Marriage

వృత్తి కోసం సన్నద్ధమవ్వడం చూశాం. అందుకోసం ఎలా ఇంటర్వ్యూలు ఫేస్‌ చేయాలి..వచ్చిన ఉద్యోగాన్ని ఎలా నిలబెట్టుకుని..ఉన్నత స్థాయికి వెళ్లాలో ట్రైన్‌​ అవ్వడం చూశాం. అలాగే ఉపాధి కోర్సులు, పలు ఇంటర్న్‌షిప్‌లు గురించి విన్నాం. కానీ ఇదేంటి పెళ్లి కోసం కూడా కోర్సులా..?. మ్యారేజ్‌ పాఠాలు నేర్చుకుంటేనే..వైవాహిక బంధం పదిలం అనే రోజులా?..అని ఆశ్చర్యపోవద్దు. ఎందుకంటే ప్రస్తుతం పెళ్లిళ్లన్నీ మూన్నాళ్లు ముచ్చటగా మారిపోతున్నాయి. మార్నింగ్‌ పెళ్లి.. సాయంత్రం విడాకులు అన్నట్లుగా మారాయి. ఆ విడాకులు మాటకు చెక్‌పెట్టడం కోసమే ఇదంతా. ఎక్కడ ఈ పాఠాలు చెబుతున్నారంటే..వివాహ సంసిద్ధత పేరుతో ఈ కోర్సుని ప్రారంభించారు. ఇది కేవలం పెళ్లికి సిద్ధమవ్వడం వరకే పరిమితం కాదు ఈ కోర్సు. అవగాహన, నిబద్ధత, వైవాహిక బాధ్యతలు గురించి వివరిస్తారు. ఆరోగ్యకరమైన బంధాన్ని ఏర్పరచుకోవాలి, దాన్ని ఎలా పదిలం చేసుకోవాలో నేర్పిస్తారట. ఈ కోర్సుని గోవాలోని గోవా కాలేజ్‌ ఆఫ్ హోమ​ అనే కళాశాల ప్రారంభించింది. వివాహ సంసిద్ధ అనే 15 రోజుల కోర్సుని అందిస్తున్నట్లు వెల్లడించింది. ఈ కోర్సు వచ్చే నెల డిసెంబర్‌ 2 నుంచి డిసెంబర్‌ 17 వరకు జరుగనుందని ప్రకటించింది. విడాకులు తగ్గించడమే ముఖ్యోద్దేశంగా గోవా ప్రభుత్వం ఈ కోర్సుని ప్రారంభించిందట. రాష్ట్రవ్యాప్తంగా విడాకులు తగ్గించి..వివాహానికి ముందే దానిపై అవగాహన కల్పించేలా కౌన్సిలింగ్‌ ప్రవేశపెట్టాలనే ఉద్దేశ్యంతో ఇలా వివాహ సంసిద్ధత అనే పేరుతో పెళ్లి కోర్సుని ప్రారంభించారు. పాపం గోవా సివిల్‌ కోర్టులో 2022-2025 మధ్యలోనే ఏకంగా 3 వేలకు పైగా విడాకుల పిటిషన్లు దాఖలయ్యాయని చెప్పుకొచ్చారు. వీటిలో 2024లోనే ఏకంగా 947 పిటిషన్లు దాఖలయ్యాయట. ఆ నేపథ్యంలోనే తమ కళాశాలలో పెళ్లికి సంబంధించిన కోర్సుని ప్రవేశ పెట్టినట్లు సదరు కళాశాల ప్రిన్సిపాల్‌ మహేష్ పాయ్ అన్నారు. దీన్ని నవ్వులాటగా చూడొద్దని కోరారు. పెళ్లికి సిద్ధమవ్వడం అంటే పెళ్లికి రెడీ అవ్వడానికి మించి అని..అందులో ఉండే బరువు బాధ్యతలు, కష్ట నష్టాలు..ఒకరినొకరు అర్థం చేసుకునే విధం తదితరాలన్నిటిపై అవగాహన అవసరం అని అన్నారు. ఇది ఆరోగ్యకరమైన బంధాలను ఏర్పరచుకునేందుకు, భాగస్వామి మనసెరిగి నడుచుకోవడం ఎలా అనేది నేర్పిస్తుందని చెబుతున్నారు. ఈ కోర్సుకి వివాహానికి రెడీగా ఉన్న యువతీ యువకులు, డిగ్రీ, పీజీ చేసిన విద్యార్థులు అర్హులట.ఇదీ చదవండి: ఆ సాహస లక్ష్మికి ఆనంద్‌ మహీంద్రా బాసట..!

సాక్షి, చెన్నై: మహానేత వైఎస్‌ రాజశేఖరరెడ్డి సోదరుడు వైఎస్‌ జార్జిరెడ్డి కుమారుడు వైఎస్‌ అనిల్‌రెడ్డి, మాలిని దంపతుల కుమార్తె శ్రేయరెడ్డి, అంజన–గోవింద్‌ బిలాని దంపతుల కుమారుడు ఉజ్వల్‌ల వివాహం గురువారం చెన్నైలోని లీలా ప్యాలెస్‌లో కనుల పండువగా జరిగింది. ఈ వివాహ మహోత్సవానికి వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌ రెడ్డి దంపతులు విచ్చేసి నూతన వధూవరులను ఆశీర్వదించారు. తమిళనాడు ముఖ్యమంత్రి జోసెఫ్‌ విజయ్, ప్రముఖ సినీ నటి త్రిష, ప్రముఖ పారిశ్రామికవేత్త గౌతమ్‌ అదానీ దంపతులు, బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ దంపతులు హాజరై వధూవరులకు వివాహ శుభాకాంక్షలు తెలిపారు. వధూవరులు శ్రేయ–ఉజ్వల్‌లతో మాజీ సీఎం వైఎస్‌ జగన్, వైఎస్‌ భారతి దంపతులు..చిత్రంలో తమిళనాడు సీఎం విజయ్, సినీనటి త్రిష, ప్రముఖ పారిశ్రామికవేత్త అదానీ దంపతులు, బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ దంపతులు నూతన దంపతులు సుఖ సంతోషాలతో, ఆనందమయమైన దాంపత్య జీవితాన్ని గడపాలని ఆకాంక్షించారు. పలువురు రాజకీయ, వ్యాపార రంగ ప్రముఖులు ఈ వివాహానికి విచ్చేయడంతో లీలా ప్యాలెస్‌ సందడిగా మారింది. కాగా, వైఎస్‌ జగన్‌ చెన్నైకి విచ్చేశారని తెలియడంతో పెద్ద సంఖ్యలో అభిమానులు ఘన స్వాగతం పలికారు. వైఎస్సార్‌సీపీ సేవాదళ్‌ తమిళనాడు అధ్యక్షుడు ఏకే జాకీర్‌ హుసేన్‌ నేతృత్వంలో పార్టీ శ్రేణులు లీలా ప్యాలెస్‌ వద్ద స్వాగతం పలికారు. అభిమానులు దారి పొడవునా పువ్వుల వర్షం కురిపిస్తూ ఆహ్వానించారు. ఈ సందర్భంగా వైఎస్‌ జగన్‌ బంధువులు, మిత్రులు, పార్టీ వర్గాలను ఆప్యాయంగా పేరు పేరునా పలకరిస్తూ వేదిక వద్దకు వెళ్లారు. ఈ వివాహ కార్యక్రమానికి వైఎస్సార్‌సీపీ నేత, మాజీ మంత్రి పెద్దిరెడ్డి రామచంద్రారెడ్డి, ఎంపీ మిథున్‌ రెడ్డి తదితరులు, వివిధ రంగాలకు చెందిన ప్రముఖులు హాజరయ్యారు.

విదేశాల్లో కొలువనీ, లక్షల్లో జీతమనీ, అక్కడ కులాసా జీవితమనీ కబుర్లు చెప్పి పెళ్లాడి తీరా అక్కడికెళ్లాక నరకం చూపించేవారికి, అక్కడి కోర్టుల్లో సులభంగా విడాకులు తీసుకునేవారికి సర్వోన్నత న్యాయస్థానం ఝలక్‌ ఇచ్చింది. అలాంటి విడాకులు ఇక్కడ చెల్లుబాటుకావనీ, ఆ ప్రాతిపదికన చేసుకునే మారు వివాహం బహుభార్యత్వం కింద నేరమే అవుతుందనీ మంగళవారం జస్టిస్‌ ప్రశాంత్‌ కుమార్‌ మిశ్రా, జస్టిస్‌ శ్రీచంద్రశేఖర్‌ల ధర్మాసనం స్పష్టం చేసింది. ఆంధ్రప్రదేశ్‌లోని సత్తెనపల్లి వైద్యుడొకరు అక్కడి న్యాయస్థానం మంజూరు చేసిన విడాకుల ఆధారంగా రెండో పెళ్లి చేసుకున్న ఉదంతంలో ఈ తీర్పు వెలువడింది. పెళ్లి చేసుకుని ఎన్నో కలలతో విదేశాలకెళ్లే యువతులు సమస్యలు ఎదుర్కొనటం అంతకుముందూ ఉండొచ్చుగానీ... 90వ దశకంలో సాఫ్ట్‌వేర్‌ రంగం అభివృద్ధి చెందాక ఈ మాదిరి కేసుల సంఖ్య పెరుగుతోంది. ఎన్నోవిధాల వాకబుచేసి, కుటుంబ నేపథ్యం గురించి తెలుసుకుని చేసే పెళ్లిళ్లు సైతం ఏవేవో కారణాలతో పెటాకులవుతున్నాయి. ఊహించని ఈ పరిణామాలతో మధ్యతరగతి తల్లిదండ్రులుబెంగటిల్లి ఏం చేయాలో తోచక అవస్థలు పడుతున్నారు. మధ్యవర్తుల ద్వారానో, స్వయంగానో పరిష్కరిద్దామంటే దేశంకాని దేశంలో ఉండే అల్లుళ్లు ఫోన్‌కు కూడా దొరక్కుండా తప్పించుకు తిరుగుతున్నారు. వెళ్లటం దుర్లభమై, వెళ్లినా ఫలితం ఉంటుందన్న ఆశ కూడా లేక అలాంటివారు కుమిలిపోతున్నారు. ఈ బాపతు యువకుల్లో రకరకాలవారుంటారు. విమానం ఎక్కేవరకూ ఒకలా ఉండి, అటుతర్వాత అదనపు కట్నం ఆశించో, ఇతరే తరమైన ఆలోచనలతోనో ఆడపిల్లల్ని చిత్రహింసలపాలు చేస్తున్నారు. మరికొందరుపెళ్లి చేసుకుని, ముచ్చట్లన్నీ తీర్చుకుని మళ్లీ వచ్చి తీసుకెళ్తామంటూ కథలు చెప్పి మాయమవుతున్నారు. ఇలాంటి ఉదంతాల్లో వస్తున్న ఫిర్యాదుల సంఖ్య అంతకంతకు పెరగటంతో కేంద్ర ప్రభుత్వం 2018లోనే భారతీయ శిక్షాస్మృతిలో అవసరమైన నిబంధ నలు చేర్చాలని నిర్ణయించింది. రెండేళ్లక్రితం క్రిమినల్‌ చట్టాల స్థానంలో కొత్త చట్టాలొచ్చాయి. కానీ సివిల్‌ ప్రొసీజర్‌ కోడ్‌ (సీపీసీ) మాత్రం యథాతథంగా కొనసాగుతోంది. అందులోని సెక్షన్‌ 13 విదేశీ న్యాయస్థానాల ద్వారా పొందే విడాకులు ఇక్కడ చెల్లుబాటు కావని చాలా స్పష్టంగా చెప్పింది. ఆ తీర్పుల ఆధారంగా మరో పెళ్లి చేసుకుంటే భారతీయ చట్టాల దృష్టిలో అది చెల్లుబాటుకాదని ఆ నిబంధన చెబుతోంది. అలాంటివారిపై బహుభార్యత్వం కింద భారతీయ శిక్షాస్మృతిలోని 494 కింద కేసు నమోదు చేయొచ్చని ఆ నిబంధన అంటున్నది. ఇప్పుడు సుప్రీంకోర్టు దాన్నే మరోసారి చెప్పింది. ఈ దేశంలో పెళ్లాడి, ఇక్కడ కొంతకాలం గడిపి వెళ్లేవారెవరైనా ఇక్కడి చట్టాల ఆధారంగా ఫ్యామిలీ కోర్టుల్లో మాత్రమే పిటిషన్లు దాఖలుచేసి విడాకులు పొందాలని వివరించింది. సత్తెనపల్లివాసి అతి తెలివికి పోయాడు. భార్య కాన్పు కోసం భారత్‌ తిరిగిరావటాన్ని ఆసరా చేసుకుని శాశ్వతంగా ఆమెను వదిలించుకునే ఎత్తుగడ పన్నాడు. దాంపత్యజీవితంలో పొరపొచ్చాలు వచ్చాయి గనుక విడాకులిప్పించాలంటూ నర్సరావుపేట కోర్టులో వేసిన పిటిషన్‌ తోసిపుచ్చడంతో హైకోర్టును ఆశ్రయించాడు. అక్కడా తనకు అనుకూలంగా తీర్పు రాకపోవటంతో బ్రిటన్‌ పౌరసత్వం వచ్చేవరకూ ఆగి అక్కడికేంబ్రిడ్జి కౌంటీ కోర్టులో విడాకులు పొందాడు. చాలామంది ఎన్నారైలు చేసే పని ఇదే. కానీ హిందూ వివాహ చట్ట నిబంధనల ప్రకారం వివాహమాడినవారు వేరే దేశాల కోర్టుల్లో విడాకులు పొందినా చెల్లుబాటుకాదని గతంలోనూ కోర్టులు చెప్పాయి. విదేశీ యులకు వెసులుబాటిచ్చే ఐపీసీలోని సెక్షన్‌ 4 వర్తించబోదని కూడా స్పష్టంచేశాయి. ఇలాంటి కేసుల్లో అనుసరించదగిన నియమాలను 1991లోనే సుప్రీంకోర్టు నిర్ధారించింది. కానీ ఏదో వంకన దీర్ఘకాలం వ్యాజ్యం కొనసాగిస్తూ అత్తింటివారిని ఆర్థికంగా దెబ్బతీస్తే, విసుగుచెంది రాజీ మార్గానికొస్తారని, సులభంగా వదిలించుకోవచ్చని చాలామంది భావిస్తున్నారు. గత దశాబ్దకాలంలో ఈ మాదిరి ఎన్నారై విడాకుల కేసులు 35 శాతం మేర పెరిగాయని గణాంకాలు చెబుతున్నాయి. వాటిల్లో న్యాయస్థానాల పరిధి ప్రశ్నార్థకమైన కేసులే 60 శాతం పైగా ఉన్నాయి. ఇలాంటి వంచకుల ఆటకట్టించే క్రమంలో తాజా సుప్రీంకోర్టు తీర్పు ఒక ముందడుగు.

సాక్షి, న్యూఢిల్లీ: దేశీయచట్టాల ప్రకారం వివాహం చేసుకున్న వ్యక్తులు, విదేశీ కోర్టుల్లో అక్కడి నిబంధనల ప్రకారం విడాకులు తీసుకుని రెండో వివాహం చేసుకుంటే, భారతీయ చట్టాల ప్రకారం ఆ విడాకులు చెల్లవని సుప్రీంకోర్టు సంచలన తీర్పు వెలువరించింది. హిందూ వివాహ చట్టంలో లేని ‘సరిదిద్దలేని విధంగా వివాహ బంధం దెబ్బతినడం’ (ఇర్రిట్రీవబుల్‌ బ్రేక్‌డౌన్‌ ఆఫ్‌ మ్యారేజ్‌) అనే కారణంతో లండన్‌ కోర్టు మంజూరు చేసిన విడాకుల డిక్రీని ప్రాతిపదికగా తీసుకుని ఐపీసీ సెక్షన్‌ 494 (బహు­భా­ర్యత్వం) నుంచి తప్పించుకోలేరని న్యాయ­మూర్తులు జస్టిస్‌ ప్రశాంత్‌ కుమార్‌ మిశ్రా, జస్టిస్‌ శ్రీ చంద్రశేఖర్‌లతో కూడిన ద్విసభ్య ధర్మాసనం మంగళవారం స్పష్టం చేసింది.అసలేం జరిగింది?ఏపీలోని ఓ డాక్టర్‌కు పల్నాడు జిల్లాలో హిందూ సంప్రదాయం ప్రకారం వివాహం జరిగింది. అనంతరం ఆయన ఇంగ్లాండ్‌ వెళ్లారు. కుమారుడు జన్మించిన అనంతరం దంపతుల మధ్య మన­స్పర్థలు రావడంతో విడాకులు, పిల్లల కస్టడీ కోసం ఏపీలోని స్థానిక కోర్టులో ఆయన పిటిషన్‌ వేశారు. అది వీగిపోవడంతో హైకోర్టును ఆశ్రయించి, అనంతరం ఆ అప్పీల్‌ను కూడా ఉపసంహరించుకున్నారు. దీంతో వారి వివాహం చట్టబద్ధంగా కొనసాగు­తూనే ఉంది.లండన్‌ కోర్టులో విడాకులు.. రెండో పెళ్లి... ఆ డాక్టర్‌ ఎనిదేళ్లపాటు అక్కడే ఉండడంతో యూకే పౌరసత్వం పొందారు. 2013 ఆగస్టు 16న ఇంగ్లాండ్‌లోని కేంబ్రిడ్జ్‌ కౌంటీ కోర్టులో విడాకుల కోసం దరఖాస్తు చేశారు. 2014 జనవరి 29న వివాహ బంధం కోలుకోలేని విధంగా దెబ్బతిన్నదన్న కారణంతో కోర్టు విడాకులు మంజూరు చేసింది. 2014లో ఆయన మరో మహిళను యూకేలోని నార్ఫోక్‌లో రెండో వివాహం చేసుకున్నారు. ఈ విషయం తెలుసుకున్న మొదటి భార్య పల్నాడు జిల్లాలో పోలీసులకు ఫిర్యాదు చేయగా, డాక్టర్, అతని తల్లిదండ్రులు సహా రెండో భార్యపై ఐపీసీ 494, 120బీ, 34 సెక్షన్ల కింద కేసు నమోదైంది. స్థానిక జడ్జి వీరందరిపై విచారణకు ఆదేశించారు.అత్తమామలు, రెండో భార్యకు ఊరట... రెండో పెళ్లికి సంబంధించి కుట్ర చేశారనడానికి ఎలాంటి ప్రత్యక్ష ఆధారాలు లేనందున డాక్టర్‌ తల్లిదండ్రులపై ఉన్న కేసును ధర్మాసనం కొట్టివేసింది. మొదటి వివాహం కొనసాగుతున్న విషయం రెండో భార్యకు ముందే తెలుసనడానికి తగిన ఆధారాలు లేవని, చట్టం దృష్టిలో క్రిమినల్‌ బాధ్యతను ఒక్కొక్కరిపై వేర్వేరుగా నిర్ధారించాల్సి ఉంటుందని తెలుపుతూ ఆమెపై కేసును సైతం కొట్టివేస్తున్నట్లు ద్విసభ్య ధర్మాసనం తుది తీర్పులో వెల్లడించింది.సుప్రీంకోర్టు కీలక వ్యాఖ్యలు.. ఈ క్రిమినల్‌ కేసును కొట్టివేయాలని కోరుతూ నిందితులు ఏపీ హైకోర్టును ఆశ్ర­యించగా, 2019 జూలై 8న వారి పిటి­షన్లను తోసిపుచ్చింది. దీన్ని సవాలు చేస్తూ నిందితులు సుప్రీంకోర్టులో వేర్వేరుగా అప్పీళ్లు దాఖలు చేశారు. విచారణ చేపట్టిన సుప్రీంకోర్టు ధర్మాసనం కీలక తీర్పు వెలువరించింది. విదేశీ కోర్టు ఇచ్చిన తీర్పులు సీపీసీ సెక్షన్‌ 13, 14 నిబంధన­లకు లోబడి ఉండాలని పేర్కొంది. హిందూ చట్టం ప్రకారం పెళ్లి జరిగినప్పు­డు, ఆ చట్టంలో లేని కారణాలను చూపి విదేశీ కోర్టులు ఇచ్చే విడాకుల డిక్రీలు భారత్‌లో చెల్లవని వై. నరసింహారావు కేసును ఉటంకిస్తూ స్పష్టం చేసింది. పౌరసత్వం మారి­నంత మాత్రాన తొలి వివాహ బాధ్యతల నుంచి భర్త తప్పించుకోలేరని, బహుభా­ర్యత్వం అనేది నిరంతర నేరమని తేల్చిచె­ప్పింది. నిబంధనలకు విరుద్ధంగా విదేశా­ల్లో విడాకులు తీసుకున్న డాక్టర్‌కు విదేశీ డిక్రీ రక్షణ కవచంగా మారబోదని, అత­నిపై పల్నాడులోని కోర్టులో విచారణ కొనసాగాల్సిందేనని స్పష్టం చేస్తూ అప్పీల్‌ను కొట్టివేసింది.

సినిమా ఇండస్ట్రీలో పెళ్లి, విడాకులు అనే మాటలు ఎప్పటికప్పుడు వినిపిస్తూనే ఉంటాయి. అందుకు తగ్గట్లే సెలబ్రిటీలు ఒకటికి మించి పెళ్లిళ్లు చేసుకుని వార్తల్లో నిలుస్తుంటారు. ఇప్పుడు కూడా ఓ మహిళా గాయని మరో వివాహానికి సిద్ధమైంది. ఈ మేరకు ఇన్ స్టాలో పోస్ట్ పెట్టి అధికారికంగానే తన ప్రణయం గురించి ప్రకటించింది.(ఇదీ చదవండి: బాలకృష్ణతో సినిమా.. రొమాంటిక్ సీన్లపై హీరోయిన్ విమర్శలు)మలయాళంలో సింగర్, వ్యాఖ్యతగా గుర్తింపు తెచ్చుకున్న రిమి టోమీ.. 1997 నుంచి కెరీర్ ప్రారంభించింది. టీవీ షోలతో మొదలుపెట్టి, 2002 నుంచి సినిమాలు చేస్తూ వస్తోంది. ఈమె గతంలో వ్యాపారవేత్త రాయిస్ కిళక్కూడన్‌ని 2008లో పెళ్లాడింది. దాదాపు 11 ఏళ్లుగా కలిసే ఉన్న వీళ్లిద్దరూ 2019లో విడాకులు తీసుకున్నారు. తొలి బంధం ముగిసిన ఆరేడేళ్లకు ఇప్పుడు రెండో పెళ్లికి సిద్ధమైంది.ముంబైకి చెందిన జిమ్ ట్రైనర్ లిబి మ్యాథ్యూస్‌తో గత కొన్నాళ్లుగా రిలేషన్‌లో ఉన్న రిమీ.. తాజాగా ఈ నెలలోనే తన పెళ్లి జరగనుందని వెల్లడించింది. కాకపోతే తేదీ ఎప్పడనేది చెప్పలేదు. స్వతహాగా సింగర్ అయినప్పటికీ 2013లో వచ్చిన '5 సుందరికళ్', 2015లో రిలీజైన 'థింకల్ ముత్తల్ వెల్లి వేరే' సినిమాల్లో రిమి టోమీ హీరోయిన్‌గా నటించి ఆకట్టుకుంది.(ఇదీ చదవండి: ప్రేమించి పెళ్లి చేసుకున్న తెలుగు సీరియల్ జంట) View this post on Instagram A post shared by RiMiYiSM (@rimiyism)

ఒక్కరు కాదు.. ఇద్దరు కాదు ఆ ప్రమాదం ఏకంగా 19 మందిని పొట్టనబెట్టుకుంది.. 27 మందిని ఆస్పత్రులపాలు చేసింది.. కుటుంబాలను చిన్నాభిన్నం చేసింది.. తీరని శోకాన్ని మిగిల్చింది.. చేవెళ్లలోని మీర్జాగూడ వద్ద ఆర్టీసీ బస్సు, కంకర టిప్పర్‌ ఢీకొన్న విషాదకర ఘటనకు నేటితో ఏడాది పూర్తయింది.. అయినవారిని కోల్పోయిన కుటుంబీకులు ఇది తలుచుకుని కన్నీరుమున్నీరు అవుతున్నారు. – చేవెళ్ల/తాండూరు/బషీరాబాద్‌/యాలాల/ధారూరుఢీకొన్న ఆర్టీసీ బస్సు, కంకర టిప్పర్‌ (ఫైల్‌) చేవెళ్లలోని మీర్జాగూడ ఆర్టీసీ బస్సు, కంకర టిప్పర్‌ ఢీకొన్న ఘటన చేదు జ్ఞాపకంగా మిగిలింది. రాష్ట్ర చరిత్రలో అతిపెద్ద రెండో రోడ్డు ప్రమాదంగా నిలిచిపోయింది. మృతులు, క్షతగ్రాతుల కుటుంబాలు ఈ విషాదం నుంచి ఇంకా కోలుకోలేదు. ఎంతో మంది కుటుంబాలకు మానని గాయంగా మారిన ఈ దుర్ఘటన సరిగ్గా ఇదే రోజు (2025 నవంబర్‌ 3)న చోటుచేసుకుంది. తాండూరు, వికారాబాద్‌ నుంచి 72 మంది ప్రయాణికులు ఉద్యోగాలు, చదువులు, బంధువుల వద్దకు ఇలా.. వారివారి పనులకోసం ఎక్కిన బస్సు మృత్యుశకటంగా మారింది. వివాహ వేడుకలో సాయిప్రియ, నందిని, తనూష (ఫైల్‌) అక్కపెళ్లికి వచ్చి ముగ్గురు.. ఏడాది క్రితం జరిగిన బస్సు దుర్ఘటనలో 19 మంది ప్రాణాలు కోల్పోగా అందులో తాండూరు ప్రాంతానికి చెందిన 14 మంది ఉన్నారు. పట్టణానికి చెందిన ఎల్లయ్యగౌడ్‌కు ఐదుగురు సంతానం. హైదరాబాద్‌లో చదువుకొంటున్న సాయిప్రియ, నందిని, తనూష అక్క పెళ్లి కోసం తాండూరుకు వచ్చి అసువులు బాసారు. నేడు సంవత్సరీకం కావడంతో హైదరాబాద్‌లో చదువుకుంటున్న కుమారుడిని తీసుకురావడానికి తల్లిదండ్రులు వెళ్లారు.కంకరలో కూరుకుపోయి.. చేవెళ్ల మండలం మీర్జాగూడ సమీపంలోకి రాగానే ఎదురుగా అధిక లోడ్‌తో వచి్చన కంకర టిప్పర్‌ చిన్న గుంతను తప్పించబోయి బస్సుపై పడిపోయింది. బస్సులో సగానికి పైగా కంకర నిండిపోయి 19 మందిని సజీవ సమాధి చేసింది. కంకరలో సగానికిపైగా ఇరుక్కుపోయిన 27 మంది తీవ్రంగా గాయపడ్డారు. ప్రమాదంలో మృతి చెందిన 19 మంది కుటుంబాలకు ప్రభుత్వం తక్షణమే ఆర్థిక సాయం ప్రకటించింది. మృతులకు రూ.5లక్షలు, క్షతగాత్రులకు రూ.2లక్షలు అందించింది.ప్రమాదంలో చనిపోయిన తల్లిదండ్రుల ఫొటోతో శిరీష చెల్లి బాధ్యతలు భుజాన వేసుకొని.. బస్సు ప్రమాద ఘటనలో యాలాల మండలం హాజీపూర్‌కు చెందిన బందెప్ప, లక్ష్మీ దంపతులు మృతి చెందారు. వారి కూతుళ్లు శిరీష, భవానీ అనాథలయ్యారు. 8వ తరగతి చదువుతున్న శిరీష చదువు మానేసి చెల్లి బాధ్యతలు తీసుకుంది. ఒకవైపు కుట్టు శిక్షణ తీసుకుంటూ మరోవైపు రోజువారీ కూలీకి వెళ్తోంది. ప్రస్తుతం తాము ఉంటున్న ఇల్లు శిథిలావస్థకు చేరిందని, వ్యక్తిగత మరుగుదొడ్డి లేదని బాధిత బాలికలు తెలిపారు. ఇందిరమ్మ ఇల్లు కట్టిస్తామన్న హామీ నెరవేరలేదని వాపోయారు.కొనసాగుతున్న రోడ్డు మరమ్మతు పనులు హైదరాబాద్‌ – బీజాపూర్‌ జాతీయ రహదారి ఎన్‌హెచ్‌ 163 ఇరుగ్గా ఉండడంతోపాటు గుంతల కారణంగా ప్రమాదానికి ప్రధాన కారణంగా మారింది. ఈ ఘటనతో ఆగ్రహం వ్యక్తం చేసిన స్థానికులు పెద్ద ఎత్తున నిరసనలకు దిగడంతో ప్రభుత్వం వెంటనే స్పందించి రోడ్డు పనులు ప్రారంభించింది. 18 నెలల్లో పూర్తి చేయిస్తామని మంత్రులు శ్రీధర్‌బాబు, పొన్నం ప్రభాకర్‌ అప్పట్లో ప్రకటించారు. పనులు ఇంకా పూర్తికావాల్సి ఉంది. మిషన్‌ కుడుతున్న హసీనాబేగం బట్టలు కుడుతూ.. బతుకుబండి నడిపిస్తూ.. బస్సు ప్రమాదంలో మృతి చెందిన డ్రైవర్‌ దస్తగిరి కుటుంబం ఆధారాన్ని కోల్పోయింది. మొదటి భార్య హసీనా బేగం ఇద్దరు కుమారులతో కలిసి యాలాల మండలం చెన్నారంలో తల్లి ఖాజాబీ వద్ద ఉంటోంది. ఇద్దరు కుమారుల భవిష్యత్తు కోసం ఆమె కుట్టుపని చేస్తూ కుటుంబాన్ని పోషిస్తోంది. ప్రభుత్వం ప్రకటించిన రూ.9 లక్షల పరిహారాన్ని మొదటి భార్య, రెండో భార్య, తల్లికి కుల పెద్దల సమక్షంలో సమంగా అందజేశారు. బస్సు బీమా సాయం అందలేదని, ఔట్‌ సోర్సింగ్‌ ఉద్యోగం ఇప్పిస్తామన్న హామీ నెరవేరలేదని హసీనా ఆవేదన వ్యక్తం చేస్తోంది. ఇంటర్‌ పూర్తి చేసిన తనకు ఉద్యోగం కల్పిస్తే పిల్లలను చదివించుకుంటానని వేడుకుంటోంది. మంతట్టిలోని ఇల్లు పూర్తిగా కూలిపోయిందని ఇందిరమ్మ ఇల్లు మంజూరు చేయాలని కోరుతోంది. మరోవైపు దస్తగిరి తల్లి షాకత్‌ బేగం మంచానికే పరిమితం కాగా, రెండో భార్య సాజిదా బేగం ఆమెకు తోడుగా ఉంటోంది. కూతురు అఖిలారెడ్డి ఫొటోతో తల్లి అలవేలు ఇలాంటి పరిస్థితి ఎవరికీ రావొద్దు ఉన్నత చదువులే లక్ష్యంగా సాగుతున్న తమ కూతురు అఖిలారెడ్డి బస్సు ప్రమాదంలో చనిపోవడం నేటికీ తమను కుంగదీస్తోందని యాలాల మండలం లక్ష్మీనారాయణపూర్‌ గ్రామానికి చెందిన మృతురాలి తల్లి అలివేలు కన్నీటిపర్యంతమయ్యారు. అస్తవ్యస్తంగా ఉన్న రోడ్డు కారణంగానే తమ కూతురి ప్రాణాలు గాల్లో కలిసిపోయాయని పేర్కొన్నారు. ఇలాంటి పరిస్థితి ఏ తల్లిదండ్రులకూ రాకూడదన్నారు. తన కుమారుడికి ఉద్యోగ విషయమై సాయం కోరితే ఇప్పటికీ నెరవేరలేదన్నారు. తలుచుకుంటే ఇప్పటికీ వణుకు మీర్జాగూడ వద్ద జరిగిన బస్సు ప్రమాదం మరిచిపోలేకపోతున్నా. ఆ దేవుడు దయతో బతికి బయటపడ్డా. ఈ సంఘటన తలుచుకుంటే ఇప్పటికీ వణుకుపుడుతోంది. కాళ్లు కంకరలో ఇరుక్కుపోగా స్థానికులు బయటకు తీయడంతో గాయాలతో బయటపడ్డాను. నడుము, కాళ్ల నొప్పులు ఇప్పటికీ తగ్గడం లేదు. ఆస్పత్రులకు తిరిగి రూ.లక్షకుపైనే ఖర్చు చేశాను. ప్రభుత్వాలు అందించిన రూ.2.50 లక్షల సాయంతో వైద్య ఖర్చులతోపాటు తీసుకున్న అప్పులు కట్టుకున్నాను. – నర్సింలు, బాధితుడు, అంతారం, చేవెళ్ల మండలంఆరోగ్యం కుదుటపడలేదు ‘బస్సు ఘటనలో తీవ్రంగా గాయపడి ప్రాణాలతో బయటపడ్డా. ఏడాది కావస్తున్నా వైద్యం చేయించుకుంటూనే ఉన్నా.. ఇంతవరకు ఆరోగ్యం కుదుటపడలేదు. గర్భసంచి వద్ద రక్తం గడ్డ కట్టింది. మంగళవారం ఆపరేషన్‌ చేయించుకుంటున్నా. స్పీకర్‌ ప్రసాద్‌కుమార్‌ రూ.2 లక్షల ఆర్థిక సాయం అందించారు. ఆ డబ్బు వైద్యం కోసం వెచి్చంచా. ప్రైవేటుగా చూపించుకునే స్థోమత లేక ప్రభుత్వ ఆస్పత్రుల చుట్టూ తిరుగుతున్నా. ప్రస్తుతం స్వీపర్‌గా పని చేస్తున్నా. ప్రభుత్వం మెరుగైన వైద్యం అందిస్తే అదే కొండంత సాయం’ అంటోంది ధారూరుకు చెందిన నాగమణి.

తెలుగు సీరియల్స్ చేసే నటీనటులు అప్పుడప్పుడు ప్రేమించి పెళ్లిచేసుకుంటూ ఉంటారు. ఇప్పుడు అలానే ఇంటింటి గృహలక్ష్మి సీరియల్‌లో కావ్య, విక్రమ్ పాత్రలు చేసిన కల్యాణ్, ఇంచారా శెట్టి పెళ్లి చేసుకున్నారు. గత కొన్నేళ్లుగా ప్రేమించుకున్న వీళ్లు.. పెద్దల్ని ఒప్పించి అక్టోబర్ 31న ఒక్కటయ్యారు. వీరి వివాహానికి సంబంధించిన ఫొటోలు ఇప్పుడు సోషల్ మీడియాలో వైరల్ అవుతున్నాయి.(ఇదీ చదవండి: ‘మెగా’ ఇంట్లో పెళ్లి బాజాలు​.. ఈ నెల 5న ఎంగేజ్‌మెంట్‌!?)ఇంచారా శెట్టి విషయానికొస్తే.. కన్నడలో చాలా సీరియల్స్‌ చేసిన ఈమె, ‘రాధిక’ సీరియల్‌తో పాపులర్ అయ్యింది. ఇందులో గమ్య పాత్రలో మెప్పించింది. తర్వాత ‘కెండ సంపిగే’ అనే సీరియల్‌లోనూ కీలకపాత్ర పోషించింది. తెలుగులోకి ‘ఇంటింటి గృహలక్ష్మి’తో ఎంట్రీ ఇచ్చింది. ఇందులో తులసి కూతురు దివ్యగా చేసింది. ప్రస్తుతం 'బొమ్మరిల్లు'లో ప్రధాన పాత్ర చేస్తోంది. మరోవైపు కల్యాణ్.. కుస్తీ కళ్యాణి, గుండమ్మ కథ తదితర సీరియల్స్ చేస్తున్నాడు. ఇప్పుడు వీళ్లిద్దరూ పెళ్లి చేసుకోవడంతో తోటి నటీనటులు కొత్త జంటకు శుభాకాంక్షలు చెబుతున్నారు.(ఇదీ చదవండి: నన్ను ముందుకు నడిపిస్తోంది జ్యోతికనే) View this post on Instagram A post shared by ✨ 𝐓𝐀𝐓𝐀__𝐓𝐄𝐋𝐔𝐆𝐔__ ✨ (@tata_telugu_09) View this post on Instagram A post shared by telugu_celebritys (@telugu_celebritys)

మెగా ఫ్యామిలీలో పెళ్లి బాజాలు మెగనున్నాయా? అంటే అవుననే అంటోది టాలీవుడ్‌ . త్వరలోనే మెగాస్టార్ చిరంజీవి మేనల్లుడు, హీరో సాయి దుర్గ తేజ్ ఓ ఇంటివాడు కాబోతున్నాడట. సోషల్‌ మీడియాలో, ఇండస్ట్రీలో వినిపిస్తున్న సమాచారం ప్రకారం.. నవంబర్‌ 5న సాయి దుర్గతేజ్‌ ఎంగేజ్‌మెంట్‌ జరగబోతుంది. ఈ వేడుకకు మెగా ఫ్యామిలీతో పాటు అతికొద్ది మంది సినీ ప్రముఖులు హాజరుకానున్నారట.(చదవండి: అమిషాతో చిరంజీవి, రామ్‌ చరణ్‌ భేటీ!)డిసెంబర్‌లో సాయి దుర్గ తేజ్‌ పెళ్లి చేసుకోబోతున్నట్లు సమాచారం. అయితే వధువు ఎవరనేది మాత్రం ఇప్పటికీ బయటకు రాలేదు. చిత్ర పరిశ్రమతో సంబంధం లేని అమ్మాయిని పెళ్లి చేసుకోబోతున్నట్లు తెలుస్తోంది. నిశ్చితార్థంతో పాటు పెళ్లి కూడా హైదరాబాద్‌లోనే చేసుకోవాలని సాయి దుర్గతేజ్‌ భావిస్తున్నాడట. ఇదంతా సోషల్‌ మీడియాలో వినిపిస్తున్న ప్రచారమే. మరి పెళ్లి ఎప్పుడు? ఎక్కడ అనేది తెలియాలంటే.. మెగా ఫ్యామిలీ అధికారిక ప్రకటన వచ్చేవరకు ఆగాల్సిందే.

‘దిక్కు లేని వాడికి దేవుడే దిక్కు’ తనకు ఎవరూ లేరు, దిక్కులేని వాడిని బాధపడేవారిని ఓదార్చేందుకు పెద్దలు చెప్పే మాట ఇది. చైనాకు చెందిన 24 ఏళ్ల అనాథ యువకుడు షియావో షియావో షు (Xiao Xiao Xu) కథ నెట్టింట పలువురి హృదయాలను హత్తుకుంది. తన పెళ్లికి ఏ బంధువులూ రారేమోనన్న భయంతో, అతడు సోషల్ మీడియా ద్వారా నెటిజన్లను తన పెళ్లికి ఆహ్వానించాడు. వచ్చిన మంచి మనసున్న అతిథులను చూసి షాకయ్యాడు. అంతేనా అతనికి భారీ సర్‌ప్రైజ్‌ కూడా ఇచ్చారు. ఏం జరిగింది అంటే..యున్నాన్ ప్రావిన్స్‌లోని జావోటాంగ్ ప్రాంతానికి చెందిన షియావో షు మూడేళ్ల వయసులోనే తండ్రిని కోల్పోయాడు. తల్లి వేరే వివాహం చేసుకోవడంతో అతడు, అతని అన్నయ్య కలిసి పెరిగారు. పెళ్లి కోసం డబ్బులు దాచుకున్నప్పటికీ, శుభకార్యానికి బంధువులెవరూ వచ్చే అవకాశం లేకపోవడంతో ఆన్‌లైన్‌లో ఆహ్వానం పంపాడు.ఇదీ చదవండి: రూ. 114 కూలీ : ఇపుడు రూ.1.80 లక్షల కోట్ల కంపెనీ He had no family to invite to his wedding. Orphan Xiao Xu from Yunnan invited strangers online, worried his wedding would be empty. Thousands traveled to his village. Sat together. Ate together. Made him family. Humanity is still alive ❤️ Would you go to a stranger's wedding? https://t.co/ts3o1yG6lL— Dr. Subhash (@Subhash_LiveS) November 1, 2026అంతే నెటిజన్లు నుంచి అనూహ్య స్పందన లభించింది. ఉచితంగా విందు భోజనాలు వండటానికి కొంతమంది షెఫ్‌లు వచ్చారు, పెళ్లి బారాత్‌కు భారీ కార్లతో కాన్వాయ్ ఏర్పాటైంది. ఇంటి డెకరేషన్‌ నుంచి వంటకాలకు కావలసిన దినుసులు దాకా, స్వీట్లు,పళ్లు, పూలు, ఒకటీ రెండూ కాదు సర్వహంగులతో ఊరంతా, అపరిచితులంతా కలిసి సహాయం చేశారు.నెటిజనుల గొప్ప మనసు, వైభవంగా పెళ్లి, ఆ యువకుని చిన్న ఆహ్వానంతో ఆ గ్రామంలో ఇది ఒక పెద్ద పండగలా మారిపోయింది. కనీవినీ ఎరుగని రీతిలో వారి పెళ్లి 'శతాబ్దపు వివాహం'గా మారింది. మొత్తం వివాహ వేడుకను కలిసికట్టుగా అంగరంగ వైభవంగా జరిపించారు. ఓ అతిథి అయితే ఏకంగా బెంజ్ కారు గిఫ్ట్‌ ఇచ్చి మరింత సర్‌ప్రైజ్‌ చేయడం విశేషం. దీనికి సంబంధించిన వీడియో వైరల్‌గా మారింది. కొత్త దంపతులకు జీవితంలో ఎప్పటికీ మర్చిపోలేని మధురానుభుతులను మిగిల్చారు. నెటిజన్ల స్పందన"మానవత్వం అంటే ఇది," "సోషల్ మీడియాను ఇలాంటి మంచి పనులకే ఉపయోగించాలి" అంటూ నెటిజన్లు ఆ కొత్త జంటకు శుభాకాంక్షలు తెలుపుతూ కామెంట్లు చేశారు.

వరకట్న వేధింపులు.. అత్తింటి సాధింపులు లేవు; సూటి పోటి మాటలు అసలే లేవు; ఆస్తి తగాదాలు, కూర బాగాలేదని, చెప్పింది వండలేదని శారీరక హింస లేనే లేవు; భార్యపై భర్తకు, భర్తపై భార్యకు అనుమానాలు– ఇవేవీ ఆ మూడు కుటుంబాల్లోనూ కనిపించవుఅయినా వారు కలిసి ఉండలేమని భీష్మించారు. విడాకులు ఇప్పించాలని అభ్యర్థించారు. వీటికి మించిన సమస్య ఎదుర్కొంటున్నామని, కలిసి కాపురం చేయలేమని వాపోయారు. ఇంతకీ వారు ఎదుర్కొంటున్న ఆ సమస్య ఏంటి? అది వింటే మొదట నవ్వొస్తుంది. తర్వాత విసుగొస్తుంది. చివరికి వారడిగింది సబబే అనిపిస్తుంది. ఇంతకీ ఏంటది? అదే ఈ వారం ‘లీగలాటా!మీరు రోజూ పళ్లు తోముకుంటారా? ప్రతి రోజూ స్నానం చేస్తారా? ఇవేం ప్రశ్నలు ఇవన్నీ రోజూ అందరూ చేసేవేగా అంటారా? అయితే తైవాన్‌లో ఓ మహిళ ఏడాదికోసారే స్నానం చేస్తుంది. మూడ్‌ బాగున్న రోజు పళ్లు తోముకుంటుంది.. ఎప్పుడైనా చేయాలనుకుంటే తలస్నానం చేస్తుంది. దీనితో ఆమె భర్త కోర్టు మెట్లెక్కాడు. ఆమె నిర్ణయాలు, ఆలోచనలు కూడా భయానకంగా ఉన్నాయని, వేధింపులకు గురి చేస్తోందని వాపోయాడు. విడాకులు మంజూరు చేయాలని కోర్టును అభ్యర్థించాడు.అప్పట్లో వారానికో సారి..తైవాన్‌కు చెందిన మహిళ లిన్‌(ఇంటిపేరు), ఓ వ్యక్తి(పేరు వెల్లడించలేదు) ఇద్దరూ ప్రేమించుకున్నారు. ఆ సమయంలో ఒకరి అలవాట్లు మరొకరికి తెలిశాయి.. ఆమె వారానికొక్కసారే స్నానం చేస్తుందని గుర్తించాడు. వ్యక్తిగత పరిశుభ్రత విషయంలోనూ నిర్లక్ష్యంగా ఉంటుందని అర్థమైంది. పెళ్లయ్యకా మారుతుందని సరిపెట్టుకున్నాడు. కానీ, అపరిశుభ్రత మరింత పెరిగింది. వారం కాస్తా నెల రోజులైంది... తరువాత ఆరునెలలు... మెల్లగా ఏడాదికి జరిపింది. ఏడాదికి ఒక్కసారే స్నానం... చేయాలనుకున్నప్పుడు పళ్లు తోముకోవడం, బుద్ధి పుడితే తలంటు స్నానం. దీంతో విసిగిపోయిన భర్త తైవాన్‌లోని న్యూ తైపీ సిటీ జిల్లా కోర్టులో విడాకుల కేసు దాఖలు చేశాడు.స్పందించకపోవడం వల్లే..వ్యక్తిగత పరిశుభ్రత పాటించకపోవడంతో పాటు పెళ్లై పదేళ్లయిన పిల్లలు లేరని వాపోయాడు. భర్త ఆరోపణలను భార్య లిన్‌ ఖండించింది. తమ వైవాహిక జీవితానికి సంబంధించి భర్త తప్పుడు ప్రచారం చేస్తున్నాడని ఆరోపించింది. తన తల్లిదండ్రులు అతడ్ని కన్న కొడుకులా చూసుకుంటున్నారని పేర్కొంది. ఫోన్‌ కాల్స్‌కు స్పందించకపోవడం వల్లే ఆఫీసుకు వెళ్లి గొడవ చేసినట్టు వివరించింది.కోర్టు తీర్పు ఇలా..వ్యక్తిగత పరిశుభ్రత పాటించకపోవడం, రెండేళ్లుగా ఇద్దరూ వేర్వేరుగా ఉండడం, వారి మధ్య వ్యక్తిగత విభేదాలు..వీటన్నిటినీ కోర్టు పరిశీలించింది. భర్త ఉద్యోగం చేసే ప్రాంతానికి సైతం వెళ్లి గొడవ చేయడాన్ని మానసిక క్రూరత్వంగా పేర్కొంది. ఈ పరిస్థితుల నేపథ్యంలో భర్త పిటిషన్‌ను అంగీకరిస్తూ వారికి విడాకులు మంజూరు చేస్తూ తీర్పు ఇచ్చింది. అప్పీలుకు అవకాశం కల్పించింది.--పెళ్లయి 40 రోజులు.. విడాకులు కోరిన భార్యవీలు కుదరనప్పుడో, సమయం సరిపోకో కొంతమంది స్నానం చేయకుండా సెంటో, బాడీ స్ప్రే కొడుతుంటారు. దుర్వాసన రాకుండా కవర్‌ చేయడానికి ప్రయత్నిస్తుంటారు. అయితే ఆగ్రాకు చెందిన ఓ వ్యక్తి నెలకు ఒకటి లేదా రెండుసార్లు మాత్రమే స్నానం చేస్తాడు. వారినికోసారి మాత్రం గంగాజలం చల్లుకుంటాడు. దీంతో అతని భార్య విసిగిపోయింది. దుర్వాసన భరించలేకపోయింది. పెళ్లయిన 40 రోజులకే పుట్టింటికి వెళ్లిపోయింది.తనకు విడాకులు కావాలంటూ ఆగ్రాలోని కుటుంబ కౌన్సెలింగ్‌ కేంద్రాన్ని ఆశ్రయించింది. సెంటర్‌ నిర్వాహకులు భర్తను పిలిపించి ప్రశ్నించారు.‘ తనకు నెలకొక్కసారే స్నానం చేసే అలవాటు ఉన్నా భార్య ఒత్తిడి భరించలేక ఈ 40 రోజుల్లో ఆరు సార్లు స్నానం చేశానని చెప్పాడు. చివరికి కేసు పోలీస్‌ స్టేషన్‌కు చేరింది. పరిశుభ్రంగా ఉంటానని, రోజూ స్నానం చేస్తానని భర్త అంగీకరించాడు. అయితే అతనితో కలిసి ఉండడానికి భార్య మాత్రం ససేమిరా అనడంతో మరోసారి కౌనెల్సింగ్‌ నిర్వహించాలని నిర్ణయించారు. చివరికి ఇది ఏ మలుపు తీసుకుంటుందో!గడ్డం గీయడు... స్నానం చేయడుతన భర్త రోజూ గడ్డం గీయడు; పళ్లు తోమడు; స్నానం చేయడు; మర్యాద, మన్నన తెలియదని, అతడి దుర్వాసనను భరించలేక పోతున్నానని, వ్యవహారశైలితో విసిగిపోయానని, విడాకులు ఇప్పించాలని బీహార్‌లోని వైశాలికి చెందిన ఓ భార్య మహిళా కమీషన్‌ను వేడుకుంది. వృత్తి రీత్యా ప్లంబర్‌ అయిన మనీష్‌కుమార్‌కు సోనీ అనే యువతితో వివాహం అయింది.మూడేళ్లు గడిచాయి. భర్త తీరు నచ్చక ఆమె కమిషన్‌ను ఆశ్రయించింది. వివాహబంధాన్ని తెంచుకోవద్దని, భర్త ప్రవర్తనలో మార్పు తేవాలని కమిషన్‌ సూచించింది. మనీష్‌కుమార్‌ తన ప్రవర్తనను మార్చుకోవడానికి మహిళా కమీషన్‌ రెండు నెలలు సమయం ఇచ్చింది. మార్పు రాకపోతే కేసు ఫ్యామిలీ కోర్టుకు పంపుతామని పేర్కొంది.- దిలీప్‌ మాదిరెడ్డిఇదీ చదవండి: స్నేహితులారా.. ఇలాంటి వాళ్లకు దూరంగా ఉండండి!

ఉత్తరప్రదేశ్‌ యూపీ గవర్నర్‌ ఆనందీబెన్ పటేల్ యువతను ఉద్దేశిస్తూ గతంలో ఎన్నో ఆసక్తికర వ్యాఖ్యలు చేశారు. కొన్ని వ్యాఖ్యలు వివాదాస్పదం కూడా అయ్యాయి. ఆమె సదా యువతకు మంచి దారిలో వెళ్లమని, లివ్‌ఇన్‌ సరైనది కాదంటూ హితవు పలుకుతుంటారామె. అలాగే మహిళలు బాధ్యతలు గురించి కూడా చెబుతుంటారు. మంచి తల్లిగా ఉంటేనే మంచి సమాజాన్ని నిర్మించగలమని పిలుపనిచ్చారు గతంలో. మళ్లీ తాజాగా యువతను ఉద్దేశిస్తూ మాట్లాడుతూ బాధ్యతరాహిత్యంగా ఉండొద్దని ప్రేమించేటప్పుడే ఇవన్నీ గుర్తుపెట్టుకోండి అంటూ కొన్ని సూచనలందించారు. అవేంటో చూద్దామా..!ఇవాళ యువత ఎంత దారుణంగా మారిందో ఏకరవు పెట్టారామె. ప్రతి ఒక్కళ్లు అబ్బాయిలు ప్రేమిస్తున్నారు. ఆమె తన గర్ల్‌ఫ్రెండ్‌ అని గర్వంగా తన స్నేహితులకు చెబుతారు. అంతా బాగానే ఉంటుంది. ఆకర్షణలో మోజులో తప్పు కూడా చేసేస్తారు. ఆ తర్వాత తీరిగ్గా నీతి కబుర్లు చెబుతూ..ఆమెని తల్లిని చేసి ఒంటిరిగా వదిలిపెట్టేస్తారు. ఇది క్షమించరాని తప్పు అని నొక్కి చెప్పారు ఆనందీ చెన్‌. ప్రేమిస్తే ప్రేమించండి తొందరపడి ఆ తప్పు చేయకండి. ఆర్థిక స్థిరత్వం అత్యంత ముఖ్యం. చక్కగా జీవితంలో మంచి స్థాయిలో స్థిరపడ్డాక పెళ్లి చేసుకుని హాయిగా లైఫ్‌ని లీడ్‌ చేయండి. అప్పుడు ఎలాంటి సమస్య ఉండదు. అంతేగానీ ప్రేమ పేరుతో ప్రియురాలిని తల్లిని చేసి, మోసం చేసే సాహసం చేయొద్దు. లేదా ఆమె బాధ్యతలను కచ్చితంగా స్వీకరించాలనుకుంటేనే..ప్రేమించండి. బాధ్యతగా వ్యవహరించలేను అనుకుంటే..ప్రేమ జోలికి వెళ్లొద్దని గట్టిగా వార్నింగ్‌ ఇచ్చారు. తమ కాళ్లపై నిలబడి..కుటుంబాన్ని నడపగలిగే సామర్థ్యం తెచ్చుకున్నాక ధైర్యంగా పెళ్లి చేసుకుని పిల్లలను కనండి..అంతే తప్ప ఒక అమ్మాయిని వంచించి, మోసం చేసే ప్రయత్నానికి పూనుకోకండని అన్నారామె. అది సర్వ విధాల అనర్థదాయకమైందని హితవు పలికారామె. ఆనందీబెన్‌ కుటుంబ విలువలు, మహిళల ప్రాధాన్యతల గురించి మాట్లాడుతుంటారు. ఆమె చెప్పింది సమంజసమైందే అయినా..కొందరూ మాత్రం ఆమె చెప్పే మాటలు మహిళలను కించపరిచే విధంగా, అణిచివేసే విధంగా ఉంటాయని దుమ్మెత్తిపోస్తుంటారు. ​కాగా, ఆనందీ బెన్‌..జీవితంలో మంచిగా సెటిల్‌ అయ్యి, ప్రేమించిన అమ్మాయిని పెళ్లిచేసుకోండి అంతేగానీ తల్లిని వదిలేయొద్దని ఆ కారణంగా అనాథలుగా మారి ఆశ్రమాల్లో బిక్కుబిక్కుమని గడుపుతున్నారు. ఒక్కసారి అలాంటి శరణాలయాలకు వెళ్లి చూడండి పరిస్థితి మీకే తెలుస​ఉతంది అంటూ సందేశాత్మకంగా మాట్లాడారామె.ఇదీ చదవండి: కూమార్తె పెళ్లిలో సెన్సెషన్‌గా 41 ఏళ్ల తండ్రి..! కాబోయే అల్లుడు సైతం..

సీతాపూర్‌: పదిహేడేళ్ల క్రితం అగ్నిసాక్షిగా ఒక్కటైన జంట.. వారికి ఎదిగిన ఇద్దరు పిల్లలు.. ఎంతో అన్యోన్యంగా సాగిపోతున్న సంసారంలోకి ఫేస్‌బుక్ రూపంలో తుఫాను వచ్చిపడింది! ఉత్తరప్రదేశ్‌లోని సీతాపూర్‌కు చెందిన విపిన్ భార్గవ్ భార్య 22 రోజుల క్రితం హఠాత్తుగా అదృశ్యమవడంతో, ఆందోళనతో పోలీస్ స్టేషన్ మెట్లెక్కిన భర్తకు కొన్ని రోజుల తర్వాత తెలిసిన నిజం గుండెను పిండేసింది. సోషల్ మీడియాలో పరిచయమైన అంబేద్కర్‌నగర్ యువకుడు రాహుల్ ప్రేమలో పడిన ఆమె, భర్త దగ్గరకు వచ్చి నిష్కర్షగా తేల్చి చెప్పింది ‘నాకు ఈ కాపురం వద్దు.. అతనితోనే నా జీవితం’ అని! ఆ క్షణంలో ఆమె మాటలు ఆ భర్త గుండెల్లో పిడుగుల్లా పడ్డాయి.సాధారణంగా ఇలాంటి పరిస్థితుల్లో రగిలిపోయే పగలు, పోలీస్ కేసులు, రచ్చరచ్చ అయ్యే పంచాయితీలు చూస్తుంటాం. కానీ ఇక్కడ ఊహకందని హైడ్రామా చోటుచేసుకుంది! ఆగ్రహాన్ని దిగమింగి, పగను పక్కనపెట్టిన ఆ భర్త.. భార్య కోరికకు తలవంచాడు. తహసీల్ కార్యాలయంలో చట్టపరమైన కాగితాలపై సంతకాలు పూర్తయ్యాయి. ఆ వెంటనే అక్కడే ఉన్న హనుమాన్ ఆలయం సాక్షిగా, అందరిముందు భార్య మెడలో ఆ ప్రియుడు దండ వేస్తుంటే.. నిశ్చేష్టుడై నిలబడిపోయాడు విపిన్.పదిహేడేళ్ల జ్ఞాపకాలను, 16, 14 ఏళ్ల ఇద్దరు కన్నబిడ్డల భవిష్యత్తును వెనక్కి నెట్టి.. ఆమె పరాయి వ్యక్తితో అడుగులు వేస్తుంటే, కన్నీళ్లను గుండెల్లోనే దాచుకుని స్వయంగా కారు డోర్ తీసి మరీ ఆమెను ఢిల్లీకి సాగనంపాడు. ‘ఇకపై ఆమెతో నాకు ఎలాంటి సంబంధం లేదు.. వారిద్దరూ సుఖంగా ఉండాలి’ అంటూ ఆ భర్త నిండు హృదయంతో వీడ్కోలు పలికిన తీరు చూసి స్థానికులు విస్తుపోయారు. పగతో కాకుండా, సాదర వీడ్కోలుతో 17 ఏళ్ల బంధానికి ముగింపు పలికిన ఈ అరుదైన ఉదంతం ఇప్పుడు చర్చనీయాంశంగా మారింది! ఇదీ చదవండి: ప్రభుత్వం గాడి తప్పితేనే ‘టైగర్‌’ లాంటి ఘటనలు: దిప్కే

హైదరాబాద్‌కు చెందిన రమ్య తల్లిదండ్రుల అభీష్టానికి వ్యతిరేకంగా పెళ్లి చేసుకుంది. దీంతో ఆగ్రహించిన తండ్రి.. తమ కుటుంబానికి చెందిన హెచ్‌యూఎఫ్‌ ఆస్తిలో ఆమెకు వాటా ఇచ్చేది లేదని తేల్చిచెప్పారు. దీంతో రమ్య న్యాయపోరాటానికి సిద్ధమైంది. తల్లిదండ్రుల మాట వినలేదన్న కారణంతో కుమార్తె ఆస్తి హక్కును తండ్రి కాలరాయవచ్చా? చట్టం ఏం చెబుతోంది? ఈ ఆసక్తికర అంశాన్ని తెలుసుకుందాం.కుటుంబ సభ్యుల అభీష్టానికి వ్యతిరేకంగా వివాహం చేసుకుందనే కారణంతో కుమార్తెకు హిందూ అవిభక్త కుటుంబం (హెచ్‌యూఎఫ్‌) ఆస్తిలో వాటాను నిరాకరించడానికి తండ్రికి చట్టపరమైన అధికారం లేదు. హిందూ వారసత్వ చట్టం, 1956కు 2005లో చేసిన సవరణ ప్రకారం కుమార్తెలకు పుట్టుకతోనే పిత్రార్జిత కుటుంబ ఆస్తిలో కుమారులతో సమాన హక్కులు లభిస్తాయి.విభజన కోరవచ్చా?హిందూ వారసత్వ చట్టంలోని సెక్షన్‌ 6 ప్రకారం హిందూ ఉమ్మడి కుటుంబంలో కుమార్తెకు కూడా సమాన ఆస్తి హక్కులుంటాయి. కుమారుడితో సమానంగా ఆస్తిపై హక్కులు, బాధ్యతలు ఆమెకూ వర్తిస్తాయి. వివాహం చేసుకోవడం, తల్లిదండ్రుల అనుమతి లేకుండా పెళ్లి చేసుకోవడం వంటి వాటివల్ల ఈ హక్కు రద్దు అవ్వదు. అర్హత కలిగిన కుమార్తె తన వాటా కోసం కుటుంబ ఆస్తి విభజనను కోరవచ్చు.కుటుంబాన్ని విడదీయాల్సిన అవసరం లేదుఒక సభ్యుడు తన వాటా కోరినంత మాత్రాన మొత్తం హెచ్‌యూఎఫ్‌ను తప్పనిసరిగా రద్దు చేయాల్సిన అవసరం లేదని ఆర్థిక నిపుణుడు బల్వంత్‌ జైన్‌ పేర్కొన్నారు. ఇతర సభ్యులు కుటుంబ వ్యవస్థలో కొనసాగవచ్చు. అయితే, ఆస్తి స్వరూపం, గతంలో జరిగిన చెల్లుబాటు అయ్యే విభజనలు, సంబంధిత పత్రాలను పరిశీలించి హక్కులను నిర్ధారించాలి.పన్నుల విషయంలో జాగ్రత్తఆదాయపు పన్ను చట్టం ప్రకారం పాక్షిక విభజనను గుర్తించకపోవడం కీలకమైన అంశం. కుమార్తెకు ఆస్తిలో వాటా కేటాయించినా హెచ్‌యూఎఫ్‌ పూర్తిగా విభజించబడినట్లు సంబంధిత ఆదాయపు పన్ను అధికారి గుర్తించే వరకు ఆస్తి ఆదాయంపై పన్ను బాధ్యతలు క్లిష్టంగా మారవచ్చు. అందువల్ల ఆస్తి విభజనకు ముందు న్యాయ నిపుణుల సలహా తీసుకోవడం అవసరం.ఇదీ చదవండి: రోజూ చూసే రూపీ సింబల్ వెనుక దాగున్న రహస్యాలు

తమిళనాడు: నాలుగేళ్లుగా ప్రేమించుకున్న ఓ జంట పెద్దల అంగీకారంతో పెళ్లి చేసుకుంది. అయితే పెళ్లైన రోజే వారి మధ్య గొడవ జరగడంతో చివరకు విడిపోవాల్సి వచ్చింది. ఉదయం పెళ్లి చేసుకున్న ఈ జంట.. సాయంత్రానికే విడిపోయిన ఘటన స్థానికంగా చర్చనీయాంశంగా మారింది.కేరళలోని పరశాలైకు చెందిన 26 ఏళ్ల యువతి తిరువనంతపురంలోని ఓ ప్రైవేట్ ఆస్పత్రిలో ఫార్మాసిస్ట్‌గా పనిచేస్తోంది. తమిళనాడులోని కన్యాకుమారి జిల్లా కుళచ్చల్‌కు చెందిన రూబెన్ (31) సైనికుడిగా పనిచేస్తున్నాడు. వీరిద్దరికీ ఫేస్‌బుక్ ద్వారా పరిచయం ఏర్పడగా.. కొద్దిరోజుల్లోనే అది ప్రేమగా మారింది. అలా నాలుగేళ్లుగా ప్రేమించుకున్న వీరు పెళ్లి చేసుకొని కొత్త జీవితాన్ని ప్రారంభించాలని నిర్ణయించుకున్నారు. తొలుత యువతి కుటుంబ సభ్యులు వీరి ప్రేమ వివాహానికి అంగీకరించకపోయినా.. ఆ తర్వాత ఒప్పుకున్నారు.ఈ క్రమంలో గత సోమవారం ఇద్దరికీ వివాహం జరిపించారు. పెళ్లి అనంతరం అదే రోజు సాయంత్రం వివాహ రిసెప్షన్‌ను ఏర్పాటు చేశారు. పెళ్లి ఆనందంలో రూబెన్ మద్యం సేవించి వధువు తండ్రి ఎదుట తూలుతూ కనిపించాడు. దీంతో ఆయన రూబెన్‌ను ప్రశ్నించడంతో ఇద్దరి మధ్య వాగ్వాదం జరిగింది. గొడవను ఆపేందుకు భార్య ప్రయత్నించగా.. రూబెన్ ఆమెపై చేయి చేసుకున్నాడు. అంతేకాకుండా ఆమె తండ్రిపైనా దాడి చేశాడు.అనంతరం రూబెన్ అక్కడి నుంచి వెళ్లిపోవడంతో బాధితురాలు, ఆమె తండ్రి పోలీస్ స్టేషన్‌లో ఫిర్యాదు చేశారు. పెళ్లైన రోజే భర్త ప్రవర్తనతో విసిగిపోయిన యువతి చివరకు అతడితో విడిపోవాలని నిర్ణయించుకుంది. తండ్రితో కలిసి తన పుట్టింటికి వెళ్లిపోయింది. నాలుగేళ్ల ప్రేమ.. పెద్దల అంగీకారంతో జరిగిన పెళ్లి.. చివరకు ఒక్కరోజులోనే విడిపోవడంతో ఈ ఘటన చర్చనీయాంశంగా మారింది.ఇదీ చదవండి: ఆరు నెలల్లో నేనే కమిషనర్‌గా వస్తా..

