Nandyal District Latest News

● వైఎస్సార్‌సీపీ జిల్లా అధ్యక్షుడు ఎస్వీ మోహన్‌ రెడ్డికర్నూలు (టౌన్‌): అబద్ధాలు చెప్పి అధికారంలోకి వచ్చిన టీడీపీ అధినేత చంద్రబాబు నాయుడును స్థానిక సంస్థల ఎన్నికల్లో ఓడిద్దామని వైఎస్సార్‌సీపీ జిల్లా అధ్యక్షుడు ఎస్వీ మోహన్‌ రెడ్డి పిలుపునిచ్చారు. కర్నూలు 28వ వార్డు పరిధిలోని శ్రీరామనగర్‌, సీ.క్యాంపు క్వార్టర్స్‌, మద్దుర్‌నగర్‌ ప్రాంతాల్లో గురువారం వైఎస్సార్‌సీపీ మేయర్‌ అభ్యర్థి సుశీల, కార్పొరేటర్‌ అభ్యర్థి బత్తుల రీటా స్వర్ణలతతో కలిసి పార్టీ మహిళా విభాగం రాష్ట్ర వర్కింగ్‌ అధ్యక్షులు ఎస్వీ విజయ మనోహరి, కర్నూలు పార్లమెంటరీ ఇన్‌చార్జ్‌ బుట్టా రేణుక ప్రచారం చేశారు. ఇంటింటికీ తిరిగి చంద్రబాబు మోసాలు వివరించారు. ఆడబిడ్డ నిధి ఇచ్చారా.. 50 సంవత్సరాలు దాటితే బీసీలు, ఎస్సీలు, ఎస్టీలు, మైనార్టీలందరికీ రూ. 4 వేలు పెన్షన్‌ ఇచ్చారా.. అని ఓటర్లను అడిగారు. చంద్రబాబు మాటలు నమ్మి మోసపోయామని ప్రజలు చెప్పారు. ఈ సందర్భంగా ఎస్వీ మోహన్‌రెడ్డి మాట్లాడుతూ.. ఇచ్చిన ప్రతి హామీని జగనన్న అమలు చేస్తే, ఎన్నో అబద్ధాలు చెప్పి చంద్రబాబు అధికారంలోకి వచ్చారన్నారు. ఉచిత గ్యాస్‌ సిలిండర్లు ఎగొట్టారన్నారు. పేదలను, సామాన్యులను, మధ్య తరగతి ప్రజలను, మహిళలను మోసం చంద్రబాబును ఓడిద్దామన్నారు. ఎన్నికల్లో వైఎస్సార్‌సీపీ అభ్యర్థులు నామినేషన్లు వేస్తుంటే చంద్రబాబుకు ఎందుకంత భయమని ప్రశ్నించారు. ప్రజలు ఆలోచించాలని, సంక్షేమం, అభివృద్ధికి పెద్దపీట వేసిన వైఎస్సార్‌సీపీ మేయర్‌, కార్పొరేటర్‌ అభ్యర్థులను ఫ్యాన్‌ గుర్తుకు ఓటు వేసి గెలిపించాలన్నారు.

● ఒకరు మృతి..100 మందికి పైగా గాయాలు ● మెరుగైన చికిత్స కోసం ఆలూరు, ఆదోనికు తరలింపు హొళగుంద: బన్ని ఉత్సవంలో ఆది నుంచి వస్తున్న ఆచారమే నడిచింది. పోలీస్‌ నిబంధనలు, అధికారుల ఆదేశాలను పట్టించుకోలేదు. విజయదశమిని పురస్కరించుకుని హొళగుంద మండలం దేవరగట్టులో బుధవారం అర్ధరాత్రి నుంచి గురువారం తెల్లవారుజాము వరకు కర్రల సమరం సాగింది. ఆలూరు పట్టణం ఇందిరానగర్‌కు చెందిన పోత రాజు(32) అనే వ్యక్తి మృతి చెందాడు. మొత్తం 100 మందికి పైగా గాయపడగా చికిత్స కోసం ఆదోని, ఆలూరు, కర్నూలుకు తరలించారు. తీవ్రంగా 25 మంది గాయపడగా.. మలకన్న, శరబన్న, పరుశురామ్‌, గణేష్‌, రామాంజనేయులు నాయుడు తదితరల పరిస్థితి విషమంగా ఉంది. వీరిని ఆలూరు, ఆదోనికి 108, 104 అంబులెన్స్‌లో తరలించారు. లక్షన్నరకు పైగా భక్తులు బుధవారం అర్ధరాత్రి ప్రారంభమైన మాళ మల్లేశ్వరస్వామి జైత్రయాత్ర గురువారం ఉదయం వరకు సాగింది. నెరణికి, నెరణికి తండా, కొత్తపేట గ్రామస్తులతో పాటు దేవరగట్టు చుట్టు పక్కల గ్రామాలైన నిట్రవట్టి, బిలేహాల్‌, విరుపాపురం, ఎల్లార్తి, సుళువాయి, అరికెర, అరికెరతాండా, కురుకుంద, సమ్మతగేరి, పెద్దహ్యాట, హెబ్బటం, లింగంపల్లితో పాటు దాదాపు 15 గ్రామాలకు చెందిన భక్తులు ఉత్సవంలో పాల్గొని మొగలాయి ఆడారు. బన్ని ఉత్సవాన్ని తిలకించేందుకు కర్ణాటక, ఆంధ్రా, తెలంగాణ నుంచి లక్షన్నరకు పైగా భక్తులు తరలి వచ్చారు. పటిష్ట బందోబస్తు ఉన్నా.. ఎస్పీ విక్రాంత్‌ పాటిల్‌ ఆధ్వర్యంలో ఆదోని ఏఎస్పీ జయశర్మ పర్యవేక్షణలో ఆదోని, నంద్యాల, కర్నూలు, డోన్‌, తదితర ప్రాంతాలకు చెందిన డీఎస్పీలు, సీఐలు, ఎస్‌ఐలు, కానిస్టేబుళ్లతో పాటు ప్రత్యేక బలగాలు వచ్చాయి. మహిళా పోలీసులు, స్పెషల్‌ పార్టీలతో కలిసి మొత్తం కలిసి వెయ్యి మందితో పటిష్ట బందోబస్తు ఉన్నా కర్రల సమరం ఆగలేదు. వందల సంఖ్యలో సీసీ కెమెరాలు, ఐదు డ్రోన్‌ కెమరాలు, దాదాపు 800 వరకు భారీ వెలుతురు ఇచ్చే లైట్లను ఏర్పాటు చేసి పోలీస్‌ కంట్రోల్‌ రూం ద్వార ఎప్పటికప్పుడు పరిస్థితి ని సమీక్షించినా దేవరగట్టు రక్తమోడింది. నేడు రథోత్సవం దేవరగట్టులో శుక్రవారం సాయంత్రం మాళ మల్లేశ్వరస్వామి రథోత్సవం ఘనంగా జరగనుంది. శనివారం గొరవయ్యల ఆటలు, గొలుసు తెంపుట, దేవదాసీల క్రీడోత్సవం, సాయంత్రం వసంతోత్సవం, కంకణ విసర్జన ఉంటాయి. ఆదివారం మాళమల్లేశ్వర స్వామి విగ్రహాలు నెరణికి గ్రామానికి చేరడంతో ఉత్సవాలు ముగుస్తాయి. బన్ని ఉత్సవం సాగింది ఇలా.. బసవన్నగుడి సమీపంలో తిష్టవేసిన అరికెరకు చెందిన భక్తులు అలజడి సృష్టించారు. విగ్రహాలు, పల్లకీని పాదాల గట్టు వైపు వెళ్లిన సమయంలో అగ్గి కాగడాలు, రాళ్లు విసిరారు. రింగు కర్రలు, దివిటీలతో దాడి చేయడంతో చాలా మందికి గాయాలయ్యాయి. అరికెర, ఇతర గ్రామాల భక్తుల మధ్య గంట పాటు ఉద్రిక్తత పరిస్థితి నెలకొంది. విగ్రహాలు, పల్లకీ రాక్షసపడి గుండ నుంచి శమీవృక్షం వద్దకు తీసుకెళ్లారు. శమీవృక్షం మీదుగా ఎదురు బసవన్న గుడి వైపునకు వెళ్లారు. ఆలయ పూజారి గిరిస్వామి భవిష్యవాణి (కార్ణీకం) వినిపించిన అనంతరం ఉత్సవమూర్తులను మల్లప్ప గుడిలోని సింహాసన కట్టమీద అధిష్టింపజేశారు. భక్తులు చప్పట్లు కొట్టి ఇళ్లకు తిరుగు ప్రయాణమయ్యారు.

వెల్దుర్తి: నామినేషన్లు వేసేందుకు వెళ్లకుండా వైఎస్సార్‌సీపీ నాయకులను గురువారం తెల్లవారుజాము నుంచే పోలీసులు హౌస్‌ అరెస్ట్‌ చేశారు. వైఎస్సార్‌సీపీ మండల అధ్యక్షుడు బొమ్మన రవిరెడ్డిని వెల్దుర్తిలోని ఆయ స్వగృహంలో, వైఎస్సార్సీపీ జిల్లా అధికార ప్రతినిఽధి ఎల్‌ నగరం గ్రామ సమీర్‌ కుమార్‌ రెడ్డి అతని స్వగృహంలో హౌస్‌ అరెస్టు చేశారు. గురువారం మధ్యాహ్నం నుంచి నామినేషన్లు వేసేందుకు అవకాశాలు ఇస్తామని సాయంత్రం వరకు వదల్లేదు. వెల్దుర్తి మండలంలో ఉన్న 17 ఎంపీటీసీ స్థానాలలో కేవలం చెరకులపాడు స్థానంలో నామినేషన్‌ వేశారు. మిగతా 16 ఎంపీటీసీ స్థానాలకు నామినేషన్‌ వేయాలనుకున్న వైఎస్సార్‌సీపీ నాయకుల, కార్యకర్తల ఆశలకు గండికొట్టారు. శుక్రవారం అయినా వైఎస్సార్‌సీపీ అభ్యర్థులను పోలీసులు నామినేషన్లు వేయిస్తారో లేదో చూడాలి.

కల్లూరు: స్థానిక సంస్థల ఎన్నికల వేళ నియోజకవర్గ వ్యాప్తంగా టీడీపీ నుంచి వైఎస్సార్‌సీపీలోకి వలసలు ఊపందుకున్నాయి. గురువారం పాణ్యం నియోజకవర్గంలోని కల్లూరు మండలం తడకనపల్లె గ్రామానికి చెందిన టీడీపీ కార్యకర్తలు వైఎస్సార్‌సీపీలో చేరారు. గ్రామానికి చెందిన వైఎస్సార్‌సీపీ నాయకులు కృష్ణారెడ్డి, వేణుగోపాల్‌రెడ్డి, చిన్న స్వాములు, శ్రీను, సోమన్న ఆధ్వర్యంలో ఆ పార్టీ నంద్యాల జిల్లా అధ్యక్షుడు, మాజీ ఎమ్మెల్యే కాటసాని రాంభూపాల్‌రెడ్డి సమక్షంలో అదే గ్రామానికి చెందిన టీడీపీ కార్యకర్తలు కె.చిన్న రాముడు, కె. బాలన్న, కె.ఏళ్లకృష్ణ, కె.చిన్నలక్ష్మన్న, లక్ష్మన్న, ఓబుళాపురం మౌలాలి, అయ్యస్వామి, చిన్న మాశన్న, మక్బుల్‌ బాషాకు కాటసాని రాంభూపాల్‌రెడ్డి పార్టీ కండువాలు కప్పి పార్టీలోకి ఆహ్వానించారు. ఈ సందర్భంగా కాటసాని మాట్లాడుతూ స్థానిక సంస్థలు ఎన్నికల్లో సమష్టిగా పనిచేసి పార్టీ అభ్యర్థుల గెలుపునకు కృషి చేయాలని సూచించారు.

● సంతకాల ఫోర్జరీ దొంగల పని ● మాజీ ఎమ్మెల్యే శిల్పా రవిచంద్రకిషోర్‌రెడ్డి బొమ్మలసత్రం: ఎన్నికల్లో ఓటమి తప్పదని భావించి అభ్యర్థుల సంతకాలు ఫోర్జరీ చేసి ఏకగ్రీవంగా గెలిచామని చెప్పుకోవడానికి టీడీపీ నేతలు సిగ్గుపడాలని మాజీ ఎమ్మెల్యే శిల్పా రవిచంద్రకిషోర్‌రెడ్డి విమర్శించారు. గురువారం ఆయన నివాసంలో ఎమ్మెల్సీ ఇసాక్‌బాషా ఆధ్వర్యంలో ఎస్‌డీపీఐ, ఐయూఎంఎల్‌ పార్టీ నాయకులతో సమావేశం నిర్వహించారు. ఈ సందర్భంగా మాజీ ఎమ్మెల్యే శిల్పా రవి మాట్లాడుతూ.. నంద్యాల పట్టణంలో 51వ వార్డు వైఎస్సార్‌సీపీ అభ్యర్ధి నాగమణి సంతకాన్ని ఫోర్జరీ చేసి టీడీపీ ఏకగ్రీవమైందని చెప్పుకోవడం హాస్యాస్పదమన్నారు. సుప్రీం కోర్టు చొరవతో రాష్ట్రంలో ఎన్నికల ప్రక్రియ తాత్కాలికంగా నిలిపివేసిన సంఘటనలు చరిత్రలో ఎప్పుడూ ప్రజలు చూడలేదన్నారు. ఓటమికి భయపడి నామినేషన్‌ ప్రక్రియ నుంచి విత్‌డ్రాల వరకూ టీడీపీ నేతలు దౌర్జన్యాలకు తెగబడటం అందరూ గమనిస్తున్నారన్నారు. అధికారంలోకి రాకముందు మాజీ ముఖ్యమంత్రి వైఎస్‌ జగన్‌ పాలనకు మించి సంక్షేమ పథకాలు అందిస్తామని కూటమి నేతలు ఆడంబరాలు పలికి చివరకు చేతులెత్తేశారన్నారు. అధికారం చేపట్టిన తర్వాత సంక్షేమాన్ని విస్మరించి నిత్యావసరాలు, పెట్రోల్‌ రేట్లు పెంచారన్నారు. రైతులకు సాగునీరు అందించలేని దుస్థితికి దిగజారిందన్నారు. పార్టీ అభ్యర్థుల గెలుపు కోసం అన్ని వ్యవస్థలను ప్రభుత్వం రాజ్యాంగ విరుద్ధంగా వాడుతోందన్నారు. వక్ఫ్‌ ఆస్తులను ఇతర ప్రభుత్వ కార్యాలయాలకు కట్టబెట్టడాన్ని ఎస్‌డీపీఐ తీవ్రంగా ఖండించిందని ఆపార్టీకి తాము ఎప్పుడూ మద్దతుగా ఉంటామన్నారు. పట్టణంలోని 5, 6, 7 వార్డులకు గాను ఎస్‌డీపీఐ నాయకులు మజూద్‌ఖాన్‌, పూల జరీనా, అజాస్‌హుస్సేన్‌లను వైఎస్సార్‌సీపీ అభ్యర్థులుగా పోటీలో నిలబెడుతు న్నామన్నారు. అనంతరం ఎమ్మెల్సీ ఇసాక్‌బాషా మాట్లాడుతూ.. రాష్ట్రాన్ని అభివృధి పథంలో నడిపే పార్టీలతో ఎస్‌డీపీఐ జతకడుతోందన్నారు. ఇదే క్రమంలో వైఎస్సార్‌సీపీ తరఫున ఎస్‌డీపీఐ నాయకులు ఫ్యాన్‌గుర్తుతో పోటీ చేస్తున్నారన్నారు. వక్ఫ్‌ ఆస్తుల పరిరక్షణ కోసం పోరాడే ఎస్‌డీపీఐ నాయకులను ప్రజలు ఆశీర్వదించాలని కోరారు.

జూపాడుబంగ్లా: ప్రేమ విఫలమవ్వటంతో మనస్తాపానికి గురైన ఓ యువకుడు ఆత్మహత్య చేకుకొన్నాడు. ఈ ఘటన గురువారం తర్తూరు గ్రామంలో చోటుచేసుకొంది. ఎస్‌ఐ మల్లికార్జున తెలిపిన వివరాల మేరకు.. గ్రామానికి చెందిన తెలుగు లీధర్‌(21) అనే యువకుడు ఆదే కాలనీకి చెందిన యువతి ప్రేమించి పెళ్లి చేసుకోవాలనుకున్నాడు. అయితే ప్రేమించిన యువతి వివాహానికి అంగీకరించకపోవటం తీవ్ర మనస్తాపానికి గురయ్యాడు. ఇంట్లో కుటుంబసభ్యులు ఆసుపత్రికి వెళ్లటంతో ఇంటివద్ద ఉన్న పశువుల కొట్టంలో ఉరివేసుకొని ఆత్మహత్యచేసుకొన్నాడు. గమనించిన చుట్టుపక్కల వారు పోలీసులకు సమాచారం ఇవ్వటంతో ఎస్‌ఐ మల్లికార్జున సంఘటనా ప్రాంతానికివెళ్లి వివరాలు సేకరించుకొన్నారు. మృతుని తల్లి తెలుగు గంగమ్మ ఇచ్చిన ఫిర్యాదు మేరకు కేసునమోదు చేసుకుని దర్యాప్తు చేస్తున్నట్లు తెలిపారు. మృతదేహానికి పోస్టుమార్టం నిర్వహించి బంధువులకు అప్పగించినట్లు తెలిపారు.

కొలిమిగుండ్ల (అవుకు): విధి నిర్వహణలో ఉన్న కానిస్టేబుల్‌పై దాడి చేసిన వ్యక్తికి బనగానపల్లె కోర్టు గురువారం రూ.5వేలు జరిమానా విధించింది. అవుకు మండలం గుండ్లశింగవరం ఉన్నత పాఠశాలలో 2019 సెప్టెంబర్‌ 1వ తేదీన మహిళా అభ్యర్థులకు సచివాలయ పరీక్షలు నిర్వహించారు. ఆ సమయంలో పరీక్షా కేంద్రం వద్ద పోలీసులు 144 సెక్షన్‌ అమలు చేశారు. అవుకు పోలీస్‌ స్టేషన్‌కు చెందిన కానిస్టేబుల్‌ సూర్యప్రకాష్‌ అక్కడ బందోబస్తు విధుల్లో ఉన్నాడు. నంద్యాల మండలం మునగాల గ్రామానికి చెందిన గోవిందిన్నె వెంకటేశ్వరరెడ్డి పరీక్ష రాస్తున్న భార్య ఉంటున్న గదిలోకి వెళ్లేందుకు ప్రయత్నించగా విధుల్లో ఉన్న గ్రామ వలంటీర్‌ తిరుమలేష్‌, కానిస్టేబుల్‌ సూర్యప్రకాష్‌ అడ్డుకొని లోనికి అనుమతి లేదని బయటకు వెళ్లాలని సూచించారు. అయితే కానిస్టేబుల్‌ మాటలను లెక్క చేయకుండా వెంకటేశ్వరరెడ్డి ఘర్షణకు దిగి యూనిఫాంలో ఉన్న కానిస్టేబుల్‌ కాలర్‌ పట్టుకొని విధులకు ఆటంకం కలిగించాడు. ఈ ఘటనకు సంబంధించి అప్పట్లోనే కానిస్టేబుల్‌ ఫిర్యాదు మేరకు ఎస్‌ఐ శ్రీకాంత్‌రెడ్డి కేసు నమోదు చేశారు. దర్యాప్తు చేసి కోర్టులో చార్జీషీట్‌ దాఖలు చేశారు. ఈ కేసుపై కోర్టులో విచారణ పూర్తి కాగా బనగానపల్లె కోర్టు న్యాయమూర్తి వెంకటేశ్వరరెడ్డిని దోషిగా నిర్దారించి రూ.5వేలు జరిమానా విధిస్తూ తుది తీర్పు ప్రకటించారు. అనారోగ్యంతో మహిళా ఏఎస్‌ఐ మృతి కర్నూలు: కర్నూలు పోలీస్‌ కంట్రోల్‌ రూమ్‌లో(పీసీఆర్‌) ఏఎస్‌ఐగా పనిచేస్తున్న నిమ్మిపాటి లక్ష్మిదేవి(58) అనారోగ్యంతో మృతిచెందారు. ఈమె స్వస్థలం కల్లూరు మండలంలోని పుసులూరు బొల్లవరం. 1991లో లక్ష్మిదేవి కానిస్టేబుల్‌గా పోలీసు శాఖలో చేరారు. ఏడాది కాలంగా షుగర్‌ వ్యాధితో బాధ పడుతుండగా.. ఇటీవల షుగర్‌ అధికమై కాలి పాదం తొలగించారు. ఇదే సమయంలో వైద్యపరీక్షలు నిర్వహించగా క్యాన్సర్‌ ఉన్నట్లు బయటపడింది. దీంతో మెరుగైన వైద్యం కోసం హైదరాబాద్‌లోని ఓ ప్రైవేటు వైద్యశాలకు తరలించి చికిత్స చేయించారు. కోలుకోలేక గురువారం మృతి చెందారు. సాయంత్రానికి మృతదేహం కర్నూలుకు తీసుకొచ్చారు. సుంకేసుల రోడ్డులోని హిందూ స్మశాన వాటికలో శుక్రవారం పోలీసు లాంఛనాలతో అంత్యక్రియలు నిర్వహిస్తున్నట్లు కుటుంబ సభ్యులు తెలిపారు. నాటుసారా స్థావరాలపై దాడులు బనగానపల్లె రూరల్‌: బనగానపల్లె ప్రొహిబిషన్‌ అండ్‌ ఎకై ్సజ్‌ స్టేషన్‌ పరిధిలోని పలు గ్రామాల్లో నాటుసారా స్థావరాలపై నంద్యాల ఎకై ్సజ్‌ సూపరింటెంట్‌ టాస్క్‌ ఫోర్స్‌ (ఈఎస్‌టీఎఫ్‌) సీఐ లక్ష్మణ్‌దాస్‌ ఆధ్వర్యంలో గురువారం దాడులు జరిగాయి. పసుపల తండా, చిన్నరాజుపాళెం, తండా గ్రామాల్లో నాటుసారా తయారీ అనుమానితుల ఇళ్లలో తనిఖీ చేయడంతో పాటు అలేబాద్‌తండా గ్రామంలోని కొండల్లో నాటుసారా తయారీకి మూడు డ్రమ్ముల్లో సిద్ధంగా ఉన్న బెల్లం ఊటను ధ్వంసం చేశారు. ఈ సందర్భంగా సీఐ మాట్లాడుతూ.. స్థానిక సంస్థల ఎన్నికలను దృష్టిలో ఉంచుకొని జిల్లా డీపీఈఎస్‌వో, ఏఈఎస్‌ ఆదేశాల మేరకు ఈ దాడులు నిర్వహించినట్లు తెలిపారు. కార్యక్రమంలో టాస్క్‌ఫోర్స్‌ సిబ్బంది ఓబులేసు, నాగరాజు, డీవీ కృష్ణయ్య, రవికుమార్‌, పాములేటి తదితరులు పాల్గొన్నారు. గుర్తుతెలియని వ్యక్తి దుర్మరణం ఓర్వకల్లు: మండలంలోని సోమయాజులపల్లె గ్రామ సమీపంలో జాతీయ రహదారిపై గురువారం గుర్తుతెలియని వ్యక్తి మృతి చెందాడు. స్థానిక ఇండియన్‌ ఆయల్‌ పెట్రోల్‌ బంక్‌ ఎదురుగా రోడ్డుదాటుతుండగా తెల్లవారుజామున ఐదు గంటల సమయంలో గుర్తు తెలియని వాహనం ఢీక్టొంది. గుర్తుతెలియని వ్యక్తి అక్కడిక్కడే మృతిచెందాడు. మృతుడి వయస్సు సుమారు 30–35 ఏళ్ల మధ్య ఉంటుంది. కుడిచేతికి పచ్చబొట్టు ఉంది. మృతదేహాన్ని కర్నూలు ప్రభుత్వ ఆసుపత్రికి తరలించి, మార్చురీ గదిలో భద్రపరచినట్లు పోలీసులు తెలిపారు. కొమరం భీం జయంతి శ్రీశైలంప్రాజెక్ట్‌: గిరిజన హక్కుల పోరాటధీరుడు కొమరంభీం జయంతి శ్రీశైలం ప్రాజెక్ట్‌లో గురువారం నిర్వహించారు. అంబేడ్కర్‌ సెంటర్‌లో కొమరం భీం చిత్రపటానికి పూలమాలలు వేసి నివాళులర్పించారు. ఈ సందర్భంగా కొమరం భీం ఆదివాసి చెంచు గిరిజన సంక్షేమ సంఘం గౌరవాధ్యక్షుడు వై.ఆశీర్వాదం మాట్లాడుతూ.. బ్రిటీష్‌ పాలకులు పెట్టుబడిదారి తనంతో హక్కులను కాలరాస్తుంటే గిరిజనుల హక్కుల కోసం పోరాడిన ధీరుడు కొమరంభీం అని అన్నారు. గిరిజన సంక్షేమ సంఘం నాయకులు లక్ష్మి, చెవుల మల్లికార్జున, కుడుముల చిన్నోడు, బసవయ్య తదితరులు పాల్గొన్నారు.

కర్నూలు: తల్లిదండ్రుల నుంచి తప్పిపోయిన ఓ బాలికను పోలీసులు చేరదీశారు. వివరాలు అడిగితే తండ్రి పేరు ఇర్ఫాన్‌, తన పేరు అశ్వినా అని, శ్రీచైతన్య పాఠశాలలో చదువుతున్నట్లు చెబుతోంది. గురువారం కర్నూలు ఎ.క్యాంప్‌లో ఉన్న పార్కు దగ్గర ఏడ్చుకుంటూ ఉండగా మూడో పట్టణ పోలీసులు చేరదీసి స్టేషన్‌కు తీసుకెళ్లారు. నివాసం ఎక్కడుందని ప్రశ్నించినా.. చెప్పలేకపోతోంది. ప్రస్తుతం ఈ బాలిక త్రీటౌన్‌ పోలీస్‌స్టేషన్‌లో ఉంది. సమాచారం తెలిసినవారు సీఐ సెల్‌ 9121101061 నంబర్‌, అలాగే పోలీస్‌స్టేషన్‌ 08518–277187 నంబర్‌లో సంప్రదించాలని పోలీసులు తెలిపారు.

నంద్యాల(అర్బన్‌): జిల్లాలోని 28 జెడ్పీటీసీ స్థానాలకు సంబంధించి గురువారం రెండవ రోజు 76 నామినేషన్లు దాఖలు అయినట్లు జెడ్పీ సీఈఓ శివశంకర్‌ తెలిపారు. అందులో వైఎస్సార్‌సీపీ నుంచి 29 మంది నామినేషన్లు దాఖలు కాగా టీడీపీ 22, కాంగ్రెస్‌ 11, జేఎస్పీ 4, బీజేపీ 3, సీపీఐ 4, ఇండిపెండెంట్లు ముగ్గురు నామినేషన్‌ వేసినట్లు తెలిపారు. హోరాహోరీగా నామినేషన్లు వేస్తుండటంతో పోటీ రసవత్తరంగా మారే అవకాశం ఉంది. కలెక్టర్‌ ఫొటోతో డబ్బు డిమాండ్‌ చేస్తే చర్యలు నంద్యాల(న్యూటౌన్‌): తన ప్రొఫైల్‌ ఫొటోను దుర్వినియోగం చేస్తూ డబ్బు డిమాండ్‌ చేసే వారిపై చట్టప్రకారం చర్యలు తీసుకుంటామని కలెక్టర్‌ రాజకుమారి హెచ్చరించారు. తన ఫొటోతో 9713588183 నంబర్‌ నుంచి డబ్బు కోరుతూ సందేశాలు వస్తున్న నేపథ్యంలో ప్రజలు, అధికారులు, ప్రజాప్రతినిధులు, మీడియా ప్రతినిధులు అప్రమత్తంగా ఉండాలని జిల్లా కలెక్టర్‌ గురువారం ఒక ప్రకటనలో సూచించారు. ఇటువంటి సందేశాలను నమ్మి డబ్బులు బదిలీ చేయవద్దని, సంబంధిత నంబర్‌ను బ్లాక్‌ చేసి, ఆధారాలతో పోలీసులకు, సైబర్‌ క్రైమ్‌ విభాగానికి ఫిర్యాదు చేయాలన్నారు. విచారణలో సైబర్‌ మోసం నిర్ధారణ అయితే బాధ్యులపై కేసులు నమోదు చేసి చట్టపరమైన చర్యలు తీసుకుంటామని తెలిపారు. ‘రైల్‌ జన్‌ సంవాద్‌’తోసమస్యల పరిష్కారం డోన్‌ రూరల్‌: ‘రైల్‌ జన్‌ సంవాద్‌’తో కార్యక్రమంతో రైలు ప్రయాణికుల సమస్యల పరిష్కారమవుతాయని గుంతకల్‌ డివిజన్‌ అధికారి రవి సుమ్మి కుమార్‌ అన్నారు. స్థానిక రైల్వే స్టేషన్‌లో గురువారం రైల్‌ జన్‌ సంవాద్‌ (రైల్యే ప్రజా వేదిక) కార్యక్రమం నిర్వహించారు. గుంతకల్‌ డివిజన్‌ అధికారి రవి సుమ్మి కుమార్‌ ముఖ్య అతిథిగా హాజరు కాగా, ఏడీఈఎన్‌ బ్రహ్మారెడ్డి, స్టేషన్‌ మేనేజర్‌ ప్రమోద్‌, ఆర్‌పీఎఫ్‌ సీఐ నాగభూషణ, చీఫ్‌ హెల్త్‌ ఇన్‌స్పెక్టర్‌ విజయ్‌ కుమార్‌, సీసీఎల్‌ చంద్రశే ఖర్‌, సీఎల్‌ఐ మునిస్వామి ప్రయాణికులతో నేరుగా మాట్లా డారు. ఈ సందర్భంగా ప్లాట్‌ఫారం నంబర్‌ 1 గుంతకల్లు వైపు మెయిన్‌ ఎంట్రెన్స్‌ వద్ద అదనపు ఆర్‌ఓ తాగునీటి సదుపాయం కల్పించాలని, ప్రత్యేక వెయిటింగ్‌ హాళ్లు రిటైరింగ్‌ రూములు ఏర్పాటు చేయాలని కోరారు. అలాగే వృద్ధులు, దివ్యాంగుల సౌకర్యార్థం ప్లాట్‌ఫారంపై ఎస్కలేటర్‌, ర్యాంప్‌, లిప్ట్‌లు అమర్చాలని, టాయిలెట్ల సంఖ్య పెంచాలని ప్రయాణికులు తెలిపారు. ప్రయాణికుల ప్రతి సమస్యను ఉన్నతాధికారుల దృష్టికి తీసుకెళ్లి త్వరితగతిన పరిష్కారిస్తామని వారు హామీ ఇచ్చారు. నేడు కర్నూలుకు ఆప్కాబ్‌ ఎండీ కర్నూలు(అగ్రికల్చర్‌): ఆంధ్రప్రదేశ్‌ సహకార బ్యాంకు(ఆప్కాబ్‌) మేనేజింగ్‌ డైరెక్టర్‌ రామకృష్ణయ్య ఈ నెల 23న కర్నూలుకు రానున్నారు. ఉమ్మడి జిల్లా సహకార కేంద్ర బ్యాంకును ఆయన తనిఖీ చేయనున్నారు. అదే విధంగా బ్యాంకు సాగిస్తున్న పాలన వ్యవహారాలు, రుణాల పంపిణీ, రికవరీలు, ఎన్‌పీఏ తదితరాలపై కర్నూలులోని ప్రధాన కార్యాలయంలో సమీక్ష నిర్వహిస్తారని డీసీసీబీ సీనియర్‌ అధికారులు తెలిపారు. క్వింటా ఉల్లి రూ.4,454 కర్నూలు(అగ్రికల్చర్‌): కర్నూలు వ్యవసాయ మార్కెట్‌ యార్డులో ఉల్లి ధరలు పెరుగుతున్నాయి. మార్కెట్‌కు 938 క్వింటాళ్లు(40 లాట్లు) వచ్చాయి. కనిష్ట ధర రూ.3,419, గరిష్ట ధర రూ.4,454 లభించగా.. సగటు ధర రూ.3,419 నమోదైంది. ఈ సారి మొక్కజొన్న పంట అతి తక్కువగా ఉంది. మార్కెట్‌కు కేవలం 10 క్వింటాళ్లు మాత్రమే మొక్కజొన్నలు వచ్చాయి. క్వింటాకు రూ.2,701 ధర లభించింది. వేరుశనగకు కనిష్ట ధర రూ.5,598, గరిష్ట ధర రూ.8,089 లభించగా.. సగటు ధర రూ.7299 నమోదైంది. మార్కెట్‌లో మిర్చికి అంతంతమాత్రం ధరలే లభిస్తున్నాయి. ఎరుపు రకం కనిష్ట ధర రూ.13,259 లభించగా.. గరిష్ట ధర రూ.17,239.. సగటు ధర రూ.15,599 పలికింది.

బండిఆత్మకూరు: స్థానిక ఎన్నికలలో టీడీపీ నేతల అరాచకాలు శ్రుతిమించుతున్నాయి. వైఎస్సార్‌సీపీ అభ్యర్థులకు కనీసం నామినేషన్‌ వేసేందుకు కూడా అవకాశం ఇవ్వడం లేదు. నామినేషన్‌ కేంద్రాల వద్ద టీడీపీ గూండాలు మోహరించి దాడులు, బెదిరింపులకు పాల్పడుతున్నారు. మండల కేంద్రంలో బండిఆత్మకూ రులో గురువారం ఉద్రిక్తత పరిస్థితి నెలకొంది. సింగవరం గ్రామానికి చెందిన వైఎస్సార్‌సీపీ నాయకుడు ఎలగాల బూరుగయ్య తన మద్ద తు దారులతో నామినేషన్‌ దాఖలు చేయడానికి నామినేషన్‌ కేంద్రానికి చేరుకునే క్రమంలో అదే గ్రామానికి చెందిన టీడీపీ మద్దతుదారులు దారి మధ్యలోనే అడ్డుకున్నారు. ‘నామినేషన్‌ ఎలా వేస్తావో.. చూస్తా’ అని బెదిరించారు. వారి మధ్య తోపులాట జరిగింది. అక్కడే ఉన్న పోలీసులు వారిని చెదరగొట్టారు. ఎట్టకేలకు గురువారం మధ్యాహ్నం రెండు గంటల నుంచి మండలంలోని 14 ఎంపీటీసీ స్థానాలకు 29 మంది వైఎస్సార్‌సీపీ అభ్యర్థులు నామినేషన్‌లు దాఖలు చేశారు. నామినేషన్‌ పత్రం అపహరణ నంద్యాల(అర్బన్‌): కొలిమిగుండ్ల మండలం జెడ్పీటీసీ స్థానానికి స్వతంత్య్ర అభ్యర్థిగా నామినేషన్‌ వేసేందుకు వచ్చిన సుగుణమ్మ చేతిలో నుంచి గుర్తు తెలియని యువకుడు నామినేషన్‌ పత్రాన్ని లాక్కొని పరిగెత్తాడు. క్షణాల్లో జరిగిన ఈ ఘటనను చూసి నామినేషన్‌ వేసేందుకు వచ్చిన వారు అంతా అవాక్కయ్యారు. క్షణాల్లో జరిగిపోయిన ఈ సంఘటనకు పోలీసులు సైతం నివ్వెర పోవాల్సి వచ్చింది. వివరాల్లోకి వెళితే కొలిమిగుండ్ల మండల జెడ్పీటీసీగా సుగుణమ్మ నామినేషన్‌ వేసేందుకు ప్రభుత్వ డిగ్రీ కళాశాల వద్దకు చేరుకున్నారు. పత్రాలు సంబంధిత పోలీసు అధికారికి చూపుతుండగా వెనుక వైపు నుంచి వచ్చిన ఓ యువకుడు పత్రాలు లాక్కొని అమాంతం పరిగెత్తాడు. పోలీసులు యువకుడిని వెంబడిస్తూ వెళ్లారు. ఈ సందర్భంగా సుగుణమ్మ మాట్లాడుతూ.. పోలీసుల సమక్షంలో నామినేషన్‌ పత్రాన్ని లాక్కొని వెళ్లడం, పోలీసుల వైఫల్యమేనన్నా రు. ‘వారిదే ప్రభుత్వం ఉంది.. వారెందుకు భయపడతారు.. ఇలాంటి చర్యలకు ఎందుకు పాల్పడుతున్నారో అర్థం కావడం లేదన్నారు.

టాస్క్‌ఫోర్స్‌: స్థానిక సంస్థల ఎన్నికల్లో నామినేషన్‌ వేసేందుకు వెళ్లిన వైఎస్సార్‌సీపీ అభ్యర్థులు, నాయకులు, కార్యకర్తలపై టీడీపీ నాయకులు రాళ్లతో దాడి చేశారు. ఈ ఘటన మండల కేంద్రం కృష్ణగిరిలో గురు వారం సాయంత్రం చోటు చేసుకుంది. రాళ్లదాడిలో కానిస్టేబుల్‌ రాఘవేంద్రప్రసాద్‌ తలకు గాయమైంది. వైఎస్సార్‌సీపీ చెందిన చిట్యాల ఎంపీటీసీ అభ్యర్థి బాల ఈశ్వర య్య, ఎరుకలచెరువు ఎంపీటీసీ అభ్యర్థి బోయ సంజమ్మ, చిట్యాలకు చెందిన ముద్దారం రామలింగడు, రమేష్‌, భూతం మల్లికార్జున, లాలప్ప, గోపాల్‌, కోయిలకొండకు చెందిన కొక్కు మద్దిలేటి, కృష్ణ, నడిమింటి మదన్‌, మన్నెకుంటకు చెందిన చిన్న బజారి, బోయ వెంకటేశ్వర్లు గాయపడ్డారు. వైఎస్సార్‌సీపీ వారిని నామినేషన్‌ వేయకుండా అడ్డుకోవాలని టీడీపీ వారు పెద్ద ఎత్తున ఉదయం నుంచే కృష్ణగిరి చేరుకున్నారు. అలాగే వైఎస్సార్‌సీపీ వారు కూడా మూకుమ్మడిగా నామినేషన్‌ వేసేందుకు రాగా మధ్యా హ్నం తర్వాత అవకాశం ఇస్తామని ఎస్‌ఐ హనుమంతరెడ్డి చెప్పడంతో అప్పటి వరకు వేచిచూశారు. సాయంత్రం అవుతున్నా పోలీసుల నుంచి ఎలాంటి సమాచా రం లేకపోవడంతో నామినేషన్‌కు సమయం దగ్గర పడుతుందని వచ్చారు. దీన్ని గమనించిన టీడీపీ వారు వారిని అడ్డుకున్నారు. రాళ్లతో దాడికి దిగారు. అడ్డుపోయిన కానిస్టేబుల్‌ రాఘవేంద్రప్రసాద్‌కు గాయమైంది. ఒక్కసారిగా పరిస్థితి అదుపుతప్పడంతో పోలీసులు ఏమీ చేయలేకపోయారు. పరిస్థితిని గమనించిన పోలీసులు ముందు జాగ్రత్తగా తగినంత సిబ్బందిని లేకపోవడంతో దాడి జరిగినట్లు తెలుస్తోంది. నామినేషన్‌ వేసే అవకాశం కల్పించాలి గొడవ జరిగిన అనంతరం కర్నూలు నుంచి వచ్చిన సీఐ మారుతి శంకర్‌ తమకు నామినేషన్‌ అవకాశం కల్పిస్తామని హామీ ఇచ్చారని వైఎస్సార్‌సీపీ ఎంపీటీసీ అభ్యర్థులు ముద్దారం బాల ఈశ్వరయ్య, బోయ సంజమ్మ, కరివేములు వెంకటేశ్వర్లు తదితరులు తెలిపారు. అయితే సాయంత్రం ఐదు గంటల కాగానే పోలీసులు సైతం ఏ విషయం చెప్పకుండా వెళ్లిపోయారన్నారు. ప్రజాస్వామయంలో ఉన్నామా లేక ఎక్కడైనా ఉన్నామని అని ప్రశ్నించారు. ఓట్ల కోసం ప్రజల్లోకి వెళ్లే ధైర్యం లేక నామినేషన్‌ అడ్డుకోవడం సరికాదన్నారు.

● భవిష్యవాణి వినిపించిన ఆలయ పూజారి హొళగుంద: వర్షాలు ఉండవని, ఆకాశం మేఘావృతం అయినా ఆశలు పెంచుకోవద్దని, ధరలు పెరుగుతూనే ఉంటాయని, తగ్గే పరిస్థితి ఉండబోదని పూజారి తన కార్ణీకంలో వివరించారు. దేవరగట్టు దసరా బన్ని ఉత్సవంలో ఆలయ పూజారి గిరిస్వామి బసవన్నగుడి పైకెక్కి డిర్ర్‌ర్ర్‌ర్ర్‌.. బహుపరక్‌ అంటూ భవిష్యవాణి వినిపించాడు. మల్లెగువ్వే ఇందే గంగి, మాళ నింతాళ హెచ్చర.. 7,900 నగెళ్లే..(పత్తి).. 3,400 ఒక్కళచోళ(జొన్న).. 3–6, 6–వర్ణాదితు ..అని అన్నారు. మల్లెపూవులా కనిపించినా అది మల్లె పూవు కాదని, వర్షాలు వచ్చినట్టే కనబడ్తున్నా వర్షాలు కురవవని, మంచితనం ముసుగులో కనబడని చెడు దాగి ఉంటుందని హెచ్చరా అనే అర్థంతో భవిష్యవాణి ఉన్నట్లు పలువురు పెద్దలు తెలిపారు. అలాగే పత్తి రూ.7,900, జొన్న రూ.3,400 ధర పలుకుతుందని, ఆహార పదార్థాలు, నిత్యావసర సరకులు, పంటలకు గిట్టుబాటు ధర తక్కువ నుంచి పెరిగి ఇంకా పెరుగుతూనే ఉంటుందని తెలియజేసేలా 3:6, 6–వర్ణాదితు అని భవిష్యవాణిని వినిపించి ముగించాడు.

చాగలమర్రి: ఎన్నికల నిబంధనలు ఉల్లంఘించే వారిపై చర్యలు తప్పవని ఎస్పీ సునీల్‌ షోరాణ్‌ హె చ్చరించారు. చాగలమర్రిలో ఏర్పాటు చేసిన ఎంపీటీసీ/జెడ్పీటీసీ ఎన్నికల నామినేషన్‌ కేంద్రాన్ని గురువారం సాయంత్రం తనిఖీ చేశారు. ఈ సందర్భంగా నామినేషన్ల నమోదు ప్రక్రియను, అక్కడ ఏర్పాటు చేసిన బందోబస్తును స్వయంగా పరిశీలించారు. ఆర్‌ఓ సునిల్‌ కన్నతో నామినేషన్‌ వివరాలను అడిగి తెలుసుకున్నారు. స్థానిక ఎస్‌ఐ నాగేంద్ర ప్రసాద్‌, పోలీసు సిబ్బందికి పలు సూచనలు జారీ చేస్తూ నామినేషన్ల ప్రక్రియ ప్రశాంతంగా సజావుగా జరిగేలా తగిన బందోబస్తును ఏర్పాటు చేయాలని ఆదేశించారు.

కర్నూలు: స్థానిక సంస్థల ఎన్నికల నేపథ్యంలో పొరుగు రాష్ట్రాల నుంచి అక్రమ మద్యం జిల్లాలోకి రవాణా కాకుండా నివారించేందుకు స్టేట్‌ టాస్క్‌ఫోర్స్‌ అధికారి ఎకై ్సజ్‌ చెక్‌పోస్టులను తనిఖీ చేశారు. కర్నూలు ఎకై ్సజ్‌ స్టేషన్‌ సీఐ చంద్రహాస్‌తో కలసి గురువారం కర్నూలు శివారులోని పంచలింగాల చెక్‌పోస్టు, సుంకేసుల వద్ద ఉన్న ఎకై ్సజ్‌ చెక్‌పోస్టులను ఆయన సందర్శించారు. వాహన తనిఖీలు జరుగుతున్న తీరును పరిశీలించారు. విజయవాడ నుంచి వచ్చిన ఎకై ్సజ్‌ స్టేట్‌ టాస్క్‌ఫోర్స్‌ సూపరింటెండెంట్‌ రఘుమారెడ్డి ఆధ్వర్యంలో కొద్దిసేపు ఆయా చెక్‌పోస్టులలో వాహన తనిఖీలు జరిగాయి. మద్యం అక్రమంగా తరలించే వారిపై కేసు నమోదు చేసి కట్టడికి చర్యలు తీసుకోవాలని అక్కడున్న సిబ్బందికి సూచించారు. పొరుగు రాష్ట్రాల నుంచి అక్రమ మద్యం రవాణా కాకుండా నిరంతరం అప్రమత్తంగా ఉండాలని, వాహన తనిఖీలు పకడ్బందీగా చేపట్టాలని ఆయన సిబ్బందికి సూచనలు చేశారు. విశ్వేశ్వరరావు, మునిస్వామి, నవీన్‌, తదితరులు పంచలింగాల చెక్‌పోస్టులో విధులు నిర్వహించారు.

● మాజీ మంత్రి బుగ్గనరాజేంద్రనాథ్‌రెడ్డి ధ్వజండోన్‌: టీడీపీ మున్సిపల్‌ చైర్‌ పర్సన్‌ అభ్యర్థి కోట్ల సుజాతమ్మ డోన్‌ పట్టణ ప్రజలకు సేవ చేసేందుకు కాదని దోచుకునేందుకు పోటీ చేస్తుందని ఆర్థిక శాఖ మాజీ మంత్రి బుగ్గన రాజేంద్రనాథ్‌రెడ్డి విమర్శించారు. బుధవారం ఆయన తన స్వగృహంలో విలేకరుల సమావేశం నిర్వహించి మాట్లాడారు. మునిసిపల్‌ ఎన్నికల ప్రక్రియను కోట్ల సుజాతమ్మ హింసాత్మకంగా మార్చారన్నారు. వైఎస్సార్‌సీపీ అభ్యర్థుల్లో ముగ్గురిని నామినేషన్లు వేయకుండా భయబ్రాంతులకు గురి చేశారన్నారు. బలహీనవర్గాలకు చెందిన ఒక యువతిని తమ పార్టీ అభ్యర్థిగా నిర్ణయించి నామినేషన్‌ వేయిస్తే 5 గంటల పాటు పరిశీలన చేయకుండా అధికారులను భయాందోళనలకు గురి చేసింది టీడీపీ చైర్‌పర్సన్‌ అభ్యర్థి కాదా అని నిలదీశారు. డోన్‌ మున్సిపాలిటీ ఖజానాను దోచేసేందుకు ఆమె ఎన్నికల బరిలో దిగారన్నారు. ల్యాండ్‌, శ్యాండ్‌, మైన్స్‌, వైన్స్‌ నుంచి ఆక్రమంగా వసూలవుతున్న సొమ్ము ఎవరి ఖాతాలో జమవుతుందో ప్రజలకు సమాధానం చెప్పాలన్నారు. అలాగే స్థానికంగా ఇంటిని నిర్మించుకునేందుకు రూ.5 కోట్ల విలువైన స్థలం ఎవరితో కొనుగోలు చేశారో చెప్పాలన్నారు. ప్రజా సేవ చేసేందుకు ఒకే ఇంటికి రెండు పదవులు అవసరం లేదన్నారు. భయాందోళనలో పట్టణ ప్రజలు అధికారాన్ని అడ్డు పెట్టుకొని టీడీపీ నాయకులు సాగిస్తున్న దౌర్జన్యకాండ పట్ల ప్రజలు భయాందోళనకు గురవుతున్నారని బుగ్గన అన్నారు. ధనం, పదవుల కోసం పాకులాడే సుజాతమ్మను ఎన్నికల్లో తగిన గుణపాఠం చెప్పాలని పట్టణ ప్రజలను కోరారు. తనకు తాను ఎమ్మెల్యే కోట్ల సూర్యప్రకాష్‌రెడ్డి ఏనుగుతో పోల్చుకొని వైఎస్సార్‌సీపీ నాయకులను కుక్కలతో పోల్చడం ఆయన విజ్ఞతకే వదిలేస్తుమన్నారు. కార్యక్రమంలో మాజీ ఎంపీపీ రేగటి రాజశేఖర్‌రెడ్డి, మార్కెట్‌ మాజీ చైర్మన్‌ మల్లెంపల్లె రామచంద్రుడు, పార్టీ మండల అధ్యక్షుడు సోమేష్‌ యాదవ్‌, సింగిల్‌ విండో మాజీ అధ్యక్షుడు తిరునాంపల్లె తిరుమల్‌రెడ్డి పాల్గొన్నారు.

ఆళ్లగడ్డ: ఆళ్లగడ్డలో ఎన్నికల రిటర్నింగ్‌ కార్యాలయం కాస్త తెలుగుదేశం పార్టీ కార్యాలయాన్ని తలపించింది. మునిసిపల్‌ ఎన్నికల నామినేషన్ల ఉపసంహరణ రోజైన బుధవారం ఆళ్లగడ్డ పురపాలక ఎన్నికల కార్యాలయం సాక్షిగా పచ్చ మూకలు బరితెగించాయి. ఉదయం నుంచి వందలాది మంది టీడీపీ శ్రేణులు, ఇతర ప్రాంతాల నుంచి వచ్చిన రౌడీ మూకలు కార్యాలయాన్ని పూర్తిగా తమ స్వాధీనంలోకి తీసుకున్నారు. లోపల ఏం జరుగుతుందో బయట అభ్యర్థులకు గాని, మీడియాకు గాని కడకు ఇంటెలిజెన్స్‌, స్పెషల్‌ బ్రాంచ్‌ పోలీసులకు కూడా తెలియకుండా రాత్రి పొద్దుపోయేవరకు పూర్తిగా తమ అదుపులోనే ఉంచుకుని పచ్చ సామ్రాజ్యాన్ని నడిపించారు. పచ్చ చొక్కా వేసుకున్న ఖాకీలు.. ఈ మొత్తం హై డ్రామాలో పోలీసుల వ్యవహార శైలి అత్యంత వివాదాస్పదంగా మారింది. శాంతి భధ్రతలు కాపాడుతూ ఎన్నికల్లో పోటీ చేస్తున్న అభ్యర్థులకు పూర్తి రక్షణ కల్పించాల్సిన పోలీసులు కేవలం టీడీపీకి చెందిన వారిని లోపల ఉంచి కార్యాలయాన్ని పూర్తిగా వారికి అప్పగించడం ఒక ఎత్తైతే వైఎస్సార్‌ కాంగ్రెస్‌ పార్టీకి చెందిన వారిని అడ్డుకునే సమయంలో సాక్షాత్తు రౌడీ షీటర్లకు పోలీస్‌ డ్యూటీలు అప్పగించినట్లుగా వ్యవహరించారు. ఈ దృశ్యాలు చూసిన స్థానికులు ముక్కున వేలేసుకుంటున్నారు. నిప్పులు చెరిగిన మాజీ ఎమ్మెల్యే వైఎస్సార్‌సీపీ అభ్యర్థుల బీ ఫాంలు లోపలకు తీసుకువెళ్లనివ్వడం లేదన్న విషయం తెలిసిన మాజీ ఎమ్మెల్యే గంగుల బిజేంద్రారెడ్డి హుటాహుటిన ఎన్నికల కార్యాలయానికి చేరుకున్నారు. పోలీసులు ఆయనను సమయం మించిపోయిందని చెబుతూ కార్యాలయంలోకి వెళ్లకుండా బారీకేడ్లకు అవలివైపునే ఆపారు. అంతలో ఎన్నికల కార్యాలయం నుంచి పోలీస్‌ అధికారులతో కలిసి వచ్చిన టీడీపీకి చెందిన కొందరు రౌడీషీటర్లు లోపలికి రాకూడదు అంటూ అడ్డుగా నిలబడి మాజీ ఎమ్మెల్యేను అడ్డుకునే ప్రయత్నం చేశారు. వందలాది మంది టీడీపీ శ్రేణులు లోపల తిరుగుతుంటే నియోజకవర్గ మాజీ ప్రజాప్రతినిధి అయిన తనను నిలువరిస్తారా అని అధికారుల పక్షపాతంపై గంగుల తీవ్ర ఆగ్రహం వ్యక్తం చేశారు. రౌడీ షీటర్లతో కలిసి వచ్చిన పోలీసులపై నిప్పులు చెరిగారు. ఇది ప్రభుత్వ కార్యాలయమా ? లేక టీడీపీ ఆఫీసా ? రౌడీషీటర్లతో పోలీస్‌ డ్యూటీ చేయిస్తున్నారంటూ మండిపడ్డారు. గంగుల అభ్యంతరంతో రంగంలోకి దిగిన వైఎస్సార్‌సీపీ శ్రేణులు అక్కడ భారీగా మోహరించి పోలీసులు, అధికారుల ఏకపక్ష ధోరణికి వ్యతిరేకంగా నినాదాలు చేయడంతో ఉద్రిక్తత చోటు చేసుకుంది. ఎన్నికల కార్యాలయాన్ని పూర్తిగా తమ ఆధీనంలోకి తీసుకున్న టీడీపీ శ్రేణులు మాజీ ఎమ్మెల్యే గంగుల బిజేంద్రారెడ్డిపై ఆంక్షలు ఖాకీల తీరుపై నిప్పులు చెరిగిన గంగుల

నందికొట్కూరు: తెలుగు దేశం పార్టీకి నందికొట్కూరు నియోజకవర్గంలో ఎదురు దెబ్బ తగిలింది. బుధవారం మండలంలోని కొణిదేల గ్రామం టీడీపీ మాజీ సర్పంచు కురువ శివన్న, నాయకులు లక్ష్మిరెడ్డి, శేఖర్‌రెడ్డి, కొంగర అయ్యన్నతో పాటు 200 కుటుంబాలు బుధవారం వైఎస్సార్‌సీపీలో చేరాయి. పార్టీ నియోజకవర్గ ఇన్‌చార్జ్‌ డాక్టర్‌ దార సుధీర్‌, యువజన విభాగం రాష్ట్ర వర్కింగ్‌ ప్రెసిడెంట్‌ బైరెడ్డి సిద్ధార్థరెడ్డి వారికి వైఎస్సార్‌సీపీ కండువ కప్పి పార్టీలోకి ఆహ్వానించారు. అనంతరం వారు మాట్లాడుతూ కూటమి ప్రభుత్వం అవలంబిస్తున్న విధానాలు నచ్చక పలువురు వైఎస్సార్‌సీపీలో చేరుతున్నారన్నారు. గ్రామస్థాయి నాయకులు యుగంధర్‌రెడ్డి, శ్రీకాంత్‌రెడ్డి, సర్వేశ్వరరెడ్డి, కొంగర గణేష్‌రాజు, తదితరులు పాల్గొన్నారు.

● బాచేపల్లిలో వైఎస్సార్‌సీపీ నాయకులపై దాడి ● అహోబిలంలో అర్ధరాత్రి వైఎస్సార్‌ సీపీ జిల్లా గిరిజన విభాగం అధ్యక్షుడిని తీసుకెళ్లిన పోలీసులు ఆళ్లగడ్డ: ఎంపీటీసీ నామినేషన్ల ప్రక్రియ మొదలైన మొదటి రోజే టీడీపీ శ్రేణులు, పోలీసులు అరాచకం సృష్టించారు. పచ్చ రౌడీలు ముసుగులు వేసుకుని కర్రలు, రాడ్లతో గ్రామాల్లో తిరుగుతూ భయభ్రాంతులకు గురిచేశారు. వైఎస్సార్‌ సీపీ నేతలే లక్ష్యంగా దౌర్జన్యాలకు దిగారు. అడ్డుకోవాల్సిన పోలీసులు తమ స్వామి భక్తిని చాటుకున్నారు. ఆళ్లగడ్డ మండలం బాచేపల్లిలో ఎంపీటీసీ ఎన్నికల నామినేషన్‌ వేసేందుకు అభ్యర్థి ఎన్‌ఓసీ కోసం వైఎస్సార్‌ కాంగ్రెస్‌ పార్టీ నాయకులు గ్రామ సచివాలయం దగ్గర ఉన్నారు. అంతలో రెండు వాహనాల్లో వచ్చిన ముసుగు ధరించిన రౌడీలు ఒక్కసారిగా కర్రలు, రాడ్లు తీసుకుని వారిపై దాడిచేసి విచక్షణా రహితంగా కొట్టడంతో న్యాయవాది గండికోట విక్రమసింహ (హర్షవర్ధన్‌), ప్రసాద్‌, నాగయ్య, నాగేశ్వర్‌రావు తీవ్రంగా గాయపడ్డారు. వీరిని నంద్యాల వైద్యశాలకు తరలించి చికిత్స చేయిస్తున్నారు. గ్రామంలో తీవ్ర ఉద్రిక్తత వాతావరణం నెలకొంది. గిరిజనుడిపై పోలీస్‌ ప్రతాపం అహోబిలంలో వైఎస్సార్‌సీపీ గిరిజన విభాగం జిల్లా అధ్యక్షుడు నాసారి వెంకటేశ్వర్లు ఇంట్లో నిద్రిస్తుండగా మంగళవారం అర్ధరాత్రి పోలీసులు వచ్చి ఎత్తుకుపోయారు. ఉదయం 9 గంటల వరకు రూరల్‌ పోలీస్‌ స్టేషన్‌లో ఉంచుకుని అనంతరం నియోజకవర్గంలో ఉండకూడదని హుకుం జారీ చేసి వదిలి పెట్టారు. తాను ఎన్నికల్లో పోటీ చేయడం లేదని మొరపెట్టుకున్నా ససేమిరా అంటూ నియోజకవర్గ బహిష్కరణ చేయడంతో కుటుంబ సభ్యులు ఆందోళన వ్యక్తం చేస్తున్నారు. గాయపడిన ప్రసాద్‌ , నాగయ్య

● మాజీ ఎమ్మెల్యే శిల్పా, సీఈసీ మెంబర్‌ పీపీనాగిరెడ్డి నంద్యాల(అర్బన్‌): కూటమి ప్రభుత్వంలోని పోలీసు యంత్రాంగం ప్రజాస్వామ్యాన్ని ఖూనీ చేస్తోందని మాజీ ఎమ్మెల్యే శిల్పా రవిచంద్రకిశోర్‌ రెడ్డి, వైఎస్సార్‌సీపీ సీఈసీ సభ్యుడు పీపీనాగిరెడ్డి, గోస్పాడు మండల వైఎస్సార్‌సీపీ నేత, శ్రీశైలం నియోజకవర్గ పరిశీలకులు పీపీ మధుసూదన్‌ రెడ్డి మండిపడ్డారు. గోస్పాడు మండలంలో ఎంపీటీసీ స్థానాలకు నామినేషన్లు దాఖలు చేసేందుకు వెళ్తున్న వైఎస్సార్‌సీపీ అభ్యర్థులను పోలీసులు అడ్డుకున్నారు. విషయం తెలుసుకున్న శిల్పారవి, పీపీ నాగిరెడ్డి గోస్పాడుకు చేరుకొని పోలీసుల తీరుపై తీవ్ర ఆగ్రహం వ్యక్తం చేశారు. వైఎస్సార్‌సీపీ ఎంపీటీసీ అభ్యర్థులను మరుసటి రోజు నామినేషన్లు వేయాలంటూ ఎస్‌ఐ సుధాకర్‌రెడ్డి అడ్డుకోవడమేమిటని ప్రశ్నించారు. ఇంతకు రాష్ట్రంలో ప్రజాస్వామ్యం ఉందా? అని పోలీసు అధికారులను నిలదీశారు. భారత రాజ్యాంగం అర్హత కలిగిన ప్రతి పౌరుడికి ఎన్నికల్లో పోటీ చేసే హక్కు కల్పించిందని, కూటమి ప్రభుత్వం అధికారంలోకి వచ్చాక ఆ హక్కులను కాలరాస్తోందని మండిపడ్డారు. ప్రస్తుతం పోలీసులు వ్యవహరిస్తున్న తీరు ప్రజాస్వామ్య వ్యవస్థకే గొడ్డలిపెట్టుగా మారిందని ఆవేదన వ్యక్తం చేశారు. నామినేషన్ల దాఖలును అడ్డుకునేందుకు ప్రయత్నించిన వారిపై ఎన్నికల కమిషన్‌ కఠిన చర్యలు తీసుకోవాలని డిమాండ్‌ చేశారు. అనంతరం పోలీసుల ఆంక్షలను దాటుకుని వైఎస్సార్‌సీపీ అభ్యర్థులను వెంటబెట్టుకుని వెళ్లి ఎంపీటీసీ స్థానాలకు నామినేషన్లు దాఖలు చేయించారు. జెడ్పీటీసీ స్థానాలకు 9 నామినేషన్లు నంద్యాల(అర్బన్‌): జిల్లాలో జెడ్పీటీసీ స్థానాలకు తొలి రోజు బుధవారం 9 నామినేషన్లు వచ్చాయి. స్థానిక ప్రభుత్వ డిగ్రీ కళాశాలలో ఏర్పాటు చేసిన కేంద్రంలో జూపాడుబంగ్లా, పాములపాడు, బేతంచెర్ల, నంద్యాల, ప్యాపిలి తదితర మండలాల నుంచి ముగ్గురు టీడీపీ అభ్యర్థులు, ఇద్దరు వైఎస్సార్‌సీపీ అభ్యర్థులు, బీజేపీ, సీపీఐ, జనసేన, ఇండిపెండింట్‌ అభ్యర్థులు ఒక్కొక్కరు చొప్పున నామినేషన్లు దాఖలు చేసినట్లు సీఈఓ కార్యాలయ ఏఓ నాగరాజు తెలిపారు. దరఖాస్తు గడువు పొడిగింపు శ్రీశైలం: పొట్టి శ్రీరాములు తెలుగు విశ్వవిద్యాలయం శ్రీశైలం ప్రాంగణంలో ఎంఏ చరిత్ర, సంస్కృతి పురావస్తు శాఖ కోర్సులో 2026– 2027 విద్యా సంవత్సరం ప్రవేశానికి దరఖాస్తు గడువు ఈనెల 26 వరకు పొడిగించినట్లు విశ్వవిద్యాలయం రిజిస్టార్‌ ముసుగు శ్రీనివాసరావు బుధవారం ఒక ప్రకటనలో తెలిపారు. పూర్తి వివరాలకు teluguuniversityap.in ను సంప్రదించాలని సూచించారు. శ్రీశైలంలో సిఫార్స్‌ లేఖలు స్వీకరించబడవు శ్రీశైలంటెంపుల్‌: రాష్ట్రంలో ఎన్నికల ప్రవర్తనా నియమావళి (మోడల్‌ కోడ్‌ ఆఫ్‌ కండక్ట్‌) అమ లులో ఉన్నందున శ్రీశైల దేవస్థానంలో వసతి ఏర్పాట్లు, స్వామి అమ్మవార్ల దర్శనానికి సంబంధించి ఎలాంటి సిఫార్సు లేఖలు స్వీకరించబడవ ని శ్రీశైల దేవస్థాన కార్యనిర్వహణాధికారి ఎం.శ్రీ నివాసరావు బుధవారం ఓ ప్రకటనలో తెలిపారు. ఒండుట్లలో వైఎస్సార్‌సీపీ కార్యకర్తలపై దాడి గడివేముల: ఒండుట్ల గ్రామంలో మంగళవారం వైఎస్సార్‌సీపీ కార్యకర్తలపై టీడీపీ కార్యకర్తలు దాడికి పాల్పడ్డారు. జమ్మిచెట్టు పూజకు వెళ్తుండగా జరిగిన ఈ ఘటనలో దోర్నాల గోరంట్లకు తీవ్ర గాయాలు కాగా, దోర్నాల మహేష్‌, దోర్నాల మద్దమ్మ, చిన్న రంగస్వామికి గాయాలయ్యాయి. వీరు ప్రస్తుతం కర్నూలు ఓ ప్రైవేటు ఆసుపత్రిలో చికిత్స పొందుతున్నారు. విషయం తెలుసుకున్న వైఎస్సార్‌ కాంగ్రెస్‌ పార్టీ నంద్యాల జిల్లా అధ్యక్షుడు, పాణ్యం మాజీ ఎమ్మెల్యే కాటసాని రామభూపాల్‌ రెడ్డి కర్నూలులోని అమీలియో ఆసుపత్రికి వెళ్లి బాధితులను పరామర్శించారు. వారి కుటుంబ సభ్యులను ఓదార్చి, ధైర్యం చెప్పారు. అనంతరం ఆయన మాట్లాడుతూ దాడికి పాల్పడిన వారిపై కఠిన చర్యలు తీసుకోవాలని డిమాండ్‌ చేశారు. కాటసాని వెంట వైఎస్‌ఆర్‌ సీపీ నాయకులు రవీంద్రనాథ్‌ రెడ్డి, తదితరులు ఉన్నారు.

