‌, మున్సిపల్‌ చైర్‌పర్సన్‌ సమిండ్ల వాణి, ఏఎంసీ చైర్మన్‌ నారాయణరెడ్డి, ప్రధాన కార్యదర్శి కూసరి అనిల్‌, గట్టు సతీశ్‌ పాల్గొన్నారు.

జగిత్యాలటౌన్‌: రేవంత్‌రెడ్డి పాలనలో రాష్ట్రంలో వెయ్యికి పైగా స్కూళ్లు మాతపడ్డాయని, ఉన్న స్కూళ్లకు పక్కా భవనాలు నిర్మించకుండా ఇంటిగ్రేటెడ్‌ పేరుతో కొత్త డ్రామాకు తెరతీశారని మాజీమంత్రి, బీఆర్‌ఎస్‌ రాష్ట్ర ప్రధాన కార్యదర్శి జీవన్‌రెడ్డి అన్నారు. జిల్లా కేంద్రంలోని బీఆర్‌ఎస్‌ భవన్‌లో విలేకరులతో మాట్లాడారు. అమ్మ ఆదర్శ పాఠశాలల్లో వసతుల కల్పన పథకం కింద చేపట్టిన పనులకు బిల్లులు చెల్లించడం లేదన్నారు. చల్‌గల్‌ వ్యవసాయ క్షేత్రంలో అనువైన స్థలం ఉన్నప్పటికీ తాటిపల్లిలో గుట్టలు, చెట్లు ధ్వంసం చేసి ఇంటిగ్రేటెడ్‌ స్కూల్‌ నిర్మించడమేంటని ప్రశ్నించారు. గతంలో ఉన్న రెసిడెన్షియల్‌ స్కూళ్లకు పక్కా భవనాలు నిర్మించి విద్యను బలోపేతం చేయాలని సూచించారు. ఫీజు రీయింబర్స్‌మెంట్‌ నిధులు విడుదల కాక ఏటా ఎంతోమంది విద్యార్థులు విద్యకు దూరమవుతున్నారని ఆవేదన వ్యక్తం చేశారు. ఎస్టీ రెసిడెన్షియల్‌ విద్యార్థులకు ఇప్పటివరకు రెండో విడత యూనిఫాం పంపిణీ చేయలేదన్నారు. ఆయన వెంట దేవేందర్‌నాయక్‌, కల్లెపెల్లి దుర్గయ్య, పుప్పాల అశోక్‌, జన్ను రాజేందర్‌, ధర రమేశ్‌బాబు, చందా రాధాకిషన్‌రావు, నక్క జీవన్‌, వెంకటేశ్వర్‌రావు, కోరుకంటి రాము, ఆనందరావు తదితరులు పాల్గొన్నారు.

● మెట్‌పల్లి సీనియర్‌ సివిల్‌ జడ్జి అజయ్‌కుమార్‌ మెట్‌పల్లి: పోక్సో చట్టంపై విద్యార్థులకు అవగాహన కల్పించాలని మెట్‌పల్లి కోర్టు సీనియర్‌ సివిల్‌ జడ్జి అజయ్‌కుమార్‌ అన్నారు. పట్టణంలోని ప్రభుత్వ ఉన్నత పాఠశాలలో సురక్షిత బచ్‌పన్‌ అభయాన్‌ స్కీం కింద సోమవారం న్యాయ విజ్ఞాన సదస్సు నిర్వహించారు. విద్యార్థి దశలోనే పోక్సో చట్టంపై అవగాహన కల్పిస్తే అనర్థాలను నివారించవచ్చన్నారు. అమ్మాయిలైనా.. అబ్బాయిలైనా లైంగిక వేధింపులు ఎదురైతే భయపడొద్దని, 1098కు కాల్‌ చేసి ఫిర్యాదు చేయాలని పేర్కొన్నారు. కార్యక్రమంలో జూనియర్‌ సివిల్‌ జడ్జి వినుకొండ మాధవి, బార్‌ అసోసియేషన్‌ అధ్యక్షుడు రాంరెడ్డి, న్యాయవాదులు ఉన్నారు.

సాక్షిప్రతినిధి, కరీంనగర్‌: కరీంనగర్‌ జిల్లాలో కలకలం రేపిన ఏటీఎం చోరీల ముఠాను ఎట్టకేలకు పోలీసులు పట్టుకున్నారు. పీఎంజే జ్యువెల్లరీ దోపిడీ, భగత్‌నగర్‌లో దోపిడీ తరువాత రాష్ట్ర వ్యాప్తంగా సంచలనం సృష్టించిన కేసు ఏటీఎం చోరీ. ఈ కేసును సవాలుగా తీసుకున్న పోలీసులు దర్యాప్తు పకడ్బందీగా చేపట్టి చోరీ ముఠాను పట్టుకున్నారు. వారాంతంలో రశీద్‌ ముఠాను కరీంనగర్‌కు తరలించనున్నారు. బ్లాక్‌ స్కార్పియో వెంట విచారణ సెప్టెంబర్‌ 7న కరీంనగర్‌ పరిధిలోని తిమ్మాపూర్‌, ముగ్దుంపూర్‌ ఎస్‌బీఐ ఏటీఎంలను కొల్లగొట్టిన దుండగులు నలుపురంగు స్కార్పియోలో టోల్‌గేట్లను తప్పించి మహారాష్ట్ర వైపు వెళ్లినట్లు పోలీసులు గుర్తించారు. అంతకుముందు ఇదే ముఠా కామారెడ్డి, రాజన్నసిరిసిల్ల జిల్లాల్లోనూ చోరీలు చేసినట్లు సమాచారం అందింది. దీంతో బ్లాక్‌ స్కార్పియో కదలికలను సీసీ పుటేజీల ఆధారంగా గమనించగా మహారాష్ట్ర మీదుగా రాజస్థాన్‌ వైపు వెళ్లినట్లు గుర్తించారు. కరీంనగర్‌–కామారెడ్డి పోలీసులు బృందాలుగా ఏర్పడి రాజస్థాన్‌ వెళ్లారు. తెలంగాణ పోలీసుల సమాచారంతో అప్రమత్తమైన రాజస్థాన్‌ పోలీసులు స్కార్పియో వాహనాన్ని అడ్డగించేందుకు ప్రయత్నించగా వారు వాహనాన్ని వదిలిపెట్టి నగదుతో పరారయ్యారు. దీంతో ఆ రాష్ట్రంలో తెలంగాణ పోలీసులు గాలింపు చర్యలు ముమ్మరం చేశారు. ఫలితంగా రాజస్థాన్‌లోని బరోడా మేప్‌ సమీపంలో భరత్‌పూర్‌ వైపు పారిపోతుండగా మాటువేసిన కామారెడ్డి, కరీంనగర్‌ పోలీసులకు ఈనెల 21న ముఠా సభ్యుడు రశీద్‌ చిక్కాడు. ఈ నేపథ్యంలో కామారెడ్డి పోలీసుల వినతి మేరకు నిందితుడు రశీద్‌ను ట్రాన్సిట్‌ వారంట్‌ మీద రాష్ట్రానికి తరలించారు. ప్రస్తుతం రశీద్‌ కామారెడ్డి పోలీసుల అదుపులో ఉన్నాడు. నిందితుడిని ఈ వారాంతంలో కరీంనగర్‌ పోలీసులు నగరానికి తరలించనున్నారు. నకిలీ నంబర్‌ప్లేట్లు.. గ్యాస్‌ కట్టర్లు ఈ దొంగతనాలలో నిందితులు ఒకే రకమైన విధానం అనుసరించారు. నలుపురంగు స్కార్పియో తెలంగాణ, మహారాష్ట్ర, హర్యానా నకిలీ నంబర్‌ ప్లేట్లు, మహిళల వస్త్రధారణ, గ్యాస్‌ కట్టర్లు, ఇంక్‌ స్ప్రే వాడిన విధానాన్ని బట్టి ఈ చోరీలన్నీ ఒకే ముఠా చేసినట్లు పోలీసులు నిర్ధారణకు వచ్చారు. ప్రతీ చోటా సీసీ కెమెరాలకు ఇంక్‌ స్ప్రే చేయడం, ఆక్సిజన్‌ సిలిండర్లు, గ్యాస్‌ కట్టర్లు వాడి ఏటీఎం చెస్ట్‌ని కత్తిరించడంతో రాజస్థాన్‌ ముఠా పనిగా నిర్ధారణకు వచ్చారు. పట్టించిన నాలుగో కెమెరా రాష్ట్రంలో హైవేలపై కాపలా లేని ఎస్‌బీఐ ఏటీఎంలనే టార్గెట్‌ చేస్తున్న ముఠా సభ్యులు కామారెడ్డిలో రహస్య సీసీ కెమెరాకు చిక్కారు. ప్రతీ ఏటీఎంకు ప్రవేశ ద్వారం, ఏటీఎం మానిటర్‌, ఏటీఎంకు కుడివైపున మొత్తం మూడు కెమెరాలు ఉంటాయని ఈ ముఠాకు ముందే తెలుసు. అందుకే పోలీసులను తప్పుదోవ పట్టించేలా ముందు మహిళగా నైటీ లేదా బురఖా ధరించి లోపలికి వస్తారు. వెంట తెచ్చుకున్న ఇంక్‌స్ప్రేను మూడు సీసీ కెమెరాలపై స్ప్రే చేస్తారు. తరువాత గ్యాస్‌కట్టర్లతో ఏటీఎంను కొల్లగొడతారు. చోరీ చేసిన ప్రతిచోటా తెలివిగా సీసీ కెమెరాలు పనిచేయకుండా చేసిన ముఠా కామారెడ్డి ఏటీఎంలలో అమర్చిన రహస్యపు అదనపు సీసీ కెమెరాల కంటికి చిక్కారు. దీంతో నిందితుల గుట్టు వీడింది. ఈ ఫుటేజీ ఆధారంగా దర్యాపు చేసిన పోలీసులు దొంగలు రాజస్థాన్‌కు చెందిన వారిగా నిర్ధారణకొచ్చారు. ఈ ముఠా సెప్టెంబర్‌ 20న నగరంలో దాదాపు రూ.17లక్షలకు పైగా నగదు కొల్లగొట్టిన విషయం తెలిసిందే.

32.0/16.07గరిష్టం/కనిష్టంభీమన్నకు మొక్కులు వేములవాడ: వేములవాడ భీమన్నను సోమవారం 25వేల మంది దర్శించుకున్నారు. స్వామివారికి అన్నపూజ, తలనీలాలు తదితర మొక్కులు చెల్లించుకున్నారు. వాతావరణం ఉదయం మంచు కురుస్తుంది. వాతావరణం పొడిగా ఉంటుంది. ఆకాశం నిర్మలంగా ఉంటుంది. గాలిలో తేమశాతం అధికంగా ఉంటుంది. కార్యాలయంలో వసతులు కరువుకథలాపూర్‌ ఎంపీడీవో కార్యాలయాన్ని 2016 లో రూ.కోటితో పనులు చేపట్టినా అరకొర వసతుల మధ్య విధులు నిర్వర్తించాల్సి వస్తోందని అధికారులు, సిబ్బంది వాపోతున్నారు. మంగళవారం శ్రీ 27 శ్రీ అక్టోబర్‌ శ్రీ 2026

జగిత్యాలరూరల్‌: గ్రామాల అభివృద్ధికి ప్రభుత్వం కృషి చేస్తోందని ఎమ్మెల్యే సంజయ్‌కుమార్‌ అన్నారు. జగిత్యాల రూరల్‌ మండలం జాబితాపూర్‌లో రూ.20లక్షలతో నిర్మించిన పంచాయతీ భవనాన్ని ప్రారంభించారు. ఇందిరమ్మ ఇళ్లతో పేదల సొంతింటి కల సాకారం అవుతోందన్నారు. సర్పంచ్‌ మహేష్‌, ఆత్మ చైర్మన్‌ కాటిపల్లి గంగారెడ్డి, ఏఎంసీ చైర్మన్‌ గడ్డం నారాయణ రెడ్డి, పీఏసీఎస్‌ చైర్మన్‌ కొలుగూరి దామోదర్‌ రావు, ఉపసర్పంచ్‌ లక్ష్మణ్‌, ఎంపీడీఓ రమాదేవి, తహసీల్దార్‌ హకీం, ఎంపీవో రవిబాబు, ఏఈ విజయ్‌ పాల్గొన్నారు. నవగ్రహ విగ్రహాల ప్రతిష్ఠ హన్మాజీపేటలో నిర్వహించిన నవగ్రహ విగ్రహాల ప్రతిష్ఠ కార్యక్రమంలో ఎమ్మెల్యే పాల్గొన్నారు. సర్పంచ్‌ బొడ్డు దామోదర్‌, ఏఎంసీ మాజీ చైర్మన్‌ నక్కల రవీందర్‌రెడ్డి, కాంగ్రెస్‌ మండల అధ్యక్షుడు బాల ముకుందం, మాజీ సర్పంచ్‌ బొనగిరి నారాయణ పాల్గొన్నారు. వాల్మీకి జీవితం స్ఫూర్తిదాయం వాల్మీకి జీవితం స్ఫూర్తిదాయకమని ఎమ్మెల్యే అన్నారు. అంతర్గాంలో వాల్మీకీ జయంతిలో పాల్గొన్నారు. సామాన్యులకు అర్థమయ్యేలా రామాయణాన్ని రచించారని పేర్కొన్నారు. దేవయ్య వైద్య ఖర్చుల కోసం రూ.2.50 లక్షల ఎల్‌వోసీ ఇచ్చారు. సర్పంచ్‌ నోముల రమ్య, ఉపసర్పంచ్‌ బాలుగౌడ్‌ పాల్గొన్నారు. సీఎంఆర్‌ఎఫ్‌ పంపిణీ జగిత్యాల: పట్టణంలోని 14వ వార్డుకు చెందిన అపర్ణకు రూ.1.89లక్షల సీఎంఆర్‌ఎఫ్‌ చెక్కును ఎమ్మెల్యే అందించారు. కౌన్సిలర్‌ స్వప్న, తిరుపతి, గిరిధర్‌ పాల్గొన్నారు. వసతులు ప్రధానం గ్రామాల అభివృద్ధికి వసతులు ప్రధానమని మా జీమంత్రి జీవన్‌రెడ్డి అన్నారు. జాబితాపూర్‌ పంచా యతీ భవన ప్రారంభోత్సవంలో పాల్గొన్నారు. శాని టేషన్‌, తాగునీరు వంటి సదుపాయాల కల్పనకు ప్రాధాన్యం ఇవ్వాలన్నారు.

రాయికల్‌/జగిత్యాలజోన్‌: రాయికల్‌ మండలం మైతాపూర్‌లో గిరిగుట్టపై వెలిసిన కనకదుర్గ దేవి ఆలయం వద్ద పౌర్ణమి సందర్భంగా గిరి ప్రదక్షిణ కార్యక్రమాన్ని ప్రారంభించారు. ఆలయ అర్చకుడు జగదీశ్వరశాస్త్రి మాట్లాడుతూ.. దుర్గాదేవిని దర్శించుకుంటే కోరికలు నెరవేరుతాయని పేర్కొన్నారు. మహిళలు మంగళహారతులతో గిరి ప్రదక్షిణలో పాల్గొన్నారు. మాజీ జెడ్పీటీసీ గోపి మాధవి, ఉపసర్పంచ్‌ ప్రణయ్‌రెడ్డి, మాజీ సర్పంచ్‌ శివనీతి రమ్య, కౌన్సిలర్‌ పుర్రె శ్రీధర్‌, దొంగ లింగారెడ్డి, విజయకృష్ణారెడ్డి, సంజీవరెడ్డి, లింగారెడ్డి పాల్గొన్నారు. జగిత్యాలరూరల్‌ మండలం లక్ష్మీపూర్‌లోని శ్రీలక్ష్మీవేంకటేశ్వర స్వామి ఆలయం చుట్టూ సోమవారం తృతీయ గిరి ప్రదక్షిణ చేపట్టారు. స్వామివారి ఉత్సవ విగ్రహాలతో శోభాయాత్ర చేపట్టారు. ఆలయ అర్చకులు కూర్మచలం శరతాచార్యులు, సర్పంచ్‌ నల్ల కవిత, ఉప సర్పంచ్‌ సత్తిరెడ్డి, భక్తులు పాల్గొన్నారు.

జగిత్యాల: మున్సిపాలిటీల్లో ప్రజలు తడి, పొడి చెత్త వేరుచేసి ఇస్తే.. పారిశుధ్య సిబ్బంది దానిని డంపింగ్‌యార్డుకు తరలించి సెగ్రిగేషన్‌ చేస్తే ఎలాంటి ఇబ్బందులూ ఉండవు. ప్రతి కౌన్సిల్‌ సమావేశాల్లోనూ సభ్యులు అవగాహన కల్పించాలని మున్సి పల్‌ అధికారులు, సిబ్బందికి సూచిస్తున్నా.. ముందడుగు మాత్రం పడడం లేదు. తడి, పొడి చెత్త వేరుచేసి ఇవ్వాలని ప్రజలకు అవగాహన కల్పించాల్సిన అధికారులు వెనుకబడుతున్నారు. ప్రతి ఇంటికీ రెండు రకాల చెత్త డబ్బాలు ఇస్తామని చెప్పినా అందించడం లేదు. దీంతో మున్సిపాలిటీల్లో తడి, పొడి చెత్త, బయోమెడికల్‌ వేస్టేజీ విపరీతంగా వస్తోంది. తడి, పొడి చెత్తను ఒకే డబ్బాలో వేసి పారిశుధ్య సిబ్బందికి ఇస్తుండడం.. వారు డంపింగ్‌యార్డుకు తీసుకెళ్లి పడేస్తున్నారు. పొడిచెత్త ఉన్నచోట గుర్తు తెలియని వ్యక్తులు సిగరెట్‌, బీడీ కాల్చి అందులో పడేస్తుండడంతో మంటలు అంటుకుని దట్టమైన పొగలు లేస్తున్నాయి. జగిత్యాల ము న్సిపాలిటీ డంప్‌యార్డులో ఇలాగే మంటలు ఎగిసిపడుతూ.. పొగంతా డబుల్‌బెడ్‌రూం కాలనీని చుట్టుముట్టుతోంది. దీంతో కాలనీవాసులు, చుట్టుపక్కల గ్రామాల ప్రజలు తీవ్ర ఇబ్బంది పడుతున్నారు. జంకుతున్న కార్మికులు డంపింగ్‌యార్డులో సెగ్రిగేషన్‌ చేసే వ్యవస్థ లేకపోవడంతో చెత్తాచెదారం పేరుకుపోతోంది. బీడీ, సిగరేట్‌ కాల్చి పడేయడంతో మంటలు వ్యాపిస్తున్నాయి. పొగ దట్టంగా వ్యాపించడంతో శ్వాస తీసుకోవడం కష్టంగా ఉందని కార్మికులు ఆవేదన వ్యక్తం చేస్తున్నారు. తడి, పొడి చెత్త ఎక్కడ..? తడి, పొడి చెత్తను వేరుచేసి కార్మికులకు అందించాలని, ఇది ప్రజల సహకారంతోనే సాధ్యమని ఎమ్మెల్యే సంజయ్‌కుమార్‌, అధికారులు ప్రతి మున్సిపల్‌ సమావేశంలో చెబుతున్నా.. అమలులో మాత్రం ఆమడ దూరంలో ఉంటోంది. తడి, పొడి చెత్త వేరుచేసి ఇవ్వాలన్నది సాధ్యమవడం లేదు. దీంతో ఇష్టానుసారంగా డంపింగ్‌యార్డులో పడేయడంతో ఆ కాలనీవాసులంతా కాలుష్య కోరల్లో చిక్కుకుంటున్నారు. నిబంధనల ప్రకారం మున్సిపాలిటీల్లో చెత్త సేకరణ తడి, పొడి వేర్వేరుగా సేకరించాలి. ప్రతివార్డుకు మున్సిపల్‌ వాహనాలు వెళ్తాయి. ఇళ్ల యజమానులు ఇచ్చినట్లే చెత్తను కార్మికులు తీసుకుని వెళ్తున్నారు. అదే సమయంలో తడి, పొడి చెత్తను వేర్వేరుగా ఇవ్వాలని ప్రజలకు అవగాహన కల్పించకపోవడంతో మహిళలు చెత్తను వేరు చేయకుండానే ఇస్తున్నారు. వేరు చేసి ఇస్తే తడి చెత్త ఎరువుగా ఉపయోగపడుతుంది. పొడిచెత్తను విక్రయించే అవకాశం ఉంటుంది. ఫలితంగా బల్దియాకు ఆదాయం కూడా వస్తుంది. కానీ మున్సిపాలిటీల్లో అధికారులు పట్టించుకోవడం లేదనే ఆరోపణలున్నాయి. జిల్లాలోని ఐదు మున్సిపాలిటీల్లో రూ.లక్షల వ్యయంతో తడి, పొడి చెత్తను వేర్వేరుగా చేసేందుకు షెడ్లను నిర్మించినా పెద్దగా ప్రయోజనం కనిపించడం లేదు. నిత్యం మంటలే.. జగిత్యాల డంపింగ్‌యార్డు ప్రాంతంలో నర్సింగాపూర్‌ గ్రామం ఉంది. సమీపంలోనే న్యాక్‌ కేంద్రం ఉంది. దానికి ఆనుకునే డబుల్‌బెడ్‌రూం ఇళ్లను నిర్మించారు. వీటిలో 3 వేలకు పైగా కుటుంబాలు నివసిస్తున్నాయి. డంపింగ్‌యార్డులో మంటలు అంటుకుని పొగలు వ్యాపిస్తున్నాయి. రోజుల తరబడి దట్టమైన పొగలు కమ్ముకుంటున్నాయి. దీంతో ఆ ప్రాంతంలోని ప్రజలు నానా ఇబ్బందలు పడుతున్నారు. న్యాక్‌ కేంద్రంలో శిక్షణ పొందుతున్న వారు పొగను భరించలేకపోతున్నారు. పొగతో మనుషుల గుండె, ఊపిరితిత్తులపై అధిక ప్రభావం పడుతుంది. మనుషుల ఆరోగ్యం, పర్యావరణాన్ని దెబ్బతీసే కాలుష్య కారకాల్లో పీఎం 2.5, పీఎం 10, నైట్రోజన్‌ ఆకై ్సడ్‌, సల్ఫర్‌ ఆకై ్సడ్‌ ఉంటాయి. గాలిలో పీఎం 2.5 స్థాయికి పెరిగే కొద్దీ వృద్ధులు, పిల్లలు శ్వాసకోశ వ్యాధులున్న వారిపై తీవ్ర ప్రభావం చూపే అవకాశం ఉంటుంది. డంపింగ్‌యార్డులో పొగలు అంటుకోకుండా ప్రత్యామ్నాయ చర్యలు తీసుకోవాల్సిన అవసరం బల్దియాలపై ఉంది. తడి, పొడి చెత్త వేరుపై స్పందన కరువు డంపింగ్‌యార్డులో తరచూ మంటలు కాలుష్యంతో ప్రజలకు తప్పని ఇక్కట్లు చుట్టుగ్రామాలకు వ్యాపిస్తున్న పొగలు

కోరుట్ల: సదర్‌మట్‌ బ్యారేజీ నుంచి ఇబ్రహీంపట్నం మండలం గంగనాల ప్రాజెక్టుకు విడుదల చేసేందుకు సంబంధిత అధికారులు అంగీకరించారని ఎమ్మెల్యే కల్వకుంట్ల సంజయ్‌ తెలిపారు. ఈ మేరకు ఆయనబీఆర్‌ఎస్‌ నాయకులతో కలిసి ఆదివారం బ్యారేజీని సందర్శించారు. 800 క్యూసెక్కుల నీటిని గంగనాల ప్రాజెక్టుకు విడుదల చేసేందుకు నీటిపారుదల శాఖ అధికారులు అంగీకరించారని పేర్కొన్నారు. గంగనాల నుంచి ఆయకట్టుకు నీరు విడుదల అవుతుందని, తద్వారా ఆయకట్టు రైతులకు ప్రయోజనం కలగనుందని వివరించారు. నీటి విడుదలకు కృషి చేసిన ఎమ్మెల్యేకు గంగనాల ఆయకట్టు రైతులు కృతజ్ఞతలు తెలిపారు. ఎమ్మెల్యే కల్వకుంట్ల సంజయ్‌

జగిత్యాలరూరల్‌/ధర్మపురి: పేదవిద్యార్థులకు కార్పొరేట్‌ స్థాయి విద్యను అందించేందుకు ప్రభుత్వం యంగ్‌ ఇండియా ఇంటిగ్రేటెడ్‌ స్కూళ్ల నిర్మాణానికి శ్రీకారం చుట్టిందని రవాణా, బీసీ సంక్షేమ శాఖ మంత్రి పొన్నం ప్రభాకర్‌ అన్నారు. జగిత్యాల రూరల్‌ మండలం తాటిపల్లి, మోరపల్లి శివారులో రూ.200 కోట్లతో నిర్మించనున్న యంగ్‌ ఇండియా స్కూల్‌ పనులకు మంత్రి అడ్లూరి లక్ష్మణ్‌ కుమార్‌, ప్రభుత్వ విప్‌ ఆది శ్రీనివాస్‌, జగిత్యాల ఎమ్మెల్యే సంజయ్‌ కుమార్‌, కలెక్టర్‌ సత్యప్రసాద్‌తో కలిసి ఆదివారం శంకుస్థాపన చేశారు. ఈ సందర్భంగా మంత్రి మాట్లాడుతూ.. పేదలకు అందించే విలువైన సంపద విద్య అన్నారు. వచ్చే విద్యా సంవత్సరం నాటికి కనీసం 10 ఇంటిగ్రేటెడ్‌ స్కూళ్లలో తరగతులు ప్రారంభించేలా ప్రభుత్వం కృషి చేస్తోందన్నారు. రాష్ట్రంలో కరువును ఎదుర్కొనేందుకు అందరూ సమష్టిగా కృషి చేయాలని పిలుపునిచ్చారు. మంత్రి అడ్లూరి మాట్లాడుతూ.. జగిత్యాలలో కేంద్రీయ విద్యాలయం ఏర్పాటుకు చర్యలు చేపట్టినట్లు పేర్కొన్నారు. ఇంటిగ్రేటెడ్‌ స్కూల్‌ను 18 నెలల్లో పూర్తి చేసేలా చర్యలు తీసుకుంటామన్నారు. విప్‌ ఆది శ్రీనివాస్‌ మాట్లాడుతూ.. సుమారు 2,600 మంది విద్యార్థులకు ఉపయోగపడేలా స్కూల్‌ నిర్మిస్తున్నట్లు పేర్కొన్నారు. కలెక్టర్‌ మాట్లాడుతూ ఇంటిగ్రేటెడ్‌ స్కూల్‌లో 6వ తరగతి నుంచి ఇంటర్మీడియట్‌ వరకు సుమారు 2,600 మంది విద్యార్థులకు విద్యనందించేలా ప్రణాళిక రూపొందించినట్లు తెలిపారు. ఎమ్మెల్యే సంజయ్‌ మాట్లాడుతూ యంగ్‌ ఇండియా ఇంటిగ్రేటెడ్‌ స్కూ ల్‌ మంజూరు చేసినందుకు సీఎంకు కృతజ్ఞతలు తెలిపారు. అదనపు కలెక్టర్‌ ఎన్‌. ప్రసూనాంబ, డీసీసీ అధ్యక్షుడు గాజంగి నందయ్య, జగిత్యాల మున్సిపల్‌ చైర్‌పర్సన్‌ సమిండ్ల వాణి, గ్రంథాలయ సంస్థ చైర్మన్‌ దినేష్‌, మార్కెట్‌ కమిటీ చైర్మన్‌ నారాయణరెడ్డి, సింగిల్‌ విండో చైర్మన్‌ దామోదర్‌రావు, నాయకులు నక్కల రవీందర్‌రెడ్డి, బాలముకుందం, కట్ట రాజేందర్‌, గంగారెడ్డి పాల్గొన్నారు. ధర్మపురిలో బస్‌ డిపో ఏర్పాటు చేస్తాం ధర్మపురిలో ఆర్టీసీ బస్‌ డిపో ఏర్పాటు చేస్తామని మంత్రి పొన్నం తెలిపారు. గోదావరి పుష్కరాల నేపథ్యంలో ధర్మపురి బస్టాండ్‌ను రూ.2.57 కోట్ల వ్యయంతో ఆధునీకరించే పనులకు మంత్రి అడ్లూరితో కలిసి ఆదివారం ప్రారంభోత్సవం చేశారు. ఈ సందర్భంగా ఆయన మాట్లాడుతూ.. మంత్రి అడ్లూరి కోరిక మేరకు డిపో ఏర్పాటు చేస్తామని, ఇందుకు అవసరమైన స్థలాన్ని గుర్తించాలని కలెక్టర్‌ కు సూచించారు. అడ్లూరి మాట్లాడుతూ.. ఎన్నికల్లో ఇచ్చిన మాట ప్రకారం .. బస్‌డిపోతోపాటు రెవె న్యూ డివిజన్‌, సబ్‌ట్రెజరీ, రిజిస్టార్‌ కార్యాలయం ఏర్పాటుకు కృషి చేస్తున్నానని తెలిపారు. ముందుగా మంత్రులు శ్రీలక్ష్మీనృసింహస్వామి ఆలయంలో పూజలు చేశారు. వారికి అర్చకులు పూర్ణకుంభంతో స్వాగతం పలికారు. బస్‌భవన్‌ కమర్షియల్‌ ఈడీ రాజశేఖర్‌, కరీంనగర్‌ ఈడీ సోలామన్‌, ఆర్‌ఎం రాజు, ఆర్‌వీఎం.బాపూరావు, డీఆర్‌ఎం భూపతిరెడ్డి, సీసీఈ కవిత, డీఎంలు రమేష్‌, హరి, మనోహర్‌, గ్రంథాలయ చైర్మన్‌ ఎస్‌.దినేష్‌, మున్సిపల్‌ చైర్‌పర్సన్‌ నాగలక్ష్మి, దేవస్థానం ఈవో శ్రీనివాస్‌ తదితరులున్నారు. రూ.200కోట్లతో యంగ్‌ ఇండియా ఇంటిగ్రేటెడ్‌ స్కూల్‌ రవాణా, బీసీ సంక్షేమ శాఖ మంత్రి పొన్నం ప్రభాకర్‌