టాలీవుడ్ నటుడు వీకే నరేశ్ తాను చేసిన కామెంట్స్‌పై స్పందించారు. ఇటీవల క్రేజీ కల్యాణం మూవీ ప్రీ రిలీజ్‌ ఈవెంట్‌లో షాకింగ్ కామెంట్స్ చేశారు. పెళ్లి చేసుకోకుండానే పిల్లల్ని కనాలని మాట్లాడారు. ప్రస్తుతం లివింగ్ రిలేషన్‌షిప్‌ అఫీషియల్‌ అయిపోయిందన్నారు. తాజాగా తాను చేసిన వ్యాఖ్యలపై వివరణ ఇచ్చారు. తాను చెప్పింది వేరని.. సోషల్ మీడియాలో మాట్లాడేది వేరుగా ఉందని నరేశ్ తెలిపారు.(ఇది చదవండి: రజినీకాంత్ జైలర్ 2 ట్విటర్‌ రివ్యూ.. ఆడియన్స్‌ ఏమన్నారంటే?)తాజా ఇంటర్వ్యూలో నరేశ్ తన కామెంట్స్‌పై క్లారిటీ ఇచ్చారు. మనదేశంలో జనాభా తగ్గిపోతోందని.. అందుకే అలా చెప్పానని తెలిపారు. మారుతున్న పరిస్థితుల ఆధారంగా పెళ్లిళ్లు చేసుకున్నా.. చేసుకోకపోయినా పిల్లల్ని కనాలని చెప్పానని అన్నారు. ఈ రోజుల్లో పెళ్లిళ్లు చేసుకోవడానికి భయపడుతున్నారని వెల్లడించారు. లివింగ్ రిలేషన్‌షిప్‌లో ఉన్నా కూడా ఆ పని చేయాలని సూచించానని తెలిపారు. నేను చెప్పింది రాంగ్ వేలో తీసుకుంటున్నారని అన్నారు. ప్రతి ఒక్కరూ పెళ్లిళ్లు చేస్కోండి.. ఎర్త్‌ను ఖాళీ చేయొద్దని వీకే నరేశ్ క్లారిటీ ఇచ్చారు. ఈ కామెంట్స్ సోషల్ మీడియాలో తెగ వైరలవుతున్నాయి.

అనుపమా పరమేశ్వరన్, నరేష్‌ వీకే, తరుణ్‌ భాస్కర్, అఖిల్‌ ఉడ్డెమారి ప్రధాన పాత్రల్లో నటించిన సినిమా ‘క్రేజీ కల్యాణం’. బద్రప్ప గాజుల దర్శకత్వంలో బూసం జగన్‌ మోహన్‌రెడ్డి నిర్మించారు. ఈ సినిమా ఈ నెల 16న విడుదల కానుంది. ఈ మేరకు తాజాగా ట్రైలర్ లాంచ్ ఈవెంట్ హైదరాబాద్‌లో ఘనంగా జరిగింది. ఈ వేడుకకు హాజరైన నరేష్ నేటితరం పెళ్లిళ్లు, బంధాలపై తనదైన శైలిలో స్పందించారు. ఇప్పుడీ కామెంట్స్‌ వైరల్‌ అవుతున్నాయి. పెళ్లి చెసుకోకపోయినా..‘ఈ రోజుల్లో పెళ్లి చేసుకోవడం చాలా కష్టంగా మారింది. తల్లిదండ్రులు ఎంత ప్రయత్నించినా పెళ్లిళ్లు కావడం లేదు. గ్రామాల్లో కూడా ఇదే పరిస్థితి ఉంది. కేవలం పెళ్లి కోసమే కోట్ల రూపాయలు ఖర్చు చేయడం, ఆ తర్వాత విడాకుల కోసం మళ్లీ కోర్టుల చుట్టూ తిరుగుతూ అంతే డబ్బు ఖర్ఛు చేస్తున్నారు. ఇప్పుడు సహజీవనం కూడా చట్టబద్ధం అయిపోయింది. అందుకే కనీసం పెళ్లి చెసుకోకపోయినా పిల్లలు అయినా కనండి’ అని యువతని ఉద్దేశించి మాట్లాడారు.ఇదే ప్రశ్నను అనుపామ పరమేశ్వరన్‌ ని అడగ్గా.. ‘ మీ పెళ్లి అయ్యి రెండు నెలలే అవుతుంది కదా. అందుకే ఇంత క్యూరియాసిటీ ఉంది. ముందు మీ పెళ్లి లైఫ్‌ ఎలా ఉందో చెప్పండి. మీరే చెప్పండి..పెళ్లి చేసుకోవాలా వద్దా? అని అనుపమ ఓ జర్నలిస్ట్‌ అడిగిన ప్రశ్నకు తనదైన శైలిలో కౌంటర్‌ ఇచ్చింది.(ఇదీ చదవండి: ఈ వారం ఓటీటీల్లోకి 26 సినిమాలు.. ఆ ఐదు మిస్ అవ్వొద్దు)“పెళ్లిళ్లు చేసుకున్నా, చేసుకోకపోయినా పర్లేదు… పిల్లల్ని అయితే కనండి!” – Navarasa Raya Naresh | #CrazyKalyanam https://t.co/pMwUZf1ho6— cinee worldd (@Cinee_Worldd) October 11, 2026

బొబ్బిలి పట్టణానికి చెందిన ఓ సాఫ్ట్‌వేర్‌ ఉద్యోగి ఏడాదికి రూ.30 లక్షల వార్షిక వేతనం తీసుకుంటున్నారు. వయస్సు 37 ఏళ్లు. వధువు వయస్సు ఆయన వయస్సుకు ఐదారేళ్ల వ్యత్యాసం ఉండాలన్న అభిప్రాయానికి అనుకూలమైన సంబంధం దొరకడంలేదు. పెళ్లి అవుతుందా లేదా అన్న బెంగ ఇప్పుడు ఆయనను వెంటాడుతోంది. రేగిడి మండలంలోని ఓ గ్రామానికి చెందిన వ్యక్తికి ప్రస్తుతం 40 ఏళ్లు వచ్చాయి. అతను తన 25వ ఏట నుంచే పెళ్లి సంబంధాలు వెతకడం ప్రారంభించాడు. డిగ్రీ చదివిన ఆయన పోటీపరీక్షలకు సిద్ధమైనా ఉద్యోగం రాలేదు. తల్లిదండ్రులు నుంచి వచ్చిన పదెకరాలు వ్యవసాయభూమిని సాగుచేసుకుంటూ పదిమందికి ఉపాధి కల్పిస్తున్నాడు. స్థిరాస్తులు ఉన్నప్పటికీ అతనికి ఉద్యోగం లేదన్న సాకుతో ఆడపిల్లనిచ్చేందుకు తల్లిదండ్రులు ఆసక్తిచూపడం లేదు. రాజాం పట్టణంలోని ఓ యువకుడికి నాలుగేళ్ల కిందట రెసిడెన్సియల్‌ స్కూల్‌లో టీచర్‌ ఉద్యోగం వచ్చింది. ప్రస్తుతం రూ.52 వేలు జీతం. తల్లిదండ్రులు మూడేళ్ల కిందట మృతిచెందారు. ప్రస్తుతం ఆయన వయస్సు 40 ఏళ్లు కావడంతో అతనితో పెళ్లికి ఆడపిల్లలు ఆసక్తి చూపడం లేదు. ఉద్యోగం ఉంటే భార్యను సుఖంగా చూసుకోవచ్చని కష్టపడి చదివిన ఆయనకు ఉద్యోగం వచ్చే సమయానికి వయస్సు దాటిపోవడంతో పెళ్లికాని పురుషుల జాబితాలో చేరిపోయాడు. విజయనగరం: జిల్లాలో పెళ్లికాని పురుషుల సంఖ్య రోజురోజుకూ పెరుగుతోంది. 30 ఏళ్లు దాటినా పెళ్లికాక చాలా మంది యువకులు ఆవేదన చెందుతున్నారు. పల్లెలు, పట్టణాలు అనేతేడా లేకుండా ఈ సమస్య కనిపిస్తోంది. ఒకప్పుడు పెళ్లి ఈడు రాగానే అమ్మాయిలు..అబ్బాయిల్లో పెళ్లి కళ కనిపించేది. అమ్మాయిల తల్లిదండ్రులకు బెంగ ఉండేది. సకాలంలో ఎవరో ఒక అయ్య చేతిలో పెట్టేస్తే బాధ్యత తీరుపోతుందిలే అనుకునేవారు. 18 ఏళ్లు దాటిన వెంటనే బంధువులను సంప్రదిస్తూ ఆడపిల్లలకు పెళ్లిసంబంధాలు కావాలని అడిగేవారు.భార్యను పోషించుకునే స్థోమత ఉంటే చాలు అనుకునేవారు. ఇప్పుడు పరిస్థితి పూర్తిగా భిన్నం. అమ్మాయిలు చక్కగా చదువుకుంటున్నారు. ఉన్నత స్థానాల్లో స్థిరపడుతున్నారు. తమకు కావాల్సిన వరుడు కూడా తమ స్థాయికి తగ్గట్టుగా ఉండాలని భావిస్తున్నారు. అదే విషయం తల్లిదండ్రులకు చెబుతున్నారు. వయస్సు 30 ఏళ్లు వచ్చినా అమ్మాయిల విషయంలో తల్లిదండ్రులు తొందరపడడం లేదు. అబ్బాయిలు విషయంలో ప్రస్తుత పరిస్థితి దారుణంగా మారింది. పుట్టినప్పుడు అబ్బాయి పుడితే బాగుండేది అనుకున్న తల్లిదండ్రులు వారికి పెళ్లి ఈడు వచ్చేటప్పటికి ఆందోళన చెందుతున్నారు. స్థిరపడకపోతే పెళ్లి ఎలా అవుతుంది.. ఎవరైనా పిల్లనిస్తే పెళ్లిచేద్దామన్న యాతనలో పడ్డారు. చివరకు సకాలంలో పెళ్లిళ్లు చేయలేక చతికిలపడుతున్నారు. మనోవేదనతో కుంగిపోతున్నారు. ఉద్యోగం ఉంటేనే... జిల్లాలో నిరుద్యోగ సమస్య రాజ్యమేలుతోంది. ప్రభుత్వ నోటిఫికేషన్లు సకాలంలో రాకపోవడం, వచ్చిన నోటిఫికేషన్లలో తక్కువ సంఖ్యలో మాత్రమే ఉద్యోగాలు ఉండడం, అవి కూడా ఎన్నో ఏళ్లుగా ఆయా ఉద్యోగాలకోసం పరితపించేవారికే రావడంతో తక్కువ వయసులో ఉద్యోగాలు పొందేవారి సంఖ్య తగ్గిపోయింది. ఇలా తక్కువ వయస్సు ఉండి, ఉద్యోగం పొందినవారికి మాత్రమే 30 ఏళ్లు లోపు పెళ్లిళ్లు అవుతున్నాయి. 30 ఏళ్లు మార్జిన్‌ దాటిన తరువాత ఉద్యోగం ఉన్నా పిల్లని ఇచ్చేందుకు తల్లిదండ్రులు నిరాకరిస్తున్నారు. పెద్దలు నచ్చజెప్పినా ఆడ పిల్లలు ఒప్పుకోవడం లేదు. కొంతమంది ప్రైవేట్‌ రంగంలో ఉద్యోగాలు సంపాదించినప్పటికీ వాటిలో స్థిరత్వంలేకపోవడంతో ఆడ పిల్లలు తల్లిదండ్రులు అటువంటి ఉద్యోగులకు పిల్లలను ఇవ్వడంలేదు. యువత కూడా తమకు సరైన ఆదాయ మార్గాలు, నిలకడతో కూడిన ఉద్యోగాలు లేక తమ భార్యలను పోషించగలమో లేదో అనే బెంగతో పెళ్లిళ్లకు వెనుకడుగువేస్తున్నారు. మరో వైపు ఆడపిల్లల తల్లిదండ్రులు కూడా ప్రభుత్వ ఉద్యోగులు, స్థిరమైన ప్రైవేటు ఉద్యోగులవైపు దృష్టిసారిస్తూ, ఆ సంబంధాలనే నిశ్చయం చేసుకుంటున్నారు. ఇవి కూడా ఒకరకంగా కారణాలే.. ఉద్యోగ నోటిఫికేషన్లు ప్రభుత్వం ఇవ్వకపోవడం, యువత స్థిరపడకపోడం స్కిల్‌ డెవలప్‌మెంట్‌ ట్రైనింగ్‌ సెంటర్లు జాడలేకపోవడం, స్వయం ఉపాధి అవకాశాలు తగ్గడం, రుణాలు మంజూరు లేకపోవడం స్థిరపడిన యువకులకే పిల్ల నిచ్చేందుకు తల్లిదండ్రులు ఆసక్తి చూపడం వ్యవసాయం, కూలి పనులు చేసేవారికి అమ్మాయిలు నో చెప్పడం. యువత కూడా పనిపాటా చేయకుండా వ్యసనాలకు బానిసలు కావడం. చూస్తుండగానే యువతలో వయస్సు పెరగడం, మానసిక ఒత్తిడికి గురికావడం. స్త్రీ నిష్పత్తి ఎక్కువగా ఉన్నా.. జిల్లాలో ఆడపిల్లల నిష్పత్తి మగపిల్లలు కంటే ఎక్కువగా ఉంది. ప్రతీ 1000 మంది పురుషులకు 1019 మంది స్త్రీలు ఉన్నారు. అయినప్పటికీ మగపిల్లలకు సకాలంలో పెళ్లిళ్లు జరగడంలేదు. స్థిరాస్తులు (వ్యవసాయ భూములు, అద్దెషాపులు, అద్దె భవనాలు), ఆదాయ వనరులు ఉన్న వారిని సైతం పెళ్లిచేసుకునేందుకు అమ్మాయిలు నిరాకరిస్తున్నారు. వీటికి తోడు గతంలో మాదిరిగా కాకుండా ఉమ్మడి కుటుంబాన్ని పూర్తిగా వ్యతిరేకిస్తున్నారు. తల్లిదండ్రులకు దూరంగా ఉండే అబ్బాయిలు, తల్లిదండ్రులు లేని ఏకాకి జీవితం గడిపే అబ్బాయిలు, అక్కచెల్లెళ్లు లేని అబ్బాయిలు ఉన్న సంబంధాలు చూసుకుంటున్నారు. విలాసవంతమైన ప్రాంతాల్లో ఉండేవారిపై మొగ్గుచూపుతున్నారు. ఇవన్నీ పెళ్లికాని పురుషుల సంఖ్య పెరుగుదలకు కారణమవుతున్నాయి.

అనుపమ పరమేశ్వరన్, తరుణ్ భాస్కర్ , అఖిల్‌ రాజ్‌, నరేష్ వీకే కీలక పాత్రల్లో నటిస్తున్న తాజా చిత్రం ‘క్రేజీ కళ్యాణం’. బద్రప్ప గాజుల దర్శవత్వం వహిస్తున్న ఈ చిత్రాన్ని బూసమ్ జగన్ మోహన్‌రెడ్డి నిర్మిస్తున్నారు. శనివారం ఈ చిత్ర టీజర్‌ విడుదల చేశారు మేకర్స్‌. పెళ్లి చుట్టూ సాగే ఈ వినోదాత్మక చిత్రంలో అనుపమ తెలంగాణ పల్లెటూరి అమ్మాయిగా కనిపించబోతుంది. తాజాగా ఈ మూవీ ప్రి రిలీజ్ ఈవెంట్‌ నిర్వహించారు.ఈ సందర్భంగా ఈవెంట్‌కు హాజరైన వీకే నరేశ్ పెళ్లిళ్లపై ఆసక్తికర కామెంట్స్ చేశారు. ఈ రోజుల్లో పెళ్లి చేసుకోవడం? రైట్ ఆర్ రాంగ్ అనే ప్రశ్నకు ఆయన స్పందించారు. దీనికి స్పందిస్తూ.. పెళ్లి చేసుకున్నా.. లేకపోయినా కరెక్టే ఇ‍ప్పుడు అని చెప్పారు. ఈ రోజుల్లో లివింగ్ టుగెదర్ కూడా కరెక్ట్‌ అని అభిప్రాయం వ్యక్తం చేశారు. పెళ్లిళ్లు అనేది ఒక ఈవెంట్‌గా మారిపోయిందని.. ఆ తర్వాత డివోర్స్ కోసం కోట్ల రూపాయలు తగలెస్తున్నారని అన్నారు.మన రూరల్ సోసైటీలో పెళ్లిళ్ల కోసం ప్రయత్నాలు చేస్తూనే ఉన్నారు.. కానీ ఎవరికీ అవ్వడం లేదన్నారు. గ్రామీణ ప్రాంతాల్లో పరిస్థితి మరింత దారుణంగా ఉందన్నారు. అయితే ఈ రోజుల్లో పెళ్లి చేసుకున్నా.. చేసుకోకపోయినా ఫర్వాలేదండి.. పిల్లల్ని మాత్రం కనండి అంటూ వీకే నరేశ్ సలహా ఇచ్చారు. “పెళ్లిళ్లు చేసుకున్నా, చేసుకోకపోయినా పర్లేదు… పిల్లల్ని అయితే కనండి!” – Navarasa Raya Naresh | #CrazyKalyanam https://t.co/pMwUZf1ho6— cinee worldd (@Cinee_Worldd) October 11, 2026

తమిళనాడు: తిరుపత్తూరు జిల్లా, నట్రంపల్లికి చెందిన పార్థసారథి(25), వెల్డర్‌గా పనిచేస్తున్నాడు. ఇతను సత్య(22)ను ప్రేమించి, 3 సంవత్సరాల క్రితం వివాహం చేసుకున్నాడు. వీరికి 3 నెలల పాప ఉంది. ఈ స్థితిలో, పార్థసారథికి సుందంపట్టి ప్రాంతానికి చెందిన ఓ వివాహిత పరిచయమై, వివాహేతర సంబంధంగ మారింది. అద్దె ఇంట్లో నివసించే వివాహేతర ప్రియురాలి ఇంటికి పార్థసారథి తరచుగా వెళ్లేవాడు. ఈస్థితిలో, శుక్రవారం మద్యం సేవించి ఇంటికి వెళ్లిన పార్థసారథికి, భార్య సత్యకు గొడవ జరిగింది. సాయంత్రం పార్థసారథి ఇంటి నుండి బయలుదేరి తన వివాహేతర ప్రియురాలి ఇంటికి వెళ్లాడు. పార్థసారథి మద్యం మత్తులో ఉండటంతో అతనిని స్నానం చేసి తిరిగి రమ్మని చెప్పింది. కానీ పార్థసారథి నిరాకరించి, ఆమెతో సంతోషంగా గడపాలని పట్టుబట్టాడు. అయితే ప్రియురాలు అందుకు నిరాకరించింది. దీంతో మనస్తాపం చెందిన పార్థసారథి, హఠాత్తుగా గదిలోకి వెళ్లి తలుపు గడియ పెట్టుకుని, ఉరి వేసుకుని ఆత్మహత్య చేసుకున్నాడు. ఈమేరకు పోలీసులు కేసు దర్యాప్తు చేస్తున్నారు.

పట్నా: ఆర్జేడీ అధినేత లాలూ ప్రసాద్‌ యాదవ్‌ తనయుడు తేజ్‌ ప్రతాప్‌ యాదవ్‌ తన మాజీ భార్య ఐశ్వర్య రాయ్‌తో వివాహం, కొనసాగుతున్న విడాకుల వ్యవహారంపై స్పందించారు. ‘రైజ్‌ అండ్‌ ఫాల్‌’ రియాలిటీ షోలో పాల్గొన్న ఆయన.. తమ మధ్య జరిగిన గొడవలు, విభేదాల గురించి వెల్లడించారు. ఐశ్వర్య తన మాజీ ప్రియుడితో చాటింగ్‌ చేసేవారని ఆరోపించారు. ఈ వ్యాఖ్యలకు సంబంధించిన వీడియో సామాజిక మాధ్యమాల్లో వైరల్‌గా మారింది.ఇంటికి వెళ్లాలనిపించేది కాదుపెళ్లయిన కొత్తలో దాదాపు మూడు నెలలపాటు తమ మధ్య తరచూ గొడవలు జరిగేవని తేజ్‌ ప్రతాప్‌ తెలిపారు. ఇద్దరి స్వభావాలు వేర్వేరుగా ఉండటంతో సమస్యలు ఎదురయ్యాయని, తమ వివాహం ఒత్తిడి మధ్య జరిగిందని చెప్పారు. ఆ సమయంలో తాను బిహార్‌ ఆరోగ్యశాఖ మంత్రిగా ఉన్నానని గుర్తుచేసుకున్నారు. భార్యతో విభేదాల కారణంగా ఇంటికి వెళ్లాలనిపించేది కాదని, కొన్నిసార్లు స్నేహితుల ఇళ్లలో ఉండేవాడినని తెలిపారు. ఉదయం ప్రార్థనలు చేయడాన్ని ఐశ్వర్య ఇష్టపడేవారు కాదని ఆరోపించారు.మాజీ ప్రియుడితో చాటింగ్‌ చేశారంటూ ఆరోపణఒకరోజు శాసనసభ నుంచి ఇంటికి తిరిగొచ్చి గదిలోకి వెళ్లినప్పుడు ఐశ్వర్య ఓ యువకుడితో చాటింగ్‌ చేస్తూ కనిపించారని తేజ్‌ ప్రతాప్‌ చెప్పారు. ఆ యువకుడు ఆమె మాజీ ప్రియుడని, సందేశాల్లో హృదయాకారపు గుర్తులు ఉన్నాయని ఆరోపించారు. తమ మధ్య గొడవలు జరిగినప్పుడల్లా వీడియోలు రికార్డు చేసేవాడినని, వాటిని కోర్టులో ఆధారాలుగా సమర్పించినట్లు తెలిపారు.ఇప్పటికీ వెంటాడుతున్న జ్ఞాపకాలువివాహ సమయంలో ఎదురైన గొడవలు ఇప్పటికీ తనను మానసికంగా ఇబ్బంది పెడుతున్నాయని తేజ్‌ ప్రతాప్‌ వెల్లడించారు. ఎవరైనా గొంతు పెంచి మాట్లాడినప్పుడు గతంలోని సంఘటనలు గుర్తుకొస్తాయని చెప్పారు. తేజ్‌ ప్రతాప్‌, ఐశ్వర్య రాయ్‌ల వివాహం 2018 మేలో జరిగింది. పెళ్లయిన కొద్ది నెలలకే వారి మధ్య విభేదాలు తలెత్తడంతో తేజ్‌ ప్రతాప్‌ విడాకుల కోసం కోర్టును ఆశ్రయించారు. ప్రస్తుతం ఈ కేసు న్యాయస్థానంలో పెండింగ్‌లో ఉంది.ఇదీ చదవండి: జైలుకైనా సిద్ధం.. జ్ఞానేశ్ రాజీనామా చేసే వరకు పోరాటం: అభిజీత్ దీప్కే

ది రాజాసాబ్ బ్యూటీ నిధి అగర్వాల్ గురించి ప్రత్యేకంగా చెప్పనక్కర్లేదు. తెలుగు పలు సినిమాల్లో హీరోయిన్‌గా చేసింది. ఈ ముద్దుగుమ్మ గతేడాది రిలీజైన ప్రభాస్ ది రాజాసాబ్ చిత్రంలో హీరోయిన్‌గా మెప్పించింది. ప్రస్తుతం సినిమాలు లేకపోయినా.. తాజాగా ఓ షాపింగ్ మాల్ ప్రారంభోత్సవానికి హాజరైంది.ఈ సందర్భంగా తనకు ఓ ఆసక్తికర ప్రశ్న ఎదురైంది. తెలుగబ్బాయిని పెళ్లి చేసుకుంటారా? అని ఓ రిపోర్టర్ అడగడంతో దీనిపై స్పందించింది. అది తెలియదు.. మే బీ చేసుకోవచ్చంటూ సరదాగా నవ్వుతూ సమాధానమిచ్చింది. అంతేకాకుండా తనకు తెలుగు రాష్ట్రాలతో ఉన్న అనుబంధం గురించి ఆసక్తికర విషయాలు పంచుకున్నారు. తాను హైదరాబాద్‌లోనే పుట్టానని తెలిపారు. తాను కూడా తెలుగమ్మాయినేనని నిధి అగర్వాల్ స్పష్టం చేశారు. ఈ కామెంట్స్ ఇప్పుడు సోషల్ మీడియాలో వైరల్‌గా మారాయి.

బిహార్‌లోని ముజఫర్‌పూర్‌లో విచిత్ర సంఘటన చోటు చేసుకుంది. అర్ధరాత్రి తన ప్రియురాలిని కలవడానికి వెళ్లిన యువకుడికి, ప్రియురాల్ని ఇచ్చి గ్రామస్తులు పెళ్లి చేశారు. అవును మీరు చదివింది నిజమే.. ఈ సంఘటన ఔరై పోలీస్ స్టేషన్ పరిధిలో మంగళవారం రాత్రి చోటుచేసుకుంది. అసలు స్టోరీ ఏంటంటే..కత్రా పోలీస్ స్టేషన్ పరిధి రాంపూర్‌ గ్రామానికి చెందినయువకుడు, అదే గ్రామానికి చెందిన యువతితో చాలాకాలంగా ప్రేమలో ఉన్నాడు. రాత్రిళ్లు ప్రియురాల్ని రహస్యంగా కలుసుకునేవాడు. కానీ ఒక రాత్రి అతడు గ్రామస్తులకు దొరికి పోయాడు. దీంతో వారు గట్టిగా నిల దీశారు. అసలు విషయాన్ని తెలుసు కున్నారు. ఇంతలో యువతీ యువకుల కుటుంబ సభ్యులకు సమాచారం అందించడంతో వారు కూడా అక్కడికి చేరుకున్నారు. పరస్పరం చర్చలు, వాదోపవాదాల తరువాత ఇరు కుటుంబాలు ఆ ప్రేమికులను ఒక్కటి చేసేందుకు అంగీకరించారు.ఇదీ చదవండి : అక్టోబర్‌ 10 సీజేపీ నిరసన : షాకిచ్చిన ఢిల్లీ పోలీసులుఅనుకున్నదే తడవు, ఆ రాత్రే పెద్దల సమక్షంలో ఔరాయ్ బ్లాక్ కాంప్లెక్స్‌లోని శివాలయంలో పండితుల వేద మంత్రాల మధ్య ఇరువురి వివాహం జరిపించారు. శివాలయ పూజారి వేదమంత్రాల నడుమ వివాహ తంతును నిర్వహించారు. అంతేకాదు తండ్రి లేని ఆ యువతికి స్థానిక సామాజిక కార్యకర్త అర్జూ అహసన్ కరీమి 'కన్యాదానం' చేశారు. దీంతో ఈ పెళ్లి స్థానికంగా చర్చ నీయాంశంగా మారింది.అర్ధరాత్రి పట్టుబడటం, గ్రామస్థుల జోక్యంతో వెంటనే పెళ్లి జరగడం ఇదంతా ఏదో కలలా భలే జరిగింది అంటూ ఆ ప్రాంతంలో హాట్ టాపిక్‌గా మారింది. చివరకు ఇరు కుటుంబాల పెద్దలు, గ్రామస్థులు నూతన దంపతులను ఆశీర్వదించారు.

మూడు సంవత్సరాల ప్రేమ.. పెళ్లి చేసుకుంటానన్న హామీ.. మూడు సార్లు అబార్షన్‌ చేయించాడన్న ఆరోపణలు.. చివరకు పెళ్లికి నిరాకరించడంతో మున్సిపల్‌ చైర్మన్‌ ఇంటి ఎదుటే నాలుగు రోజుల పాటు నిరసన. వరంగల్‌ జిల్లా వర్ధన్నపేటలో తీవ్ర చర్చకు దారితీసిన ఈ వ్యవహారం ఎట్టకేలకు ఓ కొలిక్కి వచ్చింది. మున్సిపల్‌ చైర్మన్‌ పాలకుర్తి సారంగపాణి కుమారుడు శ్రీకాంత్‌.. బాధితురాలిని పెళ్లి చేసుకునేందుకు అంగీకరించాడు.శ్రీకాంత్‌ తనను ప్రేమ పేరుతో నమ్మించి పెళ్లి చేసుకుంటానని చెప్పి మోసం చేశాడని ఆరోపిస్తూ శ్రీదేవి అనే యువతి సోమవారం నుంచి సారంగపాణి ఇంటి ఎదుట ఆందోళనకు దిగింది. కుటుంబ సభ్యులు, దళిత సంఘాల నాయకులతో కలిసి నిరసన కొనసాగించింది. తనకు న్యాయం జరిగే వరకు అక్కడి నుంచి కదిలేది లేదని స్పష్టం చేసింది. ఆమె ఆందోళనకు పలు రాజకీయ, ప్రజాసంఘాల నాయకులు మద్దతు తెలిపారు. ఈ క్రమంలో.. ఎమ్మెల్యే, మాజీ పోలీస్‌ అధికారి కేఆర్‌ నాగరాజు చొరవతో ఇరు కుటుంబాల మధ్య చర్చలు జరగ్గా, గురువారం సాయంత్రం పెద్దల సమక్షంలో శ్రీకాంత్‌, శ్రీదేవి దండలు మార్చుకుని వివాహ బంధంలోకి అడుగుపెట్టారు. ఈ కార్యక్రమంలో శ్రీకాంత్‌ తల్లిదండ్రులు సారంగపాణి, సుజాత పాల్గొన్నారు.మూడేళ్ల ప్రేమ..శ్రీకాంత్‌తో తనకు మూడేళ్ల క్రితం దసరా వేడుకల సందర్భంగా పరిచయం ఏర్పడిందని శ్రీదేవి తెలిపింది. అప్పటి నుంచి ప్రేమిస్తున్నానని, పెళ్లి చేసుకుంటానని నమ్మించాడని ఆరోపించింది. వేములవాడ ఆలయానికి తీసుకెళ్లి పెళ్లి చేసుకుంటానని మాట ఇచ్చాడని, తన కుటుంబ సభ్యులకు కూడా పరిచయం చేశాడని వివరించింది. ఈ క్రమంలో అతడితో సన్నిహితంగా ఉన్న సమయంలో మూడుసార్లు గర్భం దాల్చానని, శ్రీకాంత్‌ సూచనల మేరకు అబార్షన్లు చేయించుకున్నానని పేర్కొంది.తర్వాత శ్రీకాంత్‌ తనను దూరం పెట్టడంతో మోసపోయానని గ్రహించినట్లు తెలిపింది. ఈ విషయంపై ఆయన తండ్రి సారంగపాణిని కలిసి తన వద్ద ఉన్న ఆధారాలు చూపించినా ఫలితం లేకపోయిందని ఆరోపించింది. అనంతరం వర్ధన్నపేట ఎమ్మెల్యే కె.ఆర్‌. నాగరాజును ఆశ్రయించినా సమస్య పరిష్కారం కాలేదని ఆవేదన వ్యక్తం చేసింది. చివరకు చైర్మన్‌ ఇంటి ఎదుటే ఆందోళనకు దిగింది.ఎమ్మెల్యే చొరవతో కొలిక్కి..శ్రీదేవి నిరసన కొనసాగుతుండటంతో ఎమ్మెల్యే కె.ఆర్‌. నాగరాజు ఇరు కుటుంబాలతో చర్చలు జరిపి సమస్య పరిష్కారానికి చొరవ తీసుకున్నారు. ఆయన జోక్యంతో శ్రీకాంత్‌ పెళ్లికి అంగీకరించడంతో ఇరు కుటుంబాల పెద్దల సమక్షంలో వివాహం జరిగింది. కుటుంబాల మధ్య ఒప్పంద పత్రం కూడా రాసుకున్నట్లు సమాచారం. పెళ్లి కార్యక్రమంతో నాలుగు రోజులుగా కొనసాగుతున్న నిరసనకు తెరపడింది. తనకు అండగా నిలిచిన ప్రజాసంఘాలు, రాజకీయ పార్టీల నాయకులకు శ్రీదేవి కృతజ్ఞతలు తెలిపింది.ఇదీ చదవండి: జూరాల రైతులపై నాన్‌ బెయిలబుల్‌ కేసులా?

సాక్షి, న్యూఢిల్లీ: సహజీవనం చేసిన భాగస్వామిని వివాహం చేసుకోవడానికి నిరాకరించడాన్ని ఆత్మహత్యకు ప్రేరేపించినట్లుగా పరిగణించలేమని సుప్రీంకోర్టు స్పష్టం చేసింది. ప్రేమ వైఫల్యం, బ్రేకప్‌ వంటివి ఆత్మహత్యకు దారితీసినంత మాత్రాన అన్నివేళలా దాన్ని ఆత్మహత్యకు ప్రేరేపించిన నేరంగా చెప్పలేమని తేల్చిచెప్పింది. ఆత్మహత్య చేసుకొనేలా ఉద్దేశపూర్వకంగా రెచ్చగొట్టడం లేదా పెళ్లికి నిరాకరిస్తే ఆత్మహత్య చేసుకుంటారన్న విషయం ముందే తెలిసి ఉండటం లాంటివి లేనప్పుడు సెక్షన్‌ 306 కింద కేసు నమోదు చేయడం చెల్లదని పేర్కొంది. తెలంగాణలో 2022లో నమోదైన ఆత్మహత్య కేసులో దాఖలైన అప్పీల్‌పై జస్టిస్‌ జేబీ పార్దీవాలా, జస్టిస్‌ కె. వినోద్‌ చంద్రన్‌లతో కూడిన ధర్మాసనం ఇటీవల తీర్పు వెలువరించింది. చిన్ననాటి స్నేహితురాలితో మూడు నెలలపాటు సహజీవనం చేసిన ఓ యువకుడు తొలుత ఆమెతో పెళ్లికి సిద్ధపడ్డాడు. అయితే అతని స్నేహితుడు యువతి గురించి చెడుగా మాట్లాడటం, అదే సమయంలో యువకుడి సోదరి కాబోయే భర్త ఈ వివాహాన్ని వ్యతిరేకించడంతోపాటు తల్లిదండ్రులు సైతం యువతితో సంబంధాన్ని తెంచుకోవాలని ఒత్తిడి తెచ్చారు. అయితే యువతి మాత్రం తనను సహజీవన భాగస్వామి పెళ్లి చేసుకోకుంటే ప్రాణాలు తీసుకుంటానని సోదరికి ఫోన్లో చెప్పి ఆ తర్వాత ఆత్మహత్య చేసుకుంది. ఈ ఘటనలో మృతురాలి సోదరి ఇచ్చిన ఫిర్యాదు మేరకు యువకుడితోపాటు అతని తల్లిదండ్రులు, సోదరి, స్నేహితుడు, సోదరికి కాబోయే భర్త.. మొత్తం ఆరుగురిని నిందితులుగా పేర్కొంటూ పోలీసులు కేసు నమోదు చేశారు. ఈ కేసులో సెషన్స్‌ కోర్టుతోపాటు హైకోర్టు నిందితులను దోషులుగా తేల్చగా ఆ ఉత్తర్వులను సవాల్‌ చేస్తూ వారు సుప్రీంకోర్టును ఆశ్రయించారు. పిటిషన్‌ను విచారించిన సర్వోన్నత న్యాయస్థానం ఆరుగురిపై ఉన్న ప్రొసీడింగ్స్‌ను కొట్టేసింది. నిందితులు కస్టడీలో ఉంటే తక్షణమే విడుదల చేయాలంది.

లబ్బీపేట(విజయవాడ తూర్పు): మరో వివాహిత మోజులో పడి పెళ్లైనా భార్యతో సరిగా గడపలేకపోయాడు ఆ ప్రబుద్ధుడు. నిత్యం నువ్వే గుర్తుకొస్తున్నావంటూ పాత బంధాన్ని కొనసాగించాలని ప్రియు­రాలిని వేధించాడు. దీనికి ఆమె నిరాకరించడంతో కోపోద్రిక్తుడై ఆమె ఇంట్లో ఒంటరిగా ఉండగా వెళ్లి గొంతు కోసి కసిదీరా పొడిచి హత్య చేశాడు. అనంతరం తానూ గాయాలు చేసుకుని కాలు­వలో దూకి ఆత్మహత్యకు యత్నించాడు. సూర్యా­రావుపేట సీఐ చవాన్‌ కథనం ప్రకారం.. విజయవాడ అరండల్‌పేటకు చెందిన మహిళ (33)కు పెళ్లై ఇద్దరు ఆడపిల్లలు ఉన్నారు. ఈమె కుటుంబం మూడేళ్ల పాటు అరండల్‌పేట­లోని నాగరాజు ఇంట్లో అద్దెకు ఉన్నారు. ఆ సమ­యంలో నాగరాజుతో ఆమెకు వివాహేతర సంబంధం ఏర్పడింది. నాగరాజుకు పెళ్లి కుదరడంతో ఆమె కుటుంబం మూడు నెలల కిందటే పక్క ఇంట్లోని రెండో అంతస్తుకు మారింది. నాగరాజుకు పెళ్లైనా భార్యతో సరిగా ఉండడం లేదు. తనతో సంబంధం కొనసాగించాలని మహిళను తీవ్రంగా వేధిస్తున్నాడు. మళ్లీ తమ ఇంట్లోకి అద్దెకు రావాలని ఆమెతో పాటు, భర్తను అడుగుతున్నాడు. దీనికి మహిళ నిరాకరించడంతో కోపోద్రిక్తుడైన నాగరాజు ఆమెను ఎలాగైనా అంతమొందించాలని నిర్ణయించుకున్నాడు. ఈ తరుణంలో బుధవారం ఉదయం 10 గంటలకు ఆమె ఒంటరిగా ఉన్న సమయంలో నాగరాజు కత్తి తీసుకుని వెళ్లి దాడి చేశాడు. గొంతుకోసి శరీరంపై కసిదీరా పొడిచి చంపేశాడు. శరీరంపై 15 చోట్ల కత్తిపోట్లు ఉన్నాయి. అనంతరం తానూ చనిపోవాలని భావించి పొట్టపై, గొంతుపై గాయం చేసుకున్నాడు. భవనంపై నుంచి దిగివచ్చి పక్కన ఉన్న కాలువలో దూకాడు. స్థానికులు గమనించి నాగరాజును ఆస్పత్రికి తరలించారు. ఇదిలా ఉంటే తనకు చేతబడి చేయడం వల్లే ఆమెను మరిచిపోలేకపోతున్నానని, అందుకే చంపేసినట్లు నిందితుడు పోలీసులకు చెప్పడం గమనార్హం. ఈ ఘటనపై కేసు నమోదు చేసిన సూర్యారావుపేట పోలీసులు మహిళ మృతదేహాన్ని ప్రభుత్వాస్పత్రికి తరలించారు.

యాక్షన్‌ కింగ్ అర్జున్‌ సర్జా ఇంట శుభాకార్యం జరగనుంది. ఆయన కూతురు అంజనా వివాహ ముహుర్తం ఖరారైంది. ​‍అర్జున్ చిన్న కుమార్తె ఈనెల 18న మూడుముళ్ల బంధంలోకి అడుగుపెట్టనుంది. దాదాపు 13 ఏళ్లుగా ప్రేమలో ఉన్న ఆమె ప్రియుడిని పెళ్లాడనుంది. అంజనా ప్రియుడు ఎవరనే విషయం ఇంకా బయటికి రాలేదు.కన్నడ నటితో అర్జున్ వివాహం..కాగా.. అర్జున్ సర్జా 1988లో కన్నడ నటి నివేదితను ప్రేమించి పెళ్లి చేసుకున్నారు. వీరికి ఐశ్వర్య, అంజనా అనే ఇద్దరు కుమార్తెలు ఉన్నారు. వీరి పెద్ద కూతురు ఐశ్వర్య విశాల్ సరసన హీరోయిన్‌గా పరిచయమయ్యారు. ఆ తర్వాత తన తండ్రి అర్జున్ దర్శకత్వంలో, నిర్మాణంలో 'సొల్లివిడవా' అనే చిత్రంలో నటించారు. ప్రస్తుతం ఆమె తన తండ్రి వ్యాపారం, నిర్మాణ సంస్థ పనులు చూసుకుంటున్నారు. యాక్షన్ హీరోగా ముద్ర వేసుకున్న కింగ్‌ అర్జున్ సర్జా కన్నడతో పాటు తెలుగు, తమిళ సినిమాల్లోనూ నటించారు.బిజినెస్‌లో అంజనా..అర్జున్ పెద్ద కూతురు ఐశ్వర్యకు సినిమాల్లో రాణిస్తుండగా.. చిన్న కూతురు అంజనకు మాత్రం సినిమాలపై ఆసక్తి లేదు. వ్యాపారవేత్త కావాలనేది ఆమె కోరిక. అందుకే 2023లో హ్యాండ్ బ్యాగుల తయారీ సంస్థను ప్రారంభించారు. ఇక్కడ తయారయ్యే హ్యాండ్ బ్యాగులన్నీ పండ్ల తొక్కలు, కూరగాయల తొక్కలు, నార వంటి వాటితో తయారు చేసిన మార్కెటింగ్ చేస్తున్నారు. ప్రస్తుతం ఆమె బిజినెస్‌లో రాణిస్తూనే పెళ్లి పీటలెక్కనున్నారు.Action King Arjun's Daughter #Anjana marriage on Oct 18 💍 https://t.co/dfCgZSvKRf— Christopher Kanagaraj (@Chrissuccess) October 7, 2026

సోషల్ మీడియాలో మెల్లిగా స్నేహంగా ప్రారంభమైంది. అలా ఆ పరిచయం త్వరలోనే ప్రేమగా మారింది. చివరికి తన ప్రేమ బంధాన్ని వివాహ బంధంగా మార్చుకుంది. ఆ తరువాత లబోదిబో మంది. ఇది ఏదో సినిమా కథ కాదు, కాన్పూర్‌కు చెందిన వ్యక్తిని వివాహం చేసుకున్న థాయ్‌లాండ్ మహిళ నిజ జీవిత గాథ.థాయ్‌లాండ్‌లో రెస్టారెంట్, క్యాంటీన్ నడుపుకుంటూ జీవిస్తోంది అప్సార్ (Upsorn), సోషల్ మీడియా ద్వారా ఉత్తరప్రదేశ్‌లోని కాన్పూర్‌కు చెందిన లెదర్ వ్యాపారి ఇర్ఫాన్‌తో పరిచయం ఏర్పడింది. వారి ఆన్‌లైన్ చాట్‌లు క్రమంగా రొమాంటిక్ రిలేషన్‌షిప్‌గా మారాయి. ఒక రోజు ప్రియురాల్ని కలవడానికి ఏకంగా థాయ్‌లాండ్‌ వెళ్లాడు ఇర్ఫాన్‌. ఆమె పరిస్థితిని, స్థితిగతులను గమనించాడు. ఆమెను నమ్మించి, రెండేళ్ల క్రితం ఆమెను థాయ్‌లాండ్‌లో వివాహం చేసుకున్నాడు. దీంతో తన అదృష్టానికి తనకు తానే మురిసి పోయింది అప్సార్. కానీ ఇర్ఫాన్‌ ప్లాన్‌ మరోలా ఉంది. నెమ్మదిగా తన పథకాన్ని అమలు చేశాడు. వ్యాపారం, అవసరాలు అంటూ ఆమె దగ్గర డబ్బులు లాగడం మొదలుపెట్టాడు. దీంతో భర్తే కదా అనే ఉద్దేశంతో తన సంపాదనతోపాటు, బంధువుల దగ్గర అప్పు తీసుకొని మరీ కాలక్రమేణా దాదాపు రూ. 60 లక్షలు అప్సార్‌కి ముట్టజెప్పింది. ఆ తరువాత ఇక ఇర్ఫాన్‌ ఆమెతో అన్ని సంబంధాలను తెంచుకుని భారత్‌కు తిరిగి వచ్చేశాడు. ఆమెతో సంబంధాలను కట్‌ చేసుకోవాలని చూశాడు.ఇదీ చదవండి: నో షూస్‌, నో సూట్..1600 మీటర్ల రన్‌, అదీ చీరలోతన భర్త నుంచి నెలల తరబడి ఎలాంటి సమాచారం లేకపోవడంతో, భర్తను వెదుక్కుంటూ ఇండియాకు వచ్చింది. అక్టోబర్ 6న కాన్పూర్‌లోని ఇర్ఫాన్‌ ఇంటికి చేరింది. అక్కడ మెకు దిగ్భ్రాంతికరమైన నిజం తెలియడంతో షాక్‌ అయింది. ఇర్ఫాన్‌కు 12 ఏళ్ల క్రితమే పెళ్లి అయింది. ముగ్గురు పిల్లలు ఉన్నారు.దీంతో తననెందుకు మోసం చేశావని నిలదీసింది., తన డబ్బు తనకు ఇవ్వాలని డిమాండ్‌ చేయడంతో ఈ వ్యవహారం మరింత ముదిరింది. తనతో ఉండాలన్నా లేదా తన డబ్బు తిరిగి రావాలన్నా, ఇస్లాం మతంలోకి మారి బుర్ఖా ధరించాలని షరతు పెట్టాడు. అంతేకాదు ఆమెపై భౌతిక దాడికి పాల్పడ్డాడు. దీంతో ఆమె వేరే దారి లేక స్థానిక పోలీసులను ఆశ్రయించింది. అదనపు డిప్యూటీ కమిషనర్ ఆఫ్ పోలీస్ (ఈస్ట్) శివ సింగ్‌ను ఆశ్రయించి తన గోడును వెళ్లబోసుకుంది.. మతమార్పిడి కోణంతో సహా ఆరోపణల తీవ్రతను దృష్టిలో ఉంచుకుని పోలీసులు చర్యలు చేపట్టారు. కేసు నమోదు చేసిన పోలీసులు ఇర్ఫాన్‌ను అరెస్ట్ చేశారు. వివాహ పత్రాలు, రూ. 60 లక్షల బదిలీకి సంబంధించిన బ్యాంకు లావాదేవీలు, అలాగే మహిళపై మతం మార్చుకోవాలని ఒత్తిడి చేశారన్న ఆరోపణలపై పోలీసులు దర్యాప్తు చేస్తున్నారు.

భారత దేశంలో చాలామటుకు పెళ్లిళ్లలలో వధువే వరుడి ఇంటికి వెళ్తుంది. ఆడపిల్లలనే అత్తారింటికి సాగనంపడం అనాదిగా వస్తున్న ఆచారం. కానీ మన భారత్‌లోని ఒక తెగ అందుకు విరుద్ధంగా ఆచారం పాటిస్తుంది. అక్కడ మాతృస్వామ్యమే ఏలుతుండటం విశేషం. వంశం అనగానే తండ్రి నుంచి సంక్రమిస్తే అక్కడ మాత్రం తల్లి నుంచే సంక్రమిస్తుంది. తల్లి గోత్రం, ఆమె వారసత్వమే ప్రధాన పాత్ర పోషిస్తుంది ఆ తెగలో.ఈ విచిత్ర ఆచారాన్ని పాటించేది ఖాసీలు అనే తెగ. ఇక్కడ వివాహ సంప్రదాయం అత్యంత భిన్నంగా ఉంటుంది. ఈ కమ్యూనిటీలో రెండు వేర్వేరు వంశాల మధ్య పెళ్లిళ్లు జరుగుతాయి. ఒకే వంశంలో వివాహం నిషిద్ధం. ఎందుకంటే వంశ సభ్యులందరూ ఒకే పూర్వీకురాలైన తల్లికి పుట్టిన వారసులుగా పరిగణిస్తారు. ఈ కమ్యూనిటీల వివాహ వేడుకల్లో ఇరువైపుల ప్రతినిధులుగా మేనమామలే పాల్గొంటారు. వరుడు అతని బంధువులు వధువు ఇంటికి వెళ్తారు. ఆక్కడ వివాహం జరిపించడానికి లాంఛనప్రాయంగా కొన్ని వస్తువులు మార్చుకుంటారు. ఆ తర్వాత భర్త భార్యతో కలసి అత్తారింట్లో నివశించడం అక్కడ ఆనవాయితీ. అంటే ఇక్కడ భర్తే భార్య కుటుంబంలో భాగమవుతాడు. అలాగే ఈ తెగలో ఇంటి పేరును తర్వాతి తరాలకు ఇచ్చేంది స్త్రీలే. తన తల్లిదండ్రుల బాధ్యతలను, వారసత్వాన్ని కొనసాగించేది కుమార్తేలే. ఒకవేళ ఆమెనే కుటుంబంలో చిన్న కుమార్తె అయితే భర్తనే వచ్చి తన ఇంట్లో నివశించడం తోపాటు..వారసత్వ బాధ్యతలను కూడా ఆమెనే తీసుకోవాల్సి ఉంటుంది. అలాగే పూర్వీకులు భూమికి సంరక్షకురాలిగా మారడమే కాకుండా వృద్ధులైన తల్లిదండ్రులను చూసుకునే బాధ్యత కూడా ఆమెదే. ఒకవేళ ఇంట్లో పెళ్లికాకుండా తోబుట్టువులు ఉండిపోతే వారిని చూసుకోవాల్సింది కూడా ఆమెనే. ఈ ఆచారాన్ని ఏర్పరచుకోవడానికి ప్రధాన కారణం..వేరొక కాపురం పెట్టాలనే ఆలోచనకు అడ్డుకట్ట వేస్తూ..అంత ఐక్యంగా ఉండేలా చేయడమేనని ఆ తెగ ప్రజలు చెబుతుండటం విశేషం. అలాగని పురుషులకు ఎలాంటి పాత్ర ఉండదని కూడా అర్థం కాదట. కుటుంబాన్ని నిర్వహించడం, పిల్లల పోషణ తదితరాలన్నీ అతడే నిర్వర్తిస్తాడు. కాకపోతే వారసుడిగా కాకుండా వారుసురాలికే ప్రాధాన్యత ఇవ్వడమే విశేషం. సింపుల్‌గా చెప్పాలంటే మాతృస్వామ్య పాలన అని చెప్పొచ్చు. ఇదీ చదవండి: బ్యాంక్‌ ఉద్యోగం వదిలేసి మైక్రోగ్రీన్స్‌ వ్యాపారం..! నెలకు రూ. 5 లక్షలు పైనే..

మహా కుంభమేళాలో రుద్రాక్షలు అమ్ముతూ వైరల్‌ అయిన మోనాలిసా భోస్లే (Monalisa Bhosle)కు భారీ ఊరట లభించింది. ఆమె బర్త్ సర్టిఫికెట్, ఇతర ధ్రూవీకరణ పత్రాలుపై అభ్యంతరం వ్యక్తం చేస్తూ తండ్రి దాఖలుచేసిన పిటిషన్‌పై జారీ చేసిన ఉత్తర్వులను మధ్యప్రదేశ్ హైకోర్టు పక్కన పెట్టింది. ఆగమేఘాల మీద ఆమె జనన ధృవీకరణ పత్రం కోసం అంత కష్టపడాల్సిన అవసరం లేదని తండ్రికి హితవు చెప్పింది. మోనాలిసా భోస్లేకు ఎలాంటి సరైన విచారణ లేదా వాదన వినిపించే అవకాశం ఇవ్వకుండా ఆమె పుట్టిన తేదీని మార్చడం చట్ట విరుద్ధమని హైకోర్టు పేర్కొంటూ మహేశ్వర్ చీఫ్ మున్సిపల్ ఆఫీసర్ మార్చి 31న జారీ చేసిన ఉత్తర్వులను ఇండోర్ బెంచ్ బుధవారం రద్దు చేసింది. మధ్యప్రదేశ్ హైకోర్టుకు చెందిన ఇండోర్ బెంచ్ కొట్టేసింది. ఆమె వినకుండా ఇటువంటి తీవ్రమైన పరిణామాలతో అధికారులు నిర్ణయం తీసుకోలేరని తీర్పు చెప్పింది. కేవలం తండ్రి మాటల ఆధారంగా ఇచ్చారని, ఈ కొత్త ఉత్తర్వులు కూతురి వాదన వినలేదని కోర్టు తప్పుబట్టింది. కుటుంబసభ్యుల ఇష్టానికి వ్యతిరేకంగా నటుడు ఫర్మాన్ ఖాన్‌ను వివాహం చేసుకున్న తర్వాతే ఆమె తండ్రి ఈ మార్పు కోసం అన్ని ప్రయత్నాలు చేశారని జస్టిస్ గజేంద్ర సింగ్ తన ఉత్తర్వుల్లో పేర్కొన్నారు.అసలు వివాదం ఏమిటి? ఆమె వివాహం సమయం నాటికి బర్త్ సర్టిఫికెట్ , ఇతర ధ్రూవీకరణ పత్రాలతో (జనవరి 1, 2008) ప్రకారం మేజర్‌ కానీ. తండ్రి దరఖాస్తు మేరకు మున్సిపల్ అధికారులు దీనిని డిసెంబర్ 30, 2009కి మార్చారు. అలా జరిగితే ఆమె వివాహం నాటికి మైనర్ (16 ఏళ్లు) అవుతుంది. అయితే ఏ పుట్టిన తేదీ సరైనదో కోర్టు ప్రస్తుతం తేల్చలేదు. ఆమెకు తగిన విచారణ అవకాశం కల్పించి, దరఖాస్తును పునఃపరిశీలించాలని అధికారులను ఆదేశించింది. అలాగే ఈ తీర్పు వివాహాన్ని చట్టబద్ధం చేయదని లేదా ఆమె భర్తపై ఉన్న క్రిమినల్ కేసులను కొట్టేయదని స్పష్టం చేసింది.ఇదీ చదవండి: హెలికాప్టర్‌ క్రాష్‌ : ప్రముఖ వ్యాపారవేత్త, భార్య దుర్మరణంకాగా ప్రయాగ్‌రాజ్‌లో జరిగిన 2025 మహా కుంభమేళాలో పూసలు, దండలు అమ్ముతూ ఇంటర్నెట్ సెన్సేషన్‌గా మారిన మోనాలిసా భోస్లే ఈ ఏడాది మార్చి 11 తన ప్రియుడు ఫర్మాన్ ఖాన్‌ను కేరళలోని తిరువనంతపురంలో మతాంతర వివాహం చేసుకుంది. దీంతో ఈ వివాదం తెరపైకి వచ్చింది. కుటుంబసభ్యుల ఫిర్యాదు మేరకు ఆమె భర్తపై పోక్సో (POCSO) కేసు కూడా నమోదైంది.ఇదీ చదవండి: మీరట్ బ్లూ డ్రమ్ కేసు : కోర్టు సంచలన తీర్పు

తిరువనంతపురం: భారతీయ పౌరులను వివాహం చేసుకున్నంత మాత్రాన ఏ విదేశీయులకు కూడా దేశంలోకి ప్రవేశించేందుకు వీసా పొందే సహజసిద్ధమైన లేదా చట్టబద్ధమైన హక్కు దానంతట అదే లభించదని కేరళ హైకోర్టు స్పష్టం చేసింది. భారత పౌరుడిని వివాహం చేసుకున్న ఒక పాకిస్థానీ మహిళ, భారతదేశంలో జరిగే వివాహ వేడుకకు హాజరయ్యేందుకు వీసా దరఖాస్తు చేసుకునే ప్రక్రియ కల్పించాలని కోరుతూ దాఖలు చేసిన పిటిషన్‌ను న్యాయస్థానం కొట్టివేసింది. విదేశీ పౌరుల రాక, బసను నియంత్రించే పూర్తి సార్వభౌమ అధికారం కేంద్ర ప్రభుత్వానిదేనని కోర్టు పునరుద్ఘాటించింది.ఈ కేసుకు సంబంధించిన వివరాల ప్రకారం.. సదరు పాకిస్థానీ మహిళ ఒక భారతీయ పౌరుడిని దుబాయ్‌లో వివాహం చేసుకుని, ప్రస్తుతం భర్తతో కలిసి విదేశాల్లో నివసిస్తున్నారు. భారతదేశంలో జరిగే ఒక కుటుంబ వివాహ వేడుకకు హాజరయ్యేందుకు ఆమె వీసా కోసం ప్రయత్నించగా, పాకిస్థానీ పౌరులకు వీసా దరఖాస్తు ప్రక్రియ అందుబాటులో లేకపోవడంతో ఆ దంపతులు కేరళ హైకోర్టును ఆశ్రయించారు. తక్షణ అవసరాల కోసం స్వల్పకాలిక వీసాతో పాటు, భారత పౌరుడి భార్యగా తనకు దీర్ఘకాలిక వీసా పొందే అర్హత ఉందని, వీసా దరఖాస్తు చేసుకునే అవకాశం ఇవ్వకపోవడం రాజ్యాంగంలోని ఆర్టికల్ 14 (సమానత్వపు హక్కు), ఆర్టికల్ 21 (జీవించే హక్కు)లను ఉల్లంఘించడమేనని పిటిషనర్లు వాదించారు.ఈ పిటిషన్‌ను కేంద్ర ప్రభుత్వం తీవ్రంగా వ్యతిరేకించింది. విదేశీయుల రాక, దేశంలో వారి కదలికలు, తిరిగి వెళ్లడం అనేవి పూర్తిగా ప్రభుత్వ విధానాలు, చట్టాల పరిధిలోని అంశాలని కోర్టుకు నివేదించింది. 2025 ఏప్రిల్ 22న పహల్గామ్‌లో జరిగిన ఉగ్రదాడి అనంతరం తలెత్తిన భద్రతా కారణాల దృష్ట్యా, ఫారెనర్స్ యాక్ట్, 1946 (సెక్షన్ 3) ప్రకారం పాకిస్థానీ పౌరులకు అన్ని రకాల వీసా సేవలను నిలిపివేస్తూ కేంద్రం ఉత్తర్వులు జారీ చేసిందని, ఆ ఉత్తర్వులు ఇప్పటికీ అమల్లోనే ఉన్నాయని కేంద్రం స్పష్టం చేసింది.ఇరుపక్షాల వాదనలు విన్న హైకోర్టు.. విదేశీయుల ప్రవేశాన్ని నియంత్రించే అధికారం కేంద్ర ప్రభుత్వ విశేష సార్వభౌమ అధికారమని, ఇది దేశ భద్రత, సమగ్రత, శాంతిభద్రతలతో ముడిపడి ఉందని పేర్కొంది. భారత పౌరుడిని పెళ్లి చేసుకున్నప్పటికీ, వీసా మంజూరు చేయాలని లేదా కనీసం దరఖాస్తును పరిశీలించాలని డిమాండ్ చేసే చట్టపరమైన హక్కు విదేశీయులకు ఉండదని స్పష్టం చేసింది. ఆర్టికల్ 14 భారత పౌరులు కానివారికి కూడా వర్తిస్తుందనేది నిజమే అయినప్పటికీ, ఆ వ్యక్తి భారత భూభాగంలో ఉన్నప్పుడు మాత్రమే ఆ హక్కును పొందగలరని, విదేశాల్లో ఉంటూ భారత్‌లోకి ప్రవేశం కోసం దానిని క్లెయిమ్ చేయలేరని తేల్చిచెబుతూ పిటిషన్‌ను కొట్టివేసింది.ఇదీ చదవండి: ‘గోంధాల్‌’.. మహారాష్ట్రకు గర్వకారణం: సీఎం ఫడ్నవీస్

‘‘హలో. జస్ట్‌ మీ వాయిస్‌ విందామని చేశాను. వచ్చేప్పుడు తేగలు తెండి. ఇక్కడికన్నా రాజమండ్రిలో మంచి తేగలు దొరుకుతాయి.’’ సుదతి తన భర్తకి ఫోన్‌ చేసి చెప్పింది.‘‘గుర్తుంది. తెస్తాను. రేగుపళ్ళ గుజ్జుతో చేసే దాన్నేదో అంటారు. అదీ తెస్తాను.’’‘‘ఒరుగులు. అవి మనమ్మాయికి బాగా ఇష్టం.’’ఏభై ఒక్కేళ్ళ సుదతి ఆ కాల్‌ పూర్తయ్యాక భర్త పాత లుంగీని తీసుకొని బాత్‌రూంలోకి వెళ్ళింది. దాన్ని ఆమె వృథా పోనీకుండా టవల్‌గా వాడుతోంది. స్నానం చేస్తూ ఆ పూట ఏం వండాలని ఆలోచిస్తూ ఫ్రిజ్‌లోని కూరగాయలని గుర్తుచేసుకోసాగింది.వంట చేసేప్పుడు ఇంగువ ఐపోయిందని గ్రహించింది. ఉదయం తొమ్మిదికి వంట పూర్తి చేసి, కాలేజ్‌కి వెళ్ళే కూతురికి కేరియర్‌ ఇచ్చింది. వాళ్ళది మధ్యతరగతి కుటుంబం కాబట్టి హోటల్‌కి వెళ్ళడం ఆ కుటుంబంలోని ఎవరికీ అలవాటు లేదు.ఆమె వెళ్ళాక సుదతి సంచీ తీసుకుని పది నిమిషాల నడక దూరంలోని జయంట్‌ సూపర్‌ బజార్‌కి వెళ్ళింది. ఆవిడ సరాసరి ఆ ఐల్‌కి వెళ్ళి ఎల్‌.జి. ఇంగువ డబ్బాని తీసుకుంది. మరికొన్ని వస్తువులని కూడా తీసుకుని కూతురికి టెక్స్‌›్ట మెసేజ్‌ చేసింది. ఆవిడ చెక్‌ అవుట్‌ కౌంటర్‌లో ఉండగా కూతురు నుంచి ఫోన్‌ వచ్చింది.‘‘జయంట్‌లో ఉంటే శానిటరీ నేప్‌కిన్స్‌ తీసుకో. ఎర్రరంగు తిలకం కూడా. ఇంకేమైనా గుర్తొస్తే ఐదు నిమిషాల్లో మళ్ళీ ఫోన్‌ చేస్తాను.’’ఆవిడ క్యూలోంచి బయటకి వచ్చి ఆ ఐటమ్స్‌ దగ్గరికి వెళ్ళి వాటిని తీసుకుని మళ్ళీ వచ్చి చెకౌట్‌ క్యూలో నిలబడింది. తన ముందు నిలబడ్డ పద్దెనిమిదేళ్ళ కుర్రాడిని చూసి, ‘ఈ రోజుల్లో గడ్డం పెంచడం మగాళ్ళకి ఫేషన్‌ ఐపోయింది’ అని అనుకుంది.ఆ కుర్రాడి కళ్ళు పదే పదే తన చేతికున్న బ్రేస్లెట్‌ వంక చూడటం గమనించాక సుదతికి అతను దొంగేమో అన్న ఆలోచన కలిగింది. కొంగుతో దాన్ని కప్పుకోవాలి అని అనుకుంటూండగా అతను ప్రశ్నించాడు.‘‘మీరు పాలేశ్వరావు భార్య కదా?’’ఆవిడకి ఆ ప్రశ్నకి కొద్దిగా ఆశ్చర్యం వేసింది.‘‘అవును. ఆయన నీకు తెలుసా?’’ వెంటనే అడిగింది.‘‘తెలుసు. మా నాన్నగారు, ఆయన కొలీగ్స్‌.’’‘‘నన్ను ఎలా గుర్తుపట్టావు? మా ఇంటికి వచ్చావా?’’‘‘లేదు. మిమ్మల్ని చూడటం ఇదే మొదటిసారి.’’‘‘మరెలా గుర్తుపట్టావు?’’‘‘ఆ బ్రేస్లెట్‌ మీద మీ పేరుని చూసి. రావుగారు దాన్ని కొని మీకు ఇరవైయ్యవ మేరేజ్‌ ఏనివర్సరీకి సర్‌ప్రైజ్‌ గిఫ్ట్‌గా ఇచ్చారని మా ఇంట్లో అందరికీ తెలుసు. ఆయన మా కుటుంబానికి ఎంతో సాయం చేశారు. నాకు ఎడ్యుకేషన్‌ లోన్‌ తిరస్కరిస్తే ఆయనే ఇప్పించారు.’’‘‘మా వారికి ‘పరోపకారి పాపన్న’ అనే ముద్దు పేరు పెట్టాము. ఎవరికైనా ఏదైనా అవసరం ఉందని తెలిస్తే ఆయన అంతట ఆయనే వాళ్ళింటికి వెళ్ళి సాయం చేస్తారు.’’ సుదతి నవ్వుతూ చెప్పింది.‘‘ఆయన రాలేదా?’’ అతను ఆవిడ బుట్టలోని సామానుని కౌంటర్‌ మీద పెడుతూ అడిగాడు.‘‘కేంప్‌కి వెళ్ళారు.’’అతను ఆవిడ కేరీ బేగ్‌ బయటకి మోసుకువచ్చాడు. అతనేదో చెప్పడానికి సందేహిస్తున్నాడని గ్రహించిన సుదతి అడిగింది.‘‘ఏమిటి?’’‘‘మీరు పాలేశ్వరరావుగారికి ఫెయిత్‌ఫుల్‌గా ఉంటానని ఆయనకి మాట ఇవ్వండి. ఆయన తిరిగి వచ్చాక మీ ప్రేమని వ్యక్తం చేస్తూండండి.’’ఆ మాటలకి ఆవిడ తుళ్ళిపడింది.‘‘నా వయసు ఎంతో తెలిస్తే ఆ మాట అనవు. వచ్చే ఏడు ఏభై రెండు వస్తాయి.’’‘‘గతంలో హంస రాయబారాలు ఉన్నాయో లేవో నాకు తెలీదు. కాని నేడు ఆ పనిని వాట్సప్‌ చక్కగా చేస్తోంది. వివాహేతర సంబంధాలకి వయసు అడ్డురాదు. మా అమ్మ మీకన్నా ఓ ఏడాది పెద్దది. తన క్లాస్‌మేట్‌తో వాట్సాప్‌ ద్వారా టచ్‌లోకి వచ్చింది. అది ప్రేమగా అనను కాని కామంగా మారింది. ఆయనతో...’’ దుఃఖంగా ఆగాడు.సుదతి ఉలిక్కిపడింది.‘‘మా అమ్మానాన్నల విడాకుల కేస్‌ కోర్ట్‌లో నడుస్తోంది. మా అమ్మ చాపల్యం వల్ల ఓ చక్కటి కుటుంబం విడిపోయింది. మీరు మా అమ్మలా మీ కుటుంబానికి ద్రోహం చేయకండి అని చెప్పాలి అనిపించింది.’’ఆవిడ ఆ షాక్‌లోంచి తేరుకునేలోగా అతను తన సైకిల్‌ దగ్గరకి వెళ్ళిపోయాడు. ఆవిడకి తనతో ఆప్యాయంగా మాట్లాడే ఓ పాత క్లాస్మేట్‌ గుర్తుకి వచ్చాడు. వెంటనే మొబైల్‌ ఓపెన్‌ చేసి ఓల్డ్‌ స్కూల్‌ స్టూడెంట్స్‌ గ్రూప్‌లోంచి బయటకి వచ్చేసింది.ఆవిడ సామాను ఉంది కాబట్టి ఊబర్‌ ఆటోని బుక్‌ చేసింది. తర్వాత తన భర్తకి ఫోన్‌ చేసింది.‘‘ఏమిటి?’’ పాలేశ్వర్‌ అడిగాడు.‘‘ఐ లవ్‌ యు.’’‘‘ఇదేమిటి కొత్తగా?’’‘‘ఇప్పుడే మనకి మేలు చేసే ఓ ఆధునిక ఆర్తనాదం విన్నాను.’’ ఆవిడ నెమ్మదిగా చెప్పింది.- మల్లాది వెంకట కృష్ణమూర్తిఇదీ చదవండి: మశూచితో చనిపోయి... మళ్లీ పుట్టాడు? అసలేం జరిగిందంటే?

