Mahabubabad

కాశిబుగ్గ: వరంగల్‌ సూపర్‌ స్పెషాలిటీ హాస్పిటల్‌లో ఉద్యోగాలు ఇప్పిస్తామని దళారులు దందా చేస్తున్న ఘటనలు వెలుగులోకి వస్తున్నాయి. ఆర్డర్‌ కాపీలో వరంగల్‌ డీఎంహెచ్‌ఓ కార్యాలయంలో ఉద్యోగానికి ఎంపికయ్యారని రాతపూర్వకంగా ఇస్తూ, ఉద్యోగం మాత్రం వరంగల్‌ సూపర్‌ స్పెషాలిటీ హాస్పిటల్‌లో అని నిండా మోసం చేస్తున్నారు. నిరుద్యోగుల వద్ద నుంచి లక్షలాది రూపాయలు వసూలు చేసి, గ్రామాల్లో సరిగా చదువురాని వారిని ఎంపిక చేసుకుని ఇంగ్లిష్‌లో నకిలీ ఆర్డర్‌ కాపీ అందజేస్తున్నారు. ఉద్యోగాల ఆశతో నిరుద్యోగులు నకిలీ ఆర్డర్‌ కాపీని అసలు ఆర్డర్‌గా భావిస్తూ తీసుకుంటున్నారు. వరంగల్‌ డీఎంహెచ్‌ఓ కార్యాలయంలో కంప్యూటర్‌ ఆపరేటర్‌గా ఉద్యోగానికి ఎంపికయ్యారంటూ పేరుతో పాటు ఉత్తర్వు నంబర్‌తో నకిలీ ఆర్డర్‌ కాపీ ఇస్తూ ఎంజీఎంలో మీకు ఉద్యోగం ఇప్పిస్తున్నామని చెబుతున్నారు. నేషనల్‌ అర్బన్‌ హెల్త్‌ మిషన్‌ స్కీంలో పోస్టింగ్‌తో నెలకు రూ.36,000 వేతనం, ఈ నెల 3న జిల్లా సెలక్షన్‌ కమిటీ ద్వారా ఎంపిక చేశారని, వరంగల్‌ పాత డీఎంహెచ్‌ఓ జారీ చేశారంటూ నమ్మకం కలిగేలా నకిలీ ఆర్డర్‌ కాపీని తయారు చేశారు. ఇందులో 13 రోజుల్లో డ్యూటీలో జాయిన్‌ కావాలని, ఫిట్‌నెస్‌ సర్టిఫికెట్‌, రూ.110 బాండ్‌ పేపర్‌, ఒరిజినల్‌ సర్టిఫికెట్లను తీసుకుని రావాలని పాత డీఎంహెచ్‌ఓ పేరుతో కూడిన సంతకం ఆర్డర్‌ కాపీని అందజేస్తున్నట్లు సమాచారం. దీంతో నకిలీ ఆర్డర్‌ కాపీ అయినప్పటికీ తెలియక అదే వరంగల్‌ సూపర్‌ హాస్పిటల్‌లో ఉద్యోగానికి అసలు కాపీగా భావిస్తూ తీసుకుంటున్నట్లు తెలుస్తోంది. వాస్తవ పరిస్థితులు.. వాస్తవానికి వరంగల్‌ సూపర్‌ స్పెషాలిటీ హాస్పిటల్‌లో ఉద్యోగాల ఎంపిక కోసం ఎలాంటి ప్రకటన వెలువడ లేదు. అలాగే, పాత డీఎంహెచ్‌ఓ ప్రస్తుతం వరంగల్‌ డీఎంహెచ్‌ఓగా లేరు. ఇందులో ఈనెల 3న ఆర్డర్‌ కాపీని జారీ చేసినట్లు తయారు చేశారు. ఇలా నకిలీ ఆర్డర్‌ కాపీలు తయారు చేసి అమాయకులను మోసం చేస్తున్న దళారుల దందాపై అధికారులు స్పందించాలని నిరుద్యోగులు కోరుతున్నారు. డీఎంహెచ్‌ఓ ఆఫీస్‌లో జాబ్‌ అని నకిలీ ఆర్డర్‌ కాపీ పాత డీఎంహెచ్‌ఓ పేరుతో ఫోర్జరీ సంతకం గ్రామాల్లో నిరుద్యోగుల నుంచి రూ.లక్షల వసూలు

తొర్రూరు రూరల్‌: ఇటీవల బదిలీపై వెళ్లిన మహాత్మాజ్యోతిరావు పూలే గురుకుల పాఠశాల ప్రిన్సిపాల్‌ శంకర్‌ను కొనసాగించాలని డిమాండ్‌ చేస్తూ విద్యార్థులు డివిజన్‌ కేంద్రంలోని పాఠశాల ఎదుట అన్నారం రోడ్డుపై ఆదివారం ఆందోళన నిర్వహించారు. ఈసందర్భంగా విద్యార్ధులు మాట్లాడుతూ.. ప్రిన్సిపాల్‌ శంకర్‌ ప్రతీరోజు తమను పర్యవేక్షిస్తూ నాణ్యమైన విద్య, భోజనం, టిఫిన్స్‌ అందించడానికి కృషి చేశారని కొనియాడారు. ప్రిన్సిపాల్‌పై కొంతమంది కుట్రలు చేసి బదిలీ చేయించారని ఆరోపించారు. వెంటనే బదిలీపై వెళ్లిన ప్రిన్సిపాల్‌ శంకర్‌ను కొనసాగించాలని డిమాండ్‌ చేశారు. కాగా, సమాచారం తెలుసుకున్న పోలీసులు, అధ్యాపకులు ఘటన స్థలానికి చేరుకొని విద్యార్థులకు నచ్చజెప్పి ఆందోళనను విరమింపజేశారు.

ఖిలా వరంగల్‌: షార్ట్‌సర్క్యూట్‌తో భారీ అగ్నిప్రమాదం జరిగిన సంఘటన ఏనుమాముల ఎన్టీఆర్‌నగర్‌ రోడ్డులోని సాయి ప్లాస్టిక్స్‌ షాపులో ఆదివారం చోటుచేసుకుంది. బాధితుడు, పోలీసుల కథనం ప్రకారం.. వరంగల్‌ రంగశాయిపేటకు చెందిన జక్కు రామకృష్ణ ఎన్టీఆర్‌నగర్‌ రోడ్డులో సాయి ప్లాస్టిక్స్‌ షాపు ఏర్పాటు చేసి జీవనం సాగిస్తున్నాడు. రోజు మాదిరిగానే శనివారం రాత్రి షాపును మూసివేసి రంగశాయిపేటలోని ఇంటి వెళ్లాడు. షార్ట్‌సర్క్యూట్‌తో ఆదివారం ఉదయం 8 గంటలకు షాపులో మంటలు వ్యాపించాయని సమాచారం అందింది. రామకృష్ణ వచ్చేలోపే అన్ని వస్తువులు కాలిపోయాయి. సమాచారం అందుకున్న అగ్నిమాక అధికారులు, సిబ్బంది వెంటనే సంఘటనా స్థలానికి చేరుకున్నారు. ఉదయం 8.30 గంటల నుంచి నాలుగు ఫైర్‌ ఇంజన్లతో ఐదుగంటలు శ్రమించి మంటలను పూర్తిస్థాయిలో అదుపులోకి తెచ్చారు. షాపు గోదాములో సుమారు రూ.45 లక్షల నుంచి రూ.50 లక్షల విలువైన పాత ప్లాస్టిక్‌, ఇతర వస్తువులు, బొలెరో ట్రాలీ వాహనం అగ్నికి ఆహుతయ్యాయని బాధితుడు తెలిపాడు. కాగా, బొలెరో వాహనం రూ.8 లక్షలు, షెడ్డు నిర్మాణం రూ.10 లక్షలు, రీసైక్లింగ్‌ మిషనరీ రూ.8 లక్షలు, ప్లాస్టిక్‌ స్క్రాప్‌ స్టాక్‌, ఫర్నిచర్‌ రూ.5 లక్షలు అంచనావేసి మొత్తం రూ.30 లక్షల నుంచి రూ.35 లక్షల వరకు ఆస్తి నష్టం సంభవించినట్లు రెవెన్యూ, పోలీసులు, ఫైర్‌ అధికారులు గుర్తించారు. అగ్నిమాపక జిల్లా అధికారి సుదర్శన్‌రెడ్డి, తహసీల్దార్‌ శ్రీకాంత్‌, మామునూరు ఇన్‌స్పెక్టర్‌ జవ్వాజీ సురేశ్‌, ఫైర్‌ అధికారులు ఎం.డి అయూబ్‌, దిలీప్‌కుమార్‌, సిబ్బంది సహాయక చర్యలు చేపట్టారు. ప్రమాదానికి కారణమిదే అగ్ని ప్రమాదంపై బాధితుడు జక్కు రామకృష్ణ అనుమానాలు వ్యక్తం చేశాడు. పక్కన ఉన్న సూరం ప్రభాకర్‌రెడ్డి షెడ్డుకు తన అనుమతి లేకుండా కాంపౌండ్‌ వాల్‌మీదుగా అక్రమంగా విద్యుత్‌ తీగ లాగాడు. మూడు రోజుల క్రితమే ఆ వైరు నుంచి మంటల రవ్వలు రావడంతో గమనించిన వర్కర్లు బాధితుడికి తెలిపారు. వెంటనే అతడు ప్రభాకర్‌రెడ్డికి ఫోన్‌ చేసి విద్యుత్‌ తీగను తొలగించాలని విజ్ఞప్తి చేశాడు. తీగ తొలగించకపోవడంతోనే అగ్ని ప్రమాదం జరిగిందని బాధితుడు పేర్కొన్నాడు. అగ్నిప్రమాదంతో రోడ్డున పడ్డానని, ప్రభుత్వం ఆదుకోవాలని ఆయన కోరాడు.ఎన్టీఆర్‌నగర్‌ రోడ్డులో భారీ అగ్ని ప్రమాదం కాలిపోయిన బొలెరో ట్రాలీ వాహనం, వస్తువులు, పాత సామగ్రి ,పరికరాలు నాలుగు ఫైరింజన్లతో ఐదుగంటలపాటు మంటలార్పిన సిబ్బంది సుమారు రూ.50 లక్షల ఆస్తి నష్టంవర్ధన్నపేట ఎమ్మెల్యే కె.ఆర్‌ నాగరాజు ఘటనా స్థలాన్ని సందర్శించారు. ప్రమాద తీవ్రతను పరిశీలించి పరిస్థితిని సమీక్షించారు. ఘటనకు గల కారణాలను అధికారులు, బాధితుడిని అడిగి తెలుసుకున్నారు. బాధితుడు జక్కు రామకృష్ణకు న్యాయం జరిగేలా నివేదికను ప్రభుత్వానికి అందజేయాలని రెవెన్యూ అధికారులను కోరారు. అధైర్య పడొద్దు మీకు అండగా ఉంటానని, అగ్ని ప్రమాదంలో నష్టపోయిన బాధితుడికి న్యాయం జరిగేలా కృషి చేస్తామని హామీ ఇచ్చారు.

సాక్షిప్రతినిధి, వరంగల్‌: యునెస్కో గుర్తింపు పొందిన రామప్ప దేవాలయం, చారిత్రక రామప్ప చెరువుకు సింగరేణి ప్రతిపాదిత ఓపెన్‌కాస్ట్‌ బొగ్గుగనితో పొంచిఉన్న ముప్పుపై పౌరులు, పౌరస్పందన వేదికలు ఆందోళన వ్యక్తం చేస్తున్నాయి. ‘మైనింగ్‌ ఆపండి, రామప్పను కాపాడండి’ నినాదంతో ప్రజా ఉద్యమాలకు శ్రీకారం చుడుతున్నాయి. ఓపెన్‌కాస్ట్‌ బొగ్గుగని వల్ల ముప్పు పొంచి ఉందని, ఆ ప్రాజెక్టును ఉపసంహరించుకోవాలని కేంద్రమంత్రి జి.కిషన్‌రెడ్డిని కలిసి కాకతీయ హెరిటేజ్‌ ట్రస్ట్‌ (కేహెచ్‌టీ) వినతిపత్రం సమర్పించింది. ఈ మేరకు ట్రస్టీ ప్రొఫెసర్‌ ఎం.పాండురంగారావు, వరంగల్‌ నగర మాజీ మేయర్‌ టి.రాజేశ్వర్‌రావు, మండల పరశురాములు తదితరులు ఆదివారం ఒక ప్రకటనలో వివరాలు వెల్లడించారు. 3 టీఎంసీల చెరువుపై ప్రభావం? ములుగు జిల్లా వెంకటాపురం గ్రామం వద్ద సింగరేణి ప్రతిపాదించిన పీవీ నరసింహారావు ఓపెన్‌కాస్ట్‌ మైన్‌ రామప్ప చెరువు, దేవాలయానికి దిగువ వైపున సుమారు 5 కిలోమీటర్ల దూరంలో ఉందని వినతిపత్రంలో పేర్కొన్నారు. గనిని సుమారు 300 మీటర్ల లోతు వరకు తవ్వే ప్రతిపాదన ఉందని తెలిపారు. పీవీఎన్‌ఆర్‌ ఓపెన్‌కాస్ట్‌ ప్రాజెక్టు రామప్పకు సుమారు 5 కిలోమీటర్ల దూరంలో ఉందని పేర్కొన్న తాజా అధ్యయనాలు కూడా కేంద్ర మంత్రి దృష్టికి తీసుకెళ్లారు. 3 టీఎంసీల నీటిని నిల్వచేసి దాదాపు 30 వేల ఎకరాలకు సాగునీరు అందించే రామప్ప చెరువుకు ముప్పు పొంచి ఉందని తెలిపారు. చెరువు కింద భాగంలో 300 మీటర్ల లోతైన గని తవ్వితే భూగర్భజలాల ప్రవాహంలో మార్పులు, లీకేజీ వేగం పెరిగే అవకాశం ఉందని, దీనిపై జీఎస్‌ఐ నివేదికలోని పరిశీలనలను ఉటంకించిందని కేహెచ్‌టీ బాధ్యులు కేంద్రం దృష్టికి తీసుకెళ్లారు. బ్లాస్టింగ్‌ వల్ల రామప్ప ఆలయం ఇప్పటికే ఫ్లోర్‌ బీముల్లో పగుళ్లు, డిఫరెన్షియల్‌ సెటిల్‌మెంట్‌ వంటి సమస్యలను ఎదుర్కొంటోందని పేర్కొంది. అధికార యంత్రాంగం నో అన్నా.. పీవీఎన్‌ఆర్‌ ఓపెన్‌కాస్ట్‌ ప్రాజెక్టు ఇంకా ప్రతిపాదిత దశలోనే ఉంది. 2021లో కేంద్ర పర్యావరణ మంత్రిత్వ శాఖకు చెందిన నిపుణుల కమిటీ ప్రాజెక్టుకు టర్మ్స్‌ ఆఫ్‌ రిఫరెన్స్‌ (టీఓఆర్‌) మంజూరుకు సిఫా రసు చేసింది. 2026 సెప్టెంబర్‌లో రామప్పపై ప్ర భావాన్ని అంచనా వేసేందుకు శాసీ్త్రయ, పర్యావరణ అధ్యయనాలు పూర్తయ్యే వరకు ముందుకు వెళ్లరాదనే అభిప్రాయాన్ని ములుగు జిల్లా యంత్రాంగం వ్యక్తం చేసింది. ఇటీవల పాలంపేట ప్రత్యేక అ భివృద్ధి సంస్థ సమావేశంలో కూడా ప్రాజెక్టు ప్ర భావంపై సమగ్ర పరిశీలన, శాసీ్త్రయ అధ్యయనాల అవసరాన్ని చర్చించారు. నో అబ్జెక్షన్‌ సర్టిఫికెట్‌ (ఎన్‌ఓసీ)పై తుది నిర్ణయం అన్ని అంశాలను పరిశీ లించిన తర్వాతే తీసుకుంటామని కలెక్టర్‌ స్పష్టం చేసినట్లు నివేదికలు వెల్లడించినా సింగరేణి ముందుకు సాగడంపై కేహెచ్‌టీ ఆధ్వర్యంలో కేంద్రమంత్రికి ఫిర్యాదు చేయడం చర్చనీయాంశమవుతోంది. కేంద్ర మంత్రి కిషన్‌రెడ్డికి కేహెచ్‌టీ వినతిపత్రం ‘రామప్ప’ పరిరక్షణకు ప్రజా ఉద్యమం 5 కిలోమీటర్ల దూరంలో 300 మీటర్ల లోతైన ఓపెన్‌కాస్ట్‌ చెరువుపై ‘హైడ్రాలిక్‌ గ్రేడియంట్‌’ ప్రభావంపై ఆందోళన

నల్లబెల్లి: ఎన్నో ఏళ్లుగా ఒకే రంగంలో పనిచేశారు. కష్టసుఖాల్లో ఒకరికొకరు అండగా నిలిచారు. సొంతంగా లారీ కొనుగోలు చేసి ఓనర్లుగా ఎదగాలని కలలు కన్నారు. కుటుంబాలకు మెరుగైన భవిష్యత్‌ ఇవ్వాలని తాపత్రయపడ్డారు. కానీ, విధి వారి ఆశలను మధ్యలోనే చిదిమేసింది. మొక్కజొన్నల లోడుతో వచ్చిన లారీని రోడ్డుపక్కన నిలిపి ఫ్యాక్టరీకి వెళ్లేందుకు రోడ్డు దాటుతుండగా జరిగిన ప్రమాదం ఇద్దరు స్నేహితులను బలితీసుకుంది. సిద్దిపేట జి ల్లా కోహెడ మండలం శంకర్‌నగర్‌ క్రాస్‌ వద్ద ఆది వారం తెల్లవారుజామున జరిగిన ఈ విషాదకర ఘ టనలో వరంగల్‌ జిల్లా నల్లబెల్లి మండలం ఒల్లే నర్సయ్యపల్లికి చెందిన చెంచు రాజు, రంగాపూర్‌కు చెందిన కొయ్యాల శ్రీనివాస్‌ మృతి చెందారు. ఒకే దారి.. ఒకే కల.. రాజు, శ్రీనివాస్‌ స్నేహితులు. దాదాపు 15 ఏళ్లకుపైగా పరిచయం ఉంది. డ్రైవర్లుగా పనిచేస్తూ ఎన్నో కిలోమీటర్లు కలిసి ప్రయాణించారు. చెమటోడ్చి సంపాదించిన సొమ్ముతో కుటుంబాలను పోషించారు. ఇతరుల లారీలను నడుపుతూ ఎప్పటికై నా సొంత లారీ కొనుగోలు చేసి ఓనర్లుగా ఎదగాలని కలలు కనేవారు. ఆ కలను నిజం చేసుకునే క్రమంలో రెండేళ్ల క్రితం రాజు లారీ కొనుగోలు చేశాడు. ఆ లారీతోనే కుటుంబానికి ఆసరాగా నిలుస్తూ స్నేహితుడు శ్రీనివాస్‌తో కలిసి సరుకు రవాణాచేస్తూ జీవనం సాగిస్తున్నాడు. పిల్లల భవిష్యత్‌ కోసం తపన.. చెంచు రాజుకు భార్య మంజుల, కుమార్తె, కుమారుడు ఉన్నారు. కుటుంబాన్ని కష్టాల నుంచి గట్టెక్కించి పిల్లలను మంచి స్థాయికి తీసుకెళ్లాలన్న తపనతో పని చేసేవాడు. సొంతంగా లారీ కొనుగోలు చేసిన తర్వాత తమ కుటుంబ పరిస్థితులు మెరుగుడతాయని ఆశించాడు. కానీ, ఆ ఆశలను ప్రమా దం ఆవిరి చేసింది. కొయ్యాల శ్రీనివాస్‌కు భార్య సరిత,ఇద్దరు కుమారులు ఉన్నారు. పిల్లల భవిష్యత్‌ కోసం కష్టపడి పనిచేసిన శ్రీనివాస్‌ ఇక తిరిగిరాడన్న నిజాన్ని కుటుంబీకులు జీర్ణించుకోలేకపోతున్నారు. తండ్రి కోసం ఎదురుచూస్తున్న ఆ ఇద్దరు కుమారులను ఓదార్చడం ఎవరితరం కావడం లేదు. రెండు కుటుంబాల్లో తీరని శోకం.. ఒకే వృత్తి.. ఒకే లక్ష్యం.. విడదీయరాని స్నేహం. చివరకు మరణంలోనూ ఇద్దరు కలిసే వెళ్లారు. రాజు, శ్రీనివాస్‌ మృతితో ఒల్లెనర్సయ్యపల్లి, రంగాపురం గ్రామాల్లో విషాదఛాయలు అలుముకున్నాయి. కుటుంబాలకు అండగా నిలిచిన ఇద్దరు వ్యక్తులు ఒకేసారి దూరం కావడంతో బంధువులు, గ్రామస్తులు కన్నీరుమున్నీరుగా విలపిస్తున్నారు. లారీ ఓనర్లుగా ఎదగాలన్న కలతో మొదలైన వారి ప్రయాణం.. అదే లారీతో వచ్చిన చివరి ప్రయాణంగా మారడం స్థానికులను తీవ్రంగా కలచివేసింది. ప్రయాణం.. విషాదాంతం మాట్లాడుతున్న సాంబశివరావురోడ్డు దాటుతుండగా బొలెరో ఢీ.. ఇద్దరు స్నేహితుల మృతి సిద్దిపేట జిల్లా కోహెడ మండలం శంకర్‌నగర్‌ క్రాస్‌ వద్ద ఘటన ఒల్లే నర్సయ్యపల్లి, రంగాపురం గ్రామాల్లో విషాదఛాయలునర్సంపేట నుంచి మొక్కజొన్నల లోడుతో లారీలో బయలుదేరిన రాజు, శ్రీనివాస్‌ సిద్దిపేట జిల్లా కొహెడ మండలంలోని ఇథనాల్‌ ఫ్యాక్టరీకి చేరుకున్నారు. శంకర్‌నగర్‌ క్రాస్‌రోడ్డు వద్ద లారీని రోడ్డు పక్కన నిలిపారు. అనంతరం ఫ్యాక్టరీలోకి వెళ్లేందుకు ఇద్దరు కలిసి రోడ్డు దాటుతుండగా, అదే సమయంలో గుర్తు తెలియని బొలెరో వాహనం అతివేగంగా వచ్చి వారిద్దరిని ఢీకొంది. ఈ ప్రమాదంలో తీవ్రంగా గాయపడిన ఆ స్నేహితులు అక్కడికక్కడే మృతి చెందారు. ఏళ్లుగా కలిసి సాగిన వారి ప్రయాణం అక్కడే విషాదాంతమైంది.

వరంగల్‌ స్పోర్ట్స్‌ : హనుమకొండలోని జవహర్‌లాల్‌ నెహ్రూ స్టేడియంలో ఆదివారం నేషనల్‌ ఇంటర్‌ డిస్ట్రిక్ట్‌ అథ్లెటిక్స్‌ పోటీలు ఉత్సాహంగా జరిగాయి. వరంగల్‌ జిల్లా అథ్లెటిక్స్‌ అసోసియేషన్‌ ఆధ్వర్యంలో అండర్‌–14,16 బాలబాలికల విభాగంలో నిర్వహించిన పోటీలకు వరంగల్‌ జిల్లా నుంచి 120 మంది క్రీడాకారులు హాజరైనట్లు అసోసియేషన్‌ జిల్లా కార్యదర్శి ఊర యుగెంధర్‌రెడ్డి తెలిపారు. అండర్‌–14 విభాగంలో ట్రయథ్లాన్‌ ఈవెంట్లలో ఏ, బీ, సీ కేటగిరీల్లో పోటీలు నిర్వహించగా, అండర్‌–16 విభాగంలో 60, 600 మీటర్ల పరుగుతోపాటు లాంగ్‌జంప్‌, హైజంప్‌, జావెలిన్‌త్రో ఈవెంట్లలో పోటీలు నిర్వహించినట్లు పేర్కొన్నారు. ఇందులో ప్రతిభ కనబరిచిన 13 మంది అథ్లెట్లు వచ్చే నెల 14 నుంచి 16వ తేదీ వరకు సంగారెడ్డిలోని వోక్సన్‌ యూనివర్సిటీలో జరగనున్న నేషనల్‌ ఇంటర్‌ డిస్ట్రిక్ట్‌ పోటీల్లో పాల్గొంటారని తెలిపారు. దేశ వ్యాప్తంగా 560 జిల్లాల నుంచి సుమారు ఆరు వేల మంది క్రీడాకారులు పాల్గొంటారని వివరించారు. అనంతరం విజేతలకు పతకాలు, సర్టిఫికెట్లు అందజేశారు. కార్యక్రమంలో తెలంగాణ అథ్లెటిక్స్‌ అసోసియేషన్‌ రాష్ట్ర కార్యదర్శి సారంగపాణి, వరంగల్‌ అథ్లెటిక్స్‌ అసోసియేషన్‌ జిల్లా చైర్మన్‌ గట్టు మహేశ్‌బాబు, అధ్యక్షుడు పుల్యాల కిషన్‌, పీడీలు వాసుదేవరావు, రజనీకాంత్‌, కృష్ణమూర్తి, మహేందర్‌, కోచ్‌లు శ్రీమన్నారాయణ, నాగరాజు తదితరులు పాల్గొన్నారు.

మహబూబాబాద్‌: యాప్‌లతో పాటు పనిభారంతో పంచాయతీ కార్యదర్శుల సతమతమవుతున్నారు. డీఎస్‌ఆర్‌ యాప్‌లో ఉదయం 11 గంటలకు అటెండెన్స్‌ వేయాల్సి ఉండగా.. నాలుగు రోజుల క్రితం ఉదయం 9గంటలకు మార్చారు. దీంతో ఉదయం హడావుడిగా కార్యాలయాలకు వస్తున్నామని పంచాయతీ కార్యదర్శులు ఆవేదన వ్యక్తం చేస్తున్నారు. ఈ విషయంలో వెసులుబాటు కల్పించాలని కోరుతున్నారు. ఈమేరకు ఆందోళన బాటపట్టేందుకు సిద్ధమవుతున్నారు. కార్యాలయంలో 36 రికార్డుల నిర్వహణ, పెరిగిన గ్రామసభలతో పాటు ఆన్‌లైన్‌ యాప్‌లతో సతమతమవుతున్నామని వారు చెబుతున్నారు. 482 జీపీలు.. జిల్లాలోని 18 మండలాల్లో 482 గ్రామపంచాయతీలు ఉన్నాయి. 2011 జనాభా లెక్కల ప్రకారం 6,35,872 మంది ఉన్నారు. ఆయా జీపీలకు గాను 406 మంది పంచాయతీ కార్యదర్శులు మాత్రమే ఉన్నారు. మిగిలిన జీపీలకు ఇన్‌చార్జ్‌లతో నిర్వహిస్తున్నారు. గ్రామపంచాయతీ వ్యవస్థలో కార్యదర్శులు కీలక పాత్ర పోషిస్తున్నా ఇబ్బందులకు గురి చేయడం సరికాదని వారు ఆవేదన వ్యక్తం చేస్తున్నారు. పాలక వర్గంతో కలిసి లక్ష్యాల సాధనకు కృషి చేస్తున్నారు. పెరిగిన పని భారం.. గతంలో సంవత్సరానికి నాలుగుసార్లు జరిగే గ్రామ సభలు ఇప్పుడు వారానికి రెండు నుంచి నాలుగు సార్లు పెట్టాల్సి వస్తోంది. వాటిని యాప్‌లలో ఆన్‌లైన్‌ చేయాలి. దీంతో తీవ్ర ఒత్తిడి పెరిగిందని కార్యదర్శులు ఆవేదన వ్యక్తం చేస్తున్నారు. వాస్తవానికి జీపీలో కోరం ఉంటేనే గ్రామ సభలు నిర్వహించాలి. కానీ, గ్రామ సభలు కూడా అధికారిక ఒత్తిడితో నిర్వహించాల్సి వస్తోందని వారు అంటున్నారు. ఉదాహరణకు జీపీ స్వాప్‌ గ్రామసభ, జీపీడీపీ గ్రామసభ, వీబీపీ రామ్‌ జీ గ్రామ సభ, అంబేడ్కర్‌ జయంతి గ్రామసభ, గాంధీ జయంతి సభ , పర్యావరణ సభ, మహిళా గ్రామసభ తదితర సభలు నిర్వహిస్తున్నారు. యాప్‌లతో ఒత్తిడి.. ● ఉదయం 9గంటలకే జీపీలో డీఎస్‌ఆర్‌ యాప్‌లో అటెండెన్స్‌ నమోదు చేసుకోవాలి. ● ఇందిరమ్మ ఇళ్ల యాప్‌ నిర్వహణ, ఎస్‌బీఎం యాప్‌ నిర్వహణ, జీపీ స్వాప్‌, జీపీడీపీ ఆన్‌లైన్‌ వర్క్స్‌. ● ఎస్‌బీఎం గ్రామీణ్‌ యాప్‌, పీఎస్‌జీపీ మానిటరింగ్‌ యాప్‌, నిర్ణయ్‌ యాప్‌, మిషన్‌ భగీరథ యాప్‌, ఎం యాక్షన్‌ యాప్‌, మేరీ పంచాయతీ యాప్‌, ఐఎఫ్‌ఎంఐఎస్‌ యాప్‌, చేయూత యాప్‌. ● చీటికి మాటికి గ్రామసభలు, గ్రామ స్వరాజ్‌ ఆన్‌లైన్‌ వర్క్స్‌. ● సెగ్రిగేషన్‌, ట్రాక్టర్‌ నిర్వహణ, ఆఫీస్‌లో 36 రికార్డుల నిర్వహణ. ఇతర పనులు.. సర్‌ ప్రక్రియ, పింఛన్‌ ఆప్లికేషన్‌ స్వీకరణ, ఆన్‌లైన్‌ , వీబీజీ రామ్‌జీ తీర్మానాలు, ఇంకుడుగుంతలు, ఊర కుంటలు, పంట కుంటల టార్గెట్స్‌. కుక్కలు, కోతుల సర్వేలు, మరుగుదొడ్ల సర్వేతో యాప్‌లో నమోదు. డీపీఓ కార్యాలయంలో పలు ఫైళ్లు పెండింగ్‌.. ఉద్యోగరీత్యా రావాల్సిన బెనిఫిట్స్‌, జేపీఎస్‌ల ప్రొబేషన్‌ డిక్లేర్‌, ఉద్యోగుల మెడికల్‌ బిల్స్‌ డీపీఓ కార్యాలయంలో పెండింగ్‌లో ఉన్నాయి. డిప్యుటేష్‌ ఫైళ్లతో పాటు పలు బిల్లుల ఫైళ్లు పెండింగ్‌లోనే ఉన్నాయని ఆవేదన వ్యక్తం చేస్తున్నారు. పెండింగ్‌ ఫైళ్లు క్లియర్‌ చేయాలని కోరుతున్నారు.ఉదయం 9 గంటలకు అటెండెన్స్‌ గతంలో అటెండెన్స్‌ విషయంలో మంత్రి సీతక్క ఉదయం 11గంటల వరకు వెసులుబాటు కల్పించారు. తిరిగి సంబంధిత అధికారులు మళ్లీ ఉదయం 9గంటలకే అటెండెన్స్‌ అమలు చేస్తున్నారు. సమయానికి రాకుంటే షోకాజ్‌ నోటీసులు ఇస్తున్నారు. దీంతో చేసేది ఏమీ లేక ఆగమేఘాల మీద వెళ్లాల్సి వస్తోందని కార్యదర్శులు ఆవేదన వ్యక్తం చేస్తున్నారు. పంచాయతీ కార్యదర్శులపై పని ఒత్తిడి ఉదయం 9 గంటలకే డీఎస్‌ఆర్‌ యాప్‌లో అటెండెన్స్‌ ఆఫీస్‌లో 36 రికార్డుల నిర్వహణ సతమతమవుతున్న కార్యదర్శులు జిల్లాలో 482 జీపీలకు.. 406 మంది సిబ్బంది

సాక్షిప్రతినిధి, వరంగల్‌: ‘హిమం’ అంటే చలి.. మంచు.. కశ్మీర్‌ గుర్తొస్తుంది. ‘సాగరం’ అంటే సముద్రం.. కన్యాకుమారి గుర్తుకొస్తుంది. ఈ రెండు భిన్న భౌగోళిక ప్రపంచాలను ఒకే రైలు పట్టాలపై కలిపితే అదే హిమసాగర్‌ ఎక్స్‌ప్రెస్‌. దేశంలోని ఒక చివర నుంచి మరో చివర వరకు ప్రజలను తీసుకెళ్తున్న ఈ సుదూర రైలు 1984 అక్టోబర్‌ 3న తన ప్రయాణాన్ని ప్రారంభించింది. అప్పట్లో జమ్ముతావి–కన్యాకుమారి మధ్య నడిచిన ఈ రైలు.. ఆ తర్వాత దేశంలోనే అత్యంత దూరం నడిచే రైళ్లలో ఒకటిగా నిలిచింది. 2015లో జమ్ముతావి బదులు శ్రీమాతా వైష్ణోదేవి కాట్రా వరకు పొడిగించారు. ఇప్పుడు ఈ రైలుకు 42 ఏళ్లు. ఉత్తరం నుంచి దక్షిణం వరకు ప్రయాణికులను మోస్తున్న ఈ రైలు ప్రస్తుతం భారత రైల్వేలో మూడో అత్యంత సుదూర రైలు సర్వీసుగా కొనసాగుతోంది. సుమారు 3,790 కి.మీ. దూరాన్ని దాదాపు 70 గంటల ప్రయాణంలో కవర్‌ చేస్తోంది. వరంగల్‌కు ప్రత్యేకమైన అనుబంధం హిమసాగర్‌ ప్రయాణంలో ఉమ్మడి వరంగల్‌కు ప్రత్యేక స్థానం ఉంది. ఈ రైలు తెలంగాణలో రామగుండం, వరంగల్‌, ఖమ్మం స్టేషన్లలో మాత్రమే ఆగుతుంది. వరంగల్‌లో ఒక నిమిషం, ఖమ్మంలో మరో నిమిషం మాత్రమే ఆగుతుంది. రైలు వరంగల్‌ స్టేషన్‌కు చేరుకునే సమయం సుమారు 16:09 గంటలు కాగా.. 16:10కే బయలుదేరుతుంది. అంటే ప్రయాణికుడు రైలు ఎక్కడానికి, దిగడానికి కూడా గడియారం కన్నా వేగంగా నిర్ణయం తీసుకోవాల్సిందే అన్నమాట. కాగా, హిమసాగర్‌ ఎక్స్‌ప్రెస్‌కు కాజీపేటలో స్టాప్‌ లేదు. ‘కశ్మీర్‌ నుంచి కన్యాకుమారి వరకు కనెక్టివిటీ ఉంది. కాజీపేట నుంచి హిమసాగర్‌కు మాత్రం కనెక్షన్‌ లేదు’ అంటూ రైల్వే ప్రయాణికులు సరదాగా వ్యాఖ్యానించే పరిస్థితి. 12 రాష్ట్రాల మీదుగా.. హిమసాగర్‌ ఎక్స్‌ప్రెస్‌ దేశ భౌగోళిక వైవిధ్యానికి ఒక కదిలే అద్దం. జమ్మూకశ్మీర్‌ నుంచి ప్రారంభమై పంజాబ్‌, హరియాణా, ఢిల్లీ, ఉత్తరప్రదేశ్‌, రాజస్థాన్‌, మధ్యప్రదేశ్‌, మహారాష్ట్ర, తెలంగాణ, ఆంధ్రప్రదేశ్‌, కేరళ, తమిళనాడు మీదుగా ప్రయాణిస్తుంది. 12 రాష్ట్రాల మీదుగా సాగుతున్న ఈ సుదూర ప్రయాణం భారతదేశ భిన్నత్వంలో ఏకత్వానికి ప్రతీకగా నిలుస్తోంది. ఒకే రైలులో ప్రయాణిస్తే.. ఉత్తర భారత వాతావరణం నుంచి దక్షిణ భారత తీరప్రాంత వాతావరణం వరకు మార్పును ప్రత్యక్షంగా చూడొచ్చు. ఆధ్యాత్మిక పర్యటనకూ ప్రత్యేకంగా ఉపయోగపడుతుంది. కాట్రాలోని శ్రీమాతా వైష్ణోదేవి నుంచి ప్రారంభమైన ప్రయాణం.. మార్గమధ్యంలో తిరుపతి వంటి పుణ్యక్షేత్రాలను కలుపుతూ చివరికి కన్యాకుమారి వరకు తీసుకెళ్తుంది. అప్పట్లో ‘లాంగెస్ట్‌’.. ఇప్పుడు మూడో స్థానం హిమసాగర్‌ ఎక్స్‌ప్రెస్‌ దేశంలోనే అత్యంత దూరం నడిచే రైలు ప్రయాణాల్లో అగ్రస్థానంలో ఉండేది. 2011లో దిబ్రూగఢ్‌–కన్యాకుమారి వివేక్‌ ఎక్స్‌ప్రెస్‌ రావడంతో ఆ రికార్డు మారింది. ప్రస్తుతం వివేక్‌ ఎక్స్‌ప్రెస్‌, అరొనై సూపర్‌ఫాస్ట్‌ ఎక్స్‌ప్రెస్‌ల తర్వాత హిమసాగర్‌ మూడో స్థానంలో ఉంది. దేశాన్ని కలపడానికి రైల్వే పట్టాలు వేసిన కాలంలో పుట్టిన ఈ రైలు.. నాలుగు దశాబ్దాల తర్వాత కూడా ‘హిమం నుంచి సాగరం వరకు.. భారతదేశం ఒక్కటే’ అనే భావనకు కదిలే చిహ్నంగా నిలుస్తోంది. వరంగల్‌ మీదుగా హిమసాగర్‌ ఎక్స్‌ప్రెస్‌ 42 ఏళ్ల ప్రయాణం కశ్మీర్‌ కొండల నుంచి కన్యాకుమారి సముద్రతీరం వరకు.. 3,790 కిలోమీటర్ల దూరం.. 70 గంటల సుదీర్ఘ జర్నీ

సాక్షి, మహబూబాబాద్‌ : కాలం మారింది.. పరిస్థితులు మారాయి.. జీవన విధానం మారింది.. వివాహాల పద్ధతులు మారాయి.. పని ఒత్తిడి.. తదితర కారణాలతో జిల్లాలో జననాల సంఖ్య తగ్గుతోంది. వివాహిత గర్భం దాల్చిన నాటి నుంచి శిశువు పుట్టి సంపూర్ణ ఆరోగ్యంతో తల్లీబిడ్డలను ఆస్పత్రి నుంచి ఇంటికి పంపించడంలో ఆశ వర్కర్లు కీలక పాత్ర పోషిస్తున్నారు. మాతా, శిశు మరణాలను తగ్గించాలనే ఆలోచనతో నెలతప్పిన ప్రతీ మహిళను నమోదు చేయాలని టార్గెట్‌ పెట్టుకున్నారు. అయితే ఈ టార్గెట్‌ ఆశ వర్కర్ల పాలిట శాపంగా మారింది. ఎప్పుడు ఎవరి నోటినుంచి శుభవార్త వస్తుందో అని ఆశవర్కర్లు ఎదురుచూసే పరిస్థితి నెలకొంది. ఏఎంసీ టార్గెట్లు.. ప్రతీ ఇంటికి ప్రభుత్వ వైద్యం, సేవలు అందించాలనే అలోచనతో ప్రతీ వెయ్యిమంది జనాభాకు ఒక ఆశవర్కర్‌ను నియమించారు. జిల్లా వ్యాప్తంగా 895 మందిని నియమించారు. ఇప్పటి వరకు గర్భిణులు, బాలింతలకు వ్యాక్సినేషన్‌, ఆరోగ్య సర్వేలు, పల్స్‌పోలియో, దీర్ఘకాలిక వ్యాధుల బారిన పడిన వారికి మందుల పంపిణీ, గర్భం దాల్చిన ప్రతీ మహిళ ఆస్పత్రిలో ప్రసవం జరిపించేలా చూడాలి. అయితే రోజువారి పనులు చేస్తున్నా.. ఏఎంసీలు(గర్భిణులు) నమోదు పెంచాలనే టార్గెట్‌ పెట్టారు. ప్రతీ ఆశవర్కర్‌ నెలకు కనీసం మూడుకు తగ్గకుండా నమోదు చేయాలని, అలా చేస్తేనే జీతం పడుతుందని అధికారులు చెబుతున్నారు. దీంతో ఇంట్లో పెళ్లి జరిగిన నాటి నుంచి ప్రతీ నెల వెళ్లి శుభవార్త చెబుతారా అనే పరిస్థితి నెలకొంది. పదే పదే ఇంటికి వెళ్లి అడగడంతో మహిళలు ఇబ్బందులు పడుతున్నారని, కొందరైతే.. పంచాయితీలు కూడా పెట్టుకుంటున్నారని ఆశవర్కర్లు ఆవేదన వ్యక్తం చేస్తున్నారు. గర్భందాల్చేందుకు ఆలస్యం.. గతంలో చిన్నతనంలోనే వివాహాలు జరిగేవి. కానీ, ఇప్పుడు 25 సంవత్సరాల లోపు మహిళలు, 30 సంవత్సరాలలోపు పురుషులు వివాహం చేసుకునే వారి సంఖ్య చాలా అరుదు. చదువులు, ఉద్యోగాల వేట, కుటుంబ పోషణ భారం కావొద్దని, కుటుంబ బాధ్యతలు మీదపడడం వంటి పరిస్థితుల్లో కొందరు అయితే 40 సంవత్సరాలు వచ్చినా వివాహాలు చేసుకోవడం లేదని లెక్కలు చెబుతున్నాయి. వివాహాలు ఆలస్యం కావడం, ఉరుకులు పరుగుల జీవితాలతో భార్యాభర్తలు ఒత్తిడికి గురై త్వరగా గర్భం దాచ్చడం లేదు. ఇటీవల పలు సంస్థలు వివాహాల ఆలస్యం, గర్భం దాల్చడం మొదలైన వివరాలకోసం సర్వేలు నిర్వహించారు. ఈమేరకు జిల్లాలో 30శాతం మంది యువతీ, యువకులు ఆలస్యంగా వివాహాలు చేసుకుంటున్నట్లు తేలింది.జిల్లా వివరాలు ఆశ వర్కర్లకు గర్భిణుల వివరాల నమోదులో ఇబ్బందులు ప్రతీ నెల టార్గెట్‌ పూర్తిచేయాలని అధికారుల ఒత్తిడి వయసు మీరిన తర్వాత వివాహాలతో ప్రెగ్నెన్సీ ఆలస్యం రోజురోజుకూ తగ్గుతున్న గర్భిణులు సంఖ్య టార్గెట్లు తగ్గించాలని సిబ్బంది విజ్ఞప్తిజిల్లాలో వివాహాలు, సంతానోత్పత్తి 2019–21 2023–24 18ఏళ్లలోపు వివాహమైన యువతులు 28.3శాతం 15.8శాతం గత పదేళ్లలో ముగ్గురికన్నా ఎక్కువ పిల్లలు 0.5శాతం 2.0శాతం 15–19సంవత్సరాల వయసులో గర్భిణుల శాతం 6.6శాతం 5.4శాతం పిల్లలు వద్దు అనుకునే వారు 2.5శాతం 2.7శాతం

● ఈ నెల 7,8వ తేదీల్లో నిర్వహణ కేయూ క్యాంపస్‌ : కాకతీయ యూనివర్సిటీ స్వర్ణోత్సవం, బయోటెక్నాలజీ రజతోత్సవ వేడుకలను పురస్కరించుకుని బయోటెక్నాలజీ విభాగం ఆధ్వర్యంలో ఈనెల 7,8 తేదీల్లో రెండు రోజులపాటు జాతీయ సదస్సు నిర్వహించనున్నారు. ‘మోడర్న్‌ బయోటెక్నాలజీ చాలెంజెస్‌ అండ్‌ అపార్చునిటీస్‌’ అనే అంశంపై నిర్వహించనున్న ఈ జాతీయ సదస్సు ఈనెల 7న యూనివర్సిటీలోని సెనెట్‌ హాల్‌లో ఉదయం10:30 గంటలకు ప్రారంభం కానుంది. ముఖ్యఅతిథిగా కేయూ వీసీ కె. ప్రతాప్‌రెడ్డి, గౌరవ అతిథిగా రిజిస్ట్రార్‌ వి. రామచంద్రం, సైన్స్‌ఫ్యాకల్టీ డీన్‌ బి. వెంకట్రామ్‌రెడ్డి పాల్గొనున్నారు. మైసూర్‌లోని సెంట్రల్‌ ఫుడ్‌ టెక్నాలజికల్‌ రీసెర్చ్‌ ఇన్‌స్టిట్యూట్‌ డైరెక్టర్‌ గిరిధర్‌ పర్వతం కీలకపోన్యాసం చేస్తారు.ఈ సదస్సు ముగింపు సభ ఈనెల 8న సాయంత్రం నిర్వహిస్తారు. యూనివర్సిటీ కాలేజీ ప్రిన్సిపాల్‌ టి. మనోహర్‌, రూసానోడల్‌ అధికారి ఆర్‌. మల్లికార్జున్‌రెడ్డి తదితరులు పాల్గొననున్నారని ఈ జాతీయ సదస్సు కన్వీనర్‌ పి. శ్రీనివాస్‌, ఆర్గనైజింగ్‌ సెక్రటరీ టి. శాస్త్రి తెలిపారు. విద్యార్థుల మధ్య ఘర్షణమహబూబాబాద్‌ అర్బన్‌: మహబూబాబాద్‌ జిల్లా కేంద్రలోని తెలంగాణ ట్రైబల్‌ వెల్ఫేర్‌ గురుకుల పాఠశాలలో శనివారం రాత్రి విద్యార్థుల మధ్య ఘర్షణ జరిగింది. దీనిపై ఆర్సీఓ లక్ష్మీనారాయణనాయక్‌ ఆదివారం గురుకుల పాఠశాలను సందర్శించి విచారణ చేపట్టారు. ఈ సందర్భంగా ఆర్సీఓ లక్ష్మీనారాయణ మాట్లాడుతూ ఏడో తరగతి విద్యార్థి రాత్రి 9:30 గంటలకు పాఠశాల ఆవరణలో తిరుగుతుంటే ఇంటర్‌ విద్యార్థి మందలించి కొట్టాడని తెలిపారు. సదరు విద్యార్థి ఈ విషయం తన అన్న పదో తరగతి విద్యార్థికి తెలుపగా ఇంటర్‌ విద్యార్థిని మా తమ్ముడిని ఎందుకు కొట్టావని అడిగాడు. రాత్రి వేళ ఎందుకు తిరుగుతున్నావని మందలించానని చెప్పగా ఇద్దరి మధ్య మాటామాట పెరిగి ఘర్షణకు దారితీసిందన్నా రు. ఈ ఘర్షణలో పదో తరగతి విద్యార్థి చేతికి గాయమైందని, వెంటనే ప్రభుత్వ ఆస్పత్రికి తీసుకెళ్లి ఉపాధ్యాయులు చికిత్స అందించారని తెలిపారు. టౌన్‌ సీఐ, పోలీసులు, తల్లిదండ్రుల సమక్షంలో విద్యార్థులకు కౌన్సెలింగ్‌ నిర్వహించామని చెప్పారు. ఇంటర్‌ చదువుతున్న ఐదుగురి విద్యార్థులపై క్రమశిక్షణ చర్యలు తీసుకుంటున్నామన్నారు. కార్యక్రమంలో కళాశాల ప్రిన్సి పాల్‌ అశోక్‌కుమార్‌, ఉపాధ్యాయులు, విద్యార్థులు పాల్గొన్నారు.

చిల్పూరు: జనగామ జిల్లా చిల్పూరు మండలం గార్లగడ్డతండా గ్రామ పంచాయతీ పరిధిలోని మల్ల న్నగండి రిజర్వాయర్‌లో ప్రమాదవశాత్తు ఆదివారం సాయంత్రం సాఫ్ట్‌వేర్‌ ఇంజనీర్‌ గల్లంతయ్యాడు. స్థానికుల కథనం ప్రకారం.. ఆంధ్రప్రదేశ్‌లోని శ్రీకాకుళం జిల్లాకు చెందిన పడాల కల్యాణ్‌ (26) సికింద్రాబాద్‌లో ఉంటూ సాఫ్ట్‌వేర్‌ ఇంజనీర్‌గా ఉద్యోగం చేస్తున్నాడు. ఆదివారం ఉదయం 8 మంది స్నేహితులతో కలిసి భువనగిరి సమీపంలోని స్వర్ణగిరి, యాదగిరిగుట్ట దర్శనానికి వెళ్లాడు. అనంతరం మల్లన్నగండి రిజర్వాయర్‌ చూసేందుకు వెళ్లాడు. ప్రస్తుతం రిజర్వాయర్‌లో పంపింగ్‌ కొనసాగుతుండడంతో అక్కడ ఆహ్లాదకర వాతావరణం ఉంది. కొద్దిసేపు నీటిలో ఆడి పంపింగ్‌ దగ్గరకు వెళ్లి సెల్ఫీలు దిగేందుకు ప్రయత్నిస్తున్న క్రమంలో కల్యాణ్‌ ఒక్కసారిగా నీటిలోకి జారిపడ్డాడు. తోడుగా వచ్చిన స్నేహితులు అరవగా చుట్టుపక్కల ఉన్న స్థానికులు వచ్చేసరికే నీటి ఉధృతి ఎక్కువగా ఉండడంతో కనిపించకుండా పోయాడు. సమాచారం అందుకున్న ఫైర్‌, పోలీసు సిబ్బంది అక్కడికి హుటాహుటినా చేరుకుని సంబంధిత అధికారులకు సమాచారం ఇవ్వడంతో పంపింగ్‌ నిలిపివేశారు. రెస్క్యూ టీం గాలించినా ఆచూకీ తెలియలేదు. రాత్రి కావడంతో గాలింపు నిలిపివేశారు.

కురవి: మండల కేంద్రంలోని భద్రకాళీ సమేత వీరభద్రస్వామి ఆలయానికి ఆదివారం భక్తులు పోటెత్తారు. భక్తులు అధిక సంఖ్యలో తరలివచ్చి క్యూలో నిలబడి స్వామివారిని దర్శించుకున్నారు. భద్రకాళీ అమ్మవారికి మొక్కులు చెల్లించుకున్నారు. భక్తులకు ఆలయ అధికారులు సౌకర్యాలు కల్పించారు. భక్తులకు వినోదాన్ని అందించేందుకు హరికథను ఏర్పాటు చేశారు. కదిలిన యంత్రాంగం డోర్నకల్‌: డోర్నకల్‌ పట్టణానికి మున్నేరువాగు నీరు సరఫరా చేసేందుకు మున్సిపాలిటీ సిబ్బంది చర్యలు చేపట్టారు. తాగునీటి ఇబ్బందులపై సాక్షి దినపత్రికలో ‘మున్సిపాలిటీకి భగీరథ కష్టాలు’ అనే శీర్షికన ఆదివారం ప్రచురితమైన కథనంపై స్పందించిన సిబ్బంది విద్యుత్‌ మోటార్లు, పైపుల మరమ్మతులు చేపట్టారు. మున్సిపల్‌ కార్యాలయ ఆవరణలో మున్నేరువాగు నుంచి వచ్చే పైపులైన్‌కు నీటి సంప్‌, ఓవర్‌ హెడ్‌ ట్యాంకు పైపులకు అనుసంధానం చేసే పనులు చేపట్టారు. రెండు రోజుల్లో మున్నేరువాగు నుంచి నీటి సరఫరా పునరుద్ధరిస్తామని మున్సిపల్‌ సిబ్బంది, పాలకవర్గం సభ్యులు తెలిపారు. కేసముద్రం మార్కెట్‌ పాలకమండలి గడువు పొడిగింపు కేసముద్రం: కేసముద్రం వ్యవసాయ మార్కెట్‌ పాలక మండలి పదవీకాలం మరో 6 నెలల పాటు పొడిగిస్తూ రాష్ట్ర ప్రభుత్వం ఉత్తర్వులు జారీ చేసినట్లు కేసముద్రం మార్కెట్‌ కార్యదర్శి రాజేంద్రప్రసాద్‌ ఆదివారం తెలిపారు. 2024 సెప్టెంబర్‌ 19న కేసముద్రం మార్కెట్‌ చైర్మన్‌గా గంట సంజీవరెడ్డితోపాటు వైస్‌చైర్మన్‌గా పెద్దబోయిన ఐలయ్య, డైరెక్టర్‌లుగా సంకెపల్లి నారాయణరెడ్డి, చింతకుంట్ల యాదగిరి, ఎండి.అయూబ్‌ఖాన్‌, భూక్య అనిత, గోపి మధుసూదన్‌, అవుల శ్రీనివాస్‌, గడ్డం వెంకట్‌రెడ్డి, కాకి విజయ, కొట్టం రాము, గుగులోతు వీరన్న, చిదురాల వసంతరావు, వోలం రమేశ్‌ను నియమించారు. కాగా, గత సెప్టెంబర్‌ 19న మార్కెట్‌ పాలక మండలి పదవీకాలం గడువు ముగిసింది. ఈ క్రమంలో మరో 6 నెలల పాటు పాలక మండలి పదవీకాలం పొడిగిస్తూ ప్రభుత్వం ఉత్తర్వులు జారీ చేసినట్లు ఆయన తెలిపారు. జిల్లా స్పోర్ట్స్‌ కరాటే అసోసియేషన్‌ కమిటీ మహబూబాబాద్‌ అర్బన్‌: జిల్లా స్పోర్ట్స్‌ కరాటే అసోసియేషన్‌ నూతన కమిటీని జిల్లా కేంద్రంలోని ఓసీ క్లబ్‌లో ఆదివారం ఎన్నుకున్నట్లు అసోసియేషన్‌ రాష్ట్ర అధ్యక్షుడు ఉరుగొండ చంద్రశేఖర్‌ తెలిపారు. జిల్లా అసోసియేషన్‌ గౌరవ అధ్యక్షుడిగా బి.అజయ్‌సారథిరెడ్డి, జిల్లా అధ్యక్షుడిగా పి.వీరునాయక్‌, ప్రధాన కార్యదర్శిగా సోమ శ్రీధర్‌, కోశాధికారిగా సాయిచంద్‌, కార్యదర్శిగా సాయిప్రకాశ్‌ను ఎన్నుకున్నారు. కార్యక్రమంలో రాష్ట్ర నాయకులు పాయం సురేష్‌, నవీన్‌ తదితరులు పాల్గొన్నారు. జీఎంసీకి మృతదేహం అప్పగింత నెహ్రూసెంటర్‌: మహబూబాబాద్‌ ప్రభుత్వ మెడికల్‌ కళాశాలకు మృతదేహాన్ని లయన్స్‌క్లబ్‌, స్వర్ణకార సంఘం ఆధ్వర్యంలో ఆదివారం అప్పగించారు. జిల్లా కేంద్రానికి చెందిన మోత్కూరు పరమేశ్వర్‌(60) అనారోగ్యంతో మృతిచెందారు. మృతుడి సోదరుడు ప్రభాకర్‌ మృతదేహాన్ని జీఎంసీకి అప్పగించేందుకు ముందుకు వచ్చారు. కార్యక్రమంలో కొండపల్లి కేశవరావు, పారుపల్లి రమేష్‌బాబు, వంగాల పూర్ణాచారి, బండోజు ఉపేంద్రచారి, జీజీహెచ్‌ ఆర్‌ఎంఓ డాక్టర్‌ జగదీశ్వర్‌, పర్కాల రవీందర్‌రెడ్డి తదితరులు పాల్గొన్నారు.

● ఇల్లెందు, మహబూబాబాద్‌ ఎమ్మెల్యేలు కనకయ్య, మురళీనాయక్‌ ఇల్లెందు: ఇల్లెందు, మహబూబాబాద్‌, డోర్నకల్‌ నియోజకవర్గాలకు సీతారామ ప్రాజెక్ట్‌ నుంచి తాగు, సాగు అవసరాలకు గోదావరి జలాలు సాధిస్తామని ఇల్లెందు, మహబూబాబాద్‌ ఎమ్మెల్యేలు కోరం కనకయ్య, భూక్య మురళీనాయక్‌ వెల్లడించారు. కొత్తగూడెం, ఖమ్మం, మహబూబాబాద్‌ జిల్లాల నీటిపారుదలశాఖ ఇంజనీరింగ్‌ అధికారులతో కలిసి ఆదివారం చీమలపాడు – రేలకాయలపల్లి అటవీ ప్రాంతంలో సీతారామ ప్రాజెక్టు ద్వారా ఇల్లెందు నియోజకవర్గానికి, పాలేరుకు నీరు అందించే పంపింగ్‌, లిఫ్ట్‌ ప్రతిపాదిత స్థలాన్ని పరిశీలించారు. లిఫ్ట్‌ ద్వారా చీమలపాడు నుంచి లలి తాపురం – ఇల్లెందుకు ఒక కాల్వ, రాఘబోయినగూడెం నుంచి గార్ల వైపుకు మరో కాల్వ, లలి తాపురం నుంచి బయ్యారం ఇంకో కాలువ, లలి తాపురం నుంచి రోళ్లపాడుకు మరో కాల్వ ఏర్పాటు చేసి 1500 క్యూసెక్కుల నీటిని తరలించాలని ప్రతిపాదన ఉన్నట్లు ఇంజనీరింగ్‌ అధికారులు వివరించారు. అయితే పాపకోలు నుంచి చీమలపాడు వైపు రావాలంటే 6 వేల మీటర్ల పొడవు గుట్ట అడ్డుగా ఉన్నందున సొరంగ మార్గం ఏర్పాటు చేయాల్సి ఉందన్నారు. అనంతరం ఎమ్మెల్యేలు మాట్లాడుతూ సీతారామ ప్రాజెక్టు జలాలు ఇల్లెందు, మహబూబాబాద్‌, డోర్నకల్‌, పాలేరుకు వస్తే ఈ ప్రాంతాలు సస్య శ్యామలం అవుతాయని ఇటీవల జలవననుల శాఖ మంత్రి ఉత్తమ్‌కుమార్‌ రెడ్డిని కలిసి కోరినట్లు తెలిపారు. ఇరిగేషన్‌ అధికారులు మహేశ్వర్‌రావు, చంద్రశేఖర్‌, రవికుమార్‌, సాగర్‌, మహబూబాబాద్‌ మున్సిపల్‌ చైర్‌పర్సన్‌ జ్యోతి ఉన్నారు.

● వివరాలు వెల్లడించిన పోలీసులు జనగామ : గంజాయి తరలిస్తున్న ఐదుగురు వ్యక్తులను అరెస్ట్‌ చేసి రిమాండ్‌కు తరలించినట్లు సీఐ సత్యనారాయణరెడ్డి తెలిపారు. ఆదివారం పట్టణ పోలీస్‌స్టేషన్‌లో ఎస్సైలు భరత్‌, నర్సయ్యతో కలిసి సీఐ మాట్లాడారు. ఈ నెల 3వ తేదీన ఎస్సై భరత్‌ ఆధ్వర్యంలో సిబ్బంది కరుణాకర్‌, కృష్ణ, శ్రీకాంత్‌, శివప్రసాద్‌, రమేశ్‌, సాగర్‌, రాజేశ్‌, శ్రీను సూర్యాపేట రోడ్డుపై వాహనాల తనిఖీలు చేపట్టారన్నారు. ఈ క్రమంలో రెండు బైక్‌లపై ఐదుగురు వ్యక్తులు ఇట్టబోయిన ఉదయ్‌కుమార్‌ (కుందారం, ప్రస్తుతం హైదరాబాద్‌), పోతుగంటి సుధీర్‌ (పెద్దమడూరు), పంజాల శివకుమార్‌ (హైదరాబాద్‌), నందనబోయిన సందీప్‌ (కుందారం), తాండ్ర అభిషేక్‌ (శామీర్‌పేట) పోలీసులను చూసి పారిపోయేందుకు ప్రయత్నించారు. దీంతో వారిని పట్టుకుని విచారించగా తమ వద్ద గంజాయి ఉందని వెల్లడించినట్లు తెలిపారు. ఐదుగురి నుంచి 245 గ్రాముల గంజాయి, రెండు బైక్‌లు, నాలుగు మొబైల్‌ ఫోన్లు స్వాధీనం చేసుకుని అరెస్ట్‌ చేసి రిమాండ్‌కు తరలించినట్లు సీఐ తెలిపారు. అతిగా మద్యం తాగి పెయింటర్‌ మృతిఖిలా వరంగల్‌: అతిగా మద్యం తాగి నిద్రలోనే పెయింటర్‌ మృతి చెందినట్లు మిల్స్‌కాలనీ ఇన్‌స్పెక్టర్‌ స్వామి తెలిపారు. ఆయన కథనం ప్రకారం.. కరీమాబాద్‌కు చెందిన ఆకుతోట మల్లేశం (40) పెయింటర్‌గా పనిచేస్తూ భార్య, పిల్లలను పోషిస్తున్నాడు. ఇటీవల మద్యానికి బానిసై శుక్రవారం ఉదయం పనికి వెళ్లి తిరిగి రాలేదు. శనివారం ఉదయం భార్య గౌతమి ఉదయం లేచి చూడగా ఇంటి ముందు బాల్కానీలో పడుకొని ఉన్నాడు. ఎంతలేపినా లేవకపోవడంతో కుటుంబ సభ్యుల సహకారంతో ఎంజీఎం తరలించారు. వైద్యులు అతడిని పరీక్షించి అప్పటికే మృతి చెందాడని తెలిపారు. ఈ ఘటనపై మృతుడి భార్య ఫిర్యాదు మేరకు ఆదివారం కేసు నమోదు చేసి దర్యాప్తు చేస్తున్నట్లు ఇన్‌స్పెక్టర్‌ స్వామి తెలిపారు.

● త్వరలో జేఎన్‌ఎస్‌లో ఖోఖో ఇండోర్‌ స్టేడియం ● ఖోఖో ఫెడరేషన్‌ ఆఫ్‌ ఇండియా ఎథిక్స్‌ కమిషన్‌ కన్వీనర్‌ జంగా రాఘవరెడ్డి ● అట్టహాసంగా ఉమ్మడి జిల్లా జూనియర్‌ బాలబాలికల ఖోఖో ఎంపికలువరంగల్‌ స్పోర్ట్స్‌: హనుమకొండలోని జవహర్‌లాల్‌ నెహ్రూ స్టేడియంలో రూ.1.79 కోట్లతో అంతర్జాతీయ ప్రమాణాలతో ఖోఖో ఇండోర్‌ స్టేడియం రాబోతోందని ఖోఖో ఫెడరేషన్‌ ఆఫ్‌ ఇండియా ఎథిక్స్‌ కమిషన్‌ కన్వీనర్‌, తెలంగాణ రాష్ట్ర ఖోఖో సంఘం అధ్యక్షుడు జంగా రాఘవరెడ్డి అన్నారు. జేఎస్‌ స్టేడియంలో ఆదివారం ఉమ్మడి వరంగల్‌ జిల్లా ఖోఖో సంఘం ఆధ్వర్యంలో జూనియర్‌ బాలబాలికల ఖోఖో జిల్లా స్థాయి ఎంపికలు నిర్వహించారు. ఈ కార్యక్రమానికి ఆయన ముఖ్య అతిథిగా హాజరై మాట్లాడుతూ క్రీడాకారులకు అన్ని విధాలా ప్రోత్సాహం, సహా య సహకారాలు అందించేందుకు తాము సిద్ధంగా ఉన్నామన్నారు. అయితే తమ ప్రతిభను ని రూపించుకుని జాతీయ స్థాయిలో పతకాలు సా ధించి జిల్లా, రాష్ట్ర ఖ్యాతిని చాటాలన్నారు. ఉమ్మ డి వరంగల్‌ జిల్లా ఖోఖో సంఘం ప్రధాన కార్యదర్శి తోట శ్యాంప్రసాద్‌ మాట్లాడుతూ ఈ ఎంపికల్లో ప్రతిభ కనబరిచిన క్రీడాకారులు ఈ నెల15 నుంచి 17వ తేదీ వరకు హైదరాబాద్‌ సరూర్‌నగర్‌లో నిర్వహించనున్న 45వ రాష్ట్రస్థాయి జూ నియర్‌ ఖోఖో పోటీల్లో ఉమ్మడి వరంగల్‌ జిల్లా తరఫున పాల్గొంటారని తెలిపారు. అనంతరం ఎంపికై న బాలబాలికల జట్లకు క్రీడా దుస్తులను డిస్ట్రిక్ట్‌ సైన్స్‌ ఆఫీసర్‌ పి. సురేశ్‌ బాబు అందజేశా రు. కార్యక్రమంలో లయన్స్‌ క్లబ్‌ సభ్యులు రాంగోపాల్‌ రెడ్డి, మహమ్మద్‌ రహమాన్‌, కుసుమ సదానందం, తదితరులు పాల్గొన్నారు.

తొర్రూరు: మున్సిపల్‌ సర్వసభ్య సమావేశాల నిర్వహణలో చైర్మన్‌, కమిషనర్‌ల తీరు మార్చుకోవాలని బీఆర్‌ఎస్‌ కౌన్సిలర్లు తెలిపారు. తమకు సమాచారం లేకుండా తీర్మానాలు చేస్తున్నారని ఆరోపిస్తూ మున్సిపల్‌ సర్వసభ్య సమావేశాన్ని శనివారం బీఆర్‌ఎస్‌ కౌన్సిలర్లు బహిష్కరించారు. అనంతరం పట్టణంలోని పార్టీ కార్యాలయంలో నిర్వహించిన సమావేశంలో కౌన్సిలర్లు మాట్లాడారు. తీరు మార్చుకోకుంటే ఉన్నతాధికారులకు నివేధిస్తామన్నారు. ఈ సమావేశంలో కౌన్సిలర్లు కర్నె నాగరాజు, భూసాని జయమ్మ, తూర్పాటి రవి, పేర్ల జంపన్న, మాడ్గుల భవానిలత, అల్లం శ్యామల, ధరావత్‌ పద్మ పాల్గొన్నారు.

బయ్యారం: మండలంలోని జగ్నాతండాలో శనివారం పోలీసులు కార్డన్‌సెర్చ్‌ నిర్వహించారు. తండాలో ఇంటింటి సోదాలు నిర్వహించి అనుమానితుల వివరాలు తెలుసుకున్నారు. పలువురి ఇళ్లలో 6లీటర్ల నాటుసారా, 200లీటర్ల బెల్లంపానకంను స్వాధీనం చేసుకున్నారు. అనంతరం గార్ల–బయ్యారం సీఐ లోడిగ రవీందర్‌ తండావాసులను ఉద్దేశించి మాట్లాడారు. నాటుసారా తయారీ, రవాణా చేయడం, గంజాయి వంటి మాదక ద్రవ్యాలను వినియోగించటం వంటి చట్టవిరుద్ధమైన, ఆరోగ్యానికి హానికరమైన పదార్థాలకు ప్రజలు దూరంగా ఉండాలన్నారు. జగ్నాతండాలో నాటుసారా తయారీ చేస్తున్న కాశీరాం, హచ్యాపై కేసు నమోదు చేసినట్ల తెలిపారు. కార్యక్రమంలో ఎస్సైలు ప్రశాంత్‌బాబు, సాయికుమార్‌తోపాటు పోలీస్‌ సిబ్బంది పాల్గొన్నారు. తయారీదారుల బైండోవర్‌ తొర్రూరు: గుడుంబా రవాణా చేస్తున్న ఇద్దరు వ్యక్తులను ఎకై ్సజ్‌ పోలీసులు అదుపులోకి తీసుకున్నారు. ఎకై ్సజ్‌ సీఐ బూస అశోక్‌ తెలిపిన వివరాల మేరకు.. పట్టణంలోని దుబ్బతండా శివారులో ఎకై ్సజ్‌ శాఖ ఆధ్వర్యంలో శనివారం తనిఖీలు నిర్వహించారు. తనిఖీల్లో ఆటోను సోదా చేయగా 10లీటర్ల గుడుంబా లభ్యమైంది. రవాణా చేస్తున్న ఇద్దరు వ్యక్తులను అదుపులోకి తీసుకుని తహసీల్దార్‌ ఎదుట బైండోవర్‌ చేశారు. తనిఖీల్లో ఎస్సై శంకర్‌ పాల్గొన్నారు. గుడుంబా పట్టివేత డోర్నకల్‌: మండలంలోని కస్నాతండా, గన్యాతండాలో శనివారం డోర్నకల్‌ పోలీసులు తనిఖీలు నిర్వహించి గుడుంబాను స్వాధీనం చేసుకున్నారు. ఎస్సై ఝాన్సీ తెలిపిన వివరాల ప్రకారం.. గుగులోత్‌ భద్రమ్మ వద్ద 8లీటర్లు, బానోత్‌ బుజ్జమ్మ వద్ద 6లీటర్ల గుడుంబాను స్వాధీనం చేసుకుని ఇద్దరిపై కేసు నమోదు చేసినట్లు ఎస్సై తెలిపారు. నాటుసారా విక్రయిస్తున్న ఇద్దరి అరెస్ట్‌ కురవి: నాటుసారా విక్రయిస్తున్న ఇద్దరు వ్యక్తులను అరెస్టు చేసినట్లు ఎస్సై సతీష్‌ శనివారం తెలిపారు. బలపాల శివారు లింగ్యాతండాలో కురవి రెండో ఎస్సై జయకుమార్‌ ఆధ్వర్యంలో సిబ్బంది తనిఖీలు చేసినట్లు తెలిపారు. తండాకు చెందిన జెరుపుల శంకర్‌ అనే వ్యక్తి రూ.3200 విలువైన 8లీటర్ల నాటుసారాను, అదే తండాకు చెందిన మాలోత్‌ జగ్న అనే వ్యక్తి రూ.2వేల విలువైన ఐదు లీటర్ల నాటు సారా విక్రయిస్తుండగా పట్టుకుని సీజ్‌ చేసినట్లు ఎస్సై సతీష్‌ తెలిపారు. ఇద్దరిని అరెస్టు చేసినట్లు వివరించారు.