మెట్‌పల్లిరూరల్‌: ఉత్సవాలు, పండుగలు, ఊరేగింపు, శోభాయాత్ర, ఇతరత్రా కార్యక్రమాలు.. సందర్భం ఏదైనా వినోదం పేరిట యువత హద్దులు మీరుతోంది. పండుగవేళల్లో ఉత్సాహంతో నిర్వహించుకునే వేడుకలు ఒకవైపు సంతోషాన్ని ఇస్తే.. మరోవైపు శృతిమించిన ప్రవర్తన వివాదాలకు కారణమవుతోంది. ఆనందోత్సాహాలతో సాగాల్సిన వేడుక కొందరి తీరుతో గొడవలు, ఘర్షణలకు వేది కగా మారుతోంది. మద్యంమత్తు, వర్గపోరు, ర్యాష్‌ డ్రైవింగ్‌ కారణంగా ప్రశాంత వాతావరణం దెబ్బ తింటోందన్న ఆరోపణలు వ్యక్తమవుతున్నాయి. చిన్నపాటి విషయాలే ఘర్షణ వైపు.. చిన్నపాటి విషయాలతో మొదలయ్యే వివాదాలు చివరకు ఘర్షణలకు దారితీస్తున్నాయి. పలు కార్యక్రమాల్లో రెచ్చిపోతున్న యువత.. రాత్రి సమయాల్లో ద్విచక్రవాహనాలపై విన్యాసాలు చేస్తూ ప్రమాదకరంగా చక్కర్లు కొట్టడం.. గ్యాంగ్‌లతో వెళ్లి ఘర్షణలకు పాల్పడుతూ అలజడి సృష్టించడం కలకలం రేపుతోంది. చిన్నా, పెద్ద వేడుకలు ఏదైనాగానీ.. వినోదం పేరిట హద్దులు దాటుతున్న యువత తీరు ఆందోళన కలిగిస్తోంది. తమ చేష్టలతో ప్రజానీకానికి ఇబ్బందికరమని తెలిసినప్పటికీ అదే ధోరణితో వ్యవహరిస్తూ నిర్లక్ష్యం ప్రదర్శిస్తున్నారు. మెట్‌పల్లి మండలంలో పలుచోట్ల వినాయక నిమజ్జనం సందర్భంగా నిర్వహించిన శోభాయాత్ర సమయంలో వివాదాలు చోటుచేసుకోగా.. ఆ సమయంలో పోలీసులు చర్యలకు ఉపక్రమించారు. తాజాగా బతుకమ్మ పండుగరోజున మెట్‌పల్లి మండలం వెల్లుల, బండలింగాపూర్‌ గ్రామాల్లో యువకుల మధ్య చోటుచేసుకున్న ఘర్షణలు చర్చనీయాంశంగా మారాయి. ఇబ్రహీంపట్నం పోలీస్‌స్టేషన్‌ పరిధిలోని బండలింగాపూర్‌లో దాదాపు గంటకు పైగా జరిగిన ఈ ఘర్షణ తీవ్ర ఉద్రిక్తతకు దారితీసింది. ఒకదశలో పోలీసులపైకి కూడా కొందరు దురుసుగా ప్రవర్తించినట్లు తెలిసింది. ఈ వ్యవహారంలో పోలీసులు మొత్తం 26 మంది యువకులపై కేసు నమోదు చేశారు. అయితే కొందరిని కాపాడేందుకు పోలీసులకు రాజకీయంగా ఒత్తిడి వచ్చినట్లు తెలిసింది. అయినప్పటికీ ఈ ఘటనను సీరియస్‌గా తీసుకున్న పోలీసులు లోతుగా దర్యాప్తు జరిపి పలువురిపై కేసులు నమోదు చేయడం గమనార్హం. ఇబ్బందికరమైన వాతావరణం గ్రామాల్లో కొందరి తీరుతో ప్రజలు ఇబ్బందులు ఎదుర్కొంటున్నారు. పండుగలు వస్తే ఎప్పుడేం జరుగుతుందోనన్న ఆందోళన నెలకొంటోంది. ఈ నేపథ్యంలో పోలీసులు పలు సందర్భాల్లో అవగాహన కల్పిస్తున్నారు. శాంతిభద్రతలకు విఘాతం కలిగిస్తే కఠిన చర్యలు తీసుకుంటామని హెచ్చరిస్తున్నారు. పిల్లలపై తల్లిదండ్రుల పర్యవేక్షణ ఉండాలని చెబుతున్నారు. ఏమైనా చట్టవ్యతిరేక కార్యకలపాలకు పాల్పడితే పిల్లల భవిష్యత్‌ పాడువుతుందని స్పష్టం చేస్తున్నారు. అయినప్పటికీ యువత కొంతవరకు దారి తప్పుతుండడం ఆందోళన కలిగిస్తోంది. ఉత్సవాల్లో హద్దుమీరుతున్న యువకులు వివాదాలు జరిగి ఘర్షణలకు దారితీస్తున్న వైనం గ్రామాల్లో ఇబ్బందికరమైన వాతావరణం బండలింగాపూర్‌లో 26 మంది యువకులపై కేసు

రాయికల్‌: మత్స్య కార్మిక కుటుంబాలను ఆదుకునేందుకు ప్రభుత్వం నగదు రూపంలో ఆర్థిక సహాయం అందించాలని మాజీమంత్రి జీవన్‌రెడ్డి కోరారు. ఈ మేరకు సీఎం రేవంత్‌రెడ్డికి లేఖ రాశారు. మండలంలోని కుమ్మరిపల్లికి చెందిన మత్స్య కార్మిక కుటుంబాన్ని ఆదివారం పరామర్శించారు. గత ప్రభుత్వంలో మత్స్యకార్మికులను ఆదుకునేందుకు చెరువుల్లో చేప పిల్లలను విడుదల చేసిందని, ప్రస్తుతం పిల్లల పంపిణీ నిలిచిపోవడంతో మత్స్యకారులు ఆర్థికంగా ఇబ్బంది పడుతున్నారని ఆవేదన వ్యక్తం చేశారు. జూలై, ఆగస్టులో చేప పిల్లలను పంపిణీ చేయాల్సి ఉందని, ఇప్పటికీ ప్రక్రియ ముందుకు కదలకపోవడంతో వారంతా ఉపాధి కోల్పోయారని తెలిపారు. ఎల్‌నినో పరిస్థితుల నేపథ్యంలో ప్రభుత్వం స్పందించి చేపపిల్లలు కాకుండా నగదు రూపంలో సహాయం అందించాలని కోరారు. ఆయన వెంట మున్సిపల్‌ చైర్మన్‌ కట్కం రవి, నాయకులు గుమ్మడి సంతోష్‌, తిరుపతిరెడ్డి, బర్కం మల్లేశ్‌యాదవ్‌, మహిపాల్‌రెడ్డి, గోపి రాజిరెడ్డి, భూమయ్య పాల్గొన్నారు. నేడు లక్ష్మీపూర్‌లో తృతీయ గిరి ప్రదక్షిణజగిత్యాలజోన్‌: పౌర్ణమి సందర్భంగా సోమవారం జగిత్యాల రూరల్‌ మండలం లక్ష్మీపూర్‌ శ్రీలక్ష్మీవేంకటేశ్వర స్వామి ఆలయం చుట్టూ తృతీయ గిరి ప్రదక్షిణ కార్యక్రమం నిర్వహిస్తున్నారు. అశేష భక్తుల పాదయాత్ర మధ్య శ్రీవేంకటేశ్వర స్వామి ఉత్సవ విగ్రహాలను కొండచుట్టూ ఊరేగించనున్నారు. గిరిప్రదిక్షణకు వివిధ ప్రాంతాల నుంచి భక్తులు రానుండడంతో తాగునీటి సౌకర్యం కల్పించారు. గ్రామస్తుల సహకారంతో గిరి ప్రదక్షిణకు ఏర్పాటు చేసినట్లు ఆలయ ఆర్చకులు కూర్మచలం శరతాచార్యులు తెలిపారు. శ్రీనివాసుల సేవా సంస్థ తృతీయ వార్షికోత్సవంకోరుట్ల: పట్టణంలోని ఓ ఫంక్షన్‌ హాల్‌లో తెలంగాణ శ్రీనివాసుల సేవా సంస్థ తృతీయ వార్షికోత్సవం ఆదివారం ఘనంగా నిర్వహించారు. జగిత్యాల ప్రభుత్వ బ్లడ్‌ బ్యాంక్‌ ఆధ్వర్యంలో తలసేమియా వ్యాదిగ్రస్తుల కోసం రక్తదాన శిబిరం ఏర్పాటు చేశారు. రక్తదాతలకు ప్రశంసపత్రాలు అందించారు. ముందుగా చిన్నారుల నృత్య ప్రదర్శనలు అలరించాయి. రాష్ట్రంలోని వివిధ ప్రాంతాల నుంచి శ్రీనివాస నామధేయులు తరలివచ్చారు. కార్యక్రమంలో డిప్యూటీ డీఎంహెచ్‌వో శ్రీనివాస్‌ రెడ్డి, శ్రీనివా సుల సేవా సంస్థ వ్యవస్థాపక అధ్యక్షుడు ఊ ట్కూరు శ్రీనివాస్‌ రెడ్డి, సభ్యులు పాల్గొన్నారు. స్వదేశీ ఉత్పత్తులను ప్రోత్సహించాలికథలాపూర్‌: ప్రధాని మోదీ సూచనల మేరకు దీపావళి పండుగ సందర్భంగా స్వదేశీ ఉత్పత్తులను కొనుగోలు చేసి ప్రోత్సహించాలని బీజేపీ కిసాన్‌మోర్చా రాష్ట్ర అధికార ప్రతినిధి కొడిపెల్లి గోపాల్‌రెడ్డి తెలిపారు. మండలంలోని సిరికొండలో బీజేపీ నాయకులతో కలిసి ప్రధాని నిర్వహిస్తున్న శ్రీమన్‌ కీ బాత్‌శ్రీ కార్యక్రమాన్ని ఆదివారం వీక్షించారు. ప్రకృతి వ్యవసాయమే భవిష్యత్‌తరాలకు ఆరోగ్యకరమైన మార్గమన్నారు. పర్యావరణ పరిరక్షణ, సామాజిక సేవ, స్థానిక సమస్యల పరిష్కారంలో ప్రజలు స్వచ్ఛందంగా పాల్గొంటుండటం అభినందనీయమన్నారు.

పెగడపల్లి: పెగడపల్లి వ్యవసాయ మార్కెట్‌ కమిటీ ఏర్పాటు చేసి ఏళ్లు కావస్తున్నా.. రైతులకు మాత్రం ఇప్పటివరకు ఎలాంటి సేవలూ అందించడం లేదు. ఇక్కడ వ్యవసాయ మార్కెట్‌ ఏర్పాటుకు ముందు గొల్లపల్లి వ్యవసాయ మార్కెట్‌కు అనుబంధంగా ఉండేది. సబ్‌ మార్కెట్‌ కొనసాగించి ఇక్కడి నుంచి తరలిస్తున్న ధాన్యానికి చెక్‌ పోస్టు ద్వారా మార్కెట్‌ ఫీజు వసూలు చేసేది. సబ్‌ మార్కెట్‌ యార్డును విభజించి 2015లో ప్రత్యేక మార్కెట్‌ ఏర్పాటు చేశారు. అనంతరం మొదటిసారి 2016లో మార్కెట్‌ కమిటీకి పాలకవర్గం నియామకమైంది. ఆ సమయంలో ఉన్న పాలకవర్గం గ్రామ శివారులోని ప్ర భుత్వ స్థలంలో గోదాము, మార్కెట్‌ కమిటీ కార్యాలయం నిర్మించింది. మార్కెట్‌ ఏర్పాటు చేసి ఏళ్లు కావస్తున్నా.. వ్యాపారులను నియమించడంగానీ, ధాన్యం కొనుగోళ్లుగానీ చేపట్టడం లేదు. ధాన్యం కొనుగోలు కేంద్రం ఏర్పాటుకు చర్యలు తీసుకోకపోవడంతో మార్కెట్‌ నిరుపయోగంగా ఉంటోంది. మార్కెట్‌తో నాయకులకు పదవులు వస్తున్నాయి తప్ప తమకు సేవలు మాత్రం అందడం లేదని రైతులు చెబుతున్నారు. ఐకేపీ, సహకార సంఘాల ఆధ్వర్యంలో ఏర్పాటు చేస్తున్న ధాన్యం కొనుగోలు కేంద్రాల్లోనే ధాన్యం విక్రయిస్తున్నామని, ఇతర పంటలను అమ్ముకునేందుకు ఇతర ప్రాంతాలకు వెళ్లాల్సి వస్తోందని ఆవేదన వ్యక్తం చేస్తున్నారు. రూ.2,50 కోట్లతో అభివృద్ధి పనులు ఇక్కడ సుమారు రూ.2.50కోట్లు వెచ్చించి వివిధ అభివృద్ధి పనులు చేపట్టారు. రూ.50 లక్షలతో మార్కెట్‌ కమిటీ కార్యాలయం, రూ.1.5 కోట్లతో గోదాం, మార్కెట్‌ ఆవరణలో స్థలం చదును, ప్రహరీ, స్వాగత ద్వారం వంటి వాటికి రూ.50 లక్షల మేర ఖర్చు చేశారు. ఈవన్నీ పూర్తి చేసిన అధికారులు ధాన్యం కొనుగోలుకు మాత్రం చర్యలు తీసుకోవడం లేదు. మండలంలో 23 గ్రామాలున్నాయి. రెండు గ్రామాలు మినహా 21 గ్రామాలు పూర్తిగా ఎస్సారెస్పీ ఆయకట్టు పరిధిలో ఉన్నాయి. ఆయకట్టు పుణ్యమా అని రెండు పంటలు పండుతాయి. సుమారు 28 వేల ఎకరాల సాగు విస్తీర్ణం ఉంది. ఇందులో 26 వేల ఎకరాల్లో వరి పంటనే సాగు చేస్తున్నారు. ఐకేపీ, సహకార సంఘాల ఆధ్వర్యంలో గ్రామాల్లో ఏర్పాటు చేస్తున్న ఽకేంద్రాల్లోనే ధాన్యం విక్రయిస్తున్నారు. కనీసం వ్యవసాయ మార్కెట్‌ ఆధ్వర్యంలో కమీషన్‌పై కొనుగోలు కేంద్రం ఏర్పాటు చేసి ధాన్యం కొనే అవకాశం ఉన్నా ఆ దిశగా ప్రయత్నం చేయడం లేదని రైతులు విమర్శిస్తున్నారు. మరోవైపు మార్కెట్‌ ఆవరణలో సిమెంట్‌ ప్లాట్‌ఫాంలు లేక ధాన్యం పోయాలంటే రైతులకు ఇబ్బందిగా ఉంటుందని, ఓపెన్‌ షెడ్లు నిర్మించాల్సి ఉందని మార్కెట్‌ కమిటీ పాలకవర్గం చెబుతుండడం గమనార్హం. సంబంధిత అధికారులు స్పందించి కనీసం యాసంగి, వానాకాలం సీజన్‌లోనైనా ధాన్యం కొనుగోలు కేంద్రాలు ఏర్పాటు చేస్తే వచ్చే కమీషన్‌ ద్వారా మార్కెట్‌ను మరింత అభివృద్ధి చేసుకునే అవకాశం ఉంటుందని, ఆ దిశగా కృషి చేయాలని మండల రైతులు కోరుతున్నారు.

డ్రోన్‌ సాంకేతికతను వినియోగించుకోవాలిజగిత్యాలఅగ్రికల్చర్‌: వ్యవసాయ రంగంలో వస్తున్న డ్రోన్‌ సాంకేతికతను రైతులు సద్వినియోగం చేసుకోవాలని ఎమ్మెల్యే సంజయ్‌కుమార్‌ అన్నారు. జగిత్యాల సింగిల్‌ విండో ద్వారా రూ.9 లక్షలతో కొనుగోలు చేసిన డ్రోన్‌ను శనివారం ప్రారంభించారు. జిల్లాలో వ్యవసాయమే ప్రధానమని, రైతులు వ్యవసాయ రంగంలో వస్తున్న నూతన సాంకేతిక పరిజ్ఞానాన్ని ఎప్పటికప్పుడు ఉపయోగించుకోవాలన్నారు. డ్రోన్‌తో పంటలకు పిచికారీ చేయడం ద్వారా రైతులకు శారీరక శ్రమ, ఖర్చు తగ్గుతుందన్నారు. కార్యక్రమంలో సింగిల్‌ విండో చైర్మన్‌ కొలుగూరి దామోదర్‌రావు, సంఘ సీఈవో గాజెంగి వేణు పాల్గొన్నారు.

24కేఎన్‌టీ130: ప్రణయ్‌కుమార్‌ (ఫైల్‌) కరీంనగర్‌క్రైం: ఫంక్షన్‌కు వెళ్లి వస్తున్న ఇద్దరు సోదరులు ప్రమాదానికి గురికాగా, వారిలో ఒకరు ప్రాణాలు కోల్పోయాడు. మరొకరు తీవ్రగాయాలతో చికిత్స పొందుతున్నాడు. టూ టౌన్‌ పోలీసుల వివరాల ప్రకారం.. కరీంనగర్‌లోని రాంనగర్‌కు చెందిన రామిడి వరలక్ష్మి– శ్రీనివాస్‌ దంపతులకు రామిడి ప్రణయ్‌కుమార్‌(26), వినయ్‌ సంతానం. ప్రణయ్‌ పీజీ పూర్తి చేయగా, వినయ్‌ పీజీ చదువుతున్నాడు. శుక్రవారం సాయంత్రం ఇద్దరూ నుస్తులాపూర్‌లో ఓ ఫంక్షన్‌కు బైక్‌పై వెళ్లారు. శనివారం వేకువజామున కరీంనగర్‌ వస్తుండగా సప్తగిరికాలనీ ప్రాంతంలోని ఎస్‌ఆర్‌ఆర్‌ బ్యాంకెట్‌ హాల్‌ సమీపంలో అకస్మాత్తుగా కుక్క అడ్డురావడంతో బైక్‌ అదుపుతప్పి డివైడర్‌ను ఢీకొని కింద పడిపోయారు. ఈ ప్రమాదంలో ప్రణయ్‌కు తీవ్రగాయాలై అక్కడికక్కడే మృతిచెందాడు. వినయ్‌ను చికిత్స కోసం ఆసుపత్రికి తరలించారు. కాగా, భర్త ఉపాధి నిమిత్తం సింగపూర్‌లో ఉండగా, ఇద్దరు కుమారులే తనకు అండగా ఉన్నారని తల్లి వరలక్ష్మి కన్నీరుమున్నీరవుతోంది. కేసు దర్యాప్తు చేస్తున్నట్లు పోలీసులు తెలిపారు.

● మాజీమంత్రి జీవన్‌రెడ్డి జగిత్యాల: ఎన్‌హెచ్‌ఎం ఉద్యోగుల సమస్యలను పరిష్కరించాలని బీఆర్‌ఎస్‌ రాష్ట్ర ప్రధాన కార్యదర్శి, మాజీమంత్రి జీవన్‌రెడ్డి అన్నారు. న్యాయమైన హక్కులు పరిష్కరించాలని డిమాండ్‌ చేస్తూ.. ఎన్‌హెచ్‌ఎం ఉద్యోగులు కలెక్టరేట్‌ ఎదుట ఆందోళన చేస్తున్న విషయం తెల్సిందే. వారికి జీవన్‌రెడ్డి సంఘీభావం తెలిపారు. వైద్యం ఉచితంగా కల్పించాల్సిన బాధ్యత ప్రభుత్వంపై ఉందన్నారు. దసరా, దీపావళి పండుగలను వదిలి ఆందోళన చేస్తున్నారంటే వారి పరిస్థితిని అర్థం చేసుకోవచ్చన్నారు. ప్రభుత్వం స్పందించి వారి సమస్యలను పరిష్కరించాలని కోరారు. సీఎం కేసీఆర్‌ హయాంలో ఆడబిడ్డ పుడితే రూ.12 వేలు, బాబు పుడితే రూ.11 వేలు ఇచ్చేవారని, వీటితోపాటు, న్యూట్రిషియన్‌ కిట్‌ అందించారని గుర్తు చేశారు. వైద్యానికి సంబంధించి 60శాతం కేంద్ర ప్రభుత్వం ఇస్తుందని, రాష్ట్ర ప్రభుత్వం 40 శాతం ఇస్తుందని, వీటిని కూడా సక్రమంగా అమలు చేయడం లేదన్నారు. కేసీఆర్‌ జిల్లాకో మెడికల్‌ కళాశాల ఏర్పాటు చేశారని పేర్కొన్నారు. నేషనల్‌ హెల్త్‌ మిషన్‌లో ఎక్కువ ఆడబిడ్డలే ఉన్నారని, సమాన హక్కుకు సమాన వేతనం ఇవ్వాలని సుప్రీంకోర్టు తీర్పు అన్నారు. ప్రభుత్వం స్పందించి వీరి సమస్యలను పరిష్కరించేలా చర్యలు తీసుకోవాలని డిమాండ్‌ చేశారు. ఈ కార్యక్రమంలో నాయకులు పాల్గొన్నారు.

మల్యాల/ధర్మపురి: మల్యాల మండలం ముత్యంపేటలోని కొండగట్టు శ్రీఆంజనేయస్వామి, ధర్మపురిలోని శ్రీలక్ష్మీనృసింహస్వామి ఆలయాల్లో హైకోర్టు న్యాయమూర్తి నరసింగరావు శనివారం కుటుంబసమేతంగా పూజలు చేశారు. ఈ సందర్భంగా ఆలయ అర్చకులు పూర్ణకుంభంతో స్వాగతం పలికారు. శేషవస్త్రంతో సత్కరించి, స్వామివారి తీర్థ, ప్రసాదాలు అందజేశారు. జిల్లా జడ్జి రత్నాపద్మావతి, సబ్‌ జడ్జి నాగేశ్వర్‌రావు, ధర్మపురి కోర్టు మేజిస్ట్రేట్‌ యోగి జానకి, తహసీల్దార్‌ శ్రీనివాస్‌, సూపరింటెండెంట్‌ అలువాలు శ్రీనివాస్‌, ఆలయ సిబ్బంది పాల్గొన్నారు.అప్పుల బాధ భరించలేక ఆత్మహత్య జూలపల్లి: పెద్దపల్లి జిల్లా జూలపల్లి మండలం పెద్దాపూర్‌ గ్రామానికి చెందిన గీతకార్మికుడు బందారపు సురేశ్‌(34) అప్పుల బాధ భరించలేక పురుగుల మందు తాగి అత్మహత్య చేసుకున్నాడు. ఎస్‌ఐ మల్లేశ్‌ కథనం ప్రకారం.. గీత కార్మికుడు సురేశ్‌.. ఉపాధి కోసం అప్పు చేసి కొన్నేళ్ల క్రితం ఖతార్‌ దేశం వెళ్లాడు. రెండు సంవత్సరాలకే తిరిగి వచ్చాడు. ఖతార్‌ వెళ్లే సమయంలో చేసిన అప్పులు సుమారు రూ.7లక్షలు తీర్చేదారిలేక మానసికంగా కుంగిపోయాడు. ఈ విషయాన్ని భార్యకు చెబుతూ బాధపడేవాడు. బతుకమ్మ పండుగ కోసం భార్య రమాదేవి, కొడుకుతో కలిసి తన పుట్టింటికి వెళ్లింది. ఇంట్లో ఒక్కడే ఉంటున్నాడు. ఈనెల 23న రాత్రి భార్యకు ఫోన్‌చేసి తాను పురుగుల మందు తాగానని చెప్పాడు. ఆమె వెంటనే స్పందించి సురేశ్‌ సోదరుడు బందారపు అంజయ్యకు ఫోన్‌ ద్వారా విషయం చెప్పింది. ఆ తర్వాత సురేశ్‌ను కరీంనగర్‌లోని ప్రభుత్వ ప్రధాన వైద్యశాలకు తరలించారు. అక్కడ చికిత్స పొందుతూ అదేరోజు తెల్లవారు జామున మృతి చెందాడు. మృతుడి భార్య ఫిర్యాదు మేరకు కేసు నమోదు చేసినట్లు ఎస్‌ఐ వివరించారు. మెడికల్‌ షాప్‌ యజమాని.. కరీంనగర్‌క్రైం: మెడికల్‌ షాప్‌లో వ్యాపారం సరిగా సాగక నష్టాలు రావడంతో మానసిక ఆందోళనకు గురైన ఓ వ్యక్తి వివిధ రకాల మందులు మింగి చికిత్స పొందుతూ మృతిచెందాడు. పోలీసులు తెలిపిన వివరాలు.. కరీంనగర్‌లోని చైతన్యపురికి చెందిన నడిమెట్ల శ్రీరాములు (34) భగత్‌నగర్‌లోని రామచంద్రాపూర్‌కాలనీలో సాధన మెడికల్‌ అండ్‌ జనరల్‌ స్టోర్‌ నిర్వహిస్తున్నాడు. కొంతకాలంగా వ్యాపారం సరిగా సాగక నష్టాలు వస్తుండగా, అప్పులు కూడా పుట్టడం లేదని కుటుంబ సభ్యుల వద్ద ఆవేదన వ్యక్తం చేసేవాడు. ఈ క్రమంలో మద్యానికి బానిసయ్యాడు. ఈ నెల 23న సాయంత్రం మద్యం మత్తులో ఇంటికి వచ్చిన శ్రీరాములు షాప్‌లోని వివిధ రకాల టాబ్లెట్లు మింగినట్లు భార్యకు తెలిపాడు. దీంతో కుటుంబ సభ్యులు ప్రైవేట్‌ ఆసుపత్రికి తరలించగా, చికిత్స పొందుతూ శనివారం మధ్యాహ్నం మృతిచెందాడు. మృతుడి భార్య ఫిర్యాదు మేరకు కేసు దర్యాప్తు చేస్తున్నట్లు టూ టౌన్‌ పోలీసులు తెలిపారు. గుండెపోటుతో ముగ్గురు మృతి వేములవాడరూరల్‌/రామగుండం/రుద్రంగి: ఉమ్మడి కరీంనగర్‌ జిల్లాలో శనివారం ముగ్గురు యువకులు గుండెపోటుతో ప్రాణాలు కోల్పోయారు. రాజన్నసిరిసిల్ల జిల్లా వేములవాడ రూరల్‌ మండలం చెక్కపల్లికి చెందిన సింగారపు బాబు, కమల దంపతుల కొడుకు సింగారపు శేఖర్‌(30) గల్ఫ్‌ వెళ్లాడు. అనారోగ్యానికి గురికావడంతో నాలుగు నెలల క్రితం స్వగ్రామానికి వచ్చాడు. వైద్యులు పరీక్షించి గుండె వాల్వ్‌లో స్టంట్‌ వేశారు. శనివారం ఇంట్లో కుటుంబ సభ్యులతో మాట్లాడుతూ తల్లి కాళ్లపై కుప్పకూలిపోయాడు. శేఖర్‌ చిన్నవయసులోనే తండ్రి బాబు చనిపోయాడు. మృతునికి తల్లి, భార్య, ఇద్దరు కూతుళ్లు ఉన్నారు. రుద్రంగి మండల కేంద్రానికి చెందిన కోల భూమారెడ్డి శనివారం గుండెపోటుతో మరణించాడు. హౌసింగ్‌బోర్డు కాలనీలో.. రామగుండం పట్టణంలోని హౌసింగ్‌బోర్డు కాలనీకి చెందిన ఎర్రం అంజయ్య–ఎల్లమ్మ దంపతులకు సందీప్‌(27), మణికంఠ సంతానం. సందీప్‌ కూలి పనులు చేస్తుండగా, మణికంఠ ఎన్టీపీసీలోని ఓ ప్రైవేట్‌ కంపెనీలో పని చేస్తున్నాడు. శనివారం ఇంట్లో ఎవరూ లేని సమయంలో సందీప్‌ ఫిట్స్‌ వచ్చి కుప్పకూలిపోయాడు. స్థానికులు గమనించి తల్లిదండ్రులకు సమాచారం అందించగా గోదావరిఖని ప్రభుత్వాస్పత్రికి తరలిస్తుండగా గుండెపోటు రావడంతో మృతిచెందాడు. అయితే హౌసింగ్‌బోర్డు కాలనీలో ఒకే రోజు ప్రమాదంలో ఇద్దరు, గుండెపోటుతో మరో యువకుడు ప్రాణాలు కోల్పోవడం విషాదం నింపింది.

