Alluri Sitarama Raju District News

పాడేరు రూరల్‌: ప్రజల గొంతు నొక్కడం కోసమే కలెక్టర్‌ ఆంక్షలు విధిస్తూ ఉత్తర్వులు జారీ చేయడం ప్రజాస్వామ్యానికి విరుద్ధమని ఆదివాసీ గిరిజన సంఘం జిల్లా అధ్యక్షుడు, ప్రధాన కార్యదర్శులు పొద్దు బాలదేవ్‌, ధర్మన్న పడాల్‌ తీవ్రంగా ఖండించారు. ఆదివారం వారు విలేకరులతో మాట్లాడుతూ ఈ మేరకు డిమాండ్లు తెలిపారు. జిల్లా కేంద్రం పాడేరులో బహిరంగ సమస్యలపై ఉద్యోగ, ప్రజా, విద్యార్థి సంఘాలు, ప్రజాప్రతినిధులు ఎటువంటి సమావేశాలు, ధర్నాలు, ర్యాలీలు, వివిధ ప్రదర్శనలు నిర్వహించకూడదని కలెక్టర్‌ ఆంక్షలు విధిస్తూ ఉత్తర్వులు జారీ చేయడం ప్రజాస్వామ్య స్ఫూర్తికి విరుద్ధమన్నారు. ఇకపై ఎటువంటి నిరసనలు, ధర్నాలు ఉన్నా ప్రభుత్వ కార్యాలయాలతో పాటు ఐటీడీఏ, కలెక్టరేట్‌ ప్రధాన కార్యాలయాల వద్ద నిర్వహించకూడదని, కేవలం వీఆర్‌ పంక్షన్‌ హాల్‌ ఎదుట ఖాళీ ప్రదేశంలో మాత్రమే చేయాలని ఆదేశాలు జారీ చేయడం సరైన పద్ధతి కాదన్నారు. ఎన్నడూ లేనివిధంగా హిట్లర్‌ పాలనను తలపించేలా, నిబంధనలకు విరుద్ధంగా జిల్లా యంత్రాంగం వ్యవహరించడం భావ్యం కాదన్నారు. ప్రజాసంఘాలు, విద్యార్థి, ఉద్యోగ, రైతుల సమస్యలపై ఐటీడీఏ వద్ద నిరసన తెలిపే హక్కు ఆదివాసీలందరికీ ఉందని స్పష్టం చేశారు. సహజ హక్కులను సైతం కాలరాస్తూ ఆదివాసీలపై అణచివేత ధోరణి ప్రదర్శిస్తున్నారని మండిపడ్డారు. గిరిజన ప్రజలపై ప్రభుత్వానికి, జిల్లా యంత్రాంగానికి చిత్తశుద్ధి ఉంటే ఈ ఆంక్షలను వెంటనే ఉపసంహరించుకోవాలని డిమాండ్‌ చేశారు. లేనిపక్షంలో ఆదివాసీలను ఏకం చేసి పెద్దఎత్తున ఉద్యమానికి పిలుపునిస్తామని వారు హెచ్చరించారు. ప్రజల స్వేచ్ఛను హరిస్తున్నకూటమి ప్రభుత్వం ఆదివాసీ గిరిజన సంఘం జిల్లాఅధ్యక్ష, ప్రధాన కార్యదర్శులుబాలదేవ్‌, ధర్మన్నపడాల్‌

పేద ప్రజలకు నిత్యం అందుబాటులో ఉంటూ సేవలందించిన తమను తొలగించి మా కడుపుకొట్టారు! పది వేల వేతనం ఇస్తామని ఎన్నికల ముందు హామీ ఇచ్చి.. నేడు కూటమి ప్రభుత్వం అధికారంలోకి వచ్చాక వలంటీర్ల ఊసే మరిచిపోయింది. ఇప్పుడు కూటమి ప్రభుత్వం తమ గొప్పలు చెప్పుకోవడానికి సోషల్‌ మీడియా ఇన్‌ఫ్లుయెన్సర్లకు లక్షల రూపాయలు తగలెట్టడానికి జీవో జారీ చేయడం ఎంతవరకు న్యాయం. – కిరసాని పద్మవతి, మాజీ వలంటీర్‌, అసరాడ, ముంచంగిపుట్టు మండలం

కట్టిపడేస్తున్న మొర్రిగుడ అందాలు అరకు అనగానే మనకు టూకీగా గుర్తొచ్చేవి కాఫీ తోటలు, చాపరాయే. కానీ, ఇప్పుడు ప్రకృతి ప్రేమికులను మంత్రముగ్ధులను చేస్తూ మరో అద్భుతమైన ప్రదేశం పర్యాటకులను విశేషంగా ఆకర్షిస్తోంది. డుంబ్రిగుడ మండలంలోని గసభ పంచాయతీ మొర్రిగుడ నుంచి కనిపిస్తున్న సూర్యోదయ దృశ్యాలు చూపరులను కట్టిపడేస్తున్నాయి. మంచు కొండల నడుమ, తెల్లటి పొగమంచు తెరలను చీల్చుకుంటూ సూర్యుడు ఉదయించే వేళ... ప్రకృతి ఒలికిస్తున్న ఆ అందాలు వర్ణనాతీతంగా ఉంటున్నాయి. ఈ సుందర దృశ్యాలను ’పాలపుంత సూర్యోదయం’ వ్యూపాయింట్‌గా పిలుస్తున్నారు. ఎలా చేరుకోవాలి? అరకు సంతబయలు నుంచి ఆంధ్ర–ఒడిశా కొర్రాయి బీటీ రోడ్డు మీదుగా మొర్రిగుడ చేరుకోవచ్చు. అరకు సంతబయలు నుంచి సుమారు 10 కిలోమీటర్ల దూరంలోనే ఈ వ్యూపాయింట్‌ అందుబాటులో ఉంది. ప్రస్తుతం పర్యాటక సీజన్‌ అధికారికంగా ప్రారంభం కావడం, ఉదయవేళల్లో దట్టమైన మంచు కురుస్తుండటంతో... ఈ సరికొత్త సూర్యోదయ ప్రాంతాన్ని తిలకించేందుకు ప్రకృతి ప్రియులు, ఫోటోగ్రఫీ ప్రేమికులు పెద్ద సంఖ్యలో తరలివస్తున్నారు. మరి మీ వీకెండ్‌ ట్రిప్‌లో ఈ అద్భుతమైన వ్యూపాయింట్‌ను చూసేయండి! – డుంబ్రిగుడ

● కాంట్రాక్టు ఉద్యోగులనుక్రమబద్ధీకరించాలని డిమాండ్‌ చింతపల్లి: వైద్య ఆరోగ్యశాఖలో కాంట్రాక్టు పద్ధతిలో విధులు నిర్వహిస్తున్న ఉద్యోగులను శాశ్వత ఉద్యోగులుగా గుర్తించాలని కోరుతూ చింతపల్లిలో ఉద్యోగులు నిరసన తెలిపారు. ఆదివారం మధ్యాహ్న భోజన విరామ సమయంలో తమ సమస్యల పరిష్కారం కోరుతూ ఈ నిరసన కార్యక్రమం చేపట్టారు. ఈ సందర్భంగా ఉద్యోగులు మాట్లాడుతూ... గత దశాబ్దన్నర కాలంగా రోగులకు అన్ని విధాలుగా వైద్య సౌకర్యాలు అందజేస్తున్నప్పటికీ, నేటికీ తమను పూర్తి స్థాయి ఉద్యోగులుగా గుర్తించడం లేదని ఆవేదన వ్యక్తం చేశారు. తమకు తక్షణమే ఉద్యోగ భద్రత కల్పించాలని డిమాండ్‌ చేశారు. అలాగే, విధి నిర్వహణలో ఏ ఒక్క ఉద్యోగి మృతి చెందినా... ప్రభుత్వం రూ.50 లక్షల నష్టపరిహారం చెల్లించడంతో పాటు, వారి కుటుంబంలో ఒకరికి కారుణ్య నియామకం కింద ఉద్యోగం కల్పించాలని కోరారు. ఈ నిరసన కార్యక్రమంలో ఉద్యోగ సంఘ నాయకులు వసంత, గౌరి, సోమేష్‌ పాల్గొన్నారు.

● కానిస్టేబుల్‌గా ఎంపికై న సోమశేఖర్‌కు అభినందనల వెల్లువ! ● స్వగ్రామంలో సత్కారం గూడెంకొత్తవీధి: పేదరికం ఎవరి విజయాన్నైనా ఆపలేదనేదానికి కుందేరి సోమశేఖర్‌ జీవితమే ఒక నిదర్శనం. ఆర్థిక ఇబ్బందులను ఎదుర్కొంటూ, పట్టుదలతో చదివి కానిస్టేబుల్‌గా ఎంపికై న సోమశేఖర్‌ నేటి యువతకు నిజమైన స్ఫూర్తిదాయకమని దామనపల్లి మాజీ సర్పంచ్‌ కె. రామకృష్ణ ప్రశంసించారు. గూడెంకొత్తవీధి మండలం దామనపల్లికి చెందిన సోమశేఖర్‌ నిరుపేద కుటుంబంలో జన్మించారు. ఎన్నో కష్టాలను ఓర్చి బీటెక్‌ పూర్తి చేసిన ఆయన, లక్ష్యం వైపు అడుగులు వేస్తూ పట్టువదలక ప్రయత్నించి కానిస్టేబుల్‌ ఉద్యోగం సాధించారు. కఠినమైన శిక్షణను విజయవంతంగా పూర్తి చేసు కుని ఆదివారం ఆయన తన స్వగ్రామం దామనపల్లికి చేరుకున్నారు. ఈ సందర్భంగా గ్రామస్తులు, యువకులు ఆయనను చూసి గర్వపడ్డారు. గ్రామస్తులంతా కలిసి సోమశేఖర్‌ను ఘనంగా సన్మానించి, ఆయన విజయాన్ని ఊరంతా పండుగలా జరుపుకున్నారు. ఈ సన్మాన కార్యక్రమంలో మాజీ సర్పంచ్‌ కె. రామకృష్ణ మాట్లాడుతూ...ఆర్థిక ఇబ్బందులను సాకుగా చూపకుండా, కష్టపడితే ఏ రంగంలోనైనా రాణించవచ్చని సోమశేఖర్‌ నిరూపించారు. నేటి యువత ఈయన్ని ఆదర్శంగా తీసుకుని, ఉన్నత లక్ష్యాలను సాధించి తల్లిదండ్రులకు, సొంతూరికి మంచి పేరు తీసుకురావాలి‘ అని పిలుపునిచ్చారు. ఈ అభినందన కార్యక్రమంలో వీఆర్‌పీ వివేకానందదొర, వీవో బాలరాజు, నాగరాజు, మల్లేష్‌, స్థానిక యువత పెద్ద సంఖ్యలో పాల్గొని సోమశేఖర్‌ను అభినందించారు.

దసరా పండగ సమీపిస్తున్న వేళ జిల్లాలోని గిరిజన ప్రాంతాల్లో నాటుకోళ్లు, మేకల అమ్మకాలు ఊపందుకున్నాయి. అమ్మవారి పూజలు, మొక్కుల కోసం గిరిజన ప్రాంతాల్లో వీటి ధరలు ఆకాశాన్నంటుతుండగా... పెంపకందారుల ఇంట ముందే పండగ కళ సంతరించుకుంది. సంతల్లో రూ.కోట్లలో వ్యాపార లావాదేవీలు జరుగుతున్నాయి. జి.మాడుగుల: జిల్లాలోని గిరిజన ప్రాంతాల్లో జరిగే వారపు సంతల్లో మేకలు, గొర్రెలు, నాటుకోళ్ల ధరలు ఆకాశాన్నంటుతున్నాయి. విజయదశమి పండగను పురస్కరించుకుని వీటికి డిమాండ్‌తో పాటు ధరలు కూడా ఒక్కసారిగా పెరిగాయి. గత రెండు వారాలుగా నిలకడగా ఉన్న ధరలు ప్రస్తుతం పెరగడంతో పెంపకందారులు ఆనందం వ్యక్తం చేస్తున్నారు. నాణ్యతకు ప్రత్యేక గుర్తింపు ఏజెన్సీ ప్రాంతంలో గిరిజనులు పెంచే నాటుకోళ్లు, మేకలు, గొర్రెలు నాణ్యత, ప్రత్యేక రుచిని కలిగి ఉంటాయి. దీంతో వ్యాపారులు, మాంస ప్రియులు పెంపకందారులు చెప్పిన ధరలను చెల్లించి మరీ కొనుగోలు చేస్తున్నారు. మైదాన ప్రాంతాలతో పోలిస్తే ఇక్కడ ధరలు తక్కువగా ఉండటంతో, వ్యాపారులు, దళారులు ఏజెన్సీ సంతల నుంచి వీటిని కొనుగోలు చేసి, వాహనాల ద్వారా మైదాన ప్రాంతాలకు తరలించి అధిక ధరలకు విక్రయిస్తున్నారు. పెంపకందారులు కూడా వారపు సంతలకే ప్రాధాన్యత ఇస్తూ నేరుగా విక్రయిస్తున్నారు. సంతల నిర్వహణ వివరాలు మండలంలోని సంతబయలు గ్రామంలో మంగళవారం, మద్దిగరువులో గురువారం, పాడేరులో శుక్రవారం వారపు సంతలు జరుగుతాయి. అలాగే చింతపల్లి మండలంలో ఆదివారం కోరుకొండ, లోతుగెడ్డ జంక్షన్లలో, బుధవారం చింతపల్లిలో, గురువారం లంబసింగిలో సంతలు నిర్వహిస్తారు. గూడెంకొత్తవీధి, కొయ్యూరు మండలాల్లో కూడా ఈ వారపు సంతలు జరుగుతున్నాయి. దసరా పండగను దృష్టిలో ఉంచుకుని సంతల్లో వీటి విక్రయాలు జోరుగా సాగుతున్నాయి. పూజలు, మొక్కుల కోసం అధిక డిమాండ్‌ దసరా పండగ సందర్భంగా అమ్మవారికి భక్తులు మొక్కులు తీర్చుకోవడంతో పాటు, వాహనాలు, యంత్రాలు, దుకాణాలు, ఆయుధ పూజల కోసం నాటుకోళ్లు, మేకలు, గొర్రెలను ఎక్కువగా ఉపయోగిస్తారు. రూ.కోట్లల్లో వ్యాపార లావాదేవీలు నియోజకవర్గంలోని వివిధ మండలాల్లోని వారపు సంతల్లో దసరా సందర్భంగా సుమారు రూ.కోటినుంచి రూ.2 కోట్ల వరకు మేకలు, గొర్రెలు, నాటుకోళ్ల లావాదేవీలు జరిగే అవకాశం ఉందని అంచనా వేస్తున్నారు. ● జి.మాడుగుల వారపు సంతలో కిలో నాటుకోడి రూ.1,100 పలుకగా, 10 కిలోల బరువున్న మేక లేదా గొర్రె రూ.13 వేల నుంచి రూ.14 వేల వరకు అమ్ముడైంది.ఈ ఒక్క సంతలోనే సుమారు 100 మేకలు, గొర్రెలు, 100 నాటుకోళ్లు అమ్ముడుపోగా, రూ.15 నుంచి రూ.20 లక్షల వరకు లావాదేవీలు జరిగినట్లు అంచనా. ఈ నెల 20న విజయదశమి జరుగనున్న నేపథ్యంలో, నియోజకవర్గ వ్యాప్తంగా సుమారు మూడు వేల మేకలు, గొర్రెలు, 4 వేల నాటుకోళ్ల అమ్మకాల ద్వారా రూ.2 కోట్ల వరకు వ్యాపార లావాదేవీలు జరుగుతాయని వ్యాపారులు మరియు పెంపకందారులు తెలిపారు. గొర్రె, మేకలు, నాటుకోళ్లకుభారీ డిమాండ్‌ వారపు సంతల్లో పోటీపడి కొనుగోళ్లు పెంపకందారుల ముఖాల్లో చిరునవ్వు రూ.కోట్లలో లావాదేవీలు మంచి ఆదాయం మా గ్రామంలో ఇళ్ల వద్దనే సంవత్సరమంతా నాటుకోళ్లు, మేకలు, గొర్రెలను పెంచి పెద్దచేసి దసరా పండగను దృష్టిలో ఉంచుకుని వారపు సంతకు తీసుకొచ్చి విక్రయిస్తాం. వీటికి దసరా సమయంలోనే ఎక్కువ డిమాండ్‌తో పాటు మంచి ధరలు పలుకుతుండటంతో వారపు సంతల్లోనే విక్రయిస్తున్నాం. నాటు కోడి పుంజు రూ.2వేలు, మేక పది వేల నుంచి రూ.12 వేలకు విక్రయించాం. ఆశించిన ధర లభించింది. – భాస్కరరావు, కుంబిడిసింగి, జి.మాడుగుల మండలంధరలు మరింత పెరిగేఅవకాశం దసరా పండగకు నాటు కోళ్లు, మేకలు, గొర్రెలకు డిమాండ్‌ అధికంగా ఉంటుంది. వినియోగదారుల అవసరాలను బట్టి పెంపకందారులు ధరలు నిర్ణయించారు. మేక, గొర్రె పోతు 10 కిలోలు వారపు సంతలో రూ.10 వేల నుంచి రూ.12 వేల వరకు ధర పలికింది. ఏటా దసరాకు ముందు రెండు వారాలు వీటి ధరలు పెరుగుతాయి. మేము నాటుకోళ్లు, మేకలు, గొర్రెలకు మంచి ధర చెల్లించి కొనుగోలు చేశాం. – అప్పారావు, రావణాపల్లి, గొలుగొండ మండలం

● జలాశయాల్లో పుష్కలంగా నీటి నిల్వలు ● మేలు చేసిన భారీ వర్షాలు సీలేరు: ’కుంభవృష్టి లేదా అనావృష్టి’ అన్నట్లుగా మారిన సీలేరు విద్యుత్‌ కాంప్లెక్స్‌ రిజర్వాయర్లు.. ఇటీవల భారీ వర్షాలకు నిండుకుండలా మారాయి. ఎల్నినో ప్రభావంతో వర్షాలు కురవక నీటి కొరత ఏర్పడుతుందనుకున్న తరుణంలో, కురిసిన వర్షాలతో ఏపీ జెన్‌కో సీలేరు కాంప్లెక్స్‌లో విద్యుత్‌ ఉత్పత్తికి నీటి ఢోకా లేకుండా పోయింది. బలిమెలలో భారీగా పెరిగిన నీటిమట్టం: పది రోజుల క్రితం కేవలం 20 టీఎంసీలుగా ఉన్న బలిమెల జలాశయం నీటిమట్టం, భారీ వర్షాలతో పాటు జోలాపుట్టు నుంచి విడుదలైన నీటితో కలిపి ప్రస్తుతం 99.3382 టీఎంసీలకు చేరింది. పూర్తి స్థాయి నీటిమట్టం 1516 అడుగులు కాగా, ప్రస్తుతం 1503.50 అడుగులకు చేరింది. ఒడిశా వాటా కింద గతంలో వాడుకున్న నీటిని మినహాయించినా, ప్రస్తుతం రెండు రాష్ట్రాలకూ విద్యుత్‌ ఉత్పత్తికి,సాగు నీటికి ఎలాంటి ఇబ్బంది లేదని అధికారులు తెలిపారు. ఇతర రిజర్వాయర్ల వివరాలు ● జోలాపుట్టు: పూర్తి స్థాయి నీటిమట్టం 2750 అడుగులు కాగా, ప్రస్తుతం 2746.60 అడుగులుగా ఉంది. ● గుంటవాడ జలాశయం: 1360 అడుగులకు గాను ప్రస్తుతం 1351.4 అడుగులకు నీరు చేరింది. ● డొంకరాయి జలాశయం: రిజర్వాయర్లో ప్రస్తుతం 148.13 టీఎంసీల నీరు ఉంది. ఉపనదుల నుంచి రిజర్వాయర్లకు ఇంకా ఇన్‌ఫ్లో వస్తుండటంతో అధికారులు, ఇరు రాష్ట్రాల జలవిద్యుత్‌ కేంద్రాల సిబ్బంది హర్షం వ్యక్తం చేస్తున్నారు. ఐదు నెలలకు సరిపడా నిల్వలు : భారీ వర్షాల కారణంగా సీలేరు విద్యుత్‌ కాంప్లెక్స్‌లో రానున్న ఐదు నెలల పాటు విద్యుత్‌ ఉత్పత్తికి సరిపడా పుష్కలంగా నీటి నిల్వలు ఉన్నాయని చీఫ్‌ ఇంజనీర్‌ కె.వి. రాజారావు తెలిపారు. ఆంధ్ర–ఒడిశా సరిహద్దులోని మాచ్‌ఖండ్‌ జలవిద్యుత్‌ కేంద్రం, సీలేరు, డొంకరాయి, మోతుగూడెం కేంద్రాల్లో అన్ని యూనిట్లు అందుబాటులో ఉన్నాయని పేర్కొన్నారు. ఇతర ప్రాంతాల్లో విద్యుత్‌ ఉత్పత్తి జరుగుతుండటం వల్ల ప్రస్తుతం లోడ్‌ డిస్పాచ్‌ ఆదేశాల మేరకు ఉత్పత్తిని కొనసాగిస్తున్నట్లు ఆయన వివరించారు.

పెదబయలు: వీకెండ్‌ కావడంతో మండలంలోని జామిగుడ, గిన్నెలకోట పంచాయతీల సరిహద్దు ప్రాంతాల్లోని పిట్టలబొర్ర (తారాబు) జలపాతం ఆదివారం పర్యాటకులతో కిటకిలలాడింది. ఆహ్లాదకర వాతావరణంలో గడిపేందుకు ఇతర రాష్ట్రాల నుంచి పెద్ద సంఖ్యలో పర్యాటకులు ఉదయం నుంచే తరలివచ్చారు. జాలువారే జలపాత అందాలను తిలకిస్తూ రోజంతా ఉల్లాసంగా గడిపారు. మెరుగైన రవాణా సదుపాయాలు గతంలో గిన్నెలకోట–జామిగుడ వరకు తారురోడ్డు సదుపాయం కల్పించడంతో పర్యాకుల తాకిడి ఒక్కసారిగా పెరిగింది. ఇటీవల అరకు ఎంపీ తారాబు జలపాతాన్ని సందర్శించి, జలపాత సహజ అందాలకు ఎలాంటి భంగం కలగకుండా గ్లాస్‌ బ్రిడ్జి ఏర్పాటు చేస్తామని ప్రకటించారు. అంతేకాకుండా, పర్యాటకుల సౌకర్యార్థం అన్ని సదుపాయాలు కల్పించేందుకు రూ.5 కోట్ల ఎంపీ నిధులతో అభివృద్ధి చేస్తామని హామీ ఇవ్వడంతో... ఇక్కడకు వచ్చే పర్యాటకుల సంఖ్య మరింత పెరిగింది. పోటెత్తిన ఇతర రాష్ట్రాల పర్యాటకులు జామిగుడ మీదుగా, భూషిపుట్టు నుంచి పిట్టల బొర్ర గ్రామం మీదుగా జలపాతానికి దారి ఉండటంతో, చాలా నెలల తర్వాత ఈ ప్రాంతం పర్యాటకులతో కళకళలాడింది. ఒడిశా, ఛత్తీస్‌గఢ్‌ తదితర రా ష్ట్రాల నుంచి పర్యాటకులు భారీగా తరలివచ్చారు.

ముంచంగిపుట్టు: మండలంలో ఏనుగురాయి పంచాయతీ కొండపడ గ్రామ సమీపంలో బైక్‌ను గుర్తుతెలియని ఆటో ఢీకొన్న ఘటనలో తీవ్రంగా గాయపడిన వ్యక్తి చికిత్స పొందుతూ మృతి చెందాడు. ఈ ప్రమాదంలో తీవ్రంగా గాయపడిన కిల్లో బోల్‌దాసు (32) ఆస్పత్రిలో వైద్యసేవలు పొందుతూ ఆదివారం తెల్లవారుజామున పాడేరు జిల్లా ఆసుపత్రిలో మృతి చెందాడు. పోస్టుమార్టం అనంతరం బోల్‌దాసు మృతదేహాన్ని కుటుంబ సభ్యులకు అప్పగించారు. ఆయన మృతితో స్వగ్రామమైన జర్రెలలో విషాదఛాయలు అలుముకున్నాయి. అందరితోనూ ఎంతో కలివిడిగా ఉండే వ్యక్తి ఇలా అర్ధంతరంగా తనువు చాలించడాన్ని గ్రామస్తులు జీర్ణించుకోలేకపోతున్నారు. మృతుడి భార్య రత్నకుమారి ఇచ్చిన ఫిర్యాదు మేరకు పోలీసులు కేసు నమోదు చేశారు. ప్రమాదానికి కారణమై ఆపకుండా వెళ్లిపోయిన ఆటో డ్రైవర్‌ శోభ వెంకటరమణను.. ఎస్‌ఐ నాని సీసీ కెమెరాల ఆధారంగా గుర్తించారు. నిందితుడు వెంకటరమణను అదుపులోకి తీసుకుని పోలీస్‌స్టేషన్‌కు తరలించడంతో పాటు, ప్రమాదానికి కారణమైన ఆటోను స్వాధీనం చేసుకున్నారు. సంఘటన స్థలాన్ని పరిశీలించి దర్యాప్తు కొనసాగిస్తున్నారు.

నర్సీపట్నం: మున్సిపాలిటీ పరిధి పెదబొడ్డేపల్లి థెరిస్సా కాలనీకి చెందిన కృష్ణ ఓ గ్యాస్‌ ఏజెన్సీలో వినియోగదారుడుగా ఉన్నాడు. అతనికి గ్యాస్‌ అవసరమై పది వారం రోజుల క్రితం బుక్‌ చేసుకున్నారు. ఐదు రోజులు కావస్తున్నా.. సిలిండర్‌ రాలేదు. ఇళ్లకు పంపిణీ చేసే బాయ్‌కి ఫోన్‌ చేస్తే స్విచ్‌ ఆఫ్‌ వస్తోంది..డీలరుకు ఫోన్‌ చేస్తే స్పందించడం లేదు. సిలిండరు వస్తుందో..? రాదో..? తేలియక వినియోగదారులు అయోమయానికి గురయ్యాడు. గత్యంతరం లేక సదరు వ్యక్తి గ్యాస్‌ డీలర్‌ కార్యాలయానికి వెళ్లి ఆరా తీస్తే బుకింగ్‌ క్యాన్సిల్‌ అయినట్టు సిబ్బంది చెప్పారు. మరలా బుక్‌ చేసుకోవాలని సూచించారు. గొడౌన్‌కు వచ్చి సిలిండర్‌ తీసుకువెళ్లాలని సూచించారు. విధిలేని పరిస్థితిల్లో ఖాళీ సిలిండర్‌ అప్పగించి నిండిన సిలిండర్‌ తీసుకెళ్లేందుకు ఖరీదు రూ.960 అయితే రూ.వెయ్యి తీసుకున్నారని వినియోగదారుడు వాపోయారు. దందాలో సిబ్బంది పాత్ర గ్యాస్‌ సిబ్బంది సాంకేతికతను వినియోగించుకుని కొత్త తరహాలో దందాకు తెరతీశారు. వినియోగదారులకు తెలియకుండా సిలిండర్లను బుక్‌ చేసి పక్కదారిని వ్యాపారులకు విక్రయిస్తున్నారు. వాస్తవానికి వినియోగదారుడికి గ్యాస్‌ డెలివరీ చేసే సమయంలో ఫోన్‌కు ఓటీపీ వస్తుంది. డెలివరీ బాయ్‌కి ఆ ఓటీపీ చెబితే సిలిండర్‌ అందజేస్తారు. ఇవన్నీ చేయకుండా ఏజెన్సీ సిబ్బంది సాంకేతిక పరిజ్ఞానంతో వాటిని పక్కదారి పట్టిస్తున్నారు. నర్సీపట్నం, రోలుగుంట, గొలుగొండ, నాతవరం, మాకవరపాలెం, కోటవురట్ల మండలాల్లో సుమారు 45 వేల గ్యాస్‌ కనెక్షన్లు ఉన్నాయి. అందులో పేరుకే 500 పైనే వాణిజ్య కనెక్షన్లు ఉన్నాయి. టీ స్టాల్‌ దగ్గర నుంచి పెద్ద హోటళ్ల వరకు వేలల్లో ఉన్నాయి. వీరంతా డొమిస్టిక్‌ సిలిండర్లను వినియోగిస్తున్నారు. ప్రస్తుతం గృహ అవసరాలకు వినియోగించే సిలిండరు రూ.980, వాణిజ్య రకం(19కేజీలు) రూ.3500 ఉంది. ఇటీవల పశ్చిమాసియా యుద్ధం నేపథ్యంలో గ్యాస్‌ కొరత ఏర్పడింది. దీంతో వాణిజ్య సిలిండర్ల సరఫరా సంఖ్యను కుదించారు. వినియోగదారులకు గ్రామాల్లో 45 రోజుల నిబంధన పెట్టారు. దీన్ని అదునుగా తీసుకున్న గ్యాస్‌ ఏజెన్సీ నిర్వాహకులు హోటళ్లు, ఇతర వాణిజ్య అవసరాలకు గృహ వినియోగ సిలిండర్లను అక్రమ మార్గంలో ఒక్కొక్కటి రూ.1800 చొప్పున విక్రయిస్తున్నారు. ప్రస్తుతం కొరత తగ్గింది. కానీ దందాకు అలవాటు పడిన గ్యాస్‌ నిర్వాహకులు వినియోగదారులకు తెలియకుండా వారి పేరుతో బుక్‌ చేసి వ్యాపారులకు రూ.1800 చొప్పున అమ్ముకుంటున్నారు. అదనంగా వసూలు గ్యాస్‌ నిర్వాహకులు సిలిండర్‌ను డోర్‌ డెలివరీ ఇవ్వాల్సి ఉండగా ప్రధాన కూడళ్ల వద్ద వాహనాలను నిలిపి అక్కడికి వచ్చి తీసుకెళ్లాలని చెబుతున్నట్టు ఆరోపణలున్నాయి. అదేమని అడిగితే గోదాము దగ్గరకొచ్చి తెచ్చుకోండి..అంటూ నిర్లక్ష్యంగా సమాధానం చెబుతున్నారని ధర కంటే అదనంగా రూ.100 నుంచి రూ.150 వసూలు చేస్తున్నుట్టు వినియోగదారులు వాపోతున్నారు. ఈ విషయంపై సీఎస్‌డీటీ అశోక్‌ను వివరణ కోరగా బ్లాక్‌లో సిలిండర్లు విక్రయిస్తే ఏజెన్సీ నిర్వాహకులపై చర్యలు తీసుకుంటామన్నారు. డీలర్‌, కార్యాలయం సిబ్బంది వినియోగదారులకు జవాబుదారీగా ఉండాలని, ఫిర్యాదులు అందితే నిర్వాహకులపై చర్యలు తీసుకుంటామని స్పష్టం చేశారు.

రావికమతం: మండలంలోని గర్నికం గ్రామంలో వ్యాపారి బండారు అచ్చుతరావు(60) ఇంటి ఆవరణలో ఆదివారం ఒంటిపై పెట్రోల్‌ పోసుకొని ఆత్మహత్యకు పాల్పడ్డారు. భార్య రమాదేవి ఫిర్యాదు మేరకు రావికమతం పోలీసులు కేసు నమోదు చేశారు. ఘటనపై ఎస్‌ఐ రఘువర్మ, స్థానికులు తెలిపిన వివరాలిలా ఉన్నాయి. బండారు అచ్చుతరావు (60) కొంతకాలంగా తీవ్ర అనారోగ్య సమస్యలతో బాధపడుతున్నాడు. అప్పుల వ్యవహారంలో మనస్థాపం చెంది ఆదివారం సాయంత్రం ఇంట్లో ఎవరూ లేని సమయంలో అచ్చుతరావు ఇంటి ఆవరణలో ఒంటిపై పెట్రోల్‌ పోసుకొని నిప్పంటించుకున్నాడు. మంటలు వ్యాపించి కలు వేయడంతో చుట్టుపక్కల వారు వెళ్లి చూసేసరికే శరీరం అంతా 80 శాతం వరకు కాలిపోయి మృతి చెందాడు. స్థానికులు 100కు ఫోన్‌ చేసి సమాచారం అందించారు. అచ్చుతరావుది వ్యాపార కుటుంబం. ఆయనకు భార్య రమాదేవి, కుమారుడు వెంకటేష్‌, కుమార్తె రామలక్ష్మి ఉన్నారు. కొడుకు, కూతురుకి వివాహం అయింది. గతంలో అచ్చుతరావు ఫ్యాన్సీ వ్యాపారం నిర్వహించేవారు. ప్రసుత్తం అతడి కుమారుడు బంగారు దుకాణం నిర్వహిస్తున్నాడు. మృతుడి భార్య ఫిర్యాదు మేరకు ఎస్‌ఐ రఘువర్మ పోలీస్‌ సిబ్బందితో కలిసి ఘటనా స్థలానికి వెళ్లి పరిశీలించారు. గర్నికం వీఆర్వో ప్రసాద్‌, వీఆర్‌ఏ సాయి, కుటుంబ సభ్యుల సమక్షంలో సంఘటనపై ఆరా తీశారు. కేసు నమోదు చేశారు. సోమవారం శవ పంచనామా నిర్వహించి మృతదేహాన్ని పోస్టుమార్టంకు తరిలిస్తామని ఎస్‌ఐ తెలిపారు.

డాబాగార్డెన్స్‌: విశాఖలో ఏర్పాటు చేస్తున్న ఏఐ డేటా సెంటర్ల వల్ల ప్రజలకు, పర్యావరణానికి తీవ్ర ముప్పు పొంచి ఉందని ఫ్రీ సాఫ్ట్‌వేర్‌ మూవ్‌మెంట్‌ ప్రతినిధి ఫణీంద్ర పేర్కొన్నారు. డాబాగార్డెన్స్‌లోని అల్లూరి విజ్ఞాన కేంద్రంలో ఆదివారం నిర్వహించిన మానవ హక్కుల వేదిక (హెచ్‌ఆర్‌ఎఫ్‌) 10వ జిల్లా మహాసభలో ఆయన మాట్లాడారు. 8 గిగావాట్ల ఏఐ డేటా సెంటర్ల నిర్వహణకు 40 గిగావాట్ల సోలార్‌ విద్యుత్‌, 5 టీఎంసీల నీరు అవసరమవుతుందన్నారు. పోలవరం నీటిని డేటా సెంటర్లకు తరలించే ప్రయత్నాలు జరుగుతున్నాయని ఆరోపించారు. డేటా సెంటర్లతో 1.8 లక్షల ఉద్యోగాలు వస్తాయని తొలుత ప్రచారం చేసి, ఆ తర్వాత ఆ సంఖ్యను 10 వేల నుంచి 20 వేల వరకు తగ్గించారని మండిపడ్డారు. పర్యావరణ అనుమతులు తొమ్మిది రోజుల్లోనే ఇచ్చారని, ప్రజాభిప్రాయ సేకరణ లేకుండానే ప్రాజెక్టులను ముందుకు తీసుకెళ్తున్నారని ఆగ్రహం వ్యక్తం చేశారు. ఏజెన్సీ ప్రాంతాల్లో పంప్‌డ్‌ స్టోరేజీ హైడ్రో ప్రాజెక్టుల పేరుతో అడవుల విధ్వంసం, గ్రామాల తరలింపు జరుగుతుందని ఆందోళన వ్యక్తం చేశారు. ఒకవైపు గ్రీన్‌ ఎనర్జీ అంటూనే శ్రీకాకుళంలో 3,200 మెగావాట్ల థర్మల్‌ విద్యుత్‌ కేంద్రం ఏర్పాటు చేస్తున్నారని మండిపడ్డారు. అనంతరం ఏఐ డేటా సెంటర్ల వల్ల ఎదురయ్యే ప్రమాదాలపై రూపొందించిన షార్ట్‌ఫిల్మ్‌ను ప్రదర్శించారు. హెచ్‌ఆర్‌ఎఫ్‌ ప్రతినిధి కె.అనురాధ అధ్యక్షతన జరిగిన కార్యక్రమంలో రాష్ట్ర ప్రధాన కార్యదర్శి వై.రాజేష్‌, తెలుగు రాష్ట్రాల సమన్వయ కమిటీ సభ్యుడు వీఎస్‌ కృష్ణ, ప్రతినిధులు సుధ, శరత్‌, ప్రజాసంఘాల ప్రతినిధులు పాల్గొన్నారు.

డాబాగార్డెన్స్‌: శ్రీ కనకమహాలక్ష్మి దేవస్థానంలో ఈ నెల 11 నుంచి 20వ తేదీ వరకు శరన్నవరాత్రి ఉత్సవాలు వైభవంగా జరగనున్నాయి. ఈ సందర్భంగా అమ్మవారు వివిధ అలంకరణల్లో భక్తులకు దర్శనమివ్వనున్నారు. 11న ఆదిలక్ష్మి అలంకరణలో దర్శనమిచ్చే అమ్మవారికి లక్ష కుంకుమార్చన నిర్వహించనున్నారు. 12న ధనలక్ష్మిగా అలంకరించి లక్ష చామంతులతో పూజలు చేస్తారు. 13న ధాన్యలక్ష్మి అలంకరణలో దర్శనమివ్వగా, లడ్డూలతో సహస్రనామార్చన నిర్వహిస్తారు. 14న ధైర్యలక్ష్మిగా అలంకరించి తులసీదళాలతో సహస్రనామార్చన చేస్తారు. 15న సంతానలక్ష్మిగా అలంకరించి కలువపూలతో పూజలు నిర్వహిస్తారు. 16న విద్యాలక్ష్మి అలంకరణలో పంచపుష్పార్చన, 17న విజయలక్ష్మి అలంకరణలో గులాబీ పూలతో పూజలు నిర్వహించనున్నారు. 18న గజలక్ష్మి అలంకరణలో దర్శనమివ్వనున్న అమ్మవారికి లక్ష గాజులతో సహస్రనామార్చన చేస్తారు. 19న మహాలక్ష్మి అలంకరణలో శాకాంబరిగా వివిధ రకాల కూరగాయలతో పూజలు నిర్వహిస్తారు. చివరి రోజైన 20న స్వర్ణకవచాలంకరణలో దర్శనమివ్వనున్న అమ్మవారికి 108 పుష్పాలతో స్వర్ణ పుష్పార్చన చేయనున్నారు. రోజువారీ పూజలు ఇలా.. ప్రతిరోజూ ఉదయం 5 గంటలకు పంచామృతాభిషేకం, ఉదయం 9 నుంచి సాయంత్రం 5 గంటల వరకు అష్టలక్ష్మి అలంకరణలో అమ్మవారి దర్శనం కల్పిస్తారు. సాయంత్రం 6 గంటలకు పంచామృతాభిషేకం, రాత్రి 7 గంటల నుంచి సర్వదర్శనాలు ఉంటాయి.

పెందుర్తి: తన కుమారుడు మరణించినా.. అతడి కళ్ల ద్వారా మరో ఇద్దరికి చూపు కలగాలని భావించిన తల్లి మానవత్వాన్ని చాటుకున్నారు. పెందుర్తికి చెందిన పట్నాల అరవింద్‌ రామస్వామి (28) అనారోగ్యంతో కేజీహెచ్‌లో చికిత్స పొందుతూ మృతి చెందాడు. విషయం తెలుసుకున్న సాయి హెల్పింగ్‌ హ్యాండ్స్‌ చారిటబుల్‌ ట్రస్ట్‌ ప్రతినిధులు మృతుడి కుటుంబ సభ్యులను సంప్రదించి నేత్రదానంపై అవగాహన కల్పించారు. తీవ్ర విషాదంలోనూ అరవింద్‌ రామస్వామి తల్లి పట్నాల స్వరూప నేత్రదానానికి అంగీకరించారు. కేజీహెచ్‌లో మృతుడి నేత్రాలను ఎల్‌వీ ప్రసాద్‌ నేత్ర వైద్య సంస్థకు చెందిన రమ్య, వాణి సేకరించారు. ఈ సందర్భంగా ట్రస్ట్‌ అధ్యక్షుడు దాడి శ్రీను మాట్లాడుతూ.. కుటుంబ సభ్యుడిని కోల్పోయిన బాధలోనూ నేత్రదానానికి అంగీకరించిన స్వరూపను, ఆమె కుటుంబ సభ్యులను అభినందించారు. వారి కుటుంబానికి కృతజ్ఞతలు తెలిపారు.

రాంబిల్లి: దిమిలి గ్రామానికి చెందిన పౌరాణిక, సాంఘిక, జానపద కళాకారుడు, రిటైర్డు ప్రధానోపాధ్యాయుడు కోవెల వెంకటరావు ఆదివారం మృతి చెందారు. ఆయన గత 8 నెలలుగా అనారోగ్యంతో బాధపడుతున్నారు. ఉపాధ్యాయుడుగా, కళాకారుడుగా ఆయన పేరు సంపాదించారు. వరకట్న వేధింపులు, దేశ భక్తి మేళవింపులతో కట్టుబోలులో శతాబ్దాల క్రితం జరిగిన యధార్ధ ఘటనను బాలసన్యాసమ్మ పేరుతో నాటకాన్ని ఉమ్మడి విశాఖపట్నం , శ్రీకాకుళం, విజయనగరంతో పాటు ఉభయ గోదావరి ఇతర జిల్లాలో ప్రదర్శించారు. ఇందులో ఆయన హీరో చెంచన్న పాత్ర పోషించేవారు. శ్రీకృష్ణాంజనేయ యుద్ధం, సీతారామ కళ్యాణం వంటి పౌరాణిక నాటకాల్లో నటించారు. వెంకటరావు మాస్టారు అంత్యక్రియలు దిమిలిలో నిర్వహించారు. రాంబిల్లి మండల కళాకారుల సంఘం నాయకులు డి.వి. సన్నయ్య తదితరులు సంతాపం వ్యక్తం చేశారు.

తాటిచెట్లపాలెం: ప్రయాణికులకు సురక్షితమైన తాగునీరు అందేలా ప్రతి వారం తనిఖీలు నిర్వహించాలని సౌత్‌కోస్ట్‌ రైల్వే జనరల్‌ మేనేజర్‌ సందీప్‌ మాధుర్‌ అధికారులను ఆదేశించారు. రైల్వేస్టేషన్లు, కాలనీలు, ఆస్పత్రులు, హెల్త్‌ యూనిట్లు, పాఠశాలలు, కార్యాలయాల్లోని తాగునీటి వసతులను క్రమం తప్పకుండా పరిశీలించాలని సూచించారు. రైల్వే ప్రయాణికులకు అందుతున్న తాగునీటి నాణ్యతపై సౌత్‌కోస్ట్‌ రైల్వే ప్రత్యేక దృష్టి సారించినట్లు తెలిపారు. నాలుగు డివిజన్ల పరిధిలోని స్టేషన్లు, రైల్వే కాలనీలు, ఆస్పత్రులు, పాఠశాలలు, కార్యాలయాల్లో ఆకస్మిక తనిఖీలు చేపట్టడంతో పాటు నీటి నమూనాలను సేకరించి పరీక్షలు నిర్వహించినట్లు చెప్పారు. వారం రోజులు ప్రత్యేక డ్రైవ్‌ గత నెల 25 నుంచి ఈ నెల 1వ తేదీ వరకు నిర్వహించిన ప్రత్యేక డ్రైవ్‌లో సుమారు 70 స్టేషన్ల నుంచి 2,677 నమూనాలు సేకరించి రెసిడ్యువల్‌ క్లోరిన్‌ పరీక్షలు నిర్వహించినట్లు వివరించారు. 82 స్టేషన్ల నుంచి సేకరించిన 226 నమూనాల్లో బ్యాక్టీరియలాజికల్‌ పారామీటర్లను పరీక్షించగా అన్నింటిలోనూ ఫలితాలు సంతృప్తికరంగా ఉన్నాయన్నారు. ఏడు స్టేషన్ల నుంచి సేకరించిన ఏడు నమూనాలను రసాయన పరీక్షలకు పంపగా.. ఆరు నమూనాల ఫలితాలు సంతృప్తికరంగా వచ్చాయని, మరో నమూనా ఫలితం రావాల్సి ఉందని పేర్కొన్నారు. రైల్వే కాలనీల్లో సేకరించిన నమూనాల ఫలితాలు కూడా సంతృప్తికరంగా ఉన్నాయన్నారు. రైల్వే అధికారులు, సూపర్‌వైజర్లు ఆయా ప్రాంతాలను వ్యక్తిగతంగా పరిశీలించాలని, క్రమం తప్పకుండా ఆకస్మిక తనిఖీలు చేపట్టాలని జీఎం ఆదేశించారు.

రోలుగుంట: దళితులకు డీ పట్టా భూములు పునరుద్ధరణ చేయాలంటూ ఆదివారం రావికమతం తహసీల్దార్‌ కార్యాలయం వద్ద అందోళన చేశారుజ. దీనికి సారధ్యం వహించిన సీపీఎం జిల్లా ప్రతినిధి కె.గోవింద మాట్లాడుతూ గర్నికం గ్రామానికి చెందిన సాగులో ఉన్న వారి భూములను రెవెన్యూ రికార్డుల్లో గయాలీ భూములుగా మార్చేశారన్నారు. రీ సర్వే జరగక ముందే వెబ్‌ల్యాండ్‌ రికార్డుల్లో పట్టాదారుగా సాగుదారుగా నమోదు చేసి ఉన్నారన్నారు. రైతు భరోసా, ఎరువులు, విత్తనాలు , బ్యాంకు రుణాలు పొందే వారిని, రీ సర్వే అయిన తరువాత దళిత గిరిజన భూములను అన్యాయంగా ప్రభుత్వం రికార్డుల నుంచి తొలగించిందన్నారు. వారికి అన్నదాత సుఖీభవ వంటి పథకాలు అందడం లేదన్నారు. బ్యాంకు అధికారులు తీసుకున్న రుణాలు తీర్చలేదని, ఒత్తిడి తీసుకురావడంతో ప్రైవేటు వ్యాపారుల నుంచి అప్పులు తీసుకొని బ్యాంకు రుణాలు చెల్లించామని రుణగ్రస్తులు ఆవేదన వ్యక్తం చేశారు. తిరిగి రుణాలు ముంజూరు కావాలంటే వన్‌బీ కాపీ ఇస్తేనే రుణాలు మంజూరు అవుతాయని అధికారులు చెబుతున్నారన్నారు. వన్‌బీ రికార్డులో దళితుల పేర్లు లేవని, 2008లో ఇచ్చిన డీ పట్టాలు ఉన్నాయని తెలిపారు. బ్యాంకు అధికారులు రీ సర్వే అయిన తరువాత పట్టాదారు పాస్‌ పుస్తకాలివ్వాలంటున్నారని, కానీ రెవెన్యూ అధికారులు ఇవ్వడం లేదని ఆవేదన వ్యక్తం చేశారు. తక్షణమే మా భూములు రెవెన్యూ రికార్డుల్లో నమోదు చేసి, పట్టాదార్‌ పాస్‌ బుక్‌లు ఇవ్వాలని, లేకుంటే ఆందోళనకు దిగుతామని కార్యవర్గ సభ్యులు కె.గోవిందరావు, కె.వి.పి.ఎస్‌ జిల్లా నాయకుడు సిహెచ్‌.సూరిబాబు, ఎద్దుల కళ్యాణం తదితరులు పేర్కొన్నారు.

