Vizianagaram District News

విజయనగరం టౌన్‌: స్థానిక బాబామెట్ట ద్వారకానగర్‌ 8వ లైన్‌లో దాసరి అప్పలరాజు ఇంట్లో దొంగలు చోరీకి పాల్పడ్డారు. ఈ మేరకు బాధితుల నుంచి ఫిర్యాదు అందుకున్న రూరల్‌ పోలీసులు శుక్రవారం సంఘటనా స్థలానికి వెళ్లి పరిశీలించారు క్లూస్‌ టీమ్‌, డాగ్‌స్క్వాడ్‌ను రంగంలోకి దింపి పలు కీలక ఆధారాలను సేకరించారు. ఈ మేరకు రూరల్‌ ఎస్‌ఐ వెలమల ప్రసాదరావు మాట్లాడుతూ చోరీకి పాల్పడిన ఇంట్లో ప్రస్తుతం అప్పలరాజు నివాసం ఉండడం లేదని స్పష్టం చేశారు. ఆయన కుటుంబం వేరేచోట నివాసం ఉంటుందని, ప్రతిరోజూ ఇంటికి వచ్చి పూజలు చేసుకుని వెళ్తుంటారని తెలిపారు. అయితే గతంలో ఉన్న ఇంట్లో విలువైన వస్తువులు బంగారం, నగదు పోగొట్టుకున్నట్లు బాధితులు ఫిర్యాదులో పేర్కొన్నారన్నారు. ఈ మేరకు కేసు నమోదుచేసి, ఇన్విస్టిగేషన్‌ చేపట్టామని ఎస్సై తెలిపారు.

వంగర: భారత అంధుల క్రికెట్‌ జట్టు కెప్టెన్‌గా వంగర మండలం కొప్పరవలస గ్రామానికి చెందిన యువకుడు టొంపాకి దుర్గారావు ఎంపికయ్యాడు. గతంలో భారతదేశం అంధుల క్రికెట్‌ సంఘం(సెబి) 17 మందితో కూడిన భారత జట్టును ప్రకటించింది. ఆ జట్టులో దుర్గారావును కెప్టెన్‌గా ప్రకటించింది. బంగ్లాదేశ్‌ రాజధాని ఢాకాలో నవంబర్‌ 15వ తేదీ నుంచి రెండవ పురుషుల బ్లైండ్‌ క్రికెట్‌ ఆసియా కప్‌ పోరు జరగనుంది. ప్రస్తుతం దుర్గారావు సారథ్యంలో సభ్యులు ఢిల్లీలో కొన్ని రోజులుగా శిక్షణ పొందుతున్నారు. మారుమూల ప్రాంతం వంగర మండలం కొప్పరవలస గ్రామంలో నిరుపేద కుటుంబంలో పుట్టిన దుర్గారావు భారత అంధుల క్రికెట్‌ జట్టుకు సారథ్యం వహించడం పట్ల గ్రామంలోని యువకులు, క్రీడాకారులు, పెద్దలు, మండల ప్రజలు అభినందిస్తున్నారు.

కౌంటింగ్‌ కేంద్రాల వద్ద ఎలాంటి అవాంఛనీయ సంఘటనలు జరగకుండా, శాంతిభద్రతల పరిరక్షణకు జిల్లా పోలీస్‌ యంత్రాంగం భారీ బందోబస్తును రంగంలోకి దించింది. ఏడుగురు డీఎస్పీలు, 37 మంది సీఐలు, 64 మంది ఎస్‌ఐలు, 104 మంది కానిస్టేబుళ్లు, 452 మంది ఇతర పోలీసు సిబ్బందిని నియమించారు. కౌంటింగ్‌ కేంద్రాల పరిధిలోని సంబంధిత పోలీసు స్టేషన్ల ద్వారా మూడంచెల భద్రతా చర్యలు చేపడుతున్నారు. అధికారులు, సిబ్బంది సమన్వయంతో శనివారం ఉదయం నుంచే బ్యాలెట్‌ ఓట్ల లెక్కింపు ప్రక్రియను సజావుగా పూర్తి చేసేందుకు అన్ని ఏర్పాట్లు సిద్ధమయ్యాయి.

శిథిలావస్థకు చేరిన ఈ భవనాలను చూశారా... ఇవి కొత్తవలస మండలంలోని కంటకాపల్లి ప్రాథమిక పాఠశాల, లక్కవరపుకోట మండలం లచ్చింపేట ప్రాథమిక పాఠశాల ఆవరణలోనివి. ఎప్పుడు కూలిపోతాయో తెలియదు. ఏ ప్రమాదం ముంచుకొస్తుందోనని ఉపాధ్యాయులు, విద్యార్థులు, వారి తల్లిదండ్రులు ఆందోళన వ్యక్తంచేస్తున్నారు. భవనాలు కూల్చివేయాలని ఆయా పాఠశాలల హెచ్‌ఎంలు ఉన్నతాధికారులకు నివేదించినా స్పందన లేకపోవడం సర్వత్రా ఆందోళన వ్యక్తమవుతోంది. ప్రమాదం జరగకముందే ఈ భవనాలను తొలగించాలని విద్యార్థుల తల్లిదండ్రులు డిమాండ్‌ చేస్తున్నారు. – కొత్తవలస/లక్కవరపుకోట

వంగర: సువర్ణముఖి, వేగావతి నదుల నుంచి 5వేల క్యూసెక్కుల నీరు మడ్డువలస గొర్లె శ్రీరాములునాయుడు ప్రాజెక్టులో చేరుతోంది. దీంతో రెండు గేట్లు ఎత్తి వచ్చిన నీటిని తిరిగి నదిలోకి విడిచిపెడుతున్నట్టు ప్రాజెక్టు ఏఈ నితిన్‌ తెలిపారు. ప్రస్తుతం ప్రాజెక్టు వద్ద 64.43 మీటర్ల నీటిమట్టం నమోదైంది. పంట కోత ప్రయోగాలకు సన్నద్ధం ● హెక్టార్‌ విస్తీర్ణంలోని వరి 5,200 కిలీలో దిగుబడి వచ్చే అవకాశం ● గతేడాది హెక్టార్‌కు 6,100 కిలోల దిగుబడి విజయనగరం ఫోర్ట్‌: ఈ ఏడాది ఖరీఫ్‌ తొలిదశలో ఎల్‌నినో ప్రభావంతో వర్షాలు కురవక వరి సాగు ఆలస్యమైంది. కొన్నిచోట్ల పంటపొలాలు బంజరు భూములుగా మిగిలాయి. జిల్లాలో వరి పంట సాధారణ సాగు విస్తీర్ణం 1.02 లక్షల హెక్టార్లుకాగా, 95 వేల హెక్టార్లలోనే సాగైంది. ఖరీఫ్‌ సీజన్‌కు సంబంధించి పంట ప్రయోగాలు చేసేందుకు వ్వయసాయ అధికారులు సిద్ధమవుతున్నారు. ఈ ఏడాది జిల్లా వ్యాప్తంగా 2024 చోట్ల పంట కోత ప్రయోగాలు చేయాలని లక్ష్యంగా నిర్ణయించారు. పంట కోత ప్రయోగం ద్వారా ధాన్యం దిగుబడి ఎంత వస్తుందనేది వ్యవసాయ అధికారులు అంచనా వేయనున్నారు. అయితే, హెక్టారుకు ఈ ఏడాది ధాన్యం 5,200 కేజీల దిగుబడి వస్తుందని అంచనా వేస్తున్నారు. గతేడాది 6,100 కేజీల ధాన్యం దిగుబడి వచ్చింది. గతేడాది కంటే ఈ ఏడాది 900 కేజీల వరకు దిగుబడి తగ్గొచ్చని చెబుతున్నారు. గురుకుల బాలికలకు సుస్తీ గుమ్మలక్ష్మీపురం: కురుపాం మండలంలోని శివన్నపేట వద్ద గల గిరిజన సంక్షేమ గురుకుల బాలికల పాఠశాలలో 80 మంది విద్యార్థులు అస్వస్థతకు గురయ్యారు. వారంతా జ్వరం, జలుబు, దగ్గు, తలనొప్పి, విరేచనాలు వంటి లక్షణాలతో అస్వస్థతకు గురయ్యారు. గురువారం జరిగిన ఈ సంఘటన బయటకు పొక్కనీయకుండా అక్కడి సిబ్బంది సుమారు 50 మంది విద్యార్థినులను కురుపాంలోని సామాజిక ఆరోగ్య కేంద్రంలో కాకుండా మరో 10 కిలోమీటర్ల దూరంలో ఉన్న మాదలింగి ప్రాథమిక ఆరోగ్య కేంద్రానికి తీసుకెళ్లి వైద్యసేవలను అందించారు. శుక్రవారం ఈ సమాచారం బయటకు పొక్కడంతో.. పాఠశాల సిబ్బంది కేవలం నాలుగైదు మంది విద్యార్థులే అస్వస్థతకు గురయ్యారని చూపే ప్రయత్నం చేసినప్పటికీ.. రెండు గదుల్లో అస్వస్థతకు గురైన విద్యార్థులను ఉంచి వైద్య సేవలు అందిస్తుండడం మాజీ డిఫ్యూటీ సీఎం పాముల పుష్పశ్రీవాణి పాఠశాల పర్యటనతో బయటపడింది. దీంతో పలువుర్ని కురుపాం సీహెచ్‌సీకి వైద్యం నిమిత్తం తరలించారు. అదుపులో ఉన్న జ్వరాలు కురుపాం గురుకుల పాఠశాలలో జ్వరాల పరిస్థితి అదుపులో ఉందని రాష్ట్ర వైద్య ఆరోగ్య శాఖ మంత్రి సత్యకుమార్‌ ఒక ప్రకటన ద్వారా తెలియజేశారు. ఈ మేరకు విద్యార్థుల అస్వస్థతౖపై డెరెక్టర్‌ పబ్లిక్‌ హెల్త్‌, జిల్లా అధికారులతో ఆరా తీసిన ఆరోగ్య మంత్రి కురుపాం గురుకుల పాఠశాలలో 71 మంది విద్యార్థినులు అస్వస్థతకు గురయ్యారని, వారిలో 30 మంది పూర్తిగా కోలుకున్నారన్నారని, 38 మంది విద్యార్థినులకు ప్రత్యేక వైద్య సంరక్షణ అందిస్తున్నట్లు పేర్కొన్నారు. అలాగే పాఠశాలకు చెందిన 516 మంది విద్యార్థినులకు ర్యాపిడ్‌ పరీక్షలు నిర్వహించగా 515 మందికి నెగెటివ్‌ వచ్చిందని, ఒకరికి మలేరియా పాజిటివ్‌ వచ్చిందన్నారు.

విజయనగరం: రాష్ట్రస్థాయిలో జరగనున్న బాస్కెట్‌బాల్‌ పోటీల్లో పాల్గొనే జిల్లా అండర్‌–19 బాల, బాలికల జట్లు శుక్రవారం పయనమయ్యాయి. ఈనెల 7,8 తేదీల్లో రెండు రోజుల పాటు అనంతపురం జిల్లాలో జరగనున్న పోటీల్లో బాలురజట్టు తరఫున 12 మంది, బాలికల జట్టు తరఫున 12 మంది క్రీడాకారులు జిల్లా నుంచి ప్రాతినిధ్యం వహించనున్నారు. ఈ మేరకు జిల్లా జట్టులోని క్రీడాకారులకు జిల్లా స్కూల్‌ గేమ్స్‌ ఫెడరేషన్‌ కార్యదర్శులు వాణిశ్రీ, శ్రీనివాస్‌లు అభినందనలు తెలిపారు. రాష్ట్ర స్థాయి పోటీల్లో ఉత్తమప్రతిభ కనబరిచి జాతీయస్థాయి పోటీలకు అర్హత సాధించి జిల్లా కీర్తిప్రతిష్టలు చాటిచెప్పాలని పోత్సహించారు. కార్యక్రమంలో పలువురు వ్యాయామ ఉపాధ్యాయులు, క్రీడాకారులు పాల్గొన్నారు. 14న సివిల్‌ సర్వీస్‌ ఉద్యోగుల ఎంపిక పోటీలు● జిల్లా క్రీడాప్రాధికార సంస్థ అధికారి వెంకటేశ్వరావు విజయనగరం: రాష్ట్రస్థాయిలో జరగనున్న సివిల్‌ సర్వీస్‌ ఉద్యోగుల క్రీడా పోటీల్లో పాల్గొనే జిల్లా జట్ల ఎంపిక పోటీలు ఈనెల 14, 15తేదీల్లో నిర్వహించనున్నట్లు జిల్లా క్రీడాప్రాధికార సంస్థ అధికారి ఎస్‌.వెంకటేశ్వరరావు శుక్రవారం తెలిపారు. స్పార్ట్స్‌ అథారిటీ ఆఫ్‌ ఆంధ్రప్రదేశ్‌ ఆదేశాల మేరకు ఈనెల 14న అథ్లెటిక్స్‌, బ్యాడ్మింటన్‌, బాస్కెట్‌బాల్‌, ఫుట్‌బాల్‌ క్రీడాంశాల్లో.. 15వ తేదీన కేరమ్స్‌, చెస్‌, క్రికెట్‌, బెస్ట్‌ఫిజిక్‌, పవర్‌ లిఫ్టింగ్‌, టేబుల్‌ టెప్పిస్‌, యోగా, టెన్నిస్‌, రెజ్లింగ్‌, వెయిట్‌ లిఫ్టింగ్‌ క్రీడాంశాల్లో ఎంపికలు జరగనున్నట్లు పేర్కొన్నారు. రెండు రోజుల్లో ఉదయం 8 గంటలకు విజయనరగం జిల్లా క్రేంద్రంలోని రాజీవ్‌క్రీడామైదానంలో ఎంపిక పోటీలు ప్రారంభమవుతాయని తెలిపారు. జిల్లాస్థాయి ఎంపికల్లో అర్హత సాధించిన క్రీడాకారులను రాష్ట్ర స్థాయి పోటీలకు ఎంపిక చేయనున్నామని, మరిన్ని వివరాలకు ఫోన్‌ 9491767327, 8074116276 నంబలను సంప్రదించాలని సూచించారు. ఏపీఎస్‌ఆర్టీసీలో ఔట్‌సోర్సింగ్‌ ఉద్యోగావకాశాలువిజయనగరం క్రైమ్‌: స్థానిక ఆర్టీసీ డిపోలో ఔట్‌సోర్సింగ్‌ ప్రాతిపదికన పనిచేయడానికి మెకానిక్‌ ఉద్యోగానికి అర్హత, ఆసక్తి కలిగిన అభ్యర్థుల నుంచి దరఖాస్తులు కోరుతున్నట్లు విజయనగరం డిపో మేనేజర్‌ శ్రీనివాసరావు శుక్రవారం తెలిపారు. అభ్యర్థులు తప్పనిసరిగా డీజిల్‌ మెకానిక్‌ ట్రేడ్‌లో ఐటీఐ పాసై ఉండాలని తెలియజేశారు. అర్హత కలిగిన అభ్యర్థులు తమ సర్టిఫికెట్లు తీసుకుని డిపో మేనేజర్‌ కార్యాలయానికి రావాలని తెలియజేశారు. వెయిట్‌లిఫ్టింగ్‌లో జోగిరాజుపేట విద్యార్థినికి స్వర్ణంనెల్లిమర్ల రూరల్‌: ఇటీవల విశాఖలోని బుల్ల య్య కళాశాలలో జరిగిన అంతర్‌ కళాశాలల వెయిట్‌లిఫ్టింగ్‌ చాంపియన్‌షిప్‌ పోటీల్లో జిల్లాకు చెందిన విద్యార్థిని ప్రతిభ కనబరిచింది. నెల్లిమర్ల మండలంలోని జోగిరాజుపేట గ్రామానికి చెందిన అట్టాడ ఆదిలక్ష్మి 77 కేజీల విభాగంలో చాంపియన్‌ షిప్‌లో తలపడి బంగారు పతకాన్ని కై వసం చేసుకుంది. ఈ సందర్భంగా ఆ విద్యార్థినిని కోచ్‌ చల్లా రాము, గ్రామస్తులు అభినందించారు.

● స్పష్టం చేసిన జంఘావతి సాధన సమితి నాయకులు ● 46వ రోజుకు చేరిన దీక్షలుపార్వతీపురం రూరల్‌: జంఝావతి ప్రాజెక్టును పూర్తి చేయాలని కోరుతూ రైతులు చేపట్టిన సాధన దీక్షలు శుక్రవారానికి 46వ రోజుకు చేరుకున్నాయి. పార్వతీపురం చర్చి సెంటర్‌లోని గిరిజన భవనం వద్ద జంఝావతి సాధన సమితి ఆధ్వర్యంలో సెప్టెంబర్‌ 22న ప్రారంభమైన ఈ శిబిరానికి రైతులు, సామాజిక కార్యకర్తలు, పట్టణ ప్రముఖులు ప్రతిరోజూ విచ్చేసి సంఘీభావం తెలుపుతున్నారు. ఈ సందర్భంగా సాధన సమితి సభ్యులు మాట్లాడుతూ.. 50 ఏళ్లుగా అసంపూర్తిగా ఉన్న జంఝావతి ప్రాజెక్టును పూర్తి చేసి, రైతులకు సాగునీరు, పార్వతీపురం పట్టణానికి తాగునీరు అందించాలని కోరారు. ప్రస్తుతం కేంద్రంతో పాటు ఏపీ, ఒడిశా రాష్ట్రాల్లో ఒకే ప్రభుత్వాలు ఉన్నందున ప్రాజెక్టు పూర్తికి ఇదే అనుకూల సమయమని పేర్కొన్నారు. రాష్ట్ర ప్రభుత్వం వెంటనే స్పందించి ఒడిశాతో ఒప్పందం కుదుర్చుకోవాలని, నిధులు కేటాయించి పనులు ప్రారంభించాలని కోరారు. లేనిపక్షంలో రానున్న రోజుల్లో ఆందోళన కార్యక్రమాలను మరింత ఉధృతం చేస్తామని సమితి నాయకులు, రైతులు స్పష్టం చేశారు.