కరీంనగర్‌క్రైం: కరీంనగర్‌ భగత్‌నగర్‌లో సంచలనం సృష్టించిన భారీ దోపిడీ కేసులో ఉత్తరప్రదేశ్‌కు చెందిన ఐదుగురు అంతర్రాష్ట్ర ముఠా సభ్యులపై పీడీ యాక్ట్‌ అమలు చేస్తూ శనివారం పోలీస్‌ కమిషనర్‌ గౌస్‌ఆలం ఉత్తర్వులు జారీ చేశారు. నిందితులను కరీంనగర్‌ జిల్లా జైలు నుంచి చర్లపల్లి కేంద్ర కారాగారానికి తరలించారు. గత జూలై 21న అర్ధరాత్రి భగత్‌నగర్‌లో మహ్మద్‌ అజ్మత్‌ అలీ ఇంట్లోకి చొరబడిన ముఠా సభ్యులు డమ్మీ తుపాకులు, కత్తులతో కుటుంబ సభ్యులను బెదిరించి దాడికి పాల్పడ్డారు. వృద్ధులు, మహిళలను కొట్టి ఒక గదిలో బంధించి రూ.25 లక్షల నగదు, బంగారం, వెండి ఆభరణాలు, రెండు మోటార్‌ సైకిళ్లతో కలిపి సుమారు రూ.43 లక్షల విలువైన సొత్తును దోచుకెళ్లారు. ఈ కేసులో దర్యాప్తు చేపట్టిన పోలీసులు ఆగస్టులో ఐదుగురిని అరెస్టు చేసి రిమాండ్‌కు తరలించారు. సమాజ శాంతిభద్రతలకు విఘాతం కలిగించే నేరాలకు పాల్పడిన నేపథ్యంలో వారిపై పీడీ యాక్ట్‌ అమలు చేశారు. నిందితులు ఉత్తరప్రదేశ్‌లోని మీరట్‌ నగరానికి చెందిన మహ్మద్‌ రజావుద్దీన్‌, మహ్మద్‌ అజీమ్‌రజా, సల్మాన్‌ అలియాస్‌ భూరే అలియాస్‌ యాదవ్‌, సల్మాన్‌ అలియాస్‌ విమన్‌, మహ్మద్‌ హసీన్‌. కేసు దర్యాప్తును సమర్థవంతంగా నిర్వహించి, నిందితులపై పీడీ యాక్ట్‌ అమలులో కీలక పాత్ర పోషించిన కరీంనగర్‌ పట్టణ ఏసీపీ ఎన్‌.వెంకటస్వామి, వన్‌టౌన్‌ సీఐ కె.రాంచందర్‌రావును సీపీ అభినందించారు.

● జిల్లాకేంద్రంలో ‘యంగ్‌ ఇండియా’కు శంకుస్థాపన ● ధర్మపురిలో బస్టాండ్‌ ఆధునీకరణకు ప్రారంభోత్సవం జగిత్యాల/ధర్మపురి: రవాణా బీసీ సంక్షేమ శాఖ మంత్రి పొన్నం ప్రభాకర్‌ ఆదివారం జిల్లాలో పర్యటించనున్నారు. రాష్ట్ర సంక్షేమ శాఖ మంత్రి అడ్లూరి లక్ష్మణ్‌కుమార్‌తో కలిసి ఉదయం 6.30 గంటలకు ధర్మపురి శ్రీలక్ష్మీనృసింహస్వామి ఆలయంలో ప్రత్యేక పూజలు చేయనున్నారు. ఉదయం 10 గంటలకు ధర్మపురిలోని ఆర్టీసీ బస్‌స్టేషన్‌ ఆధునీకరణ పనులకు శంకుస్థాపన చేయనున్నారు. ఉదయం 11 గంటలకు జగిత్యాలలోని యంగ్‌ ఇండియా రెసిడెన్షియల్‌ పాఠశాల భవన నిర్మాణ పనులు ప్రారంభించనున్నారు. మారనున్న ధర్మపురి బస్టాండ్‌ భక్తుల సౌకర్యార్థం చేపడుతున్న అభివృద్ధి పనులతో ధర్మపురి ఆర్టీసీ బస్టాండ్‌ రూపురేఖలు మారనున్నాయి. ధర్మపురి పుణ్యక్షేత్రానికి నిత్యం వేలాది మంది భక్తులు వస్తుంటారు. ముందుగా గోదావరిలో పుణ్యస్నానాలు ఆచరించి శ్రీలక్ష్మినృసింహస్వాములను దర్శించుకుంటారు. నిత్యం రద్దీగా ఉండే ఈ పుణ్యక్షేత్రంలోని ఆర్టీసీ బస్టాండ్‌లో కనీస వసతులు లేక భక్తులు, ప్రయాణికులు తీవ్ర ఇబ్బందులు పడుతున్నారు. రానున్న గోదావరి పుష్కరాలను దృష్టిలో ఉంచుకుని బస్టాండ్‌ను అన్ని వసతులతో ఆధూనీకరణ చేయాలని మంత్రి అడ్లూరి మంత్రి పొన్నం ప్రభాకర్‌ దృష్టికి తీసుకెళ్లారు. దీనికి ఆయన రూ.రెండు కోట్ల నిధులు విడుదల చేశారు. ఈ పనులకు ఆదివారం శంకుస్థాపన చేయనున్నారు. కార్యక్రమానికి కలెక్టర్‌ సత్యప్రసాద్‌, కరీంనగర్‌ ఆర్‌ఎం, జగిత్యాల డీఎంలు హాజరు కానున్నారు.

బుగ్గ క్రాస్‌రోడ్డు వద్ద బోల్తా పడిన కారు ద్విచక్రవాహనం అదుపుతప్పి.. సిరిసిల్లఅర్బన్‌: రాజన్న సిరిసిల్ల పట్టణ పరిధి రెండో బైపాస్‌లో శనివారం ద్విచక్ర వాహనం అదుపుతప్పి డివైడర్‌ను ఢీకొనడంతో పెద్దూరు డబుల్‌ బెడ్‌రూం ఇళ్ల సమాదాయానికి చెందిన అన్నల్‌దాస్‌ కనుకయ్య (65) మృతిచెందాడు. మరమగ్గాలు నడుపుకుంటూ జీవనం సాగిస్తున్న కనుకయ్య పని నిమిత్తం సిరిసిల్లకు వచ్చి తిరిగి ఇంటికి వెళ్తుండగా ప్రమాదం జరిగింది. మృతుడికి కుమారుడు, ఇద్దరు కూతుర్లు ఉన్నారు. కేసు దర్యాప్తు చేస్తున్నట్లు పోలీసులు తెలిపారు. ద్విచక్రవాహనం ఢీకొని వృద్ధురాలు.. రాజన్న సిరిసిల్ల జిల్లా పరిధిలో శనివారం రాత్రి రోడ్డుపై నడుచుకుంటూ వెళ్తున్న వృద్ధురాలిని ద్విచక్రవాహనం ఢీకొనడంతో అక్కడికక్కడే మృతిచెందింది. పోలీసులు తెలిపిన వివరాలు..పెద్దూరు గ్రామానికి చెందిన జి. ఎల్లవ్వ(65) ఒంటరిగా జీవిస్తోంది. సర్ధాపూర్‌ శివారు నుంచి పెద్దూరు వైపు రోడ్డుపై నడుచుకుంటూ వస్తున్న క్రమంలో హెచ్‌పీ పెట్రోల్‌ బంక్‌ వద్ద ద్విచక్రవాహనం ఢీకొట్టింది. ఈ ప్రమాదంలో ఎల్లవ్వకు తీవ్రగాయాలై అక్కడికక్కడే మృతిచెందింది. మృతురాలికి ఇద్దరు కూతుర్లు ఉండగా చిన్న కూతురు కొన్నినెలల క్రితం కార్గిల్‌లేక్‌లో పడి మృతిచెందింది. మారో కూతురు గంభీరావుపేటలో ఉంటోంది. కేసు దర్యాప్తు చేస్తున్నట్లు పోలీసులు తెలిపారు. పాలకుర్తి: పెద్దపల్లి జిల్లా పాలకుర్తి మండలం బసంత్‌నగర్‌ పోలీస్‌స్టేషన్‌ సమీపంలోని బుగ్గ క్రాస్‌రోడ్డు వద్ద శనివారం కారు అదుపుతప్పి బోల్తా పడిన ఘటనలో గోదావరిఖనికి చెందిన బీఆర్‌ఎస్‌ సీనియర్‌ నాయకుడు పీటీ స్వామి మృతిచెందారు. బసంత్‌నగర్‌ ఎస్సై శ్రీధర్‌ కథనం ప్రకారం.. స్వామి తన కారులో కరీంనగర్‌ నుంచి గోదావరిఖని వెళ్తుండగా బసంత్‌నగర్‌ స్టేజీ దాటాక అదుపుతప్పి బోల్తా పడింది. ఆయనకు తీవ్ర గాయాలు కాగా అంబులెన్స్‌లో గోదావరిఖని ఆస్పత్రికి తరలించారు. అక్కడ చికిత్స పొందుతూ మృతిచెందారు. ప్రైవేట్‌ విద్యాసంస్థల స్థాపనలో కీలకపాత్ర గోదావరిఖని: అనేకమందికి విద్యాబోధన చేసి తీ ర్చిదిద్దిన గురువు పీటీ స్వామి(80) రోడ్డు ప్రమాదంలో మృతిచెందడం పారిశ్రామిక ప్రాంతంలో వి షాదం నింపింది. టీఆర్‌ఎస్‌, టీబీజీకేఎస్‌లో సీని యర్‌ నేతగా, సీనియర్‌ సిటిజన్స్‌ సంస్థ వ్యవస్థాపకుడిగా సేవలు అందించారు. ఆయనకు ముగ్గురు కుమారులు, కుమార్తె ఉన్నారు. ప్రభుత్వ ఉపాధ్యాయుడిగా పనిచేసిన ఆయన.. ప్రైవేట్‌ విద్యాసంస్థలు ఏర్పాటు చేశారు. టీఆర్‌ఎస్‌ ఆవిర్భావం నుంచి కేసీఆర్‌కి సన్నిహితంగా ఉంటూ వచ్చారు. కోల్‌మైన్స్‌ పెన్షనర్స్‌ అసోసియేషన్‌ ఏర్పాటు చేశారు. వీర్లపల్లిలో ఈశ్వరకృప వృద్ధాశ్రమం స్థాపించి వృద్ధులకు ఆశ్రయం ఇస్తున్నారు. ఆయన మృతిపై మాజీ మంత్రి కొప్పుల ఈశ్వర్‌, మాజీ ఎమ్మెల్యే కోరుకంటి చందర్‌ సంతాపం వ్యక్తం చేశారు. కారు బోల్తా పడి..

మెట్‌పల్లిరూరల్‌: రహదారిపై ఆరబోసిన మొక్కజొన్నపై ద్విచక్రవాహనం స్కిడ్‌ కావడంతో తీవ్రగాయాలపాలైన వ్యక్తి ఆసుపత్రిలో చికిత్స పొందుతూ మృతి చెందాడు. వివరాలు.. రాయికల్‌ మండలం ఇటిక్యాలకు చెందిన మరిపెల్లి రమేశ్‌(29) ఈ నెల 10న మల్లాపూర్‌ మండలం వీవీరావుపేటలో తన సోదరి ఇంటికి వెళ్లాడు. స్వగ్రామానికి ద్విచక్రవాహనంపై వస్తుండగా గొర్రెపల్లి సమీపంలో ఎదురుగా వస్తున్న ఆర్టీసీ బస్సును తప్పించేందుకు ప్రయత్నించాడు. బస్సును తప్పించే చోట రహదారిపై మొక్కజొన్న ఆరబోసి ఉండడంతో ద్విచక్రవాహనంపై నుంచి స్కిడ్‌ అయి కిందపడగా, తీవ్రగాయాలయ్యాయి. కరీంనగర్‌లోని ఓ ఆసుపత్రిలో చేర్పించగా చికిత్స పొందుతూ శనివారం మృతిచెందాడు. మృతుడికి భార్య, 5 నెలల పాప ఉంది. కేసు దర్యాప్తు చేస్తున్నట్లు పోలీసులు తెలిపారు. చికిత్స పొందుతూ గుర్తుతెలియని వ్యక్తి.. కొడిమ్యాల: మండలంలోని అప్పారావుపేట శివారు భవానికుంట సమీపంలో ఈ నెల 19న స్పృహ కోల్పోయి కింద పడి ఉన్న గుర్తుతెలియని వ్యక్తిని ప్రజాప్రతినిధులు జగిత్యాల ప్రభుత్వ ఆసుపత్రికి తరలించారు. అక్కడ చికిత్స పొందుతూ శనివారం మృతి చెందినట్లు ఎస్సై నరేశ్‌కుమార్‌ తెలిపారు. మృతుడిని గుర్తించినవారు పోలీసులకు సమాచారం అందించాలని కోరారు.

వేర్వేరు రోడ్డు ప్రమాదాల్లో 8 మంది మృతివీకెండ్‌ శనివారం విషాదమైంది. ఉమ్మడి జిల్లాలోని వేర్వేరు ప్రాంతా ల్లో జరిగిన రోడ్డు ప్రమాదాల్లో ఎనిమిది మంది దుర్మరణం చెందా రు. పెద్దపల్లి జిల్లా రామగుండానికి చెందిన యువకులు విజయవాడ కనకదుర్గమ్మను దర్శించుకుని కారులో వస్తుండగా హుజూరా బాద్‌ పరిధిలోని రంగాపూర్‌ శివారులో లారీని ఢీకొంది. ఈ ఘటన లో ఇద్దరు యువకులు మృతి చెందారు. ఫంక్షన్‌కు వెళ్లి వస్తున్న ఇద్ద రు సోదరుల బైక్‌కు కరీంనగర్‌లో కుక్క అడ్డురావడంతో అదుపుతప్పి ఒకరు ప్రాణాలు కోల్పోయారు. మరొకరు తీవ్రంగా గాయపడ్డారు. సిరిసిల్లలోని రెండో బైపాస్‌లో బైక్‌ అదుపుతప్పి వ్యక్తి చనిపోయాడు. సర్ధాపూర్‌ శివారులో నడుచుకుంటూ వెళ్తున్న వృద్ధురాలిని ద్విచక్రవాహనం ఢీకొట్టడంతో అక్కడికక్కడే ప్రాణాలు వదిలింది. జగిత్యాల జిల్లా కోరుట్ల మండలం వెంకటాపూర్‌ ఎక్స్‌ రోడ్డు వద్ద కారు ఢీకొని ఒకరు మృతిచెందగా.. మెట్‌పల్లి పట్టణం కొత్త బస్టాండ్‌ వద్ద బైక్‌ ఢీకొనడంతో మహిళ ప్రాణాలు విడిచింది. పెద్దపల్లి జిల్లా పాలకుర్తి మండలం బుగ్గ క్రాస్‌రోడ్డు వద్ద కారు అదుపుతప్పి గోదావరిఖనికి చెందిన వ్యక్తి చనిపోయాడు. – వివరాలు IIలోu

● పాఠశాలల్లో ఈ–వ్యర్థాల సేకరణ ● ప్రత్యేక కార్యక్రమానికి విద్యాశాఖ శ్రీకారం ● విద్యార్థులకు అవగాహన కల్పిస్తున్న అధికారులు జగిత్యాల: పర్యావరణ పరిరక్షణ సాధనలో విద్యార్థుల పాత్ర కీలకంగా ఉంటుంది. ఇందులో భాగంగా పాఠశాలల్లో ఈ–వ్యర్థాలపై అవగాహన పెంపొందించడంతోపాటు వాటిని సురక్షితంగా తొలగించేందుకు విద్యాశాఖ ప్రత్యేక కార్యక్రమానికి శ్రీకారం చుట్టింది. సమగ్ర శిక్ష అభియాన్‌ కార్యక్రమంలో ఎకో క్లబ్‌ ఫర్‌ మిషన్‌ కార్యక్రమంలో భాగంగా స్పెషల్‌ క్యాంపెయింగ్‌ 6 కింద ఈ–వేస్ట్‌ అవగాహన, సేకరణ కార్యక్రమాలు నిర్వహిస్తున్నారు. విద్యార్థులకు వీటిపై అవగాహన కల్పించేందుకు ప్రత్యేక చర్యలు తీసుకుంటున్నారు. ప్రతి పాఠశాలలో నాలుగు బాక్స్‌లు విద్యార్థులను చిన్న వయసులోనే వ్యర్థాలను సరైన పద్ధతిలో తొలగించేందుకు అవగాహన పెంపొందించుకునేందుకు పాఠశాలల్లో ప్రతి విద్యార్థికి అందుబాటులో ఉండేలా నాలుగు బాక్స్‌లను ఏర్పాటు చేస్తున్నారు. ఇందులో తడి చెత్తకు ఆకుపచ్చ డబ్బా, పొడిచెత్తకు నీలం రంగు డబ్బా, మెడికల్‌, శానిటేషన్‌ వ్యర్థాలకు ఎర్ర డబ్బాలు, ఈ–వేస్ట్‌కు నల్ల డబ్బాలు ఏర్పాటు చేసేందుకు చర్యలు తీసుకుంటున్నారు. ఇప్పటికే ప్రధానోపాధ్యాయులకు విద్యార్థులకు అవగాహన కల్పించాలని ఆదేశాలు జారీ అయ్యాయి. విద్యార్థుల భాగస్వామ్యం ప్రతి విద్యార్థిని భాగస్వామ్యం చేయడం తప్పనిసరి. ప్రమాదకరం కాని ఎలక్ట్రికల్‌ వ్యవస్థను ప్రోత్సహించేలా చూస్తున్నారు. తల్లిదండ్రుల అనుమతితోనే ఇంటి నుంచే అలాంటి వస్తువులను తీసుకొచ్చి ఈ డబ్బాల్లో వేయవచ్చు. ప్రిన్సిపల్స్‌, ఎకో క్లబ్‌ ఇన్‌చార్జిల పర్యవేక్షణలో నిర్వహిస్తుంటారు. రీసైకర్లకు అప్పగించేలా చర్యలు పాఠశాలల్లో సేకరించిన ఈ వ్యర్థాలను మండలస్థాయిలో ఒక చోట చేర్చి కేంద్ర కాలుష్య నియంత్రణ మండలి, రాష్ట్ర కాలుష్య నియంత్రణ మండలి నిబంధనల ప్రకారం గుర్తింపు పొందిన ఆఽధీకృత రీసైకర్లకు ఇవి అప్పగించాల్సి ఉంది. ఈ వేస్ట్‌ సేకరణ వివరాలు, రశీదులను తప్పకుండా చూపించాలి. మానవాళికి హాని కలగకుండా.. ఈ–వ్యర్థాలలో హానికరమైన విషపూరితమైన రసాయనాలు ఉంటాయి. ఇవి మానవుల ఆరోగ్యానికి ప్రమాదం కలిగిస్తుంటాయి. ఈ క్రమంలో నిరుపయోగంగా ఉన్న ఎలక్ట్రికల్‌ పరికరాలు, బ్యాటరీలు, టీవీలు ఇలాంటివి సేకరించి రీసైక్లింగ్‌ చేస్తుంటారు. తద్వారా మానవ ఆరోగ్యానికి హాని కలగదు. ఇది ఎంతో మంచి కార్యక్రమం అని అధికారులు పేర్కొంటున్నారు. ప్రతి విద్యార్థి పాల్గొనేలా ప్రధానోపాధ్యాయులు చూడాల్సిన బాధ్యత ఉంది. పోర్ట్‌లో నమోదు చేయాలి: ప్రతి పాఠశాల విద్యార్థులు సేకరించిన ఈ వ్యర్థాల సేకరణ వివరాలను సంబంధిత పోర్టల్‌ www.ecoc lub.education.gov.in లో నమోదు చేయాల్సి ఉటుంది. తల్లిదండ్రుల అనుమతితో విద్యార్థులు ఈ వ్యర్థాలను సేకరించాల్సి ఉంటుంది. ముఖ్యంగా ప్రధానోపాధ్యాయులు, ప్రిన్సిపల్స్‌, ఉపాధ్యాయులు ఎకోక్లబ్‌ ఉపాధ్యాయులు నిర్వహించాల్సి ఉంటుంది. ఈనెల 28న ప్రత్యేక సేకరణ దినోత్సవం.. ఈ–వ్యర్థాల సేకరణ ప్రత్యేక సేకరణ దినోత్సవం ఈనెల 28న నిర్వహిస్తున్నారు. ఇందులో క్విజ్‌ కార్యక్రమాలు, వీడియోలు, ఫొటోలను ప్రదర్శిస్తారు. విద్యార్థులందరూ భాగస్వామ్యం కావాలి పాఠశాలల్లో ఎలక్ట్రానిక్‌ వ్యర్థాల సేకరణలో విద్యార్థులందరూ భాగస్వామ్యం కావాలి. ఈ–ఎలక్ట్రానిక్స్‌ సేకరణ కోసం ప్రత్యేక కార్యక్రమాలు నిర్వహించడం జరుగుతుంది. మండల విద్యాధికారులు, పాఠశాలల ప్రధానోపాధ్యాయులు ఎకోక్లబ్‌ ఇన్‌చార్జి ఉపాధ్యాయులు సమన్వయం చేసుకుంటారు. దీని వల్ల విద్యార్థుల్లో సైతం అవగాహన పెరుగుతుంది. – రాము, డీఈవో

హుజూరాబాద్‌రూరల్‌: విజయవాడ కనకదుర్గమ్మను దర్శించుకుని సంతోషంగా తిరుగు ప్ర యాణమైన యువకులను రో డ్డు ప్రమాదం కబళించింది. శని వారం వేకువజామున హుజు రాబాద్‌ మండలం రంగాపూర్‌ శివారులో జాతీయరహదారిపై ప్రమాదం జరిగింది. పోలీసులు తెలిపిన వివరాలు.. పెద్దపల్లి జిల్లా రామగుండం నగరాని కి చెందిన ఏడుగురు యువకులు కారులో శుక్రవారం విజయవాడకు వెళ్లి కనకదుర్గమ్మను ద ర్శించుకున్నారు. రాత్రి స్వగ్రామానికి పయనమయ్యారు. వీరి కారు రంగాపూర్‌ శి వారులోకి చేరుకోగానే ముందు వెళ్తున్న లారీని అతి వేగంగా ఢీకొట్టింది. ప్రమాద తీవ్రతకు కారు ముందు భాగం లారీ కిందకు దూసుకెళ్లి నుజ్జునుజ్జు అ యింది. ఈ దుర్ఘటనలో బట్టారి అరవింద్‌ (20), మచ్చ సాయినాథ్‌ (20) అక్కడికక్కడే మృతిచెందా డు. కారులో ఉన్న మిగతా ఐదుగురు ఎరుకల సా యికృష్ణ, మచ్చ ఆదర్శ్‌, ముఖియా, వివేక్‌, శ్రీకర్‌కు తీవ్ర గాయాలయ్యాయి. సమాచారం అందుకున్న వెంటనే హుజూరాబాద్‌ రూరల్‌ సీఐ శ్రీనివాస్‌ తమ సిబ్బందితో ఘటనా స్థలానికి చేరుకున్నారు. కారు పూర్తిగా లారీ కింద ఇరుక్కుపోవడంతో క్రేన్‌ను ర ప్పించారు. స్థానికుల సాయంతో సుమారు రెండు గంటల పాటు శ్రమించి మృతదేహాలు, క్షతగాత్రులను బయటకు తీశారు. గాయపడిన ఐదుగురిని హుజూరాబాద్‌ ఆసుపత్రికి తరలించి ప్రాథమిక చికిత్స అందించారు. పరిస్థితి విషమంగా ఉండడంతో వరంగల్‌ ఎంజీఎంకు తీసుకెళ్లారు. అక్కడి నుంచి మరో ఇద్దరి పరిస్థితి ఆందోళనకరంగా ఉండటంతో హైదరాబాద్‌కు తరలించినట్లు తెలుస్తోంది. కేసు దర్యాప్తు చేస్తున్నట్లు సీఐ వెల్లడించారు. దైవదర్శనం.. విషాదాంతం విజయవాడ కనకదుర్గమ్మ దర్శనానికి వెళ్లి వస్తూ ఇద్దరు యువకులు.. ద్విచక్రవాహనాలు అదుపుతప్పి మరో ఇద్దరు.. రెండు బైక్‌లు ఢీకొన్న ఘటనలో మహిళ.. బైక్‌ ఢీకొని వృద్ధురాలు.. కారు ప్రమాదంలో వృద్ధుడు.. కారు బోల్తాపడి మరో వ్యక్తి.. ఉమ్మడి కరీంనగర్‌ జిల్లాలో శనివారం రహదారులు నెత్తురోడాయి. ఆయా ప్రమాదాల్లో మొత్తం 8 మంది మృతిచెందగా, బాధిత కుటుంబాలు కన్నీరుమున్నీరవుతున్నాయి.

● యాసంగి సీజన్‌పై ప్రత్యేక దృష్టి ● రసాయనాల వాడకం తగ్గించి, సేంద్రియ సాగుకు ప్రాధాన్యం ● వచ్చే నెల 30 వరకు 150 అవగాహన సదస్సులు ● వ్యర్థాల దహనానికి స్వస్తి పలకాలంటున్న వ్యవసాయ శాఖ గొల్లపల్లి: నేల సంరక్షణే ధ్యేయంగా కేంద్ర వ్యవసాయ, రైతు సంక్షేమ మంత్రిత్వ శాఖ ప్రతిష్టాత్మకంగా చేపట్టిన ఖేత్‌ బచావో అభియాన్‌ – యాసంగి కార్యక్రమం గురువారం ప్రారంభమైంది. మట్టిని రక్షించండి. వ్యవసాయాన్ని రక్షించండి, రైతులను రక్షించండి.. అనే నినాదంతో జిల్లా వ్యవసాయ శాఖ ఆధ్వర్యంలో వచ్చే నెల 30వరకు దాదాపు 150 ప్రత్యేక అవగాహన సదస్సులు నిర్వహించనున్నారు. వ్యవసాయ శాఖ అధికారులు, కృషి విజ్ఞాన కేంద్రం శాస్త్రవేత్తలు రైతు వేదికలు, పొలాల్లో ప్రదర్శనలు ఇస్తూ దిశానిర్దేశం చేయనున్నారు. భూసార పరీక్షలే ప్రామాణికం వరి, పత్తి, మిర్చి పంటల్లో రసాయన ఎరువులు మితిమీరిన వాడకం వల్ల నేల సహజ సారం క్రమంగా క్షీణిస్తోంది. దీనిని అరికట్టేందుకు సాయిల్‌ హెల్త్‌ కార్డుల ఆధారంగానే ఎరువులు వేసుకోవాలని నిపుణులు సూచిస్తున్నారు. కార్యక్రమంలో భాగంగా గ్రీన్‌ అమ్మోనియా, జీవ ఎరువుల వాడకంపై రైతులకు ప్రత్యేక శిక్షణ ఇస్తారు. వరి కోతల అనంతరం ఖాళీగా ఉండే భూముల్లో పెసర, మినుము, శనగ వంటి అపరాలు, ఆవాలు, నువ్వులు, వేరుశనగ వంటి నూనెగింజల సాగుతో పాటు అంతర పంటల ప్రాధాన్యతను వివరిస్తారు. కొయ్యకాళ్లను కంపోస్ట్‌గా మార్చండి వరి కోతల తర్వాత పొలాల్లో వ్యర్థాలు, కొయ్యకాళ్లను తగలబెట్టడం వల్ల భూమిలోని సూక్ష్మజీవులు నశించి నేల నిస్సారమవుతుందని, వాతావరణ కాలుష్యం తీవ్రమవుతుందని అధికారులు చెబుతున్నారు. పంట అవశేషాలను తగులబెట్టకుండా వర్మి కంపోస్టుగా.. పశుగ్రాసంగా, సేంద్రియ ఎరువుగా ఎలా మార్చుకోవాలో క్షేత్రస్థాయిలో నేర్పించనున్నారు. పచ్చిరొట్ట ఎరువులు, ప్రకృతి వ్యవసాయ పద్ధతులు, సమగ్ర సస్యరక్షణ, సూక్ష్మ సేద్యం వర్షపు నీటి సంరక్షణపై అవగాహన కల్పిస్తారు. నకిలీ విత్తనాలు, కల్తీ ఎరువులను గుర్తించడం, మోసపోతే ఫిర్యాదు చేసే విధానాలపై చైతన్యపరుస్తారు. అలాగే పీఎం కిసాన్‌, పీఎం ఫసల్‌ బీమా, కిసాన్‌ క్రెడిట్‌ కార్డు, పీఎం ధన్‌ధాన్య కృషి యోజన వంటి పథకాల ప్రయోజనాలను వివరిస్తారు. రైతులు సద్వినియోగం చేసుకోవాలి 40 రోజుల పాటు కొనసాగే ‘ఖేత్‌ బచావో అభియాన్‌’ అవగాహన సదస్సులను రైతులు సద్వినియోగం చేసుకోవాలి. శాసీ్త్రయ సాగు పద్ధతులను అలవర్చుకుని భూసారాన్ని కాపాడుకుంటూ అధిక దిగుబడి సాధించాలి. – భాస్కర్‌, డీఏవో