నాతవరం: గత ప్రభుత్వంలో ఏలేరు కాలువకు ప్రైవేట్‌ చానల్‌ (అనుసంధాన కాలువ) నిర్మాణం చేయడంతో ఇటీవల సంభవించిన తుఫాన్ల నుంచి ముంపు ముప్పు తలెత్తలేదు. గతంలో తుఫాన్లు సంభవించినపుడు ఏలేరు కాలువలో నీరు ఉప్పొంగి గండిపడడం జరిగేది. అలాగే కాలువకు ఇరువైపులా ఉన్న గ్రామాలతో పాటు పంట పొలాలు సైతం ముంపునకు గురికావడంతో తీవ్ర నష్టం కలిగించేది. ఈ సమస్య ఉమ్మడి తూర్పుగోదావరి జిల్లా ఏలేశ్వరం ప్రాజెక్టు నుంచి ఉమ్మడి విశాఖపట్నం జిల్లా పరిధిలో ఉన్న ఏలేరు కాలువ 154 కిలోమీటర్లు పొడవునా వెంటాడేది. తుఫాన్లు వచ్చినప్పుడల్లా ఏలేరు కాలువ అధికారులతో పాటు కాలువ సమీపంలో ఉన్న మండలాలు, అధికారులు, గ్రామస్తులు ఏలేరు కాలువ నీటి కారణంగా ఏ సమయంలో ఏప్రమాదం సంభవిస్తుందోనని భయం గుప్పెట్లో కాలం వెళ్లదీసేవారు. గత ప్రభుత్వం ఏలేరు కాలువ ప్రమాద సమయంలో గండి పడకుండా, గ్రామాలు ముంపునకు గురి కాకుండా చర్యలు చేపట్టారు. రూ 2 కోట్లతో ఏలేరు కాలువపై ప్రైవేట్‌ చానల్‌ నిర్మాణం చేపట్టారు. నాతవరం మండలంలో రాజుపేట అగ్రహారం వద్ద తాండవ నదిలోకి నీరు పోయే విధంగా అనకాపల్లి మండలంలో శారద నదిలోకి నీరు పోయే విధంగా ప్రైవేట్‌ చానల్స్‌ నిర్మాణం చేశారు. ఈ చానల్‌ ద్వారా ఏలేరు కాలువలో నీటిని విడుదల చేయడం ద్వారా ఇటీవల కురిసిన వర్షాలకు రెండు జిల్లాల పరిధిలో ఏలేరు కాలువకు ఎక్కడా గండి పడలేదు. అలాగే గ్రామాలకు ముంపునకు గురి కావడం గానీ పంట పొలాలకు ఎలాంటి నష్టం జరగలేదు. నాతవరం మండలంలో 18 కిలోమీటర్ల పొడవునా 12 గ్రామాలు మధ్యలోంచి ఏలేరు కాలువ ప్రవహిస్తుంది. జిల్లాలో నర్సీపట్నం, కోటవురట్ల, మాకవరపాలెం, కశింకోట, అనకాపల్లి, పరవాడ తదితర మండలాల మీదుగా విశాఖపట్నం స్టీల్‌ప్లాంటుకు ఏలేరు కాలువ ద్వారా నీరు ప్రవహిస్తుంది. ముంపు సమస్య తప్పింది ఏలేరు కాలువపై చానల్‌ నిర్మాణం చేయకముందు వర్షం పడినా, కాలువ ఊప్పొంగిన సమయంలో రాత్రి పగలనే తెలియకుండా కాలువపై తిరిగేవాళ్లం. అయినా ఏదో ఒక చోట నీటి ఉధృతికి కాలువ గండిపడడం పంటపొలాలు మునిగిపోవడం, లోతట్టు గ్రామాలు ముంపునకు గురి కావడం జరిగేది. గండి పడిన చోట పనులు చేసేందుకు రూ. లక్షలు ఖర్చు చేసేవాళ్లం. ఇటీవల తుఫాన్లు సమయంలో ఏలేరు కాలువకు ఎక్కడా గండి పడలేదు. పంటపొలాలు, గ్రామాలకు ఎలాంటి ఇబ్బంది లేదు. మేము కూడా కాలువపై ధైర్యంగా తిరుగుతున్నాం. –గోపినాథ్‌, ఏలేరు కాలువ జేఈ భయం గుప్పెట్లో కాలువ సమీప గ్రామాలు

మునగపాక: మండలంలోని తిమ్మరాజుపేట డావెన్సీ అంతర్జాతీయ పాఠశాలలో ఆదివారం నిర్వహించిన రాష్ట్రస్థాయి పుట్‌బాల్‌ పోటీలకు విశేష స్పందన వచ్చింది. మొత్తం 14 టీమ్‌లు ఈ పోటీల్లో పాల్గొన్నాయి. సింహాచలానికి చెందిన బూట్స్‌ టీమ్‌కు ప్రథమ స్థానం రాగా విశాఖకు చెందిన సిద్దార్ధ టీమ్‌ ద్వితీయ స్థానం సాధించింది. విజేతలకు పాఠశాల మేనేజింగ్‌ డైరెక్టర్‌ కర్రి సుందరయ్య, డైరెక్టర్‌ రమణాజీలు బహుమతులు అందించారు. ఈ సందర్భంగా వారు మాట్లాడుతూ విద్యార్థులు చదువుతో పాటు క్రీడల్లో రాణించాలన్నారు. తద్వారా ఉద్యోగ, ఉపాధి అవకాశాలు ఉంటాయన్నారు. క్రీడల ద్వారా మానసిక ఉల్లాసంతో పాటు శరీర ధారుఢ్యం పెరుగుతుందన్నారు. జిల్లా పుట్‌బాల్‌ అసోసియేషన్‌ అధ్యక్షుడు గణేష్‌, కార్యదర్శి రామకృష్ణ, సహాయ కార్యదర్శి నరేష్‌ల పర్యవేక్షణలో పోటీలు జరిగాయి. కార్యక్రమంలో పాఠశాల ఉపాధ్యాయులతో పాటు పలువురు క్రీడాకారులు పాల్గొన్నారు.

● ఇరువురికి తీవ్ర గాయాలు ● పరారైన ఆటో ముంచంగిపుట్టు : Ð]l$…yýl-ÌS…ÌZ° H¯]l$-VýS$Æ>Ƈ$$ ç³…^éĶæ$¡ Mö…yýl-ç³yýl çÜÒ$-ç³…ÌZ Ôèæ°-ÐéÆý‡… ÝëĶæ$…{™èl… fÇ-W¯]l Æøyýl$z {ç³Ð]l*-§ýl…ÌZ C§ýlªÆý‡$ Ķæ¬Ð]l-MýS$Ë$ ¡{Ð]l…V> V>Ķæ$-ç³-yézÆý‡$. ´ëyólÆý‡$ ¯]l$…_ Ð]lçÜ$¢¯]l² O»ñæMŠS¯]l$, Ð]l¬…^èl…-W-ç³#r$t OÐðlç³# Ððlâ¶æ$¢¯]l² VýS$Æý‡$¢™ðl-ÍĶæ$° BsZ A†Ðól-VýS…V> Ð]l_a ÉîlMösìæt Bç³-MýS$…yé ÐðlãÏ-´ù-Ƈ$$…¨. D {ç³Ð]l*-§ýl…ÌZ O»ñæMýS$ ¯]l$fj-Ƈ$$…-¨. f{Æð‡ÌS ç³…^é-Ķæ$¡MìS ^ðl…¨¯]l ¯éĶæ$MýS… çÜ$Æó‡‹-Ù-MýS$Ð]l*ÆŠæ, MìSÌZÏ »ZÌŒæ-§éçÜ$MýS$ ¡{Ð]lV>-Ķæ*-ÌS-Ķæ*ÅƇ$$. Ý린-MýS$Ë$ „ýS™èlV>-{™èl$-ÌS¯]l$ Ý린MýS ïÜòßæ-^Œl-ïÜMìS ¡çÜ$-MýS$-Ð]l-^éaÆý‡$. yéMýStÆŠæ X™é…-fÍ {´ë£ýl-Ñ$MýS OÐðl§ýlÅ… A…¨…-^éÆý‡$. çÜ$Æó‡‹ÙMýS$-Ð]l*-ÆŠ‡MýS$ M>Ë$-ಲ-ು, ^ólƇ$$ ÑÇ-W-´ù-V>.. »ZÌŒæ§é-çÜ$MýS$ ™èlÌSOò³ ¡{Ð]l V>Ķæ$OÐðl$ Aç³-ÝëÃ-Æý‡MýS íܦ†-ÌZMìS ÐðlâêÏÆý‡$. ïÜòßæ-^Œl-ïÜÌZ E¯]l² Æð‡…yýl$ A…º$Ìñæ-¯]l$ÞË$ Ð]l$Æý‡-Ð]l$Ã-™èl$ÌSMýS$ VýS$ÇM>-Ð]l-yýl…™ø „ýS™èl-V>-{™èl$ÌS º…«§ýl$-Ð]l#Ë$ BÐól-§ýl¯]l Ð]lÅMýS¢… ^ólÔ>Æý‡$. Ððl¬§ýlr ÌSº*¾Æý‡$ A…º$-Ìñæ-¯]l$ÞÌZ çÜ$Æó‡‹-Ù-MýS$-Ð]l*ÆŠ‡¯]l$ ™èlÆý‡-Í…-^éÆý‡$. AƇ$$™ól ç³Çíܦ† ÑçÙ-Ð]l$…V> E¯]l² »ZÌŒæ-§é-çÜ$¯]l$ ™èlÆý‡-Í…^ól…§ýl$MýS$ Ðéçßæ¯]l… A…§ýl$»ê-r$ÌZ ÌôæMýS-´ùÐ]l-yýl…™ø º…«§ýl$-Ð]l#Ë$ ïÜòßæ-^ŒlïÜ G§ýl$r B…§øâýæ-¯]lMýS$ ¨V>Æý‡$. ©…™ø MìSÌS-V>yýl ï³òßæ-^ŒlïÜ ¯]l$…_ A…º$-Ìñæ¯]l$Þ Æý‡í³µ…_ Ððl$Æý‡$-OVðS¯]l OÐðl§ýlÅ… MøçÜ… ´ëyólÆý‡$ hÌêÏ BçÜ$-ç³-{†MìS ™èlÆý‡-Í…-^éÆý‡$. G‹ÜI ¯é° BçÜ$-ç³{†MìS ^ólÆý‡$MýS$° ÑÐ]l-Æ>Ë$ õÜMýS-Ç…^éÆý‡$. {ç³Ð]l*-§é°MìS M>Æý‡-×æ-OÐðl$¯]l BsZ MøçÜ… V>Í-çÜ$¢-¯é²-Ð]l$°, ™èlÓÆý‡-ÌZ¯ól ç³r$tMýS$…-sêÐ]l$° BĶæ$¯]l ™ðlÍ-´ëÆý‡$.

అనకాపల్లి : రానున్న స్థానిక సంస్థల ఎన్నికల్లో పోటీకి వైఎస్సార్‌సీపీ సిద్ధంగా ఉందని మాజీ ఉప ముఖ్యమంత్రి బూడి ముత్యాలనాయుడు స్పష్టం చేశారు. అనకాపల్లిలోని పార్టీ కార్యాలయంలో శనివారం పార్టీ జిల్లా అధ్యక్షుడు బొడ్డేడ ప్రసాద్‌ అధ్యక్షతన జరిగిన జిల్లా ముఖ్య నాయకుల సమావేశంలో స్థానిక సంస్థల ఎన్నికల విషయమై చర్చించి ప్రసంగించారు. హైకోర్టు తీర్పు నేపథ్యంలో స్థానిక సంస్థల ఎన్నికలకు ఏ క్షణాన్నైనా ప్రకటన వెలువడవచ్చునన్నారు. ఇందుకు రాష్ట్ర ప్రభుత్వం, ఎన్నికల సంఘం సమాయత్తం అవుతున్నాయన్నారు. గత వైఎస్సార్‌సీపీ ప్రభుత్వంలో స్థానిక ఎన్నికల్లో ఎటువంటి అరాచకాలు చేయలేదన్నారు. కానీ కూటమి పాలనలో రెండున్నరేళ్లలో ఇచ్చిన హామీలేవీ నెరవేర్చలేకపోయారన్నారు. దీంతో గెలుస్తామనే నమ్మకం లేక స్వేచ్ఛగా ఎన్నికలు జరపకుండా ఏదో విధంగా అరాచకాలు చేసి, తప్పుడు కేసులతో స్థానిక ఎన్నికల్లో కూటమి ప్రభుత్వం గెలవాలని చూస్తోందని విమర్శించారు. ప్రభుత్వం ఎన్ని అరాచకాలు చేసినా, కేసులు పెట్టాలని, పోలీసులతో ఇబ్బందులు కలిగిస్తున్నా వెరవకుండా స్థానిక ఎన్నికల్లో పోటీ చేయడానికి సిద్ధంగా ఉన్నామన్నారు. పార్టీ శ్రేణులు పోటీకి సమాయత్తం చేశామన్నారు. ఈ విషయమై పార్టీ అధినేత వై.ఎస్‌.జగన్‌మోహన్‌రెడ్డి స్థానిక ఎన్నికలకు సమాయత్తంపై దిశానిర్దేశం చేశారన్నారు. స్థానిక ఎన్నికల్లో జిల్లా సమస్యలతో పాటు ఆయా నియోజకవర్గాల్లోను, మండలాల్లోని సమస్యలు, ప్రభుత్వ వైఫల్యాలను క్రోడీకరించి ఎన్నికల ప్రచారంలో దిగువ స్థాయి వరకు తీసుకెళ్లాలన్నారు. చోడవరం, మాడుగులకు సంబంధించి నడుస్తున్న గోవాడ సుగర్‌ ఫ్యాక్టరీని పూర్తి స్థాయిలో మూతపడే స్థితికి ఏ విధంగా తీసుకెళ్లారనే విషయాన్ని తీసుకెళ్లాలన్నారు. యలమంచిలిలో పంచదార్ల సమస్యను తీసుకు వచ్చారన్నారు. ఇలా నియోజక వర్గాల్లో ప్రభుత్వ వైఫల్యాలను ఎండగట్టాలన్నారు. ఎప్పుడు ఎన్నికలు వచ్చినా సిద్ధంగా ఉండాలని, విజయమే లక్ష్యంగా కలసికట్టుగా పని చేయాలని పార్టీ నాయకులు, శ్రేణులకు పిలుపు నిచ్చారు. పశ్చిమగోదావరి జిల్లా వైఎస్సార్‌సీపీ రీజనల్‌ కో–ఆర్డినేటర్‌, మాజీ మంత్రి గుడివాడ అమర్‌నాథ్‌, పార్టీ పార్లమెంటు పరిశాలకురాలు శోభా హైమావతి నియోజక వర్గాల పార్టీ సమన్వయకర్తలు కరణం ధరశ్రీ(యలమంచిలి), పెట్ల ఉమాశంకర్‌ గణేష్‌ (నర్సీపట్నం), కంబాల జోగులు (పాయకరావుపేట), అన్నంపురెడ్డి అదీప్‌రాజ్‌(పెందుర్తి) సమావేశంలో పాల్గొన్నారు. ఈ కార్యక్రమంలో వైఎస్సార్‌సీపీ ఉత్తరాంధ్ర జిల్లాల మహిళా విభాగం వర్కింగ్‌ అధ్యక్షురాలు ఈర్లె అనురాధ, పార్లమెంట్‌ పరిశీలకురాలు శోభా హైమావతి, మాజీ ఎంపీ బి.వి.సత్యవతి, వివిధ నియోజకవర్గాల పరిశీలకులు పి.సతీష్‌వర్మ, చిక్కాల రామారావు, దంతులూరి దిలీప్‌కుమార్‌, గండి రవి, పార్టీ పట్టణ అధ్యక్షుడు మందపాటి జానకీరామరాజు, నియోజకవర్గ యువజన విభాగం అధ్యక్షుడు జాజుల రమేష్‌ పాల్గొన్నారు.

ప్రియమైనడుంబ్రిగుడ: మండలంలోని జైపూర్‌ జంక్షన్‌ రోడ్డును ఆనుకుని ఉన్న ఈ ప్రాంతంలో ఒకప్పుడు సిల్క్‌ ఫారం ఏర్పాటు చేయాలని ప్రభుత్వం భావించి 35 ఎకరాల భూమిని కేటాయించింది. అయితే అది కార్యరూపం దాల్చకపోవడంతో, 1962–63లో ఈ స్థలాన్ని అటవీ శాఖకు బదలాయించారు. ఆ తర్వాత అటవీ శాఖ ఇక్కడ నీలగిరి, సిల్వర్‌ ఓక్‌, విదేశీ పైన్‌ మొక్కలను నాటింది. కాలక్రమేణా విశాఖ–కిరండూల్‌ రైల్వే లైన్‌ కోసం కొంత భూమి పోగా, మిగిలిన ప్రాంతంలో భారీ పైన్‌ చెట్లు పెరిగాయి. అయితే, 2014లో వచ్చిన హుద్‌హుద్‌ తుపాను ఈ వనానికి పెను ముప్పు తెచ్చింది. సుమారు వెయ్యికి పైగా చెట్లు నేలకూలడంతో పర్యవేక్షణ కరువై, కొద్దిరోజులు ఈ ప్రాంతం అసాంఘిక కార్యకలాపాలకు నిలయంగా మారింది. పర్యాటక కాణాచిగా.. గిరిజన ప్రాంతంలో పర్యాటకుల తాకిడి పెరగడంతో, అటవీ శాఖ అధికారులు దీనిపై ప్రత్యేక దృష్టి పెట్టారు. గత వైఎస్సార్‌సీపీ ప్రభుత్వం 2022–23లో దీనిని ’అరకు పైనరీ’గా తీర్చిదిద్దడానికి శ్రీకారం చుట్టింది. అప్పట్లో రూ. 1.02 కోట్ల వ్యయంతో సుమారు 25 ఎకరాల చుట్టూ రక్షణ కంచె ఏర్పాటు చేసింది. చెట్లపై ప్రత్యేక కాటేజీలు, వ్యూ పాయింట్లు, కాఫీ హౌస్‌, టెంట్‌ హౌస్‌లను అందుబాటులోకి తెచ్చింది. ● హుద్‌హుద్‌ తుపానుకు దెబ్బతిన్న ఈ ప్రాంతంలో కొత్తగా పైన్‌ మొక్కలతో పాటు జామ, అరటి మొక్కలను నాటి వనాన్ని మరింత అభివృద్ధి చేస్తున్నారు. మరో రెండేళ్లలో వెయ్యి పైన్‌ మొక్కలు నాటేందుకు ప్రణాళిక సిద్ధం చేశారు. అంతేకాకుండా ఇక్కడ స్ట్రాబెర్రీ సాగు చేపట్టేందుకు కార్యాచరణ రూపొందించారు. పరిశుభ్రతే ప్రాతిపదికగా... ఒకప్పుడు ప్లాస్టిక్‌ వ్యర్థాలు, చెత్తతో నిండిపోయిన ఈ ప్రాంతాన్ని వనసంరక్షణ సమితి సభ్యులు, అటవీ శాఖ అధికారులు శ్రమించి పూర్తిగా శుభ్రపరిచారు. నాటి నుంచి ఇది పరిశుభ్రతకు మారుపేరుగా నిలిచింది. ఈ స్వచ్ఛతే దీనికి జాతీయ, రాష్ట్ర స్థాయి గుర్తింపు తెచ్చిపెట్టింది. ’స్వచ్ఛత హి– స్వచ్ఛాంధ్ర’ అవార్డులో భాగంగా ఈనెల రెండవ తేదీన ముఖ్యమంత్రి చంద్రబాబు చేతుల మీదుగా ఈ ప్రాంతం పురస్కారాన్ని అందుకుంది. ఇక్కడ స్థానికంగా ప్రత్యక్షంగా 30 మందికి, పరోక్షంగా సుమారు 40 మందికి ఉపాధి లభిస్తోంది. మరి ఈ వీకెండ్‌లో మీరు కూడా ప్రకృతి ఒడిలో ప్రశాంతతను కోరుకుంటే, అరకు పైనరీకి వెళ్లొచ్చి మీ అనుభూతిని సొంతం చేసుకోండి!పైన్‌ వృక్షాల మధ్య ఏర్పాటు చేసిన ట్రీహట్‌పెద్దలకు : రూ. 40 పిల్లలకు : రూ. 20 ప్రీ–వెడ్డింగ్‌ షూటింగ్‌ : రూ. వెయ్యి సినిమా షూటింగ్‌ : రూ. 20 వేలుప్రవేశ రుసుం వివరాలు పర్యాటకులను ఆకర్షించేలా చర్యలు పర్యావరణాభివృద్ధితో పాటు, పర్యాటకులను విశేషంగా ఆకర్షించేలా ప్రత్యేక చర్యలు చేపట్టాం. ఇందులో భాగంగా అరకులో చేపట్టిన స్ట్రాబెర్రీ సాగు, రంగురంగుల పూల మొక్కల పెంపకం టూరిస్టులను ఎంతగానో ఆకట్టుకుంటున్నాయి. ఇక్కడ ప్రకృతి అందాల మధ్య సెల్ఫీలు, ఫోటోలు దిగేందుకు సందర్శకులు అమితమైన ఆసక్తి చూపుతున్నారు. పర్యాటకుల సౌకర్యార్థం అన్ని రకాల వసతులు కల్పించడంతో పాటు, బయో నార్మల్‌ టాయిలెట్ల నిర్మాణాన్ని కూడా పూర్తి చేశాం. అంతేకాదు, ఈ ప్రాంతం సినిమా షూటింగ్‌లకు కూడా అత్యంత అనువుగా ఉండటంతో సినీ పరిశ్రమను సైతం ఆకర్షిస్తోంది. ఇన్ని ప్రత్యేకతలు, పచ్చదనం మధ్య పరిశుభ్రతను పాటిస్తూ ఉత్తమ పురస్కారాలు సైతం అందుకున్నాం. – కోటేశ్వరరావు, అటవీ రేంజర్‌, అరకు

● అడ్డుకున్న గిరిజన సంఘం నేతలు ముంచంగిపుట్టు: గిరిజనుల అమాయకత్వాన్ని ఆసరాగా చేసుకొని వ్యాపారులు నాసిరకమైన తినుబండారాలు విక్రయిస్తున్నారని గిరిజన సంఘం మండల అధ్యక్షుడు ఎం.ఎం. శ్రీను ఆరోపించారు. శనివారం మండల కేంద్రంలోని హర్యానా జిలేబీ షాపులో కంపు కొడుతున్న జిలేబీలను వినియోగదారులు గుర్తించి గిరిజన సంఘం నేతలకు సమాచారం అందించారు. దీంతో వారు అక్కడికి చేరుకుని పరిశీలించగా.. జిలేబీలు చెడిపోయి దుర్వాసన వస్తున్నట్లు తేలింది. వంట నూనెను పరిశీలించే లోపు షాపు యాజమాని దానిని పారబోయడంతో నేతలు ఆగ్రహం వ్యక్తం చేశారు. ఒకే నూనెను పదే పదే మళ్లీ మళ్లీ వాడటం వల్లే ఈ పరిస్థితి తలెత్తిందని మండిపడ్డారు. అధికారుల పర్యవేక్షణ లోపం వల్లే కాలం చెల్లిన తినుబండారాలు అమ్ముతున్నారని తెలిపారు. గిరిజనుల ఆరోగ్యంతో చెలగాటమాడుతున్న సదరు వ్యాపారిపై ఫుడ్‌ ఇన్‌స్పెక్టర్‌, తహసీల్దార్‌ తక్షణమే స్పందించి తనిఖీలు చేపట్టాలని, తగిన చర్యలు తీసుకోవాలని డిమాండ్‌ చేశారు.

బంగారుమెట్ట గోతుల్లో బోల్తా పడిన ట్రాక్టర్‌ బుచ్చెయ్యపేట: భీమునిపట్నం – నర్సీపట్నం(బీఎన్‌) రోడ్డులో బంగారుమెట్ట వద్ద ఆయిల్‌పామ్‌ గెలల లోడుతో వెళ్తున్న ట్రాక్టర్‌ బోల్తా పడింది. మాడుగుల మండలం కృష్ణపాలెంకు చెందిన రైతు తన పొలంలో పండిన ఆయిల్‌పామ్‌ గెలలను లోపూడి వద్ద ఫ్యాక్టరీకి తరలిస్తున్నాడు. శనివారం రాత్రి బంగారుమెట్ట గోతులు వద్ద ట్రాక్టర్‌ అదుపుతప్పి బోల్తా పడింది. దీంతో వడ్డాది, రావికమతం మధ్య వాహనాలు నిలిచిపోయి రాకపోకలకు తీవ్ర అంతరాయం ఏర్పడింది. దాంతో పామాయిల్‌ ఫ్యాక్టరీ నుంచి మరో ట్రాక్టర్‌ను రప్పించి గెలలను లోడ్‌ చేసి ట్రాఫిక్‌కు ఇబ్బందులు లేకుండా చేశారు. ప్రమాద సమయంలో గోతులు వద్ద వాహనదారులు లేకపోవడంతో పెద్ద ప్రమాదం తప్పింది. తక్షణమే రోడ్డు గోతులను పూడ్చాలని పలువురు కోరుతున్నారు.

చోడవరం: విద్యార్థుల ఫీజు రీయింబర్స్‌మెంటు, స్కాలర్‌ షిప్‌ బకాయిలు వెంటనే విడుదల చేయాలని పీడీఎస్‌వో రాష్ట్ర ప్రధాన కార్యదర్శి ఎ. సురేష్‌ డిమాండ్‌ చేశారు. ప్రగతిశీల ప్రజాస్వామ్య విద్యార్థి సంస్థ (పీడీఎస్‌వో) జిల్లా మహాజన సభ చోడవరంలో శనివారం జరిగింది. ఈ సందర్భంగా సురేష్‌ మాట్లాడుతూ విద్యార్థులకు రూ. 7 వేల కోట్లు ప్రభుత్వం చెల్లించాల్సి ఉందన్నారు. ధరలకు అనుగుణంగా హాస్టల్‌ విద్యార్థులకు మెస్‌ చార్జీ రూ. 3 వేలకు పెంచాలని, ఖాళీగా ఉన్న వార్డెన్స్‌, కుక్స్‌, కమాటీ, వాచ్‌మెన్‌ పోస్టులను వెంటనే భర్తీ చేయాలని డిమాండ్‌ చేశారు. హాస్టళ్లకు సొంత భవనాలు నిర్మాణానికి నిధులు మంజూరు చేయాలని, విద్యార్థులకు దుప్పట్లు, దోమతెరలు ఇవ్వాలన్నారు. జనసాహితీ జిల్లా కార్యవర్గ సభ్యుడు గౌరీశంకర్‌ మాట్లాడుతూ నీట్‌ వంటి అత్యున్నత పరీక్షల్లో సైతం పేపర్‌ లీకేజీలు జరిగితే విద్యార్థుల భవిష్యత్‌ ఏంటని ప్రశ్నించారు. అటువంటి పేపర్‌ లీకేజీలు జరగకుండా ప్రభుత్వం చర్యలు తీసుకోవాలన్నారు. సమావేశానికి ముందు మెయిన్‌రోడ్డుపై విద్యార్థులంతా భారీ ర్యాలీ నిర్వహించారు. చోడవరం, నర్సీపట్నం, ఎలమంచిలి ప్రాంతాల్లో బడిబస్సులు సకాలంలో లేక విద్యార్థులు ఇబ్బందులు పడుతున్నారని, వెంటనే బడిబస్సులు నడపాలని, అనకాపల్లిలో ప్రభుత్వం డిగ్రీ కాలేజీ ఏర్పాటు చేయాలని, నిరుద్యోగుల ఆకలి చావులు ఆగాలంటే ఉద్యోగ, ఉపాధి అవకాశాలు మెరుగుపర్చాలని తీర్మానాలు చేశారు. కార్యక్రమంలో పీడీఎస్‌వో రాష్ట్ర, జిల్లా ప్రతినిధులు ఎస్‌. రుద్రి, నందారపు భాస్కరరావు, బి. రాజేష్‌, కారే మణికుమార్‌, గౌతం కుమార్‌, పి. సాయి పాల్గొన్నారు. ఈ సందర్భంగా సంస్థ నూతన జిల్లా కార్యవర్గాన్ని ఎన్నుకున్నారు.

అచ్యుతాపురం రూరల్‌ : వెదురువాడ మరిడిమాంబ కాలనీలో శుక్రవారం రాత్రి చోరీ జరిగింది. తెన్నేటి మోహన్‌రావు ఆయన భార్య లక్ష్మి నివాసం ఉంటున్న ఇంట్లోకి దొంగలు చొరబడి నాలుగు తులాల బంగారం, రూ.70వేల నగదు అపహరించారు. భార్యాభర్తలు శనివారం స్థానిక పోలీస్‌స్టేషన్‌లో ఇచ్చిన ఫిర్యాదుపై కేసు నమోదు చేసినట్టు ఎస్‌ఐ సుధాకర్‌ తెలిపారు. వివరాల్లోకి వెల్తే భార్యాభర్తలు సమీపంలోని అల్లుడి ఇంటికి వెళ్లి అక్కడే నిద్రించి, శనివారం ఉదయం ఇంటికి చేరుకునే సరికి చోరీ జరిగిన విషయం గుర్తించారు. మోహన్‌రావు అచ్యుతాపురం అయ్యప్పస్వామి ఆలయంలో అర్చకునిగా సేవలందిస్తున్నారు. సీఐ చంద్రశేఖర్‌రావు ఆధ్వర్యంలో క్లూస్‌, క్రైమ్‌ టీమ్‌లు ఆధారాలు సేకరిస్తున్నట్టు తెలిపారు. మరో మూడిళ్లలో...యలమంచిలి రూరల్‌ : పట్టణంలోని ఓరుగంటి వారి వీధి, న్యూ స్టేట్‌ బ్యాంక్‌ కాలనీల్లో శనివారం తెల్లవారుజామున పలు ఇళ్లలో చోరీలు జరిగాయని స్థానికులు తెలిపారు. ఓరుగంటి వారి వీధికి చెందిన చెక్క వాసుమాంబ ఇటీవల శ్రీశైలం తీర్థయాత్రకు వెళ్లారు. శనివారం సాయంత్రం 4 గంటల సమయంలో తిరిగి ఇంటికి చేరుకున్నపుడు ఇంటి తాళాలు పగులగొట్టి తలుపులు తెరిచి ఉన్నట్టు గమనించారు. ఇంట్లోకి వెళ్లి చూడగా బీరువా పగులగొట్టి అందులో భద్రపరచిన 5 తులాల బంగారు, కిలో వెండి వస్తువులు అపహరణకు గురైనట్టు గుర్తించి పట్టణ పోలీసులకు ఫిర్యాదు చేశారు. ఈ మేరకు కేసు నమోదు చేసినట్టు పట్టణ ఎస్‌ఐ సావిత్రి తెలిపారు. న్యూ స్టేట్‌ బ్యాంక్‌ కాలనీలో మళ్ల కన్నారావు, పద్మావతి ఇళ్లలో కూడా చోరీలు జరిగాయి. పట్టణ ఎస్‌ఐ సావిత్రి, జిల్లాకు చెందిన క్లూస్‌ టీం బృందం చోరీ జరిగిన ఇళ్లను పరిశీలించి, ఆధారాలు సేకరించారు. చోరీలు జరిగిన ఇళ్లన్నీ తాళం వేసి ఉన్నవే. ఆయా ఇళ్లలో వారు ఇతర ప్రాంతాలకు వివిధ పనులపై వెళ్లినట్టు తెలుస్తోంది.

చింతపల్లి: విద్యార్థులకు నాణ్యమైన విద్యాబోధనతో పాటు కనీస సౌకర్యాలను అందుబాటులో ఉంచే విధంగా పాఠశాల యాజమాన్యం చర్యలు తీసుకోవాలని తహసీల్దారు, పాఠశాల ప్రత్యేక అధికారిణి హనుమంతు త్రివేణి అన్నారు. శనివారం ఆమె వంగసార గిరిజన బాలికల ఆశ్రమ పాఠశాలను సందర్శించి ఆకస్మిక తనిఖీలు నిర్వహించారు. విద్యాబోధన, పాఠశాల ప్రాంగణ పరిశుభ్రత, భోజన వసతి వంటి పలు అంశాలను క్షుణ్ణంగా పరిశీలించారు. నేరుగా విద్యార్థినులతో మాట్లాడి వారు ఎదుర్కొంటున్న సమస్యలను అడిగి తెలుసుకున్నారు. ప్రధానోపాధ్యాయులు పలాసి ప్రసాద్‌, ఇతర ఉపాధ్యాయ సిబ్బంది పాల్గొన్నారు.

నర్సీపట్నం: ఎంప్లాయీస్‌ హెల్త్‌ స్కీమ్‌ బకాయిలు పేరుకుపోవడంతో ఉపాధ్యాయులు, ఉద్యోగులకు ఆస్పత్రుల్లో వైద్య సేవలు అందటం లేదని ఉపాధ్యాయ ఎమ్మెల్సీ గాదె శ్రీనివాసులనాయుడు వాపోయారు. శనివారం నర్సీపట్నంలో ఆయన మాట్లాడుతూ ఈ విషయాన్ని సీఎం చంద్రబాబునాయుడు దృష్టికి తీసుకెళ్లడంతో ప్రభుత్వ వాటా, ఉపాధ్యాయుల వాటాను నేరుగా ఎన్టీఆర్‌ ట్రస్ట్‌కు జమయ్యేటట్లు ఉత్తర్వులు ఇచ్చారన్నారు. పది రోజుల్లో హాస్పిటళ్లకు బిల్లులు చెల్లింపులు జరుగుతాయన్నారు. ఉద్యోగ సంఘాల చెల్లింపుల్లో 15 శాతం డిడక్షన్‌ చేసినట్లయితే అన్‌లిమిటెడ్‌ వైద్య సదుపాయాలు పొందేందుకు అవకాశం ఉంటుందన్నారు. ఈ అంశం ప్రభుత్వ పరిశీలనలో ఉందన్నారు. ఏకీకృత సర్వీసు రూల్స్‌ ఏర్పాటు మార్గం సుగమమైందన్నారు. స్కూల్‌ అసిస్టెంట్లు హెచ్‌ఎం(గ్రేడ్‌–2) జోనల్‌ క్యాడర్‌లను ఏర్పాటు చేస్తూ ఉత్తర్వులు ఇవ్వడం వల్ల దీర్ఘకాలికంగా పెండింగ్‌లో ఉన్న ఏకీకృత సర్వీసు రూల్స్‌కు మోక్షం లభించిందన్నారు. పీఆర్టీయూ జిల్లా అధ్యక్షుడు డి.గోపీనాథ్‌, జిల్లా అసోసియేషన్‌ అధ్యక్షుడు కురసా రమణ, మండల అధ్యక్షుడు అడిగర్ల వరహాలనాయుడు, జిల్లా కార్యదర్శి శ్రీను తదితరులు పాల్గొన్నారు.

● పాడేరు ఎమ్మెల్యే, వైఎస్సార్‌సీపీజిల్లా అధ్యక్షుడు మత్స్యరాస విశ్వేశ్వరరాజు పాడేరు: ఉపాధి హామీ పథకంలో పనిచేస్తున్న ఉద్యోగుల సమస్యల పరిష్కారంలో రాష్ట్ర ప్రభుత్వం అనుసరిస్తున్న నిర్లక్ష్య ధోరణిపై త్వరలోనే పెద్ద ఎత్తున ఉద్యమం చేపడతామని పాడేరు ఎమ్మెల్యే, వైఎస్సార్‌సీపీ జిల్లా అధ్యక్షుడు మత్స్యరాస విశ్వేశ్వరరాజు స్పష్టం చేశారు. శనివారం పాడేరులో ఉపాధి హామీ (వీబీజీఆర్‌ఎం) ఫీల్డ్‌ అసిస్టెంట్లు, సిబ్బంది ఆయన్ను కలిసి తమ సమస్యలతో కూడిన వినతిపత్రం అందజేశారు. గత 19 ఏళ్లుగా ఉపాధి హామీ పథకంలో విధులు నిర్వహిస్తున్నప్పటికీ, నెలకు కేవలం రూ. 5,745 మాత్రమే వేతనం ఇస్తున్నారని, దీంతో కుటుంబ పోషణ భారంగా మారిందని ఉద్యోగులు ఆవేదన వ్యక్తం చేశారు. కూటమి ప్రభుత్వం అధికారంలోకి వచ్చి రెండేళ్లు దాటినా సమస్యలను పట్టించుకోలేదని, పని ఒత్తిడి, చాలీచాలని జీతాల కారణంగా కొందరు ఆత్మహత్యలకు పాల్పడ్డారని తెలిపారు. ఈ సందర్భంగా ఎమ్మెల్యే విశ్వేశ్వరరాజు మాట్లాడుతూ.. ఉద్యోగుల సమస్యలపై అసెంబ్లీలోనూ, బయటా గళం విప్పుతామని, వారు చేపట్టే ప్రతి పోరాటానికి తమ పార్టీ పూర్తి మద్దతు ఇస్తుందని హామీ ఇచ్చారు.

కశింకోట : కశింకోట పోలీస్‌స్టేషన్‌లో నమోదైన మూడు దొంగతనం కేసుల్లో నేరం రుజువు కావడంతో ఇద్దరు నిందితులకు వేర్వేరు జైలు శిక్షలు విధిస్తూ అనకాపల్లి 12వ అదనపు మెట్రోపాలిటన్‌ కోర్టు మేజిస్ట్రేట్‌ ఎ.రమేష్‌ శనివారం తీర్పు చెప్పారు. సీఐ అల్లు స్వామినాయుడు అందజేసిన వివరాలివి. మండలంలోని తాళ్లపాలెం గ్రామానికి చెందిన కొల్లి సత్యవతి ఇంట్లో 2023లో 8 తులాల బంగారు ఆభరణాలు చోరీకి గురయ్యాయి. అదే గ్రామానికి చెందిన గమ్మిని నాగేశ్వరరావు ఇంట్లో కూడా ఈ ఏడాది బంగారు, వెండి ఆభరణాలతోపాటు రూ.లక్ష నగదు చోరీ అయింది. చెరకాం గ్రామానికి చెందిన గుర్రి దేముళ్లు ఇంట్లో గత ఏడాది బంగారు గొలుసు, ఉంగరాలు, చెవి దిద్దులు చోరీకి గురయ్యాయి. ఈ మేరకు బాధితులు చేసిన ఫిర్యాదు మేరకు వరుసగా ఎస్‌ఐలు జక్కుల నాగేశ్వరరావు,కె. లక్ష్మణరావు, పి. మనోజ్‌కుమార్‌ వేర్వేరుగా కేసులు నమోదు చేసి దర్యాప్తు చేసి కోటవురట్ల మండలం రాజుపేటకు చెందిన పొలమరశెట్టి దుర్గా ప్రసాద్‌, మునగపాక మండలం నాగులాపల్లికి చెందిన దొడ్డి ఆదిబాబు ఆయా నేరాలకు పాల్పడినట్టు గుర్తించారు. చోరీ సొత్తు రికవరీ చేసి కోర్టులో అభియోగపత్రాలు దాఖలు చేశారు. విచారణ అనంతరం తుది తీర్పునకు రావడం, నిందితులు దొంగతనాలు చేసినట్టు రుజువు కావడంతో దుర్గా ప్రసాద్‌కు 15 నెలల కఠిన కారాగార శిక్ష, రూ.1500 జరిమానా, ఆదిబాబుకు 3 నెలల కఠిన కారాగార శిక్ష, రూ.5 వేల జరిమానా విధిస్తూ 12వ మెట్రో పాలిటన్‌ మేజిస్ట్రేట్‌ తీర్పు చెప్పారు. సీఐ స్వామినాయుడు పర్యవేక్షణలో సమర్ధంగా దర్యాప్తు నిర్వహించి నిందితులకు శిక్ష పడేలా చేసిన పోలీసు అధికారులు, సిబ్బంది, పబ్లిక్‌ ప్రాసిక్యూటర్‌ ఆర్‌. వాణిలను పోలీసు సూపరింటెండెంట్‌ తుహిన్‌ సిన్హా అభినందించారు.

కొయ్యూరు: ఉమ్మడి విశాఖ జిల్లా 70వ భారత పాఠశాల సమాఖ్య కుస్తీ పోటీలు శనివారం కొయ్యూరు బాలుర ఆశ్రమ పాఠశాల–1లో ఘనంగా నిర్వహించారు. తహశీల్దారు ప్రసాదరావు ఈ పోటీలను ప్రారంభించారు. అండర్‌–14, 17, 19 విభాగాలలో నిర్వహించిన ఈ పోటీలకు ఉమ్మడి జిల్లా వ్యాప్తంగా మొత్తం 160 మంది విద్యార్థులు హాజరయ్యారు. ప్రతిభ కనబరిచిన క్రీడాకారులు రాష్ట్రస్థాయి పోటీలకు ఎంపికయ్యారు. అండర్‌–14కు 10 మంది బాలురు, 10 మంది బాలికలు, అండర్‌–17కు 20 మంది బాలురు, 10 మంది బాలికలు, అండర్‌ 19కు 6 మంది బాలురు, 7 మంది బాలికలు చొప్పున 63 మంది క్రీడాకారులు రాష్ట్రస్థాయి పోటీలకు అర్హత సాధించినట్లు కొయ్యూరు కుస్తీ అకాడమీ కోచ్‌, పీడీ అంబటి నూకరాజు తెలిపారు. ఎంపికై న విద్యార్థులకు ఈ నెల 11 నుంచి 13 వరకు పల్నాడు జిల్లా (ఎన్టీఆర్‌ జిల్లా పరిధి)లో జరిగే రాష్ట్రస్థాయి పోటీలలో పాల్గొంటారని వెల్లడించారు.

పాడేరు రూరల్‌: ప్రభుత్వ పాఠశాలలు, కళాశాలలు, వసతి గృహాలు పశువుల శాలల కంటే హీనంగా తయారయ్యాయని ఎస్‌ఎఫ్‌ఐ జిల్లా అధ్యక్ష, కార్యదర్శులు జీవన్‌, కార్తీక్‌ ఆవేదన వ్యక్తం చేశారు. శనివారం ఎస్‌ఎఫ్‌ఐ జిల్లా కార్యాలయంలో నిర్వహించిన సమావేశంలో వారు మాట్లాడారు. జాతీయ కమిటీ పిలుపు మేరకు సెప్టెంబర్‌ 21 నుండి అక్టోబర్‌ 2 వరకు జిల్లా వ్యాప్తంగా 45 పాఠశాలలు, కళాశాలలను సందర్శించి 11,819 మంది విద్యార్థులను కలుసుకుని సర్వే నిర్వహించినట్లు తెలిపారు. పాఠశాలలు, వసతి గృహాల్లో కనీస సౌకర్యాలైన మరుగుదొడ్లు, రన్నింగ్‌ వాటర్‌, త్రాగునీరు, ప్రహరీలు, ఫ్యాన్లు, విద్యుత్‌, తలుపులు, కిటికీలు లేవన్నారు. పారిశుధ్యం లోపించడంతో విద్యార్థులు తీవ్ర ఇబ్బందులు పడుతున్నారన్నారు. హాస్టళ్లలో మెనూ సక్రమంగా అమలు కాకపోవడం, పౌష్టికాహారం అందకపోవడంతో విద్యార్థులు, ముఖ్యంగా బాలికలు రక్తహీనత బారిన పడుతున్నారని ఆరోపించారు. ఏటీడబ్ల్యూవోలు, ఎంఈవోల పర్యవేక్షణ పూర్తిగా కొరవడిందని సర్వేలో తేలిందన్నారు. అధికారులు స్పందించి గిరిజన విద్యాలయాల్లో మౌలిక వసతులు, మెనూ అమలును మెరుగుపరచాలని, లేనిపక్షంలో విద్యార్థులతో కలిసి పెద్ద ఎత్తున ఉద్యమిస్తామని హెచ్చరించారు. ఈ కార్యక్రమంలో ఎస్‌ఎఫ్‌ఐ జిల్లా ఉపాధ్యక్షుడు చిన్నారావు, నాయకులు పౌల్‌, చందు తదితరులు పాల్గొన్నారు. ఎస్‌ఎఫ్‌ఐ జిల్లా అధ్యక్ష, కార్యదర్శులు జీవన్‌, కార్తీక్‌ ఆవేదన

ఎస్‌.రాయవరం: మండలంలో ప్రభుత్వ భూముల ఆక్రమణలు కొనసాగుతూనే ఉన్నాయి. ఎకరాలకు ఎకరాలు ఆక్రమిస్తున్నా పట్టించుకునే వారే కరవయ్యారు. చినఉప్పలం ఆర్‌అండ్‌బీ రోడ్డుకు ఆనుకుని ప్రభుత్వ భూముల్లో దర్జాగా నిర్మాణాలు ప్రారంభించారు. స్థానికులు పీజీఆర్‌ఎస్‌లో ఫిర్యాదు చేసినా అధికారులు చర్యలు తీసుకోవడం లేదని విమర్శలు వ్యక్తమవుతున్నాయి. తిమ్మాపురంలో నిర్మాణదారులు ఎప్పటికప్పుడు రోడ్లు, కాలువలు, ప్రభుత్వ భూములు ఆక్రమిస్తున్నా పట్టించుకున్న నాథుడే లేడు. కొరుప్రోలులో సర్వే నంబర్‌ 252లో ఆక్రమణలు లెక్కకు మించి ఉన్నాయి. ప్రతి రోజూ గ్రామంలో ఏదో ఒక మూలన ప్రభుత్వ భూమిని ఆక్రమించి నిర్మాణాలు చేస్తూనే ఉన్నారు. కొందరు తాత్కాలిక నిర్మాణాలతో సరిపెట్టుకుంటే మరికొందరు శాశ్వత నిర్మాణాలు చేపట్టారు. గుర్రాజుపేట, రేవుపోలవరంలలో అక్రమ నిర్మాణాలు జోరుగా సాగుతున్నాయి. తీర ప్రాంత భూములను వ్యాపార కార్యకలాపాలు నిర్వహించేందుకు ఆక్రమించుకుంటున్నారు. ఉప్పరాపల్లి, వాకపాడు, బంగారమ్మపాలెం, ధర్మవరం అగ్రహారం, పెనుగొల్లు, గోకులపాడు, దార్లపూడి, వమ్మవరం గెడ్డపాలెం, పెదగుమ్ములూరు తదితర గ్రామాల్లో ప్రభుత్వ భూములను యథేచ్ఛగా ఆక్రమించి భవనాలు నిర్మిస్తున్నారు. ఆక్రమణలపై స్థానిక రెవెన్యూ అధికారులు సమగ్ర నివేదికలు ఇవ్వకపోవడంతో ఉన్నత స్థాయి అధికారులు చర్యలు తీసుకునేందుకు వెనుకాడుతున్నారని స్థానికులు చెబుతున్నారు. మండలంలో పలు గ్రామాల్లో పదుల సంఖ్యలో ఎకరాలు ఆక్రమణలకు గురవుతున్నా అధికారులు పట్టించుకోవడం లేదని స్థానికులు ఆరోపిస్తున్నారు. ప్రభుత్వ భూములు ఆక్రమిస్తే చర్యలు ప్రభుత్వ భూములు ఆక్రమిస్తే కఠిన చర్యలు తీసుకుంటాం. వీఆర్వోలతో చర్చించి ఆక్రమణలపై నివేదికలు తెప్పించి, చర్యలు తీసుకుంటాం. అందిన ఫిర్యాదుల మేరకు ఆక్రమణదారులకు నోటీసులు ఇచ్చి, నిర్మాణాలను అడ్డుకున్నాం. – జె.రమేష్‌బాబు, తహసీల్దార్‌, ఎస్‌.రాయవరం

● అపహరణ కేసులను రెండు రోజుల్లో ఛేదించిన పోలీసులు ● ఆరు స్వాధీనం, ఐదుగురి అరెస్టు డుంబ్రిగుడ: కొంతకాలంగా వరుస చోరీలకు గురైన ద్విచక్ర వాహనాలకు సంబంధించిన కేసును స్థానిక పోలీసులు కేవలం రెండు రోజుల్లోనే ఛేదించారు. దీనికి సంబంధించిన వివరాలను శనివారం స్థానిక పోలీసు స్టేషన్‌లో ఏర్పాటు చేసిన విలేకరుల సమావేశంలో డీఎస్పీ రాజాసింహారెడ్డి వెల్లడించారు.గత నెల 29న కుసుమవలస గ్రామానికి చెందిన వంతాల త్రినాథ్‌ తన పల్సర్‌ బైక్‌ చోరీకి గురైనట్లు పోలీసు స్టేషన్‌లో ఫిర్యాదు చేశారు. కేసు నమోదు చేసిన ఎస్‌ఐ సురేశ్‌ విస్తృత తనిఖీలు చేపట్టారు. ఈ క్రమంలో జాతీయ రహదారిపై వాహనాలు తనిఖీ చేస్తుండగా నంబర్‌ ప్లేట్లు లేని బైక్‌లను మైనర్లు నడుపుతుండటాన్ని గమనించి ఆరా తీశారు. దీంతో నలుగురు మైనర్లను విచారించగా అసలు గుట్టు బయటపడింది. వారి సమాచారంతో ఎస్‌కోట ఆర్టీసీ కాంప్లెక్స్‌లో ఒక స్కూటీ, హుకుంపేట సంతలో ఒక పల్సర్‌, చటువాలో మరొకటి, పాడేరు కాంప్లెక్స్‌లో ఒకటి, అరకులోయలో మరో బైక్‌తో పాటు విడిభాగాలను విడదీసిన మరో పల్సర్‌ బైక్‌ను.. మొత్తంగా ఆరు ద్విచక్ర వాహనాలను పోలీసులు స్వాధీనం చేసుకున్నారు. మైనర్ల తల్లిదండ్రులకు హెచ్చరిక బడులకు దూరమైన మైనర్లు బైకులపై మోజు, జల్సాల కోసం ఇలాంటి చోరీలకు పాల్పడుతున్నారని డీఎస్పీ తెలిపారు. పిల్లల నడతపై తల్లిదండ్రుల పర్యవేక్షణ అత్యంత ముఖ్యమని, పిల్లలు బడికి వెళ్తున్నారా లేదా అని ఎప్పటికప్పుడు ఉపాధ్యాయులతో సమన్వయం చేసుకోవాలని సూచించారు. లేకపోతే పిల్లలు చెడు వ్యసనాలకు బానిసై భవిష్యత్తును నాశనం చేసుకునే అవకాశం ఉందని హెచ్చరించారు. ఈ కేసుకు సంబంధించి నలుగురు మైనర్లతో పాటు వారికి సహకరించిన హుకుంపేట మండలం రంగశీల పంచాయతీ బోడిగుడ గ్రామానికి చెందిన కుంబిడి వెంకటరావు అనే నిందితుడిని అరెస్ట్‌ చేసి రిమాండ్‌కు తరలించినట్లు తెలిపారు. ఈ సమావేశంలో అరకులోయ సీఐకోటేశ్వరరావు, డుంబ్రిగుడ, అరకు ఎస్‌ఐలు సురేష్‌, మల్లేశ్వరరావు, సిబ్బంది పాల్గొన్నారు.

