Jayashankar District News

ఆదివారం శ్రీ 8 శ్రీ నవంబర్‌ శ్రీ 2026భూపాలపల్లి: మధ్యప్రదేశ్‌లోని ప్రపంచ ప్రఖ్యాత ‘బింబేట్కా’ రాతి చిత్రాల కంటే పురాతనమైన చరిత్ర.. వందల కోట్ల సంవత్సరాల క్రితం ప్రకృతి మలిచిన అద్భుత శిలాకృతులు.. పాండవుల అరణ్యవాస ముద్రలు.. ఇవన్నీ ఒక్కచోటే చూడాలంటే జిల్లాలోని ‘పాండవుల గుట్టలు’ సందర్శించాల్సిందే. ప్రాచీన మానవుడి జీవన శైలికి అద్దం పట్టే ప్రాక్‌ యుగం నాటి రాతిచిత్రాలు, సహజసిద్ధమైన శిలాతోరణాలు, శతాబ్దాల నాటి శాసనాలకు నిలయంగా ఉన్న ఈ గుట్టల విశేషాలతో ప్రత్యేక కథనం. రేగొండ మండలం తిరుమలగిరి గ్రామ శివారులో పాండవుల గుట్టలు ఉన్నాయి. అరణ్యవాస కాలంలో పాండవులు ఈ గుట్టలలో ఉన్నారని స్థానికులు భావిస్తుంటారు. సుమారు 2వేల ఎకరాల్లో విస్తరించిన ఉన్న ఈ గుట్టల్లో వేలాది కళాకృతులు పోగై ఉన్నాయి. కొన్ని కిలోమీటర్ల మేర విస్తరించి ఉన్న సున్నపురాయి గుట్టలు వేల సంవత్సరాల కిందట ఏర్పడినట్లుగా పరిశోధకులు చెబుతున్నారు. ఉలితో చెక్కకుండానే ఈ రాళ్లు శిల్పాల రూపాలయ్యాయి. నత్తగూళ్లుగా, సింహం, రామచిలుక, డాల్ఫిన్‌, నంది, మొసలి, మనిషి ముఖం ఇలా పలు ఆకృతుల్లో కనిపిస్తూ అబ్బురపరుస్తున్నాయి. ఎక్కువ మొత్తంలో సున్నపురాళ్లు, అవక్షేప శిలలతో ఏర్పడిన ఈ గుట్టల్లో పొరలు పొరలుగా ఒకదాని మీదొకటి పేర్చినట్టుగా అనేక శిలాకృతులు ఉన్నాయి. ఎత్తైన కొండ రాళ్ల మధ్య లోతైన అగాధాలతో లోయలు, అడుగడుగునా పడిగెలెత్తి నిల్చున్న కొండవాళ్లు, ఆ కొండ గోడలపై అపురూపమైన ప్రాచీన రాతిచిత్రాలు ఉన్నాయి. పాండవుల గుట్టల్లో ప్రధానంగా ఎదురు పాండవులు, గొంతెమ్మ గుహ, పంచ పాండవులు, పోతిరాజు చెలిమె, మేకలబండ, ముంగీసబండ, తుపాకుల గుండు చూడాల్సిన ప్రాంతాలు. జీవన శైలి తెలిపే పెయింటింగ్స్‌.. పాండవుల గుట్టలోని కొన్ని ప్రాంతాల్లో ప్రాక్‌ యుగం నుంచి చారిత్రక యుగం వరకు గల మధ్య కాలంలో అప్పటి మానవుల జీవనశైలిని తెలిపే ఎన్నో చిత్రాలు రాతిపై ఉన్నాయి. సుమారు ఆరుచోట్ల ఈ పెయింటింగ్‌లు కనిపిస్తాయి. అవన్నీ కూడా ముదురు ఎరుపురంగుతో గీయబడినవే. మందమైన గీతలతో చదునైన పూతలతో గీయబడిన ఈ పెయింటింగ్‌లలో శాఖాహార, మాంసాహార జీవులు, మనుషుల చిత్రాలు ఉన్నాయి. వీటిలో జింకలు, చేపలు, మేకలు, కుక్కలు, ముళ్లపందులు, కుందేళ్లు, తాబేలు, పాము, చిలుక, సీతాకోకచిలుకలు, కొండెంగ, నెమలి, కప్ప, బల్లి, ఎలుగుబంటి, పెద్దపులులు, పండు, వలతో మనుషులు, పులి వంటి జంతువును చంపిన సరీసృపం వంటి పెద్ద జంతువు, కుందేళ్లను తరుముతున్న కుక్కలు, కుక్కలు చుట్టి నిలుచున్న మనిషి, ఈనిన జింక తన పిల్లను నాకుతుండగా చూస్తున్న మనిషి, త్రిభుజాలు, త్రిశూలం, చుక్కల వంటి రేఖాకృతులు, కొన్ని శిథిలచిత్రాలు దర్శనమిస్తాయి. ఇవేకాక గొంతెమ్మగుహలో చేతిగుర్తులు, యుద్ధం చేస్తున్న వీరుల చిత్రాలు కూడా ఉన్నాయి. పంచపాండవుల గుహలో రంగులలో పంచపాండవులు, కుంతి, ద్రౌపది, ద్రుపదుడు, పాండవుల పెళ్లి, శేషశాయి, గణేశుడు, శివలింగం, ఆంజనేయుడు, బ్రహ్మ, సరస్వతీదేవి చిత్రాలు ఉన్నాయి. బింబేట్కా కంటే ప్రాచీనమైనవి.. ఎదురు పాండవులు అనే కొండచరియలో వేసి ఉన్న రాతిచిత్రాలు అతి పురాతనమైనవి, అపూర్వమైనవని పురావస్తు నిపుణులు నిర్థారించారు. ఈ చిత్రాలు కొన్ని ఆరు అడుగుల కంటే ఎత్తుగా ఉన్నాయి. ఈ చిత్రాలు వేసిన తీరు, శైలి, మొరటుదనం, వాటిలోని జంతు జీవజాలం అన్నింటిని పరిశీలించి కాలానుశీలన చేస్తే ఇవి మనదేశంలోని మధ్యప్రదేశ్‌ ‘బింబేట్కా’ గుహల్లోని రాతిచిత్రాల కన్నా ప్రాచీనమైనవిగా భావిస్తున్నారు. వరల్డ్‌ హెరిటేజ్‌ చెప్తున్న విధంగా బింబేట్కా చిత్రాలు 30వేల సంవత్సరాల క్రితం నాటివి అయితే పాండవులగుట్టలోని బొమ్మల్లో అశ్వికులు, యుద్ధ సన్నివేశాలు, ఆయుధాలు, వివిధ వాహనాలు, అలంకరణలు వంటి ఆధునిక రూపాలేవీ లేవు. కావున ఇవి బింబేట్కా కన్నా ప్రాచీనకాలానికి చెందినవని పరిశోధకులు చెబుతున్నారు. రెండువేల ఎకరాల్లో ‘పాండవుల గుట్టలు’ బింబేట్కా కంటే ప్రాచీనమైన రాతి చిత్రాలు చెలిమె, గుహలు, లఘు శాసనాలు, చెక్కని శిల్పాలు 6, 7 శతాబ్దం నాటి లిపితో రాసిన రాతలు అవిచ్ఛిన్న శిలాతోరణం.. పాండవుల గుట్టల్లో ఉన్న గుహలకు సమీపంలో అద్భుతమైన సహజసిద్ధమైన అవిచ్ఛిన్న శిలాతోరణం ఉంది. ఒక రాతిగుండులో రెండు నిలువుల ఎత్తున ఈ తోరణం ఎంతో అందంగా కనిపిస్తుంది. సహజ సిద్ధంగా రాతి పొరలతో ఏర్పడిన ఈ శిలాతోరణం వయస్సు సుమారు 200 కోట్ల సంవత్సరాలు ఉంటుందని అంచనా వేస్తున్నారు. అంటే, భూమి మీద ఏ ప్రాణి పుట్టకముందే ఈ తోరణం ఏర్పడినట్లు. గొంతెమ్మ గుహలో విశేషాలెన్నో.. ఇక్కడి గొంతెమ్మ గుహలో చేతిముద్రలు, లిపులున్నాయి. ముదురు ఎరుపురంగులో కుడి చేతిముద్రలు ఉన్నాయి. గుహ బయట వీరుల యుద్ధ సన్నివేశం చిత్రించబడి ఉంది. రంగు, గీతలను బట్టి ఈ బొమ్మ చారిత్రకయుగం నాటిదని భావిస్తున్నారు. గుహలో ఒక రాతిగోడ మీద బూడిద రంగుతో రాసిన లిపి ఉంది. ఇలాంటి రాతలే ఎరుపురంగులో పంచ పాండవుల గుహలో కూడా ఉన్నాయి. లిపిని బట్టి ఆ రాతలు 6, 7 శతాబ్దాల నాటివని అంచనా. గొంతెమ్మ గుహకు తూర్పు దిక్కులో ఒక బండరాయి అంచున ఒక ‘లఘుశాసనం’ ఉంది. అది ‘శ్రీ ఉత్పత్తి పిడుగు’ శాసనం. ఇదే పేరుతో ఏపీ, తెలంగాణ రాష్ట్రాల్లో 11 చోట్ల, మహారాష్ట్రలో ఒక చోట ఉన్నాయి. ఇంతటి విశిష్టతలు కలిగిన పాండవుల గుట్టను మరింత తీర్చిదిద్దితే పర్యాటకంగా జిల్లా అభివృద్ధి చెందనుంది.

భూపాలపల్లి: భూపాలపల్లి మున్సిపాలిటీ అభివృద్ధే తమ లక్ష్యమని, ఇందుకు అన్ని శాఖల అధికారులు, ప్రజాప్రతినిధులు, ప్రజలు సహకరించాలని ఎమ్మెల్యే గండ్ర సత్యనారాయణరావు కోరారు. మున్సిపల్‌ చైర్మన్‌ బుర్ర కొమురయ్య అధ్యక్షతన శనివారం మున్సిపల్‌ కార్యాలయంలోని మీటింగ్‌ హాల్‌లో కౌన్సిల్‌ సమావేశం జరిగింది. ఈ సమావేశానికి ఎమ్మెల్యే సత్యనారాయణరావు, కలెక్టర్‌ రాహుల్‌ శర్మ హాజరయ్యారు. సమావేశంలో ఏజెండాలోని 41 అంశాలకు కౌన్సిల్‌ ఆమోదం తెలిపింది. అనంతరం ఎమ్మెల్యే మాట్లాడుతూ.. క్రిష్ణాకాలనీ నుంచి సుభాష్‌కాలనీ వరకు రహదారుల విస్తరణ పనులు కొనసాగుతున్నాయని అన్నారు. విస్తరణలో భాగంగా చిరు దుకాణాలు కోల్పోయిన ప్రతీ ఒక్కరికి మరోచోట స్థలం లేదా మున్సిపాలిటీ ఆధ్వర్యంలో షాపింగ్‌ కాంప్లెక్స్‌లు నిర్మించి ఇస్తామన్నారు. అద్దెకు ఇచ్చిన వారికి ఎటువంటి అవకాశం ఇవ్వబోమన్నారు. ఎన్పీడీసీఎల్‌, మిషన్‌ భగీరథ అధికారులు వెంటనే విద్యుత్‌ స్తంభాలు, తాగునీటి పైప్‌లైన్‌లను తొలగించి రహదారి పక్కన ఏర్పాటు చేయాలన్నారు. ఎల్‌నినో నేపథ్యంలో కరువు ఏర్పడే అవకాశం ఉన్నందున నీటిని వృథా చేయరాదన్నారు. ప్రతీ ఇంట్లో ఇంకుడు గుంత ఏర్పాటు చేసుకోవాలని, కొత్తగా ఇళ్లు నిర్మించుకునే వారు ఇంకుడు గుంత ఏర్పాటు చేస్తేనే మున్సిపాలిటీ అనుమతులు ఇవ్వాలని సూచించారు. కలెక్టర్‌ రాహుల్‌ శర్మ మాట్లాడుతూ.. ఎల్‌నినో నేపథ్యంలో మున్సిపాలిటీలో తాగునీటికి ఇబ్బందులు రాకుండా ముందస్తు చర్యలు చేపట్టాలని అధికారులకు సూచించారు. అనంతరం పలువురు కౌన్సిలర్లు తమ వార్డుల్లో ఉన్న సమ్యలను సభ దృష్టికి తీసుకొచ్చారు. ఇళ్లపై విద్యుత్‌ తీగలు వేలాడుతున్నాయని, తాగునీరు, కోతుల సమస్య తీవ్రంగా ఉందని తెలిపారు. వంద పడకల ఆస్పత్రికి వెళ్లిన చాలామంది రోగులను చిన్నచిన్న చికిత్సల కోసం సైతం ఎంజీఎంకు రెఫర్‌ చేస్తున్నారని, ఇక్కడే పూర్తిస్థాయి వైద్యం అందేలా చూడాలని కోరారు. ఈ సమావేశంలో మున్సిపల్‌ కమిషనర్‌ ఉదయ్‌కుమార్‌, వైస్‌చైర్మన్‌ అంబాల శ్రీనివాస్‌, సింగరేణి, వివిధ శాఖల అధికారులు, కౌన్సిలర్లు పాల్గొన్నారు. రహదారుల విస్తరణకు అందరూ సహకరించాలి తాగునీటి పైపులైన్లు, విద్యుత్‌ స్తంభాలు వెంటనే తొలగించాలి చిరు వ్యాపారులను ఆదుకుంటాం ఎమ్మెల్యే గండ్ర సత్యనారాయణరావు

వివాహేతర సంబంధం..ఖానాపురం/గీసుకొండ: కన్నవారిని కాదనుకుంది. సామాజిక వర్గాలు వేరైనా ప్రేమించిన వ్యక్తిని వివాహం చేసుకుంది. తన భర్త మరో మహిళతో వివాహేతర సంబంధం పెట్టుకోవడంతో మనస్తాపం చెందింది. ఇటు తల్లిగారింటికి వెళ్లలేదు. భర్త మోసం తట్టుకోలేక చావే దిక్కనుకుంది. కానీ, పిల్లలు దిక్కులేని వారవుతారనే భావనతో వారితో సహా ఆత్మహత్యకు పాల్పడింది. ఈ హృదయ విదారక ఘటన పాకాలలో చోటుచేసుకుంది. హనుమకొండ జిల్లా బైరాన్‌పల్లి గ్రామానికి చెందిన ఈరెల్లి మమత(30) చిన్నతనం నుంచి వరంగల్‌ జిల్లా గీసుకొండ మండలం ఎలుకుర్తిహవేలిలోని అమ్మమ్మ ఇంటి వద్ద ఉండి చదువుకుంది. చదువుకునే సమయంలో అదే గ్రామానికి చెందిన సుమన్‌ అనే యువకుడితో ప్రేమలో పడింది. ఇద్దరి సామాజిక వర్గాలు వేరు. పెద్దలకు ఇష్టంలేకపోయినా వారిని వదిలి ఆరేళ్ల క్రితం కులాంతర వివాహం చేసుకుంది. సుమన్‌ ట్రాక్టర్‌ డ్రైవర్‌గా పనిచేస్తుండగా, మెడికల్‌ డిప్లొమా చదివిన మమత నర్సంపేటలోని ఓ ప్రైవేట్‌ ఆస్పత్రిలో పనిచేస్తోంది. వారికి హర్షిణి(4), కావ్య(3) ఇద్దరు కూతుళ్లు ఉన్నారు. హర్షిణి నర్సరీ చదువుతుండగా కావ్య ఇంటివద్దే ఉంటోంది. భర్త మరో మహిళతో వివాహేతర సంబంధం.. వారిద్దరి సంసారం సజావుగా సాగుతుండగా సుమన్‌ గ్రామంలోని తనఇంటి సమీపంలోని ఓ మహిళతో 6 నెలల నుంచి వివాహేతర సంబంధం పెట్టుకున్నాడు. ఈ విషయం తెలిసిన మమత మానసికంగా కుంగిపోయింది. సొంత వారిని వదులుకుని ఇష్టపడిన వ్యక్తిని ప్రేమ వివాహం చేసుకుంటే భర్త నమ్మించి మోసం చేశాడనే ఆవేదన చెందింది. ఈ విషయమై గ్రామంలోని పెద్ద మనుషులు రెండుసార్లు పంచాయితీ పెట్టి సుమన్‌ను హెచ్చరించారు. అతను తీరు మార్చుకోకపోగా ఆ మహిళతో పలుమార్లు ఇంట్లోనుంచి వెళ్లిపోయాడు. పోలీస్‌ కేసు కూడా నమోదైంది. ఈ క్రమంలో సుమన్‌, మమత నర్సంపేట మండలం ముగ్దుంపురంలోని బంధువుల ఇంట్లో ఉంటున్నారు. రెండు రోజుల క్రితం సదరు మహిళతో కలిసి మళ్లీ వెళ్లిపోయాడు. దీంతో మమత ఎలుకుర్తి హవేలిలో తన ఇంటికి వెళ్లింది. శుక్రవారం రాత్రి ఆ మహిళ తరుఫు భర్త, బంధువులు తన ఇంటికి వచ్చి తీవ్రంగా దూషించారు. అవమానంగా భావించిన మమత శనివారం ఉదయం డ్యూటీకి వెళ్తున్నానని చెప్పి ఇద్దరు కూతుళ్లను వెంటబెట్టుకుని పాకాలకు వచ్చి చున్నీతో నడుముకు కట్టుకుని దూకి ఆత్మహత్య చేసుకుంది. పిల్లలతో కాసేపు గడిపి.. సరస్సు పార్కులో మమత పిల్లలతో కాసేపు గడిపింది. తాను ఆత్మహత్య చేసుకుంటున్నానని హైదరాబాద్‌లో ఉన్న బంధువులకు వాట్సాప్‌ ద్వారా లొకేషన్‌ వివరాలు పంపింది. తన వెంట తెచ్చుకున్న బ్యాగు, సెల్‌ఫోన్‌ బోటింగ్‌ పాయింట్‌ సమీపంలో పెట్టింది. అప్రమత్తమైన బంధువులు గ్రామంలోని కుటుంబ సభ్యులకు తెలిపి వెంటనే మమతకు ఫోన్‌ చేయగా బోటింగ్‌ సిబ్బంది ఫోన్‌ లిఫ్ట్‌ చేశారు. ఇద్దరు పిల్లలతో వచ్చిన మహిళ ఆత్మహత్య చేసుకుంటానని తెలిపిందని, వెంటనే కాపాడాలని కోరగా.. పార్కు, కట్ట ప్రాంతంలో వెతికి బోటింగ్‌ పాయింట్‌ వద్దకు చేరుకోగా ముగ్గురి మృతదేహాలు నీటిపై తేలాయి. ఎస్సై గుగులోతు రాంమోహన్‌కు సమాచారం తెలియడంతో అక్కడికి చేరుకుని కుటుంబ సభ్యులకు సమాచారం అందించారు. వరంగల్‌ ఈస్ట్‌జోన్‌ డీసీపీ అంకిత్‌కుమార్‌ ఘటనా స్థలానికి చేరుకుని మృతదేహాలను పరిశీలించి వివరాలు సేకరించారు. నర్సంపేట ఏసీపీ రవీందర్‌రెడ్డి, నర్సంపేట, దుగ్గొండి సీఐలు శ్రీనివాస్‌, శంకర్‌రావు వివరాలు సేకరించారు. తహసీల్దార్‌ నంగునూరి రమేశ్‌ సమక్షంలో పంచనామా నిర్వహించి మృతదేహాలను పోస్టుమార్టం నిమిత్తం నర్సంపేటకు తరలించారు. మృతదేహాలను చూసి బంధువులు, అక్కడికి వచ్చిన ప్రతిఒక్కరూ కంటతడి పెట్టుకున్నారు. సుమన్‌ పరారీలో ఉన్నట్లు తెలుస్తోంది. తల్లి గారింటికి వెళ్లలేక.. భర్త మోసం తట్టుకోలేక తాను చనిపోతే పిల్లలు అనాథలవుతారని భావించి.. ఇద్దరు కూతుళ్లతో కలిసి తల్లి బలవన్మరణం పాకాల సరస్సులో దూకి తనువు చాలించిన వైనం ఘటనా స్థలాన్ని పరిశీలించిన డీసీపీ, అధికారులుసరస్సు వద్దకు తీసుకెళ్తే.. అక్కాచెళ్లెల్లిద్దరు ఆహ్లాదం అనుకున్నారు.. అమ్మ చేయి పట్టుకుని బుడిబుడి అడుగులు వేశారు. సరదాగా ఆడుకున్నారు. పార్కంతా కలియదిరిగారు. తెల్లవారితే అందరి ఇళ్లలో దీపావళి వెలుగులు.. కానీ, తన భర్త చేసిన మోసంతో జీవితంలో కారు చీకట్లు అలుముకున్నాయి. తన గుండెలో గూడుకట్టుకున్న ఆవేదన, ఆక్రందనలకు మరణమే శరణ్యమనుకుంది. తాను చనిపోతే పిల్లలిద్దరు అనాథలవుతారని భావించి చున్నీతో పిల్లలిద్దరిని నడుముకు కట్టుకుంది. ఏంటమ్మా ఇలా చేస్తున్నావని చిన్నారులు అడిగేలోపే సరస్సులో దూకింది. ముగ్గురూ విగతజీవులయ్యారు. భర్త వివాహేతర సంబంధం మిగిల్చిన పెనువిషాదమిది.

గ్రామాల్లో దీపావళి పండుగ శోభ పండుగ పూట జర పైలం ● దీపావళి నేపథ్యంలో విరివిగా వెలసిన టపాసుల షాపులుభూపాలపల్లి అర్బన్‌: ఇంట్లోని ప్రతికూల శక్తులను తొలగించి.. నూతన వెలుగులను తీసుకువచ్చే దీపావళితో జిల్లావ్యాప్తంగా పండుగ శోభ సంతరించుకుంది. నేడు (ఆదివారం) ఉదయం దీపావళి, బోగి పండుగ హారతులు నిర్వహించి సాయంత్రం ధనలక్ష్మి పూజలు నిర్వహించుకోనున్నారు. నోముల కోసం సుదూర ప్రాంతాల్లోని కుటుంబ సభ్యులంతా సొంత ఊళ్లకు చేరుకున్నారు. పట్టణంతో పాటు పల్లె లోగిళ్లు బంధుమిత్రులతో కళకళలాడుతున్నాయి. బాణసంచాలకు పెరిగిన ధరలు గతేడాది కంటే ఈ ఏడాది మరింతగా ధరలు పుంజుకున్నాయని వ్యాపారులు పేర్కొంటున్నారు. చిచ్చుబుడ్డీలు రూ.30నుంచి రూ.800 వరకు, క్రాకర్స్‌ బాక్స్‌ రూ.250 నుంచి రూ.600 వరకు, స్టార్స్‌ రూ.20, రూ.30, రూ.40 సైజుల ఆధారంగా విక్రయించారు. ఇతర ప్రాంతాల నుంచి బాణసంచా తీసుకువచ్చేందుకు హోల్‌సెల్‌ వ్యాపారులకు సైతం భారీగా రవాణా, ఇతర చార్జీలు పెరగడం కూడా ధరల పెరుగుదలకు కారణంగా రిటైల్‌ వ్యాపారులు చెబుతున్నారు. ఈ ధరలు గతేడాదితో పోల్చుకుంటే అధికమని వ్యాపారులు చెబుతున్నారు. ధరల పెరుగుదల ప్రభావం ప్రత్యక్షంగా వినియోగదారులపై పడటంతో కొద్దిమొత్తంలో బాణసంచా కొనుగోలు చేసి వెళుతున్నారు. వెలిసిన దుకాణాలు జిల్లాకేంద్రంతో పాటు మండల కేంద్రాల్లో తాత్కాలిక దుకాణాలను ఏర్పాటు చేశారు. జిల్లాకేంద్రంలోని అంబేడ్కర్‌ సెంటర్‌లో మట్టి ప్రమిదలు, నోము దండలు, మట్టి బొమ్మలు, బంతిపూలు, పూజసామగ్రి దుకాణాలు ఏర్పాటు చేయగా వారాంతపు సంత స్థలంలో బాణసంచా దుకాణాలను ఏర్పాటు చేశారు. పండగకు ముందు నుంచే సామగ్రి కొనుగోలు చేస్తున్నారు. అందాల ప్రమిదలు దీపావళి పండుగలో మట్టి ప్రమిదలకు ఎంతో విశిష్టత ఉంది. దీపాల కాంతుల్లో గృహాలు, ఆలయాలు మరింత శోభను సంతరించుకుంటాయి. వివిధ ఆకృతుల్లో ఆకట్టుకునేలా తయారు చేసిన ప్రమిదలు అందుబాటులోకి వచ్చాయి. రాజస్తాన్‌, కేరళ, ఢిల్లీ ప్రాంతాల్లో తయారైన వాటితో పాటు స్థానికంగా రూపొందించిన ప్రమిదలను విక్రయిస్తున్నారు. డజన్ల చొప్పున విక్రయాలు చేపడుతున్నారు.

● హాజరు సరిగా నమోదు చేయాలి ● డీఆర్‌డీఓ బాలకృష్ణమల్హర్‌(కాటారం): కూలీల సౌకర్యాల్లో నిర్లక్ష్యం వహిస్తే సహించేది లేదని డీఆర్‌డీఓ బాలకృష్ణ ఉపాధి సిబ్బందికి హెచ్చరించారు. శనివారం మండలంలోని నస్తురుపల్లి, కాటారం గ్రామాల్లో జరుగుతున్న వీబీజీరాంజీ పనులను జిల్లా గ్రామీణాభివృద్ధి అధికారి బాలకృష్ణ ఆకస్మికంగా సందర్శించి పరిశీలించారు. ఈ సందర్భంగా గ్రామాల్లో చేపడుతున్న కమ్యూనిటీ వాటర్‌ హార్వెస్టింగ్‌ పాండ్‌ (నీటి నిల్వ కుంటల) పనులను పరిశీలించిన ఆయన, పని ప్రదేశంలో కూలీలతో నేరుగా మాట్లాడి వారి సమస్యలను అడిగి తెలుసుకున్నారు. అనంతరం ఆయన మాట్లాడుతూ.. నిర్ణీత కొలతల ప్రకారం పనిచేస్తే ప్రతీ కూలీకి రోజుకు రూ.308 వేతనం వస్తుందని వివరించారు. పని ప్రదేశాల్లో కూలీలకు ఉచితంగా తాగునీరు, నీడ పందిళ్లు, అత్యవసర వైద్యం కోసం మెడికల్‌ కిట్లను తప్పనిసరిగా ఏర్పాటు చేయాలని స్పష్టం చేశారు. ప్రతీ గ్రామంలో రోజువారీగా 200నుంచి 300మంది కూలీలను పనుల్లో భాగస్వామ్యం చేయాలన్నారు. సాంకేతిక సహాయకులు క్రమం తప్పకుండా గ్రామాలను సందర్శిస్తూ, పనులు నాణ్యతా ప్రమాణాలతో జరిగేలా చూడాలన్నారు. ఈ కార్యక్రమంలో ఏపీఓ వెంకన్న, ఈసీ శ్రీకాంత్‌, టెక్నికల్‌ అసిస్టెంట్‌ కల్యాణి, ఫీల్డ్‌ అసిస్టెంట్లు రాజేశ్‌, రాజమణి పాల్గొన్నారు.

కాళేశ్వరం: కాళేశ్వరం దేవస్థానం పునర్నిర్మాణ పనులను ఎండోమెంట్‌ స్పెషల్‌ డీఈ శ్రీనివాస్‌ శనివారం క్షేత్రస్థాయిలో పరిశీలించారు. విజయగణపతి, ప్రధాన ఆలయం, రామాలయం, సరస్వతీ, శుభానందదేవి, శ్రీసుబ్రహ్మణ్యసామి ఆలయాల పనుల వివరాలను అడిగి తెలుసుకున్నారు. పనుల వివరాలను ఉన్నతాధికారులకు నివేదిస్తామని పేర్కొన్నారు. ‘ఆదేశించినా..సాగట్లే’ అనే శీర్షికన సాక్షిలో శనివారం వచ్చిన కథనంపై ఆర్‌అండ్‌బీ, ఎండోమెంట్‌శాఖ ఉన్నతాధికారులు ఆరా తీసినట్లు తెలిసింది. దేవాదాయశాఖ ఉద్యోగులు ఉన్నతాధికారుల దృష్టికి తీసుకువెళ్లినట్లు సమాచారం. జిల్లా యంత్రాంగం కూడా కథనంపై ఆరాతీసినట్లు తెలిసింది.

మల్హర్‌(కాటారం): రాష్ట్ర ప్రభుత్వం ప్రతిష్టాత్మకంగా చేపట్టిన ‘ఇందిరమ్మ ఇంట్లో దీపావళి’ కార్యక్రమంలో భాగంగా నేడు(ఆదివారం) మండలం మేడిపల్లి గ్రామంలో ఐటీ, పరిశ్రమల శాఖ మంత్రి దుద్దిళ్ల శ్రీధర్‌ బాబు పాల్గొననున్నారు. మేడిపల్లి గ్రామంలో మంజూరైన ఇందిరమ్మ ఇళ్లలో లబ్ధిదారుల కుటుంబాలతో కలిసి మంత్రి దీపావళి వేడుకలను జరుపుకోనున్నారు. లబ్ధిదారుల ఇంట్లోనే దీపాలు వెలిగించి, వారి ఆనందంలో పాలుపంచుకోనున్నారు. ఎస్పీ అభినందనలు భూపాలపల్లి: అపస్మారక స్థితిలో ఉన్న వ్యక్తికి తక్షణ సాయం అందించి కాపాడిన బ్లూ కోల్డ్స్‌ సిబ్బందిని ఎస్పీ సిరిశెట్టి సంకీర్త్‌ అభినందించారు. శుక్రవారం మధ్యాహ్నం గణపురం మండలం నగరంపల్లి గ్రామానికి చెందిన గుట్టం శ్రీనివాస్‌ మూర్చ కారణంగా అపస్మారక స్థితికి వెళ్లాడు. స్థానికులు డయల్‌ 112కు సమాచారం అందించగా కానిస్టేబుల్‌ మోహన్‌, హోంగార్డు రాకేశ్‌ వెంటనే ఘటనా స్థలానికి చేరుకొని బాధితుడికి ప్రథమ చికిత్స అందించారు. ఇందుకు గాను మోహన్‌, రాకేశ్‌లను ఎస్పీ సంకీర్త్‌ శనివారం జిల్లా పోలీసు కార్యాలయంలో అభినందించి క్యాష్‌ రివార్డు అందించారు. శనిత్రయోదశికి భక్తుల రద్దీ కాళేశ్వరం: శని త్రయోదశిని పురస్కరించుకొని కాళేశ్వరంలోని శ్రీకాళేశ్వర ముక్తీశ్వరస్వామి ఆలయం బాలాలయంలో భక్తుల రద్దీ నెలకొంది. శనివారం ఉదయం నుంచి మధ్యాహ్నం వరకు నవగ్రహాల వద్ద శనిపూజలు, శ్రీసుబ్రహ్మణ్యస్వామికి కాలసర్ప నివారణ పూజలు, ఆదిముక్తీశ్వరాలయంలో అభిషేకాలు నిర్వహించినట్లు ఈఓ మహేశ్‌ తెలిపారు. పూజలు, లడ్డు, ప్రసాదాలపై రూ.1.60లక్షల ఆదాయం వచ్చినట్లు ఈఓ పేర్కొన్నారు. వైద్య కళాశాలకు 12 పీజీ సీట్లు భూపాలపల్లి అర్బన్‌: జిల్లాకేంద్రంలోని ప్రభుత్వ వైద్య కళాశాలకు 12 పోస్టు గ్రాడ్యుయేట్‌ (పీజీ) సీట్లు మంజూరైనట్లు కళాశాల ప్రిన్సిపాల్‌ నేషనల్‌ మెడికల్‌ కమిషన్‌ (ఎన్‌ఎంసీ), మెడికల్‌ కౌన్సెలింగ్‌ కమిటీ (ఎంసీసీ) ద్వారా మూడు విభాగాల్లో ఈ సీట్లు కేటాయించినట్లు కళాశాల ప్రిన్సిపాల్‌ డాక్టర్‌ శ్రీధర్‌రావు శనివారం ఒక ప్రకటనలో పేర్కొన్నారు. మంజూరైన సీట్లలో ఎండీ జనరల్‌ మెడిసిన్‌కు నాలుగు, ఎంఎస్‌ ప్రసూతి, సీ్త్ర వ్యాధుల విభాగానికి నాలుగు, ఎంఎస్‌ ఆర్థోపెడిక్స్‌కు నాలుగు సీట్లు ఉన్నాయి. పీడియాట్రిక్స్‌ విభాగంలోనూ పీజీ సీట్లు మంజూరయ్యే అవకాశం ఉందని, ఇందుకు సంబంధించిన ప్రక్రియ కొనసాగుతోందని తెలిపారు. ఎమ్మెల్యే ప్రోత్సాహం, కలెక్టర్‌ ప్రత్యేక చొరవతో పీజీ సీట్లు దక్కాయని పేర్కొన్నారు. ఈ సీట్ల మంజూరుతో జిల్లాలో వైద్య విద్య మరింత అభివృద్ధి చెందడంతో పాటు స్థానిక విద్యార్థులకు ఉన్నత వైద్య విద్య అభ్యసించే అవకాశం లభించనుంది. భవిష్యత్‌లో జిల్లాలో నిపుణులైన వైద్యుల సంఖ్య పెరిగి ప్రజలకు మెరుగైన వైద్య సేవలు అందుబాటులోకి వచ్చే అవకాశం ఉందని ఆశాభావం వ్యక్తం చేశారు. ఘనంగా భారత్‌ స్కౌట్స్‌ అండ్‌ గైడ్స్‌ ఫౌండేషన్‌ డేభూపాలపల్లి అర్బన్‌: భారత్‌ స్కౌట్స్‌ అండ్‌ గైడ్స్‌ 77వ ఫౌండేషన్‌ డే వేడుకలను భూపాలపల్లి ఏరియాలోని సుభాష్‌ కాలనీ స్కౌట్‌ డెన్‌లో శనివారం ఘనంగా నిర్వహించారు. బీఎస్‌జీ సింగరేణి డిస్టిక్ర్ట్‌ అసోసియేషన్‌ భూపాలపల్లి ఏరియా ఆధ్వర్యంలో జరిగిన ఈ వేడుకలకు హెడ్‌క్వార్టర్స్‌ కమిషనర్‌, పర్సనల్‌ మేనేజర్‌ ఎస్‌.శ్యామ్‌ సుందర్‌ ముఖ్య అతిథిగా హాజరై జెండా ఆవిష్కరించారు. అనంతరం నిర్వహించిన సర్వమత ప్రార్థనల్లో పాల్గొని మతసామరస్యం, శాంతి, సోదరభావం, మానవత్వం ప్రాముఖ్యతను చాటిచెప్పారు. ఈ సందర్భంగా శ్యామ్‌ సుందర్‌ మాట్లాడుతూ.. విద్యార్థుల్లో క్రమశిక్షణ, నాయకత్వ లక్షణాలు, దేశభక్తి, సేవాభావాన్ని పెంపొందించడంలో భారత్‌ స్కౌట్స్‌ అండ్‌ గైడ్స్‌ సంస్థ కీలకపాత్ర పోషిస్తోందన్నారు. విద్యార్థులు చదువుతో పాటు సమాజసేవలోనూ ముందుండాలన్నారు. ప్రతీ ఒక్కరు సామాజిక బాధ్యతతో సేవా కార్యక్రమాల్లో భాగస్వాములు కావాలని పిలుపునిచ్చారు.

భూపాలపల్లి అర్బన్‌: తమ సమస్యల పరిష్కారం, ఉద్యోగాల క్రమబద్ధీకరణ, ఉద్యోగ భద్రత కల్పించాలనే ప్రధాన డిమాండ్లతో జాతీయ ఆరోగ్య మిషన్‌ (ఎన్‌హెచ్‌ఎం) ఉద్యోగులు చేపడుతున్న నిరవధిక సమ్మెకు మంథని మాజీ ఎమ్మెల్యే పుట్ట మధు సంఘీభావం తెలిపారు. కలెక్టరేట్‌ ఎదుట ఉద్యోగులు చేపడుతున్న దీక్షా శిబిరాన్ని శుక్రవారం సందర్శించి వారి ఆందోళనకు మద్దతు ప్రకటించారు. ఈ సందర్భంగా పుట్ట మధు మాట్లాడుతూ.. ఎన్‌హెచ్‌ఎం ఉద్యోగులు తమ న్యాయమైన డిమాండ్ల సాధన కోసం 25 రోజులుగా నిరవధిక సమ్మె చేస్తున్నప్పటికీ ప్రభుత్వం స్పందించకపోవడం విచారకరమన్నారు. ఉద్యోగుల న్యాయమైన డిమాండ్లను నెరవేర్చి సమ్మె విరమణకు ప్రభుత్వం చొరవ చూపాలని సూచించారు. ఈ కార్యక్రమంలో బీఆర్‌ఎస్‌ నాయకులు, ఎన్‌హెచ్‌ఎం ఉద్యోగులు పాల్గొన్నారు. చిట్యాల సర్కిల్‌ కార్యాలయం తనిఖీ చిట్యాల/మొగుళ్లపల్లి: చిట్యాల మండలకేంద్రంలోని సీఐ సర్కిల్‌ కార్యాలయం, మొగుళ్లపల్లి పోలీస్‌స్టేషన్‌ను ఎస్పీ సిరిశెట్టి సంకీర్త్‌ శుక్రవారం ఆకస్మికంగా తనిఖీ చేశారు. అనంతరం రికార్డులు, పెండింగ్‌ కేసుల పనితీరును ఆయన పరిశీలించారు. శాంతిభద్రతల పరిరక్షణలో పోలీసులు అప్రమత్తంగా వ్యవరిస్తూ నేరాల నియంత్రణకు పటిష్టమైన చర్యలు చేపట్టాలని కోరారు. పెండింగ్‌ కేసుల దర్యాప్తును వేగవంతం చేసి, కేసులను త్వరితగతిన పరిష్కరించాలని అధికారులకు సూచించారు. ప్రజల నుంచి వచ్చే ఫిర్యాదులపై తక్షణమే స్పందించి బాధితులకు న్యాయం జరిగేలా చర్యలు తీసుకోవాలని ఆదేశించారు. ప్రతీ ఒక్కరు బాధ్యతాయుతంగా విధులు నిర్వహించాలని సిబ్బందికి సూచించారు. ఈ కార్యక్రమంలో సీఐ వై.సతీష్‌, పోలీస్‌ సిబ్బంది ఉన్నారు. కోతలు లేకుండా ధాన్యం కొనుగోలు గణపురం: కొనుగోలు కేంద్రాల్లో కోతలు లేకుండా మద్దతు ధరతో ధాన్యం కొనుగోలు చేయాలని ఎమ్మెల్యే గండ్ర సత్యనారాయణరావు అన్నారు. గణపురం మండలం గొల్లపల్లి గ్రామంలో ిపీఏసీఎస్‌ ఆధ్వర్యంలో శుక్రవారం ఏర్పాటు చేసిన ధాన్యం కొనుగోలు కేంద్రాన్ని ఎమ్మెల్యే ప్రారంభించారు. ఈ సందర్భంగా ఎమ్మెల్యే గండ్ర మాట్లాడుతూ లోడింగ్‌, అన్‌లోడింగ్‌ ప్రక్రియలను అధికారులు నిరంతరం పర్యవేక్షిస్తూ రైతులకు న్యాయం చేయాలని ఆదేశించారు. రైతుల సంక్షేమం కోసం ప్రజాప్రభుత్వం నిరంతరం శ్రమిస్తుందన్నారు. ఈ కార్యక్రమంలో పలువురు ప్రజాప్రతినిధులు, అధికారులు పాల్గొన్నారు.

● డీఎంహెచ్‌ఓ డాక్టర్‌ మధుసూదన్‌భూపాలపల్లి అర్బన్‌: జిల్లాలోని ప్రభుత్వ ఆస్పత్రుల్లో వైద్యసేవలను మరింత మెరుగుపరచడంతో పాటు మాతా, శిశు ఆరోగ్య సంరక్షణకు ప్రత్యేక ప్రాధాన్యత ఇవ్వాలని జిల్లా వైద్య ఆరోగ్యశాఖ అధికారి డాక్టర్‌ మధుసూదన్‌, వైద్యులు, వైద్య సిబ్బందికి సూచించారు. శుక్రవారం ప్రభుత్వ జనరల్‌ ఆస్పత్రిలో సీ–సెక్షన్‌ (సిజేరియన్‌) ప్రసవాలపై సమీక్ష సమావేశం నిర్వహించారు. ఈ సందర్భంగా డీఎంహెచ్‌ఓ మధుసూదన్‌ మాట్లాడుతూ.. జిల్లాలో సిజేరియన్‌ ప్రసవాల సంఖ్యను తగ్గించి, సాధ్యమైనంత వరకు సాధారణ ప్రసవాలను ప్రోత్సహించాలని తెలిపారు. వైద్యపరంగా అత్యవసర పరిస్థితులు ఉన్నప్పుడు మాత్రమే సిజేరియన్‌ ఆపరేషన్లు నిర్వహించాలని సూచించారు. ఈ సమావేశంలో జీజీహెచ్‌ ఆర్‌ఎంఓ డాక్టర్‌ రాజేష్‌, పీఓ ఎంసీహెచ్‌ డాక్టర్‌ శ్రీదేవి, పీఓ ఎన్‌సీడీ డాక్టర్‌ దేవేందర్‌, పీఓ ఎన్‌టీఈపీ డాక్టర్‌ సందీప్‌ పాల్గొన్నారు.

కాళేశ్వరాలయం పునర్నిర్మాణ, అభివృద్ధి పనుల్లో జాప్యంపుష్కరాల నాటికి పూర్తయ్యేనా? వచ్చే ఏడాది జూన్‌ 26 నుంచి జూలై 7 వరకు జరిగే గోదావరి పుష్కరాలకు దేశంలోని వివిధ ప్రాంతాల నుంచి లక్షలాది మంది భక్తులు కాళేశ్వరం వచ్చే అవకాశం ఉంది. త్రివేణి సంగమంలోని గోదావరి నదిలో పుణ్యస్నానాలు ఆచరించడంతో పాటు శ్రీ కాళేశ్వర ముక్తీశ్వర స్వామి వారిని దర్శించుకునేందుకు తరలిరానున్నారు. ఈ నేపథ్యంలో దేవస్థానం, ఘాట్ల అభివృద్ధి, రహదారులు, పారిశుద్ధ్యం, తాగునీరు, ఇతర మౌలిక సదుపాయాల పనులను సకాలంలో పూర్తి చేయాల్సిన అవసరం ఉంది.కాళేశ్వరం: రాష్ట్రంలోనే ప్రసిద్ధ పుణ్యక్షేత్రంగా పేరుగాంచిన కాళేశ్వరం దేవస్థానం పునర్నిర్మాణ, అభివృద్ధి పనులు నత్తనడకన సాగుతున్నాయి. పనులను పరిశీలించి వేగం పెంచాలని గత నెల 29న దేవాదాయశాఖ ప్రిన్సిపల్‌ సెక్రటరీ శైలజారామయ్యర్‌, దేవాదాయ శాఖ కమిషనర్‌ హనుమంతరావు స్పష్టమైన ఆదేశాలు జారీచేసినప్పటికీ క్షేత్రస్థాయిలో పనుల పురోగతి ఆశించిన స్థాయిలో ముందుకు సాగడం లేదు. అవసరమైతే డే అండ్‌ నైట్‌ పనులు చేయాలని చెప్పినప్పటికీ పట్టించుకోవడం లేదు. నత్తనడకన సాగుతున్న పనులు.. రూ.198కోట్ల వ్యయంతో కాళేశ్వరాలయం పునర్నిర్మాణ, అభివృద్ధి పనులు జరుగుతున్నాయి. రూ.60కోట్ల వ్యయంతో అష్ట తీర్ధాల ఘాట్ల పనులు చేపట్టారు. విజయగణపపతి ఆలయం పునాదిపైన ఉపపీఠం, అధిస్ఠానం, స్తంభవర్గం పనులు పూర్తయి స్లాబ్‌ పనులు చేయాల్సి ఉంది. శ్రీశుభానందదేవి(పార్వతి) శ్రీసరస్వతి, శ్రీసుబ్రహ్మణ్యస్వామి ఆలయాల్లో ఉపపీఠం పూర్తయి అధిస్ఠానం పనులు జరుగుతున్నాయి. రామాలయం పునాదిపై గ్రేడ్‌స్లాబ్‌ వర్క్స్‌ జరుగుతున్నాయి. ప్రధాన గర్భగుడి ఉపపీఠం పనులు జరుగుతున్నాయి. ముందు ముఖ మండపం పనుల్లో ఆశించినంత పురోగతి లేదు. పడమర వైపు గోపురం సివిల్‌ వర్క్స్‌ జరుగుతుండగా.. ఉత్తరం వైపు గోపురం స్టోన్‌ వర్క్స్‌ జరుగుతుండగా, దక్షిణంపై సివిల్‌ పనులు నత్తనడకన సాగుతున్నాయి. పడమర, ఉత్తరం, దక్షిణం వైపున ప్రాకారాల పనుల్లో వేగం లేదు. రాత్రి, పగలు పనిచేస్తూ కూలీలు, మిషనరీ ఎక్కువ సంఖ్యలో పెడితే పనుల్లో వేగం పెరిగే అవకాశం ఉంది. ఇంకా అష్టతీర్ధాల ఘాట్ల నిర్మాణానికి భూసేకరణ అడ్డంకిగా మారడంతో పనులు సాగడం లేదు. ఆశించిన స్థాయిలో ముందుకుసాగని పనులు పుష్కరాల వరకై నా పూర్తయ్యేనా.. ఉన్నతాధికారులు ప్రత్యేక దృష్టి సారించాల్సిందే..పర్యవేక్షణ లేకపోవడమే కారణమా..పనుల్లో జాప్యానికి గల కారణాలను ఉన్నతాధికారులు సమీక్షించి, క్షేత్రస్థాయిలో ప్రత్యేక పర్యవేక్షణ చేపట్టాలని స్థానికులు కోరుతున్నారు. కలెక్టర్‌ స్థాయిలో ప్రతీ రోజు పనులపై సమీక్షించాలని, ఉన్నతాధికారులు నెలకోసారి పర్యవేక్షిస్తామని ఉన్నతాధికారులు పేర్కొన్నా.. పనులు అంతగా సాగడం లేదని ఆరోపణలు ఉన్నాయి. పనుల వారీగా గడువులు నిర్ణయించి, ప్రతీ రోజు పురోగతిని సమీక్షించడంతో పాటు అవసరమైన నిధులు, సిబ్బంది, యంత్రాలను మరింతగా అందుబాటులో ఉంచాలని సూచిస్తున్నారు. ఇప్పటికై నా అధికారులు ప్రత్యేక చొరవ తీసుకొని పనుల్లో వేగం పెంచకపోతే పుష్కరాల నాటికి అన్ని పనులు పూర్తి చేయడం కష్టసాధ్యమవుతుందనే ఆందోళన వ్యక్తమవుతోంది. పుష్కరాల నిర్వహణకు ముందే కాళేశ్వరం దేవస్థానంలో కుంభాభిషేకం నిర్వహించాల్సి ఉంది.

మహాముత్తారం: ఆజంనగర్‌ రేంజ్‌ పరిధిలో అక్రమ పోడు సాగుపై శుక్రవారం సాక్షిలో ప్రచురితమైన ‘ఏడాది సాగు.. ఆపై విక్రయం’ కథనానికి అధికారులు స్పందించారు. ఆజంనగర్‌ రేంజ్‌ అధికారులు శుక్రవారం మండలంలోని నిమ్మగూడెం, యామన్‌పల్లి, కోనంపేట, మహబూబ్‌పల్లి గ్రామాల్లో అటవీశాఖ వాహనంతో మైక్‌ ద్వారా ప్రచారం నిర్వహించారు. రిజర్వ్‌ పారెస్టు భూముల్లో చెట్లు నరికి పోడుచేసి క్రయవిక్రయాలు కొనసాగిస్తే శాఖపరమైన చర్యలు తీసుకుంటామని హెచ్చరించారు. భూములను రియల్‌ఎస్టేట్‌లా వ్యాపారం చేసినా కఠిన చర్యలు తీసుకుంటామని చెప్పారు. క్రయవిక్రయాలు కొనసాగించినా చట్టపరంగా కేసులు నమోదు చేస్తామన్నారు. అటవీ భూములను అమ్మే, కొనుగోలు చేసేవారి వివరాలను సేకరిస్తున్నట్లు తెలిపారు. ఆజాంనగర్‌ గ్రామంలో ప్రచారం.. భూపాలపల్లి రూరల్‌: అటవీ భూములను రక్షించుకోవాల్సిన బాధ్యత ప్రతీ పౌరునిపై ఉందని ఆజాంనగర్‌ ఇన్‌చార్జ్‌ రేంజ్‌ అధికారి కోటేష్‌ అన్నారు. శుక్రవారం ఫారెస్టు అధికారులు ఆజాంనగర్‌ గ్రామంలో మైక్‌ద్వారా అవగాహన కార్యక్రమం నిర్వహించా రు. ఈ సందర్భంగా కోటేష్‌ మాట్లాడుతూ అడవులను పోడుచేస్తే కేసులు నమోదుచేసి కఠిన చర్యలు తీసుకుంటామన్నారు. ఈ కార్యక్రమంలో ఆజాంనగర్‌ రేంజ్‌ అధికారులు, సిబ్బంది పాల్గొన్నారు. గ్రామాల్లో మైక్‌ ప్రచారం

సాక్షి ప్రతినిధి, వరంగల్‌: ఉమ్మడి వరంగల్‌ జిల్లాలో ప్రభుత్వ ధాన్యం పక్కదారి.. మిల్లర్ల ముసుగులో బినామీల వ్యాపారం.. సీఎంఆర్‌ (కస్టమ్‌ మిల్లింగ్‌ రైస్‌) పేరుతో సాగుతున్న అక్రమాల్లో అసలు సూత్రధారులు ఎవరన్నది చర్చనీయాంశంగా మారింది. రైస్‌మిల్లుల యజమానులుగా కొందరు కనిపిస్తున్నా.. తెరవెనుక పోలీసు, రెవెన్యూ అధికారుల కుటుంబసభ్యులు, రాజకీయ నేతల బంధువుల పెట్టుబడులు ఉన్నాయన్న ఆరోపణలు కలకలం రేపుతున్నాయి. గీసుకొండ పోలీస్‌స్టేషన్‌ పరిధిలో ఓ పోలీసు అధికారి కుటుంబసభ్యులపై కేసు నమోదు కావడం, జయశంకర్‌ భూపాలపల్లి జిల్లా డీఎస్‌ఓ వ్యవహారంపై ఎస్పీ నివేదిక పంపడం ఈ వ్యవహారానికి మరింత ప్రాధాన్యం తెచ్చాయి. మరోవైపు విజిలెన్స్‌, సీఐడీ దర్యాప్తుల్లో మిల్లర్ల అక్రమాలు ఒక్కొక్కటిగా వెలుగులోకి వస్తుండటంతో.. ఈ దందా వెనుక ఉన్న బినామీలు, వారికి అండగా నిలిచిన అధికారుల పాత్రపైనా విచారణ జరగాలన్న డిమాండ్లు వినిపిస్తున్నాయి. సీఎంఆర్‌ దందాలో అధికారుల బినామీలు.. ? సీఎంఆర్‌ అక్రమాలకు సంబంధించి గీసుకొండ పోలీస్‌స్టేషన్‌లో ఓ పోలీసు అధికారి కుటుంబసభ్యులపై కేసు నమోదు కావడం అప్పట్లో చర్చనీయాంశమైంది. స్టేషన్‌కు వెళ్లకుండా అంటిసిపేటరీ బెయిల్‌ (ముందస్తు బెయిల్‌) పొందినట్లు ప్రచారం ఉంది. ప్రభుత్వ ధాన్యం, బియ్యం లావాదేవీల్లో సంబంధిత మిల్లుతో వారికున్న సంబంధం ఏమిటి? పెట్టుబడులు, ఆర్థిక లావాదేవీల వెనుక ఎవరున్నారు? అని ఇప్పుడు సీఐడీ ఆరా తీస్తోంది. ● జయశంకర్‌ భూపాలపల్లి జిల్లాలో ఇద్దరు పోలీసు అధికారుల పెట్టుబడులు ఉన్నట్లు ప్రచారం జరిగింది. ● హనుమకొండ, వరంగల్‌లలో రెవెన్యూ, పౌరసరఫరాలశాఖకు చెందిన కొందరు అధికారుల కుటుంబసభ్యులు, బంధువులు పెద్ద ఎత్తున సీఎంఆర్‌ ఎగవేతలో భాగస్వాములుగా ఉన్నారని సమాచారం. ● జయశంకర్‌ భూపాలపల్లి జిల్లాలో సీఎంఆర్‌ వ్యవహారానికి సంబంధించి జిల్లా పౌరసరఫరాల అధికారి (డీఎస్‌ఓ) రాఘవేంద్రరావు పాత్రపై పోలీసు శాఖ దృష్టి సారించింది. ఆయన హయాంలో జరిగిన అక్రమాల బాగోతంపై ఎస్పీ సంకీర్త్‌ సమర్పించిన నివేదిక కలకలం రేపుతోంది. పాత బకాయిలు, కొత్త కేటాయింపులు.. బినామీల పెట్టుబడులపై ఆరా సీఐడీ విచారణలో సీఎంఆర్‌ బకాయిలున్న మిల్లులకు తిరిగి ధాన్యం కేటాయింపులు జరిగాయన్న విమర్శలు ఉన్నాయి. పాత బకాయిలు చెల్లించని మిల్లులకు కొత్తగా ధాన్యం ఎలా కేటాయించారు? వాస్తవ నిల్వలు పరిశీలించకుండా సరఫరాలు చేశారా? తనిఖీల్లో వ్యత్యాసాలు గుర్తించినా చర్యలు ఎందుకు ఆలస్యమయ్యాయి? అనే ప్రశ్నలు ఉత్పన్నమవుతున్నాయి. బకాయిలు చెల్లించకుండా ఇతరుల పేర్లతో వ్యాపారాలు కొనసాగిస్తున్నారన్న ఆరోపణలు ఉండగా, వాటిపైనా కూడా విచారణ జరగాల్సి ఉంది. మిల్లర్ల పేర్లతో వ్యాపారాలు సాగుతున్నా.. వాటి వెనుక పెట్టుబడులు పెట్టినవారెవరు? కుటుంబసభ్యులు, భాగస్వాములు, ఇతరుల పేర్లతో ఆస్తులు కొనుగోలు చేశారా? అన్న అంశాలపై సమగ్ర విచారణ జరగాల్సి ఉంది. పొలిటికల్‌, పోలీసు, రెవెన్యూ శాఖ అధికారుల కుటుంబసభ్యుల పేర్లు వినిపిస్తున్న నేపథ్యంలో వాటిపైనా సీఐడీ, విజిలెన్స్‌ ఎన్‌ఫోర్స్‌మెంట్‌లు విచారణ జరుపుతుండటం చర్చనీయాంశమవుతోంది. పోలీసు, రెవెన్యూ, రాజకీయ నేతల కుటుంబాల పాత్ర మిల్లర్ల ముసుగులో బినామీలుగా వ్యాపారం.. రూ.కోట్లల్లో ప్రభుత్వ ధాన్యం ఎగవేత ఓ పోలీసు అధికారి కుటుంబసభ్యులపై గతంలో కేసు భూపాలపల్లి డీఎస్‌ఓపై ఎస్పీ రిపోర్టు విజిలెన్స్‌, సీఐడీ దర్యాప్తులో వెలుగుచూస్తున్న అక్రమాలు

● డోర్లు ఏర్పాటు చేసినంత మాత్రాన సమస్య సమసిపోదని, వాటిని నిరంతరం మెయింటెన్‌ చేయాలని సూచిస్తున్నారు. ● గ్యారేజీలో ప్రతీరోజు మెకానిక్‌లు డోర్లను తనిఖీ చేసి లోపాలుంటే సరిదిద్దాల్సి ఉంటుంది. మెకానికల్‌ డోర్లు కండక్టర్లు మూసివేయాల్సి ఉంటుందని, ఇది కొంత అసౌకర్యకరంగా ఉంటుందని చెబుతున్నారు. ● ఏసీ, సూపర్‌ లగ్జరీ, ఎలక్ట్రిక్‌ బస్సుల మాదిరిగా ఎయిర్‌ సస్పెన్షన్‌తో పనిచేసే న్యూమాటిక్‌ డోర్లు ఏర్పాటు చేస్తే డ్రైవర్‌ వాటిని ఆపరేట్‌ చేసే అవకాశం ఉంటుంది. కండక్టర్‌ టికెట్లు ఇస్తున్నా.. డ్రైవర్‌ తానే డోర్‌ వేయడం, తెరవడం జరుగుతుంది. ● ఆర్టీసీ యాజమాన్యం అన్ని బస్సులకు న్యూమాటిక్‌ డోర్లు ఏర్పాటు చేసేలా చర్యలు తీసుకోవాలని, అప్పుడే సంస్థ ఆశించిన భద్రత లక్ష్యం నెరవేరుతుందంటున్నారు. బస్సుల డోర్‌ల పరిస్థితి.. పనిచేస్తున్నవి 80%లేనివి 20%● అధికారులు గుర్తించినవి.

భూపాలపల్లి అర్బన్‌: సింగరేణిలో డిస్మిస్‌ కార్మికులకు తిరిగి ఉద్యోగావకాశాలు కల్పించడం ఏఐటీయూసీ పోరాట ఫలితమేనని ఆ సంఘం రాష్ట్ర ప్రధాన కార్యదర్శి కొరిమి రాజ్‌కుమార్‌ అన్నారు. ఈ విజయాన్ని ఇతర కార్మిక సంఘాలు తమ ఖాతాలో వేసుకోవడం సిగ్గుచేటని విమర్శించారు. భూపాలపల్లి ఏరియాలోని కొమురయ్య భవన్‌లో గురువారం నిర్వహించిన విలేకరుల సమావేశంలో ఆయన మాట్లాడారు. గుర్తింపు సంఘంగా ఉన్న సమయంలో యాజమాన్యంతో కుదుర్చుకున్న ఒప్పందాల్లో డిస్మిస్‌ కార్మికుల పునర్నియామక అంశాన్ని చేర్చామని, సమ్మె నోటీసులు, నిరంతర పోరాటం ఫలితంగా ప్రభుత్వం, యాజమాన్యం సర్క్యులర్‌ జారీ చేశాయని తెలిపారు. ఈ సమావేశంలో ఏఐటీయూసీ వైస్‌ ప్రెసిడెంట్‌ మాతంగి రామచందర్‌, అసిస్టెంట్‌ బ్రాంచ్‌ కార్యదర్శి గురిజపల్లి సుధాకర్‌రెడ్డి, భీమనాధుని సత్యనారాయణలు పాల్గొన్నారు. బిల్ట్‌ ఇన్‌టేక్‌వెల్‌ పరిశీలన మంగపేట : మండల పరిధిలోని కమలాపురం గోదావరి ఒడ్డున గల బిల్ట్‌ ఇన్‌టేక్‌వెల్‌ను మిషన్‌ భగీరథ సూపరింటెండెంట్‌ ఇంజనీర్‌ చలమారెడ్డి ఆధ్వర్యంలో గ్రామీణ నీటిపారుదల శాఖ, రెవెన్యూ అధికారులు గురువారం పరిశీలించారు. ఎల్‌నినో ప్రభావాన్ని దృష్టిలో ఉంచుకుని వేసవి కాలంలో తాగునీటి సమస్య తలెత్తకుండా ఉండేందుకు ముందస్తు ప్రత్యామ్నాయ ఏర్పాట్లలో భాగంగా పరిశీలించారు. కమలాపురంలోని వాటర్‌ గ్రిడ్‌లో శుద్ధి చేసిన గోదావరి నీటిని గ్రామాల్లోకి సరఫరా చేస్తున్న విషయం తెలిసిందే. వాటర్‌ గ్రిడ్‌కు గోదావరి నీటిని పంపింగ్‌ చేసేందుకు ఏటూరునాగారం మండలంలోని రాంనగర్‌ వద్ద ఏర్పాటు చేసిన మిషన్‌ భగీరఽథ ఇంటెక్‌వెల్‌ వద్ద ఇప్పటికే గోదావరి నీరు లేక పోవడంతో తాగునీటి సమస్య ఏర్పడింది. రానున్న వేసవి కాలంలో తాగునీటి సరఫరా పూర్తిగా నిలిచిపోయే ప్రమాదం ఉందని వివరించారు. గతంలో కమలాపురం బిల్ట్‌ ఫ్యాక్టరీ గోదావరి నీటిని వినియోగించేందుకు ఏర్పాటు చేసిన ఇంటెక్‌ వెల్‌ను వినియోగిస్తే తాగునీటి సమస్య రాకుండా ఉంటుందని గమనించినట్లు అధికారులు తెలిపారు. ఈ కార్యక్రమంలో ఆర్‌డబ్ల్యూఎస్‌ ఈఈ సునీత, డీఈ సుమన మిషన్‌ భగీరథ గ్రిడ్‌ ఇన్‌చార్జ్‌ ఏఈ పవన్‌, ఆర్‌ఐ శ్రీనివాస్‌, జీపీఓ బాలకృష్ణ తదితరులు పాల్గొన్నారు. జిల్లా అధ్యక్షుడిగా శివశంకర్‌ గౌడ్‌ భూపాలపల్లి రూరల్‌ : గౌడ ఐక్య సాధన సమితి జిల్లా అధ్యక్షుడిగా బత్తిని శివశంకర్‌ గౌడ్‌ను నియమించినట్లు ఆ సమితి రాష్ట్ర అధ్యక్షుడు అంబాల నారాయణగౌడ్‌ గురువారం ఒక ప్రకటనలో పేర్కొన్నారు. తన నియామకానికి సహకరించిన రాష్ట్ర అధ్యక్షుడు నారాయణగౌడ్‌, ఉపాధ్యక్షుడు బత్తిని మురహరిగౌడ్‌, నాయకులకు శివశంకర్‌ గౌడ్‌ కృతజ్ఞతలు తెలిపారు. ట్రాప్‌ కెమెరాకు చిక్కిన వేటగాళ్లు ● ఐదుగురికి 14 రోజుల రిమాండ్‌ ఏటూరునాగారం: వన్యప్రాణుల కోసం ఏర్పాటు చేసిన ట్రాప్‌ కెమెరాల్లో వేటగాళ్లు పడ్డారు. దీంతో వారిపై అటవీశాఖ ఉక్కుపాదం మోపింది. ట్రాప్‌ కెమెరాకు ఏడుగురు చిక్కగా అందులో ఐదుగురిని 14 రోజుల రిమాండ్‌కు తరలించినట్లు వన్యప్రాణుల క్షేత్రాధికారి హట్కర్‌ రమేశ్‌ గురువారం తెలిపారు. ఏటూరునాగారం అభయారణ్యంలో అటవీ ప్రాంతంలో చెట్లకు అమర్చిన కెమెరాల్లో వేటగాళ్ల ముఖాలు చిత్రీకరించబడ్డాయి. దీంతో వాటి ఆధారంగా నేరానికి పాల్పడిన వారిని అదుపులోకి తీసుకొని ఖమ్మం కేంద్ర కారాగారానికి తరలించినట్లు తెలిపారు. మరో ఇద్దరు పరారీలో ఉన్నట్లు వెల్లడించారు.

కాజీపేట అర్బన్‌: నిట్‌ వరంగల్‌తో మోసాఫ్ట్‌ (ఎంఓహెచ్‌) టెక్‌ ప్రైవేట్‌ లిమిటెడ్‌తో గురువారం పరస్పర ఒప్పందం (ఎంఓయూ) కుదుర్చుకుంది. నిట్‌ డైరెక్టర్‌ బిద్యాధర్‌ సుబుదీ, మోసాఫ్ట్‌ టెక్‌ ప్రైవేట్‌ లిమిటెడ్‌ సీఈఓ, సహ వ్యవస్థాపకురాలు సుభా చాగంటి ఒప్పంద పత్రాలు మార్చుకుని మాట్లాడారు. నిట్‌ వరంగల్‌ ఎంహెచ్‌ సాఫ్ట్‌ టెక్‌తో కమర్షియల్‌ ఎంఓయూను నిట్‌ వరంగల్‌లోని ఫిజిక్స్‌ విభాగం ఆధ్వర్యంలో ఆవిష్కరించిన స్వదేశీ ఓజోన్‌ ఆధారిత క్రిమి సంహారక సాంకేతికతను అందజేసేందుకు ఒప్పందం కుదుర్చుకున్నట్లు నిట్‌ డైరెక్టర్‌ బిద్యాధర్‌ సుబుదీ తెలిపారు. నిట్‌ వరంగల్‌లో ఎంఓయూ కుదుర్చుకోవడం ఆనందంగా ఉందని ఎంఓహెచ్‌ సాఫ్ట్‌టెక్‌ సీఈఓ సుభా చాగంటి తెలిపారు. కాగా, దేశీయ, అంతర్జాతీయ మార్కెట్ల కోసం సాంకేతికత ఆధారిత ఉత్పత్తులను తయారు చేసేందుకు ఎంఓయూ తోడ్పడుతుందని ఎంఓహెచ్‌ సాఫ్ట్‌ టెక్‌ చీఫ్‌ స్ట్రాటజీ ఆఫీసర్‌, సహ వ్యవస్థాపకుడు, నిట్‌ పూర్వ విద్యార్థి శ్యామ్‌ మామిడి తెలిపారు. కార్యక్రమంలో నిట్‌ ఫిజిక్స్‌ డిపార్ట్‌మెంట్‌ ప్రొఫెసర్లు డి.హరనాథ్‌, ఆర్‌.రాకేశ్‌ తదితరులు పాల్గొన్నారు.

ప్రీ ప్రైమరీ టీచర్ల నియామకం ఎప్పుడో..భూపాలపల్లి అర్బన్‌: ప్రభుత్వ పాఠశాలల్లో ప్రీ ప్రైమరీ విద్యను బలోపేతం చేసి, చిన్నారులకు పునాది స్థాయి నుంచే నాణ్యమైన విద్య అందించాలన్న ప్రభుత్వ లక్ష్యం అధికారుల నిర్లక్ష్యంతో నీరుగారుతోంది. ప్రీ ప్రైమరీ తరగతుల నిర్వహణ కోసం ఉపాధ్యాయులు, ఆయాలను నియమించా ల్సి ఉన్నప్పటికీ, ఆ ప్రక్రియ కాగితాలకే పరిమితమై ంది. జూన్‌ నెలలోనే టీచర్ల నియామకానికి దరఖా స్తులు స్వీకరించిన అధికారులు.. పాఠశాలలు ప్రారంభమై ఐదు నెలలు గడుస్తున్నా ఇప్పటివరకు నియామకాలు చేపట్టకపోవడం విమర్శలకు తావిస్తోంది. 41 పాఠశాలలు ఎంపిక.. జిల్లాలో 281 ప్రాథమిక పాఠశాలలు ఉండగా.. గతేడాది విద్యా సంవత్సరంలో 55, ఈ ఏడాది రెండో విడత ప్రీ ప్రైమరీ విద్య అమలు కోసం మరో 41 ప్రభుత్వ పాఠశాలలను ఎంపిక చేశారు. ఇందుకు సంబంధించి ప్రభుత్వం నుంచి ఆదేశాలు సైతం జారీఅయ్యాయి. నియామకాల కోసం దరఖాస్తుల స్వీకరణ కూడా పూర్తయింది. అయినప్పటికీ తదుపరి చర్యలు తీసుకోవడంలో జిల్లా విద్యాశాఖ అధికారులు ఎందుకు జాప్యం చేస్తున్నారన్న ప్రశ్నలు వ్యక్తమవుతున్నాయి. విద్యా సంవత్సరం ప్రారంభంలోనే ఉపాధ్యాయులను నియమించాల్సి ఉండగా, సగం విద్యా సంవత్సరం గడిచినా పట్టించుకోకపోవడం విద్యాశాఖ పనితీరుకు అద్దం పడుతోంది. ఉపాధ్యాయులపై అదనపు భారం ప్రీ ప్రైమరీ తరగతలు ప్రారంభం అవుతున్నాయని జిల్లాలో గతేడాది, ప్రస్తుతం సుమారు 1200 మంది విద్యార్థులు ప్రభుత్వ పాఠశాలల్లో చేరారు. వారికి ప్రత్యేకంగా బోధించేందుకు ఉపాధ్యాయులు లేకపోవడంతో ప్రస్తుతం పనిచేస్తున్న టీచర్లపైనే అదనపు భారం పడుతోంది. ప్రాథమిక తరగతుల విద్యార్థులకు పాఠాలు బోధించడంతోపాటు చిన్నారుల సంరక్షణ, అక్షరాభ్యాసం, ఆటపాటల ద్వారా నేర్పించే బాధ్యతలను కూడా నిర్వహించాల్సి వస్తోంది. దీంతో విద్యాబోధనపై ప్రభావం పడటంతోపాటు చిన్నారులకు అందాల్సిన ప్రత్యేక శ్రద్ధ లేదనే అభిప్రాయాలు వ్యక్తమవుతున్నాయి. ప్రైవేట్‌ పాఠశాలల వైపు.. ప్రభుత్వ పాఠశాలల్లో ప్రీ ప్రైమరీ విద్య అందుబాటులో ఉంటుందన్న ఆశతో తమ పిల్లలను చేర్పించేందుకు ఆసక్తి చూపిన తల్లిదండ్రులకు టీచర్ల కొరత నిరాశ కలిగిస్తోంది. సకాలంలో నియామకాలు చేపట్టకపోవడంతో కొందరు తల్లిదండ్రులు ప్రత్యామ్నాయంగా ప్రైవేట్‌ పాఠశాలలను ఆశ్రయిస్తున్నట్లు తెలుస్తోంది. ప్రభుత్వ పాఠశాలల్లో చిన్నారులకు నాణ్యమైన పునాది విద్య అందించాలన్న లక్ష్యం నెరవేరకపోగా, విద్యార్థులను ప్రైవేట్‌ పాఠశాలల వైపు మళ్లించే పరిస్థితులు ఏర్పడుతున్నాయి. గతేడాది కూడా ఇదే పరిస్థితి.. గత విద్యా సంవత్సరంలోనూ ప్రీ ప్రైమరీ టీచర్ల నియామకాల విషయంలో ఇదే తరహా నిర్లక్ష్యం చోటుచేసుకున్నాయి. ఏడాది తరువాత నియామకాలు చేపట్టారు. గత అనుభవాల నుంచి పాఠాలు నేర్చుకోవాల్సిన అధికారులు ఈ ఏడాది కూడా అదే జాప్యాన్ని కొనసాగించడం గమనార్హం. ప్రభుత్వం విధానపరమైన నిర్ణయం తీసుకుని, పాఠశాలలను ఎంపిక చేసి, దరఖాస్తులు స్వీకరించిన తర్వాత కూడా నియామకాలు పూర్తి చేయకపోవడం వెనుక కారణాలేమిటో అంతుచిక్కడం లేదు. జూన్‌లోనే దరఖాస్తుల స్వీకరణ ఐదు నెలలవుతున్నా పట్టించుకోని అధికారులు గతేడాది కూడా ఇదే నిర్లక్ష్యం.. విద్యాబోధనపై ప్రభావం ఎమ్మెల్యే, కలెక్టర్‌ చొరవ చూపితే పరిష్కారంఎమ్మెల్యే, కలెక్టర్‌ స్పందిస్తే..జిల్లాలో విద్యారంగ సమస్యలపై పర్యవేక్షించాల్సిన జిల్లా విద్యాశాఖ అధికారులు ప్రీ ప్రైమరీ టీచర్ల నియామకాలపై ఎందుకు మౌనం వహిస్తున్నారన్నది చర్చనీయాంశంగా మారింది. మరోవైపు స్థానిక ఎమ్మెల్యే, కలెక్టర్‌ సైతం ఈ సమస్యపై దృష్టి సారించి నియామకాలు పూర్తిచేయించేలా చర్యలు తీసుకోవాలని విద్యార్థుల తల్లిదండ్రులు కోరుతున్నారు. ప్రభుత్వ పాఠశాలల్లో చేరిన చిన్నారులకు ఉపాధ్యాయులను అందించలేని పరిస్థితి ఉంటే ప్రీ ప్రైమరీ విద్యను ప్రవేశపెట్టినా ప్రయోజనం ఏమిటన్న ప్రశ్నలు తలెత్తుతున్నాయి. ఈ విషయంపై జిల్లా ఇన్‌చార్జ్‌ విద్యాశాఖ అధికారి లలితను వివరణ కోరేందుకు ఫోన్‌లో ప్రయత్నించగా అందుబాటులోకి రాలేదు.