● కౌంటింగ్‌ కేంద్రం వద్ద ఉపాధ్యాయుల ఆందోళన ● అరకొర వసతులపై పీఆర్టీయూ మండిపాటుపార్వతీపురం రూరల్‌: ఎన్నికల కౌంటింగ్‌ విధుల్లో పాల్గొన్న సిబ్బందికి కనీస సదుపాయాలు కల్పించడంలో అధికారుల అలసత్వంపై ఉపాధ్యాయులు భగ్గుమన్నారు. ఈ మేరకు ఉద్యానవన కళాశాలలోని కౌంటింగ్‌ కేంద్రం వద్ద శుక్రవారం వారు బైఠాయించి ఆందోళన చేపట్టారు. అందరికీ సరిపడా భోజనాలు లేకపోవడంతో, అరకొర ఆహారంతోనే ఆకలి దప్పులకోర్చుకుంటూ విధులు నిర్వహించాల్సి వస్తోందని ఆవేదన వ్యక్తం చేశారు. పరిస్థితి గమనించిన కొందరు అధికారులు వారిని సముదాయించే ప్రయత్నం చేశారు. మరోవైపు, స్థానిక సంస్థల ఎన్నికల విధుల్లో పాల్గొన్న ఉపాధ్యాయుల పట్ల రిటర్నింగ్‌ అధికారుల నిర్లక్ష్య వైఖరిని పీఆర్టీయూ తీవ్రంగా ఆక్షేపించింది. సంఘం నేతలు అమరపు సూర్యనారాయణ, కాగాన విజయ్‌, శశికుమార్‌, రామినాయుడు తదితరులు మాట్లాడుతూ.. ఎన్నికల సంఘం నిబంధనలను అధికారులు తుంగలో తొక్కారని విమర్శించారు. కౌంటింగ్‌ కేంద్రాల్లో మహిళా సిబ్బందికి కనీస వసతులు కల్పించకపోవడం శోచనీయమన్నారు. ఎన్నికల మరునాడు రాష్ట్రవ్యాప్తంగా ఒకే తరహాలో ‘ఆన్‌ డ్యూటీ’ (ఓడీ) సౌకర్యం కల్పించకుండా జిల్లాకో తీరుగా వ్యవహరించడంపై వారు అభ్యంతరం వ్యక్తం చేశారు. రాత్రంతా విధులు నిర్వర్తించి నిద్రలేమితో మరుసటి రోజు పాఠశాలలకు ఎలా వెళ్తారని ప్రశ్నించారు. రానున్న పంచాయతీ ఎన్నికల్లోనైనా కలెక్టర్లు జోక్యం చేసుకుని, సిబ్బందికి ఎలాంటి ఇబ్బందులు లేకుండా చూడడంతో పాటు, ఎన్నికల మరుసటి రోజు విధిగా ’ఓడీ’ మంజూరు చేయాలని డిమాండ్‌ చేశారు.

● అధికారులకు కలెక్టర్‌ ఆదేశాలు విజయనగరం రూరల్‌: జిల్లాలో జెడ్పీటీసీ, ఎంపీటీసీ ఎన్నికల ఓట్ల లెక్కింపు ప్రక్రియను ఎటువంటి పొరపాట్లకు తావులేకుండా, పూర్తి పారదర్శకతతో నిర్వహించాలని కలెక్టర్‌ ఎస్‌.రాంసుందర్‌ రెడ్డి అధికారులను ఆదేశించారు. ఓట్ల లెక్కింపు ఏర్పాట్లు, కౌంటింగ్‌ విధివిధానాలు, సిబ్బంది బాధ్యతలపై శుక్రవారం వెబెక్స్‌లో అధికారులతో సమీక్షించారు. పలు సూచనలు జారీ చేశారు. కౌంటింగ్‌ కేంద్రాల్లోకి అనుమతిలేని వ్యక్తులను ఎట్టి పరిస్థితుల్లోనూ అనుమతించరాదన్నారు. ఓట్ల లెక్కింపు ప్రక్రియకు సంబంధించి ముందస్తు ఏర్పాట్లు, సిబ్బంది విధులపై స్పష్టమైన అవగాహన కలిగి ఉండాలన్నారు. రీకౌంటింగ్‌ కోరే అభ్యర్థుల అభ్యర్థనలను నిబంధనల ప్రకారం 15 నిమిషాల వ్యవధిలోనే స్వీకరించాలన్నారు. పోస్టల్‌ బ్యాలెట్‌ ఓట్ల లెక్కింపునకు ప్రత్యేక ఏర్పాట్లు చేయాలన్నారు. ● చెల్లుబాటయ్యే, చెల్లని ఓట్లపై సందేహాలు తలెత్తినప్పుడు రిటర్నింగ్‌ అధికారి నిబంధనల ప్రకారం తుది నిర్ణయం తీసుకోవాలి. కౌంటింగ్‌ ప్రక్రియకు సంబంధించిన సమాచారాన్ని ఎప్పటికప్పుడు సేకరించి, అధికారికంగా ధ్రువీకరించిన నివేదికలను అందించాలని కలెక్టర్‌ సూచించారు. వెబెక్స్‌ సమావేశంలో జేసీ ఎస్‌.సేతుమాధవన్‌, డీఆర్వో సీహెచ్‌.సత్తిబాబు, జెడ్పీ సీఈఓ కిరణ్‌ కుమార్‌, డిప్యూటీ సీఈఓ లవరాజు, ఆర్డీఓలు, డీఎల్‌డీఓలు, రిటర్నింగ్‌ అధికారులు, ఎంపీడీఓలు, తహసీల్దార్లు పాల్గొన్నారు. పటిష్ట భద్రత విజయనగరం టౌన్‌: ఎన్నికల లెక్కింపు కేంద్రాల వద్ద పటిష్ట భద్రతా ఏర్పాట్లు చేసినట్టు ఎస్పీ ఎ.ఆర్‌.దామోదర్‌ తెలిపారు. భద్రతా ఏర్పాట్లపై పోలీసులకు దిశానిర్దేశం చేశారు. అభ్యర్థులు, వారి అధీకృత కౌంటింగ్‌ ఏజెంట్లను, గుర్తింపు కార్డులు, తగిన ధ్రువీకరణ పత్రాలు ఉన్నవారినే కౌంటింగ్‌ కేంద్రం లోపలికి అనుమతించాలన్నారు. మొబైల్‌ ఫోన్లు, ఐప్యాడ్స్‌, ల్యాప్‌టాప్‌లు, ఆడియో, వీడియో రికార్డింగ్‌ చేయగల ఇతర ఎలక్ట్రానిక్‌ పరికరాలను కౌంటింగ్‌ హాల్‌లోకి అనుమతించరాదన్నారు. ప్రజలు, రాజకీయపార్టీల నాయ కులు, అభ్యర్థులు పోలీసుశాఖకు సహకరించి శాంతిభద్రతల పరిరక్షణలో భాగస్వాములు కావాలని కోరారు.

విజయనగరం అర్బన్‌: మహారాజా అటానమస్‌ కళాశాలలో కంప్యూటర్‌ సైన్స్‌ విభాగం ఆధ్వర్యంలో మహారాజాస్‌ సెంటర్‌ ఫర్‌ ఇన్నోవేషన్‌ అండ్‌ కన్సల్టెన్సీ కేంద్రాన్ని శుక్రవారం ప్రారంభించి, అధికారిక లోగోను ఆవిష్కరించారు. విద్యార్థుల్లో సాంకేతిక నైపుణ్యాలు, సృజనాత్మకత, నూతన ఆవిష్కరణలు, సమస్యల పరిష్కార సామర్థ్యాలను పెంపొందించడం ఈ కేంద్రం లక్ష్యమని నిర్వాహకులు తెలిపారు. హైదరాబాద్‌కు చెందిన టీఆర్‌ఎన్‌ఈటీ టెక్నాలజీస్‌ ప్రైవేట్‌ లిమిటెడ్‌ మేనేజింగ్‌ డైరెక్టర్‌ తరుణ్‌ మహాపాత్రో మాట్లాడుతూ పరిశ్రమల అవసరాలకు అనుగుణంగా విద్యార్థులు నైపుణ్యాలను అభివృద్ధి చేసుకోవాలని సూచించారు. పరిశ్రమలు, విద్యాసంస్థల మధ్య సమన్వయంతో విద్యార్థులకు ప్రాయోగిక పరిజ్ఞానం, వాస్తవిక ప్రాజెక్టులపై పనిచేసే అవకాశాలు లభిస్తాయని పేర్కొన్నారు. కార్యక్రమంలో కళాశాల కరస్పాండెంట్‌ డాక్టర్‌ కేవీఎల్‌రాజు, ప్రిన్సిపాల్‌ డాక్టర్‌ ఎం.సాంబశివరావు, విభాగాధిపతి ఎల్‌.పి.నాయుడు, సమన్వయకర్త కె.సింధుష తదితరులు పాల్గొన్నారు.

చికెన్‌సీతానగరం: వ్యవసాయ పనుల్లో భాగంగా మండలంలోని నిడగల్లులో వరి చేను కోతకు వెళ్లిన ఓ వ్యక్తి అస్వస్థతకు గురై మృతి చెందాడు. ఈ ఘటనపై స్థానికులు తెలిపిన వివరాలిలా ఉన్నాయి. మండలంలోని బగ్గందొరవలస గ్రామానికి చెందిన కొంతమంది రైతులు వరిచేను కోతపనుల నిమిత్తం నిడగల్లుకు శుక్రవారం వెళ్లారు. జట్టులోఉన్న కె లక్ష్మునాయుడు (50) నిడగల్లు పొలంలో వరిచేనుకోస్తుండగా అస్వస్థతకు గురై అపస్మారక స్థితికి చేరుకోగా చికిత్సనిమిత్తం సీతానగరం పీహెచ్‌సీకి తరలించారు. డాక్టర్‌ పి.ఉషారాణి అత్యవసర వైద్య సేవలందించి మెరుగైన వైద్యం నిమిత్తం పార్వతీపురం ప్రైవేటు ఆస్పత్రికి రిఫర్‌ చేశారు. దీంతో ఆస్పత్రిలో చేరిన సమయానికి అక్కడి డాక్టర్‌ ఆలస్యంగా రావడంతో లక్ష్మునాయుడు మృతిచెందినట్లు గ్రామస్తులు తెలియజేశారు. చెరువులో పడి వ్యక్తి...విజయనగరం టౌన్‌: కాలకృత్యాలకు వెళ్లిన వ్యక్తి ప్రమాదవశాత్తు కాలుజారి చెరువులో పడి మృతిచెందాడు. ఈ సంఘటన మండల పరిధిలోని సుంకరిపేట గ్రామంలో శుక్రవారం జరిగింది. దీనికి సంబంధించి రూరల్‌ పోలీసులు అందించిన వివరాలిలా ఉన్నాయి. మండల పరిధిలోని సుంకరిపేటకు చెందిన ప్రైవేటు ఎలక్ట్రీషియన్‌గా విధులు నిర్వహిస్తున్న బడ్డు సంతోష్‌ కుమార్‌ (35) స్థానిక పిల్లేరు చెరువు వద్దకు కాలకృత్యాలు తీర్చుకునేందుకు వెళ్లాడు. అయితే ప్రమాదవశాత్తు చెరువులో పడిపోవడంతో మృతిచెందాడు. మృతుడికి భార్య, ఇద్దరు పిల్లలున్నారు. మృతుడి భార్య భారతి ఫిర్యాదు మేరకు ఏఎస్సై రామారావు కేసు నమోదుచేసి దర్యాప్తు చేస్తున్నారు.

● డ్రాగన్‌ సాగుతో రైతులకు ఊరట ● రైతులకు ప్రోత్సాహం కరువు ● ఆదాయం పెంపు దిశగా సాగుభామిని: జిల్లా రైతులు సంప్రదాయ పంటల నుంచి అధిక ఆదాయం వచ్చే ఆధునిక పంటల వైపు దృష్టి పెట్టారు. తగిన ప్రోత్సాహం లభిస్తే ఆధునిక పంటల సాగు పెంచడానికి ఆసక్తి చూపుతున్నారు. కానీ కూటమి ప్రభుత్వం నుంచి ప్రోత్సాహం కరువైందని వాపోతున్నారు. జిల్లాలోని ఔత్సాహిక రైతులు ఆదాయం ఇచ్చే పండ్ల తోటల పెంపకంపై దృష్టి సారించి అందులో భాగంగా డ్రాగన్‌సాగుపై దృష్టి పెట్టారు. ఆరోగ్యాన్ని ఇచ్చే డ్రాగన్‌ ప్రూట్‌కు మార్కెట్‌లో మంచి గిరాకీ ఉండడంతో సాగుపై ఆసక్తి పెంచుతున్నారు. మార్కెటింగ్‌ ప్యూహాన్ని పసిగట్టి, ఆర్థికంగా వెసులు బాటు ఉన్న రైతులు డ్రాగన్‌ ఫ్రూట్‌ సాగు వైపు రావాలని వ్యవసాయ శాస్త్రవేత్తలు పిలుపు నిస్తున్నారు. పార్వతీపురం మన్యం జిల్లాలోని భామిని, పార్వతీపురం, కురుపాం, సీతంపేట, గుమ్మలక్ష్మీపురం, సాలూరు, మక్కువ ప్రాంతాల్లో డ్రాగన్‌ సాగుతోంది. ఆరంభంలో అధిక పెట్టుబడి కావడంతో పెద్ద రైతులు కొంత భూమిలో వాణిజ్య పంటగా సాగు చేస్తున్నారు. ముందుగా తక్కువ విస్తీర్ణంలో డ్రాగన్‌ తోటలు వేస్తున్నారు. మార్కెట్‌లో వినియోగం పెరుగుదలకు తగ్గట్టు విస్తీర్ణం పెంచడానికి రైతులు ఆసక్తి చూపుతున్నారు. ఉద్యాన వన శాఖ ద్వారా ఎకరాకి రూ.1 లక్ష వరకు మాత్రమే రాయితీ ఇస్తున్నారు. డ్రాగన్‌ పండ్ల తోటల పెంపకంలో మేలైన యాజమాన్య పద్ధతులు పాటిస్తే అధిక దిగుబడులు, లాభాలను ఆర్జించవచ్చని ఉద్యాపనవన అధికారులు చెబుతున్నారు. ఎన్నో ప్రయోజనాలు.. డ్రాగన్‌ ఫ్రూట్‌ చెట్టును వాడుక భాషలో సిరి జమ్మెడ చెట్టు అంటారు. ఇది ఎడారి జాతికి చెందిన పండ్ల మొక్క. ఈ పండులో అనేక ఔషధ గుణాలు ఉన్నాయి. ఈ డ్రాగన్‌ ఫ్రూట్‌ సుగర్‌ వ్యాధి గ్రస్తులు యథేచ్ఛగా తినవచ్చు. ఇందులో చక్కర శాతం అతి తక్కువగా ఉండడంతో మధుమేహ బాధితులు తినవచ్చని వైద్యులు చెబుతున్నారు. అంతే కాకుండా ఈ ఫ్రూట్‌లోశరీరానికి అవసరమైన యాంటీ ఆక్సిడెంట్లు, విటమిన్లు, మినరల్స్‌ ఉంటాయి.ఈ పండును తినడం ద్వారా బరువు నియంత్రణ,అస్తమా,చెడు కొలెస్ట్రాల్‌ తగ్గడం.డయాబిటిస్‌ నియంత్రణ లాంటి ఎన్నో ఉపయోగాలు ఉన్నాయి. 20 ఏళ్ల పాటు దిగుబడి ఈ పంట ఒకసారి నాటితే 20 సంవత్సరాల వరకు దిగుబడి ఇస్తుంది.స్తంభానికి నలు దిక్కులా 2అడుగుల పొడవు, 1అడుగు లోతు గుంతలు తవ్వాలి.గుంతకు 25 కిలోల పశువుల ఎరువు,కిలో వేపపిండి వేసి మొక్కలు నాటాలి.నేలను బట్టి సాగు చేసిన రకాలను బట్టి తడులను ఇవ్వాలి.నీరు ఎక్కువైతే మొక్కలు చనిపోయే ప్రమాదం ఉంది.ఏడాదిలో రెండు సార్లు జూన్‌–జనవరి నెలల్లో పశువుల ఎరువు వేసి సూక్ష్మ పోషకాల మిశ్రమాన్ని పిచికారీ చేయాలి.సాధారణంగా డ్రాగన్‌ మొక్కలు తొలికాపు కాయడానికి రెండు నుంచి మూడు సంవత్సరాల సమయం పడుతుంది.డ్రాగన్‌ సాగుకు ఎకరాకి రూ.3లక్షల నుంచి రూ.4లక్షలు ఖర్చు అవుతుంది. ఎకరాకి దిగుబడి 6 నుంచి 8 టన్నుల వరకు వస్తుంది.ప్రస్తుత మార్కెట్‌లో డ్రాగన్‌ ప్రూట్‌ కేజీ ధర రూ.150 నుంచి రూ.200 పలుకుతోంది. అన్ని రకాల నేలలు అనుకూలం.. డ్రాగన్‌ ఫ్రూట్‌ను పండించేందుకు అన్ని రకాలైన నేలలు అనుకూలం.ముఖ్యంగా మంచి సేంద్రియ కర్బనంతో కూడిన ఇసుక నేలలు మరింత శ్రేష్టం.ఈ పంటకు నీటి అవసరం చాలా తక్కువ.పూత,కాయ సమయాల్లో 3–4 తడులు అందించడం ద్వారా అధిక దిగుబడులు సాధించవచ్చు. ఇందులో మూడు రకాలు ఉన్నాయి. అవి వైట్‌ ఫ్లాష్‌ డ్రాగన్‌, రెడ్‌ ఫ్లాష్‌ డ్రాగన్‌, ఎల్లో ఫ్లాస్‌ డ్రాగన్‌ రకాలు. దిగుబడి బాగుంది..డ్రాగన్‌ పంట సాగును తక్కువ స్థలంలో చేపట్టాం.అర ఎకరంలో పంట వేశాం. ఏడాది పొడవునా నాలుగు కాపులు వస్తోంది. ఒక్కోకాపు సమయంలో రూ.40వేల నుంచి రూ.50 వేల ఆదాయం వస్తోంది. దిగుబడి పెరిగితే మరింత విస్తరిస్తాం.ప్రభుత్వం నుంచి ప్రోత్సాహం పెంచితే ఇంకా మంచిది. సాసుబిల్లి రాజేంద్ర నాయుడు,డ్రాగన్‌ రైతు,పసుకుడి,భామిని మండలంలక్ష వరకు రాయితీ..డ్రాగన్‌ పంట సాగు ఆరంభంలో పెట్టుబడి ఎక్కువ,ఉద్యాన వన శాఖ నుంచి గిరిజన రైతులను పండ్ల తోటల పెంపకానికి ప్రోత్సహిస్తున్నాం. ఎకరానికి రూ.1 లక్ష వరకు రాయితీ అందుతుంది.సాంకేతిక సహాయం అందిస్తాం. ఇది 20 ఏళ్ల వరకు ఆదాయం వచ్చే వాణిజ్య పంట. ఆరంభంలో కాస్త ఎక్కువ పెట్టుబడి, తరువాత ఆదాయం నిరంతరం పెరుగుతూ ఉంటుంది. ఎస్‌.వి.గణేష్‌,పీహెచ్‌ఓ,సీతంపేట