అక్రమ నిర్బంధంపై ఆగ్రహం ● బనగానపల్లె పోలీసు స్టేషన్‌ ఎదుట మాజీ ఎమ్మెల్యే కాటసాని రామిరెడ్డి ధర్నా బనగానపల్లె రూరల్‌: వైఎస్సార్‌సీపీ నాయకుల అక్రమ నిర్బంధంపై మాజీ ఎమ్మెల్యే కాటసాని రామిరెడ్డి ఫైర్‌ అయ్యారు. వెంటనే తమ వారిని విడుదల చేయాలని, ప్రజాస్వామ్య పద్ధతిలో నామినేషన్లు వేసేలా చర్యలు తీసుకోవాలని డిమాండ్‌ చేస్తూ బనగానపల్లె అర్బన్‌ పోలీసు స్టేషన్‌ ఎదుట బైఠాయించారు. ఎంపీటీసీ, జెడ్పీటీసీ స్థానాలను ఏకగ్రీవం చేసుకునేందుకు అధికారపార్టీ కుయుక్తులు పన్నింది. పోలీసులపై ఒత్తిడి పెంచి బుధవారం బనగానపల్లె నియోజకవర్గంలోని ఆయా పోలీస్‌స్టేషన్లలో వైఎస్సార్‌సీపీ నాయకులు, అభ్యర్థులను అక్రమంగా నిర్బంధించింది. ఈ విషయం తెలుసుకున్న మాజీ ఎమ్మెల్యే కాటసాని రామిరెడ్డి..వెంటనే పార్టీ రాష్ట్ర యువజన విభాగం ప్రధాన కార్యదర్శి కాటసాని ఓబులరెడ్డి, అవుకు మండల కన్వీనర్‌ కాటసాని తిరుపాల్‌రెడ్డి, వైఎస్సార్‌సీపీ సీనియర్‌ నాయకులు కాటసాని ప్రసాదరెడ్డితో కలిసి పట్టణ పోలీసు స్టేషన్‌ వద్దకు చేరుకొని అక్కడే ధర్నాకు దిగారు. ఈ సందర్భంగా మాజీ ఎమ్మెల్యే మాట్లాడుతూ కూటమి ప్రభుత్వం ఓటమి భయంతో తమ పార్టీ అభ్యర్థులు నామినేషన్లు వేయకుండా భయభ్రాంతులకు గురిచేస్తుందన్నారు. రాత్రికి రాత్రి తమ పార్టీ అభ్యర్థులను, నాయకులను తీసుకెళ్లి పోలీసు స్టేషన్‌లలో నిర్బంధించడం, నామినేషన్‌ పత్రాలను లాక్కోవడం సరికాదన్నారు. బనగానపల్లెలో మంత్రి బీసీ జనార్దన్‌ రెడ్డి రెడ్‌బుక్‌ రాజ్యాంగం అమలు చేస్తూ ప్రజాస్వామ్యాన్ని ఖూనీ చేస్తున్నారని మండిపడ్డారు. కాగా వైఎస్సార్‌సీపీ శ్రేణులు పెద్ద ఎత్తున పోలీసు స్టేషన్‌ వద్దకు చేరుకొని అరెస్టు చేసిన వారిని వెంటనే విడుదల చేయాలని నినాదాలు చేశారు. పరిస్థితి ఉద్రిక్తంగా మారడంతో డోన్‌ డీఎస్పీ శ్రీనివాసులు మాజీ ఎమ్మెల్యే కాటసాని రామిరెడ్డి వద్దకు వచ్చి ఎన్నికలు ప్రజాస్వామ్య పద్ధతిలో నిర్వహిస్తామని హామీ ఇవ్వడంతో ఆయన ఆందోళన విరమించారు. ఎవరూ భయపడొద్దు స్థానిక సంస్థ ఎన్నికల్లో పోటీ చేసే వైఎస్సార్‌సీపీ అభ్యర్థులు కూటమి నాయకుల దాడులు, దౌర్జన్యాలకు, పోలీసుల అక్రమ కేసులకు భయపడాల్సిన అవసరం లేదని మాజీ ఎమ్మెల్యే కాటసాని అన్నారు. వైఎస్సార్‌సీపీ అన్ని విధాలుగా అండగా ఉంటుందని, ధైర్యంగా ఎన్నికల బరిలో దిగాలని పిలుపునిచ్చారు. ఆందోళనలో వైఎస్సార్‌సీపీ రాష్ట్ర మైనార్టీ విభాగం ప్రధాన కార్యదర్శి అత్తార్‌జాహెద్‌, లీగల్‌ సెల్‌ కార్యదర్శి అబ్దుల్‌ఖైర్‌, బనగానపల్లె మండల కన్వీనర్‌ జనార్థన్‌రెడ్డి, అధికార ప్రతినిధి సిద్దంరెడ్డి రామ్మోహన్‌రెడ్డి, నాయకులు అంబటిరవి కుమార్‌రెడ్డి, అనిల్‌,శంకర్‌రెడ్డి, సాధిక్‌, ఖానిక్‌, కాటసాని రామకృష్ణారెడ్డి, జీటీ వెంకట్రామిరెడ్డి, గడ్డం వెంకటేశ్వరరెడ్డి, ప్రసాద్‌, కృష్ణ, లారీ కరీం, రమణ, సురేష్‌, కలాం, మద్దయ్య తదితరులు పాల్గొన్నారు.కోవెలకుంట్ల/సంజామల: తెల్లారక ముందే బనగానపల్లె నియోజకవర్గంలోని వివిధ మండలాల వైఎస్సార్‌సీపీ అభ్యర్థులు, నాయకులను పోలీసులు పోలీస్‌స్టేషన్లకు తరలించి అక్రమంగా నిర్బంధించారు. వైఎస్సార్‌సీపీ కోవెలకుంట్ల మండల అధ్యక్షుడు బీవీ నాగార్జునరెడ్డి, జిల్లా ప్రధాన కార్యదర్శి ఎల్వీ సుధాకర్‌రెడ్డి, వాణిజ్య విభాగ రాష్ట్ర ప్రధాన కార్యదర్శి చిక్కేపల్లి ప్రసాదరెడ్డి, సౌదరదిన్నె మాజీ సర్పంచ్‌ మధుసూదన్‌రెడ్డిని పోలీస్‌స్టేషన్‌కు తరలించారు. సంజామల మండలంలో జిల్లా పరిషత్‌ మాజీ చైర్మన్‌ మల్కిరెడ్డి వెంకటసుబ్బారెడ్డి, జెడ్పీటీసీ మాజీ సభ్యుడు చిన్నబాబు, సీనియర్‌ నాయకులు పోచా వెంకట్రామిరెడ్డి, ఆకుమల్ల గౌరిగారి నాగేశ్వరరెడ్డి, వసంతాపురం సత్యమయ్య, రామిరెడ్డిపల్లె సోమ సుందర్‌ రెడ్డి, ఆల్వకొండ ప్రసాద్‌ రెడ్డి, బత్తుల రామచంద్రారెడ్డి తదితరులను పోలీస్‌స్టేషన్లలో అక్రమంగా నిర్బంధించారు. బనగానపల్లె, కొలిమిగుండ్ల మండలాల్లో సైతం పలువురు నేతలను బలవంతంగా పోలీస్‌స్టేషన్లకు తరలించి నామినేషన్లు వేయడానికి వీలు లేదని టీడీపీ అభ్యర్థుల ఏకగ్రీవాలకు సహకరించాలని ఒత్తిడి చేసినట్లు తెలుస్తోంది. నామినేషన్‌ కేంద్రాలకు వైఎస్సార్‌సీపీ అభ్యర్థులు వెళ్లకుండా నామినేషన్‌ పత్రాలను ఆయా పోలీస్‌స్టేషన్లలో ఉంచుకున్నట్లు సమాచారం. వైఎస్సార్‌సీపీ నేతలను అదుపులోకి తీసుకున్న విషయం తెలిసిన వెంటనే బనగానపల్లె మాజీ ఎమ్మెల్యే కాటసాని రామిరెడ్డి పట్టణంలోని అర్బన్‌ పోలీస్‌స్టేషన్‌ వద్ద బైఠాయించి నిరసన తెలిపారు. అధికార పార్టీ నేతలకు రూల్స్‌ వర్తించవా? సంజామల మండల ప్రజా పరిషత్‌ కార్యాలయంలో ఎంపీటీసీ, జెడ్పీటీసీ నామినేషన్‌ కేంద్రాలు ఏర్పాటు చేశారు. నామినేషన్‌ సెంటర్‌లోకి అధికార పార్టీకి చెందిన నాయకులను మాత్రమే అనుమతి ఇస్తూ ఇతర పార్టీ నాయకులను, జర్నలిస్టులను లోపలికి పంపడం లేదు. ప్రతిపక్షపార్టీల నాయకులు లోపలికి రాకుండా ఏకంగా ఎంపీడీఓ కార్యాలయం ప్రధాన గేట్‌కు తాళాలు వేశారు. అధికారపార్టీకి ఒక విధంగా మిగతా పార్టీలకు మరో విధంగా రూల్స్‌ ఉంటాయా అని ప్రజలు ప్రశ్నిస్తున్నారు. ఎంపీటీసీ, జెడ్పీటీసీ స్థానాలను ఏకగ్రీవం చేసుకునేందుకు కుయుక్తులు వైఎస్సార్‌సీపీ అభ్యర్థులు, నాయకుల అక్రమ నిర్బంధం పోలీస్‌స్టేషన్లలో నామినేషన్‌ పత్రాలు!

ఆళ్లగడ్డ: స్థానిక సంస్థల ఎన్నికలను పారదర్శకంగా, నిష్పక్షపాతంగా జరిపించాల్సిన అధికారులే పసుపు కండువా కప్పుకుని అధికార పార్టీ నేతల అడుగులకు మడుగులొత్తుతూ జీ హుజూర్‌ అంటూ సాగిలపడు తున్నారు. ఎన్నికల నియమావాళిని అధికార పక్షం బేఖాతార్‌ చేస్తుంటే ఆ విషయం వేలాది మంది చూస్తున్నా నిస్సిగ్గుగా ఎన్నికల అధికారులు, పోలీసులు పేక్షక పాత్ర పోషించారు. మున్సిపాలిటి పరిధిలోని 32 వార్డులకు సంబంధించి పరిశీలన జరుగుతున్న సందర్భంగా వైఎస్సార్‌సీపీకి చెందిన ఏడుగురు వార్డు అభ్యర్థులను నామినేషన్ల పరిశీలనకు రాకుండా టీడీపీ నేతల ఆదేశాలతో సీఐలు రాము, ప్రవీణ్‌కుమార్‌ రెడ్డి, ఎస్‌ఐలు రామోహన్‌రెడ్డి, చిన్న పీరయ్య, రఫీ, ఆర్‌ఐ బాబు అడ్డుకున్నా రు. ఉదయమే వైఎస్సార్‌ కాంగ్రెస్‌ పార్టీ అభ్యర్థులు సంబంధిత ధ్రువీకరణ పత్రాలతో ఆరోఓ కార్యా లయానికి చేరుకున్నారు. అయితే ‘ఇప్పుడు టీడీపీ వారు ఉన్నారు. మధ్యాహ్నం మీకు టైం ఇస్తాం రండి’అని పోలీసులు చెప్పి పంపించారు. ఆర్వో కార్యాలయంలోనే తిష్టవేసిన టీడీపీ నేతలు ఎంతకు బయటకు పోలేదు. వారుపోయిన తరువాత మీరు రావాలని చెపుతుండటంతో.. టైం ఇస్తారు కదా అని వైఎస్సార్‌సీపీ అభ్యర్థులు ఎదురుచూస్తు ఉన్నారు. తీరా సమయం ముగిసిపోతుందన్న సమయంలో రమ్మంటూ శాంతిభద్రతల పేరుతో దారి మళ్లించి బైపాస్‌ మీద పడకండ్ల వైపు రావాలని ఆదేశించారు. చుట్టూ తిరిగి వచ్చినా 200 మీటర్ల దూరంలో నిలిపి తనిఖీల పేరుతో పోలీసులు ఆలస్యం చేశారు. ఆ తర్వాత వైఎస్సార్‌సీపీ అభ్యర్థులందరూ పరుగెడుతూ లోపలకు పోతుండగా అక్కడే ఉన్న టీడీపీ గూండాలు గట్టిగా కేకలు వేసుకుంటూ వచ్చి అడ్డుకున్నారు. మహిళా అభ్యర్థులు అని కూడా చూడకుండా దాడి చేసేందుకు యత్నించారు. పోలీసుల ఎదుటే దాడులు జరుగుతున్నా నీళ్లు నములుతూ వైఎస్సార్‌సీపీ అభ్యర్థులను బయటకు పంపడం తీవ్ర చర్చనీయాంశమవుతోంది. ఎమ్మెల్యే అఖలప్రియ తమ్ముడు విఖ్యాత్‌రెడ్డి ఉదయం నుంచి మధ్యాహ్నం 3 గంటల వరకు ఎన్నికల కార్యాలయంలోనే తిష్టవేసుకుని కూర్చుకున్నారు. ఎమ్మెల్యేతో కలిసి రాత్రి మరోసారి కార్యాలయంలోకి వచ్చి వెళ్లారు. అస్సలు అక్కడ ఏం జరుగుతుందో.. ఎవ్వరికి అర్థంకాని సవాలక్ష ప్రశ్నలుగా మిగిలిపోయాయి. రాత్రి పొద్దుపోయే వర కు కూడా పరిశీలనలో ఎంత మంది అభ్యర్థుల నామినేషన్లు తిరస్కరించారు, ఎంత మంది అభ్య ర్థుల నామినేషన్లు ఆమోదించారన్న సమాచారం నోటీస్‌ బోర్డులో పెట్టలేదు. చివరకు ఆరోవో కార్యాలయాన్ని మూసేసి వెళ్లిపోవడంతో రేపు ఉదయం ఎలాంటి వార్త వినాల్సి వస్తుందోనని నామినేషన్లు దాఖలు చేసిన వైఎస్సార్‌సీపీ, జనసేన, బీజేపీ, కాంగ్రెస్‌ అభ్యర్థులు ఆందోళన చెందుతున్నారు. నామినేషన్ల పరిశీలనకు వైఎస్సార్‌సీపీ అభ్యర్థులు హాజరుకాకుండా పోలీసుల నాటకం ఉదయం నుంచి ఆర్‌ఓ కార్యాలయంలో ఎమ్మెల్యే తమ్ముడు తిష్ట బరిలో నిలిచిన అభ్యర్థులను ప్రకటించకుండా వెళ్లిపోయిన అధికారులు

కర్నూలు: విజయదశమి పర్వదినాన్ని పురస్కరించుకుని ఎస్పీ దంపతులు విక్రాంత్‌ పాటిల్‌, దీపికా పాటిల్‌ పోలీస్‌ హెడ్‌ క్వార్టర్‌లో సాంప్రదాయబద్ధంగా నిర్వహించే ఆయుధ పూజలో పాల్గొన్నారు. దుర్గాదేవికి, పోలీసులు వినియోగించే అన్ని రకాల తుపాకులకు, వాహనాలకు ప్రత్యేక పూజలు నిర్వహించారు. దుర్గాదేవి చిత్రపటానికి, జమ్మి చెట్టుకు పూజలు నిర్వహించారు. అడిషనల్‌ ఎస్పీలు హుసేన్‌ పీరా, కృష్ణమోహన్‌, డీఎస్పీ రాఘవేంద్ర, పోలీసు వెల్ఫేర్‌ డాక్టర్‌ స్రవంతి, సీఐలు, ఆర్‌ఐలు, ఆర్‌ఎస్‌ఐలు, ఇతర పోలీసు అధికారులు పాల్గొన్నారు. మల్లన్న సేవలో సినీహీరో శ్రీకాంత్‌ శ్రీశైలంటెంపుల్‌: శ్రీశైలానికి ఆదివారం సినీ హీరో శ్రీకాంత్‌ వచ్చారు. నవరాత్రోత్సవాలను పురస్కరించుకుని సోమవారం మల్లికార్జున స్వామివారిని, భ్రమరాంబాదేవిని వీఐపీ దర్శన సమయంలో దర్శించుకుని ప్రత్యేక పూజలు చేశారు. సినీ హీరో శ్రీకాంత్‌తో పలువురు భక్తులు ఫొటోలు, సెల్ఫీలు దిగి తమ అభిమానాన్ని చాటుకున్నారు. మంత్రి టీజీ సమక్షంలో కాంగ్రెస్‌ అభ్యర్థిపై దాడి కర్నూలు(సెంట్రల్‌): మంత్రి టీజీ భరత్‌ సమక్షంలో కర్నూలు 15వ వార్డు కాంగ్రెస్‌ అభ్యర్థిపై టీడీపీ అభ్యర్థి మహబూబ్‌ఖాన్‌ దాడి చేశారు. తాను నామినేషన్‌ వేసిన వార్డులో మరొకరు ఉండకూడదనే ఉద్దేశంలో ఈ దాడి చేసినట్లు తెలుస్తోంది. ఇద్దరూ ముస్లింలు అభ్యర్థులు కావడంతో ఓట్లకు దెబ్బ పడుతుందని స్క్రూటీలో కాంగ్రెస్‌ అభ్యర్థి పత్రాలను టీడీపీ అభ్యర్థి చించి వేశారు. అంతేకాక అతన్ని మంత్రి టీజీ భరత్‌ దగ్గరకు తీసుకెళ్లారు. అక్కడే కాంగ్రెస్‌ అభ్యర్థిపై మహబూబ్‌ఖాన్‌ దాడి చేశారు. కోడ్‌ ఉల్లంఘన సంజామల: మండలంలోని ముదిగేడు గ్రామంలో ఎన్నికల కోడ్‌ ఉల్లంఘన జరిగింది. గ్రామంలో మంత్రి బీసీ జనార్దన్‌ రెడ్డి పేరు బోర్డులను అధికారులు అలాగే వదిలేశారు. వసంతాపురంలో ఉపముఖ్యమంత్రి పవన్‌ కల్యాణ్‌ వాల్‌పోస్టులను తీయలేదు. అధికారుల ‘పచ్చ’పాతానికి ప్రజలు మండిపడుతున్నారు. కోడ్‌ నియమాళిని పకడ్బందీగా వ్యవహరించాలని ప్రజలు కోరుతున్నారు. ‘ఇది పాలన కాదు..పగే’ పోస్టర్‌ ఆవిష్కరణఓర్వకల్లు: ప్రస్తుతం రాష్ట్రంలో కొనసాగుతున్న అరాచకపాలనపై ‘ఇది పాలన కాదు..పగే’ రోలింగ్‌ స్టోరీస్‌ అనే లఘు చిత్రాన్ని తీస్తున్నట్లు ఓర్వకల్లుకు చెందిన పాలకొలను రమేష్‌ తెలిపారు. ఆదివారం ఆయన విలేకరులతో మాట్లాడుతూ.. హైదరాబాద్‌లో లఘుచిత్రానికి సంబంధించిన పోస్టర్‌ను ఆవిష్కరించినట్లు చెప్పారు. తాను దర్శకత్వం వహిస్తున్నట్లు పేర్కొన్నారు. పోస్టర్‌ ఆవిష్కరణలో శ్యామల పాల్గొన్నట్లు చెప్పారు.

బేతంచెర్ల: స్థానిక సంస్థల ఎన్నికల్లో టీడీపీ తప్పని సరిగా ఓడిపోతుందని మాజీ మంత్రి బుగ్గన రాజేంద్రనాథ్‌ రెడ్డి అన్నారు. బేతంచెర్ల పట్టణంలోని శేషారెడ్డి నగర్‌ కాలనీలో మూడు వార్డుకు చెందిన పలువురు మాజీ మంత్రి సమక్షంలో సోమవారం టీడీపీని వీడి వైఎస్సార్‌సీపీలో చేరారు. వైఎస్సార్‌సీపీ నాయకులు మాజీ వార్డు కౌన్సిల్‌ సభ్యుడు చింతల నాగిరెడ్డి, దూదేకుల మా బాషా ఆధ్వర్యంలో టీడీపీకి చెందిన అబ్దుల్‌ సలాం, చిన్న గుమ్మ వెంకటేశ్వర్లు, ప్రకాష్‌, సత్యం, శ్రీనివాసులు, హుస్సేన్‌ బాషా, ఆంజనేయులుతోపాటు మరో 13 కుటుంబాలు వైఎస్సార్‌సీపీలో చేరాయి. మాజీ మంత్రి బుగ్గన మాట్లాడుతూ.. స్థానిక సంస్థల ఎన్నికల్లో వైఎస్సార్‌సీపీ అభ్యర్థుల విజయానికి ప్రతి ఒక్కరూ కృషి చేయాలన్నారు.

టాస్క్‌ఫోర్స్‌: డోన్‌ మాజీ ఎమ్మెల్యే, నగరపాలక టీడీపీ చైర్‌పర్సన్‌ అభ్యర్థి కోట్ల సుజాతమ్మ సోమవారం నామినేషన్‌ కేంద్రంలో హల్‌చల్‌ చేశారు. వైఎస్సార్‌సీపీ తరఫున పరిశీలకులుగా వెళ్లిన వారి పట్ల దురుసుగా ప్రవర్తించారు. ఉదయం 11 గంటల నుంచి నామినేషన్ల పరిశీలన గదిలో తిష్ట వేసిన సుజాతమ్మ వైఎస్సార్‌సీపీతో పాటు పలువురు స్వతంత్ర అభ్యర్థుల నామినేషన్లను తిరస్కరించాలని అధికారులను పట్టుబట్టినట్లు తెలిసింది. ఈ తతంగాన్ని వెబ్‌ కాస్టింగ్‌ ద్వారా వీక్షిస్తున్న ఎన్నికల సంఘం అధికారులు ఆమెకు ఫోన్‌ చేసి నచ్చజెప్పినా వినలేదు. సాయంత్రం 3.30 గంటల వరకు అక్కడే తిష్ట వేసి వైఎస్సార్‌సీపీ నాయకులు, మద్దతుదారులను నానాదుర్భాషలాడారు. సాయం కాలం లోపు నామినేషన్లు వెనక్కి తీసుకోకపోతే తీవ్ర పరిణామాలను ఎదుర్కొవాల్సివస్తుందని తమను సుజాతమ్మ బెదిరించిందని వైఎస్సార్‌సీపీ నాయకులు వాపోయారు. చిన్న పదవి కోసం తన స్థాయిని మరిచి ఆమె ప్రవర్తించడం సబబుగా లేదన్నారు. నామినేషన్లు వేయక ముందు నుంచి అందరిని బెదిరించి అందులో కొంత మందిని నామినేషన్‌ వేయకుండా చేయగలిగారని వారు ఆరోపించారు. ఎట్టకేలకు సాయంత్రం 6 గంటలకు నామినేషన్ల పరిశీలన ముగించడంతో అటు అధికారులు, ఇటు వైఎస్సార్‌సీపీ నాయకులు ఊపిరి పిల్చుకున్నారు. చైర్‌పర్సన్‌ అభ్యర్థులుగా వివిధ పార్టీల నుంచి మొత్తం 13 మంది అభ్యర్థులు నామినేషన్‌ దాఖలు చేయగా సోమవారం పరిశీలనలో ఇద్దరు అభ్యర్థల నామినేషన్‌ పత్రాలు సక్రమంగా లేనందున తిరస్కరించగా చైర్‌సర్సన్‌ ఎన్నికల బరిలో 11 మంది మిగిలారు.● సాయంత్రం వరకు నామినేషన్‌ కేంద్రంలోనే తిష్ట ● వైఎస్సార్‌సీపీ నామినేషన్లు తిరస్కరించాలని అధికారులపై ఒత్తిడి

శ్రీశైలంటెంపుల్‌: అష్టాదశ శక్తిపీఠమైన శ్రీశైల మహాక్షేత్రంలో దేదీప్యమానంగా దసరా మహోత్సవాలు సాగుతున్నాయి. దసరా మహోత్సవాల్లో సోమవారం సిద్దిదాయిని స్వరూపంలో భ్రమరాంబాదేవి, కైలాస వాహనంపై భ్రమరాంబా సమేత మల్లికార్జునుడు విహరించి భక్తులకు ఆశీస్సులు అందించారు. దసరా ఉత్సవాల్లో భాగంగా స్వామిఅమ్మవార్లను కై లాస వాహన సేవలో అలంకరించారు. ప్రత్యేక అంకీకృతులైన స్వామిఅమ్మవార్లను ఆలయంలోని అలంకార మండపంలో ఆశీనులను చేసి ఉభయ దేవాలయాల అర్చకులు, వేదపండితులు ప్రత్యేక పూజా కార్యక్రమాలను నిర్వహించారు. అనంతరం సిద్దిదాయిని అమ్మవారిని, కై లాస వాహనంపై ఆశీనులైన స్వామిఅమ్మవార్లకు ఆలయ ఉత్సవం నిర్వహించి గ్రామోత్సవానికి తరలించారు. గంగాధర మండపం నుంచి నంది మండపం, బయలువీరభద్రస్వామి ఆలయం వరకు గ్రామోత్సవం నిర్వహించారు. గ్రామోత్సవంలో కోలాటలు, తప్పెట్లు, కర్ణాటక డ్రమ్స్‌, మేళాతాళాలు, డప్పు వాయిద్యాలు, కళాకారుల విచిత్ర వేషధారణలు, నృత్యాలతో గ్రామోత్సవం అంగరంగ వైభవంగా సాగింది. ఆయా పూజా కార్యక్రమంలో శ్రీశైల దేవస్థాన కార్యనిర్వహణాధికారి ఎం.శ్రీనివాసరావు దంపతులు, ఇతర విభాగాల అధికారులు, సిబ్బంది పాల్గొన్నారు. రాష్ట్ర ప్రభుత్వం తరఫున పట్టువస్త్రాల సమర్పణ దసరా మహోత్సవాల్లో భాగంగా సోమవారం స్వామిఅమ్మవార్లకు సంప్రదాయబద్దంగా రాష్ట్ర ప్రభుత్వం తరుపున రోడ్లు భవనాల శాఖ మంత్రి బీసీ జనార్థనరెడ్డి, శ్రీశైలం ఎమ్మెల్యే బుడ్డా రాజశేఖరరెడ్డి పట్టువస్త్రాలు సమర్పించారు. ముందుగా రాజగోపరం వద్ద పట్టువస్త్రాలకు అర్చకస్వాములు, వేదపండితులు ప్రత్యేక పూజా కార్యక్రమాలను నిర్వహించారు. అనంతరం పట్టువస్త్రాలను మంత్రి, ఎమ్మెల్యే, శ్రీశైలం చైర్మన్‌, ట్రస్ట్‌బోర్డు సభ్యులు, ఈఓ తలపై పెట్టుకుని ఆలయ ప్రదిక్షిణ చేసి స్వామిఅమ్మవార్లకు సమర్పించారు.శ్రీశైలంలో నేడు దసరా మహోత్సవాల్లో భాగంగా మంగళవారం ఉదయం సహస్ర చండీపారాయణ పూర్వక శతచండీయాగ పూర్ణాహుతి, రుద్రయాగ పూర్ణాహుతి, కలశోద్వాసన, వసంతోత్సవం, అవభృంథం కార్యక్రమాలు నిర్వహిస్తారు. భ్రమరాంబాదేవి నిజరూప అలంకారంలో, నందివాహనంపై భ్రమరాంబా సమేత మల్లికార్జునుడు విహరించి భక్తులకు దర్శనమివ్వనున్నారు. శమీ పూజ, తెప్పోత్సవం నిర్వహించనున్నారు. శ్రీశైలంలో దేదీప్యమానంగా దసరా మహోత్సవాలు సిద్దిదాయిని అలంకారంలో దర్శనమిచ్చిన శ్రీశైల భ్రమరాంబాదేవి కై లాస వాహనంపై విహరించిన భ్రమరాంబా సమేత మల్లికార్జునుడు రాష్ట్ర ప్రభుత్వం తరఫున స్వామిఅమ్మవార్లకు పట్టువస్త్రాలు సమర్పణ

మహానంది: ఎన్నికల బరిలో నిలిచిన ప్రతిపక్ష పార్టీ అభ్యర్థులపై టీడీపీ గూండాలు దాడులకు పాల్పడటం అమానుషమని ఎమ్మెల్సీ ఇసాక్‌ బాషా అన్నారు. నంద్యాల మున్సిపాలిటీలో న్యాయవాదులపై టీడీపీ నేతలు దాడి చేయడం, ఆత్మకూరు మున్సిపాలిటీ వైఎస్సార్‌సీపీ చైర్మన్‌ అభ్యర్థి డాక్టర్‌ ప్రియాంక నామినేషన్ల పత్రం వెంట సమర్పించిన కుల ధృవీకరణ పత్రాన్ని చించేసిన ఘటనపై సోమవారం మాజీ ఎమ్మెల్యే శిల్పా రవిచంద్ర కిషోర్‌రెడ్డి, మున్సిపల్‌ చైర్మన్‌ అభ్యర్థి డాక్టర్‌ ప్రియాంకబాయి, నియోజకవర్గ నేత శిల్పా భువనేశ్వరరెడ్డి, నాయకులతో కలిసి జిల్లా కలెక్టర్‌ రాజకుమారిని కలిసి ఫిర్యాదు చేశారు. ఈ సందర్భంగా ఎమ్మెల్సీ ఇసాక్‌ బాషా మాట్లాడుతూ.. నంద్యాల మున్సిపాలిటీ ఎన్నికల్లో ఏనాడు ఇలాంటి దాడుల ఘటనలు జరగలేదన్నారు. నామినేషన్‌ పత్రాలు చించితే ఎలా అని, నంద్యాల మున్సిపాలిటీలో లాయర్లపై కుర్చీలు, రాడ్లతో దాడి చేయడం చూస్తే ప్రజాస్వామ్య పాలనలోనే ఉన్నామా అని ప్రశ్నించారు. న్యాయం కోసం పోరాడే న్యాయవాదులపైనే దాడికి దిగితే ఇక సామాన్యులు, ఓటర్ల పరిస్థితి ఎలా అన్నారు. సాక్షాత్తూ పోలీసుల మీదికే టీడీపీ నేతలు దాడికి దిగుతుంటే శాంతి భద్రతలు ఎక్కడున్నాయని ఆవేదన చెందారు. ప్రజాస్వామ్య బద్ధంగా జరగాల్సిన ఎన్నికలను టీడీపీ అధికార పార్టీ నేతలు గూండాల్లా వ్యవహరిస్తూ రణరంగంగా మార్చుతున్నారని వైఎస్సార్‌సీపీ శ్రీశైలం నియోజకవర్గ నేత శిల్పా భువనేశ్వర రెడ్డి విమర్శించారు. రెండున్నర ఏళ్ల కాలంలో కూటమి నేతలు పానలో అట్టర్‌ప్లాప్‌ అయ్యారు, అన్ని చోట్లా ఓడిపోతామనే భయంతో దౌర్జన్యాలకు పాల్పడుతున్నారన్నారు. ఆత్మకూరులో వైఎస్సార్‌సీపీ జెండా ఎగురవేయడం ఖామన్నారు. యువత రాజకీయాల్లోకి రాకూడదా నేను నిబంధనల మేరకు అన్ని రకాల సర్టిఫికెట్లు సమర్పించాను. నా సర్టిఫికెట్లు చింపేయడం భావ్యం కాదు. మహిళలకు ఇచ్చే గౌరవం ఇదేనా. మహిళలపై దాడి చేయడం అధికారపార్టీ నేతలకు తగదు. యువత రాజకీయాల్లోకి, పైకి రాకూడదా. దసరా నవరాత్రి ఉత్సవాల్లో దేవీ పూజలు చేస్తూ మహిళలకు ఇచ్చే గౌరవం ఇదేనా. విద్యార్థులు, యువత రాజకీయాల్లోకి రాకూడదా. జెన్‌జీ అడ్డుకుంటే తిరగబడతారనే కూటమి నేతలు తెలుసుకోవాలి. – డాక్టర్‌ ప్రియాంక బాయి, వైఎస్సార్‌సీపీ చైర్మన్‌ అభ్యర్థి, ఆత్మకూరు మున్సిపాలిటీ

మున్సిపల్‌ ఎన్నికల్లో పోటీ చేసిన వైఎస్సార్‌సీపీ అభ్యర్థులపై పోలీసుల సమక్షంలో టీడీపీ నాయకులు చేసిన దాడులు చూస్తుంటే ప్రజాస్వామ్యం సిగ్గుపడి తలవంచుకుంటుందని మాజీ ఎమ్మెల్యే శిల్పారవిచంద్రకిశోర్‌రెడ్డి ఆవేదన వ్యక్తం చేశారు. తమ అభ్యర్థులపై టీడీపీ అభ్యర్థులు, నాయకులు దాడులు చేస్తున్నారన్న సమాచారంతో హుటా హుటిన మున్సిపల్‌ కార్యాలయం వద్దకు చేరుకున్నామన్నారు. అయితే అప్పటికే తమ నాయకులపై టీడీపీ నాయకులు విచక్షణా రహితంగా దాడి చేయడాన్ని చూసి చలించిపోయారు. నామినేషన్‌లో అభ్యంతరాలు ఉన్నాయంటే న్యాయబద్ధంగా చూసుకోవాలే తప్ప దాడులకు తెగబడటం తగదన్నారు. టీడీపీ అభ్యర్థులపై కేసులు ఉన్నాయని న్యాయవాది చెబితే ఆయనపై దాడి చేయడం దుర్మార్గమైన చర్య అన్నారు. పోలీసుల పట్ల దురుసుగా వ్యవహరించడం టీడీపీ నాయకులకే చెల్లిందన్నారు.

నంద్యాల(న్యూటౌన్‌): జెడ్పీటీసీ ఎన్నికల నామినేషన్ల స్వీకరణకు పకడ్బందీ ఏర్పాట్లు చేయాలని జిల్లా కలెక్టర్‌ రాజకుమారి అధికారులను ఆదేఽశించారు. సోమవారం పట్టణంలోని ప్రభుత్వ డిగ్రీ కళాశాల జెడ్పీటీసీ ఎన్నికల నిర్వహణకు సంబంధించి నామినేషన్‌ కేంద్రాన్ని, ఎన్నికల సామగ్రి పంపిణీ కేంద్రాలను కలెక్టర్‌ సందర్శించి ఏర్పాట్లను పరిశీలించారు. ఈ సందర్బంగా కలెక్టర్‌ మాట్లాడుతూ నామినేషన్‌ల స్వీకరణకు ఆర్‌ఓ, ఏఆర్‌ఓ, హెల్ప్‌డెస్క్‌ సిబ్బంది విధుల నిర్వహణలో ఎలాంటి గందరగోళానికి తావులేకుండా చూడాలన్నారు. నామినేషలు దాఖలు చేసేందుకు వచ్చే అభ్యర్థులు తగిన స్థలాన్ని ఏర్పాటు చేయాలన్నారు. నిబంధనల ప్రకారం నామినేషన్‌ కేంద్రాన్ని వంద మీటర్ల పరిధికి వెలుపల వాహనాల పార్కింగ్‌ ఏర్పాటు చేసి ఎన్నికల మార్గదర్శకాలను అమలు చేయాలన్నారు. నామినేషన్ల స్వీకరణ ప్రక్రియను సంబంధిత అధికారులు సమన్వయంతో నిర్వహించాలన్నారు. బాధ్యతలు అప్పగించిన అధికారులు నిరంతరం పర్యవేక్షిస్తూ ఎలాంటి లోటుపాట్లు లేకుండా చూడాలన్నారు. ఎన్నికల ప్రక్రియను పారదర్శకంగా సజావుగా నిర్వహించాలన్నారు. కలెక్టర్‌ వెంట ఏఎస్పీ సుస్మిత, జిల్లా పరిషత్‌ సీఈఓ శివశంకర్‌ డిప్యూటీ సీఈఓ సుబ్బారెడ్డి, తదితరులు పాల్గొన్నారు.

నంద్యాల(న్యూటౌన్‌): స్థానిక సంస్థల ఎన్నికలను పారదర్శకంగా, పకడ్బందీగా నిర్వహించేందుకు అన్ని శాఖల అధికారులు సమన్వయంతో పనిచేయాలని ఎన్నికల జనరల్‌ అబ్జర్వర్‌ వెంకట మురళి అధికారులను ఆదేశించారు. ఆదివారం కలెక్టరేట్‌లోని వీడియో కాన్ఫరెన్స్‌ హాలులో స్థానిక సంస్థల ఎన్నికల సంసిద్ధత, ఇప్పటివరకు చేపట్టిన ఏర్పాట్ల పై ఎన్నికల జనరల్‌ అబ్జర్వర్‌ వెంకట మురళీ, ఎక్స్‌పెండేచర్‌ అబ్జర్వర్‌ పి.శ్యామల సమీక్ష నిర్వహించారు. జిల్లా కలెక్టర్‌ రాజకుమారి, జాయింట్‌ కలెక్టర్‌ సూరజ్‌ ధనుంజయ్‌, అడిషనల్‌ ఎస్పీ ఖాదర్‌ బాషా, సబ్‌ కలెక్టర్‌ మనీషా, సంబంధిత ఎన్నికల నోడల్‌ అధికారులు పాల్గొన్నారు. ఎన్నికల జనరల్‌ అబ్జర్వర్‌ వెంకట మురళీ మాట్లాడుతూ.. స్థానిక సంస్థల ఎన్నికల్లో స్థానిక పరిస్థితులు, భావోద్వేగాలు, ఆధిపత్య పోటీ కారణంగా సమస్యలు తలెత్తే అవకాశం ఉండటంతో అధికారులు అప్రమత్తంగా వ్యవహరించాలని సూచించారు. ఎన్నికల సంఘం మార్గదర్శకాల మేరకు పోలింగ్‌కు 48 గంటల ముందు మద్యం విక్రయాలు నిలిపివేసే నిబంధనను క్షేత్రస్థాయిలో కచ్చితంగా అమలు చేయాలని పేర్కొన్నారు. జిల్లా కలెక్టర్‌ రాజకుమారి మాట్లాడుతూ జిల్లాలో జెడ్పీటీసీ, ఎంపీటీసీ ఎన్నికలకు సంబంధించి 28 మండలాల్లో 28 జెడ్పీటీసీ స్థానాలు, 28 ఎంపీపీలు, 377 ఎంపీటీసీ స్థానాలకు ఎన్నికల నిర్వహణకు ఏర్పాట్లు చేపట్టినట్లు కలెక్టర్‌ వివరించారు. గ్రామ పంచాయతీలకు సంబంధించి 489 గ్రామ పంచాయతీలు, 4,920 వార్డుల పరిధిలో ఎన్నికల ఏర్పాట్లు చేపట్టినట్లు వివరించారు.

మున్సిపాలిటీలు వార్డులు నామినేషన్లు నంద్యాల 52 521 ఆదోని 52 416 ఎమ్మిగనూరు 44 238 డోన్‌ 36 233 ఆత్మకూరు 32 212 ఆళ్లగడ్డ 32 191 నందికొట్కూరు 32 198 నగర పంచాయతీల వారీగా.. బేతంచెర్ల 28 176 గూడూరు 23 127

● వైఎస్సార్‌సీపీ రాష్ట్ర యువజన విభాగం వర్కింగ్‌ ప్రెసిడెంట్‌ బైరెడ్డి సిద్ధార్థరెడ్డి నందికొట్కూరు: హామీలు అమలు చేయకుండా ప్రజలను మోసం చేసిన టీడీపీ నేతలకు స్థానిక ఎన్నికల్లో ఓటమి భయం పట్టుకుందని వైఎస్సార్‌సీపీ రాష్ట్ర యువజన విభాగం వర్కింగ్‌ ప్రెసిడెంట్‌ బైరెడ్డి సిద్ధార్థరెడ్డి అన్నారు. ఆదివారం పట్టణంలోని ఏబీఎం పాలెం చెందిన టీడీపీ నాయకులు నాగ సురేష్‌, వైవీ రమణ వైఎస్సార్‌ కాంగ్రెస్‌ పార్టీలో చేరారు. వీరికి బైరెడ్డి సిద్ధార్థ్థరెడ్డి, నియోజకవర్గ ఇన్‌చార్జ్‌ డాక్టర్‌ దారా సుధీర్‌ వైఎస్సార్‌సీపీ కండువా కప్పి సాధారణంగా ఆహ్వానించారు. ఈ సందర్భంగా సిద్ధార్థరెడ్డి మాట్లాడుతూ.. ఎన్నికల ముందు ఇచ్చిన హామీలను అమలు చేయడంలో సీఎం చంద్రబాబు చేతులు ఎత్తేయడం దుర్మార్గమన్నారు. టీడీపీ ప్రభుత్వంపై రోజు రోజుకు ప్రజల్లో వ్యతిరేకత పెరుగుతుందన్నారు. టీడీపీ వైఫల్యాలే వైఎస్సార్‌సీపీకి శ్రీరామ రక్షగా నిలుస్తోందని స్పష్టం చేశారు. అధికారంలో ఉన్న టీడీపీ నుంచి ఎన్నికల్లో పోటీ చేసేందుకు ఎవరూ ముందుకు రావడం లేదని, వైఎస్సార్‌సీపీ ప్రతిపక్షంలో ఉన్నా బరిలో దిగేందుకు ఎంతో మంది ముందుకొస్తున్నారని తెలిపారు. టీడీపీ మోసాలను క్షేత్రస్థాయిలో ప్రజలతో వివరించాలని పార్టీ నేతలకు సూచించారు. స్థానిక ఎన్నికలలో వైఎస్సార్‌సీపీని భారీ మెజార్టీతో విజయం సాధించేందుకు ప్రతి కార్యకర్త సిద్ధమవ్వాలని వైఎస్సార్‌సీపీ నందికొట్కూరు నియోజకవర్గ ఇన్‌చార్జ్‌ దారా సుధీర్‌ అన్నారు. సీఎం చంద్రబాబు నాయుడు పాలనపై ప్రజల్లో తీవ్ర వ్యతిరేకత ఉందన్నారు. ఎన్నికల ముందు అన్ని సంక్షేమ పథకాలు అందిస్తామని చెప్పి అధికారంలోకి వచ్చిన ప్రజలను నట్టేట ముంచేశారని విమర్శించారు.

● వైఎస్సార్‌సీపీలో చేరిన అధికార పార్టీ నాయకులుచిప్పగిరి: అధికార టీడీపీకి ఆలూరు నియోజకవర్గంలో ఎదురుదెబ్బ తగిలింది. దేవనకొండ మండలం పీ కోటకొండ గ్రామంలో టీడీపీకి చెందిన 102 కుంటుంబాల సభ్యులు ఆదివారం వైఎస్సార్‌సీపీలో చేరారు. వారికి పార్టీ కండువా వేసి ఎమ్మెల్యే బుసినె విరూపాక్షి వైఎస్సార్‌సీపీలోకి ఆహ్వానించారు. ఈ సందర్భంగా ఎమ్మెల్యే మాట్లాడుతూ.. చంద్రబాబు ప్రభుత్వ ప్రజావ్యతిరేక విధానాలు రాష్ట్ర ప్రజలకు నచ్చడం లేదన్నారు. ఎన్నికల సమయంలో సూపర్‌సిక్స్‌ పేరుతో హామీలు ఇచ్చి అధికారంలోకి వచ్చాక అందరినీ మోసం చేశారన్నారు. అభివృద్ధి చేస్తున్నామని టీడీపీ ఆలూరు నియోజకవర్గ ఇన్‌చార్జ్‌ వైకుంఠం జ్యోతి ప్రజలను మభ్యపెడుతున్నారన్నారు. ఇప్పటి వరకు ఒక్క కొత్త పింఛన్‌ ఇవ్వలేదన్నారు. స్థానిక సంస్థల ఎన్నికల్లో టీడీపీని భూస్థాపితం చేయాలని కార్యకర్తలకు పిలుపునిచ్చారు. ప్రతి గ్రామం నుంచి వైఎస్సార్‌సీపీ తరఫున పోటీ చేయాలని సూచించారు. గ్రామ వైఎస్సార్‌సీపీ నాయకులు కప్పట్రాళ్ల దివాకర్‌ నాయుడు, హనుమంతరెడ్డి, మీనుగ కృష్ణ, అల్లంకొండ మాజీ ఎంపీటీసీ రంగడు, లక్ష్మణ స్వామి, ముచ్చు రామచంద్ర కుమార్‌ పాల్గొన్నారు. పార్టీలో చేరిన వారిలో టీడీపీ నాయకులు లక్ష్మీనారాయణ, రాజేష్‌, కౌలుట్లయ్య తదితరులు ఉన్నారు. ● వైఎస్సార్‌సీపీ మహిళా విభాగం రాష్ట్ర వర్కింగ్‌ ప్రెసిడెంట్‌ ఎస్వీ విజయమనోహరి కర్నూలు (టౌన్‌): కర్నూలు నగర మేయర్‌ పీఠాన్ని వైఎస్సార్‌సీపీ తప్పకుండా కై వసం చేసుకుంటుందని ఆ పార్టీ మహిళా విభాగం రాష్ట్ర వర్కింగ్‌ ప్రెసిడెంట్‌ ఎస్వీ విజయమనోహరి అన్నారు. ప్రజల మద్దతు వైఎస్సార్‌సీపీకే ఉందన్నారు. ఆదివారం కర్నూలు నగరంలోని 23వ వార్డు వైఎస్సార్‌సీపీ అభ్యర్థి రమణ నామినేషన్‌ దాఖలు చేసే కార్యక్రమంలో మేయర్‌ అభ్యర్థి సుశీలతో కలిసి ఆమె పాల్గొన్నారు. అలాగే నగరంలోని 57వ వార్డు వైఎస్సార్‌సీపీ కార్పొరేటర్‌ అభ్యర్థిగా లక్ష్మీ నామినేషన్‌ కార్యక్రమానికి హాజరయ్యారు. ఈ సందర్భంగా ఎస్వీ విజయ మనో హరి మాట్లాడుతూ.. ఎన్నికల సమయంలో టీడీపీ నేతలు ఇచ్చిన హామీలను ఎందుకు అమ లు చేయడం లేదో ప్రజలు నిలదీయాలన్నారు. ప్రజలకు అబద్ధాలు చెప్పి అధికారంలోకి వచ్చిన తర్వాత అందరినీ మోసం చేశారన్నారు. సూపర్‌ సిక్స్‌ హామీలతో మభ్యపెట్టారన్న విషయాన్ని ప్రజలు ఇప్పటికే గ్రహించారన్నారు. స్థానిక సంస్థల ఎన్నికల్లో ఓటమి అని తెలిసి దాడులకు పాల్పడుతున్నారన్నారు. పోటీ చేయకుండా అభ్యర్థుల గెలుపు కోసం ప్రత్యేకంగా జీవో తెచ్చుకొని తాము గెలవలేమని సీఎం చంద్రబాబు ప్రకటించాలన్నారు. ప్రజాభిప్రాయాన్ని చంద్రబాబు ప్రభుత్వం ఖూనీ చేస్తుందని విమర్శించారు. ఎవ రు ఎన్ని అడ్డంకులు సృష్టించినా వైఎస్సార్‌సీపీ నాయకులు, కార్యకర్తలు వెనక్కి తగ్గబోరన్నారు.తేలికపాటి వర్షాలే! కర్నూలు(అగ్రికల్చర్‌): బంగాళాఖాతంలో ఏర్పడిన అల్పపీడన ప్రభావంతో వర్షాలు పడుతాయని రైతులు ఆశించారు. అయితే మూడు మండలాల్లో కేవలం తేలికపాటి వర్షాలు కురిశాయి. ఈ నెల 17న కోడుమూరులో 9.6 మి.మీ., ఓర్వకల్లులో 8.8 మి.మీ., ఆదివారం హాలహర్విలో 8.6 మి.మీ. వర్షం కురిసింది. ఖరీఫ్‌ సీజన్‌లో సాధారణ వర్షపాతం 402.6 మి.మీ. ఉండగా.. 232 మి.మీ. మాత్రమే నమోదైంది. అక్టోబరు నెల సాధారణ వర్షపాతం 109.9 మి.మీ. ఉండగా..18 రోజుల్లో కేవలం 2.3 మి.మీ. నమోదైంది. రబీ సీజన్‌లో ప్రధాన పంట శనగ కాగా.. సబ్సిడీపై 25 వేల క్వింటాళ్లు పంపిణీ చేశారు. వెల్దుర్తి, కోడుమూరు, సీ బెళగల్‌, గూడూరు తదితర ప్రాంతాల్లో అంతంతమాత్రం తేమలోనే శనగ విత్తనాలు విత్తుకున్నారు. తగిన తేమ లేకపోవడంతో విత్తనాలు మొలకెత్తకపోవడంతో రైతులు ఆందోళన చెందుతున్నారు. శనగ పండాలంటే నవంబరు, డిసెంబరు నెలల్లో చలి, మంచు అవసరం ఉంది. ప్రస్తుత వాతావరణ పరిస్థితులను పరిశీలిస్తే వానలే కాదు చలి, మంచు కురిసే అవకాశమే లేదని వాతావరణ అధికారులు పేర్కొంటున్నారు.

డోన్‌: మున్సిపల్‌ ఎన్నికల నామినేష్ల ప్రక్రియలో అధికార పార్టీ పోలీసులు, అధికారుల అండతో బరితెగిస్తోంది. డోన్‌ పట్టణంలో ఆదివారం టీడీపీ రెబల్‌ అభ్యర్థి నామినేషన్‌ వేయకుండా అడ్డుకున్న సంఘటన ఇందుకు నిదర్శనంగా నిలుస్తోంది. మాజీ మున్సిపల్‌ వైస్‌ చైర్మన్‌, ఆర్యవైశ్య సంఘం అధ్యక్షుడు కోట్రికే హరి కిషన్‌ భార్య పద్మజను నామినేషన్‌ దాఖలు చేయనీయకుండా పోలీస్‌ అధికారులు అడ్డుకున్నారు. నగరపాలక సంస్థ ఎన్నికల నామినేషన్ల చివరి రోజైన ఆదివారం నామినేషన్‌ వేసేందుకు కోట్రికే పద్మజ వచ్చారు. కార్యాలయ ఆవరణలో ఆమెను గంటల తరబడి కూర్చోబెట్టారు. అయితే టీడీపీ అభ్యర్థి కోట్ల సుజాతమ్మ మాత్రం వెంటనే నామినేషన్‌ వేసి అక్కడి నుంచి వెళ్లిపోయారు. సమయం మించి పోవడంతో నామినేషన్‌ వేయకుండానే కోట్రికే పద్మజ వెనుదిరగాల్సి వచ్చింది. టీడీపీ కోసం మూడేళ్ల నుంచి కృషి చేసిన తమ కుటుంబానికి టికెట్‌ దక్కకపోగా, స్వతంత్రంగా నామినేషన్‌ వేసే అవకాశాన్ని కూడా పోలీసుల ద్వారా అడ్డుకున్నారని కోట్రికే హరికిషన్‌ అన్నారు. ఆయన కేంద్రం నుంచి బయటకు వస్తూ కన్నీళ్ల పర్వంతమైన్నట్లు కన్పించగా అనుచరులతో పాటు సతీమణి పద్మజ ఓదారుస్తూ అక్కడే ఉన్న వాహనంలోకి ఎక్కించారు. అక్కడే హరికిషన్‌ మీడియాతో మాట్లాడే ప్రయత్నం చేయగా ఆయన సతీమణి కల్పించుకుని అడ్డుకున్నారు. అలాగే తన కుమార్తెను నామినేషన్‌ వేయకుండా పోలీసులు అడ్డుకున్నారని సీపీఎం నాయకురాలు షమీమ్‌ బేగం తెలిపారు. ఇది ఇలా ఉండగా మాజీ మున్సిపల్‌ చైర్మన్‌ సప్తశైల రాజేష్‌ సతీమణి సుమిత్ర తరపున నామినేషన్‌ దాఖలు చేసేందుకు వెళుతున్న వైఎస్సార్‌సీపీ మద్దతుదారులపై టీడీపీ గుండాలు దాడి చేసి నామినేషన్‌ పత్రాలను లాక్కొని వెళ్లారు.

● 50 కుటుంబాలు వైఎస్సార్‌సీపీలో చేరికనంద్యాల(అర్బన్‌): నామినేషన్ల ముగింపు రోజు టీడీపీ నుంచి వైఎస్సార్‌సీపీలోకి చేరికలు చోటు చేసుకోవడం తమ పార్టీ విజయానికి సంకేతమని మాజీ ఎమ్మెల్యే శిల్పా రవిచంద్రకిశోర్‌రెడ్డి అన్నారు. 52వ వార్డు టీడీపీ ఇన్‌చార్జి శివనాగిరెడ్డి 50 కుటుంబాలతో వైఎస్సార్‌సీపీలో చేరడం శుభపరిణామమన్నారు. శివనాగిరెడ్డికి మాజీ మంత్రి శిల్పామోహన్‌రెడ్డి, మాజీ ఎమ్మెల్యే శిల్పారవి చంద్రకిశోర్‌రెడ్డిలు పార్టీ కండువా కప్పి సాదరంగా ఆహ్వానించారు. ఆదివారం రాత్రి జరిగిన కార్యక్రమంలో శిల్పా రవి మాట్లాడుతూ.. వైఎస్సార్‌ నగర్‌ నుంచి టీడీపీని వీడి వైఎస్సార్‌సీపీలోకి శివనాగిరెడ్డి, వారి కుటుంబాలు రావడం సంతోషంగా ఉందన్నారు. మాజీ మంత్రి శిల్పామోహన్‌రెడ్డి ఆశయాలకు అనుగుణంగా వైఎస్సార్‌నగర్‌ అభివృద్ధికి లక్ష్యంగా ముందుకెళ్లనున్నట్లు చెప్పారు. కార్యక్రమంలో పాస్టర్‌ ఏసుపాదం, చాంద్‌బాషా, పెయింటర్‌ సుధాకర్‌, టైలర్‌ బాబు, స్టీఫెన్‌, నాగేంద్రబాబు, బత్తుల చెన్నయ్య, కృపావరం, విశాలాక్ష్మి, ప్రశాంతి, రామేశ్వరి, తదితరులు పాల్గొన్నారు.

శ్రీశైలంటెంపుల్‌: దేవీ శరన్నవరాత్రోత్సవాల్లో భాగంగా శ్రీశైల క్షేత్రంలో ఎనిమిదవ రోజు ఆదివారం భ్రమరాంబాదేవి ఉత్సవమూర్తిని మహాగౌరి స్వరూపంలో అలంకరించారు. ప్రత్యేక అలంక్రీకృత అమ్మ వారి ఉత్సవమూర్తిని ఆలయం ఎదురుగా ఏర్పాటుచేసిన వేదికపై ఆశీనులను చేశారు. అర్చకులు, వేదపండితులు విశేష పూజా హారతులిచ్చారు. నవదుర్గలలో మహాగౌరి రూపం అత్యంత శాంతమూర్తిగా చెప్పబడుతుంది. ఈ దేవిని పూజించడం వలన సకల పాపాలు నశించి, కష్టాలు తొలగిపోతాయని భక్తుల నమ్మకమని వేదపండితులు వివరించారు. దసరా మహోత్సవాల్లో భాగంగా భ్రమరాంబా సమేత మల్లికార్జున స్వామిఅమ్మవార్లను నంది వాహనసేవపై అలంకరించారు. అలంకార మండపంలోకి నంది వాహనాన్ని అధిష్టించిన స్వామిఅమ్మవార్లను ఉంచి పూజలు చేశారు. అనంతరం మహాగౌరి దేవికి, నందీవాహనాధీళులైన దేవదేవుళ్లకు ఆలయ ఉత్స వం నిర్వహించి గ్రామోత్సవానికి తరలించారు. గంగాధర మండపం నుంచి నంది మండపం, బయలువీరభద్రస్వామి ఆలయం వరకు గ్రామోత్సవాన్ని నిర్వహించారు. గ్రామోత్సవంలో కోలాటాలు, డప్పు వాయిద్యాలు, కళాకారుల విచిత్ర వేషధారణలు, సంప్రదాయ నృత్యప్రదర్శనలతో గ్రామోత్సవం వైభవంగా సాగింది. స్వామిఅమ్మవార్లను భక్తులు కనులారా దర్శించుకుని నీరాజనాలు సమర్పించారు. దేవస్థాన కార్యనిర్వహణాధికారి శ్రీనివాసరావు దంపతులు, ఇతర విభాగాల అధికారులు, సిబ్బంది, అధిక సంఖ్యలో భక్తులు పాల్గొన్నారు. శ్రీశైలంలో నేడు.. దసరా ఉత్సవాల్లో తొమ్మిదవ రోజు సోమవారం ఉద యం భ్రమరాంబాదేవి సిద్ధిదాయిని అలంకారంలో, స్వామిఅమ్మవార్లు కై లాస వాహనసేవలో దర్శనమిస్తారు. రాష్ట్ర ప్రభుత్వం తరఫున సోమవారం మంత్రి బీసీ జనార్థనరెడ్డి పట్టువస్త్రాలు స్వామిఅమ్మవార్లకు సమర్పించనున్నారు. అభయ ప్రదాయినీ.. మహాగౌరి పార్వతీదేవి అవతారంలో శివుణ్ణి భర్తగా పొందేందుకు కఠోర తపస్సు చేయడంతో అమె శరీరం పూర్తిగా నల్లబడింది. ఆ తపస్సుకు సంతోషించిన పరమేశ్వరుడు ప్రసన్నుడై ఆమె శరీరంపై గంగాజలం చల్లాడు. దీంతో అమె తెల్లని వర్ణాన్ని (గౌర వర్ణం) పొందింది. ఈ దేవి నాలుగు చేతులలో అభయ, వరముద్రలతో పాటు త్రిశూలం, డమరుకాలను ధరించి ఉంటుంది. దవళ కాంతితో మెరిసే వృషభాన్ని అధిరోహించి భక్త జనకోటికి అభయప్రదానం చేస్తుంది. మహాగౌరి స్వరూపంలో శ్రీశైల భ్రామరీ నందివాహనంపై దేవదేవుళ్లు శ్రీశైలంలో వైభవంగా దసరా మహోత్సవాలు

గోస్పాడు: ఎల్‌నినో ప్రభావంతో తలెత్తే వర్షాభావ పరిస్థితులను సమర్థవంతంగా ఎదుర్కొనేందుకు సమగ్ర వ్యవసాయ కార్యాచరణ ప్రణాళికను రూపొందించి క్షేత్రస్థాయిలో అమలు చేయాలని రాష్ట్ర వ్యవసాయ, సహకార శాఖ సలహాదారు, రైతు సాధికార సంస్థ ఎగ్జిక్యూటివ్‌ వైస్‌ చైర్మన్‌ విజయ్‌ కుమార్‌ సూచించారు. శనివారం నంద్యాల పట్టణంలోని రాష్ట్ర ప్రభుత్వ ఆర్‌అండ్‌బీ అతిథి గృహంలో జిల్లా కలెక్టర్‌ రాజకుమారి, జాయింట్‌ కలెక్టర్‌ సూర జ్‌ ధనుంజయ్‌, సబ్‌ కలెక్టర్‌ మనీషా, జిల్లా వ్యవసాయ అధికారి వెంకటేశ్వర్లు, జిల్లా ఉద్యాన అధికారి నాగరాజులతో కలిసి వ్యవసాయ, ఉద్యాన రంగాల పురోగతి, ప్రకృతి వ్యవసాయ విస్తరణపై ఆయన సమీక్ష నిర్వహించారు. ఈ సందర్భంగా ‘ఎల్‌నినో పరిస్థితులను ఎదుర్కొనేందుకు సమగ్ర వ్యవసాయ కార్యాచరణ ప్రణాళిక’ పుస్తకాన్ని ఆవిష్కరించారు. ఈ సందర్భంగా ఎగ్జిక్యూటివ్‌ వైస్‌ చైర్మన్‌ విజయ్‌ కుమార్‌ మాట్లాడుతూ.. భూమి ఉత్పాదకతను కాపాడుతూ సాగును కొనసాగించేలా దీర్ఘకాలిక కార్యాచరణ ప్రణాళికలు రూపొందించాలని తెలిపారు. జూన్‌ 2027 వరకు నిర్దేశించిన లక్ష్యాలను దృష్టిలో ఉంచుకుని పంటల ఎంపిక, సాగు విధానాలు, నీటి వినియోగంపై రైతులకు తగిన సాంకేతిక మార్గదర్శకత్వం అందించాలన్నారు. కార్యక్రమంలో డిస్ట్రిక్ట్‌ యాంకర్‌ జలాల్‌, జిల్లా ప్రాజెక్ట్‌ మేనేజర్‌ వై.శ్రీనివాసులు, అదనపు ప్రాజెక్ట్‌ మేనేజర్‌ అబ్దుల్‌ సలాం, ఎన్‌ఎఫ్‌ఏలు, ఎఫ్‌ఎంటీలు, వ్యవసాయ, ఉద్యాన శాఖల అధికారులు తదితరులు పాల్గొన్నారు.