చండీగడ్‌లో జరిగిన దారుణ ఘటన దిగ్భ్రాంతిరేపింది. మేజర్‌ కాకముందే పెళ్లి వద్దు అన్నందుకు కన్నతండ్రినే హతమర్చాడో ప్రబుధ్దుడు. పోలీసు హెడ్ క్వార్టర్స్‌లోని అకౌంట్స్ బ్రాంచ్‌లో పనిచేస్తున్న నితిన్ సింగ్ (హెడ్ కానిస్టేబుల్) కన్న కొడుకు చేతిలోనే హత్యకు గురి కావడం స్థానికంగా కలకలం రేపింది. పోలీసు ప్రధాన కార్యాలయంలోని అకౌంట్స్ విభాగంలో పనిచేస్తున్న నితిన్ సింగ్, శుక్రవారం నాడు సెక్టార్ 22లోని తన ప్రభుత్వ నివాసంలో తలకు తగిలిన తుపాకీ గాయంతో మరణించి కనిపించారు. అంతకు ముందు రోజు తన 18 ఏళ్ల కుమారుడు అర్మాన్‌తో ఆయనకు వాగ్వాదం జరిగింది. ఘటనా స్థలంలో నాటు తుపాకీ (country-made pistol) లభ్యమైంది.నితిన్ సింగ్ కుమారుడు అర్మాన్ (18) తన ప్రేయసిని వెంటనే పెళ్లి చేసుకోవాలని తల్లిదండ్రులపై తీవ్ర ఒత్తిడి తెచ్చాడు. అయితే, చట్టపరంగా అబ్బాయికి కనీసం 21 ఏళ్లు నిండే వరకు ఆగాలని, ఆ తర్వాతే పెళ్లి గురించి ఆలోచించవచ్చని తల్లిదండ్రులు చెప్పారు.అంతేకాదు పెళ్లి ఖర్చుల కోసం తన తండ్రిని ఏ​కండా రూ. 10 లక్షలు డిమాండ్ చేశాడు. ఆ అమ్మాయిని తక్షణమే ఇంటికి తీసుకురావాలని అర్మాన్ పట్టుబట్టాడు. ఈ విషయమై గురువారం రాత్రి తల్లిదండ్రులతో తీవ్ర వాగ్వాదం జరిగింది. ఈ సమయంలో అర్మాన్ తన తల్లి గొంతును కూడా నులిమి చంపడానికి ప్రయత్నించాడు. ఆమె ప్రాణభయంతో మేడపైకి పరుగెత్తి చుట్టుపక్కల వారికి సమాచారం అందించింది. ఆ తర్వాత బయటి వ్యక్తులే తన తండ్రిని హత్య చేశారని నమ్మించేందుకు నిందితుడు ప్రయత్నించాడు. పోలీసులు అతన్ని అరెస్ట్ చేయగా, తన చేసిన తప్పుపై ఏమాత్రం పశ్చాత్తాపం చూపలేదని పోలీసులు తెలిపారు.ఇదీ చదవండి: మమత ర్యాలీకిముందు, టీఎంసీ ఎమ్మెల్యేపై రాళ్ల దాడి!ఈ ఏడాది ప్రారంభంలో మణిమజ్రా ప్రాంతంలో స్నేహితుడి మహీంద్రా థార్ కారును నిర్లక్ష్యంగా నడిపి బైక్‌పై వెళ్తున్న ఇద్దరు అన్నదమ్ములను ఢీకొట్టి హత్య చేసిన కేసులో అర్మాన్ ఇప్పటికే అరెస్టై, బెయిల్‌ మీద ఉన్నాడు.

అత్తా కోడళ్లు అంటే పచ్చగడ్డి వేస్తే భగ్గమన్నట్లు ఉంటారనేది జగమెరిగిన సత్యం. ఎక్కడో గానీ ఇరువురి మధ్య సఖ్యత అన్నది అరుదు. ఏదో ఒక విషయంలో పేచీలు వచ్చేస్తుంటాయి. అలానే కోడల్ని కూతురిలా ఆదరించేవాళ్లు కూడా అరుదే. అందులోనూ ఈ రోజుల్లో ఉన్న స్వార్థం, పేరాశల ముందు అంత గొప్ప మనసు ఉండటం అనేది అత్యంత కష్టం. కానీ ఈ అత్తది ఎంత గొప్ప మనసంటే..ఆమె కథ వింటే మనసు కరిగిపోతుంది. అత్త అన్న బంధం మీద ఉన్న అభిప్రాయం మారిపోతుంది కూడా. ఉత్తరప్రదేశ్‌లోని ముజఫర్‌నగర్‌కు చెందిన సునీత అనే అత్తమ్మ అమ్మలా మారి కోడలికి మంచి జీవితాన్ని ప్రాసాదించింది. హరిద్వార్‌కు చెందిన ఆమె కోడలు మీనాక్షికి ఆమె అంగీకారంతోనే పెళ్లి చేసి కొత్త జీవితాన్ని అందించింది. సునీత కోడలు మీనాక్షికి తన కొడుకు రోహిత్‌తో పదేళ్ల క్రితమే పెళ్లి అయ్యింది. అయితే ఈ ఏడాది ఆగస్టు 14న సునీత భర్త కేన్సర్‌తో చనిపోయాడు. అతడు చనిపోయిన మరుసటి రోజే రోహిత్‌ ఆకస్మికంగా చనిపోయాడు. అంటే ఆగస్టు 15 కొడుకుని కూడా పోగొట్టుకుంది. అసలు ఈ బాధను దిగమింగక మునుపే కోడలు అనాథగా మారిపోకూడదని బాధ్యతతో వ్యవహరించింది సునీత. కనీసం నెల కూడా గడవక మునుపే రాజస్థాన్‌ నారాయణపూర్‌కు చెందిన చాట్‌ విక్రేట యోగేష్‌తో వివాహం జరిపించింది. ఈ బుధవారమే ఆర్యసమాజ్‌లో వివాహం జరిపించింది. మీనాక్షి మరిది అన్నగారిగా కన్యాదానం చేయిపించి మరి పెళ్లి జరిపించింది సునీత. అంతేగాదు కొత్త జీవితంలోకి వెళ్తున్నప్పటికీ..నీతో మా సంబంధాన్ని కొనసాగిస్తామని ఆమెకు భరోసా ఇచ్చారు మరిది మోహిత్‌, అత్త సునీత. ఈ వివాహం అక్కడ చర్చనీయాంశంగా మారి ఈ రోజుల్లో ఇలాంటి అత్తలు కూడా ఉన్నారా అని అంతా విస్తుపోయారు. ఇక్కడ కోడలు మీనాక్షికి రితూ(7), ఏడాదిన్నర వయసున్న అవిక అనే ఇద్దరు కుమార్తెలు ఉన్నారు. ఆమె అలా ఇద్దరి పిల్లలతో రోడ్డున పడకూడదని అమ్మలా ఆలోచించి మంచి భవిష్యత్తు అందేలా అండగా నిలిచిన ఈ అత్తమ్మ నిజంగా స్ఫూర్తిదాయకం కదూ. అలాగే భర్తను, కుమారుడిని పోగొట్టుకుని కనీసం నెల కూడా పూర్తి కాకమునుపే ఇలాంటి నిర్ణయం తీసుకున్న ఆ అత్తమ్మ పెద్ద మనసుకి హ్యాట్సాప్‌ చెప్పాల్సిందే..!.ఇదీ చదవండి:

హర్యానాలోని జజ్జర్ జైలులో జీవిత ఖైదు అనుభవిస్తున్న మేన్‌పాల్ ధిల్లా (Mainpal Dhilla) అనే నేరస్థుడికి పెరోల్‌ లభించింది. ఎందుకో తెలుసా? కంబోడియాకు చెందిన తన లివింగ్‌ పార్టనర్‌ను పెళ్లాడేందుకు. జైలు సమీపంలోని ఒక ఫామ్‌హౌస్‌లో జరగనున్న ఈ వివాహం కోసం అతనికి ఉదయం 8 గంటల నుండి రాత్రి 8 గంటల వరకు 12 గంటల పాటు 'కస్టడీ పెరోల్' మంజూరైంది. వివాహ తంతు ముగిసిన వెంటనే అతన్ని మళ్లీ జైలుకు తరలించనున్నారు.ఇంతకీ ఎవరీ వధువువధువు మెటా చాన్ (Meta Chan) కంబోడియాకు చెందినమహిళ కావడంతో ఈ వివాహం నెట్టింట చర్చ నడుస్తోంది. గతంలో పెరోల్‌పై బయటకు వచ్చినప్పుడు కంబోడియాకు పారిపోయిన ధిల్లాకు ఆమెతో పరిచయం ఏర్పడింది. ఆ తర్వాత వారు సహజీవనం చేశారు. వీరికి నలుగురు పిల్లలు కూడా ఉన్నారు. ఇపుడిక వివాహ బంధంలోకి అడుగుపెట్టనున్నారు. పెళ్లి కోసం మేటా చాన్ తన ముగ్గురు పిల్లలతో కలిసి భారత్‌కు చేరుకోగా, నాలుగో బిడ్డ కంబోడియాలోనే ఉండిపోయినట్టు సమాచారం.ఇదీ చదవండి: సీఈసీ జ్ఞానేష్‌ కుమార్‌ జైలుకెళ్లాల్సిందే : సంజయ్ రౌత్ ఆగ్రహంగ్యాంగ్‌స్టర్‌ మేన్‌పాల్‌ నేరచరిత్రమేన్‌పాల్ ధిల్లాపై హత్య కేసులతో పాటు మొత్తం 22 కేసులు ఉన్నాయి. 2007, 2010లో నమోదైన మూడు కేసుల్లో దోషిగా తేలడంతో హిసార్ జైలులో జీవిత ఖైదు అనుభవిస్తున్నాడు. జైలులో ఉన్నప్పుడు ఒక వ్యక్తిని చంపినట్లు కూడా అతనిపై ఆరోపణలు ఉన్నాయి. అయితే 2018 జూలైలో ఆరు వారాల పెరోల్‌పై విడుదలయ్యాడు. కానీ మరుసటి నెలలోనే 'సోను కుమార్' అనే నకిలీ పేరుతో దేశం విడిచి పారిపోయాడు. కంబోడియాలో తన గుర్తింపును మార్చుకుని వ్యాపారాన్ని ప్రారంభించాడు. #WATCH | Jhajjar, Haryana: Gangster Mainpal Badli arrived at the venue under police security for his wedding. The court has granted him 12-hour parole to marry his Cambodian partner. pic.twitter.com/A10WvsnRBM— ANI (@ANI) September 24, 2026కేసు విచారణలో భాగంగా చివరకు అతను కంబోడియాలో ఉన్నాడనే సమాచారం దర్యాప్తు సంస్థలకు లభించింది. హర్యానా పోలీసుల అభ్యర్థన మేరకు, సీబీఐ 2024 నవంబర్‌లో అతనిపై ఇంటర్‌పోల్ 'రెడ్ నోటీసు' జారీ చేసింది. చివరికి కంబోడియా అధికారుల సహాయంతో అతని ఆచూకీ కనుగొని, 2025 జూలైలో కంబోడియాలో అరెస్టు చేశారు సెప్టెంబర్‌లో భారత్‌కు తీసుకొచ్చారు అధికారులు. ప్రస్తుతం హర్యానా జైలులో మేన్‌పాల్ జీవిత ఖైదు అనుభవిస్తున్నాడు.ఇదీ చదవండి: స్లీపర్‌ బస్సు విషాదం : షాకింగ్‌ విషయాలు వెలుగులోకి

‘‘నేటి సమాజంలో పెళ్లిళ్ల పేరిట విచ్చలవిడిగా ఖర్చు పెడుతున్నారు. వివాహాన్ని గొప్ప వేడుకలా చేసుకునే వారిని నేను తప్పు పట్టడం లేదు. అయితే పేరు కోసమో, ఆడంబరాల కోసమో పెళ్లికి కోట్లాది రూపాయలు ఖర్చు చేయడంలో అర్థం లేదు. ఒక్క రోజు సంబరం కోసం అంత ఖర్చు చేసే బదులు ఆ డబ్బుని ఆకలితో, ఇబ్బందుల్లో ఉన్నవారికి దానం చేస్తే ప్రయోజనం ఉంటుంది. మ్యారేజ్‌ని స్టేటస్‌ సింబల్‌గా మార్చి, డబ్బుని వృథా చేస్తున్న తీరు చూస్తే బాధ కలుగుతుంది’’ అని శ్రుతీహాసన్‌ పేర్కొన్నారు. తాజాగా ఓ పాడ్‌కాస్ట్‌ ఇంటర్వ్యూలో పాల్గొన్న ఆమె పలు విషయాలపై మాట్లాడారు. ‘‘కొన్ని విషయాల్లో నా సొంత ఆలోచనలు, వ్యక్తిత్వానికే నా తొలి ప్రాధాన్యం. నాకు వివాహబంధం అంటే ఇష్టం. కానీ, పెళ్లి పేరుతో బందీగా ఉండడం నచ్చదు. గతంలో ఒకసారి పెళ్లి పీటల దాకా వెళ్లి చివరి నిమిషంలో ఆ బంధం నుంచి వెనక్కి వచ్చేశాను. అయితే నాకు అమ్మగా మారాలని, ఆ మాతృత్వపు అనుభూతిని పొందాలని ఉంది. ఇందుకోసం పెళ్లి చేసుకోవాల్సిన అవసరం లేదు. భవిష్యత్తులో బిడ్డను దత్తత తీసుకోవాలనుకుంటున్నాను’’ అన్నారు శ్రుతీహాసన్‌.

‘‘మా మనసులోని మరో ఆనందాన్ని మీతో పంచుకుంటున్నాం. మా పై మీరు కురిపించిన ప్రేమ, సానుకూలంగా స్పందించిన తీరుకి ముగ్ధులమయ్యాం’’ అంటూ స్టార్‌ కపుల్‌ సూర్య, జ్యోతిక సోమవారం ఇన్‌స్టాగ్రామ్‌ వేదికగా స్పందించారు. పెళ్లయి 20 ఏళ్లయిన సందర్భంగా ఈ నెల 16న ఈ ఇద్దరూ మళ్లీ పెళ్లి చేసుకోవడం, మరో 20 ఏళ్లకు పైగా ఈ ప్రేమ ప్రయాణాన్ని ఇలానే సాగించాలనుకుంటున్నామని పేర్కొనడం తెలిసిందే. ఇలా మళ్లీ పెళ్లి చేసుకోవడాన్ని చాలామంది స్వాగతించారు... ఆశీర్వదించారు. వారందరూ చూపించిన ప్రేమను, ఈ వేడుక బాగా జరగడానికి కారకులైన వారిని ఉద్దేశించి సూర్య–జ్యోతిక సోమవారం తమ మనోభావాలను ఈ విధంగా పంచుకున్నారు. ‘‘స్కాట్‌ల్యాండ్‌లో మా వివాహ వేడుకను మరపురానిదిగా చేసిన మా బృందానికి ధన్యవాదాలు. మాకు జీవితంలో మరచిపోలేని అనుభూతిని బహుమతిగా ఇచ్చినందుకు వేడుక నిర్వాహకురాలు లిసాకు ధన్యవాదాలు. మా సీక్వెల్‌ మ్యారేజ్‌ ఆహ్వాన పత్రికను ఎప్పటికీ మా కాఫీ టేబుల్‌పై ఉంచేంత అద్భుతంగా చేసిన డారియాకి థ్యాంక్స్‌. ఇక డయానే అందించిన పువ్వుల అందాన్ని ఏ ఫొటో కూడా క్యాప్చర్‌ చేయలేదు. ఆ కోట గోడల మధ్య రాజకుటుంబీకుల్లా ఉన్నామనే అనుభూతిని బ్లెయిర్‌క్వాన్‌ కోటలోని రోజ్, ఆమె టీమ్‌ అందించారు.వారు ఇచ్చిన ఆతిథ్యం ఎంత బాగుందంటే వీడ్కోలు చెప్పేటప్పుడు మేం కన్నీళ్లు పెట్టుకుంటామని ఊహించలేదు. మా అందమైన క్షణాలను వీడియోలో అద్భుతంగా చిత్రీకరించిన జోవాన్‌కి, అంకిత భావంతో ఫొటోలు తీసిన డెల్, జేకి థ్యాంక్స్‌. స్కాట్‌ల్యాండ్‌లోని పొగమంచుతో నిండిన పర్వత ప్రాంతాలు, సరస్సులను మా ప్రేమకు తీపి గుర్తుగా ఎంచుకున్నాం. మాకు కలిగిన అనుభూతికి మించిన గొప్పదేదో మా ఇంటికి తీసుకొచ్చాం. మాకు గొప్ప అనుభూతిని మిగిల్చిన మంచి మనసున్న వ్యక్తులను కలవడం వల్ల మా హృదయాలు ఎప్పటికీ స్కాట్‌ల్యాండ్‌ జ్ఞాపకాలకు దూరం కావు’’ అంటూ సూర్య–జ్యోతిక తమ సీక్వెల్‌ వివాహం తాలూకు అనుభూతిని పంచుకున్నారు.

సోషల్ మీడియాలో వ్యూస్, లైక్స్ కోసం చేసే కొన్ని పనులు కొన్నిసార్లు జీవితాల్నే తలక్రిందులు చేస్తుంటాయి. తాజాగా సోషల్‌ మీడియాలో వైరలవుతున్న ఘటనే ఇందుకు నిదర్శనం. వ్యక్తిగత జీవితం విషయంలో ఎంత జాగ్రత్తగా ఉన్నా తక్కువేనని, హఠాత్తుగా తీసుకునే నిర్ణయాలు భవిష్యత్తును మార్చేస్తాయని ఈ ఘటన నిరూపిస్తోంది. వివాహానికి ముందు ఏర్పాటు చేసిన బ్యాచిలర్ పార్టీలో స్నేహితులు ఇచ్చిన ఓ సర్ప్రైజ్ వీడియో కారణంగా ఏకంగా పెళ్లే రద్దయిన ఈ ఉదంతం నెట్టింట తీవ్ర చర్చనీయాంశమైంది. త్వరలో వివాహం చేసుకోబోయే ఓ యువతికి, ఆమె స్నేహితులు బ్యాచిలర్ పార్టీని ఏర్పాటు చేశారు. ఈ పార్టీలో కాబోయే వధువుకు ఊహించని విధంగా ఒక సర్‌ప్రైజ్ ఇవ్వాలని ముందుగానే ప్లాన్ చేసుకున్నారు. ఇందులో భాగంగా పార్టీ జరుగుతుండగా, వధువు మాజీ ప్రియుల చేత శుభాకాంక్షలు చెప్పిస్తూ వీడియోలు తీశారు. బ్యాచిలర్‌ పార్టీలో స్నేహితురాలిచ్చిన ఈ సర్ప్రైజ్ చూసి వధువు షాక్ అవగా, ఆ సమయంలో ఆమె ఇచ్చిన రియాక్షన్‌ను వీడియో తీశారు. అంతటితో ఆగకుండా ఆ సర్ప్రైజ్ వీడియోను సోషల్ మీడియాలో పోస్ట్ చేశారు. ఎక్స్‌ వేదికగా భవేష్‌ గుజరాతి అనే యూజర్‌ ఈ వీడియోను షేర్‌ చేశారు. క్షణాల్లో అది నెట్టింట తెగ వైరల్ అయింది. పెళ్లి రద్దు చేసుకున్న వరుడు..అయితే, సోషల్ మీడియాలో విపరీతంగా చక్కర్లు కొట్టిన ఈ వీడియో కాస్తా నేరుగా కాబోయే పెళ్లికొడుకు దృష్టికి వెళ్లింది. కాబోయే భార్య బ్యాచిలర్ పార్టీలో మాజీల వీడియోలను ప్రదర్శించడం, పైగా అది పబ్లిక్‌గా వైరల్ కావడంతో ఆ వరుడు,అతని కుటుంబ సభ్యులు తీవ్ర దిగ్భ్రాంతికి గురయ్యారు. ఈ పరిణామంతో తీవ్ర మనస్తాపానికి, అసంతృప్తికి గురైన అతను.. నేను ఇంత మంచి అమ్మాయిని వివాహం చేసుకోలేను అంటూ పెళ్లిని రద్దు చేసుకుంటున్నట్లు ప్రకటించి అందరినీ షాక్‌కు గురిచేశాడు.వీడియో డిలీట్ చేసిన వధువు..ఈ అనూహ్య పరిణామాన్ని అసలు ఊహించని ఆ వధువు ఒక్కసారిగా కంగుతింది. క్షణాల వ్యవధిలో పెళ్లి క్యాన్సిల్ కావడంతో దిగ్భ్రాంతికి గురైన ఆమె, వెంటనే ఇన్‌స్టాగ్రామ్ నుండి ఆ వివాదాస్పద సర్ప్రైజ్ వీడియోను తొలగించింది.వ్యక్తిగత జీవితానికి, సరదా సరదాలకూ ఒక హద్దు ఉంటుంది.. చిలిపి చేష్టలతో జీవితాలనే పాడు చేసుకుంటారు. ప్రతి విషయాన్ని సోషల్ మీడియాలో పెట్టాలని చూస్తే ఇలాగే ఉంటుంది అంటూ నెటిజన్లు రకరకాలుగా కామెంట్లు చేస్తున్నారు. ఈ విషయం ఇంత దూరం వస్తుందని ఆ అమ్మాయి ఊహించి ఉండదు అని కొందరు అభిప్రాయపడుతుంటే, ఇలాంటి సర్ప్రైజ్‌లు అవసరమా? అని మరికొందరు ప్రశ్నిస్తున్నారు. This video reportedly reached the groom, and he called off the wedding. She has since deleted the video from her Instagram. https://t.co/30iXcfXdvL— Bhavesh Gujrati (@Bhaveshlivelife) September 9, 2026

ప్రముఖ ప్లేబ్యాక్‌సింగర్‌ 45 ఏళ్ల వయసులో ఒక ఇంటి వాడయ్యాడు. ఉత్తమ నేపథ్య గాయకుడిగా జాతీయ చలనచిత్ర అవార్డుఅందుకున్న నరేష్ అయ్యర్‌ వివాహ బంధంలోకి అడుగుపెట్టాడు. దీంతో హితులు, సన్నిహితులు నూతన దంపతులకు శుభాకాంక్షల అందించారు. మహారాష్ట్రలోని అయ్యప్ప విష్ణు ఆలయంలో ఈ వేడుక జరిగింది. నరేష్ , ఆయన భార్యకు అభినందనలు తెలుపుతూ ఆలయ అధికారిక పేజీలో షేర్ చేసిన పోస్ట్‌తో వీరి పెళ్లికబురు అభిమానులకు అందించారు. ఆ పోస్ట్‌లో వివాహ వేడుకకు సంబంధించిన ఫోటోలు , వీడియోలు ఉండటం విశేషం. ఈ అందమైన కొత్త అధ్యాయం మా ఆలయంలో ప్రారంభం కావడం మాకు ఎంతో గౌరవప్రదం. ఆ దేవుని దివ్య ఆశీస్సులు నూతన దంపతులకు జీవితాంతం ప్రేమ, సంతోషం, సామరస్యం, శ్రేయస్సును ప్రసాదించుగాక." అని ఆలయ బృందం తన సోషల్ మీడియా పోస్ట్‌లో ప్రకటించింది. ఇంతకుమించి వివాహానికి సంబంధించిన ఇతర వివరాలేవీ వెల్లడి కాలేదు. ద్వారా అనేకమంది అభిమానులు ఈ జంటకు శుభాకాంక్షలు తెలిపారు.“Munbe Vaa” singer Naresh Iyer gets married at 45! 💍♥️✨The voice behind one of our most-loved melodies has started a beautiful new chapter. 🥹🧿Wishing him a lifetime of happiness! 🤍 pic.twitter.com/F0F3iGpDk5— 𝑩𝒖𝒕𝒕𝒆𝒓𝒇𝒍𝒚🦋 (@buttu_iam27) September 16, 2026ఇదీ చదవండి: అయోధ్య విరాళాల గోల్‌మాల్‌, సిట్‌ సంచలన నివేదికకాగా 2006లో వచ్చిన 'రంగ్ దే బసంతి' చిత్రంలోని 'రూబరూ' (Roobaroo) పాటకు గాను నరేష్ అయ్యర్ ఉత్తమ పురుష నేపథ్య గాయకుడిగా జాతీయ అవార్డును గెలుచుకున్నారు. 'అన్వర్' చిత్రంలోని 'కన్నినిమ నీలే' (Kanninima Neelae) పాటతో మలయాళ ప్రేక్షకులలో బాగా ప్రాచుర్యం పొందారు. 'ఉస్తాద్ హోటల్'లోని 'మెల్ మెల్ మెల్' (Mel Mel Mel) , 'సెకండ్ షో'లోని 'స్వప్నం' (Swapnam) లాంటి ప్రజాదరణ పొందిన పాటలను కూడా ఆయన పాడారు. 'హార్ట్‌బీట్' (Heartbeat) చిత్రంతో నరేష్ మలయాళంలో గాయకుడిగా అరంగేట్రం చేశారు. View this post on Instagram A post shared by Ayyappa Vishnu Temple Powai (@ayyappavishnutemple)ఇదీ చదవండి: లగ్జరీ హోటల్‌లో ‘ ‘రోచీ’: పరువుపోయింది, తుకారం ముండే కాస్త చూస్తారా?

ఇదో విచిత్రమైన విడాకుల కేసు. పెళ్లి జరిగింది కానీ, ఇద్దరూ ఒక్క రోజూ కలిసి జీవించలేదు, కాపురం చేయలేదు. దాంపత్య జీవితం మొదలుకాకముందే వారి వివాహ బంధం ముగిసిపోయింది. అయితే వీరు వేరు పడడానికి, విడాకులు తీసుకోవడానికి 20 ఏళ్లు పట్టింది. కింది కోర్టు నుంచి సుప్రీంకోర్టు వరకు ఈ కేసు నడిచింది. చివరికి భారత రాజ్యాంగంలోని ఆర్టికల్‌ 142 కింద ప్రత్యేక అధికారాన్ని ఉపయోగించి సుప్రీంకోర్టు ఈ వివాహాన్ని రద్దు చేసి, ఈ కేసుకు ముగింపు పలికింది.తమిళనాడుకు చెందిన శివశంకరన్, సంతిమీనాల్‌కు 2002లో వివాహం జరిగింది. పెళ్లి తర్వాత ఆమె అత్తారింటికి వెళ్లలేదు. ఎవరికీ చెప్పకుండా పెళ్లి రోజు రాత్రి కల్యాణమండపం నుంచి సొంతూరికి వెళ్లిపోయింది. మరుసటి రోజు బంధువులు ఆమెను తిరిగి తీసుకొచ్చి కాపురం చక్కబెట్టేందుకు చేసిన ప్రయత్నం ఫలించలేదు. పెళ్లి ఆమె సమ్మతితో జరగలేదని భావిస్తోందని, అందుకే ఈ విధంగా చేస్తోందని భర్త పేర్కొన్నాడు. భార్య ప్రవర్తనతో తాను మానసికంగా కుంగిపోయానని పేర్కొంటూ హిందూ వివాహ చట్టంలోని సెక్షన్‌ 13(1)(ఐ–ఏ)కింద 2002లోనే విడాకుల నోటీసు పంపాడు.వివాహ పునరుద్ధరణ కోరిన భార్య‘అదనపు కట్నం కోసం తనను వేధించారని, తన భర్త నుంచి అతని సోదరులే తనని దూరం చేశారని సంతిమీనాల్‌ ఆరోపించారు. వివాహ పునరుద్ధరణ కోరుతూ ఆమె పిటిషన్‌ దాఖలు చేశారు..ఆమె భర్త సోదరులపై చేసిన ఆరోపణలు మౌఖికంగా తప్ప సాక్ష్యాధారాలను సమర్పించలేదు. భార్యభర్తలు కలిసి జీవించకపోవడం, వివాహ పునరుద్ధరణ కోసం చేసిన ప్రయత్నాలు సఫలం కాకపోవడం తదితర కారణాలను దృష్టిలో ఉంచుకుని 2008లో ట్రయల్‌ కోర్టు విడాకులు మంజూరు చేసింది. అప్పటికి వారికి వివాహం జరిగి ఆరేళ్లు.ఆరు రోజులకే రెండో పెళ్లివిడాకుల తీర్పు వచ్చిన ఆరు రోజులకే భర్త రెండో వివాహం చేసుకున్నాడు. విడాకుల తీర్పుపై మొదటి భార్య అప్పీల్‌కు Ðð ళ్లింది. అప్పిలేట్‌కోర్టు ఆమె వాదనను అంగీకరిస్తూ వివాహ బంధాన్ని కొనసాగించాలని తీర్పు ఇచ్చింది. విడాకుల డిక్రీని రద్దు చేసింది. భర్త ఈ తీర్పును హైకోర్టులో సవాలు చేశాడు. అప్పీలు కోర్టు తీర్పును పక్కన పెట్టి, ట్రయల్‌ కోర్టు ఇచ్చిన విడాకుల డిక్రీని సమర్థిస్తూ హైకోర్టు 2018లో తీర్పు ఇచ్చింది. అప్పటికే వారికి పెళ్లయి 15 సంవత్సరాలకు పైగా గడిచిపోయాయి.రివ్యూ పిటిషన్‌ దాఖలువివాహ బంధం కొనసాగడం లేదన్న ఒక్క కారణంతో విడాకులు మంజూరు చేసే అధికారం ట్రయల్, హైకోర్టులకు లేవని పేర్కొంటూ ఆమె రివ్యూ పిటిషన్‌ దాఖలు చేశారు. చివరకు ఈ వివాదం సుప్రీంకోర్టు చేరింది. భర్త నుంచి ఎటువంటి మెయింటెనెన్స్‌ కోరడం లేదని, రెండో వివాహ స్థితిని ప్రభావితం చేయాలని మొదటి భార్య భావించడం లేదని ఆమె తరఫు న్యాయవాది కోర్టు దృష్టికి తీసుకువచ్చాడు. అయితే ‘మొదటి వివాహం ముగిసిపోయిందనే వాదనను ఆమె సమ్మతించడం లేదని పేర్కొన్నాడు.’ ఈ దశలో ఏం చేయాలనేదే సుప్రీంకోర్టు ముందున్న అసలు సమస్య.ఆర్టికల్‌ 142ని వినియోగించుకున్న ‘సుప్రీం’భర్తతో కలిసి ఉంటానని భార్య చెప్పినప్పటికీ ఏళ్ల తరబడి ఆమె వేరుగా ఉంటోంది. వారి బంధం కొనసాగించేందుకు మధ్యవర్తుల ప్రయత్నాలూ ఫలించలేదు. ఈ కారణాలతో వివాహ బంధం కొనసాగే పరిస్థితులు కనిపించడం లేదని కోర్టు నిర్ధారణకు వచ్చింది. పైగా ఆర్‌టీఐ కింద భర్త వ్యక్తిగత వివరాలు కోరడం, రెండో వివాహంపై భర్త పని చేసే కార్యాలయ ఉన్నతాధికారులకు చర్యలు తీసుకోవాలని ఫిర్యాదు చేయడం. ఐపీసీ సెక్షన్‌ 494 కింద కేసు పెట్టడం వంటి అంశాలను సుప్రీంకోర్టు పరిశీలించింది. కేవలం విడిగా ఉన్నారనే అంశమే కాకుండా, ఇతర వాటినీ పరిశీలించింది. తిరిగి చక్కదిద్దలేని విధంగా వివాహ బంధం వికటించిందనే అంశాన్ని పరిగణనలోకి తీసుకున్న సుప్రీంకోర్టు– భారతరాజ్యాంగంలోని ఆర్టికల్‌ 142 కింద ప్రత్యేక అధికారాల్ని వినియోగించుకుని వారికి విడాకులు మంజూరు చేసింది. వారి వివాహ బంధానికి ముగింపు పలికింది. దీంతో పాటు ఆమె ఆర్థిక ప్రయోజనాలను కాపాడడానికి ప్రాధాన్యం ఇచ్చింది. ఆమెకు శాశ్వత భరణం ఏకమొత్తం ఒకేసారి చెల్లించాలని ఆదేశించింది.ఈ కేసులో కేవలం ఏళ్ల తరబడి విడిగా ఉండడం, మానసిక క్రూరత్వాన్ని మాత్రమే పరిగణనలోకి తీసుకోలేదు. ఈ రెండు ఉన్న అన్నీ కేసుల్లోనూ ఆర్టికల్‌ 142 కింద విడాకుల మంజూరుకు అవకాశం లేదు. ప్రత్యేక పరిస్థితులను కోర్టు పరిగణనలోకి తీసుకుంది. కలిసి జీవించలేని ఇద్దర్ని ఒక వివాహ బంధం పేరుతో బంధించి ఉంచడం కంటే విడివిడిగా అయినా ప్రశాంత జీవితం గడపడమే మేలని భావించింది. వారి వివాహ బంధానికి, సుదీర్ఘన్యాయ పోరాటానికి సుప్రీంకోర్టు ముగింపు పలికింది. ఇద్దరికీ కొత్త జీవితానికి మార్గం చూపింది.- దిలీప్‌ మాదిరెడ్డిఇదీ చదవండి: కూతురి కోసం తండ్రి మొక్కు.. 75 ఏళ్లుగా దేశానికే పండుగ!

పెళ్లిళ్లు అంటే ఆ హడావుడి అంతా ఇంతా కాదు.. ముఖ్యంగా ఎక్కువ ప్రాధాన్యం వంటలకే ఉంటుంది. లెక్కకు మించిన రకాల వంటకాలతో అతిథులకు విందుతో పసందు చేస్తారు. ఏదైనా పెళ్లి గొప్పగా జరిగిందంటే ఆ పెళ్లిలో వడ్డించిన వంటకాల గురించే మాట్లాడుకుంటారు. మరి అలాంటి పెళ్లిళ్లలో ఒకే రకం వంటకంతో సరిపెట్టుకోవాలంటే.. ఎక్కువ రకాల వంటకాలు వడ్డించకూడని పరిస్థితి వస్తే.. మన దాయది దేశం పాకిస్తాన్‌లో ప్రస్తుతం అలాంటి పరిస్థితే వచ్చింది.పశ్చిమాసియాలో కొనసాగుతున్న తీవ్ర ఉద్రిక్తతలు, హోర్ముజ్‌ జలసంధి, ఎర్ర సముద్రం మార్గాల్లో పెరిగిన అంతరాయాల ప్రభావం పాకిస్తాన్‌పై పడుతోంది. పెరుగుతున్న ఇంధన ధరలు, సరఫరాపై ఆందోళనల నేపథ్యంలో ఇంధన వినియోగాన్ని తగ్గించడంతో పాటు ప్రభుత్వ వ్యయాలను కట్టడి చేసేందుకు పాకిస్తాన్‌ ప్రభుత్వం కొత్త కఠిన చర్యలను ప్రకటించింది. సెప్టెంబర్‌ 17న క్యాబినెట్‌ డివిజన్‌ జారీ చేసిన నోటిఫికేషన్‌ ప్రకారం.. ప్రభుత్వ వాహనాలకు కేటాయించే ఇంధనాన్ని 50 శాతం తగ్గించడంతో పాటు కొత్త ప్రభుత్వ వాహనాల కొనుగోలును నిలిపివేశారు. ఈ చర్యలు తక్షణమే అమల్లోకి వచ్చాయి.ప్రభుత్వ వాహనాలకు సగం ఇంధనమేకొత్త నిబంధనల ప్రకారం అధికారిక వాహనాల ఇంధన కేటాయింపును మూడు నెలల పాటు 50 శాతం తగ్గిస్తారు. అయితే సాయుధ దళాలు, సివిల్‌ ఆర్మ్‌డ్‌ ఫోర్సెస్‌, చట్ట అమలు సంస్థలు, కస్టమ్స్‌, ఎఫ్‌బీఆర్‌, ఇతర అత్యవసర సేవలకు చెందిన ఆపరేషనల్‌ వాహనాలకు ఈ కోత నుంచి మినహాయింపు ఇచ్చారు. ఆయా విభాగాల్లోని పరిపాలనా, నాన్‌-ఆపరేషనల్‌ వాహనాలకు మాత్రం పరిమితులు వర్తిస్తాయి.కొత్త ప్రభుత్వ వాహనాలతో పాటు ఐటీ పరికరాలను మినహాయించి ఇతర మన్నికైన వస్తువుల కొనుగోళ్లపైనా ఆంక్షలు విధించారు. ప్రభుత్వ సమావేశాలను సాధ్యమైనంత వరకు వీడియో కాన్ఫరెన్సింగ్‌ ద్వారా నిర్వహించాలని ఆదేశించారు. విదేశీ అతిథుల కోసం నిర్వహించే విందులను మినహాయించి అధికారిక డిన్నర్లను కూడా నిలిపివేశారు. ప్రభుత్వ నిధులతో సెమినార్లు, శిక్షణా కార్యక్రమాలు, సమావేశాల నిర్వహణపైనా ఆంక్షలు విధించారు.మూడు నెలలు విదేశీ పర్యటనలకు బ్రేక్‌మంత్రులు, సలహాదారులు, ప్రత్యేక సహాయకులు, ఎంపీలు, ప్రభుత్వ అధికారుల విదేశీ పర్యటనలను మూడు నెలల పాటు నిలిపివేశారు. అయితే కొన్ని స్కాలర్‌షిప్‌లు, శిక్షణా కార్యక్రమాలు, అంతర్జాతీయ ఒప్పందాల కింద తప్పనిసరి పర్యటనలకు మినహాయింపులు ఉన్నాయి. అత్యవసర పరిస్థితుల్లో విదేశాలకు వెళ్లాల్సి వస్తే ఎకానమీ క్లాస్‌లోనే ప్రయాణించాలని ప్రభుత్వం స్పష్టం చేసింది.పెళ్లిళ్లలో ‘వన్‌ డిష్‌’ రూల్‌ఇంధన వినియోగాన్ని తగ్గించే చర్యల్లో భాగంగా వివాహాలు, ఇతర పెళ్లి కార్యక్రమాల్లో ఒక్క వంటకం మాత్రమే వడ్డించాలని ప్రభుత్వం ఆదేశించింది. అలాగే ఇస్లామాబాద్‌లో దుకాణాలు, మార్కెట్లు, షాపింగ్‌ మాల్స్‌, బజార్లు, డిపార్ట్‌మెంటల్‌, కిరాణా దుకాణాలను రాత్రి 9 గంటలకే మూసివేయాలి. వివాహ మందిరాలు, మార్క్యూలు, ఇతర వేడుకల వేదికలు రాత్రి 10 గంటలకు, రెస్టారెంట్లు, కేఫ్‌లు, ఫుడ్‌ అవుట్‌లెట్లు రాత్రి 11 గంటలకు మూసివేయాలి. టేక్‌అవే, హోం డెలివరీ సేవలకు మాత్రం ఈ సమయ పరిమితుల నుంచి మినహాయింపు ఉంది.ఫార్మసీలు, ఆసుపత్రులు, క్లినిక్‌లు, ల్యాబొరేటరీలు, బేకరీలు, తందూర్లు, పాల దుకాణాలు, పెట్రోల్‌, సీఎన్‌జీ స్టేషన్లు, ఈవీ ఛార్జింగ్‌ కేంద్రాలు, జిమ్‌లు, క్రీడా సదుపాయాలు, ఐటీ కంపెనీలు, కాల్‌ సెంటర్లకు ఈ క్లోజింగ్‌ టైమింగ్స్‌ నుంచి మినహాయింపు ఇచ్చారు. ఇతర ప్రావిన్సులు, ప్రాంతాలు కూడా ఇలాంటి ఇంధన పొదుపు, మితవ్యయ చర్యలను అమలు చేయాలని పాక్‌ ప్రభుత్వం సూచించింది.

సరిగ్గా నెల రోజుల్లో పెళ్లి. ఏర్పాట్లనీ త్వర త్వరగా చేసుకుంటున్నాడు. ఇందులో భాగంగానే తన పెళ్లి కోసం తన సోదరీమణులతో కలిసి షాపింగ్‌ చేశాడు. తనకెంతో ఇష్టమైన'షేర్వానీ' కొనుకున్నాడు. ఇంతలో అత్యవసర మీటింగ్ అని చెప్పి వెళ్లిన 31 ఏళ్ల యువకుడు యువరాజ్ సింగ్ మంచంద అనూహ్యంగా శవమై తేలాడు. ఏం జరిగింది? హత్య చేసింది ఎవరు?ఢిల్లీ పోలీసుల సమాచారం ప్రకారం హెచ్‌ఆర్ (HR) ప్రొఫెషనల్‌ యువరాజ్ సింగ్ తన చెల్లెళ్లతో కలిసి లజ్‌పత్ నగర్ మార్కెట్‌కు పెళ్లి షాపింగ్‌కు చేశాడు. సాయంత్రం 4:15 గంటల సమయంలో అక్కడే ఉన్న 'గోల్డెన్ డ్రాగన్' రెస్టారెంట్‌లో భోజనం చేశారు. కాసేపటి తర్వాత, గురుగ్రామ్‌లో తన మాజీ సహోద్యోగిని కలవాల్సి ఉందని చెప్పి వెళ్లాడు. దీంతో అతని సోదరీమణులు క్యాబ్‌లో ఇంటికి వెళ్లి పోయారు.సాయంత్రం 7 గంటల సమయంలో ఫోన్‌లో మాట్లాడిన అతను రాత్రి 10 గంటలకల్లా ఇంటికి వస్తానన్నాడు. ఎంతకీ రాకపోవడంతో కుటుంబ సభ్యులు అతన్ని సంప్రదించడానికి ప్రయత్నించారు, కానీ అతను అందుబాటులో లేడు. రెండు రోజుల తర్వాత, సెప్టెంబర్ 8న యువరాజ్ నుండి చివరి వాట్సాప్ సందేశం వచ్చింది, ఆ తర్వాత అతని ఫోన్ మళ్లీ స్విచ్ ఆఫ్ అయింది. దీంతో సెప్టెంబర్ 11న లజపత్ నగర్ పోలీసు స్టేషన్‌లో మిస్సింగ్ ఫిర్యాదు చేశారు.కాల్ డేటా, సీసీటీవీ ఫుటేజ్ ఆధారంగా విచారించగా యువరాజ్ చివరిసారిగా గురుగ్రామ్‌లో యువరాజ్‌ మాజీ సహోద్యోగి అన్య అన్య వత్స్ తోనే యువరాజ్ చివరిసారిగా ఫోన్‌లో మాట్లాడినట్లు దర్యాప్తులో తేలింది. అనుమానితురాలి కార్యాలయాల్లో విచారణ చేపట్టారు. భర్తతో కలిసి ఈ హత్యకు పథకం వేసినట్టు తేలింది. నిందితురాలు ఉత్తరాఖండ్‌లో ఉండగా పోలీసులు ఆమెను, భర్తను అరెస్ట్ చేశారు. విచారణలో ఇద్దరు నిందితులు తామే యువరాజ్‌ను హత్య చేసి, శవాన్ని గురుగ్రామ్‌లోని తమ ఇంటి సమీపంలో ఒక డ్రైనేజీలో పడేసినట్లు అంగీకరించారు. ఈ హత్యకు ఆర్థిక వివాదమే కారణమని అనుమానిస్తుండగా, నిందితురాలు హత్యకు గల అసలు కారణాన్ని దాచిపెడుతోందని యువరాజ్ కుటుంబ సభ్యులు ఆరోపించారు.ఎవరీ అన్య వత్స్‌అన్య వత్స్ , భర్త సంయమ్ సచ్‌దేవా గురుగ్రామ్‌ ఉంటారు. తమకు వయసున్న కుమారుడు ఉన్నాడని ఆ జంట విచారణ అధికారులకు చెప్పినట్లు పోలీసులు తెలిపారు. యువరాజ్ ప్రముఖ రియల్ ఎస్టేట్ సంస్థలో పనిచేసేవాడు. 2022లో యువరాజ్‌తో కలిసి అన్య మరొక ప్రముఖ రియల్ ఎస్టేట్ సంస్థలో పనిచేశారు. ప్రస్తుతం ఆమెను ఆ సంస్థ నుంచి తొలగించారు. ఆర్థిక అక్రమాలతోనే ఆమెను తొలగించి ఉండవచ్చని పోలీసులు అనుమానిస్తున్నారు. భర్త సంయమ్‌కు కూడా ఉద్యోగం లేదు.ఇదీ చదవండి: రూ. 500 కోట్ల నోటీసు : దిశా కేసులో ఆదిత్య ఠాకరేకు మరో షాక్‌ఏడు గంటలు కారులోనే డెడ్‌బాడీయువరాజ్‌ను అతని కారులోనే రెండుసార్లు కాల్చి చంపినట్లు తెలుస్తోంది. యువరాజ్ కారులో వాగ్వాదం జరిగిందని, ఆ తర్వాతే అతను హత్యకు గురయ్యాడని సమాచారం. మృతదేహాన్ని ఎక్కడ పారేయాలో ఆలోచిస్తూ కనీసం ఏడు గంటల పాటు కారులోనే ఉంచామని పోలీసులకు చెప్పినట్లు తెలిసింది.కుటుంబ సభ్యుల సంచలన ఆరోపణలుగురుగ్రామ్ పోలీసులు సెప్టెంబర్ 10నే మృతదేహాన్ని కనుగొన్నప్పటికీ, కుటుంబ సభ్యులకు సమాచారం ఇవ్వలేదని, చివరికి ఆ వివరాలను 'జోనల్ ఇంటిగ్రేటెడ్ పోలీస్ నెట్‌వర్క్' (ZIPNET - గుర్తుతెలియని మృతదేహాల వివరాలను తనిఖీ చేయడానికి ఉద్దేశించిన ప్రభుత్వ పోర్టల్)లో సకాలంలో అప్‌లోడ్ చేయలేదని యువరాజ్ కుటుంబ సభ్యులు ఆరోపించారు. అంతేకాదు తమకు తెలియ జేయకుండానే సెప్టెంబర్ 14న మృతదేహానికి దహన సంస్కారాలు చేశారని ఆవేదన వ్యక్తం చేశారు.యువరాజ్ తన కుటుంబంతో కలిసి సరితా విహార్‌లో నివసించేవారు. తండ్రి పక్షవాతంతో బాధపడుతుండగా, తల్లికి గుండె జబ్బు. ఈ కుటుంబానికి యువరాజే ఏకైక ఆధారం. ప్రస్తుతం నిందితులను 5 రోజులు పోలీసు కస్టడీకి తీసుకుని విచారణ చేపట్టారు.ఇదీ చదవండి: దారుణం : గ్యాంగ్‌రేప్‌, కుళ్లిపోయిన శవం, పీక్కుతిన్న కుక్కలు

అమెరికాలోని అట్లాంటా (జార్జియా) నగరానికి చెందిన యువతి హోప్‌ తను ప్రేమించిన వాడికోసం విలాసవంతమైన జీవితాన్ని వదిలిపెట్టింది. భారతీయ యువకుడైన అభిషేక్ సింగ్‌ను వివాహం చేసుకుని బిహార్‌లోని ఒక గ్రామీణ ప్రాంతంలో స్థిరపడింది. ఆమె తన విభిన్నమైన కల్చరల్ లైఫ్‌స్టైల్‌కు సంబంధించిన విశేషాలను ఇన్‌స్టాగ్రామ్‌లో షేర్ చేస్తూ నెటిజన్లను ఆకర్షిస్తోంది. 2023లో హోప్‌ అభిషేక్ సింగ్‌ను వివాహం చేసుకుంది. 2025 అక్టోబర్‌లో తొలిసారిగా ఇండియాకు వచ్చింది. అంతే ఇక్కడి సంస్కృతిపై ఇష్టంతో బిహార్‌లోని ఒక చిన్న గ్రామంలోనే స్థిరపడింది. ఆమె ప్రస్తుతం ఆమె బిహార్‌లోని గ్రామీణ వాతావరణానికి, అక్కడి సాధారణ జీవనశైలికి అలవాటుపడి, భర్త, కుమారుడితో ఎంతో ఆనందంగా గడుపుతోంది. దీనికి సంబంధించిన వీడియోలు నెటిజన్లను విశేషంగా ఆకట్టుకుంటున్నాయి. View this post on Instagram A post shared by Singhfamily2.0 (@singhfamily2.0)ఇదీ చదవండి: రూ. 500 కోట్ల నోటీసు : దిశా కేసులో ఆదిత్య ఠాకరేకు మరో షాక్‌ ప్లాస్టిక్ టబ్‌లో చేతులతో బట్టలు ఉతకడం, గిన్నెలు కడగడం, సాంప్రదాయ పొయ్యి మీద వంట చేయడం వంటి సాధారణ గ్రామ జీవితపు దినచర్యలను ఆమె తన సోషల్ మీడియా వీడియోల ద్వారా పంచుకుంటూ ఉంటుంది. ఎక్కువగా కుర్తాలు, చీరలు ధరించడం, సింధూరం పెట్టుకోవడం వంటి భారతీయ ఆచారాలను పాటిస్తోంది. 'గెట్-రెడీ-విత్-మి' వీడియోలు బాగా పాపులర్‌ అయ్యాయి. అలాగే ఆమె కంటెంట్‌లో ఆహారం కూడా ఒక ముఖ్యమైన భాగం. సమోసా చాట్, పావ్ బాజీ, రోటీలు చేయడం వంటి వంటకాలను స్వయంగా చేస్తూ ఆ వీడియోలను పోస్ట్ చేస్తూ ఎంతోమంది అభిమానులను సంపాదించుకోవడం విశేషం. ఇదీ చదవండి: పెళ్లైన 17 రోజులకే అమెరికాలో హైదరాబాదీ అనుమానాస్పద మృతిసోషల్ మీడియా స్పందనభారతీయ సంస్కృతికి అలవాటు పడి, స్థానిక భాషలో మాట్లాడడానికి ప్రయత్నిస్తున్న తీరుపై నెటిజన్లు సంతోషాన్ని ప్రకటిస్తున్నారు. అమెరికాను వదిలి బీహార్‌లోని ఒక మారుమూల గ్రామంలో ఆమె జీవిస్తుండటం పట్ల నెటిజన్ల నుంచి మిశ్రమ స్పందన వస్తోంది. కొందరు ఆమె నిర్ణయాన్ని ఆశ్చర్యంగా,విమర్శనాత్మకంగా చూస్తుండగా,మరికొందరు ఆమె భారతీయ సంస్కృతిని స్వీకరించిన తీరును అభినందిస్తున్నారు. అప్పుడప్పుడు విమర్శలు ఎదురైనప్పటికీ, ఆమె కంటెంట్‌కు వచ్చిన స్పందనలో చాలా వరకు సానుకూలంగానే ఉంది. ఈ అసాధారణమైన సాంస్కృతిక మార్పు, ఆమె గ్రామ జీవితానికి అలవాటుపడిన తీరు యూజర్లను ఆకట్టుకున్నాయి. ఇదీ చదవండి: మలేషియా విమానంలోనే ప్రాణం విడిచిన భారతీయుడు

బాలీవుడ్ స్టార్ ర్యాపర్ బాద్ షా ఈ ఏడాది మార్చిలో నటి ఇషా రిఖీని పెళ్లాడారు. అంతకుముందే జాస్మిన్‌ అనే యువతిని ప్రేమించి పెళ్లి చేసుకున్న ర్యాపర్.. ఆమెతో విభేధాలు రావడంతో ఆరేళ్ల క్రితం విడాకులు తీసుకొన్నారు. ఈ జంటకి ఓ కూతురు కూడా ఉంది. ఆ తర్వాత నటి ఇషా రిఖితో డేటింగ్‌ చేసిన బాద్‌షా ఈ ఏడాది పెళ్లిబంధంలోకి అడుగుపెట్టారు.అయితే నటి ఇషా రిఖితో రెండో పెళ్లి కూడా ఆర్నెళ్లకే పెటాకులైంది. ఇటీవలే ఈ జంట విడిపోతున్నట్లు అఫీషియల్‌గా ప్రకటించారు. ఈ సందర్భంగా నటి ఇషా రిఖి.. తన పెళ్లి జీవితానికి సంబంధించి పలు షాకింగ్ విషయాలు పంచుకుంది. బాద్‌షాతో పెళ్లయ్యాక తీవ్రమైన వేధింపులకు గురయ్యానని వెల్లడించింది. తాను శారీరకంగా, మానసికంగా, సామాజిక పరంగా మోసపోయానని తెలిపింది. బాద్‌షా తనను అన్ని రకాలుగా మోసం చేశాడని ఆరోపించింది. ప్రస్తుతం బిగ్‌బాస్ షోలో ఉన్న ఇషా తన వైవాహిక జీవితం గురించి మాట్లాడింది.ఒక వ్యక్తి గురించి ఇతరులు చెప్పేది తాను నమ్మనని స్పష్టం చేసింది. తాను స్వయంగా చూసేంత వరకు నమ్మనని పేర్కొంది. కానీ కొన్ని నెలలకే తనను మోసం చేశారని గ్రహించానని చెప్పింది. బాద్‌షా తనను కేవలం కొద్దిమందికి మాత్రమే పరిచయం చేశారని..వాస్తవానికి దూరంగా తనలోని వికృత రూపాన్నిచూపించారని వాపోయింది. ఈ రిలేషన్‌లో తనకు అనుమానాలు కలిగినప్పటికీ.. అన్ని విషయాలను స్వయంగా చూసేంత వరకు నమ్మకూడదని నిర్ణయించుకున్నట్లు ఇషా వెల్లడించింది.