భూపాలపల్లి అర్బన్‌: జిల్లా ప్రభుత్వ జనరల్‌ ఆస్పత్రిలో రోగులకు అందిస్తున్న వైద్య సేవలు, వారికి కల్పిస్తున్న సౌకర్యాలను అదనపు కలెక్టర్‌ అశోక్‌ కుమార్‌ గురువారం క్షేత్రస్థాయిలో పరిశీలించారు. ఈ సందర్భంగా ఆస్పత్రి సూపరింటెండెంట్‌ డాక్టర్‌ వెంకటరత్నంను వైద్యసేవలు, ఓపీ సేవలు, రోగులకు సౌకర్యాల గురించి అడిగి తెలుసుకున్నారు. అనంతరం జనరల్‌ మెడిసిన్‌ విభాగానికి వెళ్లి అక్కడి వైద్యుడి వద్ద సాధారణ వైద్య పరీక్షలు చేయించుకున్నారు. ప్రభుత్వ ఆస్పత్రిలో అందుబాటులో ఉన్న వైద్య సదుపాయాలను పరిశీలిస్తూ వైద్య సేవలపై వివరాలు తెలుసుకున్నారు. ఈ కార్యక్రమంలో ఆస్పత్రి వైద్యులు, వైద్యసిబ్బంది పాల్గొన్నారు.

మహాముత్తారం: కాసుల కక్కుర్తికి పచ్చని రిజర్వ్‌ ఫారెస్టు బలైపోతుంది. అటవీ చట్టాలను తుంగలో తొక్కుతూ కొందరు అక్రమార్కులు యథేచ్ఛగా గొడ్డలి వేటు వేస్తున్నారు. పోడు పేరిట విలువైన చెట్లను నేలమట్టం చేసి పక్కా ప్రణాళికతో అటవీ భూముల రియల్‌ వ్యాపారానికి తెరలేపుతున్నారు. మహాముత్తారం మండలంలోని పెగడపల్లితో పాటు ఆజంనగర్‌ రేంజ్‌ల పరిధిలోని కనుకునూర్‌, సింగంపల్లి, రెడ్డిపల్లి, నిమ్మగూడెం, పోలారం, మహబూబ్‌పల్లి తదిత ర గ్రామాల సరిహద్దులోని రిజర్వ్‌ ఫారెస్టు పరి ధిలో ఈ అక్రమ దందా జోరుగా సాగుతోంది. సాగు ముసుగులో బేరసారాలు అటవీ భూములను ఆక్రమించేందుకు కొందరు ఒక వ్యూహం ప్రకారం వ్యవహరిస్తున్నారు. తొలుత దట్టమైన అటవీ ప్రాంతంలోని చెట్లను నరికి చదును చేస్తున్నారు. ఆ తరువాత పోడు భూమిగా మార్చి ఏడాదిపాటు ఏదో ఒక పంట సాగు చేస్తున్నారు. ఆ తర్వాత ఆ భూమిపై తమకే సర్వహక్కులు ఉన్నాయంటూ స్థానిక పరిసర ప్రాంతాల వారికి నమ్మబలికి అమ్మకానికి పెడుతున్నారు. ఏరియాను బట్టి డిమాండ్‌.. రోడ్డు మార్గానికి దగ్గరలో ఉంటే ఎకరాకు సుమారు రూ.2లక్షల వరకు ధర పలుకుతుంది. మరికొంచం అటవీ ప్రాంతంలో ఉంటే రూ.లక్షన్నర వరకు ధర నిర్ణయించి అమ్ముతున్నారు. నిరుపేద ఆదివాసీల కోసం ఉన్న పోడు హక్కుల అంశాన్ని ఆసరాగా చేసుకొని కొందరు దళారులు లాభాదాయక వ్యాపారంగా మార్చుకున్నారనే ఆరోపణలు వ్యక్తమవుతున్నాయి. తాజాగా విక్రయం ఆజంనగర్‌ రేంజ్‌ పరిధిలోని కేశావాపూర్‌, నిమ్మగూడెం, నాగారం, కోనంపేట శివారులోని అటవీ ప్రాతంలో ఇటీవల కాలంలో ఒకే ప్రాంతంలో సుమారు 18 ఎకరాల పోడుభూమిని ఒక్కో ఎకరానికి సుమారు 2లక్షల చొప్పున అమ్మి సొమ్ముచేసుకున్నట్లు స్థానికంగా జోరుగా ప్రచారం జరుగుతుంది. ఇంత భారీ ఎత్తున భూములు చేతులు మారుతున్నా ఫారెస్టు అధికారులు పట్టించుకోకపోవడం వెనుక భారీ తతంగమే నడిచిందనే అనుమానాలు బలంగా వినిపిస్తున్నాయి. మామూళ్ల మత్తులో యంత్రాంగం.. రిజర్వ్‌ ఫారెస్టులో పచ్చటి చెట్లు కూలుతున్నా.. ట్రాక్టర్లతో దుక్కులు దున్నుతున్నా క్షేత్రస్థాయి సిబ్బంది, అధికారులు అటువైపు చూడకపోవడం వెనుక ముడుపుల పాత్ర ఉందన్న విమర్శలు తీవ్రస్థాయిలో ఉన్నాయి. చెట్లను కొట్టే సమయంనుంచి సాగుకు అనుకూలంగా మార్చేవరకు కొందరు ఫారెస్టు అధికారులు, సిబ్బంది ఎకరానికి 20వేల నుంచి 40వేల వరకు నజరానాలు తీసుకొని చూసీ చూడనట్లు వ్యవహరిస్తున్నారని ఆరోపణలు బహిరంగంగానే వినిపిస్తున్నాయి. రక్షకులే చేతులు కలపడంతో రిజర్వ్‌ ఫారెస్ట్‌ పరిధి క్రమంగా తగ్గిపోతోంది. ఉన్నతాధికారులు తక్షణమే విచారణ జరిపి అటవీభూముల క్రయ విక్రయాలకు పాల్పడుతున్న దళా రులపై, సహకరిస్తున్న సిబ్బందిపై కఠిన చర్యలు తీసుకోవాలని స్థానికులు కోరుతున్నారు. రిజర్వ్‌ ఫారెస్టులో జోరుగా పోడు దందా ఆజంనగర్‌ రేంజ్‌ పరిధిలో 18 ఎకరాలు అమ్మకం పెగడపల్లి, ఆజంనగర్‌ రేంజ్‌లలో ఆగని అక్రమ వ్యాపారం

భూపాలపల్లి రూరల్‌: ఈ సారి యాసంగి సాగు రైతన్నకు ఇరకాటంగా పరిగణించే పరిస్థితులు ఏర్పడ్డాయి. ఎల్‌నినో ప్రభావంతో సంక్షోభాన్ని ఎదుర్కొనేందుకు ప్రభుత్వం ఆప్రమత్తమైంది. అరుతడి పంటలే శ్రేయస్కరమని చెబుతోంది. నీటి వసతి ఉంటేనే సాగు చేయాలని స్పష్టం చేస్తోంది. అలా కాదని సాధారణ సాగుకు వెళ్తే రిస్క్‌ను భరించేందుకు సిద్ధంగా ఉండాలంటోంది. యాసంగిలో జిల్లాలో వరి సాగు మొదటి స్థానంలో, మొక్కజొన్న రెండవ స్థానంలో ఉంటుంది. ఆరుతడి పంటల సాగు స్వల్పంగా ఉంటుంది. ఎల్‌నినో కారణంగా వ్యవసాయ శాఖ అధికారులు శనగ, నువ్వులు, మినుములు, పెసర్లు సాగు చేయాలని స్పష్టం చేస్తున్నారు. వరి, జొన్న, మొక్కజొన్న అసలుకే చేయవద్దంటున్నారు. ఆరుతడి పంటలకు మార్కెట్‌, మద్దతు ధర లభిస్తుందా?. వరి, మొక్కజొన్నలకు బదులుగా మినుములు, కందులు, ఇతర చిరుధాన్యాలు ఉద్యాన పంటలు, కూరగాయలు, సాగు చేయాలని వ్యవసాయశాఖ సూచిస్తోంది. వీటి సాగు ద్వారా తక్కువ ఖర్చుతో ఎక్కువ లాభాలు ఆశించవచ్చని ప్రచారం నిర్వహిస్తున్నారు. కానీ వానాకాలం పంటలో ఈ ఏడాది జిల్లాలో పెసర 8,352 ఎకరాల్లో సాగు చేశారు. అందుబాటులో మార్కెట్‌ సరిగా లేకపోవడంతో పండిన పంట పెసరలను రైతులు గ్రామాల్లో తిరుగుతూ.. రిటేల్‌గా అమ్ముకున్న పరిస్థితులు ఉన్నాయి. ఈ సారి ఆరుతడి పంటలు పండిన తర్వాత మార్కెట్‌ ఏర్పాటు చేసికొంటారా? లేదా? మద్దతు ధర లభిస్తుందో లేదోనని రైతులు అయోమయానికి గురవుతున్నారు. రైతులకు మార్కెట్‌ సౌకర్యంతో పాటు మద్దతు ధరపై స్పష్టత ఇస్తే రైతులు ఆరుతడి పంటల సాగుకు మొగ్గు చూపే అవకాశం ఉంది. అడుగంటుతున్న భూగర్భ జలాలు ఎల్‌నినో సంక్షోభం నేపథ్యంలో అప్రమత్తం ఆరుతడి పంటలే శ్రేయస్కరమంటున్న ప్రభుత్వంఅడుగంటుతున్న భూగర్భజలాలు జిల్లాలో చెరువులు పూర్తిగా ఎండిపోతున్నాయి. భూగర్భ జలాలు పడిపోతున్నాయి. జిల్లాలోని గణపురం, భీం ఘన్‌పూర్‌, బొగ్గులవాగు చెరువుల్లో కొంత నీటి సామర్థ్యం ఉన్నప్పటికీ ప్రస్తుతం ఉన్న వాతావరణ పరిస్థితుల్లో జలాలు అరుగంటిపోయే పరిస్థితులు లేకపోలేదు. ఇలాంటి పరిస్థితుల్లో నీటి విడుదలపై రైతులు భరోసా పెట్టుకోవద్దని ప్రభుత్వం తేల్చి చెబుతోంది.ముందస్తుగా ధర ప్రకటించాలి.. ఎల్‌నినో ప్రభావం ఉన్న తరుణంలో ప్రభుత్వం ఆరుతడి పంటలకు ముందస్తుగానే మద్దతు ధర ప్రకటించాలి. రైతులకు అందుబాటులో మార్కెట్‌ ఏర్పాటు చేయాలి. రైతులకు నష్టం రాకుండా భరోసా కల్పించాల్సిన బాధ్యత ప్రభుత్వంపై ఉంది. – కర్నాటకపు సమ్మయ్య, రైతు స్వరాజ్య వేదిక జిల్లా కన్వీనర్‌ ఆరుతడి పంటలు వేయాలి ఆరుతడి పంటలకు సంబంధించిన విత్తనాలు కొంతమే ర డీలర్ల వద్ద ఉన్నాయి. డిసె ంబర్‌ చివరి వరకు కోతలు ఉండనున్నాయి. డిమాండ్‌ మేర విత్తనాలు, ఎరువులు సరఫరా చేసేందుకు చర్యలు తీసుకుంటాం. ఆరుతడి పంటలు సాగుచేయాలి. – జాడి బాబురావు, జిల్లా వ్యవసాయశాఖ అధికారి

భూపాలపల్లి: ప్రజలకు తాగునీటి కొరత తలెత్తకుండా అధికారులు ముందస్తు ప్రణాళికతో పటిష్టమైన చర్యలు చేపట్టాలని కలెక్టర్‌ రాహుల్‌ శర్మ ఆదేశించారు. తాగునీరు, జలసిరి పాం పాండ్స్‌, పర్క్యూలేషన్‌ ట్యాంకులు, ఇంకుడు గుంతలు నిర్మాణం, వీబీజీ రాంజీ పథకానికి లేబర్‌ మొబలైజేషన్‌, పశువుల మేత, ఆరోగ్య చర్యలు తదితర అంశాలపై గురువారం ఐడీఓసీ కార్యాలయంలో వివిధ శాఖల అధికారులతో సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ.. నీటి సరఫరాలో సమస్యలు తలెత్తే గ్రామాలను గుర్తించి ప్రత్యామ్నాయ ఏర్పాట్లు సిద్ధం చేసుకోవాలని సూచించారు. పశువుల సంరక్షణ కూడా చాలా ముఖ్యమని.. మేత కొరత రాకుండా చర్యలు తీసుకోవాలని ఆదేశించారు. ఈ సమావేశంలో అదనపు కలెక్టర్‌ విజయలక్ష్మి, డీఆర్‌డీఓ బాలకృష్ణ, డీపీఓ శ్రీలత, వివిధ శాఖల జిల్లా అధికారులు పాల్గొన్నారు. 17న జిల్లాస్థాయి యువజనోత్సవాలు యువతలోని సృజనాత్మకత, కళా నైపుణ్యాలను ప్రోత్సహించేందుకు ఈ నెల 17న జిల్లా కేంద్రంలోని ఇల్లంద్‌ క్లబ్‌హాల్‌లో జిల్లా స్థాయి యువజనోత్సవాలు, వికసిత్‌ భారత్‌ యువ నాయకుల సంభాషణ నిర్వహించనున్నట్లు కలెక్టర్‌ రాహుల్‌ శర్మ గురువారం ఒక ప్రకటనలో పేర్కొన్నారు. 15నుంచి 29ఏళ్ల వయస్సు గల యువతీ యువకులు అర్హులని చెప్పారు. మై భారత్‌ పోర్టల్‌లో రిజిస్ట్రేషన్‌ తప్పనిసరి అని తెలిపారు. ఆసక్తి గలవారు ఆధార్‌ జిరాక్స్‌, రిజిస్ట్రేషన్‌ ప్రింట్‌అవుట్‌, రెండు ఫొటోలతో పోటీలకు హాజరుకావాలని కోరారు. వివరాలకు జిల్లా యువజన, క్రీడల అధికారి సీహెచ్‌ రఘు 96180 11096ను సంప్రదించాలని సూచించారు. ఓటరు నమోదుకు నేడే చివరి గడువు.. శాసనమండలి పట్టభద్రుల నియోజకవర్గ ఎన్నికలకు సంబంధించి ఓటరు జాబితాలో పేర్ల నమోదు నేటితో ముగుస్తుందని జిల్లా ఎన్నికల అధికారి, కలెక్టర్‌ రాహుల్‌ శర్మ తెలిపారు. అర్హులైన వారు గడువు ముగిసేలోగా ఫారం–18 ద్వారా తమ దరఖాస్తులను సమర్పించాలని కోరారు. దరఖాస్తులు క్షుణ్ణంగా పరిశీలించాలి.. శాసనమండలి పట్టభద్రుల ఎన్నికలకు సంబంధించి అందిన దరఖాస్తులను నిర్దేశిత మార్గదర్శకాలు, నిబంధనల ప్రకారం క్షుణ్ణంగా పరిశీలించి నిర్ణీత గడువులోగా పరిష్కరించాలని కలెక్టర్‌ రాహుల్‌ శర్మ సంబంధిత అధికారులను ఆదేశించారు. గురువారం హైదరాబాద్‌ నుంచి రాష్ట్ర ప్రధాన ఎన్నికల అధికారి సుదర్శన్‌రెడ్డి సర్‌ 2026, శాసన మండలి పట్టభద్రుల ఓటరు నమోదు తదితర అంశాలపై అన్ని జిల్లాల ఎన్నికల అధికారులతో వీడియో కాన్ఫరెన్స్‌ నిర్వహించారు. ఈ సమావేశానికి ఐడీఓసీ కార్యాలయం నుంచి జిల్లా ఎన్నికల అధికారి, కలెక్టర్‌ రాహుల్‌ శర్మ పాల్గొన్నారు. ఈ సమావేశంలో ఆర్డీఓ హరికృష్ణ, ఎన్నికల విభాగం తహసీల్దార్‌ విజయలక్ష్మి, డీటీ అబ్బాస్‌ పాల్గొన్నారు. భూ రీ సర్వేతో శాశ్వత పరిష్కారం రేగొండ: ఆధునిక సాంకేతిక పరిజ్ఞానంతో చేపడుతున్న భూ రీ సర్వేతో రైతుల భూసమస్యలకు శాశ్వత పరిష్కారం లభించేలా చర్యలు తీసుకుంటామని కలెక్టర్‌ రాహుల్‌శర్మ అన్నారు. గురువారం మండలంలోని పోచంపల్లిలో కొనసాగుతున్న భూ రీ సర్వే ప్రక్రియను పరిశీలించారు. ఈ సందర్భంగా ఆయన మాట్లాడుతూ.. భవిష్యత్‌లో భూవివాదా లకు తావులేకుండా రీ సర్వేను సమగ్రంగా నిర్వహిస్తున్నామని తెలిపారు. ఎల్‌నినో ప్రభావంతో రబీలో వరికి బదులుగా ప్రత్యామ్నాయ పంటలను సాగు చేపట్టాలని సూచించారు. ఈ కార్యక్రమంలో అదనపు కలెక్టర్‌ అశోక్‌ కుమార్‌, సర్వే అండ్‌ ల్యాండ్‌ రికార్డ్స్‌ ఏడీ కుసుమ కుమారి, తహసీల్దార్‌ శ్వేత, సర్పంచ్‌ సబిత, సర్వే సిబ్బంది, రైతులు, బీఎల్‌ఓలు పాల్గొన్నారు. నేటితో ముగియనున్న ఓటరు నమోదు కలెక్టర్‌ రాహుల్‌ శర్మ

భూపాలపల్లి అర్బన్‌: సింగరేణి సంస్థలో పనిచేసి ఉద్యోగ విరమణ పొందిన విశ్రాంత ఉద్యోగులు, పెన్షనర్ల సౌకర్యార్థం డిజిటల్‌ లైఫ్‌ సర్టిఫికెట్‌ (డీఎల్‌సీ) సమర్పణకు ప్రత్యేక క్యాంపులు నిర్వహించనున్నట్లు భూపాలపల్లి ఏరియా పర్సనల్‌ మేనేజర్‌ ఎస్‌.శ్యాంసుందర్‌ ఒక ప్రకటనలో తెలిపారు. ఈనెల 11, 12వ తేదీల్లో భూపాలపల్లిలోని కృష్ణాకాలనీ మినీ ఫంక్షన్‌ హాల్‌లో క్యాంపులు ఏర్పాటు చేయనున్నట్లు వెల్లడించారు. పెన్షనర్లు ప్రతీ సంవత్సరం సమర్పించాల్సిన లైఫ్‌ సర్టిఫికెట్‌ను డిజిటల్‌ విధానంలో సులభంగా పూర్తి చేసుకునేందుకు ప్రత్యేక ఏర్పాట్లు చేస్తున్నట్లు పేర్కొన్నారు. పెన్షన్‌ చెల్లింపులు నిరంతరాయంగా కొనసాగాలంటే లైఫ్‌ సర్టిఫికెట్‌ను సకాలంలో సమర్పించడం తప్పనిసరని తెలిపారు. పెన్షనర్లు ఈ అవకాశాన్ని సద్వినియోగం చేసుకొని, నిర్ణీత తేదీల్లో క్యాంపులకు హాజరై డిజిటల్‌ లైఫ్‌ సర్టిఫికెట్‌ ప్రక్రియను పూర్తి చేసుకోవాలని శ్యాంసుందర్‌ సూచించారు. ఎల్‌నినోపై అప్రమత్తంగా ఉండాలి మల్హర్‌(కాటారం) : మండలంలోని దేవరాంపల్లి గ్రామంలో బుధవారం తెలంగాణ సాంస్కతిక సారథి కళాకారులు ఎల్‌నినో ప్రభావంపై అప్రమత్తంగా ఉండాలని అవగాహన కల్పించారు. కళాకారులు తమ ఆటపాటల ద్వారా ఎల్‌నినో కారణంగా ఏర్పడే వాతావరణ మార్పులు, అధిక ఉష్ణోగ్రతలు, ఎండల తీవ్రత, వ్యవసాయ రంగంపై వాటి ప్రభావాన్ని వివరించారు. రైతులు సాగునీటి లభ్యతను దృష్ట్యా వరి సాగు చేయాలని, నీటి సౌకర్యం లేని ప్రాంతాల్లో పెసర్లు, శనగలు, కందులు, నువ్వులు వంటి ఆరుతడి పంటలను సాగు చేయాలని సూచించారు. నీటిని వృథా చేయకుండా పొదుపుగా వాడాలని కోరారు. ఎండల తీవ్రత నేపథ్యంలో ప్రజలు తగిన జాగ్రత్తలు తీసుకోవాలన్నారు. ఈ కార్యక్రమంలో కళాకారులు కమ్మల ప్రవీణ్‌కుమార్‌, పులి రాధిక, కాస స్వాతి, ఆత్మకూరి మహేందర్‌, ఓనపాకల కుమార్‌, చిలుముల మధుబాబు, గడ్డం నాగమణి, తదితరులు పాల్గొన్నారు.

భూపాలపల్లి: జిల్లాలో కరువు పరిస్థితుల నేపథ్యంలో ప్రభావిత మండలాల రైతులకు బ్యాంకుల ద్వారా ఆర్థిక సహాయ సహకారాలు అందించాలని బ్యాంకు అధికారులను కలెక్టర్‌ రాహుల్‌ శర్మ ఆదేశించారు. ఐడీఓసీ సమావేశ మందిరంలో ఎల్డీఎం ఆధ్వర్యంలో ప్రత్యేక జిల్లా స్థాయి కన్సల్టేటివ్‌ కమిటీ సమీక్షా సమావేశాన్ని బుధవారం నిర్వహించారు. ఈ సందర్భంగా కలెక్టర్‌ మాట్లాడుతూ కరువు ప్రభావిత ప్రాంతాల్లోని రైతులకు 12 నెలల మారటోరియం కల్పించడంతో పాటు రుణాల చెల్లింపు కాలపరిమితిని మొత్తం 36 నెలల వరకు పొడిగించే వెసులుబాటు కల్పించినట్లు వివరించారు. భూసేకరణ వేగిరం చేయాలి చిన్న కాళేశ్వరం ప్రాజెక్టుకు సంబంధించిన భూసేకరణ ప్రక్రియను వేగవంతం చేయాలని కలెక్టర్‌ రాహుల్‌ శర్మ సూచించారు. పెండింగ్‌లో ఉన్న అవార్డుల జారీ, భూముల మ్యుటేషన్లు, ప్రతిపాదనలు, టైటిల్‌ వివాదాలు, ప్రభుత్వ భూములు తదితర అంశాలపై రెవెన్యూ, సర్వే అండ్‌ ల్యాండ్‌ రికార్డ్స్‌, ఇరిగేషన్‌ అధికారులతో ఐడీఓసీ కార్యాలయంలో కలెక్టర్‌ సమీక్ష నిర్వహించారు. అర్హులందరికీ పరిహారం తాడిచర్ల డేంజర్‌ జోన్‌ పరిధిలోని అర్హులైన ప్రతీ కుటుంబానికి పరిహారం అంజేయాలని అధికారులను కలెక్టర్‌ రాహుల్‌ శర్మ ఆదేశించారు. ఐడీఓసీ కార్యాలయంలోని కాన్ఫరెన్స్‌ హాల్‌లో జెన్‌కో, రెవెన్యూ, సర్వే శాఖల అధికారులతో సమీక్ష సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ రెవెన్యూ అధికారులు నిర్వహించిన సర్వే ప్రకారం 2022వ సంవత్సరానికి ముందు గ్రామంలో నిర్మించిన.. గ్రామ పంచాయతీ లేదా పంచాయతీ కార్యదర్శి అనుమతులు పొందిన ఇళ్లను మాత్రమే అర్హత ప్రాతిపదికన పీఎన్‌లో చేర్చేందుకు చర్యలు తీసుకుంటున్నట్లు తెలిపారు. ఆయా సమావేశాల్లో అదనపు కలెక్టర్‌ అశోక్‌కుమార్‌, కాటారం సబ్‌ కలెక్టర్‌ సౌరవ్‌ శర్మ, కేటీపీపీ సీఈ ప్రకాష్‌, ఎల్డీఎం నాగరాజు, ఆర్బీఐ ఏజీఎం యశ్వంత్‌ సాయి, వివిధ బ్యాంకుల మేనేజర్లు, రెవెన్యూ అధికారులు, సర్వే, ఇరిగేషన్‌ శాఖల అధికారులు, తదితరులు పాల్గొన్నారు. కలెక్టర్‌ రాహుల్‌ శర్మ

● రాష్ట్ర పంచాయతీరాజ్‌, గ్రామీణాభివృద్ధి శాఖ మంత్రి సీతక్క ములుగు/ ములుగు రూరల్‌: విద్యార్థులకు మెరుగైన విద్యను అందించి పోటీ ప్రపంచంలో ముందుండేలా ఉపాధ్యాయులు తీర్చిదిద్దాలని రాష్ట్ర పంచాయతీరాజ్‌, గ్రామీణాభివృద్ది శాఖ మంత్రి సీతక్క అన్నారు. జిల్లా కేంద్రంలోని కలెక్టరేట్‌ సమావేశ మందిరంలో ఇంటర్మీడియట్‌ పాఠశాల విద్యాశాఖ– పదోతరగతి వార్షిక పరీక్షలు–2027, విద్యార్థుల సంసిద్ధతపై ప్రధానోపాధ్యాయులు, మండల విద్యాశాఖ అధికారులతో బుధవారం సమావేశం నిర్వహించారు. ఈ సమావేశానికి ములుగు కలెక్టర్‌ భోర్ఖడే హేమంత్‌ సహదేవరావుతో కలిసి మంత్రి సీతక్క ముఖ్య అతిథిగా హాజరై మాట్లాడారు. విద్యాశాఖ అధికారులు, ప్రధానోపాధ్యాయులు, ఉపాధ్యాయుల సమష్టి కృషితో పదో తరగతి, ఇంటర్మీడియట్‌ ఫలితాల్లో జిల్లా ఉత్తమ స్థానాలు సాధించిందని తెలిపారు. ఏజెన్సీ ప్రాంతం విద్యలో వెనుకబడి ఉంటుందనే భావనను మార్చేసి జిల్లా విద్యార్థుల ప్రతిభను రాష్ట్రానికి చాటిచెప్పారని ప్రశంసించారు. కలెక్టర్‌, విద్యాశాఖ అధికారులు, ఉపాధ్యాయులు తీసుకున్న ప్రత్యేక చర్యలు మెరుగైన ఫలితాలకు దోహదపడ్డాయని వెల్లడించారు. అనంతరం కలెక్టర్‌ మాట్లాడుతూ జిల్లా విద్యా ఫలితాల్లో వరుస విజయాలు సాధించడం ఉపాధ్యాయుల అంకితభావం, కృషికి నిదర్శనమని అభినందించారు. విద్యారంగంలో జిల్లాను అగ్రస్థానంలో నిలిపిన ఘనత ఉపాధ్యాయులదేనని వివరించారు. ఇదే ఉత్సాహం, ఆత్మవిశ్వాసంతో పనిచేసి రాబోయే ఇంటర్‌, పదో తరగతి ఫలితాల్లో మరోసారి ఉత్తమ ఫలితాలు వచ్చేలా ఉపాధ్యాయులు కృషి చేయాలని సూచించారు. అనంతరం మంత్రి సీతక్క జిల్లాకేంద్రంలో పోలీస్‌ కానిస్టేబుల్‌, ఎస్సై ఉద్యోగాల కోసం శిక్షణ పొందుతున్న యువతకు అందిస్తున్న ఉచిత శిక్షణ శిభిరాన్ని సందర్శించారు. ఈ సందర్భంగా మంత్రి మాట్లాడుతూ యువత అవకాశాలను అందిపుచ్చుకొని లక్ష్యాన్ని సాధించాలన్నారు. కార్యక్రమంలో ములుగు జిల్లా గ్రంథాలయ సంస్థ చైర్మన్‌ బానోతు రవిచందర్‌, డీఈఓ సిద్ధ్ధార్థరెడ్డి, మార్కెట్‌ కమిటీ చైర్‌పర్సన్‌ రేగ కల్యాణి, జిల్లా ఇంటర్మీడియట్‌ విద్యాశాఖ అధికారి, గిరిజన సంక్షేమ శాఖ డిప్యూటీ డైరెక్టర్‌ జనార్దన్‌, జీసీడీఓ, మండల విద్యాశాఖ అధికారులు, హెచ్‌ఎంలు, అధికారులు పాల్గొన్నారు.

ఎస్‌ఎస్‌తాడ్వాయి: సమ్మక్క–సారలమ్మ కొలువైన మేడారంలో భక్తుల సమర్పించే ఎత్తు బంగారం కొంతమందికి వ్యాపార వనరుగా మారిందనే ఆరోపణలు వినిపిస్తున్నాయి. ఈ క్రమంలో అమ్మవార్లకు భక్తులు భక్తిశ్రద్ధలతో మొక్కుగా సమర్పించే ఎత్తు బంగారం (బెల్లం), రీసైక్లింగ్‌ దందాకు తెరలేపుతున్నట్లు విమర్శలు వస్తున్నాయి. భక్తులు గద్దెల వద్ద మొక్కుగా సమర్పించిన బెల్లం తిరిగి వ్యాపారుల చెంతకు చేరుతుంది. దాన్ని తక్కువ ధరకు కొనుగోలు చేసి వ్యాపారులు రీసైక్లింగ్‌ చేసి అదే బెల్లాన్ని మార్కెట్‌ ధర ప్రకారం తిరిగి భక్తులకు విక్రయిస్తూ సొమ్ము చేసుకుంటున్నారనే ఆరోపణలు చర్చనీయాంశంగా మారాయి. నిత్యం భక్తుల రాక వనదేవతలను దర్శించుకునేందుకు నిత్యం వివిధ ప్రాంతాల నుంచి వేలాది మంది భక్తులు మేడారానికి తరలివస్తుంటారు. అమ్మవార్లకు ఎత్తు బంగారం (బెల్లం) సమర్పించడం ఆనవాయితీ. భక్తులు ఎంతో పవిత్రంగా భావించి గద్దెల వద్ద సమర్పిస్తున్న బెల్లాన్ని అక్కడ తిష్ట వేసిన కొంత మంది వ్యక్తులు సేకరిస్తున్నట్లు సమాచారం. భక్తుల నుంచి సేకరించిన బెల్లాన్ని తక్కువ ధరకు వ్యాపారులు కొనుగోలు చేస్తున్నట్లు ఆరోపణలు వస్తున్నాయి. తక్కువ ధరకు కొనుగోలు గద్దెల వద్ద భక్తులు మొక్కుగా సమర్పించిన బెల్లం తిరిగి వ్యాపారుల వద్దకు చేరుతున్నట్లు తెలుస్తుంది. ఆ బెల్లాన్ని కొందరు వ్యాపారులు తక్కువ ధరకు కొనుగోలు చేసి రీసైక్లింగ్‌ చేస్తున్నట్లు సమాచారం. అనంతరం కొత్త బెల్లం రూపంలో మార్కెట్‌లోకి తీసుకొచ్చి మార్కెట్‌ ధరకు విక్రయిస్తున్న పరిస్థితి నెలకొంది. గుడుంబా తయారీకి సరఫరా? గద్దెల వద్ద భక్తులు సమర్పించిన బెల్లాన్ని గుడుంబా తయారీకి సైతం విక్రయిస్తున్నారనే ఆరోపణలు ఉన్నాయి. పవిత్రమైన జాతరలో భక్తులు అమ్మవార్లకు సమర్పించిన బెల్లాన్ని కొందరు అక్రమ వ్యాపారాలకు ఉపయోగించుకుంటున్నారనే విమర్శలు వస్తున్నాయి. మేడారంలోని బెల్లం మంగపేట, ఏటూరునాగారం, మేడారం చుట్టు పక్కల గ్రామాలకు, భూపాలపల్లి జిల్లాలోని కాటారం ప్రాంతాల వైపు గుడుంబా తయారీకి తీసుకెళ్తున్నట్లు తెలుస్తోంది. వనదేవతలకు భక్తులు సమర్పించిన బెల్లం తిరిగి వ్యాపారుల చెంతకు తక్కువ ధరకు కొనుగోలు.. ప్రాసెస్‌ అనంతరం మార్కెట్‌ ధరకు విక్రయం గుడుంబా తయారీకి సైతం సరఫరా చేస్తున్నారనే ఆరోపణలు అధికారుల నిఘా కరువుమేడారంలో పెద్ద ఎత్తున బెల్లం సేకరణ, కొనుగోళ్లు, రీసైక్లింగ్‌, విక్రయాలు జరుగుతున్నాయనే ఆరోపణలు వస్తున్నప్పటికీ సంబంధిత అధికారులు పట్టించుకోవడం లేదనే విమర్శలు వినిపిస్తున్నాయి. భక్తుల విశ్వాసాన్ని ఆసరాగా చేసుకుని కొందరు వ్యాపారులు సొమ్ము చేసుకుంటున్న వారిపై విచారణ జరపాలని భక్తులు కోరుతున్నారు. బెల్లం సేకరించే వారి కార్యకలాపాలపై నిఘా పెట్టడంతో పాటు, కొనుగోలు చేస్తున్న వ్యాపారుల వివరాలు సేకరించాలని డిమాండ్‌ చేస్తున్నారు. రీసైక్లింగ్‌ పేరుతో సాగుతున్న దందాపై దేవాదాయ, పోలీస్‌, ఎకై ్సజ్‌ శాఖల అధికారులు సమన్వయంతో తనిఖీలు చేపట్టి అడ్డుకట్ట వేయాలని భక్తులు కోరుతున్నారు.

భూపాలపల్లి అర్బన్‌: యువతలో నాయకత్వ లక్షణాలు, ప్రజాస్వామ్య విలువలు, వక్తృత్వ నైపుణ్యాలను పెంపొందించడంతో పాటు వికసిత్‌ భారత్‌ నిర్మాణంలో వారిని భాగస్వాములను చేయడమే తమ లక్ష్యమని జిల్లా యువజన అధికారి భూక్య సంజీవ, డీవైఎస్‌ఓ రఘు తెలిపారు. ప్రభుత్వ డిగ్రీ కళాశాలలో యూత్‌ పార్లమెంట్‌ కార్యక్రమాన్ని బుధవారం నిర్వహించారు. ఈ సందర్భంగా వికసిత్‌ భారత్‌ – యంగ్‌ లీడర్స్‌ డైలాగ్‌లో భాగంగా వన్‌ నేషన్‌ – వన్‌ ఎలక్షన్‌ అనే అంశంపై విద్యార్థులకు బుధవారం ఉపన్యాస పోటీలు నిర్వహించారు. దేశ ప్రజాస్వామ్య వ్యవస్థ, ఎన్నికల విధానం, జాతీయ అభివృద్ధిలో యువత పాత్రపై విద్యార్థులు తమ అభిప్రాయాలను వ్యక్తం చేశారు. ఈ పోటీల్లో ప్రతిభ కనబర్చిన విజేతలకు ప్రథమ, ద్వితీయ, తృతీయ బహుమతులు ప్రదానం చేశారు. కార్యక్రమంలో కళాశాల ప్రిన్సిపాల్‌ రమణరావు, వైస్‌ ప్రిన్సిపాల్‌ డాక్టర్‌ మొహమ్మద్‌ రుక్సానా, డాక్టర్‌ కవిత, డాక్టర్‌ చంద్రకళ, ఆర్ట్స్‌ అండ్‌ సైన్స్‌ కళాశాలకు చెందిన డాక్టర్‌ లక్ష్మీనారాయణ, తదితరులు పాల్గొన్నారు.

కాళేశ్వరం: ప్రజల నుంచి వచ్చే ఫిర్యాదులపై తక్షణమే స్పందించాలని, బాధితులకు న్యాయం జరిగేలా చర్యలు తీసుకోవాలని పోలీస్‌ అధికారులను ఎస్పీ సిరిశెట్టి సంకీర్త్‌ ఆదేశించారు. పోలీసు సేవలను మరింత సమర్థవంతంగా ప్రజలకు అందించడంతో పాటు శాంతిభద్రతల పరిరక్షణలో భాగంగా మహదేవపూర్‌ పోలీసుస్టేషన్‌ను ఆయన బుధవారం ఆకస్మికంగా తనిఖీ చేశారు. ఈ సందర్భంగా స్టేషన్‌లోని రికార్డులు, పెండింగ్‌ కేసుల దర్యాప్తు పురోగతి, సీసీ కెమెరాల పనితీరు, స్టేషన్‌ పరిసరాల పరిశుభ్రతను పరిశీలించారు. అనంతరం ఎస్పీ మాట్లాడుతూ పెండింగ్‌ కేసుల దర్యాప్తును వేగవంతం చేసి త్వరితగతిన పరిష్కరించాలన్నారు. శాంతిభద్రతల పరిరక్షణలో నిత్యం అప్రమత్తంగా ఉంటూ నేరాల నియంత్రణకు పటిష్ట చర్యలు చేపట్టాలని చెప్పారు. ప్రతిఒక్కరూ బాధ్యతాయుతంగా విధులు నిర్వహించాలని సిబ్బందికి సూచించారు. ఆయన వెంట డీఎస్పీ సూర్యనారాయణ, సీఐ వెంకటేశ్వర్లు, ఎస్సై సాంబమూర్తి తదితరులు ఉన్నారు. ఎస్పీ సిరిశెట్టి సంకీర్త్‌

భూపాలపల్లి పట్టణాన్ని సుందరంగా తీర్చిదిద్దేందుకు రాష్ట్ర ప్రభుత్వం నుంచి ప్రత్యేకంగా నిధులు తీసుకొస్తున్నా. అంబేడ్కర్‌ చౌరస్తా నుంచి క్రిష్ణకాలనీ, సుభాష్‌కాలనీ మీదుగా జంగేడు వరకు రహదారి విస్తరణ, సుందరీకరణ పనులు, జంక్షన్ల అభివృద్ధి కోసం ప్రభుత్వం రూ.21.50 కోట్లు మంజూరు చేసింది. ఇంకా ఎన్ని నిధులు అవసరమైనా ప్రభుత్వం నుంచి మంజూరు చేయిస్తా. బుడా ఏర్పాటుపై సీఎం రేవంత్‌రెడ్డితో మాట్లాడుతా. – గండ్ర సత్యనారాయణ రావు, ఎమ్మెల్యే ఇంకా ఆదేశాలు రాలేదుబుడా ఏర్పాటుకు సంబంధించి రాష్ట్ర ప్రభుత్వం నుంచి ఎలాంటి ఆదేశాలు రాలేదు. బుడా మ్యాప్‌, ప్రణాళికలు సిద్ధంగా ఉన్నాయి. ప్రభుత్వం నుంచి జీఓ విడుదల కాగానే భూపాలపల్లి అర్బన్‌ డెవలప్‌మెంట్‌ అథారిటీని ఏర్పాటు చేసేందుకు సిద్ధంగా ఉన్నాం. – ఉదయ్‌కుమార్‌, మున్సిపల్‌ కమిషనర్‌

కాళేశ్వరం: ఇసుక లారీ ఢీకొని మహదేవపూర్‌ మండల కేంద్రానికి చెందిన పోత స్వామి (45) దుర్మరణం చెందిన ఘటన ఉద్రిక్తతకు దారితీసింది. ఇసుక లోడుతో వెళ్తున్న లారీ బీరాసాగర్‌ వద్ద మంగళవారం ఉదయం ఢీకొనడంతో స్వామి అక్కడికక్కడే మృతి చెందాడు. అయితే, మార్చురీలో ఉన్న స్వామి మృతదేహాన్ని చూపించాలని, బాధిత కుటుంబానికి న్యాయం చేయాలని కుటుంబ సభ్యులు, బంధువులు ప్రధాన రహదారిపై ధర్నాకు దిగారు. ఈ నిరసనకు మంథని మాజీ ఎమ్మెల్యే పుట్ట మధు సంఘీభావం తెలిపి ధర్నాలో పాల్గొన్నారు. బాధిత కుటుంబానికి న్యాయం చేయాలని అధికారులతో మాట్లాడారు. బుధవారం మధ్యాహ్నం వరకు స్థానికులు, కుటుంబ సభ్యులు అధికారులతో చర్చలు జరిపారు. చివరకు బాధిత కుటుంబాన్ని ఆదుకుంటామని టీజీఎండీసీ, లారీ యజమాని, ఇసుక రీచ్‌ కాంట్రాక్టర్లు స్పష్టమైన హామీ ఇవ్వడంతో సుమారు 24 గంటల తర్వాత నిరసన విరమించారు. అనంతరం, మృతదేహానికి పోస్టుమార్టం నిర్వహించి కుటుంబ సభ్యులకు అప్పగించారు. కాగా, మృతుడి భార్య స్వరూప, కుమార్తెలు సాయిశ్రీ, శ్రావణి రోదనలతో ఆస్పత్రి ప్రాంగణం శోకసంద్రంలో మునిగింది. ఎలాంటి అవాంఛనీయ ఘటనలు జరగకుండా పోలీసులు భారీ బందోబస్తు ఏర్పాటు చేశారు. పరిస్థితిని డీఎస్పీ సూర్యనారాయణ, సీఐ వెంకటేశ్వర్లు, ఎస్సైలు సాంబమూర్తి, శశాంక్‌ పర్యవేక్షించారు. కాగా, బాధిత కుటుంబాన్ని బీజేపీ రాష్ట్ర నాయకుడు చల్లా నారాయణరెడ్డి, మండల పార్టీ అధ్యక్షుడు మనోజ్‌ బుధవారం పరామర్శించారు. లారీ ఢీకొని దుర్మరణం చెందిన పోత స్వామి మృతదేహం మార్చురీలోనే.. ఆస్పత్రి వద్దనే కుటుంబ సభ్యుల నిరీక్షణ ఎట్టకేలకు అధికారుల జోక్యంతో నిరసన విరమణ మృతదేహానికి పోస్టుమార్టం నిర్వహించి కుటుంబ సభ్యులకు అప్పగింత

విద్యా ప్రమాణాలను పెంపొందించాలి మల్హర్‌(కాటారం): ప్రభుత్వ పాఠశాలల్లో విద్యా ప్రమాణాలను మరింత మెరుగుపరిచి, ప్రతీ విద్యార్థికి నాణ్యమైన విద్య అందించేందుకు ఉపాధ్యాయులందరూ సమష్టిగా కృషి చేయాలని జిల్లా అకడమిక్‌ ప్యానెల్‌ ఇన్‌స్పెక్షన్‌ టీం సభ్యుడు అనపర్తి తిరుపతి పిలుపునిచ్చారు. మండలంలోని చింతకాని కాంప్లెక్స్‌ ప్రధానోపాధ్యాయురాలు ఎస్‌.శైలజ అధ్యక్షతన కాంప్లెక్స్‌ స్థాయి ఉపాధ్యాయుల సమావేశాన్ని బుధవారం నిర్వహించారు. ఈ సందర్భంగా తిరుపతి హాజరై విద్యాపరమైన సూచనలు చేశారు. ప్రాథమిక స్థాయిలో విద్యార్థులకు చదవడం, రాయడం, గణితంలో నైపుణ్యాలు పెంపొందించాలని, ఎఫ్‌ఎల్‌ఎన్‌ కార్యక్రమాన్ని ప్రతీ పాఠశాలలో సమర్థవంతంగా అమలు చేయాలని సూచించారు. బోధనలో వినూత్న పద్ధతులు, టీఎల్‌ఎం వినియోగం, విద్యార్థుల భాగస్వామ్యంతో కూడిన అభ్యసనకు ప్రాధాన్యం ఇవ్వాలని చెప్పారు. ప్రభుత్వ పాఠశాలల బలోపేతం ఒక్కరి బాధ్యత కాదని, సమష్టి కృషితోనే సాధ్యమని వివరించారు. సమావేశంలో రిసోర్స్‌ పర్సన్స్‌ ఎన్‌.సత్యనారాయణ, వేణుగోపాల్‌, పరమేశ్వర్‌, ఉపాధ్యాయులు పాల్గొన్నారు.భూపాలపల్లి: బొగ్గు గనులు, విద్యుత్‌ ఉత్పత్తి కేంద్రాలతో పారిశ్రామికంగా ఎంతో ప్రాధాన్యం సంతరించుకున్న భూపాలపల్లి జిల్లా కేంద్రాన్ని సకల సదుపాయాలతో ముస్తాబు చేసేందుకు తలపెట్టిన భూపాలపల్లి అర్బన్‌ డెవలప్‌మెంట్‌ అథారిటీ (బుడా) ఏర్పాటు ప్రతిపాదనలు మూలనపడ్డాయి. జిల్లా కేంద్రంతో పాటు చుట్టుపక్కల ప్రాంతాలను సమగ్రంగా అభివృద్ధి చేయాలనే సంకల్పంతో ప్రభుత్వం 2024 సెప్టెంబర్‌లో బుడా ఏర్పాటుకు హడావుడి చేసినప్పటికీ, ఇప్పటివరకు ఆచరణలో ఒక్క అడుగు కూడా ముందుకు పడకపోవడంపై స్థానికుల్లో తీవ్ర అసంతృప్తి వ్యక్తమవుతోంది. కాగితాలకే పరిమితమైన మ్యాప్‌లు.. జిల్లా కేంద్రంలోని అంబేడ్కర్‌ చౌరస్తాను ప్రామాణికంగా తీసుకొని నాలుగు వైపులా 15 కిలోమీటర్ల పరిధిని బుడా కిందికి తీసుకురావాలని అధికారులు భావించారు. ఈ మేరకు భూపాలపల్లి మున్సిపాలిటీతో పాటు మల్హర్‌, గణపురం, కాటారం మండలాల్లోని బస్వాపూర్‌, రాంపూర్‌, గొర్లవీడు, పెద్దాపూర్‌, కొత్తపల్లి, ఆన్‌సాన్‌పల్లి, చెల్పూరు, గాంధీనగర్‌ క్రాస్‌రోడ్డు వరకు గ్రామాలను ఇందులో విలీనం చేసి మాస్టర్‌ ప్లాన్‌ రూపకల్పనకు మున్సిపల్‌ అధికారులు అంతా సిద్ధం చేశారు. సర్వేలు, మ్యాప్‌ల రూపకల్పన, గెజిట్‌ నోటిఫికేషన్‌, ప్రజాభిప్రాయ సేకరణ అంటూ అప్పట్లో హడావుడి చేసి ఆ తర్వాత ఆ ప్రక్రియను పూర్తిగా పక్కన పడేశారు. బుడా ఏర్పడితే మరిన్ని నిధులు బుడా ఏర్పడితే రాబోయే 25 ఏళ్ల అవసరాలకు అనుగుణంగా మాస్టర్‌ ప్లాన్‌ తయారు చేసి కేంద్ర, రాష్ట్ర ప్రభుత్వాల నుంచి ప్రత్యేక నిధులు రాబట్టుకునే అవకాశం ఉంది. ప్రధాన జంక్షన్ల విస్తరణ, రిక్రియేషన్‌ పార్కులు, కమర్షియల్‌ కాంప్లెక్స్‌లు, ప్రాంతీయ భౌగోళిక పరిస్థితులకు అనుగుణంగా టూరిజం ప్రాజెక్టులు అందుబాటులోకి వస్తాయి. ప్రస్తుతం మున్సిపాలిటీలో జీ ప్లస్‌ –2 వరకే అనుమతులు లభిస్తుండగా, అంతకంటే ఎక్కువ అంతస్తుల నిర్మాణానికి వరంగల్‌ కుడా (కాకతీయ అర్బన్‌ డెవలప్‌మెంట్‌ అథారిటీ) చుట్టూ తిరగాల్సి వస్తోంది. బుడా అందుబాటులోకి వస్తే స్థానికంగానే జీ ప్లస్‌ –5 వరకు అనుమతులు పొందే వెసులుబాటు ఉంటుంది. మారనున్న భూపాలపల్లి ముఖచిత్రం బుడా ఏర్పడితే రియల్‌ ఎస్టేట్‌ మోసాలకు చెక్‌ పెడుతూ అతి తక్కువ ధరలకే ప్రభుత్వ గుర్తింపు పొందిన ప్లాట్లు ప్రజలకు అందుతాయి. రెండేళ్ల క్రితం ప్రచారంలోకి వచ్చిన ఈ ప్రతిపాదనలు నేటికీ ఆచరణకు నోచుకోకపోవడంతో కోల్‌బెల్ట్‌ ప్రాంత సమగ్ర అభివృద్ధికి అడుగడుగునా ఆటంకాలు ఎదురవుతున్నాయి. ఇప్పటికై నా రాష్ట్ర ప్రభుత్వం స్పందించి, భూపాలపల్లి జిల్లా కేంద్రంగా బుడా ఏర్పాటు ప్రక్రియను వేగవంతం చేయాలని, ప్రత్యేక నిధులు కేటాయించి ఈ ప్రాంత ముఖచిత్రాన్ని మార్చాలని, అభివృద్ధి పథంలోకి తీసుకెళ్లాలని ప్రజలు కోరుతున్నాయి.భూపాలపల్లి పట్టణ వ్యూ రెండేళ్లుగా భూపాలపల్లి అర్బన్‌ డెవలప్‌మెంట్‌ అథారిటీ ఏర్పాటులో జాప్యం 15 కిలోమీటర్ల పరిధితో మాస్టర్‌ ప్లాన్‌ గెజిట్‌ ప్రకటన కాగితాలకే పరిమితం నిలిచిపోయిన ప్రతిపాదనలు

భూపాలపల్లి అర్బన్‌: సింగరేణి వర్క్‌పీపుల్స్‌ అండ్‌ గేమ్స్‌ అసోసియేషన్‌ ఆధ్వర్యంలో ఏరియాలోని కృష్ణకాలనీ కమ్యూనిటీహాల్‌లో రీజినల్‌ స్థాయి కల్చరల్‌ మీట్‌ ఘనంగా నిర్వహించారు. ఈ కార్యక్రమానికి ముఖ్య అతిథిగా హాజరైన భూపాలపల్లి స్పోర్ట్స్‌ అండ్‌ కల్చరల్‌ కార్యక్రమాల గౌరవ కార్యదర్శి మర్రి సాయికృష్ణ పూలమాల వేసి ప్రారంభించారు. ఈ సందర్భంగా ఆయన మాట్లాడుతూ.. విధి నిర్వహణలో నిత్యం బిజీగా ఉండే ఉద్యోగులకు సాంస్కృతిక కార్యక్రమాలు మానసికోల్లాసాన్ని, నూతన ఉత్సాహాన్ని అందిస్తాయన్నారు. కొత్తగా ఉద్యోగాల్లో చేరిన యువతతోపాటు మహిళా ఉద్యోగులు కూడా తమలోని కళా ప్రతిభను చాటుతూ ఇలాంటి కార్యక్రమాల్లో పెద్ద సంఖ్యలో పాల్గొనాలని పిలుపునిచ్చారు. కల్చరల్‌ మీట్‌లో జానపద, లలిత గీతాలు, గజల్స్‌, కర్ణాటక సంగీతం, వీణ, గిటార్‌, సింథసైజర్‌, వయోలిన్‌, క్లారినెట్‌, బాంజో, హార్మోనియం వంటి సంగీత విభాగాలతోపాటు కూచిపూడి, భరతనాట్యం, జానపద నృత్యం, ఆర్కెస్ట్రా విభాగాల్లో కళాకారులు తమ ప్రతిభను ప్రదర్శించారు. వారి ప్రదర్శనలు సభికులను ఆకట్టుకున్నాయి. ఈ పోటీల్లో ప్రతిభ కనబరిచిన కళాకారులు తదుపరి కంపెనీ స్థాయి పోటీలకు అర్హత సాధించనున్నారు. ఈ కార్యక్రమంలో కల్చరల్‌ న్యాయ నిర్ణేత కుంట రాజు, స్పోర్ట్స్‌ సూపర్‌వైజర్‌ పర్స శ్రీనివాస్‌, భూపాలపల్లి స్పోర్ట్స్‌ కోఆర్డినేటర్‌ నాగేశ్వరరావు, కల్చరల్‌ కెప్టెన్‌ అడిచర్ల శ్రీనివాస్‌, క్లబ్‌ సెక్రటరీ కాపు చంద్రశేఖర్‌, ఆర్జీ–3 స్పోర్ట్స్‌ కోఆర్డినేటర్‌ సదానందం, కల్చరల్‌ కెప్టెన్‌ నారాయణ పాల్గొన్నారు.

చిట్యాల: తెలంగాణ రైతు సంఘం జిల్లా అధ్యక్షుడిగా కాటారం మండలం శంకరంపల్లి గ్రామానికి చెందిన గుమ్మడి తిరుపతి, జిల్లా ప్రధాన కార్యదర్శిగా చింతల రజనీకాంత్‌ ఎన్నికయ్యారు. సంఘం జిల్లా మూడవ మహాసభ శాంతినగర్‌లో మంగళవారం జరిగింది. ఈ సందర్భంగా జిల్లా కమిటీని ఏకగ్రీవంగా ఎన్నుకున్నారు. జిల్లా ఉపాధ్యక్షులుగా దామెర రమేశ్‌ పోలం రాజేందర్‌, జిల్లా సహాయ కార్యదర్శులుగా రాదారపు మల్లయ్య, సాదు రవి, సోషల్‌ మీడియా బాధ్యులుగా తడగొండ రమేశ్‌, జిల్లా కమిటీ సభ్యులుగా రామచందర్‌, బాసాని పైడి, అనంత లక్ష్మి, దుర్గం రాజేశ్‌లను ఎన్నుకున్నారు. జాతీయస్థాయి పోటీలకు శ్రీధర్‌ ఎంపిక చిట్యాల: జాతీయస్థాయి అథ్లెటిక్స్‌ పోటీలకు మండలకేంద్రంలోని ఉన్నత పాఠశాల విద్యార్థి బానోతు శ్రీధర్‌ ఎంపికయ్యాడని మండల విద్యాధికారి కోడెపాక రఘుపతి తెలిపారు. ఈ సందర్భంగా ఎంఈఓ మాట్లాడుతూ 9వ తరగతి విద్యార్థి బానోతు శ్రీధర్‌ జాతీయస్థాయిలో రాణించాలని ఆకాంక్షించారు. ఈ నెల 12నుంచి 14వరకు హైదరాబాద్‌లో జరిగే జాతీయస్థాయి అథ్లెటిక్స్‌ పోటీలలో పాల్గొంటాడని తెలిపారు. ఈ కార్యక్రమంలో ఇన్‌చార్జ్‌ ప్రధానోపాధ్యాయుడు శ్రీరామ్‌ రఘుపతి, ఉపాధ్యాయులు పాల్గొన్నారు. పనుల పరిశీలన మొగుళ్లపల్లి: వీబీజీరామ్‌ జీ పథకం కింద మండలంలోని ముల్కలపల్లి, ఇస్సిపేట గ్రామాల్లో జరుగుతున్న ఫీడర్‌ కాలువ పూడికతీత పనులను డీఆర్‌డీఓ బాలకృష్ణ మంగళవారం పరిశీలించారు. అనంతరం కూలీలతో మాట్లాడారు. భూగర్భ జలాలను పెంచే విధంగా జలసిరి కార్యక్రమంలో పనులను గుర్తించాలన్నారు. కూలీలకు 125 పనిదినాలను కల్పించాలని సూచించారు. అనంతరం మండల పరిషత్‌ కార్యాలయంలో పంచాయతీ కార్యదర్శులు, ఫీల్డ్‌ అసిస్టెంట్స్‌తో సమీక్ష సమావేశం నిర్వహించారు. ఈ కార్యక్రమంలో ఎంపీడీఓ సురేందర్‌ ఆయా గ్రామాల సర్పంచ్‌లు యార ముకుందరెడ్డి, గాదం శ్రీవాణి, ఏపీఓ మాధవి తదితరులు పాల్గొన్నారు. యువతకు ఉచిత శిక్షణ భూపాలపల్లి అర్బన్‌: డిగ్రీ పూర్తి చేసిన నిరుద్యోగ యువతకు ఉచిత శిక్షణ అందించి ప్రైవేట్‌ రంగంలో ఉద్యోగ అవకాశాలు కల్పించనున్నట్లు తెలంగాణ అకాడమీ ఫర్‌ స్కిల్‌ అండ్‌ నాలెడ్జ్‌ (టాస్క్‌) రీజినల్‌ సెంటర్‌ కోఆర్డినేటర్‌ నగేష్‌ మంగళవారం ఒక ప్రకటనలో పేర్కొన్నారు. ఇన్ఫోసిస్‌ సహకారంతో లెర్నెట్‌ స్కిల్స్‌, టాస్క్‌ సంయుక్తంగా నిర్వహించే శిక్షణ తరగతులు 5వ తేదీ నుంచి భూపాలపల్లిలోని టాస్క్‌ కేంద్రంలో ప్రారంభం కానున్నట్లు పేర్కొన్నారు. 18నుంచి 28 ఏళ్లలోపు డిగ్రీ పూర్తి చేసిన యువతీ యువకులు ఈ శిక్షణకు అర్హులని తెలిపారు. రోజుకు 4గంటల నుంచి 5 గంటల చొప్పున మొత్తం 90 గంటల పాటు శిక్షణ అందించనున్నట్లు వెల్లడించారు. శిక్షణ సమయంలో అవసరమైన మెటీరియల్‌ ఉచితంగా అందించడంతో పాటు, శిక్షణ పూర్తిచేసిన వారికి ఇన్ఫోసిస్‌ సర్టిఫికెట్‌ అందజేస్తామని తెలిపారు. ఆసక్తి గల అభ్యర్థులు 80740 31962 నంబర్‌కు ఫోన్‌ చేసి పేర్లు నమోదు చేసుకోవాలని సూచించారు. ఐసా రాష్ట్ర గర్ల్స్‌ కన్వీనర్‌గా స్వాతి భూపాలపల్లి అర్బన్‌: ఆల్‌ ఇండియా స్టూడెంట్స్‌ అసోసియేషన్‌ (ఐసా) రాష్ట్ర గర్ల్స్‌ కన్వీనర్‌గా బుర్ర స్వాతిని నియమించినట్లు ఐసా జాతీయ కమిటీ సభ్యురాలు వేమన మంగళవారం ఒక ప్రకటనలో పేర్కొన్నారు. ఉస్మానియా యూనివర్సిటీ ఆర్ట్స్‌ కళాశాల సెమినార్‌ హాల్‌లో నిర్వహించిన రాష్ట్ర వర్క్‌షాప్‌లో గణపురం మండలానికి చెందిన బుర్ర స్వాతికి కన్వీనర్‌ బాధ్యతలు అప్పగించారు. విద్యార్థినులను ఐక్యం చేస్తూ విద్య, వైద్యం, సమానత్వం, సామాజిక న్యాయం కోసం కృషి చేస్తానని స్వాతి తెలిపారు.

భూపాలపల్లి అర్బన్‌: సింగరేణి బొగ్గు గనుల్లో పనిచేస్తూ అనివార్య పరిస్థితులు, వ్యక్తిగత సమస్యలు, అనారోగ్య కారణాలు, ఇతర ఇబ్బందులతో విధులకు దూరమై చివరకు ఉద్యోగాలు కోల్పోయిన కార్మికులకు తిరిగి ఉపాధి పొందే అవకాశం లభించింది. గైర్హాజరు కారణంగా డిస్మిస్‌ అయిన మాజీ ఉద్యోగుల కేసులను పునఃపరిశీలించాలని సింగరేణి యాజమాన్యం నిర్ణయం తీసుకుంది. సింగరేణి వ్యాప్తంగా 250 మంది ఉండగా భూపాలపల్లి ఏరియాలోని 50కిపై డిస్మిస్‌ కార్మికులు అయ్యారు. దీంతో వారి కుటుంబాల్లో కొత్త ఆశలు మొదలయ్యాయి. ఉద్యోగం కోల్పోయిన నాటి నుంచి ఆర్థిక ఇబ్బందులు, కుటుంబ పోషణ భారంతో సతమతమైన బాధితులకు ఈ నిర్ణయం కొంత ఊరటనిచ్చే పరిణామంగా మారింది. కార్మిక సంఘాల నిరంతర పోరాటం గైర్హాజరు కారణంగా డిస్మిస్‌ అయిన కార్మికులకు మరో అవకాశం కల్పించాలని గుర్తింపు, ప్రాతినిథ్య సంఘాలైన ఏఐటీయూసీ, ఐఎన్‌టీయూసీ, ఇతర కార్మిక సంఘాలు గతంలో పలుమార్లు యాజమాన్యం దృష్టికి తీసుకెళ్లాయి. ఒక్కసారిగా ఉద్యోగం కోల్పోయిన కార్మికుల కుటుంబాల పరిస్థితిని వివరించడంతో పాటు, వారి కేసులను మానవతా దృక్పథంతో పరిశీలించాలని డిమాండ్‌ చేశాయి. బాధిత కార్మికులకు న్యాయం చేయాలని వినతిపత్రాలు, చర్చలు, ఇతర రూపాల్లో తమ డిమాండ్‌ను వినిపించాయి. గైర్హాజరుకు దారితీసిన పరిస్థితులను పరిగణనలోకి తీసుకుని, అర్హులైన వారికి పునర్నియామక అవకాశం కల్పించాలని కోరుతూ కార్మిక సంఘాలు చేసిన ప్రయత్నాలు ఈ అంశాన్ని మరోసారి చర్చకు తీసుకొచ్చాయి. ఎదురుచూపులకు తెరపడేనా? సింగరేణి యాజమాన్యం తాజా నిర్ణయంతో ఉద్యోగాలు కోల్పోయిన కార్మికుల్లో ఆశలు చిగురిస్తున్నాయి. దరఖాస్తు చేసుకున్న ప్రతి ఒక్కరికీ ఉద్యోగం లభిస్తుందా? గతంలో ఎదుర్కొన్న పరిస్థితులను పరిగణనలోకి తీసుకుంటారా? అనే ప్రశ్నలు బాధిత కుటుంబాల్లో వ్యక్తమవుతున్నాయి. అర్హతల పరిశీలనలో పారదర్శకత పాటిస్తూ, నిజంగా ఉపాధి అవసరమైన కార్మికులకు న్యాయం చేయాలని వారు కోరుతున్నారు. ఆ సమావేశంలో ప్రస్తావన.. ఇటీవల ఉప ముఖ్యమంత్రి భట్టి విక్రమార్క కోల్‌బెల్ట్‌ ప్రాంత ఎమ్మెల్యేలు, మంత్రులతో నిర్వహించిన సమావేశంలో డిస్మిస్‌ ఉద్యోగుల సమస్య ప్రస్తావనకు వచ్చింది. ఉద్యోగాలు కోల్పోయిన వారికి మరో అవకాశం కల్పించాలని పలువురు ప్రజాప్రతినిధులు కోరారు. దీనిపై సానుకూలంగా స్పందించిన ఉప ముఖ్యమంత్రి ఈ అంశాన్ని పరిశీలించాలని సింగరేణి యాజమాన్యాన్ని ఆదేశించారు. దీంతో యాజమాన్యం పునర్నియామకానికి హైపవర్‌ కమిటీని ఏర్పాటు చేస్తూ మంగళవారం ఉత్తర్వులు జారీ చేసింది. డిస్మిస్‌ కార్మికుల సమస్యపై హైపవర్‌ కమిటీ ఏర్పాటు ఉప ముఖ్యమంత్రి ఆదేశాలతో కదలిక సింగరేణి వ్యాప్తంగా 250 మంది ఫలించిన కార్మిక సంఘాల సుదీర్ఘ పోరాటం

భూపాలపల్లి అర్బన్‌: వ్యవసాయ అవసరాల కోసం వినియోగించాల్సిన ట్రాక్టర్లను వాణిజ్య రవాణాకు ఉపయోగిస్తున్న వారిపై రవాణాశాఖ అధికారులు చర్యలు చేపట్టారు. నిబంధనలకు విరుద్ధంగా మట్టి తరలిస్తున్న మూడు ట్రాక్టర్లను సీజ్‌ చేసి కేసులు నమోదు చేసినట్లు జిల్లా రవాణాశాఖ అధికారి శ్రీనివాస్‌ తెలిపారు. జిల్లా కేంద్రంలో మంజూర్‌నగర్‌, బాంబులగడ్డ ప్రాంతాల్లో మంగళవారం అధికారులు తనిఖీలు నిర్వహించారు. ఈ సందర్భంగా వ్యవసాయ అవసరాల కోసం రిజిస్ట్రేషన్‌ చేసుకున్న ట్రాక్టర్లను వాణిజ్య అవసరాలకు వినియోగిస్తూ మట్టి రవాణా చేస్తున్నట్లు గుర్తించారు. దీంతో మూడు ట్రాక్టర్లను స్వాధీనం చేసుకుని కేసులు నమోదు చేశారు. ఈ తనిఖీల్లో అసిస్టెంట్‌ మోటార్‌ వెహికల్‌ ఇన్‌స్పెక్టర్లు ఫహిమ సుల్తానా, శ్రీనివాస్‌ పాల్గొన్నారు. వ్యవసాయ ట్రాక్టర్లను వాణిజ్య రవాణాకు ఉపయోగించడం నిబంధనలకు విరుద్ధమన్నారు. నిబంధనలు ఉల్లంఘించే వాహనాలపై తనిఖీలు కొనసాగించి కఠిన చర్యలు తీసుకుంటామని హెచ్చరించారు.