కేసముద్రం: రక్తదానంతో ప్రాణాపాయంలో ఉన్న ఎంతో మందికి పునర్జన్మ లభిస్తుందని బీజేపీ రాష్ట్ర క్రమశిక్షణ సంఘం చైర్మన్‌, మాజీ ఎమ్మెల్యే మార్తినేని ధర్మారావు అన్నారు. ప్రధానమంత్రి నరేంద్రమోదీ ప్రజాజీవితం 25సంవత్సరాలు పూర్తి చేసుకున్న సందర్భంగా శనివారం మండల కేంద్రంలోని పీహెచ్‌సీ సెంటర్‌లో రక్తదాన శిబిరం నిర్వహించారు. ఈ సందర్భంగా ఆయన మాట్లాడారు. మోదీ ప్రజాసేవకు గుర్తుగా ఇలాంటి సేవా కార్యక్రమాలు చేయడం అభినందనీయమన్నారు. కాగా మొత్తం 40మంది దాతలు ముందుకు వచ్చి రక్తదానం చేసినట్లు నిర్వాహకులు తెలిపారు. కార్యక్రమంలో బీజేపీ జిల్లా అధ్యక్షుడు వెంకటేశ్వర్లు, ఎంపీడీఓ క్రాంతి, వైద్యులు శ్రీకాంత్‌, స్పందన, సుభాషిని, శివరాం, నాయకులు రామచందర్‌రావు, విజయ్‌, రమేష్‌, నర్సింహరెడ్డి, శశివర్దన్‌రెడ్డి, వెంకట్‌రెడ్డి, దామోదర్‌ తదితరులు పాల్గొన్నారు. బీజేపీ రాష్ట్ర క్రమశిక్షణ సంఘం చైర్మన్‌ ధర్మారావు

మహబూబాబాద్‌ రూరల్‌: గ్రామాలు, తండాల అభివృద్ధికి ప్రభుత్వం చర్యలు తీసుకుంటుందని ఎమ్మెల్యే భూక్య మురళీనాయక్‌ అన్నారు. మహబూబాబాద్‌ మండల సమన్వయ సమీక్ష సమావేశం ఎంపీడీఓ కార్యాలయంలో శనివారం నిర్వహించారు. ముఖ్యఅతిథిగా ఎమ్మెల్యే హాజరై మాట్లాడారు. గ్రామాల్లోని సమస్యల పరిష్కారం కోసం ఏర్పాటు చేసిన మండల సమన్వయ సమీక్ష సమావేశానికి 14 మంది సర్పంచులు హాజరుకాకపోవడం విచారకరమన్నారు. అర్హులైన నిరుపేదలందరికీ ఇందిరమ్మ ఇళ్లు మంజూరు చేస్తామని తెలిపారు. మిషన్‌ భగీరథ నీరు సరఫరా కావడంలేదని, విద్యుత్‌ సరఫరాలో, విద్యుత్‌ సమస్యల పరిష్కారంలో అవాంతరాలు తలెత్తుతున్నాయని సర్పంచులు ఎమ్మెల్యే దృష్టికి తీసుకువెళ్లారు. ఈ సమావేశంలో ఇన్‌చార్జ్‌ అదనపు కలెక్టర్‌ పురుషోత్తం, ఎంపీడీఓ రఘుపతిరెడ్డి, తహసీల్దార్‌ చంద్రరాజేశ్వర్‌ రావు పాల్గొన్నారు. అనంతరం ఎమ్మెల్యే క్యాంపు కార్యాలయంలో కల్యాణ లక్ష్మి లబ్ధిదారులకు ఎమ్మెల్యే రూ.46లక్షల విలువ గల చెక్కులను పంపిణీ చేశారు. సర్పంచులకు షీటీం అవగాహన సమన్వయ సమావేశంలో షీటీం ఎస్సై సునంద ఆధ్వర్యంలో మహిళలు, బాలికల భద్రతపై సర్పంచ్‌లకు అవగాహన కల్పించారు. ఈసందర్భంగా ఎమ్మెల్యే మాట్లాడుతూ.. గ్రామాల్లో మహిళలు, బాలికల భద్రతకు ప్రతీ ఒక్కరు బాధ్యతగా వ్యవహరించాలన్నారు. ఇందిరమ్మ ఇల్లున్న గ్రామాల్లోనే ఓట్లు అడుగుతాం నెల్లికుదురు: ఇందిరమ్మ ఇళ్లులు ఉన్న గ్రామాల్లోనే ఓట్లు అడుగుతామని, బీఆర్‌ఎస్‌ నాయకులు కూడా తమ పాలనలో డబుల్‌ బెడ్రూం ఇళ్లులు ఇచ్చిన గ్రామాల్లోనే ఓట్లు అడుగాలని ఎమ్మెల్యే భూక్య మురళీనాయక్‌ అన్నారు. మండల కేంద్రంలోని రైతువేదికలో శనివారం నిర్వహించిన కల్యాణ లక్ష్మి చెక్కులను ఎమ్మెల్యే పంపిణీ చేశారు. అనంతరం ఆయన మాట్లాడారు. మండలంలోని మధనతుర్తి గ్రామంలో పోషణ మాసం కార్యక్రమంలో ఎమ్మెల్యే పాల్గొని సామూహిక అక్షరాభ్యాస కార్యక్రమం నిర్వహించారు. కార్యక్రమంలో సర్పంచ్‌ పులి వెంకన్న, తహసీల్దార్‌ చంద నరేష్‌, ఎంపీడీఓ సింగారపు కుమార్‌, మండల అధ్యక్షుడు ఎదళ్ల యాదవరెడ్డి, సీడీపీఓ రేష్మ పాల్గొన్నారు. ఎమ్మెల్యే భూక్య మురళీనాయక్‌

మహబూబాబాద్‌: కలెక్టరేట్‌లోని జిల్లా సంక్షేమాధికారి కార్యాలయంలో శనివారం చిరువ్యాపారం చేసే పేద మహిళలకు గొడుగులు పంపిణీ చేసినట్లు ఇన్‌చార్జ్‌ డీడబ్ల్యూఓ శిరీష తెలిపారు. ఈసందర్భంగా ఆమె మాట్లాడుతూ.. జిల్లాలోని ఐదు ప్రాజెక్ట్‌లకు గాను 25 గొడుగులను కేటాయించగా ప్రాజెక్ట్‌ పరిధిలో వ్యాపారం చేసే పేద మహిళలకు పంపిణీ చేసినట్లు తెలిపారు. మహిళా సాధికారత, సంక్షేమ కార్యక్రమాల అమలులో భాగంగా అవసరమైన సాయాన్ని అందించేందుకు చర్యలు చేపడుతున్నట్లు పేర్కొన్నారు. కార్యక్రమంలో సీనియర్‌ అసిస్టెంట్‌ రాజు, మహిళా సాధికారత కేంద్రం సిబ్బంది పాల్గొన్నారు.

డోర్నకల్‌: ప్రస్తుతం తీవ్రవర్షాభావ పరిస్థితులు నెలకొన్నందున రైతులు యాసంగి సీజన్‌లో పప్పు ధాన్యాల పంటలను సాగు చేయాలని ఆత్మ చైర్మన్‌ నల్లు సుధాకర్‌రెడ్డి కోరారు. మండలంలోని చిలుకోడు రైతువేదికలో శనివారం రైతునేస్తం కార్యక్రమంలో భాగంగా వ్యవసాయశాఖ మంత్రి తుమ్మల నాగేశ్వర్‌రావు ప్రసంగాన్ని రైతులు ప్రత్యక్షంగా తిలకించారు. కార్యక్రమంలో మండల వ్యవసాయ అధికారి కె.అనిల్‌కుమార్‌, సర్పంచ్‌ రాయల వెంకటేశ్వర్‌రావు, సెరీ కల్చర్‌ అధికారి సురేష్‌, ఏఈఓలు పాల్గొన్నారు. తక్కువ నీటితో సాగయ్యే పంటలను పండించాలి బయ్యారం: ఎల్‌నినోను దృష్టిలో ఉంచుకొని తక్కువ నీటితో సాగయ్యే పంటలను రైతులు పండించేలా అవగాహన కల్పించాలని రాష్ట్ర వ్యవసాయశాఖ మంత్రి తుమ్మల నాగేశ్వరరావు వీడియో కాన్ఫరెన్స్‌లో కోరారు. బయ్యారంలోని రైతువేదికలో శనివారం నిర్వహించిన రైతునేస్తం కార్యక్రమంను ఉద్దేశించి ఆయన మాట్లాడారు. కార్యక్రమంలో ఏఓ రాజు, సొసైటీ చైర్మన్‌ మల్లయ్య, బాలాజీపేట సర్పంచ్‌ పార్వతి, సొసైటీ డైరెక్టర్‌ శ్రీనివాస్‌ పాల్గొన్నారు.

గూడూరు: మండల కేంద్రాల్లోని తహసీల్దార్‌ కార్యాలయాల్లో ప్రభుత్వం ఏర్పాటు చేసిన జనరేటర్లు నిరుపయోగంగా నిలిచాయి. 2006–07 సంవత్సరంలో అప్పటి ప్రభుత్వ జిల్లా వ్యాప్తంగా అన్ని మండలాల తహసీల్దార్‌ కార్యాలయాలకు విద్యుత్‌ సరఫరా లేని సమయంలో అంతరాయం లేకుండా ప్రజలకు మెరుగైన సేవలను అందించేందుకు రూ.లక్షలు వెచ్చించి జనరేటర్లను ఏర్పాటు చేసింది. కానీ కార్యాలయాల్లో వాటిపై సరైన నిర్వహణ, పర్యవేక్షణ లోపం కారణంగా ప్రారంభించిన రెండేళ్లకే వినియోగంలో లేకుండా పోయినట్లు తెలిసింది. జిల్లాలోని 18 మండలాల తహసీల్దార్‌ కార్యాలయాలకు అప్పటి ప్రభుత్వం ఒక్కో జనరేటర్‌కు రూ.2లక్షలకు పైగా ఖర్చు చేసి ఏర్పాటు చేయించారు. ఐతే అప్పటి విద్యుత్‌ అంతరాయంతో ప్రజల అవసరాలకు తహసీల్దార్‌ కార్యాలయాల్లో జనరేటర్ల ఏర్పాటుతో ఎలాంటి ఇబ్బందులు లేకుండా పనులు కొన్నాళ్లపాటు బాగా జరిగాయి. ఆ తరువాత వాటిపై ఎవరి పర్యవేక్షణ, సరైన మెయింటనెన్స్‌ లేకపోవడంతో పనిచేయకుండా నిరుపయోగంగా మారాయి. దీంతో జనరేటర్లు తుప్పు పడుతున్నాయి. విద్యుత్‌ పోతే పనులకు ఆటంకమే.. తహసీల్దార్‌ కార్యాలయాల్లోని జనరేటర్లు నిరుపయోగంగా మారడంతో విద్యుత్‌ పోతే పనులకు ఆటంకం ఏర్పడుతుంది. కొన్నేళ్ల నుంచి తహసీల్దార్‌ కార్యాలయాల్లో భూముల రిజిస్ట్రేషన్ల పనులు జరుగుతున్నాయి. ప్రతీ రోజు కార్యాలయంలో ఎక్కువగా ఇంటర్నెట్‌తోపాటు కంప్యూటర్‌ సిస్టమ్‌ల ద్వారా పనులు ఎక్కువగా జరుగుతాయి. దీంతో ఆ పనులు చేసే సమయంలో విద్యుత్‌ కోతలు, మరమ్మతుల పేరుతో విద్యుత్‌ నిలిపితే నిరీక్షించాల్సి వస్తుంది. ఒక్కోసారి పనులు రేపటికి వాయిదా వేస్తున్నారు. దీంతో ప్రజలు ఇబ్బందులు పడుతున్నారు. జనరేటర్ల పనితీరుపై జిల్లాలోని పలువురు తహసీల్దార్‌లను అడగ్గా, జనరేటర్లు పనిచేయడం లేదన్నది వాస్తవమే అని తెలిపారు. ఇప్పటికై నా ప్రజాధనం వృథా కాకుండా, కొద్దిపాటి మరమ్మతుల్లో ఉన్న జనరేటర్లపై ఉన్నతాధికారులు దృష్టి సారించి వాటిని వినియోగంలోకి తీసుకురావాలని ప్రజలు కోరుతున్నారు. రూ.లక్షల ప్రజాధనం వృథా తహసీల్దార్‌ కార్యాలయాల్లో పనిచేయని జనరేటర్లు నిర్వహణ, పర్యవేక్షణ కరువు

విద్యార్థులకు టీషర్ట్స్‌ పంపిణీ బయ్యారం: మండలంలోని గురిమెళ్ల ప్రాథమిక పాఠశాల విద్యార్థులకు స్ఫూర్తి ఎడ్యుకేషనల్‌ సొసైటీ ఆధ్వర్యంలో శనివారం టీ షర్ట్స్‌ పంపిణీ చేశారు. కార్యక్రమంలో సొసైటీ నిర్వాహకుడు రామసహాయం శ్రీధర్‌రెడ్డి, హెచ్‌ఎం ఉపేందర్‌రెడ్డి, సొసైటీ ప్రధాన కార్యదర్శి కృష్ణయ్య, సభ్యులు శ్రీదేవి, నవీన్‌ పాల్గొన్నారు. భూముల రీసర్వే ప్రారంభం డోర్నకల్‌: మండలంలోని బూరుగుపాడు గ్రామంలో శనివారం రెవెన్యూశాఖ ఆధ్వర్యంలో భూముల రీసర్వే ప్రారంభమైంది. భూముల రీసర్వే సమయంలో సంబంధిత రైతులు అందుబాటులో ఉండాలని తహసీల్దార్‌ రాఘవరెడ్డి కోరారు. కాగా గుర్రాలకుంట గ్రామపంచాయతీలో భూముల రీసర్వే పూర్తి చేశారు. తెలంగాణ ఉద్యమకారుడు మృతి దంతాలపల్లి: మండలం పెద్దముప్పారం గ్రామానికి చెందిన మలిదశ తెలంగాణ ఉద్యమకారుడు శనివారం అనారోగ్యంతో మృతిచెందాడు. గ్రామస్తుల వివరాల ప్రకారం.. మండలంలోని పెద్దముప్పారం గ్రామానికి చెందిన ఈదురు జనార్దన్‌(45) రాష్ట్ర సాధన కోసం తన వంతు కృషి చేశాడు. జనార్దన్‌ కొన్ని సంవత్సరాల క్రితం ఖమ్మం వెళ్లి కూలి పనులు చేసుకుంటూ కుటుంబాన్ని పోషిస్తున్నాడు. మృతుడికి భార్యతోపాటు ముగ్గురు కూతుళ్లు ఉన్నారు. రోడ్డు ప్రమాదంలో గుర్తు తెలియని వ్యక్తి.. తొర్రూరు: రోడ్డు ప్రమాదంలో గుర్తు తెలియని వ్యక్తి మృతి చెందాడు. ఈ సంఘటన శనివారం డివిజన్‌ పరిధిలో చోటు చేసుకుంది. ఎస్సై మహేందర్‌రెడ్డి తెలిపిన వివరాల ప్రకారం.. పట్టణంలోని ఎర్రసోమ్లా తండా శివారులో శనివారం రోడ్డుపై నడుచుకుంటు వెళ్తున్న సుమారు 55 ఏళ్ల వయసున్న ఓ గుర్తు తెలియని వ్యక్తిని ఎదురుగా వస్తున్న వాహనం ఢీకొట్టింది. తీవ్రగాయాలైన అతడు అక్కడికక్కడే మృతి చెందాడు. మృతికి కారణమైన వాహనాన్ని గుర్తించేందుకు చర్యలు తీసుకుంటామని ఎస్సై తెలిపారు. వీబీ జీ రామ్‌ జీ పనులపై అవగాహన ఇనుగుర్తి: ఇనుగుర్తి మండల పరిషత్‌ కార్యాలయంలో శనివారం ‘వికసిత్‌ భారత్‌ గ్యారెంటీ ఫర్‌ రోజ్‌గార్‌ అండ్‌ ఆజీవికా మాషన్‌’ పనులపై ప్రత్యేక అవగాహన సదస్సును ఇన్‌చార్జ్‌ ఎంపీడీఓ బండారు పార్ధసారథి అధ్యక్షత నిర్వహించారు. ముఖ్య అతిథిగా దిశ కమిటీ సభ్యుడు గుజ్జునూరి బాబురావు, ఏపీఓ దీప్లా హాజరయ్యారు. సదస్సులో‘వీబీజీ రామ్‌ జీ పనుల పురోగతి, క్షేత్రస్థాయిలో వాటి అమలు తీరుపై సిబ్బందికి దిశా నిర్దేశం చేశారు. నేడు విద్యుత్‌ సరఫరాకు అంతరాయం నెహ్రూసెంటర్‌: విద్యుత్‌ 11కేవీ మెయింటెనెన్స్‌ పనుల కారణంగా ఉదయం 9గంటల నుంచి 11గంటల వరకు పట్టణంలోని పాత బజార్‌లో విద్యుత్‌ సరఫరా నిలిపివేయనున్నట్లు విద్యుత్‌శాఖ ఏఈ సంగీత శనివారం తెలిపారు. ఇన్‌చార్జ్‌ ఎంపీఓకు సన్మానం మరిపెడ రూరల్‌: నేతావత్‌ పర్కజలతండా గ్రామ పంచాయతీలో శనివారం నిర్వహించిన గ్రామసభకు హాజరైన నూతన ఇన్‌చార్జ్‌ ఎంపీఓ శ్రీనివాస్‌ను సర్పంచ్‌ బానోతు కొండయ్య, అంగన్‌వాడీ టీచర్‌ బానోతు కవిత సన్మానించి, శుభాకాంక్షలు తెలిపారు. పాలాభిషేకం కురవి: మండల కేంద్రంలోని అంబేడ్కర్‌ విగ్రహం ఎదుట ఎమ్మెల్యే రాంచంద్రునాయక్‌ ఫ్లెక్సీకి దళిత సంఘాల నాయకులు శనివారం పాలాభిషేకం చేశారు. కురవిలో ఎస్సీ బాలికల హాస్టల్‌ను వేరే భవనంలోకి మార్చేందుకు కృషి చేసినందుకు పాలాభిషేకం చేసినట్లు దైదభద్రయ్య, కిన్నెర మల్లయ్య, ఇరుగు వెంకన్న తెలిపారు. కొనసాగుతున్న ఉద్యోగుల నిరసన దంతాలపల్లి: మండల వైద్యశాల ఎదుట నేషనల్‌ హెల్త్‌ మిషన్‌ (ఎన్‌హెచ్‌ఎం) కాంట్రాక్ట్‌ ఉద్యోగుల కుటుంబ సభ్యులతో నిరసన శనివారం కొనసాగింది. వైద్యులు చందు, వాణి, ఎన్‌ఎంలు స్వప్న, స్వర్ణలత, తదితరులు పాల్గొన్నారు. ప్రకృతి వ్యవసాయంపై అవగాహన తొర్రూరు రూరల్‌: ప్రకృతి వ్యవసాయంపై రైతులు అవగాహన కలిగి ఉండాలని సర్పంచ్‌ బానోతు శ్రీను కోరారు. శనివారం మండలంలోని జీకే తండాలో వ్యవసాయశాఖ ఆధ్వర్యంలో ప్రకృతి వ్యవసాయ సాగుపై అవగాహన కార్యక్రమాన్ని నిర్వహించారు. కార్యక్రమంలో ఏఈఓ భరత్‌చంద్ర, ఇతర ప్రతినిధులు సుష్మా, రాజేశ్వరి, గిరి, యాకాంబ్రం, వార్డు సభ్యులు పాల్గొన్నారు. మహిళతో అసభ్య ప్రవర్తన మరిపెడ రూరల్‌: ఒంటరిగా ఉన్న ఓ మహిళ పట్ల అసభ్యంగా ప్రవర్తించి ఇబ్బందులకు గురి చేసిన ఓ వ్యక్తిని మరిపెడ పోలీసులు అరెస్ట్‌ చేసి రిమాండ్‌కు తరలించారు. ఎస్సై మైబూబీ తెలిపిన వివరాల ప్రకారం.. మండలంలోని వీరారం గ్రామానికి చెందిన ఏర్పుల సురేష్‌ అదే గ్రామానికి చెందిన ఓ మహిళతో అసభ్యంగా ప్రవర్తించినట్లు తెలిపారు. బాధితురాలి ఫిర్యాదు మేరకు కేసు నమోదు చేసి, పరారీలో ఉన్న నిందితుడిని శనివారం పట్టుకుని రిమాండ్‌కు తరలించినట్లు ఎస్సై పేర్కొన్నారు. 25గుంటలకే పరిహారం.. గార్ల: మండలంలోని పుల్లూరు పంచాయతీలో రైతు కీసర సీతారాంరెడ్డికి చెందిన 2.20ఎకరాల భూమి సీతారామ ప్రాజెక్ట్‌ కెనాల్‌ నిర్మాణంలో పోతుండగా, అధికారులు మాత్రం కేవలం 25గుంటల భూమికి మాత్రమే పరిహారం చెల్లిస్తామని పేర్కొనడం ఎంత వరకు సమంజసం అని బాధిత రైతు శనివారం విలేకరుల ఎదుట వాపోయాడు. సంబంధిత జిల్లా అధికారులు స్పందించి ప్రాజెక్ట్‌ కింద కోల్పోతున్న 2.20ఎకరాల భూమికి నష్టపరిహారం చెల్లించిన తర్వాతనే తన భూమిలో కాల్వ నిర్మాణ పనులు మొదలు పెట్టాలని బాధిత రైతు డిమాండ్‌ చేశాడు. రెండు ఇసుక ట్రాక్టర్లు సీజ్‌ దంతాలపల్లి: అక్రమంగా ఇసుక తరలిస్తున్న రెండు ట్రాక్టర్లను సీజ్‌ చేసినట్లు ఎస్సై రవికుమార్‌ శనివారం తెలిపారు. మండలంలోని రామవరం గ్రామంలోని పాలేరువాగులో అక్రమంగా ఇసుక తరలిస్తున్నారని సమాచారం వచ్చిందన్నారు. మండలంలోని దుబ్బతండా జీపీ పరిధిలోని రేఖ్యాతండాకు చెందిన రెండు ట్రాక్టర్లు పట్టుబడినట్లు తెలిపారు. ట్రాక్టర్లను సీజ్‌ చేసి, ఓనర్లు, డ్రైవర్లపై కేసు చేసినట్లు ఎస్సై పేర్కొన్నారు. గుండెపోటుతో నాయకుడి మృతి మరిపెడ: పట్టణానికి చెందిన బీజేపీ సీనియర్‌ నాయకుడు పాల్వాయి భాస్కర్‌ (45) గుండెపోటుకు గురై శనివారం మృతి చెందాడు. భాస్కర్‌ మృతి పార్టీకి తీరనిలోటని పార్టీ మాజీ ఎమ్మెల్యే మార్తినేని ధర్మారావు అన్నారు.

గూడూరు: పౌష్టికాహారమే ఆరోగ్యాన్ని రక్షిస్తుందని సీడీపీఓ నిమ్మల నీలిమ అన్నారు. మండలంలోని ఊట్ల పాఠశాలలో శనివారం పోషణమాసంలో భాగంగా దామరవంచ సెక్టార్‌ పరిధిలోని అంగన్‌వాడీ కేంద్రాల ఆధ్వర్యంలో అవగాహన కార్యక్రమం నిర్వహించారు. కార్యక్రమంలో సూపర్‌వైజర్‌ శ్యామలాదేవి, టీచర్లు తిరుపతమ్మ, నాగలక్ష్మి, రజిని, భారతి, పాల్గొన్నారు. దంతాలపల్లి: చిన్నతనం నుంచే పౌష్టికాహారం తినిపిస్తేనే పిల్లలు ఆరోగ్యంగా పెరుగుతారని సర్పంచుల ఫోరం మండల అధ్యక్షుడు అక్కిరెడ్డి దామోదర్‌రెడ్డి అన్నారు. మండలంలోని రామానుజాపురం గ్రామంలోని అంగన్‌వాడీ కేంద్రంలో శనివారం గోరుముద్ద కార్యక్రమాన్ని ప్రారంభించారు. కార్యక్రమంలో ఉపసర్పంచ్‌ మల్లం మౌనిక, అంగన్‌వాడీ టీచర్‌, ఆయా పాల్గొన్నారు. ఇనుగుర్తి: మండలంలోని కోమటిపల్లి గ్రామపంచాయతీ 1వ అంగన్‌వాడీ కేంద్రంలో ‘పోషణ మాసం’ కార్యక్రమాన్ని శనివారం నిర్వహించారు. చిన్నారులకు అన్నప్రాసన చేయించారు. కార్యక్రమంలో సర్పంచ్‌ మద్దెల భిక్షపతి, ఉపసర్పంచ్‌ బాబు, సూపర్‌వైజర్‌ దుర్గ, ఏఎన్‌ఎం మంజుల పాల్గొన్నారు. తొర్రూరు రూరల్‌: చిన్నారుల సంపూర్ణ ఆరోగ్యమే ప్రభుత్వ లక్ష్యమని సర్పంచ్‌ జాటోతు గంగా నరేష్‌నాయక్‌ అన్నారు. శనివారం మండలంలోని అమర్‌సింగ్‌ తండాలో ఐసీడీఎస్‌ ఆధ్వర్యంలో ఏర్పాటు చేసిన తొలి ముద్ద అల్పాహార కార్యక్రమాన్ని ప్రారంభించారు.

బయ్యారం: మాదిగ హక్కుల పోరాట సమితి (ఎంహెచ్‌పీఎస్‌) జిల్లా అధ్యక్షుడిగా మండలంలోని బాలాజీపేటకు చెందిన బైగళ్ల వీరబా బును నియమిస్తూ రాష్ట్ర వ్యవస్థాపక అధ్యక్షుడు ఎం.ఉపేందర్‌ మాదిగ శనివారం ఉత్తర్వులు అందజేశారు. ఎస్సీ, ఎస్టీ అభివృద్ధి సంఘం జిల్లా అధ్యక్షుడిగా వెంకన్న తొర్రూరు రూరల్‌: ఎస్సీ, ఎస్టీ వర్గాల అభివృద్ధి సంఘం జిల్లా అధ్యక్షుడిగా మండలంలోని వెలికట్ట గ్రామానికి చెందిన బందు వెంకన్నను నియమించినట్లు సంఘం రాష్ట్ర ఆర్గనైజింగ్‌ సెక్రటరీ గడిపే రాములు శనివారం తెలిపారు. ఆర్థికసాయం మహబూబాబాద్‌ రూరల్‌: మండలంలోని జంగిలిగొండ గ్రామానికి చెందిన బీఆర్‌ఎస్‌ కార్యకర్త పోతుగంటి రమణాచారి ఇటీవల అనారోగ్యంతో మృతి చెందాడు. గ్రామ పార్టీ తరఫున బాధిత కుటుంబానికి శనివారం రూ.29వేల ఆర్థికసాయం అందజేశారు. కార్యక్రమంలో నాయకులు పంజాల రామ్మూర్తి, నలమాస సుధాకర్‌, పూజల శ్రీనివాస్‌, పూజల సతీష్‌, కొమ్మరాజుల సంజీవ, పంజాల యాకసాయిలు పాల్గొన్నారు. రాష్ట్రస్థాయి తైక్వాండో పోటీలకు ఎంపిక మహబూబాబాద్‌ అర్బన్‌: ఉమ్మడి వరంగల్‌ జిల్లా తైక్వాండో అండర్‌–17 పోటీల్లో మైనార్టీ గురుకుల విద్యార్థులు పాల్గొని రాష్ట్రస్థాయి పోటీలకు ఎంపికయ్యారని పాఠశాల ప్రిన్సిపాల్‌ జి.శ్రీనివాస్‌రావు శనివారం తెలిపారు. విద్యార్థులు దాఖత్‌అలీ, కనిష్క్‌తేజ్‌, తనిష్క్‌తేజ్‌, గోల్డ్‌మెడల్స్‌, సైఫ్‌అలీ, మణితేజ సీల్వర్‌ మెడల్స్‌ సాధించారు. పీడీ మహమ్మద్‌ నసీరుద్దిన్‌, విద్యార్థులు పాల్గొన్నారు. భూ సర్వే వాయిదా కురవి: మండల కేంద్రంలో వివాదాస్పదంగా మారిన సర్వే నంబర్‌ 177 ప్రభుత్వ భూమి సర్వే శనివారం వాయిదా పడింది. ప్రభుత్వ భూమి అన్యాక్రాంతమైందని కురవికి చెందిన దైదభద్రయ్య, ఇరుగు వెంకన్న, కిన్నెర మల్లయ్యలు కలెక్టర్‌కు ఫిర్యాదు చేసిన సంగతి విధితమే. ఈమేరకు జిల్లా ల్యాండ్‌ సర్వే అధికారి ఆదేశాలతో శనివారం సర్వే నిర్వహించేందుకు వచ్చారు. అయితే ఫిర్యాదు దారుల్లో ఒకరికే నోటీసు ఇవ్వడం, 177 నంబర్‌ చుట్టు పక్కల రైతులకు ఎలాంటి నోటీసులు ఇవ్వకుండా సర్వే చేయడం సరికాదని నోటీసు అందుకున్న ఫిర్యాదుదారుడు దైదభద్రయ్య సర్వేను వ్యతిరేకించడంతో వాయిదా పడింది. విస్తృత తనిఖీలు మహబూబాబాద్‌ రూరల్‌: పట్టణంలో డ్రగ్స్‌, గంజాయి, మత్తు పదార్థాలు విక్రయించే వారిపై కఠిన చర్యలు తీసుకుంటామని టౌన్‌ సీఐ ఎల్‌.రఘుపతిరెడ్డి హెచ్చరించారు. ఎస్పీ డాక్టర్‌ శబరీష్‌ ఆదేశాల మేరకు డీఎస్పీ నంబూరి తిరుపతిరావు పర్యవేక్షణలో టౌన్‌ పోలీస్‌ స్టేషన్‌ పరిధిలో నార్కోటిక్‌ డాగ్‌ సహాయంతో పోలీసులు శనివారం విస్తృత తనిఖీలు నిర్వహించారు. ఎస్సీ కార్పొరేషన్‌ ఈడీని కలిసిన నాయకులు మహబూబాబాద్‌ అర్బన్‌: కలెక్టరేట్‌లో జిల్లా ఎస్సీ కార్పొరేషన్‌ ఈడీ ఉపేంద్రను రాష్ట్ర అంబేడ్కర్‌ యువజన సంఘం రాష్ట్ర, సహాయ కార్యదర్శి తప్పెట్ల వీరన్న, జిల్లా అధ్యక్షుడు కామ సంజీవరావు శనివారం మర్యాదపూర్వకంగా కలిసి బొకేను అందజేసి సన్మానించారు. కార్యక్రమంలో జిల్లా ప్రధాన కార్యదర్శి నీరుడు సామేల్‌, కోశాధికారి వెంకటేశ్వర్లు, పరుశురాములు, వెంకన్న పాల్గొన్నారు. నేడు నీటి సరఫరా బంద్‌ మహబూబాబాద్‌: మిషన్‌ భగీరథ ప్రధాన పైపులైన్‌ మరమ్మతుల కారణంగా నేడు నీటి సరఫరా నిలిపివేస్తున్నట్లు మున్సిపల్‌ కమిషనర్‌ వినోద్‌కుమార్‌ శనివారం ఒక ప్రకటనలో తెలిపారు. కల్వర్టు నిర్మించాలి బయ్యారం: మండలంలోని కంబాలపల్లి–కొత్తూరు గ్రామాల మధ్య రహదారిపై కల్వర్టు ను నిర్మించాలని తుడుందెబ్బ జిల్లా అధ్యక్షుడు చీమల శివకుమార్‌ ప్రభుత్వాన్ని డిమాండ్‌ చేశాడు. శనివారం ఆయన మాట్లాడారు.

గార్ల: పంటల్లో సేంద్రియ, జీవ ఎరువులు వాడటం వల్ల తక్కువ పెట్టుబడితో అధిక దిగుబడులు సాధించవచ్చని మండల వ్యవసాయ అధికారి కావటి రామారావు సూచించారు. శనివారం మండలంలోని సేరిపురం గ్రామంలో ఆత్మ ఆధ్వర్యంలో జీవన ఎరువులతో సాగు చేసిన పత్తిపంటలో ఆయన క్షేత్ర ప్రదర్శన చేసి రైతులకు అవగాహన కల్పించారు. రైతులు పంటల్లో రసాయనిక ఎరువుల వాడకం తగ్గించి నేలను, పర్యావరణం సంరక్షించాలని సూచించారు. సేంద్రియ, జీవన ఎరువుల వాడకం ద్వారా నేల భౌతికస్థితి మెరుగు పడుతుందన్నారు. రసాయనిక ఎరువులు మోతాదుకు మించి వాడితే భూమి చౌడుబారి పంటలకు ప్రతికూలంగా మారుతుందన్నారు. కార్యక్రమంలో ఏఈఓ రాజ్యలక్ష్మి, రైతులు పాల్గొన్నారు. కొత్తగూడ: రైతులు జీవ సేంద్రియ పద్ధతులు అవలంభించి, అధిక దిగుబడులు సాధించాలని మండల వ్యవసాయాధికారి జక్కుల ఉదయ్‌ సూచించారు. మండలంలోని పలు గ్రామాల్లో రైతులకు శనివారం అవగాహన కల్పించారు. కార్యక్రమంలో ఏఈఓ రాజు, రైతులు పాల్గొన్నారు.

● చనిపోయిన మొక్కలు ● పోలీస్‌ స్టేషన్‌లో ఫిర్యాదు ఏటూరునాగారం : కష్టపడి పెంచుతున్న మిర్చినారుపై గిట్టని వారు గడ్డి మందు పిచికారీ చేయడంతో మొక్కలు చనిపోయిను సంఘటన ములుగు జిల్లాలో జరిగింది. ఏటూరునాగారం గ్రామ పంచాయతీ ప రిధిలోని ఆరో వార్డుకు చెందిన కొండాయి రమేశ్‌కు కొన్ని రోజులుగా పాలిపాగలు, భూముల మధ్య గొడవలు జరుగుతున్నాయి. ఈ క్రమంలో రామన్నగూడెం సమీపంలో 8.30 ఎకరాలకు సరిపడా మిర్చినారు సాగు చేస్తున్నాడు. గింజలు, పైపులు, నారు పెంచడానికి రూ.6లక్షల వరకు ఖర్చయినట్లు రమేశ్‌ వివరించాడు. గడ్డి మందు పిచికారీ చేసిన వారిని గుర్తించి కఠిన చర్యలు తీసుకోని తనకు న్యాయం చేయాలని రై తు రమేశ్‌ పోలీస్‌స్టేషన్‌లో ఫిర్యాదు చేసినట్లు తెలిపాడు. గిట్టని వారు తనపై పగతో కావాలని ఇలా చేశారని కన్నీరుమున్నీరుగా విలపించాడు. చెత్తకుప్ప మంటలు తాకి అక్కాతమ్ముడికి గాయాలు కన్నాయిగూడెం : చెత్తకుప్పకు పెట్టిన మంటలు సమీపంలో ఆడుకుంటున్న అక్కాతమ్ముడిపై పడడంతో తీవ్రగాయాలయ్యాయి. ఈ ఘటన ములుగు జిల్లా కన్నాయిగూడెం మండలం బుట్టాయిగూడెం గ్రామ పంచాయతీ పరిధిలోని కొత్తూర్‌లో జరగగా ఆలస్యంగా శనివారం వెలుగులోకి వచ్చింది. వివరాలు.. కొత్తూర్‌కు చెందిన కుమ్మరి రమేశ్‌, నాగలక్ష్మి దంపతులకు కూతురు నిహస్వి(5), కుమారుడు నిహాంత్‌(2) ఉన్నారు. ఇద్దరు కలిసి శుక్రవారం మధ్యాహ్నం ఆడుకుంటున్నారు. సమీపంలోని చెత్తకు కొందరు నిప్పు పెట్టగా అందులోని ఓ క్రిమిసంహారక బాటిల్‌ పెద్దశబ్ధంతో పేలి పక్కనే ఉన్న పిల్లలపై మంటలు పడ్డాయి. పిల్లలు ఆ మంటతో అరుపులు పెట్టడంతో గమనించిన కుటుంబ సభ్యులు వచ్చి వాటిని ఆర్పి వెంటనే ములుగుకు అక్కడి నుంచి హనుమకొండలోని ఓ ప్రైవేట్‌ ఆస్పత్రికి తరలించారు. పిల్లలిద్దరు మంటలకు తాళలేక అల్లాడిపోతున్నారని కుటుంబ సభ్యులు కన్నీరుమున్నీరుగా విలపిస్తున్నారు. నిరుపేద కుటుంబం కావడంతో పిల్లల వైద్యచికిత్స కోసం దాతలు ఆదుకోవాలని తల్లిదండ్రులు వేడుకుంటున్నారు.

కేయూ క్యాంపస్‌ : రాష్ట్రంలోని యూనివర్సిటీలు, కళాశాలల్లో పీడిత కులాలు నుంచి వచ్చిన విద్యార్థులపై కుల వివక్షత చూపడంతో డ్రాపౌట్‌, ఆత్మహత్యలు పెరిగిపోతున్నాయని వీటి నివారణకు రోహిత్‌ వేముల చట్టం కోసం ఐక్యంగా పోరాడాల్సిన అవసరం ఉందని పలువురు వక్తలు పిలుపునిచ్చారు. శనివారం అంబేడ్కర్‌ స్టూడెంట్స్‌ అసోసియేషన్‌ ఆధ్వర్యంలో ఆ సంఘం కేయూ కన్వీనర్‌ దండు నవకిరణ్‌ అధ్యక్షతన దూరవిద్యా కేంద్రంలోని జాఫర్‌నిజాం సెమినార్‌ హాల్‌లో రోహిత్‌ వేముల యాక్ట్‌పై వివిధ విద్యార్థి సంఘాల, మేధావులతో రౌండ్‌ టేబుల్‌ సమావేశం నిర్వహించగా పలువురు పాల్గొని మాట్లాడారు.ఈ సమావేశంలో విద్యాపరిరక్షణ కమిటీ రాష్ట్ర కార్యదర్శి, హైదరాబాద్‌ యూనివర్సిటీ ప్రొఫెసర్‌ కె.లక్ష్మినారాయణ ముఖ్యఅతిథిగా పాల్గొని మాట్లాడుతూ.. అణగారిన వర్గాలు యూనివర్సిటీ, కళాశాల విద్యలోనికి ప్రవేశించడమే మహాత్తర పోరాటమన్నారు. ఏఎస్‌ఏ రాష్ట్ర మాజీ అధ్యక్షుడు అసిస్టెంట్‌ ప్రొఫెసర్‌ దొంత ప్రశాంత్‌, కాకతీయ యూనివర్సిటీ ఫార్మసీ కళాశాల మాజీ డీన్‌ గాదె సమ్మయ్య, కేయూ అభివృద్ధి అధికారి వై.వెంకయ్య, ఎస్సీ,ఎస్టీ ఎంప్లాయీస్‌ అసోసియేషన్‌ జనరల్‌ సెక్రటరీ డాక్టర్‌ పుల్లా శ్రీనివాస్‌, సీడీసీ డీన్‌ పి.వరలక్ష్మి, మహిళా ఇంజనీరింగ్‌ కళాశాల ప్రిన్సిపాల్‌ కె.బిక్షాలు, వివిధ విద్యార్థి సంఘాల నాయకులు తదితరులు పాల్గొన్నారు. రౌండ్‌టేబుల్‌ సమావేశంలో వక్తలు

డోర్నకల్‌: డోర్నకల్‌ మున్సిపాలిటీ పరిధిలోని ప్రజలు తాగునీటి కష్టాలు ఎదుర్కొంటున్నారు. మిషన్‌ భగీరథ పైప్‌లైన్‌ ద్వారా తాగునీటి సరఫరాకు నిత్యం అంతరాయం కలుగుతుండడంతో ప్రజలకు ఇక్కట్లు తప్పడంలేదు. పైప్‌లైన్‌ పగలడం, లీకేజీలు, తక్కువ నీటి సరఫరా అవుతుండడంతో సరఫరాకు ఆటంకం కలిగి జనం తీవ్ర ఇబ్బందులు ఎదుర్కొంటున్నారు. 2.80 లక్షల లీటర్ల నీరు అవసరం.. డోర్నకల్‌ మున్సిపాలిటీ పరిధిలోని 15 వార్డుల్లో సుమారు 18 వేల జనాభాకు ప్రతీ రోజూ 2.80 లక్షల లీటర్ల తాగునీరు సరఫరా చేయాల్సి ఉంది. మున్సిపాలిటీ పరిధిలో ఒక్కొక్కరికీ నిబంధనల ప్రకారం 135 లీటర్ల నీరు సరఫరా చేయాల్సి ఉండగా వంద లీటర్ల లోపు నీరు కూడా సరఫరా కావడం లేదు. కొన్ని ప్రాంతాల్లో భగీరథ నీటి సరఫరా జరగడం లేదు. పట్టణ పరిధిలో సుమారు 3000 ప్రైవేట్‌, 60 వరకు పబ్లిక్‌ నల్లాలు ఉన్నాయి. మున్సిపాలిటీ కార్యాలయ ఆవరణలో 6లక్షలు, 2.5 లక్షలు, 1.5 లక్షల లీటర్ల సామర్థ్యం కలిగిన మూడు ఓవర్‌ హెడ్‌ ట్యాంకులు ఉండగా భగీరథ పైప్‌లైన్‌ ద్వారా ట్యాంకులను నింపి పట్టణానికి నీటిని సరఫరా చేస్తున్నారు. మున్సిపాలిటీ పరిధిలోని చర్చి కాంపౌండ్‌, జయపురం, కిరీటాపురం, బంకట్‌సింగ్‌ తండా, నెహ్రూ స్ట్రీట్‌, సుభాష్‌ స్ట్రీట్‌, రాజు తండా, సిగ్నల్‌ తండాలకు పెద్ద చెరువులోని బోరుబావులు, ఆయా ప్రాంతాల్లోని రక్షిత మంచినీటి బావుల ద్వారా నీటిని సరఫరా చేస్తున్నారు. మున్నేరులో నిండుగా నీరు.. డోర్నకల్‌ పట్టణ సమీపంలోని మున్నేరు వాగులో ప్రస్తుతం నిండుగా నీరు ఉంది. భగీరథ పైప్‌లైన్‌ ఏర్పాటు కాకముందు వాగునుంచి పైప్‌లైన్‌ ద్వారా ఫిల్టర్‌బెడ్‌కు నీటిని తరలించి శుద్ధి చేసి పట్టణానికి సరఫరా చేసేవారు. భగీరథ నీటి సరఫరా ప్రారంభమైన తర్వాత వాగు వద్ద ఏర్పాటు చేసిన పంప్‌ హౌస్‌తోపాటు మున్సిపాలిటీ కార్యాలయ ఆవరణలోని ఫిల్టర్‌బెడ్‌ నిరుపయోగంగా మారాయి. ఇటీవల పంప్‌ హౌస్‌లో రెండు 30 హెచ్‌పీ మోటార్లకు మరమ్మతు చేయించి నూతనంగా విద్యుత్‌ ట్రాన్స్‌ఫార్మర్‌ ఏర్పాటు చేసి విద్యుత్‌ కనెక్షన్‌ ఇచ్చారు. అయితే మళ్లీ స్వల్ప మరమ్మతు ఏర్పడడంతో నీటి సరఫరాకు అంతరాయం ఏర్పడింది. దీంతో ప్రస్తుతం తరచూ మిషన్‌ భగీరథ సరఫరాలో ఏర్పడుతున్న అంతరాయాన్ని మున్నేరుతో భర్తీ చేయాలని అందుకోసం మరమ్మతు పనులు త్వరగా చేపట్టాలని ప్రజలు కోరుతున్నారు. మా కష్టాలు పట్టించుకోవడం లేదు..భగీరథ సరఫరాలో నిత్యం అంతరాయం కలుగుతుంది. ఇబ్బందులు ఎదురవుతున్నా అధికారులు పాలకవర్గం పట్టించుకోవడం లేదు. వారానికోసారి కూడా నీరు సరఫరా కాకపోగా అప్పడప్పుడు కలుషిత నీరు వస్తుంది. – ఠాగూర్‌ రాంసింగ్‌, విశ్రాంత ఉద్యోగి, డోర్నకల్‌ ప్రత్యామ్నాయాలు వినియోగిస్తాం డోర్నకల్‌ మున్సిపాలిటీలో తాగునీటి సరఫరాకు ప్రత్యామ్నాయ మార్గాలను వినియోగిస్తాం. మున్నేరువాగు నుంచి నీటి సరఫరా చేసేందుకు విద్యుత్‌ మోటా ర్లు, పైప్‌లైన్‌ వినియోగిస్తాం. ఫిల్టర్‌ బెడ్‌కు మరమ్మతులు చేయించేలా చర్యలు తీసుకుంటాం. – నాగరాజు, మున్సిపల్‌ కమిషనర్‌, డోర్నకల్‌ డోర్నకల్‌లో నిత్యం తాగునీటి సరఫరాలో అంతరాయం మున్నేరులో నిండుగా నీరు నిరుపయోగంగా పంప్‌ హౌస్‌, ఫిల్టర్‌బెడ్‌ నిరుపయోగంగా ఫిల్టర్‌బెడ్‌.. మున్నేరువాగు నుంచి పైప్‌లైన్‌ ద్వారా వచ్చే నీటిని శుద్ధి చేసి పట్టణానికి సరఫరా చేసేందుకు ఏర్పాటు చేసిన ఫిల్టర్‌ బెడ్‌ ప్రస్తుతం నిరుపయోగంగా ఉంది. భగీరథ నీటి సరఫరా ప్రారంభం కావడంతో ఫిల్టర్‌బెడ్‌ సేవలను నిలిపివేశారు. ప్రస్తుతం ఫిల్టర్‌బెడ్‌కు చిన్నపాటి మరమ్మతులు చేయించి ఆలం, ప్రత్యేక ఇసుక లాంటి పదార్థాలతో నీటిని శుద్ధి చేసి సరఫరా చేయాలని ప్రజలు కోరుతున్నారు. ప్రస్తుతం భగీరథ నీటి సరఫరాకు నిత్యం అంతరాయం కలుగుతుండడంతో మున్నేరువాగు ద్వారా నీటిని ఫిల్టర్‌బెడ్‌కు తరలించి శుద్ధి చేసి పట్టణానికి సరఫరా చేయాలని ప్రజలు డిమాండ్‌ చేస్తున్నారు. నిత్యం తాగునీటి ఇబ్బందులు ఎదురవుతుండగా అందుబాటులో ఉన్న ప్రత్యామ్నాయాలను వినియోగించడంలో అధికారులు, పాలకవర్గం నిర్లక్ష్యం వహించడం సరికాదని అసహనం వ్యక్తం చేస్తున్నారు.

కేసముద్రం: పెసర పంట సాగు చేసిన రైతులకు చివరకు కష్టాలే మిగిలాయి. ఒకవైపు ఎల్‌నినో ప్రభావంతో వర్షాలు లేక పెసర సాగు చేసిన రైతులు అతికష్టంగా కోతుల బెడద నుంచి పంటను కాపాడుకున్నారు. కొద్దిగొప్ప దిగుబడి వచ్చిన పంటను విక్రయించేందుకు మారె్‌క్ట్‌కు వెళ్తే అక్కడ ధర తగ్గిపోవడంతో రైతులు ఆవేదన వ్యక్తం చేస్తున్నారు. జిల్లా వ్యాప్తంగా గత ఏడాది కేవలం 4వేల ఎకరాల లోపే పెసర పంట సాగు చేయగా.. ఈ ఏడాది అంచనాలకు మించి జిల్లా వ్యాప్తంగా 21,799 ఎకరాల్లో రైతులు పెసర సాగు చేశారు. కాగా.. సరైన వర్షాలు లేకపోవడం, తెగుళ్లతో పెసర పంట దిగుబడి తగ్గగా, మరోవైపు కోతుల బెడద కారణంగా పంట తీవ్రంగా దెబ్బతిన్నట్లు రైతులు వాపోతున్నారు. మొత్తంగా ఎకరాకు కేవలం క్వింటా నుంచి 2 క్వింటాళ్ల లోపే దిగుబడే వచ్చినట్లు రైతులు ఆవేదన వ్యక్తం చేస్తున్నారు. మార్కెట్‌లో తగ్గిన ధర శ్రమించి పండించిన పెసర పంట దిగుబడి తగ్గిపోయింది. కనీసం మార్కెట్‌లో గిట్టుబాటు ధర వస్తుందని రైతులు ఆశ పడ్డారు. మార్కెట్‌లో అమ్మేందుకు తీసుకెళ్తే క్వింటాకు గరిష్టంగా రూ.6 వేల నుంచి రూ.7 వేల వరకు ధర పలుకుతుంది. ఎకరాకు వేలల్లో పెట్టుబడులు పెడితే, కనీసం పెట్టుబడి కూడా దక్కడం లేదంటూ రైతులు ఆవేదన వ్యక్తం చేస్తున్నారు. ఇదిలా ఉండగా మార్కెట్‌లో ఒకటి లేదా రెండు కూట్లకు అధిక ధరలు వేసి, మిగిలిన పెసర కూట్లకు ధరను అమాంతం తగ్గించి, తమను మోసగిస్తున్నారంటూ పలువురు రైతులు ఆరోపిస్తున్నారు. కనీసం ప్రభుత్వం కొనుగోళ్లు చేపడితే మద్దతు ధర రూ.8,780 దక్కుతుందని రైతులు కోరుతున్నారు. సంవత్సరం క్వింటాళ్లు గరిష్ట ధర కనిష్ట ధర 2024–25 544 8,860 4,050 2025–26 3,794 7,129 4,000 2026–27 1,045 8,011 5,023 పంటకు కోతుల బెడద మార్కెట్‌లో తగ్గిన ధర ఆవేదనలో అన్నదాతలు

కేయూ క్యాంపస్‌ : కాకతీయ యూనివర్సిటీ పరిధిలో దూరవిద్య డిగ్రీ సెమిస్టర్‌ పరీక్షల్లో విద్యార్థులు కాపీయింగ్‌కు పాల్పడ్డారు. రెండు పరీక్షా కేంద్రాల్లో కలిపి మొత్తం 28 మంది పట్టుబడగా డీబార్‌ చేశారు. శనివారం దూరవిద్యా కేంద్రంలో డిగ్రీ రెండో సెమిస్టర్‌ పరీక్షలు జరుగుతుండగా కేయూ పరీక్షల నియంత్రణాధికారి ప్రొఫెసర్‌ కె.రాజేందర్‌, అదనపు పరీక్షల నియంత్రణాధికారి డాక్టర్‌ పద్మజా సందర్శించి తనిఖీ చేశారు. కాపీయింగ్‌ చేస్తు 26 మంది విద్యార్థులు పట్టుబడగా డీబార్‌ చేసినట్లు రాజేందర్‌ తెలిపారు. అనంతరం పరీక్షల విభాగం అధికారులు హనుమకొండలోని ఓ ప్రైవేట్‌ డిగ్రీ కళాశాల పరీక్షా కేంద్రానికి వెళ్లారు. అక్కడ కాపీయింగ్‌ చేస్తున్న ఇద్దరిని పట్టుకోని డీబార్‌ చేశారు. ఆన్సర్‌ షీట్‌ తీసుకెళ్లి..తిరిగి ఇచ్చిన విద్యార్థి పట్టుబడిన విద్యార్థుల జవాబు పత్రాలను (ఆన్సర్‌ షీట్ల) అక్కడి ఇన్విజిలేటర్లకు అధికారులు అందజేశారు. అయితే టేబుల్‌పై ఆన్సర్‌ షీట్‌లు ఉండగా ఓ విద్యార్థి తన జవాబు పత్రాన్ని తీసుకొని వెళ్లిపోయాడు. దీంతో సిబ్బంది అతడికోసం ఆరా తీశారు. ఆ తర్వాత అతడి హాల్‌టికెట్‌ ఆధారంగా సంబంధిత చీఫ్‌ సూపరింటెండెంట్‌ ఫోన్‌ చేసినట్లు సమాచారం. చివరికి సాయంత్రం ఆ విద్యార్థి తండ్రితో కలిసి దూరవిద్యాకేంద్రానికి విచ్చేసి దూరవిద్యాకేంద్రం డైరెక్టర్‌ను కలిసి మాట్లాడారు. తాను కాపీయింగ్‌ చేయలేదని అయినా తనను కాపీయింగ్‌ చేసినట్లు బుక్‌చేశారని విద్యార్థి ఆవేదన వ్యక్తం చేసినట్లు సమాచారం. అనంతంరం ఆన్సర్‌ షీట్‌ తిరిగి ఇచ్చేశాడు. దీంతో పరీక్షల నిర్వాహకులు ఊపిరి పీల్చుకున్నారు. కాపీయింగ్‌ చేస్తేనే పట్టుకుని డీబార్‌ చేసినట్లు పరీక్షల విభాగం అధికారులు స్పష్టం చేశారు. పరీక్షల నియంత్రణాధికారితో వాగ్వాదం సెమిస్టర్‌ పరీక్షల్లో కాపీయింగ్‌ చేస్తూ పట్టుబడిన వి ద్యార్థుల్లో కొందరు పరీక్షల విభాగం వద్దకు వెళ్లి పరీ క్షల నియంత్రణాధికారి రాజేందర్‌తో వాగ్విదాలకు దిగారని సమాచారం. తమకు పాఠ్యపుస్తకాలు కూడా సరిగా ఇవ్వలేదని క్లాస్‌లు అంతంత మాత్రమేనని మళ్లీ పరీక్ష రాసేందుకు అవకాశం ఇవ్వాలంటూ వారు ఆందోళన వ్యక్తం చేశారు. 28మంది విద్యార్థుల డీబార్‌ పరీక్షల నియంత్రణాధికారితో వాగ్వివాదం

కేయూ క్యాంపస్‌ : కాకతీయ యూనివర్సిటీలో భవిష్యత్‌ అవసరాలకు అనుగుణంగా ఏఐ ఆధారిత సిలబస్‌ను ప్రవేశ పెట్టడంతో పాటు విద్యా, పరిశోధన, సాంకేతిక రంగాల్లో సమూల మార్పులు చేపడుతున్నట్లు కేయూ వీసీ ప్రొఫెసర్‌ కె.ప్రతాప్‌రెడ్డి తెలిపారు. శనివారం జేఎన్‌టీయూహెచ్‌లో హైదరాబాద్‌లోని తెలంగాణ రాష్ట్ర ఉన్నత విద్యామండలి ఆధ్వర్యంలో నిర్వహించిన రీచ్‌–2026 సదస్సులో వీసీ మాట్లాడారు. విశ్వవిద్యాలయాన్ని అంతర్జాతీయ స్థాయికి తీసుకెళ్లే చర్యలో భాగంగా 30 మంది ఇంజనీరింగ్‌ విద్యార్థులను జర్మనీకి పంపించేందుకు ప్రణాళిక రూపొందించినట్లు ఆయన తెలిపారు. పరిశ్రమలతో అనుసంధానం పరిశోధనలకు ఊతమిచ్చే సంస్థల సహకారంతో సుమారు రూ.50 కోట్ల నిధులను సమీకరించేందుకు చర్యలు చేపడుతున్నట్లు వీసీ వెల్లడించారు. పరిశ్రమలు, యూనివర్సిటీల భాగస్వామ్యం బలోపేతం చేయడంపై ప్రత్యేక దృష్టి సారించినట్లు తెలిపారు. సదస్సులో రాష్ట్ర ఉన్నత విద్యామండలి చైర్మన్‌ ప్రొఫెసర్‌ బాలకిష్టారెడ్డి, వివిధ యూనివర్సిటీల వీసీలు, కేయూ ఓఎస్‌డీ బి.వెంకట్రామ్‌రెడ్డి, యూజీసీ కోఆర్డినేటర్‌ మల్లికార్జున్‌రెడ్డి తదితరులు పాల్గొన్నారు. కేయూ వీసీ ప్రొఫెసర్‌ కె.ప్రతాప్‌రెడ్డి

మహబూబాబాద్‌ అర్బన్‌: మత్తు పదార్థాల వినియోగం, వాటివల్ల కలిగే నష్టాలపై విద్యార్థి దశ నుంచే అవగాహన కలిగి ఉండాలని అదనపు జ్యుడీషియల్‌ మేజిస్ట్రేట్‌ అర్వపల్లి కృష్ణతేజ అన్నారు. జిల్లా కేంద్రంలోని నలంద డిగ్రీ కళాశాలలో శనివారం న్యాయ విజ్ఞాన సదస్సు నిర్వహించారు. ఈ సందర్భంగా అదనపు కృష్ణతేజ మాట్లాడుతూ.. జీవితంలో విద్యార్థి దశ ఎంతో విలువైందని తెలిపారు. విద్యార్థులు చెడు అలవాట్లు, మత్తు పదార్థాలకు దూరంగా ఉండాలని సూచించారు. మాదకద్రవ్యాల వాడకం, సరఫరా నేరమని తెలిపారు. కార్యక్రమంలో ట్రాఫిక్‌ ఎస్సై అరుణ్‌కుమార్‌, కళాశాల కరస్పాండెంట్‌ డాక్టర్‌ డోలి సత్యనారాయణ, ప్రిన్సిపాల్‌ కృష్ణప్రసాద్‌, అధ్యాపకులు విద్యార్థులు పాల్గొన్నారు. గాంధీ జీవితం ఆదర్శనీయం మహబూబాబాద్‌: మహాత్మా గాంధీ జీవితం ఆదర్శనీయని అదనపు కలెక్టర్‌ అనిల్‌కుమార్‌ అన్నారు. గాంధీజీ జయంతిని పురస్కరించుకుని గాంధీ రిసెర్చ్‌ ఫౌండేషన్‌ ఆధ్వర్యంలో శనివారం కలెక్టరేట్‌లో వ్యాసరచన పోటీ నిర్వహించారు. జిల్లా స్థాయి విజేతలకు అదనపు కలెక్టర్‌ అనిల్‌కుమార్‌ ప్రశంస పత్రాలు, బహుమతులను అందచేశారు. కార్యక్రమంలో గాంధీ రీసెర్చ్‌ ఫౌండేషన్‌ రాష్ట్ర కన్వీనర్‌ పరికిపండ్ల అశోక్‌ పాల్గొన్నారు. క్రీడా నైపుణ్యాలను పెంపొందించుకోవాలి మహబూబాబాద్‌ రూరల్‌ : పోలీసు సిబ్బంది విధి నిర్వహణతోపాటు శారీరక దారుఢ్యం, క్రీడా నైపుణ్యాలను పెంపొందించుకోవాలని ఎస్పీ డాక్టర్‌ శబరీష్‌ సూచించారు. తెలంగాణ పోలీస్‌ అకాడమీ ఆధ్వర్యంలో హైదరాబాద్‌లో 5వ తెలంగాణ పోలీస్‌ స్పోర్ట్స్‌ మీట్‌ సెప్టెంబర్‌ 27 నుంచి 30 వరకు నిర్వహించారు. జిల్లా పోలీసు కార్యాలయంలో విధులు నిర్వహిస్తున్న ఏఆర్‌ డీఎస్పీలు శ్రీనివాస్‌, విజయ్‌ ప్రతాప్‌ టెన్నిస్‌ పోటీల్లో ప్రతిభ కనబరిచి బంగారు, రెండు రజత పతకాలు సాధించారు. టెన్నిస్‌ డబుల్స్‌ విభాగంలో బంగారు పతకం, ఓపెన్‌ సింగిల్స్‌ విభాగం, ఓపెన్‌ డబుల్స్‌ విభాగంలో రజత పతకాలు సాధించారు. పతకాలు సాధించిన శ్రీనివాస్‌, విజయ్‌ ప్రతాప్‌ శనివారం ఎస్పీ శబరీష్‌ను మర్యాదపూర్వకంగా కలిశారు. ఈసందర్భంగా వారిని ఎస్పీ అభినందించారు. ఆరుతడి పంటలు సాగుచేయాలి మహబూబాబాద్‌ రూరల్‌ : ఎల్‌నినో ప్రభావంతో తక్కువ వర్షపాతం నమోదైన నేపథ్యంలో రైతులు వరి సాగు తగ్గించి ఆరుతడి పంటలు సాగు చేయాలని జిల్లా వ్యవసాయ అధికారి విజయచంద్ర సూచించారు. మహబూబాబాద్‌ రైతు వేదికలో మండలంలోని రైతులకు శనివారం ఏర్పాటు చేసిన ఆరుతడి పంటల సాగుపై అవగాహన సదస్సులో విజయచంద్ర మాట్లాడారు. ఈ సంవత్సరం ఎల్‌ నినో ప్రభావం వల్ల యాసంగిలో రైతులు వరి సాగు తగ్గించి పెసర, మినుము, వేరుశనగ, సోయా, మొక్కజొన్న పంటలు వేయాలని సూచించారు. వ్యవసాయ శాఖ ద్వారా అందజేస్తున్న సబ్సిడీ విత్తనాలు వాటి వివరాలు రైతులకు తెలిపారు. సదస్సులో డివిజన్‌ ఏడీఏ శ్రీనివాసరావు, టెక్నికల్‌ ఏఓలు రాంజీ, కార్తీక్‌, మండల వ్యవసాయ అధికారి తిరుపతిరెడ్డి, ఏఈఓలు పాల్గొన్నారు. మెన్‌, ఉమెన్‌ బాక్సింగ్‌ సెలక్షన్స్‌ కేయూ క్యాంపస్‌: ఉత్తరప్రదేశ్‌లో జరగబోయే ఆల్‌ఇండియా ఇంటర్‌ యూనివర్సిటీ మెన్‌ బాక్సింగ్‌పోటీలకు, రాజస్దాన్‌లో జరిగే ఉమెన్‌ బాక్సింగ్‌ పోటీలకు శనివారం కాకతీయ యూనివర్సిటీలో క్రీడాకారుల ఎంపికలు నిర్వహించారు. ప్రతిభ చూపిన వారిని ఎంపిక చేసినట్లు కేయూ స్పోర్ట్స్‌బోర్డు సెక్రటరీ డాక్టర్‌ టి.శాస్త్రి తెలిపారు. ఎంపికల్లో ఫిజికల్‌ ఎడ్యుకేషన్‌ అసోసియేషన్‌ అధ్యక్షుడు డాక్టర్‌ జె సోమన్న, జాయింట్‌ సెక్రటరీ మట్టెడ కుమార్‌, సెలక్షన్స్‌ ఇన్‌చార్జ్‌ డాక్టర్‌ కుమార్‌, కోచ్‌ రమేష్‌, సెలెక్టర్లు మౌనిక, పవన్‌ పాల్గొన్నారు.

గ్రామంలోని ఫారెస్ట్‌ భూమిలో సీతాఫలాల చెట్లు ఉండడం వల్ల మాకు రెండు నెలల పాటు జీవనోపాధి దొరుకుతుంది. ప్రతి రోజూ చెట్టు ఎక్కి కాయలు తెంపి లోడింగ్‌ చేయడం వంటి పని దొరుకుతుంది. చెట్లు కాయ దశలో నీటిని పారించడానికి తగు సదుపాయాలను సంబంధిత అధికారులు ఏర్పాటు చేయాలి. దీంతో మరింత ఎక్కువ సీతాఫలాల దిగుబడి వస్తుంది. – జంగిటి కృష్ణ, స్థానికుడుగ్రామ పంచాయతీకి ఆదాయంఫారెస్ట్‌ ల్యాండ్‌లోని సీతాఫలాలతో గ్రామ పంచాయతీకి అదనపు ఆదాయం వస్తుంది. 2004లో అటవీ శాఖ అధికారులు, గ్రామస్తులతో కలిసి వన సంరక్షణ సమితి కమిటీని ఏర్పాటు చేశారు. ఆదాయంలో సగం డబ్బులను గ్రామ అభివృద్ధికి, మిగతా డబ్బులను అటవీ శాఖ అవసరాలకు వాడుకుంటారు. సుమారు రెండు నెలల పాటు రూ.12 నుంచి రూ.15 లక్షల వరకు సీతాఫలాల వ్యాపారం జరుగుతుంది. – గీస సందీప్‌, మన్‌సాన్‌పల్లి, సర్పంచ్‌

జంతువులు, పక్షులు, సరీసృపాలు, ఇతర జీవులది పర్యావరణ వ్యవస్థలో ముఖ్య పాత్ర. వాటి మనుగడ కాపాడడడం ప్రతి ఒక్కరి బాధ్యత. అడవుల నరికివేత, వేట, అక్రమ రవాణా, అడవుల్లో మంటలు వంటి కారణాలతో అనేక వన్యజీవులు ప్రమాదంలో పడుతున్నాయి. వన్యప్రాణుల ఆవాసాలను రక్షించడం, అడవులను కాపాడడం, అక్రమ వేటను అరికట్టడంపై ప్రజల్లో అవగాహన పెంచడం ద్వారా వాటి మనుగడకు తోడ్పడవచ్చు. ముఖ్యంగా అడవులకు సమీపంలో నివసించే ప్రజలు వన్యప్రాణులతో సహజీవనం చేస్తూ, వాటికి హాని కలిగించకుండా జాగ్రత్తలు తీసుకోవచ్చు. ములుగు జిల్లా అడవుల్లో ఎలుగుబంటి, పిల్లి, అడవి పిల్లి, నాలుగు కొమ్ముల జింక, అడవి కుక్క, చుక్కుల జింక, భారతీయ నక్క, అడవి దున్న, తోడేలు కుక్క, హైనా, నల్లమెడ కుందేలు, నక్క, చిరుతపులి, లంగూర్‌ కోతి, రీసస్‌ కోతి, ముంగీస, నీలగాయి, ముళ్లపంది, అలుగు, సాంబర్‌ జింక, పెద్ద ఉడుత, ఎగిరే ఉడుత, పులి, అడవి పంది ఉన్నట్లు అటవీశాఖ అధికారులు తెలిపారు. సందర్శకులకు కనువిందు హనుమకొండ హంటర్‌ రోడ్డులోని కాకతీయ జూవాలాజికల్‌ పార్క్‌ సందర్శకులకు కనువిందునిస్తోంది. ఇక్కడ జంతువులు, పక్షులు, తామర కొలను ఆకట్టుకుంటోంది. చిరుత పులి, అడవిదున్నలు, ఎలుగుబంటి, నక్కలు, అడవి పిల్లి, చుక్కల దుప్పి, సాంబర్‌ దుప్పి, కొండగొర్రెలు, మూషిక జింకలు, మనుబోతు, కృష్ణ జింకలు మొసళ్లు, తాబేళ్లు, నక్షత్ర తాబేళ్లు, గ్రీన్‌ ఇంగ్వానా(తొండ) నాలుగు రకాల సరీసృపాలు, నిప్పుకోడి, రియా, నెమళ్లు, నలుపు, తెలుపు హంసలు, రామచిలుక, లవ్‌ బర్డ్స్‌ వంటి 26 రకాల పక్షులున్నాయి. సందర్శకులకు కనువిందు చేయడానికి పెద్దపులులను తీసుకొచ్చినా వాటిలో ఒకటి చనిపోయింది. మరొకటి అనారోగ్యానికి గురవడంతో హైదరాబాద్‌ జూపార్క్‌కు తరలించారు. కొత్తగా హాగ్‌డీర్‌, బార్కింగ్‌డీర్‌, (దక్షిణ ఎరుపురంగు జింకలు) లుటినో పార్కిట్‌ (పసుపురంగు రామచిలుక)లు అందుబాటులో ఉన్నాయి.జూపార్క్‌లోని నిప్పుకోడి (ఫైల్‌)దట్టమైన అడవులు. వాటిని ఆసరాగా చేసుకుని బతికే ప్రాణులు. ఇవే ప్రకృతి సమతుల్యతకు ప్రధానం. మానవాళి మనుగడ కొనసాగించాలన్నా.. భవిష్యత్‌ తరాలు ఈ అందమైన ప్రపంచాన్ని చూడాలన్నా.. అడవులను, వన్యప్రాణులను సంరక్షించాల్సిన అవసరం ఎంతో ఉంది. జంతుజాలానికి ఆలవాలమైన ఉమ్మడి వరంగల్‌ జిల్లా అడవులు వాటి సంరక్షణకు కేంద్రంగా నిలుస్తున్నాయి. నేడు (ఆదివారం) ప్రపంచ జంతు దినోత్సవం సందర్భంగా ‘సాక్షి’ స్పెషల్‌ స్టోరీ. – ఏటూరునాగారం/ న్యూశాయంపేట/ఖానాపురం అటవీశాఖ ఆధ్వర్యంలో ములుగు జిల్లాలోని అడవుల్లో సుమారు 169 కెమెరాలను అమర్చారు. వన్యప్రాణుల కదలికలను కెమెరాల్లో బందించడానికి ప్రత్యేక చర్యలు చేపట్టారు. నిత్యం గూడేల్లో అటవీశాఖ అధికారులు తనిఖీలు చేస్తూ వేటాడే వస్తువులు, ఆయుధాలు, సామగ్రిని స్వాధీనం చేసుకుంటున్నారు. అటవీ శాఖ అధికారుల ప్రత్యేక దృష్టి..