● కలెక్టర్‌ నిశాంతి ● ఘనంగా స్వచ్ఛాంధ్ర–2026అవార్డుల ప్రదానం సాక్షి, పాడేరు: గ్రామాలు, పరిసరాల స్వచ్ఛతను ప్రతి పౌరుడు బాధ్యతగా తీసుకుని, తమ జీవన విధానాన్ని మార్చుకోవాలని కలెక్టర్‌ టి. నిశాంతి పిలుపునిచ్చారు. జాతిపిత మహాత్మ గాంధీ జయంతిని పురస్కరించుకుని శుక్రవారం జిల్లా స్థాయి స్వచ్ఛాంధ్ర–2026 అవార్డుల పంపిణీ కార్యక్రమాన్ని ఘనంగా నిర్వహించారు. ఈ సందర్భంగా కలెక్టర్‌ మాట్లాడుతూ.. స్వర్ణాంధ్ర, స్వచ్ఛాంధ్ర కార్యక్రమాలను ప్రభుత్వం అత్యంత ప్రతిష్టాత్మకంగా చేపట్టిందన్నారు. అన్ని ప్రభుత్వ శాఖలు, స్థానిక సంస్థలు, ఎన్‌జీవోలతో పాటు ప్రజలంతా సమిష్టిగా భాగస్వాములై స్వచ్ఛతను నిరంతరం కొనసాగించాలని కోరారు. పారిశుధ్య కార్యక్రమాలను సమర్థవంతంగా నిర్వహించిన అవార్డు గ్రహీతలందరికీ ఆమె అభినందనలు తెలిపారు. స్వచ్ఛ ఆంధ్ర కార్పొరేషన్‌ మార్గదర్శకాల మేరకు జిల్లాలో 16 కేటగిరీలకు సంబంధించి 47 జిల్లా స్థాయి అవార్డులకు ఎంపికై న అధికారులు, పారిశుధ్య కార్మికులకు జాయింట్‌ కలెక్టర్‌ తిరుమణి శ్రీపూజ, సబ్‌కలెక్టర్‌ నాగ వెంకట సాహిత్‌ ప్రశంసా పత్రాలతో పాటు జ్ఞాపికలను అందజేశారు. ఈ కార్యక్రమంలో రాష్ట్ర జానపద కళలు విభాగం చైర్మన్‌ వంపూరు గంగులయ్యతో పాటు వివిధ శాఖల అధికారులు, సిబ్బంది పాల్గొన్నారు.

ఎన్నికల ప్రచారంలో వలంటీర్ల వ్యవస్థను కొనసాగించి, నెలకు రూ.10 వేల వేతనం ఇస్తామని చెప్పి చంద్రబాబు నాయుడు అధికారంలోకి వచ్చాక మమ్మల్ని తొలగించి రోడ్డున పడేశారు. నెలకు రూ. 5 వేల పారితోషికం తీసుకుంటూ మేము ప్రజలకు ఎన్నో సేవలు అందించాము. ప్రస్తుతం చంద్రబాబు ప్రభుత్వం సోషల్‌ మీడియా ఇన్‌ఫ్లూయెన్సర్ల పేరుతో పెద్ద మొత్తంలో ఖర్చు చేయడం సరికాదు. వాలంటీర్లు ప్రస్తుత ప్రభుత్వ హామీలను నమ్మి మోసపోయారు. – ఎస్‌. ఆనంద్‌బాబు, మండల అధ్యక్షుడు, ఏపీ వార్డు వలంటీర్ల సంఘం, అరకులోయ

● సీఐటీయూ జిల్లా సహాయ కార్యదర్శి సుందర్‌రావు ● పారిశుధ్య కార్మికుల సమస్యలపై హెచ్చరిక పాడేరు రూరల్‌: పారిశుధ్య కార్మికుల న్యాయపరమైన డిమాండ్లను వెంటనే పరిష్కరించాలని, లేనిపక్షంలో భవిష్యత్తులో ఉద్యమాలను తీవ్రతరం చేస్తామని సీఐటీయూ జిల్లా సహాయ కార్యదర్శి సుందర్‌రావు హెచ్చరించారు. పాడేరు మేజర్‌ పంచాయతీ పారిశుద్ధ్య కార్మికుల డిమాండ్లు నెరవేర్చాలని, కనీస వేతనాలు ఇవ్వాలని కోరుతూ చేపట్టిన సమ్మెలో భాగంగా శుక్రవారం వారు నిరసన తెలిపారు. ఈ సందర్భంగా ఆయన మాట్లాడుతూ.. మైదాన ప్రాంతాల్లో ఉన్న మున్సిపాలిటీ కార్మికులతో సమానంగా ప్రతీ పారిశుధ్య కార్మికుడికి రూ. 21 వేల వేతనం చెల్లించాలని డిమాండ్‌ చేశారు. ’సమాన పనికి సమాన వేతనం’ ఇవ్వడంతో పాటు, మృతి చెందిన కార్మికుడి అంత్యక్రియల నిమిత్తం మట్టి ఖర్చుల కింద తక్షణ సాయంగా రూ. 20 వేలు అందజేయాలన్నారు. ప్రస్తుతం పాడేరు జిల్లా కేంద్రంగా మారడంతో పనుల రద్దీ పెరిగి, ఉన్న 18 మంది కార్మికులపై పనిభారం విపరీతంగా పెరిగిందని, తక్షణమే అదనపు సిబ్బందిని నియమించాలన్నారు. కార్మికులకు ఈపీఎఫ్‌, ఈఎస్‌ఐ వంటి సౌకర్యాలు కల్పించాలని, గ్రూప్‌ ఇన్సూరెన్స్‌ సదుపాయం అందించాలని కోరారు. అలాగే హెల్త్‌ అలవెన్స్‌ కింద రూ. నాలుగు వేలు చెల్లించాలని, ప్రతి నెలా 5వ తేదీలోపు వేతనాలు అందజేయాలని డిమాండ్‌ చేశారు. కార్మికులకు సేఫ్టీ పరికరాలు, యూనిఫాంలు తప్పనిసరిగా అందించాలన్నారు. కార్మికుల పట్ల రాష్ట్ర ప్రభుత్వం పూర్తిగా నిర్లక్ష్యం ప్రదర్శిస్తోందని, కనీస బాధ్యత కూడా తీసుకోవడం లేదని మండిపడ్డారు. రాజకీయాలపై ఉన్న శ్రద్ధ పారిశుధ్య కార్మికుల సమస్యలపై కూడా పెట్టాలని, ప్రతి కార్మికుడికి ఉద్యోగ భద్రత కల్పించి ప్రభుత్వ ఉద్యోగులతో సమానంగా అన్ని సౌకర్యాలు కల్పించాలని స్పష్టం చేశారు. డిమాండ్లు నెరవేరకపోతే ఆందోళనలను మరింత ఉధృతం చేస్తామని హెచ్చరించారు. ఈ కార్యక్రమంలో సంపత్‌, బాలన్న, సూరిబాబు, సుబ్బారావు, అప్పారావు, ఈశ్వరరావు, చిన్న, జోగారావు పాల్గొన్నారు.

ముంచంగిపుట్టు: ప్రజల భాగస్వామ్యంతోనే ఆపరేషన్‌ త్రిశూల్‌ లక్ష్యం నెరవేరుతుందని జిల్లా అదనపు ఎస్పీ వై. శృతి అన్నారు. మండల కేంద్రంలో పోలీసు శాఖ ఆధ్వర్యంలో శుక్రవారం అవగాహన ర్యాలీ నిర్వహించారు. స్థానిక పోలీస్‌ స్టేషన్‌ జంక్షన్‌ నుంచి సాగిన ఈ ర్యాలీ అనంతరం నాలుగు రోడ్ల కూడలిలో మానవహారంగా ఏర్పడ్డారు. ఈ సందర్భంగా అదనపు ఎస్‌పీ మాట్లాడుతూ.. మహిళల భద్రతకు అత్యధిక ప్రాధాన్యతనిస్తున్నామని, వేధింపులు జరిగితే వెంటనే పోలీసులను సంప్రదించాలని కోరారు. వాహనదారులు తప్పనిసరిగా హెల్మెట్‌, సీట్‌ బెల్ట్‌ ధరించాలని, మద్యం తాగి వాహనాలు నడపరాదని, ఆటోలు, జీపుల్లో పరిమితికి మించి ప్రయాణికులను ఎక్కిస్తే చర్యలు తప్పవని హెచ్చరించారు. అలాగే గంజాయి, మత్తు పదార్థాల జోలికి వెళ్లొద్దని, రవాణా చేస్తే కఠిన చర్యలు ఉంటాయని స్పష్టం చేశారు. అనంతరం అదనపు ఎస్‌పీ శృతి, పాడేరు డీఎస్పీ వి. రాజసింహారెడ్డి, జీ.మాడుగుల సీఐ లక్ష్మణరావు తదితరులు బస్సులు, ఆటోలపై ’ఆపరేషన్‌ త్రిశూల్‌’ పోస్టర్లను అంటించారు. ఈ కార్యక్రమంలో ఆర్‌ఐ అరవింద్‌, ఎస్‌ఐ నాని, పోలీసులు, పెద్ద సంఖ్యలో ప్రజలు పాల్గొన్నారు. అదనపు ఎస్పీ శృతి

అరకులోఅందాల అరకులోయలో వర్షాభావం కంటిమీద కునుకు లేకుండా చేస్తోంది. సాగునీరు అందక ఎంతో కష్టపడి వేసిన నారుమడులు కళ్లముందే ఎండిపోతుండటంతో... వందలాది ఎకరాల్లో వరినాట్లు పడక రైతన్నలు దిక్కుతోచని స్థితిలో ఆవేదన వ్యక్తం చేస్తున్నారు. సాక్షి, పాడేరు: అందాల అరకులోయలో ఖరీఫ్లో పచ్చని పంటలతో కళకళలాడాల్సిన వ్యవసాయ భూములు వర్షాభావం కారణంగా నేడు బీడు భూములుగా మారాయి. ఎంతో ఉత్సాహంగా వేసిన నారుమడులు కళ్లముందే ఎండిపోతుండటంతో గిరిజన రైతులు ఆవేదన వ్యక్తం చేస్తున్నారు. – పట్టణ పరిధిలోని పెదలబుడు, చినలబుడు, మాడగడ పంచాయతీల్లో కరువు పరిస్థితులు నెలకొన్నాయి. సుమారు 500 ఎకరాల్లో వరినాట్లు పడని దుస్థితి ఏర్పడింది. ప్రతిఏటా పచ్చని రంగులద్దినట్లు కనిపించే ఈ ప్రాంతం, ఈ ఏడాది వర్షాలు లేక ’క్రాప్‌ హాలిడే’ ప్రకటించినట్లు కనిపిస్తోంది. పచ్చదానానికి నిలయమైన అరకులోయలో వ్యవసాయం నిలిచిపోవడంతో ఇటు రైతులు, అటు పర్యాటకులు ఆందోళన వ్యక్తం చేస్తున్నారు. ఎండిపోతున్న నారుమడులు ఖరీఫ్‌ వ్యవసాయం పూర్తిగా వర్షాధారంపైనే ఆధారపడి ఉంటుంది. అయితే ఈ ఏడాది జూలైలో నారుమడులు వేసినప్పటికీ విస్తారంగా వర్షాలు కురవలేదు. ఆగస్టు, సెప్టెంబర్‌ నెలల్లోనూ ఈ మూడు పంచాయతీల పరిధిలో తగిన వర్షపాతం నమోదుకాకపోవడంతో సాగునీరు అందక నారుమడులు ముదిరిపోయి ఎండిపోతున్నాయి. శరభగుడ, లిచ్చిగుడ, బోసుబేడ తదితర గ్రామాల పరిధిలో వరినాట్లు వేయడానికి చుక్కనీరు కూడా లేకపోవడంతో రైతులు దిక్కుతోచని స్థితిలో మిగిలిపోయారు. తిండి గింజలకు ఇబ్బందే ఖరీఫ్‌ సాగు పూర్తిగా దెబ్బతినడంతో ఈ ఏడాది తిండిగింజలకు తీవ్ర ఇబ్బందులు తప్పవని గిరిజన రైతులు వాపోతున్నారు. ఇటీవల కొన్ని ప్రాంతాల్లో వర్షాలు కురిసినా, ఈ భూములకు మాత్రం సరిపడా నీరు అందలేదు. ● ఈ ఏడాది జూన్‌లో 149 మిల్లీమీటర్లకు గాను 31 మిల్లీమీటర్లు, జూలైలో 236 మిల్లీమీటర్లకు 118 మిల్లీమీటర్లు, ఆగస్టులో 209 మిల్లీమీటర్లకు 106 మిల్లీమీటర్లు మాత్రమే వర్షపాతం నమోదైంది. సెప్టెంబర్‌లో కొంత వర్షం కురిసినా అది లోతట్టు ప్రాంతాలకే పరిమితం కావడంతో నారుమడులను కాపాడుకోలేకపోయినట్లు రైతులు ఆవేదన వ్యక్తం చేస్తున్నారు.సాగునీటికి అవస్థలు సాగునీరు అందక ఖరీఫ్‌ వ్యవసాయానికి తీవ్ర ఇబ్బందులు ఏర్పడ్డాయి. నారు పోసినా, వర్షాలు అనుకూలంగా లేకపోవడంతో సమయానికి వరి నాట్లు వేయలేకపోయాం. ఖరీఫ్‌ సాగు భూములన్నీ బీడులుగా మారుతుండటం ఎంతో బాధిస్తోంది. వరి సాగుకు దూరమైన రైతులమంతా ఈ ఏడాది తిండిగింజలకు కూడా తీవ్ర ఇబ్బందులు పడే పరిస్థితి ఏర్పడింది. – పడాల బిస్నాద్‌, రైతు, బోసుబెడ వెంటాడుతున్న వర్షాభావం సాగునీరందక ఎండిపోతున్ననారుమడులు బీడుభూములుగా దర్శనం దిక్కుతోచని స్థితిలో గిరి రైతు

కొయ్యూరు: మండలంలోని చింతవానిపాలెంకు చెందిన జర్త దేవీలాల్‌కు శుక్రవారం కొయ్యూరుకు చెందిన దుమంతి సత్యనారాయణ గ్రూప్‌–2 స్టడీ మెటీరియల్‌ను అందజేశారు. దేవీలాల్‌ గ్రూప్‌–2 పరీక్షకు సన్నద్ధమవుతూ మెటీరియల్‌ కొరతను ఎదుర్కొంటున్న విషయం తెలుసుకుని సత్యనారాయణ ఈ సహాయం చేశారు. ఈ సందర్భంగా సత్యనారాయణ మాట్లాడుతూ.. కష్టపడి చదివి ఉన్నత స్థానాలకు చేరాలని దేవీలాల్‌ను ఆకాంక్షించారు. మన ప్రాంతానికి చెందిన యువత ఉన్నత ఉద్యోగాల్లో స్థిరపడితే అంతకంటే సంతోషం మరొకటి లేదని, గిరిజన యువత ఏ విషయంలోనూ తక్కువ కాదని నిరూపించాలని కోరారు. ఈ కార్యక్రమంలో కాటం కనకరాజు, గడుతూరి జోగారావు, నడిగెట్ల రాజు, కోరుకొండ అప్పారావు పాల్గొన్నారు.

డుంబ్రిగుడ: గత వైఎస్సార్‌సీపీ ప్రభుత్వ హయాంలో 2023–24 ఆర్థిక సంవత్సరంలో అభివృద్ధి చేసిన అరకు పైనరీకి రాష్ట్ర స్థాయి స్వచ్ఛాంధ్ర ప్రతిష్టాత్మక పురస్కారం దక్కింది. గాంధీ జయంతి సందర్భంగా ముఖ్యమంత్రి చంద్రబాబు చేతుల మీదుగా డీఎఫ్‌వో ఉమామహేశ్వరి ఈ అవార్డును అందుకున్నారు. అలాగే గత నెల 27న ప్రపంచ పర్యాటక దినోత్సవం సందర్భంగా పర్యాటక శాఖ మంత్రి కందుల దుర్గేష్‌ చేతుల మీదుగా అరకు పైనరీకి రాష్ట్ర స్థాయి ఉత్తమ పర్యాటక పురస్కారంతో పాటు, సినిమా చిత్రీకరణకు ఉత్తమ ప్రదేశంగా అవార్డు అందజేశారు. ఈ సందర్భంగా ఆమె మాట్లాడుతూ.. అరకు పైనరీకి ఈ పురస్కారాలు దక్కడం గొప్ప గుర్తింపని, ఇది ఉమ్మడి విశాఖ జిల్లాకు గర్వకారణమని అన్నారు. ఈ కార్యక్రమంలో జిల్లా టూరిజం అధికారి చలపతి, అరకు రేంజర్‌ కోటేశ్వరరావు, అరకు పైనరీ మేనేజర్‌ ఎం. శేఖర్‌ తదితరులు పాల్గొన్నారు.

● ఘనంగా గాంధీ జయంతి ● వాడవాడలా నివాళి సాక్షి, పాడేరు: జాతిపిత మహాత్మ గాంధీ జయంతిని శుక్రవారం పాడేరులో ఘనంగా నిర్వహించారు. స్థానిక మోదకొండమ్మ తల్లి ఆలయ ప్రాంగణంలో ఉన్న గాంధీజీ విగ్రహానికి కలెక్టర్‌ టి. నిశాంతి, జాయింట్‌ కలెక్టర్‌ తిరుమణి శ్రీపూజ పూలమాలలు వేసి ఘనంగా నివాళులు అర్పించారు. అలాగే ఐటీడీఏ సమావేశ మందిరంలో ఐటీడీఏ పీవో ఆదిత్య వర్మ, సబ్‌ కలెక్టర్‌ కార్యాలయంలో సబ్‌ కలెక్టర్‌ నాగ వెంకట సాహిత్‌ తమ అధికారులతో కలిసి గాంధీ చిత్రపటానికి పూలమాలలు వేసి నివాళులర్పించారు. ఈ సందర్భంగా కలెక్టర్‌, జేసీ, ఐటీడీఏ పీవోలు మాట్లాడుతూ.. మహాత్మ గాంధీ ఆశయాలను ఆచరించడమే ఆయనకు నిజమైన నివాళి అని అన్నారు. శాంతి, అహింసా మార్గాలే దేశ ప్రగతికి అసలైన పునాదులని వారు పేర్కొన్నారు. ఈ కార్యక్రమంలో వివిధ శాఖల అధికారులు, ఐటీడీఏ సిబ్బంది పాల్గొన్నారు. చింతపల్లి: మహాత్మా గాంధీ చేపట్టిన అహింసా, సత్య మార్గాల బోధనలతోనే దేశానికి స్వాతంత్య్రం సిద్ధించిందని వ్యవసాయ పరిశోధనా స్థానం ఏడీఆర్‌ డాక్టర్‌ డి. ఆదిలక్ష్మి అన్నారు. స్థానిక వ్యవసాయ పరిశోధనా స్థానంలో శుక్రవారం గాంధీ జయంతి వేడుకలను ఘనంగా నిర్వహించారు. ఈ సందర్భంగా గాంధీజీ చిత్రపటానికి పూలమాలలు వేసి నివాళులర్పించారు.అనంతరం విద్యార్థులకు గాంధీజీ బోధనలు, ఆయన ఆశయాలను వివరించారు. ఈ కార్యక్రమంలో శాస్త్రవేత్తలు బయ్యపురెడ్డి, సందీప్‌నాయక్‌, జోగారావు, వెంకటేష్‌, సిబ్బంది, విద్యార్థులు పాల్గొన్నారు.

సూపర్‌ సిక్స్‌ హామీలు ఇచ్చిన చంద్రబాబు అధికారంలోకి వచ్చిన తర్వాత వాటి అమలుకు నిధులు లేవని చెబుతూనే, మరోపక్క సోషల్‌ మీడియా ఇన్‌ఫ్లూయెన్సర్లకు పెద్ద మొత్తంలో ఎలా ఖర్చు చేస్తారు? ఫీజు రీయింబర్స్‌మెంట్‌, నిరుద్యోగ భృతి అందించకుండా సోషల్‌ మీడియాకు ఏ విధంగా నిధులు సమకూరుస్తున్నారు? ప్రజలకు ఇచ్చిన హామీలను ముందుగా నెరవేర్చాలి. కూటమి ప్రభుత్వం తక్షణం స్పందించి వలంటీర్లకు న్యాయం చేయాలి. – బురిడి బుచ్చన్న, మండల కార్యదర్శి, ఏపీ వార్డు వలంటీర్ల సంఘం అరకులోయ

సాక్షి, పాడేరు: గిరి కై లాస క్షేత్రంలోని రాజరాజేశ్వరి ఆలయంలో ఈ నెల 11 నుంచి 21 వరకు నిర్వహించనున్న విజయదశమి దుర్గా నవరాత్రుల ప్రచార పోస్టర్‌ను శుక్రవారం ఆవిష్కరించారు. కామాక్షి సోమనాథ ట్రేడర్స్‌ ఆధ్వర్యంలో రూపొందించిన ఈ పోస్టర్‌ను మాజీ ఎమ్మెల్యే కొట్టగుళ్లి భాగ్యలక్ష్మి, డాక్టర్‌ టి. నరసింగరావు, ఆలయ ధర్మకర్త కొట్టగుళ్లి రమాదేవి, కమిటీ ప్రధాన కార్యదర్శి ఉప్పల వెంకటరత్నం, ఉత్సవ కమిటీ అధ్యక్షుడు కొమ్మోజు వెంకటరమణ, మోదకొండమ్మ తల్లి ఆలయ కమిటీ ప్రధాన కార్యదర్శి కిల్లు కోటిబాబు నాయుడు తదితరులు విడుదల చేశారు.అర్చకుడు రామం, కమిటీ ప్రతినిధులు బి. ధర్మారావు, కొట్టగుళ్లి రామారావు, కూడా సురేశ్‌కుమార్‌, సల్లా రామకృష్ణ, వెయ్యాకుల సత్యనారాయణ, కిముడు ప్రభాకర్‌, యాదగిరి శ్రీను, జ్యోతి, వైదేహి పాల్గొన్నారు.

● తక్షణమే సరిదిద్దాలి ● మాజీ జెడ్పీటీసీ పోతురాజుబాలయ్యపడాల్‌ డిమాండ్‌ చింతపల్లి: గిరిజన సహకార సంస్థ పూర్తి నిర్వీర్యమయ్యే దశకు చేరిందని, ఈ సంస్థను కాపాడడానికి పూర్తి స్థాయి ఆడిట్‌ నిర్వహించి గాడిలో పెట్టాలని తాజా మాజీ జెడ్పీటీసీ పోతురాజు బాలయ్యపడాల్‌ డిమాండ్‌ చేశారు. శుక్రవారం ఆయన విలేకరులతో మాట్లాడుతూ.. గిరిజనులు పండించి, సేకరించిన వ్యవసాయ, అటవీ ఉత్పత్తులకు గిట్టుబాటు ధర కల్పించి, దళారుల దోపిడీ నుంచి రక్షించేలా గిరిజన సహకార సంస్థను ఏర్పాటు చేశారన్నారు. గిరిజనుల సంక్షేమానికి అండగా నిలుస్తూ, ప్రత్యక్షంగా పరోక్షంగా వేలాది మంది గిరిజనులకు ఉపాధి కల్పించిన జీసీసీ నేడు నష్టాల్లో కూరుకుపోయి నిర్వీర్యమయ్యే పరిస్థితికి చేరుకోవడం బాధాకరమని ఆవేదన వ్యక్తం చేశారు. కాలక్రమేణా రాజకీయ జోక్యం, ఇతర శాఖల ఉద్యోగుల ప్రాబల్యం పెరిగిపోవడంతో సంస్థ తన స్వయంప్రతిపత్తిని కోల్పోయిందని ఆరోపించారు. చింతపల్లి డివిజన్‌లో కోట్లాది రూపాయల అవి నీతి జరిగిందన్న ఆరోపణలు ఉన్నప్పటికీ, బాధ్యులపై ఎందుకు చర్యలు తీసుకోవ డం లేదని ఆయన ప్రశ్నించారు. గతంలో ఎమ్‌ఎల్‌ఎస్‌ పాయింట్లు, గ్యాస్‌ గోదాములు, పెట్రోలు బంకుల నిర్వహణలో పని చేసిన ఉద్యోగులపై సమగ్ర విచారణ జరపాలని డిమాండ్‌ చేశారు. గ్యాస్‌ గోదాముల ఇన్‌చార్జిల మార్పులోనూ పారదర్శకత పాటించాలన్నారు. సంస్థలో అవినీతి ఆరోపణలు ఎదుర్కొంటున్న ఉద్యోగులకు కీలక బాధ్యతలు అప్పగించడం వెనుక అసలు కారణాలను సంస్థ ఉన్నతాధికారులు వెల్లడించాలని ఆయన డిమాండ్‌ చేశారు. గిరిజన సహకార సంస్థను మళ్లీ గాడిలో పెట్టేందుకు సమగ్ర విచారణ చేపట్టి, బాధ్యులైన వారిపై కఠిన చర్యలు తీసుకోవాలని ఆయన పునరుద్ఘాటించారు.

అరకులోయ టౌన్‌: టీడీపీ నేతలు తప్పుడు ప్రచారాలు మానుకోవాలని అరకులోయ ఎమ్మెల్యే రేగం మత్స్యలింగం ఒక ప్రకటనలో పేర్కొన్నారు. అరకులోయ అసెంబ్లీ నియోజకవర్గ పరిధిలోని పద్మాపురం, పెదలబుడు, వాలసీ పంచాయతీలకు చెందిన వైఎస్సార్‌సీపీ నాయకులు టీడీపీలో చేరినట్లు వస్తున్న వార్తలు పూర్తిగా అవాస్తవమని స్పష్టం చేశారు. అరకులోయ టీడీపీ ఇన్‌చార్జి సియ్యారి దొన్నుదొర సమక్షంలో పలువురు వైఎస్సార్‌సీపీ నాయకులు టీడీపీలో చేరినట్లు వస్తున్న వార్తల్లో ఎలాంటి వాస్తవం లేదని, అది పూర్తిగా కల్పితమని కొట్టిపారేశారు. రోజురోజుకూ ఇలాంటి తప్పుడు ప్రచారాలు చేయడం టీడీపీ నాయకులకు వెన్నతో పెట్టిన విద్య అని విమర్శించారు. అరకు నియోజకవ ర్గంలో వైఎస్సార్‌సీపీకి అపారమైన ప్రజాదరణ ఉందని, ప్రజల్లో పార్టీకి వస్తున్న ఆదరణను చూసి ఓర్వలేకనే ఇలాంటి దుష్ప్రచారాలకు పాల్పడుతున్నారన్నారు. ప్రజలను తప్పుదోవ పట్టించే విధానాన్ని మానుకోవాలని, వాస్తవాలను ప్రజలంతా గమనిస్తున్నారని హితవు పలికారు. రానున్న స్థానిక సంస్థల ఎన్నికల్లో జెడ్పీటీసీలు, ఎంపీటీసీలు, సర్పంచ్‌ స్థానాల్లో 90 శాతం వైఎస్సార్‌సీపీ కైవసం చేసుకుంటుందని ఎమ్మెల్యే రేగం మత్స్యలింగం ధీమా వ్యక్తం చేశారు.అరకు ఎమ్మెల్యే రేగం మత్స్యలింగం

అరకులోయ టౌన్‌: అరకు ఎంపీ డాక్టర్‌ గుమ్మా తనూజరాణి చిత్రపటానికి వాయుపుత్ర మోటార్‌ యూనియన్‌ ప్రతినిధులు శుక్రవారం అరకు రైల్వే స్టేషన్‌ వద్ద క్షీరాభిషేకం చేశారు. ఈ సందర్భంగా వాయుపుత్ర మోటార్‌ యూనియన్‌ అధ్యక్షుడు పాంగి నాగర్జున మాట్లాడుతూ.. విశాఖ–కిరండూల్‌ ఎక్స్‌ప్రెస్‌ రైలు రాకపోకల పునరుద్ధరణకు కృషి చేసిన ఎంపీ తనూజరాణికి మోటర్‌, ఆటో, బొర్రా ట్రైబల్‌ టాక్సీ యూనియన్‌ల తరఫున కృతజ్ఞతలు తెలుపుతున్నామన్నారు. ప్రయాణికులు, డ్రైవర్ల సమస్యలను ఎంపీ దృష్టికి తీసుకువెళ్లగా.. ఆమె వెంటనే స్పందించి రైల్వే ఉన్నతాధికారులతో చర్చించి శుక్రవారం నుంచి రైలు రాకపోకలు పునరుద్ధరించేలా కృషి చేయడం ఎంతో హర్షనీయమని కొనియాడారు. ఈ కార్యక్రమంలో మోటర్‌ యూనియన్‌ కార్యదర్శి ఎం. రమణ, కోశాధికారి జన్ని రాము, ఆటో యూనియన్‌ అధ్యక్షుడు మోహిద్దిన్‌, వైస్‌ ప్రెసిడెంట్‌ జగ్గారావు తదితర యూనియన్‌ ప్రతినిధులు పాల్గొన్నారు.

ఎస్పీ కార్యాలయంలో గాంధీజీ, లాల్‌బహుదూర్‌ శాసి్త్ర చిత్రపటాలకు పూలమాలలు వేసి నివాళులర్పిస్తున్న డీఎస్పీ శ్రీనివాసులు అనకాపల్లి: అహింస, సత్యం అనే ఆయుధాలతో బ్రిటిష్‌ పాలనకు ఎదురొడ్డి శాంతియుత పోరాటంతో దేశానికి స్వాతంత్య్రం సాధించిపెట్టిన మహాత్ముడు గాంధీజీ అని డీఎస్పీ ఈ.శ్రీనివాసులు అన్నారు. స్థానిక ఎస్పీ కార్యాలయంలో శుక్రవారం మహాత్మాగాంధీ, లాల్‌బహుదూర్‌ శాస్త్రి జయంతి సందర్భంగా వారి చిత్రపటాలకు పూలమాలలు వేసి నివాళులర్పించారు. ఈ సందర్భంగా ఆయన మాట్లాడుతూ నాలుగు దశాబ్దాలపాటు సాగిన గాంధీజీ సుదీర్ఘ పోరాటం బ్రిటిష్‌ సామ్రాజ్యాన్నే తలవంచేలా చేసిందన్నారు. బాపూజీ ఆలోచనలు, గాంధేయ సిద్ధాంతాలు నేటికీ ప్రపంచానికి మార్గదర్శకమని పేర్కొన్నారు. గ్రామ స్వరాజ్యం, స్వదేశీ, సామాజిక సామరస్యం ప్రతి ఒక్కరూ ఆచరించాల్సిన విలువలని తెలిపారు. అలాగే నిరాడంబరత, నిజాయితీకి ప్రతీక అయిన మాజీ ప్రధాని లాల్‌బహుదూర్‌ శాస్త్రి దేశానికి చేసిన సేవలను స్మరించుకున్నారు. ‘జై జవాన్‌, జై కిసాన్‌’నినాదంతో దేశ రక్షణ, ఆహార భద్రత ప్రాధాన్యతలను చాటిచెప్పిన మహానీయుడు శాస్త్రి అని కొనియాడారు. ఇద్దరు మహానీయుల త్యాగాలు, ఆదర్శాలు ప్రజలకు నిత్య స్ఫూర్తిగా నిలుస్తాయన్నారు.

పురస్కారాలు పొందిన గాయత్రి స్కూలు ఉపాధ్యాయులు విజయదుర్గ, హరిచందన కశింకోట: మండలంలోని తాళ్లపాలెంలో గాయత్రి స్కూలుకు చెందిన ఉపాధ్యాయులు ఎ.విజయదుర్గ, సి.హెచ్‌. హరిచందనలకు ఉభయ విశాఖ జిల్లా స్థాయి ఉత్తమ ఉపాధ్యాయ పురస్కారాలు లభించాయి. విశాఖపట్నంలో ఉభయ జిల్లాల ఆధ్వర్యంలో నిర్వహించిన కార్యక్రమంలో ఆదికవి నన్నయ యూనివర్సిటీ పూర్వ వైస్‌ చాన్సలర్‌ ఆచార్య ఎం.ముత్యాలనాయుడు, ఏపీపీయూఎస్‌ఎంఏ రాష్ట్ర మాజీ అధ్యక్షుడు ఎ.కృష్ణారెడ్డి, ప్రాంతీయ అధ్యక్షుడు ఎం.వి.రావు చేతుల మీదుగా వారు పురస్కారాలు అందుకున్నారు. ఈ సందర్భంగా పాఠశాల యాజమాన్య కమిటీ సభ్యులు, ఉపాధ్యాయులు శుక్రవారం వారిని అభినందించారు. చెరువులో పడి వృద్ధుడి మృతి

పాయకరావుపేట: సీబీఎస్‌ఈ జాతీయ స్థాయి యోగా పోటీల్లో శ్రీప్రకాష్‌ విద్యార్థులు ప్రతిభ చాటారు. హర్యానాలోని కర్నాల్‌లో గత నెల 25 నుంచి 28 వరకు నిర్వహించిన పోటీల్లో గ్రూప్‌ యోగా విభాగంలో ద్వితీయ స్థానం సాధించి రజిత పతకాలు కై వసం చేసుకున్నారు. గ్రూప్‌ యోగా విభాగంలో బండారు దేవాన్ష్‌, పినపాత్రుని సోహ న్‌శ్రీ, చింతకాయల జయదీప్‌, చింతా రక్షిత్‌, కాలిబోయిన వెంకట్‌ పాల్గొన్నారు. వారి సమన్వయం, నైపుణ్యం న్యాయనిర్ణేతలను ఆకట్టుకుంది. విజేతలను విద్యాసంస్థల అధినేత నరసింహారావు, సంయుక్త కార్యదర్శి విజయప్రకాష్‌, సీనియర్‌ ప్రిన్సిపాల్‌ ఎంవీవీఎస్‌ మూర్తి, యోగాగురువులు సురేష్‌, జయంతి, ఉపాధ్యాయులు అభినందించారు.

ఆరిలోవ: క్షణికావేశంలో తప్పులు చేసి పలువురు జైలుకు వస్తున్నారని ప్రిన్సిపల్‌ డిస్ట్రిక్ట్‌ అండ్‌ సెషన్స్‌ జడ్జి జి. శ్రీనివాస్‌ అన్నారు. కేంద్ర కారాగారంలో శుక్రవారం గాంధీ జయంతి సందర్భంగా ఖైదీల దినోత్సవాన్ని నిర్వహించారు. ఈ సందర్భంగా కలెక్టర్‌ ఎం. అభిషిక్త్‌ కిశోర్‌, జైలు సూపరింటిండెంట్‌ బి. చంద్రశేఖర్‌ తదితరులతో కలిసి గాంధీ, లాల్‌ బహదూర్‌ శాస్త్రి చిత్రపటాలకు పూలమాలలు వేసి నివాళులర్పించారు. ఖైదీల కోసం జైలు అధికారులు ముందుగా నిర్వహించిన క్రీడా పోటీల్లో ప్రతిభ కనబరిచిన వారికి న్యాయమూర్తి, కలెక్టర్‌ బహుమతులు అందజేశారు.ఇటీవల జైలులో నిర్వహించిన ఆఫీస్‌ అసిస్టెంట్‌ కోర్సు పూర్తి చేసిన ఖైదీలకు సర్టిఫికెట్లు అందించారు. అనంతరం న్యాయమూర్తి శ్రీనివాస్‌ మాట్లాడుతూ.. ప్రతికూల పరిస్థితులు, అనుకోని సంఘటనల కారణంగా చాలామంది తప్పులు చేస్తున్నారని అన్నారు. జైలులో శిక్ష అనుభవిస్తున్న కాలాన్ని శిక్షణ కాలంగా భావించాలని సూచించారు. విడుదలైన తర్వాత తిరిగి తప్పులు చేయకుండా మంచి పౌరులుగా సమాజంలో జీవించాలని ఆకాంక్షించారు.కలెక్టర్‌ అభిషిక్త్‌ కిశోర్‌ మాట్లాడుతూ.. జైలులో పరిశ్రమలు నిర్వహించి ఖైదీలతోనే పనులు చేయించడం మంచి పరిణామమన్నారు. దీనివల్ల వారికి ఉపాధి లభించడంతో పాటు ప్రవర్తనలోనూ మార్పు వస్తుందని ఆశాభావం వ్యక్తం చేశారు. కార్యక్రమంలో డీఎల్‌ఎస్‌ఏ కార్యదర్శి ఆర్‌. సన్యాసినాయుడు, జైలు డిప్యూటీ సూపరింటిండెంట్‌ సూర్యకుమార్‌, ద్వారకా ఏసీపీ మల్లేశ్వరరావు, జైలు సిబ్బంది తదితరులు పాల్గొన్నారు.

తాటిచెట్లపాలెం: సౌత్‌ కోస్ట్‌ రైల్వే విశాఖపట్నం డివిజన్‌ పరిధిలో విస్తృతంగా స్వచ్ఛతా హీ సేవా కార్యక్రమాలు నిర్వహించినట్లు డివిజనల్‌ రైల్వే మేనేజర్‌ లలిత్‌ బోహ్రా తెలిపారు. గాంధీ జయంతి సందర్భంగా శుక్రవారం డీఆర్‌ఎం కార్యాలయం వద్ద ఆయన మాట్లాడుతూ గత నెల 17 నుంచి ఈ నెల 2 వరకు చేపట్టిన స్వచ్ఛతా పక్షోత్సవాల ద్వారా ప్రయాణికులకు, ప్రజలకు శుభ్రత, పర్యావరణ పరిరక్షణపై అవగాహన కల్పించామన్నారు. రైల్వే అధికారులు, సిబ్బంది, సఫాయి మిత్ర, విద్యార్థులు, ప్రతినిధుల సహకారంతో సౌత్‌ కోస్ట్‌ రైల్వే ప్రధాన కార్యాలయం ద్వారా నిర్దేశించిన 700 క్లీన్లినెస్‌ టార్గెట్‌ యూనిట్స్‌లో 650 యూనిట్స్‌లో ప్రత్యేక కార్యక్రమాలు నిర్వహించి, పరిశుభ్రంగా ఉంచగలిగామని చెప్పారు. 130 ఏళ్ల విశాఖపట్నం రైల్వే స్టేషన్‌ వేడుకలను అత్యంత ఘనంగా నిర్వహించి.. హెరిటేజ్‌ గ్యాలరీ వంటివి ఏర్పాటు చేశామన్నారు. స్కూల్‌ విద్యార్థులకు ఎస్టీపీ ప్లాంట్ల పరిశీలన, చిత్రలేఖన పోటీలు, క్రీడలు, సామాజిక కార్యక్రమాలు నిర్వహించామన్నారు. రైల్వే సఫాయి మిత్రల సంక్షేమం కోసం ఆరోగ్య తనిఖీలు, అవగాహన కార్యక్రమాలు, సన్మానాలు చేసినట్లు తెలిపారు. అనంతరం డీఆర్‌ఎం కార్యాలయం నుంచి సైకిల్‌ ర్యాలీ, అవగాహన ర్యాలీలు నిర్వహించారు. డీఆర్‌ఎంతోపాటు రైల్వే అధికారులు, సిబ్బంది, శానిటేషన్‌ కార్మికులు, స్కౌట్స్‌, అండ్‌ గైడ్స్‌, డివిజనల్‌ కల్చరల్‌ అసోసియేషన్‌ ప్రతినిధులు, సౌత్‌ కోస్ట్‌ రైల్వే ఉమెన్స్‌ వెల్ఫేర్‌ ఆర్గనైజేషన్‌ డివిజన్‌ సభ్యులు పాల్గొన్నారు.

రావికమతం: గర్నికం కస్తూర్బా గాంధీ బాలికా విద్యాలయం(కేజీబీవీ)లో నైట్‌ వాచ్‌వుమన్‌గా పని చేస్తున్న ఆకుల లక్ష్మి గురువారం రాత్రి అధిక మోతాదులో థైరాయిడ్‌, పెయిన్‌కిల్లర్‌ మాత్రలు మింగి ఆత్మహత్యకు యత్నించింది. ఇందుకు పని ఒత్తిడే కారణమని ఆమె భర్త తలుపులు ఆరోపించారు. అపస్మారక స్థితిలోకి వెళ్లిన లక్ష్మిని తోటి సిబ్బంది వెంటనే రావికమతం ప్రాథమిక ఆరోగ్య కేంద్రానికి తరలించి, అనంతరం మెరుగైన చికిత్స కోసం అనకాపల్లి ఎన్టీఆర్‌ ఆస్పత్రికి, అక్కడి నుంచి విశాఖపట్నం కేజీహెచ్‌కు తరలించారు. ప్రస్తుతం ఆమె కేజీహెచ్‌లో చికిత్స పొందుతోంది. ఘటనపై రావికమతం ఎస్‌ఐ రఘువర్మ, ఎంఈవో లింగమూర్తి, జిల్లా గర్ల్‌ చైల్డ్‌ డెవలప్‌మెంట్‌ అధికారి జమీమా శుక్రవారం కేజీబీవీని సందర్శించి ఉపాధ్యాయులు, సిబ్బంది, విద్యార్థులను విడివిడిగా విచారించారు. విచారణలో నైట్‌ వాచ్‌వుమన్‌పై ఎలాంటి అదనపు పని ఒత్తిడి లేదని తేలిందని అధికారులు తెలిపారు. కేజీబీవీ స్పెషల్‌ ఆఫీసర్‌ నాగలక్ష్మి మాట్లాడుతూ జాబ్‌ చార్ట్‌లో ఉన్న పనులనే అప్పగిస్తున్నామని, ఎలాంటి వేధింపులు లేవని స్పష్టం చేశారు.

అల్లిపురం: నేల ఆరోగ్యంపై ప్రజల్లో అవగాహన కల్పించేందుకు నగరానికి చెందిన 58 ఏళ్ల చార్టర్డ్‌ సివిల్‌ ఇంజినీర్‌ సుబ్రహ్మణ్య శర్మ చల్లా చేపట్టిన ‘సేవ్‌ సాయిల్‌’ పరుగు యాత్ర కొనసాగుతోంది. ఇందులో భాగంగా శుక్రవారం విజయవాడలో నిర్వహించిన ‘స్వచ్ఛథాన్‌–2026’ హాఫ్‌ మారథాన్‌లో ఆయన 21.1 కిలోమీటర్ల పరుగును విజయవంతంగా పూర్తి చేశారు. ‘సేవ్‌ సాయిల్‌’ జెండాను చేతబూని నాలుగున్నరేళ్లుగా దేశవ్యాప్తంగా వివిధ పరుగు కార్యక్రమాల్లో పాల్గొంటున్న శర్మ ఇప్పటివరకు విశాఖ, విజయవాడ, కాకినాడ, అమలాపురం, హైదరాబాద్‌, బెంగళూరు, గోవా, రాయ్‌పూర్‌, భువనేశ్వర్‌, సంబల్‌పూర్‌, బలంగీర్‌ తదితర నగరాల్లో సుమారు 7,600 కిలోమీటర్లు పరుగెత్తారు. ఈ సందర్భంగా శర్మ మాట్లాడుతూ వాయు, జల కాలుష్యంపై ప్రజల్లో అవగాహన పెరుగుతున్నప్పటికీ, నేల ఆరోగ్యంపై మరింత చైతన్యం అవసరమన్నారు. నేల మనకు ఆహారాన్ని అందించడంతో పాటు సమస్త జీవ వ్యవస్థకు ఆధారంగా నిలుస్తుందని పేర్కొన్నారు. నేలను సంరక్షించి, దాని సారాన్ని పునరుద్ధరించాల్సిన ఆవశ్యకతను ప్రజలకు తెలియజేయడమే తన పరుగు యాత్ర లక్ష్యమని తెలిపారు. సద్గురు ప్రారంభించిన ‘సేవ్‌ సాయిల్‌’ ఉద్యమం స్ఫూర్తితో శర్మ నాలుగున్నరేళ్ల క్రితం ఈ పరుగు యాత్రను ప్రారంభించారు. అప్పటి నుంచి మారథాన్‌లు, సుదూర పరుగుల్లో పాల్గొంటూ నేల సంరక్షణ, సారవంతమైన మట్టి ప్రాధాన్యతపై ప్రజల్లో అవగాహన కల్పిస్తున్నారు. ‘స్వచ్ఛథాన్‌–2026’లో 21.1 కి.మీ. పరుగు పూర్తి చేయడం తన ‘సేవ్‌ సాయిల్‌’ ప్రచార యాత్రలో మరో మైలురాయిగా నిలిచిందని శర్మ తెలిపారు.

డుంబ్రిగుడ: మండలంలోని సొవ్వ పంచాయతీ పరిధిలోని కొరొంజిగుడ ఘాట్‌ రోడ్డు మలుపు వద్ద శుక్రవారం రోడ్డు ప్రమాదం జరిగింది. ఎదురెదురుగా వస్తున్న బైక్‌, స్కూటీ ఢీకొనడంతో ఐదుగురికి తీవ్ర గాయాలయ్యాయి. సొవ్వ వైపు నుంచి అరకు వారపు సంతకు బైక్‌పై గొప్పులవలస గ్రామానికి చెందిన నూకన్న, ఆయన భార్య డాలిమ్మతో పాటు మాలింగవలస గ్రామానికి చెందిన హరిశ్చంద్రప్రసాద్‌ ప్రయాణిస్తున్నారు. అదే సమయంలో అరకు వైపు నుంచి సొవ్వకు స్కూటీపై సొవ్వ వీఆర్పీ లక్ష్మి, ఆమె భర్త స్వామి వస్తుండగా.. కొరొంజిగుడ మలుపు వద్ద రెండు వాహనాలు ఎదురెదురుగా ఢీకొన్నాయి. ఈ ప్రమాదంలో బైక్‌పై ప్రయాణిస్తున్న ముగ్గురితో పాటు స్కూటీపై ఉన్న ఇద్దరికీ తీవ్ర గాయాలయ్యాయి. ప్రమాద విషయం తెలుసుకున్న సొవ్వ మాజీ సర్పంచ్‌, వైఎస్సార్‌సీపీ మండల ఉపాధ్యక్షుడు పొట్టంగి రామ్‌ప్రసాద్‌ తక్షణమే స్పందించారు. స్థానిక యువకులు గుంటా సాంబ, ఎస్‌. కృష్ణ, నాగేష్‌, చిన్న, కోటి తదితరులతో కలిసి వెంటనే అంబులెన్స్‌ను రప్పించి, క్షతగాత్రులను అరకులోయ ఏరియా ఆసుపత్రికి తరలించి మెరుగైన వైద్యం అందించారు.

పీఎం పాలెం(విశాఖ): ప్రతికూల పరిస్థితుల్లో సాహసోపేతంగా సేవలందించి ఇద్దరు బాధితులను సకాలంలో ఆస్పత్రికి తరలించిన ఎస్డీఆర్‌ఎఫ్‌ సిబ్బందిని 16వ ఏపీఎస్‌పీ కమాండెంట్‌ అనీల్‌కుమార్‌ అభినందించారు. బక్కన్నపాలెం బెటాలియన్‌కు చెందిన ఆర్‌ఎస్‌ఐ వైకుంఠరావు ఆధ్వర్యంలోని ఎస్డీఆర్‌ఎఫ్‌ బృందం ప్రదర్శించిన ధైర్యసాహసాలు, సమయస్ఫూర్తిని ప్రశంసించారు. ఈ మేరకు గురువారం నిర్వహించిన కార్యక్రమంలో సిబ్బందిని శాలువాలతో సత్కరించి ప్రశంసాపత్రాలు అందజేశారు. గర్భిణికి సకాలంలో వైద్యం అల్లూరి సీతారామరాజు జిల్లా జీకే మండలం పిటరాయి గ్రామానికి చెందిన 9 నెలల గర్భిణి కోడ చిందరమ్మ, అదే మండలం గంగవరం గ్రామానికి చెందిన పి.పావని తీవ్ర ప్రతికూల పరిస్థితుల్లో వైద్య సహాయం కోసం ఇబ్బందులు ఎదుర్కొన్నారు. ఈ విషయం తెలుసుకున్న ఎస్డీఆర్‌ఎఫ్‌ బృందం ప్రతికూల పరిస్థితులను ఎదుర్కొంటూ వారిని ధారకొండ పీహెచ్‌సీకి సురక్షితంగా తరలించింది. బెటాలియన్‌కు గర్వకారణం ఎస్డీఆర్‌ఎఫ్‌ సిబ్బంది అందించిన సేవలు ఏపీఎస్‌పీ బెటాలియన్‌కు గర్వకారణమని కమాండెంట్‌ సునీల్‌కుమార్‌ పేర్కొన్నారు. విధి నిర్వహణలో సిబ్బంది చూపిన ధైర్యం, సమయస్ఫూర్తి అభినందనీయమన్నారు. కార్యక్రమంలో అధికారులు, సిబ్బంది పాల్గొన్నారు.

తాపీమేస్త్రిల సంఘం డిమాండ్‌ జి.మాడుగుల: భవన నిర్మాణ రంగంలో డోర్లాక్‌ సిస్టమ్‌ను రద్దు చేయాలని, అలాగే సెంట్రింగ్‌ స్లాబ్‌ లెవెల్‌కు 50 బోర్డులకు మించకుండా చర్యలు తీసుకోవాలని శ్రీమత్స్యమాడుగులమ్మ సెంట్రింగ్‌ తాపీ మేసీ్త్ర యూనియన్‌ మండల అధ్యక్షుడు పలాసి గంగాధర్‌ డిమాండ్‌ చేశారు. స్థానిక రామకోవెల ఆవరణలో గురువారం సెంట్రింగ్‌ తాపీ మేసీ్త్ర, ఎలక్ట్రికల్‌, ప్లంబింగ్‌ యూనియన్‌ల సంయుక్త నెలవారీ సమావేశం నిర్వహించారు.ఈ సమావేశంలో కార్మికులు ఎదుర్కొంటున్న సమస్యలు, ఇబ్బందులపై యూనియన్‌ సభ్యులందరూ కలిసి చర్చించారు. ఇదే సమయంలో ఎలక్ట్రికల్‌ యూనియన్‌ సమస్యలకు పూర్తి మద్దతు తెలిపారు. ఈ కార్యక్రమంలో ఉపాధ్యక్షుడు దుర్గ, ప్రధాన కార్యదర్శి శివ, కోశాధికారులు రవికుమార్‌, బాబూరావు; ఎలక్ట్రికల్‌ యూనియన్‌ మండల అధ్యక్షుడు వాసు, ఉపాధ్యక్షులు జగదీష్‌, చందు, చింటు మరియు ఇతర యూనియన్‌ సభ్యులు పాల్గొన్నారు.