● శనివారం ఉదయం 8 గంటల నుంచి ప్రారంభం ● ఏడు నియోజకవర్గాల్లోని 36 కేంద్రాల్లో ఓట్ల లెక్కింపు విజయనగరం రూరల్‌: జిల్లాలో ఎంపీటీసీ, జెడ్పీటీసీ ఎన్నికల ఓట్ల లెక్కింపు ప్రక్రియను అత్యంత సజావుగా, పారదర్శకంగా నిర్వహించేందుకు జిల్లా ఎన్నికల యంత్రాంగం, పోలీస్‌శాఖ సమగ్ర ప్రణాళికతో పటిష్ట ఏర్పాట్లు పూర్తి చేశాయి. జిల్లా కలెక్టర్‌, ఎన్నికల అధికారి ఎస్‌.రాంసుందర్‌ రెడ్డి ప్రత్యక్ష పర్యవేక్షణలో కౌంటింగ్‌ నిర్వహణకు యంత్రాంగం సిద్ధమైంది. నేడు జరగనున్న ఈ ఓట్ల లెక్కింపు కోసం జిల్లాలోని ఏడు నియోజకవర్గాల పరిధిలో ఉన్న 27 మండలాలకు సంబంధించి వేర్వేరు ప్రాంతాల్లో 36 కౌంటింగ్‌ కేంద్రాలను ఏర్పాటు చేశారు. జిల్లా వ్యాప్తంగా 27 జెడ్పీటీసీ స్థానాలతో పాటు 438 ఎంపీటీసీ స్థానాలకు సంబంధించి ఓట్ల లెక్కింపు ప్రక్రియ జరగనుంది. విజయనగరం మండలం ఓట్లను విజయనగరం జేఎన్టీయూ కాలేజ్‌ ఆఫ్‌ ఇంజినీరింగ్‌ అకడమిక్‌ బ్లాక్‌–2 (1వ అంతస్తు) ఎడమవైపు ఎల్‌హెచ్‌–35 గది. రాజాం నియోజకవర్గం (జీఎంఆర్‌ వరలక్ష్మి డీఏవీ పబ్లిక్‌ స్కూల్‌, రాజాం): రాజాం: 41వ గదిలో ఎంపీటీసీ, 40వ గదిలో జెడ్పీటీసీ ఓట్ల లెక్కింపు రేగిడి ఆమదాలవలస: 37, 38 గదుల్లో.. సంతకవిటి: 30వ గదిలో జెడ్పీటీసీ, 31వ గదిలో ఎంపీటీసీ ఓట్ల లెక్కింపు. వంగర: 24, 25 గదులు శృంగవరపుకోట నియోజకవర్గం జామి: విజయనగరం జేఎన్టీయూ అకడమిక్‌ బ్లాక్‌–2 (2వ అంతస్తు) ఈసీఈ విభాగం ఎల్‌హెచ్‌–40వ గది. కొత్తవలస: ఎస్‌.కోట డాక్టర్‌ వరలక్ష్మి పబ్లిక్‌ స్కూల్‌ 9–బి తరగతి గది. ఎల్‌.కోట: డాక్టర్‌ వరలక్ష్మి పబ్లిక్‌ స్కూల్‌ 10వ తరగతి గది. ఎస్‌.కోట: డాక్టర్‌ వరలక్ష్మి పబ్లిక్‌ స్కూల్‌ సెమినార్‌ హాల్‌ వేపాడ: డాక్టర్‌ వరలక్ష్మి పబ్లిక్‌ స్కూల్‌ (1వ అంతస్తు) 4–బి గది

సాలూరు: జైలులో ఉండి అసెంబ్లీ ఎన్నికల్లో పోటీచేసి, పోలింగ్‌ సమయంలో నిర్బంధంలో ఉంటూనే గెలిచిన అసెంబ్లీరౌడీ సినిమాను తలపించేలా చేసింది పరిషత్‌ ఎన్నికలకు నామినేషన్లు వేసిన కొఠియా వైఎస్సార్‌సీపీ, టీడీపీ ఎంపీటీసీ అభ్యర్థుల పరిస్థితి. వివరాల్లోకి వెళ్తే..ఆంధ్రా ప్రభుత్వం నిర్వహిస్తున్న పరిషత్‌ ఎన్నికలకు కొఠియా గ్రూప్‌ గ్రామాలకు సంబంధించి గంజాయిభద్ర ఎంపీటీసీ సెగ్మెంట్‌ ఉంది.ఈ సెగ్మెంట్‌కు వైఎస్సార్‌సీపీ తరఫున మజ్జి కనుపూరు,టీడీపీ తరఫున చిరంజీవి నామినేషన్లు దాఖలు చేశారు. అయితే ఈ ఎన్నికలు జరగకుండా ఒడిశా ప్రభుత్వం విశ్వప్రయత్నం చేసింది. అదే సమయంలో ఈ నెల 3న ఇద్దరు అభ్యర్థులను మాట్లాడాలని పిలిచి ఒడిశా పోలీసులు సిమిలిగుడ పోలీస్‌స్టేషన్‌కు తీసుకువెళ్లారు. వారి వెంట మరో ముగ్గురిని తీసుకువెళ్లారు. అది ఒడిశా భూభాగమని అక్కడ ఆంధ్రా ఎన్నికలకు ఎందుకు నామినేషన్లు వేశారని మొత్తం ఆ ఐదుగురిని ప్రశ్నించారు. అయితే ఇవి వివాదాస్పద గ్రామాలని రెండు రాష్ట్రాల నుంచి మాకు ఓటు హక్కులు ఉన్నాయని రేషన్‌ సరుకులు తీసుకుంటున్నామని వారు బదులిచ్చారు. అక్కడి నుంచి కొరాపుట్‌కు వెళ్తున్నామని చెప్పి, కొరాపుట్‌ దాటిన తరువాత వారు ఐదుగురిని ఎక్కడో తెలియని ఓ ప్రదేశంలో వేర్వేరుగా రెండు గదుల్లో ఉంచారు. సమయానికి భోజనం పెట్టారు. బయటకు వెళ్లకుండా ఉంచారు. వారు అక్కడ ఉండగానే ఈ నెల 5న పోలింగ్‌ జరిగింది. మూడు రోజుల నిర్బంధం తరువాత శుక్రవారం వారిని విడిచిపెట్టగా సాయంత్రానికి వారు తమ గ్రామాలైన కొఠియా గ్రామాలకు చేరుకున్నారు. కుటుంబసభ్యుల నిరీక్షణ మూడు రోజులుగా ఇంటి వద్ద అభ్యర్థుల కోసం నిరీక్షిస్తున్న వారి కుటుంబసభ్యులు అభ్యర్థులను చూసి సంతోషం వ్యక్తంచేశారు. ఎన్నికల్లో నిలబడిన అభ్యర్థులకే రక్షణ కల్పించడంలో ఈ ఆంధ్రా కూటమి ప్రభుత్వం విఫలం కాగా, ఒడిశా ప్రభుత్వం దూకుడు, దౌర్జన్యం కొఠియా గ్రామాల్లో పరాకాష్టకు చేరాయని స్థానిక గిరిజనులు వాపోతున్నారు. పోలింగ్‌ సమయంలోనైనా కనీసం కూటమి అభ్యర్థినైనా ఒడిశా ప్రభుత్వ నిర్బంధం నుంచి బయటకు తీసుకురాలేకపోవడం, ఎట్టకేలకు ఒడిశానే అభ్యర్థులను విడిచిపెడితే తప్ప వారు బయటకు రాని పరిస్థితి స్థానిక మంత్రి సంధ్యారాణి, కూటమి ప్రభుత్వం వైఫల్యానికి నిదర్శనమంటూ పలువురు గిరిజనులు, నాయకులు విమర్శిస్తున్నారు. కొఠియా ఎంపీటీసీ అభ్యర్థుల విడుదల పోలింగ్‌ సమయంలో అభ్యర్థులను నిర్బంధించిన ఒడిశా ప్రభుత్వం అభ్యర్థులకే రక్షణ ఇవ్వలేకపోయిన ఆంధ్రాప్రభుత్వంపై గిరిజనుల మండిపాటు

విజయనగరం టౌన్‌: విజయనగరం రైల్వేస్టేషన్‌లో జీఆర్‌పీ, ఆర్‌పీఎఫ్‌ అధికారులు శుక్రవారం నిర్వహించిన ఆకస్మిక తనిఖీల్లో రూ.2 లక్షల 40వేల విలువైన 4.8 కిలోల గంజాయిని స్వాధీనం చేసుకున్నారు. ఈ మేరకు జీఆర్‌పీ ఎస్సై డి.శ్రీనివాసరావు తెలిపిన వివరాలిలా ఉన్నాయి. కర్ణాటక రాష్ట్రంలోని బళ్లారికి చెందిన బొమ్మరాజా అనే వ్యక్తి ఒడిశా రాష్ట్రంలోని టికిరి పరిసర ప్రాంతాల నుంచి కర్ణాటక రాష్ట్రం బళ్లారి జిల్లా కమలాపూర్‌ ప్రాంతానికి అక్రమంగా 4.8 కిలోల గంజాయిని తరలిస్తుండగా పోలీస్‌ తనిఖీల్లో పట్టుబడ్డాడని, ఈ సందర్భంగా నిందితుడిని అరెస్టు చేసి, రిమాండ్‌ నిమిత్తం రైల్వేకోర్టుకు తరలించామని, గంజాయి స్వాధీనం చేసుకున్నామని ఎస్సై తెలిపారు.

పాఠశాల గేటు వేసి నిరసన తెలుపుతున్న గ్రామస్తులు రాయగడ: హాస్టల్‌ నుంచి అదృశ్యమైన ఆరో తరగతి విద్యార్థి కునాల్‌ సబర్‌ ఆచూకీ మూడు నెలలైనా ఇంకా లభించకపోవడంతో ఆగ్రహించిన గ్రామస్తులు డంగసొరడ సంక్షేమ శాఖ ఆధ్వర్యంలో నిర్వహించబడుతున్న ఆశ్రమ పాఠశాలకు తాళం వేసి నిరసన తెలిపారు. విద్యార్థి ఆచూకీ కనుగొనడంలో పోలీసులు, అధికారులు నిర్లక్ష్యం వహిస్తున్నారని ఆరోపిస్తూ యుగాపదర్‌ గ్రామస్తులు పాఠశాల గేటుకు తాళం వేయడంతో అక్కడ ఉద్రిక్త పరిస్థితులు నెలకొన్నాయి. వివరాల్లోకి వెళ్తే.. జిల్లాలోని చంద్రపూర్‌ సమితి పరిధి యుగాదపర్‌ గ్రామానికి చెందిన దివంగత మనోజ్‌ సబర్‌ కుమారుడు కునాల్‌ సబర్‌ (12) డంగసొరడ ఆశ్రమ పాఠశాలలో ఆరో తరగతి చదువుతున్నాడు. ఆ బాలుడు ఈ ఏడాది జూలై 31వ తేదీ నుంచి అదృశ్యమయ్యాడు. అయితే విద్యార్థి అదృశ్యమైన విషయాన్ని పాఠశాల అధికారులు కుటుంబ సభ్యులకు తెలియజేయలేదని గ్రామస్తులు ఆరోపించారు. ఆరు రోజుల తర్వాత బాలుడు హాస్టల్‌ నుంచి కనిపించకుండా పోయిన విషయం తెలుసుకున్న కుటుంబ సభ్యులు పాఠశాల హెచ్‌ఎంను ప్రశ్నించారు. అక్కడి నుంచి సంతృప్తికరమైన సమాధానం లభించకపోవడంతో పోలీసులకు ఫిర్యాదు చేశారు. పోలీసులు దర్యాప్తు కొనసాగిస్తున్నామని చెబుతున్నప్పటికీ ఇంతవరకు కునాల్‌ ఆచూకీ లభించలేదు. మూడు నెలలుగా బాలుడి కోసం ఎదురుచూస్తున్న కుటుంబ సభ్యులు, గ్రామస్తులు తీవ్ర ఆవేదనకు గురయ్యారు. విద్యార్థి ఆచూకీ లభించేవరకు పాఠశాలకు తాళం వేసి కొనసాగిస్తామని హెచ్చరించారు. ఈ నేపథ్యంలో పాఠశాల వద్ద ఉద్రిక్తత నెలకొన్న సమాచారం అందుకున్న ఎస్‌డీపీవో సంతోషిని ఒరం, మునిగుడ పోలీస్‌స్టేషన్‌ ఐఐసీ లలిత్‌ సాగర్‌ సంఘటన స్థలానికి చేరుకుని పరిస్థితిని సమీక్షించారు. గ్రామస్తులతో చర్చలు జరిపి పరిస్థితిని అదుపులోకి తీసుకురావడంతో పాఠశాల తాళాన్ని గ్రామస్తులు తెరిచారు. పాఠశాల హెచ్‌ఎం, ఇతర సిబ్బందిని సమగ్రంగా విచారించకపోవడం వల్లే విద్యార్థి ఆచూకీ లభించడం లేదని గ్రామస్తులు ఆరోపిస్తున్నారు. ఈ ఘటనపై సంక్షేమ శాఖ అధికారి ఆసీమా రావ్‌ను మీడియా ప్రతనిధులు ప్రశ్నించగా, విద్యార్థి ఆదృశ్యంపై పోలీసులకు ఫిర్యాదు అందిందని, ప్రస్తుతం పోలీసులు దర్యాప్తు చేస్తున్నారని తెలిపారు. ఈ వ్యవహారం పూర్తిగా పోలీసులు విచారణపై ఆధారపడి ఉందని ఆమె స్పష్టం చేశారు.

భామిని మండలంలోని ఏబీ రోడ్డులో ఏర్పడిన గుంత ప్రమాదానికి సంకేతంగా మారింది. దీనిని పూడ్చడంలో ప్రభుత్వ నిర్లక్ష్యాన్ని నిరసిస్తూ... ప్రమాద సంకేతంగా స్థానికులు ఎరుపు రంగు గోనెసంచులతో ఎర్రజెండా తయారు చేసి ఎగురు వేశారు. – భామిని విజయనగరం అర్బన్‌: అధికారంలో ఉన్న ప్రభుత్వంపై ప్రజల్లో ఎంత వ్యతిరేకత ఉంది? ప్రతిపక్షానికి క్షేత్రస్థాయిలో ఎంత ఆదరణ లభిస్తోంది? ఈ ప్రశ్రలకు విజయగనరం మున్సిపల్‌ కార్పొరేషన్‌ ఎన్నికల ఫలితాలు ఆసక్తికరమైన పోలికను ముందుకు తెస్తున్నాయి. ఐదేళ్ల కిందట వైఎస్సార్‌సీపీ ప్రభుత్వ పాలన మధ్యలో జరిగిన ఎన్నికల్లో అప్పటి ప్రతిపక్ష టీడీపీకి కేవలం ఒక్క డివిజన్‌ మాత్రమే దక్కింది. తాజాగా కూటమి ప్రభుత్వ పాలన మధ్యలో జరిగిన ఎన్నికల్లో ప్రతిపక్ష వైఎస్సార్‌సీపీ 16 స్థానాలను గెలుచుకుంది. ఈ రెండు ఫలితాల మధ్య వ్యత్యాసం ఇప్పుడు రాకీయ వర్గాల్లో చర్చనీయాంశంగా మారింది. ● ఒక స్థానానికే పరిమితం... 2021లో వైఎస్సార్‌సీపీ ప్రభుత్వం అధికారంలో ఉండగా జరిగిన మున్సిపల్‌ కార్పొరేషన్‌ ఎన్నికల్లో మొత్తం 50 డివిజన్లకు ఆ పార్టీ ఏకంగా 48 స్థానాలను గెలుచుకుంది. అప్పటి ప్రతిపక్ష టీడీపీకి ఒక్క స్థానం మాత్రమే దక్కగా, మరో స్థానాన్ని స్వతంత్ర అభ్యర్థి కై వసం చేసుకున్నారు. అంటే ప్రతిపక్షానికి కనీస స్థాయిలో కూడా గట్టి పోటీ ఇచ్చే అవకాశం లేకుండా పోయింది. ఈ ఫలితాలు అప్పటి ప్రభుత్వ పాలనపై పట్టణ ప్రజల్లో పెద్దగా వ్యతిరేకత లేదనే అభిప్రాయానికి బలాన్నిచ్చాయి. అధికార పార్టీకి ప్రజల్లో ఉన్న ఆదరణ, ప్రతిపక్ష బలహీనత అప్పటి ఎన్నికల్లో స్పష్టంగా కనిపించాయి. ప్రజల తిరుగుబాటు... రెండున్నరేళ్ల చంద్రబాబు ప్రభుత్వ పాలనలో కొత్తగా ఒక్కరికి కూడా పింఛన్లు మంజూరు చేయకపోవడం, నిరుద్యోగ భృతి ఎగ్గొట్టడం, ఆడబిడ్డ నిధి అందకపోవడం, నగరాభివృద్ధి పట్టించుకోకపోవడం, సంక్షేమ పథకాలను అమలుచేయకపోవడం, హామీలు నెరవేర్చకపోవడం, ఉద్యోగ వ్యతిరేక విధానాలపై తిరుగుబాటు మొదలైంది. దీనికి కార్పొరేషన్‌ ఎన్నికలే నిలువెత్తు నిదర్శనం. మొత్తం 62 డివజన్లలో వైఎస్సార్‌సీపీ 16 స్థానాల గెలుచుకుంది. టీడీపీ, జనసేన, బీజేీపీ కలిపి 44 స్థానాలు సాధించగా మరో రెండు స్థానాలను స్వతంత్ర అభ్యర్థి దక్కించుకున్నారు. అధికార కూటమికి మెజారిటీ వచ్చినప్పటికీ, ప్రతిపక్ష వైఎస్సార్‌సీపీ 16 స్థానాలు గెలుచుకోవడం గమనార్హం. ఐదేళ్ల కిందట ఇవే ఎన్నికల్లో ప్రతిపక్షానికి ఒక్క స్థానమే వచ్చిన పరిస్థితితో పోలిస్తే ప్రభుత్వంపై ప్రజావ్యతిరేకత ప్రస్పుటమైందన్న వాదన వినిపి స్తోంది. మరోవైపు ఇటీవల జరిగిన కార్పొరేషన్‌ ఎన్నికల్లో కేవలం 2,447 ఓట్ల వెనుక బాటుతో వైఎస్సార్‌సీపీ ఏకంగా 19 సీట్లు కోల్పోవాల్సి వచ్చింది. దీనికి పోలింగ్‌ సమయంలో ఓటర్లకు అధికార పార్టీ అభ్యర్థుల బెదిరింపులు కూడా కారణమన్న వాదన వినిపిస్తోంది. చంద్రబాబు ప్రభుత్వ పాలనపై జనం వ్యతిరేకత విజయనగర కార్పొరేషన్‌ ఎన్నికల్లో తేటతెల్లం విజయనగరం రాజకీయాల్లో ఆసక్తికర చర్చ!