● డబ్ల్యూసీఓజీ–2026లో తెలుగుపరిశోధకుడికి ఫస్ట్‌ ప్రైజ్‌ రాయపర్తి : న్యూఢిల్లీలోని యశోభూమి కన్వెన్షన్‌ సెంటర్‌లో జరిగిన ప్రతిష్టాత్మక ప్రపంచ గ్యాస్ట్రోఎంటరాలజీ సదస్సు (డబ్ల్యూసీఓజీ–2026)లో వరంగల్‌ జిల్లా రాయపర్తి మండలం తిర్మలాయపల్లి గ్రామానికి చెందిన యువ పరిశోధకుడు వశపాక అనిల్‌ చరిత్ర సృష్టించాడు. 51 దేశాల నుంచి 3 వేల మంది ప్రముఖ వైద్యులు, నోబెల్‌ గ్రహితలు ఈ అంతర్జాతీయ సదస్సుకు హాజరయ్యారు. ఇందులో భాగంగా ఈనెల 2న నిర్వహించిన యంగ్‌ ఇన్వెస్టిగేటర్‌ అవార్డ్స్‌–లుమినల్‌ విభాగంలో తొలి బహుమతిని తెలుగు పరిశోధకుడు హైదరాబాద్‌ ఏఐజీ హాస్పిటల్స్‌కు చెందిన అనిల్‌ కై వసం చేసుకున్నాడు. భారతీయుల జన్యు నిర్మాణానికి సంబంధించిన కొలొరెక్టల్‌ క్యాన్సర్‌పై ఆయన చేసిన పరిశోధన శ్రీఇండియన్‌ ఎథ్నిసిటి–స్పెసిపిక్‌ మల్టీ ఓమిక్‌ ల్యాండ్‌స్కేప్‌ ఆఫ్‌ కొలొరెక్టల్‌ క్యాన్సర్‌, నోవెల్‌ సిగ్నేచర్‌, డ్రైవర్స్‌, అండ్‌ థెరపీటిక్‌ టార్గెట్స్‌శ్రీకు ఈ అరుదైన అంతర్జాతీయ గుర్తింపు దక్కింది. ద్వితీయ బహుమతి ఢిల్లీ ఎయిమ్స్‌కు చెందిన లలితా మెహ్రాకు, దీక్షా ఝాకు తృతీయ బహుమతి లభించినట్లు తెలిపారు. దేశంలోనే అత్యున్నత వైద్య సంస్థ అయిన ఎయిమ్స్‌ పరిశోధనలను అధిగమించి, అంతర్జాతీయ వేదికపై రాయపర్తి యువకుడు ఫస్ట్‌ ప్రైజ్‌ సాధించడం తెలుగు రాష్ట్రాలకే గర్వకారణంగా నిలిచింది. ఈ సందర్భంగా అనిల్‌ తల్లిదండ్రులు తిర్మలాయపల్లి మాజీ సర్పంచ్‌ వశపాక కుమారస్వామి, వినోద దంపతులతోపాటు గ్రామస్తులు, కుటుంబ సభ్యులు హర్షం వ్యక్తం చేస్తున్నారు. నిధుల స్వాహాపై కొనసాగుతున్న విచారణ జఫర్‌గఢ్‌ : మండల కేంద్రంలోని తెలంగాణ రాష్ట్ర సాంఘిక సంక్షేమ బాలికల గురుకుల పాఠశాలలో నిధుల స్వాహాకు సంబంధించిన విచారణ కొనసాగుతోంది. పాఠశాలలో ఔట్‌ సోర్సింగ్‌ ఉద్యోగిగా పనిచేసిన తాజొద్దీన్‌ ఫోర్జరీ సంతకాలతో రూ.42 లక్షలు స్వాహా చేసినట్లు ప్రిన్సిపాల్‌ వరలక్ష్మి ఆగస్టు 17న పోలీస్‌ స్టేషన్‌లో ఫిర్యాదు చేశారు. వెంటనే పోలీసులు తాజొద్దీన్‌పై చీటింగ్‌ కేసు నమోదు చేయడంతో పాటు అతడి కోసం గాలింపు చేపడుతున్నా ఇంకా పరారీలో ఉన్నట్లు సమాచారం. కాగా లక్షలాది నిధుల దుర్వినియోగంపై సంబంధిత ఉన్నతాధికారులు సీరియస్‌గా తీసుకున్నారు. సోషల్‌ వెల్ఫేర్‌ రెసిడెన్సియల్‌ ఎడ్యుకేషనల్‌ ఇన్‌స్టిట్యూషన్స్‌ ఆర్థిక శాఖ సహాయ కార్యదర్శి ఎంసీ సామెల్‌ను విచారణ అధికారిగా నియమిస్తూ ఈ నెల 1న ఉత్వర్వులు జారీ చేశారు. దీంతో సామెల్‌ నేతృత్వంలో సంబంధిత టెక్నికల్‌ ఉద్యోగులు, అధికారుల బృందం జఫర్‌గఢ్‌ గురుకుల పాఠశాలలో శనివారం విచారణ చేపట్టారు.

ఏటూరునాగారం : ‘నా బిడ్డను కొట్టి.. చంపి.. నోట్లో పురుగుల మందు పోసిండ్లు’ అని మృతురాలి స్వర్ణలత తల్లి సుశీల శనివారం రొయ్యూర్‌లో మీడియా ఎదుట రోదించింది. ములుగు జిల్లా ఏటూరునాగారం మండలం రొయ్యూర్‌ గ్రామానికి చెందిన సొదారి హరీష్‌, దుర్గం స్వర్ణలత (గర్భిణి) 2025లో ప్రేమ వివాహం చేసుకున్నారు. కట్నం వేధింపులతో స్వర్ణలత మృతి చెందిన విషయం తెలిసింది. ఈ విషయంపై మృతురాలి తల్లి సుశీల మీడియాతో మాట్లాడారు. ‘నా బిడ్డను ఇదే గ్రామానికి చెందిన హరీష్‌ ప్రేమించి పెళ్లి చేసుకున్నాడు. కట్నం తేవాలని నిత్యం వేధించేవాడు. 5లక్షల కట్నం, రెండెకరాల భూమి, రెండు తులాల బంగారం ఇవ్వాలని రోజూ భర్త, అత్త, మామ వేధించే వారు. ఒక బాబు ఉన్నాడని, నాలుగు నెలల గర్భిణిని అన్యాయంగా పొట్టనబెట్టుకున్నారని కన్నీరు మున్నీరుగా విలపించారు. అధికారులు, ప్రజాప్రతినిధులు, పోలీసులు తమ కుటుంబానికి న్యాయం చేయాలని, స్వర్ణలత మృతికి కారణమైన వారికి కఠినంగా శిక్షించాలని వేడుకున్నారు.● ‘నా బిడ్డ చావుకు కారణమైన వారిని కఠినంగా శిక్షించాలి’

● విద్యుత్‌శాఖ ఎస్‌ఈ దర్శన్‌కుమార్‌ నెహ్రూసెంటర్‌: తక్కువ ఖర్చుతో విద్యుత్‌ తయారు చేసుకునే అవకాశం ఉన్న సోలార్‌ వైపు ప్రతీ ఒక్కరు అడుగులు వేయాలని విద్యుత్‌శాఖ ఎస్‌ఈ దర్శన్‌కుమార్‌ అన్నారు. జిల్లా కేంద్రంలో పీఎం సూర్య ఘర్‌ ముఫ్తీ బీజ్లీ యోజనపై శనివారం అవగాహన సదస్సు నిర్వహించారు. ఈ సందర్భంగా ఎస్‌ఈ మాట్లాడుతూ.. భవిష్యత్‌లో సోలార్‌ ద్వారా విద్యుత్‌ వినియోగం పెరుగుతుందని, పథకం, సబ్సిడీని వినియోగించుకోవాలని సూచించారు. ఈ పథకం ద్వారా రూ.78 వేల సబ్సిడీ అందుతుందన్నారు. సోలార్‌ను వినియోగిస్తూ మానుకోటను గ్రీన్‌సిటీగా మార్చాలన్నారు. కార్యక్రమంలో మున్సిపల్‌ చైర్‌పర్సన్‌ జ్యోతి, డీఈటీ హీరాలాల్‌, ఏఈలు వెంకటేశ్వర్లు, సంగీత, హరీశ్‌, ఏఈ కమర్షియల్‌ శ్రీధర్‌రెడ్డి, శివకాశి సోలార్‌ వెండర్‌ ధరావత్‌ వెంకన్ననాయక్‌, నందులాల్‌, సుధాకర్‌, రాంబాబు, రమేష్‌, కౌన్సిలర్లు ముత్యం వెంకన్న, చిదిరాల అరుణజ్ఞానేశ్వర్‌, దిలీప్‌, లక్ష్మీనారాయణ, నిమ్మల శ్రీనివాస్‌ పాల్గొన్నారు.

బచ్చన్నపేట : తెలంగాణ ఆపిల్స్‌గా పిలువబడే సీతాఫలాలకు కేరాఫ్‌గా జనగామ జిల్లా బచ్చన్నపేట మండలంలోని మన్‌సాన్‌పల్లి గ్రామం నిలిచింది. ఇక్కడ దాదాపు 430 ఎకరాల ఫారెస్ట్‌ భూమిలో పలు రకాల పండ్ల మొక్కలతో పాటు ఎక్కువ శాతంలో సీతాఫలాల చెట్లు ఉన్నాయి. ఐదేళ్ల క్రితం గ్రామ పంచాయతీ ఆధ్వర్యంలో ఈ సీతాఫలాలను కోసుకోవడానికి ప్రతి ఏటా వేలం నిర్వహించే వారు. ఒక్కో ఏడాది దాదాపు రూ.5 నుంచి రూ.6లక్షల వరకు వేలం పాట జరుగుతుంది. కోతుల బెడదతో వేలం పాడిన వ్యక్తులకు గిట్టుబాటు కావడం లేదని తక్కువకు వేలం పాడుతున్నారు. ప్రస్తుతం రూ.2లక్షల నుంచి రూ.2.50 లక్షలు మాత్రమే ధర పలుకుతుంది. ఈ చెట్లను కాపాడడానికి కోతుల నుంచి రక్షించుకోవడానికి వేలం పాటదారులు బాధ్యతను తీసుకుంటారు. ఈ సీతాఫలాలను కోయడానికి, డబ్బాల్లో ప్యాక్‌ చేసి మార్కెట్‌కు తరలించడానికి ఆటోలు, డీసీఎంలకు కూడా జీవనోపాధి కలుగుతుంది. ఇతర రాష్ట్రాలకు ఎగుమతి మన్‌సాన్‌పల్లి గ్రామంలో పండించిన సీతాఫలాలను ఇతర రాష్ట్రాలకు తరలిస్తున్నారు. మిర్యాలగూడ, ఖమ్మం, హైదరాబాద్‌, కోదాడ, ఆంధ్రప్రదేశ్‌లోని కడప, విజయవాడ, ఒంగోలు, రాజమండ్రి, విజయనగరం, గుంటూరు పట్టణాలకు చెందిన వ్యాపారులు ఇక్కడకు వచ్చి ఈ సీతాఫలాలను కొనుగోలు చేసి వాహనాల్లో తీసుకెళ్తారు. విజయవాడకు ఎక్కువ మొత్తంలో కాయలను ఎగుమతి చేస్తారు. మార్కెట్‌లో ఒక్కో పెట్టే రూ.800 నుంచి రూ.1,000 వరకు విక్రయిస్తారు. ఒక్కో పెట్టేలో కాయల సైజును బట్టి 80 నుంచి 100 కాయల వరకు ఉంటాయి. ఆదాయం.. జీవనోపాధి సీతాఫలాల తోటలో కాయలు తినకుండా కోతుల కాపలాకు దాదాపు 10 మంది వరకు పనిచేస్తుంటారు. కాయలు తెంపి లోడింగ్‌ చేయడానికి రోజు 30 మంది కూలీలు పని చేయాల్సి ఉంటుంది. వానాకాలంలో ఏ పని లేని సమయంలో ఇక్కడ జీవనోపాధి దొరుకుతుంది. అధికారులు చొరవ తీసుకొని కోతుల నివారణ చర్యలను చేపడితే మరింత సీతాఫలాలు వస్తాయని గ్రామస్తులు అంటున్నారు. జనగామ అటవీ శాఖ రేంజ్‌ అధికారి భాస్కర్‌ మాట్లాడుతూ.. ఏటా సీతాఫలాల వేలం ద్వారా వచ్చిన ఆదాయంలో సగం ఆదాయాన్ని గ్రామాభివృద్ధికే వినియోగిస్తున్నామని అన్నారు. ప్రస్తుతం వన సంరక్షణ సమితి ఖాతాలో రూ.12 లక్షల వరకు ఉన్నాయని తెలిపారు. 430 ఎకరాల్లో సీతాఫలాల చెట్లు ఇతర రాష్ట్రాలకు పండ్ల ఎగుమతి ఫారెస్ట్‌ శాఖ ఆధ్వర్యంలో నిర్వాహణ

ఎస్‌ఎస్‌తాడ్వాయి : చిన్న హోటల్‌ ఆదాయంతో జీవనం గడుపుతున్న ఆ పేద కుటుంబానికి మోయ లేని భారం తోడైంది.. ప్రాణాంతక వ్యాధి చికిత్సకు భారీగా ఖర్చు.. చేతిలో అంత మొత్తం లేకపోవడంతో ఆ కుటుంబం దిక్కుతోచని స్థితిలో ఉంది. భార్యను ఎలాగైనా కాపాడుకోవాలన్న భర్త ఆరాటానికి ఆర్థిక ఇబ్బందులు అడ్డంకిగా మారాయి. ములుగు జిల్లా తాడ్వాయికి చెందిన ఎలమర్తి ధనలక్ష్మి బోన్‌ మ్యారో అప్లాసియాతో బాధపడుతోంది. చికిత్సకు సుమారు రూ.20 లక్షల వరకు ఖర్చవుతుందని వైద్యులు తెలిపినట్లు కుటుంబ సభ్యులు పేర్కొన్నారు. దాతల సాయంకోసం వేడుకోలు రూ.20 లక్షలు పెద్ద మొత్తమే అయినా.. ఒక్కరి వల్ల కాకపోయినా పది, వందల మంది కలిసి చేయూత అందిస్తే ఈ కుటుంబానికి కొంత భరోసా కల్పించవచ్చు. పెద్ద మొత్తంలో సాయం చేయలేని వారు సైతం తమకు వీలైనంత అందించాలని కోరుతున్నారు.ధనలక్ష్మి కుటుంబానికి అండగా నిలవాలని ఆర్యవైశ్య సంఘం, కుటుంబ సభ్యులు దాతలకు విజ్ఞప్తి చేస్తున్నారు. దాతలు, వ్యాపారవేత్తలు, స్వచ్ఛంద సంస్థలు మానవతా దృక్పథంతో స్పందించి తమకు తోచినంత సాయం చేయాలని కోరుతున్నారు. ధనలక్ష్మి వైద్యానికి మానవత్వంతో స్పందించి బాధిత కుటుంబానికి అండగా నిలవాలని కుటుంబ సభ్యులు వేడుకుంటున్నారు. దాతలు 73822 25351 నంబర్‌కు ఫోన్‌ పే, గూగుల్‌ పే ద్వారా సాయం చేయాలని వేడుకుంటున్నారు.. దాతల సాయంకోసం ఎదురుచూపు బోన్‌ మ్యారో అప్లాసియా చికిత్సకు రూ.20లక్షలు అవసరం పేద కుటుంబానికి మోయలేని భారం

ఉప్పల్‌: మానసిక ఒత్తిడి తట్టుకోలేక జర్మనీనుంచి హైదరాబాద్‌ నగరానికి వచ్చిన ఓ యువకుడు తన ఇంట్లో ఉరి వేసుకుని ఆత్మహత్య చేసుకున్నాడు. ఈ ఘటన రామంతాపూర్‌ బాలకృష్ణానగర్‌లో శనివారం తీవ్ర కలకలం సృష్టించింది. పోలీసులు, బాధితులు తెలిపిన ప్రకారం.. రామంతాపూర్‌ బాలాకృష్ణానగర్‌ ప్రాంతానికి చెందిన వీరగాని మల్లేషం, వృత్తి ఎలక్ట్రికల్‌ కాంట్రాక్టర్‌. వీరి స్వస్థలం మహబూబాబాద్‌ జిల్లా నెల్లికుదురు. ఈయనకు ఇద్దరు కుమారులు వీరగాని విద్యాసాగర్‌(29), ప్రేమ్‌సాగర్‌ ఉన్నారు. తల్లి 2014లోనే మృతి చెందింది. ఆ తరువాత తండ్రి అన్నీ తానై పెద్దకుమారుడు విద్యాసాగర్‌ను చదివించి ఉన్నత చదువుల కోసం 2019 డిసెంబర్‌లో అమెరికాకు పంపాడు. అక్కడ చదువు పూర్తి చేసుకున్న అనంతరం ఉద్యోగం ప్రారంభించాడు. నానమ్మ చనిపోవడంతో 2023లో నగరానికి వచ్చి తిరిగి వెళ్లిపోయాడు. తదనంతరం ట్రంప్‌ దెబ్బకు, వీసా సమస్యలు, హెచ్‌–1బీ అవ్వకపోవడం లాంటి అనేక సమస్యలు ఎదుర్కొన్న విద్యాసాగర్‌ 2025, ఏప్రిల్‌లో నగరానికి వచ్చాడు. అక్కడినుంచి గత జూలైలో జాబ్‌ కోసం జర్మనీకి వెళ్లాడు. అక్కడ కూడా సరైన ఉద్యోగం లభించక తీవ్ర మానసిక ఒత్తిడికి లోనైనట్లు కుటుంబ సభ్యులు తెలిపారు. పరిస్థితులు అనుకూలించక నాన్నకు ఫోన్‌ చేసి టికెట్‌కు డబ్బులు పంపమని చెప్పి ఆదివారం నగరానికి చేరుకున్నాడు. అతన్ని ఎయిర్‌పోర్టు నుంచి తండ్రి మల్లేషం సోదరుడు ప్రేమ్‌ సాగర్‌లు కలిసి తీసుకువచ్చారు. అనంతరం తండ్రి పని మీద స్వగ్రామానికి వెళ్లాడు. విద్యాసాగర్‌ గదిలోకి వెళ్లి గడియ పెట్టుకున్నాడు. మధ్యాహ్నం సోదరుడు అన్న కోసం బిర్యాని ఆర్డర్‌ పెట్టాడు. బిర్యాని రాగానే తలుపు తట్టినా లేవకపోవడతో అలసిపోయి నిద్రిస్తున్నాడేమో అనుకుని ఊరుకున్నాడు. తండ్రి సాయంత్రం ఇంటికి వచ్చి తలుపులు తట్టగా లేవకపోవడంతో కిటికీలోనుంచి చూశాడు. ఫ్యాన్‌కు విద్యుత్‌ తీగతో ఉరి వేసుకుని ఆత్మహత్య చేసుకున్నట్లు గమనించారు. తలుపులు బలవంతంగా తెరిచి కిందకు దింపారు. అప్పటికే విద్యాసాగర్‌ మృతిచెందాడు. చనిపోయిన సమయంలో చెవిలో హియర్‌ ఫోన్‌లు పెట్టుకుని ఉన్నట్లు పోలీసులు తెలిపారు. తండ్రి ఫిర్యాదు మేరకు పోలీసులు కేసు నమోదు చేశారు. ఎవరితోనో మాట్లాడుతూ ఆత్మహత్య చేసుకున్నాడా? లేక మానసిక ఒత్తిడికి గురయ్యాడా? లేక ప్రేమ వ్యవహారమా అన్న కోణాల్లో దర్యాప్తు ప్రారంభించారు. జర్మనీనుంచి తిరిగొచ్చిన విద్యాసాగర్‌ హైదరాబాద్‌ రామంతాపూర్‌లో ఘటన మృతుడి స్వస్థలం నెల్లికుదురు

● కలెక్టర్‌ చాహత్‌ బాజ్‌పాయ్‌ కాజీపేట అర్బన్‌ : గ్రేటర్‌ వరంగల్‌ మహానగర పాలక సంస్ధ అభివృద్ధికి నిట్‌ వరంగల్‌ సాంకేతికత పరిజ్ఙానం తోడ్పడుతుందని కలెక్టర్‌,గ్రేటర్‌ వరంగల్‌ మున్సిపల్‌ కార్పొరేషన్‌ ప్రత్యేకాధికారి చాహత్‌ బాజ్‌పాయ్‌ తెలిపారు. నిట్‌ వరంగల్‌లో రీసెర్చ్‌ అండ్‌ డెవలప్‌మెంట్‌ కార్యకలాపాలను కలెక్టర్‌ శనివారం పవర్‌ పాయింట్‌ ప్రజెంటేషన్‌ ద్వారా పరిశీలించారు. నగరంలో అండర్‌ గ్రౌండ్‌ డ్రెయినేజీ వ్యవస్థ, నగర భౌగోళిక పరిస్థితులు, మౌలిక వసతుల ప్రణాళికలో నిట్‌ సాంకేతికను వినియోగించుకోనున్నట్లు తెలిపారు. నిట్‌లో నిర్వహించిన డ్రోన్‌ సర్వే విధానం, డ్రోన్‌ డేటాను జీఐఎస్‌తో అనుసంధానం చేసే ప్రక్రియ, గ్రేటర్‌ వరంగల్‌ సర్వేలో వినియోగించే సాంకేతికత, డేటా రిజల్యూషన్‌ తదితర అంశాలను పరిశీలించారు. నిట్‌ ప్రొఫెసర్లు, పరిశోధక విద్యార్థులు ఆవిష్కరించిన ప్రజెక్ట్‌లను అడిగి తెలుసుకున్నా రు.బల్దియా ఎస్‌ ఈ రాజ్‌కుమార్‌,ఈఈలు రవి కుమార్‌, మహేందర్‌, మాధవి, సీపీ రవీంద్ర రా డేకర్‌, ఐటీ మేనేజర్‌ రమేష్‌, నిట్‌ డైరెక్టర్‌ బిద్యాధర్‌ సుబుదీ పాల్గొన్నారు.

● కలెక్టర్‌ స్నేహశబరీష్‌ మహబూబాబాద్‌: విద్యా శాఖ ద్వారా తొలిమెట్టు కార్యక్రమాన్ని మరింత సమర్ధవంతంగా అమలు చేయాలని కలెక్టర్‌ స్నేహశబరీష్‌ అధికారులను ఆదేశించారు. విద్యాశాఖపై సంబంధిత అధికారులతో కలెక్టరేట్‌లో శనివారం సమీక్షా సమావేశం నిర్వహించారు. ఒకటో తరగతి నుంచి ఐదో తరగతి వరకు విద్యార్థుల్లో చదివే రాసే నైపుణ్యాలతోపాటు ప్రాథమిక గణిత భావనలపై స్పష్టమైన అవగాహన పెంచడమే తొలిమెట్టు ఉద్ధేశమన్నారు. ఆట పాటల ఆధారంగా సృజనాత్మక పద్ధతిలో విద్యాబోధన అందించాలన్నారు. చదువులో వెనుకబడిన విద్యార్థులను గుర్తించి వారిపై ప్రత్యేక శ్రద్ధ వహించాలని తెలిపారు. డిజిటల్‌ తరగతులు, ఏఐ విధానం ద్వారా బోధించాలన్నారు. సమావేశంలో ఇన్‌చార్జ్‌ అదనపు కలెక్టర్‌ పురుషోత్తం, ట్రైనీ డిప్యూటీ కలెక్టర్‌ నితీష్‌, ఇన్‌చార్జ్‌ డీఈఓ శ్రీరాములు, తదితరులు పాల్గొన్నారు.

● రాష్ట్ర అధ్యక్షుడిగా మియాపురం శ్రీకాంతాచారి హన్మకొండ చౌరస్తా: తెలంగాణ రాష్ట్ర వ్యాప్తంగా మున్సిపల్‌ కార్యాలయాల్లో పనిచేస్తున్న కంప్యూటర్‌ ఆపరేటర్లు శుక్రవారం హనుమకొండలోని పబ్లిక్‌ గార్డెన్‌లో సమావేశమయ్యారు. ఈ సందర్భంగా తెలంగాణ రాష్ట్ర మున్సిపల్‌ ఔట్‌సోర్సింగ్‌ కంప్యూటర్‌ ఆపరేటర్ల అసోసియేషన్‌ కమిటీని ఎన్నుకున్నారు. రాష్ట్ర అధ్యక్షుడిగా జీడబ్ల్యూఎంసీలో విధులు నిర్వర్తిస్తున్న మియాపురం శ్రీకాంతాచారి ఏకగ్రీవంగా ఎన్నికయ్యారు. ఉపాధ్యక్షురాలిగా పి. గాయత్రి, కార్యదర్శులుగా వరయోగుల నరేశ్‌, ధరణికోట సంతోశ్‌, కోశాధికారిగా బేలా చరణ్‌ కుమార్‌, సహ కోశాధికారిగా రంగు యుగేంధర్‌, సంయుక్త కార్యదర్శులుగా వి.మారుతి, సకినాల నాగరాజు, నాయకం గంగాధర్‌, వర్కింగ్‌ ప్రెసిడెంట్లుగా ఎస్‌. మాధవి, ఉస్మాన్‌ పాషా, పూజారి కిరణ్‌, అధికార ప్రతినిధిగా తత్తరి లింగనాథ్‌, ముఖ్య సలహాదారులుగా బి.వెంకటరంగ నెహ్రూ, ఎం.డి ఖాజా, నాగ కిరణ్‌ కుమార్‌, ఆర్గనైజింగ్‌ సెక్రటరీలుగా ఆర్‌.ప్రశాంత్‌ బాబు, ఎన్‌. నరేశ్‌, మీడియా కన్వీనర్లు ఇబ్రహీం అలీ, హరి ఎన్నికయ్యారు. రాష్ట్ర వ్యాప్తంగా మున్సిపల్‌ కార్యాలయాల్లో పనిచేస్తున్న కంప్యూటర్‌ ఆపరేటర్ల సమస్యలను ప్రభుత్వం దృష్టికి తీసుకెళ్లి ఉద్యోగుల హక్కులు, వేతన భద్రత, ఉద్యోగ సంబంధిత సమస్యల పరిష్కారం కోసం సంఘటితంగా కృషి చేయడమే కమిటీ ప్రధాన లక్ష్యమని శ్రీకాంతాచారి తెలిపారు. కార్యక్రమంలో శ్రీనివాస్‌, రాజేశ్‌, మహేశ్‌ కుమార్‌, క్రాంతి కుమార్‌, జగదీశ్వర్‌ రెడ్డి, విజయకుమార్‌ తదితరులు పాల్గొన్నారు.

● రోహిర్‌ గ్రామంలో ఘటన ఏటూరునాగారం : అత్తింటి వేధింపులతో ఓ వివాహిత ఆత్మహత్యకు పాల్ప డింది. ఈ ఘటన శుక్రవారం ములుగు జిల్లా ఏటూరునాగారం పోలీసు స్టేషన్‌ పరిధిలోని రోహిర్‌ గ్రామంలో చోటు చేసుకుంది. పోలీసుల కథనం ప్రకారం.. గ్రామానికి చెందిన దుర్గం లక్ష్మీనారాయణ కుమార్తె స్వర్ణలత (25) 2025లో అదే గ్రామానికి చెందిన సొదారి హరీశ్‌ను ప్రేమ వివాహం చేసుకుంది. వీరికి ఒక కుమారుడు ఉన్నాడు. ప్రస్తుతం స్వర్ణలత నాలుగు నెలల గర్భిణి. ఈ క్రమంలో కొన్ని రోజులుగా అదనపు కట్నం, భూమి కోసం భర్త హరీశ్‌, అత్తామామలు వజ్రమ్మ, లింగయ్య వేధింపులకు గురి చేస్తున్నారు. దీంతో ఈ వేధింపులు భరించలేక స్వర్ణలత ఈ నెల 2వ తేదీన గుర్తుతెలియని పురుగుమందు తాగింది. గమనించిన కుటుంబీకులు ఆమెను వెంటనే ఏటూరునాగారంలోని ఆస్పత్రికి తరలించగా చికిత్స పొందుతూ అదే రోజు మృతి చెందింది. ఈ ఘటనపై మృతురాలి తండ్రి లక్ష్మీనారాయణ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై మహేశ్‌ తెలిపారు.

శాయంపేట : మండలంలోని కొత్తగట్టు సింగారం స్టేజి సమీపంలో శుక్రవారం తెల్లవారుజామున 3 గంటల ప్రాంతంలో కర్రలోడుతో వెళ్తున్న ట్రాక్టర్‌ను లారీ ఢీ కొట్టడంతో కర్ర వ్యాపారి (ట్రాక్టర్‌ డ్రైవర్‌) అక్కడిక్కడే మృతిచెందాడు. ఎస్సై జక్కుల పరమేష్‌ తెలిపిన వివరాల ప్రకారం.. ఆంధ్రప్రదేశ్‌ రాష్ట్రం తూర్పుగోదావరి జిల్లా తుని మండలం సీతయ్యపేట గ్రామానికి చెందిన యెజ్జల శ్రీను (25) తన సోదరుడు నాగేశ్‌తో కలిసి స్థానికంగా కర్ర వ్యాపారం చేస్తున్నారు. వారికి సొంతంగా ట్రాక్టర్‌ ఉంది. శ్రీను ట్రాక్టర్‌ కూడా నడుపుతాడు. శుక్రవారం తెల్లవారుజామున మొగుళ్లపల్లి మండలం ఇస్సిపేటనుంచి వేపకర్ర లోడును ట్రాక్టర్‌లో వేసుకుని తనే నడుపుకుంటూ పరకాల మీదుగా వరంగల్‌కు తీసుకెళ్తున్నాడు. కొత్తగట్టు సింగారం స్టేజి సమీపంలోకి రాగానే పరకాలనుంచి హనుమకొండకు వెళ్తున్న లారీ ట్రాక్టర్‌ను ఢీ కొట్టింది. దీంతో ట్రాక్టర్‌ టేలర్‌లో ఉన్న కర్ర.. శ్రీనుపై పడి అక్కడికక్కడే మృతిచెందాడు. తన తమ్ముడి మృతికి కారణమైన లారీ డ్రైవర్‌పై చర్యలు తీసుకోవాలని అన్న నాగేశ్‌ పోలీసులకు ఫిర్యాదు చేశారు. ఈ మేరకు కేసు నమోదు చేసి దర్యాప్తు చేస్తున్నట్లు ఎస్సై పరమేష్‌ తెలిపారు.

వరంగల్‌ స్పోర్ట్స్‌: హనుమకొండ జిల్లా పాఠశాల క్రీడల సమాఖ్య ఆధ్వర్యంలో ఉమ్మడి వరంగల్‌ జిల్లా స్థాయి అండర్‌–14,17 బాలబాలికల జూడో ఎంపిక పోటీలు శుక్రవారం వరంగల్‌లోని కెమిస్ట్‌ భవన్‌లో నిర్వహించారు. ఉమ్మడి జిల్లా నుంచి 120 మంది హాజరు కాగా ఇందులో ప్రతిభ కనబరిచిన క్రీడాకారులను ఈ నెల 11 నుంచి 13వ తేదీ వరకు కెమిస్ట్‌ భవన్‌లో జరగనున్న రాష్ట్ర స్థాయి పోటీలకు ఎంపిక చేయనున్నట్లు ఎస్‌జీఎఫ్‌ హనుమకొండ జిల్లా నిర్వహణ కార్యదర్శి వాసుదేవరావు తెలిపారు. ఈ కార్యక్రమంలో పీఈటీల సంఘం బాధ్యుడు ప్రభాకర్‌ రెడ్డి, జూడో అసోసియేషన్‌ బాధ్యుడు కై లాస్‌యాదవ్‌ , ఎస్‌జీఎఫ్‌ వరంగల్‌ జిల్లా ఆర్గనైజింగ్‌ సెక్రటరీ పుల్ల అనిల్‌ కుమార్‌, గుగులోత్‌ కిషన్‌, డాక్టర్‌ రాము, ప్రేమ్‌ప్రసాద రావు, జూడో కోచ్‌లు నాగరాజు, సురేశ్‌, కుమార్‌, నిశాంత్‌ తదితరులు పాల్గొన్నారు.

హన్మకొండ చౌరస్తా: హనుమకొండలోని విజయ టాకీస్‌ ఎదుట గల ప్రపంచ పేరెన్నిక గల జోయాలుక్కాస్‌ జ్యువెలరీ షోరూంలో శుక్రవారం ‘బ్రిలియన్స్‌ డైమండ్‌ జ్యువెలరీ షో’ ప్రారంభమైంది. ఈ షో తెలంగాణను మెరిపించనుంది. ఈ ప్రదర్శనలో వజ్రాభరణాలలో నైపుణ్యం, సొబగులు, సరికొత్త ఆవిష్కరణల అపురూప వేడుకను అందిస్తుందని యాజమాన్యం వెల్లడించింది. పెళ్లిళ్లకు అద్భుత నగల సెట్‌ల నుంచి నిత్యం ధరించే ఆధునిక ఆభరణాల వరకు ఈ ప్రదర్శనలో కాలాతీతమైన సంప్రదాయం, ఆధునికత కలగలిసిన ఆభరణాలు లభ్యమవుతాయని తెలిపారు. ప్రతీ డిజైన్‌ ఓ కళాఖండమని, ఇది ఈ షో జరిగే పరిమిత కాలం వరకు మాత్రమే అందుబాటులో ఉంటుందని జోయాలుక్కాస్‌ గ్రూప్‌ చైర్మన్‌ డాక్టర్‌ జోయ్‌ అలుక్కాస్‌ వెల్లడించారు. ‘బ్రిలియన్స్‌ డైమండ్‌ జ్యువెలరీ షో వజ్రాల శాశ్వతమైన ఆకర్షణ, ఆభరణాల రూపకల్పనలో తమ పరిపూర్ణతకు నిదర్శనమన్నారు. తెలంగాణ తమ ప్రయాణంలో ఒక ప్రత్యేక స్థానం కలిగి ఉందన్నారు. ప్రదర్శన సమయంలో రూ.లక్ష అంతకంటే ఎక్కువ విలువైన వజ్రాభరణాలు కొనుగోలు చేసిన ప్రతీ వినియోగదారుడికి ఒక ఉచిత బంగారు నాణెం అందిస్తున్నట్లు, ఇది షాపింగ్‌ అనుభవానికి మరింత మెరుపును జోడిస్తుందన్నారు. అత్యంత ప్రత్యేకంగా నిర్వహిస్తున్న ‘బ్రిలియన్స్‌ డైమండ్‌ జ్యువెలరీ షో’ ఈ నెల 18 వరకు మాత్రమే అందుబాటులో ఉంటుందని వెల్లడించారు.

మహబూబాబాద్‌ రూరల్‌ : కూలికి వెళ్లిన ఓ యువకుడు బావిలో పడి మృతి చెందాడు. ఈ ఘటన శుక్రవారం మహబూబాబాద్‌ మండలం లక్ష్మా తండా జీపీ పరిధి రేకుల తండాలో చోటుచేసుకుంది. రూరల్‌ ఎస్సై పి.రాజు కథనం ప్రకారం.. మండలంలోని పర్వతగిరికి చెందిన బొలక శ్రీధర్‌ (37) కూలితోపాటు విద్యుత్‌ మరమ్మతులు కూడా చేస్తుంటాడు. ఈ క్రమంలో రేకుల తండాకు చెందిన గుగులోత్‌ జనార్ధన్‌ తన వ్యవసాయ బావిలోని విద్యుత్‌ మోటారు బయటకు తీసే పనికోసం శ్రీధర్‌ను తీసుకెళ్లాడు. శ్రీధర్‌ వ్యవసాయ బావిలోకి దిగి మోటారు తీసే పనిచేస్తున్న క్రమంలో బావిపై గల పైపు ఊడి అందులో పడి మృతి చెందాడు. మృతుడి కుటుంబానికి న్యాయం చేయాలని ధర్నా.. శ్రీధర్‌ మృతికి జనార్ధన్‌ కారణమంటూ అతడి కుటుంబీకులు, బంధువులు మృతదేహాన్ని తీసుకెళ్లి జనార్ధన్‌ ఇంటి ఎదుట వేసి ధర్నా చేపట్టారు. విషయం తెలుసుకున్న రూరల్‌, కేసముద్రం సీఐలు అంజలి, సత్యనారాయణ, రూరల్‌, నెల్లికుదురు ఎస్సైలు కరుణాకర్‌, రమేశ్‌ బాబు, నరేశ్‌ ఘటనా స్థలికి చేరుకుని ధర్నా చేస్తున్న వారితో మాట్లాడారు. న్యాయం చేస్తామని పోలీసులు హామీ ఇవ్వడంతో ధర్నా విరమించారు. మృతుడి తల్లి దేవమ్మ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు రూరల్‌ ఎస్సై రాజు తెలిపారు. వ్యవసాయ బావిలో పడి యువకుడి మృతి విద్యుత్‌ మోటారు తీస్తుండగా ఘటన

మహబూబాబాద్‌ రూరల్‌ : ప్రయాణికుల సౌకర్యార్థం రైల్వే స్టేషన్లలో మెరుగైన వసతుల కల్పనకు కృషి చేస్తున్నామని దక్షిణ మధ్య రైల్వే జనరల్‌ మేనేజర్‌ సంజయ్‌ కుమార్‌ శ్రీవాస్తవ అన్నారు. ఈ మేరకు శుక్రవారం ఆయన మహబూబాబాద్‌ రైల్వే స్టేషన్‌లో తనిఖీలు నిర్వహించారు. ఈ సందర్భంగా స్వచ్ఛతా హీ సేవా కార్యక్రమంలో పాల్గొని రైల్వే అధికారులు, సిబ్బంది, పట్టణ ప్రముఖులతో కలిసి స్వచ్ఛత ప్రతిజ్ఞ చేయించి స్టేషన్‌ ఆవరణలో మొక్క నాటారు. రైల్వే స్టేషన్‌ పరిసరాలను శుభ్రంగా ఉంచడంతో పాటు పర్యావరణ పరిరక్షణకు ప్రతీ ఒక్కరు బాధ్యతగా వ్యవహరించాలని పిలుపునిచ్చారు. అనంతరం అమృత్‌ భారత్‌ పథకంలో భాగంగా సుమారు రూ.26 కోట్ల అంచనా వ్యయంతో కొనసాగుతున్న అభివృద్ధి పనులను పరిశీలించి వివరాలు తెలుసుకున్నారు. బుకింగ్‌ కార్యాలయం, స్టేషన్‌ ప్రాంగణం, ఇతర నిర్మాణ పనులు పరిశీలించి నాణ్యతతో గడువులోగా పూర్తి చేయాలని సూచించారు. మహబూబాబాద్‌ ఎమ్మెల్యే మురళీనాయక్‌, పలువురు ప్రజాప్రతినిధులు, స్థానికులు అందించిన వినతి పత్రాలను స్వీకరించారు. డీఆర్‌ఎం గోపాలకృష్ణన్‌, ప్రిన్సిపల్‌ చీఫ్‌ ఇంజనీర్‌ ఆంజనేయులురెడ్డి, సీనియర్‌ డీఈఎన్‌ కో ఆర్డినేషన్‌ వరుణ్‌ బాబు, డిప్యూటీ చీఫ్‌ ఇంజనీర్‌ దినకరన్‌ ప్రణీత్‌, సీనియర్‌ డీఈఎన్‌ యాదగిరి, ట్రాఫిక్‌ ఇన్‌స్పెక్టర్‌ మోహ న్‌ కుమార్‌, వివిధ శాఖలకు చెందిన రైల్వే ఉన్నతాధికారులు, తదితరులు పాల్గొన్నారు.● దక్షిణ మధ్య రైల్వే జీఎం సంజయ్‌ కుమార్‌ శ్రీవాస్తవ

● వివరాలు వెల్లడించిన పోలీసులు బయ్యారం: బాలికను వివాహం చేసుకున్న బాలుడితోపాటు అతడి తల్లిదండ్రులను అరెస్ట్‌ చేసినట్లు గార్ల–బయ్యారం సీఐ లోడిగ రవీందర్‌ తెలిపారు. ఈ ఘటనకు సంబంధించిన వివరాలను విలేకరులకు వెల్లడించారు. మహబూబాబాద్‌ జిల్లా బయ్యారం మండలానికి చెందిన బాలుడు, బాలికకు చట్టవ్యతిరేకంగా వివాహం జరిపించారు. ఈ విషయంపై ఐసీడీఎస్‌ సూపర్‌వైజర్‌ ఫిర్యాదు మేరకు సీఐ రవీందర్‌ కేసు నమోదు చేసి విచారణ జరిపారు. అనంతరం బాలికను వివాహం చేసుకున్న బాలుడితోపాటు ఇందుకు సహకరించిన బాలుడి తల్లిదండ్రులను శుక్రవారం అరెస్ట్‌ చేసి మహబూబాబాద్‌ కోర్టులో హాజరుపర్చారు. వీరిలో బాలుడిని వరంగల్‌లోని జువైనల్‌ హోమ్‌కు, తల్లిదండ్రులను మహబూబాబాద్‌ జైలుకు తరలించారు. అనుమానాస్పద స్థితిలో వివాహిత ఆత్మహత్య ● కొలన్‌పల్లిలో ఘటన రాయపర్తి: అనుమానాస్పద స్థితిలో ఓ వివాహిత ఆత్మహత్యకు పాల్పడింది. ఈ ఘటన వరంగల్‌ జిల్లా రా యపర్తి మండలం కొలన్‌పల్లిలో చోటు చేసుకుంది. స్థానికుల కథనం ప్రకారం.. గ్రామానికి చెందిన గాజుల సురేశ్‌, దివ్య (26) దంపతులకు కూతురు, కుమారుడు ఉన్నారు. సురేశ్‌ గ్రా మంలో ఆర్‌ఎంపీగా పని చేస్తున్నాడు. ఈక్రమంలో దంపతులు మధ్య శుక్రవారం గొడవ జరిగింది. దీంతో క్షణికావేశంలో దివ్య.. భర్త బయటకు వెళ్లిన అనంతరం ఇంట్లో ఉరేసుకుని ఆత్మహత్యకు పాల్పడింది. ఈ విషయం తెలు సుకున్న దివ్య తల్లిదండ్రులు, బంధువులు కొ లన్‌పల్లికి చేరుకుని తమ కుమార్తెను భర్త సురేశ్‌ హత్యచేసి ఆత్మహత్యగా చిత్రీకరించాడని ఆరో పిస్తూ ఆందోళన చేపట్టారు. దీనిపై సమాచా రం అందుకున్న వర్ధన్నపేట సీఐ సంజీవరావు, రాయపర్తి, పాలకుర్తి, జఫర్‌గఢ్‌, వర్ధన్నపేట మండలాల ఎస్సైలు, సిబ్బంది ఘటనాస్థలికి చేరుకుని గొడవ సద్దుమణిగేలా చేశారు. న్యా యం జరిగేలా చూస్తామని చెప్పడంతో ఆందోళన విరమించారు.

ఖానాపురం: సహఉద్యోగులతో కలిసి విందు కోసం వచ్చిన ఓ యువకుడు ప్రమాదవశాత్తు వాగులో పడి మృతి చెందాడు. ఈ ఘటన శుక్రవారం వరంగల్‌ జిల్లా ఖానాపురం మండలం పాకాలలోని గిరికతాటి వనంలో చోటుచేసుకుంది. ఎస్సై రామ్మోహన్‌ కథనం ప్రకారం.. గీసుగొండ మండలం మచ్చాపూర్‌కు చెందిన బిల్ల సునీల్‌(33) వరంగల్‌లోని ఓ ప్రైవేట్‌ బ్యాంకులో పని చేస్తున్నాడు. సహ ఉద్యోగులు నరేశ్‌, శివ, నాగరాజు, ఉమేశ్‌, గణేశ్‌తో కలిసి విందు కోసం పాకాల వచ్చారు. గిరకతాళ్ల సమీపంలో వాగు వద్ద సాయంత్రం వరకు విందు చేసుకున్నారు. అనంతరం సాయంత్రం 5 గంటల సమయంలో అందరు కలిసి వాగులోకి ఈతకొట్టడానికి దిగారు. ఈ క్రమంలో నలుగురు వాగులో ఉన్న చెట్టు ఎక్కారు. మొదట సునీల్‌, శివ చెట్టుపై నుంచి వాగులో దూకారు. దూకిన స్థలంలో వాగు లోతుగా ఉండడంతో ఇరువురు నీట మునిగారు. గమనించి చెట్టుపై ఉన్న నరేశ్‌ వెంటనే వాగులోకి దూకి శివను కాపాడి ఒడ్డుకు చేర్చాడు. సునీల్‌ అప్పటికే నీటి మునిగి గల్లంతు కావడంతో ఎంత వెతికినా ఆచూకీ లభించలేదు. వెంటనే పోలీసులకు సమాచారం అందించారు. విషయం తెలుసుకున్న ఎస్సై రామ్మెహన్‌ సిబ్బందితో కలిసి పాకాలకు చేరుకుని జాలర్ల సహకారంతో రాత్రి వరకు వెతికి మృతదేహాన్ని బయటకు తీశారు. అనంతరం పంచనామా నిర్వహించి మృతదేహాన్ని పోస్టుమార్టం నిమిత్తం నర్సంపేటకు తరలించారు. ఘటనా స్థలి వద్ద మృతుడి తల్లిదండ్రులు యాదమ్మ, సూరయ్య, సోదరి, సోదరుడి రోదనలు మిన్నంటాయి. కుటుంబీకుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.● వాగులో పడి యువకుడి మృతి ● పాకాలలో ఘటన

● 11 నుంచి అండర్‌–14 పోటీలు వరంగల్‌ స్పోర్ట్స్‌: వరంగల్‌ జిల్లా క్రికెట్‌ అసోసియేషన్‌ ఆధ్వర్యంలో శుక్రవారం కరుణాపురం సమీపం వంగాలపల్లిలోని డీడబ్ల్యూడీసీ మైదానంలో జిల్లా లీగ్‌ పోటీల్లో పాల్గొనే జట్ల ఎంపికలు నిర్వహించారు. ఉమ్మడి వరంగల్‌ జిల్లా నుంచి సుమారు 400 మందికి పైగా క్రీడాకారులు హాజరైనట్లు అసోసియేషన్‌ జిల్లా కార్యదర్శి చాగంటి శ్రీనివాస్‌ తెలిపారు. హోరాహోరీగా సాగిన ఎంపికల్లో ప్రతిభ గల క్రీడాకారులతో కూడిన 8 జట్లను సెలెక్షన్‌ కమిటీ ఎంపిక చేసినట్లు తెలిపారు. ఎంపికై న జట్లకు ఈ నెల11 నుంచి లీగ్‌ తరహా పోటీలు నిర్వహించి అందులో అత్యుత్తమ ప్రతిభ కనబరిచిన క్రీడాకారులతో అండర్‌–14 ఉమ్మడి వరంగల్‌ జిల్లా తుది జట్టును ఎంపిక చేయనున్నట్లు తెలిపారు. డీడబ్ల్యూడీసీ జిల్లా అధ్యక్షుడు పెద్ది ప్రవీణ్‌గౌడ్‌, ఉపాధ్యక్షులు అచ్చ వెంకటేశ్వర రావు, తోట రాము, జిల్లా మాజీ కార్యదర్శి మార్నేని ఉదయ్‌భాను రావు, అసోసియేషన్‌ సభ్యులు పుల్లూరి శ్రీనివాస్‌ గౌడ్‌, విజయ్‌, శంకర్‌, మెతుకు కుమార్‌, సురేశ్‌, మట్టెడ కుమార్‌, బండారి ప్రభాకర్‌, ఎ. వేణుగోపాల్‌, అఫ్జల్‌, రాజ్‌ కుమార్‌, సదానంద్‌ యాదవ్‌ హాజరయ్యారు.

విద్యారణ్యపురి: పీఎం శ్రీ స్కూళ్లలో ప్రత్యేక అవసరాల పిల్లల కోసం సమ్మిళిత విద్యను బలోపేతం చేసే దిశగా ఆయా స్కూళ్లలో గెస్ట్‌ (అతిథి) ప్రత్యేక అవసరాల ఉపాధ్యాయుల నియామకాలు తాత్కాలిక పద్ధతిన నియమించుకునేందుకు రాష్ట్ర సమగ్రశిక్ష ప్రాజెక్టు డైరెక్టర్‌ నవీన్‌నికోలస్‌ తాజాగా ఆదేశాలు జారీచేశారు. ఈ నేపథ్యంలో ఉమ్మడి వరంగల్‌ జిల్లాలోనూ ప్రత్యేక అవసరాల పిల్లలకు పాఠశాల స్థాయిలో నిర్దేశిత భవిత కేంద్రాల ద్వారా తగిన విద్యాసాయ సేవలు అందించి సమ్మిళిత విద్యను బలో పేతం చేయడమే ఈ నియామకాల లక్ష్యంగా ఉంది. మార్గదర్శకాలు జారీ.. తాత్కాలిక పద్ధతిన ఐదు నెలల కాల వ్యవధికి ప్రత్యేక అవసరాల పిల్లలకు విద్యనందించేందుకు ఉపాధ్యాయులను నియమించుకోవాల్సి ఉంటుంది. గౌరవ వేతనం ఒక్కో టీచర్‌కు ప్రతీనెల రూ. 16,500 చొప్పున ఐదు నెలలకు మొత్తం రూ. 82 వేల 500 చెల్లిస్తారు. అర్హతలు.. గెస్ట్‌ (అతిథి) ప్రత్యేక అవసరాల అధ్యాపకులుగా నియమితులయ్యే వారికి బీఎడ్‌ (ప్రత్యేక విద్య)తో గ్రాడ్యుయేట్‌ బీఎడ్‌ (జనరల్‌ )తోపాటు ఆ ప్రత్యేక విద్యలో ఒక సంవత్సరం డిప్లొమా, బీఎడ్‌తోపాటు ప్రత్యేక విద్యలో రెండు సంవత్సరాల డిప్లొమా, ప్రత్యేక విద్యలో పోస్టు గ్రాడ్యుయేట్‌, ప్రొఫెషనల్‌ డిప్లొమా, దృష్టిలోపంలో సెకండరీ స్థాయి ఉపాధ్యాయ శిక్షణ పొందిన వారు అర్హులు. స్థానికులకు ప్రాధాన్యం.. ఈ నియామకాల్లో స్థానికులకే ప్రాధాన్యం ఇస్తారు. అర్హులైన అభ్యర్థుల్లో అనుభవం ఉన్నవారికి కూడా ప్రాధాన్యతనిస్తారు. ప్రతీజిల్లాలోనూ విద్యాశాఖ ఈనెలలో దరఖాస్తులు స్వీకరించి అర్హులను ఎంపిక చేయనుంది. ఈఏడాది నవంబర్‌ 1 నుంచి ఐదు నెలలపాటు వీరి సేవలను వినియోగించుకుంటారు. హనుమకొండ జిల్లాలో ఈనెల 7వతేదీ వరకు అర్హులైన అభ్యర్థుల నుంచి దరఖాస్తులు స్వీకరించనున్నారు. మిగతా జిల్లాల డీఈఓలు కూడా దరఖాస్తులు ఆహ్వానించనున్నారు. ప్రత్యేక అవసరాల ఉపాధ్యాయుల విధులు, బాధ్యతలు.. ● ప్రత్యేక విద్య సాయం అవసరమైన ప్రత్యేక అవసరాల పిల్లలను గుర్తించి అంచనా వేయడం, ● ప్రత్యేక అవసరాల నమోదు, తరగతి మార్పులో సహకరించడం ● భవిత కేంద్రాల్లో ప్రత్యేక అవసరాల పిల్లలకు సేవలు అందించడంలో అందుబాటులో ఉండాలి. ● అవసరమైనప్పుడు పాఠశాల,ఇంటి సందర్శనలు, తగిన కౌన్సెలింగ్‌ మార్గదర్శకం ఇవ్వడం. డీఈఓలు పర్యవేక్షణ.. ● జిల్లాల్లో ప్రత్యేక అవసరాల ఉపాధ్యాయుల నియామకాలు, పనితీరుపై జిల్లా విద్యాశాఖాధికారులు సమగ్ర పర్యవేక్షణ నిర్వహిస్తారు. ఉమ్మడి వరంగల్‌ జిల్లాలో పీఎం శ్రీ స్కూళ్ల వివరాలు జిల్లా పీఎంశ్రీస్కూళ్లు గౌరవవేతనం ఐదునెలలకు (రూ.ల్లో) హనుమకొండ 16 13,20,000 వరంగల్‌ 14 11,55,000 జనగామ 14 11,55,000 ములుగు 07 5,77,500 మహబూబాబాద్‌ 21 17,32,500 జయశంకర్‌భూపాలపల్లి 07 5,77,500 మొత్తం 79 65,17, 500ఉమ్మడి వరంగల్‌ జిల్లాలో హనుమకొండ, వరంగల్‌, ములుగు, జనగామ, మహబూబాబాద్‌, జయశంకర్‌ భూపాలపల్లి జిల్లాలో 79 పీఎం శ్రీస్కూళ్లలో ఈ గెస్ట్‌ ప్రత్యేక ఉపాధ్యాయులను నియమించనున్నారు. ఇందుకు మొత్తం ఒక్కో ఉపాధ్యాయుడికి నెలకు రూ. 16,500 చొప్పున ఐదునెలలకు రూ.82, 500 వేతనం చెల్లిస్తారు. ఆరు జిల్లాలోని 79 పీఎం శ్రీస్కూళ్లకు 79మంది అతిథి ప్రత్యేక ఉపాధ్యాయులను నియమించనున్నారు. మొత్తం ఐదు నెలలకుగాను రూ. 65లక్షల, 17, 500 గౌరవ వేతనం కింద నిధులు సమగ్ర శిక్షనుంచి కేటాయించారు. (మంజూరు) పీఎం శ్రీపాఠశాలల హెచ్‌ఎంలు సమగ్ర శిక్ష మార్గదర్శకాలను తప్పనిసరిగా పాటించాల్సి ఉంటుంది. ఒక్కో ఉపాధ్యాయుడికి నెలకు రూ.16, 500 గౌరవ వేతనం మార్గదర్శకాలు జారీ..ఉమ్మడి వరంగల్‌ జిల్లాలో 79 స్కూళ్లు

మహబూబాబాద్‌: మహనీయుల ఆశయాలను కొనసాగించాలని కలెక్టర్‌ స్నేహశబరీష్‌ అన్నారు. కలెక్టరేట్‌లో శుక్రవారం గాంధీ జయంతి వేడుకలను ఘనంగా నిర్వహించారు. ఈసందర్భంగా గాంధీజీ చిత్రపటానికి పూల మాల వేసి నివాళులర్పించిన అనంతరం కలెక్టర్‌ స్నేహశబరీష్‌ మాట్లాడారు. అదనపు కలెక్టర్‌ అనిల్‌కుమార్‌, సిబ్బంది పాల్గొన్నారు. గాంధీజీ ఆశయాలు మార్గదర్శకం మహబూబాబాద్‌ రూరల్‌ : గాంధీజీ ఆశయాలు అందరికీ మార్గదర్శకమని ఎస్పీ శబరీష్‌ పేర్కొన్నారు. గాంధీ జయంతిని పురస్కరించుకుని శుక్రవారం జిల్లా పోలీసు ప్రధాన కార్యాలయంలో వేడుకలు నిర్వహించారు. ఎస్పీ శబరీష్‌ ఆధ్వర్యంలో అధికారులు, సిబ్బంది గాంధీజీ చిత్రపటానికి పూలమాల వేసి నివాళులర్పించారు. గాంధీజీకి నివాళులర్పించిన కలెక్టర్‌, ఎస్పీ

మహబూబాబాద్‌ రూరల్‌ : మహబూబాబాద్‌, తాళ్లపూసపల్లి రైల్వే స్టేషన్ల మధ్య జరుగుతున్న ట్రాక్‌ పునరుద్ధరణ పనులను దక్షిణ మధ్య రైల్వే జనరల్‌ మేనేజర్‌ సంజయ్‌ కుమార్‌ శ్రీవాస్తవ శుక్రవారం డివిజనల్‌ రైల్వే మేనేజర్‌ డాక్టర్‌ ఆర్‌.గోపాలకృష్ణన్‌తో కలిసి పరిశీలించారు. ట్రాక్‌ రెన్యువల్‌ ట్రైన్‌ (టీఆర్టీ) అత్యాధునిక సాంకేతిక పరిజ్ఞానంతో పనిచేసే భారీ యంత్రమని, ఒకే పని విభాగంలో ట్రాక్‌ నిర్వహణకు సంబంధించిన పలు పనులను ఈ యంత్రం సమర్థవంతంగా నిర్వహిస్తుందని రైల్వే అధికారులు పేర్కొన్నారు. ఈ యంత్రం పాత రైలు పట్టాలను తొలగించడం, పాత స్లీపర్లను బయటకు తీయడం, ట్రాక్‌ అడుగుభాగంలోని కంకరను సరిచేయడం, కొత్త స్లీపర్లను అమర్చడం వంటి పనులను చేపడుతుందని తెలిపారు. ప్రత్యేకంగా అమర్చిన ఫ్లాట్‌ వ్యాగన్ల నుంచి కొత్త స్లీపర్లను తీసుకుని వాటిని పట్టాల కింద అమర్చుతుందన్నారు. అనంతరం రైలు పట్టాలను తిరిగి అమర్చి, కంకరను సర్దుబాటు చేసి ట్రాక్‌ను పటిష్టం చేస్తుందని తెలిపారు. ఈ యంత్రం ద్వారా ట్రాక్‌ పునరుద్ధరణ పనులు వేగంగా పూర్తవుతాయని, రైళ్ల రాకపోకలకు కలిగే అంతరాయం తగ్గడంతోపాటు సమయం ఆదా అవుతుందన్నారు. ముఖ్యంగా సాధారణ క్రేన్ల వినియోగం, మానవ శ్రమపై ఆధారపడటం కూడా తగ్గుతుందని పేర్కొన్నారు.

ఐదుగురిపై కేసు నమోదు తొర్రూరు: పౌర సరఫరాల సంస్థకు అప్పగించాల్సిన బియ్యాన్ని స్థానిక మిల్లర్లు స్వాహా చేశారు. తొర్రూరు పోలీస్‌ స్టేషన్‌లో నిర్వహించిన విలేకరుల సమావేశంలో డీఎస్పీ కృష్ణకిషోర్‌ వివరాలు వెల్లడించారు. మండలంలోని మాటేడు గ్రామం వెంకటేశ్వర బిన్నీ రైస్‌ మిల్లుకు 2022–23 యాసంగి సీజన్‌లో అప్పగించిన 1101 మెట్రిక్‌ టన్నుల సీఎంఆర్‌ బి య్యాన్ని పక్కదారి పట్టించారు. ఇటీవల పౌర సరఫరాల శాఖ, విజిలెన్స్‌ అధికారులు మిల్లులో తనిఖీ నిర్వహించగా ధాన్యం లేకపోవడాన్ని గుర్తించారు. దాని విలువ రూ.2.47 కోట్లు ఉంటుందని తేల్చారు. పక్కదారి పట్టిన ధాన్యాన్ని తిరిగి ఇవ్వాలని, లేని పక్షంలో అందుకు సమానమైన విలువతో కూడిన డబ్బులు చెల్లించాలని మిల్లు యజమానులను అధికారులు హెచ్చరించారు. ఆదేశాలు బేఖాతరు చేయడంతో అధికారుల ఫిర్యాదు మేరకు కేసు నమోదు చేశారు. మిల్లు యజమాని బొల్లం వెంకన్నతో పాటు భాగస్వాములైన బొల్లం కొమురెల్లి, మహంకాళి రమేష్‌, తాటికొండ వెంకన్న, ఎక్క టి కృష్ణారెడ్డిని రిమాండ్‌కు తరలించారు. సీఐ గణేష్‌, ఎస్సై మహేందర్‌రెడ్డి పాల్గొన్నారు. అధికారుల పేర్లతో ఫేక్‌ కాల్స్‌ కేసముద్రం: మున్సిపల్‌ కమిషనర్‌, పుడ్‌ ఇన్‌స్పెక్టర్‌ పేర్లతో ఓ గుర్తుతెలియని వ్యక్తి ఫోన్‌ చే స్తూ.. తమకు ఆన్‌లైన్‌లో డబ్బులు చెల్లించాలంటూ పలువురిని బురిడికొట్టించే ప్రయత్నం చే సిన సంఘటన కేసముద్రం మున్సిపాలిటీ పరి ధిలో శుక్రవారం చోటుచేసుకుంది. వివరాలు ఇలా ఉన్నాయి.. తాను మున్సిపల్‌ కమిషనర్‌ ను మాట్లాడుతున్నానంటూ ఓ గుర్తుతెలియని వ్యక్తి, పలువురు వ్యక్తులకు ఫోన్‌ చేసి, ట్రేడ్‌ లైసెన్స్‌ తదితర విషయాలను ప్రస్తావిస్తూ, ఆన్‌లైన్‌లో డబ్బులను చెల్లించాలంటూ కోరాడు. దీంతో అనుమానం వచ్చిన కొందరు వ్యక్తులు, మున్సిపల్‌ కమిషనర్‌ కార్యాలయాన్ని సంప్రదించగా.. వారికి వచ్చినవి ఫేక్‌ కాల్స్‌ అని తేలింది. అదే విధంగా పలు హోటల్‌ యజమానులకు తాను ఫుడ్‌ ఇన్‌స్పెక్టర్‌ను మాట్లాడుతున్నానంటూ ఫోన్‌ చేసి డబ్బులు ఆన్‌లైన్‌లో చెల్లించాలని, లేదంటే చర్యలు ఉంటాయని హెచ్చరించాడు. ఈ విషయంపై మున్సిపల్‌ కమిషనర్‌ శ్రీనివాస్‌రావు మాట్లాడుతూ ఫేక్‌ కాల్స్‌పై పట్టణ ప్రజలు అప్రమత్తంగా ఉండాలని, కమిషనర్‌ కార్యాలయం పేరుపై ఎలాంటి కాల్స్‌ వచ్చిన తమను సంప్రదించాలని సూచించారు. ఫేక్‌ కాల్స్‌పై పోలీస్‌స్టేషన్‌లో ఫిర్యాదు చేసినట్లు కమిషనర్‌ తెలిపారు. దరఖాస్తుల ఆహ్వానం కాజీపేట అర్బన్‌: నిట్‌ వరంగల్‌లో పీహెచ్‌డీ, విశ్వేశ్వరయ్య పీడీఎఫ్‌ కోర్సులకు దరఖాస్తులను ఆహ్వానిస్తున్నట్లు శుక్రవారం నిట్‌ యాజమాన్యం ఒక ప్రకటన విడుదల చేసింది. పీహెచ్‌డీకి బీఈ, బీటెక్‌, ఎంఈ, ఎంటెక్‌, ఎమ్మెస్సీ, ఎంఏ, ఎంకామ్‌, బ్యాచ్‌లర్స్‌ డిగ్రీ, ఎంబీఏ విద్యార్థులు అర్హులుగా పేర్కొంది. ఫుల్‌టైం, పార్ట్‌టైమ్‌, ఎగ్జిక్యూటివ్‌ పీహెచ్‌డీ ప్రోగ్రాంకుగాను ఈనెల 14 వరకు దరఖాస్తుకు చివరి తేదీగా తెలిపింది. విశ్వేశ్వరయ్య పీడీఎఫ్‌కు పీహెచ్‌డీ డిగ్రీ లేదా పీహెచ్‌డీ థీసిస్‌ విద్యార్థులు అర్హులుగా, ఈనెల 12వ తేదీ దరఖాస్తుకు చివరి తేదీగా నిట్‌ యాజమాన్యం నిర్ణయించింది. admissions.nitc.ac.inలో దరఖాస్తు చేసుకోవాలని సూచించింది.

మహబూబాబాద్‌ రూరల్‌ : గీత కార్మికులు ప్రమాదాల బారినపడకుండా కాటమయ్య రక్షణ కవచం కిట్లు ఎంతగానో ఉపయోగపడుతాయని ఎమ్మెల్యే భూక్య మురళీనాయక్‌ అన్నారు. వెనుకబడిన తరగతుల సంక్షేమ శాఖ ఆధ్వర్యంలో గీత కార్మికులకు కాటమయ్య రక్షణ కవచం కిట్లను మహబూబాబాద్‌ ఎమ్మెల్యే తన క్యాంపు కార్యాలయంలో శుక్రవారం పంపిణీ చేశారు. ఈసందర్భంగా మురళీనాయక్‌ మాట్లాడుతూ.. గౌడన్నలు చెట్లు ఎక్కిన సందర్భంలో ప్రమాదాల బారినపడకుండా ప్రభుత్వం కాటమయ్య రక్షణ కవచం కిట్లను అందజేస్తుందన్నారు. గీత కార్మికుల సంక్షేమాన్ని దృష్టిలో ఉంచుకుని ఇప్పటివరకు నాలుగు విడతలుగా 1,000 కిట్లను పంపిణీ చేశామని అన్నారు. కార్యక్రమంలో ఎకై ్సజ్‌ సీఐ రాంప్రసాద్‌, ఎస్సై వసంత, బీసీ సంక్షేమ శాఖ ఏఈఓ బాసునాయక్‌, కాంగ్రెస్‌ పార్టీ మండల అధ్యక్షుడు బెల్లంకొండ శ్రీనివాస్‌, నాయకులు నీరుటి లక్ష్మీనారాయణ, ఎండీ.ఖలీల్‌, దూపటి వినయ్‌, ఎడ్ల రమేష్‌, బానోతు భాస్కర్‌, పద్మం ప్రవీణ్‌ కుమార్‌, బద్దెపురి గోపి, చిదిరాల జ్ఞానేశ్వర్‌, నిమ్మల శ్రీనివాస్‌, ఆకుల శ్రీనివాస్‌ తదితరులు పాల్గొన్నారు. ఎమ్మెల్యే భూక్య మురళీనాయక్‌

సాక్షి, వరంగల్‌: మామునూరు విమానాశ్రయ అభివృద్ధి పనుల్లో మరో కీలక ముందడుగు పడింది. ఈ నెల 15 నుంచి బౌండరీ వాల్‌ నిర్మాణ పనులు ప్రారంభం కానున్నాయి. విమానాశ్రయం కోసం కొత్తగా సేకరించిన భూమి చుట్టూ ప్రీ కాస్ట్‌ ప్రహరీ గోడ నిర్మించడంతోపాటు, ఇప్పటికే ఉన్న గోడ ఎత్తును పెంచేందుకు ఎయిర్‌పోర్ట్స్‌ అథారిటీ ఆఫ్‌ ఇండియా (ఏఏఐ) చర్యలు చేపట్టింది. ఇందుకోసం రూ.13.28 కోట్లతో హైదరాబాద్‌కు చెందిన సైడాక్స్‌ ఇంజనీర్స్‌ అండ్‌ ఇనన్‌ఫ్రాస్ట్రక్చర్స్‌ ప్రైవేట్‌ లిమిటెడ్‌ సంస్థకు తాజాగా వర్క్‌ ఆర్డర్‌ జారీ చేసింది. ఈ నెల 14లోపు కాంట్రాక్టు సంస్థ ఒప్పంద పత్రాలపై సంతకాలు చేసి, ఏఏఐ వరంగల్‌ విమానాశ్రయ అసిస్టెంట్‌ జనరల్‌ మేనేజర్‌ (ఇంజనీరింగ్‌–సివిల్‌) సమక్షంలో పనుల స్థలాన్ని స్వాధీనం చేసుకోవాల్సి ఉంటుంది. అనంతరం నిర్మాణ పనులు ప్రారంభం కానున్నాయి. టెండర్‌ నిబంధనల ప్రకారం 15 నెలల్లో పూర్తి చేయాల్సి ఉంది. భద్రతా నిబంధనలకు అనుగుణంగా.. ఈ ప్రాజెక్ట్‌లో రెండు ప్రధాన పనులు చేపట్టనున్నా రు. విమానాశ్రయం కోసం కొత్తగా సేకరించిన భూమి చుట్టూ ప్రీ కాస్ట్‌ బౌండరీ వాల్‌ నిర్మించనున్నారు. అలాగే ప్రస్తుతం ఉన్న ప్రహరీ గోడ ఎత్తును బ్యూరో ఆఫ్‌ సివిల్‌ ఏవియేషన్‌ సెక్యూరిటీ (బీసీఏఎస్‌) నిబంధనలకు అనుగుణంగా పెంచనున్నారు. విమానాశ్రయ భూముల పరిరక్షణ, అనధికార ప్రవేశాల నియంత్రణ, భద్రతాపరమైన ఏర్పాట్లకు ఈ పనులు దోహదపడనున్నాయి. ఇదిలా ఉండగా 949.44 ఎకరాల విస్తీర్ణంలో కొద్ది నెలల క్రితం రూ.203.49 కోట్లతో రన్‌ వే ఆధునీకరణనుంచి టెర్మినల్‌కు అనుసంధాన రహదారులు, విమానాల పార్కింగ్‌ ఆప్రాన్‌, ట్యాక్సీ వేలు, గ్రౌండ్‌ సపోర్ట్‌ సదుపాయాల వరకు టెండర్లు పిలిచిన ఏఏఐ...ఇటీవల రూ.213.59 కోట్ల అంచనాతో నూతన డొమెస్టిక్‌ టెర్మినల్‌ బిల్డింగ్‌, ఏటీసీ టవర్‌ కమ్‌ టెక్నికల్‌ బ్లాక్‌, ఎలక్ట్రికల్‌ సబ్‌స్టేషన్‌, ఫైర్‌ స్టేషన్‌, ఈఅండ్‌ఎం వర్క్‌షాప్‌ వంటి మౌలిక వసతులను నిర్మించేందుకు టెండర్లు పిలిచిన విషయం తెలిసిందే. కీలకమైన ఈ పనులు కూడా ట్రాక్‌లోకి ఎక్కితే విమానాశ్రయ నిర్మాణ పనులు ఊపందుకోనున్నాయి. రూ.13.28 కోట్లతో బౌండరీ వాల్‌ నిర్మాణం ప్రారంభం కొత్తగా సేకరించిన భూమి చుట్టూ ప్రీ కాస్ట్‌ ప్రహరీ పాతగోడ ఎత్తు పెంపునకు చర్యలు 15 నెలల్లో పూర్తి చేయాలని లక్ష్యంరూ.21.39 కోట్ల అంచనా.. 37.89 శాతం తక్కువకు టెండర్‌..బౌండరీ వాల్‌ నిర్మాణ పనులకు ఏఏఐ అధికారులు రూ.21,39,52,823 అంచనా వ్యయాన్ని నిర్ణయించారు. టెండర్‌ ప్రక్రియలో సైడాక్స్‌ ఇంజనీర్స్‌ సంస్థ రూ.13,28,86,521.60కు పనులు చేపట్టేందుకు ముందుకొచ్చింది. అంచనా వ్యయం కంటే 37.89 శాతం తక్కువకు టెండర్‌ దక్కించుకుంది. ఈ మొత్తానికి జీఎస్టీ అదనం. వర్క్‌ ఆర్డర్‌ జారీ కావడంతో నిర్మాణానికి అవసరమైన ఏర్పాట్లు పూర్తిచేసి ఈ నెల 15నుంచి పనులు చేపట్టనున్నారు.