భూపాలపల్లి రూరల్‌: వానాకాలం సీజన్‌లో జిల్లాలో వరి పంట కోతలు ప్రారంభమయ్యాయి. ఈ క్రమంలో ధాన్యాన్ని కొనుగోలు చేసేందుకు అవసరమైన కసరత్తును అధికారులు కొద్దిరోజుల క్రితమే ఆరంభించారు. ఐకేపీ, మెప్మా, పీఏసీఎస్‌ల ఆధ్వర్యంలో 170 కొనుగోలు కేంద్రాలు ఏర్పాటు చేయనుండగా.. ఆయా శాఖల అధికారులతో కలెక్టర్‌ ఇప్పటికే కేంద్రాల నిర్వహణ, తీసుకోవాల్సిన చర్యలపై దిశానిర్దేశం చేశారు. వారం రోజుల్లో కేంద్రాలు ప్రారంభం కానున్నాయి. కోతలు ప్రారంభం.. జిల్లాలో కొన్ని చోట్ల కోతలు ప్రారంభమయ్యాయి. ఈ ఏడాది ఎల్‌నినో ప్రభావం, వర్షాభావం పరిస్థితి దిగుబడిపై పడే ప్రమాదం ఉంది. ఎకరాకు 25 నుంచి 30 క్వింటాళ్లు దిగుబడి రావాల్సి ఉండగా. 18 నుంచి 20 క్వింటాళ్లు మాత్రమే వచ్చే పరిస్థితి నెలకొంది. మొత్తంగా జిల్లాలో 1.42 లక్షల మెట్రిక్‌ టన్నుల ధాన్యం దిగుబడి వచ్చే అవకాశం ఉందని అధికారులు అంచనా వేస్తున్నారు. మరో వారం రోజుల్లో కోతల ఊపందుకోనున్నాయి, ఆర్‌ఎన్‌ఆర్‌, బీపీటీ, కేఎన్‌ఎం 1638, తెలంగాణ సోన తదితర ఏడు సన్న రకాలను మాత్రమే వేయాలని, వీటినే కొనుగోలు చేస్తామని ప్రభుత్వం ప్రకటించింది. ఈ ఏడాది మద్దతు ధర ఏ గ్రేడ్‌ రకానికి క్వింటాకు రూ.2,461 ఉంది. దీనికితోడు రూ.500 బోనస్‌ ఇవ్వనున్నారు. గ్రామీణ ప్రాంతాల్లో ఐకేపీ, పీఏసీఎస్‌,, పట్టణ ప్రాంతాల్లో మెప్మా ఆధ్వర్యంలో కొనుగోలు కేంద్రాలు ఏర్పాటు చేయనున్నారు. కేంద్రాల్లో అన్ని వసతులు ఏర్పాటు చేసి, ప్రారంభించాలని అధికారులను కలెక్టర్‌ ఆదేశించారు ఇప్పటికే కేంద్రాల సిబ్బందికి శిక్షణ పూర్తిచేసి, తేమ మిషన్‌, ఇతర సామగ్రి, రికార్డులు అందించారు. ప్రైవేట్‌లోనే అధిక ధర.. బహిరంగ మార్కెట్‌లో బియ్యం ధరలు రోజురోజుకూ పెరుగుతున్నాయి. ప్రస్తుతం పాత బియ్యం క్వింటా రూ.8వేలపైనే పలుకుతున్నాయి. ఈ లెక్కన వడ్లకు బాగా డిమాండ్‌ ఉన్నట్లు తెలుస్తుంది. కోతలు ఆరంభమైన కొన్ని జిల్లాల్లో వడ్లను క్వింటాకు రూ.3.700 నుంచి రూ.4వేల వరకు ప్రైవేట్‌ రైస్‌ మిల్లర్లు కొనుగోలు చేస్తున్నారు. ఇవన్నీ పరిశీలిస్తే ఇక్కడ కూడా అదే పరిస్థితులు వచ్చే అవకాశం ఉంది. ఇదే జరిగితే ప్రభుత్వ మద్దతు ధర, బోనస్‌ కన్నా ప్రైవేట్‌లో విక్రయిస్తే ఎక్కువ డబ్బు వస్తుంది. కాబట్టి రైతులు కొనుగోలు కేంద్రాల్లో విక్రయించే అవకాశాలు చాలా తక్కువగా ఉన్నాయి. జిల్లా వివరాలు.వరిపంట సాగు 1,00,149 ఎకరాలు కొనుగోలు కేంద్రాలు 170సేకరణ లక్ష్యం 1,05,400 మెట్రిక్‌ టన్నులు మద్దతు ధర రూ. 2461 జిల్లాలో మొదలైన వరికోతలు త్వరలో ధాన్యం కొనుగోలు కేంద్రాలు ప్రారంభం రైతులకు ఇబ్బందులు కలగకుండా చర్యలకు ఆదేశం

రోడ్డుపై ఆందోళన చేస్తున్న మృతుడి కుటుంబ సభ్యులు, బంధువులుకాళేశ్వరం: చేనుకాడికి పోయస్త బిడ్డ...అంటూ బైక్‌పై వెళ్లిన తండ్రి ఇసుక లారీ కిందపడి దుర్మరణం చెందిన ఘటన మహదేవపూర్‌ మండలం మెట్‌పల్లి పంచాయతీలోని బీరాసాగర్‌ వద్ద మంగళవారం చోటుచేసుకుంది. డాడీ.. ఒక్కసారి రావా.. ఎప్పుడొస్తావే! అంటూ ఇద్దరు కుమార్తెలు మృతదేహాన్ని చూపించాలని చేసిన రోదనలు అక్కడున్న వారిని కలచివేశాయి. మహదేవపూర్‌ మండల కేంద్రానికి చెందిన పోత స్వామి(45) మంచిర్యాల జిల్లా కోటపల్లి మండలం లక్ష్మీపూర్‌లో తన అత్తగారి ఊరిలో మూడెకరాల్లో పత్తి సాగుచేశాడు. పత్తి చేనుకు పోయి వస్తానని ఇంట్లో చెప్పి మంగళవారం బైక్‌పై వెళ్లాడు. బీరాసాగర్‌ గ్రామం వద్ద క్వారీ నుంచి ఇసుక లోడ్‌తో వస్తున్న లారీ కాళేశ్వరం వెళ్తుండగా.. స్వామి కూడా అదే దారిలో వెళ్తున్నాడు. ఈ క్రమంలో స్వామిని లారీ ఢీకొట్టడంతో వెనుక టైరు కింద పడి అక్కడికక్కడే మృతిచెందాడు. దీంతో కాళేశ్వరం ఎస్సై సురేష్‌ కుటుంబసభ్యులకు సమాచారం ఇచ్చి మృతదేహాన్ని మహదేవపూర్‌ ఆస్పత్రికి తరలించారు. తాము రాకముందే మృతదేహాన్ని ఎందుకు తరలించారని మృతుడి భార్య స్వరూప, కుమార్తెలు సాయిశ్రీ, శ్రావణి, కుటుంబ సభ్యులు, బంధువులు పోలీసులతో వాగ్వాదానికి దిగారు. ఒకానొక సందర్భంలో ఎస్సైపై మహిళలు దాడి చేయడానికి యత్నించారు. దీంతో ఎస్సైని ఘటనా స్థలం నుంచి తరలించారు. ఐదు గంటలపాటు బైఠాయింపు.. సాయంత్రం 4గంటల నుంచి రాత్రి వరకు మహదేవపూర్‌ ప్రధాన రహదారిపై బైఠాయించారు. రూ.50లక్షలు పరిహారం ఇవ్వాలని డిమాండ్‌ చేశారు. ఎంతకీ రోడ్డుపై నుంచి కదలకపోవడంతో కాటారం డీఎస్పీ సూర్యనారాయణ, ఎస్సైలు సాంబమూర్తి, శ్రీనివాస్‌, శశాంక్‌, మహేందర్‌ నచ్చజెప్పారు. సుమారు ఐదు గంటల పాటు రోడ్డుపై నుంచి కదలలేదు. ఇరువైపులా లారీలు, ఆర్టీసీ బస్సులు, ప్రైవేట్‌ వాహనాలు నిలిచిపోయి రాకపోకలు స్తంభించాయి. ఆస్పత్రి వద్ద కుటుంబ సభ్యులకు, బంధువులకు మృతదేహాన్ని చూపించలేదు. మాజీ ఎమ్మెల్యే పుట్ట మధు మంగళవారం రాత్రి మహదేవపూర్‌కు చేరుకొని బాధితులను పరామర్శించారు. టీజీఎండీసీ పీఓ రవీందర్‌తో మాట్లాడారు. రూ.5లక్షల పరిహారం ఇప్పిస్తానని చెప్పడంతో బీఆర్‌ఎస్‌ ప్రభుత్వంలో రూ.30లక్షల వరకు పరిహారం ఇప్పించామని తెలిపాడు. అనంతరం ఆస్పత్రికి చేరుకొని రాత్రి 9.30గంటలకు మృతదేహాన్ని కుటుంబసభ్యులతో కలిసి పరిశీలించారు. బాధిత కుటుంబ సభ్యులకు వెంటనే న్యాయం చేసి పరిహారం ఇవ్వాలన్నారు. బీరాసాగర్‌ వద్ద ఇసుక లారీ ఢీకొని వ్యక్తి మృతి మిన్నంటిన భార్య, కుమార్తెల రోదనలు కుటుంబ సభ్యులు రాకముందే మృతదేహాన్ని తరలించిన పోలీసులు ఎందుకు తరలించారంటూ పోలీసులతో వాగ్వాదం సుమారు ఐదు గంటలపాటు జాతీయ రహదారిపై ధర్నా బాధిత కుటుంబాన్ని పరామర్శించిన మాజీ ఎమ్మెల్యే పుట్ట మధు

భూపాలపల్లి: రోడ్డు ప్రమాదాల్లో గాయపడిన బాధితులకు సత్వర వైద్యచికిత్స అందించి విలువైన ప్రాణాలను కాపాడేందుకు కేంద్ర ప్రభుత్వం ప్రవేశపెట్టిన ‘పీఎం రహత్‌’, ‘రహవీర్‌’ పథకాలపై ప్రజలు అవగాహన కలిగి ఉండాలని ఎస్పీ సిరిశెట్టి సంకీర్త్‌ సూచించారు. మంగళవారం జిల్లా పోలీస్‌ కార్యాలయం విడుదల చేసిన ప్రకటనలో ఎస్పీ వివరాలను వెల్లడించారు. ప్రధానమంత్రి రహత్‌ పథకం కింద రోడ్డు ప్రమాద బాధితులకు గరిష్టంగా రూ.1.50 లక్షల వరకు ఏడు రోజుల పాటు నగదు రహిత (క్యాష్‌ లెస్‌) వైద్య చికిత్స అందించనున్నట్లు తెలిపారు. జిల్లాలోని గుర్తింపు పొందిన ఆస్పత్రులు కిరణ్‌ ఆస్పత్రి (భూపాలపల్లి), యోధా ఆస్పత్రి, 100 పడకల ప్రభుత్వ ఆస్పత్రి (భూపాలపల్లి), మహదేవపూర్‌ ప్రభుత్వ ఆస్పత్రి, చిట్యాల ప్రభుత్వ ఆస్పత్రిలో ఈ ఉచిత సేవలు అందుబాటులో ఉంటాయని వివరించారు. రోడ్డు ప్రమాదం జరిగిన మొదటి గంటలోనే (గోల్డెన్‌ అవర్‌) బాధితులను ఆస్పత్రికి తరలించి ప్రాణాలు కాపాడిన వారికి ‘రహవీర్‌’ పథకం ద్వారా ఒక ఘటనకు రూ.25,000 నగదు ప్రోత్సాహకం అందజేస్తారన్నారు. దేశవ్యాప్తంగా ప్రతిఏటా అత్యుత్తమ సేవలు అందించిన 10మందికి ఒక్కొక్కరికి రూ.లక్ష చొప్పున జాతీయ స్థాయి అవార్డులు ప్రదానం చేస్తారన్నారు. అత్యవసర సహాయానికి రోడ్డు ప్రమాదం జరిగిన వెంటనే 112 నంబర్‌కు సమాచారం అందించాలని, క్షతగాత్రులను సమీప ఆస్పత్రికి తరలించేందుకు సహకరించాలని కోరారు. ప్రమాద బాధితులను చూసి నిర్లక్ష్యం చేయకుండా మానవతా దృక్పథంతో స్పందించి, సకాలంలో వైద్య సహాయం అందించి ప్రాణాలను కాపాడేందుకు ప్రతీ ఒక్కరు ముందుకు రావాలని ఎస్పీ పిలుపునిచ్చారు. వినూత్న కోడింగ్‌ భాషలకు ఎస్పీ ప్రశంసలు కాళేశ్వరం: గ్రామీణ ప్రాంత విద్యార్థులు సైతం సాంకేతిక రంగంలో అద్భుతాలు సృష్టించగలరని మహదేవపూర్‌ జిల్లా పరిషత్‌ బాలికల ఉన్నత పాఠశాల విద్యార్థినులు నిరూపించారు. దేశ రక్షణ రంగానికి ఉపయోగపడే వినూత్న కోడింగ్‌ భాషలను అభివృద్ధి చేసిన విద్యార్థులను, వారికి మార్గదర్శకత్వం వహించిన ఉపాధ్యాయుడు డాక్టర్‌ మడక మధును ఎస్పీ సిరిశెట్టి సంకీర్త్‌ ప్రత్యేకంగా మంగళవారం అభినందించారు. పాఠశాల హెచ్‌ఎం శ్రీనివాస్‌రెడ్డి ఆధ్వర్యంలో డాక్టర్‌ మడక మధు, విద్యార్థులు ఎస్పీని మర్యాదపూర్వకంగా కలిసి తమ ఆవిష్కరణలను ప్రదర్శించారు. వెలగందుల తన్మయి, మాడిగ స్నిగ్ధ కనుబొమ్మల కదలికల ఆధారంగా పనిచేసే ఐబ్రో కోడింగ్‌ విధానాన్ని ఎస్పీకి వివరించారు. మేరుగు దినేష్‌, పెద్ది చైతన్‌ ‘మధుస్‌ కోడింగ్‌ లాంగ్వేజ్‌’ను ప్రదర్శించారు. వెలగందుల తరుణి, జుబియా బేగం కళ్ల కదలికల ఆధారంగా పనిచేసే ఐ కోడింగ్‌ను, కొక్కు సాయి కమల, తంజీయా ఖాతూన్‌ ముఖ కవళికల ఆధారంగా పనిచేసే ఫేస్‌ ఎక్స్‌ప్రెషన్‌ కోడింగ్‌ను ప్రదర్శించారు. విద్యార్థుల సృజనాత్మకత, సాంకేతిక ప్రతిభను ఎస్పీ ప్రత్యేకంగా ప్రశంసించారు. ఎస్పీ సిరిశెట్టి సంకీర్త్‌

భూపాలపల్లి : ప్రజల సమస్యలను త్వరితగతిన పరిష్కరించడమే లక్ష్యంగా పోలీస్‌ శాఖ పనిచేస్తోందని ఎస్పీ సిరిశెట్టి సంకీర్త్‌ తెలిపారు. సోమవారం జిల్లా పోలీస్‌ ప్రధాన కార్యాలయంలో నిర్వహించిన ప్రజాదివస్‌ కార్యక్రమంలో ప్రజల నుంచి 13 ఫిర్యాదులను స్వీకరించారు. ప్రతీ ఫిర్యాదును క్షుణ్ణంగా పరిశీలించిన ఎస్పీ సంబంధిత పోలీస్‌ స్టేషన్ల సీఐలు, ఎస్సైలతో మాట్లాడి సమస్యల పరిష్కారానికి తక్షణ చర్యలు చేపట్టాలని ఆదేశించారు. ప్రజలు పైరవీలు, మూడో వ్యక్తుల ప్రమేయం లేకుండా నేరుగా పోలీసులను సంప్రదించాలని సూచించారు. చట్టబద్ధంగా ప్రతి ఒక్కరికీ న్యాయం జరిగేలా పోలీస్‌ శాఖ కట్టుబడి ఉందన్నారు. ప్రజలకు పారదర్శకమైన సేవలు అందిస్తూ శాంతిభద్రతల పరిరక్షణకు కృషి చేస్తున్నామని ఎస్పీ పేర్కొన్నారు. ఎస్పీ సంకీర్త్‌

భూపాలపల్లి: జిల్లాలో క్యాన్సర్‌ మహమ్మారి చాప కింద నీరులా విస్తరిస్తూ వందలాది కుటుంబాలను తీవ్ర ఆందోళనకు గురిచేస్తోంది. ముఖ్యంగా మహిళల్లో రొమ్ము, గర్భాశయ క్యానర్స్‌ కేసులు గణనీయంగా పెరుగుతుండడం ఆందోళన కలిగిస్తోంది. వైద్యారోగ్య శాఖ అధికారులు నిర్వహించిన స్క్రీనింగ్‌ పరీక్షల్లో వేలాది మంది బాధితులు వెలుగులోకి వచ్చారు. కొందరు అప్పులు చేసి ప్రైవేట్‌ ఆస్పత్రుల్లో చికిత్స తీసుకుంటుండగా మరికొందరు సర్కారు వైద్యం పొందుతున్నారు. క్యాన్సర్‌ బారిన పడిన వారిలో అధిక శాతం మంది నయమై తమ పనులు తాము చేసుకుంటున్నారు. ఎక్కువ శాతం క్యాన్సర్‌ కేసులు మహిళల్లోనే నమోదవుతుండటం ఒకింత ఆందోళనకు గురిచేస్తుంది. ఎక్కువ శాతం మహిళలే.. జిల్లాలోని 12 మండలాల్లో వివిధ రకాల క్యాన్సర్‌ బారిన పడి ప్రభుత్వ, ప్రైవేట్‌ ఆస్పత్రుల్లో 396 మంది చికిత్స పొందుతున్నట్లుగా ఇటీవల నిర్వహించిన స్క్రీనింగ్‌ పరీక్షల్లో వైద్య ఆరోగ్య శాఖ అధికారులు గుర్తించారు. ఇందులో అధిక శాతం బాధితులు మహిళలే ఉండటం గమనార్హం. 106మంది మహిళలు గర్భసంచి ముఖద్వార(సర్వైకల్‌) క్యానర్‌ బారిన పడగా, 120మంది రొమ్ము క్యాన్సర్‌ బారిన పడ్డారు. జిల్లాలో క్యాన్సర్‌ కేసుల్లో మహిళలు 75 శాతం మంది, పురుషులు 25 శాతం మంది ఉన్నట్లు తెలుస్తోంది. వైద్యారోగ్యశాఖ అధికారులు నిర్వహించే స్క్రీనింగ్‌ పరీక్షలకు హాజరు కాకుండా ప్రైవేట్‌ ఆస్పత్రుల్లో చికిత్స పొందుతున్న వారు వందల సంఖ్య ఉండే అవకాశం ఉన్నట్లు తెలుస్తోంది. మొగుళ్లపల్లిలో అధికంగా కేసులు.. మొగుళ్లపల్లి మండలంలో కేసులు ఎక్కువగా ఉన్నాయి. కాటారం, అంబట్‌పల్లి పీహెచ్‌సీల పరిధిలో 16కేసులు మాత్రమే నమోదు కాగా, ఒక్క మొగుళ్లపల్లి పీహెచ్‌సీ పరిధిలోనే ఏకంగా 80 కేసులు ఉన్నాయి. ఇందులో 64మంది వైద్యసేవలు పొందుతుండగా, 16మందికి పూర్తిగా నయమైంది. అప్పులు చేసి ప్రైవేట్‌గా చికిత్స.. క్యాన్సర్‌ బారిన పడి వారు భయంతో ప్రైవేట్‌ ఆస్పత్రులను ఆశ్రయించి చికిత్స కోసం అప్పులు చేసి మరీ రూ.లక్షల్లో ఖర్చు చేస్తున్నారు. జిల్లాలోని బాధితుల్లో 297మంది ప్రైవేట్‌ ఆస్పత్రుల్లో, 99మంది ఎంఎన్‌జే, జీజీహెచ్‌లో వైద్యసేవలు పొందుతున్నట్లుగా అధికారులు వెల్లడిస్తున్నారు. క్యాన్సర్‌ వ్యాప్తి ఒక హెచ్చరిక గంట లాంటిదని, ప్రభుత్వం తక్షణమే స్పందించి మండల కేంద్రాలు, పీహెచ్‌సీల్లో ప్రత్యేక క్యాన్సర్‌ స్క్రీనింగ్‌ క్యాంపులను పెద్ద ఎత్తున నిర్వహించాల్సిన అవసరం ఉందని స్థానికులు పేర్కొంటున్నారు. మహిళలకు రొమ్ము, గర్భాశయ క్యాన్సర్లపై ముందస్తు పరీక్షలు, ప్రజల కు జీవనశైలి మార్పులు, పొగాకు నివారణపై అవగాహన కల్పించాల్సిన అవసరం ఎంతైనా ఉంది. జిల్లాలో బాధితుల వివరాలుజీజీహెచ్‌లోనూ సేవలు అందిస్తున్నాం..ప్రైవేట్‌ లేదా ప్రభుత్వ ఆస్పత్రుల్లో క్యాన్సర్‌ నిర్ధారణ జరిగిన వెంటనే పోర్టల్‌లో నమోదు చేసుకోవాలి. ఫస్ట్‌ డోస్‌ను ఎంఎన్‌జేలో తీసుకున్నాక, మిగిలిన డోస్‌లను జిల్లా ప్రధాన ఆస్పత్రిలోనే అందిస్తాం. ఇందుకోసం ప్రభుత్వం ప్రత్యేకంగా ఒక వైద్యుడిని నియమించింది. జీజీహెచ్‌లోని డే కేర్‌ క్యాన్సర్‌ సెంటర్‌లో నిత్యం సేవలు అందిస్తున్నాం. క్యాన్సర్‌పై అపోహలు వద్దు. వ్యాధి నిర్ధారణ కాగానే చికిత్స పొందితే ఇబ్బందులు ఉండవు. – డాక్టర్‌ మధుసూదన్‌, డీఎంహెచ్‌ఓ జిల్లాలో 396 మంది బాధితులు రొమ్ము, గర్భాశయ క్యానర్స్‌ బారిన గ్రామీణ మహిళలు ప్రైవేట్‌ ఆస్పత్రులను ఆశ్రయిస్తున్న బాధితులు రూ.లక్షల్లో అప్పులు చేసి చికిత్సలు జీజీహెచ్‌లోనూ అందుతున్న సేవలు సర్వైకల్‌ క్యాన్సర్‌ 106బ్రెస్ట్‌(రొమ్ము) క్యాన్సర్‌ 120 నోటి క్యాన్సర్‌ 44ఇతర రకాల క్యాన్సర్లు 126మొత్తం 396కీమోథెరఫి పొందుతున్న వారు 35 చికిత్స పొందుతున్న వారు 186 చికిత్స పూర్తయిన వారు 149 మృతి చెందినవారు 26

కాటారం మండలం చిదినేపల్లి గ్రామానికి చెందిన పందుల సమ్మయ్య కొన్నేళ్ల క్రితం పక్షవాతానికి గురయ్యాడు. దీంతో ఎడమ చేయి, కాలు పనిచేయకపోవడంతో నిత్య జీవితంలో తీవ్ర ఇబ్బందులు ఎదుర్కొంటున్నాడు. ఇతరులపై ఆధారపడాల్సిన పరిస్థితి నెలకొంది. తోడుగా ఒకరు ఉంటేనే బయటకు వెళ్లగలుగుతున్నాడు. తన పరిస్థితిని పరిగణనలోకి తీసుకుని సదరం సర్టిఫికెట్‌ జారీ చేయడంతోపాటు దివ్యాంగుల పింఛన్‌ మంజూరు చేసి ఆదుకోవాలని అధికారులను వేడుకుంటున్నాడు. – పందుల సమ్మయ్య ●

గణపురం : సోమవారం పర్వదినం సందర్భంగా గణపురం మండలకేంద్రంలోని కాకతీయుల కళాక్షేత్రం కోటగుళ్లలో ప్రత్యేక పూజలు నిర్వహించారు. ఆలయ అర్చకుడు నాగరాజు ఆధ్వర్యంలో ప్రత్యేక అభిషేకాలు, పూజలు నిర్వహించారు. అనంతరం గణపేశ్వరుడిని ప్రత్యేకంగా అలంకరించగా భక్తులు పెద్దఎత్తున దర్శించుకున్నారు. నేడు నిజామాబాద్‌ బీఆర్‌ఎస్‌ బృందం రాక కాళేశ్వరం: మేడిగడ్డ బరాజ్‌ను ఉమ్మడి నిజామాబాద్‌ జిల్లా బీఆర్‌ఎస్‌ బృందం నేడు(మంగళవారం) సందర్శించనుంది. మాజీ మంత్రి, బాల్కొండ శాసనసభ్యులు వేముల ప్రశాంత్‌ రెడ్డి ఆధ్వర్యంలో మధ్యాహ్నం 12గంటలకు జిల్లా ఎమ్మెల్యేలు, శాసన మండలి సభ్యులు, మాజీ ఎమ్మెల్యేలు, మాజీ శాసన మండలి సభ్యులు సందర్శనకు వస్తున్నట్లు బీఆర్‌ఎస్‌ మండల అధ్యక్షుడు శ్రీనివాసరావు సోమవారం ఒక ప్రకటనలో పేర్కొన్నారు. మంథని మాజీ ఎమ్మెల్యే పుట్ట మధు వస్తున్నట్లు తెలిపారు. బీఆర్‌ఎస్‌ పార్టీ కార్యకర్తలు, నాయకులు తరలిరావాలని కోరారు. జాతీయస్థాయి పోటీలకు ఎంపిక చిట్యాల: మండలకేంద్రంలోని సాంఘిక సంక్షేమ గురుకుల పాఠశాల/కళాశాలలో ఇంటర్‌ మొదటి సంవత్సరం చదువుతున్న జి.నవ్య జాతీయస్థాయి టెన్నికాయిట్‌ పోటీలకు ఎంపికై నట్లు ఫిజికల్‌ డైరెక్టర్‌ వెన్నెల, పీఈటీ శారద తెలిపారు. గతనెల 30న అంబర్‌పేట్‌లోని ఎల్బీస్టేడియంలో జరిగిన రాష్ట్రస్ధాయి జూనియర్‌ టెన్నికాయిట్‌ పోటీలలో నవ్య తన ప్రతిభను కనబరిచిందన్నారు. జమ్మూకశ్మీర్‌లో జరిగే జాతీయస్థాయి టెన్నికాయిట్‌ పోటీలలో పాల్గొననున్నట్లు తెలిపారు. ఈ సందర్భంగా విద్యార్థినిని కళాశా ల ప్రిన్సిపాల్‌ గొల్కొండ భిక్షపతి, వైస్‌ ప్రిన్సి పాల్‌ మాలతి లత అభినందనలు తెలిపారు. హెచ్‌ఐవీ నియంత్రణలో జాతీయ గుర్తింపు భూపాలపల్లి అర్బన్‌: òßæ^Œl-IÒ °Ä¶æ$…-{™èl-×æÌZ hÌêÏ 95:95:95 ÌS„>Å-ÌS¯]l$ Ý뫨…_ çÜ$Æý‡-„ìS™èl hÌêÏ-V> VýS$Ç¢…ç³# ´÷…§ýlyýl… AÀ-¯]l…-§ýl-±Ä¶æ$-Ð]l$° MýSÌñæ-MýStÆŠ‡ Æ>çßæ$-ÌŒæ-ÔèæÆý‡Ã A¯é²Æý‡$. Ý뫨…_¯]l ÑfĶæ$…-™ø BVýS-MýS$…yé hÌêϯ]l$ çÜ$Æý‡-„ìS™èl ç³Ï‹Ü Ýë¦Æ‡$$MìS ¡çÜ$-MðS-âôæÏ…§ýl$MýS$ Ð]l$Ç…™èl çÜÐ]l$-Æý‡¦-Ð]l…-™èl…-V> ç³°^ól-Ķæ*-ÌS° A«¨M>Æý‡$-ÌSMýS$ ¨Ô>-°Æó‡ªÔèæ… ^ólÔ>Æý‡$. ÝùÐ]l$-ÐéÆý‡… MýSÌñæ-MýSt-Æó‡-sŒæ-ÌZ °Æý‡Ó-íßæ…_¯]l çÜÐ]l*ïŒS çÜÐ]l*-Æø‹ßæÌZ òßæ^Œl-IÒ °Ä¶æ$…-{™èl-×æMýS$ ÑÔóæçÙ MýS–íÙ ^ólíܯ]l OÐðl§ýlÅ BÆøVýSÅ Ô>Q A«¨M>Æý‡$-Ë$, íܺ¾…¨, çÜÓ^èle…§ýl çÜ…çܦÌS {糆°«§ýl$-ÌS¯]l$ MýSÌñæ-MýStÆŠ‡ Ô>Ë$ÐéË$, gêqí³-MýS-ÌS-™ø çÜ™èlP-Ç…^éÆý‡$. gê¡Ä¶æ$ GƇ$$yŠæÞ °Ä¶æ$…-{™èl-×æ çÜ…çܦ (¯éMø) VýS$Ç¢…_¯]l D {ç³VýS† Ððl¯]l$MýS OÐðl§ýlÅ íܺ¾…¨, çÜÓ^èle…§ýl çÜ…çܦÌS çÜÐ]l$íÙt MýS–íÙ E…§ýl° {ç³Ôèæ…-íÜ…^éÆý‡$. hÌêÏ-ÌZ òßæ^Œl-IÒOò³ AÐ]l-V>çßæ¯]l M>Æý‡Å-{MýS-Ð]l*-ÌS¯]l$ Ð]l$Ç…™èl ÑçÜ–¢™èl… ^ólĶæ*-ÌS°, ç³È„ýS-Ë$, _MìS™èlÞ, »ê«¨-™èl$-ÌSMýS$ A…¨…^ól õÜÐ]l-ÌZÏ gêç³Å… E…yýl-MýS*-yýl-§ýl° MýSÌñæ-MýStÆŠ‡ çܵçÙt… ^ólÔ>Æý‡$. A°² Ô>QË$ çÜÐ]l$-¯]lÓ-Ķæ$…-™ø ç³°^ólíÜ òßæ^Œl-IÒ Æý‡íßæ™èl çÜÐ]l*f °Æ>Ã-×ê°MìS MýS–íÙ ^ólĶæ*-ÌS° í³Ë$ç³#-°^éaÆý‡$. D M>Æý‡Å-{MýS-Ð]l$…-ÌZ A§ýl-¯]lç³# MýSÌñæ-MýStÆŠ‡ ÑfĶæ$-ÌS-„ìSÃ, yîlG…òßæ-^ŒlK yéMýStÆŠ‡ Ð]l$«§ýl$-çÜ*-§ýl¯Œl, ¨Ôèæ ïÜG‹ÜK ÝëÆý‡Ä¶æ$Å, yîlG…ÒyîlK ÝëƇ$$, IïÜsîæ-ïÜ Mú°ÞÌSÆŠ‡ Æý‡Ðól$ÔŒæ, OÐðl§ýlÅ íܺ¾…¨, çÜÓ^èle…§ýl çÜ…çܦÌS {糆°«§ýl$-Ë$ ´ëÌŸY-¯é²Æý‡$. ˘ 21 రకాల వస్తువులు సరఫరా చేయాలి ఏటూరునాగారం: హాస్టల్‌ విద్యార్థులకు 21 రకాల వస్తువుల సరఫరాను త్వరితగతిన పూర్తి చేయాలని ట్రైబల్‌ వెల్ఫేర్‌ డైరెక్టర్‌ సంతోశ్‌ అన్నారు. హైదరాబాద్‌ నుంచి ఐటీడీఏ పీఓలు, గిరిజన సంక్షేమశాఖ అధికారులతో సోమవారం వీడియో కాన్ఫరెన్స్‌లో సమీక్షించారు. గిరిజన సంక్షేమశాఖ విద్యాసంస్థల్లో విద్యార్థులకు అవసరమైన సదుపాయాలతో పాటు రాబోయే విద్యాసంవత్సరానికి సంబంధించిన ముందస్తు ఏర్పాట్లపై సమీక్షించారు. విద్యార్థులకు అందించాల్సిన 21 రకాల వస్తువుల స్థితిగతులు, 2027–28 విద్యా సంవత్సరానికి అవసరమైన వస్తువుల ఇండెంట్‌ సిద్ధం చేయాలని సూచించారు.

మల్హర్‌ మండలం కొయ్యూరు గ్రామ పంచాయతీలో నిధుల దుర్వినియోగం జరుగుతోందని ఉపసర్పంచ్‌ లకావత్‌ సవేందర్‌ కలెక్టర్‌కు ఫిర్యాదు చేశారు. సర్పంచ్‌ కొండా రాజమ్మ, పంచాయతీ కార్యదర్శి పంచగిరి రాజు తప్పుడు లెక్కలు చూపిస్తూ పంచాయతీ నిధులను వ్యక్తిగత అవసరాలకు వినియోగిస్తున్నారని పేర్కొన్నారు. ఉపసర్పంచ్‌ హోదాలో పంచాయతీ రికార్డులపై సంతకాలు చేయాల్సి ఉండగా, నిధుల ఖర్చులపై అనుమానాలు ఉండటంతో తప్పుడు లెక్కలుగా భావిస్తున్న రికార్డులపై సంతకం చేసేందుకు నిరాకరించినట్లు తెలిపారు. సమగ్రంగా పరిశీలించి నిధుల వినియోగంపై విచారణ జరపాలని, ప్రజాధనం దుర్వినియోగం కాకుండా చర్యలు తీసుకోవడంతోపాటు తనపై జరుగుతున్న బెదిరింపులపై విచారణ జరిపి న్యాయం చేయాలన్నారు.స్కావెంజర్ల వేతనాలు చెల్లించాలితమకు వేతనాలు చెల్లించాలని, నేరుగా కార్మికుల ఖాతాల్లో నేరుగా వేతనాలు జమ చేయాలని స్కావెంజర్ల కలెక్టర్‌ను వేడుకున్నారు. ప్రభుత్వ పాఠశాలల విద్యార్థుల ఆరోగ్య పరిరక్షణ కోసం నిరంతరం పని చేస్తున్నామని, స్వీపర్ల జీవితాలపై ప్రభుత్వ అనుసరిస్తున్న ధోరణి సరైనదికాదని ఆవేదన వ్యక్తం చేశారు. స్వీపర్లకు ప్రత్యేక ఐడీ కార్డులు ఇవ్వాలని కోరారు.

కస్టమ్‌ మిల్లింగ్‌ రైస్‌ అక్రమాలపై సీఐడీ కొరడా.. సాక్షిప్రతినిధి, వరంగల్‌: సీఎంఆర్‌ (కస్టమ్‌ మిల్లింగ్‌ రైస్‌) అక్రమాలపై సీఐడీ అధికారులు దర్యాప్తు ముమ్మరం చేశారు. ప్రభుత్వ ధాన్యం పక్కదారి పట్టించి, సన్న బియ్యం సరఫరా చేయాల్సిన చోట దొడ్డు బియ్యం పంపించినట్లు వచ్చిన ఆరోపణలపై వరుసగా తనిఖీలు, అరెస్టులు చేస్తున్నారు. ములుగు జిల్లాలో ఇప్పటికే 9 రైస్‌ మిల్లులకు సంబంధించి 23 మందిపై కేసులు నమోదు కాగా.. పలువురిని సీఐడీ వరంగల్‌ డీఎస్పీ వాసం సంపత్‌ బృందం అరెస్టు చేసింది. పరారీలో ఉన్న మరో 14 మంది కోసం ప్రత్యేక బృందాలు గాలిస్తున్నాయి. మరోవైపు తనిఖీల పరిధిని విస్తరిస్తూ మరో 6 మిల్లులకు అధికారులు నోటీసులు జారీ చేయడం మిల్లర్లలో కలకలం రేపుతోంది. కాగా, త్వరలోనే హనుమకొండ, వరంగల్‌ జిల్లాల్లోనూ ధాన్యం అక్రమాలపై తనిఖీలు, అరెస్టుల పరంపర కొనసాగనుందని సమాచారం. ధాన్యం నిల్వల్లో భారీ వ్యత్యాసాలు.. రెండో విడత తనిఖీల్లోనూ అదే పరిస్థితి.. హనుమకొండ, వరంగల్‌, మహబూబాబాద్‌, జేఎస్‌ భూపాలపల్లి, ములుగు జిల్లాల రైస్‌మిల్లర్లు గత రబీ సీజన్‌కు సంబంధించి 1,25,737 మెట్రిక్‌ టన్నుల సీఎంఆర్‌కు 47,675 (37.92 శాతం) మెట్రిక్‌ టన్నులే చెల్లించారు. అక్టోబర్‌ 31కే గడువు ముగిసినా ఇంకా 78,062 టన్నుల సీఎంఆర్‌ పెండింగ్‌లో ఉంది. ఈ మేరకు ములుగు జిల్లాలోని 6 రైస్‌ మిల్లుల్లో నిర్వహించిన తనిఖీల్లో సుమారు 6 వేల క్వింటాళ్ల ధాన్యం నిల్వలు లేనట్లు గుర్తించారు. రికార్డుల్లో ఉన్న నిల్వలకు, క్షేత్రస్థాయిలో ఉన్న ధాన్యానికి మధ్య భారీ వ్యత్యాసాలు ఉన్నట్లు ప్రాథమికంగా తేలింది. సీఎంఆర్‌ కింద మరో 6,700 క్వింటాళ్ల సన్న బియ్యం ఎఫ్‌సీఐకి సరఫరా చేయాల్సి ఉండగా.. వాటి స్థానంలో దొడ్డు బియ్యం అందించినట్లు ఆరోపణలు ఉన్నాయి. సీఐడీ అధికారులు రెండో విడత తనిఖీలు చేపట్టగా మరో మూడు మిల్లుల్లో సుమారు నాలుగు వేల క్వింటాళ్ల ధాన్యం నిల్వలు కనిపించలేదని సమాచారం. దీంతో ఇప్పటివరకు తనిఖీలు జరిగిన మిల్లుల్లో ధాన్యం నిల్వల గల్లంతు, బియ్యం రకం మార్పిడి వ్యవహారం మరింత విస్తృతంగా ఉన్నట్లు అనుమానిస్తున్నారు. ధాన్యం ఎక్కడికి తరలించారు? బహిరంగ మార్కెట్‌లో విక్రయించారా? సీఎంఆర్‌ బియ్యం బదులు ఇతర ప్రాంతాల నుంచి దొడ్డు బియ్యం కొనుగోలు చేసి సరఫరా చేశారా? అనే కోణాల్లో దర్యాప్తు సాగుతోంది. ములుగు జిల్లాలో అక్టోబర్‌ 25 నుంచి సీఐడీ అరెస్టుల పర్వం ప్రారంభమైంది. రైస్‌ మిల్లర్ల సంఘం మాజీ అధ్యక్షుడు బాదం ప్రవీణ్‌తో పాటు పలువురు మిల్లర్లను అదుపులోకి తీసుకున్నారు. అనంతరం సంఘం అధ్యక్షుడు కాట్రగడ్డ సతీశ్‌ సహా మరికొందరిపై చర్యలు చేపట్టారు. తాజాగా, మరికొందరు మిల్లర్ల అరెస్టులతో దర్యాప్తు మరింత వేగం పుంజుకుంది. కేసుల్లో నిందితులుగా ఉన్నవారిలో కొందరు ముందస్తు బెయిల్‌ కోసం న్యాయస్థానాలను ఆశ్రయిస్తుండగా.. పరారీలో ఉన్నవారి ఆచూకీ కోసం అధికారులు గాలిస్తున్నారు. ఇప్పటికే 9 మిల్లులపై కేసులు నమోదు చేసిన సీఐడీ.. మరో 6 మిల్లుల్లో తనిఖీలకు సిద్ధమవుతోంది. ఇందుకోసం సంబంధిత మిల్లర్లకు నోటీసులు జారీ చేసినట్లు తెలిసింది. ధాన్యం కేటాయింపులు, సీఎంఆర్‌ బకాయిలు, స్టాక్‌ రిజిస్టర్లు, రవాణా పత్రాలు, ఎఫ్‌సీఐకి పంపిన బియ్యం నమూనాలను పరిశీలించనున్నారు. అవసరమైతే పౌరసరఫరాల శాఖ అధికారుల పాత్రపైనా విచారణ చేపట్టే అవకాశం ఉంది. ఈ క్రమంలోనే ధాన్యం కేటాయింపుల నుంచి మిల్లింగ్‌, బియ్యం సరఫరా వరకు ప్రతి దశలోని రికార్డులను సీఐడీ పరిశీలిస్తోంది. నిల్వల లెక్కలు, ధాన్యం రవాణా, బియ్యం నాణ్యత పరీక్షలు, సీఎంఆర్‌ ఒప్పందాల ఆధారంగా అక్రమాల పరిమాణాన్ని నిర్ధారించనున్నారు. గడువు ముగిసినా రబీ సీఎంఆర్‌ ఇప్పటికీ 37.92 శాతమే ములుగులో 9 మిల్లులు.. 23 మంది నిందితులు సన్నబియ్యం పేరిట దొడ్డు బియ్యం సరఫరా.. పలు మిల్లులకు నోటీసులు హనుమకొండ, వరంగల్‌ జిల్లాల్లోనూ త్వరలో అరెస్టులు

కాళేశ్వరం: మహారాష్ట్ర ప్రభుత్వ ప్రధాన కార్యదర్శి రాజేష్‌ అగర్వాల్‌ మీనాక్షి దంపతులు, గడ్చిరోలి కలెక్టర్‌ అవిశాంత్‌ పాండా కాళేశ్వరంలోని శ్రీ కాళేశ్వర ముక్తీశ్వర స్వామివారిని బాలాలయంలో దర్శించుకున్నారు. సోమవారం వారు ఆలయానికి రాగా అర్చకులు, దేవాదాయ శాఖ అధికారులు పూర్ణకుంభంతో ఘనస్వాగతం పలికారు. అంతకుముందు కలెక్టర్‌ రాహుల్‌శర్మ వారికి త్రివేణి అతిథి గృహం వద్ద స్వాగతం పలికి పుష్పగుచ్ఛం అందజేశారు. అనంతరం శ్రీఆదిముక్తీశ్వరాలయం వద్ద బాలాలయంలో ప్రత్యేక పూజలు నిర్వహించి స్వామివారిని దర్శించుకున్నారు. ఈ సందర్భంగా అర్చకులు వేదాశీర్వచనం అందించి శేషవస్త్రాలతో సీఎస్‌ దంపతులను సత్కరించారు. పుష్కరఘాట్లు పరిశీలన.. త్రివేణి సంగమం సమీపంలోని సరస్వతీ పుష్కర ఘాట్‌ను సీఎస్‌, కలెక్టర్లు సందర్శించారు. వచ్చే ఏడాది జూన్‌లో జరిగే గోదావరి పుష్కరాలను దృష్టిలో ఉంచుకుని భక్తుల సౌకర్యార్థం చేపడుతున్న ముందస్తు ఏర్పాట్లు, ఘాట్ల అభివృద్ధి పనుల వివరాలను కలెక్టర్‌ రాహుల్‌ శర్మ మహారాష్ట్ర సీఎస్‌కు వివరించారు. కాళేశ్వరం దేవస్థానం పునర్నిర్మాణంలో ఉన్న అభివృద్ధి పనులను మహారాష్ట్ర సీఎస్‌ రాజేష్‌, గడ్చిరోలి కలెక్టర్‌, కలెక్టర్‌ రాహుల్‌ శర్మ పరిశీలించారు. పనుల పురోగతి, నిర్మాణ నాణ్యత, చేపడుతున్న అభివృద్ధి కార్యక్రమాలపై అధికారులను వివరాలు అడిగి తెలుసుకున్నారు. నాణ్యతా ప్రమాణాలు పాటిస్తూ ఆలయ పునర్నిర్మాణ పనులను వేగవంతంగా పూర్తి చేయాలని సూచించారు. గడ్చిరోలి జిల్లా సిరొంచ తాలూకాలో అధికార పర్యటన నేపథ్యంలో రెండు రోజులుగా బస చేస్తున్నారు. ఆ క్రమంలో ఆదివారం మేడిగడ్డ బరాజ్‌, సోమవారం కాళేశ్వరాలయం, పుష్కరఘాట్లను పరిశీలించారు. గతంలో 2016, 2019లో మహారాష్ట్ర సీఎం దేవేంద్ర ఫడ్నవీస్‌ కూడా సిరొంచ ప్రాంతానికి వచ్చిన సందర్భంగా రెండుసార్లు కాళేశ్వర క్షేత్రంలో దర్శనం చేసుకున్నట్లు అధికారులు గుర్తు చేస్తున్నారు. ఈ కార్యక్రమంలో మహారాష్ట్ర డీఐజీ యోగేష్‌కుమార్‌, ఎస్పీ రమేశ్‌, కాటారం సబ్‌ కలెక్టర్‌ సౌరబ్‌శర్మ, డీఎస్పీ సూర్యనారాయణ, ఎస్సై సురేష్‌, దేవస్థానం సీనియర్‌ అసిస్టెంట్‌ ఉమామహేశ్వర్‌, అధికారులు, సిబ్బంది పాల్గొన్నారు. పుష్కరఘాట్లు, దేవస్థానం పునర్నిర్మాణ పనుల పరిశీలన గోదావరి పుష్కరాలపై సీఎస్‌కు వివరించిన కలెక్టర్‌ రాహుల్‌శర్మ

● సీపీఐ జిల్లా కార్యదర్శి కొరిమి రాజ్‌కుమార్‌ భూపాలపల్లి అర్బన్‌: జిల్లాలో నెలకొన్న వర్షాభావ పరిస్థితుల నేపథ్యంలో జిల్లాను పూర్తిస్థాయి కరువు జిల్లాగా ప్రకటించి, పంటలు సాగు చేయలేక నష్టపోయిన రైతులకు వెంటనే పరిహారం చెల్లించాలని సీపీఐ జిల్లా కార్యదర్శి కొరిమి రాజ్‌కుమార్‌ ప్రభుత్వాన్ని డిమాండ్‌ చేశారు. ఆదివారం జిల్లాకేంద్రంలోని రావి నారాయణరెడ్డి భవన్‌లో సుధాకర్‌రెడ్డి అధ్యక్షతన నిర్వహించిన జిల్లా సమితి సమావేశంలో ఆయన మాట్లాడారు. ఎల్‌నినో ప్రభావంతో పలు మండలాల్లో వర్షాభావ పరిస్థితులు నెలకొని వరి సాగు చేయలేని పరిస్థితి ఏర్పడిందన్నారు. నీటి వసతి ఉన్న ప్రాంతాల్లోనూ ప్రభుత్వం వరి సాగు చేయవద్దని సూచించడంతో అనేకమంది రైతులు పంటలు వేయలేక నష్టపోయారన్నారు. ప్రభుత్వం జిల్లాలో కేవలం ఆరింటినే కరువు మండలాలుగా ప్రకటించిందని, మిగిలిన మండలాల్లోని కరువు ప్రభావిత ప్రాంతాలను కూడా గుర్తించి పరిహారం అందించాలని కోరారు. తాగునీరు, సాగునీటి కొరత తలెత్తకుండా ముందస్తు ప్రణాళికలు రూపొందించాలని డిమాండ్‌ చేశారు. ఈ నెల 6వ తేదీ నుంచి కరువు ప్రభావిత మండలాల్లో సీపీఐ బృందం పర్యటించి రైతుల సమస్యలను తెలుసుకోనున్నట్లు వెల్లడించారు. ఈ సమావేశంలో జిల్లా సహాయ కార్యదర్శి పైండ్ల శాంతికుమార్‌, కార్యవర్గ సభ్యులు సోత్కు ప్రవీణ్‌ కుమార్‌, క్యాతరాజ్‌ సతీశ్‌, కొరిమి సుగుణ, కుడుదుల వెంకటేష్‌, జిల్లా సమితి సభ్యులు పాల్గొన్నారు.

భూపాలపల్లి అర్బన్‌: ప్రభుత్వ పాఠశాలల్లో చదువుతున్న విద్యార్థులకు పాఠ్యపుస్తకాల కొరత వెంటాడుతోంది. జిల్లాలో 2వ తరగతి నుంచి 10వ తరగతి వరకు చదువుతున్న విద్యార్థులకు రెండో విడత (పార్ట్‌–2) పాఠ్యపుస్తకాలు ఇప్పటికీ చేరలేదు. ఇప్పటికే పార్ట్‌–1 పాఠ్యాంశాలు పూర్తికాగా.. దసరా సెలవుల అనంతరం పాఠశాలలు పునఃప్రారంభమైన మరుసటి రోజు నుంచే పార్ట్‌–2 పాఠాలు ప్రారంభం కావాల్సి ఉంది. సమ్మెటివ్‌–1 పరీక్షల వరకు మాత్రమే పార్ట్‌–1 పాఠ్యాంశాలు ఉండటంతో తదుపరి పాఠ్యాంశాల బోధనకు పుస్తకాలు లేక ఉపాధ్యాయులు, విద్యార్థులు ఇబ్బందులు ఎదుర్కొంటున్నారు. డిపోలోనే 42వేల పుస్తకాలు జిల్లాకు అవసరమైన సుమారు 42వేల పాఠ్యపుస్తకాలు రెండు నెలల క్రితమే పుస్తకాల డిపోకు చేరినట్లు సమాచారం. ఇప్పటివరకు వాటిని పాఠశాలలకు తరలించకపోవడం విద్యాశాఖ పనితీరుపై ప్రశ్నలు రేకెత్తిస్తోంది. వేసవి సెలవుల అనంతరం పాఠశాలలు పునఃప్రారంభమైన సమయంలోనే పుస్తకాల రవాణా జరగాల్సి ఉండగా, రవాణా ఖర్చుల చెల్లింపులు పెండింగ్‌లో ఉండటంతో పంపిణీ ప్రక్రియ నిలిచిపోయినట్లు తెలుస్తోంది. అధికారుల నిర్లక్ష్యానికి విద్యార్థులే బలి ఒకవైపు విద్యా క్యాలెండర్‌ ప్రకారం పాఠ్యాంశాలు ముందుకు సాగాల్సి ఉండగా, మరోవైపు పుస్తకాలు అందక విద్యార్థులు పాఠాలను అనుసరించలేని పరిస్థితి నెలకొంది. పుస్తకాలు లేకుండా బోధన ఎలా కొనసాగించాలన్న ప్రశ్న ఉపాధ్యాయులను వేధిస్తోంది. రెండు నెలలుగా డిపోలోనే పుస్తకాలు మూలుగుతున్నా పంపిణీకి చర్యలు తీసుకోకపోవడంపై విద్యార్థుల తల్లిదండ్రులు ఆగ్రహం వ్యక్తం చేస్తున్నారు. ఇప్పటికై నా విద్యాశాఖ ఉన్నతాధికారులు స్పందించి రవాణా ఖర్చుల సమస్యను పరిష్కరించి, వెంటనే పాఠ్యపుస్తకాలను అన్ని ప్రభుత్వ పాఠశాలలకు చేరవేయాలని కోరుతున్నారు. డిపో మేనేజర్‌తో మాట్లాడుతాం.. ఈ విషయంపై జిల్లా ఇన్‌చార్జ్‌ విద్యాశాఖ అధికారి లలితను వివరణ కోరగా.. పాఠ్యపుస్తకాలను త్వరలోనే పాఠశాలకు పంపించే విధంగా డిపో మేనేజర్‌తో మాట్లాడుతామన్నారు. పుస్తకాలు మండలాలకు చేరవేస్తామని చెప్పారు. విద్యార్థులకు ఇబ్బందులు కలుగకుండా చేస్తామని తెలిపారు. రవాణా ఖర్చులే అడ్డంకిగా.. పుస్తకాల రవాణా చేసిన డిపో ఇన్‌చార్జ్‌కి చెల్లించాల్సిన ట్రాన్స్‌పోర్టు బిల్లులు పెండింగ్‌లో ఉన్నట్లు సమాచారం. అడ్వాన్స్‌ చెల్లిస్తేనే పుస్తకాలను పాఠశాలలకు తరలిస్తానని సదరు ఇన్‌చార్జ్‌ పది రోజుల క్రితం డీఈఓ దృష్టికి తీసుకెళ్లినట్లు తెలిసింది. అయినప్పటికీ సమస్య పరిష్కారం కాకపోవడంతో పుస్తకాలు డిపోకే పరిమితమయ్యాయి. పార్ట్‌–1 పాఠ్యాంశాలు పూర్తి డిపోలో మూలుగుతున్న 42వేల పుస్తకాలు రవాణా ఖర్చుల చెల్లింపుల్లో జాప్యమే కారణమా? విద్యార్థులకు తప్పని ఇబ్బందులు. బోధనపై తీవ్ర ప్రభావం

ఎస్‌ఎస్‌తాడ్వాయి: మేడారం సమ్మక్క– సారలమ్మలను దర్శించుకునేందుకు భక్తులు ఆదివారం అధికసంఖ్యలో తరలివచ్చారు. వివిధ ప్రాంతాల నుంచి మేడారం చేరుకున్న భక్తులు జంపన్నవాగు స్నానఘట్టాల వద్ద పుణ్య స్నానాలు ఆచరించారు. అనంతరం తల్లుల గద్దెల వద్ద పసుపు, కుంకుమ, చీరసారె, గాజులు, పూలు, పండ్లు, ఎత్తు బంగారం సమర్పించి మొక్కులు చెల్లించారు. అలాగే గోవిందరాజు, పగిడిద్దరాజుకు పూజలు చేశారు. మొక్కుల అనంతరం మేడారం పరిసరాల్లో వంటావార్పు చేసుకుని భోజనాలు చేశారు.గణపురం: వరల్డ్‌ హెరిటేజ్‌ క్యాంపెయిన్‌లో భాగంగా ఆదివారం గణపురం మండలకేంద్రంలోని కాకతీయుల కళాక్షేత్రం కోటగుళ్లను పరిశోధక బృందం సభ్యులు సందర్శించారు. ప్రొఫెసర్‌ పాండురంగారావు ఆధ్వర్యంలో సందర్శించి కోటగుళ్ల చరిత్రను తెలుసుకున్నారు. బృందం సభ్యులు ఆలయ శిల్ప సంపదను తిలకించారు. ఆలయ నిర్మాణ విధానం, ప్రాముఖ్యత తదితర అంశాలను పాంగురంగారావు వారికి వివరించారు. ఈ కార్యక్రమంలో వారి వెంట ఇంటాక్‌ నుంచి శ్రీధర్‌రావు, పురావస్తు శాఖ ఫోర్‌మెన్‌ బాబు తదితరులు పాల్గొన్నారు.

వెంకటాపురం(ఎం): రామప్పలో వరల్డ్‌ హెరిటేజ్‌ వలంటీర్‌ క్యాంపు కొనసాగుతోంది. వలంటీర్‌ శిక్షణ శిబిరం ఆదివారం పదో రోజుకు చేరుకుంది. శిక్షణలో భాగంగా వలంటీర్లు ఆసియా ఖండంలోనే రెండో అతిపెద్ద గిరిజన జాతరగా పేరొందిన మేడారం సమ్మక్క–సారలమ్మ జాతరను సందర్శించి అమ్మవార్ల ఆశీస్సులు పొందారు. ఇక్కడి సంస్కృతి, సంప్రదాయాల గురించి తెలుసుకొని అబ్బురపడ్డారు. లక్నవరం సరస్సు అందాలను వీక్షించి తమ ఫోన్లలో సెల్ఫీలు దిగారు. గణపురం కోటగుళ్లని సందర్శించారు. కాకతీయ హెరిటేజ్‌ ట్రస్ట్‌ సభ్యులు ప్రొఫెసర్‌ పాండురంగారావు, శ్రీధర్‌రావు ఆలయాల చరిత్ర తెలియజేశారు. ఈ కార్యక్రమంలో కాకతీయ హెరిటేజ్‌ సభ్యులు శ్రీని వాస్‌, రాష్ట్ర పురావస్తు శాఖ పోర్‌మెన్‌ బాబు పాల్గొన్నారు.

● మాజీ ఎమ్మెల్యే గండ్ర వెంకటరమణారెడ్డిమొగుళ్లపల్లి: రాష్ట్రంలో బీఆర్‌ఎస్‌ పార్టీకి పూర్వ వైభవం తీసుకురావడమే లక్ష్యంగా ప్రతీ కార్యకర్త క్రమశిక్షణతో పనిచేయాలని మాజీ ఎమ్మెల్యే గండ్ర వెంకటరమణారెడ్డి అన్నారు. మొగుళ్లపల్లి మండలకేంద్రంలో బీఆర్‌ఎస్‌ పార్టీ నూతన మండల కార్యాలయాన్ని ఆదివారం గండ్ర వెంకటరమణారెడ్డి ప్రారంభించారు. అనంతరం పట్టభద్రుల ఎమ్మెల్సీ ఎన్నికల సన్నాహక సమావేశాన్ని నిర్వహించారు. ఈ సందర్భంగా వెంకటరమణారెడ్డి మాట్లాడుతూ రాబోయే రోజుల్లో పార్టీ మరింత బలోపేతం అవుతుందని, ప్రజా సమస్యలపై నిరంతరం పోరాటం కొనసాగిస్తామని స్పష్టం చేశారు. ప్రభుత్వంపై పెరుగుతున్న వ్యతిరేకతతో అనేకమంది నాయకులు, కార్యకర్తలు తిరిగి బీఆర్‌ఎస్‌ వైపు మండల స్థాయి నాయకులు బీఆర్‌ఎస్‌వైపు వస్తున్నారని అన్నారు. ఈ సందర్భంగా పలువురు యూత్‌ కాంగ్రెస్‌ నాయకులు బీఆర్‌ఎస్‌లో చేరారు. ఈ కార్యక్రమంలో బీఆర్‌ఎస్‌ రాష్ట్ర నాయకుడు ఏనుగుల రాకేశ్‌రెడ్డి, ఎమ్మెల్సీ ఎన్నికల నియోజకవర్గ ఇన్‌చార్జ్‌ రామస్వామి నాయక్‌, బీఆర్‌ఎస్‌ మాజీ మండల అధ్యక్షుడు బలుగురి తిరుపతి రావు, చిట్యాల వ్యవసాయ మార్కెట్‌ కమిటీ మాజీ చైర్మన్‌ కోడారి రమేశ్‌, పర్లపల్లి సర్పంచ్‌ జోరుక సదయ్య, సర్పంచ్‌లు నరహరి వెంకట్‌ రెడ్డి, అరెల్లి రమేశ్‌, గాదం శ్రీవాణి రమేశ్‌, మండల నాయకులు పాల్గొన్నారు.

భూపాలపల్లి అర్బన్‌: జిల్లా పరిధిలోని భూపాలపల్లి, కాటారం రెవెన్యూ డివిజన్‌ కేంద్రాల్లో ఆదివారం నిర్వహించిన నేషనల్‌ మీన్స్‌ కం మెరిట్‌ స్కాలర్‌షిప్‌ (ఎన్‌ఎంఎంఎస్‌) ప్రవేశ పరీక్ష ప్రశాంతంగా నిర్వహించినట్లు జిల్లా ఇన్‌చార్జ్‌ విద్యాశాఖ అధికారి ఎల్‌.లలిత, ప్రభుత్వ పరీక్షల నియంత్రణ అధికారి సామల రమేశ్‌ తెలిపారు. భూపాలపల్లి జిల్లా పరిషత్‌ ఉన్నత పాఠశాల పరీక్ష కేంద్రంలో 223 మందికి గాను 208 మంది, కాటారం జిల్లా పరిషత్‌ ఉన్నత పాఠశాల కేంద్రంలో 155 మందికి గాను 140 మంది విద్యార్థులు హాజరైనట్లు తెలిపారు. పరీక్ష కేంద్రాల వద్ద పోలీసు బందోబస్తుతో పాటు వైద్య శిబిరాలు ఏర్పాటు చేశారు. వసతులు, విద్యుత్‌, పారిశుద్ధ్య ఏర్పాట్లపై అధికారులు సంతృప్తి వ్యక్తం చేశారు.

మల్హర్‌(కాటారం): భగవంతుడు సర్వాంతర్యామి అని, ఆయనకు అనేక రూపాలు, కోటానుకోట్ల పేర్లు ఉన్నాయని.. ఏ రూపంలో స్మరించినా భక్తులకు కనిపిస్తూ వారి కోరికలు తీరుస్తారని అవదూత దత్త పీఠాధిపతి గణపతి సచ్చిదానంద స్వామీజీ అన్నారు. రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు ఆహ్వానం మేరకు కాటారం మండలం ధన్వాడకు చేరుకున్న స్వామీజీకి మంత్రి శ్రీధర్‌బాబు ఘనస్వాగతం పలికారు. శ్రీధర్‌బాబు నివాసానికి చేరుకున్న స్వామీజీ, ధన్వాడలోని శ్రీ దత్తాత్రేయ స్వామి ఆలయంలో లోకకల్యాణార్థం నిర్వహించిన మహాపూర్ణాహుతి యజ్ఞంలో పాల్గొన్నారు. పూజ అనంతరం భక్తులకు ఆశీస్సులు అందించారు. మూడేళ్ల నిరీక్షణ ఫలించింది: మంత్రి దుద్దిళ్ల మంత్రి దుద్దిళ్ల శ్రీధర్‌బాబు మాట్లాడుతూ.. స్వామివారి దివ్య ఆశీస్సులు లభించడం గొప్ప అదృష్టమన్నారు. మూడేళ్లుగా అమ్మ, జయశ్రీ, సతీమణి, కుటుంబ సభ్యుల నిరీక్షణ నేడు ఫలించిందన్నారు. స్వామివారి ఆశీస్సులతో తెలంగాణ ప్రజలు, ఉమ్మడి కరీంనగర్‌, పెద్దపల్లి, జయశంకర్‌ భూపాలపల్లి జిల్లాల ప్రజలు, ముఖ్యంగా మంథని, ధన్వాడ ప్రజలు అష్టైశ్వర్యాలతో, సుఖసంతోషాలతో వర్ధిల్లాలని మంత్రి ప్రార్థించారు. ఈ ఆధ్యాత్మిక మహోత్సవంలో పెద్దపల్లి ఎమ్మెల్యే చింతకుంట విజయరమణారావు, రామగుండం ఎమ్మెల్యే ఠాకూర్‌ మక్కాన్‌సింగ్‌ దంపతులు, మంత్రి లక్ష్మణ్‌ కుమార్‌ సతీమణి, పెద్దపల్లి కలెక్టర్‌ కోయ శ్రీహర్ష, రామగుండం పోలీస్‌ కమిషనర్‌ అంబర్‌ కిషోర్‌ ఝా పాల్గొన్నారు. అవదూత దత్త పీఠాధిపతి గణపతి సచ్చిదానంద స్వామీజీ

కాజీపేట రైల్వే మాన్యుఫ్యాక్చరింగ్‌ యూనిట్‌ నిర్మాణం పూర్తిరైల్వే కోచ్‌ ఫ్యాక్టరీ వ్యూ పెయింట్‌ సెక్షన్‌ షాపు కోచ్‌ ఫ్యాక్టరీ మెయిన్‌ షాపుకాజీపేట రూరల్‌: కాజీపేట ప్రజల ఏళ్ల కల సాకారం కానుంది. అందరూ ఎదురు చూస్తున్న రైల్వే కోచ్‌ మాన్యుఫ్యాక్చరింగ్‌–ఆర్‌ఎంయూ యూనిట్‌ నిర్మాణ పనులు (చిన్న చిన్న పనులు మినహా) పూర్తయ్యాయి. కాజీపేట మండలం అయోధ్యపురం శివారులో 160 ఎకరాల విస్తీర్ణంలో సుమారు రూ.560 కోట్ల వ్యయంతో కేంద్ర, రాష్ట్ర ప్రభుత్వాలు ఈ కోచ్‌ ఫ్యాక్టరీని నిర్మిస్తున్న విషయం తెలిసిందే. 2009–10 రైల్వే బడ్జెట్‌లో అప్పటి యూపీఏ ప్రభుత్వంలో రైల్వే మంత్రి మమతా బెనర్జీ పీపీపీ విధానంతో రైల్వే వ్యాగన్ల తయారీ పరిశ్రమను మంజూరు చేశారు. ఎన్నో మలుపులు అనేక ఉద్యమాల ఫలితంగా రైల్వే వ్యాగన్‌ మాన్యుఫ్యాక్చరింగ్‌ యూనిట్‌ నుంచి వ్యాగన్‌ పీఓహెచ్‌ షెడ్డు, ఆ తర్వాత వ్యాగన్‌ రిపేర్‌ షెడ్డు మంజూరైంది. ఆతర్వాత 2024లో ప్రధాని నరేంద్రమోదీ హనుమకొండ పర్యటనలో ఆర్ట్స్‌ కాలేజ్‌ గ్రౌండ్‌ నుంచి రైల్వే మాన్యుఫ్యాక్చరింగ్‌ యూనిట్‌గా అప్‌గ్రేడ్‌ చేస్తున్నట్లు ప్రకటించారు. చురుగ్గా పనులు.. నాటి నుంచి నేటి వరకు నిర్మాణ పనులు చురుగ్గా సాగుతూ వస్తున్నాయి. ఈరైల్వే కోచ్‌ ఫ్యాక్టరీ ప్రాజెక్ట్‌ను అత్యాధునిక సాంకేతిక పరిజ్ఞానం, లెటెస్ట్‌ టెక్నాలజీతో దేశంలో ఉన్న అన్ని రైల్వే యూనిట్లకంటే బెటర్‌గా కాజీపేట యూనిట్‌ను రైల్వే శాఖ, ఆర్‌వీఎన్‌ఎల్‌, పవర్‌మెక్‌ ప్రాజెక్ట్‌ వారు కలిసి చేస్తున్నారు. ఇటీవల కోచ్‌ఫ్యాక్టరీలో కోచ్‌ల ఉత్పత్తికి గ్రీన్‌ సిగ్నల్‌ ఇచ్చిన రైల్వేశాఖ, ఇక కోచ్‌ ఫ్యాక్టరీ ప్రారంభం తర్వాత ఉద్యోగాల నియామకం చేపట్టాల్సి ఉంది. డిసెంబర్‌లో ప్రధాని మోదీ చేతుల మీదుగా ప్రారంభించేందుకు సర్వం సిద్ధం చేస్తున్నట్లు రైల్వే అధికారులు చెబుతున్నారు. పెండింగ్‌లో ఉన్న పనులు.. యూనిట్‌ ప్రాంగణంలో క్లీనింగ్‌ పనులు, పార్కింగ్‌ కోసం రోడ్డు విస్తరణ, మెకానికల్‌ విభాగంలో గ్యాస్‌ మ్యాన్‌ ఫోల్డ్‌ నిర్మాణ పనులు కొనసాగుతున్నాయి. అదేవిధంగా ప్రధానమైన కాజీపేట ఆర్‌ఎంయూ ఉద్యోగుల కోసం రైల్వే శాఖ కడిపికొండ బ్రిడ్జి వద్ద క్వార్టర్స్‌ నిర్మిస్తున్నారు. సుమారు 40 మందికి క్వార్టర్స్‌ నిర్మాణం జరుగుతోంది. ఈక్వార్టర్స్‌ నిర్మాణం ఇంకా పూర్తి కాలేదు. అందరి చూపు ఉద్యోగాలపైనే.. కాజీపేట రైల్వే కోచ్‌ఫ్యాక్టరీలో తమకు ఉద్యోగాలు ఇవ్వాలని ఫ్యాక్టరీ నిర్మాణానికి భూమి ఇచ్చిన వారు ఎంతో ఆశగా ఎదురు చూస్తున్నారు. కోచ్‌ ఫ్యాక్టరీకి భూమి ఇచ్చిన వారికి, ఉమ్మడి జిల్లావ్యాప్తంగా నిరుద్యోగులు, ఆక్ట్‌ అప్రంటీస్‌ చేసిన వారికి ఉద్యోగాలివ్వాలని కాజీపేట రైల్వే జేఏసీ ఆధ్వర్యంలో కాజీపేట నుంచి ఢిల్లీ వరకు అనేక ఉద్యమాలు కొనసాగాయి. నాయకులు కేంద్ర, రాష్ట్ర మంత్రులను, రైల్వే అధికారులను కలిసి విన్నవించారు. ఇప్పటి వరకు కోచ్‌ ఫ్యాక్టరీలో ఉద్యోగాల విషయాన్ని రైల్వే శాఖ ప్రకటించకపోవడంపై ఆందోళన వ్యక్తమవుతోంది. నీళ్లు, నిధులు, నియామకాల కోసం కొట్లాడి తెచ్చుకున్న తెలంగాణలో ఏర్పడిన పరిశ్రమల్లో ఈ ప్రాంతం వారికి ఉద్యోగాలు కల్పించాలని అన్ని రాజకీయపార్టీల ఎంపీలు, కేంద్రమంత్రులు, ఎమ్మెల్యేలు కేంద్రాన్ని ఒప్పించి న్యాయం చేయాలని ఉమ్మడి జిల్లా నిరుద్యోగులు కోరుతున్నారు.డిసెంబర్‌లో ప్రధానితో ప్రారంభించేందుకు సన్నాహాలు రైల్వే క్వార్టర్స్‌తో పాటు చిన్న పనులు పెండింగ్‌ ఉద్యోగాల నియామకంపై ఎదురుచూపు

మెయిన్‌షాప్‌, పెయింట్‌ షాప్‌, స్టోర్‌ వార్డు, టెస్ట్‌ షాప్‌, క్యాంటీన్‌, అడ్మినిస్ట్రేటివ్‌ బ్లాక్‌, ఎలక్ట్రిక్‌ సబ్‌ స్టేషన్‌, సెక్యూరిటీ పోస్ట్‌, రెస్ట్‌ హౌజ్‌, సేవగ్‌ ట్రీట్‌మెంట్‌ ప్లాంట్‌, పంప్‌హౌస్‌, టాయిలెట్‌ బ్లాక్స్‌, ప్యాకేజ్‌ సబ్‌ స్టేషన్‌, షౌవర్‌ టెస్ట్‌, రోడ్‌వే బ్రిడ్జి, జీఎల్‌ఆర్‌ పంప్‌ హౌస్‌, పిట్‌ ట్రావెర్సర్‌, వ్యాగన్‌ వే బ్రిడ్జి, గార్డు పోస్ట్‌/ట్రాక్‌ గేట్‌, ఆర్‌యూబీ, పార్కింగ్‌, 2,000 కేఎల్‌ కెపాసిటీ గల పాండ్‌, స్టోరేజీ వార్డు, టర్న్‌ బ్రిడ్జి నిర్మాణ పనులు పూర్తయ్యాయి.