● జిల్లా కలెక్టర్‌ రాజకుమారినంద్యాల(న్యూటౌన్‌): ఎన్నికల నిబంధనలు పాటిస్తూ ఎంపీటీసీ, జెడ్పీటీసీ అభ్యర్థుల నామినేషన్లను తీసుకోవాలని అధికారులకు జిల్లా కలెక్టర్‌ రాజకుమారి సూచించారు. కలెక్టరేట్‌లోని పీజీఆర్‌ఎస్‌ హాలులో శనివారం ఆర్‌ఓ, ఎఆర్‌ఓలకు శిక్షణ కార్యక్రమం నిర్వహించారు. శిక్షణలో కలెక్టర్‌ మాట్లాడుతూ.. నిర్ణీత సమయం నుంచి సాయంత్రం 5 గంటల వరకు మాత్రమే నామినేషన్లను స్వీకరించాలన్నారు. నామినేషన్‌లో అభ్యర్థి సమర్పించిన ప్రతి పత్రాన్ని నిశితంగా పరిశీలించాలన్నారు. అభ్యర్థి వివరాలు, సంతకాలు, ప్రతిపాదకుల వివరాలు, అవసరమైన ధ్రువపత్రాలు, డిపాజిట్‌ తదితర అంశాలను ఎన్నికల నిబంధనల ప్రకారం ధ్రువీకరించాలన్నారు. నామినేషన్ల పరిశీలన సమయంలో ఎలాంటి సందేహాలకు తావులేకుండా రికార్డులను సక్రమంగా నిర్వహించాలన్నారు. నామినేషన్ల ఉపసంహరణకు సంబంధించిన ఫారమ్‌–7 స్వీకరించాలన్నారు. ఎన్నికల పరిశీలకుల పర్యవేక్షణకు అవసరమైన ఏర్పాట్లు చేయడంతోపాటు పోలీసు శాఖతో సమన్వయం చేసుకుని శాంతిభద్రతలకు విఘాతం కలగకుండా చర్యలు చేపట్టాలన్నారు. శిక్షణ కార్యక్రమంలో ట్రైనీ కలెక్టర్‌ ప్రియాంక, జిల్లా పరిషత్‌ సీఈఓ శివశంకర్‌, డిప్యూటీ సీఈఓ సుబ్బారెడ్డి, జిల్లా అధికారులు, తహసీల్దార్‌లు, ఎంపీడీవోలు పాల్గొన్నారు.

ఈ ఏడాది ఎకరా సొంత పొలంతోపాటు ఎకరాకు రూ. 16 వేలు చెల్లించి మరో నాలుగున్నర ఎకరాలు కౌలుకు తీసుకుని మొక్క జొన్న సాగు చేశాను. పైరు వివిధ దశల్లో వర్షాలు కురియకపోడంతో బోరు సాయంతో పైరుకు పలు దఫాలు సాగునీటిని మళ్లించుకున్నాను. ఎకరాకు 40 వేలకు పైగా ఖర్చు చేయగా ఎకరాకు 15 క్వింటాళ్లకు మించి దిగుబడి రాలేదు. పెట్టుబడి కూడా వచ్చే పరిస్థితులు లేవు. – హరి, రైతు, సౌదరదిన్నె, కోవెలకుంట్ల మండలంఎకరా రూ. 16 వేలు కౌలు చెల్లించి ఈ ఏడాది ఖరీఫ్‌లో ఏడు ఎకరాల్లో మొక్కజొన్న పంట సాగు చేశాను. విత్తనం నాటినప్పటి నుంచి వర్షాలు కురియకపోవడంతో సాగునీటిని మళ్లించేందుకు అష్టకష్టాలు పడాల్సి వచ్చింది. రసాయన ఎరువులు, క్రిమి సంహారక మందులు, తదితర పెట్టుబడుల రూపంలో ఎకరాకు రూ. 35 వేలు ఖర్చు వచ్చింది. ఇటీవలే నాలుగు ఎకరాల్లో కోత, నూర్పిడి పనులు చేపట్టాను. వర్షాభావ పరిస్థితులతో ఎకరాకు 15 క్వింటాళ్లకు మించి దిగుబడులు రాలేదు. – పుల్లారెడ్డి, అమడాల, కోవెలకుంట్ల మండలం

స్వామిఅమ్మవార్లకు ఆలయ ఉత్సవం శ్రీశైలంటెంపుల్‌: దసరా మహోత్సవాల్లో భాగంగా శనివారం శ్రీశైలంలో గజవాహనంపై స్వామి, అమ్మవారు భక్తులకు దర్శనమిచ్చారు. గజ వాహనంపై కొలువుదీరిన పార్వతీ పరమేశ్వరులను అలంకార మండపంలోకి అధిష్టింపజేసి అర్చకులు, పండితులు ప్రత్యేక పూజలు నిర్వహించారు. అనంతరం కాళరాత్రి అమ్మవారిని, గజ వాహనాధీశులైన స్వామిఅమ్మవార్లకు ఆలయ ఉత్సవం జరిపారు. గంగాధర మండపం నుంచి నందిమండపం, బయలువీరభద్రస్వామి ఆలయం వరకు నిర్వహించిన గ్రామోత్సవం కనులపండువగా సాగింది. గ్రామోత్సవంలో సాంస్కృతిక కార్యక్రమాలు అలరించాయి. పూజా కార్యక్రమాల్లో దేవస్థాన కార్యనిర్వహణాధికారి ఎం.శ్రీనివాసరావు దంపతులు, ఇతర విభాగాల అధికారులు, సిబ్బంది, భక్తులు పాల్గొన్నారు. శుభంకరీ.. కాళరాత్రి దసరా మహోత్సవాల్లో భాగంగా శనివారం శ్రీ భ్రమరాంబాదేవి అమ్మవారు కాళరాత్రి అలంకారంలో భక్తులకు దర్శనమిచ్చారు. ఈ అలంకారంలో అమ్మవారు గార్ధభ వాహనంపై నల్లని వర్ణంలో ఉంటారు. శిరోజాలు చెల్లాచెదురై.. మెడలో శక్తికాంతులు వెదజల్లే హారం ఉండి, త్రినేత్రాలు బ్రహ్మాండ సమంగా గోళాకారంలో ఉంటాయి. కుడిచేతి ద్వారా సమస్త ప్రాణులకు వరాలను ప్రసాదిస్తూ..కిందిచేయి హస్తం అభయముద్రలో ఉంటుంది. ఎడమ చేతిలో ఖడ్గం, కింది హస్తంలో లోహకంఠకం ఉంటాయి. అమ్మవారిని ఉపాసిస్తే గ్రహబాధల నుంచి ఉపశమనం లభిస్తుంది. శంఖం పూరిస్తున్న దృశ్యందసరా ఉత్సవాల్లో భాగంగా ఎనిమిదో రోజు ఆదివారం భ్రమరాంబాదేవి మహాగౌరి అలంకారంలో, భ్రమరాంబా సమేత మల్లికార్జున స్వామిఅమ్మవార్లు నందివాహనంపై భక్తులకు దర్శనమివ్వనున్నారు.

● రూ.2.47 లక్షలు స్వాహా ● వీబీజీరామ్‌జీలో తారా స్థాయికి అక్రమాలు కర్నూలు(అగ్రికల్చర్‌): తవ్వలేదు.. మట్టి తీయలేదు.. అయినా 793 పనిదినాలకు మస్టరు వేశారు. టీడీపీ నాయకులు, ఉపాధి సిబ్బంది కుమ్మకై ్క రూ.2.47 లక్ష ల కొల్లగొట్టారు. పత్తికొండ మండలం తుగ్గలిలో వీబీ జీరామ్‌జీ కింద చేపడుతున్న పనులే ఇందుకు నిదర్శంగా నిలిచాయి. తుగ్గలిలో చిదానంద ల్యాండ్‌ నుంచి సీతారామయ్య ల్యాండ్‌ వరకు రెనోవేషన్‌ ఆఫ్‌ ఫీడర్‌ చానల్‌ పనులు చేపట్టేందుకు ఎస్టిమేట్లు జనరేట్‌ చేశా రు.ఒక్క రోజు కూడ పని జరిగిన దాఖలాలు లేవు. ఒక్క గంప మట్టి కూడా తీయలేదు. చేయని పనికి 20 కాదు 30 కాదు...ఏకంగా 793 పని దినాలకు బినామీ మస్టర్లు వేశారు. మొబైల్‌ ఫోన్‌లో ఉన్న వీడియోలను ఫొటోలు తీసి పనులు జరిగినట్లు చూపారు. మొత్తం 793 పనిదినాల్లో 264 పని దినాలకు రూ.80,116 నిధులు విడుదలయ్యాయి. మిగిలిన 529 పనిదినాల కు కూడా ఇటీవల నిధులు విడుదలైనట్లు తెలుస్తోంది. ఒక గంప మట్టి తీయకపోయినప్పటికీ 793 పనిదినాలకు మస్టర్లు వేశారంటే అవినీతి ఏ స్థాయిలో ఉందో స్పష్టమవుతోంది. టీడీపీ నేతలు, పీల్డ్‌ అసిస్టెంటు మొ దలు కొని ఏపీవో వరకు అందరు కుమ్మకై ్క నిధులను కొల్లగొడుతున్నారనే విమర్శలు వెల్లువెత్తుతున్నాయి. అక్రమార్కులపై చర్యలు శూన్యం తుగ్గలి మండలంలో జరిగే అక్రమాలపై ఇటీవల ‘సాక్షి’లో ‘సొమ్మసిల్లే అక్రమాలు’ అనే శీర్షికన కథనం ప్రచురితం అయింది. విద్యార్థులతో పాటు హైదరాబాద్‌, చైన్నె, బెంగళూరు తదితర ప్రాంతాల్లో వివిధ వృత్తుల్లో రాణిస్తున్న వారు సైతం ఉపాధి పనులకు హాజరువుతున్నారని సాక్షాలతో చూపినా ఫలితం లేదు. ఫిర్యాదులు రావడంతో తుగ్గలిలో డోర్‌టు డోర్‌ విచారణ చేపట్టారు. విచారణలో పనులకు పోకపోయినప్పటికీ మస్టర్లు వేస్తున్నారని అనేక మంది చెప్పినట్లు తెలుస్తోంది. అయినప్పటికీ చర్యలు లేవు. దీంతో అక్రమాలు యథేచ్ఛగా జరుగుతున్నాయి. టీడీపీ పాలనలో దొంగ మస్టర్లు వేయడం, చేయని పనులకు నిధులు కొల్లగొట్టడం సర్వసాధారణం అయ్యింది.

● టీడీపీని వీడి వైఎస్సార్‌సీపీలో చేరికకల్లూరు: కల్లూరు అర్బన్‌లో టీడీపీకి షాక్‌ తగిలింది. స్థానిక సంస్థల ఎన్నికల వేళ టీడీపీ నుంచి వైఎస్సార్‌సీపీలోకి వలసలు ఊపందుకున్నాయి. శనివారం తెలుగు యువత జిల్లా మాజీ అధ్యక్షుడు వడ్డే రవితో పాటు కల్లూరు అర్బన్‌ 45వ వార్డు టీడీపీ నాయకులు స్వాములు, అంజితో పాటు పది కుటుంబాల సభ్యులు టీడీపీని వీడి వైఎస్సార్‌సీపీలో చేరారు. వీరందరికీ వైఎస్సార్‌సీపీ నంద్యాల జిల్లా అధ్యక్షుడు, మాజీ ఎమ్మెల్యే కాటసాని రాంభూపాల్‌రెడ్డి, పార్టీ యువజన విభాగం రాష్ట్ర ఉపాధ్యక్షుడు కాటసాని శివనరసింహారెడ్డి కండువాలు కప్పి పార్టీలోకి సాదరంగా ఆహ్వానించారు. ఈ సందర్భంగా కాటసాని రాంభూపాల్‌రెడ్డి మాట్లాడుతూ.. మున్సిపల్‌ ఎన్నికల్లో వైఎస్సార్‌సీపీ జెండా ఎగరడమే లక్ష్యంగా నాయకులందరూ సమష్టిగా పని చేయాలన్నారు. కర్నూలు కార్పొరేషన్‌ పరిధిలోని 68 వార్డుల్లో బరిలో నిలచే వైఎస్సార్‌సీపీ అభ్యర్థులు, మద్దతుదాలను గెలిపించాలని పిలుపునిచ్చారు. ప్రతి వైఎస్సార్‌సీపీ కార్యకర్త సైనికుడిలా పని చేయాలన్నారు. కూటమి ప్రభుత్వ వైఫల్యాలను ప్రజలకు వివరించాలన్నారు. కార్యక్రమంలో వైఎస్సార్‌సీపీ నాయకులు మిడ్తూరు శ్రీనివాసులు, సాపూరి వీరయ్య, కాశన్న, హనుమంతయ్య, సుభాన్‌, కుమ్మరి వెంకటేశ్వర్లు, నవీన్‌రెడ్డి, ఆనంద్‌ తదితరులు పాల్గొన్నారు.

● చంద్రబాబు తొత్తుగా ఎన్నికల కమిషన్‌ వ్యవహరిస్తోంది ● జగనన్నను మూడు పార్టీలు ఎదుర్కొనలేకే అరాచకాలు, దౌర్జన్యాలు ● వైఎస్సార్‌ కాంగ్రెస్‌ పార్టీ రాష్ట్ర అధికార ప్రతినిధి బీవై రామయ్య వెల్లడి కర్నూలు (టౌన్‌): ‘టీడీపీకి ప్రజలు ఓట్లు వేయరని చంద్రబాబుకు ఇప్పటికే అర్థమైంది. అందుకే బిహార్‌ రాష్ట్రాన్ని తలపించేలా స్థానిక సంస్థల ఎన్నికల్లో వైఎస్సార్‌సీపీ అభ్యర్థులు పోటీ చేయకుండా దౌర్జన్యాలు, దాడులు చేయిస్తున్నారు. ఎన్ని ఇబ్బందులు పెట్టినా వైఎస్సార్‌ కాంగ్రెస్‌ పార్టీ విజయాన్ని ఎవరూ అడ్డుకోలేరు’ అని వైఎస్సార్‌ కాంగ్రెస్‌ పార్టీ రాష్ట్ర అధికార ప్రతినిధి బీవై రామయ్య స్పష్టం చేశారు. శనివారం సాయంత్రం స్థానిక ఎస్వీ కాంప్లెక్స్‌లోని పార్టీ కార్యాలయంలో ఆయన మాట్లాడు తూ చంద్రబాబు నాయుడు ఎన్నికల ముందు ఎన్నో హామీలు ఇచ్చి వాటన్నింటినీ చెత్త బుట్టలో పడేశారన్నారు. ప్రజాస్వామ్యబద్ధంగా ఎన్నికలు జరిగితే కూటమికి ఓటమి తప్పదని తెలుసుకున్న చంద్రబాబు రెండు రోజులుగా రాష్ట్రాన్ని రావణకాష్టంగా మార్చారన్నారు. నామినేషన్లు వేసేందుకు వెళ్తున్న వైఎస్సార్‌సీపీ అభ్యర్థులపై టీడీపీ గూండా లు దాడులు చేస్తున్నారన్నారు. మహిళలపై సైతం దౌర్జన్యాలకు పాల్పడటం సిగ్గు చేటన్నారు. ఇంత కన్నా దుర్మార్గమైన పాలన ఎక్కడైనా ఉందా.. అని ప్రశ్నించారు. చంద్రబాబు తొత్తుగా ఎన్నికల కమిషన్‌ వ్యవహరిస్తుందని ఆయన విమర్శించారు. ఇప్పటికే పలుమార్లు వైఎస్సార్‌ కాంగ్రెస్‌పార్టీ రాష్ట్ర నాయకులు ఎన్నికల కమిషనర్‌ను కలిసి వీడియో లు, ఫొటోలు ఆధారాలతో సహా అందజేశారన్నారు. అయితే ఇప్పటి వరకు ఒక్క కేసు సైతం నమోదు కాలేదన్నారు. రాష్ట్రంలో యథేచ్ఛగా ఎన్నికల ఉల్లంఘనలు జరుగుతున్నా ఎన్నికల కమిషన్‌ స్పందించకపోవడం వెనుక అనుమానాలు వ్యక్తవుతున్నాయన్నారు. జీవో తెచ్చుకుని ఏకగ్రీవంగా ప్రకటించుకోండి.. ఓటమి తప్పదని తెలుసుకున్న సీఎం చంద్ర బాబు నాయుడు ప్రత్యేకంగా జీవోలు తెచ్చుకొని మేయర్లు, చైర్మన్లు, కౌన్సిలర్లు, కార్పొరేటర్లను ఏకగ్రీవంగా ఎన్నుకున్నట్లు ప్రకటించుకోండి అని ఎద్దేవా చేశారు. డీఎస్సీలో కావాల్సిన వారికి ఉద్యోగాలు ఇచ్చేందుకు జీవోలను మార్చలేదా అని గుర్తు చేశారు. అలాగే స్థానిక సంస్థల ఎన్నికల్లోనూ అదే చేస్తే సరిపోతుంది కదా విమర్శించారు. చంద్రబాబు ప్రభుత్వం వ్యవహరిస్తున్న ఆగడాలు, దౌర్జన్యాలను ప్రజలు గమనిస్తున్నారని, పోలింగ్‌ రోజు ఈ ప్రభుత్వానికి దిమ్మదిరిగే విధంగా సమాధానం చెబుతారన్నారు. మూడు పార్టీలు కాదు.. 30 పార్టీలు వచ్చినా వైఎస్సార్‌ కాంగ్రెస్‌పార్టీ విజయం తథ్యమన్నారు.

దొర్నిపాడు: మండలకేంద్రం దొర్నిపాడు లో శనివారం గురు వంశీ అనే 8 ఏళ్ల బాలుడిపై కుక్కలు దాడి చేయడంతో తీ వ్రంగా గాయపడ్డా డు. ఇంటి వద్ద నుంచి ఆడుకునేందుకు అంకాలమ్మ ఆలయం సమీపంలోకి రాగానే మూడు కుక్కలు చుట్టుముట్టాయి. బాలుడు కేకలు వేయడంతో రెండు కుక్కలు పారిపోగా మరో కుక్క చెంప, గడ్డం కింద కరిచింది. దీంతో తీవ్రంగా గాయపడటంతో తల్లిదండ్రులు ఆళ్లగడ్డ ప్రభుత్వ వైద్యశాలకు తీసుకెళ్లారు. అక్కడ ప్రాథమిక చికిత్స అనంతరం నంద్యాలకు తరలించారు. ప్రస్తుతం బాలుడు కోలుకుంటున్నట్లు తల్లిదండ్రులు చెప్పారు. విద్యుదాఘాతంతో రైతు మృతి దేవనకొండ: లక్కందిన్నె గ్రామానికి చెందిన కురువ భీమన్న (42) శనివారం తన పొలంలో వరిమడికి నీరు పెట్టడానికి వెళ్లి విద్యుదాఘాతంతో మృతిచెందాడు. పొలానికి నీరు పెట్టేందుకు మోటార్‌ స్టార్ట్‌ చేయడానికి వెళ్లగా అప్పటికే స్టాటర్‌కు విద్యుత్‌ సరఫరా కావడంతో విద్యుదాఘాతానికి గురై మృతి చెందాడు. మృతుడి భార్య ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు. బస్టాండ్‌ పరిసరాలను పరిశుభ్రంగా ఉంచాలి ఆళ్లగడ్డ : బస్టాండు పరిసర ప్రాంతాలు, మరుగుదొడ్లను ఎల్లప్పుడూ పరిశుభ్రంగా ఉంచాల ని ఏపీఎస్‌ఆర్‌టీసీ మేనేజింగ్‌ డైరెక్టర్‌ శివప్రసాద్‌ అధికారులను ఆదేశించారు. ఆళ్లగడ్డ ఆర్టీసీ బస్టాండ్‌ను శనివారం ఆయన ఆకస్మికంగా తనిఖీ చేశారు. ఆయన మాట్లాడుతూ ప్రయాణికులకు ఎలాంటి ఇబ్బందులు కలగకుండా మెరుగైన సేవలు అందించాలన్నారు. గ్యారేజీలో అవసరమైన మరమ్మతులు త్వరితగతిన పూర్తి చేయాలని అన్నారు. టైర్ల జీవితకాలాన్ని పెంచేలా జాగ్రత్తలు తీసుకోవాలని, బస్సుల నిర్వహణ బాగుండాలని సూచించారు. డిపో ఆదాయం పెంచేందుకు సిబ్బంది కృషి చేయాలన్నారు. తనిఖీల్లో నంద్యాల జిల్లా రవాణా అధికారి రజియాసుల్తానా ఉన్నారు. మహానంది: మహానంది మండలం బొల్లవరం గ్రామంలో శనివారం భారీ కొండచిలువ కలకలం రేపింది. గ్రామంలో కొండచిలువ కనిపించడంతో భయాందోళనకు గురైన గ్రామస్తులు అటవీశాఖ రేంజ్‌ ఆఫీసర్‌ ఉదయ్‌దీప్‌ దృష్టికి తీసుకెళ్లారు. స్పందించిన ఆయన సిబ్బందిని గ్రామానికి పంపగా వారు చాకచక్యంగా కొండచిలువను పట్టుకుని సమీపంలోని నల్లమల అటవీ ప్రాంతంలో వదిలేశారు.

● ఎల్‌నినో దెబ్బకు దిగుబడి ఢమాల్‌ ● ఎకరాకు 15 నుంచి 18 క్వింటాళ్లలోపే ● రెండేళ్లుగా నష్టాలతో రైతుల అప్పులపాలు కోవెలకుంట్ల: ఎల్‌నినో భయంతో వర్షాధార పంటగా మొక్కజొన్న సాగు చేసినా రైతులు చివరకు నష్టాలే మూటగట్టుకోవాల్సి వచ్చింది. విత్తనం నాటినప్పటి నుంచి ఒక్క దఫా కూడా వర్షం పడకపోవడంతో వర్షాధార పంటలు ఎండిపోగా సాగునీటి వనరుల ఆధారంగా అరకొర దిగుబడులకే పరిమితం కావడంతో అన్నదాతలు కుదేలయ్యారు. జిల్లాలోని 29 మండలాల పరిధిలో ఈ ఏడాది ఖరీఫ్‌లో 61,615 హెక్టార్లలో సాగు సాధారణ విస్తీర్ణం కాగా వర్షాభావ పరిస్థితులు, సాగునీటి వననులు అందుబాటులో లేకపోవడంతో 26,364 హెక్టార్లకే సాగు పరిమితమైంది. ఇందులో జిల్లాలోని కొత్తపల్లి మండలంలో అత్యధికంగా 3,830 హెక్టార్లు, పాములపాడు 3,517, నందికొట్కూరు 3,009, బనగానపల్లె 2,584, పగిడ్యాల 2,326, జూపాడుబంగ్లా 1,943, మిడుతూరు 1,762, రుద్రవరం 1,452, ఆత్మకూరు 1,120, ఆళ్లగడ్డ మండలంలో 1,096 హెక్టార్లలో సాగైంది. మిగిలిన మండలాల్లో వెయ్యి హెక్టార్లలోపే సాగు పరితమైంది. ప్రస్తుతం పంటచేతికందటంతో కోత, నూర్పిడి పనులు ముమ్మరంగా కొనసాగుతున్నాయి. రసాయన ఎరువులు, క్రిమి సంహారక మందులు, కలుపు నివారణ, కోత, నూర్పిడి, తదితర పెట్టుబడుల రూపంలో ఎకరాకు రూ. 35 వేలకు పైగా వెచ్చించారు. సాగునీటి మళ్లింపునకు ఎకరాకు రూ. 5 వేలు అదనపు భారం పడింది. అన్ని కష్టాలు పడి పైరును దక్కించుకున్నా భూమిలో ముందస్తు తేమ లేకపోవడంతో వాతావరణం అనుకూలించక దిగుబడులు గణనీయంగా తగ్గిపోయాయి. ఎకరాకు 15 క్వింటాళ్ల నుంచి 18 క్వింటాళ్లకే దిగుబడులు పరమితం కావడంతో రైతులు ఆవేదన వ్యక్తం చేస్తున్నారు. మార్కెట్‌లో ప్రస్తుతం క్వింటా రూ. 2,500 ధర పలుకుతోంది. ఈ ధర తగ్గకుండా ఇలాగే కొనసాగితే కనీసం పెట్టుబడులైనా వస్తాయని రైతులు అంటున్నారు. వెంటాడుతున్న నష్టాలు.. గత ఏడాది ఖరీఫ్‌ సీజన్‌లో జిల్లాలో 54,150 హెక్టార్లలో మొక్కజొన్న సాగు సాధారణ విస్తీర్ణం కాగా ఆయా మండలాల పరిధిలో 55,408 హెక్టార్లలో సాగైంది. బోర్లు, బావులు, చెరువులు, ఎస్సార్బీసీ, కేసీ కెనాల్‌, తదితర సాగు నీరు వనరులు అందుబాటులో ఉండటంతో లక్ష్యానికి మించి సాగైంది. ఎకరాకు 30 నుంచి 35 క్వింటాళ్ల దిగుబడులు వస్తాయనుకుంటే వర్షాభావం, పుప్పడి రాలిపోడం, తెగుళ్లతో ఎకరాకు 20 నుంచి 22 క్వింటాళ్లకే దిగుబడులు పరిమితమయ్యాయి. గిట్టుబాటు ధరలేక క్వింటా రూ. 2 వేల లోపే విక్రయించి నష్టాలు మూటగట్టుకున్నారు. గత రెండేళ్ల నుంచి రైతులకు మొక్కజొన్న సాగు భారంగా మారింది. పంటల బీమా కట్టినా రైతులకు పంటనష్ట పరిహారం, ఇన్సూరెన్స్‌ అందటం లేదు. గతేడాది మోంథా తుపాన్‌ కారణంగా వేలాది ఎకరాల్లో పంటనష్టం జరిగినా ఇప్పటి వరకు పంటనష్ట పరిహారం అందలేదు. ఈ ఏడాది ఎల్‌నినో ప్రభావం కారణంగా వర్షాలు తక్కువగా కురుస్తాయని వర్షాభావ పరిస్థితులపై వాతావరణ నిపుణులు పలుసార్లు హెచ్చరికలు జారీ చేసినప్పటికీ రైతులకు భరోసా కల్పించేలా చంద్రబాబు ప్రభుత్వం చర్యలు తీసుకోలేదు.

మహానంది: దసరా నవరాత్రి దుర్గా రూపాల్లో కాళరాత్రి దుర్గా స్వరూపం భయంకరంగా కనిపించినప్పటికీ భక్తుల పాలిట ఆమె సర్వ శుభాలను ప్రసాదించే సర్వ శుభంకరి అని మహానంది ఆలయ వేదపండితులు బ్రహ్మశ్రీ చెండూరి రవిశంకర అవధాని తెలిపారు. మహానందిలో దసరా నవరాత్రి ఉత్సవాల్లో భాగంగా శనివారం ఏడవ రోజు కామేశ్వరీదేవి అమ్మవారు మహాసరస్వతీ దేవి అలంకరణలో భక్తులకు దర్శనం ఇచ్చారు. అసిస్టెంట్‌ కమిషనర్‌ నల్లకాలువ శ్రీనివాసరెడ్డి ఆధ్వర్యంలో జరిగిన ఉత్సవాల్లో భాగంగా ఉదయం నుంచి వేదపండితులు, రుత్విక్కులు, అర్చకులు శాస్త్రోక్తంగా పూజలు చేశారు. వేదపండితులు రవిశంకర అవధాని మాట్లాడుతూ కాళరాత్రి రూపం బాహ్యంగా ఉగ్రరూపంలో కనిపించినా అంతరార్థంలో విముక్తికి దారి చూపే శక్తి స్వరూపిణి అన్నారు. దుష్టశిక్షణ, శిష్ట రక్షణకు ఈ స్వరూపం ఎంతో ముఖ్యమని వివరించారు. రాత్రి శ్రీ కామేశ్వరీదేవి అమ్మవారు వ్యాఘ్ర(పులి)వాహనంపై కొలువై ఆలయ ప్రాకారాల్లో విహరించారు. ముందుగా అమ్మవారికి విశేష అలంకరణ, మహా మంగళహారతులు, బలిహరణ పూజల తర్వాత పులివాహనంపై కొలువు తీర్చి ఆలయ మాడవీధుల్లో ఉత్సవాన్ని చేపట్టగా వేలాది మంది భక్తులు అమ్మవారిని దర్శించి శ్రీ కాళరాత్రి దుర్గా...మమ్ము కాపాడవమ్మా అంటూ ప్రణమిల్లారు.

ఎంపీఈఓలపై ఇంత నిర్లక్ష్యమేలా! కర్నూలు(అగ్రికల్చర్‌): వ్యవసాయ శాఖలో పనిచేస్తున్న ఎంపీఈఓలు పరి స్థితి దయనీయంగా మారింది. కర్నూలు జిల్లాలో 200, నంద్యాల జిల్లాలో 160 ప్రకారం ఉమ్మడి కర్నూలు జిల్లాలో 360 మంది ఎంపీఈఓలు పనిచేస్తున్నారు. వీరికి ఈ ఏడాది ఫిబ్రవరి వరకు మాత్రమే వేతనాలు అందాయి. మార్చి నుంచి 8 నెలలుగా వేతనాలు అందకపోవడంతో వారి జీవనం అస్తవ్యస్తమైంది. అప్పులు చేసి జీవనం సాగిస్తున్నారు. ఎంపీఈఓలను కొనసాగిస్తూ ప్రతి ఏటా జీవో ఇవ్వాల్సి ఉంది. కొనసాగింపు జీవో రెండు నెలల కిత్రమే వచ్చినప్పటికీ వేతనాల చెల్లింపులో నెలకొన్న నిర్లక్ష్యం వందలాది మంది ఎంపీఈఓలను పండుగకు దూరం చేస్తోంది. సాధారణంగా ఆర్థిక సంవత్సరం ప్రారంభంలోనే ఈ జీవో ఇవ్వాల్సి ఉంది. చంద్రబాబు సర్కార్‌ మాత్రం 10 నెలలు ఆలస్యంగా జీవో ఇవ్వడం గమనార్హం. ఉద్యోగ భద్రత, నెల నెల వేతనాల చెల్లింపు తదితర డిమాండ్‌లతో జూలై నెలలో ఎంపీఈఓలు పెద్ద ఎత్తున ఆందోళన కార్యక్రమాలు చేపట్టారు. ఆందోళన ఫలితంగా కొనసాగింపు జీవో వచ్చింది. వేతనాల చెల్లింపునకు నిధి పోర్టల్‌లో ఎంపీఈఓల వివరాలు నమోదు చేసే విధంగా ఆదేశాలు వచ్చాయి. కాని పండుగ పూట కూడా జీతాలు లేని దుస్థితిని ఎంపీఈఓలు ఎదుర్కొంటున్నారు. 8 నెలలుగా వేతనాలు లేకపోతే పండుగ ఎలా జరుపుకోవాలని ఆందోళన వ్యక్తం చేస్తున్నారు. దాదాపు 12 ఏళ్లుగా వ్యవసాయ శాఖలో పనిచేస్తున్న వారు ప్రారంభంలో ఇచ్చిన రూ.12 వేలే నేటికి కొనసాగుతోంది. సమాన పనికి సమాన వేతనం ఉండాలని సుప్రీంకోర్టు మార్గదర్శకాలు వీరికి వర్తించడం లేదు. రాష్ట్ర వ్యాప్తంగా రోడ్డెక్కి ఆందోళనలు చేపడుతున్నప్పటికీ సర్కార్‌కు చీమ కుట్టినట్లుగా కూడా లేదు. ప్రభుత్వం నిర్లక్ష్యం వల్ల పండుగపూట కూడా పచ్చడి మెతుకులే తప్పడం లేదని ఎంపీఈఓలు ఆందోళన వ్యక్తం చేస్తున్నారు.

● నలుగురి ఆడపిల్లలతో కష్టంగా జీవిస్తున్న మహిళ ఆలూరు: సెంటు భూమి లేదు.. ఉండేందుకు ఇల్లు లేదు.. కట్టుకున్న భర్త అకాల మృత్యువాతకు గురయ్యారు. నలుగురి ఆడపిల్లలను కష్టంగా పోషిస్తున్న జంగాలి మారెమ్మ దీనగాథ ఇదీ.. ఆలూరు గ్రామానికి చెందిన మారెమ్మకు పదిహేళ్ల క్రితం అదే గ్రామానికి చెందిన జంగాలి గాదిలింగప్పతో వివాహం అయ్యింది. వీరికి రాధిక, రంగవేణి, రమ్య, మీన కుమార్తెలు ఉన్నారు. మొదటి ముగ్గురు కుమార్తెలు 11 ఏళ్ల నుంచి ఆరేళ్లలోపు ఉండటంతో స్కూల్‌కు వెళ్తున్నారు. చివరి అమ్మాయికి మూడేళ్లు మాత్రమే కావడంతో అంగన్‌వాడీ కేంద్రానికి వెళ్తోంది. రబ్బరు బిందెలు అమ్ముతూ కుటుంబాన్ని పోషించే జంగాలి గాదిలింగప్ప అనారోగ్యంతో మూడేళ్ల క్రితం మృతిచెందాడు. అప్పటి నుంచి మారెమ్మకు కష్టాలు మొదలయ్యాయి. అందని పింఛన్‌! ఆలూరులో మారెమ్మకు సొంత ఇల్లు లేదు. దీంతో ఆమె కుటుంబ సభ్యులు కొట్టంలో ఉండేందుకు వీలు కల్పించారు. ఆలూరు పట్టణంలో కాకుండా వివిధ గ్రామాలలోకి వెళ్లి ప్లాస్టిక్‌ సామగ్రిని విక్రయిస్తూ వచ్చిన డబ్బులతో కుమార్తెలను పోషిస్తున్నారు. పెద్ద అమ్మాయికి అరోగ్యం సరిగ్గా లేకపోవడంతో ప్రస్తుతం ఇబ్బందులు ఎదుర్కొంటున్నారు. చంద్రబాబు ప్రభుత్వం ఈ కుటుంబానికి వితంతువు పింఛన్‌ ఇవ్వలేదు. అన్ని రకాలుగా అర్హత ఉన్నా మారెమ్మకు అధికారులు కనీసం కుల ధ్రువీకరణ (ఎస్సీ) సర్టిఫికెట్‌ ఇవ్వలేదు. దీంతో ఆమె పింఛన్‌కు ఓసీగా దరఖాస్తు చేసుకున్నారు. ప్రస్తుతం అధికారులు మంజూరు చేస్తారో లేదో తెలియడంలేదు. ఆర్థిక ఇబ్బందులు మారెమ్మ భర్తకు జంగాలి గాదిలింగప్పకు రేషన్‌ కార్డు ఉంది. అయితే కుటుంబానికి కేవలం ఐదు కేజీల బియ్యం మాత్రమే వేస్తున్నారు. ఈ బియ్యంతో నలుగురి కుమార్తెల పోషణ భారంగా మారింది. కూలీ పనులకు వెళ్లలేక ప్లాస్టిక్‌ సామాన్లు విక్రయిస్తుండగా వచ్చే మొత్తం స్వల్పంగా ఉంటోంది. ఆర్థిక ఇబ్బందులతో ఉన్న మారెమ్మకు ప్రభుత్వం చేయూత లభించలేదు. వితంతువు పింఛన్‌ ఇచ్చి ఆదుకోవాలని మారెమ్మ కన్నీటి పర్యంతమయ్యారు.

● కూష్మాండదుర్గగా భ్రామరి ● కై లాసవాహనంపై ఆది దంపతులు ● భక్తులతో పోటెత్తిన శ్రీశైలం శ్రీశైలంటెంపుల్‌: ఇల కై లాసమైన శ్రీశైల మహాక్షేత్రంలో దసరా మహోత్సవాలు దేదీప్యమానంగా జరుగుతున్నాయి. కూష్మాండదుర్గ రూపంలో శ్రీభ్రమరాంబాదేవి బుధవారం భక్తులకు దర్శనమిచ్చారు. కై లాస వాహనంపై నుంచి స్వామిఅమ్మవార్లు భక్తులను దీవించారు. కూష్మాండదుర్గ అమ్మవారు సృష్టికి ఆది స్వరూపిణి అని, ఎనిమిది భుజాలు కలిగి ఉంటారని పండితులు తెలిపారు. కూష్మాండదుర్గ దేవిని ఆరాధిస్తే ఆయువు, యశస్సు వృద్ధి చెందుతాయని భక్తుల నమ్మకం. అమ్మవారి ఉత్సవమూర్తిని కూష్మాండదుర్గ రూపంలో అలంకరించి ఆలయం ఎదుట ఏర్పాటు చేసిన ప్రత్యేక వేదికలో అధిష్టింపజేశారు. అర్చకులు, పండితులు ప్రత్యేక పూజలు నిర్వహించిన అనంతరం భక్తులకు దర్శన భాగ్యం కల్పించారు. కనులపండువగా గ్రామోత్సవం కై లాస వాహనాధీశులైన స్వామిఅమ్మవార్లను అలంకార మండపంలోకి అధిష్టింపజేసి ప్రత్యేక పూజలు నిర్వహించారు. అనంతరం ఆలయ ఉత్సవం నిర్వహించి గ్రామోత్సవానికి తరలించారు. ఆలయ రాజగోపురం, గంగాధర మండపం, నందిమండపం, బయలు వీరభద్రస్వామి ఆలయం వరకు గ్రామోత్సవం కనులపండువగా సాగింది. సాంస్కృతిక కార్యక్రమాలు అలరించాయి. స్వామిఅమ్మవార్లను భక్తులు కనులారా దర్శించుకుని ప్రత్యేక నీరాజనాలు సమర్పించారు. పూజా కార్యక్రమంలో దేవస్థాన ధర్మకర్తల మండలి అధ్యక్షుడు పోతుగుంట రమేష్‌నాయుడు, ఈఓ శ్రీనివాసరావు, అధికారులు పాల్గొన్నారు. శ్రీశైలంలో నేడు.. దసరా మహోత్సవాల్లో భాగంగా శ్రీశైల మహాక్షేత్రంలో గురువారం శ్రీశైల భ్రమరాంబాదేవి స్కంధమాత అలంకారంలో దర్శనమివ్వనున్నారు. స్వామిఅమ్మవార్లు శేషవాహనంపై భక్తులను దీవించనున్నారు.

● జిల్లా కలెక్టర్‌ రాజకుమారి నంద్యాల(అర్బన్‌): ఎలాంటి నిర్లక్ష్యాన్ని తావులేకుండా ఎలక్ట్రానిక్‌ ఓటింగ్‌ యంత్రాలకు పటిష్ట భద్రత కల్పించాలని అధికారులను జిల్లా కలెక్టర్‌ రాజకుమారి ఆదేశించారు. టెక్కె మార్కెట్‌ యార్డ్‌లో ఈవీఎం గోదాములను బుధవారం పరిశీలించారు. గోదాముల తాళాలు, సీళ్ల పటిష్టత, సీసీటీవీ కెమెరాల పనితీరును తనిఖీ చేశారు. పోలీసుల లాగ్‌బుక్‌ను పరిశీలించి విధుల నిర్వహణ వివరాలుతెలుసుకున్నారు. సీసీటీవీ కెమెరాలు నిరంతరం పనిచేసేలా చూడాలని ఆదేశించారు. అగ్నిమాపక పరికరాలను సిద్ధంగా ఉంచాలని సూచించారు.భద్రతా ఏర్పాట్లను నిరంతరం పర్యవేక్షిస్తూ లోపాలు తలెత్తకుండా చర్యలు తీసుకోవాలన్నారు. సబ్‌ కలెక్టర్‌ మనీషా, జిల్లా రెవెన్యూ అధికారి రామునాయక్‌, తహసీల్దార్‌ సత్య శ్రీనివాసులు, ఎన్నికల డిప్యూటీ తహసీల్దార్‌ మనోహర్‌ తదితరులు పాల్గొన్నారు. శ్రీశైలం డ్యాంలో 65 టీఎంసీల నీరు శ్రీశైలంప్రాజెక్ట్‌: శ్రీశైలం జలాశయంలో బుధవారం సాయంత్రం సమయానికి 65.7316 టీఎంసీల నీరు నిల్వగా ఉంది. డ్యాం నీటిమట్టం 842.50 అడుగులకు చేరుకుంది. శ్రీశైలం జలాశయం నుంచి దిగువ ప్రాజెక్ట్‌లకు 16,572 క్యూసెక్కుల నీరు మంగళవారం నుంచి బుధవారం వరకు విడుదలయ్యింది. బ్యాక్‌వాటర్‌ నుంచి హంద్రీ–నీవా సుజలస్రవంతికి 1,694 క్యూసెక్కులు, తెలంగాణాలోని కల్వకుర్తి ఎత్తిపోతలకు 2,400 క్యూసెక్కులు వదులుతున్నారు. ఎడమగట్టు జలవిద్యుత్‌ కేంద్రంలో 5.550 మిలియన్‌ యూనిట్ల విద్యుత్తును ఉత్పత్తి చేసి నాగార్జునసాగర్‌కు 12,323 క్యూసెక్కుల నీటిని విడుదల చేశారు. జెడ్పీ సీఈఓగా శివశంకర్‌ నంద్యాల(అర్బన్‌): జెడ్పీ సీఈఓగా శివశంకర్‌ బుధవారం బాధ్యతలు స్వీకరించారు. ఇటీవల జెడ్పీ సీఈఓగా షర్మిలాదేవిని నియమించినా విధుల్లో చేరలేదు. ఈ క్రమంలో కర్నూలు జిల్లా పత్తికొండలో డీడీఏగా విధులు నిర్వహిస్తున్న శివశంకర్‌ను జెడ్పీ సీఈఓగా నియమించారు. బుధవారం ఆయన జెడ్పీ సీఈఓగా బాధ్యతలు తీసుకున్నారు. స్థానిక ఎంపీడీఓ సుగుణశ్రీ, కార్యాలయ సిబ్బంది అభినందనలు తెలిపారు. గిరిజన మహిళలకు ‘ఉన్నతి’ రుణాలు శ్రీశైలంప్రాజెక్ట్‌: చెంచు గిరిజన మహిళల జీవనోపాధి మెరుగుపరిచేందుకు ఉన్నతి, ట్రైకార్‌, బ్యాంక్‌ లింకేజీల కింద రుణాలు మంజూరు చేయించాలని ఐటీడీఏ ప్రాజెక్ట్‌ అధికారి పీవీఎస్‌ నాయుడు అన్నారు. ఐటీడీఎ కార్యాలయంలో మార్కాపురం, నంద్యాల, పల్నాడు జిల్లాల వెలుగు ఏపీఎం, సీసీలతో సమావేశం నిర్వహించారు. ఇప్పటికే ఏర్పాటైన నన్నారి, మిర్చి పౌడర్‌, జూట్‌ బ్యాగ్‌, ఇటుకలు, విస్తరాకుల తయారీ యూనిట్లను అభివృద్ధిలోకి తీసుకురావాలన్నారు. యూనిట్ల ద్వారా ఆదాయం పెంచాలని, వారికి మార్కెటింగ్‌పై అవగాహన కల్పించాలన్నారు. ప్రతి ఒక్కరికీ ఆధార్‌, రేషన్‌ కార్డు అందేలా చర్యలు తీసుకోవాలని ఆదేశించారు. గ్రామైక్య సంఘాలు జరిపే ప్రతి సమావేశంలో సంబంధిత శాఖల అధికారులు పాల్గొనేటట్లు చూడాలన్నారు. క్వింటా ఉల్లి రూ.4,151 కర్నూలు(అగ్రికల్చర్‌): కర్నూలు వ్యవసాయ మార్కెట్‌ యార్డుకు బుధవారం 3,658 క్వింటాళ్ల ఉల్లిగడ్డలు విక్రయానికి వచ్చాయి. కనిష్ట ధర రూ.629, గరిష్ట ధర రూ.4,151 లభించగా.. సగటు ధర రూ.3,569 నమోదైంది. వేరుశనగ ధర భారీగా తగ్గింది. ఇటీవలి వరకు గరిష్టంగా రూ.9వేల వరకు ధర లభించింది. తాజా కనిష్ట ధర రూ.3,777 లభించగా.. గరిష్ట ధర రూ.7,819, సగటు ధర రూ.7589 పలికింది. ఈ ఏడాది ఎల్‌నినో ప్రభావంతో మొక్కజొన్న పూర్తిగా దెబ్బతినింది. మార్కెట్‌కు కేవలం 38 క్వింటాళ్లు రాగా.. కనిష్ట ధర రూ.1,860.. గరిష్ట ధర రూ.2547 నమోదైంది.

● వైఎస్సార్‌సీపీ రాష్ట్ర యువజన విభాగం వర్కింగ్‌ ప్రెసిడెంట్‌ బైరెడ్డి సిద్ధార్థరెడ్డి నందికొట్కూరు: తెలుగుదేశం పార్టీకి కౌంట్‌డౌన్‌ ప్రారంభమైందని వైఎస్సార్‌సీపీ రాష్ట్ర యువజన విభాగం వర్కింగ్‌ ప్రెసిడెంట్‌ బైరెడ్డి సిద్ధార్థరెడ్డి అన్నారు. ఎన్నికల సమయంలో ఇచ్చిన హామీలు అమలు చేయడంలో ఘోరంగా విఫలమైందన్నారు. నందికొట్కూరు పట్టణం మారుతినగర్‌ కాలనీకి చెందిన టీడీపీ నాయకుడు, గౌరు వెంకటరెడ్డి అనుచరుడు మాబాషా తన అనుచరులతో కలిసి బుధవారం వైఎస్సార్‌సీపీలో చేరారు. వీరికి బైరెడ్డి సిద్ధార్థరెడ్డి కండువా కప్పి వైఎస్సార్‌సీపీలోకి ఆహ్వానించారు. ఈ సందర్భంగా బైరెడ్డి మాట్లాడుతూ.. ఎన్నికల సమయంలో సూపర్‌ సిక్స్‌ అని టీడీపీ నేతలు హామీలు ఇచ్చి అధికారంలోకి వచ్చాక మరచిపోయారన్నారు. నిరు ద్యోగభృతి, ఆడబిడ్డ పథకం ఊసే లేదన్నారు. పంటలు పండక రైతులు తీవ్రంగా నష్టపోయినా కనీసం పరిహారం కూడా ఇవ్వలేని దుస్థితి నెలకొందన్నారు. మున్సిపల్‌ ఎన్నికల్లో టీడీపీకి గుణపాఠం చెప్పాలన్నారు. మున్సిపల్‌, ఎంపీటీసీ, జెడ్పీటీసీ, గ్రామ పంచాయతీ ఎన్నికల్లో వైఎస్సార్‌సీపీ అభ్యర్థులను భారీ మెజార్టీతో గెలిపించాలన్నారు. బైరెడ్డి సిద్ధార్థరెడ్డి వెంట వైఎస్సార్‌సీపీ పట్టణ అధ్యక్షుడు మన్సూర్‌, నాయకులు శివరామకృష్ణారెడ్డి, ప్రదీప్‌, భార్గవ్‌ తేజ తదితరులు ఉన్నారు.

తుగ్గలి : మండల పరిధిలోని ముక్కెల్లకు చెందిన హరిజన రాముడు (38) మంగళవారం ఇంట్లో ఉరేసుకుని ఆత్మహత్యకు పాల్పడ్డాడు. గమనించిన కుటుంబ సభ్యులు ఆస్పత్రికి తీసుకెళ్లే ప్రయత్నం చేయగా అప్పటికే మృతి చెందాడు. పోస్టుమార్టం నిమిత్తం పత్తికొండ ఆసుపత్రికి తరలించారు. మృతుడికి భార్య లక్ష్మీదేవి, ఇద్దకు కుమారులు, ఇద్దరు కూతుళ్లు ఉన్నారు. మృతికి గల కారణాలు పోలీసులు విచారణలో వెల్లడికావాల్సి ఉంది. మృతుడి భార్య పిర్యాదు మేరకు బుధవారం కేసు నమోదు చేసుకుని దర్యాప్తు చేస్తున్నట్లు తుగ్గలి పోలీసులు తెలిపారు. యువకుడిపై పోక్సో కేసు నమోదు కొలిమిగుండ్ల: మండల పరిధిలోని అంకిరెడ్డిపల్లెకు చెందిన ఓ యువకుడిపై పోక్సో కేసు నమోదైంది. సీఐ రమేష్‌బాబు తెలిపిన వివరాల మేరకు.. గ్రామంలోని బేకరి షాపులో పని చేసే యువకుడు విజయ్‌ స్వీట్స్‌ కొనుగోలు చేసేందుకు వచ్చిన ఓ బాలిక పట్ల అసభ్యకరంగా ప్రవర్తించాడు ఈ విషయాన్ని బాలిక కుటుంబ సభ్యులకు తెలపడంతో పోలీసులకు ఫిర్యాదు చేశారు. విచారణలో భాగంగా సీసీ కెమెరాలు పరిశీలించగా అసభ్యకరంగా ప్రవర్తించిన విషయం వాస్తవమని తెలింది. దీంతో ఆ యువకుడిని అరెస్టు చేసినట్లు సీఐ తెలిపారు. గుర్తు తెలియని వాహనం ఢీ కొని వ్యకి దుర్మరణం డోన్‌ టౌన్‌: పట్టణ సమీపంలోని వెంకటాపురం సర్కిల్‌(కంబాలపాడు)లో జాతీయ రహదారిపై గుర్తు తెలియని వాహనం ఢీకొని కమలాపురం గ్రామానికి చెందిన శేషన్న కుమారుడు గడ్డం సురేష్‌ (29) మృతి చెందాడు. పట్టణంలోని శ్రీనివాసనగర్‌లో నివాసం ఉండే మృతుడు స్థానిక ఒక లాడ్జీలో పని చేస్తూ జీవనం సాగించే వాడు. బుధవారం ఉదయం లాడ్జి వైపు వెళుతుండగా వెంకటాపురం సర్కిల్‌ వద్ద వాహనం ఢీకొట్టి వెళ్లింది. ఈ ఘటనలో సురేష్‌ అక్కడికక్కడే మృతి చెందాడు. మృతుడి కుటుంబ సభ్యుల ఫిర్యాదు మేరకు పట్టణ పోలీసులు కేసు నమోదు చేసుకొని దర్యాప్తు చేపట్టారు. కోలుకోలేక యువకుడి మృతి పాణ్యం: రోడ్డు ప్రమాదంలో తీవ్రంగా గాయపడిన షాకిర్‌ (22) అనే యువకుడు కోలుకోలేక బుధవారం మృతి చెందాడు. నంద్యాల పట్టణంలోని గిరినాథ్‌సెంటర్‌కు చెందిన ఈ యువకుడు మంగళవారం సాయంత్రం బైక్‌పై పాణ్యం వైపు వస్తుండగా అదుపుతప్పి డివైడర్‌ను ఢీకొనడంతో తీవ్రంగా గాయపడిన విషయం తెలిసిందే. స్థానికులు క్షతగాత్రుడిని చికి త్స నిమిత్తం శాంతిరామ్‌ ఆసుపత్రికి తరలించ గా కోలుకోలుక బుధవారం తెల్లవారుజామున మృతి చెందినట్లు ఎస్‌ఐ నరేంద్రకుమార్‌ తెలిపారు.మృతుడు ఆర్‌జీఎం ఇంటర్నేషియల్‌ స్కూ ల్‌లో కంప్యూటర్‌ ఆపరేటర్‌గా పని చేసేవారు. ఒక్కగానొక కుమారుడు అకాల మరణంతో తల్లిందండ్రులు శోకసంద్రంలో మునిగిపోయారు. పొలంలో మహిళపై దాడి.. ఆభరణాలు చోరీ బండి ఆత్మకూరు: పట్టపగలు మహిళపై దాడి చేసి ఓ దుండగుడు శరీరంపై ఉన్న బంగారు ఆభరణాలు దోచుకెళ్లాడు. బండిఆత్మకూరు మండలం ఈర్నపాడు గ్రామంలో ఈ ఘటన చోటు చేసుకుంది. బాధితురాలు కుటుంబ సభ్యులు తెలిపిన వివరాల మేరకు.. ఈర్నపాడు గ్రామానికి చెందిన యర్రం పార్వతమ్మ బర్రెలు మేపటానికి పొలానికి వెళ్లింది. మధ్యాహ్నం పూట ఎండ తీవ్రత అధికంగా ఉండటంతో చెట్టు కింద కూర్చుంది. గుర్తు తెలియని వ్యక్తి వెనుక నుంచి వచ్చి దాడి చేశాడు. దెబ్బలకు తాళలేక ఆమె సొమ్మసిల్లి పడిపోగా మెడలోని బంగారు గొలుసుతో పాటు చెవి కమ్మలు అపహరించుకొని నిందితుడు అక్కడి నుంచి సంతజూటూరు వైపు పరారయ్యాడు. కాగా చోరీ సొత్తు ఖరీదు సుమారు రూ. 6 లక్షల వరకు ఉంటుంది. ఈ మేరకు బాధితురాలి భర్త యర్రం గోపాల్‌ రెడ్డి పోలీసులకు ఫిర్యాదు చేశారు. నంద్యాల రూరల్‌ సీఐ శ్రీనివాసుల్‌ రెడ్డి, ఎస్‌ఐ జగన్‌ మోహన్‌ రెడ్డి సంఘటనా స్థలానికి వెళ్లి పరిశీలించి విచారణ చేపట్టారు.

● బైక్‌ చేజ్‌ చేసి రూ. 7.05 లక్షల నగదు అపహరణ ● గుళ్లదూర్తి వద్ద ఘటన – విచారణ జరుపుతున్న పోలీసులు కోవెలకుంట్ల: కోవెలకుంట్ల– జమ్మలమడుగు ఆర్‌అండ్‌బీ రహదారిలో బుధవారం పట్ట పగలు సినీఫక్కీలో దారి దోపిడీ జరిగింది. స్థానికులు అందించిన సమాచారం మేరకు.. ఉయ్యాలవాడ మండలం పెద్ద యమ్మనూరుకు చెందిన సానా వెంకటరాముడు, వెంకటలక్ష్మి, నరసింహుడు పొలం రిజిస్ట్రేషన్‌ నిమిత్తం రూ. 7.05 లక్షల నగదును బ్యాగ్‌లో పెట్టుకుని ముగ్గురు ఒకే బైక్‌పై కోవెలకుంట్ల సబ్‌ రిజిస్టర్‌ ఆఫీస్‌కు బయలుదేరారు. వీరు నగదుతో వెళుతున్నారని ముందే పసిగట్టిన గుర్తు తెలియని ముగ్గురు దుండగులు మరో బైక్‌పై వారిని ఫాలో అయ్యారు. బైక్‌ నడిపే వ్యక్తి తలకు హెల్మెట్‌ పెట్టుకోగా మిగిలిన ఇద్దరు ముఖం కనిపించకుండా హ్యాండ్‌ కర్చీప్‌ కుట్టుకున్నారు. మండలంలోని గుళ్లదూర్తి సమీపంలో జాతీయ రహదారిపై నిర్మాణ దశలో ఉన్న టోల్‌గేటు వద్ద ముందుగా వెళుతున్న వ్యక్తి బైక్‌ స్పీడ్‌ను తగ్గించాడు. గమనించిన దుండగులు వెనుకవైపు నుంచి మెరుపు వేగంతో వచ్చి మహిళ చేతిలో ఉన్న బ్యాగ్‌ను అపహరించుకెళ్లారు. బ్యాగ్‌ లాక్కునే క్రమంలో వారిబైక్‌ కింద పడటంతో మహిళతో పాటు మరో వ్యక్తికి స్వల్పగాయాలయ్యాయి. నగదు బ్యాగ్‌ను చోరీచేసిన దుండగులు కోవెలకుంట్ల వైపు పరారయ్యారు. స్థానికులు క్షతగాత్రులను చికిత్స నిమిత్తం కోవెలకుంట్ల ప్రభుత్వ ఆసుపత్రిలో చేర్పించారు. చికిత్స అనంతరం బాధితులు పోలీస్‌స్టేషన్‌కు వెళ్లి చోరీ సంఘటనపై ఫిర్యాదు చేశారు. ఈ మేరకు కోవెలకుంట్ల సీఐ హనుమంతునాయక్‌, ఎస్‌ఐ మల్లికార్జునరెడ్డి, సీసీఎస్‌ పోలీసులు రంగప్రవేశం చేసి వివిధ ప్రాంతాల్లో ఉన్న సీసీ కెమెరాల ద్వారా దుండగులను గుర్తించే ప్రయత్నం చేయగా వారు నంబర్‌ప్లేట్‌ లేని బైక్‌లో వచ్చి పరారైనట్లు తెలిసింది. పక్కా ప్రణాళికతోనే దుండగులు దారిదోపిడీకి పాల్పడినట్లు పోలీసులు భావిస్తున్నారు. ఈ ఘటనపై వారు కేసునమోదు చేసుకొని దర్యాప్తు చేస్తున్నారు.

మొత్తం వార్డులు: 23 మొత్తం ఓటర్లు : 17,665 వార్షిక ఆదాయం: కోటి 86లక్షలు తాగునీటి సమస్య తీవ్రంగా ఉంది. కొన్ని కాలనీలకు వారం రోజులకోసారి నీళ్లు వదులు తున్నారు. రోడ్ల విస్తరణ లేక ట్రాఫిక్‌ సమస్య తీవ్రంగా ఉంది. కాల్వలు లేక మురుగు నీరు రోడ్డెక్కి పారుతోంది. పలు కాలనీల్లో వీధి లైట్లు వెలగడం లేదు. కూటమి ప్రభుత్వం వచ్చాక ఏ ఒక్క సమస్య పరిష్కారానికి నోచుకోలేదు. గూడూరులో తాగునీటి కష్టాలు

● 15 మంది సీఐలకు స్థానచలనంకర్నూలు: స్థానిక సంస్థల ఎన్నికల నోటిఫికేషన్‌ వెలువడటానికి కొన్ని గంటల ముందు రేంజ్‌ పరిధిలోని కర్నూలు, నంద్యాల, అన్నమయ్య, కడప, అనంతపురం జిల్లాల్లో పనిచేస్తున్న సీఐలకు స్థానచలనం కలిగింది. ఈ మేరకు కర్నూలు రేంజ్‌ డీఐజీ డాక్టర్‌ కోయ ప్రవీణ్‌ ఉత్తర్వులు జారీ చేశారు. తాత్కాలిక నియామకం కింద బదిలీ చేసినట్లు ఉత్తర్వుల్లో పేర్కొన్నప్పటికీ స్థానిక సంస్థల ఎన్నికల్లో అధికార పార్టీ నాయకులకు మేలు చేకూర్చేందుకే ఈ బదిలీలు జరిగాయని అటు పోలీసు శాఖ, ఇటు రాజకీయ వర్గాల్లో చర్చ జరుగుతోంది.