● డంపింగ్‌యార్డు సమస్య పరిష్కరించాలి ● కలెక్టర్‌తో ఎమ్మెల్యే సంజయ్‌కుమార్‌ జగిత్యాల: బీర్‌పూర్‌ మండలంలోని రోళ్లవాగు పూర్తికి చర్యలు తీసుకోవాలని, అందుకు అవసరమైన 46 ఎకరాల రెవెన్యూ భూములను అటవీశాఖకు అప్పగించాలని ఎమ్మెల్యే సంజయ్‌కుమార్‌ కలెక్టర్‌ సత్యప్రసాద్‌కు సూచించారు. మున్సిపల్‌ చైర్‌పర్సన్‌ సమిండ్ల వాణితో కలిసి కలెక్టర్‌ను కలెక్టరేట్‌లో కలిశారు. నూకపల్లిలోని డబుల్‌బెడ్‌రూం ఇళ్ల వద్ద డంపింగ్‌యార్డు సమస్య తీవ్రంగా ఉందని, పరిష్కరించేందుకు చర్యలు తీసుకోవాలని సూచించారు. ధరూర్‌ క్యాంప్‌ రామాలయం సమీపంలో ఉన్న మైదానాన్ని మున్సిపల్‌కు కేటాయించేలా చూడాలన్నారు. ధరూర్‌ క్యాంప్‌ మైదానం చుట్టూ ఫెన్సింగ్‌, వాకింగ్‌ట్రాక్‌కు నిధులు కేటాయించాలన్నారు. బీర్‌పూర్‌లోని కస్తూరిబా పాఠశాలను నూతన భవనంలోకి మార్చాలని పేర్కొన్నారు. కార్యక్రమంలో మున్సిపల్‌ కమిషనర్‌ సత్యప్రణవ్‌, కేడీసీసీ సభ్యులు ముప్పాల రాంచందర్‌రావు పాల్గొన్నారు. వైద్య కళాశాల పనులు పూర్తి చేయాలిజిల్లాకేంద్రంలోని వైద్య కళాశాల పనులు పూర్తి చేయాలని కలెక్టర్‌ సత్యప్రసాద్‌ అన్నారు. ఎమ్మెల్యే సంజయ్‌కుమార్‌తో కలిసి కళాశాల పనులు పరిశీలించారు. హాస్టల్‌ బ్లాక్‌, కిచెన్‌, తరగతి గదులు నిర్మించాలన్నారు. విద్యార్థులకు ఇబ్బంది లేకుండా సదుపాయాలు కల్పించాలని పేర్కొన్నారు. పాదర్శకంగా ధాన్యం కొనుగోళ్లు ధాన్యం కొనుగోలు ప్రక్రియను పారదర్శకంగా చేపట్టాలని, రైతులకు ఇబ్బంది కలగకుండా చూడాలని కలెక్టర్‌ అన్నారు. తూకం, రవాణాపై అధికారులకు అవగాహన కల్పించాలన్నారు. కేంద్రాల వద్ద తాగునీరు, నీడ, విద్యుత్‌, ప్రాథమిక చికిత్స వంటి సదుపాయాలు కల్పించాలన్నారు. అడిషనల్‌ కలెక్టర్‌ ప్రసూనాంబ, ఆర్డీవోలు మధుసూదన్‌, జివాకర్‌రెడ్డి, డీసీవో మనోజ్‌కుమార్‌, డీఆర్డీఏ పీడీ రఘువరణ్‌, డీఎస్‌వో జితేందర్‌రెడ్డి పాల్గొన్నారు. ఇంటిగ్రేటెడ్‌ నిర్మాణ స్థలం పరిశీలన జగిత్యాలరూరల్‌: జగిత్యాలరూరల్‌ మండలం తాటిపల్లి, మోరపల్లి శివారులో నిర్మించనున్న యంగ్‌ ఇంటిగ్రేట్‌డ్‌ రెసిడెన్షియల్‌ స్కూల్‌ స్థలాన్ని ఎమ్మెల్యే పరిశీలించారు. పేద కుటుంబాల పిల్లలకు నాణ్యమైన విద్య, వసతి, భోజనం, క్రీడలు, నైపుణాభివృద్ధి కల్పించడం ముఖ్య ఉద్దేశమన్నారు. డీసీసీ అధ్యక్షుడు గాజంగి నందయ్య, ఏఎంసీ చైర్మన్‌ నారాయణ రెడ్డి, సింగిల్‌ విండో చైర్మన్‌ దామోదర్‌ రావు, నాయకులు పెండెం రాములు, సర్పంచ్‌లు కట్ట రాజేందర్‌, గంగారెడ్డి, నక్కల రవీందర్‌ రెడ్డి, సమిండ్ల శ్రీనివాస్‌, అడువాల లక్ష్మణ్‌, ముఖేష్‌ ఖన్నా, దుమాల రాజ్‌కుమార్‌ పాల్గొన్నారు.

వ్యాసరచన పోటీలు ప్రజలకు ధైర్యం ఇచ్చే నేత కేసీఆర్‌ ‘సర్‌’పె ప్రతిపక్షాల రాద్దాంతం మెట్‌పల్లి: ఓటరుజాబితా సవరణ ప్రక్రియపై ప్రతిపక్షాలు అనవసరంగా రాద్దాంతం చేస్తున్నాయని బీజేపీ జిల్లా అధ్యక్షుడు రాచకొండ యాదగిరిబాబు అన్నారు. పట్టణంలోని ఖాదీ ప్రతిష్టాన్‌ ఆవరణలో శనివారం చాయ్‌ పే చర్చా కార్యక్రమం నిర్వహించారు. సర్‌ కార్యక్రమం ఎన్నికల సంఘం నిర్వహిస్తుంటే.. ప్రతిపక్షాలు కేంద్రప్రభుత్వాన్ని నిందించడం సరికాదన్నారు. పెద్ద సంఖ్యలో ఓట్ల తొలగింపు జరుగుతుందని ఆందోళనలు చేస్తూ ప్రజలను తప్పుదోవ పట్టించే ప్రయత్నం చేస్తున్నాయన్నారు. ప్రతిపక్షాల నిరాధారమైన ఆరోపణలను బీజేపీ శ్రేణులు ఎక్కడికక్కడ తిప్పికొట్టాలన్నారు. కార్యక్రమంలో దొనికెల నవీన్‌, పూదరి అరుణ, వడ్డెపల్లి శ్రీనివాస్‌, రుద్ర శ్రీనివాస్‌, పుల్ల సౌజన్య, వరలక్ష్మీ తదితరులున్నారు.

● 14 సెల్‌ఫోన్లు, ఏడు బైకులు స్వాధీనం మెట్‌పల్లిరూరల్‌: మెట్‌పల్లి మండలం బండలింగాపూర్‌లో ఆర్మీ సైనికుడు తిగుర్ల స్వామిపై దాడికి పాల్పడిన వెల్లుల్ల గ్రామానికి చెందిన 14 మందిని అరెస్టు చేసినట్లు మెట్‌పల్లి సీఐ సురేశ్‌బాబు, ఇబ్రహీంపట్నం ఎస్సై నవీన్‌కుమార్‌ తెలిపారు. బండలింగాపూర్‌లో గురువారం రాత్రి బతుకమ్మ ఆడుతున్న మహిళల పక్కనుంచి వెల్లుల్ల గ్రామానికి చెందిన వ్యక్తులు బైక్‌లపై స్పీడ్‌గా వెళ్లడంతో అక్కడే ఉన్న ఆర్మీ సైనికుడు తిగుర్ల స్వామి వారిని ప్రశ్నించాడు. ఈ క్రమంలో వాగ్వాదం చోటు చేసుకుంది. స్వామిపై దాడి చేయడంతో తీవ్రంగా గాయపడ్డాడు. స్వామి ఫిర్యాదు మేరకు కేసు నమోదు చేసుకున్న పోలీసులు 14 మందిని అదుపులోకి తీసుకున్నారు. వారి నుంచి 14 ఫోన్లు, ఏడు బైక్‌లు స్వాధీనం చేసుకుని కోర్టులో హాజరుపరిచారు. మరికొందరు పరారీలో ఉన్నారని సీఐ వివరించారు. అర్టెయినవారిలో వెల్లుల్లకు చెందిన బావు రమేశ్‌, తుపాకుల స్వామి, బావు అఖిల్‌, లక్కంపెల్లి కార్తీక్‌, మర్రి నీరజ్‌, లక్కంపెల్లి కల్యాణ్‌, ఐలేని వంశీ, కల్లూరి మహేశ్‌, కల్లూరి వంశీ, కాంతి విశాల్‌, బొబ్బిలి నాగరాజు, పోచంపల్లి సాయి, మంచాల పవన్‌, కల్లూరి రవి ఉన్నారు.

రెండేళ్లయినా జగిత్యాల జిల్లాకు మంజూరైన రైతు విజ్ఞాన కేంద్రానికి స్థలం లేదు. ఇటీవల ఈ కేంద్రాన్ని ధర్మపురి నియోజకవర్గంలో ఏర్పాటు చేయాలని రైతులందరం విన్నవించాం. వెంటనే మంత్రి, జగిత్యాల ఆర్డీవోతో మాట్లాడి స్థలాన్ని పరిశీలించాలని సూచించారు. త్వరలో ఏర్పాటు అవుతుందని ఆశిస్తున్నాం. – వేముల విక్రమ్‌రెడ్డి, ధర్మపురి మండలంరైతు విజ్ఞాన కేంద్రాల ద్వారా రైతులకు అందించే సేవలను విస్తృతం చేశాం. ఎక్కడ ఏ సమస్య ఉన్నా మా దృష్టికి తీసుకవస్తే వెంటనే పొలాలను సందర్శిస్తాం. స్థలం కేటాయింపు జరిగే వరకు రైతుల పొలాల్లోనే ప్రదర్శన క్షేత్రాలు ఏర్పాటు చేసేందుకు ప్రయత్నిస్తాం. – డాక్టర్‌ తిరుపతి, రైతు విజ్ఞాన కేంద్రం కో ఆర్డినేటర్‌, జగిత్యాల

● నిరుపయోగంగా రైతు విజ్ఞాన కేంద్రాలు ● రైతులకు అవగాహన, సాగుపై శిక్షణ ఇవ్వడం దీని లక్ష్యం ● కనీస వసతులు లేక సేవలు దూరంజగిత్యాలఅగ్రికల్చర్‌: ప్రొఫెసర్‌ జయశంకర్‌ తెలంగాణ వ్యవసాయ విశ్వవిద్యాలయం సాగు సాంకేతికను రైతులకు చేరవేసేందుకు ప్రభుత్వ సహకారంతో రెండేళ్ల క్రితం ఉమ్మడి జిల్లాకు 4 రైతు విజ్ఞాన కేంద్రాలు మంజూరు చేసింది. కానీ, కేంద్రాల ఏర్పాటుకు అవసరమైన ప్రభుత్వ స్థలాలు లేక, ప్రభుత్వ భవనాల్లో ఏదో మూలకు ఓ కార్యాలయం ఏర్పాటు చేసి మమ అనిపిస్తున్నారు. సరైన నిధులు, కనీస వసతులు లేక రైతులకు విజ్ఞాన కేంద్రం సేవలు కరువయ్యాయి. రైతులకు అవి ఎక్కడ ఉంటాయో కూడా తెలియని పరిస్థితి నెలకొంది. సిబ్బంది కొరత ప్రతీ రైతు విజ్ఞాన కేంద్రానికి కనీసం ముగ్గురు శాస్త్రవేత్తలు, ఒక్కరిద్దరు కార్యాలయ సిబ్బంది ఉండాలి. కాగా, ప్రస్తుతం వివిధ వ్యవసాయ పరిశోధన స్థానాల్లో పనిచేస్తున్న వారిలో ఒక్కరిద్దరిని రైతు విజ్ఞాన కేంద్రం కో ఆర్డినేటర్లుగా నియమించారు. ఇతర శాస్త్రవేత్తలను, అసిస్టెంట్లను నియమించలేదు. జగిత్యాల జిల్లాకు మంజూరైన రైతు విజ్ఞాన కేంద్రాన్ని పొలాస పరిశోధన స్థానంలోని ఓ గదిలో నిర్వహిస్తున్నారు. కేవలం ఒక శాస్త్రవేత్తను కోఆర్డినేటర్‌గా నియమించారు. మిగతా జిల్లాల్లోనూ ఇదే పరిస్థితి ఉంది. ఇప్పటి వరకు పెద్దగా నిధులు విడుదల చేసిన దాఖలాలు లేవు. ఏమైనా నిధులు ఇస్తే, అవి కేవలం కార్యాలయంలో కంప్యూటర్లు, టేబుళ్లు, కుర్చీలకే సరిపోయాయి. రైతు విజ్ఞాన కేంద్రాల్లో వ్యవసాయ ప్రదర్శనలు ప్రారంభమైతే జాతీయ వ్యవసాయ పరిశోధన మండలి నుంచి కూడా నిధులు విడుదలయ్యే అవకాశం ఉంది. ప్రతీ కేంద్రానికి 30 ఎకరాలు ప్రతీ రైతు విజ్ఞాన కేంద్రానికి కనీసం 30 ఎకరాల స్థలం అవసరం. సాగు నీటి వసతి ఉండి, వ్యవసాయానికి యోగ్యంగా ఉండేలా భూమి ఉండాలి. వ్యవసాయ పరిశోధన స్థానాల్లో శాస్త్రవేత్తలు రూపొందించిన విత్తనాలు, నూతన సాంకేతిక పరిజ్ఞానాన్ని, కొత్త పంటల నమూనాలను రైతు విజ్ఞాన కేంద్రాల్లో రైతులకు ప్రదర్శించాల్సి ఉంటుంది. అలాగే రైతులు, గ్రామీణ యువతకు, వ్యవసాయాధికారులకు శిక్షణ తరగతులు నిర్వహించడానికి కేంద్రం నిర్మించాల్సి ఉంటుంది. మట్టి పరీక్షలు, తెగుళ్ల ప్రాథమిక నిర్ధారణ కోసం ప్రత్యేక ల్యాబ్‌లు ఏర్పాటు చేయాలి. కిసాన్‌మేళాలు, రైతు సమావేశాలు నిర్వహించాల్సి ఉంటుంది. రైతులు సాగు చేసిన పంటల్లో తెగుళ్లు ఆశించినప్పుడు గ్రామాలకు వెళ్లి పొలాల సందర్శనతో పాటు సమావేశాలు నిర్వహించాలి. ప్రభుత్వ స్థలాల కోసం కేంద్రం కోఆర్డినేటర్లు రైతుల సహకారంతో ఎమ్మెల్యేలు, మంత్రులను కలిసి విన్నవిస్తూనే ఉన్నారు. కానీ, ఎలాంటి సదుపాయాలు లేక రైతు విజ్ఞాన కేంద్రాల సేవలు అందని ద్రాక్షగా మారాయి.

పెగడపల్లి: ప్రభుత్వ స్థలాన్ని ఆక్రమించి ఇంటి ని ర్మాణం చేపడుతున్న కబ్జాదారుడికి సహకరిస్తున్న అ ధికారులను తక్షణమే సస్పెండ్‌ చేయాలని ల్యాగలమర్రి దళితులు డిమాండ్‌ చేశారు. శుక్రవారం మండలకేంద్రంలోని అంబేద్కర్‌ చౌరస్తాలో ధర్నా చేపట్టారు. ఈ సందర్భంగా వారు మాట్లాడుతూ, ఎస్సీ కాలనీలో ఆట స్థలానికి కేటాయించిన ప్రభుత్వ భూ మిలో ఇంటి నిర్మాణానికి పంచాయతీ కార్యదర్శి, ఎంపీవో, తహసీల్దార్‌ సహకరిస్తున్నారని, అక్రమ ఇంటి నిర్మాణంపై రెండేళ్లుగా ఆందోళనలు చేస్తున్నామని, మంత్రితోపాటు, కలెక్టర్‌, ఆర్డీవో, డీపీవోకు ఫిర్యాదు చేసినా పట్టించుకోవడం లేదని ఆగ్రహం వ్యక్తం చేశారు. సర్వే నంబర్‌ 6కు బదులుగా 240 వేసి ఇంటి నిర్మాణం చేపడుతున్నారని, బాధ్యులపై చట్టపరమైన చర్యలు తీసుకోవాలంటూ డిమాండ్‌ చేశారు. ఎస్సై కుమారస్వామి, రెవెన్యూ ఇన్‌స్పెక్టర్‌ ఘటనా స్థలానికి చేరుకొని, సమస్య పరిష్కారానికి కృషి చేస్తామని ఆందోళన విరమింపజేశారు.

ఇబ్రహీంపట్నం: కేసీఆర్‌ హయాంలో మూలరాంపూర్‌ శివారులో గోదావరిపై సదర్‌మాట్‌ ప్రాజెక్టును నిర్మించడంతో నేడు గోదావరిలో బ్యాక్‌వాటర్‌తో నిండిపోయి ఎర్దండి, కోమటికొండాపూర్‌, నిజామాబాద్‌ జిల్లా గుమ్మిర్యాల వరకు గోదావరిలో నిండుగా నీళ్లు ఉండి కళకళలాడుతుందని ఎమ్మెల్యే డాక్టర్‌ కల్వకుంట్ల సంజయ్‌ అన్నారు. శుక్రవారం మండలంలోని ఎర్దండి వద్ద గోదావరిని, పుష్కరఘాట్‌ల నిర్మాణ స్థలాన్ని పరిశీలించారు. ఎల్‌నినో ప్రభావంతో ఈ సారి వర్షాలు లేక ఎక్కడా ప్రాజెక్టులు నిండలేదని, కానీ సదర్‌మాట్‌ ప్రాజెక్టు పుణ్యమా అని గోదావరిలో నీళ్లు ఉండి జలకల కనిపిస్తుందన్నారు. నాణ్యతతో పుష్కరఘాట్‌ల నిర్మాణం, తదితర పనులను గ్రామస్తులు చేయించుకొవాలని సూచించారు. మాజీ వైస్‌ ఎంపీపీ నోముల లక్ష్మారెడ్డి, బీఆర్‌ఎస్‌ మండల అధ్యక్షుడు ఏలాల ధశరత్‌రెడ్డి, రాజన్న, ఏలేటి చిన్నారెడ్డి, బద్దం గోపి, జేడీ సుమన్‌, నేమూరి సత్యనారాయణ, చక్రీ తదితరులు పాల్గొన్నారు. ఇన్నోవేటర్స్‌ ప్రాజెక్టులో విద్యార్థులు పాల్గొనాలిజగిత్యాల: తెలంగాణ ఫ్యూచర్‌ ఇన్నోవేటర్స్‌ చాలెంజ్‌ పోటీల్లో విద్యార్థులు విస్తృతంగా పాల్గొనాలని, ఇందుకు విద్యార్థులను ఉపాధ్యాయులు ప్రోత్సహించాలని జిల్లా విద్యాశాఖాధికారి రాము పేర్కొన్నారు. శుక్రవారం ఆయన మాట్లాడుతూ, ప్రభుత్వ పాఠశాలల్లోని విద్యార్థుల్లో సృజనాత్మకత, శాసీ్త్రయ ధృక్పథం, ఆవిష్కరణ నైపుణ్యాలను వెలికితీయడానికి రాష్ట్ర ప్రభుత్వం ప్రతిష్టాత్మకంగా నిర్వహిస్తున్న తెలంగాణ ఫూచర్‌ ఇన్నోవేటర్స్‌ ఛాలెంజ్‌ 2026–27 కార్యక్రమంలో 6 నుంచి 10 వ తరగతి ప్రభుత్వ పాఠశాలల విద్యార్థులు పాల్గొనాలని కోరారు. ఎంపికై న విద్యార్థులకు నవంబర్‌ 14న హైదరాబాద్‌లో బహుమతులు అందజేస్తారని పేర్కొన్నారు. విద్యార్థుల ఆవిష్కరణలను నవంబర్‌ 6వరకు పోర్టల్‌ ద్వారా స్వీకరిస్తారని తెలిపారు. ఇందులో జెడ్పీహెచ్‌ఎస్‌, కేజీబీవీ, టీజీఎంఎస్‌, టీఆర్‌ఈఐఎస్‌, యూపీఎస్‌ పాఠశాలల విద్యార్థులు పాల్గొనడానికి అర్హులని పేర్కొన్నారు. నవంబర్‌ 6 వరకు తెలంగాణ పొర్టల్‌లో లాగిన్‌ కావాలని, మరింత సమాచారం కోసం ఆయా పాఠశాలల్లో సంప్రదించాలని సూచించారు. ఈ పోటీల్లో ఒక్క విద్యార్థి వ్యక్తిగతంగా లేదా గరిష్టంగా ముగ్గురు విద్యార్థుల బృందంగా పాల్గొనవచ్చని తెలిపా రు. ఆరు దశల్లో ఈ పోటీల్లో జరుగుతాయని, ఇందుకు విద్యార్థులను ఆయా పాఠశాలల ఉపాధ్యాయులు ప్రొత్సహించి, వారు పాల్గొనేలా అవగాహన కల్పించాలని సూచించారు. నిర్మల్‌: నిర్మల్‌ జిల్లా సారంగపూర్‌ మండలం అడెల్లిలో మహా పోచమ్మను శుక్రవారం ఎమ్మెల్సీ ఎల్‌.రమణ కుటుంబ సమేతంగా దర్శించుకొని మొక్కులు చెల్లించుకున్నారు. పూజారి స్వాగతం పలికారు. దర్శనం అనంతరం స్వామివారి చిత్రపటం బహూకరించి తీర్థప్రసాదాలు అందించి సత్కరించారు. డీటీవో అజయ్‌రెడ్డి, బీఆర్‌ఎస్‌ నిర్మల్‌ నియోజకవర్గ ఇన్‌చార్జి రాంకిషన్‌రెడ్డి, పార్టీ మండల కన్వీనర్‌ దేవిశంకర్‌, లక్ష్మీనారాయణగౌడ్‌, మోతేవార్‌ లక్ష్మణ్‌, వంగ చంద్రశేఖర్‌రెడ్డి, ధనుంజయ్‌ ఉన్నారు. రాష్ట్రస్థాయి బాక్సింగ్‌ పోటీలకు గురుకుల విద్యార్థిమల్యాల: మండలంలోని తాటిపల్లి బాలికల గురుకుల పాఠశాల విద్యార్థిని టి.హరిణి రాష్ట్రస్థాయి బాక్సింగ్‌ పోటీలకు ఎంపికై నట్లు ప్రిన్సిపాల్‌ మానస తెలిపారు. జిల్లాస్థాయి పోటీల్లో అండర్‌–17 విభాగంలో హరిణి ప్రతిభచాటింది. ఈ నెల 25 నుంచి 27 వరకు రంగారెడ్డి జిల్లాలో నిర్వహించే పోటీల్లో పాల్గొననున్నట్లు పేర్కొన్నారు. ఈ సందర్భంగా విద్యార్థిని, పీఈటీ మధులికను ప్రిన్సిపాల్‌ అభినందించారు.

జగిత్యాల: జిల్లా కేంద్రం శరవేగంగా అభివృద్ధి చెందుతుండడంతో ఆస్పత్రులు, సూపర్‌మార్కెట్లు, కిరాణాలు, స్కానింగ్‌ సెంటర్లు, వాణిజ్య వ్యాపారాలు అత్యధికంగా వెలుస్తున్నాయి. ముఖ్యంగా కొత్తబస్టాండ్‌ నుంచి టవర్‌సర్కిల్‌, తహసీల్‌ చౌరస్తా నుంచి జంబిగద్దె, జంబిగద్దె నుంచి అశోక్‌నగర్‌, పాతబస్టాండ్‌ ఏరియాల్లో అత్యధికంగా వాణిజ్య సముదాయాలు ఏర్పడ్డాయి. సదరు యజమానులు దుకాణాల ఎదుట రోడ్డును ఆనుకుని పెద్దపెద్ద రాడ్‌లతో ఫ్లెక్సీలు ఏర్పాటు చేస్తున్నారు. పలుచోట్ల బోర్డులను రోడ్డుపై పెట్టి రాత్రిపూట షాపులు కట్టేసే ముందు లోపల పెడుతున్నారు. కాగా, కొందరైతే రాడ్‌లను భూమిలో పాతి పకడ్బందీగా బోర్డులు ఏర్పాటు చేస్తున్నారు. దీంతో ప్రజలకు ఇబ్బందికరంగా మారింది. కొందరు రేడియం లాంటి ఫ్లెక్సీలు ఏర్పాటు చేయడంతో రాత్రిపూట వాటి రిఫ్లెక్షన్స్‌తో ప్రమాదాలు జరుగుతున్నాయి. రోడ్డును ఆనుకుని ఫ్లెక్సీలు ఏర్పాటు చేస్తుండడంతో ట్రాఫిక్‌ సమస్య నెలకొంటోంది. టౌన్‌ప్లానింగ్‌ ఎక్కడ? జిల్లాకేంద్రంలో పలు వాణిజ్య సముదాయాలు, ఆస్పత్రుల ఎదుట రోడ్లను ఆనుకుని బోర్డులు ఏర్పాటు చేస్తున్నా టౌన్‌ప్లానింగ్‌ అధికారులు మాత్రం చూసీచూడనట్లుగా వ్యవహరిస్తున్నారు. ఎక్కడైనా అక్రమంగా నిర్మాణాలు చేపడితే వెంటనే కూల్చివస్తారే గానీ, బోర్డులు ఏర్పాటు చేస్తే పట్టించుకోవడం లేదు. దీంతో ఎక్కబడితే అక్కడ బోర్డుల మయంగా మారింది. పార్కింగ్‌ ఇబ్బంది అసలే ఇరుకై న రోడ్లు, రోడ్లను ఆనుకుని బోర్డులు ఏర్పాటు చేయడంతో ఆస్పత్రులకు, ఇతర పనులకు వచ్చే వాహనదారులు ట్రాఫిక్‌తో ఇబ్బందిపడుతున్నారు. అత్యవసర సమయంలో ఫోర్‌ వీలర్‌ వాహనాలు, ఆటోలు వెళ్లలేని పరిస్థితి నెలకొటోంది. ముఖ్యంగా ఆస్పత్రుల ఏరియాల్లో అయితే నేమ్‌ బోర్డులు ఎక్కడపడితే అక్కడ పెడుతున్నారు. దీంతో ప్రమాదాలు సైతం చోటుచేసుకుంటున్నాయి. రోడ్లు కబ్జా దర్జాగా రోడ్లను ఆనుకుని బోర్డులు పెట్టడం, రేకులషెడ్లు నిర్మించడం వంటివి యథేచ్ఛగా జరుగుతున్నాయి. అధికారులు మాత్రం పట్టించుకోవడం లేదు. ఇప్పటికై నా అధికారులు స్పందించి ప్రధాన ప్రాంతాల్లో ఏర్పాటు చేసిన బోర్డులను తొలగించేలా చూడాలని పట్టణ ప్రజలు కోరుతున్నారు.చర్యలు తీసుకుంటాం రోడ్లను ఆనుకుని బోర్డులు పెట్టవద్దు. ప్రజలకు ఇబ్బందులు ఎదురవుతాయి. పార్కింగ్‌కు సైతం ఇబ్బందికరంగా ఉంటుంది. నోటీసులు ఇస్తాం. యాజమాన్యాలు వారి పరిధిలోనే బోర్డులు ఏర్పాటు చేసుకోవాలి. రోడ్లను ఆనుకుని ఏర్పాటు చేస్తే చర్యలు తీసుకుంటాం. – శ్రీనివాస్‌, టీపీఎస్‌, జగిత్యాల ‘ఇది జిల్లా కేంద్రంలోని జంబిగద్దె నుంచి మోతే వెళ్లే రోడ్డు. ఈ రోడ్డులో పలు ఆస్పత్రులు, వాణిజ్య సముదాయాల యాజమాన్యాలు రోడ్డును ఆనుకుని నేమ్‌ బోర్డులు, ఫ్లెక్సీలు ఏర్పాటు చేయడంతో పార్కింగ్‌ సమస్య నెలకొంటోంది. ఆయా ఆస్పత్రులు, వాణిజ్యసముదాయాలకు వచ్చే వినియోగదారులు ఇష్టారీతిగా వాహనాలను పార్కింగ్‌ చేయడంతో ట్రాఫిక్‌ సమస్యతో ఇతర వాహనదారులు ఇబ్బందిపడుతున్నారు. ఇలా.. ఈ ఒక్క ఏరియాలోనే కాదు.. జిల్లా కేంద్రంలోని పలు ప్రాంతాల్లో ఆస్పత్రుల వద్ద, వాణిజ్య సముదాయాల ఎదుట రోడ్డును ఆక్రమించి నేమ్‌బోర్డులు, ఫ్లెక్సీల ఏర్పాటు చేయడంతో వాహనదారులు ఇబ్బందిపడుతున్నారు’.