విజయనగరం రూరల్‌: జిల్లాలో గురువారం జరిగిన పరిషత్‌ ఎన్నికల్లో అధికార పార్టీ శ్రేణులు రెచ్చిపోయాయి. ఓటరు స్వేచ్ఛగా ఓటేసేందుకు భయపడే వాతావరణాన్ని సృష్టించాయి. దాడులకు తెగబడ్డాయి. వైఎస్సార్సీపీ కార్యకర్తలు, సానుభూతిపరులను లక్ష్యంగా చేసుకున్నాయి. సరిపడా పోలీసు బందోబస్తు లేకపోవడం.. ఉన్నవారు సైతం చేతులెత్తేయడంతో తెలుగుదేశం పార్టీ నాయకులు, ఏజెంట్లు శివాలెత్తారు. ఓటింగ్‌ను తమకు అనుకూలంగా మలచుకున్నారు. ● జిల్లాలోని 27 జెడ్పీటీసీ స్థానాలకు, 449 ఎంపీటీసీ స్థానాలకు సంబంధించి నోటిఫికేషన్‌ జారీ చేయగా నామినేషన్ల ఉపసంహరణ ప్రక్రియ ముగిసే నాటికి 27 జెడ్పీటీసీ స్థానాల్లోనూ వివిధ పార్టీలకు చెందిన అభ్యర్థులతో పాటు స్వతంత్రులతో కలిసి 103 మంది అభ్యర్థులు పోటీలో నిలిచారు. 449 ఎంపీటీసీ స్థానాలకు 11 ఎంపీటీసీ స్థానాలు ఏకగ్రీవం కాగా మిగిలిన 438 ఎంపీటీసీ స్థానాలకు ఎన్నికలు నిర్వహించారు. ● వంగర మండలం కొండచాకరాపల్లిలో ఓటు వివాదంలో టీడీపీ, వైఎస్సార్‌సీపీ వర్గాల మధ్య తోపులాట జరిగింది. పోలీసు బలగాలు హుటాహుటిన అక్కడకు చేరుకొని గుంపులను చెదరగొట్టారు. ● శ్రీహరిపురంలో రెండు వర్గాలు తగాదా పడ్డారు. ఘర్షణకు దారితీసే క్రమంలో ఎస్సై షేక్‌ శంకర్‌ ఆధ్వర్యంలో పోలీసు బలగాలు ఇరు వర్గాల గుంపులను చెదరగొట్టాయి. వంగర, రుషింగిలోనూ వాగ్వాదాలు సాగాయి. ● కోనంగిపాడు సెంగ్మెంట్‌ పరిధి ఇరువాడ పోలీంగ్‌ స్టేషన్‌ ఆవరణలో ప్రదర్శించిన అభ్యర్ధుల పేర్లు, గుర్తుల్లో తమకు చెందిన కుండగుర్తు సరిగ్గాలేదని ఇండిపెండెంట్‌ అభ్యర్ధి అభ్యంతరం తెలియజేయడంతో అరగంటకు పైగా పోలింగ్‌ నిలిపివేశారు. ● దుప్పాడ మండల పరిషత్‌ ఆదర్శ ప్రాధమిక పాఠశాల పోలింగ్‌ కేంద్రం గేటు వద్ద వైఎస్సార్‌సీపీ శ్రేణులపై తెలుగుదేశంపార్టీ కార్యకర్తలు విరుచుకుపడ్డారు. పోలీసులు జోక్యం చేసుకుని చెదరగొట్టారు. పలుచోట్ల రెచ్చిపోయిన పచ్చమూకలు వైఎస్సార్‌సీపీ లక్ష్యంగా దాడులు దుప్పాడలో దౌర్జన్యం బొబ్బిలిలో పోలింగ్‌ బూత్‌లను విడిచిపెట్టిన అధికారులు పరిషత్‌ ఎన్నికల పోలింగ్‌ శాతం 76.18

విజయనగరం టౌన్‌: జిల్లాలో జెడ్పీటీసీ, ఎంపీటీసీ ఎన్నికల నిర్వహణలో భాగంగా విశాఖ రేంజ్‌ ఐజీపీ గోపీనాథ్‌ జెట్టి జిల్లాలోని పలు ప్రాంతాల్లో పర్యవేక్షించారు. ఈ మేరకు పూసపాటిరేగ మండలంలోని కుమిలి, డెంకాడ మండలంలోని మోదవలస పోలింగ్‌ కేంద్రాలను తనిఖీ చేశారు. అనంతరం ఆయన మాట్లాడుతూ వంద మీటర్ల పరిధిలో ఓటర్లు మినహా మిగిలిన వ్యక్తులెవరూ ఉండకుండా చూడాలన్నారు. అనధికార వ్యక్తులు పోలింగ్‌ కేంద్రాలకు సమీపంలో ఉండకుండా చూడాలని చెప్పారు. పార్టీ కండువాలు, గుర్తులు ధరించి పోలింగ్‌ కేంద్రాల వద్దకు రాకుండా చూడాలన్నారు. ఓటర్లను క్యూలో పంపాలని, ఓటు వేసిన తర్వాత ఎవరూ పరిసర ప్రాంతాల్లో నిలిచి ఉండకుండా చూడాలని అధికారులను ఆదేశించారు. కార్యక్రమంలో భోగాపురం రూరల్‌ సీఐ ఎన్‌.శ్రీనివాసరావు ఉన్నారు. వదంతులు వ్యాప్తి చేస్తే కఠినచర్యలు ప్రజలను భయబ్రాంతులకు గురిచేసే విధంగా, వారిని పక్కదారి పట్టించే విధంగా వదంతులను ప్రచారం చేస్తే కఠినచర్యలు తప్పవని ఎస్పీ ఏఆర్‌ దామోదర్‌ హెచ్చరించారు. ఈ మేరకు జిల్లాలో జరుగుతున్న జెడ్పీటీసీ, ఎంపీటీసీ ఎన్నికల నిర్వహణలో భాగంగా హైపర్‌ సెన్సిటివ్‌, సెన్సిటివ్‌ పోలింగ్‌ కేంద్రాలను ఎస్పీ ఏఆర్‌.దామోదర్‌ గురువారం సందర్శించి, భద్రతా ఏర్పాట్లను స్వయంగా పర్యవేక్షించారు. పోలింగ్‌ కేంద్రాలైన నెల్లిమర్ల మండలంలోని గొర్లిపేట, కొత్తపేట, గుర్ల మండలంలోని కెల్ల, గుజ్జంగివలస, జమ్ము, గరివిడి మండలంలోని కొండపాలెం, శ్రీరాంనగర్‌, చీపురుపల్లి మండలంలోని చీపురుపల్లి, మెరకముడిదాం మండలంలోని గర్భాం, బుదరాయవలస, ఉత్తరావల్లి, తెర్లాం మండలంలోని తెర్లాం, ఉద్దవోలు, బాడంగి మండలంలోని బాడంగి, రామభద్రపురం మండలంలోని రామభద్రపురం, పెదమానాపురం మండలంలోని మరడాం, గజపతినగరం మండలంలోని గజపతినగరం, బొండపల్లి మండలంలో బోడసింగి పేట, గంట్యాడ, ఎస్‌.కోట, జామిలతో పాటూ పలు పోలింగ్‌ కేంద్రాలను సందర్శించి, భద్రతా ఏర్పాట్లను స్వయంగా పర్యవేక్షించారు. ఈ సందర్భంగా మాట్లాడుతూ పోలింగ్‌ ప్రదేశాల్లో ఇద్దరు అదనపు ఎస్పీలు, ఆరుగురు డీఎస్పీలు, 18 మంది సీఐలు, 70 మంది ఎస్సైలు, ఇతర సిబ్బందితో కలిపి 2 వేల మందితో బందోబస్తు, రూట్‌ మొబైల్స్‌, స్ట్రైకింగ్‌ ఫోర్స్‌, స్పెషల్‌ స్ట్రైకింగ్‌ ఫోర్స్‌, జోనల్‌ స్ట్రైకింగ్‌ ఫోర్స్‌లను ఏర్పాటుచేశామన్నారు. కార్యక్రమంలో విజయనగరం డీఎస్పీ ఎస్‌.లక్ష్మణమూర్తి, స్పెషల్‌ బ్రాంచ్‌ సీఐ ఏవీ లీలారావు, సీఐలు జి.శంకరరావు, డీడీ.నాయుడు, సన్యాసినాయుడు, మల్లికార్జునరావు, వి.నారాయణమూర్తి, స్పెషల్‌ పార్టీ పోలీసులు పాల్గొన్నారు.

సాక్షి, పార్వతీపురం మన్యం: పెరిగిన బియ్యం ధరలతో ఉక్కిరిబిక్కిరి అవుతున్న పేద, మధ్య తరగతి ప్రజలకు ఉపశమనం కలిగించేందుకు రైతు బజార్లలో ‘ధరణి’ సన్నబియ్యాన్ని తక్కువ ధరకే సరఫరా చేస్తున్నట్లు ప్రభుత్వం గొప్పలు చెబుతోంది. క్షేత్రస్థాయిలో పరిస్థితి భిన్నంగా ఉంది. అనుకున్నంత ప్రచారం లేకపోవడంతో సామాన్య ప్రజలు వాటిని ఉపయోగించకపోగా..వ్యాపారులు మాత్రం బస్తాలకు బస్తాలు తరలించుకుపోయి, అధిక ధరలకు విక్రయించుకుంటున్నారు. పౌరసరఫరాల శాఖ ద్వారా ధరణి బ్రాండ్‌ పేరుతో 26 కిలోల సన్నబియ్యం బస్తాను రూ.1,300కే రైతు బజార్లలో విక్రయిస్తున్నారు. ఆధార్‌ కార్డు నంబరును అనుసంధా నం చేసి, 26 కిలోల బస్తా యూనిట్‌గా విక్రయించా లి. కిలో రూ.50 చొప్పున విడిగానూ విక్రయిస్తున్నా రు. ప్రస్తుతం మార్కెట్‌లో కిలో బియ్యం రూ.70 నుంచి రూ.100కుపైగా పలుకుతోంది. 26 కిలోల బస్తా బ్రాండ్‌ను బట్టి రూ.2,200కుపైగా ఉంది. ఇదే అదునుగా పలువురు వ్యాపారులు ఆధార్‌ కార్డులు సేకరించి, రైతు బజార్ల వద్ద ధరణి సన్నబియ్యం తరలించుకుపోయి, గ్రామాల్లో అధిక ధరలకు విక్రయించుకుంటున్నారు. ఒక్కొక్కరు ఒకేసారి మూ డు, నాలుగు బస్తాలు చొప్పున తీసుకెళ్తున్నారు. పేదలకు సరఫరా కావాల్సిన బియ్యాన్ని వ్యాపారులు తరలించుకుపోతున్నా సంబంధిత అధికారులు చోద్యం చూస్తున్నారన్న విమర్శలువినిపిస్తున్నాయి.

● మున్సిపాలిటీలో వైఎస్సార్‌సీపీ బలపడింది ● గెలిచిన ఓడిన కౌన్సిలర్లు, వైఎస్సార్‌సీపీ నాయకులతో.. మాజీ డిప్యూటీ సీఎం పీడిక రాజన్నదొర సమావేశంసాలూరు రూరల్‌: ఇటీవల జరిగిన మున్సిపల్‌ ఎన్నికల్లో మూడు పార్టీల కూటమితో ఎదురొడ్డి నిలిచి 13 కౌన్సిలర్‌ స్థానాలను సాధించామని మాజీ ఉపముఖ్యమంత్రి రాజన్న దొర అన్నారు. ఈ మేరకు గురువారం సాయంత్రం తన క్యాంప్‌ కార్యాలయంలో గెలిచిన, ఓడిన సభ్యులతో పాటు వైఎస్సార్‌సీపీ నాయకులతో సమావేశం ఏర్పాటు చేశారు. ఈ సందర్భంగా ఆయన వారిని ఉద్దేశించి మాట్లాడుతూ స్థానిక ఎన్నికల్లో కలిసికట్టుగా పనిచేసినప్పటికీ కొన్ని కారణాలవల్ల కాస్త వెనకబడ్డామని అయితే గౌరవప్రదంగా 13 వార్డులను వైఎస్సార్‌సీపీ గెలుచుకోవడం సంతోషకరమన్నారు. గత అసెంబ్లీ ఎన్నికల కంటే పార్టీకి ఓట్ల శాతం పెరిగిందని చెప్పారు. గత అసెంబ్లీ ఎన్నికల్లో మున్సిపాలిటీలో కూటమికి 12,000పై చిలుకు ఓట్ల మెజారిటీ వచ్చిందని ప్రస్తుతం మున్సిపల్‌ ఎన్నికల్లో మెజారిటీ 6000 పైచిలుకు తగ్గిందన్నారు. ఈ విషయంలో పార్టీ బలోపేతంగా ఉందన్నారు. పార్టీ నాయకులు కార్యకర్తలు అధైర్య పడకుండా ముందుకు వెళ్లాల్సిన అవసరం ఉందని పిలుపునిచ్చారు. రానున్న రోజుల్లో ప్రతి వార్డు నుంచి నాయకులను సంప్రదించి స్థానికంగా పార్టీ బలోపేతానికి కృషి చేస్తానని తెలిపారు. అలాగే డాక్టర్‌ శామ్యూల్‌ మాట్లాడుతూ చైర్‌పర్సన్‌ అభ్యర్థి రిబ్కా రాణి గెలుపు కోసం పనిచేసిన వైఎస్సార్‌సీపీ నాయకులు, కార్యకర్తలకు ధన్యవాదాలు తెలిపారు. ఓటమికి కారణాలు తెలుసుకుని రానున్న రోజుల్లో పార్టీ బలోపేతానికి కృషి చేయాల్సిన అవసరం ఉందని పార్టీ నాయకులను కోరారు. కార్యక్రమంలో వైఎస్సార్‌సీపీ పట్టణ అధ్యక్షుడు పుండరీకాక్షనాయుడు గెలిచిన కౌన్సిలర్లతో పాటు ఓడిన అభ్యర్థులు, నాయకులు కార్యకర్తలు పాల్గొన్నారు.

● ఎన్నికల అధికారులను కోరిన జెడ్పీటీసీ అభ్యర్థి దమలపాటి వీరఘట్టం: మండలంలోని గడగమ్మ పోలింగ్‌ కేంద్రంలో గురువారం జరిగిన పరిషత్‌ ఎన్నికల్లో కూటమి నాయకులు రిగ్గింగ్‌ చేశారని వైఎస్సార్‌సీపీ జెడ్పీటీసీ అభ్యర్థి దమలపాటి వెంకటరమణనాయుడు ఆరోపించారు. ఈ మేరకు గురువారం ఆయన విలేకరులతో మాట్లాడుతూ తాను గడగమ్మ పోలింగ్‌ కేంద్రాన్ని సందర్శించినప్పుడు వైఎస్సార్‌సీపీ పోలింగ్‌ ఏజెంట్లను బయటకు గెంటేసి కూటమి ఏజెంట్లు, నాయకులు రిగ్గింగ్‌కు పాల్పడ్డారని ఆవేదన వ్యక్తం చేశారు.రాష్ట్ర ఎన్నికల సంఘానికి తాను ఫిర్యాదు చేయనున్నట్లు తెలిపారు.తక్షణమే గడగమ్మలో జరిగిన పోలింగ్‌ విధానంపై కలెక్టర్‌ సీసీ కెమెరాలు తనిఖీ చేసి నిజానిజాలను చేల్చి ఈ పోలింగ్‌ కేంద్రంలో రీ–పోలింగ్‌ నిర్వహించాలని కోరారు. ఆయనతో పాటు విలేకరుల సమావేశంలో వైఎస్సార్‌సీపీ నాయకుడు కళింగ ప్రేమభూషణరావు సమావేశంలో ఉన్నారు.

బొబ్బిలిరూరల్‌: మండలంలోని పిరిడి, చింతాడ, అలజంగి, తదితర గ్రామాల్లో అధికార, విపక్ష పార్టీల కార్యకర్తల మధ్య వాగ్వాదాలు చోటు చేసుకున్నాయి. సీఐ కె.నారాయణరావు, ఎస్‌ఐ లోవరాజు, మరికొంతమంది సిబ్బంది కేవలం పక్కి గ్రామంలోని జెడ్పీహెచ్‌ స్కూల్‌లో జరిగిన కేంద్రానికే పరిమితం కాగా పోలీసులను మోహరించి అధికార పార్టీకి అనుకూలంగా ఓటు వేయాలన్న అభిప్రాయాన్ని కల్గించారన్న విమర్శలు గ్రామంలోని ఓటర్ల నుంచి వినిపించాయి. కలవరాయి జెడ్పీహెచ్‌ స్కూల్‌లో పోలింగ్‌ బూత్‌లలోకి ఇద్దరేసి చొప్పున పంపి ఏ గుర్తుకు ఓటు వేయాలో ప్రొసీడింగ్‌ ఆఫీసర్‌ శ్రీనివాసరావు అవగాహన కల్పిస్తున్న దృశ్యాలు కనిపించాయి.

బొబ్బిలి: అధికారపార్టీ నిర్వహించిన ఎన్నికల్లో అక్రమాలు, అవకతవకలు జరుగుతున్నాయా? అంటే అవుననే సమాధానం వినిపిస్తోంది. బొబ్బిలి మండలం అలజంగిలో ఎంపీటీసీ, జెడ్పీటీసీ ఎన్నికల బ్యాలెట్‌ బాక్సులన్నింటినీ ఒకేసారి తరలించకుండా రెండు బాక్సులు ఉంచేయడంపై ఓటర్లు ఆందోళన వ్యక్తంచేశారు. ఐదు బాక్సుల్లో మూడింటిని బస్సులో ఎక్కించి కొంత దూరం వెళ్లిపోవడం, ఓటర్ల ఆందోళన తర్వాత మిగిలిన రెండు బాక్సులను బస్సులో ఎక్కించడం అనుమానాలకు తావిచ్చింది. ఏం జరుగుతోందని గ్రామస్తులు పలువురు ప్రశ్నించారు. బస్సుకు అడ్డంగా నిల్చొని ఆందోళన చేశారు. అన్ని బాక్సులను ఒకేసారి పోలింగ్‌ కేంద్రానికి ఎందుకు తీసుకెళ్లలేదని నిలదీశారు. విషయం తెలుసుకున్న పోలీసులు గ్రామానికి చేరుకుని సర్దిచెప్పారు. ఈ విషయమై రిటర్నింగ్‌ అధికారిని ప్రశ్నించగా తన దృష్టికి రాలేదని, కనుక్కుంటానన్నారు.