బాహ్య ప్రపంచానికి దూరంగా అడవి తల్లి ఒడిలో నిత్యం సేదతీరే గిరిజనుల సాంప్రదాయాలు ఎంతో విశిష్టంగా, సహజంగా ఉంటాయి. ముఖ్యంగా కొండరెడ్డి తెగ వివాహాల్లో పురోహితులు ఉండరు. వేద మంత్రాలూ వినిపించవు. ఆర్భాటపు బాజా భజంత్రీలు, బంధువుల హడావిడి అస్సలు ఉండవు. పెద్దల సమక్షంలో, ప్రకృతి సాక్షిగా వధువు మెడలో వరుడు నల్లపూసల తాడు కడితే చాలు... ఆ వివాహ బంధం జీవితాంతం నిలిచిపోతుంది. పూర్వీకుల నుంచి తరతరాలుగా వస్తున్న ఈ నిరాడంబర వివాహ వ్యవస్థ గురించి కొండరెడ్డి గిరిజనులు పంచుకున్న వివరాలు ఇవీ.. - ఏలూరు మేనరికాలకే తొలి ప్రాధాన్యం కొండరెడ్డి గిరిజనులు వివాహాల్లో మేనరికాలకే అత్యధిక ప్రాధాన్యత ఇస్తారు. విజ్ఞాన శాస్త్రం ప్రకారం మేనరికపు పెళ్లిళ్ల వల్ల పిల్లల్లో లోపాలు తలెత్తే అవకాశం ఉందని చెబుతున్నప్పటికీ, తమ తెగలో అలాంటి సమస్యలు చాలా అరుదని (కేవలం ఒక శాతంలోనే) వీరు అంటారు. వధువు, వరుడు పరస్పరం ఇష్టపడ్డాక, వరుడిని వధువు ఇంటికి తీసుకెళ్తారు. అక్కడ ఇరువర్గాల బంధువులు, గ్రామ పెద్దల సమక్షంలో పెళ్లి ప్రకటన చేసి, వరుడికి నల్లపూసల తాడును అందిస్తారు. అతడు దానిని వధువు మెడలో వేయగానే, అందరి చప్పట్ల మధ్య వివాహ తంతు ముగుస్తుంది. కట్నకానుకలు, ఆర్భాటాలకు తావులేదు ఈనాటి వివాహాలు లక్షలాది రూపాయల ఖర్చుతో, వ్యాపారాత్మకంగా మారిపోయాయి. కానీ కొండరెడ్డి గిరిజనుల ఆచారంలో కట్నకానుకల ప్రస్తావనే ఉండదు. వరుడే వధువు ఇంటికి వచ్చి వివాహం చేసుకుంటాడు. బంగారపు తాళి»ొట్టుకు బదులు కేవలం నల్లపూసల తాడునే ఉపయోగిస్తారు. డీజేలు, అలంకరణలు, పూజారుల ఖర్చులు వంటివేవీ వీటిల్లో ఉండవు. ఇప్పసారా విందు... డోలు కొయ్యల నృత్యాలు వీరి వివాహ వేడుకలు సాధారణంగా రాత్రి వేళల్లో జరుగుతాయి. పెళ్లి విందు కూడా ఎంతో ప్రత్యేకమైనది. అడవిలో లభించే ఇప్పపువ్వులతో తయారు చేసిన ఇప్పసారా, ఇప్ప చిగురుతో వంటకాలు తయారు చేసి విందు ఆరగిస్తారు. వివాహ సమయంలోనూ, విందు సమయంలోనూ వారి సాంప్రదాయ ‘డోలు కొయ్యల’ వాయిద్యాలకు అనుగుణంగా నృత్యాలు చేస్తూ, పాటలు పాడుతూ ఎంతో ఉత్సాహంగా గడుపుతారు.విశిష్టమైన ఆచారాలు సాధారణ పెళ్లిళ్లలో వధూవరులకు కానుకలు ఇవ్వడం సహజం. కానీ కొండరెడ్డి గిరిజనుల్లో వధూవరులు ఇంట్లోకి వెళ్లే సమయంలో గ్రామ పెద్దలు, పేరంటాళ్లు, వరుడి వైపు పెద్దలు రూ.20 నుంచి రూ.100 వరకు కానుకగా ఇస్తారు. ఈ క్రమంలో కొందరు వ్యక్తులు వధూవరులు నడిచే మార్గంలో పడుకుంటారు. కానుకలు ఇచ్చిన తర్వాతే వారు పైకి లేస్తారు. మండపం నుంచి ఇంటికి వెళ్లేవరకు ఇలా ఐదుసార్లు జరుగుతుంది. సాంప్రదాయ పాటలు పాడే పేరంటాళ్లకు కూడా రూ.20 నుండి రూ.50 వరకు కానుకలు అందిస్తారు. అలాగే పెళ్లి సమయాల్లో ఊరి చివర వాగులు ఎదురైతే, వధూవరులను గ్రామస్తులు భుజాలపై ఎత్తుకుని వాగు దాటిస్తారు.మేనరికాలే ఎక్కువ మా కొండరెడ్ల సంస్కృతిలో ఎక్కువగా మేనరికపు పెళ్లిళ్లే జరుగుతాయి. కట్నకానుకలు, పురోహితులు, మేళతాళాల ఆర్భాటం ఉండదు. వరుడు వధువు మెడలో నల్లపూసల తాడు వేస్తే పెళ్లయిపోయినట్లే. మేనరికం వల్ల మాకు ఎలాంటి ఇబ్బందులు ఎదురుకావడం లేదు. ఎక్కడో ఒక శాతం మాత్రమే సమస్యలు కనిపిస్తాయి. – వేట్ల రాజారెడ్డి, కొయిదా ఆర్‌ అండ్‌ ఆర్‌ కాలనీ, బుట్టాయగూడెం సనాతన సాంప్రదాయంఅబ్బాయి, అమ్మాయి ఇష్టపడిన తర్వాత ఇరువైపుల పెద్దలు, గ్రామస్థులు ఒకచోట చేరి వివాహ ప్రకటన చేస్తారు. నల్లపూసల తాడు మెడలో పడటమే ఏడేడు జన్మల బంధంగా భావిస్తాం. మా ఆచారంలో నిరాడంబరత, పవిత్రత ఉన్నాయి. ఇది తరతరాలుగా వస్తున్న సనాతన సాంప్రదాయం. – కెచ్చెల చిన్నంరెడ్డి, రేగులపాడు, బుట్టాయగూడెం మండలం

ప్రముఖ మలయాళ బ్యూటీ అహానా కృష్ణ పెళ్లి పీటలెక్కింది. సినిమాటోగ్రాఫర్ నిమిష్ రవిని ఆమె పెళ్లాడింది. వీరిద్దరి వివాహా వేడుక కేరళ కోవలంలోని ఒక ప్రైవేట్ రిసార్ట్‌లో గ్రాండ్‌గా జరిగింది. ఈ పెళ్లి ఫోటోలను అహానా తన ఇన్‌స్టాలో పంచుకున్నారు. ఈ పెళ్లి వేడుకలో హీరో దుల్కర్ సల్మాన్, సంగీత దర్శకుడు జేక్స్ బెజోయ్ సందడి చేశారు. ఈ విషయం తెలుసుకున్న అభిమానులు నూతన జంటకు శుభాకాంక్షలు చెబుతున్నారు.కాగా.. రాజీవ్ రవి దర్శకత్వం వహించిన 'నాన్ స్టీవ్ లోప్స్' చిత్రంతో అహానా కృష్ణ హీరోయిన్‌గా పరిచయమయ్యారు. అంతేకాకుండా అహానా బీజేపీ నాయకుడు, నటుడు జి. కృష్ణకుమార్ కుమార్తె కావడం విశేషం. ఆమె నటించిన తొలి చిత్రానికి నిమిషా రవి సహాయ కెమెరామెన్‌గా పనిచేశారు. అదే సమయంలో వీరి మధ్య ప్రేమ చిగురించింది. ఆ తర్వాత అహానా నటించిన'లూకా'మూవీకి సైతం నిమిష్ రవి సినిమాటోగ్రాఫర్‌గా పనిచేశారు. సౌత్ ఇండస్ట్రీలో ప్రముఖ సినిమాటోగ్రాఫర్‌లలో ఒకరిగా నిమిష్ రవి గుర్తింపు తెచ్చుకున్నారు. Ace cameraman #NimishRavi and actor & creator #AahaanaKrishna got married on Sep 13 in Kovalam, Kerala. Wishing the couple all the best🔥❤️ pic.twitter.com/lckqMZm2XF— Sreedhar Pillai (@sri50) September 15, 2026

తమిళనాడు: తిరువొత్తియూర్‌ టి.ఎస్‌.ఆర్‌ నగర్‌కు చెందిన కందస్వామి కుమారుడు నవీన్‌ (35). ఇతను ఓ ప్రైవేట్‌ కంపెనీలో పనిచేసేవాడు. తన మొదటి భార్యకు దూరంగా ఉంటున్నాడు. అదేవిధంగా తన భర్తను వదిలేసిన భవాని అనే మహిళను నెల రోజుల క్రితం రెండో పెళ్లి చేసుకున్నాడు. పెళ్లయిన తర్వాత మరుసటి రోజు మరువలి పుట్టింటికి వెళ్లిన భవాని.. అక్కడే తన తల్లి ఇంట్లోనే ఉండిపోయింది. ఒంటరిగా ఇంట్లో ఉంటున్న నవీన్, రెండో పెళ్లి చేసుకున్నాకూడా సంతోషంగా జీవించలేకపోతున్నానే అని తన తండ్రితో చెప్పి బాధపడినట్లు తెలిసింది. దీంతో తీవ్ర మనస్తాపానికి గురై న నవీన్, శుక్రవారం రాత్రి ఇంట్లో ఎవరూ లేని సమయంలో ఫ్యాన్‌కు ఉరివేసుకుని ఆత్మహత్య చేసుకున్నాడు. తిరువొత్తియూర్‌ పోలీసులు మృతదేహాన్ని పోస్ట్‌మార్టం నిమిత్తం ప్రభుత్వ స్టాన్లీ ఆసుపత్రికి తరలించి, కేసు దర్యాప్తు చేస్తున్నారు. చదవండి: సినిమాకు తీసుకెళ్లి భార్య గొంతు కోసిన భర్త

పగడాలు కుటుంబం తూర్పు గోదావరి జిల్లా నుంచి హైద్రాబాద్‌కి వలస వచ్చింది. వారిది కొంకుదురు అనే చిన్న పల్లెటూరు. పగడాలు, ఆమె భర్త వ్యవసాయ కూలీలుగా పనిచేసేవారు.పగడాలు తమ్ముడు కొంకుదురు వచ్చినప్పుడల్లా ‘హైద్రాబాద్‌కి వెళ్తే బాగుపడని వారు లేరు. ఇక్కడ ఉంటే ఇలాగే ఉంటాం’ అని ఆమెతో పదేపదే చెప్పడంతో, పగడాలు ఓ రోజు తన భర్తతో చెప్పింది.‘‘వెళ్ళి చూద్దాం. నచ్చకపోతే మళ్ళీ కోతల సమయానికి వచ్చేద్దాం.’’‘‘సరే, ఇక్కడ ఎటూ మనకి సంవత్సరం పొడుగూతా పని దొరకటం లేదు కదా.’’ అతను ఒప్పుకున్నాడు.అతని బావమరిది ఓ బిల్డర్‌ దగ్గర పని చేస్తున్నాడు. తన సూపర్‌వైజర్‌తో మాట్లాడి అక్కా బావలకి పని ఇప్పించాడు. ప్రతి శనివారం ఆ వారానికి చేసిన పనికి డబ్బు ముట్టడం ఆ దంపతులు ఇద్దరికీ నచ్చింది.వాళ్ళు ఓ స్లమ్‌లోని చిన్న గుడిసె అద్దెకి తీసుకుని దిగారు. రెండు సంవత్సరాల తర్వాత ఆ దంపతులకి సొంత ఇల్లు నిర్మించుకోవాలనే ఆలోచన వచ్చింది. స్వంత స్థలం కొనేంత డబ్బు వారికి లేదు. మిగిలిన కూలీలు చేసే పనే వాళ్ళూ చేశారు. ఓ రౌడీకి నెల నెలా అద్దె చెల్లిస్తున్నంత కాలం ఓ పోరంబోకు స్థలంలో యాభై చదరపు గజాల మేర ఏదైనా కట్టుకోవచ్చు. రైలు పట్టాల పక్కనే కొత్తగా విస్తరించిన పట్టణంలో, అపార్ట్‌మెంట్స్‌ బాగా అభివృద్ధి చెందే చోటది. అది పనికి కూడా దగ్గర్లోనే ఉంటుంది.పగడాలు, ఆమె భర్త కాగితాలు లేని, నోటి మాట మీద నడిచే ఓ యాభైమంది గల చిట్టీలో చేరి, అవసరమైన సొమ్ముని తీసుకున్నారు.తనకున్న నైపుణ్యంతో పగడాలు భర్త, అతని బావమరిది ఆ ఇంటి నిర్మాణాన్ని చేపట్టారు. సిమెంట్‌ ఖర్చు కాబట్టి బంక మట్టిని ఉపయోగించి గోడలని లేపారు. పైన నల్లటి టార్పాలి¯Œ ని కప్పుగా వేశారు. ఆ ఇంటికి ఇంకా ఎంతో చేయాల్సి ఉంది. తలుపుకి డబ్బు చాలక తెర కట్టారు. ఓ శుభముహూర్తంలో గృహప్రవేశం చేశారు.స్వంత ఇల్లు అనేది వారికి ఎంతో ఆనందాన్ని ఇచ్చింది. క్రమంగా వాళ్ళు ఆ ఇంటిని అభివృద్ధి చేసుకోసాగారు. ముందుగా పగడాలు భర్త లోపలి మట్టి నేల మీద గచ్చు చేశాడు. తర్వాత వర్షాకాలంలో గోడలని కాపాడటానికి బయటివైపు సిమెంట్‌ చేశాడు. ఆ తర్వాత పైన టార్పాలిన్‌ స్థానంలో సెకండ్‌ హేండ్‌ ఇనుప రేకులను కొని కప్పాడు. వాటికున్న చిల్లుల్లోంచి వర్షం కారకుండా వాటిని సీసంతో మూసేశాడు.ఆ తర్వాత గోడల లోపలి వైపు సిమెంట్‌ చేశాడు. వారు కూలీకి వెళ్ళి చేసే ఈ పనులన్నీ తమ స్వంతానికి చేస్తూండటంతో ఆ పనులు మునుపు ఇవ్వని ఆనందాన్ని ఇవ్వసాగాయి.పగడాలు ఆ ఇంట్లోకి ప్రవేశించినప్పటి నుంచి తన భర్తని ఇంటికి తలుపు పెట్టించమని అడుగుతూనే ఉంది. తెర తీసుకుని ఎవరైనా, ఎప్పుడైనా లోపలికి రావచ్చు. రాత్రి తాము నిద్రలో ఉండగా దొంగ చొరబడొచ్చు. కాని ప్రతిసారి తలుపు కన్నా చేయాల్సిన ఇతర పనులే ముఖ్యం అవడం వల్ల అది వాయిదా పడుతూ వచ్చింది.ఇంట్లోని మట్టి నేలలో జెర్రులు తిరుగుతూండటంతో ఆ నేలని గచ్చు చేయించాల్సి వచ్చింది. వర్షాకాలంలో ఇటుకల మధ్య ఉన్న మట్టి కారి గోడలు కూలకుండా సిమెంట్‌ చేయాల్సి వచ్చింది. అరబస్తా సిమెంట్‌ మిగలడంతో అది వృథా కాకుండా దాంతో ఇంట్లో వంటకి ఓ చిన్న గట్టుని కట్టాడు. వర్షానికి కప్పు మీంచి గోడల మీదకి కారే నీటిని ఆపటానికి పైకప్పు వేయించాల్సి వచ్చింది. ఇలా వాళ్ళా ఇంట్లోకి ప్రవేశించాక తలుపు కన్నా మిగిలినవే ముఖ్యమైనవి అయ్యాయి.అవన్నీ పూర్తయ్యాక పగడాలు భర్త ముందు గోడకి గుమ్మం తెచ్చి పెట్టాడు. తర్వాతి సంవత్సరం తలుపుని అమర్చాడు.‘‘నాలుగేళ్లకి ఇది కుదిరింది. ఇంక దొంగలు ఎవరూ చొరబడరు. మన ఇల్లు ఇనప్పెట్టెలా భద్రం.’’ పగడాలు ఆ రాత్రి తలుపు లోపల టవర్‌ బోల్ట్‌ పెట్టి సంతృప్తిగా చెప్పింది.తలుపు అమర్చిన నెల రోజులకి పగడాలు భర్త పనిలో జరిగిన ప్రమాదంలో మరణించాడు. అతని మరణం అందరికీ షాక్‌.∙∙ ఆ రాత్రి స్పర్శకి పగడాలుకి మెలకువ వచ్చింది. కళ్ళు తెరచి చూస్తే ఓ మగాడు తనని తడుముతూ కనిపించాడు. ఆమె ఒక్క ఉదుటున బయటికి దూకి, తలుపు బయట గొళ్ళెం పెట్టి దొంగ అని అరవసాగింది. క్షణాల్లో ఆడ, మగ చాలామంది పక్క గుడిసెల్లోంచి లేచి వచ్చారు.ఆ దొంగ ఆమె పక్కింటివాడు. ఆమె భర్త వయసున్న అతను చిత్తూరు జిల్లా నుంచి వలస వచ్చాడు. అంతా అతనికి దేహశుద్ధి చేసి, ఇల్లు ఖాళీ చేసి వెళ్ళాలని తీర్పు చెప్పారు.మర్నాడు పగడాలు తన మరదలితో చెప్పింది.‘‘ఇంతకాలం నేను తలుపే రక్షణ ఇస్తుంది అనుకున్నాను. కాదు. తెర ఉండగా ఎన్నడూ వాడు రాలేదు. అప్పుడు నా భద్రతకి మా ఆయన అనే బలమైన తలుపు ఉందని నాకు తెలీలేదు. ఆడదానికి నిజమైన తలుపు మగాడే.’’- మల్లాది వెంకట కృష్ణమూర్తిఇవి కూడా చదవండి: ఈ వారం కథ: 'ఆత్మబలం'

బలగం బ్యూటీ కావ్య కల్యాణ్ రామ్ అభిమానులకు గుడ్ న్యూస్ చెప్పింది. ప్రముఖ టాలీవుడ్ మ్యూజిక్ డైరెక్టర్ కాల భైరవతో ఏడడుగులు వేయనున్నట్లు ప్రకటించింది. ఈ విషయాన్ని సోషల్ మీడియా వేదికగా అఫీషియల్‌గా ప్రకటించింది. కాల భైరవతో రిలేషన్‌లో ఉన్నట్లు వెల్లడించింది.అయితే కావ్య కల్యాణ్ రామ్ బలగం మూవీతో ఫేమ్ తెచ్చుకున్న సంగతి తెలిసిందే. ఈ సినిమాతో టాలీవుడ్‌లో గుర్తింపు తెచ్చుకుంది. ఆ తర్వాత కూడా కొన్ని సినిమాలు చేసింది. ఉస్తాద్ మూవీలో కాల భైరవ తమ్ముడు సింహా సరసన హీరోయిన్‌గా మెప్పించింది. ఇప్పుడేమో హీరో అన్న కాల భైరవతో పెళ్లికి రెడీ అయిపోయింది. ఇది కాస్తా టాలీవుడ్‌లో ఆసక్తికర విషయంగా మారింది.తమ్ముడితో సినిమా చేసిన బ్యూటీ.. రియల్‌ లైఫ్‌లో అన్నతో జోడీ కట్టడంపై నెటిజన్స్ క్రేజీ కామెంట్స్ చేస్తున్నారు. గతంలో కొందరు హీరోయిన్లు కూడా ఇలానే చేశారని చర్చించుకుంటున్నారు. శ్రీదేవి–బోనీ కపూర్‌, శ్రియా రెడ్డి–విక్రమ్ రెడ్డి, సోనియా అగర్వాల్–సెల్వరాఘవన్ జంటలు కూడా ఇలానే చేశారని ఈ సందర్భంగా గుర్తు చేసుకుంటున్నారు.

ఇస్లామాబాద్: దేశంలో నెలకొన్న కీలక సమస్యల నుంచి ప్రజల దృష్టిని మళ్లించేందుకే తన వ్యక్తిగత జీవితంపై తప్పుడు ప్రచారం చేస్తున్నారని పాకిస్థాన్ పీపుల్స్ పార్టీ (పీపీపీ) ఛైర్మన్ బిలావల్ భుట్టో.. జర్దారీ షెహబాజ్ షరీఫ్ ప్రభుత్వంపై తీవ్రస్థాయిలో ధ్వజమెత్తారు. ఆస్ట్రియా రాజకుటుంబానికి చెందిన మహిళతో తనకు వివాహం కుదిరినట్లు వస్తున్న వార్తలను ఆయన కొట్టిపారేశారు. ఈ మేరకు విడుదల చేసిన వీడియో సందేశంలో ఆయన మాట్లాడారు.‘నా వివాహం ఖరారు కాలేదు, ఎలాంటి నిశ్చితార్థం జరగలేదు. ప్రిన్సెస్ గ్లోరియా అనే వ్యక్తి ఎవరో కూడా నాకు తెలియదు. నా వ్యక్తిగత జీవితానికి సంబంధించిన ఏ విషయమైనా మా కుటుంబమే స్వయంగా ప్రకటిస్తుంది’ అని బిలావల్ స్పష్టం చేశారు. ఆగస్టు 26న ఇస్లామాబాద్‌లోని ‘పాకిస్థాన్ ఇన్‌స్టిట్యూట్ ఆఫ్ మెడికల్ సైన్సెస్’ (పీఐఎమ్ఎస్) ఆస్పత్రిలోని నియోనాటల్ వార్డులో అగ్నిప్రమాదం సంభవించి 14 మంది నవజాత శిశువులు మృతి చెందిన ఘటనపై ఆయన తీవ్ర ఆవేదన వ్యక్తం చేశారు. ఆస్పత్రిలో కనీసం ఫైర్ అలారాలు, స్ప్రింక్లర్లు లేకపోవడం, భద్రతా లోపాలపై మధ్యంతర విచారణ నివేదిక స్పష్టం చేసిందని పేర్కొన్నారు. ఒక ఆస్పత్రిని కూడా సరిగ్గా నిర్వహించలేని మంత్రి, పాకిస్థాన్‌కు గోర్బచేవ్‌లా మారి, దేశాన్ని 30 భాగాలుగా విభజించాలని చూస్తున్నారంటూ మంత్రి మొహసిన్ నఖ్వీని ఉద్దేశించి పరోక్షంగా విమర్శలు గుప్పించారు. కొత్త ప్రావిన్సుల ఏర్పాటు వంటి రాజ్యాంగపరమైన నిర్ణయాలను వీధుల్లో లేదా వ్యాపార సదస్సుల్లో తేల్చలేరని, వీటికి పార్లమెంటరీ, రాజ్యాంగ ప్రక్రియ అవసరమని బిలావల్ స్పష్టం చేశారు. కాగా అగ్నిప్రమాదం ఘటనపై స్పందించిన ప్రధాని షెహబాజ్ షరీఫ్ ఇప్పటికే ఎనిమిది మంది అధికారులను సస్పెండ్ చేసి క్రిమినల్ చర్యలకు ఆదేశించారు.ఇది కూడా చదవండి: అమెరికా: కత్తితో మహిళ వీరంగం: ఒకరి మృతి.. నిందితురాలి కాల్చివేత!

విశాఖపట్నం: ఖండాలు దాటిన బంధాన్ని భారతీయ సంప్రదాయం కట్టిపడేసింది. వేద మంత్రాలు.. మంగళ వాయిద్యాలు.. అగ్నిహో త్రం సాక్షిగా వేసే ఏడడుగుల బంధం.. భారతీయ వివాహ వైభవం చూసి ఆ్రస్టేలియా జంట మనసు పారేసుకుంది. మిత్రుడి పెళ్లి కోసం విశాఖకు వచ్చిన విదేశీయులు.. ఇక్కడి హైందవ వైభవాన్ని చూసి ముగ్ధులై, వారూ అదే పద్ధతిలో అగి్నసాక్షిగా ఒక్కటయ్యారు. ఆ్రస్టేలియా రాజధాని కాన్‌బెర్రాకు చెందిన బ్రాడీ, ఎమిలీల వివాహం షీలానగర్‌లోని నమస్వీ ఫంక్షన్‌ హాల్‌లో శుక్రవారం తెల్లవారుజామున అత్యంత వైభవంగా జరిగింది. మిత్రుడి పెళ్లికి వచ్చి.. ముచ్చటపడి.. ఆ్రస్టేలియాలో జైళ్ల శాఖ అధికారిగా విధులు నిర్వహిస్తున్న బ్రాడీకి, ఎమిలీతో స్వదేశంలోనే నిశ్చితార్థం జరిగింది. విశాఖకు చెందిన పోలీస్‌ అధికారి కుమారుడు రణసూర్య–సృజన వివాహానికి వీరు అతిథులుగా హాజరయ్యారు. ఇక్కడ జరుగుతున్న వివాహ వేడుకలు, సంప్రదాయాలు, ఆచారాలను ప్రత్యక్షంగా చూసిన ఈ జంట పరవశించిపోయింది. తమ వివాహం కూడా ఇదే పద్ధతిలో జరగాలని ఆశపడ్డారు. శాస్తోక్తంగా మూడు ముళ్ల బంధం అనుకున్నదే తడవుగా భారతీయ సంప్రదాయ దుస్తులు ధరించి మండపంలో కూర్చున్నారు. పురోహితుల వేద మంత్రోచ్ఛారణల నడుమ బ్రాడీ వధువు ఎమిలీ మెడలో మంగళసూత్రం కట్టి, నుదిటిన సింధూరం దిద్దాడు. అనంతరం ఒకరికొకరు పూలదండలు మార్చుకుని, అగ్నిసాక్షిగా ఏడడుగులు నడిచారు. పరాయి దేశానికి చెందినవారైనా, మన సంస్కృతిపై మక్కువతో వివాహ బంధంలోకి అడుగుపెట్టిన ఈ విదేశీ జంటను అతిథులు మనస్ఫూర్తిగా ఆశీర్వదించారు. చదవండి: బంగారం ధరలు.. మూడు రోజుల్లో రూ.4,700 డౌన్!

సినీరంగంలో వారి జీవితాలు ఫుల్ కలర్‌పుల్‌గా ఉంటాయని అనుకుంటాం. కానీ అదంతా నాణేనికి ఒకవైపు మాత్రమే.. రెండో వైపు కూడా చూస్తేనే అసలు జీవితం గురించి తెలుస్తుంది. వర్క్ లైఫ్‌ బాగానే ఉన్నా.. పర్సనల్‌ విషయానికి వచ్చేసరికి అదంతా మారిపోయే అవకాశముంది. అలా బాలీవుడ్‌ బుల్లితెరతో పాటు సినిమాల్లోనూ మెప్పించిన నటి కామ్యా పంజాబీ జీవితమే ఇందుకు ఉదాహరణ. హిందీలో పలు సీరియల్స్‌తో మెప్పించిన ఈ బ్యూటీ.. ఆ తర్వాత సినిమాల్లోనూ తన నటనతో ఆకట్టుకుంది.అయితే సినిమాల్లో ఆకట్టుకున్న ఈమె.. పర్సనల్ లైఫ్‌లో మాత్రం ఎన్నో ఇబ్బందులు ఎదుర్కొంది. తన మొదటి భర్తతో తాను పడిన ఇబ్బందులను పంచుకుంది. గృహ హింసతో పాటు మానసిక క్షోభ అనుభవించానని తెలిపింది. గాయాలను మేకప్‌తో దాచుకోవడం అలవాటు చేసుకున్నానని కామ్యా వెల్లడించింది. ఆ టాక్సిక్ బంధం నుంచి బయటపడటానికి పడిన ఇబ్బందిని ఆమె గుర్తుచేసుకున్నారు. మా ఇద్దరి గొడవను కుమార్తె ఆరా చూడటంతో.. ఇకపై అతనితో జీవించలేనని డిసైడ్ అయ్యానని కామ్యా వెల్లడించారు.కామ్యా పంజాబీ మాట్లాడుతూ..'మేమిద్దరం పెళ్లికి ముందే మేము గొడవపడేవాళ్లం. అతను నాకు సరైనవాడు కాదని నిర్ణయించుకోవాల్సిన స్థాయికి పరిస్థితులు వచ్చాయి. కానీ మాది తొలిప్రేమ కావడంతో ఇతనే సరైన వ్యక్తి అనిపించింది. మా ఇద్దరికీ సెట్ కాదని మా తల్లిదండ్రులు కూడా చెప్పారు. కానీ నేను వారి మాట వినలేదు. పెళ్లి తర్వాత ఆయన నన్ను పని మానేయమన్నారు. కానీ నేను వినిపించుకోలేదు. నేను నా తల్లిదండ్రులను, నా కుటుంబాన్ని పోషించాలని చెప్పా. అప్పుడు అతని ఆలోచనా విధానం ఏమిటో నాకు తెలియదు, కానీ అతను ప్రతి విషయాన్ని అనుమానించేవాడు. అతను ప్రతి 10 నిమిషాలకు ఫోన్ చేసి ఎందుకు ఫోన్ ఎత్తలేదు?' అని ప్రశ్నలు వేసేవాడు. ఏంటి సంగతి? ఎవరితో ఉన్నావు? అని కూడా ప్రశ్నలు అడిగేవాడు. బాత్రూంలో నన్ను నేను బంధించుకుని గంటల తరబడి బాధపడ్డా. కొన్నిసార్లు రాత్రంతా ఏడ్చేదాన్ని" అని తన బాధను వ్యక్తం చేసింది.కాగా.. కామ్యా మొదట వ్యాపారవేత్త బంటీ నేగీని వివాహం చేసుకున్నారు. వీరికి ఆరా అనే కుమార్తె జన్మించారు. దాదాపు 13 ఏళ్ల వివాహ బంధం తర్వాత విడిపోయారు. 2020లో కామ్యా.. శలభ్ డాంగ్‌ను వివాహం చేసుకున్నారు.

కీసర: యాదాద్రి–భువనగిరి జిల్లా గూడూరుకు చెందిన తెలంగాణ రక్షణ సేన నాయకుడు బాషబోయిన బాల­ప్రసాద్‌ వివాహం బుధవారం కీసర చౌరస్తా వద్ద గల ఆరాధ్య కన్వెన్షన్‌ హాలులో జరిగింది. ఈ వివాహ వేడుకకు పార్టీ చీఫ్‌ కల్వకుంట్ల కవిత హాజరయ్యారు. ముదిరాజ్‌ సాంప్రదాయం ప్రకారం పెళ్లి కూతురు మెడలో తాళి కట్టాలని బాలప్రసాద్‌ కోరాడు.దీంతో కల్వకుంట్ల కవిత ఇంటి ఆడపడుచుగా వ్యవహరించి వరుడు వధువుకు తాళికట్టేముందు గౌరి పూజలో పాల్గొని పసుపు కొమ్ము దారంతో వధువు శివాని మెడలో మూడుముళ్లు వేశారు. అనంతరం ఒడిబియ్యం పోసి వధూవరులను ఆశీర్వదించారు. ఈ కార్యక్రమంలో బాలప్రసాద్‌ కుటుంబ సభ్యులు, పార్టీ నేతలు పాల్గొన్నారు. Kavitha Performs ‘Aadabidda’ Ritual at Mudiraj WeddingTG Rakshana Sena leader Balaprasad, who has no sisters, had requested Kavitha to perform the traditional duties of a sister at his wedding with Shivani.Following the Mudiraj custom, Kavitha participated in the Gauri Puja… pic.twitter.com/3xegvqLb56— Naveena (@TheNaveena) August 26, 2026చదవండి: హరీష్‌రావు హౌస్ అరెస్ట్‌.. వరంగల్‌ పర్యటనకు బ్రేక్‌!

మలయాళ సూపర్ స్టార్ మోహన్ లాల్ గురించి పరిచయం ‍అక్కర్లేదు. మలయాళంతో పాటు తెలుగులోనూ అభిమానులను సంపాదించుకున్నారు. జనతా గ్యారేజ్‌ మూవీతో టాలీవుడ్‌లో ఎక్కువగా ఫేమస్ అయ్యారు. ప్రస్తుతం మలయాళంలో సినిమాలు చేస్తోన్న మోహన్ లాల్..ఈ ఏడాది దృశ్యం-3 మూవీతో ప్రేక్షకుల ముందుకొచ్చారు. ఈ మూవీ బాక్సాఫీస్ వద్ద ఫర్వాలేదనిపించింది. ప్రస్తుతం మోహన్ లాల్.. రజినీకాంత్ హీరోగా వస్తోన్న జైలర్-2లో కనిపించనున్నారు.ఇక సినిమాల సంగతి పక్కనపెడితే..పర్సనల్‌ లైఫ్‌లో ఆయన సుచిత్ర బాలాజీని పెళ్లాడారు. 1988 వీరిద్దరి పెళ్లి వేడుక జరిగింది. ఇండస్ట్రీలో పెద్దగా పరిచయం లేని సుచిత్ర.. మోహన్‌ లాల్‌తో పెళ్లి గురించి పలు ఆసక్తికర విషయాలు పంచుకుంది. ఇటీవల ఓ ఛానెల్‌ ఇంటర్వ్యూకు హాజరైన సుచిత్ర..మోహన్ లాల్‌తో తన రిలేషన్‌ గురించి మాట్లాడారు. వీరిద్దరు మొదటిసారి ఎలా కలుసుకున్నారో గుర్తుచేసుకున్నారు. అంతేకాకుండా పెళ్లికి తన తండ్రి ఇచ్చిన సలహాను కూడా పంచుకున్నారు.తాను మోహన్‌లాల్‌ను మొదటిసారి ఓ పెళ్లిలో కలిశానని సుచిత్ర వెల్లడించారు. అప్పటికే మా కుటుంబాలకు పరిచయం ఉండటంతో ఆయనను కలిసే అవకాశం వచ్చిందని తెలిపింది. తాను కూడా ఒక అభిమానిగానే ఆయనతో ఒక ఫోటో దిగానని ఆమె గుర్తు చేసుకున్నారు. అయితే ఆ ఫోటో కాపీ తనకు ఇప్పటికీ అందలేదని సుచిత్ర వెల్లడించారు. ఆ తర్వాత సుచిత్ర తాను మోహన్‌లాల్‌ను పెళ్లి చేసుకోవాలనుకుంటున్నట్లు తన కుటుంబంతో చెప్పగా.. నా ఆలోచనకు ఎవరూ అభ్యంతరం చెప్పలేదని తెలిపింది. తన తండ్రికి బాగా తెలిసిన నటి సుకుమారి ద్వారా ఈ పెళ్లి ప్రతిపాదనను ముందుకు తీసుకెళ్లాలని భావించానని పేర్కొంది. మోహన్‌లాల్‌తో పెళ్లికి ముందే తన తండ్రి హెచ్చరించారని సుచిత్ర వెల్లడించింది. నువ్వు అతన్ని పెళ్లి చేసుకునే ముందే ఒకసారి ఆలోచించుకో అన్నారు. ఎందుకంటే ఇండస్ట్రీలో పనిచేసే వ్యక్తిని పెళ్లి చేసుకోబోతున్నావని వార్నింగ్ ఇచ్చారు. కొన్నిసార్లు ఆయన ఇంట్లోనే ఉంటాడు.. కొన్నిసార్లు షూటింగ్‌కు వెళ్లి నెలల రోజుల వరకు తిరిగి రాడని నాన్న అన్నారు. అలాంటప్పుడు నువ్వు అన్నింటికీ సిద్ధంగా ఉండాలని.. పైగా ఇండస్ట్రీలో మనం చాలా విషయాలు వింటాం.. వాటన్నింటినీ కూడా తట్టుకోగలగాలని చెప్పారు. మీ అమ్మ చాలా ప్రశాంతమైన వ్యక్తి.. మీ అమ్మ అన్నింటినీ ఎలా సర్దుకుపోతుందో నువ్వు చూస్తూనే ఉన్నావ్ కదా.. నువ్వు కూడా అలాగే ఉండాలని సలహా ఇచ్చాడు. కానీ నీ పెళ్లయ్యాక తిరిగి వచ్చి నాన్న, ఆయన ఇలా ఉంటాడు, అలా ఉంటాడని నా దగ్గర ఏడిస్తే.. నేను నిన్ను మళ్లీ ఇంట్లోకి కూడా రానివ్వనని చెప్పాడని గుర్తు చేసుకుంది. అందుకే పెళ్లి విషయంలో అన్ని ఆలోచించి నిర్ణయం తీసుకో అని నాన్న చెప్పారని సుచిత్ర వెల్లడించింది.అయితే భర్తగా మోహన్‌లాల్‌పై ఇప్పటివరకు తనకు ఎలాంటి ఫిర్యాదులు లేవని కూడా సుచిత్ర వెల్లడించారు. మా వివాహం తర్వాత తండ్రికి, మోహన్‌లాల్‌కి మధ్య జరిగిన సంభాషణను గుర్తుచేసుకున్నారు. నా కూతురిని ఇంత బాగా చూసుకుంటూ.. నువ్వు ఆమెను చెడగొట్టావని మా నాన్న మోహన్‌లాల్‌తో అన్నారు. ఏది ఏమైనప్పటికీ.. మీరు చూసుకున్న దానికంటే నేను ఇంకా బాగా చూసుకోవద్దా? మోహన్‌లాల్ అని అన్నారని తెలిపింది. మోహన్‌లాల్ తనకు దక్కాల్సిన గౌరవాన్ని ఎల్లప్పుడూ ఇచ్చారని ఆమె వివరించారు. కాగా.. సుచిత్ర- మోహన్‌లాల్‌ పెళ్లి ఏప్రిల్ 28, 1988న జరిగింది. వీరికి కుమారుడు ప్రణవ్ మోహన్‌లాల్, కుమార్తె విస్మయ మోహన్‌లాల్ ఉన్నారు. కాగా.. సుచిత్ర తండ్రి కె బాలాజీ తమిళంలోని ప్రముఖ నిర్మాతల్లో ఒకరిగా గుర్తింపు తెచ్చుకున్నారు.

న్యూఢిల్లీ: వివాహ వ్యవస్థ చాలా విచిత్రమైందని, భార్యాభర్తల మధ్య వివాదాలు తొందరగా సమసిపోకుంటే బెటర్‌ హాఫ్‌ కాస్తా బిటర్‌హాఫ్‌గా మారిపోతారని ఢిల్లీ హైకోర్టు వ్యాఖ్యానించింది. మానవ సంబంధాల్లో భార్యా భర్తల సంబంధం చాలా అందమైందని, కానీ తేడాలొస్తే అంతే వికారంగానూ మారుతుందని జస్టిస్‌ విమల్‌ కుమార్‌ యాదవ్‌ తెలిపారు. భార్యను చంపేందుకు ప్రయత్నించారన్న ఆరోపణలపై నఫే సింగ్‌ అనే వ్యక్తికి ట్రయల్‌కోర్టు విధించిన మూడేళ్ల శిక్షను నిలిపివేశారు. నిందితుడి అప్పీల్‌పై విచారణకు ఓకే అన్నారు.అంతేకాకుండా... నిందితుడు హత్యాయత్నం చేశాడనేందుకు తగిన సాక్ష్యాలూ ప్రాసిక్యూషన్‌ చూపలేకపోయిందని స్పష్టం చేశారు. నఫే సింగ్‌కు 2000లో వివాహమైంది. ఏడాది పాటు అంతా సవ్యంగానే సాగింది కానీ ఆ తరువాత భార్యా భర్తల మధ్య మనస్పర్ధలు వచ్చాయి. ఈ క్రమంలోనే 2001లో ఒకానొక వివాదం సందర్భంగా భార్యతో బలవంతంగా కీటకనాశిని బేగాన్‌ స్ప్రే తాగించే ప్రయత్నం చేశాడని, అది కాస్తా ఫలించకపోవడంతో బలవంతంగా నోట్లో పోసి చంపేసే ప్రయత్నం చేశాడని నఫే సింగ్, అతడి తల్లిపై కేసు నమోదైంది. వితంతువైన తల్లిని వదిలేసి వేరు కాపురం పెడదామన్నదే భార్యతో వచ్చిన వివాదమని, తాను ఎలాంటి హత్యాయత్నానికీ పాల్పడలేదని నఫే సింగ్‌ మొత్తుకున్నా ట్రయల్‌ కోర్టు పట్టించుకోలేదు. దోషిగా నిర్ధారిస్తూ మూడేళ్ల జైలు శిక్ష విధించింది. దీంతో నఫే సింగ్‌ ఆ తీర్పును సవాలు చేస్తూ ఢిల్లీ హైకోర్టును ఆశ్రయించాడు.

బెంగళూరు: కాంగ్రెస్‌ పార్టీ అగ్రనేత రాహుల్‌ గాంధీ అభిమానినని చెప్పుకున్న యువకునికి అమ్మాయి నుంచి తిరస్కారం ఎదురైంది. అతడు నెలకు రూ.40 లక్షలు సంపాదిస్తున్నా కూడా పెళ్లికి ససేమిరా అంది. బెంగళూరులో ఆరూహి రెడ్డి అనే అమ్మాయి వివరాలను ఎక్స్‌ ఖాతాలో పోస్టు చేసింది. ఆమెకు ఇంట్లో సంబంధాలు చూస్తూ ఉన్నారు, ఇటీవల ఓ సంబంధం తీసుకువచ్చారు. యువకుడు అందగాడు, నెలకు రూ.40 లక్షలు సంపాదిస్తాడు, మంచి కుటుంబమని బంధువులు తెలిపారు. అయితే ఆ అబ్బాయి అతని ప్రొఫైల్‌లో రాహుల్‌గాంధీ అభిమానినని రాసుకున్నాడు. ఇది చూసిన ఆరూహిరెడ్డి ఈ ఒక్క కారణంతో మూడుముళ్ల బంధానికి నిరాకరించినట్టు తెలిపింది. వరుసగా అపజయాలు మూటగట్టుకుంటున్న రాహుల్‌గాం«దీని రోల్‌ మోడల్‌గా చెప్పుకునే వ్యక్తి ఐక్యూ ఏ స్థాయిలో ఉందో తెలుస్తోందని పలు తీవ్ర విమర్శలు చేసింది. నీలాంటి వ్యక్తిని జీవిత భాగస్వామిగా ఎంచుకోలేనని, అందం,అంతస్తు, డబ్బు కంటే దేశభక్తి, మతం మీద ప్రేమ, భక్తి ఉండడం ఎంతో అవసరమని తేల్చిచెప్పింది. ఈ పోస్టుతో నెటిజన్లు కొందరు ఆరూహిరెడ్డిని అభినందిస్తుంటే మరికొందరు దూషిస్తున్నారు.

ఆకుపచ్చని తోరణాలు.. మంగళవాయిద్యాల సడి.. ముహూర్తాల శ్రావణ మాసం వచ్చేసింది. ఇళ్లలో పెళ్లి బాజాలు మోగాల్సిన సమయం ఆసన్నమైంది. కానీ, ఎంతోమంది పెళ్లికొడుకుల ఇళ్లలో మాత్రం ఒకటే టెన్షన్‌.. అదే ‘వధువు కావలెను!’.బద్వేలు/కాశినాయన: ప్రస్తుతం రెండు తెలుగు రాష్ట్రాల్లో ఊహించని విధంగా పెళ్లికూతుళ్లకు తీవ్ర కొరత ఏర్పడింది. ఏ ప్రాంతానికి వెళ్లినా, ఏ కులంలో చూసినా ‘అమ్మాయి దొరకడం లేదు’ అనే మాటే బలంగా వినిపిస్తోంది. చేతిలో మంచి ఉద్యోగం, ఎకరాల ఆస్తిపాస్తులు ఉన్నప్పటికీ పెళ్లీడుకొచ్చిన అబ్బాయిలకు వధువు దొరకడం గగనమైపోతోంది. శ్రావణ మాసం ముహూర్తాల సీజన్‌ ప్రారంభమై కళ్యాణ మండపాలన్నీ హౌస్‌ఫుల్‌ అవుతున్నా.. వధువు దొరకని వేలాది మంది మోస్ట్‌ ఎలిజిబుల్‌ బ్యాచిలర్స్‌ మాత్రం ఈ సీజన్‌లోనైనా తమ మురిపెం తీరుతుందా అని ఆశగా ఎదురుచూస్తున్నారు. ⇒ సామాజిక మాధ్యమాలే వేదికగా.. సాంప్రదాయ మార్గాల్లో సంబంధాలు దొరక్కపోవడంతో చాలామంది అబ్బాయిలు ఇప్పుడు ఫేస్‌బుక్, ఇన్‌స్ట్రాగామ్, వాట్సాప్‌ గ్రూపుల వంటి సామాజిక మాధ్యమాలను కూడా వేదికగా చేసుకుని ప్రకటనలు ఇస్తున్నారు. తమ ఫోటోలు, ఉద్యోగం, జీతం వివరాలతో పోస్టులు పెడుతూ ‘వధువు కావలెను’ అంటూ బహిరంగంగానే అన్వేషణ సాగిస్తున్నారు. ⇒ ఎదురు కటా్ననికి సిద్ధం.. ఏ కులమైనా ఓకే! వరకట్న వేధింపులు, ఆంక్షలే ఒకప్పుడు సమాజంలో ఆడపిల్లల జనాభా తగ్గడానికి ప్రధాన కారణమయ్యాయి. కానీ, ఇప్పుడు పరిస్థితులు పూర్తిగా తారుమారయ్యాయి. ఒకప్పుడు వరకటా్నల కోసం డిమాండ్‌ చేసిన అబ్బాయిల తల్లిదండ్రులు, ఇప్పుడు రూట్‌ మార్చి ‘అమ్మాయి దొరికితే చాలు’ అంటూ అమ్మాయి తరపు వారికి ఎదురుకట్నం ఇచ్చేందుకు సిద్ధమవుతున్నారు. కొన్ని కులాల్లో ఆడ పిల్లల కొరత మరీ తీవ్రంగా ఉండటంతో చాలా మంది పెళ్లికాని ప్రసాదులుగా మిగిలిపోతున్నారు. ఈ క్రమంలో ‘అమ్మాయి నచ్చితే చాలు.. ఏ కులమైనా సరే చేసుకుంటాం’ అంటూ చాలా కుటుంబాలు తమ కుల నిబంధనలను సైతం పూర్తిగా సడలిస్తుండటం గమనార్హం. ⇒ వెబ్‌సైట్లలో వేలాది రిజిస్ట్రేషన్లు! ఈ పెళ్లికూతుళ్లకు కొరత మ్యారేజ్‌ బ్యూరోలకు మాత్రం చేతినిండా పని కలి్పస్తోంది. సంప్రదాయ మార్గాలతో పాటు ఇప్పుడు డిజిటల్‌ వేదికలు సైతం తోడయ్యాయి. వివాహ సంబంధాల కోసం మ్యారేజ్‌ బ్యూరోలు ప్రత్యేకంగా వెబ్‌సైట్లను ప్రారంభించాయి. దీంతో అబ్బాయిలకు ఎలాంటి అమ్మాయిలు కావాలో.. వారి అభిప్రాయాలు, చదువు, ఉద్యోగం, కుటుంబ నేపథ్యాల వివరాలను వెబ్‌సైట్లలో ఉంచుతున్నారు. పెళ్లిళ్ల సీజన్‌ ప్రారంభం కావడంతో ఈ వివాహ పరిచయ వేదికలకు గిరాకీ విపరీతంగా పెరిగింది. ⇒ సాఫ్ట్‌వేర్‌ బాబులకూ తప్పని తిప్పలు.. ప్రస్తుతం పట్టణాల్లో ఉండి, సాఫ్ట్‌వేర్‌ ఉద్యోగాలు లేదా ఐటీ రంగంలో నెలకు రూ.లక్షల్లో సంపాదిస్తున్న అబ్బాయిలకు కూడా వధువు దొరకడం గగనంగా మారింది. నేటి తరం చదువుకున్న అమ్మాయిలు జీతం మాత్రమే కాకుండా.. అబ్బాయి ప్రవర్తన, అల వాట్లు, కుటుంబ నేపథ్యం, పట్టణంలో సొంత ఇల్లు ఉందా? లేదా? వంటి కఠిన నిబంధనలు విధిస్తుండటంతో వేలాది ప్రొఫైల్స్‌ హోల్డ్‌లో ఉండిపోతున్నాయి. ⇒ వ్యవసాయం చేసేవారికి చుక్కలు! ఈ డిజిటల్‌ యుగంలో పల్లెటూళ్లలో ఉంటూ ఎకరా భూమి ఖరీదు కోట్లల్లో ఉన్నప్పటికీ.. కేవలం ‘వ్యవసాయం’ చేస్తున్నాడనే ఒకే ఒక్క కారణంతో అబ్బాయి లను తీవ్రంగా తిరస్కరిస్తున్నారు. దీంతో గ్రామీణ ప్రాంతాల్లో ‘పెళ్లికాని ప్రసాదుల’ సంఖ్య ప్రమాదకరంగా పెరుగుతోంది. ⇒ సరిహద్దుల వైపు చూపు! కొన్ని జిల్లాలలో స్థానికంగా అమ్మాయిలు దొరక్కపోవడంతో.. అబ్బాయిల తల్లిదండ్రులు పొరుగు రాష్ట్రాల సరిహద్దు పల్లెటూళ్ల వైపు చూస్తున్నారు. భాషా సమస్యలు ఉన్నప్పటికీ, పెళ్లి కావడం ముఖ్యమనే ఉద్దేశంతో సరిహద్దు రాష్ట్రాల గ్రామాల్లోని అమ్మాయిలతో సంబంధాలు ఖాయం చేసుకుంటున్నారు. కడుపులోనే చిదిమేస్తున్న వైనం.. లింగ నిష్పత్తి శాపం!పురుషులకు దీటుగా మహిళలు అన్ని రంగాల్లో రాణిస్తున్నా సమాజంలో ఆడపిల్లలపై వివక్ష మాత్రం తగ్గడం లేదు. ఆడ పిల్లలను ఇప్పటికీ భారంగా భావిస్తున్న వారెందరో ఉన్నారు. కొందరైతే చట్టవిరుద్ధంగా కడుపులో పెరుగుతున్నది. ఆడ, మగ అని తెలుసుకుని.. ఆడ పిల్ల అయితే కడుపులోనే చిదిమేస్తున్నారు. ఇలా గత రెండు, మూడు దశాబ్దాలుగా భ్రూణహత్యల వల్ల లింగ నిష్పత్తిలో తేడా పెరిగిపోవడం ఇప్పుడు పెద్ద శాపంగా మారింది. ఆడపిల్లల జనాభా ఘోరంగా తగ్గిపోవడంతో, నేడు పెళ్లీడుకు వచ్చిన అబ్బాయిలకు, వారి తల్లిదండ్రులకు అమ్మాయిల కోసం వెతుకులాట తప్పడం లేదు. ఈ జనాభా అసమతుల్యత కారణంగానే తెలంగాణలో 47.5 శాతం, ఆంధ్రప్రదేశ్‌లో 43.7 శాతం మంది యువత పెళ్లి కాకుండా ఒంటరిగానే మిగిలిపోతున్నారని తాజా సర్వేలు హెచ్చరిస్తున్నాయి.మ్యారేజ్‌ బ్యూరోల రికార్డులు: 90% అబ్బాయిలే!వివిధ వివాహ వేదికల డేటా ప్రకారం.. రిజిస్ట్రేషన్‌ చేసుకుంటున్న వారిలో 90 శాతానికి పైగా అబ్బాయిల ప్రొఫైల్స్‌ ఉంటుండగా, అమ్మాయిల వివరాలు మాత్రం పది శాతం కూడా దాటడం లేదు. గతంలో అమ్మాయిల తల్లిదండ్రులు ఆఫీసుల చుట్టూ తిరిగేవారు. కానీ ఇప్పుడు అబ్బాయిల తండ్రులు రోజుకు రెండు మూడు సార్లు ఫోన్లు చేస్తూ ఆరా తీస్తున్నారు. ‘మాకు ఆస్తిపాస్తులతో పనిలేదు, అమ్మాయి నచ్చితే చాలు.. ఏదైనా కొత్త ప్రొఫైల్‌ వస్తే మొదట మాకే చెప్పండి, ఫీజు ఎంతైనా ఇస్తాం’ అంటూ అబ్బాయిల తల్లిదండ్రులు బ్యూరోల చుట్టూ ప్రదక్షిణలు చేస్తున్నారు.ఉద్యోగాల పేరుతో...ఉద్యోగాల పేరుతో రాష్ట్రా­లు దాటి పోతున్నారు. లగ్జరీ జీవితానికి అలవాటు పడ్డ యువత మ్యారేజీ గురించి ఆలోచించడం లేదు. పైగా ఆడపిల్లల కొరత ఉండనే ఉంది. గతంలో నేను ఏటా 100కు పైగా పెళ్లిళ్లు చేసేవాడిని. ఇప్పుడు ఆ సంఖ్య చాలావరకు తగ్గింది. – కె.హెచ్‌. విజయభట్టర్, ఉమ్మడి కడప జిల్లా పురోహిత అధ్యక్షుడు. మగ పిల్లలకు పెళ్లి చేయాలంటే..రెండు తెలుగు రాష్ట్రాల్లో మ్యారేజీ పనుల మీద తిరుగుతుంటాను. మగ పిల్లలకు సంబంధం కుదు­ర్చాలంటే చాలా కష్టమవు తోంది. అమ్మాయిల కొర­త ఉంది. ఇక ఆడపిల్లల తల్లిదండ్రులు అనేక ఆంక్షలు పెడుతున్నారు. జీతభత్యాలు.. ఆస్తి పా స్తులు చూస్తున్నారు. వ్యవసాయం చేసేవాళ్లయితే గ్రామా­ల్లో వందల మంది 30,40 ఏళ్లు దాటినా పెళ్లిళ్లు కాక నిలబడి పోయారు. – చిన్నపురెడ్డి, మ్యారేజీ బ్యూరో, రెడ్డిపల్లె,కలసపాడు.

ఆకుపచ్చని తోరణాలు.. మంగళవాయిద్యాల సడి.. ముహూర్తాల శ్రావణ మాసం వచ్చేసింది. ఇళ్లలో పెళ్లి బాజాలు మోగాల్సిన సమయం ఆసన్నమైంది. కానీ, ఎంతోమంది పెళ్లికొడుకుల ఇళ్లలో మాత్రం ఒకటే టెన్షన్‌.. అదే ‘వధువు కావలెను!’.వైఎస్‌ఆర్‌ జిల్లా : ప్రస్తుతం రెండు తెలుగు రాష్ట్రాల్లో ఊహించని విధంగా పెళ్లికూతుళ్లకు తీవ్ర కొరత ఏర్పడింది. ఏ ప్రాంతానికి వెళ్లినా, ఏ కులంలో చూసినా ‘అమ్మాయి దొరకడం లేదు’ అనే మాటే బలంగా వినిపిస్తోంది. చేతిలో మంచి ఉద్యోగం, ఎకరాల ఆస్తిపాస్తులు ఉన్నప్పటికీ పెళ్లీడుకొచ్చిన అబ్బాయిలకు వధువు దొరకడం గగనమైపోతోంది. శ్రావణ మాసం ముహూర్తాల సీజన్‌ ప్రారంభమై కళ్యాణ మండపాలన్నీ హౌస్‌ఫుల్‌ అవుతున్నా.. వధువు దొరకని వేలాది మంది మోస్ట్‌ ఎలిజిబుల్‌ బ్యాచిలర్స్‌ మాత్రం ఈ సీజన్‌లోనైనా తమ మురిపెం తీరుతుందా అని ఆశగా ఎదురుచూస్తున్నారు. సామాజిక మాధ్యమాలే వేదికగా.. సాంప్రదాయ మార్గాల్లో సంబంధాలు దొరక్కపోవడంతో చాలామంది అబ్బాయిలు ఇప్పుడు ఫేస్‌బుక్, ఇన్‌స్ట్రాగామ్, వాట్సాప్‌ గ్రూపుల వంటి సామాజిక మాధ్యమాలను కూడా వేదికగా చేసుకుని ప్రకటనలు ఇస్తున్నారు. తమ ఫోటోలు, ఉద్యోగం, జీతం వివరాలతో పోస్టులు పెడుతూ ‘వధువు కావలెను’ అంటూ బహిరంగంగానే అన్వేషణ సాగిస్తున్నారు. ఎదురు కట్నానికి సిద్ధం.. ఏ కులమైనా ఓకే! వరకట్న వేధింపులు, ఆంక్షలే ఒకప్పుడు సమాజంలో ఆడపిల్లల జనాభా తగ్గడానికి ప్రధాన కారణమయ్యాయి. కానీ, ఇప్పుడు పరిస్థితులు పూర్తిగా తారుమారయ్యాయి. ఒకప్పుడు వరకట్నం కోసం డిమాండ్‌ చేసిన అబ్బాయిల తల్లిదండ్రులు, ఇప్పుడు రూట్‌ మార్చి ‘అమ్మాయి దొరికితే చాలు’ అంటూ అమ్మాయి తరపు వారికి ఎదురుకట్నం ఇచ్చేందుకు సిద్ధమవుతున్నారు. కొన్ని కులాల్లో ఆడ పిల్లల కొరత మరీ తీవ్రంగా ఉండటంతో చాలా మంది పెళ్లికాని ప్రసాదులుగా మిగిలిపోతున్నారు. ఈ క్రమంలో ‘అమ్మాయి నచ్చితే చాలు.. ఏ కులమైనా సరే చేసుకుంటాం’ అంటూ చాలా కుటుంబాలు తమ కుల నిబంధనలను సైతం పూర్తిగా సడలిస్తుండటం గమనార్హం. వెబ్‌సైట్లలో వేలాది రిజి్రస్టేషన్లు! ఈ పెళ్లికూతుళ్లకు కొరత మ్యారేజ్‌ బ్యూరోలకు మాత్రం చేతినిండా పని కల్పిస్తోంది. సంప్రదాయ మార్గాలతో పాటు ఇప్పుడు డిజిటల్‌ వేదికలు సైతం తోడయ్యాయి. వివాహ సంబంధాల కోసం మ్యారేజ్‌ బ్యూరోలు ప్రత్యేకంగా వెబ్‌సైట్లను ప్రారంభించాయి. దీంతో అబ్బాయిలకు ఎలాంటి అమ్మాయిలు కావాలో.. వారి అభిప్రాయాలు, చదువు, ఉద్యోగం, కుటుంబ నేపథ్యాల వివరాలను వెబ్‌సైట్లలో ఉంచుతున్నారు. పెళ్లిళ్ల సీజన్‌ ప్రారంభం కావడంతో ఈ వివాహ పరిచయ వేదికలకు గిరాకీ విపరీతంగా పెరిగింది. సాఫ్ట్‌వేర్‌ బాబులకూ తప్పని తిప్పలు.. ప్రస్తుతం పట్టణాల్లో ఉండి, సాఫ్ట్‌వేర్‌ ఉద్యోగాలు లేదా ఐటీ రంగంలో నెలకు రూ.లక్షల్లో సంపాదిస్తున్న అబ్బాయిలకు కూడా వధువు దొరకడం గగనంగా మారింది. నేటి తరం చదువుకున్న అమ్మాయిలు జీతం మాత్రమే కాకుండా.. అబ్బాయి ప్రవర్తన, అల వాట్లు, కుటుంబ నేపథ్యం, పట్టణంలో సొంత ఇల్లు ఉందా? లేదా? వంటి కఠిన నిబంధనలు విధిస్తుండటంతో వేలాది ప్రొఫైల్స్‌ హోల్డ్‌లో ఉండిపోతున్నాయి. వ్యవసాయం చేసేవారికి చుక్కలు! ఈ డిజిటల్‌ యుగంలో పల్లెటూళ్లలో ఉంటూ ఎకరా భూమి ఖరీదు కోట్లల్లో ఉన్నప్పటికీ.. కేవలం ‘వ్యవసాయం’ చేస్తున్నాడనే ఒకే ఒక్క కారణంతో అబ్బాయి లను తీవ్రంగా తిరస్కరిస్తున్నారు. దీంతో గ్రామీణ ప్రాంతాల్లో ‘పెళ్లికాని ప్రసాదుల’ సంఖ్య ప్రమాదకరంగా పెరుగుతోంది. సరిహద్దుల వైపు చూపు! కొన్ని జిల్లాలలో స్థానికంగా అమ్మాయిలు దొరక్కపోవడంతో.. అబ్బాయిల తల్లిదండ్రులు పొరుగు రాష్ట్రాల సరిహద్దు పల్లెటూళ్ల వైపు చూస్తున్నారు. భాషా సమస్యలు ఉన్నప్పటికీ, పెళ్లి కావడం ముఖ్యమనే ఉద్దేశంతో సరిహద్దు రాష్ట్రాల గ్రామాల్లోని అమ్మాయిలతో సంబంధాలు ఖాయం చేసుకుంటున్నారు.

మహబూబ్‌నగర్‌: ఇష్టం లేని పెళ్లిని వధువు నిరాకరించడంతో పీటల మీద తంతు ఆగిపోయిన ఘటన మండల కేంద్రంలోని ఓ ఫంక్షన్‌ హాల్‌లో ఆదివారం చోటుచేసుకుంది. బంధువులు తెలిపిన వివరాల ప్రకారం అబ్బాయిది మండలంలోని క్యాంపు రాయవరం కాగా.. అమ్మాయిది బిజినేపల్లి మండలం సల్కలాపేట. సంబంధం పెద్దల సమక్షంలో కుదరగా ఆగస్టు 16 న వివాహం చేయడానికి నిర్ణయించారు. కానీ అమ్మాయి తనకు కొంత సమయం కావాలని, ఇప్పుడే పెళ్లి వద్దని పెద్దలను కోరింది. అందుకు నిరాకరించిన వారు పెళ్లి సంబంధించిన ఏర్పాట్లు అన్ని పూర్తి చేసి అనుకున్న తేదీనే ఇరు వర్గాల బంధువులు కల్యాణ మండపాలకు చేరుకున్నారు. వధువు పెళ్లి పీటల మీద కూర్చున్న తర్వాత తనకు పెళ్లి ఇష్టం లేదని చెప్పడంతో అంతా అవాక్కయ్యారు. దీంతో ఇరు కుటుంబాల మధ్య వాగ్వాదం చోటుచేసుకుంది. ఇప్పటికే వంటలు, డెకరేషన్, సన్నాయి, ఏర్పాట్లు తదితర వాటికి ఖర్చు రూ.లక్ష దాటిందని, వాటిని ఎవరూ భరించాలని అబ్బాయి తరఫు వారు ప్రశ్నించారు. గొడవ పెద్దదవుతున్న సమయంలో ఎవరో పోలీసులకు సమాచారం చేరవేయడంతో వారు ఫంక్షన్‌ హాల్‌కు చేరుకున్నారు. ఖర్చుల విషయంలో ఇరు వర్గాల పెద్దలతో మాట్లాడి, సగం సగం భరించేలా పోలీసులు ఒప్పించడంతో సమస్య సద్దుమణిగింది. పెళ్లికి వచ్చిన వందలాది మంది నిరాశతో వెనుదిరిగి వెళ్లిపోయారు.

టాలీవుడ్ ప్రముఖ నిర్మాత బండ్ల గణేశ్ ఇంట పెళ్లి సందడి నెలకొంది. ఆయన కూతురు జనని వివాహం హైదరాబాద్‌లో గ్రాండ్‌గా జరిగింది. ఈ వేడుకలో టాలీవుడ్ సినీతారలు పెద్దఎత్తున సందడి చేశారు. ఈ పెళ్లి ఫంక్షన్‌లో హీరోలు వెంకటేశ్, నాగార్జున, చిరంజీవి, డైరెక్టర్స్ అనిల్ రావిపూడి, బోయపాటి శ్రీను, హాస్యనటులు బ్రహ్మనందం, సునీల్ హాజరయ్యారు. దీనికి సంబంధించిన ఫోటోలు, వీడియోలు సోషల్ మీడియాలో వైరల్‌గా మారాయి. ఈ పెళ్లి వేడుకలో మెగాస్టార్ సతీసమేతంగా పాల్గొన్నారు. నూతన వధూవరులను ఆశీర్వదించారు. సినీ ప్రముఖులతో పాటు రాజకీయ నాయకులు కూడా హాజరయ్యారు. రెండు తెలుగు రాష్ట్రాల నుంచి సినీ, రాజకీయ ప్రముఖులు పెళ్లి వేడుకలో పాల్గొని నూతన జంటను ఆశీస్సులు అందించారు. బండ్లన్న కుమార్తె వివాహ వేడుకలో సునీల్ ..#sunil #Bandlaganesh #janani#Jananisuryapayanam pic.twitter.com/mZwETRvS5z— SZN (@Suzenbabu) August 16, 2026

హైదరాబాద్: పెళ్లి చేసుకుంటానని నమ్మించి యువతితో సహజీవనం చేసి వేధింపులకు పాల్పడడంతో పాటు దాడి చేసిన యువకుడిపై జూబ్లీహిల్స్‌ పోలీసులు కేసు నమోదు చేశారు. పోలీసులు తెలిపిన వివరాల ప్రకారం.. కరీంనగర్‌కు చెందిన యువతి (25) ఈవెంట్‌ డ్యాన్సర్‌గా పనిచేస్తోంది. ఈమెకు రగంటి మనోజ్‌ (28)తో పరిచయం ఏర్పడింది. మనోజ్‌ తనను పెళ్లి చేసుకుంటానని చెప్పడంతో ఆమె అతడి వివాహ ప్రతిపాదనను అంగీకరించింది. ఈ క్రమంలో యూసుఫ్‌గూడలో ఇద్దరూ ఏడాది పాటు కలిసి ఉన్నారు. ఈ సమయంలో మనోజ్‌ పలుమార్లు ఆమెతో శారీరిక సంబంధం పెట్టుకున్నాడు. ఇతర యువతులతో కూడా అతడి సంబంధాల గురించి ప్రశ్నించినప్పుడు గొడవ పడడంతో పాటు ఆమెపై కూడా దాడి చేశాడు. ఈ క్రమంలో ఈ నెల 13న తెల్లవారుజామున మద్యం మత్తులో గదికి వచ్చిన మనోజ్‌ ఆమెను శారీరికంగా వేధించాడు. ఓ మహిళా సహోద్యోగి గురించి ప్రశ్నించడంతో ఆమెపై దాడి చేసి ముఖంపై తీవ్రంగా కొట్టాడు. బాధితురాలు ఇచ్చిన ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు.

కర్ణాటక: భారీగా కట్న కానుకలు ఇచ్చి వివాహం జరిపించినా భర్త, అత్తమామల ధనదాహం తీరలేదు. వారి వేధింపులను తట్టుకోలేక వివాహిత ఉరివేసుకొని అత్మహత్య చేసుకొన్న సంఘటన చింతామణి పట్టణంలోని సొణ్ణశెట్టిహశ్లి బడావణెలో శనివారం జరిగింది. వివరాలు.. మృతురాలు మమతశ్రీ (26). పట్టణంలోని గణేష్‌నగరకి చెందిన శ్రీనివాసరెడ్డి కూతురు మమతశ్రీని ఐదేళ్ల కిందట తాలూకాలోని భక్తరహళ్లికి చెందిన మోహన్‌రెడ్డికి ఇచ్చి ఘనంగా పెళ్లి చేశారు. వీరికి 4 ఏళ్ల కుమారుడు ఉన్నాడు. భర్తకు చేళూరు రోడ్డులో బైకు షోరూం ఉంది. మధ్యాహ్నం భోజనానికి రాగా ఇంటి తాళాలు వేసి ఉన్నాయి, కిటికీలో నుంచి చూడగా మమత ఫ్యాన్‌కు ఉరివేసుకుని శవమైంది. దీంతో భర్త పోలీసులు సమాచారమిచ్చాడు. పోలీసులు తనిఖీలు చేయగా డెత్‌నోట్‌ లభించింది. తన అంత్యక్రియలను భర్త కాకుండా కొడుకుతో నిర్వర్తించాలని రాసి ఉంది. భర్త ఎంతగా సతాయించాడో దీనిని బట్టి అర్థమవుతుంది. ఎస్పీ జగన్నాథ్‌రై, తహశీల్దార్‌ సుదర్శన్‌ యాదవ్, సీఐ విజికుమార పరిశీలించి కేసు నమోదు చేశారు.