సబ్బవరం/దేవరాపల్లి : అనకాపల్లి–ఆనందపురం జాతీయ రహదారిపై మండలంలోని చిన్నయ్యపాలెం వద్ద గురువారం రాత్రి జరిగిన రోడ్డు ప్రమాదంలో ఒక వ్యక్తి మృతి చెందాడు. స్థానిక ఎస్‌ఐ సింహాచలం తెలిపిన వివరాలు.. దేవరాపల్లి మండలంలోని రైవాడకు చెందిన సీర వెంకటరావు(52) చిన్నయ్యపాలెం వద్ద కాలకృత్యాలు తీర్చుకోనేందుకు వెళ్లి రోడ్డు దాటుతున్నాడు. అదే సమయంలో అనకాపల్లి నుంచి పెందుర్తి వైపు వెళ్తున్న కారు ఢీకొంది. దీంతో తీవ్రంగా గాయపడ్డ వెంకటరావు అక్కడికక్కడే మృతి చెందాడు. ఈ ఘటనపై కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు. మృతదేహన్ని పోస్టుమార్టం నిమిత్తం అనకాపల్లి ఎన్టీఆర్‌ ప్రాంతీయ వైద్యశాలకు తరలించామన్నారు. రోడ్డు ప్రమాదంలో మృతి చెందిన వెంకటరావు

కొయ్యూరు: క్రీడాకారులు ఆటల్లో రాణించి విజయాలు సాధించాలని ఎస్‌ఐ కిషోర్‌ వర్మ అన్నారు. ఆయన గురువారం సేవా సంకల్ప్‌ అభియాన్‌ క్రీడా పోటీలను ప్రారంభించారు.ఈ సందర్భంగా ఆయన మాట్లాడుతూ.. చదువుతో పాటు క్రీడల్లోనూ రాణించాలని విద్యార్థులకు సూచించారు. క్రీడలు దేశానికి, సొంత గ్రామానికి మంచి పేరు తెస్తాయని తెలిపారు. ప్రస్తుతం జరుగుతున్న ఆసియన్‌ క్రీడా పోటీల్లో భారతీయులు సాధిస్తున్న పతకాల వివరాలను ఆయన వివరించారు. ఈ పోటీల్లో ఆ మండలంలోని వివిధ ఉన్నత పాఠశాలలకు చెందిన 460 మంది విద్యార్థులు ఉత్సాహంగా పాల్గొన్నారు. ఇందులో భాగంగా మొత్తం ఆరు రకాల పోటీలను నిర్వహించారు. ఇక్కడ విజయం సాధించిన వారికి ఈ నెల 3న నియోజకవర్గ స్థాయిలో బాలురకు పాడేరులో ఆటలు నిర్వహిస్తారు. అలాగే బాలికలకు ఈ నెల 9న పోటీలు ఉంటాయి. అనంతరం ఈ నెలలోనే జిల్లా స్థాయి పోటీలను నిర్వహించనున్నారు. ఈ కార్యక్రమంలో పాఠశాల హెచ్‌ఎం సీహెచ్‌ శ్రీనివాసరావు, వివిధ పాఠశాలలకు చెందిన పీడీలు, పీఈటీలు పాల్గొన్నారు.

నక్కపల్లి : ఎంకి పెళ్లి సుబ్బిచావుకు వచ్చిందన్న చందంగా తయారయింది పునరావాసకాలనీకి తరలిపోయిన పింఛనుదారుల పరిస్థితి. ప్రతి నెలా పింఛను తీసుకునేందుకు 10 కిలోమీటర్లు వెళ్లాల్సి వస్తోందని మా వల్ల కావడం లేదంటూ పండుటాకులు గురువారం అధికారులకు మొరపెట్టుకున్నారు. వివరాల్లోకి వెళ్తే ఆర్సిలర్‌ మిట్టల్‌ స్టీల్‌ప్లాంట్‌ కొరకు ప్రభుత్వం మండలంలో పాటిమీద, మూలపర, అమలాపురం, తమ్మయ్యపేట గ్రామాల్లో నివశిస్తున్న వారిని ఖాళీ చేయించింది. వీరికి పెదబోదిగల్లం వద్ద పునరావాసం కల్పించి ఇళ్ల స్థలాలు కేటాయించడంతో వీరంతా సొంత ఊర్లను వదిలేసి పునరావాస కాలనికి వెళ్లిపోయారు. ఈ గ్రామాల పరిధిలో సుమారు 200 మందికి పైగా పింఛను తీసుకునే వృద్ధులు ఉన్నారు. వీరంతా ప్రతి నెలా ఒకటో తేదీన వారి వారి సొంత గ్రామాలకు వెళ్లి పింఛను తీసుకోవాల్సి వస్తోందని ఆవేదన వ్యక్తం చేస్తున్నారు. అనారోగ్యంతో మంచాన పడ్డవారు, వివిధ కారణాల వల్ల నడవలేని స్థితిలో ఉన్నవారు పింఛను తీసుకునేందుకు అమలాపురం సచివాలయానికి వెళ్లాల్సి వస్తోందని, ఇలా వెళ్లడానికి అనేక వ్యయ ప్రయాసలు పడాల్సి వస్తోందని పునరావాసకాలనీ వద్దకు తెచ్చి పింఛన్లు ఇచ్చే ఏర్పాటు చేయాలంటూ అమలాపురానికి చెందిన వృద్ధులు, వితంతువులు, వైఎస్సార్‌సీపీ రాష్ట్ర రైతు విభాగం కార్యదర్శి సూరాకాసుల గోవిందు ఆధ్వర్యంలో అధికారులను కలసి వినతి పత్రం అందజేశారు.

తుమ్మపాల : అనకాపల్లి జిల్లా పరిషత్‌ డిప్యూటీ ముఖ్య కార్యనిర్వహణాధికారిగా (డిప్యూటీ సీఈఓ) ఈ.సందీప్‌ గురువారం బాధ్యతలు స్వీకరించారు. ఈ సందర్భంగా జెడ్పీ కార్యాలయ సిబ్బంది ఆయనకు పుష్పగుచ్ఛాలు అందజేసి స్వాగతం పలికారు. బాధ్యతలు స్వీకరించిన అనంతరం సిబ్బందితో సమావేశమై జిల్లా అభివృద్ధి లక్ష్యాల సాధనకు ప్రతి ఉద్యోగి సమన్వయంతో, బాధ్యతాయుతంగా, సమయపాలనతో విధులు నిర్వహించాలని సూచించారు. ప్రభుత్వ సంక్షేమ, అభివృద్ధి పథకాలు క్షేత్రస్థాయిలో ప్రజలకు సక్రమంగా చేరేలా పారదర్శకంగా, సమర్థవంతంగా పనిచేయాలని కోరారు. సిబ్బంది సంక్షేమానికి తనవంతు సహకారం అందిస్తానని తెలిపారు. ఈ కార్యక్రమ ఏపీపీఆర్‌వోఎంఈ రాష్ట్ర అడ్హాక్‌ కమిటీ అధ్యక్షుడు ఎస్‌.సత్తిబాబు, నాలుగో తరగతి ఉద్యోగుల సంఘం రాష్ట్ర ఉపాధ్యక్షుడు చిట్టిబాబు, పరిపాలనాధికారి పి.వి.వి.ఎన్‌. మూర్తి, ఏఓ అమ్మాజి తదితరులు పాల్గొని నూతన డిప్యూటీ సీఈఓకు శుభాకాంక్షలు తెలిపారు.

అనకాపల్లి టౌన్‌: ప్రభుత్వ ఆసుపత్రిలో పేదలకు మెరుగైన వైద్యం అందించాల్సి ఉండగా, వైద్యుల నిర్లక్ష్యంతో తమ ఏడాది పసికందును కోల్పోయామని కుటుంబ సభ్యులు ఆరోపించారు. ఆనకాపల్లి ఎన్టీఆర్‌ ఆసుపత్రిలో చోటు చేసుకున్న ఈ విషాద ఘటనకు కుటుంబ సభ్యులు తెలిపిన వివరాలిలా ఉన్నాయి. కశింకోట మండలం తేగాడ గ్రామానికి చెందిన నానుబిల్లి పరమేష్‌, సుగుణ దంపతుల ద్వితీయ కుమార్తెకు జలుబు, కొద్దిగా ఆయాసం రావడంతో గత నెల 29న ఆసుపత్రికి తీసుకురాగా ట్రీట్‌మెంట్‌ చేసి మందులు ఇచ్చి పంపించేశారు. అలాగే ఈనెల 1న ఉదయం మళ్లీ తీసుకువచ్చారు. ఫరవాలేదు. మందులు వాడండి అని పంపిచేశారు. మళ్లీ లక్ష్మివారం రాత్రి ఏడు గంటల సమయంలో చిన్నారికి ఊపిరి సమస్య ఎక్కువ అవడంతో ఆసుపత్రికి తీసుకువచ్చారు. ఆసుపత్రికి తీసుకువచ్చిన వెంటనే సకాలంలో సిబ్బంది స్పదించక, వైద్యం అందక, చిన్నారికి ఉన్న అసలు సమస్యను స్పష్టంగా చెప్పక తమ పాప మృతి చెందిందని తండ్రి ఆవేదన వ్యక్తం చేశారు. పాపకు ఆక్సిజన్‌ పెట్టాలని తీసుకు వెళుతుండగా, పరిస్థితి విషమించిన అనంతరం పాప మృతి చెందిందని చెప్పడంతో కుటుంబ సభ్యులు కన్నీరు మున్నీరుగా విలపించారు. రెండు రోజులుగా వైద్యం కోసం తిరిగినా పాప ఆరోగ్య పరిస్థితిపై సరైన సమాచారం ఇవ్వలేదని, ఆసుపత్రి ఆవరణలో గ్రామానికి చెందిన గ్రామస్తులు, కుటుంబ సభ్యులు ధర్నాకు దిగారు. పాప మరణానికి కారకులైన వారిపై తగిన చర్యలు చేపట్టాలని, వైద్యుల నిర్లక్ష్యంతోనే పాప చనిపోయిందని, తమకు న్యాయం చేయాలని నినాదాలు చేశారు. పాప తండ్రి ఆటో డైవర్‌ కావడంతో కుటుంబ ఆర్థిక పరిస్థితి అంతంత మాత్రంగానే ఉందని కుటుంబ సభ్యులు తెలిపారు. వీరికి ప్రథమ సంతానం నాలుగేళ్ల పాప చరణి ఉంది. రెండో సంతానంగా పుట్టిన పాపకు 15 రోజుల క్రితమే పుట్టిన రోజు చేశామని కుటుంబ సభ్యులు ఆవేదన వ్యక్తం చేశారు. ఈ సంఘటనపై ఆసుపత్రి సూపరింటెండెంట్‌ రవికుమార్‌ను వివరణ కోరగా విచారణ జరిపి సంబంధిత వైద్య సిబ్బందిపై చర్యలు తీసుకుంటామన్నారు.

మాట్లాడుతున్న్ల వృత్తి విద్యాధికారి వినోద్‌బాబు నర్సీపట్నం : పట్టణంలోని ప్రభుత్వ బాలుర జూని యర్‌ కళాశాలను జిల్లా ఇంటర్మీడియేట్‌ బోర్డు వృత్తి విద్యాధికారి మద్దిల వినోద్‌బాబు గురువారం ఆకస్మికంగా తనిఖీ చేశారు. విద్యార్థుల ప్రయోగశాల, అబ్జరేషన్‌ పుస్తకాలతో పాటు టీచింగ్‌ డైరీలు, నోట్స్‌ లు, అటెండెన్స్‌ రిజిస్టర్లు, ఆఫీసు సంబంధిత రిజిస్టర్ల ను తనిఖీ చేశారు. ఈ ఏడాది శతశాతం ఉత్తీర్ణ సాధించే దిశగా అందరూ విద్యా బోధన చేయాలని పేర్కొన్నారు. అధ్యాపకులు అందరూ సమిష్టిగా కషి చేయాలన్నారు. అధ్యాపకులు చెప్పి అంశాలను అవగాహన చేసుకుని కష్ట పడి చదివి మంచి ఫలితాలు తీసుకువ చ్చి కళాశాలకు మంచి పేరు తీసుకురావాలని సూచించారు.

కశింకోట: మండలంలోని కొత్తపల్లి గ్రామ శివారులో గంజాయి సేవిస్తున్న నలుగురు యువకులను పట్టుకొని గురువారం అరెస్టు చేశామని సీఐ అల్లు స్వామినాయుడు తెలిపారు. వారి వద్ద నుంచి గంజాయి, మోబైల్‌ ఫోన్‌, ద్విచక్ర వాహనం, గంజాయి సేవనానికి ఉపయోగించే సామగ్రిని స్వాధీనం చేసుకున్నామన్నారు. వివరాలిలా ఉన్నాయి. కొత్తపల్లి శివారులో దాడి చేసి యువకులు గంజాయి సేవిస్తున్నట్లు గుర్తించి పట్టుకున్నారు. పోలీసులను గమనించి వారు పరార్‌ అయ్యేందుకు ప్రయత్నించగా సీఐతోపాటు ఎస్‌ఐలు లక్ష్మణరావు, సతీష్‌, సిబ్బంది వెంబడించి వారిని అదుపులోకి తీసుకున్నారు. పట్టుబడిన వారిని మామిడి మనోజ్‌(18), అరిగా మహేష్‌(19), పేర్ని విజయకుమార్‌(18), మలిజేటి మధు (20)గా గుర్తించారు. రెండు రోజుల క్రితం పాడేరు ప్రాంతానికి వెళ్లిన సమయంలో దారి పక్కన గుర్తు తెలియని వ్యక్తి నుంచి రూ.500కు 50 గ్రాముల గంజాయి కొనుగోలు చేసినట్టు విచారణ సమయంలో వారు తెలిపారు. వారి నుంచి 30 గ్రాముల గంజాయి, గంజాయి సేవనానికి వినియోగించే వస్తువులు, మొబైల్‌ ఫోన్‌, గంజాయి కొనుగోలు, రవాణాకు వినియోగించిన బైక్‌ను పోలీసులు స్వాధీనం చేసుకున్నారు. కేసు నమోదు చేసి ఎన్‌డీపీఎస్‌ చట్ట ప్రకారం చర్యలు చేపడుతున్నట్టు సీఐ తెలిపారు.

● ప్రత్యేకాధికారి ప్రదీప్‌కుమార్‌ ముంచంగిపుట్టు: ఆశ్రమ పాఠశాల విద్యార్థుల ఆరోగ్యంపై ఉపాధ్యాయులు ప్రత్యేక శ్రద్ధ వహించాలని పశుసంవర్ధక శాఖ ఇన్‌చార్జీ అసిస్టెంట్‌ డైరెక్టర్‌, పాఠశాల ప్రత్యేక అధికారి లావేటి ప్రదీప్‌ కుమార్‌ సూచించారు. జిల్లా అధికారుల ఆదేశాల మేరకు ఆయన గురువారం మండల కేంద్రంలోని ప్రభుత్వ గిరిజన సంక్షేమ ఆశ్రమ బాలుర పాఠశాల–2ను తనిఖీ చేశారు. ఈ సందర్భంగా విద్యార్థులకు అందిస్తున్న భోజన మెనూను పరిశీలించి సంతృప్తి వ్యక్తం చేశారు. విద్యార్థుల హాజరు రికార్డులను తనిఖీ చేశారు. పాఠశాలలో అనారోగ్యంతో ఉన్న విద్యార్థుల వివరాలను ఉపాధ్యాయులను అడిగి తెలుసుకుని, వారికి అందిస్తున్న వైద్య చికిత్సపై ఆరా తీశారు. అలాగే కొందరు విద్యార్థులకు రక్త పరీక్షలు నిర్వహించారు. విద్యార్థుల్లో ఆత్మవిశ్వాసం, ప్రసంగ నైపుణ్యం, సృజనాత్మకతను పెంపొందించేలా ఉపాధ్యాయులు ప్రోత్సహించాలని ప్రదీప్‌ కుమార్‌ సూచించారు. ఈ కార్యక్రమంలో పాఠశాల హెచ్‌ఎం శంకర్‌, ఉపాధ్యాయులు పాల్గొన్నారు.

తుమ్మపాల : జిల్లాలో నమోదు కాని అన్ని ప్రైవేట్‌ క్లినికల్‌ ఎస్టాబ్లిష్‌మెంట్లు 15 రోజుల్లోగా తప్పనిసరిగా నమోదు చేసుకోవాలని జిల్లా వైద్య, ఆరోగ్య శాఖాధికారి డాక్టర్‌ ఆర్‌. అచ్యుత కుమారి ఒక ప్రకటనలో తెలిపారు. అల్లోపతిక్‌ ప్రైవేట్‌ మెడికల్‌ కేర్‌ ఎస్టాబ్లిష్‌మెంట్స్‌ (రిజిస్ట్రేషన్‌ అండ్‌ రెగ్యులేషన్‌న్‌) చట్టం–2002 ప్రకారం ప్రైవేట్‌ వైద్య సంస్థల నమోదు తప్పనిసరి అని తెలిపారు. జిల్లాలో ఇంకా నమోదు కాని క్లినిక్‌లు, ఆసుపత్రులు, నర్సింగ్‌ హోమ్స్‌, మెడికల్‌ ల్యాబొరేటరీలు, డయాగ్నస్టిక్‌ సెంటర్లు, ఫిజియోథెరపీ సెంటర్లు, పాలీక్లినిక్లు, డెంటల్‌ క్లినిక్లు, డెంటల్‌ ఆసుపత్రులు వైద్య సంస్థలు వెంటనే నమోదు ప్రక్రియ పూర్తి చేసుకోవాలని సూచించారు. నమోదు లేకుండా వైద్య సంస్థలను నిర్వహించడం చట్ట నిబంధనలకు విరుద్ధమని ఆమె స్పష్టం చేశారు. ప్రజలకు నాణ్యమైన వైద్య సేవలు అందించడంతో పాటు నిర్దేశిత చట్టపరమైన ప్రమాణాలను పాటించడం ప్రతి క్లినికల్‌ ఎస్టాబ్లిష్‌మెంట్‌ బాధ్యత అని పేర్కొన్నారు. నమోదు కాని సంస్థల నిర్వాహకులు ఎటువంటి ఆలస్యం చేయకుండా సంబంధిత అధికారులను సంప్రదించి 15 రోజుల్లోగా నమోదు చేసుకోవాలని కోరారు. గడువులోగా నమోదు చేసుకోని సంస్థలపై చట్టం ప్రకారం తగిన చర్యలు తీసుకుంటామని డీఎంహెచ్‌ఓ హెచ్చరించారు.

ఉదయాన్నే వేడివేడి కాఫీ గుబాళింపు.. అందులోనూ అరకు మన్యం అందించే సహజమైన పరిమళం ఇస్తే ఆ అనుభూతే వేరు! ప్రపంచంలో ఎన్నో రకాల కాఫీలు ఉన్నప్పటికీ, మన తెలుగు నేలలో, గిరిజనుల చెమటోడ్చిన కష్టంతో పండుతున్న ’అరకు కాఫీ’ రుచి, సువాసనే ఎప్పటికీ ప్రత్యేకమే. కేవలం ఒక పానీయంగానే కాకుండా, అంతర్జాతీయ స్థాయిలో విశ్వఖ్యాతి గడించిన మన్యం కాఫీ ప్రస్థానం, దాని వెనుక గిరి రైతుల శ్రమ ఎంతో ఉంది. నేడు ప్రపంచ కాఫీ దినోత్సవం సందర్భంగా ప్రత్యేక కథనం సాక్షి, పాడేరు: ఒకప్పుడు కొండపోడు వ్యవసాయంతో అడవులను నరికి జీవనం సాగించిన గిరిజనులు, నేడు నేల స్వభావాన్ని మార్చి ప్రపంచానికి అరుదైన రుచిని అందిస్తున్నారు. మన్యమంతా కాఫీ తోటల ఘుమఘుమలతో విలసిల్లుతుండగా.. ఆ వెనుక గిరిజన రైతుల అష్టకష్టాలు, చెమటోడ్చిన శ్రమే అసలు సిసలుగా నిలిచింది. నేడు అంతర్జాతీయ ఖ్యాతి గడించిన ’అరకు కాఫీ’ వెనుక ఉన్న సుదీర్ఘ ప్రయాణం గిరిజన రైతుల ఆర్థిక స్థితిగతులనే పూర్తిగా మార్చేసింది. సాగు ప్రస్థానమిలా.. గిరిజనుల్లో మార్పు, ఆర్థికాభివృద్ధి, పర్యావరణ పరిరక్షణ లక్ష్యంగా కేంద్ర కాఫీ బోర్డు 1950లో ఆర్‌వీనగర్‌ పరిశోధన స్థానం ద్వారా కేవలం 50 ఎకరాలతో అరకు ప్రాంతంలో కాఫీ సాగును ప్రోత్సహించింది. కాలక్రమేణా ఏజెన్సీ అంతటా కాఫీ తోటల విస్తరణ జోరందుకుంది. ప్రస్తుతం జిల్లాలోని 11 మండలాల్లో ఏకంగా లక్షా 3 వేల 991 హెక్టార్లలో గిరిజనులే స్వయంగా కాఫీ తోటలను సాగు చేస్తున్నారు. ● గత ఏడాది 91,500 హెక్టార్లలో కాఫీ ఫలసాయాన్ని సేకరించిన గిరిజన రైతులు, ఏకంగా 15,276 మెట్రిక్‌ టన్నుల కాఫీ గింజలను ఉత్పత్తి చేసి అమ్మకాలు జరిపారు. ప్రస్తుతం జిల్లాలో దాదాపు 2 లక్షల 45 వేల 842 మంది గిరిజన కుటుంబాలు కాఫీ పంటపైనే ఆధారపడి జీవనోపాధి పొందుతున్నాయి. ఎకరానికి సుమారు రూ. లక్ష వరకు ఆదాయం వస్తుండటంతో గిరిజన రైతులు ఆర్థికంగా నిలదొక్కుకుంటున్నారు. పూర్తిగా ఆర్గానిక్‌.. అరకు కాఫీ గింజలు నాణ్యతలో నెంబర్‌ వన్‌గా నిలుస్తున్నాయి. ఎలాంటి రసాయనాలు కలపకుండా పూర్తిగా ఆర్గానిక్‌ పద్ధతిలో గిరిజన రైతులు పండిస్తున్న ఈ కాఫీకి ప్రపంచవ్యాప్తంగా గుర్తింపు వచ్చింది. బెంగళూరు కాఫీ మార్కెట్‌లో విదేశీ సంస్థలు సైతం మన్యం కాఫీ గింజలను అధికంగా కొనుగోలు చేస్తున్నాయి. భారత పార్లమెంట్‌లోనూ ప్రత్యేకంగా అరకు కాఫీ స్టాల్‌ను ఏర్పాటు చేయడం విశేషం. పర్యాటక ప్రాంతమైన అరకులోయలో ప్రత్యేకంగా కాఫీ మ్యూజియం, షాపులను ఏర్పాటు చేసి ఈ రుచులను పర్యాటకులకు అందిస్తున్నారు. నిర్దిష్ట ధరలు లేక రైతుల ఇబ్బందులు పంట సేకరణ, మార్కెటింగ్‌, నాణ్యమైన గింజల ఉత్పత్తి కోసం గిరిజన రైతులు పడుతున్న శ్రమ అంతా ఇంతా కాదు. అయితే, మార్కెట్‌లో ఇంకా సరైన, నిర్దిష్టమైన ధరలు లభించకపోవడంతో రైతులకు రావాల్సిన లాభాలు తగ్గిపోతున్నాయి. ప్రభుత్వం లేదా కాఫీ బోర్డు ప్రత్యేక చొరవ తీసుకుని మన్యం కాఫీకి సరైన గిట్టుబాటు ధర కల్పించి, మార్కెటింగ్‌ వసతులు మెరుగుపరిస్తే గిరి రైతుల కష్టానికి మరింత సముచిత ప్రతిఫలం దక్కనుంది.ఉదయాన్నే వేడివేడి కాఫీ కప్పు చేతిలో పడగానే ఆ సువాసన చూస్తే చాలు.. సగం అలసట ఆవిరైపోతుందని కాఫీ ప్రేమికులు తరచూ చెబుతుంటారు. నిజానికి మాది కూడా అదే అభిప్రాయం. జీవితంలో ఎన్నో రకాల కాఫీలను టేస్ట్‌ చేశాం కానీ, అరకు లోయ నుంచి తెప్పించుకున్న ఆ ఆర్గానిక్‌ కాఫీని మొదటిసారి సిప్‌ చేసిన క్షణం మాత్రం మాకిప్పటికీ గుర్తే! ఆ అనుభూతిని మాటల్లో చెప్పడం కంటే, ఒక కాఫీ ప్రియుడిగా ఆస్వాదిస్తేనే దాని అసలు మజా ఏమిటో తెలుస్తుంది. ఆ మొదటి సిప్‌లో అనిపించింది ఇదే... సాధారణంగా మనం తాగే కాఫీల్లో మంచి స్ట్రాంగ్‌ డికాషన్‌, లేదా ఒక్కోసారి పదునైన చేదు ఉంటుంది. కానీ అరకు కాఫీ అలా కాదు. వేడినీళ్లలో ఆ కాఫీ పొడిని కలపగానే గది అంతా గుబాళించిన ఆ సువాసనే కట్టేసింది. మొదటి గుటక వేయగానే.. నోట్లో తేలికపాటి చాక్లెట్‌ ఫ్లేవర్‌, అలా తగిలి తగలని రోస్టెడ్‌ నట్స్‌ సుగంధం మనసును హత్తుకున్నాయి. మరీ ఎక్కువగా చేదుగా కాకుండా, అత్యంత మృదువైన టేస్ట్‌తో గొంతులోకి దిగుతుంటే కలిగే అనుభూతి మాటల్లో చెప్పలేం!. ఈరోజు బెంగళూరు మార్కెట్ల నుంచి విదేశీ సంస్థల వరకు, పార్లమెంట్‌ స్టాళ్ల నుంచి పారిస్‌ వీధుల వరకు ’అరకు కాఫీ’ పేరు మారుమోగుతుందంటే దానికి కారణం ఆ గిరి బిడ్డల శ్రమే. అందుకే రోజూవారీ హడావుడిలో పడి ఉదయం కాఫీని ఏదోలా తాగేయడం కంటే.. అరకు కాఫీని ఒక కప్పులో పోసుకుని, దాని గుబాళింపు ఆస్వాదిస్తూ ఒక్కో సిప్‌ చేస్తుంటే.. అరకు లోయలోని ఆ పచ్చని కాఫీ తోటల్లో తిరుగుతున్న అనుభూతి కలుగుతుంది. మన్యం గిరిజనుల చెమటోడ్చిన కష్టానికి దక్కుతున్న ఈ విశ్వఖ్యాతి చూస్తుంటే ప్రతి తెలుగువాడు గర్వించాల్సిందేనని కాఫీ ప్రేమికులు చెబుతుంటారు. కాఫీ ప్రేమికుల మనసు దోచిన మన్యం రుచి! నేడు ప్రపంచకాఫీ దినోత్సవం మన్యం కాఫీకి విశ్వఖ్యాతి! 50 ఎకరాల నుంచి లక్షా పైచిలుకు హెక్టార్లకు విస్తరించిన ప్రస్థానం! రసాయనాలు లేని ఆర్గానిక్‌ స్వచ్ఛతేఅసలు రహస్యం గిరిజన రైతుల చెమటోడ్చిన కష్టానికి దక్కిన అరుదైన ప్రతిఫలం ఉదయాన్నే ఒక సిప్‌ చేస్తే చాలు..అరకులోని పచ్చని తోటల్లో తిరుగుతున్న అనుభూతి! మార్కెటింగ్‌ కల్పించాలి అరకు కాఫీ బ్రాండ్‌తో మన్యం కాఫీకి ప్రపంచవ్యాప్తంగా విశ్వఖ్యాతి వచ్చింది. దానికి తగ్గట్టుగానే మాకూ గిట్టుబాటు ధరలతో కూడిన మెరుగైన మార్కెటింగ్‌ సౌకర్యం కల్పించాలి. బెంగళూరు మార్కెట్‌ ధరలకు అనుగుణంగా వ్యాపారులు కాఫీ గింజలను కొనుగోలు చేయకపోవడంతో రైతులు పూర్తిస్థాయిలో లాభాలు పొందలేకపోతున్నారు. కాఫీ సాగుతో ఎంతో కొంత ఆదాయం వస్తున్నప్పటికీ, మరింత లాభాలు వచ్చేలా కేంద్ర, రాష్ట్ర ప్రభుత్వాలు స్పందించి మాకు పూర్తి న్యాయం చేయాలి. – పాలికి లక్కు, జిల్లా అధ్యక్షుడు, కాఫీరైతుల సంక్షేమ సంఘం, పాడేరు కాఫీతోటల విస్తరణ లక్ష్యం ఏజెన్సీలో కాఫీ తోటలను మరింత విస్తరించే లక్ష్యంతో కేంద్ర కాఫీ బోర్డు ప్రతి ఏటా నిరంతరం కృషి చేస్తోంది. ఉపాధి హామీ పథకం ద్వారా కాఫీ తోటల విస్తరణకు అన్ని విధాలా ప్రోత్సహిస్తున్నాం. రైతులకు ఉచితంగా సిల్వర్‌ఓక్‌, కాఫీ మొక్కలను పంపిణీ చేస్తుండడంతో గిరిజన రైతులకు ఎంతో మేలు జరుగుతోంది. ఈ కాఫీ పంట ద్వారా రైతులకు మంచి ఆదాయం ఏర్పడుతుంది. అంతేకాకుండా, నాణ్యమైన కాఫీ గింజల ఉత్పత్తి కోసం రైతులకు ప్రత్యేక శిక్షణనిస్తూ.. మరోవైపు సిమెంట్‌ కల్లాలను కూడా నిర్మించి ఇస్తున్నాం. – మురళీధర్‌, డిప్యూటీ డైరెక్టర్‌, కేంద్ర కాఫీబోర్డు, పాడేరు

● కాఫీ కొనుగోళ్ల రికార్డుల్లో అవకతవకలు ● గ్యాస్‌ అక్రమంగా తరలింపుపై చర్యలు పెదబయలు : స్థానిక గిరిజన సహకార సంస్థ బ్రాంచి పరిధిలో జరిగిన కాఫీ కొనుగోళ్లలో అవకతవకలు చోటుచేసుకోవడంతో జీసీసీ మేనేజింగ్‌ డైరెక్టర్‌ సోభిక పెదబయలు జీసీసీ బ్రాంచ్‌ మేనేజర్‌ జి.అప్పన్నను సస్పెండ్‌ చేసినట్లు తెలిసింది. 2025–26 ఆర్థిక సంవత్సరంలో బ్రాంచి పరిధిలో గిరిజన రైతుల నుంచి 7 టన్నుల కాఫీ గింజలు కొనుగోలు చేసినప్పటికీ, దానికి సంబంధించిన రికార్డులు సక్రమంగా లేకపోవడంతో ఈ చర్య తీసుకున్నట్లు సమాచారం. దీనికి తోడు, ఇటీవల పెదబయలు భారత్‌ గ్యాస్‌ వినియోగదారులకు సరఫరా చేయాల్సిన వంట గ్యాస్‌ను బ్లాక్‌లో తరలించిన వ్యవహారం పత్రికల్లో రావడం కూడా మేనేజర్‌ సస్పెన్షన్‌కు మరో ప్రధాన కారణమైనట్టు సమాచారం. ఇలావుండగా పెదబయలు జీసీసీ బ్రాంచ్‌ గత కొన్నేళ్లుగా అక్రమాలకు అడ్డాగా మారిందన్న విమర్శలున్నాయి. గత ఏడాదిలోనూ కాఫీ కొనుగోళ్లు, గ్యాస్‌ లావాదేవీలకు సంబంధించి సుమారు రూ. 1.50 కోట్ల నిధులు దుర్వినియోగం కావడంతో అప్పట్లో పనిచేసిన మేనేజర్‌, అకౌంటెంట్లను సస్పెండ్‌ చేశారు. ఇక్కడకు వచ్చే మేనేజర్లు సంస్థ అభివృద్ధి కంటే అవకతవకలకే పాల్పడుతున్నారనే విమర్శలు వ్యక్తమవుతున్నాయి. కాగా, ఎండీ ఆదేశాల మేరకు మేనేజర్‌ను సస్పెండ్‌ చేసినప్పటికీ, పాడేరు జీసీసీ అధికారులు ఈ విషయాన్ని మీడియాకు తెలియకుండా గోప్యంగా ఉంచే ప్రయత్నం చేయడం గమనార్హం. మంగళవారం స్థానిక బ్రాంచ్‌ను పాడేరు డీఎం సందర్శించి వెళ్లినట్లు సమాచారం.

డుంబ్రిగుడ: ప్రభుత్వ భూముల అక్రమణలను అరికట్టడంలో రెవెన్యూ శాఖ అధికారులు తీవ్ర నిర్లక్ష్యం ప్రదర్శిస్తున్నారని గిరిజన సంఘం జిల్లా ఉపాధ్యక్షుడు టి. సూర్యనారాయణ మండిపడ్డారు. బుధవారం ఆయన విలేకరులతో మాట్లాడుతూ అధికారుల తీరుపై తీవ్ర ఆగ్రహం వ్యక్తం చేశారు. గత కొంతకాలంగా అరకు పంచాయతీ కేంద్రంలోని సర్వే నంబర్‌ 54/3 పరిధిలో, నేరేడువలస పాఠశాల సమీపంలో సుమారు ఎకరా 16 సెంట్ల ప్రభుత్వ భూమి ఉందని రెవెన్యూ అధికారులే చెబుతున్నారని తెలిపారు. కానీ, ఇంతవరకు ఆ భూమి వద్ద ఎలాంటి హెచ్చరిక బోర్డులను ఏర్పాటు చేయకపోవడం వెనుక రెవెన్యూ అధికారుల తీరుపై పలు అనుమానాలు వ్యక్తమవుతున్నాయన్నారు. ఈ విషయంపై ఇప్పటికే ఈ నెల 19న జిల్లా కలెక్టర్‌కు ఫిర్యాదు చేసినట్లు ఆయన గుర్తుచేశారు. ఇప్పటికై నా రెవెన్యూ అధికారులు స్పందించి, అక్రమణకు గురవుతున్న ప్రభుత్వ భూములను పరిరక్షించి తక్షణమే హెచ్చరిక బోర్డులు ఏర్పాటు చేయాలని డిమాండ్‌ చేశారు. లేనియెడల గిరిజన సంఘం ఆధ్వర్యంలో ఆందోళన కార్యక్రమాలను ఉధృతం చేస్తామని హెచ్చరించారు. ఈ కార్యక్రమంలో గిరిజన సంఘం మండల కార్యదర్శి పాంగి సత్యనారాయణ, పాంగి మోహన్‌దాసు, డొంబు తదితరులు పాల్గొన్నారు. అధికారుల తీరుపై గిరిజన సంఘ ఆగ్రహం

రాజవొమ్మంగి: తనకు దక్కాల్సిన ఆస్తి మరొకరికి దక్కుతుందేమోనని ఓయువకుడిని అతి క్రూరంగా హత్య చేసిన సంఘటన రాజవొమ్మంగి మండలం వట్టిగెడ్డలో జరిగింది. సోమవారం జరిగిన ఈ ఘటన బుధవారం వెలుగు చూసింది. ఈ మేరకు రంపచోడవరం డీఎస్పీ అష్రఫ్‌ అలీ బుధవారం రాత్రి రాజవొమ్మంగి పోలీస్‌స్టేషన్‌లో విలేకరుల సమావేశం ఏర్పాటు చేశా రు. ఆయన కథనం ప్రకారం అనకాపల్లి జిల్లా, గొలుగొండ మండలం కృష్ణదేవిపేటకు చెందిన రాంబాబు, పార్వతి దంపతులు వరుసకు మేనల్లుడు అయిన వీరబాబు అనే యువకుడిని చేరదీసి పెంచుకొంటున్నారు. వీరబాబు ఆ కుటుంబంలో అన్నీతానై రాంబాబు, పార్వతిలను కన్న తల్లిదండ్రులుగా చూసుకుంటున్నాడు. కాగా అంతకు ముందు రాంబాబు, పార్వతి దంపతులు వట్టిగెడ్డ గ్రామానికి చెందిన పల్లి శ్రీనును కూడా దత్తత తీసుకున్నారు. తనను దత్తత తీసుకున్న రాంబాబు, పార్వతి తనను అలసత్వం చేస్తూ వీరబాబును బాగా చూసుకుంటున్నారని, భవిష్యత్తులో వారికి చెందిన రూ.కోట్ల ఆస్తి కూడా వీరబాబుకే రాసేస్తారనే శ్రీను అక్కసు పెంచుకున్నాడు. వీరబాబును హత్య చేసేందుకు పల్లి శ్రీను కుట్ర పన్నాడు. ఈ క్రమంలో వీరబాబును సరదాగా వట్టిగెడ్డ తీసుకువచ్చి అక్కడ పొలాల్లో అతి కిరాతకంగా హతమార్చి గొయ్యి తీసి పాతిపెట్టాడు. అప్పటికే వీరబాబుపై కృష్ణదేవిపేటలో మిస్సింగ్‌ కేసు నమోదు కావడంతో పోలీసులు రంగప్రవేశం చేశారు. రాంబాబు, పార్వతి ఇచ్చిన ఫిర్యాదు మేరకు ఇది పల్లి శ్రీను పనేనని పోలీసులు అతనిని అదుపులోకి తీసుకుని విచారించారు. ఈ క్రమంలో అసలు విషయం బయటకు వచ్చింది. ఘటనా ప్రాంతంలో డీఎస్పీ అష్రఫ్‌ అలీ పరిశీలించి, అక్కడ రక్తపు మరకలు, వీరబాబును పాతిపెట్టిన చోట ఆనవాళ్లను నిర్ధారించారు. చీకటి పడడంతో ఫోరెన్సిక్‌ నిపుణులను రప్పించి గురువారం కేసు మరింత లోతుగా దర్యాప్తు చేస్తామని డీఎస్పీ తెలిపారు. ఈ హత్యలో శ్రీనుకు వట్టిగెడ్డకు చెందిన మరో ఇద్దరు సహకరించినట్టు పోలీసులు అనుమానిస్తున్నారు. వారి ఆచూకీ కోసం గాలిస్తున్నారు. విలేకరుల సమావేశంలో సీఐ సన్యాసినాయుడు, ఎస్‌ఐ వెంకట్రావు తదితరులు పాల్గొన్నారు.

మహారాణిపేట: విశాఖపట్నం పోర్ట్‌ అథారిటీకి కార్గో హ్యాండ్లింగ్‌ డివిజన్‌ సూపర్‌వైజర్‌ ఇన్‌చార్జి కె.భీమలింగం చేసిన సేవలు అమూల్యమని వీపీఏ సీనియర్‌ డిప్యూటీ ట్రాఫిక్‌ మేనేజర్‌ సిహెచ్‌.అవతారం నాయుడు కొనియాడారు. భీమలింగం పదవీ విరమణ సందర్భంగా బుధవారం పోర్ట్‌ ఆవరణలో ఏర్పాటు చేసిన సన్మాన సభలో ఆయన మాట్లాడారు. 1995లో విశాఖ పోర్టులో చేరిన భీమలింగం 31 ఏళ్ల సుధీర్ఘ కాలం తన విలువైన సేవలందించారన్నారు. అరకు పార్లమెంట్‌ సభ్యురాలు డాక్టర్‌ తనూజ రాణి మాట్లాడుతూ తమకు సమీప బంధువైన భీమలింగం విశాఖ పోర్టులో పలు పదవుల్లో సమర్థవంతంగా పనిచేసి పదవీ విరమణ చేయడం అభినందనీయమన్నారు. అరకు మాజీ ఎమ్మెల్యే చెట్టి పాల్గుణ మాట్లాడుతూ భీమలింగం తన పదవులకే వన్నె తెచ్చారన్నారు. ఈ సందర్భంగా భీమలింగం, గుణభూషణి దంపతులను గజమాలతో ఘనంగా సన్మానించారు. కార్యక్రమంలో వైఎస్సార్‌సీపీ అరకు సీనియర్‌ నాయకుడు చెట్టి వినయ్‌, బంధు మిత్రులు, సిబ్బంది పాల్గొని భీమలింగం దంపతులను అభినందించారు.

మునగపాక: క్రీడల ద్వారా మానసిక ఉల్లాసంతో పాటు శరీర దారుఢ్యం పెరుగుతుందని మాజీ జెడ్పీటీసీ మళ్ల సంజీవరావు, వైఎస్సార్‌సీపీ జిల్లా అధికార ప్రతినిధి ఆడారి కాశీబాబు అన్నారు. స్థానిక నందీశ్వర కళా ప్రాంగణంలో మరిడిమాంబ అమ్మవారి పండగ సందర్భంగా వైఎస్సార్‌సీపీ జిల్లా అధ్యక్షుడు బొడ్డేడ ప్రసాద్‌ సహకారంతో ఏర్పాటు చేసిన కబడ్డీ పోటీలను బుధవారం రాత్రి వారు ప్రారంభించారు. మాజీ సర్పంచ్‌ దిమ్మల అప్పారావు, వ్యాపారవేత్త పొలిమేర కృష్ణ, వైఎస్సార్‌సీపీ జిల్లా ఆర్గనైజింగ్‌ కార్యదర్శి పిన్నమరాజు రవీంద్రరాజు, పార్టీ నేతలు కోనపల్లి రామ్మోహనరావు,కాండ్రేగుల జగన్‌, రాజా న బుజ్జి, భీశెట్టి ఈశ్వరరావు, పెంటకోట శ్రీనివాసరావు, ఆడారి రమణబాబు, సూరిశెట్టి దుర్గునాయుడు, పీలా శివ, కొణతాల సంతోష్‌, నాగసూరి, మళ్ల హేమంత్‌ తదితరులు పాల్గొన్నారు. రిఫరీగా వెలగా రామకృష్ణ వ్యవహరించారు. నూతలగుంటపాలెం పాఠశాల తనిఖీ

ముంచంగిపుట్టు: గంజాయి, నాటుసారా జోలికి ఎవరూ వెళ్లవద్దని, వాటివల్ల జీవితాలు నాశనమవుతాయని ముంచంగిపుట్టు ఎస్‌ఐ పి. నాని గిరిజనులకు హితవు పలికారు. మండలంలోని బంగారుమెట్ట పంచాయతీ కేంద్రంలో బుధవారం సీఆర్‌పీఎఫ్‌, ఏపీఎస్‌పీ, స్పెషల్‌ పార్టీ పోలీసుల ఆధ్వర్యంలో ’ఆపరేషన్‌ త్రిశూల్‌’ కార్యక్రమం నిర్వహించారు. ఈ సందర్భంగా సామాజిక అంశాలపై గిరిజనులకు విస్తృత అవగాహన కల్పించారు.అనంతరం పోలీసుల ఆధ్వర్యంలో గిరిజనులతో కలిసి బంగారుమెట్టలో అవగాహన ర్యాలీ నిర్వహించారు. గ్రామంలో మానవహారంగా ఏర్పడి గంజాయి, నాటుసారా నిర్మూలనపై నినాదాలు చేస్తూ ప్రజల్లో చైతన్యం తెచ్చారు. ఈ కార్యక్రమంలో వివిధ రాజకీయ పార్టీల నేతలు, పోలీసు సిబ్బంది, అచీక సంఖ్యలో స్థానిక గిరిజనులు పాల్గొన్నారు.

మాకవరపాలెం: రైతులకు ఇష్టం లేకుంటే పరిశ్రమల ఏర్పాటును నిలిపివేస్తామని స్పీకర్‌ చింతకాయల అయ్యన్నపాత్రుడు అన్నారు. పల్లె పండగ–3లో భాగంగా మండలంలోని శెట్టిపాలెంలో పలు అభివృద్ధి పనులకు ఆయన బుధవారం శంకుస్థాపన చేశారు. ఈ సందర్భంగా ఆయన మాట్లాడుతూ మండలంలోని తూటిపాల ప్రాంతంలో డేటా సెంటర్‌ ఏర్పాటును వ్యతిరేకిస్తూ ఇటీవల రైతులు వినతులు అందజేయడంతో పాటు మీడియా ముఖంగా వెల్లడించారు. ఈ సందర్భంగా స్పీకర్‌ మాట్లాడుతూ పరిశ్రమల ఏర్పాటుతో గ్రామాలాభివృద్ధి చెందుతాయని ఉద్దేశంతో ప్రభుత్వంతో మాట్లాడి పరిశ్రమల ఏర్పాటుకు నిర్ణయించామని, కానీ రైతులు వ్యతిరేకించడంతో నిలివేస్తున్నామన్నారు. పల్లెపండగ–3లో పనులకు నియోజకవర్గానికి కేటాయించిన రూ.43.59 కోట్లు నిధులను సక్రమంగా వినియోగించాలని, నాణ్యత లేకుండా పనులు చేస్తే ఊరుకునేదిలేదని హెచ్చరించారు. మాకవరపాలెంలోని శ్మశానవాటికలో అపరిశుభ్రతలో అధికారులపై అసహనం వ్యక్తం చేశారు. మండల ప్రత్యేకాధికారి కిషోర్‌కుమార్‌, జనసేన నియోజకవర్గ ఇన్‌చార్జి సూర్యచంద్ర, టీడీపీ మండల అధ్యక్షుడు పాత్రుడు, శెట్టిపాలెం మాజీ సర్పంచ్‌ రామునాయుడు, ఎంపీడీవో చాయిసుధ, నాయకులు పాల్గొన్నారు.స్పీకర్‌ అయ్యన్నపాత్రుడు

బుచ్చెయ్యపేట: మండలంలో గల బంగారుమెట్ట గ్రామంలో విద్యుత్‌ సరఫరా అయ్యే రైతుల వ్యవసాయ ట్రాన్స్‌ఫారం(డీపీ)ని గుర్తు తెలియని వ్యక్తులు పట్టుకుపోయారు. మంగళవారం రాత్రి భీమునిపట్నం, నర్సీపట్నం (బీఎన్‌) రోడ్డును ఆనుకుని డాల్ఫిన్‌ డెయిరీ దగ్గరలో ఉన్న డీపీకి విద్యుత్‌ సరఫరాను నిలిపివేశారు. ట్రాన్స్‌ఫారంను కిందికి దించి డీపీని పగలగొట్టారు. డీపీలో ఉన్న రాగి వైర్‌ను, కరెంట్‌ ఆయిల్‌ను పట్టుకుపోయారు. బుధవారం ఉదయం తమ పొలాల్లో ఉన్న మోటార్లకు విద్యుత్‌ సరఫరా రాకపోవడంతో రైతులు డీపీ వద్దకు వెళ్లారు. విద్యుత్‌ ఫీజు పోయి ఉంటుందని చూడడానికి వెళ్లగా డీపీ పగలగొట్టి ఉండడం చూసి రైతులు అవాక్కయ్యారు. వెంటనే విద్యుత్‌శాఖ అధికారులకు ఫిర్యాదు చేశారు. వారం రోజుల కిందటే ఇక్కడకు దగ్గరలోనే ఉన్న మరో ట్రాన్స్‌ఫారంను దొంగలు పగలగొట్టి రాగి వైర్‌ను పట్టుకుపోయారు. ఎవరో కావాలని రాత్రిపూట దొంగతనాలకు పాల్పడుతున్నారని పోలీసులు విద్యుత్‌ డీపీలు దొంగతనాలు చేసే వారిపై దృష్టి సారించాలని రైతులు కోరుతున్నా రు. అసలే వర్షాలు లేక పంటలకు సాగునీరు అందక ఇబ్బందులు పడుతున్నామని, తక్షణం డీపీ ఏర్పాటు చేసి విద్యుత్‌ సదుపాయం కల్పించి వ్యవసాయ మోటార్లకు నీరు అందేలా చేయాలని బాధి త రైతులు కోలాటి నాగేశ్వరరావు, దాసరి రాజు, పర్రే రాజు, కె.నాగేశ్వరరావు కోరుతున్నారు.

కొయ్యూరు: మండలంలోని రాజేంద్రపాలెం ఆస్పత్రిని జిల్లా అదనపు వైద్య ఆరోగ్య అధికారి (ఏడీఎంహెచ్‌వో) ప్రతాప్‌ బుధవారం ఆకస్మికంగా తనిఖీ చేశారు. ఈ తనిఖీల్లో భాగంగా ఆస్పత్రిలోని ల్యాబ్‌ను పరిశీలించి, పరీక్షలు నిర్వహి స్తున్న తీరుపై ల్యాబ్‌ టెక్నీషియన్‌ (ఎల్‌టీ)ను వివరాలు అడిగి తెలుసుకున్నారు. అనంతరం వైద్యు లు జగదీష్‌నాయక్‌తో మాట్లాడి ఆస్పత్రి పనితీరును సమీక్షించారు. ఆస్పత్రికి వస్తున్న గర్భిణు లు, చిన్నపిల్లలు, ఇతర రోగులకు అందుతున్న వైద్య సేవలపై ఏడీఎంహెచ్‌వో ఆరా తీశారు. వైద్యం అందుతున్న తీరుపై రోగుల నుంచి సంతృప్తికరమైన సమాధానం రావడంతో ఆయన హర్షం వ్యక్తం చేశారు. ఆ తర్వాత 104 వాహనాన్ని పరిశీలించి, షెడ్యూల్‌ ప్రకారం సిబ్బంది గ్రామాలను క్రమం తప్పకుండా సందర్శిస్తున్నా రా లేదా అనే వివరాలను అడిగి తెలుసుకున్నారు. సీహెచ్‌వో ప్రశాంత్‌ కుమార్‌, బీఎస్‌కే కిషోర్‌ కుమార్‌, ఇతర వైద్య సిబ్బంది పాల్గొన్నారు.