సాక్షి ప్రతినిధి, వరంగల్‌: ప్రభుత్వ ముద్ర ఉంటే చాలు.. నకిలీ పత్రమైనా నిజమైపోతోందా? రెవెన్యూ రికార్డుల్లో లేని వివరాలు బయట ఎలా ప్రత్యక్షమవుతున్నాయి? అధికారుల సంతకాలు, కార్యాలయ ముద్రలు అక్రమార్కుల చేతికి ఎలా చేరుతున్నాయి? ఉమ్మడి వరంగల్‌లో వరుసగా వెలుగుచూస్తున్న నకిలీ ధ్రువపత్రాల ఉదంతాలు ఈ ప్రశ్నలను లేవనెత్తుతున్నాయి. తాజాగా శాయంపేట మండలంలో జారీ చేసినట్లు చూపిన నకిలీ కుల ధ్రువపత్రంతో హిమాచల్‌ప్రదేశ్‌లో ఉద్యోగం పొందిన వరంగల్‌ వాసికి రెండేళ్ల జైలు శిక్ష పడిన ఉదంతం కలకలం రేపింది. 1996 నాటి ధ్రువపత్రం.. 1997లో ఉద్యోగం.. దాదాపు మూడు దశాబ్దాల తర్వాత న్యాయస్థానంలో నేర నిర్ధారణ జరిగింది. హిమాచల్‌ హైకోర్టు నిర్ణయాన్ని గత నెల 30న సుప్రీంకోర్టు కూడా సమర్థించింది. ఈ ఒక్క ఉదంతమే కాదు. గతంలోనూ ఉమ్మడి వరంగల్‌లో నకిలీ పట్టాలు, ధ్రువపత్రాలు, అధికారుల ముద్రల ఫోర్జరీ వ్యవహారాలు బయటపడ్డాయి. మాజీ వీఏఓ ఇంట్లోనే ఫోర్జరీ ఫ్యాక్టరీ.. 2022, నవంబర్‌లో నెక్కొండకు చెందిన మాజీ వీఏఓ మద్ది వెంకటరెడ్డి, మరో వ్యక్తిని పోలీసులు అరెస్టు చేశారు. వారి వద్ద నకిలీ పట్టాదారు పాస్‌పుస్తకాలు, ఆర్డీఓ భూ మార్పిడి ఉత్తర్వులు, బ్యాంకు రుణాల ఫారాలు, తహసీల్దార్‌ కార్యాలయాల ముద్రలు, పాత మ్యుటేషన్‌ ఫైళ్లు లభించాయి. రెవెన్యూ శాఖలో సుదీర్ఘకాలం పనిచేసిన అనుభవాన్ని ఉపయోగించి నకిలీ పత్రాలు తయారు చేసినట్లు పోలీసులు వెల్లడించారు. నెక్కొండ, పర్వతగిరి పోలీస్‌ స్టేషన్లలో కేసులు నమోదయ్యాయి. 460మందికి 640 నకిలీ సర్టిఫికెట్లు! 2024లో వరంగల్‌ కేంద్రంగా మరో భారీ దందా వెలుగుచూసింది. తహసీల్దార్‌ సంతకాలు, ప్రభుత్వ ముద్రలను ఫోర్జరీ చేసి ఆదాయ, కుటుంబ సభ్యుల, డిపెండెంట్‌, మనీలెండింగ్‌ తదితర ధ్రువపత్రాలు విక్రయించినట్లు పోలీసులు గుర్తించారు. ప్రధాన నిందితుడితో పాటు డీటీపీ ఆపరేటర్‌, స్టాంపు వెండర్‌, మధ్యవర్తులు, పత్రాలు పొందినవారిపై చర్యలు చేపట్టారు. 460 మందికి 640 నకిలీ ధ్రువపత్రాలు జారీ చేసినట్లు దర్యాప్తులో వెల్లడైంది. 2025లో మరో తొమ్మిది మందిని అదుపులోకి తీసుకోవడం ఈ వ్యవహారం విస్తృతిని చాటింది. పోడు పట్టాలకూ నకిలీ ముద్ర! 2024, అక్టోబర్‌లో ములుగు కేంద్రంగా అటవీ హక్కుల పట్టాల ఫోర్జరీ వ్యవహారం బయటపడింది. ములుగు, భూపాలపల్లి, వరంగల్‌, మహబూబాబాద్‌ జిల్లాల్లో 400కు పైగా నకిలీ పోడు పట్టాలు తయారైనట్లు అప్పట్లో వార్తలు వచ్చాయి. కలెక్టర్లు, అటవీ అధికారుల డిజిటల్‌ సంతకాలను ఫోర్జరీ చేసి పట్టాదారు పాస్‌పుస్తకాలు రూపొందించినట్లు ఆరోపణలు వచ్చాయి. చలాన్లలోనూ డిజిటల్‌ మాయాజాలం.. ఈ ఏడాది జనవరిలో జనగామ జిల్లాలో భూ రిజిస్ట్రేషన్‌ చలాన్లలో అక్రమాలు వెలుగుచూశాయి. భూ యజమానుల నుంచి పూర్తి మొత్తాలు వసూలు చేసి, ప్రభుత్వ ఖజానాకు తక్కువ మొత్తం జమ చేసినట్లు ఆరోపణలు వచ్చాయి. జనగామ, భువనగిరి జిల్లాల్లో ధరణి, భూభారతి లావాదేవీలకు సంబంధించిన 1,080 డాక్యుమెంట్లలో అక్రమాలను గుర్తించిన పోలీసులు 22 కేసులు నమోదు చేసి 15మందిని అరెస్టు చేసినట్లు వెల్లడైంది. రెవెన్యూ రికార్డుల వెనుక అసలు దందా.. పాత తప్పిదాలే పునరావృతం.. ధ్రువపత్రాల అక్రమాలపై విచారణలు ఎక్కడ? నకిలీ కులపత్రంతో హిమాచల్‌లో కొలువు.. వరంగల్‌ వాసికి జైలు మాజీ వీఏఓ చేతిలో ఫోర్జరీ పత్రాలు.. పాస్‌పుస్తకాలనుంచి ముద్రల వరకు నకిలీ గత కేసుల్లో దర్యాప్తు.. బాధ్యులపై చర్యలే కీలకంఆరు జిల్లాల్లో ప్రత్యేక తనిఖీలు అవసరం.. ఆరు జిల్లాల్లో పాత కుల ధ్రువపత్రాలు, పట్టాదారు పాస్‌పుస్తకాలు, పోడు పట్టాలు, మ్యుటేషన్లు, భూ మార్పిడి ఉత్తర్వులపై ప్రత్యేక ఆడిట్‌ నిర్వహించాలి. జారీ రిజిస్టర్లు, అసలు దరఖాస్తులు, క్షేత్రస్థాయి విచారణ నివేదికలు, డిజిటల్‌ సంతకాలను సరిపోల్చాలి. నకిలీ పత్రాలు తయారు చేసినవారితో పాటు వాటికి సహకరించినట్లు తేలిన అధికారులపైనా చర్యలు తీసుకోవాలి. నకిలీ పత్రం బయటపడటం ఒక ఎత్తు.. దాని వెనుక ఉన్న నెట్‌వర్క్‌ను ఛేదించడం మరో ఎత్తు. మధ్యలో ఉన్న అసలు సూత్రధారులు ఎవరో తేల్చి, ప్రభుత్వానికి జరిగిన నష్టాన్ని రాబట్టి, బాధ్యులకు శిక్ష పడితేనే రెవెన్యూ వ్యవస్థపై ప్రజలకు నమ్మకం కలుగుతుంది.వరుసగా నకిలీ పత్రాలు బయటపడుతున్నా.. వాటి తయారీకి అవసరమైన ప్రభుత్వ రికార్డులు, సంతకాలు, ముద్రలు, డిజిటల్‌ వివరాలు అక్రమార్కులకు ఎలా అందుతున్నాయన్నది కీలక ప్రశ్న. కేవలం మధ్యవర్తులు, ప్రైవేటు వ్యక్తుల అరెస్టులతోనే ఈ వ్యవహారాలకు అడ్డుకట్ట పడుతుందా? కార్యాలయాల్లోని సిబ్బంది, అధికారుల పాత్రపై లోతైన విచారణ జరిగిందా? గత కేసుల్లో చార్జిషీట్లు, శాఖాపరమైన చర్యలు, శిక్షల పరిస్థితి ఏమిటన్నది తేలాల్సి ఉంది.

భూపాలపల్లి: సైబర్‌ మోసాలపై ప్రజలు అప్రమత్తంగా ఉండాలని ఎస్పీ సిరిశెట్టి సంకీర్త్‌ సూచించారు. ‘ఆగండి.. ఆలోచించండి.. ధృవీకరించండి’ అనే నినాదంతో శనివారం జిల్లాకేంద్రంలోని ప్రభుత్వ డిగ్రీ కళాశాల నుంచి అంబేడ్కర్‌ సర్కిల్‌ వరకు జరిగిన ఈ ర్యాలీలో ఎస్పీ పాల్గొని పోలీసు అధికారులు, సిబ్బందితో కలిసి టార్చ్‌ లైట్లు వెలిగిస్తూ ప్రజలకు అవగాహన కల్పించారు. ఈ సందర్భంగా ఎస్పీ మాట్లాడుతూ.. సైబర్‌ నేరగాళ్లు నకిలీ లింకులు, ఫేక్‌ కాల్స్‌, ఉద్యోగాల పేరుతో, పెట్టుబడులపై అధిక లాభాల ఆశ చూపుతూ ప్రజలను మోసం చేస్తున్నారని వివరించారు. అపరిచిత వ్యక్తుల నుంచి వచ్చే కాల్స్‌, మెసేజ్‌లు, వాట్సాప్‌ లింకుల పట్ల అప్రమత్తంగా ఉండాలన్నారు. ఎవరికీ ఓటీపీ, పిన్‌ నంబర్లు, బ్యాంకు ఖాతా వివరాలు ఇవ్వవద్దని సూచించారు. సైబర్‌ మోసానికి గురైతే వెంటనే 1930 నంబర్‌కు ఫోన్‌చేసి ఫిర్యాదు చేయాలని సూచించారు. సైబర్‌ నేరాల నివారణ పోలీసులతో పాటు ప్రజలందరి బాధ్యత అన్నారు. కుటుంబ సభ్యులు, విద్యార్థులకు కూడా అవగాహన కల్పించాలని కోరారు. విజేతలకు ప్రశంస పత్రాల ప్రదానం పోలీస్‌ ఫ్లాగ్‌ డే వారోత్సవాలను పురస్కరించుకుని నిర్వహించిన వ్యాసరచన పోటీల విజేతలకు ఎస్పీ సిరిశెట్టి సంకీర్త్‌ శనివారం జిల్లా పోలీస్‌ కార్యాలయంలో ప్రశంస పత్రాలు అందజేసి అభినందించారు. ఈ సందర్భంగా ఎస్పీ మాట్లాడుతూ.. విద్యార్థులు చదువుతో పాటు సమాజంలో జరుగుతున్న ప్రతీ అంశంపై అవగాహన కలిగి ఉండాలన్నారు. ముఖ్యంగా సైబర్‌ నేరాలు, గంజాయి, మాదకద్రవ్యాలు, మహిళలు, బాలల భద్రత, రోడ్డు భద్రత వంటి అంశాలపై అప్రమత్తంగా ఉండాలని సూచించారు. విద్యార్థుల దృష్టికి వచ్చిన అసాంఘిక కార్యకలాపాలు, గంజాయి విక్రయాలు, సైబర్‌ నేరాలకు సంబంధించిన సమాచారం ఉంటే నిర్భయంగా పోలీసులకు తెలియజేయాలన్నారు. సమాచారం ఇచ్చిన వారి వివరాలు పూర్తిగా గోప్యంగా ఉంచుతామని భరోసా ఇచ్చారు. ఈ కార్యక్రమంలో అడిషనల్‌ ఎస్పీ నరేష్‌ కుమార్‌, భూపాలపల్లి డీఎస్పీ సంపత్‌ రావు, సీఐ శ్రీనివాస్‌, సైబర్‌ క్రైమ్‌ ఎస్సై శ్రీనివాస్‌, ఆర్‌ఎస్సై శివ కుమార్‌, పోలీసు సిబ్బంది, విద్యార్థులు పాల్గొన్నారు. ఎస్పీ సిరిశెట్టి సంకీర్త్‌

కాళేశ్వరం: సాధారణంగా ప్రతీ సంవత్సరం దసరా, దీపావళి సమయంలో కూరగాయల ధరలు కొంత అందుబాటులో ఉంటాయి. కానీ ప్రస్తుతం పరిస్థితి అందుకు భిన్నంగా మారింది. సూపర్‌ ఎల్‌నినో ప్రభావంతో వాతావరణంలో చోటుచేసుకుంటున్న మార్పులు, నీటి ఎద్దడి కారణంగా కూరగాయల సాగు దెబ్బతింటోందని రైతులు ఆందోళన వ్యక్తం చేస్తున్నారు. దిగుబడులు తగ్గడంతో మార్కెట్‌లో ధరలు భగ్గుమంటున్నాయి. ఏ కూరగాయ కొనాలన్నా ధరలు చూసి సామాన్యులు వెనుకడుగు వేయాల్సిన పరిస్థితి నెలకొంది. ప్రకృతి ప్రతికూలతలు, సాగునీటి సమస్యలు రైతులను ఇబ్బందులకు గురిచేస్తుండగా.. పెరిగిన ధరలు వినియోగదారుల జేబులకు చిల్లు పెడుతున్నాయి. ధరలను నియంత్రించాలని మొరపెడుతున్నారు. ఇప్పటికే జిల్లాలోని 12 మండలాల్లో కొత్తపల్లిగోరి, మహదేవపూర్‌, మహాముత్తారం, కాటారం, మల్హర్‌ మండలాలను కరువు మండలాలుగా ప్రకటించారు. దిగుబడులు తగ్గి.. ధరలు పెరిగి! జిల్లాకు వరంగల్‌, కరీంనగర్‌ మార్కెట్‌లతో పాటు జిల్లాలోని పలు మండలాల నుంచి ఆయా ప్రాంతాలకు ఇతర ప్రాంతాల నుంచి కూరగాయలను దిగుమతి చేసుకుని విక్రయిస్తున్నారు. మిగతా మండలాల్లో వారసంతలు నిర్వహించడంతో పాటు మండల, గ్రామస్థాయిలో జరిగే సంతలకు స్థానిక రైతులు తమ పొలాల్లో పండించిన కూరగాయలను తీసుకొచ్చి అమ్ముతున్నారు. దీంతో రైతులకు ఉపాధి లభించడంతోపాటు వినియోగదారులకు స్థానికంగా కూరగాయలు అందుబాటులో ఉంటున్నాయి. ప్రస్తుతం సాగు తగ్గడం, దిగుబడులు ఆశించిన స్థాయిలో లేకపోవడంతో ఈ పరిస్థితి మారుతోంది. దీనికి తోడు పంటలను పురుగులు ఆశించడంతో దిగుబడి తగ్గినట్లు పలువురు రైతులు పేర్కొంటున్నారు. ఎండిపోతున్న తోటలు.. రైతులకు కష్టాలు ఎల్‌నినో ప్రభావంతో నీటి లభ్యత తగ్గుతోందని రైతులు చెబుతున్నారు. బావుల్లో నీరు అడుగంటిపోవడం, బోరుబావుల్లో సైతం అరకొరగా నీరు వస్తుండటంతో పంటలకు తగినంత తడులు అందించడం కష్టంగా మారింది. అక్కడక్కడ సాగుచేసిన కూరగాయల తోటలు కూడా ఎండిపోతుండటంతో రైతులు తీవ్రంగా నష్టపోతున్నారు. కూరగాయల సాగుపైనే ఆధారపడి జీవించే రైతులకు పెట్టుబడులు తిరిగి వచ్చే పరిస్థితి లేకుండా పోతోందని ఆవేదన వ్యక్తమవుతోంది.కిలో ధర ఇలా..ఎల్‌నినో ఎఫెక్ట్‌తో పెరిగిన కూరగాయల ధరలు ఎండల తీవ్రతకు తగ్గిన దిగుబడి ధరలు నియంత్రించాలని సామాన్యుల మొరచిక్కుడు రూ.100పచ్చిమిర్చి రూ.100క్యారెట్‌ రూ.80క్యాప్సికం రూ. 80వంకాయ రూ. 60బీట్‌రూట్‌ రూ. 60కాకరకాయ రూ. 60కాలీఫ్లవర్‌ రూ. 60గోరుచిక్కుడు రూ. 60బీరకాయ రూ. 80కొత్తిమీర రూ. 80టమాట రూ. 40

భూపాలపల్లి అర్బన్‌: భూపాలపల్లి ఏరియాలోని కాకతీయ బొగ్గు గనుల్లో అక్టోబర్‌ మాసంలో 83 శాతం బొగ్గు ఉత్పత్తిని సాధించినట్లు ఏరియా సింగరేణి జనరల్‌ మేనేజర్‌ రాజేశ్వర్‌రెడ్డి తెలిపారు. ఏరియాలోని జీఎం కార్యాలయంలో శనివారం విలేకరుల సమావేశంలో అక్టోబర్‌ నెల ఉత్పత్తి, రవాణా వివరాలను వెల్లడించారు. అక్టోబర్‌లో 3.72 లక్షల టన్నుల బొగ్గు ఉత్పత్తి లక్ష్యం కాగా, 3.07 లక్షల టన్నులు సాధించి 83 శాతం ప్రగతిని నమోదు చేసినట్లు తెలిపారు. రోజువారీ సగటు ఉత్పత్తి 10,212 టన్నులు వెలికితీసినట్లు తెలిపారు. ఓపెన్‌కాస్ట్‌ గనుల్లో ఓవర్‌బర్డెన్‌ (ఓబీ) తొలగింపులో మాత్రం లక్ష్యాన్ని అధిగమించామన్నారు. ఓసీపీ–2,3 గనుల్లో కలిపి 29.76 లక్షల క్యూబిక్‌ మీటర్ల లక్ష్యానికి గాను 30.01 లక్షల క్యూబిక్‌ మీటర్లు తొలగించి 101 శాతం ప్రగతి సాధించినట్లు చెప్పారు. ఈ నెలలో ఏరియా పరిధిలో 4.77 లక్షల టన్నుల బొగ్గు ఉత్పత్తి, అంతే మొత్తంలో రవాణా లక్ష్యంగా నిర్దేశించినట్లు వెల్లడించారు. ఆర్థిక సంవత్సరం బొగ్గు ఉత్పత్తిలో 76శాతం బొగ్గు ఉత్పత్తి చేసినట్లు చెప్పారు. రానున్న ఐదు నెలల్లో 36లక్షల టన్నుల బొగ్గు లక్ష్యాన్ని అధిగమించాల్సి ఉందన్నారు. సింగరేణి కార్మికులు, అధికారులు సమష్టి కృషి చేయాల్సిన అవసరం ఉందన్నారు. వర్షాల కారణంగా ఓపెన్‌కాస్ట్‌ గనుల్లో వర్షాల నేపథ్యంలో బొగ్గు ఉత్పత్తి తగ్గిందని.. ఈ నెల నుంచి ఉత్పత్తి లక్ష్యాలను అధిగమిస్తామని తెలిపారు. ఎల్‌నినో నేపథ్యంలో విద్యుత్‌ వినియోగం రోజురోజుకూ పెరుగుతుందని తెలిపారు. సింగరేణిలో ఈ ప్రభావంగా తీవ్రంగా ఉంటుందని బొగ్గు ఉత్పత్తితో రవాణాపై ప్రభావం ఉంటుందన్నారు. సింగరేణి కార్మికులు విద్యుత్‌ వినియోగాన్ని తగ్గించాలని, విద్యుత్‌, తాగునీరు దుర్వినియోగం కాకుండా చర్యలు తీసుకోవాలని సూచించారు. ఈ సమావేశంలో అధికారులు శ్యామ్‌సుందర్‌, సాయి, నాగేందర్‌ పాల్గొన్నారు. ఓబీ తొలగింపులో 101 శాతం ప్రగతి ఈ మాసంలో 4.77 లక్షల టన్నులు లక్ష్యం

రేగొండ: బుగులోని జాతర వేలం పాటల ఆదాయం రూ.3.96 లక్షలు వచ్చినట్లు ఆలయ ఈఓ బిల్లా శ్రీనివాస్‌, జాతర చైర్మన్‌ గంగుల రమణారెడ్డి తెలిపారు. ఈనెల 23నుంచి 27వరకు జరిగే బుగులోని జాతర వేలం పాటలు శనివారం ఆలయ ప్రాంగణంలో దేవావాయశాఖ ఇన్‌స్పెక్టర్‌ అనిల్‌కుమార్‌ ఆధ్వర్యంలో నిర్వహించారు. లడ్డు, పులిహోర ప్రసాదాల విక్రయ హక్కు రూ.2.31 లక్షలు, కొబ్బరికాయలు, పూజా సామగ్రి విక్రయ హక్కు రూ.1.47 లక్షలు వచ్చినట్లు తెలిపారు. గతేడాదితో పోలిస్తే రూ.93వేలు అదనంగా ఆదాయం సమకూరిందని ఈఓ తెలిపారు. ఈ కార్యక్రమంలో సర్పంచ్‌ సుదర్శన్‌, నాయకులు నిమ్మల విజేందర్‌, తిరుపతి, వెంకటస్వామి, గోపాల్‌, జాతర పురోహితుడు కుర్మచలం వెంకటేశ్వర్లు, తదితరులు పాల్గొన్నారు. అంబేడ్కర్‌, జయశంకర్‌ విగ్రహాలకు వినతి భూపాలపల్లి అర్బన్‌: న్యాయమైన డిమాండ్ల పరిష్కారం కోరుతూ.. ఎన్‌హెచ్‌ఎం జేఏసీ ఆధ్వర్యంలో కొనసాగుతున్న నిరవధిక సమ్మె 19వ రోజుకు చేరింది. ఈ సందర్భంగా శనివారం ఉద్యోగులు పట్టణంలో భారీ ర్యాలీ నిర్వహించారు. హనుమాన్‌ దేవాలయం నుంచి అంబేడ్కర్‌ సెంటర్‌ మీదుగా జయశంకర్‌ విగ్రహం వరకు ర్యాలీ నిర్వహించి అంబేడ్కర్‌, జయశంకర్‌ విగ్రహాలకు వినతిపత్రాలు అందించి నిరసన వ్యక్తం చేశారు. అనంతరం మానవహారం చేపట్టి తమ సమస్యలను ప్రభుత్వం వెంటనే పరిష్కరించాలని నినాదాలు చేశారు. డిమాండ్లు నెరవేరే వరకూ పోరాటం కొనసాగిస్తామని నాయకులు స్పష్టం చేశారు. ఈ కార్యక్రమంలో ఎన్‌హెచ్‌ఎం జిల్లా అధ్యక్షుడు బడితల రమేశ్‌, ప్రధాన కార్యదర్శి మధు, జేఏసీ నాయకులు డాక్టర్‌ రఘురాం, శ్రీనివాస్‌, ప్రభాకర్‌, ప్రవీణ్‌, డాక్టర్లు జగదీశ్‌, విజయ్‌, బాలకృష్ణ, రామూర్తి, రాజు, కృష్ణవేణి, పార్వతి, ఏఎన్‌ఎంలు, స్టాఫ్‌ నర్సులు, ఫార్మసీ అధికారులు పాల్గొన్నారు. ఏఐటీయూసీ ఆవిర్భావ వేడుకలు భూపాలపల్లి అర్బన్‌: ఏఐటీయూసీ 106వ ఆవిర్భావ వేడుకలను శనివారం భూపాలపల్లి ఏరియాలో ఘనంగా నిర్వహించారు. జిల్లా కేంద్రంలోని కొమరయ్య భవన్‌తో పాటు కేటీకే 1, 2, 5, 6 గనులు, క్వాలిటీ విభాగం, వర్క్‌షాప్‌, ఏరియా ఆస్పత్రి, ఎస్‌అండ్‌పీసీ విభాగాల్లో నాయకులు జెండాలు ఆవిష్కరించారు. ఆయా కార్యక్రమంల్లో సంఘం జిల్లా ప్రధాన కార్యదర్శి క్యాతరాజు సతీష్‌, జిల్లా అధ్యక్షుడు మోటపలుకుల రమేశ్‌, అసిస్టెంట్‌ బ్రాంచ్‌ కార్యదర్శి జి.సుధాకర్‌ రెడ్డి, సీపీఐ నాయకులు, వివిధ గనుల ఫిట్‌ కార్యదర్శులు, కార్మిక సంఘాల నాయకులు పాల్గొన్నారు. అష్ట తీర్థాల ఘాట్‌ పనులు ప్రారంభం కాళేశ్వరం: శ్రీకాళేశ్వర ముక్తీశ్వరస్వామి ఆలయ సమీపంలోని త్రివేణి సంగమం వద్ద ఉన్న అష్ట తీర్థాల ఘాట్ల నిర్మాణ పనులు శనివారం ప్రారంభమయ్యాయి. రాష్ట్ర ప్రభుత్వం రూ.60 కోట్ల నిధులు మంజూరు చేసి, టెండర్‌ ప్రక్రియ పూర్తి అనంతరం పనులను కాంట్రాక్టర్‌కు అప్పగించింది. వీఐపీ ఘాటు సమీపం నుంచి అంతర్రాష్ట్ర వంతెన వరకు ఉన్న అష్ట తీర్థాల్లో ఎనిమిది తీర్థాల వద్ద భక్తుల సౌకర్యార్థం ఘాట్ల నిర్మాణం చేపట్టనున్నట్లు అధికారులు తెలిపారు. ఇరిగేషన్‌ శాఖ ఆధ్వర్యంలో ఈ పనులు కొనసాగనున్నాయి. ఘాట్ల నిర్మాణం, రోడ్డు పూర్తయితే పుష్కరాల సమయంలో భక్తులకు మెరుగైన సౌకర్యాలు కలగనున్నాయి. సాధారణ ఘాట్‌ నుంచి అంతర్రాష్ట్ర వంతెన వరకు భూసేకరణ ప్రక్రియ ఇంకా పూర్తికావాల్సి ఉంది. భూములు ఇచ్చేందుకు కొందరు రైతులు అంగీకరించడం లేదని తెలుస్తోంది. మరోవైపు వీఐపీ ఘాట్‌ నుంచి సాధారణ ఘాట్‌ వరకు ఇప్పటికే రైతుల నుంచి భూములు సేకరించినప్పటికీ, వారికి పరిహారం చెల్లించాల్సి ఉంది. భూసేకరణ, పరిహారం అంశాలు పరిష్కారమైతే నిర్మాణ పనులు మరింత వేగవంతమయ్యే అవకాశం ఉందని అధికారుల ద్వారా తెలిసింది.

గణపురం: విద్యార్థులు క్రమశిక్షణతో కూడిన విద్యను అభ్యసించి జీవితంలో ఉన్నత శిఖరాలను అధిరోహించాలని ప్రిన్సిపాల్‌ జూనియర్‌ సివిల్‌ జడ్జి ఎస్‌ఆర్‌ దిలీప్‌కుమార్‌ నాయక్‌ అన్నారు. సురక్షిత్‌ బచ్‌పన్‌ అభియాన్‌ కార్యక్రమంలో భాగంగా గణపురం మండలకేంద్రంలోని మోడల్‌ స్కూల్‌లో జిల్లా న్యాయ సేవాధికార సంస్థ ఆధ్వర్యంలో అవగాహన కల్పించారు. ఈ సందర్భంగా దిలీప్‌కుమార్‌ నాయక్‌ మాట్లాడుతూ విద్యార్థులు చెడు అలవాట్లకు బానిసలు కాకుండా క్రమ శిక్షణతో పెరిగితే వారి జీవితాలకు బంగారు భవిష్యత్‌ చేసుకోవచ్చన్నారు. ఈ కార్యక్రమంలో గణపురం ఎస్‌ఐ అశోక్‌, ఉపాధ్యాయులు, విద్యార్థులు పాల్గొన్నారు.

● సీనియర్‌ సివిల్‌ జడ్జి తాడూరు మహతి వైష్ణవిమల్హర్‌(కాటారం): దేశ బంగారు భవిష్యత్‌ నేటి బాలల పరిరక్షణతోనే సాధ్యమవుతుందని జిల్లా న్యాయసేవాధికార సంస్థ కార్యదర్శి, సీనియర్‌ సివిల్‌ జడ్జి శ్రీమతి తాడూరు మహతి వైష్ణవి అన్నారు. ‘సురక్షిత్‌ బచ్‌పన్‌ అభియాన్‌’ ప్రచారంలో భాగంగా శనివారం కాటారంలోని ప్రభుత్వ పాఠశాలలో న్యాయ అవగాహన సదస్సు నిర్వహించారు. ఈ కార్యక్రమానికి ముఖ్య అతిథిగా హాజరైన సీనియర్‌ సివిల్‌ జడ్జి తాడూరు మహతి వైష్ణవి మాట్లాడుతూ...విద్యార్థులు పాఠశాల స్థాయి నుంచే చట్టాలపై పూర్తి అవగాహన కలిగి ఉండాలన్నారు. పోక్సో నేరాల నివారణతో పాటు సైబర్‌ మోసాల నుంచి పిల్లలను కాపాడుకోవడం మనందరి ప్రథమ కర్తవ్యమని చెప్పారు. బాల్యం మనందరి బాధ్యత కాటారంలోని కస్తూర్బా గాంధీ బాలికల విద్యాలయంలో నిర్వహించిన అవగాహన సదస్సులో అడిషనల్‌ జూనియర్‌ సివిల్‌ జడ్జి జి.అఖిల మాట్లాడారు. ప్రతీ బిడ్డ బాల్యం సమాజంలోని మనందరి బాధ్యత అని చెప్పారు. చఈ అవగాహన కార్యక్రమాల్లో కాటారం డీఎస్పీ సూర్యనారాయణ, జిల్లా సంక్షేమ అధికారి మల్లేశ్వరి, ప్రొటెక్షన్‌ ఆఫీసర్‌ వెంకటస్వామి, సూపరింటెండెంట్‌ రఘురాం, న్యాయసేవాధికార సంస్థ సిబ్బంది దేవేందర్‌, గోపాల్‌ పాల్గొన్నారు.

భూపాలపల్లి అర్బన్‌: భూపాలపల్లి నూతన ఆర్డీఓ కార్యాలయ ఏర్పాటుకు అనువైన స్థలాన్ని గుర్తించి, భూసేకరణ ప్రతిపాదనలు సమర్పించాలని కలెక్టర్‌ రాహుల్‌శర్మ అధికారులను ఆదేశించారు. శనివారం భూపాలపల్లి ఆర్డీఓ కార్యాలయాన్ని ఆకస్మికంగా తనిఖీ చేసి రెవెన్యూ విభాగాల పనితీరును సమీక్షించారు. జీఓ నంబర్‌ 59, 76 దరఖాస్తుల విచారణ, హైకోర్టు కేసులు, పట్టభద్రుల ఓటరు నమోదు, ఆర్‌అండ్‌ఆర్‌, గ్రీన్‌ఫీల్డ్‌ హైవే భూసేకరణ పురోగతిని అడిగి తెలుసుకున్నారు. జీఓ 59 దరఖాస్తుల పరిశీలనకు మండలాల వారీగా ప్రత్యేక బృందాలను ఏర్పాటు చేసి, క్షేత్రస్థాయిలో పారదర్శకంగా విచారణ పూర్తి చేయాలని సూచించారు. హైకోర్టు కేసుల్లో సకాలంలో కౌంటర్‌ అఫిడవిట్లు దాఖలు చేయాలని, ప్రజల రెవెన్యూ సమస్యలను నిబంధనల ప్రకారం త్వరగా పరిష్కరించాలని ఆదేశించారు. ఈ తనిఖీలో అదనపు కలెక్టర్‌ అశోక్‌కుమార్‌, ఆర్డీఓ హరికృష్ణ, తహసీల్దార్‌ లక్ష్మిరాజయ్య, ఈడీఎం శ్రీకాంత్‌ పాల్గొన్నారు. ఫైనల్‌ ఎంబీబీఎస్‌ పరీక్షల్లో 99శాతం ఉత్తీర్ణత ఫైనల్‌ ఎంబీబీఎస్‌ పార్ట్‌–1 పరీక్షా ఫలితాల్లో జిల్లా వైద్య కళాశాల విద్యార్థులు 99 శాతం ఉత్తీర్ణత సాధించి ప్రతిభ చాటడం పట్ల కలెక్టర్‌ రాహుల్‌ శర్మ హర్షం వ్యక్తంచేశారు. మొత్తం 94మంది విద్యార్థులు పరీక్షలకు హాజరుకాగా 93మంది ఉత్తీర్ణులయ్యారు. వీరిలో ఒకరు డిస్టింక్షన్‌, 39మంది ప్రథమ శ్రేణి, 53మంది సాధారణ ఉత్తీర్ణత సాధించారు. విద్యార్థులు కష్టపడి చదివి అద్భుత ఫలితాలు సాధించడం అభినందనీయమని కలెక్టర్‌ పేర్కొన్నారు. ప్రణాళికలు 15లోగా సిద్ధం చేయాలి గోదావరి పుష్కరాల ఏర్పాట్లకు సంబంధించి తాత్కాలిక పనుల ప్రణాళికలు, అంచనాలను ఈనెల 15లోగా సిద్ధం చేయాలని దేవాదాయ శాఖ కార్యదర్శి శైలజా రామయ్యర్‌ ఆదేశించారు. శనివారం ఎనిమిది జిల్లాల కలెక్టర్లతో నిర్వహించిన వీడియో కాన్ఫరెన్స్‌లో ఏర్పాట్లను సమీక్షించారు. బాసర, కోటిలింగాల, మంథని, కాళేశ్వరం, భద్రాచలం తదితర పుణ్యక్షేత్రాల్లో ఘాట్ల నిర్మాణం, మరమ్మతులు, భక్తులకు మౌలిక సదుపాయాల కల్పనపై దృష్టి సారించాలని, తాత్కాలిక పనుల టెండర్లను వేగవంతం చేయాలని సూచించారు. పనుల నాణ్యతను నిరంతరం పర్యవేక్షించాలని ఆదేశించారు. సమావేశంలో కలెక్టర్‌ రాహుల్‌ శర్మ, దేవాదాయ శాఖ కమిషనర్‌ హనుమంతరావు, వివిధ శాఖల అధికారులు పాల్గొన్నారు. కలెక్టర్‌ రాహుల్‌శర్మ ఆదేశం

పక్క ఫొటోలో కనిపిస్తున్న రైతు పేరు ఒజ్జ కిరణ్‌. టేకుమట్ల మండలం పెద్దంపల్లి గ్రామంలో ఐదు ఎకరాలను ఎకరానికి రూ.23వేల చొప్పున కౌలుకు తీసుకొని కూరగాయల సాగు చేశాడు. 20 రోజుల కిందట ఎకరం భూమిలో కొత్తిమీర విత్తనాలు అలికాడు. నాలుగు ఎకరాల్లో మిర్చి, టమాట, బీరకాయ, బెండకాయ తదితర పంటలు సాగుచేశాడు. ఎల్‌నినో ఎఫెక్టుతో ఎండ తీవ్రతకు నల్లగా మారి కొత్తిమీర మొలకెత్తలేదు. దీంతో రూ.40వేల వరకు నష్టపోయాడు. ప్రస్తుతం మబ్బుల కారణంగా కూరగాయల పంట పూత రాలుతుంది. పురుగు కూడా ఆశిస్తుంది. మందులకు డబ్బులు ఖర్చు అవుతున్నాయని తెలిపాడు. – ఒజ్జ కిరణ్‌, పెద్దంపల్లి, టేకుమట్ల మండలం

ఉమ్మడి జిల్లాలోని ఐదు మున్సిపాలిటీల్లో రూ.83.30 కోట్ల పనులుసాక్షి ప్రతినిధి, వరంగల్‌: పట్టణాల్లో మురుగునీటి సమస్యకు శాశ్వత పరిష్కారం చూపే దిశగా స్వచ్ఛ భారత్‌ మిషన్‌–2.0 కింద ప్రభుత్వం పలు పనులు నిర్వహించనుంది. ఉమ్మడి వరంగల్‌ జిల్లా పరిధిలోని ఐదు మున్సిపాలిటీ(పరకాల, భూపాలపల్లి, జనగామ, వర్ధన్నపేట, నర్సంపేట)ల్లో మురుగునీటి నిర్వహణ ప్రాజెక్టుల కోసం పబ్లిక్‌ హెల్త్‌ అండ్‌ మున్సిపల్‌ ఇంజనీరింగ్‌ శాఖ టెండర్‌ నోటీసు జారీ చేసింది. ఈ ఐదు పట్టణాలకు రూ.83.30 కోట్ల మూలధన ప్రాజెక్టు వ్యయాన్ని బిడ్‌ డాక్యుమెంట్‌లో పొందుపరిచారు. వీటిలో మురుగునీటి శుద్ధి, మురుగునీటి వ్యవస్థల నిర్మాణం ఈ ప్రాజెక్టు ఉద్దేశంగా పేర్కొన్నారు. హైబ్రిడ్‌ యాన్యుటీ విధానంలో టెండర్లు ఈ పనులను హైబ్రిడ్‌ యాన్యుటీ మోడల్‌ (హెచ్‌ఏఎం) విధానంలో చేపట్టనున్నట్లు పబ్లిక్‌ హెల్త్‌ విభాగం అధికారులు పేర్కొన్నారు. ఇందులో ప్రారంభ చెల్లింపులు, వాయిదాల రూపంలో తదుపరి చెల్లింపులు, నిర్వహణ వ్యయాలకు సంబంధించిన నిబంధనలు ఉంటాయి. పనులు పూర్తి చేసి వినియోగంలోకి తీసుకొచ్చిన తర్వాత ఒప్పంద నిబంధనల ప్రకారం చెల్లింపులు జరుగుతాయి. ఈ ప్రాజెక్టులో మురుగునీటి శుద్ధి ప్లాంట్లు (ఎస్‌టీపీలు), మౌలిక సదుపాయాల రూపకల్పన, నిర్మాణం, యంత్ర పరికరాల ఏర్పాటు, పరీక్షలు, ప్లాంట్లను వినియోగంలోకి తీసుకురావ డం వంటి పనులు ఉన్నాయి. శుద్ధిచేసిన నీటిని నిర్దేశిత ప్రమాణాలకు అనుగుణంగా సురక్షితంగా విడుదల చేసేలా వ్యవస్థలు రూపొందించాల్సి ఉంటుంది. ఎస్‌బీఆర్‌ టెక్నాలజీతో ఎస్‌టీపీలు.. ఎస్‌టీపీల నిర్మాణానికి ఎస్‌బీఆర్‌ (సీక్వెన్సింగ్‌ బ్యాచ్‌ రియాక్టర్‌) సాంకేతికతను ఉపయోగించనున్నట్లు అధికారులు పేర్కొన్నారు. నిర్మాణానికి ముందు స్థల పరిశీలన, సర్వే, టోపోగ్రాఫిక్‌ మ్యాప్‌, కాంటూర్‌ మ్యాప్‌ తయారీ, ప్లాంట్లకు సంబంధించిన డిజైన్లు, డ్రాయింగుల పరిశీలన, అనుమతులు తప్పనిసరి. పనులు పొందిన కాంట్రాక్టర్లు ప్రారంభమైన తర్వాత మొత్తం ప్రాజెక్టును 24 నెలల్లో పూర్తి చేయాలని నిబంధనలు పెట్టారు. ప్లాంట్లను ప్రారంభించిన అనంతరం ఐదేళ్లపాటు ఆపరేషన్‌ అండ్‌ మెయింటనెన్స్‌ (ఓఅండ్‌ఎం) నిర్వహించాల్సి ఉంటుంది. మురుగునీటి వ్యవస్థలు నిర్మించి వదిలేయకుండా.. వాటి పనితీరును పర్యవేక్షించడం, యంత్రాల నిర్వహణ, శుద్ధి ప్రమాణాలను పాటించడం, మరమ్మతులు చేపట్టడం వంటి బాధ్యతలు కూడా ఈ విధానంలో కీలకం చేశామని పబ్లిక్‌ హెల్త్‌ విభాగం అధికారి ఒకరు తెలిపారు. త్వరలోనే టెండర్‌లు ఖరారు చేసి పనులు మొదలు పెడతామని చెప్పారు. స్వచ్చ భారత్‌ మిషన్‌ – 2.0 కింద నిధులు పరకాల, భూపాలపల్లి, జనగామ, వర్ధన్నపేట, నర్సంపేటలకు చోటు రెండేళ్లలో నిర్మాణం, ఐదేళ్ల నిర్వహణ.. పనుల ప్రారంభంపై ప్రజారోగ్యశాఖ కసరత్తు

● భూమి నాణ్యత పరిశీలనకు సింగరేణి శ్రీకారం ● 350నుంచి 1000 మీటర్ల లోతు వరకు తవ్వకాలు ● పూర్తి కావడానికి నెల రోజులు మల్హర్‌: తాడిచర్ల–2 ఓపెన్‌కాస్ట్‌ ఏర్పాటు నేపథ్యంలో మండల కేంద్రం తాడిచర్ల పరిధిలోని తాడిచర్ల–పెద్దతూండ్ల శివారు ప్రాంతంలో ప్రతిపాదిత ప్రాజెక్ట్‌ ఏర్పాటు దిశగా సింగరేణి సంస్థ శరవేగంగా అడుగులు వేస్తోంది. ఓపెన్‌ కాస్ట్‌ గని ఏర్పాటులో భాగంగా ప్రస్తుతం అధికారులు క్షేత్రస్థాయిలో విస్తృతమైన డ్రిల్లింగ్‌ పనులను చేపడుతున్నారు. మట్టి డంపింగ్‌కు భూమి నాణ్యత పరీక్ష.. గని తవ్వకాల సమయంలో భారీ స్థాయిలో వెలువడే ఓవర్‌ బర్డెన్‌ (ఓబీ మట్టి, రాతి వ్యర్థాలు) సురక్షితంగా డంప్‌ చేయడానికి వీలుగా ఆయా ప్రాంతాల్లోని భూమి నాణ్యత, స్వభావాన్ని, భూగర్భ పొరల ధృఢత్వాన్ని పరీక్షించడమే ఈ డ్రిల్లింగ్‌ ప్రధాన ఉద్దేశమని సింగరేణి అధికారులు స్పష్టం చేశారు. మూడు చోట్ల డ్రిల్లింగ్‌.. ఈ ప్రాజెక్ట్‌ పరిధిలోని మూడు వేర్వేరు కీలక ప్రాంతాల్లో డ్రిల్లింగ్‌ నిర్వహించాలని అధికారులు లక్ష్యంగా పెట్టుకున్నారు. భూగర్భంలో ఉన్న పరిస్థితులను నిశితంగా అధ్యయనం చేసేందుకు అవసరం మేరకు 350మీటర్ల నుంచి ఏకంగా 1000 మీటర్ల లోతు వరకు ప్రొఫెషనల్‌ డ్రిల్లింగ్‌ వేస్తున్నట్లు తెలిపారు. నిర్ణయించిన మూడు పాయింట్లలో ఇప్పటికే ఒక చోట డ్రిల్లింగ్‌ ప్రక్రియ విజయవంతంగా పూర్తయిందని పేర్కొన్నారు. ప్రస్తుతం రెండో చోట పనుల శరవేగంగా కొనసాగుతున్నాయని అధికారులు వెల్లడించారు. సాంకేతిక కారణాలు, భూగర్భ లోతు ప్రాతిపదికన ఒక్కో పాయింట్‌ వద్ద డ్రిల్లింగ్‌ పూర్తికావడానికి దాదాపు 30రోజుల నుంచి 40 రోజుల సమయం పడుతుందని పేర్కొన్నారు. తాడిచర్ల–2 కోల్‌ బ్లాక్‌ను కేంద్ర ప్రభుత్వం ఇటీవల సింగరేణి సంస్థకు కేటాయించింది. దాదాపు 182 మిలియన్‌ టన్నుల నాణ్యమైన బొగ్గు నిల్వలు ఉన్న ఈ ప్రాజెక్ట్‌ ద్వారా ఏటా ఆరు మిలియన్‌ టన్నుల బొగ్గును ఉత్పత్తి చేసే అవకాశం ఉందని అంచనా. 40ఏళ్ల నుంచి 50ఏళ్ల పాటు సుదీర్ఘకాలం నడిచే ఈ ప్రాజెక్ట్‌ ద్వారా స్థానిక ప్రాంత అభివృద్ధికి, యువతకు ఉపాధి అవకాశాలకు పెద్దపీట పడనుండటంతో తాడిచర్ల–2 పనులపై సర్వత్రా ఆసక్తి నెలకొంది.

కాళేశ్వరం: కాళేశ్వరంలోని శ్రీ కాళేశ్వర ముక్తేశ్వర స్వామి దేవస్థానం బాలాలయంలో శుక్రవారం హుండీ లెక్కింపు కార్యక్రమం నిర్వహించారు. నాలుగు నెలల 18 రోజులకు సంబంధించిన హుండీలో భక్తులు కానుకలు సమర్పించగా నగదును లెక్కించగా రూ.16,60,214 ఆదాయం సమకూరినట్లు ఈఓ మహేశ్‌ తెలిపారు. హుండీ లెక్కింపు కార్యక్రమం పర్యవేక్షణాధికారి సత్యనారాయణ ఆధ్వర్యంలో నిర్వహించారు. ఈ కార్యక్రమంలో ఆలయ చైర్మన్‌ మోహన్‌శర్మ, ధర్మకర్తలు పద్మ, అశోక్‌, సత్యం, సీతారాం, దుర్గయ్య, సీనియర్‌ అసిస్టెంట్‌ ఉమామహేశ్వర్‌ పాల్గొన్నారు. యూనియన్‌ బ్యాంక్‌ సిబ్బంది శ్రీ వల్లి సేవా స్వచ్ఛంద సమితి సభ్యులు, ఆలయ అర్చకులు, సిబ్బంది హుండీ లెక్కింపు కార్యక్రమంలో పాల్గొన్నారు. యువతకు ఉచిత శిక్షణ భూపాలపల్లి అర్బన్‌: డిగ్రీ పూర్తి చేసిన నిరుద్యోగ యువతకు ఉచిత శిక్షణ అందించి ప్రైవేట్‌ రంగంలో ఉద్యోగ అవకాశాలు కల్పించనున్నట్లు తెలంగాణ అకాడమీ ఫర్‌ స్కిల్‌ అండ్‌ నాలెడ్జ్‌ (టాస్క్‌) రీజినల్‌ సెంటర్‌ కోఆర్డినేటర్‌ నగేష్‌ తెలిపారు. ఈ మేరకు శుక్రవారం ఒక ప్రకటన విడుదల చేశారు. ఇన్ఫోసిస్‌ సహకారంతో లెర్నెట్‌ స్కిల్స్‌, టాస్క్‌ సంయుక్తంగా నిర్వహించే శిక్షణ తరగతులు నవంబర్‌ 5నుంచి భూపాలపల్లిలోని టాస్క్‌ కేంద్రంలో ప్రారంభం కానున్నట్లు పేర్కొన్నారు. 18నుంచి 28 ఏళ్లలోపు డిగ్రీ పూర్తి చేసిన యువతీ యువకులు ఈ శిక్షణకు అర్హులని తెలిపారు. రోజుకు 4నుంచి 5గంటల చొప్పున మొత్తం 90 గంటల పాటు శిక్షణ అందించనున్నట్లు వెల్లడించారు. శిక్షణ సమయంలో అవసరమైన మెటీరియల్‌ ఉచితంగా అందించడంతో పాటు, శిక్షణ పూర్తిచేసిన వారికి ఇన్ఫోసిస్‌ సర్టిఫికెట్‌ అందజేస్తామని తెలిపారు. ఆసక్తి గల అభ్యర్థులు 80740 31962 నంబర్‌కు ఫోన్‌ చేసి పేర్లు నమోదు చేసుకోవాలని సూచించారు. జిల్లాస్థాయి క్రీడాపోటీల ముగింపు భూపాలపల్లి అర్బన్‌: జిల్లాకేంద్రంలో నిర్వహించిన పీఎం శ్రీ పాఠశాలల జిల్లాస్థాయి క్రీడా పోటీలు శుక్రవారం ఘనంగా ముగిశాయి. జిల్లాలోని 8 పీఎం శ్రీ పాఠశాలలకు చెందిన సుమారు 350మంది విద్యార్థులు ఈ పోటీల్లో పాల్గొన్నారు. కబడ్డీ, ఖో–ఖో, వాలీబాల్‌, అథ్లెటిక్స్‌ విభాగాల్లో పోటీలు నిర్వహించారు. అండర్‌–17 కబడ్డీ బాలబాలికల జట్లను రాష్ట్రస్థాయి పోటీలకు ఎంపిక చేశారు. నవంబర్‌ 4, 5, 6 తేదీల్లో హైదరాబాద్‌లో జరిగే రాష్ట్రస్థాయి పోటీల్లో వీరు జిల్లా తరఫున ప్రాతినిథ్యం వహించనున్నారు. వివిధ విభాగాల్లో ప్రతిభ కనబరిచిన విజేతలకు ప్రథమ, ద్వితీయ బహుమతులు అందజేసి అభినందించారు. ముగింపు కార్యక్రమంలో ఎస్‌జీఎఫ్‌ సెక్రటరీ జైపాల్‌, వివిధ పాఠశాలల పీడీలు, పీఈటీలు పాల్గొని విద్యార్థులను ప్రోత్సహించారు. ఎమ్మెల్యేకు ఎన్‌హెచ్‌ఎం సిబ్బంది వినతి భూపాలపల్లి అర్బన్‌: 18 రోజులుగా సమ్మె చేస్తున్న తమ సమస్యలను పరిష్కరించాలని కోరుతూ.. ఎన్‌హెచ్‌ఎం ఉద్యోగులు శుక్రవారం ఎమ్మెల్యే గండ్ర సత్యనారాయణరావుకు వినతిపత్రం అందజేశారు. వినతిపత్రంపై ఎమ్మెల్యే సానుకూలంగా స్పందించినట్లు జేఏసీ నాయకులు తెలిపారు. ఉద్యోగుల సమస్యలను ముఖ్యమంత్రి, ఆరోగ్యశాఖ మంత్రి దృష్టికి తీసుకెళ్లి, ఎన్నో ఏళ్లుగా ప్రజలకు వైద్య సేవలందిస్తున్న ఉద్యోగుల సమస్యల పరిష్కారానికి కృషి చేస్తానని హామీ ఇచ్చినట్లు పేర్కొన్నారు. ఈ కార్యక్రమంలో జేఏసీ జిల్లా అధ్యక్షుడు బడితల రమేశ్‌, ప్రధాన కార్యదర్శి మధు, ఉపాధ్యక్షుడు డాక్టర్‌ రఘురాం, జేఏసీ నాయకులు శ్రీనివాస్‌, ప్రభాకర్‌, ప్రవీణ్‌, డాక్టర్లు జగదీశ్‌, విజయ్‌, బాలకృష్ణ, రాముర్తి, రాజు, కృష్ణవేణి, పార్వతి, స్టాఫ్‌ నర్సులు, ఫార్మసీ అధికారులు పాల్గొన్నారు.

భూపాలపల్లి: జిల్లాలో కస్టమ్‌ మిల్లింగ్‌ రైస్‌(సీఎంఆర్‌) బకాయిల వ్యవహారం కలకలం రేపుతోంది. ప్రభుత్వ నిబంధనల ప్రకారం రైస్‌ మిల్లర్లు సేకరించిన ధాన్యానికి తగినట్లుగా బియ్యాన్ని ప్రభుత్వానికి సకాలంలో అప్పగించాల్సి ఉండగా.. కొందరు మిల్లర్లు మాత్రం ప్రభుత్వ ఆదేశాలను బేఖాతరు చేస్తూ వేల టన్నుల బియ్యాన్ని వెనక్కి ఇవ్వకుండా కాలయాపన చేస్తున్నారు. తాజాగా వెలువడిన అధికారిక నివేదికలు జిల్లాలోని రైస్‌ మిల్లర్ల నిర్లక్ష్యాన్ని బట్టబయలు చేస్తున్నాయి. రూ.155.8కోట్ల విలువైన బియ్యం ఏమైనట్లు.. సివిల్‌ సర్వీస్‌ కార్పొరేషన్‌ లెక్కల ప్రకారం 2025–2026 ఖరీఫ్‌ సీజన్‌కు సంబంధించి జిల్లా వ్యాప్తంగా మొత్తం 1,17,106.520 మెట్రిక్‌ టన్నుల ధాన్యం రైస్‌ మిల్లర్లకు కేటాయించారు. నిబంధనల ప్రకారం మిల్లర్లు 67 శాతం చొప్పున ప్రభుత్వానికి 78,461.368 మెట్రిక్‌ టన్నుల బియ్యాన్ని అందించాల్సి ఉంది. ఇప్పటివరకు కేవలం 34,768.675 మెట్రిక్‌ టన్నుల బియ్యం మాత్రమే డెలివరీ చేయగా, ఇంకా అక్షరాలా 43,699.415 మెట్రిక్‌ టన్నుల(రూ. 155.8 కోట్ల విలువ) బియ్యం బకాయి ఉండటం గమనార్హం. సుమారుగా 55శాతానికి పైగా సీఎంఆర్‌ ప్రభుత్వానికి అందాల్సి ఉంది. బాయిల్డ్‌, రా రైస్‌ మిల్లర్ల డొల్లతనం.. జిల్లాలో బాయిల్డ్‌, రా రైస్‌ మిల్లుల పరిస్థితి కూడా ఆందోళనకరంగా ఉంది. బాయిల్డ్‌ మిల్లులకు మొత్తం 44,044.120 మెట్రిక్‌ టన్నుల ధాన్యం కేటాయించగా, రావాల్సిన 29,509.560 మెట్రిక్‌ టన్నుల బియ్యంలో ఇప్పటివరకు 14,439.341 మెట్రిక్‌ టన్నులు మాత్రమే డెలివరీ చేశారు. ఇంకా 15,076.941 మెట్రిక్‌ టన్నుల బకాయి ఉంది. రా రైస్‌ మిల్లుల యజమానుల పరిస్థితి కూడా అలాగే ఉంది. మొత్తం 73,062.400 మెట్రిక్‌ టన్నుల వరి ధాన్యానికి గాను, రావాల్సిన 48,951.808 మెట్రిక్‌ టన్నుల బియ్యంలో కేవలం 20,329.334 టన్నులు మాత్రమే అందాయి. మిల్లర్లు ఇంకా భారీఎత్తున 28,622.474 మెట్రిక్‌ టన్నుల బియ్యాన్ని ప్రభుత్వానికి ఇవ్వాల్సి ఉంది. చర్యలు శూన్యం.. ప్రభుత్వం రైతుల సంక్షేమం కోసం ధాన్యం కొనుగోలు చేసి మిల్లులకు తరలిస్తుంటే, కొందరు మిల్లర్లు ఆ ధాన్యాన్ని ఇతర మార్కెట్లలో అమ్ముకుంటూ కాలయాపన చేస్తున్నారనే ఆరోపణలు వ్యక్తమవుతున్నాయి. సకాలంలో సీఎంఆర్‌ అప్పగించని మిల్లులపై కఠిన చర్యలు తీసుకోవాల్సిన పౌర సరఫరాలశాఖ అధికారులు చూసీచూడనట్లు వ్యవహరిస్తున్నారనే విమర్శలు వస్తున్నాయి. సర్కారుకు భారీగా టోకరా వేస్తున్న రైస్‌మిల్లర్లు ఇంకా పూర్తికాని గతేడాది బియ్యం అప్పగింత రూ.155కోట్ల విలువైన బియ్యం రైస్‌మిల్లర్ల వద్దే..జంకని మిల్లర్లు..సీఎంఆర్‌ అప్పగించని రైస్‌మిల్లర్లపై రాష్ట్ర ప్రభుత్వం ఉక్కుపాదం మోపుతోంది. తొలుత సివిల్‌ సప్లై అధికారులతో దాడులు చేయించి కేసులు నమోదు చేశారు. అయినప్పటికీ మిల్లర్లు జంకకపోవడంతో సీఐడీకి బాధ్యతలు అప్పగించింది. సీఐడీ అధికారులు ఇటీవలనే పక్క జిల్లా ములుగులో పలువురు రైస్‌మిల్లర్లను అరెస్ట్‌ చేసి కేసులు నమోదు చేశారు. అయినప్పటికీ జిల్లాలోని మిల్లర్లు సీఎంఆర్‌ అప్పగించడంలో అలసత్వం ప్రదర్శిస్తూనే ఉన్నారు. ఇదిలా ఉండగా కొందరు రైస్‌మిల్లర్లు సన్నబియ్యానికి బదులుగా దొడ్డుబియ్యం అప్పగించినట్లుగా ఆరోపణలు వస్తున్నాయి.

● మంత్రి దుద్దిళ్ల శ్రీధర్‌బాబు ● వైట్‌కోట్‌ వేడుకలో పిలుపుభూపాలపల్లి అర్బన్‌: వైద్య విద్యార్థులు అంకితభావం, సేవా దృక్పథంతో చదువుకుని గొప్ప వైద్య నిపుణులుగా ఎదిగి దేశానికి, సమాజానికి మంచి పేరు తీసుకురావాలని రాష్ట్ర మంత్రి దుద్దిళ్ల శ్రీధర్‌బాబు ఆకాంక్షించారు. శుక్రవారం భూపాలపల్లి ప్రభుత్వ వైద్య కళాశాలలో మొదటి సంవత్సరం విద్యార్థులకు నిర్వహించిన వైట్‌కోట్‌ వేడుకలో మంత్రి ముఖ్యఅతిథిగా పాల్గొని మాట్లాడారు. వైద్య వృత్తి ఉపాధి మార్గం మాత్రమే కాదని, మానవ సేవకు అంకితమైన పవిత్ర బాధ్యత అన్నారు. వైట్‌కోట్‌ నిబద్ధత, సేవాభావానికి ప్రతీక అన్నారు. ఆధునిక వైద్య సాంకేతికతపై అవగాహన పెంచుకుంటూ అంతర్జాతీయ ప్రమాణాలకు అనుగుణంగా ఎదగాలన్నారు. వైద్య కళాశాల అభివృద్ధికి రూ.130 కోట్లతో భవనాలు, బాలురు, బాలికల హాస్టళ్ల నిర్మాణ పనులు చేపట్టినట్లు తెలిపారు. ఇప్పటికే బాలికల హాస్టల్‌ ప్రారంభించామని, 15 రోజుల్లో బాలుర హాస్టల్‌ అందుబాటులోకి వస్తుందన్నారు. విద్యార్థుల రవాణా కోసం సింగరేణి సంస్థ ద్వారా రెండు బస్సుల కొనుగోలుకు రూ.80లక్షలు మంజూరు చేయించినట్లు వెల్లడించారు. ఎమ్మెల్యే గండ్ర సత్యనారాయణరావు మాట్లాడుతూ.. కళాశాలలో మౌలిక వసతుల సమస్యలను దశలవారీగా పరిష్కరిస్తూ అభివృద్ధికి కృషి చేస్తున్నామన్నారు. కలెక్టర్‌ రాహుల్‌ శర్మ మాట్లాడుతూ కళాశాల 91శాతం ఫలితాలు సాధించడం అభినందనీయమన్నారు. జిల్లాలో ప్రజలకు మెరుగైన వైద్య సేవలు అందించడంలో కళాశాల కీలక పాత్ర పోషించాలని ఆకాంక్షించారు. అంతకుముందు మంత్రి రూ.15కోట్లతో నిర్మించిన బాలికల హాస్టల్‌ను ప్రారంభించారు. ఈ కార్యక్రమంలో జెన్‌కో చీఫ్‌ ఇంజినీర్‌ శ్రీప్రకాశ్‌, ప్రజాప్రతినిధులు, వైద్య కళాశాల ప్రిన్సిపాల్‌ డాక్టర్‌ శ్రీధర్‌రావు, వైద్యాధికారులు, అధ్యాపకులు, విద్యార్థులు, తల్లిదండ్రులు పాల్గొన్నారు.

● జిల్లా ప్రధాన న్యాయమూర్తి జీవన్‌ కుమార్‌ భూపాలపల్లి అర్బన్‌: జీవితంలో తొందరపాటు నిర్ణయాలు తీసుకోకుండా ఓపిక, సహనంతో ఉన్నత చదువులు చదివి ఉన్నత శిఖరాలను అధిరోహించాలని జిల్లా ప్రధాన న్యాయమూర్తి జె.జీవన్‌కుమార్‌ విద్యార్థులకు సూచించారు. జిల్లా న్యాయసేవాధికార సంస్థ ఆధ్వర్యంలో శుక్రవారం జంగేడులోని కస్తూర్బా గాంధీ బాలికల విద్యాలయంలో నిర్వహించిన ‘సురక్షిత్‌ బచ్‌పన్‌ అభియాన్‌’ కార్యక్రమానికి ఆయన ముఖ్యఅతిథిగా హాజరై మాట్లాడారు. బాల్యవివాహాలు, సైబర్‌ నేరాల పట్ల అప్రమత్తంగా ఉండాలని, పాఠశాల స్థాయి నుంచే చట్టాలపై అవగాహన పెంచుకోవాలని సూచించారు. జీవితంలో ఆదర్శనీయులను అనుసరిస్తూ లక్ష్య సాధన దిశగా ముందుకు సాగాలని పిలుపునిచ్చారు. ఈ కార్యక్రమంలో సీనియర్‌ సివిల్‌ జడ్జి తాడూరు మహతి వైష్ణవి, ప్రిన్సిపల్‌ జూనియర్‌ సివిల్‌ జడ్జి ఎస్‌ఆర్‌ దిలీప్‌కుమార్‌ నాయక్‌, అదనపు జూనియర్‌ సివిల్‌ జడ్జి జి అఖిల, సీఐ శ్రీనివాస్‌, జిల్లా సంక్షేమ అధికారి మల్లేశ్వరి, పాఠశాల ప్రిన్సిపాల్‌ ఈశ్వరి, ఉపాధ్యాయులు, న్యాయసేవాధికార సంస్థ సిబ్బంది పాల్గొన్నారు.

భూపాలపల్లి అర్బన్‌: జిల్లాస్థాయి జానపద నృత్య పోటీలు శుక్రవారం జిల్లాకేంద్రంలోని ప్రభుత్వ ఉన్నత పాఠశాలలో ఘనంగా నిర్వహించారు. జిల్లా విద్యాశాఖ అధికారి ఎల్‌.లలిత ముఖ్యఅతిథిగా హాజరై పోటీలను ప్రారంభించారు. విద్యార్థుల్లో సృజనాత్మకత, కళాత్మక నైపుణ్యాలు, సామాజిక స్పహ పెంపొందించడంతో పాటు జానపద కళలు, సంస్కృతి సంప్రదాయాలను ప్రోత్సహించడమే పోటీల ముఖ్య ఉద్దేశమని తెలిపారు. పర్యావరణ పరిరక్షణ, ఆరోగ్యం, మానసిక ఆరోగ్యం, లింగ సమానత్వం, పారిశుద్ధ్యం, బాధ్యతాయుత పౌరసత్వం, వ్యక్తుల మధ్య సంబంధాలు, హింస నుంచి రక్షణ, డిజిటల్‌ పరికరాల సురక్షిత వినియోగం తదితర పది అంశాలపై విద్యార్థులు జానపద నత్యాల ద్వారా చక్కటి సందేశాలిచ్చారు. ఈ పోటీల్లో చిట్యాల మండలం ప్రథమ బహుమతి సాధించగా, గణపురం, భూపాలపల్లి మండలాలు ద్వితీయ బహుమతులు పొందాయి. విజేతలకు డీఈఓ లలిత, సీఎంఓ సామల రమేశ్‌, మండల విద్యాశాఖ అధికారులు దేవా, అఫ్రోజ్‌, ప్రధానోపాధ్యాయురాలు ఎన్‌.లక్ష్మీప్రసన్న బహుమతులు, ప్రశంసపత్రాలు అందజేశారు. ఈ కార్యక్రమంలో విద్యాశాఖ అధికారులు, ప్రధానోపాధ్యాయులు, ఉపాధ్యాయులు, న్యాయనిర్ణేతలు, విద్యార్థులు పాల్గొన్నారు.

● కేఎంసీలో ఆరునెలలుగా పనిచేయని సీటీ స్కాన్‌ యంత్రం ● మూడునెలలుగా మూలన పడిన ఈఈజీ మెషిన్‌కాశిబుగ్గ: కాకతీయ మెడికల్‌ కళాశాల ఆవరణలోని సూపర్‌ స్పెషాలిటీ ఆస్పత్రిలో వైద్య సేవలకు సంబంధించిన పరికరాలు ఉపయోగంలో లేక పేషెంట్లు ఇబ్బందులు పడుతున్నారు. నెలల తరబడి పరికరాలు పనిచేయక పేషెంట్లు ఎంజీఎం ఆస్పత్రి చుట్టూ తిరుగుతున్నారు. అక్కడే అప్పటికే ఎంజీఎం పేషంట్ల క్యూతో పాటు సూపర్‌ పేషెంట్లు నిరీక్షించక తప్పట్లేదు. ఆర్నెళ్లుగా పనిచేయని సీటీ స్కాన్‌ సూపర్‌ స్పెషాలిటీ సేవలందించే ఆస్పత్రిలో ఆరునెలలకు పైగా సీటీ స్కాన్‌ పరికరం మూలకు చేరింది. ఈపరికరానికి మరమ్మతు చేయిస్తామని ఉన్నతాధికారులు పలుమార్లు చెప్పుకొస్తున్నప్పటికీ అమలు కావట్లేదు. దీంతో పేషంట్లు నిత్యం ఇబ్బందులు ఎదుర్కొంటున్నారు. ఎంజీఎంలో స్కాన్‌ చేయించుకోవడానికి వెళ్తే ఈ పరికరంపై భారం పడుతుందని అక్కడి సిబ్బంది చెబుతుండడంతో పేషెంట్లు ఒక్కోసారి ఏం చేయాలో తేల్చుకోలేకపోతున్నారు. గదికి తాళం.. ఇక సూపర్‌ స్పెషాలిటీ ఆస్పత్రిలో ఈఈజీ పరికరం(మూర్ఛ వ్యాధిని గుర్తించే పరీక్షలు చేసే పరికరం) మూడు నెలల నుంచి పనిచేయట్లేదు. దీంతో ఈఈజీ గదికి తాళం వేశారు. ఈ పరీక్షల కోసం కూడా ఎంజీఎంకు వెళ్లాలంటే పేషంట్లు వ్యయ ప్రయాసలకు గురవుతున్నారు. ముఖ్యంగా స్పృహ కోల్పొవడానికి కారణాన్ని తెలుసుకునే ఈ పరికరం లేక దూర ప్రాంతాల నుంచి వచ్చిన రోగులు, అటెండెంట్లు ఇబ్బందులు ఎదుర్కొటున్నారు. ఇప్పటికై నా ఈ పరికరాలకు మరమ్మతులు చేయించి తమను ఆదుకోవాలని పేషంట్లు కోరుతున్నారు.

భూపాలపల్లి అర్బన్‌: విద్యార్థులు పోక్సో కేసులు, బాల్య వివాహాలు, సైబర్‌ నేరాలపై అప్రమత్తంగా ఉండాలని ప్రిన్సిపాల్‌ జూనియర్‌ సివిల్‌ జడ్జి ఎస్‌ఆర్‌ దిలీప్‌కుమార్‌నాయక్‌ సూచించారు. జిల్లా న్యాయసేవాధికార సంస్థ ఆధ్వర్యంలో గురువారం జంగేడు జిల్లా పరిషత్‌ ఉన్నత పాఠశాలలో న్యాయ అవగాహన సదస్సు నిర్వహించారు. ఈ సందర్భంగా జడ్జి మాట్లాడుతూ.. విద్యార్థులు పాఠశాల దశ నుంచే చట్టాలపై అవగాహన పెంచుకోవాలని సూచించారు. బాల్య వివాహాలకు దూరంగా ఉండాలని, పోక్సో చట్టం నిబంధనలు తెలుసుకోవాలని తెలిపారు. సైబర్‌ మోసాలపై అప్రమత్తంగా ఉండాలని, ఆన్‌లైన్‌లో వ్యక్తిగత సమాచారాన్ని అపరిచితులతో పంచుకోవద్దని సూచించారు. తెలంగాణ మైనారిటీ బాలుర గురుకులంలో నిర్వహించిన మరో అవగాహన కార్యక్రమంలో అడిషనల్‌ జూనియర్‌ సివిల్‌ జడ్జి జి. అఖిల పాల్గొని పోక్సో చట్టంపై విద్యార్థులకు వివరించారు. ఈ కార్యక్రమాల్లో డిస్ట్రిక్‌ చైల్డ్‌ ప్రొటెక్షన్‌ ఆఫీసర్‌ రాజ కొమురయ్య, చైల్డ్‌ హెల్ప్‌లైన్‌ కోఆర్డినేటర్‌ తిరుపతి, సూపరింటెండెంట్‌ రఘురాం, న్యాయసేవాధికార సంస్థ సిబ్బంది అంబాల దేవేందర్‌, గోపాల్‌, రాజ్‌కుమార్‌, ఉపాధ్యాయులు, విద్యార్థులు పాల్గొన్నారు.

● రాష్ట్ర పంచాయతీరాజ్‌, గ్రామీణాభివృద్ధి శాఖ మంత్రి సీతక్క వెంకటాపురం(ఎం): గ్రామాల అభివృద్ధికి అవసరమైన నిధులు కేటాయించి మౌలిక సదుపాయాల కల్పనకు అన్ని విధాలా కృషి చేస్తామని రాష్ట్ర పంచాయతీరాజ్‌, గ్రామీణాభివృద్ధి శాఖ మంత్రి సీతక్క అన్నారు. మండలకేంద్రంలోని ప్రాథమిక వ్యవసాయ సహకార సంఘం(పీఏసీఎస్‌) నూతన కమిటీ ప్రమాణ స్వీకార కార్యక్రమానికి మంత్రి గురువారం ముఖ్యఅతిథిగా హాజరయ్యారు. చైర్మన్‌ శ్రీనివాస్‌తో పాటు కమిటీ సభ్యులకు శుభాకాంక్షలు తెలిపారు. అనంతరం మండలకేంద్రంలో రూ. 99లక్షల అంచనా వ్యయంతో పంచాయతీరాజ్‌ ఇంజినీరింగ్‌ శాఖ ఆధ్వర్యంలో చేపట్టిన అంతర్గత సీసీ రోడ్లు, డ్రెయినేజీ పనులను మంత్రి ప్రారంభించి మాట్లాడారు. గతంలో కాలనీలో పర్యటించినప్పుడు ఇచ్చిన హామీ మేరకు అభివృద్ధి పనులను మంజూరు చేసినట్లు తెలిపారు. స్థానిక సర్పంచ్‌, నాయకుల సూచనలు, సలహాలు, విజ్ఞప్తులను పరిగణనలోకి తీసుకొని పనులు చేపట్టినట్లు పేర్కొన్నారు. ఆశించిన మేర వర్షాలు కురవని నేపథ్యంలో అందుబాటులో ఉన్న నీటి వనరులను సద్విని యోగం చేసుకోవాలని సూచించారు. రైతులు, వ్యవసాయ కూలీలు, మహిళలు నీటిని జాగ్రత్తగా వినియోగించుకోవాలని కోరారు. గ్రామాల సమగ్రాభివృద్ధే లక్ష్యంగా ప్రభుత్వం ముందుకు సాగుతోందని మంత్రి వెల్లడించారు. విద్యార్థులు ఆసక్తిగా చదవాలి గోవిందరావుపేట: ప్రపంచంలో అత్యంత శక్తివంతమైనది విద్యేనని, విద్యార్థులు ఆసక్తితో చదివి ఉన్నతంగా ఎదగాలని మంత్రి సీతక్క అన్నారు. మండల పరిధిలోని పస్రా జెడ్పీహెచ్‌ఎస్‌లో జిల్లా న్యాయ సేవాధికార సంస్థ ఆధ్వర్యంలో సురక్షిత్‌ బచ్‌పన్‌ అభియాన్‌లో భాగంగా గురువారం నిర్వహించిన అవగాహన కార్యక్రమంలో ఆమె పాల్గొని మాట్లాడారు. విద్య జీవితంలోని ప్రతి దశలో అండగా నిలుస్తుందన్నారు. విద్యార్థులు కొత్త విషయాలు నేర్చుకుంటూ జ్ఞానాన్ని ఇతరులతో పంచుకోవాలన్నారు. పాఠశాలల్లో, ప్రయాణాల్లో, ఇళ్ల వద్ద ఎదురయ్యే వేధింపులను గుర్తించేలా వ్యక్తగత భద్రతపై అవగాహన పెంచుకోవాలన్నారు.

● హైకోర్టు జడ్జికి బార్‌ అసోసియేషన్‌ వినతిభూపాలపల్లి అర్బన్‌: జిల్లా కోర్టులో న్యాయమూర్తులను నియమించి, నూతన కోర్టు భవన నిర్మాణ పనులను వేగవంతం చేయాలని జిల్లా బార్‌ అసోసియేషన్‌ ప్రతినిధులు గురువారం హైకోర్టు న్యాయమూర్తి, జిల్లా అడ్మినిస్ట్రేటివ్‌ జడ్జి జస్టిస్‌ జె.శ్రీనివాసరావుకు వినతిపత్రం అందించారు. అంతకు ముందుకు మర్యాదపూర్వకంగా కలిసి పూలబొకే అందించి శాలువతో సన్మానించారు. బార్‌ అసోసియేషన్‌ అధ్యక్షుడు కూనూరి సురేష్‌ కుమార్‌, ప్రధాన కార్యదర్శి ఆకుల రాములు ఆధ్వర్యంలో హైకోర్టులో న్యాయమూర్తిని కలిసి జిల్లాలో న్యాయవ్యవస్థకు సంబంధించిన సమస్యలను వివరించారు. న్యాయమూర్తుల నియామకం, మౌలిక సదుపాయాల అభివృద్ధితో కేసుల పరిష్కారం వేగవంతమవుతుందన్నారు. వినతిపై జస్టిస్‌ జె.శ్రీనివాసరావు సానుకూలంగా స్పందించి, సమస్యల పరిష్కారానికి కృషి చేస్తామని హామీ ఇచ్చినట్లు బార్‌ అసోసియేషన్‌ ప్రతినిధులు తెలిపారు. ఈ కార్యక్రమంలో వైస్‌ ప్రెసిడెంట్‌ జి.రాజేందర్‌, లైబ్రరీ సెక్రటరీ అకినపల్లి రవికుమార్‌, ఎగ్జిక్యూటివ్‌ కమిటీ సభ్యుడు రవీందర్‌ పాల్గొన్నారు.