మూడుముళ్ల వేడుకతో జీవితాంతం సంతోషంగా గడపాల్సిన యువ జంట పెళ్లికి ముందే ప్రాణాలు వదిలారు. మైసూరు జిల్లాలోని హుణసూరులో వివాహ నిశ్చయం చేసుకున్న యువతి ఉరి వేసుకుని ఆత్మహత్య చేసుకోగా, కాబోయే భర్త కేరళలోని ఎర్నాకుళంలో ఉసురు తీసుకున్నాడు. ఇద్దరూ ఉద్యోగులు.. వివరాలు ఇలా ఉన్నాయి. కేరళలోని కాసరగోడ్‌ జిల్లా, హోస దుర్గ తాలూకాలోని పల్లకెరెకు చెందిన చందన్‌ పెద్ద కుమార్తె అనుశ్రీ (26), హుణసూరులో స్టేట్‌ బ్యాంకులో పనిచేస్తుంది. కేరళలోని కన్నూర్‌ జిల్లా, ఎరట్టి తాలూకా మదతి గ్రామవాసి సుధాకర్‌ కుమారుడు, అమల్‌ (30) అక్కడే ఉద్యోగం చేస్తుంటాడు. అనుశ్రీ, అమల్‌కు పెద్దలు ఇటీవల నిశ్చితార్థం చేసి, డిసెంబరు 26న పెళ్లి ఖాయం చేశారు. ఇద్దరూ తరచూ మొబైల్‌ ఫోన్‌లో మాట్లాడుకుంటూ ఉంటారు. శుక్రవారం రాత్రి మొబైల్‌లో మాట్లాడుకుంటూ గొడవపడ్డారు. దీంతో అనుశ్రీ అమల్‌కు వీడియో కాల్‌ చేసి గదిలో ఫ్యాన్‌కు ఉరివేసుకుంది. అది చూసి అమల్‌ భయాందోళనతో ఓ లాడ్జికి వెళ్లి ఉరి వేసుకుని బలవన్మరణానికి పాల్పడ్డాడు. అనుశ్రీ తండ్రి చందన్‌ హుణసూరుకు చేరుకుని కూతురిని చూసి బోరున విలపించాడు. స్థానిక పోలీసులు ఆమె మృతదేహాన్ని ప్రభుత్వ ఆసుపత్రికి తరలించి కేసు నమోదు చేశారు. అమల్‌ ఫోన్‌లో వేధించడం వల్లనే తన కూతురు చనిపోయిందని తండ్రి చెప్పాడు.

పెళ్లి సంబంధాల కోసం చాలామంది బంధువులు, స్నేహితుల సహాయం తీసుకుంటారు. కానీ పుణేకు చెందిన ఓ యువకుడు మాత్రం తన పెళ్లి అన్వేషణను ఎక్సెల్‌ షీట్‌లో నమోదు చేసి అందరి దృష్టిని ఆకర్షించాడు. ఏడాది పాటు 53 సంబంధాలను పరిశీలించిన తర్వాత చివరకు తనకు నచ్చిన జీవిత భాగస్వామిని ఎంపిక చేసుకున్నాడు. ఎలాగంటే..పుణేకు చెందిన 29 ఏళ్ల వికాస్‌ లోహ్టియా.. 2025లో అరేంజ్డ్‌ మ్యారేజ్‌ కోసం ప్రత్యేకంగా ఓ ఎక్సెల్‌ ట్రాకర్‌ను రూపొందించాడు. అందులో పెళ్లి సంబంధాల వివరాలు, అభిరుచులు, అనుకూలతలు వంటి అంశాలను నమోదు చేశాడు. ఈ విషయం బయటకు రావడంతో అతడి ఎక్సెల్‌ షీట్‌ సోషల్‌ మీడియాలో వైరల్‌గా మారింది.మెటల్‌ కంపెనీలో ప్రొక్యూర్‌మెంట్‌ మేనేజర్‌గా పనిచేస్తున్న వికాస్‌.. దాదాపు ఏడాది పాటు తన పెళ్లి ప్రయత్నాలను కొనసాగించాడు. ఈ సమయంలో 53 మంది ప్రొఫైల్స్‌ను పరిశీలించాడు. చివరకు గురుగ్రామ్‌కు చెందిన ఓ ప్రొఫెసర్‌తో పరిచయం ఏర్పడగా, ఆ బంధం వివాహానికి దారితీసింది.తొమ్మిది నెలల పాటు పూర్తిగా అర్థం చేసుకున్నాకే..గత ఏడాది అక్టోబర్‌లో పెళ్లి సంబంధాల ట్రాకర్‌ను ప్రారంభించిన వికాస్‌కు నవంబర్‌లో తనకు కాబోయే భాగస్వామి పరిచయమయ్యారు. అయితే వెంటనే నిర్ణయం తీసుకోకుండా దాదాపు తొమ్మిది నెలల పాటు మాట్లాడుకుంటూ ఒకరినొకరు అర్థం చేసుకున్నారు."ట్రాకర్‌ను అప్‌డేట్‌ చేస్తూనే ఆమెతో మాట్లాడేవాడిని. మూడు, నాలుగు నెలల పాటు ఈ రెండు విషయాలు కొనసాగాయి" అని వికాస్‌ తెలిపాడు.వేతనం కూడా ఓకే అయ్యాకే..పెళ్లి సంబంధాల సమయంలో కొంతమంది అమ్మాయిలకు భర్త ఆదాయం విషయంలో ఎక్కువ అంచనాలు ఉన్నాయని వికాస్‌ చెప్పాడు. అయితే తన కాబోయే భార్యతో తొలి సంభాషణలో తాను సంపాదించే వాస్తవ ఆదాయంలో సగం మాత్రమే చెప్పానని తెలిపాడు.అయినా ఆమె తనను తిరస్కరించలేదని, తన వ్యక్తిత్వం, ఆలోచనలు ఆమెకు నచ్చాయని పేర్కొన్నాడు. ఇప్పుడు వికాస్‌ తన ఎక్సెల్‌ షీట్‌లో నమోదు చేసిన 53వ ప్రయత్నాల్లో ఒకటి తన జీవితంలో కీలక మలుపుగా మారింది. డేటాతో మొదలైన అతడి పెళ్లి అన్వేషణ చివరకు ఓ అందమైన బంధంతో ముగిసింది. View this post on Instagram A post shared by Vikas (@thevikkchapter) (చదవండి: మోడల్స్‌గా మావోయిస్టు మహిళలు..!)

ఫుట్‌బాల్‌ దిగ్గజం క్రిస్టియానో రొనాల్డో ఎట్టకేలకు పెళ్లి చేసుకున్నాడు. పదేళ్లుగా జార్జినా రోడ్రిగ్స్‌తో సహ జీవనం చేస్తున్న ఈ పోర్చుగల్‌ స్టార్‌.. తాజాగా ఆమెతో వివాహ బంధంలో అడుగుపెట్టాడు. పెళ్లి విషయాన్ని రొనాల్డో స్వయంగా ప్రకటించాడు.జార్జినా చేతిలోన చెయ్యేసి పట్టుకున్న ఫొటోను సోషల్‌ మీడియా వేదికగా షేర్‌ చేస్తూ రొనాల్డో పెళ్లి విషయాన్ని తెలియజేశాడు. ఇందులో ఇద్దరి వేళ్లకు వివాహ ఉంగరాలు ఉన్నాయి. కాగా రొనాల్డో గురించి ప్రత్యేకంగా చెప్పాల్సిన పనిలేదు. ఫుట్‌బాల్‌ దిగ్గజంగా ఎదిగిన అతడు.. ఫాలోయింగ్‌, సంపాదనలోనూ మిగిలిన అథ్లెట్ల కంటే ఎంతో ముందున్నాడు.రొనాల్డోకు వేల కోట్ల ఆస్తివివిధ నివేదికల ప్రకారం.. రొనాల్డో నికర ఆస్తి విలువ పది- పన్నెండు వేల కోట్ల రూపాయల పైమాటే అని అంచనా. సోషల్‌ మీడియా ప్లాట్‌ఫామ్‌లలో ఇన్‌స్టాలో అతడికి అత్యధికంగా 672 మిలియన్లకు పైగా ఫాలోవర్లు ఉన్నారు. ముందుగా రొనాల్డో పిల్లలకు తల్లిగా.. తాజాగా భార్యగా అతడి జీవితంలో చెరగని ముద్ర వేసిన జార్జినా రోడ్రిగ్స్‌ వృత్తి, ఆమె నికర ఆస్తి విలువ తదితర సంగతులు తెలుసుకుందామా?!స్పానిష్‌ తల్లి, అర్జెంటినియన్‌ తండ్రికి జన్మించిన 32 ఏళ్ల జార్జినా.. స్పెయిన్‌లో పెరిగింది. క్యాథలిక్‌ స్కూల్‌లో చదివిన ఆమె చిన్ననాటి నుంచే బలెరినా డాన్సర్‌ కావాలని కలలు కన్నది. అయితే, మాడ్రిడ్‌కు మకాం మార్చిన తర్వాత ఆమె రాత కూడా మారిపోయింది.సేల్స్‌ అసిస్టెంట్‌గామాడ్రిడ్‌లోని గూచి స్టోర్‌లో సేల్స్‌ అసిస్టెంట్‌గా పనిచేస్తున్న సమయంలోనే తొలిసారి 2016లో జార్జినా రొనాల్డోను కలిసింది. ఈ పరిచయం కాస్త ప్రేమగా మారింది. ఈ క్రమంలో వ్యక్తిగత కెరీర్‌ మీద కూడా ఫోకస్‌ పెట్టిన జార్జినా.. మోడల్‌గా రాణించింది. గూచి, ప్రడా, చానెల్‌ వంటి ప్రముఖ విలాసవంతమైన బ్రాండ్లతో కలిసి పనిచేసింది.సంపాదనా మార్గాలు ఇవిసోషల్‌ మీడియాలోనూ జార్జినాకు ఫాలోయింగ్‌ పెరిగిపోయింది. ఇన్‌స్టాలో ఆమెకు 77 మిలియన్లకు పైగా ఫాలోవర్లు ఉన్నారు. సెలబ్రిటీ ఇన్‌ఫ్ల్యూయెన్సర్‌గా తనదైన శైలిలో రాణిస్తూ ఇక్కడా సంపాదన మార్గాలను పెంచుకుంది. ఈ క్రమంలోనే వ్యాపార రంగంలోనూ అడుగుపెట్టింది.శిరోజ సౌందర్యాన్ని పరిరక్షించే క్లినిక్‌కు సహ వ్యవస్థాపకురాలిగా జార్జినా నిలిచింది. ఆ తర్వాత రియల్‌ ఎస్టేట్‌లోనూ పెట్టుబడులు పెట్టింది. సొంతంగా ఓ ఫ్యాషన్‌ లేబుల్‌ను కూడా స్థాపించింది.ఇక నెట్‌ఫ్లిక్స్‌లో ఐ యామ్‌ జార్జినా పేరిట రియాల్టి సిరీస్‌లోనూ ఆమె భాగమైంది. రొనాల్డో భాగస్వామిగా, అతడి పిల్లలకు తల్లిగా, యువ వ్యాపారవేత్తగా తన జీవితం ఎలా ఉంటుందో ఈ సిరీస్‌ ద్వారా జార్జినా ప్రేక్షకులకు చూపించింది.నికర ఆస్తి ఎంతంటే?ఈ క్రమంలో మోడలింగ్‌, బ్రాండ్‌ ఎండార్స్‌మెంట్లు, సోషల్‌ మీడియా కొలాబరేషన్లు, మీడియా, వ్యాపారాలు, పెట్టుబడుల ద్వారా జార్జినా కూడా బాగానే సంపాదించింది. 2025 నివేదికల ప్రకారం జార్జినా నికర ఆస్తి విలువ వంద నుంచి నూట ముప్పై కోట్ల రూపాయల వరకు ఉంటుందని అంచనా. కాగా రొనాల్డో భాగస్వామిగానే కాకుండా తనకంటూ సొంత గుర్తింపు తెచ్చుకున్న జార్జినా.. అధికారికంగా అతడి భార్యగా మారడంతో మరింత పాపులర్‌ అయింది.చదవండి: ‘రొనాల్డోతో బ్రేకప్‌.. భారీగా డబ్బు ఆఫర్‌ చేశారు’

మాజీ టెన్నిస్ క్రీడాకారిణి, మాజీ ఐపీఎస్‌ అధికారిణి డాక్టర్ కిరణ్ బేడీ ఏ విషయాన్ని అయినా చాలా ముక్కుసూటిగా నిష్కపటంగా చెబుతుంటారు. మహిళల సమస్యల విషయానికి వస్తే, ఆమె ఏమాత్రం భయపడకుండా, సాంప్రదాయాలను సవాలు చేసేలా..చాలా సూటిగా మాట్లాడతారు. నెల రోజుల క్రితం అభిషేక్ వ్యాస్‌తో జరిగిన ఒక పాడ్‌కాస్ట్‌లో, భారతీయ మహిళలకు వివాహం ఎలాంటిదో చాలా ఓపెన్‌గా చెప్పారు. ప్రతి ఆడపిల్ల ఆ విషయంలో ఎందుకు ఫెయిల్‌ అవుతుందో కూడా మాట్లాడారు. మరి అవేంటో చూద్దామా..!పెళ్లి చాలా అందంగా ఉంటుంది, పెళ్లి ఊరేగింపు అట్టహాసంగా, వైభవంగా ఉంటుంది అంతే..అని అన్నారు. ఎందుకంటే అప్పటి వరకు ఆ మహిళకు చాలా సురక్షితమైన, ప్రేమగా, అండగా నిలిచే ఇంటిని వెళ్లిపోవాల్సి వస్తుంది కాబట్టి అది ఆమెకు 'మానసిక క్షోభే' అని నర్మగర్భంగా చెప్పారామె. అంతేగాదు ఒక మహిళ తన పుట్టింటిని విడిచి వెళ్లడమే కాకుండా, తన అత్తమామలను కూడా సొంత తల్లిదండ్రుల్లా చూడాలని ఆశిస్తారని, ఇది చాలా హాస్యాస్పదమైనదని అన్నారు. ఎందుకంటే అది ఆచరణ సాధ్యమైనది కాదని తేల్చి చెప్పారు. అసలు ఎవరైనా ఏదో ఒక మహిళను 'అమ్మా' అని పిలవగలరా? అది అసలు సాధ్యమేనా అని నిలదీశారు. వాస్తవం ఏంటంటే అసలు ఎవరూ అలా చేయలేరు, కానీ పెళ్లైన భారతీయ మహిళపై అలా చేయమని ఒత్తిడి చేస్తుంటారని అన్నారు. కొత్తగా పెళ్లయిన మహిళ తన భర్త ఇంటి వాతావరణం ఎలా ఉన్నా సరే, దానికి అనుగుణంగా సర్దుకుపోవాల్సి ఉంటుందని అన్నారు. ఎందుకంటే పెళ్లి అన్న రెండు అక్షరాలతో ఆమె ఇంటికి 'యజమాని'గా మారుతుంది కాబట్టి అని అన్నారు. అయినా ఒక మహిళ గృహిణిగా ఉండాలనుకుంటుందా లేదా అనే విషయాన్ని కుటుంబాలు అసలు ఆలోచించవని అన్నారు. ఒకవేళ వివాహిత ఉద్యోగం చేస్తుంటే, ఇంటి పనుల కోసం సహాయకులను (domestic help) నియమించుకోవచ్చని ఆమె సూచించారు. వివాహానికి ముందే జంటలు ఈ విషయం గురించి ఎందుకు చర్చించరని డాక్టర్ బేడీ ప్రశ్నించారు. అలాగే పెళ్లి తర్వాత కూడా ఉద్యోగం కొనసాగిస్తానని, ఇంటి పని కోసం సహాయకులను నియమించుకుంటానని, ఇద్దరూ కలిసి బాధ్యతలు పంచుకుంటూ ఇంటిని నడుపుకోవచ్చని మహిళ స్పష్టంగా చెప్పాలని అన్నారు. తద్వారా ఆమెకు తన ఉద్యోగాన్ని వదులుకోవాల్సిన అవసరం ఉండదని అన్నారు. నిజానికి పురుషులు తమ ఉద్యోగాలను వదలాల్సిన అవసరం ఉండదు కానీ మహిళలకే ఈ పరిస్థితి ఎదురవుతుంటుంది. చాలా సందర్భాల్లో మహిళలు వారి సొంత నిర్ణయంతోనే ఉద్యోగాలు వదిలేస్తుంటారని..ఇది ముమ్మాటికి వాళ్ల తప్పిదమేనని అన్నారు. ఎందుకంటే తాము కూడా సంపాదించి, తమ నిబంధనల ప్రకారం ఇంటిని నడపాలని వారు భావించరు. ఇద్దరూ ఆర్థికంగా సహకరించుకుంటూ మెరుగైన జీవితాన్ని గడపవచ్చని వాళ్లసలు ఆలోచించరు.అలాగే ప్రపంచ బ్యాంక్ 2024 నివేదిక ప్రకారం, మహిళలు "వివాహపరమైన ప్రతికూలత"ను (marriage penalty) ఎదుర్కొంటున్నట్లు చెబుతున్నాయి. భారతదేశంలో పిల్లలు లేకపోయినప్పటికీ, వివాహం తర్వాత మహిళల ఉపాధి రేటు 12% తగ్గుతుంది. అశోక యూనివర్సిటీ నివేదిక ప్రకారం, దాదాపు 73% మంది భారతీయ మహిళలు పిల్లలు పుట్టిన తర్వాత తమ ఉద్యోగాలను వదిలేస్తున్నట్లు గణాంకాలు చెబుతున్నాయి. అంటే ఇక్కడ పెళ్లయిన మహిళ త్వరలోనే ఇల్లు, కుటుంబం, భర్తను చూసుకునే వ్యక్తిగా మారిపోతుందని డాక్టర్ కిరణ్ బేడీ అన్నారు. ఇప్పుడు అదే మహిళ ఉద్యోగం కూడా చేస్తానంటే..ఆమెకు వివాహ జీవితం కష్టమైపోతుందని అన్నారు. ఇక్కడ ఆడపిల్లలు తెలుకోవాల్సింది ఏంటంటే..భర్త నుంచి తగిన మద్దతు లభించడం లేదని భావిస్తే, పెళ్లి తర్వాత కూడా తమ తల్లిదండ్రులతో కలిసి జీవించేంత ధైర్యం, ఆర్థిక స్వాతంత్ర్యం మహిళలకు ఉండాలని ఆమె అన్నారు. పెళ్లి తర్వాత తల్లిదండ్రులను చూసుకోవడానికి వారితో కలిసి ఉండాలనుకునే మహిళను తక్కువగా చూడకూడదని, పైగా అటువంటి నిర్ణయాన్ని అభినందించాలని డాక్టర్ బేడీ పేర్కొన్నారు. (చదవండి: మూతపడిపోవాల్సిన వ్యాపారాన్ని కూతురు నిలబెట్టింది..! ఇవాళ అదికాస్తా..)

టీమిండియా దిగ్గజ క్రికెటర్‌ సచిన్‌ టెండుల్కర్‌ కుమార్తె సారా టెండుల్కర్‌ వ్యక్తిగత జీవితం గురించి ఆసక్తికర వ్యాఖ్యలు చేసింది. తాను కోరుకున్న లక్షణాలు ఉన్న వ్యక్తి తారసపడేంత వరకు పెళ్లి చేసుకోనని స్పష్టం చేసింది. తన తల్లిదండ్రుల మధ్య బలమైన స్నేహ బంధం ఉందని.. అదే వారి అన్యోన్య దాంపత్యానికి పునాది అని పేర్కొంది.కాగా సచిన్‌ టెండుల్కర్‌ కెరీర్‌ తొలి నాళ్లలోనే డాక్టర్‌ అంజలితో ప్రేమలో పడ్డాడు. క్రికెటర్‌గా నిలదొక్కుకున్న తర్వాత ఇరుకుటుంబాలను ఒ‍ప్పించి ఆమెను పెళ్లి చేసుకున్నాడు. వయసులో సచిన్‌ కంటే అంజలి ఆరేళ్లు పెద్ద. అయితే, ఇదేమీ వారి ప్రేమకు అడ్డంకి కాలేదు.అక్క కంటే ముందే తమ్ముడి పెళ్లిముప్పై ఏళ్లకు పైగా వివాహ బంధంలో కొనసాగుతున్న సచిన్‌- అంజలి నేటికీ ఎంతో అన్యోన్యంగా ఉంటూ.. కపుల్‌ గోల్స్‌ సెట్‌ చేస్తున్నారు. వీరి ప్రేమకు గుర్తుగా తొలుత కుమార్తె సారా.. ఆ తర్వాత అర్జున్‌ జన్మించారు. సారా న్యూట్రీషనిస్ట్‌. అదే విధంగా మెడల్‌, కంటెంట్‌ క్రియేటర్‌గా కొనసాగుతూ.. వెల్‌నెస్‌ బిజినెస్‌లోనూ అడుగుపెట్టింది.మరోవైపు.. అర్జున్‌ క్రికెటర్‌గా అదృష్టాన్ని పరీక్షించుకుంటున్నాడు. అయితే, అక్క సారా కంటే ముందే అర్జున్‌ పెళ్లి పీటలెక్కాడు. ప్రముఖ వ్యాపార కుటుంబానికి చెప్పిన సానియా చందోక్‌తో ఈ ఏడాది పెళ్లి బంధంలో అడుగుపెట్టాడు. అయితే, 28 ఏళ్ల సారా ఇప్పటికీ సింగిల్‌గానే ఉంది.అలాంటి వ్యక్తినే పెళ్లి చేసుకుంటాఈ నేపథ్యంలో తాజాగా వోగ్‌ ఇండియాతో మాట్లాడిన సారా టెండుల్కర్‌ తన కాబోయే భర్త ఎలా ఉండాలన్న అంశంపై స్పందించింది. ‘‘నా తల్లిదండ్రులు భార్యాభర్తలు అవడానికంటే ముందు మంచి స్నేహితులు. ఇంట్లో వాళ్లిద్దరి సరదాగా గొడవపడుతూ ఉంటారు. వారిద్దరిని చూస్తే ముచ్చటేస్తుంది.వారి బంధం అత్యద్భుతంగా అనిపిస్తుంది. నాకు కూడా అలా స్నేహంగా ఉండే భాగస్వామి రావాలని కోరుకుంటున్నా. నా ప్రాణ స్నేహితులంతా నా సోల్‌మేట్స్‌ అనే చెప్తాను. అయితే, నా పార్ట్‌నర్‌ను రొమాంటిక్‌ సోల్‌మేట్‌గా చూస్తాను’’ అని సారా పేర్కొంది.ఇక జెన్‌ జీ గురించి ప్రస్తావన రాగా.. ‘‘చాలా మంది త్వరత్వరగా నిశ్చితార్థం చేసుకుని.. పెళ్లికి సమయం దగ్గరపడినపుడు ఒకవేళ.. సదరు వ్యక్తి తనకు సరైన భాగస్వామి అని అనిపించకపోతే.. నిర్భయంగా ఆ బంధాన్ని రద్దు చేసుకుంటున్నారు.నచ్చకపోతే ఎంగేజ్‌మెంట్‌ కూడా రద్దుముందు తరాల వాళ్లు ఇలాంటి నిర్ణయం తీసుకునేందుకు భయపడేవారు. కానీ జెన్‌ జీ నిక్కచ్చిగా తమ నిర్ణయాలను అమలు చేస్తున్నారు. తమకు ఏదైనా విషయం లేదంటే వ్యక్తి నచ్చలేదు.. సదరు వ్యక్తిలో తప్పు ఉందని భావిస్తే వెంటనే ఆ బంధం నుంచి వెనక్కి వచ్చేస్తున్నారు.జెన్‌ జీ ఆత్మవిశ్వాసం, సాధికారిత తమలో ఎక్కువని విశ్వసిస్తున్నారు’’ అని సారా పేర్కొంది. తాను కూడా తొందరపడి పెళ్లి బంధంలో అడుగుపెట్టబోనని.. సరైన పార్ట్‌నర్‌ దొరికినపుడే వివాహం చేసుకుంటానని కుండబద్దలు కొట్టింది. కాగా టీమిండియా టెస్టు, వన్డే కెప్టెన్‌ శుబ్‌మన్‌ గిల్‌తో సారా టెండుల్కర్‌ ప్రేమలో ఉందనే వార్తలు చక్కర్లు కొట్టిన సంగతి తెలిసిందే. అయితే, తాను ఇలాంటి వదంతులను పట్టించుకోనని సారా కొట్టిపారేసింది.చదవండి: ఆ పేరంటే ద్వేషం: ప్రధాని మోదీతో బాక్సర్‌

పశ్చిమగోదావరి: తణుకు అబ్బాయి.. రష్యా దేశ అమ్మాయి వివాహ బంధంతో ఒక్కటయ్యారు. తణుకు పట్టణానికి చెందిన సిర్రా బ్రహ్మయ్య కుమారుడు జానకి రామ్‌ పాల్, రష్యా దేశానికి చెందిన అనస్తాసియా డానిలోవా వివాహం శనివారం స్థానిక వీకే ఫంక్షన్‌ హాలులో క్రైస్తవ సంప్రదాయబద్ధంగా నిర్వహించారు. నాలుగేళ్ల క్రితం జానకి రామ్‌ పాల్‌ బైబిల్‌ కోర్సులో శిక్షణ పొందేందుకు రష్యా దేశానికి వెళ్లారు.అక్కడ అనస్తాసియా డానిలోవాతో ఆయనకు పరిచయం ఏర్పడింది. ఆ పరిచయం క్రమంగా స్నేహంగా, అనంతరం ప్రేమగా మారడంతో ఇద్దరూ వివాహం చేసుకోవాలని నిర్ణయించుకున్నారు. తమ ప్రేమ విషయాన్ని ఇరువురి కుటుంబ సభ్యులకు తెలియజేయగా, వారు కూడా సానుకూలంగా అంగీకరించారు. దీంతో రష్యా నుంచి వచ్చిన అనస్తాసియా కుటుంబ సభ్యులు, తణుకుకు చెందిన రామ్‌ పాల్‌ కుటుంబ సభ్యులు, బంధుమిత్రులు పెద్ద సంఖ్యలో ఈ వేడుకలో పాల్గొని నూతన దంపతులను ఆశీర్వదించారు.

పెళ్లంటే పందిళ్లు ... సందళ్లు... తప్పెట్లు... తాళాలు... రెండు మనసుల కలయికే కాదు, జీవితంతం గుర్తుండిపోయే మధుర జ్ఞాపకాల వేడుక. ఆ జ్ఞాపకాలను పదిలంగా ఉంచి కలకాలం గుర్తుండేలా వాటికి శాశ్వత రూపం ఇచ్చేవి ఫొటోలు, వీడియోలు. ప్రీ వెడ్డింగ్‌ షూట్‌ల నుంచి పెళ్లిలో బంధువుల సందడి, ఆప్యాయ ఆలింగనాలు, వధువును అత్తారింటికి పంపే తల్లిదండ్రుల కంటతడి వరకు ప్రతి ఆనంద క్షణాలూ భావోద్వేగాలూ కాలగర్భంలో కలిసి పోకుండా అవి పదిలంగా ఉంచుతాయి. అందుకే నేటి పెళ్లి తంతులో ఈ ఖర్చు తప్పని సరైంది. లక్షలకు చేరింది.అయితే వీటి చిత్రీకరణలో పొరపాటు జరిగితే; ఆ జ్ఞాపకాలను సరిగా బంధించకపోతే; ఫొటోలు, వీడియోలు ఆశించిన స్థాయిలో రాకపోతే; ఒప్పందం అమలు చేయకపోతే; మానసిక వేదనే మిగులుతుంది. అయితే ఓ జంట ఇలా వేదనతో సరిపుచ్చుకోలేదు. ఒప్పంద ఉల్లంఘనపై వినియోగదారుల ఫోరాన్ని ఆశ్రయించింది. తమ మనో వేదనకు మూల్యం చెల్లించేలా ఆదేశించాలని, ఒప్పందాన్ని ఉల్లంఘించినందుకు పరిహారాన్ని ఇప్పించాలని వేడుకుంది. సేవల్లో లోపంతో పాటు భావోద్వేగాలను ఫోరం అర్థం చేసుకుని తీర్పు వెలువరించింది.కేరళకు చెందిన ఓస్టిన్‌ ఊమచెన్, కావ్య సంతోష్‌ ఇద్దరూ వైద్యులు. వీరిద్దరికి పెళ్లి నిశ్చయం అయింది. కొచ్చిలోని పికోలో వెడ్డింగ్స్‌ సంస్థ ఇన్‌స్టాగ్రామ్‌లో పెట్టిన ఓ పెళ్లి ఫొటోలు, వీడియోలు చూశారు. తమ వివాహ వేడుకను అలాగే పదిలపరుచుకోవాలని భావించి, ఆ సంస్థను సంప్రదించారు.ఒప్పందం... ఉల్లంఘన...బ్రైడ్‌ అండ్‌ గ్రూమ్‌ సైడ్‌ ప్యాకేజీని ఆ జంట ఎంచుకుంది. ఆ ప్యాకేజీ కింద అందించే సేవలను సంస్థ వివరించింది. మొత్తం రూ.95 వేలకు వారి మ«ధ్య ఒప్పందం కుదిరింది. రూ.10 వేలు అడ్వాన్స్‌గా, పెళ్లిరోజు మరో రూ. 70 వేలు చెల్లించారు. 2024లో వీరి వివాహం ఘనంగా జరిగింది. అయితే ఒప్పందంలో పేర్కొన్న ప్రకారం డ్రోన్‌ కెమెరా ద్వారా పెళ్లిని షూట్‌ చేయలేదు. ఆ విషయాన్ని ముందుగా తెలియజేయలేదు. దీంతో మరొకరిని ఏర్పాటు చేసుకునే అవకాశం కూడా లేకుండా పోయిందని ఆ జంట వాదన. మరోవైపు వధువు ఇంట్లో జరిగే వివాహ తంతును చిత్రీకరించేందుకు వెళ్లాల్సిన క్యాండిడ్‌ ఫొటోగ్రాఫర్‌ వెళ్లలేదు. ఒప్పందం ప్రకారం ఇవ్వాల్సిన మూడు వెడ్డింగ్‌ రీల్స్‌ ఊసే ఎత్తలేదు. వివాహం జరిగిన ఆరు నెలల తర్వాత హైలైట్స్‌ వీడియోను వాట్సాప్‌ ద్వారా పంపారు. యూఎస్‌బీలో ఇచ్చిన వెడ్డింగ్‌ స్టోరీ కరెప్ట్‌ అయింది. ఫొటోలు, వీడియో ఎడిటింగ్‌ పరమ నాసిగా ఉన్నాయి. ముఖ్యమైన వేడుకల ఫొటోలు, ఆనంద క్షణాలు క్యాప్చర్‌ కాలేదు. ఇలా ఒప్పందంలోని పలు అంశాలను సంస్థ ఉల్లంఘించింది.ఫోరంలో ఫిర్యాదుఒప్పందాన్ని సంస్థ ఉల్లంఘించిందంటూ ఆ జంట కొట్టాయంలోని వినియోగదారుల ఫోరాన్ని ఆశ్రయించింది. అయితే కమిషన్‌ జారీ చేసిన నోటీసులకు పికోలో వెడ్డింగ్స్‌ సంస్థ స్పందించలేదు. చివరకు ఓ దినపత్రికలో పబ్లిక్‌ నోటీసు ఇచ్చినప్పటికీ ఆ సంస్థ కమిషన్‌ ఎదుట హాజరు కాలేదు. దీంతో ఎక్స్‌పార్టీగా ఫోరం కేసును కొనసాగించింది. ఫిర్యాదుదారులు సమర్పించిన ఆధారాలను పరిశీలించింది. హెలీకామ్‌(డ్రోన్‌) సేవలను అందించనందుకు బిల్లులో ఆ మేరకు తగ్గిస్తూ సంస్థ రశీదు ఇవ్వడాన్ని కోర్టు గుర్తించింది. యూఎస్‌బీ కరెప్ట్‌ అయిన విషయాన్ని పరిశీలించి నిర్ధారించింది. వినియోగదారుల పరిరక్షణ చట్టం–2019 ప్రకారం ఇటువంటి చర్య ‘సేవల్లో లోపం’ పరిధిలోకి వస్తుందని ఫోరం స్పష్టం చేసింది.తీర్పు ఇలా...సంస్థకు చెల్లించిన మొత్తాన్ని ఫిర్యాదుదారులకు తిరిగి ఇవ్వాలని ఫోరం ఆదేశించింది. ఒప్పందాన్ని ఉల్లంఘించి మానసిక వేదనకు గురిచేసినందుకు రూ.2.50 లక్షలు, కోర్టు ఖర్చుల నిమిత్తం మరో 10,000 చెల్లించాలని ఆదేశిస్తూ ఫోరం తీర్పు వెలువరించింది. నిర్ణీత గడువులోగా ఈ మొత్తం అందించకపోతే 9% వడ్డీ చెల్లించాలని పేర్కొంది. ఈ తీర్పు కేవలం ఓ జంటకు నష్టపరిహారం చెల్లించాలని ఆదేశించిన కేసు మాత్రమే కాదు. వృత్తి పరమైన సేవలు అందించే ప్రతి సంస్థపై ఉన్న బాధ్యతను గుర్తు చేసే తీర్పు. ఈ తరహా ఒప్పందాలు కేవలం వ్యాపార లావాదేవీలు కావని, విశ్వాసం, జవాబుదారీతనం, ప్రజల మనోభావాలను అర్థం చేసుకోవాలని ఈ తీర్పు స్పష్టం చేస్తోంది.- దిలీప్‌ మాదిరెడ్డి

భారత క్రికెటర్‌ రమణ్‌దీప్‌ సింగ్‌ ఓ ఇంటివాడయ్యాడు. బుల్లితెర నటి చార్లీ చౌహాన్‌ను పెళ్లి చేసుకున్నాడు. అత్యంత సన్నిహితుల మధ్య వీరి వివాహ వేడుక జరిగింది. ఇందుకు సంబంధించిన ఫొటోలను చార్లీ తాజాగా తన ఇన్‌స్టాగ్రామ్‌ అకౌంట్‌లో షేర్‌ చేయడంతో వైరల్‌గా మారాయి.కేకేఆర్‌ ఆల్‌రౌండర్‌గా..ఈ క్రమంలో నూతన వధూవరులు రమన్‌దీప్‌ సింగ్‌- చార్లీ చౌహాన్‌కు శుభాకాంక్షలు వెల్లువెత్తుతున్నాయి. కాగా చండీగఢ్‌లో 1997లో జన్మించిన రమణ్‌దీప్‌ సింగ్‌.. క్రికెట్‌పై మక్కువతో బ్యాటింగ్‌ ఆల్‌రౌండర్‌గా ఎదిగాడు. దేశవాళీ క్రికెట్‌లో పంజాబ్‌కు ప్రాతినిథ్యం వహిస్తున్న అతడు.. ఐపీఎల్‌లో ముంబై ఇండియన్స్‌ తరఫున 2022లో అరంగేట్రం చేశాడు.ప్రస్తుతం కోల్‌కతా నైట్‌ రైడర్స్‌కు ఆడుతున్న రమణ్‌దీప్‌ సింగ్‌.. ఐపీఎల్‌లో ఇప్పటి వరకు 38 మ్యాచ్‌లు పూర్తి చేసుకున్నాడు. మొత్తంగా 299 పరుగులు తీయడంతో పాటు.. ఏడు వికెట్లను తన ఖాతాలో వేసుకున్నాడు ఈ రైటార్మ్‌ మీడియం పేసర్‌.టీమిండియా తరఫున అరంగేట్రంఇక ఐపీఎల్‌లో సత్తా చాటిన రమణ్‌దీప్‌ సింగ్‌కు 2024లో టీమిండియా సెలక్టర్ల నుంచి పిలుపు వచ్చింది. సౌతాఫ్రికాతో టీ20 సిరీస్‌ సందర్భంగా అతడు అంతర్జాతీయ క్రికెట్‌లో అడుగుపెట్టాడు. భారత్‌ తరఫున ఇప్పటికి రెండు మ్యాచ్‌లు ఆడిన ఈ కుడిచేతి వాటం బ్యాటర్‌ కేవలం 15 పరుగులు చేయడంతో పాటు ఒక వికెట్‌ తీయగలిగాడు.ఎవరీ చార్లీ చౌహాన్‌?చార్లీ చౌహాన్‌ బుల్లితెర నటి. బెస్ట్‌ ఫ్రెండ్స్‌ ఫరెవర్‌ సిరీస్‌లో ఏలా అనే పాత్రతో ఆమె గుర్తింపు పొందింది. ఆ తర్వాత కైసీ యే యారియాన్‌లో ముక్తి వర్ధన్‌ అనే పాత్ర పోషించింది. అదే ఎంటీవీ రోడీ సీజన్‌ 7లోనూ చార్లీ పాల్గొంది.నటుడు కున్వార్‌ అమర్‌తో కలిసి నచ్‌ బలియే అనే డ్యాన్స్‌ ప్రోగ్రామ్‌లోనూ చార్లీ భాగమైంది. గతంలో వీరిద్దరు రిలేషన్‌షిప్‌లో ఉన్నారనే ప్రచారం జరిగింది. ఇక యే హై ఆషికి 4 వంటి షార్ట్‌ ఫిలిమ్స్‌లోనూ చార్లీ నటించింది.కేవలం నటనకే పరిమితం కాకుండా సంగీతం, రైటింగ్‌లోనూ చార్లీకి ప్రవేశం ఉంది. పలు మ్యూజిక్‌ ఆల్బమ్స్‌కి ఆమె రచయితగా పనిచేసింది. అయితే, రమణ్‌దీప్‌ సింగ్‌తో చార్లీ ఎనిమిదేళ్లుగా ప్రేమలో ఉన్నట్లు సమాచారం. పెళ్లి ఫొటోలు పంచుకుంటూ.. ‘‘ఎనిమిదేళ్లుగా మేము.. ఇప్పుడిలా.. శాశ్వత బంధంలోకి అడుగుపెట్టాము’’ అని చార్లీ చౌహాన్‌ ఇచ్చిన క్యాప్షన్‌ను బట్టి ఇది నిజమని తేలింది.చదవండి: మూడేళ్లుగా తిరుతుగున్నా... ప్లీజ్‌ సాయం చేయండి: పంత్‌

ప్రముఖ బాలీవుడ్ నటి షెహనాజ్ గిల్‌ బీటౌన్‌లో సుపరిచితమైన పేరు. ఇటీవలే ఆమె ఇష్క్‌నామా అనే మూవీతో ప్రేక్షకులను పలకరించింంది. తాజాగా ఈ ముద్దుగుమ్మ ప్రేమ, పెళ్లి గురించి ఆసక్తికర కామెంట్స్ చేసింది. తాజాగా ఓ ఇంటర్వ్యూకు హాజరైన షెహనాజ్.. ప్రేమ అంటే ముఖ్యమైన వ్యక్తులకు సమయం, స్వేచ్ఛ ఇవ్వడమేనని అన్నారు. అయితే పెళ్లిళ్లకు తాను దూరంగా ఉండేదాన్ని అని వెల్లడించారు.ప్రేమ, పెళ్లి సంబంధాలపై తన అభిప్రాయాలను షెహనాజ్ గిల్ వెల్లడించారు. మా కుటుంబంలో పెళ్లి చూపులు చిన్న వయసులోనే చూసేవారని తెలిపింది. అమ్మాయిలకు చాలా చిన్న వయసు నుంచే త్వరలో పెళ్లి అవుతుందని చెప్పేవారని గుర్తు చేసుకుంది. ‍అలా వరుడి కోసం అన్వేషణ చాలా ముందుగానే మొదలవుతుందని పేర్కొంది. మా బంధువుల్లో ఒకరు నాకు పెళ్లి చేయాలని చూసింది.. కానీ నేను మాత్రం అస్సలు ఒప్పుకోలేదని తెలిపింది. పెళ్లిళ్లకు వెళ్తే సంబంధాలు కుదర్చడానికి ప్రయత్నిస్తారని షెహనాజ్‌ వెల్లడించింది. అందుకే నేను ఎక్కువగా పెళ్లిళ్లకు వెళ్లడం కూడా మానేసేదాన్ని అని తన అనుభవాన్ని పంచుకుంది. ఇప్పుడు నా కెరీర్‌ పరంగా సక్సెస్ అయ్యానని.. ఇప్పుడు అందరూ నా వెంట పడుతున్నారని నవ్వుతూ చెప్పుకొచ్చింది. కాగా.. షెహనాజ్ గిల్ నటించిన 'ఇష్క్‌నామా' చిత్రం జూలై 24న థియేటర్లలో విడుదలైంది.

హాలీవుడ్‌లో మార్వెల్ సినిమాటిక్‌ యూనివర్స్‌కు ప్రత్యేకమైన క్రేజ్ ఉంది. ఈ యూనివర్స్ నుంచి తాజాగా మరో మూవీ ప్రేక్షకుల ముందుకొచ్చింది. స్పైడర్ మ్యాన్- బ్రాండ్‌ న్యూ డే ప్రస్తుతం బాక్సాఫీస్ వద్ద సందడి చేస్తోంది. ఈ సినిమా ఇప్పటికే ఇండియన్‌ బాక్సాఫీస్ వద్ద రూ.300 కోట్లకు పైగా వసూళ్లు సాధించింది. ప్రపంచవ్యాప్తంగా చూస్తే రూ.10 వేల కోట్ల మార్క్ దిశగా దూసుకెళ్తోంది.ఈ మూవీకి ఇండియాలోనూ విపరీతమైన క్రేజ్ ఉంది. మనదేశంలోనూ కళ్లు చెదిరే కలెక్షన్స్ రాబడుతోంది. ఈ నేపథ్యంలో స్పైడర్‌ మ్యాన్ జంట టామ్ హాలెండ్‌, జెండయాకు సంబంధించిన ఓ ఏఐ వీడియో సోషల్ మీడియాలో వైరల్‌గా మారింది. వీరిద్దరికీ ఏకంగా దక్షిణాది సంప్రదాయంలో పెళ్లి చేసిన వీడియో ఆసక్తిగా మారింది. ఈ పెళ్లి వేడుకలో సూపర్ హీరోస్, అవెంజర్స్ సందడి చేయడం.. దగ్గరుండి పెళ్లి వంటలు, భోజనాలు చేయడం చూస్తుంటే ఆడియన్స్‌కు నవ్వులు తెప్పిస్తోంది. ఈ ఫన్నీ ఏఐ వీడియో మీరు కూడా చూసి ఎంజాయ్ చేయండి. View this post on Instagram A post shared by Hafiz (@ihafix)

ప్రముఖ సీనీ దర్శకుడు రామ్‌ గోపాల్‌ వర్మ(ఆర్జీవీ) పర్సనల్‌ గురించి గత మూడు, నాలుగు రోజులుగా ఓ వార్త నెట్టింట చక్కర్లు కొడుతోంది. ఓ స్టార్‌ హీరోయిన్‌ని ఆయన సీక్రెట్‌గా పెళ్లి చేసుకున్నాడట. ఈ విషయాన్ని అప్పట్లో చిరంజీవినే మీడియాకు లీకు చేశాడని బాలీవుడ్‌ సీనియర్‌ జర్నలిస్ట్‌ జ్యోతి వెంకటేశ్ చెప్పారు. తాజాగా ఆయన ఓ పాడ్‌కాస్ట్‌లో మాట్లాడుతూ.. ఆర్జీవీ సీక్రెట్‌ పెళ్లి గురించి చిరంజీవినే తనతో చెప్పాడని అన్నారు.‘ఓ రోజు చిరంజీవి దగ్గరకు వెళ్తే.. 'హేయ్ జ్యోతి... ఊర్మిళను రామ్ గోపాల్ వర్మ పెళ్లి చేసుకుంది రాయలేదని చిరంజీవి నాతో అన్నారు. వారికి పెళ్లి ఎప్పుడు జరిగింది? అని నేను ఆయన్ను అడిగాను. ఆంధ్రప్రదేశ్‌ో ఓ ప్రముఖ ఆలయంలో ఊర్మిళను తీసుకెళ్లి ఆర్జీవీ పెళ్లి చేసుకున్నారని చెప్పారు. మీ దగ్గర ప్రూఫ్ ఏంటని అడిగాను. వారి పెళ్లి చేసిన పూజారి ఫోన్ నెంబర్ నాకు ఇచ్చారు. నేను ఆర్టికల్‌ రాయడానికి ముందే ఊర్మిళకు ఫోన్‌ చేశా. ఆమె ఏడుస్తూ.. ‘ నా గురించి మీరు అలా ఎలా రాస్తారు. నేను ఇండస్ట్రీలోకి వచ్చినప్పటి నుంచి నా గురించి మీకు తెలుసు కదా’ అని అన్నారు. ఇదే విషయం ఆర్జీవీకి కాల్ చేస్తే 'నో కామెంట్' అని అన్నారు. దీంతో ఇద్దరి సైడ్ నుంచి స్టోరీ రాశాను’ అని జ్యోతి వెంకటేశ్ చెప్పుకొచ్చారు. ప్రస్తుతం ఈ సీనియర్ జర్నలిస్ట్ చేసిన వ్యాఖ్యలు సోషల్ మీడియాలో విపరీతంగా వైరల్ అవుతున్నాయి. అయితే సీక్రెట్‌ పెళ్లిపై అటు ఊర్మిళా కనీ, ఇటు ఆర్జీవి కానీ ఇప్పటివరకు స్పందించకపోవడం గమనార్హం.ఆర్జీవీతో పెళ్లి జరిగిందో లేదో తెలియదు కానీ.. 2016 లో మోహ్సిన్ అక్తర్ మీర్ ని ఊర్మిళ వివాహం చేసుకుంది. కొన్నాళ్ల తర్వాత ఇద్దరి మధ్య విభేదాలు రావడంతో.. 2024లో విడాకులు తీసుకున్నారు. ప్రస్తుతం ఊర్మిళ సింగిల్ గానే ఉంటుంది. అప్పట్లో ఆర్జీవీ, ఊర్మిళ కాంబో ఓ సంచలనం. వీరిద్దరి కాంబోలో వచ్చిన గాయం, రంగీలా, సత్య, అంతం, దౌడ్ వంటి మూవీస్ బాక్సాఫీస్ వద్ద సంచలన విజయం సాధించాయి. Jyothi Venkatesh spills tea on SECRET marriage of Ramgopal verma with urmila mamdodkat🤯They married in Temple, Chiranjevii leaked temple priest's direct phone number to expose the secret wedding👀When asked Urmila, she started crying & Ram Gopal Varma replied "no comments" pic.twitter.com/xxeGrfMudP— Chota Don (@choga_don) July 30, 2026

చిత్తూరు జిల్లా: నెల రోజుల క్రితం ఇంటి నుంచి వెళ్లిపోయిన వివాహిత ప్రియుడితో కలిసి కొత్త కాపురం పెట్టగా బంధువులు పట్టుకున్న సంఘటన చిత్తూరు జిల్లా గుడుపల్లి మండలం బెగ్గిలిపల్లిలో చోటు చేసుకుంది. దీనికి సంబంధించిన వివరాలిలా ఉన్నాయి. శాంతిపురం మండలంలోని బిఎం గొల్లపల్లికి చెందిన శోభకు గుడుపల్లి మండలం గుడికొత్తూరు గ్రామానికి చెందిన చిరంజీవితో 8 ఏళ్ల క్రితం వివాహమైంది. వీరికి ఆరేళ్ల పాప, నాలుగేళ్ల బాబు ఉన్నారు. ఈ నేపద్యంలో శోభ(27)కు సామాజిక మాధ్యామాల ద్వారా గుంటూరు జిల్లా కండ్రిగకు చెందిన బాలాజీ నాయక్‌(22)తో పరిచయమైంది. ఈ పరిచయం ముదిరి ఒకరిపై ఒకరు ఇష్టాన్ని పెంచుకున్నారు. దీంతో నెల రోజుల క్రితం శోభ ఇంటి నుంచి పరారు కావటంతో తన భార్య కనిపించడం లేదని ఆమె భర్త పోలీసులకు ఫిర్యాదు చేశాడు. ఈ నేపద్యంలో శోభ మరో యువకుడితో కలిసి బెగ్గిలిపల్లిలో ఉంటున్నట్టు గుర్తించిన చిరంజీవి తరపు బంధువులు ఆ ఇద్దరినీ పట్టుకుని పోలీసులకు అప్పగించారు. రాంగ్‌ నెంబర్‌ ద్వారా పరిచయమైన శోభ బలవంతంతో ఆమెను పెళ్లి చేసుకున్నానని బాలాజీ నాయక్‌ చెప్పాడు. తను చెప్పినట్టు వినకపోతే ఆత్మహత్య చేసుకుని చనిపోతానని బెదిరించటంతో ఆమెతో ఉన్నానన్నాడు. తన భర్త అనుమానంతో వేధింపులకు పాల్పడటంతో ఇన్‌స్ట్రాగామ్‌ ద్వారా పరిచమైన బాలాజీ నాయక్‌ను ఇష్టపడి తనతో తాళి కట్టించుకున్నానని శోభ చెప్పింది. ఈ వ్యవహారాన్ని పరిష్కరించేందుకు పోలీసులు తలలు పట్టుకొంటున్నారు.

వాషింగ్టన్‌: అమెరికా ఆర్మీలో పనిచేస్తున్న ఓ సైనికుడిని వివాహం చేసుకున్న భారతీయ మహిళ సోషల్ మీడియాలో షేర్ చేసిన వీడియో ప్రస్తుతం నెట్టింట వైరల్‌గా మారింది. అమెరికన్‌ సైనికుడిని పెళ్లి చేసుకోవడం వల్ల తమకు లభించే మూడు ప్రధాన ప్రభుత్వ ప్రయోజనాల గురించి ఆమె వివరించారు. ఈ వీడియో చూసిన నెటిజన్లు.. అబ్బా.. ఇన్ని సౌకర్యాలా! అంటూ ఆశ్చర్యం వ్యక్తం చేస్తున్నారు.భారతీయ మహిళ పేరు మేఘనా. ఆమె అమెరికా ఆర్మీలో పనిచేస్తున్న సైనికుడు మైఖేల్ లేలాండ్ హిల్‌ను వివాహం చేసుకున్నారు. ఈ సందర్భంగా అమెరికన్‌ సైనికుడిని వివాహం చేసుకుంటే లభించే ప్రయోజనాలను వివరిస్తూ సోషల్ మీడియాలో ఓ వీడియోను షేర్‌ చేశారు. ఈ వీడియోలో మైఖేల్ లేలాండ్ హిల్ మాట్లాడుతూ.. ప్రధాన ప్రయోజనాల్లో ఒకటి ఎడ్యుకేషన్‌ అని చెప్పారు. అమెరికాలో సైనిక కుటుంబాలకు అందుబాటులో ఉన్న కొన్ని విద్యా ప్రయోజనాల కింద అర్హతను బట్టి ఉన్నత విద్య కోసం ఆర్థిక సహాయం, భత్యాలు లభిస్తాయని వివరించారు. కొన్ని విద్యా పథకాల కింద నెలవారీ భత్యం కూడా లభిస్తుందని తెలిపారు.రెండో ప్రధాన ప్రయోజనం హెల్త్‌ ఇన్సూరెన్స్‌ అని పేర్కొన్నారు. అమెరికా ప్రభుత్వానికి చెందిన డిపార్ట్‌మెంట్ ఆఫ్ వెటరన్స్ అఫైర్స్‌తో పాటు ఇతర సైనిక ఆరోగ్య పథకాల ద్వారా అర్హులైన సైనికులు, మాజీ సైనికులు, వారి కుటుంబ సభ్యులు వైద్య సేవలు పొందే అవకాశం ఉంటుందని వివరించారు.మూడో ప్రయోజనంగా వీఏ హోమ్ లోన్ సౌకర్యాన్ని ప్రస్తావించారు. ఈ పథకం ద్వారా అర్హులైన మాజీ సైనికులు, సేవలో ఉన్న సైనికులు తక్కువ ముందస్తు చెల్లింపుతో లేదా కొన్ని సందర్భాల్లో డౌన్ పేమెంట్ లేకుండానే గృహ రుణం పొందే అవకాశం ఉంటుందని తెలిపారు. రుణానికి సంబంధించిన కొన్ని ఫీజులు మాత్రమే చెల్లించాల్సి ఉంటుందని పేర్కొన్నారు.ఈ వీడియోకు సోషల్ మీడియాలో విశేష స్పందన లభించింది. వేలాది మంది కామెంట్లు చేశారు. చాలా మంది భారతీయులు దీనిని భారత సాయుధ దళాల్లో అందించే సౌకర్యాలతో పోల్చారు.

భారతీయ వివాహాలు అనగానే అందరికీ ముందుగా గుర్తొచ్చేది ఆడంబరం, వైభవం, భారీ ఖర్చులు. మరీ ముఖ్యంగా సోషల్ మీడియా యుగంలో ‘బిగ్ ఫ్యాట్ వెడ్డింగ్స్’ సంస్కృతి మరింత శృతిమించింది. కొద్ది గంటలు లేదా కొన్ని రోజుల పాటు జరిగే వేడుకల కోసం రూ.లక్షలు ఖర్చు చేయడం పరిపాటైపోయింది. అయితే, ఈ ఆడంబరాల సంస్కృతిపై ఒక యువతి అభిప్రాయాలు ప్రస్తుతం సామాజిక మాధ్యమాల్లో చర్చనీయాంశంగా మారాయి.జీవితంలో ఘోరమైన తప్పు ఇదే!ఇన్‌స్టాగ్రామ్ యూజర్ ప్రణతి తన రాబోయే వివాహం కోసం రూ.30 లక్షలు ఖర్చు చేయాల్సి రావడంపై తీవ్ర విచారం వ్యక్తం చేశారు. తన జీవితంలో ఇది అత్యంత ఘోరమైన తప్పిదం అన్నారు. సామాజిక నిబంధనలు, సమాజం విధించిన ఆచారాల కోసమే తాను ఈ ఖర్చు భరించాల్సి వస్తోందని ఆవేదన వ్యక్తం చేస్తూ ఆమె పలు వ్యాఖ్యలు చేశారు.‘20 ఏళ్ల వయసున్నవారు తమ కష్టార్జితంలో లేదా సంపదలో మెజారిటీ భాగాన్ని కేవలం ఒక్క రోజు వేడుక కోసం ఎందుకు ఖర్చు చేస్తారో నాకు ఇప్పటికీ అర్థం కావడం లేదు. రూ.30 లక్షలు అనేది కేవలం పెళ్లి బడ్జెట్ మాత్రమే కాదు.. అది ఒక సొంతింటి డౌన్ పేమెంట్! ఒక కొత్త వ్యాపారానికి మొదటి పెట్టుబడి. మహిళల కోణంలో ఆలోచిస్తే ఏళ్ల తరబడి చేసే ఎస్‌ఐపీల మొత్తం. కానీ, సమాజం కోసం మనం దీన్ని వృథాగా ఖర్చు చేస్తున్నాం’ అన్నారు.ఆర్థిక స్వేచ్ఛను దెబ్బతీస్తున్న ఆడంబరాలుఈ మొత్తాన్ని ఆదా చేసుకుంటే ఒక వ్యక్తి జీవిత గమనమే మారిపోతుందని ప్రణతి అన్నారు. ఆ నిధి ఇచ్చే ఆర్థిక వెసులుబాటుతో..నచ్చని ఉద్యోగాన్ని నిర్దాక్ష్యణ్యంగా వీడవచ్చు.మానసిక ప్రశాంతత లేని చెడు బంధాల నుంచి విముక్తి పొందవచ్చు.కెరీర్‌లో అవసరమైనప్పుడు విరామం తీసుకునే స్వేచ్ఛ లభిస్తుంది.‘మనం పుట్టినప్పుడే తల్లిదండ్రులు ఈ మొత్తాన్ని మన పేరిట పెట్టుబడి పెట్టడం ప్రారంభిస్తే.. మనకు 25 ఏళ్లు వచ్చేసరికి వారు కేవలం పెళ్లి మాత్రమే కాదు, ఆర్థిక స్వేచ్ఛను బహుమతిగా ఇచ్చినవారవుతారు. వివాహాలు జ్ఞాపకాలను మాత్రమే ఇస్తాయి. కానీ సంపద ఎన్నో సౌకర్యాలను ఇస్తుంది. అందుకే ఆడంబరమైన పెళ్లిళ్లకు నేను స్వస్తి పలుకుతున్నాను’ అని ఆమె స్పష్టం చేశారు.భారతదేశంలో వివాహం అనేది కేవలం ఇద్దరి కలయిక మాత్రమే కాదు, అదొక సామాజిక హోదాగా మారింది. అయితే, సమాజం చూపించే ఆడంబరాల ఉచ్చులో పడి యువత తమ భవిష్యత్తు ఆర్థిక భద్రతను, ప్యాషన్లను బలిపెడుతోందనడానికి ప్రణతి లేవనెత్తిన పాయింట్లు నిదర్శనం. వివాహ వేడుకల ఆడంబరం కంటే ఆ తర్వాత ప్రారంభమయ్యే జీవితానికి అవసరమయ్యే ఆర్థిక స్థిరత్వానికే నేటి యువత ప్రాధాన్యమివ్వాలని నిపుణులు చెబుతున్నారు. View this post on Instagram A post shared by Pranati’s Brain (@pranati.2000)ఇదీ చదవండి: రైల్వే తత్కాల్ బుకింగ్‌లో మార్పులు

న్యూఢిల్లీ: కాక్రోచ్ జనతా పార్టీ (సీజేపీ) వ్యవస్థాపకుడు అభిజీత్ దీప్కే (30)కి వరుసగా పెళ్లి సంబంధాలు వస్తున్నాయని ఆయన తల్లిదండ్రులు తెలిపారు. అభిజీత్ దిప్కే తల్లి అనితా దీప్కే మీడియాతో మాట్లాడుతూ.. నీట్ ప్రశ్నపత్రం లీక్ ఆరోపణలపై సీజేపీ ఆందోళన ప్రారంభం కాకముందు కూడా పెళ్లి సంబంధాలు కొన్ని వచ్చాయని, జంతర్‌ మంతర్‌ వద్ద ఆందోళన తర్వాత వాటి సంఖ్య బాగా పెరిగిందని తెలిపారు. అభిజీత్ బోస్టన్‌లో ఉన్న సమయంలో అతడి గురించి పెళ్లి విషయం గురించి కుటుంబ సభ్యులు మాట్లాడారని, కానీ తన ప్లాన్స్‌ గురించి ఆయన పెద్దగా చెప్పలేదని ఆమె తెలిపారు. "దాని గురించి ఆయన ఎక్కువగా మాట్లాడలేదు. చిరునవ్వు మాత్రమే నవ్వాడు. తల్లిదండ్రులుగా పెళ్లి చేసుకోవాలని మేము ఒత్తిడి చేస్తున్నాం. ఇంకొన్ని రోజుల్లో ఆయన ఇంటికి తిరిగి వచ్చిన తర్వాత ఈ విషయాన్ని మళ్లీ ప్రస్తావించి, తుది నిర్ణయం ఆయనకే వదిలేస్తాం" అని ఆమె తెలిపారు. ఇప్పుడు దీప్కే అంటే చాలా మంది అమ్మాయిలు పడిచస్తుండడంతో ఆయన జంతర్ మంతర్ నుంచి నేరుగా పెళ్లి మండపానికే వెళ్తాడేమోనని నెటినన్లు అంటున్నారు.ఉద్యమం కొనసాగుతుంది..సీజేపీ ఉద్యమం కొనసాగుతుందని ఆ సంస్థ నేతలు అంటున్నారు. ఆందోళన విరమించడం ఉద్యమానికి ముగింపు కాదని దీప్కే తెలిపారు. ఎక్స్‌లో చేసిన పోస్టులో, సీజేపీ "ఇంకా చాలా దూరం వెళ్లాల్సి ఉంది" అని పేర్కొంటూ, నిరసన ముగింపు "కేవలం ఆరంభం మాత్రమే" అని చెప్పారు.పరీక్షల వివాదం సమయంలో ఆత్మహత్య చేసుకున్న విద్యార్థుల కుటుంబాలకు రూ.కోటి పరిహారం ఇవ్వాలని కూడా ఆయన డిమాండ్ చేశారు. అయితే బాధిత కుటుంబాలకు సాధ్యమైనంత గరిష్ఠ పరిహారం అందిస్తామని కేంద్రం తెలిపింది.విద్యా సంస్కరణల కోసం సీజేపీ ప్రచారం కొనసాగిస్తుందని, ఉద్యమాన్ని గ్రామీణ స్థాయికి తీసుకెళ్తామని కూడా సీజేపీ నాయకులు సూచించారు. సీజేపీ ప్రతినిధి సౌరవ్ దాస్ మాట్లాడుతూ.. విద్యా వ్యవస్థ, పాలనలో సంస్కరణల కోసం ప్రయత్నిస్తూనే యువతను ప్రభావితం చేసే అంశాలను సంస్థ ప్రస్తావిస్తుందని చెప్పారు.ఎన్నికల రాజకీయాల్లోకి ప్రవేశించడం ప్రస్తుతం తమ ప్రాధాన్యం కాదని, యువత సమస్యలను ప్రభుత్వాలు పరిష్కరించేలా చూడటంపైనే దృష్టి ఉందని కూడా దాస్ తెలిపారు. భవిష్యత్తులో రాజకీయాల్లోకి ప్రవేశించే అవకాశాన్ని సీజేపీ నాయకుడు రాంకా పూర్తిగా తోసిపుచ్చనప్పటికీ, దేశ విద్యా వ్యవస్థలో సంస్కరణల కోసం ఒత్తిడి కొనసాగించడమే తక్షణ లక్ష్యమని చెప్పారు.

గతేడాది జూన్‌లో అక్కినేని అఖిల్–జైనాబ్ వివాహ బంధంలోకి అడుగుపెట్టిన విషయం తెలిసిందే. చాలా సాదాసీదాగా జరిగిన ఆ పెళ్లి వేడుక తర్వాత సోషల్ మీడియాలో వీరిద్దరిపై కొంతమంది ట్రోలింగ్ చేశారు. ముఖ్యంగా జైనాబ్ వయసు, ఆమె మతం వంటి అంశాలను ప్రస్తావిస్తూ విమర్శలు చేశారు. తాజాగా ఈ విషయంపై అఖిల్ స్పందించాడు. తనకు, తన భార్యకు మధ్య ఉన్న వయసు వ్యత్యాసం, ఆమె మతం వంటి విషయాలు తనకు అసలు సమస్యగా అనిపించలేదని ఆయన స్పష్టం చేశాడు. పెళ్లికి ముందే వీటిపై తామిద్దరం మాట్లాడుకున్నాం. అప్పట్లో కొన్ని నెలల పాటు తనపై, తన భార్యపై నడిచిన ట్రోలింగ్ గురించి ఆలోచించాలా.. లేక రాబోయే నా 50 ఏళ్ల జీవితం గురించి ఆలోచించాలా.. నేను నా జీవితం గురించి ఆలోచించాను. ఇవన్నీ నా దృష్టిలో చాలా చిన్నవి. తన భార్యగా మారిన తర్వాత ఇలాంటి నెగెటివ్ పోస్టులు వస్తాయని ముందే చెప్పాను.వాటిపై మానసికంగా సిద్ధంగా ఉండమని సూచించాను. జైనాబ్ అదే విధంగా పరిణతి చూపింది. తమ జంటపై వచ్చిన ప్రతి ట్రోలింగ్‌ను దీవెనగా తీసుకున్నాం. కులం, మతం, వయసు, ప్రేమ అన్నింటినీ దాటి తమ మధ్య అద్భుతమైన అవగాహన ఉందని చెప్పాడు. తాను మానసికంగా, శారీరకంగా కష్టకాలంలో ఉన్నప్పుడు జైనాబ్ అందించిన సపోర్ట్‌ను ఎప్పటికీ మరిచిపోలేను. అక్కడ్నుంచే తమ మధ్య అండర్‌స్టాండింగ్ మరింత బలపడింది. సోషల్ మీడియాలో కనిపించే ట్రోల్స్ నుంచి తనను రక్షించలేను. కానీ వాటిని తను ఎలా స్వీకరించిందనే అంశంపైనే ఆధారపడి ఉంటుంది. ఈ విషయంలో జైనాబ్ ఎంతో పరిణతి చూపింది. ఐదేళ్ల రిలేషన్‌షిప్‌లో తనను బాగా అర్థం చేసుకుందని అఖిల్ పేర్కొన్నాడు. అఖిల్ లెనిన్ మూవీతో సూపర్ హిట్ చిత్రాన్ని తన ఖాతాలో వేసుకున్నాడు. మురళి కిశోర్ అబ్బూరి డైరెక్షన్‌లో వచ్చిన ఈ మూవీ బాక్సాఫీస్ వద్ద హిట్ టాక్‌ను సొంతం చేసుకుంది. మూడేళ్ల గ్యాప్ తర్వాత వచ్చిన అఖిల్.. ఎ‍ట్టకేలకు అయ్యగారే నంబర్‌వన్‌ అనిపించుకున్నారు. ఈ చిత్రంలో అఖిల్ సరసన భాగ్యశ్రీ బోర్సే హీరోయిన్‌గా నటించిన విషయం తెలిసిందే.