వారు మద్యం ముట్టరు..మాంసం తినరు. చెప్పులు అసలే తొడగరు. కటిక నేలపైనే పడుకుంటారు. ఒకరు కాదు ఇద్దరు కాదు మూడు గ్రామాల ప్రజలు మాళ మల్లేశ్వరుడిపై అమిత భక్తితో అన్ని సుఖాలు త్యజించి 12 రోజుల పాటు అత్యంత నిష్టతో ఈ కట్టుబాట్లను పాటిస్తారు. హొళగుంద మండలం నెరణికి, నెరణికి తండా, కొత్తపేట గ్రామాల్లో దేవరగట్టు బన్ని ఉత్సవాల్లో భాగంగా అనాదిగా వస్తున్న సంప్రదాయమిది. ● దేవరగట్టు ఉత్సవాల్లో భాగంగా దీక్షను ప్రారంభించిన నెరణికి, నెరణికి తండా, కొత్తపేటవాసులు ● 12 రోజుల పాటు కటిక నేలపైనే నిద్ర, చెప్పులు తొడుక్కోకుండా కట్టుబాట్ల నిర్వహణ ● నే డు దేవరగట్టు మాళ మల్లేశ్వరస్వామి కంకణధారణ హొళగుంద: దేవరగట్టు ఉత్సవాల్లో భాగంగా నెరణికి, నెరణికి తండా, కొత్తపేట గ్రామాలకు చెందిన భక్తులు అమావాస్య రోజు నుంచి కొన్ని కఠిన కట్టుబాట్లు పాటిస్తారు. బన్ని ఉత్సవాలు సాఫీగా ముగిసి విగ్రహాలు తిరిగి నెరణికి గ్రామానికి చేరే వరకు నిష్టతో ఉంటారు. 12 రోజుల పాటు చెప్పులు తొడుక్కోరు. దాంపత్య సుఖానికి పూర్తిగా దూరంగా ఉంటారు. మద్యం జోలికెళ్లరు. మాంసం ముట్టరు. ఈ కట్టుబాట్లను పాటిస్తున్నందునే వేలాది కర్రల మధ్య సాగే బన్ని(కర్రల సమరం)లో జైత్రయాత్ర విజయ వంతంగా ముగించి విగ్రహాలను నెరణికి గ్రామానికి చేరుస్తున్నామని ఆ మూడు గ్రామాల ప్రజలు అభిప్రాయపడుతున్నారు. ఎలాంటి అవాంతరాలు లేకుండా విగ్రహాలు నెరణికి గ్రామానికి చేరే రోజు విజయానికి సూచికగా వారు విజయ దశమి పండుగ చేసుకుంటారు. ఈ కట్టుబాట్లను కులమత భేదాలు లేకుండా అన్ని వర్గాల వారు పాటిస్తూ బన్ని ఉత్సవంలో భాగస్వాములవ్వడం విశేషం. నేడు గట్టుపై కంకణ ధారణ నెరణికి గ్రామం నుంచి ఈ నెల 15న (నేడు) దేవరగట్టుకు చేరుకున్న మాళ మల్లేశ్వర స్వామి ఉత్సవ విగ్రహాలకు రాత్రి ఆలయంలోని కంకణ కట్టపై ప్రత్యేక పూజలు చేస్తారు. నెరణికి, నెరణికి తండా, కొత్తపేట భక్తుల జయజయ ధ్వనుల మధ్య పురోహితులు మాత మాళమ్మ, మల్లేశ్వరునికి కంకణ ధారణ కార్యక్రమాన్ని వైభవంగా నిర్వహిస్తారు. బన్ని ఉత్సవాలు జరుగుతాయి ఇలా.. ● ఈ నెల 21న బుధవారం విజయదశమి రోజున కల్యాణోత్సవం, బన్ని, జైత్రయాత్ర ● 22న భవిష్యవాణి (దైవవాణి) ● 23న సాయంత్రం స్వామివారి రథోత్సవం ● 24న గొరవయ్యల ఆటలు, గొలుసు తెంపుట, ● 25న మాళమల్లేశ్వర స్వామి విగ్రహాలు నెరణికి గ్రామానికి చేరగానే ఉత్సవాలు ముగిసినట్లు ప్రకటిస్తారు. దేవరగట్టు ఉత్సవాల్లో మూడు గ్రామాల ప్రజలు నిష్ఠతో కట్టుబాట్లు పాటిస్తారు. ఇక బన్ని రోజు రెండుసార్లు స్నానం చేస్తారు. సాయంత్రం గట్టుకెళ్లే ముందు ప్రతి ఒక్కరు స్నానమాచారించి అన్ని గుడిలకు వెళ్లి టెంకాయలు కొడుతారు. అనంతరం తల్లిదండ్రుల ఆశీర్వాదం తీసుకుని కొండకు బయలుదేరుతారు. బన్నిలో ఏ ఒక్కరు మద్యం తాగరు, మాంసం ముట్టరు. తాగి కర్రలతో విగ్రహాల మీదకు వచ్చే వారిని తరమడమే లక్ష్యంగా జైత్రయాత్రలో పాల్గొంటారు. రవిశాసీ్త్ర, మాళమల్లేశ్వరునికి కల్యాణం నిర్వహించే పురోహితుడు, నెరణికి

● వైఎస్సార్‌సీపీ నంద్యాల జిల్లా అధ్యక్షులు కాటసాని రాంభూపాల్‌ రెడ్డి కల్లూరు: స్థానిక సంస్థల ఎన్నికల్లో వైఎస్సార్‌సీపీ అభ్యర్థుల విజయం తథ్య మని ఆ పార్టీ నంద్యాల జిల్లా అధ్యక్షులు, పాణ్యం మాజీ ఎమ్మెల్యే కాటసాని రాంభూపాల్‌ రెడ్డి అన్నారు. మంగళవారం కల్లూరు అర్బన్‌ 36, 37 వార్డుల్లో నాయకులకు, కార్యకర్తలకు గుర్తింపు కార్డుల పంపిణీ కార్యక్రమం నిర్వహించారు. ఈ సందర్భంగా పార్టీ శ్రేణులకు కాటసాని రాంభూపాల్‌ రెడ్డి స్థానిక సంస్థల ఎన్నికలపై దిశానిర్దేశం చేశారు. వచ్చే స్థానిక సంస్థల ఎన్నికలే లక్ష్యంగా వైఎస్సార్‌సీపీ శ్రేణులు ఇప్పటి నుంచే ప్రజా క్షేత్రంలోకి వెళ్లాలని, పార్టీ బలోపేతానికి సమష్టిగా కృషి చేయాలని పిలుపునిచ్చారు. వార్డుల వారీగా పార్టీ పరిస్థితి, క్షేత్రస్థాయిలో చేపట్టాల్సిన కార్యక్రమాలు, ప్రజలతో మమేకమయ్యే విధానాలపై నాయకులు, కార్యకర్తలతో చర్చించారు. పార్టీ కష్టకాలంలో వెన్నంటి నిలిచిన కార్యకర్తలను ఎన్నటికీ మరచిపోమన్నారు. పార్టీ కోసం కష్టపడిన నాయకులు, కార్యకర్తల సేవలను గుర్తిస్తూ వారికి తగిన గౌరవం, ప్రాధాన్యత కల్పించాలనే ఉద్దేశంతో 36, 37వ వార్డులకు చెందిన పార్టీ శ్రేణులకు గుర్తింపు కార్డులు పంపిణీ చేశామన్నారు.

శ్రీశైలంటెంపుల్‌: శ్రీశైల క్షేత్ర పరిధిలో పలుచోట్ల స్థల పురాణాన్ని తెలిపే క్యూఆర్‌ కోడ్‌ బోర్డులను ఏర్పాటు చేసినట్లు దేవస్థాన ధర్మకర్తల మండలి అధ్యక్షుడు పోతుగుంట రమేష్‌నాయుడు, ఈఓ శ్రీనివాసరావు తెలిపారు. వారు మంగళవారం మాట్లాడుతూ.. క్యూఆర్‌ కోడ్‌ను స్కాన్‌ చేయడం ద్వారా భక్తులు శ్రీశైల క్షేత్ర స్థల పురాణాన్ని, క్షేత్ర విశేషాలను, చారిత్రక అంశాలను, ఆలయ నిర్మాణ శైలి తదితర వాటిని సంభాషణ, లిఖిత రూపంలో పొందవచ్చని వివరించారు. మొత్తం 130 భాషలలో ఈ విశేషాలను తెలుసుకోవచ్చన్నారు. క్షేత్ర పరిధిలో 60 ప్రదేశాలలో ఈ బోర్డులను ఏర్పాటు చేసినట్లు చెప్పారు. సాక్షిగణపతి, హఠకేశ్వరం, పాలధార–పంచధార, శిఖరేశ్వరం, పంచమఠాల విశేషాలను తెలియజెప్పే బోర్డులను ఆయా ఆలయాల వద్ద ఏర్పాటు చేస్తామన్నారు.

వృత్తిలో కొన్ని సంఘటనలు మరపురాని అనుభవాన్ని మిగులుస్తాయి. అవి వృత్తి నైపుణ్యాన్ని పెంచడంతోపాటు తమ ఆలోచనలకు పదునుపెట్టే విధంగా రాటుదేల్చుతాయి. ఆలోచనతో ముందడుగు వేస్తే చిన్న క్లూ చాలు ఎంతటి చోర శిఖామణి అయినా పట్టుబడిపోతాడు. ప్రస్తుతం శ్రీశైలం సీఐగా ఉన్న జీవన్‌ గంగానాథ్‌బాబు 2010లో ఎస్‌ఐగా ఉన్నప్పుడు ఎదురైన అనుభవాన్ని ‘సాక్షి’తో పంచుకున్నారు. ● 10 తులాల బంగారం చోరీ చేసిన ఆగంతకుడు ● పోలీసు స్టైల్‌లో విచారిస్తే బయటపడ్డ మరో పది దొంగతనాలు ● 24 గంటల్లో కేసును చేధించిన వైనం ● శ్రీశైలం సీఐ జీవన్‌ గంగనాథ్‌బాబు కెరీర్‌లో మర్చిపోలేని ఘటన శ్రీశైలం: 2010లో నందికొట్కూర్‌లో ఎస్‌ఐగా పనిచేసేటప్పుడు పది తులాల బంగారు నగలు చోరీకి గురైనట్లు కేసు నమోదైంది. ఆ ఇంటిని పరిశీలించి చోరీ జరిగిన విధానాన్ని బట్టి దొంగతనం చేసిన వ్యక్తి ఎటు వెళ్లి ఉంటాడో అని విచారణ చేపట్టారు. దొంగ ఇంట్లోకి ప్రవేశించి దొంగతనం చేసి ఎలా బయటికి వెళ్లి ఉంటాడో ఒక అంచనాకు వచ్చారు. సీన్‌ ఆఫ్‌ క్రైంలో కీలక ఆధారం నందికొట్కూరులో తాళం వేసిన ఇంటిని గమనించి రెక్కీ నిర్వహించాక రాత్రి సమయంలో దొంగ ఇంట్లోకి ప్రవేశించాడు.ఇంట్లో దొరికిన 10 తులాల బంగారాన్ని మూటగట్టుకొని అక్కడి నుంచి బయటపడ్డాడు. దొంగతనం చేయడానికి వచ్చిన దారి గాకుండా బయటపడేందుకు కొత్త దారి వెతుక్కున్నాడు. కేసు విచారణలో ఇదే కీలకంగా మారింది. దొంగ ఆ ఇంటికి వచ్చిన మార్గం, బయటికి వెళ్లే మార్గంపై పోలీసులు దృష్టి సారించారు. ఇంటి మేడ పైనుంచి ఆ వెనకనే ఉన్న మరొక మేడ మీదకి ఎక్కి ఆ తర్వాత పక్క నుంచి రెండో వీధిలో ఉన్న మేడ పైనుంచి బయటపడినట్లు నిర్ధారణకు వచ్చారు. రెండో వీధిలో 100 అడుగుల దూరం వరకు కు్‌్‌ షణ్ణంగా పరిశీలించగా బస్‌ టికె ట్‌ ముక్క దొరికింది. ఆ టికెట్‌పై అవుకు – బనగానపల్లె ప్రయాణించినట్లు ఉంది. దాని ఆధారంగా విచారణ చేపట్టారు. టికెట్‌ ఇచ్చిన బస్‌ కండక్టర్‌ను పోలీస్‌ స్టేషన్‌కు పిలిపించి తమ వద్ద ఉన్న పాత నేరస్తుల ఫొటోలను అతనికి చూపించారు. అందులో ఒక వ్యక్తిని గుర్తుపట్టి అతడు అవుకు – బనగానపల్లి రూట్‌లోని ఒక పల్లెలో బస్సు ఎక్కి బనగానపల్లెలో దిగినట్లు చెప్పాడు. పట్టుబడింది ఇలా.. ఆ మార్గంలోని పల్లెలో విచారణ చేయగా నిందితుడు ఆళ్లగడ్డలో భార్యతో కలిసి లాడ్జిలో ఉన్నట్లు సమాచారం అందింది. వెంటనే పోలీసులు సిబ్బందితో వెళ్లి నిందితుడిని అదుపులోకి తీసుకొని నందికొట్కూరు స్టేషన్‌కు తరలించారు. అక్కడ తమదైన శైలిలో విచారణ చేయగా నేరం ఒప్పుకున్నాడు. చోరీ చేసిన బంగారం ఇంట్లో ఉందని చెప్పడంతో నిందితుడిని వెంటబెట్టుకొని తీసుకొచ్చేందుకు వెళ్లారు. పొగ గొట్టం గుండా పరారీ బనగానపల్లెలోని నిందితుడి ఇంటికి చేరుకున్నారు. పోలీసులు రెండడుగులు వెనక ఉండగా నిందితుడు గబుక్కున లోపలకి వెళ్లి తలుపు వేసి గడియ పెట్టుకున్నాడు. ఈ హఠాత్పరినామాన్ని పోలీసులు ఊహించలేదు.కొద్దిసేపటికి నిందితుడి తల్లి తలుపు తీసింది. అయితే దొంగ కనిపించలేదు. అతని చొక్కా మాత్రం కనిపించింది. ఎలా తప్పించుకుపోయాడో కాసేపు అర్థం కాలేదు. దొంగ తన చొక్కా విప్పి పొగ గొట్టం లోనుంచి పైకి వెళ్లి అట్నుంచి సమీపంలో ఉన్న పొలాల్లోకి పరిగెత్తినట్లు నిర్ధారించుకున్నారు. మఫ్టీలో ఉన్న పోలీసులు పొలాల వైపు వెళ్లి వెతకడం ప్రారంభించారు. ఈ క్రమంలో మరో పొ లం నుంచి ఎదురు వస్తున్న నిందితుడు వారిని గమనించి పరుగుపెట్టాడు. పోలీసులు వెంబడించి ఎలాగోలా పట్టుకొని నందికొట్కూర్‌ పోలీస్‌ స్టేషన్‌కు తీసుకొచ్చి పూర్తిస్థాయిలో విచారణ చేయగా మరో 10 దొంగతనాల వ్యవహారం బయటపడింది. 24 గంటల్లో నిందితుడిని పట్టుకొని అతని వద్ద నుంచి బంగారం రికవరీ చేయడంతో పాటు మరో 10 కేసుల్లో కూడా దోచుకున్న బంగారం మూటను అతని ఇంటి నుంచి స్వాధీనం చేసుకున్నారు. ఇది తన కెరీర్‌లో మర్చిపోలేని సంఘటనగా సీఐ జీవన్‌ గంగనాథ్‌బాబు తెలిపారు.

డోన్‌ రూరల్‌: ఎద్దుపెంట గ్రామానికి చెందిన టీడీపీ వర్గీయులు కృష్ణ, నరసయ్య, లక్ష్మన్న, సురేష్‌, గోరంట్ల, సంజప్పతో పాటు 15 కుటుంబాలు మంగళవారం మాజీ మంత్రి బుగ్గన రాజేంద్రనాథ్‌రెడ్డి సమక్షంలో వైఎస్సార్‌సీపీలో చేరారు. బుగ్గన స్వగృహంలో జరిగిన కార్యక్రమంలో వారికి ఆయన కండువాలు కప్పి పార్టీలోకి ఆహ్వానించారు. గత వైఎస్సార్‌సీపీ ప్రభుత్వంలో విద్యా, వైద్యం, సాగు, తాగు నీటి రంగాలతో నియోజకవర్గాన్ని అభివృద్ధి పథంలో నడిచిన దార్శనికులు మాజీ మంత్రి బుగ్గన అని పార్టీలో చేరిన ఎద్దుపెంట గ్రామానికి చెందిన నాయకులు అన్నారు.

కోవెలకుంట్ల: కోవెలకుంట్ల– అవుకు ఆర్‌అండ్‌బీ రహదారిలో మంగళవారం రాత్రి జరిగిన రోడ్డు ప్రమాదంలో ఐదుగురు గాయపడ్డారు. 108 అంబులెన్స్‌ సిబ్బంది అందించిన సమాచారం మేరకు.. మండలంలోని రేవనూరుకు చెందిన రవికుమార్‌, రంగనాయకులు, వీరకుమార్‌ గౌండా పని నిమిత్తం అవుకు మండలం రామాపురానికి బైక్‌పై వెళ్లారు. పని ముగించుకుని స్వగ్రామానికి బయలుదేరారు. సంజామల మండలం ఆల్వకొండకు చెందిన ఉసేన్‌బాషా, ఉసేన్‌వలి మాత్రలు తీసుకునేందుకు కోవెలకుంట్లకు బైక్‌పై వచ్చి తిరిగి వెళుతుండగా పట్టణ శివారులోని రైల్వే వంతెన సమీపంలో రెండు బైక్‌లు ఎదురెదురుగా ఢీకొన్నాయి. ప్రమాదంలో రవికుమార్‌కు కాలు విరిగింది. మిగతా నలుగురికి స్వల్ప గాయాలయ్యాయి. ఈ ఘటనపై పోలీసులు విచారణ జరుపుతున్నారు. పాణ్యంలో చోరీ పాణ్యం: మండల కేంద్రంలో వైఎస్సార్‌ విగ్రహం వద్ద ఉన్న ఓ ఫ్యాన్సీ స్టోర్‌లో మంగళవారం తెల్లవారుజామున 2 గంటలకు చోరీ జరిగింది. బాధితులు బచ్చు రవి తెలిపిన వివరాల మేరకు.. గుర్తు తెలియని దుండగుడు షాప్‌ తలుపులు పగులగొట్టి లోనికి ప్రవేశించి రూ.85 వేల నగదు ఎత్తుకెళ్లారన్నారు. చోరీ దృశ్యాలు సీసీ కెమెరాల్లో నమోదైనట్లు తెలిపారు. చోరీ ఘటనపై పాణ్యం పోలీసులకు ఫిర్యాదు చేసినట్లు చెప్పారు. మండలంలో రాత్రి సమయాల్లో దొంగతనాలు జరుగుతుండటంతో ప్రజలు భయాందోళనకు గురవుతున్నారు. ఇటీవల పాణ్యం, నెరవాడ తదితర గ్రామాల్లో సుమారు 8 సెల్‌ఫోన్లు చోరీ గురయ్యాయి. వరుస దొంగతనాలతో ప్రజల్లో అలజడి మొదలైంది.

దొర్నిపాడు: గుంపుగా ఉన్న కోళ్లు ఉన్నట్టుండి పెద్దగా అరుస్తూ చెదిరిపోయాయి. అరుపులు విని ఇంట్లోని వాళ్లు బయటకు బయటకు వచ్చి చూడగా ఓ కొండచిలువ కోడిపుంజును చుట్టుకొని మింగే ప్రయత్నం చేస్తుండటాన్ని చూసి గజగజ వణికిపోయారు. ఈ ఘటన మండలంలోని క్రిష్టిపాడు గ్రామంలోని ఎస్సీ కాలనీలో భీమన్న ఇంటి వద్ద మంగళవారం చోటు చేసుకుంది. గత కొన్ని రోజులుగా కోళ్ల సంఖ్య తగ్గిపోతుండటంతో పిల్లులు లేదా ముంగిసలు తిన్నాయేమోనని అనుమానించారు. అయితే మంగళవారం కొండచిలువను చూసి భయభ్రాంతులకు గురయ్యారు. ఇంటి వద్ద పశువుల కోసం వేసిన గడ్డివామిలో నివాసం ఏర్పాటు చేసుకున్న కొండచిలువ సుమారు 9 అడుగులు ఉంటుంది. కోడిపుంజును చుట్టుకొని మింగేందుకు ప్ర యత్నించగా స్థానికులు రావడంతో బెదిరి కోడిపుంజును వదిలేసి వామిలోకి చొరబడింది. పట్టుకొని కుందూనది ఒడ్డున ముళ్ల పొదల్లో వదిలేందుకు ప్రయత్నించగా చిక్కడం లేదు. దీంతో పశువులు, గొర్రెలు ఉన్న వాళ్లు భయాందోళన చెందుతున్నారు.

సేవలు తొలగించడంతో ఇబ్బందులు గ్రామ సచివాలయాలతోపాటు మీ సేవ కేంద్రాల్లో పలు రకాల సేవలను నిలిపి వేయడంతో విద్యార్థులు, రైతులు అవస్థలు పడుతున్నారు. కుల, ఆదాయ ధ్రువపత్రాలు గ్రామ సచివాలయల్లో రాకపోవడం, మనమిత్ర యాప్‌పై ప్రజలకు అవగాహన లేకపోవడంతో విద్యార్థులకు సర్టిఫికెట్లు పొందటం కష్టంగా మారింది. వీటికోసం గ్రామీణ ప్రాంత విద్యార్థుల తల్లిదండ్రులు మండల కేంద్రాల చుట్టూ తిరుగుతున్నారు. – ఓబులేసు, రాయలసీమ విద్యార్థి సంఘం రాష్ట్ర అధ్యక్షుడు, కోవెలకుంట్ల గ్రామ సచివాలయాల్లో నాలుగు రకాల సేవలను తొలగించడంతో ఇబ్బందులు తలెత్తుతున్నాయి. నాకు ఇద్ద రు కుమారులు సంతానం కాగా వారు నంద్యాలలో చదువుతున్నారు. కుల, ఆదాయ ధ్రువీకరణ పత్రాలను దగ్గరలో ఉన్న గ్రామ సచివాలయంలో గతంలో సర్టిఫి కెట్లు వచ్చేవి. ప్రస్తుతం పత్రాల రీ ఇష్యూ సేవలను నిలిపి వేయడంతో సర్టిఫికెట్లు ఎలా పొందాలో అర్థం కావడం లేదు. – దినకర్‌, విద్యార్థి తండ్రి, వల్లంపాడు, కోవెలకుంట్ల మండలం

మహానంది: దసరా సెలవులు రావడంతో మహానంది ఆలయంలో భక్తుల రద్దీ పెరుగుతోంది. రెండు తెలుగు రాష్ట్రాల నుంచి భక్తులు అధిక సంఖ్యలో వస్తున్నారు. సెలవులతో పాటు దసరా నవరాత్రి ఉత్సవాలు ఉండటంతో వేలాది మంది తరలివస్తుండటంతో ఆలయ ప్రాంగణాలు కళ సంతరించుకున్నాయి. ఈ మేరకు మంగళవారం ఉదయం నుంచి ఆలయ ప్రాంగణంలో సందడి నెలకొంది. భక్తులు శ్రీ కామేశ్వరీదేవి సహిత మహానందీశ్వరస్వామి వార్లను దర్శించుకుని భక్తిశ్రద్ధలతో పూజలు నిర్వహించారు. కోనేరులో స్నానాలు ఆచరిస్తున్న భక్తులు

కోసిగి: మండల పరిధిలోని సాతనూరు గ్రామానికి చెందిన గొరవయ్య గారి చిన్న శేషప్ప(38) వలస వెళ్లిన చోట మంగళవారం రాత్రి ప్రమాదవశాత్తు ట్రాక్టర్‌ కింద పడి మృతి చెందాడు. గ్రామస్తులు, కుటుంబ సభ్యులు తెలిపిన మేరకు వివరాలు.. చిన్న శేషప్పకు సాతనూరులో 2 ఎకరాల పొలం ఉంది. ఈ ఏడాది ఎకరన్నర పొలంలో పత్తి , అర ఎకరాలో వరి సాగు చేసుకున్నాడు. తుంగభద్ర నదికి నీళ్లు రాకపోవడం, వర్షాలు లేక పోవడంతో పంటలు పూర్తిగా ఎండిపోయాయి. అప్పులు పెరిగి పోవడంతో కుటుంబ పోషణ భారమై బతుకుదెరువు కోసం భార్య పిల్లలతో కలిసి మూడు రోజుల క్రితం కర్ణాటక రాష్ట్రం యాదిగిరి జిల్లా గోనేహాల్‌ గ్రామానికి వలస వెళ్లాడు. అక్కడ పత్తి పొలంలో పనులు చేసుకుంటున్నారు. మంగళవారం పత్తి పొలంలో ఉదయం నుంచి సాయంత్రం వరకు కుటుంబ అంత పనిచేసి.. పత్తిని ట్రాక్టర్లలో వేసుకొని బయలుదేరారు. అయితే పొలం గట్టు వద్ద అదుపు తప్పి చిన్న శేషప్ప ట్రాక్టర్‌పై నుంచి కింద పడగా.. వెనుక టైర్‌ ఎక్కడంతో అక్కడిక్కడే మృతి చెందాడు. మృతునికి భార్య నాగమ్మ, ముగ్గురు కుమార్తెలు, ఇద్దరు కుమారులు ఉన్నారు. ఏనాడు వలస వెళ్లకుండా గ్రామంలో వ్యవసాయ పనులు చేసుకుని జీవనం సాగించేవారు. కానీ ఈఏడాది వర్షాలు లేక పోవడంతో పంటలు పండక పనులు కోసం వలస వెళ్లారు. వెళ్లిన మూడు రోజులకే ప్రమావశాత్తు చనిపోవడంతో ఆ కుటుంబ పెద్ద దిక్కును కోల్పోయింది. నాటుసారా స్థావరాలపై దాడులు పత్తికొండ: నియోజకవర్గ పరిధిలో ప్రొహిబిషన్‌ ఎకై ్సజ్‌ ఎన్‌ఫోర్స్‌మెంట్‌ అధికారులు మంగళవారం మెరుపు దాడులు నిర్వహించి నాటుసారా తయారీకి ఉంచిన 800 లీటర్ల బెల్లం ఊటను ధ్వంసం చేశారు. విజయవాడ, కర్నూలు,అనంతపురం జిల్లాలకు చెందిన ఎకై ్స జ్‌ శాఖ ఉన్నతాధికారులు రామకృష్ణారెడ్డి, రాజశేఖర్‌గౌడ్‌ ఆధ్వర్యంలో పత్తికొండ, గు త్తి, గుంతకల్‌కు చెంది న ఎన్‌ఫోర్స్‌మెంట్‌ టీమ్‌ అధికారులు ఉద యం నుంచి సాయంత్రం వరకు నాటుసారా స్థావరాలపై ఏకకాలంలో దాడులు నిర్వహించారు. పత్తికొండ, మద్దికెర, తుగ్గలి మండలాల పరిధిలో పెండ్లిమాన్‌ తండా, రోళ్లపాడు తండా, ఎర్రగుడి తండా, చెరువు తండాలో నాటుసారా తయారు చేసే స్థావరాలపై దాడులు చేసి సారా తయారీ కోసం సిద్ధం చేసిన బెల్లం ఊటను ధ్వంసం చేయడంతో పాటు మూడు కేసులు నమోదు చేశారు. నాటుసారా తయారు చేస్తున్న ఒక వ్యక్తిని అరెస్టు చేసినట్లు పత్తికొండ ఎకై ్సజ్‌ సీఐ సువర్ణలత తెలిపారు. పత్తికొండ ఎకై ్సజ్‌ శాఖ పరిధిలో నాటుసారా విక్రయాలను పూర్తిగా అరికట్టేందుకు దాడులు ముమ్మరం చేసినట్లు ఆమె వెల్లడించారు.

కర్నూలు కల్చరల్‌: ఉద్యోగులు వృత్తి నైపుణ్యాలను మెరుగు పరుచుకున్నప్పుడే తమ బాధ్యతలను సరైన రీతిలో నిర్వహించగలరని రాయలసీమ యూ నివర్సిటీ రెగ్యులర్‌, క్లస్టర్‌ యూనివర్సిటీ ఇన్‌చార్జ్‌ వీసీ వి.వెంకట బసవరావు పేర్కొన్నారు. మంగళవారం రాయలసీమ యూనివర్సిటీ, క్లస్టర్‌ యూనివర్సిటీల అధికారులు, బోధనేతర సిబ్బందికి వృత్తి నైపుణ్య శిక్షణా తరగతులను వర్సిటీ సెనేట్‌ హాల్‌లో ప్రారంభించారు. ఈ సందర్భంగా వీసీ మాట్లాడుతూ.. వర్సిటీ పాలనకు సంబంధించి వివిధ అంశాలపై విషయ నిపుణులు అందించే సూచనలు, సలహాలను అవగాహన చేసుకుంటే ప్రతి ఉద్యోగి పురోగతి సాఽధించే అవకాశం ఉంటుందన్నారు. మూడు రోజుల పాటు జరిగే శిక్షణను సద్వినియో గం చేసుకోవాలన్నారు. డాక్టర్‌ అబ్దుల్‌ హక్‌ ఉర్దూ విశ్వవిద్యాలయం ఇన్‌చార్జ్‌ వీసీ పి.షేక్షావలి ఖాన్‌ మాట్లాడుతూ.. ఈ ఆఫీస్‌, ఈ ఫైలింగ్‌ వంటి విషయాలపై ఉద్యోగులకు అవగాహన ఉండాలన్నారు. ఏపీ మానవ వనరుల అభివృద్ధి సంస్థ పూర్వ డైరెక్టర్‌ జనరల్‌, విశ్రాంత ఐఏఎస్‌ అధికారి డి.చక్రపాణి మాట్లాడుతూ.. బోధనేతర ఉద్యోగులు సాంకేతికతను అందిపుచ్చుకొని బాధ్యతల పట్ల నిబద్ధత ప్రదర్శించాలన్నారు. కర్నూలులో త్వరలో అందుబాటులోకి రానున్న ఏవియేషన్‌ రంగం, డ్రోన్‌ హబ్‌ తదితర వాటిని తెలుసుకుంటూ భాషా నైపుణ్యాలను పెంపొందించుకోవాలన్నారు. రిజిస్ట్రార్‌లు విజయకుమార్‌ నాయుడు, డాక్టర్‌ జి.శ్రీనివాస్‌ కార్యనిర్వాహక కార్యదర్శులుగా వ్యవహరించారు. ప్రిన్సిపాల్‌ వెంకట సుందరానంద పుచ్చ, డీన్‌లు సీవీ కృష్ణారెడ్డి, ఎన్‌. నరసింహులు, భరత్‌కుమార్‌, ఎగ్జామినేషన్స్‌ కంట్రోలర్‌ డాక్టర్‌ ఎస్‌.వెంకటేశ్వర్లు, నాగరా జు శెట్టి, డాక్టర్‌ ఇందిరా శాంతి, తదితరులు పాల్గొన్నారు.

పులకుర్తి నుంచి వలస వెళ్తున్న కూలీలు ఎల్‌నినో ప్రభావంతో తీవ్ర కరువు పరిస్థితులు ఏర్పడటం, ప్రభుత్వం ఎలాంటి సహాయక చర్యలు చేపట్టకపోవడంతో సొంత ఊరిలో ఉపాధి లభించక పులకుర్తి గ్రామానికి చెందిన కూలీలు పిల్లాజెల్లాతో వేరే ప్రాంతాలకు వలస బాట పట్టారు. స్థానికంగా పనులు లేకపోవడంతో బతుకుదెరువు కోసం తెలంగాణ రాష్ట్రానికి వెళుతున్నట్లు వారు చెప్పారు. కుటుంబ సభ్యులు, పసిపిల్లలతో సహా మూటముల్లె సర్దుకుని పొట్ట చేతపట్టుకుని వాహనాల్లో పనుల కోసం వెళ్తున్న దయనీయ పరిస్థితు లు కనిపిస్తున్నాయి. సొంత ఊరిలో వ్యవసాయ పనులు దొరక్కపోవడం, ఉపాధి పనులు కల్పించక పోవడంతోనే వలస వెళ్లాల్సి వస్తోందని కూ లీలు ఆవేదన వ్యక్తం చేస్తున్నారు. ప్రభుత్వం స్పందించి కరువు ప్రాంతాల్లో ఉపాధి పనులు కల్పించి, వలసలను అరికట్టాలని కోరుతున్నారు. – గూడూరు

కర్నూలు: కర్నూలులోని శ్రీరాంనగర్‌లో నివాసముంటున్న చిట్టిబాబు పెయింటింగ్‌ కాంట్రాక్టర్‌. అదే కాలనీలో నివాసముంటున్న ప్రశాంత్‌ వైఎస్సార్‌సీపీ సోషల్‌ మీడియా వార్డు కన్వీనర్‌. మద్దిలేటి చిన్న హోటల్‌ పెట్టుకుని జీవనం సాగిస్తుండగా.. నూర్‌ అహ్మద్‌ ఎలక్ట్రిషియన్‌గా పనిచేస్తూ సోషల్‌ సర్వీస్‌ చేస్తుంటాడు. చిన్నబాబు ప్లాట్ల వ్యాపారం చేస్తూ జీవనం సాగిస్తుంటాడు. వీరంతా వైఎస్సార్‌సీపీకి సానుభూతిపరులు. స్థానిక ఎన్నికల నేపథ్యంలో పోలీసు ఉన్నతాధికారుల ఆదేశాల మేరకు సమస్యాత్మక ప్రాంతాల్లో పోలీసులు నిర్బంధ తనిఖీలు నిర్వహిస్తున్నారు. అయితే తమపై కనీసం పిటీ కేసు కూడా లేకపోయినప్పటికీ పోలీసులు తమ ఇళ్లల్లో తనిఖీల పేరుతో హడావుడి చేసి బీరువాలు కూడా తెరిచి సామాన్లన్నీ చిందరవందర చేస్తూ వైఎస్సార్‌సీపీ కార్యకర్తల మనోధైర్యాన్ని దెబ్బతీసేలా ప్రవర్తించారని వారు ఆవేదన వ్యక్తం చేశారు. మంగళవారం మూడో పట్టణ పోలీసులు పెద్ద ఎత్తున శ్రీరాం నగర్‌కు చేరుకుని తెల్లవారుజామున 5 నుంచి 8.30 గంటల వరకు తనిఖీలు నిర్వహించారు. అయితే పాత నేరస్తులు, నేరచరిత్ర ఉన్న వారి ఇళ్లల్లో తనిఖీలు చేయకుండా కేవలం వైఎస్సార్‌సీపీ సానుభూతిపరుల ఇళ్లల్లోనే తనిఖీలు చేస్తుండటం విమర్శలకు తావిస్తోంది.

● జిల్లా పరిషత్‌ చైర్మన్‌ అన్‌ రిజర్వ్‌డ్‌గా కేటాయింపు నంద్యాల(అర్బన్‌): కొత్తగా ఏర్పడిన నంద్యాల జిల్లా జెడ్పీ చైర్మన్‌ పదవి మొదటిసారి ఏ వర్గానికి అవకాశం లభిస్తోందో ఇప్పుడే చెప్పలేని పరిస్థితి ఏర్పడింది. నంద్యాల జిల్లా పరిషత్‌ చైర్మన్‌ పదవి అన్‌ రిజర్వ్‌డ్‌గా కేటాయిస్తూ ప్రభుత్వం మంగళవారం రాత్రి గెజిట్‌ విడుదల చేసింది. మొన్నటి వరకు ఉమ్మడి కర్నూలు జిల్లా నుంచే జిల్లా పరిషత్‌ పాలన సాగింది. గత వైఎస్సార్‌సీపీ ప్రభుత్వంలో నూతన జిల్లాగా నంద్యాల ఏర్పాటైంది. నాలుగేళ్లుగా కర్నూలు నుంచే అన్ని కార్యక్రమాలు నిర్వహించేవారు. స్థానిక సంస్థల ఎన్నికల వేళ జిల్లా పరిషత్‌ వేరు చేస్తూ నంద్యాలలో కార్యాలయాన్ని ఏర్పాటు చేశారు. పరిపాలన సౌలభ్యం కోసం కర్నూలు జెడ్పీ నుంచి 45 మంది ఉద్యోగులను నంద్యాల జెడ్పీలోకి తీసుకొని వచ్చారు. స్థానిక ఎంపీడీఓ కార్యాలయ భవన సముదాయంలోని ఎమ్మార్సీ భవనంలో జెడ్పీ కార్యాలయం ఏర్పాటు అయ్యింది. వచ్చే జెడ్పీటీసీ ఎన్నికల్లో 28 మంది జెడ్పీటీసీ సభ్యులు జెడ్పీ చైర్మన్‌ను ఎన్నుకుంటారు. మొదటి సారి జిల్లా పరిషత్‌ చైర్మన్‌ అన్‌ రిజర్వ్‌డ్‌కు కేటాయించడంతో అవకాశం ఎవరికి దక్కుతుందోననే ఉత్కంఠ అందరిలో నెలకొంది. మండలాల వారీగా జెడ్పీటీసీ రిజర్వేషన్లు ఎస్టీ మహిళ : ఆత్మకూరు ఎస్సీ జనరల్‌ : గోస్పాడు, పాములపాడు, రుద్రవరం ఎస్సీ మహిళ : జూపాడుబంగ్లా, కొత్తపల్లె,పగిడ్యాల బీసీ జనరల్‌ : బనగానపల్లె, నందికొట్కూరు, పాణ్యం, ప్యాపిలి బీసీ మహిళ : గడివేముల, మహానంది, మిడుతూరు అన్‌రిజర్వ్డ్‌ : ఆళ్లగడ్డ, బండిఆత్మకూరు, బేతంచెర్ల, చాగలమర్రి, అవుకు, శిరివెళ్ల, వెలుగోడు జనరల్‌ మహిళ : డోన్‌, దొర్నిపాడు, కోవెలకుంట్ల, కొలిమిగుండ్ల, నంద్యాల, సంజామల, ఉయ్యాలవాడ మండలాల వారీగా ఎంపీపీ రిజర్వేషన్లు ఎస్టీ మహిళ : పాణ్యం ఎస్సీ జనరల్‌ : ఆత్మకూరు, మిడుతూరు, ఉయ్యాలవాడ ఎస్సీ మహిళ : బేతంచెర్ల, దొర్నిపాడు,నందికొట్కూరు బీసీ జనరల్‌ : జూపాడుబంగ్లా, పగిడ్యాల,సంజామల, డోన్‌ బీసీ మహిళ : వెలుగోడు, పాములపాడు, బండిఆత్మకూరు అన్‌రిజర్వ్డ్‌ : గడివేముల, కోవెలకుంట్ల, కొలిమిగుండ్ల, కొత్తపల్లి, నంద్యాల, ప్యాపిలి, మహానంది జనరల్‌ మహిళ : ఆళ్లగడ్డ, బనగానపల్లె, చాగలమర్రి, గోస్పాడు, అవుకు, రుద్రవరం, శిరివెళ్ల

మహానంది: ధైర్యం, చైతన్యానికి ప్రతీకగా అమ్మవారి నుదుటిపై గంట ఆకారంలో చంద్రుడు ఉండటం వల్ల శ్రీ చంద్రఘంట దుర్గ అనే పేరు వచ్చిందని మహానంది ఆలయ వేద పండితులు బ్రహ్మశ్రీ చెండూరి రవిశంకర అవధాని తెలిపారు. మహానంది క్షేత్రంలో శ్రీ కామేశ్వరీ శరన్నవరాత్రి ఉత్సవాల సందర్భంగా మూడోరోజైన మంగళవారం మూలమూర్తి శ్రీ కామేశ్వరీదేవి అన్నపూర్ణాదేవిగా భక్తులకు దర్శనమిచ్చారు. ఈఓ నల్లకాలువ శ్రీనివాసరెడ్డి ఆధ్వర్యంలో అలంకార సేవ పూజలు ఘనంగా నిర్వహించారు. కళ్యాణ మండపంలో సహస్ర దీపాలంకరణ అనంతరం రాత్రి ఉత్సవమూర్తి కామేశ్వరీదేవి చంద్రఘంట దుర్గ అలంకారంలో సింహవాహనంపై కొలువై భక్తులకు దర్శనమిచ్చారు. ఉదయం నుంచి రాత్రి వరకు జరిగిన పూజల్లో ఉభయదాతలు పాల్గొనగా వేదపండితులు, అర్చకులు వారి చేత శత చండీయాగాలు, చండీ హోమాలు, నవవరణార్చన, సామూహిక కుంకుమార్చన పూజలు నిర్వహింపచేసి స్వామి, అమ్మవారి తీర్థప్రసాదాలను పంపిణీ చేశారు. రాత్రి అమ్మవారి ఆలయ మాడవీధుల్లో జరిగిన ఉత్సవాన్ని వేలాది మంది భక్తులు తిలకించారు.

డోన్‌: గత వైఎస్సార్‌సీపీ ప్రభుత్వ హయాంలో జరిగిన అభివృద్ధిలో టీడీపీ ప్రభుత్వం మూడేళ్లలో ఒక్క శాతం అభివృద్ధి జరగలేదని టీడీపీ సీనియర్‌ నాయకులు డోన్‌ మండలం నక్కవాగులపల్లెకి చెందిన తుమ్ముల కృష్ణన్న యాదవ్‌, గోపాల్‌, జనార్థన్‌ యాదవ్‌, షేక్‌ హసన్‌లు అన్నారు. సోమవారం వారు టీడీపీకి రాజీనామా చేసి స్థానిక వైఎస్సార్‌సీపీ కార్యాలయంలో మాజీ మంత్రి బుగ్గన రాజేంద్రనాథ్‌రెడ్డి సమక్షంలో వైఎస్సార్‌సీపీలో చేరారు. ఈ సందర్భంగా వారికి బుగ్గన కండువా కప్పి పార్టీలోకి సాదరంగా ఆహ్వానించారు. త్వరలో జరిగే స్థానిక ఎన్నికల్లో వైఎస్సార్‌సీపీ అభ్యర్థులుగా పోటీ చేసే వారిని అఖండ మెజార్టీతో గెలిపించుకొని రావాలని బుగ్గన సూచించారు. కార్యక్రమంలో పార్టీ నాయకులు భాస్కర్‌రెడ్డి, మురళీధర్‌రెడ్డి, ఇస్మాయిల్‌, రామ్మోహన్‌రెడ్డి, సోమయ్య, మనోహర్‌ పాల్గొన్నారు.

● జిల్లా కలెక్టర్‌కు వినతిపత్రం ఇచ్చిన మాజీ ఎమ్మెల్యే కంగాటి శ్రీదేవికర్నూలు(సెంట్రల్‌): ఫ్యాక్షన్‌ గ్రామాల్లో పటిష్ట పోలీస్‌ బందోబస్తు ఏర్పాటు చేయాలని జిల్లా కలెక్టర్‌ డాక్టర్‌ ఏ సిరిని పత్తికొండ మాజీ ఎమ్మెల్యే కంగాటి శ్రీదేవి కోరారు. కలెక్టరేట్‌లోని సునయన ఆడిటోరియంలో సోమవారం నిర్వహించిన పీజీఆర్‌ఎస్‌లో ఈ మేరకు వినతిపత్రం ఇచ్చారు. పత్తికొండ మండలంలో చక్రాళ్ల, పందికోన, పులికొండ, నలకదొడ్డి, పుచ్చకాయలమాడ, హోసూరు సమస్యాత్మకగ్రామాలుగా ఉన్నాయని వినతిపత్రంలో పేర్కొన్నారు. మద్దికెర మండలంలోని బసినేపల్లి, మదనంతపురం, కృష్ణగిరి మండలంలోని బోయబొంతిరాళ్ల, చిట్యాల, కోయలకొండ, కంబాలపాడు, టీ గోకులపాడు, తొగర్చేడు, పోతుగల్లు గ్రామాల్లో పటిష్ట బందోబస్తు ఏర్పాటు చేయాలని కోరారు. తుగ్గలి మండలంలోని శభాష్‌పురం, కడమకుంట్ల, బొందిమడుగుల, తుగ్గలి, వెల్దుర్తి మండలంలోని అల్లుగుండు, మల్లెపల్లె, బొమ్మిరెడ్డి పల్లె, పుల్లగుమ్మి, బోయినపల్లి, బోగోలులో వైఎస్సార్‌సీపీ నాయకులకు రక్షణ కల్పించాలని విన్నవించారు. ఆమె వెంట పార్టీ నాయకులు శ్రీరంగడు, శంకరరెడ్డి, మధుసూదన్‌రెడ్డి ఉన్నారు.

● శ్రీశైలంలో దేదిప్యమానంగా సాగుతున్న దేవీ శరన్నవరాత్రులు ● బ్రహ్మచారిణి అలంకారంలో దర్శనమిచ్చిన భ్రమరాంబ ● స్వామిఅమ్మవార్లను దర్శించుకుని పులకించిన భక్తజనంస్వామిఅమ్మవార్లకు ఆలయ ప్రదక్షిణ నిర్వహిస్తున్న దృశ్యంశ్రీశైలంటెంపుల్‌: అష్టాదశ శక్తిపీఠమైన శ్రీశైల మహాపుణ్యక్షేత్రంలో దేవి శరన్నవరాత్రులు శాస్రోక్తంగా కొనసాగుతున్నాయి. రెండవ రోజు సోమవారం శ్రీశైల భ్రామరీ బ్రహ్మచారిణి స్వరూపంలో భక్తులకు దర్శనమిచ్చారు. భ్రమరాంబ సమేత మల్లికార్జున స్వామిఅమ్మవార్లు మయూర వాహనంపై దర్శనమిచ్చారు. శ్రీగిరి క్షేత్రంలో దసరా మహోత్సవాలు అంగరంగ వైభవంగా జరుగుతున్నాయి. ప్రతిరోజు స్వామిఅమ్మవార్లకు విశేష పూజా కార్యక్రమాలు జరుగుతున్నాయి. కుమారీపూజ, సుహాసిని పూజ తదితర విశేష కార్యక్రమాలు నిర్విఘ్నంగా జరుగుతున్నాయి. ఉత్సవాల్లో భాగంగా భ్రమరాంబాదేవిని బ్రహ్మచారిణి స్వరూపంలో ప్రత్యేకంగా అలంకరించి ఆలయం ముందు ఏర్పాటు చేసిన ప్రత్యేక వేదికపై ఆశీనులను చేశారు. అనంతరం ఆలయ అర్చకులు, వేదపండితులు వేదమంత్రోచ్ఛారణల నడుమ ప్రత్యేక పూజా హారతులు ఇచ్చారు. ప్రత్యేక అలంక్రీకృతులైన అమ్మవారి స్వరూపాన్ని భక్తులు దర్శించుకుని ప్రత్యేక పూజలు నిర్వహించుకున్నారు. రాత్రి భ్రమరాంబ సమేత మల్లికార్జున స్వామిఅమ్మవారలు మయూర వాహనంపై విహరించి భక్తులకు ఆశీస్సులు అందించారు. కనులపండువగా గ్రామోత్సవం మయూర వాహనంపై ప్రత్యేకంగా అలంకరించిన స్వామిఅమ్మవార్ల ఉత్సవమూర్తులను అలంకార మండపంలో అర్చకులు, వేదపండితులు ప్రత్యేక పూజా కార్యక్రమాలను నిర్వహించారు. బ్రహ్మచారిణి స్వరూపంలోని అమ్మవారిని, మయూర వాహనంపై అధిష్టించిన స్వామిఅమ్మవార్లను ఆలయ రాజగోపురం మీదుగా వెలుపలకి తోడ్కొనివచ్చి గ్రామోత్సవాన్ని నిర్వహించారు. గంగాధర మండపం నుంచి నందిమండపం, అక్కడి నుంచి బయలు వీరభద్రస్వామి ఆలయం వరకు గ్రామోత్సవాన్ని నిర్వహించారు. ఈ గ్రామోత్సవంలో కళాకారుల నృత్యాలు, డప్పు వాయిద్యాలు ప్రత్యేక ఆకర్షణగా నిలిచాయి. స్వామిఅమ్మవార్లను కనులారా భక్తులు దర్శించి ప్రత్యేక పూజలు నిర్వహించుకుని నీరాజనాలు సమర్పించారు. పూజా కార్యక్రమాల్లో దేవస్థాన ధర్మకర్తల మండలి అధ్యక్షులు పోతుగుంట రమేష్‌నాయుడు, కార్యనిర్వహణాధికారి ఎం. శ్రీనివాసరావు దంపతులు, ధర్మకర్తల మండలి సభ్యులు, ఇతర విభాగాల అధికారులు, సిబ్బంది పాల్గొన్నారు. శ్రీశైలంలో నేడు.. దసరా నవరాత్రోత్సవాల్లో భాగంగా మూడవ రోజు మంగళవారం శ్రీశైల క్షేత్రంలో చంద్రఘంట అలంకారంలో అమ్మవారు, రావణ వాహనసేవపై స్వామిఅమ్మవార్లు భక్తులకు దర్శనమివ్వనున్నారు.

● 2020 సంవత్సరంలో కర్నూలు కార్పొరేషన్‌ ఎన్నికలు నిర్వహించగా వైఎస్సార్‌ కాంగ్రెస్‌ పార్టీ అఽభ్యర్థులు 42 మంది విజయం సాధించారు. ● మేయర్‌ బివై రామయ్య అధ్యక్షతన ఐదేళ్లు విజయవంతంగా పాలక వర్గాన్ని నడిపించారు. ● ఓ మంత్రి వైఎస్సార్‌సీపీ కార్పొరేటర్లకు ఎరవేసి మేయర్‌ను దించాలని చేసిన ప్రయత్నాలు బెడిసికొట్టాయి. ● వైఎస్సార్‌సీపీ పాలకవర్గంలో రూ.650 కోట్లకు పైగా అభివృద్ధి పనులు చేపట్టింది. ● శుద్ధి చేసిన మంచినీటిని అందించేందుకు మునగాలపాడు వద్ద రూ.5 కోట్లు వెచ్చించి 15 ఎంఎల్‌డీ ప్లాంటు, రూ.68 కోట్లతో సుంకేసుల నుండి సమ్మర్‌ స్టోరేజీ ట్యాంకు వరకు పైపులైన్‌, రూ. 28 కోట్లతో నూతనంగా నగరపాలక సంస్థ కార్యాలయ భవనం, నగరంలోని పలు ప్రాంతాల్లో రూ.2 కోట్లు వెచ్చించి ఆహ్లాదకరమైన వాతవరణం, గ్రీనరీకి ప్రాధాన్యత ఇస్తు పార్కులు నిర్మించారు. ● రూ.2.30 కోట్లు వెచ్చించి జొహరాపురం వద్ద ఇండోర్‌ స్టేడియం, క్రికెట్‌ నెట్స్‌, టెన్నిస్‌ స్టేడియాలు.. రూ.2 కోట్లు ఖర్చు చేసి ఖానా ఖాజానా పేరిట స్ట్రీట్‌ ఫుడ్‌ అందుబాటులోకి తీసుకొచ్చారు. ● రోడ్లపై, ఫుట్‌ పాత్‌లపై వ్యాపారాలు చేసుకుంటూ ట్రాఫిక్‌కు అంతరాయం కలిగిస్తుండటంతో వారి కోసం రూ.30 లక్షలు వెచ్చించి వినాయక్‌ఘాట్‌, బిర్లా వాల్‌ మార్ట్‌ వద్ద, క్రిష్ణనగర్‌ ఐటీసీ సర్కిల్‌ వద్ద, గుత్తి పెట్రోల్‌ బంకు వద్ద ప్రత్యేకంగా స్ట్రీట్‌ మార్కెట్లను ఏర్పాటు చేశారు. ● గడప గడపకు పేరుతో స్థానికంగా కాలనీల సమస్యల పరిష్కారానికి రూ. 60 కోట్లు ఖర్చు చేశారు. ● జగనన్న మార్టుల ద్వారా పేద, సామాన్య మధ్య తరగతి ప్రజలకు నిత్యావసర సరుకు లు ఎంఆర్‌పీ కన్నా తక్కువకు అందించారు. ● రహదారుల విస్తరణ, సర్కిళ్ల ఏర్పాటు, మౌ లిక సదుపాయాల కల్పనకు పెద్దపీట వేశారు.

మహానంది: దసరా శరన్నవరాత్రి ఉత్సవాల్లో భాగంగా మహానందిలో సోమవారం రాత్రి శ్రీ కామేశ్వరీదేవి అమ్మవారు శ్రీ బ్రహ్మచారిణి దుర్గ అలంకరణలో భక్తులకు దర్శనమిచ్చారు. ప్రారంభించిన కార్యాన్ని కొన సాగించడానికి సంకల్పం, నియమం, తపస్సు, బ్రహ్మచర్యం అవసరమని చూపించే స్వరూపిణి శ్రీ బ్రహ్మచారిణి దుర్గ అని మహానంది ఆలయ వేదపండితులు బ్రహ్మశ్రీ చెండూరి రవిశంకర అవధాని అన్నారు. చేతిలో కమండలం, జపమాలను కలిగిన అమ్మవారిని దర్శించుకోవడం ద్వారా సకల కార్యాలు నెరవేరతాయన్నారు. ఆలయ ఈఓ నల్లకాలువ శ్రీనివాసరెడ్డి ఆధ్వర్యంలో ఉదయం నుంచి చండీహోమాలు, సువాసిని పూజ, శతచండీయాగం, పూజలను శాస్త్రోక్తంగా నిర్వహించారు. పూజా కార్యక్రమాల్లో ఆలయ ఏఈఓ ఎరమల మధు, సూపరింటెండెంట్లు అంబటి శశిధర్‌రెడ్డి, పి,సుబ్బారెడ్డి, టెంపుల్‌ ఇన్‌స్పెక్టర్‌ నాగమల్లయ్య, ఆలయ అర్చకులు పాల్గొన్నారు.

నంద్యాల(న్యూటౌన్‌): ప్రజా సమస్యల పరిష్కారంలో ఎలాంటి జాప్యం లేకుండా ప్రతి అర్జీని క్షుణ్ణంగా పరిశీలించి నిర్ణీత గడువులోగా పరిష్కరించాలని జిల్లా కలెక్టర్‌ రాజకుమారి అధికారులను ఆదేశించారు. సోమవారం కలెక్టరేట్‌లోని పీజీఆర్‌ఎస్‌ హాల్‌లో నిర్వహించిన ప్రజా పరిష్కార వేదికలో ప్రజల నుంచి 276 దరఖాస్తులు స్వీకరించారు. ఈ సందర్భంగా కలెక్టర్‌ మాట్లాడుతూ.. పెండింగ్‌ దరఖాస్తులు నిర్దేశిత గడువు దాటకుండా ఎప్పటికప్పుడు పరిశీలించి పరిష్కరించాలన్నారు. భూ సమస్యల పరిష్కారానికి ఏర్పాటు చేసిన రెవెన్యూ క్లినిక్‌ ద్వారా మొత్తం 148 అర్జీలు స్వీకరించామన్నారు. అనాథ విద్యార్థిని ఉన్నత విద్యకు భరోసా.. గతేడాది చాగలమర్రి మండలం చిన్నవంగలి గ్రామంలో మట్టిమిద్దె కూలిన ఘటనలో కుటుంబ సభ్యులను కోల్పోయిన ఇంటర్మీడియెట్‌ విద్యార్థిని గురులక్ష్మి ప్రసన్నకు జిల్లా కలెక్టర్‌ రాజకుమారి గణియా అండగా నిలిచారు. సోమవారం కలెక్టరేట్‌లోని పీజీఆర్‌ఎస్‌ హాల్‌లో నిర్వహించిన ప్రజా పరిష్కార వేదికలో విద్యార్థినితో మాట్లాడి ఆమె ఉన్నత విద్యాభ్యాసానికి అవసరమైన సహకారం అందిస్తామని భరోసా ఇచ్చారు. పేదరికం, ప్రతికూల పరిస్థితులు విద్యకు అడ్డంకులు కాకూడని, పట్టుదలతో లక్ష్యాలను సాధించాలని విద్యార్థినికి సూచించారు. ఆమె విద్యాభ్యాసం నిరాటంకంగా కొనసాగేందుకు జిల్లా యంత్రాంగం అవసరమైన సహకారం అందిస్తుందన్నారు. కార్యక్రమంలో జిల్లా రెవెన్యూ అధికారి రామునాయక్‌, ఇతర జిల్లా అధికారులు పాల్గొన్నారు.

నంద్యాల అర్బన్‌: నంద్యాల మున్సిపల్‌ చైర్మన్‌ పదవి బీసీ జనరల్‌కు రిజర్వు చేస్తూ రాష్ట్ర ప్రభుత్వం గెజిట్‌ విడుదల చేసింది. ఎస్సీ, ఎస్టీ, బీసీ, మైనార్టీల్లో అత్యధిక ఓటు బ్యాంకు కలిగిన వైఎస్సార్సీపీలో ఇప్పటికే ఉత్సాహం కనిపిస్తోంది. గత వైఎస్సార్‌సీపీ ప్రభుత్వం అందించిన సంక్షేమ పాలన ఈ పర్యాయం కూడా మున్సిపల్‌ పీఠంపై వైఎస్సార్సీపీ జెండా ఎగరనుందని ఆ పార్టీ నాయకులు ధీమా వ్యక్తం చేస్తున్నారు. కూటమి ప్రభుత్వ వైఫల్యాలే ఎజెండాగా పార్టీ శ్రేణులు ముందుకు సాగనున్నారు. వార్డులు 52 మొత్తం ఓటర్లు 11,99,238 పోలింగ్‌ కేంద్రాలు 217 బీసీ ఓటర్లు 1,14,058 ఓసీ ఓటర్లు 53,707 ఎస్సీ ఓటర్లు 28.235 ఎస్టీ ఓటర్లు 3,238

గోనెగండ్ల: పశ్చిమ ప్రాంతం నుంచి వలసలు ఆగడం లేదు. తీవ్ర కరువు ప్రభావంతో స్థానికంగా వ్యవసాయ పనులు, ఉపాధి పనులు లేకపోవడంతో రైతులు, కూలీలు పిల్లాపాపలతో కలిసి ఇతర ప్రాంతాలకు వలసపోతున్నారు. సోమవారం మండల పరిధిలోని గోనెగండ్ల, గంజహళ్లి తదితర గ్రామాల నుంచి దాదాపు 50కు పైగా కుటుంబాలు బతుకుదెరువు కోసం తెలంగాణలోని నల్గొండ, అలంపూర్‌ తదితర ప్రాంతాలకు పయనమయ్యారు. అక్కడ పత్తి పనులు చేసుకొని కుటుంబాన్ని పోషించుకుంటామని కూలీలు తెలిపారు. జాతీయ స్థాయి మాస్టర్‌ అథ్లెటిక్‌ పోటీలకు ఎంపిక సంజామల: స్థానిక ప్రభుత్వ ఉన్నత పాఠశాల వ్యాయామ ఉపాధ్యాయుడు బాషా జాతీయ స్థాయి మాస్టర్‌ అథ్లెటిక్‌ పోటీలకు ఎంపికయ్యారు. ఈనెల 10,11 వతేదీన గుంటూరు నాగార్జున యూరివర్సిటీలో రాష్ట్ర స్థాయి మాస్టర్‌ అథ్లెటిక్‌ 40 ఫ్లస్‌ విభాగంలోని క్రీడలలో అత్యుత్తమ ప్రతిభ కనబరిచాడు. జావెలిన్‌ త్రో, హైజంప్‌లో బంగారు పతకాలు, షాట్‌ పుట్‌లో రజత పతకాన్ని సాధించి జాతీయ స్థాయికి ఎంపికై నట్లు ఎంఈఓ రమణారెడ్డి సోమవారం తెలిపారు. అన్నను చంపిన తమ్ముడు అరెస్టు గడివేముల: అన్నను దారుణంగా హత్య చేసిన తమ్ముడిని పోలీసులు అరెస్టు చేసి కటకటాల్లోకి నెట్టారు. మండల పరిధిలోని బిలకలగూడూరు గ్రామంలో చోటుచేసుకున్న ఈ కేసుకు సంబంధించిన వివరాలను పాణ్యం సీఐ కిరణ్‌కుమార్‌రెడ్డి..ఎస్‌ఐ నాగార్జునరెడ్డితో కలిసి వెల్లడించారు. చెంచు తోట సుంకన్న గతంలో చోరీలకు పాల్పడేవాడు. దీంతో అతని మీద కేసులు నమోదవ్వగా పోలీసులకు దొరకకుండా స్వగ్రామం బిలకలగూడూరు నుంచి ఆళ్లగడ్డ మండలం బాచేపల్లికి వెళ్లి అక్కడ నివసించేవాడు. పోలీసులు తరచుగా సుంకన్న తమ్ముడైన గోలుసన్న ఇంటి వద్దకు వచ్చి ఆరా తీసేవారు. విసిగిన గోలుసన్న ఈనెల 10వ తేది సాయంత్రం సుంకన్నను ఊరికి పిలిపించి నిలదీశాడు. ఇరువురి మధ్య మాటామాట పెరిగి గొడవ జరిగింది. అలాగే సుంకన్న తన మొదటి భార్యను వదలిపెట్టగా గొలుసన్న పెళ్లి చేసుకున్నాడు. ఈ విషయంలో కూడా ఇరువురి మధ్య మనస్పర్థలు ఉన్నాయి. ఈ అన్నింటిని మనుస్సులో పెట్టుకున్న తమ్ముడు తన అన్నను అదే రోజు రాత్రి ఇంటి వద్ద కొడవలితో గొంతు నరికి హత్య చేశాడు. ఈ ఘటనపై కేసు నమోదు చేసుకున్న పోలీసులు బూజునూరు క్రాస్‌రోడ్డు వద్ద గొలుసన్నను అరెస్టు చేసి రిమాండ్‌కు తరలించినట్లు సీఐ వెల్లడించారు.