సాలూరు: ఆంధ్ర రాష్ట్ర ప్రభుత్వం నిర్వహిస్తున్న పరిషత్‌ ఎన్నికలకు సంబంధించి వివాదాస్పద ఆంధ్రా, ఒడిశా కొఠియా గ్రూప్‌ గ్రామాల పోలింగ్‌ విషయంలో ఓటరు గెలవగా, ఓటింగ్‌ జరగకుండా విశ్వప్రయత్నాలు చేసిన ఒడిశా ప్రభుత్వం ఓడిందా అంటే అవుననే భావన కలుగుతోంది. కొఠియా గ్రూప్‌ 21 గ్రామాల ఓటర్లు ఆంధ్రా ఎన్నికల్లో పాల్గొనకుండా ఉండేందుకు ఒడిశా ప్రభుత్వం శాయశక్తులా ప్రయత్నించింది. నేరెళ్లవలస పోలింగ్‌ కేంద్రం వద్ద ఎన్నికల నిర్వహణ జరగకుండా ఒడిశా అధికారులు అడ్డుకున్నారు.అంతటితో ఆగకుండా కొఠియా గ్రామాల్లో పోలీసులను మోహరించి గ్రామస్తుల వాహనాలను సీజ్‌చేసి వీలైనంత వరకు పోలింగ్‌లో పాల్గొనకుండా అడ్డుకునే ప్రయత్నాలు చేశారు. బూత్‌ల వారిగా పోలింగ్‌ ఇలా.. కొఠియా గ్రూప్‌ 21 గ్రామాలకు సంబంధించి 5 ఎంపీటీసీ స్థానాలకు గిరిజన ప్రజలు తమ ఓటు హక్కును వినియోగించుకున్నారు. సారిక పీఎస్‌ 10లో 50.40 శాతం, కురుకుట్టి పీఎస్‌ 13లో 73.69, నేరెళ్లవలస పీఎస్‌ 8లో 31.58 శాతం, పగులుచెన్నేరు పీఎస్‌ 7లో 42.43, పట్టుచెన్నేరు పీఎస్‌ 4లో 47.69 శాతం ఓటింగ్‌ నమోదైంది. జగన్‌మోహన్‌రెడ్డి పాలనతో ఆకర్షితులైన కొఠియా ప్రజలు గత వైఎస్సార్‌సీపీ ప్రభుత్వంలో వైఎస్‌జగన్‌మోహన్‌రెడ్డి పాలనలో అందించిన సంక్షేమ,అభివృద్ధి పాలనతో కొఠియా గ్రామాల ప్రజలు ఆంధ్రా వైపు మరింత ఆకర్షితమయ్యారు. ఇప్పటికే ఒడిశాలో ఉన్న ప్రజలు కూడా మా తాతలు ఆంధ్రాలో ఉండేవారని, తమను ఆంధ్రాలో కలపాలని ఆందోళనలు చేసిన పరిస్థితులు ఉన్నాయి. ఈ విధంగా ఆంధ్రావైపు ఆకర్షితులైన కొఠియా గ్రామాల ప్రజలను అడ్డుకోవాలని ఒడిశా ప్రభుత్వం తరచూ ప్రయత్నిస్తోంది. గత వైఎస్సార్‌సీపీ ప్రభుత్వంలో నాటి స్థానిక ఎమ్మెల్యే పీడిక రాజన్నదొర ఎప్పటికప్పుడు ఒడిశా చర్యలకు దీటుగా సమాధానం ఇస్తూ కొఠియా గ్రామాలపై ఆంధ్రా పట్టును కొనసాగించారు. కూటమి ప్రభుత్వం వచ్చిన తరువాత పరిస్థితి మారింది. కొఠియా గ్రామాలపై ఒడిశా పట్టు పెంచుకుంటూ వచ్చింది. కొఠియా ప్రజలు ఓటు వేయకుండా ఉండేందుకు విశ్వప్రయత్నాలుచేసిన ఒడిశా ప్రభుత్వం తగ్గేదేలే అంటూ ఓటింగ్‌లో పాల్గొన్న కొఠియా ప్రజలు కలెక్టర్‌ ప్రత్యేక చొరవతో.. కొఠియా గ్రామాల విషయంలో కలెక్టర్‌ డా.ఎన్‌.ప్రభాకరరెడ్డి ఆధ్వర్యంలో అధికార యంత్రాంగం ప్రత్యేక చర్యలు చేపట్టింది. స్థానిక నాయకుల సహకారంతో కొఠియా గ్రామాల గిరిజనులు అటవీమార్గాల గుండా ఒడిశా అధికారులు, పోలీసులకు తెలియకుండా మైదాన ప్రాంతాలకు చేరుకున్నారు. జరుగుతున్న పరిణామాలను ఎప్పటికప్పుడు నిశితంగా పర్యవేక్షిస్తున్న కలెక్టర్‌ కొఠియా గ్రామాల ప్రజలు ఓటింగ్‌లో పాల్గొనేలా చాకచక్యంగా వ్యవహరించారు. మైదాన ప్రాంతాలకు ముందురోజే చేరిన ఓటర్లకు ఉండడానికి వసతి సౌకర్యం కల్పించేలా చర్యలు చేపట్టారు.

భువనేశ్వర్‌: ఒడిశా పరిపాలనా రాజధాని భువనేశ్వర్‌, ఆధ్యాత్మిక రాజధాని పూరీ మధ్య రాకపోకలు మరింత వేగవంతం కానున్నాయి. రద్దీతో సతమతమవుతున్న జాతీయ రహదారి – 316ను భారీస్థాయిలో విస్తరణకు ప్రతిపాదించిన ప్రాజెక్టుకు ప్రాథమిక పనులు ప్రారంభమయ్యాయి. దీనిలో భాగంగా హైవే వెంబడి కీలక ప్రాంతాల్లో మట్టి పరీక్షలు చేపట్టారు. ప్రాజెక్టు పూర్తయితే భువనేశ్వర్‌ – పూరీ మధ్య ప్రయాణ సమయం సుమారు 45 నిమిషాలకు తగ్గే అవకాశం ఉంది. దీంతో నిత్య ప్రయాణికులు, భక్తులు, పర్యాటకులకు వేగవంతమైన, నిరాటంక రవాణా సౌకర్యం అందుబాటులోకి రానుంది. 12 కిలోమీటర్ల ఎలివేటెడ్‌ కారిడార్‌ ప్రతిపాదిత ప్రణాళికలో భువనేశ్వర్‌ నగర పరిధిలోని లింగిపూర్‌ స్క్వేర్‌ వరకు సుమారు 12 కిలోమీటర్ల పొడవైన యాక్సెస్‌ కంట్రోల్డ్‌ ఎలివేటెడ్‌ కారిడార్‌ను ఏర్పాటు చేయనున్నారు. ఇందులో ఆరు ఎలివేటెడ్‌ లేన్లు, ఆరు సర్వీస్‌ లేన్లు ఉండేలా ప్రణాళిక రూపొందించారు. అంటే ఈ ప్రాంతంలో మొత్తం 12 లేన్ల రవాణా కారిడార్‌ అందుబాటులోకి రానుంది. లింగిపూర్‌ నుంచి పూరీ వరకు ఆరు లేన్ల ప్రధాన హైవేతో పాటు ఇరువైపులా రెండేసి చొప్పున నాలుగు సర్వీస్‌ లేన్లు ఏర్పాటు చేయాలని ప్రతిపాదించారు. దీంతో ఈ మార్గం మొత్తం 10 – లేన్ల రవాణా కారిడార్‌గా అభివృద్ధి చెందనుంది. రద్దీ ప్రాంతాలకు శాశ్వత పరిష్కారం 66 కిలోమీటర్ల పూరీ – భువనేశ్వర్‌ మార్గంలో ప్రస్తుతం నాలుగు లేన్ల రహదారిపై భారీగా ట్రాఫిక్‌ రద్దీ ఏర్పడుతోంది. ముఖ్యంగా పిప్పిలి టోల్‌గేట్‌, సత్తొసొంఖా మార్కెట్‌, మాలతీపత్‌పూర్‌ ప్రాంతాల్లో తరచూ వాహనాలు నిలిచిపోవడంతో ప్రయాణికులు గంటల తరబడి ఇబ్బందులు పడుతున్నారు. అయితే రోడ్డు విస్తరణతో పాటు ఎలివేటెడ్‌ కారిడార్‌, సర్వీస్‌ రోడ్లు అందుబాటులోకి వస్తే ఈ సమస్యకు శాశ్వత పరిష్కారం లభించే అవకాశముంది. పర్యాటకులు, భక్తులకు భారీ ఊరట ప్రపంచ ప్రఖ్యాత జగన్నాథ క్షేత్రమైన పూరీకి ఏడాది పొడవునా భారీ సంఖ్యలో భక్తులు, పర్యాటకులు వస్తుంటారు. ముఖ్యంగా రథయాత్ర, సున్నాబేష వంటి ప్రధాన ఉత్సవాలు, వారాంతాల్లో భక్తుల రద్దీ మరింత పెరుగుతుంది. ఈ సమయంలో భువనేశ్వర్‌ – పూరీ మార్గంలో ఏర్పడే ట్రాఫిక్‌ జామ్‌ల కారణంగా ప్రయాణ సమయం గణనీయంగా పెరుగుతోంది. కొత్త కారిడార్‌ అందుబాటులోకి వస్తే పూరీకి చేరుకునే సమయం తగ్గడంతో పాటు పర్యాటకుల ప్రయాణ అనుభవం మెరుగుపడనుంది. భువనేశ్వర్‌లో విమానాశ్రయం, రైల్వే తదితర రవాణా సదుపాయాలను వినియోగించుకునే పర్యాటకులకు పూరీ చేరుకోవడం మరింత సులభతరం కానుంది. మార్గమధ్యలో సౌకర్యాలు రహదారి విస్తరణలో కేవలం వాహనాల వేగం, సామర్థ్యానికే కాకుండా యాత్రికులు, పర్యాటకుల సౌకర్యాలకూ ప్రాధాన్యం ఇవ్వనున్నారు. రహదారి వెంట మరుగుదొడ్లు, విశ్రాంతి తదితర ప్రజా సౌకర్యాలను ఏర్పాటు చేయాలని ప్రతిపాదించారు. అవసరాన్ని బట్టి కొన్ని ప్రాంతాల్లో రహదారి విస్తరణను ఎనిమిది లేన్ల వరకు పెంచే అవకాశాన్ని కూడా పరిశీలిస్తున్నారు. పిప్పిలి ప్రసిద్ధ చందువా అప్లిక్‌ కళ, స్థానిక ఉత్పత్తులు, సంప్రదాయ చేతివృత్తులను ప్రోత్సహించేలా మార్గమధ్యంలో ప్రత్యేక సౌకర్యాలు కల్పించనున్నారు. దీంతో రవాణా మౌలిక సదుపాయాల అభివృద్ధితో పాటు స్థానిక కళలు, హస్తకళలు, పర్యాటక రంగానికీ కొత్త అవకాశాలు ఏర్పడనున్నాయి. రహదారి భద్రతకు ప్రాధాన్యం ప్రయాణ సమయాన్ని తగ్గించడం, ట్రాఫిక్‌ రద్దీని నియంత్రించడంతో పాటు రహదారి భద్రతను మెరుగుపరచడం కూడా ప్రాజెక్టు ప్రధాన లక్ష్యాల్లో ఒకటి. ప్రస్తుతం రద్దీ, వాహనాల అధిక ఒత్తిడి కారణంగా తరచూ చోటుచేసుకునే ప్రమాదాలను తగ్గించేందుకు విస్తృత రహదారి, సర్వీస్‌ లేన్లు, నియంత్రిత ప్రవేశ మార్గాలు దోహదపడనున్నాయి. భువనేశ్వర్‌ – పూరీ అనుసంధానాన్ని వేగవంతం చేసే ఈ అధిక సామర్థ్యం, అధిక వేగం కలిగిన కారిడార్‌ కేవలం రవాణా ప్రాజెక్టుగా కాకుండా ప్రాంతీయ ఆర్థిక అభివృద్ధికి కీలక మౌలిక సదుపాయంగా పరిగణిస్తున్నారు. ప్రతిపాదిత భువనేశ్వర్‌ – కటక్‌ – పూరీ – పారాదీప్‌ మెట్రోపాలిటన్‌ ప్రాంత అభివృద్ధికి ఇది మరింత బలం చేకూర్చనుంది. పూరీ నీలి ఆర్థిక వ్యవస్థ, పర్యాటకం, స్థానిక వాణిజ్య కార్యకలాపాలకు కూడా ఊతమిస్తుందని భావిస్తున్నారు. పరిపాలనా రాజధాని భువనేశ్వర్‌ను ఆధ్యాత్మిక రాజధాని పూరీతో మరింత వేగంగా, సురక్షితంగా అనుసంధానించే ఈ ప్రాజెక్టు పూర్తయితే ఒడిశా రవాణా మౌలిక సదుపాయాల్లో కీలక మార్పునకు నాంది పలికే అవకాశం ఉంది.

విజయనగరం కల్చరల్‌ (క్రైమ్‌): పైడితల్లి అమ్మవారి జాతర సందర్భంగా భక్తులు సమర్పించిన కానుకులను చదురుగుడిలో గురువారం లెక్కించారు. మొత్తం 19 రోజులకు చదురుగుడిలోని హుండీల నుంచి రూ. 52,58,515లు, బంగారం 43.200 గ్రాములు, వెండి 332 గ్రామాలు వచ్చినట్టు ఆలయ ఈఓ శిరీష తెలిపారు. లెక్కింపులో 62 మంది సేవకులు పాల్గొన్నారు. లెక్కింపును రామతీర్దం దేవదాయ అసిస్టెంట్‌ కమిషనర్‌ శ్రీనివాసరావు పర్యవేక్షించారు. స్ట్రాంగ్‌ రూమ్‌లను తనిఖీ చేసిన జేసీ విజయనగరం రూరల్‌: జేఎన్‌టీయూలో ఏర్పాటు చేసిన స్ట్రాంగ్‌రూమ్‌లు, రిసెప్షన్‌సెంటర్లను జాయింట్‌ కలెక్టర్‌ ఎస్‌.సేతుమాథవన్‌ గురువారం రాత్రి ఆకస్మికంగా తనిఖీ చేశారు. పరిషత్‌ ఎన్నికల పోలింగ్‌ ప్రక్రియ ముగిసిన అనంతరం కేంద్రాల నుంచి బ్యాలెట్‌ బాక్సులను స్ట్రాంగ్‌ రూమ్‌లకు తరలిస్తున్న తీరును ఆయన పరిశీలించారు. బ్యాలెట్‌ బాక్సుల భద్రతపై అఽధికారులకు పలు సూచనలు చేశారు. పటిష్ట భద్రతా ఏర్పాట్లుచేయాలని పోలీస్‌ సిబ్బందిని ఆదేశించారు. 24 గంటల పాటు నిరంతరం కట్టుదిట్టమైన కాపలా ఉండాలని, సీసీ కెమెరాల ద్వారా నిఘా ఉంచాలని సూచించారు. కార్యక్రమంలో పలువురు రెవెన్యూ, పోలీస్‌ ఉన్నతాధికారులు, ఎన్నికల సిబ్బంది పాల్గొన్నారు.

● పోలింగ్‌ బూత్‌ల వద్ద విద్యుత్‌ అంతరాయం బొబ్బిలిరూరల్‌: స్థానిక సంస్థల ఎన్నిల నేపథ్యంలో ఓట్లు వినియెగించుకునేందుకు వచ్చిన ఓటర్ల ఓ కారు ప్రమాదంలో కారాడ గ్రామ సమీపంలో విధ్యుత్‌ స్తంభాన్ని ఢీకొని బోల్తా పడింది. దీంతో ఈ ప్రభావం కారాడ, అలజంగి గ్రామాల్లోని పోలింగ్‌ బూత్‌లపై పడింది. విద్యుత్‌ సరఫరా నిలిచిపోవడంతో పోలింగ్‌ కేంద్రాల్లో చీకటి అలుముకుంది. అయినా పూర్తిస్థాయిలో ఓటర్ల తమ ఓటు హక్కు వినియెగించుకున్నారని, జనరేటర్ల సహాయంతో విద్యుత్‌ను పునరుద్ధరించామని ఆర్‌ఓ మురళీనాథ్‌, ట్రాన్స్‌కో ఏఈ సాంబశివరావు తె లియ జేశారు. కాగా ప్రమాదానికి గురైన వ్యక్తులు ఎవరూ తమకు ఫిర్యాదు చేయలేదని సీఐ నారాయణరావు తెలిపారు. విరిగిపడిన కొండ చరియలు మల్కన్‌గిరి: మురసు తుఫాన్‌ ప్రభావం మల్కన్‌గిరి జిల్లా మత్తిలి సమితి నాయిక్‌గూడ పంచాయతీలో కనిపించింది. గత మూడు రోజులుగా కురుస్తున్న భారీ వర్షాల కారణంగా పురిగూడ కొండపై కొండచరియలు విరిగిపడి మట్టిపెళ్లలు, భారీ బండరాళ్లు కొండపై నుంచి కింద దొర్లిపడ్డాయి. గురువారం భారీ శబ్ధంతో రెండు బండరాళ్లు ఒకదానికొకటి ఢీకొనడంతో దుమ్ము వ్యాపించింది. వరుసగా పెద్దపెద్ద రాళ్లు కొండపై నుంచి కిందకిపడ్డాయి. ఈ ఘటనతో పురిగూడ గ్రామస్తులు తీవ్ర భయాందోళనకు గురయ్యారు. ప్రాణాలు కాపాడుకునేందుకు గ్రామస్తులు పరుగులు తీస్తూ సురక్షిత ప్రాంతాలకు వెళ్లిపోయారు. గ్రామం కొండ దిగువన ఉండడంతో ఈ ఘటన అనంతరం ప్రజల్లో తీవ్ర భయాందోళనలు నెలకొన్నాయి. అదృష్టవశాత్తు ఈ కొండచరియలు విరిగిపడిన ఘటనలో ఎలాంటి ప్రాణనష్టం, ఆస్తినష్టం జరగలేదు. రాయగడ: రోడ్డు ప్రమాదంలో ఒక యువకుడు దుర్మరణం పాలైన ఘటన జిల్లాలోని బిసంకటక్‌లో చోటు చేసుకుంది. మృతుడు సమితిలోని బారిగుడ గ్రామానికి చెందిన నరి టక్రి (22)గా గుర్తించారు. సమా చారం తెలుసుకున్న పోలీసులు సంఘటన స్థలానికి చేరుకొని మృతదేహాన్ని స్వాదీనం చేసుకుని పోస్టుమార్టంకు తరలించారు. మంగళవారం సాయంత్రం చోటు చేసుకున్న ఈ ఘటనకు సంబంధించి పోలీసులు తెలియజేసిన వివరాల ప్రకారం ఆవులను తరలిస్తున్న ఒక పికప్‌ వ్యాన్‌ , ద్విచక్ర వాహనం ఎదురెదురుగా ఢీకొన్న ఘటనలో ఈ ప్రమాదం జరిగింది. మృతుడు తీవ్రగాయాలకు గురికావడంతో అక్కడికక్కడే మృతి చెందాడు. బిసంకటక్‌ నుంచి రాయగడ వైపు ఆవులను ఒక వ్యాన్‌లో తరలిస్తుండగా అదే సమయంలో ఎదురుగా వస్తున్న బైకుపై వస్తున్న యువకుడిని వ్యాన్‌ అదుపుతప్పి బలంగా ఢీకొంది. ఈ మేరకు పోలీసులు కేసు నమోదు చేసి దర్యాప్తు చేస్తున్నారు.