జగిత్యాల: డబుల్‌బెడ్రూం కాలనీ సమీపంలోని డంపింగ్‌యార్డు సమస్యను పరిష్కరించాలని మాజీ మంత్రి జీవన్‌రెడ్డి మున్సిపల్‌ కమిషనర్‌తో ఫోన్‌లో మాట్లాడారు. రెండు రోజుల నుంచి డంప్‌యార్డులో మంటలు ఎగిసిపడుతున్నాయని, కాలనీవాసులు ఉండలేక బంధువుల ఇళ్లకు వెళ్లే పరిస్థితి నెలకొందన్నారు. కొందరు అస్వస్థతకు గురై జగిత్యాల ఆస్పత్రిలో చికిత్స పొందుతున్నారని చెప్పారు. డంప్‌యార్డులో తడి, పొడి చెత్తను వేరు చేసి రిసైక్లింగ్‌ చేసే సిస్టం ఉన్నప్పటికీ ఎందుకు చేయడం లేదని ప్రశ్నించారు. ఆ కాలనీలో 4వేల కుటుంబాలు నివసిస్తున్నాయని, వారి ఆరోగ్యం కూడా ప్రధానమని, అధికారులు బాధ్యతగా తీసుకోవాలని కోరారు. ఫైరింజన్‌ సైతం పంపించడం లేదని, కాలనీలో శానిటేషన్‌ వర్కరును ఏర్పాటు చేయాలన్నారు. సమస్యను తొందరగా పరిష్కరించాలని లేకుంటే ప్రజలు రోడ్డుపైకి వచ్చే పరిస్థితి ఏర్పడుతుందన్నారు.

పెగడపల్లి: రైతులు భూసారాన్ని పరిరక్షిస్తూ, శాసీ్త్రయ పద్ధతుల్లో సాగు చేపట్టాలని జిల్లా డిప్యూటీ ప్రాజెక్టు డైరెక్టర్‌ జాన్‌ సుధాకర్‌ అన్నారు. మండలంలోని రాజారంపల్లి గ్రామ పంచాయతీ భవనంలో ఖేత్‌ బచావో కార్యక్రమంలో భాగంగా శుక్రవారం రైతులతో సమావేశం నిర్వహించారు. భూసార సంరక్షణ, పంటల సాగులో వైవిద్యం, రబీ పంటల సాగు ప్రణాళికపై రైతులకు అవగాహన కల్పించారు. ఈ సందర్భంగా ఆయన మాట్లాడుతూ, భూసార పరీక్షలతో భూసారానికి అనుగుణంగా ఎరువులు వినియోగిస్తూ, పంటలు సాగు చేయాలని, సేంద్రియ ఎరువులు వినియోగించాలన్నారు. విచక్షణారహితంగా రసాయన ఎరువుల వినియోగంతో భూసారం దెబ్బతింటుందని హెచ్చరించారు. ప్రస్తుత వాతావరణ పరిస్థితులు, మార్కెట్‌లో డిమాండ్‌కు అనుగుణంగా పంటల సాగు చేపట్టాలని సూచించారు. ఒకే పంట సాగు చేయకుండా ప్రత్యామ్నాయ పంటలు సాగు చేయాలన్నారు. నీ టి వనరుల లభ్యతకు అనుగుణంగా తక్కువ నీటి వినియోగంతో సాగు చేసే కందులు, పెసర వంటి పప్పు ధాన్యాలు సాగు చేయాలన్నారు. మండల వ్యవసాయాధికారి శ్రీకాంత్‌, స ర్పంచ్‌ రమేశ్‌ నాయక్‌, ఏఈవో అక్షయ్‌ పాల్గొన్నారు.

33.0/22.07గరిష్టం/కనిష్టంచేపపిల్లల పంపిణీపై సందిగ్ధం చేపల పెంపకంపై సందిగ్ధం కొనసాగుతోంది. అక్టోబర్‌ మూడో వారం దాటినా చెరువుల్లో మీనం పడకపోవడంతో మత్స్యకారులు ఆందోళన వ్యక్తం చేస్తున్నారు. భక్తుల పుణ్యస్నానంధర్మపురి: ధర్మపురి గోదావరినదిలో శుక్రవారం భక్తులు పుణ్య స్నానాలు ఆచరించి గంగమ్మ, గౌరమ్మకు మొక్కులు చెల్లించుకున్నారు. అనంతరం ఆలయాల్లో స్వామివారలను దర్శించుకున్నారు. వాతావరణం వాతావరణం పొడిగా ఉంటుంది. గాలిలో తేమ అధికంగా ఉంటుంది. మధ్యాహ్నం ఉక్కపోత పెరుగుతుంది. శనివారం శ్రీ 24 శ్రీ అక్టోబర్‌ శ్రీ 2026

జగిత్యాల: జగిత్యాలలోని నూకపల్లి పరిధి డంపింగ్‌యార్డులో రెండో రోజు శుక్రవారం రాత్రి మంటలు వ్యాప్తిస్తూ స్థానికులను భయాందోళనకు గురిచేస్తున్నాయి. రెండురోజుల క్రితం డంపింగ్‌యార్డులో మంటలు చెలరేగిన విషయం తెలిసిందే. మంట లను అదుపు చేయకుండా డంపింగ్‌యార్డులోకి ము న్సిపల్‌ వాహనాల్లో మళ్లీ చెత్తను తీసుకవస్తుండడంతో డబుల్‌బెడ్‌రూం కాలనీవాసులు డంపింగ్‌యా ర్డు వద్ద అడ్డుకున్నారు. ఇప్పటికే డంపింగ్‌యార్డులో అంటుకున్న మంటలతో కాలనీ మొత్తం పొగతో తీ వ్ర అవస్థలు పడుతున్నారు. కొంత మంది ఆస్పత్రుల్లో చేరారు. మళ్లీ ఇక్కడికి చెత్తను తీసుకురావడం ఏంటని ఆగ్రహం వ్యక్తం చేస్తూ చెత్త వాహనాలను అ డ్డుకున్నారు. కమిషనర్‌ సత్యప్రణవ్‌ ఘటన స్థలాని కి వెళ్లి సమస్యను పరిష్కరిస్తామని కాలనీవాసులకు హామీ ఇవ్వడంతో ఆందోళన విరమించారు.

కథలాపూర్‌(వేములవాడ): రైతు సమస్యల పరిష్కారానికి సహకార సంఘాలు చొరవ చూపాలని ప్రభుత్వ విప్‌ ఆది శ్రీనివాస్‌ పేర్కొన్నారు. శుక్రవారం మండలంలోని భూషణరావుపేట ప్రాథమిక వ్యవసాయ సహకార సంఘం నూతన పాలకవర్గం బాధ్యతల స్వీకరణ కార్యక్రమానికి హాజరై మాట్లాడారు. భూషణరావుపేట సంఘం నిర్వహణలో జిల్లాలో మూడో స్థానంలో ఉందని, రైతులకు మరిన్ని సేవలు అందించి అభివృద్ధి సాధించాలన్నారు. రైతులకు, ప్రభుత్వానికి అనుసంధానంగా ఉండాలన్నారు. రాళ్లవాగు ప్రాజెక్టు ద్వారా భూషణరావుపేట గ్రామానికి పూర్తిస్థాయిలో నీళ్లు వచ్చేలా కృషి చేస్తామని పేర్కొన్నారు. ప్రాజెక్టు కన్న చెరువులు ఎత్తు ప్రాంతంలో ఉండడంతో ఎత్తిపోతలే మార్గమని అధికారులు నిర్ణయించారని, ఎత్తిపోతల ద్వారా చెరువులు నింపేలా ఇంజినీరింగ్‌ అధికారులతో చర్చించి ప్రణాళిక రూపొందిస్తామన్నారు. ఏఎంసీ చైర్మన్‌ నారాయణరెడ్డి, సహకార సంఘం చైర్మన్లు గడ్డం స్వామిరెడ్డి, అల్లూరి దేవారెడ్డి, ఎండీ ముబీన్‌, సర్పంచ్‌ బద్దం మహేందర్‌రెడ్డి, డైరెక్టర్లు వాకిటి రాజారెడ్డి, కారపు గంగాధర్‌, ఎండీ హఫీజ్‌, కూన అశోక్‌, లోక నర్సారెడ్డి, కాంగ్రెస్‌ మండలాధ్యక్షుడు వెలిచాల సత్యనారాయణ, నాయకులు పాల్గొన్నారు.

జగిత్యాల: ఎల్‌నినో ప్రభావం నేపథ్యంలో రానున్నరోజుల్లో వాతావరణ పరిస్థితులను దృష్టిలో ఉంచుకుని గ్రామీణ ప్రాంతాల్లో ఉపాధి పనుల సంఖ్య పెంచాలని కలెక్టర్‌ సత్యప్రసాద్‌ అన్నారు. శుక్రవా రం కలెక్టరేట్‌లో వీబీజీరాంజీ ఉపాధిహామీ పనులు, జల సంరక్షణ పనులపై నిర్వహించిన సమీక్ష సమావేశంలో మాట్లాడారు. ప్రస్తుతం రోజువారిగా సగటున 60 మందికి ఉపాధిపని కల్పిస్తున్న నేపథ్యంలో ఆ సంఖ్యను స్థిరంగా కొనసాగించాలన్నా రు. కాలువల్లో పూడికతీత పనులు విస్తృతంగా చేపట్టాలన్నారు. ఫాంపాండ్‌ నిర్మాణాలను వేగవంతం చేయాలని, ఇందులో 1,250 మంజూరు కాగా 828 పనులు మాత్రమే పూర్తయ్యాయని, రెండునెలల్లో పూర్తి చేసేలా చూడాలన్నారు. జలసంరక్షణ పనులకు ప్రాధాన్యత ఇవ్వాలని, ముఖ్యంగా గ్రామీణ ప్రాంతాల్లో వర్షపు నీటి సంరక్షణ, భూగర్భ జలాల పెంపునకు దోహదపడే మ్యాజిక్‌సోక్‌ పిట్స్‌, కమ్యూనిటీ సోక్‌పిట్స్‌ను ఈనెల 31 వరకు పూర్తి చేసేలా చూడాలన్నారు. బోర్‌వెల్‌ రిచార్జీ నిర్మాణాలకు సంబంధించి 118 మంజూరు అయ్యాయని పేర్కొన్నారు. వ్యక్తిగత మరగుదొడ్ల నిర్మాణాలను వెనువెంటనే పూర్తి చేయాలని సూచించారు. ఇందిరమ్మ ఇళ్ల నిర్మాణాల్లో జాప్యం లేకుండా చర్యలు తీసుకోవాలని, మొదటి విడతలో మిగిలి ఉన్న 860 ఇళ్లను వేగంగా పూర్తి చేయాలన్నారు. రెండో విడతలో 6,725 ఇళ్లకు సంబంధించిన ప్రతిపాదనలు మంజూరుకు పంపినట్లు వెల్లడించారు. అధికారులు సమన్వయంతో పనిచేయాలని ఆదేశించారు. జెడ్పీ సీఈవో గౌతంరెడ్డి, డీఆర్‌డీవో రఘువరణ్‌, వివిధ శాఖల అధికారులు పాల్గొన్నారు.

జగిత్యాల: విద్యార్థులకు సంస్కృతి, సంప్రదాయాలు వివరించాలనే ఉద్దేశంతో రాష్ట్ర ప్రభుత్వం పీఎంశ్రీ పాఠశాలలకు బతుకమ్మ నిధులు మంజూరు చేసింది. సెలవులకు ముందురోజే పాఠశాలల్లో బతుకమ్మ వేడుకలు నిర్వహించారు. జిల్లా వ్యాప్తంగా 16 పీఎంశ్రీ హైస్కూల్స్‌, నాలుగు ప్రైమరీ హైస్కూళ్లు ఉండగా ఒక్కో పాఠశాలకు రూ.10 వేల చొప్పున నిధులు మంజూరయ్యాయి. దసరా సెలవుల సందర్భంగా విద్యార్థులు ఇంటికి వెళ్తారనే ఉద్దేశంతో ముందస్తుగా వేడుకలు నిర్వహించారు. సదరు నిధులతో బతుకమ్మల కొనుగోలు, ముగ్గులు, ఫ్లెక్సీలు, సౌండ్‌సిస్టం, కోలాటాలు తదితర వస్తువులు కొనుగోలు చేయాల్సి ఉంటుంది. కాగా, జిల్లాలోని 20 పాఠశాలల్లో ఈ వేడుకలు నిర్వహించారు. ముందుగా హెచ్‌ఎంలు, ఎస్‌వోలు ఖర్చుపెట్టి అనంతరం ఎస్టీవో ఆఫీసు నుంచి బిల్లులు తీసుకోవాల్సి ఉంటుంది. ఖర్చులపై ఆరోపణల వెల్లువ పీఎంశ్రీ పాఠశాలల్లో బతుకమ్మ వేడుకల నిర్వహణ ఖర్చులపై ఆరోపణలు వెల్లువెత్తుతున్నాయి. ఆయా స్కూళ్లకు రూ.10 వేల నిధులు రాగా.. కొన్ని స్కూళ్లలో అంతగా ఖర్చు చేయనట్లు ఆరోపణలు వస్తున్నాయి. కొన్ని పాఠశాలల్లో రూ.10 వేల లోపే ఖర్చు చేసినట్లు తెలిసింది. జిల్లాస్థాయి అధికారులు సమగ్ర విచారణ చేపట్టాలని విద్యార్థుల తల్లిదండ్రులు కోరుతున్నారు. పీఎంశ్రీ స్కూళ్లకు బతుకమ్మ ఉత్సవాలే కాకుండా వివిధ పథకాల కింద నిధులు కేటాయిస్తారు. వార్షికోత్సవాలు, ఎక్స్‌పోజర్‌, ఫీల్డ్‌ విజిట్‌ వంటి కార్యక్రమాలకు వీటిని వెచ్చించాల్సి ఉంటుంది. కానీ.. నిధులు లేకపోవడంతో గుర్తింపు కార్డుల తయారీకి ఇబ్బందులు పడుతున్నట్లు తెలిసింది. ఒక్కో పాఠశాలకు రూ.10 వేలు నిధుల వినియోగంపై ఆరోపణలు

నివాళులర్పిస్తున్న ఎస్పీ అశోక్‌కుమార్‌, చేతన్‌నితిన్‌సాయన్న చిత్రపటానికి నివాళి అర్పిస్తున్న కలెక్టర్‌ సత్యప్రసాద్‌, అధికారులుజగిత్యాలటౌన్‌: నిజాం నిరంకుశత్వానికి వ్యతిరేకంగా పోరాడి, నిరుపేదల కడుపు నింపిన బహుజన వీరుడు పండుగ సాయన్న అని కలెక్టర్‌ సత్యప్రసాద్‌ కొనియాడారు. సాయన్న జయంతి సందర్భంగా కలెక్టరేట్‌లో గురువారం ఆయన చిత్రపటానికి నివాళి అర్పించారు. నిజాం నిరంకుశ పాలనపై అలుపెరుగని పోరాటం చేశారని కొనియాడారు. నిజాం ధాన్యం కారాగారాన్ని కొల్లగొట్టిన పాపన్న పేదలకు పంచిపెట్టాడని అన్నారు. బీసీ సంక్షేమ అధికారి జయరాజ్‌, కలెక్టరేట్‌ ఏవో కిషన్‌, సిబ్బంది, బీసీ సంఘాల నాయకులు పాల్గొన్నారు. ఎస్పీ కార్యాలయంలో.. జగిత్యాలక్రైం: ఎస్పీ కార్యాలయంలో పండుగ సాయన్న జయంతిని నిర్వహించారు. ఎస్పీ అశోక్‌కుమార్‌ ఆయన చిత్రపటానికి పూలమాల వేసి నివాళులర్పించారు. పేదలకు అండగా నిలిచి ప్రజల గుండెల్లో చెరగని స్థానం సంపాదించుకున్న ప్రజా వీరుడు సాయన్న అన్నారు. కార్యక్రమంలో అడిషనల్‌ ఎస్పీ చేతన్‌ నితిన్‌, ఆర్‌ఐలు వేణు, సైదులు, పోలీస్‌ సిబ్బంది పాల్గొన్నారు.

ధర్మపురి: ప్రయాణీకుల సౌకర్యార్థం పట్టణంలోని ఆర్టీసీ బస్టాండ్‌లో సౌకర్యాలు కల్పించేందుకు కృషి చేస్తానని మంత్రి అడ్లూరి లక్ష్మణ్‌కుమార్‌ అన్నారు. బస్టాండ్‌ను ఆధునీకరించే పనులను అధికారులతో కలిసి పరిశీలించారు. ఈనెల 25న రవాణా శాఖ మంత్రి పొన్నం ప్రభాకర్‌ రానున్నందున పనులు పరిశీలించినట్లు పేర్కొన్నారు. ఆయన వెంట గ్రంథాలయ చైర్మన్‌ దినేష్‌, మున్సిపల్‌ చైర్‌పర్సన్‌ వేముల నాగలక్ష్మి, ఆర్టీసీ అధికారులు, నాయకులు తదితరులున్నారు. ఉద్యానపంటలకు ప్రోత్సాహంజగిత్యాలరూరల్‌: ప్రభుత్వం ఉద్యాన పంటలను ప్రోత్సహిస్తోందని వ్యవసాయ శాఖ మంత్రి తుమ్మల నాగేశ్వర రావు అన్నారు. సారంగాపూర్‌ మండలం పెంబట్లకు చెందిన జాతీయ ఉత్తమ మహిళా రైతు బండారి విజయ సాగు చేస్తున్న వినూత్న పంటలను రైతునేస్తం కార్యక్రమంలో భాగంగా మంత్రి తుమ్మల వీడియో కాన్ఫరెన్సులో మాట్లాడారు. ఉద్యాన పంటలు సాగు చేస్తే ప్రభుత్వం సబ్సిడీ ఇస్తోందన్నారు. డ్రిప్‌ పద్ధతిలో సాగుతో దిగబడి పెరుగుతుందన్నారు. ఉద్యానశాఖ అధికారులు ఐలయ్య, అర్చన, వంశీకృష్ణ, సర్పంచ్‌ కొలపాక రాధా రాజు, ఏఈవోలు శైలిని, వెంకటేష్‌, అనిల్‌కుమార్‌ పాల్గొన్నారు. విజిబుల్‌ పోలీసింగ్‌పై దృష్టి సారించాలికథలాపూర్‌: ప్రజల భద్రతలో విజిబుల్‌ పోలీసింగ్‌ కీలకపాత్ర పోషిస్తుందని ఎస్పీ అశోక్‌కుమార్‌ అన్నారు. కథలాపూర్‌ పోలీస్‌స్టేషన్‌ను గురువారం తనిఖీ చేశారు. రికార్డులు పరిశీలించారు. రాత్రివేళ పెట్రోలింగ్‌ ముమ్మరం చేయాలని, దొంగతనాలు, గంజాయి రవాణా, అసాంఘిక కార్యకలపాలపై నిఘా కొనసాగించాలని సిబ్బందికి సూచించారు. యువత మాదక ద్రవ్యాల బారిన పడకుండా అవగాహన కల్పంచాలన్నారు. ఆన్‌లైన్‌ మోసాలు, డిజిటల్‌ అరెస్ట్‌ వంటి మోసాలపై ప్రజలను అప్రమత్తం చేయాలన్నారు. కోరుట్ల సీఐ తిరుపతి, ఎస్సై రవికిరణ్‌ పాల్గొన్నారు. ఔట్‌సోర్సింగ్‌కు మార్చి అన్యాయంజగిత్యాలటౌన్‌: సమాన పనికి సమాన వేతనం, ఉద్యోగ భద్రత కల్పించాలని కోరుతూ నేషనల్‌ హెల్త్‌ మిషన్‌ (ఎన్‌హెచ్‌ఎం) ఉద్యోగులు చేపట్టిన నిరసన దీక్ష గురువారం పదో రోజుకు చేరింది. కలెక్టరేట్‌ ఎదుట బైటాయించిన ఉద్యోగులు తమ న్యాయమైన డిమాండ్లు పరిష్కరించాలని కోరారు. గత ప్రభుత్వంలో కాంట్రాక్ట్‌ ఉద్యోగులుగా పనిచేసిన తమను ప్రస్తుతం ఔట్‌ సోర్సింగ్‌ ఉద్యోగులుగా మార్చి అన్యాయం చేసిందన్నారు. అసలే అంతంత మాత్రం వేతనాలతో పనిచేస్తున్న తమను పట్టించుకోకపోవడం దారుణమన్నారు. ప్రభుత్వం స్పందించి సుప్రీంకోర్టు ఆదేశాల ప్రకారం.. సమాన పనికి సమాన వేతనం చెల్లించి ఉద్యోగ భద్రత కల్పించాలని డిమాండ్‌ చేశారు. కార్యక్రమంలో తిరుమల్‌, జాతీయ ఆరోగ్య మిషన్‌ ఉద్యోగులు పాల్గొన్నారు. డంపింగ్‌ యార్డులో మంటలుజగిత్యాల: జగిత్యాల మున్సిపాలిటీ డంపింగ్‌ యార్డులో మంటలు ఎగిసి పడుతున్నాయి. నూకపల్లి శివారులో ఏర్పాటు చేసిన ఈ డంప్‌యార్డ్‌ పక్కనే సుమారు 4,520 డబుల్‌ బెడ్‌రూం ఇళ్లను నిర్మించారు. ఇక్కడ సుమారు మూడు వేలకు పైగా లబ్ధిదారులు ఉంటున్నారు. వారికి డంప్‌యార్డు తలనొప్పిగా మారింది. గుర్తు తెలియని వ్యక్తులు సిగరెట్‌, బీడీ ముక్కలు పడేస్తుండడంతో తరచూ మంటలు వ్యాపిస్తున్నాయి. గురువారం పెద్ద ఎత్తున మంటలు లేవడంతో దట్టమైన పొగ డబుల్‌బెడ్‌రూం ఇళ్లలోకి వ్యాపించింది. దీంతో ఇళ్లలో ఉండలేకపోతున్నామని ప్రజలు పేర్కొన్నారు. కొంతమంది జగిత్యాలలోని బంధువుల ఇళ్లకు వస్తున్నారు. చిన్నారు, వృద్ధులు శ్వాస తీసుకోవడంలో ఇబ్బంది పడ్డారు. డంప్‌యార్డ్‌ సమస్య పరిష్కరించాలని మంత్రి, కలెక్టర్‌, ఎమ్మెల్యేకు ఫిర్యాదు చేసినా ఫలితం లేదంటున్నారు.

జగిత్యాలరూరల్‌/జగిత్యాల: ప్రభుత్వం విద్య, వైద్యానికి నిరంతరం కృషి చేస్తోందని ఎమ్మెల్యే సంజయ్‌కుమార్‌ అన్నారు. జగిత్యాల రూరల్‌ మండలం తాటిపల్లి, మోరపల్లి శివారులో నిర్మించనున్న యంగ్‌ ఇంటిగ్రేట్‌డ్‌ రెసిడెన్షియల్‌ స్కూల్‌ స్థలాన్ని గురువారం పరిశీలించారు. స్కూల్‌ నిర్మాణ పనులకు ఈనెల 25న మంత్రులు అడ్లూరి లక్ష్మణ్‌కుమార్‌, పొన్నం ప్రభాకర్‌ చేతులమీదుగా శంకుస్థాపన చేస్తారని పేర్కొన్నారు. డీసీసీ అధ్యక్షుడు గాజంగి నందయ్య, ఏఎంసీ చైర్మన్‌ నారాయణ రెడ్డి, సింగిల్‌ విండో చైర్మన్‌ దామోదర్‌ రావు, నాయకులు బండ శంకర్‌, పెండెం రాములు, సర్పంచ్‌లు కట్ట రాజేందర్‌, గంగారెడ్డి, ఆనందరెడ్డి, తహసీల్దార్‌ హకీం పాల్గొన్నారు. పేదలకు సీఎం సహాయనిధి అండ జగిత్యాల: పేద, మధ్యతరగతి కుటుంబాలకు సీఎంఆర్‌ఎఫ్‌ అండగా నిలుస్తొందని ఎమ్మెల్యే అన్నారు. పట్టణంలోని పార్టీ కార్యాలయంలో 111 మంది లబ్ధిదారులకు సీఎంఆర్‌ఎఫ్‌ కింద రూ.52.04 లక్షల విలువైన చెక్కులను అందించాడు. మున్సిపల్‌ చైర్‌పర్సన్‌ వాణి, ఏఎంసీ చైర్మన్‌ నారాయణరెడ్డి, పీఏసీఎస్‌ చైర్మన్‌ దామోదర్‌రావు తదితరులు పాల్గొన్నారు.

జగిత్యాల: ఎల్‌నినో, వర్షాభావ పరిస్థితుల నేపథ్యంలో యాసంగిలో వరి సాగును ప్రోత్సహించొద్దని, 8 నెలలకు నీరు సరిపోయేలా ప్రణాళిక సిద్ధం చేయాలని మంత్రి అడ్లూరి లక్ష్మణ్‌కుమార్‌ అధికారులను ఆదేశించారు. జగిత్యాల ఎమ్మెల్యే సంజయ్‌కుమార్‌, కలెక్టర్‌ సత్యప్రసాద్‌తో కలిసి కలెక్టరేట్‌లో గురువారం సమీక్షా సమావేశం నిర్వహించారు. జిల్లాలో వానాకాలం గట్టెక్కే పరిస్థితి ఉందని, యాసంగిలో మాత్రం ఇబ్బందులు ఎదురుకానున్నాయని తెలిపారు. ఎస్సారెస్పీ, చెరువులు, ఇతర నీటి వనరుల్లో ఉన్న నీటిని తాగునీటి అవసరాలకు వాడుకోవాలన్నారు. మండలాల్లో అధికారులు రైతులతో సమావేశాలు ఏర్పాటు చేసి పరిస్థితులను వివరించాలన్నారు. ఉద్యాన పంటల సాగును ప్రోత్సహించాలన్నారు. కోతుల సమస్య ఉన్నచోట సోలార్‌ ఫెన్సింగ్‌ ఏర్పాటుపై అవగాహన కల్పించాలన్నా రు. వీబీజీరాంజీ పథకం ద్వారా అవసరమైన నీటి సంరక్షణ చర్యలు చేపట్టాలన్నారు. కలెక్టర్‌ సత్యప్రసాద్‌ మాట్లాడుతూ.. జిల్లాలో సాగవుతున్న కూరగాయలు జనాభాకు సరిపోవడం లేదని, సాగు విస్తీర్ణం పెంచేలా చూడాలని సూచించారు. మిషన్‌భగీరథ ద్వారా జూన్‌ వరకు ఎక్కడా తాగునీటి సమస్య తలెత్తకుండా ప్రణాళిక సిద్ధం చేయాలన్నారు. ఎమ్మెల్యే మాట్లాడుతూ ప్రస్తుత పరిస్థితులకు అనుగుణంగా అధికారులు యాసంగి ప్రణా ళిక రూపొందించాలన్నారు. ఎస్సారెస్పీ నుంచి నీరు వచ్చే అవకాశం లేదని, వరి సాగు వద్దని పేర్కొన్నారు. కార్యర్యక్రమంలో మున్సిపల్‌ చైర్‌పర్సన్‌ వాణి, మార్కెట్‌ చైర్మన్‌ నారాయణరెడ్డి తదితరులు ఉన్నారు. ఎల్‌నినోను ఎదుర్కొనేందుకు కార్యాచరణ చేపట్టాలి తాగునీటికి ప్రథమ ప్రాధాన్యత మంత్రి అడ్లూరి లక్ష్మణ్‌కుమార్‌

జగిత్యాలఅగ్రికల్చర్‌: వానాకాలం సీజన్‌లో జిల్లాలో 1.80 లక్షల ఎకరాల వరకు సన్న వరిని రైతులు సాగుచేశారు. ప్రస్తుతం ఆ పంట గింజదశకు చేరుకుంటోంది. ఈ సమయంలో రెప్పరాల్చే పురుగు, అగ్గితెగులు ఆశించి తీవ్ర నష్టం కలిగిస్తున్నాయి. రెప్పరాల్చే పురుగు పగటి పూట వరి మొదళ్లలో ఉంటూ.. రాత్రివేళ వరి కంకుల మొదళ్లను కత్తిరిస్తున్నాయి. ఈ పురుగును సకాలంలో గుర్తించకపోతే రెండుమూడు రోజుల్లోనే పొలమంతా విస్తరించి.. 30 నుంచి 50 శాతం వరకు నష్టం కలిగిస్తుంది. పురుగు ఉధృతి జగిత్యాల, సారంగాపూర్‌, గొల్లపల్లి, రాయికల్‌ మండలాల్లో ఎక్కువగా ఉన్నట్లు అన్నదాతలు చెబుతున్నారు. అగ్గితెగులుతోనూ ఇబ్బందే.. సన్నరకానికి ఎక్కువగా నష్టం చేసే ప్రమాదకరమైనది అగ్గితెగులు. దీనిని మెడవిరుపు తెగులు అని కూడా అంటారు. ఈ తెగులు ఆశించినప్పుడు వరి మెడ భాగం నల్లగా మారి కుళ్లిపోతుంది. కంకికి సరైన పోషకాలు అందక గింజలు పాలుపోయ తాలుగా కనిపిస్తుంది. గింజ దశలో ఆశిస్తే 50 నుంచి 80 శాతం వరకు నష్టం చేకూరుస్తుంది. వాతావరణ మార్పులే కారణం గింజ దశలో పురుగులు, తెగుళ్లు ఆశించడానికి వాతావరణ మార్పులే కారణమంటున్నారు శాస్త్రవేత్తలు. ఒక్కసారిగా ఉష్ణోగ్రతలు పెరిగినా.. తగ్గినా.. గాలిలో తేమ పెరిగినా.. పొలంలో నీరు ఎక్కువగా ఉండి కలుపు మొక్కలు ఎక్కువగా ఉన్నా.. రెప్పరాల్చే పురుగు ఎక్కువగా ఆశిస్తుంది. రాత్రివేళ చల్లగా ఉండి.. పగటి వేళల్లో అధిక వేడి ఉంటే అగ్గి తెగులు ఆశిస్తుంది. వ్యవసాయాధికారుల క్షేత్ర సందర్శనలు జిల్లాలో చాలా ప్రాంతాల్లో పురుగులు, తెగుళ్లు ఆశించడంతో వ్యవసాయ అధికారులు, శాస్త్రవేత్తలు క్షేత్ర స్థాయి పర్యటనలకు వెళ్తున్నారు. గింజ దశకు చేరుకుని మరో 15 నుంచి 20 రోజుల్లో కోతకు వచ్చే పంటలో అకస్మాత్తుగా పురుగులు ఆశిస్తుండటంతో ఇటు రైతులు, అటు అధికారుల్లో ఆందోళన మొదలైంది. ఇలాంటి లక్షణాలు కనిపించిన పొలాల్లో పూర్తి స్థాయిలో యూరియా నిలిపివేయాలని, నీటిని నిల్వ ఉంచకుండా ఆరుతడి పద్ధతిన అందించాలని సూచిస్తున్నారు. వాతావరణ మార్పులతో పురుగు ఉధృతి గింజదశలో నష్టం కలిగిస్తున్న కీటకం అగ్గితెగులుతోనూ అన్నదాతల్లో ఆందోళన

మెట్‌పల్లి/ఇబ్రహీంపట్నం/కోరుట్లరూరల్‌/జగిత్యాల రూరల్‌/కథలాపూర్‌/రాయికల్‌/ధర్మపురి: జిల్లాలోని వివిధ మండలాల్లో గురువారం సద్దుల వేడుకలను ఘనంగా నిర్వహించారు. వివిధ రకాల పూలతో బతుకమ్మలను పేర్చి.. సాయంత్రం ఆటలు ఆడారు. డీజే పాటలతో బతుకమ్మలను ఊరేగింపుగా తీసుకెళ్లి నిమజ్జనం చేశారు. మెట్‌పల్లిలో మాజీ ఎమ్మెల్యే విద్యాసాగర్‌రావు నివాసంలో బతుకమ్మ వేడుకలు నిర్వహించారు. ధర్మపురి మండలం రాయపట్నంలో మహిళలు ఆటపాటల్లో మునిగి తేలారు. అనంతరం బతుకమ్మలను గోదావరిలో నిమజ్జనం చేశారు. కోరుట్లరూరల్‌: చిన్నమెట్‌పల్లిలో బతుకమ్మలతో మహిళలుమెట్‌పల్లి: మాజీ ఎమ్మెల్యే విద్యాసాగర్‌రావు నివాసంలో బతుకమ్మ ఆడుతున్న మహిళలు

సంగెంలో..కోరుట్ల రూరల్‌: సంగెం గ్రామంలో సద్దుల బతుకమ్మ వేడుకలు బుధవారం ఘనంగా జరిగాయి. సంఘమహేశ్వర ఆలయ ఆవరణలో నూతనంగా ఏర్పాటు చేసిన బతుకమ్మ తల్లి విగ్రహాన్ని సర్పంచ్‌ చీటి స్వరూప–వెంకట్రావ్‌ ఆవిష్కరించారు. సభ్యులు, నాయకులు పాల్గొన్నారు. రాయికల్‌: రాయికల్‌ మండలం ఇటిక్యాల, తాట్లావాయితోపాటు పలు గ్రామాల్లో సద్దుల బతుకమ్మ వేడుకలు బుధవారం ఘనంగా నిర్వహించారు. వివిధ రకాల పూలను సేకరించి గౌరిదేవిని ప్రతిష్ఠించి బతుకమ్మ ఆడారు. అనంతరం చెరువులో నిమజ్జనం చేశారు. సర్పంచులు నీరటి శ్రీనివాస్‌, మల్లేశం, సింగిల్‌విండో చైర్మన్‌ శ్రీనివాస్‌గౌడ్‌ పాల్గొన్నారు.