భూపాలపల్లి అర్బన్‌: ఆరుగాలం కష్టపడి పండించిన పంట చేతికొచ్చే వేళ అన్నదాతను అకాల వర్షాల భయం వెంటాడుతోంది. అక్టోబర్‌ నెలాఖరులో వాతావరణం ఒక్కసారిగా మారడం, ఆకాశం మేఘావృతం కావడం, చిరుజల్లులు కురుస్తుండటంతో రైతుల్లో ఆందోళన మొదలైంది. జిల్లాలో వరి కోతలకు సిద్ధమవుతున్న రైతులు వాతావరణ పరిస్థితులను గమనిస్తూ ఆచితూచి అడుగులు వేస్తున్నారు. ఇప్పటికే సాగు పెట్టుబడులు, కూలీల కొరతతో సతమతమవుతున్న రైతులకు అకాల వర్షాల ముప్పు కొత్త కష్టాలను తెచ్చిపెడుతోంది. పత్తి ఏరుతుండగా, వరి పంట కోసి ధాన్యాన్ని సురక్షితంగా ఇంటికి చేర్చే వరకు కంటిమీద కునుకు లేకుండా గడపాల్సిన పరిస్థితి నెలకొంది. ఏటా ఇదే ఆందోళన.. వరి సాగులో విత్తనం వేసినప్పటి నుంచి ధాన్యం విక్రయించే వరకు రైతులకు కష్టాలు తప్పడం లేదు. ఎరువులు, పురుగుమందుల ధరలు పెరగడం, కూలీల కొరత, సాగు ఖర్చులు అధికం కావడంతో పెట్టుబడుల భారం పెరుగుతోంది. ఈ క్రమంలో పంట చేతికొచ్చే సమయంలో అకాల వర్షాలు కురిస్తే రైతుల శ్రమంతా వృథా అయ్యే ప్రమాదం ఉంది. వరి కోతల సమయంలో వర్షం పడితే పంట నేలవాలడంతోపాటు కోసిన ధాన్యం తడిసిపోయే అవకాశముంది. తడిసిన ధాన్యాన్ని ఆరబెట్టడం, నాణ్యతను కాపాడటం, కొనుగోలు కేంద్రాలకు తరలించడం రైతులకు అదనపు భారంగా మారుతుంది. వాతావరణంలో మార్పులతో అయోమయం వాతావరణంలో మార్పులు రైతులను అయోమయానికి గురిచేస్తున్నాయి. కోతలు ప్రారంభిస్తే వర్షం అడ్డుపడుతుందేమోనని, ఆలస్యం చేస్తే పంట దెబ్బతింటుందేమోనని ఆందోళన చెందుతున్నారు. కోసిన పంటను పొలాల్లో ఉంచలేక, ధాన్యాన్ని సురక్షితంగా నిల్వ చేసుకునే సౌకర్యాలు లేక ఇబ్బందులు పడుతున్నారు. మరోవైపు కొనుగోలు కేంద్రాల్లో ధాన్యం తడవకుండా టార్పాలిన్లు, ఇతర రక్షణ ఏర్పాట్లు చేసుకోవాల్సిన పరిస్థితి నెలకొంది. జిల్లావ్యాప్తంగా గురువారం 42.2 మి.మీ వర్షపాతం నమోదు కాగా సగటున 3.8 మి.మీ వర్షం కురిసినట్లు అధికారులు ప్రకటించారు. జిల్లాలో అత్యధికంగా పలిమెల మండలంలో 9.2 మి.మీ వర్షపాతం నమోదవగా మల్హర్‌, టేకుమట్ల మండలాల్లో వర్షం కురవలేదు. పత్తి, మిర్చి పంటలపై సైతం ప్రభావం అకాల వర్షాలు కురవడం వలన ప్రధానంగా వరి పంటతో పత్తి, మిర్చి పంటలపైన సైతం తీవ్ర ప్రభావం చూపే అకాశాలు ఉన్నాయి. పత్తి పంట ఏరడానికి సిద్ధంగా ఉంది. పత్తి తడిసి, కాయలు రంగు మారి నాణ్యత కోల్పోతున్నాయి. దీంతో దిగుబడి తగ్గడమే కాకుండా మార్కెట్‌ ధరపై ప్రభావం పడే అవకాశం ఉంది. మిరప పంటలో నీరు నిలిస్తే వేర్లు కుళ్లి, తెగుళ్లు వచ్చే ప్రమాదం ఉంది.గురువారం వర్షపాతం వివరాలు (మి.మీ)మల్హర్‌, టేకుమట్లలో వర్షం కురవలేదు కోతకొచ్చిన వరి.. పొంచిఉన్న వాన ముప్పు మేఘావృతమైన వాతావరణంతో రైతుల్లో ఆందోళన నెలల తరబడి శ్రమకు ప్రకృతి పరీక్ష9.2 5.8 5.4 4.6 4.2 3.8 3.6 3.2 2.4పలిమెల కాటారం మహదేవపూర్‌ భూపాలపల్లి మహాముత్తారం రేగొండ చిట్యాల మొగుళ్లపల్లి గణపురం

భూపాలపల్లి: రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌ బాబు నేడు (శుక్రవారం) జిల్లాలో పర్యటించి పలు అభివృద్ధి కార్యక్రమాల్లో పాల్గొననున్నట్లు కలెక్టర్‌ రాహుల్‌ శర్మ తెలిపారు. ఎల్‌నినో ప్రభావంపై ఐడీఓసీ కార్యాలయంలోని సమావేశ మందిరంలో వివిధ శాఖల జిల్లా స్థాయి అధికారులతో సమీక్ష సమావేశం నిర్వహించనున్నట్లు వెల్లడించారు. సంబంధిత శాఖల అధికారులు క్షేత్రస్థాయిలో వాస్తవ పరిస్థితులపై కచ్చితమైన సమాచారంతో నివేదికలు సిద్ధం చేసుకొని సమీక్ష సమావేశానికి హాజరు కావాలని కలెక్టర్‌ ఆదేశించారు. గతేడాది, ప్రస్తుత ఏడాది ఎల్‌నినో ప్రభావానికి సంబంధించిన వివరాలతో పవర్‌పాయింట్‌ ప్రజెంటేషన్‌ (పీపీటీ) సిద్ధం చేసి సమర్పించాలని స్పష్టం చేశారు. జీఓ 25ను సవరించాలి మల్హర్‌ (కాటారం): ప్రాథమిక పాఠశాలల్లో 60 మంది విద్యార్థులకు ఇద్దరు టీచర్లు అనే అశాసీ్త్రయ హేతుబద్ధీకరణ ఉత్తర్వులు జీఓ 25ను వెంటనే సవరించాలని తెలంగాణ ప్రొగ్రెసివ్‌ టీచర్స్‌ ఫెడరేషన్‌ (టీపీటీఎఫ్‌) రాష్ట్ర ప్రధాన కార్యదర్శి నన్నెబోయిన తిరుపతి రాష్ట్ర ప్రభుత్వాన్ని డిమాండ్‌ చేశారు. గురువారం కాటారం, దేవరాపల్లి, ధన్వాడ, గంగారం పాఠశాలల్లో టీపీటీఎఫ్‌ మండల శాఖ ఆధ్వర్యంలో ఉపాధ్యాయులతో సమావేశాలు నిర్వహించారు. ఈ సందర్భంగా తిరుపతి మాట్లాడారు. ఐదు తరగతులకు ఇద్దరు టీచర్లతో బోధన సాగితే విద్యా నాణ్యత దెబ్బతింటుందన్నారు. ప్రతీ తరగతికి ఒక టీచర్‌ను నియమించాలని కోరారు. ఈ కార్యక్రమంలో టీపీటీఎఫ్‌ జిల్లా అధ్యక్షుడు బానోతు సేవానాయక్‌, ప్రధాన కార్యదర్శి గువ్వాడి జగపతిరావు, ఉపాధ్యక్షుడు గండు రాజబాబు, మండల అధ్యక్షుడు బొల్లం సతీష్‌, శ్రీకాంత్‌, నాయకులు పాల్గొన్నారు. ‘జలసిరి’ పనులు వేగవంతం చేయాలి చిట్యాల: మండలంలోని వివిధ గ్రామాలలో జరుగుతున్న వీబీజీ రామ్‌ జీ జలసిరి పనులను వేగవంతంగా పూర్తి చేయాలని డీఆర్‌డీఓ బాలకృష్ణ అన్నారు. గురువారం జూకల్‌ గ్రామంలోని రైతుల వ్యవసాయ క్షేత్రంలో తవ్విన పంట కుంటలు, కమ్యూనిటీ సోక్‌పిట్స్‌ పనులను పరిశీలించారు. పంట కుంటలతో కలిగే లాభాలు, నీటి నిల్వ సామర్ధ్యం గురించి రైతులతో మాట్లాడారు. ఈ కార్యక్రమంలో ఏపీఓ హలీమ్‌పాషా, ఈసీ సుధాకర్‌, స్రవంతి, సిబ్బంది చిరంజీవి, నవీన్‌, మారి స్వచ్ఛంద సేవ సంస్థ ప్రతినిధులు, ఐకేపీ సీసీలు పాల్గొన్నారు. జాతీయస్థాయి ఖోఖో పోటీల్లో రజత పతకం కాళేశ్వరం: హర్యానాలో నిర్వహించిన జాతీయ స్థాయి ఖోఖో పోటీల్లో తెలంగాణ జట్టు ద్వితీయ స్థానంలో నిలిచి రజత పతకం సాధించింది. ఈ పోటీల్లో మహదేవపూర్‌ మండలం సూరారం గ్రామానికి చెందిన ములకల్ల సూర్యచరణ్‌, రిష్మిత్‌ ప్రతిభ కనబరిచి విజయంలో కీలక పాత్ర పోషించారు. తమ కుమారులు ములకల్ల సూర్యచరణ్‌, రిష్మిత్‌ జాతీయస్థాయిలో ప్రతిభ కనబరచడం ఆనందంగా ఉందని తల్లిదండ్రులు హర్షం వ్యక్తం చేశారు. కొనసాగుతున్న సమ్మె భూపాలపల్లి అర్బన్‌: జిల్లాలో ఎన్‌హెచ్‌ఎం జేఏసీ ఆధ్వర్యంలో కొనసాగుతున్న నిరవధిక సమ్మె గురువారం 17వ రోజుకు చేరుకుంది. ఈ సందర్భంగా ఎన్‌హెచ్‌ఎం జేఏసీ రాష్ట్ర అధ్యక్షుడు డాక్టర్‌ పుట్ట మహేందర్‌ సమ్మెకు హాజరై డిమాండ్లు పరిష్కారమయ్యే వరకు పోరాటం కొనసాగుతుందని తెలిపారు. వరంగల్‌–ఖమ్మం–నల్లగొండ పట్టభద్రుల ఎమ్మెల్సీ అభ్యర్థి, తెలంగాణ రక్షణ సేన నాయకుడు డాక్టర్‌ నలమాస శ్రీకాంత్‌ గౌడ్‌ సమ్మెకు సంఘీభావం తెలిపారు. ఈ కార్యక్రమంలో జేఏసీ జిల్లా అధ్యక్షుడు బడితల రమేశ్‌, ప్రధాన కార్యదర్శి మధు, ఇతర నాయకులు, వైద్య సిబ్బంది, స్టాఫ్‌ నర్సులు పాల్గొన్నారు.

● గిరిజన సంక్షేమ శాఖ జిల్లా అధికారి నాగసాగర్‌ భూపాలపల్లి అర్బన్‌: డివిజన్‌ స్థాయి క్రీడా పోటీలను ప్రణాళికాబద్ధంగా, విజయవంతంగా నిర్వహించాలని గిరిజన సంక్షేమ శాఖ జిల్లా అధికారి నాగసాగర్‌ సూచించారు. గురువారం డీటీఓ కార్యాలయంలో ఫిజికల్‌ డైరెక్టర్లు (పీడీలు), వ్యాయామ ఉపాధ్యాయులతో ఆయన సమీక్షా సమావేశం నిర్వహించారు. ఈ సందర్భంగా నాగసాగర్‌ మాట్లాడుతూ.. నవంబర్‌ 11, 12వ తేదీల్లో కాటారం మండలం మేడిపల్లి ఆశ్రమ పాఠశాలలో డివిజన్‌ స్థాయి పోటీల నిర్వహణకు ముందస్తు కార్యాచరణ రూపొందించి, నిర్ణయించిన షెడ్యూల్‌ ప్రకారం నిర్వహించాలని తెలిపారు. విద్యార్థులకు అసౌకర్యం కలగకుండా క్రీడా మైదానాలు, తాగునీరు, భోజనం, ప్రథమ చికిత్స వంటి సదుపాయాలు ముందుగానే ఏర్పాటు చేయాలని ఆదేశించారు. అన్ని పాఠశాలలు, కళాశాలల నుంచి ప్రతిభావంతులైన విద్యార్థులు పోటీల్లో పాల్గొనేలా పీడీలు చొరవ చూపాలన్నారు. ప్రతీ క్రీడకు ప్రత్యేక కమిటీలు ఏర్పాటు చేసి, అధికారులకు బాధ్యతలు అప్పగించాలని సూచించారు. పోటీలను పారదర్శకంగా, క్రమశిక్షణతో నిర్వహించేందుకు సమన్వయంతో పనిచేయాలన్నారు. విద్యార్థుల్లో క్రీడాస్ఫూర్తి, జట్టుగా పనిచేసే తత్వం, నాయకత్వ లక్షణాల పెంపునకు క్రీడలు దోహదపడతాయని పేర్కొన్నారు. సమావేశంలో వివిధ పాఠశాలల ఫిజికల్‌ డైరెక్టర్లు, వ్యాయామ ఉపాధ్యాయులు పాల్గొన్నారు. నాణ్యమైన భోజనం అందించాలి విద్యార్థులకు నాణ్యమైన భోజనం, మెరుగైన వసతులు కల్పించాలని గిరిజన సంక్షేమ శాఖ జిల్లా అధికారి నాగసాగర్‌ సూచించారు. గురువారం గొల్లబుద్దారం గ్రామంలోని ఎస్టీ బాలుర వసతి గృహాన్ని ఆయన ఆకస్మికంగా తనిఖీ చేశారు. ఈ సందర్భంగా హాస్టల్‌లోని మౌలిక సదుపాయాలు, నిత్యావసర సరుకుల నిల్వలు, వాటి నాణ్యత ను పరిశీలించారు. విద్యార్థులకు అందిస్తున్న భో జనం నాణ్యతపై ఆరాతీశారు. విధుల పట్ల నిర్లక్ష్యం వహిస్తే ఉపేక్షించేది లేదని స్పష్టంచేశారు. విద్యార్థుల విద్యాభివృద్ధిపై ప్రత్యేక శ్రద్ధ చూపాలని, పరీక్షల్లో ఉత్తమ ఫలితాలు సాధించేలా ప్రో త్సహించాలని సూచించారు. ఈ తనిఖీలో వసతి గృహ సంక్షేమాధికారి, సిబ్బంది పాల్గొన్నారు.

సాక్షి, వరంగల్‌: బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌పై గతంలో తాను చేసిన కొన్ని వ్యక్తిగత వ్యాఖ్యల పట్ల మాజీ మంత్రి, వరంగల్‌ తూర్పు కాంగ్రెస్‌ పార్టీ ఎమ్మెల్యే కొండా సురేఖ ‘ఎక్స్‌’వేదికగా గురువారం విచారం వ్యక్తం చేయడం రాజకీయ వర్గాల్లో తీవ్ర చర్చకు దారి తీసింది. అప్పటి రాజకీయ పరిస్థితుల నేపథ్యంలో, ప్రతిపక్షాన్ని విమర్శించే క్రమంలో ఆ విధంగా మాట్లాడానే తప్ప ఉద్దేశపూర్వకంగా కాదని స్పష్టం చేయడంతో గులాబీ పార్టీకి వ్యతిరేకం కాదనే సంకేతాలిచ్చారని పొలిటికల్‌ సర్కిల్‌లో గుసగుసలు వినిపిస్తున్నాయి. ‘ఆనాడు తాను చేసిన కొన్ని నిరాధారమైన వ్యాఖ్యలు చేయకుండా ఉండాల్సింది. కేటీఆర్‌ని లేదా ఆయన కుటుంబ సభ్యులను బాధపెట్టాలని గానీ, వారి ప్రతిష్టకు భంగం కలిగించాలనే దురుద్దేశం తనకు ఎంతమాత్రం లేదు’అని కొండా సురేఖ స్పష్టతనిచ్చారు. తన వ్యాఖ్యలు వారిని గానీ, వారి కుటుంబ సభ్యులను గానీ నొప్పించి ఉంటే అందుకు చింతిస్తూ, ఆ వ్యాఖ్యలను ఉపసంహరించుకుంటున్నానని ఆమె ఎక్స్‌వేదికగా చేసిన పోస్టు ఇప్పుడూ రాజకీయ వర్గాల్లో తెగ వైరల్‌గా మారింది. ఇప్పటికే ఆమె అభివృద్ధి కార్యక్రమాల్లో తప్ప కాంగ్రెస్‌ పార్టీ కార్యక్రమాలకు దూరం దూరంగా ఉంటుండడం, తాజాగా కేటీఆర్‌కు క్షమాపణలు కోరడం చూస్తుంటే రాజకీయంగా ‘కొండ’ంత మార్పులేమైనా ఉంటాయనే ప్రచారం ఊపందుకుంది. ఇందుకు ఆమె తాజా పోస్టే ఉదాహరణ అంటూ రాజకీయ విశ్లేషకులు అభిప్రాయపడుతున్నారు. గతంలో ఏం జరిగిందంటే... మంత్రిగా ఉన్న సమయంలో కొండా సురేఖ మీడియాతో మాట్లాడుతూ కేటీఆర్‌పై తీవ్ర వ్యక్తిగత ఆరోపణలు చేశారు. బీఆర్‌ఎస్‌ ప్రభుత్వ హయాంలో సినీ ప్రముఖుల ఫోన్‌ ట్యాపింగ్‌ జరిగిందని, సినీ నటుల వ్యక్తిగత జీవితాల్లో చోటుచేసుకున్న పరిణామాలకు కేటీఆర్‌ కారణమంటూ ఆరోపణలు చేశారు. ప్రముఖ సినీ జంట నాగచైతన్య, సమంత విడాకుల వ్యవహారాన్ని కూడా ఈ వ్యాఖ్యల్లో ప్రస్తావించారు. అంతేకాకుండా సినీ ప్రముఖులను డ్రగ్స్‌కు అలవాటు చేశారంటూ కేటీఆర్‌పై ఆరోపణలు చేశారు. ఈ వ్యాఖ్యలు అప్పట్లో రాజకీయ, సినీ వర్గాల్లో తీవ్ర దుమారం రేపాయి. తనపై చేసిన ఆరోపణలను కేటీఆర్‌ తీవ్రంగా ఖండించారు. కొండా సురేఖ క్షమాపణ చెప్పాలని డిమాండ్‌ చేస్తూ లీగల్‌ నోటీసులు పంపించారు. అనంతరం తన ప్రతిష్టకు నష్టం కలిగించారంటూ నాంపల్లిలోని ప్రజాప్రతినిధుల కోర్టులో రూ.100 కోట్ల మేర పరువు నష్టం దావా దాఖలు చేశారు. ఈ వివాదంపై సినీ రంగానికి చెందిన ప్రముఖులు, అక్కినేని కుటుంబ సభ్యులు కూడా అప్పట్లో తీవ్రంగా స్పందించారు. సడెన్‌ పోస్టుతో మళ్లీ అ‘టెన్షన్‌’..సెప్టెంబర్‌ మూడో తేదీన మంత్రి వర్గం నుంచి బర్తరఫ్‌ చేసిన తర్వాత కొండా సురేఖ ఓ మీడియాతో మాట్లాడుతూ ‘కేసీఆర్‌ చాలా మంచి వ్యక్తి అని, తమను ఎప్పుడు కూడా ఒక్క మాట అనలేదు’అని గుర్తు చేశారు. కేసీఆర్‌లో ఎంతో హుందాతనం ఉంటుందని, తాము ఎప్పుడు వెళ్లినా ఆప్యాయంగా పలకరిస్తూ రిసీవ్‌ చేసుకునేవారని ఆమె చేసిన వ్యాఖ్యలతో బీఆర్‌ఎస్‌లోకి కొండా సురేఖ వెళ్తున్నారని సోషల్‌ మీడియాలో ప్రచారం జరిగింది. ఆ తర్వాత అటువంటిది ఏమీ లేదని ఆమె వివరణ ఇచ్చారు. తాజాగా ఎక్స్‌ వేదికగా మాజీ మంత్రి కేటీఆర్‌పై చేసిన వ్యక్తిగత విమర్శలను వెనక్కి తీసుకుంటున్నానంటూ పోస్టు చేశారు. దీంతో మళ్లీ ఆమె బీఆర్‌ఎస్‌లో చేరేందుకు సిద్ధమవుతున్నారనే ప్రచారం జోరందుకుంది. గతంలో ‘ది వెయిట్‌ ఈజ్‌ అల్‌ మోస్ట్‌ ఓవర్‌...బిగ్‌ అప్‌డేట్‌ కమింగ్‌ సూన్‌’అంటూ కొండా సురేఖ పేరుతో సెప్టెంబర్‌ నాలుగున సోషల్‌ మీడియాలో పోస్టు చేశారు. ఆ పోస్టు తమది కాదంటూ అధికారిక ఖాతాలనుంచి సురేఖ ప్రకటన చేసినా, ఇప్పుడే అదే నిజమవుతోందన్న చర్చ జరుగుతోంది. గ్రేటర్‌ వరంగల్‌ మున్సిపల్‌ కార్పొరేషన్‌, పట్టభద్రుల ఎమ్మెల్సీ ఎన్నికల ముందు జరుగుతున్న ఈ పొలిటికల్‌ హీట్‌ ఎటు దారితీస్తుందోనని చర్చించుకుంటున్నారు. కేటీఆర్‌కు మాజీ మంత్రి కొండా సురేఖ క్షమాపణలు వ్యక్తిగత వ్యాఖ్యలపై తాజాగా ఎక్స్‌ వేదికగా విచారం రాజకీయ పరిస్థితుల నేపథ్యంలోనే అని వివరణ ఇప్పటికే పార్టీ కార్యక్రమాలకు దూరం ఆమె బీఆర్‌ఎస్‌లోకి వెళ్తారనే జోరుగా ప్రచారం

ప్రయాణికుల రద్దీ దృష్ట్యా సికింద్రాబాద్‌–సిర్పూర్‌ కాగజ్‌నగర్‌ మధ్య నడుస్తున్న ప్రత్యేక రైలు సర్వీసులను పొడిగించినట్లు రైల్వే అధికారులు తెలిపారు. సన్నగా పోస్తున్న బోరు నీటిని చూపిస్తున్న రైతు మల్హర్‌ మండలంలోని పెద్దతూండ్ల పంచాయతీ పరిధిలోని గాదంపల్లికి చెందిన రైతు రాంపల్లి కుమార్‌. ఈయనకున్న ఎకరం పొలంలో వరి సాగు చేసి పెట్టుబడికి ఇప్పటి వరకు రూ.40వేలు ఖర్చు చేశాడు. వర్షాలు సమృద్ధిగా కురియక, భూగర్భ జలాలు అడుగంటి పోవడంతో బోరు నుంచి నీరు రావడం లేదు. వచ్చిన కొద్దిపాటి నీటితో 20 గుంటలకు మాత్రమే నీరు అందుతుంది. చివరి మడికి నీరు అందకపోవడంతో పంట ఎండిపోతుంది. ఇక పంటను వదిలేసుకోవాల్సిందేనని, ఇప్పుడే ఇలా ఉంటే యాసంగి పరిస్థితి ఏంటోనని ఆందోళన చెందుతున్నాడు.

ఎల్‌నినో ప్రభావంతో ఈ ఏడాది ఆశించిన స్థాయిలో వర్షాలు కురియలేదు. ఎల్‌నినో ప్రభావం ఉంటుందని అధికారులు, ప్రభుత్వం ప్రకటించినప్పటికీ కనీస వర్షాలు కురుస్తాయని రైతులు భావించి 1,09,442 ఎకరాల్లో పత్తిపంట, 1,00,149 ఎకరాల్లో వరి, 13,858 ఎకరాల్లో మిర్చి పంటలను సాగు చేశారు. సాగు ప్రారంభం నుంచి రైతులు ఇబ్బందులు ఎదుర్కొంటూనే ఉన్నారు. ఆశించిన స్థాయిలో వర్షాలు కురియకపోవడంతో జలాశయాలు నిండలేదు. అంతేకాక బోర్లు, బావుల్లో నీరు అడుగంటిపోయింది. ప్రస్తుతం వరిపంట పొట్టదశలో ఉండగా చివరి మడికి నీరు లేని పరిస్థితి నెలకొంది. భూమిలో తేమ శాతం పూర్తిగా పడిపోయింది. దీంతో వేల ఎకరాల్లో వరిపంట ఎండిపోతుంది. ఇదిలా ఉండగా ఆకుపచ్చ తెగుళ్ల కారణంగా రైతులు పత్తిపంటపై ఇప్పటికే ఆశలు వదులుకోగా, పూత, కాపు దశలో ఉన్న మిర్చికి నీరందడం లేదు. 5,520 ఎకరాల్లో సాగవుతున్న ఆయిల్‌పామ్‌ పరిస్థితి సైతం ఇలాగే ఉంది.

పక్క ఫొటోలోని రైతు కొత్తపల్లి గోరి గ్రామానికి చెందిన ఐరబోయిన దేవేందర్‌. తనకున్న నాలుగెకరాల్లో వరిపంట సాగు చేశాడు. ఎరువులు, క్రిమి సంహారక మందులు తదితర పెట్టుబడులతో పాటు కూలీల కోసం రూ.1.20 లక్షల వరకు వెచ్చించాడు. ఎల్‌నినో ప్రభావంతో సమృద్ధిగా వర్షాలు కురియలేదు. చెరువులో చుక్కనీరు లేకుండాపోయింది. అటు వర్షాలు కురియక, ఇటు చెరువులో నీరు లేకపోవడంతో ఇబ్బంది తలెత్తుతుంది. ప్రస్తుతం వరిపంట పొట్ట దశలో ఉండగా, మరో మూడు తడులు నీరు కడితే పంట చేతికొస్తుంది. ఈ క్రమంలోనే చెరువులో నీరు లేకపోవడం, పక్కన ఉన్న బోరుల్లో సైతం నీరు అడుగంటిపోవడంతో ఇక వరిపంటపై ఆశలు వదులుకోవాల్సిందేనని ఆవేదన వ్యక్తం చేస్తున్నాడు. పెట్టుబడి కూడా రాదని, ఇంతటి కరువు తానెప్పుడూ చూడలేదని వాపోతున్నాడు.

● లంచం అడిగితే 1064కు ఫిర్యాదు చేయండి ● ఏసీబీ డీఎస్పీ సాంబయ్యభూపాలపల్లి అర్బన్‌: అవినీతి రహిత సమాజమే లక్ష్యమని, లంచం అడిగితే ఫిర్యాదు చేయాలని ఏసీబీ డీఎస్పీ సాంబయ్య తెలిపారు. విజిలెన్స్‌ వారోత్సవం–2026లో భాగంగా జిల్లా వైద్య ఆరో గ్యశాఖ కార్యాలయంలో బుధవారం అవినీతి నిర్మూలనపై అవగాహన కార్యక్రమం నిర్వహించారు. ఈ సందర్భంగా ఆయన ముఖ్యఅతిథిగా హాజరై నిజాయితీ, పారదర్శకత, నైతిక విలువల ప్రాముఖ్యతను వివరించారు. ప్రభుత్వ ఉద్యోగులు విధులను నిబద్ధతతో నిర్వహించాలని, అధికారాలను వ్యక్తిగత ప్రయోజనాలకు ఉపయోగించొద్దన్నారు. ప్రభుత్వ ఉద్యోగులు లంచం డిమాండ్‌ చేస్తే తెలంగాణ ఏసీబీ టోల్‌ఫ్రీ నంబర్‌ 1064కు ఫిర్యాదు చేయాలని కోరారు. ఈ సందర్భంగా అవినీతికి దూరంగా ఉంటూ నిజాయితీతో విధులు నిర్వహిస్తామని అధికారులు ప్రతిజ్ఞ చేశారు. ఈ కార్యక్రమంలో డీఎంహెచ్‌ఓ డాక్టర్‌ మధుసూదన్‌, డిప్యూటీ డీఎంహెచ్‌ఓలు దేవేందర్‌, శ్రీదేవి, అధికారులు, సిబ్బంది పాల్గొన్నారు.

గణపురం: విద్యార్థులకు నాణ్యమైన విద్యతో పాటు మెరుగైన వసతులు కల్పించాలని కలెక్టర్‌ రాహుల్‌శర్మ అన్నారు. బుధవారం గణపురం మండలకేంద్రంలోని పీఎంశ్రీ మోడల్‌ స్కూల్‌, జూనియర్‌ కళాశాలను ఆకస్మికంగా తనిఖీ చేశారు. పాఠశాలలో విద్యాబోధన తీరు, విద్యార్థుల హాజరు, మౌలిక వసతులు పరిశీలించారు. విద్యార్థులతో మాట్లాడి ఉపాధ్యాయుల బోధన తీరును అడిగి తెలుసుకున్నారు. విద్యార్థుల హాజరు శాతంపై ఆరాతీస్తూ అ న్ని తరగతుల్లో వందశాతం హాజరు నమోదయ్యేలా చర్యలు తీసుకోవాలని ఉపాధ్యాయులను ఆదేశించారు. ముఖగుర్తింపు హాజరు తప్పనిసరి అని స్పష్టం చేశారు. విద్యార్థులు క్రమశిక్షణతో చదివి అన్ని రంగాల్లో ఉన్నతస్థాయికి ఎదగాలని సూచించారు. కార్యక్రమంలో తహసీల్దార్‌ రాజేశ్వర్‌ రావు, ప్రిన్సిపాల్‌ తిరుపతి తదితరులు పాల్గొన్నారు. కలెక్టర్‌ రాహుల్‌శర్మ

హన్మకొండ: అర్నబ్‌ తుపాన్‌ను ఎదుర్కొనేందుకు అన్ని విధాలుగా అప్రమత్తంగా ఉన్నామని టీజీ ఎన్పీడీసీఎల్‌ చైర్మన్‌, మేనేజింగ్‌ డైరెక్టర్‌ కర్నాటి వరుణ్‌ రెడ్డి తెలిపారు. తుపాన్‌ హెచ్చరికల నేపథ్యంలో ఎన్పీడీసీఎల్‌ పరిధిలో తీసుకుంటున్న ముందస్తు చర్యలు, అధికారులకు చేసిన దిశానిర్దేశం తదితర అంశాలను బుధవారం ఆయన ‘సాక్షి’కి వివరించారు. వివరాలు ఆయన మాటల్లోనే.. అర్నబ్‌ తుపాన్‌ ప్రభావం చాలా తీవ్రంగా ఉండనుందని వాతావరణశాఖ సమాచారాన్ని బట్టి తెలుస్తుంది. టీజీ ఎన్పీడీసీఎల్‌ పరిధిలో ఖమ్మం, భద్రాద్రి, ములుగు, జయశంకర్‌ భూపాలపల్లి జిల్లాలో తీవ్రంగా ఉండే అవకాశముంది. ఆ తర్వాత హనుమకొండ, వరంగల్‌ జిల్లాతోపాటు గోదావరి పొడుగున ఉన్న జిల్లాల్లోనూ ప్రభావం ఉండనుంది. మెన్‌, మెటీరియల్‌తో సిద్ధంగా ఉన్నాం. విద్యుత్‌ వ్యవస్థ దెబ్బతింటే వెనువెంటనే పునరుద్ధరించి సరఫరా అందించేందుకు చర్యలు తీసుకుంటాం. అవసరమైతే ప్రత్యామ్నాయ ఏర్పాట్ల ద్వారా విద్యుత్‌ సరఫరా పునరుద్ధరిస్తాం. అధికారులు, సిబ్బందిని అత్యవసర మరమ్మతులకు అవసరమైన సామగ్రితో సిద్ధంగా ఉండాలని సూచించాం. విద్యుత్‌ అంతరాయాలు, సరఫరాకు సంబంధించిన ఫిర్యాదుల కోసం వినియోగదారులు 1912 టోల్‌ఫ్రీ నంబర్‌ను సంప్రదించాలి. వర్షాలు, ఈదురుగాలుల సమయంలో తెగిపడిన విద్యుత్‌ తీగలను తాకొద్దు. వాటికి దూరంగా ఉండి వెంటనే విద్యుత్‌ శాఖకు సమాచారం అందించాలి. ఆంధ్ర ప్రదేశ్‌ వారు మన సపోర్టు కావాలని, కాంట్రాక్ట్‌ ఏజెన్సీలను పంపాలని కోరారు. ఈదురు గాలుల తీవ్రతను బట్టి నష్టం జరుగుతుంది. ఎన్పీడీసీఎల్‌ పరిధిలో తుపాన్‌ తీవ్రతను బట్టి ఆలోచిస్తామని వారికి చెప్పాం. వేసవిని ఎదుర్కొనేందుకు సన్నద్ధమవుతున్నాం.. ఎల్‌నినో ప్రభావంతో ఈసారి యాసంగిలో సాగు విస్తీర్ణం తగ్గే అవకాశముంది. ఆరుతడిపంటలు సాగు చేసేలా రైతులను ప్రభుత్వం ప్రోత్సహిస్తోంది. వ్యవసాయ, విద్యుత్‌, రెవెన్యూ శాఖల అఽధికారులు గ్రామాలకు వెళ్లి రైతులకు, ప్రజలకు ఈ మేరకు అవగాహన కల్పిస్తున్నారు. వచ్చే వేసవిని ఎదుర్కొనేందుకు ఇప్పటినుంచే సిద్ధమవుతున్నాం. గృహ విద్యుత్‌ వినియోగం పెరిగే అవకాశముంది. టీజీ ఎన్పీడీసీఎల్‌ పరిధిలో కొత్తగా 50 సబ్‌స్టేషన్‌లు నిర్మించనున్నాం. అదేవిధంగా అదనంగా 400 డిస్ట్రిబ్యూషన్‌ ట్రాన్స్‌ఫార్మర్‌లు ఏర్పాటు చేయనున్నాం. కొత్తలైన్లు వేయనున్నాం. జనవరి వరకు వేసవి పనులు పూర్తి చేసేలా ప్రత్యేక కార్యాచరణతో ముందుకు పోతున్నాం. వరంగల్‌లోనూ అండర్‌ గ్రౌండ్‌ విద్యుత్‌ లైన్లు హైదరాబాద్‌లో అండర్‌గ్రౌండ్‌ విద్యుత్‌ లైన్‌ వేయడానికి సన్నాహాలు జరుగుతున్నాయి. ఆ తర్వాత వరంగల్‌లో అండర్‌ గ్రౌండ్‌ విద్యుత్‌ లైన్‌ వేయనున్నాం. ఈ వ్యవస్థతో లైన్‌లాస్‌, విద్యుత్‌ నష్టాలు తగ్గుతాయి. అవసరమైన మ్యాన్‌పవర్‌, మెటీరియల్‌ సిద్ధం దెబ్బతిన్న విద్యుత్‌ వ్యవస్థ వెనువెంటనే పునరుద్ధరణ ప్రత్యామ్నాయ ఏర్పాట్ల ద్వారా విద్యుత్‌ సరఫరా ఎల్‌నినోతో విద్యుత్‌ వినియోగం, డిమాండ్‌ బాగా పెరిగింది వచ్చే వేసవికి ఇప్పటినుంచే సన్నద్ధమవుతున్నాం ‘సాక్షి’తో టీజీ ఎన్పీడీసీఎల్‌ సీఎండీ కర్నాటి వరుణ్‌ రెడ్డిసెప్టెంబర్‌, అక్టోబర్‌లో వినియోగం, డిమాండ్‌ పెరిగింది..సెప్టెంబర్‌, అక్టోబర్‌లో వినియోగం, డిమాండ్‌ పెరిగింది.. ఈ సెప్టెంబర్‌, అక్టోబర్‌లో విద్యుత్‌ వినియో గం, డిమాండ్‌ గణనీయంగా పెరిగింది. సెప్టెంబర్‌లో ఆల్‌టైం రికార్డు 6,948 మెగావాట్ల డిమాండ్‌కు చేరుకుంది. భూగర్భ జలాలు పడిపోవడంతో రైతులు సాగునీటి కోసం కాలువలు, బావులకు అదనపు మోటార్లు వాడడంతో విద్యుత్‌ వినియో గం బాగా పెరిగింది. దీని ప్రభావం డిస్ట్రిబ్యూషన్‌ ట్రా న్స్‌ఫార్మర్‌లపై పడింది. ప్రధానంగా ఉమ్మడి ఆదిలా బాద్‌, ఉమ్మడి కరీంనగర్‌ జిల్లాలో భూగర్భ జలాలు అడుగంటిపోవడంతో తీవ్ర ప్రభావం చూపింది. లోడ్‌ పెరిగి డిస్ట్రిబ్యూషన్‌ ట్రాన్స్‌ఫార్మర్‌లు కాలినా త్వరితగతిన వాటిని మా ర్చాం. ఈ మేరకు రెండు నెలలకు సరిపడా రోలింగ్‌ స్టాక్‌ అందుబాటులో ఉంచుకున్నాం. దీంతోపాటు స్టోర్స్‌లోనూ నూతన డిస్ట్రిబ్యూషన్‌ ట్రాన్స్‌ఫార్మర్‌లు అందుబాటులో ఉన్నాయి.

● 84 సబ్‌స్టేషన్‌లో వందశాతం స్కాడా అనుసంధానం విజయవంతంభూపాలపల్లి అర్బన్‌: విద్యుత్‌ సరఫరా వ్యవస్థను మరింత సమర్థవంతంగా పర్యవేక్షించేందుకు చేపట్టిన స్కాడా అనుసంధాన ప్రక్రియలో భూపాలపల్లి విద్యుత్‌ శాఖ అరుదైన ఘనత సాధించినట్లు ఎస్‌ఈ నాగెళ్లి సదానందం తెలిపారు. బుధవారం ఆయన మాట్లాడుతూ భూపాలపల్లి సబ్‌స్టేషన్‌ (ఆర్‌ఎఫ్‌–డీఎఎస్‌)ను స్కాడా వ్యవస్థకు అనుసంధానం చేయడంతో భూపాలపల్లి ఎంఆర్‌టీ అండ్‌ కన్‌స్ట్రక్షన్‌ డివిజన్‌ పరిధిలో వందశాతం అనుసంధానం పూర్తయినట్లు తెలిపారు. భూపాలపల్లి సర్కిల్‌లోని 49, ములుగు సర్కిల్‌లోని 35 సబ్‌స్టేషన్లు కలిపి మొత్తం 84 సబ్‌స్టేషన్లలో స్కాడా ఇంటిగ్రేషన్‌ విజయవంతంగా పూర్తయినట్లు వెల్లడించారు. ఈ ఘనత సాధించడంలో అధికారులు, సిబ్బంది సమష్టి కృషి కీలకమన్నారు. ఈ సందర్భంగా భూపాలపల్లి ఎస్‌ఈ నాగేల్లి సదానందం, ములుగు ఎస్‌ఈ భిక్షపతిలు భూపాలపల్లి డీఈలు పాపిరెడ్డి, జగదీష్‌, ఏటూరునాగారం, ములుగు, కాటారం డీఈలు, ఏడీఈలు, ఏఈలు, కన్‌స్ట్రక్షన్‌, ప్రొటెక్షన్‌, ఓఅండ్‌ఎం విభాగాల అధికారులు, సిబ్బందిని అభినందించారు.

భూపాలపల్లి అర్బన్‌: జాతీయ, రాష్ట్ర న్యాయసేవాధికార సంస్థల ఆదేశాల మేరకు సురక్షిత్‌ బచ్‌పన్‌ అభియాన్‌లో భాగంగా బుధవారం మండలంలోని గొర్లవీడు, కొత్తపల్లి, పెద్దాపూర్‌ ప్రభుత్వ పాఠశాలల్లో అవగాహన కార్యక్రమాలు నిర్వహించారు. గోర్లవీడు ప్రభుత్వ ఉన్నత పాఠశాలలో సీనియర్‌ సివిల్‌ జడ్జి తాడూరు మహతి వైష్ణవి, కొత్తపల్లి ప్రభుత్వ ఉన్నత పాఠశాలలో ప్రిన్సిపాల్‌ జూనియర్‌ సివిల్‌ జడ్జి దిలీప్‌కుమార్‌, పెద్దాపూర్‌ ప్రభుత్వ ఉన్నత పాఠశాలలో అడిషనల్‌ సివిల్‌ జడ్జి అఖిల హాజరై మాట్లాడారు. బాలల పరిరక్షణతోనే దేశ భవిష్యత్‌ బాగుంటుందని, పోక్సో నేరాలు, సైబర్‌ మోసాలపై అప్రమత్తంగా ఉండాలన్నా రు. విద్యార్థులకు క్రమశిక్షణ, బాలల హక్కులపై అవగాహన కల్పించారు. ఈ కార్యక్రమాల్లో జిల్లా బాలల పరిరక్షణ అధికారి వెంకటస్వామి, న్యాయసేవాధికార సంస్థ సిబ్బంది, ఉపాధ్యాయులు పాల్గొన్నారు. నేడు దేవాదాయ శాఖ ప్రిన్సిపల్‌ సెక్రటరీ రాక కాళేశ్వరం: మహదేవపూర్‌ మండలం కాళేశ్వరం దేవస్థానం పునర్నిర్మాణ పనుల పరిశీలన, సంబంధిత శాఖల అధికారులతో సమీక్ష నిర్వహించడానికి నేడు (గురువారం) ఉదయం 10 గంటలకు రాష్ట్ర దేవాదాయ శాఖ ప్రిన్సిపల్‌ సెక్రటరీ శైలజా రామయ్యర్‌ రానున్నారని ఈఓ మహేష్‌ బుధవారం ఒక ప్రకటనలో తెలిపారు. ఎన్‌హెచ్‌ఎం ఉద్యోగుల వినూత్న నిరసన భూపాలపల్లి అర్బన్‌: ఎన్‌హెచ్‌ఎం ఉద్యోగుల నిరవధిక సమ్మెలో భాగంగా బుధవారం ఉద్యోగులు బోనాలతో వినూత్న రీతిలో నిరసన తెలిపారు. మాజీ స్పీకర్‌, శాసనమండలి ప్రతిపక్ష నేత సిరికొండ మధుసూదనాచారి సమ్మెకు సంఘీభావం తెలిపి, ఉద్యోగులను రెగ్యులరైజ్‌ చేయాలని డిమాండ్‌ చేశారు. ఏళ్లుగా ప్రజలకు వైద్య సేవలందిస్తున్న ఉద్యోగుల సమస్యలను ప్రభుత్వం పరిష్కరించాలని కోరారు. ఈ కార్యక్రమంలో జేఏసీ జిల్లా అధ్యక్షుడు బడితల రమేష్‌, ప్రధాన కార్యదర్శి మ ధు, ఉపాధ్యక్షుడు డాక్టర్‌ రఘురాం, నాయకులు, వైద్యులు, ఏఎన్‌ఎంలు, స్టాఫ్‌ నర్సులు, ఫార్మసీ అధికారులు పాల్గొన్నారు. 31న జాబ్‌మేళా భూపాలపల్లి అర్బన్‌: జిల్లా ఉపాధి కల్పన కార్యాలయం ఆధ్వర్యంలో ఈ నెల 31న నిరుద్యోగ యువతకు జాబ్‌ మేళా నిర్వహించనున్నట్లు జిల్లా ఉపాధి కల్పన అధికారి ఎం.మల్లయ్య బుధవారం ఒక ప్రకటనలో తెలిపారు. కలెక్టరేట్‌లోని ఎఫ్‌3 బ్లాక్‌లో ఉదయం 11 గంటలకు జాబ్‌ మేళా ప్రారంభమవుతుందన్నా రు. క్యాపిటల్‌ వింగ్‌లో టెలీకాలర్స్‌ 10, శ్రీ విజయ బయో ఫెర్టిలైజర్స్‌లో సేల్స్‌ ఎగ్జిక్యూటివ్స్‌ 10 పోస్టులు భర్తీ చేయనున్నట్లు తెలిపారు. ఇంటర్‌ లేదా ఏదైనా డిగ్రీ ఉత్తీర్ణులైన 18 ఏళ్లు పైబడిన యువత అర్హులని, నెలకు రూ.15 వే ల వేతనం ఉంటుందన్నారు. వివరాలకు 9502 468800 నంబర్‌ను సంప్రదించాలన్నారు. సెంట్రలైజ్డ్‌ కిచెన్‌ విధానాన్ని విరమించుకోవాలి ములుగు రూరల్‌: సెంట్రలైజ్డ్‌ కిచెన్‌ విధానాన్ని ప్రభుత్వం విరమించుకోవాలని తెలంగాణ మధ్యాహ్న భోజన కార్మిక పథకం వర్కర్స్‌ యూనియన్‌ రాష్ట్ర ప్రధాన కార్యదర్శి జంపాల రవీందర్‌ అన్నారు. ఈ మేరకు బుధవారం మధ్యాహ్న భోజన కార్మికుల సమస్యలను పరిష్కరించాలని కోరుతూ జిల్లా కేంద్రంలో ర్యాలీ నిర్వహించారు. ఈ సందర్భంగా ఆయన మాట్లాడుతూ పెండింగ్‌లో ఉన్న 9 నెలల అల్పాహార బిల్లులను తక్షణమే విడుదల చేయాలని తెలిపారు.

కాళేశ్వరం: మేడిగడ్డ బరాజ్‌లో పుష్కలంగా నీళ్లు ఉన్నా కావాలనే తెలంగాణను ఎడారిగా మార్చేందుకు కాంగ్రెస్‌ ప్రభుత్వం కుట్రలు చేస్తోందని, కళ్లు తెరిచి రైతులను, ప్రజలను ఆదుకోవాలని మంథని మాజీ ఎమ్మెల్యే పుట్ట మధు విమర్శించారు. బుధవారం మహదేవపూర్‌ మండలంలో నిర్మించిన కాళేశ్వరం ప్రాజెక్టు పరిధి మేడిగడ్డ నుంచి సిద్దిపేట జిల్లా మర్కుక్‌ మండలం కొండపోచమ్మ సాగర్‌ వరకు పెద్దపల్లి, మంథనికి చెందిన బొడ్డు రవీందర్‌, ఉప్పు రాజ్‌కుమార్‌ల ఆధ్వర్యంలో చేపట్టిన 400 కిలో మీటర్ల మహా సైకిల్‌ యాత్రను రామగుండం మాజీ ఎమ్మెల్యే కోరుకంటి చందర్‌, పెద్దపల్లి మున్సిపల్‌ మాజీ చైర్‌పర్సన్‌ దాసరి మమతరెడ్డితో కలిసి ఆయన ప్రారంభించారు. ఈ సందర్భంగా పుట్ట మధు మాట్లాడుతూ మేడిగడ్డ వద్ద పుష్కలంగా ఉన్న నీళ్లను చూసైనా సీఎం రేవంత్‌రెడ్డి, మంత్రులు, ఎమ్మెల్యేలు కళ్లు తెరవాలని హితవుపలికారు. అధికారంలోకి వచ్చి మూడేళ్లు గడుస్తున్నా కాళేశ్వరం ప్రాజెక్టును కాపాడాలని మంథని ఎమ్మెల్యే ఏనాడు ఆలోచన చేయకపోవడం సిగ్గుచేటన్నారు. ఎల్‌నినో వచ్చిందని మూడేళ్లుగా గుర్తుకు రాని తమ్మిడిహెట్టిని తెరమీదకు తెచ్చి కంటితుడుపు చర్యలు చేపట్టారని విమర్శించారు. రామగుండం మాజీ ఎమ్మెల్యే కోరుకంటి చందర్‌ మాట్లాడుతూ దిగువకు వృథా పోతున్న నీటి దిశను మార్చి తెలంగాణ దశ మార్చిన గొప్ప అపర భగీరథుడు మాజీ సీఎం కేసీఆర్‌ అన్నారు. కుట్ర పూరితంగా ప్రాజెక్టును ఎండబెడుతున్న కాంగ్రెస్‌ ప్రభుత్వానికి ప్రజలు తగిన గుణపాఠం నేర్పుతారని హెచ్చరించారు. బీఆర్‌ఎస్‌ పార్టీ నాయకులు పాల్గొన్నారు. మంథని మాజీ ఎమ్మెల్యే పుట్ట మధు మేడిగడ్డ టు రంగనాయక సాగర్‌ వరకు మహా సైకిల్‌ యాత్ర ప్రారంభం

భూపాలపల్లి రూరల్‌: ఎల్‌నినో ప్రభావంతో జిల్లాలో వర్షాభావ పరిస్థితులు నెలకొన్నాయి. గ్రామీణ ప్రాంతాల్లో వ్యవసాయపరంగా ఈ సారి ఆశించిన స్థాయిలో పనులు ఉండే పరిస్థితులు కనిపించడం లేదు. దీంతో ఈ ఏడాది ఉపాధి పనులకు భారీగా డిమాండ్‌ ఏర్పడే అవకాశం ఉంది. ఈ పరిస్థితులను అధిగమించడంతో పాటు కూలీల డిమాండ్‌ మేరకు పనులు కల్పించాలనే ఉద్దేశంతో జిల్లా గ్రామీణాభివృద్ధి సంస్థ దృష్టి సారించింది. వీబీజీ రాంజీ పథకంలో వికసిత్‌ భారత్‌–2047 లక్ష్యానికి అనుగుణంగా గ్రామీణాభివృద్ధి సాధించే దిశగా అధికారులు కార్యాచరణ రూపొందించారు. ఇందుకోసం గ్రామాల వారీగా సభలు నిర్వహించి గుర్తించిన పనులకు అక్టోబర్‌ 2న ఆమోదముద్ర వేశారు. గ్రామాల వారీగా పనుల గుర్తింపు అక్టోబర్‌ 2 నుంచి 2027 జూన్‌ 30వరకు వీబీజీ రాంజీ పథకం కింద జిల్లాలోని గ్రామీణ ప్రాంతాల్లో చేపట్టాల్సిన పనులకు సంబంధించిన కార్యాచరణను రూపొందించారు. ఆయా గ్రామాల్లో ప్రజల వాస్తవ అవసరాలు, అందుబాటులో ఉన్న వనరులు, మౌలిక వసతుల లోటుపాట్లను అధిగమించేలా గ్రామసభలో ప్రత్యేక ప్రణాళికలు సిద్ధం చేస్తున్నారు. ఇందుకోసం ఇటీవల జిల్లాలోని ఎంపీడీఓలు, పంచాయతీ కార్యదర్శులు, సర్పంచ్‌లకు ప్రత్యేక శిక్షణ ఇచ్చారు. వీబీజీ రాంజీ పథకం కింద మొత్తం 375 పనులు చేపట్టేందుకు కేంద్ర ప్రభుత్వం నిర్దేశించింది. ఈ పనులను నాలుగు కేటగిరీలుగా విభజించారు. ఇందులో నీటి సంరక్షణ, గ్రామీణ మౌలిక వసతులు, జీవనోపాధికి మౌలిక వసతుల కల్పన, విపత్తుల నివారణ వంటి పనులకు ప్రాధాన్యత ఇస్తున్నారు. పలు శాఖల భాగస్వామ్యం ఉపాధి హామీ పనులను సాధారణంగా జిల్లా గ్రామీణాభివృద్ధి సంస్థ నిర్వహించేది. ఇటీవల వీబీజీ రాంజీగా పేరు మార్చిన కేంద్రం ప్రస్తుతం 26 శాఖలను ఇందులో భాగస్వాములను చేసింది. కూలీలకు ఉపాధితో పాటు ఆయా శాఖల్లో నిర్మాణాత్మకమైన పనులు చేపట్టే దిశగా చర్యలు చేపట్టింది. ప్రధానంగా పంచాయతీరాజ్‌, అటవీ, సెర్ప్‌, వ్యవసాయం, విద్య, మత్స్య, ఉద్యాన, రెడ్కో, డెయిరీ, గృహ నిర్మాణం, సెరికల్చర్‌, ఎస్‌బీఎం వంటి శాఖలను అనుసంధానం చేస్తూ పనులను కల్పించనున్నారు నీటి సంరక్షణకు ప్రాధాన్యం ఎల్‌నినో ప్రభావంతో లోటు వర్షపాతం నమోదైన దృష్ట్యా ప్రభుత్వం జలసిరి పనులపై ప్రత్యేక దృష్టి సారించాలని ఆదేశించింది. దీంతో ఉపాధి హమీ పథకం ద్వారా జిల్లాలో నీటి సంరక్షణ పనులకు ప్రాధాన్యత ఇస్తున్నాం. ఇప్పటికే జిల్లావ్యాప్తంగా నీటి గుంతల పనులు వేగంగా కొనసాగుతున్నాయి. దీంతో కూలీలకు ఉపాధి లభించడంతో పాటు భూగర్భ జలాల పెంపు సాధ్యమవుతోంది. – బాలకృష్ణ, డీఆర్‌డీఓ ఎల్‌నినోను ఎదుర్కొనేలా రూపకల్పన జిల్లాలో ప్రతీ పంచాయతీలో పనుల గుర్తింపు 26 ప్రభుత్వ శాఖల భాగస్వామ్యం నీటి సంరక్షణకు చర్యలు కూలీలకు ఉపాధి..ప్రస్తుతం వ్యవసాయ పనులు లేనందున కూలీలకు వీబీజీ రాంజీ పథకం ద్వారా ఉపాధి పొందుతున్నారు. గతంలో జాబ్‌కార్డులు కలిగిన కుటుంబాలకు గరిష్టంగా 100 పనిదినాలు కల్పించగా, ప్రస్తుతం 125కు పెంచారు. పని కోరిన కూలీలకు 15రోజుల్లో సైతం కొత్తకార్డులు మంజూరు చేస్తున్నారు. ఎల్‌నినో ప్రభావంతో వన మహోత్సవ కార్యక్రమం ఆలస్యంకాగా ప్రస్తుతం ఇందిరమ్మ ఇళ్ల నిర్మాణాలు, జలసిరి పనులు కొనసాగుతున్నాయి.

ప్రభుత్వ వైద్య వ్యవస్థలోని రెగ్యులర్‌ ఉద్యోగులతో సమానమైన బాధ్యతలు నిర్వహిస్తున్నాం. కానీ వేతనాలు, ఇతర ప్రయోజనాల్లో వ్యత్యాసాలు ఉన్నాయి. సమాన పనికి సమాన వేతనం అమలు చేసి, అన్ని కేడర్ల సమస్యలను పరిష్కరించాలి. – డాక్టర్‌ ప్రవళిక, పల్లె దవాఖాన వైద్యురాలుసమస్యలు పరిష్కరించే వరకు పోరాటం మా డిమాండ్లు వ్యక్తిగత ప్రయోజనాల కోసం కాదు. ఉద్యోగ భద్రత, న్యాయమైన వేతనాలు, భవిష్యత్‌పై భరోసా కోసమే పోరాడుతున్నాం. ప్రభుత్వం చర్చలకు ముందుకొచ్చి సమస్యలను పరిష్కరించాలి. అప్పటివరకు మా ఆందోళన కొనసాగుతుంది. – ప్రవీణ్‌, డాటా ఎంట్రీ ఆపరేటర్‌

భూపాలపల్లి అర్బన్‌: జిల్లాలోని పలు ప్రభుత్వ పాఠశాలలను జిల్లా ఇన్‌చార్జ్‌ విద్యాశాఖ అధికారి లలిత మంగళవారం ఆకస్మికంగా తనిఖీ చేశారు. భూపాలపల్లి మండలం కమలాపూర్‌ మండల పరిషత్‌, జిల్లా పరిషత్‌ ఉన్నత పాఠశాల, టేకుమట్ల కేజీబీవీలను తనిఖీ చేశారు. కమలాపూర్‌ పాఠశాలల్లో విద్యార్థుల విషయాలవారీ అభ్యసన సామర్థ్యాలను పరీక్షించి, తరగతి హాజరు, మధ్యాహ్న భోజనం నిర్వహణను పరిశీలించారు. మధ్యాహ్న భోజనం నిర్వహణపై అసంతృప్తి వ్యక్తం చేస్తూ ప్రతిరోజూ మెనూ ప్రకారం భోజనం అందించాలని సూచించారు. ఉన్నత పాఠశాలలో ఐఎఫ్‌పీ ప్యానల్‌ బోర్డులను వినియోగిస్తూ నాణ్యమైన విద్యాబోధన అందించాలని, ఉపాధ్యాయులు సెలవు తీసుకునే ముందు తప్పనిసరిగా అనుమతి పొందాలని ఆదేశించారు. అనంతరం టేకుమట్ల కేజీబీవీని తనిఖీ చేసిన డీఈఓ తరగతి గదుల నిర్వహణ, ఉపాధ్యాయుల బోధనపై అసంతృప్తి వ్యక్తం చేశారు. విద్యార్థుల అభ్యసన సామర్థ్యాలకు అనుగుణంగా నాణ్యమైన విద్యను అందించాలని సూచించారు. ఆయా కార్యక్రమాల్లో కమ్యూనిటీ మొబైల్‌ అధికారి సామల రమేశ్‌, ప్రధానోపాధ్యాయులు విష్ణుమూర్తి, గణపతి, జీసీడీఓ శైలజ, స్పెషల్‌ ఆఫీసర్‌ స్వప్న, ఉపాధ్యాయులు పాల్గొన్నారు. గంజాయి పరీక్షల్లో నలుగురికి పాజిటివ్‌ భూపాలపల్లి అర్బన్‌: జిల్లా కేంద్రంలోని ప్రభుత్వ జనరల్‌ ఆస్పత్రిలో మంగళవారం నిర్వహించిన గంజాయి పరీక్షల్లో నలుగురు యువకులకు పాజిటివ్‌ వచ్చినట్లు వైద్యులు నిర్ధారించారు. పట్టణంలో అనుమానిత గంజాయి వినియోగదారులపై సీసీఎస్‌ పోలీసులు తనిఖీలు నిర్వహించారు. అనుమానితులను ఆస్పత్రికి తరలించి పరీక్షలు నిర్వహించారు. సీసీఎస్‌ ఆధ్వర్యంలో నిర్వహించిన నలుగురికి పాజిటివ్‌గా నిర్ధారణ అయినట్లు సమాచారం. అనంతరం స్థానిక పోలీస్‌స్టేషన్‌కు తరలించి కౌన్సిలింగ్‌ నిర్వహించారు. రాష్ట్రస్థాయి బాక్సింగ్‌లో అర్చితకు రజతం టేకుమట్ల: టేకుమట్ల మండలకేంద్రంలోని పీఎం శ్రీ ఉన్నత పాఠశాలకు చెందిన పోశాల అర్చిత బాక్సింగ్‌లో రాష్ట్రస్థాయిలో రజత పథకాన్ని సాధించినట్లు జిల్లా యువజన క్రీడల అధికారి చిర్ర రఘు, పీడీ చాగంటి ఆనంద్‌ మంగళవారం తెలిపారు. స్కూల్‌ గేమ్‌ ఫెడరేషన్‌ ఆధ్వర్యంలో ఈ నెల 25, 26న హైదరాబాద్‌ బోడుప్పల్‌లో నిర్వహించిన పోటీల్లో ప్రతిభ కనబరిచింది. అర్చితను మండల విద్యాధికారి చిదిరాల సుధాకర్‌, ఎస్‌ఎఫ్‌ జిల్లా కార్యదర్శి జయపాల్‌, ఉపాధ్యాయ బృందం అభినందించారు. బాలల పరిరక్షణే భవిష్యత్‌ గణపురం: దేశ బంగారు భవిష్యత్‌ నేటి బాలల పరిరక్షణతోనే సాధ్యమవుతుందని సీనియర్‌ సివిల్‌ జడ్జి, న్యాయసేవాధికార సంస్థ కార్యదర్శి తాడూరు మహతి వైష్ణవి అన్నారు. సురక్షిత్‌ బచ్‌పన్‌ అభియాన్‌ ,బాలల పరిరక్షణపై మంగళవారం గణపురం మండలం గాంధీనగర్‌ మహాత్మ జ్యోతిరావు పూలే బీసీ గురుకుల పాఠశాలలో అవగాహన కార్యక్రమం నిర్వహించారు. ఈ సందర్భంగా మహతి వైష్ణవి మాట్లాడుతూ పోక్సో నేరాల నివారణ, సైబర్‌ మోసాల నుంచి పిల్లలను కాపాడుకోవడం ప్రథమ కర్తవ్యం అన్నారు. విద్యార్థులు పాఠశాల స్థాయి నుంచి అవగాహన కలిగి ఉండాలన్నారు. మండలంలోని చెల్పూరు జిల్లా పరిషత్‌ ఉన్నత పాఠశాలలో జరిగిన కార్యక్రమానికి అడిషనల్‌ జూనియర్‌ సివిల్‌ జడ్జి జి.అఖిల హాజరై మాట్లాడారు. ప్రతీ బిడ్డ బాల్యం మనందరి బాధ్యత అన్నారు. ఈ కార్యక్రమంలో జిల్లా చైల్డ్‌ ప్రొటెక్షన్‌ ఆఫీసర్‌ వెంకటస్వామి, సూపరింటెండెంట్‌ రఘురాం, న్యాయ సేవాధికార సంస్థ సిబ్బంది అంబాల దేవేందర్‌, గోపాల్‌, రాజ్‌కుమార్‌, ఉపాధ్యాయులు, విద్యార్థులు పాల్గొన్నారు.

డిమాండ్లు ఇవే..● ఎన్‌హెచ్‌ఎం ఉద్యోగులందరిని రెగ్యులర్‌ చేయాలి ● ఔట్‌సోర్సింగ్‌ ఏజెన్సీలను రద్దు చేసి, స్టేట్‌ హెల్త్‌ సొసైటీలోనే కొనసాగిస్తూ స్పార్స్‌ ద్వారా నేరుగా వేతనాలు చెల్లించాలి. ● ప్రతీ సంవత్సరం 5శాతం ఇంక్రిమెంట్‌, 8శాతం లాయల్టీ బోనస్‌ ● కేడర్‌తో సంబంధం లేకుండా 180 రోజుల వేతనంతో కూడిన ప్రసూతి సెలవు మంజూరు చేయాలి ● రూ.20లక్షల ప్రమాద బీమా, ఎక్స్‌గ్రేషియో, కుటుంబంలో ఒకరికి ఉద్యోగ అవకాశం కల్పించాలి ● ఉద్యోగ భద్రతతో పాటు ఈఎస్‌ఐ, ఈహెచ్‌ఎస్‌ సౌకర్యం కల్పించాలి ● ప్రతీ నెల 5వ తేదీలోపు వేతనాలు, పెండింగ్‌లో ఉన్న పీఆర్‌సీ ఏరియర్స్‌ చెల్లించాలి.ఉద్యోగం ఉన్నా..భూపాలపల్లి అర్బన్‌: ప్రజల ప్రాణాలను కాపాడే వైద్య సేవల్లో కీలకంగా పనిచేస్తున్న వారే నేడు తమ భవిష్యత్‌పై భరోసా లేక ఆందోళన బాట పట్టారు. ఏళ్ల తరబడి విధులు నిర్వహిస్తున్నా ఉద్యోగ భద్రత లేదు.. చాలీచాలని వేతనాలతో కుటుంబపోషణ భారంగా మారింది. రెగ్యులర్‌ ఉద్యోగులతో సమానంగా బాధ్యతలు నిర్వర్తిస్తున్నా.. దక్కే ప్రయోజనాలు మాత్రం పరిమితమే. ఇదీ జాతీయ ఆరోగ్య మిషన్‌ (ఎన్‌హెచ్‌ఎం) ఉద్యోగుల ఆవేదన. జిల్లాలో ప్రభుత్వ ప్రాథమిక, ఉప ఆరోగ్య కేంద్రాలు, సబ్‌ సెంటర్‌లలో వివిధ కేడర్లకు చెందిన 250మంది ఉద్యోగులు తమ న్యాయమైన డిమాండ్ల సాధన కోసం పోరాటం చేస్తున్నారు. సేవలు కీలకం.. భవిష్యత్‌పై ఆందోళన గర్భిణులు, బాలింతలు, చిన్నారుల ఆరోగ్య సంరక్షణ, టీకాల కార్యక్రమాలు, వ్యాధుల నియంత్రణ, ప్రాథమిక వైద్యసేవల్లో ఎన్‌హెచ్‌ఎం ఉద్యోగుల పాత్ర కీలకం. వైద్యాధికారులు, స్టాఫ్‌నర్సులు, ఏఎన్‌ఎంలు, పారామెడికల్‌ సిబ్బంది, ఫార్మసిస్టులు, ల్యాబ్‌ టెక్నీషియన్లు తదితరులు ప్రజలకు వైద్య సేవలందిస్తున్నారు. అయినప్పటికీ తమకు ఉద్యోగ భద్రత, వేతన సవరణ, పదోన్నతులు, ఇతర ప్రయోజనాలు అందడం లేదని వారు ఆవేదన వ్యక్తం చేస్తున్నారు. సమ్మెతో సేవలకు ఇబ్బందులు జిల్లాలో విధులు నిర్వర్తిస్తున్న ఎన్‌హెచ్‌ఎం ఉద్యోగులు 15 రోజులుగా సమ్మె చేస్తున్నారు. ఉద్యోగుల ఆందోళనతో వైద్యసేవలకు అంతరాయం ఏర్పడే పరిస్థితులు నెలకొన్నాయి. ముఖ్యంగా గ్రామీణ ప్రాంతాల్లో ప్రాథమిక వైద్యసేవలు, తల్లీబిడ్డల ఆరోగ్య సంరక్షణ, ఇతర ఆరోగ్య కార్యక్రమాలపై ప్రభావం పడుతుంది. ఉద్యోగుల సమస్యలను పరిష్కరించడంతో పాటు ప్రజలకు వైద్యసేవలు నిరంతరంగా అందేలా ప్రభుత్వం చర్యలు తీసుకోవాల్సిన అవసరం ఉంది.250మంది ఎన్‌హెచ్‌ఎం సిబ్బంది ఆవేదన సమ్మెతో వైద్యసేవలకు ఆటంకం పట్టించుకోని ప్రభుత్వం ఉద్యోగ భద్రత, క్రమబద్ధీకరణ, సమాన పనికి సమాన వేతనం కోసం ఎదురుచూపు 15వ రోజుకు చేరిన దీక్షలు

భూపాలపల్లి రూరల్‌: ఓటు హక్కు పరిరక్షణే కాంగ్రెస్‌ పార్టీ లక్ష్యమని ఏఐసీసీ అబ్జర్వర్‌ కేబీఆర్‌ నాయుడు అన్నారు. జిల్లాకేంద్రంలో కాంగ్రెస్‌ పార్టీ జిల్లా అధ్యక్షుడు బట్టు కరుణాకర్‌ ఆధ్వర్యంలో కార్యకర్తల సమావేశం జరిగింది. ఈ కార్యక్రమానికి కేబీఆర్‌ నాయుడు ముఖ్యఅతిథిగా హాజరై మాట్లాడారు. నవంబర్‌ 1న ఢిల్లీలో నిర్వహించనున్న ‘ఓటు బచావో – దేశ్‌ బచావో’ మహా ర్యాలీకి జిల్లా నుంచి కాంగ్రెస్‌ పార్టీ నాయకులు, కార్యకర్తలు పెద్ద సంఖ్యలో తరలివచ్చి విజయవంతం చేయాలని పిలుపునిచ్చారు. ప్రజాస్వామ్యంలో ఓటు హక్కు అత్యంత విలువైనదని, ఓటు హక్కును కాపాడటం ప్రతి ఒక్కరి బాధ్యత అని పేర్కొన్నారు. ఓటర్ల జాబితాలో అర్హులైన ఓటర్ల పేర్లు తొలగించబడకుండా ఎన్నికల సంఘం పారదర్శకంగా వ్యవహరించాలని డిమాండ్‌ చేశారు. ఓటర్ల జాబితా పరిశీలనకు మండల, డివిజన్‌ స్థాయిలో సమావేశాలు.. గ్రామసభల ద్వారా ప్రజలకు అవగాహన కల్పించాలని సూచించారు. ఈ సమావేశంలో టీపీసీసీ సమన్వయకర్త అరికెల నర్సారెడ్డి, భూపాలపల్లి ఎమ్మెల్యే గండ్ర సత్యనారాయణరావు, రాష్ట్ర ప్రధాన కార్యదర్శి దుద్దిళ్ల శ్రీనుబాబు, ట్రేడ్‌ ప్రమోషన్‌ కార్పొరేషన్‌ చైర్మన్‌, ఐత ప్రకాశ్‌రెడ్డి, అసెంబ్లీ కోఆర్డినేటర్‌ సిరాజ్‌ హుస్సేన్‌, జిల్లా గ్రంథాలయ సంస్థ చైర్మన్‌ తోట రాజబాబు, మున్సిపల్‌ చైర్మన్‌ బుర్ర కొమురయ్య, వైస్‌ చైర్మన్‌ అంబాల శ్రీనివాస్‌, కాంగ్రెస్‌ పట్టణ అధ్యక్షుడు శ్రీనివాస్‌ పాల్గొన్నారు. ఏఐసీసీ అబ్జర్వర్‌ కేబీఆర్‌ నాయుడు

సాక్షి ప్రతినిధి, వరంగల్‌: వానాకాలం సాగు సీజన్‌లో ఉమ్మడి వరంగల్‌ పరిధిలోని 42 మండలాలకు కరువు సెగ తగిలింది. రాష్ట్ర ప్రభుత్వం ప్రకటించిన కరువు ప్రభావిత మండలాల జాబితాలో ఉమ్మడి వరంగల్‌కు చెందిన ఆరు జిల్లాలు ఉన్నాయి. వీటిలో జనగామ జిల్లాలోని రఘునాథపల్లి మండలాన్ని తీవ్ర కరువు ప్రభావిత ప్రాంతంగా గుర్తించగా.. మిగిలిన 41 మండలాలను మోస్తరు కరువు కేటగిరీలో చేర్చింది. హనుమకొండ జిల్లాలో అత్యధికంగా 14 మండలాలు, వరంగల్‌లో 8, మహబూబాబాద్‌లో 7, జయశంకర్‌ భూపాలపల్లిలో 5, జనగామలో 4, ములుగులో 4 మండలాలు కరువు జాబితాలో ఉన్నాయి. వర్షపాతం, పంటల సాగు విస్తీర్ణం, నేలలో తేమ, భూగర్భజల పరిస్థితులు, ఉపగ్రహ ఆధారిత వృక్ష సంపద సూచీలు తదితర అంశాల ఆధారంగా ప్రభుత్వం కరువు తీవ్రతను అంచనా వేసి ప్రకటించింది. జిల్లా కలెక్టర్లు సంబంధిత మండలాలను నోటిఫై చేసి, కరువు సహాయక చర్యలు అమలు చేయాలని ప్రభుత్వం ఆదేశించింది. ఈ నేపథ్యంలో కరువు కష్టాల్లో ఉన్న రైతులకు ఈ ప్రకటన ఆచరణాత్మకంగా ఎంత ఊరటనిస్తుందో వేచి చూడాలి. హనుమకొండలో అత్యధికం.. వరంగల్‌లో ఎనిమిది.. ● హనుమకొండ జిల్లాలోని వేలేరు, ఎల్కతుర్తి, కమలాపూర్‌, హసన్‌పర్తి, కాజీపేట, హనుమకొండ, ఐనవోలు, దామెర, ఆత్మకూరు, శాయంపేట, పరకాల, భీమదేవరపల్లి, ధర్మసాగర్‌, నడికూడ మండలాలు మోస్తరు కరువు ప్రభావిత జాబితాలో ఉన్నాయి. ● వరంగల్‌లో దుగ్గొండి, నర్సంపేట, చెన్నారావుపేట, సంగెం, పర్వతగిరి, నెక్కొండ, ఖిలా వరంగల్‌, వరంగల్‌ మండలాలు కరువు ప్రభావిత ప్రాంతాలుగా నమోదయ్యాయి. ● జయశంకర్‌ భూపాలపల్లి జిల్లాలో మహదేవ్‌పూర్‌, ముత్తారం మహదేవ్‌పూర్‌, కాటారం, మల్హర్‌, కొత్తపల్లి (గోరి) మండలాలు మోస్తరు కరువు జాబితాలో ఉన్నాయి. ● జనగామ జిల్లాలో రఘునాథల్లి మండలాన్ని తీవ్ర కరువు ప్రభావిత ప్రాంతంగా గుర్తించారు. తరిగొప్పుల, జఫర్‌గఢ్‌, పాలకుర్తి మండలాలను మోస్తరు కరువు కేటగిరీలో చేర్చారు. ● మహబూబాబాద్‌ జిల్లాలో డోర్నకల్‌, కురవి, గూడూరు, నెల్లికుదురు, సిరోల్‌, కొత్తగూడ, ఇనుగుర్తి ఉన్నాయి. ● ములుగులో గోవిందరావుపేట, ఏటూరునాగారం, వెంకటాపురం, మంగపేట కరువు జాబితాలో ఉన్నాయి. ● మిగతా మండలాలు జాబితాలో లేకపోవడాన్ని అక్కడ కరువు పరిస్థితులు లేవనే నిర్ధారణగా భావించలేమని, వర్షపాతం, సాగు, పంటల పరిస్థితులపై జిల్లాలవారీగా మరిన్ని వివరాలు పరిశీలించాల్సి ఉందని వ్యవసాయశాఖ అధికారి ఒకరు తెలిపారు. 42 మండలాలపై కరువు కాటు.. రైతన్నకు కష్టకాలం జనగామ జిల్లా రఘునాథపల్లిని తీవ్ర కరువు ప్రాంతంగా గుర్తింపు హనుమకొండలో అత్యధికంగా 14.. వరంగల్‌లో 8 మండలాలకు దెబ్బ అధికారికంగా జాబితా ప్రకటించిన రాష్ట్ర ప్రభుత్వం

వచ్చే పరిమిత వేతనంతో ఇంటి అద్దె, పిల్లల చదువులు, నిత్యావసరాల ఖర్చులు భరించడం కష్టంగా మారింది. ఏళ్ల తరబడి పనిచేస్తున్నా ఉద్యోగం ఉంటుందో లేదోననే ఆందోళన వెంటాడుతోంది. ప్రభుత్వం మా కుటుంబాల పరిస్థితిని అర్థం చేసుకుని న్యాయం చేయాలి. –శ్రీనివాస్‌, కాంటిజెంట్‌ వర్కర్‌ ఏళ్ల సేవకు గుర్తింపు ఏది.. ప్రజలకు వైద్య సేవలందించడంలో నిరంతరం పనిచేస్తున్నాం. అత్యవసర పరిస్థితుల్లోనూ విధులకు ప్రాధాన్యమిస్తున్నాం. అయినా మా సేవలకు తగిన గుర్తింపు, ఉద్యోగ భద్రత లేకపోవడం బాధాకరం. అర్హతలు, సేవాకాలాన్ని పరిగణనలోకి తీసుకుని ఉద్యోగాలను క్రమబద్ధీకరించాలి. – సదాలక్ష్మి, ఏఎన్‌ఎం

గణపురం: సూపర్‌ ఎల్‌నినో ప్రభావం కారణంగా వర్షాపాతం లోటు, నీటి ఎద్దడి ఏర్పడే అవకాశాలు దృష్టిలో ఉంచుకొని రైతులు వరి పంట సాగుకు బదులు ఆరుతడి పంటలకు ప్రాధాన్యత ఇవ్వాలని జిల్లా వ్యవసాయ అధికారి జాడి బాబురావు సూచించారు. మంగళవారం గణపురం మండలం చెల్పూరు రైతు వేదికలో ఖేత్‌ బచావో అభియాన్‌ కార్యక్రమంలో భాగంగా భూ సంరక్షణ ఆవశ్యకతపై రైతులకు అవగాహన కల్పించారు. ఈ సందర్భంగా ఆయన మాట్లాడుతూ.. ఆరుతడి పంటలుగా జొన్న, సజ్జ, రాగి, మొక్కజొన్న, కంది, పెసరు, శనగ, వేరుశనగ, మినుము, నువ్వుల లాంటి తదితర పంటల సాగును ఎంచుకోవాలన్నారు. ముఖ్యంగా తక్కువ నీటితో సాగు చేయగల పంటను ఎంచుకోవడం ద్వారా నీటి వనరులను సంరక్షించడంతో పాటు సాగు ఖర్చులను తగ్గించుకోవచ్చన్నారు. ఈ కార్యక్రమంలో జిల్లా శాస్త్రవేత్త మదన్‌ మోహన్‌రెడ్డి తదితరులు పాల్గొన్నారు. జిల్లా వ్యవసాయ అధికారి బాబురావు

చిట్యాల: బాల్య వివాహాలను అరికట్టాలని మహిళా సాధికారత జిల్లా కో ఆర్డినేటర్‌ కృష్ణ అన్నారు. సోమవారం మండలంలోని నైన్‌పాక, జడల్‌పేట, కొత్తపేట గ్రామాలలో జిల్లా మహిళా సాధికారత కేంద్రం ఆధ్వర్యంలో బాల్య వివాహాల నివారణ, పోక్సో చట్టంపై అవగాహన కల్పించారు. అనంతరం కృష్ణ మాట్లాడుతూ.. బాల్య వివాహాలు బాలికల ఆరోగ్యం, విద్య, వారి భవిష్యత్‌పై తీవ్ర ప్రభావం చూపుతుందని అన్నారు. బాల్య వివాహాలను అరికట్టడంలో తల్లిదండ్రులు, ఉపాధ్యాయులు , యువత, గ్రామస్తులు కీలక పాత్ర పోషించాలని కోరారు. ఈ కార్యక్రమంలో నైన్‌పాక ఉన్నత పాఠశాల ప్రధానోపాధ్యాయుడు సుధాకర్‌, జెండర్‌ స్పెషలిస్టులు అనూష, మమత, సురేశ్‌, అంగన్‌వాడీ టీచర్‌ కరుణ, విద్యార్థులు పాల్గొన్నారు.