నూతనంగా వివాహ బంధంలోకి అడుగుపెట్టిన జంటలకు తొలి ఏడాది ఎంతో మనోహరంగా, అదే సమయంలో బాధ్యతాయుతంగా సాగుతుంది. కొత్త జీవితాన్ని పంచుకుంటున్నప్పుడు భావోద్వేగ అనుబంధంతో పాటు ఆర్థిక సమీకరణాలను చక్కదిద్దుకోవడం చాలా ముఖ్యం. భార్యాభర్తల మధ్య ఆర్థిక పారదర్శకత లోపిస్తే భవిష్యత్తులో అనవసర మనస్పర్ధలు తలెత్తే అవకాశం ఉందని ఆర్థిక నిపుణులు హెచ్చరిస్తున్నారు. తొలి ఏడాదిలోనే తీసుకునే ఐదు కీలక ఆర్థిక నిర్ణయాలు దంపతుల జీవితానికి బలమైన, సురక్షితమైన పునాది వేస్తాయని చెబుతున్నారు.పారదర్శక సంభాషణ.. ఉమ్మడి బడ్జెట్ముందుగా ఇద్దరి ఆదాయాలు, ఉన్న రుణాలు, వ్యక్తిగత ఆర్థిక లక్ష్యాలపై ఒకరికొకరు స్పష్టమైన అవగాహన కలిగి ఉండాలి. నెలవారీ నిత్యావసర ఖర్చులు, పొదుపు కోసం స్పష్టమైన బడ్జెట్‌ను తయారు చేసుకోవాలి. ఉమ్మడి గృహ ఖర్చుల కోసం ఒక జాయింట్ బ్యాంక్ అకౌంట్, వ్యక్తిగత స్వేచ్ఛాయుత ఖర్చుల కోసం ప్రత్యేక ఖాతాలను నిర్వహించడం ఉత్తమం.అత్యవసర నిధి ఏర్పాటుజీవితంలో ఎదురయ్యే ఊహించని సవాళ్లను ఎదుర్కొనేందుకు కనీసం 3-6 నెలల కుటుంబ ఖర్చులకు సరిపడా మొత్తాన్ని ద్రవ్యరూపంలో (లిక్విడ్ ఫండ్స్ లేదా ఫిక్స్డ్ డిపాజిట్) ఎమర్జెన్సీ ఫండ్‌గా పక్కన పెట్టాలి. ఇది ఉద్యోగ మార్పులు లేదా ఆకస్మిక వైద్య అత్యవసర సమయాల్లో ఆర్థిక రక్షణగా నిలుస్తుంది.ఇన్సూరెన్స్ కవరేజ్వివాహానంతరం హెల్త్ ఇన్సూరెన్స్ విధానాన్ని అప్‌డేట్‌ చేసుకోవాలి. వేర్వేరు పాలసీల కంటే ఇద్దరినీ కవర్ చేసే ఫ్యామిలీ ఫ్లోటర్ ప్లాన్‌ను ఎంచుకోవడం లేదా కంపెనీ అందించే గ్రూప్ ఇన్సూరెన్స్‌లో జీవిత భాగస్వామి పేరును చేర్చడం ప్రయోజనకరం. అలాగే, టర్మ్ లైఫ్ ఇన్సూరెన్స్, బ్యాంక్ అకౌంట్లలో భాగస్వామిని ప్రాథమిక నామినీగా మార్చడం మరచిపోకూడదు.అప్పుల నిర్వహణవివాహానికి ముందు ఉన్న వ్యక్తిగత రుణాలు, విద్యా రుణాలు లేదా క్రెడిట్ కార్డ్ బకాయిలను వీలైనంత త్వరగా తగ్గించుకునే ప్రణాళిక రూపొందించుకోవాలి. సకాలంలో ఈఎంఐలు చెల్లిస్తూ ఇద్దరి సిబిల్ స్కోర్లను మెరుగుపరచుకోవడం భవిష్యత్తులో హోమ్ లోన్ వంటి పెద్ద రుణాలకు మార్గం సుగమం చేస్తుంది.దీర్ఘకాలిక లక్ష్యాలుసొంత ఇల్లు, విదేశీ పర్యటనలు, పిల్లల భవిష్యత్తు, రిటైర్మెంట్ వంటి దీర్ఘకాలిక లక్ష్యాల కోసం మొదటి ఏడాది నుంచే ఈక్విటీ మ్యూచువల్ ఫండ్స్ (సిప్‌), పబ్లిక్ ప్రావిడెంట్ ఫండ్ (పీపీఎఫ్‌) లేదా నేషనల్ పెన్షన్ సిస్టమ్ (ఎన్‌పీఎస్‌) వంటి సాధనాల్లో పెట్టుబడులు ప్రారంభించాలి.ఆర్థిక క్రమశిక్షణ అనేది ఒక రోజులో వచ్చేది కాదు. దంపతులిద్దరూ క్రమం తప్పకుండా ప్రతి నెలా తమ ఆర్థిక స్థితిగతులను సమీక్షించుకోవాలి. పరస్పర సహకారంతో అడుగులు వేస్తే మొదటి ఏడాదే కాదు, రాబోయే సమస్త జీవితం సమృద్ధిగా, సుఖమయంగా మారుతుంది.ఇదీ చదవండి: ఒక్క బ్యాంకూ లోన్‌ ఇవ్వకపోయినా ‘డీటీడీసీ’ ఎలా సాధ్యమైందంటే..

మీరట్‌ : ఒకే వ్యక్తిని ముగ్గురు సొంత అక్కాచెల్లెళ్లు వివాహం చేసుకున్న ఘటన దేశవ్యాప్తంగా చర్చనీయాంశంగా మారింది. ఈ ఘటనకు సంబంధించిన వీడియోలు సోషల్ మీడియాలో వైరల్ అవుతుండగా, దీనిపై మద్దతు, వ్యతిరేక అభిప్రాయాలు వ్యక్తమవుతున్నాయి.సమాచారం ప్రకారం.. ఉత్తరప్రదేశ్‌లోని ధౌరియా గ్రామానికి చెందిన సరోజ్ (20), సావిత్రి (19), సంతోష్ (18) సొంత అక్కాచెల్లెళ్లు. వీరు సోషల్ మీడియా ఇన్‌ఫ్లుయెన్సర్లుగా వీడియోలు రూపొందిస్తూ ఆదాయం పొందుతున్నారు. శ్యామ్‌పురి గ్రామానికి చెందిన వికాస్ అలియాస్ విక్కుతో జూలై 17న ఆలయంలో వివాహం చేసుకున్నట్లు వారు ప్రకటించారు. ఆ వికాస్‌ ఎవరో కాదు.. సోషల్‌ మీడియా ఇన్‌ఫ్లూయన్సర్లుగా పనిచేస్తున్న ముగ్గురు అక్కా చెల్లెళ్లకు వికాస్‌ కెమెరా మెన్‌గా, కంటెంట్‌గా అనుగుణంగా భర్తగా నటించాడు. ఇప్పుడు ఆ రీల్‌ భర్తే.. రియల్‌ భర‍్తయ్యాడు. వివాహం అనంతరం విడుదల చేసిన వీడియోలో, చిన్నప్పటి నుంచి తాము ఎప్పుడూ కలిసి పెరిగామని, భవిష్యత్తులో కూడా విడిపోవాలని కోరుకోవడం లేదని అక్కాచెల్లెళ్లు తెలిపారు. కుటుంబ సభ్యులు వేర్వేరుగా పెళ్లిళ్లు చేయాలని ప్రయత్నించడంతో, విడిపోవడం కంటే ఒకే వ్యక్తిని వివాహం చేసుకోవాలని నిర్ణయించుకున్నామని చెప్పారు.వికాస్ కూడా వారి పరిస్థితిని అర్థం చేసుకుని, వారిని విడదీయకుండా కలిసి ఉండేలా ఈ వివాహానికి అంగీకరించినట్లు వెల్లడించాడు. ప్రస్తుతం అతను తన అత్తగారి ఇంట్లోనే నివసిస్తున్నట్లు సమాచారం. అయితే ఈ వివాహంపై స్థానిక హిందూ సంస్థలు తీవ్ర అభ్యంతరం వ్యక్తం చేశాయి. సనాతన సంప్రదాయాలకు, సామాజిక కట్టుబాట్లకు ఇది విరుద్ధమని పేర్కొంటూ సంబంధిత అధికారులను చర్యలు తీసుకోవాలని కోరాయి.ఇదిలా ఉండగా, వివాహం జరిగినట్లు ప్రచారం జరుగుతున్న చాముండ మాత ఆలయ నిర్వహణ మాత్రం ఆ సమయంలో ఆలయంలో సుందరీకరణ పనులు జరుగుతున్నాయని, అక్కడ ఎలాంటి పూజారి లేరని స్పష్టం చేసింది.వివాదం నేపథ్యంలో స్పందించిన ముగ్గురు సోదరీమణులు మరో వీడియో విడుదల చేశారు. మేము ఏ తప్పూ చేయలేదు. ఇది ప్రేమతో తీసుకున్న నిర్ణయం. మేమంతా పెద్దవాళ్లమే. మేము సంతోషంగా ఉన్నప్పుడు ఇతరులకు సమస్య ఏమిటి? అని ప్రశ్నించారు. అలాగే, పూర్వకాలంలో రాజులకు ఒకటి కంటే ఎక్కువ మంది భార్యలు ఉండేవారు. అప్పుడు అది తప్పుగా పరిగణించలేదే, ఇప్పుడు ఎందుకు అభ్యంతరం వ్యక్తం చేస్తున్నారు?.అని వ్యాఖ్యానించారు.ఈ ఘటనపై పోలీసులు కూడా సమాచారం అందుకున్నట్లు హసన్‌పూర్ కొత్వాలి ఇన్‌చార్జ్ రాజేష్ కుమార్ తివారీ తెలిపారు. అయితే ఈ వివాహానికి సంబంధించిన చట్టపరమైన అంశాలు, అధికారిక నమోదు వంటి విషయాలపై ఇప్పటివరకు స్పష్టత లేదు. ప్రస్తుతం ఈ ఘటన సోషల్ మీడియాలో విస్తృతంగా చర్చకు దారితీస్తోంది.

నిజామాబాద్‌కు చెందిన ఓ యువతి ఆంధ్రప్రదేశ్‌కు చెందిన యువకుడిని ప్రేమించి పెళ్లి చేసుకుంది. యువతి తల్లిదండ్రులు ఈ మధ్య కూతురు, అల్లుడి వద్దకు వెళ్లారు. అయితే తన తల్లిదండ్రులకు మటన్‌ వండకుండా చికెన్‌ వండారని భర్తతో గొడవపడింది. వారి మధ్య తలెత్తిన మనస్పర్థలు పోలీస్‌ స్టేషన్‌కు చేరాయి. పెళ్లయిన నాలుగు నెలలకే తనకు విడాకులు కావాలని అంటోంది ఆ యువతి.మోపాల్‌ మండలం న్యాల్‌కల్‌కు చెందిన సంధ్య తన భర్త ప్రశాంత్‌ను నిద్రమాతలను పొడిగా చేసి, టాయిలెట్‌ క్లీనర్‌ను ఇంజక్షన్‌ ద్వారా ఎక్కించి గత నెల 30వ తేదీన హత్య చేసింది. గల్ఫ్‌ నుంచి తిరిగి వచ్చిన భర్త ఇక తిరిగి వెళ్లేది లేదని చెప్పడంతో తన వివాహేతర బంధానికి అడ్డుగా ఉంటాడని ఈ ఘాతుకానికి పాల్పడింది.ఎడపల్లి మండలం అంబం(వై) గ్రామానికి చెందిన స్వరూప వేరొకరితో వివాహేతర సంబంధం పెట్టుకుంది. ఈ విషయంలో భార్యాభర్తలకు తరచూ గొడవలు జరిగాయి. అయినప్పటికీ భార్య ప్రవర్తనలో మార్పు లేకపోవడంతో మనస్థాపానికి గురైన భర్త మహిపాల్‌ ఉరేసుకొని ఆత్మహత్య చేసుకున్నాడు. అయితే తన భర్తది సహజ మరణమని నమ్మించేందుకు యతి్నంచిన స్వరూప చివరకు కటకటాలపాలైంది.నిజామాబాద్‌అర్బన్‌: దంపతుల మధ్య చిన్న చిన్న మనస్పర్థలు పెద్దవి అవుతున్నాయి. అనుమానాలు, ఇద్దరి మధ్య మూడో వ్యక్తి ప్రవేశం సంసారాలు ఛిన్నాభిన్నం చేస్తున్నాయి. కారణమేదైనా జీవితాంతం కలిసి ఉంటామని ఏడడుగులు వేసిన దంపతులు తమ సంసార జీవితాలను మూడు అడుగులు ముందుకు.. నాలుగు అడుగులు వెనక్కు అన్నట్లు మార్చుకుంటున్నారు. పెళ్లయిన మూడు నుంచి నాలుగు నెలల్లోనే కొన్ని జంటలు విడాకుల కోసం పోలీస్‌ స్టేషన్‌లు, కోర్టుల గడపలు తొక్కుతుండడం గమనార్హం. గత మూడేళ్లలో మహిళా పోలీస్‌ స్టేషన్‌లో నమోదైన కేసులు పరిస్థితి తీవ్రతను తెలుపుతున్నాయి. 2024లో 463, 2025లో 537 ఫిర్యాదులు, ఈ ఏడాది ఈనెల 17 నాటికి 349 ఫిర్యాదులు నమోదయ్యాయి. దంపతులకు కౌన్సెలింగ్‌ ఇస్తున్న పోలీసులు తప్పనిసరి పరిస్థితి ఉంటే కేసులు నమోదు చేస్తున్నారు. మరోవైపు ఇటీవల జిల్లాలో వెలుగు చూసిన భర్తల హత్య, ఆత్మహత్యల కేసులు కలకలం రేపాయి. ఈ ఘటనలకు వివాహేతర సంబంధాలు కారణమయ్యాయి. సోషల్‌ మీడియా ప్రభావం.. జ్ఞానాన్ని పెంచడంతోపాటు ఆనందాన్ని పంచాల్సిన సోషల్‌ మీడియాను అడ్డగోలుగా ఉపయోగిస్తూ చాలా మంది పక్కదారి పడుతున్నారు. సెల్‌ఫోన్‌ చేతిలో ఉంటే తనను, పిల్లలను పట్టించుకోవడం లేదని భర్తపై భార్య.. భార్యపై భర్త ఆగ్రహం వ్యక్తం చేయడం ఇప్పుడు చాలా ఇళ్లలో మామూలు విషయం మారిపోయింది. రీల్స్‌ చేయడం, ఆన్‌లైన్‌లో పరిచయమైన వారితో చాటింగ్‌ వంటివి సంసారాల్లో చిచ్చురేపుతున్నాయి. కొన్ని పరిచయాలు ఒకరికొకరు ఆకర్షితులై వివాహేతర సంబంధాలకు దారితీస్తున్నాయి. ఈ క్రమంలోనే హత్యలు చోటు చేసుకుంటున్నాయనే ఆందోళన సర్వత్రా వ్యక్తమవుతోంది. తమ వివాహేతర సంబంధానికి అడ్డువస్తున్న పిల్లలను చంపిన ఘటనలూ ఉన్నాయి. సమన్వయమే ముఖ్యం భార్యాభర్తల మధ్య సమన్వయం, ఓపిక ఎంతో ముఖ్యం. అనుమానాలు ఉంటే ఇద్దరూ మాట్లాడుకుని నివృత్తి చేసుకోవాలి. ఇతరుల మాటలను పట్టించుకోవద్దు. ఒకరిపై ఒకరికి పూర్తి నమ్మకంతో ఉంటే సంసారం సుఖంగా సాగుతుంది. సమన్వయం లేకపోవడం వల్లే అనుమానం పెరిగి విడాకుల వరకు వెళ్తున్నారు. చాలా కేసుల్లో కౌన్సెలింగ్‌ ఇచ్చి నచ్చజెప్పుతున్నాం. లేనిపక్షంలో కేసుల వరకు వెళ్తోంది. – శ్రీలత, సీఐ, మహిళా పోలీసు స్టేషన్‌

తమిళనాడు: రెండేళ్ల పాటు ప్రేమించి ఆ తర్వాత పెళ్లికి యువకుడు నిరాకరించిన క్రమంలో ఓ ప్రైవేటు వైద్యశాల నర్సు ఆత్మహత్య చేసుకున్న సంఘటన స్థానికంగా విషాదాన్ని నింపింది. తిరువళ్లూరు జేజే నగర్‌ ప్రాంతానికి చెందిన దేవరాజ్‌ కుమార్తె జయలక్ష్మి(23). ఈమే నర్సుగా పని చేస్తున్నారు. ఈ క్రమంలో జయలక్ష్మి తిరువేలాంగాడు ప్రాంతానికి చెందిన యువకుడిని రెండు సంవత్సరాల నుంచి ప్రేమిస్తున్నట్టు తెలుస్తుంది. ఈ క్రమంలో వివాహం చేసుకుంటానని నమ్మించి పలుసార్లు దగ్గ​రైనట్లు తెలిసింది. అయితే గత కొద్ది రోజుల నుంచి యువకుడు జయలక్ష్మికి దూరంగా వుండడంతో పాటూ వేరే యువతితో పెళ్లికి సిద్ధమైనట్టు సమాచారం. దీంతో జయలక్ష్మి తనను పెళ్లిచేసుకోవాలని ఘర్షణ పడింది. బుధవారం మరోసారి ఫోన్‌లో తననూ పెళ్లి చేసుకోవాలని కోరగా యువకుడు నిరాకరించడంతో మనస్తాపం చెందిన యువతి ఇంట్లో ఫ్యాన్‌కు ఉరివేసుకుని ఆత్మహత్యకు పాల్పడింది. ఆలస్యంగా విషయాన్ని గుర్తించిన తల్లిదండ్రులు ఉరికి వేలాడుతున్న యువతిని కిందకు దింపి వైద్యశాలకు తరలించగా అప్పటికే మృతి చెందినట్టు వైద్యులు నిర్ధారించారు. యువతి తండ్రి ఇచ్చిన ఫిర్యాదు ఆధారంగా కేసు దర్యాప్తు చేస్తున్నారు.

ఐఏఎస్ (IAS) అధికారిణిని పెళ్లి చేసుకోవాలన్న ఉత్తరప్రదేశ్‌లోని ఒక యువకుడి కల ఖరీదైన పీడకలగా మారింది. ఎంతో ఘనంగా పెళ్లయిన కొద్ది గంటల్లోనే రాత్రికి రాత్రే వధువు కోటి రూపాయలకు పైగా విలువైన నగలు, విలువైన వస్తువులతో పరారైన ఘటన కలకలం రేపింది. నెట్టింట ఈ వింత పెళ్లి మోసం తీవ్ర చర్చనీయాంశంగా మారింది. అసలు ఏమైంది?ఉత్తరప్రదేశ్‌లోని బరేలీ జిల్లా ఫరీద్‌పూర్ పరిధిలో గల పచోమి గ్రామానికి చెందిన అభిషేక్ పెళ్లి చేసుకుంటే ఐఏఎస్‌ ఆఫీసర్‌నే పెళ్లి చేసుకోవా లనుకున్నాడు. సాధన అనే ఒక కిలాడీ తనను తాను ఐఏఎస్ అధికారిణిగా పరిచయం చేసుకుంటూ, సోషల్ మీడియాలో ప్రొఫైల్‌ను చూసి వెనుకా ముందు ఆలోచించకుండా భలే ఛాన్స్‌లే అనుకుంటూ ఆమెతో పరిచయం పెంచుకున్నాడు. ఆ పరిచయం కాస్తా పెళ్లిదాకా తీసుకొచ్చాడు. అటు తమ ఇంటికి ఐఏఎస్ అధికారిణి కోడలిగా రాబోతుందనే ఆనందంతో అభిషేక్‌ కుటుంబ సభ్యులు ఈ పెళ్లికి ఎంతో సంతోషంగా అంగీకరించారు. ఇరు కుటుంబాల సమక్షంలో వివాహం ఘనంగా జరిగింది. అయితే, ఆ సంతోషం ఎంతో సేపు నిలవలేదు.శోభనం రాత్రే 'కోటి రూపాయల' తో జంప్‌ఎఫ్ఐఆర్ (FIR) వివరాల ప్రకారం... పెళ్లయిన తర్వాత వధువు సాధన అత్తారింటికి చేరుకుంది. అక్కడ కుటుంబ సభ్యులు ఆమెకు పెద్ద ఎత్తున బంగారు, వెండి, వజ్రాల ఆభరణాలను బహుమతిగా ఇచ్చారు. అయితే, పెళ్లి జరిగిన మొదటి రాత్రి (శోభనం రాత్రి) భర్త అభిషేక్ నిద్రిస్తున్న సమయంలో, సాధన ఇంట్లోని విలువైన నగలు, నగదును బ్యాగ్‌లో సర్దుకుని అక్కడి నుండి పరారైంది. ఉదయం చూసేసరికి దాదాపు రూ. 1 కోటి విలువైన వస్తువులతో వధువు కనిపించకుండా పోవడంతో వరుడి కుటుంబం లబోదిబోమంది.ఇదీ చదవండి: 5 రకాల ఫుడ్స్‌ కంప్లీట్‌ బంద్‌ : 11 నెలల్లో 32 కిలోలు తగ్గిందిమోసపోయామని గ్రహించిన వరుడి కుటుంబ సభ్యులు వెంటనే పోలీసులను ఆశ్రయించారు. అభిషేక్ ఇచ్చిన ఫిర్యాదు మేరకు పోలీసులు సాధన, ఆమె తండ్రి ,మరో ఇద్దరు కుటుంబ సభ్యులపై కేసులు నమోదు చేశారు. ఈ నకిలీ ఐఏఎస్ వధువును పట్టుకోవడానికి బరేలీ పోలీసులు మూడు ప్రత్యేక బృందాలను రంగంలోకి దించారు.ఇదీ చదవండి: 25 ఏకరాల భూమి కొన్న స్టార్‌ హీరో, ధర ఎంతో తెలుసా?వేగంగా దర్యాప్తు చేపట్టిన పోలీసులు, పొరుగున ఉన్న బుదౌన్ జిల్లాకు చెందిన ప్రధాన నిందితురాలు సాధనను అదుపులోకి తీసుకున్నారు. ఈమె వెనుక ఉన్న మిగతా నిందితుల కోసం పోలీసులు గాలిస్తున్నారు. ఈ ముఠా గతంలో కూడా ఎవరినైనా ఇలాగే ఐఏఎస్ పేరుతో మోసం చేసిందా అనే కోణంలో పోలీసులు దర్యాప్తు ముమ్మరం చేశారు. నకిలీ ఐఏఎస్ ప్రొఫైల్, వివాహ మోసాల నెట్‌వర్క్ విస్తృతిపై దర్యాప్తు అధికారులు ఆరా తీస్తుండటంతో, ఈ కేసు స్థానికంగా విస్తృత చర్చనీయాంశ మైంది.

న్యూఢిల్లీ: బాలీవుడ్ నటుడు ఆమిర్ ఖాన్ ఇటీవల గౌరీ స్ప్రాట్‌ను వివాహం చేసుకోవడంపై యోగా గురువు బాబా రాందేవ్ స్పందించారు. ఈ వివాహంపై ఆయన తీవ్ర అసహనం వ్యక్తం చేశారు. మతం ఏదైనా సరే.. ఒక వ్యక్తి మూడు లేదా నాలుగు వివాహాలు చేసుకోవడాన్ని తాను సమర్థించనని ఆయన స్పష్టం చేశారు.‘ఏబీపీ న్యూస్‌’నిర్వహించిన ఇంటర్వ్యూలో ఆయన ఈ వ్యాఖ్యలు చేశారు. 61 ఏళ్ల వయసులో ఆమిర్ ఖాన్ మరో వివాహం చేసుకోవడంపై స్పందిస్తూ ‘ఈ వయసులో కొత్త చిక్కులు ఎందుకు? గత భాగస్వాములతో ఇంకా గౌరవం, అనుబంధం ఉంటే వాటినే కొనసాగించాలి’ అని రాందేవ్ సూచించారు. కుటుంబ విలువల గురించి మాట్లాడుతూ, ప్రతి ఒక్కరూ ఒకే వివాహం చేసుకుని, పిల్లలను బాధ్యతాయుతమైన పౌరులుగా తీర్చిదిద్దాలని, స్థిరమైన కుటుంబ వ్యవస్థను నిర్మించుకోవాలని ఆయన హితవు పలికారు.సమాజంలో ద్వేషాన్ని పక్కనపెట్టి, పరస్పర గౌరవంతో జీవించాలని ఆయన పిలుపునిచ్చారు. ఇదిలా ఉండగా ఆమిర్ ఖాన్ మూడో వివాహంపై మహారాష్ట్ర మంత్రి నితేష్ రాణే కూడా విమర్శలు గుప్పించారు. సినీ తారలు యువతకు ఆదర్శంగా ఉండాలని, అయితే దీనికి భిన్నంగా వారి వ్యక్తిగత నిర్ణయాలు చర్చనీయాంశమవుతున్నాయని, భిన్నమైన అభిప్రాయాలకు తావిస్తున్నాయని పేర్కొన్నారు.ఇది కూడా చదవండి: అయోధ్య విరాళాల వివాదం.. ట్రస్ట్ కోశాధికారి సరికొత్త వాదన!

కోల్‌కతా: ప్రముఖ బీజేపీ నేత, సినీ దర్శకుడు శంకుదేబ్ పాండా తాజాగా టెలివిజన్ జర్నలిస్ట్, రిపబ్లిక్ బంగ్లా డిప్యూటీ ఎగ్జిక్యూటివ్ ఎడిటర్ స్వర్ణాలి మితా సర్కార్‌ను కోల్‌కతాలో వివాహం చేసుకున్నారు. ఆదివారం సాయంత్రం సంప్రదాయ బెంగాలీ పద్ధతిలో వీరి వివాహ వేడుక ఘనంగా జరిగింది. గత కొన్నేళ్లుగా వీరిద్దరి రిలేషన్‌షిప్‌పై వస్తున్న ఊహాగానాలకు ఈ పెళ్లితో తెరపడింది. ఈ వివాహ వేడుకకు రాజకీయ, వినోద, మీడియా రంగాలకు చెందిన పలువురు ప్రముఖులు హాజరై నూతన వధూవరులను ఆశీర్వదించారు. Congrats 👏 Sankudeb Panda & Swarnli Sarkar Definitely Love Marriage ❤️ pic.twitter.com/GnMzvkTTVT— SANDIP HALDER (@HALDERSAN) July 12, 2026వివాహ వేడుకలో శంకుదేబ్ పాండా ఎరుపు రంగు కుర్తా, ధోవతి ధరించగా.. స్వర్ణాలి మితా సర్కార్ సాంప్రదాయ బంగారు ఆభరణాలు, ఎరుపు రంగు బనారసి చీరలో మెరిసిపోయారు. పెళ్లికి ముందు జరిగిన ‘గాయే హోలుద్’వేడుక ఫోటోలు సామాజిక మాధ్యమాల్లో వైరల్‌గా మారాయి. శంకుదేబ్ పాండా రాజకీయాలతో పాటు సినిమా రంగంలోనూ కొనసాగుతున్నారు. ఆర్జీ కర్ ఆస్పత్రి అత్యాచారం, హత్య ఉదంతం ఆధారంగా ఆయన త్వరలో ‘అభయ శక్తి’ అనే చిత్రాన్ని తెరకెక్కించనున్నారు. రాణా సర్కార్ నిర్మిస్తున్న ఈ సినిమా షూటింగ్ ఆగస్టులో ప్రారంభం కానుంది. ఈ ఘటనకు సంబంధించిన కీలక పరిణామాలను ఈ చిత్రంలో చూపించనున్నట్లు, ఇది కేవలం సినిమా మాత్రమే కాదని, ఒక ఉద్యమమని శంకుదేబ్ పేర్కొన్నారు. వివాహ బంధంతో సరికొత్త జీవితాన్ని ప్రారంభించిన ఆయన, త్వరలోనే ఈ సినిమా పనుల్లో బిజీ కానున్నారు.ఇది కూడా చదవండి: అయోధ్య విరాళాల గోల్‌మాల్‌: ఆరెస్సెస్ నమ్మకం ఇదే..

ఉత్తరప్రదేశ్‌లోని బదౌన్ జిల్లాలో జరిగిన ఒక వివాహం మత సామరస్యానికి, మానవత్వానికి నిలువెత్తు నిదర్శనంగా నిలిచింది. ముస్లిం యువకుడైన బబ్లూ సిద్ధిఖీ, తన పెంపుడు సోదరి దీపాన్షి వివాహ బాధ్యతలను పూర్తిగా తన భుజాలపై వేసుకున్నాడు.హైందవ సంప్రదాయాల ప్రకారం జరిపించిన తీరు స్థానికంగానే కాక సోషల్ మీడియాలోనూ ప్రశంసలందుకుంటోంది.తండ్రి తరువాత తండ్రికొన్నేళ్ల క్రితమే దీపాన్షి తల్లిదండ్రులు చనిపోయి ఒంటరిగా మిగిలిపోయింది. దీంతో పొరుగున ఉండే బబ్లూ సిద్ధిఖీ, ఆమెను తన సొంత చెల్లెలిలా ఆదరించాడు. బబ్లూ కుటుంబం ఆమెకు అండగా నిలిచింది. చిన్నతనం నుంచే తల్లిదండ్రులు లేరనే వెలితి ఆమెకు తెలియకుండా బబ్లూ కుటుంబం ఆమె జీవితంలో ప్రతి అడుగులో తోడుగా నిలిచింది. ఆమెకు యుక్తవయసు రావడంతో పెద్దమనసు చేసుకొని వైభంగా పెళ్లి చేశారు. కాళ్లు క డిగి కన్యాదానం చేసి చక్కటి విందు ఇవ్వడం విశేషంగా నిలిచింది. జులై 8న హిందూ సంప్రదాయాల ప్రకారం ఉఝానిలోని ఎస్ఎస్ గ్రీన్ ప్యాలెస్‌లో దీపాన్షి, కమల్‌కాంత్‌ వివాహం అత్యంత వైభవంగా జరిగింది. హిందూ సంప్రదాయంల అత్యంత పవిత్రమైన 'కన్యాదానం' క్రతువును బబ్లూ సిద్ధిఖీ స్వయంగా నిర్వహించాడు. దాదాపు 800 మంది అతిథులకు భోజన వసతులతో పాటు పెళ్లి ఏర్పాట్లన్నీ దగ్గరుండి చూసుకున్నాడు.కన్నప్రేమ కంటే పెంచిన ప్రేమ మిన్న‘‘దీపాన్షి చిన్నప్పటి నుంచి నా సొంత చెల్లెలా చూసుకున్నా. తమ కుటుంబాల మధ్య ఎప్పటి నుంచో మంచి అనుబంధం ఉంది. ప్రేమ, నమ్మకంతో ఏర్పడే బంధాలు రక్తసంబంధాల కంటే తక్కువేమీ కావు. ఏ ఆడపిల్ల కూడా తన పెళ్లి రోజున ఒంటరినని బాధపడకూడదు. ఒక సొంత అన్నగా చెల్లెల్నిఎంత గౌరవంగా, సంతోషంగా అత్తవారింటికి పంపాలో, అలాగే పంపించాను" అని బబ్లూ సిద్ధిఖీ గర్వంగా చెప్పాడు.కన్నీళ్లు పెట్టుకున్న వధువుపెళ్లి సమయంలో దీపాన్షి పలుమార్లు భావోద్వేగానికి గురై కన్నీళ్లు పెట్టుకుంది. బబ్లూ భయ్యా, వారి కుటుంబం సొంత కూతురి కంటే మిన్నగా చూసుకున్నారు. తల్లిదండ్రులు లేరనే బాధ నాకు కలగనివ్వలేదు. సామాజిక, మతపరమైన వ్యత్యాసాల కంటే ప్రేమాభిమానాలే గొప్పవని మా అన్న నిరూపించాడు అంటూ భావోద్వేగానికి లోనైంది. నీరు నిండిన కళ్ళతో వారికి కృతజ్ఞతలు తెలిపింది.ఇదీ చదవండి: ఆటోమొబైల్ దిగ్గజం వోక్స్‌వ్యాగన్ వినూత్న ప్రయోగం : 100 గొర్రెలతో..!నెటిజన్ల ప్రశంసలుఈ పెళ్లికి హాజరైన స్థానికులు బబ్లూ సిద్ధిఖీ మానవత్వాన్ని, మతసామరస్యాన్ని ప్రశంసల్లో ముంచెత్తారు . సోషల్ మీడియాలో కూడా ఈ వార్త వైరల్ కావడంతో, నెటిజన్లు "నిజమైన భారతదేశం అంటే ఇదే" అంటూ ఈ అన్నాచెల్లెళ్ల బంధాన్ని, బబ్లూ సంస్కారాన్ని మనస్ఫూర్తిగా అభినందించారు. మతాల పేరుతో సమాజంలో విభేదాలు తలెత్తుతున్న ఈ రోజుల్లో బబ్లూ మతంకంటే మానవత్వం మిన్న అని చాటిచెప్పాడు అంటూ కొనియాడు తున్నారు. ఇదీ చదవండి: సీక్రెట్‌గా ప్రియుడ్ని పెళ్లాడిన బిగ్‌ బాస్‌ ఫేమ్‌ : స్పెషాల్టీ ఏంటంటే A Muslim man named Bablu (Riyasat) Siddiqui in Badaun, Uttar Pradesh, organised a lavish, fully traditional Hindu wedding for his adopted Hindu sister Deepanshi, personally performing her kanyadaan and hosting more than 800 guests with food and refreshments. pic.twitter.com/6CGEaM1VT1— Shakeel Yasar Ullah (@yasarullah) July 10, 2026

ప్రముఖ టీవీ నటి, బిగ్‌బాస్‌ ఓటీటీ -2 ఫేమ్‌ పాలక్ పుర్స్వానీ తన చిరకాల ప్రియుడితో ఏడడగులు వేసింది. సద్గురుకు చెందిన ఈషా ఫౌండేషన్‌లో ప్రియుడు రోహన్ ఖన్నాను పెళ్లాడింది. అంతేకాదు వీరి పెళ్లి 112 అడుగుల ఎత్తైన ఆదియోగి విగ్రహం ముందు జరిగిన తొలి ఆధ్యాత్మిక వివాహంగా నిలుస్తోంది. అత్యంత సన్నిహిత వివాహ వేడుకకు సంబంధించిన అద్భుతమైన ఫోటోలను తన ఇన్‌స్టాగ్రామ్ ఖాతాలో షేర్‌ చేయడంతో ఇవినెట్టింట సందడిగా మారాయి.కోయంబత్తూరులోని సద్గురు ఈషా ఫౌండేషన్‌లో ఆ పరమశివుని విగ్రహం ముందు జరిగిన ఈ వేడుక నెట్టింట అందరి దృష్టిని ఆకరిస్తోంది. సాధారణంగా వివాహ వేడుకలో వధువు అందరి దృష్టిని ఆకర్షిస్తుంది. కానీ వీరి పెళ్లి వేడుక అందుకు భిన్నంగా నిలిచింది. 112 అడుగుల ఎత్తైన ఆదియోగి విగ్రహం నేపథ్యంలో ఆ జంట నడుచుకుంటూ వస్తున్న దృశ్యాలు సోషల్ మీడియాలో వైరల్‌ అవుతున్నాయి. View this post on Instagram A post shared by J P Palak (@palak.purswani)కాగా 2014లో టీవీ నటిగా కరియర్‌ను ప్రారంభించిన పాలక్ పుర్స్వానీ 'రూహానియత్', 'బడే భయ్యా కి దుల్హనియా', 'యే రిష్తే హై ప్యార్ కే', 'ఏక్ ఆస్థా ఐసీ భీ', 'మేరీ హానికారక్ బీవీ' 'బడీ దేవరాణి' లాంటి సీరియల్స్‌, షోలతో పాపులారిటీ సంపాదించుకుంది. 2019లో ఆమె 'నాచ్ బలియే 9', 2023లో 'బిగ్ బాస్ OTT సీజన్ 2'లో కూడా పాల్గొంది. పాలక్ - రోహన్ లవ్‌స్టోరీవీరి బంధం 2024లో మొదలైంది. ఏడాది తిరగకముందే, టర్కీ పర్యటనలో రోహన్ ఆమెకు ప్రపోజ్ చేశాడు. గత ఏడాది ఏప్రిల్‌లో నిశ్చితార్థం చేసుకున్నారు. తాజాగా తమ పెళ్లి కబురును, ఫోటోలను ఒక ఉమ్మడి పోస్ట్ ద్వారా పంచుకున్నారు ఈ లవ్‌బర్డ్స్‌. "కొన్ని ప్రేమకథలను ఆ దేవుడే రచిస్తాడు. మా ప్రేమకథను మహాదేవుడు ఎంపిక చేశారు. రెండు ఆత్మలు... శాశ్వతంగా ఒక్కటయ్యాయి. 26.06.26." అంటూ పోస్ట్‌ చేశారు. పాలక్ ఎరుపు , గులాబీ రంగుల కలయికతో ఉన్న పెళ్లి లెహెంగాలో ఎంతో అందంగా కనిపించగా, వరుడు భర్త రోహన్ లేత గోధుమ రంగు (బీజ్) షెర్వానీలో మెరిశాడు.

గౌహతి: అస్సాం రాష్ట్రంలో ఒకరి కంటే ఎక్కువ మందిని పెళ్లి చేసుకునే (బహుభార్యాత్వం) సంస్కృతికి వ్యతిరేకంగా అక్కడి ప్రభుత్వం కఠిన చర్యలకు శ్రీకారం చుట్టింది. బహుభార్యాత్వాన్ని అవలంబించే వ్యక్తులకు ఇకపై ఎలాంటి ప్రభుత్వ సంక్షేమ పథకాలు వర్తించవని, అలాగే ఈ పద్ధతికి పాల్పడే ప్రభుత్వ ఉద్యోగులను సర్వీసు నుండి శాశ్వతంగా తొలగిస్తామని రాష్ట్ర బడ్జెట్‌లో ప్రతిపాదనలు ప్రవేశపెట్టింది.ఈ సందర్భంగా రాష్ట్ర ఆర్థిక మంత్రి జయంత మల్లా బారువా మాట్లాడుతూ.. సంక్షేమ పథకాలు కేవలం అర్హులకు చేరడమే కాకుండా, సమాజంలో సమగ్రత, నైతిక విలువలను పెంపొందించేలా ఉండాలని స్పష్టం చేశారు. మహిళా సాధికారత, లింగ న్యాయాన్ని పెంపొందించే లక్ష్యంతో.. ఒకటి కంటే ఎక్కువ పెళ్లిళ్లు చేసుకునే ఏ పురుషుడు కూడా ఇకపై ఎటువంటి ప్రభుత్వ సంక్షేమ పథకాల ప్రయోజనాలను పొందేందుకు అర్హుడు కాడని ఆయన ప్రకటించారు.ఈ కొత్త విధానంలో భాగంగా 'అస్సాం సర్వీసెస్ (డిసిప్లిన్ అండ్ అప్పీల్) రూల్స్, 1964' కు సవరణలు చేయాలని బడ్జెట్ ప్రతిపాదించింది. దీని ప్రకారం, ఏ ప్రభుత్వ ఉద్యోగి అయినా ఒకరి కంటే ఎక్కువ మందిని వివాహం చేసుకుంటే, చట్టప్రకారం వారిని ఉద్యోగం నుండి నేరుగా తొలగిస్తారు.సమాజంలో బాధ్యతాయుతమైన పౌరసత్వాన్ని పెంపొందించడానికి, ఏదైనా క్రిమినల్ చట్టం కింద నేరస్థుడిగా తేలిన వ్యక్తికి కూడా ప్రభుత్వ గుర్తింపు పొందిన సంక్షేమ పథకాల ప్రయోజనాలను నిలిపివేయాలని ఆర్థిక మంత్రి ప్రతిపాదించారు.

సిద్దిపేట అర్బన్‌: తాను ప్రేమించిన అమ్మాయి కుటుంబ సభ్యులు వేరే వ్యక్తితో పెళ్లి చేస్తున్నారని, ఎలాగైనా పెళ్లిని ఆపాలనే ఉద్దేశంతో ఓ యువకుడు ఆ అమ్మాయి గ్రామంతో పాటు.. పెళ్లి చేసుకోబోయే అబ్బాయి గ్రామంలో పోస్టర్లు అంటించాడు. అభ్యంతకరమైన పోస్టర్లు అంటించి అమ్మాయి పరువు తీసేందుకు ప్రయత్నించిన ఆ యువకుడితో సహా ఆరుగురు నిందితులను పోలీసులు అరెస్ట్‌ చేసి రిమాండ్‌కు తరలించారు. ఈ మేరకు సిద్దిపేట ఏసీపీ రవీందర్‌రెడ్డి, సిద్దిపేట త్రీటౌన్‌ సీఐ టాటా లక్ష్మీబాబు వివరాలు వెల్లడించారు. దుబ్బాక మండలం పెద్దగుండవెళ్లి గ్రామానికి చెందిన దొడ్ల వెంకటేష్‌ (29) అర్బన్‌ మండలం ఎన్సాన్‌పల్లికి చెందిన ఓ యువతిని కొంతకాలంగా ప్రేమించాడు. యువతి తల్లిదండ్రులు రాజన్నసిరిసిల్ల జిల్లా తంగళ్లపల్లికి చెందిన ఓ యువకుడితో పెళ్లి నిశ్చయించారు. దీన్ని జీర్ణించుకోలేని యువకుడు వివాహం ఆగిపోవాలనే ఉద్దేశంతో యువతితో తనకు సన్నిహిత సంబంధం ఉన్నట్లు పోస్టర్లు సృష్టించాడు. ఆ అమ్మాయి గ్రామంతో పాటు పెళ్లి చేసుకోబోయే అబ్బాయి గ్రామంలో పోస్టర్లు అతికించాడు. ఈ విషయమై త్రీటౌన్‌లో ఫిర్యాదు చేయగా కేసు నమోదు చేసిన పోలీసులు నిందితులను అరెస్ట్‌ చేశారు. వారిని విచారించగా నేరం ఒప్పుకున్నారు. అరెస్ట్‌ చేసిన వారిలో ప్రధాన నిందితుడు దొడ్ల వెంకటేష్‌ సహా అతనికి సహకరించిన వన్నెల అశ్విత్‌కుమార్, బండి భానుప్రసాద్, రేఖ, బురుజుకింది ఈశ్వర్, రాజబోయిన నవీన్‌కుమార్‌ ఉన్నారు.

కోడళ్లను వేధించే అత్తమామల గురించి విన్నాం. కానీ కోడల్ని కన్న కూతురి కంటే మిన్నగా భావించి, ఆమెకు కొత్త జీవితాన్ని ప్రసాదించిన అత్తామామల గురించి తెలుసా? క్యాన్సర్‌ మహమ్మారి కొడుకును బలితీసుకుంటే, వారు కోడలికి అండగా నిలిచారు. అంతేకాదు కాళ్లు కడిగి కన్యాదానం చేశారు. కన్నీళ్లు తెప్పించే ఈ సంఘటన సమాజానికి ఆదర్శంగా నిలుస్తోంది. పలువురి ప్రశంసలు అందుకుంటోంది.కొన్ని సంబంధాలు కేవలం రక్త సంబంధాలు కాదు. అవి ప్రేమ, ఆప్యాయతలకు సంబంధించినవ అని ఈ ఘటన నిరూపించింది. ఈ సంఘటన మధ్యప్రదేశ్ రాజధాని భోపాల్‌లో చోటుచేసుకుంది. మరో ఇంటికి కోడలిగా తమ కోడలిని అత్తారింటికి సాగనంపిన క్షణాన, అక్కడున్నవారంతా ఆనంద భాష్పాలు రాల్చారు.మధ్యప్రదేశ్‌కు చెందిన దినేష్ బైరాగి కుమారుడు కపిల్‌కు, ప్రియాంకతో 2018లో వివాహం జరిగింది. ప్రియాంక తన ఉన్నత చదువులను పూర్తి చేసి ఆ తరువాత 2023లో అత్తగారింట్లో అడుగుపెట్టింది. వచ్చిన కొద్ది రోజులకే ఆమె తన ప్రేమపూర్వక ప్రవర్తనతో కుటుంబ సభ్యుల మనసు గెలుచుకుంది. అంతా హ్యాపీగాగడిచిపోతుందనుకుంటున్న తరుణంలో దురదృష్టవశాత్తూ, ఆమె వచ్చిన కొన్ని నెలలకే భర్త కపిల్ క్యాన్సర్ బారిన పడ్డాడు. కానీ ప్రియాంక భయపడిపోలేదు. ఆ కష్టకాలంలో క తన భర్తకు కొండంత అండగా నిలిచింది. కానీ, 2024లో కపిల్ క్యాన్సర్‌తో పోరాడుతూ మరణించాడు. ఆ మరణం ఆ కుటుంబాన్ని తీవ్ర విషాదంలో ముంచెత్తింది. View this post on Instagram A post shared by Humans of Bombay (@officialhumansofbombay) కోడలు కాదు.. కూతురు మామగారి గొప్ప నిర్ణయంచిన్న వయసులోనే భర్తను కోల్పోయి సమాజంలో కష్టాల పాలౌతున్న వారిలా తమ ప్రియాంక జీవితం ముగిసిపోకూడదని ఆమె మామ దినేష్ బైరాగి భావించారు. కొడుకు చనిపోయినంత మాత్రాన కోడలి పట్ల తమ బాధ్యత తీరిపోలేదంటూ భార్యను కూడా ఒప్పించారు. ప్రియాంకకు మారు మనువు చేసి కొత్త జీవితాన్ని ఇవ్వాలని నిర్ణయించుకున్నారు. ఇదే విషయాన్ని ప్రియాంక తండ్రి రాంబాబు బైరాగి వద్ద ప్రస్తావించగా, ఆ కుటుంబం ఒక్కసారిగా ఆశ్చర్యపోయింది. సాధారణంగా భర్త చనిపోతే అత్తగారింటితో బంధాలు తెగిపోయే ఈ రోజుల్లో, కోడలి భవిష్యత్తు కోసం అత్తమామలే ఇంతటి నిర్ణయం తీసుకోవడం వారిని ఆశ్చర్యపరిచింది. ప్రియాంక కోడలు కాదు, తమ కూతురు అని దినేష్‌ స్పష్టం చేశారు. ఇదీ చదవండి: 256 గంటలు, 131 మంది శ్రమ : ఆమీర్‌-గౌరీ అరుదైన వెడ్డింగ్‌ రింగ్‌తండ్రిగా కన్యాదానందినేష్ బైరాగి విదిషా జిల్లాలోని అరారి ఖేజ్దా గ్రామానికి చెందిన గోవింద్ బైరాగీతో వివాహం నిశ్చయించారు. వివాహ వేడుకను అత్యంత వైభవంగా నిర్వహించారు. వ్యక్తిని ప్రియాంక కోసం సంబంధం చూశారు. ఈ పెళ్లికి సంబంధించిన ప్రణాళికలు, నిర్వహణ మరియు ఖర్చులన్నీ దినేష్ స్వయంగా భరించారు. పెళ్లి వేడుకలో అత్యంత భావోద్వేగ క్షణం ఏంటంటే, స్వయంగా మామగారే తండ్రి స్థానంలో కూర్చుని ప్రియాంకకు 'కన్యాదానం' చేశారు. పెళ్లికొడుకు చేతిలో ప్రియాంక చేయి పెట్టి, ఆమె కొత్త జీవితం సంతోషంగా సాగాలని ఆశీర్వదించారు.తండ్రి భావోద్వేగంఈ సందర్భంగా ప్రియాంక తండ్రి రాంబాబు బైరాగి కూడా తీవ్ర భావోద్వేగానికి గురయ్యారు. తమ బిడ్డ పునర్వివాహ బాధ్యతను ఆమె అత్తమామలు పూర్తిగా తీసుకుని సమాజానికి ఇంత గొప్ప ఆదర్శాన్ని అందిస్తారని తాను కలలో కూడా ఊహించలేదంటే కంటతడిపెట్టుకున్నారు.ఇదీ చదవండి: 5 రకాల ఫుడ్స్‌ కంప్లీట్‌ బంద్‌ : 11 నెలల్లో 32 కిలోలు తగ్గింది

తంగళ్లపల్లి(సిరిసిల్ల): ‘అమ్మాయికి పెళ్లి ఇష్టం లేకపోయినా బలవంతంగా ఒప్పించి చేస్తున్నారు..’అంటూ రాజన్నసిరిసిల్ల జిల్లా తంగళ్లపల్లి మండల కేంద్రంలో మంగళవారం రాత్రి పోస్టర్లు వెలిశాయి. సిద్దిపేట జిల్లాకు చెందిన ఓ యువతి, అదే జిల్లాకు చెందిన ఓ యువకుడు ఏడేళ్లుగా ప్రేమించుకుంటున్నట్లు ఈ పోస్టర్ల ద్వారా తెలిపారు. ఆ యువతికి పెళ్లి ఇష్టం లేకపోయినా ఆమె తల్లిదండ్రులు తంగళ్లపల్లికి చెందిన యువకుడితో వివాహం నిశ్చయించారని, తమ ప్రేమ విషయం ఆ పెళ్లి కొడుకుకు తెలిసినా 16 తులాల బంగారం కోసం అమ్మాయిని పెళ్లి చేసుకుంటున్నాడని ప్రేమికుడు ఆరోపించాడు. ఈ పోస్టర్ల అంశం జిల్లాలో చర్చనీయాంశమైంది. కాగా అమ్మాయి తరఫు వారు ఆ యువకుడిపై సిద్దిపేటలో పోలీసులకు ఫిర్యాదు చేసినట్లు సమాచారం.

నెట్టింట ఎక్కడ చూసినా కపూర్‌ ఫ్యామిలీ కొత్త పెళ్లికూతురు అన్షులా కపూర్‌ గురించి విశేషాలే. బాలీవుడ్‌ నిర్మాత బోనీ కపూర్‌, నటుడు అర్జున్‌ కపూర్‌ సోదరి అన్షులా తన ప్రియుడు రోహన్‌ను పెళ్లాడిన సంగతి తెలిసిందే. వివాహ వేడుక ముగిసిన తరువాత జరిగిన కాక్‌టైల్‌ పార్టీకి తగ్గట్టుగా అందంగా అలంకరించుకుంది. బనారసీ బ్రోకేడ్ డ్రెస్‌, మెడలో పచ్చల నెక్లెస్‌తో సమకాలీన ఫ్యాషన్‌ స్టైల్‌ను చాటుకుంది. ఈ సందర్భంగా ఇన్‌స్టాలో పెట్టిన పోస్ట్‌ అభిమానులను విపరీతంగా ఆకర్షిస్తోంది.అన్షులా ఇలా రాశారు : పెళ్లైన మహిళగా ఇది నా తొలి సాయంత్రం, ఈ కొత్త ప్రయాణాన్ని సెలబ్రేట్‌ చేసుకుంటున్నా. ఈ లుక్‌కు సిందూరి ఎరుపు రంగు మాత్రమే సరిగ్గా సరిపోతుంది అనిపించింది. ఈ ఔట్‌ఫిట్‌ గురంచి అమిత్ (ప్రముఖ డిజైనర్)‌తో మాట్లాడు తున్నపుడు. తన ఆహార్యం వ్యక్తిత్వానికి నిలువెత్తు నిదర్శనంగా నిలవాలని అనిపించింది. దానికి తగ్గట్టుగానే శిల్పం లాంటి 'కార్సెట్ సిల్హౌట్' (sculptural corseted silhouette) గా మార్చేశారు. చీర కొంగును సరికొత్త మోడ్రన్ కోట్యూర్ స్టేట్‌మెంట్‌గా రీ-డిజైన్ చేశారు. ఇది మన సంప్రదాయానికి గౌరవాన్ని ఇస్తూనే, ఆధునికతను అద్భుతంగా చాటిచెప్పింది. నా దృష్టిలో మా పెళ్లి అంతా కూడా ఇలాగే సాగింది. మనం ఎక్కడి నుండి వచ్చామో ఆ మూలాలను (సంప్రదాయాలను) గుండెల్లో భద్రంగా దాచుకుంటూనే... భవిష్యత్తులోకి అంతే ఆనందంగా, మనస్ఫూర్తిగా అడుగుపెట్టడం! అంటూ చెప్పుకొచ్చారు. View this post on Instagram A post shared by Anshula Kapoor (@anshulakapoor)> ఇదీ చదవండి: అన్షులా-రోహన్‌ ఇంట్రస్టింగ్‌ లవ్‌ స్టోరీ, భర్త ఆస్తి ఎంతంటే! కాగా ముంబైలోని తాజ్ ల్యాండ్స్ ఎండ్‌లో సోమవారం (జూలై 6న) అన్షుల్‌ - రోహన్‌ వివాహ వేడుక అత్యంత సన్నిహితులు, కుటుంబ సభ్యుల సమక్షంలో వైభవంగా జరిగింది. ఈ సందర్భంగా దివంగత తల్లిని గుర్తు చేసుకుంటూ 42 ఏళ్ల నాటి ఆమె దుప్పట్టాను ధరించడం విశేషంగా నిలిచింది. ఇదీ చదవండి: 42 ఏళ్ల నాటి అమ్మ దుప్పట్టా : కొత్త పెళ్లికూతురు అన్షులా ఎమోషనల్‌

బాలీవుడ్‌ నిర్మాత బోనీ కపూర్, దివంగత మోనా శౌరిల కుమార్తె అన్షులా కపూర్ తన చిరకాల ప్రియుడి రోహన్ థక్కర్‌తో వివాహ బంధంలోకి అడుగుపెట్టింది. సన్నితుల సమక్షంలో పంజాబీ, గుజరాతీ సంప్రదాయాల మేళవింపుతో వైభవంగా ఈ వీరి వివాహ వేడుకు ముగిసింది. వీరి వివాహానికి సంబంధించిన ఫోటోలు, వీడియోలు అభిమానులను అలరించాయి. అదే సందర్భంలో అన్షులా మనసు దోచుకున్నరోహన్‌ ఎవరు? అతని ఆస్తిపాస్తులేంటి అనే వివరాలు నెట్టింట ఆసక్తికరంగా మారాయి.అన్షులా-రోహన్‌ లవ్‌ స్టోరీఅన్షులా-రోహన్‌ దాదాపు మూడేళ్ల క్రితం 2022లో ఒక డేటింగ్ యాప్ ద్వారా పరిచయమయ్యారు. ఒక తెల్లవారుజామున 1:15 గంటలకు మొదలైన వీరి చాటింగ్, ఉదయం 6 గంటలదాకా సాగిందట. అలా మొదలైన స్నేహం క్రమంగా ప్రేమగా మారింది. పరిచయమైన మూడేళ్లకు సరిగ్గా అదే సమయానికి ఆమెకు అన్షులాకు ప్రపోజ్ చేశారు. 2023లో తమ సంబంధాన్ని బహిరంగంగా ప్రకటించారు. జూలై 2025లో నిశ్చితార్థం చేసుకున్నారు. అక్టోబర్ 2025లో గోర్ ధానా వేడుక చేసుకున్నారు. కపూర్ కుటుంబం సమక్షంలో జూన్‌లో వీరిద్దరూ దంపతులుగా మారాయి. మూడేళ్ల క్రితం 2022లో ఒక డేటింగ్ యాప్ ద్వారా పరిచయమయ్యారు. ఒక మంగళవారం తెల్లవారుజామున 1:15 గంటలకు మొదలైన వీరి చాటింగ్, ఉదయం 6 గంటలదాకా సాగిందట. అలా మొదలైన స్నేహం క్రమంగా ప్రేమగా మారింది. పరిచయమైన మూడేళ్లకు సరిగ్గా అదే సమయానికి రోహన్‌ అన్షులాకు ప్రపోజ్ చేశారు. 2023లో తమ సంబంధాన్ని బహిరంగంగా ప్రకటించారు. 2025 జూలైలో నిశ్చితార్థం చేసుకున్నారు. అదే ఏడాది అక్టోబర్‌లో గోర్ ధానా వేడుక చేసుకున్నారు. కపూర్ కుటుంబం సమక్షంలో జూన్‌లో వీరిద్దరూ దంపతులుగా మారాయి. View this post on Instagram A post shared by Anshula Kapoor (@anshulakapoor)ఎవరీ రోహన్ థక్కర్రోహన్ బహిరంగంగా కనిపించే సెలబ్రిటీ కానప్పటికీ రోహన్ స్క్రీన్‌రైటర్‌గా పాపులయ్యారు. ఆయన ప్రముఖ బాలీవుడ్ నిర్మాత కరణ్ జోహార్‌కు చెందిన డిజిటల్ కంటెంట్ సంస్థ 'ధర్మాటిక్ ఎంటర్‌టైన్‌మెంట్' (Dharmatic Entertainment) లో ఫ్రీలాన్స్ రైటర్‌గా పనిచేస్తున్నారు. ముంబైలో 1993 అక్టోబర్‌ 12న పుట్టాడు. తల్లితండ్రులలు, సోదరుడు హృదయ్ ఠక్కర్ ఉన్నారు. కానీ రోహన్ న్యూయార్క్ ఫిల్మ్ అకాడమీ నుండి 'ప్లేరైటింగ్ అండ్ స్క్రీన్‌రైటింగ్'లో మాస్టర్స్ డిగ్రీ పొందారు. అలాగే యూసీఎల్‌ఏ (UCLA) లో కూడా స్క్రీన్‌రైటింగ్ కోర్సు చేశారు. చిత్ర పరిశ్రమలోకి రాకముందు ఆయన అడ్వర్టైజింగ్, డిజిటల్ మీడియా రంగాలలో పనిచేశారు. ప్రస్తుతం ధర్మాటిక్ ఎంటర్‌టైన్‌మెంట్‌లో వెబ్ సిరీస్‌లు, సినిమాలకు కథలు రాస్తున్నారు 'ది నవలిస్ట్' (2016), 'నెవర్ టూ లేట్' (2016), 'నింబస్' (2018) వంటి లఘు చిత్రాలకు రచయితగా , స్క్రిప్ట్ సూపర్‌వైజర్‌గా అతనికి క్రెడిట్ లభించింది. రోహన్ థక్కర్ నికర ఆస్తి విలువ సుమారు 8.5 కోట్ల రూపాయలు పై మాటేనని పలు నివేదికల ద్వారా తెలుస్తోంది.అన్షులా కపూర్ గురించి..బాలీవుడ్‌లో పాపులర్‌ ఫ్యామిలీ కపూర్ కుటుంబానికి చెందిన అన్షులా, సెలబ్రిటీలను అభిమానులతో కలుపుతూ సామాజిక సేవా కార్యక్రమాలు చేసే 'ఫ్యాన్‌కైండ్' (Fankind) అనే సంస్థను నడుపుతున్నారు. ఇటీవల కరణ్ జోహార్ హోస్ట్ చేసిన 'ది ట్రెయిటర్స్' (The Traitors) అనే రియాలిటీ షోలో కూడా ఆమె పాల్గొన్నారు.ఇదీ చదవండి: 42 ఏళ్ల నాటి అమ్మ దుప్పట్టా : కొత్త పెళ్లికూతురు అన్షులా ఎమోషనల్‌

61 ఏళ్ల వయసులో బాలీవుడ్‌ హీరో ఆమీర్‌ ఖాన్‌, తన ప్రియురాలు గౌరీ స్ప్రాట్‌ను ముచ్చటగా చేసుకున్న మూడో పెళ్లి హాట్‌ టాపిక్‌గా నిలుస్తోంది. ముంబైలోని బాంద్రాలో ఆమిర్‌ నివాసంలో జులై 5న ఆదివారం జరిగిన ఈ వివాహానికి మొదట భార్య రీనా దత్తా, రెండో భార్య కిరణ్ రావు, కుమార్తె కూడా హాజరు కావడం విశేషంగా నిలిచింది. అయితే, ఈ పెళ్లిలో మరో విషయం కూడా ఆసక్తికరంగా నిలిచింది. కొత్త పెళ్లికొడుకుగా ఆమిర్ ఖాన్ కేవలం ఒక కాలికి 'ఘుంగ్రూ' (మువ్వల పట్టీ) ధరించారు. దీనికి సంబంధించిన వీడియోలు నెట్టింగ తెగ వైరల్‌గా మారాయా? దీని వెనుక ఏదైనా ప్రత్యేక కారణం ఉందా?ఇటీవలి సెలబ్రిటీల పెళ్లిళ్లలో వధువులతో పోటీగా పెళ్లి కొడుకులు కూడా మహిళలు ధరించే ఆభరణాలను ధరించడం ఒక ఫ్యాషన్‌గా మారింది. అందులో భాగంగానే ఆమీర్‌ ఖాన్‌ కూడా ఒక కాలికి పట్టీ ధరించాడా లేక ఇది ఏదైనా వివాహ సంప్రదాయమా? తన గత రెండు పెళ్లిళ్ల సమయంలోనూ కూడా అతను ఇలాగే చేశాడా? అనేది నెట్టింట చర్చకు దారి తీసింది. ఇదీ చదవండి: కేతన్ హత్య : సియాకు సపోర్ట్‌ చేసిన నెటిజన్‌పై గాయని మండిపాటుఆమిర్ దృష్టిలో ఫ్యాషన్ అంటే కేవలం ప్రత్యేక సందర్భాల్లో ఏదో ఒక ప్రత్యేకమైన దుస్తులు ధరించడం మాత్రమే కాదు; దానికి ఖచ్చితంగా ఒక పెర్సనల్‌టచ్‌ కూడా ఉంటుంది అనడానికి ఈ గజ్జెల పట్టీ ఒక ఉదారణ అంటున్నారు నెటిజన్లు. ముఖ్యంగా ఆమిర్ తెలుపు రంగు ధోవతితో, తలపాగా చాలా స్పెషల్‌గా కనిపించాడు. అంతేకాదు ఆయన ఎంచుకున్న ఆభరణాలు ప్రత్యేకంగా నిలిచాయి. ఏది ఏమైనా ఒక పురుషుడు కేవలం ఒక కాలి పట్టీని ధరించడం ఫ్యాషన్ ప్రపంచంలో ఒక కొత్త ట్రెండ్‌ అనే చెప్పాలి.Aamir Khan got married to Gauri Spratt today.But what is that thick metal anklet-like ornament he is wearing on one of his legs? Why is Aamir Khan wearing it? Is it part of any particular tradition or wedding ritual? pic.twitter.com/UlqXMYPXB5— Saffron Chargers (@SaffronChargers) July 5, 2026 > సాధారణంగా కాలి పట్టీ అనేది స్త్రీలు ధరించే ఆభరణం, అందుకే ఆయన ఎంపికపై చర్చ మొదలైంది. ఏ ఆభరణం ఎవరికి పరిమితం అనేది పెద్ద విషయం కాదు ,కానీ ఇంతకు ముందెన్నడూ చేయని విధంగా ఏదైనా చేసి ప్రత్యేకతను చాటుకోవడానికి ఆమిర్ ఫ్యాషన్ విషయంలో ప్రయోగాలు చేయడం ఇదే మొదటిసారి కాదు. దాదాపు దశాబ్దం క్రితం, అంటే 2017లో, ఆమిర్ ఖాన్ ముక్కు కుట్టించుకున్నారు. 'థగ్స్ ఆఫ్ హిందుస్తాన్‌' చిత్రంలో 'ఫిరంగి మల్లా' అనే మోసగాడి పాత్రకోసం ముక్కు కుట్టించుకున్నారట. అయితే ఇది కేవలం పాత్ర కోసం మాత్రమే కాదనీ, దీని వెనుక వ్యక్తిగతమైన ప్రేరణ ఉందని పలు మీడియా నివేదికల ద్వారా తెలుస్తోంది. తన స్కూల్‌ రోజుల నాటి సింధీ ఫ్రెండ్‌ ముక్కుకు పోగు ధరించేవాడట. ఈ ప్రేరణతోనే తన పాత్ర కోసం ఒక ముక్కుపోగును ఆమిర్ స్వయంగా దానిని డిజైన్ చేసుకున్నాడట. ఇదీ చదవండి : ఆమీర్‌ మూడో పెళ్లి: అంబానీ కుటుంబానికి తృటిలో తప్పిన ప్రమాదం View this post on Instagram A post shared by Irfan Pathan (@irfanpathan_official)

ప్రముఖ పారిశ్రామిక వేత్త, రిలయన్స్‌ అధినేత ముఖేష్‌ అంబానీ కుటుంబానికి తృటిలో భారీ ప్రమాదం తప్పింది. ముంబైలోని బాంద్రా ప్రాంతంలో కుండపోత వర్షాలు, బలమైన గాలుల మధ్య అంబానీ భద్రతా కాన్వాయ్ ముందు ఒక చెట్టు కూలిపోవడంతో, కొద్దిసేపు ట్రాఫిక్‌కు అంతరాయం ఏర్పడింది. దీంతో ట్రాపిక్‌లో కొద్దిసేపు ఆగిపోవాల్సి వచ్చింది. అంబానీ కుటుంబం బాలీవుడ్ నటుడు అమీర్ ఖాన్ మూడో వివాహ వేడుకకు వెళ్లుండగా ఈ ప్రమాదం జరిగినట్టు తెలుస్తోంది.