సాక్షి, విశాఖపట్నం: దశాబ్దాల చిరకాల స్వప్నం నెరవేరి, దక్షిణ కోస్తా రైల్వే జోన్‌ అవతరించి వంద రోజులు గడిచిపోయాయి. విశాఖ కేంద్రంగా రైలు సర్వీసుల్లో విప్లవాత్మక మార్పులు వస్తాయని, ప్రయాణ కష్టాలు తీరుతాయని అంతా ఆశించారు. కానీ ఆ ఆశలన్నీ అడియాసలే అయ్యాయి. ‘జోన్‌ మనకి.. రైళ్లు పక్కోళ్లకు’ అన్న చందంగా ఇక్కడి పరిస్థితి తయారైంది. విశాఖ రైల్వే డివిజన్‌ అధికారుల నిర్లక్ష్యం, సాకుల కారణంగా కొత్త రెగ్యులర్‌ రైళ్లు పట్టాలెక్కకపోగా, ఇతర జోన్ల నుంచి వచ్చే స్పెషల్‌ రైళ్లు కూడా విశాఖ వైపు చూడకుండా బైపాస్‌ మీదుగానే వెళ్లిపోతున్నాయి. పిట్‌ లైన్లలో స్థలం లేదనే నెపంతో అధికారులు ప్రయాణికుల ఆశలపై నీళ్లు చల్లుతున్నారు. చెబుతున్నవన్నీ సాకులే.. జోన్‌ ఏర్పాటుకు ముందే నడుస్తున్న కొన్ని స్పెషల్‌ రైళ్లను మాత్రమే అధికారులు రెగ్యులర్‌ చేశారు. అంతకుమించి కొత్త జోన్‌ పరిధిలో కొత్తగా హెడ్‌క్వార్టర్స్‌ నుంచి ఒక్క సర్వీస్‌ కూడా మొదలు కాలేదు. పిట్‌ లైన్లు నిండిపోయాయని, కొత్త రైళ్లకు స్లాట్లు ఖాళీ లేవంటూ విశాఖ రైల్వే డివిజన్‌ అధికారులు ఉదాసీన వైఖరి ప్రదర్శిస్తున్నారు. సమస్యలను పరిష్కరించి కొత్త రైళ్లను తీసుకురావాలనే చిత్తశుద్ధి లోపించడంతో, జోన్‌ కేంద్రంగా విశాఖకు దక్కాల్సిన ప్రాధాన్యత రోజురోజుకీ కనుమరుగవుతోంది. ఇతర జోన్లకు వరంగా మారిన నిర్లక్ష్యం! విశాఖ డివిజన్‌ అధికారుల అలసత్వాన్ని పక్క రైల్వే జోన్లు తమకు అనుకూలంగా మలచుకుంటున్నాయి. దక్షిణ కోస్తా రైల్వే మీదుగా ఇతర జోన్లు అనేక ప్రత్యేక రైళ్లను ప్రవేశపెడుతున్నాయి. అయితే ఆ రైళ్లను నగరంలోకి తీసుకువచ్చేందుకు కూడా విశాఖ అధికారులు కనీస ఆసక్తి చూపడం లేదు. ట్రాక్‌లు ఖాళీ లేవనే కారణంతో ఆ రైళ్లన్నీ దువ్వాడ బైపాస్‌ మీదుగానే వెళ్లిపోతున్నాయి. ఫలితంగా నగర ప్రయాణికులకు ఆ సేవలు అందుబాటులోకి రావడం లేదు. మన ట్రాక్‌పై పక్క జోన్ల రైళ్ల పరుగులు! ప్రస్తుతం నడుస్తున్న పలు స్పెషల్‌ రైళ్ల వివరాలను పరిశీలిస్తే డివిజన్‌ అధికారుల తీరు స్పష్టమవుతోంది. శ్రీకాకుళం – చర్లపల్లి, సికింద్రాబాద్‌ – బరంపురం మధ్య నడుస్తున్న రెండు స్పెషల్‌ రైళ్లు దక్షిణ మధ్య రైల్వే ఆధ్వర్యంలోనే నడుస్తున్నాయి. వీటితో పాటు బెంగళూరు వీక్లీ (18509/10), తిరుపతి వీక్లీ (18505/06, 18507/08), కొల్లాం వీక్లీ (18501/02), చర్లపల్లి వీక్లీ (18527/28) వంటి దాదాపు 10 రైళ్లు సదరన్‌, సౌత్‌ సెంట్రల్‌ రైల్వే జోన్లకే పరిమితమయ్యాయి.మన జోన్‌ మీదుగా నడుస్తున్నా, స్థానిక అధికారుల చొరవ లేకపోవడంతో విశాఖ ప్రయాణికులకు ప్రయోజనం లేకుండా పో తోంది. ఈ రైళ్లు కూడా విశాఖ రైల్వేస్టేషన్‌కు రావడం లేదు. ఉన్న రైళ్లకూ మంగళం! కొత్త రైళ్లు రాకపోవడం ఒక ఎత్తయితే, ఏళ్ల తరబడి నడుస్తున్న పాత రైళ్లను సైతం అధికారులు రద్దు చేస్తుండటం ప్రయాణికులను తీవ్ర ఆందోళనకు గురిచేస్తోంది. విశాఖ కేంద్రంగా కొత్త జోన్‌ వస్తే రైల్వే సర్వీసులు మెరుగుపడతాయని ఆశించిన వారికి నిరాశే ఎదురైంది. అధికారుల నిర్లక్ష్యం ఇలాగే కొనసాగితే దక్షిణ కోస్తా రైల్వే జోన్‌ కేవలం కార్యాలయాలకు, కాగితాలకు, ఏసీ రూమ్‌లకే పరిమితమవుతుందనే విమర్శలు వ్యక్తమవుతున్నాయి.

వైఎస్సార్‌సీపీ జిల్లా అధ్యక్షుడువిశ్వేశ్వరరాజుచింతపల్లి: రానున్న స్థానిక సంస్థల ఎన్నికల్లో విజయమే లక్ష్యంగా ప్రతి ఒక్క కార్యకర్త సమష్టిగా శ్రమించాలని వైఎస్సార్‌సీపీ జిల్లా అధ్యక్షుడు, పాడేరు ఎమ్మెల్యే మత్స్యరాస విశ్వేశ్వరరాజు పిలుపునిచ్చారు. బుధవారం స్థానిక కల్యాణ మండపంలో మండల పార్టీ అధ్యక్షుడు పాంగి గణబాబు అధ్యక్షతన వైఎస్సార్‌సీపీ కార్యకర్తలకు గుర్తింపు కార్డుల పంపిణీ కార్యక్రమం నిర్వహించారు. ఈ సందర్భంగా ఆయన మాట్లాడుతూ... త్వరలో జరగనున్న స్థానిక సంస్థల ఎన్నికలు పార్టీకి కీలకమని, ప్రతి పంచాయతీలో వైఎస్సార్‌సీపీ జెండా ఎగిరేలా నాయకులు, కార్యకర్తలు కృషి చేయాలన్నారు. వైఎస్‌ జగన్‌మోహన్‌రెడ్డిని మళ్లీ ముఖ్యమంత్రిని చేసే లక్ష్యంతో అందరూ ఐక్యంగా పనిచేసి అభ్యర్థుల గెలుపునకు బాటలు వేయాలని కోరారు. ఎక్కడా రెబల్‌ అభ్యర్థులు లేకుండా పంచాయతీ స్థాయిలోనే దీటైన అభ్యర్థులను ఎంపిక చేసుకోవాలని సూచించారు. పార్టీ శ్రేణులకు రూ. 5 లక్షల బీమా భద్రత వైఎస్సార్‌సీపీలో గుర్తింపు కార్డు పొందిన కార్యకర్తలు ప్రమాదవశాత్తు మృతి చెందితే పార్టీ తరఫున రూ. 5 లక్షల ఆర్థిక సహాయం అందించేలా అధినేత జగన్‌మోహన్‌రెడ్డి నిర్ణయం తీసుకోవడం చారిత్రాత్మకమని ఎమ్మెల్యే అన్నారు. కార్డుల పంపిణీ సమయంలోనే ఈ శుభవార్త రావడం ఎంతో ఆనందదాయకమన్నారు. ఈ కార్యక్రమంలో మాజీ ఎంపీపీ, జెడ్పీటీసీ కొరాబు అనూషదేవి, పోతురాజు బాలయ్యపడాల్‌, రైతు విభాగం రాష్ట్ర కార్యదర్శి బూసరి కృష్ణారావు, రాష్ట్ర పార్టీ సంయుక్త కార్యదర్శి తడబారిక సురేష్‌, జిల్లా పార్టీ ఉపాధ్యక్షులు గంపరాయి దిలీప్‌కుమార్‌, రాష్ట్ర ఎస్టీ సెల్‌ ప్రధాన కార్యదర్శి జల్లి సుధాకర్‌, పంచాయతీరాజ్‌ నియోజకవర్గ అధ్యక్షుడు సాగిన గంగన్న పడాల్‌, విద్యార్థి విభాగం జిల్లా అధ్యక్షుడు లోచలి వరప్రసాద్‌, మాజీ సర్పంచ్‌ల ఫోరం అధ్యక్షుడు దురియా పుష్పలత, మాజీ ఎంపీపీలు సాగిన దేవుడమ్మ, కవడం మచ్చమ్మ, మాజీ మార్కెట్‌ చైర్మన్‌ జల్లి హలియారాణి, తదితర మాజీ సర్పంచ్‌లు, ఎంపీటీసీలు, నాయకులు, కార్యకర్తలు పాల్గొన్నారు.

ముంచంగిపుట్టు: రానున్న స్థానిక సంస్థల ఎన్నికల్లో సమష్టిగా పోరాడి వైఎస్సార్‌సీపీ జెండా ఎగురవేయాలని ఆ పార్టీ మండల అధ్యక్షుడు పాంగి పద్మారావు పిలుపునిచ్చారు. బుధవారం మండలంలోని పెదగూడ, ఏనుగురాయి పంచాయతీల్లో ఆయా పంచాయతీల అధ్యక్షులు దాసు, బలరామ్‌ అధ్యక్షతన వైఎస్సార్‌సీపీ విస్తృత స్థాయి సమావేశాలు నిర్వహించారు. ప్రభుత్వ వైఫల్యాలపై క్షేత్రస్థాయిలో విస్తృత ప్రచారం చేసి ప్రజలను చైతన్యం చేయాలని కోరారు. అనంతరం పార్టీ కార్యకర్తలకు గుర్తింపు కార్డులు అందజేశారు. ఈ కార్యక్రమాల్లో జేసీఎస్‌ జిల్లా కోఆర్డినేటర్‌ జగబంధు, వైఎస్సార్‌సీపీ మండల ప్రధాన కార్యదర్శులు రాంప్రసాద్‌, పాపారావు, మాజీ సర్పంచులు బాబురావు, నరసింగరావు, రమేష్‌, మాజీ ఎంపీటీసీలు సుబ్బలక్ష్మీ, గణపతి, మండల నేతలు జయదేవ్‌, రామ్మూర్తి, శంకరరావు, అప్పారావు, రాంప్రసాద్‌, సుభాష్‌, నానిబాబు, గాసిరావు, ఉదయ్‌, పిత్‌బాష్‌ తదితరులు పాల్గొన్నారు.

అనకాపల్లి: వీధి దీపాల మరమ్మతులకు వెళ్లిన ఓ విద్యుత్‌ లైన్‌మన్‌ ప్రమాదవశాత్తూ విద్యుత్‌ షాక్‌కు గురై ట్రాన్స్‌ఫార్మర్‌పై ఇరుక్కుపోయిన ఘటన బుధవారం మండలంలో రేబాక గ్రామంలో చోటు చేసుకుంది. స్థానికులు, తాళ్ల సాయంతో లైన్మెన్‌ను కిందకు దించి, 108 వాహనంలో ఆసుపత్రికి తరలించడంతో ప్రాణాపాయం తప్పింది. రేబాక పాలిటెక్నిక్‌ కళాశాలకు వెళ్లే మార్గంలో వీధి దీపాలు వెలగకపోవడంతో వాటిని సరిచేసేందుకు విద్యుత్‌ లైన్‌మన్‌ మంత్రి ఆదినారాయణ ట్రాన్స్‌ఫార్మర్‌ ఎక్కారు. ఈ క్రమంలో ప్రమాదవశాత్తూ విద్యుత్‌ షాక్‌కు గురయ్యారు. దీంతో కుడి చేయి, మెడ భాగంలో గాయాలైనట్లు స్థానికులు తెలిపారు. విద్యుత్‌ షాక్‌కు గురైన ఆయన ట్రాన్‌న్స్‌ఫార్మర్‌పైనే ఇరుక్కుపోవడంతో అక్కడున్న స్థానికులు వెంటనే స్పందించి, తాళ్లు కట్టి జాగ్రత్తగా కిందికి దించారు. అనంతరం 108 వాహనంలో అనకాపల్లి పట్టణంలోని ఓ ప్రైవేట్‌ ఆసుపత్రికి తరలించారు. ఘటనపై విద్యుత్‌ శాఖ అధికారులు వివరాలు సేకరిస్తున్నారు.

అనకాపల్లి: జీవీఎంసీ విలీన గ్రామమైన కొప్పాక రైల్వే బ్రిడ్జి సమీపంలో ఈనెల 29న రాత్రి సమయంలో సికింద్రాబాద్‌ నుంచి శ్రీకాకుళం వెళుతున్న ఫలక్‌నుమా సూపర్‌ఫాస్టు ఎక్స్‌ప్రెస్‌ నుంచి బేహర తవిటయ్య అనే ప్రయాణికుడు ప్రమాదవశాత్తూ జారిపడి మృతిచెందినట్టు దువ్వాడ జీఆర్పీ ఎస్‌ఐ కె.టి.ఆర్‌.లక్ష్మి బుధవారం చెప్పారు. మృతదేహం వద్ద ఉన్న సెల్‌ఫోన్‌ ఆధారంగా మృతుడి కుటుంబసభ్యులకు సమాచారం అందించినట్టు ఎస్‌ఐ తెలిపారు. మృతుడిని శ్రీకాకుళం జిల్లా లక్కుపురం గ్రామానికి చెందిన బేహర తవిటయ్యగా గుర్తించడం జరిగిందన్నారు. కుటుంబ సభ్యుల సమక్షంలో మృతదేహానికి పోస్టుమార్టం నిర్వహించి అప్పగించడం జరిగిందన్నారు. కేసు నమోదు చేసి దర్యాప్తు చేస్తున్నామన్నారు.

● ఎస్పీ అమిత్‌ బర్దర్‌ సాక్షి, పాడేరు: జిల్లాలో ఆపరేషన్‌ త్రిశూల్‌ కార్యక్రమాన్ని అత్యంత ప్రతిష్టాత్మకంగా అమలు చేయడంతో పాటు ప్రజల్లోకి విస్తృతంగా తీసుకువెళ్తున్నామని ఎస్పీ అమిత్‌ బర్ధర్‌ తెలిపారు. బుధవారం పాడేరులో ఆపరేషన్‌ త్రిశూల్‌పై అవగాహన ర్యాలీని ఆయన ప్రారంభించారు. అనంతరం పాతబస్టాండ్‌ వద్ద పోలీసు సిబ్బంది, స్థానికులతో కలిసి మానవహారం నిర్వహించారు. ఈ సందర్భంగా ఎస్పీ అమిత్‌ బర్దర్‌ విలేకరులతో మాట్లాడుతూ.. మహిళల భద్రత, రోడ్డు ప్రమాదాల నివారణ, మాదకద్రవ్యాల నిర్మూలన లక్ష్యంగా పోలీసు శాఖ ప్రత్యేక చర్యలు చేపడుతోందని స్పష్టం చేశారు. ఈ సందర్భంగా జిల్లాలో ఇప్పటివరకు సాధించిన ప్రగతి మరియు కేసుల వివరాలను వెల్లడించారు. జిల్లాలో ఇప్పటివరకు 81 ఎన్డీపీఎస్‌ కేసులు నమోదు చేసి, 10,625 కిలోల గంజాయిని, 42.9 కిలోల హ్యాష్‌ ఆయిల్‌ను స్వాధీనం చేసుకున్నట్లు తెలిపారు. ఈ కేసు సంబంధిత నేరాల్లో మొత్తం 346 మంది నిందితులు ఉండగా, అందులో జిల్లాకు చెందిన వారు 136 మంది ఉన్నట్లు గుర్తించామన్నారు. మహిళలపై వేధింపులు, అఘాయిత్యాలకు సంబంధించి 32 కేసులు, 4 పోక్సో కేసులు నమోదయ్యాయని పేర్కొన్నారు.జిల్లాలో 103 రోడ్డు ప్రమాదాలు నమోదయ్యాయని, అలాగే ట్రాఫిక్‌ నిబంధనలు ఉల్లంఘించిన వారిపై చర్యల్లో భాగంగా రూ. 18,395 చలానాలను విధించినట్లు ఎస్పీ వివరించారు. ఈ కార్యక్రమంలో పలువురు పోలీసు అధికారులు, సిబ్బంది, మహిళలు పెద్ద సంఖ్యలో పాల్గొని త్రిశూల్‌ నినాదాలతో అవగాహన కల్పించారు.

కలెక్టర్‌ నిశాంతి సాక్షి, పాడేరు: బాలల హక్కుల పరిరక్షణతో పాటు వారి భద్రత, సంక్షేమం కోసం అందరం కలిసికట్టుగా కృషి చేయాలని కలెక్టర్‌ టి. నిశాంతి పిలుపునిచ్చారు. విద్యా, సీ్త్ర శిశు సంక్షేమ శాఖల ఆధ్వర్యంలో స్థానిక శంకరన్‌ హాల్‌లో బాలల హక్కుల పరిరక్షణపై అవగాహన సదస్సు నిర్వహించారు. ఈ కార్యక్రమంలో వివిధ రంగాల్లో ప్రతిభ చూపిన ప్రతిభావంతులైన బాలికలకు కలెక్టర్‌ ఘనంగా బహుమతులు అందజేసి అభినందించారు. ఈ సందర్భంగా కలెక్టర్‌ నిశాంతి మాట్లాడుతూ... బాలల హక్కులకు సంబంధించిన అన్ని అంశాలపై అధికారులు నిరంతరం అప్రమత్తంగా ఉండి, రక్షణ చర్యలను పకడ్బందీగా అమలు చేయాలని ఆదేశించారు. బాలల హక్కులను పరిరక్షించడం కేవలం ప్రభుత్వ బాధ్యతే కాదని, సమాజంలోని ప్రతి ఒక్కరి బాధ్యత అని స్పష్టం చేశారు. చిన్నారులకు పౌష్టికాహారం, నాణ్యమైన విద్య, మెరుగైన వైద్యం , భద్రత కల్పించడమే తమ ప్రధాన ప్రాధాన్యత అని తెలిపారు. ముఖ్యంగా పాఠశాలల్లో బాలబాలికలు ఎలాంటి ఒత్తిడి లేకుండా చదువుకోవడానికి ప్రశాంతమైన వాతావరణాన్ని ఏర్పాటు చేయాలని ఉపాధ్యాయులకు సూచించారు. ఈ కార్యక్రమంలో డీఈవో భానుమూర్తిరాజు, వివిధ శాఖల జిల్లా అధికారులు, ఉపాధ్యాయులు, విద్యార్థులు పెద్ద సంఖ్యలో పాల్గొన్నారు.

మత్స్యకారుడు మృతి ఎస్‌.రాయవరం: బంగారమ్మపాలెం గ్రామానికి చెందిన మత్స్యకారుడు చేపల వేటకు వెళ్లి సముద్రంలో పడి బుధవారం మృతి చెందినట్టు ఎస్‌ఐ రమేష్‌ తెలిపారు. ఆయన అందించిన వివరాలిలా ఉన్నాయి. బంగారమ్మపాలెం మొగ నుంచి అయిదుగురు వ్యక్తులు బుధవారం ఉదయం చేపలవేటకు వెళ్లారు. తెప్పపై ఉంటూ వల కట్టుకుంటూ వెళ్లారు. తిరుగు ప్రయాణంలో వల ఎత్తుకునే సమయంలో సముద్రంలో బలమైన గాలులు వేయడం వల్ల అయిదుగురిలో ఒక్కరైన పేర్ల సోమేష్‌(53) సముదంలో పడిపోయాడు. ఈ క్రమంలో వలకు చిక్కుకు పోవడం వల్ల బయటకు తీసేలోపు ప్రాణాలు పోయాయని తోటి మత్స్యకారులు చెప్పినట్టు ఎస్‌ఐ తెలిపారు. ఈ మేరకు కేసు నమోదు చేసి దర్యాప్తు చేస్తున్నట్టు తెలిపారు.

దేవరాపల్లి: గంజాయి అక్రమ రవాణా చేస్తూ పట్టుబడిన ఇద్దరు యువకులను దేవరాపల్లి పోలీసులు బుధవారం అరెస్టు చేశారు. వారి వద్ద నుంచి 2 కిలోల గంజాయిని స్వాధీనం చేసుకున్నారు. దీనికి సంబంధించి స్థానిక ఎస్‌ఐ వి.సత్యనారాయణ తెలిపిన వివరాలిలా ఉన్నాయి. తమిళనాడుకు చెందిన కిరుబహరన్‌ రామచంద్రన్‌, విజయసామ్‌ విశాఖపట్నం మీదుగా ఒడిశా చేరుకొని రూ. 7 వేలుకు 2కిలోల గంజాయిని కొనుగోలు చేశారు. గంజాయి ని బ్యాగులో వేసుకొని ఒడిశా నుంచి అరకు, అనంతగిరి మీదుగా ప్రయాణించి దేవరాపల్లి మండలం కాశీపురం మీదుగా తరలిస్తుండగా పోలీసులకు పట్టుబడ్డారు. సమ్మెదలో వాహనాలు అందుబాటులో లేక పోవడంతో నడుచుకుంటూ వస్తున్న వీరిని అనుమానంతో అదుపులోకి తీసుకున్నారు. వీరి నుంచి 2 కిలోల గంజాయిని స్వాధీనం చేసుకున్నారు. పట్టుబడిన గంజాయి విలువ సుమారు రూ.లక్ష ఉంటుందని పోలీసులు తెలిపారు. పట్టుబడిన ఇద్దరు యువకులు గంజాయి, మద్యం ఇతర వ్యసనాలకు బానిసై గంజాయి అక్రమ రవాణా చేసి సంపాదించాలనే నిర్ణయంతో ఇక్కడికి వచ్చినట్టు తమవిచారణలో వెల్లడైందన్నారు. వారిపై కేసు నమోదు చేసి దర్యాప్తు చేపట్టినట్లు ఎస్‌ఐ తెలిపారు.

చీడిగుమ్మలలో నిలిచిన ఎన్నిక గొలుగొండ: అధికార బలంతో కూటమి నేతలు పెట్రేగిపోయారని, బడి అని మరిచి బరితెగించారని, ఒత్తిడి తెచ్చి చీడిగుమ్మల హైస్కూల్‌లో ఎస్‌ఎంసీ ఎన్నికలు జరగకుండా అడ్డుకున్నారని తల్లిదండ్రులు ఆరోపిస్తున్నారు. వారికి పోలీసులు కూడా వంతపాడారని, గెలవలేకే ఈ దుశ్చర్యకు పాల్పడ్డారని మండిపడుతున్నారు. ఈ హైస్కూల్లో స్కూల్‌ మేనేజ్‌మెంట్‌ కమిటీ ఎన్నికలు మంగళవారం నిర్వహించారు. డైరెక్టర్ల ఎన్నికల్లో మొదటి నాలుగు స్థానాలు వైఎస్సార్‌సీపీ కై వసం చేసుకోవడంతో కంగుతిన్న కూటమి నాయకులకు ఏం చేయాలో తెలియక అధికారులపై ఒత్తిడి తీసుకురావడంతో పాటు గొడవలు సృష్టించి, కుర్చీలు, బల్లలు విసిరి నానా రాద్ధాంతం చేయడంతో ఎన్నికలు నిలుపుదల చేశారని స్థానికులు చెబుతున్నారు. నర్సీపట్నం, గొలుగొండ నుంచి వచ్చిన పోలీసులు సైతం అధికార పార్టీకి కొమ్ముకాసి భయభ్రాంతులకు గురిచేశారని పలువురు బహిరంగంగా ఆరోపిస్తున్నారు. ప్రశాంతంగా ఎన్నికలు జరగవలసిన చోట రచ్చ చేసి విద్యార్థులు, ఉపాధ్యాయులను ఇబ్బందులకు గురి చేశారని విద్యార్థుల తల్లిదండ్రులు అంటున్నారు. ఎన్నికలు ఎప్పుడు పెట్టినా గెలిచి తీరుతాం చీడిగుమ్మల హైస్కూల్‌ విద్యాకమిటీ ఎన్నికలు ఎప్పుడు నిర్వహించినా వైఎస్సార్‌సీపీ గెలిచి తీరు తుందని మాజీ జెడ్పీటీసీ సుర్ల గిరిబాబు తెలిపారు. అధికార పార్టీ నాయకులు అడ్డుగోలుగా గొడవలు సృష్టించి, పోలీసులతో బలవంతంగా ఎన్నికలు నిలుపుదల చేశారని ఆయన ఆరోపించారు.

చింతపల్లి: రైతులకు ప్రస్తుత వాతావరణ పరిస్థితులకు అనుకూలంగా ఉండే పంటల సాగుపై తగిన సూచనలు, సలహాలు అందించాలని స్థానిక వ్యవసాయ పరిశోధనా స్థానం అసోసియేట్‌ డైరెక్టర్‌ ఆఫ్‌ రీసెర్చ్‌ డాక్టర్‌ ఆదిలక్ష్మి పిలుపునిచ్చారు. బుధవారం స్థానిక వ్యవసాయ పరిశోధనా స్థానంలో వ్యవసాయ అధికారులు, శాస్త్రవేత్తలతో కలిసి సెప్టెంబర్‌ నెలకు సంబంధించి నెలవారీ శిక్షణ, పరిశీలనపై మాసిక వర్క్‌షాప్‌ నిర్వహించారు. ఈ సందర్భంగా జిల్లాలో పంటల సాగు విస్తీర్ణం, ప్రస్తుత వాతావరణ పరిస్థితులు, పంటల స్థితిగతులపై అధికారులతో ఆమె సమీక్షించారు. రానున్న రబీ సీజన్‌లో జిల్లాలో శెనగ, కుసుమ, మినుము వంటి అపరాలు పంటలను ప్రోత్సహించే విధంగా రైతులకు నాణ్యమైన విత్తనాలు పంపిణీ చేసేందుకు అవసరమైన ప్రతిపాదనలు సిద్ధం చేసినట్లు జిల్లా వ్యవసాయ అధికారి నందు సమావేశంలో వివరించారు. ఏడీఏ తిరుమలరావు, శాస్త్రవేత్తలు సందీప్‌నాయక్‌, బాలహుస్సేన్‌రెడ్డి, జోగారావు, వెంకటేష్‌ పాల్గొన్నారు.

● మళ్లీ ఎన్నికలు జరపాల్సిందే ● పప్పుశెట్టిపాలెంలో తల్లిదండ్రుల డిమాండ్‌ గొలుగొండ: పప్పుశెట్టిపాలెం ప్రభుత్వ పాఠశాలలో మంగళవారం నిర్వహించిన విద్యా కమిటీ ఎన్నికలు సక్రమంగా జరగలేదని, ఉపాధ్యాయులు అధికార పార్టీకి కొమ్ముకాయడం వల్లే వైఎస్సార్‌సీపీ మద్దతుదారులకు అన్యాయం జరి గిందని, మళ్లీ ఎన్నికలు జరిపే వరకు మా పిల్లలను బడికి పంపేదిలేదని పప్పుశెట్టిపాలెం పాఠశాల విద్యార్థుల తల్లిదండ్రులు స్పష్టం చేశారు. ఎన్నికలో అక్రమాలను నిరసిస్తూ బుధవారం ఆందోళన చేశారు. ఈసందర్భంగా పలువురు మాట్లా డుతూ ఎన్నికల్లో అక్రమాలపై జిల్లా విద్యాశాఖ అధికారులకు, నర్సీపట్నం ఆర్డీవోకు ఫిర్యాదు చేసినట్టు చెప్పారు. మళ్లీ ఎన్నికలు జరిపిన తరువాతే పిల్లలను పాఠశాలకు పంపుతామన్నారు. ఈ పాఠశాలలో 1 నుంచి ఐదు వరకు 35 మంది విద్యార్థులుండగా బుధవారం 20 మంది విద్యార్థులు హాజరుకాలేదు. దీనిపై జిల్లా విద్యాశాఖ స్పందించాలని గ్రామస్తులు కోరుతున్నారు.

అనకాపల్లి: జిల్లాలో సహకార సంఘాలు ద్వారా రైతులకు కావలసిన ఎరువులు అందుబాటులో ఉన్నాయని సహాకార సంఘాల జిల్లా చైర్మన్‌ కోట్ని బాలాజీ అన్నారు. స్థానిక గాంధీనగరం అన్నపూర్ణ బ్యాంక్‌ వద్ద బుధవారం మహాజన సభ సభ్యులతో జరిగింది. ఈ సందర్భంగా ఆయన మాట్లాడుతూ గత సీజన్‌లో 2024–25 సంవత్సరంలో 186 టన్నుల ఎరువులు రైతులకు అందజేయగా, ఈ సీజన్‌లో ఇప్పటివరకు 151 టన్నులు ఎరువులు రైతులకు సరపరా చేయడమైందన్నారు. రైతులు ఎరువుల కోసం, ఎవరూ ఇబ్బంది పడకుండా, అన్నపూర్ణబ్యాంక్‌ సహకార సంఘం వద్ద నేటికి 40 టన్నులు ఎరువులు నిల్వలు ఉన్నాయన్నారు. సభ్యులకు వ్యవసాయ రుణాలతో పాటు ఇతర అవసరాల నిమిత్తం ప్రతిరోజు బంగారు ఆభరణాలపై తక్కువ వడ్డీతో, కేవలం రూ.75 పైసలకి రుణాలు ఇవ్వడం జరుగుతుందన్నారు. ఈ కార్యక్రమంలో సహాకర సంఘం సభ్యులు, డైరెక్టర్లు, ఉద్యోగులు తదితరులు పాల్గొన్నారు. సహకార సంఘాల జిల్లా చైర్మన్‌ కోట్ని బాలాజీ

● పట్టించుకోని అధికారులు ● జేసీ ఆదేశాలే బేఖాతరు కె.కోటపాడు: మండలంలో మళ్లీ ఇసుక అక్రమ రవాణా జోరుగా సాగుతోంది. నిత్యం యథేచ్ఛగా తరలిస్తున్నా.. రెవెన్యూ అధికారులు తమకేమీ పట్టనట్లు వ్యవహరి స్తున్నారు. ఇసుక రవాణాను నియంత్రించి, వాల్టా చట్టాన్ని కాపాడాల్సిన అధికారులే ఇసుక అక్రమార్కులకు వత్తాసు పలుకుతున్నట్లు ఆరోపణలు వినిపిస్తున్నాయి. మండలంలో చౌడువాడ శారదానదితో పాటు పరీవాహక ప్రాంతం నుంచి ఇసుకను అక్రమంగా తరలిస్తున్నా రు. ఇసుక తరలింపుపై చౌడువాడ గ్రామానికి చెందిన నాయకులు ఆగస్టు 7న కె.కోటపాడులో నిర్వహించిన ‘ఒక నెల–ఒక నియోజకవర్గం–నాలుగు సందర్శనలు’ కార్యక్రమంలో జాయింట్‌ కలెక్టర్‌ శౌర్యమన్‌ పటేల్‌కు ఫిర్యాదు చేశారు. చౌడువాడ వద్ద శారదా నదీ పరీవాహక ప్రాంతాన్ని గతంలోనే ఇరిగేషన్‌, రెవెన్యూ అధికారులు బ్లాక్‌ జోన్‌గా ప్రకటించారు. శారదానది నుంచి నాలుగు ఇరిగేషన్‌ కాలువలకు నీరు వెళ్లాల్సి ఉంది. దీంతో పాటు చౌడువాడ గ్రామ ప్రజలకు తాగునీరు అందించేందుకు శారదానదిలో బోర్ల నిర్మాణం చేపట్టారు. దీంతో ఈ ప్రాంతాన్ని బ్లాక్‌జోన్‌గా అధికారులు గుర్తించి ఇసుక తవ్వకాలు జరపకూడదని హెచ్చరించారు. ఇదే విషయాన్ని నాయకులు జేసీకి వివరించారు. వెంటనే స్పందించిన జేసీ చర్యలు తీసుకోవాలని రెవెన్యూ అధికారులను ఆదేశించారు. దీంతో స్థానిక రెవెన్యూ అధికారులు ఇసుక తవ్వకాలు జరుగుతున్న ప్రాంతంలో తనిఖీ చేశారు. అనంతరం రెండు రోజుల పాటు ఇసుక అక్రమ తవ్వకాలను నిలిపివేశారు. తరువాత అధికారులు పట్టించుకోకపోవడంతో మళ్లీ ఇసుకను తరలిస్తున్నారు. కొందరు చౌడువాడ నుంచి ఇతర మండలాలకు తరలిస్తుండగా, మరి కొందరు గ్రామ శివార్లులో పోగులుగా వేసి రాత్రి సమయాల్లో ఇసుకను లారీలపై తరలిస్తున్నారు. కూటమి నాయకుల అండదండలతోనే అక్రమ రవాణా జోరుగా సాగుతోందని స్థానికు ఆరోపిస్తున్నారు. అడ్డుకట్టవేస్తాం చౌడువాడ శారదానదీ పరీవాహక ప్రాంతం నుంచి ఇసుక అక్రమంగా తరలిస్తే చర్యలు తీసుకుంటాం. ఇసుక తవ్వకాలపై ఫిర్యాదు వచ్చిన నేపథ్యంలో ఆయా ప్రాంతాల్లో తనిఖీలు చేశారు. త్వరలోనే గ్రామస్తులతో సమావేశం నిర్వహిస్తాం. కమిటీ వేసి అక్రమ ఇసుక రవాణాకు అడ్డుకట్ట వేస్తాం. – నాగరాజు, తహసీల్దార్‌, కె.కోటపాడు

అనకాపల్లి: కూటమి ప్రభుత్వం అధికారం చేపట్టిన తరువాత రాష్ట్రంలో మైనింగ్‌ను దోచుకుని తింటుందని, ఏఎంఆర్‌ సంస్థ అక్రమ చెక్‌ పోస్టులు, నగదు వసూళ్లు తక్షణమే తొలగించాలని సీపీఎం మండల కన్వీనర్‌ గంటా శ్రీరామ్‌ అన్నారు. స్థానిక సీపీఎం కార్యాలయంలో మంగళవారం జరిగిన సమావేశంలో ఆయన మాట్లాడారు. జిల్లా వ్యాప్తంగా ఏఎంఆర్‌ సంస్థ మైనింగ్‌ చెక్‌పోస్టులను ఏర్పాటు చేసి కోట్లాది ప్రభుత్వ ధనాన్ని దోచుకుంటున్నారని ఆయన ఆరోపించారు. క్వారీ యాజమాన్యం చెక్‌ పోస్టుల వద్ద ట్రాక్టర్‌ల యాజమానుల వద్ద రెండేళ్లుగా రుసుముల పేరిట భారీగా దోచుకున్నారని ఆరోపించారు. రాష్ట్ర మైనింగ్‌ శాఖను పక్కనపెట్టి ఏఎంఆర్‌ సంస్థ ద్వారా కూటమి నాయకులు కోట్లాది రూపాయలు దోచుకోవడం అన్యాయమన్నారు. ఎంపీ సి.ఎం.రమేష్‌ ఆధ్వర్యంలో జిల్లాలో మైనింగ్‌ దందా పెరిగిపోయిందన్నారు. సీపీఎం జిల్లా కమిటీ సభ్యుడు వి.వి.శ్రీనివాసరావు మాట్లాడుతూ రోజువారి కూలి పనులు చేసుకుని జీవనం సాగిస్తున్న ట్రాక్టర్‌ ఓనర్స్‌, డ్రైవర్స్‌ మైనింగ్‌ మాఫియా దౌర్జన్యాలకు బలైపోతున్నారన్నారు. రానున్న సార్వత్రిక ఎన్నికల్లో గ్రామీణ ప్రజలు ప్రభుత్వానికి బుద్ధి చెప్పినట్టయితే గ్రామాల్లో మైనింగ్‌ను కాపాడుకోవచ్చన్నారు. కార్యక్రమంలో సీపీఎం మండల నాయకులు కాళ్ల తేలయ్యబాబు, బుగిడి నూక అప్పారావు, కె.ఈశ్వరరావు, ఉరిగిటి సూర్య నారాయణ పాల్గొన్నారు.

నర్సీపట్నం : నర్సీపట్నం బీజేపీలో విభేదాలు చోటు చేసుకున్నాయి. పార్టీలో కొందరు వ్యవహరిస్తున్న తీరుతో బీజేపీ ఓబీసీ మోర్చ అధ్యక్ష పదవికి డాక్టర్‌ కె.వి.సత్యనారాయణ మంగళవారం రాజీనామా చేశారు. ఈ సందర్భంగా ఆయన విలేకర్లతో మాట్లాడుతూ పార్టీని బలోపేతం చేయాల్సిన కీలక సమయంలో స్థానిక క్యాడర్‌ అభిప్రాయాలను పరిగణలోకి తీసుకోకుండా కొందరు వ్యవహరిస్తున్న తీరు బాధ కలిగించిందన్నారు. పార్టీకి నష్టం కలిగిస్తున్నారని సంబంధిత వ్యక్తులను గతంలో పార్టీ అధిష్టానం దూరం పెట్టిందన్నారు. ఇప్పుడు మళ్లీ అదే వ్యక్తులకు ప్రాధాన్యం కల్పించడం బాధ కలిగిస్తుందన్నారు. జిల్లా అధ్యక్ష పదవికి మాత్రమే రాజీనామా చేసానని, పార్టీలో కార్యకర్తగా కొనసాగుతానన్నారు. స్థానిక సంస్థల ఎన్నికలకు సంబంధించి కూటమి సమన్వయ సమావేశాల్లో పార్టీ క్యాడర్‌కు తగిన ప్రాధాన్యం ఇవ్వకపోవడం బాధగా ఉందన్నారు. ఇప్పటికై నా పార్టీ అధినాయకత్వం దృష్టిసారించాలని ఆయన కోరారు.

నిత్యం వేలాది వాహనాలు రాకపోకలు సాగించే పాడేరు ఘాట్‌ రోడ్డులో ఏళ్లనాటి భారీ చెట్లు కూలేందుకు సిద్ధంగా ఉన్నాయి. గాలివానొస్తే చాలు చెట్లు నేలకూలి గంటల తరబడి రాకపోకలు స్తంభిస్తున్నా.. అటవీశాఖ అధికారుల్లో మాత్రం చలనం కరువైంది. ప్రాణాలు అరచేతిలో పెట్టుకుని ప్రయాణించాల్సి వస్తోందని వాహనచోదకులు ఆవేదన వ్యక్తంచేస్తున్నారు.గాలివానొస్తేసాక్షి, పాడేరు: పాడేరు నుంచి మైదాన ప్రాంతాలకు ప్రయాణించాలన్నా, విశాఖకు వెళ్లాలన్నా పాడేరు ఘాట్‌ రోడ్డు ఒక్కటే ప్రధాన మార్గం. నిత్యం వందలాది వాహనాలతో పాటు, ఇటీవల ఛత్తీస్‌గఢ్‌, ఒడిశా, మధ్యప్రదేశ్‌, మహారాష్ట్ర ప్రాంతాల నుంచి కూడా భారీ సరకు వాహనాలు ఇదే మార్గం గుండా రాకపోకలు సాగిస్తుండటంతో ఈ ఘాట్‌ రోడ్డు రవాణా పరంగా అత్యంత ప్రాధాన్యత సంతరించుకుంది. అయితే, కేవలం 25 కిలోమీటర్ల పొడవుండే ఈ ఘాట్‌ రోడ్డులో గాలివాన వస్తే మాత్రం వాహనచోదకులు, ప్రయాణికులు భయంతో వణికిపోవాల్సిన పరిస్థితి నెలకొంది. చెట్లు కూలితే నరకమే.. పాడేరు ఘాట్‌లో గాలివానల సమయంలో చెట్లు రోడ్డుకు అడ్డంగా కూలుతున్న ఘటనలు సర్వసాధారణంగా మారాయి. ఈ ఒక్క ఏడాదిలోనే ఘాట్‌లో నాలుగు చోట్ల భారీ వృక్షాలు నేలకూలడంతో గంటల తరబడి వాహనాల రాకపోకలు పూర్తిగా నిలిచిపోయాయి. ఇటీవల డైమండ్‌ పార్కు వద్ద ఉదయం కూలిన చెట్టు కారణంగా 2 గంటల పాటు, ఏనుగురాయి సమీపంలో రాత్రి సమయంలో కూలిన చెట్టు కారణంగా 3 గంటల పాటు వాహనాలు ఎక్కడికక్కడ నిలిచిపోయాయి. దీంతో ప్రయాణికులు చీకట్లో, గంటల తరబడి వాహనాల్లోనే బిక్కుబిక్కుమంటూ తీవ్ర ఇబ్బందులు పడ్డారు. కూలేందుకు సిద్ధంగా భారీ వృక్షాలు ఘాట్‌రోడ్డులోని పోతురాజుస్వామి గుడి నుంచి వంట్లమామిడి సమీపం వరకు రోడ్డుకు ఇరువైపులా అనేక ఏళ్లనాటి భారీ వృక్షాలు కూలేందుకు సిద్ధంగా ఉన్నాయి. రోడ్డుకు సమీపంలోనే వేర్లు బయటకు తేలి మరింత ప్రమాదకరంగా దర్శనమిస్తున్నప్పటికీ, వాటిని తొలగించే చర్యలు కరువయ్యాయి. ఏ క్షణాన ఏ చెట్టు మీదపడుతుందోనని వర్షాకాలంలో వాహనదారులు ప్రాణాలు అరచేతిలో పెట్టుకుని ప్రయాణిస్తున్నారు. అటవీశాఖ అనుమతులు నిల్‌ మూడేళ్ల క్రితం అప్పట్లో రోడ్డుకు ఇరువైపులా ప్రమాదకరంగా ఉన్న చెట్లను తొలగించాలని రోడ్లు భవనాల శాఖ అధికారులు అటవీశాఖకు ప్రతిపాదనలు పంపినా ఎటువంటి అనుమతులు రాలేదు. గాలివానకు చెట్లు కూలిపోయిన తర్వాత వాటిని నరికి అటవీశాఖకు అప్పగించడం ఆనవాయితీగా మారిందే తప్ప, ప్రయాణికుల భద్రతను మాత్రం అధికారులు పట్టించుకోవడం లేదనే విమర్శలు వ్యక్తమవుతున్నాయి. ఇప్పటికై నా అధికారులు స్పందించి ప్రమాదకర చెట్లను తొలగించాలని ప్రజలు కోరుతున్నారు.భయంభయంగా ప్రయాణం ఘాట్‌లో అనేక చోట్ల కూలడానికి సిద్ధంగా ఉన్న చెట్లు భయపెడుతున్నాయి. భారీ వర్షాలు, గాలుల సమయంలో భయపడుతూనే వాహనాలు నడుపుతున్నాం. చెట్లు కూలితే వాటిని తొలగించే వరకు ఇరువైపులా గంటల తరబడి వాహనాలు నిలిచిపోయే పరిస్థితితో తీవ్ర ఇబ్బందులు పడుతున్నాం. అటవీశాఖ, ఆర్‌అండ్‌బీ అధికారులు రోడ్డు పక్కన కూలే దశలో ఉన్న చెట్లను తొలగించి ఘాట్‌లో ప్రయాణానికి భద్రత కల్పించాలి. – పచ్చా మాణిక్యాలరావు, కారు డ్రైవర్‌, పాడేరు పాడేరు ఘాట్‌లో మృత్యు భయం కూలేందుకు సిద్ధంగా ఏళ్లనాటిభారీ వృక్షాలు వర్షంపడినప్పుడల్లా చెట్లు కూలిస్తంభిస్తున్న రాకపోకలు ప్రాణాలు అరచేతిలో పెట్టుకుని ప్రయాణం మూడేళ్లుగా ముందుకు సాగనితొలగింపు ప్రతిపాదనలు అటవీశాఖ నిర్లక్ష్యంపై సర్వత్రా విమర్శలు తొలగింపు నిర్ణయంఅటవీశాఖదే ఘాట్‌ మార్గంలో చెట్లు రోడ్డుకు అడ్డంగా కూలితే వాటిని నరికి తొలగించడం, ట్రాఫిక్‌ క్లియర్‌ చేయడం మాత్రమే ఆర్‌అండ్‌బీ శాఖ బాధ్యత. ప్రమాదకరంగా ఉన్న చెట్లను ముందస్తుగానే తొలగించే అధికారం మాకు లేదు. చెట్ల తొలగింపు నిర్ణయం పూర్తిగా అటవీశాఖదే. – శ్రీనివాస్‌, ఇంచార్జి ఈఈ, ఆర్‌అండ్‌బీ, పాడేరు

నాతవరం : వచ్చే ఎన్నికల్లో తాను పోటీ చేయనని మీకు ఇష్టం వచ్చిన వారికి ఓట్లు వేసుకోవచ్చునని అసెంబ్లీ స్పీకరు చింతకాయల అయ్యన్నపాత్రుడు ప్రజలను ఉద్దేశించి అన్నారు. మండలంలో డి.యర్రవరంలో పల్లె పండగ కార్యక్రమంలో భాగంగా మంగళవారం నల్లకొండమ్మ తల్లి ఆలయానికి వెళ్లే రోడ్డుకు రూ. 80 లక్షలు, గ్రామంలో వీఽధి రోడ్లకు రూ.16 లక్షలతో సిమెంటు రోడ్ల నిర్మాణానికి శంకుస్థాపన చేశారు. అనంతరం మండల పార్టీ అధ్యక్షుడు నందిపల్లి వెంకటరమణ అధ్యక్షతన ఏర్పాటు చేసిన సభలో అయ్యన్న మాట్లాడారు. తనకు 70 ఏళ్లు వయస్సు పైబడుతుందని, ఇప్పుడున్న నాయకులతో రాజకీయం చేయడం కష్టమన్నారు. తన పదవీ కాలం అనంతరం అరుణాచలం దేవుని సన్నిధిలో ఇల్లు కట్టుకుని భార్యతో కలిసి ఉండాలని కోరుకుంటున్నానన్నారు. నాతవరం మండలానికి 148 పనులకు రూ.21 కోట్లు, నర్సీపట్నం మండలం 104 పనులకు రూ.5 కోట్లు 44 లక్షలు, మాకవరపాలెం మండలానికి 76 పనులకు రూ.10 కోట్లు 10 లక్షలు, గొలుగొండ మండలానికి 93 పనులకు రూ. 6 కోట్లు 20 లక్షలు మంజూరు చేశానన్నారు. సరుగుడు జలపాతానికి ప్రత్యేకంగా కోటి రూపాయలు మంజూరు చేశానన్నారు. ఆయా పనులు నాణ్యతగా చేయించే బాధ్యత స్థానిక నాయకులపై ఉందన్నారు. బాధ్యతగా పని చేయని నాయకులు పక్కకు తప్పుకుంటే కొత్త నాయకులు వస్తారని అన్నారు. కార్యక్రమంలో రాష్ట్ర బీసీ కార్పొరేషన్‌ డైరెక్టరు రాజాన వీర సూర్య చంద్ర, నర్సీపట్నం అర్డీవో వి.వి.రమణ, తాండవ ప్రాజెక్టు కమిటీ చైర్మన్‌ కరక సత్యనారాయణ, తహసీల్దార్‌ చందనరేఖ, ఎంపీడీవో సత్య శ్రీనివాస్‌, మాజీ ఎంపీపీ నేతల విజయకుమార్‌, మాజీ సర్పంచ్‌ సత్యవతి పాల్గొన్నారు.