●సాక్షిప్రతినిధి, వరంగల్‌ : సికింద్రాబాద్‌–న్యూఢిల్లీ మధ్య ఉత్తర తెలంగాణను దేశ రాజధానితో అనుసంధానిస్తూ ఐదు దశాబ్దాలుగా పరుగులు తీస్తున్న తెలంగాణ సూపర్‌ఫాస్ట్‌ ఎక్స్‌ప్రెస్‌ (12723/12724) 50 ఏళ్ల ప్రస్థానాన్ని పూర్తి చేసుకోనుంది. 1976, అక్టోబర్‌ 3న అప్పటి ఆంధ్రప్రదేశ్‌ సూపర్‌ఫాస్ట్‌ ఎక్స్‌ప్రెస్‌గా ప్రారంభమైన ఈ రైలు.. రాష్ట్ర విభజన అనంతరం పేరు మార్పు చేసుకుని నేటి(2026, అక్టోబర్‌ 3)తో ఐదు దశాబ్దాలు పూర్తి చేసుకుంటోంది. ఈ రైలుతో ఉమ్మడి వరంగల్‌కు ప్రత్యేక అనుబంధం ఉంది. ప్రారంభ సమయంలో కాజీపేట జంక్షన్‌లోనే హాల్ట్‌ ఉండేది. ఇక్కడి ప్రయాణికులు ఢిల్లీ, ఉత్తర భారత ప్రాంతాలకు రాకపోకలు సాగించేందుకు ఇది కీలక రవాణా మార్గమైంది. వారానికి రెండు రోజులతో మొదలు.. 1976లో రైలు ప్రారంభించినప్పుడు వారానికి రెండు రోజులు మాత్రమే నడిచేది. అది కూడా 14 బోగీలతో సేవలందించేది. ప్రయాణికుల ఆదరణ, డిమాండ్‌ పెరగడంతో వారానికి మూడు రోజులకు సర్వీసులను పెంచారు. అనంతరం 1991లో నిత్యసేవగా మార్చడంతో పాటు బోగీల సంఖ్యను 24కు పెంచారు. ప్రస్తుతం ఎల్‌హెచ్‌బీ కోచ్‌లతో నడుస్తుండగా.. రైలులో 22 కోచ్‌లు ఉంటున్నాయి. రైలు ప్రారంభించిన తొలినాళ్లలో కాజీపేట జంక్షన్‌లో మాత్రమే స్టాప్‌ సదుపాయం ఉండేది. దీంతో వరంగల్‌, హనుమకొండతో పాటు ఉత్తర తెలంగాణ ప్రాంతాల నుంచి ఢిల్లీ వెళ్లే ప్రయాణికులకు కాజీపేట కీలక బోర్డింగ్‌ పాయింట్‌గా మారింది. తర్వాత ప్రయాణికుల డిమాండ్‌కు అనుగుణంగా సిర్పూర్‌ కాగజ్‌నగర్‌, రామగుండం, మంచిర్యాల, బెల్లంపల్లిలోనూ హాల్ట్‌ సదుపాయం కల్పించారు.

వేములవాడ: రాజన్న సిరిసిల్ల జిల్లా వేములవాడలో ప్రభుత్వ జూనియర్‌ కళాశాల మైదానంలో 52వ రాష్ట్రస్థాయి బాలుర కబడ్డీ పోటీలు, 36వ రాష్ట్రస్థాయి బాలికల కబడ్డీ పోటీలు శుక్రవారం అట్టహాసంగా ప్రారంభమయ్యాయి. రాష్ట్రవ్యాప్తంగా వివిధ జిల్లాల నుంచి సుమారు 68 జట్లకు చెందిన 1,300 మందికి పైగా క్రీడాకారులు, కోచ్‌లు, మేనేజర్లు, పీఈటీలు, పీడీలు ఈ పోటీల్లో పాల్గొంటున్నారని నిర్వాహకులు తెలిపారు. ఈ సందర్భంగా ఉమ్మడి జిల్లా పరిధిలోని హనుమకొండ, జనగామ, భూపాలపల్లి, మహబూబాబాద్‌, ములుగు జిల్లాల క్రీడాకారులు చేసిన మార్చ్‌ఫాస్ట్‌ ఆకట్టుకుంది.

మిషన్‌ భగీరథకు ప్రత్యామ్నాయంగా నేటికీ మున్నేరు వాగుమహబూబాబాద్‌: దశాబ్దాల పాటు మానుకోటకు మున్నేరు వాగు నుంచే తాగునీరు అందింది. మిషన్‌ భగీరథ నీటి సరఫరాలో సమస్య తలెత్తితే మున్సిపల్‌ అధికారులు మున్నేరు వాగుపైనే ఆధారపడతారు. అయితే తులారాం ప్రాజెక్ట్‌ నుంచి కుడి కాల్వ నిర్మిస్తే సాగు, తాగు నీటి కష్టాలు గట్టెక్కుతాయని పలు పార్టీల ఆధ్వర్యంలో ఆందోళనలు చేశారు. కానీ కాల్వ నిర్మాణం జరగలేదు. ఇదిలా ఉండగా.. వాగుపై ఉన్న లోలెవల్‌ బ్రిడ్జి శిథిలాసవస్థకు చేరడంతోపాటు కొంత భాగం కొట్టుకుపోవడంతో ప్రమాదకరంగా మారింది. మిషన్‌ భగీరథకు ప్రత్యామ్నాయంగా.. గూడూరు మండలం నుంచి మానుకోట, డోర్నకల్‌ మండలం వరకు ఉన్న ఈ వాగు నుంచే మానుకోట మున్సిపాలిటీకి తాగు నీరు అందించారు. అయితే ప్రస్తుతం మిషన్‌ భగీరథ అందుబాటులోకి వచ్చాక సరఫరాలో ఇబ్బందులు ఏర్పడితే.. మానుకోట మున్సిపాలిటీ అధికారులు మున్నేరు వాగులోని పంపు హౌజ్‌ నే ఆశ్రయించాల్సిన పరిస్థితి. ఇదిలా ఉండగా.. వాగుపై నిర్మించిన రెండు చెక్‌డ్యాంలతో సుమారు 300 ఎకరాలపైనే వాగు నీరు సాగుకు ఉపయోగపడుతుందని ఇరిగేషన్‌ ఏఈ కల్యాణ్‌ తెలిపారు. ప్రమాదకరంగా లో లెవల్‌ బ్రిడ్జి వాగుపై లో లెవల్‌ బ్రిడ్జి మాత్రమే ఉన్నసమయంలో వరద ఉధృతి పెరిగితే మానుకోట.. గూడూరు మధ్య రాకపోకలు నిలిచిపోయేవి. కొన్ని సంవత్సరాల క్రితం వరద ఉధృతితో కొంత భాగం కొట్టుకుపోయింది. దీంతో వాగుపై హై లెవల్‌ బ్రిడ్జి నిర్మించారు. అయితే కొట్టుకుపోగా మిగిలిన లో లెవల్‌ బ్రిడ్జిని తొలగించకపోవడంతో దానిపై కూడా ప్రజలు ప్రమాదకరంగానే రాకపోకలు సాగిస్తున్నారు. వాగులో ప్రవాహం పెరిగినప్పుడు చూసేందుకు లో లెవల్‌ బ్రిడ్జిపైకి వస్తున్నారు. అయితే లో లెవల్‌ బ్రిడ్జిని పూర్తి తొలగించకపోవడంపై ఆయా శాఖలు వేర్వేరుగా వాదిస్తున్నాయి. ఇరిగేషన్‌ శాఖ అధికారులు ఆ బ్రిడ్జిలతో సంబంధం లేదని చెబుతుండగా.. ఆ రోడ్డు ఎన్‌హెచ్‌ పరిధిలో పోయిందని ఆర్‌అండ్‌బీ అధికారులు చెబుతున్నారు. ఎన్‌హెచ్‌ అధికారులు కూడా స్పష్టత ఇవ్వడంలేదు. దీంతో ప్రమాదం జరిగితేనే స్పందిస్తారా.. అనే ప్రశ్ర ప్రజల నుంచి ఉత్పన్నమవుతుంది.కాల్వ నిర్మించాలని ఆందోళనలు.. బయ్యారం మండలం గౌరారం గ్రామ శివారు వినోభా నగర్‌ సమీపంలో తులారాం ప్రాజెక్ట్‌ ఉంది. ఆ ప్రాజెక్టు నుంచి కుడి కాల్వ నిర్మించి మున్నేరు వాగుకు కలపాలని వివిధ రాజకీయ పార్టీల ఆధ్వర్యంలో గతంలో పెద్ద ఎత్తున ఆందోళన చేశారు. దీంతో సాగు నీటి కష్టాలు గట్టెక్కుతాయని, ఆ వాగు వద్ద ఆఫ్‌ టీఎంసీ రిజర్వాయర్‌ నిర్మిస్తే తాగు నీటి సమస్య తీరుతుందని ఆయా పార్టీల అభిప్రాయం. ప్రమాదకరంగా లోలెవల్‌ బిడ్రి తులారం ప్రాజెక్ట్‌ కుడి కాల్వతో తీరనున్న సాగు కష్టాలు

నెల్లికుదురు: ప్రభుత్వ విద్యాసంస్థల్లో పనిచేసే వంట సిబ్బందికి కచ్చితంగా వైద్య పరీక్షలు నిర్వహించి, నివేదికలు సమర్పించాలని కలెక్టర్‌ స్నేహ శబరీష్‌ వైద్యాధికారులను ఆదేశించారు. మండల కేంద్రంలోని ప్రాథమిక ఆరోగ్య కేంద్రం, ప్రభుత్వ జూనియర్‌ కళాశాలను బుధవారం ఆకస్మికంగా తనిఖీ చేశారు. ప్రాథమిక ఆరోగ్య కేంద్రంలో రికా ర్డులు, ఆస్పత్రి పరిసరాలను పరిశీలించి ఆసహనం వ్యక్తం చేశారు. ప్రజలకు వైద్య సిబ్బంది నిరంతరం అందుబాటులో ఉండాలన్నారు. షెడ్యూల్‌ ప్రకారం మెడికల్‌ క్యాంపులు నిర్వహించి మలేరియా, డెంగీ, చికెన్‌ గున్యా లాంటి సీజనల్‌ వ్యాధులు ప్రబలకుండా ముందస్తు జాగ్రత్తలు తీసుకోవాలని ఆదేశించారు. ఆస్పత్రిలో సాధారణ ప్రసవాలను ప్రోత్సహించాలని, గర్భిణులకు, బాలింతలు, పిల్లలకు క్రమం తప్పకుండా టీకాలు వేయాలన్నారు. అనంతరం ప్రభుత్వ జూనియర్‌ కళాశాలలో తరగతి గదులను తనిఖీ చేసి మాట్లాడారు. కార్యక్రమంలో డీఐఈఓ మదార్‌, జిల్లా వైద్యాధికారి రవి రాథోడ్‌, తహసీల్దార్‌ చంద నరేష్‌, ఎంపీడీఓ సింగారపు కుమార్‌, ప్రిన్సిపాల్‌ వీరస్వామి, మండల వైద్యాధికారులు, సిబ్బంది పాల్గొన్నారు. కలెక్టర్‌ స్నేహ శబరీష్‌

● అదనపు కలెక్టర్‌ అనిల్‌కుమార్‌ తొర్రూరు రూరల్‌: రీ సర్వేతో భూ సమస్యలు పరిష్కారమవుతాయని అదనపు కలెక్టర్‌ అనిల్‌కుమార్‌ పేర్కొన్నారు. బుధవారం మండలంలోని కొమ్మనపల్లి గ్రామంలో కొనసాగుతున్న భూముల రీ సర్వేను ఆయన ఆకస్మికంగా తనిఖీ చేశారు. సర్వే తీరును పరిశీలించి, అధికారులను వివరాలు అడిగి తెలుసుకున్నారు. అనంతరం రైతులతో మాట్లాడి భూములకు సంబంధించిన సమస్యలను తెలుసుకున్నారు. రీ సర్వే పూర్తి అయితే భూ సమస్యలకు పరిష్కారం లభిస్తోందన్నారు. సర్వే పనులను సమర్థవంతంగా చేపట్టాలని అధికారులను ఆదేశించారు. కార్యక్రమంలో ఏడీ శ్రీనివాస్‌, తహసీల్దార్‌ శ్రీనివాస్‌, సర్వేయర్‌ గురువేశ్‌, జీపీఓ లలిత, లైసెన్స్‌ సర్వేయర్లు, రైతులు పాల్గొన్నారు.

● మాజీ మంత్రి సత్యవతి రాథోడ్‌ మహబూబాబాద్‌: హామీల అమలులో కాంగ్రెస్‌ ప్రభుత్వం పూర్తిగా విఫలమైందని, ప్రజలకు అన్ని విషయాలు అర్థమవుతున్నాయని మాజీ మంత్రి సత్యవతి రాథోడ్‌ అన్నారు. జిల్లా కేంద్రంలోని తన క్యాంపు కార్యాలయంలో బుధవారం నిర్వహించిన విలేకరుల సమావేశంలో ఆమె మాట్లాడారు. బీఆర్‌ఎస్‌ హయాంలోనే గిరిజనులకు న్యాయం జరిగిందన్నారు. కాంగ్రెస్‌ ప్రభుత్వం సంతు సేవాలాల్‌ పేరుతో కార్పొరేషన్‌ ఏర్పాటు చేస్తామని హామీ ఇచ్చి నేటికీ ఊసేలేదన్నారు. 10ఏళ్ల కేసీఆర్‌ పాలన స్వర్ణ యుగమని, మళ్లీ కేసీఆర్‌ సీఎం కావాలని అన్ని వర్గాల ప్రజలు కోరుకుంటున్నారన్నారు. బీఆర్‌ఎస్‌ తిరిగి అధికారంలోకి రావడం ఖాయమని ధీమా వ్యక్తం చేశారు. మాజీ ఎమ్మెల్యే బానోత్‌ శంకర్‌నాయక్‌ మాట్లాడుతూ.. బడుగు, బలహీన వర్గాల అభ్యున్నతి కోసం మాజీ సీఎం కేసీఆర్‌ ఎంతో కృషి చేశారన్నారు. పట్టభద్రుల ఎన్నికల్లో భాగంగా అర్హులందరూ ఓటరుగా నమోదు చేసుకోవాలన్నారు. సమావేశంలో జెడ్పీ మాజీ చైర్‌పర్సన్‌ ఆంగోతు బిందు, నాయకులు ఫరీద్‌, అశోక్‌ తదితురులు పాల్గొన్నారు.

మహబూబాబాద్‌ అర్బన్‌/మహబూబాబాద్‌: ప్రజాస్వామ్య వ్యవస్థపై విద్యార్థులకు అవగాహన కల్పించాలని కలెక్టర్‌ స్నేహ శబరీష్‌ అన్నారు. జిల్లా కేంద్రంలోని కలెక్టరేట్‌లో బుధవారం జిల్లాస్థాయి మాక్‌ పార్లమెంట్‌ నిర్వహించారు. వందేమాతరం గేయంతో కార్యక్రమం ప్రారంభించారు. విద్యార్థులు స్పీకర్‌, ప్రధానమంత్రి, మంత్రులు, ప్రతిపక్ష సభ్యుల పాత్రలను పోషిస్తూ పార్లమెంట్‌ సమావేశాలు వాడివేడిగా నిర్వహించారు. విద్యా పురోగతి, దేశంలో సమస్యలపై చర్చించడం, బిల్లులు ప్రవేశపెట్టడం, ఆమోదించడంతో పాటు ప్రశ్నోత్తరాల సమయంలో ప్రధానమంత్రి, మంత్రులు, ప్రతిపక్ష నాయకుల విమర్శలతో చర్చ వాడివేడిగా జరిగింది. ప్రధానమంత్రి, స్పీకర్‌, మంత్రులు, ప్రతిపక్ష నాయకుల వేషధారణలో విద్యార్థులు ఆకట్టుకున్నారు. కార్యక్రమానికి ముఖ్య అతిథిగా కలెక్టర్‌ స్నేహ శబరీష్‌ హాజరై మాట్లాడారు. విద్యార్థులకు ప్రజాస్వామ్య వ్యవస్థ విలువలు, న్యాయకత్వ లక్షణాలు పెంపొందించడానికి మాక్‌ పార్లమెంట్‌ నిర్వహించడం బాగుందన్నారు. విద్యార్థులు ఖాళీ సమయంలో అసెంబ్లీ, పార్లమెంట్‌ సమావేశాలను ప్రత్యక్ష ప్రసారాల్లో వీక్షించాలన్నారు. మాక్‌ పార్లమెంట్‌లో రాష్ట్రస్థాయికి ఐదుగురు విద్యార్థులు ఎంపికయ్యారని, వారు ప్రతిభ చాటాలన్నారు. అనంతరం విద్యార్థులకు బహుమతులు, సర్టిఫికెట్లు అందజేశారు. కార్యక్రమంలో ఇన్‌చార్జ్‌ డీఈఓ మందుల శ్రీరాములు, డీఎస్‌ఓ అప్పారావు, ఏఎంఓ వెంకటేశ్వర్లు, కన్వీనర్లు ఉపేందర్‌రావు, జిల్లా సోషల్‌ స్టడీస్‌ ఫోరం అధ్యక్షుడు బ్రహ్మానందరెడ్డి, గైడ్‌ టీచర్లు యాకూబ్‌నాయక్‌, సునీత, సతీష్‌ తదితరులు పాల్గొన్నారు. కలెక్టర్‌ స్నేహ శబరీష్‌ కలెక్టరేట్‌లో జిల్లాస్థాయి మాక్‌ పార్లమెంట్‌

మహబూబాబాద్‌ అర్బన్‌: గ్రామీణ, పట్టణ ప్రాంతాల్లోని దళిత కుటుంబాల జీవన ప్రమాణాలను పెంచడంతో పాటు ఆర్థిక అభివృద్ధిని మెరుగుపర్చడానికి ప్రభుత్వం ఎస్సీ సబ్‌ప్లాన్‌ పథకం అమలు చేస్తోంది. అయితే కొన్నేళ్లుగా ఆచరణలో మాత్రం విఫలమవుతోంది. ఈ పథకం ద్వారా మేకలు, గొర్రెలు, గేదెల పెంపకం, కిరాణా, కూరగాయల వ్యాపారం, ఇటుకల తయారీ, చెప్పుల షాపులు, టెంట్‌హౌస్‌, క్లాత్‌స్టోర్స్‌ తదితర వ్యాపారాల కోసం అందించే రుణాల నిధుల విడుదలలో తీవ్ర జాప్యం జరుగుతోంది. దీంతో లబ్ధిదారులకు ఎదురుచూపులు తప్పడం లేదు. గతంలో పెండింగ్‌.. 2018–2019 ఆర్థిక సంవత్సరంలో పలు యూనిట్లు గ్రౌండింగ్‌ కాలేదు. 2020–21ఆర్థిక సంవత్సరం 301 యూనిట్లు కేటాయించారు. వీటి విలువ సుమారు రూ.4.86కోట్లు ఉంటుంది. యూనిట్లు స్వయం ఉపాధి కోసం ఎంపిక చేసినవి కాగా.. సబ్సిడీ విషయంలో ఎలాంటి మార్పులేదు. అయితే ప్రభుత్వం ఆగమేఘాల మీద 9యూనిట్లకు మాత్రమే రూ.13.29లక్షల ప్రణాళిక విడుదల చేసింది. మిగితా వారికి నిధులు విడుదల చేయలేదు. 2025–26సంవత్సరంలో 1,726 దరఖాస్తులు.. 2025–26ఆర్థిక సంవత్సరంలో రూ.3.37కోట్ల ఎస్సీ రుణాల నిధులు కేటాయించారు. 6 నెలల క్రితమే ఆన్‌లైన్‌లో దరఖాస్తులు స్వీకరించగా.. జిల్లా వ్యాప్తంగా 1,726 మంది ఎస్సీ యువత దరఖాస్తు చేసుకుంది. కాగా, ఎంపీడీఓలు, మున్సిపల్‌ కమిషనర్లు ఇప్పటివరకు క్షేత్రస్థాయిలో అర్హులైన వారిని ఎంపిక చేసి జాబితాను బ్యాంకులకు పంపాలి. అయితే ఇప్పటి వరకు ఎలాంటి ప్రక్రియ జరగలేదు. ఎంపిక కోసం దరఖాస్తుదారులు నెలల తరబడి ఎదురుచూస్తున్నారు. ఎస్సీ రుణాల పంపిణీలో జాప్యం లబ్ధిదారులకు తప్పని నిరీక్షణ జిల్లాలో 1,726 దరఖాస్తులు

దంతాలపల్లి: ఫర్టిలైజర్‌ షాపుల యజమానులు ప్రభుత్వం సూచించిన ధరలకే ఎరువులు విక్రయించాలని డీఏఓ విజయచంద్ర అన్నారు. బుధవారం మండల కేంద్రంతో పాటు కుమ్మరికుంట్ల గ్రామంలో ఆయన సందర్శించారు. ఈ సందర్భంగా ఫార్మర్‌ రిజిస్ట్రేషన్‌ ప్రక్రియను పరిశీలించి మాట్లాడారు. ప్రతీ రైతు తప్పకుండా ఫార్మర్‌ రిజిస్ట్రేషన్‌ చేయించుకోవాలని సూచించారు. అనంతరం మండల కేంద్రంలో ఎరువులు, విత్తనాల షాపులను తనిఖీ చేశారు. రైతులకు ఎలాంటి లింకులు పెట్టకుండా ఎరువులు విక్రయించాలని, అధిక ధరలకు విక్రయిస్తే కఠిన చర్యలు తీసుకుంటామని షాపుల యజమానులను హెచ్చరించారు. నిషేధిత గడ్డిమందులు విక్రయించొద్దని సూచించారు. దంతాలపల్లి సర్పంచ్‌ బాలాజీ, మండల వ్యవసాయ అధికారి వాహిని, వ్యవసాయ విస్తరణ అధికారులు ఉదయ్‌ కిరణ్‌, హర్షవర్ధ్దన్‌, ఆమని, రైతులు పాల్గొన్నారు. యాప్‌లో వివరాలు నమోదు చేసుకోవాలి మహబూబాబాద్‌: మీ ప్రమాణం యాప్‌లో ఉద్యోగులు తమ వివరాలు నమోదు చేసుకోవాలని ఈ–డిస్ట్రిక్ట్‌ మేనేజర్‌ యుగేంధర్‌ అన్నారు. కలెక్టరేట్‌లో బుధవారం యాప్‌ వినియోగం తదితర విషయాలపై అన్ని విభాగాల అధికారులు, సిబ్బందికి శిక్షణ కార్యక్రమం నిర్వహించారు. ఈసందర్భంగా యుగేంధర్‌ మాట్లాడుతూ.. ప్రభుత్వం నుంచి జీతం తీసుకునే ప్రతీ ఒక్కరు మీ ప్రమాణం యాప్‌లో వివరాలు నమోదు చేసుకుని ముఖచిత్రం హాజరు వేయాలన్నారు. యాప్‌ వినియోగంపై అవగాహన కలిగి ఉండాలన్నారు. సందేహాలను నివృత్తి చేయడానికే శిక్షణ కార్యక్రమం నిర్వహించామన్నారు. కార్యక్రమంలో కలెక్టరేట్‌ టెక్నికల్‌ సిబ్బంది అశోక్‌, అన్ని విభాగాల సిబ్బంది పాల్గొన్నారు. పీఎం సూర్యఘర్‌పై అవగాహన శిబిరాలునెహ్రూసెంటర్‌: పీఎం సూర్యఘర్‌ ముఫ్త్‌బిజ్లీ ప్రయోజనాలపై నేటి నుంచి ఈ నెల 3వ తేదీ వరకు జిల్లా సర్కిల్‌ కార్యాలయం, తొర్రూరు డివిజన్‌ కార్యాలయంలో అవగాహన శిబిరాలు నిర్వహించనున్నట్లు విద్యుత్‌శాఖ ఎస్‌ఈ కె.దర్శన్‌కుమార్‌, టీజీ రెడ్కో జిల్లా మేనేజర్‌ రాజేందర్‌ బుధవారం తెలిపారు. శిబిరాల్లో రూఫ్‌టాప్‌ సోలార్‌ ఏర్పాటు, కేంద్ర ప్రభుత్వం అందించే ఆర్థిక సహాయం, విద్యుత్‌ బిల్లుల తగ్గింపు, నెట్‌ మీటరింగ్‌ అంశాలపై ప్రజలకు అవగాహన కల్పించనున్నట్లు చెప్పారు. సోలార్‌ విక్రేతలు, బ్యాంకర్ల ప్రతినిధులు పాల్గొని రూఫ్‌టాప్‌ సోలార్‌ ఏర్పాటు విధానం, బ్యాంకు రుణసౌకర్యాలు, అధిక సహాయం, పథకం అమలు సంబంధించిన అంశాలను వివరిస్తారని పేర్కొన్నారు. గృహ విద్యుత్‌ వినియోగదారులు, రెసిడెంట్స్‌, వెల్ఫేర్‌ అసోసియేషన్లు, ఆసక్తి ఉన్న ప్రజలు మూడు రోజులు శిబిరాలకు హాజరై సద్వినియోగం చేసుకోవాలని సూచించారు. ప్రాథమిక స్థాయిలో భాషా నైపుణ్యాలు పెంచాలిమహబూబాబాద్‌ అర్బన్‌: ప్రభుత్వ పాఠశాలల విద్యార్థుల్లో ప్రాథమిక స్థాయిలో భాషా నైపుణ్యాలు పెంచాలని ఇన్‌చార్జ్‌ డీఈఓ మందుల శ్రీరాములు అన్నారు. మానుకోట మున్సిపల్‌ పరిధిలోని మోడల్‌ స్కూల్‌లో బుధవారం ఏఎక్స్‌ఎల్‌ ఏఐపై ఉపాధ్యాయులకు శిక్షణ నిర్వహించారు. ఈ సందర్భంగా డీఈఓ శ్రీరాములు హాజరై మాట్లాడుతూ.. ఫౌండేషన్‌ లిటరసీ న్యూమరసీ ఏఎఫ్‌ఎల్‌ఎన్‌ నిర్దేశించిన అభ్యసన లక్ష్యాలు విద్యార్థులు సాధించేలా కంప్యూటర్‌ ఆధారిత బోధన, ఏఎక్స్‌ఎల్‌ ఏఐ సాంకేతికతను సమర్థవంతంగా నిర్వహించాలన్నారు. విద్యార్థుల అభ్యసన స్థాయి గుర్తించి వారి అవసరాలకు అనుగుణంగా బోధన ప్రణాళికలను రూపొందించాలన్నారు. అనంరతం అకడమిక్‌ మానిటరింగ్‌ అధికారి మోత్కూరి వెంకటేశ్వర్లు మాట్లాడుతూ.. విద్యార్థులు ఎప్పటికప్పుడు మారుతున్న సాంకేతికతను ఉపయోగించుకోవాలన్నారు. కార్యక్రమంలో జిల్లా సైన్స్‌ అధికారి అప్పారావు, సీఎంఓ సురేశ్‌, డీఆర్పీలు నాగముని, యాదగిరి, ఉషారాణి, జగన్‌, అమితాబ్‌, కరుణాకర్‌ తదితరులు పాల్గొన్నారు.

‘నర్సింహులపేట మండలం జయపురం గ్రామానికి చెందిన నెలకుర్తి మల్లారెడ్డి గత ఏడాది తనకున్న నాలుగు ఎకరాల్లో వరి, పత్తి పంటలు వేశాడు. భారీ వర్షాలతో పత్తి జాలువారింది. ధాన్యం అమ్మేందుకు ఇబ్బందులు పడ్డా.. పెట్టుబడులకే సరిపోయాయి. వర్షాలు లేకపోవడంతో ఈ ఏడాది మొత్తం నాలుగు ఎకరాల్లో పెసర సాగుచేశాడు. పంట చేతికి వచ్చింది. అమ్మితే రూ.1.50లక్షలు వచ్చాయి. పెట్టుబడి రూ.30వేలు పోగా, రూ.1.20లక్షలు మిగిలాయాని మల్లారెడ్డి చెప్పాడు.’‘పక్క ఫొటోలో కనిపిస్తున్న రైతు బయ్యారం మండల కేంద్రానికి చెందిన సుంకర రాజు. తనకున్న పది ఎకరాల్లో గత ఏడాది పత్తి, మొక్కజొన్న, వరి, మిర్చి పంటలు సాగుచేశాడు. అయితే గతేడాది యూరియా కొరత, ఇతర పెట్టుబడులు, మిర్చి పంటకు నల్లి పురుగు ఆశించడంతో పంటచేతికి రాకుండా రూ.2లక్షల మేరకు అప్పులు మిగిలాయి. ఈ ఏడాది పదెకరాల్లో పెసర పంటసాగు చేయగా, 40 క్వింటాళ్ల దిగుబడి వచ్చింది. క్వింటాకు రూ.6,500 చొప్పున విక్రయించగా రూ.2.60లక్షలు వచ్చాయి. ఇందులో ఖర్చులు రూ.1.60లక్షలు పోను రూ.లక్ష మిగిలినట్లు రాజు సంతోషం వ్యక్తం చేశాడు’.

కాశిబుగ్గ: వరంగల్‌లోని మహాత్మాగాంధీ స్మారక వైద్యశాల (ఎంజీఎం)లో ప్రైవేట్‌ ల్యాబ్‌ల దందా ఆగడం లేదు. ముఖ్యంగా క్యాజువాలిటీలో అత్యవసర సేవల కోసం వచ్చే పేషెంట్ల అవసరాలను దృష్టిలో ఉంచుకుని ప్రైవేట్‌ రక్త పరీక్షలు యథావిధిగా కొనసాగుతున్నాయి. క్యాజువాలిటీలోని కొంతమంది వైద్యులు ఈ దందా నడిపిస్తున్నట్లు ఆరోపణలు వస్తున్నాయి. ఫోన్ల ద్వారా ప్రైవేట్‌ ల్యాబ్‌లకు సమాచారం అందిస్తూ పేషెంట్ల వివరాలు చేరవేస్తున్నట్లు సమాచారం. గుట్టుచప్పుడు కాకుండా జరుగుతున్న ఈ తంతు అక్కడి సెక్యూరిటీ సిబ్బందికి తెలిసినా పట్టించుకోవడం లేదనే ఆరోపనలు వినిపిస్తున్నాయి. అత్యవసర సేవల కోసం పేషెంట్లు రాగానే.. అసలే పేద రోగులు. ఆపై దూర ప్రాంతాల నుంచి అత్యవసర సేవల కోసం వస్తే ఇబ్బందులు ఎదుర్కొక తప్పడం లేదు. ఇరుకై న క్యాజువాలిటీలో చికిత్స చేయడం వైద్యులకు కష్టమే. అయినా ఇబ్బందులు సాధారంగా మారుతున్నాయి. అయితే చాలా మంది పేషెంట్ల వైద్య సేవల్లో భాగంగా ముందుగా డాక్టర్లు రక్త పరీక్షల కోసం పంపుతుంటారు. ఇదే అదునుగా భావిస్తున్న కొందరు వైద్యులు రక్త పరీక్షల పేరుతో ప్రైవేట్‌ ల్యాబ్‌ నిర్వాహకులతో పరిచయాలు పెంచుకుని ఈ దందా సాగిస్తున్నట్లు ఆరోపణలు వెల్లువెత్తుతున్నాయి. ఇక్కడ మీ పేషెంటుకు సంబంధించిన రక్త పరీక్ష ఉండదని, ఉన్నా కూడా రిపోర్టు త్వరగా రాదంటూ అటెండెంట్లను భయపెడుతుంటారు.దీంతో గత్యంతర లేక ప్రైవేట్‌ అయినా పర్వాలేదు.. తమకు మంచి వైద్యం కావాలంటూ అటెండెట్లు పరోక్షంగా బతిమిలాడుకోవాల్సిన పరిస్థితి ఏర్పడుతోంది. దీంతో సదరు వైద్య సిబ్బంది ప్రైవేట్‌ ల్యాబ్‌ల అడ్రస్‌ చెప్పుతూ అక్కడికి శాంపిల్స్‌ పంపుతుంటారు. కొన్ని సమయాల్లో ప్రైవేట్‌ ల్యాబ్‌ సిబ్బందినే క్యాజువాలిటీకి రప్పించి బ్లడ్‌ శాంపిల్స్‌ తీసుకునే ఏర్పాట్లు చేయిస్తారు. బ్లడ్‌ పరీక్షల్లో కొంత పర్సంటేజీ చొప్పున కమీషన్లు ఫోన్‌ పే ద్వారా తీసుకుంటారని ఆరోపణలు వినిపిస్తున్నాయి. రక్తపరీక్షల పేరుతో దోపిడీ.. గతంలో ఎంజీఎంకు సంబంధించిన రిక్విజేషన్‌ లెటర్‌పై పరీక్షలు రాసి ఇచ్చి పంపేవారు. వీటిపై అధికారులు కఠినం చేయడంతో తెల్లకాగితాల మీదే పరీక్షల వివరాలు రాసిస్తూ రక్త పరీక్షల పేరుతో అందినకాడికి దండుకుంటున్నట్లు తెలుస్తోంది. ఈ రక్త పరీక్ష దందాపై పత్రికల్లో వచ్చిన ఒకటి రెండు రోజులు ప్రైవేట్‌ ల్యాబ్‌ సిబ్బంది ఎంజీఎం దరిదాపుల్లోకి రారు. మళ్లీ మూడో రోజు తమ దందా షురూ చేస్తారు. సమాచారం అక్కడ ఉన్న పోలీసు, సెక్యూరిటీ సిబ్బందికి తెలిసినా తమకెందుకులే అనే ధోరణిలో ఉంటున్నట్లు సమాచారం. అయితే వారిపై కఠినంగా వ్యవహరిస్తే చుట్టూ పక్కల ప్రాంతాల్లో ఉన్న ప్రైవేట్‌ ల్యాబ్‌ దందాకు తెరపడుతుందని అభిప్రాయం వ్యక్తమవుతోంది. క్యాజువాలిటీని సందర్శించిన ఆర్‌ఎంఓ.. ఎంజీఎంలో పేషెంట్ల నుంచి ప్రైవేట్‌ ల్యాబ్‌ సిబ్బంది రక్త నమూనాలు సేకరిస్తున్నారని సమాచారం తె లుసుకున్న ఆర్‌ఎంఓ–1 అబ్బు మధుకర్‌ యాదవ్‌ బుధవారం క్యాజువాలిటీని సందర్శించి వివరాలు తెలుసుకున్నారు. ప్రైవేట్‌ ల్యాబ్‌ సిబ్బంది ఇక్కడకు రావడం ఏమిటంటూ ప్రశ్నించారు. ఇక్కడ ఉన్న సె క్యూరిటీ సిబ్బంది ఏమి చేస్తున్నారంటూ ఆగ్రహం వ్యక్తం చేశారు. ఇక నుంచి అలా జరిగితే ఊరుకునేది లేదని, ఉన్నతాధికారుల దృష్టికి తీసుకవెళ్తానని హెచ్చరించారు. ఎంజీఎంకు ప్రైవేట్‌ సిబ్బంది వస్తే తన దృష్టికి తీసుకురావాలని సూచించారు. ఎంజీఎం క్యాజువాలిటీలో కొనసాగుతున్న రక్తపరీక్షలు హాస్పిటల్‌ పరిసరాల్లోనే టెక్నీషియన్ల సంచారం

కాజీపేట రూరల్‌ : విద్యారంగ సమస్యలపై ప్రభుత్వ నిర్లక్ష్య వైఖరి నిరసిస్తూ రాష్ట్ర వ్యాప్త పోరాటాలకు సిద్ధం కావాలని ఏఐఎస్‌ఎఫ్‌ జాతీయ మాజీ అధ్యక్షుడు తక్కళ్లపల్లి శ్రీనివాసరావు అన్నారు. కాజీపేట ఫాతిమానగర్‌ బాలవికాస కేంద్రంలో బుధవారం ఏఐఎస్‌ఎఫ్‌ 90వ వార్షికోత్సవ ముగింపు వేడుకలు జరిగాయి. ఈ కార్యక్రమానికి ఆయన ముఖ్య అతిథిగా హాజరై మాట్లాడారు. పాఠశాల స్థాయి నుంచి విశ్వవిద్యాలయాల వరకు వివిధ సమస్యలతో విద్యార్థులు తీవ్ర అవస్థలు పడుతున్నారన్నారు. దీనిపై ఇప్పటికై నా ప్రభుత్వం స్పందించి ఫీజు రీయింబర్స్‌మెంట్‌, స్కాలర్‌షిప్‌ నిధులు వెంటనే విడుదల చేసి డిగ్రీ, పీజీ కళాశాలలు, యూనివర్సీటీల్లో ఖాళీ ఆధ్యాపక పోస్టులను భర్తీ చేయాలని డిమాండ్‌ చేశారు. ఏఐఎస్‌ఎఫ్‌ రాష్ట్ర అధ్యక్షుడు మణికంఠరెడ్డి అధ్యక్షతన జరిగిన ఈ సమావేశంలో ఏఐఎస్‌ఎఫ్‌ రాష్ట్ర కార్యదర్శి పుట్ట లక్ష్మణ్‌, సీపీఐ జిల్లా కార్యదర్శి కర్రె భిక్షపతి, తదితరులు పాల్గొన్నారు. ఏఐఎస్‌ఎఫ్‌ జాతీయ మాజీ అధ్యక్షుడు శ్రీనివాసరావు ముగిసిన సంఘం 90వ వార్షికోత్సవాలు

గణపురం : ‘మా కొడుకు ఆత్మహత్య చేసుకునే పిరికి వాడు కాదు. మా కోడలు బుద్దారం గ్రామానికి చెందిన కొందరు వ్యక్తులతో కలిసి హత్య చేసింది’ అని జయశంకర్‌ భూపాలపల్లి జిల్లా గణపురం మండలం గొల్లపల్లి గ్రామానికి చెందిన మృతుడు పెండ్యాల సంపత్‌ తల్లిదండ్రులు వనమ్మ, జంపయ్య ఆరోపించారు. ఈ మేరకు బుధవారం మండలకేంద్రంలో ఏర్పాటు చేసిన విలేకరుల సమావేశంలో వారు మాట్లాడారు. మండలంలోని బుద్దారం గ్రామానికి చెందిన సుమలతతో కొద్ది సంవత్సరాల క్రితం తమ కుమారుడు సంపత్‌కు వివాహం జరిగిందని, ఈ దంపతులకు ఇద్దరు పిల్లలు సంతానమని తెలిపారు. ఈ క్రమంలో ఈ నెల 17వ తేదీన తమ కుమారుడు సంపత్‌ తన భార్య సుమలత దగ్గరకు వచ్చాడన్నారు. అయితే 18వ తేదీన తమ కుమారుడు మందు తాగి ఆత్మహత్యకు పాల్పడినట్లు ఫోన్‌లో సమాచారం అందిందన్నారు. దీంతో తాము కుటుంబీకులతో కలసి బు ద్దారం వచ్చి తమ కుమారుడి మృతదేహాన్ని చూసి శరీరంపై గాయాలు ఉన్నట్లు గమినించామని తెలిపారు. తమ కుమారుడు ఆత్మహత్య చేసుకునే పిరికి వాడు కాదని, అత్తింటి వారే హత్య చేసినట్లు పోలీసులకు ఫిర్యాదు చేసినట్లు తెలిపారు. కాగా, బాధితుల ఫిర్యాదు మేరకు కేసు నమోదు చేసి దర్యాప్తు జరుపుతున్నట్లు ఎస్సై అశోక్‌ కుమార్‌ తెలిపారు. పోలీసుల అదుపులో ముగ్గురు అనుమానితులు? సంపత్‌ అనుమానాస్పదస్థితిలో మృతి చెందాడనే మృతుడి తల్లిదండ్రుల ఫిర్యాదు మేరకు పోలీసులు మంగళవారం రాత్రి ముగ్గురిని అదుపులోకి తీసుకున్నట్లు సమాచారం. మృతుడు ఆత్మహత్య చేసుకున్న రోజు ఎవరెవరు అతడికి ఫోన్‌ చేశారు? అతడితో ఎవరు మద్యం సేవించారనే కోణంలో పోలీసులు విచారణ చేస్తున్నట్లు తెలుస్తోంది. మా కోడలు కొందరితో కలిసి చంపింది పోలీసులకు మృతుడి తల్లిదండ్రుల ఫిర్యాదు

వ్యాపార మౌలిక సూత్రాలు కీలకంకేయూ క్యాంపస్‌ : భారతీయ స్టార్టప్‌ వ్యవస్థలో విజయానికి వ్యాపార మౌలిక సూత్రాలు కీలకమని హైదరాబాద్‌కు చెందిన పండోరాస్‌ బాక్స్‌ వ్యవస్థాపకురాలు, సర్టిఫైడ్‌ ఇండిపెండెంట్‌ డైరెక్టర్‌ మిలి క టారియా అన్నారు. కాకతీయ యూనివర్సిటీ కెహ బ్‌, హైదరాబాద్‌ టీహబ్‌తో కుదర్చుకున్న ఒప్పందంలో భాగంగా బుధవారం కేయూలోని సెనెట్‌హాల్‌లో నిర్వహించిన స్టూడెంట్‌ డెవలప్‌మెంట్‌ ప్రోగ్రాంలో ఆమె ముఖ్యఅతిథిగా పాల్గొని మాట్లాడారు. వ్యవసాయ సాంకేతికత, ఆర్థిక సాంకేతికత రిటైల్‌ రంగాల్లో స్టార్టప్‌ల విజయానికి తాత్కాలిక ప్రచారం కంటే వ్యాపార మౌలిక సూత్రాలు, సరైన వ్యూహాలు, కార్యాచరణ, సామర్థ్యం ఎంతో ముఖ్య మన్నారు. వాస్తవ ప్రపంచంలో పర్యావరణ సమస్యలకు సాంకేతిక పరిష్కారాలు అభివృద్ధి చేసి వాటిని విస్తరిస్తే విజయవంతమైన వ్యాపారాలుగా మలుచొచ్చని హైదరాబాద్‌కు చెందిన బయోరిఫోర్మ్‌ వ్యవస్థాపకుడు, సీఈఎ మహ్మద్‌ అజర్‌ మొహియుద్దీన్‌ అన్నారు. స్టూడెంట్‌ డెవలప్‌మంట్‌ప్రోగ్రాంలో ఆయన విద్యార్థులతో మాట్లాడారు. కెహబ్‌ డైరెక్టర్‌ సవితాజ్యోత్స్న, నోడల్‌ ఆఫీసర్‌ ఆర్‌. మల్లికార్జున్‌రెడ్డి, కెహబ్‌ కోఆర్డినేటర్లు బి. కిరణ్‌కుమార్‌, సిద్దార్థ తదితరులు పాల్గొన్నారు. పండోరాస్‌ బాక్స్‌ వ్యవస్థాపకురాలు మిలికటారియా

హన్మకొండ: హనుమకొండ నయీంనగర్‌లోని వాగ్దేవి డిగ్రీ, పీజీ కళాశాల (అటానమస్‌) పీజీ ద్వితీయ సెమిస్టర్‌ ఫలితాలు విడుదలయ్యాయి. బుధవారం కళాశాలో ప్రిన్సిపాల్‌ ఎ.శేషాచలం, వైస్‌ ప్రిన్సిపాల్‌ పి.హరీందర్‌ రెడ్డి, పరీక్షల నియంత్రణాధికారి సి.దత్తాత్రేయులు ఫలితాలు విడుదల చేశారు. మొత్తం 90.26 శాతం ఉత్తీర్ణత సాధించారని వారు తెలిపారు. 154 మంది విద్యార్థులు పరీక్ష రాయగా 139 మంది ఉత్తీర్ణులయ్యారు. ఎంకాం (జనరల్‌), ఎమ్మెస్సీ ఫిజిక్స్‌, ఎమ్మెస్సీ మ్యాథ్‌మెటిక్స్‌ కోర్సులు 100 శాతం ఉత్తీర్ణత సాధించాయి. ఎమ్మెస్సీ జువాలజీ 96.15 శాతం, ఎమ్మెస్సీ న్యూట్రీషన్‌, డైటెటిక్స్‌ 93.94 శాతం, ఎమ్మెస్సీ ఫుడ్‌ సైన్స్‌, టెక్నాలజీ 94.59 శాతం, ఎమ్మెస్సీ మైక్రోబయాలజీ 95.65 శాతం ఉత్తీర్ణత నమోదు చేశాయి. ఎంకాం (కంప్యూటర్‌ అప్లికేషన్స్‌) 75 శాతం, ఎమ్మెస్సీ కెమిస్ట్రీ 37.50 శాతం, ఎమ్మెస్సీ డేటా సైన్స్‌ 81.82 శాతం ఉత్తీర్ణత నమోదు చేశాయి. కార్యక్రమంలో ఐక్యూఏసీ కోఆర్డినేటర్‌ డాక్టర్‌ రాజాప్రసాద్‌, అన్ని విభాగాల అధిపతులు పాల్గొన్నారు.

నేటి నుంచి పండుగ ప్రారంభం.. తొమ్మిది రోజులపాటు వేడుకలు గూడూరు: బొడ్డెమ్మ.. తెలంగాణ సంస్కృతీ, సంప్రదాయానికి ప్రతీక. ఇది ప్రకృతిని పూజించే పండుగ. మట్టి, పూలతో జరుపుకునే మహత్తర వేడుక. బతుకమ్మకు తొమ్మిది రోజుల ముందు వచ్చే బొడ్డెమ్మ వేడుక ప్రధానంగా మహిళలు ఆనందంగా ఆడిపాడే పెద్ద పండుగ. బొడ్డే అంటే అర్థం ‘చిన్న కుప్ప, బిడ్డల అమ్మ బొడ్డెమ్మ లేదా చిన్న అమ్మాయి’. ఈ పండుగను ప్రతీ సంవత్సరం భాద్రపద మాసంలో మహాలయ అమావాస్యకు ముందు బహుళ పంచమి (గురువారం) నుంచి తొమ్మిది రోజుల పాటు జరుపుకుంటారు. చెరువు, ఏరు లాంటి ప్రదేశాల్లోని పుట్టమట్టిని తీసుకొచ్చి చెక్కపీటపై చతురస్రాకారంగా ఐదు దొంతరులుగా.. ఒకదానిపై ఒకటి త్రిభుజాకారంగా పేరుస్తారు. బొడ్డెమ్మను రుద్రాక్ష, మల్లె, బీర, కాకర, కట్ల, జాజి పూలతో అలంకరిస్తారు. పై శిఖర ప్రదేశంలో బియ్యంతో నిండిన చిన్న కలశంలో బియ్యం నింపి పెడతారు. కొత్త వస్త్రం పెడతారు. తమలపాకుపై పసుపు గౌరమ్మను ఉంచుతారు. బొడ్డెమ్మను ముఖ్యంగా గ్రామీణ ప్రాంతాల్లో సంబరంగా జరుపుకుంటారు. మొదటి రోజు బొడ్డెమ్మ ఆడే మహిళలు తమ ఇంటి ఎదుట అలికి, ముగ్గుపెడుతారు. ఆ తర్వాత వారు ఎంచుకున్న దేవాలయాలు, ప్రధాన కూడళ్ల వద్ద కల్లాపి చల్లి, ముగ్గులు పెట్టిన చోట బొడ్డెమ్మ పీటను ప్రతిష్ఠించి పూజలు ప్రారంభిస్తారు. మహిళలు బొడ్డెమ్మ చుట్టు తిరుగుతూ బొడ్డెమ్మ బొడ్డెమా.. కోల్‌ బిడ్డాలెందరూ కోల్‌ అంటూ పాటలు పాడుతారు. చివరగా శిఖర భాగంలో రాగి చెంబులో పోసిన బియ్యం, పప్పు, బెల్లం, దినుసులను నైవేద్యంగా తయారు చేసి అందరికీ ప్రసాదంగా పంచుతారు. తొమ్మిదో రోజు బొడ్డెమ్మ పీటను నాలుగు చక్రాల వాహనంపై అన్ని రకాల పూలతో అలంకరిస్తారు. చిన్నాపెద్ద తేడాలేకుండా మహిళలు, యువతులు కోలాటమాడుతూ సమీప చెరువులు, వాగులు, బావుల్లో నిమజ్జనం చేస్తారు. బొడ్డెమ్మ సంబరాల తర్వాత పిత్రు(పెత్రమాస) అమావాస్య రోజు ఈ నెల 10వ తేదీన ఎంగిలిపూల బతుకమ్మ వేడుకలు ప్రారంభమవుతాయి. 18వ తేదీన సద్దుల బతుకమ్మతో వేడుకలు ముగుస్తాయి. మహిళల ఆటపాటలతో అంబరాన్నంటనున్న సంబరాలు సందడిగా మారనున్న గ్రామీణ, పట్టణ ప్రాంతాలు

● 9వ తరగతికే అన్ని జిల్లాల్లో వాల్యుయేషన్‌ ● నేటినుంచి ఎస్‌ఏ–1 పరీక్షలు విద్యారణ్యపురి : అన్ని యాజమాన్యాల పాఠశాలల విద్యార్థులకు గురువారం(నేడు) నుంచి సమ్మిటివ్‌ అసెస్‌మెంట్‌ (ఎస్‌ఏ–1)పరీక్షలు నిర్వహించనున్నారు. ఈమేరకు అన్ని జిల్లాల్లో డీసీఈబీల ద్వారా ప్రశ్నపత్రాలు పంపిణీ చేశారు. 1వ తేదీ నుంచి 6 నుంచి 10వ తరగతి విద్యార్థులకు, 1 నుంచి 5వతరగతి విద్యార్థులకు అక్టోబర్‌ 5 నుంచి ఎస్‌ఏ–1 పరీక్షలు నిర్వహించనున్నారు. అక్టోబర్‌ 9వతేదీన ముగి యనున్నాయి. అయితే 1 నుంచి 9వ తరగతి వరకు నిర్వహించే ఎస్‌ఏ–1పరీక్షల జవాబుపత్రాల మూల్యాంకన విధానంలో మార్పులు తీసుకొస్తూ విద్యాశాఖ ఆగస్టు చివరి వారంలో ఉత్తర్వులు జారీచేసింది. ఇప్పటి వరకు ఈ పరీక్షల జవాబుపత్రాలను ఆయా పాఠశాలల్లోనే ఉపాధ్యాయులే మూల్యాంకనం చేసేవారు. అందుకు భిన్నంగా ఈ విద్యాసంవత్సరం నుంచి వేరే పాఠశాలల ఉపాధ్యాయులు నిర్వహించే ప్రక్రియ అమల్లోకి తీసుకురానున్నట్లు విద్యాశాఖ డైరెక్టర్‌ ఉత్తర్వులు జారీచేశారు. అయితే ఈ నూతన మూల్యాంకన విధానంపై ఉపాధ్యాయ సంఘాలు అభ్యంతరం తెలిపాయి. దీంతో బుధవారం సాయంత్రం పాఠశాల విద్యాశాఖ ఉన్నతాధికారులు.. ఉపాధ్యాయ సంఘాలతో చర్చించారు. ఈ నేపథ్యంలో ఈ మూల్యాంకన ప్రక్రియలో సవరణలు చేశారు. దీని ప్రకారం 9వతరగతి విద్యార్థుల పరీక్షల జవాబుపత్రాలను మాత్రమే బాహ్యమూల్యాంకనం అన్ని జిల్లాల్లో చేయనున్నారు. ఒక పాఠశాలలోని 9వతరగతి విద్యార్థులు రాసిన పరీక్షల జవాబుపత్రాలను మరో పాఠశాల ఉపాధ్యాయులు మూల్యాంకనం చేయనున్నారు. దీనిని ప్రయోగాత్మకంగా చేస్తారు. అయితే ఆరో తరగతి విద్యార్థుల పరీక్షల జవాబుపత్రాలను మాత్రం రాష్ట్రంలో ఎంపిక చేసిన 9 జిల్లాల్లో బాహ్యమూల్యాంకనం చేస్తారు. వీటిలో ఉమ్మడి వరంగల్‌లోని ములుగు, మహబూబాబాద్‌ జిల్లాలున్నాయి. మిగతా హైదరాబాద్‌, రంగారెడ్డి, ఆదిలాబాద్‌, భద్రాద్రి కొత్తగూడెం, కొమురంభీమ్‌ ఆసిఫాబాద్‌, మేడ్చల్‌, సంగారెడ్డి ఉన్నాయి. కేయూలో పలువురు అధికారుల నియామకంకేయూ క్యాంపస్‌: కాకతీయ యూనివర్సిటీలో పలువురు అధికారులను నియమిస్తూ బుధవారం రిజిస్ట్రార్‌ రామచంద్రం ఉత్తర్వులు జారీ చేశారు. వర్సిటీ అదనపు పరీక్షల నియంత్రణాధికారిగా ఇంగ్లిష్‌ విభాగం అసోసియేట్‌ ప్రొఫెసర్‌ డాక్టర్‌ దీపాజ్యోతి, కేయూ అకడమిక్‌ ఆడిట్‌ డీన్‌గా యూనివర్సిటీ ‘లా’ కళాశాల ప్రొఫెసర్‌ శ్రీనివాస్‌, హనుమకొండలోని యూనివర్సిటీ మహిళా పీజీ కళాశాల ఇన్‌చార్జ్‌ ప్రిన్సిపాల్‌గా అసిస్టెంట్‌ ప్రొఫెసర్‌ నిర్మల, మహిళా పీజీ కళాశాల వైస్‌ ప్రిన్సిపాల్‌గా రాజనీతి శాస్త్ర విభాగం కాంట్రాక్ట్‌ అసిస్టెంట్‌ ప్రొఫెసర్‌ డాక్టర్‌ సంకినేని వెంకట్‌, కేయూ అడ్మిషన్ల జాయింట్‌ డైరెక్టర్‌గా పబ్లిక్‌ అడ్మినిస్ట్రేషన్‌ విభాగం కాంట్రాక్టు అసిస్టెంట్‌ ప్రొఫెసర్‌ ఎ.శ్రీనివాస్‌ను నియమిస్తూ రిజిస్ట్రార్‌ రామచంద్రం ఉత్తర్వులు జారీ చేశారు. తండ్రిని చంపిన తనయుడి అరెస్ట్‌ ● వివరాలు వెల్లడించిన పోలీసులు కురవి: తండ్రిని చంపిన కొడుకును అరెస్ట్‌ చేసి రిమాండ్‌కు తరించినట్లు మరిపెడ సీఐ పవన్‌కుమార్‌, సీరోలు ఎస్సై సంతోష్‌ బుధవారం తెలి పారు. మహబూబాబాద్‌ జిల్లా కురవి మండలం సూదనపల్లిలో తండ్రి లకుమల్ల వెంకన్న(58)ను కొడుకు సునీల్‌ సోమవారం రాత్రి ఇంట్లో చంపినట్లు తెలిపారు. తల్లిని కొడుతున్నాడనే కారణంతో తండ్రిని హత్య చేసిన ఘ టనలో సునీ ల్‌ను అరెస్టు చేసి రిమాండ్‌కు తరలించనట్లు వారు వివరించారు.

వరంగల్‌ స్పోర్ట్స్‌: ఉమ్మడి వరంగల్‌ జిల్లా స్థాయి ఎస్‌జీఎఫ్‌ అండర్‌–14,17 బాలబాలికల జూడో ఎంపిక పోటీలు ఈ నెల 2వ తేదీన నిర్వహించనున్నట్లు ఎస్‌జీఎఫ్‌ఐ హనుమకొండ జిల్లా నిర్వహణ కార్యదర్శి వాసుదేవరావు బుధవారం ఒక ప్రకటనలో తెలిపారు. వరంగల్‌లోని కెమిస్ట్‌ భవన్‌లో ఎంపికలు నిర్వహించనున్నట్లు పేర్కొన్నారు. ఆసక్తి, అర్హత గల క్రీడాకారులు ఆన్‌లైన్‌లో గూగుల్‌ ఫాం ద్వారా పేర్లు నమోదు చేసుకోవాలని సూచించారు. ఇందులో ఎంపికై న క్రీడాకారులు రెండో వారంలో వరంగల్‌ లో రాష్ట్ర స్థాయి పోటీల్లో పాల్గొంటారని తెలిపారు. ఇతర పూర్తి వివరాల కోసం 99897 35567 నంబర్‌లో సంప్రదించాలని పేర్కొన్నారు. కేయూలో ఆలిండియా వర్సిటీ ఆర్చరీ పోటీలకు ఎంపికలు కేయూ క్యాంపస్‌ : ఆలిండియా ఇంటర్‌ యూనివర్సిటీ ఆర్చరీ పోటీలకు బుధవారం కాకతీయ యూనివర్సిటీలో క్రీడామైదానంలో ఎంపికలు నిర్వహించారు. కేయూ పరిధిలోని ఉమ్మడి వరంగల్‌, ఖమ్మం, ఆదిలాబాద్‌ జిల్లాల నుంచి ఇంటర్‌కాలేజీయెట్‌ ఆర్చరీ పురుష, మహిళా క్రీడాకారులు పాల్గొన్నారు. ఇందులో ఇండియన్‌ రౌండ్‌, రికర్వ్‌ కాంపౌండ్‌ విభాగాల్లో ఎంపికలు నిర్వహించారు. ఇందులో ప్రతిభ చూపిన వారు ఈఏడాది డిసెంబర్‌లో అసోంలో జరగనున్న ఆలిండియా ఇంటర్‌ యూనివర్సిటీ ఆర్చరీ పోటీల్లో పాల్గొంటారని కేయూ స్పోర్ట్స్‌బోర్డు సెక్రటరీ శాస్త్రి తెలిపారు. ఈ ఎంపికలను వీసీ కె. ప్రతాప్‌రెడ్డి.. రిజిస్ట్రార్‌ వి. రామచంద్రంతో కలిసి ప్రారంభించారు. ఇంటర్‌ కాలేజీయెట్‌ టోర్నమెంట్‌ ఇన్‌చార్జ్‌ ఎస్‌. కుమార్‌, డాక్టర్‌ ఏటీబీటీ ప్రసాద్‌, సుమన్‌, న్యూసైన్స్‌ కాలేజీ ఫిజికల్‌ డైరెక్టర్‌ పర్విన్‌ తదితరులు పాల్గొన్నారు.

వరంగల్‌ స్పోర్ట్స్‌: కరుణాపురం సమీపం వంగపల్లిలోని క్రికెట్‌ క్రీడా మైదానంలో ఈనెల 2వ తేదీన (శుక్రవారం) ఉమ్మడి జిల్లా క్రికెట్‌ అండర్‌–14 ఎంపిక పోటీలు నిర్వహిస్తున్నట్లు వరంగల్‌ జిల్లా క్రికెట్‌ అసోసియేషన్‌ కార్యదర్శి చాగంటి శ్రీనివాస్‌ బుధవారం ఒక ప్రకటనలో తెలిపారు. ఇందులో ఎంపికై న క్రీడాకారులతో డబ్ల్యూడీసీఏ అండర్‌–14 ఇంట్రా డిస్టిక్‌ లీగ్‌ మ్యాచ్‌లు నిర్వహించనున్నట్లు తెలిపారు. పోటీల్లో ప్రతిభ కనబరిచిన క్రీడాకారులు ఉమ్మడి వరంగల్‌ అండర్‌–14 జిల్లా క్రికెట్‌ జట్టుకు ప్రాతినిథ్యం వహించనున్నట్లు పేర్కొన్నారు. సెప్టెంబర్‌ 01, 2012, ఆ తర్వాత జన్మించిన క్రీడాకారులు అర్హులుగా పేర్కొన్నారు. ఆసక్తి గల క్రీడాకారులు మీసేవ జారీ చేసిన పుట్టిన తేదీ, ఆధార్‌ కార్డు, సొంత క్రికెట్‌ కిట్‌, యూనిఫామ్‌తో ఉదయం 10 గంటలకు మైదానంలో హాజరుకావాలని తెలిపారు. డోర్నకల్‌లో ఉమ్మడి జిల్లా స్థాయి రగ్బీ పోటీలు డోర్నకల్‌: మహబూబాబాద్‌ జిల్లా డోర్నకల్‌ చర్చి కాంపౌండ్‌ గ్రౌండ్‌లో బుధవారం ఉమ్మడి వరంగల్‌ జిల్లా రగ్బీ పోటీలు ప్రారంభమయ్యాయి. 70వ ఎస్‌జీఎఫ్‌ఐ అండర్‌–14, 17 విభాగాల్లో బాలబాలికలకు నిర్వహిస్తున్న ఈ పోటీలను పీఆర్‌టీయూ జిల్లా కార్యదర్శి సి.హెచ్‌ శ్రీధర్‌తోపాటు ఎస్‌జీఎఫ్‌ఐ జిల్లా సెక్రటరీ ప్రవీణ్‌రెడ్డి ప్రారంభించారు. 220 మంది క్రీడాకారులు పాల్గొన్న ఈ పోటీల్లో ప్రతిభ కనబర్చిన వారితో ఉమ్మడి వరంగల్‌ జిల్లా జట్లను ఎంపిక చేయనున్నట్లు నిర్వాహకులు తెలిపారు. కార్యక్రమంలో పీఆర్‌టీయూ కురవి మండల అధ్యక్షుడు వెంపటి సీతారాములు, ఎస్సీ, ఎస్టీ ఉపాధ్యాయ సంఘం నాయకుడు తలారి విద్యాసాగర్‌, పీఈటీలు రవికుమార్‌, విజయచందర్‌, సునీల్‌, వెంకటేశ్వర్లు, శంకర్‌నాయక్‌ తదితరులు పాల్గొన్నారు.

వరంగల్‌ స్పోర్ట్స్‌ : పాఠశాల క్రీడల సమాఖ్య ఆధ్వర్యంలో బుధవారం నిర్వహించిన ఉమ్మడి వరంగల్‌ జిల్లా స్థాయి ఎంపిక పోటీలతో హనుమకొండలోని జవహర్‌లాల్‌ నెహ్రూ స్టేడియం సందడిగా మారింది. అండర్‌–19 బాలబాలికలకు వాలీబాల్‌, బా క్సింగ్‌, తైక్వాండో, స్మిమ్మింగ్‌, కరాటే క్రీడాంశాలలో ఎంపికలు నిర్వహించినట్లు ఎస్‌జీఎఫ్‌ అండర్‌–19 జిల్లా కార్యదర్శి శ్రీధర్‌ తెలిపారు. ఉమ్మడి జిల్లా నుంచి సుమారు 800 మంది క్రీడాకారులు హాజరైనట్లు తెలిపారు. నేడు (గురువారం) జేఎన్‌ స్టేడియంలో ఉమ్మడి జిల్లా స్థాయి అండర్‌–19 బాలబాలికలకు క్రికెట్‌, రగ్బీ, ఖోఖో, సాఫ్ట్‌బాల్‌, లాన్‌టెన్నీస్‌, జిమ్నాస్టిక్స్‌ క్రీడా ఎంపికలు నిర్వహించనున్నట్లు పేర్కొన్నారు. కార్యక్రమంలో డీవైఎస్‌ఓ ప్రశాంత్‌, హనుమకొండ ప్రభుత్వ జూనియర్‌ కాలేజీ ప్రిన్సిపాల్‌ మాధవరావు, పీఈటీల సంఘం బాధ్యులు పార్ధసారథి, ప్రభాకర్‌రెడ్డి, సీనియర్‌ పీడీలు బరుపాటి గోపి, కోట సతీశ్‌ పాల్గొన్నారు. వరంగల్‌లో.. వరంగల్‌ ఎస్‌జీఎఫ్‌ ఆధ్వర్యంలో అండర్‌–14,17 బాలబాలికలకు వరంగల్‌ ఓసిటీ మైదానంలో యో గా, ఫెన్సింగ్‌ ఎంపికలు నిర్వహించగా హైదరాబాద్‌ పబ్లిక్‌ స్కూల్‌ గ్రౌండ్‌లో హాకీ పోటీలు నిర్వహించా రు. ముఖ్య అతిథిగా స్కూల్‌ ప్రిన్సిపాల్‌ సరితారెడ్డి హాజరై హాకీ పోటీలు ప్రారంభించారు. ఈ ఎంపికలకు సుమారు 600 మంది క్రీడాకారులు హాజరైన ట్లు ఎస్‌జీఎఫ్‌ వరంగల్‌ జిల్లా కార్యదర్శి పుల్ల అనిల్‌కుమార్‌ తెలిపారు. పీఈటీల సంఘం వరంగల్‌ జిల్లా అధ్యక్షుడు మన్యం వెంకటేశ్వర్లు, కార్యదర్శి జలగం రఘువీర్‌, మానక వెంకటేశం, హాకీ, యోగా, ఫెన్సింగ్‌ క్రీడల కన్వీనర్లు అన్వర్‌, రవీందర్‌, రావీణ, పీఈటీ సుధాకర్‌, కోచ్‌లు పాల్గొన్నారు. తరలొచ్చిన క్రీడాకారులు

దంతాలపల్లి : మారుమూల తండాకు చెందిన ఓ గిరిజన బిడ్డకు రాష్ట్ర ప్రభుత్వం ఔషధ విభాగం డైరెక్టర్‌గా పదోన్నతి కల్పించింది. మహబూబాబాద్‌ జిల్లా దంతాలపల్లి మండలం తూర్పుతండాకు చెందిన గుగులోత్‌ కీమా, లక్ష్మ దంపతుల నాలుగో సంతానం రామ్‌దాన్‌ మారుమూల తండాలో పుట్టి కష్ట పడి చదువుకుని రాష్ట్ర స్థాయిలో తొలి డైరెక్టర్‌గా ఈనెల 28వ తేదీన బాధ్యతలు చేపట్టారు. దీంతో మండల వాసులు హర్షం వ్యక్తం చేస్తున్నారు. తెలంగాణ రాష్ట్ర ఆవిర్భావం అనంతరం ప్రభుత్వం తాజాగా రాష్ట్ర ఔషధ విభాగాన్ని పునరుద్ధరించింది. దీనికి రామ్‌దాన్‌ను తొలిడైరెక్టర్‌గా నియమించింది. కాగా, ఈ విభాగం ఔషధాల నాణ్యత, నియంత్రణ, నిబంధనల అమలును పర్యవేక్షిస్తుంది. రాష్ట్ర ఔషధ విభాగం తొలి డైరెక్టర్‌గా రామ్‌దాన్‌ హర్ష వ్యక్తం చేస్తున్న మండల వాసులు

● సూపర్‌ స్పెషాలిటీ ఆస్పత్రిలో ఏర్పాట్లు చేస్తున్న అధికారులు ● సీఎం రేవంత్‌రెడ్డి ఆదేశాలతో హాస్పిటల్‌ పనులు ముమ్మరంకాశిబుగ్గ: వరంగల్‌లో నిర్మిస్తున్న 24 అంతస్తుల సూపర్‌ స్పెషాలిటీ ఆస్పత్రిలో మొదటి విడత ఓపీ సేవలు అందించేందుకు అధికారులు సన్నాహాలు చేస్తున్నారు. ఇందుకోసం 8 అంతస్తుల్లో ఏర్పాట్లు చేస్తున్నారు. డీఎంఈ డాక్టర్‌ వాణి, వరంగల్‌ కలెక్టర్‌ డాక్టర్‌ సత్యశారద పర్యవేక్షణతో పాటు సీఎంఓ అఽధికారుల చొరవతో పనులు వేగవంతంగా జరుగుతున్నాయి. కానీ, దసరా వరకు పనులు పూర్తయ్యే పరిస్థితి కనిపించడం లేదు. దీంతో అధికారులు ఒకడుగు ముందుకు వేసి ప్రాథమిక దశలో ఓపీ సేవలను ప్రజలకు అందుబాటులోకి తేవాలని యోచిస్తున్నారు. ఏర్పాట్లలో నిమగ్నమైన అధికారులు సీఎం రేవంత్‌రెడ్డి ఆదేశాలతో 24 అంతస్తుల సూపర్‌ స్పెషాలిటీ ఆస్పత్రి వైద్య సేవలను ప్రజలకు అందుబాటులో తీసుకురావడానికి అధికారులు తీవ్రంగా కృషి చేస్తున్నారు. దసరా వరకు ఓపీ సేవలు, అత్యవసరమైన ఎక్స్‌రే, ల్యాబ్‌, ఈసీజీ, డ్రెస్సింగ్‌కు ఏర్పాట్లు చేస్తున్నారు. ఓపీలో వైద్యపరీక్షల అనంతరం పేషెంట్లను అడ్మిట్‌ చేయాల్సి వస్తే వారిని ఎంజీఎంకు ఎలా తీసుకెళ్తారనే ప్రశ్నలు ఉత్పన్నమవుతున్నాయి. ఎంజీఎం అంబులెన్స్‌లను ఉపయోగిస్తారా, ప్రత్యేక వాహనాలను ఏర్పాటు చేస్తారా అనే విషయంపై స్పష్టత రావాల్సి ఉంది. కాగా, సూపర్‌ స్పెషాలిటీ వైద్యసేవల వివరాలను చెప్పడానికి ఎంజీఎం అధికారులు ఆసక్తి చూపడం లేదు.