భూపాలపల్లి: ఎమ్మెల్సీ ఎన్నికల్లో ఓటు వేసేందుకు అర్హులైన పట్టభద్రులందరూ ఓటరుగా నమోదు చేసుకోవాలని కలెక్టర్‌ రాహుల్‌ శర్మ సోమవారం సూచించారు. భారత ఎన్నికల సంఘం ఆదేశాల మేరకు వరంగల్‌–ఖమ్మం–నల్లగొండ పట్టభద్రుల శాసనమండలి నియోజకవర్గ ఓటర్ల జాబితాను నవంబర్‌ 1 అర్హత తేదీగా నిర్ణయించి నూతనంగా రూపొందిస్తున్నట్లు తెలిపారు. ఓటరు నమోదుకు చర్యలు తీసుకోవాలని సింగరేణి, జెన్‌కో సంస్థలకు ప్రత్యేకంగా లెటర్‌ రాసినట్లు తెలిపారు. యాప్‌లో వివరాలు నమోదు చేసుకోవాలి.. జిల్లాలోని అన్ని ప్రభుత్వ శాఖల అధికారులు, సిబ్బంది తప్పనిసరిగా మీ ప్రమాణం యాప్‌లో తమ వివరాలను నమోదు చేసుకోవాలని కలెక్టర్‌ రాహుల్‌ శర్మ ఆదేశించారు. మీ ప్రమాణం యాప్‌లో నమోదుపై వివిధ శాఖల అధికారులతో ఐడీఓసీ కార్యాలయంలో కలెక్టర్‌ సమీక్ష నిర్వహించారు. ఈ సందర్భంగా కలెక్టర్‌ మాట్లాడుతూ.. ఇప్పటివరకు కేవలం 19 శాఖల అధికారులు మాత్రమే మీ ప్రమాణం యాప్‌లో నమోదు చేసుకున్నారని తెలిపారు. ఈ సమావేశంలో అదనపు కలెక్టర్లు అశోక్‌ కుమార్‌, విజయలక్ష్మి, డీఆర్‌ఓ వసంతకుమారి, ఈడీఎం శ్రీకాంత్‌ అన్ని శాఖల అధికారులు పాల్గొన్నారు. గడువులోగా జాబితా సవరణ.. ఎన్నికల సంఘం నిర్ధేశించిన గడువులోగా ఓటరు జాబితా సవరణ ప్రక్రియను విజయవంతంగా పూర్తి చేసేలా చర్యలు తీసుకుంటామని జిల్లా ఎన్నికల అధికారి, కలెక్టర్‌ రాహుల్‌ శర్మ పేర్కొన్నారు. సర్‌ ప్రక్రియ, ఎమ్మెల్సీ ఓటరు నమోదు, ఫారం 6, 7, 8 మరియు ఫారం 18 దరఖాస్తులపై హైదరాబాద్‌ రాష్ట్ర ఎన్నికల ప్రధాన అధికారి కార్యాలయం నుంచి అన్ని జిల్లాల ఎన్నికల అధికారులతో రాష్ట్ర ఎన్నికల ప్రధాన అధికారి డాక్టర్‌ సుదర్శన్‌ రెడ్డి వీడియో కాన్ఫరెన్స్‌ నిర్వహించారు. ఈ కాన్ఫరెన్స్‌లో జిల్లా నుంచి అదనపు కలెక్టర్‌ అశోక్‌ కుమార్‌, ఆర్డీఓ హరికృష్ణ, ఎన్నికల విభాగం పర్యవేక్షకుడు అబ్బాస్‌, సిబ్బంది పాల్గొన్నారు. కలెక్టర్‌ రాహుల్‌ శర్మ

గణపురం: మండలకేంద్రంలోని కాకతీయుల కళాక్షేత్రం కోటగుళ్లలో సోమవారం సందర్భంగా ప్రత్యేక పూజలు నిర్వహించారు. ఆలయ అర్చకుడు నాగరాజు ఆధ్వర్యంలో స్వామివారికి అభిషేకాలు, పూజలు నిర్వహించారు. అనంతరం స్వామి వారిని భక్తుల దర్శనార్ధం ప్రత్యేకంగా అలంకరించారు. స్వామివారిని దర్శించుకున్న భక్తులకు తీర్థ ప్రసాదాలను అందచేశారు. దరఖాస్తుల స్వీకరణ భూపాలపల్లి అర్బన్‌: ఉమ్మడి జిల్లా పరీక్షల విభాగం కార్యదర్శి నియామకానికి దరఖాస్తులు స్వీకరిస్తున్నట్లు జిల్లా ఇన్‌చార్జ్‌ విద్యాశాఖ అధికారి లలిత సోమవారం ఒక ప్రకటనలో పేర్కొన్నారు. ఆసక్తిగల గెజిటెడ్‌ ప్రధానోపాధ్యాయుల నుంచి ఈ నెల 31వ తేదీలోపు దరఖాస్తులను స్వీకరిస్తున్నట్లు తెలిపారు. 14వ రోజుకు చేరిన సమ్మె భూపాలపల్లి అర్బన్‌: ఎన్‌హెచ్‌ఎం ఉద్యోగులను రెగ్యులర్‌ చేయాలని, తమ న్యాయమైన డిమాండ్లను పరిష్కరించాలని కోరుతూ.. జిల్లాలో ఎన్‌హెచ్‌ఎం ఉద్యోగులు చేపట్టిన నిరవధిక సమ్మె 14వ రోజుకు చేరింది. సమ్మెలో భాగంగా సోమవారం ఉద్యోగులు తమ సమస్యలను వివరిస్తూ ముఖ్యమంత్రి రేవంత్‌రెడ్డికి పోస్ట్‌కార్డుల ద్వారా ఉత్తరాలు పంపించారు. సమ్మెకు బీజేపీ రాష్ట్ర నాయకురాలు కీర్తిరెడ్డి మద్దతు తెలిపారు. ఈ కార్యక్రమంలో ఎన్‌హెచ్‌ఎం జేఏసీ జిల్లా అధ్యక్షుడు బడితల రమేశ్‌, ప్రధాన కార్యదర్శి మధు, వర్కింగ్‌ ప్రెసిడెంట్‌ వెంకటేశ్‌, ఉపాధ్యక్షుడు డాక్టర్‌ రఘురాం, కోశాధికారి శ్రీను, సలహాదారులు శ్రీనివాస్‌, జిల్లా కోఆర్డినేటర్‌ ప్రవీణ్‌, డాక్టర్లు జగదీశ్‌, విజయ్‌, బాలకృష్ణ, మీడియా ఇన్‌ఛార్జి రాజు, కృష్ణవేణి, ఏఎన్‌ఎంలు, స్టాఫ్‌ నర్సులు, ఫార్మసీ అధికారులు పాల్గొన్నారు. కోజాగరి పౌర్ణమి ప్రత్యేక పూజలు కాళేశ్వరం: శ్రీ కాళేశ్వర ముక్తీశ్వర స్వామి దేవస్థానం అనుబంధ ఆది ముక్తీశ్వర స్వామి ఆలయం(బాలాలయం)లో కోజాగరి పౌర్ణమి సందర్భంగా ఆదివారం రాత్రి భక్తిశ్రద్ధలతో ప్రత్యేక పూజలు నిర్వహించారు. ఉప ప్రధాన అర్చకుడు ఫణింద్రశర్మ ఆధ్వర్యంలో పూజలు నిర్వహించగా, రాత్రి 10 గంటలకు భజనలు, 11,30 గంటల నుంచి కౌముది పూజ నిర్వహించారు. అనంతరం భక్తులు పాలలో చంద్రుడిని దర్శించుకుని తీర్థప్రసాదాలు స్వీకరించారు. ఈ కార్యక్రమంలో సర్పంచ్‌ వెన్నపురెడ్డి మోహన్‌రెడ్డి, ధర్మకర్త గంధేసిరి సత్యనారాయణ, సీనియర్‌ అసిస్టెంట్‌ ఉమామహేశ్‌, అర్చకులు, సిబ్బంది పాల్గొన్నారు. నేటి బాలల పరిరక్షణే దేశ బంగారు భవిష్యత్‌ గణపురం: దేశ బంగారు భవిష్యత్‌ నేటి బాలల పరిరక్షణతోనే సాధ్యమవుతుందని సీనియర్‌ సివిల్‌ జడ్జి, న్యాయసేవాధికార సంస్థ కార్యదర్శి తాడూరు మహతి వైష్ణవి అన్నారు. సురక్షిత్‌ బచ్‌పన్‌ అభియాన్‌, బాలల పరిరక్షణపై గణపురం కేజీబీవీలో సోమవారం అవగాహన కార్యక్రమం నిర్వహించారు. ఈ సందర్భంగా తాడూరు మహతి వైష్ణవి మాట్లాడుతూ పోక్సో నేరాల నివారణ, సైబర్‌ మోసాల నుంచి పిల్లలను కాపాడుకోవడం మన ప్రథమ కర్తవ్యం అన్నారు. అడిషనల్‌ జూనియర్‌ సివిల్‌ జడ్జి జి.అఖిల మాట్లాడుతూ ప్రతీ బిడ్డ బాల్యం మనందరి బాధ్యత అన్నారు. ఈ కార్యక్రమంలో జిల్లా చైల్డ్‌ ప్రొటెక్షన్‌ ఆఫీసర్‌ వెంకటస్వామి, కోఆర్డినేటర్‌ తిరుపతి, ఉపాధ్యాయులు, విద్యార్థులు పాల్గొన్నారు.

భూపాలపల్లి: రేగొండ మండలం తిరుమలగిరి గ్రామంలోని శ్రీ వేంకటేశ్వరస్వామి బుగులోని జాతరకు వచ్చే భక్తులకు అసౌకర్యం కలగకుండా అన్ని రకాల మౌలిక వసతులు కల్పించాలని ఎమ్మెల్యే గండ్ర సత్యనారాయణరావు అధికారులను ఆదేశించారు. సోమవారం భూపాలపల్లి ఐడీఓసీ సమావేశ మందిరంలో కలెక్టర్‌ రాహుల్‌ శర్మతో కలిసి దేవాదాయ, పంచాయతీరాజ్‌, విద్యుత్‌, ఆర్‌అండ్‌బీ, ఆర్‌డబ్ల్యూఎస్‌, వైద్య, రవాణా, పోలీస్‌, అగ్నిమాపక, అటవీశాఖల అధికారులతో జాతర ఏర్పాట్లు, అభివృద్ధి పనుల పురోగతిపై సమీక్షా సమావేశం నిర్వహించారు. ఈ సందర్భంగా ఎమ్మెల్యే మాట్లాడుతూ.. నవంబర్‌ 23 నుంచి 27 వరకు నిర్వహించనున్న జాతర మహోత్సవాలకు పెద్దసంఖ్యలో భక్తులు తరలివచ్చే అవకాశం ఉందన్నారు. ఏర్పాట్లను యుద్ధప్రాతిపదికన పూర్తి చేయాలని సూచించారు. గతంలో మంజూరైన కోనేరు బావి, శాశ్వత కల్యాణ మండపం నిర్మాణం, విద్యుత్‌ లైట్లు, పైప్‌లైన్‌, మెట్ల నిర్మాణ పనులను త్వరితగతిన పూర్తిచేయాలని ఆదేశించారు. పంచాయతీరాజ్‌ శాఖ ద్వారా రూ.8.75 కోట్ల అంచనా వ్యయంతో చేపట్టనున్న రహదారి పనులను వేగవంతం చేయాలని తెలిపారు. జాతరకు వచ్చే రహదారులను మరమ్మతు చేసి భక్తుల రాకపోకలకు అనువుగా తీర్చిదిద్దాలన్నారు. కలెక్టర్‌ రాహుల్‌ శర్మ మాట్లాడుతూ.. జాతరకు వచ్చే భక్తుల సౌకర్యార్థం నిరంతర తాగునీటి సరఫరా ఉండేలా చర్యలు తీసుకోవాలన్నారు. బోర్లు, ఆర్‌డబ్ల్యూఎస్‌ పథకాల పనితీరును నిరంతరం పర్యవేక్షించాలని సూచించారు. తాత్కాలిక మరుగుదొడ్ల ఏర్పాటు, పారిశుద్ధ్య నిర్వహణ, బ్లీచింగ్‌ పౌడర్‌ పిచికారీ వంటి పనులను ముందస్తుగానే చేపట్టాలని తెలిపారు. జాతర సమయంలో విద్యుత్‌ అంతరాయం లేకుండా అవసరమైన విద్యుత్‌ స్తంభాలు, ట్రాన్స్‌ఫార్మర్లు ఏర్పాటు చేసి నిరంతర విద్యుత్‌ సరఫరా అందించాలన్నారు. ఈ సమావేశంలో డీఎఫ్‌ఓ కిష్టాగౌడ్‌, అదనపు కలెక్టర్‌ విజయలక్ష్మి, మున్సిపల్‌ చైర్మన్‌ బుర్ర కొమురయ్య, దేవాలయ ఈఓ శ్రీనివాస్‌, ఆయా శాఖల జిల్లా అధికారులు పాల్గొన్నారు. వాల్మీకి రచనలు స్ఫూర్తిదాయకం.. మహర్షి వాల్మీకి జీవితం, ఆయన రచనలు ప్రతి ఒక్కరికీ స్ఫూర్తిదాయకమని, జ్ఞానం, కృషి, మంచి ఆలోచనలతోనే మనిషి జీవితంలో గొప్ప మార్పు సాధ్యమవుతుందని భూపాలపల్లి ఎమ్మెల్యే గండ్ర సత్యనారాయణరావు అన్నారు. సోమవారం మహర్షి వాల్మీకి జయంతిని పురస్కరించుకొని జిల్లా వెనుకబడిన తరగతుల సంక్షేమ శాఖ ఆధ్వర్యంలో ఐడీఓసీ కాన్ఫరెన్స్‌ హాల్‌లో నిర్వహించిన జయంతి వేడుకల్లో కలెక్టర్‌ రాహుల్‌ శర్మతో కలిసి జ్యోతి ప్రజ్వలన చేసి మహర్షి వాల్మీకి చిత్రపటానికి పూలమాలలు వేశారు. అనంతరం ఎమ్మెల్యే మాట్లాడుతూ.. మహర్షి వాల్మీకి ప్రాచీన భారతీయ సంస్కృతి, సాహిత్యానికి విశేష సేవలందించారని పేర్కొన్నారు. ఈ కార్యక్రమంలో జిల్లా బీసీ అభివృద్ధి అధికారి ఇందిర, మున్సిపల్‌ చైర్మన్‌ బుర్ర కొమురయ్య, వాల్మీకి బోయ జిల్లా అధ్యక్షులు దీశెట్టి గోపాల్‌, పట్టణ అధ్యక్షుడు మేకల కనకయ్య తదితరులు పాల్గొన్నారు. భక్తులకు ఇబ్బంది రానివ్వొద్దు ఎమ్మెల్యే గండ్ర సత్యనారాయణరావు

● ఆర్టీసీ వరంగల్‌ రీజియన్‌కు వచ్చిన దసరా ఆదాయం ● ‘మహాలక్ష్మి’కింద 39.98 లక్షల మంది ప్రయాణంహన్మకొండ: బతుకమ్మ, దసరా పండుగలకు టీజీఎస్‌ ఆర్టీసీ వరంగల్‌ రీజియన్‌ రూ.33.63 కోట్ట ఆదాయాన్ని రాబట్టుకుంది. పండుగల నేపథ్యంలో ప్రయాణికులకు ఇబ్బందులు కలుగకుండా ఈ నెల 9 నుంచి 25వ తేదీ వరకు రెగ్యులర్‌ బస్సులతోపాటు ప్రత్యేక సర్వీసులు నడిపింది. వరంగల్‌ రీజియన్‌లోని 9 డిపోల ద్వారా 63.76 లక్షల కిలో మీటర్లు బస్సులు తిరిగి 61.07 లక్షల మంది ప్రయాణికులను సురక్షితంగా గమ్యస్థానాలకు చేరవేసింది. రూ.33,63,14,000 ఆదాయాన్ని సాధించింది. ఇందులో మహాలక్ష్మి పథకం ద్వారా 39.98 లక్షల మంది ప్రయాణించారు. ఆర్టీసీ బస్సులోనే సురక్షిత ప్రయాణం ఆర్టీసీ బస్సులోనే సురక్షిత ప్రయాణం. ఈ నమ్మకంతో ప్రయాణం చేసిన వారికి సంస్థ కృతజ్ఞతలు తెలుపుతోంది. అధికారులు, కార్మికులు సమష్టి కృషి, సమన్వయంతో అహర్నిశలు శ్రమించారు. ఎలాంటి అవాంఛనీయ సంఘటనలు జరగకుండా అత్యంత సమర్థవంతంగా నడిపించిన డ్రైవర్లు, కండక్టర్లు, గ్యారేజీ మెకానిక్‌లు, ట్రాఫిక్‌ సూపర్‌ వైజర్లు, డిపో మేనేజర్లు, పాలనా సిబ్బందికి ధన్యవాదాలు. – ఎస్‌.భవాని ప్రసాద్‌ వరంగల్‌ ఆర్‌ఎం డిపో వారీగా ఆదాయం (రూ.లక్షల్లో), బస్సులు తిరిగిన కి.మీ (లక్షల్లో) వివరాలు డిపో ఆదాయం తిరిగిన ప్రయాణికులు మహిళలు కి.మీహనుమకొండ 425.40 8.13 11,63,364 8,65,103 జనగామ 381.74 7.50 8,32,095 5,75,394 వరంగల్‌–1 500.47 10.41 5,90,479 3,30,395 వరంగల్‌–2 574.93 11.30 6,75,606 3,88,832 మహబూబాబాద్‌ 220.68 4.32 5,30,281 3,55,715 నర్సంపేట 274.37 5.10 6,06,194 3,95,784 పరకాల 250.19 4.49 6,28,529 4,15,240 తొర్రూరు 365.81 6.31 5,35,728 3,41,101 భూపాలపల్లి 369.56 6.22 5,45,709 3,30,502

భూపాలపల్లి: పోలీసు అమరవీరుల త్యాగాలు చిరస్మరణీయమని అదనపు ఎస్పీ నరేష్‌కుమార్‌ అన్నారు. పోలీసు అమరవీరుల వారోత్సవాల్లో భాగంగా సోమవారం జిల్లా పోలీసు కార్యాలయం నుంచి బైక్‌ ర్యాలీ నిర్వహించారు. ఈ ర్యాలీని అదనపు ఎస్పీ జెండా ఊపి ప్రారంభించారు. ఈ సందర్భంగా ఆయన మాట్లాడుతూ.. దేశ రక్షణ, ప్రజల భద్రత కోసం విధి నిర్వహణలో ప్రాణాలర్పించిన పోలీస్‌ అమరవీరుల త్యాగాలు వెలకట్టలేనివని అన్నారు. అమరుల ధైర్యసాహసాలు, అంకితభావం ప్రతీ పోలీస్‌ సిబ్బందికి స్ఫూర్తిదాయకమని పేర్కొన్నారు. ప్రజల రక్షణ కోసం అమరవీరులు చేసిన ప్రాణత్యాగాలను స్మరించుకుంటూ, వారి ఆశయాలకు అనుగుణంగా ప్రజలకు సేవలందించడమే వారికి అందించే నిజమైన నివాళి అని తెలిపారు. ఈ కార్యక్రమంలో భూపాలపల్లి సీఐ చెన్నూరి శ్రీనివాస్‌, ఆర్‌ఐలు రత్నం, సంతోష్‌, ఎస్సైలు, ఆర్‌ఎస్సైలు, స్పెషల్‌ పార్టీ పోలీసు సిబ్బంది పాల్గొన్నారు. వాల్మీకి బోధనలు ఆదర్శం.. మహర్షి వాల్మీకి బోధనలు ఆదర్శంగా తీసుకొని నైతిక విలువలతో కూడిన సమాజ నిర్మాణానికి ప్రతీ ఒక్కరు కృషి చేయాలని అదనపు ఎస్పీ నరేష్‌కుమార్‌ సూచించారు. వాల్మీకి జయంతి వేడుకలను జిల్లా పోలీసు కార్యాలయంలో ఘనంగా నిర్వహించారు. వాల్మీకి చిత్ర పటానికి పూల మాలలు వేసిన అనంతరం ఏఎస్పీ మాట్లాడారు. రామాయణ మహా కావ్యాన్ని రచించి భారతీయ సంస్కృతి, సాహిత్య చరిత్రలో విశిష్ట స్థానం కలిగిన మహనీయుడు వాల్మీకి అని కొనియాడారు. ఆయన రచనలు సత్యం, ధర్మం, న్యాయం, మానవతా విలువలను తరతరాలకు చాటి చెబుతున్నాయని అన్నారు. ఈ కార్యక్రమంలో ఆర్‌ఐలు సంతోష్‌, రత్నం, పోలీస్‌ సిబ్బంది పాల్గొన్నారు. అదనపు ఎస్పీ నరేష్‌కుమార్‌

భూపాలపల్లి: మహారాష్ట్ర సిరొంచ సమీపం రామంజాపూర్‌ వద్ద మూడేళ్ల క్రితం మూతబడ్డ పేకాట క్లబ్‌లు 15 రోజుల క్రితం తెరుచుకున్నాయి. కాళేశ్వరం నుంచి సుమారు 8 కిలోమీటర్ల మాత్రమే కావడంతో జిల్లాలోని పేకాటరాయుళ్లతో పాటు గోదావరి సరిహద్దు జిల్లాలైన కొమురంభీం, మంచిర్యాల, పెద్దపల్లితో పాటు గోదావరిఖని పట్టణాలవాసులు ఎక్కువగా పేకాట ఆడేందుకు వెళ్లి జేబులు గుల్ల చేసుకుంటున్నారు. దీంతో పలు కుటుంబాలు ఆర్థికంగా తీవ్ర ఇబ్బందులను ఎదుర్కొంటున్నాయి. ఒక గేమ్‌ రూ.5వేల నుంచి రూ.10వేలు.. పేకాటపై తెలంగాణ ప్రభుత్వం ఉక్కుపాదం మోపింది. పోలీసులు నిఘా పెంచి, దాడులు నిర్వహిస్తూ పేకాట ఆడిన వారిని పట్టుకొని కేసులు నమోదు చేస్తున్నారు. దీంతో ఇక్కడ ఆడటం ఇబ్బందికరంగా మారింది. విషయాన్ని గమనించిన కొందరు తెలంగాణవాసులు మహారాష్ట్ర సిరొంచ సమీపం రామంజాపూర్‌ వద్ద రెండు పేకాట క్లబ్‌లను నెలకొల్పారు. ఈ క్లబ్‌లలో రూ.5వేల నుంచి రూ.10వేల వరకు టేబుళ్లు ఉంటాయి. ఒక్కో టేబుల్‌కు 9 మంది చొప్పున కూర్చొని కెస్నా, తీన్‌ పత్తి, రమ్మీ, కట్‌ పత్తా ఆడుతారు. రూ.5వేల టేబుల్‌లో 9 మంది కూర్చొని ఆడితే మొత్తం రూ.45వేలు కాగా, గెలిచిన వ్యక్తికి రూ.40వేలు ఇచ్చి మిగిలిన రూ.5వేలను క్లబ్‌ నిర్వాహకుడు తీసుకుంటాడు. ఇలా రూ.10వేల గేమ్‌ అయితే నిర్వాహకుడు రూ.10వేలను తీసుకుంటాడు. ఈ లెక్కన క్లబ్‌ నిర్వాహకుడికి రోజుకు ఆదాయం సుమారు రూ.20 లక్షల వరకు వస్తుందని తెలుస్తోంది. స్పోర్ట్స్‌ క్లబ్‌ల పేరిట పేకాట.. స్పోర్ట్స్‌ క్లబ్బుల్లో డబ్బులు పెట్టి ఆడే ఏ ఆటలైనా గ్యాంబ్లింగ్‌ చట్టం ప్రకారం నిషేధం. మహారాష్ట్రలోని క్లబ్బుల్లో సభ్యత్వం ఉన్న వారికి రిక్రియేషన్‌ పొందేలా షరతులతో కూడిన రమ్మీ ఆడుకునే వెసులుబాటు ఉంటుంది. డబ్బులు మాత్రం పెట్టి గ్యాంబ్లింగ్‌ ఆడరాదు. అయినప్పటికీ ఆ రాష్ట్రంలోని స్థానిక పోలీసులను మేనేజ్‌ చేసుకుంటూ పేకాట క్లబ్బులు నడిపిస్తున్నారు. సిరొంచ సమీపంలో వెలసిన పేకాట క్లబ్‌లు ఆట కోసం వెళ్తున్న జిల్లా పేకాటరాయుళ్లు జేబులు గుల్ల కావడంతో ఆర్థిక ఇబ్బందులుఆకట్టుకునేందుకు ఆఫర్లు..క్లబ్‌ నిర్వాహకులు పేకాటరాయుళ్లను ఆకట్టుకునేందుకు ప్రత్యేక ఆఫర్లను ప్రకటించారు. ఉచితంగా భోజనం, టీ, టిఫిన్లు అందించడమే కాక వాహన అద్దె కూడా చెల్లిస్తున్నారు. క్లబ్‌లో మెస్‌ను ఏర్పాటు చేశారు. ఉదయం టీ, కాఫీ, టిఫిన్లు అందిస్తున్నారు. మధ్యాహ్నం, రాత్రి కూరగాయలు, కోడిగుడ్డు, చికెన్‌తో భోజన సౌకర్యం కల్పిస్తున్నారు. కావాల్సినవన్నీ ఉచితంగానే సరఫరా చేస్తున్నారు. ఆట పూర్తయిన తరువాత ఎక్కడి నుంచి వచ్చారు, ఎంతమంది వచ్చారు, ఎన్ని ఆటలు ఆడారో.. వివరాలు తీసుకొని వాహన అద్దె కూడా చెల్లిస్తున్నారు.

హద్దులు ఏర్పాటు చేస్తలేరు..నా పేరు ఇండ్ల రాజేందర్‌. మాది టేకుమట్ల గ్రామం. నాకు చిట్యాల మండలం నవాబుపేట శివారు సర్వే నంబర్‌ 240లో 1.10 ఎకరాల భూమి ఉంది. హద్దుల విషయంలో పక్కనున్న భూమి వాళ్లతో వివాదం ఉంది. భూమి కొలతలు చేసి ఎవరి హద్దులు వారికి చూపించాలని, తహసీల్దార్‌, ఆర్డీఓలకు పలుమార్లు కలిసి వినతి పత్రాలు సమర్పించాను. అయినా ఇప్పటి వరకు ఒక్కరు కూడా భూమి దగ్గరకు రాలేదు. ఎవరిని కలిసినా నిర్లక్ష్యంగా సమాధానం చెప్తున్నారు. దీంతో ప్రజావాణిలో దరఖాస్తు ఇచ్చేందుకు వచ్చా. – ఇండ్ల రాజేందర్‌, రైతు, టేకుమట్ల మూసివేసిన పాఠశాలను తెరిపించాలి.. మహాముత్తారం మండలం ప్రేమ్‌నగర్‌ ప్రాథమిక పాఠశాలలో విద్యార్థులు ఉన్నప్పటికీ ఉపాధ్యాయుడిని డిప్యుటేషన్‌పై మరోచోటికి పంపించారు. దీంతో ఈ సంవత్సరం పాఠశాల మూతపడింది. ప్రేమ్‌నగర్‌ ప్రాంతానికి చెందిన గిరిజన కమ్యూనిటీకి చెందిన పేద విద్యార్థులు ప్రభుత్వ విద్యకు దూరమయ్యారు. బడిలో ఉండాల్సిన పిల్లలు పొలం, కూలీ పనులకు వెళ్తున్నారు. గిరిజన విద్యార్థుల భవిష్యత్‌ను దృష్టిలో ఉంచుకొని వెంటనే పాఠశాలను పునః ప్రారంభించాలి. – పీక కిరణ్‌ మౌర్య ● ప్రజావాణికి వినతుల వెల్లువ ● అధికంగా భూసమస్యలపైనే..భూపాలపల్లి: కలెక్టరేట్‌లో నిర్వహించే ప్రజావాణికి వినతులు వస్తూనే ఉన్నాయి. సోమవారం నిర్వహించిన గ్రీవెన్స్‌కు 70 దరఖాస్తులు వచ్చాయి. అందులో ఎక్కువగా పింఛన్‌ల మంజూరు, భూములకు పట్టాలు, ఇతర భూ సమస్యలే ఉన్నాయి. దరఖాస్తులను కలెక్టర్‌ రాహుల్‌ శర్మ స్వీకరించి పరిష్కారం కోసం సంబంధిత శాఖల అధికారులకు పంపించారు. అర్జీల పరిష్కారంలో అలసత్వం ప్రదర్శించవద్దని, తీసుకున్న చర్యలు, పరిష్కార స్వభావాన్ని ప్రజావాణి పోర్టల్‌లో నమోదు చేయాలని కలెక్టర్‌ ఆదేశించారు. ఈ గ్రీవెన్స్‌లో అదనపు కలెక్టర్లు అశోక్‌కుమార్‌, విజయలక్ష్మి, జిల్లా అధికారులు పాల్గొన్నారు.పట్టా భూమి అసైన్డ్‌గా చూపిస్తుంది.. గణపురం మండలం శివారులో 2003 సర్వేనంబర్‌లో ఎకరం 32 గుంటల భూమి మా ముత్తాతల నుంచి పట్టాగా ఉంది. మేము సాగు చేసుకుంటూనే ఉన్నాము. ఈ మధ్యల అదే భూమి అసైన్డ్‌ భూమిగా చూపెడుతుంది. అధికారులకు ఎన్నిసార్లు వినతి పత్రాలు ఇచ్చినా.. మొరపెట్టుకున్నా ఫలితం లేదు. ఇప్పటికై నా అధికారులు స్పందించి ఆ భూమిని పట్టాకు ఎక్కించగలరని కోరుకున్నా. – డ్యాగల భిక్షపతి, తిమ్మాపురం

భూపాలపల్లి అర్బన్‌: అవినీతి రహిత సమాజ నిర్మాణానికి ప్రతీ ఒక్కరు బాధ్యతగా కృషి చేయాలని సింగరేణి భూపాలపల్లి ఏరియా ఇన్‌చార్జ్‌ జీఎం డి.శ్యామ్‌ సుందర్‌ పిలుపునిచ్చారు. సోమవారం భూపాలపల్లి ఏరియా జీఎం కార్యాలయంలో విజిలెన్స్‌ అవగాహన వారోత్సవాలు నిర్వహించారు. ఈ సందర్భంగా విజిలెన్స్‌ అవగాహన కరపత్రాలను ఆవిష్కరించి ఉద్యోగులతో ప్రతిజ్ఞ చేయించారు. అనంతరం శ్యామ్‌సుందర్‌ మాట్లాడుతూ.. ప్రతీ ఉద్యోగి విధులను నిజాయితీతో, పారదర్శకంగా నిర్వహించాలన్నారు. నిబంధనలను పాటిస్తూ సంస్థ ప్రయోజనాలకు ప్రాధాన్యమివ్వాలని సూచించారు. విజిలెన్స్‌ అవగాహనను వారోత్సవాలకే పరిమితం చేయకుండా నిత్య విధుల్లో భాగం చేసుకోవాలన్నారు. అవినీతిని అరికట్టడంలో ఉద్యోగులందరి భాగస్వామ్యం అవసరమని చెప్పారు. ఈ కార్యక్రమంలో ఏజీఎం (ఐఈడీ) జ్యోతి, పర్సనల్‌ మేనేజర్‌ ఎస్‌.శ్యామ్‌సుందర్‌, ఎన్విరాన్‌మెంట్‌ ఆఫీసర్‌ టి.పోషమల్లు, ఏఐటీయూసీ నాయకుడు మోటపలుకుల రమేశ్‌, ఐఎన్‌టీయూసీ నాయకుడు బి.మధుకర్‌రెడ్డి, సీఎంఓఏఐ ఏరియా అధ్యక్షుడు నజీర్‌, ఐటీసీ సీనియర్‌ ప్రొగ్రామర్‌ శంకర్‌, జీఎం కార్యాలయ అధికారులు, ఉద్యోగులు పాల్గొన్నారు. ఏరియా ఇన్‌చార్జ్‌ జీఎం శ్యామ్‌సుందర్‌

ఈసారి ఎండు గడ్డి ధరలు మండిపోతున్నాయి. నాకు నాలుగు గేదెలున్నాయి. గత నెల వరకు పొద్దున 15 లీటర్లు, సాయంత్రం 15 లీటర్లు వరకు పాలు ఇచ్చేవి. ఇప్పుడు ఎండలు ముదిరిపోయాయి. ఎల్‌నినో ప్రభావమో ఏమో కానీ, చలికాలంలో కూడా ఎండలు అధికంగానే ఉన్నాయి. ఈ వేడికి గేదెలు సరిగా మేత మేయడం లేదు. పాల దిగుబడి కూడా బాగా తగ్గిపోయింది. ఎండుగడ్డి దొరుకుతలేదు. ప్రభుత్వం స్పందించి గడ్డిని తక్కువ ధరకు అందించి, మాలాంటి రైతులను ఆదుకోవాలి. – ఎల్లావుల మల్లేశ్‌యాదవ్‌, పాడి రైతు, పస్రా, ములుగు జిల్లా

భూపాలపల్లి అర్బన్‌: ప్రభుత్వ పాఠశాలల పరిరక్షణకు ప్రజలు, ప్రజాసంఘాలు ఉద్యమించాలని విద్యా పరిరక్షణ కమిటీ రాష్ట్ర ఆర్గనైజింగ్‌ సెక్రటరీ, సెంట్రల్‌ యూనివర్సిటీ ప్రొఫెసర్‌ కె.లక్ష్మీనారాయణ పిలుపునిచ్చారు. ఆదివారం భూపాలపల్లిలోని కొమురయ్య భవన్‌లో జిల్లా విద్యా పరిరక్షణ కమిటీ ఆధ్వర్యంలో నిర్వహించిన రౌండ్‌ టేబుల్‌ సమావేశంలో ఆయన మాట్లాడారు. రాష్ట్ర ప్రభుత్వం విద్యారంగానికి బడ్జెట్‌లో 20శాతం, కేంద్ర ప్రభుత్వం జీడీపీలో ఆరు శాతం నిధులు కేటాయించాలని డిమాండ్‌ చేశారు. రాష్ట్రంలో సుమారు 16వేల పాఠశాలలు ఏకోపాధ్యాయులతో కొనసాగుతున్నాయని ఆందోళన వ్యక్తం చేశారు. ప్రభుత్వ పాఠశాలల భూములను ఆక్రమణల నుంచి కాపాడాలన్నారు. విద్యాశాఖలో ఖాళీగా ఉన్న పోస్టులను భర్తీ చేయాలని కోరారు. ప్రభుత్వ విద్యను బలోపేతం చేసేందుకు కామన్‌ స్కూల్‌ విద్యావిధానాన్ని అమలు చేయాలని సూచించారు. ఈ సమావేశానికి జిల్లా అధ్యక్షుడు ఐత తిరుపతి అధ్యక్షత వహించగా ప్రధాన కార్యదర్శి బానోతు సేవానాయక్‌తో పాటు వివిధ ప్రజాసంఘాల ప్రతినిధులు, తదితరులు పాల్గొన్నారు. ప్రొఫెసర్‌ లక్ష్మీనారాయణ

భూపాలపల్లి అర్బన్‌: పేదలు, కార్మికులు, సామాన్య ప్రజల సమస్యలపై నిరంతరం పోరాడేది కమ్యూనిస్టులేనని సీపీఐ జిల్లా కార్యదర్శి కొరిమి రాజ్‌కుమార్‌ అన్నారు. పట్టణంలోని 17వ వార్డు సుభాష్‌ కాలనీలో సీపీఐ శాఖ కమిటీ ఆధ్వర్యంలో ఏర్పాటుచేసిన నూతన జెండా గద్దెను ఆయన ఆవిష్కరించారు. ఈ సందర్భంగా మాట్లాడుతూ.. కేంద్ర ప్రభుత్వం నిత్యావసర ధరలను నియంత్రించడంలో విఫలమైందని విమర్శించారు. ఓటర్ల జాబితా సవరణలో భాగంగా చేపడుతున్న ఎస్‌ఐఆర్‌ ప్రక్రియపై అభ్యంతరం వ్యక్తంచేశారు. రాష్ట్ర ప్రభుత్వం ఎన్నికల సమయంలో ఇచ్చిన ఆరు గ్యారంటీలను వెంటనే అమలు చేయాలని డిమాండ్‌ చేశారు. ఈ కార్యక్రమంలో సీపీఐ జిల్లా కార్యవర్గ సభ్యులు మోటపలుకుల రమేశ్‌, క్యాతరాజ్‌ సతీశ్‌, నూకల చంద్రమౌళి పాల్గొన్నారు. ఇంకెప్పుడిస్తారు..? కాళేశ్వరం: మహదేవపూర్‌ మండలం కాళేశ్వరంలో మే 21 నుంచి జూన్‌ 1 వరకు నిర్వహించిన సరస్వతి అంత్య పుష్కరాల సందర్భంగా సేవలందించిన హోటల్‌ నిర్వాహకుడికి ఇప్పటివరకు బిల్లులు చెల్లించకపోవడంపై ఆవేదన వ్యక్తమవుతోంది. అంత్య పుష్కరాల సందర్భంగా పర్యాటక శాఖకు చెందిన హరిత హోటల్‌లో ప్రైవేట్‌గా లీజుకు తీసుకుని శ్రీ వేంకటేశ్వర రెస్టారెంట్‌ను నిర్వహిస్తున్న వెంకటేశ్‌ 12 రోజులపాటు రాష్ట్రంలోని వివిధ ప్రాంతాల నుంచి వచ్చిన రాజకీయ నాయకులు, వీవీఐపీలు, ఉన్నతాధికారులు, దేవాదాయ శాఖ అధికారులకు భోజనాలు, టిఫిన్లు, టీ తదితర సేవలను అందించాడు. ఈ సేవల కోసం సుమారు రూ.3 లక్షల వరకు ఖర్చు చేశాడు. వీటికి సంబంధించిన బిల్లులు జూన్‌ నెలలో అందజేసినప్పటికీ.. ఇప్పటి వరకు బిల్లులు రాలేదు. కొంతమందికి బిల్లులు చెల్లించి, మరికొంత మందికి బిల్లుల చెల్లింపు విషయంలో నిర్లక్ష్యంగా వ్యవహరిస్తున్నారని విమర్శలు వస్తున్నాయి. బిల్లుల చెల్లింపు కోసం సంబంధిత కార్యాలయాల చుట్టూ నిత్యం తిరుగుతున్నా ఫలితం లేకుండా పోతోందని ఆవేదన వ్యక్తం చేస్తున్నారు. బయట అప్పులు చేసి పుష్కరాల సమయంలో ఆహార పదార్థాలు, ఇతర అవసరాల కోసం ఖర్చు చేశానని, బిల్లులు అందకపోవడంతో అప్పులపై వడ్డీలు పెరిగి ఆర్థిక ఇబ్బందులు ఎదుర్కొంటున్నానని వెంకటేశ్‌ వాపోయారు. ఈ పరిస్థితుల నేపథ్యంలో హోటల్‌ను కూడా మూసివేసినట్లు పేర్కొన్నారు. పుష్కరాల సమయంలో ప్రభుత్వ అధికారులు, ప్రజాప్రతినిధులకు సేవలందించిన తనకు రావాల్సిన బకాయిలను వెంటనే చెల్లించాలని ఆయన కోరుతున్నారు. కలెక్టర్‌ స్పందించి తనకు రావాల్సిన సుమారు రూ.3లక్షల బిల్లులను తక్షణమే విడుదల చేసి సమస్య పరిష్కారం చేయాలని విజ్ఞప్తి చేస్తున్నాడు. రాజుకు జాతీయ పురస్కారం కాళేశ్వరం: మహదేవపూర్‌కు చెందిన ప్రముఖ ఫొటోగ్రాఫర్‌ పంతకాని రాజుకు తెలంగాణ ఫొటోగ్రఫీ అకాడమీ జాతీయ పురస్కారం లభించింది. హైదరాబాద్‌ మాదాపూర్‌ స్టేట్‌ ఆర్ట్‌ గ్యాలరీలో నిర్వహించిన ‘ప్రొజెన్‌ ఇన్‌ టైమ్‌’ పుస్తకావిష్కరణ, కాకతీయ వారసత్వ చిత్రాల ప్రదర్శన, పురస్కార ప్రదానోత్సవంలో ఆయన ఈ అవార్డును అందుకున్నారు. జాతీయ ఫొటోగ్రఫీ సదస్సు 2019లో చిత్రీకరించిన అద్భుతమైన ఛాయాచిత్రాలతో ‘ప్రొజెన్‌ ఇన్‌ టైమ్‌ ఎ ఫొటోగ్రాఫిక్‌ ఓడ్‌ టు కాకతీయ హెరిటేజ్‌’ పుస్తకాన్ని రూపొందించారు. 2024–2026 మధ్య నిర్వహించిన పోటీల నుంచి ఎంపిక చేసిన 127 ఉత్తమ చిత్రాలతో ఏర్పాటు చేసిన ఫైన్‌ ఆర్ట్‌ గ్యాలరీ ప్రదర్శనలో పంతకాని రాజు ట్రైబల్‌, ఒడిశా బోండా ట్రైబ్‌ రెండు చిత్రాలకు చోటు లభించింది.

భూపాలపల్లి రూరల్‌: కరువు పరిస్థితులను రాజకీయ లబ్ధి కోసం ఉపయోగించుకోవడం సరికాదని, ప్రజలను తప్పుదోవ పట్టించే ప్రయత్నాలను బీఆర్‌ఎస్‌ నాయకులు మానుకోవాలని భూపాలపల్లి ఎమ్మెల్యే గండ్ర సత్యనారాయణరావు అన్నారు. జిల్లాకేంద్రంలోని కాంగ్రెస్‌ పార్టీ కార్యాలయంలో నిర్వహించిన మీడియా సమావేశంలో ఎమ్మెల్యే మాట్లాడారు. హైదరాబాద్‌ మున్సిపల్‌ ఎన్నికలను దృష్టిలో పెట్టుకొని రాజకీయ ప్రయోజనాల కోసమే బీఆర్‌ఎస్‌ ఎమ్మెల్యేలు, ఎమ్మెల్సీలు మేడిగడ్డ బ్యారేజీ, కన్నెపల్లి పంప్‌హౌస్‌ను సందర్శించారని విమర్శించారు. కరువు నివారణకు రాజకీయాలకు అతీతంగా అందరూ సమష్టిగా కృషి చేయాలని పిలుపునిచ్చారు. బీఆర్‌ఎస్‌ ప్రభుత్వ హయాంలోనే మేడిగడ్డ బ్యారేజీ కుంగిపోయిందని, అందుకు బాధ్యత వహిస్తూ అప్పటి పాలకులు సమాధానం చెప్పాలని డిమాండ్‌ చేశారు. కాళేశ్వరం ప్రాజెక్టు ద్వారా ఉమ్మడి వరంగల్‌, కరీంనగర్‌ జిల్లాలో ఒక్క ఎకరానికీ నీరు అందలేదని ఆరోపించారు. కాళేశ్వరం ప్రాజెక్టు మరమ్మతులు, తదుపరి చర్యల విషయంలో నిపుణుల కమిటీ నివేదిక ఆధారంగానే ప్రభుత్వం నిర్ణయం తీసుకుంటుందని స్పష్టంచేశారు. వాతావరణ మార్పుల ప్రభావంతో వర్షాలు తగ్గి కరువు పరిస్థితులు ఏర్పడే అవకాశాలున్నాయన్న హెచ్చరికల నేపథ్యంలో ప్రభుత్వం ముందస్తు చర్యలకు సిద్ధమవుతోందని గ్రామాల్లో తాగునీటి సమస్య తలెత్తకుండా సర్పంచ్‌లు ముందస్తు ప్రణాళికలు రూపొందించుకోవాలని సూచించారు. బావులు, బోర్లకు మరమ్మతులు చేపట్టడంతో పాటు అందుబాటులో ఉన్న నీటి వనరులను గుర్తించి, అవసరమైన చోట నీటిని నిల్వ చేసే ఏర్పాట్లు చేయాలన్నారు. పశువులు, గొర్రెలు, మేకలు, పక్షులకు సైతం తాగునీరు అందేలా చర్యలు తీసుకోవాలని కోరారు.ఉపాధి హామీ పథకం ద్వారా నీటి సంరక్షణ పనులు చేపట్టి భూగర్భ జలాల పెంపునకు, గ్రామాల్లో నీటి లభ్యత మెరుగుపడేందుకు కృషి చేయాలని సూచించారు. రైతులు, ప్రజాప్రతినిధులు, సర్పంచులు పార్టీలకు అతీతంగా కరువు నివారణలో భాగస్వాములు కావాలని పిలుపునిచ్చారు.ఈ సమావేశంలో డీసీసీ అధ్యక్షుడు బట్టు కరుణాకర్‌, భూపాలపల్లి మున్సిపల్‌ చైర్మన్‌ బుర్ర కొమురయ్య, వైస్‌ చైర్మన్‌ అంబాల శ్రీనివాస్‌, కౌన్సిలర్లు పాల్గొన్నారు. రాజకీయ లబ్ధి కోసమే కన్నెపల్లి సందర్శన ఎమ్మెల్యే గండ్ర సత్యనారాయణరావు

ఎస్‌ఎస్‌తాడ్వాయి: సమ్మక్క–సారలమ్మ వనదేవతలు కొలువైన మేడారంలో ముందస్తు జాతర సందడి నెలకొంది. ఆదివారం సెలవు రోజు కావడంతో రెండు తెలుగు రాష్ట్రాలతో పాటు వివిధ ప్రాంతాల నుంచి వేలాది మంది భక్తులు ప్రైవేట్‌ వాహనాల్లో తరలివచ్చారు. జంపన్నవాగులో పుణ్యస్నానాలు ఆచరించి, అమ్మవార్ల గద్దెల వద్ద మొక్కులు చెల్లించుకున్నారు. భక్తులతో గద్దెల ప్రాంగణం సందడిగా కనిపించింది. సుమారుగా 30వేల మంది భక్తులు అమ్మవార్లను దర్శించుకున్నట్లు అధికారులు అంచనా వేశారు. గద్దెల వద్ద భక్తుల భద్రతకు పోలీసులు చర్యలు తీసుకున్నారు. గద్దెల వద్ద ప్రత్యేక పూజలు మేడారానికి చేరుకున్న భక్తులు జంపన్నవాగులో పుణ్యస్నానాలు ఆచరించిన అనంతరం సమ్మక్క–సారలమ్మ గద్దెలను దర్శించుకున్నారు. కుటుంబ సమేతంగా అమ్మవార్లకు మొక్కులు చెల్లించి ప్రత్యేక పూజలు నిర్వహించారు. తమ కుటుంబాలు సుఖసంతోషాలతో ఉండాలని వనదేవతలను వేడుకున్నారు. అనంతరం భక్తులు మేడారం పరిసరాల్లోని అటవీ ప్రాంతంలో చెట్ల కింద విడిది చేశారు. వంటావార్పు చేసుకుని సహపంక్తి భోజనాలు ఆరగించి ఆనందంగా గడిపారు. ముందస్తు ఏర్పాట్లు అవసరం వచ్చే ఏడాది ఫిబ్రవరి 17 నుంచి 20వ తేదీ వరకు మేడారం మినీ జాతర జరగనుంది. జాతరకు ఇంకా మూడు నెలల సమయం ఉన్నప్పటికీ భక్తుల రాక పెరుగుతుండడంతో అధికారులు ముందస్తు ఏర్పాట్లపై దృష్టి సారించాల్సిన అవసరం ఉంది. తాగునీరు, పారిశుద్ధ్యం, మరుగుదొడ్లు, వాహనాల పార్కింగ్‌ వంటి సౌకర్యాలను మెరుగుపర్చాలి. జంపన్నవాగు, అమ్మవార్ల గద్దెల వద్ద భక్తులకు ఇబ్బందులు కలగకుండా చర్యలు తీసుకోవాలి. భక్తుల సంఖ్య మరింత పెరిగే అవకాశం ఉంది. సుమారు 30వేల మంది రాక

మహాముత్తారం: మండల పరిధిలో పలు ప్రధాన రహదారులు అధ్వానంగా తయారై ప్రయాణికులకు చుక్కలు చూపిస్తున్నాయి. మహాముత్తారం మండలం బోర్లగూడెం నుంచి నర్సింగాపూర్‌ వెళ్లే సుమారు నాలుగు కిలోమీటర్ల ప్రధాన రహదారితో పాటు హుజుర్‌నగర్‌ నుంచి మహాముత్తారం మండల కేంద్రానికి వెళ్లే రహదారి పూర్తిగా ధ్వంసమైంది. కొన్నేళ్లగా సరైన నిర్వహణ లేకపోవడంతో రోడ్డుపై భారీ గుంతలు ఏర్పడి రాకపోకలు సాగించలేని దుస్థితి నెలకొంది. ఈ మార్గంలో నిత్యం వందలాది వాహనాలు, ఆర్టీసీ బస్సులు రాకపోకలు సాగిస్తుంటాయి. కనుకునూర్‌, రెడ్డిపల్లి, బోర్లగూడెం, పెగడపల్లి స్తంబంపల్లి (పీపీ), రేగులగూడెం తదితర గ్రామాల ప్రజలు మండల, జిల్లాకేంద్రానికి చేరుకోవడానికి బోర్లగూడెం, నర్సింగాపూర్‌ గ్రామాల మీదుగా వాహనాలు వెళ్తుంటాయి. ఇదే ప్రధాన రహదారి కావడంతో వాహనదారులు తీవ్ర ఇక్కట్లకు గురవుతున్నారు. పొలాలకు వెళ్లే రైతులు ఎడ్లబండ్లు, ట్రాక్టర్లతో వెళ్లలేక తీవ్ర అవస్థలు పడుతున్నారు. వర్షం పడిందంటే గుంతల్లో నీరు నిలిచి చెరువును తలపిస్తుంది. వాహనదారులు అదుపుతప్పి ప్రమాదాల బారిన పడుతున్నారు. సంవత్సరాలు గడుస్తున్నా అధికారులు, ప్రజాప్రతినిధులు మాత్రం పట్టించుకోవడంలేదు. ఇప్పటికై నా అధికారులు స్పందించి వెంటనే నిధులు మంజూరు చేసి నూతన రోడ్లను నిర్మించాలని ఆయా గ్రామాల ప్రజలు, వాహనదారులు కోరుతున్నారు. నర్సింగాపూర్‌ బోర్లగూడెం, హుజూర్‌నగర్‌ మహాముత్తారం మార్గాల్లో నరకయాతన పట్టించుకోని ప్రజాప్రతినిధులు, అధికారులు నర్సింగాపూర్‌ నుంచి బోర్లగూడెం వెళ్లే ప్రధాన రహదారి నామరూపాలు లేకుండా పోయింది. రోడ్డుపై గుంతలు ఉన్నాయో గుంతల్లో రోడ్డు ఉందో అర్థం కాని పరిస్థితి నెలకొంది. బైకుపై వెళ్లాలన్నా నడుము నొప్పి వస్తుంది. రైతులు ఎడ్లబండ్లతో పొలాలకు వెళ్లలేకపోతున్నారు. అధికారులకు నాయకులకు ఎన్నిసార్లు మొరపెట్టుకున్నా ఎవరూ పట్టించుకోవడంలేదు. ఉన్నతాధికారులు స్పందించి వెంటనే నూతన రహదారి నిర్మించాలి. – ముదురుకోళ్ల రవి, బోర్లగూడెం

భూపాలపల్లి అర్బన్‌: ఎన్‌హెచ్‌ఎం జేఏసీ ఆధ్వర్యంలో చేపట్టిన నిరవధిక సమ్మె 12వ రోజుకు చేరింది. ఈ సందర్భంగా శనివారం ఉద్యోగులు ప్రధాన రహదారి నుంచి కలెక్టరేట్‌ వరకు భారీ నిరసన ర్యాలీ నిర్వహించారు. తమను వెంటనే రెగ్యులర్‌ చేయాలని, ఉద్యోగ భద్రత కల్పించాలని ప్రభుత్వాన్ని డిమాండ్‌ చేశారు. సమ్మెతో గ్రామీణ ప్రాంతాల్లో వైద్యసేవలకు అంతరాయం కలుగుతుందన్నారు. ప్రభుత్వం వెంటనే సమస్యలను పరిష్కరించాలని కోరారు. న్యాయం జరిగే వరకు శాంతియుతంగా పోరాటం కొనసాగిస్తామని స్పష్టంచేశారు. ఈ కార్యక్రమంలో జేఏసీ జిల్లా అధ్యక్షుడు బడితల రమేశ్‌, ప్రధాన కార్యదర్శి మధు, ఇతర నాయకులు, ఏఎన్‌ఎంలు, స్టాఫ్‌ నర్సులు, ఫార్మసీ అధికారులు పాల్గొన్నారు. వేట సామగ్రి స్వాధీనం మహాముత్తారం: మండలంలోని యామన్‌పల్లిలో అటవీ జంతువుల వేట సామగ్రితో పాటు ఓ వ్యక్తిని అటవీ శాఖ అధికారులు శనివారం అరెస్ట్‌ చేశారు. కాటారం సీఐ బీమేశ్‌, మహాముత్తారం ఎస్సై రమేశ్‌ ఆధ్వర్యంలో మండలంలోని యామన్‌పల్లి గ్రామంలో తనిఖీలు చేపట్టారు. గ్రామానికి చెందిన దాగం మహేశ్‌ వద్ద అటవీ జంతువుల వేటకు వాడే ఇనుప తీగలు, వైర్లతో పాటు ఓ అటవీ జంతువు కొమ్ము లభ్యమైంది. దీంతో పోలీసులు వెంటనే అతడిని కాటారం అటవీశాఖ అధికారులకు అప్పగించారు. కాటా రం అటవీశాఖ అధికారులు నిందితుడిపై అటవీ హక్కుల చట్టం కింద కేసు నమోదు చేశారు. స్వాధీనం చేసుకున్న సామగ్రితో పాటు అతడిని భూపాలపల్లి కోర్టులో హాజరుపరిచినట్లు యామన్‌పల్లి డీఆర్‌ఓ ఝాన్సీరాణి తెలిపారు. గ్రాడ్యుయేట్లు ఓటరుగా నమోదు చేసుకోవాలి భూపాలపల్లి అర్బన్‌: అర్హులైన పట్టభద్రులందరూ గ్రాడ్యుయేట్‌ ఓటర్లుగా నమోదు చేసుకోవాలని మాజీ ఎమ్మెల్యే గండ్ర వెంకటరమణారెడ్డి కోరారు. శనివారం భూపాలపల్లి పట్టణంలోని జయశంకర్‌ పార్కులో వాకర్స్‌తో పాటు మున్సిపాలిటీ పరిధిలోని 16, 17, 29వ వార్డులు, సుభాష్‌ కాలనీలో ఇంటింటికీ తిరుగుతూ గ్రాడ్యుయేట్‌ ఓటరు నమోదు ప్రక్రియపై అవగాహన కల్పించారు. అర్హులైన ప్రతీ పట్టభద్రుడు ఓటరుగా నమోదు చేసుకుని ప్రజాస్వామ్యంలో తన ఓటు హక్కును సద్వినియోగం చేసుకోవాలని ఆయన సూచించారు. సకాలంలో వైద్యం అందేలా పనిచేయాలిభూపాలపల్లి అర్బన్‌: రోడ్డు ప్రమాద బాధితులకు పీఎం రహత్‌ పథకం ద్వారా బాధితులకు సకాలంలో వైద్యం అందేలా అన్ని శాఖలు సమన్వయంతో పనిచేయాలని కలెక్టర్‌ రాహుల్‌శర్మ అధికారులను ఆదేశించారు. ప్రభుత్వ ప్రధాన కార్యదర్శి సంజయ్‌ జాజు శనివారం హైదరాబాద్‌ నుంచి నిర్వహించిన వీడియో కాన్ఫరెన్స్‌లో కలెక్టర్‌ మాట్లాడారు. పథకం అమలుపై డేటా ఎంట్రీ ఆపరేటర్లకు శిక్షణ ఇవ్వాలన్నారు. జిల్లాలో పథకం అమలులో లోపాలు లేకుండా, రోడ్డు ప్రమాద బాధితులకు సకాలంలో వైద్య సేవలు అందేలా అన్ని శాఖ అధికారులు పని చేయాలని ఆదేశించారు. ఈ సమావేశంలో పోలీస్‌, రవాణా, వైద్య ఆరోగ్య శాఖలతో పాటు ఇతర శాఖల అధికారులు పాల్గొన్నారు. విద్యుత్‌ వృథా చేస్తే చర్యలు ఎల్‌నినో ప్రభావంతో ఉష్ణోగ్రతలు పెరిగే అవకాశం ఉన్నందున ప్రభుత్వ కార్యాలయాల్లో విద్యుత్‌ను పొదుపుగా వినియోగించాలని కలెక్టర్‌ రాహుల్‌శర్మ ఆదేశించారు. ఈ మేరకు శనివారం అన్ని శాఖల అధికారులకు సర్క్యులర్‌ జారీచేశారు. పగటిపూట సహజ వెలుతురును వినియోగించాలని, గదుల్లో ఎవరూ లేనప్పుడు లైట్లు, ఫ్యాన్లు, ఏసీలు, కంప్యూటర్లు ఆఫ్‌ చేయాలని సూచించారు. ఏసీల ఉష్ణోగ్రతను 24–26 డిగ్రీల మధ్య ఉంచాలని పేర్కొన్నారు. విద్యుత్‌ వినియోగంపై ఆకస్మిక తనిఖీలు నిర్వహిస్తామని, వృథా గుర్తిస్తే బాధ్యులపై చర్యలు తీసుకుంటామని హెచ్చరించారు.

హసన్‌పర్తి: మొదటి ప్రయత్నంలోనే గ్రూప్స్‌కు ఎంపికై డీఎస్పీగా శిక్షణ పొందారు యాస్మిన్‌. ఆమె తండ్రి భూపాలపల్లి జిల్లా కాటారానికి చెందిన ఖదీర్‌. ఎకై ్సజ్‌ శాఖలో హెడ్‌ కానిస్టేబుల్‌. ఆయన ప్రస్తుతం రామగుండంలో విధులు నిర్వర్తిస్తున్నారు. వీరి కుటుంబం హసన్‌పర్తిలోని ఎర్రగట్టు గుట్ట ప్రాంతంలో ఉంటోంది. ఖదీర్‌కు ముగ్గురు కూతుళ్లు, కుమారుడు. పెద్ద కుమార్తె షా గుఫ్తా యాస్మిన్‌. చిన్నప్పటి నుంచి బాగా చదివేవారు. యాస్మిన్‌ ప్రాథమిక విద్యాభ్యాసం వరంగల్‌లో పూర్తి చేశారు. ఇంటర్మీడియట్‌ హైదరాబాద్‌లో చదివారు. ఆతర్వాత డిగ్రీ, పీజీ ఢిల్లీలో పూర్తి చేశారు. మొదటి ప్రయత్నంలోనే గ్రూప్‌–1లో డీఎస్పీగా ఎంపికయ్యారు. శిక్షణ పూర్తి చేసుకున్నారు. మహబూబ్‌నగర్‌ జిల్లా గద్వాలలో ట్రెయినీ డీఎస్పీగా విధులు నిర్వర్తించనున్నారు. ఇటీవల షా గుఫ్తా యాస్మిన్‌ వివాహం తిరుపతిలో జరిగింది. యూనిఫాం ధరించాలన్నది నా కల నా తండ్రిని చూసి నేను కూడా పోలీస్‌ యూనిఫాం ధరించాలని చిన్నప్పటి నుంచి కలలు కన్నాను. ఐపీఎస్‌ కావాలన్న లక్ష్యంతో సివిల్‌ సర్వీస్‌కు సిద్ధమయ్యా. ఢిల్లీలోనే సివిల్‌ సర్వీస్‌ కోసం కోచింగ్‌ తీసుకున్నా. – షా గుఫ్తా యాస్మిన్‌

● అదనపు కలెక్టర్‌ అశోక్‌కుమార్‌ కాళేశ్వరం: కాళేశ్వరం గ్రామ సమీప అంతర్రాష్ట్ర సరిహద్దు చెక్‌పోస్ట్‌ వద్ద ధాన్యం అక్రమ రవాణాను అరికట్టేందుకు ప్రత్యేక తనిఖీ కేంద్రాన్ని ఏర్పాటు చేసినట్లు రెవెన్యూ అదనపు కలెక్టర్‌ అశోక్‌ కుమార్‌ తెలిపారు. శనివారం మహదేవపూర్‌ మండలం కాళేశ్వరంలో పౌర సరఫరాల శాఖ, పోలీస్‌, పంచాయతీ శాఖల అధికారులు, సిబ్బందితో కలిసి సరిహద్దు తనిఖీ కేంద్రాన్ని ప్రారంభించారు. ఈ సందర్భంగా ఆయన మాట్లాడుతూ రైతులు పండించిన ధాన్యానికి ప్రభుత్వం ప్రకటించిన కనీస మద్దతు ధర లభించేలా చూడటంతో పాటు, పొరుగు రాష్ట్రాల నుంచి ధాన్యాన్ని అక్రమంగా తెలంగాణలోకి తరలించకుండా నిరోధించేందుకు ఈ తనిఖీ కేంద్రాన్ని ఏర్పాటు చేసినట్లు పేర్కొన్నారు. ధాన్యం కొనుగోళ్లలో అక్రమాలకు తావులేకుండా, రైతుల ప్రయోజనాలను కాపాడేందుకు జిల్లా యంత్రాంగం ప్రత్యేక చర్యలు చేపట్టిందన్నారు. కాళేశ్వరం అంతర్రాష్ట్ర సరిహద్దు చెక్‌పోస్ట్‌ వద్ద పోలీసు, పౌర సరఫరాల శాఖ అధికారులు సమన్వయంతో 24 గంటల పాటు నిరంతర తనిఖీలు నిర్వహించాలని తెలిపారు. సరిహద్దు దాటి వచ్చే ప్రతీ వాహనాన్ని క్షుణ్ణంగా పరిశీలించాలని ఆదేశించారు. తనిఖీల్లో నిర్లక్ష్యానికి తావులేకుండా అప్రమత్తంగా విధులు నిర్వహించాలని సిబ్బందిని ఆదేశించారు. రైతుల సంక్షేమం, పండించిన పంటకు మద్దతు ధర కల్పించడం ప్రభుత్వ లక్ష్యమని, ధాన్యం కొనుగోళ్ల ప్రక్రియ పారదర్శకంగా జరిగేలా సంబంధిత శాఖల అధికారులు సమన్వయంతో పనిచేయాలని అదనపు కలెక్టర్‌ సూచించారు. ఈ కార్యక్రమంలో పౌర సరఫరాల అధికారి కిరణ్‌కుమార్‌, డీఎం రాములు, ఎస్సై సురేశ్‌, రెవెన్యూ సిబ్బంది జీపీఓ శ్యామ్‌ తదితరులు పాల్గొన్నారు.