జగిత్యాలక్రైం: శాంతియుత సమాజమే పోలీసుల లక్ష్యమని, పటిష్టమైన శాంతిభద్రతలతోనే అభివృద్ధి సాధ్యమవుతుందని కలెక్టర్‌ సత్యప్రసాద్‌ అన్నారు. విధి నిర్వహణలో, దేశ రక్షణ కోసం ప్రాణాలు కోల్పోయిన పోలీస్‌ అమరవీరుల సంస్మరణ పోలీస్‌ ఫ్లాగ్‌ డే కార్యక్రమాన్ని బుధవారం ఘనంగా నిర్వహించారు. పోలీసు ప్రధాన కార్యాలయంలో ఏర్పాటు చేసిన అమరవీరుల స్తూపం వద్ద కలెక్టర్‌ సత్యప్రసాద్‌, ఎస్పీ అశోక్‌కుమార్‌, పోలీస్‌ అధికారులు, అమరవీరుల కుటుంబ సభ్యులతో కలిసి నివాళి అర్పించారు. కలెక్టర్‌ మాట్లాడుతూ.. సొసైటీలో శాంతియుతంగా, ప్రశాంతంగా జీవిస్తున్నామంటే దానికి సైనికులు, పోలీసులే కారణమన్నారు. అక్టోబర్‌ 21 నుంచి 31 వరకు ప్రజలకు పోలీసులు మరింత చేరువయ్యేందుకు ప్రత్యేక కార్యక్రమాలు చేపట్టడం అభినందనీయమన్నారు. ఎస్పీ మాట్లాడుతూ.. పోలీసు వ్యవస్థ పటిష్టంగా ఉంటే అభివృద్ధి ప్రతీ ఒక్కరికి చేరుతుందనడానికి మన రాష్ట్రమే నిదర్శనమన్నారు. జిల్లాలో ఉన్న అన్ని పోలీసు స్టేషన్లలో పోలీసు అమరవీరుల సంస్మరణ కార్యక్రమాలు నిర్వహిస్తామని అన్నారు. అడిషనల్‌ ఎస్పీ చేతన్‌నితిన్‌, డీఎస్పీలు పురుషోత్తంరెడ్డి, రాములు, రవికూమార్‌, పోలీసు సిబ్బంది, అమరవీరుల కుటుంబ సభ్యులు పాల్గొన్నారు. పటిష్టమైన శాంతిభద్రతలతోనే అభివృద్ధి కలెక్టర్‌ సత్యప్రసాద్‌

కథలాపూర్‌(వేములవాడ): ఎల్‌నినో ప్రభావం వల్ల భూగర్భ జలాలు అడుగంటిపోయినా.. అష్టకష్టాలు పడి బావులు, బోరుబావులపై ఆధారపడి రైతులు వరి పంట సాగు చేశారు. కొన్ని గ్రామాల్లో పంటలకు సరిగా నీళ్లందకపోవడంతో పూర్తిస్థాయిలో ఎదగలేదు. దీంతో ఈ సీజన్‌లో వరి దిగుబడులు తగ్గే అవకాశముంది. ఈ పరిస్థితుల్లో కొనుగోళ్లలో ఆన్‌లైన్‌ ట్రక్‌షీట్‌ విధానాన్ని అమలు చేస్తే తరుగు దోపిడీకి అడ్డుకట్ట పడుతుందని రైతులు, రైతు ఐక్యవేదిక నాయకులు అభిప్రాయపడుతున్నారు. తరుగు దందా గురించి అధికారులకు తెలిసినా.. మిల్లర్ల ఒత్తిడికి తలొగ్గి పారదర్శకత లేని మాన్యువల్‌ ట్రక్‌షీట్‌ విధానానికే మొగ్గు చూపుతున్నారనే ఆరోపణలున్నాయి. ఇప్పటికే వానాకాలం సీజన్‌కు సంబంధించిన వరి ధాన్యం సేకరణకు సివిల్‌ సప్లయ్‌ అధికారులు కసరత్తు ప్రారంభించారు. ఈనెల చివరి వారంలో కొనుగోలు కేంద్రాలు ఏర్పాటు చేసేందుకు నిర్ణయించారు. ఈ సీజన్‌లో ఆన్‌లైన్‌ ట్రక్‌షీట్‌ విధానాన్ని అమలు చేసి తరుగు పేరిట దోపిడీని అరికట్టాలని రైతులు కోరుతున్నారు. 438 కొనుగోలు కేంద్రాలు.. జిల్లాలో వానాకాలం సీజన్‌కు సంబంధించి వరి 2.93లక్షల ఎకరాల్లో సాగు చేయగా.. పంట చేతికొచ్చే దశలో ఉంది. వరి ధాన్యం కొనుగోలు చేసేందుకు జిల్లాలో 438 కొనుగోలు కేంద్రాలు ఏర్పాటు చేస్తున్నట్లు అధికారులు ప్రకటించారు. సహకార సంఘాల ఆధ్వర్యంలో 297, సెర్ప్‌ ఆధ్వర్యంలో 140, మెప్మా ఆధ్వర్యంలో ఒక కొనుగోలు కేంద్రం ఏర్పాటు చేయనున్నారు. ఇందులో సన్న రకం వరి ధాన్యం కొనుగోలుకు 127 కేంద్రాలు కేటాయించారు. వరి ధాన్యం ఏ గ్రేడ్‌కు రూ.2,461, సాధారణ రకానికి రూ.2,441 చొప్పున చెల్లిస్తారు. సన్న రకానికి బోనస్‌ రూ.500 చెల్లిస్తామని అధికారులు తెలిపారు. కొన్ని రోజులకే పరిమితం.. మిల్లర్ల తరుగు, అవుటర్న్‌ పేరిట దోపిడీకి చెక్‌ పెట్టేందుకు ప్రభుత్వం గత యాసంగి సీజన్‌లో ఆన్‌లైన్‌ ట్రక్‌షీట్‌ విధానానికి శ్రీకారం చుట్టింది. తూకం వేసే సమయంలో కొనుగోలు కేంద్రంలోనే రైతు సమక్షంలోనే ఆన్‌లైన్‌ ట్రక్‌షీట్‌ జనరేట్‌ కావడంతో.. మిల్లర్లు ధాన్యంలో కోత పెట్టేందుకు అవకాశం లేకుండా పోయింది. దీనిపై అప్పట్లో రైతులు సంతోషం వ్యక్తం చేశారు. అయితే ఈ విధానం కొన్ని రోజులకే పరిమితం చేశారు. తర్వాత ఎత్తేసి మళ్లీ మాన్యువల్‌ ట్రక్‌షీట్‌ విధానం అమలు చేశారు. నాణ్యత పేరుతో మిల్లర్లు తరుగు దోపిడీ చేసేందుకు పాత విధానం అవకాశం ఇచ్చింది. ప్రతీ లారీలో క్వింటాళ్ల కొద్దీ కోత పెట్టడంతో నష్టపోయామని రైతులు వాపోయారు. ప్రభుత్వం, ఉన్నతాధికారులు చొరవ చూపి వరి కొనుగోలు కేంద్రాల్లో ఈ సీజన్‌లో ఆన్‌లైన్‌ ట్రక్‌షీట్‌ విధానం అమలు చేసి తరుగు దోపిడీకి అడ్డుకట్ట వేయాలని జిల్లాలోని రైతులు విజ్ఞప్తి చేస్తున్నారు. ఆన్‌లైన్‌ ట్రక్‌షీట్‌ విధానం అమలు చేయాలంటున్న అన్నదాతలు జిల్లాలో 438 వరి కొనుగోలు కేంద్రాల ఏర్పాటుకు సన్నాహాలు

ధర్మపురి: ధర్మపురిలో దసరా ఉత్సవాలను మంగళవారం సాయంత్రం మహా వైభవంగా జరిపారు. శ్రీలక్ష్మీనృసింహస్వామి దేవస్థానం ఈవో శ్రీనివాస్‌ ఆధ్వర్యంలో నిర్వహించారు. ఉత్సవాల్లో ముఖ్య ఘట్టం ఉత్సవ మూర్తులైన యోగా, ఉగ్ర, వేంకటేశ్వర స్వాములను ఆలయం నుంచి జంబి గద్దె వరకు ఊరేగింపుగా తీసుకెళ్లారు. అక్కడ ఆయుధ పూజతోపాటు స్వాములకు వేద మంత్రోచ్చారణల మధ్య ప్రత్యేక పూజలు నిర్వహించారు. గాల్లోకి కాల్పులు ధర్మపురి పట్టణంలో ప్రతీ సంవత్సరం ఆనవాయితీగా వస్తున్న దసరా పర్వదినం రోజున జంబి గద్దె వద్ద పూజలు జరిపి అనంతరం గాలిలో కాల్పులు జరపడం ఆనవాయితీగా వస్తోంది. సీఐ రాంనర్సింహరెడ్డి ఎస్సై సదాకర్‌ గాల్లోకి 2 రౌండ్లు కాల్పులు జరిపారు. స్వాములను జయజయ ధ్వానాల మధ్య శోభాయాత్రగా తీసుకెళ్లారు. దారి పొడవునా వేలాది మంది భక్తులు తరలివచ్చి శోభాయాత్రను తిలకించారు. ధర్మపురి పట్టణంలో దసరా వేడుకలు ప్రశాంతంగా ముగిశాయి. మంత్రి అడ్లూరి లక్ష్మణ్‌కుమార్‌, డీఎస్పీ రఘుచందర్‌, దేవస్థానం చైర్మన్‌ జక్కు రవీందర్‌ పాల్గొన్నారు.

జగిత్యాలటౌన్‌: జంబి గద్దె వద్ద మహిషాసురమర్దిని కార్యక్రమంజగిత్యాలటౌన్‌: బొద్దింకలతో ఉన్న మహిషాసురుని బొమ్మరాయికల్‌లో మహిషాసురుని దహనంఉత్సాహంగా విజయదశమివిజయదశమి సందర్భంగా మంగళవారం జగిత్యాల, రాయికల్‌లో వేడుకలు ఘనంగా నిర్వహించారు. జగిత్యాల పట్టణంలోని చారిత్రక జంబి గద్దె వద్ద ఏర్పాటు చేసిన శమీపూజలో బల్దియా చైర్మన్‌ సమిండ్ల వాణి దంపతులతోపాటు కమిషనర్‌ సత్యప్రణవ్‌ పాల్గొని ప్రత్యేక పూజలు చేశారు. నవరాత్రుల ముగింపు సందర్భంగా అమ్మవార్లను జంబి గద్దె మీదుగా ఊరేగింపు జరిపి నిమజ్జనం చేశారు. బొద్దింకలతో కూడిన మహిషాసురుడి బొమ్మ ప్రత్యేక ఆకర్షణగా నిలిచింది. రాయికల్‌ పట్టణంలోని శివాజీ చౌక్‌ వద్ద నిర్వహించిన వేడుకలకు వేలాది మంది జనం హాజరు కాగా.. సంఘమిత్ర యువజన సంఘం ఆధ్వర్యంలో అమ్మవారిని అలంకరించి మహిషాసురుని దహనం చేయించారు. మున్సిపల్‌ చైర్మన్‌ కట్కం రవీందర్‌, కౌన్సిలర్లు తదితరులు పాల్గొన్నారు. – జగిత్యాలటౌన్‌/రాయికల్‌ రాయికల్‌లో ఒకే కుటుంబానికి చెందిన వైద్యులు రాయికల్‌లో మున్సిపల్‌ చైర్మన్‌ కట్కం రవి, ఎస్సై సుధీర్‌రావురాయికల్‌లో దసరా వేడుకలకు హాజరైన అశేష జనవాహిని

మల్యాల: ముత్యంపేటలోని శ్రీకొండగట్టు ఆంజనేయస్వామిని రాష్ట్ర హైకోర్టు జడ్జి పుల్లా కార్తీక్‌ దర్శించుకున్నారు. దసరా పండుగను పురస్కరించుకొని కుటుంబ సమేతంగా స్వామివారిని దర్శించారు. ఆలయ అర్చకులు పూర్ణకుంభంతో స్వాగతం పలికారు. స్వామివారికి ప్రత్యేక పూజలు చేశారు. ఆలయ అధికారులు శేష వస్త్రంతో సత్కరించి స్వామివారి తీర్థప్రసాదాలు అందజేశారు. ఆలయ ఏఈవో హరిహరనాథ్‌, సూపరింటెండెంట్‌ సునీల్‌కుమార్‌, ప్రధాన అర్చకులు జితేంద్రస్వామి, చిరంజీవస్వామి, మారుతిప్రసాద్‌, స్థానాచార్యులు కపీందర్‌, ఆలయ పరిశీలకులు అశోక్‌ పాల్గొన్నారు. అక్రమ మైనింగ్‌ అరికట్టండి● సీఎంకు మాజీ మంత్రి జీవన్‌రెడ్డి లేఖ జగిత్యాలటౌన్‌: చెరువులు, కుంటలు, గుట్టల మట్టిని అక్రమంగా తరలిస్తూ పర్యావరణ విఘాతానికి కారణమవుతున్న వారిపై కఠిన చర్యలు తీసుకోవాలని బీఆర్‌ఎస్‌ రాష్ట్ర ప్రధాన కార్యదర్శి, మాజీ మంత్రి జీవన్‌రెడ్డి కోరారు. బుధవారం ముఖ్యమంత్రి రేవంత్‌రెడ్డికి లేఖ రాశారు. జగిత్యాల రూరల్‌ మండలం నర్సింగాపూర్‌, తిమ్మాపూర్‌తోపాటు జిల్లాలో పలు గుట్టల నుంచి అక్రమంగా మట్టిని తరలిస్తుండటంతో పర్యావరణ సమతుల్యం దెబ్బతిని వర్షాభావ పరిస్థితులు ఏర్పడుతున్నాయన్నారు. మైనింగ్‌తో ఏర్పడిన భారీ గుంతల్లో చిన్నారులు పడి చనిపోతున్నారని అన్నారు. అక్రమ మైనింగ్‌ మాఫియాపై చట్టపరంగా చర్యలు తీసుకోవాలని కోరారు. అశ్వరథంపై వెంకన్న కోరుట్లటౌన్‌: కోరుట్ల పురాతన వేంకటేశ్వరస్వామి ఆలయంలో శరన్నవరాత్రోత్సవాలు కనుల పండువగా జరిగాయి. మంగళవారం వేంకటేశ్వరస్వామి ఆలయం నుంచి అశ్వరథంపై వెంకన్నస్వామి పల్లకి సేవ జంబి గద్దె వద్దకు మేళతాళాల మధ్య చేరింది. జంబి వృక్షానికి ప్రధానార్చకులు బీర్నంది నరసింహాచారి వైదిక నిర్వహణంలో ప్రత్యేక పూజలు చేశారు. వేంకటేశ్వరస్వామి ఆలయానికి అశ్వరథంపై వెంకన్నస్వామి పల్లకి సేవ చేరింది. భక్తులు కుటుంబ సమేతంగా దర్శించుకొని మొక్కులు చెల్లించుకున్నారు. ఎమ్మెల్యే డాక్టర్‌ కల్వకుంట్ల సంజయ్‌కుమార్‌, ధర్మపురి లక్ష్మీనరసింహస్వామి దేవాలయం మాజీ చైర్మన్‌ జువ్వాడి కృష్ణారావు, కోరుట్ల మున్సిపల్‌ చైర్‌పర్సన్‌ తిరుమల వసంతగంగాధర్‌, ఎలుగూరి శ్వేతకిరణ్‌, ఆలయ చైర్మన్‌ ఎతిరాజం నర్సయ్య, ఆలయ అధికారులు ఈవో విక్రమ్‌, నర్సయ్య, కమిటీ సభ్యులు పాల్గొన్నారు.

కోరుట్ల పట్టణ శివారులోని సాయిరామా నదీతీరంలో ఉన్న సాయిబాబా ఆలయంలో సాయి 108వ పుణ్య తిథి వేడుకలు బుధవారం ఘనంగా జరిగాయి. సాయినాథునికి ఉదయం నుంచి ప్రత్యేక పూజలు, అర్చనలు, అభిషేకాలు నిర్వహించారు. సాయంత్రం పల్లకి సేవ చేపట్టారు. భక్తులకు అన్నదానం చేశారు. ఆలయ కమిటీ ఆధ్వర్యంలో భక్తులకు అన్ని ఏర్పాట్లు చేశారు. వేలాది మంది భక్తులు సాయిబాబాను దర్శించుకున్నారు. మున్సిపల్‌ చైర్మన్‌ తిరుమల వసంత, కాంగ్రెస్‌ రాష్ట్ర నాయకుడు జువ్వాడి కృష్ణారావు, ఆలయ ఈవోతోపాటు అధ్యక్షుడు బాలె నర్సయ్య, కమిటీ సభ్యులు దేవయ్య, నాగభూషణం, విద్యాసాగర్‌, కిరణ్‌ తదితరులు పాల్గొన్నారు. – కోరుట్ల

జగిత్యాల: విజయదశమి ప్రతిఒక్కరికీ విజయాలు అందించాలని కలెక్టర్‌ సత్యప్రసాద్‌ అన్నారు. జిల్లా ప్రజలకు శుభాకాంక్షలు తెలిపారు. దృఢమైన సంకల్పం, పట్టుదలతో ముందుకెళ్తే విజయం తప్పక సిద్ధిస్తుందన్నారు. అనంతరం మాట్లాడుతూ.. జాతీయ ఆయుష్‌ మిషన్‌ పరిధిలో ఉద్యోగాల భర్తీకి దరఖాస్తులు ఆహ్వానిస్తున్నట్లు తెలిపారు. మెడికల్‌ ఆఫీసర్లు, ఫార్మసిస్ట్‌, సైకాలజికల్‌ కౌన్సిలర్‌, యోగా ప్రొఫెసర్‌, మల్టీపర్పస్‌ పోస్టులు ఎనిమిది ఖాళీగా ఉన్నాయని, ఈనెల 22 నుంచి 27 వరకు దరఖాస్తు చేసుకోవాలని సూచించారు. వివరాలకు ఆయుష్‌ జిల్లా నోడల్‌ ఆఫీసర్‌ను సంప్రదించాలని సూచించారు. దుర్గమ్మ ఆశీస్సులు ఉండాలిజగిత్యాల: దుర్గమాత ఆశీస్సులతో ప్రజలందరూ ఆరోగ్యంగా ఉండాలని ఎమ్మెల్యే సంజయ్‌కుమార్‌ అన్నారు. శరన్నవరాత్రోత్సవాల సందర్భంగా సోమవారం దుర్గమాత మండపాలను సందర్శించారు. ఎల్‌నినో ప్రభావం తొలగిపోయి పంటలు సమృద్ధిగా పండాలని ఆకాంక్షించారు. ఆయన వెంట మున్సిపల్‌ చైర్‌పర్సన్‌ సమిండ్ల వాణి, డీసీసీ అధ్యక్షుడు నందయ్య ఉన్నారు. అమ్మవారికి జీవన్‌రెడ్డి పూజలు జగిత్యాలరూరల్‌: జగిత్యాలరూరల్‌ మండలం వెల్దురి, పొరండ్ల గ్రామాల్లో ప్రతిష్ఠించిన దుర్గాదేవిని బీఆర్‌ఎస్‌ రాష్ట్ర ప్రధాన కార్యదర్శి, మాజీమంత్రి తాటిపర్తి జీవన్‌రెడ్డి సోమవారం దర్శించుకున్నారు. ఈ సందర్భంగా అమ్మవారికి ప్రత్యేక పూజలు నిర్వహించారు. అమ్మవారి ఆశీస్సులు ప్రజలప ఉండాలని ఆకాంక్షించారు. అందరికీ విజయదశమి శుభాకాంక్షలు తెలిపారు.

ఏర్పాట్లను పరిశీలిస్తున్న జగిత్యాల చైర్‌పర్సన్‌, కమిషనర్‌, వేద పండితులు, ముస్తాబైన జంబిగద్దె జగిత్యాల: జిల్లాకేంద్రంలోని జంబిగద్దెకు ప్రత్యేక స్థానం ఉంది. జగిత్యాల, మోతె ప్రజలు ఎళ్లప్పుడు స్నేహపూర్వకంగా కలిసిమెలిసి ఉండాలనే ఉద్దేశంతో పట్టణంలోని అశోక్‌నగర్‌ ప్రాంతంలో ప్రత్యేకంగా ఈ జంబిగద్దెను నిర్మించారు. ఉమ్మడిరాష్ట్రంలో ఆంధ్రప్రదేశ్‌లోని విజయనగరంలో రాజులు జంబిగద్దెను ఏర్పాటు చేయగా.. ఇక్కడ కూడా అలాగే ఏర్పాటు చేసినట్లు చరిత్ర చెబుతోంది. ఏటా విజయదశమి రోజున జంబిగద్దె వద్ద జంబిచెట్టు ఏర్పాటు చేసి కలెక్టర్‌, కమిషనర్‌, ఆర్డీవో పాల్గొని పూజ చేయడ ఆనవాయితీ. అనంతరం ప్రజలందరూ జంబి పెట్టుకుని శుభాకాంక్షలు తెలుపుకుంటారు. విజయదశమిని పురస్కరించుకుని జంబిగద్దెకు రంగులు వేయించారు. రంగురంగుల బల్బులతో తీర్చిదిద్దినట్లు జగిత్యాల కమిషనర్‌ సత్యప్రణవ్‌ తెలిపారు. ఈ జంబిగద్దెకు ప్రత్యేక స్థానం ఉందని, విజయనగరం తర్వాత ఇక్కడే జంబి గద్దె ఉందని ప్రముఖ వేదపండితులు వేణుగోపాలచార్య కౌశిక తెలిపారు.

● ఈనెల 21 నుంచి నిర్వహణ జగిత్యాలక్రైం: ప్రజలకు భద్రత కల్పించడంలో నిరంతరం కృషి చేసే పోలీసులు.. విధి నిర్వహణలో అమరులు అవుతున్నారు. వారి త్యాగాలను గుర్తు చేసుకునేందుకు పోలీసు శాఖ ఏటా పోలీసు అమరవీరుల వారోత్సవాలు నిర్వహిస్తోంది. పోలీసు ఫ్లాగ్‌డే పేరుతో ఈనెల 21 నుంచి వివిధ కార్యక్రమాలు చేపట్టనుంది. ఇందులో భాగంగా పాఠశాలలు, కళాశాలల విద్యార్థులకు ఓపెన్‌హౌస్‌ ద్వారా ఆయుధాల వినియోగం, సాంకేతిక పరిజ్ఞానం, పోలీసుల సేవలపై అవగాహన కల్పించనున్నారు. రక్తదాన శిబిరం, సైకిల్‌ ర్యాలీ, ఫ్లాగ్‌డే కార్యక్రమాలతో అమరులకు నివాళులర్పించనున్నారు. ఈ సందర్భంగా ఎస్పీ అశోక్‌కుమార్‌ మాట్లాడుతూ.. శాంతిభద్రతల పరిరక్షణతోపా టు విధి నిర్వహణలో అమరులైన పోలీసు కుటుంబాలకు అండగా ఉంటున్నామని తెలి పారు. వారి త్యాగాలను స్మరించుకునేందుకు ఫ్లాగ్‌డేను ఈనెల 31 వరకు నిర్వహిస్తామని తెలిపారు.

జగిత్యాల రూరల్‌ మండలంలో చెట్ల కొమ్మలతో నిండిపోయిన కాలువ డి–53 పరిధిలోని ఓ కాలువలో చెట్ల పొదలుజగిత్యాలఅగ్రికల్చర్‌: శ్రీరాంసాగర్‌ ప్రాజెక్టు నుంచి వారంరోజులుగా కాలువల ద్వారా నీరు వదులుతున్నారు. ప్రధాన కాలువ నుంచి డిస్ట్రిబ్యూటరీలు, చిన్న కాలువల్లో ముళ్లపొదలు, చెట్లకొమ్మలు ఏపుగా పెరగడంతో చివరి ఆయకట్టుకు నీరు చేరడం గగనంగా మారింది. కొన్ని చోట్ల నీరు రోడ్లపైకి చేరుతోంది. జగిత్యాల రూరల్‌, రాయికల్‌ మండలాల్లోని కాలువల వెంబడి ఈ పరిస్థితులు కనిపిస్తున్నాయి.

జగిత్యాలక్రైం: విజయదశమి అందరికీ విజయాలు చేకూర్చాలని ఎస్పీ అశోక్‌కుమార్‌ అన్నారు. సోమవారం ముందస్తు దసరా వేడుకలు నిర్వహించారు. ఈ సందర్భంగా ఎస్పీ కార్యాలయంలో ఆర్మ్‌డ్‌ రిజర్వ్‌ విభాగంలో ఆయుధపూజ, వాహన పూజ చేశారు. శమీ వృక్షానికి ప్రత్యేక పూజలు చేశారు. ఏఎస్పీ చేతన్‌ నితిన్‌, డీఎస్పీలు పురుషోత్తంరెడ్డి, రవికుమార్‌, సీఐలు వేణు, ఆరీఫ్‌అలీఖాన్‌, కరుణాకర్‌, శ్రీనివాస్‌, శ్రీధర్‌, ఎస్సైలు, సిబ్బంది పాల్గొన్నారు. పొన్నచెట్టు వాహనంపై శ్రీలక్ష్మీనృసింహుడుధర్మపురి: శరన్నవరాత్రోత్సోవాల సందర్భంగా సోమవారం ధర్మపురిలోని యోగ, ఉగ్ర శ్రీలక్ష్మీనృసింహస్వాముల వారు పొన్నచెట్టు వాహనంపై ఊరేగారు. ఈ సందర్భంగా దారి పొడవునా మహిళలు మంగళహారతులతో స్వాగతం పలికారు.