విప్లవ సింహం జనగామ : ఒకవైపు నిజాం నిరంకుశ పాలన.. మరోవైపు దేశ్‌ముఖ్‌లు, రజాకార్ల దోపిడీ, వెట్టి చాకిరీ, భూముల ఆక్రమణ, దౌర్జన్యాలు. వెరసి తెలంగాణ పల్లెలు అల్లాడుతున్న రోజులు. భూమి ఉన్నా సాగు హక్కు లేని రైతులు. కష్టపడినా ఫలితం దక్కని కూలీలు. దొరల గడీల ముందు తలవంచి బతకాల్సిన పరిస్థితి. అలాంటి భయానక వాతావరణంలో ప్రజలకు అండగా నిలిచి, వారిలో పోరాట స్ఫూర్తిని రగిలించిన యోధుడు నల్లా నరసింహులు. తెలంగాణ రైతాంగ సాయుధ పోరాటంలో జనగామ ప్రాంతం నుంచి వెలుగులోకి వచ్చిన ఈ విప్లవ సింహం తన జీవితాన్ని ప్రజా పోరాటానికే అంకితం చేశారు. నేడు (బుధవారం) నల్లా నరసింహుల శత జయంతి. ఈ సందర్భంగా ‘సాక్షి’ ప్రత్యేక కథనం. కడవెండి బిడ్డగా.. పోరాట యోధుడిగా 1926, అక్టోబర్‌ 2న ప్రస్తుత జనగామ జిల్లా దేవరుప్పల మండలం కడవెండిలో పద్మశాలి కుటుంబంలో నల్లా నరసింహులు జన్మించారు. చేనేత వృత్తి చేస్తూ ఉర్దూ మాధ్యమంలో ఏడో తరగతి వరకు చదువుకున్నారు. చిన్న వయసులోనే పల్లెల్లో నెలకొన్న సామాజిక అసమానతలు, భూస్వాముల దోపిడీ, వెట్టి చాకిరీ ఆయనను కలచివేశాయి. ప్రజల కష్టాలను తనవిగా భావించి ఉద్యమ బాట పట్టారు. ఆంధ్ర మహాసభతో ప్రజల్లో చైతన్యం.. తెలంగాణలో ప్రజా చైతన్యానికి వేదికగా మారిన ఆంధ్ర మహాసభ కార్యకలాపాల్లో నరసింహులు చురుగ్గా పాల్గొన్నారు. భువనగిరిలో జరిగిన 11వ ఆంధ్ర మహాసభ అనంతరం జనగామ తాలూకాలో గ్రామాల్లో ప్రజలను సంఘటితం చేస్తూ సంఘం దళాలను నిర్మించడంలో కీలక పాత్ర పోషించారు. కడవెండి నుంచే తన పోరాటానికి శ్రీకారం చుట్టి పల్లెపల్లెకూ వెళ్లి ప్రజలను ఏకం చేశారు. అట్టడుగు వర్గాల ప్రజల్లో ధైర్యం నింపి దోపిడీకి వ్యతిరేకంగా నిలబడేలా చేశారు. నల్లా నరసింహులు (ఫైల్‌)నిజాం పాలన అనంతరం కూడా నరసింహులుపై ప్రభుత్వ కేసులు కొనసాగాయి. పలుమార్లు అరైస్టె చిత్రహింసలకు గురయ్యారు. అనేక కేసులు ఎదుర్కొన్నారు. మూడుసార్లు ఉరిశిక్ష విధించినా ఆయన వెనుకడుగు వేయలేదు. జైలు నుంచే ధైర్యంగా తన వాదనలు వినిపించారు. ఆయన ధైర్యసాహసాలను గుర్తించిన న్యాయ, పోలీసు వర్గాల్లో తెలంగాణ టైగర్‌గా పిలిచినట్లు చారిత్రక కథనాలు పేర్కొంటున్నాయి. చివరకు పుచ్చలపల్లి సుందరయ్య, తదితరుల చొరవతో 1959, జనవరి 26న జైలు నుంచి విడుదలయ్యారు. అనంతరం కూడా ప్రజాఉద్యమాలకు దూరం కాలేదు. తెలంగాణ రైతాంగ సాయుధ పోరాటంలో ప్రాణత్యాగం చేసిన వేలాది మంది యోధుల స్ఫూర్తిని స్మరించుకుంటూ ప్రజా సమస్యలపై తన గళం వినిపించారు. జీవిత భాగస్వామి వజ్రమ్మతో కలిసి ప్రజా ఉద్యమాలకు అండగా నిలిచారు. 1993, నవంబర్‌ 5న కన్నుమూశారు. అయితే ఆయన పోరాట స్ఫూర్తి జనగామ నేలపై నేటికీ కొనసాగుతోంది.దొరల దౌర్జన్యానికి ఎదురొడ్డిన తెలంగాణ సాయుధ పోరాటయోధుడు కడవెండి బిడ్డగా పుట్టి తెలంగాణ టైగర్‌గా గుర్తింపు నేడు నల్లా నరసింహులు శత జయంతి

డీఏఓ విజయచంద్ర మరిపెడ రూరల్‌: రైతులు ఫార్మర్‌ రిజిస్ట్రేషన్‌ తప్పకుండా చేసుకోవాలని డీఏఓ విజయచంద్ర సూచించారు. మరిపెడ మండలంలోని ధారావత్‌తండా, గిరిపురం, మరిపెడ తదితర గ్రామాల్లో వ్యవసాయ విస్తరణ అధికారుల ఆధ్వర్యంలో చేపడుతున్న ఫార్మర్‌ రిజిస్ట్రేషన్‌ ప్రక్రియను ఆయన పరిశీలించారు. ఫార్మర్‌ రిజిస్ట్రేషన్‌ పూర్తి చేసుకునేలా రైతులందరికీ అవగాహన కల్పించాలని అధికారులకు సూచించారు. ఫార్మర్‌ రిజిస్ట్రేషన్‌ పూర్తి చేసుకోవడం ద్వారా ఎరువుల బుకింగ్‌లో ఇబ్బందులు ఉండవని, ప్రభుత్వం వ్యవసాయ శాఖ ద్వారా అమలు చేస్తున్న వివిధ సంక్షేమ పథకాలు, వ్యవసాయ సేవలను పొందేందుకు రిజిస్ట్రేషన్‌ అవసరమని డీఏఓ తెలిపారు. కార్యక్రమంలో మండల వ్యవసాయ అధికారి బోడ వీరాసింగ్‌, ఏఈఓలు, రైతులు పాల్గొన్నారు. అంతరాయం లేకుండా విద్యుత్‌ సరఫరా చేయాలి గూడూరు: ఎలాంటి అంతరాయం లేకుండా వినియోగదారులకు, రైతులకు విద్యుత్‌ సరఫరా చేయాలని ఎస్‌ఈ దర్శన్‌కుమార్‌ అన్నారు. మండల కేంద్రంతో పాటు అయోధ్యపురం విద్యుత్‌ సబ్‌ స్టేషన్‌లను మంగళవారం ఆయన తనిఖీ చేశారు. ఈ సందర్భంగా సబ్‌ స్టేషన్‌లలో కలిగే ఇబ్బందులను అడిగి తెలుసుకున్నారు. సరఫరాలో ఎలాంటి అంతరాయం ఏర్పడినా వెంటనే మరమ్మతు చేయాలని, వేసవి కార్యాచరణ ప్రణాళిక, ఆదాయ వసూళ్ల పురోగతిని పరిశీలించారు. కార్యక్రమంలో ఏఈలు కుమారస్వామి, శ్రీనివాస్‌, సిబ్బంది పాల్గొన్నారు. కేజీబీవీల్లో టెర్మినేషన్‌ విధానాన్ని రద్దు చేయాలి కురవి: కేజీబీవీల్లో టెర్మినేషన్‌ విధానాన్ని రద్దు చేయాలని టీపీటీఎఫ్‌ జిల్లా అధ్యక్షుడు రమేశ్‌ డిమాండ్‌ చేశారు. మంగళవారం మండలంలోని వివిధ ప్రభుత్వ పాఠశాలలను సందర్శించి సమస్యలను తెలుసుకోవడంతో పాటు సభ్యత్వ నమోదు కార్యక్రమం నిర్వహించారు. ఈ సందర్భంగా ఆయన మాట్లాడుతూ.. కేజీబీవీల్లో టెర్మినేషన్‌ చేసిన ఎస్‌ఓలను తిరిగి తీసుకోవాలని డిమాండ్‌ చేశారు. పాఠశాలల్లో చదవుకునే విద్యార్థుల భవిష్యత్‌ను కాపాడాలని తెలిపారు. కేజీబీవీల్లో పనిచేసే ఎస్‌ఓలతో కలెక్టర్‌ ప్రత్యేక సమావేశం నిర్వహించాలని, పాఠశాలల పని విధానాన్ని వివరించి పని విధానాలను ప్రక్షాళన చేయాలన్నారు. సిబ్బందికి సమాన పనికి సమాన వేతనం ఇవ్వాలన్నారు. ఉపాధ్యాయులకు హెల్త్‌ కార్డులు అందించాలన్నారు. కార్యక్రమంలో సంఘం మండల అధ్యక్ష, కార్యదర్శులు గుండ్ల విజయ్‌కుమార్‌, ఓదెల శివకుమార్‌, బొల్లం శ్రీనివాస్‌, గుగులోత్‌ వెంకన్న, బాలరాజు పాల్గొన్నారు. రేపు వయోవృద్ధులకు ప్రత్యేక కార్యక్రమం మహబూబాబాద్‌: అంతర్జాతీయ వయోవృద్ధుల దినోత్సవాన్ని పురస్కరించుకొని అక్టోబర్‌ 1న కలెక్టరేట్‌లో ఉదయం 11.30 గంటలకు వయోవృద్ధులకు ప్రత్యేక కార్యక్రమం నిర్వహించనున్నట్లు ఇన్‌చార్జ్‌ డీడబ్ల్యూఓ శిరీష మంగళవారం ఒక ప్రకటనలో పేర్కొన్నారు. జిల్లాలోని వయోవృద్ధులు, సీనియర్‌ సిటిజన్లు అధికసంఖ్యలో పాల్గొని కార్యక్రమాన్ని విజయవంతం చేయాలన్నారు. వయోవృద్ధుల సంక్షేమం, హక్కులు, ఆరోగ్యం, సామాజిక భద్రత, జీవనం వంటి అంశాలపై అవకాశం కల్పించనున్నట్లు తెలిపారు. దరఖాస్తుల ఆహ్వానం కేసముద్రం: కేసముద్రం మున్సిపాలిటీలో 2–బీ బార్‌ ఏర్పాటుకు దరఖాస్తు చేసుకోవాలని జిల్లా ఎకై ్సజ్‌ సూపరింటెండెంట్‌ పి.కరంచంద్‌ మంగళవారం ఒక ప్రకటనలో పేర్కొన్నారు. అక్టోబర్‌ 12వ తేదీ వరకు దరఖాస్తుల స్వీకరణ, 16న లాటరీ ద్వారా ఎంపిక చేయనున్నట్లు పేర్కొన్నారు. బార్‌కు వర్తించే వార్షిక బార్‌ ఎకై ్సజ్‌ పన్ను స్లాబ్‌ రూ.30లక్షలుగా నిర్ణయించినట్లు ఆయన పేర్కొన్నారు.

బుధవారం శ్రీ 30 శ్రీ సెప్టెంబర్‌ శ్రీ 2026సాక్షి, మహబూబాబాద్‌ : ప్రైవేట్‌కు దీటుగా ప్రభుత్వ పాఠశాలల విద్యార్థులకు బోధించాలని ప్రభుత్వం పదేపదే సూచిస్తోంది. ఇందుకు అవసరమైన ఉపాధ్యాయుల నియామకం, మౌలిక సదుపాయాలు కల్పిస్తున్నారు. ఉచితంగా పుస్తకాలు, దుస్తులు, మధ్యాహ్న భోజనం పెడుతున్నారు. ఇంత చేసినా.. ఫలితాలు మాత్రం ఆశించిన స్థాయిలో రావడం లేదు. ప్రైవేట్‌కు దీటుగా బోధన పక్కన పెడితే కనీస సామర్థ్యాలు సాధించడంలో కూడా విద్యార్థులు వెనకబడి ఉన్నారు. మాతృభాష తెలుగు చదవడం, రాయడంలో కూడా తడబడు తున్నారు. ప్రతీ సంవత్సరం మాదిరిగా ఈ ఏడాది కూడా జూలై రెండో వారంలో నిర్వహించిన బేస్‌లైన్‌(పునాది) పరీక్షల ద్వారా ఈ చేదు నిజాలు బయటపడ్డాయి. జూలైలో పునాది పరీక్ష.. విద్యార్థుల ప్రతిభను గుర్తించి ఆ విద్యాసంవత్సరంలో చేపట్టే కార్యక్రమాలను రూపొందిస్తారు. ఇందులో భాగంగా జూలై రెండో వారంలో జిల్లాలోని 177 కాంపిటెంట్‌ పాఠశాలలు, 510 సాధారణ పాఠశాలలు మొత్తం 687 పాఠశాలల్లో ఒకటో తరగతి నుంచి ఐదో తరగతి వరకు చదివే 20,899 మంది విద్యార్థులకు బేస్‌లైన్‌ పరీక్షలు నిర్వహించారు. ఇందులో ప్రధానంగా లాంగ్వేజ్‌(భాష), గణితంలో పరీక్షలు నిర్వహించారు. భాషా విభాగాల్లో(త్రీ ఆర్‌) అక్షరాలు రాయడం, చదవడం, వ్యాఖ్యలు రాయడం, ధారాళపఠనం మొదలైన నైపుణ్యాలు, గణితంలో అంకెలు రాయడం, గుర్తించడం, పోల్చడం, కూడికలు, తీసివేతలు, గుణకార, భాగాహారాల్లో విద్యార్థుల ప్రగతిని తెలుసుకున్నారు. తెలుగు, ఇంగ్లిష్‌లో పదిశాతం లోపే.. తెలుగు, ఇంగ్లిష్‌ చదవడం, రాయడంలో 10శాతంలోపు విద్యార్థులు కనీస సామర్థ్యాలు కలిగి ఉండడం గమనార్హం. మాతృభాష తెలుగులో ఐదో తరగతి చదివే విద్యార్థుల్లో కాంపిటెంట్‌ పాఠశాలల్లో 8.6శాతం, ఇతర పాఠశాలల్లో 6శాతం మాత్రమే చదవడం, రాయడం తెలిసిన వారు ఉండడం గమనార్హం. ఇక ఒకటి నుంచి నాల్గోతరగతి వరకు చదివే విద్యార్థుల్లో కనీసం ఓనమాలు, అక్షరాలు, గుణింతాలు, ఏబీసీడీలు కూడా తెలియని వారు ఉండడం శోచనీయం. గణితంలో అంతంతే.. మాతృభాష తెలుగు, ఆంగ్లంతోపాటు, గణితంలో కూడా విద్యార్థుల ప్రగతి అంతంత మాత్రంగానే ఉన్నట్లు బేస్‌లైన్‌ పరీక్షల్లో తేలింది. ప్రధానంగా అంకెలు రాయడం, సంఖ్యలను గుర్తించడం, కూడికలు, తీసివేతలు, గుణకారాలు, భాగాహారాలు చేయడంలో నూటికి ఎనబైశాతం మంది విద్యార్థులు వెనకబడి ఉన్నారు. గణితంలో కాంపిటెంట్‌ పాఠశాలలతో పోలిస్తే సాధారణ పాఠశాలల్లో చదివే విద్యార్థులే కాస్త మెరుగ్గా ఉన్నట్లు స్పష్టం అవుతోంది. ఐదో తరగతి చదివే వారిలో కాంపిటెంట్‌ స్కూల్స్‌లో 16.4శాతం, ఇతర పాఠశాలల్లో చదివే వారు 18శాతం మంది మాత్రమే కనీస ఉత్తీర్ణత పొందారు. ప్రగతి సాధించేందుకు ప్రత్యేక పర్యవేక్షణ బేస్‌లైన్‌ పరీక్ష ఫలితాల ఆధారంగా విద్యా సంవత్సరంలో బోధన మెరుగు పరిచేందుకు ప్రత్యేక ప్రణాళిక రూపొందిస్తాం. ఇందుకోసం మండల విద్యాశాఖ అధికారులతోపాటు, కాంప్లెక్స్‌ హెచ్‌ఎంలతో సమీక్షలు, సమావేశాలు నిర్వహించాం. కనీస సామర్థ్యాలు సాధించేందుకు ఉపాధ్యాయులు చేపట్టే కార్యక్రమాలు వివరిస్తాం. పాఠశాల పర్యవేక్షణ పెంచుతాం. –మందుల శ్రీరాములు, ఇన్‌చార్జ్‌ డీఈఓ ఒకటి నుంచి ఐదో తరగతి విద్యార్థుల్లో కనీస సామర్థ్యాలు కరువు తెలుగు చదవడం, రాయడంలో వెనకడుగు.. పునాది పరీక్షల్లో తేలిన నిజాలు

● రాష్ట్ర వైద్యశాఖ సంచాలకుడు రవీంద్రనాయక్‌చిన్నగూడూరు: ప్రతీ సెంటర్‌లో 12 రకాల వైద్య, ఆరోగ్య కార్యక్రమాలు తప్పనిసరిగా అమలు చేయాలని రాష్ట్ర వైద్యశాఖ సంచాలకుడు రవీంద్రనాయక్‌ సిబ్బందికి సూచించారు. మండలంలోని ఉగ్గంపల్లి ప్రాథమిక ఆరోగ్య కేంద్రాన్ని మంగళవారం ఆకస్మికంగా తనిఖీ చేశారు. హాజరు పట్టిక, ల్యాబోరేటరీ సేవలు, అందుబాటులో ఉన్న మందులనిల్వలు, వ్యా క్సినేషన్‌, రికార్డులను పరిశీలించారు. రోగులకు అందుతున్న వైద్య సేవల గురించి స్వయంగా అడి గి తెలుసుకున్నారు. గర్భిణుల నమోదు, ప్రభుత్వ ఆస్పత్రుల్లో ప్రసవాల ప్రోత్సాహం, ప్రజలకు అందిస్తున్న వివిధ ఆరోగ్య సేవలపై సమీక్ష నిర్వహించారు. కార్యక్రమంలో డీఎంహెచ్‌ఓ రవిరాథోడ్‌, డిప్యూటీ డీఎంహెచ్‌ఓ ప్రమీలదేవి, ప్రోగ్రాం ఆఫీసర్‌ నాగేశ్వరరావు, డీఐఓ శివకుమార్‌, అర్జున్‌, విరాజిత, డీపీఓ నిలోహన, స్థానిక వైద్యాధికారి ప్రవీణ్‌కుమార్‌, వైద్య సిబ్బంది పాల్గొన్నారు.

సాక్షి ప్రతినిధి, వరంగల్‌: రైతులనుంచి ప్రభుత్వం సేకరించిన ధాన్యం.. రైసుమిల్లులకు కేటాయింపు.. మిల్లింగ్‌ చేసి సీఎంఆర్‌ బియ్యాన్ని ప్రభుత్వానికి అప్పగింత. ఇదీ సాధారణ ప్రక్రియ. కానీ ఉమ్మడి వరంగల్‌లో రబీ 2022–23 సీజన్‌కు సంబంధించిన లెక్కలు చూస్తే.. ధాన్యం కేటాయించి సుమారు మూడేళ్లు దా టినా రికవరీ మాత్రం పూర్తికాలేదు. కోట్ల రూపాయల విలువైన ధాన్యం, బియ్యం బకాయిలు మిల్లర్ల వద్దే నిలిచిపోయాయి. సీఎంఆర్‌ చెల్లించని మిల్లుల్లో వేలం వేసిన ధాన్యానికి సంబంధించిన లెక్కలు కూడా ప్రశ్నలు లేవనెత్తుతున్నాయి. కాగితాలపై లెక్కలు.. మిల్లులు దాటని బకాయిలు పౌరసరఫరాల సంస్థ ఇటీవల ప్రభుత్వానికి పంపిన నివేదిక ప్రకారం.. ఉమ్మడి వరంగల్‌లోని హనుమకొండ, వరంగల్‌, జనగామ, మహబూబాబాద్‌, ములుగు, జయశంకర్‌ భూపాలపల్లి జిల్లాల్లో ఇంకా ధాన్యం బకాయిలు ఉన్నాయి. 216 మిల్లులకు ఇచ్చిన 1,11,634 మెట్రిక్‌ టన్నుల ధాన్యానికి గాను 37,825 మెట్రిక్‌ టన్నులు మాత్రమే రికవరీ అయ్యాయి. మరో 73.809 మె.టన్నుల ధాన్యం మిల్లర్ల వద్ద ఉంది. విలువ పరంగా రూ.166.30 కోట్ల మేర రికవరీ చేయాల్సి ఉందని ఆ నివేదికలో పౌరసరఫరాల సంస్థ పేర్కొంది. రబీ 2022–23 సీజన్‌కు సంబంధించిన రికవరీ పూర్తికాకపోవడం అధికారుల పర్యవేక్షణపై ప్రశ్నలు లేవనెత్తుతోంది. వేలం వేసిన ధాన్యం జాడేది..? 2022–23 రబీలో సీఎంఆర్‌ రైసుమిల్లర్లు ఎంతకు చెల్లించకపోవడంతో పౌరసరఫరాలసంస్థ.. 216 మిల్లుల్లో ఉన్న రూ.250.92 కోట్ల విలువ చేసే 1,11,634 మె.టన్నుల ధాన్యం మొత్తానికి వేలం వేసింది. తీరా టెండర్లు ముగిశాక వెళ్లి చూస్తే చాలా మిల్లుల్లో ధాన్యం లేకపోవడంతో మళ్లీ రికవరీపైనే దృష్టి సారించారు. విజిలెన్స్‌ ఎన్‌ఫోర్స్‌మెంట్‌, పౌరసరఫరాల సంస్థలు సంయుక్తంగా పోలీసుశాఖ సహాయంతో రంగంలోకి దిగడంతో కొంత మేరకు వసూలైనా.. ఇంకా రూ.కోట్లల్లో పెండింగ్‌ పడ్డాయి. ఉమ్మడి వరంగల్‌లోని ఆరు జిల్లాల్లో 96 మిల్లుల వద్ద ఈ బకాయిలు ఉన్నట్లు నివేదిక పేర్కొంటోంది. జనగామ, వరంగల్‌ జిల్లాల్లో 54 మిల్లుల వద్ద బకాయిలు ఉన్నాయి. ములుగులో 13, హనుమకొండ, మహబూబాబాద్‌ జిల్లాల్లో 24, జయశంకర్‌ భూపాలపల్లి జిల్లాలో ఐదు మిల్లుల వద్ద బకాయిలు ఉన్నట్లు లెక్కలు చెబుతున్నాయి. ఇటీవల సైతం కొందరు మిల్లర్లు బకాయిలు చెల్లిస్తున్నప్పటికీ.. వసూళ్ల కోసం తదుపరి చర్యలపై చర్చ మొదలైంది. బకాయిదారులపై క్రిమినల్‌ కేసులు నమోదు చేయడమా? రెవెన్యూ రికవరీ యాక్టు కింద చర్యలు తీసుకోవడమా? బకాయిదారుల ఆస్తులను గుర్తించి జప్తు ప్రక్రియ చేపట్టడమా? అన్న అంశాలు కీలకంగా మారాయి. ఇప్పటికే నోటీసులు జారీ చేసిన మిల్లర్లు కొందరిపై పోలీసు కేసులు నమోదు చేయడం చర్చనీయాంశం అవుతోంది. 2022–23 సీఎంఆర్‌ డిఫాల్టర్‌ మిల్లులు: 216 రికవరీ కావాల్సిన ధాన్యం : 1,11,634 మె.టన్నులు ధాన్యం విలువ: రూ.250.92 కోట్లు.. రికవరీ చేసిన ధాన్యం: 37,825 మె.టన్నులు వసూలైన మొత్తం: రూ.84.61 కోట్లు బకాయి ఉన్న ధాన్యం: 73,809 మె.టన్నులు బకాయి మొత్తం: రూ.166.30 కోట్లు ఇంకా బకాయి ఉన్న మిల్లులు: 96 రైస్‌మిల్లర్ల వద్దే 2022–23 సీజన్‌ సీఎంఆర్‌ ఉమ్మడి జిల్లాలో రూ.166.30కోట్ల రికవరీ పెండింగ్‌.. జాడలేని 73,809 మె.టన్నుల వేలం ధాన్యం మొత్తం బకాయిలు 96 మిల్లుల వద్ద.. ప్రశ్నార్థకంగా మారిన వసూళ్లు తెరపైకి క్రిమినల్‌ కేసులు.. ఆర్‌ఆర్‌ యాక్టులు.. బకాయిదారుల ఆస్తుల వివరాలపై ‘విజిలెన్స్‌’ ఆరా!బకాయిదారుల ఆస్తులపై ‘విజిలెన్స్‌’ ఆరా!భారీగా బకాయిలు పేరుకుపోవడంతో బకాయిదారుల ఆస్తుల వివరాల సేకరణలో పౌరసరఫరాల సంస్థ, విజిలెన్స్‌ ఎన్‌ఫోర్స్‌మెంట్‌ అధికారులు నిమగ్నమైనట్లు సమాచారం. కొందరు బకాయి ఉన్న రైసుమిల్లర్లు తమ స్థిర, చరాస్తులను బినామీల పేరిట మార్పిడి చేశారన్న ప్రచారం ఉంది. మిల్లులను ఎత్తివేసి వాటి స్థానంలో ఫంక్షన్‌హాల్‌లు, సీడ్‌ మిల్లులుగా మార్చినట్లు కూడా చెబుతున్నారు. ఈ నేపథ్యంలో బకాయిదారుల ఆస్తుల వివరాల సేకరణ ‘విజిలెన్స్‌’ దృష్టి సారించాన్న చర్చ సర్వత్రా కలకలం రేపుతోంది. కాగా ఈ విషయమై ఉమ్మడి వరంగల్‌కు చెందిన ఓ జిల్లా పౌరసరఫరాలశాఖ అధికారిని సంప్రదించగా సీరియస్‌గా బకాయిల వసూళ్లు జరుగుతున్నాయని, తమను ఆ వివాదంలోకి లాగొద్దంటూ సమాధానం దాటవేశారు.

చీర, సారెతో వస్తున్న హీరో నాని, గద్దెల ప్రాంగణంలో చిత్రబృందం మేడారంలో వనదేవతలు సమ్మక్క, సారలమ్మను మంగళవారం ప్యారడైజ్‌ సినిమా హీరో నాని, నటుడు సంపూర్ణేష్‌ బాబు, నిర్మాత సుధాకర్‌ చెరుకూరి, దర్శకుడు ఓదెల శ్రీకాంత్‌, పాటల రచయిత కాసర్ల శ్యామ్‌ దర్శించుకుని మొక్కులు చెల్లించారు. అమ్మవార్లకు హీరో నాని నిలువెత్తు బంగారం(బెల్లం), చీర, సారె సమర్పించారు. మేడారం వచ్చే ముందుగా ములుగు గట్టమ్మ వద్ద ప్రత్యేక పూజలు జరిపారు. – ఎస్‌ఎస్‌ తాడ్వాయి/ములుగు

మహబూబాబాద్‌: బాధితులకు అండగా నిలవాలని జిల్లా న్యాయసేవాధికార సంస్థ కార్యదర్శి, సీనియర్‌ సివిల్‌ జడ్జి స్వాతి మురారి అన్నారు. జిల్లా కేంద్రంలోని సఖి (వన్‌ స్టాప్‌) సెంటర్‌ను మంగళవారం సందర్శించారు. ఈసందర్భంగా ఆమె మాట్లాడుతూ.. ఆపదలో ఉన్న మహిళలు సఖి కేంద్రానికి రాగానే తక్షణమే స్పందించి వారికి అవసరమైన వైద్యం, న్యాయ, పోలీస్‌ సాయం అందించాలన్నారు. హింసకు గురైన మహిళలు తీవ్రమైన ఆందోళనలో ఉంటారని, వారికి కౌన్సెలింగ్‌ ఇచ్చి మానసిక స్థైర్యం కల్పించాలన్నారు. చట్టపరమైన హక్కులపై బాధితులకు అవగాహన కల్పించడంతో పాటు ఉచిత న్యాయం అందేలా డీఎల్‌ఎస్‌ఏతో నిరంతరం సమన్వయం చేసుకోవాలన్నారు. ఈ కార్యక్రమంలో సరస్వతి, ఉష, స్వాతి, లావణ్య, శోభ, శ్రావణి తదితరులు పాల్గొన్నారు.

● ఎమ్మెల్యే మామిడాల యశస్విని రెడ్డి పెద్దవంగర: అణగారిన వర్గాల్లో సామాజిక చైతన్యం రగిలించిన చాకలి ఐలమ్మ పోరాటం నేటి తరానికి ఆదర్శప్రాయమని ఎమ్మెల్యే మామిడాల యశస్వినిరెడ్డి అన్నారు. మండలంలోని గంట్లకుంట గ్రామంలో రజక సంఘం ఆధ్వర్యంలో ఏర్పాటు చేసిన చాకలి ఐలమ్మ విగ్రహాన్ని మంగళవారం టీపీసీసీ అధ్యక్షురాలు హనుమాండ్ల ఝాన్సీరాజేందర్‌ రెడ్డి, రాష్ట్ర మహిళా కమిషన్‌ సభ్యురాలు చిట్యాల శ్వేతతో కలిసి ఎమ్మెల్యే ప్రారంభించారు. ఈ సందర్భంగా ఎమ్మెల్యే మాట్లాడుతూ.. తెలంగాణ రైతాంగ సాయుధ పోరాటంలో చాకలి ఐలమ్మ చూపిన ధైర్యసాహసాలు, తెగువ పోరాట స్ఫూర్తిని నింపాయని గుర్తు చేశారు. గ్రామంలో చాకలి ఐలమ్మ విగ్రహం ఏర్పాటు చేయడం అభినందనీయమన్నారు. సర్పంచ్‌ పాయిలి యాకలక్ష్మి సోమన్న, కాంగ్రెస్‌ మండల అధ్యక్షుడు రంగు మురళి, బీసీ సంఘాల నాయకులు వట్టె జానయ్య, కూరపాటి రమేష్‌, చంద మల్లయ్య, బీసు హరికృష్ణ, నిర్వాహకులు కొండ్రాతి శ్రీనాథ్‌, కొమురమల్లు, యాకయ్య, ఉమాచందర్‌, శ్రీకాంత్‌, నాయకులు పాల్గొన్నారు.

కాజీపేట రూరల్‌ : సమాజమార్పు కోసం ఏఐఎస్‌ ఎఫ్‌ ఆధ్వర్యంలో విద్యార్థులు ఉద్యమించాలని సీపీఐ జాతీయ కార్యదర్శి, మాజీ ఎమ్మెల్యే పల్లా వెంకట్‌రెడ్డి అన్నారు. కాజీపేట ఫాతిమానగర్‌లోని బాలవికాస కేంద్రంలో మంగళవారం అఖి ల భారత విద్యార్థి సమాఖ్య (ఏఐఎస్‌ఎఫ్‌) 90వ వార్షి కోత్సవం సందర్భంగా రెండో రోజు ఏఐఎస్‌ఎఫ్‌ పూర్వ విద్యార్థుల సమ్మేళనం ఘనంగా నిర్వహించారు. ఈ కార్యక్రమానికి పల్లా వెంకట్‌రెడ్డి ముఖ్య అతిథి గా హాజరై మాట్లాడారు. విద్యా వ్యవస్థలో విష బీజాలు నాటేందుకు కేంద్ర ప్రభుత్వం యత్నిస్తోందని, దీనికి వ్యతిరేకంగా విద్యార్థులు ఉద్యమించాలన్నారు. ఒకప్పుడు ఏఐఎస్‌ఎఫ్‌ ఆధ్వర్యంలో 18 ఏళ్లకే ఓటుహక్కు అని నినదించి సాధిస్తే నేడు ఉన్న ఓట్లను తొలగిస్తున్నారని విమర్శించారు. బీఆర్‌ఎస్‌ నేత, మాజీ ఎంపీ బోయినపల్లి వినోద్‌కుమార్‌ మాట్లాడుతూ 90 ఏళ్ల గొప్పచరిత్ర ఏఐఎస్‌ఎఫ్‌ దేనని, ఎంతో మంది ఉన్నతస్థాయికి ఎదగడానికి దోహదపడిందన్నారు. నేడు కుల సంఘాల ప్రభావం పెరిగిపోతుండడం బాధాకరమని, అయినా వారి సమస్యలపై కూడా వామపక్ష విద్యార్థి సంఘాలు దృష్టి సారించాలన్నారు. ఏఐఎస్‌ఎఫ్‌ మాజీ జాతీయ నాయకుడు శ్రీనివాసుల నాయుడు మా ట్లాడుతూ ఇటీవల వరంగల్‌లో ఏఐఎస్‌ఎఫ్‌ పెద్ద ర్యాలీ నిర్వహించడం ముందెన్నడు చూడలేదన్నారు. కేంద్రంలో బీజేపీ పాలనతో అన్ని వర్గాల ప్రజల హక్కుల హననం జరుగుతోందని, విద్యార్థి లోకం మేల్కొని అప్రమత్తంగా ఉండాలన్నారు. పీసీసీ లీగల్‌సెల్‌ చైర్మన్‌ చల్లా దామోదర్‌రెడ్డి మాట్లాడుతూ నాలుగు దశా బ్దాల క్రితం తాము చేసిన ఏఐఎస్‌ఎఫ్‌ పోరాటాల అనుభవాలు గొప్పస్ఫూర్తి కలిగించాయన్నారు. ప్రభుత్వ విద్య పరిరక్షణకు పోరాడాలి.. విద్య ప్రైవేటీకరణ, కార్పొరేటీకరణ అవుతున్న నే పథ్యంలో ప్రభుత్వ విద్యారంగ పరిరక్షణకు ఏఐఎస్‌ఎఫ్‌ పోరాటాలు నిర్వహించాలని కేయూ వీసీ ప్రతాప్‌రెడ్డి కోరారు. విద్యార్థి దశలో తాను ఏఐఎస్‌ఎఫ్‌తో ప్రయాణించానని, ఏఐఎస్‌ఎఫ్‌ నాయకుల ప్రభావం తనపై ఎంతో ఉందన్నారు. ఏఐఎస్‌ఎఫ్‌ మాజీ జాతీయ అధ్యక్షుడు తక్కళ్లపల్లి శ్రీనివాసరావు మాట్లాడుతూ విద్యారంగాన్ని రక్షించుకోవడానికి ఏఐఎస్‌ఎఫ్‌ ఆధ్వర్యంలో రాష్ట్రవ్యాప్తంగా పోరాటాలను ఉధృతం చేయాలన్నారు. ఏఐఎస్‌ఎఫ్‌ జాతీయ ప్రధాన కార్యదర్శి దినేశ్‌ సిరంగి రాజన్‌ మాట్లాడుతూ దేశంలో నూతన విద్యా పాలసీ పేరుతో పేద దళిత, గిరిజన విద్యార్థులను విద్యకు దూరం చేసే ప్రయత్నాలు జరుగుతున్నాయన్నారు90వ వార్షికోత్సవాల సందర్భంగా జాతీయ, రాష్ట్ర, వివిధ జిల్లాల నాయకులను ఘనంగా సన్మానించి మెమోంటో అందజేశారు. కార్యక్రమంలో ప్రముఖ విశ్లేషకులు మల్లెపల్లి లక్ష్యయ్య, సీపీఐ రాష్ట నాయకులు పశ్యపద్మ, బాగం హేమంత్‌రావు, బాలనర్సింహ, సాబీర్‌పాషా, బి.విజయసారథి, కర్రె భిక్షపతి, నేదునూరి జ్యోతి, పంజాల శ్రీనివాస్‌, బి.వి.విజయలక్ష్మి, వి.మదన్‌, ఆంజనేయులు, సృజన్‌కుమార్‌, మేడిపల్లి శోభన్‌బాబు, బి.ఆర్‌.లెనిన్‌, పల్లె నర్సింహ, రాష్ట్ర అద్యక్ష కార్యదర్శులు కసిరెడ్డి మణికంఠ రెడ్డి, పుట్టా లక్ష్మణ్‌, హనుమకొండ జిల్లా అధ్యక్ష కార్యదర్శులు ఉట్కూరి ప్రణీత్‌ గౌడ్‌, బాషబోయిన సంతోష్‌ , వరంగల్‌ జిల్లా అధ్యక్ష, కార్యదర్శులు దిడ్డి పార్ధసారథిరెడ్డి, ల్యాదెళ్ల శరత్‌, తదితరులు పాల్గొన్నారు. సీసీఐ జాతీయ కార్యదర్శి పల్లా వెంకట్‌రెడ్డి ఘనంగా ఏఐఎస్‌ఎఫ్‌ పూర్వ విద్యార్థుల సమ్మేళనం

● తొర్రూరులో ఘటన తొర్రూరు: కుటుంబ కలహాలతో వివాహిత ఆత్మహత్యకు పాల్పడింది. ఘటన మంగళవారం మహబూబాబాద్‌ జిల్లా తొర్రూరులో చోటు చేసుకుంది. ఎస్సై మహేందర్‌రెడ్డి కథనం ప్రకారం.. నర్సంపేటకు చెందిన చిన్నపల్లి అంకిత (25) తొర్రూరు పట్టణంలో నివాసముంటోంది. కొడకండ్ల మండల కేంద్రంలోని పోస్టల్‌ శాఖలో ఏడీ డీఏ(ఎక్స్‌ట్రా డిపార్ట్‌మెంటల్‌ డెలివరీ ఏజెంట్‌)గా ఉద్యోగం చేస్తోంది. ఆమె భర్త మందుల శశికాంత్‌ నర్సంపేట మున్సిపాలిటీలో ఔట్‌ సోర్సింగ్‌ పద్ధతిలో కంప్యూటర్‌ ఆపరేటర్‌గా విధులు నిర్వర్తిస్తున్నాడు. ఆర్థిక ఇబ్బందులతో తరుచూ దంపతుల మధ్య గొడవలు జరుగుతున్నాయి. కొడకండ్లలో అంకిత విధులు నిర్వర్తిస్తున్న సమయంలో ఫోన్‌లో ఇరువురు గొడవపడ్డారు. దీంతో అంకిత మంగళవారం మధ్యాహ్న విధులు ముగించుకుని ఇంటికి వచ్చింది. గొడవలతో మనస్తాపం చెందిన ఆమె తొర్రూరులో అద్దెకు ఉండే నివాసంలో ఫ్యాన్‌కు ఉరేసుకుని ఆత్మహత్యకు పాల్పడింది. ఈ దంపతులకు కుమార్తె ఉండగా కొన్నేళ్ల క్రితం మృతి చెందింది. ఘటనా స్థలికి అదనపు ఎస్సై ఖాదర్‌పాషా చేరుకుని వివరాలు సేకరించారు. మృతురాలి తల్లి ల లిత ఫిర్యాదు మేరకు కేసు నమోదు చేసినట్లు ఎస్సై తెలిపారు. మృతదేహాన్ని పోస్టుమార్టం నిమిత్తం వర్ధన్నపేట ఏరియా ఆస్పత్రికి తరలించారు.

ఖిలా వరంగల్‌: వరంగల్‌ ఏనుమాముల వ్యవసాయ మార్కెట్‌కు అక్టోబర్‌ 2 నుంచి 4వ తేదీ వరకు వరుసగా మూడు రోజులు సెలవులు ప్రకటించినట్లు మార్కెట్‌ చైర్‌పర్సన్‌ ఎర్ర ప్రియాంక మంగళవారం ఒక ప్రకటనలో తెలిపారు. 2న గాంధీ జయంతి ప్రభుత్వ సెలవు, 3వ తేదీన వారాంతపు సెలవు యార్డు బంద్‌, 4న ఆదివారం వారాంతపు సెలవు ఉంటుందన్నారు. మార్కెట్‌కు 5వ తేదీన పునః ప్రారంభమవుతుందన్నారు. రైతులు ఈ విషయాన్ని గమనించి సెలవుల్లో మార్కెట్‌కు సరుకులు తీసుకొచ్చి ఇబ్బందులకు గురికావొద్దని చైర్‌ పర్సన్‌ కోరారు. నేడు ఎస్‌జీఎఫ్‌ ఉమ్మడి జిల్లా స్థాయి ఎంపికలు వరంగల్‌ స్పోర్ట్స్‌: పాఠశాల క్రీడల సమాఖ్య అండర్‌–14, 17 బాలబాలికల విభాగంలో బుధవారం ఉమ్మడి వరంగల్‌ జిల్లా స్థాయి ఎంపిక పోటీలు నిర్వహిస్తున్నట్లు ఎస్‌జీఎఫ్‌ వరంగల్‌ జిల్లా కార్యదర్శి పుల్ల అనిల్‌ మంగళవారం ఒక ప్రకటనలో తెలిపారు. వరంగల్‌లోని ఓ సిటీ మైదానంలో యోగా, ఫెన్సింగ్‌ ఎంపికలు, ఖమ్మం బైపాస్‌ రోడ్‌లోని హైదరాబాద్‌ పబ్లిక్‌ స్కూల్‌లో హాకీ ఎంపికలు నిర్వహించనున్నట్లు పేర్కొన్నారు. క్రీడాకారులు ఉదయం 9 గంటలకు ఎంపికలకు హాజరు కావాలని తెలిపారు. క్రీడాకారులు తమ వెంట ఆధార్‌ కార్డు, స్కూల్‌ బోనఫైడ్‌ సర్టిఫికెట్‌, గత సంవత్సర ప్రోగ్రెస్‌ కార్డు, పుట్టినతేదీ సర్టిఫికెట్లను తీసుకువాలని తెలిపారు. ఏఏఏ రాష్ట్ర అధ్యక్షుడిగా నవీన్‌ విద్యారణ్యపురి: గవర్నమెంట్‌ డిగ్రీ కాలేజీ అడ్మినిస్ట్రేటివ్‌ ఆఫీసర్స్‌ అసోసియేషన్‌(ఏఏఏ) రాష్ట్ర అధ్యక్షుడిగా నైనాల నవీన్‌ ఎన్నికయ్యారు. రాష్ట్ర ప్ర ధాన కార్యదర్శిగా ఎం.డి సులేమాన్‌ ఎన్నికై నట్లు సంబంధిత సంఘం నాయకులు మంగళవారం తెలిపారు. ప్రస్తుతం నవీన్‌ ములుగు ప్రభుత్వ డిగ్రీ కళాశాలలో అడ్మినిస్ట్రేటివ్‌ ఆఫీసర్‌గా విధులు నిర్వర్తిస్తున్నారు. ఆయన హనుమకొండ జిల్లాకు చెందినవారు. పోక్సో కేసులో నేరస్తుడికి ఇరవై ఏళ్ల కఠిన కారాగార శిక్ష వెంకటాపురం(ఎం)/ ములుగు రూరల్‌: పోక్సో కేసులో నేరస్తుడికి ఇరవై ఏళ్ల కఠిన కారాగార శిక్ష విధిస్తూ జడ్జి తీర్పు వెలువరించినట్లు ములుగు ఎస్పీ సుధీర్‌ రామ్‌నాథ్‌ కేకన్‌ ఒక ప్రకటనలో తెలిపారు. జిల్లాలోని వెంకటాపురం(ఎం) పీఎస్‌ పరిధిలో 6 సంవత్సరాల క్రితం రామానుజాపూర్‌ గ్రామానికి చెందిన పల్లెబోయిన క్రాంతిపై పోక్సో కేసు నమోదైంది. ఈ కేసులో సాక్ష్యాధారాలు పరిశీలించిన అనంతరం నేరం రుజువుకావడంతో క్రాంతికి 20 ఏళ్ల కఠిన కారాగార శిక్ష, రూ.7 వేల జరిమానా విధిస్తూ ప్రత్యేక పోక్సో కోర్టు జడ్జి సూర్య చంద్రకళ మంగళవారం తీర్పు వెలువరించినట్లు ఎస్పీ చెప్పారు. కోర్టు మానిటరింగ్‌ అధికారి, డీఎస్పీ కిశోర్‌, కోర్టు లైజనింగ్‌ అధికారి, ఏఎస్సై కుమారస్వామి, స్పెషల్‌ పబ్లిక్‌ ప్రాసిక్యూటర్‌ రామ్‌ సింగ్‌, సీడీలు శ్రీను, స్రవంతి.. కేసు దర్యాప్తులో కీలకంగా పనిచేశారని ఎస్పీ పేర్కొన్నారు. అనుమానాస్పదస్థితిలో వృద్ధురాలి మృతి డోర్నకల్‌: మహబూబాబాద్‌ జిల్లా డోర్నకల్‌ మండలం గొల్లచర్ల గ్రామ సమీపంలోని చెరువు కట్ట వద్ద ఓ వృద్ధురాలు అనుమానాస్పదస్థితిలో మృతి చెందింది. మండలంలోని లింబ్యాతండాకు చెందిన భూక్యా శాంతి(70) మంగళవారం చెరువు కట్ట పక్కన అనుమానాస్పదంగా పడి ఉండగా గమనించిన స్థానికులు కుటుంబ సభ్యులు, పోలీసులకు సమాచారం అందించారు. సీఐ చంద్రమౌళి, ఎస్సై ఝాన్సీ ఘటనాస్థలికి చేరుకుని పరిశీలించగా శాంతి మృతదేహం కనిపించింది. శాంతి సోమవారం పింఛన్‌ తీసుకునేందుకు గొల్లచర్లకు వచ్చిందని, తర్వాత ఇంటికి రాలేదని కుటుంబీకులు తెలిపారు. కాగా, ఈ ఘటనపై మృతురాలి కుమారుడు లచ్చు ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు. ● గొల్లచర్ల సమీపంలో ఘటన

కలెక్టరేట్‌ను ప్రారంభించాలని కాశిబుగ్గ: వరంగల్‌లో నిర్మించిన కలెక్టరేట్‌ను ప్రారంభించకుండా సర్కారు నిర్లక్షం చేస్తోందంటూ బీజేపీ శ్రేణులు వినూత్న నిరసన చేపట్టాయి. మంగళవారం కలెక్టరేట్‌ వద్ద బూడిద గుమ్మడికాయలతో దిష్టి తీసి నిరసన తెలిపాయి. ముందుగా తూర్పు నియోజకవర్గంలో అభివృద్ధి పనులు, సమస్యలపై పట్టించుకోవడం లేదంటూ ప్రభుత్వం, స్థానిక ఎమ్మెల్యేను నిలదీస్తూ వరంగల్‌ కోఆపరేటివ్‌ బ్యాంకు చైర్మన్‌ ఎర్రబెల్లి ప్రదీప్‌రావు ఆధ్వర్యంలో ఓ సిటీ క్యాంపు కార్యాలయం నుంచి కలెక్టరేట్‌ భవనం వరకు ర్యాలీ నిర్వహించారు. ఈ సందర్భంగా ప్రదీప్‌రావు మాట్లాడుతూ కలెక్టరేట్‌ నిర్మాణం పూర్తయినా ఎందుకు ప్రారంభించడం లేదని ప్రశ్నించారు. జిల్లా వరంగల్‌ అయినా ప్రతీ పనికి హనుమకొండకు వెళ్లాల్సి వస్తుందన్నారు. ముఖ్యంగా వరంగల్‌ తూర్పు అన్ని రంగాల్లో వెనుకబడిపోతున్నా పట్టించకోవడం లేదన్నారు. కుటుంబంలో పదవుల కోసం తప్పా తూర్పులో గెలిపించిన ప్రజలకు ఏమి న్యాయం చేస్తున్నారని ప్రశ్నించారు. నెలలో కనీసం ఎమ్మెల్యేగా 20 రోజులైనా ప్రజలకు అందుబాటులో ఉండి వారి సమస్యల వినే బాధ్యత లేదా అని మండిపడ్డారు. బీజేపీ జిల్లా అధ్యక్షుడు గంట రవికుమార్‌, మాజీ జిల్లా అధ్యక్షుడు ఎడ్ల అశోక్‌రెడ్డి, నా యకులు సిద్దం నరేశ్‌, జలగం రంజిత్‌, కుసుమ స తీశ్‌, వంగాల సమ్మిరెడ్డి, రత్నం సతీశ్‌, గురుమూర్తి, బాకం హరిశంకర్‌, శివకుమార్‌, రాణా ప్రతాప్‌రెడ్డి, తదితరులు పాల్గొన్నారు.

కాళేశ్వరం: తెలంగాణ, మహారాష్ట్ర, ఛత్తీస్‌గఢ్‌ రాష్ట్రాల సరిహద్దు పోలీసు స్టేషన్‌లో సిబ్బంది అప్రమత్తంగా ఉండాలని కాళేశ్వరం జోన్‌–1 డీఐజీ అంబర్‌ కిశోర్‌ ఝా ఆదేశించారు. మంగళవారం జయశంకర్‌ భూపాలపల్లి జిల్లా మహదేవపూర్‌ మండలం కాళేశ్వరం పోలీస్‌స్టేషన్‌ను తనిఖీ చేశారు. ఈ సందర్భంగా పరిసరాలు, రికార్డులు పరిశీలించి అధికారులు, సిబ్బంది పనితీరును సమీక్షించారు. ఎస్సై, స్టేషన్‌ రైటర్‌, సీసీటీఎన్‌ఎస్‌ రైటర్లతో మాట్లాడి ఆన్‌లైన్‌ వివరాల నమోదు, రికార్డుల అప్‌లోడ్‌ ప్రక్రియపై ఆరా తీశారు. పోలీస్‌స్టేషన్‌ పరిధిలో తరచూ నమోదయ్యే నేరాలు, గ్రామాల పరిస్థితి, శాంతిభద్రతలు, స్టేషన్‌ నిర్వహణ తదితర అంశాలపై వివరాలు అడిగి తెలుసుకున్నారు. అనంతరం డీఐజీ మాట్లాడుతూ పోలీస్‌స్టేషన్‌కు వచ్చే ప్రతీ ఫిర్యాదుదారుతో మర్యాదపూర్వకంగా వ్యవహరించాలన్నారు. రౌడీషీటర్లు, సస్పెక్ట్‌షీట్లో ఉన్న వ్యక్తుల ఇళ్లను క్రమం తప్పకుండా తనిఖీ చేస్తూ, వారి కదలికలు, కార్యకలాపాలపై నిరంతరం నిఘా ఉంచాలని ఆదేశించారు. ఎస్సై భగవత్‌, సిబ్బంది పాల్గొన్నారు. కాళేశ్వరం జోన్‌–1 డీఐజీ అంబర్‌ కిశోర్‌ ఝా

కురవి : మద్యం తాగొ చ్చి తల్లిని కొడుతున్నాడనే కారణంతో కుమారుడు.. తండ్రిని చంపా డు. ఈ ఘటన మహబూబాబాద్‌ జిల్లా సీరో లు పీఎస్‌ పరిధి, కురవి మండలం సూదనపల్లిలో జరిగింది. ఎస్సై సంతోష్‌ కథనం ప్రకారం.. గ్రామానికి చెందిన లకుమల్ల వెంకన్న(58) రోజు తాగొచ్చి తన భార్య వెంకటమ్మను ఇబ్బందులకు గురి చేస్తున్నాడు. ఈ విషయాన్ని వెంకటమ్మ తన కొడుకు సునీల్‌కు చెప్పింది. దీనిని మనసులో పెట్టుకున్న సునీల్‌.. సోమవారం (ఈ నెల28న) రాత్రి ఇంటికి వచ్చాడు. తల్లి ఇంట్లో లేని సమయంలో తండ్రి వెంకన్నతో అమ్మను ఎందుకు కొడుతున్నావని ఘర్షణ పడ్డాడు. కర్రతో, ట్యూబ్‌లైట్‌ ఐన్‌ ఫ్రేమ్‌తో కొట్టడంతో వెంకన్న చనిపోయాడు. అ నంతరం సునీల్‌ పరారయ్యాడు. మంగళవారం ఉదయం మృతుడి తమ్ముడు, ఇతర బంధువులు ఈ ఘటనను చూసి వెంకటమ్మకు తెలిపారు. దీంతో బంధువుల వద్దకు వెళ్లిన వెంకటమ్మ హుటాహుటిన గ్రామానికి చేరుకుంది. కుమారుడు.. తండ్రిని చంపిన విషయం తెలియడంతో మరిపెడ సీఐ పవన్‌కుమార్‌, సిబ్బంది ఘటనాస్థలికి చేరుకుని పరిస్థితిని పరిశీలించారు. మృతదేహాన్ని మహబూబాబాద్‌ జనరల్‌ ఆస్పత్రికి తరలించారు. మృతుడి భార్య వెంకటమ్మ ఫిర్యాదు మేరకు మరిపెడ సీఐ పవన్‌కుమార్‌ కేసు నమోదు చేసి దర్యాప్తు చేస్తున్నట్లు సీరోలు ఎస్సై సంతోష్‌ తెలిపారు. కాగా, సునీల్‌ పోలీసుల అదుపులో ఉన్నట్లు సమాచారం. తండ్రిని చంపిన తనయుడు సూదనపల్లిలో ఘటన

● కలెక్టర్‌ స్నేహశబరీష్‌ మహబూబాబాద్‌: రోడ్డు ప్రమాదాల నివారణకు సమగ్ర చర్యలు చేపట్టాలని, మానుకోటను ప్రమాద రహిత జిల్లాగా తీర్చిదిద్దడమే లక్ష్యంగా అధికారులు కృషి చేయాలని కలెక్టర్‌ స్నేహశబరీష్‌ అన్నారు. కలెక్టరేట్‌లోని ప్రధాన సమావేశ మందిరంలో మంగళవారం రోడ్డు భద్రత, ప్రమాదాల నివారణపై సంబంధిత అధికారులతో సమీక్ష సమావేశం నిర్వహించారు. ఈసందర్భంగా కలెక్టర్‌ మాట్లాడుతూ.. అధికారులందరూ బాధ్యతాయుతంగా పని చేసి ప్రమాదాలు జరగకుండా చూడాలన్నారు. జిల్లాలో ప్రమాదాలు ఎక్కువగా జరుగుతున్న ప్రాంతాలను గుర్తించి లోపాలను సరి చేయాలన్నారు. డేంజర్‌ జోన్లు, మూలమలుపు వద్ద స్పష్టమైన హెచ్చరిక బోర్డులు ఏర్పాటు చేయాలని ఆదేశించారు. ఎస్పీ శబరీష్‌ మాట్లాడుతూ.. జిల్లాలో రోడ్డు ప్రమాదాలను అరికట్టడానికి పోలీసుశాఖ తరఫున తగిన చర్యలు తీసుకుంటున్నామన్నారు. హెల్మెట్‌, సీట్‌ బెల్ట్‌ తదిరత విషయాలపై రాజీ లేని తనిఖీలు చేస్తున్నామన్నారు. మైనర్లు వాహనాలు నడుపుతూ పట్టుబడితే వాహన యజమానులతో పాటు, పిల్లల తల్లిదండ్రులపై కేసులు నమోదు చేస్తామని హెచ్చరించారు. సమావేశంలో అదనపు కలెక్టర్‌ అనిల్‌కుమార్‌, ఇన్‌చార్జ్‌ అదనపు కలెక్టర్‌ పురుషోత్తం, సంబంధిత అధికారులు పాల్గొన్నారు.

హసన్‌పర్తి: అనారోగ్యంతో బాధపడుతున్న తమ బంధువులను పరామర్శించి వస్తున్న క్రమంలో ఓ మహిళ మృత్యుఒడికి చేరుకుంది. బైక్‌ అదుపు తప్పిన ప్రమాదంలో మృతి చెందింది. ఈ ఘటన మంగళవారం ముచ్చర్ల ఓఆర్‌ఆర్‌ వద్ద చోటు చేసుకుంది. పోలీసుల కథనం ప్రకారం.. భూపాలపల్లి జిల్లా గణపురం మండలం చెల్పూరుకు చెందిన ముద్ర కోలా రాధ(55), రమేశ్‌ దంపతులు అనారోగ్యం బాధపడుతున్న తమ బంధువులను పరామర్శించడానికి మంగళవారం ఉదయం బైక్‌పై కడిపికొండకు వెళ్లారు. పరామర్శ అనంతరం ఇంటికి పయనమయ్యారు. మార్గమధ్యలోని ముచ్చర్ల ఓఆర్‌ఆర్‌ వద్ద బైక్‌ అదుపు తప్పింది. ఈ ఘటనలో రాధకు తీవ్రగాయాలయ్యాయి. సమాచారం అందుకున్న 108 సిబ్బంది ప్రకాశ్‌, ఓదెలు ఘటనాస్థలికి చేరుకుని ప్రథమ చికిత్స నిర్వహించారు. అనంతరం క్షతగాత్రురాలిని ఎంజీఎం తరలించగా చికిత్స పొందుతూ అదే రోజు మృతి చెందింది. ఈ ఘటనపై మృతురాలి కుమారుడు రాజ్‌కుమార్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీస్‌ ఇన్‌స్పెక్టర్‌ మహేందర్‌ తెలిపారు. ట్యాంకర్‌ ఢీకొని పాస్టర్‌.. ఆయిల్‌ ట్యాంకర్‌.. బైక్‌ను ఢీకొన్న ప్రమాదంలో ఓ పాస్టర్‌ మృతి చెందాడు. ఈఘటన హనుమకొండ–కరీంనగర్‌ ప్రధాన రహదారిలోని ఎల్లాపురం బ్రిడ్డి వద్ద చోటు చేసుకుంది. స్థానికుల కథనం ప్రకారం.. ఎల్కతుర్తి చర్చి పాస్టర్‌గా విధులు నిర్వహిస్తున్న సందెల మాణిక్యం(75) మంగళవారం వ్యక్తిగత పనుల నిమిత్తం బైక్‌పై హనుమకొండ వైపునకు వెళ్లి తిరిగి ఇంటికి బయలుదేరాడు. మార్గమధ్యలోని ఎల్లాపురం బ్రిడ్జి వద్ద ఎదురుగా వస్తున్న ఆయిల్‌ట్యాంకర్‌.. బైక్‌ను ఢీకొంది. ఈ ప్రమాదంలో మాణిక్యం తీవ్రంగా గాయపడ్డాడు. 108 అంబులెన్స్‌ సిబ్బంది ప్రకాశ్‌, ఓదెలు ఘటనా స్థలికి చేరుకుని ప్రథమ చికిత్స నిర్వహిస్తుండగా అప్పటికే మృతి చెందాడు. మృతదేహాన్ని పోస్టుమార్టం నిమిత్తం ఎంజీఎం తరలించారు. వాగులో కాలుజారి పడి వ్యక్తి.. చిన్నగూడూరు: మూడోరోజు దినకర్మకు హాజరైన ఓ వ్యక్తి ప్రమాదవశాత్తు వాగులో కాలు జారిపడి మృతి చెందాడు. ఈ ఘటన మంగళవారం మహబూబాబాద్‌ జిల్లా చిన్నగూడురు మండల కేంద్రంలో చోటు చేసుకుంది. కుటుంబీకులు, పోలీసుల కథనం ప్రకారం.. మండల కేంద్రానికి చెందిన మానుపాటి ముత్తయ్య(38) బతుకుదెరువు నిమిత్తం హైదరాబాద్‌కు వలస వెళ్లాడు. ఈ క్రమంలో ఆదివారం తన పెదనాన్న భిక్షం మృతి చెందగా, మంగళవారం మూడో రోజు దినకర్మ నిర్వహించారు. ఈ కార్యక్రమానికి ముత్తయ్యతో పాటు కుటుంబ సభ్యులు హాజరయ్యారు. ఈ క్రమంలో స్నానం చేసేందుకు ఆకేరువాగు వద్దకు వెళ్లిన ముత్తయ్య.. ప్రమాదవశాత్తు కాలు జారి పడి నీట మునిగి మృతి చెందాడు. ఈ ఘటనపై మృతుడి కుటుంబీకుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు. మృతుడికి భార్య, కుమార్తె, కుమారుడు ఉన్నారు. కాగా, ఒకే కుటుంబంలో ఇద్దరు వ్యక్తులు మృతి చెందడంతో గ్రామంలో విషాదఛాయలు అలుముకున్నాయి.ఉమ్మడి వరంగల్‌ జిల్లాలో మంగళవారం జరిగిన వేర్వేరు ఘటనల్లో ముగ్గురు మృతి చెందారు. దీంతో ఆయా కుటుంబాలతోపాటు గ్రామాల్లో విషాదఛాయలు అలుముకున్నాయి.

ఖానాపురం : నర్సంపేట మండలంలోని భోజ్యనాయక్‌ తండా శివారు వాగులో సోమవారం మొసలి ప్రత్యక్షమైంది. గమనించిన స్థానిక రైతులు అటవీశాఖ అధికారులకు సమాచారం ఇచ్చారు. ఎఫ్‌ఆర్‌ఓ నరేష్‌ బసవ ఆదేశాలతో వాగు వద్దకు బీట్‌ ఆఫీసర్‌ వెంకన్న, సిబ్బందితో వెళ్లి మొసలిని బంధించి ఖానాపురం మండలంలోని పాకాల సరస్సులో వదిలేశారు. కార్యక్రమంలో బేస్‌ క్యాంప్‌ సిబ్బంది నాగరాజు, విజయ్‌, ప్రకాశ్‌, జగ్గారావు ఉన్నారు. గ్రాడ్యుయేట్‌ ఓటరుగా నమోదు చేసుకోవాలిహన్మకొండ : ఉమ్మడి నల్లగొండ–వరంగల్‌–ఖమ్మం పట్టభద్రుల నియోజకవర్గ ఎమ్మెల్సీ ఎన్నికల నేపథ్యంలో ప్రారంభమైన ఓటరు నమోదు ప్రక్రియను అర్హత ఉన్న పట్టభద్రులు వినియోగించుకోవాలని బీఆర్‌ఎస్‌ రాష్ట్ర నాయకుడు ఏనుగుల రాకేశ్‌ రెడ్డి సోమవారం విజ్ఞప్తి చేశారు. పట్టభద్రుల ఓటరు నమోదు ప్రక్రియ నవంబర్‌ 6వ తేదీతో ముగియనుందని తెలిపారు. అర్హత కలిగిన ప్రతి గ్రాడ్యుయేట్‌ ఈ అవకాశాన్ని వినియోగించుకొని తప్పనిసరిగా ఎమ్మెల్సీ ఓటరుగా నమోదు చేసుకోవాలని ఆయన ఒక ప్రకటనలో కోరారు. ఇది కేవలం ఓటరు నమోదు ప్రక్రియ మాత్రమే కాదని ప్రభుత్వాన్ని ప్రశ్నించడానికి ఒక ఆయుధం.. మన సమస్యలను పరిష్కరించుకోవడానికి ఒక అస్త్రం.. డిమాండ్లను సాధించుకోవడానికి ఒక అవకాశం.. మన కోసం పోరాడే వారికి ప్రజాస్వామ్య పద్ధతిలో మద్దతు తెలియజేయడానికి ఒక మార్గం అని రాకేశ్‌ రెడ్డి పేర్కొన్నారు. పట్టభద్రులందరూ ఈ అవకాశాన్ని నిర్లక్ష్యం చేయకుండా, ఓటరు నమోదు ప్రక్రియను పూర్తి చేసుకోవాలని ఆయన పిలుపునిచ్చారు.

కాజీపేట రూరల్‌ : కాజీపేట రైల్వే ఎంప్లాయీస్‌ సంఘ్‌ కార్యాలయంలో బుధవారం చేపట్టనున్న డివిజనల్‌ లోకో సమ్మెట్‌ను విజయవంతం చేయాలని సంఘ్‌ కేంద్ర కమిటీ సభ్యులు సాధినేని వెంకటనారాయణ, అవారి మధుసూదన్‌రావు పిలుపునిచ్చారు. సోమవారం కాజీపేట అన్ని బ్రాంచ్‌ల సంఘ్‌ నాయకులు, ఆఫీస్‌ బేరర్లు, కార్యకర్తల సమావేశం జరిగింది. ఈ సమావేశంలో వారు మాట్లాడుతూ.. సికింద్రాబాద్‌ డివిజన్‌ స్థాయిలో లోకో రన్నింగ్‌ స్టాప్‌ సమస్యలను తెలుసుకోవడానికి ఎన్‌ఎఫ్‌ఐఆర్‌ జనరల్‌ సెక్రటరీ డాక్టర్‌ ఎం.రాఘవయ్య కాజీపేటకు రానున్నట్లు తెలిపారు. తరగతులు కావడం లేదని.. ● ఫిజికల్‌ ఎడ్యుకేషన్‌ విద్యార్థుల ఆందోళన కేయూ క్యాంపస్‌ : కాకతీయ యూనివర్సిటీలోని ఫిజికల్‌ ఎడ్యుకేషన్‌ కళాశాలలో బీపీఈడీ విద్యార్థులు తమకు క్లాస్‌లు సరిగా జరగడం లేదని నిరసిస్తూ సోమవారం యూనివర్సిటీ పరిపాలన భవనం వద్ద బైఠాయించి ఆందోళనకు దిగారు. యూనివర్సిటీ ఫిజికల్‌ ఎడ్యుకేషన్‌ ప్రిన్సిపాల్‌ కూడా సక్రమంగా తరగతులు జరిగేలా తగిన చర్యలు చేపట్టడం లేదని రిజిస్ట్రార్‌ వి.రామచంద్రం దృష్టికి తీసుకెళ్లారని సమాచారం. ఆందోళన చేస్తున్న బీపీఈడీ విద్యార్థులు రిజిస్ట్రార్‌ చాంబర్‌కు రాగా ఆయన విద్యార్థులతో మాట్లాడారు. వారి సమస్యను వీసీ ప్రతాప్‌రెడ్డి దృష్టికి తీసుకెళ్తానని తెలియజేశారు. అక్కడికి ఫిజికల్‌ ఎడ్యుకేషన్‌ ప్రిన్సిపాల్‌ను కూడా పిలిపించి మాట్లాడారు. ఈ విషయంపై కేయూ రిజిస్ట్రార్‌ రామచంద్రంను వివరణ కోరగా ఫిజికల్‌ ఎడ్యుకేషన్‌ కళాశాలలో రెగ్యులర్‌ అధ్యాపకులు లేరని ప్రస్తుతం నలుగురు అధ్యాపకులే పని చేస్తున్నారని తెలిపారు. 8 మంది అధ్యాపకుల అవసరం ఉందని అధ్యాపకుల కొరతతో బీపీఈడీ విద్యార్థులకు తరగతులు జరగడం లేదని రామచంద్రం వివరణ ఇచ్చారు.గత విద్యా సంవత్సరంలో పేపర్‌ వైజ్‌గా తాత్కాలిక అధ్యాపకులు విధులు నిర్వర్తించారని వారిని ప్రస్తుతానికి విధుల్లోకి తీసుకొని ఈనెల 29నుంచి బీపీఈడీ విద్యార్థులకు తరగతులు యథావిధిగా నిర్వహిస్తామని విద్యార్థులకు తెలియజేసినట్లు పేర్కొన్నారు. దీంతో వారు ఆందోళన విరమించారని రిజిస్ట్రార్‌ వివరణ ఇచ్చారు. వివిధ కారణాలతో ఆ కాలేజీకి సంబంధించి పార్ట్‌టైం అధ్యాపకుల నియమకాలు జరగలేదన్నారు.