కాళేశ్వరం: వచ్చే ఏడాది జూన్‌లో జరిగే గోదావరి పుష్కరాలను దృష్టిలో ఉంచుకొని కాళేశ్వరంలో పుష్కరఘాట్ల అభివృద్ధి పనులు, కాళేశ్వర ముక్తీశ్వర స్వామి దేవస్థానం పునర్నిర్మాణ పనులను మరింత వేగవంతం చేయాలని రాష్ట్ర దేవాదాయ శాఖ కమిషనర్‌ హనుమంతరావు అధికారులను, కాంట్రాక్టర్‌ను ఆదేశించారు. శనివారం ఆయన కలెక్టర్‌ రాహుల్‌శర్మతో కలిసి కాళేశ్వరం క్షేత్రంలో పర్యటించి దేవాదాయ, నీటిపారుదల, రోడ్లు భవనాలు, పంచాయతీరాజ్‌ తదితర శాఖల ఆధ్వర్యంలో చేపడుతున్న అభివృద్ధి పనుల పురోగతిని సమీక్షించారు. ఈ సందర్భంగా కమిషనర్‌ హనుమంతరావు మాట్లాడుతూ అన్ని పనులను నిర్ధేశిత గడువులోగా పూర్తి చేయాలని, పనుల నాణ్యత విషయంలో ఎట్టి పరిస్థితుల్లోనూ రాజీపడొద్దని స్పష్టంచేశారు. అక్షరాభ్యాస మండపం, అద్దాల మండపం నిర్మాణ పనులను వెంటనే ప్రారంభించాలని ఆదేశించారు. రూపొందించిన ప్రణాళికకు, సంప్రదాయ వాస్తు నిబంధనలకు అనుగుణంగా జరగాలని, నిర్మాణాల్లో మార్పులు, వ్యత్యాసాలు చోటుచేసుకోకుండా సంబంధిత అధికారులు నిరంతరం పర్యవేక్షించాలన్నారు. నాణ్యతా ప్రమాణాలు తప్పనిసరి.. నిర్మాణ పనుల్లో నాణ్యతా ప్రమాణాలను తప్పనిసరిగా పాటించాలని కమిషనర్‌ హనుమంతరావు స్పష్టంచేశారు. ముఖ్యంగా కాంక్రీట్‌ పనుల్లో వైబ్రేటర్లను వినియోగించాలని, గోనె సంచులు, వరి గడ్డితో తగిన విధంగా వాటర్‌ క్యూరింగ్‌ చేపట్టాలని సూచించారు. ప్రతీ నిర్మాణాన్ని సాంకేతిక ప్రమాణాలకు అనుగుణంగా చేపట్టి పటిష్టంగా పూర్తిచేయాలని అధికారులకు తెలిపారు. వచ్చే నెల 4న మంత్రి శ్రీధర్‌బాబు కాళేశ్వరం పర్యటనకు రానున్న నేపథ్యంలో అప్పటిలోగా పనుల్లో గణనీయమైన పురోగతి సాధించాలన్నారు. భక్తులకు ఇబ్బందులు కలగకుండా ఏర్పాట్లు.. గోదావరి పుష్కరాలకు దేశంలోని వివిధ ప్రాంతాల నుంచి పెద్ద సంఖ్యలో భక్తులు తరలివచ్చే అవకాశం ఉన్నందున వారికి అసౌకర్యం కలగకుండా అభివృద్ధి పనులను సకాలంలో పూర్తి చేయాలని కమిషనర్‌ హనుమంతరావు సూచించారు. తాగునీరు, రహదారులు, పార్కింగ్‌, వీఐపీ ఘాట్లు తదితర మౌలిక సదుపాయాల పనులను వేగవంతం చేయాలన్నారు. గత పుష్కరాల సమస్యలను దృష్టిలో ఉంచుకొని ఈసారి మరింత పటిష్ఠమైన కార్యాచరణ రూపొందించాలన్నారు. పనులను నిరంతరం పర్యవేక్షిస్తున్నాం: కలెక్టర్‌ కలెక్టర్‌ రాహుల్‌శర్మ మాట్లాడుతూ కాళేశ్వరంలో ఆలయ పునర్నిర్మాణ పనులతో పాటు గోదావరి పుష్కరాల అభివృద్ధి పనులను నిరంతరం పర్యవేక్షిస్తున్నామని తెలిపారు. సంబంధిత శాఖల అధికారులతో సమన్వయం చేసుకుంటూ పనులను వేగవంతం చేసి నిర్దేశిత గడువులోగా పూర్తి చేసేందుకు చర్యలు తీసుకుంటున్నామని వెల్లడించారు. ఈ పర్యటనలో కాటారం సబ్‌ కలెక్టర్‌ సౌరబ్‌ శర్మ, ఆర్‌అండ్‌బీ సీఈ రాజేశ్వర్‌రెడ్డి, దేవాదాయశాఖ ఎస్‌ఈ దుర్గాప్రసాద్‌, స్పెషల్‌ ఆఫీసర్‌ కిషన్‌రావు, ఎస్‌ఈ రమేశ్‌బాబు, డీఈ దేవేందర్‌, ఈఓ మహేశ్‌, ఎంపీడీఓ రవీంద్రనాథ్‌, ధర్మకర్తలు గందెసిరి సత్యనారాయణ, సీతయ్య, పద్మ, దుర్గయ్య, అశోక్‌, వివిధ శాఖల అధికారులు పాల్గొన్నారు. పుష్కర ఘాట్లు, దేవస్థానం పునర్నిర్మాణ పనులు గడువులోగా పూర్తిచేయాలి నిర్మాణ పనుల నాణ్యతలో రాజీపడొద్దు దేవాదాయ శాఖ రాష్ట్ర కమిషనర్‌ హనుమంతరావు

● విద్యా పరిరక్షణ కమిటీ భూపాలపల్లి అర్బన్‌: ప్రభుత్వ పాఠశాలల అభివృద్ధికి విద్యారంగానికి కేటాయించే బడ్జెట్‌ను పెంచడంతోపాటు, తరగతికి ఒక ఉపాధ్యాయుడిని నియమించి అవసరమైన మౌలిక సదుపాయాలు కల్పించాలని విద్యా పరిరక్షణ కమిటీ రాష్ట్ర ఆర్గనైజింగ్‌ కమిటీ కార్యదర్శి, సెంట్రల్‌ యూనివర్సిటీ ప్రొఫెసర్‌ కె.లక్ష్మినారాయణ ప్రభుత్వాన్ని డిమాండ్‌ చేశారు. జిల్లా విద్యా పరిరక్షణ కమిటీ ఆధ్వర్యంలో జిల్లాలోని పలు ప్రభుత్వ పాఠశాలలను శనివారం సందర్శించి విద్యారంగ సమస్యలపై అధ్యయనం చేశారు. మొగుళ్లపల్లి మండలం ఎంపీయూపీఎస్‌ మేదరమెట్ల, రేగొండ మండలం ఎంపీపీఎస్‌ రేపాకపల్లి, భూపాలపల్లి మండలం జెడ్పీహెచ్‌ఎస్‌ జంగేడు పాఠశాలలను సందర్శించి సౌకర్యాలు, ఉపాధ్యాయుల కొరత, విద్యారంగ సమస్యలను పరిశీలించారు. క్షేత్రస్థాయిలో గుర్తించిన సమస్యలను క్రోడీకరించి కలెక్టర్‌కు వినతిపత్రం అందజేశారు. అనంతరం జిల్లా విద్యాశాఖ అధికారితో సమావేశమై జిల్లాలోని విద్యారంగ సమస్యలపై చర్చించారు. ప్రభుత్వ పాఠశాలల అభివృద్ధికి తగిన నిధులు కేటాయించాలని, ఉపాధ్యాయుల కొరతను తీర్చడంతోపాటు విద్యార్థులకు అవసరమైన మౌలిక సదుపాయాలు కల్పించాలని కోరారు. ఈ కార్యక్రమంలో విద్యా పరిరక్షణ కమిటీ జిల్లా అధ్యక్షుడు ఎ.తిరుపతి, ప్రధాన కార్యదర్శి బి.సేవానాయక్‌, జిల్లా కమిటీ సభ్యులు శంకరయ్య, ప్రవీణ్‌, సదానందం, అంకన్న పాల్గొన్నారు.

భూపాలపల్లి అర్బన్‌: వ్యక్తిగత రాగద్వేషాలు, ప్రతీకార చర్యలకు దూరంగా ఉంటూ మధ్యవర్తిత్వం ద్వారా సమస్యలను పరిష్కరించుకోవడం ఉత్తమమని జిల్లా న్యాయసేవాధికార సంస్థ కార్యదర్శి, సీనియర్‌ సివిల్‌ జడ్జి తాడూరు మహతి వైష్ణవి సూచించారు. శనివారం శిక్షణ పొందిన మీడియేటర్లు, కమ్యూనిటీ మీడియేటర్లు, పారా లీగల్‌ వాలంటీర్లతో వారు సమావేశం నిర్వహించారు. ఈ సందర్భంగా మాట్లాడుతూ.. కేసుల్లో చిక్కుకుని ఏళ్ల తరబడి కోర్టుల చుట్టూ తిరగడం వల్ల కలిగే నష్టాలను ప్రజలకు వివరించాలని సూచించారు. పరస్పరం చర్చించుకుని సామరస్యపూర్వకంగా సమస్యలను పరిష్కరించుకునేలా ప్రజల్లో అవగాహన కల్పించాలన్నారు. ఈ సమావేశంలో శిక్షణ పొందిన మీడియేటర్లు పి.ఆనందరావు, కనపర్తి కవిత, ఎస్‌.రవీందర్‌, మంగళపల్లి రాజ్‌కుమార్‌, ఇందరపు శివకుమార్‌, ఎల్‌.విష్ణు, ఎ.రవికుమార్‌, అంబాల ఆనందం, రాజమౌళి, రాజ్‌ కిరణ్‌, పారాలీగల్‌ వాలంటీర్లు శ్రీనివాస్‌, రజని, సందీప్‌ రాజ్‌, కిరణ్‌, అంజయ్య, లక్ష్మినారాయణ, రమేశ్‌ పాల్గొన్నారు.

‘నా కల నిజం కావడానికి 11 ఏళ్లు పట్టింది. చేసిన తప్పులను సరిదిద్దుకుంటూ, ఏకాగ్రతతో పట్టుదలతో చదివితే ఎవరైనా విజయం సాధించవచ్చు. పట్టు వదలకుండా కన్సిస్టెన్సీ మెయింటెయిన్‌ చేయడమే ఏ రంగంలోనైనా విజయానికి అసలైన రహస్యం’ అని ఇటీవల జూనియర్‌ సివిల్‌ జడ్జిగా ఎంపికై న భీమదేవరపల్లి మండలం మల్లారం గ్రామానికి చెందిన డ్యాగల సాయి పవన్‌ అంటున్నారు. సాయి పవన్‌ విజయ ప్రయాణం ఆయన మాటల్లోనే.. ఎన్నో వైఫల్యాలు.. చెరగని ఆత్మవిశ్వాసం మాది మధ్యతరగతి కుటుంబం. అమ్మానాన్న ఇద్దరూ ఉపాధ్యాయులే. చెల్లి బిట్స్‌ పిలానీ నుంచి కెమిస్ట్రీలో డాక్టరేట్‌ పొందింది. నాకు మొదటి నుంచి లా డిగ్రీ చేయాలన్నది బలమైన కోరిక. నాన్న సూచన మేరకు ఇంటర్‌లో ఎంపీసీ తీసుకుని, హుజూరాబాద్‌లోని కిట్స్‌ కాలేజీలో ఎలక్ట్రికల్‌ అండ్‌ ఎలక్ట్రానిక్స్‌ ఇంజనీరింగ్‌ (ట్రిపుల్‌ ఈ) పూర్తి చేశాను. ఇంజనీరింగ్‌ పూర్తయ్యాక సివిల్‌ సర్వీసెస్‌ పరీక్షకు ప్రిపేరవుతూనే దాదాపు 16 ప్రభుత్వ ఉద్యోగ పరీక్షలకు హాజరయ్యా. ఆర్మీ, కోస్ట్‌గార్డ్‌ వంటి ప్రతిష్టాత్మక డిఫెన్స్‌ సర్వీసెస్‌ ఇంటర్వ్యూలకూ వెళ్లా. అయితే అదృష్టం కొన్నిసార్లు చిన్న తేడాతో దూరమయ్యేది. రెండు సార్లు సబ్‌ ఇన్‌స్పెక్టర్‌ (ఎస్సై) పరీక్షలో కేవలం 3 సెకండ్లు, 0.14 మిల్లీసెకండ్ల వ్యవధితో ఈవెంట్స్‌ మిస్‌ అవడం తీవ్ర నిరాశను మిగిల్చింది. అయినా పట్టువదల్లేదు. తలుపు తట్టిన విజయం 2018లో జీవితంలో నాకు తొలి విజయం తలుపు తట్టింది. దేశంలోనే నాలుగో స్థానంలో ఉన్న ప్రతిష్టాత్మక ఐఐటీ ఖరగ్‌పూర్‌లో ఎల్‌ఎల్‌బీ ఆనర్స్‌ ప్రవేశ పరీక్షను క్లియర్‌ చేసి అడ్మిషన్‌ పొందాను. అక్కడే లా పూర్తి చేశాక ఢిల్లీలోని ప్రముఖ లా ఫోరమ్స్‌లో ఉద్యోగ అవకాశాలు వచ్చాయి. అయినా వాటిని సున్నితంగా తిరస్కరించా. నా లక్ష్యం న్యాయమూర్తి (జడ్జి) కావాలనే కల వైపే నా అడుగులు పడ్డాయి. సవాళ్లు, పాఠాలు జూనియర్‌ సివిల్‌ జడ్జి పరీక్షకు సన్నద్ధమవడం మొదలుపెట్టాను. రెండు సార్లు ప్రిలిమ్స్‌, మెయిన్స్‌ క్లియర్‌ చేసి ఇంటర్వ్యూ వరకు వెళ్లాను. అయితే రెండోసారి కూడా చివరి దశలో సెలెక్ట్‌ కాకపోవడంతో కుంగిపోకుండా ఆత్మపరిశీలన చేసుకున్నాను. కేవలం కష్టపడితే సరిపోదని, ‘స్మార్ట్‌ వర్క్‌’ కూడా చాలా అవసరమని గ్రహించాను. నాతో పాటు ఇంటర్వ్యూ వరకు వెళ్లి, నాకు ముందు బ్యాచ్‌లలో జడ్జిలుగా ఎంపికై న నా మిత్రుల సహాయం తీసుకున్నాను. ప్రతీ దశకు ఒక స్పష్టమైన వ్యూహాన్ని రూపొందించుకుని ప్రిపరేషన్‌ సాగించాను.

కష్టించే తత్వం. పట్టుసడలని లక్ష్యం. నిరంతర సాధన వారిని లక్ష్యం వైపు నడిపించింది. ఎంతో మంది యువతకు ఆదర్శంగా నిలిపాయి. ఇటీవల జూనియర్‌ సివిల్‌ జడ్జిలుగా ఎంపికై న డ్యాగల సాయిపవన్‌, ఫర్హానా తబస్సుమ్‌, ట్రెయినీ డీఎస్పీ షా గుఫ్తా యాస్మిన్‌ మనోగతమే ఈ ఆదివారం ‘సాక్షి’ ప్రత్యేకం. – వరంగల్‌ లీగల్‌న్యాయవాద వృత్తి నేపథ్యం లేని కుటుంబమైన్నప్పటికీ తన గమ్యమేంటో తనకు తెలుసు. మరెంతో మందికి స్ఫూర్తిదాయకంగా నిలవాలన్న ఆశే ఆమెను విజయం వైపు నడిపించింది. ఇటీవల జూనియర్‌ సివిల్‌ జడ్జిగా ఎంపికై న వరంగల్‌కు చెందిన ఫర్హానా తబస్సుమ్‌ విజయ ప్రస్థానం ఆమె మాటల్లోనే.. సాధారణ కుటుంబం. తండ్రి మహమ్మద్‌ రజాక్‌ రైల్వేలో లోకో పైలట్‌గా పనిచేస్తూ ఉద్యోగ విరమణ పొందారు. అమ్మ ముంతాజ్‌ బేగం గృహిణి. నా పాఠశాల విద్య వరంగల్‌ పబ్లిక్‌ స్కూల్లో ముగిసింది. ఆ తర్వాత చైతన్య డిగ్రీ కళాశాలలో బిజినెస్‌ మేనేజ్‌మెంట్‌ (బీబీఎం) పూర్తి చేసి, కేయూలో ఎంబీఏ పట్టా పొందా. న్యాయ వృత్తిపై ఉన్న మక్కువతో ఆదర్శ లా కళాశాలలో ఎల్‌ఎల్‌బీ పూర్తి చేశా. అదే ఏడాది తెలంగాణ బార్‌ కౌన్సిల్‌లో న్యాయవాదిగా పేరు నమోదు చేసుకున్నా. ఆ ఒక్కటే నాకు స్ఫూర్తి.. సమాజంలో చట్టం ముందు అందరూ సమానులే అనే భావన నాకు ఎప్పుడూ స్ఫూర్తినిచ్చేది. మా అక్క ఫహీమా సుల్తానా అసిస్టెంట్‌ మోటార్‌ వెహికల్‌ ఇన్‌స్పెక్టర్‌గా తన వృత్తిపై చూపిన అంకితభావం నాకు రోల్‌ మోడల్‌. వైఫల్యాల నుంచి విజయానికి... 2022లో తొలి ప్రయత్నంలో ప్రిలిమ్స్‌ ఉత్తీర్ణత సాధించాను. మెయిన్స్‌లో విజయం సాధించలేకపోయా. 2024లోనూ మెయిన్స్‌లో వెనుకంజ వేయాల్సి వచ్చింది. ఈ పరాజయాలు నన్ను కుంగదీయలేదు. మరింత పకడ్బందీ ప్రణాళికతో ముందుకు సాగాను. మెయిన్స్‌ పరీక్షలో నెగ్గాలంటే కేవలం చట్టాలను వల్లె వేయడం సరిపోదని, నిర్ణీత సమయంలో సమర్థవంతంగా సమాధానాలు రాయడం చాలా ముఖ్యమని గ్రహించాను. అందుకే, గత ప్రశ్నపత్రాలను సేకరించి, ఇంట్లోనే ప్రతీరోజూ రెండు నుంచి మూడు గంటల పాటు మాక్‌ టెస్టులు రాశా. నా విజయ రహస్యం 2025 నియామక ప్రక్రియలో మెయిన్స్‌ పరీక్షలో ప్రతిభ కనబర్చి ఉత్తీర్ణత సాధించా. ఆతర్వాత జరిగిన ఇంటర్వ్యూలోనూ రాణించి, చివరకు 2026లో జూనియర్‌ సివిల్‌ జడ్జిగా ఎంపికయ్యా. న్యాయసేవల పరీక్షలకు సన్నద్ధమవుతున్న అభ్యర్థులు వైఫల్యాలు ఎదురైతే నిరుత్సాహపడొద్దు. మొదటి ప్రయత్నంలోనే విజయం సాధించాలనే నియమం ఏమీ లేదు. బలహీనతలను నిజాయితీగా విశ్లేషించుకోవాలి. చట్టాలను చదవడం మాత్రమే కాకుండా, వాటిని నిరంతరం పునఃశ్చరణ చేయాలి. నిరంతరం సాధన చేయాలి.

సాక్షి ప్రతినిధి, వరంగల్‌ : కరువు పరిస్థితులు ఉమ్మడి వరంగల్‌ జిల్లాను వెంటాడుతున్నాయి. ఖరీఫ్‌–2026లో వర్షాభావం, పంటల నష్టాల నేపథ్యంలో ఉమ్మడి జిల్లాలోని ఆరు జిల్లాల్లో 38 మండలాలను కరువు ప్రభావిత ప్రాంతాలుగా గుర్తించారు. రాష్ట్రవ్యాప్తంగా గుర్తించిన 315 కరువు మండలాల్లో ఉమ్మడి వరంగల్‌ వాటా గణనీయంగా ఉంది. మొత్తం 38 మండలాల్లో ఒక మండలంలో తీవ్ర కరువు పరిస్థితులు ఉండగా.. 37 మండలాల్లో మోస్తరు కరువు నెలకొన్నట్లు అధికారిక జాబితా స్పష్టం చేస్తోంది. జనగామలోనే తీవ్ర కరువు ప్రభావం.. హనుమకొండలో 11.. ఉమ్మడి వరంగల్‌లో తీవ్ర కరువు మండలం ఉన్న జిల్లా జనగామ. జిల్లాలోని నాలుగు మండలాలు కరువు ప్రభావితంగా గుర్తించగా.. అందులో ఒకటి తీవ్ర కరువు, మూడు మోస్తరు కరువు మండలాలు ఉన్నాయి. దీంతో జనగామ జిల్లాలో పంటల పరిస్థితిపై ఆందోళన నెలకొంది. హనుమకొండ జిల్లాలో 11 మండలాలు కరువు ప్రభావితంగా ఉన్నాయి. వీటిలో ఒక్కటి కూడా తీవ్ర కరువు కేటగిరీలో లేకపోగా.. అన్నీ మోస్తరు కరువు మండలాలే కావడం గమనార్హం. మహబూబాబాద్‌లో 6.. వరంగల్‌లో 8 మండలాలు.. మహబూబాబాద్‌ జిల్లాలో 6 మండలాలు కరువు జాబితాలోకి వచ్చాయి. ఇవన్నీ మోస్తరు కరువు ప్రభావిత మండలాలుగానే నమోదయ్యాయి. కాగా జయశంకర్‌ భూపాలపల్లి జిల్లాలో 5 మండలాలు, ములుగు జిల్లాలో 4 మండలాలు కరువు ప్రభావితంగా గుర్తించారు. ఈ రెండు జిల్లాల్లోనూ తీవ్ర కరువు మండలం ఒక్కటీ లేకపోగా.. మోస్తరు కరువు మండలాలే ఉన్నాయి.వరంగల్‌ జిల్లాలో 8 మండలాలు కరువు ప్రభావితంగా నమోదయ్యాయి. వీటన్నింటినీ మోస్తరు కరువు కేటగిరీలో చేర్చారు. పంట నష్టాలే కరువు తీవ్రతకు అద్దం.. కరువు ప్రభావిత మండలాల్లో వర్షాభావ పరిస్థితులు పంటలపై తీవ్ర ప్రభావం చూపినట్లు అధికారిక గణాంకాలు వెల్లడిస్తున్నాయి. ముఖ్యంగా వర్షాలు సకాలంలో కురవకపోవడం, పంటలకు అవసరమైన తేమ అందకపోవడం, దిగుబడులు తగ్గడం వంటి పరిణామాలు కరువు పరిస్థితులకు కారణమయ్యాయి. కరువు జాబితాలో ఉన్న మండలాలకు ప్రభుత్వం అందించే ఉపశమన చర్యలు, పంట నష్టపరిహారం, సాగునీరు–పశుగ్రాసం వంటి అంశాలపై రైతుల్లో ఇప్పుడు ఆశలు నెలకొన్నాయి. ఇదిలా ఉండగా ఉమ్మడి వరంగల్‌లో 38 మండలాల్లో కరువు పరిస్థితులు ఉన్నట్లు ప్రకటించిన ప్రభుత్వం.. ఆ కరువు మండలాల పేర్లను మాత్రం ప్రకటించకపోవడం గమనార్హం. ఆరు జిల్లాల్లో 38 మండలాలు గుర్తింపు ఒక్క మండలంలో తీవ్ర, 37 మండలాల్లో మోస్తరు కరువు ఖరీఫ్‌ పంటలపై తీవ్ర ప్రభావం ఎల్‌నినో ప్రభావంపై వ్యవసాయశాఖ ఆరా.. మండలాల పేర్ల వెల్లడిపై గోప్యం..ఆరు జిల్లాల్లో కరువు మండలాలు ఇలా..జిల్లా తీవ్ర మోస్తరు మొత్తం హనుమకొండ 00 11 11 వరంగల్‌ 00 08 08 జనగామ 01 03 04 భూపాలపల్లి 00 05 05 మహబూబాబాద్‌ 00 06 06 ములుగు 00 04 04 మొత్తం 01 37 38

● ఎస్పీ సిరిశెట్టి సంకీర్త్‌ రేగొండ: నేరాల నియంత్రణకు సమర్థవంతమైన చర్యలు చేపట్టాలని ఎస్పీ సిరిశెట్టి సంకీర్త్‌ అన్నారు. శనివారం కొత్తపల్లిగోరి మండలంలోని పోలీస్‌స్టేషన్‌ను వార్షిక తనిఖీల్లో భాగంగా సందర్శించారు. ఈ సందర్భంగా స్టేషన్‌ రికార్డులు, పెండింగ్‌ కేసుల పురోగతి, సీసీ కెమెరాల పనితీరును పరిశీలించారు. శాంతిభద్రతల పరిరక్షణలో అప్రమత్తంగా వ్యవహరించాలని తెలిపారు. సీసీటీఎన్‌ఎస్‌ 2.0, ఈ–సాక్ష్య, డిజిటల్‌ ఫోరెన్సిక్‌, సైబర్‌ దర్యాప్తు వంటి ఆధునిక సాంకేతిక పరిజ్ఞానంపై సిబ్బంది అవగాహన పెంపొందించుకోవాలని సూచించారు. డ్రగ్స్‌, గంజాయి, సైబర్‌ నేరాలు, ట్రాఫిక్‌ ఉల్లంఘనల నియంత్రణతో పాటు రౌడీషీటర్ల కదలికలపై నిరంతరం నిఘా కొనసాగించాలని ఆదేశించారు. కేసుల దర్యాప్తును వేగవంతం చేయడంతో పాటు ప్రజల ఫిర్యాదులను త్వరగా పరిష్కరించాలని అధికారులకు సూచించారు. ఈ కార్యక్రమంలో భూపాలపల్లి సబ్‌ డివిజన్‌ డీఎస్పీ సంపత్‌రావు, గణపురం సీఐ కరుణాకర్‌ రావు, ఎస్సై సాయి త్రిలోక్‌నాథ్‌ రెడ్డి, పోలీస్‌ సిబ్బంది పాల్గొన్నారు.

● సమ్మక్క సారక్క సెంట్రల్‌ ట్రైబల్‌ యూనివర్సిటీ వీసీ శ్రీనివాస్‌ఎస్‌ఎస్‌ తాడ్వాయి: వైద్యులకు కరుణ, సేవాభావం అంతర్భాగంగా ఉండాలని సమ్మక్క సారక్క సెంట్రల్‌ ట్రైబల్‌ యూనివర్సిటీ వీసీ డాక్టర్‌ వై.ఎల్‌. శ్రీనివాస్‌ అన్నారు. గిరిజన గ్రామాల్లో ఆరోగ్య అవగాహన పెంపొందించి, మెరుగైన వైద్య సేవలు అందించాలనే లక్ష్యంతో సేవాంకుర్‌ భారత్‌, వనవాసి కల్యాణ పరిషత్‌ సంయుక్త ఆధ్వర్యంలో నిర్వహిస్తున్న దేశం కోసం – మూడు రోజులు కార్యక్రమం శుక్రవారం మండలకేంద్రంలో నిర్వహించారు. ఈ కార్యక్రమంలో భాగంగా జిల్లాలోని ఎనిమిది ఆదివాసీ గ్రామాల్లో వైద్య శిబిరాలు నిర్వహించేందుకు తెలంగాణలోని 16 వైద్య కళాశాలలకు చెందిన సుమారు 120 మంది వైద్య విద్యార్థులు, వైద్యుల బృందం పాల్గొన్నారు. ఈ సందర్భంగా యూనివర్సిటీ వీసీ డాక్టర్‌ వై.ఎల్‌. శ్రీనివాస్‌ మాట్లాడుతూ గిరిజన ప్రాంతాల సామాజిక, సాంస్కృతిక పరిస్థితులను అర్థం చేసుకుని నాణ్యమైన వైద్య సేవలు అందించాలని విద్యార్థులకు పిలుపునిచ్చారు. వనవాసి కల్యాణ పరిషత్‌ క్షేత్ర సంఘటన మంత్రి తాడేపల్లి శివరామకృష్ణ మాట్లాడుతూ గిరిజన సమాజంలోని బలహీన వర్గాలను బలోపేతం చేయడమే సేవా కార్యక్రమాల లక్ష్యమన్నారు. కార్యక్రమంలో ఆర్ట్స్‌ కాలేజీ విశ్రాంత ప్రిన్సిపాల్‌ చిలకమర్రి సంజీవ్‌, ఈఎస్‌ఐ మెడికల్‌ కాలేజీ హౌస్‌ సర్జనన్‌ ఉమ, విద్యార్థులు, వైద్య బృందం పాల్గొన్నారు.

గణపురం: శుక్రవారం సందర్భంగా మండలకేంద్రంలోని కాకతీయుల కళాక్షేత్రం కోటగుళ్లలో ప్రత్యేక పూజలు నిర్వహించారు. ఆలయ అర్చకుడు నాగరాజు ఆధ్వర్యంలో స్వామి వారికి ప్రత్యేక అభిషేకాలు, పూజలు నిర్వహించారు. అనంతరం స్వామి వారిని ప్రత్యేకంగా అలంకరించారు. అనంతరం భక్తులు పెద్దఎత్తున స్వామి వారిని దర్శించుకున్నారు. కాళేశ్వరం అష్టతీర్థాలకు టెండర్లు పూర్తి కాళేశ్వరం: మహదేవపూర్‌ మండలం కాళేశ్వరంలో వచ్చే ఏడాది జరిగే గోదావరి పుష్కరాల నేపథ్యంలో రాష్ట్ర ప్రభుత్వం రూ.60కోట్లతో అష్టతీర్థాఽల ఘాట్ల నిర్మాణానికి ఇరిగేషన్‌శాఖ ద్వారా టెండర్లు పూర్తి చేసింది. హైదరాబాద్‌కు చెందిన సరళ ప్రాజెక్ట్‌స్‌ దక్కించుకున్నట్లు తెలిసింది. నేడు దేవాదాయ శాఖ కమిషనర్‌ రాక కాళేశ్వరం: కాళేశ్వరంలోని శ్రీ కాళేశ్వరముక్తీశ్వర స్వామి దేవస్థానానికి దేవాదాయ శాఖ కమిషనర్‌ హనుమంతరావు శనివారం రానున్నారు. దేవస్థానం పునర్నిర్మాణ పనులను పర్యవేక్షిస్తారు. అనంతరం వచ్చే ఏడాది కాళేశ్వరంలో జూన్‌ 26 నుంచి జూలై 7 వరకు జరగనున్న గోదావరి పుష్కరాల అభివృద్ధి పనుల ఏర్పాట్లపై ఈ సందర్భంగా ఈఓ కార్యాలయంలో సమీక్ష సమావేశం నిర్వహించనున్నట్లు దేవస్థానం ఈఓ మహేశ్‌ శుక్రవారం ఒక ప్రకటనలో తెలిపారు. పుష్కరాలకు వచ్చే భక్తులకు అవసరమైన సౌకర్యాలు, ఏర్పాట్లు, దేవస్థాన అభివృద్ధి పనుల పురోగతిపై చర్చిస్తారని ఈఓ పేర్కొన్నారు. జాతీయస్థాయికి సాత్విక శ్రీని ఎంపిక చిట్యాల: మండలకేంద్రంలోని సాంఘిక సంక్షేమ గురుకుల పాఠశాల/కళాశాలలో సెకండియర్‌ చదువుతున్న మద్దెల సాత్విక శ్రీని జాతీయస్థాయి కబడ్డీ పోటీలకు ఎంపికై నట్లు ప్రిన్సిపాల్‌ గొల్గొండ భిక్షపతి శుక్రవారం ఒక ప్రకటనలో పేర్కొన్నారు. ఈ నెల 12, 13 తేదీలలో సంగారెడ్డి జిల్లాలో హెచ్‌జీఎఫ్‌ రాష్ట్ర మీట్‌లో జరిగిన అండర్‌ 19 జూనియర్‌ కళాశాల కబడ్డీ చాంపియన్‌ షిప్‌ రాష్ట్రస్థాయి పోటీలకు వరంగల్‌ జట్టుకు కెప్టెన్‌గా వ్యవహరించారని అన్నారు. దీంతో రాష్ట్ర స్థాయిలో తన ప్రతిభను కనబరిచి జాతీయ జట్టుకు ఎంపికై నట్లు ఆయన పేర్కొన్నారు. కళాశాల ప్రిన్సి పాల్‌ భిక్షపతి, వైస్‌ ప్రిన్సిపాల్‌ ఎస్‌.మాలాతిలత, ఫిజికల్‌ డైరెక్టర్‌ ఎం.వెన్నెల, పీఈటీ కె.శారద, ఉపాధ్యాయ బృందం అభినందించారు. రేపు రౌండ్‌టేబుల్‌ సమావేశం భూపాలపల్లి అర్బన్‌: దేశ, రాష్ట్రాల్లో నెలకొన్న విద్యారంగ సంక్షోభ పరిస్థితులు, పాఠశాలల అభివృద్ధిపై చర్చించేందుకు ఈ నెల 25న భూపాలపల్లిలో రౌండ్‌టేబుల్‌ సమావేశం నిర్వహించనున్నట్లు విద్యా పరిరక్షణ కమిటీ జిల్లా అధ్యక్షుడు ఎ.తిరుపతి, ప్రధాన కార్యదర్శి బి.సేవానాయక్‌ శుక్రవారం ఒక ప్రకటనలో పేర్కొన్నారు. జిల్లాకేంద్రంలోని కొమురయ్య భవన్‌లో సమావేశం ప్రారంభమవుతుందన్నారు. తెలంగాణ విద్యా పరిరక్షణ కమిటీ రాష్ట్ర ఆర్గనైజింగ్‌ సెక్రటరీ, సెంట్రల్‌ యూనివర్సిటీ ప్రొఫెసర్‌ లక్ష్మినారాయణ ముఖ్యఅతిథిగా హాజరవుతారని పేర్కొన్నారు. 10మంది వేటగాళ్ల బైండోవర్‌ మహాముత్తారం: 10మంది వన్యప్రాణి వేటగా ళ్లను శుక్రవారం మహాముత్తారం తహసీల్దార్‌ శ్రీనివాస్‌ ఎదుట బైండోవర్‌ చేసినట్లు మహా ముత్తారం ఎస్సై రమేశ్‌ తెలిపారు. యామన్‌పల్లి గ్రామానికి చెందిన జాడి లక్ష్మన్‌, బొప్పారపు రాజేందర్‌, జనగాం వెంకటయ్య, ఆకుదారి శ్రీశైలం, పాగె పోచయ్య, కలోజాల సతీష్‌, జాడి చిన్నయ్య, రత్నం సడువలి, రాంచందర్‌, అట్టెం రాజబాపు ఉన్నారు. భవిష్యత్‌లో అక్రమాలకు పాల్పడకుండా ఉంటేందుకు ముందస్తు చర్యలో భాగంగా చేసినట్లు తెలిపారు.

మల్హర్‌: మండలంలోని కొండపేట గ్రామపంచాయతీ పరిధిలోని కుంభంపల్లిలో పంట పొలాల్లో శుక్రవారం కోతులు బీభత్సం సృష్టించాయి. గ్రామానికి చెందిన ముల్కల రాజేశ్వర్‌రెడ్డి తన వ్యవసాయ పొలంలోని మోటార్‌ వైర్లు, స్టార్టర్‌ బాక్స్‌ను ధ్వంసంచేసి వైర్లను తెంపేశాయి. దీంతో వ్యవసాయ మోటార్‌ పూర్తిగా కాలిపోయింది. 15 రోజుల క్రితం కోతులు ధ్వంసం చేయడంలో రూ.40 వేలు చెల్లించి మరమ్మతులు చేసినట్లు సదరు రైతు ఆవేదన వ్యక్తం చేశారు. కోతుల విధ్వంసంతో రిపేర్లకు మరో రూ.10వేలు చెల్లించాల్సి వస్తుందని వాపోయారు. తెగిన వైర్లను గమనించకుండా వెళ్లి ఉంటే పెను ప్రమాదం జరిగి ఉండేదని తెలిపారు. కోతుల బెడద నివారించాలని రైతులు, గ్రామస్తులు అధికారులను కోరుతున్నారు.

భూపాలపల్లి: జిల్లాలో జనాభా లెక్కల సేకరణ ప్రక్రియను సమగ్రంగా, పకడ్బందీగా పొరపాట్లకు తావులేకుండా నిర్వహించాలని కలెక్టర్‌ రాహుల్‌శర్మ అధికారులను ఆదేశించారు. శుక్రవారం ఐడీఓసీ కార్యాలయంలో నిర్వహించిన జనగణన ఫేజ్‌–2 శిక్షణ కార్యక్రమాన్ని ఆయన పరిశీలించి అధికారులకు పలు సూచనలు చేశారు. ఈ సందర్భంగా కలెక్టర్‌ మాట్లాడుతూ.. గతంలో హౌస్‌ లిస్టింగ్‌, ఫేజ్‌–1 ప్రక్రియను విజయవంతంగా నిర్వహించిన స్ఫూర్తితో ఫేజ్‌–2 జనగణనను పూర్తి చేయాలన్నారు. జనగణన ద్వారా సేకరించిన వివరాలు భవిష్యత్‌ ప్రణాళికలు, అభివృద్ధి కార్యక్రమాల రూపకల్పనకు కీలకమని పేర్కొన్నారు. ఈ సారి డిజిటల్‌ విధానంలో మొబైల్‌ యాప్‌ ద్వారా వివరాలను నమోదు చేయనున్నట్లు తెలిపారు. స్వీయ గణన, కులాలవారీ వివరాల సేకరణపై సిబ్బంది పూర్తి అవగాహన కలిగి ఉండాలన్నారు. ఎన్యుమరేటర్లు, సూపర్‌వైజర్లు జనగణన మాన్యువల్‌ను క్షుణ్ణంగా అధ్యయనం చేసి, ప్రతీ ఇంటి వివరాలను నిబంధనల ప్రకారం ఖచ్చితంగా నమోదు చేయాలని సూచించారు. క్షేత్రస్థాయిలో ఎదురయ్యే సందేహాలను అధికారుల సహకారంతో నివృత్తి చేసుకోవాలన్నారు. జనగణన చట్టం ప్రకారం సేకరించిన సమాచారాన్ని గోప్యంగా ఉంచాలని, అనధికార వ్యక్తులతో పంచుకోకూడదని స్పష్టం చేశారు. అన్ని శాఖల అధికారులు సమన్వయంతో పనిచేసి జనగణనను విజయవంతం చేయాలని పిలుపునిచ్చారు. ఈ కార్యక్రమంలో అదనపు కలెక్టర్లు అశోక్‌ కుమార్‌, విజయలక్ష్మి, సెన్సస్‌ జాయింట్‌ డైరెక్టర్‌ సుబ్బరాజు, సీపీఓ కిష్టయ్య, ఆర్డీఓ హరికృష్ణ, మాస్టర్‌ ట్రైనర్లు, వివిధ శాఖల అధికారులు, సూపర్‌వైజర్లు, ఎన్యుమరేటర్లు పాల్గొన్నారు. కలెక్టర్‌ రాహుల్‌ శర్మ

జిల్లా పెద్దాస్పత్రిలో నిరుపయోగంగా ఆక్సిజన్‌ ప్లాంట్‌● కరోనా సమయంలో రూ.1.20కోట్లతో ఏర్పాటు ● నిర్వహణ, ఉత్పత్తిని పట్టించుకోని అధికారులు ● ఆర్థిక భారం పడుతున్నా కొనుగోలుకే మొగ్గుభూపాలపల్లి అర్బన్‌: అత్యవసర సమయంలో రోగుల ప్రాణాలను కాపాడేందుకు ఉపయోగపడే ఆక్సిజన్‌ ప్లాంట్‌ అధికారుల నిర్లక్ష్యంతో మూలనపడింది. కరోనా సమయంలో ఎంతో ఉపయోగపడిన జిల్లా పెద్దాస్పత్రిలోని ప్లాంట్‌ ప్రస్తుతం నిర్వహణలోపంతో మూతబడింది. దీంతో రోగులకు ఆక్సిజన్‌ సిలిండర్లను బయటనుంచి కొనుగోలు చేయాల్సిన దుస్థితి నెలకొంది. దీంతో ఆర్థిక భారం పరగడమే కాకుండా రోగుల ప్రాణాలకు రక్షణ కరువవుతోందనే విమర్శలు వ్యక్తమవుతున్నాయి. ప్లాంట్‌ నిరుపయోగంగా మారి నానాటికీ పనికి రాకుండా పోతున్నా పట్టింపు లేనట్లు వ్యవహరిస్తుండడం విమర్శలకు తావిస్తోంది. నెలకు 30నుంచి 40 సిలిండర్లు.. ప్రస్తుతం ఆస్పత్రిలో చికిత్స పొందుతున్న వారికి అవసరమైన ఆక్సిజన్‌ సిలిండర్లను తీసుకువచ్చి వినియోగిస్తున్నారు. ఆస్పత్రి ప్రతీ నెల 30నుంచి 40 సిలిండర్ల వరకు అవసరమవుతున్నాయి. ఒక్కో సిలిండర్‌కు బయట మార్కెట్‌లో రూ.600 నుంచి రూ.700 వరకు వెచ్చించి కొనుగోలు చేస్తున్నారు. ప్రతీ నెల రూ.25వేల నుంచి రూ.30వేల వరకు ఖర్చు చేస్తున్నారు. ఏడాదికి సుమారు రూ.3లక్షల నుంచి రూ.4లక్షల వరకు దుర్వినియోగం చేస్తున్నట్లు కనిపిస్తోంది. వ్యాధుల వ్యాప్తి సమయాన వినియోగం మరింత పెరుగుతుంది. ఒకవేళ గాలి ద్వారా ఆక్సిజన్‌ ఉత్పత్తి చేసే ప్లాంట్‌ అందుబాటులోకి తీసుకొస్తే వ్యయం సగానికి పైగా తగ్గుతుందని.. సాధారణ రోజుల్లో ఆక్సిజన్‌ కొనుగోలు చేసే అవసరముండదని చెబుతున్నారు. అధికారులు ఎందుకు పట్టించుకోవడం లేదనేది అంతు చిక్కని ప్రశ్నగానే మిగిలిపోతోంది.

భూపాలపల్లి అర్బన్‌: కలెక్టరేట్‌ ఎదుట ఎన్‌హెచ్‌ఎం జేఏసీ ఉద్యోగులు చేపడుతున్న నిరవధిక సమ్మె శుక్రవారం నాటికి 11వ రోజుకు చేరుకుంది. ఎన్నో సంవత్సరాలుగా ప్రజారోగ్య సేవల్లో కీలక పాత్ర పోషిస్తున్న ఎన్‌హెచ్‌ఎం ఉద్యోగులను వెంటనే రెగ్యులరైజ్‌ చేయాలని, తమ న్యాయమైన డిమాండ్లను ప్రభుత్వం పరిష్కరించాలని ఉద్యోగులు డిమాండ్‌ చేస్తున్నారు. ఈ కార్యక్రమంలో ఎన్‌హెచ్‌ఎం జేఏసీ జిల్లా అధ్యక్షుడు బడితల రమేశ్‌, ప్రధాన కార్యదర్శి మధు, వర్కింగ్‌ ప్రెసిడెంట్‌ వెంకటేశ్‌, ఉపాధ్యక్షుడు డాక్టర్‌ రఘురాం, కోశాధికారి శ్రీను, సలహాదారులు శ్రీనివాస్‌, జిల్లా కోఆర్డినేటర్‌ ప్రవీణ్‌, డాక్టర్లు జగదీశ్‌, విజయ్‌, బాలకృష్ణ, మీడియా ఇన్‌చార్జ్‌ రాజు, కృష్ణవేణి, ఏఎన్‌ఎంలు, స్టాఫ్‌ నర్సులు, ఫార్మసీ అధికారులు పాల్గొన్నారు.

భూపాలపల్లి: పోలీస్‌ అమరవీరుల త్యాగాలను యువత ఆదర్శంగా తీసుకోవాలని ఎస్పీ సంకీర్త్‌ అన్నారు. పోలీస్‌ ఫ్లాగ్‌ డే వారోత్సవాల్లో భాగంగా జిల్లా పోలీస్‌ కార్యాలయంలో శుక్రవారం నిర్వహించిన ఓపెన్‌ హౌస్‌ కార్యక్రమాన్ని ఎస్పీ సిరిశెట్టి సంకీర్త్‌ ప్రారంభించారు. ఈ సందర్భంగా పోలీసుల విధులు, ఆయుధాలు, సీసీ కెమెరాలు, ఫింగర్‌ప్రింట్‌ వ్యవస్థ, క్లూస్‌ టీమ్‌, డాగ్‌ స్క్వాడ్‌, బాంబు స్క్వాడ్‌ పనితీరును అధికారులు వివరించారు. ఏకే–47, ఎస్‌ఎల్‌ఆర్‌, కార్బైన్‌, 9 ఎంఎం పిస్టల్‌ తదితర ఆయుధాలను ప్రదర్శించారు. పోలీస్‌ స్టేషన్‌లో ఫిర్యాదు చేసే విధానం, దర్యాప్తు ప్రక్రియ, డయల్‌ 112 సేవలపై అవగాహన కల్పించారు. సైబర్‌ నేరాల నివారణ, ట్రాఫిక్‌ నిబంధనలు, మాదకద్రవ్యాల దుష్ప్రభావాలు, మహిళలు, బాలికల రక్షణ కోసం పనిచేస్తున్న షీ టీమ్స్‌, భరోసా కేంద్రం సేవలను వివరించారు. సైబర్‌ నేరాల బాధితులు వెంటనే 1930 నంబర్‌కు ఫిర్యాదు చేయాలని సూచించారు. అనంతరం ఎస్పీ సంకీర్త్‌ మాట్లాడుతూ.. చిన్నతనం నుంచే చట్టాలపై అవగాహన పెంచుకుని ట్రాఫిక్‌ నిబంధనలు పాటించాలని సూచించారు. ప్రజల రక్షణ, శాంతిభద్రతల పరిరక్షణకు పోలీస్‌ శాఖ నిరంతరం పనిచేస్తుందని తెలిపారు. ఓపెన్‌ హౌస్‌కు జిల్లాలోని వివిధ పాఠశాలలకు చెందిన సుమారు 500 మంది విద్యార్థులు పాల్గొన్నారు. ఈ కార్యక్రమంలో అదనపు ఎస్పీ నరేశ్‌ కుమార్‌, డీఎస్పీ సంపత్‌ రావు, సీఐ శ్రీనివాస్‌, ఆర్‌ఐలు, ఆర్‌ఎస్‌ఐలు, అధ్యాపకులు, పోలీస్‌ సిబ్బంది, విద్యార్థులు పాల్గొన్నారు. ఎస్పీ సిరిశెట్టి సంకీర్త్‌

సాక్షి ప్రతినిధి, వరంగల్‌: కుష్టు కేసులను వెలికి తీసేందుకు వైద్య, ఆరోగ్యశాఖ మరోసారి ఇంటింటి సర్వేకు శ్రీకారం చుట్టింది. జాతీయ కుష్టు వ్యాధి నిర్మూలన కార్యక్రమంలో భాగంగా లెప్రసీ కేస్‌ డిటెక్షన్‌ క్యాంపెయిన్‌ (ఎల్‌సీడీసీ)ను అధికారులు ముమ్మరం చేస్తున్నారు. ఆరోగ్య సిబ్బంది, ఆశా కార్యకర్తలు ఇంటింటికీ వెళ్లి చర్మంపై అనుమానాస్పద మచ్చలు, స్పర్శజ్ఞానం తగ్గడం, చేతులు, కాళ్లలో తిమ్మిర్లు, బలహీనత వంటి లక్షణాలను పరిశీలించనున్నారు. కుష్టు వ్యాధి ప్రారంభ దశలో గుర్తిస్తే పూర్తిగా నయం చేయడంతోపాటు శాశ్వత వైకల్యాలను కూడా నివారించవచ్చని వైద్యశాఖ చెబుతోంది. అందుకే అనుమానితులను గుర్తించడం, పరీక్షలు చేయించడం, నిర్ధారణ అయిన వారికి వెంటనే బహుళ ఔషధ చికిత్స (ఎండీటీ) అందించడం ఈ సర్వే ప్రధాన ఉద్దేశం. ఉమ్మడి జిల్లాపై ప్రత్యేక నజర్‌.. హనుమకొండ, వరంగల్‌, జనగామ, మహబూబాబాద్‌, జయశంకర్‌ భూపాలపల్లి, ములుగు జిల్లాలతో కూడిన పూర్వ ఉమ్మడి వరంగల్‌ ప్రాంతంలో కుష్టు నిర్మూలన కార్యక్రమాన్ని సాధారణ ఆరోగ్య సేవల్లో భాగంగా కొనసాగిస్తున్నారు. హనుమకొండ జిల్లా అధికారిక ఆరోగ్యశాఖ వెబ్‌సైట్‌లోనూ జాతీయ కుష్టు నిర్మూలన కార్యక్రమం (ఎన్‌ఎల్‌ఈపీ)ను ప్రధాన కమ్యూనికబుల్‌ డిసీజ్‌ కార్యక్రమాల్లో ఒకటిగా పేర్కొంది. ఆరు జిల్లాల్లోనూ కుష్టు కేసుల ముందస్తు గుర్తింపు, ఇంటింటి కాంటాక్ట్‌ సర్వే, ఆశా కార్యకర్తల భాగస్వామ్యం, ఉచిత ఎండీటీ చికిత్స, వైకల్య నివారణ చర్యలను ఎన్‌ఎల్‌ఈపీలో భాగంగా అమలు చేస్తున్నట్లు వైద్యశాఖ పేర్కొంది. మచ్చ కనిపిస్తే నిర్లక్ష్యం వద్దు.. చర్మంపై సాధారణ రంగుకంటే తెల్లగా లేదా రాగి రంగులో మచ్చలు కనిపించడం, ఆ ప్రాంతంలో స్పర్శజ్ఞానం తగ్గడం లేదా లేకపోవడం కుష్టు వ్యాధికి ముఖ్యమైన సంకేతాలుగా వైద్యశాఖ పేర్కొంటోంది. చేతులు, కాళ్లలో తిమ్మిర్లు, బలహీనత, స్పర్శజ్ఞానం కోల్పోవడం వంటి లక్షణాలు కనిపించినా వైద్యులను సంప్రదించాలి. ప్రభుత్వ ఆస్పత్రులు, పీహెచ్‌సీలు, ఇతర ప్రభుత్వ ఆరోగ్య కేంద్రాల్లో కుష్టు వ్యాధి పరీక్షలు, చికిత్స ఉచితంగా అందుబాటులో ఉన్నాయి. అనుమానం వస్తే ఆరోగ్య సిబ్బందికి చెప్పండి..కుష్టు వ్యాధి శాపం కాదు.. వంశపారంపర్య వ్యాధి కూడా కాదు. సరైన సమయంలో చికిత్స తీసుకుంటే పూర్తిగా నయం చేయవచ్చు. జాతీయ కుష్టు వ్యాధి నిర్మూలన కార్యక్రమంలో భాగంగా ఇంటింటి సర్వే నిర్వహిస్తున్నాం. ఈ సర్వేకు ప్రజలు సహకరించి, అనుమానాస్పద లక్షణాలుంటే దాచిపెట్టకుండా ఆరోగ్య సిబ్బందికి తెలియజేయాలి. వ్యాధిపై భయాందోళనలు అవసరం లేదు. వ్యాధిగ్రస్తులపై వివక్ష చూపకుండా వారికి అండగా నిలుద్దాం. – డాక్టర్‌ ఎ.అప్పయ్య, డీఎంహెచ్‌ఓ, హనుమకొండకుష్టువ్యాధి అనుమానితుల గుర్తింపుపై వైద్యశాఖ దృష్టి మళ్లీ మొదలైన ఎల్‌సీడీసీ సర్వే ఇంటింటికీ వైద్య ఆరోగ్య సిబ్బంది తొలిదశలో గుర్తిస్తే వైకల్యానికి చెక్‌ ఉమ్మడి వరంగల్‌లో విస్తృతంగా స్క్రీనింగ్‌జిల్లా సర్వే చేసిన గృహాలు పరీక్షించుకున్నవారు అనుమానితులు హనుమకొండ 2,17,815 9,07,815 1406 వరంగల్‌ 1,86,668 7,46,672 1013 భూపాలపల్లి 13,386 4,33,506 336 ములుగు 79,216 2,84,530 722 జనగామ 1,26,509 4,59,783 847 మహబూబాబాద్‌ 2,07,697 7,64,772 2544 8,31,291 35,97,078 6,868

● మధ్యాహ్న భోజనానికి సొంత తోటలే ఆధారం! ● కిచెన్‌ గార్డెన్లతో విద్యార్థులకు శ్రమ విలువపై అవగాహన ఎస్‌ఎస్‌తాడ్వాయి: పాఠశాలల్లో పెరటి తోటల పెంపకంతో విద్యార్థులకు ప్రకృతిపై అవగాహన కల్పించడంతోపాటు మధ్యాహ్న భోజనానికి అవసరమైన కూరగాయలను సొంతంగా పండిస్తున్నారు. తాడ్వాయి మండలంలోని ప్రభుత్వ ప్రాథమిక, ఉన్నత పాఠశాలల్లో కిచెన్‌ గార్డెన్ల ఏర్పాటుకు విశేష స్పందన లభిస్తోంది. వర్షాకాలం ప్రారంభం నుంచే అన్ని పాఠశాలల్లో పెరటి తోటలు పెంచాలని మండల విద్యాధికారి గడ్డి శ్రీనివాస్‌ సూచనల మేరకు స్పందించిన ప్రధానోపాధ్యాయులు ఆ దిశగా కూరగాయాల సాగుకు చర్యలు చేపట్టారు. పండిన కూరగాయలతోనే వంటలు మండలంలోని లింగాల పాఠశాలలో పెరటి తోటల పెంపకం ఆదర్శంగా నిలుస్తోంది. పాఠశాల ఆవరణలో గోంగూర, బీరకాయ, సోరకాయ, వంకాయ, టమాటా, ఉల్లిగడ్డలు సాగు చేస్తున్నారు. వీటితోనే మధ్యాహ్న భోజన పథకంలో విద్యార్థులకు తాజా, నాణ్యమైన కూరలు వండిపెడుతున్నారు. విద్యార్థులే సాగుదారులు లింగాల, బోటిలింగాల, అంకంపల్లి, కోడిశాల, ఇంద్రానగర్‌, కేజీబీవీ, గిరిజన ఆశ్రమ పాఠశాల తాడ్వాయి, ఊరట్టం, వెంగ్లాపూర్‌, ఎల్బాక పాఠశాలల్లో విద్యార్థులు స్వయంగా కూరగాయల మొక్కలు నాటడం, నీరు పోయడం, వాటిని సంరక్షించడం, పంట చేతికి వచ్చిన తర్వాత కూరగాయలను కోయడం వంటి పనుల్లో పాల్గొంటున్నారు. దీంతో వారికి మొక్కల పెంపకం, ప్రకృతి పరిరక్షణపై అవగాహన పెరగడంతోపాటు శ్రమపై గౌరవం అలవడుతుంది. విద్యార్థులను సాగు కార్యక్రమాల్లో భాగస్వాములను చేసేందుకు హెచ్‌ఎంలు, ఉపాధ్యాయులు కృషి చేస్తున్నారు.

కాళేశ్వరం: ప్రముఖ శైవక్షేత్రంగా పేరొందిన శ్రీకాళేశ్వరముక్తీశ్వరస్వామి దేవస్థానంలో పాలన గాడి తప్పుతోంది. దేవస్థానం పునర్నిర్మాణ పనులు కొనసాగుతున్న సమయంలో భక్తులకు మెరుగైన సౌకర్యాలు కల్పించాల్సిన అధికారులు, అర్చక, సిబ్బంది వ్యవహారశైలి విమర్శలకు తావిస్తోంది. అర్చకులు, సిబ్బంది సమయపాలన పాటించడం లేదనే ఆరోపణలు చర్చనీయాంశంగా మారాయి. దీంతోపాటు పాలకవర్గానికి, ప్రజాప్రతినిధులకు ప్రొటోకాల్‌ రగడపై ఆరోపణలు ఉన్నాయి. మంత్రి చొరవతోనే.. రాష్ట్ర ప్రభుత్వం నిధులు మంజూరు చేయడంతో రూ.198 కోట్లతో కాళేశ్వరం దేవస్థానంలో పునర్నిర్మాణ పనులు చేపట్టగా.. ఏప్రిల్‌ 20న సీఎం రేవంత్‌రెడ్డి శంస్థాపన చేశారు. పాత ఆలయ నిర్మాణాలను తొలగించడంతో ప్రస్తుతం ఆదిముక్తీశ్వరాలయం వద్ద ఏర్పాటు చేసిన బాలాలయంలో ఉత్సవమూర్తులను ప్రతిష్ఠించి పూజలు నిర్వహిస్తున్నారు. జూన్‌ 17న శృంగేరి పీఠాధిపతి శిష్యులు కళాప్రకర్షన చేసి బాలాలయంలో భక్తులకు దర్శనాలు కల్పించారు. జూలై 30 నుంచి పునర్నిర్మాణ పనులు జరుతుండగా.. ఆలయ వ్యవస్థ అస్తవ్యస్తంగా మారిందనే ఆరోపణలు వినిపిస్తున్నాయి. సమయపాలన ఏదీ? దేవస్థానంలో అర్చకులు, సిబ్బంది విధులకు ఎప్పుడు వస్తున్నారు? ఎప్పుడు వెళ్తున్నారు? అనే విషయాలపై పర్యవేక్షణ కొరవడిందనే విమర్శలు వినిపిస్తున్నాయి. కొంత మంది అర్చకులు మాత్రమే వస్తుండగా.. మరికొందరు సమయపాలన పాటించడం లేదు. దేవస్థానం ఈఓ ఉదయం 10 గంటలకు కార్యాలయానికి వచ్చి సాయంత్రం 5 గంటలకు వెళ్లిపోతున్నారని, సెలవు దినాలు తీసుకోవడంతో స్థానికులు, భక్తుల నుంచి ఆరోపణలు ఉన్నాయి. కార్యాలయ వేళల అనంతరం ఆలయంలో జరిగే కార్యక్రమాలు, భక్తులకు అందుతున్న సేవలను పర్యవేక్షించేదెవరనే ప్రశ్నలు ఉత్పన్నమవుతున్నాయి. ఈ ఏడాది జూన్‌ నుంచి ఆదాయం కూడా తగ్గుముఖం పట్టినట్లు తెలిసింది. జూనియర్‌ అసిస్టెంట్‌ ప్రమోషన్‌ పోస్టు విషయంలో ఇద్దరు రికార్డు అసిస్టెంట్ల మధ్య పోటీ నెలకొంది. అధికారులు ఒకరికి సపోర్ట్‌ చేయడంతో ఇన్ని రోజులు సేవలందించినవారు అలిగినట్లు సమాచారం. ప్రొటోకాల్‌ విస్మరణ.. దేవస్థానం పాలకవర్గం, ప్రజాప్రతినిధులకు ప్రొటోకాల్‌ పాటించడంపై ఈఓ, సిబ్బంది విస్మరిస్తున్నారని తెలిసింది. విజయదశమి శమీ పూజలో ఈఓ గైర్హాజరు కావడంతోపాటు ప్రొటోకాల్‌ పాటించలేదని.. సర్పంచ్‌కు అర్చకుల మధ్య స్వల్పంగా వాగ్వాదం జరగడం గమనార్హం. పాలకవర్గానికి కనీస మర్యాద ఇవ్వడంలేదని వినికిడి. ఈవిషయం ఉన్నతాధికారులకు ఫిర్యాదు వరకు వెళ్లినట్లు తెలిసింది. టెండర్‌ నిర్వాహకులకూ ఇబ్బందులే.. ఆలయ పునర్నిర్మాణ పనుల నేపథ్యంలో టెండర్‌ నిర్వాహకులకు అవసరమైన మౌలిక సదుపాయాలు కల్పించలేదు. రేకుల షెడ్లు ఏర్పాటు చేసినప్పటికీ షట్టర్లు అమర్చలేదు.. విద్యుత్‌ సౌకర్యం కల్పించలేదు. దేవస్థానానికి ఆదాయం సమకూర్చే టెండర్‌ నిర్వాహకుల సమస్యల పరిష్కారంపై దేవాదాయశాఖ అధికారులు దృష్టి సారించాల్సిన అవసరం ఉంది.కాళేశ్వరంలో భక్తులకు తప్పని ఇబ్బందులు అర్చకులు, సిబ్బంది సమయపాలనపై ఆరోపణలు పాలకవర్గం, ప్రజాప్రతినిధులకు ప్రొటోకాల్‌పై రగడ టెండర్‌ నిర్వాహకులకు సౌకర్యాలపైనా నిర్లక్ష్యమే..? చర్యలపై దృష్టి సారిస్తేనే..మంత్రి దుద్దిళ్ల శ్రీధర్‌బాబు ప్రత్యేక చొరవతో ఆలయ అభివృద్ధికి నిధులు సమకూర్చి పనులు చేపడుతున్న తరుణంలో క్షేత్రస్థాయిలో నిర్వహణ లోపాల ఆరోపణలు రావడం చర్చనీయాంశంగా మారింది. ఆలయ ప్రతిష్టకు భంగం కలగకుండా అధికారులు, అర్చకులు, సిబ్బంది సమన్వయంతో పనిచేయాలని భక్తులు కోరుతున్నారు. విధుల సమయాలను పర్యవేక్షించడం, భక్తులకు మెరుగైన సేవలు అందించడం, ప్రొటోకాల్‌ పాటించడం, టెండర్‌ నిర్వాహకులకు అవసరమైన సదుపాయాలు కల్పించడంపై ఉన్నతాధికారులు దృష్టి సారించాలని విజ్ఞప్తి చేస్తున్నారు. ప్రముఖ పుణ్యక్షేత్రంలో పాలనపై వస్తున్న ఆరోపణలకు దేవస్థానం అధికారులు స్పందించి, వాస్తవ పరిస్థితులను వెల్లడించడంతోపాటు సమస్యలను పరిష్కరించాల్సిన అవసరం ఉంది. ఈ విషయమై దేవాదాయశాఖ వరంగల్‌ డిప్యూటీ కమిషనర్‌ కృష్ణప్రసాద్‌ను వివరణ కోరేందుకు ఫోన్‌ చేయగా అందుబాటులోకి రాలేదు.ఉన్నతాధికారులకు తెలియజేస్తా..దేవస్థానం అధికారులు, అర్చకులు ప్రొటోకాల్‌ విస్మరించడం, సిబ్బంది సమయపాలన పాటించకపోవడం నాదృష్టికి వచ్చింది. పర్యవేక్షణలేమిపై దేవాదాయశాఖ ఉన్నతాధికారులు, మంత్రి శ్రీధర్‌బాబు దృష్టికి తీసుకువెళ్తాను. ఆలయ ప్రతిష్టకు భంగం కలుగకుండా చర్యలు తీసుకుంటాను. – అవధాని మోహన్‌ శర్మ, కాళేశ్వరం దేవస్థానం చైర్మన్‌

కాళేశ్వరం: ‘వామ్మో.. అన్నారం బ్యారేజీలో మొసలి’ సంచారం శీర్షికన గురువారం సాక్షిలో ప్రచురితమైన కథనానికి ఇరిగేషన్‌, అటవీశాఖ అధికారులు స్పందించారు. మహదేవపూర్‌ మండలంలోని అన్నారం బ్యారేజీ నీటిలో మొసలి సంచరిస్తుందని సామాజిక మాద్యమాల్లో ఇరిగేషన్‌ అధికారులు ప్రచారం చేశారు. మత్య్సకారులు చేపల వేటకు వెళ్లొద్దని, ప్రజలు స్నానాలకు నీటిలో దిగొద్దని అప్రమత్తం చేస్తున్నారు. అలాగే మహదేవపూర్‌ అటవీశాఖ అధికారులు బ్యారేజీ తీరంలో సిబ్బందితో కలిసి పరిశీలించారు. మంచిర్యాలవైపు నీటి మడుగు ఉండడంతో మొసలి గేట్ల వద్ద మొసలి ఆనవాళ్లు కనిపించలేదని తెలిసింది. మళ్లీ శుక్రవారం మొసలి ఆనవాళ్ల కోసం ఆన్వేషిస్తామని అటవీశాఖ రేంజర్‌ రవికుమార్‌ తెలిపారు. వైద్యురాలికి మెమో కాళేశ్వరం: మహదేవపూర్‌ మండలం కాళేశ్వరం పీహెచ్‌సీ వైద్యాధికారి సుస్మితకు డీఎంహెచ్‌ఓ మధుసూదన్‌రావు మెమో జారీ చేసినట్లు తెలిసింది. బుధవారం డ్రెసింగ్‌ కోసం వచ్చిన బాలింతకు వైద్యం అందలేదని గురువారం సాక్షిలో వచ్చిన కథనానికి వైద్యారోగ్యశాఖ కమిషనర్‌ ఆదేశాల మేరకు ఆయన స్పందించారు. విధుల్లో నిర్లక్ష్యంగా వ్యవహరించినందుకుగాను డాక్టర్‌ సుస్మితకు మెమో జారీ చేశారు. నేడు కేయూలో పలు అభివృద్ధి కార్యక్రమాల ప్రారంభోత్సవం కేయూ క్యాంపస్‌: కాకతీయ యూనివర్సిటీలో స్పోర్ట్స్‌ హాస్టల్‌నుంచి కెనాల్‌ సమీపంలోని కో ఎడ్యుకేషన్‌ ఇంజనీరింగ్‌ కళాశాల వరకు రూ.1.34 కోట్ల వ్యయంతో కిలోమీటర్‌ మేర చేపట్టిన సీసీ రోడ్డు నిర్మాణ పనులు పూర్తయ్యాయి. అదేవిధంగా పరీక్షల విభాగం పక్కనే రూ1.67 కోట్ల వ్యయంతో పరీక్షల విభాగం రెండో బ్లాక్‌ భవనం నిర్మించారు. ఈ రెండు అభివృద్ధి పనులను నేడు (శుక్రవారం) కేయూ వీసీ కె ప్రతాప్‌రెడ్డి, రిజిస్ట్రార్‌ రామచంద్రం.. అభివృద్ధి అధికారి ఆచార్య వై.వెంకయ్యలతో కలిసి ప్రారంభించనున్నారు. పనుల్లో నాణ్యతా ప్రమాణాలు పాటించాలి ములుగు: మోడల్‌ బస్టాండ్‌ పనుల్లో నాణ్యతా ప్రమాణాలు పాటించాలని రాష్ట్ర పంచాయతీరాజ్‌, గ్రామీణాభివృద్ధిశాఖ మంత్రి సీతక్క తెలిపారు. ఈ మేరకు కలెక్టర్‌ హేమంత్‌ సహదేవరావుతో కలిసి మంత్రి సీతక్క గురువారం జిల్లా కేంద్రంలోని మోడల్‌ బస్టాండ్‌ నిర్మాణ పనులను పరిశీలించారు. ఫ్లోరింగ్‌, నిర్మాణ పనులతో పాటు ఇతర పనుల పురోగతిని పరిశీలించి పనుల వివరాలపై ఆరా తీశారు. అనంతరం మంత్రి సీతక్క మాట్లాడుతూ ప్రయాణికుల అవసరాలను దృష్టిలో ఉంచుకొని నిర్మాణ పనులను పూర్తి చేయాలని సూచించారు. పనులను అధికారులు క్షేత్రస్థాయిలో నిరంతరం పర్యవేక్షించాలని ఆదేశించారు. ప్రయాణికులు సురక్షితంగా రాకపోకలు సాగించేలా ఫ్లోరింగ్‌ పనులు చేపట్టాలని సూచించారు. తాగునీరు, మరుగుదొడ్లు, కూర్చునే సదుపాయాలు, విద్యుద్ధీపాలతో పాటు మౌలిక సౌకర్యాలపై ప్రత్యేక దృష్టి సారించాలని అధికారులను ఆదేశించారు. ఈ కార్యక్రమంలో గ్రంథాలయ సంస్థ చైర్మన్‌ బానోత్‌ రవిచందర్‌, మార్కెట్‌ కమిటీ చైర్‌పర్సన్‌ కల్యాణి, పంచాయతీరాజ్‌ డైరెక్టర్‌ భైరెడ్డి భగవాన్‌రెడ్డి, అధికారులు పాల్గొన్నారు. లంబాడీ తండాలో తీజ్‌ వేడుకలు వెంకటాపురం(ఎం): మండల పరిధిలోని లక్ష్మీదేవి పేట గ్రామపంచాయతీ పరిధిలో గల లంబాడీ తండాలో గురువారం గిరిజనులు తీజ్‌ పండుగను ఘనంగా జరుపుకున్నారు. ఈ సందర్భంగా గ్రామ పెద్దలు అజ్మీర హరీశ్‌ మాట్లాడుతూ గోదుమలను తొమ్మిదిరోజులు బుట్టలో నానబెట్టి, బుట్ట వద్ద ప్రతిరోజూ సాయంత్రం పూజలు నిర్వహించి సంతోషంగా నృత్యాలు చేస్తారని తెలిపారు. తొమ్మిదో రోజు పూర్తయ్యే నాటికి మొలకల్లో కొన్నింటిని గిరిజన పెద్దల తలపాగల్లో వేసి మిగిలిన వాటిని సమీపంలోని చెరువులో వదిలేస్తారని తెలిపారు. అనంతరం బుట్టలను తెచ్చిన యువతుల కాళ్లను వాళ్ల సోదరులు కడిగి ఆశీస్సులు తీసుకుంటారని వివరించారు. ఈ కార్యక్రమంలో గ్రామస్తులు బానోత్‌ స్వామిలాల్‌, హట్కర్‌ దేవేందర్‌, బానోతు సమ్మయ్య, పొరిక పర్తి, ధరావత్‌ తిరుపతి, అజ్మీరా సీతారాం, సురేశ్‌, బాల్య నాయక్‌, బానోతు రుషిత, సుమశ్రీ, కీర్తన, భూక్య నిఖిత, అమూల్య, అర్చన పాల్గొన్నారు.