ధర్మపురి: శరన్నవరాత్రి ఉత్సవాల్లో భాగంగా అమ్మవారు సోమవారం సిద్దిదాత్రి రూపంలో భక్తులకు దర్శనమిచ్చారు. శ్రీరామలింగేశ్వరస్వామి ఆలయంలో నిర్వహిస్తున్న ఉత్సవాల్లో భాగంగా 9వ రోజు అమ్మవారికి ప్రత్యేక పూజలు చేశారు. అమ్మవారికి చండీహోమం, బలిహరణం, పూర్ణాహుతి చేశారు. మంత్రి అడ్లూరి లక్ష్మణ్‌కుమార్‌ అమ్మవారిని దర్శించుకున్నారు. ఆలయ ఈవో శ్రీనివాస్‌, సిబ్బంది తదితరులున్నారు. శ్రీవేంకటేశ్వర ఆలయంలో కుంకుమార్చనకోరుట్ల: పట్టణంలోని పురాతన శ్రీవేంకటేశ్వర ఆలయంలో సోమవారం కుంకుమార్చన నిర్వహించారు. స్వామివారిని హనుమాన్‌ వాహనంపై పట్టణ వీదుల్లో ఊరేగించారు. భక్తులు మంగళహారతులతో స్వాగతం పలికారు. కార్యక్రమంలో ఆలయ చైర్మన్‌ యతిరాజం నర్సయ్య, ఈవో విక్రం, పాలకవర్గ సభ్యులు పాల్గొన్నారు.

కథలాపూర్‌: మండలంలో సాగునీటి సమస్యకు శాశ్వత పరిష్కారం లభించేలా కృషి చేస్తానని ప్రభుత్వ విప్‌ ఆది శ్రీనివాస్‌ అన్నారు. మండలంలోని చింతకుంటలో రూ.6 లక్షలతో నిర్మించిన బతుకమ్మ ఘాట్‌ను ప్రారంభించారు. లక్కాకుల చెరువును ఇంజినీరింగ్‌ అధికారులతో కలిసి పరిశీలించారు. సూరమ్మ ప్రాజెక్టు, వరదకాలువ, రాళ్లవాగు ప్రాజెక్టుల నుంచి లక్కాకుల చెరువు నింపేలా అధికారులను అడిగి తెలుసుకున్నారు. నీటిపారుదల శాఖ ఎస్‌ఈ సంతు ప్రకాశ్‌రావు, సర్పంచ్‌ నాగం భూమయ్య, సింగిల్‌విండో చైర్మన్లు గడ్డం స్వామిరెడ్డి, ఎండీ.ముబీన్‌, డైరెక్టర్‌ లోక నర్సారెడ్డి, చెదలు సత్యనారాయణ, వంగ మహేశ్‌, వేముల కృష్ణ తదితరులు పాల్గొన్నారు. సర్పంచ్‌ వేధిస్తున్నాడు మాది జగిత్యాల రూరల్‌ మండలం తిప్పన్నపేట(గోపాల్‌రావుపేట). గ్రామ పరిధిలోని సర్వేనంబర్‌ 204/1/1/1/1/1/1/1/1/1లో నా భార్య ప్యాట రజిత పేరిట ప్లాట్‌ కొని పంచాయతీ అనుమతితో ఇల్లు నిర్మిస్తున్నాను. స్లాబ్‌ లెవల్‌ వరకు పూర్తయ్యింది. అప్పటినుంచి సర్పంచ్‌ వేధిస్తున్నాడు. పంచాయతీ కార్యదర్శితో నోటీసు ఇప్పించాడు. పంచాయతీ, ఇరిగేషన్‌ అధికారులు నిర్మాణంలో అతిక్రమణలు జరగలేదని నిర్ధారించినా నిర్మాణాన్ని అడ్డుకునేందుకు కుట్ర చేస్తున్నడు. సర్పంచ్‌పై చర్యలు తీసుకుని నాకు న్యాయం చేయండి. – కర్రె శ్రీధర్‌, తిప్పన్నపేట తహసీల్దార్‌పై చర్యలు తీసుకోండి మాకు భూపతిపూర్‌ శివారులో సర్వేనంబర్‌ 58/1లో 1980లో అప్పటి ప్రభుత్వం 2. 20 ఎకరాల అసైన్‌మెంట్‌ భూమికి పట్టా ఇచ్చింది. ఇప్పటివరకు నా స్వాధీనంలోనే ఉంది. ఎల్‌ఆర్‌పీ ద్వారా ఫోర్జరీ సంతకాలు, తప్పుడు పత్రాలతో పాల్త్యా లత భర్త లింగరెడ్డి, (లింగాపూర్‌), బూక్య కమల భర్త నర్సయ్య ఒడ్డెలింగాపూర్‌ పేరిట పట్టా పాస్‌బుక్కులు జారీ చేశారు. ఆ పట్టాను రద్దు చేయాలని కలెక్టర్‌, ఆర్డీవో ఆదేశించినా రాయికల్‌ తహసీల్దార్‌ అమలు చేయడం లేదు. – జీకూరి శ్రీహరి, భూపతిపూర్‌, రాయికల్‌ చెరువును పునరుద్ధరించండి పొలాస శివారులోని అల్లంకుంట చెరువుకు సంబంధించిన పదెకరాల భూమి కబ్జాకు గురికావడంతో చెరువు కింద ఉన్న సుమారు 200ఎకరాలకు నీరందక ఎండిపోతున్నాయి. వర్షాకాలంలో వరదలతో పొలాలు కొట్టుకుపోతున్నాయి. చెరువు తూములు తొలగించి వ్యవసాయ భూములుగా మార్చడంతో మత్స్యకారులు ఉపాధి కోల్పోతున్నారు. చెరువు కబ్జాదారులపై చర్యలు తీసుకోండి. – లైశెట్టి విజయ్‌, తిప్పన్నపేట

వెల్గటూర్‌: పాత కక్షలతో ఓ యువకుడిని దారుణంగా హత్య చేసిన ఘటన జగిత్యాల జిల్లా ఎండపల్లి మండలం రాజారాంపల్లిలో సోమవారం చోటుచేసుకుంది. పోలీసుల కథనం ప్రకారం.. యాదాద్రిభువనగిరి జిల్లాకు చెందిన బొంతు మల్ల య్య, శివరాత్రి మల్లేశ్‌ కుటుంబాలు వలస వచ్చి.. పెద్దపల్లి జిల్లా ధర్మారం మండలకేంద్రంలో మల్లయ్య కుటుంబం, జగిత్యాల జిల్లా రాజారాంపల్లిలో మల్లేశ్‌ కుటుంబం నివాసం ఉంటోంది. మల్లయ్య భార్యతో.. మల్లేశ్‌కు వివాహేతర సంబంధం ఏర్పడింది. ఇరు కుటుంబాల మధ్య కొద్దిరోజులుగా గొడవలు చోటుచేసుకుంటున్నాయి. మల్లయ్య కుమారుడు సంతోష్‌ తన తల్లితో వివాహేతర సంబంధం విషయమై మల్లేశ్‌ను ప్రశ్నించాడు. దీంతో సంతోష్‌పై మల్లేష్‌ పగ పెంచుకున్నాడు. ఆదివారం అర్ధరాత్రి సంతోష్‌ (17) ఒంటరిగా రాజారాంపల్లికి రాగా పాతకక్షలతో శివరాత్రి మల్లేష్‌ ప్రోత్సాహంతో అతని కొడుకు అనిల్‌ సంతోష్‌పై విచక్షణరహితంగా కత్తితో దాడి చేశాడు. తీవ్రంగా గాయపడిన సంతోష్‌ను చికిత్స నిమిత్తం కరీంనగర్‌ ప్రభుత్వ ఆస్పత్రికి తరలించగా అప్పటికే మృతి చెందినట్లు డాక్టర్లు ధ్రువీకరించారు. మృతుడి తండ్రి మల్లయ్య ఫిర్యాదు మేరకు కేసు నమోదు చేసినట్లు ఎస్సై ఉదయ్‌ కుమార్‌ తెలిపారు. వేర్వేరు ప్రమాదాల్లో నలుగురికి గాయాలుజగిత్యాలక్రైం/కొడిమ్యాల: వేర్వేరు ప్రాంతాల్లో జరిగిన రోడ్డు ప్రమాదాల్లో నలుగురు వ్యక్తులు గాయపడ్డారు. స్థానికుల కథనం ప్రకారం కొడిమ్యాల మండలం శనివారంపేటకు చెందిన విశాల్‌ (27), ఉదయ్‌(30) ద్విచక్ర వాహనంపై సూరంపేట నుంచి కొడిమ్యాలకు వస్తున్నారు. సూరంపేట శివారు మూల మలుపు వద్ద చెట్టును ఢీకొన్నారు. ఈ ఘటనలో ఇద్దరూ తీవ్రంగా గాయపడ్డారు. స్థానికులు 108లో జగిత్యాల ఆస్పత్రికి తరలించారు. పరిస్థితి విషమంగా ఉండటంతో కరీంనగర్‌ తరలించినట్లు తెల్సింది. అలాగే జగిత్యాల రూరల్‌ మండలం తాటిపల్లి శివారులో రెండు ద్విచక్ర వాహనాలు ఢీకొని ఇద్దరు తీవ్రంగా గాయపడ్డారు. మెట్‌పల్లికి చెందిన యువకుడు ద్విచక్ర వాహనంపై అతివేగంగా వచ్చి మరో ద్విచక్రవాహనాన్ని ఢీకొట్టాడు. గాయపడిన వారిని జగిత్యాల ఆస్పత్రికి తరలించారు. చికిత్స పొందుతూ వ్యక్తి మృతి జగిత్యాలక్రైం: జగిత్యాల పట్టణంలోని పురాణిపేటకు చెందిన బోరుగల్ల లక్ష్మణ్‌ (54) చికిత్స పొందుతూ సోమవారం ఉదయం మృతిచెందాడు. లక్ష్మణ్‌ ఈనెల 17న సాయంత్రం ఇంట్లో ఉరేసుకున్నాడు. కుటుంబ సభ్యులు జగిత్యాల ప్రభుత్వ ఆస్పత్రికి తరలించారు. పరిస్థితి విషమంగా ఉండటంతో ఎంజీఎం ఆస్పత్రిలో చేర్పించారు. చికిత్స పొందుతూ మృతిచెందాడు. మృతుడి భార్య భాగ్యలక్ష్మి ఫిర్యాదు మేరకు కేసు నమోదు చేసినట్లు పట్టణ ఎస్సై కిరణ్‌ తెలిపారు. బావిలో దూకి వృద్ధురాలి ఆత్మహత్యవెల్గటూర్‌: బావిలో దూకి వృద్ధురాలు బలవన్మరణానికి పాల్పడిన సంఘటన ఎండపల్లి మండలం గుల్లకోటలో చోటుచేసుకుంది. పోలీసుల కథనం ప్రకారం.. గ్రామానికి చెందిన బైరి వెంకటమ్మ (85) ఏడాదిగా వృద్ధాప్య సమస్యలతో బాధపడుతోంది. జీవితంపై విరక్తి చెంది వ్యవసాయ బావిలో దూకి ఆత్మహత్య చేసుకుంది. ఆమె కుమారుడు శంకరయ్య ఫిర్యాదు మేరకు కేసు దర్యాప్తు చేస్తున్నట్లు ఎస్సై ఉదయ్‌ కుమార్‌ తెలిపారు.

కొడిమ్యాల: తాగునీరు సరఫరా చేయాలని కోరుతూ.. మండలంలోని చెప్యాలలో 10, 11వ వార్డు ప్రజలు పంచాయతీ కార్యాలయం ఎదుట ఆదివారం ఆందోళనకు దిగారు. పండుగపూట నీరు లేకపోవడంతో ఖాళీ బిందెలతో నిరసన తెలిపారు. నీటి సరఫరా సక్రమంగా కావడం లేదంటూ పదో వార్డు సభ్యుడు నాగరాజు.. సర్పంచ్‌ మధ్య వాగ్వివాదం చోటుచేసుకుంది. గతంలో నీటి సరఫరా బాధ్యతలు నిర్వహించిన వ్యక్తిపై ఫిర్యాదులు రావడంతో తొలగించామని, ప్రత్యామ్నాయ ఏర్పాట్లలోనూ సమస్య ఎదురవుతోందని సర్పంచ్‌ తెలపగా.. నాగరాజు తన పదవి కాలం ముగిసేవరకూ వార్డులో నీటి సరఫరా సమస్య తలెత్తకుండా తానే బాధ్యత తీసుకుంటానని స్పష్టం చేశారు. దీంతో ప్రజలు వెనుదిరిగారు. అర్హులందరికీ ఇందిరమ్మ ఇళ్లురాయికల్‌: అర్హులందరికీ ఇందిరమ్మ ఇళ్లు మంజూరు చేస్తామని జగిత్యాల ఎమ్మెల్యే సంజయ్‌ కుమార్‌ అన్నారు. మండలంలోని కుర్మపెల్లి గ్రామంలో పలువురి ఇందిరమ్మ ఇళ్ల గృహ ప్రవేశంలో పాల్గొన్నారు. అభివృద్ధి పనులు చూసి ఒర్వలేక ప్రతిపక్షపార్టీలు ఆరోపణలు చేయడం అలవాటుగా మారిందన్నారు. సర్పంచ్‌ మల్లేష్‌, మాజీ సర్పంచ్‌ రాజమల్లు, మార్కెట్‌ కమిటీ చైర్మన్‌ రవీందర్‌రావు తదితరులు పాల్గొన్నారు. ధర్మపురి: వైద్యశిబి రాలతో వ్యాధుల ను గుర్తించి కట్టడి చేసేందుకు అవకాశముంటుందని ఇండియన్‌ రెడ్‌క్రాస్‌ సొసైటీ జిల్లా చైర్మన్‌, సీనియర్‌ ఫిజీషియన్‌ ఆకుతోట శ్రీనివాస్‌రెడ్డి అన్నారు. ఆరెపెల్లిలో సొసైటీ ఆధ్వర్యంలో ఆదివారం మెగా వైద్యశిబిరం నిర్వహించారు. వివిధ విభాగాల వైద్యులు రోగులకు వైద్య పరీక్షలు నిర్వహించి మందులు పంపిణీ చేశారు. జగిత్యాలకు చెందిన దంత, చెవి, ముక్కు, గొంతు, జనరల్‌ మెడిసిన్‌, చర్మ వ్యాధుల వైద్య నిపుణులు 187 మందికి పరీక్షలు నిర్వహించారు. వడ్లూరి శ్రవణ్‌కుమార్‌, యెనగందుల నరేశ్‌, చందనరెడ్డి, రేగుంట ప్రశాంత్‌, రఘురామ్‌, సర్పంచ్‌ గుగ్గిల్ల మధుకర్‌, ఉప సర్పంచ్‌ జాడి రవి, రెడ్‌క్రాస్‌ సభ్యులు గుండ సురేశ్‌, బూస మల్లేశం పాల్గొన్నారు.

బస్సు ప్రమాదం జరిగినప్పటి నుంచి ఘాట్‌రోడ్డు వెంట వాహనాల రాకపోకలు నిషేధించారు. ఏడేళ్ల నుంచి గిరాకీ తగ్గిపోయింది. పాత ఘాట్‌రోడ్డు వెంట భక్తులు రాకపోకలు తగ్గిపోయాయి. నూతన ఘాట్‌రోడ్డు ఏర్పాటుతో భక్తుల రాకపోకలు పెరిగి, మళ్లీ ఉపాధికి భరోసా లభిస్తుందని ఆశతో ఎదురుచూస్తున్నాం. – గుర్రం మల్లేశం, కొబ్బరికాయల దుకాణాదారుడు భక్తుల భద్రతకు ప్రాధాన్యం అంజన్న దర్శనానికి వచ్చిన భక్తులు తిరిగి ఇంటికి క్షేమంగా వెళ్లేలా ఘాట్‌రోడ్డు వెంట ప్రత్యేక నిఘా ఏర్పాటు చేయిస్తాం. నూతన ఘాట్‌రోడ్డును ప్రమాదరహితంగా నిర్మాణం చేపడుతాం. రూ.200కోట్ల నిధుల మంజూరుకు గ్రీన్‌ సిగ్నల్‌ ఇచ్చిన మంత్రి కోమటి వెంకటరెడ్డికి భక్తుల తరఫున ధన్యవాదాలు. – మేడిపల్లి సత్యం, ఎమ్మెల్యే

మల్యాల: మల్యాల మండలం ముత్యంపేటలోని కొండగట్టు ఘాట్‌రోడ్డుపై గతంలో జరిగిన బస్సు ప్రమాదం దేశ చరిత్రలోనే మరిచిపోలేని పెను విషాదమైంది. అప్పటినుంచి ఘాట్‌రోడ్డుపై భారీ వాహనాలకు నిషేధం విధించడంతో భక్తుల రాకపోకలు తగ్గిపోయి స్థానికుల ఉపాధిపై తీవ్ర ప్రభావం చూపింది. కొండగట్టుకు వచ్చే భక్తులు సురక్షితంగా తిరిగి వెళ్లేందుకు.. ప్రమాద రహిత రోడ్డుగా తీర్చిదిద్దేందుకు స్థానిక ఎమ్మెల్యే మేడిపల్లి సత్యం చొరవ తీసుకుని కొత్త ఘాట్‌రోడ్డు కోసం మంత్రి కోమటి రెడ్డి వెంకటరెడ్డి ద్వారా రూ.200కోట్లు మంజూరు చేయించారు. ఘాట్‌ రోడ్డు పూర్తయితే తమ ఉపాధికి భరోసా లభిస్తుందని దుకాణదారులు ఎదురుచూస్తున్నారు. గతంలో మెట్లదారి వెంట కొండపై ఉన్న పోలీస్‌ రిసీవర్‌ బిల్డింగ్‌ వరకు ఘాట్‌రోడ్డు నిర్మాణం చేపట్టాలని ప్రతిపాదనలు చేశారు. ప్రస్తుతం ఘాట్‌రోడ్డుకు దక్షిణం వైపున జలబుగ్గ సమీపం నుంచి సుమారు 3 కిలోమీటర్ల మేర వైజంక్షన్‌ వరకు నిర్మాణానికి అధికారులు ప్రతిపాదనలు రూపొందించారు. దీనికి త్వరలోనే విధానపరమైన ఉత్తర్వులు త్వరలో వెలువడనున్నాయి.

జగిత్యాలటౌన్‌: ఎల్‌నినో ప్రభావం బతుకమ్మ వేడుకలపై పడింది. జగిత్యాల పట్టణంలోని ధరూర్‌ క్యాంపులోగల శ్రీకోదండరామాలయం వెనుక వైపు నుంచి ప్రవహించే డీ–64కెనాల్‌లో బతుకమ్మలను నిమజ్జనం చేయడం ఆనవాయితీగా వస్తోంది. ఈ ఏడాది కెనాల్‌కు నీటిని వదలకపోవడంతో ఎండిపోయింది. ఈ క్రమంలో సద్దుల బతుకమ్మ సందర్భంగా కెనాల్‌లో భారీ టార్పాలిన్‌ షీట్లు పరిచి బల్దియా ట్యాంకర్ల ద్వారా నీటిని నింపారు. ప్రవహించే నీటిలో నిమజ్జనం చేయాల్సిన బతుకమ్మలను తాత్కాలికంగా నీటిని నిల్వ చేసి.. కార్యక్రమాన్ని పూర్తి చేయడం గమనార్హం.

జగిత్యాలరూరల్‌: నాడు కిక్‌బాక్సింగ్‌ చాంపియన్‌గా రాణించిన బాలిక నేడు జాతీయస్థాయి క్రికెట్‌ పోటీలకు ఎంపికై ంది. జగిత్యాల పట్టణం పోచమ్మవాడకు చెందిన ముద్దం అన్షుమిత్ర పటేల్‌ ఇటీవల సిరిసిల్లలో నిర్వహించిన 70వ ఎస్జీఎఫ్‌ అండర్‌– 17 క్రికెట్‌ పోటీల్లో 150 పరుగులు చేసి టోర్నమెంట్‌ టాప్‌ స్కోరర్‌గా నిలిచింది. దీంతో నవంబర్‌ 14 నుంచి 20 వరకు జమ్ముకశ్మీర్‌లో జరిగే జాతీయస్థాయి పోటీల్లో తెలంగాణ జట్టుకు ప్రాతినిథ్యం వహించనున్నారు. టాప్‌ఆర్డర్‌ బ్యాటర్‌, ఆల్‌రౌండర్‌గా అన్షుమిత్ర తన బ్యాటింగ్‌తో వరంగల్‌తో జరిగిన మ్యాచ్‌లో 32, మహబూబ్‌నగర్‌ జట్టుపై 30 పరుగులు చేసి ఉమ్మడి కరీంనగర్‌ జిల్లా జట్టును గెలిపించారు. అలాగే అత్యంత పటిష్టమైన హైదరాబాద్‌ జట్టుపై కరీంనగర్‌ జట్టు విజయంలో కీలకపాత్ర పోషించింది. ఇటీవల హైదరాబాద్‌ క్రికెట్‌ అసోసియేషన్‌ అండర్‌– 15 టీం సెలక్షన్‌ కోసం నిర్వహించిన రెండు మ్యాచ్‌ల్లో 2 అర్ధసెంచరీలు చేసి టాప్‌ స్కోరర్‌గా నిలిచింది.

జగిత్యాలజోన్‌: జగిత్యాల అభివృద్ధికి శాయశక్తులా కృషి చేస్తున్నానని ఎమ్మెల్యే సంజయ్‌కుమార్‌ అన్నారు. స్థానిక ఎల్‌ఎల్‌ గార్డెన్‌లో శనివారం రైతు సేవా సంకల్ప సదస్సు నిర్వహించారు. సింగిల్‌ విండో చైర్మన్‌గా కొలుగూరి దామోదర్‌రావు, డైరెక్టర్లు ప్రమాణ స్వీకారం చేశారు. ఎమ్మెల్యే మాట్లాడుతూ.. సంఘం చైర్మన్లు, డైరెక్టర్లు నిరంతరం రైతు సంక్షేమానికి కృషి చేయాలని కోరారు. మున్సిపల్‌ చైర్‌పర్సన్‌ సమిండ్ల వాణి, మార్కెట్‌ చైర్మన్‌ నారాయణ రెడ్డి, కాంగ్రెస్‌ పార్టీ అధ్యక్షుడు గాజెంగి నందయ్య, మున్సిపల్‌ మాజీ చైర్మన్‌ గిరి నాగభూషణం తదితరులు పాల్గొన్నారు. వాకింగ్‌తో ఆరోగ్యం జగిత్యాల/జగిత్యాలటౌన్‌: ఆరోగ్యం కోసం నిత్యం వాకింగ్‌ చేయాలని ఎమ్మెల్యే తెలిపారు. ధరూర్‌ క్యాంపు వాకర్స్‌ అసోసియేషన్‌ కార్యవర్గం ప్రమాణస్వీకారం చేయగా.. ఎమ్మెల్యే అభినందించారు. ధరూర్‌ క్యాంప్‌ ఓపెన్‌ జిం ఏర్పాటు చేశామని, వాకింగ్‌ ట్రాక్‌, మరిన్ని వసతులు కల్పిస్తామన్నారు. కౌన్సిలర్‌ ప్రశాంత్‌రావు, వాకర్స్‌ అసోసియేషన్‌ అధ్యక్షుడు చంద్రశేఖర్‌, ప్రధాన కార్యదర్శి సత్యనారాయణ, ఇల్లెందుల పురుషోత్తం పాల్గొన్నారు. అన్నదాన షెడ్డుకు నిధులు రాయికల్‌: మైతాపూర్‌లోని గన్నెగుట్టపై ఉన్న దుర్గమాత ఆలయానికి అన్నదాన షెడ్డుకు నిధులు మంజూరు చేస్తానని ఎమ్మెల్యే తెలిపారు. దుర్గమాత ఆలయంలో మరుగుదొడ్ల నిర్మాణానికి భూమిపూజ చేశారు. దుర్గమాతను దర్శించుకున్న ఆయనను ఆలయ కమిటీ నిర్వాహకులు సన్మానించారు.

జగిత్యాల: తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగ సందడి జిల్లాలో మొదలైంది. ప్రకృతిలో సహజంగా లభించే రంగురంగుల పూలను పూజించే అపురూప పండుగగా బతుకమ్మకు ప్రత్యేక గుర్తింపు ఉంది. ఆడపడుచుల ఆత్మీయత, కుటుంబ బంధాలు, తెలంగాణ ఆత్మగౌరవానికి ప్రతీకగా నిలిచే ఈ పండుగను వేడుకగా జరుపుకొనేందుకు పల్లెలు, పట్టణాలు సిద్ధమయ్యాయి. తంగేడు, గునుగు, బంతి, చామంతి, గుమ్మడి పూలతో బతుకమ్మను పే ర్చి.. నేడు సద్దుల వేడుక నిర్వహించుకోనున్నారు. బతుకమ్మ ఘాట్ల పరిశీలన బతుకమ్మల నిమజ్జనానికి ఇబ్బంది లేకుండా చూడాలని జగిత్యాల మున్సిపల్‌ చైర్‌పర్సన్‌ సమిండ్ల వాణి అన్నారు. పట్టణంలో నిమజ్జన ఘాట్లను పరిశీలించారు. ఘాట్ల వద్ద పారిశుధ్యం, లైటింగ్‌ వంటి సౌకర్యాలు కల్పించాలని అధికారులకు సూచించారు. ధరూర్‌ వాగులోకి నీరు విడుదల చేయించామన్నారు. ఆమె వెంట కౌన్సిలర్లు లక్ష్మీనారాయణ, శ్రీనివాస్‌, మల్లవ్వ, శానిటరి ఇన్‌స్పెక్టర్లు కిరణ్‌, రాజేందర్‌ పాల్గొన్నారు. ధర్మపురిలో భారీ ఏర్పాట్లు ధర్మపురి: బతుకమ్మ వేడుకల సందర్భంగా ధర్మపురి మున్సిపల్‌ కమిషనర్‌ శ్రీనివాసరెడ్డి ఆధ్వర్యంలో సిబ్బంది గోదావరి తీరం, నందీ కూడలి వద్ద ఏర్పాట్లు చేశారు. గోదావరిలో హైమస్‌ లైట్లు బిగించారు. దారులపై మట్టి పోయించారు. మంగలిగడ్డ, సంతోషిమాత పుష్కరఘాట్ల వద్ద ఏర్పాట్లు చేసారు. బతుకమ్మలను గోదావరిలో వేయడానికి ప్రత్యేక బల్లకట్టును ఏర్పాటు చేసారు. గజ ఈతగాళ్లను అందుబాటులో ఉంచారు. సద్దుల వేడుకలకు మంత్రి అడ్లూరి లక్ష్మణ్‌కుమార్‌ ముఖ్య అతిథిగా హాజరుకానున్నట్లు నాయకులు తెలిపారు.

మహబూబ్‌నగర్‌ క్రీడలు: జిల్లా కేంద్రంలో శనివారం ముగిసిన స్కూల్‌ గేమ్స్‌ ఫెడరేషన్‌ 69వ రాష్ట్రస్థాయి అండర్‌–14 హ్యాండ్‌బాల్‌ టోర్నమెంట్‌లో బాలుర విభాగంలో ఉమ్మడి మహబూబ్‌నగర్‌ జిల్లా జట్టు సత్తాచాటి చాంపియన్‌షిప్‌ను కై వసం చేసుకుంది. బాలికల్లో మహబూబ్‌నగర్‌ జట్టు రన్నరప్‌గా నిలిచింది. స్థానిక హీరా హోడల్‌ స్కూల్‌ మైదానంలో జరిగిన బాలుర ఫైనల్‌ ఉత్కంఠపోరులో మహబూబ్‌నగర్‌ జట్టు 7–5 గోల్స్‌ తేడాతో వరంగల్‌పై విజయం సాధించింది. మహబూబ్‌నగర్‌ హైస్కూల్‌ మైదానంలో జరిగిన బాలికల విభాగం ఫైనల్‌లో ఆదిలాబాద్‌ జట్టు 10–6 గోల్స్‌ తేడాతో మహబూబ్‌నగర్‌పై గెలుపొందింది. బాలుర విభాగంలో మూడోస్థానంలో నిజామాబాద్‌, బాలికల్లో కరీంనగర్‌ మూడో స్థానంలో నిలిచింది. అంతకుముందు బాలుర సెమీఫైనల్‌ మ్యాచుల్లో మహబూబ్‌నగర్‌ 11–6 గోల్స్‌ తేడాతో నిజామాబాద్‌పై, వరంగల్‌ జట్టు 5–2 గోల్స్‌ తేడాతో కరీంనగర్‌పై గెలుపొందాయి. బాలికల విభాగం సెమీఫైనల్‌ మ్యాచుల్లో మహబూబ్‌నగర్‌ జట్టు 6–3 గోల్స్‌ తేడాతో వరంగల్‌పై, ఆదిలాబాద్‌ జట్టు 7–2 గోల్స్‌ తేడాతో కరీంనగర్‌పై విజయాలు నమోదు చేసుకున్నాయి. విజేతలకు ప్రముఖ పారిశ్రామికవేత్త బెక్కరి రాంరెడ్డి తదితరులు ట్రోఫీలు అందజేశారు. కార్యక్రమంలో హ్యాండ్‌బాల్‌ టోర్నీ రాష్ట్ర పరిశీలకులు రఫత్‌ ఉమర్‌, అశోక్‌, ఎంఈఓ లక్ష్మణ్‌సింగ్‌, ఏఎంఓ దుంకుడు శ్రీనివాస్‌, జిల్లా ఎస్‌జీఎఫ్‌ కార్యనిర్వాహక కార్యదర్శి వేణుగోపాల్‌, తదితరులు పాల్గొన్నారు.