ఆత్మకూరు : ఒడిశా నుంచి హైదరాబాద్‌కు తరలిస్తున్న 91కిలోల ఎండు గంజాయిని ఆత్మకూరు పోలీసులు సోమవారం పట్టుకున్నారు. సీఐ బాబులాల్‌ కథనం ప్రకారం.. ఆంధ్రప్రదేశ్‌ రాష్ట్రంలోని అల్లూరిసీతారామరాజు జిల్లా జీకే వీధి మండలం బూసికొండ గ్రామానికి చెందిన వెలుగూరి తాతారావు ట్రాక్టర్‌ డ్రైవర్‌గా పని చేస్తున్నాడు.అదనంగా డబ్బులు సంపాదించాలనే ఉద్దేశంతో అదే జిల్లా చింతూరు మండలం మోతుగూడెనికి చెందిన కిలో గోపాల్‌రావు, కిలో సత్తిబాబుతో కలిసి గంజాయి రవాణా చేసి డబ్బులు సంపాదించాలని భావించాడు. ఈ క్రమంలో వీరంతా ఒడిశా రాష్ట్రం గుంటవాడలో 500 కిలోల గంజాయిని కొనుగోలు చేసి 410 కిలోల గంజాయిని వేరే వాహనంలో పంపించారు. మిగతా 91కిలోల గంజాయిని భద్రాచలం, ఏటూరునాగారం, వరంగల్‌ మీదుగా హైదరాబాద్‌కు వెళ్లే లారీలో తరలిస్తున్నారు. కాగా మండలంలోని గుడెప్పాడ్‌ జంక్షన్‌ వద్ద ఆదివారం రాత్రి ఆత్మకూరు ఎస్సై తిరుపతి ఆధ్వర్యంలో వాహనాలు తనిఖీలు చేస్తుండగా లారీలో నిందితులు గంజాయితో పరారవుతుండగా పోలీసులు వెంబడించి పట్టుకున్నారు. విచారణలో గంజాయిని తరలిస్తున్నట్లు వారు ఒప్పుకున్నారు. పోలీసులు వారిని అదుపులోకి తీసుకొని రూ.45.66 లక్షల విలువ చేసే 91 కిలోల గంజాయిని స్వాధీనం చేసుకున్నారు. నిందితులను సోమవారం కోర్టులో హాజరు పర్చినట్లు సీఐ బాబులాల్‌ తెలిపారు. సీఐ,ఎస్సైతోపాటు సిబ్బంది అనిల్‌కుమార్‌, కరణ్‌, శ్రీనివాస్‌, ప్రసాద్‌, కరుణాకర్‌ ఉన్నారు. అంతర్రాష్ట్ర నిందితుల అరెస్టు, రిమాండ్‌

సాక్షిప్రతినిధి, వరంగల్‌ : ఓటరు జాబితా ప్రత్యేక సవరణ ప్రక్రియ ఉమ్మడి వరంగల్‌ వ్యాప్తంగా వేగం పుంజుకుంది. ఓటర్ల వివరాల పరిశీలనలో భాగంగా అధికారులు జారీ చేసిన నోటీసుల పంపిణీ దాదాపు తుది దశకు చేరుకుంది. సోమవారం విడుదల చేసిన నివేదిక ప్రకారం ఆరు జిల్లాల్లో కలిపి 6,45,763 నోటీసులు జారీ చేయగా.. 6,28,499 మంది ఓటర్లకు చేరాయి. మరోవైపు ఇప్పటివరకు 4,39,603 విచారణలు పూర్తయ్యాయి. అభ్యంతరాలు, దరఖాస్తులు, రికార్డుల పరిశీలన అనంతరం తుది ఓటర్ల జాబితా ప్రచురణకు అధికారులు కసరత్తు చేస్తున్నారు. నోటీసుల పంపిణీలో జయశంకర్‌ భూపాలపల్లి జిల్లా ముందంజలో ఉంది. జిల్లాలో జారీ చేసిన 32,636 నోటీసులనూ ఓటర్లకు అందజేశారు. అంటే నోటీసుల పంపిణీలో 100 శాతం పూర్తయింది. ఇందులో 32,458 విచారణలు పూర్తయ్యాయి. కేవలం 78 విచారణలు మాత్రమే గడువు దాటినవిగా నమోదయ్యాయి. వరంగల్‌ జిల్లాలో అత్యధికంగా 1,94,395 నోటీసులు జారీ అయ్యాయి. వీటిలో 1,84,448 పంపిణీ కాగా.. ఇంకా 9,947 నోటీసులు పెండింగ్‌లో ఉన్నాయి. ఇప్పటివరకు 90,054 విచారణలు పూర్తయ్యాయి. 18,689 దరఖాస్తులను ధ్రువీకరించగా.. తుది ప్రచురణకు 81,460 ప్రతిపాదనలు ఆమోదం పొందాయి. హనుమకొండ జిల్లాలో 1,32,070 నోటీసులకు గాను 1,31,602 పంపిణీ చేశారు. కేవలం 468 నోటీసులు మాత్రమే పంపిణీ కావాల్సి ఉంది. జిల్లాలో 1,07,163 విచారణలు పూర్తయ్యాయి. 30,401 దరఖాస్తులను ధ్రువీకరించగా.. 95,637 రికార్డులు తుది ప్రచురణకు సిద్ధంగా ఉన్నాయి. జనగామ జిల్లాలో 1,63,890 నోటీసులు జారీ చేసి 1,62,862 పంపిణీ చేశారు. ఇంకా 1,028 నోటీసులు పెండింగ్‌లో ఉన్నాయి. ఇప్పటివరకు 1,21,025 విచారణలు పూర్తయ్యాయి. గడువు దాటిన విచారణలు 42,063గా నమోదయ్యాయి. తుది ప్రచురణకు 1,10,661లు సిద్ధంగా ఉన్నాయి. మహబూబాబాద్‌లో 80,872 నోటీసులకు గాను 76,688 పంపిణీ అయ్యాయి. 60,687 విచారణలు పూర్తయ్యాయి. 56,678 ప్రతిపాదనలు తుది ప్రచురణకు సిద్ధంగా ఉన్నాయి. ములుగులో 41,900 నో టీసులకు గాను 40,263 పంపిణీ చేశారు. 28,216 విచారణలు పూర్తి కాగా.. 24,509లు తుది ప్రచురణకు సిద్ధమయ్యాయి. 6.28 లక్షల నోటీసులు.. 4.39 లక్షల విచారణలు పూర్తి తుది జాబితాకు 3.83 లక్షలు సిద్ధం నివేదిక విడుదల చేసిన అధికారులు

పాలకుర్తి టౌన్‌ : మండలంలోని తెలంగాణ సాంఘిక సంక్షేమ బాలికల గురుకుల పాఠశాలలో ఈనెల 22న విద్యార్థినులను ఎలుకలు కరిచాయన్న ఘటనపై కలెక్టర్‌ సందీప్‌ కుమార్‌ ఝా స్పష్టతనిచ్చారు. సోమవారం ఆర్డీఓ కిరణ్‌ప్రకాశ్‌తో కలిసి గురుకులాన్ని తనిఖీ చేశారు. అనంతరం కలెక్టర్‌ విద్యార్థినులతో మాట్లాడి ఆరోగ్య పరిస్థితిపై ఆరా తీశారు. భోజనం ఎలా ఉంది? మీకు ఎలుకలు కరిచినప్పుడు వాటిని చూశారా? టీకాలు తీసుకున్నారా? అని ప్రశ్నించారు. ఏ సమయంలో జరిగింది.. అప్పుడు రక్తం వచ్చినట్లు అనిపించిందా.. నొప్పిగా ఏమైనా ఉందా అని వివరాలు తెలుసుకున్నారు. విద్యార్థినుల చేతులు, కాళ్లను పరిశీలించగా ఎలుకలు కరిచిన ఆనవాళ్లు, గీతలు లేవన్నారు. వదంతులు నమ్మొద్దని కలెక్టర్‌ సూచించారు. వంటశాల, భోజన గది, సరుకులు నిల్వ గది, మరుగుదొడ్లు, వసతి గృహాలను పరిశీలించారు. పరిసరాల శుభ్రతపై అసంతప్తి వ్యక్తం చేసి, పనికిరాని వ్యర్థాలను వెంటనే తొలగించాలని పంచాయతీ కార్యదర్శి శ్రీనివాస్‌ రెడ్డిని ఆదేశించారు. నాణ్యమైన పౌషికాహారం, తాజా కూరగాయలతో భోజనం తయారు చేయాలని సూచించారు. అనుమతి లేకుండా బయటి వ్యక్తులను బాలికల గురుకులంలోకి అనుమతించొద్దని స్పష్టం చేశారు. కలెక్టర్‌ తనిఖీ చేసే సమయంలో గురుకుల పాఠశాలలోకి వచ్చిన వార్డు సభ్యుడిపై పోక్సో కేసు నమోదు చేయాలని కలెక్టర్‌ ఆదేశించినట్లు సమాచారం. ఎంపీడీఓ, తహసీల్దార్‌ గురుకుల పాఠశాలను క్రమం తప్పకుండా పర్యవేక్షించాలని సూచించారు. తహసీల్దార్‌ సరస్వతి, ఎంపీడీఓ వేదవతి, ఎంఈఓ పోతుగంటి నర్సయ్య, వైస్‌ ప్రిన్సిపాల్‌ వరలక్ష్మి, ఉపాధ్యాయులు పాల్గొన్నారు. కలెక్టర్‌ సందీప్‌కుమార్‌ ఝా గురుకుల పాఠశాలలో తనిఖీ.. పరిసరాల శుభ్రతపై అసంతృప్తి

● అనుమానాస్పద స్థితిలో యువకుడి మృతి కురవి : గణపతి నిమజ్జనానికి మిత్రుడి ఊరికి వచ్చి అనుమానాస్పదంగా ఓ యువకుడు మృతి చెందాడు. ఈ సంఘటన మండలంలోని గుండ్రాతి మడుగు (విలేజి) శివారులో సోమవారం వెలుగుచూసింది. వివరాలు ఇలా ఉన్నాయి.. మహబూబాబాద్‌ జిల్లాలోని చిన్నగూడూరు మండలం జయ్యారం గ్రామానికి చెందిన ఎల్ది నరేష్‌ (31) హైదరాబాద్‌లో కుటుంబ సభ్యులతో ఉంటున్నాడు. గణనాథుడి నిమజ్జనానికి మండలంలోని గుండ్రాతిమడుగు (విలేజి) గ్రామానికి చెందిన స్నేహితుడి ఇంటికి శుక్రవారం (25వ తేదీ) వచ్చాడు. చర్చి ఎదుట ఏర్పాటు చేసిన గణపతి మండపం నిర్వాహకులతోపాటు స్నేహితుడు హరీష్‌తో కలిసి నిమజ్జన సంబురాల్లో పాల్గొన్నాడు. కాగా నరేష్‌ మద్యం మత్తులో ఉన్నట్లు సమాచారం. అయితే ఇంటికి వెళ్తానని మిత్రుడితో చెప్పడంతో ఇప్పుడొద్దు అన్నం తిని ఇక్కడే పడుకోవాలని ఎంత చెప్పినా వినకుండా బైక్‌పై నరేష్‌ పెద్దతండా వైపు వెళ్లిపోయాడు. కల్వర్టు దాటిన తర్వాత రోడ్డు పక్కన పొలంలో పడిపోయినట్లు తెలుస్తోంది. ఈ క్రమంలో సోమవారం పెద్దతండాకు చెందిన జీపీ ట్రాక్టర్‌లో చెత్తను తీసుకుని వస్తున్న వారికి పొలంలో బైక్‌, ఆ పక్కనే మృతదేహం పడి ఉండడాన్ని చూసి స్థానికులకు వివరించారు. కురవి పోలీసులకు సమాచారాన్ని తెలియచేశారు. మృతుడి జేబులోని సెల్‌ఫోన్‌ ఆధారంగా జయ్యారం గ్రామానికి చెందిన వ్యక్తిగా గుర్తించారు. పోలీసులు సంఘటన స్థలానికి చేరుకుని కుళ్లిపోయిన మృతదేహాన్ని మహబూబాబాద్‌ జనరల్‌ ఆస్పత్రి మార్చురీకి తరలించారు. నరేష్‌ మృతి చెందాడనే విషయాన్ని తెలుసుకున్న కుటుంబ సభ్యులు హైదరాబాద్‌ నుంచి వచ్చారు. రోడ్డు ప్రమాదం జరిగి పొలంలో పడిపోయాడా? ఎవరైనా ఢీకొట్టారా? ఎవరైనా కొట్టిపడేశారా? అనే విషయాలు పోలీసుల విచారణలో తేలాల్సి ఉంది. ఇదే విషయమై కురవి ఎస్సై సతీష్‌ను వివరణ కోరగా ఫిర్యాదు రాలేదని, ఫిర్యాదు వస్తే కేసు నమోదు చేసి దర్యాప్తు చేస్తామని తెలిపారు. మృతుడికి భార్య సంధ్య, కుమారుడు, కుమార్తె ఉన్నారు. విద్యుదాఘాతంతో మహిళ మృతి హన్మకొండ చౌరస్తా : విద్యుదాఘాతంతో మహిళ మృతిచెందిన ఘటన ఆదివారం సాయంత్రం హనుమకొండలోని సుధానగర్‌లో చోటుచేసుకుంది. మృతురాలి కుమార్తె తిగుల్ల యమున కథనం ప్రకారం.. సుధానగర్‌కు చెందిన రుద్రారం లక్ష్మి (58) స్నానం చేసేందుకు వేడి నీటి కోసం బకెట్‌లో హీటర్‌ పెట్టింది. నీరు వేడైనా తర్వాత హీటర్‌ను తీసివేసే క్రమంలో చేయి తగిలి విద్యుత్‌ షాక్‌ గురైంది. గమనించిన కూతురు స్థానికుల సాయంతో ఆస్పత్రికి తీసుకెళ్లగా మృతిచెందింది. యమున ఫిర్యాదు మేరకు హనుమకొండ పోలీసులు కేసు నమోదు చేసి దర్యాప్తు చేస్తున్నారు. ఎక్స్‌ప్రెస్‌ బస్సుల తగ్గింపుతో ప్రమాదం ● బస్సు దిగుతూ ప్రమాదానికి గురైన మహిళ ● టైరు కిందపడి నుజ్జునుజ్జయిన కాలు హన్మకొండ : ఎక్స్‌ప్రెస్‌ బస్సుల తగ్గింపు ప్రమాదాలకు దారి తీస్తుంది. హనుమకొండ జిల్లా బస్‌స్టేషన్‌ నుంచి హైదరాబాద్‌తో పాటు పలు ప్రధాన రూట్లలో ఎక్స్‌ప్రెస్‌ బస్సులు చాలా వరకు తగ్గించింది. దీంతో వచ్చిన బస్సు మహిళా ప్రయాణికులతో కిక్కిరిసి పోతున్నాయి. ఈ క్రమంలో సోమవారం రేగొండ మండలం దమ్మన్నపేటకు చెందిన అత్తకోడలు చుక్క నిర్మల, గౌతమి హైదరాబాద్‌ వెళ్లేందుకు ఎక్స్‌ప్రెస్‌ బస్సు ఎక్కారు. సీటు దొరక్కపోవడంతో పాటు నిలబడేందుకు కాలు పెట్టే స్థలం లేకపోవడంతో నిర్మల బస్సు దిగుతుండగా బస్సు కదలడంతో కింద పడిపోయింది. ఆమె ఎడమ కాలుపై నుంచి టైరు వెళ్లడంతో కాలు నుజ్జునుజ్జయింది. వెంటనే చికిత్స కోసం 108లో ఆస్పత్రికి తరలించారు. ఆర్టీసీ అధికారుల తీరుపై మండిపడ్డారు. కాగా నిర్మల భర్త శ్రీనివాస్‌, కుమారుడు వెంకటేశ్‌ మాట్లాడుతూ..ఈ ప్రమాదానికి ఆర్టీసీ పూర్తి బాధ్యత వహించాలని, వైద్య ఖర్చులు భరించాలని డిమాండ్‌ చేశారు.

కేయూ క్యాంపస్‌ : దేశంలో విద్యా వ్యవస్థను కాషాయీకరణ చేసేందుకు పాలక వర్గాలు కుట్రలు చేస్తున్నాయని సీపీఐ రాష్ట్ర కార్యదర్శి, ఎమ్మెల్యే కూనంనేని సాంబశివరావు పేర్కొన్నారు. సోమవారం అఖిల భారత విద్యార్థి సమాఖ్య (ఏఐఎస్‌ఎఫ్‌) 90వ వార్షికోత్సవం సందర్భంగా కాకతీయ యూనివర్సిటీలోని ఆడిటోరియంలో నిర్వహించిన బహిరంగ సభలో ఆయన ముఖ్యఅతిథిగా పాల్గొని మాట్లాడారు. ఈ సందర్భంగా సాంబశివరావు భగత్‌సింగ్‌ చిత్రపటానికి పూలమాల వేసి నివాళులర్పించారు. దేశంలో మొట్టమొదటి విద్యార్థి సంఘంగా ఏఐఎస్‌ఎఫ్‌ ఆవిర్భవించి 90ఏళ్లు పూర్తి చేసుకుందన్నారు. కమ్యూనిస్టు భావజాలాన్ని పుణికి పుచ్చుకున్న ఏఐఎస్‌ఎఫ్‌ భగత్‌సింగ్‌ వారసత్వంతోనే ఆవిర్భవించిందన్నారు. నాటి ప్రధానులు నెహ్రూ, అటల్‌జీ వంటి వారు కూడా ఈ సంఘంలో పనిచేశారని గుర్తు చేశారు. కేంద్రంలోని బీజేపీ ప్రభుత్వం విద్యారంగంలో కాషాయీకరణను చొప్పిస్తూ మతోన్మాదాన్ని పెంచి పోషిస్తోందని విమర్శించారు. ఒకప్పుడు విద్యాసంస్థల్లో ఎన్నికలు ఉండేవని, నాటి ఆర్‌ఈసీ తదితర సంస్థల్లో ఎంతోమంది విప్లవ నాయకులు ఎదిగి సమాజానికి సేవలను అందించారన్నారు. ఏఐఎస్‌ఎఫ్‌ జాతీయ ప్రధాన కార్యదర్శి దినేష్‌ సిరంగి రాజన్‌ మాట్లాడుతూ.. దేశంలో పాలకవర్గాలు అనుసరిస్తున్న విద్యార్థి వ్యతిరేక విధానాలను మార్చే శక్తి విద్యార్థులకు ఉందని పేర్కొన్నారు. ఈ సభలో ఏఐఎస్‌ఎఫ్‌ జాతీయ మాజీ అధ్యక్షుడు తక్కళ్లపల్లి శ్రీనివాస్‌రావు, సీపీఐ జిల్లా కార్యదర్శి కర్రె భిక్షపతి, ప్రజానాట్యమండలి రాష్ట్ర ప్రధాన కార్యదర్శి పల్లె నర్సింహా, ఏఐఎస్‌ఎఫ్‌ రాష్ట్ర అధ్యక్షుడు కసిరెడ్డి మణికంఠ రెడ్డి, కార్యదర్శి పుట్ట లక్ష్మణ్‌, తెలంగాణ రాష్ట్ర యూనివర్సిటీ ఇన్‌చార్జ్‌ రెహమాన్‌, హనుమకొండ జిల్లా అధ్యక్షుడు ఉట్కూరి ప్రణీత్‌గౌడ్‌, కార్యదర్శి భాషబోయిన సంతోష, వరంగల్‌ జిల్లా అధ్యక్షుడు దిడ్డి పార్దసారథి, కార్యదర్శి లాదెళ్ల శరత్‌తో పాటు తదితరులు పాల్గొన్నారు. వేలాది మంది విద్యార్థులతో భారీ ప్రదర్శన.. ఏఐఎస్‌ఎఫ్‌ 90వ వార్షికోత్సవం సందర్భంగా పబ్లిక్‌ గార్డెన్‌ నుంచి వివిధ కళాశాలలకు చెందిన వేలాది మంది విద్యార్థులతో భారీ ప్రదర్శన నిర్వహించారు. కేయూ ఆడిటోరియం కిక్కిరిసి పోయింది. ఈ సభలో ప్రజానాట్య మండలి కళాకారులు పాటలతో ఆకట్టుకున్నారు. పాట సీడీ ఆవిష్కరణ ఏఐఎస్‌ఎఫ్‌ 90 ఏళ్ల వార్షికోత్సవం సందర్భంగా జాతీయ మాజీ అధ్యక్షుడు, సీపీఐ రాష్ట్ర సహాయ కార్యదర్శి తక్కెళ్లపల్లి శ్రీనివాస్‌రావు రచించిన పాట సీడీని ఎమ్మెల్యే సాంబశివరావు ఆవిష్కరించారు. ఈ పాటను ప్రజానాట్య మండలి రాష్ట్ర ప్రధాన కార్యదర్శి పల్లె నర్సింహ కళాబృందం గానం చేసింది. సాంబశివరావును ఏఐఎస్‌ఎఫ్‌ జాతీయ, రాష్ట్ర నాయకులు సన్మానించారు. మంగళ, బుధవారాల్లో బాలవికాసలో ప్రతినిధుల సభ జరగనుంది. సీపీఐ రాష్ట్ర కార్యదర్శి, ఎమ్మెల్యే కూనంనేని సాంబశివరావు కేయూలో ఏఐఎస్‌ఎఫ్‌ 90వ వార్షికోత్సవ బహిరంగ సభ

ములుగు : పిల్లలు బరువు తగ్గకుండా, పోషకాహార లోపానికి గురికాకుండా ముందస్తుగా సంరక్షించేందుకు ‘తొలిముద్ద’ దోహదపడుతుందని రాష్ట్ర పంచాయతీరాజ్‌, శిశు సంక్షేమ శాఖ మంత్రి ధనసరి సీతక్క పేర్కొన్నారు. సోమవారం ములుగు కలెక్టరేట్‌లో మహిళా, శిశు సంక్షేమ శాఖ ఆధ్వర్యంలో ఏర్పాటు చేసిన కార్యక్రమంలో సీతక్క ముఖ్యఅతిథిగా హాజరై కలెక్టర్‌ బోర్ఖడే హేమంత్‌ సహదేవరావుతో కలిసి ‘తొలిముద్ద’ అల్పాహార కార్యక్రమాన్ని ప్రారంభించారు. ఈ సందర్భంగా మంత్రి సీతక్క మాట్లాడుతూ.. జిల్లాలో చిన్నారులకు పాలను అందిస్తున్నామని, ఇకపై పాలు, గుడ్లు, అల్పాహారం, మధ్యాహ్న భోజనం ద్వారా సంపూర్ణ పోషకాహారం లభిస్తుందని తెలిపారు. కలెక్టర్‌ బోర్ఖడే హేమంత్‌ సహదేవరావు మాట్లాడుతూ.. చిన్నారులకు అల్పాహారం అందించే ‘తొలిముద్ద’ కార్యక్రమానికి ములుగు జిల్లా ఎంపిక కావడం సంతోషకరమన్నారు. అనంతరం అంగన్‌వాడీ టీచర్లకు ‘తొలిముద్ద’ అల్పాహార కిట్లను మంత్రి సీతక్క, కలెక్టర్‌ బోర్ఖడే హేమంత్‌ సహదేవరావుతో కలిసి అందజేశారు. బేటీ బచావో–బేటీ పడావో కార్యక్రమంలో భాగంగా కిశోర బాలికలకు పోషకాహార కిట్లను పంపిణీ చేశారు. అదనపు కలెక్టర్లు మహేందర్‌ జీ, సంపత్‌ రావు, గ్రంథాలయ సంస్థ చైర్మన్‌ బానోత్‌ రవిచందర్‌, మార్కెట్‌ కమిటీ చైర్‌ పర్సన్‌ రేగ కళ్యాణి, మున్సిపల్‌ చైర్‌ పర్సన్‌ చింతనిప్పుల చంద్రకళ, వైస్‌ చైర్‌ పర్సన్‌ ఆసియా షాహిన్‌, ఆత్మ కమిటీ ప్రతినిధులు రఘు, రవీందర్‌ రెడ్డి, అరుణ, ప్రాంతీయ సంయుక్త సంచాలకురాలు కృష్ణవేణి, జిల్లా రెవెన్యూ అధికారి రవికుమార్‌, జిల్లా సంక్షేమ అధికారి ప్రేమలత, సీడీపీఓ శిరీష, ప్రజాప్రతినిధులు, అంగన్‌వాడీ టీచర్లు, సంబంధిత అధికారులు పాల్గొన్నారు. రాష్ట్ర శిశు సంక్షేమ శాఖ మంత్రి సీతక్క

ఖిలా వరంగల్‌ : మామునూరు ఎయిర్‌పోర్ట్‌ పనుల్లో మరో అడుగు పడింది. ఇప్పటికే రూ.203.49 కోట్ల అంచనా వ్యయంతో రన్‌వే ఆధునికీకరణ, ట్యాక్సీ వేలు, విమానాల పార్కింగ్‌ ఆప్రాన్‌, టర్మినల్‌కు అనుసంధాన రోడ్లు, గ్రౌండ్‌ సపోర్ట్‌, పలు మౌలిక వసతుల పనులకు టెండర్లు పిలిచిన ఎయిర్‌ఫోర్ట్స్‌ అథారిటీ ఆఫ్‌ ఇండియా(ఏఏఐ) .. తాజాగా మరో రూ.213.59 కోట్లతో నూతన డొమెస్టిక్‌ టెర్మినల్‌ బిల్డింగ్‌, ఏటీసీ టవర్‌ కమ్‌ టెక్నికల్‌ బ్లాక్‌, ఎలక్ట్రికల్‌ సబ్‌ స్టేషన్‌, ఫైర్‌ స్టేషన్‌, ఈ అండ్‌ ఎం వర్క్‌షాప్‌ నిర్మాణానికి టెండర్లు ఆహ్వానించింది. ఈ మొత్తం పనులను 18 నెలల వ్యవధిలో పూర్తి చేసేలా ఏఏఐ గడువు నిర్దేశించింది. దీంతో మామునూరు ఎయిర్‌పోర్టు అభివృద్ధి పనులు మరో కీలక దశలోకి చేరాయి. నవంబర్‌ 3 వరకు బిడ్ల దాఖలు ఈ ప్యాకేజీకి ఆక్టోబర్‌ 6 నుంచి నవంబర్‌ 3వ తేదీ వరకు బిడ్లు దాఖలు చేయడానికి ఆవకాశం కల్పించారు. నవంబర్‌ 9న టెక్నికల్‌ బిడ్లను, అదే నెల 30న ఫైనాన్షియల్‌ బిడ్లను తెరవనున్నట్లు ఏఏఐ అఽ ధికారులు తెలిపారు. టెండర్‌ ప్రక్రియ పూర్తయిన అనంతరం ఎంపికై న సంస్థకు పనులు అప్పగించి, నిర్ణీత కాలవ్యవధిలో పనులు పూర్తి చేయనున్నారు. మామునూరు ఎయిర్‌పోర్ట్‌ సందర్శన మామునూరు విమానాశ్రయాన్ని సోమవారం టెండర్‌దారులతో కలిసి ఏఏఐ ఆధికారులు సందర్శించారు. పాత రన్‌వేతోపాటు ప్రతిపాదిత నిర్మాణ ప్రాంతాలను పరిశీలించారు. అనంతరం హనుమకొండలోని హరిత కాకతీయ హోటల్‌లో నిర్వహించిన ప్రీ– బిడ్‌ సమావేశంలో రూ.213.59 కోట్ల ప్యాకేజీలో చేపట్టనున్న నిర్మాణాలు, సాంకేతిక అంశాలు, టెండర్‌ నిబంధనలపై టెండర్‌ దారులకు అధికారులు వివరించారు. టెండర్‌దారుల సందేహాలను అధికారులు నివృత్తి చేశారు. కార్యక్రమంలో ఏఏఐ ఏజీఎం నాగరాజ్‌, తహసీల్దార్‌ ఇక్బాల్‌, ఇతర శాఖల అధికారులు పాల్గొన్నారు. తాజాగా రూ.213.59 కోట్లతో టెండర్ల ఆహ్వానం అక్టోబర్‌ 6 నుంచి నవంబర్‌ 3వరకు బిడ్ల దాఖలుకు అవకాశం మామునూరు ఎయిర్‌పోర్ట్‌ను సందర్శించిన ఏఏఐ అధికారులు, టెండర్‌దారులు హరిత హోటల్‌లో ప్రీ–బిడ్‌ సమావేశం

మహబూబాబాదద్‌ అర్బన్‌: జిల్లాలోని ఎస్సీ, ఎస్టీ, బీసీ, మైనార్టీ గురుకుల పాఠశాలల టీచర్స్‌ అసోసియేషన్‌ జిల్లా కమిటీని ఎన్నుకున్నట్లు ఆ సంఘం రాష్ట్ర ఉపాధ్యక్షుడు వేమిరెడ్డి దిలీప్‌కుమార్‌రెడ్డి అన్నారు. సోమవారం జిల్లా కేంద్రంలోని మైనార్టీ గురుకుల పాఠశాలలో వివిధ గురుకులాల టీచర్లతో సమావేశం నిర్వహించారు. ఈమేరకు జిల్లా అధ్యక్షుడిగా సపావత్‌ వికాస్‌, ప్రధాన కార్యదర్శిగా జె.శ్రీనివాస్‌, ఉపాధ్యక్షురాలిగా నాజియాతసీం, అసోసియేషన్‌ అధ్యక్షురాలిగా ఎస్‌.లత, కార్యదర్శిగా పి.మౌనికను ఎన్నుకున్నారు. కార్యక్రమంలో రాష్ట్ర నాయకులు గుర్రం రమేశ్‌గౌడ్‌, నిర్మలానందం, కమటం నాగేశ్వర్‌రావు, పోనుగోటి విజయ్‌, సంజీవరెడ్డి, నరసింహ తదితరులు పాల్గొన్నారు.

మహబూబాబాద్‌: ప్రజావాణిలో స్వీకరించిన వినతులు వెంటనే పరిష్కరించాలని కలెక్టర్‌ స్నేహశబరీష్‌ అధికారులను ఆదేశించారు. కలెక్టరేట్‌లోని ప్రధాన సమావేశ మందిరంలో సోమవారం ప్రజావాణి కార్యక్రమం నిర్వహించగా కలెక్టర్‌ స్వయంగా వినతులు స్వీకరించారు. ఈసందర్బంగా ఆమె మాట్లాడుతూ.. ప్రజావాణిలో స్వీకరించిన ప్రతీ అర్జీని సంబంధిత శాఖల అధికారులు పరిష్కరించే విధంగా చర్యలు చేపట్టాలన్నారు. ప్రభుత్వ ఉద్యోగులు, అవుట్‌ సోర్సింగ్‌, కాంట్రాక్ట్‌ ఉద్యోగులందరూ ఆన్‌లైన్‌ ముఖచిత్ర హాజరు నమోదు చేసుకోవాలన్నారు. గురుకుల హాస్టళ్లు, ప్రభుత్వ వసతి గృహాల్లో మౌలిక వసతుల కల్పనకు కావాల్సిన ప్రతిపాదనలు సత్వరమే అందజేయాలన్నారు. గ్రాడ్యుయేట్‌ ఎమ్మెల్సీ ఎన్నికల్లో భాగంగా పట్టభద్రులు ఓటరుగా నమోదు చేసుకోవాలన్నారు. కాగా ప్రజావాణిలో 93 వినతులు వచ్చినట్లు అధికారులు తెలిపారు. కార్యక్రమంలో అదనపు కలెక్టర్‌ అనిల్‌కుమార్‌, ఇన్‌చార్జ్‌ అదనపు కలెక్టర్‌ పురుషోత్తం, డీఆర్వో నాగలక్ష్మి, జిల్లాస్థాయి అధికారులు పాల్గొన్నారు. వచ్చిన వినతుల్లో కొన్ని.. కేజీబీవీ ఉద్యోగులను ఇబ్బందులకు గురిచేస్తున్న జీసీడీఓ గాయత్రిని వెంటనే సస్పెండ్‌ చేయాలని కోరుతూ ఎస్‌ఎఫ్‌ఐ జిల్లా కార్యదర్శి మధు, నాయకులు అమీర్‌, నవీన్‌, సాయికుమార్‌ ప్రజావాణిలో వినతిపత్రం అందజేశారు. కాంగ్రెస్‌ ప్రభుత్వం ఇచ్చిన హామీలు అమలు చేయాలని అదనపు కలెక్టర్‌ అనిల్‌కుమార్‌కు బీజేపీ ఆధ్వర్యంలో వినతిపత్రం అందజేశారు. నాయకులు ఎల్ది మల్లయ్య, శ్యాంసుందర్‌శర్మ, రేష్మా, ప్రతాప్‌రెడ్డి, రవినాయక్‌ తదితరులు పాల్గొన్నారు తొర్రూరు మండలం వెలికట్టె గ్రామపంచాయతీ కార్యదర్శిపై చర్యలు తీసుకోవాలని పలువురు వార్డు సభ్యులు వినతి పత్రం అందజేశారు. కలెక్టర్‌ స్నేహశబరీష్‌

పింఛన్‌ వస్తుందో రాదో అని అర్హుల ఆందోళన సాక్షి, మహబూబాబాద్‌: జిల్లాలో అర్హులు చేయూత పింఛన్‌ల కోసం దరఖాస్తు చేసుకున్నారు. కాగా, అధికారులు అర్హుల జాబితాలో పేర్లు వచ్చిన వారి ఇంటికి వెళ్లి సర్టిఫికెట్లు పరిశీలిస్తున్నారు. ఈ క్రమంలో అన్ని అర్హతలు ఉన్నవారిని కూడా ఇబ్బందులు పెడుతున్నట్లు సమాచారం. విచారణకు వచ్చే అధికారుల్లో కొందరు సర్టిఫికెట్లు చూసి ఇవి పనికి రావని, మీరు పింఛన్‌కు అర్హులు కాదని చెబుతుండడంతో అన్ని అర్హతలు ఉన్న దరఖాస్తుదారులు ఆందోళన వ్యక్తం చేస్తున్నారు. దివ్యాంగుల్లో ఉత్కంఠ చేయూత పింఛన్‌ దరఖాస్తుల పరిశీలన ఈనెల 30 వరకు ముగియనుంది. కాగా, ప్రభుత్వం జారీ చేసిన దివ్యాంగ సర్టిఫికెట్‌ కాలపరిమితి ముగిసిన వారు ఉన్నారు. అయితే ఆ సర్టిఫికెట్‌లతోనే పలువురు దివ్యాంగులు చేయూత పింఛన్‌ మంజూరు కోసం దరఖాస్తు చేసుకున్నారు. ప్రస్తుతం అధికారులు వారి ఇంటికి వచ్చి విచారణ చేస్తున్నారు. ఈ క్రమంలో దివ్యాంగ సర్టిఫికెట్‌ కాలపరిమితి ముగిసిందని, రెన్యూవల్‌ చేసుకుంటేనే పింఛన్‌ వస్తుందని అధికారులు చెప్పి వెళ్లిపోయారు. కాగా, రెన్యూవల్‌ కోసం ఽఆన్‌లైన్‌లో దరఖాస్తు చేసుకోవడం, అధికారులు సదరం క్యాంపు పెట్టడం, తర్వాత సర్టిఫికెట్‌ జారీ చేయడం వంటి ప్రక్రియ పూర్తి అయ్యేవరకు సుమారు 20రోజులకు పైగా పడుతుంది. ఈనెల 30వరకు విచారణ గడువు ముగుస్తుంది. ఆలోపు సర్టిఫికెట్‌ రాదని, దీంతో తమ పింఛన్‌ పోతుందని దివ్యాంగులు ఆందోళన చెందుతున్నారు. దివ్యాంగులకు త్వరగా క్యాంపులు పెట్టడం, అర్హులైన వారికి సర్టిఫికెట్‌ ఇచ్చేవరకు అవకాశం కల్పించాలని కోరుతున్నారు. పైలేరియా బాధితుల్లో ఆందోళన.. చేయూత పింఛన్‌ దరఖాస్తులతో పాటు, పైలేరియా బాధితుల నుంచి కూడా దరఖాస్తులు తీసుకున్నారు. కాగా, సదరు డాక్టర్‌ సర్టిఫికెట్‌తో పాటు, జిల్లా వైద్యాధికారి కార్యాలయంలో ప్రత్యేక పరిశీలన కేంద్రం ఏర్పాటు చేసి అక్కడికి వచ్చిన బాధితులను పరిశీలించారు. ఆన్‌లైన్‌లో నమోదు చేశారు. ఇలా జిల్లాలో 1,320 మేరకు దరఖాస్తులు వచ్చాయి. అయితే గ్రామాల్లో చేయూత పింఛన్‌ మంజూరు కోసం విచారణ అధికారులు ఇంటింటికీ రావడంతో.. తాము చేసుకున్న దరఖాస్తు ఏమైందని.. తమ వద్దకు విచారణ అధికారులు రావడం లేదని పైలేరియా బాధితులు ఆందోళన చెందుతున్నారు. అయితే డాక్టర్‌ పరిశీలన పూర్తి అయ్యిందని, నేరుగా పింఛన్‌ మంజూరు అవుతుందని కొందరు చెబుతుండగా.. విచారణకు ఇంటికి వస్తారని మరికొందరు చెబుతున్నారు. దీంతో చివరకు పింఛన్‌ వస్తుందా రాదా అని పైలేరియా బాధితులు ఆందోళన వ్యక్తం చేస్తున్నారు. దరఖాస్తుదారుల సర్టిఫికెట్లు పరిశీలిస్తున్న అధికారులు ధ్రువపత్రాలపై అనుమానం వ్యక్తం చేస్తున్న వైనం చిన్నచిన్న తప్పులు సరిచేయకుండా తిరస్కరణఆందోళన అవసరం లేదుఅర్హులైన లబ్ధిదారులందరికీ పింఛన్‌ మంజూరు చేస్తారు. దరఖాస్తుతో ఇచ్చిన సర్టిఫికెట్ల పరిశీలన, వాస్తవ పరిస్థితి తెలుసుకునేందుకు అధికారులు నేరుగా లబ్ధిదారుడి ఇంటికి వెళ్తున్నారు. ప్రభుత్వం నుంచి వచ్చిన 360 డిగ్రీల యాప్‌ ద్వారా దరఖాస్తుదారుల ఆర్థిక, ఆస్తుల వివరాలు తెలుస్తాయి. అయితే ఇందులో తప్పులు ఉంటే.. వాటిని తిరస్కరించకుండా హోల్డ్‌లో పెట్టమని చెప్పాం. మరోసారి వాటిని పరిశీలించి అర్హులైతే పింఛన్‌ మంజూరు చేస్తారు. – మధుసూదన్‌ రాజు, జిల్లా గ్రామీణాభివృద్ధి అధికారి

● ఎస్పీ శబరీష్‌ కురవి: రోడ్డు ప్రమాదాల నివారణకు చర్యలు తీసుకోవాలని ఎస్పీ శబరీష్‌ ఆదేశించారు. సోమవారం కురవి పోలీస్‌స్టేషన్‌ను ఆయన సందర్శించి తనిఖీ చేశారు. మొక్కలు నాటి నీళ్లు పోశారు. సిబ్బంది యూనిఫామ్‌ పరిశీలించి ఆరోగ్యంపై ప్రత్యేక శ్రద్ధ వహిస్తూ హెల్త్‌ చెకప్‌లు చేయించుకోవాలని సూచించారు. అధికారులు, సిబ్బంది తమ పరిధిలోని గ్రామాలను క్రమం తప్పకుండా సందర్శించి ప్రజల సమస్యలను తెలుసుకోవాలన్నారు. పోలీస్‌ స్టేషన్‌ ను పరిశీలించి పరిశుభ్రంగా ఉండేలా చూసుకోవా లన్నారు. సీజ్‌ చేసిన వాహనాలను క్రమపద్ధతిలో భద్రపరచాలని సూచించారు. స్టేషన్‌లోని లాకప్‌, ఈసీఓపీఎస్‌, రైటర్స్‌రూమ్‌, వివిధ విభాగాలను పరిశీలించారు. సీసీటీఎన్‌ఎస్‌, ఈ సమన్స్‌, ఈ– సాక్ష్యా ఆన్‌లైన్‌ ఇన్వెస్టిగేషన్‌ రిపోర్ట్స్‌, టీజీ–కాప్‌ తదితర పోలీసింగ్‌ వ్యవస్థల అమలుపై సిబ్బందిని అడిగి తెలుసుకున్నారు. రౌటీ షీట్లు, సస్పెక్ట్‌ షీట్లు, గంజాయి నేరస్తులు , సీసీటీవీ సర్వేలైన్స్‌ తదితర అంశాలకు సబంధించిన రికార్డులను పరిశీలించారు. పోలీస్‌ స్టేషన్‌ పరిధిలో తరచూ రోడ్డు ప్రమాదాలు జరిగే ప్రాంతాలను గుర్తించి నివారణ చర్యలు తీసుకోవాలని ఆదేశించారు. మహిళలు, చిన్నారులకు సంబంధించిన ఫిర్యాదులపై స్పందనతోపాటు నిరంతరం పర్యవేక్షణ ఉండేలా చర్యలు తీసుకోవాలన్నారు. గుడుంబా, గంజాయిపై ప్రత్యేక నిఘా, డ్రంకెన్‌ డ్రైవ్‌లు నిర్వహించి నిబంధనలు ఉల్లంఘించే వారిపై చట్టపరమైన చర్యలు తీసుకోవాలని తెలిపారు. అక్రమ రవాణాపై నిఘా కొనసాగించాలని తెలిపారు. గంజాయి వినియోగం, విక్రాయలు, రవాణాకు పాల్పడే వారిపై నిఘా పెంచాలన్నారు. యువతను మాదకద్రవ్యాలకు దూరంగా ఉంచేందుకు గ్రామాలు, విద్యా సంస్థల్లో విస్తృత అవగాహన కల్పించాలన్నారు. పెండింగ్‌ కేసుల దర్యాప్తు వేగం పెంచాలని వివరించారు.

మహబూబాబాద్‌: ప్రధాన ఎన్నికల కమిషనర్‌(సీఈసీ) జ్ఞానేశ్‌కుమార్‌ను వెంటనే విధుల నుంచి తొలగించాలని డీసీసీ అధ్యక్షురాలు భూక్య ఉమ డిమాండ్‌ చేశారు. ఏఐసీసీ పిలుపు మేరకు కాంగ్రెస్‌ పార్టీ జిల్లా కమిటీ ఆధ్వర్యంలో సోమవారం స్థానిక తహసీల్దార్‌ కార్యాలయం నుంచి కలెక్టరేట్‌ వరకు బైక్‌ ర్యాలీ నిర్వహించారు. అనంతరం కలెక్టరేట్‌ ఎదుట ధర్నా నిర్వహించి జ్ఞానేశ్‌కుమార్‌ దిష్టి బొమ్మను దహనం చేశారు. ఈసందర్భంగా డీసీసీ అద్యక్షురాలు మాట్లాడుతూ.. దళితులు, మైనా ర్టీలు, గిరిజనుల ఓట్ల తొలగింపునకు ప్రధాని మో దీ, కేంద్ర హోంశాఖ మంత్రి అమిత్‌ షా కుట్ర చేస్తున్నారని ఆవేదన వ్యక్తం చేశారు. ఎస్‌ఐఆర్‌(సర్‌) పేరుతో ఓట్లను తొలగించడం సరికాదన్నారు. ప్ర జాస్వామ్యంలో ఓటు బ్రహ్మాస్త్రం లాంటిందన్నారు. రాజ్యాంగాన్ని, ప్రజాస్వామ్యాన్ని రక్షించుకోవాలన్నారు. ఓటు హక్కును కాపాడుకోవాలని, అందుకోసం ఉద్యమించాలని పిలుపునిచ్చారు. మోదీ, అమిత్‌ షా కుట్రలను తిప్పి కొట్టాలన్నారు. కార్యక్రమంలో నాయకులు బి. శ్రీనివాస్‌, యాదవరెడ్డి, చలమల నారాయణ, రామగోని రాజు, నీరుటి లక్ష్మీనారాయణ, ఎడ్ల రమేశ్‌, గిరిధర్‌గుప్తా, ఖలీల్‌, తిప్పర్తి శ్రధర్‌, వెంకట్‌, రవికుమార్‌, దిలీప్‌, రాజు, బాస్కర్‌, జ్ఞానేశ్వర్‌, నాళ్ల నర్సింహరావు, శ్రీనివాస్‌ తదితరులు పాల్గొన్నారు. డీసీసీ అధ్యక్షురాలు భూక్య ఉమ కాంగ్రెస్‌ ఆధ్వర్యంలో ర్యాలీ, ధర్నా

సాక్షిప్రతినిధి, వరంగల్‌ : టీజీఎస్‌ ఆర్టీసీ గుర్తింపు యూనియన్‌ ఎన్నికల ప్రచారం ఊపందుకుంది. అక్టోబర్‌ 9న ఎన్నికలు జరగనున్న నేపథ్యంలో కార్మిక సంఘాలు పోటాపోటీగా ప్రచారం నిర్వహిస్తున్నాయి. ఈ నెల 26న ఎన్నికల గుర్తులు కేటాయించడంతో ప్రచారంలో మరింత జోష్‌ వచ్చింది. షెడ్యూల్‌కు ముందే ప్రధాన యూనియన్లు రీజియన్‌ స్థాయిలో సర్వసభ్య సమావేశాలు నిర్వహించి కార్మికులను ఎన్నికలకు సన్నద్ధం చేశాయి. వరంగల్‌ రీజియన్‌లోని 9 ఆర్టీసీ డిపోలతోపాటు రీజినల్‌మేనేజర్‌ కార్యాలయం, జోనల్‌ స్టాఫ్‌ ట్రైనింగ్‌ కళాశాలలో పనిచేస్తున్న ఉద్యోగులు, కార్మికులు ఓటర్లుగా ఉన్నారు. కార్మికశాఖ ఇప్పటికే డ్రాఫ్ట్‌ ఓటరు జాబితాను విడుదల చేసి ఈనెల 25వరకు అభ్యంతరాల ను స్వీకరించింది. ఓటరు జాబితాను త్వరలోప్రకటించనుంది. మంగళవారం (నేడు) నమూనా బ్యాలెట్‌ను కార్మికశాఖ జారీ చేయనుంది. 12 యూనియన్లు.. రెండు కూటములు.. గుర్తింపు ఎన్నికల బరిలో మొత్తం 12యూనియన్లు ఉన్నాయి. అయితే ప్రధానంగా రెండు కూటముల మధ్యే పోటీ నెలకొంది. తెలంగాణ ఆర్టీసీ వర్కర్స్‌ యూనియన్‌ (అశ్వత్థామరెడ్డి వర్గం), స్టాఫ్‌ అండ్‌ వర్కర్స్‌ ఫెడరేషన్‌ (ఎస్‌డబ్ల్యూఎఫ్‌) ఒక కూటమిగా బరిలో ఉన్నాయి. ఎంప్లాయీస్‌ యూనియన్‌, నేషనల్‌ మజ్దూర్‌ యూనియన్‌ (ఎన్‌ఎంయూ), తెలంగాణ మజ్దూర్‌ యూనియన్‌ (టీఎంయూ–థామస్‌రెడ్డి వర్గం) మరో కూటమిగా పోటీ చేస్తున్నాయి. పొత్తుల ప్రకారం ఎస్‌డబ్ల్యూఎఫ్‌ ఖమ్మం, నల్లగొండ రీజియన్లలో పోటీ చేస్తుండగా.. తెలంగాణ ఆర్టీసీ వర్కర్స్‌ యూనియన్‌ వరంగల్‌తో పాటు రాష్ట్రంలోని ఇతర రీజియన్లు, అనుబంధ వర్క్‌షాపులు, రాష్ట్రస్థాయిలో పోటీ చేస్తోంది. మరో కూటమిలో ఎన్‌ఎంయూ వరంగల్‌ రీజియన్‌లో పోటీ చేస్తుండగా.. మిగతా రీజియన్లలో టీఎంయూ బరిలో ఉంది. క్లాస్‌–3 రాష్ట్రస్థాయి పోటీలో ఎంప్లాయీస్‌ యూనియన్‌ పోటీ చేస్తోంది. రాష్ట్ర, రీజియన్‌స్థాయి.. రెండు ఓట్లు.. గుర్తింపు ఎన్నికల్లో ప్రతీ కార్మికుడు రెండు ఓట్లు వేయాల్సి ఉంటుంది. క్లాస్‌–3లో రాష్ట్రస్థాయికి, క్లాస్‌–6లో రీజియన్‌ స్థాయికి ఓటు వేయనున్నారు. దీంతో రాష్ట్రస్థాయి కూటముల ప్రచారంతో పాటు వరంగల్‌ రీజియన్‌లో స్థానిక యూనియన్ల ప్రచారం కూడా జోరందుకుంది.ఆర్టీసీ గుర్తింపు ఎన్నికల్లో హోరాహోరీ పోరు ‘విల్లు–బాణం’ ‘కాగడ’ మధ్యే సవాల్‌ బరిలో 12 యూనియన్లు.. రెండు కూటములు.. నేడు నమూనా బ్యాలెట్‌ను జారీ చేయనున్న కార్మికశాఖ వరంగల్‌ రీజియన్‌లో క్లాస్‌–6కు ప్రధాన పోటీ తెలంగాణ ఆర్టీసీ వర్కర్స్‌ యూనియన్‌, ఎన్‌ఎంయూ మధ్యే కనిపిస్తోంది. తెలంగాణ ఆర్టీసీ వర్కర్స్‌ యూనియన్‌ ‘విల్లు–బాణం’ గుర్తుతో, ఎన్‌ఎంయూ ‘కాగడ’ గుర్తుతో బరిలో ఉన్నాయి. దీంతో వరంగల్‌ రీజియన్‌లో ఈ రెండు యూనియన్లు కార్మికులను ఆకట్టుకునేందుకు ముమ్మరంగా ప్రచారం చేస్తున్నాయి.కాంగ్రెస్‌ పార్టీ అనుబంధంగా ఉన్న తెలంగాణ ఆర్టీసీ వర్కర్స్‌ యూనియన్‌కు టీపీసీసీ సంపూర్ణ మద్దతు ప్రకటించింది. ఎన్నికల సమన్వయం కోసం టీపీసీసీ ఉపాధ్యక్షుడు బొంతు రామ్మోహన్‌ను ఇన్‌చార్జ్జ్‌గా నియమించింది. పార్టీ నాయకులు, కార్యకర్తలు ఇతర యూని యన్లను ప్రోత్సహించకుండా తెలంగాణ ఆర్టీసీ వర్కర్స్‌ యూనియన్‌కు సహకరించాలని సూచించినట్లు పార్టీ వర్గాలు తెలిపాయి.

వీసీలో సీఎస్‌ సంజయ్‌ జాజు మహబూబాబాద్‌: రెసిడెన్షియల్‌ విద్యాసంస్థల్లో విద్యార్థుల భద్రతకు అత్యంత ప్రాధాన్యం ఇవ్వాలని రాష్ట్ర ప్రభుత్వ ప్రధాన కార్యదర్శి సంజయ్‌ జాజు ఆదేశించారు. హైదరాబాద్‌ నుంచి సోమవారం ఆయన రెసిడెన్షియల్‌ విద్యాసంస్థల నిర్వహణపై అన్ని జిల్లాల కలెక్టర్‌లతో వీడియో కాన్ఫరెన్స్‌ నిర్వహించి సమీక్షించారు. ఈసందర్భంగా సీఎస్‌ సంజయ్‌జాజు మాట్లాడుతూ.. కలెక్టర్లు రెసిడెన్షియల్‌ విద్యాసంస్థలను ఆకస్మికంగా తనిఖీలు నిర్వహించి క్షేత్రస్థాయి పరిస్థితులను పరిశీలించాలన్నారు. ఆహారం, శానిటేషన్‌, మౌలిక వసతులు, ఉపాధ్యాయులు, విద్యార్థుల హాజరుశాతంపై ప్రత్యేక దృష్టి సారించాలన్నారు. ఫుడ్‌ పాయిజన్‌, ఎలుకలు, పాముకాటు ఘటనలు పునరావృతం కాకుండా పటిష్ట చర్యలు చేపట్టాలని ఆదేశించారు. శీతాకాలం దృష్ట్యా వెచ్చని నీరు, దుప్పట్లు ముందుగానే అందుబాటులో ఉంచాలన్నారు. దసరా నాటికి ప్రతీ విద్యార్థికి రెండు జతల యూనిఫామ్‌లు అందేలా చూడాలన్నారు. డ్యాష్‌ బోర్డు, ఇంటిగ్రేటెడ్‌ పోర్టల్‌లో వివరాలు ఎప్పటికప్పుడు నవీకరించాలన్నారు. వీసీలో కలెక్టర్‌ స్నేహశబరీష్‌, ఇన్‌చార్జ్‌ అదనపు కలెక్టక్‌ పురుషోత్తం, సంబంధిత అఽధికారులు పాల్గొన్నారు. ఫార్మర్‌ రిజిస్ట్రేషన్‌ చేసుకోవాలిమహబూబాబాద్‌ రూరల్‌ : రైతులు తప్పనిసరిగా ఫార్మర్‌ రిజిస్ట్రేషన్‌ చేసుకోవాలని జిల్లా వ్యవసాయ అధికారి విజయచంద్ర అన్నారు. మహబూబాబాద్‌ మున్సిపాలిటీ పరిధిలోని బేతోలు గ్రామంలో ఫార్మర్‌ రిజిస్ట్రేషన్‌ ప్రక్రి య కార్యక్రమాన్ని డీఏఓ సోమవారం సందర్శించి పరిశీలించారు. ఈ సందర్భంగా ఆయన మాట్లాడుతూ.. ఎరువుల బుకింగ్‌, పంట కొనుగోలు, పనిముట్లు, విత్తనాలు సబ్సిడీ, పంట రుణాలు పొందాలంటే భూమి కలిగిన ప్రతీ రైతు తప్పనిసరిగా రైతు రిజిస్ట్రీ చేసుకోవాలని సూచించారు. ఇప్పటివరకు నమోదు చేయించుకోని రైతులు వెంటనే ఈ నెల 30వ తేదీ లోగా రిజిస్ట్రేషన్‌ చేసుకోవాలని తెలిపారు. కార్యక్రమంలో మహబూబాబాద్‌ మండల వ్యవసాయ అధికారి తిరుపతిరెడ్డి, మల్యాల క్లస్టర్‌ ఏఈఓ బిట్ల సరిత, రైతులు పాల్గొన్నారు. క్రీడలను ప్రోత్సహిస్తున్న కాంగ్రెస్‌ ప్రభుత్వంమహబూబాబాద్‌ అర్బన్‌ : కాంగ్రెస్‌ ప్రభుత్వం క్రీడలతో పాటు క్రీడాకారులను ప్రోత్సహిస్తోందని ప్రభుత్వ విప్‌ జాటోతు రాంచంద్రునాయక్‌ అన్నారు. జిల్లా కేంద్రంలోని ఎన్టీఆర్‌ స్టేడియంలో సోమవారం ఇన్‌చార్జ్‌ డీఈఓ మందుల శ్రీరాములు అధ్యక్షతను ఎస్‌జీఎఫ్‌ జిల్లాస్థాయి క్రీడలు నిర్వహించారు. ప్రభుత్వ విప్‌ హాజరై మాట్లాడారు. యువత క్రీడల్లో రాణించి ప్రభుత్వ ఉద్యోగాలు సాధించవచ్చన్నారు. నవంబర్‌లో హైదరాబాద్‌లో ఖేలో ఇండియా యూత్‌ క్రీడలు నిర్వహించడానికి అన్ని ఏర్పాట్లు జరుగుతున్నాయని, క్రీడాకారులు అత్యంత ప్రతిభ కనబరించి జాతీయస్థాయిలో రాణించాలన్నారు. అనంతరం ఎమ్మెల్సీ రవీందర్‌రావు, మున్సిపల్‌ చైర్‌పర్సన్‌ జ్యోతి క్రీడలను ప్రారంభించారు. ఎస్‌జీఎఫ్‌ జిల్లా కార్యదర్శి వాసిరెడ్డి ప్రవీణ్‌రెడ్డి, కౌన్సిలర్‌ కాట భాస్కర్‌, డీఎస్పీ తిరుపతిరావు, జిల్లా క్రీడలశాఖ అధికారి ఓలేటి జ్యోతి, పోషకులు జిన్నారెడ్డి వెంకటేశ్వర్లు పద్మ, ఫిజికల్‌ డైరెక్టర్‌ డాక్టర్‌ కొమ్ము రాజేందర్‌, పీఈటీలు శంకర్‌ నాయక్‌, చాంప్లనాయక్‌, నాగిరెడ్డి, వెంకటేశ్వర్లు, కాశీ నాథ్‌, కమల్‌కిషోర్‌, భిక్షపతి, నాగేశ్వర్‌, సురేందర్‌ తదితరులు పాల్గొన్నారు. దివ్యాంగులకు ట్యాబ్‌ల పంపిణీమహబూబాబాద్‌: కలెక్టరేట్‌లోని జిల్లా సంక్షేమశాఖ కార్యాలయంలో సోమవారం డోర్నకల్‌ నియోజకవర్గానికి చెందిన పలువురు దివ్యాంగులకు బ్యాటరీ ట్రైసైకిళ్లు, ట్యాబ్‌లను ప్రభుత్వ విప్‌ రాంచంద్రునాయక్‌ పంపిణీ చేశారు. ఇన్‌చార్జ్‌ డీడబ్ల్యూఓ శిరీష, మరిపెడ మున్సిపల్‌ చైర్‌పర్సన్‌ ప్రగతిరెడ్డి, మార్కెట్‌ కమిటీ చైర్మన్‌ సుధాకర్‌ పాల్గొన్నారు. శివలింగాన్ని తాకిన సూర్యకిరణాలు గూడూరు: మండల కేంద్రంలోని సనాతన శివాల యం గర్భగుడిలో శివలింగాన్ని సోమవారం ఉద యం 6.15నుంచి 6.25గంటల వరకు సూర్యకిరణాలు తాకాయి. ప్రతీ సంవత్సరం ఉత్తరాయణ, దక్షిణాయణ పుణ్యకాలంలో శివలింగాన్ని సూర్యకిరణాలు తప్పకుండా తాకుతాయి.

హన్మకొండ అర్బన్‌ : రాష్ట్రవ్యాప్తంగా జాతీయ ఆరోగ్య మిషన్‌లో వివిధ విభాగాలు, కేడర్లలో ఏళ్లుగా సేవలందిస్తున్న ఉద్యోగుల సమస్యలు పరిష్కరించాలని డిమాండ్‌ చేస్తూ ఎన్‌హెచ్‌ఎం జేఏసీ పోరుబాట పట్టింది. ఇందులో భాగంగా ఈనెల 28న( సోమవారం) చలో కమిషనరేట్‌ నిర్వహించి సమ్మె నోటీసు అందజేయనున్నట్లు ప్రకటించింది. ప్రభుత్వం స్పందించకపోతే అక్టోబర్‌ 12 నుంచి నిరవధిక సమ్మె చేపట్టనున్నట్లు తెలిపింది. రాష్ట్రవ్యాప్తంగా సుమారు 17 వేల మంది ఎన్‌హెచ్‌ఎం ఉద్యోగులు పనిచేస్తున్నట్లు జేఏసీ తెలిపింది. ప్రభుత్వం దృష్టికి సమస్యలు.. ఉద్యోగుల సమస్యల పరిష్కారం కోసం గత, ప్రస్తు త ప్రభుత్వాలు ఇచ్చిన హామీలను నెరవేర్చకపోగా ఉద్యోగులను మరింత ఇబ్బందులకు గురిచేసే చర్యలు తీసుకుంటున్నాయని, దీంతో తమకు పోరుబాట తప్పడం లేదని ఉద్యోగ సంఘాల జేఏసీ రాష్ట్ర నాయకులు స్పష్టం చేశారు. ఇప్పటికే సమస్యల పరిష్కారం కోసం రాష్ట్ర వ్యాప్తంగా ప్రజాప్రతినిధులందరినీ కలిశామని, ప్రభుత్వం దృష్టికి కూడా సమస్యలు తీసుకెళ్లామన్నారు. అయినా ఎలాంటి హామీ లభించలేదని ఆవేదన వ్యక్తం చేశారు. ఇప్పటికే అధికారులకు వినతిపత్రాలు సోమవారం హైదరాబాద్‌లోని కమిషనరేట్‌ కార్యాలయం వద్ద చలో కమిషనరేట్‌ నిర్వహించి కమిషనర్‌కు సమ్మె నోటీసు అందజేయనున్నామని నాయకులు తెలిపారు. జిల్లాల వారీగా సంబంధిత అధికారులకు ఇప్పటికే వినతిపత్రాలు సమర్పించామన్నారు. కార్యక్రమంలో పాల్గొనేందుకు ఉద్యోగులు సాధారణ సెలవు కోసం అధికారులకు దరఖాస్తులు సమర్పించారని తెలిపారు. ఉద్యోగుల భవిష్యత్‌ కాపాడాలి.. ఎన్నో సంవత్సరాలుగా ప్రభుత్వ ఆరోగ్య వ్యవస్థలో సేవలందిస్తున్న ఎన్‌హెచ్‌ఎం ఉద్యోగులకు ఉద్యోగ భద్రత, హక్కులు, భవిష్యత్‌పై స్పష్టత లేకపోవడంతో ఆందోళన నెలకొందని జేఏసీ తెలిపింది. సమస్యలను సకాలంలో పరిష్కరించకపోవడంతో ఉ ద్యోగులు తీవ్ర ఒత్తిడికి గురవుతున్నారని పేర్కొంది. ప్రజల ఆరోగ్యాన్ని కాపాడుతున్న ఎన్‌హెచ్‌ఎం ఉద్యోగుల భవిష్యత్‌ను ప్రభుత్వం కాపాడాలని, ఏ ళ్ల తరబడి అందిస్తున్న సేవలకు గుర్తింపు, ఉద్యోగ భద్రత, న్యాయమైన హక్కులు కల్పించాలని ఎన్‌హెచ్‌ఎం జేఏసీ నేతలు విజ్ఞప్తి చేస్తున్నారు. శాంతియుత నిరసనకు కదిలిరావాలి నేడు నిర్వహించనున్న చలో కమిషనరేట్‌ కార్యక్రమానికి రాష్ట్రంలోని ఎన్‌హెచ్‌ఎం ఉద్యోగులందరూ శాంతియుతంగా, క్రమశిక్షణతో పెద్ద సంఖ్యలో హాజరై విజయవంతం చేయాలి. ప్రభుత్వం స్పందించే వరకు ఆందోళన విరమించేదిలేదు. ఐక్య ఉద్యమాలతో సమస్యలను పరిష్కరించుకుందాం. – డాక్టర్‌ మహేందర్‌రావు పుట్ట, ఎన్‌హెచ్‌ఎం జేఏసీ రాష్ట్ర అధ్యక్షుడుప్రాణం తీసిన ఈత సరదా ● మున్నేరు వాగులో పడి యువకుడి మృతిడోర్నకల్‌: ఈత సరదా ఒకరిప్రాణం తీసింది. మహబూబాబాద్‌ జిల్లా డోర్నకల్‌ సమీపంలోని మున్నేరువాగులో ఆదివారం ఈతకు వెళ్లి ఓ యువకుడు ప్రా ణం కోల్పోయాడు. ప్రత్యక్ష సాక్షులు, డోర్నకల్‌ సీఐ చంద్రమౌళి తెలిపిన వివరాల ప్రకారం.. కొత్తగూడెం ప్రాంతంలోని రుద్రంపూర్‌ ఏరియా తిలక్‌నగర్‌కు చెందిన గడ్డం మధు అలియాస్‌ బాలరాజు(25) తన మిత్రులు భార్గవ్‌, రాహుల్‌, పర్వేష్‌తో క లిసి శనివారం రాత్రి కారులో కారెపల్లి మండలం క మలాపురంలోని తెలిసిన వారి ఇంటికి వచ్చారు. ఆదివారం ఉదయం డోర్నకల్‌ చేరుకుని సమీపంలోని మున్నేరువాగు వద్దకు వెళ్లారు. మధు ఈత కొ డతానంటూ నీటిలోకి దిగాడు. లోతు ప్రాంతానికి వెళ్లి మునుగుతుండగా సమీపంలోని వారు నీటిలోకి వెళ్లి మధును కాపాడే ప్రయత్నం చేశారు. అప్పటికే నీటిలో పూర్తిగా మునిగిపోయాడు. దీంతో మి త్రులు డయల్‌ 100కు సమాచారం అందించగా సీఐ చంద్రమౌళి, ఫైర్‌ స్టేషన్‌ సిబ్బంది ఘటనాస్థలికి చేరుకున్నారు. మత్స్యకారుడు శ్రీనివాస్‌ సాయంతో ఫైర్‌ సిబ్బంది మధు మృతదేహాన్ని బయటకు తీశా రు. మృతుడు మధు భార్య గర్భవతిగా ఉందని స మాచారం.పోస్టుమార్టం నిమిత్తం మృతదేహాన్ని మ హబూబాబాద్‌ ఏరియా ఆస్పత్రికి తరలించారు.నేడు చలో కమిషనరేట్‌ 12 నుంచి నిరవధిక సమ్మెలో ఎన్‌ హెచ్‌ఎం సిబ్బంది అత్యవసర వైద్య సేవలకు ఇబ్బందులు తలెత్తే అవకాశం

న్యూశాయంపేట : రాష్ట్రంలో మైనార్టీ వర్గాల హక్కుల పరిరక్షణ, ఆర్థిక, సామాజిక, రాజకీయ పురోగతి కోసం ఐక్యపోరాటాలే శరణ్యమని తెలంగాణ స్టేట్‌ మైనార్టీ హక్కుల పోరాట సమితి రాష్ట్ర అధ్యక్షుడు మహ్మద్‌ అబ్దుల్‌ వాహబ్‌ అన్నారు. ఆదివారం హనుమకొండ ములుగు రోడ్డులోని ముస్లిం కమ్యూనిటీ సెంటర్‌లో హక్కుల పోరాట సమితి హనుమకొండ, వరంగల్‌ జిల్లాల అధ్యక్షులు మహ్మద్‌ మోహిబుద్దీన్‌, మహ్మద్‌ హామీద్‌ షరీఫ్‌ల అధ్యక్షతన ‘మైనార్టీల ప్రధాన సమస్యలు–పరిష్కార మార్గాలు’ అనే అంశంపై నిర్వహించిన రౌండ్‌ టేబుల్‌ సమావేశంలో ఆయన ముఖ్యఅతిథిగా పాల్గొని మాట్లాడారు. మైనార్టీల సంక్షేమానికి బడ్జెట్‌లో కేటాయిస్తున్న నిధులను కేవలం కాగితాలకే పరిమితం చేయకుండా పూర్తి స్థాయిలో విడుదల చేసి ఖర్చు చేయాలని డిమాండ్‌ చేశారు. అనంతరం ఉమ్మడి వరంగల్‌ జిల్లా మైనార్టీ జాయింట్‌ యాక్షన్‌ కమిటీ(జేఏసీ)ని ఏకగ్రీవంగా ఎన్నుకున్నారు. చైర్మన్‌గా మహ్మద్‌ అబ్దుల్‌ ఖలీఖ్‌ తన్వీర్‌, గ్రేటర్‌ వరంగల్‌ సిటీ అధ్యక్షుడిగా మహ్మద్‌ ఖాదర్‌వలీతో పాటు మరో 21మంది కోచైర్మన్లతో కమిటీని రాష్ట్ర అధ్యక్షుడు ప్రకటించారు. కాంగ్రెస్‌ పార్టీ వరంగల్‌ జిల్లా అధ్యక్షుడు మహ్మద్‌ అయూబ్‌, బీఆర్‌ఎస్‌ సీనియర్‌ నాయకులు సయ్యద్‌ మసూద్‌, డాక్టర్‌ రాజ్‌మహ్మద్‌, సిరాజ్‌ అహ్మద్‌, తాజుద్దీన్‌, నయీముద్దీన్‌, మహ్మద్‌ అలీ తదితరులు పాల్గొన్నారు. టీఎస్‌ఎంహెచ్‌పీఎస్‌ రాష్ట్ర అధ్యక్షుడు అబ్దుల్‌ వాహబ్‌ వరంగల్‌ ఉమ్మడి జిల్లా జేఏసీ ఎన్నిక

కేయూ క్యాంపస్‌ : కాకతీయ యూనివర్సిటీ పరిధిలో ఉమ్మడి వరంగల్‌, ఖమ్మం, ఆదిలాబాద్‌ జిల్లాల్లో ఈనెల 28,30 తేదీల్లో నిర్వహించాల్సిన దూరవిద్య (ఎస్‌డీఎల్‌సీ) పీజీ మూడో సెమిస్టర్‌ పరీక్షలు వాయిదా వేసినట్లు కేయూ పరీక్షల నియంత్రణాధికారి కె. రాజేందర్‌ ఆదివారం తెలిపారు. ‘సెట్‌’ నేపథ్యంలో ఆయా పరీక్షలను వాయిదావేశామని చెప్పారు. మిగతా అన్ని పరీక్షలు టైంటేబుల్‌ ప్రకారం యథావిఽధిగా కొనసాగుతాయని పేర్కొన్నారు. వాయిదాపడిన ఆయా పరీక్షలను ఎప్పుడు నిర్వహించేది తర్వాత ప్రకటిస్తామని తెలిపారు. రోడ్డు ప్రమాదంలో జీపీ ఎలక్ట్రీషియన్‌ మృతి నర్మెట: రోడ్డు ప్రమాదంలో నర్మెట గ్రామ పంచాయతీ (ఎంపీడబ్ల్యూ) ఎలక్ట్రీషియన్‌ గాదెర రత్నం (57) మృతి చెందాడు. పోలీసుల కథనం ప్రకారం.. నిడిగొండకు చెందిన చేరుపల్లి దేవానందరావు కుమారుడు దినేశ్‌ (మైనర్‌) ఆదివారం తనసోదరితో కలిసి బైక్‌పై చిల్పూరు మండలం శ్రీపతిపల్లిలోని బంధువుల ఇంటికి వెళ్తున్నాడు. ఈ క్రమంలో రత్నం బైక్‌పై మండల కేంద్రానికి వస్తున్నాడు. ఈ సమయంలో రెండు బైక్‌లు ఎదురుగా ఢీకొనడంతో రత్నానికి తీవ్ర గాయాలయ్యాయి. దీంతో స్థానికులు వెంటనే జనగామకు తరలిస్తున్న క్రమంలో మృతిచెందాడు. ఈ ఘటనపై మృతుడి కుమారుడు కిరణ్‌ ఫిర్యాదు మేర కేసు నమోదు చేసి దర్యాప్తు చేస్తున్నట్లు ఎస్సై నైనాల నగేశ్‌ తెలిపారు. సీఏఎస్‌ ఆర్‌ఎంఓ పోస్టులకు దరఖాస్తుల ఆహ్వానం కాశిబుగ్గ: వైద్య విద్యా సంచాలకులు (డైరెక్టర్‌ ఆఫ్‌ మెడికల్‌ ఎడ్యుకేషన్‌) హైదరాబాద్‌ నియంత్రణలో కాకతీయ మెడికల్‌ కాలేజీ(కేఎంసీ)లో నాలుగు సీఏఎస్‌ ఆర్‌ఎంఓ పోస్టులకు దరఖాస్తులు స్వీకరిస్తున్నట్లు ప్రిన్సిపాల్‌ మోహన్‌దాస్‌ ఆదివారం ఒక ప్రకటనలో తెలిపారు. పూర్తిగా తాత్కాలిక ప్రాతిపదికన కాంట్రాక్టు పద్ధతిలో మార్చి 31, 2027 వరకు లేదా అవసరం ముగిసేవరకు, లేదా రెగ్యులర్‌ పోస్టులు భర్తీ అయ్యే వరకు ఎంపికై న వైద్యులకు అవకాశం ఉంటుందని పేర్కొన్నారు. ఈ పోస్టులకు ఈనెల 29 నుంచి 31వ తేదీ వరకు దరఖాస్తులు స్వీకరిస్తామన్నారు. అక్టోబర్‌ 5న తాత్కాలిక జాబితా ప్రకటన, 6 నుంచి 7 వరకు అభ్యంతరాలు ప్రకటన, స్వీకరణ, అనంతరం ఎంపిక ప్రక్రియ వివరాలను వెబ్‌ సైట్‌లో ప్రకటిస్తామని ఆయన వివరించారు. పూర్తి వివరాలను www.kmcwgl.com. వెబ్‌సైట్‌లో తెలుసుకోవాలని సూచించారు. రైతు ఆత్మహత్య బచ్చన్నపేట : ఓ రైతు ఆత్మహత్యకు పాల్పడ్డాడు. ఈ ఘటన ఆదివారం జనగామ జిల్లా బచ్చన్నపేటలో చోటు చేసుకుంది. కుటుంబ సభ్యుల కథనం ప్రకారం.. మండల కేంద్రానికి చెందిన పెద్ద చిటి దుర్గారెడ్డి (57) వ్యవసాయ చేసుకుంటూ జీవనం కొనసాగిస్తున్నాడు. ఈక్రమంలో ఏమైందో తెలియదు కానీ పోచన్నపేట రోడ్డులో ఓ చెట్టుకు ఉరేసుకుని ఆత్మహత్యకు పాల్పడ్డాడు. గమనించిన చుట్టు పక్కల రైతుల సమాచారం మేరకు కుటుంబ సభ్యులు ఘటనాస్థలికి చేరుకుని చూడగా దుర్గారెడ్డి అప్పటికే చనిపోయాడు. మృతుడికి భార్య లక్ష్మి, కుమారుడు, కూతురు ఉన్నారు. ఎస్సై శ్రీకాంత్‌ ఘటనాస్థలికి చేరుకుని మృతదేహాన్ని పోస్టుమార్టం నిమిత్తం బచ్చన్నపేట ఏరియా ఆస్పత్రికి తరలించారు. కాగా, దుర్గారెడ్డి ఆత్మహత్యకు గల కారణాలు తెలియాల్సి ఉందని ఎస్సై తెలిపారు.