మార్కాపురం: పెళ్లి వేడుకల్లో చిన్నచిన్న కారణాలతో వివాదాలు తలెత్తడం కొత్తేమీ కాదు. అయితే పెళ్లి ఊరేగింపులో పెళ్లికూతురిని డాన్స్ చేయొద్దని వరుడు అడ్డు చెప్పాడనే కారణంతో పెళ్లికూతురు తండ్రి ఏకంగా పెళ్లినే రద్దు చేయించాడు.. వివరాల్లోకి వెళ్తే.. మార్కాపురం జిల్లా రాచర్ల మండలం చినగానిపల్లి గ్రామంలో ఈ ఘటన చోటుచేసుకున్నట్లు సమాచారం. ఆదివారం ఉదయం వివాహం జరగాల్సి ఉండగా, శనివారం రాత్రి వధూవరుల ఊరేగింపు నిర్వహించారు. ఈ సందర్భంగా బంధువులు, స్నేహితులు ఉత్సాహంగా డాన్స్ చేస్తూ వధూవరులను కూడా నృత్యం చేయాలని కోరారు.ఈ క్రమంలో పెళ్లికూతురు డాన్స్ చేయడానికి సిద్ధమవుతుండగా, వరుడు ఆమెను వారించినట్లు తెలుస్తోంది. ఈ విషయం పెళ్లికూతురు తండ్రికి ఆగ్రహం తెప్పించింది. "పెళ్లికి ముందే నా కూతురిపై ఆధిపత్యం చెలాయించాలని చూస్తే, పెళ్లి తర్వాత పరిస్థితి ఎలా ఉంటుందో?" అంటూ ఆయన అభ్యంతరం వ్యక్తం చేశారు. అనంతరం తన కుమార్తెను అక్కడి నుంచి తీసుకెళ్లడంతో వివాహం నిలిచిపోయింది.ఆ తర్వాత ఇరు కుటుంబాల మధ్య పలుమార్లు చర్చలు జరిగినప్పటికీ విభేదాలు తొలగకపోవడంతో పెళ్లిని రద్దు చేసుకోవాలని నిర్ణయించినట్లు సమాచారం. అనంతరం కట్నం, కానుకలకు సంబంధించిన వ్యవహారాలను పరస్పర అంగీకారంతో పరిష్కరించుకున్నారని స్థానికులు చెబుతున్నారు.పెళ్లి జరగడానికి కేవలం కొన్ని గంటల సమయం మాత్రమే మిగిలి ఉండగా, డాన్స్ విషయంలో తలెత్తిన వివాదం కారణంగా వివాహం రద్దు కావడం స్థానికంగా హాట్ టాపిక్‌గా మారింది.

బాలీవుడ్ స్టార్ అమిర్ ఖాన్ ముచ్చటగా మూడోసారి పెళ్లి బంధంలోకి అడుగుపెట్టారు. ఆయన తన ప్రియురాలు గౌరీ స్ప్రాట్ ఇవాళ అఫీషియల్‌గా ఒక్కటయ్యారు. ముంబయిలోని బాంద్రాలో ఉన్న ఆమిర్ నివాసంలో వీరిద్దరి పెళ్లి వేడుక జరిగింది. ఇరువురి కుటుంబ సభ్యులు, సన్నిహితుల సమక్షంలో తమ వివాహ రిజిస్ట్రేషన్‌ పత్రాలపై సంతకాలు చేశారు. ఈ పెళ్లికి కేవలం దగ్గరి బంధువులు, అత్యంత సన్నిహితులు మాత్రమే హాజరయ్యారు.కాగా.. గతేడాది అమిర్ ఖాన్ తన బర్త్ డే సందర్భంగా ప్రియురాలిని పరిచయం చేశారు. తాను 25 ఏళ్లుగా తెలిసినప్పటికీ.. గత రెండేళ్లుగా డేటింగ్ ప్రారంభించామని అమిర్ ఖాన్ వెల్లడించారు. గతంలో ‍అమిర్ ఖాన్ రీనా దత్తాను వివాహం చేసుకున్నారు. వీరికి ఇద్దరు పిల్లలు ఉన్నారు. ఆ తర్వాత 2005లో చిత్రనిర్మాత కిరణ్ రావును వివాహం చేసుకున్నారు. వీరిద్దరు 2021లో విడిపోగా.. ఓ కుమారుడు ఆజాద్‌ ఉన్నారు.మరోవైవు బెంగళూరుకు చెందిన గౌరీ స్ప్రాట్.. వెల్‌నెస్ అండ్ బ్యూటీ రంగంలో పనిచేస్తున్నారు. గతంలో సెలూన్ యజమాని అయిన రీటా స్ప్రాట్ కుమార్తెనే గౌరీ. గతంలో 2004లో లండన్‌లోని యూనివర్సిటీ ఆఫ్ ది ఆర్ట్స్‌లో ఫోటోగ్రఫీలో కోర్సును గౌరీ అభ్యసించారు. ఆమె ప్రస్తుతం ముంబైలో ఒక బిబ్లంట్ అనే సెలూన్‌ నడుపుతున్నారు.

యూట్యూబ్ వీడియోలు, షార్ట్ ఫిల్మ్స్, వెబ్ సిరీస్‌లతో ప్రేక్షకుల మనసులు గెలుచుకున్న సెలబ్రిటీ జంట సిద్ధూ పవన్, సోనియా సింగ్. వీరిద్దరు బుల్లితెరపై చేసే హడావుడి అంతా ఇంత కాదు. పలు షోలలో జంటగా పాల్గొంటూ.. తమదైన కామెడీ మాటలతో నవ్విస్తుంటారు. ముఖ్యంగా సోనియా అమాయకంగా చెప్పే డబుల్‌ మీనింగ్‌ డైలాగ్స్‌ నెట్టింట బాగా వైరల్‌ అవుతుంటాయి. ఇటీవల ఓ రియాల్టీ షోలోనూ ఈ జంట పాల్గొని తమదైన ఆటతీరుతో ఆకట్టుకున్నారు. అయితే గత కొన్నేళ్లుగా ప్రేమలో ఉన్న ఈ జంట.. ఇప్పటికీ పెళ్లి చేసుకోలేదు. కలిసే ఉన్నప్పటికీ.. వీరిద్దరు పెళ్లిబంధంతో ఒక్కటవ్వాలని చాలా మంది కోరుకుంటున్నారు. దీనిపై తాజాగా సోనియా స్పందించారు. త్వరలోనే పెళ్లి చేసుకోతున్నట్లు వెల్లడించారు.తాజాగా ఓ న్యూస్‌ చానల్‌ నిర్వహిస్తున్న ఓ టాక్‌ షోలో పాల్గొన్న సోనియాని పెళ్లి ఎప్పుడు అని హోస్ట్‌ ప్రశ్నించగా.. ‘ఏమో.. పెళ్లయిపోయిందేమో.. నేను చెప్పట్లేదేమో’ అంటూ నవ్వుతూ సమాధానం ఇచ్చింది ఆమె. అనంతరం అసలు విషయాన్ని వెల్లడిస్తూ.. ‘సెప్టెంబర్ 2వ తేదీ తెల్లవారుజామున 1:45 గంటలకు మా పెళ్లి జరగనుంది’ అని చెప్పింది.యూట్యూబ్‌ వీడియోల ద్వారా పాపులర్‌ అయిన సోనియా.. ఆ తర్వాత షార్ట్ ఫిల్మ్స్, వెబ్ సిరీస్‌లు, సినిమాల ద్వారా ప్రేక్షకులకు మరింత చేరువయ్యారు.'విరూపాక్ష'సినిమాతో వెండితెరపై ఎంట్రీ ఇచ్చింది. అందులో హీరోయిన్ స్నేహితురాలి పాత్రలో మెప్పించారు. ఆ తర్వాత 'ఎక్స్ట్రా ఆర్డినరీ మ్యాన్' సినిమాలో కామెడీ పాత్రలో కనిపించి ప్రేక్షకులను అలరించారు. ఇటీవల విడుదలైన 'నాగబంధం' సినిమాలో కూడా సోనియా కీలక పాత్రలో నటించారు.

ప్రస్తుతం మాలీవుడ్‌, కోలీవుడ్‌, టాలీవుడ్‌ అంటూ చుట్టేస్తున్న నటి ఐశ్వర్య లక్ష్మి. ఈ మలయాళీ భామ నిర్మాత కూడా. ముఖ్యమైన దక్షిణాది కథానాయికల్లో ఈమె ఒకరు. 2017లో మాలీవుడ్‌లో హీరోయిన్‌గా ఎంట్రీ ఇచ్చిన ఈ బ్యూటీ 2019లో యాక్షన్‌ అనే చిత్రం ద్వారా కోలీవుడ్‌కు దిగుమతి అయ్యారు. ఆ తరువాత ఇక్కడ జగమేతంతిరం, కార్గీ, పొన్నియిన్‌ సెల్వన్‌, కట్టాకుస్తీ, మామన్‌ వంటి సక్సెస్‌ ఫుల్‌ చిత్రాల్లో నటించి తనకంటూ ప్రత్యేక గుర్తింపును పొందారు. ఇటీవల టాలీవుడ్‌లోనూ ఎంట్రీ ఇచ్చారు. ఈ 34 ఏళ్ల పరువాల బ్యూటీ ఇప్పటికీ అవివాహితేనన్నది గమనార్హం. ఏ విషయాన్నైనా నిర్మొహమాటంగా చెప్పే ఐశ్వర్య లక్ష్మి వివాహం పైనా తనకు నమ్మకం లేదని, ఇంతకు ముందు పలు మార్లు చాలా స్పష్టంగా చెప్పారు. అలాంటిది ఇటీవల అమ్మతనంపై ఇష్టాన్ని వ్యక్తం చేయడం విశేషం. ఈ తాజాగా కట్టా కుస్తీ–2 చిత్రంలో నటుడు విష్ణు విశాల్‌కు జంటగా నటించారు. ఈ చిత్రం శుక్రవారం తెరపైకి వచ్చింది. భార్యాభర్తల అనుబంధం ఇతివృత్తంతో రూపొందిన ఈ చిత్రంలో కుస్తీ క్రీడాకారిణిగా ఐశ్వర్య లక్ష్మి నటించారు. సమీప కాలంలో ఈ చిత్ర ప్రమోషన్‌ కార్యక్రమంలో పాల్గొన్న ఈ భామ తన వివాహానికి సంబంధించిన ప్రశ్నకు బదులిస్తూ వివాహం అనే వ్యవస్థపై తనకు చాలా సమస్యలు ఉన్నాయన్నారు. అయితే కట్టాకుస్తీ–2 చిత్రంలో ఒక చిన్నారితో సన్నిహితంగా ఉన్నప్పుడు తనలో అమ్మతనం కలిగిందన్నారు. తనకోసం వచ్చేవాడు మంచి తండ్రి అవుతాడా తనను వదిలి వెళ్లిపోకుండా ఉంటాడా అనే అనుమానాలు ఉన్నాయన్నారు. కనీసం తనను శ్రద్ధగా చూసుకునే వ్యక్తితో తాను ఒక బిడ్డను కనాలని కోరుకుంటున్నానని నటి ఐశ్వర్య లక్ష్మి పేర్కొన్నారు. ప్రస్తుతం ఈమె సంబరాల ఏటి గట్టు అనే తెలుగు చిత్రంతోపాటు మలయాళంలో ఆషా అనే చిత్రంలో నటిస్తున్నారు.

బాలీవుడ్ స్టార్ అమిర్ ఖాన్ ముచ్చటగా మూడోసారి వివాహబంధంలోకి అడుగుపెడుతున్నారు. ఈనెల 5న తన ప్రియురాలు, బెంగళూరుకు చెందిన గౌరీ స్ప్రాట్‌ను పెళ్లాడనున్నారు. వీరిద్దరి పెళ్లి వేడుక చాలా సింపుల్‌గా కొద్దిమంది సన్నిహితుల సమక్షంలోనే జరగనుందని వెల్లడించారు. ఈ వివాహాన్ని ‍అత్యంత దగ్గరి బంధువులతోనే చాలా సీక్రెట్‌గా జరుపుకోనున్నారు. ఈ పెళ్లికి కేవలం 100-150 మంది మాత్రమే అతిథులు మాత్రమే హాజరవుతారని అమిర్ ఖాన్ సన్నిహితులు తెలిపారు. ఇప్పటికే ఈ వేడుకకు సంబంధించిన ఏర్పాట్లు పూర్తైనట్లు వెల్లడించారు. అతిథులకు ప్రత్యేక భోజనాల మెను సిద్ధం చేసినట్లు ఓ నివేదిక ద్వారా తెలిసింది. అమిర్, గౌరీ మెను విషయంలో తమకు ఇష్టమైన వంటకాల తయారీని స్వయంగా పర్యవేక్షిస్తున్నారట. వీరిద్దరు ‍అతిథులకు ఇచ్చే విందు స్పెషల్‌గా ఉండాలని భావిస్తున్నారట.ఈ పెళ్లికి అమిర్ ఖాన్ కుటుంబ సభ్యులు, సన్నిహితులతో పాటు చిత్రనిర్మాత అశుతోష్ గోవారికర్, డైరెక్టర్ రాజ్ కుమార్ సంతోషి కూడా హాజరవుతారని తెలుస్తోంది. కాగా.. ‍అమిర్ గతంలో రీనా దత్తాను వివాహం చేసుకున్నారు. వీరికి జునైద్, ఐరా అనే ఇద్దరు పిల్లలు ఉన్నారు. ఆ తర్వాత డైరెక్టర్ కిరణ్ రావును వివాహం చేసుకున్నారు. వీరిద్దరి ఆజాద్ అనే కుమారుడు ఉన్నాడు.#WATCH | Mumbai | On his marriage plans, actor Aamir Khan says, "I am getting married on July 5, and the wedding will take place at home with close family and friends. We seek everyone's blessings and hope that we remain happy forever..." (02.07) pic.twitter.com/GXhBqEaDcH— ANI (@ANI) July 3, 2026

చీపురుపల్లిరూరల్‌(గరివిడి): భవిష్యత్తు గురించి ఎన్నో కలలు..ఆశలతో పెళ్లిపీటలు ఎక్కి ఏడడుగులు నడవాల్సిన యువతి ప్రేమపేరుతో మోసపోయింది. చివరకు కసాయి ప్రియుడి బెదిరింపులు, బ్లాక్‌మెయిల్‌తో ప్రాణాలు తీసుకుంది. ఈ విషాద ఘటన గరివిడి మండలంలో తీవ్ర సంచలనం సృష్టించింది. వివాహితుడై భార్య, ఇద్దరు పిల్లలు ఉన్న వ్యక్తి ఆ యువతితో సన్నిహితంగా మెలిగి, అనంతరం ఆమెకు వివాహం కుదరడంతో పెళ్లిని అడ్డుకునేందుకు తీవ్ర వేధింపులకు గురి చేశాడు. కసాయి ప్రియుడి బెదిరింపులు, బ్లాక్‌ మెయిల్‌ను తట్టుకోలేక యువతి పురుగు మందు తాగేయడంతో కుటుంబసభ్యులు గమనించి విజయనగరంలోని ఓ ఆస్పత్రికి తీసుకువెళ్లగా చికిత్స పొందుతూ మృతి చెందింది. ఈ సంఘటనకు సంబంధించి గరివిడి ఎస్సై బి.లోకేశ్వరరావు తెలిపిన వివరాల మేరకు గరివిడి మండలంలోని తోండ్రంగి గ్రామానికి చెందిన యువతి బలగం అఖిలకు ఇటీవల కుటుంబసభ్యులు వివాహం నిశ్చయించారు. ఈ నేపథ్యంలో అదే గ్రామానికి చెందిన మాజీ ప్రియుడు కోరాడ రామునాయుడు ఆమెను ఫోన్‌లో పదేపదే సంప్రదిస్తూ పెళ్లి చేసుకోకు..పురుగు మందు తాగి చచ్చిపో..నేను పురుగు మందు పంపిస్తున్నా, తీసుకుని తాగు అంటూ తీవ్రంగా మానసికంగా వేధించాడు. అంతటితో ఆగకుండా పొరపాటున పెళ్లిపీటలు ఎక్కితే మన ఇద్దరం కలిసి ఉన్న ఫొటోలు, వీడియోలు బయటపెడతానంటూ బ్లాక్‌మెయిల్‌ చేశాడు. ఈ బెదిరింపులతో తీవ్ర మనస్తాపానికి గురైన యువతి మంగళవారం ప్రియుడు పంపించిన పురుగు మందు తాగేసి అపస్మాకర స్థితికి చేరుకుంది. దీంతో ఆమెను కుటుంబసభ్యులు ఆస్పత్రికి తరలించగా కీ చికిత్స పొందుతూ బుధవారం మరణించింది. మృతురాలి తండ్రి బలగం రాము ఇచ్చిన ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.

బాలీవుడ్ స్టార్ హీరో ‍అమిర్ ఖాన్ ముచ్చటగా మూడోసారి పెళ్లి చేసుకోబోతున్నారు. గతేడాది తన ప్రియురాలిని పరిచయం చేసిన 60 ఏళ్ల హీరో మరోసారి వివాహబంధంలోకి అడుగుపెడుతున్నారు. బెంగళూరుకు చెందిన తన ప్రియురాలు గౌరీ స్ప్రాట్‌ను పెళ్లాడనున్నారు. ఈ నెల 5న వీరిద్దరి పెళ్లి జరగనుంది. కొద్దిమంది సన్నిహితుల సమక్షంలోనే ఈ జంట ఒక్కటి కానున్నారు. ఎలాంటి హడావుడి లేకుండా సింపుల్‌గా రిజిస్టర్ మ్యారేజ్ చేసుకోనున్నారు.అయితే పెళ్లి తర్వాత గ్రాండ్ రిసెప్షన్‌ వేడుక ఉంటుందని అంతా భావించారు. కానీ అలాంటిదేమీ లేదని తెలుస్తోంది. కేవలం అమిర్ ఖాన్‌ ఇంట్లో అత్యంత సన్నిహితులకు మాత్రమే ట్రీట్ ఇవ్వనున్నారు. ఈ వేడుకను కేవలం సన్నిహిత కుటుంబ సభ్యులు, స్నేహితుల సమక్షంలోనే ప్రైవేట్‌గా జరుపుకోనున్నారు. ఈ విషయాన్ని సన్నిహితులు ఒకరు వెల్లడించారు. ఇటీవల ఇంటర్వ్యూలోనూ అమిర్ ఖాన్ ఇదే విషయాన్ని వెల్లడించారు. మా ఇంట్లోనే కేవలం ఇరు కుటుంబాలు, అత్యంత సన్నిహిత స్నేహితుల సమక్షంలో రిజిస్టర్ మ్యారేజ్ చేసుకుంటామని తెలిపారు. మేమిద్దరం చాలా నిరాడంబరంగా చేసుకోవాలని ముందే నిర్ణయించుకున్నామని అమిర్ పేర్కొన్నారు. కాగా.. జూలై 5న ఈ జంట పెళ్లిబంధతో ఒక్కటి కానున్నారు. కాగా.. గతేడాది తన బర్త్‌ డే సందర్భంగా అమిర్ ఖాన్ ప్రియురాలిని అభిమానులకు పరిచయం చేశారు.కాగా.. అమిర్ ఖాన్‌కు ఇప్పటికే రెండు పెళ్లిళ్లు కాగా.. ఇద్దరితోనూ విడిపోయారు. ‍అమిర్ గతంలో రీనా దత్తాను వివాహం చేసుకున్నారు, వీరికి జునైద్, ఐరా అనే ఇద్దరు పిల్లలు ఉన్నారు. ఆ తర్వాత డైరెక్టర్ కిరణ్ రావును పెళ్లి చేసుకున్నారు. వీరికి ఆజాద్ అనే కుమారుడు ఉన్నాడు. మరోవైపు ప్రియురాలు గౌరీ స్ప్రాట్‌కు సైతం ఓ కుమారుడు ఉన్నారు. ఆమె కూడా తన భర్తకు విడాకులిచ్చింది.

ప్రస్తుతం ఎక్కడ చూసిన పెళ్లిళ్ల సీజన్ నడుస్తోంది. జూన్ నుంచే ముహుర్తాలు షురూ కావడంతో పెళ్లిళ్ల సందడి మొదలైంది. తాజాగా మరో నటుడు పెళ్లీపీటలెక్కారు. తమిళ, మలయాళ చిత్రసీమలో గుర్తింపు తెచ్చుకున్న నటుడు అరవింద్ ఆకాశ్ ఓ ఇంటివాడయ్యారు. ఈయన దాదాపు 50 ఏళ్ల వయసులో తన ప్రియురాలు సారాను పెళ్లాడారు. వీరిద్దరి పెళ్లి వేడుక మలేసియాలోని కౌలాలంపూర్‌లో గ్రాండ్‌గా జరిగింది. ఈ వివాహ వేడుకలో కుటుంబ సభ్యులు, సన్నిహితులు, బంధుమిత్రులు పాల్గొన్నారు. ఈ పెళ్లి వేడుకలో దర్శకుడు వెంకట్ ప్రభు, నటుడు వైభవ్ కూడా పాల్గొన్నారు. దీనికి సంబంధించిన ఫోటోలు నెట్టింట వైరల్‌గా మారాయి. ఈ ఏడాది ప్రారంభంలో ఎంగేజ్‌మెంట్‌ చేసుకున్న అరవింద్.. పెళ్లిబంధంలోకి అడుగుపెట్టారు. కాగా. అరవింద్ ఆకాశ్ కోలీవుడ్‌లో పలు సూపర్ హిట్ సినిమాల్లో నటించారు. చెన్నై 600028, గోవా, సరోజ, మంకథ, బిర్యానీ, మాస్ ఎంగిర మసిలమణి, చెన్నై 600028 II, మానాడు, ది గ్రేటెస్ట్ ఆఫ్ ఆల్ టైమ్ చిత్రాల్లో కనిపించారు. అరవింద్ ఎక్కువగా వెంకట్ ప్రభు డైరెక్ట్ మూవీస్‌లో నటించడం విశేషం. తమిళంతో పాటు మలయాళ చిత్రసీమలోనూ అరవింద్ ఆకాశ్ మెప్పంచారు. పృథ్వీరాజ్ సుకుమారన్ హీరోగా నటించిన 'నందనం' చిత్రంలో శ్రీకృష్ణుడి పాత్రకు బాగా గుర్తింపు తెచ్చుకున్నారు. అంతేకాకుండా మలయాళంలో కూట్టు, వాంటెడ్, వజ్రం, పొన్ముడిపుళయోరతు, మమ్మీ అండ్ మీ, ప్రజాపతి లాంటి సినిమాలు చేశారు. ఇటీవలే పృథ్వీరాజ్-బాసిల్ జోసెఫ్ నటించిన 'గురువాయూరంబాల నడయిల్' చిత్రంలో అతిథి పాత్రలో కనిపించారు. కాగా.. అరవింద్ చివరిసారిగా 2024లో విజయ్ నటించిన 'ది గ్రేటెస్ట్ ఆఫ్ ఆల్ టైమ్' చిత్రంలో నటించారు. Love wins at 50! 💍❤️Popular South actor #AravindAkash tied the knot with his partner Sarah in an intimate ceremony in Malaysia. The Chennai 600028 and Mankatha squad flew down to Kuala Lumpur to celebrate the mini-reunion! Slide to see Venkat Prabhu, Vaibhav, and Premgi… pic.twitter.com/2ustvzuvfi— Abhay Mani Diwakar (@theabhayd) July 2, 2026

అహ్మదాబాద్‌: హిందూ వివాహాల విషయంలో గుజరాత్‌ హైకోర్టు కీలకమైన తీర్పును ప్రకటించింది. పెళ్లికి రిజ్రస్టేషన్‌ ఒక్కటే సరిపోదని తేల్చిచెప్పింది. వివాహం అనేది కేవలం పాటలు, నృత్యాల వేడుక మాత్రమే కాదని పేర్కొంది. సప్తపది వంటి సంప్రదాయ ఆచారాలను పాటించకుండా ఒక జంట కేవలం రిజిస్ట్రేషన్తో ఒక్కటైతే అది చట్టబద్ధమైన వివాహంగా పరిగణించలేమని వెల్లడించింది. ఈ మేరకు జూన్‌ 23న తీర్పునిస్తూ ఉత్తర్వు జారీ చేసింది. దేశంలో వేర్వేరు ప్రాంతాల్లో భౌగోళిక, సాంస్కృతికపరమైన వైవిధ్యాలు ఉన్నప్పటికీ.. పెళ్లి తంతులో సంప్రదాయ ఆచారాలు, పద్ధతులు ఒక వ్యక్తి ఆధ్యాత్మిక స్వభావాన్ని శుద్ధి చేసి, పరివర్తన చెందేలా చేస్తాయని వెల్లడించింది.తమ వివాహాన్ని చెల్లనిదిగా ప్రకటించడానికి నిరాకరించిన ఫ్యామిలీ కోర్టు నిర్ణయాన్ని సవాలు చేస్తూ యునైటెడ్‌ కింగ్‌డమ్‌(యూకే)కు చెందిన కౌశల్‌ సోనార్‌ అనే వ్యక్తి గుజరాత్‌ హైకోర్టులో పిటిషన్‌ దాఖలు చేశాడు. దీనిపై జస్టిస్‌ ఐలేష్‌ వోరా, జస్టిస్‌ ఆర్‌.టి.వచానీతో కూడిన డివిజన్‌ బెంచ్‌ విచారణ చేపట్టింది. గత ఏడాది నవంబర్‌లో ఫ్యామిలీ కోర్టు జారీ చేసిన ఉత్తర్వును కొట్టివేసింది. మూడు ముళ్లు, ఏడు అడుగులు వంటి ఆచారాలను పాటించడమే హిందూ వివాహానికి పునాది అని తేల్చిచెప్పింది. పవిత్రమైన అగ్నిసాక్షిగా వధూవరులు కలిసి ఏడు అడుగులు వేసే సప్తపది వంటి ఆచారాలు వివాహానికి ఒక పవిత్ర సంస్కారాన్ని, ఆధ్యాత్మిక, సామాజిక, చట్టపరమైన హోదాను కల్పిస్తాయని న్యాయస్థానం వెల్లడించింది. ఏమిటీ కేసు? తాను ఎవరినీ పెళ్లి చేసుకోకపోయినా ఓ యువతి తన భార్యగా చెలామణి అయ్యేందుకు ప్రయత్నించిందని యూకేలో నివసించే కౌశల్‌ సోనార్‌ ఆరోపించాడు. ఆ యువతి అహ్మదాబాద్‌లో నివసిస్తోందని, ఆమె తన తల్లిదండ్రులను సంప్రదించి, తనను వివాహం చేసకున్నట్లుగా ఓ ధ్రువీకరణ పత్రాన్ని అందజేసిందని చెప్పాడు. ఆ తర్వాతే ఆమె గురించి తనకు తెలిసిందని అన్నాడు. చట్టబద్ధంగా జరిగిందని యువతి చెబుతున్న ఈ వివాహాన్ని రద్దు చేయాలని కోర్టును కోరాడు. ప్రతివాదిని తాను వివాహం చేసుకోలేదని, ఎలాంటి హిందూ ఆచారాలు, వేడుకలు నిర్వహించలేదని, ఆమెతో భర్తగా ఎప్పుడూ కలిసి జీవించలేదని పేర్కొన్నాడు.తన సమ్మతి లేకుండా, మోసపూరితంగా వివాహ పత్రాలపై తన సంతకం తీసుకున్నారని ఆరోపించాడు. తమ మధ్య ఎటువంటి వివాహ సంప్రదాయాలు, వేడుకలు జరగలేదని, తాము ఎప్పుడూ భార్యాభర్తలుగా జీవించలేదని ప్రతివాది అయిన యువతి కూడా ఫ్యామిలీ కోర్టు ముందు అంగీకరించింది. అయినప్పటికీ కౌశల్‌ సోనార్‌ పిటిషన్‌ను కొట్టివేయడం ద్వారా ఫ్యామిలీ కోర్టు పొరపాటు చేసిందని హైకోర్టు పేర్కొంది. వివాహం పవిత్రమైన విధి హిందూ వివాహ చట్టంలోని సెక్షన్‌–7ను హైకోర్టు ప్రస్తావించింది. హిందూ వివాహాన్ని సంపూర్ణమైనదిగా, చట్టబద్ధమైనదిగా మార్చడానికి ఆచారాలు సంప్రదాయాల ప్రకారం వివాహాన్ని జరపడం గురించి ఈ సెక్షన్‌ చెబుతున్నట్లు గుర్తుచేసింది. వివాహానికి సంబంధించిన ఆచారాలు, వేడుకలు ఏవీ నిర్వహించబడలేదు కాబట్టి ఈ కేసులో హిందూ వివాహానికి ఉండాల్సిన ప్రాథమిక, అత్యవసరమైన అంశం లోపించినట్లు వెల్లడించింది. ‘‘హిందూ సంప్రదాయంలో భార్యను భర్తలో సగభాగంగా(అర్ధాంగిగా) పరిగణిస్తారు.అదే సమయంలో ఆమెను తనదైన ప్రత్యేక గుర్తింపు కలిగిన వ్యక్తిగా, వివాహ బంధంలో సమాన భాగస్వామిగా కూడా గుర్తిస్తారు. హిందూ చట్టం ప్రకారం వివాహం అనేది ఒక పవిత్ర సంస్కారం. ఇది ఒక కొత్త కుటుంబానికి పునాదిగా నిలుస్తుంది. హిందూ వివాహం అంటే ఒక పవిత్రమైన విధి. భారతీయ సమాజంలో అత్యంత ప్రాధాన్యత కలిగిన ఒక వ్యవస్థ. కాబట్టి వివాహ బంధంలోకి ప్రవేశించే ముందు యువతీయువకులు ఆ వ్యవస్థ గురించి తెలుసుకోవాలి. భారతీయ సమాజంలో పెళ్లికి ఉన్న పవిత్రతను అర్థం చేసుకోవాలి. వివాహం అంటే కేవలం పాటలు, నృత్యాలు, విందులు వినోదాలు చేసుకొనే సందర్భం మాత్రమే కాదు.అదొక వాణిజ్యపరమైన లావాదేవీ కూడా కాదు. ఒక స్త్రీ, ఒక పురుషుడు వ్యక్తిగత బంధంలోకి ప్రవేశించి భవిష్యత్తులో కుటుంబాన్ని నిర్మించుకోవడానికి సంబంధించిన ఒక పవిత్రమైన, కీలకమైన ఘట్టం. వివాహం ఎంతో పవిత్రమైనది. ఎందుకంటే అది ఇద్దరు వ్యక్తుల మధ్య జీవితకాలం నిలిచే, గౌరవప్రదమైన, సమానమైన, పరస్పర అంగీకారంతో కూడిన ఆరోగ్యకరమైన బంధాన్ని ఏర్పరుస్తుంది. ఆచారాలు, సంప్రదాయాలను సక్రమంగా పాటించినప్పుడు, ఇది ఒక వ్యక్తి మోక్షాన్ని పొందడానికి సహాయపడే సంఘటనగా కూడా పరిగణిస్తారు. అందుకే రిజిస్ట్రేషన్ జరిగి, మ్యారేజ్‌ సరి్టఫికెట్‌ ఉన్నంత మాత్రాన అది చట్టబద్ధమైన పెళ్లిగా భావించలేం’’ అని హైకోర్టు తేల్చిచెప్పింది.

జబర్దస్త్ కామెడీ షో క్రేజ్ తెచ్చుకున్న ఫైమా ఇటీవలే పెళ్లి బంధంలోకి అడుగుపెట్టింది. తొమ్మిదేళ్ల ప్రేమ తర్వాత చివరికీ మూడుముళ్లతో ఒక్కటయ్యామని ఎమోషనలైంది. తన ప్రియుడు ప్రవీణ్‌తో ఏడడుగులు వేసింది. సంప్రదాయంగా జరిగిన వీరిద్దరి పెళ్లి వేడుక ఫోటోలు సోషల్ మీడియాలో వైరలయ్యాయి. ఈ విషయం తెలుసుకున్న అభిమానులు కొత్త జంటకు శుభాకాంక్షలు తెలిపారు. ఈ పెళ్లి వేడుకలో జబర్దస్త్ కమెడియన్స్ సందడి చేశారు. ఈ పెళ్లి జరిగి అప్పుడే వారం రోజులు పూర్తయింది. తాజాగా ఫైమా తన పెళ్లిలోని అరుదైన వీడియోను సోషల్ మీడియాలో షేర్ చేసింది. ఒకటే సందర్భం.. ఇద్దరు తల్లుల వేదన అంటూ క్యాప్షన్ రాసుకొచ్చింది. మెట్టినింటికి వెళ్తున్న కూతురుని చూసి కన్నీళ్లు ఆపుకోలేక ఫైమా తల్లి కన్నీటి పర్యంతమైంది. తన కుమార్తెని హత్తుకుని బోరున ఏడుస్తూ కనిపించింది. ఫుల్ ఎమోషనల్‌గా ఉన్న వీడియోను ఫైమా తన ఇన్‌స్టాలో షేర్ చేసింది. ఈ వీడియో చూసిన నెటిజన్స్ అమ్మ ప్రేమకు ఏది సాటి రాదంటూ కామెంట్స్ చేస్తున్నారు. View this post on Instagram A post shared by FAIMA (@faima_patas)

కోలీవుడ్ నటి ఖుష్బు సుందర్ కుమార్తె అవంతిక పెళ్లి ఇటీవలే గ్రాండ్‌గా జరిగింది. గోవాలో జరిగిన ఈ పెళ్లి వేడుకలో టాలీవుడ్ సినీతారలు సందడి చేశారు. చిరంజీవితో పాటు వెంకటేశ్, నాగార్జున, త్రిష, తమన్నా, రాధికా , సుహాసిని, అనిల్ కపూర్, జాకీ ష్రాఫ్ ఈ పెళ్లికి హాజరయ్యారు. దీనికి సంబంధించిన ఫోటోలు, వీడియోలు సోషల్ మీడియాలో వైరల్‌గా మారాయి. అయితే తాజాగా ఈ పెళ్లికి సంబంధించిన ఓ వీడియో నెట్టింట వైరల్‌గా మారింది. తన కూతురి మెడలో వరుడు తాళి కడుతున్న సమయంలో ఖుష్బు సుందర్ ఫుల్ ఎమోషనల్‌గా కనిపించింది. ఈ వీడియోలో ఆమె తీవ్ర భావోద్వేగానికి గురై ఏడ్చేసింది. వారి చిన్న కుమార్తె ఆనందిత కూడా అక్క పెళ్లిని చూసి ఎమోషనలైంది. ప్రస్తుతం ఈ వీడియోలో సోషల్ మీడియాలో వైరలవుతోంది. కాగా.. ఖుష్బు- సుందర్‌ల పెద్ద కూతురు అవంతిక సుందర్.. శ్రవణ్ శ్రీనివాసన్‌ను వివాహం చేసుకున్నారు. ఈ పెళ్లి వేడుక జూన్ 25న గ్రాండ్‌గా జరిగింది. View this post on Instagram A post shared by Spize Events (@spizeweddingsandevents)

బెంగళూరు: ‘నేను బాలికని, నాకు బలవంతంగా పెళ్లి చేస్తున్నారు. సహాయం చేయండి’ అని బాలల సహాయ కేంద్రానికి ఫోన్‌ చేసిన ఒక బాలికను అధికారులు రక్షించారు. ఈ సంఘటన చామరాజనగర జిల్లా, గుండ్లుపేట తాలూకాలోని శివపుర గ్రామంలో జరిగింది. మలవల్లి గ్రామానికి చెందిన ఒక బాలికకు శివపుర గ్రామానికి చెందిన యువకునితో పెద్దలు పెళ్లి నిశ్చయించారు. ఆ బాలికను ఏడు రోజులుగా ఆ యువకుని ఫామ్‌హౌస్‌లో ఉంచారు. ఈ సమయంలో బాలిక బాలల సహాయ కేంద్రానికి ఫోన్‌ చేసి, ‘నేను మైనర్‌ని, ఇక్కడ నేను సమస్యలను ఎదుర్కొంటున్నాను‘ అని చెప్పింది. శివపుర గ్రామ పంచాయతీ పీడీఓ శిల్ప ఫిర్యాదు ఆధారంగా, పోలీసులు స్థానిక అంగన్‌వాడీ కార్యకర్తలతో కలిసి ఫామ్‌హౌస్‌కు వెళ్లి బాలికను రక్షించారు. తల్లిదండ్రుల వద్ద ఉంచితే ప్రమాదమని శిశుగృహానికి తరలించినట్లు తెలిపారు.

హిందూ సంప్రదాయంలో ఏ పని తలపెట్టిన శుభ ముహూర్తాలు చూసుకోవడం ఆనవాయితీ. కొత్త వస్తువులు, వాహనాలు కొనాలన్నా మంచి రోజులు ఉండాల్సిందే. అలాంటిది జీవితంలో అత్యంత ప్రధానమైన వివాహాలు, గృహప్రవేశాల విషయంలో నక్షత్ర, రాశి బలాలకు సరిపడా ముహుర్తాలపై ప్రజలకు అచంచల విశ్వాసం ఉంటుంది. అయితే గత మే 14న అధిక జ్యేష్టమాసం ప్రారంభం కావడంతో నెల రోజులుగా శుభకార్యాలకు బ్రేక్‌ పడింది. తాళికట్టు శుభవేళ.. ఈ నెల 15తో శూన్యమాసం ముగిసింది. 16 నుంచి నిజ జ్యేష్టమాసం ప్రారంభమైంది. జూన్‌ 27, 28, జూలై 1, 2, 3, 4, 5, 8, 9 తేదీలలో అత్యంత బలమైన ముహూర్తాలు ఉన్నాయని జ్యోతిష పండితులు చెబుతున్నారు. ఆగస్టు, సెప్టెంబరు, అక్టోబర్‌ మాసాల్లోనూ మంచి ముహుర్తాలు ఉన్నాయని అంటున్నారు. వ్యాపారాలు కళకళ.. నెలరోజులుగా ముహూర్తాలు లేకపోవడంతో కల్యాణ మండపాలు, కేటరింగ్, టెంట్‌ హౌస్‌లు, డెకరేషన్, పూల వ్యాపారులు, పురోహితులు, బంగారం షాపులు, వస్త్రవ్యాపారులు, ఫొటోగ్రాఫర్ల వ్యాపారాలు మందగించాయి. చాలా మంది కారి్మకులకు ఉపాధి కరువైంది. జూన్‌ 19 నుంచి మళ్లీ సీజన్‌ ప్రారంభం కానుండటంతో ఈ అనుబంధ వ్యాపారాలన్నీ ఊపందుకుంటాయని వారు ఆశాభావం వ్యక్తం చేస్తున్నారు. రెండు వేల వరకు వివాహాలు నెల రోజుల తర్వాత ముహూర్తాలు మొదలవడంతో జిల్లా వ్యాప్తంగా సుమారు 2వేల వరకు పెళ్లిళ్లు జరిగే అవకాశాలు ఉన్నాయి. దీంతో వధూవరులకు కావలసిన వస్త్రాలు, పట్టుచీరలు కొనేందుకు తల్లిదండ్రులు, బంధువులు షాపులకు క్యూ కడుతున్నారు. కిరాణా దుకాణాలలో కూడా వ్యాపారాలు జోరుగా సాగుతున్నాయి. ‘బంగారం’ లాంటి చాన్స్‌ పెళ్లికి ముఖ్యమైనది బంగారం. దాని ఖరీదు పెరుగుతున్నా తప్పని సరిగా బంగారం పెట్టాల్సిందే. స్వర్ణాభరణాల ధరలు పెరుతున్నా పెళ్లికి అతిముఖ్యంగా కావలసిన తాళిబొట్టు, మట్టెలు కొనుగోలు చేయాల్సి ఉంటుంది. దీంతో కొందరు బంగారం షాపుల వద్ద చేరి వీటిని ముందుగా ఆర్డర్‌ ఇచ్చి చేయించుకుంటున్నారు. మరికొందరు బంగారం ముక్క కొనుగోలు చేసి తమకు తెలిసిన తయారీదారుని వద్ద వెళ్లి ఆర్డర్‌ ఇస్తున్నారు. జ్యేష్టమాసం విశేషమైంది జ్యేష్టమాసం అన్ని మాసాలలోకి విశేషమైంది. బ్రహ్మదేవునికి అత్యంత ప్రీతిపాత్రమైన మాసం. నిజ జ్యేష్ట మాసంలో వివాహాది శుభ కార్యక్రమాలు యధావిధిగా నిర్వహిస్తారు. చాలా మంది వివాహాలు చేసుకునేందుకు సన్నద్ధమవుతున్నారు. – తెన్నేటి విక్రమశర్మ, ప్రకాశరాయ జ్యోతిషాలయం ముహూర్తాల కోసం వస్తున్నారు.. నెలరోజులుగా ముహూర్తాలు లేక చేతిలో పనులు లేవు. ఎట్టకేలకు శుభ ముహూర్తాలు మొదలు కావడంతో వివాహాది శుభకార్యాలు చేయించుకునేందుకు మావద్దకు వస్తున్నారు. తేదీలు ముందుగా బుక్‌ చేసుకుంటున్నారు. – పి.నర్సింహమూర్తి, పురోహితులు, శ్రీకాకుళం

ఒకవైపు కన్నకూతురి పెళ్లి కళ్లారా చూడాలన్న కన్నతండ్రి కోరిక, మరవైపు అనూహ్యంగా తీవ్ర అనారోగ్యం బారిన తండ్రి. చివరికి ఆసుపత్రి బెడ్‌పై నుంచే వీడియో కాల్లో కూతురి పెళ్లి చూసి సంతోషంగా ఆనంద బాష్పాలు రాల్చాడు. కానీ అంతలోనే తీవ్ర విషాదం అలుముకుంది.బిహార్‌లోని సీతామఢీ జిల్లా సోన్‌బర్సాకు చెందిన లాల్‌బాబు మహతో ఒక ట్రావెల్ కంపెనీలో బస్సు కండక్టర్‌గా సుదీర్ఘకాలం పనిచేశారు. తన చిన్న కూతురు నిధి కుమారి వివాహాన్ని ఘనంగా జరిపించాలని ఎన్నో కలలు కన్నారు. ఈ శుభఘడియ కోసం ఏళ్లుగా ఎదురు చూశారు. అయితే పెళ్లికి సరిగ్గా మూడు రోజుల ముందు ఆయన ఆరోగ్యం అకస్మాత్తుగా క్షీణించింది. దీనితో ఆయన్ను లక్నోలోని ఒక ఆసుపత్రిలో చేర్చారు. లాల్‌బాబు మహతో చివరి కోరిక తీర్చేందుకు కుటుంబ సభ్యులు కీలక నిర్ణయం తీసుకున్నారు. ఆయన భార్య మీనూ దేవి, కుమారుడు రాజేష్ కలిసి ఆసుపత్రి నుండే వీడియో కాల్‌ ద్వారా నిధి పెళ్లి చూసే ఏర్పాటు చేశారు.అలా కూతురి వివాహ వేడుకను ఆసుపత్రి బెడ్‌పై నుండి వీడియో కాల్ ద్వారా వీక్షించారు. ప్రతి ముఖ్యమైన ఘట్టాన్ని హల్దీ వేడుక, పూలదండలు మార్చుకోవడం, ప్రధాన వివాహ ఘట్టం వరకు వీడియో కాల్ ద్వారా ప్రత్యక్షంగా చూసి తన కోరిక నెరవేర్చుకున్నారు. కొత్త పెళ్లికూతురిగా కుమార్తె అలా అత్తగారింటికి వీడ్కోలు తీసుకున్న మరుక్షణమే ఒక తండ్రి గుండె ఆగిపోయింది. ఆసుపత్రి నుండే వీడియో కాల్ ద్వారా ఆమె కూతురి వీడ్కోలు వేడుక ముగిసి, ఇల్లు వదిలి వెళ్తుండగా ఆ తండ్రి కళ్ల వెంట నీళ్లు తిరిగాయి. అలాగా చివరి శ్వాస విడిచారు. ఈ ఊహించని పరిణామం కుటుంబ సభ్యులు, ఆసుపత్రి సిబ్బంది కంట కన్నీరు తెప్పించింది. (ఆపరేషన్‌ సింధూర్‌లో అసువులు బాసిన సైనికులు వీరే!)ఒకేరోజు చెల్లి పెళ్లి.. తండ్రి మరణంలాల్‌బాబు కుమారుడు రాజేష్ కేవలం కొన్ని గంటల వ్యవధిలోనే ఒకవైపు చెల్లి వీడ్కోలును, మరోవైపు తండ్రి మరణాన్ని చూడాల్సి వచ్చింది. నిధి సీతామఢీ జిల్లాలోని మోహన్‌పూర్‌కు చెందిన తన భర్తతో కలిసి కొత్త జీవితాన్ని ప్రారంభించడానికి అత్తగారింటికి బయలుదేరి వెళ్లడం, మరోవైపు తండ్రి ఈ లోకాన్ని విడిచి వెళ్లిపోవడంతో ఆ అన్న ఆవేదనకు అంతులేకుండా పోయింది. లాల్‌బాబు మహతోకు భార్య, ముగ్గురు కుమారులు, ఇద్దరు కుమార్తెలు ఉన్నారు.ఇదీ చదవండి: కాటేసిన పామును బిస్కెట్‌ డబ్బాలో బంధించి.. వీడియో వైరల్‌

ప్రముఖ నటి ఖుష్బు సుందర్ ఇంట శుభకార్యం జరిగింది. ఆమె కూతురు పెళ్లి వేడుక గోవాలో గ్రాండ్‌గా జరిగింది. ఈ పెళ్లి వేడుకలో కోలీవుడ్‌తో పాటు టాలీవుడ్ సినితారలు సందడి చేశారు. ఈ గ్రాండ్ వెడ్డింగ్‌లో మెగాస్టార్ చిరంజీవి సతీసమేతంగా పాల్గొన్నారు. అంతేకాకుండా టాలీవుడ్ హీరోలు వెంకటేశ్, నాగార్జున కూడా హాజరయ్యారు. కోలీవుడ్ భామ త్రిష సైతం ఈ పెళ్లి వేడుకలో మెరిసింది. కాగా.. ఖుష్బు సుందర్‌ తమిళంతో పాటు తెలుగులోనూ పలు సూపర్ హిట్ సినిమాల్లో నటించారు. చిరంజీవి హీరోగా వచ్చిన స్టాలిన్ చిత్రంలో ఖుష్బు సుందర్ కీలక పాత్రలో నటించింది. ఈ మూవీలో మెగాస్టార్‌కు అక్క పాత్రలో ఆకట్టుకుంది. ఈ సినిమా బాక్సాఫీస్ వద్ద సూపర్ హిట్‌గా నిలిచింది. ప్రస్తుతం ఆమె రాజకీయాలతో పాటు క్యారెక్టర్ ఆర్టిస్ట్‌గా రాణిస్తోంది. ముగ్గురు మొనగాళ్లు in Goa#Chiranjeevi,#Nagarjuna & #Vanktesh attends #KhushbuSundar Daughter's marriage in GoaVintage Style - Vetaran Swag pic.twitter.com/6vPg2xjK6h— Taraq(Tarak Ram) (@tarakviews) June 25, 2026 #Khushbusundar గారి కుమార్తె వివాహా వేడుకకు హాజరయ్యేందుకు గోవా కు బయలుదేరి వెళ్లిన#Chiranjeevi #Nagarjuna కుటుంబాలు.@KChiruTweets @iamnagarjuna pic.twitter.com/3oMV1ZZZ0M— SZN (@Suzenbabu) June 24, 2026

జబర్దస్త్ ఫైమా అభిమానులకు సడన్ సర్‌ప్రైజ్ ఇచ్చింది. చాలా సింపుల్‌గా రిజిస్టర్‌ మ్యారేజ్ చేసుకుని సోషల్ మీడియాలో పోస్ట్ చేసింది. తన ప్రియుడు ప్రవీణ్ నాయక్‌ను పెళ్లాడింది. తొమ్మిదేళ్ల ప్రేమ, ఎన్నో ఇబ్బందులు, అవమానాలు ఎదుర్కొన్నామని ఫైమా ఎమోషనల్‌గా రాసుకొచ్చింది. తన పెళ్లికి సంబంధించిన వీడియోను ఇన్‌స్టాలో షేర్ చేసింది. ఈ విషయం తెలుసుకున్న పలువురు టాలీవుడ్ తారలు, అభిమానులు ఫైమాకు శుభాకాంక్షలు చెప్పారు.తాజాగా ఫైమా మరో వీడియోను షేర్ చేసింది. చాలా సింపుల్‌గా చేసుకున్నానని తెలిపిన.. ఇవాళ హల్దీ వేడుక చేసుకున్న వీడియోను పోస్ట్ చేసింది. రిజిస్టర్ మ్యారేజ్ తర్వాత సంప్రదాయం ప్రకారం మరోసారి వీరిద్దరు పెళ్లి చేసుకున్నారు. ఆమె ప్రియుడు ప్రవీణ్ మెడలో మూడు ముళ్లు వేసిన వీడియోను కూడా పంచుకుంది. తాళి కట్టు వేళ తన భావోద్వేగాలను ఆపుకోలేపోయింది. ఏడుస్తూ కన్నీటి పర్యంతమైంది. ఈ వీడియో సోషల్ మీడియోలో వైరల్‌గా మారింది. View this post on Instagram A post shared by FAIMA (@faima_patas) View this post on Instagram A post shared by FAIMA (@faima_patas)

జబర్దస్త్ షోతో ఫేమస్ అయినవాళ్లలో ఫైమా ఒకరు. తన కామెడీ పంచ్‌లతో అభిమానులను ఆకట్టుకుంది. బిగ్‌బాస్ గత సీజన్‌లో ఆడే అవకాశం దక్కించుకుని మంచిగా సెటిలైపోయింది. తాజాగా ఫైమా ఫ్యాన్స్‌కు సడన్ సర్‌ప్రైజ్ ఇచ్చింది. పెళ్లి చేసుకుని అందరికీ షాకిచ్చింది. చాలా సింపుల్‌గా రిజిస్టర్‌ మ్యారేజ్ చేసుకుంది. ఈ విషయాన్ని సోషల్ మీడియాలో షేర్ చేసింది.తన ప్రియుడు ప్రవీణ్ నాయక్‌ను ఫైమా పెళ్లాడింది. తామిద్దరం తొమ్మిదేళ్లుగా ప్రేమలో ఉన్నామని తెలిపింది. ఎన్నో అడ్డంకులు అధిగమించి ఈ రోజు పెళ్లి బంధంలోకి అడుగుపెట్టామని ఫైమా సంతోషం వ్యక్తం చేసింది. ఈ విషయం తెలుసుకున్న అభిమానులు, సహచరులు ఫైమాకు శుభాకాంక్షలు చెబుతున్నారు. ఫైమా తన ఇన్‌స్టాలో రాస్తూ..' వారు మమ్మల్ని అనుమానించారు. మమ్మల్ని విమర్శించారు. విచ్ఛిన్నం చేయడానికి ప్రయత్నించారు. కానీ మా ప్రేమ ప్రతి అడ్డంకినీ అధిగమించి బలంగా నిలిచింది. లెక్కలేనన్ని పోరాటాలు. అంతులేని సహనం. వదిలేయడానికి వేయి కారణాలున్నా.. మేము ప్రతిరోజూ ఒకరినొకరు ఎంచుకున్నాం. ఫైనల్‌గా ఈ రోజు మేము భార్యాభర్తలం అయ్యాం' ఎమోషనల్‌ నోట్‌ రాసుకొచ్చింది. View this post on Instagram A post shared by FAIMA (@faima_patas)

కర్ణాటక: మైసూరు జిల్లాలోని టి.నరసిపుర తాలూకాలోని కెంపయ్యన హుండి గ్రామంలో ఘోర దుర్ఘటన జరిగింది. తల్లిదండ్రులు, కూతురు మరణ వాంగూల్మం రాసి ఉరి వేసుకుని ఆత్మహత్య చేసుకున్నారు. శివన్న–నాగరత్న దంపతులు, వారి కుమార్తె రక్షిత (20) మృతులు. అదే గ్రామానికి చెందిన ఉల్లాస్‌ గౌడ అనే వ్యక్తి ఈ కుటుంబాన్ని వేధించినట్లు ఆరోపణలు ఉన్నాయి. విలన్‌.. ఉల్లాస్‌గౌడ శివన్న, నాగరత్న దంపతులు కూతురు రక్షితకు పెళ్లి సంబంధం కుదిర్చారు. ఈ నెల 24న ఆ యువతి వివాహానికి అన్ని ఏర్పాట్లు చేశారు. ఈలోగా ఉల్లాస్‌గౌడ రక్షితను ప్రేమించానని, తానే పెళ్లి చేసుకుంటానని ఆమె తల్లిదండ్రులకు చెప్పాడు. కానీ రక్షిత, ఆమె తల్లిదండ్రులు అతనిని అంగీకరిచలేదు. కానీ ఆ యువకుడు రక్షితను వెంటాడుతూ వేధిస్తున్నాడు. రక్షితతో పెళ్లి నిశ్చయమైన యువకునికి చెడు సందేశాలను పంపసాగాడు.తాను ఆమెను ప్రేమించానని, నీవు పెళ్లి చేసుకోరాదని బెదిరించాడు. గ్రామంలోనూ ఇదే మాదిరిగా ప్రచారం చేయసాగాడు. దీంతో పెళ్లి రద్దయ్యే పరిస్థితి ఏర్పడింది. తీవ్ర ఆవేదన చెందిన రక్షిత, ఆమె తల్లిదండ్రులు ఆదివారం రాత్రి ఇంట్లో ఉరివేసుకున్నారు. స్థానికులు సోమవారం ఉదయం గుర్తించారు. పెళ్లి వేడుకతో కళకళలాడాల్సిన ఇల్లు స్మశానంలా ఏడుపులతో మార్మోగింది. వరుణ పోలీసులు సంఘటనా స్థలానికి చేరుకుని పరిశీలించారు. జిల్లా ఎస్పీ మల్లికార్జున బాలాదండి చేరుకుని వివరాలు తెలుసుకున్నారు. పోలీసులు వారి డెత్‌నోట్‌ను స్వా«దీనం చేసుకుని విచారణ చేపట్టారు. ఉల్లాస్‌గౌడను కఠినంగా శిక్షించాలని గ్రామస్తులు కోరారు.

సోషల్ మీడియా పరిచయాలు కొన్నిసార్లు ఎంత ప్రమాదకరంగా మారతాయో తెలిపే ఘటన మెదక్ జిల్లా టేక్మాల్ మండలంలో వెలుగులోకి వచ్చింది. ఇన్‌స్టాగ్రామ్‌లో ఫేక్ ఐడీలతో ప్రేమ నాటకం ఆడిన ఓ కేటుగాడు, ఇద్దరు యువతులను మోసం చేసి మొత్తం రూ.12 లక్షలతో పాటు తులం బంగారం దోచుకున్న ఘటన స్థానికంగా కలకలం రేపుతోంది.పోలీసులు, బాధితులు వెల్లడించిన వివరాల ప్రకారం.. టేక్మాల్ మండలం ఎల్లంపల్లి, ఏక్లాస్‌పూర్ గ్రామాలకు చెందిన ఇద్దరు యువతులు ఇన్‌స్టాగ్రామ్ ద్వారా “సాత్విక్ రెడ్డి”, “రిత్విక్ రెడ్డి” అనే పేర్లతో ఉన్న ఖాతాల ద్వారా ఓ వ్యక్తితో పరిచయం ఏర్పరుచుకున్నారు. మాటలతో నమ్మకం సంపాదించిన ఆ వ్యక్తి, తనను తాను ప్రేమలో ఉన్నవాడిగా, పెళ్లి చేసుకుంటానని నమ్మబలికాడు.ఈ నమ్మకాన్ని ఆసరాగా తీసుకుని, కుటుంబ సమస్యలు, ఆర్థిక ఇబ్బందులు వంటి కథలు అల్లుతూ దశలవారీగా వారి వద్ద నుంచి నగదు, బంగారం తీసుకున్నాడు. కొంతకాలానికి అనుమానం రావడంతో బాధితులు కుటుంబ సభ్యులకు విషయం తెలిపారు. అనంతరం ఇది పూర్తిగా మోసమని తేలడంతో టేక్మాల్ పోలీసులకు ఫిర్యాదు చేశారు.దర్యాప్తు ప్రారంభించిన పోలీసులు, ఈ ఫేక్ ఇన్‌స్టాగ్రామ్ ఐడీల వెనుక ఉన్నది ఎల్లంపల్లి గ్రామానికి చెందిన దుర్గయ్య అని గుర్తించారు. సోషల్ మీడియాలో హ్యాండ్సమ్ లుక్‌తో, వేరే పేర్లతో పరిచయాలు పెంచుకుని పలువురిని లక్ష్యంగా చేసుకున్నట్లు ప్రాథమిక విచారణలో తేలింది. ప్రస్తుతం నిందితుడు పోలీసుల అదుపులో ఉన్నాడు.సోషల్ మీడియా పరిచయాల్లో అజాగ్రత్తగా నమ్మకం పెట్టుకోవద్దని, వ్యక్తిగత సమాచారం లేదా ఆర్థిక లావాదేవీల విషయంలో జాగ్రత్తగా ఉండాలని పోలీసులు హెచ్చరిస్తున్నారు.

టాలీవుడ్ యాంకర్ శ్రీముఖి అందరికీ పరిచయం అక్కర్లేని పేరు. యాంకర్‌గా టాలీవుడ్‌లో తనకంటూ ప్రత్యేక క్రేజ్‌ను సొంతం చేసుకుంది. తాజాగా సమంత ప్రధాన పాత్రలో వస్తోన్న మా ఇంటి బంగారం ప్రీ-రిలీజ్ ఈవెంట్‌లో తళుక్కున మెరిసింది. పట్టుచీరలో కనిపించి తన గ్లామర్‌తో అందరినీ ఆకట్టుకుంది. ఈ ఈవెంట్‌కు హాజరైన శ్రీముఖిని మరో స్టార్ యాంకర్ సుమ తన ప్రశ్నలతో చిక్కుల్లో పడేసింది.మామూలుగా బంగారం ఎప్పుడు కొంటారని శ్రీముఖిని సుమ ప్రశ్నించింది. దీనికి బదులిస్తూ పెళ్లిళ్ల సమయంలో బంగారం ఎక్కువగా కొంటారని చెప్పింది. మరి నీ పెళ్లెప్పుడు అంటూ సుమ మరో ప్రశ్న వేసింది. దీనికి శ్రీముఖి సరదాగా సమాధానం ఇచ్చింది. సమంతను చూపిస్తూ తన పెళ్లిపై క్లారిటీ ఇచ్చింది. ఈ సినిమా ప్రారంభమైనప్పుడు సమంత పెళ్లి జరిగింది. ఇప్పుడు సినిమా విడుదలకు సిద్ధమవుతోంది. ఈ సినిమా రిలీజై పెద్ద బ్లాక్‌బస్టర్ అయ్యాక నా పెళ్లి కూడా జరగాలని కోరుకుంటున్నా అని నవ్వుతూ శ్రీముఖి కామెంట్స్ చేసింది. దీంతో శ్రీముఖి త్వరలోనే గుడ్ న్యూస్ చెప్పనుందని ఫ్యాన్స్ అభిప్రాయం వ్యక్తం చేస్తున్నారు. కాగా.. సమంత నటించిన 'మా ఇంటి బంగారం' జూన్ 19న విడుదల కానుంది. ఈ చిత్రంలో శ్రీముఖ కీలక పాత్ర పోషించింది.

బిహార్‌లోని నలంద జిల్లా, ఖుదాగంజ్ పోలీస్ స్టేషన్ పరిధిలోని ఒక విచిత్రమైన పెళ్లి నెట్టింట సందడి చేస్తోంది. అప్పటికే పెళ్లై ముగ్గురు పిల్లలున్న 36 ఏళ్ల వివాహిత మహిళ., తనకంటే 12 ఏళ్ల చిన్నోడు, అదే గ్రామానికి చెందిన యువకుడితో ప్రేమాయణం. గత కొంతకాలంగా గోప్యంగా సాగుతున్న ఈ వ్యవహారంలో అనుకోని ట్విస్ట్‌. దీనికి సంబంధించిన వీడియో వైరల్‌గా మారింది. అసలేమైంది?కట్వా రసూల్‌పూర్ గ్రామంలో ఒక విచిత్రమైన ఘటన వివరాలు...శుక్రవారం రాత్రి ఒక భర్త తన భార్యను ఆమె ప్రియుడితో అభ్యంతరకర స్థితిలో రెడ్‌ హ్యాండెడ్‌గా పట్టుకున్నాడు. దీంతో గ్రామంలో కలకలం రేగింది,సంఘటనా స్థలానికి పెద్ద సంఖ్యలో జనం గుమిగూడారు. దీంతో ఈ విషయం పోలీసులకు సమాచారం అందించారు. సమాచారం అందుకున్న వెంటనే, ఖుదాగంజ్ పోలీస్ స్టేషన్ పోలీసులు సంఘటనా స్థలానికి చేరుకుని, మహిళను, ఆమె ప్రియుడిని విచారణ నిమిత్తం పోలీస్ స్టేషన్‌కు తీసుకెళ్లారు. పోలీసులు మహిళ భర్తను, ఆమె ప్రియుడి తండ్రిని కూడా విచారణకు పిలిచారు. విచారణ సమయంలో, ఆ వివాహిత తన ప్రియుడితో కలిసి జీవించాలనే తన కోరికను వెల్లడించింది. దీని తరువాత, ఇరు పక్షాల మధ్య చర్చోప చర్చలు జరిగాయి. View this post on Instagram A post shared by tvn99urdu News 24/7 (@tvn99urdu)ఇదీ చదవండి: అఫ్గాన్‌లో సోలో ట్రిప్‌, భారతీయ మహిళ భావోద్వేగం, దురంధర్‌ నటుడు కూడా!చివరికి మరుసటి రోజు, శనివారం, ఆ మహిళ భర్త వీరి పెళ్లిక అంగీకరించి, స్థానిక గుడిలో ఆమెకు ప్రియుడితో వివాహం జరిపించాడు. ఈ పెళ్లికి ఆ వారి ముగ్గురు పిల్లలు కూడా హాజరయ్యారు. అయితే ఇక్కడ ట్విస్ట్‌ ఏంటంటే..పిల్లలు తమ తల్లితో వెళ్ళడానికి నిరాకరించి, తమ తండ్రితోనే ఉండాలని కోరుకున్నారు. స్థానికుల కథనం ప్రకారం, పెళ్లి తర్వాత ఆ మహిళ తన ముగ్గురు పిల్లలను అక్కడే వదిలేసి, తన కొత్త భర్తతో కలిసి పంజాబ్‌లోని లూథియానాకు వెళ్లిపోయింది. ఇది కులాంతర వివాహంగా నివేదించబడుతున్నందున, ఈ సంఘటన ఆ ప్రాంతంలో విస్తృత చర్చకు దారి తీసింది.ఇదీ చదవండి: 500 కి.మీ కేవలం మూడున్నర గంటల్లోనే..!