రాయికల్‌: సీఎం రేవంత్‌రెడ్డి అసమర్థ పాలనతోనే రాష్ట్రంలో విద్యుత్‌, సాగునీటి సమస్య ఎదురైందని బీఆర్‌ఎస్‌ రాష్ట్ర ప్రధాన కార్యదర్శి, మాజీమంత్రి తాటిపర్తి జీవన్‌రెడ్డి అన్నారు. రాయికల్‌లో శనివారం విలేకరులతో మాట్లాడారు. తుమ్మడిహెట్టి బ్యారేజీ నిర్మిస్తామని కాంగ్రెస్‌ ఎన్నికల మేనిఫెస్టోలో ప్రకటించినప్పటికీ ఇప్పటివరకు ఊసే ఎత్తడం లేదన్నారు. ఎల్‌నినో ప్రభావాన్ని తెలంగాణలో అధిగమించే అవకాశం ఉన్నా.. ప్రభుత్వం పట్టించుకోవడం లేదన్నారు. మేడిగడ్డ వినియోగంలోకి తెస్తే కేసీఆర్‌కు ఎక్కడ పేరు వస్తుందోనని ప్రభుత్వం మరమ్మతు చేపట్టడం లేదని తెలిపారు. ఇప్పటికే లక్షలాది క్యూసెక్కుల నీరు వృథాగా పోతోందని, ప్రభుత్వం కళ్లు తెరిచి నెల రోజుల్లో కాపర్‌డ్యామ్‌ నిర్మాణం చేపట్టాలని కోరారు. యాసంగిలో ప్రభుత్వం వరిపంట వేసుకోవద్దని ప్రకటించడం దురదృష్టకరమన్నారు. యాసంగికి నీరందించి రైతులను ఆదుకోవాలి రైతుల సంక్షేమాన్ని దృష్టిలో ఉంచుకుని ప్రభుత్వం యాసంగికి సాగునీరందించాలని, ఈనెల 31 వరకు విడుదల చేయాలని జీవన్‌రెడ్డి అన్నారు. అడ్లూరి లక్ష్మణ్‌కుమార్‌కు మంత్రి పదవి రాగానే.. రాష్ట్రమంతా మంచిగా ఉందంటే ఎలా అని ప్రశ్నించారు. ప్రజాకోణంలో కూడా ఆలోచన చేయాలని హితవు పలికారు. విద్యుత్‌ సమీక్షపై కోరుట్ల ఎమ్మె ల్యే సంజయ్‌కుమార్‌ రేవంత్‌రెడ్డితో మాట్లాడితే ఉలిక్కిపడ్డారని ఎద్దేవా చేశారు. రోళ్లవాగులో 0.25 టీఎంసీ నీటిని నింపితే బీర్‌పూర్‌, ధర్మపురి మండలాలకు సాగునీరు అందించే అవకాశం ఉందన్నారు. మోతె చెరువు మత్తడి తెగి నాలుగేళ్లయినా రూపాయి విడుదల చేయాలేదని గుర్తుచేశారు. జెడ్పీ మాజీ చైర్‌పర్సన్‌ దావ వసంత, మున్సిపల్‌ చైర్మన్‌ కట్కం రవి, బీఆర్‌ఎస్‌ పట్టణ, మండల అధ్యక్షులు అనిల్‌, మల్లేశ్‌, కో–ఆర్డినేటర్‌ తురగ శ్రీధర్‌రెడ్డి, నాయకులు గోపి రాజిరెడ్డి, బత్తిని నాగరాజు, ఎనుగంటి రవి, మహేశ్‌గౌడ్‌, మండ రమేశ్‌, ఆనందరావు, సంతోష్‌, సాగర్‌ పాల్గొన్నారు.

● అధికారులను నిలదీసిన బీజేపీ, బీఆర్‌ఎస్‌ కౌన్సిలర్లు ● కోరుట్ల మున్సిపల్‌ సాధారణ సమావేశం కోరుట్ల: అక్రమ లేఅవుట్లపై కోరుట్ల మున్సిపల్‌ అధికారులను బీజేపీ, బీఆర్‌ఎస్‌ కౌన్సిలర్లు నిలదీశారు. మున్సిపల్‌ సాధారణ సమావేశాన్ని మున్సిపల్‌ చైర్‌పర్సన్‌ తిరమల వసంత ఆధ్వర్యంలో శనివారం నిర్వహించారు. అజెండాలోని ఆరు అంశాలకు ఐదింటిని సభ్యులు ఆమోదించారు. చైర్‌పర్సన్‌ మాట్లాడుతూ బతుకమ్మ, దసరా, దీపావళి పండుగలకు ఏర్పాట్లు చేసినట్లు తెలిపారు. బీజేపీ కౌన్సిలర్లు కస్తూరి లక్ష్మీనారాయణ, ఇందూరి తిరుమల, బీఆర్‌ఎస్‌ కౌన్సిలర్లు వసీం, బాబా, మోసిన్‌ మాట్లాడుతూ పట్టణంలోని 1490 సర్వే నంబర్‌లో లేఅవుట్‌ లేకుండా అక్రమంగా రిజిస్ట్రేషన్లు జరుగుతున్నాయని, అధికారులు మున్సిపల్‌ ఆదాయానికి గండి కొట్టే రీతిలో వ్యవహరిస్తున్నారని తెలిపారు. ఆ స్థలంలో లేఅవుట్‌ లేదని, రిజిస్ట్రేషన్లకు అనుమతించొద్దని గతంలో కమిషనర్‌ సబ్‌ రిజిస్ట్రార్‌కు లేఖ ఇచ్చారని, అయినప్పటికీ రిజిస్ట్రేషన్లు ఎలా జరుగుతున్నాయని ప్రశ్నించారు. చర్యలు తీసుకోవాలని కోరుతూ కమిషర్‌ రాఘవేంద్రకు వినతిపత్రం సమర్పించారు. కౌన్సిలర్లు జాల మాధవి, రుద్ర సుజాత, శీలం జయలక్ష్మీ, యాటం పద్మ, దాసరి సునీత, కొక్కెర మహేశ్‌, మోర్తాడ్‌ లక్ష్మీనారాయణ, టేకుల శీరిష, చిట్యాల లక్ష్మీనారాయణ, రెంజర్ల కల్యాణి, కో ఆప్షన్‌ సభ్యులు సంగ మాలతి, బొద్దూరి సతీష్‌లు పాల్గొన్నారు. శ్రమదోపిడీపై ప్రచార రథం జగిత్యాలటౌన్‌: వెట్టి చాకిరీ, శ్రమ దోపిడీకి గురైన కార్మికులు కార్మికశాఖ అధికారులకు ఫిర్యాదు చేయాలని అదనపు కలెక్టర్‌ ప్రసూనాంబ సూచించా రు. వెట్టిచాకిరీపై అవగాహన కల్పించేందుకు కార్మి క శాఖ ఆధ్వర్యంలో ఏర్పాటు చేసిన ప్రచార రథా న్ని కలెక్టరేట్‌ ఆవరణలో జెండా ఊపి ప్రారంభించా రు. ప్రచారరథం జిల్లాలోని అన్ని ప్రాంతాల్లో తిరుగుతుందన్నారు. కార్మిక హక్కులకు భంగం వాటిల్లినప్పుడు ఫిర్యాదు చేసేందుకు అందుబాటులో ఉన్న విధానాలపై ప్రజలు, కార్మికులకు అవగాహన కల్పిస్తుందన్నారు. హెల్ప్‌లైన్‌ నంబర్‌ 080 69434343కి కాల్‌ చేయాలని కోరారు. కార్యక్రమంలో జిల్లా సహాయ కార్మిక కమిషనర్‌ సురేంద్రకుమార్‌, ఉద్యోగులు, సాంస్కృతిక సారథి కళాబృందం సభ్యులు పాల్గొన్నారు.

పొన్నచెట్టు వాహనంపై శ్రీనివాసుడుకోరుట్ల: పట్టణంలోని పురాతన శ్రీవేంకటేశ్వర ఆలయంలో స్వామి వారు శనివారం పొన్న చెట్టు వాహనంపై ఊరేగారు. మహిళలు మంగళహారతులతో స్వా గతం పలికారు. ఆల య అధ్యక్షుడు యతిరాజం నర్సయ్య, ఈవో విక్రమ్‌, నర్సయ్య, పాలకవర్గ సభ్యులు పాల్గొన్నారు. ఢిల్లీ బతుకమ్మ వేడుకల్లో ఆత్మకూర్‌ కళాకారులుగొల్లపల్లి: దేశ రాజధాని ఢిల్లీలో జరిగిన బతుకమ్మ ఉత్సవాల్లో మండలంలోని ఆత్మకూర్‌కు చెందిన 12 మంది ఒగ్గు కళాకారులు తెలంగాణ సంస్కృతిని చాటారు. ఢిల్లీ సీఎం రేఖా గుప్తా ఆధ్వర్యంలో జరిగిన కార్యక్రమంలో ఒగ్గు రవి నేతృత్వంలోని బృందం రాజశేఖర్‌, శివకుమార్‌, మహేశ్‌ ఒగ్గు డోలు ప్రదర్శనతో ఆకట్టుకున్నారు. పల్లె జానపద కళను జాతీయస్థాయిలో ప్రదర్శించే అవకాశం రావడం గర్వకారణమని కళాకారులు తెలిపారు. రాయికల్‌: పట్టణంలోని సంఘమిత్ర యువజన సంఘం ఆధ్వర్యంలో ప్రతిష్ఠించిన దుర్గదేవి వద్ద శనివారం శ్రీవేంకటేశ్వర స్వామి కల్యాణ మహోత్సవాన్ని శనివారం కనుల పండువగా నిర్వహించారు. వందలాది మంది భక్తులు కల్యాణాన్ని తిలకించి మొక్కులు చెల్లించుకున్నారు.

● ఉమ్మడి కరీంనగర్‌ జిల్లా ప్రత్యేక అధికారి బెనహుర్‌ మహేశ్‌ దత్‌ ఎక్కాకరీంనగర్‌అర్బన్‌: ఎల్‌నినో నేపథ్యంలో రానున్న రోజుల్లో తాగునీరు, విద్యుత్‌, సాగునీటి అవసరాలకు ముందస్తు కార్యాచరణ ప్రణాళికలు రూపొందించాలని ఉమ్మడి కరీంనగర్‌ జిల్లా ప్రత్యేక అధికారి బెనాహుర్‌ మహేశ్‌ దత్‌ ఎక్కా ఆదేశించారు. శనివారం కరీంనగర్‌ కలెక్టరేట్‌లో రాజన్న సిరిసిల్ల, కరీంనగర్‌, పెద్దపల్లి, జగిత్యాల జిల్లాల కలెక్టర్లు గరిమా అగర్వాల్‌, చిత్రా మిశ్రా, కోయ శ్రీహర్ష, బి.సత్యప్రసాద్‌తో సమీక్ష నిర్వహించారు. తక్కువ నీటితో తక్కువ వ్యవధిలో పండే ప్రత్యామ్నాయ పంటల వైపు రైతులను మళ్లించాలని ఆదేశించారు. కోతులు, ఇతర సమస్యలు లేని ప్రాంతాల్లో కూరగాయల సాగుకు ప్రాధాన్యత ఇవ్వాలన్నారు. కాలువల ద్వారా ప్రస్తుత వానాకాలం పంటలను రక్షించేందుకు విడుదల చేసే నీరు చివరి ఆయకట్టు వరకు చేరేలా పర్యవేక్షించాలని, మధ్యలో మోటార్ల ద్వారా నీటిని తోడకుండా చర్యలు తీసుకోవాలని ఆదేశించారు. రాబోయే నెలల్లో విద్యుత్‌ డిమాండ్‌ మరింత పెరిగే అవకాశం ఉందని, మార్కెట్‌ నుంచి విద్యుత్‌ కొనుగోలు చేసేందుకు ప్రభుత్వం సిద్ధంగా ఉన్నా అందుబాటులో విద్యుత్‌ లభ్యత పరిమితంగా ఉందన్నారు. గ్రామీణ ప్రాంతాల్లో ఉపాధి అవకాశాలు పెంచి, ప్రజలు ఇతర ప్రాంతాలకు వలస వెళ్లాల్సిన పరిస్థితులు రాకుండా చూడాలన్నారు. మున్సిపాలిటీల్లో అమృత్‌ పథకం కింద చేపట్టిన పనులు వేగవంతం చేయాలన్నారు. కరీంనగర్‌ కలెక్టర్‌ మాట్లాడుతూ, జిల్లాలో సాధారణ వర్షపాతం కంటే 7 శాతం తక్కువగా 681.7 మి.మీ. నమోదైందని తెలిపారు. దిగువ మానేరు జలాశయంలో 15.452 టీఎంసీల నీరు అందుబాటులో ఉందని, నెలవారీ అవసరాలు 0.68 టీఎంసీల ప్రకారం సుమారు 512 నుంచి 593 రోజుల వరకు నీటి సరఫరాకు అవకాశం ఉందని వివరించారు. జగిత్యాల కలెక్టర్‌ మాట్లాడుతూ, జిల్లాలో సాధారణ వర్షపాతం కంటే 9 శాతం తక్కువగా నమోదైందని, ఈనెల 10 నుంచి కాలువల ద్వారా ఎస్సారెస్పీ నీటి విడుదల ప్రారంభమైనందున ప్రస్తుత పంటలకు సాగునీటి ఇబ్బందులు లేవని తెలిపారు. భీమారం, గొల్లపల్లి, ఇబ్రహీంపట్నం మండలాల్లో లోటు వర్షపాతం నమోదైందని, జగిత్యాల రూరల్‌, జగిత్యాల అర్బన్‌, కొడిమ్యాల మండలాల్లో 34– 41 శాతం వరకు దిగుబడి తగ్గే అవకాశం ఉందని అంచనా వేసినట్లు వెల్లడించారు. పెద్దపల్లి కలెక్టర్‌ మాట్లాడుతూ, జిల్లాలో 863 మి.మీ. వర్షపాతం నమోదై సాధారణం కంటే 5 శాతం తక్కువగా ఉందని తెలిపారు. ఖరీఫ్‌ సీజన్‌లో డ్రై స్పెల్స్‌ నమోదు కాకపోవడంతో జిల్లాలో కరువు పరిస్థితులు లేవన్నారు. రాజన్న సిరిసిల్ల కలెక్టర్‌ మాట్లాడుతూ, జిల్లాలో సాధారణం కంటే 5 శాతం తక్కువ వర్షపాతం నమోదైందని తెలిపారు. మధ్య మానేరు జలాశయంలో 23.42 టీఎంసీలు, అప్పర్‌ మానేరులో 1.84, అన్నపూర్ణ జలాశయంలో 1.59, మల్కాపేట జలాశయంలో 1.24 టీఎంసీల నీటి నిల్వలు అందుబాటులో ఉన్నాయని తెలిపారు. కరీంనగర్‌ మున్సిపల్‌ కార్పొరేషన్‌ కమిషనర్‌ ప్రఫుల్‌ దేశాయ్‌, అదనపు కలెక్టర్‌ అశ్విని తానాజీ వాకడే, ఆయా శాఖల జిల్లా అధికారులు పాల్గొన్నారు.

● పండుగ పూట.. పూలు చెప్పే మాట ● ఎండుతున్న పొలాలు ● వలసపోతున్న యువకులు ● బరువెక్కిన బతుకమ్మ గుండె సిరిసిల్ల ●: అప్పుడే తెల్లారుతోంది. పొగమంచు కమ్ముకుంది. కోడి కూసింది. సూర్యుడి లేత కిరాణాలు భూమిని తాకుతున్నాయి. మంచు బిందువులు పసిడివర్ణంలో మెరుస్తున్నాయి. ఊరు నిద్రలేస్తోంది. అది కాదు రా.. నువ్వు జెల్ది లెవ్వాలే తల్లీ. బతుకమ్మ పండుగ రోజు కూడా నువ్వు లెవ్వకుండా మొద్దు నిద్రపోతే ఎలాగమ్మా.. అంటూ కొంచెం బుదగరించింది భూమాత. ఆ మాటలతో దిగ్గున లేచి కూర్చుంది తంగేడు. నిజమే అమ్మా ప్రపంచంలో ఎక్కడా లేని విధంగా నేను తెలంగాణ పల్లెల్లో పూజలందుకుంటాను. కానీ, ఎందుకో ఈసారి నాకు ఆ పండుగకు వెళ్లబుద్దిగా లేదు అమ్మ. పల్లెల్లో పండుగ అన్న మాటే కానీ, ఆ పండుగ కళ లేనేలేదు. అదేదో ఎల్‌నినో వచ్చిందంటా నిన్ను నమ్ముకున్న రైతులు సంతోషంగా లేరు. కాలం లేదు. ఏ ఊరికెళ్లినా ఎండిన పొలం కథ.. వాడిన పత్తి ముచ్చట్లే వినిపిస్తున్నయి. ఊరందరికీ ఆధారమైన చెరువులు నిండలే. నీరు లేకుంటే పండగే ఉండదుగదమ్మా అంది తండేడు. నిజమే తల్లి నువ్వు చెప్పేవన్నీ అక్షర సత్యాలు. మన చేతిలో ఏం ఉంది. భూమాతనైన పాపానికి భరిస్తున్నా. రైతుల కష్టాలు, నేతన్నల శ్రమ, సింగరేణి కార్మికుల ఇబ్బందులు, కరెంట్‌ కష్టాలూ చూస్తున్నా. ఏం చేయలేని అసహాయ స్థితిలో ఉన్నాను రా బంగారం. అయినా బతుకమ్మ పండుగ పూట ఊరిలోకి పో అంటే.. గిన్ని ముచ్చట్లు దేనికి అంది భూమాత. అబ్బో పండుగ.. పండుగ అంటున్నావు. ఉన్నోళ్లకు పండుగ. లేనోళ్లకు ఏం పండుగ అమ్మ. ఇంతెందుకు నాలాంటి పూల మోముల్లోనూ నవ్వే లేదు. పండుగ పూట ఇంట్లోని వాళ్లకు కొత్తబట్టలు కొనియ్యలేక.. పెరిగిన ధరలతో ఎందరో పేదలు దిక్కులు చూస్తుండ్రు. చేతిలో డబ్బుల్లేక ఎక్కడన్నా అప్పు చేద్దామన్నా.. గతంలో చేసినవి వెక్కిరిస్తున్నయి. ఏ మొఖం పెట్టుకుని బతుకమ్మ పండుగ అంటూ వాళ్ల ఇళ్లకు వెళ్లాలమ్మా అంటూ చెప్పింది తంగేడు. ఆ మాటలతో పుడమితల్లి గుండెలు గుభేల్‌మన్నాయి. ఒక్కసారి గతాన్ని తలచుకుని వాస్తవాలను నెమరువేసుకుంటూ.. భూమాత దిక్కులు చూస్తుంది. మళ్లీ ఆలోచనలతో పడ్డదీ భూమాత. ఒకప్పుడు బతుకమ్మ పండుగ వచ్చిందంటే ఇంటి నిండా కొత్తగా వచ్చిన పంటలు, పెసర్లు, బబ్బెర్లు, మక్కలు తీరొక్క పంటలతో రైతుల ఇళ్లు ఎంత కళగా ఉండేవి. ఇంటికి వచ్చే ఆడబిడ్డలు, పిల్లాపాపలతో పల్లెంతా సందడిగా ఉండేది. పట్టువస్త్రాలు, పసిడి కొనుగోళ్లు, వెండి పట్టగొలుసులు చేయించుకోవడం.. ఒక్కటేమిటీ.. ఆడబిడ్డల పండుగ అంటూ ఊరూ.. వాడ మురిసేది. మరి ఇప్పుడు.. ఆ మురిపెం ఏమైంది. ఆ ఉత్సాహం ఊసే లేదు.. అంటూ భూమాత నిట్టూర్చింది. అమ్మా ఏం ఆలోచిస్తున్నవే అంది తంగేడు. ఏం లేదమ్మా నువ్వన్న మాటలనే తల్చుకుంటున్నా అంటూ పక్కనే ఉన్న గునుగును పలకరించింది పుడమి తల్లి. అరేయ్‌ నువ్వన్నా తొందరగా తయారై.. ఊరిలోకి వెళ్లు. నీతో బతుకమ్మను పేర్చేందుకు అమ్మలక్కలంతా సిద్ధంగా ఉన్నారంది. ‘అమ్మా అంత తొందరేం లేదులే. ఎవరూ నా కోసం ఎదురుచూస్తలేరు. బతుకమ్మ పండుగ అన్న మాటేకానీ మునుపటి ఉత్సాహమే లేదు. కరెంట్‌ సక్కంగ రాక.. మోటార్లు కాలిపోయి రైతన్నలు.. యాసంగిలో వరి వేయొద్దని అధికారులు, సిరిసిల్ల నేతన్నలకు చేతినిండా పని ఉన్నా.. బీమా లేని దిగులు. రాష్ట్రంలోని ఏకై క టెక్స్‌టైల్‌పార్క్‌లో పరిశ్రమలు మూతపడ్డాయి. ఒక్కో పరిశ్రమ అమ్ముడుపోతుంది. వేల మంది కార్మికులంటే ఆ పార్క్‌ పాలకుల నిర్లక్ష్యంతో మూలనపడింది. విద్యుత్‌ సబ్సిడీ సమస్యలతో సిరిసిల్ల కార్ఖానాలు మూతపడ్డాయి. మధ్యమానేరు నిర్వాసితులు ఇంకా పరిహారం కోసం అందక పరితపిస్తున్నారు. ఎందరో యువకులు ఊరిలో ఉపాధి లేక దుబాయి, మస్కట్‌ పోయిండ్రు. కొందరిని అయితే పని కోసం తీసుకెళ్లి రష్యాలో సైన్యంలో చేర్చారంటా! భూమిలేని కూలీలు పని కోసం లేబర్‌ అడ్డాలల్లా కూసున్నరు. బీడీ కార్మికులకు చేతినిండా పని లేదని పత్తి చేన్ల పొంటి కై కిలిపోతుండ్రు. ఎల్‌నినో ప్రభావంతో వేసవిలో నీళ్లు దొరకని దుస్థితి. ఇక చేతిల పైసల్లేక సబ్బండవర్ణాలు బాధపడుతున్నాయి. గిసోంటి యాళ్లకు నేను ఊరిలోకి వెళ్లి పండుగ అంటే ఏం సంబురం ఉంటుందమ్మా. అంటూ గునుగు పువ్వు గునిగింది. మళ్లీ భూతల్లి ఆలోచనలో పడ్డది. పల్లె అయినా.. పట్టణమైనా.. చేతిలో పైసలు ఉంటేనే పండుగ. ఓ విప్లవ కవి అన్నట్లు ‘పండుగింట్ల పీనుగెల్ల... పండుగెనుక పండుగొచ్చె.. పిల్లల కు కొనిపెడుదాంటే.. పచ్చనోటు లేకపాయే..’ అన్నట్లుగానే ఉంది పరిస్థితి. కారణం ఏమో కానీ రియల్‌ ఎస్టేట్‌ కుప్పకూలింది. భూముల ధరలు పడిపోయాయి. గంజాయి మత్తు పల్లెలను ఆవహించింది. గుడుంబా గుప్పుమంటుంది. బెల్టుషాపులు జోరుగా సాగుతున్నాయి. మొత్తంగా పల్లెలు, పట్టణాల ఆర్థిక మూలాల్లో మూల్గు తగ్గింది. ఇవన్నీ తలచుకుంటూ పుడమితల్లి వలవల ఏడ్చింది. అలా కన్నీరు పెడుతూనే బంతిపూల దిక్కు చూసింది భూమాత. ఏడ్వకమ్మా అని బంతిపువ్వు గోముగా కౌగలించుకుంది. గడ్డిపూలు, కట్లపూలు, గుమ్మడిపూలు, పట్టుకుచ్చుల చెట్లు కనిపించకుండా పోయాయి. చెల్కలు లేక.. అన్నీ పొలాలే కావడంతో పువ్వులు దొరకని రోజులు వచ్చాయి. తీరొక్క పూలు ఉంటేనే బతుకమ్మ అవుతుంది అంది భూమాత. అమ్మా నిజమే కానీ.. ఇప్పుడు మార్కెట్‌ అంతా కృత్రిమ పూల జాతర సాగుతోంది. ప్రకృతి పూల ఉనికే కరువైంది. అయినా.. అమ్మా.. పుడమి తల్లీ.. నీ ఎదపై ఆడే.. పాటే మేమంతా నీ పిల్లలం. నువ్వు చెప్పినట్లుగానే బతుకమ్మ పండక్కి ఊళ్లోకి వెళ్తాం.. అమ్మా అంటూ తంగేడు.. గునుగు పూలు సిద్ధమవుతూ.. చివరిగా ఒక్క మాట అమ్మా. అన్నంపెట్టే అన్నదాతలు, బట్ట నేసే నేతన్నలను చావకుండా చూడమ్మా. ప్రాణం పోతే రాదమ్మా అంటూ బతిమిలాడింది బంతి. ఊరుకో తల్లి ఏడ్వకు అంటూ భూమాత ఓదార్చింది. మారిన కాలానికి ఈ మనుషులే కారణం కదమ్మా.. అడవులను నరికి.. చెట్లను కూల్చి.. గుట్టలను క్వారీలుగా మార్చి.. వాగులను ఇసుక రీచ్‌లుగా చేర్చి ప్రకృతిని ధ్వంసం చేసి.. భవిష్యత్‌ను నాశనం చేసుకుంది వీళ్లే కదా రా.. వాగులో ఇసుకను అమ్మి.. వాగొడ్డుకు బతుకమ్మ తెప్పెలను కట్టుకున్న దౌర్భాగ్యం కళ్ల ముందు కనిపిస్తోంది. అవునమ్మా అంది బంతిపువ్వు. నిజమే తల్లీ అంటూ భూతల్లీ పూలను ఓదార్చింది. పుడమి తల్లి చుట్టూ పూల గుంపు చేరింది. సాయంత్రమవుతోంది. ఊరిలో నుంచి బతుకమ్మ పాట లీలగా వినిపిస్తోంది. ఆ పాట గొంతులో నాటి గాంభీర్యం లేక జీరబోతోంది. చప్పట్లు మోగుతున్నాయి. కానీ ఆ శబ్దం వినసొంపుగా లేదు. పిల్లలు ఆడుతున్నారు.. వారిలో ఉత్సాహం లేదు. గోధూలి రేగుతుంది. ఆలమందల ఊసులేదు. దాండియా ఆటలు.. డీజే పాటలు.. కృత్రిమ నవ్వులు.. వాడిన పువ్వులు.. ఆత్మీయత లేని పలకరింపులు.. సెల్‌ఫోన్‌లతోనే ఆటలు.. పాటలు. ప్రకృతి పూల శోభ లేక.. కాగితం పూల బతుకమ్మలతో పల్లె బతుకమ్మ పాట పాడుతోంది. ముందు ముందు ఇంకెంతకుందో అంటూ పువ్వులన్నీ గుండెలవిసేలా రోదిస్తున్నాయి.. కన్నీరు పెడుతున్న పువ్వులను చూసిన పుడమి తల్లి గుండె బరువెక్కింది. ఏడ్వకండీ.. ఏడ్వకండీ.. అంటూ భూమాత ఓదార్చుతూ.. మన పండుగ పూట కన్నీరు కార్చితే లోకానికి మంచిది కాదు. మన ప్రకృతి ధర్మాన్ని నెరవేర్చుదాం. మార్పును ఆశిద్దాం. మంచిని కోరుకుందాం. బతుకమ్మ పండుగను ఊరూ వాడ సంతోషంగా జరిగేలా చూద్దాం. అగో.. డప్పులు మోగుతున్నాయి. వెళ్లండి అంటూ భూమాత పిలుపునిచ్చింది. చెంగున దుంకుతూ పూలగుంపు ఇంటింటా చేరింది. బతుకమ్మ పండుగను పూలజాతరను చేసింది.

36.0/25.0Iగరిష్టం/కనిష్టంకాళరాత్రిరూపంలో అమ్మవారుధర్మపురి: శరన్నవరాత్రోత్సవాల్లో భాగంగా అమ్మవారు శనివారం కాళరాత్రి రూపంలో భక్తులకు దర్శనమిచ్చారు. అమ్మవారిని చిలుకపచ్చ రంగు చీరలో అలంకరించి పూజలు చేశారు.వాతావరణం ఆకాశం పాక్షికంగా మేఘావృతమై ఉంటుంది. మధ్యాహ్నం ఎండవేడిమి పెరుగుతుంది. ఉక్కపోత అధికమవుతుంది. హనుమ వాహనంపై నృసింహుడుధర్మపురి: శరన్నవరాత్రి ఉత్సవాల సందర్భంగా శ్రీలక్ష్మీనృసింహస్వామివారు హన్‌మత్‌ వాహనంపై ఊరేగారు. మహిళలు దారి పొడవునా మంగళహారతులతో స్వాగతం పలికారు. ఆదివారం శ్రీ 18 శ్రీ అక్టోబర్‌ శ్రీ 2026