సాక్షిప్రతినిధి, వరంగల్‌ : విద్యార్థి ఉద్యమాల చరి త్రకు సాక్షిగా నిలిచిన హనుమకొండ మరో కీలక ఘట్టానికి వేదిక కానుంది. అఖిల భారత విద్యార్థి సమాఖ్య (ఏఐఎస్‌ఎఫ్‌) 90 ఏళ్ల ఉద్యమ ప్రస్థానాన్ని పురస్కరించుకుని నిర్వహిస్తున్న తెలంగాణ రాష్ట్ర స్థాయి వార్షికోత్సవాలకు నగరం ముస్తాబైంది. సోమవారం నుంచి బుధవారం వరకు మూడు రోజులపాటు జరిగే ఈ వేడుకల్లో విద్యార్థుల భారీ ప్రదర్శన, బహిరంగ సభ, మాజీ విద్యార్థి నాయకుల సమ్మేళనం, విద్యారంగంపై సెమినార్‌, రాష్ట్ర ప్రతినిధుల సభ నిర్వహించనున్నారు. రాష్ట్రవ్యాప్తంగా వివిధ జిల్లాల నుంచి విద్యార్థి ప్రతినిధులు, నాయకులు తరలిరానుండడంతో నిర్వాహకులు ఏర్పాట్లు పూర్తి చేశారు. కేయూ ఆడిటోరియంలో బహిరంగ సభ.. వార్షికోత్సవాల్లో భాగంగా తొలిరోజు సోమవారం హనుమకొండలో భారీ విద్యార్థి ప్రదర్శన నిర్వహించనున్నారు. పబ్లిక్‌ గార్డెన్‌ నుంచి కాకతీయ యూనివర్సిటీ వరకు ప్రదర్శన కొనసాగనుంది. అనంతరం కేయూ ఆడిటోరియంలో బహిరంగ స భ నిర్వహిస్తారు. ఈ సభకు సీపీఐ రాష్ట్ర కార్యదర్శి, ఎమ్మెల్యే కూనంనేని సాంబశివరావు, ఏఐఎస్‌ఎఫ్‌ జాతీయ ప్రధాన కార్యదర్శి దినేశ్‌ సిరంగి రాజన్‌, జాతీయ మాజీ అధ్యక్షుడు తక్కళ్లపల్లి శ్రీనివాసరా వు, ఎమ్మెల్సీ నెల్లికంటి సత్యం హాజరుకానున్నారు. రేపు మాజీ నాయకుల సమ్మేళనం.. రెండో రోజు మంగళవారం కాజీపేటలోని బాల వికాస కేంద్రంలో ఏఐఎస్‌ఎఫ్‌ మాజీ ముఖ్య నాయకుల సమ్మేళనం నిర్వహించనున్నారు. మాజీ ఎంపీ బోయినపల్లి వినోద్‌కుమార్‌, సీపీఐ జాతీయ కార్యదర్శి, మాజీ ఎమ్మెల్యే పల్లా వెంకటరెడ్డి, మాజీ ఎంపీ సయ్యద్‌ అజీజ్‌ పాషా తదితరులు పాల్గొననున్నారు. ఏఐఎస్‌ఎఫ్‌లో పనిచేసి వివిధ రంగాల్లో స్థిరపడిన మాజీ నాయకులను ఈ సందర్భంగా ఘనంగా సన్మానించనున్నారు. విద్యార్థి దశలో ఉద్యమాల్లో పాల్గొని అనంతరం రాజకీయాలు, న్యాయ, వైద్య, సాంకేతిక తదితర రంగాల్లో రాణిస్తున్న పూర్వ నాయకులు ఒకే వేదికపైకి రానుండడం ఈ సమ్మేళనానికి ప్రత్యేకతగా నిలవనుంది. విద్యారంగ సవాళ్లపై చర్చ.. విద్యారంగం ఎదుర్కొంటున్న సవాళ్లపై ప్రత్యేక సె మినార్‌ నిర్వహించనున్నారు. ప్రముఖ విశ్లేషకులు మల్లేపల్లి లక్ష్మయ్య, కేయూ వీసీ కె. ప్రతాప్‌రెడ్డి, రి టైర్డ్‌ ప్రొఫెసర్‌ మార్క శంకర్‌ నారాయణ తదితరులు పాల్గొంటారు. ప్రస్తుత విద్యావ్యవస్థలో నెలకొన్న సమస్యలు, విద్యార్థులు ఎదుర్కొంటున్న స వా ళ్లు, విద్యారంగంలో చేపట్టాల్సిన మార్పులపై చ ర్చించనున్నారు. వేడుకల్లో చివరి రోజైన బుధవా రం కాజీపేట బాలవికాస కేంద్రంలో రాష్ట్ర ప్రతిని ధుల సభ నిర్వహిస్తారు. రాష్ట్రవ్యాప్తంగా వచ్చిన ప్రతినిధులు విద్యారంగ సమస్యలపై చర్చించి పరిష్కారానికి కార్యాచరణ రూపొందించనున్నారు. రాష్ట్రవ్యాప్తంగా తరలివస్తున్న ప్రతినిధులు.. ఏఐఎస్‌ఎఫ్‌ 90వ వార్షికోత్సవాల నిర్వహణ కోసం రాష్ట్ర, జిల్లా నాయకులు కొన్ని రోజులుగా ఏర్పాట్లు చేస్తున్నారు. రాష్ట్ర అధ్యక్షుడు కసిరెడ్డి మణికంఠరెడ్డి, కార్యదర్శి పుట్టా లక్ష్మణ్‌, తెలంగాణ రాష్ట్ర యూనివర్సిటీల ఇన్‌చార్జ్‌ రహమాన్‌ తదితరులు ఏర్పాట్లను పర్యవేక్షిస్తున్నారు. రాష్ట్రవ్యాప్తంగా విద్యార్థి నాయకులు, ప్రతినిధులు హాజరుకానున్న నేపథ్యంలో 28, 29,30 తేదీల్లో మూడు రోజులపాటు హనుమకొండలో విద్యార్థి ఉద్యమ సందడి నెలకొననుంది.స్వాతంత్య్రోద్యమ కాలం నుంచి పోరాట ప్రస్థానంఅఖిల భారత విద్యార్థి సమాఖ్య 1936లో ఏర్పాటై దేశ విద్యార్థి ఉద్యమ చరిత్రలో ప్రత్యేక స్థానాన్ని సంపాదించుకుంది. స్వాతంత్య్రోద్యమ కాలం నుంచి విద్యార్థుల హక్కులు, విద్యారంగ సమస్యలపై ఉద్యమాలు చేపట్టిన సంస్థగా గుర్తింపు పొందింది. తొమ్మిది దశాబ్దాల ప్రస్థానాన్ని పురస్కరించుకుని నిర్వహిస్తున్న ఈ వేడుకలు విద్యార్థి ఉద్యమ గతాన్ని గుర్తుచేసుకోవడంతోపాటు, ప్రస్తుత విద్యారంగ సమస్యలపై చర్చించి భవిష్యత్‌ కార్యాచరణ రూపొందించేందుకు వేదిక కానున్నాయి.9 దశాబ్దాల పోరాటం.. నేటినుంచి మూడు రోజుల పండుగ పబ్లిక్‌ గార్డెన్‌ నుంచి కేయూ వరకు భారీ విద్యార్థి ప్రదర్శన ప్రారంభ సభకు ఎమ్మెల్యే కూనంనేని సాంబశివరావు, జాతీయ, రాష్ట్ర నాయకులు

భీమదేవరపల్లి: రైతు సంక్షేమమే ధ్యేయంగా దేశంలోని సహకార సంఘాలకు ఆదర్శంగా నిలిచింది హనుమకొండ జిల్లా భీమదేవరపల్లి మండలంలోని ముల్కనూరు సహకార గ్రామీణ పరపతి, మార్కెటింగ్‌ సొసైటీ. 1956లో కొద్దిమంది రైతులతో ప్రారంభమైన ఈ సొసైటీ నేడు వేలాది మంది రైతులకు విస్తృత సేవలు అందిస్తూ ప్రపంచవ్యాప్తంగా ప్రత్యేక గుర్తింపు పొందింది. రైతు సంక్షేమం, సహకార రంగంలో అందిస్తున్న సేవలకు ముల్కనూరు సొసైటీ రాష్ట్ర, జాతీయ స్థాయిలో పలు అవార్డులు అందుకుంది. సోమవారం 70వ వార్షికోత్సవం సందర్భంగా ‘సాక్షి’ ప్రత్యేక కథనం 7,464 మంది సభ్యులకు సేవలు.. ముల్కనూరు సొసైటీ వ్యవస్థాపక అధ్యక్షుడు దివంగత అలిగిరెడ్డి కాశీ విశ్వనాథరెడ్డి రైతుల సంక్షేమాన్ని లక్ష్యంగా చేసుకుని సొసైటీకి బలమైన పునాది వేశారు. అప్పట్లో రూ.100తో ప్రారంభమైన సంస్థ క్రమంగా అభివృద్ధి చెంది నేడు 42,663 కోట్ల రూపాయల ఆర్థిక లావాదేవీలు నిర్వహించే స్థాయికి చేరుకుంది. సుమారు 144 మంది ఉద్యోగులతో 14 గ్రామాల్లో 7,464 మంది సభ్యులకు సేవలందిస్తోంది. రైతే రాజు.. ఇదే సొసైటీ లక్ష్యంగా.. రైతులకు సొసైటీ పంట రుణాలు, మధ్యకాలిక, దీర్ఘకాలిక రుణాలు అందిస్తోంది. అంతేకాకుండా పంటలకు అవసరమైన ఎరువులు, విత్తనాలు, పురుగుమందులు, విద్యుత్‌ మోటార్లు, పైపులైన్లకు రుణ సాయం అందిస్తోంది. పాడిపశువులు, గొర్రెలు, ట్రాక్టర్ల కొనుగోళ్లకు సైతం ఆర్థిక సహకారం అందిస్తోంది. రైతు పండించిన ధాన్యం, పత్తిని సొసైటీ కొనుగోలు చేస్తోంది. సొసైటీ వ్యాపార కార్యకలాపాల ద్వారా వచ్చే నికర లాభాలు 2026లో సుమారు 7.22 కోట్లు రైతుల సంక్షేమానికి వినియోగించడం ప్రత్యేకతగా నిలిచింది. ఏటా విజ యదశమి సందర్భంగా లాభాల్లో కొంత భాగాన్ని బోనస్‌ రూపంలో సభ్యులకు అందిస్తోంది. ఎరువుల కొరత లేకుండా.. ఖరీఫ్‌, రబీ సీజన్లలో రైతులకు ఎరువుల కొరత రాకుండా సొసైటీ ముందస్తు చర్యలు చేపడుతోంది. ఏటా సుమారు రూ.6 కోట్ల విలువైన ఎరువులను నిల్వ ఉంచి అవసరమైన సమయంలో రైతులకు అందుబాటులో ఉంచుతోంది. సొసైటీ పరిధిలోని గ్రామాల్లో గోదాములు ఏర్పాటు చేసి రైతులకు గ్రామస్థాయిలోనే ఎరువులు, ఇతర వ్యవసాయ ఉత్పాదకాలను అందిస్తోంది. సీడ్‌ బౌల్‌ ఆఫ్‌ తెలంగాణగా సొసైటీ గుర్తింపు సొసైటీ నాణ్యమైన విత్తనాల ఉత్పత్తి, శుద్ధిలోనూ ప్రత్యేక గుర్తింపు పొందింది. 1965లో ప్రారంభమై న విత్తన శుద్ధి కార్యక్రమం క్రమంగా విస్తరించి అ త్యాధునిక విత్తన శుద్ధి కర్మాగారాల స్థాయికి చేరింది. నాణ్యమైన వరితో పాటు మొక్కజొన్న విత్తనాల ను కూడా రైతులకు అందిస్తుంది. తెలుగు రాష్ట్రాలతోపాటు మహారాష్ట్ర, ఛత్తీస్‌గఢ్‌, కర్నాటక ప్రాంతా ల రైతులు సైతం ముల్కనూరులో తయారయ్యే వి త్తనాలు కొనుగోలు చేస్తున్నారు. అందుకే సీడ్‌ బౌల్‌ ఆఫ్‌ తెలంగాణగా ముల్కనూరు సొసైటీని కీర్తిస్తారు. వృద్ధ రైతులకు పింఛన్‌ సౌకర్యం రైతులు వృద్ధాప్యంలోకి చేరినప్పుడు ఆర్థిక భరోసా కల్పించేలా పింఛన్‌ సదుపాయం, ప్రమాదవశాత్తు సభ్యుడు మృతిచెందినప్పుడు కుటుంబానికి ఆర్థిక సాయం, అంత్యక్రియలకు సాయం, పంట రుణాల మాఫీ వంటి సంక్షేమ పథకాలను అమలు చేస్తోంది. విద్య, వైద్య రంగాలకు పెద్దపీట రైతు కుటుంబాల్లో విద్య, వైద్యానికి సొసైటీ ప్రత్యేక ప్రాధాన్యం ఇస్తోంది. సభ్యుల పిల్లలకు పాఠశాల స్థాయి నుంచి ఉన్నత విద్య వరకు ప్రోత్సాహకాలు, ఉపకార వేతనాలు అందిస్తోంది. గ్రామీణ ప్రాంత విద్యార్థుల సౌకర్యార్థం ఏకేవీఆర్‌ రూరల్‌ డెవలప్‌మెంట్‌ సొసైటీ ద్వారా ఏకేవీఆర్‌ జూనియర్‌ అండ్‌ డిగ్రీ కళాశాలను నిర్వహిస్తోంది. 2008 నుంచి 2026 వరకు సుమారు 1200 మంది పైగా విద్యార్థులకు రూ. కోటికి పైగా ఉపకార వేతనాలు అందించినట్లు సొసైటీ వివరించింది. ఉన్నత విద్యలో బీటెక్‌, ఎంబీబీఎస్‌ వంటి కోర్సులు చదువుతున్న విద్యార్థులకు సైతం ఆర్థిక సహాయం అందిస్తోంది. అదేవిధంగా సభ్యులు, వారి కుటుంబాల ఆరోగ్య సంరక్షణకు సొసైటీ ప్రత్యేక కార్యక్రమాలు చేపడుతోంది. సూపర్‌బజార్‌ ఆవరణలో నిర్వహించిన నేత్ర వైద్య శిబిరాల ద్వారా వేలాది మంది సభ్యులకు కంటి పరీక్షలు చేయించి, అవసరమైన వారికి ఉచితంగా కంటి ఆపరేషన్లు చేయించింది. ఇందుకోసం సుమారు రూ.2 కోట్ల వరకు ఖర్చు చేసినట్లు సొసైటీ వివరించింది. ప్రముఖుల సందర్శన.. ముల్కనూరు సొసైటీని ప్రపంచ దేశాల నుంచి పలువురు ప్రముఖులు, ప్రజాప్రతినిధులు, అధికా రులు, శాస్త్రవేత్తలు సందర్శించారు. మాజీ ప్రధానమంత్రి పీవీ నరసింహారావు సొసైటీ ఉపాధ్యక్షుడిగా కొనసాగడంతో పాటు జీవితాంతం సభ్యుడిగా ఉండడం సంస్థ చరిత్రలో ప్రత్యేక గుర్తింపుగా నిలిచింది. ఉమ్మడి ఆంధ్రప్రదేశ్‌ ముఖ్యమంత్రులు ఎన్‌టీ రామారావు, వైఎస్‌ రాజశేఖరరెడ్డి, చంద్రబాబునాయుడు, కిరణ్‌కుమార్‌రెడ్డి, గవర్నర్‌ నరసింహన్‌ సొసైటీని సందర్శించారు. వ్యవస్థాపక అధ్యక్షుడు కాశీ విశ్వనాథరెడ్డి కాంస్య విగ్రహాన్ని అప్పటి గవర్నర్‌ కృష్ణకాంత్‌ ఆవిష్కరించారు. 1956లో రూ.100తో ప్రారంభం.. ఒక ఉద్యోగితో సేవలు 2026లో రూ.42,663 కోట్లకు పైగా లావాదేవీలు నేడు ముల్కనూరు సొసైటీ 70వ వార్షికోత్సవం

వరంగల్‌ స్పోర్ట్స్‌: వరంగల్‌ జిల్లా అథ్లెటిక్స్‌ అసోసియేషన్‌ ఆధ్వర్యంలో హనుమకొండ జవహర్‌లాల్‌ నెహ్రూ స్టేడియంలో నిర్వహించిన 12వ తెలంగాణ రాష్ట్ర అథ్లెటిక్‌ చాంపియన్‌షిప్‌ పోటీలు ఆదివారం ముగిశాయి. అండర్‌– 14, 16, 18, 20 బాలబాలికలు, మెన్‌ అండ్‌ ఉమెన్‌ విభాగాల్లో జరిగిన పోటీల్లో 1,500 మంది క్రీడాకారులు పాల్గొనగా.. 220 ఈవెంట్లు నిర్వహించినట్లు వరంగల్‌ అథ్లెటిక్స్‌ అసోసియేషన్‌ జిల్లా కార్యదర్శి ఊర యుగేంధర్‌రెడ్డి తెలిపారు. జాతీయ స్థాయిలో సత్తా చాటే అవకాశం కోసం అథ్లెట్లు వారి ప్రతిభకు పదును పెట్టారు. నువ్వానేనా అన్నట్లు పోటీపడగా 111 పాయింట్లతో భద్రాద్రి కొత్తగూడెం ఓవరాల్‌ చాంపియన్‌షిప్‌ను కై వసం చేసుకుంది. బాలికల విభాగం.. అండర్‌–14 విభాగంలో 15 పాయింట్లతో హనుమకొండ అథ్లెట్లు, అండర్‌–16 విభాగంలో 27 పాయింట్లతో హైదరాబాద్‌, అండర్‌–18 విభాగంలో 22 పాయింట్లతో భద్రాద్రి కొత్తగూడెం, అండర్‌–20లో 28 పాయింట్లతో భద్రాద్రి జిల్లా అథ్లెట్లు విజేతలుగా నిలిచారు. కాగా, సీనియర్‌ ఉమెన్‌ కేటగిరీలో 18 పాయింట్లతో ఖమ్మం జిల్లా అథ్లెట్లు విజేత ట్రోఫీని అందుకున్నారు. బాలుర విభాగం.. అండర్‌–14 విభాగంలో 11 పాయింట్లతో ఆదిలాబాద్‌, అండర్‌–16 విభాగంలో 10 పాయింట్లతో హనుమకొండ, అండర్‌–18లో 20 పాయింట్లతో హైదరాబాద్‌, అండర్‌–20 కేటగిరీలో 36 పాయింట్లతో రంగారెడ్డి, సీనియర్‌ మెన్‌ చాంపియన్‌షిప్‌ను 32 పాయింట్లతో ఖమ్మం ట్రోఫీని అందుకుంది. తెలంగాణ అథ్లెటిక్స్‌ సంఘం రాష్ట్ర కార్యదర్శి సారంగపాణి హాజరై విజేతలకు ట్రోఫీతోపాటు సర్టిఫికెట్లు, పతకాలు అందజేశారు. కార్యక్రమంలో తెలంగాణ అథ్లెటిక్స్‌ సంఘం నిర్వహణ కార్యదర్శి వెంకటేశ్వర్‌రెడ్డి, వరంగల్‌ అథ్లెటిక్స్‌ సంఘం అధ్యక్షుడు పుల్యాల కిషన్‌, వరంగల్‌ జిల్లా అథ్లెటిక్స్‌ అసోసియేషన్‌ చైర్మన్‌ గట్టు మహేశ్‌బాబు, కోచ్‌లు శ్రీమన్నారాయణ, దిమ్మిక నాగరాజు, టెక్నికల్‌ అఫీషియల్స్‌, తదితరులు పాల్గొన్నారు. ఓవరాల్‌ చాంపియన్‌షిప్‌ భద్రాద్రి కొత్తగూడెం

సభ్యుల సమష్టి కృషి, క్రమశిక్షణ, అంకితభావం, నమ్మకంతోనే ముల్కనూరు సొసైటీ ఇంతటి అభివృద్ధి సాధించింది. రైతుల సంక్షేమమే మా ప్రధాన లక్ష్యం. రైతుకు విత్తనం నుంచి పంట మార్కెటింగ్‌ వరకు అన్ని దశల్లో అండగా ఉండేలా సేవలను విస్తరిస్తున్నాం. భవిష్యత్‌లోనూ రైతు కుటుంబాల ఆర్థిక, సామాజిక అభివృద్ధికి మరిన్ని సంక్షేమ పథకాలు అమలు చేస్తాం అని తెలిపారు. వ్యవస్థాపక అధ్యక్షులు విశ్వనాథ రెడ్డి కలలుగన్న రైతే రాజు నానుడిని నిజం చేస్తున్నాం. – అలిగిరెడ్డి ప్రవీణ్‌రెడ్డి, సొసైటీ అధ్యక్షుడు

● టీజీ ఎన్పీడీసీఎల్‌ సీఎండీ కర్నాటి వరుణ్‌ రెడ్డి హన్మకొండ: తెలంగాణ రాష్ట్ర ఏర్పాటు కోసం నిస్వార్థంగా పోరాడిన మహా నీయుడు కొండా లక్ష్మణ్‌ బాపూజీ అని టీజీ ఎన్పీడీసీఎల్‌ చైర్మన్‌, మేనేజింగ్‌ డైరెక్టర్‌ కర్నాటి వరుణ్‌ రెడ్డి అన్నారు. ఆదివారం హనుమకొండ నక్కలగుట్టలోని ఎన్పీడీసీఎల్‌ ప్రధాన కార్యాలయంలో కొండా లక్ష్మణ్‌ బాపూజీ జయంతి నిర్వహించారు. ఈ సందర్భంగా బాపూజీ చిత్ర పటానికి సీఎండీ, డైరెక్టర్లు, అధికారులు పూలమాల వేసి నివాళులర్పించారు. అనంతరం ఆయన మాట్లాడుతూ తెలంగాణ రాష్ట్ర కోసం బాపూజీ తన జీవితాన్ని అంకితం చేశారన్నారు. ఆయన త్యాగం, నిబద్ధత ప్రతి ఒక్కరికీ ఆదర్శమన్నారు. రాష్ట్ర సాధనకు కృషి చేసిన మహనీయుల త్యాగాలను స్మరించుకుంటూ వారి ఆశయాలకనుగుణంగా రాష్ట్ర ప్రగతికి ప్రతీ ఒక్కరు తమ వంతు బాధ్యత నిర్వర్తించాలని పిలుపునిచ్చారు. డైరెక్టర్లు వి.మోహన్‌ రావు, సి.ప్రభాకర్‌, చీఫ్‌ విజిలెన్స్‌ ఆఫీసర్‌ బోనాల కిషన్‌, చీఫ్‌ ఇంజనీర్లు వెంకటరమణ, మల్లికార్జున్‌, నాగప్రసాద్‌, కంపెనీ సెక్రటరీ కె.వెంకటేశం, జీఎంలు కళాధర్‌ రెడ్డి, అనిల్‌రెడ్డి పాల్గొన్నారు.

సోమవారం శ్రీ 28 శ్రీ సెప్టెంబర్‌ శ్రీ 2026చూద్దాం రారండి!సాక్షి, మహబూబాబాద్‌/ నర్సింహులపేట/మరిపెడ/డోర్నకల్‌/చిన్నగూడూరు : వాగుల్లో నీటి నిల్వకోసం చెక్‌ డ్యామ్‌లు నిర్మించారు. దీంతో నీటి నిల్వతో భూగర్భ జలాలు పెరిగి కరువు వచ్చినా.. నీటి ఎద్దడి ఏర్పడేది కాదు. కానీ, రెండేళ్ల క్రితం కురిసిన భారీ వర్షాలకు కొట్టుకుపోయిన చెక్‌డ్యామ్‌లు, కరకట్టలకు నేటికీ మరమ్మతులు చేపట్టలేదు. కొన్నిచోట్ల నాసికరంగా మరమ్మతులు చేపట్టడంతో మళ్లీ తెగిపోయాయి. దీంతో ఒడిసి పట్టాల్సిన నీరు సముద్రం పాలవుతోంది. కరువు కాలంలో కళ్లముందే నీరు సముద్రం పాలు కావడంతో రైతులు చలించిపోతున్నారు. కట్టలు కడితే పంటలు పండేవని ఆవేదన వ్యక్తం చేస్తున్నారు. నర్సింహులపేటలో.. నర్సింహులపేట మండలంలోని కొమ్ములవంచ, జయపురం, కౌసల్యదేవిపల్లి, రామన్నగూడెం, ముంగిమడుగు గ్రామాల మీదుగా ఆకేరు వాగు ప్రవహిస్తోంది. స్వాతంత్య్రం వచ్చిన కొత్తలో వాగుపై కొమ్ములవంచలో ఆనకట్టను నిర్మించారు. తర్వాత జయపురం, ముంగిమడుగు గ్రామాల సమీపంలో రెండు ఆనకట్టలు నిర్మించారు. అయితే రెండు సంవత్సరాల క్రితం కొమ్ముల వంచ ఆనకట్ట షెట్టర్లు లీకేజీ అయ్యాయి. దీంతో నీరు నిల్వ ఉండకుండా కిందికి పోతున్నాయి. అదే విధంగా భారీ వర్షాలకు జయపురం, ముంగిమడుగు చెక్‌డ్యామ్‌లోని పక్కన ఉన్న కట్ట కొట్టుకుపోయింది. రూ. 4లక్షల మేరకు నిధులతో మరమ్మతు చేసినా.. నాసిరకంగా ఉండడంతో మళ్లీ కొట్టుకుపోయింది. చెక్‌డ్యామ్‌ల్లో నీరు నిల్వ ఉంటే 2వేల ఎకరాలకు పైగా భూములు సాగయ్యేవని రైతులు చెబుతున్నారు. మరిపెడలో.. మరిపెడ మండలంలోని తానంచెర్ల రెవెన్యూ పరిధిలోని అజ్మీరాతండా గ్రామపంచాయతీ ఆనకట్టతండా శివారులో పాలేరు వాగుపై ఆటకట్ట నిర్మించారు. మూడేళ్ల క్రితం వరద ధాటికి ఆనకట్ట ధ్వంసమైంది. రెండుచోట్ల గండిపడి నీరు వృథాగా కిందికి పోతుంది. ఈ ఆనకట్ట మహబూబాబాద్‌–సూర్యపేట జిల్లాల సరిహద్దులో నిర్మించి ఉంది. యానకట్ట నిండా నీళ్లు ఉంటే సుమారు 400మంది రైతులు వ్యవసాయం చేస్తారు. మారిన మేడారం.. వాగులపై తెగిన కట్టల మరమ్మతులో అధికారుల తాత్సారం కరువు కాలంలో నిల్వ లేకుండా దిగువకు వరద ప్రవాహం గండి పూడిస్తే నీరు నిల్వ ఉండేది.. భూగర్భ జలాలు పెరిగేవని రైతుల ఆవేదనడోర్నకల్‌లో.. డోర్నకల్‌ పట్టణ సమీపంలోని మున్నేరు వాగు ఆనకట్టకు సంబంధించి చాప్లాతండా వైపు సపోర్టు గోడ రెండున్నర ఏళ్ల క్రితం వరదలకు కొట్టుకుపోయింది. వాగు పొంగితే ఆనకట్టకు గండ్లు పడకుండా ఉండేందుకు చాపలతండా వైపు సపోర్టు గోడ నిర్మించారు. అయితే రెండున్నర ఏళ్ల క్రితం భారీ వరద రావడంతో సపోర్టు గోడ వరదకు కొట్టుకుపోయింది. కాగా, ఇరిగేషన్‌ అధికారులు నేటికీ మరమ్మతులు చేపట్టలేదు. అధికారులు వెంటనే స్పందించి ఆనకట్ట సపోర్టు గోడ పునరుద్ధరించాలని రైతులతో పాటు ఈ ప్రాంత వాసులు కోరుతున్నారు.చిన్నగూడూరులో..చిన్నగూడూరు మండలం ఉగ్గంపల్లి గ్రామ శివారులో 1964లో ఆనకట్ట నిర్మించారు. ఆకేరు నదిపై నిర్మించిన ఈ ఆనకట్ట ద్వారా ప్రత్యక్షంగా, పరోక్షంగా 2,500 ఎకరాలకు సాగునీరు అందుతోంది. రెండేళ్ల క్రితం వచ్చిన భారీ వరదలతో ఉగ్గంపల్లి ఆనకట్ట కుడివైపు ఆనకట్ట, రెయిలింగ్‌ తెగిపోయింది. అయితే ఇప్పటి వరకు మరమ్మతు చేయించలేదు. దీంతో ఆనకట్టలో నిల్వ ఉండాల్సిన నీరు వృథాగా కిందికి వెళ్తోంది. దీంతో ఈ ప్రాంతం నుంచి నిండుగా ఆకేరు ప్రవహించినా.. నీరు లేక పంటలు పండడం లేదు.

ఎస్‌ఎస్‌ తాడ్వాయి: మేడారం సమ్మక్క–సారలమ్మను దర్శించుకునేందుకు ఆదివారం భక్తులు వేలాదిగా తరలివచ్చారు. వివిధ ప్రాంతాలకు చెందిన భక్తులు ప్రైవేట్‌ వాహనాల్లో మేడారానికి చేరుకుని జంపన్నవాగులో పుణ్యస్నానాలు ఆచరించారు. కల్యాణకట్టలో భక్తులు అమ్మవార్లకు పుట్టు వెంట్రుకలు సమర్పించుకున్నారు. అనంతరం గద్దెల వద్ద పసుపు, కుంకుమ, చీరసారె, ఎత్తు బంగారం, ఒడి బియ్యం, కానుకలు సమర్పించి మొక్కులు చెల్లించుకున్నారు. యాటలను, కోళ్లను మొక్కుగా సమర్పించారు. అనంతరం మేడారం పరిసరాల్లో చెట్ల కింద వంటావార్పు చేసుకుని సహపంక్తి భోజనాలు చేశారు.

కొమ్ములవంచ ఆనకట్ట గేట్ల లీకేజీతో చుక్కనీరు ఆగడం లేదు. వానతో వచ్చిన నీరు లీకేజీతో వృథాగా వెళ్తోంది. మూడు సంవత్సరాలుగా ఎవరు పట్టించుకోవడం లేదు. వర్షంతో ఆనకట్టకు వచ్చిన నీరు వృథాగా పోతుండడంతో రైతులు చాలా ఇబ్బందులు పడుతున్నారు. అధికారులు, పాలకులు పట్టించుకోవడం లేదు. వెంటనే మరమ్మతులు చేపట్టాలి.. –డొనికెన సోమన్న, కొమ్ములవంచ నీరు వృథాగా వెళ్తోంది.. ముంగిమడుగు శివారులో ఆకేరు వాగుపై నిర్మించిన చెక్‌ డ్యామ్‌ తెగిపోయి మూడేళ్లు కావొస్తున్నా.. నేటికీ మరమ్మతులు చేయకపోవడంతో నీరు వృథాగా పోతోంది. భారీ వర్షంతో వాగు ఉధృతంగా ప్రవహించి చెక్‌డ్యామ్‌ తెగిపోవడంతో చుక్కనీరు నిలవడం లేదు. చెక్‌డ్యామ్‌ మరమ్మతులు చేపట్టి నీటినిల్వ చేస్తే రైతులకు సాగునీరు అందుతుంది. రైతులు చాలా ఇబ్బంది పడుతున్నారు. –భూక్య చందూలాల్‌ నాయక్‌, పకీరతండా నాసిరకం పనులతో మళ్లీ తెగింది.. జయపురం చెక్‌డ్యామ్‌ తెగడంతో మళ్లీ నీరు వృథాగా పోతోంది. రెండేళ్ల క్రితం చెక్‌డ్యామ్‌ తెగడంతో ఈ మధ్యకాలంలో సుమారు.5 లక్షలతో తాత్కాలిక మరమ్మతులు చేపట్టారు. ఇటీవల కురిసిన భారీ వర్షంతో ఆకేరువాగు ఉధృతంగా ప్రవహించడంతో చెక్‌ డ్యామ్‌ మళ్లీ తెగడంతో నీరు వృథాగా పోతోంది. అధికారులు నాణ్యతగా పనులు చేపట్టి రైతుల ఇబ్బందులు తీర్చాలి. –మందుల యాకూబ్‌, జయపురం

● ఇన్‌చార్జ్‌ డీఈఓ మందుల శ్రీరాములు మహబూబాబాద్‌ రూరల్‌ : ప్రతి ఒక్కరూ అక్షరాస్యులుగా మారే లక్ష్యంతో అక్షరాస్యతతో సాధికారత.. విద్యతో అభివృద్ధి స్ఫూర్తితో ఉల్లాస్‌ కార్యక్రమాన్ని విజయవంతం చేయాలని ఇన్‌చార్జ్‌ డీఈఓ మందుల శ్రీరాములు పిలుపునిచ్చారు. మహబూబాబాద్‌ మండలంలోని మాధవాపురం గ్రామంలో ఉల్లాస్‌, నవభారత్‌ సాక్షరత కార్యక్రమంలో భాగంగా నిర్వహిస్తున్న అమ్మకు అక్షరమాల పరీక్ష కేంద్రాన్ని ఆయన ఆదివారం పరిశీలించారు. ఈ సందర్భంగా పరీక్ష నిర్వహణ తీరును, అభ్యాసకులకు కల్పించిన సౌకర్యాలను, పరీక్షకు హాజరైన అభ్యాసకుల వివరాలను పరిశీలించారు. పరీక్షలు పారదర్శకంగా, ప్రశాంత వాతావరణంలో, నిర్దేశిత మార్గదర్శకాల ప్రకారం నిర్వహించాలని నిర్వాహకులకు సూచించారు. ఉల్లాస్‌ కార్యక్రమం ద్వారా అక్షరాస్యతను పొందుతున్న అభ్యాసకులు చదవడం, రాయడం, ప్రాథమిక సంఖ్యా పరిజ్ఞానంలో సాధించిన ప్రగతిని అంచనా వేయ డం జరుగుతుందని తెలిపారు. ముఖ్యంగా మహిళలు, పెద్దలు విద్యను కొనసాగించడం ద్వారా తమ కుటుంబాలతో పాటు సమాజ అభివృద్ధికి దోహదపడతారని పేర్కొన్నారు. ఉల్లాస్‌ అసిస్టెంట్‌ కోఆర్డినేటర్‌ బి.శేషుకుమార్‌. ఐకేపీ ఏపీఎం శంకర్‌ సీసీ సుమలత, సంబంధిత వీఓఏలు కామాక్షి, శైలజ, కల్పన, సుమతి, సాక్షరత కార్యకర్తలు పాల్గొన్నారు.

కురవి: మండల కేంద్రంలోని భద్రకాళీ సమేత వీరభద్రస్వామి ఆలయానికి ఆదివారం భక్తులు అధిక సంఖ్యలో పోటెత్తారు. వీరభద్రస్వామిని దర్శించుకునేందుకు బారులుదీరారు. స్వామి వారితో పాటు భద్రకాళీ అమ్మవారిని దర్శించుకుని మొక్కులు చెల్లించుకున్నారు. భక్తులకు ఆలయ అధికారులు సౌకర్యాలు కల్పించారు. కొండా లక్ష్మణ్‌ బాపూజీ త్యాగాలు చిరస్మరణీయం డీఆర్వో నాగలక్ష్మి మహబూబాబాద్‌/మహబూబాబాద్‌ అర్బన్‌: కొండా లక్ష్మణ్‌ బాపూజీ చేసిన త్యాగాలు చిరస్మరణీయమని డీఆర్వో నాగలక్ష్మి కొనియాడారు. కలెక్టరేట్‌లోని ప్రధాన సమావేశ మందిరంలో ఆదివారం వెనుకబడిన తరగతుల అభివృద్ధ్దిశాఖ ఆధ్వర్యంలో కొండా లక్ష్మణ్‌ బాపూజీ జయంతిని ఘనంగా నిర్వహించారు. బాపూజీ చిత్రపటానికి డీఆర్వో నాగలక్ష్మి పూల మాలవేసి నివాళులర్పించారు. ఈసందర్భంగా డీఆర్వో మాట్లాడుతూ.. కొండా లక్ష్మణ్‌ బాపూజీ చూపిన ధైర్య సాహసాలు, స్ఫూర్తిని యువత ఆదర్శంగా తీసుకోవాలన్నారు. కార్యక్రమంలో వెనుకబడిన తరగతుల అభివృద్ధిశాఖ జిల్లా అధికారి సాయి శ్రీజ, జిల్లా అధికారులు, పలు సంఘాల నాయకులు పాల్గొన్నారు. ప్రయాణికుల కోసం ఆర్టీసీ విచారణ నంబర్‌ నెహ్రూసెంటర్‌: మహబూబాబాద్‌ డిపో పరిధిలోని ప్రయాణికుల సౌకర్యార్థం ఆర్టీసీ బస్టాండ్‌ విచారణ నంబర్‌ను అందుబాటులో తీసుకువచ్చినట్లు డిపో మేనేజర్‌ వి.కల్యాణి ఆదివారం తెలిపారు. మహబూబాబాద్‌ బస్టాండ్‌ నుంచి వివిధ రూట్లలో బస్సులు వెళ్లే సమయం, ఆర్టీసీ బస్సులకు సంబందిన వివరాలను ఫోన్‌ చేసి తెలుసుకోవచ్చన్నారు. 85003 24880 నంబర్‌కు ఫోన్‌చేసి బస్సుల వివరాలను పొందవచ్చని, 24 గంటలు బస్సు విచారణ నంబర్‌ అందుబాటులో ఉంటుందని, ప్రయాణికులు సద్వినియోగం చేసుకోవాలని సూచించారు. ‘వెంటనే పీఆర్సీ చెల్లించాలి’మహబూబాబాద్‌ అర్బన్‌: కాలయాపన చేయకుండా వెంటనే పీఆర్సీ చెల్లించాలని టీఎస్‌యూటీఎఫ్‌ రాష్ట్ర కార్యదర్శి సామ మల్లారెడ్డి అన్నారు. జిల్లా కేంద్రంలోని జెడ్పీహెచ్‌ఎస్‌ బాలికల పాఠశాలలో ఆదివారం సమావేశం నిర్వహించారు. ఈ సందర్భంగా మల్లారెడ్డి మా ట్లాడుతూ.. సీఎం రేవంత్‌రెడ్డి ఇచ్చిన హామీ మేరకు పీఆర్సీ రిపోర్ట్‌ తక్షణమే తెప్పించుకొని జూలై 2023 నుంచి అమలు చేయాలన్నారు. రిటైర్డ్‌ అయిన ఉద్యోగ, ఉపాధ్యాయులు దాచుకున్న డబ్బులు ఇవ్వాలని, ప్రాథమిక పాఠశాల ల ఉపాధ్యాయులపై పని ఒత్తిడిని తగ్గించి, తరగతికి ఒక టీచర్‌ను నియమించాలన్నారు. ఉపాధ్యాయుల బదిలీలు, పదోన్నతులను చేపట్టాలన్నారు. కార్యక్రమంలో టీఎస్‌యూటీఎఫ్‌ జిల్లా అధ్యక్షుడు మురళీకృష్ణ, జిల్లా ప్రధాన కార్యదర్శి యాకూబ్‌, జిల్లా ఉపాధ్యక్షుడు వెంకటేశ్వర్లు, కార్యదర్శులు బధ్రునాయక్‌, జనార్దనచారి, హుస్సేన్‌నాయక్‌, మంజుల, హరినాయక్‌, రమేశ్‌, సంజీవ తదితరలు పాల్గొన్నారు. గర్భగుడి మండపం పనులు ప్రారంభం కాళేశ్వరం: కాళేశ్వరం దేవస్థానం పునర్నిర్మాణ పనుల్లో భాగంగా ఆదివారం ప్రధాన ఆలయం గర్భగుడి మండపం పునాది పనులు మొదలయ్యాయి. 12ఫీట్ల మేర లోతుతో మట్టిని తీశారు. శ్రీశుభానందదేవి మండపానికి కూడా మట్టిని తోడారు. గర్భగుడి పునాది పనులు నాలుగు దిక్కులా రాయితో కూలీలు నిర్మాణం చేస్తున్నారు. ఆదివారం ప్రాకారాల పనులకు అందులో వివిధ ఆలయానికి సంబంధించిన సామగ్రి ఉండడంతో నిలిచింది. శివకల్యాణ మండపం రేకుల షెడ్డును పూర్తిగా తొలగించారు.

● జిల్లా ప్రధాన న్యాయమూర్తి మురళీమోహన్‌ మహబూబాబాద్‌ రూరల్‌ : సమాజంలో బలహీనవర్గాలకు న్యాయ సేవాధికార సంస్థ అండగా నిలు స్తుందని జిల్లా ప్రధాన న్యాయమూర్తి మురళీమోహన్‌ అన్నారు. మహబూబాబాద్‌ సబ్‌ జైలును శని వారం ఆయన సందర్శించి విచారణలో ఉన్న ఖైదీలతో ముఖాముఖి నిర్వహించారు. రాజ్యాంగంలోని ఆర్టికల్‌ 21ని ఉటంకిస్తూ చట్టం నిర్దేశించిన విధానం ద్వారా తప్ప ఏ వ్యక్తి ప్రాణాన్ని లేదా వ్యక్తిగత స్వే చ్ఛను హరించే హక్కు ఎవరికీలేదని స్పష్టం చేశారు. రాజ్యాంగం కల్పించిన హక్కులతో అణచివేతకు గురికాకుండా స్వేచ్ఛగా జీవించడమే అసలైన జీవి తమని చెప్పారు. సమాజంలో అభాగ్యులకు సత్వర న్యాయాన్ని అందించేందుకే న్యాయ సేవాధికార సంస్థలు ఏర్పాటయ్యాయని వివరించారు. అనంతరం జైల్లోని అన్ని బ్యారకులు, వంట గది, సరుకుల నిల్వ గదిని పరిశీలించారు. ఆయన వెంట చీఫ్‌ డిఫెన్స్‌ కౌన్సిల్‌ దాసరి నాగేశ్వరరావు, అసిస్టెంట్‌ లీగల్‌ డిఫెన్స్‌ కౌన్సిల్‌ రాజుకృష్ణ, జైలర్‌ మల్లెల శ్రీనివాసరావు, వలంటీర్‌ రాంప్రభు ఉన్నారు.

మహబూబాబాద్‌: ఎల్‌నినో ప్రభావంపై అధికారులు ప్రజలకు వివరించాలని, నీటి వినియోగంపై అవగాహన కల్పించాలని ప్రభుత్వవిప్‌ జాటోత్‌ రాంచంద్రునాయక్‌ అన్నారు. జిల్లా కేంద్రంలో ఎల్‌నినో, వీబీజీ రాంజీ పథకంపై పంచాయతీ కార్యదర్శులు, సర్పంచ్‌లకు శనివారం శిక్షణ కార్యక్రమం నిర్వహించారు. ఈ కార్యక్రమంలో రాంచంద్రునాయక్‌ మాట్లాడుతూ.. నీటిని జాగ్రత్తగా వినియోగించుకో వాలన్నారు. వీబీజీ రాంజీ పథకంపై ప్రజలకు అవగాహన కల్పించాలన్నారు. కలెక్టర్‌ స్నేహశబరీష్‌ మాట్లాడుతూ జిల్లాలోని గంగారం, కొత్తగూడ మండలాల్లో భూగర్జజలాలు అడుగంటి పోయాయన్నారు. అందుకు అనుగుణంగా అధికారులు యాక్షన్‌ ప్లాన్‌ సిద్ధం చేసుకోవాలన్నారు. ఇన్‌చార్జ్‌ అదనపు కలెక్టర్‌ పురుషోత్తం, డీపీఓ రేవంత్‌ పాల్గొన్నారు. బ్యాంక్‌లకు నేడు వర్కింగ్‌ డే మహబూబాబాద్‌: బ్యాంక్‌ సిబ్బందికి వారానికి ఐదు రోజుల పనిదినాలు కల్పించాలని ప్రధా న డిమాండ్‌తో అన్ని బ్యాంక్‌ యూనియన్లు సమ్మెకు పిలుపునిచ్చాయి. సమ్మెలో భాగంగా ఈనెల 28, 29, 30 మూడు రోజులపాటు బ్యాంక్‌లు బంద్‌ ఉంటాయి. ఈ నేపథ్యంలో ప్రభుత్వం నేడు (ఆదివారం) పని దినంగా ప్రకటించింది. మెడికల్‌ క్యాంపులు ఏర్పాటు చేస్తాం కొత్తగూడ: మండలంలోని గుంజేడు గ్రామంలో బాలుడికి డెంగీ సోకిన విషయం తెలుసుకు ని డీఎంహెచ్‌ఓ రవిరాథోడ్‌ శనివారం గ్రామంలో పర్యటించారు. ఈసందర్భంగా ఆయన మాట్లాడుతూ దోమల నివారణకు చేపట్టాల్సిన చర్యలను వివరించారు. వ్యాధులు రాకుండా ముందు జాగ్రత్తలు పాటించాలన్నారు. కోర్లిన్‌ చేయించాలని హెల్త్‌ అసిస్టెంట్లు శ్రావణ్‌, రా మును ఆదేశించారు. వైద్య శిబిరాలు ఏర్పాటు చేయాలని డాక్టర్‌ వరుణ్‌తేజ్‌కు చెప్పారు. వివరాలు సమర్పించండి సాక్షి కథనానికి సీఎంఓ స్పందన నెహ్రూసెంటర్‌: ‘పసిపిల్లలు పదిలమేనా’ శీర్షికన ‘సాక్షి దినపత్రిక’లో ఈ నెల 23వ తేదీన ప్రచురితమైన కథనానికి సీఎం కార్యాలయం స్పందించింది. దీనికి సంబంధించిన వివరాలు సమర్పించాలని కోరింది. దీంతో జిల్లా అధికారులు జీజీహెచ్‌ సూపరింటెండెంట్‌ను సంబంధిత వివరాలు సమర్పించాలని ఆదేశించారు. నిధుల కొరత, పరికరాల పనితీరు వంటి అంశాలను సమగ్రంగా అందజేయాలని కోరారు. రెడ్‌క్రాస్‌ జిల్లా చైర్మన్‌గా వెంకట్‌రెడ్డి మహబూబాబాద్‌: జిల్లా రెడ్‌క్రాస్‌ చైర్మన్‌గా మాధవపెద్ది వెంకట్‌రెడ్డి ఏకగ్రీవంగా ఎన్నికై నట్లు అదనపు కలెక్టర్‌ అనిల్‌కుమార్‌ ప్రకటించారు. జిల్లా కేంద్రంలోని లయన్స్‌ క్లబ్‌ భవనంలో రెడ్‌ క్రాస్‌ సొసైటీ ఎన్నికల ప్రక్రియ శనివారం నిర్వహించారు. వైస్‌ చైర్మన్‌గా డాక్టర్‌ బానోత్‌ నెహ్రూ రాథోడ్‌, ట్రైజరర్‌గా వెంకన్న, కమిటీ సభ్యులుగా రావుల రవిచందర్‌రెడ్డిని ఎన్నికయ్యారు. అదనపు కలెక్టర్‌.. నూతన కమిటీతో ప్రమాణ స్వీకారం చేయించారు. ఈ సందర్భంగా నూతన చైర్మన్‌ వెంకట్‌రెడ్డి మాట్లాడుతూ.. తన ఎన్నికకు సహకరించిన ప్రతీ ఒక్కరికి కృతజ్ఞతలు తెలిపారు. కార్యక్రమంలో పర్కాల శ్రీనివాస్‌రెడ్డి, యాళ్ల మురళీధర్‌రెడ్డి, వడ్డెబోయిన శ్రీనివాస్‌ పాల్గొన్నారు. విద్యావ్యవస్థలో సీఆర్పీల పాత్ర కీలకం మహబూబాబాద్‌ అర్బన్‌: విద్యావ్యవస్థలో ఎంఎస్‌ కోఆర్డినేటర్లు, సీఆర్పీల పాత్ర కీలకమని జిల్లా పరీక్షల విభాగ అధిపతి మందుల శ్రీరా ములు అన్నారు. జిల్లా కేంద్రంలోని ఓ ఫంక్షన్‌ హాల్‌లో శనివారం నిర్వహించిన ఓరియంటేష న్‌ కార్యక్రమంలో శ్రీరాములు మాట్లాడారు. ఏక్‌ పేడ్‌ మాకే నామ్‌ను పూర్తి చేయాలని, బడి బయట ఉన్న పిల్లలను గుర్తించి ప్రభుత్వ బడుల్లో చేర్పించాలన్నారు. ఎన్రోల్‌మెంట్‌, అపార్‌, ఆధార్‌లను యూడైస్‌లో అప్‌లోడ్‌ చేయాలన్నా రు. అన్ని మండలాల్లో ఎంఎస్‌ కోఆర్డినేటర్లు, సీఆర్పీలు వారికి కేటాయించిన పాఠశాలలను సందర్శించి, ఉపాధ్యాయులతో సమస్యలను అడిగి తెలుసుకొని విద్యార్థులకు వసతులు కల్పించాలన్నారు. కార్యక్రమంలో డీఎస్‌ఓ అప్పారావు, సీఎంఓ వంగ సురేష్‌, ఏసీఎస్‌ సంతోష్‌కుమార్‌, ఏఎంఓ వెంకటేశ్వర్లు, సీఆర్పీలు, కోఆర్డినేటర్లు తదితరులు పాల్గొన్నారు.

కన్న కలలు ఫలించాయి రఘునాథపల్లి: జనగామ జిల్లా రఘునాథపల్లికి చెందిన నోముల పార్వతి–యాకయ్యలది వ్యవసాయధార కుటుంబం. సమాజంలో విద్య లేకపోతే ఎదురయ్యే ఇబ్బందులను స్వయంగా అనుభవించిన ఆ దంపతులు కూతురిని సమాజానికి ఉపయోగపడే ఉన్నత స్థానంలో చూడాలని కలలు కన్నారు. వారి కాష్టాన్ని, త్యాగాలను అర్దం చేసుకున్న అశ్విని ఆహర్నిశలు శ్రమించి ఏడాది క్రితం వనపర్తి జూనియర్‌ సివిల్‌ జడ్జిగా ఎంపికయ్యారు. విజయవంతంగా బాధ్యతలు నిర్వరిస్తున్నారు. ‘కూతురు న్యాయమూర్తి కావాలన్న మా అశను తను నెరవేర్చింది. ఏడాది కాలంగా జడ్జిగా సేవలు అందిస్తున్న మా బిడ్డను చూస్తేంటే కడుపు నిండిపోతుంది. కూతుర్ల దినోత్సం వేళ ఒక కూతురిగా తను మాకు ఇచ్చిన అతి పెద్ద బహుమతి’అని అశ్విని తల్లిదండ్రులు పార్వతి, యాకయ్య ఎంతో ఆనందంగా తెలిపారు. నా భవిష్యత్‌ను నిర్మించారు మహబూబాబాద్‌ రూరల్‌ : ఈ కుమార్తెల దినోత్సవం సందర్భంగా నా జీవితంలో నాకు అత్యంత ముఖ్యమైన వ్యక్తులైన నా తల్లిదండ్రులు భూక్యా భీమా, మంజుల గురించి కొన్ని మాటలు పంచుకోవాలనుకుంటున్నాను. నా తల్లిదండ్రులకు పాఠశాల విద్యను అభ్యసించే అవకాశం లభించలేదు. అయినప్పటికీ, కష్టపడి పనిచేస్తూ నా భవిష్యత్తు కోసం ఎన్నో త్యాగాలు చేశారు. వారి ప్రోత్సాహం, త్యాగాల వల్లనే నేను హైదరాబాద్లోని సీబీఐటీలో కంప్యూటర్‌ సైన్స్‌ ఇంజినీరింగ్‌ (సీఎస్‌ఈ) పూర్తి చేయగలిగా. అమెరికాకు చెందిన ఒక సాఫ్ట్‌ వేర్‌ కంపెనీలో నాలుగేళ్ల పాటు బిజినెస్‌ అనలిస్టుగా పనిచేశాను. నా తల్లిదండ్రుల పూర్తి మద్దతుతో కార్పొరేట్‌ ఉద్యోగాన్ని వదిలి సివిల్‌ సర్వీసెస్‌ వైపు అడుగులు వేశాను. చివరకు విజయం సాధించి 2017 బ్యాచ్‌ ఇండియన్‌ ఫారెస్ట్‌ సర్వీస్‌ (ఐఎఫ్‌ఎస్‌) అధికారిగా సేవలో చేరాను. మా కుటుంబంలో మొదటి తరం అధికారిగా నిలవడం నాకు ఎంతో గర్వంగా ఉంటుంది. ఈ రోజు కుమార్తెలను గౌరవించే రోజు. కానీ నా విజయానికి సంబంధించిన ప్రతీ గౌరవం నా తల్లిదండ్రులకే చెందుతుంది. – భూక్య లావణ్య, మానుకోట జిల్లా అటవీశాఖ అధికారి తాము చదువుకోలేక ఎదుర్కొన్న కష్టాలు తమ బిడ్డ పడకూడదని ఆ తల్లిదండ్రులు అనుకున్నారు. తాము చిందించిన ప్రతీ చెమట చుక్కను కూతుళ్ల భవిష్యత్తుకు పునాదిగా మార్చారు. మరికొందరు తల్లిదండ్రులు కొడుకు లేడని బాధపడలేదు. కూతుళ్లనే వారు కుమారులుగా భావిస్తూ ఉన్నతస్థానాలకు వెళ్లాలని ఆశపడ్డారు. వారి నమ్మకాన్ని కూతుళ్లు నిలబెట్టారు. ఉన్నతస్థానాలకు ఎదిగి తల్లిదండ్రుల పేరు నిలబెట్టారు. నేడు (ఆదివారం) కూతుళ్ల దినోత్సవం (డాటర్స్‌ డే) సందర్భంగా ఉమ్మడి వరంగల్‌ జిల్లాలో తల్లిదండ్రుల కల నెరవేర్చిన కూతుళ్లు, కూతుళ్ల కోసం కష్టపడిన తల్లిదండ్రులపై ప్రత్యేక కథనాలు. దేవుడిచ్చిన కూతురు.. నా పేరు సుమన్‌. నేను ఈఏడాది మార్చిలో మహబూబాబాద్‌లోని లండన్‌ కిడ్స్‌ పాఠశాలలో ఇన్‌చార్జ్‌గా జాయిన్‌ అయ్యాను. నా పూర్వ విద్యార్థిని ఇప్పుడు అదే పాఠశాలలో టీచర్‌గా విధుల్లో నిర్వర్తిస్తుంది. ఆమె పేరు పావని. జూన్‌ 21 (ఆదివారం) ఫాదర్స్‌ డే నాడు ఉదయమే పావని నాకు ఫోన్‌ చేసింది. సార్‌ స్కూల్‌కు వస్తున్నారా.. అని అడిగింది. వస్తున్నా అన్నాను. స్కూల్‌కి వచ్చేలోగా.. నా బెంచ్‌ మీద కేక్‌.. దాని మీద హ్యాపీ ఫాదర్స్‌ డే నాన్న అని రాసి ఉంది. ఎవరిది ఈ కేక్‌ అనగానే.. మిమ్మల్ని నాన్న అని పిలువచ్చా సార్‌ అంటూ పావని దగ్గరకు వచ్చింది. హ్యాపీగా ఒకే చెప్పాను. ఫ్రెండ్‌షిప్‌ డే, రాఖీ ఇలా అన్ని నాతోనే సెలబ్రేట్‌ చేసుకుంటుంది. బెస్ట్‌ టీచర్‌ అవార్డు అందుకుని నా వద్దకు వచ్చి తన శాలువాను నాకు కప్పి అవార్డు నా చేతిలో పెట్టింది. నా సంతోషానికి హద్దు లేదు. సొంత కూతురు ఉన్నా.. ఇలా చేసేదోకాదో అనిపించింది. సభలో ఉన్న టీచర్స్‌ సుమన్‌ సార్‌ మీకు ఇంత పెద్ద కూతురు ఉందా.. అని అడిగితే అప్పుడు చెప్పాను.. ఉంది.. పావని నాకు దేవుడు ఇచ్చిన కూతురు అని. నలుగురు కుమార్తెలు ఉద్యోగస్తులే.. ఏటూరునాగారం: మాది రైతు కుటుంబం. ఎన్నో కష్టాలు పడి మా తల్లిదండ్రులు నన్ను పెంచి పెద్దచేశారు. ఇంటర్‌ వరకు చదువుకున్నాను. 19 సంవత్సరాలకే జైలు వార్డెన్‌ ఉద్యోగం వచ్చింది. పోలీసులను మావోయిస్టులు చంపుతున్నారని తల్లిదండ్రులు పోలీసులు ఉద్యోగానికి పంపలేదు. నాకు నలుగురు కుమార్తెలు. ప్రభుత్వ పాఠశాలలో చదివించి ఇంటి వద్ద నేనే ట్యూషన్‌ చెప్పేవాడిని. ఆ తర్వాత నా రెండో కుమార్తె ప్రసన్న లక్ష్మీని డిప్లామా అగ్రిలక్చర్‌ చదివించగా ఏఈఓగా ఉద్యోగం వచ్చింది. పెద్ద కుమార్తె పద్మ ఏఎన్‌ఎంగా ములుగు ఏరియా ఆస్పత్రిలో థియేటర్‌ అసిస్టెంట్‌గా ఔట్‌సోర్సింగ్‌లో పనిచేస్తోంది. మూడో కుమార్తె ప్రియాంకకు ములుగు ఏరియా ఆస్పత్రిలో ల్యాబ్‌ అసిస్టెంట్‌గా ప్రభుత్వ ఉద్యోగం వచ్చింది. నాలుగో కుమార్తె రజిత కేంద్ర ప్రభుత్వ ఉద్యోగం రాగా ప్రస్తుతం హైదరాబాద్‌లోని హెడ్‌ క్వార్టర్స్‌లో వెటర్నరీ ల్యాబ్‌ టెక్నిషియన్‌గా ఉద్యోగం చేస్తోంది. నలుగురు కుమార్తైలెనా అధైర్యపడకుండా ప్రయోజకులను చేశా. వారు నా నమ్మకాన్ని నిలబెట్టడం తండ్రిగా ఎంతో సంతృప్తినిచ్చింది. – గోగు నగేశ్‌, ఏటూరునాగారం, ములుగు జిల్లాఇద్దరు ఆడపిల్లలు డాక్టర్లే.. కాశిబుగ్గ: వరంగల్‌ దేశాయిపేటకు చెందిన ఆర్టీసీ రిటైర్డ్‌ ఉద్యోగి గాండ్ల ప్రభాకర్‌–రమాదేవికి ఇద్దరు కుమార్తెలు మౌనిక, మేఘన. ఇద్దరు ఆడపిల్లలు ఉన్నారన్నా చింత లేకుండా వారిని చదివించారు. పెద్దమ్మాయి మౌనిక కేఎంసీలో ఎంబీబీఎస్‌ పూర్తి చేసి, కాకినాడలోని రంగరాయ మెడికల్‌ కాలేజీలో పిడియాట్రిక్స్‌ పూర్తి చేశారు. ప్రస్తుతం ఉస్మానియా పరిధిలోని నీలోఫర్‌ ఆస్పత్రిలో డీఎం నియోనెటాలజీగా పనిచేస్తున్నారు. అదేవిధంగా చిన్నమ్మాయి మేఘన కూడా తానేమి తీసిపోనట్లుగా ఒంగోలులోని రిమ్స్‌లో ఎంబీబీఎస్‌ పూర్తి చేసి, ప్రస్తుతం గుంటూరులోని మెడికల్‌ కాలేజీలో ఆప్తాల్మాజీలో సెకండియర్‌ చదువుతున్నారు. ‘మాకు కొడుకులు లేరన్న చింత లేదు. ఇద్దరు ఆడపిల్లలు పుట్టినా లక్ష్మీదేవిలుగా భావిస్తూ కష్టపడి చదివించాం. డాక్టర్లు కావడంతో మా జన్మ ధన్యమైంది.’అని తల్లిదండ్రులు ప్రభాకర్‌–రమాదేవి సగర్వంగా చెప్పారు. కూతురును చూసి గర్వపడుతున్నాం.. హన్మకొండ : నిన్నుచూసి మేము తల్లి–దండ్రులుగా ఎంతో గర్వపడుచున్నాం. కూతురు సహనా రెడ్డి చిన్ననాటి జ్ఞాపకాలను నెమరు వేసుకుంటా ఆనందం పొందుతున్నాం. విద్య అనేది భవిష్యత్‌ను మార్చే శక్తి అని ధృడంగా నమ్మి మా కూతురును చదివించాం. కాకతీయ యూనివర్సిటీలో బీటెక్‌ పూర్తి చేసి, ఇండియన్‌ స్కూల్‌ ఆఫ్‌ బిజినెస్‌ స్కూల్‌ ఎంబీఏ పూర్తి చేసింది. మల్టీ నేషనల్‌ ఫ్రాంక్లిన్‌ టెంపుల్‌టన్‌ కంపెనీలో ఏడాదికి రూ.75 లక్షల ప్యాకేజీతో ఉద్యోగం చేస్తూ సమాజంలో ఉన్నత స్థాయిలో నిలవడం మాకెంతో గర్వకారణం. మా ఆనందం.. ఆశలకు ప్రతీక అయిన నీవు. భవిష్యత్‌లో మరిన్ని ఉన్నతశిఖరాలను అధిరోహించాలని, నేటి సమాజానికి మార్గదర్శకురాలిగా నిలవాలని కోరుకుంటున్నాం. – గోపు రేణుకారెడ్డి – సమ్మిరెడ్డి, హనుమకొండ వారి ఆశలను వమ్ము చేయకుండా నెరవేర్చిన కూతుళ్లు ఉమ్మడి వరంగల్‌ జిల్లాలో ఉన్నతస్థానాలకు ఎదిగిన పలువురు అమ్మనాన్నల రెక్కల కష్టం.. కూతుళ్ల విజయాల ఆకాశం చదువుకోలేదన్న వెలితిని.. పిల్లల చదువుతో తుడిచేసుకున్న తల్లిదండ్రులు