● ఎంఈవో నంబరే బ్లాక్‌ చేసినవిద్యాలయ సిబ్బంది! ● బాలారం ఏకలవ్య గురుకులంలో జరగని ఎస్‌ఎంసీ ఎన్నికలు ● ఫోన్‌ చేసి చెప్పినా పట్టించుకోని ప్రిన్సిపాల్‌, ఉపాధ్యాయులు ● ఉన్నతాధికారులకు ఫిర్యాదు చేసిన మండల విద్యాశాఖాధికారి కొయ్యూరు: మండలంలోని బాలారం ఏకలవ్య గురుకుల పాఠశాలలో పాఠశాల నిర్వహణ కమిటీ (ఎస్‌ఎంసీ) ఎన్నిక మంగళవారం నిర్వహించకపోవడం స్థానికంగా చర్చనీయాంశమైంది. మండలంలో మొత్తం 153 పాఠశాలలు ఉండగా.. ఒక్క ఏకలవ్య గురుకుల పాఠశాల మినహా మిగిలిన అన్ని చోట్ల ఎన్నికలు ప్రశాంతంగా ముగిశాయి. కొన్ని చోట్ల ఏకగ్రీవం కాగా, మరికొన్ని చోట్ల పోటీ ద్వారా ఎస్‌ఎంసీ కమిటీలను ఎన్నుకున్నారు. అయితే బాలారం ఏకలవ్య పాఠశాలలో మాత్రం ఎన్నిక నిర్వహించలేదని ఎంఈవో సింహాచలం తెలిపారు. ఈ విషయంపై ఎంఈవో మాట్లాడుతూ.. అక్కడ ఎన్నిక జరపాలని తాను స్వయంగా ఫోన్‌ చేసి ఆదేశాలు ఇచ్చానని, ఆ తర్వాత మళ్లీ సంప్రదించేందుకు ప్రయత్నించగా ఫోన్‌ పనిచేయలేదని వెల్లడించారు. అంతేకాకుండా, పాఠశాల ప్రిన్సిపాల్‌, ఉపాధ్యాయులు తన ఫోన్‌ నంబర్‌ను బ్లాక్‌ చేశారని ఆయన ఆరోపించారు. ఈ వ్యవహారంపై తీవ్రంగా స్పందించిన ఆయన తక్షణమే ఉన్నతాధికారులకు ఫిర్యాదు చేసినట్లు తెలిపారు.

డాబాగార్డెన్స్‌ (విశాఖ): బురుజుపేటలో కొలువైన కనకమహాలక్ష్మి దేవస్థానంలో మంగళవారం 108 స్వర్ణ పుష్పాలతో అష్టదళ పద్మారాధన నిర్వహించారు. ఉదయం 8 నుంచి 9 గంటల వరకు నిర్వహించిన ఈ పూజలో పలువురు ఉభయదాతలు పాల్గొని తరించారు. ఈ కార్యక్రమంలో ఆలయ ఈవో కె.శోభారాణి, వేద పండితులు, ఆలయ సిబ్బంది పాల్గొన్నారు. ప్లాస్టిక్‌ నిషేధం పర్యావరణ పరిరక్షణ, విశ్వశాంతిని కాంక్షిస్తూ కనకమహాలక్ష్మి అమ్మవారి ఆలయంలో ప్లాస్టిక్‌ వినియోగాన్ని పూర్తిగా నిషేధించినట్టు ఆలయ ఈవో ఓ ప్రకటనలో పేర్కొన్నారు. అమ్మవారి అభిషేకానికి తీసుకొచ్చే పాలు, పూజా సామగ్రి విషయంలో ప్లాస్టిక్‌ కవర్లకు బదులుగా గుడ్డ సంచులు, స్టీల్‌ పాత్రలు, గ్లాస్‌ బాటిల్స్‌, మేదరి బుట్టలు వంటి ప్రత్యామ్నాయాలను వినియోగించి దేవస్థానానికి సహకరించాలని ఆమె భక్తులను కోరారు.

● ఎమ్మెల్సీ కుంభా రవిబాబు ● కలెక్టర్‌కు లేఖ రాసినట్టు వెల్లడి అరకులోయ టౌన్‌: జిల్లాలోని పాడేరు ఏజెన్సీలో తుపాను బాధితులకు తక్షణ సహాయక చర్యలు చేపట్టాలని కలెక్టర్‌ టి. నిశాంతికు లేఖ రాసినట్టు ఎమ్మెల్సీ డాక్టర్‌ కుంభా రవిబాబు తెలిపారు. మంగళవారం ఆయన విలేకరులతో మాట్లాడారు. ఇటీవల కురిసిన భారీ వర్షాల కారణంగా రహదారులు, వంతెనలు, నివాస గృహాలు, పంటల నష్టంపై సమగ్ర అంచనా వేయాలని లేఖలో కోరినట్టు ఆయన పేర్కొన్నారు. బాధిత కుటుంబాలకు తక్షణ సహాయక చర్యలు అందించడంతోపాటు దెబ్బతిన్న రహదారులు, వంతెనలను యుద్ధప్రాతిపాదికన పునరుద్ధరించాలని కోరామన్నారు. పాడేరు, అరకులోయ, డుంబ్రిగుడ, గూడెంకొత్తవీధి, చింతపల్లి, ముంచంగిపుట్టు, పెదబయలు, అనంతగిరి, హుకుంపేట మండలాల్లో వాగులు పొంగి పొర్లడంతోపాటు కొండ చరియలు విరిగిపడటంతో రాకపోకలకు, మారు మూల ప్రాంతాలకు నిత్యావసర సరకులు, వైద్య సేవలు అందించడంలో తీవ్ర ఆటంకం కలుగుతుందన్నారు. ముంచంగిపట్టు మండలం దోడిపూట్‌ పంచాయతీ పరిధిలో వాగులు పొంగి పొర్లడంతో నిత్యావసర సరకులు తీసుకువెళ్లేందుకు గిరిజనులు ఇబ్బందులు ఎదుర్కొంటున్నారని లేఖ లో పేర్కొన్నట్టు ఆయన పేర్కొన్నారు. వ్యవసాయ, ఉద్యాన పంటలు దెబ్బతిన్నాయని, ఈ నష్టాలపై క్షేత్ర స్థాయిలో సమగ్ర సర్వే నిర్వహించి బాధితులకు న్యాయం చేయాలని విజ్ఞప్తి చేశారు. మారుమూల గ్రామాలకు త్వరితగతిన రహదారులు పునరుద్ధరించి నిత్యావసర సరకులు, వైద్య సేవలు అందించాలని కలెక్టర్‌ను కోరినట్టు ఎమ్మెల్సీ వెల్లడించారు.

వలంటీర్లకు తీవ్ర అన్యాయం కూటమి ప్రభుత్వ పథకాలతో పాటు, ఎక్కడా లేని అభివృద్ధిని ఉన్నట్లుగా ప్రజల్లో తప్పుడు ప్రచారం చేసేందుకు కోట్ల కొద్దీ ప్రభుత్వ సొమ్మును దుర్వినియోగం చేయడం దారుణం. టీడీపీ సోషల్‌ మీడియాకు ఆర్థికంగా మేలు చేసే కూటమి ప్రభుత్వ చర్యలను ప్రతి ఒక్కరూ అడ్డుకోవాలి. తక్కువ వేతనాలతో ప్రజలకు నిస్వార్థంగా సేవ చేసిన వలంటీర్లను కొనసాగించకుండా సీఎం చంద్రబాబు తీవ్ర అన్యాయం చేశారు. – కొమ్మా రాంబాబు, జిల్లా అధ్యక్షుడు, వలంటీర్ల సంఘం, పాడేరు గ్రామాలలో ప్రజలకు సంక్షేమ పథకాలను అందించడంతో పాటు వారి సంక్షేమం కోసం శ్రమించిన వలంటీర్లను ఉద్యోగాల్లో కొనసాగించకుండా సీఎం చంద్రబాబు తీవ్ర అన్యాయం చేశారు. పది వేల రూపాయల వేతనంతో వలంటీర్ల ఉద్యోగాలు ఇస్తామని మోసం చేసిన చంద్రబాబు, ప్రస్తుతం టీడీపీ సోషల్‌ మీడియాకు ప్రజాధనాన్ని దారాదత్తం చేయడం ఎట్టి పరిస్థితుల్లోనూ సమంజసం కాదు. – కొమ్ము సురేష్‌బాబు, రాష్ట్ర సంయుక్త కార్యదర్శి, వలంటీర్ల సంఘం, పాడేరు

● ఉధృతంగా ప్రవాహం ● కష్టతరంగా పెదలంక కొత్తూరుకురాకపోకలు కొయ్యూరు: మండలంలోని ఎం.భీమవరం పంచాయతీ పరిధిలోని పెదలంక కొత్తూరు వద్ద గెడ్డకు వరద ఉధృతి తగ్గకపోవడంతో ప్రజలు రాకపోకలకు తీవ్ర ఇబ్బందులు పడుతున్నారు. మండల కేంద్రానికి సుమారు 110 కిలోమీటర్ల దూరంలో ఉన్న పెదలంక కొత్తూరుకు చేరుకోవాలంటే దీనిని దాటాల్సి ఉంటుంది. అయితే, ఇటీవల కురిసిన వర్షాలకు దీని వరద ఉదృతి తగ్గకపోవడంతో ప్రధాన దారులన్నీ మూసుకుపోయాయి. దీంతో గ్రామస్తులు, ప్రయాణికులు సుమారు పది కిలోమీటర్లు అదనంగా నడచి, కాలువలో లోతు తక్కువగా ఉన్న ప్రత్యామ్నాయ మార్గం ద్వారా రాకపోకలు సాగిస్తున్నారు. మంగళవారం ఆ గ్రామంలో ఎస్‌ఎంసీ ఎన్నికలు నిర్వహించేందుకు వెళ్లిన ఉపాధ్యాయులు సైతం ఈ వరద ఉధృతి కారణంగా తీవ్ర అవస్థలు పడ్డారు. మండల కేంద్రానికి రావాలన్నా, ఇతరులు గ్రామానికి వెళ్లాలన్నా కాలువల ఉధృతి వల్ల నిత్యం నానా తంటాలు పడాల్సి వస్తోందని, అధికారులు స్పందించి తమ రాకపోకలకు శాశ్వత పరిష్కార మార్గం చూపాలని స్థానికులు కోరుతున్నారు.

మునగపాక : రానున్న స్థానిక సంస్థల ఎన్నికల్లో వైఎస్సార్‌సీపీ విజయమే లక్ష్యంగా ప్రతీ ఒక్కరూ కష్టపడి పనిచేయాలని ఆ పార్టీ నియోజకవర్గ సమన్వయకర్త కరణం ధర్మశ్రీ కోరారు. మునగపాకలోని పార్టీ కార్యాలయంలో మంగళవారం పార్టీ జిల్లా అధ్యక్షులు ప్రసాద్‌తో కలిసి ఆయన క్లస్టర్‌ ఇన్‌చార్జిలతో సమావేశమయ్యారు. ఈ సందర్భంగా ఆయన మాట్లాడుతూ అక్టోబర్‌లో స్థానిక సంస్థల ఎన్నికలు జరుగుతాయని, ఇందుకోసం పార్టీ తరఫున బలమైన అభ్యర్థులను ఎంపిక చేసుకోవాలన్నారు. ప్రతి గ్రామంలో సర్పంచ్‌లతో ఎంపీటీసీలు గెలిచేలా చూడాలన్నారు. ఇందుకోసం క్లస్టర్‌ ఇన్‌చార్జిలు బాధ్యత తీసుకొని గెలుపు గుర్రాలను గుర్తించి వారి విజయం కోసం కష్టపడి పనిచేయాలన్నారు. మాజీ సీఎం వై.ఎస్‌.జగన్‌మోహన్‌రెడ్డి హయాంలో అమలు జరిగిన సంక్షేమ పథకాలను వివరించడంతో పాటు కూటమి ప్రభుత్వ వైఫల్యాలను ప్రజల్లోకి తీసుకువెళ్లాలన్నారు. ప్రతి ఒక్కరూ తమకు ఉన్న అవకాశాలను సద్వినియోగం చేసుకుంటూ పార్టీ జెండాలు రెపరెపలాడేలా చూడాలన్నారు. పార్టీ మండల కన్వీనర్‌ ఆడారి అచ్చియ్యనాయుడు, మాజీ జెడ్‌పీటీసీ మళ్ల సంజీవరావు, మాజీ ఎంపీపీ దాసరి అప్పారావు, మాజీ వైస్‌ ఎంపీపీ దొడ్డి వరహాలు, క్లస్టర్‌ ఇన్‌చార్జిలు షేక్‌ ఇస్నాయిల్‌, కాండ్రేగుల నూకరాజు, సుందరపు తాతాజీ, మొల్లేటి శంకర్‌, పెంటకోట హరేరామ, పెంటకోట నాయుడు, చేకూరి రామరాజు, బొడ్డేడ శ్రీను, ఇల్లా నాగేశ్వరరావు, బొద్దపు శ్రీరామమూర్తి, మొల్లేటి వినోద్‌ పాల్గొన్నారు. పార్టీ కోసం కష్టపడే వారికి తగిన గుర్తింపు పదవులు శాశ్వతం కాదని పార్టీ కోసం కష్టపడి పనిచేయాలని వైఎస్సార్‌సీపీ నేతలు కరణం ధర్మశ్రీ, బొడ్డేడ ప్రసాద్‌ కోరారు. వైఎస్సార్‌సీపీ విద్యార్థి విభాగం జిల్లా కార్యదర్శిగా నియమితులైన మొల్లేటి వినోద్‌ మంగళవారం ఇరువురు నేతలను మర్యాదపూర్వకంగా కలిసారు. ఈ సందర్భంగా వినోద్‌ను సత్కరించి మాట్లాడుతూ పార్టీలో కష్టపడి పనిచేసే వారికి తగిన గుర్తింపు ఉంటుందన్నారు. మాజీ సీఎం జగన్‌మోహన్‌రెడ్డి ఆశయాలను ప్రజల్లోకి తీసుకువెళ్లాలని సూచించారు.

పెదబయలు: మండలంలోని ఏకలవ్య మోడల్‌ రెసిడెన్షియల్‌ పాఠశాలలో చెడు వ్యసనాలకు పాల్పడుతున్నారన్న ఆరోపణలతో సస్పెండ్‌ చేసిన ఏడుగురు విద్యార్థులపై నెలరోజులు దాటినా సస్పెన్షన్‌ ఎత్తివేయకపోవడం విద్యా హక్కు చట్టం ఉల్లంఘన కిందకు వస్తుందని నేషనల్‌ స్టూడెంట్స్‌ యూనియన్‌ ఆఫ్‌ ఇండియా జిల్లా అధ్యక్షుడు వెంగడ జగన్‌ ఆందోళన వ్యక్తం చేశారు. మంగళవారం ఆయన స్థానిక ఏకలవ్య పాఠశాలను సందర్శించి విద్యార్థుల సమస్యలు తెలుసుకున్నారు. ఈ సందర్భంగా ఆయన మాట్లాడుతూ.. గత నెల 13న రాత్రి పాఠశాలలో జరిగిన ఘటనపై 14న ఏడుగురు విద్యార్థులను ప్రిన్సిపాల్‌ నెల రోజుల పాటు సస్పెండ్‌ చేశారని తెలిపారు. అయితే, నేటికి 49 రోజులు కావస్తున్నా సస్పెన్షన్‌ కొనసాగిస్తుండటం సరికాదన్నారు. ఇళ్ల వద్దే ఉంచడం వల్ల విద్యార్థుల్లో పరివర్తన రాదని, బదులుగా పోలీసు శాఖకు సమాచారం అందించి ఈగల్‌ టీమ్‌ ద్వారా కౌన్సెలింగ్‌, పునరావాసం కల్పిస్తే వారి భవిష్యత్తును కాపాడటానికి అవకాశం ఉండేదన్నారు. నెలల తరబడి సస్పెన్షన్‌లో ఉంచితే విద్యార్థులు మరింత చెడిపోయే ప్రమాదం ఉందని ఆందోళన వ్యక్తం చేశారు. విద్యార్థులు విద్యా సంవత్సరం నష్టపోకుండా ఉన్నతాధికారులు తక్షణమే స్పందించి సస్పెన్షన్‌ను ఎత్తివేయాలని, పాఠశాలలో చదువుకోవడానికి అవకాశం కల్పించాలని డిమాండ్‌ చేశారు. ఈ కార్యక్రమంలో రాష్ట్ర ఆదివాసీ ఉపాధ్యక్షులు నీలకంఠ తదితరులు పాల్గొన్నారు. ఈ విషయంపై పాఠశాల హెచ్‌ఎం సుమిత్‌ కుమార్‌ ఆనంద్‌ను వివరణ కోరగా.. విద్యార్థులకు నెల రోజుల పాటు సస్పెండ్‌ చేయడం వాస్తవమేనని తెలిపారు. అయితే విద్యార్థులు నష్టపోకూడదనే ఉద్దేశంతో ఈ నెల 21 నుంచి 29 వరకు జరిగిన మిడ్‌టర్మ్‌ పరీక్షలను ఇంటి వద్ద నుంచే వచ్చి రాయడానికి అనుమతించామని చెప్పా రు. ప్రస్తుతం తాను పాఠశాల ఆడిట్‌ నిమిత్తం విజయవాడలో ఉన్నానని, తిరిగి వచ్చిన తర్వాత తదుపరి చర్యలు తీసుకుంటామని ఆయన వెల్లడించారు.ఎత్తివేయాలని ఎన్‌ఎస్‌యూఐ జిల్లా అధ్యక్షుడు వెంగడ జగన్‌ డిమాండ్‌

● తల్లిదండ్రులు, ఉపాధ్యాయులకుకలెక్టర్‌ నిశాంతి సూచన ● కలెక్టర్‌ నిశాంతిసాక్షి,పాడేరు: పిల్లల చదువులు, వారి ఉజ్వల భవిష్యత్తును తీర్చిదిద్దడంలో ఉపాధ్యాయులతో పాటు తల్లిదండ్రులదే కీలక బాధ్యత అని కలెక్టర్‌ టి. నిశాంతి అన్నారు. పాడేరు పట్టణంలోని గుడివాడ ప్రాథమిక మోడల్‌ పాఠశాలలో మంగళవారం పాఠశాల అభివృద్ధి కమిటీ (ఎస్‌ఎంసీ) ఎన్నికలను అత్యంత ప్రశాంత వాతావరణంలో నిర్వహించారు. కలెక్టర్‌ సమక్షంలో జరిగిన ఈ ఎన్నికల్లో.. పాఠశాల అభివృద్ధి కమిటీ చైర్మన్‌గా అన్నంరెడ్డి సావిత్రి, వైస్‌ చైర్మన్‌గా పాంగి కృష్ణ ఏకగ్రీవంగా ఎన్నికయ్యారు. అనంతరం ఎంఈవో విశ్వనాథం నూతన కమిటీ చేత ప్రమాణ స్వీకారం చేయించారు. ఈ సందర్భంగా కలెక్టర్‌ మాట్లాడుతూ.. ఎస్‌ఎంసీ కమిటీలన్నీ పాఠశాలల సమగ్ర అభివృద్ధికి ఐక్యంగా కృషి చేయాలని పిలుపునిచ్చారు. పిల్లలను రోజూ బడులకు సక్రమంగా పంపడంతో పాటు, ఇళ్ల వద్ద కూడా వారి చదువులు, సంక్షేమంపై ప్రత్యేక దృష్టి పెట్టాలని తల్లిదండ్రులను కోరారు. విద్యార్థులకు క్రమశిక్షణతో కూడిన నాణ్యమైన విద్యనందించేందుకు ఉపాధ్యాయులు శ్రమించాలని, వారికి తల్లిదండ్రులు అన్ని విధాలా సహకరించాలని సూచించారు. చిన్నారులతో మమేకమైన కలెక్టర్‌ ఈ పర్యటనలో భాగంగా కలెక్టర్‌ నిశాంతి పాఠశాలలోని చిన్నారులు, వారి తల్లిదండ్రులతో ఆప్యాయంగా మాట్లాడి మమేకమయ్యారు. అంతేకాకుండా, విద్యార్థులతో పాటు స్వయంగా నేలపై కూర్చుని వారితో కలిసి మధ్యాహ్న భోజనం చేశారు. భోజన నాణ్యతను పరిశీలించడంతో పాటు చిన్నారులతో ముచ్చటించారు.ఈ కార్యక్రమంలో డీఈవో భానుమూర్తిరాజు, ఎంఈవోలు విశ్వనాథం, సరస్వతి, హెచ్‌ఎం రామ్మూర్తినాయుడు, సీఆర్‌పీ హిమబిందు, ఉపాధ్యాయులు, విద్యార్థుల తల్లిదండ్రులు పాల్గొన్నారు.

● మన్యంలో తగ్గుతున్న ఉష్ణోగ్రతలు ● వణుకుతున్న గిరిజనం సాక్షి, పాడేరు: ఇంకా శీతాకాలం రాకముందే మన్యం ప్రాంతంలో ఉష్ణోగ్రతలు ఒక్కసారిగా పడిపోతున్నా యి. సాయంత్రం అయిందంటే చాలు చలిగాలులు వీస్తుండగా, అర్ధరాత్రి నుంచి దట్టమైన పొగమంచు కమ్మేస్తోంది. పాడేరు మండలం మినుములూరు కేంద్ర కాఫీబోర్డులో సోమవారం 18డిగ్రీలు, చింతపల్లి వ్యవసాయ పరిశోధన స్థానంలో 18డిగ్రీలు, మినుములూరులో 17డిగ్రీలు, చింతపల్లిలో 19.5 డిగ్రీల కనిష్ట ఉష్ణోగ్రతలు నమోదయ్యాయి. ఉదయం 8 గంటల వరకు కూడా సూర్యుడి దర్శనం ఇవ్వడం లేదు. వంజంగి, చెరువులవెనం కొండలకు పర్యాటకుల తాకిడి కూడా ఇప్పుడిప్పుడే పెరుగుతోంది. ముందే ఎంట్రీ.. ఏంటో బాబూ.. ఈసారైతే శీతాకాలం రాకముందే చలి ముందస్తుగానే ఎంట్రీ ఇచ్చేసింది! సాయంత్రం అయిందంటే చాలు.. ఒంటి మీద రగ్గు లేకపోతే బతకలేమన్నట్టు గాలి గట్టిగానే కొడుతోంది. అర్ధరాత్రి దాటిందంటే చాలు, ఇళ్లల్లో ముసుగు తన్నుకుని పడుకోవాల్సి వస్తోంది. తెల్లారితే చాలు బయట అంతా దట్టమైన పొగమంచు.. ఎదురుగా వస్తున్న మనుషులు కూడా సరిగ్గా కనిపించడం లేదు. ఉదయం పూట ఆఫీసులకో, పనులకో వెళ్లేవాళ్లమైతే చలికి గజగజ వణికిపోతున్నాం. ఇంకో నెల రోజుల్లో ఇంకా చలి ఎట్లా ఉంటుందోనని ఇప్పుడే భయమేస్తుంది సామీ.

మునగపాక : స్థానిక ఇందిరమ్మ కాలనీలో మంగళవారం పట్టపగలు చోరీ సంఘటన చోటు చేసుకుంది. వివరాలిలా ఉన్నాయి. మునగపాక ఇందిరమ్మ కాలనీలో పట్నాల నానిబాబు కుటుంబ సభ్యులతో నివాసం ఉంటున్నారు. నానిబాబు ఆటో డ్రైవర్‌గా పనిచేస్తూ ఉదయం 7.30 గంటలకు బయటకు వెళ్లాడు. ఇతని భార్య కూడా పనికి వెళ్లింది. పిల్లలు స్కూల్‌కు వెళ్లారు. మధ్యాహ్నం 1.30 గంటలకు నానిబాబు ఇంటికి వచ్చి తాళం తీసి ఇంటిలోపలికి వెళ్లే సరికి బీరువా తెరిచి ఉండడాన్ని గుర్తించి దొంగతనం జరిగినట్టు గ్రహించారు. సమాచారం అందుకున్న పోలీసులు సంఘటన స్థలానికి వెళ్లి పరిసరాలు పరిశీలించారు పావుతులం బంగారు ఉంగరం, అరతులం బంగారు చైన్‌తో పాటు మూడు జతల వెండి పట్టీలు అపహరణకు గురైనట్లు నిర్ధారించారు. కేసు నమోదు చేసి దర్యాప్తు చేస్తున్నట్లు ఎస్‌ఐ ప్రసాదరావు తెలిపారు.

అరకులోయటౌన్‌: పర్యాటక శాఖ వెబ్‌సైట్‌కు సంబంధించిన క్యూఆర్‌ కోడ్‌ను జిల్లా టూరిజం అధికారి పట్టాసి చలపతిరావు సోమవారం స్థానిక మహిళా డిగ్రీ కళాశాలలో ఆవిష్కరించారు. ఈ సందర్భంగా ‘డిజిటల్‌ టూరిజం–ఆర్టిఫిషియల్‌ ఇంటెలిజెన్సీ టూ రీడిజైన్‌ టూరిజం’అనే థీమ్‌తో అవగాహన సదస్సు నిర్వహించారు. ఈ సందర్భంగా చలపతిరావు మాట్లాడుతూ క్యూఆర్‌ కోడ్‌ ద్వారా పర్యాటక ప్రాంతాలు, వసతి, సేవల వివరాలను మొబైల్‌లోనే పొందే సదుపాయం కల్పించామని తెలిపారు. అల్లూరి జిల్లా పర్యాటక ప్రదేశాలను డిజిటల్‌ వేదికపైకి తీసుకువచ్చామన్నారు. పర్యాటకులు ఒకే వేదిక ద్వారా అవసరమైన సమాచారాన్ని సులభంగా తెలుసుకునేలా వెబ్‌సైట్‌ను రూపొందించామని వివరించారు. పర్యాటకులు తమ ఇంటి నుంచే ముందుగా ప్రయాణ ప్రణాళిక రూపొందించుకోవడంతో పాటు సందర్శించదలచిన ప్రదేశాలపై పూర్తి వివరాలు తెలుసుకునే వీలుంటుందని చెప్పారు. ఈ సందర్భంగా విద్యార్థినులకు క్యూఆర్‌ కోడ్‌ను స్కాన్‌ చేసి వెబ్‌సైట్‌ను ఎలా యాక్సెస్‌ చేయాలి, పర్యాటక సమాచారం ఎలా పొందాలనే అంశాలపై ప్రదర్శన ఇచ్చారు. ఈ కార్యక్రమంలో కళాశాల ప్రిన్సిపాల్‌ డాక్టర్‌ కుసుమ కుమారి, ఐక్యూఏసీ కోఆర్డినేటర్‌ శశికుమార్‌, ఎన్‌ఎస్‌ఎస్‌ కోఆర్డినేటర్‌ మురళీకృష్ణ, అధ్యాపకులు, విద్యార్థినులు పాల్గొన్నారు.

యలమంచిలి రూరల్‌: రెండ్రోజులు నిర్బంధం.. ఆపై చిత్రహింస.. దారుణంగా హత్య చేసి గోదావరిలో మృతదేహం పడేసి పరారీ.. ఇదీ యలమంచిలి పట్టణం పాత స్టేట్‌ బ్యాంక్‌ కాలనీకి చెందిన వ్యాపారి కర్రి వర ప్రకాష్‌రావు(49) హత్య కేసులో బయటపడిన సంచలన విషయాలు. కేసుకు సంబంధించి పరవాడ డీఎస్పీ బి మోహన్‌రావు సోమవారం యలమంచిలి పట్టణ పోలీస్‌ స్టేషన్‌లో మీడియా సమావేశంలో వెల్లడించిన వివరాల ప్రకారం.. ఈ నెల 16వ తేదీన కార్ల వ్యాపారి కర్రి వరప్రకాష్‌ అదృశ్యం కేసులో మొబైల్‌ ఫోన్‌ కాల్‌ డేటా ఆధారంగా దర్యాప్తు ప్రారంభించి వరప్రకాష్‌రావు హత్యకు గురైనట్టు,అతని మృతదేహాన్ని నిందితులు గోదావరిలో పడేసినట్టు గుర్తించారు. గాజువాకకు చెందిన చీమకుర్తి జగదీష్‌, తూర్పుగోదావరి జిల్లా ముమ్మిడివరం మండలం అనాతవరానికి చెందిన కూడుపూడి రామాంజనేయులు(పండు), కోనసీమ జిల్లా అమలాపురం గారపాటివారి వీధికి చెందిన వ్యాపారి కేదార్‌శెట్టి విజయ్‌ గణేష్‌లతోపాటు యలమంచిలికి చెందిన కర్రి వరప్రకాష్‌రావుకు మాత్రమే తెలిసిన రమేష్‌ కరెన్సీ మార్పిడి లావాదేవీల నిమిత్తం ఈ నెల 16న రాజమహేంద్రవరంలో ఓ చోట కలుసుకున్నారు. రూ.10 లక్షల అసలు కరెన్సీ నోట్లకు రూ.40 లక్షల నకిలీ నోట్లు ఇవ్వడానికి కుదిరిన ఒప్పందంలో భాగంగా రమేష్‌ మరొక వ్యక్తితో కలిసి విజయ్‌ గణేష్‌ను ఏమార్చి రూ.10 లక్షల అసలు కరెన్సీతో పరారయ్యారు. రూ.2.5 లక్షలిచ్చి బయటపడిన జగదీష్‌ తమను మోసం చేశారని తెలుసుకున్న విజయ్‌ గణేష్‌, రామాంజనేయులు కలిసి జగదీష్‌, వర ప్రకాష్‌లను కారులో అమలాపురం తీసుకెళ్లారు. రూ.10 లక్షల నష్టాన్ని నలుగురు సమానంగా రూ.2.5 లక్షలు చొప్పున ఇచ్చుకోవాలని అంగీకారానికి వచ్చారు. జగదీష్‌ తమ కుటుంబ సభ్యులతో మాట్లాడుకుని రూ.2.5 లక్షలు చెల్లించడంతో అతడిని నిందితులు వదిలిపెట్టారు. వరప్రకాష్‌ను కూడా రూ.2.5 లక్షలు చెల్లించాలని ఎంత ఒత్తిడి చేసినా స్పందన లేకపోవడంతో నిందితులు అతడిని హత్య చేశారు. ఇందుకు మరో ఇద్దరు సహకరించినట్టు పోలీసుల దర్యాప్తులో తేలింది. నిందితుల్లో ఒకరైన విజయ్‌ గణేష్‌ను సోమవారం అరెస్టు చేసి న్యాయమూర్తి ఎదుట ప్రవేశపెట్టారు. మరో నిందితుడు రామాంజనేయులు పరారీలో ఉండగా, మిగిలిన నిందితులను గుర్తించాల్సి ఉందని డీఎస్పీ తెలిపారు. కేసును కోనసీమ జిల్లా అల్లవరం పోలీస్‌ స్టేషన్‌కు బదిలీ చేయనున్నట్టు తెలిపారు.

కొయ్యూరు: మండలంలోని నడింపాలెం పంచాయతీ బట్టిమెట్ట గ్రామానికి చెందిన 30 కుటుంబాల నుంచి 100 మంది ఓటర్లు సోమవారం వైఎస్సార్‌సీపీలో చేరారు. ఆ పార్టీ జిల్లా అధ్యక్షుడు, పాడేరు ఎమ్మెల్యే ఎం.విశ్వేశ్వరరాజు వారికి కండువాలు కప్పి పార్టీలోకి ఆహ్వానించారు. ఇప్పటి వరకు టీడీపీ, బీజేపీలకు మద్దతు తెలిపిన ఈ గ్రామస్తులు కూటమి ప్రభుత్వం వచ్చిన తర్వాత సంక్షేమ పథకాలు సక్రమంగా అందడం లేదని, ఇచ్చిన హామీలు అమలు కావడం లేదని అసంతృప్తి వ్యక్తం చేస్తూ పార్టీ మార్పునకు నిర్ణయించారు. ఈ సందర్భంగా ఎమ్మెల్యే మాట్లాడుతూ వైఎస్సార్‌సీపీ ప్రభుత్వంలో అనేక సంక్షేమ పథకాలు అమలయ్యాయని, ప్రస్తుతం అవి నిలిచిపోయాయని ఆరోపించారు. చంద్రబాబు ప్రకటించిన ‘సూపర్‌ సిక్స్‌’హామీలు అమలు కావడం లేదని విమర్శించారు. ముందుగా ఎమ్మెల్యే విశ్వేశ్వరరాజు శరభన్నపాలెం నుంచి సుమారు కిలోమీటరు నడుచుకుంటూ, వాగు దాటి గ్రామానికి చేరుకున్నారు. ఆయనకు గ్రామస్తులు ఘన స్వాగతం పలికారు. ఈ కార్యక్రమంలో పార్టీ జిల్లా ఉపాధ్యక్షుడు గాడి సత్యనారాయణ, పార్టీ మండల అధ్యక్షుడు బి.అప్పారావు, మాజీ మండల ఉపాధ్యక్షుడు అప్పన వెంకటరమణ, మాజీ మండల అధ్యక్షుడు జల్లి బాబులు, సర్పంచ్‌ల ఫోరం మాజీ అధ్యక్షుడు రేగటి ముసిలినాయుడు, యువజన విభాగం రాష్ట్ర సంయుక్త కార్యదర్శి పి.అచ్యుత్‌, పాటి శేఖర్‌, గొడ్డేడి మహేశ్‌, తదితరులు పాల్గొన్నారు.

కలెక్టర్‌ టి.నిశాంతిసాక్షి, పాడేరు: క్రాఫ్ట్‌ 3డీ ప్రింటింగ్‌ శిక్షణలో ప్రతిభ కనబర్చిన మహిళా బృందాలకు కలెక్టర్‌ టి.నిశాంతి సోమవారం త్రీడీ ప్రింటర్లను పంపిణీ చేశారు. మొత్తం 64 మంది గిరిజన మహిళలు ఈ శిక్షణలో పాల్గొన్నారు. తయారు చేసిన క్రాఫ్ట్‌ ఉత్పత్తుల ఆధారంగా నిర్వహించిన గ్రేడింగ్‌లో డుంబ్రిగుడ మండల మహిళా బృందం తొలి స్థానం సాధించగా, పాడేరు మండల బృందం ద్వితీయ స్థానంలో నిలిచింది. విజేత బృందాలకు పారిశ్రామిక స్థాయి రెండు త్రీడీ ప్రింటర్లను ఉచితంగా అందజేసి కలెక్టర్‌ అభినందించారు. స్వయం ఉపాధిలో రాణించి ఆర్థికంగా ఎదగాలని మహిళలను ఆమె కోరారు. ఈ కార్యక్రమంలో డీఆర్‌డీఏ పీడీ జయకృష్ణ, గాయత్రి విద్యాపరిషత్‌కు చెందిన ప్రాజెక్ట్‌ ప్రధాన పరిశోధకురాలు డాక్టర్‌ బి.కీర్తిప్రియ, తదితరులు పాల్గొన్నారు.

మన్యం రహదార్లులో గజానికో గుంతరోడ్ల అభివృద్ధి పట్టని కూటమి ప్రభుత్వం ● దారి తప్పిన హామీలు.! రకానికి రాకపోకలకు గిరిజనుల నరకయాతన పాడేరు నుంచి వడ్డాది వెళ్లే రోడ్డులో వంతాడపల్లి సమీపంలో అధ్వానంగా మారిన ఆర్‌అండ్‌బీ రోడ్డు సాక్షి, పాడేరు: ఏజెన్సీ ప్రాంతంలో ప్రధాన ఆర్‌అండ్‌బీ రహదారులతో పాటు గ్రామీణ పంచాయతీరాజ్‌ రోడ్లు గోతులతో అధ్వానంగా మారాయి. కూటమి ప్రభుత్వం అధికారంలోకి వచ్చి రెండున్నరేళ్లు కావస్తున్నా దెబ్బతిన్న రోడ్లను పూర్తిస్థాయిలో అభివృద్ధి చేయడంలో విఫలమైందనే విమర్శలు వినిపిస్తున్నాయి. ● పాడేరు నుంచి మైదాన ప్రాంతాలకు వెళ్లే వడ్డాది రోడ్డులో పలు చోట్ల గోతులు ఏర్పడి ప్రమాదకరంగా మారింది. పాడేరుకు సమీపంలోని సేరిబయలు, వంతాడపల్లి తోటల వద్ద నాలుగు చోట్ల రోడ్డు పూర్తిగా పాడైపోయింది. ఇటీవల కురిసిన భారీ వర్షాలతో పరిస్థితి మరింత దయనీయంగా మారింది. రాకపోకలకు వాహనదారులు తీవ్ర ఇబ్బందులు పడుతున్నారు. ముఖ్యంగా ద్విచక్ర వాహనదారులు భయపడుతూ ప్రయాణిస్తున్నారు. ఈ రోడ్డులోని ఘాట్‌ సెక్షన్‌లో మోదకొండమ్మ తల్లి పాదాలు, వ్యూ పాయింట్‌, 12వ మైలురాయి జంక్షన్‌ వద్ద గోతుల కారణంగా ప్రయాణం సాహసంగా మారింది. ఈ రహదారి అభివృద్ధికి ఆర్‌అండ్‌బీ అధికారులు ప్రతిపాదనలు పంపినా నిధులు మంజూరు కాలేదు. ● పాడేరు–చింతలవీధి రోడ్డులో మెడికల్‌ కళాశాల సమీపంలో గోతులు వాహనదారులను భయపెడుతున్నాయి. హుకుంపేట మండల కేంద్రంలోని రోడ్లు కూడా దెబ్బతిన్నాయి. గుత్తులపుట్టు మార్గంలో కల్వర్టు వద్ద గోతులు ఏర్పడి ప్రమాదకరంగా మారాయి. పెదబయలు నుంచి ముంచంగిపుట్టు వరకు ఇటీవల అభివృద్ధి చేసిన రోడ్డులో కూడా వర్షాల కారణంగా అంచులు మట్టికోతకు గురయ్యాయి.అమ్మో.. గ్రామీణ రోడ్లు జిల్లాలోని మారుమూల గ్రామాలకు వెళ్లే పాత రోడ్లు పూర్తిగా అధ్వానంగా మారాయి. ప్రధాన రోడ్లు గోతులతో నిండిపోయినా, వాటిని తిరిగి తారురోడ్లుగా మార్చే పనుల్లో ప్రభుత్వం నిర్లక్ష్యం చూపుతోందని గిరిజనులు ఆవేదన వ్యక్తం చేస్తున్నారు. హుకుంపేట మండలంలోని అల్లంపుట్టు–గూడ–మఠం మార్గం, చింతపల్లి మండలంలోని చౌడుపల్లి–పశువులబంద, ముంచంగిపుట్టు–కుమడ రహదారి, పెదబయలు మండలంలోని గుల్లెలు–గిన్నెగరువు రోడ్లు అధ్వానంగా మారాయి. డుంబ్రిగుడ మండలంలోని కొల్లాపుట్టు రోడ్డు, అరకులోయ మండలంలోని సుంకరమెట్ట జంక్షన్‌ నుంచి జనంగూడ మీదుగా మాడగడ మార్గం, గన్నెల–సిరగం రహదారి, జి.మాడుగుల మండలంలోని సోలభం, గడుతూరు, గెమ్మెలి, లువ్వాసింగి రోడ్లు కూడా గోతులమయంగా మారాయి. రోడ్ల దుస్థితి కారణంగా వాహనాలు తరచూ మరమ్మతులకు గురవుతున్నాయని డ్రైవర్లు ఆవేదన వ్యక్తం చేస్తున్నారు. హామీ మేరకు నిధులు కేటాయించాలి మండల కేంద్రం అరకులోయ నుంచి కొత్తవలస, కోడిపుంజువలస మీదుగా శిరగాం గ్రామం వరకు రహదారి పూర్తిగా శిథిలమైంది. గత కొన్నేళ్ల క్రితం నిర్మించిన బీటీ రోడ్డులో ప్రస్తుతం పాదచారులు కూడా నడవలేని పరిస్థితి. కూటమి నేతలు ఎన్నికల హామీలను నెరవేర్చాలి. రహదారి నిర్మాణానికి నిధులు కేటాయించాలి. –బురిడి పాపారావు, లంతంపాడు గ్రామం, అరకులోయ మండలం ప్రధాన రోడ్డును అభివృద్ధి చేయాలి పాడేరు నుంచి వంతాడపల్లి పోయే ఆర్‌అండ్‌బీ రోడ్డులో పలుచోట్ల పెద్ద గోతులు భయపెడుతున్నాయి. బైక్‌ నడిపిందుకు ఇబ్బందిగా మారింది. రోడ్డు పూర్తిగా పాడైనందున కొత్తగా తారురోడ్డు నిర్మించి అభివృద్ధి చేయాలి. మైదాన ప్రాంతానికి పోయే ప్రధాన రోడ్డు అభివృద్ధిని కూటమి ప్రభుత్వం పట్టించుకోకపోవడం అన్యాయం. –గబ్బాడ చిట్టిబాబు, రాములపుట్టు గ్రామం, పాడేరు మండలం

సినిమా చిత్రీకరణకు ఉత్తమ ప్రదేశంగా ఎంపిక డుంబ్రిగుడ: సినిమా చిత్రీకరణకు అనువైన ఉత్తమ ప్రదేశం విభాగంలో అరకు పైనరీకి రాష్ట్ర స్థాయి పర్యాటక ఉత్తమ పురస్కారం దక్కింది. ఈ మేరకు ఈ నెల 27న విజయవాడలో నిర్వహించిన పర్యాటక ఉత్తమ పురస్కారాల ప్రదానోత్సవంలో రాష్ట్ర పర్యాటక శాఖ మంత్రి కందుల దుర్గేష్‌ చేతుల మీదుగా అవార్డు స్వీకరించినట్లు పైనరీ మేనేజర్‌ చంద్రశేఖర్‌ పేర్కొన్నారు. ఈ ప్రాంత అభివృద్ధికి సహకరిస్తున్న అటవీశాఖ అరకు రేంజర్‌ కోటేశ్వరరావుతో పాటు సిబ్బందికి, శాంతినగర్‌ వన సంరక్షణ సమితి సభ్యులకు ఆయన ప్రత్యేక కృతజ్ఞతలు తెలిపారు.

నిర్వాహకుల చేతుల మీదుగా స్టార్‌ ఆఫ్‌ ఇండియా అవార్డు అందుకుంటున్న సాంబశివ రావికమతం : మండలంలోని టి.అర్జాపురం గ్రామానికి చెఽందిన పడాల సాంబశివ బాల్‌ బ్యాడ్మింటన్‌ క్రిడలో స్టార్‌ ఆఫ్‌ ఇండియా అవార్డుకు ఎంపికయ్యాడు. దేశవ్యాప్తంగా బాల్‌ బ్యాడ్మింటన్‌ క్రీడాకారుల్లో ఐదుగురిని స్టార్‌ ఆఫ్‌ ఇండియాగా ఎంపిక చేయగా వారిలో ఏపీ నుంచి ఇద్దరు ఉన్నారు. ఉమ్మడి విశాఖ జిల్లా నుంచి టి.అర్జాపురం గ్రామానికి చెఽందిన పడాల సాంబశివతో పాటు నునపర్తికి చెందిన వీర్రాజు కూడా ఉన్నారు. శ్రీకాళహస్తిలో నిర్వహించిన 72వ సీనియర్‌ నేషనల్‌ మెన్‌ బ్యాడ్మింటన్‌ ఛాంపియన్‌షిప్‌ 2026–27 క్రీడాపోటీలు జరిగాయి. ఈ పోటీల్లో దేశ వ్యాప్తంగా పురుఽషుల విభాగంలో 33 జట్లు మహిళల విభాగంలో 28జట్లు పాల్గొన్నారు. ఏపీ నుంచి 10 మంది క్రీడాకారులతో కూడిన బాల్‌ బాడ్మింటన్‌ జట్టు పాల్గొంది. ఏపీ జట్టు మెరుగైన ప్రదర్శన ద్వారా ఫైనల్‌కు చేరుకుంది. ఫైనల్‌లో సోమవారం ఆల్‌ ఇండియా రైల్వేస్‌ –ఏపి జట్లు తలపడ్టాయి. ఈ పోటీలో రైల్వేస్‌ ప్రథమ స్థానంలో నిలవగా, ఏపి జట్టు రన్నరప్‌గా నిలిచింది. ఈ పోటీల్లో ఉత్తమ ప్రతిభ చూపిన క్రీడాకారులకు స్టార్‌ ఆఫ్‌ ఇండియాకు ఐదుగురిని ఎంపిక చేశారు. దీనిలో ఏపీ తరపున టి.అర్జాపురం హైస్కూల్‌కు చెందిన పడాల సాంబశివ ఉత్తమ ప్రతిభ చూపడంతో స్టార్‌ ఆఫ్‌ ఇండియాగా ఎంపికయ్యాడు. నిర్వాహకుల చేతుల మీదుగా అవార్డు అందుకున్నాడు. అతనిని టి.అర్జాపురం హైస్కూల్‌ పీడీ రమేష్‌నాయుడు, ఉపాధ్యాయులు, గ్రామస్తులు అభినందించారు.

మునగపాక : బాలికలు, మహిళలు ఆత్మ విశ్వాసంతో వ్యవహరించాలని డీఈవో జి.జి.ఎస్‌ నాగేశ్వరరావు పిలుపునిచ్చారు. మండలంలోని పాటిపల్లి కస్తూరిబా గాంధీ బాలికల విద్యాలయంలో రాణీ లక్ష్మీబాయి సెల్ఫ్‌ డిఫెన్స్‌ శిక్షణ కార్యక్రమాన్ని సోమవారం ఆయన ప్రారంభించారు. ఈ సందర్భంగా ఆయన మాట్లాడుతూ బాలికల్లో అత్మవిశ్వాసం, ధైర్యం, భద్రత వంటి అంశాలపై మరింత అవగాహన కల్పించేందుకు శిక్షణ దోహదపడుతుందన్నారు. ప్రమాదకర పరిస్థితులను గుర్తించి తమను రక్షించుకునేందుకు అవసరమయ్యే నైపుణ్యాలు పెంచుకోవాలన్నారు. జిల్లా జీసీడీవో జమీమా, బండి ఇన్‌స్టిట్యూట్‌ ఆఫ్‌ మార్షల్‌ ఆర్ట్స్‌ ఉత్తరాంధ్ర ఇన్‌చార్జి చారి, అనకాపల్లి ఇన్‌చార్జి అప్పారావు, కరాటే కోచ్‌ శివ, హెచ్‌ఎం జి.ప్రమీల కార్యక్రమంలో పాల్గొన్నారు. అనంతరం డీఈవో నాగేశ్వరరావును పలువురు ఘనంగా సత్కరించారు.

ముంచంగిపుట్టు: ప్రభుత్వ యంత్రాంగం స్పందించకపోవడంతో ముంచంగిపుట్టు మండలం బూసిపుట్టు పంచాయతీలో గిరిజనులు, ఉపాధ్యాయులు శ్రమదానంతో దెబ్బతిన్న రోడ్డును తాత్కాలికంగా మరమ్మతులు చేపట్టారు. మారుమూల బూసిపుట్టు పంచాయతీ కేంద్రంలోని సంతబయలు ప్రాంగణంలో ఇటీవల కురిసిన వర్షాల కారణంగా రోడ్లు తీవ్రంగా దెబ్బతిన్నాయి. మూడు రోజులుగా వాహనదారులు రాకపోకలకు తీవ్ర ఇబ్బందులు పడుతున్నారు. ఈ పరిస్థితిని గమనించిన స్థానిక గిరిజనులు సోమవారం స్వచ్ఛందంగా ముందుకు వచ్చి రోడ్డు మరమ్మతులకు నడుం బిగించారు. స్థానిక జీపీఎస్‌ పాఠశాల ఉపాధ్యాయులు కూడా గ్రామస్తులతో కలిసి రాళ్లు, మట్టి మోసి రోడ్డుపై ఏర్పడిన గుంతలను పూడ్చారు. ఉపాధ్యాయులు చూపిన చొరవపై గ్రామ గిరిజనులు హర్షం వ్యక్తం చేశారు.

తాను చేయని తప్పును ఒప్పుకోవాలని రాజకీయ ఒత్తిడితో బెదిరించి రూ.10 వేలను ఫోన్‌పే ద్వారా బలవంతంగా చెల్లించేలా చేశారని ఆరోపిస్తూ ఓ ఆటో ఫైనాన్స్‌ సంస్థ ఉద్యోగి ఆళ్ల దుర్గాప్రసాద్‌ కశింకోట పోలీసులపై పీజీఆర్‌ఎస్‌లో ఎస్పీకి ఫిర్యాదు చేశాడు. కశింకోటకు చెందిన ఓ వ్యక్తి సంస్థ ద్వారా రుణంపై ఆటో తీసుకుని రెండు నెలలుగా వాయిదాలు చెల్లించకపోవడంతో ఈ నెల 20న ఆటోను సీజ్‌ చేసి కంపెనీ యార్డుకు తీసుకెళ్లినట్టు తెలిపాడు. బకాయిలు చెల్లించి ఆటోను తీసుకెళ్లిపోయిన వ్యక్తి ఫిర్యాదు మేరకు ఈ నెల 21న కశింకోట పోలీసులు తనకు ఫోన్‌ చేసి స్టేషన్‌కు రావాలని ఆదేశించారని, స్టేషన్‌కు వెళ్లిన అనంతరం తన సెల్‌ఫోన్‌, ఐడీ కార్డును తీసుకున్నారని, తనపై ఫిర్యాదు ఉందంటూ ఒక గదిలో ఉంచి తాను రూ.30 వేలు అప్పు తీసుకున్నట్టు పేపర్‌పై రాయించి, బెదిరించి సంతకం చేయించారని తెలిపాడు. అదే సమయంలో ఫిర్యాదు చేసిన వ్యక్తికి రూ.10 వేలు ఫోన్‌ పే చేయాలని ఒత్తిడి చేయడంతో భయపడి ఆ మొత్తాన్ని చెల్లించినట్లు తెలిపాడు. మిగిలిన రూ.20 వేలను రెండు నెలల్లో చెల్లించాలని బెదిరించారని ఆరోపించాడు. ఈ వ్యవహారంపై సమగ్రంగా విచారణ జరిపి, తనకు న్యాయం చేయడంతో పాటు బాధ్యులపై తగిన చర్యలు తీసుకోవాలని కోరాడు.