అందుబాటులో ఉంటాయని డీపీటీసీ అధికారిణి వరలక్ష్మి పేర్కొన్నారు. ఈ సౌకర్యం పొందాలనుకునే భక్తులు ఫోన్‌ 7382924103 నంబరును సంప్రదించాలని సూచించారు. శ్రీశైలానికి కార్తీక మాసమంతా బస్సులు శ్రీ భ్రమరాంబ మల్లికా ర్జున స్వామివారిని దర్శించుకోవాలనుకునే భక్తుల కోసం కార్తీక మాసం మొత్తం శ్రీశైలం క్షేత్రానికి ప్రత్యేక బస్సులు నడుపుతున్నామన్నారు. విజయనగరం బస్టాండ్‌ నుంచి మధ్యాహ్నం 2 గంటలకు బయలుదేరే సూపర్‌ లగ్జరీ బస్సు మూడో రోజు ఉదయం 10 గంటలకు తిరిగి విజయనగరం చేరుకుంటుదన్నారు. విజయనగరం నుంచి శ్రీశైలానికి ఒక్కొక్కరికి ఒకవైపు ప్రయాణానికి రూ.1,340 టికెట్‌ ధరగా నిర్ణయించారు. పంచారామాలు, శ్రీశైలం యాత్రలకు సంబంధించిన టికెట్లను aprtc.onine.in వెబ్‌సైట్‌తో పాటు విజయనగరం బస్టాండ్‌లోని రిజర్వేషన్‌ కౌంటర్‌లోనూ బుక్‌ చేసుకోవచ్చు. ఆయా బస్సుల్లో ప్రయాణికుల సంఖ్య సరిపడా ఉంటే, ప్రకటించిన ధరలకే కోరిన ఇతర తేదీల్లోనూ ప్రత్యేక బస్సులు ఏర్పాటు చేస్తామని డీపీటీటీఓ అధికారిణి వరలక్ష్మి స్పష్టం చేశారు. మరిన్ని వివరాలకు సిస్టమ్‌ సూపర్‌వైజర్‌ ఫోన్‌ 9440359596, అసిస్టెంట్‌ మేనేజర్‌ (ట్రాఫిక్‌) ఫోన్‌ 7382924103, డిపో మేనేజర్‌ ఫోన్‌ 9959225620 నంబర్లను సంప్రదించాలని సూచించారు.విజయనగరం క్రైమ్‌: కార్తీక మాసాన్ని పురస్కరించుకుని శైవ క్షేత్రాల సందర్శనకు వెళ్లే భక్తుల సౌకర్యార్థం ఏపీఎస్‌ఆర్టీసీ విజయనగరం డిపో ప్రత్యేక బస్సులను ఏర్పాటు చేసింది. పంచారామాలు, శబరిమల, శ్రీశైలం క్షేత్రాలకు ప్రత్యేక సర్వీసులు నడపనున్నట్లు జిల్లా ప్రజా రవాణా అధికారి వరలక్ష్మి బుధవారం తెలిపారు. భక్తులు ముందస్తుగా టికెట్లు రిజర్వేషన్‌ చేసుకుని ఈ అవకాశాన్ని వినియోగించుకోవాలని సూచించారు. ఒకే యాత్రలో ఐదు పంచారామ క్షేత్రాలైన అమరావతి, భీమవరం, పాలకొల్లు, ద్రాక్షారామం, సామర్లకోటలను దర్శించుకునేలా ప్రత్యేక ప్యాకేజీని అందుబాటులోకి తీసుకొచ్చారు. నవంబర్‌ 15, 22, 29, డిసెంబర్‌ 6 తేదీల్లో (ఆదివారం) సాయంత్రం 4 గంటలకు విజయనగరం బస్టాండ్‌ నుంచి బస్సులు బయలుదేరుతాయి. సోమవారం పంచారామ క్షేత్రాల దర్శనం అనంతరం తిరుగు ప్రయాణమై మంగళవారం ఉదయం 6 గంటలకు విజయనగరం చేరుకుంటాయి. సూపర్‌ లగ్జరీ బస్సులో ఒక్కొక్కరికి రూ.2,000, అల్ట్రా డీలక్స్‌ బస్సులో రూ.1,950 టికెట్‌ ధరగా నిర్ణయించారు. శబరిమలకు కోరిన తేదీల్లో బస్సులు అయ్యప్ప స్వామి మాలధారణ చేసిన భక్తుల కోసం వారు కోరిన తేదీల్లో శబరిమలకు ప్రత్యేక బస్సులు ఏర్పాటు చేయనున్నారు. 38 సీట్ల సెమీ పుష్‌బ్యాక్‌ బస్సులు విజయనగరం డిపో నుంచి సర్వీసులు భక్తుల సౌకర్యార్థం ఏపీఎస్‌ ఆర్టీసీ ఏర్పాట్లు టికెట్ల రిజర్వేషన్‌ ప్రారంభం

పార్వతీపురం రూరల్‌: ఎన్నికల వేళ ప్రాజెక్టులను పరుగులు పెట్టిస్తామని, ఆయకట్టుకు నీళ్లందిస్తామని పలికిన ప్రగల్భాలు అధికార పీఠం ఎక్కగానే నీటి మూటలుగానే మిగిలిపోయాయి. అరశతాబ్దపు సుదీర్ఘ నిరీక్షణకు ఈసారైనా తెరపడుతుందని ఆశించిన జంఝావతి ఆయకట్టు రైతుల ఆశలపై కూటమి పాలకుల నిర్లక్ష్యం మరోసారి నీళ్లు చల్లుతోంది. త్రిముఖంగా మిత్రపక్ష ప్రభుత్వాలే ఉన్నా.. పాలకుల్లో చలనం లేకపోవడం, ఇచ్చిన హామీలను గాలికొదిలేయడంపై ఉత్తరాంధ్ర రైతాంగం తీవ్ర ఆగ్రహం వ్యక్తం చేస్తోంది. హామీలు ఇచ్చారు.. పట్టించుకోవడం మరిచారు.. కేంద్రంలో, పొరుగున ఉన్న ఒడిశాలో, అలాగే రాష్ట్రంలోనూ ఒకే కూటమి అధికారంలో ఉంది. ఈ సానుకూల వాతావరణాన్ని ఉపయోగించుకుని, ముఖ్యమంత్రి స్థాయిలో చొరవ తీసుకుంటే దశాబ్దాల అంతర్రాష్ట్ర వివాదం ఇట్టే పరిష్కారమవుతుంది. ఎన్నికల ప్రచారంలో కూటమి నాయకులు ఇదే విషయాన్ని నొక్కి చెప్పారు. కానీ, తీరా అధికారంలోకి వచ్చాక ఏపీ నాయకత్వం జంఝావతి ఊసే ఎత్తడం లేదు. ఉత్తరాంధ్రకు చెందిన కీలక ప్రజాప్రతినిధులు సైతం ఈ అంతర్రాష్ట్ర వివాదాన్ని పరిష్కరించి, ప్రాజెక్టుకు నిధులు రాబట్టడంలో మీనమేషాలు లెక్కిస్తుండడం ప్రభుత్వం ఉదాసీనతకు అద్దం పడుతోంది. ఒడిశాతో తేలని పంచాయితీ జంఝావతి ప్రాజెక్టు పూర్తిస్థాయిలో నిండాలంటే ఒడిశా పరిధిలోని 1,175 ఎకరాల భూమి ముంపునకు గురవుతుంది. భూసేకరణ, పరిహారం వ్యవహారంపై సరైన చొరవ చూపకపోవడంతో వివాదం మొదటికొస్తోంది. పూర్తిస్థాయి డ్యామ్‌ నిర్మాణం లేక తాత్కాలికంగా ఏర్పాటు చేసిన రబ్బరు డ్యామ్‌తో కేవలం 0.6 టీఎంసీల నీరు మాత్రమే నిల్వ అవుతోంది. ప్రాజెక్టు అసలు సామర్థ్యం 4 టీఎంసీలు కాగా, సరిహద్దు వివాదాలతో అపారమైన జలసంపద వృథా అవుతోంది. చుక్కనీరు లేక.. వలస బాటలో పల్లెలు ప్రాజెక్టు పరిధిలోని 23 కిలోమీటర్ల ప్రధాన, డిస్ట్రిబ్యూటరీ కాలువలు పూడికతో నిండిపోయాయి. కాలువలు బాగుచేస్తే.. వలసలు ఆగుతాయి.. ప్రాజెక్టు కాలువలు పూడికలతో నిండిపోయాయి. చుక్క నీరు రాక 25 వేల ఎకరాల ఆయకట్టు బీడువారుతోంది. పచ్చని పొలాలు ఎండిపోతుంటే తట్టుకోలేక మా పిల్లలు పట్టణాలకు వలసపోతున్నారు. యుద్ధప్రాతిపదికన కాలువల ఆధునికీకరణ చేపట్టి, చివరి ఎకరాకూ నీరు అందిస్తే మా సొంతూళ్లలోనే వ్యవసాయం చేసుకుని బతుకుతాం. – పల్లె రాజగోపాల్‌ నాయుడు/ జంఝావతి సాధన సమితి సభ్యుడుపరిష్కారానికి అవకాశం ఉంది కేంద్రం, ఏపీ, ఒడిశాలో అనుకూల ప్రభుత్వాలున్నాయి. ముఖ్యమంత్రులు చొరవ తీసుకుని 1,175 ఎకరాల భూసేకరణ వివాదాన్ని సామరస్యంగా పరిష్కరించాలి. అసంపూర్తిగా ఉన్న జంఝావతి ప్రాజెక్టును పూర్తిస్థాయిలో నిర్మిస్తే రైతులకు కొంత సాగు నీటికి ఆసరాగా ఉంటుంది. – మాలతి కృష్ణ మూర్తి నాయుడు/ చెరువుల పరిరక్షణ సమితి అధ్యక్షుడునిర్లక్ష్యంతో రబ్బరు డ్యామ్‌తో ప్రయోజనం శూన్యం పాలకుల నిర్లక్ష్యంతో రబ్బరు డ్యామ్‌తో కేవలం 0.6 టీఎంసీల నీరు మాత్రమే నిల్వ అవుతోంది. అసలు సామర్థ్యం 4 టీఎంసీలున్నా ముంపు సమస్యల వల్ల పూర్తిగా వినియోగించుకోలేకపోతున్నాం. ఒడిశాతో చర్చలు ముగించి పరిహారం చెల్లిస్తే.. ప్రాజెక్టు కల సాకారమవుతుంది. జంఝావతి స్వచ్ఛమైన జలాలు మాకందించాలి. – నెల్లి లక్ష్మునాయుడు /రైతు పెదగుడబనిధులు కేటాయించి ఆదుకోవాలి.. 44 రోజులుగా మేము దీక్షలు చేస్తోంది పదవుల కోసం కాదు. రైతుల పొలాలకు నీటి కోసమే. ఇతర ప్రాజెక్టులకు నిధులు కేటాయించినట్లుగానే.. జంఝావతి పెండింగ్‌ డీప్‌కట్‌ పనులకు, ఒడిశా పరిహారానికి ప్రత్యేక నిధులు మంజూరు చేయాలి. ఈ ప్రాంత రైతుల కన్నీటి వ్యథను అర్థం చేసుకుని ప్రాజెక్టును త్వరగా పూర్తి చేయాలి. – చుక్కా పారినాయుడు/ రైతు, రిటైర్డ్‌ ప్రధానోపాధ్యాయుడుదశాబ్దాలుగా మరమ్మతులు లేక అధ్వానంగా మారడంతో ఉన్న కొద్దిపాటి నీరు కూడా చివరి ఆయకట్టుకు చేరడం లేదు. ఫలితంగా పార్వతీపురం, కొమరాడ, కురుపాం, సీతానగరం మండలాల్లోని 25 వేల ఎకరాల ఆయకట్టు బీడుగా మారుతోంది. చేతికొచ్చిన పంటలు కళ్లెదుటే ఎండిపోతూ..ఉపాధి కరువవడంతో ఈ ప్రాంత యువత, రైతులు పొట్టచేత పట్టుకుని హైదరాబాద్‌ తదితర ప్రాంతాలకు వలస వెళ్తున్నారు. ప్రభుత్వం మేల్కోవాలి జంఝావతి పెండింగ్‌ డీప్‌ కట్‌ పనులకు, ఒడిశా పరిహారానికి రూ.250–300 కోట్లు ప్రభుత్వం ఎందుకు కేటాయించలేకపోతోందని అన్నదాతలు నిలదీస్తున్నారు. 75 గ్రామాల రైతులు ఏకమై 44 రోజులుగా పార్వతీపురం కలెక్టరేట్‌ వద్ద ‘జంఝావతి సాధన దీక్షలు’ చేస్తున్నా పాలకుల గుండె కరగకపోవడం శోచనీయం. ఇప్పటికై నా ప్రభుత్వం మేల్కొని, ఎన్నికల్లో ఇచ్చిన హామీని నిలబెట్టుకుంటూ ఒడిశాతో చర్చలు ముగించి కాలువల ఆధునికీకరణ, డ్యామ్‌ నిర్మాణాన్ని యుద్ధప్రాతిపదికన పూర్తి చేయాలని రైతులు డిమాండ్‌ చేస్తున్నారు. 44 రోజుల ఆక్రందన 75 గ్రామాల గోడు.. కుటమి పాలకుల చెవికి ఎక్కేదెన్నడు? సాగునీటికి ఉరికొయ్యగా సరిహద్దు పంచాయితీ.. జిల్లాలో మండుతున్న జంఝావతి సాధన నిరసన సెగలు

చికెన్‌విజయనగరం టౌన్‌: అమృత్‌ భారత్‌ స్టేషన్‌ స్కీమ్‌ పనుల పురోగతిని దక్షిణ తీర రైల్వే జనరల్‌ మేనేజర్‌ సందీప్‌ మాధుర్‌ బుధవారం స్వీయ పర్యవేక్షణ చేశారు. మౌలికసదుపాయాల అభివృద్ధి, ప్రయాణికుల సౌకర్యాలు, కార్యాచరణ, భద్రత ఏర్పాట్లపై అధికారులతో సమీక్ష చేశారు. విశాఖపట్నం, విజయనగరం, కంటకాపల్లి సెక్షన్‌లలో విస్తృతమైన తనిఖీలు చేశారు. డీఆర్‌ఎం లలిత్‌ బోహ్రాతో కలిసి మెరుగైన ప్రయాణికుల సౌకర్యాలు, లైన్‌ సామర్థ్యం, సురక్షితమైన రైలు కార్యకలాపాలపై ప్రత్యేకంగా దృష్టి సారించారు. అనంతరం బొబ్బిలి రైల్వేస్టేషన్‌, యార్డ్‌ తనిఖీ చేసి, స్టేషన్‌ సౌకర్యాలు పరిశీలించారు. ఉద్యోగుల సంక్షేమంకోసం బొబ్బిలి రైల్వేస్టేషన్‌లో కొత్తగా నిర్మించిన మహిళా సిబ్బంది విశ్రాంతి గదిని మహిళా ఉద్యోగితో ప్రారంభించారు. గొట్లాం బైపాస్‌ రైల్వే లైన్‌ నిర్మాణ పనుల పురోగతిని, అనుబంధ మౌలిక సదుపాయాలను సమీక్షించారు. కంటకాపల్లిలో ప్రతిపాదిత కొత్త రైల్వే సైడింగ్‌ పనులను సమీక్షించి అల్ట్రాటెక్‌ సిమెంట్‌ ప్రతినిధులతో చర్చలు జరిపారు. రైలు ఆధారిత సరుకు రవాణాను బలోపేతం చేయడం, లాజిస్టిక్స్‌ సామర్థ్యాన్ని మెరుగుపర్చేందుకు, వస్తువుల నిరాటంకమైన రవాణాను సులభతరం చేయడంపై దృష్టిసారించి, ప్రాజెక్ట్‌ పురోగతి, మౌలిక సదుపాయాల అవసరాలు, కార్యాచరణ సమన్వయంపై చర్చలు చేశారు. కార్యక్రమంలో ప్రిన్సిపల్‌ చీఫ్‌ ఇంజినీర్‌ బీఎస్‌కే రాజ్‌కుమార్‌, ప్రిన్సిపల్‌ చీఫ్‌ సిగ్నల్‌, టెలికం ఇంజినీర్‌ ఓబీ సురేష్‌కుమార్‌, ప్రిన్సిపల్‌ చీఫ్‌ ఆపరేషన్స్‌ మేనేజర్‌ వినీత్‌ కుమార్‌, చీఫ్‌ అడ్మినిస్ట్రేటివ్‌ అంకుష్‌ గుప్త, విజయనగరం రైల్వేస్టేషన్‌ మేనేజర్‌ ఎస్‌బీవీ రావు తదితరులు పాల్గొన్నారు.