గోస్పాడు: జిల్లాలోని వివిధ ప్రాంతాల్లో మోటార్‌ సైకిళ్లను చోరీ చేసే దొంగల ముఠాను గోస్పాడు పోలీసులు చాకచక్యంగా పట్టుకొని కటకటాల్లోకి నెట్టారు. సోమవారం మండల కేంద్రం గోస్పాడులోని పోలీస్‌ స్టేషన్లో ఎస్‌ఐ సుధాకర్‌రెడ్డితో కలిసి నంద్యాల ఏఎస్పీ సుస్మిత విలేకరుల సమావేశం నిర్వహించి వివరాలు వెల్లడించారు. డోన్‌ మండలం చిన్న మల్కాపురం గ్రామానికి చెందిన దొడ్డగాళ్ల ప్రకాష్‌, నంద్యాల రైల్వే స్టేషన్‌ సమీపంలో నివసించే పాల్తి గోపి నాయక్‌, నంద్యాల దేవ నగర్‌కు చెందిన షేక్‌ షబ్బీర్‌ హుస్సేన్‌, గోస్పాడు మండలం యాల్లూరు గ్రామానికి చెందిన సలవాది మధు, శిరివెళ్ల మండలం ఎరగ్రుంట్ల గ్రామానికి చెందిన చాకలి తేజతో పాటు ఒక బాలుడు ముఠాగా ఏర్పడి జిల్లాలోని వివిధ ప్రాంతాల్లో బైక్‌లు చోరీ చేసేవారు. వాటిని గోస్పాడు మండలం తేళ్లపురి గ్రామ శివారులోని కుందూ నది బ్రిడ్జ్‌ వద్ద గల కంపచెట్లలో దాచారు. వాటిని సోమవారం బయటకు తీస్తుండగా పోలీసులు కనిపించడంతో పారిపోయేందుకు యత్నించారు. పోలీసులు వెంబడించి ముఠాసభ్యుల్లో ఆరుగురిని అదుపులోకి తీసుకొని వారి నుంచి రూ. 6 లక్షలు విలువ చేసే 10 మోటార్‌ సైకిళ్లను స్వాధీనం చేసుకున్నారు. తర్వాత నిందితులను ఆళ్లగడ్డ కోర్టులో హాజరుపరుచగా రిమాండ్‌కు ఆదేశించినట్లు ఏఎస్పీ వెల్లడించారు.

ఆళ్లగడ్డ: అహోబిల నరసింహ స్వామి జన్మనక్షత్రమైన స్వాతి నక్షత్రాన్ని పురస్కరించుకుని సోమవారం దిగువ అహోబిలంలో విశేష పూజలు నిర్వహించారు. వేకువ జామునే సుప్రభాత సేవతో స్వామి, అమ్మవార్లను మేలుకొలిపి దివ్యదర్శనం అనంతరం నిత్యపూజలతోపాటు ప్రత్యేక పూజలు నిర్వహించారు. అనంతరం ఉత్సవమూర్తులైన శ్రీదేవి, భూదేవి సమేత శ్రీ ప్రహ్లాదవరదస్వాములను యాగశాలలో కొలువుంచి అభిషేకం, అర్చన, తిరుమంజనం నిర్వహించారు. ఉత్సవమూర్తులను నూతన పట్టుపీతాంబరాలతో అలంకరణ చేసి కొలువుంచి భక్తులకు దర్శన భాగ్యం కల్పించారు. ఆ తర్వాత శ్రీ స్వాతి, శ్రీసుదర్శన హోమాలు వైభవోపేతంగా నిర్వహించి పూర్ణాహుతితో కార్యక్రమాన్ని ముగించి భక్తులకు తీర్థ ప్రసాదాలు అందజేశారు. రాత్రి ఉత్సవ పల్లకీలో ఉభయ దేవేరులతో కొలువైన శ్రీ ప్రహ్లాదవరదుడు మాడవీధుల్లో విహరిస్తూ భక్తులకు కనువిందు చేశారు. పీజీఆర్‌ఎస్‌కు 120 ఫిర్యాదులు బొమ్మలసత్రం: జిల్లా పోలీస్‌ కార్యాలయంలో సోమవారం నిర్వహించిన పీజీఆర్‌ఎస్‌ కార్యక్రమంలో అర్జీదారుల నుంచి 120 ఫిర్యాదులు అందాయి. ఈ సందర్భంగా జిల్లా ఎస్పీ సునీల్‌ షోరాణ్‌ మాట్లాడుతూ.. ప్రతి అర్జీదారుడితో స్వయంగా మాట్లాడి సమస్యలు తెలుసుకున్నామన్నారు. చట్టపరిధిలో ఉన్న సమస్యల పరిష్కారంలో జాప్యంపై ఆయా స్టేషన్‌ అధికారులను విచారించామన్నారు. బాధితులకు న్యాయం జరి గేలా చర్యలు తీసుకోకపోతే శాఖపరమైన చర్యలు తీసుకుంటామని హెచ్చరించారు. ఫిర్యాదులు పునరావృతం కాకుండా చూడాలని అధికారులను ఆదేశించారు. కార్యక్రమంలో అడిషనల్‌ ఎస్పీ అడ్మిన్‌ ఖాదర్‌బాషా పాల్గొన్నారు. జిల్లా ఎస్పీకి మాతృవియోగం జిల్లా ఎస్పీ సునీల్‌ షొరాణ్‌ తల్లి సుమిత్ర (65) సోమవారం తీవ్ర అస్వస్థతకు గురై మృతిచెందారు. స్థానిక ఎస్పీ బంగ్లాలో ఉంటున్న సుమిత్రి సాయంత్రం తీవ్ర అస్వస్థతకు గురయ్యారు. వెంటనే కుటుంబ సభ్యులు ఆమెను ఉదయానంద ఆసుపత్రికి తరలించారు. చికిత్స పొందుతుండగా గుండె ఆగిపోవడంతో మృతిచెందినట్లు వైద్యులు తెలిపారు. అంత్యక్రియల నిమిత్తం ఆమె మృతదేహాన్ని ఎస్పీ సొంత రాష్ట్రమైన హర్యానాకు తరలించారు. మళ్లీ సర్వర్‌ డౌన్‌ దొర్నిపాడు: ఏమైందో ఏమో తెలియదు గాని గత పది రోజుల నుంచి ఏపీ వెబ్‌ల్యాండ్‌ నుంచి ఆర్‌ఓఆర్‌, అడంగల్‌ డౌన్‌లోడ్‌ కాక రైతులు ఇబ్బందులు పడుతున్నారు. బ్యాంకు రుణాలు రెన్యూవల్‌ చేసుకోవడానికి ఆర్‌ఓఆర్‌ లేక ఆందోళన చెందుతున్నారు. గత వారంలో వెబ్‌సైట్‌ పూర్తిగా పనిచేయలేదు. సోమవారం కొంత మంది రైతులు తహసీల్దార్‌ డిజిటల్‌ సైన్‌తో కూడిన ఆర్‌ఓఆర్‌, అడంగల్‌ కోసం సచివాలయాలు, మీసేవా కేంద్రాలకు వెళ్లినా ప్రయోజనం లేదు.ఽ రైతుకు సంబంధించిన ఎల్‌పీ నంబర్‌, ఖాతా నంబర్‌లను నమోదు చేస్తుంటే ఆన్‌లైన్‌లో డబ్బులు కట్‌ అవుతున్నా ప్రింట్‌ రావడం లేదని చెబుతున్నారు. అధికారులు స్పందించి తగు చర్యలు చేపట్టాలని కోరుతున్నారు. కాంట్రాక్టు ఉద్యోగాల భర్తీకి మెరిట్‌ లిస్ట్‌ విడుదల కర్నూలు(హాస్పిటల్‌): కాంట్రాక్టు పద్ధతిన ఏడు కేటగిరీల్లోఉద్యోగాల భర్తీకి అభ్యర్థుల రివైజ్డ్‌ ఫైనల్‌ మెరిట్‌ లిస్ట్‌, సెలెక్షన్‌ జాబితా విడుదల చేసినట్లు కర్నూలు మెడికల్‌ కాలేజీ ప్రిన్సిపాల్‌ డాక్టర్‌ కె.చిట్టినరసమ్మ సోమవారం ఒక ప్రకటనలో తెలిపారు. అభ్యర్థులు తమ ఒరిజినల్‌, ఒక సెట్‌ నకలు సర్టిఫికెట్లతో ఈ నెల 15, 16వ తేదీల్లో ఉదయం 10.30 గంటలకు కర్నూలు మెడికల్‌ కాలేజీ కార్యాలయంలో జరిగే కౌన్సెలింగ్‌కు హాజరుకావాలని సూచించారు. కౌన్సెలింగ్‌కు హాజరుకాని అభ్యర్థుల ఎంపిక రద్దు చేస్తామన్నారు. వివరాలు https://kurnool. ap.gov.in, https://nandyal.ap.gov.in, https://kurnool medicalcollege.ac.in వెబ్‌సైట్లలో ఉన్నాయని తెలిపారు.

మాకు 20 ఎకరాల (8 హెక్టార్లు) భూమి ఉంది. ప్రధానంగా పత్తి సాగు చేశాం. అంతర పంటలుగా సజ్జ, కంది, ఆముదం వేశాం. ఎకరాకు రూ.25 వేల వరకు పెట్టుబడి పెట్టాం. దిగుబడి అసలు రాలేదు. రెండు హెక్టార్లకు ఇన్‌పుట్‌ సబ్సిడీ కింద రూ.34 వేలు ఇస్తామని చెబుతున్నారు. ఎన్ని ఎకరాలు ఉంటే అన్ని ఎకరాలకు ఇన్‌పుట్‌ సబ్సిడీ ఇవ్వకుండా అన్యాయం చేశారు. హెక్టారుకు కనీసం రూ.25 వేల ప్రకారం ఇవ్వాలి. – బాయికాటి రామచంద్ర, పోతుగల్‌ గ్రామం, కృష్ణగిరి మండలం మా కుటుంబానికి 17 ఎకరాల భూములు ఉన్నాయి. ఇందులో కంది సాగు చేశాం. ఎకరాకు రూ.15 వేల ప్రకారం పెట్టుబడి పెట్టాం. దిగుబడి రాక తీవ్రంగా నష్టపోయాం. అన్ని ఎకరాలకు ఇన్‌పుట్‌ సబ్సిడీ చెల్లిస్తేనే న్యాయం జరుగుతుంది. –నరసింహారెడ్డి, బొల్లవానిపల్లి, తుగ్గలి మండలం

గోనెగండ్ల: మండలంలోని కున్నూరు గ్రామంలో పోలీసులు సోమవారం ఉదయం కార్డెన్‌ సెర్చ్‌ నిర్వహించారు. ఎమ్మిగనూరు డీఎస్పీ ఆముదాల శ్రీనివాస్‌ ఆధ్వర్యంలో గోనెగండ్ల సీఐ చంద్రబాబు, ఎమ్మిగనూరు ఎస్‌ఐ శ్రీనివాసులు, నందవరం ఎస్‌ఐ తిమ్మారెడ్డి, 30 మంది పోలీస్‌ కానిస్టేబుల్స్‌ కున్నూరు గ్రామానికి వెళ్లి అనుమనిత వ్యక్తుల ఇళ్లలో సోదాలు చేశారు. నంబర్‌ ప్లేట్స్‌ లేని 12 ద్విచక్ర వాహనాలను గుర్తించి వాటిని స్వాధీనం చేసుకున్నారు. రానున్న స్థానిక సంస్థల ఎన్నికలను ప్రశాంత వాతావరణంలో నిర్వహించుకోవాలని, గొడవలు సృష్టిస్తే కఠిన చర్యలు తప్పవని హెచ్చరించారు. జార్ఖండ్‌ యువకుడి మృతి బేతంచెర్ల: గూటుపల్లె గ్రామ సమీపాన ఉన్న సుంకులమ్మ ఆలయం వద్ద నీటి ట్యాంకర్‌తో వస్తున్న ట్రాక్టర్‌ బోల్తాపడిన ప్రమాదంలో జార్ఖండ్‌ రాష్ట్రానికి చెందిన హర్ధన్‌ ముర్ము (24) అనే యువకుడు మృతి చెందాడు. ఎస్‌ఐ రమేష్‌ బాబు తెలిపిన వివరాల మేరకు.. ఏకోరన్‌ సంస్థలో ట్రాక్టర్‌ డ్రైవర్‌గా పనిచేస్తున్న హర్ధన్‌ ముర్ము పని ప్రదేశం నుంచి నీటి ట్యాంకర్‌తో వస్తుండగా ట్రాక్టర్‌ ప్రమాదవశాత్తు బోల్తా పడింది. తీవ్రగాయాల పాలైన హర్ధన్‌ముర్ము అక్కడికక్కడే మరణించాడు. మృతుడి కుటుంబ సభ్యుల ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్‌ఐ సోమవారం తెలిపారు.

మహానంది: మహానందిలోని టూరిజం వసతి గృహాలకు వచ్చే భక్తులకు మెరుగైన వసతుల కల్పనకు కృషి చేస్తామని ఏపీ టూరిజం హబ్‌ రీజనల్‌ డైరెక్టర్‌ సి.ఓబుళమ్మ తెలిపారు. కర్నూలు జిల్లా డివిజనల్‌ మేనేజర్‌ లక్ష్మీనారాయణ, ఈఈ శివనాగేశ్వరరావుతో కలిసి సోమవారం ఏపీ టూరిజం వసతి గృహాలను పరిశీలించారు. ఈ సందర్భంగా ఆర్‌డీ ఓబుళమ్మ మాట్లాడుతూ.. పర్యాటకులు, భక్తులకు మెరుగైన సౌకర్యాలు కల్పించి వారి సంతృప్తిని పెంపొందించే దిశగా అవసరమైన చర్యలు చేపడతామన్నారు. స్థానిక యూనిట్‌ ఇన్‌చార్జ్‌ పవన్‌ గణేష్‌తో స్థానిక సమస్యలను అడిగి తెలుసుకున్నారు.

● పోరాడదాం.. గెలిచి సత్తా చాటుదాం! ● కూటమి చేతిలో మోసపోయిన ప్రజలు వాస్తవాలు తెలుసుకుంటున్నారు ● మాజీ మంత్రి బుగ్గన రాజేంద్రనాథ్‌రెడ్డి సమావేశానికి హాజరైన పార్టీ కార్యకర్తలు మాట్లాడుతున్న మాజీ మంత్రి బుగ్గన రాజేంద్రనాథ్‌రెడ్డి డోన్‌: కూటమి ప్రభుత్వం ఎన్ని కుట్రలు పన్నినా స్థానిక సంస్థల ఎన్నికల్లో వైఎస్సార్‌సీపీదే విజయ మని మాజీ మంత్రి బుగ్గన రాజేంద్రనాథ్‌రెడ్డి స్పష్టం చేశారు. డోన్‌ పట్టణంలోని ఎం కన్వెషన్‌ హాల్‌లో ఆదివారం ఇటీవల పదవీ విరమణ చేసిన జెడ్పీ చైర్మన్‌ ఎర్రబోతుల పాపిరెడ్డి, డోన్‌ ఎంపీపీ, జెడ్పీటీసీలు రేగటి రాజశేఖర్‌రెడ్డి, బద్దల రాజ్‌కుమార్‌, వైస్‌ ఎంపీపీ ఎర్రిస్వామిలతో పాటు ఎంపీటీసీ, సర్పంచ్‌లకు ఆత్మీయ సన్మాన కార్యక్రమం నిర్వహించారు. పార్టీ పట్టణ అధ్యక్షులు మల్లికార్జునరెడ్డి ఆధ్వర్యంలో 40 మంది మాజీ ప్రజా ప్రతినిధులను మాజీ మంత్రి బుగ్గన ఘనంగా సత్కరించారు. ఈ సందర్భంగా బుగ్గన మాట్లాడుతూ.. గత మూడేళ్లుగా టీడీపీ ప్రభుత్వం వైఎస్సార్‌సీపీ నాయకులు, కార్యకర్తలు, సానుభూతిపరులను అనేక రకాలుగా వేధిస్తూ అక్రమ కేసులు బనాయించి జైలుపాలు చేసిన విషయాన్ని మాజీ మంత్రి గుర్తు చేశారు. ఎంత నిర్బంఽధించినా.. అక్రమ కేసులు బనాయించినా ఏ ఒక కార్యకర్త కూడా వెన్ను చూపలేదన్నారు. తమ పార్టీ అధినేత వైఎస్‌ జగన్‌మోహన్‌రెడ్డి కోసం ఎంతటి త్యాగాలకైనా వెనుకాడమ న్నారు. టీడీపీ అవినీతి, అరచకాలకు వ్యతిరేకంగా ఎదురొడ్డి పోరాడే సత్తా వైఎస్సార్‌సీపీ నాయకులు, కార్యకర్తలకు ఉందన్నారు. అంకిత భావం, పట్టుదలతో పని చేసి టీడీపీ ప్రభుత్వ వైఫల్యాలను ప్రజలకు వివరించగలిగితే వచ్చే స్థానిక సంస్థల ఎన్నికల్లో అఖండ విజయం సాధిస్తామన్నారు. అనితర సాధ్యులు బుగ్గన.. గత ప్రభుత్వ ఐదేళ్ల పరిపాలన కాలంలో రెండేళ్లు కాలం కరోనాతో కరిగిపోగా మిగిలిన మూడేళ్లలో రూ.4 వేల కోట్లతో డోన్‌ మోడల్‌ నియోజకవర్గంగా అప్పటి సీఎం జగన్‌ మోహన్‌ రెడ్డి సహకారంతో తీర్చిదిద్దిన ఘనత మాజీ మంత్రి బుగ్గనకే దక్కుతుందని జిల్లా పరిషత్‌ మాజీ చైర్మన్‌ ఎర్రబోతుల పాపిరెడ్డి అన్నారు. డోన్‌ నియోజకవర్గ విషయంలో బుగ్గన అనితర సాధ్యుడని ఈ సందర్భంగా ఆయన కొనియాడారు. సమావేశంలో పార్టీ వ్యవసాయ విభాగం రాష్ట్ర కార్యదర్శి మెట్టు వెంకటేశ్వరరెడ్డి, మార్కెట్‌ యార్డ్‌ మాజీ చైర్మెన్‌ మల్లెంపల్లె రామచంద్రుడు, మున్సిపల్‌ మాజీ చైర్మెన్‌ సప్తశైల రాజేష్‌, సింగిల్‌ విండో మాజీ చైర్మన్‌ తిరునాం పల్లె తిరుమల్‌రెడ్డి, పార్టీ సినీయర్‌ నాయకులు చిన్న పూజర్ల రామచంద్రరెడ్డి, నాగభూషణంరెడ్డి, మల్యాల భాస్కర్‌రెడ్డి, మధుసూదన్‌రెడ్డి, పోస్ట్‌ ప్రసాద్‌, చిరంజీవి, దినేష్‌ గౌడ్‌,పార్టీ డోన్‌, ప్యాపిలి మండలాల అధ్యక్షులు సోమేష్‌ యాదవ్‌, కృష్ణమూర్తి పాల్గొన్నారు. బాబు హామీలన్నీ బూటకమని ప్రజలకు అర్థమైంది ఎన్నికల ముందు చంద్రబాబు ఇచ్చిన హామీలన్నీ బూటకమని, నీటి మీద రాతలని ప్రజలు అర్థం చేసుకున్నారన్నారు. అధికారాన్ని అడ్డుపెట్టుకుని పోలీసులతో భయబ్రాంతులకు గురి చేయించి స్థానిక సంస్థ ఎన్నికల్లో గెలుపొందాలని టీడీపీ నేతలు కుట్రలు, కుతంత్రాలు పన్నుతున్న విషయాన్ని ఆయన ప్రస్తావిస్తూ టీడీపీ నాయకుల కుయిక్తులను తిప్పికొట్టే సత్తా తమకుందన్నారు. రెట్టించిన ఉత్సాహంతో ప్రతి కార్యకర్త వైఎస్సార్‌సీపీ అభ్యర్థుల విజయానికి కృషి చేయాలన్నా రు. పార్టీ కోసం నిరంతరం పాటుపడే నాయకులు, కార్యకర్తలకు భవిష్యత్తులో మంచి గుర్తుంపు ఉంటుందని బుగ్గన హామీ ఇచ్చారు.

నంద్యాల(న్యూటౌన్‌): స్థానిక కలెక్టరేట్‌లోని పీజీఆర్‌ఎస్‌ హాలులో ఈనెల 12వ తేదీ సోమవారం ‘ప్రజా ఫిర్యాదుల పరిష్కార వేదిక’ కార్యక్రమాన్ని నిర్వహిస్తున్నట్లు జిల్లా కలెక్టర్‌ రాజకుమారి ఆదివారం ఒక ప్రకటనలో తెలిపారు. ఈ కార్యక్రమం ఉదయం 10 గంటల నుంచి ప్రారంభమవుతుందన్నారు. అర్జీదారులు తమ దరఖాస్తు పరిష్కారం ఏ దశలో ఉందో తెలుసుకోవడం కోసం టోల్‌ ఫ్రీ నంబర్‌ 1100ను సంప్రదించవచ్చన్నారు. అలాగే అర్జీదారులు దరఖాస్తుల ప్రస్తుత సమాచారాన్ని meekosam.ap.gov.in వెబ్‌సైట్‌లో సంప్రదించి తెలుసుకోవచ్చన్నారు. అర్జీలను కూడా ఇలాగే నమోదు చేసుకోవచ్చన్నారు. అర్జీదారులందరూ ఈ అవకాశాన్ని వినియోగించుకోవాలన్నారు. జిల్లా కేంద్రంలో జరిగే ఈ కార్యక్రమానికి సంబంధిత శాఖల జిల్లా స్థాయి అధికారులందరూ తప్పనిసరిగా హాజరై ప్రజల వినతులు స్వీకరించారు. నేటి నుంచి దసరా సెలవులు నంద్యాల(న్యూటౌన్‌): జిల్లాలోని ప్రభుత్వ, ఎయిడెడ్‌, ప్రైవేట్‌, కార్పొరేట్‌ ఇతర యాజమాన్యాల పాఠశాలలకు ఈ నెల 12 నుంచి 21 వ తేదీ వరకు దసరా సెలవులను ప్రభుత్వం ప్రకటించినట్లు డీఈఓ జనార్దన్‌రెడ్డి ఆదివారం ఒక ప్రకటనలో తెలిపారు. సెలవుల్లో ఎవరైనా ప్రత్యేక తరగతులు, పరీక్షలు నిర్వహిస్తే చర్యలు తీసుకుంటామన్నారు. నిరంతర చదువుల ఒత్తిడి నుంచి విద్యార్థులకు ఉపశమనం కల్పించి పండుగ సెలవుల్లో మానసిక ఉల్లాసాన్ని అందించాలనే ఉద్దేశంతో ప్రభుత్వం దసరా సెలవులను ప్రకటించిందన్నారు. జిల్లాలోని ఎంఈఓలు, ఉప విద్యాశాఖ అధికారులు, తమ పరిధిలోని పాఠశాలలపై నిరంతర పర్యవేక్షణ చేపట్టాలన్నారు. అన్నదాన పథకానికి రూ.5 లక్షల విరాళాలు శ్రీశైలంటెంపుల్‌: శ్రీశైల దేవస్థానం భక్తుల సౌకర్యార్తం నిర్వహిస్తున్న అన్నప్రసాద వితరణ పథకానికి పలువురు భక్తులు రూ.5 లక్షల విరాళాలను అందించారు. ఆదివారం హైదరాబాద్‌కు చెందిన యల్లా శ్రీనివాస శేషసాయిబాబు రూ.4 లక్షల విరాళాన్ని సహయ కార్యనిర్వహణాధికారి ఎం.హరియనాయక్‌కు అందజేశారు. అలాగే రంగారెడ్డికి చెందిన పి.జగన్‌మోహన్‌రావు రూ.1,00,001 విరాళాన్ని పర్యవేక్షకులు గంజి రవికి అందజేశారు. విరాళాలను అందించిన దాతలకు దేవస్థానం తరుపున స్వామివారి శేషవస్త్రాలను, లడ్డూప్రసాదాలను అందించి సత్కరించారు. వీబీఆర్‌కు నిలిచిన ఇన్‌ఫ్లో వెలుగోడు: వెలుగోడు బ్యాలెన్సింగ్‌ రిజర్వాయర్‌కు ఇన్‌ఫ్లో నిలిచిపోయింది. ఆదివారం ఉదయం 6 గంటల సమయానికి 8.373 టీఎంసీల నీరు నిల్వ ఉన్నట్లు అధికారులు తెలిపారు. రిజర్వాయర్‌ పూర్తి నీటిమట్టం 264.70 మీటర్లు కాగా, ప్రస్తుతం 258.81 మీటర్ల నీటిమట్టం నమోదైంది. రిజర్వాయర్‌ పూర్తి నిల్వ సామర్థ్యం 16.95 టీఎంసీలు. ప్రస్తుతం ఇన్‌ఫ్లో లేకపోగా, అవుట్‌ఫ్లో 500 క్యూసెక్కులుగా నమోదైంది. తెలుగు గంగ ప్రధాన కాలువకు 150 క్యూసెక్కుల నీటిని విడుదల చేస్తున్నారు. వెలుగోడు, ఆత్మకూరు, నంద్యాల పట్టణాల తాగునీటి అవసరాల కోసం 20 క్యూసెక్కులు సరఫరా చేస్తున్నారు. ఎడమ, కుడి కాలువలకు చెరో 10 క్యూసెక్కుల నీటిని విడుదల చేస్తున్నారు. ఎస్‌ఎల్‌ఐఎస్‌ పంపింగ్‌ ద్వారా 100 క్యూసెక్కుల నీటిని తరలిస్తున్నారు. రిజర్వాయర్‌ నుంచి ప్రస్తుతం స్పిల్‌వే ద్వారా ఎలాంటి మిగులు నీటి విడుదల లేదు. నేడు డయల్‌ యువర్‌ సీఎండీ, ఎస్‌ఈ కర్నూలు(అగ్రికల్చర్‌): డయల్‌ యువర్‌ ఏపీఎస్‌పీడీసీఎల్‌ సీఎండీ కార్యక్రమాన్ని సోమ వారం ఉదయం 10 నుంచి మధ్యాహ్నం 12.30 గంటల వరకు నిర్వహిస్తున్నట్లు కర్నూ లు సర్కిల్‌ ఎస్‌ఈ ఆర్‌.ప్రదీప్‌కుమార్‌ ఆదివారం ఒక ప్రకటనలో తెలిపారు. వినియోగదారులు 8977716661 నంబరుకు ఫోన్‌ చేయవచ్చని పేర్కొన్నారు. కర్నూలు కొత్తబస్టాండు సమీపంలోని విద్యుత్‌ భవన్‌లో డయల్‌ యువర్‌ ఎస్‌ఈ కార్యక్రమం సో మవారం జరుగుతుందని ఆయన తెలిపారు.

కల్లూరు: స్థానిక సంస్థల ఎన్నికల్లో గెలుపే లక్ష్యంగా వైఎస్సార్‌సీపీ నేతలు, నాయకులు కృషి చేయా లని పార్టీ కర్నూలు, నంద్యాల జిల్లాల రీజినల్‌ కోఆర్డినేటర్‌ భూమన కరుణాకర్‌రెడ్డి సూచించారు. ఆదివారం కల్లూరులోని వైఎస్సార్‌సీపీ నంద్యాల జిల్లా అధ్యక్షుడు కాటసాని రాంభూపాల్‌రెడ్డి నివాసంలో నంద్యాల జిల్లా నేతలతో భూమన కరుణాకర్‌రెడ్డి సమీక్ష నిర్వహించారు. స్థానిక సంస్థల ఎన్నికలకు నియోజకవర్గాల సమన్వయకర్తలు, నేతలు, నాయకులు సిద్ధంగా ఉండాలన్నారు. ఎన్నికలకు పార్టీ శ్రేణులను సన్నద్ధం చేయాలన్నారు. క్షేత్రస్థాయిలో పార్టీని మరింత బలోపేతం చేయాలన్నారు. కార్యక్రమంలో వైఎస్సార్‌సీపీ రాష్ట్ర డిప్యూటీ జనరల్‌ సెక్రటరీ చల్లా మధుసూదన్‌రెడ్డి, మాజీ మంత్రి బుగ్గన రాజేంద్రనాథ్‌రెడ్డి, నంద్యాల మాజీ ఎంపీ పోచా బ్రహ్మానందరెడ్డి, ఎమ్మెల్సీ ఇసాక్‌ బాషా, మాజీ ఎమ్మెల్యేలు కాటసాని రామిరెడ్డి, శిల్ప చక్రపాణిరెడ్డి, నియోజకవర్గాల ఇన్‌చార్జ్‌ ధారా సుధీర్‌, పార్టీ యువజన విభాగం ఉపాధ్యక్షుడు కాటసాని శివనరసింహారెడ్డి, నగర మాజీ మేయర్‌ బీవై రామయ్య, తదితరులు పాల్గొన్నారు.

మహానంది: మహానంది దేవస్థానంలో ఆదివారం దసరా నవరాత్రి ఉత్సవాలు ఘనంగా ప్రారంభమయ్యాయి. ఆలయ ఈఓ నల్లకాలువ శ్రీనివాసరెడ్డి, ట్రస్ట్‌బోర్డు చైర్మన్‌ నరాల చంద్రమౌళీశ్వరరెడ్డి ఆధ్వర్యంలో వేదపండితులు బ్రహ్మశ్రీ చెండూరి రవిశంకర అవధాని, ఆలయ ప్రధాన అర్చకులు మామిళ్లపల్లి అర్జునశర్మ, రుత్విక్కులు, అర్చకులు రఘుశర్మ, శరభయ్యశర్మలు ఉదయం నుంచి ప్రత్యేక పూజలు నిర్వహించారు. అందులో భాగంగా గణపతిపూజ, పుణ్యాహవాచనం, అనుజ్ఞ, దీక్షాధారణ, రుత్విగ్వరణ, అఖండ దీప స్థాపన, అగ్నిప్రతిష్టాపన, నవదుర్గ కలశ స్థాపన పూజలు శాస్త్రోక్తంగా జరిగాయి. గోమాతను ప్రత్యేకంగా పట్టువస్త్రాలతో అలంకరించి మేళతాళాలు, భాజా భజంత్రీల మధ్య విశేష పూజలు చేశారు. శ్రీ కామేశ్వరీ నవరాత్రి మహోత్సవాల సందర్భంగా మహానందిలో వేదమంత్రాలతో ఆధ్యాత్మిక వాతావరణం నెలకొంది. రాత్రి అమ్మవారికి సహస్రదీపాలంకరణ సేవ పూజలు జరిగాయి. మహానంది క్షేత్రంలో దేవి శరన్నవరాత్రి ఉత్సవాల్లో భాగంగా ఆదివారం రాత్రి కామేశ్వరి దేవి అమ్మవారు శైలపుత్రిగా భక్తులకు దర్శనమిచ్చారు. పూజల అనంతరం శైలపుత్రి రూపంలో అమ్మవారు భృంగి వాహనంపై కొలువై ఆలయ మాడ వీధుల్లో విహరించారు.

నంద్యాల(వ్యవసాయం)/మహానంది: మహానందిలో ఈ నెల 11వ తేదీ నుంచి జరగనున్న శ్రీ కామేశ్వరీదేవి దసరా శరన్నవరాత్రి ఉత్సవాల్లో భాగంగా శ్రీ గంగ, కామేశ్వరీదేవి సహిత మహానందీశ్వర స్వామి దంపతులు శనివారం నంద్యాలలోని శ్రీ బ్రహ్మనందీశ్వర స్వామి ఆలయానికి వెళ్లారు. ఆలయ ఈఓ నల్లకాలువ శ్రీనివాసరెడ్డి, ట్రస్ట్‌బోర్డు చైర్మన్‌ మౌళీశ్వరరెడ్డి ఆధ్వర్యంలో వేదపండితులు, అర్చకులు ముందుగా స్వామి, అమ్మవారి ఉత్సవమూర్తులను ప్రత్యేకంగా అలంకరించి శాస్త్రోక్తంగా పూజలు చేశారు. అనంతరం భాజాభజంత్రీలు, మంగళవాయిద్యాల నడుమ నంద్యాల శ్రీ బ్రహ్మనందీశ్వరస్వామి ఆలయానికి సాగనంపారు. కాగా రాత్రి నంద్యాలకు చేరుకున్న స్వామికి అర్చకులు పూర్ణకుంభంతో స్వాగతం పలికారు. ఆలయ చైర్మన్‌ బోయ రామకృష్ణ ఈఓ లక్ష్మీనారాయణ, కమిటీ సభ్యులు శివ, రాధాకృష్ణ శర్మ, మోహన్‌ గుప్తా అర్చకులు పాల్గొన్నారు. ఉత్సవ పల్లకీలో ప్రహ్లాదవరదుడు ఆళ్లగడ్డ: అహోబిలం లక్ష్మీనరసింహ స్వామి ఆలయంలో అమావాస్యను పురస్కరించుకుని శనివారం విశేష పూజలు నిర్వహించారు. ఉదయం మూలమూర్తులకు నిత్యపూజలు నిర్వహించిన అనంతరం ఉత్సవమూర్తులు శ్రీదేవి, భూదేవి సమేత శ్రీ ప్రహ్లాదవరదస్వాములను ఆలయం ముఖద్వారం మండపంలో కొలువుంచి పంచామృతాలతో అభిషేకించి ధూపదీపాలతో మహా మంగళహారతి అనంతరం నైవేద్యం నివేదించారు. రాత్రి స్వామి ఉభయ దేవేరులతో ఉత్సవ పల్లకీలో కొలువుదీరి మాఢవీధుల్లో విహరిస్తూ భక్తులకు కనువిందు చేశారు. తిరిగి దేవాలయం చేరుకున్న అనంతరం భక్తులకు తీర్థ ప్రసాదాలు అందజేసి కార్యక్రమాన్ని ముగించారు. బయలు వీరభద్రస్వామికి పరోక్షసేవ శ్రీశైలంటెంపుల్‌: శ్రీశైలక్షేత్ర పాలకుడైన బయలు వీరభద్రస్వామికి శనివారం అమావాస్య సందర్భంగా విశేషార్చన జరిపించారు. తెలుగు రాష్ట్రాల నుంచే కాకుండా కర్ణాటక, మహారాష్ట్రాల నుంచి పలువురు భక్తులు పరోక్షసేవ ద్వారా ఈ విశేషపూజ జరిపించుకున్నారు. ముందుగా కార్యక్రమం నిర్విఘ్నంగా జరిగేందుకు మహాగణపతిపూజ జరిపారు. అనంతరం పంచామృతాలతో వీరభద్రస్వామివారికి అభిషేకం నిర్వహించారు. ఈ పూజా కార్యక్రమంలో జిల్లా కలెక్టర్‌ రాజకుమారి పాల్గొన్నారు. గడివేముల: మిద్దె కూలి చిన్నారి మృతి చెందిన సంఘటన గడివేముల మండలం బూజునూరు గ్రామంలో శనివారం చోటు చేసుకుంది. స్థానికుల తెలిపిన వివరాల మేరకు.. బూజునూరు గ్రామానికి చెందిన కురువ నాగమణి, కురువ వెంకటేశ్వర్లుకు 18 నెలల కూతురు నితీష ఉంది. ఈ చిన్నారి ఇంటి సమీపంలోని వరండాలో ఆడుకుంటుండగా పాత మిద్దె దూలం విరిగి పడడంతో చిన్నారికి తీవ్ర గాయాలై మృతి చెందగా, ఇదే ఘటనలో గాయపడిన నాయనమ్మ సుబ్బమ్మను చికిత్స కొరకు ప్రభుత్వ వైద్యశాల తరలించారు. పోలీస్టేషన్‌లో సీఐ పుట్టినరోజు వేడుకలు బొమ్మలసత్రం: నంద్యాల టూటౌన్‌ పోలీస్టేషన్‌ సీఐ సుధాకర్‌రెడ్డి పుట్టినరోజు వేడుకలను టీడీపీ నాయకులు పోలీసు స్టేషన్‌లో నిర్వహించిన విషయం ఆలస్యంగా వెలుగుచూసింది. గత బుధవారం సీఐ పుట్టిన రోజు. టీడీపీకి చెందిన 1వ వార్డు మాజీ కౌన్సిలర్‌ నాగార్జున ఆధ్వర్యంలో యువకులు భారీ ఎత్తున టూటౌన్‌ పోలీస్టేషన్‌ ఎదురుగా టపాసులు పేల్చి నానా హంగామా సృష్టించారు. పోలీస్టేషన్‌లోకి గుంపులుగా చేరుకుని సీఐతో కేక్‌ కట్‌ చేయించి తినిపించుకున్నారు. గతంలో సదరు సీఐ వన్‌టౌన్‌ పరిధిలో పనిచేసేటప్పుడు టీడీపీ నాయకులతో సన్నిహితంగా మెలగటం కారణంగానే ఈవేడుకలు జరిగినట్లు ప్రజలు చర్చించుకుంటున్నారు. అయితే, వేడుకలకు హాజరైన వారిలో రౌడీషీటర్లు, గతంలో కేసులు నమోదైన వారు ఉన్నట్లు సమాచారం.

నేను 2018లో ఐటీఐ ఎలక్ట్రీషియన్‌ పూర్తి చేశా. ఉన్నత చదువులు, ఉద్యోగానికి వెళ్లకుండా నా తండ్రి కిషోర్‌ శర్మ బాటలోనే వారసత్వంగా పౌరోహిత్యం తీసుకున్నాను. ప్రస్తుతం కమ్మవారిపల్లెలోని రామాలయంలో అర్చకునిగా ఉన్నా. ఆలయాల ప్రతిష్ట, వివాహాలు, గృహ ప్రవేశాల తదితర శుభకార్యాలు చేస్తున్నా. మా పెద్దల నుంచి వస్తున్న ఆచారాలను కొనసాగిస్తున్నా. దేవునికి సేవ చేసే భాగ్యం గొప్ప అదృష్టంగా భావిస్తున్నాను. – చింతకుంట సుధీర్‌, తిమ్మనాయినపేట, కొలిమిగుండ్ల మండలం

చిప్పగిరి/కర్నూలు(టౌన్‌)/ఆలూరు రూరల్‌: టీడీపీ నేతలు ఎన్ని కుట్రలు చేసినా, తప్పుడు కేసులు నమోదు చేయించినా చివరికి న్యాయమే గెలిచింది. అక్రమ కేసులో అరెస్టు అయ్యి 70 రోజులగా కర్నూలు జైల్లో ఉన్న ఆలూరు ఎమ్మెల్యే బుసినె విరూపాక్షి బెయిల్‌పై శనివారం విడుదలై స్వగ్రామం చిప్పగిరికి చేరారు. ఆలూరు నియోజకవర్గంలోని మాచపురం క్రాస్‌, కప్పట్రాళ్ల, ఈదుల దేవరబండ, దేవనకొండ క్రాస్‌ వద్ద కార్యకర్తలు భారీ ఎత్తున చేరుకుని ఆయనకు స్వాగతం పలికి శాలువా,పూల మాలలతో సన్మానించారు. అలాగే మండల కేంద్రమైన ఆస్పరి, నియోజకవర్గ కేంద్రం ఆలూరు, చిప్పగిరిలో కార్యకర్తలు భారీ ఎత్తున చేరుకుని ఎమ్మెల్యేకు ఘన స్వాగతం పలికారు. బెయిల్‌ పై విడుదలైన వారిలో ఆయన కుమారుడు బుసినె చంద్ర శేఖర్‌, సోదరుడు బుసినె శ్రీరాములు తదితరులు ఉన్నారు. 70 రోజులుగా జైలులో నిర్బంధం ఆగస్టు నెల 1వ తేదీన చిప్పగిరి మండలం సంగాల గ్రామానికి వైఎస్సార్‌సీపీ కార్యకర్త గిరిపై నేమకల్లు గ్రామానికి చెందిన టీడీపీ కార్యకర్తలు నాగరాజు, శివ దాడి చేశారు. దీంతో ఆలూరు ఎమ్మెల్యే విరూపాక్షి పరామర్శించడానికి వెళ్లి వస్తుండగా నేమకల్లు గ్రామంలో ఎమ్మెల్యే విరుపాక్షిని ఆ గ్రామ టీడీపీ నాయకులు అడ్డగించి దాడులకు పాల్పడ్డారు. నియోజకవర్గ టీడీపీ నాయకుల ప్రోద్బలంతో సోదరుడు శ్రీరాము లు, తనయుడు చంద్రశేఖర్‌ పాటు మరో 40 మందిపై అక్రమ కేసులు బనాయించారు. పోలీసులు అర్ధారాత్రి ఎమ్మెల్యే విరూపాక్షికి ఇంటికి వెళ్లి తలుపులు బద్దలు కొట్టి అక్రమంగా అరెస్టు చేసి జైలుకు పంపించారు. 70 రోజుల పాటు కర్నూలు జైలులో ఉంచారు. శనివారం ఆయన జైలును నుంచి విడుదల కావడంతో వైఎస్సార్‌సీపీ నాయకుల్లో ఉత్సాహం వెల్లివిరిసింది. రాజకీయ కక్షలో భాగమే.. మంత్రి నారాలోకేష్‌, కర్నూలు రేంజ్‌ డీఐజీ రాజకీయ కక్షలో భాగంగానే అక్రమ కేసులు పెట్టి వేధించారని ఆలూరు ఎమ్మెల్యే విరూపాక్షి అన్నారు. జైలు బయట ఆయన విలేకరులతో మాట్లాడుతూ.. తనపై ఒక్క కేసు లేదని, అయినా అర్ధరాత్రి రెండు గంటలకు కరెంట్‌ కట్‌ చేసి, తలుపులు బద్ధలు కొట్లి అరెస్టు చేయాల్సిన అవసరం ఏముందన్నారు. ఫోన్‌ చేస్తే నేనే స్టేషన్‌కు వచ్చే వాడిని కదా అన్నారు. వైకుంఠం జ్యోతి తనకు తోబుట్టువులాంటిదని, అయితే ఎస్సీ మహిళతో కేసులు నమోదు చేయించి ఎస్సీలను సమాజంలో తలదించుకునేలా చేశారన్నా రు. తమ సామాజిక వర్గానికే చెందిన కాల్వ శ్రీనివాసులు, బీటీ నాయుడు, పార్థసారథి, గుడిసె క్రిష్ణమ్మలు తనపై ఆరోపణలు చేయడం సిగ్గు చేటన్నారు. జులై నెలలో ఆస్పరికి వచ్చిన చంద్రబాబు నాయుడుకు మంచినీటి సమస్య గురించి చెప్పడం, మీడియాలో మాట్లాడటం చేసినందుకు నీ కథ చూస్తా.. అంటూ తనకు డీఎస్సీ వెంకట్రామయ్య ఫోన్‌ చేసి బెదిరించిన వారంలోపే అక్రమ కేసులు పెట్టారన్నారు. అండగా నిలిచిన జగనన్నకు కృతజ్ఞతలుతనపై అక్రమంగా కేసులు పెట్టి జైల్లో పెట్టిన తన కుటుంబానికి మాజీ సీఎం జగనన్న అండగా నిలిచి ఎంతో భరోసా కల్పించారని ఎమ్మెల్యే విరూపాక్షి అన్నారు. మాజీ సీఎం జగనన్నకు అలాగే కర్నూలు, అనంతపురం జిల్లాలకు చెందిన వైఎస్సార్‌సీపీ నాయకులకు కృతజ్ఞతలు తెలియజేస్తున్నారన్నారు. వాల్మీకులను ఓటు బ్యాంకు కోసమే చంద్రబాబు వాడుకుంటున్నారన్నారు. చంద్రబాబుకు బీసీలంటే ఇష్టం లేదన్నారు. వాల్మీకులను కేవలం ఓటు బ్యాంకు కోసమే వాడుకుంటున్నారన్నారు. 2014, 2019, 2024 సంవత్సరాల ఎన్నికల్లో వాల్మీకులను ఎస్సీ జాబితాలో చేరుస్తామని చెప్పారు. అధికారంలోకి వచ్చిన తరువాత పట్టించుకోవడం లేదన్నారు. రాష్ట్రంలో, కేంద్రంలో అధికారంలో ఉన్నారు కదా చంద్రబాబుకు చిత్తశుద్ధి ఉంటే వాల్మీకులను ఎస్సీల జాబితాలో చేర్చవచ్చు కదా అని ప్రశ్నించారు. జైలు నుంచి ఆలూరు ఎమ్మెల్యే విరూపాక్షి విడుదల అడుగడుగునా స్వాగతం పలికిన ప్రజలు

పూర్తి మట్టం : 1,633 అడుగులు ప్రస్తుతం : 1,620.270 టీఎంసీల సామర్థ్యం : 105.788 ప్రస్తుతం : 62.091 ఇన్‌ఫ్లో (క్యూసెక్కులు) : 0 ఔట్‌ఫ్లో (క్యూసెక్కులు) : 9,800శ్రీశైల దేవస్థానంలో శ్రీభ్రమరాంబాదేవి ఆలయ ముఖ్య అర్చకుడిగా పనిచేస్తున్న ఈయన పేరు తాండ్ర పవన్‌కుమార్‌శర్మ. ఎంబీఏ చదివి మంచి ఉద్యోగాలు వచ్చినా వెళ్లలేదు. స్వస్థలం బండిఆత్మకూరు కాగా.. తండ్రి తాండ్ర బాలసుబ్రహ్మణ్యశర్మ చూపిన బాటలో నడిచారు. ప్రవేశ, వర, ప్రవర విద్యలో ప్రావీణ్యం సాధించారు. దేవదాయశాఖ అర్చకుల పోస్టులకు నోటిఫికేషన్‌ విడుదల కావడంతో 2016లో ఉత్తీర్ణత సాధించారు. అప్పటి నుంచి శ్రీభ్రమరాంబాదేవి ఆలయంలో అర్చకునిగా తన ప్రస్థానాన్ని ప్రారంభించారు. రెండేళ్ల క్రితం పదోన్నతిపొంది ప్రస్తుతం ముఖ్య అర్చకునిగా విధులు నిర్వహిస్తున్నారు. ప్రతిరోజు అనేక మంది భక్తులకు శఠారీని తలపై పెట్టి శతమానం భవతే అంటూ ఆశీర్వచనాలు అందిస్తున్నాను’ అని చెప్పారు. స్వామిఅమ్మవార్ల దయతో వారి చెంతనే ఉండి సేవ చేసుకునే అవకాశం రావడం చాలా సంతోషంగా ఉందన్నారు.

వైద్య ఆరోగ్యశాఖ పరిధిలో పనిచేస్తున్న కాంట్రాక్ట్‌ ఉద్యోగులకు వైఎస్సార్‌సీపీ అండగా ఉంటుందని ఆ పార్టీ నంద్యాల జిల్లా అధ్యక్షుడు కాటసాని రాంభూపాల్‌రెడ్డి పేర్కొన్నారు. IIలోu● ఉన్నత చదువులు అభ్యసించినా వేద విద్య ౖవైపు అడుగులు ● అర్చకులుగా, పురోహితులుగా రాణిస్తున్న యువతఆదివారం శ్రీ 11 శ్రీ అక్టోబర్‌ శ్రీ 2026మహానందిలో సుప్రభాతం చదువుతున్న మామిళ్లపల్లి వెంకట ఆంజనేయ రఘుశర్మ 2011లో ఎంఏ పూర్తి చేశారు. తర్వాత టీపీటీ, యూజీసీ నెట్‌ చదివారు. కొన్నేళ్లు కర్నూలు, నంద్యాల పట్టణాల్లో ప్రైవేట్‌ కళాశాలల్లో లెక్చరర్‌గా చేస్తూ నెలకు రూ. 30 నుంచి రూ. 40వేల వరకు వేతనం తీసుకున్నారు. పెళ్లి చేసుకుని పిల్లలతో గడుపుతున్నా ఏదో ఒక వెలితి. తాత, బాబాయిలు దేవుడి సేవలో చేస్తుంటే తాను ఎందుకు ఇలా అధ్యాపకుడిగా ఉండాలని అర్చక వృత్తిలోకి వచ్చారు. ప్రవేశ, వర, ప్రవర పరీక్షలు రాసి ఉత్తీర్ణత సాధించి మహానందీశ్వర స్వామి సేవలో తరిస్తున్నారు. నిత్యం మహానందీశ్వరస్వామిని చూస్తుండటం, మనసారా చేతులతో తాకే అవకాశం రావడం తనకెంతో మహానందంగా ఉందని రఘుశర్మ ఆనందం వ్యక్తం చేస్తున్నారు. నంద్యాల పట్టణంలోని సంజీవనగర్‌ రామాలయంలో పౌరోహిత్యం చేస్తున్న యడవల్లి శివరామశర్మ ఎంబీఏ చదివారు. హైదరాబాద్‌ సాఫ్ట్‌వేర్‌ కంపెనీలో రెండేళ్లు హెచ్‌ఆర్‌ మెనేజర్‌గా పనిచేశారు. యాంత్రిక జీవనానికి అలవాటుపడి తన స్వధర్మాన్ని మరిచానని బాధపడుతూ.. పౌరోహిత్యం చేపట్టారు. ఉద్యోగమే జీవితానికి పరమావధి కాదని, పూజలు నిర్వహించడంలో గొప్ప సంతృప్తి ఉందని తెలిపారు. ధార్మిక విలువలకు ప్రాధాన్యత ఇస్తూ ఆధ్యాత్మిక సంప్రదాయాలపై అవగాహన కల్పించినప్పుడు సమాజంలో మంచి మార్పు వస్తుందని చెప్పారు. సంపాదనకు అనేక అనేక మార్గాలు ఉన్నా మనస్సుకు నచ్చిన సేవ మార్గాన్ని ఎంచుకోవడంలో ప్రత్యేకమైన తృప్తి ఉంటుందని వివరించారు.పూజలు నిర్వహిస్తున్న అర్చకుడి పేరు పవన్‌ కుమార్‌ శర్మ. ఆత్మకూరు మండలం వడ్ల రామాపురం గ్రామానికి చెందిన ఈ యువకుడు గుంటూరు వేద పాఠశాలలో చదివారు. అక్కడ నుంచి బేతంచెర్లకు వచ్చి అమ్మవారిశాల ఆలయ అర్చకునిగా 12 ఏళ్లుగా సేవలు అందిస్తున్నారు. తాను ఏడో తరగతిలో ఉన్నప్పుడు తన తండ్రి చనిపోయారని, కుటుంబ ఆర్థిక పరిస్థితుల దృష్ట్యా చదువుకు స్వస్తి పలికినట్లు చెప్పారు. సంపాదనకోసం కాకుండా తమ పెద్దలు అందించిన ఆనవాయితీని కొనసాగిస్తూ భగవంతుని సేవలో తరిస్తున్నానని తెలిపారు. తల్లిదండ్రులు సుజాతమ్మ, శంకయ్య చూపిన అర్చకత్వం తన కుటుంబానికి మార్గం చూపిందన్నారు.పోటీ ప్రపంచంలో సంపాదనే ధ్యేయంగా యువకులు ఏదైనా మంచి ఉద్యోగం చేసి కుటుంబానికి అండగా నిలవాలనుకుంటున్నారు. ముఖ్యంగా సాఫ్ట్‌వేర్‌ వైపు ఎక్కువ శాతం అడుగులు వేస్తున్నారు. ఈ క్రమంలో కొన్ని రంగాల్లో మానవ వనరుల కొరత ఏర్పడుతోంది. అందులో పౌరోహిత్యం ఒకటని చెప్పవచ్చు. వైదిక విద్యపై కంటే ఆధునిక విద్యలపైనే యువత ఎక్కువ ఆసక్తి చూపిస్తున్నారు. రాబోయే రోజుల్లో వేద పండితుల సంఖ్య తగ్గే ప్రమాదం ఉంది. హిందూ ధర్మ పరిరక్షణలో పురోహితులు అత్యంత కీలకమైన పాత్ర పోషిస్తూ సమాజానికి, ఆధ్యాత్మికతకు మధ్య వారధిలా ఉన్నారు. వీరి సంఖ్య రోజురోజుకు తగ్గిపోతోంది. ఇలాంటి క్రమంలో కొందరు ఉన్నత చదువులు చదివినా వారసత్వంగా పౌరోహిత్యం వైపు మొగ్గు చూపుతున్నారు. పుట్టుక నుంచి మరణం వరకు జరిగే నామకరణం, ఉపనయనం, వివాహం, శ్రాద్ధకర్మలు వంటి ముఖ్యమైన జీవిత సంస్కారాలను శాస్త్రోక్తంగా నిర్వహిస్తారు. పండుగలు, విశేష దినాల్లో పురాణ పఠనం, ప్రవచనాలు చేస్తూ సామాన్య ప్రజలకు ధర్మ మార్గాన్ని, ఆచారాల వెనుక ఉన్న అంతరార్థాన్ని తెలియజేస్తున్నారు. కష్టసుఖాల్లో, శుభకార్యాల్లో కుటుంబాలను కలుపుతూ సమాజంలో నైతికతను, సాంస్కృతిక విలువలను నిలబెడుతున్నారు. ఇలా ఉమ్మడి కర్నూలు జిల్లాలో పదుల సంఖ్యలో యువత పౌరోహిత్యంలో రాణిస్తున్నారు. ఉద్యోగాలు వదిలి వారసత్వంగా వస్తున్న ఈ వృత్తినే ఎంచుకుంటున్నారు. ఇటీవల కాలంలో బ్రాహ్మణ కుటుంబాల నుంచి యువత పౌరోహిత్యం బాట పడుతున్నారు. పారితోషికం తక్కువ వస్తున్నా సంతృప్తికర జీవితాన్ని గడుపుతున్నామని యువ పురోహితులు చెబుతున్నారు. – సాక్షి నెట్‌వర్క్‌ భక్తులకు స్వామివారి ఆశీర్వచనాలు అందిస్తున్న సూర్యనారాయణ శర్మ 1989లో బీకామ్‌, 1992లో బీఈడీ పూర్తి చేశారు. వైఎస్సార్‌ జిల్లా రాజంపేటకు చెందిన ఈయన 1998 డీఎస్సీకి ఎంపికయ్యారు. అయితే ఉద్యోగం రాకపోవడంతో వివిధ ప్రైవేట్‌ పాఠశాలల్లో పనిచేసేవారు. తమ్ముడు టి. మహేశ్వరయ్య(మహేశ్వరశర్మ)మహానందిలో ఉండటంతో 2013లో ఇక్కడికి వచ్చారు. నష్టాలు చవిచూసినా.. మానసిక ప్రశాంతత కోసం భక్తులు సమర్పించే కొబ్బరికాయలు కొడుతూ అర్చక వృత్తిలో కొనసాగుతున్నారు. వందల మంది విద్యార్థులకు పాఠాలు చెప్పిన ఆయన నేడు మహానందీశ్వరుడి సన్నిధిలో భక్తులు సమర్పించే కొబ్బరికాయలు కొడుతూ జీవనోపాధి పొందుతున్నారు.