● నలుగురికి గాయాలు, ఒకరి పరిస్థితి విషమం కొక్కిరాపల్లి హైవే కూడలి వద్ద కారును ఢీకొన్న లారీ యలమంచిలి రూరల్‌ : భీమవరం నుంచి విశాఖపట్నం వైపు వెళ్తున్న చేపల లోడుతో వెళ్తున్న వ్యాన్‌ యలమంచిలి మండలం కొక్కిరాపల్లి హైవే కూడలి వద్దకు చేరుకున్న సమయంలో బ్రేక్‌ పనిచేయకపోవడంతో వాహనాన్ని అదుపు చేసే క్రమంలో రోడ్డు మధ్యలో ఉన్న డివైడర్‌పైకి ఎక్కించాడు. వ్యాన్‌ అదుపుతప్పి డివైడర్‌ అవతల వైపునకు దూసుకుపోయింది. అదే సమయంలో విశాఖపట్నం నుంచి అమలాపురం వెళ్తున్న కారు రావడంతో చేపల వ్యాన్‌ ఢీకొట్టింది. వెనుక వస్తున్న మరొక లారీ కూడా కారును ఢీకొంది. దీంతో కారు నుజ్జయింది. కారు వెనుక సీట్లో కూర్చున్న సి. హేమంత్‌, సి.వీరయ్య, కె.రమేష్‌, హైదరాబాద్‌కు చెందిన లారీ డ్రైవర్‌ ఎం.శ్రీనివాస్‌ తీవ్రంగా గాయపడ్డారు. వీరిలో ఒకరి పరిస్థితి విషమంగా ఉన్నట్టు యలమంచిలి ట్రాఫిక్‌ ఎస్‌ఐ బి.రామకృష్ణ తెలిపారు. గాయపడినవారిని హైవే అంబులెన్సు వాహనంలో అనకాపల్లి ఎన్‌టీఆర్‌ ఆస్పత్రికి తరలించినట్టు తెలిపారు. వాహనాల రాకపోకలకు అంతరాయం కలగకుండా తక్షణ చర్యలు చేపట్టినట్టు తెలిపారు. ఘటనపై కేసు నమోదు చేశామన్నారు.

అర్జీదారుని సమస్య వింటున్న ఎస్పీ తుహిన్‌ సిన్హా అనకాపల్లి: స్థానిక ఎస్పీ కార్యాలయంలో సోమవారం నిర్వహించిన పీజీఆర్‌ఎస్‌కు 45 అర్జీలు వచ్చాయి. జిల్లాలోని వివిధ ప్రాంతాల నుంచి వచ్చిన వారి నుంచి ఎస్పీ తుహిన్‌ సిన్హా అర్జీలు స్వీకరించారు. ఈ సందర్భంగా ఆయన మాట్లాడుతూ చట్టపరిధిలోని సమస్యలను వారం రోజుల్లో పరిష్కరించేందుకు చర్యలు చేపట్టనున్నట్టు చెప్పారు. భూ తగాదాలు, ఆస్తి గొడవలు, ఆర్థిక మోసాలు, గృహ కలహాలు, శాంతిభద్రతలు, ఇతర విభాగాలకు చెందిన సమస్యలపై అర్జీలు వచ్చాయన్నారు. ఈ కార్యక్రమంలో అదనపు ఎస్పీ ఎల్‌.మోహన్‌రావు, సీఐ రమణయ్య, ఎస్‌ఐ శ్రీనివాసరావు తదితరులు పాల్గొన్నారు.

జి.మాడుగుల: మండలంలోని ప్రాథమిక పాఠశాలలను నెలకు కనీసం రెండుసార్లు సందర్శించి, పనితీరుపై నివేదికలు సమర్పించాలని విద్యా సంక్షేమ సహాయకుల((వెల్ఫేర్‌ అసిస్టెంట్లు))కు అసిస్టెంట్‌ ట్రైబల్‌ వెల్ఫేర్‌ ఆఫీసర్‌(ఏటీడబ్ల్యూవో) నాగశిరీష ఆదేశించారు. మండలంలోని స్వర్ణ గ్రామంలో ఉన్న ఏటీడబ్ల్యూవో కార్యాలయంలో సోమవారం నిర్వహించిన అత్యవసర సమావేశంలో ఆమె మాట్లాడారు. పాఠశాలల పర్యవేక్షణ, విద్యార్థుల హాజరు, సంక్షేమ పథకాల అమలు, మధ్యాహ్న భోజనం నాణ్యత, నోట్‌బుక్స్‌ పంపిణీ వంటి అంశాలపై సమీక్షించారు. మధ్యాహ్న భోజనం నాణ్యతను క్షేత్రస్థాయిలో పరిశీలించాలని, మెనూ ప్రకారం రాగి మాల్ట్‌, చిక్కీ, గుడ్లు విద్యార్థులకు సక్రమంగా అందుతున్నాయో? లేదో? తప్పనిసరిగా తనిఖీ చేయాలని సూచించారు. ప్రాథమిక పాఠశాలల విద్యార్థులందరికీ నోట్‌బుక్స్‌ అందేలా చూడాలని ఆదేశించారు. 9, 10 తరగతుల విద్యార్థుల ఓటీఆర్‌ నమోదు ప్రక్రియ ఎటువంటి ఆటంకాలు లేకుండా పూర్తి చేయాలని, పాఠశాలలకు దూరంగా ఉన్న పిల్లలను గుర్తించి వెంటనే చేర్పించాలని చెప్పారు. అర్హులైన ప్రతి విద్యార్థికి సంక్షేమ పథకాల ప్రయోజనాలు అందేలా అధికారులు, సిబ్బంది సమన్వయంతో పనిచేయాలన్నారు. విద్యార్థుల విద్యాభివృద్ధి, సంక్షేమంపై నిర్లక్ష్యం సహించబోమని హెచ్చరించారు. ఈ సమావేశంలో మండలానికి చెందిన 15 మంది విద్యా సంక్షేమ సహాయకులు, సిబ్బంది పాల్గొన్నారు. వెల్ఫేర్‌ అసిస్టెంట్లకు ఏటీడబ్ల్యూవో నాగ శిరీష ఆదేశం

● తహసీల్దార్‌ కార్యాలయం వద్ద సీపీఎం నిరసన కె.కోటపాడు తహసీల్దార్‌ కార్యాలయం వద్ద నిరసన చేస్తున్న సీపీఎం నాయకులు కె.కోటపాడు: వర్షాభావ పరిస్థితుల వల్ల జిల్లా రైతులు నష్టపోయిన దృష్ట్యా ప్రభుత్వం ఆదుకోవాలని సీపీఎం మండల కార్యదర్శి రొంగలి ముత్యాలనాయుడు కోరారు. అనకాపల్లిని కరువు జిల్లాగా ప్రకటించాలని డిమాండ్‌ చేస్తూ పార్టీ నాయకులు సోమవారం స్థానిక తహసీల్దార్‌ కార్యాలయం వద్ద నిరసన చేపట్టారు. ఈ సందర్భంగా ముత్యాలనాయుడు మాట్లాడుతూ అప్పులు చేసి వరినారు మడులను సిద్ధం చేశారని, వర్షాలు లేక అవి ఎండిపోవడంతో రైతులు అప్పులను మూటకట్టుకోవాల్సిన పరిస్థితి ఏర్పడిందని వాపోయారు. ప్రభుత్వం రైతులకు పంట నష్టం అందించడంతో పాటు ఉపాధి పని దినాలను 200 రోజులు కల్పించి రోజుకి రూ.600 వేతనం ఇవ్వాలని కోరారు. నాయకులు ఈర్లె నాయుడుబాబు, గండి నాయినిబాబు, గాడి ప్రసాద్‌ పాల్గొన్నారు.

చింతపల్లి: రానున్న స్థానిక సంస్థల ఎన్నికల బ్యాలెట్‌ బాక్సులను భద్రపరిచే గిరిజన సంక్షేమ గురుకుల బాలుర కళాశాలను ఎంపీడీవో లాలం సీతయ్య సోమవారం పరిశీలించారు. కళాశాలలో రిసప్షన్‌ కౌంటర్‌, స్ట్రాంగ్‌ రూం, కౌంటింగ్‌ వెరిఫికేషన్‌ కేంద్రాలను తనిఖీ చేశారు. కళాశాలలో ఉన్న విద్యుత్‌, తాగునీరు, ఫర్నిచర్‌ తదితర సౌకర్యాలను నిశితంగా పరిశీలించారు. ఈ కార్రక్రమంలో ఎంఈవో పనసల ప్రసాద్‌, డిప్యూటీ ఎంపీడీవో సీతామహాలక్ష్మి, ప్రిన్సిపాల్‌ రమణమూర్తి, సీనియర్‌ అసిస్టెంట్‌ రామారావు, తదితరులు పాల్గొన్నారు.

సాక్షి, పాడేరు: స్థానిక ఎన్నికల సామగ్రి జిల్లా కేంద్రం పాడేరుకు సోమవారం చేరుకుందని జిల్లా పంచాయతీ అధికారి చంద్రశేఖర్‌ తెలిపారు. జిల్లాలో స్థానిక ఎన్నికలకు సంబంధించి ముఖ్యమైన ఎన్నికల సామగ్రి కిట్లను రాష్ట్ర ఎన్నికల కమిషన్‌ పంపడంతో వాటిని స్వీకరించామన్నారు. జిల్లా ఎన్నికల అధికారి కలెక్టర్‌ టి.నిశాంతి ఆదేశాల మేరకు భద్రతా ప్రమాణాలకు అనుగుణంగా స్ట్రాంగ్‌ రూమ్‌లో భద్రపరిచామని డీపీవో తెలిపారు. జిల్లా వ్యాప్తంగా స్థానిక ఎన్నికల నిర్వహణకు ఏర్పాట్లు చురుగ్గా జరుగుతున్నాయన్నారు.

కశింకోట: మద్యం బెల్టు దుకాణాలు యథేచ్ఛగా నిర్వహిస్తున్నారని, అధికారుల దృష్టికి తీసుకెళ్లినా పట్టించుకోవడం లేదని కల్లు గీత కార్మిక సంఘం జిల్లా కార్యదర్శి యర్రా దేముడు విమర్శించారు. స్థానిక నూకాంబిక అమ్మవారి ఆలయం వద్ద సోమవారం జరిగిన జిల్లా కల్లు గీత కార్మికుల సంఘం సమావేశంలో ఆయన మాట్లాడారు. బెల్టు దుకాణాల నిర్మూలనకు కలెక్టర్‌ కార్యాలయం వద్ద ధర్నా నిర్వహించి వినతి పత్రం అందజేశామన్నారు. బెల్టు దుకాణాల వల్ల గీత కార్మికుల జీవనోపాధి కోల్పోవాల్సి వస్తోందని ఆవేదన వ్యక్తం చేశారు. మద్యం దుకాణాల లైసెన్స్‌ నవీకరణను ప్రభుత్వం నిలుపుదల చేసి, గీత వృత్తి కార్మికులను ఆదుకోవాలని డిమాండ్‌ చేశారు. కేవలం 20 శాతం మద్యం దుకాణాలను గీత కార్మికులకు కేటాయించడం సమంజసం కాదన్నారు. వీటి సంఖ్యను పెంచి గీత కార్మికుల జీవనోపాధి మెరుగుపర్చాలని కోరారు. గతంలో అమలు చేసిన ఆదరణ పథకాన్ని ప్రభుత్వం పునరుద్ధరించాలని డిమాండ్‌ చేశారు. సంఘం జిల్లా అధ్యక్షుడు బత్తిన నాగేశ్వరరావు అధ్యక్షతన జరిగిన సమావేశంలో సంఘ సభ్యులు కట్టా ఈశ్వరరావు, రాయి ఆనంద్‌, గండిబోయిన అప్పారావు, దొడ్డి నారాయణ, సన్యాసిరావు తదితరులు పాల్గొన్నారు.

తుమ్మపాల: పీజీఆర్‌ఎస్‌లో ప్రజల నుంచి స్వీకరించిన అర్జీల పరిష్కారంలో అధికారులు నిర్లక్ష్యం వహించరాదని కలెక్టర్‌ విజయ కృష్ణన్‌ ఆదేశించారు. సోమవారం కలెక్టరేట్‌ సమావేశ మందిరంలో నిర్వహించిన పీజీఆర్‌ఎస్‌, రెవెన్యూ క్లినిక్‌ కార్యక్రమాల్లో ఆమెతో పాటు జాయింట్‌ కలెక్టర్‌ శౌర్యమాన్‌ పటేల్‌, డీఆర్వో వై.సత్యనారాయణరావు ప్రజల నుంచి అర్జీలు స్వీకరించారు. మొత్తం 265 ఫిర్యాదులు నమోదయ్యాయి. ఈ సందర్భంగా కలెక్టర్‌ మాట్లాడుతూ ప్రజల నుంచి అందిన అర్జీలను సంబంధిత అధికారులు వెంటనే పరిశీలించి గడువులోగా పరిష్కరించాలన్నారు. అర్జీదారులతో అధికారులు నేరుగా మాట్లాడి సమస్య స్వరూపాన్ని తెలుసుకోవాలని సూచించారు. పరిష్కారం సాధ్యం కాని అర్జీల విషయంలో కారణాలను అర్జీదారులకు స్పష్టంగా వివరించాలని సూచించారు. తద్వారా అర్జీలు తిరిగి నమోదయ్యే పరిస్థితిని నివారించవచ్చన్నారు. పీజీఆర్‌ఎస్‌కు వచ్చిన అర్జీదారుల కోసం జిల్లా యంత్రాంగం ఆధ్వర్యంలో ఉచిత భోజన సదుపాయం ఏర్పాటు చేశారు.ఈ కార్యక్రమంలో జిల్లా ఎకై ్సజ్‌ అధికారి వి.సుధీర్‌, జిల్లా సర్వే, భూ రికార్డుల సహాయ సంచాలకులు గోపాల్‌రాజ, జిల్లా వ్యవసాయ అధికారి ఆశాదేవి, ఐసీడీఎస్‌ పీడీ సూర్యలక్ష్మి పాల్గొన్నారు. ఎన్నిసార్లు మొరపెట్టుకున్నా... వ్యయప్రయాసలకోర్చి వచ్చి పీజీఆర్‌ఎస్‌లో ఎన్నిసార్లు మొరపెట్టుకున్నా మా గోడు ఎవరూ పట్టించుకోవడం లేదని, సమస్యలు పరిష్కారం కావడం లేదని పలువురు అసహనం వ్యక్తం చేశారు. కలెక్టరేట్‌ గేటు వద్ద కొందరు నిరసన వ్యక్తం చేశారు. ఫ్లైఓవర్‌ నిర్మాణాన్ని నిలిపివేయాలి అనకాపల్లి పట్టణంలోని లక్ష్మీదేవిపేట రైల్వేగేటు నుంచి భీమునిగుమ్మం వీధి వరకు చేపట్టనున్న ఫ్లైఓవర్‌ నిర్మాణాన్ని నిలిపివేయాలని అంబేడ్కర్‌ ఎడ్యుకేషన్‌ సొసైటీ ప్రతినిధులు డిమాండ్‌ చేశారు. ఈ మేరకు కలెక్టరేట్‌ వద్ద నిరసన వ్యక్తం చేశారు. ఈ సందర్భంగా పలువురు మాట్లాడుతూ భీమునిగుమ్మం వీధిలో సుమారు 250 దళిత కుటుంబాలు నివసిస్తున్నాయని, ఫ్లైఓవర్‌ నిర్మాణం చేపడితే అక్కడ ఉన్న డాక్టర్‌ బి.ఆర్‌. అంబేడ్కర్‌ మున్సిపల్‌ పాఠశాల విద్యార్థులు ప్రమాదాల బారిన పడే అవకాశం ఉందని ఆందోళన వ్యక్తం చేశారు. ఇళ్ల వద్ద రహదారి వెడల్పు తగ్గడంతో వాహనాలు, పాదచారుల రాకపోకలకు ఇబ్బందులు తలెత్తే అవకాశం ఉందన్నారు. అంబేడ్కర్‌ విగ్రహం, రైల్వే స్టేషన్‌ పరిసరాలు కూడా కనిపించకుండా పోయే పరిస్థితి ఏర్పడుతుందన్నారు. జిల్లా అధికారులు ప్రతిపాదిత ఫ్లైఓవర్‌ ప్రాంతాన్ని, రైల్వే స్టేషన్‌ వద్ద మోడల్‌ రైలు ఏర్పాటుకు చేపట్టిన పనుల ప్రాంతాన్ని పరిశీలించి, ప్రజలకు ఇబ్బందులు కలగకుండా తగిన నిర్ణయం తీసుకోవాలని అంబేడ్కర్‌ ఎడ్యుకేషన్‌ సొసైటీ ప్రతినిధులు కోరారు. అంతకు ముందు కలెక్టర్‌కు ఈ సమస్యలపై అర్జీ అందజేశారు. ఎస్సీ బాధితులకు సత్వర పరిష్కారం కల్పించాలి షెడ్యూల్డ్‌ కులాలకు చెందిన వ్యక్తుల కేసుల్లో సత్వరమే పరిష్కారం కల్పించాలని డిమాండ్‌ చేస్తూ బహుజన సమాజ్‌వాది పార్టీ ఆధ్వర్యంలో కలెక్టరేట్‌ వద్ద నిరసన వ్యక్తంచేశారు. ఈ సందర్భంగా పార్టీ జిల్లా అధ్యక్షుడు మల్లవరపు లోవచందు మాట్లాడుతూ ఎస్సీ, ఎస్టీ అట్రాసిటీ కేసుల్లో చట్టం, నిబంధనలకు అనుగుణంగా కఠిన చర్యలు తీసుకోవాలన్నారు. స్థానిక పోలీసులపైనే ఆరోపణలు ఉన్న సందర్భాల్లో అదే యంత్రాంగంతో దర్యాప్తు చేయడం వల్ల ప్రయోజనం ఉండదని తెలిపారు. అటువంటి కేసులను స్వతంత్ర దర్యాప్తు సంస్థ లేదా ఉన్నతస్థాయి దర్యాప్తు బృందానికి అప్పగించాలని కోరారు. అనంతరం కలెక్టర్‌కు అర్జీ అందజేశారు.

నక్కపల్లి : మండలంలోని రాజయ్యపేటలో ఓ ఇంట్లో సోమవారం చోరీ జరిగింది. సుమారు రూ.9 లక్షల విలువైన వెండి, బంగారు ఆభరణాలు అపహరణకు గురయ్యాయి. బాధితురాలు పోలీసులకు తెలిపిన మేరకు వివరాలివి. గ్రామానికి చెందిన చోడిపల్లి చిట్టమ్మ ఉదయం తన ఇంటి తలుపులు వేసుకొని తాళం వేయకుండా వేరొకరి ఇంటికి వెళ్లింది. గంట తర్వాత ఇంటికి వచ్చి చూసేసరికి వెనుక వైపు తలుపులు తెరిచి ఉన్నాయి. ఇంట్లో ట్రంక్‌ పెట్టె కనిపించలేదు. ఈ పెట్టెలో ఉన్న రెండు తులాల బంగారు గాజులు, రెండు తులాల పుస్తెల తాడు, 20 తులాల వెండి పట్టీలు కనిపించలేదు. తన ఇంట్లో దొంగతనం జరిగినట్టు గుర్తించిన ఆమె పోలీసులకు ఫిర్యాదు చేసింది. సీఐ జె. మురళి తన సిబ్బందితో వెళ్లి చోరీ జరిగిన ఇంటిని పరిశీలించారు. కేసు నమోదు చేసి దర్యాప్తు చేస్తున్నామని సీఐ తెలిపారు.

సాక్షి, విశాఖపట్నం: రైల్వే ప్రయాణికుల ఆరోగ్యమే ప్రధాన లక్ష్యంగా దక్షిణ కోస్తా రైల్వే జోన్‌ సరికొత్త ప్రమాణాలకు శ్రీకారం చుట్టింది. రైల్వే స్టేషన్లకు వచ్చే ప్రయాణికులతో పాటు, రైల్వే క్వార్టర్లలో నివసించే సిబ్బందికి వంద శాతం సురక్షితమైన, నాణ్యమైన తాగునీటిని అందించేందుకు జోనల్‌ స్థాయి యంత్రాంగం విశేష కృషి చేస్తోంది. నిరంతర నాణ్యతా పర్యవేక్షణ, ఎప్పటికప్పుడు తనిఖీల ద్వారా నీటిలో ఎలాంటి కాలుష్యం లేకుండా చర్యలు తీసుకుంటూ దక్షిణ కోస్తా రైల్వే ఆదర్శంగా నిలుస్తోంది. రైల్వే స్టేషన్లలో తాగునీరు సురక్షితం కాదని, ఇందులో హానికారక బ్యాక్టీరియాలు ఉన్నట్లు పలు నివేదికలు స్పష్టం చేస్తున్నాయంటూ కేంద్ర ప్రభుత్వం విడుదల చేసిన నివేదికలు ఇటీవల హెచ్చరించాయి. దీనిపై స్పందించిన దక్షిణ కోస్తా రైల్వే జోన్‌ అధికారులు తమ పరిధిలోని అన్ని ప్రాంగణాల్లో తాగునీటి నాణ్యతపై విస్తృత స్థాయిలో పరీక్షలు నిర్వహించారు. మొత్తం 195 రైల్వే స్టేషన్లలో ఈ డ్రైవ్‌ చేపట్టారు. నీరు కలుషితం కాకుండా ఉండేందుకు నిర్వహించిన 12,790 రెసిడ్యువల్‌ క్లోరిన్‌ నమూనా పరీక్షల్లో నీరు 100 శాతం సురక్షితమని తేలింది. అలాగే 1,051 బ్యాక్టీరియలాజికల్‌ పరీక్షలు నిర్వహించగా, అందులోనూ 100 శాతం విజయవంతమయ్యాయి. ఈ నీరు నేరుగా తాగేందుకు జీవశాస్త్రపరంగా, ఆరోగ్యపరంగా పూర్తిగా సురక్షితమని నివేదికలు స్పష్టం చేశాయి. రైల్వే కాలనీలు, ఆస్పత్రుల్లోనూ.. ప్రయాణికులకే కాకుండా రైల్వే ఉద్యోగుల సంక్షేమానికి కూడా అధికారులు అత్యధిక ప్రాధాన్యత ఇస్తున్నారు. రైల్వే కాలనీలు, ఆస్పత్రులు, హెల్త్‌ యూనిట్లు, శిక్షణా సంస్థలు, రైల్వే పాఠశాలలు, డీఆర్‌ఎం కార్యాలయాలు, వర్క్‌షాప్‌లు, ఇతర విభాగాల కార్యాలయాల్లోనూ నీటి నాణ్యతను పరీక్షించారు.జోన్‌ పరిధిలోని వివిధ జిల్లాల్లో ఉన్న 68 రైల్వే కాలనీల్లో నిర్వహించిన క్లోరిన్‌ పరీక్షలు, 29 కాలనీలు, వైద్య విభాగాల్లో చేపట్టిన బ్యాక్టీరియలాజికల్‌ పరీక్షల్లో నూటికి నూరు శాతం సానుకూల ఫలితాలు వచ్చాయి. దీంతో సిబ్బందికి సైతం స్వచ్ఛమైన నీరు అందుతున్నట్లు నిర్ధారణ అయింది.ఈ కార్యక్రమాన్ని దక్షిణ కోస్తా రైల్వే జోన్‌ జనరల్‌ మేనేజర్‌ సందీప్‌ మాథుర్‌ స్వయంగా పర్యవేక్షించారు. క్షేత్రస్థాయి పర్యటనల్లో భాగంగా స్టేషన్లలోని ప్రయాణికులతో, కాలనీల్లోని రైల్వే సిబ్బంది కుటుంబాలతో నేరుగా మాట్లాడి నీటి నాణ్యత, ఇతర సదుపాయాలపై ఫీడ్‌బ్యాక్‌ తీసుకున్నారు. జోన్‌లోని వైద్య, ఆరోగ్య, పర్యావరణ, ఇంజినీరింగ్‌ విభాగాలు సంయుక్తంగా ఈ కార్యక్రమంలో భాగస్వాములయ్యాయి. 24 గంటల పాటు అప్రమత్తంగా ఉంటూ నీటిలో ఖనిజాల సమతుల్యత దెబ్బతినకుండా రసాయన పరీక్షలు నిర్వహిస్తున్నాయి. మిషన్‌ మోడ్‌లో దక్షిణకోస్తా రైల్వే జోన్‌ జోన్‌ పరిధిలో ప్రయాణి కులు కానీ.. ఉద్యోగులు కానీ.. ఎక్కడ నీరు తాగి నా సురక్షితమేనని మే ము భరోసా ఇస్తున్నాం. భవిష్యత్తులోనూ ఇదే తరహాలో నాణ్యతా ప్రమాణాలు పాటించేందుకు కంకణం కట్టుకున్నాం. అన్ని రైల్వే స్టేషన్లు, కాలనీలు, ఇతర కార్యాలయాల్లో ప్రయాణికులకు, సిబ్బందికి ఎల్లప్పుడూ స్వచ్ఛమైన, పరిశుభ్రమైన తాగునీరు అందించడమే లక్ష్యంగా ‘మిషన్‌ మోడ్‌’లో పనిచేసేందుకు సిద్ధమయ్యాం. – సందీప్‌ మాథుర్‌, దక్షిణ కోస్తా రైల్వే జోన్‌ జీఎం

విశాఖ విద్య: మధ్యంతర ఆదేశాలను అమలు చేయకపోవడం, కోర్టు ఉత్తర్వులను ఉద్దేశపూర్వకంగా ధిక్కరించడంపై ఆంధ్రప్రదేశ్‌ హైకోర్టు ఏయూ వీసీ, ఇతర బాధ్యులపై తీవ్ర ఆగ్రహం వ్యక్తం చేసింది. ఈ వ్యవహారంలో ఆంధ్ర విశ్వవిద్యాలయం వైస్‌ చాన్సలర్‌ ప్రొఫెసర్‌ జీపీ రాజశేఖర్‌, రిజిస్ట్రార్‌ ప్రొఫెసర్‌ కె. రాంబాబులకు కోర్టు ధిక్కరణ నోటీసులు జారీ చేసింది. ఈ నెల 29న న్యాయమూర్తి జస్టిస్‌ న్యాయపతి విజయ్‌ సమక్షంలో వ్యక్తిగతంగా గానీ, లేదా తమ న్యాయవాది ద్వారా గానీ హాజరుకావాలని స్పష్టమైన ఆదేశాలు ఇచ్చింది. కేసు వివరాలు ఇవీ.. ఆంధ్ర విశ్వవిద్యాలయం ఇంజినీరింగ్‌ కళాశాలలోని కంప్యూటర్‌ సైన్స్‌, ఎలక్ట్రానిక్స్‌ విభాగాల్లో సెల్ఫ్‌ సపోర్ట్‌ ఇంజినీరింగ్‌ కోర్సుల కోసం జాతీయ స్థాయి ప్రకటన ద్వారా సుమారు మూడేళ్ల క్రితం 11 మంది అడహాక్‌ ఫ్యాకల్టీ నియామకం జరిగింది. విశ్వవిద్యాలయ ఎగ్జిక్యూటివ్‌ కౌన్సిల్‌ అనుమతితోనే తమ నియామకాలు జరిగాయని అడహాక్‌ అధ్యాపకులు కోర్టుకు పేర్కొన్నారు.వీరు దాఖలు చేసిన రిట్‌ పిటిషన్‌ (16953/2026)ను పరిశీలించిన న్యాయస్థానం, వారి సేవలను కొనసాగించాలని హైకోర్టు మధ్యంతర ఆదేశాలు జారీ చేసింది. అయితే వర్సిటీ యంత్రాంగం కోర్టు ఆదేశాలను పక్కనపెట్టి తమను విధుల నుంచి తొలగించిందని బాధితులు తెలిపారు. అంతే కాకుండా తమ స్థానంలో ప్రత్యామ్నాయంగా కొందరిని నియమించారని ఆరోపిస్తూ బాధితులు హైకోర్టులో ధిక్కరణ పిటిషన్‌ దాఖలు చేశారు. కలెక్టర్‌, ఈసీ వివక్ష తాజా కోర్టు ఆదేశాలపై ఇప్పటికే కలెక్టర్‌కు, ఏయూ ఎగ్జిక్యూటివ్‌ కౌన్సిల్‌కు వినతిపత్రాలు సమర్పించినప్పటికీ యంత్రాంగం నుంచి ఎలాంటి స్పందన రాలేదని బాధిత అడహాక్‌ ఫ్యాకల్టీ ఆవేదన వ్యక్తం చేసింది. క్యాంపస్‌లో తమతో సమాన హోదా ఉన్న ఇతర కాంట్రాక్ట్‌ బోధనా సిబ్బంది, నాన్‌–టీచింగ్‌ సిబ్బంది పట్ల ఒకలా, తమ పట్ల మరోలా వ్యవహరిస్తూ తీవ్ర వివక్ష చూపిస్తున్నారని ఆరోపించారు. ఈ అంశాలన్నింటినీ హైకోర్టు దృష్టికి తీసుకెళ్తామని స్పష్టం చేశారు.ఈ నేపథ్యంలోనే ధిక్కరణ పిటిషన్‌ను విచారణకు స్వీకరించిన హైకోర్టు, ఈ నెల 29న తమ ముందు హాజరై వివరణ ఇవ్వాలని వీసీ, రిజిస్ట్రార్‌లను ఆదేశించింది. కోర్టు ధిక్కరణపై వీసీ, రిజిస్ట్రార్‌కు నోటీసులు రేపు వ్యక్తిగతంగాహాజరుకావాలని ఆదేశాలు. మధ్యంతర ఉత్తర్వులను ఖాతరు చేయకపోవడంపై సీరియస్‌ వీసీ మెడకు తాత్కాలిక అధ్యాపకుల తొలగింపు వ్యవహారం

● అడవితల్లిబాట బీటలు వారుతోంది ● మాజీ మంత్రి పసుపులేటి బాలరాజు చింతపల్లి: మన్యంలో చేపడుతున్న జాతీయ రహదారి నిర్మాణ పనుల్లో సంబంధిత అధికారుల, కాంట్రాక్టర్లు ప్రజాభద్రతా ప్రమాణాలను పూర్తి విస్మరిస్తున్నారని వైఎస్సార్‌సీపీ కేంద్ర కార్యనిర్వాహక సభ్యుడు, మాజీ మంత్రి పసుపులేటి బాలరాజు ఆరోపించారు. ఆయన ఆదివారం చింతపల్లిలో విలేకరులతో మాట్లాడుతూ జాతీయ రహదారి నిర్మాణ పనుల్లో పారదర్శకత లేకపోవడంతో అనేక ప్రాంతాల్లో ప్రజలు అనేక ఇబ్బందులు పడుతున్నారన్నారు. ముఖ్యంగా కొయ్యూరు నుంచి పాడేరు మార్గంలో చింతాలమ్మ, రంపులు, ఘాట్‌రోడ్డులో తరచూ కొండచరియలు విరిగిపడడంతో ప్రయాణాలు సాగించే వారు ఎంతో ఇబ్బందులుపడాల్సి వస్తుందన్నారు. పాడేరు జిల్లా కేంద్రం నుంచి జి.మాడుగులు, చింతపల్లి వచ్చే రహదారిలో తాత్యాలిక వంతెనలు భారీ వర్షాలకు కొట్టుకు పోవడంతో గడిచిన నాలుగు రోజులైనా ప్రత్యామ్నాయ ఏర్పాటు చేయడంలో ప్రభుత్వ అధికారులు పూర్తి నిర్లక్ష్యధోరణితో వ్యవహరిస్తున్నారని ఆరోపించారు. గతంలో ఇంతకంటే పెద్ద విపత్తులు వచ్చినప్పుడూ కూడా ముఖ్యమైన రహదారిలో రాకపోకలు నిలిచిపోవలేదని గుర్తు చేశారు. జిల్లా కేంద్రం నుంచి చింతపల్లి, సీలేరు, నర్పీపట్నం రాజమండ్రి ప్రాంతాలకు అవసరమైన జాతీయ రోడ్డు పరిస్థితి ఇలా ఉంటే మారుమూల గిరిజన గ్రామాల పరిస్థితిపై అధికారులు ఏ విధంగా స్పందిస్తారో అర్థమవుతుందన్నారు. జాతీయ రహదారి పేరుతో వందలాది ఎకరాలకు ఉపయోగపడే పెదవలస, మడిగుంట, తాజంగి, జి.మాడుగుల.కరకపుట్టు వంటి పురాతన చెరువులను కోల్పోవలసి వచ్చిందన్నారు. ప్రచార ఆర్భాటమే..అభివృద్ధి జాడలేదు కూటమి ప్రభుత్వం ప్రచార ఆర్భాటమే తప్పితే అబివృద్ధి జాడలేదని బాలరాజు విమర్శించారు. మన్యంలో అడవి తల్లిబాట పేరిట చేసిన ఎక్కడ అభివృద్ధి జరిగిందో శ్వేత పత్రం విడుదల చేయాలన్నారు. కోట్లాది రూపాయలతో అడవితల్లి బాటలు ఎక్కడ, ఎంతమేర, ఎన్ని గ్రామాలకు నిర్మించారో తెలియజేయాలన్నారు. ఏ ఏ గ్రామాలకు ఈ రహదారుల వలన అంబులెన్స్‌, ఆటో, బస్సు వంటి రవాణా సౌకర్యం కలిగిందో చెప్పాలని ప్రశ్నించారు. విబిజీ రాంజీ పథకం పేరిట మైదాన ప్రాంతాల నుంచి కాంట్రాక్టర్లును దిగుమతి చేసుకుని కోట్లాది రూపాయలు చెల్లించడం తప్పితే ఎక్కడా బీటలు తప్పితే బాటలు కానరాలేదన్నారు. కూటమి ప్రచార ఖర్చుతో మన్యంలో ఎన్నో అభివృద్ది కార్యక్రమాలను చేపట్టవచ్చునన్నారు. ఇప్పటికై నా కూటమి ప్రభుత్వ నాయకులు ప్రచార ఆర్బాటాలకు పోకుండా మన్యప్రాంత అభివృద్ధిని బాద్యత తీసుకుని వ్యవహరించాలన్నారు. వైఎస్సార్‌సీపీ రైతు విభాగం రాష్ట్ర కార్యదర్శి బూసరి కృష్ణారావు, నాయకులు రీమలి మౌళి, సతీష్‌ తదితరలు పాల్గొన్నారు.

‘ఐసుగెడ్డ’లో సీలేరు: అల్లూరి సీతారామరాజు జిల్లా ప్రకృతి అందాలకు పెట్టింది పేరు. శీతాకాలంతో పాటు ఇతర కాలాల్లో వివిధ అందాలు పర్యాటకులను ఆకట్టుకునే విధంగా ఉంటాయి. ఇందులో భాగంగానే సీలేరులో ఇరుముడి సినిమా చిత్రీకరణ అనంతరం ఈ ప్రాంతం బాగా పేరొందింది. సీలేరు అందాలు పర్యాటకులకు గుర్తు చేశాయి. ఈ నేపథ్యంలో గత వారం రోజులుగా కురిసిన భారీ వర్షాలకు సీలేరు పరిసర ప్రాంత జలపాతాలు ళకళలాడుతున్నాయి. జలపాతాలు పాలనురగల నీటితో జాలు వారుతున్నాయి. సీలేరు సమీప అంతర్రాష్ట్ర రహదారి పక్కనే ఉన్న ఐసుగెడ్డ జలపాతం పర్యాటక ప్రాంతంగా పేరుపొందింది. ఈ ప్రాంతానికి పర్యాటకుల సంఖ్య పెరుగుతోంది. ఇక్కడ వందల అడుగుల నుంచి జాలువారుతున్న నీటి వద్ద పర్యాటకులు ఫోటోలు తీసుకొని సందడి చేస్తుంటారు. ఈ జలపాతం వద్ద ఆదివారం అధిక సంఖ్యలో పర్యాటకులు వచ్చారు. జలకాలాడుతూ జలపాతం వద్ద ఫోటోలు తీసుకుంటూ సందడి చేశారు సీలేరు అంతట మంచు కురుస్తూ ప్రకృతి అందాలు మరింత మైమరిపించాయి.

పాయకరావుపేట : విద్యుత్‌ షాక్‌కు గురై వ్యక్తి మృతి చెందినట్టు ఎస్‌ఐ ఆలీ తెలిపారు. మండలంలో గల సత్యవరం గ్రామానికి చెందిన గేదెల మల్లేశ్వరరావు (60) అను వ్యక్తి పెదరాంభద్రపురం గ్రామానికి చెందిన రైతు తమలపాకు తోటలో పని చేయుటకు వెళ్ళాడు. తమలపాకు తోటలో వున్న విద్యుత్‌ స్తంభం కరెంట్‌ వైర్లు తెగి పని చేసుకుంటున్న మల్లేశ్వరరావు పై పడినవి. విద్యుత్‌ షాక్‌కు గురై అక్కడికక్కడే మరణించినట్టు ఎస్‌ఐ తెలిపారు. మృతదేహాన్ని పోస్టుమార్టం నిమిత్తం నక్కపల్లి ప్రభుత్వ ఆసుపత్రికి తరలించడం జరిగిందని, అనంతరం మృతదేహాన్ని కుటుంబ సభ్యులకు అప్పగించడం జరిగిందని, కేసు నమోదు చేసి దర్యాప్తు చేస్తున్నట్టు ఎస్‌ఐ ఆలీ తెలిపారు.

● ఎంపీడీవో కుటుంబ సభ్యులు రూ. 3.50 లక్షల విరాళం నక్కపల్లి: మండలంలోని ఒడ్డిమెట్ట లక్ష్మీగణపతి ఆలయానికి కాకినాడ జిల్లా కోటనందూరు ఎంపీడీవో పుప్పాల వెంకటనారాయణ, ఆయన కుమారుడు, ఫాల్క్‌ ఇండియా ప్రైవేట్‌ లిమిటెడ్‌ డైరెక్టర్‌ చైతన్యశ్రీనివాస్‌, మోహన్‌ అలేఖ్య దంపతులు రూ.3.50 లక్షల విలువైన టైల్స్‌ వేయించారు. వెంకటనారాయణ గతంలో నక్కపల్లి, పాయకరావుపేట మండలాల్లో ఈవోపీఆర్‌డీగా పనిచేశారు. పాయకరావుపేట పట్టణానికి చెందిన ఈయన పదోన్నతిపై కోటనందూరు ఎంపీడీవోగా వెళ్లారు. టైల్స్‌ ఏర్పాటు చేయించిన సందర్భంగా వెంకటనారాయణ కుటుంబ సభ్యులను ఆలయ వర్గాలు ఘనంగా సత్కరించి, స్వామివారి చిత్రపటాన్ని అందజేశాయి.

యలమంచిలి రూరల్‌ : దొంగనోట్ల చలామణీ వ్యవహారం బెడిసికొట్టడం, అత్యాశకు పోవడం వల్ల పట్టణానికి చెందిన ఒక వ్యాపారి తూర్పు గోదావరి జిల్లాలో హత్యకు గురైన సంఘటన తీవ్ర కలకలం రేపింది. 10రోజులైనా వ్యాపారి మృతదేహం లభించకపోవడంతో రెండు జిల్లాల పోలీసులకు ఈ కేసు సవాల్‌గా మారింది. యలమంచిలిలో కర్రి వర ప్రకాష్‌రావు (49) అనే వ్యాపారి ఉమ్మడి తూర్పుగోదావరి జిల్లాలో ఈ నెల 18న హత్యకు గురైన సంఘటనలో దొంగనోట్ల వ్యవహారమే కీలకంగా మారిందని రెండు జిల్లాల పోలీసులు ప్రాథమికంగా నిర్ధారించారు. విశ్వసనీయ వర్గాల నుంచి సేకరించిన,యలమంచిలి పట్టణ ఎస్‌ఐ కె.సావిత్రి అందించిన సమాచారం ప్రకారం... వివరాలివి. యలమంచిలి పాత ఎస్‌బీఐ కాలనీలో నివాసం ఉంటున్న కర్రి వర ప్రకాశరావు (49) పాతకార్లు, ఇతరత్రా వ్యాపారం సాగిస్తుంటాడు. ఈ నెల 20న వ్యాపారి భార్య సత్య తన భర్త కనిపించడం లేదని ఇచ్చిన ఫిర్యాదు మేరకు పట్టణ పోలీసులు మిస్సింగ్‌ కేసు నమోదు చేశారు. ఆ తర్వాత పోలీసుల దర్యాప్తులో వ్యాపారి హత్యోదంతం వెలుగు చూసింది. ఈ నెల 16న తనతో పాటు మరో ఇద్దరితో ప్రకాష్‌రావు సామర్లకోట రైల్వేస్టేషన్‌కు చే రుకున్నారు. అక్కడకు అమలాపురం పట్టణం శ్రీరాంపురం ప్రాంతానికి చెందిన ఓ వ్యాపారి, ముమ్మిడివరం మండలం మహిపాల చెరువుకు చెందిన ఆటోడ్రైవర్‌లతో ముందుగా కుదుర్చుకున్న ఒప్పందం ప్రకారం 1:4 నిష్పత్తిలో దొంగనోట్లు ఇస్తామని చెప్పారు. అమలాపురానికి చెందిన వ్యాపారి నుంచి రూ.10 లక్షలు తీసుకుని ప్రకాష్‌ వెనుక వచ్చిన ఇద్దరు వ్యక్తులు కన్ను కప్పి పరారయ్యారు. దీంతో వారికి దొరికి పోయిన వర ప్రకాశ్‌ తన జీవితాన్ని పణంగా పెట్టాల్సివచ్చింది. రూ.10 లక్షలు తీసుకుని ప్రకాష్‌ వెనుక వచ్చిన ఇద్దరు వ్యక్తులు పారిపోవడంతో వ్యాపారి, ఆటోడ్రైవర్‌ కలిసి ప్రకాష్‌ను కారులో ఎక్కించుకుని అమలాపురం తీసు కొచ్చారు. పాశర్లపూడి బ్రిడ్జి కిందికి తీసుకెళ్లి హత్య చేశారు. మృతదేహాన్ని ధవళేశ్వర్వం బ్రిడ్జి మీద నుంచి గోదావరి నదిలోకి పడేసి నిందితులు పరారయ్యారు. ఈనెల 18వ తేదీ తెల్లవారు జామున వారు ఆ మృతదేహాన్ని గోదావరిలో పడేసినట్టు యలమంచిలి పోలీసులు తమ విచారణలో గుర్తించారు. ఇప్పటి వరకూ మృతదేహం దొరకలేదు. పోలీసుల అదుపులో ప్రధాన నిందితుడు అమలాపురం టౌన్‌ : కిడ్నాప్‌నకు గురైన అనకాపల్లి జిల్లా యలమంచిలికి చెందిన కర్రి వర ప్రకాష్‌ది హత్యేనని అక్కడి సీఐ ధనుంజయ్‌ ఆదివారం వెల్లడించారు. దర్యాప్తు నిమిత్తం అమలాపురం వచ్చిన ఆయన మాట్లాడుతూ కోనసీమ జిల్లా అమలాపురం శ్రీరామపురం సెంటర్‌లో షణ్ముఖ సాయి జనరల్‌ స్టోర్స్‌ నిర్వహిస్తున్న వ్యాపారి కేదారశెట్టి నాగ విజయ్‌ గణేష్‌ ఈ హత్య కేసులో ప్రధాన నిందితుడు కాగా, రెండో నిందితుడు ముమ్మిడివరం మండలం మహిపాలచెరువు గ్రామానికి చెందిన ఆటో డ్రైవర్‌ రామాంజనేయులని ఆయన తెలిపారు. దొంగనోట్ల మార్పిడిలో జరిగిన మోసమే ప్రకాష్‌ హత్యకు దారి తీసినట్టు తెలిపారు. ఇక్కడి వ్యాపారి నాగ విజయ్‌ గణేష్‌ ఇంటికి వెళ్లి అతడిని అదుపులోకి తీసుకుని వరప్రకాష్‌ను హత్య చేసిన అల్లవరం మండలం గోడిలంక శ్మశానానికి వెళ్లి దర్యాప్తు చేశారు రెండో నిందితుడు రామాంజనేయులు పరారీలో ఉన్నట్టు ఆయన తెలిపారు. గుట్టుచప్పుడు గాకుండాదొంగనోట్ల చలామణీ ఈ వ్యవహారంలోనే యలమంచిలి వ్యాపారి హత్య 10 రోజులైనా దొరకని మృతదేహం పట్టణంలో కలకలం

పార్టీ నేతలకు కురసాల పిలుపు నర్సీపట్నం : రాబోయే మున్సిపాలిటీ ఎన్నికల్లో వైఎస్సార్‌సీపీ అభ్యర్థులు విజయాన్ని సాధించాలని ఆ పార్టీ రీజనల్‌ కో–ఆర్డినేటర్‌ కురసాల కన్నబాబు పిలుపునిచ్చారు. ఆదివారం ఆ పార్టీ నియోజకవర్గ కార్యాలయంలో మాజీ ఎమ్మెల్యే పెట్ల ఉమాశంకర్‌ గణేష్‌ ఆధ్వర్యంలో నిర్వహించిన సమావేశంలో ఆయన మాట్లాడారు. ఎన్ని కష్టనష్టాలు వచ్చినా మనవైపు నిలబడే వారినే అభ్యర్ధులుగా నిలపాలన్నారు. ప్రధానంగా నర్సీపట్నం పురపాలిక ఎన్నికల్లో అన్ని వార్డుల్లో బలమైన అభ్యర్ధులను నిలపాలన్నారు. ఎక్కడా ఏకగ్రీవాలకు తావివ్వరాదని స్పష్టం చేశారు. స్థానికంగా పోలీసులు, అధికార యంత్రాంగం మనకు వ్యతిరేకంగా పనిచేసే అవకాశముందని, అయినా ఎక్కడా రాజీపడకుండా గెలుపే లక్ష్యంగా పని చేయాలని పిలుపునిచ్చారు. మాజీ మంత్రి గుడివాడ అమర్నాథ్‌ మాట్లాడుతూ మున్సిపాలిటీని కై సవం చేసుకునేందుకు బలమైన అభ్యర్థులను రంగంలోకి దింపాలన్నారు. అభ్యర్థుల విజయానికి పార్టీ నాయకులు, కార్యకర్తలు కష్టపడి పనిచేయాలన్నారు. కూటమి ప్రభుత్వంపై ప్రజల్లో వ్యతిరేకత కనిపిస్తుందన్నారు. ఎన్నికల్లో ఇచ్చిన వాగ్దాఽనాలను నెరవేర్చలేదని, స్థానిక ఎన్నికల్లో ప్రజలు ప్రభుత్వానికి తగిన గుణపాఠం చెబుతారని అన్నారు. అనంతరం జిల్లా పార్టీ అధ్యక్షులు బొడ్డేడ ప్రసాద్‌ మాట్లాడుతూ వైఎస్సార్‌ కాంగ్రెస్‌ పార్టీకి స్థానిక సంస్థల ఎన్నికలు ప్రతిష్టాత్మకమని..పురపాలిక, గ్రామాల్లో తమ పార్టీ గాలి వీస్తోందన్నారు. ఎలక్షన్లను పార్టీ శ్రేణులు ధైర్యంగా ఎదుర్కొని విజయం సాధించాలన్నారు. వైఎస్సార్‌సీపీపై ప్రజల్లో ఆదరణ పెరిగిందన్నారు. గత ప్రభుత్వం..ప్రస్తుత ప్రభుత్వపై బేరీజు వేసుకుంటున్నారని అన్నారు. మాజీ ఎమ్మెల్యే పెట్ల ఉమాశంకర్‌ గణేష్‌ మాట్లాడుతూ అన్ని వార్డుల్లో వైఎస్సార్‌సీపీ అభ్యర్థుల గెలుపునకు కృషి చేస్తామన్నారు. జగన్‌మోహన్‌రెడ్డి ఆదేశాలతో అన్ని స్థానాల్లోను పోటీ చేస్తామన్నారు. మున్సిపాలిటీతో పాటు పంచాయతీల్లో గెలుపు తమదేనని ధీమా వ్యక్తం చేశారు. ఈ సమావేశంలో పార్టీ రాష్ట్ర కార్యదర్శి చింతకాయల సన్యాసిపాత్రుడు, టౌన్‌ పార్టీ అధ్యక్షులు ఏకా శివ, మున్సిపల్‌ మాజీ చైర్మన్‌ బొడపాటి సుబ్బలక్ష్మి, వైస్‌చైర్మన్లు కోనేటి రామకృష్ణ, తమరాన అప్పలనాయుడు, డాక్టర్‌ లక్ష్మీకాంత్‌, రాష్ట్ర కార్యదర్శులు మాకిరెడ్డి బుల్లిదొర, పెట్ల అప్పలనాయుడు, నియోజకవర్గ నాయకులు తమరాన శ్రీను, పార్టీ సీనియర్‌ నాయకులు, మాజీ కౌన్సిలర్లు, పార్టీ నాయకులు పాల్గొన్నారు.