విజయనగరం అర్బన్‌: విజయనగరం మున్సిపల్‌ కార్పొరేషన్‌ ఎన్నికల్లో కేవ లం 2,447 ఓట్లు టీడీపీ, వైఎస్సార్‌సీపీ అభ్యర్థుల మధ్య విజేతలను నిర్ణయించాయి. 19 డివిజన్‌ అభ్యర్థులను విజేతలుగా నిలిపాయి. కార్పొరేషన్‌ ఎన్నికల ఫలితాల్లో టీడీపీ 35 వార్డులు, వైఎస్సార్‌సీపీ 16 వార్డులు గెలుచుకున్నాయి. అభ్యర్థుల ఓట్లను పార్టీల వారీగా పరిశీలిస్తే టీడీపీ అభ్యర్థులకు 58,033 ఓట్లు రాగా, వైఎస్సార్‌సీపీ అభ్యర్థులకు 55,586 ఓట్లు వచ్చాయి. ఇరు పార్టీల మధ్య ఓట్ల వ్యత్యాసం కేవలం 2,447 మాత్రమే. లెక్కించిన అభ్యర్థుల ఓట్ల మొత్తంలో టీడీపీ వాటా సుమారు 42.6 శాతం కాగా, వైఎస్సార్‌సీపీ వాటా 40.8 శాతంగా ఉంది. ఓట్ల శాతంలో వ్యత్యాసం 1.8 శాతం. ఈ అతితక్కువ వ్యత్యాసంతో టీడీపీ 35 వార్డులు గెలుచుకోగా, వైఎస్సార్‌సీపీ 16 వార్డులకు పరిమితమైంది. అంటే, రెండు పార్టీల మధ్య సీట్ల వ్యత్యాసం ఏకంగా 19గా ఉంది. ఓట్లలో స్వల్ప తేడా ఉన్నా సీట్లలో ఇంత భారీ వ్యత్యాసం రావడం నగరంలో చర్చనీయాంశంగా మారింది. స్వల్ప ఓట్ల తేడాతో వైఎస్సార్‌సీపీ అభ్యర్థులు అపజయంపాలు కాగా, టీడీపీ అభ్యర్థులు విజేతలుగా నిలిచారు. వార్డుల్లో నువ్వా... నేనా! కొన్ని వార్డుల్లో గెలుపోటములు స్వల్ప ఓట్ల తేడాతో నిర్ణయమయ్యాయి. 2వ వార్డులో టీడీపీ అభ్యర్థి గంపా స్వప్నకు 642 ఓట్లు రాగా, వైఎస్సార్‌సీపీ అభ్యర్థి అరుగుల అరుణకు 603 ఓట్లు వచ్చాయి. కేవలం 38 ఓట్ల తేడాతో టీడీపీ అభ్యర్థి విజయం సాధించారు. 19వ వార్డులో వైఎస్సార్‌సీపీ అభ్యర్థి షేక్‌ సాహజాది బేగంకు 1,468 ఓట్లు రాగా, టీడీపీ అభ్యర్థి చిప్పాడ అన్నపూర్ణకు 1,428 ఓట్లు వచ్చాయి. ఇక్కడ కేవలం 40 ఓట్ల తేడాతో వైఎస్సార్‌సీపీ గెలిచింది. 21వ వార్డులో టీడీపీ అభ్యర్థి సుంకర వెంకటరావుకు 880 ఓట్లు, వైఎస్సార్‌సీపీ అభ్యర్థి నాయని మహేష్‌కు 848 ఓట్లు వచ్చాయి. ఇక్కడ కూడా కేవలం 32 ఓట్ల ఆధిక్యంతోనే టీడీపీ అభ్యర్థి గట్టెక్కారు. ఇక్కడ 17 ఓట్లు సాధిస్తే ఫలితం తారుమారయ్యేది. ఇలాంటి ఫలితాలు ఓటర్ల మద్దతు ఎంత స్పల్ప తేడాతో అభ్యర్థుల మధ్య మారిందో తెలియజేస్తున్నాయి. కొన్ని చోట్ల వేల తేదాతో కొందరు అభ్యర్థులు విజయం సాధించారు. 12, 18 వార్డుల్లో ఏకపక్షంగా ఓటింగ్‌ జరగడం గమనార్హం. స్వతంత్రుల ప్రభావం కూడా తక్కువేం కాదు! స్వతంత్ర అభ్యర్థులు మొత్తంగా 6,423 ఓట్లు సాథించారు. వీరిలో ఇద్దరు విజయం సాధించా రు. ముఖ్యంగా కొన్ని వార్డుల్లో స్వతంత్ర అభ్య ర్థులు సాధించిన ఓట్లు గెలుపొందిన, ఓడిపోయిన ప్రధాన పార్టీల అభ్యర్థుల మధ్య ఉన్న మెజారీటీల కంటే ఎక్కువగా ఉన్నాయి. దీంతో కొన్ని చోట్ల స్వతంత్రుల పోటీ ప్రధాన పార్టీల ఓట్ల సమీకరణాలను ప్రభావితం చేసి ఉండవచ్చనే అంచనాలు వ్యక్తమవుతున్నాయి. 19 సీట్ల విజయంలో 1.8 శాతం ఓట్ల ప్రభావం స్వల్వ మెజారిటీతో గట్టెక్కిన అభ్యర్థులు

భామిని: స్థానిక జిల్లా పరిషత్‌ హైస్కూల్‌లో చదువుతున్న విద్యార్థి కేవటి రంజిత్‌ జాతీయ స్థాయి అథ్లెటిక్స్‌ పోటీలకు ఎంపికై నట్లు స్కూల్‌ హెచ్‌ఎం ఆబోతుల మల్లేశ్వరరావు, పీఈటీ అలికాన శంకర్‌రావులు బుధవారం తెలిపారు. ఈనెల 2,3 తేదీలలో కర్నూలులో జరిగిన 70వ ఇంటర్‌ డిస్ట్రిక్ట్‌ ఎస్‌జీఎఫ్‌ఐ 2026–27 అథ్లెటిక్స్‌ అండర్‌–17 స్టేట్‌ మీట్‌ జరిగింది.ఆ పోటీలలో లాంగ్‌ జంప్‌ విభాగంలో భామిని విద్యార్థి కేవటి రంజిత్‌ సిల్వర్‌ మెడల్‌ సాధించాడని చెప్పారు. ఈ మేరకు జాతీయ స్థాయి అథ్లెటిక్స్‌ పోటీలకు ఎంపికై నట్లు వివరించారు. పర్యావరణ పరిరక్షణపై 200 మంది విద్యార్థుల ప్రతిజ్ఞవిజయనగరం అర్బన్‌: పర్యావరణ పరిరక్షణ, ప్రకృతి వనరుల సంరక్షణ, సుస్థిర జీవన విధానాలపై అవగాహన కల్పించే లక్ష్యంతో సీతం కళాశాల జాతీయసేవా పథకం ఆధ్వర్యంలో బుధవారం బ్రిక్స్‌ సస్టైనబుల్‌ లైఫ్‌ స్టైల్‌ వీక్‌–2026 కార్యక్రమం నిర్వహించారు. మిషన్‌ లైఫ్‌ స్ఫూర్తితో 200 మందికి పైగా విద్యార్థులు పర్యావరణహిత జీవనశైలిని అలవరుచుకుంటామని సామూహికంగా ప్రతిజ్ఞ చేశారు. నీరు, విద్యుత్‌, పొదుపు, వ్యర్థాల తగ్గింపు, ఈ–వేస్ట్‌ నియంత్రణ, సింగిల్‌ యూజ్‌ ప్లాస్టిక్‌ కు దూరంగా ఉండడం వంటి అంశాలపై ప్రతిజ్ఞ చేశారు. అనంతరం ధ్రువీకరణ పత్రాలను డౌన్‌లోడ్‌ చేసుకున్నారు. జేఎన్‌టీయూ గురజాడ ఎన్‌ఎస్‌ఎస్‌ జిల్లా నోడల్‌ అఽధికారి డాక్టర్‌ ఎన్‌.సతీష్‌కుమార్‌ నాయకత్వంలో జరిగిన కార్యక్రమంలో కళాశాల ఆంగ్ల విభాగ అధ్యాపకుడు కె.వెంకటేశ్వరరావు పాల్గొని పర్యావరణ పరిరక్షణను ప్రతి ఒక్కరూ తమ జీవనశైలిలో భాగం చేసుకోవాలని సూచించారు. వ్యాన్‌ను ఢీకొట్టి యువకుడి మృతిగజపతినగరం రూరల్‌: విధులకు హాజరయ్యేందుకు విశాఖపట్నం వెళ్తున్న ఓ యువకుడు వెనుక నుంచి వ్యాన్‌ను ఢీకొట్టడంతో మృతి చెందాడు. బుధవారం తెల్లవారుజామున మండలంలోని మరుపల్లి జంక్షన్‌ సమీపంలో ఈ దుర్ఘటన జరిగింది. వివరాలిలా ఉన్నాయి. మెంటాడ మండలం మీసాలపేట గ్రామానికి చెందిన గంట్యాడ రోహిత్‌ కుమార్‌ బుధవారం అర్ధరాత్రి దాటిన తర్వాత సుమారు 2.30 గంటల సమయంలో విధుల నిమిత్తం బైక్‌పై విశాఖపట్నం వెళ్తుండగా మరుపల్లి జంక్షన్‌ సమీపంలోని రైస్‌ మిల్లు వద్ద రోడ్డుపై నిలిపి ఉంచిన టాటా వింట్రా వ్యాన్‌ను ఢీకొన్నాడు. వ్యాన్‌కు రిఫ్లెక్టర్లు ఏర్పాటు చేయకపోవడం, ట్రాఫిక్‌ నిబంధనలు పాటించకుండా రోడ్డుపై నిలిపి ఉంచడం ప్రమాదానికి కారణమైనట్లు తెలుస్తోంది. ఈ ప్రమాదంలో రోహిత్‌ కుమార్‌ తలకు తీవ్ర గాయాలయ్యాయి. వెంటనే 108 అంబులెన్‌న్స్‌లో గజపతినగరం ప్రభుత్వ ఏరియా ఆస్పత్రికి తరలించగా, తెల్లవారుజామున 3.40 గంటల సమయంలో చికిత్స పొందుతూ మృతి చెందినట్లు వైద్యులు నిర్ధారించారు.ఈ మేరకు స్థానిక పోలీసులు కేసు నమోదుచేసి దర్యాప్తు చేస్తున్నారు.

● అన్ని రంగాల్లో విజయనగరం అభివృద్ధే మా అభిమతం ● వైఎస్సార్‌సీపీ రాష్ట్ర మహిళా విభాగం ప్రధాన కార్యదర్శి కోలగట్ల శ్రావణి విజయనగరం: విజయనగరం మున్సిపల్‌ కార్పొరేషన్‌ ఎన్నికల్లో భాగంగా ప్రజలిచ్చిన తీర్పును గౌరవిస్తున్నామని, అన్ని రంగాల్లో విజయనగరం అభివృద్ధే తమ అభిమతమని వైఎస్సార్‌సీపీ రాష్ట్ర మహిళా విభాగం ప్రధాన కార్యదర్శి, మాజీ డిప్యూటీ మేయర్‌ కోలగట్ల శ్రావణి పేర్కొన్నారు. మాజీ డిప్యూటీ స్పీకర్‌ కోలగట్ల వీరభద్రస్వామి నివాసంలో బుధవారం సాయంత్రం ఏర్పాటు చేసిన సమావేశంలో కార్పొరేషన్‌ ఎన్నికల్లో విజయం సాధించిన 16 మంది వైఎస్సార్‌సీపీ అభ్యర్థులకు ఆమె అభినందనలు తెలిపారు. ఎన్నికల్లో గెలుపు ఓటములు సహజమని, ప్రజా సంక్షేమం, నగర అభివృద్ధి కోసం ప్రశ్నించేందుకు, ప్రజల పక్షాన నిలిచేందుకు కోలగట్ల కుటుంబం, వైఎస్సార్‌సీపీ శ్రేణులు ఎళ్లవేళలా సిద్ధంగా ఉంటాయన్నారు. అధికారంలో ఉన్నా లేకున్నా ప్రజల పక్షాన నిలబడి పరిష్కారానికి కృషి చేస్తామన్నారు. అవసరమైన పోరాటానికి సిద్ధపడతామన్నారు. కార్పొరేషన్‌ ఎన్నికల్లో వైఎస్సార్‌సీపీ అభ్యర్థులకు ఓటు వేసిన ప్రతి ఒక్కరికీ కృతజ్ఞతలు తెలిపారు. రానున్న రోజుల్లో విజయనగరం అభివృద్ధి చెందాలని ఆకాంక్షించారు. సమావేశంలో మాజీ మేయర్‌ వెంపడాపు విజయలక్ష్మి, పార్టీ నగర అధ్యక్షుడు ఆశపు వేణు, మాజీ కార్పొరేషన్‌ ఫ్లోర్‌ లీడర్‌ శెట్టివీర వెంకట రాజేష్‌, పార్టీ రాష్ట్ర కార్యదర్శి సంగంరెడ్డి బంగారునాయుడు, జిల్లా మహిళా విభాగం అధ్యక్షురాలు గదుల సత్యలత, తదితరులు పాల్గొన్నారు.

విజయనగరం: విజయనగరం మున్సిపల్‌ కార్పొరేషన్‌ ఎన్నికల్లో వైఎస్సార్‌సీపీ అభ్యర్థిగా పోటీ చేసిన శెట్టివీరవెంకట రాజేష్‌ అరుదైన ఘనత సాధించారు. తాజాగా జరిగిన కార్పొరేషన్‌ ఎన్నికల్లో 8వ డివిజన్‌ నుంచి పోటీచేసి విజయం సాధించిన రాజేష్‌ వరుసుగా అదే ప్రాంతం నుంచి ఐదుసార్లు కౌన్సిలర్‌, కార్పొరేటర్‌గా గెలుపొందడం గమనార్హం. రెండుసార్లు కాంగ్రెస్‌ పార్టీ తరఫున, ఒకసారి స్వంతంత్య్ర అభ్యర్థిగా, రెండుసార్లు వైఎస్సార్‌సీపీ తరఫున పోటీచేసి గెలుపొందారు. తనను నమ్మి ఓట్లేసి గెలిపిస్తున్న ప్రజలందరికీ ఆయన ధన్యవాదాలు తెలిపారు. సేవలే తనకు శ్రీరామరక్షగా పేర్కొన్నారు. పటిష్ట బందోబస్తు విజయనగరం టౌన్‌: జెడ్పీటీసీ, ఎంపీటీసీ ఎన్నికలను ప్రశాంతయుతంగా, స్వేచ్ఛగా, పారదర్శకంగా నిర్వహించేందుకు పటిష్టబందోబస్తు ఏర్పాటుచేశామని ఎస్పీ ఎ.ఆర్‌.దామోదర్‌ బుధవారం తెలిపారు. జిల్లాలో 27 ఎంపీటీసీ, 438 ఎంపీటీసీ స్ధానాలకు 895 లొకేషన్స్‌లో 1586 కేంద్రాల్లో పోలింగ్‌ జరగనుంది. బందోబస్తు కోసం ఇద్దరు అదనపు ఎస్పీలు, ఏడుగురు డీఎస్పీలు, 35 మంది సీఐలు, 75 మంది ఎస్‌ఐలతో సహా సుమారు 2వేల మంది పోలీసులను బందోబస్తు నిమిత్తం వినియోగిస్తున్నామన్నారు. అత్యవసర వేళ స్థానిక పోలీస్‌ లేదా టోల్‌ ఫ్రీ 100/112కు కాల్‌ చేయాలని ఎస్పీ కోరారు. ఏర్పాట్లపై పర్యవేక్షణ ● కలెక్టరేట్‌లోని కంట్రోల్‌ రూమ్‌ నుంచి పరిశీలించిన కలెక్టర్‌విజయనగరం రూరల్‌: జిల్లాలో జెడ్పీటీసీ, ఎంపీటీసీ ఎన్నికల నిర్వహణకు సంబంధించి కలెక్టర్‌, జిల్లా ఎన్నికల అధికారి ఎస్‌. రాంసుందర్‌ రెడ్డి, జాయింట్‌ కలెక్టర్‌ ఎస్‌.సేతు మాధవన్‌ కలెక్టరేట్‌లో ఏర్పాటు చేసిన కంట్రోల్‌ రూమ్‌ నుంచి ఎన్నికల ఏర్పాట్లను నిరంతరం పర్యవేక్షిస్తున్నారు. ఎన్నికల సామగ్రి పంపిణీ, కేంద్రాల వద్ద జరుగుతున్న ఏర్పాట్లు, పోలింగ్‌ బృందాలు డిస్ట్రిబ్యూషన్‌ కేంద్రాలకు చేరుకున్న తీరు, సిబ్బందికి ఎన్నికల సామగ్రి పంపిణీ తదితర అంశాలపై ఆరా తీశారు. పోలింగ్‌ ప్రక్రియ సజావుగా, ప్రశాంతంగా జరిగేలా అన్ని ముందస్తు ఏర్పాట్లు పక్కాగా ఉండాలని కలెక్టర్‌ అధికారులను ఆదేశించారు. పోలింగ్‌ బృందాలు తమకు కేటాయించిన పోలింగ్‌ కేంద్రాలకు సకాలంలో చేరుకోవాలని, ఎన్నికల సామగ్రి పంపిణీలో ఎలాంటి ఇబ్బందులు తలెత్తకుండా చూడాలని సూచించారు. సమస్యాత్మక, అత్యంత సమస్యాత్మక పోలింగ్‌ కేంద్రాల వద్ద పటిష్టమైన భద్రతా ఏర్పాట్లు చేయాలని, వెబ్‌ కాస్టింగ్‌ తదితర మార్గాల ద్వారా పోలింగ్‌ సరళిని నిరంతరం పర్యవేక్షించాలని అధికారులకు స్పష్టం చేశారు. ఎన్నికల విధుల్లో అధికారులు, సిబ్బంది సమన్వయంతో పనిచేసి ఎన్నికల ప్రక్రియను విజయవంతం చేయాలని కలెక్టర్‌ సూచించారు.

పాలకొండ రూరల్‌: ప్రశాంత వాతావరణంలో నిర్వహించాల్సిన పరిషత్‌ ఎన్నికల్లో అల్లర్లు సృష్టించేలా పచ్చమూకలు బరితెగించాయి. వైఎస్సార్‌ సీపీకి చెందిన వారిని కవ్వించేందుకు, దాడులు చేసేందుకు వెనుకడుగు వేయడం లేదు. పాలకొండ మండలం పణుకువలస ఎంపీటీసీ స్థానం బరిలో నిలిచిన వైఎస్సార్‌ సీపీ అభ్యర్థి టి.కల్పన తరపున ఎన్నికల ఏజెంట్‌గా శివ్వాల సత్యంనాయుడిని పార్టీ శ్రేణులు నిర్ణయించాయి. ఈ క్రమంలో సంబంధిత ధ్రువీకరణ పత్రాలను సదరు ఏజెంట్‌తో పాటు మరికొందరు బుధవారం సాయంత్రం టీసీ పరిధిలో టీడీ పారాపురం పోలింగ్‌ కేంద్రంలో అధికారులకు అందించేందుకు వెళ్లారు. ముందస్తు ప్రణాళికతో కాపుకాసిన టీడీపీ మూకలు వారికి అడ్డుపడ్డాయి. తమ గ్రామంలోకి వైఎస్సార్‌సీపీ ఏజెంట్లు అడుగుపెట్టవద్దంటూ, బూతులు తిడుతూ దాడిచేశారు. వైఎస్సార్‌సీపీ నాయకులకు చెందిన కారును ధ్వంసం చేసేందుకు యత్నించారు. ఈ మూక దాడిని అక్కడి పోలీసులు గమనించి అడ్డుకున్నారు. కేవలం ఓటమి భయంతో ఈ తరహా దాడులు చేయడం అన్యాయమని, పరిస్థితి ఇలానే ఉంటే నేటి పోలింగ్‌ పరిస్థితి ఏమిటని వారు ఎన్నికల అధికారులను ప్రశ్నించారు. అక్కడి నుంచి పాలకొండ వచ్చిన బాధితులు సబ్‌ కలెక్టర్‌ స్వప్నిల్‌ పవార్‌ జగన్నాథ్‌కు ఫోన్‌ ద్వారా ఫిర్యాదు చేశారు. మండల ఎన్నికల రిటర్నింగ్‌ అధికారి టి.వైకుంఠరావు, ఎంపీడీఓ బి.రామకృష్ణతోపాటు పోలీసులకు లిఖిత పూర్వకంగా ఫిర్యాదు చేశారు.