సాక్షిప్రతినిధి, వరంగల్‌: వరంగల్‌–ఖమ్మం–నల్లగొండ పట్టభద్రుల ఎమ్మెల్సీ ఎన్నికలపై ప్రధాన రాజకీయ పార్టీలు ఇప్పటినుంచే దృష్టి సారించాయి. ఎన్నికల నోటిఫికేషన్‌ వెలువడకముందే రాజకీయ వాతావరణం వేడెక్కుతోంది. ఓటర్ల నమోదు ప్రక్రియపై దృష్టి పెట్టడంతో పాటు, పార్టీ శ్రేణులను సమాయత్తం చేసేందుకు కాంగ్రెస్‌, బీఆర్‌ఎస్‌, బీజేపీ తమదైన వ్యూహాలతో ముందుకు సాగుతున్నాయి. పట్టభద్రులను ఆకట్టుకోవడం, ఓటర్ల జాబితాలో తమకు అనుకూలమైన అర్హులైన ఓటర్ల నమోదు జరిగేలా అవగాహన కల్పించడం, నాయకులు–కార్యకర్తల మధ్య సమన్వయం పెంచుకుంటున్నాయి. గెలుపే లక్ష్యంగా ఎత్తులు.. పైఎత్తులకు తెరతీస్తున్నాయి. కాంగ్రెస్‌.. ప్రభుత్వ పనితీరే ప్రచారాస్త్రంగా.. అధికార కాంగ్రెస్‌ పార్టీ తమ అభ్యర్థి విజయమే లక్ష్యంగా ఎన్నికల సన్నాహాలను వేగవంతం చేస్తోంది. ఇప్పటికే ఉమ్మడి జిల్లాస్థాయి సమావేశం అనంతరం నియోజకవర్గాల వారీగా నాయకులతో సమావేశాలు నిర్వహిస్తూ పార్టీ శ్రేణులను సమాయత్తం చేస్తోంది. తాజాగా హనుమకొండ డీసీసీ కార్యాలయంలో వరంగల్‌ పశ్చిమ నియోజకవర్గ ముఖ్య నాయకులు, డివిజన్‌ అధ్యక్షులతో ఎమ్మెల్యే నాయి ని రాజేందర్‌రెడ్డి, డీసీసీ అధ్యక్షుడు ఇనగాల వెంకట్రామ్‌రెడ్డి తదితరులు పాల్గొని ఎన్నికల్లో అనుసరించాల్సిన కార్యాచరణపై దిశానిర్దేశం చేశారు. ప్రభుత్వం చేపట్టిన ఉద్యోగ నియామకాలు, సంక్షేమ కార్యక్రమాలు, విద్యావంతులు, నిరుద్యోగుల కోసం తీసుకుంటున్న నిర్ణయాలను పట్టభద్రుల్లోకి తీసుకెళ్లాలని కాంగ్రెస్‌ నాయకత్వం భావిస్తోంది. బీఆర్‌ఎస్‌.. గత పట్టు నిలబెట్టుకునే యత్నం ప్రధాన ప్రతిపక్షమైన బీఆర్‌ఎస్‌కు ఈ ఎన్నికలు రాజకీయంగా కీలకంగా మారనున్నాయి. గతంలో పట్టభద్రుల వర్గంలో పార్టీకి ఉన్న ఆదరణను నిలబెట్టుకోవడంతోపా టు, అధికార కాంగ్రెస్‌ ప్రభుత్వంపై విమర్శలను ప్రజల్లోకి తీసుకెళ్లేందుకు ఆ పార్టీ ముఖ్య నాయకులు వ్యూహరచన చేస్తున్నారు. పార్టీ వర్కింగ్‌ ప్రెసిడెంట్‌ కేటీఆర్‌, మాజీ మంత్రి హరీశ్‌రావు ఉమ్మడి వరంగల్‌ ముఖ్య నేతలతో కొద్దిరోజుల కిందట భేటీలు నిర్వహించారు. కేసీఆర్‌ సైతం ఫామ్‌హౌజ్‌లో మాజీ మంత్రులు, ఎమ్మెల్యేలతో మాట్లాడారు. ఉద్యోగ నియామకాలు, నిరుద్యోగ సమస్యలు, ప్రభుత్వ హామీల అమలు, ఉద్యోగుల ప్రయోజనాలు వంటి అంశాలను ప్రస్తావిస్తూ పట్టభద్రులను ఆకట్టుకునే ప్రయత్నం చేస్తున్నారు. ఆ పార్టీ గతంలో పోటీ చేసి స్వల్ప మెజార్టీతో ఓటమి చెందిన ఏనుగుల రాకేష్‌రెడ్డి.. ముఖ్య నేతలతో కలిసి ఓటర్ల నమోదు చురుగ్గా సాగిస్తున్నారు. బీజేపీ.. పట్టభద్రుల్లో పట్టు పెంచుకునేలా.. మరోవైపు బీజేపీ సైతం ఈ ఎన్నికలు తమ రాజకీయ బలాన్ని చాటుకునే అవకాశంగా భావిస్తోంది. పూర్వ వరంగల్‌, నల్లగొండ, ఖమ్మం జిల్లాల్లో పార్టీ సంస్థాగత బలాన్ని సమన్వయం చేసుకోవడంతోపాటు విద్యావంతులు, ఉద్యోగులు, యువతలో మద్దతును విస్తరించుకునేందుకు ప్రయత్నిస్తోంది. కేంద్ర ప్రభుత్వ విధానాలు, జాతీయ స్థాయి అంశాలతోపాటు ఉద్యోగాలు, విద్య, యువతకు అవకాశాలు, అభివృద్ధి వంటి అంశాలను పట్టభద్రుల ముందుకు తీసుకెళ్లాలన్న తలంపుతో ఉన్నారు. అభ్యర్థి ఎంపిక, స్థానిక రాజకీయ సమీకరణాలు, పట్టభద్రుల్లో పార్టీకి ఉన్న ఆదరణను ఓట్లుగా మలుచుకునే వ్యూహాలు ఎన్నికల్లో ఆ పార్టీ ప్రభావాన్ని నిర్ణయించనున్నాయి. పోటాపోటీగా ఓటర్ల నమోదు.. సన్నాహక సమావేశాలు గెలుపే లక్ష్యంగా నేతల మోహరింపు.. వ్యూహాలకు పదును పట్టభద్రులను ప్రసన్నం చేసుకునే పనిలో పార్టీలు... నోటిఫికేషన్‌కు ముందే ‘ఎమ్మెల్సీ’హీట్‌..పట్టభద్రుల సమస్యలే ప్రచార ఎజెండా..ఎమ్మెల్సీ ఎన్నికల్లో పోటీకి ముందే ఓటర్ల నమోదు రాజకీయ పార్టీలకు కీలకంగా మారింది. ఇందులో చురుకుగా వ్యవహరించడంతోపాటు పట్టభద్రులతో నిరంతర సంబంధాలు కొనసాగించడం ద్వారా ఎన్నికల నాటికి అనుకూల వాతావరణాన్ని నిర్మించుకోవాలని పార్టీలు యోచిస్తున్నాయి. అభ్యర్థి ఫలానా అంటూ ఓటరుగా నమోదు చేసుకున్నారా.. తాము చేయాలా అని ఫోన్లు చేస్తున్నారు. ఇదిలా ఉండగా ఎన్నికల నోటిఫికేషన్‌ వెలువడకముందే పార్టీలు సన్నాహక సమావేశాలు, ఓటర్ల నమోదు, నాయకుల సమన్వయంపై దృష్టి సారిస్తుండటంతో పట్టభద్రుల ఎమ్మెల్సీ ఎన్నికల హీట్‌ రోజు రోజుకూ పెరుగుతోంది. నియోజకవర్గాల వారీగా ఇన్‌చార్జ్‌ల నియామకంగ్రాడ్యుయేట్‌ ఎమ్మెల్సీ ఎన్నికల నేపథ్యంలో బీఆర్‌ఎస్‌ పార్టీ గురువారం ఉమ్మడి వరంగల్‌ పరిధిలోని 12 అసెంబ్లీ నియోజకవర్గాలకు పార్టీ నేతలకు బాధ్యతలు అప్పగించింది. జనగామ నియోజకవర్గానికి బండా శ్రీనివాస్‌, ఘన్‌పూర్‌ (ఎస్సీ)కు నాగుర్ల వెంకన్న, పాలకుర్తికి ఎం.సుధీర్‌కుమార్‌ను నియమించింది. డోర్నకల్‌ (ఎస్టీ)కు మాజీ ఎంపీ మాలోత్‌ కవిత, మహబూబాబాద్‌ (ఎస్టీ)కు సత్యవతి రాథోడ్‌కు బాధ్యతలు అప్పగించింది. అదేవిధంగా నర్సంపేట నియోజకవర్గానికి పోచంపల్లి శ్రీనివాస్‌రెడ్డి, పరకాలకు సమ్మారావు, వరంగల్‌ పశ్చిమకు బి.వినోద్‌కుమార్‌, వరంగల్‌ తూర్పుకు మర్రి యాదవరెడ్డిని నియమించింది. వర్ధన్నపేట (ఎస్సీ)కు మసూద్‌, భూపాలపల్లికి రామస్వామి నాయక్‌, ములుగు (ఎస్టీ)కి ముత్తిరెడ్డి యాదగిరిరెడ్డిని బాధ్యులుగా ప్రకటించింది. గ్రాడ్యుయేట్‌ ఎమ్మెల్సీ ఎన్నికల్లో పార్టీ శ్రేణులను సమన్వయం చేయడం, పట్టభద్రులను సంప్రదించడం, ఎన్నికల ప్రచార కార్యక్రమాలను పర్యవేక్షించడం వంటి బాధ్యతలను వీరు నిర్వహించనున్నారు.

● కొనసాగుతున్న సమ్మెభూపాలపల్లి అర్బన్‌: ఎన్‌హెచ్‌ఎం కాంట్రాక్ట్‌, ఔట్‌సోర్సింగ్‌ ఉద్యోగుల నిరవధిక సమ్మె పదో రోజుకు చేరింది. ఇందులో భాగంగా గురువారం ఎన్‌హెచ్‌ఎం జేఏసీ ఆధ్వర్యంలో ఉద్యోగులు ఒంటికాలిపై ని లబడి నిరసన తెలిపారు. ఉద్యోగులను క్రమబద్ధీకరించాలని, సమాన పనికి సమాన వేతనం అమలు చేయాలని, సమస్యలకు శాశ్వత పరిష్కా రం చూ పాలని ప్రభుత్వాన్ని డిమాండ్‌ చేశారు. సమ్మె కారణంగా గ్రామీణ ప్రాంతాల్లో వైద్య సేవలకు ఆటంకం కలుగుతోందని జేఏసీ నాయకులు తెలిపారు. జేఏసీ జిల్లా అధ్యక్షుడు బడితల రమేష్‌, ప్రధాన కార్యదర్శి మధు, వైద్యులు, ఏఎన్‌ఎంలు, స్టాఫ్‌ నర్సులు, ఫార్మసీ అధికారులు పాల్గొన్నారు.

మల్హర్‌(కాటారం): ప్రైవేట్‌ ఆస్పత్రులు తప్పనిసరిగా నింబంధనలు పాటించాలని, పాటించని వారిపై చట్టపరమైన చర్యలు తప్పవని డీఎంహెచ్‌ఓ మధుసూదన్‌ హెచ్చరించారు. గురువారం కాటా రంలోని బాలాజీ హాస్పిటల్‌, శ్రీ లక్ష్మి హాస్పిటల్‌, సాయి హాస్పిటల్‌, రఫీ హాస్పిటల్‌, సురేష్‌ హాస్పిటల్‌, రాజరాజేశ్వరి హాస్పిటల్‌లను డీంహెచ్‌ఓ తనిఖీ చేశారు. ఈ సందర్భంగా క్లినికల్‌ ఎస్టాబ్లిష్మెంట్‌ యాక్ట్‌ రిజిస్ట్రేషన్లు, బయో–మెడికల్‌ వేస్ట్‌ నిర్వహణ, అగ్నిప్రమాద నివారణ చర్యలు, రికార్డుల నిర్వహణను క్షుణ్ణంగా పరిశీలించారు. ప్రతి ఆస్పత్రిలో రిజిస్ట్రేషన్‌ సర్టిఫికెట్‌ తప్పనిసరిగా ప్రదర్శించాలని, రోగులకు కనిపించే విధంగా చికిత్స రుసుంలు, సేవల ధరల పట్టిక ఉంచాలని ఆయన సూచించారు. అగ్నిప్రమాద నివారణకు ఫైర్‌ ఎక్స్‌టింగ్విషర్లు అందుబాటులో ఉంచుకోవాలని తెలిపారు. అర్హత కలిగిన వైద్యులు మాత్రమే ఓపీ సేవలు అందించాలని, అనర్హులతో వైద్యం చేయించొద్దని స్పష్టం చేశారు. ఈ తనిఖీల్లో పీఓ ఏన్‌సీడీ డాక్టర్‌ దేవేందర్‌, పీఓఎంసీహెచ్‌ డాక్టర్‌ శ్రీదేవి, పీఓఎన్‌టీఈపీ సందీప్‌, హెచ్‌ఈ శ్రీదేవి, స్థానిక వైద్యాధికారి మౌనిక తదితరులు పాల్గొన్నారు. డీఎంహెచ్‌ఓ మధుసూదన్‌

భూపాలపల్లి : ఎల్‌నినో ప్రభావంతో వర్షపాతం తగ్గి, ఉష్ణోగ్రతలు పెరిగే అవకాశం ఉన్నందున ప్రజలంతా అప్రమత్తంగా ఉండాలని, ప్రధానంగా నీరు, విద్యుత్‌ను పొదుపుగా వినియోగించాలనికలెక్టర్‌ రాహుల్‌ శర్మ సూచించారు. తాగునీరు, సాగునీటిని అవసరమైన మేరకే వినియోగించాలని కోరారు. వర్షపు నీటిని ఒడిసిపట్టి భూగర్భ జలాలను పెంపొందించేందుకు ప్రతీ ఒక్కరు కృషి చేయాలన్నారు. విద్యుత్‌ను పొదుపుగా వినియోగించాలని, అవసరం లేనప్పుడు లైట్లు, ఫ్యాన్లు, ఇతర విద్యుత్‌ పరికరాలను ఆపివేయాలని సూచించారు. ఎల్‌నినో ప్రభావాన్ని ఎదుర్కొనేందుకు జిల్లా అధికారులు ముందస్తు చర్యలు చేపట్టాలని తెలిపారు. గ్రా మీణ, పట్టణ ప్రాంతాల్లో నీటి లభ్యతను నిరంతరం పర్యవేక్షించాలని సంబంధిత అధికారులను ఆదేశించారు. తాగునీటి సరఫరాలో ఇబ్బందులు తలెత్తకుండా చర్యలు తీసుకోవాలని, నీరు, విద్యుత్‌ పొదుపును సామాజిక బాధ్యతగా భావించి ప్రజలంతా సహకరించాలని కలెక్టర్‌ విజ్ఞప్తి చేశారు. కలెక్టర్‌ రాహుల్‌ శర్మ

ఏటూరునాగారం: మండల కేంద్రంలోని సాయిబాబా ఆలయంలో దుర్గాదేవి నవరాత్రుల ఊరేగింపు కనులపండువగా కొనసాగింది. ఈ మేరకు గురువారం అమ్మవారి ఊరేగింపు వైభవంగా నిర్వహించారు. కళాకారులు అమ్మవారి తొమ్మిది అవతారాల వేషదారణలతో ఆకట్టుకున్నారు. సుమారు వంద మంది కళాకారులు నృత్యాలు చేస్తూ పురవీధుల్లో అమ్మవారి ఊరేగింపు నిర్వహించారు. ఈ శోభాయాత్రను తిలకించేందుకు జనం భారీగా తరలివచ్చారు. అంతేకాకుండా అమ్మవారి పాటలకు మహిళలు, చిన్నారులు కోలాటం వేస్తూ నృత్యాలు చేశారు. కార్యక్రమంలో ఆలయ చైర్మన్‌ పెండ్యాల ప్రభాకర్‌, సతీష్‌, తదితరులు పాల్గొన్నారు.

● ఎస్పీ సిరిశెట్టి సంకీర్త్‌ భూపాలపల్లి : పేదల పక్షాన నిలిచి, అణచివేత, దోపిడీకి వ్యతిరేకంగా పోరాడిన ప్రజావీరుడు పండుగ సాయన్న జీవితం నేటి తరానికి ఆదర్శమని ఎస్పీ సిరిశెట్టి సంకీర్త్‌ అన్నారు. గురువారం పండుగ సాయన్న జయంతి సందర్భంగా జిల్లా పోలీస్‌ కార్యాలయంలో వేడుకలను ఘనంగా నిర్వహించారు. ఎస్పీ తదితరులు.. పండుగ సాయన్న చిత్రపటానికి పూలమాల వేసి నివాళులర్పించారు. పండుగ సాయన్న ఆశయాలకు అనుగుణంగా సమాజంలో సమానత్వం, మానవత్వం, సేవాభావాన్ని పెంపొందించుకోవాలని సూచించారు. కార్యక్రమంలో అదనపు ఎస్పీ నరేష్‌ కుమార్‌, ఆర్‌ఐలు కాశీరాం, పూర్ణచందర్‌ పాల్గొన్నారు. పోరాట యోధుడు పండుగ సాయన్న భూస్వాముల దోపిడీ, ఆధిపత్యానికి వ్యతిరేకంగా పోరాడుతూ పేద ప్రజల పక్షాన నిలిచిన యోధుడు పండుగ సాయన్న అని అదనపు కలెక్టర్‌ అశోక్‌కుమార్‌ కొనియాడారు. గురువారం జిల్లా బీసీ సంక్షేమ శాఖ ఆధ్వర్యంలో ఐడీఓసీ కార్యాలయంలో నిర్వహించిన పండుగ సాయన్న ముదిరాజ్‌ జయంతి వేడుకల్లో ఆయన పాల్గొన్నారు. సాయన్న చిత్రపటానికి పూలమాల వేసి నివాళులర్పించి మాట్లాడారు. పేదలకు ధాన్యం పంపిణీ చేయడంతోపాటు నిరుపేద కుటుంబాల వివాహాలకు సాయం చేస్తూ ప్రజల గుండెల్లో సాయన్న చిరస్థాయిగా నిలిచిపోయారని పేర్కొన్నారు. ఆయనను హతమార్చినప్పటికీ, పోరాట స్ఫూర్తి నేటికీ ప్రజల్లో సజీవంగా ఉందన్నారు. కార్యక్రమంలో జిల్లా యువజన సర్వీసుల శాఖ అధికారి చిర్రా రఘు, జిల్లా ముదిరాజ్‌ సంఘం అధ్యక్షుడు ఆకుల సుభాష్‌, జిల్లా మత్స్య శాఖ అధ్యక్షుడు జోరుక సదయ్య, తదితరులు పాల్గొన్నారు.

మంగపేట: మల్లూరులో హేమాచల లక్ష్మీనర్సింహస్వామి, ఆదిలక్ష్మి, చెంచులక్ష్మి అమ్మవార్ల ఉత్సవమూర్తులకు బుధవారం రాత్రి ఊరేగింపు నిర్వహించారు. విజయదశమి పర్వదినాన్ని పురస్కరించుకు ని దేవతామూర్తులను నూతన పట్టు వస్త్రాలతో ఆలంకరించి పల్లకి(సేవ)పై సాయంత్రం మేళ తాళాలు, మంగళ వాయిద్యాల నడమ గుట్టపై నుంచి రాత్రి 8 గంటలకు మల్లూరు గ్రామానికి తీసుకొచ్చారు. స్వామివారిని విశ్రాంతి మండపంపై ఉంచి జమ్మి చెట్టుకు ప్రత్యేక పూజ లు నిర్వహించారు. పూజా కార్యక్రమం అనంతరం ఉత్సవ మూర్తులను గ్రామంలోని పుర వీధుల్లో ఊ రేగింపు నిర్వహించారు. గ్రామానికి వచ్చిన ఉత్సవ మూర్తులకు గ్రామస్తులు నీళ్లారబోసి టెంకాయలు కొట్టి దర్శించుకున్నారు. పూర్వం నుంచి వస్తున్న ఆచారం ప్రకారం విజయదశమి(దసరా) పండుగ రోజు నిర్వహించాల్సిన కార్యక్రమాన్ని పండుగ తెల్లవారి నిర్వహించడం ఏంటని స్థానికులు చర్చించుకుంటున్నారు. ఈ విషయంపై ఆలయ అధికారులు మాత్రం పాంచరాత్ర ఆగమం ప్రకారం ఈ రోజు నిర్వహిస్తున్నామని, భద్రాచలం శ్రీ సీతారామచంద్ర స్వామి ఆలయంలో కూడా ఈరోజే నిర్వహిస్తున్నారని తెలిపారు.

భూపాలపల్లి రూరల్‌: ప్రకతి వైపరీత్యాలు ప్రతీఏడాది వెంటాడుతుండగా.. మిర్చి రైతులకు కన్నీళ్లే దిక్కవుతున్నాయి. ఈ సారైనా కలిసి వస్తుందనే ఆశతో సాగుచేసిన రైతులకు మళ్లీ నిరాశే ఎదురయ్యే పరిస్థితులు నెలకొన్నాయి. నెల క్రితం కురిసిన వర్షాలు, ఎల్‌నినో ప్రభావంతో మిర్చి పంటకు కొమ్మ తెగుళ్లు, ఎండు తెగుళ్లు, తెల్ల దోమ, నల్లి తెగుళ్లు ఆశించాయి. ప్రధానంగా ఆకులు పండుబారిపోతున్నాయి. దీంతో మొక్కలు ఎండిపోతున్నాయి. ఎదగని పంటకు తోడు పూత దశలో ఆశిస్తున్న తెగుళ్లు రైతులకు కంటి మీద కునుకు లేకుండా చేస్తున్నాయి. పెట్టుబడి కూడా రాలేని పరిస్థితి నెలకొంది. నల్ల తామర, నల్లి, తెల్లదోమ.. తెగుళ్లతోపాటు నల్ల తామర, నల్లి పురుగు, తెల్ల దోమ ఉధృతితో పంటలకు నష్టం వాటిల్లుతోంది. భూపాలపల్లి, రేగొండ, మహాముత్తారం తదితర మండలాల్లో బ్లాక్‌ త్రిప్స్‌ (నల్ల తామర పురుగు), మైట్స్‌ (నల్లి పురుగు) ఉధృతి ఎక్కువగా ఉంది. మిర్చి పంటకు, ఆకుముడత, తెల్ల దోమ తెగుళ్లు తాజాగా బూడిద తెగులు మొదలై దిగుబడులు భారీగా తగ్గే అవకాశం ఉన్నట్లు రైతులు ఆవేదన వ్యక్తం చేస్తున్నారు. ఈఏడాది పెరిగిన సాగు.. మిర్చి సాగులో జిల్లాకు ప్రత్యేక స్థానం, పేరు ఉన్నాయి. అయితే గత ఏడాది నల్ల తామర ప్రభావంతో మిర్చి దిగుబడులు తగ్గాయి. దీనికి తోడు గిట్టుబాటు ధర లేకపోపోవడంతో రైతులు నష్టాలు చవిచూశారు. తగ్గుతున్న మిర్చి సాగు జిల్లాలో ఏటేటా మిర్చి సాగు తగ్గుతూ వస్తుంది. వానాకాలానికి సంబంధించి 2023లో జిల్లాలో 24,400 ఎకరాల్లో సాగు కాగా.. 2024లో 20,145 ఎకరాలు.. 2025లో కేవలం 7,360 సాగు కాగా.. ఈ సంవత్సరం ఇప్పటి వరకు 13,858ఎకరాల్లోనే మిర్చిని సాగుచేసినట్లు వ్యవసాయ రికార్డులు చెబుతున్నాయి. వేరుకుళ్లుతో వాడిపోతున్న మొక్కలు తాజాగా ఆశిస్తున్న పండు తెగులు ఇప్పటికే రెండింతలు దాటిన పెట్టుబడి ఖర్చులు దిగుబడిపై అయోమయంలో మిర్చిరైతులుమండలం ఎకరాలు మహదేవపూర్‌ 2,400 పలిమెల 650 మహాముత్తారం 250 కాటారం 44 మల్హర్‌రావు 1,450 చిట్యాల 2,382 టేకుమట్ల 370 మొగుళ్లపల్లి 1,016 రేగొండ 1,650 గణపురం 940 భూపాలపల్లి 2,186 కొత్తపల్లి గోరి 520

భూపాలపల్లి అర్బన్‌: జిల్లా వ్యాప్తంగా దసరా వేడుకలను ప్రజలు మంగళవారం వైభవంగా నిర్వహించారు. పలు ఆలయాల్లో, జమ్మిచెట్టు వద్ద పూజలు, రావణ వధ కార్యక్రమాలు చేపట్టారు. దుర్గమాత ఆలయాలకు భక్తులు అధిక సంఖ్యలో పోటెత్తారు. వాహన యజమానులు వాహన పూజలు చేపట్టి ఏడాదంతా ఎలాంటి ఇబ్బందిలేకుండా చూడాలని అమ్మవారిని వేడుకున్నారు. జిల్లా కేంద్రంలోని అంబేడ్కర్‌ స్టేడియంలో మంగళవారం రాత్రి మున్సిపాలిటీ ఆధ్వర్యంలో నిర్వహించిన దసరా ఉత్సవాలు వైభవంగా జరిగాయి. ఎమ్మెల్యే గండ్ర సత్యనారాయణ రావు, కలెక్టర్‌ రాహుల్‌ శర్మ, ఎస్పీ సిరిశెట్టి సంకీర్త్‌ ముఖ్య అతిథులుగా హాజరై జ్యోతి ప్రజ్వలన చేసి వేడుకలను ప్రారంభించారు. మున్సిపల్‌ చైర్మన్‌ బుర్ర కొమురయ్య వారికి స్వాగతం పలికారు. చెడుపై మంచి సాధించిన విజయానికి విజయదశమి ప్రతీక అని, ప్రజలందరూ సుఖసంతోషాలతో, ఆయురారోగ్యాలతో ఉండాలని ముఖ్య అతిథులు ఆకాంక్షించారు. ఆకట్టుకున్న సాంస్కృతిక కార్యక్రమాలు జబర్దస్త్‌ కళాకారులు రాకింగ్‌ రాకేష్‌, సద్దాం, జోర్దార్‌ సుజాత, ఫోక్‌ సింగర్‌, డ్యాన్సర్‌ రాము రాథోడ్‌ తమ ప్రదర్శనలతో ప్రేక్షకులను అలరించారు. హాస్య స్కిట్లు, జానపద పాటలు, నృత్యాలతో స్టేడియం సందడిగా మారింది. కళాకారుల ప్రదర్శనలకు ప్రేక్షకులు కేరింతలు కొడుతూ ఉత్సాహంగా స్పందించారు. రావణ వధతో ముగింపు వేడుకల అనంతరం 40 అడుగుల ఎత్తుతో ఏర్పాటు చేసిన రావణసురవధకు ఎమ్మెల్యే నిప్పు అంటించారు. ఈ వేడుకను తిలకించేందుకు ప్రజలు పెద్ద సంఖ్యలో తరలివచ్చారు. ఒకరికొకరు అలాయ్‌ బలాయ్‌ ఇచ్చుకుంటూ దసరా శుభాకాంక్షలు తెలుపుకున్నారు. స్థానిక సీఐ శ్రీనివాస్‌ ఆధ్వర్యంలో బందోబస్తు ఏర్పాటు చేసి ఎటువంటి ఘర్షనలు చోటు చేసుకొకుండా చర్యలు చేపట్టారు. కార్యక్రమంలో సింగరేణి జనరల్‌ మేనేజర్‌ రాజేశ్వర్‌రెడ్డి, మున్సిపల్‌ కౌన్సిలర్లు, వివిధ రాజకీయ పార్టీల నాయకులు, పట్టణ ప్రజలు పాల్గొన్నారు. జిల్లా కేంద్రంలో జబర్దస్త్‌ కళాకారుల ప్రదర్శన వేడుకులను ప్రారంభించిన ఎమ్మెల్యే సత్యనారాయణ, కలెక్టర్‌, ఎస్పీ

కాళేశ్వరం: మహదేవపూర్‌ మండలం కాళేశ్వరంలో ప్రతీఏడాది విజయదశమి (శమీ) పూజ లో స్థానిక ప్రజాప్రతినిధులకు, దేవస్థానం డైరెక్టర్లకు ప్రొటోకాల్‌ను దేవాదాయశాఖ పాటిస్తుంది. కానీ మంగళవారం విజయదశమి సందర్భంగా శ్రీరామాలయం నుంచి ఉత్సవ మూ ర్తులను గోదావరి వద్దకు తీసుకెళ్లారు. అక్కడ దేవాదాయశాఖ ఆధ్వర్యంలో శమీ పూజ కార్యక్రమం నిర్వహిస్తున్న సందర్భంలో స్థానిక సర్పంచ్‌ మోహన్‌రెడ్డి, స్థానిక డైరెక్టర్లకు కనీస మర్యాదలు పాటించకుండా ప్రొటోకాల్‌ను విస్మరించారు. దీంతో ఈ విషయంలో దేవాదా యశాఖ ఉన్నతాధికారులకు ఫిర్యాదు చేయనున్నట్లు సర్పంచ్‌ పేర్కొన్నారు. బీరు సీసాలతో దాడి.. ఒకరి గాయాలు భూపాలపల్లి అర్బన్‌: పాత కక్షల నేపథ్యంలో బీరు సీసాలతో దాడి చేసుకున్న సంఘటన జయశంకర్‌ భూపాలపల్లి జిల్లా భూపాలపల్లి మండలంలోని కాశీంపల్లి గ్రామంలో బుధవా రం సాయంత్రం చోటు చేసుకుంది. గ్రామస్తులు తెలిపిన వివరాల ప్రకారం.. అదే గ్రామాని కి చెందిన జోరు రాజ్‌కుమార్‌.. బేతు రమేష్‌ మధ్య పాత కక్షలు ఉన్నాయి. ఈక్రమంలో ఇంటి వద్ద ఉన్న రమేష్‌ను గ్రామ సమీపంలోని పెద్దమ్మతల్లి ఆలయం వద్దకు తీసుకురమ్మని అదే గ్రామానికి చెందిన పెద్ద మనిషిని రాజ్‌కుమార్‌ పంపించాడు. దీంతో మాట్లాకుందామని చెప్పి సదరు పెద్ద మనిషి తన బైక్‌పైన బాధితుడు రమేష్‌ను తీసుకొచ్చారు. అప్పటికే మ ద్యం సేవిస్తున్న రాజ్‌కుమార్‌.. బీరు సీసాతో రమేష్‌పై దాడి చేసి కడుపులో పొడిచాడు. దాడిలో తీవ్రంగా గాయపడ్డ బాధితుడిని వెంటనే ప్రభుత్వ జనరల్‌ ఆస్పత్రికి తరలించారు. పరిస్థితి విషమంగా ఉండడంతో వరంగల్‌లోని మరో ఆస్పత్రికి తరలించారు. దాడిని అడ్డుకోబోయిన గ్రామానికి చెందిన మహేష్‌ అనే వ్యక్తికి సైతం తీవ్రగాయాలైనట్లు సమాచారం. ఇదే విషయమై పోలీసులతో మాట్లాడిన వివరాలు తెలుసుకునేందుకు ప్రయత్నించగా.. అందుబాటులోకి రాలేదు. నీటి ఎద్దడి నివారణకు చర్యలుములుగు: ఎల్‌నినో ప్రభావంతో ఉష్ణోగ్రతలు పెరిగి వర్షాలు తగ్గే అవకాశం ఉన్న నేపథ్యంలో నీటి ఎద్దడి నివారణకు ప్రభుత్వం ముందస్తు చర్యలు చేపడుతోందని పంచాయతీరాజ్‌, గ్రా మీణాభివృద్ధి శాఖ మంత్రి సీతక్క తెలిపారు. బుధవారం వెంకటాపురం(ఎం) మండల పరి ధి పాలంపేటలోని రామప్ప చెరువు, డీఫ్లోరైడేషన్‌ ప్రాజెక్టును ఆమె పరిశీలించారు. రామప్ప చెరువులో ప్రస్తుతం 29 అడుగుల మేర నీటి నిల్వ ఉందని తెలిపారు. గోదావరి నుంచి నీటి ని పంపింగ్‌ చేసి సమీప చెరువులు, పరిసర ప్రాంతాల కుంటలకు సరఫరా చేసే అవకాశాలను పరిశీలిస్తున్నామని తెలిపారు. డీఫ్లోరైడేషన్‌ ప్రాజెక్టు ద్వారా ములుగు, వెంకటాపురం, గోవిందరావుపేట, మల్లంపల్లి పరిసర ప్రాంతాలతో పాటు భూపాలపల్లి జిల్లాలోని కొన్ని ప్రాంతాలకు తాగునీరు అందించేందుకు చర్యలు తీసుకుంటున్నట్లు పేర్కొన్నారు. వర్షపు నీటిని ఒడిసిపట్టేందుకు ఉపాధి హామీ పథకం కింద ఇంకుడు గుంతలు, ఊటకుంటలు, చెక్‌డ్యామ్‌ల నిర్మాణం, చెరువుల పునరుద్ధరణ, బోర్ల రీచార్జ్‌ పనులు చేపట్టాలని సూచించారు. తాగునీటి సరఫరాకు ప్రథమ ప్రాధాన్యం ఇవ్వాలన్నారు. ప్రతీ నీటి చుక్కను పొదుపుగా వినియోగించుకోవాలని కోరారు. ప్రకృతి వైపరీత్యాలపై రాజకీయాలు చేయకుండా సమష్టిగా ఎదుర్కోవాలని సీతక్క సూచించారు. రామప్ప–లక్నవరం కాలువతో పాటు ప్రత్యామ్నాయ నీటి వనరుల అభివృద్ధికి చర్యలు తీసుకుంటున్నామని తెలిపారు. అడవి పందుల బెడద మల్హర్‌: మండలంలోని పెద్దతుండ్ల గ్రామంలో అడవి పందుల బెడదతో రైతులు తీవ్రంగా నష్టపోతున్నారు. వర్షాలు లేక బోర్లు, బావుల కింద అతికష్టం మీద పండించిన వరి పంటలను అడవి పందులు రాత్రి వేళల్లో గుంపులుగా వచ్చి ధ్వంసం చేస్తున్నాయని రైతులు ఆవేదన వ్యక్తం చేస్తున్నారు. చేతికొచ్చిన పంటను పందులు తొక్కేసి నేలమట్టం చేయడంతో రైతులు కన్నీరు పెడుతున్నారు. వర్షాభావంతో పంటలు ఎండిపోతుంటే, ఉన్న పంటను పందులు నాశనం చేయడంపై రైతులు ఆందోళన చెందుతున్నారు. వెంటనే అధికారులు స్పందించి అడవి పందుల బెడదను నివారించి పంటలను కాపాడాలని రైతుల కోరుతున్నారు.

కాళేశ్వరం: మహదేవపూర్‌ మండలం కాళేశ్వరం ప్రాజెక్టు పరిధి అన్నారం బ్యారేజీ వద్ద ఓ మొసలి కలకలం రేపుతోంది. కొన్ని రోజులుగా బ్యారేజీ సమీపంలో మొసలి సంచరిస్తున్నట్లు ఇంజనీరింగ్‌ అధికారుల ద్వారా తెలిసింది. ఎల్‌మడుగులోని శివ్వారం మెసళ్ల అభయారణ్యం నుంచి గోదావరి ప్రవాహంలో కొట్టుకొచ్చి మొసలి అన్నారం బ్యారేజీ వద్దకు చేరి ఉండవచ్చని పలువురు భావిస్తున్నారు. బరాజ్‌కు దిగువన 20 కిలో మీటర్ల దూరంలోని కాళేశ్వరం త్రివేణి సంగమం వద్ద నిత్యం భక్తులు పెద్ద సంఖ్యలో వచ్చి గోదావరిలో పుణ్యస్నానాలు ఆచరిస్తుంటారు. మొసలి అటు వైపు వెళ్తే భక్తులకు ప్రమాదం తప్పని పరిస్థితి. అటవీశాఖ అధికారులు వెంటనే స్పందించి మొసలి సంచారాన్ని గుర్తించడంతోపాటు, దానిని సురక్షిత ప్రాంతానికి తరలించేందుకు చర్యలు తీసుకోవాలని స్థానికులు కోరుతున్నారు. గతంలోనూ మొసలి సంచారం.. సుమారు ఐదేళ్ల క్రితం బరాజ్‌ దిగువన 10 కిలోమీటర్ల దూరంలోని పలుగుల గ్రామ సమీపంలోని అటవీ ప్రాంతంలోనూ గోదావరి నుంచి వచ్చిన మొసలి కలకలం సృష్టించింది. అప్పట్లో స్థానిక పోలీసులు, అటవీశాఖ అధికారులు కలిసి దానిని పట్టుకుని సురక్షిత ప్రాంతానికి తరలించినట్లు స్థానికులు గుర్తుచేస్తున్నారు. ఈ విషయమై ఇరిగేషన్‌ అధికారులు అటవీశాఖకు సమాచారం అందజేసినట్లు తెలిసింది. కొన్ని రోజులుగా నీటిలో సంచారం దిగువ కాళేశ్వరం చేరితే భక్తులకు పొంచి ఉన్న ప్రమాదం

భూపాలపల్లి అర్బన్‌: జాతీయ ఆరోగ్య మిషన్‌ (ఎన్‌హెచ్‌ఎం) ఉద్యోగుల నిరవధిక సమ్మె బుధవారం నాటికి తొమ్మిదో రోజుకు చేరుకుంది. ఈ సందర్భంగా ఎన్‌హెచ్‌ఎం జేఏసీ ఆధ్వర్యంలో ఉద్యోగులు మౌన దీక్ష చేపట్టి, నల్ల బ్యాడ్జీలు ధరించి నిరసన తెలిపారు. కాంట్రాక్టు, ఔట్‌సోర్సింగ్‌ ఉద్యోగులను క్రమబద్ధీకరించాలని, సమాన పనికి సమాన వేతనం అమలు చేయాలని, తమ సమస్యలకు శాశ్వత పరిష్కారం చూపాలని ప్రభుత్వాన్ని డిమాండ్‌ చేశారు. ఏళ్లుగా ఆరోగ్య శాఖలో విధులు నిర్వహిస్తూ ప్రజలకు వైద్య సేవలందిస్తున్న ఉద్యోగుల న్యాయమైన డిమాండ్లను పరిష్కరించాలని కోరారు. కార్యక్రమంలో జేఏసీ జిల్లా అధ్యక్షుడు బడితల రమేష్‌, ప్రధాన కార్యదర్శి మధు, ఉపాధ్యక్షుడు డాక్టర్‌ రఘురాం, జిల్లా కోఆర్డినేటర్‌ ప్రవీణ్‌, డాక్టర్లు జగదీశ్‌, విజయ్‌, వందన, దీప్తి, రాజు, ఫార్మసీ ఆఫీసర్‌ సుమన్‌, ఏఎన్‌ఎంలు కృష్ణవేణి, చిత్ర పాల్గొన్నారు. 9వ రోజుకు చేరిన ఎన్‌హెచ్‌ఎం ఉద్యోగుల సమ్మె

కాజీపేట అర్బన్‌: ఎకై ్సజ్‌ శాఖకు దసరా జోష్‌ సంతరించుకుంది. ఉమ్మడి వరంగల్‌ జిల్లాలో మందుబాబులు రూ.173.47 కోట్ల మద్యాన్ని తాగేశారు. ఏడాది పొడవునా మద్యం విక్రయాలు ఒక తీరైతే కేవలం దసరా పండుగ రోజున మాత్రం ఆ తీరే వేరు. బార్లు, వైన్స్‌ల చుట్టూ మందుబాబుల క్యూ కడుతూ ఉమ్మడి జిల్లాలోని 139 బార్లు, 295 వైన్స్‌లలో రూ.173.47 కోట్ల మద్యాన్ని కేవలం దసరా పండుగ విక్రయాలు జరిగాయంటేనే మందుబాబుల జోష్‌ తెలుస్తోంది. కాగా గతేడాది.. రూ.163.56 కోట్ల మద్యం విక్రయాలు జరగ్గా.. ఈ ఏడాది రూ.173.47 కోట్ల మద్యం విక్రయాలు జరిగాయి. గతేడాది కంటే రూ.10 కోట్లతో ఎకై ్సజ్‌శాఖ కిక్కునిచ్చింది. ఉమ్మడి జిల్లాలో టాప్‌ హనుమకొండ ఉమ్మడి వరంగల్‌ జిల్లాలో ట్రైసిటీతో ప్రత్యేక గుర్తింపు తెచ్చుకున్న వరంగల్‌ అర్బన్‌ (హనుమకొండ)జిల్లాలో అత్యధికంగా లిక్కర్‌ సేల్స్‌ కొనసాగుతుంటాయి. మద్యం టెండర్లు వెలువడితే చాలు వరంగల్‌ అర్బన్‌లో ఒక్క వైన్స్‌ వచ్చినా చాలు అంటూ పోటీపడుతుంటారు. అదేవిధంగా మద్యం విక్రయాల్లోనూ ఉమ్మడి జిల్లాలోని వరంగల్‌ రూరల్‌, జనగామ, మహబూబాబాద్‌, భూపాలపల్లి జయశంకర్‌ జిల్లాలతో పోటీ పడి వరంగల్‌ అర్బన్‌ టాప్‌లో నిలుస్తూ రూ.67.86 కోట్ల మద్యం విక్రయాలు కొనసాగించింది.వరంగల్‌ అర్బన్‌ 67.86వరంగల్‌ రూరల్‌ 28.55జనగామ 28.75మహబూబాబాద్‌ 29.46జయశంకర్‌ భూపాలపల్లి 18.85 ఉమ్మడి జిల్లాలో రూ.173 కోట్ల మద్యం తాగేశారు గతేడాది కంటే రూ.10 కోట్ల అధిక ఆదాయం ఉమ్మడి వరంగల్‌లో టాప్‌లో వరంగల్‌ అర్బన్‌ (హనుమకొండ)

గణపురం: సోమవారం మండలకేంద్రంలోని కాకతీయుల కళాక్షేత్రం కోటగుళ్లలో ప్రత్యేక పూజలు నిర్వహించారు. ఆలయ అర్చకుడు నాగరాజు ఆధ్వర్యంలో స్వామివారికి అభిషేకాలు, పూజలు నిర్వహించారు. అనంతరం స్వామి వారిని భక్తుల దర్శనార్ధం దుర్గామాత అమ్మవారి రూపంలో ప్రత్యేకంగా అలంకరించారు. వేట సామగ్రి స్వాధీనం మహాముత్తారం : మండలంలోని యామన్‌పల్లిలో సోమవారం కాటారం సీఐ భీమేష్‌ ఆధ్వర్యంలో స్థానిక ఎస్సై రమేశ్‌ టీజీఎస్‌పీ పోలీసులతో కలిసి తనిఖీలు నిర్వహించారు. ఈ తని ఖీల్లో గ్రామానికి చెందిన దగం మహేష్‌ వద్ద వ న్యప్రాణులను వేటాడేందుకు సిద్ధం చేసిన ఐ దు కిలోల బైండింగ్‌ వైరు, పవర్‌కేబుల్‌, కల్చ్‌వైర్లను స్వాధీనం చేసుకున్నారు. అదేవిధంగా అ దే గ్రామానికి చెందిన లక్ష్మి వద్ద 150 లీటర్ల బె ల్లంపానకం ధ్వంసం చేసి 20 లీటర్ల గుడుంబాను స్వాధీనం చేసుకుని ఫారెస్టు అధికారు లకు అప్పగించినట్లు ఎస్సై తెలిపారు. ఆరుగురి బైండోవర్‌ అటవీ ప్రాంతాలు, పంటపొలాల్లో అక్రమంగా కరెంటు ఉచ్చులు అమర్చకుండా ముందస్తు చర్యలో భాగంగా సోమవారం యామన్‌పల్లి గ్రామానికి చెందిన ఆరుగురు వ్యక్తులను మహాముత్తారం తహసీల్దార్‌ ఎదుట బైండోవర్‌ చేసినట్లు మహాముత్తారం ఎస్సై రమేశ్‌ తెలిపారు. ఎవరైనా అటవీ జంతువుల వేటకు లేదా పంట రక్షణ పేరిట విద్యుత్‌ తీగలు అమర్చి ప్రాణాపాయ చర్యలకు పాల్పడితే చట్టపరమైన చర్యలు తీసుకుంటామనిఎస్సై తెలిపారు. పెండింగ్‌ వినతులు పరిష్కరించాలి ములుగు అదనపు కలెక్టర్‌ మహేందర్‌జీ ములుగు రూరల్‌: ప్రజావాణి పెండింగ్‌ దరఖాస్తులను త్వరితగతిన పరిష్కరించాలని అదనపు కలెక్టర్‌ మహేందర్‌జీ అన్నారు. ఈ మేరకు సోమవారం కలెక్టరేట్‌ కార్యాలయంలో ప్రజా వాణి దరఖాస్తులను ఆయన స్వీకరించారు. ఈ సందర్భంగా అదనపు కలెక్టర్‌ మాట్లాడుతూ ప్రజావాణి దరఖాసులను క్షుణ్ణంగా పరిశీలించి సాధ్యాసాధ్యాలను దరఖాస్తుదారులకు తెలియజేయాలన్నారు. దరఖాస్తులు పెండింగ్‌లో లేకుండా చూడాలని ఆదేశించారు. ఈ సందర్భంగా జిల్లాకేంద్రంలో నిర్వహించిన ప్రజావా ణిలో భూ సమస్యలకు సంబంధించి 2, ఇతర శాఖలకు సంబంధించి 2 దరఖాస్తులు వచ్చాయని తెలిపారు. మొత్తంగా వచ్చిన నాలుగు దరఖాస్తులను పరిశీలించి సంబంధిత శాఖలకు బదలాయించినట్లు అధికారులు వివరించారు. పారా మెడికల్‌ కోర్సుల్లో ప్రవేశాలకు నోటిఫికేషన్‌ ములుగు రూరల్‌: జిల్లా కేంద్రంలోని ప్రభుత్వ వైద్య కళాశాలలో డిప్లమా ఇన్‌ మెడికల్‌ ల్యాబోరేటరీ టెక్నీషియన్‌ కోర్సులో 30 సీట్లు, డిప్లమా ఇన్‌ మెడికల్‌ స్టెరిలైజేషన్‌ ఆపరేషన్‌ టెక్నీషియన్‌ కోర్సులో 30 సీట్ల ప్రవేశాలకు ఽనోటిఫికేషన్‌ విడుదల చేసినట్లు కళాశాల ప్రిన్సి పాల్‌ డాక్టర్‌ స్వర్ణకుమారి సోమవారం ఒక ప్రకటనలో తెలిపారు. దరఖాస్తుల స్వీకరణకు ఈ నెల 24వ తేదీలోపు ఆన్‌లైన్‌లో పూర్తిచేసిన దరఖాస్తు ఫారాలను సాయంత్రం 5 గంటల లోపు ములుగు ప్రభుత్వ వైద్య కళాశాలలో అందజేయాలని తెలిపారు. అర్హత, దరఖాస్తు విధానం, అవసరమైన ధ్రువపత్రాలు తదితర వివరాల కు ములుగు ప్రభుత్వ వైద్య కళాశాల అధికారిక వెబ్‌సైట్‌, తెలంగాణ పారామెడికల్‌ బోర్డు వెబ్‌సైట్‌ను సందర్శించాలని సూచించారు. పాలపిట్టను బంధిస్తే నేరం ఏటూరునాగారం: పాలపిట్టను బంధిస్తే నేరమని ఎఫ్‌ఆర్‌ఓ అబ్దుల్‌ రహమాన్‌ అన్నారు. ఈ మేరకు మండల కేంద్రంలోని నాయకులు, ప్రజలతో ప్రత్యేకంగా ముద్రించిన వాల్‌పోస్టర్లను సోమవారం ఆవిష్కరించి ప్రచారాన్ని చేపట్టారు. వాల్‌పోస్టర్లను బస్టాండ్‌, మార్కెట్‌, ప్రధాన కూడళ్లలో గోడలకు అతికించి ప్రజలకు అవగాహన కల్పించినట్లు ఎఫ్‌ఆర్‌ఓ తెలిపారు. వన్యప్రాణులు, పక్షులను కాపాడుకోవాలని కోరారు.

● సమ్మెకు కల్వకుంట్ల కవిత సంఘీభావం భూపాలపల్లి అర్బన్‌: జాతీయ ఆరోగ్య మిషన్‌ (ఎన్‌హెచ్‌ఎం) ఉద్యోగులకు ఉద్యోగ భద్రత కల్పించడంతో పాటు న్యాయమైన డిమాండ్లను పరిష్కరించాలని తెలంగాణ రక్షణ సేన రాష్ట్ర అధ్యక్షురాలు కల్వకుంట్ల కవిత డిమాండ్‌ చేశారు. కలెక్టరేట్‌ ఎదుట ఎన్‌హెచ్‌ఎం జేఏసీ ఆధ్వర్యంలో కాంట్రాక్టు, ఔట్‌సోర్సింగ్‌ ఉద్యోగులు చేపట్టిన నిరవధిక సమ్మె సోమవారం ఏడో రోజుకు చేరింది. సమ్మె శిబిరాన్ని సందర్శించిన కవిత ఉద్యోగులకు సంఘీభావం ప్రకటించారు. కవితకు డిమాండ్లతో కూడిన వినతిపత్రం అందజేశారు. ఈ సందర్భంగా కవిత మాట్లాడుతూ.. ప్రజారోగ్య పరిరక్షణ, చిన్నారుల టీకాల కార్యక్రమాల్లో ఎన్‌హెచ్‌ఎం సిబ్బంది కీలకపాత్ర పోషిస్తున్నారని తెలిపారు. కేంద్ర ప్రభుత్వ ఉత్తర్వుల ప్రకారం ఏటా ఐదు శాతం వేతనాలు పెంచాల్సి ఉన్నా.. ఐదేళ్లుగా పెంపు లేకపోవడం అన్యాయమని విమర్శించారు. మహిళా ఉద్యోగులకు వేతనంతో కూడిన ప్రసూతి సెలవులు, కనీస సౌకర్యాలు కల్పించాలని కోరారు. ఉద్యోగుల క్రమబద్ధీకరణతోపాటు వారి న్యాయమైన డిమాండ్ల పరిష్కారానికి మద్దతు కొనసాగిస్తామని స్పష్టం చేశారు. ఈ కార్యక్రమంలో జేఏసీ జిల్లా అధ్యక్షుడు బడితల రమేశ్‌, వర్కింగ్‌ ప్రెసిడెంట్‌ వెంకటేష్‌, కార్యదర్శి మధుబాబు, ఉపాధ్యక్షుడు రఘురాం, కోశాధికారి శ్రీను, కోఆర్డినేటర్‌ ప్రవీణ్‌కుమార్‌, సోషల్‌ మీడియా ఇన్‌చార్జ్‌ రాజు, పార్టీ నాయకులు పాల్గొన్నారు.

● విజయదశమి వేడుకలకు సర్వం సిద్ధం భూపాలపల్లి అర్బన్‌: తొమ్మిది రోజులు దేవీ నవరాత్రులు నిర్వహించి నేడు (పదో రోజు) దసరా పండుగను ఘనంగా జరుపుకునేందుకు జిల్లా ప్రజలు సిద్ధమయ్యారు. విజయదశమి సందర్భంగా నేడు అమ్మవారి ఆలయాలన్నీ పండగ శోభ సంతరించుకోనున్నాయి. విజయదశమి రోజున అమ్మవారిని రాజరాజేశ్వరి అలంకారంలో పూజిస్తారు. జిల్లాకేంద్రంలోని అంబేడ్కర్‌ స్టేడియంలో దసరా వేడుకలను ఘనంగా నిర్వహించనున్నారు. భూపాలపల్లి మున్సిపాలిటీ, సింగరేణి, దసరా ఉత్సవ సమితి ఆధ్వర్యంలో ఏర్పాట్లు చేశారు. సుమారు 40 ఫీట్ల పొడవైన రావణాసుర బొమ్మను ఏర్పాటు చేశారు. నేడు సాయంత్రం జబర్దస్త్‌ టీమ్‌, ప్రముఖ గాయకులు రామ్‌రాథోడ్‌, వడ్లకొండ అనిల్‌కుమార్‌, యాంకర్‌ మౌనిక, కళాకారులతో సాంస్కృతి కార్యక్రమాలు నిర్వహించనున్నారు. విజయదశమి వేడుకల్లో భాగంగా జిల్లా కేంద్రంలోని కేటీకే 5వ గని ఆవరణలోని దుర్గమాత ఆలయంలో ప్రత్యేక పూజలు నిర్వహించనున్నారు. అక్కడే ఉన్నటువంటి జమ్మి చెట్టుకు పూజలు చేసి చెట్టు ఆకును పంచిపెడుతారు. ఈ వేడుకలను ముఖ్య అతిఽథులుగా కలెక్టర్‌ రాహుల్‌శర్మ, ఎమ్మెల్యే గండ్ర సత్యనారాయణరావు, ఎస్పీ సిరిశెట్టి సంకీర్త్‌, సింగరేణి జీఎం రాజేశ్వర్‌రెడ్డి హాజరుకానున్నారు. ఈ కార్యక్రమ ఏర్పాట్లను మున్సిపల్‌ కమిషనర్‌ ఉదయ్‌కుమార్‌, సింగరేణి అధికారులు పరిశీలించారు.

ములుగు రూరల్‌: మహిళలు అన్నిరంగాల్లో పురుషులతో సమానంగా రాణించినప్పటికీ సమాజంలో మహిళలు నిత్యం వేధింపులకు గురవుతూనే ఉన్నారు. మహిళలపై జరుగుతున్న వేధింపులు, లైంగిక దాడులు, వరకట్న వేధింపులు, బాల్య వివాహాల నివారణకు తక్షణ సాయం కోసం ప్రభుత్వం సఖి కేంద్రాలను ఏర్పాటు చేసింది. సఖి కేంద్రాల ద్వారా మహిళలపై జరుగుతున్న వేధింపులకు రక్షణ కల్పిస్తూ బాధితులకు న్యాయం చేసే విధంగా కృషి చేస్తున్నాయి. గ్రామీణ ప్రాంతాల్లో సఖి కేంద్రం సభ్యులు మహిళలు, యువతులకు అందించే పోలీస్‌, న్యాయ, వైద్య సహాయం, వసతి, ఫిర్యాదు విధానాలపై అవగాహన కార్యక్రమాలు నిర్వహిస్తూ మహిళలను చైతన్య పరుస్తున్నారు. సఖి కేంద్రాలు మహిళలు, యువతులు, బాలికల సంరక్షణకు ఎంతగానో ఉపయోగపడుతున్నాయి. బాధితులకు కౌన్సెలింగ్‌.. జిల్లాలోని పది మండలాల్లో సఖి కేంద్రం ఆధ్వర్యంలో మహిళలకు సామాజిక చైతన్యం కలిగించే విధంగా కార్యక్రమాలు నిర్వహిస్తున్నారు. గ్రామీణ ప్రాంతాల్లో వేధింపులకు గురైన మహిళలు, యువతులకు సఖి కేంద్రం అందిస్తున్న సేవలను తెలియజేస్తున్నారు. వేధింపులకు గురైన మహిళల నుంచి ఫిర్యాదులు స్వీకరించి వారికి కౌన్సెలింగ్‌తో పాటు సమస్యలపై పోలీస్‌, ఉచిత న్యాయ సహాయం అందించి బాధిత మహిళలకు భరోసా కల్పిస్తున్నారు. ఉచిత న్యాయ సహాయం వేధింపులకు గురైన మహిళలు ఫిర్యాదు చేసిన వెంటనే సఖి కేంద్రం నిర్వాహకులు బాధిత మహిళను సఖి కేంద్రానికి తరలించి ఐదు రోజుల పాటు పిల్లల సంరక్షణ, భోజనం, వసతితో పాటు వైద్యం, పోలీస్‌, ఉచిత న్యాయం, ఆర్థిక సహాయం అందిస్తారు. బాధితులకు పూర్తిస్థాయి రక్షణ కల్పిస్తారు. బాధిత మహిళలు రక్షణాధికారి, జిల్లా సంక్షేమాధికారి లేదా పోలీస్‌స్టేషన్‌లో ఫిర్యాదు చేయవచ్చు. గృహహింస, లైంగిక, వరకట్న వేధింపులు, మహిళల అక్రమ రవాణా, ఆడపిల్లల అమ్మకం వంటి వాటిపై హెల్ప్‌లైన్‌ నంబర్‌ 181ను ఆశ్రయించవచ్చు. సఖి కేంద్రం సేవలు.. సఖి కేంద్రం ఆధ్వర్యంలో ఇప్పటి వరకు సోషల్‌ కౌన్సెలింగ్‌ 1,617 మందికి నిర్వహించారు. అలాగే 926 మంది బాధితులకు కౌన్సెలింగ్‌ నిర్వహించి 1022 మందికి వైద్య సదుపాయం కల్పించారు. అలాగే పలు పోలీస్‌ సపోర్టు 148 మందికి కల్పించడంతో పాటు 162 మందికి వసతి కల్పించారు. అలాగే 270 మంది పిల్లలను సంరక్షణతో పాటు 1,005 మందికి అవగాహన కల్పించారు. ఆపదలో అండగా ఉంటాం..మహిళలు, బాలికలకు ఆపద సమయంలో సఖీ కేంద్రం అండగా నిలుస్తుంది. సహాయం కోరిన వారికి వైద్యసిబ్బంది 24 గంటలు అందుబాటులో ఉంటుంది. బాధిత మహిళలకు వైద్యం, పోలీస్‌, ఉచిత న్యాయం, భోజనం అందించడంతో పాటు సమస్యలను పరిష్కరిస్తాం. ఆపద సమయంలో 181 హెల్ప్‌లైన్‌ నంబర్‌ లేదా 08715 2951281, 7013745008 నంబర్లలో సంప్రదించాలి. బాధిత మహిళలకు అండగా నిలుస్తున్న కేంద్రం ఉచిత పోలీస్‌, వైద్యం, వసతి, న్యాయ సహాయం అవగాహన కల్పిస్తున్న సిబ్బందికేసు అందిన పరిష్కరించినవి పెండింగ్‌లో ఫిర్యాదులు ఉన్నవిగృహహింస 725 603 122 వరకట్నం కేసులు 8 8 00 బాలికలపై లైంగిక దాడులు 52 47 05 బాల్య వివాహాలు 44 41 03 మిస్సింగ్‌ 46 45 01 చీటింగ్‌ 45 43 02 ప్రేమించి మోసం 63 61 02 సీనియర్‌ సిటీజన్‌ 02 02 00 ఆస్తి తగాదాలు 15 15 00 ఇతర కేసులు 46 43 03

మల్హర్‌(కాటారం): ఎల్‌నినో ప్రభావంతో రాష్ట్రంలో నీటి లభ్యత, విద్యుత్‌ వినియోగంపై ప్రభావం పడే అవకాశం ఉందని, ప్రజలందరూ నీరు, విద్యుత్‌ ను పొదుపుగా వాడుకోవాలని రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు సూచించారు. సోమవారం ధన్వాడలో ఏర్పాటు చేసిన విలేకరుల సమావేశంలో మంత్రి శ్రీధర్‌బాబు మాట్లాడారు. రాష్ట్రానికి కావాల్సిన తాగునీరు 400 టీఎంసీలు కాగా.. ప్రస్తుతం 200 టీఎంసీలే ఉందన్నారు. ఎల్‌నినో కారణంగా వర్షాభావ పరిస్థితులు నెలకొనే అవకాశం ఉందని, దీనిని దృష్టిలో ఉంచుకుని రాబోయే రబీ సీజన్‌లో రైతులు అప్రమత్తంగా ఉండాలని సూచించారు. సాగునీటిని సమర్థవంతంగా వినియోగించుకోవాలని, ప్రత్యామ్నాయ పంటలపై దృష్టి పెట్టాలని రైతులకు సూచించారు. సర్పంచ్‌లు, రైతు సంఘాలు ప్రజలకు అవగాహన కల్పించాలన్నారు. ప్రజా సంక్షేమమే ప్రభుత్వ ప్రధాన ధ్యేయమని మంత్రి స్పష్టం చేశారు. ఎన్నికల్లో ఇచ్చిన హామీలను నెరవేర్చే దిశగా అన్ని పథకాలను పూర్తిచేయడానికి ప్రభుత్వం చిత్తశుద్ధితో కృషి చేస్తోందన్నారు. సంక్షేమ పథకాలు అర్హులైన ప్రతీ ఒక్కరికి చేరేలా చర్యలు తీసుకుంటున్నామని తెలిపారు. రాష్ట్ర అభివృద్ధిలో విద్య, వైద్య రంగాలకు అత్యంత ప్రాధాన్యత ఇస్తున్నామని పేర్కొన్నారు. ప్రభుత్వ పాఠశాలలు, ఆస్పత్రులను బలోపేతం చేస్తూ పేదలకు నాణ్యమైన విద్య, వైద్యం అందించడమే లక్ష్యమన్నారు. యువతకు ఉద్యోగ, ఉపాధి అవకాశాలు కల్పించేందుకు ప్రభుత్వం పెద్దఎత్తున కృషి చేస్తోందని చెప్పారు. పరిశ్రమలను ప్రోత్సహించి పెట్టుబడులను ఆకర్షిస్తున్నామని తెలిపారు. మంథని నియోజకవర్గంలో మహిళలకు కుట్టు శిక్షణ, గార్మెంట్‌ ఫ్యాక్టరీ ద్వారా స్థానికంగా ఉపాధి కల్పిస్తున్నామని గుర్తు చేశారు. ఈ కార్యక్రమంలో ట్రేడ్‌ ప్రమోషన్‌ కార్పొరేషన్‌ చైర్మన్‌ అయిత ప్రకాశ్‌రెడ్డి, జిల్లా గంథ్రాలయ సంస్థ చైర్మన్‌ కోట రాజబాబు, ఏఎంసీ చైర్‌ పర్సన్‌ పంతకాని తిరుమల, మండల అధ్యక్షుడు తెప్పల దేవేందర్‌ రెడ్డి, డిసిసి అధికార ప్రతినిధి పంతకాని సమ్మయ్య పాల్గొన్నారు.ఐటీ, పరిశ్రమల శాఖ మంత్రి శ్రీధర్‌బాబు

విజయ‘దశ’మి సూత్రాలు పాటిద్దాం.. ఎల్‌నినోను జయిద్దాం!ప్రత్యామ్నాయ పంటలతోనే సాగునీటి ఆదా.. వ్యవసాయంలో నీటి లభ్యతకు అనుగుణంగా పంటలు సాగు చేయడం, బిందు సేద్యం వంటి పద్ధతులను అనుసరించడం వల్ల సాగునీటిని సమర్థంగా వినియోగించుకోవచ్చు. ఉమ్మడి జిల్లాలో వర్షాకాలం సీజన్‌లో సగటున 26.7 శాతం వర్షపాతం లోటు నమోదైనట్లు గణాంకాలు చెబుతున్నాయి. ఉమ్మడి జిల్లాలో ఈ వానా కాలంలో అన్ని పంటలు కలిపి 14,48,052 ఎకరాల్లో సాగు చేశారు. ఇందులో వరి 6,91,997 ఎకరాలు, మొక్కజొన్న 1,00,976, పత్తి 7,99,799 ఎకరాల్లో సాగు చేశారు. ఇప్పటికే రాష్ట్ర ప్రభుత్వం వరి సాగు వద్దని చెబుతోంది. ఆరుతడి పంటలు వేసుకోవాలని సూచిస్తోంది.హన్మకొండ కల్చరల్‌: చెడుపై మంచి సాధించిన విజయానికి, అధర్మంపై ధర్మం సాధించిన విజయానికి ప్రతీకగా విజయదశమి పండుగ జరుపుకుంటారు. ఈ పండుగ మనిషి జీవితంలో మంచి మార్పులు తీసుకురావడానికి, సమాజ అభ్యున్నతికి కృషి చేయడానికి స్ఫూర్తిగా తీసుకోవాలి. విజయదశమి చెడుపై మంచిసాధించిన విజయాన్ని గుర్తుచేసుకుంటూ మనం ఈ విజయదశమి నుంచి మార్పు మనతోనే ప్రారంభించాలి. దశమి అంటే పది.. చెడుపై మంచి సాధించిన విజయానికి సంకేతంగా జరుపుకునే పండుగ స్ఫూర్తితో.. వాతావరణ మార్పుల రూపంలో ఎదురవుతున్న సవాళ్లను అధిగమించేందుకు ఉమ్మడి వరంగల్‌ ప్రజలు సిద్ధం కావాల్సిన సమయం ఆసన్నమైంది. పండుగ వేళ పది పొదుపు సూత్రాలను ఆచరణలో పెట్టడం ద్వారా ప్రకృతి వనరులను కాపాడుకోవడంతోపాటు భవిష్యత్‌ సవాళ్లను ఎదుర్కోవచ్చు.ప్రకృతికి పచ్చని కవచం.. విజయదశమి సందర్భంగా పచ్చదనాన్ని కాపాడుకోవడం, మొక్కలు నాటడమే కాకుండా వాటిని పెంచడం, సహజ నీటి వనరులను పరిరక్షించడం ప్రతి ఒక్కరి బాధ్యతగా మారాలి. ప్రకృతిని కాపాడితేనే భవిష్యత్‌ తరాలకు నీటి భద్రతను మెరుగుపర్చగలం. ఉమ్మడి వరంగల్‌ జిల్లాల్లో అటవీ విస్తీర్ణం అసమానంగా ఉంది. ఫారెస్ట్‌ సర్వే ఆఫ్‌ ఇండియా–2023 నివేదిక ప్రకారం.. ములుగు జిల్లాలో భౌగోళిక విస్తీర్ణంలో 64.64 శాతం అటవీ కవర్‌ ఉండగా, జయశంకర్‌ భూపాలపల్లిలో 41.15 శాతం, మహబూబాబాద్‌లో 26.49 శాతం ఉంది. మరోవైపు వరంగల్‌లో 3.53 శాతం, హనుమకొండలో 3.40 శాతం అటవీ కవర్‌ మాత్రమే నమోదైంది. పచ్చదనం, జీవవైవిధ్యం, నేల సంరక్షణ, స్థానిక వాతావరణ సమతుల్యతకు అడవులు కీలక పాత్ర పోషిస్తాయి.విద్యుత్‌ పొదుపు ముఖ్యం.. వర్షాలు లేకపోవడం, ఎండలు తీవ్రత ఎక్కువగా ఉండడంతో విద్యుత్‌ విని యోగం విపరీతంగా పెరిగింది. సాగు కోసం భూగర్భ జలాలు తోడేందుకు విద్యుత్‌ వినియోగం పెరిగింది. కూలర్లు, ఏసీల వినియోగం కొనసాగుతోంది. టీజీఎన్పీడీసీఎల్‌ పరిధిలో సెప్టెంబర్‌ 9న వేసవిని మించి రికార్డు స్థాయిలో 6,948 మెగావాట్ల గరిష్ట డిమాండ్‌ నమోదైంది. అవసరం లేని సమయంలో లైట్లు, ఫ్యాన్లు, ఇతర విద్యుత్‌ పరికరాలను ఆపేయడం, ఇంధన సామర్థ్యం కలిగిన పరికరాలను వినియోగించడం ద్వారా విద్యుత్‌ వృథాను అరికట్టవచ్చు.1ప్రతీ ఇంటి నుంచి మార్పు మొదలు పెట్టాలి.. వాతావరణ అనిశ్చితిపై అప్రమత్తత.. సాగు, తాగునీరు, విద్యుత్‌ పొదుపు ముఖ్యం3242

భూపాలపల్లి అర్బన్‌: విజయదశమి పర్వదినాన్ని పురస్కరించుకుని భూపాలపల్లి జిల్లా పోలీస్‌ హెడ్‌క్వార్టర్స్‌లో సోమవారం ఆయుధ, వాహన పూజలను ఘనంగా నిర్వహించారు. ఎస్పీ సిరిశెట్టి సంకీర్‌ ఆర్మ్‌డ్‌ రిజర్వ్‌ విభాగంలోని ఆయుధాలకు, మోటార్‌ ట్రాన్స్‌పోర్ట్‌ (ఎంటీ) విభాగంలోని పోలీస్‌ వాహనాలకు ప్రత్యేక పూజలు చేశారు. ఈ సందర్భంగా ఎస్పీ మాట్లాడుతూ.. విజయదశమి చెడుపై మంచి సాధించిన విజయానికి ప్రతీక అన్నారు. జిల్లా ప్రజలందరూ సుఖసంతోషాలతో, ఆయురారోగ్యాలతో ఉండాలని ఆకాంక్షించారు. పండుగను ప్రశాంత వాతావరణంలో ఆనందోత్సాహాలతో జరుపుకోవాలని కోరారు. ప్రజల ప్రాణ, ఆస్తుల రక్షణతోపాటు శాంతిభద్రతల పరిరక్షణకు పోలీస్‌శాఖ నిరంతరం అప్రమత్తంగా ఉంటుందని తెలిపారు. నేరాల నియంత్రణ, ప్రజల భద్రతలో ఆయుధాలు, పోలీస్‌ వాహనాలు కీలకపాత్ర పోషిస్తాయని పేర్కొన్నారు. అధికారులు, సిబ్బంది అంకితభావంతో విధులు నిర్వహిస్తూ ప్రజలకు మెరుగైన సేవలందించాలని సూచించారు. పోలీస్‌ సిబ్బంది, వారి కుటుంబసభ్యులకు విజయదశమి శుభాకాంక్షలు తెలిపారు. ఈ కార్యక్రమంలో అడిషనల్‌ ఎస్పీ నరేష్‌కుమార్‌, ఎస్బీ సీఐ నరేశ్‌, భూపాలపల్లి సీఐ శ్రీనివాస్‌, ఆర్‌ఐలు సంతోష్‌, రత్నం, పూర్ణచందర్‌, పోలీస్‌ అధికారులు పాల్గొన్నారు.

మంగపేట: మండల పరిధిలోని మల్లూరు శ్రీ హేమాచల లక్ష్మీనర్సింహస్వామి ఆలయం భక్తజనంతో ఆదివారం కిటకిట లాడింది. వందల సంఖ్యలో భక్తులు ఆలయానికి తరలిరావడంతో ఆలయ ప్రాంగణంలో సందడి నెలకొంది. స్వయంభు స్వామివారిని దర్శించుకునేందుకు పలు ప్రాంతాల నుంచి భక్తులు ఉదయాన్నే గుట్టపైకి చేరుకున్నారు. ఆలయ సమీపంలోని పవిత్ర చింతామణి జలపాతం వద్ద పుణ్యస్నానాలు ఆచరించి అత్యంత భక్తిశ్రద్ధలతో స్వామివారిని దర్శించుకున్న భక్తులు లక్ష్మీనర్సింహస్వామి, ఆదిలక్ష్మి, చెంచులక్ష్మి అమ్మవార్లకు పూలు, పండ్లు నూతన పట్టు వస్త్రాలు సమర్పించారు. తిలతైలాభిషేకం పూజలో పాల్గొన్న భక్తులు మానవ శరీరంతో పోలి ఉండే స్వామివారిని నిజరూప దర్శనం చేసుకుని పులకించారు. స్వామివారిని దర్శించుకున్న భక్తులకు ఆలయ పూజారులు గోత్ర నామాలతో స్వామివారికి ప్రత్యేక అర్చనలు జరిపించి స్వామివారి చరిత్ర, ఆలయ పురాణం వివరించి వేద ఆశీర్వచనం ఇచ్చారు.