చోడవరం: నిజాయితీ రాజకీయాలకు నిలువెత్తు నిదర్శనం వైఎస్సార్‌సీపీ సీనియర్‌ నాయకుడు, మాజీ మంత్రి దివంగత బలిరెడ్డి సత్యారావు అని మాజీ మంత్రి గుడివాడ అమర్‌నాథ్‌ అన్నారు. మండలంలోని పీఎస్‌పేటలో దివంగత బలిరెడ్డి 8వ వర్థంతిని ఆదివారం ఆయన అభిమానులు, వైఎస్సార్‌సీపీ కార్యకర్తలు నిర్వహించారు. బలిరెడ్డి విగ్రహానికి పూలమాలలు వేసి మాజీ ఎమ్మెల్యే చింతలపూడి వెంకటరామయ్యతో కలిసి అమర్‌నాథ్‌ ఘనంగా నివాళులర్పించారు. బలిరెడ్డి చేసిన సేవలను ఈ సందర్భంగా కొనియాడారు. మంత్రిగా, ఎమ్మెల్యేగా ఈ ప్రాంతానికి, జిల్లాకు ఎంతో సేవలు చేశారన్నారు. కార్యక్రమంలో పీఏసీఎస్‌ మాజీ అధ్యక్షుడు శానాపతి సత్యారావు, దన్నిన వెంకట్రావు, మాజీ వైస్‌ ఎంపీపీ బైన ఈశ్వరరావు, మార్కెట్‌ కమిటీ మాజీ చైర్మన్‌ వెంపలి ఆనందీశ్వరరావు, వైఎస్సార్‌సీపీ రైతు విభాగం జిల్లా అధ్యక్షుడు నాగులాపల్లి రాంబాబు, కోవెల జనార్దన్‌, పట్టణాధ్యక్షుడు దేవరపల్లి సత్య, జిల్లా ప్రతినిధులు బూడెడ్ల శంకరావు, బొడ్డేడ సూర్యనారాయణ, ఓరుగంటి నెహ్రూ, బూరే బాబూరావు, దొడ్డి వెంకట్రావు, పుట్రేవు శ్యామ్‌ప్రసాద్‌, చవితిన బాబూరావు, హారిక రామకృష్ణ, ఉప్పలబాబు, కోటేశ్వరరావు పాల్గొన్నారు.మాజీ మంత్రి గుడివాడ అమర్‌నాథ్‌

ద్వారకానగర్‌: కేవీఆర్‌ గ్రూప్‌ చైర్మన్‌ కాయల వెంకటరెడ్డి జన్మదిన వేడుకలను సీతమ్మధారలోని కేవీఆర్‌ ఎస్టేట్‌ కార్యాలయంలో ఆయన కుటుంబ సభ్యులు, స్నేహితులు, అభిమానుల సమక్షంలో ఆదివారం ఘనంగా నిర్వహించారు. విదేశీ పర్యటనలో ఉన్న వెంకటరెడ్డి తరఫున ఆయన సోదరుడు కాయల సూరారెడ్డి ఆధ్వర్యంలో కేక్‌ కట్‌ చేసి, ఆయనకు జన్మదిన శుభాకాంక్షలు తెలిపారు. కార్యక్రమంలో కేవీఆర్‌ కుమారుడు కాయల రవికృష్ణారెడ్డి, కొవ్వూరి బాలరెడ్డి, కర్రి మురళీకృష్ణారెడ్డి, సత్తి వీర వెంకట సత్యనారాయణరెడ్డి, గుజ్జు వెంకటరెడ్డి, కర్రి రామరెడ్డి, సాడి పద్మారెడ్డి, కుమారరెడ్డి, వివేకానందరెడ్డి, శ్రీను వాసురెడ్డితో పాటు పలువురు అభిమానులు పాల్గొన్నారు.

● చోడవరంలో అబ్బుపరిచిన చిత్ర ప్రదర్శన ● యువ చిత్రకారుల కుంచె నుంచిజాలువారిన సృజనాత్మక చిత్రాలు ఆర్ట్‌ గ్యాలరీ ప్రదర్శనలో ఉంచిన చిత్రాలుచోడవరం: ఒక చిత్రం వెయ్యి మాటలతో సమానం. మానవ భావోద్వేగాలను చరిత్రను ప్రకృతి అందాలను మన కళ్లముందు ఉంచుతుంది. అలాంటిది వందలాది చిత్రాలు ఒకే చోట ప్రదర్శనగా ఉంచితే ... ఆ కళ్లు బాపురే అనిపిస్తాయి. అలాంటి ఎన్నో అందమైన చిత్రాల ప్రదర్శనకు చోడవరం వేదికై ంది. ఇక్కడి చిత్రకళా నిలయం నిర్వాహకుడు బొడ్డేడ సూర్యనారాయణ ఆధ్వర్యంలో ప్రేమ సమాజం ఆవరణలో చిత్ర ప్రదర్శనను ఆదివారం ఏర్పాటు చేశారు. ఇవి చూపరులను ఆలోచింపచేస్తూ.. ఆకట్టుకుంది. ఎన్నో సృజనాత్మక చిత్రాలు, సంఘాన్ని మేల్కొల్పే బొమ్మలు, ఎందరో చిత్రకారుల చేతి నుంచి జాలువారిన మరెన్నో అందమైన ఊహాచిత్రాలు అందర్నీ కట్టిపడేసి ఔరా..అనిపించాయి. ఈ చిత్ర కళాప్రదర్శనను ఎమ్మెల్యే రాజు, నన్నయ్య యూనివర్సిటీ మాజీ వైస్‌ చాన్సలర్‌ ముర్రు ముత్యాలనాయుడు, ఫారెస్టు రేంజ్‌ ఆఫీసర్‌ బి.రామ్‌నరేష్‌తో పాటు అనేక మంది తిలకించారు. నేటితరం యువ చిత్రకారులు బొమ్మలు వేసి ఈ ప్రదర్శనలో ఉంచడం చూపరులను కట్టిపడేశాయి. ఈ సందర్భంగా నిర్వహించిన చిత్రలేఖనం పోటీల్లో ఉత్తమ బొమ్మలు వేసిన విద్యార్థులకు బహుమతులు అందజేశారు. కార్యక్రమంలో ఫోరం ఫర్‌ బెటర్‌ చోడవరం ప్రతినిధులు ఆర్క్‌ ప్రసాద్‌, దేముడు మాస్టారు, పి. తిరుపతిరావు, ప్రేమ సమాజం మేనేజర్‌ ప్రసాద్‌ రాజు, చిత్ర పరిషత్‌ జిల్లా కార్యదర్శి సుంకర చలపతిరావు, యల్లపు కళాసాగర్‌, డాక్టర్‌ విజయ కోటేశ్వరరావు పాల్గొన్నారు.

మహారాణిపేట: చిన్నతనంలో తల్లిదండ్రులను కోల్పోయిన పాయకరావుపేటకు చెందిన గరికిన శరణ్య విద్యాభ్యాసానికి విశాఖలోని సావిత్రిబాయి పూలే ఎడ్యుకేషనల్‌ అండ్‌ చారిటబుల్‌ ట్రస్ట్‌ అండగా నిలిచింది. అమ్మమ్మ సంరక్షణలో ఉంటూ కళాశాలలో చదువుకుంటున్న శరణ్య ఏడాదికి మొత్తం రూ.46 వేలు ఫీజుగా చెల్లించాల్సి ఉంది. కాలేజీ యాజమాన్యం రూ.10 వేలు ఫీజు మినహాయింపు ఇవ్వగా.. ఈ నెల 16న బెంగళూరుకు చెందిన దోర్నాల బిందుమాధవ్‌ పంపించిన రూ.10 వేలను మొదటి విడత ఫీజుగా ఆదివారం శరణ్యకు ట్రస్ట్‌ వ్యవస్థాపకురాలు గూడూ రు సీతామహాలక్ష్మి చెక్కు రూపంలో అందజేశారు.

నాతవరం: కృషి, పట్టుదల ఉంటే పోటీ పరీక్షల్లో విజయం సాధించవచ్చునని నర్సీపట్నం డీఎస్పీ పి. శ్రీనివాసరావు తెలిపారు. నాతవరం పాత పోలీసు స్టేషన్‌ భవనంలో ఎస్‌ఐ వై. తారకేశ్వరరావు ఆధ్వర్యంలో ఏర్పాటు చేసిన గ్రంథాలయాన్ని ఆదివారం డీఎస్పీ ప్రారంభించారు. ఈ సందర్భంగా మాట్లాడుతూ ఎస్పీ తుహిన్‌ సిన్హా ఆదేశాల మేరకు కమ్యూనిటీ పోలీసింగ్‌లో భాగంగా ఇక్కడ డిజిటల్‌ లైబ్రరీ ఏర్పాటు చేశామన్నారు. ఇక్కడ ఏపీపీఎస్సీ, ఎస్‌ఐ, కానిస్టేబుల్‌, ఇతర ప్రభుత్వ ఉద్యోగాల కోసం పోటీపడే వారికి కావాల్సిన అన్ని రకాలు స్టడీ మెటీరియల్‌ అందుబాటులో ఉందన్నారు. ఆన్‌లైన్‌ శిక్షణకు కంప్యూటర్లు, ల్యాప్‌టాప్‌ల సౌకర్యం కల్పించడం శుభపరిణామన్నారు. మారుమూల ప్రాంతంలో నిరుపేదల నిరుద్యోగులను దృష్టిలో ఉంచుకుని హైదరాబాద్‌ నుంచి మెటీరియల్‌ తెప్పించామన్నారు. చెడు వ్యసనాలకు లోను కాకుండా కొందరైనా విజయం సాధిస్తే తమ ఆశయం నెరవేరుతుందన్నారు. నిరుద్యోగులకు, యువకులకు ఎస్‌ఐ తారకేశ్వరరావు ప్రోత్సాహం అభినందనీయమన్నారు. అనంతరం పోటీ పరీక్షలకు సిద్ధమవుతున్న పేద నిరుద్యోగులకు ఉచితంగా మెటీరియల్‌ పంపిణీ చేశారు. కార్యక్రమంలో ఎంఈవో కామిరెడ్డి వరహాలబాబు, ఉపాధ్యాయులు, సిబ్బంది పాల్గొన్నారు. గ్రంథాలయాన్ని ప్రారంభించిన డీఎస్పీ శ్రీనివాసరావు

అనకాపల్లి : కోణార్క్‌ ఎక్స్‌ప్రెస్‌లో ఈనెల 25న ఒడిశా రాష్ట్రం ఖురదా జిల్లా, బర్గ్‌ గ్రామానికి చెందిన సురేశన్‌ మహాపాత్ర (62) కుటుంబ సమేతంగా ఖుర్దా నుంచి ముంబై వెళ్లేందుకు కోణార్క్‌ ఎక్స్‌ప్రెస్‌లో బయలు దేరారు. ఈనెల 26న అనకాపల్లి వస్తున్న సమయంలో మహాపాత్రకు గుండెనొప్పి రావడంతో కుటుంబ సభ్యులు హుటాహుటిన ఆన్‌లైన్‌లో రైల్వే హెల్ప్‌ నంబర్‌కు ఫోన్‌ చేయడం అనకాపల్లి రైల్వే స్టేషన్‌ల్లో రైలును ఆపి అనకాపల్లి ఎన్టీఆర్‌ ఆస్పత్రికి తరలిస్తున్న సమయంలో మార్గమధ్యంలో మహాపాత్ర మృతి చెందాడు. సమాచారం తెలుసుకున్న జీఆర్పీ పోలీసులు ఎన్టీఆర్‌ ఆస్పత్రికి చేరుకుని మృతదేహానికి ఆదివారం ఆస్పత్రిలో పోస్టుమార్టం చేసి మృతుడు కుటుంబ సభ్యులకు దువ్వాడ జీఆర్పీ ఎస్‌ఐ కె.టి.వి.లక్ష్మి అప్పగించారు. కుటుంబ సభ్యులు ఇచ్చిన ఫిర్యాదు మేరకు కేసు నమోదు చేసి దర్యాప్తు చేసినట్టు ఎస్‌ఐ చెప్పారు.

అనకాపల్లి: పరవాడ మండలంలో పెద్ద చెరువులోకి ఫార్మా వ్యర్థాలు విడుదల చేసిన రాంకీ యాజమాన్యంపై క్రిమినల్‌ చర్యలు తీసుకోవాలని సీపీఎం కేంద్ర కమిటీ సభ్యుడు కె.లోకనాథం అన్నారు. స్థానిక సీపీఎం కార్యాలయంలో ఆదివారం జరిగిన సమావేశంలో ఆయన మాట్లాడారు. పెద్దచెరువులో మొల్లెడిగడ్డలో నుంచి సన్యాసి చెరువు మీదుగా ఫార్మా వ్యర్థ రసాయనిక జలాలలను ఏ విధమైన శుద్ధి చేయకుండా పర్యావరణ నిబంధనలను ఉల్లంఘించిన రాంకీ యాజమాన్యంపై క్రిమినల్‌ చర్యలు తీసుకోవాలన్నారు. రాష్ట్ర పర్యావరణ శాఖ మంత్రి పవన్‌ కల్యాణ్‌ ఇచ్చిన నోటీసులను స్వాగతించారని, నోటీసులు ఇచ్చి చేతులు దులుపుకొంటే సరిపోదన్నారు. బహిరంగ ప్రదేశాల్లో కాలువలు, చెరువులు, గెడ్డల్లోకి వ్యర్థ రసాయనిక జలాలను విడుదల చేయడం వల్ల భూగర్భ జలాలు నాశనమవుతాయన్నారు. ఫార్మా వ్యర్థ జలాలను ఒక్కసారిగా కాలువలు, గెడ్డలు చెరువుల్లోకి విడుదల చేయడం వల్ల ప్రజలు తీవ్ర అనారోగ్యానికి గురౌవుతున్నట్టు తెలిపారు. ప్రభుత్వం తక్షణమే చర్యలు తీసుకోవాలని ఆయన డిమాండ్‌ చేశారు. ఈ కార్యక్రమంలో సీపీఎం జిల్లా కార్యదర్శి జి.కోటేశ్వరరావు, జిల్లా కార్యవర్గ సభ్యులు ఆర్‌.శంకరరావు, గనిశెట్టి సత్యనారాయణ పాల్గొన్నారు.

● కూటమి అరాచక పాలననుప్రజల్లోకి తీసుకెళ్లండి ● మాజీ ఎమ్మెల్యే ఉమాశంకర్‌ గణేష్‌ సమావేశానికి హాజరైన మున్సిపాలిటీ నాయకులు మాట్లాడుతున్న మాజీ ఎమ్మెల్యే ఉమాశంకర్‌ గణేష్‌నర్సీపట్నం: పురపాలిక ఎన్నికల్లో వైఎస్సార్‌సీపీ జెండా ఎగురవేద్దామని మాజీ ఎమ్మెల్యే పెట్ల ఉమాశంకర్‌ గణేష్‌ పార్టీ శ్రేణులకు పిలుపునిచ్చారు. శనివారం స్థానిక పార్టీ కార్యాలయంలో మున్సిపాలిటీ నాయకులతో ఆయన సమావేశమయ్యారు. ఈ సందర్భంగా మాట్లాడుతూ ఎన్నికలు ఎప్పుడు నిర్వహించినా ఎదుర్కోనేందుకు సిద్ధంగా ఉండాలన్నారు. 40 వార్డుల్లో పోటీ చేసి తీరుతామన్నారు. వార్డుల వారీగా నాయకులు చర్చించుకుని గెలిచే వ్యక్తుల పేర్లను తన దృష్టికి తీసుకురావాలన్నారు. అందరి ఆమోదంతో అభ్యర్థులను ప్రకటిస్తామన్నారు. అందరూ సమన్వయంతో పని చేసి అభ్యర్థుల గెలుపునకు కృషి చేయాలన్నారు. పార్టీకి కార్యకర్తలే వెన్నెముక అని అన్నారు. గత వైఎస్సార్‌సీపీ ప్రభుత్వం అందించిన సంక్షేమాన్ని ప్రజల్లోకి తీసుకెళ్లాలన్నారు. చంద్రబాబు ప్రభుత్వం అవలంబిస్తున్న మోసపూరిత విధానాలు, ఇచ్చిన దగాకోరు హామీలను ప్రజల్లోకి తీసుకెళ్లి వైఎస్సార్‌సీపీ విజయానికి మద్దతు కూడగట్టాలన్నారు. ఈ సమావేశంలో పార్టీ రాష్ట్ర కార్యదర్శి చింతకాయల సన్యాసిపాత్రుడు, మున్సిపల్‌ మాజీ చైర్‌పర్సన్‌ బోడపాటి సుబ్బలక్ష్మి, మున్సిపల్‌ మాజీ వైస్‌ చైర్మన్‌ కోనేటి రామకృష్ణ, పార్టీ టౌన్‌ అధ్యక్షుడు ఏకా శివ, స్టేట్‌ యూత్‌ వింగ్‌ నాయకుడు చింతకాయల వరుణ్‌ తదితరులు పాల్గొన్నారు.

నక్కపల్లి : బల్క్‌ డ్రగ్‌ఫార్క్‌, ఆర్సిలర్‌ మిట్టల్‌ స్టీల్‌ ప్లాంట్‌ నిర్వాసితుల సమస్యలు పరిష్కరించకపోతే స్టీల్‌ప్లాంట్‌, పోర్టు నిర్మాణపు పనులు అడ్డుకుంటామని వైఎస్సార్‌సీపీ రాష్ట్రకార్యదర్శి వీసం రామకృష్ణ, పలువురు నిర్వాసితులు అల్టిమేటం ఇచ్చారు. శనివారం వారు నక్కపల్లి తహసీల్దార్‌ చిన్నికృష్ణను కలిసి వినతి పత్రం అందజేశారు.ఈ సందర్భంగా వీసం రామకృష్ణ తదితరులు మాట్లాడుతూ ఈ రెండు కంపెనీల కోసం భూములు నివాసిత ప్రాంతాలు త్యాగం చేసిన నిర్వాసితులకు ప్రభుత్వం పూర్తి స్థాయిలో న్యాయం చేయ లేదన్నారు. ఇళ్లు, భూములు కోల్పోయిన నిర్వాసితులకు ఇవ్వాల్సిన ఆర్‌అండ్‌ఆర్‌ ప్యాకేజీ ఇంకా పెండింగ్‌లో ఉందన్నారు. నిర్వాసిత కుటుంబాల్లో వివాహాలైన ఆడపిల్లలకు ఆర్‌అండ్‌ఆర్‌ ప్యాకేజీ చెల్లిస్తామని గతంలో హామీ ఇచ్చారని, ఇప్పుడు ప్యాకేజీ చెల్లించకుండా ఇబ్బందులు పెడుతున్నారన్నారు. ఇలా సుమారు 200 మందికిపైగా ఆడపిల్లలకు ఆర్‌అండ్‌ఆర్‌ ప్యాకేజీ ఇవ్వాల్సి ఉందన్నారు. ఒక కుటుంబంలో ఇద్దరు అన్నదమ్ములుంటే ఒకరికి ప్యాకేజీ ఇచ్చి మరొకరికి ఇవ్వలేదన్నారు. కూటమి నాయకులు సిఫార్సు చేసిన వారికి ప్యాకేజీ ఇస్తున్నారన్నారు. భూసేకరణ, డీఫారం పట్టాలకు నష్ట పరిహారం చెల్లింపుల్లో చాలా అక్రమాలు జరిగాయన్నారు. వీటన్నింటిని త్వరలోనే బహిర్గతం చేస్తామన్నారు. తక్షణమే పెండింగ్‌లో ఉన్న నిర్వాసితులందరికి ప్యాకేజీ వర్తింపజేయకపోతే స్టీల్‌ప్లాంట్‌ పనులు ఆడ్డుకుంటామన్నారు. సమస్యలను తక్షణమే పరిష్కరించాలన్నారు. తహసీల్దార్‌ను కలిసిన వారిలో మండల పార్టీ అధ్యక్షుడు గొర్ల గోవిందరావు, నిర్వాశిత సంఘ నాయకులు గంటా తిరుపతిరావు,తళ్ల భార్గవ్‌, యలమంచిలి మధు, శంకర సెట్టి చిన్నా ఉన్నారు. తహసీల్దార్‌కు వైఎస్సార్‌సీపీ నేతల వినతి

● సైన్‌ లాంగ్వేజ్‌ ఇంటర్‌ప్రిటర్‌ నియామకం ● కలెక్టర్‌ విజయకృష్ణన్‌ తుమ్మపాల: బధిరుల సంక్షేమానికి ప్రభుత్వం ఎల్లవేళలా కృషి చేస్తుందని కలెక్టర్‌ విజయకృష్ణన్‌ తెలిపారు. ప్రపంచ సైన్‌ లాంగ్వేజ్‌ దినోత్సవాన్ని పురస్కరించుకుని శనివారం కలెక్టరేట్‌ సమావేశ మందిరంలో విభిన్న ప్రతిభావంతులు, వయోవృద్ధుల సంక్షేమ శాఖ ఆధ్వర్యంలో చేపట్టిన కార్యక్రమంలో ముఖ్య అతిథిగా హాజరైన ఆమె జ్యోతి ప్రజ్వలన చేసి కార్యక్రమాన్ని ప్రారంభించారు. ఈ సందర్భంగా ఆమె మాట్లాడుతూ జిల్లాలో ప్రత్యేకంగా సైన్‌ లాంగ్వేజ్‌ ఇంటర్‌ప్రిటర్‌ను నియమించనున్నట్టు తెలిపారు. జిల్లాలో కొత్తగా ఏర్పాటు చేస్తున్న పరిశ్రమల్లో బధిరులు, మూగవారు తమ విద్యార్హతలకు అనుగుణంగా ఉద్యోగ అవకాశాలు పొందేలా చర్యలు తీసుకుంటామని చెప్పారు. బధిరులకు ఎదురయ్యే సమస్యలను తక్షణమే పరిష్కరించేందుకు చర్యలు తీసుకుంటామని హామీ ఇచ్చారు. ఈ కార్యక్రమంలో విభిన్న ప్రతిభావంతులు, వయోవృద్ధుల సంక్షేమ శాఖ సహాయ సంచాలకులు జి.అనూష, డీఆర్‌ఓ వై. సత్యనారాయణరావు, డీఈఓ నాగేశ్వరరావు పాల్గొన్నారు.

గొలుగొండ : చెరువులో నీరు తాగడానికి వెళ్లిన పాడి గేదెలు రైతు కళ్ల ముందే నీట మునిగి చనిపోయాయి. ఇటీవల కురిసిన వర్షాలకు ఎర్రవరం గ్రామం వద్ద ఉన్న చెరువు ప్రమాదస్థాయిలో నిండిపోయింది. ఎప్పటిలానే ఎర్రవరం గ్రామానికి చెందిన రైతు పొదిరి కన్నబాబు శనివారం మధ్యాహ్నం పాడి గేదెలను మేత కోసం ఎర్రవరం సమీపంలో ఉన్న రాజులుబాబు గుడి వద్దకు తీసుకువెళ్లాడు. సాయంత్రం నీళ్ల కోసం గేదెలు చెరువు వద్దకు వెళ్లాయి. కాళ్లకు, మెడకు తాళ్లు కట్టి ఉండడం, చెరువు పూర్తిగా నిండి ఉండడంతో నీటిలో దిగిన గేదెలు మునిగి చనిపోయాయి. పాడిగేదెల మృతితో సుమారుగా 6 లక్షలు నష్టం వాటిల్లిందని రైతు కుటుంబం కన్నీరుమున్నీరైంది. పాడిపైనా ఆధారపడి ఉన్న కుటుంబం రోడ్డున పడింది. విషయం తెలిసిన వెంటనే ఎంపీడీవో శ్రీనివాసరావు. స్ధానిక రెవెన్యూ సిబ్బంది చెరువు వద్దకు వెవెళ్లి నీట మునిగిన పాడి గెదెలను ఒడ్డుకు తీసుకురావడానికి చర్య లు చేపట్టారు. జీవనాధారం కోల్పోయిన తమకు నష్టపరిహారం అందించి ఆదుకోవాలని బాధిత రైతులు కుటుంబం అధికారులను వేడుకుంది.

ముంచంగిపుట్టు: మండలంలోని పెదగూడ పంచాయతీ గూడమాలిపుట్టు గ్రామంలో శుక్రవారం అర్ధరాత్రి ఈదురుగాలులతో కూడిన భారీ వర్షం ఓ కుటుంబాన్ని శోకసంద్రంలో ముంచింది. పెంకుటిల్లు కూలిపోవడంతో ఇంట్లో నిద్రిస్తున్న గిరిజనుడు పెంకుల కింద చిక్కుకుని ప్రాణాలు కోల్పోయాడు. గూడమాలిపుట్టులో అర్ధరాత్రి ఈదురుగాలులతో కూడిన భారీ వర్షం కురిసింది. ఈ వర్షానికి గ్రామానికి చెందిన పూజారి సూర్యనారాయణ (56) నివాసం ఉన్న ఇల్లు ఒక్కసారిగా కూలిపోయింది. ఆ సమయంలో ఇంట్లో ఉన్న సూర్యనారాయణ పెంకుల మధ్య ఇరుక్కుపోయి తీవ్రంగా గాయపడ్డాడు. గమనించిన స్థానికులు వెంటనే అతడిని బయటకు తీసి ముంచంగిపుట్టు సీహెచ్‌సీకి తరలించారు. వైద్యులు పరీక్షించగా అప్పటికే ఆయన మృతి చెందినట్లు నిర్ధారించారు. అందరితో కలిసిమెలిసి ఉండే సూర్యనారాయణ మృతిపై గిరిజనులు, మాజీ సర్పంచ్‌ బాబూరావు విచారం వ్యక్తం చేశారు. పెద్దదిక్కును కోల్పోయామని, ప్రభుత్వం ఆదుకోవాలని మృతుడి భార్య మోతి, కుమారుడు పిత్‌బాష్‌ కోరారు. విషయం తెలుసుకున్న ఎంపీడీవో ధర్మారావు గ్రామాన్ని సందర్శించి పరిస్థితిని పరిశీలించారు. కుటుంబ సభ్యులతో మాట్లాడి ప్రభుత్వం నుంచి సహాయం అందేలా చర్యలు తీసుకుంటామని హామీ ఇచ్చారు.

● అమలాపురం వద్ద ఘటన ● మృతదేహం కోసం గోదావరిలో గాలింపుయలమంచిలి రూరల్‌: కొద్ది రోజులుగా అదృశ్యమైన యలమంచిలి పట్టణం పాత స్టేట్‌ బ్యాంకుకు చెందిన కర్రల వ్యాపారి కర్రి వరప్రకాష్‌రావు (50) కోనసీమ జిల్లా అమలాపురంలో హత్యకు గురైనట్టు తెలిసింది. ఈ నెల 16వ తేదీ నుంచి అదృశ్యమైన వ్యాపారి ప్రకాష్‌రావుకు అమలాపురం, గాజువాక ప్రాంతాలకు చెందిన కొందరు వ్యక్తులతో ఆర్థిక లావాదేవీల్లో ఏర్పడిన వివాదం హత్యకు దారితీసినట్టు సమాచారం. ప్రకాష్‌రావు అదృశ్యమైనట్టు ఈ నెల 20న అతని భార్య సత్య ఇచ్చిన ఫిర్యాదు మేరకు యలమంచిలి పట్టణ పోలీస్‌ స్టేషన్‌లో కేసు నమోదైంది. సదరు వ్యాపారి మొబైల్‌ కాల్‌ డేటా ఆధారంగా అమలాపురం, యలమంచిలి పట్టణ పోలీసులు కేసు దర్యాప్తు చేపట్టారు. ప్రకాష్‌ చివరిగా మాట్లాడిన ఫోన్‌ నంబర్‌ ఆధారంగా సదరు వ్యక్తి కుటుంబ సభ్యులను అదుపులోకి తీసుకుని విచారించగా, అసలు నిందితులు పట్టుబడ్డారని తెలిసింది. వారిని విచారించగా దారుణంగా కొట్టి హత్య చేసినట్టు అంగీకరించారని విశ్వసనీయ సమాచారం. ఈ నెల 18వ తేదీనే వ్యాపారిని నిందితులు హతమార్చినట్టు తెలుస్తోంది. మృతదేహాన్ని అమలాపురం సమీపంలో గోదావరి నదిలో పడేసినట్టు పోలీసుల వద్ద ఒప్పుకున్నారు. నిందితులు చెప్పిన వివరాల ప్రకారం వ్యాపారి మృతదేహం కోసం గోదావరి నదిలో మూడు రోజులుగా గాలింపు చర్యలు చేపట్టారు. నదిలో ప్రవాహ ఉధృతి ఎక్కువగా ఉండడం, హత్య జరిగి వారం రోజులు గడిచిపోవడంతో మృతదేహం ఆచూకీ లభించలేదని సమాచారం. హత్యకు సంబంధించి అమలాపురం శ్రీరాంపురం ప్రాంతానికి చెందిన ఓ దుకాణం యజమానితో పాటు ముమ్మిడివరం మండలం మహిపాల గ్రామానికి చెందిన మరో వ్యక్తిని నిందితులుగా గుర్తించారు. కేసు దర్యాప్తు నిమిత్తం యలమంచిలి పట్టణ ఎస్‌ఐ కె.సావిత్రి, సిబ్బంది మూడు రోజులుగా అమలాపురంలోనే బస చేసి వివరాలు రాబట్టినట్టు తెలిసింది. దీనిపై ఎస్‌ఐని సంప్రదించగా, వ్యాపారి హత్యకు గురికావడం వాస్తవమేనని, ఆదివారం పూర్తి వివరాలు తెలియజేస్తామని శనివారం రాత్రి తెలిపారు. కాగా హతుడికి భార్య, ఇద్దరు కుమారులు ఉన్నారు.

డుంబ్రిగుడ: మండలంలోని పోతంగి పంచాయతీ కోసంగి గ్రామానికి చెందిన వంతల చంద్రశేఖర్‌ శనివారం శ్వాస సంబంధిత వ్యాధితో తీవ్ర అస్వస్థతకు గురయ్యారు. ఆయనను ఆసుపత్రికి తరలించేందుకు చాపరాయి జలపాతానికి సమీపంలోని గెడ్డ దాటాల్సి వచ్చింది. గెడ్డ ఉధృతంగా ప్రవహిస్తుండటంతో అంబులెన్స్‌ గ్రామంలోకి చేరలేకపోయింది. దీంతో వైఎస్సార్‌సీపీ మండల కార్యదర్శి మఠం శంకర్‌ ఆధ్వర్యంలో గ్రామస్తులు ప్రాణాలను సైతం లెక్కచేయకుండా ముందుకు వచ్చారు. బాధితుడిని భుజాలపై మోసుకుంటూ మోకాలి లోతు ప్రవాహంలో గెడ్డ దాటించారు. చాపరాయి వద్ద ఉన్న అంబులెన్స్‌లో ఎక్కించి సమీప ప్రాథమిక ఆరోగ్య కేంద్రానికి తరలించారు. అనంతరం మెరుగైన చికిత్స కోసం అరకులోయ ఏరియా ఆసుపత్రికి రిఫర్‌ చేశారు. ఈ సహాయక చర్యల్లో మఠం గజేంద్ర, వంతల జగన్నాథం, మఠం రాంబాబు తదితర గ్రామస్తులు పాల్గొన్నారు.

సాక్షి, పాడేరు/అరకులోయ టౌన్‌(డుంబ్రిగుడ): జిల్లాలో వాయుగుండం ప్రభావంతో గిరిజన ప్రాంతాల్లో జనజీవనం తీవ్రంగా దెబ్బతిందని వైఎస్సార్‌సీపీ ఎమ్మెల్సీ డాక్టర్‌ కుంభా రవిబాబు ఆవేదన వ్యక్తం చేశారు. ప్రభుత్వం స్పందించి తక్షణ సహాయం అందించాలని డిమాండ్‌ చేశారు. శనివారం ఆయన స్థానిక విలేకరులతో మాట్లాడారు. పాడేరు, అరకులోయ, డుంబ్రిగుడ, గుడెంకొత్తవీధి, చింతపల్లి, ముంచంగిపుట్టు, పెదబయలు, అనంతగిరి, హుకుంపేట తదితర ఏజెన్సీ మండలాల్లో అనేక గ్రామాలు వరదలు, కొండవాగుల ఉధృతితో ఇబ్బందులు ఎదుర్కొంటున్నాయని తెలిపారు. అత్యవసర పరిస్థితుల్లో అంబులెన్స్‌లు గ్రామాలకు చేరుకోలేని పరిస్థితులు నెలకొనడం ఆందోళనకరమన్నారు. ముంచంగిపుట్టు మండలంలోని దోడిపుట్టు పంచాయతీ పరిధిలో గెడ్డలు పొంగి పొర్లడంతో నిత్యావసర సరకుల కోసం ప్రజలు ప్రాణాలను పణంగా పెట్టి వాగులు దాటాల్సిన పరిస్థితి ఏర్పడిందని పేర్కొన్నారు. అనంతగిరి మండలం ఓనుగొండ, అరకులోయ పరిసర గ్రామాలు సహా వంతెనలు, రహదారులు లేని అనేక ప్రాంతాల్లో ప్రజలు తీవ్ర ఇబ్బందులు పడుతున్నారన్నారు. భారీ వర్షాలకు గిరిజనుల నివాస గృహాలు దెబ్బతినడం, గోడలు కూలిపోవడం, ఇళ్లలోకి వరద నీరు చేరడంతో అనేక కుటుంబాలు నిరాశ్రయులయ్యాయని, పంట పొలాల్లో నీరు నిలిచిపోవడంతో రైతులు తీవ్ర నష్టపోయారని పేర్కొన్నారు. పంట నష్టం వివరాలను సమగ్రంగా నమోదు చేయాలని కోరారు. మారుమూల గిరిజన గ్రామాలకు రవాణా, వైద్యం, నిత్యావసర సరకుల సరఫరా నిలిచిపోకుండా జిల్లా యంత్రాంగం ప్రత్యేక కార్యాచరణ చేపట్టాలని సూచించారు. నష్టపోయిన గిరిజన కుటుంబాలకు తగిన సహాయం అందించాలని ప్రభుత్వాన్ని డిమాండ్‌ చేశారు.

సాక్షి, పాడేరు: చుట్టూ పచ్చని కొండలు.. మంచుకొండలను తలపించే మేఘాలు.. ఉధృతంగా పారే జలపాతాల సోయగం.. ఇలా సహజసిద్ధ ప్రకృతి అందాలకు నిలయం అల్లూరి సీతారామరాజు జిల్లా మన్యం ప్రాంతం. పర్యాటకులకు స్వర్గధామంగా మారింది. అనంతగిరి నుంచి సీలేరు వరకు విస్తరించిన ఈ ప్రాంతాల్లోని పర్యాటక కేంద్రాలు ప్రతి ఏడాది లక్షలాది మంది సందర్శకులను ఆకట్టుకుంటున్నాయి. దేశ విదేశాల నుంచి వచ్చే పర్యాటకులు ఇక్కడి అందాలకు మంత్రముగ్ధులవుతున్నారు. మైమరిపించే వంజంగి హిల్స్‌ పాడేరు మండలంలోని వంజంగి హిల్స్‌ మేఘాల మధ్య కనిపించే సూర్యోదయంతో విశేష ఆదరణ పొందింది. అరకులోయలోని మాడగడ, చింతపల్లి మండలంలోని చెరువులవేనం, హుకుంపేటలోని సీతమ్మకొండ వంటి వ్యూపాయింట్లు పర్యాటకులను అలరిస్తున్నాయి. పొగమంచు కమ్ముకున్న ఈ ప్రాంతాల్లో సూర్యోదయం అందాలు సందర్శకులను కట్టిపడేస్తున్నాయి. అనంతగిరిలోని బొర్రాగుహలు, అరకులోయలో పద్మాపురం గార్డెన్‌, గిరిజన మ్యూజియం, లంబసింగి, సీలేరు వంటి ప్రాంతాలు పర్యాటకుల రద్దీతో నిత్యం కళకళలాడుతున్నాయి. జిల్లాలో ఏటా సుమారు 20 లక్షల మంది వరకు పర్యాటకులు సందర్శిస్తున్నట్లు అంచనా. జలపాతాల హోరు జిల్లా వ్యాప్తంగా జలపాతాల సోయగం పర్యాటకులను విశేషంగా ఆకర్షిస్తోంది. పెదబయలు మండలంలోని తారాబు(పిట్టలబొర్ర), అనంతగిరిలోని కటికి, తాడిగుడ, డుంబ్రిగుడలో చాపరాయి, జి.మాడుగులలో కొత్తపల్లి, సీలేరు ప్రాంతంలోని ఐస్‌గెడ్డతో పాటు ఒడిశా సరిహద్దులోని మాచ్‌ఖండ్‌ జలపాతాలు సందర్శకులను మైమరపింపజేస్తున్నాయి. అక్టోబర్‌ నుంచి జనవరి వరకు విరబూసే పసుపుపచ్చని వలిసెపూల తోటలు భూమిపై పసుపు చీర పరచినట్టుగా కనిపిస్తూ పర్యాటకులను కనువిందు చేస్తున్నాయి. రూ.5 కోట్లతో తారాబు జలపాతం అభివృద్ధి పర్యాటకులకు మెరుగైన సౌకర్యాలు కల్పించేందుకు తారాబు జలపాతంలో రూ.5 కోట్లతో అభివృద్ధి పనులు చేపట్టాం. రహదారి, వ్యూపాయింట్లు, ఇతర సదుపాయాలను అందుబాటులోకి తీసుకువస్తున్నాం. మిగిలిన పర్యాటక ప్రాంతాల అభివృద్ధికీ చర్యలు తీసుకుంటున్నాం. – డాక్టర్‌ గుమ్మా తనూజరాణి, ఎంపీ, అరకులోయ

సాక్షి, విశాఖపట్నం: తమ హక్కులు, భవిష్యత్తు కోసం గ్రామ, వార్డు సచివాలయ ఉద్యోగులు మరోసారి ఉద్యమానికి సిద్ధమయ్యారు. రెండేళ్లుగా తమ సమస్యలను ప్రభుత్వం దృష్టికి తీసుకెళ్తున్నా పరిష్కారం లభించలేదని పేర్కొంటూ ఈ నెల 27న ‘చలో విజయవాడ’కు సచివాలయ ఉద్యోగుల ఐక్య వేదిక పిలుపునిచ్చింది. తీవ్ర వాయుగుండం నెపంతో ప్రభుత్వం అత్యవసర విధుల పేరుతో సర్క్యులర్‌ జారీ చేసి, ఉద్యోగులు జిల్లా కేంద్రాలు దాటకూడదని ఆంక్షలు విధించింది. సోషల్‌ మీడియాలో నిరసనలు నడిపిస్తున్నారనే కారణంతో శ్రీకాకుళం జిల్లా విలేజ్‌ సర్వేయర్ల రాష్ట్ర అధ్యక్షుడు బూరాడ మధుబాబును సస్పెండ్‌ చేసింది. ఈ చర్యలపై ఉద్యోగ సంఘాలు తీవ్రంగా మండిపడుతున్నాయి. ‘వర్షాలు వస్తే మిగతా ఉద్యోగులకు లేని అత్యవసర నిబంధనలు మాకే ఎందుకు? బెదిరింపులకు భయపడేది లేదు, విజయవాడకు తరలివెళ్లి తీరతాం’ అని స్పష్టం చేశాయి. సచివాలయ ఉద్యోగులు ఈ నెల 6న విశాఖలో శాంతియుత నిరసనలు, రాస్తారోకో చేపట్టిన సంగతి తెలిసిందే. ప్రభుత్వం నుంచి తగిన స్పందన వచ్చేంతవరకు ఐక్యతతో పోరాటం కొనసాగిస్తామని ఉద్యోగ సంఘాల ఐక్య వేదిక స్పష్టం చేసింది.

ఎన్నికల ముందు ఇచ్చిన సూపర్‌ సిక్స్‌ హామీల అమల్లో జాప్యం చేస్తూ, మరోవైపు ప్రభుత్వ ప్రచారం కోసం సోషల్‌ మీడియా పాలసీ తీసుకొచ్చిన కూటమి ప్రభుత్వంపై ప్రజల్లో తీవ్ర అసంతృప్తి వ్యక్తమవుతోంది. నిరుద్యోగ భృతి, ఆడబిడ్డ నిధి వంటి కీలక హామీలు నెరవేర్చకపోవడంపై యువత, మహిళలు ఆగ్రహం వ్యక్తం చేస్తున్నారు. సోషల్‌ మీడియా ఇన్‌ఫ్లుయెన్సర్లకు వేతనాల పేరిట ‘పచ్చ’దందాకు తెరలేపడంపై మండిపడుతున్నారు. హామీలు గాలికి.. సాక్షి,పాడేరు: గత సార్వత్రిక ఎన్నికల ప్రచారంలో సూపర్‌సిక్స్‌ హామీలు ఇచ్చిన ప్రస్తుత సీఎం చంద్రబాబు వాటిని పూర్తి స్థాయిలో అమలు చేయకుండా ప్రజలకు టోకరా పెట్టారు. జిల్లాలోని అర్హులైన ప్రజలంతా సూపర్‌సిక్స్‌ హమీలపై రెండున్నరేళ్లుగా ఎదురుచూస్తున్నా ప్రభుత్వంలో ఎటువంటి చలనం లేదు. ఇప్పుడు టీడీపీ సోషల్‌ మీడియాకు ప్రభుత్వ పథకాల ప్రచారం పేరిట రూ.కోట్ల నిధులు దోచే పెట్టేందుకు చంద్రబాబు సర్కారు సోషల్‌ మీడియా పాలసీ తీసుకురావడంపై ప్రజలు ఆగ్రహం వ్యక్తం చేస్తున్నారు. ఇన్‌ఫ్లుయెన్సర్లకు ప్రభుత్వ వేతనాలా? ప్రభుత్వ ధనంతో ఇన్‌ఫ్లుయెన్స్‌ ఎంప్లాయిమెంట్‌ పాలసీ అమలుకు కూటమి ప్రభుత్వం సిద్ధమవ్వడంపై నిరుద్యోగులు కూడా మండిపడుతున్నారు. టీడీపీ సోషల్‌ మీడియా, కూటమి ప్రభుత్వానికి బాజాలు కొట్టే కార్యకర్తలకు ప్రతి నెలా వేతనాలు ఇచ్చే పాలసీని తీవ్రంగా వ్యతిరేకిస్తున్నారు. ప్రభుత్వ పథకాల ప్రచారం పేరుతో ప్రజాధనాన్ని దుర్వినియోగం చేసే చర్యలను మేధావులతో పాటు నిరుద్యోగ, యువజన సంఘాలు కూడా ఖండిస్తున్నాయి. భృతి.. బ్రాంతియేనా? కూటమి ప్రభుత్వం ఏర్పడక ముందు చంద్రబాబుతో పాటు కూటమి నేతలంతా నిరుద్యోగులకు నిరుద్యోగ భృతి కల్పిస్తామని ఎన్నికల ప్రచారం చేశారు. సూపర్‌ సిక్స్‌లో ఈ పథకం కూడా ఉంది. రెండున్నరేళ్లలో నిరుద్యోగ యువతను వంచించారు. నిరుద్యోగ భృతి కోసం జిల్లాలో అర్హులైన సుమారు లక్ష మంది వరకు యువతీ, యువకులు ఎదురుచూస్తున్నారు. 50 ఏళ్లకు పింఛన్‌.. హుళక్కేనా? సూపర్‌సిక్స్‌ హామీలో భాగమైన 50 ఏళ్లకు పింఛన్‌ మంజూరును కూడా కూటమి ప్రభుత్వం గాలికి వదిలేసింది. అధికారంలోకి వచ్చిన ఈ రెండున్నరేళ్లలో ఒక్క కొత్త పింఛన్‌ కూడా అర్హులకు ఇవ్వలేదు. స్థానిక ఎన్నికల నేపథ్యంలో ఇటీవల కొత్త పింఛన్లకు దరఖాస్తులు మాత్రం స్వీకరించారు. వాటికి కొత్త నిబంధనలతో అడ్డుకట్ట వేసే ప్రయత్నం చేస్తున్నారు. అటువంటిది 50 ఏళ్లు దాటిన వారు అధికంగా ఉండడంతో ఈ పథకం అమలుపై అనుమానం వ్యక్తం చేస్తున్నారు. ఆడబిడ్డ నిధి ఎప్పుడు? అధికారంలోకి రాగానే ఆడబిడ్డ నిధి పేరుతో 18 ఏళ్లు దాటిన మహిళలకు నెలకు రూ.1500 సాయం చేస్తానన్న చంద్రబాబు మాటలు కూడా ఉత్తిదేనని తేలిపోయింది. ఆడబిడ్డ నిధికి జిల్లాలో సుమారు లక్షా 50వేల మంది వరకు అర్హులైన మహిళలు ఎదురు చూస్తున్నారు. ప్రతి నెల రూ. 1500 అందుకుందాం అని ఆశపడిన మహిళా లోకానికి సీఎం చంద్రబాబు ఝలక్‌ ఇచ్చారు. పథ కాల అమలుకు ముందుకు రాని కూటమి ప్రభుత్వం.. టీడీపీ సోషల్‌ మీడియాకు మాత్రం వేలకు వేలు వేతనాలు చెల్లించేందుకు కొత్త పాలసీ తీసుకురావడంపై మహిళలు కూడా ఖండిస్తున్నారు.

తుపాను కారణంగా కురిసిన భారీ వర్షాలకు జిల్లాలోని పలు జలాశయాల్లోకి వరద నీరు వచ్చి చేరుతుండడంతో నీటిమట్టాలు పెరుగుతున్నాయి. దీంతో ఖరీఫ్‌ సాగుకు నీరందే అవకాశం ఉందని రైతులు ఆశాభావం వ్యక్తం చేస్తున్నారు. మాడుగుల: కేచ్‌మెంట్‌ ఏరియాలో మూడు రోజులుగా కురుస్తున్న వర్షాలకు మండలంలోని పెద్దేరు జలాశయం జలాశయంలోకి 800 క్యూసెక్కుల వరద నీరు వచ్చి చేరింది. జలాశయం గరిష్ట నీటి మట్టం 137 మీటర్లు కాగా, ప్రస్తుతం 134 మీటర్లకు చేరుకుంది. దీంతో ఖరీఫ్‌లో ఆయకట్టు భూములకు నీటికి ఢోకా ఉండదని రైతులు తెలిపారు. మండలంలో ఇంత వరకు ఎండిపోయిన పెద్దేరు, గొరిగెడ్డల్లో వచ్చి చేరుతోంది. ఈ ఏడాది తొలిసారిగా గెడ్డల్లోకి వరద నీరు చేరడంపై రైతులు ఆనందం వ్యక్తం చేస్తున్నారు. కోనాం.. చీడికాడ: తుపాను కారణంగా మండలంలోని కోనాం జలాశయం నీటిమట్టం నాలుగు రోజుల్లో నాలుగు మీటర్లు పెరిగింది. ఈ నెల 21వ తేదీన 91 మీటర్లు పడిపోయిన నీటిమట్టం గడిచిన నాలుగురోజులుగా కురుస్తున్న వర్షాలకు ఒక్కసారిగా నాలుగు మీటర్లు పెరిగి శుక్రవారం సాయంత్రానికి 95 మీటర్లకు చేరుకుంది. గురువారం ఉదయం నుంచి శుక్రవారం ఉదయం వరకు 1,000 క్యూసెక్కులకు చేరిన ఇన్‌ఫ్లో శుక్రవారం సాయంత్రానికి 600 క్యూసెక్కులకు పడిపోయింది. జలాశయం పూర్తిస్థాయి నీటిమట్టం 101.25 మీటర్లు కాగా ప్రస్తుతం 95 మీటర్లు ఉంది. తాండవ.. నాతవరం: తాండవ రిజర్వాయర్‌లో నీటిమట్టం క్రమేపీ పెరుగుతోందని తాండవ ప్రాజెక్టు కమిటీ చైర్మన్‌ కరక సత్యనారాయణ, డీఈ అనురాధ తెలిపారు. తాండవలో నీటిమట్టాన్ని శుక్రవారం వారు పరిశీలించారు. ఈ సందర్భంగా డీఈ మాట్లాడుతూ... తుపానుకు ముందు ప్రాజెక్టులో నీటిమట్టం 361.3 అడుగులు ఉండేదని, ప్రస్తుతం 367.7 అడుగులకు చేరిందని తెలిపారు. ఎగువ ప్రాంతం నుంచి రోజుకు 3,000 క్యూసెక్కుల చొప్పున ఇన్‌ఫ్లో వస్తోందని చెప్పారు. ప్రాజెక్టులో మరింత నీటిమట్టం పెరిగితే ఖరీఫ్‌కు నీరు సరఫరా చేస్తామన్నారు. వీరి వెంట తాండవ ప్రాజెక్టు జేఈ దుర్గబాబు తదితరులు ఉన్నారు. 105 మీటర్లకు చేరిన రైవాడ నీటిమట్టం దేవరాపల్లి: ఇటీవల కురిసిన వర్షాల ప్రభావంతో రైవాడ జలాశయంలోకి భారీగా వరదనీరు వచ్చి చేరుతోంది. ప్రస్తుతం జలాశయంలోకి 2వేలు క్యూసెక్కుల ఇన్‌ఫ్లో కొనసాగుతోంది. తాజా శుక్రవారం మరో మీటరు మేర నీటిమట్టం పెరిగింది. జలాశయం గరిష్ట నీటిమట్టం 114 మీటర్లు కాగా, ప్రస్తుతం 105 మీటర్లకు చేరుకుంది. రెండు రోజుల వ్యవధిలోని రెండు మీటర్లు నీటిమట్టం పెరగడం పట్ల ఆయుకట్టు రైతులు ఆనందం వ్యక్తం చేస్తున్నారు. ఇన్‌ఫ్లో భారీగా ఉండడంతో నీటిమట్టం మరింత పెరిగే అవకాశం ఉన్నందున ఈ ఏడాది ఖరీఫ్‌కు ఢోకా ఉండదని ఆయకట్టు రైతులు ఆనందం వ్యక్తం చేస్తున్నారు.