మహబూబాబాద్‌ రూరల్‌ : పర్యాటక ప్రదేశాల అభివృద్ధికి ప్రాధాన్యమివ్వాలని కలెక్టర్‌ స్నేహ శబరీష్‌ అన్నారు. అంతర్జాతీయ పర్యాటక దినోత్సవం సందర్భంగా కంబాలపల్లి పెద్ద చెరువు వద్ద శనివారం నిర్వహించిన కార్యక్రమానికి ఆమె ముఖ్యఅతిథిగా హాజరయ్యారు. మొదటగా పురాతన రాజరాజేశ్వర స్వామివారి శివాలయాన్ని సందర్శించి ప్రత్యేక పూజలు నిర్వహించారు. చెరువు ప్రాంగణంలో మొక్క నాటారు. జిల్లాలోని పర్యటక ప్రదేశాలపై పాఠశాల విద్యార్థులు వేసిన పెయింటింగ్‌, ఫొటో ఎగ్జిబిషన్‌ సందర్శించారు. అనంతరం కలెక్టర్‌ మాట్లాడుతూ కురవి వీరభద్ర స్వామి, కందికొండ లక్ష్మీనరసింహస్వామి, నరసింహులపేట వెంకటేశ్వర స్వామి ఆలయం, బయ్యారం పెద్ద చెరువు, మత్తడి, అనంతరం, భీముని పాదం, గుంజేడు ముసలమ్మ తల్లి ఆలయం, పురాతనమైన ఆలయాలు ఏడు బావులు, కంబాలపల్లి పెద్ద చెరువు, గ్రీన్‌ హిల్స్‌ క్యాంపింగ్‌, పులిమడుగు క్యాంపింగ్‌, బయ్యారం జలపాతం, పర్యటక ప్రాంతాల అభివృద్ధి కోసం ప్రత్యేక కార్యచర్యలతో ముందుకెళ్తున్నట్లు తెలిపారు. జిల్లాలో 49 శాతం అడవి ఉందని అందులో ఎంతో అద్భుతమైన టూరిజం స్పాట్స్‌ ఉన్నాయని తెలిపారు. సంస్కృతిపై క్లుప్తంగా పుస్తకం రాసిన రమేష్‌ను అభినందించారు. టూరిజం నోడల్‌ అధికారి శ్రీమన్నారాయణరెడ్డి, ఇన్‌చార్జ్‌ అదనపు కలెక్టర్‌ పురుషోత్తం, ఫారెస్ట్‌ డివిజనల్‌ అధికారి వెంకటేశ్వర్లు, సర్పంచ్‌ చీరిక వసంతఉపేందర్‌ రెడ్డి, ఉప సర్పంచ్‌ కమటం యాకన్న, మున్సిపల్‌ చైర్‌ పర్సన్‌ గుగులోతు జ్యోతి, మున్సిపల్‌ కమిషనర్‌ వినోద్‌ కుమార్‌, ట్రైనీ డిప్యూటీ కలెక్టర్‌ నితీష్‌, టీఎస్‌ఎస్‌ సారధి కొలిశెట్టి సత్యనారాయణ, పంచాయతీ కార్యదర్శి అభిలాష్‌ పాల్గొన్నారు. ప్రకృతి వ్యవసాయంపై అవగాహన అవసరం కేసముద్రం: ప్రకృతి వ్యవసాయంపై ప్రతీ ఒక్కరూ అవగాహన పెంచుకోవాలని కలెక్టర్‌ స్నేహ శబరీష్‌ అన్నారు. మండలంలోని తాళ్లపూసపల్లిలో జైపాల్‌రెడ్డి అనే రైతు వ్యవసాయ క్షేత్రంలో జాతీయ మిషన్‌ నేచురల్‌ ఫామింగ్‌ ఆధ్వర్యంలో జిల్లాలోని 17 క్లస్టర్‌లకుగాను 34 సీఆర్పీలకు ఐదు రోజుల శిక్షణ కార్యక్రమాన్ని శనివారం ప్రారంభించారు. ఈ సందర్బంగా కలెక్టర్‌ హాజరై మాట్లాడారు. ప్రతీ ఒక్కరు ప్రకృతి వ్యవసాయం వైపు మొగ్గు చూపే విధంగా వ్యవసాయ ఉద్యానవన శాఖ శాస్త్రవేత్తలు, అధికారులు చర్యలు తీసుకోవాలన్నారు. రైతులు, సీఆర్పీలకు ప్రభుత్వాలు అందిస్తున్న కార్యక్రమాల ద్వారా సేంద్రియ ఎరువులు, ప్రకృతి వ్యవసాయంపై శిక్షణ తరగతులు నిర్వహించి, సబ్సిడీ ఇచ్చే విధంగా చర్యలు తీసుకోవాలన్నారు. కార్యక్రమంలో డీఏఓ విజయచంద్ర, ఉద్యానవన శాఖ అధికారి మరి యన్న, శాస్త్రవేత్త, శాస్త్రవేత్త, అధిపతి అడ్లూరి ప్రశాంత్‌కుమార్‌, వెంకట్‌రెడ్డి, రామారావు, నాగేశ్వర్‌రావు, తహసీల్దార్‌ వివేక్‌, ఏఓ వెంకన్న పాల్గొన్నారు. కలెక్టర్‌ స్నేహ శబరీష్‌ ప్రపంచ పర్యాటక దినోత్సవ వేడుకలు

జనగామ: గత ప్రభుత్వ హయాంలో వివిధ కారణాలతో మధ్యలోనే నిర్మాణాలు నిలిచిన ఇళ్లను గుర్తించి వాటిని పూర్తి చేసి పేద కుటుంబాలకు అందుబాటులోకి తీసుకురావాల్సిన బాధ్యత ప్రభుత్వంపై ఉందని రాష్ట్ర రెవెన్యూ, గృహ నిర్మాణ, పౌర సంబంధాల శాఖల మంత్రి పొంగులేటి శ్రీనివాస్‌ రెడ్డి తెలిపారు. శనివారం జనగామ జిల్లా కేంద్రంలోని ప్రెస్టన్‌ కళాశాల గ్రౌండ్‌లో ఇందిరమ్మ ఇళ్ల మంజూరు పత్రాల పంపిణీ కార్యక్రమ సభలో మంత్రి ముఖ్యఅతిథిగా పాల్గొన్నారు. భువనగిరి ఎంపీ చామల కిరణ్‌ కుమార్‌రెడ్డి, జనగామ ఎమ్మెల్యే పల్లా రాజేశ్వర్‌రెడ్డి, మున్సిపల్‌ చైర్‌పర్సన్‌ కడకంచి బాలమణి శ్రీనివాస్‌, కలెక్టర్‌ సందీప్‌ కుమార్‌ ఝాతో కలిసి మంత్రి మాట్లాడారు.. ఒక్క జనగామ నియోజకవర్గంలోనే కాకుండా రాష్ట్ర వ్యాప్తంగా గతంలో నిర్మాణాలు పూర్తికాక ఖాళీగా ఉన్న ఇళ్లను గుర్తిస్తున్నామని చెప్పారు. జనగామకు సంబంధించి అసంపూర్తిగా ఉన్న ఇళ్లను పూర్తి చేసేందుకు రూ.2 కోట్లు మంజూరు చేస్తున్నట్లు వెల్లడించారు. జనగామ జిల్లాలో సుమారు 500 కుటుంబాలు పూరి గుడిసెల్లో నివసిస్తున్నాయని, వచ్చే దసరా నాటికి ఇందులో అర్హులైన కుటుంబాలకు రూ.5 లక్షలతో ఇందిరమ్మ ఇళ్లు నిర్మించుకునేలా మంజూరు చేస్తామని ప్రకటించారు. ఆర్థిక పరిస్థితుల కారణంగా మొండి గోడల వద్ద, స్లాబ్‌ స్థాయిలో నిర్మాణాలు నిలిచిపోయిన ఇళ్లను కూడా పరిశీలించి రూ.2లక్షల నుంచి రూ.3 లక్షల వరకు సాయం అందిస్తామని మంత్రి పొంగులేటి తెలిపారు. జనగామ మున్సిపాలిటీ పరిధిలో మౌలిక వసతుల కల్పనకు దసరా నాటికి రూ.25 కోట్లతో అభివృద్ధి పనులు చేపట్టేందుకు నిధులను వెంటనే మంజూరు చేస్తామని మంత్రి హామీ ఇచ్చారు. అనంతరం 500 మంది అర్హులైన లబ్ధిదారులకు ఇందిరమ్మ ఇళ్ల మంజూరు పత్రాలను మంత్రి చేతుల మీదుగా అందించారు. కార్యక్రమంలో డీసీపీ రాజమహేంద్రనాయక్‌, రెవెన్యూ అదనపు కలెక్టర్‌ బెన్‌షాలోమ్‌, మున్సిపల్‌ కమిషనర్‌ రాజశేఖర్‌రెడ్డి, ఏఎంసీ చైర్మన్‌ బనుక శివరాజ్‌ యాదవ్‌, డీసీసీ అధ్యక్షురాలు ధన్వంతి నాయక్‌, వైటీడీఏ సభ్యుడు డాక్టర్‌ లక్ష్మీనారాయణ నాయక్‌ తదితరులు పాల్గొన్నారు. పూరిగుడిసెల కుటుంబాలకు రూ.5 లక్షలతో ఇందిరమ్మ ఇళ్లు జనగామ సభలో మంత్రి పొంగులేటి శ్రీనివాస్‌రెడ్డి

తొర్రూరు రూరల్‌: సాంకేతిక పరిజ్ఞానాన్ని పెంచుకుంటూ సైబర్‌ నేరాల పట్ల విద్యార్థులు అప్రమత్తంగా ఉండాలని తొర్రూరు జూనియర్‌ సివిల్‌ కోర్టు జడ్జి దామెర ధీరజ్‌కుమార్‌ సూచించారు. శనివారం మండలంలోని వెలికట్ట జిల్లా పరిషత్‌ పాఠశాలలో మండల న్యాయ సేవాధికార సంస్థ ఆధ్వర్యంలో అవగాహన సదస్సును నిర్వహించారు. ముఖ్య అతి థిగా పాల్గొన్న జడ్జి మాట్లాడుతూ విద్యార్థులు సెల్‌ఫోన్ల వినియోగంలో జాగ్రత్తగా ఉండాలని, తెలియ ని వ్యక్తులు ఫోన్లు చేస్తే మాట్లాడొద్దని తెలిపారు. ఓటీపీలు ఇతరులకు చెప్పి మోసపోవద్దని సూచించారు. హెచ్‌ఎం శ్రీనుబాబు, ఉపాధ్యాయులు తదితరులు పాల్గొన్నారు. న్యాయ సేవలు అందేలా చూడాలి మహబూబాబాద్‌ రూరల్‌ : సమాజంలోని మూగ, చెవిటి (బధిరులు) వారిని క్షేత్రస్థాయిలో గుర్తించాల్సిన కీలక బాధ్యత పారా లీగల్‌ వలంటీర్లపై ఉందని జిల్లా న్యాయ సేవాధికార సంస్థ కార్యదర్శి స్వాతి మురారి అన్నారు. ప్రపంచ బధిరుల దినోత్సవం ఆదివారం జరుపుకోనున్న నేపథ్యంలో స్వాతి మురారి పారా లీగల్‌ వలంటీర్లతో శనివారం ప్రత్యేక సమావేశం నిర్వహించారు. ఈ సందర్భంగా ఆమె మాట్లాడుతూ కేవలం మూగ, చెవిటి వారిని గుర్తించడమే కాకుండా జిల్లా న్యాయ సేవాధికార సంస్థ ద్వారా వారికి లభించే ఉచిత న్యాయ సేవలు, సలహాలు, చట్టపరమైన హక్కుల గురించి అవగాహన కల్పించాలన్నారు.

మహబూబాబాద్‌ రూరల్‌ : చాకలి ఐలమ్మ పోరా టం స్ఫూర్తిదాయకమని ఎస్పీ శబరీష్‌ అన్నారు. జిల్లా పోలీస్‌ కార్యాలయంలో తెలంగాణ వీరవనిత, రైతాంగ పోరాట యోధురాలు చాకలి ఐలమ్మ జయంతి వేడుకలను శనివారం ఘనంగా నిర్వహించారు. ఈ సందర్భంగా ఐలమ్మ చిత్రపటానికి ఎస్పీ పూలమాల వేసి నివాళులర్పించి, మాట్లాడుతూ సామాజిక అన్యాయాన్ని, పెత్తందారీ దోపిడీని ఎదిరిస్తూ ఐలమ్మ ప్రదర్శించిన ధైర్యం, ఆత్మగౌరవ పోరాట పటిమ తెలంగాణ చరిత్రలో చిరస్థాయిగా నిలిచిపోయాయన్నారు. ఆమె త్యాగా న్ని, ధైర్యాన్ని స్మరించుకుంటూ ప్రజాసేవలో మరింత అంకితభావంతో పనిచేయడమే ఆమెకు అందించే నిజమైన నివాళి అని పేర్కొన్నారు. మాదకద్రవ్యాల నిర్మూలనపై దృష్టి కేసముద్రం: మాదకద్రవ్యాల నిర్మూలనపై పోలీసులు ప్రత్యేక దృష్టి సారించాలని ఎస్పీ శబరీష్‌ అన్నారు. శనివారం కేసముద్రం పోలీస్‌స్టేషన్‌ను ఆయన ఆకస్మికంగా సందర్శించి, పరిసరాలు, సిబ్బంది విధుల నిర్వహణ, కేసుల దర్యాప్తు, ప్రజలకు అందుతున్న పోలీస్‌ సేవలను పరిశీలించారు. ఈ సందర్భంగా ఆయన మాట్లాడుతూ.. గంజాయి, ఇతర మాదకద్రవ్యాల అక్రమ రవాణా, విక్రయం, వినియోగంపై నిఘా పెంచాలన్నారు. పోలీస్‌స్టేషన్‌కు వచ్చే ప్రజలకు మధ్యాహ్నం 3 గంటల నుంచి సాయంత్రం 5 గంటల వరకు కలిసే సమయాన్ని పాటించాలని ఆదేశించారు. కార్యక్రమంలో ఎస్సై క్రాంతికిరణ్‌, పోలీస్‌ సిబ్బంది పాల్గొన్నారు. ఎస్పీ శబరీష్‌ చాకలి ఐలమ్మ జయంతి వేడుకలు

విద్యార్థులను ఎలుకలు కొరికినాపాలకుర్తి టౌన్‌: విద్యార్థులను ఎలుకలు కొరికినా ప్రభుత్వానికి, సీఎం రేవంత్‌రెడ్డికి సోయి లేదని, రా ష్ట్రంలో అసలు విద్యాశాఖ ఉందా అని బీజేపీ రాష్ట్ర అధికార ప్రతినిధి తాడూరు శ్రీనివాస్‌ ప్రశ్నించారు. శనివారం మండల కేంద్రంలోని తెలంగాణ సాంఘి క సంక్షేమ బాలికలను పరామర్శించేందుకు గురుకుల పాఠశాలకు బీజేపీ నాయకులు వెళ్లగా గేటు తాళం తీయలేదు. దీంతో గేటు వద్దే ధర్నా నిర్వహించారు. ఈ సందర్భంగా శ్రీనివాస్‌.. మాజీ ఎమ్మెల్యే ధర్మారావుతో కలిసి మాట్లాడుతూ రాష్ట్రంలో కీసర, భద్రాద్రి కొత్తగూడెం, పాలకుర్తి గురుకుల పాఠశాలతోపాటు కాకతీయ యూనివర్సిటీ క్యాంపస్‌లో విద్యార్థులను ఎలుకలు కొరుకుతున్నా అధికారులకు పట్టింపు లేదని విమర్శించారు. ముఖ్యమంత్రి, విద్యాశాఖ మంత్రిగా ఉన్న రేవంత్‌రెడ్డి వెంటనే రాజీనామా చేయాలని డిమాండ్‌ చేశారు. బీజేపీ రాష్ట్ర నాయకుడు లేగ రామోహ్మన్‌రెడ్డి మాట్లాడుతూ క్యాంపు కార్యాలయం పక్కనే ఉన్న గురుకుల పాఠశాలలో విద్యార్థినులను ఎలుకలు కొరికితే స్థానిక ఎమ్మెల్యే యశస్వినిరెడ్డి కనీసం పరామర్శించలేదని విమర్శించారు. కార్యక్రమంలో రంగు రాములు, దొంగరి మహేందర్‌, పల్లె కుమార్‌, మారం రవికుమార్‌, నిరంజన్‌రెడ్డి,లాకావత్‌ రవి, దేవరాజ్‌ తదితరులు పాల్గొన్నారు. బీజేపీ రాష్ట్ర అధికార ప్రతినిధి శ్రీనివాస్‌

హన్మకొండ: వేసవిలో డిమాండ్‌కు అనుగుణంగా నిరంతరాయంగా నాణ్యమైన విద్యుత్‌ సరఫరా చేసేందుకు అన్ని సర్కిళ్లలో ముందస్తు చర్యలు చేపట్టాలని టీజీ ఎన్పీడీసీఎల్‌ చైర్మన్‌, మేనేజింగ్‌ డైరెక్టర్‌ కర్నాటి వరుణ్‌రెడ్డి ఆదేశించారు. శనివారం హనుమకొండ నక్కలగుట్టలోని టీజీఎన్పీడీసీఎల్‌ ప్రధాన కార్యాలయం నుంచి 18 సర్కిళ్ల ఎస్‌ఈలు, డీఈలు, ఏడీఈలు, ఎస్‌ఏఓలతో వీడియో కాన్ఫరెన్స్‌ నిర్వహించారు. రానున్న వేసవిని దృష్టిలో ఉంచుకుని రూపొందించాల్సిన కార్యాచరణపై సమీక్షించారు. ఈ సమీక్షలో సీఎండీ మాట్లాడుతూ 33 కేవీ, 11 కేవీ ఓవర్‌లోడ్‌ ఫీడర్లను ముందుగానే గుర్తించి అవసరమైన చోట కండక్టర్‌ అప్‌గ్రేడేషన్‌ చేపట్టాలని, కొత్త సబ్‌స్టేషన్ల నిర్మాణం, అదనపు డీటీఆర్‌ల ఏర్పాటు, ట్రాన్స్‌ఫార్మర్ల సామర్థ్య పెంపు పనుల్లో వేగం పెంచాలన్నారు. డీటీఆర్‌లపై లోడ్‌ను నిరంతరం పర్యవేక్షించాలని, 60 శాతానికి పైగా లోడ్‌ ఉన్న డీటీఆర్‌లను ముందుగానే గుర్తించి అవసరమైన చోట సామర్థ్యాన్ని పెంచాలన్నారు. టాంగ్‌ టెస్టర్‌ రీడింగ్‌లను తీసుకుని లోడ్‌ బ్యాలెన్సింగ్‌ చర్యలు చేపట్టాలని సూచించారు. డైరెక్టర్లు వి.మోహన్‌రావు, వి.తిరుపతిరెడ్డి, సి.ప్రభాకర్‌, సీఈలు కె.తిరుమల్‌రావు, అశోక్‌, వెంకటరమణ, సురేందర్‌, నాగప్రసాద్‌, గౌతమ్‌రెడ్డి, మల్లికార్జున్‌, అన్నపూర్ణ, సీజీఎంలు చరణ్‌దాస్‌, కిషన్‌, వేణుబాబు, జీఎంలు కళాధర్‌రెడ్డి, అనిల్‌రెడ్డి, జయరాజ్‌, మధుసూదన్‌, వాసుదేవ్‌, విజేందర్‌రెడ్డి, గోపికృష్ణ, డీఈ కె.అనిల్‌కుమార్‌ పాల్గొన్నారు. టీజీ ఎన్పీడీసీఎల్‌ సీఎండీ వరుణ్‌రెడ్డి

● వరంగల్‌ కలెక్టర్‌ డాక్టర్‌ సత్యశారద మామునూరు : నిర్ణీత ప్రణాళిక ప్రకారం విమానాశ్రయం నిర్మాణ పనుల్లో మరింత వేగం పెంచాలని వరంగల్‌ కలెక్టర్‌ డాక్టర్‌ సత్యశారద సూచించారు. ఈ మేరకు శనివారం వరంగల్‌ మామునూరు విమానాశ్రయాన్ని అదనపు కలెక్టర్‌ ఎల్‌. కిశోర్‌కుమార్‌, ఆర్డీఓ సుమ, ఎయిర్‌పోర్ట్‌ అథారిటీ అధికారి నటరాజ్‌, ఈఈ రాజేందర్‌, ఇతరశాఖల అధికారులతో కలిసి సందర్శిచారు. ఈ సందర్భంగా ఎయిర్‌పోర్ట్‌ పాత రన్‌వే, పరిసరాలు, భూసేకరణ ప్రాంతాన్ని క్షేత్రస్థాయిలో పరిశీలించారు. అనంతరం ఎయిర్‌ పోర్ట్‌ నిర్మాణానికి సంబంధించి చేపట్టాల్సిన పనులు, ఆయా శాఖల పరిధిలోని అంశాలపై ఆయా ఆధికారులతో సమీక్షించారు. ఈ సందర్భంగా కలెక్టర్‌ మాట్లాడుతూ వివిధ శాఖలు సమన్వయంతో పనిచేస్తూ నిర్ణీత ప్రణాళిక ప్రకారం పనులు పూర్తి చేసేలా చర్యలు తీసుకోవాలని అధికారులను ఆదేశించారు. తహసీల్దార్‌ ఇక్బాల్‌, ఆర్‌అండ్‌బీ ఈఈ రాజేందర్‌, ఇరిగేషన్‌ డీఈ సురేశ్‌బాబు, డీఈ మధుసూదన్‌, నేషనల్‌ హైవే డీఈ అమీర్‌పాషా తదితరులు పాల్గొన్నారు.

వరంగల్‌ స్పోర్ట్స్‌: క్రీడలకు ప్రాధాన్యతనిస్తూ ప్రతిభ కలిగిన క్రీడాకారులను ప్రోత్సహించి, గ్రామస్థాయి నుంచే అంతర్జాతీయ స్థాయి క్రీడాకారులను తయారు చేయాలనే లక్ష్యంతో ప్రభుత్వం ముందుకు సాగుతోందని వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి అన్నారు. వరంగల్‌ జిల్లా అథ్లెటిక్స్‌ అసోసియేషన్‌ ఆధ్వర్యంలో హనుమకొండలోని జవహర్‌లాల్‌ నెహ్రూ స్టేడియంలో రెండు రోజులపాటు నిర్వహించనున్న 12వ తెలంగాణ రాష్ట్ర అథ్లెటిక్స్‌ చాంపియన్‌షిప్‌ పోటీలు శనివారం అట్టహాసంగా ప్రారంభమయ్యాయి. ఈ పోటీలకు ముఖ్య అతిథిగా ఎమ్మెల్యే రాజేందర్‌రెడ్డి హాజరై వర్ధన్నపేట ఎమ్మెల్యే కె.ఆర్‌ నాగరాజు, వరంగల్‌ పోలీస్‌ కమిషనర్‌ శ్వేతతో కలిసి ప్రారంభించారు. ఈ సందర్భంగా ఎమ్మెల్యే రాజేందర్‌ రెడ్డి మాట్లాడుతూ భవిష్యత్‌లో వరంగల్‌ను స్పోర్ట్స్‌ హబ్‌గా తీర్చిదిద్దేలా సమగ్ర రూపకల్పన చేస్తున్నామన్నారు. వర్ధన్నపేట ఎమ్మెల్యే కె.ఆర్‌ నాగరాజు మాట్లాడుతూ యువత మత్తు పదార్థాలకు దూరంగా ఉంటూ మైదానాల్లో పోటీ పడాలని సూచించారు. వరంగల్‌ సీపీ శ్వేత మాట్లాడుతూ జేఎన్‌ స్టేడియం క్రీడాకారులకు వరమని, దీనిని సద్వినియోగం చేసుకోవాలన్నారు. క్రీడల్లో విజయం సాధించడం కంటే పాల్గొనడమే గొప్ప విజయమన్నారు. తెలంగాణ అథ్లెటిక్స్‌ అసోసియేషన్‌ రాష్ట్ర కార్యదర్శి కె. సారంగపాణి మాట్లాడుతూ అండర్‌– 14,16,18,20 బాలబాలికలు, మెన్‌ అండ్‌ ఉమెన్‌ విభాగాల్లో జరుగుతున్న పోటీలకు రాష్ట్రంలోని ఆయా జిల్లాల నుంచి 1,500 మంది క్రీడాకారులు పాల్గొనగా, 220 ఈవెంట్లు నిర్వహించనున్నట్లు తెలిపారు. మొదటి రోజు 120 ఈవెంట్లు జరిగినట్లు తెలిపారు. గ్రంథాలయ సంస్థ హనుమకొండ జిల్లా చైర్మన్‌ అజీజ్‌ఖాన్‌, డీవైఎస్‌ఓ ప్రశాంత్‌, వరంగల్‌ జిల్లా అథ్లెటిక్స్‌ అసోసియేషన్‌ చైర్మన్‌ గట్టు మహేశ్‌బాబు, అధ్యక్షుడు పుల్యాల కిషన్‌, కార్యదర్శి ఊర యుగెంధర్‌రెడ్డి, సంఘం రాష్ట్ర బాధ్యుడు వెంకటేశ్వర్‌రెడ్డి, కోచ్‌లు, టెక్నికల్‌ అఫీషియల్స్‌, తదితరులు పాల్గొన్నారు. ఎమ్మెల్యే నాయిని రాజేందర్‌రెడ్డి అట్టహాసంగా రాష్ట్ర స్థాయి అథ్లెటిక్స్‌ పోటీలు

జనగామ: కాంగ్రెస్‌ పార్టీ సంక్షేమ పథకాలు, అభివృద్ధి కార్యక్రమాలు, పార్టీ సమాచారాన్ని ప్రజలకు చేరవేసేందుకు రూపొందించిన ‘సారథి యాప్‌’ను రాష్ట్ర మంత్రి పొంగులేటి శ్రీనివాస్‌రెడ్డి శనివారం ప్రారంభించారు. కాంగ్రెస్‌ పార్టీ జిల్లా కార్యాలయంలో డీసీసీ అధ్యక్షురాలు ధన్వంతి లక్ష్మీనారాయణ లకావత్‌ ఆధ్వర్యంలో ఈ కార్యక్రమం నిర్వహించారు. పార్టీ నాయకులు, కార్యకర్తలు యాప్‌ను విస్తృతంగా వినియోగించి ప్రభుత్వ పథకాలు, అభివృద్ధి కార్యక్రమాల సమాచారాన్ని ప్రజలకు చేరవేయాలని మంత్రి సూచించారు. అనంతరం కాంగ్రెస్‌ పార్టీ జిల్లా ఎస్సీ సెల్‌ ఆధ్వర్యంలో నిర్వహించిన చాకలి ఐలమ్మ జయంతి వేడుకల్లో పాల్గొని ఆమె చిత్రపటానికి పూలమాలలు వేసి నివాళులర్పించారు. కాగా, జిల్లా కాంగ్రెస్‌ పార్టీకి శాశ్వత కార్యాలయం ఏర్పాటుకు స్థలం కేటాయించాలని ధన్వంతి లక్ష్మీనారాయణ లకావత్‌.. మంత్రిని కోరారు. దీనిపై స్పందించిన పొంగులేటి.. తగిన స్థలాన్ని పరిశీలించి కేటాయించాలని కలెక్టర్‌ను ఆదేశించారు. కార్యక్రమంలో నియోజకవర్గ ఇన్‌చార్జ్‌ కొమ్మూరి ప్రతాప్‌రెడ్డి, మున్సిపల్‌ చైర్‌పర్సన్‌ కడకంచి బాలమణి శ్రీనివాస్‌, వైటీడీఏ మెంబర్‌ డాక్టర్‌ లక్ష్మీనారాయణ నాయక్‌, తదితరులు పాల్గొ న్నారు. రాష్ట్ర మంత్రి పొంగులేటి శ్రీనివాస్‌రెడ్డి ‘సారథి’ యాప్‌ ప్రారంభం

తండ్రి స్ఫూర్తితో కూతురువరంగల్‌ స్పోర్ట్స్‌: ఆడపిల్ల పుట్టిందంటే పెళ్లి నాటికి బంగారం, డబ్బులు, ప్లాట్లు సంపాదిస్తే చాలు.. కూతురుకు బంగారు భవిష్యత్‌ అందించొచ్చు. ఇది సగటు సాధారణ తండ్రి ఆలోచన. అందుకు భిన్నంగా ఓ తండ్రి తన కూతురును అంతర్జాతీయ వేదికపై తల ఎత్తి చూడాలని తలచారు. తన లక్ష్యం కోసం కూతురును క్రీడా దిగ్గజంగా మలిచేందుకు పరితపించారు. చూస్తుండగానే తన లక్ష్యానికి కూతురు చేరువయ్యింది. వచ్చే నెల 12 నుంచి 18వ తేదీ వరకు చైనాలో జరగనున్న ఐదో ఏషియా కప్‌ టోర్నమెంట్‌లో అండర్‌–15 బాలికల విభాగంలో భారత జట్టు నుంచి పాల్గొననుంది. హనుమకొండలోని కేఎల్‌ఎన్‌రెడ్డికాలనీ సమీపంలో శాంతినగర్‌కు చెందిన వేల్పుల అనిల్‌ సుబేదారి పోలీస్‌ స్టేషన్‌లో కానిస్టేబుల్‌గా విధులు నిర్వహిస్తున్నారు. అనిల్‌, సుజాత దంపతులకు కూతురు సాయివర్షిణి, కుమారుడు సాయివర్షిత్‌ ఉన్నారు. కూతురు సాయివర్షిణి ఎదిగిన తీరును ‘డాటర్స్‌ డే’ సందర్భంగా తండ్రి అనిల్‌ ‘సాక్షి’తో పంచుకున్నారు. ఆ వివరాలు ఆయన మాటల్లోనే.. ప్రశ్న: సాయివర్షిణికి సాఫ్ట్‌బాల్‌పై ఆసక్తిని ఎప్పుడు గుర్తించారు సాయివర్షిణి పుట్టగానే క్రీడాకారిణిగా తయారు చేయాలని నిశ్చయించుకున్నా. నాలుగో తరగతి చదువుతుండగా ప్రతీ రోజు మైదానానికి తీసుకెళ్లేవాడిని. స్టేడియంలో క్రీడాకారులను చూపుతూ క్రీడలపై ఆసక్తి పెరిగేలా బోధించేవాడిని. కొద్ది రోజులు గమనించాక సాఫ్ట్‌బాల్‌ వైపు సాయివర్షిణి ఆసక్తి చూపెట్టింది. ప్రశ్న: ఎక్కడ శిక్షణ ఇప్పించారు ప్రతీ రోజు జవహర్‌లాల్‌ నెహ్రూ స్టేడియం తీసుకెళ్తున్న క్రమంలో సాఫ్ట్‌బాల్‌ క్రీడ పట్ల ఆసక్తి కనబరిచింది. అక్కడే శిక్షణ ఇస్తున్న కోచ్‌ వినయ్‌ వద్ద జాయిన్‌ చేశా. నాలుగు సంవత్సరాలుగా వినయ్‌ వద్ద శిక్షణ పొందుతోంది. ప్రతీ రోజు రెండు గంటలకు పైగా సాధన చేస్తుంది. ప్రస్తుతం పిచ్చర్‌గా భారత జట్టులో స్థానం దక్కించుకుంది. ప్రశ్న: సాయివర్షిణి చదువు, ఆటపై ఎలా దృష్టి పెడుతున్నారు సాయివర్షిణి చిన్నప్పటి నుంచే ఏదైనా సరే ఒకసారి చెబితే చాలు ఇట్టే పట్టేస్తుంది. ప్రస్తుతం హంటర్‌రోడ్‌లోని గ్రీన్‌వుడ్‌ హైస్కూల్‌లో 8వ తరగతి చదువుతోంది. ఏ రోజు కూడా చదువులో వెనుకంజ వేయలేదు. సాయంత్రం స్టేడియానికి వెళ్లి రాగానే పుస్తకాలు పడుతుంది. ఏ రోజు కూడా అలసిపోయా.. చదువుకోలేను అని చెప్పలేదు. ప్రశ్న: తల్లిదండ్రులుగా కూతురు ఈ స్థాయికి ఎంపిక కావడం ఎలా ఫీలవుతున్నారు నా కూతురుని అంతర్జాతీయ స్థాయిలో ప్రపంచమంతా తల ఎత్తుకుని చూడాలన్న మా ఆశయం, ఆలోచనలను ఒంటబట్టించుకుని భారత జట్టుకు ఎంపిక కావడం మాటల్లో చెప్పలేని సంతృప్తిగా ఉంది. ఈ విషయాన్ని ఎంతో గర్వంగా చెప్పుకుంటున్నా. భవిష్యత్‌లో మరింత స్థాయికి ఎదుగుతుందని ధీమా కలుగుతోంది.దగ్గరుండి సాఫ్ట్‌బాల్‌ క్రీడలో శిక్షణ నా కూతురు సాయివర్షిణి సాఫ్ట్‌బాల్‌ భారత జట్టుకు ఎంపిక సంతృప్తినిచ్చింది.. తండ్రి కానిస్టేబుల్‌ వేల్పుల అనిల్‌

● ఉధృతం కానున్న ప్రచారం హన్మకొండ: టీజీఎస్‌ ఆర్టీసీ యూనియన్‌ ఎన్నికలకు కార్మిక శాఖ శనివారం గుర్తులు కేటాయించింది. దీంతో ఎన్నికల నిర్వహణపై పూర్తి స్పష్టత వచ్చింది. ఇప్పటికే మొదలు పెట్టిన ప్రచారం గుర్తుల కేటాయింపుతో ఉధృతం కానుంది. గతంలో తెలంగాణ మజ్దూర్‌ యూనియన్‌కు కేటాయించిన విల్లు, బాణం గుర్తును తెలంగాణ ఆర్టీసీ వర్కర్స్‌ యూనియన్‌కు కేటాయించారు. ఆర్టీసీ సామాజిక తెలంగాణ మజ్దూర్‌ యూనియన్‌కు బతుకమ్మ, ఆర్టీసీ తెలంగాణ మజ్దూర్‌ యూనియన్‌కు నిచ్చెన, టీఎస్‌ ఆర్టీసీ బహుజన వర్కర్స్‌ యూనియన్‌కు కత్తెర, టీఎస్‌ ఆర్టీసీ ఎంప్లాయీస్‌ యూనియన్‌ బస్‌, టీఎస్‌ ఆర్టీసీ కార్మిక పరిషత్‌కు బస్‌ టైర్‌, టీఎస్‌ ఆర్టీసీ కార్మిక సంఘ్‌కు టైగర్‌, టీఆర్టీసీ బహుజన కార్మిక యూనియన్‌కు ధర్మచక్ర, స్టాఫ్‌ అండ్‌ వర్కర్స్‌ ఫెడరేషన్‌కు నక్షత్రం, నేషనల్‌ మజ్దూర్‌ యూనియన్‌కు కాగడ, స్టాఫ్‌ అండ్‌ వర్కర్స్‌ యూనియన్‌కు తరాజు, తెలంగాణ జాతీయ మజ్దూర్‌ యూనియన్‌కు గధ గుర్తును కార్మిక శాఖ కేటాయించింది. తెలంగాణ ఆర్టీసీ వర్కర్స్‌ యూనియన్‌ సంబరాలు.. తెలంగాణ ఆర్టీసీ వర్కర్స్‌ యూనియన్‌ (అశ్వత్థామ రెడ్డి వర్గం)కు విల్లు, బాణం గుర్తు కేటాయించడంతో ఆ యూ నియన్‌ సంబరాలు చేసుకుంది. గతంలో టీఎంయూగా కొనసాగిన అశ్వత్థామ రెడ్డి వర్గం గుర్తింపు ఎన్నికలో తెలంగాణ ఆ ర్టీసీ వర్కర్స్‌ యూనియన్‌గా పోటీ చేస్తుంది. అయితే గతంలో టీఎంయూ గుర్తుగా కార్మికుల్లోకి విస్తృతంగా ప్రచారంలో ఉన్న విల్లు, బాణం గుర్తు తెలంగాణ ఆర్టీసీ వర్కర్స్‌ యూనియన్‌కు కేటాయించడంతో శనివారం రాత్రి హనుమకొండలోని వరంగల్‌–1, వరంగల్‌–2, హనుమకొండ డిపోల వద్ద బాణసంచా కాల్చి సంబరాలు జరుపుకున్నారు. నాయకులు జితేందర్‌ రెడ్డి, ఎస్‌.కె.వై.పాషా, రాతిపల్లి సాంబయ్య, జి.సత్తయ్య, రమేశ్‌, తదితరులు పాల్గొన్నారు.ఉత్సాహంగా ఎస్‌జీఎఫ్‌ ఎంపికలు వరంగల్‌ స్పోర్ట్స్‌: ఉమ్మడి వరంగల్‌ జిల్లా స్థాయి పాఠశాల క్రీ డల సమాఖ్య అండర్‌– 14, 17 బాలబాలికల ఎంపిక పోటీలు శనివారం ఉత్సాహంగా కొనసాగాయి. వరంగల్‌ జిల్లా ఎస్‌జీఎఫ్‌ ఆధ్వర్యంలో వరంగల్‌ కాశీబుగ్గలోని ఓసిటీ మైదానంలో ఉషు, టంగ్‌తా క్రీడల ఎంపికలు నిర్వహించా రు. అలాగే , హనుమకొండలోని జవహర్‌లాల్‌ నెహ్రూ స్టేడియంలో వెయిట్‌ లిఫ్టింగ్‌, లాన్‌టెన్నీస్‌ క్రీడాంశాల్లో ఎంపికలు నిర్వహించినట్లు ఎస్‌జీఎఫ్‌ వరంగల్‌ జిల్లా కార్యదర్శి పుల్ల అ నిల్‌ తెలిపారు. నాలుగు క్రీడాంశాల్లో జరిగిన ఈ పోటీలకు ఉ మ్మడి జిల్లా నుంచి 400 మంది క్రీడాకారులు ఎంపికై నట్లు చె ప్పారు. పీఈటీల సంఘం వరంగల్‌ జిల్లా అధ్యక్షుడు ఎం. వెంకటేశ్వర్లు, కన్వీనర్లు పి. సుధాకర్‌, జె. సతీశ్‌, బి. రవీనా, సుజాత, జి. ధన్‌రాజ్‌, పీఈటీలు నాగరాజు, సతీశ్‌, పాషా, సమ్మయ్య, పెద్దిరాజ్‌, రఘువీర్‌, తదితరులు పాల్గొన్నారు.

ఏటూరునాగారం: ఎగువ ప్రాంతాల్లో కురుస్తున్న భారీ వర్షాలకు గోదావరి నది ఉప్పొంగి ప్రవహిస్తోంది. ములుగు జిల్లా ఏటూరునాగారం మండలం రామన్నగూడెం పుష్కరఘాట్‌ వద్ద శనివారం 13.8 మీటర్ల నీటి మట్టం నమోదైంది. తుపాకులగూడెం నుంచి 6 లక్షల క్యూసెక్కుల నీరు విడుదల చేయడంతో ఏటూరునాగారంలో గోదావరి ప్రవాహం మరింత పెరిగింది. దీంతో ముందస్తుగా ఇరిగేషన్‌ అధికారులు ఏటూరునాగారం ఓడవాడ నుంచి రామన్నగూడెం, రాంనగర్‌, పప్కాపురం వైపు ఉన్న 19 గేట్లను మూసివేశారు. వరద నీరు వచ్చినా గేట్ల ద్వారా గ్రామాల్లోకి వెళ్లకుండా తగు చర్యలు చేపట్టారు. గోదావరి ప్రవాహం మరింత పెరిగినా ఎలాంటి ప్రమాదం లేదని అధికారులు పేర్కొంటున్నారు. కాగా, ఇటీవల నిర్మించిన జియోట్యూబ్స్‌కు వరద నీరు వచ్చి తాకుతోంది. వాజేడు: ఎగువ ప్రాంతాల నుంచి వస్తున్న నీటితో గోదావరి వరద క్రమేపీ పెరుగుతుంది. దీంతో 163 జాతీయ రహదారి ములుగు జిల్లా వాజేడు మండలంలోని టేకులగూడెం, ఇసుక వాగు వద్ద ముంపునకు గురైంది. ఫలితంగా తెలంగాణ, ఛత్తీస్‌గఢ్‌ రా ష్ట్రాల మధ్య రాకపోకలు నిలిచాయి. అదే విధంగా మండల పరిధిలోని పెద్ద గొల్లగూడెం, చీకుపల్లి గ్రా మాల మధ్య ఇసుక వాగు బ్రిడ్జి నిర్మాణ ప్రదేశంలో ఏర్పాటు చేసిన డైవర్షన్‌ రోడ్డు ముంపునకు గురైంది. దీంతో వాగుఅవతలి వైపున ఉన్న 25 గ్రామాల ప్రజలకు రాకపోకలు నిలిచాయి. కొందరు ప్రయాణికులు వరద నీటి నుంచి కాలినడకన వస్తున్నారు. మేడిగడ్డకు 72,270 క్యూసెక్కుల ఇన్‌ఫ్లో.. కాళేశ్వరం: జయశంకర్‌భూపాలపల్లి జిల్లా మహదేవపూర్‌ మండలం కాళేశ్వరం ప్రాజెక్టులోని మేడిగడ్డ బ్యారేజీకి 72,270 క్యూసెక్కుల నీరు తరలి వస్తున్నట్లు ఇంజనీర్లు తెలిపారు. ఎగువన మహారాష్ట్రలో కురుస్తున్న వర్షాలతో శనివారం కాళేశ్వరం త్రివేణి సంగమం వద్ద ప్రాణహిత నది 6.030 మీటర్ల ఎత్తులో నీటిమట్టం ప్రవహిస్తోంది. ఈ వరదంతా దిగువన మేడిగడ్డ బ్యారేజీకి చేరడంతో గేట్లన్నీ ఎత్తారు. దీంతో ఇన్‌ఫ్లో, ఔట్‌ఫ్లో రూపంలో ఒకే స్థాయిలో 72,270 క్యూసెక్కుల నీరు తరలిపోతుందని ఇంజనీర్లు తెలిపారు. సమ్మక్క సాగర్‌లోకి భారీగా వరద.. కన్నాయిగూడెం: నాలుగు రోజుల నుంచి మండలంతోపాటు ఎగువన ఉన్న ఛత్తీస్‌గఢ్‌, మహారాష్ట్రల్లో కురుస్తున్న వర్షాలతో వాగులు, వంకలు పొంగి పొర్లుతున్నాయి. దీంతో వరద నీరు గోదావరిలోకి భారీగా చేరడంతో నది ఉధృతంగా ప్రవహిస్తూ గంటగంటకూ పెరుగుతోంది. ఫలితంగా ములుగు జిల్లా కన్నాయిగూడెం మండలం తుపాకులగూడెం గ్రామ పరిధిలో గోదావరిపై ఉన్న సమ్మక్క సాగర్‌ బ్యారేజీలోకి వరద నీరు భారీగా చేరుతోంది. శుక్రవారం సాయంత్రం వరకు బ్యారేజీలోకి 1,72,300 క్యూసెక్కుల నీరు చేరగా శనివారం సాయంత్రం వరకు క్రమక్రమంగా పెరుగుతూ 7,28,700 క్యూసెక్కుల నీరు చేరుతుంది. అంటే శనివారం సాయంత్రం వరకు అదనంగా ఐదు లక్షల యాబై వేల క్యూసెక్కులకు పైనే చేరి ప్రవహిస్తోంది. దీంతో బ్యారేజీ ప్రాంతమంతా జలమయమై కళకళలాడు తోంది. బ్యారేజీ వద్ద ఉన్న 59 గేట్లను ఎత్తి దిగువకు అదే మోతాదులో నీటిని వదులుతున్నారు. ప్రస్తుతం బ్యారేజీ వద్ద 82.0 మీటర్ల నీటి మట్టం కొనసాగుతోంది. దేవాదుల ఎత్తిపోతల వద్ద 82.20 మీటర్ల నీటి మట్టం కొనసాగుతోంది. కాగా, గోదావరి ప్రవాహం గంటగంటకూ పెరుగుతుండడంతో రైతులు భయాందోళనకు గురవుతున్నారు. వరద ముప్పునకు గురైతే వేలాది రూపాయలు పెట్టుబడితో సాగుచేసిన పంట నష్టపోతామని మిర్చి రైతులు ఆందోళన చెందుతున్నారు. ముందస్తుగా గేట్లు మూసివేత ఎలాంటి ప్రమాదం లేదన్న ఇరిగేషన్‌ శాఖ

● సమ్మక్క సాగర్‌ బ్యారేజీ వద్ద ఉధృతంగా ప్రవాహంకన్నాయిగూడెం: మండలంతోపాటు ఎగువన నాలుగు రోజుల నుంచి కురుస్తున్న వర్షాలతో గోదావరి వరద నీటితో ఉధృతంగా ప్రవహిస్తోంది. దీంతో తుపాకులగూడెంలోని సమ్మక్క సాగర్‌ బ్యారేజీ వద్ద నది ఉప్పొంగి ప్రవహిస్తోంది. బ్యారేజీలోకి 1,72,300 క్యూసెక్కుల నీరు చేరుతుండగా.. బ్యారేజీ గేట్లను ఎత్తి 1,57,400క్యూసెక్కుల నీటిని దిగువకు వదులుతున్నారు. ప్రస్తుతం బ్యారేజీ వద్ద 77.2 మీటర్ల నీటి మట్టం కొనసాగుతుంది. కాగా గుట్టలగంగారం వద్ద ఉన్న దేవాదుల జే.చొక్కారావు ఎత్తిపోతల వద్ద ఉన్న పది మోటార్లలో ఏడు మోటార్లతో 1,837 క్యూసెక్కుల నీటిని పంపింగ్‌ చేస్తున్నారు. ప్రస్తుతం ఎత్తిపోతల వద్ద ఫేజ్‌ వన్‌లో ఒకటి, ఫేజ్‌ టూలో రెండు, ఫేజ్‌ త్రీలో నాలుగు మోటార్లు మొత్తం ఏడు మోటార్లతో నీటిని భీంఘనపుర్‌ రిజర్వాయర్‌లోకి ఎత్తిపోస్తున్నారు. ఎత్తిపోతల వద్ద 76 మీటర్ల నీటి మట్టం కొనసాగుతుంది. మేడిగడ్డ బరాజ్‌కు స్వల్ప వరద కాళేఽశ్వరం: తెలంగాణ, మహారాష్ట్రలో కురుస్తున్న వర్షాల కారణంగా మేడిగడ్డ బరాజ్‌కు వరద తాకి డి స్వల్పంగా పెరుగుతోంది. శుక్రవారం గోదా వరి, ప్రాణహిత నదుల గుండా కాళేశ్వరం చేరుతోంది. అక్కడి నుంచి దిగువకు మేడిగడ్డ బరాజ్‌ వద్ద 52,250 క్యూసెక్కుల ఇన్‌ఫ్లో తరలిరాగా, మొత్తం 85గేట్లు ఎత్తి వచ్చిన వరదను మొత్తం అదేస్థాయిలో కిందకు వదులుతున్నారు.

గార్ల: ‘బాలుడికి ప్రాణభిక్ష పెట్టండి’ అనే శీర్షికన గురువారం సాక్షి దినపత్రికలో ప్రచురితమైన కథనానికి ఉపాధ్యాయులు స్పందించి రూ.11,000 ఆర్థికసాయం అందజేశారు. మండలంలోని పినిరెడ్డిగూడెం గ్రామానికి చెందిన 14 ఏళ్ల రోహిత్‌కు బ్లడ్‌ కేన్సర్‌ సోకింది. రోహిత్‌ ప్రస్తుతం ఎంఎన్‌జే కేన్సర్‌ ఆస్పత్రిలో చికిత్స పొందుతున్నాడు. దీంతో పినిరెడ్డిగూడెం ప్రాథమికోన్నత పాఠశాలకు చెందిన హెచ్‌ఎం సంతు, ఉపాధ్యాయులు భాస్కర్‌, ఈరా, అనిల్‌, వీరస్వామి, శోభారాణి, కిరణ్‌ కలిసి రూ.11,000 నగదును బాలుడి వైద్యం కోసం శుక్రవారం రోహిత్‌ అక్కకు అందజేశారు. అదే విధంగా మరికొంత మంది ఫోన్‌పే ద్వారా కొంత నగదు పంపించినట్లు బాలుడి తల్లి కుమారి తెలిపారు. సాక్షి కథనానికి స్పందన బాలుడి వైద్య ఖర్చులకు రూ.11,000 అందజేత

వరంగల్‌ స్పోర్ట్స్‌: నేడు (శనివారం) వరంగల్‌ ఓ సిటీలోని మైదానంలో ఉమ్మడి వరంగల్‌ జిల్లా స్థాయి అండర్‌–14, 17 బాలబాలికలకు ఉషు, తంగ్‌తా ఎంపిక పోటీలు నిర్వహిస్తున్నట్లు ఎస్‌జీఎఫ్‌ వరంగల్‌ జిల్లా కార్యదర్శి పుల్ల అనిల్‌ శుక్రవారం ఓ ప్రకటనలో తెలిపారు. అంతేకాకుండా హనుమకొండలోని జేఎన్‌ స్టేడియంలో అండర్‌–14, 17 బాలబాలికలకు లాన్‌టెన్నీస్‌, వెయిట్‌ లిఫ్టింగ్‌ ఎంపికలను నిర్వహించనున్నట్లు పేర్కొన్నారు. ఎంపికలకు హాజరయ్యే క్రీడాకారులు ఆధార్‌, బోనోఫైడ్‌, గత సంవత్సరం ప్రోగ్రెస్‌ కార్డుతో హాజరు కావాలని తెలిపారు. ● క్వింటాకు రూ.8,775 పలికిన ధర ఖిలా వరంగల్‌: వరంగల్‌ ఏనుమాముల వ్యవసాయ మార్కెట్‌ పత్తి యార్డులో 2026–27 సీజన్‌ నూతన పత్తి కోనుగోళ్లు శుక్రవారం ప్రారంభమయ్యాయి. కరీంనగర్‌ జిల్లా నల్లబెల్లి మండలం యం.వి తండాకు చెందిన జి.రమణ పత్తిని మార్కె ట్‌ యార్డుకు తీసుకొచ్చారు. జెండాపాట నిర్వహించి తొలి పత్తి క్వింటాకు రూ.8,775 ధర నిర్ణయించారు. కొత్త సీజన్‌లో కొనుగోళ్లు ప్రారంభం కావడంతో మంచి ధర రావడంతో రైతుల్లో ఆనందం వ్యక్తమైంది. ఈసందర్భంగా మార్కెట్‌ కమిటీ చైర్‌పర్సన్‌ ఎర్ర ప్రియాంకతోపాటు పాలకవర్గ సభ్యులను చాంబర్‌ ఆఫ్‌ కామర్స్‌ అధ్యక్షుడు బొమ్మినేని రవీందర్‌రెడ్డి సన్మానించారు.

● క్వింటాకు రూ.9,100 ● ఏనుమాముల మార్కెట్‌లో కొత్త పెసర్లకు డిమాండ్‌ ఖిలా వరంగల్‌: వరంగల్‌ ఏనుమాముల వ్యవసాయ మార్కెట్‌కు కొత్త పెసర్లు వచ్చాయి. శుక్రవారం యార్డులో జరిగిన కొనుగోళ్లలో పెసర్లకు ఊహించని ధర లభించింది. గతంలో క్వింటాకు రూ.7వేలు ఉన్న ధర ఒక్కసారిగా క్వింటాకు గరిష్టంగా రూ.9,100 పలకడంతో రైతులు హర్షం వ్యక్తం చేశారు. కొత్త పంటకు తొలి రోజే మంచి ధర రావడంతో పెసర్లు సాగు చేసిన రైతుల్లో ఆనందం నెలకొంది. వికారాబాద్‌లో కోణార్క్‌ హాల్టింగ్‌ కాజీపేట రూరల్‌: వరంగల్‌, కాజీపేట మీదుగా ప్రయాణించే కోణార్క్‌ ఎక్స్‌ప్రెస్‌కు వికారాబాద్‌ రైల్వే స్టేషన్‌లో తాత్కాలికంగా హాల్టింగ్‌ సౌకర్యం కల్పించినట్లు దక్షిణ మధ్య రైల్వే సీపీఆర్వో శ్రీధర్‌ శుక్రవారం ఒక ప్రకటనలో తెలిపారు. ఈ నెల 29, 30వ తేదీల వరకు భువనేశ్వర్‌–ముంబాయి (11020) వెళ్లే కోణార్క్‌ ఎక్స్‌ప్రెస్‌కు ఈ హాల్టింగ్‌ అవకాశం కల్పించినట్లు వెల్లడించారు. పోక్సో కేసులో నిందితుడికి జైలు ములుగు రూరల్‌: ములుగు జిల్లా మంగపేట పోలీస్‌ స్టేషన్‌ పరిధిలో నమోదైన పోక్సో కేసులో నిందితుడికి 20 ఏళ్లు కఠిన కారాగార శిక్షను విధిస్తూ కోర్టు తీర్పునిచ్చింది. నిందితుడు మాతూరి రమేష్‌పై నమోదైన కేసులో ములుగు ప్రత్యేక పోక్సో కోర్టు కమ్‌ ప్రిన్సిపల్‌ జిల్లా, సెషన్స్‌ జడ్జి సూర్యచంద్రకళ తీర్పు వెల్ల డించారు. కఠిన కారాగార శిక్షతోపాటు రూ.8,500 జరిమానా, బాధితురాలికి రూ.10 లక్షల పరిహారం చెల్లించాలని కోర్టు ఆదేశించింది. ఈ కేసులో దర్యాప్తు అధికారులైన మమన్‌ భట్‌, సీఐ సూర్య ప్రకాశ్‌, ఎస్‌ఐటీవీఆర్‌ సూరి, కోర్టు మానిటరింగ్‌ అధికారి డీఎస్పీ కిషోర్‌, కో ర్టు లైజనింగ్‌ అధికారి కుమారస్వామి, స్పెషల్‌ పబ్లిక్‌ స్రాసిక్యూటర్‌ రామ్‌ సింగ్‌, సీడీఓలు మౌనిక, మంగీలాల్‌ను ఎస్పీ అభినందించారు. ఆటో డ్రైవర్‌ ఆత్మహత్య కాశిబుగ్గ: వరంగల్‌ ఎల్‌బీ నగర్‌లోని తారకరామ వీధిలో ఓ ఆటో డ్రైవర్‌ ఆర్థిక ఇబ్బందులు భరించలేక ఆత్మహత్యకు పాల్పడ్డాడు. సర్వ సుధాకర్‌(53) ఆటో నడుపుతూ కుటుంబ సభ్యులతో కలిసి జీవనం కొనసాగిస్తున్నాడు. అయితే ఆర్థిక ఇబ్బందులతోపాటు కుమారుడి ఆరోగ్య పరిస్థితి బాగోలేకపోవడంతో నిత్యం ఆస్పత్రి ఖర్చులు భరించలేక ఇంట్లో ఉరి వేసుకుని ఆత్మహత్య చేసుకున్నట్లు భార్య మంజుల ఇంతెజార్‌గంజ్‌ పోలీసులకు ఫిర్యాదు చేసింది. ఆమె ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు. రిషిత కోరిక నెరవేర్చిన మంత్రి సీతక్క హనుమకొండ: వరంగల్‌ పశ్చిమ నియోజకవర్గానికి చెందిన 18 ఏళ్ల నిరుపేద యువతి కొల్లూరి రిషిత తీవ్ర అనారోగ్యంతో బాధపడుతోంది. డీఎండీ వ్యాధి కారణంగా రెండు కాళ్లు పూర్తిగా నడవలేని పరిస్థితిలో ఉన్న రిషితకు రాష్ట్ర మంత్రి ధనసరి సీతక్కతో కలిసి సెల్ఫీ దిగాలనే కోరిక ఉంది. ఈ విషయం సోషల్‌ మీడియా ద్వారా తెలుసుకున్న మంత్రి సీతక్క శుక్రవారం సాయంత్రం రిషిత నివాసానికి వెళ్లి సెల్ఫీ దిగి ఆమె కోరికను నెరవేర్చారు. యువతి కుటుంబ సభ్యులతో మాట్లాడి ఆరోగ్య పరిస్థితిని అడిగి తెలుసుకున్నారు.

● రాష్ట్ర పంచాయతీరాజ్‌ శాఖ మంత్రి సీతక్క వెంకటాపురం(ఎం): కాకతీయుల కళా సంపదకు రామప్ప ఆలయం నిలువెత్తు నిదర్శనమని, ప్రపంచ వారసత్వ కట్టడంగా గుర్తింపు పొందిన రామప్ప వంటి సంపదను పరిరక్షించి భావితరాలకు అందించాలని రాష్ట్ర పంచాయతీరాజ్‌ శాఖ మంత్రి ధనసరి సీతక్క అన్నారు. వరల్డ్‌ టూరిజం డే–2026ను పురస్కరించుకొని శుక్రవారం రామప్ప దేవాలయం ఆవరణలో పర్యాటక శాఖ ఆధ్వర్యంలో కలెక్టర్‌ బో ర్ఖడే హేమంత్‌ సహదేవరావు అధ్యక్షతన హెరిటేజ్‌ వాక్స్‌, తెలంగాణ దర్శిని, కాంపిటేషన్స్‌, కల్చరల్‌ కార్యక్రమాలను నిర్వహించగా మంత్రి సీతక్క ముఖ్యఅతిథిగా హాజరయ్యారు. గొల్లల గుడి నుంచి రామప్ప దేవాలయం వరకు నిర్వహించిన హెరిటేజ్‌ వాక్‌ను ఆమె ప్రారంభించారు. మంత్రి సీతక్క మాట్లాడుతూ రాష్ట్రంలోనే అత్యధిక అటవీ విస్తీర్ణం కలిగిన ములుగు జిల్లాలో అందమైన చెట్లు, గుట్టలు, సెలయేళ్లు, వాగులు, వన్యప్రాణులతో అపారమైన ప్రకృతి సంపద ఉందన్నారు. పర్యాటక రంగంలో ములుగు జిల్లాకు పురస్కారం లభించడం గర్వకారణమని పేర్కొన్నారు. అనంతరం వివిధ సాంస్కృతిక కార్యక్రమాలు, కాంపిటేషన్స్‌లో గెలుపొందిన విద్యార్థులకు బహుమతులు ప్రదా నం చేశారు. చల్వాయి టీజీఎంఎస్‌కు చెందిన శ్రీజ బృందం ప్రథమ బహుమతి, దేవగిరిపట్నం తెలంగాణ మైనారిటీ బాలికల పాఠశాలకు చెందిన శ్రీవల్లి ద్వితీయ బహుమతి, గోవిందరావుపేట బాలికల జిల్లా పరిషత్‌ ఉన్నత పాఠశాలకు చెందిన ఎన్‌.మనస్విని, ఏ.శ్రుతి, ఎం.పావలి తృతీయ బహుమతి అందుకున్నారు. కార్యక్రమంలో ఎస్పీ సుధీర్‌ రాంనాథ్‌ కేకన్‌, అదనపు కలెక్టర్లు మహేందర్‌ జి, సంపత్‌ రావు, పంచాయతీరాజ్‌ శాఖ డైరెక్టర్‌ భగవాన్‌ రెడ్డి, టూరిజం నోడల్‌ అధికారి ధర్మ నాయక్‌, సర్పంచ్‌ రాజు, తదితరులు పాల్గొన్నారు.

మహబూబాబాద్‌ రూరల్‌: హైదరాబాద్‌లోని రాజేంద్రనగర్‌ పరిధి అత్తాపూర్‌ పోలీస్‌ స్టేషన్‌లో మహిళా న్యాయవాది ఫిజాషా, న్యాయవాది షేక్‌.యాకూబ్‌ అకీబ్‌పై దుర్భాషలాడుతూ కొట్టడానికి వెళ్లిన పోలీసుల వైఖరిని తీవ్రంగా ఖండిస్తున్నామని బార్‌ అసోసియేషన్‌ అధ్యక్షుడు మామిడాల సత్యనారాయణ అన్నారు. ఈమేరకు జిల్లా కోర్టు భవనాల సమదాయం ఎదుట న్యాయవాదులు శుక్రవారం నిరసన చేపట్టారు. ఈ సందర్భంగా ఆయన మాట్లాడుతూ.. న్యావాదులపై దాడులను తీవ్రంగా ఖండిస్తున్నామని, ఈ సంఘటనకు పాల్పడిన పోలీసులపై కఠిన చర్యలు తీసుకోవాలని డిమాండ్‌ చేశారు. బార్‌ అసోసియేషన్‌ కార్యదర్శి జనగాం సిద్ధార్థ, ఉపాధ్యక్షుడు ఉడుగుల హరికృష్ణ, స్పోర్ట్స్‌ సెక్రటరీ బుర్ర శ్రీనివాస్‌ గౌడ్‌, సీనియర్‌, జూనియర్‌ న్యాయవాదులు యాదగిరి, శ్రీనివాస్‌, పుల్లూరు కృష్ణయ్య, చిలకమారి వెంకటేశ్వర్లు, పుల్లఖండం శ్రీనివాసస్వామి, కందునూరి వెంకటేశ్వర్లు, కటుకూరి శ్రీనివాస్‌, రాజమణి, సునీత, దేవి, సంద కృష్ణ, భూక్య మోహన్‌, వాసం ఆనంద్‌, పిన్ని రాము, సతీష్‌, సురేష్‌, వెంకటేష్‌ పాల్గొన్నారు.

ఎస్‌ఎస్‌తాడ్వాయి: బంధువు అస్థికలను భద్రాచలంలోని గోదావరిలో కలిపి తిరిగి వస్తున్న కుటుంబ సభ్యుల బొలెరో వాహనాన్ని ఆర్టీసీ సూపర్‌ లగ్జరీ బస్సు ఢీకొట్టింది. ములుగు జిల్లా తాడ్వాయి మండలం కొండపర్తి సమీపంలోని మూలమలుపు వద్ద శుక్రవారం జరిగిన ఈ ప్రమాదంలో వరంగల్‌ జిల్లా పర్వతగిరి మండలం అన్నారం పెద్దతండాకు చెందిన దరావత్‌ భద్రు (45) మృతి చెందగా పలువురికి తీవ్ర గాయాలయ్యాయి. తాడ్వాయి ఎస్సై జగదీష్‌ తెలిపిన వివరాల ప్రకారం.. అన్నారం పెద్దతండాకు చెందిన దరావత్‌ భద్రు ఇటీవల మృతి చెందగా అస్థికలను భద్రాచలంలోని గోదావరిలో కల్పిందుకు కుటుంబ సభ్యులు, బంధువులు బొలెరో వాహనంలో ములుగు జిల్లా మల్లంపల్లి మండలంలోని సోమ్లతండాలోని మరికొందరు బంధువులను తీసుకుని ఈనెల 23న భద్రాచలం వెళ్లి ఆస్తికలు కలిపారు. శుక్రవారం తిరిగి వస్తున్న క్రమంలో తాడ్వాయి దాటిన తర్వాత కొండపర్తి సమీపంలోని మూలమలుపు వద్దకు చేరుకోగానే హనుమకొండ నుంచి గుంటూరు వెళ్తున్న ఆర్టీసీ సూపర్‌ లగ్జరీ బస్సు ఎదురుగా వస్తున్న బొలెరో వాహనాన్ని ఢీకొట్టింది. ఈ ప్రమాదంలో దరావత్‌ భద్రు తీవ్రంగా గాయపడి ములుగు ప్రభుత్వ ఆస్పత్రిలో చికిత్స పొందుతూ మృతి చెందాడు. దరావత్‌ సరోజన, దరావత్‌ నెహ్రూ, సక్రు, దరావత్‌ బుజ్జమ్మ, భూక్య జ్యోతి, దరావత్‌ వెంకన్న, దరావత్‌ అనితతోపాటు మరి కొందరు గాయపడ్డారు. క్షతగాత్రులను తాడ్వాయి ఎస్సై జగదీష్‌, సెకండ్‌ ఎస్సై మధుకర్‌ 108 అంబులెన్స్‌లో ములుగు ఆస్పత్రికి తరలించారు. ఈ ప్రమాదంలో ఆర్టీసీ బస్సులో ప్రయాణిస్తున్న పది మంది ప్రయాణికులు సురక్షితంగా బయటపడగా బస్సు కండక్టర్‌ రమేష్‌ తలకు స్వల్ప గాయాలయ్యాయి. మృతుడి కుమారుడు దరావత్‌ నాగేష్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై జగదీష్‌ తెలిపారు.బొలెరో వాహనాన్ని ఢీకొన్న ఆర్టీసీ బస్సు ఒకరి మృతి, పలువురికి తీవ్ర గాయాలు

ఐనవోలు: ఐనవోలు మల్లికార్జున స్వామి దేవాలయంలో శుక్రవారం హుండీ లెక్కించారు. జూన్‌ 19 నుంచి సెప్టెంబర్‌ 24 వరకు 97 రోజులకుగాను హుండీ ద్వారా రూ.7,37,225, వివిధ ఆర్జిత సేవా టికెట్ల ద్వారా రూ.29,69,876.. మొత్తం రూ.37,07,101 నగదు సమకూరినట్లు ఆలయ ఈఓ కందుల సుధాకర్‌ తెలిపారు. హుండీల్లో లభ్యమైన మిశ్రమ వెండి, బంగారాన్ని యథావిధిగా హుండీలోనే వేసి సీల్‌ చేసినట్లు పేర్కొన్నారు. దేవాదాయ ధర్మాదాయ శాఖ వరంగల్‌ డివిజినల్‌ పరిశీలకురాలు నందనం కవిత పర్యవేక్షణలో నిర్వహించిన హుండీ లెక్కింపులో.. ఆలయ ఉపప్రధాన అర్చకులు మధుశర్మ, నరేశ్‌శర్మ, సాయి వరుణ్‌, కానిస్టేబుల్‌ కనకస్వామి, ఒగ్గు పూజారులు మజ్జిగ అశోక్‌, కరీంనగర్‌కు చెందిన శ్రీ వెంకట అన్నమాచార్య సేవా ట్రస్ట్‌ సభ్యులు, అర్చక సిబ్బంది పాల్గొన్నారు.

పాలకుర్తి టౌన్‌: కాంగ్రెస్‌ ప్రభుత్వంలో గురుకుల పాఠశాలల్లో కనీస వసతులు కల్పించడంలేదని మాజీ మంత్రి ఎర్రబెల్లి దయాకర్‌రావు ఆరోపించారు. పాలకుర్తిలోని తెలంగాణ సాంఘిక సంక్షేమ బాలికల గురుకుల పాఠశాలలో 14 మంది విద్యార్థినులను ఎలుకలు కరిచిన విషయం తెలిసందే. దీంతో శుక్రవారం ఎర్రబెల్లి దయాకర్‌రావు గురుకుల పాఠశాల వద్దకు రావడంతో పోలీసులు, సిబ్బంది ఆయనను లోనికి అనుమతించలేదు. దీంతో పాఠశాల గేటు ఎదుట బైఠాయించి నిరసన తెలిపారు. అనంతరం ఇన్‌చార్జి ప్రిన్సిపాల్‌, వార్డెన్‌తో మాట్లాడి విద్యార్థినులకు వసతులు కల్పించడంలో నిర్లక్ష్యంపై ఆగ్రహం వ్యక్తం చేశారు. సాంఘిక సంక్షేమ పాఠశాల కార్యదర్శి శారద, కలెక్టర్‌ సందీప్‌ కుమార్‌ఝాతో ఫోన్‌లో మాట్లాడి పర్థితిని వివరించారు. అనంతరం మీడియాతో మాట్లాడుతూ.. సీఎం రేంవత్‌రెడ్డి, స్ధానిక ఎమ్మెల్యేకి చిత్తశుద్ది ఉంటే ఇప్పటికై న పాఠశాలల ను పట్టించుకుని విద్యార్థినుల భవిష్యత్‌కు భరోసా కల్పించాలని డిమాండ్‌ చేశారు. కార్యక్రమంలో బీఆర్‌ఎస్‌ నాయకులు పసునూరి నవీన్‌, నల్లా నాగిరెడ్డి, పాము శ్రీనివాస్‌, కమ్మగాని విజయ, బొబ్బల అశోక్‌రెడ్డి తదితరులు పాల్గొన్నారు. విద్యార్థినుల భద్రతపై ఆందోళన గురుకులంలో విద్యార్థినులను ఎలుకలు కరిచిన ఘటనపై బీజేపీ, ఎమ్మార్పీఎస్‌, సీపీఎం, ఎస్‌ఎఫ్‌ఐ, ప్రజాసంఘాలు ఆగ్రహం వ్యక్తం చేశాయి. గురుకులం గేటు ఎదుట శుక్రవారం ఆయా పార్టీలు, సంఘాల ఆధ్వర్యంలో ధర్నా నిర్వహించారు. బాధ్యులపై చర్యలు తీసుకోవాలని ఎస్‌ఎఫ్‌ఐ జిల్లా అధ్యక్షుడు లవకుమార్‌, సీపీఎం జిల్లా కమటీ సభ్యుడు చిట్యాల సోమన్న డిమాండ్‌ చేశారు. అనంతరం తహసీల్దార్‌కు వినతి పత్రం అందజేశారు. ఘనటపై చర్యలు తీసుకోవాలని బీజేపీ మండల అధ్యక్షుడు మారం రవికుమార్‌, దొంగరి మహేందర్‌, పాకనాటి దామోదర్‌రెడ్డి డిమాండ్‌ చేశారు. ఎమ్మార్పీఎస్‌ రాష్ట్ర నాయకులు చెరుపెల్లి యాదగిరిస్వామ, ఎడవెల్లి సోమచందర్‌, రామచంద్రం, జలగం నరేష్‌ సైతం నిరసన తెలిపారు. మాజీ మంత్రి ఎర్రబెల్లి దయాకర్‌రావు గురుకులంలో ఎలుకల కరచిన ఘటనపై మాజీ మంత్రి ఆందోళన లోపలికి అనుమతించకపోవడంతో గేటు ఎదుట ధర్నా