దేశంలోని అత్యంత సంపన్న కుటుంబాల్లో ఒకటైన అంబానీ కుటుంబానికి కోడలైన రాధికా మర్చంట్‌ మహిళల ఆర్థిక స్వాతంత్ర్యంపై చేసిన ఆసక్తికర వ్యాఖ్యలు చేశారు. ఇండియాస్ ఇంటర్నేషనల్ మూవ్‌మెంట్ టు యునైటెడ్ నేషన్స్ (IIMUN) కార్యక్రమంలో పాల్గొన్న ఆమె.. వివాహ బంధంలో సమానత్వం, పరస్పర గౌరవం, మహిళల ఆర్థిక స్వేచ్ఛ ప్రాముఖ్యతపై తన అభిప్రాయాలను పంచుకున్నారు.అనంత్ అంబానీతో వివాహంపై..అనంత్ అంబానీతో తన దాంపత్య జీవితం గురించి మాట్లాడుతూ, ఒక విజయవంతమైన వివాహానికి ‘ఎవరు గెలిచారు, ఎవరు ఓడారు’ అన్న భావన కంటే పరస్పర గౌరవమే ముఖ్యమని చెప్పారు. ప్రతి సంబంధంలో రాజీలు సహజమేనని, కొన్ని సందర్భాల్లో అనంత్ తన అభిప్రాయాన్ని పక్కన పెడతారని, మరికొన్ని సందర్భాల్లో తాను రాజీ పడతానని పేర్కొన్నారు. అయితే, ఇద్దరూ ఒకరినొకరు గౌరవించుకునేంత వరకు ఆ బంధం సమానత్వంతోనే కొనసాగుతుందని ఆమె అభిప్రాయపడ్డారు.మహిళల ఆర్థిక స్వాతంత్ర్యంపై మాట్లాడిన రాధికా, కుటుంబ నేపథ్యం ఎంత గొప్పదైనా, జీవిత భాగస్వామి ఎంత సంపన్నుడైనా, ప్రతి మహిళ తన సొంత నిర్ణయాలు తీసుకునే స్థాయిలో ఆర్థికంగా స్వావలంబన సాధించాలని సూచించారు. “మీరు ఎవరి కుమార్తె అయినా, ఎవరి భార్య అయినా, మీ జీవితంలో ఎంత సౌకర్యంగా ఉన్నా సరే, మీ నిర్ణయాలు మీరే తీసుకునే శక్తి ఉండాలంటే ఆర్థిక స్వాతంత్ర్యం అవసరం” అని ఆమె అన్నారు.అది ప్రమాదకరంఆర్థికంగా పూర్తిగా ఇతరులపై ఆధారపడటం ప్రమాదకరమని హెచ్చరించిన ఆమె, జీవితంలో ఏ పరిస్థితినైనా ఎదుర్కొనే స్వేచ్ఛ మహిళలకు ఉండాలని పేర్కొన్నారు. “మీకు బయటపడే అవకాశం లేనంతగా ఏదైనా పరిస్థితికి బంధించబడకండి” అని రాధిక సూచించారు.సమాజంలో నిజమైన లింగ సమానత్వం సాధించాలంటే మహిళలకు విద్య, ఉపాధి, వ్యాపారం, ఆస్తుల సృష్టి వంటి రంగాల్లో మరింత అవకాశాలు కల్పించాల్సిన అవసరం ఉందని రాధిక అభిప్రాయపడ్డారు. మహిళల ఆర్థిక సాధికారత లేకుండా సంపూర్ణ సమానత్వం సాధ్యం కాదని ఆమె స్పష్టం చేశారు. ఈ నేపథ్యంలో ఆర్థిక స్వేచ్ఛ కుటుంబాల్లో నిర్ణయాధికారాన్ని పెంచుతుందని, వ్యక్తిగత గౌరవాన్ని బలోపేతం చేస్తుందని పలువురు నిపుణులు కూడా చెబుతున్నారు. View this post on Instagram A post shared by Isha Ambani Piramal (@ishaambani)ప్రముఖ వ్యాపారవేత్తలు వీరేన్ మర్చంట్‌, శైలా మర్చంట్‌ల కుమార్తె రాధికా మర్చంట్‌ 1994లో ముంబైలో జన్మించారు. న్యూయార్క్ యూనివర్సిటీలో పొలిటికల్‌ సైన్స్‌లో విద్యాభ్యాసం పూర్తి చేసిన ఆమె, భారతీయ శాస్త్రీయ నృత్యంలో కూడా శిక్షణ పొందారు. ప్రస్తుతం కుటుంబానికి చెందిన ఆరోగ్య సంరక్షణ వ్యాపార సంస్థ కార్యకలాపాల్లో భాగస్వామ్యంగా వ్యవహరిస్తున్నారు. అనంత్ అంబానీతో గత ఏడాది జరిగిన ఆమె వివాహం దేశవ్యాప్తంగా విశేష ప్రాధాన్యం పొందింది.

ఉత్తర ప్రదేశ్‌లో మరో ఊహించని పరిణామం గురించి తెలిస్తే ఔరా అనాల్సిందే. పెళ్లికి ముందు రాత్రే వధువు తన ప్రియుడితో పారిపోయింది. ఎలాగో ఒప్పించి, వధువు చెల్లెల్ని పెళ్లి కూతుర్ని చేశారు. ఇక్కడ మరో ట్విస్ట్‌ పెళ్లి కొడుకును వెక్కిరించింది. ఇక ఈ తరువాతి పరిణామాలు ఒక్కోటి సినిమా రేంజ్‌లో చక చకా జరిగిపోయాయి. చివరికి ఈ వివాదం మరింత ఉద్రిక్తమై కాల్పుల దాకా చేరింది.ఉత్తరప్రదేశ్‌లోని బిత్థ్రి ప్రాంతంలోని షాజహాన్‌పూర్-బరేలీ రోడ్డుపై ఉన్న ఒక బ్యాంకెట్ హాల్‌లో శనివారం పెళ్లి వేడుక ఉత్సాహంగా జరుగుతోంది. వధూవరులిద్దరూ అందంగా ముస్తాబయ్యారు. అతిథులందరూ ఎవరి హడావిడిలో వారు తిరుగుతూ, విందు భోజనానికి సిద్దపడుతున్నారు. పెళ్లి కొడుకు తన బృందంతో (ఊరేగింపుగా), అటు వధువు కుటుంబ సభ్యులు కూడా సందడి ఉన్నారు. ఇంతలో కలకలం రేపింది. హాజరైన అతిథులకు భోజనాలకు బదులు దాడులు మొదలయ్యాయి. ఈ గందరగోళం మధ్య కాల్పులుకు దారి తీసింది. దీంతో కొద్దిసేపు ట్రాఫిక్ స్తంభించిపోయిందంటే పరిస్థితి తీవ్రతను అర్థం చేసుకోవచ్చు. ట్విస్టుల మీద ట్విస్టులుసరిగ్గా పెళ్లి జరిగే సమయానికి వధువు రాలేదు. పెళ్లి కోసం సిద్ధం చేసుకున్న నగలతో సహా వధువు రాత్రికి రాత్రే ప్రియుడితో ఉడాయించింది. దీంతో వధువు కుటుంబ సభ్యులు ఆమె చెల్లెల్ని వధువు స్థానంలోకూర్చోబెట్టడానికి ఒప్పించి గుట్టుచప్పుడు కాకుండా పెళ్లి తంతు ముగిద్దాం అనుకున్నారు. అయితే పెళ్లి కూతురు మారిపోయిందన్న విషయాన్ని గమనించిన పెళ్లి కొడుకు ‘నాకీ పెళ్లి వద్దు పొమ్మన్నా’డు.ఇదీ చదవండి : పిల్లనిచ్చిన అత్తతో అల్లుడి ప్రేమ, పెళ్లి వీడియో వైరల్అయితే ఎలాగోలా పెద్దలంతా సంప్రదింపులు జరిపే వరుడిని పెళ్లికి ఒప్పించాడు. ఇక్కడ మళ్లీ ట్విస్ట్‌. ఈ ఉద్రిక్త పరిస్థితులు సద్దుమణిగి, అంతా చక్కబడింది అనుకునే లోపే, వధువు చెల్లెలి ప్రియుడుఎంట్రీ ఇచ్చాడు. మళ్లీ లొల్లి షురూ. చినికి చినికి గాలివానలా మొదలైన ఈ వ్యవహారం భౌతిక ఘర్షణకు దారితీసింది. ఈ ఘటనలో కాల్పులు కూడా జరిగినట్లు సమాచారం. ఈ ఘర్షణలో పలువురు గాయపడగా, ఒకరి పరిస్థితి విషమంగా ఉన్నట్లు తెలుస్తోంది. ఈ ఘటనపై పోలీసులు జోక్యం చేసుకున్నట్టు గానీ, ఎవరిపైనా కేసులు నమోదు చేసినట్టు గానీ సమాచారం లేదు. ఇదీ చదవండి: నర్సింగ్‌ దుస్తులపై బీజేపీ ఎంపీ కంగనా సంచలన వ్యాఖ్యలు

ఉత్తరప్రదేశ్‌లోని కాన్పూర్ దేహత్ జిల్లాలో జరిగిన ఒక వింత పెళ్లి నెట్టింట హల్‌ చల్‌ చేస్తోంది. ఒక వ్యక్తి ఏకంగా పిల్లనిచ్చిన సొంత అత్తనే వివాహం చేసుకున్న ఘటన పలువుర్ని విభ్రాంతికి గురి చేసింది. ఇది పెద్ద ఎత్తున చర్చకు దారి తీసింది.సోషల్ మీడియాలో వైరల్‌ అవుతున్న సమాచారం ప్రకారం, అక్బర్‌పూర్ ప్రాంతంలో జరిగిన ఈ ఘటనలో, సదరు వ్యక్తి తన భార్యను వదిలిపెట్టి, ఆమె తల్లిని కోర్టు వివాహం చేసుకున్నారట. అంతేకాదు తమ వివాహ ధృవీకరణ పత్రాన్ని చేతిలో పట్టుకుని, తమ బంధాన్ని అంగీకరించాలని , తమ నిర్ణయాన్ని ఆశీర్వదించాలని ప్రజలను కోరారు. ఈ జంటకు వివాహానికి సంబంధించిన వీడియో ఆన్‌లైన్‌లో వైరల్ కావడంతో, నెటిజన్లు ఆశ్చర్యం వ్యక్తం చేస్తున్నారు.కుమార్తె వివాహం జరిగిన తర్వాత అత్తా-అల్లుళ్ల మధ్య సాన్నిహిత్యం పెరిగిందని సమాచారం. అయితే ఆ వ్యక్తి భార్య స్పందన ఏంటి అనేదానిపై స్పష్టతలేదు. ఇదీ చదవండి: నర్సింగ్‌ దుస్తులపై బీజేపీ ఎంపీ కంగనా సంచలన వ్యాఖ్యలుఈ వ్యవహారానికి సంబంధించి ఇప్పటివరకుఎటువంటి పోలీసు ఫిర్యాదు నమోదు కాలేదు. అలాగే అధికారులు ఎటువంటి చట్టపరమైన చర్యల గురించి వెల్లడించలేదు. दामाद ने बेटी से रिश्ता तोड़ मां से किया शादीयूपी के कानपुर में एक अनोखा मामला सामने आया है, जहां एक युवक ने अपनी पत्नी से अलग होने के बाद अपनी सास के साथ कोर्ट मैरिज कर ली।इस घटना के बाद इलाके में तरह-तरह की चर्चाएं हो रही हैं। pic.twitter.com/fcaNnYNle5— Priya singh (@priyarajputlive) June 8, 2026నెటిజన్ల మాత్రం ఈ వివాహం గురించి తెలిసి బంధాలు, నైతిక విలువలు మంటగలిసిపోతున్నాయని ఆవేదన వ్యక్తం చేయగా, వావి వరుసలు మర్చిపోతున్నారంటూ మరికొందరు ఆగ్రహం వ్యక్తం చేశారు. ఇది కేవలం ఒక వివాదాస్పద ప్రేమకథ మాత్రమే కాదు, ఒక కుటుంబాన్నే ఛిన్నాభిన్నం చేసిన పరిస్థితి. మధ్యలో నలిగిపోయే వారే అసలైన బాధితులు, కుటుంబ అనుబంధం హద్దులు దాటింది. కామమే గెలిచింది, కుటుంబం ఓడిపోయిందని మరొకరన్నారు. సొంత రక్తమే వినాశనానికి కారణమైతే, ఇక ఎవరిని నమ్మాలి?" పాపం..ఆమె కుమార్తె పరిస్థితి ఏంటి అని ఆరాతీస్తున్నారు. కాగా 2024లో బీహార్‌లో కూడా ఇలాంటి ఘటనే ఒకటి జరిగింది. ఈ ఘటనలో భార్య మరణం తరువాత, అతను అత్తమామల ఇంట్లోనే నివసించడం ప్రారంభించాడు. ఆ క్రమంలో అతను తన 55 ఏళ్ల అత్తగారు గీతా దేవితో సన్నిహితమయ్యాడు. ఒక రోజు, అతను గీతతో ఏకాంతంగా ఉండగా అతని మామగారు వారిని రెడ్-హ్యాండెడ్‌గా పట్టుకున్నారు. ఆ తర్వాత, ఆ వ్యక్తి గ్రామస్తులందరి సమక్షంలో గీతను ప్రేమిస్తున్నట్లు అంగీకరించి, ఆమెను వివాహం చేసుకున్నాడు.

సాక్షి, అమరావతి: చట్టబద్ధమైన వయసు తీరకుండానే అబ్బాయిలు పెళ్లి పీటలు ఎక్కేస్తున్నారు. దేశ వ్యాప్తంగా 15.9 శాతం మంది అబ్బాయిలు 21 ఏళ్లు నిండకుండానే ఓ ఇంటివారవుతున్నారు. ప్రతి వంద మంది అబ్బాయిల్లో 16 మంది మైనర్లుగానే పెళ్లి చేసుకుంటున్నట్టు కేంద్ర ఆరోగ్య శాఖ ఇటీవల విడుదల చేసిన జాతీయ కుటుంబ, ఆరోగ్య సర్వే (ఎన్‌ఎఫ్‌హెచ్‌ఎస్‌)–6 నివేదిక వెల్లడించింది. 2023–24 సమయానికి చేసిన సర్వేలో దేశంలోని 15.9 శాతం మంది బాలురు మైనార్టీ తీరకుండానే వివాహం చేసుకున్నట్టు గుర్తించింది. గ్రామీణ ప్రాంతాల్లో 19 శాతం, పట్టణ, నగరాల్లో 9.7 శాతం అబ్బాయిల మైనర్‌ వివాహాలు జరుగుతున్నట్టు తేల్చింది. ఈ తరహా వివాహాలు 2019–21లో 17.7 శాతం ఉండగా, 2023–24 నాటికి కొంత తగ్గుముఖం పట్టాయి. అబ్బాయిల మైనర్‌ వివాహాల్లో బిహార్‌ రాష్ట్రం దేశంలోనే మొదటి స్థానంలో ఉంది. ఆ రాష్ట్రంలోని 25–29 ఏళ్ల పురుషుల్లో 29.6 శాతం మంది 21 ఏళ్లలోపు వివాహాలు చేసుకున్నారు. బిహార్‌లో అబ్బాయిల మైనర్‌ వివాహాలు ఏకంగా జాతీయ సగటుకు దాదాపు రెట్టింపు ఉన్నాయి. రాజస్థాన్‌లో 28.5 శాతం, మధ్యప్రదేశ్‌లో 25 శాతం, గుజరాత్‌లో 24.3 శాతం చొప్పున అబ్బాయిల్లో మైనర్‌ వివాహాలున్నట్టు వెల్లడైంది. రాజస్థాన్‌లో అమ్మాయిల్లో 24.6 శాతం మైనర్‌ వివాహాలు ఉన్నాయి. ఈ లెక్కన పరిశీలిస్తే ఆ రాష్ట్రంలో కంటే అబ్బాయిల్లో మైనర్‌ వివాహాలు ఎక్కువగా ఉన్నాయి. ఇక తెలుగు రాష్ట్రాల్లో ఏపీలో 9.7 శాతం, తెలంగాణలో 5.7 శాతం చొప్పున 2023–24లో 21 ఏళ్లలోపే వివాహాలు నమోదయ్యాయి. పల్లెలను మించి పట్టణాల్లో.. బాల్య వివాహాలు సాధారణంగా గ్రామీణ ప్రాంతాల్లో అధికంగా ఉంటాయనే భావన ఉంది. అబ్బాయిల విషయానికి వచ్చేసరికి కొన్ని రాష్ట్రాల్లో రివర్స్‌ ట్రెండ్‌ నడుస్తోంది. పట్టణ ప్రాంతాల్లోనూ అబ్బాయిలకు 21 ఏళ్ల లోపు పెళ్లిళ్లు చేసేస్తున్నారు. ఒడిశా రాష్ట్ర వ్యాప్తంగా బాలుర మైనర్‌ వివాహాలు 12.5 శాతం ఉండగా, పట్టణ ప్రాంతాల్లో ఆ సంఖ్య ఏకంగా 15.1 శాతం, గ్రామీణంలో 12.1 శాతం మాత్రమే కావడం గమనార్హం. నాగాలాండ్‌లో సైతం పట్టణాల్లో 13.8 శాతం, గ్రామాల్లో 8.2 శాతం మేర మైనర్‌ బాలుర వివాహాలు నమోదయ్యాయి.

ఈ తరం హీరోయిన్ల ఆలోచనా ధోరణియే వేరు. తమకంటూ ప్రత్యేక గుర్తింపు కోసం పోరాడుతున్నారనే చెప్పాలి. ప్రేమ, పెళ్లి విషయం ఎత్తితేనే అందుకు చాలా సమయం ఉందంటున్నారు. యంగ్‌ హీరోయిన్‌ నికిలావిమల్‌ ఇలాంటి అభిప్రాయానే వ్యక్తం చేస్తున్నారు. మలయాళంలో బాల నటిగా పలు చిత్రాల్లో నటించిన ఈ భామ ఆ తరువాత తమిళం, తెలుగు భాషల్లో కథానాయికిగా నటిస్తూ తనకంటూ ఒక స్థానాన్ని సంపాదించుకోవడానికి శ్రమిస్తున్నారు. తమిళంలో వెట్రివేల్‌, కిడారి, పంచుమిట్టాయి, తంబి, పోర్‌ తొళిల్‌ వంటి చిత్రాల్లో నటించారు. ఇటీవల మారిసెల్వరాజ్‌ దర్శకత్వంలో రూపొందిన వాళై చిత్రంలో నటించి మంచి పేరు తెచ్చుకున్నారు. తమిళం తెలుగు, మలయాళం భాషల్లో నటిస్తున్న నికిలా విమల్‌ ఇటీవల ఒక ఇంటర్వ్యూలో ప్రేమ, పెళ్లి గురించి మాట్లాడుతూ తన మనసులో ఇప్పటివరకూ ఎవరూ లేరని, తానెవరినీ ప్రేమించడం లేదని తెలిపారు. పెళ్లి గురించి ఎలాంటి నిర్ణయం తీసుకోలేదు అన్నారు. ప్రేమ, పెళ్లి వంటివి పెద్ద విషయం కాదు అని, అలాంటి ఆలోచన వచ్చినప్పుడు చూసుకో వచ్చునని అన్నారు. ఇప్పుడు తన ఆలోచనలు అంతా సినిమా చుట్టూనే అని నికిలా విమల్‌ చెప్పారు.

బాలీవుడ్‌లో ప్రస్తుతం జోరుగా ప్రచారం అవుతున్న వార్తల్లో ఆమిర్‌ ఖాన్‌–గౌరీ స్ప్రాట్‌కి సంబంధించిన పెళ్లి వార్త ఒకటి. చెప్పాలంటే ఇదే హాట్‌ టాపిక్‌. గత ఏడాది తన 60వ పుట్టినరోజు సందర్భంగా ముంబైలో జరిగిన ప్రీ–బర్త్‌డే వేడుకలో ఆమిర్‌ ఖాన్‌ మొదటిసారిగా గౌరీని మీడియాకు పరిచయం చేశారు. దాంతో 47 ఏళ్ల గౌరీ స్ప్రాట్, ఆమిర్‌ ప్రేమలో ఉన్నారన్న విషయం స్పష్టమైంది. ఇప్పుడు తమ ప్రేమను వివాహ బంధం వరకూ తీసుకెళ్లాలని ఈ ఇద్దరూ నిర్ణయించుకున్నారట. జూన్ 5న ఈ ఇద్దరూ పెళ్లి చేసుకోనున్నట్లు సమాచారం. ఈ వేడుక చాలా నిరాడంబరంగా జరగనుందని టాక్‌. రిజిస్టర్‌ మ్యారేజ్‌ చేసుకోవాలనుకుంటున్నారట. ముంబైలోని ఆమిర్‌ నివాసంలో ఇరు కుటుంబ సభ్యులు, అత్యంత సన్నిహితుల మ«ధ్య ఈ వివాహం జరగనుందని భోగట్టా. ఆమిర్‌ ఖాన్‌ స్నేహితులు, బాలీవుడ్‌ సూపర్‌ స్టార్స్‌ సల్మాన్‌ ఖాన్, షారుక్‌ ఖాన్‌ ఈ వేడుకకు హాజరయ్యే అవకాశం ఉందని ప్రచారం జరుగుతోంది. ఇక ఆమిర్‌కి ఇది మూడో వివాహం అని తెలిసిందే. గతంలో రీనా దత్తాతో వివాహం జరగ్గా, వారికి జునైద్, ఐరా అనే ఇద్దరు పిల్లలు ఉన్నారు. ఆ తర్వాత కిరణ్‌ రావును పెళ్లి చేసుకున్నారు ఆమిర్‌. ఈ దంపతులకు ఆజాద్‌ అనే కుమారుడు ఉన్నాడు. ఆమిర్, కిరణ్‌ రావు 2021లో తమ విడాకులను ప్రకటించారు. ఇక గౌరీ స్ప్రాట్‌కు ఇది రెండో వివాహం. గత వివాహం ద్వారా క్విన్‌ అనే ఏడేళ్ల కుమారుడు ఆమెకు ఉన్నాడు. ఇదిలా ఉంటే... ఇటీవల (మార్చి 14) తన 61వ పుట్టినరోజు వేడుకను గౌరీ స్ప్రాట్‌తో కలిసి చేసుకున్నారు ఆమిర్‌. ఈ వేడుకకు ఆయన మాజీ భార్యలు రీనా, కిరణ్‌ కూడా హాజరు కావడం విశేషం.

బాలీవుడ్ స్టార్ హీరో అమిర్ ఖాన్ అభిమానులకు గుడ్ న్యూస్. ఆయన ముచ్చటగా మూడోసారి పెళ్లి పీటలెక్కబోతున్నారు. ఆరు పదుల వయసులో తన ప్రియురాలు గౌరీ స్ప్రాట్‌ను పెళ్లాడనున్నారు. అయితే ఈ పెళ్లిని చాలా సింపుల్‌గా చేసుకోవాలని నిర్ణయించుకున్నట్లు సమాచారం. కొద్దిమంది సన్నిహితుల సమక్షంలో రిజిస్టర్డ్ మ్యారేజ్ చేసుకోవాలనుకుంటున్నట్లు తెలుస్తోంది.ఈనెల జూన్ 5న వీరిద్దరు రిజిస్టర్ మ్యారేజ్‌ చేసుకోనున్నట్లు తెలుస్తోంది. అమిర్ ఖాన్‌ సన్నిహిత వర్గాల సమాచారం ప్రకారం ఈ జంట ఇటీవలే తమ బంధాన్ని అఫీషియల్‌గా చేసుకోవాలని నిర్ణయించుకున్నారట. వీరిద్దరు ఇప్పటికే తమ పెళ్లికి ఏర్పాట్లు ప్రారంభించినట్లు తెలుస్తోంది. ఈ పెళ్లికి కేవలం కుటుంబ సభ్యులు, సన్నిహితులు మాత్రమే హాజరు కానున్నారు. వీరి పెళ్లికి షారుఖ్ ఖాన్, సల్మాన్ ఖాన్ హాజరయ్యే అవకాశముందని ఇండస్ట్రీలో వార్తలొస్తున్నాయి. ఈ జంట ఇరు కుటుంబాల మద్దతుతోనే పెళ్లిబంధంలోకి అడుగుపెడుతున్నారని సన్నిహితులు చెబుతున్నారు.కాగా.. ఆమిర్ ఖాన్ గతంలో రీనా దత్తాను వివాహం చేసుకున్నారు. వీరికి జునైద్, ఐరా అనే ఇద్దరు పిల్లలు ఉన్నారు. ఆ తర్వాత ఆయన చిత్రనిర్మాత కిరణ్ రావును వివాహం చేసుకున్నారు. వీరిద్దరికి ఆజాద్ అనే కుమారుడు ఉన్నాడు. ఆ తర్వాత కిరణ్ రావుతో 2021లో విడాకులు తీసుకున్నారు. ప్రస్తుతం చిన్ననాటి స్నేహితురాలు గౌరీ స్ప్రాట్‌తో డేటింగ్‌లో ఉన్న అమిర్ ఖాన్.. పెళ్లి చేసుకునేందుకు సిద్ధమయ్యారు. జూలై 5న జరిగిన రిజిస్టర్డ్ మ్యారేజ్ చేసుకోనున్నారు. గతేడాది ముంబయిలో జరిగిన ఒక బర్త్‌డే వేడుకల్లో తన ప్రియురాలు గౌరీని పరిచయం చేసిన సంగతి తెలిసిందే. మరోవైపు గౌరీ స్ప్రాట్‌కు ఇప్పటికే క్విన్ అనే ఏడేళ్ల కుమారుడు ఉన్నాడు.

ఐపీఎల్ 2026 సీజ‌న్ ముగిసిన త‌ర్వాత ఐపీఎల్ మాజీ చైర్మ‌న్ ల‌లిత్ మోదీ వ‌రుస‌గా సంచ‌ల‌న విష‌యాలు వెల్ల‌డిస్తూ వ‌స్తున్నాడు. ఇటీవ‌లే ‘హ్యూమ‌న్ బాంబే’ అనే పాడ్‌కాస్ట్‌కు ల‌లిత్ మోదీ ఇంట‌ర్వ్యూ ఇచ్చిన విష‌యాలు ఒక్కొక్క‌టిగా బ‌య‌టికి వ‌స్తున్నాయి. ఇప్ప‌టికే ల‌క్నో సూప‌ర్‌జెయింట్స్ య‌జ‌మాని సంజీవ్ గోయెంకాపై విరుచుకుప‌డిన ల‌లిత్ మోదీ తాజాగా ఐపీఎల్ ఆదాయాన్ని రెట్టింపు చేయాల‌నే ఉద్దేశంతో తీసుకొచ్చిన చీర్ లీడ‌ర్స్‌తో క్రికెట‌ర్ల ప్రేమాయ‌ణాల‌కు సంబంధించిన విష‌యాల‌ను బ‌య‌పెట్టడం ఆస‌క్తి రేపింది. చీర్‌లీడ‌ర్స్ ఐపీఎల్‌కు ప్ర‌త్యేక ఆక‌ర్ష‌ణ‌గా ఉంటార‌నే ఉద్దేశంతోనే వారిని తీసుకొచ్చిన‌ట్లు పేర్కొన్నాడు. టోర్నమెంట్ సమయంలో జరిగే మైదానం వెలుపలి వివాదాలలో అధికభాగం ముందు రాసుకునే స్క్రిప్ట్ ప్ర‌కార‌మే జరుగుతుంద‌ని తెలిపాడు. ఐపీఎల్ చూసే వీక్షకుల రేటింగ్‌లు పడిపోతే, హైప్ సృష్టించడం కోసం ఐపీఎల్ థింక్-ట్యాంక్ ఉద్దేశపూర్వకంగా మీడియాలో వార్తలను ప్రచారం చేస్తుందన్నారు. ఈ నేప‌థ్యంలోనే ఒక ద‌క్షిణాఫ్రికా ఆట‌గాడు చీర్ లీడ‌ర్‌తో సంబంధం కొన‌సాగిస్తున్నాడ‌న్న వార్త‌ను తానే వ్యాప్తి చేశానంటూ లలిత్ మోదీ బాంబు పేల్చాడు.అయితే కొంద‌రు క్రికెట‌ర్లు చీర్‌లీడ‌ర్స్‌తో ప్రేమ మ‌త్తులో మునిగి తేలుతున్న‌ట్లు వార్త‌లు సృష్టించ‌డం లాంటివన్నీ ముందే రాసుకున్న స్క్రిప్ట్ ప్ర‌కార‌మే జ‌రుగుతుంద‌ని వెల్ల‌డించాడు.ఇదే విష‌యాన్ని మీడియాకు వెల్ల‌డించ‌డం, వారు వ్యూయ‌ర్‌షిప్ కోసం దానికి మ‌రింత హంగులు అద్ది రేటింగ్స్‌ను పెంచుకోవడానికి ఆయుధంలా వాడుకునేవారు. సౌతాఫ్రికా బ్యాట‌ర్ క్వింట‌న్ డికాక్ చీర్ లీడ‌ర్‌తో రిలేష‌న్‌షిప్‌లో ఉన్న‌ట్లు తాము బ‌హిరంగ‌ప‌రిచిన మాట వాస్త‌వ‌మే. కానీ కొన్ని చానెళ్లు మాత్రం దిగ‌జారి డికాక్ చీర్‌లీడ‌ర్‌తో అక్ర‌మ సంబంధం పెట్టుకున్నాడంటూ రాసుకొచ్చాయి. ఇది వారి టీఆర్పీ రేటింగ్‌ను పెంచేసి ఉండొచ్చు.. కానీ ఒక క్రికెట‌ర్ కెరీర్‌కు ఇదొక మాయ‌ని మ‌చ్చ‌లా మిగిలిపోతుంది. కానీ ఇక్క‌డ ఆశ్చ‌ర్య‌క‌ర‌మైన విష‌యం ఏంటంటే.. సౌతాఫ్రికా డికాక్ ఆ చీర్‌లీడ‌ర్‌నే పెళ్లి చేసుకోవ‌డం చెప్పుకోవాల్సిన అంశం. ఈ నేప‌థ్యంలో చీర్ లీడ‌ర్స్‌ను పెళ్లి చేసుకున్న క్రికెట‌ర్ల గురించి ఒక లుక్కేద్దాం.👉డికాక్‌, షాషా హ‌ర్లీ..సౌతాఫ్రికా సీనియ‌ర్ వికెట్ కీప‌ర్ క్వింట‌న్ డికాక్‌, షాషా హ‌ర్లీల ప్రేమ‌క‌థ‌, వివాహ‌బంధంలోకి అడుగుపెట్ట‌డం ఒక చిన్న‌పాటి సినిమా క‌థ‌లాగా ఉంటుంది. 2012లో చాంపియ‌న్స్ లీగ్ టీ20 టోర్నీ జ‌రిగిన‌ స‌మ‌యంలో డికాక్ హైవైల్డ్ ల‌య‌న్స్ త‌ర‌ఫున ఆడుతున్నాడు. అదే జ‌ట్టుకు షాషా హ‌ర్లీ చీర్‌లీడ‌ర్‌గా ప‌నిచేసిన‌ట్లు స‌మాచారం. టోర్నీ జ‌రిగిన స‌మ‌యంలోనే డికాక్‌తో షాషా హ‌ర్లీకి ప‌రిచ‌యం ఏర్ప‌డింది. ఆ ప‌రిచ‌య‌మే ప్రేమ‌గా మారింది. కొన్ని సంవ‌త్స‌రాల పాటు ఇద్ద‌రు రిలేష‌న్‌షిప్‌లో మునిగి తేలారు. 2015లో నిశ్చితార్థం చేసుకున్న డికాక్‌, షాషాహ‌ర్లీలు మ‌రుస‌టి ఏడాది వివాహ‌బంధంతో ఒక్క‌ట‌య్యారు. 2022లో ఈ జంట త‌మ మొద‌టి బిడ్డ కియారాకు స్వాగ‌తం ప‌లికారు. అప్ప‌టినుంచి డికాక్ ఏ టోర్నీకి వెళ్లినా షాషా హ‌ర్లీ త‌న వెంటే వ‌స్తూ అత‌న్ని ఉత్సాహంగా ఉంచుతుంది.👉మ‌హ్మ‌ద్ ష‌మీ, హ‌సిన్ జ‌హాన్‌..చీర్‌లీడ‌ర్‌ను పెళ్లిచేసుకున్న మ‌రో క్రికెట‌ర్ మ‌హ్మ‌ద్ ష‌మీ. 2012 ఐపీఎల్ సీజ‌న్‌లో మాజీ మోడ‌ల్ హ‌సీన్ జ‌హాన్ చీర్‌లీడ‌ర్‌గా ప‌నిచేసింది. ఈ సీజ‌న్‌లోనే ష‌మీ మొద‌టిసారి ఆమెను క‌లిశాడు. మాట‌ల మ‌ధ్య‌లోనే వారిద్ద‌రి మ‌ధ్య ప్రేమ చిగురించింది. కొంత‌కాలం ఇద్ద‌రు ప్రేమ‌లో మునిగితేలారు. ఆ త‌ర్వాత 2014 జూన్ 6న మొరాదాబాద్‌లో కుటుంబ‌స‌భ్యుల స‌మ‌క్షంలో వివాహం చేసుకున్నారు. పెళ్లి త‌ర్వాత హ‌సీన్ జ‌హాన్ చీర్ లీడ‌ర్ పాత్ర‌కు ఫుల్‌స్టాప్ పెట్టింది. 2015లో ఈ దంప‌తులు ఐరా ష‌మీకి స్వాగ‌తం ప‌లికారు. అయితే నాలుగేళ్ల‌కే వీరి వివాహ‌బంధం ముగిసింది. ష‌మీపై శారీర‌క వేధింపులు, గృహ‌హింస కేసులు పెట్టిన హ‌సీన్ జ‌హాన్ ష‌మీతో విడాకులు తీసుకొని విడిపోయింది. అలా క్రికెట‌ర్ల‌లో చీర్ లీడ‌ర్స్‌ను పెళ్లి చేసుకున్న ఇద్ద‌రిలో ఒక‌రు త‌మ వైవాహిక బంధంలో సంతోషంగా ఉంటే.. మ‌రొక‌రు మాత్రం వివాహ‌బంధం విచ్ఛిన్నం కావ‌డంతో ఒంట‌రిగా మిగిలిపోయాడు. చదవండి: గంభీర్ త‌ప్పుకోనున్నాడా? టీమిండియాకు కొత్త కోచ్‌!

బాలీవుడ్ స్టార్ జంట దీపికా పదుకొణె, రణ్‌వీర్ సింగ్ ఓ పెళ్లి వేడుకలో సందడి చేశారు. తమ బంధువుల పెళ్లి వేడుకలో వీరిద్దరు స్పెషల్ అట్రాక్షన్‌గా నిలిచారు. దీనికి సంబంధించిన ఫోటోలు సోషల్ మీడియాలో వైరలవుతున్నాయి. ఈ ఫోటోల్లో దీపికా భావోద్వేగానికి గురైనట్లు కనిపిస్తోంది. రణవీర్ ఎరుపు రంగు కుర్తా పైజామాలో కనిపించగా.. దీపిక కలర్‌ఫుల్ సంప్రదాయ చీరలో మెరిసింది. ఇది రణ్‌వీర్ సింగ్ కజిన్‌ వెడ్డింగ్‌ అని తెలుస్తోంది. దీపిక- రణ్‌వీర్ వ్యక్తిగత జీవితం విషయానికొస్తే వీరిద్దరు తమ రెండో బిడ్డకు స్వాగతం పలకబోతున్నారు. ఇటీవలే తమ కుమార్తె దువాతో కలిసి ఈ విషయాన్ని ప్రకటించారు. ఈ జంట నవంబర్ 2018లో ఇటలీలో డెస్టినేషన్ వెడ్డింగ్‌ చేసుకున్నారు. ఆ తర్వాత దాదాపు ఆరేళ్లకు 2024లో దువాకు స్వాగతం పలికారు. ఇక సినిమాల విషయానికొస్తే దీపిక అట్లీ దర్శకత్వం వహిస్తోన్న 'రాకా' చిత్రంలో హీరోయిన్‌గా నటిస్తోంది. మరోవైపు, రణ్‌వీర్ సింగ్ సైతం కల్యాణి ప్రియదర్శన్‌తో కలిసి జాంబీ అడ్వెంచర్ చిత్రం 'ప్రళయ్'లో నటించనున్నారు. అయితే 'డాన్ 3' నుంచి రణ్‌వీర్ తప్పుకుంటున్నారనే వార్తలొచ్చాయి. ఇటీవలే దురంధర్‌ చిత్రాలతో బ్లాక్‌బస్టర్స్‌ తన ఖాతాలో వేసుకున్న సంగతి తెలిసిందే. Glimpses of #DeepVeer at Ranveer's cousins wedding 😍✨️🧿Emo babies 🥹 pic.twitter.com/CjmGcKy1n2— Versatile Fan (@versatilefan) June 2, 2026

ఆధునిక పెళ్లిళ్లలో భారీ ఆర్భాటాలు, ధగధగలాడే నగలు, బరువైన పట్టుచీరలు, భారీ విందులే కాదు గిఫ్ట్‌, రిటన్‌ గిఫ్ట్‌లు చాలా ముఖ్యం. ఆత్మీయతలు, అనురాగాలు, పలకరింపులుకంటే.. వచ్చామా.. తిన్నామా.. ఫోటో తీయించుకున్నామా. అన్నట్టే ఉంటాయి సాధారణంగా. కానీ అస్సాంలో ఒక పెళ్లిలో చోటు చేసుకున్న ఘటన నెట్టింట అందర్నీ విశేషంగా ఆకర్షిస్తోంది.అస్సాంలో ఒక మానసిక వికలాంగుడు ఆహ్వానం లేకుండా ఒక పెళ్లి వేడుకకు హాజరయ్యాడు. అతను నిశ్శబ్దంగా అతిథులతో కలిసి భోజనం చేశాడు,ఎవరూ అతన్ని ప్రశ్నించలేదు కూడా. అబ్బా.. పెళ్లి వారు ఎంత దయ గలవారు అనుకుంటున్నారా.. ఆగండి ఆగండి. ఇక్కడే మిమ్మల్ని ఆశ్చర్యపర్చే విషయం ఒకటి ఉంది.పెళ్లివారి కంటే తానే గొప్పవాడిని అని నిరూపించుకున్నాడు. ఎలా అంటారా? ఇదీ చదవండి: ఒక్కసారిగా పేలిన ఏసీ : మాజీ ఐఏఎస్ అధికారి దుర్మరణంతన కడుపునిండింది కదా, ఆకలి తీరింది కదా అని కామ్‌ గా అక్కడినుంచి వెళ్లిపోలేదు అతగాడు. వెళ్లే ముందు తన చిరిగిన జేబులోంచి రూ.10 లు తీసి వదువుకి కానుకగా అక్కడున్న వారికి అందించాడు. ఈ దృశ్యం చాలా హృద్యంగా నిలిచింది. ఈ హార్ట్‌ టచింగ్‌ వీడియో ఆన్‌లైన్‌లో వేలాది మందిని కదిలించింది. దయ,మానవత్వంతో కూడిన మనిషి అంటూ అందరూ ప్రశంసిస్తున్నారు. ఎంత ఇచ్చామన్నది కాదు.. ఎంత ప్రేమగా మనస్ఫూర్తిగా ఇచ్చారనేదే ముఖ్యం అంటున్నారు. బహుశా తన జేబులో 10 రూపాయలే ఉండి ఉంటాయ్‌ అని మరికొందరు కామెంట్‌చేశారు.எதுவும் இல்லாமல்… இதயமெல்லாம் கொடுத்தார் Assam திருமணத்தில், தன்னிடம் அதிகம் இல்லாவிட்டாலும் ₹10 கொடுத்து வாழ்த்திய விருந்தினரின் gesture இணையத்தில் அனைவரின் மனதையும் கவர்ந்துள்ளது பணத்தின் அளவு இல்லை… மனத்தின் அன்புதான் முக்கியம் pic.twitter.com/3W19ynUTrp— Rajini (@rajini198080) May 28, 2026 ఇదీ చదవండి: ఈ వెహికల్‌ తెచ్చిన లక్‌ : నెలకు రూ. 45 వేలు

భారతదేశంలో విడాకులను చాలా తీవ్రంగా పరిగణిస్తారు. పైగా చాలా జంటలు వైవాహిక జీవితంలో సంతోషంగా లేకపోయినా..సమాజం కోసం లేదా మరే ఇతర కారణాల వల్లనో కొనసాగతుంటారు. ఆ బంధం ఊపిరాడనంతగా చేస్తున్నా బలవంతంగా కలిసి ఉండేందుకే మొగ్గుచూపుతుంటారు. అయితే అలాంటి వివాహ బంధాన్నే భారత కుటుంబ వ్యవస్థ విజయవంతమైన వివాహ బంధంగా పేర్కొనడం విచిత్రం. ఇది నిజంగా ఎంత వరకు కరెక్ట్‌ అంటూ నిలదీశారు నాట్‌ డేటింగ్‌ యాప్‌ సీఈవో. అసలు విజయవంతమైన వివాహ బంధం అంటే అసలే ఏంటి అంటూ సోషల్‌మీడియా వేదికగా చర్చ లేవదీస్తూ..తన అభిప్రాయన్ని పంచుకున్నారు.ఆయన ఏమన్నారంటే..ఇటీవల కాలంలో అసంతృప్తికరమైన వివాహాలు, భావోద్వేగ అనుకూలత గురించిన సంభాషణలు ఆన్‌లైన్‌లో సర్వసాధారణంగా మారాయి. ఆ నేపథ్యంలో నాట్‌ డేటింగ్‌ సహ వ్యవస్థాపకుడు సీఈవో జస్వీర్‌ సింగ్‌ తీవ్ర అసంతృప్తితో ఉన్న వివాహంలో కొనసాగడాన్ని విజయవంతమైన వైవాహికి బంధంగా పరగణించాలా అనే ప్రశ్నను లెవనెత్తారు. చాలామంది తమ ఆనందం కోసం కాకుండా సామాజిక అంచనాల కారణంగా సంబంధాలను కొనసాగిస్తున్నారని వాదించారు. ఈ మేరకు జస్వీర్‌సింగ్‌ సోషల్‌ మీడియా ఎక్స్‌లో ఇలా రాశారు. భారత దేశానికి తక్కువ విడాకులు రేట్లు అవసరం లేదు. ఊపిరాడకుండే చేసే వివాహాలు తక్కువగా కావాలన్నారు. భారత్‌లో విడాకులు రేట్లు తక్కువగా ఉన్నాయనేది గొప్పగా విజయం సాధించనట్లుగా గర్వంగా చెబుతుంటారు. కానీ లక్షలాదిమంది తమ వివాహ బంధంలో మానసికంగా చచ్చిపోయి, బయటకు రావడానికి చాలా భయపడుతున్నారు. వాళ్లంతా ప్రతిరోజూ తమ లోపల చనిపోతున్నారు. అందుకు ఉదాహరణ ట్విషా శర్మ ఉదంతమే. 30 ఏళ్ల వివాహం దాని విజయానికి తప్పనిసరిగా హామీ ఇవ్వదని, ఎందుకంటే కొంతమంది భాగస్వాములు నిజంగా కలిసి జీవించకుండా కేవలం ఒకరినొకరు భరిస్తారని పేర్కొన్నారు. సంతోషంగా లేని ఇద్దరు వ్యక్తులను దశాబ్దాల పాటు కలిసి ఉండమని బలవంతం చేయడం, విడాకుల కన్నా చాలా బాధాకరమైనది. మీరు ప్రతిరోజూ చిక్కుకుపోయినట్లుగా, మానసికంగా అలసిపోయినట్లుగా, ఒంటరిగా, ఊపిరాడనట్లుగా భావిస్తూ నిద్రలేస్తే, వాళ్లు ఒక వివాహాన్ని కాపాడటం లేదు. సమాజ పరువును కాపాడుతున్నారు, అని ఆ సీఈఓ పోస్ట్‌లో పేర్కొన్నారు. విచిత్రం ఏంటంటే భారతీయ కుటుంబాలు వివాహం అంటే సర్దుబాటు అని చెప్పి..కొనసాగించాడమే పరవు అని నొక్కి చెబుతుంది. ఆమె లేదా అతడు మానసికంగా లోలోపల కుంగిపోయినా అలా కాపురం చేస్తే..దాన్ని విజయవంతమైన వివాహం అనే చెబుతుంటారు. నిజం చెప్పాలంటే ఇది నిజంగా భావోద్వేగ బంధనం. ఇక్కడ విడాకులు నిషిద్ధంగా చూడకూడదు. జీవితాంతం దుఃఖంలో మునిగిపోవడమే నిషిద్ధం కావాలి అంటూ పోస్టుని ముగించారు. నెటిజన్లు ఆయన మాటలకు ఏకీభవిస్తూ భారతదేశంలో విడాకులను సాధారణీకరించాలి. మనకు విఫలమైన వ్యాపారాలు ఉన్నట్లే, విఫలమైన సంబంధాలు కూడా ఉంటాయని అంగీకరించాలి, సాధారణ విషయంగా పరిగణించాలి. అయితే భారతదేశం సంతోషంగా కలిసి జీవించడాని కంటే కలిసి ఉండటానికే ప్రాధాన్యత ఇస్తుందని అదే అసలైన సమస్య అని పోస్టులు పెట్టారు. కాగా, ఈ చర్య మానసిక ఆరోగ్యం, విడాకులపై మారుతున్న అభిప్రాయాలను హైలెట్‌ చేసింది.(చదవండి: నిస్వార్థమెంత గొప్పదో.. ఈ ఘటనే రుజువు ..!)

స్వాతి అంటే గుర్తు పట్టరేమో కానీ.. కలర్స్ యాడ్ చేస్తే ఇట్టే పసిగడతారు. అంతలా ఆ పేరుతోనే తెలుగు ప్రేక్షకుల గుండెల్లో పేరు సంపాదించుకుంది. డేంజర్‌ సినిమాతో టాలీవుడ్‌కు పరిచయమైన తెలుగమ్మాయి.. ఆడవారికి మాటలకు అర్థాలే వేరులే సినిమాతో ఫుల్ ఫేమ్ తెచ్చుకుంది. ఆ తర్వాత అష్టా చెమ్మా, త్రిపుర, కలవరమాయే మదిలో, మిరపకాయ్ చిత్రాల్లో నటించింది. కొన్నేళ్ల తర్వాత మంత్ ఆఫ్ మధు చిత్రం ద్వారా ప్రేక్షకులను పలకరించింది.ప్రస్తుతం సినిమాలేవీ చేయకపోయినా ఈ ముద్దుగుమ్మ.. తాజా ఇంటర్వ్యూలో పెళ్లి, వ్యక్తిగత జీవితం గురించి మాట్లాడింది. ముఖ్యంగా పెళ్లి టాపిక్‌పై తన అభిప్రాయాన్ని వ్యక్తం చేసింది. పెళ్లి చేసుకోవడం కన్నా ఓ కుక్కను పెంచుకోవడం చాలా బెటర్ అని తన మనసులోని మాటను బయటకు చెప్పేశారు. ఈ రోజుల్లో ఒక మనిషిని నమ్మి, వివాహం చేసుకుని జీవితాంతం కలిసి ఉండటం చాలా కష్టంగా మారిపోయిందని తెలిపింది.ఈ రోజుల్లో ఎవరికీ కూడా కొంచే కూడా ఓపిక ఉండడం లేదని.. అందుకే ముక్కు, మొహం తెలియని వ్యక్తిని పెళ్లాడి ప్రతిరోజూ మానసిక ప్రశాంతతను కోల్పోవడం నాకు ఇష్టం లేదన్నారు. అందుకే ఎలా చింతా లేకుండా హాయిగా ఒక కుక్కను పెంచుకోవడం చాలా బెటర్ అని అన్నారు. ఎందుకంటే అది మనకు ఎప్పుడూ నమ్మకంగా ఉంటుందని.. ఎలాంటి కండిషన్లు లేకుండా మనల్ని ప్రేమిస్తుందని హీరోయిన్ స్వాతిరెడ్డి చెప్పుకొచ్చింది.

గతేడాది నుంచి ఏదో ఒక సందర్భంలో వీరిద్దరిపై రూమర్స్ వినిపిస్తూనే ఉన్నాయి. ఓసారి వీరిద్దరు న్యూయార్క్‌లో జంటగా కనిపించడంతో డేటింగ్ రూమర్స్ మొదలయ్యాయి. ఆ తర్వాత కూడా పలు సందర్భాల్లో కూడా వీరిద్దరి గురించి నెట్టింట చర్చ జరుగుతూనే ఉంది. ఇంతకీ ఎవరా ఇద్దరని అనుకుంటున్నారా? గతేడాది నుంచి వైరలవుతోన్న ఆ జంట మరెవరో కాదు.. ఒకరు ఫేమస్ మ్యూజిక్ డైరెక్టర్‌ అనిరుధ్ రవిచందర్.. మరొకరు ఎస్‌ఆర్‌హెచ్‌ ఓనర్‌ కావ్య మారన్.గతంలో కావ్య మార‌న్- అనిరుధ్ రవిచందర్ వివాహం చేసుకోబోతున్నారనే వార్త సోష‌ల్ మీడియాలో వైరలైన సంగతి తెలిసిందే. కానీ ఆ తర్వాత అనిరుధ్ అదేం లేదంటూ సోషల్ మీడియా వేదికగా క్లారిటీ ఇచ్చేశాడు. అయితే తాజాగా మరోసారి ఈ జంట పెళ్లి టాపిక్ వైరల్‌గా మారింది. ఈ సారి ఏకంగా వేదికలను కూడా ఫైనల్ చేసినట్లు టాక్ వినిపిస్తోంది. ఈ ఏడాది చివర్లో వీరిద్దరు పెళ్లి పీటలెక్కనున్నారని లేటేస్ట్ టాక్‌ నడుస్తోంది.తాజాగా ఓ నివేదిక వెల్లడించిన సమాచారం ప్రకారం ఇద్దరి కుటుంబాలు స్పెయిన్‌లో వీరి వివాహం జరిపించాలని నిర్ణయించినట్లు సమాచారం. ఆ తర్వాత చెన్నైలో గ్రాండ్‌ రిసెప్షన్ ఏర్పాటు చేయడానికి ప్లాన్ చేస్తున్నారని తెలుస్తోంది. అయితే ఈ వివాహానికి సంబంధించి అనిరుధ్ కానీ.. కావ్య మారన్ గానీ ఎలాంటి అధికారిక ప్రకటనైతే రాలేదు. గతంలో చాలాసార్లు రూమర్స్‌ రావడంతో ఇది కూడా అలాంటిదేనని కొందరు అభిప్రాయం వ్యక్తం చేస్తున్నారు. మరి కొద్దిరోజులు ఆగితే ఈ జంట రిలేషన్ గురించి క్లారిటీ వచ్చే అవకాశముంది. ఇక ఇద్దరి కెరీర్ పరంగా చూస్తే అనిరుధ్ రవిచందర్‌ మ్యూజిక్ డైరెక్టర్‌గా బిజీగా ఉన్నారు. కావ్య సైతం ప్రస్తుతం ఐపీఎల్ మ్యాచ్‌లతో ఫుల్ బిజీగా ఉంది.

బాలీవుడ్ ‍ఫైర్ బ్రాండ్‌గా పేరు తెచ్చుకున్న బ్యూటీ కంగనా రనౌత్. కేవలం సినిమాలే కాదు.. రాజకీయాల్లోనూ రాణిస్తోంది ఈ ముద్దుగుమ్మ. ఎప్పుడు వివాదాలకు కేరాఫ్ అడ్రస్‌గా ఉన్న ఈ బాలీవుడ్ భామకు సంబంధించిన ఓ వీడియో సామాజిక మాధ్యమాల్లో తెగ వైరలవుతోంది. ఆమె మెడలో నల్లపూసలు, చేతులకు మట్టిగాజులు ఉండడంతో అందరూ ఒక్కసారిగా షాకవుతున్నారు. కంగనా ఎవరికీ చెప్పకుండానే సీక్రెట్‌గా పెళ్లి చేసుకుందా? అని తెగ కన్‌ఫ్యూజ్ అవుతున్నారు.ఈ వీడియో చూసిన నెటిజన్స్‌ భిన్నంగా స్పందిస్తున్నారు. కంగన సీక్రెట్‌గా పెళ్లి చేసుకున్నారా? అని ఒకరు కామెంట్‌ చేయగా.. ఒకవేళ ఆమె పెళ్లి చేసుకుంటే గ్రాండ్‌గానే చేసుకుంటారని మరొకరు రాసుకొచ్చారు. అయితే ఏదైనా సినిమా షూటింగ్‌ కోసం అలా వేసుకున్నారా? మరికొందరు కామెంట్స్ చేస్తున్నారు. ఏదేమైనా కంగనా నల్లపూసల దండ, మట్టిగాజులతో కనిపించడంతో ఫ్యాన్స్ కూడా ఆశ్చర్యం వ్యక్తం చేస్తున్నారు. దీనిపై ఆమె క్లారిటీ ఇస్తే కానీ పెళ్లి గురించి చర్చ ఆగేలా కనిపించడం లేదు.ఇక కంగనా సినిమాల విషయానికొస్తే తన సూపర్‌ హిట్‌ చిత్రం ‘క్వీన్‌’ సీక్వెల్‌లో నటిస్తున్నారు. ‘క్వీన్‌ 2’ అనే టైటిల్‌తో ఈ మూవీని తెరకెక్కిస్తున్నట్లు తెలుస్తోంది. ఈ మూవీలోని క్యారెక్టర్ లుక్ కోసమే ఆమె ఇలా తయారైనట్లు తెలుస్తోంది. ఇప్పటికే పాలిటిక్స్‌తో బిజీగా ఉన్న కంగనా.. మళ్లీ బాలీవుడ్‌లోకి కమ్‌బ్యాక్ ఇవ్వడానికి సిద్ధమవుతున్నారు. Kangana Ranaut was seen wearing a mangalsutra today.Has Kangana secretly got married? pic.twitter.com/wBCoNCZVLL— Mr SP (@Lonely_prabh) May 21, 2026

ఈ ఏడాది టాలీవుడ్‌లో జరిగిన బిగ్గెస్ట్ గ్రాండ్ వెడ్డింగ్ విరోష్ జంటదే. కొన్నేళ్ల పాటు సీక్రెట్ డేటింగ్‌లో ఉన్న విజయ్ దేవరకొండ, రష్మిక మందన్నా పెళ్లిబంధంతో ఒక్కటయ్యారు. రాజస్థాన్‌లోని ఉదయ్‌పూర్‌లో జరిగిన ఈ పెళ్లి వేడుకలో కుటుంబ సభ్యులు, అత్యంత సన్నిహితులు మాత్రమే పాల్గొన్నారు. ఆ తర్వాత టాలీవుడ్ ప్రముఖుల కోసం హైదరాబాద్‌లో గ్రాండ్ రిసెప్షన్‌ నిర్వహించారు.అయితే తాజాగా వీరి పెళ్లికి సంబంధించిన ఓ ఆసక్తికర విషయం బయటకొచ్చింది. ఈ పెళ్లికి సంబంధించి ఈవెంట్‌ ఆర్గనైజర్‌ ప్రియ మాగంటి ఓ సీక్రెట్ రివీల్ చేశారు. రష్మిక తన మంగళసూత్రాన్ని స్వయంగా డిజైన్‌ చేసుకున్నారని తెలిపారు. ట్రెండ్‌ను ఫాలో కావాలని విరోష్‌ జోడీ ముందు నుంచే అనుకోలేదన్నారు. దుస్తులు, ఆభరణాల నుంచి అన్నీ రొటీన్‌కు భిన్నంగా ప్లాన్‌ చేసుకున్నారని వెల్లడించారు. వీరిద్దరు ప్రతి ఒక్కటీ ఎంతో ప్రత్యేకంగా ప్లాన్ చేశారని అన్నారు.ఇక సినిమాల విషయానికొస్తే వీరిద్దరు రణబాలి చిత్రంలో నటిస్తున్నారు. రాహుల్ సంకృత్యాన్‌ డైరెక్షన్‌లో ఈ సినిమా తెరకెక్కిస్తున్నారు. రాయలసీమ బ్యాక్‌డ్రాప్‌లో పీరియాడికల్ యాక్షన్ మూవీగా రూపొందిస్తున్నారు. బ్రిటీష్ కాలం నాటి పరిస్థితుల ఆధారంగా ఈ కథ ఉండనున్నట్లు తెలుస్తోంది. ప్రస్తుతం ఈ మూవీ షూటింగ్ శరవేగంగా జరుగుతోంది.

భోపాల్‌ : మాజీ మిస్‌ పుణె, ఎంబీఏ గ్రాడ్యుయేట్ ట్విషా శర్మ మృతి కేసులో పెద్ద ట్విస్ట్ చోటు చేసుకుంది. భోపాల్ పోలీస్ కమిషనర్ సంజయ్ కుమార్ ప్రకారం ఆమెది హత్య కాదు, ఆత్మహత్యేనని తెలిపారు. పోస్టుమార్టం నివేదికలో ఇదే విషయం వెలుగులోకి వచ్చిందన్నారు. మే 12న ట్విషా తన అత్తగారింటి టెర్రస్‌లో జిమ్ పరికరాన్ని ఉపయోగించి ఉరివేసుకున్నట్లు పోలీసులు తెలిపారు. ఫోరెన్సిక్ నివేదిక కూడా పోస్టుమార్టం ఫలితాలతో సరిపోలిందని కమిషనర్ పేర్కొన్నారు. కుటుంబ సభ్యులు కోరితే రెండో పోస్టుమార్టం చేయడానికి ఎలాంటి అభ్యంతరాలు లేవని ఆయన అన్నారు.అయితే ట్విషా తల్లిదండ్రులు మాత్రం ఇది హత్యేనని ఆరోపిస్తున్నారు. పెళ్లి తర్వాత వరకట్న వేధింపులు ఎదుర్కొన్నందువల్లే ఆమె ప్రాణం కోల్పోయిందని కన్నీటి పర్యంతరమవుతున్నారు. ట్విషా శర్మ భర్త సమ్రత్ సింగ్‌ లాయర్ కాగా.. అత్త గిరిబాలా సింగ్ విశ్రాంత న్యాయమూర్తి. ప్రస్తుతం భోపాల్‌లోని కటారా హిల్స్ పోలీస్‌ స్టేషన్‌లో ఈ ఘటనపై కేసు నమోదైంది. అత్తగారు న్యాయవాద నేపథ్యం ఉన్నవారు కావడంతో కేసు నుంచి తప్పించుకోవడానికి ప్రయత్నిస్తున్నారని ట్విషా తండ్రి ఆరోపించారు.కమిషనర్ సంజయ్ కుమార్ మాట్లాడుతూ.. కేసు స్వతంత్రంగా, వేగంగా దర్యాప్తు జరుగుతోందని, ఎలాంటి ఒత్తిళ్లు లేవని స్పష్టం చేశారు. ఎఫ్‌ఐఆర్‌ను కేవలం రెండు రోజుల్లోనే నమోదు చేశామని, నిందితుడు సమ్రత్‌ను పట్టుకోవడానికి బృందాలు గాలింపు చర్యలు చేపట్టాయని తెలిపారు. అరెస్టులో ఆలస్యం జరిగినా త్వరలోనే అదుపులోకి తీసుకుంటామని ఆయన అన్నారు.ట్విషా శర్మ, సమ్రత్ సింగ్‌ల వివాహం 2024 డిసెంబర్‌లో జరిగింది. ఇద్దరి పరిచయం ఒక డేటింగ్ యాప్ ద్వారా ఏర్పడి పెళ్లికి దారి తీసింది. పెళ్లి తర్వాత వరకట్న వేధింపులు, కుటుంబ కలహాలు ఈ విషాదానికి కారణమయ్యాయని ట్విషా కుటుంబం ఆరోపిస్తోంది. ట్విషా శర్మ మరణించిన సమయంలో ఆమె భర్త సమ్రత్ సింగ్,పొరిగింటి వ్యక్తి, ఇంట్లో సహాయకుడు అనుమానస్పదంగా కనిపించారు. వీరు ముగ్గురూ ఆమెను మెట్లపై నుంచి కిందికి తీసుకువస్తూ,సీపీఆర్‌ చేసే ప్రయత్నాలు చేసినట్లు సీసీటీవీ ఫుటేజ్‌లో రికార్డు అయింది. ట్విషా శర్మ మే 12న ఉదయం 7:20కి ఒంటరిగా మెట్లపైకి ఎక్కి టెర్రస్‌కి వెళ్లినట్ సీసీటీవీలో కనిపించింది.దాదాపు గంట తర్వాత ఆ ముగ్గురు పైకి ట్విషా ఉన్న రూమ్‌లోకి వచ్చారు. ఆ సమయంలో అత్త గిరిబాలా సింగ్ (రిటైర్డ్ జడ్జ్) ఓ గదిలోకి వెళ్లి, కొద్దిసేపటికి బయటకు వచ్చి కిందికి వెళ్లినట్లు కూడా ఫుటేజ్‌లో కనిపించింది.ట్విషా భర్త ప్రస్తుతం పోలీసుల నుంచి పరారీలో ఉన్నాడు. ట్విషా తల్లిదండ్రులు ఈ ముగ్గురి చర్యలు అనుమానాస్పదమని, వరకట్న వేధింపుల కారణంగా హత్య జరిగిందని ఆరోపిస్తున్నారు. పోలీసులు మాత్రం ఇది ఆత్మహత్య అని, ఫోరెన్సిక్ ఆధారాలు కూడా అదే నిర్ధారిస్తున్నాయని చెబుతున్నారు. మధ్యప్రదేశ్‌ సీఎం మోహన్‌ యాదవ్‌ కేసు దర్యాప్తును సీబీఐకి అప్పగిస్తున్నట్లు ట్విషా తల్లిదండ్రులకు హామీ ఇచ్చారు. దర్యాప్తుకు సిఫారసు చేశారు.