కరువు రైతుకు సంజామల: కరువు రైతుకు సీఎం చంద్రబాబు వెన్నుపోటు పొడిచారని బనగానపల్లె నియోజకర్గ వైఎస్సార్‌సీపీ సమన్వయకర్త, మాజీ ఎమ్మెల్యే కాటసాని రామిరెడ్డి విమర్శించారు. జిల్లాలోని అన్ని మండలాలను కరువు మండలాలుగా ప్రకటించి 75 శాతం పంట నష్టం కలిగిన సంజామల మండలాన్ని విస్మరించడంతో మాజీ ఎమ్మెల్యే కాటసాని ఆగ్రహం వ్యక్తం చేశారు. జిల్లా పరిషత్‌ మాజీ చైర్మన్‌ ఎర్రబోతుల పాపిరెడ్డి, వైఎస్సార్‌సీపీ స్టేట్‌ ఎగ్జిక్యూటివ్‌ కౌన్సిల్‌ మెంబర్‌ చల్లా విఘ్నేశ్వర్‌ రెడ్డి, వైఎస్సార్‌సీపీ రాష్ట్ర కార్యదర్శి గుండం సూర్య ప్రకాష్‌ రెడ్డి, సీపీఐ నాయకులు, రైతులతో కలసి మాజీ ఎమ్మెల్యే కాటసాని రామిరెడ్డి మండల కేంద్రం సంజామల కోటబురుజు నుంచి స్థానిక తహసీల్దార్‌ కార్యాలయం వరకు శుక్రవారం పెద్ద ఎత్తున ర్యాలీ నిర్వహించారు. అనంతరం తహసీల్దార్‌ చంద్రశేఖర్‌కు సంజామలను కరువు మండలముగా ప్రకటించాలని వినతి పత్రం అందజేశారు. అనంతరం కాటసాని మీడియాతో మాట్లాడుతూ.. సంజామల వ్యవసాయ ఆధారిత మండలమని, ఖరీఫ్‌ సీజన్‌లో రైతులు తీవ్రంగా నష్టపోయారని వ్యవసాయ అధికారులు నివేదికలు సమర్పించినా కరువు మండలం ప్రకటించకపోవడం మంత్రి బీసీ వైఫల్యమేనని విమర్శించారు. కార్యక్రమంలో వైఎస్సార్‌సీపీ జిల్లా అధికార ప్రతినిధి సిద్దంరెడ్డి రామ్మెహన్‌ రెడ్డి, గిరిజన విభాగం రాష్ట్ర కార్యదర్శి శ్రీనివాస్‌ నాయక్‌, రాష్ట్ర యువజన కార్యదర్శి అంబటి రవి రెడ్డి, మాజీ వైస్‌ ఎంపీపీ రాజశేకర్‌ రెడ్డి, నాయకులు లింగందిన్నె అన్నెం శివరామిరెడ్డి, ఆకుమల్ల గౌరిగారి నాగేశ్వర్‌ రెడ్డి, అక్కంపల్లె నాగిరెడ్డి, దేశాయ్‌ రెడ్డి, ఎస్సీ బాబు, ప్రసాద్‌ రెడ్డి, వసంతాపురం సత్యమయ్య, నరసింహారెడ్డి, రమేశ్వర్‌రెడ్డి, కమలపురి తులసిరెడ్డి, హోత్రమాన్‌దిన్నె సూర్యనారయణరెడ్డి, ముచ్చలపురి అస్సద్‌ అల్లిఖాన్‌, చ్రందశేఖర్‌, ప్రసాద్‌ రెడ్డి, ఎగ్గొని కృష్ణారెడ్డి, తోట వెంకటేశ్వర్‌ రెడ్డి, మల్లు శ్రీనివాస్‌ రెడ్డి, దారెడ్డి సుధాకర్‌ రెడ్డి, ఉపేంద్రారెడ్డి, వెంకటేశ్వర్‌ రెడ్డి, రహంతుల్లా, సీపీఐ నాయకులు అబ్రహం, సూర్యనారాయణ, సంజీవులు, నాగాంజనేయులు, రాజశేఖర్‌ తదితరులు పాల్గొన్నారు. మంత్రి బీసీ గిమ్మిక్కులు ప్రజలు నమ్మరు రాష్ట్ర విపత్తులశాఖ అధికారులకు లేఖ రాశానంటూ మంత్రి బీసీ జనార్దన్‌రెడ్డి గిమ్మిక్కులతో రైతులను నమ్మించే ప్రయత్నం చేస్తున్నారని కాటసాని విమర్శించారు. చిన్న విషయాన్ని కూడా పబ్లిసిటీ చేసుకునే మంత్రి ఈనెల 2న లేఖ రాస్తే 7వ తేదీన సోషల్‌ మీడియాలో పబ్లిసిటీ ఎందుకు చేసుకుంటున్నారని మండిపడ్డారు. సంజామల మండలంలో వైఎస్సార్‌సీపీ రైతులతో కలసి నిరసన కార్యక్రమం చేపడుతుందని తెలిసి సోషల్‌ మీడియాలో మంత్రి గిమ్మిక్కులు చేయ డం వాస్తవం కాదా అని ప్రశ్నించారు. జిల్లాలో కరువు మండలం ప్రకటించడానికి ముందే అధికారులు స్థానిక మంత్రులకు జాబితాను చూపుతారని అనే విషయం అందరికీ తెలిసిందేనన్నారు. మండల ప్రజలు అన్నీ గమనిస్తున్నారన్నారు. తీవ్ర వర్షాభావ పరిస్థితులతో పలు గ్రామాల్లో తాగడానికి నీరులేక తీవ్ర ఇబ్బందులు పడుతున్న విషయం మంత్రికి తెలియదా.. అని మండిపడ్డారు. సంజామల మండలాన్ని వారం రోజుల్లో కరువు మండలంగా ప్రకటించకపోతే రిలే నిరాహార దీక్షలు చేపడుతామని హెచ్చరించారు. మంత్రి బీసీ జనార్దన్‌ రెడ్డి సొంత నియోజకవర్గంలో సంజామలను కరువు మండలంగా ప్రకటించడంలో విఫలమయ్యారు. మంత్రికి సంజామల మండలంపై శీతకన్ను ఎందుకో అర్థం కావడం లేదు. కూటమి ప్రభుత్వం రైతులకు న్యాయం చేసే ఆలోచన లేదు. ఎల్‌నినో ప్రభావంతో రైతులు అల్లాడుతుంటే కూటమి నాయకులు మాత్రం జల్సాలు చేసుకుంటున్నారు. – ఎర్రబోతుల పాపిరెడ్డి, జిల్లా పరిషత్‌ మాజీ చైర్మన్‌ కూటమి నేతలు, అధికారులు గ్రామాల్లో పర్యటిస్తే కరువు పరిస్థితులు తెలుస్తాయి. రైతులు పంటలు వేసి నష్టపోయి అప్పులపాలయ్యారు. కొన్ని గ్రామాల్లో తాగేందుకు నీళ్లు కూడా లేవు. స్థానిక మంత్రి నిర్లక్ష్యంతో కరువు మండలం ప్రకటించలేదు. సంజామలను కరువు మండలం ప్రకటించకపోతే పెద్ద ఎత్తున ఉద్యమం చేపడతాం. – చల్లా విఘ్నేశ్వర్‌ రెడ్డి, వైఎస్సార్‌సీపీ స్టేట్‌ ఎగ్జిక్యూటివ్‌ కౌన్సిల్‌ మెంబర్‌

సాక్షి ప్రతినిధి, కర్నూలు: స్థానిక ఎన్నికల్లో గెలుపే లక్ష్యంగా పచ్చపార్టీ పావులు కదుపుతోంది. ఇందుకోసం అన్నిరకాల అక్రమాలకు తెరతీసింది. ప్రధానంగా ఎన్నికల్లో పోలీసులను అడ్డుపెట్టి లబ్ధి పొందే ప్రయత్నాలకు దిగింది. ఇందులో భాగంగా పోలీస్‌ అధికారుల బదిలీలు మొదలు పెట్టింది. ఎన్నికల్లో పచ్చపార్టీకి అనుకూలంగా పనిచేసే వారికి పోస్టింగులు ఇచ్చేందుకు రంగం సిద్ధం చేసింది. ఇప్పటికే కొంతమంది డీఎస్పీలు, సీఐలను బదిలీ చేసిన ప్రభుత్వం.. మిగిలిన వారిని ఒకటి, రెండు రోజుల్లోనే బదిలీ చేయనున్నట్లు తెలుస్తోంది. పచ్చనేతలు ఇచ్చిన పోలీసు అధికారుల జాబితాతో అధిష్టానం బదిలీలు మొదలు పెట్టిందనే చర్చ జరుగుతోంది. ఇందులో భాగంగా ఇప్పటికే పత్తికొండ, ఎమ్మిగనూరు డీఎస్పీలను బదిలీ చేసిన ఉన్నతాధికారులు. పత్తికొండకు సంబంధించి ఇద్దరు సీఐలను బదిలీ చేశారు. వారి స్థానంలో పచ్చనేతలు చెప్పిన వారికి పోస్టింగులు ఇచ్చినట్లు తెలుస్తోంది. కోడుమూరులో ఎస్‌ఐని బదిలీ చేయనున్నట్లు సమాచారం. మంత్రాలయంలో టీడీపీ ఇన్‌ఛార్జ్‌ రాఘవేంద్రారెడ్డి ఆదేశాలతో అక్కడున్న సీఐ దస్తగిరి బాబు, ఎస్‌ఐ మల్లికార్జునను బదిలీ చేస్తున్నట్లు సమాచారం. వీరి స్థానాల్లో టీడీపీ ఇన్‌చార్జి ఇచ్చిన అధికారులను నియమించనున్నట్లు తెలుస్తోంది. దీంతో పాటు ఎమ్మిగనూరు, ఆదోని, కర్నూలు, మిగిలిన నియోజకవర్గాల్లోనూ పోలీసు అధికారులను బదిలీ చేసేందుకు ఉన్నతాధికారులు జాబితా సిద్ధం చేసినట్లు సమాచారం. అటు నంద్యాల జిల్లాలోనూ స్థానిక ఎన్నికల కోసం ప్రభుత్వం పోలీసు అధికారులను బదిలీ చేస్తున్నట్లు ప్రచారం ఉంది. ఇప్పటికే జిల్లా కేంద్రంలో మంత్రి ఫరూక్‌ ఆదేశాల మేరకు వన్‌టౌన్‌, టూటౌన్‌ సీఐలను బదిలీ చేసిన అధికారులు, వారి స్థానంలో మంత్రి సూచించిన పోలీసు అధికారులను నియమించినట్లు తెలుస్తోంది. వీరే కాకుండా నంద్యాల జిల్లా వ్యాప్తంగా అన్ని నియోజకవర్గాల్లోనూ పోలీసు అధికారులను బదిలీ చేస్తున్నట్లు సమాచారం. పచ్చ అధికారుల పేర్లివ్వండి పచ్చ పార్టీకి అనుకూలంగా పనిచేసే అధికారుల పేర్లు ఇవ్వాలని ఇప్పటికే ప్రభుత్వ పెద్దల నుంచి పచ్చ నేతలకు సమాచారం అందినట్లు తెలుస్తోంది. వారి ఆదేశాలను అందుకున్న ఉమ్మడి కర్నూలు జిల్లాలోని మంత్రులు, ఎమ్మెల్యేలు, ఇన్‌చార్జిలు రాబోయే స్థానిక ఎన్నికల్లో ప్రభుత్వానికి అనుకూలంగా పనిచేసే పోలీసు అధికారుల జాబితాలు ఇప్పటికే అధిష్టానానికి అందించినట్లు సమాచారం. త్వరలోనే ఎన్నికల నోటిఫికేషన్‌ వెలువడే పరిస్థితి ఉండటంతో అంతలోపే పోలీసు అధికారుల బదిలీలు పూర్తి చేయనున్నట్లు తెలుస్తోంది. మరోవైపు ప్రభుత్వ పెద్దల నుంచి స్థానిక ఎన్నికల్లో ప్రభుత్వానికి సహకరించాలంటూ పోలీసు ఉన్నతాధికారులకు సూచనలు అందినట్లు సమాచారం. పోలీసులను అడ్డుపెట్టి స్థానిక ఎన్నికల్లో ప్రభుత్వానికి అనుకూలంగా ఫలితాలు వచ్చేలా కృషి చేస్తానని ఇప్పటికే ఈ ప్రాంతంలో పనిచేస్తున్న పోలీసు ఉన్నతాధికారి ప్రభుత్వానికి హామీ ఇచ్చినట్లు పోలీసు వర్గాల్లో ప్రచారం జరుగుతోంది. వెనక్కి తగ్గేది లేదు.. అయితే స్థానిక ఎన్నికల్లో ప్రజాబలంతో ప్రతిపక్ష వైఎస్సార్‌ కాంగ్రెస్‌ పార్టీ అధికార పక్షాన్ని ఢీకొట్టేందుకు సర్వసన్నద్ధంగా ఉన్నట్లు తెలుస్తోంది. ఆ మేరకు ఇప్పటికే ప్రతిపక్ష పార్టీ పలుమార్లు ప్ర త్యేక సమావేశాలు నిర్వహించి పార్టీశ్రేణులను సమాయత్తం చేసింది. ఎన్నికలు ఏ నిముషంలో వచ్చినా పోటీకి సై అంటూ వైఎస్సార్‌సీపీ శ్రేణులు ఉరకలేస్తున్నా యి.ప్రభుత్వం ఎన్నిఅడ్డంకులు సృష్టించినా, ఎన్నిరకాల ఒత్తిళ్లు తీసుకొచ్చినా స్థా నిక ఎన్నికల్లో పోటీకి వెనుకాడేది లేదని,ప్రజాబలంతో విజయమే లక్ష్యంగా పనిచేస్తామని వైఎ స్సార్‌ కాంగ్రెస్‌పార్టీనేతలు పేర్కొంటున్నారు. స్థానిక ఎన్నికలకు పోలీస్‌ అధికారుల బదిలీలు

బేతంచెర్ల: రాబోయే స్థానిక సంస్థల ఎన్నికల్లో వైఎస్సార్‌సీపీ అభ్యర్థుల విజయానికి నాయకులు, కార్యకర్తలు సమష్టిగా కృషి చేయాలని మాజీ మంత్రి బుగ్గన రాజేంద్రనాథ్‌ రెడ్డి పిలుపునిచ్చారు. శుక్రవారం పట్టణంలోని వైఎస్సార్‌సీపీ కార్యాలయంలో ముఖ్య నాయకులు, కార్యకర్తలతో ఆయన మాట్లాడారు. గత వైఎస్సార్‌సీపీ ప్రభుత్వ హయాంలో అమలు చేసిన సంక్షేమ పథకాలు, విద్య, వైద్యం, ఉపాధి రంగాల్లో చేపట్టిన అభివృద్ధి కార్యక్రమాలను ప్రజలకు వివరించాలని సూచించారు. టీడీపీ ప్రభుత్వ వైఫల్యాలను ప్రజల్లోకి తీసుకెళ్లి, స్థానిక సంస్థల ఎన్నికల్లో అభ్యర్థుల గెలుపు కోసం సైనికుల్లా పనిచేయాలన్నారు. గ్రామ, మండల స్థాయి వరకు ఎవరికై నా ఇబ్బందికర పరిస్థితులు తలెత్తితే తన దృష్టికి తీసుకు రావాలన్నారు. అలాగే ఆయా గ్రామాల ప్రజలు, నాయకులు, కార్యకర్త లు సమస్యలను మాజీ మంత్రి బుగ్గన దృష్టికి తీసుకొచ్చారు. కార్యక్రమంలో నగర పంచాయతీ చైర్మన్‌ చలం రెడ్డి, మాజీ ఎంపీపీ బుగ్గన నాగభూషణం రెడ్డి, నాయకులు బుగ్గన చంద్రారెడ్డి, నాగేశ్వర్‌ రెడ్డి, మురళీకృష్ణ, రామచంద్రుడు, లక్ష్మిరెడ్డి, తిరుమలేశ్వర్‌ రెడ్డి, పిట్టల జాకీర్‌, మాజీ సర్పంచ్‌లు వేణుగోపాల్‌ రెడ్డి, వెంకటేశ్వర్లు పాల్గొన్నారు.

నందికొట్కూరు: పేదలకు వైద్య సేవలు అందించాల్సిన దామగట్ల విలేజ్‌ హెల్త్‌ క్లినిక్‌ శుక్రవారం మధ్యాహ్నానికే మూత పడింది. వైద్యం కోసం వచ్చిన వారు నిరాశతో వెనుదిరిగారు. పేద రోగులకు చెంతనే వైద్యం అందించాలనే లక్ష్యంతో గత వైఎస్సార్‌సీపీ ప్రభుత్వంలో గ్రామీణ ప్రాంతాల్లో ఏర్పాటు చేసిన హెల్త్‌క్లినిక్‌లో సేవలు నిర్వీర్యమవుతున్నాయి. రెండు రోజుల క్రితం దామగట్ల విలేజ్‌ హెల్త్‌ క్లినిక్‌లో అసాంఘిక కార్యకలాపాలు జరగడంతో ఓ వ్యక్తి ఫొటోలు తీయడంతో పంచాయితీ చివరకు బ్రాహ్మణకొట్కూరు పోలీసు స్టేషన్‌ వరకు చేరినట్లు సమాచారం. అయితే గ్రామ టీడీపీ సీనియర్‌ నాయకులు సర్దిచెప్పినట్లు తెలుస్తోంది. జిల్లా, మండల స్థాయి అధికారుల పర్యవేక్షణ లేకపోవడంతో సిబ్బంది ఇష్టారాజ్యంగా వ్యవహరిస్తున్నారనే విమర్శలు వినిపిస్తున్నాయి.

నంద్యాల(అర్బన్‌): అనవసర విద్యుత్‌ వినియోగాన్ని తగ్గించి విద్యుత్‌ పొదుపునకు అందరూ సహకరించాలని ఏపీఎస్పీడీసీఎల్‌ చీఫ్‌ జనరల్‌ మేనేజర్‌ రమణ అన్నారు. ప్రస్తుతం ఉష్ణోగ్రతలు సాధారణ స్థాయిని మించిపోతున్నాయని, ఈ నేపథ్యంలో ప్రజలు విద్యుత్‌ను అవసరమైన మేరకే వినియోగించుకోవాలని సూచించారు. స్థానిక ఎస్‌ఈ కార్యాలయంలో జిల్లా విద్యుత్‌ శాఖ అధికారులతో సమీక్షా సమావేశం నిర్వహించారు. ఈ సందర్భంగా ఆయన మాట్లాడుతూ.. విద్యుత్‌ సమస్యల పరిష్కారం కోసం డిస్కం సీఎండీ ఆధ్వర్యంలో డయల్‌ యువర్‌ సీఎండీ, కరెంటోళ్ల జనబాట వంటి వినూత్న కార్యక్రమాలు ప్రతి వారం నిర్వహించి వినియోగదారుల సమస్యలు పరిష్కరిస్తున్నామన్నారు. ప్రజల సౌకర్యార్థం విద్యుత్‌ బిల్లులను సులభంగా చెల్లించే విధంగా ఫోన్‌పే, తదితర డిజిటల్‌ చెల్లింపు వేదికలను అందుబాటులోకి తెచ్చామన్నారు. కార్యక్రమంలో ఎస్‌ఈ శ్రీనివాసులురెడ్డి, ఈఈ, డీఈఈ, ఏఈలు తదితరులు పాల్గొన్నారు.

ఆళ్లగడ్డ: ప్రసిద్ధ పుణ్యక్షేత్రం అహోబిలంలో శ్రీ అహోబిల మఠం స్థాపకులు, ప్రథమ పీఠాధిపతి శ్రీమాన్‌ ఆదివణ్‌ శఠగోప స్వామి తిరునక్షత్ర మహోత్సవాలు వైభవంగా కొనసాగుతున్నాయి. నాలుగో రోజు శుక్రవారం వేకువజామునే స్వామి, అమ్మవార్లను సుప్రభాత సేవ తో మేల్కొలిపి దివ్యదర్శనం అనంతరం నిత్యపూజలు నిర్వహించారు. అనంతరం ఉత్సవమూర్తి శ్రీమాన్‌ ఆదివణ్‌ శఠగోప స్వామి ఉత్సవ విగ్రహం కొలువుంచి అర్చన, అభిషే కం నిర్వహించారు. అనంతరం ప్రత్యేకంగా అలంకరించిన ఉత్సవ పల్లకీలో కొలువుంచి గ్రామోత్సవం నిర్వహించారు. పోతిరెడ్డిపాడు నుంచి తగ్గిన నీటి విడుదల జూపాడుబంగ్లా: పోతిరెడ్డిపాడు హెడ్‌రెగ్యులేటర్‌ 2, 4 ,5, 7 గేట్లు తెరచి ఉంచినప్పటికీ కేవలం 750 క్యూసెక్కుల నీళ్లు మాత్రమే ఎస్సారెమ్సీ కాల్వలోకి వెళ్తున్నాయి. ఈ నీటిని బానకచర్ల నీటినియంత్రణ వ్యవస్థ నుంచి కేసీఎస్కేప్‌ కాల్వకు సరఫరా చేస్తున్నారు. సెప్టెంబర్‌ 21వ తేదీ నాటికీ శ్రీశైలం డ్యాంలో 858 అడుగుల నీటిమట్టం ఉండగా ప్రస్తుతం 846.90 అడుగుల నీటి మట్టానికి చేరుకోగా.. పోతిరెడ్డిపాడు హెడ్‌రెగ్యులేటర్‌ వద్ద 845.90 అడుగుల నీటిమట్టం ఉన్నట్లు అధికారులు తెలిపారు. ఇప్పటి వరకు పోతిరెడ్డిపాడు హెడ్‌రెగ్యులేటర్‌ ద్వారా 35 టీఎంసీల నీటిని మాత్రమే ఎస్సార్బీసీ, తెలుగుగంగ, కేసీ ఎస్కేప్‌ కాల్వలకు సరఫరా చేసినట్లు అధికారులు పేర్కొంటున్నారు. జెడ్పీలో ఎన్నికల సెల్‌ ఏర్పాటుకు చర్యలు కర్నూలు(అర్బన్‌): జెడ్పీటీసీ, ఎంపీటీసీ ఎన్నికల నిర్వహణకు సంబంధించి జిల్లా పరిషత్‌ కార్యాలయంలో ప్రత్యేకంగా ఎన్నికల విభాగాన్ని ఏర్పా టు చేసేందుకు చర్యలు చేపట్టినట్లు జెడ్పీ సీఈఓ ఆర్‌.సుధాకర్‌రెడ్డి తెలిపారు. ఈ నేపథ్యంలోనే ఆయన శుక్రవారం ఎన్నికల సెల్‌ ఏర్పాటుకు జెడ్పీ చైర్మన్‌ చాంబర్‌ ఎదుటనున్న గదిలో కంప్యూటర్లు, ఫర్నిచర్‌ సౌకర్యాన్ని ఏర్పాటు చేసేందుకు కార్యాలయ పర్యవేక్షకులు సీ.మురళీమోహన్‌రెడ్డి, రాంగోపాల్‌తో కలిసి పరిశీలించారు. ఈ సందర్భంగా సీఈఓ మాట్లాడుతూ ఎన్నికల ప్రక్రి య పూర్తయ్యేంత వరకు సాంకేతికతపై పట్టున్న వివిధ సచివాలయాల్లో పనిచేస్తున్న ముగ్గురు డిజిటల్‌ అసిస్టెంట్లను కూడా వినియోగించుకునే అవకాశాలను పరిశీలిస్తున్నట్లు తెలిపారు.

● రోడ్డు ప్రమాదంలో ఒకరు మృతి ● ముగ్గురికి తీవ్ర గాయాలు ● రాతన సమీపంలో ప్రమాదం తుగ్గలి: దైవదర్శనానికి వెళ్లి తిరిగి వస్తూ రోడ్డు ప్రమాదంలో ఒకరు మృతి చెందగా..మరో ముగ్గురు తీవ్రంగా గాయపడ్డారు. కర్ణాటక రాష్ట్రం చిక్‌బళ్లాపూర్‌కు చెందిన నలుగురు వ్యక్తులు మంత్రాలయం రాఘవేంద్ర స్వామి దర్శనార్థం కారులో వెళ్లారు. దర్శనం అనంతరం గురువారం తిరిగి ఇంటికి బయలు దేరారు. తుగ్గలి మండలం రాతన ఆశ్రమ పాఠశాల సమీపంలో కారు, కడప నుంచి గుజరాత్‌ వెళుతున్న లారీ ఢీకొన్నా యి. కారులో చిక్కుకున్న క్షతగాత్రులను స్థానికులు గడ్డపారతో డోర్లు తెరిచి బయటకు తీశారు. ప్రమాదంలో చిక్‌బళ్లాపూర్‌కు చెందిన భుజంగన్‌ అక్కడిక్కడే మృతి చెందారు. తీవ్రంగా గాయపడిన ప్రకాష్‌, బాలకృష్ణ, సుదీప్‌లను చికిత్స నిమిత్తం పత్తికొండ ప్రభుత్వ ఆసుపత్రికి తరలించారు. ప్రాథమిక వైద్యం అనంతరం మెరుగైన వైద్యం కోసం కర్నూలుకు తీసుకెళ్లారు. ప్రమాద స్థలాన్ని పత్తికొండ రూరల్‌ సీఐ పెదయ్యనాయుడు, తుగ్గలి, జొన్నగిరి ఎస్‌ఐలు నరేష్‌, మల్లికార్జున పరిశీలించారు. ఘటనకు దారితీసిన కారణాలపై ఆరా తీశారు. కేసు నమోదు చేసుకుని దర్యాప్తు చేస్తున్న ఎస్‌ఐ నరేష్‌ తెలిపారు.

మా కాలనీలో చెత్తాచెదారం నిండిపోయింది. డ్రైనేజీ కాలువలు పేరుకుపోయాయి. నెలలు గడుస్తున్నా పట్టించుకోవడం లేదు. ఎన్నోసార్లు సచివాలయానికి వెళ్లి చెప్పినప్పటికీ పట్టించుకునే నాథుడే కరువయ్యాడు. అనారోగ్యంపాలై ఆసుపత్రి పాలవుతున్నాం. – వీరభద్రస్వామి, పెద్దతుంబళం, ఆదోని మండలం మా ఊరికి వారానికి ఒక సారి మాత్రమే తాగునీరు వస్తోంది. గ్రామంలో బోర్లు లేవు. అధికారులు వచ్చి సమస్య పరిష్కరిస్తామని అంటున్నారు కానీ..ఇంత వరకు రాలేదు. ఇప్పటికై నా ఉన్నాతాధికారులు మా గ్రామాన్ని సందర్శించి తాగునీటి సమస్యను పరిష్కరించాలి. – ఈరమ్మ, కనకవీడు, నందవరం మండలం గ్రామంలో ఎక్కడ చూసినా కాల్వలో మురుగు నీరు నిండి దుర్వాసన వస్తోంది. దోమలు వ్యాప్తి చెంది అంటురోగాలు వస్తున్నాయి. రాత్రిల్లో వీధి లైట్లు వెలగడం లేదు. ఎన్ని సార్లు చెప్పినా అధికారులు పట్టించుకోవడం లేదు. అడిగితే పంచాయతీలో డబ్బులు లేవంటున్నారు. మా గ్రామ సమస్య ఎవరితో చెప్పుకోవాలో అర్థం కావడం లేదు. – బోయ నాగేంద్ర, సజ్జలగుడ్డం, కోసిగి మండలం మా గ్రామంలో ఐదు నెలల కాలంలో ఒక్కసారి మాత్రమే వీధి బల్బులు వేశారు. వీధి బల్బులు వెలగక నెల రోజులకు పైగా అవుతున్నా పట్టించుకోవడం లేదు. రాత్రి పూట ఇంట్లో నుంచి బయటకు రాలేకపోతున్నాం. ఎంత కాలం ‘చీకటి’ పాలన ఉంటుందో అధికారులే సమాధానం చెప్పాలి. – మహేష్‌, నాగమల్లకుంట, బేతంచెర్ల మండలం ఎస్సీ కాలనీలో రెండు నెలలుగా కుళాయిలకు నీళ్లు సరిగా రాక ఇబ్బందులు పడుతున్నాం. నీళ్లు వదలగానే ఊర్లో మోటార్లు ఆన్‌చేసుకుంటారు. మాకాలనీ వరకు నీళ్లు ఎక్కడం లేదు. కుళాయి వద్ద నీళ్ల కోసం బిందెలు పెట్టి ఎదురుచూడాల్సి వస్తుంది. కూలీ పనులకు వెళితే ఇంట్లో నీళ్లు ఉండని పరిస్థితి ఏర్పడుతుంది. అధికారులు చర్యలు తీసుకొని నీటి సమస్య పరిష్కరించాలి. – మల్లేశ్వరి, అబ్దులాపురం, కొలిమిగుండ్ల మండలం

కర్నూలు: పోగొట్టుకున్న, చోరీకి గురైన 589 సెల్‌ఫోన్లను పోలీసులు రికవరీ చేసి బాధితులకు అప్పగించారు. జిల్లా పోలీసు కార్యాలయంలోని వ్యాస్‌ ఆడిటోరియంలో గురువారం మొబైల్‌ రికవరీ మేళా నిర్వహించారు. కర్నూలు సైబర్‌ ల్యాబ్‌ పోలీసులు, స్థానిక పోలీసులు రికవరీ చేసిన రూ.1.20 కోట్ల విలువ చేసే 589 సెల్‌ఫోన్లను ఎస్పీ విక్రాంత్‌ పాటిల్‌ చేతుల మీదుగా బాధితులకు అందజేశారు. సాంకేతిక పరిజ్ఞానాన్ని ఉపయోగించి తెలంగాణ, కర్ణాటక, తమిళనాడు, మహారాష్ట్ర, రాజస్థాన్‌ తదితర రాష్ట్రాల నుంచి మొబైల్‌ ఫోన్లను రికవరీ చేసి బాధితులకు అందజేసినట్లు ఎస్పీ విక్రాంత్‌ పాటిల్‌ తెలిపారు. కార్యక్రమంలో అడ్మిన్‌ అడిషనల్‌ ఎస్పీ హుసేన్‌ పీరా, సీఐలు మధుసూదన్‌రావు, శివశంకర్‌, సైబర్‌ ల్యాబ్‌ ఎస్‌ఐలు వెంకటమోహన్‌, ఆశాలత పాల్గొన్నారు.

● 15 ఏళ్ల క్రితం మూత పడిన బ్రిటీష్‌కాలం నాటి జైలు ● మహిళా సబ్‌జైలుగా మారుస్తామని అప్పటి హోం మంత్రి హామీ ● ఖైదీలు, న్యాయవాదులు, కక్షిదారులకు తప్పని వ్యయప్రయాసలు కోవెలకుంట్ల: బ్రిటీష్‌కాలంలో ఏర్పాటు చేసిన కోవెలకుంట్ల సబ్‌ జైలును మూసి వేయడంతో ఆ స్థానంలో ఏర్పాటు చేస్తామన్న మహిళా సబ్‌ జైలు 15 ఏళ్ల నుంచి కలగా మిగిలిపోయింది. సాక్షాత్తు అప్పటి హోం మంత్రి కోవెలకుంట్లకు వచ్చిన సందర్భంగా మహిళా సబ్‌జైలు ఏర్పాటుకు ఇచ్చిన హామీ దశాబ్దన్నర కాలం గడిచినా ఒక్క అడుగు కూడా ముందుకు కదలలేదు. మరమ్మతుల పేరుతో అప్పట్లో సబ్‌ జైలును మూసివేశారు. స్థానిక పోలీస్‌ సర్కిల్‌ పరిధిలోని కోవెలకుంట్ల, సంజామల, ఆళ్లగడ్డ సర్కిల్‌ పరిధిలోని ఉయ్యాలవాడ, దొర్నిపాడు మండలాల్లో ఐదు పోలీస్‌స్టేషన్లులున్నాయి. ఆయా స్టేషన్ల పరిధిలో నేరాలకు పాల్పడిన నిందితులను రిమాండులో ఉంచేందుకు వీలుగా బ్రిటీష్‌ కాలంలోనే జిల్లాలో ఎక్కడా లేనివిధంగా పట్టణ శివారు లోని కుందూనది ఒడ్డున రెండు అంతస్తులతో కూడిన జైలు గదులు నిర్మించారు. ఈ సబ్‌ జైలుకు వందేళ్లకు పైగా చరిత్ర ఉంది. 15 ఏళ్ల క్రితం సబ్‌ జైలును మూసివేసి ఇక్కడ పనిచేస్తున్న జైలు సిబ్బందిని ఇతర ప్రాంతాలకు బదిలీ చేసి ఖైదీలను బనగానపల్లె, ఆళ్లగడ్డ సబ్‌ జైళ్లకు తరలించారు. బదిలీపై వెళ్లేందుకు జైల్‌ను మూసేసిన అధికారి? అప్పట్లో ఇక్కడ పని చేసిన ఒక జైలు వార్డర్‌ నిర్వాకంతోనే జైలు మూతపడినట్లు ఆరోపణలు ఉన్నా యి. కోస్తా జిల్లాకు చెందిన ఆ అధికారిని ఇక్కడికి బదిలీ చేయడంతో ఈ ప్రాంతంలో విధులు నిర్వర్తించడానికి ఇష్టం లేక బ్రిటీష్‌ కాలంలో నిర్మించిన జైలు కావడంతో శిథిలావస్థకు చేరుకుందని, ఇక్కడి ఖైదీలకు భద్రత లేదని, మౌలిక సదుపాయాలు సరిగా లేవని ఉన్నతాఽధికారులకు తప్పుడు నివేదికలు సమర్పించి మూసివేయించారు. ఇప్పటికీ జైలు గదులు చెక్కుచెదరలేదు. జైలు వార్డర్‌ బదిలీపై వెళ్లేందుకు ఏకంగా జైలును మూసివేయించాడని అప్పట్లో దుమారం రేగింది. ఐదు మండలాలకు అనుకూలంగా ఉన్న సబ్‌ జైలును ఎలాంటి కారణం లేకుండా మరమ్మతుల పేరిట మూసివేయడంతో ఖైదీలతో పాటు వారిని చూసేందుకు వచ్చే బంధు వులు, బెయిల్‌, ఇతర విషయాలు తెలుసుకునే న్యాయవాదులు, ఖైదీలను తరలించే పోలీసులు తప్పని వ్యవప్రయాసలు ఎదుర్కొంటున్నారు. హోంమంత్రి హామీ ఇచ్చినా ప్రయోజనం శూన్యం.. 2010లో కోవెలకుంట్లలో పోలీస్‌స్టేషన్‌ నూతన భవన నిర్మాణానికి అప్పటి రాష్ట్ర హోంశాఖ మంత్రి సబితా ఇంద్రారెడ్డి శంకుస్థాపన చేశారు. ఈ సందర్భంగా సబ్‌ జైలు పునః ప్రారంభించాలని న్యాయవాదులు, ప్రజా సంఘాలు మంత్రిని కోరగా జైలు మూతపడటానికి గల కారణాలను పరిశీలించి పునఃప్రారంభానికి చర్యలు తీసుకుంటామని హామీ ఇచ్చారు. తిరిగి 2012 డిసెంబర్‌ నెలలో నూతన పోలీస్‌స్టేషన్‌ భవన ప్రారంభోత్సవానికి మంత్రి సబితా ఇంద్రారెడ్డి హాజరయ్యారు. రాష్ట్రంలో కొన్ని చోట్ల కొత్తగా మహిళా సబ్‌జైళ్లు ఏర్పాటు చేసే ఆలోచనలో ఉన్నట్లు ఇందులో భాగంగా కోవెలకుంట్లలో మహిళా సబ్‌ జైలు ఏర్పాటు చేస్తామని అప్ప ట్లో హామీ ఇచ్చారు. అనంతరం చోటు చేసుకున్న రాజకీయ పరిణామాల దృష్ట్యా హోంమంత్రి పదవికి రాజీనామా చేయడం, 2014 సార్వత్రిక ఎన్నికల్లో రాష్ట్రంలో తెలుగుదేశం పార్టీ అధికారంలోకి రావడం, చంద్రబాబు సర్కార్‌ జైలు పునఃప్రారంభానికి ఎలాంటి చర్యలు తీసుకోలేదు. దీంతో అప్పటి నుంచి ఇప్పటి వరకు సబ్‌జైలు పునఃప్రారంభం కాకపోవడంతో పాటు మహిళా సబ్‌జైలు ఏర్పాటు హామీ నీటి మూటగా మారింది. పోలీసులు, న్యాయవాదులకు కష్టాలు.. రెండు పోలీస్‌ సర్కిళ్ల పరిధిలోని మండలాల్లో ఉన్న పోలీస్‌స్టేషన్లు సబ్‌ జైలుకు 10 నుంచి 18 కిమీ దూరంలోనే ఉన్నాయి. ఆయా పోలీస్‌స్టేషన్ల పరిధిలో నేరాలకు పాల్పడిన నిందితులను జైలు పక్కనే ఉన్న జూనియర్‌ సివిల్‌ జడ్జి కోర్టులో హాజరు పరిచేవారు. ఖైదీలకు రిమాండ్‌ పడినా, శిక్ష విధించినా పక్కనే ఉన్న జైలుకు తరలించేవారు. సబ్‌ జైలు మూత పడటంతో రిమాండ్‌, శిక్ష పడ్డ ఖైదీలను ఆళ్లగడ్డ, బనగానపల్లె పట్టణాల్లో ఉన్న సబ్‌జైళ్లకు తరలిస్తున్నారు. ఏడాది క్రితం బనగానపల్లె సబ్‌జైలు మూత పడటంతో పురుష ఖైదీలను ఆళ్లగడ్డ, నంద్యాల, కడప జైళ్లకు, మహిళా ఖైదీలను కర్నూలుకు తరలిస్తున్నారు. ఆయా మండలాలకు జైళ్లు సుదూరం కావడంతో ఖైదీలను తరలించేందుకు పోలీసులు ఇబ్బందులు పడుతున్నారు. జైలులో ఉన్న ఖైదీలతో వారి బంధువులు ములాఖత్‌ అయ్యేందుకు అంతదూరం వెళ్లేందుకు కష్టతరంగా మారింది. రిమాండ్‌ ఖైదీలకు బెయిల్‌ పిటిషన్‌ వేసేందుకు సైతం న్యాయవాదులు అంతదూరం వెళ్లాల్సి వస్తోంది. ఐదు పోలీస్‌స్టేషన్లకు అందుబాటులో ఉన్న సబ్‌జైలు పునఃప్రారంభానికి చర్యలు తీసుకోవాలని పలువురు కోరుతున్నారు. బ్రిటీష్‌కాలంలో నిర్మించిన కోవెలకుంట్ల సబ్‌ జైలుకు వందేళ్ల చరిత్ర ఉంది. ఉమ్మడి కర్నూలు జిల్లాలో ఎక్కడా లేని విధంగా అంతస్తులతో అప్పట్లో ఇక్కడ సబ్‌జైలు నిర్మించారు. కోర్టు పరిధిలోని ఐదు పోలీస్‌స్టేషన్లకు సబ్‌జైలు అందుబాటులో ఉండేది. కొన్ని అనివార్య కారణాలతో 15 ఏళ్ల క్రితం సబ్‌ జైలు మూత పడింది. జైలు మూత పడినా ఇప్పటికి జైలు గదులు చెక్కు చెదరకుండా ఉన్నాయి. సబ్‌జైలు లేకపోవడంతో బెయిల్‌ పిటిషన్లు వేయాలంటే ఆళ్లగడ్డ, కడప జైళ్ల వద్దకు వెళ్లాల్సి వస్తోంది. – తిరుపేలు, బార్‌ అసోసియేషన్‌ అధ్యక్షుడు, కోవెలకుంట్ల కోవెలకుంట్లలో మూతపడ్డ సబ్‌ జైలును పున:ప్రారంభించడమే కాకుండా మహిళా సబ్‌ జైలు ఏర్పాటు చేస్తామని అప్పటి హోం మంత్రి హామీ ఇచ్చారు. ఆ తర్వాత రాష్ట్రంలో నెలకొన్న పరిస్థితు ల దృష్ట్యా హామీ కనుమరుగైంది. సబ్‌ జైలు లేకపోవడంతో రిమాండ్‌, శిక్ష పడ్డ ఖైదీలను దూర ప్రాంతాల్లో ఉన్న జైళ్లకు తీసుకెళ్లాల్సి వస్తోంది. ప్రజా ప్రతినిధులు, జిల్లాస్థాయి అధికారులు చొరవ చూపి జైలును పున: ప్రారంభించేందుకు చర్యలు తీసుకోవాలి. – డీసీ ఉసేన్‌, న్యాయవాది, కోవెలకుంట్ల

కర్నూలు: విచారణలో ఉన్న ఖైదీల కేసుల స్థితిగతులపై జిల్లా న్యాయ సేవాధికారి సంస్థ కార్యదర్శి లీలా వెంకటశేషాద్రి సమీక్షించారు. జైళ్ల అధికారులు, జైళ్లను సందర్శించే న్యాయవాదులు, పారా లీగల్‌ వలంటీర్లకు గురువారం పలు సూచనలు చేశారు. దీర్ఘకాలంగా విచారణలో ఉన్న కేసులు, బెయిల్‌కు అర్హత కలిగిన ఖైదీలు, బెయిల్‌ పొందిన అనంతరం విడుదలకు సంబంధించిన అంశాలపై చర్చించా రు. అర్హత కలిగిన విచారణ ఖైదీలకు న్యాయ సహాయం అందించాలని సూచించారు. ఖైదీల హక్కుల పరిరక్షణకు, సత్వర న్యాయం అందించేందుకు సంబంధిత అధికారులు సమన్వయంతో పనిచేయాలని నిర్ణయించారు. కేసుల పురోగతిని ఎప్పటికప్పుడు పరిశీలించడం, అవసరమైన సందర్భాల్లో సంబంధిత న్యా యస్థానాల దృష్టికి సమస్యలను తీసుకెళ్లడం వంటి చర్యలను చేపట్టాలన్నారు. జిల్లా సబ్‌ జైళ్ల అధికారి రామకృష్ణ, జిల్లా జైలు సూపరింటెండెంట్‌ వేణుగోపాల్‌ రెడ్డి, జైలర్‌ ఎరికి నాయుడు, లీగల్‌ ఎయిడ్‌ డిఫెన్స్‌ కౌన్సిల్‌ చీఫ్‌ శివరామచంద్రరావు, అసిస్టెంట్‌ లీగల్‌ ఎయిడ్‌ డిఫెన్స్‌ కౌన్సిల్‌ సులోచన, ప్యానల్‌ న్యాయ వాది రామదాసు, పారా లీగల్‌ వాలంటీర్లు మధుసూదన్‌, హనీఫ్‌ పాల్గొన్నారు. వాల్మీకి గుహలకు సందర్శకుల తాకిడి డోన్‌ రూరల్‌: ప్యాపిలి మండలం వాల్మీకి గుహలకు సందర్శకుల తాకిడి పెరుగుతోంది. గురువారం కర్ణాటక రాష్ట్రం గంగావతి జిల్లా దేవనగిరి ప్రాంతానికి చెందిన వారితో పాటు అనేక మంది ఈ గుహల అందాలను తిలకించి పరవశించి పోయారు. గత వైఎస్సార్‌సీపీ ప్రభుత్వ హయాంలో నియోజకవర్గాన్ని పర్యాటక కేంద్రంగా తీర్చిదింది. ఈ గుహలతో బిల్వసర్గం గుహలను, వెంగళాంపల్లె, వెంకటాపురం తుమ్మల చెరువుల్లో బోటు సికారు కేంద్రాలను అభివృద్ధి చేసింది.

రుద్రవరం: కొండమాయపల్లెలో ఓ మహిళ వడదెబ్బతో మృతి చెందింది. గ్రామస్తులు తెలిపిన వివరాల మేరకు.. వ్యవసాయ కూలీ లక్ష్మీదేవి (58) గురువారం తోటి కూలీలతో కలిసి మండలంలోని ఆర్‌.నాగులవరం గ్రామ సమీపంలోని పంట పొలాల్లో పచ్చి మిర్చి కోతకు వెళ్లింది. అయితే మధ్యాహ్న సమయంలో ఎండ తీవ్రతతో అస్వస్థతకు గురైంది. వెంటనే ఆమెను గ్రామంలోని ఓ వైద్యశాలకు తరలించగా అక్కడ చికిత్స అందిస్తుండగా కోలుకోలేక మృతి చెందినట్లు గ్రామస్తులు తెలిపారు. మృతురాలికి భర్త నడిపి రంగముని, ఇద్దరు కుమారులు, ఓ కుమార్తె ఉన్నారు.

నంద్యాల(న్యూటౌన్‌): జిల్లాలో మద్యం దుకాణాల కేటాయింపు పారదర్శకంగా నిర్వహించినట్లు జిల్లా రెవెన్యూ అధికారి రామునాయక్‌ తెలిపారు. గురువారం కలెక్టరేట్‌లోని పీజీఆర్‌ఎస్‌ హాలులో జిల్లా ప్రొహిబిషన్‌ అండ్‌ ఎకై ్సజ్‌ అధికారి ఎస్‌.రవికుమార్‌ పర్యవేక్షణలో, అసిస్టెంట్‌ ఎకై ్సజ్‌ కమిషనర్‌ ఆర్‌.హనుమంతరావు సమక్షంలో ఈ ప్రక్రియ నిర్వహించారు. జిల్లాలో మొత్తం 26 జనరల్‌ కేటగిరీ మద్యం దుకాణాలతో పాటు గీత కులాలకు కేటాయించిన ఒక దుకాణం కలిపి మొత్తం 27 దుకాణాలకు టెండర్లు ఆహ్వానించారు. వీటిలో 19 దుకాణాలకు దరఖాస్తులు అందగా, మిగిలిన ఏడు దుకాణాలకు ఎలాంటి దరఖాస్తులు అందలేదు. నిబంధనల ప్రకారం నాలుగు లేదా అంతకంటే ఎక్కువ దరఖాస్తులు అందిన దుకాణాలకు మాత్రమే లాటరీ నిర్వహించగా, ఈ విధానంలో మొత్తం 16 దుకాణాలను కేటాయించారు. బనగానిపల్లెలోని రెండు దుకాణాలకు ఒక్కో దుకాణానికి ఇద్దరు చొప్పున, కోవెలకుంట్లలోని ఒక దుకాణానికి ఒక్క దరఖాస్తు మాత్రమే అందింది. నిర్దేశిత కనీస సంఖ్యలో దరఖాస్తులు లేకపోవడంతో ఈ మూడు దుకాణాలకు లాటరీ నిర్వహించలేదు.

కర్నూలు: ఆదోని ఏఎస్పీగా నూతనంగా నియమితులైన జయశర్మ గురువారం కర్నూలు రేంజ్‌ డీఐజీ డాక్టర్‌ కోయ ప్రవీణ్‌ను, ఎస్పీ విక్రాంత్‌ పాటిల్‌ను మర్యాదపూర్వకంగా కలిశారు. గతంలో గ్రేహౌండ్స్‌లో అసాల్ట్‌ కమాండర్‌గా విధులు నిర్వహించిన జయశర్మ ఆదోని ఏఎస్పీ గా బాధ్యతలు స్వీకరించిన అనంతరం కర్నూలులోని రేంజ్‌ కార్యాలయంలో డీఐజీ కోయ ప్రవీణ్‌ను, క్యాంప్‌ కార్యాలయంలో ఎస్పీ విక్రాంత్‌ పాటిల్‌ను గురువారం మర్యాదపూర్వకంగా కలిశారు. ఆదోని సబ్‌ డివిజన్‌ పరిధిలో శాంతిభద్రతల పరిరక్షణ, నేరాల నియంత్రణ, ప్రజా సమస్యల పరిష్కారంలో సమన్వయంతో పనిచేయాలని ఆమెకు సూచించారు. గుండెపోటుతో బ్యాంకు క్యాష్‌ వ్యాన్‌ డ్రైవర్‌ మృతి వెల్దుర్తి: బ్యాంకు క్యాష్‌ వ్యాన్‌ డ్రైవర్‌ షేక్‌ మాసూం(45) గుండెపోటుతో గురువారం మృతిచెందాడు. కర్నూలు మండలం మునగాలపాడుకు చెందిన మాసూం ఎన్‌ఆర్‌ పేటలో ఉంటున్నాడు. బ్యాంకు లోన్‌తోనే క్యాష్‌ ట్రాన్స్‌పోర్టు వ్యాన్‌ సమకూర్చుకున్నాడు. సీఏసీ ద్వారా బ్యాంకుల నుంచి ఏటీఎంలకు, శాఖలకు ఎనిమిదేళ్లుగా నగదు తరలిస్తున్నాడు. విధి నిర్వహణలో భాగంగా గురువారం నలుగురు గార్డులతో తన వ్యాన్‌లో వెల్దుర్తి ఎస్‌బీఐ బ్రాంచ్‌కు వచ్చాడు. తిరిగివెళ్లేందుకు వాహనంలోని తన సీటులో కూర్చునేందుకు డోర్‌ తీస్తూ అక్కడికక్కడే కూలబడ్డాడు. గమనించిన గార్డులు గుండెపోటుకు గురయ్యాడని తెలుసుకుని హుటాహుటిన అదే వాహనంలో స్థానిక సీహెచ్‌సీకి తరలించారు. పరీక్షించిన వైద్యులు అప్పటికే మృతి చెందినట్లు నిర్ధారించారు. మృతునికి భార్య గౌసియా, ముగ్గురు కుమార్తెలు ఉన్నారు. విషయం తెలుసుకున్న కుటుంబ సభ్యులు స్థానిక సీహెచ్‌సీకి చేరుకుని మృతదేహాన్ని కర్నూలుకు తీసుకెళ్లారు. బెల్లం ఊట ధ్వంసం హొళగుంద: నెరణికి తండా కొండల్లో నాటుసా రా తయారీకి ఉంచిన 150 లీటర్ల బెల్లం ఊట ను గురువారం పోలీసులు ధ్వంసం చేశారు. గమ్య నాయక్‌ అనే వ్యక్తిని అరెస్ట్‌ చేసి కోర్టులో హాజరు పరిచినట్లు ఎస్‌ఐ దిలీప్‌కుమార్‌ తెలి పారు. ఈ నెల 21న జరిగే దేవరగట్టు దసరా బన్ని ఉత్సవాల్లో భాగంగా ఈ దాడులు నిర్వహిస్తున్నట్లు చెప్పారు. నాటుసారా తయారు చేయడం, విక్రయించడం నేరం అన్నారు. పట్టపగలే భారీ చోరీ మంత్రాలయం రూరల్‌: మండల పరిధిలోని సూగూరు గ్రామంలో గురువారం మధ్యాహ్నం ఒంటి గంట సమయంలో భారీ చోరీ జరిగింది. స్థానికులు, పోలీసులు తెలిపిన వివరాల మేరకు.. గ్రామంలో లక్ష్మిరెడ్డి కుటుంబ సభ్యులు ఇంట్లో లేని సమయాన్ని గుర్తించి దొంగలు తాళం పగలగొట్టారు. ఇంట్లోకి వెళ్లి రెండు బీరువాలను పగులగొట్టి అందులో ఉన్న రూ.3 లక్షల నగదు, మూడు తులాల బంగారం, 50 తులాల వెండి సామగ్రి దోచుకెళ్లారు. నాలుగు రోజుల క్రితం పత్తి అమ్ముకోగా వచ్చిన డబ్బు చోరీ అయ్యిందని బాధితుడు తెలిపారు. విషయం తెలుసుకున్న ఎస్‌ఐ మల్లికార్జున తన సిబ్బందితో వెళ్లి చోరీ జరిగిన ఇంటిని పరిశీలించారు. కేసు నమోదు చేసుకుని దర్యాప్తు చేస్తున్నటు తెలిపారు. మంత్రాలయం రూరల్‌: మండల పరిధిలోని కల్లుదేవకుంట గ్రామంలోని ఆలయాల్లో దొంగలు పడ్డారు. గ్రామ శివార్లలో ఉన్న శివాలయ ంలో దుండగులు మంగళవారం రాత్రి చొరబ డి రెండు పెద్ద దీపాలు, గంట, భజన సామగ్రి ఎత్తుకెళ్లినట్లు శివాలయం పూజారి బసప్ప తెలి పారు.అదే విధంగా బుధవారం రాత్రి సూగూ రు రహదారిలోని మారెమ్మ ఆలయంలో 4 దీ పాలను తీసుకెళ్లేందుకు ప్రయత్నం చేశారు. అయితే అక్కడ సోలార్‌తో ఏర్పాటు చేసిన సీసీ ఫుటేజ్‌, వాయిస్‌ అలర్ట్‌ చేయడంతో దుండగు డు 4 దీపాలు అక్కడే వదిలి పరారయ్యాడు.

ట్యాంక్‌లు పాచితో పేరుకుపోయి నీటిలో తోక పురుగులు వస్తున్నాయి. నెల రోజులుగా అధికారులకు చెబుతున్నాం. ట్యాంక్‌లకు రంగు ముఖ భాగం మాత్రమే కొట్టారు. లోపల అలాగే వదిలేశారు. ఎన్నాళ్లైందో శుభ్రం చేసి తెలియడం లేదు. గ్రామానికి ప్రత్యేక అధికారులు ఎప్పుడు వస్తున్నారో ఎప్పుడు పోతున్నారో తెలియదు. సమస్యలను ఎవ్వరికి చెప్పాలో అర్థం కావడం లేదు. – దామోదర్‌, నెహ్రూనగర్‌, పగిడ్యాల మండలం ప్రత్యేక అధికారుల పాలన మొదలై మూడు నెలలు కావస్తున్నా వారి ఆచూకీ ఇంత వరకు తెలియడం లేదు. గ్రామాల వైపు చూడకుండా పట్టణాలకే పరిమితం అవుతున్నారు. గ్రామాల్లో సమస్యలు పేరుకపోయి ప్రజలు ఇబ్బందులు పడుతున్నారు. ఎవరితో చెప్పుకోవాలో తెలియక సతమతమవుతున్నాం. – శివానందరెడ్డి జగదూర్తి గ్రామం, డోన్‌ మండలం రాత్రి అయ్యేసరికి దోమలు రక్తం పీలుస్తున్నాయి. అధికారులు ఫాగింగ్‌ చేయించి దోమల బెడద నుంచి విముక్తి కల్పించాలి. ఇక పారిశుద్ధ్యం లోపించడంతోనే ఈ సమస్య ఎదురవుతుంది. ప్రత్యేక పాలనలో ఎలాంటి ప్రత్యేకత లేదు. సర్పంచులు ఉన్నప్పుడు పనులు బాధ్యతగా చేస్తుండేవారు. అధికారులు స్పదించి పల్లె సమస్యలను పరిష్కరించాలి. – దశరథరామిరెడ్డి, అమ్మిరెడ్డినగరం సర్పంచ్‌ల పదవీకాలం ముగిసిన తర్వాత గ్రామాల్లో ప్రత్యేక పాలన అమల్లోకి వచ్చింది. గ్రామానికి నియమించిన ప్రత్యేకాధికారి మొక్కుబడిగా గ్రామాన్ని సందర్శిస్తున్నారు. గ్రామంలో రెండు మినరల్‌వాటర్‌ఫ్లాంట్లు పనిచేయక తాగునీటి కోసం ప్రజలు ఇబ్బందులు పడుతున్నారు. కాల్వల్లో మురుగు తొలగింపు, వీధిదీపాలు వెలగక రాత్రి వేళల్లో ప్రజలు భయాందోళన చెందుతున్నారు. వర్షాకాలం కావడంతో కనీసం వీధుల్లో ఫాగింగ్‌ సైతం చేయకపోవడంతో దోమలతో ప్రజలు అల్లాడిపోతున్నారు. – బాలమద్దిలేటి, అమడాల, కోవెలకుంట్ల మండలం

● వైఎస్సార్‌సీపీ రాష్ట్ర మహిళా విభాగం వర్కింగ్‌ ప్రెసిడెంట్‌ విజయ మనోహరి కర్నూలు: స్థానిక సంస్థల ఎన్నికల్లో టీడీపీకి గెలిచే అవకాశం లేదని, తప్పకుండా ఓడిపోతుందని వైఎస్సార్‌సీపీ రాష్ట్ర మహిళా విభాగం వర్కింగ్‌ ప్రెసిడెంట్‌ ఎస్వీ విజయమనోహరి అన్నారు. కర్నూలు మేయర్‌ పీఠం వైఎస్సార్‌సీపీ కై వసం చేసుకోవడం తథ్యమని అన్ని సర్వేలు చెబుతున్నాయన్నారు. ఓటమి భయంతోనే వైఎస్సార్‌సీపీ శ్రేణులపై అక్రమ కేసులు బనాయిస్తున్నారని విమర్శించారు. కర్నూలు రెండో పట్టణ పోలీస్‌స్టేషన్‌లో వైఎస్సార్‌సీపీ నేతలకు గురువారం పోలీసులు నోటీసులు జారీ చేశారు. ఈ సందర్భంగా ఎస్వీ విజయమనోహరి మాట్లాడుతూ..రాష్ట్రంలో శాంతిభద్రతలు పూర్తిగా అదుపు తప్పాయన్నారు. ఎక్కడ చూసినా మహిళలపై దాడులు, అత్యాచారాలు, ఆకృత్యాలు పెరిగిపోయాయని, వాటిని నియంత్రించడంలో ప్రభుత్వం విఫలమైందన్నారు. డీఎస్సీ అక్రమాలపై సీబీఐ విచారణ జరిపించాలని డిమాండ్‌ చేస్తూ శాంతియుతంగా నిరసన ర్యాలీలో పాల్గొంటే 53 మంది వైఎస్సార్‌సీపీ నాయకులపై తప్పుడు కేసులు నమోదు చేయడం సరైంది కాదన్నారు. అక్రమ కేసులకు తమ పార్టీ శ్రేణులు భయపడబోరని, రెట్టింపు ఉత్సాహంతో స్థానిక సంస్థల ఎన్నికల్లో విజయం సాధిస్తామన్నారు.

మంత్రాలయం/మంత్రాలయం రూరల్‌: మండల పరిధిలోని చెట్నెహళ్లి గ్రామంలోని మండల పరిషత్‌ ఉన్న త పాఠశాలలో మహిళ టీచర్లపై లైంగిక వేధింపులకు పాల్పడిన ఉపాధ్యాయులపై అధికారులు విచారణ చేపట్టారు. జిల్లా విధ్యాధికారి ఆదేశా ల మేరకు గురువారం ఆదోని ఇన్‌చార్జ్‌ డిప్యూటీ ఈఓ రాజేంద్ర ప్రసాద్‌, జీసీడీఓ మహిళ అధికారి వసీమా, ఎంఈఓ నాగభూషణం విచారణ చేపట్టారు. విచారణ కు వచ్చిన అధికారులతో లైంగిక వేధింపులకు పాల్పడిన హెచ్‌ వరప్రసాద్‌, సహకరించిన అబ్దుల్లాను సస్పె ండ్‌ చేయాలని విద్యార్థి సంఘాల నాయకులు నినాదాలు చేసి ధర్నా కూర్చున్నారు. విషయం తెలుసుకున్న ఎస్‌ఐ మల్లికార్జున పాఠశాలకు చేరుకుని విద్యార్థి సంఘాల నాయకులతో మట్లాడి ముందు విచారణ చేయడానికి సహకరించాలని కోరారు. ముందుగా ఎంపీపీ పాఠశాల ఉపాధ్యాయులతో విడివిడిగా విచారణ చేపట్టి రాత పూర్వకంగా లెటర్లను తీసుకున్నారు. 4, 5వ తరగతి విద్యార్థులతో మహిళాధికారి విచారణ చేసి వారి వివరాలు తీసుకున్నారు. అదే విధంగా జెడ్పీ ఉన్నత పాఠశాల విద్యార్థులతో కూడా విచారణ చేపట్టారు. ఉపాధ్యాయుల నుంచి వచ్చిన వివరాలు, చేసిన విచారణ నివేదికలను జిల్లా విద్యాధికారి పంపుతామని అధికారులు తెలిపారు. కార్యక్రమంలో విద్యార్థి సంఘాల నాయకులు హేంద్రబాబు, వీరేష్‌, థామ స్‌, సురేంద్రబాబు పాల్గొన్నారు.

నంద్యాల(న్యూటౌన్‌): స్థానిక సంస్థల ఎన్నికల నోటిఫికేషన్‌ వెలువడే సమయానికి జిల్లా యంత్రాంగం అన్ని విధాలా సన్నద్ధంగా ఉండాలని జిల్లా కలెక్టర్‌ రాజకుమారి అధికారులను ఆదేశించారు. ఎన్నికలకు సంబంధించి పెండింగ్‌లో ఉన్న పనులను నిర్దేశిత కాలపరిమితిలో పూర్తి చేసి, పోలింగ్‌ కేంద్రాలు, ఎన్నికల సిబ్బంది, బ్యాలెట్‌ పేపర్ల ముద్రణ, భద్రతా ఏర్పాట్లపై ప్రత్యేక దృష్టి సారించాలన్నారు. గురువారం అమరావతిలోని ఆంధ్రప్రదేశ్‌ రాష్ట్ర ఎన్నికల సంఘం కార్యాలయం నుంచి రాష్ట్ర ఎన్నికల కమిషనర్‌ అనిల్‌ చంద్ర పునేఠా వీడియో కాన్ఫరెన్స్‌ ద్వారా స్థానిక సంస్థల ఎన్నికల సన్నద్ధతపై జిల్లా కలెక్టర్లు, ఎస్పీలు, సంబంధిత శాఖల జిల్లా అధికారులతో సమీక్ష నిర్వహించారు. కలెక్టరేట్‌ నుంచి జిల్లా కలెక్టర్‌ రాజకుమారి, జేసీ సూరజ్‌ ధనుంజయ్‌, డీఆర్‌ఓ రాము నాయక్‌ సంబంధిత అధికారులు పాల్గొన్నారు. వీడియో కాన్ఫరెన్స్‌ అనంతరం జిల్లా కలెక్టర్‌ మాట్లాడుతూ.. జిల్లాలోని ఆరు పట్టణాల పరిధిలో 212 ఎన్నికల వార్డులు, 511 పోలింగ్‌ స్టేషన్లలో ఎన్నికల నిర్వహణకు చేపట్టాల్సిన ముందస్తు ఏర్పాట్లపై ప్రత్యేక శ్రద్ధ తీసుకోవాలన్నారు. ప్రతి పోలింగ్‌ కేంద్రాన్ని స్వయంగా పరిశీలించి భవనాల స్థితిగతులు, తాగునీరు, విద్యుత్‌, వెలుతురు, మరుగుదొడ్లు, ర్యాంపులు తదితర కనీస సౌకర్యాలను నిర్ధారించాలన్నారు. గత ఎన్నికల అనుభవాలు పరిగణనలోకి తీసుకుని పోలీసు అధికారులతో సమన్వ యం చేసుకుంటూ సెన్సిటివ్‌, హైపర్‌ సెన్సిటివ్‌ కేంద్రాలను త్వరగా ఖరారు చేయాలన్నారు.

కర్నూలు: జిల్లాలో రెన్యువల్‌ కాని మద్యం దుకాణాల ఎంపిక ప్రక్రియ ముగిసింది. 2026–27 ఒక సంవత్సర కాల పరిమితితో మద్యం షాపుల లైసెన్సు మంజూరు చేయుటకు గురువారం ఉదయం జిల్లాపరిషత్‌ సమావేశ భవనంలో లక్కీడిప్‌ నిర్వహించారు. జిల్లా రెవెన్యూ అధికారిణి వెంకట నారాయణమ్మ సమక్షంలో ఎకై ్సజ్‌ డిప్యూటీ కమిషనర్‌ పి.శ్రీదేవి, జిల్లా ఎకై ్సజ్‌ అధికారి సుధీర్‌ బాబు ఆధ్వర్యంలో లాటరీ ప్రక్రియ ను వీడియోగ్రాఫ్‌ తీస్తూ విజేతలైన వారికి దుకాణాలు కేటాయించారు. మొత్తం 17 దుకాణాలకు టెండర్లు ఆహ్వానించగా 62 మంది దరఖాస్తులు చేసుకున్నారు. అందులో 15 మద్యం దుకాణాలకు నాలుగు లేదా అంతకంటే ఎక్కువ దరఖాస్తులు వచ్చిన వాటికి లాటరీ నిర్వహించారు. విజేతలైన 15 మందికి వెంటనే నాలు గో వంతు లైసెన్సు రుసుం ఎక్సైజ్‌ ఆర్‌ఈటీ, మూడో వంతు పర్మిట్‌ రూము ఫీజు వసూలు చేశారు. జిల్లాపరిషత్‌ కాంపౌండ్‌ ఆవరణంలోనే రుసుం చెల్లించేందుకు బ్యాంకు కౌంటర్‌ ప్రత్యేకంగా ఏర్పాటు చేశారు. ఎకై ్సజ్‌ అధికారుల సమక్షంలోనే విజేతల నుంచి రుసుం వసూలు చేశారు. అనంతరం ఎకై ్సజ్‌ అధికారి సుధీర్‌ బాబు వారికి రెండు వారాల కాల పరిమితితో ప్రొవిజినల్‌ లైసెన్సును జారీ చేశారు. జిల్లాలో మరో రెండు దుకాణాలు ఇప్పటికీ రెన్యువల్‌ పెండింగ్‌లో ఉన్నాయి. వాటికి కలెక్టర్‌ అనుమతితో రీ–నోటిఫికేషన్‌ ఇవ్వనున్నట్లు ఎక్సైజ్‌ అధికారి సుధీర్‌ బాబు తెలిపారు. అదృష్టాన్ని పరీక్షించుకున్న మహిళలు... లాటరీలో ముగ్గురు మహిళలకు దుకాణాలు దక్కా యి. ఇందులో టీడీపీ నేత, జిల్లాపరిషత్‌ మాజీ చైర్మన్‌ మల్లెల రాజశేఖర్‌ సతీమణికి ఓర్వకల్లు మండలం ఉయ్యాలవాడ మద్యం దుకాణం లాటరీలో దక్కింది.

ఆళ్లగడ్డ: ప్రసిద్ధ పుణ్యక్షేత్రం అహోబిలంలో శ్రీ అహోబిల మఠం స్థాపకులు, ప్రథమ పీఠాధిపతి శ్రీమాన్‌ ఆదివణ్‌ శఠకోప స్వామి తిరునక్షత్ర మహోత్సవాలు వైభవంగా కొనసాగుతున్నాయి. మూడో రోజు గురువారం వేకువజామునే స్వామి, అమ్మవార్లను సుప్రభాత సేవతో మేల్కొలిపి దివ్యదర్శనం అనంతరం నిత్యపూజలు నిర్వహించారు. ఆ తర్వాత ఉత్సవమూర్తి ఆదివణ్‌ శఠకోప స్వామి ఉత్సవ విగ్రహం కొలువుంచి అర్చన, అభిషేకం నిర్వహించారు. పూజలు పూర్తయిన తర్వాత ప్రత్యేకంగా అలకరించిన ఉత్సవ పల్లకీలో స్వామి ఉత్సవ విగ్రహాన్ని ఉంచి మాడ వీధుల్లో గ్రామోత్సవం చేపట్టారు. భక్తులు అధిక సంఖ్యలో పాల్గొని తీర్థప్రసాదాలు స్వీకరించారు.

● వార్డెన్‌ సస్పెన్షన్‌ ● ఔట్‌ సోర్సింగ్‌ ఉద్యోగిని తొలగింపు ● వర్కర్‌కు ఉద్వాసన ఆదోని: విద్యార్థులకు నాణ్యమైన భోజనం వడ్డించకుండా ప్రైవేట్‌ వ్యవహారాలు నడుతుపున్న ఆదోని ఎస్సీ హాస్టల్‌ సిబ్బందిపై జిల్లా కలెక్టర్‌ సిరి కొరడా ఝుళిపించారు. గత ఆదివారం ఆర్డీఓ కార్యాలయం ఎదుట ఖాళీ ప్లేట్లతో విద్యార్థులు ధర్నా నిర్వహించారు. తమ వార్డెన్‌ హాస్టల్‌లో ఓ మహిళతో సన్నిహితంగా ఉంటూ అనుచితంగా ప్రవర్తిస్తున్నారని విద్యార్థులు ఆరోపించారు. ఈ ఘటనపై సాక్షి దినపత్రికలో ఈ నెల 5న ‘ఖాళీ ప్లేట్లతో విద్యార్థుల ఆందోళన’ అనే శీర్షికన వార్త రావడంతో జిల్లా కలెక్టర్‌ స్పందించారు. ఆర్డీఓ అరుణాదేవిని విచారణకు ఆదేశించారు. ఎస్సీ హాస్టల్‌కు వెళ్లిన ఆర్డీఓ విద్యార్థులతో నేరుగా మాట్లాడి వారి స్టేట్‌మెంట్స్‌ను రికార్డ్‌ చేశారు. నివేదికను కలెక్టర్‌కు సమర్పించారు. విచారణ నివేదిక ఆధారంగా కలెక్టర్‌ సిరి బుధవారం కీలక చర్యలు తీసుకున్నారు. హాస్టల్‌ వార్డెన్‌ నాగమద్దయ్యను విధుల నుంచి సస్పెండ్‌ చేశారు. అంతే కాకుండా వార్డెన్‌తో సన్నిహితంగా మెలిగినట్లు ఆరోపణలు ఎదుర్కొంటున్న ఔట్‌ సోర్సింగ్‌ ఉద్యోగినిని తొలగిస్తూ ఆదేశాలు జారీ చేశారు. ఇదిలా ఉండగా ఆర్డీఓ విచారణకు వెళ్లినప్పుడు విద్యార్థులు అక్కడ విధులు నిర్వహిస్తున్న మరో హాస్టల్‌ వర్కర్‌పై కూడా ఫిర్యాదులు వచ్చాయి. తమతో హాస్టల్‌లో మసాజ్‌ చేయించుకుంటున్నారని విద్యార్థులు తెలపడంతో ఆయన మీద కూడా కలెక్టర్‌కు ఆర్డీఓ నివేదికను సమర్పించారు. దీంతో సదరు ఉద్యోగిపై కూడా సస్పెన్షన్‌ వేటు పడింది.

లారీ చక్రాల కింద నలిగిన ప్రాణం గడివేముల: లారీ ఢీకొట్టడంతో యువకుడు దుర్మరణం చెందిన సంఘటన బుధవారం మండల పరిధిలోని బూజునూరు గ్రామంలో చోటు చేసుకుంది. మృతుడి కుటుంబీకులు తెలిపిన వివరాల మేరకు.. గ్రామానికి చెందిన ఆవుల గౌతం (23) కిరాణం దుకాణం నుంచి సరుకులు తీసుకుని ఇంటికి నడుచుకుంటూ వెళ్తుండగా జిందాల్‌ సిమెంట్‌ ఫ్యాక్టరీకి వెళ్తున్న లారీ ఢీకొట్టింది. లారీ టైర్లు అతనిపై ఎక్కడంతో శరీరం నుజ్జునుజ్జయ్యింది. గ్రామస్తులు వెంటనే గడివేముల ప్రభుత్వాసుపత్రికి తీసుకెళ్లారు. అక్కడి నుంచి నంద్యాలకు తరలిస్తుండగా మార్గమధ్యంలో మృతి చెందాడు. తండ్రి వెంకటేశ్వర్లు ఇచ్చిన ఫిర్యాదు మేరకు పోలీసులు కేసు నమోదు చేశారు. పోస్టుమార్టం అనంతరం మృతదేహంతో కుటుంబసభ్యులు, బంధువులు జిందాల్‌ సిమెంట్‌ ఫ్యాక్టరీ వెళ్లే రహదారిలో నంద్యాల–నందికొట్కూరు రహదారిపై రాళ్లు, బైకులు అడ్డంపెట్టి నిరసనకు దిగారు. గ్రామంలోకి భారీ వాహనాలు రాకుండా చూడాలని, బాధిత కుటుంబాన్ని ఆదుకోవాలని డిమాండు చేశారు. పాణ్యం సీఐ కిరణ్‌కుమార్‌రెడ్డి, ఎస్‌ఐ నాగార్జునరెడ్డి అక్కడికి చేరుకుని వారితో మాట్లాడిన ఫలితం లేకుండా పోయింది. కిలోమీటర్ల మేర వాహనాలు నిలిచిపోవడంతో స్కూలు విద్యార్థులు తీవ్ర ఇబ్బందులు పడ్డారు. ఆయా గ్రామాలకు చెందిన విద్యార్థుల తల్లిదండ్రులు బస్సుల వద్దకు వచ్చి తీసుకెళ్లారు.

కర్నూలు: కర్నూలు, నంద్యాల జిల్లాల్లో మధ్యవర్తిత్వంపై శిక్షణ పొందిన న్యాయవాదులకు, ఎన్‌జీఓలకు జిల్లా లీగల్‌ సర్వీసెస్‌ అథారిటీ కార్యాలయ భవనంలో ఒక రోజు వర్క్‌షాప్‌ కార్యక్రమాన్ని జిల్లా జడ్జి వాసు జ్యోతి ప్రజ్వలన చేసి ప్రారంభించారు. రాష్ట్ర న్యాయ సేవాధికార సంస్థ ఆదేశాల మేరకు బుధవారం నిర్వహించిన కార్యక్రమానికి ఆయన ముఖ్య అతిథిగా హాజరై మాట్లాడారు. సుప్రీం కోర్టు ఆదేశాల ప్రకారం అన్ని జిల్లా కోర్టుల్లో మధ్యవర్తిత్వం ద్వారా కేసులు పరిష్కరించాలని హైకోర్టు తీర్మానించిందన్నారు. ఇందులో భాగంగా ఆగస్టు నెల నుంచి మధ్యవర్తిత్వం 3.0పై ఉమ్మడి జిల్లాల్లోని అన్ని కోర్టుల్లో ముమ్మర ప్రచారాన్ని నిర్వహిస్తున్నట్లు తెలిపారు. మధ్యవర్తిత్వం ఏ విధంగా చేయాలని న్యాయవాదులకు, ఎన్‌జీఓలకు అవగాహన కల్పించారు. చైన్నె నుంచి వచ్చిన మధ్యవర్తిత్వం శిక్షణ సిబ్బంది ఆర్‌.విజయకమల న్యాయవాదులకు శిక్షణ ఇచ్చారు. న్యాయ సేవాధికార సంస్థ కార్యదర్శి లీలా వెంకటశేషాద్రి మాట్లాడుతూ వివాదాల పరిష్కారానికి ప్రత్యామ్నాయ మార్గంగా సివిల్‌ ప్రొసీజర్‌ కోడ్‌లోని సెక్షన్‌ 89 కింద పరిగణించేదే మధ్యవర్తిత్వమన్నారు. శాశ్విత లోక్‌ అదాలత్‌ చైర్మన్‌ వెంకట హరినాథ్‌ మాట్లాడుతూ మధ్యవర్తిత్వం ద్వారా కోర్టులో కేసులు విచారణ వరకు వెళ్లకుండా పరిష్కరించుకోవచ్చన్నారు. కర్నూలు బార్‌ అసోసియేషన్‌ ప్రెసిడెంట్‌ చంద్రుడు, కర్నూలు, నంద్యాల జిల్లాల న్యాయవాదులు, ఎన్‌జీఓలు పాల్గొన్నారు.

దొర్నిపాడు: రైతుసేవా కేంద్రాల్లో కియోస్కీలు పనిచేయడం లేదు. సబ్సిడీ విత్తనాలు, ఎరువులను బుకింగ్‌ చేసుకోవడానికి రైతులు ఇబ్బంది పడుతున్నారు. గత వైఎస్సార్‌సీపీ ప్రభుత్వం రైతుభరోసా కేంద్రాల్లో వీటిని ఏర్పాటు చేసి రైతు భరోసా పథకం, పంటల బీమా, విత్తనాలు, ఎరువులు, పురుగుమందులు, సబ్సిడీలకు దరఖాస్తు చేసుకునే వీలు కల్పించింది. ప్రస్తుతం చంద్రబాబు ప్రభుత్వంలో ఎరువులు, విత్తనాలు కావాలన్నా రైతు సేవాకేంద్రాల్లో రైతులు గంటల తరబడి నిల్చోవాల్సి వస్తోంది. ప్రస్తుతం రబీ సాగులో భాగంగా సబ్సిడీ శనగ విత్తనాల కోసం రైతులు కార్యాలయాల వద్ద ఇబ్బందులు పడుతున్నారు. కియోస్కీలు పనిచేస్తుంటే ఇంత ఇబ్బందులు ఉండేవి కాదని రైతులు ఆవేదన వ్యక్తం చేస్తున్నారు.

కాచిగూడ: సమయానుకూల నిర్ణయం, అధికారుల పక్కా సమన్వయం వందలాది మంది కాశీ యాత్రికుల ప్రయాణాన్ని సుఖమయం చేశాయి. నంద్యాలకు చెందిన ‘మన ఊరు మన గుడి మన బాధ్యత‘ సేవా సంస్థకు చెందిన 120 మందికి పైగా సభ్యుల బృందం వారణాసి(కాశీ) పుణ్యక్షేత్ర దర్శనానికి బయలుదేరారు. వారు గుంటూరు కాచిగూడ (రైలు నం. 17251) ఎక్స్‌ప్రెస్‌లో ప్రయాణించి, సికింద్రాబాద్‌ వద్ద కాశీ వెళ్లే దానాపూర్‌ ఎక్స్‌ప్రెస్‌ (రైలు నం. 12791) ఎక్కాల్సి ఉంది. అయితే, వారు ప్రయాణిస్తున్న రైలు ఆలస్యంగా నడుస్తుండటంతో కనెక్టింగ్‌ రైలు తప్పిపోయే పరిస్థితి ఏర్పడింది. ఈ విషయాన్ని గమనించిన ప్రయాణికులు వెంటనే రైల్వే అధికారులకు సమాచారం అందించారు. వెంటనే హైదరాబాద్‌ డివిజన్‌ ఆపరేటింగ్‌, కమర్షియల్‌ బృందాలు వేగంగా స్పందించాయి. ప్రయాణికుల సమయాన్ని ఆదా చేసేందుకు రైలును చివరి స్టేషన్‌ కాచిగూడ వరకు వెళ్లనివ్వకుండా, మార్గమధ్యంలో ఫలక్‌నుమా స్టేషన్‌లోనే యాత్రికులను దింపారు. అనంతరం వారిని సికింద్రాబాద్‌ వైపు వెళ్లే ఎంఎంటీఎస్‌ (రైలు నం. 47211) ఎక్కించారు. మరోవైపు సికింద్రాబాద్‌ డివిజన్‌ అధికారులతో సమన్వయం చేసుకుని, యాత్రికులు స్టేషన్‌లో త్వరితగతిన కాశీ రైలు ఎక్కేలా ప్రత్యేక ప్రాధాన్యత కల్పించారు.

బనగానపల్లె: మండలంలో నందివర్గం పోలీసుస్టేషన్‌ పరిధిలోని అదే గ్రామానికి చెందిన మనోహర్‌ (26) చికిత్స పొందుతూ కోలుకోలేక బుధవారం మృతిచెందినట్లు ఎస్‌ఐ భూపాలుడు తెలిపారు. మనోహర్‌ ఆన్‌లైన్‌ బెట్టింగ్‌లతో పాటు ఇతర అప్పుల బాధతో జీవితంపై విరక్తి చెంది ఈ నెల 1న ఇంట్లో కత్తితో గొంతు కోసుకొని ఆత్మహత్యాయత్నానికి పాల్పడ్డాడు. కుటుంబసభ్యులు కర్నూలు ఆస్పత్రిలో చేర్పించగా చికిత్స పొందుతూ కోలుకోలేక మృతి చెందాడు. ఘటనపై ఎస్‌ఐ తెలిపిన వివరాల మేరకు.. గ్రామానికి చెందిన తిరుపాల్‌, అన్నపూర్ణ దంపతులకు ఇద్దరు కుమారులు, కూతురు ఉన్నారు. పెద్ద కుమారుడు మనోహర్‌ రెండేళ్ల క్రితం బెట్టింగ్‌లో రూ.2 లక్షలతో పాటు చెల్లెలు వివాహం, ఇళ్లు రీమోడల్‌ కోసం ఆన్‌లైన్‌లో అప్పు చేశాడు. అప్పు తీర్చలేక జీవితంపై విరక్తి చెంది ఆత్మహత్యకు పాల్పడినట్లు ఎస్‌ఐ తెలిపారు. తండ్రి తిరుపాల్‌ ఫిర్యాదు మేరకు కేసు నమోదు చేసి విచారణ చేస్తున్నట్లు ఎస్‌ఐ వెల్లడించారు. ఐవీ బాటిల్‌ పట్టుకొని ఉండాల్సిందే! నందికొట్కూరు: రోడ్డు ప్రమాదంలో తీవ్రంగా గాయపడిన యువకుడిని వైద్యులు పట్టించుకోకుండా వదిలేసిన సంఘటన బుధవారం పట్టణంలోని కమ్యూనిటీ హెల్త్‌ సెంటర్‌లో చోటు చేసుకుంది. తలకు బలమైన గాయాలు కావడంతో పరిస్థితి విషమంగా ఉన్నా వైద్యులు పట్టించుకోలేదని బంధువులు ఆరోపణలు చేస్తున్నారు. ప్రాణపాయ స్థితిలో ఉన్న యువకుడికి ఐవీ ద్రావణం ఎక్కించేందుకు స్టాండ్‌ లేకపోవడంతో బంధువు 20 నిమిశాల పాటు ఆ బాటిల్‌ను చేతితో పట్టుకోవాల్సి వచ్చింది. ఐవీ స్టాండ్‌ ఏర్పాటు చేయకపోవడంపై విమర్శలు వ్యక్తమవుతున్నాయి. 11 నుంచి దసరా శరన్నవరాత్రోత్సవాలు మహానంది: మహానంది క్షేత్రంలో ఈ నెల 11వ తేదీ నుంచి దసరా శరన్నవరాత్రి ఉత్సవాలు నిర్వహించనున్నట్లు ఈఓ నల్లకాలువ శ్రీనివాసరెడ్డి తెలిపారు. ఆయన బుధవారం మాట్లాడుతూ.. ఆలయంలో కొలువైన శ్రీ కామేశ్వరీదేవికి నిత్యం ప్రత్యేక అలంకరణలు ఉంటాయన్నారు. 11న శైలపుత్రిదుర్గ, 12న బ్రహ్మచారిణి దుర్గ, 13న చంద్రఘంట దుర్గ, 14న కూష్మాండ దుర్గ, 15న స్కందమాత, 16న కాత్యాయనీ, 17న కాళరాత్రి దుర్గ, 18న మహాగౌరీ, 19న సిద్ధిధాత్రి, 20న కామేశ్వరీదేవి నిజరూపంలో అమ్మవారు భక్తులకు దర్శనమిస్తారన్నారు.

మాకు 3.5 ఎకరాల బైలు పొలం ఉంది. వర్షాలు లేక విత్తనం వేయలేకపోయాం. బోరు కింద ఉన్న మూడు మూడు ఎకరాలను కౌలుకు తీసుకుని పొలంలో పత్తిని వేశాం. అందుకోసం రూ.90 వేల పెట్టుబడి పెట్టాం. ఇప్పటి వరకు పైసా రాలేదు. పంట పండే పరిస్థితే లేదు. – రాజు, కొంగనపాడు, కల్లూరు నేను మూడు ఎకారల్లో పత్తిని వేశాను. అరకొరగా కురిసిన వర్షాలతో పంట ఎదుగుదల లేకుండా బతికే ఉంది. అధికారులు స్వయంగా వచ్చి పరిశీలిస్తే ఎంత పంట వస్తుందో తెలుస్తుంది. కల్లూరు కరువు మండలంగా ప్రకటించాలి. రైతులను ఆదుకోకపోతే ఆత్మహత్యలే శరణ్యం – మనోహర్‌, రేమడూరు, కల్లూరు మండలం

ఆదోని రూరల్‌: మండలంలోని బల్లేకల్‌ గ్రామంలో మంగళవారం సాయంత్రం ఓ బాలికపై మిద్దె దూలం పడి మృతిచెందిన సంఘటన ఆలస్యంగా తెలిసింది. వివరాలు.. గ్రామానికి చెందిన కోసిగి నరసప్ప, అయ్యమ్మ దంపతులకు నలుగురు కుమార్తెలు. మూడో కుమార్తె మేఘన (7) ఇంటి ముందున్న అరుగుపై ఆడుకుంటుండగా అకస్మాత్తుగా మిద్దె దూలం విరిగి మీద పడింది. దీంతో తీవ్రంగా గాయపడిన మేఘనను చికిత్స నిమిత్తం ఆదోని పట్టణంలోని ఓ ప్రైవేట్‌ ఆసుపత్రికి తరలించగా రాత్రి మృతి చెందినట్లు తల్లిదండ్రులు తెలిపారు. బుధవారం బాలిక మృతదేహానికి అంత్యక్రియలు నిర్వహించారు. మిద్దె పాతది కావడంతో దూలం విరిగి పడిందని తల్లిదండ్రులు వాపోయారు. కుమార్తె మృతితో తల్లిదండ్రులు, బంధువులు రోధించిన తీరు అక్కడివారిని కలచివేసింది. నకిలీ మద్యం అరికట్టండి కర్నూలు: జిల్లాలోకి నకిలీ మద్యం రాకుండా పాత నేరస్తులపై నిఘా పెంచాలని ప్రొహిబిషన్‌ అండ్‌ ఎకై ్సజ్‌ డిప్యూటీ కమిషనర్‌ పి.శ్రీదేవి క్షేత్రస్థాయి అధికారులను ఆదేశించారు. ఎకై ్సజ్‌ ప్రధాన కార్యాలయంలో కర్నూలు, నంద్యాల జిల్లాల ఎకై ్సజ్‌ స్టేషన్‌ హౌస్‌ ఆఫీసర్లతో బుధ వారం నెలవారీ నేర సమీక్ష సమావేశం నిర్వహించారు. ఆమె మాట్లాడుతూ.. స్థానిక సంస్థల ఎన్నికలు, దసరా పండుగ, దేవరగట్టు బన్ని ఉత్సవా ల సందర్భంగా పాత నేరస్తులు నకిలీ, పొరుగు రాష్ట్రాల మద్యం, నాటుసారా సరఫరా చేసే అవకాశమున్నందున నిఘా ఉంచాలని సూచించారు. దుకాణాల షిఫ్టింగ్‌కు సరైన కారణాలతో ప్రతిపాదనలు పంపండి రెన్యువల్‌ అయిన మద్యం షాపుల యజమానులు వారి షాపులను మరోచోటికి షిఫ్టింగ్‌ చేయదలిస్తే సహేతుక కారణాలతో సంబంధిత డీపీఈఓల ద్వారా ప్రతిపాదనలు పంపాలన్నారు. కర్నూలు జిల్లాలో రెండు, నంద్యాల జిల్లాలో 11 మద్యం షాపులకు దరఖాస్తులు రాలేదని అందుకు కారణాలను విశ్లేషించి తగు చర్యలు తీసుకోవాలన్నారు. ఆ 13 షాపులకు త్వరలో రీ నోటిఫికేషన్‌ విడుదల చేసి ఔత్సాహిక వ్యాపారులను గుర్తించి పాలసీ విధివిధానాలు తెలియజేయాలన్నారు. ప్రత్యేక కార్యాచరణ ప్రణాళిక ఏర్పాటు చేసుకుని ఎన్‌ఫోర్స్‌మెంట్‌, ఈఎస్‌టీఎఫ్‌ సిబ్బంది జిల్లా వ్యాప్తంగా ముమ్మర దాడులు నిర్వహించాలని సూచించారు. పాత నేరస్తులను తహసీల్దార్ల ఎదుట బైండోవర్‌ చేయాలన్నారు. అసిస్టెంట్‌ కమిషనర్‌ రావిపాటి హనుమంతరావు, జిల్లా అధికారి మచ్చ సుధీర్‌ బాబు, ఏఈఎస్‌లు రాజశేఖర్‌ గౌడ్‌, రామకృష్ణా రెడ్డి, విజయ్‌కుమార్‌లతో పాటు ఎకై ్సజ్‌ ఇన్‌స్పెక్టర్లు పాల్గొన్నారు. వరుణదేవా కరుణించు మహానంది: రాష్ట్ర వ్యాప్తంగా ప్రధాన దేవాలయాల్లో నిర్వహిస్తున్న వరుణయాగంలో భాగంగా మహానంది క్షేత్రంలో రెండోరోజైన బుధవారం సహస్రవార వరుణయాగం, వరుణమంత్ర జపాలను శాస్త్రోక్తంగా చేపట్టారు. ఆలయ ఈఓ నల్లకాలువ శ్రీనివాసరెడ్డి ఆధ్వర్యంలో వేదపండితులు బ్రహ్మశ్రీ చెండూరి రవిశంకర అవధాని, ఆలయ ప్రధాన అర్చకులు మామిళ్లపల్లి అర్జునశర్మ, నాగేశ్వరశర్మ, హనుమంతుశర్మ, రుత్వికులు ఉదయం నుంచి సాయంత్రం వరకు విశేష పూజలు నిర్వహించారు. రుద్రగుండం కోనేరులో వరుణ మంత్రజపాలు చేశారు. పలు ప్రాంతాల భక్తులు వరుణయాగం పూజలను తిలకించి శ్రీ కామేశ్వరీదేవి సహిత మహానందీశ్వర స్వామివార్లను దర్శించుకుని భక్తిశ్రద్ధలతో పూజలు చేశారు.

మంత్రాలయం/మంత్రాలయం రూరల్‌: మండల పరిధిలోని చెట్నెహళ్లి గ్రామ మండల పరిషత్‌ ఉన్నత పాఠశాలలో టీచర్లుపై లైంగిక వేధింపులు, వికృత చేష్టల ఘటన ఆలస్యంగా వెలుగులోకి వచ్చింది. బుధవారం పాఠశాలలో ఉపాధ్యాయురాలు మౌనిక రెండవ తరగ తి విద్యార్థినీలకు పాఠాలు బోధిస్తుండగా హెచ్‌ఎం, మరో ఉపాధ్యాయుడు 5వ తరగతి విద్యార్థినిలతో రికార్డులపై నీళ్లు పోయించారు. ఆగ్రహించిన ఉపాధ్యాయురాలు విద్యార్థులను చితకబాదారు. విద్యార్థులు రోదిస్తూ ఇళ్లకు వెళ్లడంతో సమస్య తీవ్రమైంది. హెచ్‌ఎం వరప్రసాద్‌, ఉపాధ్యాయుడు అబ్దుల్లా గత కొద్ది రోజులుగా తమను లోబర్చుకోవాలని ఇలాంటి ఘట నలు సృష్టించి వేధింపులకు గురి చేస్తున్నారని పాఠఽశాలలో పని చేస్తున్న ఉపాధ్యాయినులు మౌనిక, పావని ఆరోపించారు. విషయం తెలుసుకున్న గ్రామస్థులు పెద్ద సంఖ్యలో పాఠఽశాల వద్దకు చేరుకుని హెచ్‌ఎం, ఉపాధ్యాయుడిపై దాడి చేసేందు కు ప్రయత్నించారు. విషయం తెలుసుకున్న ఎస్‌ఐ మల్లిఖార్జున తన సిబ్బందితో పాఠశాల వద్దకు చేరుకుని వారిని చెదరగొట్టారు. అనంతరం మండల విద్యాధికారి నాగభూషణం జెడ్పీ పాఠశాల వద్దకు చేరుకుని విద్యార్థినులతో మాట్లాడారు. ఇరువురు ఉపాధ్యాయులను పిలిపించి విచారణ చేపట్టారు. విచారణలో వేధింపుల విషయం వాస్తమేనని తేలిందన్నారు. విషయం ఉపాధ్యాయినుల కుటుంబ సభ్యులకు తెలియడంతో పాఠశాల వద్దకు చేరుకుని హెచ్‌ఎంపై దాడికి యత్నించారు. పక్కనే ఉన్న పోలీసులు హెచ్‌ఎం వరప్రసాద్‌, టీచర్‌ అబ్దుల్లా ను అదుపులోకి తీసుకున్నారు. ఇదిలాఉంటే ఘటనకు బాధ్యులైన హెచ్‌ఎం వరప్రసాద్‌, ఉపాధ్యాయుడు అబ్దుల్లాపై కఠిన చర్యలు తీసుకోవాలని వైఎస్సార్‌సీపీ నేత వై.ప్రదీప్‌కుమార్‌ రెడ్డి డిమాండ్‌ చేశారు. ఫిర్యాదు చేసిన మహిళా ఉపాధ్యాయులు

కర్నూలు(అగ్రికల్చర్‌): ఉమ్మడి జిల్లాలో చెరువులు, కుంటలు, వాగులు, వంకలు, కాల్వల్లో చుక్క నీరు లేదు. వేసిన పంటలు ఎండిపోయాయి. ఎటు చూసిన నిస్తేజం, నిర్వేదమే. బానుడు వేసవి తరహాలో భగభగ మండుతున్నారు. వెరసి జిల్లా ప్రజలు అల్లాడిపోతున్నారు. అక్టోబరు నెలలో రికార్డు స్థాయి ఉష్ణోగ్రతలు నమోదవుతుండటం సర్వత్రా ఆందోళన కలిగిస్తోంది. రానున్న రోజుల్లో ఉష్ణోగ్రతలు మరింత పెరిగే అవకాశం ఉందని వాతావరణ సంస్థ అధికారులు చెబుతున్నారు. అన్నిటికీ మూలం ఎల్‌నినోనే. గాలిలో పడిపోయిన తేమ శాతం వేసవిలో ఉమ్మడి కర్నూలు జిల్లా దేశంలోనే అత్యధిక ఉష్ణోగ్రతలు ఉండే ప్రాంతం. ప్రస్తుతం వేసవికి మించి ఉష్ణోగ్రతలు నమోదవుతున్నాయి. జిల్లాలో చెరువులు, కుంటలు 450 వరకు ఉన్నాయి. నంద్యాల జిల్లాలో 385 వరకు ఉన్నాయి. ఎల్‌నినో ప్రభావం వల్ల వర్షాలు లేకపోవడం వల్ల 90 శాతం చెరువులు, కుంటల్లో చుక్క నీరు లేదు. దీంతో గాలిలో తేమ శాతం పడిపోయింది. ఈ సమయంలో గాలిలో తేమ 80 శాతం వరకు ఉండాలి. కానీ ఉదయం పూట గాలిలో తేమ 40 శాతం, మధ్యాహ్నం సమయంలో 50–60 శాతం వరకు మాత్రమే ఉంటోంది. దీంతో వేడిగాలుల తీవ్రత పెరిగింది. సాధారణంగా అక్టోబరులో ఉష్ణోగ్రతలు 33–34 డిగ్రీల వరకు నమోదు కావాలి. నేడు 37 నుంచి 39 డిగ్రీల వరకు నమోదవుతున్నాయి. ఎండల తీవ్రత వేసవి కంటే ఎక్కువగా ఉందని వాతావరణ శాస్త్రవేత్తలు సైతం పేర్కొంటున్నారు. బుధవారం నందికోట్కూరులో 38 డిగ్రీలు, కల్లూరులో 37.4, పాణ్యంలో 37.1 డిగ్రీల ప్రకారం ఉష్ణోగ్రతలు నమోదయ్యాయి. చలికాలం లేనట్లే ! నవంబరు నుంచి శీతాకాలం మొదలవుతుంది. సూపర్‌ ఎల్‌నినో ప్రభావం వల్ల ఈసారి చలికాలం ఉండే అవకాశం లేదని వాతావరణ అధికారులు పేర్కొంటున్నారు. ఒకవైపు ఉక్కపోత సమస్యలు పెరుగుతున్నాయి. ఏసీలు, కూలర్లు గిర్రున తిరుగుతున్నాయి. రోజుకు 10.58 మిలియన్‌ యూనిట్ల రోజువారి విద్యుత్‌ వినియోగం కోటా ఉండగా, 13.25 మిలియన్‌ యూనిట్ల విద్యుత్‌ వినియోగిస్తున్నారు. చలి లేకపోతే రబీలో ప్రధాన పంటైన పప్పు శనగ కూడా లేనట్లేనన్న అభిప్రాయం వ్యక్తమవుతోంది. అక్టోబరు నెలలో ఎడారి పరిస్థితులు నెలకొని ఉండటం చరిత్రలో ఇదే మొదటిసారి. కర్నూలు జిల్లాలో రబీ సాధారణ సాగు 1,07,475 హెక్టార్లు, నంద్యాల జిల్లాలో సాధారణ సాగు 1,93,935 హెక్టార్లు ఉంది. మొదటిసారి ఖరీఫ్‌తో పాటు రబీ సీజన్‌ కూడా దెబ్బతింటుండటం సర్వత్రా ఆందోళన కలిగిస్తోంది. 1వ తేదీ 37,8 26.6 2వ తేదీ 37.6 26.2 3వ తేదీ 37.4 25.8 4వ తేదీ 37.4 25.8 5వ తేదీ 37.3 26.4 6వ తేదీ 37.3 26.6 7వ తేదీఅక్టోబరు మాసంలో తాగునీటికి కొరత ఉండదు. పశువులకు పచ్చి మేత కొదువ ఉండదు. కానీ నేడు పశువులకే కాదు, మనుషులకు కూడా తాగునీటి సమస్య ఏర్పడింది. పశువులకు మేత కరువైంది. ఈ సమయంలో కొండలు, కోనలు, బీడు భూములు పచ్చగా ఉండాలి. కానీ నేడు పచ్చదనం అంతరించిపోయింది. భారత వాతావరణ సంస్థ ఈ ఏడాది ఫిబ్రవరిలోనే ఎల్‌నినో తీవ్రతపై హెచ్చరికలు చేసింది. అయితే.. గట్టెక్కడానికి ఎలాంటి జాగ్రత్తలు తీసుకోవాలనే దానిపై ప్రభుత్వం ఏ మాత్రం దృష్టి సారించలేదు. వరి వేసుకోవద్దు అని చెప్పడం తప్ప.. వరి వేసుకోకపోతే తలెత్తే పరిణామాలను ఎలా ఎదుర్కోవాలనే దానిపై దృష్టి సారించలేదు. ఎల్‌నినో ప్రభావం వల్ల ఈ సారి పొడి వాతావర ణం ఉంటుంది. ఉష్ణోగ్రతలు సాధారణం కంటే 3–4 డిగ్రీల వరకు ఎక్కువగా ఉంటాయి. వర్షాపాతం అతి తక్కువగా ఉంటుంది. ఈ సారి చలి ప్రభా వం ఉండే అవకాశం లేదు. రబీలో శనగ ప్రధాన పంట. చలి వాతావరణం, మంచు లేకపోతే శనగలో దిగుబడులు ఉండవు. ప్రస్తుత వాతావరణం వేసవిని తలపిస్తోంది. రబీ సాగుకు అనువైన పరిస్థితులే లేవు. భూమిలో తేమ పూర్తిగా పడిపోయింది. ఇపుడు గాలిలో తేమ 80 శాతం ఆపైనే ఉండాలి. కాని 50–60 శాతం వరకు మాత్రమే గాలిలో తేమ ఉంటోంది. – నారాయణ స్వామి, సీనియర్‌ వాతావరణ శాస్త్రవేత్త, అనంతపురం

కర్నూలు(సెంట్రల్‌): దేవరగట్టు బన్ని ఉత్సవాలను ఎలాంటి అవాంఛనీయ ఘటనలకు తావు లేకుండా ప్రశాంత వాతావరణంలో జరుపుకోవాలని జిల్లా కలెక్టర్‌ డాక్టర్‌ ఏ. సిరి, ఎస్పీ విక్రాంత్‌ పాటిల్‌ ఉత్సవ కమిటీ సభ్యులకు సూచించారు. బుధవారం కలెక్టరేట్‌ సమావేశ మందిరంలో దేవరగట్టు బన్ని ఉత్సవాల ఏర్పాట్లపై సంబంధిత శాఖల జిల్లా అధికారులు, హొళగుంద, హాలహర్వి, ఆలూరు మండలాల అధికారులు, సంబంధిత గ్రామాల పెద్దలతో సమన్వయ సమావేశం నిర్వహించారు. కలెక్టర్‌ మాట్లాడుతూ ఉత్సవ ప్రాంతం, ఆలయ పరిసరాల్లో సీసీ టీవీ కెమెరాలు ఏర్పాటు చేసి కంట్రోల్‌ రూమ్‌ ద్వారా నిరంతర పర్యవేక్షణ చేపట్టాలన్నారు. అన్ని శాఖలు పరస్పర సమన్వయంతో పనిచేయాలన్నారు. గత సంవత్సరాల అనుభవాలను పరిగణనలోకి తీసుకుని ఈసారి ఏర్పాట్లను మరింత సమర్థవంతంగా చేపట్టాలన్నారు. జిల్లా ఎస్పీ విక్రాంత్‌ పాటిల్‌ మాట్లాడుతూ గతంలో బ్లాక్‌ స్పాట్‌ ప్రాంతాలుగా గుర్తించిన ప్రదేశాల్లో అదనపు లైటింగ్‌ ఏర్పాట్లు చేయాలన్నారు. దేవరగట్టు పరిసర ప్రాంతాల్లో అత్యవసర వైద్య సేవలు అందించేందుకు అవసరమైన ఏర్పాట్లు పూర్తి చేయాలని సూచించారు. ఇనుప రింగులు అమర్చిన కర్రలను ముందుగానే గుర్తించి స్వాధీనం చేసుకోవాలని పోలీసు సిబ్బందిని ఆదేశించారు. అనంతరం శ్రీశ్రీశ్రీ మాళ సహిత మల్లేశ్వర స్వామి దసరా ఉత్సవాల ఆహ్వాన పత్రికను ఆవిష్కరించారు. సమావేశంలో జాయింట్‌ కలెక్టర్‌ నూరుల్‌ ఖమర్‌, జిల్లా రెవెన్యూ అధికారి వెంకట నారాయణమ్మ, పత్తికొండ ఆర్డీవో ఓబులేసు, ఆదోని ఆర్డీవో అరుణ దేవి, తదితరులు పాల్గొన్నారు.

ఈ ఏడాది ఖరీఫ్‌లో కుందూనది పరివాహకంలో ఐదు ఎకరాల సొంత పొలంలో వరి పంట సాగు చేశాను. రబీలో ఎకరా రూ. 16 వేలు కౌలు చెల్లించి 10 ఎకరాల్లో ఇటీవలే మహేంద్ర రకానికి చెందిన జొన్న విత్తనం వేశాను. మరో ఐదు ఎకరాల్లో పప్పుశనగ సాగుకు విత్తనాలు, రసాయన ఎరువులు సమకూర్చుకున్నాను. ఈ నెలలో ఆశించిన స్థాయిలో వర్షాలు కురుస్తాయని వరుణుడిపై భారం వేసి పంటలు సాగు చేశాను. ఈ నెలలో కూడా వర్షం పడకపోతే పెట్టిన పెట్టుబడులు నేలపాలై నష్టాలు చవిచూడాల్సి వస్తుంది. – తిరుపతయ్య, రైతు, వల్లంపాడు, కోవెలకుంట్ల మండలం

● రోగుల ప్రాణాలతో చెలగాటం కర్నూలు(హాస్పిటల్‌): కాంట్రాక్టు పారామెడికల్‌ ఉద్యోగుల సమ్మె నేపథ్యంలో కర్నూలు ప్రభుత్వ సర్వజన వైద్యశాలలో అత్యవసర పరిస్థితులు నెలకొన్నాయి. ఆసుపత్రిలో 535 మంది కాంట్రాక్టు ఉద్యోగులు పనిచేస్తుండగా అందులో 450 మంది స్టాఫ్‌నర్సులు, మిగిలిన వారు ల్యాబ్‌టెక్నీషియన్లు, ఫార్మసిస్టులు, రేడియోగ్రాఫర్లు, ఈసీజీ, ఈఎంటీ టెక్నీషియన్లు, పారామెడికల్‌ సిబ్బంది ఉన్నారు. కాంట్రాక్టు స్టాఫ్‌నర్సుల స్థానంలో వివిధ విభాగాలు, కళాశాలల నుంచి 160 మంది స్టాఫ్‌ నర్సులు, హెడ్‌ నర్సులను నియమించారు. మిగిలిన వారి స్థానంలో భారీ ఎత్తున 1800 మంది దాకా నర్సింగ్‌ విద్యార్థినులను వివిధ ప్రైవేటు కాలేజీల నుంచి రప్పించారు. ఆయా కళాశాలల్లో తరగతులు బంద్‌ చేసి ప్రభుత్వ ఆసుపత్రిలో వైద్య సేవలు అందించాలని ఆసుపత్రి అధికారులు ఆదేశించి పిలిపించారు. దీంతో ప్రైవేటు కాలేజీ యాజమాన్యాలు తప్పనిసరై విద్యార్థినులను ఆసుపత్రికి పంపించారు. వీరిలో అధిక శాతం ఇంకా నర్సింగ్‌ విద్యను అభ్యసించడంలో ఇంకా శిక్షణ పొందుతూ ఉన్నారు. ఇలాంటి వారితో రోగులకు వైద్య సేవలు అందించే ఏర్పాటు చేయడం విమర్శలకు తావిస్తోంది. తప్పుడు వైద్యసేవలు అందించడం వల్ల రోగులకు ఏదైనా జరిగితే ఎవరు బాధ్యత వహిస్తారన్న ఆరోపణలు వెల్లువెత్తుతున్నాయి. డయాగ్నోస్టిక్‌ బ్లాక్‌, ఫార్మసీ కౌంటర్లలోనూ ఆయా పారామెడికల్‌ కాలేజీల నుంచి విద్యార్థులను రప్పించి సేవలందిస్తున్నారు. డయాగ్నోస్టిక్‌ బ్లాక్‌లోని బయోకెమిస్ట్రీ ల్యాబ్‌లో వైద్య పరీక్షలను విద్యార్థుల చేత చేయిస్తే, తప్పుడు ఫలితాలతో వైద్యం చేయిస్తే బాధ్యత ఎవరిదన్న వాదనలు వినిపిస్తున్నాయి. అధికారులు మాత్రం సమ్మె నేపథ్యంలో తాము భారీగా ప్రత్యామ్నాయ ఏర్పాట్లు చేశామని చెప్పుకోవడం గమనార్హం. జేఏసీ నాయకులకు షోకాజ్‌ నోటీసులు అత్యవసర వైద్య సేవలను బహిష్కరించి సమ్మె చేస్తున్న కాంట్రాక్టు పారామెడికల్‌ ఉద్యోగులపై రాష్ట్ర ప్రభుత్వం కక్ష సాధింపునకు పాల్పడుతోంది. ఇందులో భాగంగా బుధవారం ఏపీ మెడికల్‌ అండ్‌ హెల్త్‌ కాంట్రాక్టు ఉద్యోగుల జేఏసీ కర్నూలు చైర్మన్‌ శ్రీదేవి, నాయకులు నరేంద్రకు షోకాజ్‌ నోటీసులు జారీ చేశారు. ఈ మేరకు రాష్ట్ర ఉన్నతాధికారుల నుంచి వారికి నోటీసులు జారీ చేయాలని ఆదేశాలు అందాయి. వీరితో పాటు సమ్మెలో పాల్గొంటున్న ప్రతి కాంట్రాక్టు ఉద్యోగికి షోకాజ్‌ నోటీసులు జారీ చేసి, అవసరమైతే విధుల నుంచి తొలగించేలా చర్యలు తీసుకోవాలని ఉన్నతాధికారుల నుంచి ఆదేశాలు వచ్చినట్లు సమాచారం. ఎలాగైనా సమ్మెను అణిచివేసేందుకు ప్రభుత్వం ఎస్మా చట్టం పేరుతో షోకాజ్‌ నోటీసులు, డిస్మిస్‌ అస్త్రాలను సంధిస్తోందన్న విమర్శలు వ్యక్తమవుతున్నాయి.

కర్నూలు: ఉమ్మడి కర్నూలు జిల్లాలో రెన్యువల్‌ కాని 44 మద్యం దుకాణాలను లాటరీ ద్వారా కేటాయించనున్నారు. కర్నూలు జిల్లాలో 17 దుకాణాలకు 62 దరఖాస్తులు రాగా, నంద్యాల జిల్లాలో 27 దుకాణాలకు 71 దరఖాస్తులు కలిపి మొత్తం 133 దరఖాస్తులు దాఖలయ్యాయి. కనీసం నాలుగు దరఖాస్తులు తక్కువ కాకుండా వచ్చిన దుకాణాలకు మాత్రమే లాటరీ విధానంలో దుకాణం కేటాయించి లైసెన్స్‌ జారీ చేయనున్నారు. ఎకై ్సజ్‌ జాయింట్‌ కమిషనర్‌ నాగలక్ష్మి నోడల్‌ అధికారిగా ఉమ్మడి జిల్లాలో పర్యటించి ఎక్కువ దరఖాస్తులు రాబట్టేందుకు అధికారులపై ఒత్తిడి పెంచినప్పటికీ వ్యాపారులు మొండికేశారు. జిల్లా అధికారులు రెండుసార్లు నోటిఫికేషన్‌ జారీ చేసి రెన్యువల్‌ కాని మద్యం దుకాణాలకు కచ్చితంగా దరఖాస్తులు వేసుకోవాలని వ్యాపారులపై ఒత్తిడి పెంచి వేయించడంతో కర్నూలు జిల్లాలో 15 దుకాణాలకు, నంద్యాల జిల్లాలో 16 దుకాణాలకు నాలుగేసి దరఖాస్తులు వచ్చాయి. కర్నూలు జిల్లాకు సంబంధించి జిల్లాపరిషత్‌ భవనంలో, నంద్యాల జిల్లాకు సంబంధించి కలెక్టర్‌ ఆఫీస్‌లోని వీసీ హాల్‌లో గురువారం ఉదయం 8 గంటలకు లక్కీడిప్‌ నిర్వహించనున్నారు. ఈ మేరకు జిల్లా అధికారులు సుధీర్‌ బాబు, రవికుమార్‌ లక్కీడిప్‌కు తగిన ఏర్పాట్లు చేశారు. మరోసారి రీనోటిఫికేషన్‌ కర్నూలు జిల్లాలో రెండు, నంద్యాల జిల్లాలో 11 దుకాణాల రెన్యూవల్‌ ఇప్పటికీ పెండింగ్‌లో ఉన్నాయి. వీటికి మరోసారి కలెక్టర్ల అనుమతితో రీనోటిఫికేషన్‌ ద్వారా దరఖాస్తులను ఆహ్వానించి లక్కీడిప్‌లో వరించిన వారికి కేటాయించనున్నట్లు అధికారులు వెల్లడించారు. కర్నూలు జిల్లా కరువు ప్రాంతమైనప్పటికీ దరఖాస్తుల ద్వారా రూ.1.86 కోట్ల ఆదాయం ప్రభుత్వానికి సమకూరింది. ఉమ్మడి జిల్లాలో 44 దుకాణాలకు 133 దరఖాస్తులు నాలుగు దరఖాస్తులు వచ్చిన వాటికే లాటరీ

కోవెలకుంట్ల సమీపంలో పొలంలో రసాయన మందు విత్తుతున్న దృశ్యంకోవెలకుంట్ల: నంద్యాల జిల్లాలోని 29 మండలాల పరిధిలో ఈ ఏడాది రబీలో 1.93 లక్షల హెక్టార్లలో వరి, జొన్న, కంది, మొక్కజొన్న, పప్పుశనగ, మినుము, ధనియాలు, వేరుశనగ, తదితర పంటల సాగు లక్ష్యం. జిల్లాలో అక్టోబర్‌ నెలలో సాధారణ వర్షపాతం 117.9 మి.మీ కాగా ఇప్పటి వరకు వరకు ఒక్క మి.మీ. నమోదు కాలేదు. తుపాన్‌ ప్రభావంతో ఈ నెల 10వ తేదీ నుంచి వర్షాలు కురుస్తాయని ముందుగా ప్రకటించినా ఎండతీవ్రత నేపథ్యంలో మరో ఐదు రోజులపాటు వర్షాలు లేవని వాతావరణ శాఖ తెలియజేయడంతో రైతులు ఆవేదన వ్యక్తం చేస్తున్నారు. నీరు ఉన్నా రైతుకు కన్నీరే! శ్రీశైలం జలాశయంలో ఆగస్టు, సెప్టెంబర్‌ నాటికి పుష్కలంగా నీరు ఉంది. వివిధ పంటల సాగుకు ఎస్సార్బీసీ, కేసీకెనాల్‌, తెలుగుగంగ, కుందూనది, పాలేరు, కుందరవాగులకు నీటిని విడుదలచేయలేదు. వాటి పరిధిలో రైతులు ఒక్క ఎకరా సాగు చేయలేకపోయారు. ఖరీఫ్‌లో జిల్లాలో 2.21 లక్షల హెక్టార్లలో వివిధ పంటలు సాగు కావాల్సి ఉంది. అయితే వర్షాధారం, బావులు, బోర్ల కింద 1.38 లక్షల హెక్టార్లలో వరి, పత్తి, మినుము, వేరుశనగ, మొక్కజొన్న, కంది, తదితర పంటలను సాగు చేశారు. సెప్టెంబర్‌ నెల మినహా మిగిలిన ఏ ఒక్క నెలలో కూడా ఆశించిన స్థాయిలో వర్షాలు కురియలేదు. నష్టాల దిగుబడి మినుములో విత్తనాలు, రసాయన ఎరువులు, క్రిమిసంహారక మందులు తదితర పెట్టుబడుల రూపంలో ఎకరాకు రూ. 20 వేలకు పైగా పెట్టుబడులు వెచ్చించారు. వర్షాభావ పరిస్థితులతో ఎకరాకు అరబస్తా మించి దిగుబడులు రాలేదు. బోర్లు, బావులు, చెరువుల ఆధారంగా సాగు చేసిన మొక్కజొన్న చేతికందగా ఇటీవలే కోత, నూర్పిడి పనులు చేపట్టారు. ఎకరాకు 15 క్వింటాళ్లకు మించి దిగుబడులు రావడం లేదని రైతులు వాపోతున్నారు. కంది విత్తనం వేసినప్పటి నుంచి ఇప్పటి వరకు ఒక్క దఫా కూడా వర్షం పడకపోవడంతో పైరులో ఎదుగుదల నిలిచిపోయింది. రబీకి ప్రణాళిక కరువు ఖరీఫ్‌లో పెట్టుబడులు నేలపాలై రైతులు నష్టాలు మూటగట్టుకున్నారు. సెప్టెంబర్‌ నెలలో కురిసిన వర్షాలతో రబీ సాగుపై మళ్లీ ఆశలు పెట్టుకున్నారు. కాని చంద్రబాబు ప్రభుత్వం ముందస్తు పంటల సాగు ప్రణాళికను సిద్ధం చేయకుండా నిర్లక్ష్యం వహించింది. పప్పుశనగ, మినుము, వేరుశనగ విత్తనాలను అరకొరగా కేటాయింపులు చేసి చేతులు దులుపుకుంది. రైతులు మాత్రం భూమిలో ఉన్న అంతంత మాత్రం పదునుపైనే ఇప్పటికే జొన్న, మినుము పంటలను సాగు చేశారు. ఈ నెలలో విస్తారంగా పప్పుశనగ సాగు కావాల్సి ఉండటంతో విత్తనానికి పొలాలను రెడీ చేసుకుంటున్నారు. ఈ నెలాఖరు నాటికి వర్షం కురియకపోతే శనగతో పాటు ఇతర విత్తనాలు వేయలేరు. అందని సబ్సిడీ విత్తనాలు! ప్రభుత్వం సబ్సిడీపై అరకొరగా శనగ విత్తనాలు సరఫరా చేస్తోంది. మార్కెట్‌లో క్వింటా రూ. 7 వేలకు పైగా ధర పలుకుతుండగా ప్రభుత్వం క్వింటా రూ. 5,850 ప్రకారం అందజేస్తోంది. రైతులు విత్తనాలు కొనుగోలు చేసేందుకు ఎగబడుతున్నారు. రైతు సేవా కేంద్రాల్లో విత్తనాలు లేకపోవడంతో ఊసూరుమంటూ వెనుదిరిగాల్సి వస్తోంది. జిల్లాలో ఆయా మండలాల పరిధిలో 59,135 హెక్టార్లలో శనగ సాగు సాధారణ విస్తీర్ణం ఉంది. ఇందులో కోవెలకుంట్ల వ్యవసాయ సబ్‌ డివిజన్‌లో అత్యధికంగా సాగు కావాల్సి ఉంది. పంటరకం సాధారణ విస్తీర్ణం (హెక్టార్లలో) పప్పుశనగ 59,135 వరి 37,562 మొక్కజొన్న 23,084 మినుము 19,109 కంది 3,552 వేరుశనగ 2,832 రబీలో వర్షాలు కరువు బీడుభూములుగా పొలాలు అరకొరగా సబ్సిడీ విత్తనాలు ఇస్తున్న ప్రభుత్వం ఈ ఏడాది శనగ సాగు లేనట్లే!

కర్నూలు టౌన్‌: వైఎస్సార్‌సీపీలో పలువురికి పదవులు దక్కాయి. రాష్ట్ర, జిల్లా అనుబంధ విభాగాలకు నాయకులను నియమిస్తూ బుధవారం రాత్రి పార్టీ కేంద్ర కార్యాలయం ఒక ప్రకటన విడుదల చేసింది. రాష్ట్ర సంయుక్త కార్యదర్శిగా ఎర్వా మల్లికార్జన రెడ్డి (నంద్యాల), రాష్ట్ర ఎస్సీ సెల్‌ రాష్ట్ర ప్రధాన కార్యదర్శిగా యాటా ఓబులేసు (నందికొట్కూరు)ను, రాష్ట్ర బీసీ సెల్‌ సంయుక్త కార్యదర్శిగా కుడితికుంట నాగేశ్వరమ్మను (పాణ్యం) నియమించారు. జిల్లా మత్య్సకార విభాగం అధ్యక్షుడిగా మచ్చ నాగరాజు (నందికొట్కూరు), జిల్లా రజక విభాగం అధ్యక్షుడిగా చాకలి చిన్న మద్దిలేటి (బనగానపల్లె), జిల్లా రైతు విభాగం ప్రధాన కార్యదర్శిగా బి. భాస్కర్‌ రెడ్డి (నంద్యాల), జిల్లా యువజన విభాగం కార్యదర్శి పి. బాల అంకాలు (నంద్యాల) నియమితులయ్యారు. పిన్నాపురం కొండపై చిరుతపులి పాణ్యం: పిన్నాపురం గ్రామ సమీపంలోని కొండపై బుధవారం చిరుతపులి కనిపించింది. స్థానికులు గమనించి భయాందోళనకు గురయ్యారు. విషయాన్ని అటవీ శాఖ అధికారులకు తెలియజేశారు. వారు పిన్నాపురం గ్రామానికి వచ్చి చిరుతపులిని సంచరించిన ప్రదేశాలను పరిశీలించారు. 12న జాతీయ అప్రెంటీషిప్‌ మేళా డోన్‌ టౌన్‌: స్థానిక ప్రభుత్వ ఐటీఐలో ఈ నెల 12వ తేదీ ప్రధాన మంత్రి జాతీయ అప్రెంటీషిప్‌ మేళా నిర్వహిస్తున్నట్లు ప్రిన్సిపాల్‌ నాగకేశాలు బుధవారం ఒక ప్రకటనలో తెలిపారు. ఈ మేళాకు కర్నూలు, నంద్యాల జిల్లాలోని ప్రముఖ కంపెనీల ప్రతినిధులు హాజరవుతున్నట్లు తెలిపారు. ఐటీఐ పాసైన వారు తమ ఒరిజినల్‌ సర్టిఫికెట్లతో హాజరు కావాలని సూచించారు. పోలింగ్‌ కేంద్రాల వద్ద పటిష్ట భద్రత నంద్యాల(న్యూటౌన్‌): ఎన్నికల సమయంలో ఎలాంటి అవాంఛనీయ ఘటనలకు తావు లేకుండా పోలింగ్‌ కేంద్రాల వద్ద భద్రతా ఏర్పాట్లు పటిష్టం చేయాలని జిల్లా అదనపు ఎస్పీ సుస్మిత తెలిపారు. రానున్న మున్సిపల్‌ ఎన్నికలను పురస్కరించుకొని అందు కోసం పట్టణంలో ఏర్పాటైన పోలింగ్‌ కేంద్రాలనుమున్సిపల్‌ కమిషనర్‌ శేషన్నతో కలిసి పరిశీలించారు. ఈ సందర్భంగా ఆమె మాట్లాడుతూ ఓటర్లు ఎటువంటి ఇబ్బందులు లేకుండా తమ ఓటు హక్కును వినియోగించుకొనేలా అవసరమైన సౌకర్యాలను సిద్ధం చేయాలన్నారు. కార్యక్రమంలో ఇంజినీర్‌ నాగభూషణంరెడ్డి, డీఈ పవన్‌కుమార్‌, రసూల్‌ ఆజాద్‌, టౌన్‌ప్లానింగ్‌ అధికారి నరసింహమూర్తి, రిజ్వాన్‌ తదితరులు పాల్గొన్నారు. 1.6 టన్నుల యూరియా సీజ్‌ బనగానపల్లె రూరల్‌: బనగానపల్లె పట్టణంలోని సత్యం కెమికల్స్‌ ఫెర్టిలైజర్స్‌ అండ్‌ ఫెస్టిసైడ్స్‌ దుకాణంలో యూరియాను సీజ్‌ చేసినట్లు జిల్లా వ్యవసాయ ఉపసంచాలకులు ఆర్‌. గంగధర్‌ రావు తెలిపారు.ఎమ్మార్పీ రూ.1,650 ఉండగా రూ.2,080లకు విక్రయిస్తున్నట్లు రైతుల నుంచి ఫిర్యాదులు రావడంతో బుధవారం తనిఖీ చేశామన్నారు. దుకాణంలో ప్రస్తుతం 1.6 టన్నుల యూరియాను సీజ్‌ చేసినట్లు చెప్పారు. దుకాణాల్లో అధిక ధరకు ఎరువులు విక్రయిస్తే మండల వ్యవసాయాధికారికి రైతులు ఫిర్యాదు చేయాలన్నారు. కార్యక్రమంలో సాంకేతిక వ్యవసాయాధికారి కళ్యాణ్‌కుమార్‌, ఏఓ సుబ్బారెడ్డి పాల్గొన్నారు.

బనగానపల్లె రూరల్‌: మండలంలోని కటికవానికుంట ఘాట్‌ రోడ్డులో బుధవారం ప్రయాణికులతో బనగానపల్లెకు వస్తున్న ఆర్టీసీ బస్సుకు పెనుప్రమాదం తప్పింది. ప్రయాణికులు స్థానికులు తెలిపిన వివరాల మేరకు.. బనగానపల్లె డిపోకు చెందిన ఆర్టీసీ బస్సు మద్దిలేటిస్వామి క్షేత్రం నుంచి కటికవానికుంట గ్రామం మీదుగా యాగంటి క్షేత్రానికి వస్తుండగా క్షేత్రం కొండపై మలుపుల వద్ద బస్సు స్టీరింగ్‌ కట్టకు సంబంధించిన బోల్ట్‌ ఉడిపోయింది. డ్రైవర్‌ బస్సును అదుపుచేసే క్రమంలో రోడ్డుపక్కనున్న పెద్ద గుండురాయిని ఢీ కొట్టింది. ఆ సమయంలో బస్సులు 11 మంది ప్రయాణికులు ఉన్నారు. కొందరికి స్పల్ప గాయాలుకాగా, బస్సు ముందు భాగం పాక్షికంగా దెబ్బతింది. దీంతో ప్రయాణికులు ఊపిరి పిల్చుకున్నారు. రోడ్డు పక్కన పెద్ద బండరాయి లేకుంటే బస్సు లోయలో పడి పెద్ద ప్రమాదం జరిగి ఉండేదని ప్రయాణికులు పేర్కొన్నారు.

కర్నూలు: జాతీయ లోక్‌ అదాలత్‌లో ఉమ్మడి కర్నూలు జిల్లాలో 66 వేలకు పైగా కేసులు పరిష్కారమయ్యా యి. రాష్ట్రంలోనే మూడో స్థానం సాధించిన సందర్భా న్ని పురస్కరించుకుని జిల్లా ప్రధాన న్యాయమూర్తి వా సు, న్యాయ సేవాధికార సంస్థ కార్యదర్శి లీలా వెంకటశేషాద్రి ఆధ్వర్యంలో బుధవారం ఎక్కువ కేసులు పరిష్కరించేలా కృషి చేసిన జడ్జిలకు, న్యాయవాదులకు, పోలీసు, ఎకై ్సజ్‌ అధికారులకు జిల్లా న్యాయ సేవాధికార సంస్థ కార్యాలయంలో అవార్డుల ప్రదానం జరిగింది. సివిల్‌, క్రిమినల్‌ కేసులు పరిష్కరించిన జడ్జిలు అనూష, టి.భాస్కర్‌, ఎస్‌.జ్యోతి, కె.హేమ, వెంకటరామిరెడ్డి, నూరుల్లా, క్రిమినల్‌ కేసులు పరిష్కరించిన డీఎస్పీలు వీరరాఘవేంద్ర, పి.శ్రీనివాసులు, యాక్సిడెంట్‌ కేసులు పరిష్కరించిన న్యాయవాది రామాంజనేయులు, పోలీసులను అవార్డులతో సత్కరించారు. కర్నూలు కోర్టు మానిటరింగ్‌, మహిళా పోలీస్‌స్టేషన్‌ సీఐ రామయ్య నాయుడుకు కూడా అవార్డు అందజేశారు. ఫోక్సో కోర్టు అదనపు జిల్లా జడ్జి రాజేంద్రబాబు, శాశ్వత లోక్‌ అదాలత్‌ చైర్మన్‌ వెంకట హరినాథ్‌ తదితరులు పాల్గొన్నారు.

కర్నూలు(సెంట్రల్‌): పంటలన్నీ ఎండిపోయాయి.. కూలీలే కాదు రైతులు కూడా వలస వెళ్తున్నారు..అయి నా సీఎం చంద్రబాబుకు కరువు కనిపించడం లేదని వైఎస్సార్‌సీపీ నంద్యాల జిల్లా అధ్యక్షుడు కాటసాని రాంభూపాల్‌ రెడ్డి ఆగ్రహం వ్యక్తం చేశారు. కలెక్టరేట్‌ ఎదుట బుధవారం వైఎస్సార్‌సీపీ ఆధ్వర్యంలో రైతులు నిర్వహించిన ధర్నాలో కాటసాని మాట్లాడారు. మూడు నెలలపాటు బీడుగా ఉన్న పొలాలు చిన్న వానతో మొలకెత్తాయని, దానిని సాకుగా చూపి కల్లూరును కరువు మండలంగా ప్రకటించకపోవడం అన్యాయమన్నారు. ఎండిన పంటలను పట్టించుకోకుండా లక్ష కోట్లు అంటూ సీఎం చంద్రబాబునాయుడు విమానాల్లో తిరుగుతున్నారని, ఆయన భూమిపై నడిస్తే రైతుల దుస్థితి తెలుస్తుందని సూచించారు. తీవ్ర నష్టాలు వచ్చి అన్నదాత అల్లాడిపోతుంటే పట్టించుకోకండా రాయలసీమ హార్టికల్చర్‌ హబ్‌ పేరిట సంబరాలు చేయడం దారుణమన్నారు. కదంతొక్కిన రైతులు, వైఎస్సార్‌సీపీ శ్రేణులు కల్లూరును కరువు మండలంగా ప్రకటించాలని రైతులు, వైఎస్సార్‌సీపీ నాయకులు కదం తొక్కారు. కాటసాని ఆధ్వర్యంలో వందలాది మంది రైతులు ఎండిన పంటలను ప్రదర్శించారు. కర్నూలులో బిర్లా గేటు నుంచి కలెక్టరేట్‌ వరకు భారీ ర్యాలీ నిర్వహించారు. అనంతరం కలెక్టరేట్‌ ఎదుట పెద్ద ఎత్తున ధర్నా నిర్వహించారు. కల్లూరును కరువు మండలంగా ప్రక టించాలని జిల్లా కలెక్టర్‌ డాక్టర్‌ ఏ సిరికి వినతిపత్రం అందజేశారు. అంతకు ముందు బిర్లాగేటులో ఉన్న పూలే విగ్రహానికి కాటసాని పూలమాల వేసి నివాళి అర్పించారు. రైతు వ్యతిరేక ప్రభుత్వం టీడీపీ ప్రభుత్వం రైతులకు వ్యతిరేకంగా పనిచేస్తోందని కాటసాని విమర్శించారు. అశాసీ్త్రయంగా కరువు మండలాల ప్రకటన చేశారని, క్షేత్ర స్థాయిలో రైతుల పొలాలను పరిశీలించి నిర్ణయం తీసుకోవాలన్నారు. కరువు మండలాలపై టీడీపీ నాయకులు స్పందించకవడం అన్యాయమన్నారు. అధికారంలోకి ఉండి రైతులకు అన్యాయం చేయడం దారుణమన్నారు. వెంటనే కల్లూరును కరువుగా మండలంగా ప్రకటించకపోతే వచ్చే ఎన్నికల్లో తగిన శాస్తి తప్పదని హెచ్చరించారు. ధర్నాలో వైఎస్సార్‌సీపీ పాణ్యం ఆబ్జర్వర్‌ సూర్యప్రకాష్‌రెడ్డి, మాజీ డిప్యూటీ మేయర్‌ సిద్ధారెడ్డి రేణుక, నాయకులు కేశవరెడ్డి, రామకృష్ణారెడ్డి, కల్లా వెంకట రమణారెడ్డి, పర్లసుంకన్న, పర్ల శ్రీధర్‌రెడ్డి, చంద్రశేఖరరెడ్డి, ఈశ్వర య్య, అశోక్‌వర్ధన్‌రెడ్డి, నారాయణరెడ్డి, పలువురు మాజీ సర్పంచ్‌లు, కార్పొరేటర్లు, ఎంపీటీసీ సభ్యులు పాల్గొన్నారు. విమానాల్లో కాదు భూమిపై తిరగాలి ఎండిపోయిన పంటలను పరిశీలించాలి వైఎస్సార్‌సీపీ నంద్యాల జిల్లా అధ్యక్షుడు కాటసాని రాంభూపాల్‌ రెడ్డి కర్నూలులో భారీ ర్యాలీ.. ధర్నా

ఆదోని రూరల్‌: పొట్ట కూటి కోసం భార్యాభర్తలు ఉపాధి పనికి వెళ్లగా భర్త అస్వస్థతకు గురై ఒక్కసారిగా కుప్పకూలి మృత్యువాత పడిన ఘటన మండలంలోని గణేకల్‌ గ్రామంలో చోటు చేసుకుంది. వివరాలు.. గ్రామానికి చెందిన ఎన్‌.పెద్దరామయ్య (50), భార్య సిద్ధమ్మ కూలీ పనులకు వెళ్లి జీవనం సాగించేవారు. వీరికి ఒక కుమార్తె చాముండేశ్వరి (మానసిక దివ్యాంగురాలు) ఉంది. బుధవారం భార్యభర్తలు ఉపాధి పనికి వెళ్లారు. పనులు చేస్తుండగా అస్వస్థతకు గురై పెద్దరామయ్య కుప్పకూలిపోయాడు. భార్య గుండెలు బాదుకుంటూ రోదించడంతో తోటి కూలీలు ఆయన్ను ఆదోని ప్రభుత్వ ఆసుపత్రికి తరలించారు. పరీక్షించిన వైద్యులు ఆయన అప్పటికే మృతిచెందినట్లు నిర్ధారించారు. ఎర్రని ఎండకు కష్టపడి పని చేస్తుండగా తీవ్ర అస్వస్థతకు గురై ఒక్కసారిగా కుప్పకూలి పడ్డాడని భార్య సిద్ధమ్మ వాపోయింది. ఇంటికి పెద్దదిక్కుగా ఉన్న వ్యక్తి మృతితో భార్య, కుమార్తె ఆసరా కోల్పోయారు. బాధిత కుటుంబాన్ని ఆదుకోవాలని వ్యవసాయ కార్మిక సంఘం నాయకులు, గ్రామస్తులు ప్రభుత్వాన్ని కోరారు.

పోలీసు శాఖ ఏకపక్ష దోరణి వీడాలి కర్నూలు (టౌన్‌): స్థానిక ఎన్నికల వేళ చంద్రబాబు ప్రభుత్వం వైఎస్సార్‌సీపీ నేతలు, కార్యకర్తలను టార్గెట్‌ చేస్తూ బైండోవర్‌ కేసులు నమోదు చేయడం చట్ట విరుద్ధమని ఆ పార్టీ లీగల్‌ సెల్‌ జిల్లా అధ్యక్షుడు జి.స్వాములు అన్నారు. ఆయన బుధవారం తన కార్యాలయంలో మాట్లాడుతూ.. రెండున్నరేళ్లుగా రెడ్‌బుక్‌ రాజ్యాంగం పేరుతో వైఎస్సార్‌సీపీ శ్రేణులపై అక్రమ కేసులు నమోదు చేసి ఇబ్బందులకు గురిచేయడం, జైళ్లకు పంపడం చేశారన్నారు. ఇప్పుడు ఎన్నికలు వస్తున్నాయని, వైఎస్సార్‌సీపీ శ్రేణులను భయభ్రాంతులకు గురి చేసే విధంగా బైండోవర్‌ కేసులు నమోదు చేస్తున్నారన్నారు. పోలీసు యంత్రాంగం పక్షపాత దోరణితో వ్యవహరిస్తూ వైఎస్సార్‌సీపీ శ్రేణులను ఇబ్బందులకు గురి చేయడాన్ని తీవ్రంగా ఖండిస్తున్నామన్నారు. జిల్లాలో ప్రతిరోజు తెలుగుదేశం నాయకులు దౌర్జన్యాలు, అక్రమాలకు పాల్పడుతున్నా పోలీసు శాఖ పట్టించుకోవడం లేదని విమర్శించారు. శాంతి భద్రతల పేరుతో ప్రతిపక్ష వైఎస్సార్‌ సీపీ నాయకులను, కార్యకర్తలను వేధించడం వెంటనే ఆపాలన్నారు. పోలీసులు రాజ్యాంగానికి కట్టుబడి నిష్పక్షపాతంగా వ్యవహరించాలన్నారు. చట్టాన్ని ఉల్లంఘించి వైఎస్సార్‌సీపీ శ్రేణులపై నమోదు చేస్తున్న అక్రమ కేసులపై లీగల్‌ సెల్‌ తరఫున కోర్టుల ద్వారా న్యాయ పోరాటం చేస్తామని స్పష్టం చేశారు.

గోస్పాడు: వైద్య విద్యార్థులు ఒత్తిడిని జయిస్తే విజయం సొంతమవుతుందని నంద్యాల మెడికల్‌ కళాశాల ప్రిన్సిపాల్‌ డాక్టర్‌ సురేఖ అన్నారు. ఈనెల 10వ తేదీన ప్రపంచ మానసిక దినోత్సవం సందర్భంగా మంగళవారం నంద్యాల మెడికల్‌ కళాశాలలో వైద్య విద్యార్థులతో సమావేశం నిర్వహించారు. ఈ సందర్భంగా ఆమె మాట్లాడుతూ.. వైద్య విద్యార్థులు తమ వృత్తి పరమైన లక్ష్యాలను సాధించడంలో మానసిక ఆరోగ్యం ఎంతో కీలకమన్నారు. నిరంతరం ఒత్తిడితో కూడుకున్న విద్యలో మానసిక దృఢత్వాన్ని కలిగి ఉండాలన్నారు. మానసిక వ్యాధు ల విభాగాధిపతి డాక్టర్‌ లోకేశ్వరనాథరెడ్డి మాట్లాడుతూ.. పరీక్షల భయాన్ని తట్టుకొని నిలబడాలన్నారు. విద్యార్థులు రోజు వారి జీవన శైలిలో చిన్నచిన్న మార్పులు చేసుకోవడం, మొబైల్‌ ఫోన్లకు, సోషల్‌ మీడియాకు దూరంగా ఉండాలన్నారు. తగినంత సమయం, విశ్రాంతి తీసుకోవడం, నిద్రపోవడం వంటివి చేయాలని, అలాగే క్రీడల్లో పాల్గొనడం కూడా మానసికంగా ఇబ్బందులకు గురి కాకుండా చేస్తుందన్నారు. ఆందోళనకు గురి కాకుండా ప్రణాళిక బద్ధంగా ఎలా చదవాలో వివరించారు. అనంతరం విద్యార్థులకు మానసిక వ్యాధులపై అవగాహన కల్పించారు. కార్యక్రమంలో వైస్‌ ప్రిన్సిపాల్‌ డాక్టర్‌ కళావతి, ఇతర విభాగాల డాక్టర్లు ఇక్రముల్లా, నిరంజన్‌తో పాటు వైద్య విద్యార్థులు పాల్గొన్నారు.

కర్నూలు(అగ్రికల్చర్‌):రానున్న ఐదు రోజుల్లో వర్షాలు కురిసే అవకాశం లేదు. ఉష్ణోగ్రతలు పెరగనున్నాయి. ఈ నెల 7 నుంచి 11వ తేదీ వరకు వాతావరణం వివరాలను గుంటూరులో ని గ్రామీణ వ్యవసాయ వాతావరణ సేవా కేంద్రం విడుదల చేసింది. ఇటు కర్నూలు, అటు నంద్యాల జిల్లాల్లో రానున్న ఐదు రోజులు పొ డి వాతావరణం ఉంటుందని వాతావరణ అధికారులు తెలిపారు. ఇప్పటికే ఉష్ణోగ్రతలు పెరి గిపోవడంతో ప్రజలు ఉక్కిరిబిక్కిరవుతున్నా రు. మంగళవారం కర్నూలులో 37.3 డిగ్రీలు, నంద్యాలలో 36.2 డిగ్రీల ఉష్ణోగ్రతలు నమోదయ్యాయి. రాత్రి ఉష్ణోగ్రతలు కూడా పెరుగుతున్నాయి. రానున్న రోజుల్లో ఉష్ణోగ్రతలు ఒకటి, రెండు డిగ్రీలు పెరిగే అవకాశం ఉంది.

● అధికారుల గైర్హాజర్‌పై కమిషన్‌ మెంబర్‌ ఆగ్రహం శ్రీశైలంప్రాజెక్ట్‌: రాష్ట్ర షెడ్యూల్డ్‌ తెగల కమిషన్‌ అంటే శ్రీశైలం ఐటీడీఏ అధికారులకు భయమే లేదని ఆ కమిషన్‌ మెంబర్‌ పి.వెంకటప్ప అన్నారు. మంగళవారం ఆయన శ్రీశైలం ఐటీడీఏను సందర్శించారు. తొలుత సున్నిపెంటలోని గిరిజన సంక్షేమ పాఠ శాల, కళాశాల, బాలికల ఆశ్రమ పాఠశాల, ప్రతిభా పాఠశాల, కళాశాలలను సందర్శించారు. గిరిజన విద్యార్థులు, ప్రిన్సిపాల్‌ను అడిగి మౌలిక వసతులు తదితర అంశాలపై ఆరా తీశారు. అనంతరం ఐటీడీఏ కార్యాలయంలో నిర్వహించిన సమావేశానికి వివిధ శాఖలకు చెందిన అధికారుల్లో కొందరు గైర్హాజరయ్యారు. దీంతో కమిషన్‌ మెంబర్‌ వెంకటప్ప పీఓ పీవీఎస్‌ నాయుడుపై ఆగ్రహం వ్యక్తం చేశారు. వివిధ అంశాలపై చర్చించాల్సిన కమిషన్‌ సమావేశానికి హాజరు కాని అధికారులకు నోటీసులు జారీ చేసి వివరణ తీసుకోవాలని సంబంధిత అధికారులను ఆదేశించారు. అనంతరం10 మంది గిరిజన రైతులకు మోటార్లు, స్ప్రేయర్లు, ఉద్యానవన పంటల పనిముట్లు అందజేశారు. కార్యక్రమంలో అడ్వయిజరీ కమిటీ సభ్యులు రావుల కొండలు, వెంకటపతి, జీసీసీ డైరెక్టర్‌ జీవులా నాయక్‌, ఎస్‌ఎల్‌పీసీ సభ్యులు బి.మంతన్న, ఎం. నారాయణమ్మ, ఎం.బయన్న తదితరులు పాల్గొన్నారు.

నంద్యాల(న్యూటౌన్‌): రాబోయే మున్సిపల్‌, స్థానిక సంస్థల ఎన్నికల్లో పోటీ చేసే అభ్యర్థులకు ఇబ్బందు లు ఎదురవకుండా కుల ధ్రువీకరణ పత్రాలను మ్యానువల్‌గా జారీ చేయాలని నంద్యాల జిల్లా వైఎస్సార్‌సీపీ అధ్యక్షుడు కాటసాని రాంభూపాల్‌రెడ్డి డిమాండ్‌ చేశారు. సర్వర్‌ సమస్య, సాంకేతిక కారణాలు తలెత్తితే సకాలంలో పత్రాలు అందే పరిస్థితి ఉండదని, మ్యానువల్‌గా కులధ్రువీకరణ పత్రాలు ఇచ్చేలా చర్యలు చేపట్టాలన్నారు. ఈ మేరకు మంగళవారం కాటసాని రాంభూపాల్‌రెడ్డి, ఎమ్మెల్సీ ఇసాక్‌బాషా, మాజీ ఎంపీ పోచా బ్రహ్మానందరెడ్డి, రాష్ట్ర మార్క్‌ఫెడ్‌ మాజీ చైర్మన్‌ పీపీ నాగిరెడ్డి, జిల్లా పరిషత్‌ మాజీ చైర్మన్‌ ఎర్రబోతుల పాపిరెడ్డి తదితరులతో కలిసి కలెక్టరేట్‌లో కలెక్టర్‌ రాజకుమారిని కలసి వినతి పత్రం అందజేశారు. అనంతరం కాట సాని రాంభూపాల్‌రెడ్డి మాట్లాడుతూ.. రాబోయే స్థానిక సంస్థల ఎన్నికల్లో పోటీ చేసేందుకు ఆసక్తి చూపుతున్న అభ్యర్థులకు కుల, ఆదాయ ధ్రువీకరణ పత్రాలు అవసరమవుతుందన్నారు. సంబంధిత అధికారులు సర్వర్‌ సమస్య, సాంకేతిక కారణాల వల్ల ఆన్‌లైన్‌లో కులధ్రువీకరణ పత్రాలు దరఖాస్తులు స్వీకరించడం, జారీ చేయడం సాధ్యం కాని సమయంలో మ్యానువల్‌ ద్వారా ధ్రువీకరణ పత్రా లు అందేలా చూడాలన్నారు. సరైన సమయానికి అభ్యర్థులకు అవసరమైన పత్రాలు అందకపోతే పోటీ నుంచి తప్పుకోవాల్సిన పరిస్థితి వస్తుందన్నా రు. ఎమ్మెల్సీ ఇసాక్‌బాషా మాట్లాడుతూ.. అధికా రులు ప్రజాస్వామ్యబద్ధంగా ఎన్నికలు నిర్వహించాలన్నారు. బీసీ, ఎస్సీ, ఎస్టీ కులాల అభ్యర్థులకు కుల ఆదాయ ధ్రువీకరణ పత్రాలు అవసరం కానుండటంతో ఎటువంటి సమస్యలు లేకుండా చర్యలు తీసుకోవాల్సిన బాధ్యత అధికారులపై ఉందన్నారు. వారి వెంట వైఎస్సార్‌సీపీ ఎస్‌ఈసీ సభ్యులు కల్లూరి రామలింగారెడ్డి, శ్రీశైలం నియోజకవర్గ సీనియర్‌ నాయకులు శిల్పా భువనేశ్వరరెడ్డి, నంద్యాల పార్లమెంట్‌ కార్యదర్శి సద్దల సూర్యనారాయణరెడ్డి, వైఎస్సార్‌సీపీ జిల్లా ఉపాధ్యక్షుడు, మాజీ కార్పొరేటర్‌ దాల్‌మిల్‌ అమీర్‌, జిల్లా ఉపాధ్యక్షుడు మద్దూరు సుమంత్‌రెడ్డి, వైఎస్సార్‌సీపీ జిల్లా ట్రెజరర్‌ మధుమోహన్‌రెడ్డి, శ్రీనివాసరెడ్డి ఉన్నారు.

● జిల్లా కలెక్టర్‌ రాజకుమారి నంద్యాల(న్యూటౌన్‌): స్థానిక సంస్థల ఎన్నికల నిర్వ హణకు సంబంధించి జిల్లాలో ముందస్తు ఏర్పాట్లను పకడ్బందీగా పూర్తి చేయాలని జిల్లా కలెక్టర్‌ రాజకుమారి మున్సిపల్‌, పంచాయతీ, జిల్లా పరిషత్‌ అధికారులను ఆదేశించారు. మంగళవారం కలెక్టరేట్‌లోని వీడియో కాన్ఫరెన్స్‌ హాల్‌లో స్థానిక సంస్థల నిర్వహణ ముందస్తు ఏర్పాట్లపై డీఆర్‌ఓ రాము నాయక్‌, జిల్లా పరిషత్‌ సీఈఓ సుధాకర్‌ రెడ్డి, మున్సిపల్‌ కమిషనర్‌ శేషన్న, డీపీఓ ఫణికుమార్‌ నాయక్‌ తదితరులతో సమీ క్ష నిర్వహించారు. ఈ సందర్భంగా కలెక్టర్‌ మాట్లాడు తూ.. మున్సిపాలిటీలు, నగర పంచాయతీలు, గ్రామ పంచాయతీలు, మండల పరిషత్‌ ప్రాదేశిక నియోజకవర్గాలు (ఎంపీటీసీ), జిల్లా పరిషత్‌ ప్రాదేశిక నియోజకవర్గాలు (జెడ్పీటీసీ) ఎన్నికలకు అవసరమైన ముందస్తు ఏర్పాట్లను సమన్వయంతో చేపట్టాలన్నారు. ఎన్నికల సంఘం మార్గదర్శకాలకు అనుగుణంగా ఓటర్ల జాబితాల పరిశీలన, పోలింగ్‌ కేంద్రాల గుర్తింపు, మౌలిక సదుపాయాల కల్పన, పోలింగ్‌ సిబ్బంది గుర్తింపు, శిక్షణ, ఎన్నికల సామగ్రి సమీకరణ, స్ట్రాంగ్‌ రూమ్‌లు, డిస్ట్రిబ్యూషన్‌–రిసెప్షన్‌ కేంద్రాల ఏర్పాటు తదితర అంశాలపై ముందస్తు కార్యాచరణ సిద్ధం చేసుకోవాలన్నారు. ఎన్నికల సామగ్రి, బ్యాలెట్‌ బాక్సు లు, ఇతర అవసరమైన పరికరాల లభ్యతను ముందుగానే నిర్ధారించుకుని, వాటి భద్రతకు పటిష్ట చర్యలు చేపట్టాలన్నారు.

కర్నూలు(అగ్రికల్చర్‌): సామాజిక భద్రత పింఛన్లకు కేంద్రం వాటా మొత్తం నవంబర్‌ నుంచి నేరుగా బ్యాంకు ఖాతాలకు జమ కానుంది. వృద్ధాప్య, వితంతు, వికలాంగుల పింఛన్లలో కేంద్రం వాటా ఉంది. ఈ మొత్తం ఇక నుంచి బ్యాంకు ఖాతాల్లో జమ కానుండగా.. మిగిలిన మొత్తం యథావిధిగా నగదు రూపంలోనే అందజేస్తారు. వృద్ధాప్య, వితంతు పింఛన్లలో కేంద్రం వాటా రూ.200, వికలాంగుల పింఛన్లలో కేంద్రం వాటా రూ.300 ఉంది. మిగిలిన పింఛన్లలో కేంద్రం వాటా లేదు. లబ్ధిదారులకు కేంద్రం వాటా జమ కావాలంటే ప్రతి ఒక్కరికీ ఆధార్‌ లింకు కలిగిన బ్యాంకు ఖాతా తప్పనిసరి. ఈ నేపథ్యంలో వృద్ధాప్య, వితంతు, వికలాంగుల పింఛను పొందుతున్న లబ్ధిదారులు తమ బ్యాంకు ఖాతాలను సరిచూసుకోవాలని డీఆర్‌డీఏ అధికారులు సూచించారు. ఆలూరు ఎమ్మెల్యే కేసులో తీర్పు రేపటికి రిజర్వ్‌ ఆదోని: ఆలూరు ఎమ్మెల్యే బుసినె విరూపాక్షిపై అక్రమంగా నమోదు చేసిన ఎస్సీ, ఎస్టీ అట్రాసిటీ కేసులో బెయిల్‌కు సంబంధించి ఏపీ హైకోర్టులో మంగళవారం వాదోపవాదాలు ముగిశాయి. తీర్పును గురువారానికి రిజర్వ్‌ చేశారు. ఎమ్మెల్యే తరపు న్యాయవాదిగా పొన్నవోలు సుధాకర్‌ రెడ్డి ఆయనకు సహాయ, సహకారులుగా వైఎస్సార్‌సీపీ లీగల్‌ సెల్‌ రాష్ట్ర కార్యదర్శి జీవన్‌సింగ్‌, లక్ష్మీకాంత్‌ వాదనలు వినిపించారు. కేసుకు సంబంధించిన అంశాలపై ఇరుపక్షాల వాదనలు విన్న న్యాయస్థానం తీర్పును రిజర్వ్‌ చేసింది. గురువారం వెలువరించే తీర్పుపై రాజకీయ వర్గాల్లో ఉత్కంఠ నెలకొంది. కేఎంసీలో డిప్లొమా కోర్సుకు దరఖాస్తుల ఆహ్వానం కర్నూలు(హాస్పిటల్‌): కర్నూలు మెడికల్‌ కాలేజీలో ఏపీ స్టేట్‌ అలైడ్‌ అండ్‌ హెల్త్‌కేర్‌ సర్వీసెస్‌ డిప్లమో కోర్సులకు ఇంటర్‌మీడియట్‌ అర్హత కలిగిన అభ్యర్థుల నుంచి దరఖాస్తులు ఆహ్వానిస్తున్నట్లు కళాశాల ప్రిన్సిపల్‌ డాక్టర్‌ కె.చిట్టినరసమ్మ మంగళవారం ఒక ప్రకటనలో తెలిపారు. అభ్యర్థులు పూరించిన దరఖాస్తులను ఈ నెల 14వ తేది సాయంత్రం 5 గంటల్లోగా తమ కార్యాలయంలో రూ.100 రుసుము చెల్లించి అందజేయాలన్నారు. పోస్టు ద్వారా వచ్చిన దరఖాస్తులు స్వీకరించబోమన్నారు. దరఖాస్తులు a psahpc.co.in అనే వెబ్‌సైట్‌లో లభిస్తాయన్నారు. ఈ నెల 23న కౌన్సెలింగ్‌ నిర్వహిస్తామని.. బైపీసీ చదివిన విద్యార్థులకు మొదటి ప్రాధాన్యత ఉంటుందన్నారు అగ్రిసెట్‌ ప్రవేశ ఫలితాల్లో ప్రతిభ నంద్యాల(అర్బ న్‌): ఆచార్య ఎన్‌జీరంగా వ్యవ సాయ విశ్వవిద్యాలయం ఇటీవల నిర్వహించి న అగ్రిసెట్‌ ప్రవేశ పరీక్ష ఫలితాల్లో నంద్యాల ప్రాంతీయ వ్యవసాయ పరిశోధనా స్థానం ప్రభుత్వ వ్యవసాయ పాలిటెక్నిక్‌ కళాశాల విద్యార్థినులు ప్రతిభ చాటారని కళాశాల ప్రిన్సిపాల్‌ జయలక్ష్మి తెలిపారు. ఈ మేరకు మంగళవారం ప్రతిభ చూపిన విద్యార్థినులను ఆమె అభినందించారు. అనంతరం ఆమె మాట్లాడుతూ.. బీఎస్సీ (ఆనర్స్‌), అగ్రికల్చర్‌ డిగ్రీ కోర్స్‌లో సీట్ల భర్తీ కోసం నిర్వహించిన ఈ పరీక్షలో తమ కళాశాల విద్యార్థినులు రాష్ట్రస్థాయిలోటాప్‌–10లో ఇద్దరు, టాప్‌–100 లో 11 మంది చోటు సంపాదించారన్నారు. బొల్లవరం గ్రామానికి చెందిన చరిత నాల్గవ ర్యాంకు, గొట్లూరు గ్రామానికి చెందిన అంజలి 11వ ర్యాంకులు సాధించి కళాశాలకు గర్వకారణంగా నిలిచారన్నారు. కార్యక్రమంలో వైస్‌ ప్రిన్సిపాల్‌ కవిత, అధ్యాపక బృందం పాల్గొన్నారు. శ్రీశైల ఆలయ సీఎస్‌ఓగా మళ్లీ ఆయనే ?శ్రీశైలం టెంపుల్‌: శ్రీశైల దేవస్థాన ముఖ్య భద్రతా అధికారి (సీఎస్‌వో)గా గతంలో విధుల నుంచి తొలగించిన అధికారినే మళ్లీ తీసుకున్నారు. ఈ మేరకు మంగళవారం ఉత్తర్వులు అందడంతో సీఎస్‌ఓగా శ్రీనివాసరావు బాధ్యతలు స్వీకరించారు. గతంలో శ్రీశైలం ఒకటవ పట్టణ సీఐ జీవన్‌ గంగానాథ్‌ బాబు, సీఎస్‌వో శ్రీనివాసరావు మధ్య ఫోన్‌ సంభాషణలో వాగ్వాదం చోటుచేసుకుంది. ఆ ఆడియో బయటికి రావడంతో క్షేత్ర ప్రతిష్టకు భంగం కలిగించారనే కారణంతో సీఎస్‌ఓను విధుల నుంచి శాశ్వతంగా తొలగిస్తూ శ్రీశైల దేవస్థాన ఈఓ ఉత్తర్వులు జారీ చేశారు. అయితే కొన్ని రోజులుగా ఈఓపై ఒత్తిడి తీసుకురావడంతో ఎట్టకేలకు తిరిగి సీఎస్‌ఓగా మళ్లీ ఆయననే విధుల్లోకి తీసుకున్నారు.

సన్నబియ్యం తక్కువ ధరకు ఇస్తున్నారంటే ఆశతో నాతో పాటు మరో ముగ్గురం ఆటో తీసుకుని ఆళ్లగడ్డకు పోయాం. అక్కడ ఎంత సేపు కూర్చున్న బీగం తీయలేదు. అక్కడే ఉన్నవారిని అడిగితే బియ్యం కేంద్రం మూతేసి చాలా రోజులైందని చెప్పడంతో ఉసూరుమంటు వచ్చాం, రానుపోను ఆటోకు అనవసరంగా ఖర్చు వృథా అయ్యింది. – రత్నమ్మ, గోవిందిన్నె మూడు, నాలుగు నెలల నుంచి బియ్యం ధరలు పట్టపగలే చుక్కలు చూపిస్తున్నాయి. తక్కువ ధరకు బియ్యం ఇస్తామని చెప్పారు. ఎక్కడ ఇస్తున్నారో తెలి యడం లేదు. ఇలా అయితే కడుపునిండా తిన డం కూడా కష్టమే. అధికారులు రేషన్‌ దుకాణాల్లోనే సన్నబియ్యం పంపిణీ చేయాలి. – సువర్ణ, క్రిష్టిపాడు మార్కెట్‌లో ధరలు నియంత్రించేందుకే సన్నబియ్యం తక్కువ ధరకు విక్రయించే కేంద్రాలు ఏర్పాటు చేశాం. రోజు రిజల్ట్‌ బాగానే ఉంది. మిల్లర్లు నష్టపోయి అందిస్తున్నారు. ఎక్కువ శాతం మంది ఏడాది పొడువునా అవసరమ య్యే మేరకు వడ్లు కొని పెట్టుకుంటారని తెలిసింది. అందుకే కేంద్రాలకు ప్రజలు పెద్దగా రావడం లేదని తెలుస్తోంది. జిల్లాలో అన్ని కేంద్రాలు తెరించేందుకు చర్యలు తీసుకుంటాం. – రవిబాబు,జిల్లా పౌరసరఫరాల శాఖ అధికారి

కోవెలకుంట్ల: నంద్యాల – ఎర్రగుంట్ల రైల్వే మార్గంలో వివిధ ప్రాంతాలకు వెళ్లేందుకు రైలు ప్రయాణం సులభతరం కాగా అరకొర రైళ్ల రాకపోకలతో ఉమ్మ డి కర్నూలు, వైఎస్సార్‌ జిల్లాల ప్రజలకు ప్రయాణ కష్టాలు తప్పడం లేదు. పగటి వేళల్లో రైళ్ల రాకపోకలు అరకొరగా ఉండగా పలు స్టేషన్లలో స్టాపింగ్‌ లేకపోవడం, రాత్రి వేళ్లల్లో నడిచే రైళ్ల సమయం అనువుగా లేకపోవడంతో ప్రయాణికులు ఇబ్బందులు ఎదుర్కొంటున్నారు. రైళ్ల రాకపోకలు ప్రారంభమై పదేళ్లు కావస్తున్నా ప్రయాణికుల సౌకర్యార్ధం రైళ్ల సంఖ్య పెంచకుండా రెండు జిల్లాల ప్రయాణికులను రైల్వే శాఖ నిరుత్సాహ పరుస్తోంది. రోడ్డు మార్గం కంటే రైలు ద్వారా ప్రయాణం సులభతరం కావడంతో నంద్యాల, వైఎస్సార్‌ జిల్లాల ప్రజలు వివిధ ప్రాంతాలకు వెళ్లేందుకు బస్సు, ఇతర మార్గాల కంటే రైలు ప్రయాణంపై వైపు మొగ్గు చూపుతున్నారు. ఈ మార్గంలో రోజు వందలాది మంది ప్రయాణికులు రాకపోకలు సాగిస్తుండగా రైళ్లు నామమాత్రంగానే ఉండటంతో ఆయా జిల్లాల ప్రజలు నిరాశ చెందుతున్నారు. జిల్లాలో ఆగని తిరుపతి ప్రత్యేక రైలు.. నాందేడ్‌ నుంచి బయలుదేరే ఈ రైలు చర్లపల్లి, పిడుగురాళ్ల, మార్కాపురం, నంద్యాలకు గురువారం ఉదయానికి నంద్యాల చేరుకుని అక్కడి నుంచి బనగానపల్లె, కోవెలకుంట్ల, జమ్మలమడుగు, ఎర్రగుంట్ల మీదుగా తిరుపతి చేరుకుంటుంది. అయితే జిల్లాలోని నంద్యాల మినహా మిగతా ఐదు స్టేషన్లలో ఆగదు. తిరుగు ప్రయాణంలో శుక్రవారం మధ్యాహ్నం 2.20 గంటలకు తిరుపతి నుంచి బయలు దేరి అదే రోజు రాత్రి 7.40 గంటలకు నంద్యాలకు చేరుకుంటుంది. అయినా ప్రధాన స్టేషన్లు అయిన బనగానపల్లె, కోవెలకుంట్ల స్టేషన్లలో స్టాపింగ్‌ లేదు. ఇదిలాఉంటే ప్రతి రోజు నడుస్తున్న తిరు పతి ఎక్స్‌ప్రెస్‌ రైలుకు కోవెలకుంట్ల, జమ్మలమడు గు స్టేషన్లలో శాశ్వత స్టాపింగ్‌ సౌకర్యం లేదు. ఆయా స్టేషన్లలో ప్రయాణికుల రద్దీకనుగుణంగా తాత్కాలి క పద్ధతిన ప్రతి ఆరునెలలకొకసారి స్టాపింగ్‌ను రెన్యువల్‌ చేస్తుండటం విచారకరం. నంద్యాల నుంచి వైఎస్సార్‌ జిల్లా ఎర్రగుంట్ల మధ్య దూరం: 130 కి.మీ స్టేషన్లు : నంద్యాల, మద్దూరు, బనగానపల్లె, కోవెలకుంట్ల, సంజామల, నొస్సం, ఉప్పలపాడు, జమ్మలమడుగు, ప్రొద్దుటూరు, ఎర్రగుంట్ల

● అధికార పార్టీ నాయకుల ఇళ్లల్లో పారిశుద్ధ్య కార్మికుల వెట్టిచాకిరి డోన్‌: చిన్న మల్కాపురం మేజర్‌ గ్రామ పంచాయతీ పరిధిలో పని చేస్తున్న 16 మంది పారిశుద్ధ్య కార్మికులకు గత 11 నెలలుగా వేతనాలు మంజూరు కాకపోవడంతో ఆర్ధాకలితో అలమటిస్తున్నారు. వారి వెతలు పట్టని టీడీపీ నాయకులు తమ సొంత ఇళ్లలో పనులకు కూడా కార్మికులనే వినియోగించుకుంటున్నారు. మహాలయ అమావాస్యను పురస్కరించుకుని కొందరు నేతలు కార్మికులను భయపెట్టి తమ ఇళ్లను శుభ్రం చేయించుకుంటున్నారు. నేతల మాట వినకుంటే విధుల నుంచి తొలగిస్తారనే భయంతో వెట్టిచాకిరి చేయాల్సి వస్తుందని కొందరు కార్మికులు చెబుతున్నారు.

● ఆలూరు నియోజకవర్గంలోని ఎకై ్సజ్‌స్టేషన్‌ పరిధిలో గడచిన రెండు సంవత్సరాల్లో 118 కేసులు నమోదయ్యాయి. కర్ణాటక రాష్ట్రం నుంచి అక్రమంగా మద్యం తరలిస్తున్న 137 మందిపై కేసులు నమోదు చేసి 1,387 లీటర్ల మద్యాన్ని స్వాధీనం చేసుకున్నారు. ● కోడుమూరు ఎకై ్సజ్‌స్టేషన్‌ పరిధిలో 2025లో పది కేసులు నమోదు చేసి 15 మందిని అరెస్టు చేసి, 610 లీటర్ల మద్యాన్ని స్వాధీనం చేసుకున్నారు. ● ఎమ్మిగనూరు ఎకై ్సజ్‌ స్టేషన్‌ పరిధిలో 152 కేసులు నమోదయ్యాయి. కర్ణాటక, తెలంగాణ రాష్ట్రాల నుంచి అక్రమ మద్యం రవాణా చేస్తూ పట్టుబడ్డ ఘటనకు సంబంధించి 74 కేసులు నమోదు చేసి 879 లీటర్ల మద్యం స్వాధీనం చేసుకున్నారు. ఇవి కాకుండా బెల్టు షాపుల నిర్వహణకు సంబంధించి 53 కేసులు నమోదు చేశారు. 2026లో 81 కేసులు నమోదు కాగా, కర్ణాటక నుంచి మద్యం తరలిస్తున్న వారిపై 39 కేసులు నమోదు చేసి 690 లీటర్ల మద్యాన్ని స్వాధీనం చేసుకున్నారు. ● ఆదోని నియోజకవర్గ పరిధిలో 2025లో 487 కేసులు నమోదు చేసి 339 మందిని అరెస్టు చేశారు. 3,617 లీటర్ల కర్ణాటక మద్యం స్వాధీనం చేసుకుని 30 వాహనాలను సీజ్‌ చేసి పలువురిపై కేసులు నమోదు చేశారు. 2026లో 82.35 లీటర్ల కర్ణాటక మద్యం స్వాధీనం చేసుకుని వాహనాలను సీజ్‌ చేసి కేసులు నమోదు చేశారు. ● కోసిగి ఎకై ్సజ్‌ స్టేషన్‌ పరిధిలో గడిచిన రెండేళ్లలో 63 కేసులు నమోదు చేసి 269 మందిని అరెస్టు చేశారు. 1098 లీటర్ల కర్ణాటక మద్యం స్వాధీనం చేసుకున్నారు.

● కలెక్టర్‌ రాజకుమారినంద్యాల(న్యూటౌన్‌): ఐదు నుంచి ఏడేళ్ల వయస్సు, 15 నుంచి 17 సంవత్సరాల వయస్సు ఉన్న పిల్లల ఆధార్‌ బయోమెట్రిక్‌ అప్‌డేట్‌ తప్పనిసరిగా చేయించాలని కలెక్టర్‌ రాజకుమారి అన్నారు. జిల్లాలో సుమారు 52,133 మంది విద్యార్థులు బయోమెట్రిక్‌ అప్‌డేట్‌ చేసుకోవాల్సి ఉన్నందున, దసరా సెలవులను దృష్టిలో ఉంచుకుని పాఠశాలలను సమీప ఆధార్‌ కేంద్రాలు లేదా మొబైల్‌ కిట్లతో అనుసంధానం చేసి ప్రక్రియను వేగవంతం చేయాలని అధికారులను ఆదేశించారు. సోమవారం కలెక్టరేట్‌లోని పీజీఆర్‌ఎస్‌ హాలులో ప్రజల నుంచి దరఖాస్తుల స్వీకరణ అనంతరం అధికారులతో కలెక్టర్‌ సమీక్ష నిర్వహించారు. ఈ సందర్భంగా కలెక్టర్‌ మాట్లాడుతూ వివిధ శాఖల అభివృద్ధి పనులు, భూకేటాయింపులు, ఇంజనీరింగ్‌ ప్రాజెక్టులు, ఆధార్‌ నవీకరణపై పలు కీలక సూచనలు చేశారు. ఏ శాఖకై నా భూమి అవసరమైతే సంబంధిత హెచ్‌ఓడీ లేదా ప్రిన్సిపల్‌ సెక్రటరీ ద్వారా ఈ–ఫైల్‌ రూపంలో కలెక్టర్‌కు రిక్విజిషన్‌ పంపించాలన్నారు. కలెక్టర్‌ ఆదేశాల అనంతరం మాత్రమే జాయింట్‌ కలెక్టర్‌, ఆర్‌డీఓ, తహసీల్దార్ల ద్వారా భూ కేటాయింపు ప్రక్రియ చేపట్టాలన్నారు. ఆళ్లగడ్డలోని బాలసుదన్‌ సమీపంలో ప్రమాదకరంగా ఉన్న పాత బావికి రక్షణ చర్యలు చేపట్టడంతో పాటు రెయిన్‌వాటర్‌ హార్వెస్టింగ్‌ నిర్మాణం వంటి పనులను చేపట్టాలని కలెక్టర్‌ ఆదేశించారు. పీఆర్‌, ఆర్‌డబ్ల్యూఎస్‌, ఈడబ్ల్యూఐడీసీ, సమగ్ర శిక్ష, మున్సిపాలిటీ తదితర శాఖలు సమన్వయంతో పనులను వేగవంతం చేయాలని సూచించారు. పెచ్చెరువు వద్ద టాయిలెట్‌, నీటి వసతులు పూర్తయినందున సోలార్‌ ప్యానెల్స్‌, విద్యుత్‌ సదుపాయాల ఏర్పాటుకు నెడ్క్యాప్‌ ద్వారా అంచనాలు సిద్ధం చేసి తదుపరి చర్యలు చేపట్టాలన్నారు.

నంద్యాల(అర్బన్‌): నంద్యాల సబ్‌ కలెక్టర్‌గా మనీషా సోమవారం బాధ్యతలు చేపట్టారు. ఇక్కడ విధులు నిర్వహిస్తున్న ఆర్‌డీఓ విశ్వనాథ్‌ను అమరావతి సచివాలయంలో రిపోర్ట్‌ చేసుకోవాలని జిల్లా అధికారులు సూచించినట్లు సమాచారం. ఐఏఎస్‌ అధికారిణి అయిన మనీషా మొదటి సారిగా సబ్‌ కలెక్టర్‌గా నంద్యాలలో విధులు నిర్వహించనున్నారు. బాధ్యతలు తీసుకున్న మనీషాను ఆర్‌డీఓ కార్యాల య అధికారులు, సిబ్బంది శుభాకాంక్షలు తెలిపారు. అనంతరం జిల్లా కలెక్టర్‌ రాజకుమారిని కలిసి పూల మొక్కను అందజేశారు. నాలుగు ట్రావెల్స్‌ బస్సులకు రూ. 6.18 లక్షల జరిమానా డోన్‌ టౌన్‌: రోడ్‌ టాక్స్‌ చెల్లించకుండా ఏపీలో తిరుగుతున్న నాలుగు ట్రావెల్స్‌ బస్సులకు రూ.6.18 లక్షల జరిమానా విధించినట్లు డోన్‌ మోటార్‌ వెహికల్‌ ఇన్‌ప్సెక్టర్‌ క్రాంతికుమార్‌ తెలిపారు. ఆదివారం అర్ధరాత్రి నుంచి సోమ వారం తెల్లవారుజాము వరకు జాతీయ రహదారిపై చేపట్టిన ప్రత్యేక తనిఖీల్లో భాగంగా హైదరాబాద్‌ నుంచి కేరళకు వెళ్తున్న కళ్లాడ ట్రావెల్స్‌, లఖింపూర్‌ నుంచి బెంగళూరుకు వెళుతున్న గోల్డెన్‌ టూర్స్‌ అండ్‌ ట్రావెల్స్‌, గోరంట్ల నుంచి హైదరాబాద్‌కు వెళ్తున్న సుధీర్‌ ట్రావెల్‌ బస్సుపై ఒక్కొక్క బస్సుకు రూ.1.46 లక్షల చొప్పున, హైదరాబాద్‌ నుంచి బెంగుళూరుకు వెళ్తున్న ధనుంజయ ట్రావెల్స్‌ బస్సుపై రూ.1.80 లక్షల జరిమానా విధించినట్లు ఎంవీఐ తెలిపారు. ఈ నాలుగు బస్సులను ఆపి తనిఖీలు చేయగా ఏపీకి చెల్లించాల్సిన రోడ్డు ట్యాక్స్‌ చెల్లించకుండా తిరుగుతున్నట్లు గుర్తించి జరిమానాలు విధించినట్లు తెలిపారు. పీజీఆర్‌ఎస్‌కు 107 వినతులు బొమ్మలసత్రం: జిల్లా పోలీస్‌ కార్యాలయంలో సోమవారం నిర్వహించిన ప్రజా సమస్యల పరిష్కార వేదిక కార్యక్రమానికి 107 వినతులు అందాయి. ఈ సందర్బంగా అడిషనల్‌ ఎస్పీ అడ్మిన్‌ ఖాదర్‌బాషా మాట్లాడుతూ.. జిల్లాలోని వివిధ ప్రాంతాల నుంచి వచ్చిన అర్జీదారులతో నేరుగా మాట్లాడి వారి సమస్యలను అడిగి తెలుసుకున్నామన్నారు. చట్టపరిధిలో ఉన్న సమస్యలను వెంటనే సంభంధిత అధికారితో మాట్లాడి సమస్యలను అక్కడిక్కడే పరిష్కరించామన్నారు. మరికొన్ని ఫిర్యాదులను ఆయా స్టేషన్‌ అధికారులకు బదిలీ చేశామని వివరించారు. ఫిర్యాదులు తిరిగి పునరావృతం కాకుండా జాగ్రత్తలు తీసుకోవాలని అధికారులకు సూచించారు. యూపీఎస్‌సీ ప్రిలిమ్స్‌, మెయిన్స్‌ పరీక్షలకు ఉచిత శిక్షణ నంద్యాల(అర్బన్‌): బీసీ సంక్షేమ శాఖ ఆధ్వర్యంలో విజయవాడలోని గొల్లపూడి బీసీ భవన్‌లో యూపీఎస్‌సీ సివిల్‌ సర్వీసెస్‌ ప్రిలిమ్స్‌, మెయిన్స్‌ పరీక్షలకు ఉచిత శిక్షణ ఇస్తున్నట్లు జిల్లా వెనుకబడిన తరగతుల సంక్షేమం, సాధికార అధికారిణి జాకీర్‌హుసేన్‌ సోమవారం ఒక ప్రకటనలో తెలిపారు. జిల్లాకు చెందిన ఏదైనా డిగ్రీ పూర్తి చేసిన బీసీ, ఎస్టీ, ఎస్టీ వర్గాల అభ్యర్థులు దరఖాస్తును ఈ నెల 20వ తేదీ సాయంత్రం 5 గంటల్లోపు స్వయంగా వచ్చి అందించాలన్నారు. అభ్యర్థుల ఎంపిక ఈనెల 27న స్క్రీనింగ్‌ టెస్ట్‌ ప్రాతిపదికన చేపడతామని, ఎంపికై న అభ్యర్థులకు విజయవాడలో శిక్షణనిస్తారన్నారు. శిక్షణా కాలంలో ఉచిత బస, వసతి సౌకర్యాలను కల్పిస్తామన్నారు. దరఖాస్తుకు ధ్రువీకరణ పత్రాలు జతపరిచి నంద్యాల ప్రభుత్వ డిగ్రీ కళాశాల ఎదురుగా ఉన్న జిల్లా వెనుకబడిన తరగతుల సంక్షేమం, సాధికారత అధికారి కార్యాలయంలో అందజేయాలన్నారు. వివరాలకు 9849906013ను సంప్రదించాలని పేర్కొన్నారు.

నంద్యాల(అర్బన్‌): స్థానిక అయ్యలూరు మెట్ట వద్ద ఉన్న ఎస్‌వీఆర్‌ ఇంజినీరింగ్‌ కళాశాలలో ఈనెల 6, 7, 8 తేదీల్లో ప్రపంచ అంతరిక్ష వారోత్సవా లను నిర్వహించనున్నట్లు కళాశాల చైర్మన్‌ వెంకటరామిరెడ్డి, ఎండీ దినేష్‌రెడ్డిలు తెలిపారు. సతీష్‌ ధావన్‌ స్పేస్‌ సెంటర్‌ శ్రీహరికోట భారత అంతరిక్ష పరిశోధన సంస్థ ఆధ్వర్యంలో మంగళవారం ప్రారంభించే అంతరిక్ష వారోత్సవాలకు సంబంధించిన వాల్‌పోస్టర్లను వారు విడుదల చేశారు. ఈ సందర్భంగా వెంకటరామిరెడ్డి మాట్లాడుతూ.. అంతరిక్ష విజ్ఞానం, సాంకేతికతపై విద్యార్థులు, యువతలో అవగాహన పెంపొందించడంతో పాటు భవిష్యత్తు అంతరిక్ష పరిశోధనలపై ఆసక్తిని పెంచే లక్ష్యంతో ఈ కార్యక్రమాన్ని నిర్వహిస్తున్నామన్నారు. వారోత్సవాల్లో భాగంగా అంతరిక్ష ప్రదర్శన, ఇస్రో వీడియో, చిత్రలేఖనం, స్పేస్‌ క్విజ్‌, ఎక్స్‌టెంపోర్‌ స్పీచ్‌, ఫొటోగ్రఫీ, షార్ట్‌ ఫిలీమ్‌, పోస్టర్‌, డిజైన్‌ పోటీలను నిర్వహిస్తున్నామన్నారు. విద్యార్థులు ఈ అవకాశాన్ని సద్వినియోగం చేసుకొని ఉత్సాహంగా పాల్గొని అంతరిక్ష వారోత్సవాలను విజయవంతం చేయాలన్నారు.

మహానంది: అర్చక వృత్తిలో ఉండేవారు నుదుటను విభూతి, తిలక, కుంకుమ ధారణలతో సంప్రదాయంగా కనిపిస్తూ సర్వజనుల ఆదరణ పొందాలని ఏపీ ఆదిశైవ బ్రాహ్మణ సంఘం రాష్ట్ర అధ్యక్షుడు శ్రీకంఠం నందీశ్వరయ్య, రాష్ట్ర దేవాలయ పాలనా సంస్థ (ఎస్‌ఐటీఏ) రాష్ట్ర డైరెక్టర్‌ ముక్తేశ్వరరావు అన్నారు. మహానందిలోని టీటీడీ కల్యాణ మండ పంలో రాష్ట్ర దేవాలయ పాలనా సంస్థ ఆధ్వర్యంలో సోమవారం శైవ ఆగమ శిక్షణా తరగతులను ప్రారంభించారు. ఐదు రోజుల పాటు నిర్వహించే శిక్షణ తరగతులను లయ కార్యనిర్వహణాధికారి నల్లకాలువ శ్రీనివాసరెడ్డి, ఆలయ వేదపండితులు బ్రహ్మ శ్రీ చెండూరి రవిశంకర అవధాని, ప్రధాన అర్చకులు మామిళ్లపల్లి అర్జునశర్మ, పండితులు జ్యోతి ప్రజ్వలన చేసి ప్రారంభించారు. ఈ సందర్భంగా రాష్ట్ర అధ్యక్షుడు నందీశ్వరయ్య, డైరెక్టర్‌ ముక్తేశ్వరరావులు మాట్లాడుతూ.. అర్చకులు హరిహర స్వరూపులని, చూస్తేనే నమస్కరించేలా ఉండాలన్నారు. ఆలయా ల్లో అర్చకులు చేసే పూజలు, హోమాల ద్వారా లోక కల్యాణం కలుగుతుందని స్పష్టం చేశారు. నెల్లూరుకు చెందిన సీనియర్‌ అర్చకులు నారాయణశర్మ మాట్లాడుతూ.. ఆలయాలు, వాటి నిర్మాణం శాస్త్ర సాంకేతిక విజ్ఞానంతో ముడిపడి ఉన్నాయన్నారు. ఆలయాలు కేవలం ఆధ్యాత్మికతనే కాకుండా అన్ని శాస్త్రాలను మిళితం చేసేలా కనిపిస్తాయని చెప్పారు. కార్యక్రమంలో పాలకమండలి చైర్మన్‌ నరాల చంద్రమౌళీశ్వరరెడ్డి, కొత్తూరు సుబ్రహ్మణ్యేశ్వర స్వామి ఆలయ ప్రధాన అర్చకులు కంపమల్ల సుబ్బసత్యనారాయణ శర్మ, మహానంది ఉప ప్రధాన అర్చకులు వనిపెంట జనార్థనశర్మ, ముఖ్య అర్చకులు రాజమాణిక్యశర్మతోపాటు యాగంటి, నందవరం, పుటాలమ్మ తల్లి, భోగేశ్వరం, ఓంకారం ఆలయాలతో పాటు జిల్లాలోని వివిధ ఆలయాల అర్చకులు పాల్గొన్నారు.

కొత్తపల్లి: శ్రీశైలం జలాశయంలో రోజురోజుకు నీటి మట్టం తగ్గుముఖం పడుతుండటంతో సప్తనదుల సంగం వద్ద వెలిసిన సంగమేశ్వరుడు జలాధివాసం వీడుతు న్నారు. సోమవారం శ్రీశైలం జలాశయం నీటిమట్టం 885 అడుగుల నుంచి 849 అడుగులకు చేరుకుంది. దీంతో ఆలయం ముఖమండపం కింది భాగం వరకు, ఆలయ ముఖద్వారం రెండు అడుగుల మేర కిందికి కృష్ణాజలాలు చేరాయి. మరో 8 అడుగుల మేర నీటిమట్టం తగ్గితే పూర్తిస్థాయిలో సంగమేశ్వరాలయం జలాధీవాసం వీడనుంది. కృష్ణాజలాలు తగ్గుతుండడంతో కృష్ణా జలాల నుంచి ప్రాచీన సంగమేశ్వరాలయం బయల్పడుతోంది.

కల్లూరు: సీపీఐ జాతీయ కార్యదర్శి రామకృష్ణ సోమవారం వైఎస్సార్‌సీపీ నంద్యాల జిల్లా అధ్యక్షుడు, మాజీ ఎమ్మెల్యే కాటసాని రాంభూపాల్‌రెడ్డిని మర్యాద పూర్వకంగా కలిశారు. రిమాండ్‌పై జిల్లా జైలులో ఉన్న ఆలూరు ఎమ్మెల్యే విరూపాక్షిని రామకృష్ణ ములాఖత్‌ ద్వారా కలిశారు. అనంతరం ఆయన కాటసాని రాంభూపాల్‌రెడ్డి నివాసానికి విచ్చేసి కాటసానిని ఆప్యాయంగా పలకరించారు. ఈ సందర్భంగా వారు ఆత్మీయంగా మాట్లాడుకున్నారు. 1994 నుంచి 1999 వరకు ఇద్దరూ ఎమ్మెల్యేలుగా కలిసి పనిచేసిన నాటి రాజకీయ అనుబంధం, స్నేహాన్ని గుర్తు చేసుకుంటూ పరస్పరం యోగక్షేమాలు తెలుసుకున్నారు. రాజకీయంగా భిన్న మార్గాల్లో ఉన్నప్పటికీ పాత రాజకీయ అనుబంధం, వ్యక్తిగత స్నేహానికి విలువ ఇస్తూ రామకృష్ణ కాటసాని నివాసానికి రావడం ప్రాధాన్యత సంతరించుకుంది.

కరువు రక్కసి భయపెడుతోంది.. ఆకాశంలో ఎండలు మండుతున్నాయి. కనుచూపు మేర పచ్చదనం లేదు. అయినా.. రైతుల్లో ఏదో ఒక ఆశ. పట్టు వదలని విక్రమార్కుడిలా రైతులు పంట సాగుకు సిద్ధమయ్యారు. వరుణ దేవుడు కరుణించక పోతాడా.. అన్నట్లుగా అరకొరగా అదను అయినా పొలంలో జొన్న విత్తనం వేస్తున్నారు. ఇటీవల తుపాన్‌ ప్రభావంతో జిల్లాలో అక్కడక్కడా మోస్తరు వర్షాలు కురిశాయి. దీంతో ఎ. కోడూరు గ్రామంలో షేక్‌ ఖాశీం రైతు కూడా జొన్న విత్తనం వేశాడు. ట్రాక్టర్‌ బాడుగలు తాళలేక ఆటోకు సాలు దున్నుడు పరికరాన్ని అమర్చి జొన్న విత్తనం వేసిన పొలాన్ని చదరం చేశాడు. ఇతనిలానే ఎంతో మంది రైతులు రబీలో జొన్న సాగు చేసి తమ అదృష్టాన్ని పరీక్షించుకోబోతున్నారు. పచ్చని వరి పైర్లతో కళకళలాడాల్సిన కేసీ ఆయకట్టులో ఈ ఏడాది వర్షాధారం కింద పంటలు సాగు చేయాల్సి వస్తోంది. – బండిఆత్మకూరు

తెలంగాణ, గోవా, అటు కర్ణాటక ప్రాంతాల నుంచి కర్నూలు, నంద్యాల ప్రాంతాలకు పెద్ద ఎత్తున మద్యం దిగుమతి అవుతోంది. మన రాష్ట్రంలోని మద్యంతో పోలిస్తే గోవాలో మద్యం ధర 50 శాతం తక్కువ ఉండగా.. తెలంగాణలో కొన్ని బ్రాండ్లు ఒక్కో ఫుల్‌బాటిల్‌పై రూ.500 వరకు తక్కువకు లభిస్తోంది. పైగా తెలంగాణ రాష్ట్రం కర్నూలుకు సరిహద్దుగా ఉండడంతో అలంపూర్‌కు వెళ్లి పెద్ద ఎత్తున మద్యాన్ని కర్నూలుకు తరలిస్తున్నారు. మరోవైపు కర్ణాటక నుంచి సరిహద్దు ప్రాంతాలైన ఆదోని, ఎమ్మిగనూరు, ఆలూరు, మంత్రాలయం ప్రాంతాలకు నాసిరకం మద్యం పెద్ద ఎత్తున దిగుమతి చేసుకొని అమ్మకాలు సాగిస్తున్నారు. అయితే పోలీసులు మొక్కుబడిగా కేసులు నమోదు చేసి చేతులు దులుపుకుంటున్నారు. సాక్షి ప్రతినిధి, కర్నూలు: మద్యం వ్యాపారంలో మామూళ్ల దందా శృతి మించడంతో వ్యాపారులు అక్రమాలకు తెగబడుతున్నట్లు తెలుస్తోంది. ఇబ్బడిముబ్బడిగా లైసెన్స్‌ ఫీజు పెంచడం, నియోజకవర్గ పచ్చనేతలతో పాటు ఎకై ్సజ్‌, సివిల్‌, ట్రాఫిక్‌ పోలీసు మొదలుకొని పలువురికి పెద్ద మొత్తంలో నెలమామూళ్లు సమర్పించాల్సి రావడంతో నష్టాల నుంచి గట్టెక్కేందుకు పలు మద్యం దుకాణాల యజమానులు పెద్ద ఎత్తున అక్రమాలకు తెరతీశారు. కల్తీమద్యం అమ్మకాలతో పాటు గోవా, తెలంగాణల నుంచి నాసిరకం మద్యం దిగుమతి చేసుకొని అమ్మకాలు సాగిస్తున్నారు. కొందరు వ్యాపారులు మద్యంలో నీళ్లు కలుపుతుండగా.. మరికొంద రు వ్యాపారులు ప్రమాదమని తెలిసినా కల్తీలో మత్తు తగ్గకుండా కొన్ని రకాల మత్తుపదార్థాలను కలుపుతున్నట్లు తెలుస్తోంది. మద్యంప్రియుల ఆరోగ్యం పాడయ్యే పరిస్థితులు ఉన్నా రాబడి కోసం ఈ తరహా అక్రమాలకు పాల్పడుతున్నట్లు సమాచారం. పచ్చనేతల వసూళ్లపర్వం గత ప్రభుత్వంలో లేని విధంగా నియోజకవర్గానికి చెందిన పచ్చనేత ఒక్కో మద్యం దుకాణం నుంచి నెలకు రు.లక్ష వసూలు చేస్తున్నట్లు చర్చ జరుగుతోంది. అదేవిధంగా ఎకై ్సజ్‌, మద్యం డిపో, సివిల్‌ పోలీసులతో పాటు ట్రాఫిక్‌ పోలీసులు కొందరికి నెల మామూళ్లు ముట్టజెప్పాల్సి వస్తోందని దుకాణ యజమానులు వాపోతున్నారు. ఈ లెక్కన ఒక్కో దుకాణం నెలకు రూ. 2.5 లక్షలు నెల మామూళ్ల కింద చెల్లించాల్సి వస్తోందని అంచనా. ఇది కాకుండా లెసెన్స్‌ ఫీజులు, రూము అద్దెలు, సిబ్బంది జీతాలు ఉండనే ఉన్నాయి. దీంతో అక్రమాలకు పాల్పడాల్సి వస్తోందని కొందరు మద్యం వ్యాపారులు బాహాటంగా పేర్కొంటున్నారు. సిండికేట్‌గా ‘తమ్ముళ్లు’ ఉమ్మడి కర్నూలు జిల్లాలో మొత్తం 222 మద్యం దుకాణాలు ఉండగా తాజాగా ప్రభుత్వం వాటిని రెన్యూవల్‌ చేసింది. ఒక్కో దుకాణానికి అదనంగా రూ.27 లక్షల మొత్తాన్ని చెల్లిస్తే ఏడాదిపాటు దుకాణం రెన్యూవల్‌ చేస్తోంది. దీంతో మద్యం అమ్మకాలు ఎక్కువగా జరిగే 178 దుకాణాల యజమానులు రెన్యూవల్‌ చేసుకోగా మిగిలిన 44 దుకాణాదారులు అందుకు అంగీకరించకపోవడంతో వాటికి ఎకై ్సజ్‌ శాఖ టెండర్లు పిలిచింది. లక్కీడిప్‌ ద్వారా దుకాణాలను ఖరారు చేసేందుకు ఎకై ్సజ్‌ శాఖ సిద్ధమైంది. మద్యం దుకాణానికి ఒక్కో దరఖాస్తు విలువ రూ.3 లక్షలు చొప్పున కనీసం 9 దరఖాస్తుల విలువ కట్టి రూ.27 లక్షలు చెల్లించేలా నిబంధన విధించింది. అయితే గతంలో నాలుగు దరఖాస్తులు వచ్చిన దుకాణాలకు టెండర్లలో లక్కీడిప్‌ నిర్వహించి దుకాణాలు కేటాయించే నిబంధన ఉన్నందున జిల్లాలో తెలుగు తమ్ముళ్లు సిండికేట్‌ అయ్యారు. యథేచ్ఛగా కల్తీ జిల్లా వ్యాప్తంగా కొందరు మద్యం షాపుల యజమానులు మద్యంలో నీటిని కలిపి కల్తీ చేస్తున్నారు. ఇందుకోసం మూతలు తొలగించి తిరిగి సీల్‌ వేసేందుకు టెక్నికల్‌ టీంను పెట్టుకొని పనికానిస్తున్నారు. మద్యంలో నీళ్లు కల్తీ చేస్తుండడంతో మత్తు తక్కువకాకుండా పలురకాల కెమికల్స్‌ను సైతం కలుపుతున్నట్లు సమాచారం. ఇదే కాకుండా కర్ణాటక, తెలంగాణ ప్రాంతాల నుంచి నాసిరకం మద్యాన్ని దిగుమతి చేసుకొని కల్తీ చేసి మరీ అమ్మకాలు సాగిస్తున్నారు. కట్టడిచేయాల్సిన పోలీసులు నెలమామూళ్ల మత్తులో జోగుతుండటం గమనార్హం. నెల మామూళ్లు ఇచ్చుకోలేక యజమానుల అడ్డదారి ఒక్కో దుకాణం నుంచి రూ.2.5లక్షల వసూలు ‘పచ్చ’నేతలతో పాటు ఎకై ్సజ్‌, సివిల్‌ పోలీసులకు వాటాలు కర్ణాటక, తమిళనాడు, గోవా నుంచి దిగుమతి నీళ్లు కలిపేందుకూ వెనుకాడని దుకాణాదారులు మత్తు మోతాదు తగ్గకుండా మద్యంలో రసాయనాలు