రణస్థలం: నారువ గ్రామానికి చెందిన నిద్రబంగి రాంబాబు (21) అనే యువకుడు రోడ్డు ప్రమాదంలో మంగళవారం మృతి చెందాడు. పోలీసులు తెలిపిన వివరాల ప్రకారం.. రాంబాబు స్వగ్రామం నుంచి ఆటోలో కోష్టా వస్తుండగా పైడిపేట శివాలయం సమీపంలో ఆటో బోల్తా పడింది. ఈ ఘటనలో రాంబాబుకు బలమైన గాయం కావడంతో రణస్థలం సీహెచ్‌సీకి తరలించారు. అక్కడి నుంచి మెరుగైన చికిత్స నిమిత్తం శ్రీకాకుళం తీసుకెళ్లగా అక్కడ చికిత్స పొందుతూ మృతి చెందాడు. రాంబాబుకు తల్లిదండ్రులు లక్ష్మీ, అసిరయ్య, తమ్ముడు గణేష్‌ ఉన్నారు. జె.ఆర్‌.పురం ఎస్సై వి.సత్యనారాయణ కేసు నమోదు చేసి దర్యాప్తు చేస్తున్నారు.

కొమరాడ: మండల రైతులకు గజరాజుల భయం మళ్లీ మొదలైంది. ఇటీవల పార్వతీపురం మండలంలో సంచరించిన గజరాజుల గుంపు సోమవారం అర్ధరాత్రి కొమరాడ మండలంలోకి ప్రవేశించింది. విక్రంపురం, అంకులవలస, సుందరాపురం తదితర గ్రామాల పరిసర ప్రాంతాల్లో ఏనుగుల గుంపు సంచరిస్తుండడంతో రైతులు ఆందోళన చెందుతున్నారు. వేలాది రూపాయలు పెట్టుబడులు పెట్టి సాగు చేసిన పంటలు చేతికొచ్చే సమయంలో గజరాజుల సంచారం రైతులకు కంటిమీద కునుకు లేకుండా చేస్తోంది. రాత్రిపూట ఏనుగులు పొలాల్లోకి ప్రవేశించి పంటలను ధ్వంసం చేస్తాయేమోనని రైతులు భయాందోళన చెందుతున్నారు. ఇప్పటికే ఏనుగుల సంచారం కారణంగా తీవ్ర ఇబ్బందులు ఎదుర్కొంటున్న రైతులకు మళ్లీ గజరాజుల గుంపు రావడం ఆందోళన కలిగిస్తోంది. కుంకీ ఏనుగులతో కానరాని ప్రయోజనం గజరాజుల సమస్యకు పరిష్కారం చూపేందుకు ప్రభుత్వం కుంకీ ఏనుగులను తీసుకొచ్చినప్పటికీ ఆశించిన ప్రయోజనం కలగడం లేదని పలువురు రైతులు ఆవేదన వ్యక్తం చేస్తున్నారు. ఏనుగుల సంచారాన్ని నియంత్రించడంలో అటవీ శాఖ అధికారులు సమర్థవంతమైన చర్యలు చేపట్టాలని కోరుతున్నారు. గజరాజులు సంచరిస్తున్న ప్రాంతాలను గుర్తించి వాటిని సురక్షిత ప్రాంతాలకు తరలించాలని, పంటలు నష్టపోకుండా ముందస్తు చర్యలు తీసుకోవాలని రైతులు డిమాండ్‌ చేస్తున్నారు. చేతికొచ్చిన పంటలను కాపాడేందుకు అటవీ శాఖ అధికారులు తక్షణమే స్పందించి గజరాజుల సమస్యకు శాశ్వత పరిష్కారం చూపాలని ఈ ప్రాంత రైతులు కోరుతున్నారు. రైతుల గుండెల్లో గుబులు కుంకీ ఏనుగులతో ప్రయోజనం ఏదీ? అటవీ శాఖ స్పందించాలని రైతుల డిమాండ్‌

● త్రుటిలో తప్పిన పెను ప్రమాదం ● అత్యవసర ద్వారం నుంచి బయటపడ్డ ప్రయాణికులుతుని రూరల్‌: కాకినాడ జిల్లా తుని మండలం తేటగుంట గ్రామ సమీపాన ముందు వెళ్తున్న లారీని ఆర్టీసీ బస్సు ఢీకొన్న ఘటనలో త్రుటిలో పెను ప్రమాదం తప్పింది. స్థానికుల కథనం ప్రకారం.. రావులపాలెం నుంచి పార్వతీపురం వెళ్తున్న ఆర్టీసీ బస్సు మంగళవారం తేటగుంట సమీపాన ముందు వెళ్తున్న లారీని ఢీకొని, అదుపు తప్పి జాతీయ రహదారి పక్కన ఉన్న కాలువలోకి ఒరిగిపోయింది. సాధారణ ద్వారం నుంచి బస్సు దిగే అవకాశం లేకపోవడంతో ప్రయాణికులు అత్యవసర ద్వారం, డ్రైవర్‌ సీటు పక్కన ఉన్న డోర్‌ నుంచి బయట పడ్డారు. ఈ ప్రమాదంలో ఎవరికీ గాయాలు కాలేదు. మురసు తుపాను ప్రభావంతో కురుస్తున్న వర్షంతో రహదారి కనిపించకపోవడం వల్ల ఈ ప్రమాదం జరిగినట్టు తెలుస్తోంది. ప్రయాణికులను కండక్టర్‌, డ్రైవర్లు ఇతర ఆర్టీసీ బస్సుల్లో గమ్యస్థానాలకు పంపించారు. ఈ సంఘటనపై ఫిర్యాదు అందకపోవడంతో కేసు నమోదు చేయలేదని తుని రూరల్‌ పోలీసులు తెలిపారు.

వజ్రపుకొత్తూరు రూరల్‌: చీపురుపల్లి పంచాయతీ డెప్పూరులో సోమవారం రాత్రి దొంగతనం జరిగింది. బాధిత కుటుంబ సభ్యులు తెలిపిన వివరాల మేరకు.. కాట నారాయణమ్మ వారం రోజుల క్రితం ముంబైలో ఉన్న కుమార్తె వద్దకు వెళ్లింది. ఇంట్లో ఎవరు లేకపోవడాన్ని గుర్తించిన దుండగులు కట్టర్‌ సాయంతో తలుపులను కట్‌ చేసి లోపలికి ప్రవేశించారు. బీరువా తలుపులు పగలుగొట్టి రూ.50 వేలు నగదు, బంగారం గొలుసు పట్టుకుపోయారు. బాధితరాలి తల్లి సీరం లోలాక్షి ఎప్పటిలాగే ఉదయం పూల కోసం కుమార్తె ఇంటి వైపు వచ్చి చూసేసరికి తలుపులు తెరిచి ఉండటాన్ని గమనించింది. ఇంట్లోకి వెళ్లి చూసేసరికి చోరీ జరిగినట్లు గుర్తించింది. అనంతరం పోలీసులకు సమాచారం అందించారు. కేసు నమోదు చేసి దర్యాప్తు చేస్తున్న ఎస్‌ఐ నీహార్‌ తెలిపారు. వివాహిత ఆత్మహత్య పాతపట్నం: తెంబూరు గ్రామంలోని కండ్రవీధికి చెందిన మండల శారద(23) ఈ నెల 2న ఇంట్లో గడ్డిమందు తాగింది. వెంటనే కుటుంబసభ్యులు ఆటోలో టెక్కలి ఆసుపత్రికి తరలించారు. మెరుగైన వైద్యం కోసం శ్రీకాకుళం రిమ్స్‌కు తీసుకెళ్లగా అక్కడ చికిత్స పొందుతూ మంగళవాం సాయంత్రం మృతి చెందినట్లు ఎస్‌ఐ కె.మధుసూదనరావు తెలిపారు. ఈమె భర్త మండల గిరీశ్వరరావు ఉపాధి కోసం విదేశాల్లో పనిచేస్తున్నారు. కుమార్తె మహాన్య, కుమారుడు మహాంత్‌ ఉన్నారు. అత్త పుష్పలత వేధింపులే కారణమంటూ మృతురాలు తల్లి గాయశ్రీ సావిత్రి ఆరోపిస్తున్నా. ఈ మేరకు కేసు నమోదు చేసి దర్యాప్తు చేస్తున్నామని ఎస్‌ఐ తెలిపారు.

విజయనగరం రూరల్‌: జిల్లాలో పరిషత్‌ ఎన్నికలకు సంబంధించి అభ్యర్థుల ప్రచారపర్వం మంగళవారంతో ముగిసింది. జిల్లాలో 27 జెడ్పీటీసీ స్థానాలకు, 438 ఎంపీటీసీ స్థానాలకు గురువారం ఎన్నికలు జరగనున్నాయి. ఈ నేపథ్యంలో అభ్యర్థులు మంగళవారం రాత్రి నుంచే ఓటర్లను ప్రలోభాలతో ప్రసణ్ణం చేసుకునే పనిలో పడ్డారు. అధికార కూటమి పార్టీ అభ్యర్థులు అనేక గ్రామాల్లో ఓటర్లకు నగదు, బహుమతులు, బియ్యం బస్తాలు ఇంటింటికీ వెళ్లి అందజేస్తున్నారు. తాయిలాల పంపిణీలో అధికార పార్టీ నేతలు మంగళవారం సాయంత్రం ప్రచారం గడువు ముగిసిన క్షణం నుంచే వారి అనుచరగణంతో ఓట ర్లను ప్రసణ్ణం చేసుకుంటున్నారు. కొన్నిచోట్ల సామ, దామ, దండోపాయాలతో ఓటర్లను భయాందోళనకు గురిచేస్తున్నారు. కౌంటింగ్‌ కేంద్రాల వద్ద పటిష్ట భద్రత విజయనగరం టౌన్‌: జిల్లాలోని విజయనగరం మున్సిపల్‌ కార్పొరేషన్‌, బొబ్బిలి మున్సిపాలిటీ, నెల్లిమర్ల నగర పంచాయతీ ఎన్నికల ఓట్ల లెక్కింపు కేంద్రాలైన విజయనగరం రాజీవ్‌ స్టేడియం, నెల్లిమర్ల సీకేఎంజీజే కళాశాల వద్ద పోలీసుశాఖ చేపట్టిన భద్రతా ఏర్పాట్లను ఎస్పీ ఏఆర్‌.దామోదర్‌ మంగళవారం పర్యవేక్షించారు. ఈ సందర్భంగా ఆయన మాట్లాడుతూ మూడు కౌంటింగ్‌ కేంద్రాల వద్ద పటిష్ట బందోబస్తుతో పాటూ పరిసర ప్రాంతాలను డ్రోన్స్‌, సీసీ కెమెరాలతో నిరంతరం పర్యవేక్షించామన్నారు. ఆయన వెంట అదనపు ఎస్పీ పి.కిరణ్‌ కుమార్‌, విజయనగరం డీఎస్పీ ఎస్‌.లక్ష్మణమూర్తి, సీఐలు, ఎస్‌ఐలు, ఇతర పోలీస్‌ అధికారులు, సిబ్బంది ఉన్నారు. ఎన్నికల విధులకు గైర్హాజరు ● 65 మంది ఉద్యోగులకు షోకాజ్‌ నోటీసులు ● మూడు రోజుల్లో వివరణ ఇవ్వాలని కలెక్టర్‌ ఆదేశం సాక్షి, పార్వతీపురం మన్యం: జిల్లాలో స్థానిక సంస్థల 2వ సాధారణ ఎన్నికల విధులకు గైర్హాజరైన వివిధ శాఖల ఉద్యోగులపై అధికార యంత్రాంగం కఠిన చర్యలు ఉపక్రమించింది. ఎన్నికల విధులకు హాజరు కాకుండా నిర్లక్ష్యం వహించిన మొత్తం 65 మంది ఉద్యోగులకు కలెక్టర్‌, జిల్లా ఎన్నికల అధికారి షోకాజ్‌ నోటీసులు జారీ చేశారు. విధులకు ఎందుకు హాజరు కాలేదో తెపుతూ మూడు రోజుల్లోగా లిఖితపూర్వక వివరణ ఇవ్వాలని ఆ నోటీసులో ఆదేశించారు. పార్వతీపురం, సాలూరు మున్సిపాలిటీల పరిధిలో గ్రామ/ వార్డు సచివాలయ శాఖకు చెందిన 30 మంది ఇంజినీరింగ్‌ అసిస్టెంట్లు, సంక్షేమ–విద్యా సహాయకులు ఎన్నికల విధులకు గైర్హాజరయ్యారు. విద్యాశాఖకు చెందిన స్కూల్‌ అసిస్టెంట్లు, ఎస్‌జీటీలు, హెచ్‌ఎంలు, క్రాఫ్ట్‌ ఇన్‌స్ట్రక్టర్లతో కూడిన 27 మంది ఉపాధ్యాయులు/సిబ్బంది విధులకు హాజరుకాలేదు. దీంతో పాటు సాలూరు మున్సిపాలిటీ పరిధిలో పోలింగ్‌ అధికారుల విధులు కేటాయించిన ఐసీడీఎస్‌ శాఖకు చెందిన 8 మంది అంగన్‌వాడీ కార్యకర్తలు సైతం విధులకు గైర్హాజరైనట్లు గుర్తించి నోటీసులు జారీ చేశారు. ఎన్నికల విధుల్లో ఎటువంటి అలసత్వం ప్రదర్శించినా సహించేది లేదని, దీనిని అత్యంత అత్యవసరంగా పరిగణించాలని అధికారులను ఆయన హెచ్చరించారు.

చీపురుపల్లి: చంద్రబాబు ప్రభుత్వం రెండున్నరేళ్లలో రూ.4లక్షల కోట్లు అప్పుచేసింది.. ప్రజాసంక్షేమం, అభివృద్ధికి ఖర్చుచేయకుండా ఈ డబ్బులు ఏం చేసినట్టు... ఎవరికి దోచిపెట్టినట్టు.. టీడీపీ నీకెంత నాకెంత పాలన పోవాలన్నా... పేదలు గుర్తుకు రావాలన్నా ఓటు మార్చండి.. స్థానిక సంస్థల ఎన్నికల్లో ఫ్యాన్‌ గుర్తుకు ఓటేసి చంద్రబాబుకు కళ్లు తెరిపించండి అంటూ శాసనమండలి విపక్ష నేత బొత్స సత్యనారాయణ ఓటర్లను కోరారు. ఎన్నికల ప్రచారంలో ఆఖరి రోజైన మంగళవారం చీపురుపల్లి పట్టణంలోని మూడు రోడ్ల కూడలిలో ఏర్పాటు చేసిన బహిరంగ సభలో ఆయన మాట్లాడారు. టీడీపీ ఎన్నో హామీలిచ్చి అధికారంలోకి వచ్చి రెండున్నరేళ్లు గడిచినా హామీలు అమలు చేయలేదన్నారు. అందుకనే ఈ నెల 5న జరగనున్న ఎంపీటీసీ, జెడ్పీటీసీ ఎన్నికల్లో వైఎస్సార్‌సిపి అభ్యర్థులను గెలిపించి చంద్రబాబుకు తగిన బుద్ధిచెప్పాలన్నారు. మూడేళ్లలో టీడీపీ ప్రభుత్వం చేస్తున్న అరాచకాలు, దుర్మార్గాలు, అన్యాయాలను వ్యతిరేకించాలంటే స్థానిక సంస్థల ఎన్నికల్లో వైఎస్సార్‌సీపీ అభ్యర్థులు గెలవాలన్నారు. జిల్లాలో అన్ని చోట్లా ఎంపీటీసీ, జెడ్పీటీసీ అభ్యర్థులను గెలిపించుకున్నప్పుడే ఇక్కడున్న ఎమ్మెల్యేలు చంద్రబాబు దగ్గరకు వెళ/్ల టీడీపీ సినిమా అయిపోయిందని చెబుతారన్నారు. డ్వాక్రా మహిళల కోసం మహానేత వైఎస్సార్‌ పావలా వడ్డీ పథకాన్ని అమలు చేశారని, మరొకడగు ముందుకేసిన జగన్‌మోహన్‌రెడ్డి సున్నా వడ్డీ పథకాన్ని తీసుకొచ్చినట్లు గుర్తు చేశారు. ప్రస్తుత టీడీపీ ప్రభుత్వం మూడేళ్లలో ఒక్క రూపాయి వడ్డీ కూడా మహిళలకు తిరిగి ఇచ్చిందా చెప్పాలని ప్రశ్నించారు. రూ.4 లక్షలు కోట్లు అప్పులు తీసుకొచ్చింది ఎవరి కోసమో చెప్పాలని డిమాండ్‌ చేశారు. కేవలం దోపిడీ కోసమే అప్పులు తెస్తున్నారన్నారు. నిత్యావసర సరుకులు ధరలు ఆకాశానికి పెరిగిన నేపథ్యంలో ప్రభుత్వం కనీసం స్పందించని దుస్థితి నెలకొందన్నారు. వ్యాపారులు ఆలోచన చేయాలి రెండు దశాబ్దాల తమ పరిపాలనలో వ్యాపారులకు ఎప్పుడైనా ఇబ్బందులు కలిగాయా లేదో ఆలోచన చేయాలని బొత్స కోరారు. టీడీపీ హయాంలో ఎన్ని అవస్థలు పడుతున్నారో గుర్తుచేసుకోవాలన్నారు. పరిపాలన అంతా పోలీస్‌ స్టేషన్‌లోనే... సాధారణంగా పరిపాలన తహసీల్దార్‌, ఎంపీడీఓ కార్యాలయాల్లో జరుగుతుందని, కానీ టీడీపీ ప్రభుత్వంలో పోలీస్‌స్టేషన్‌లో పరిపాలన జరుగుతుండడం విడ్డూరంగా ఉందన్నారు. ఏ తప్పు చేయని వారిపై కేసులు నమోదు చేసి హింసించి, భయపెట్టి పరిపాలన సాగిస్తుండడం అన్యాయమన్నారు. పేదలు తమ పనుల కోసం చేతులు తడపాల్సిన దుస్థితి నెలకొందన్నారు. ఇలాంటి దుర్భరమైన సందర్భాలు నుంచి బయిటపడాలంటే స్థానిక సంస్థల ఎన్నికల్లో వైఎస్సార్‌సీపీ అభ్యర్థులను గెలిపించుకోవాలన్నారు. ఎంపీటీసీలలో పాటు చీపురుపల్లి జెడ్పీటీసీగా బెల్లాన వంశీకృష్ణను గెలిపించాలని కోరారు. కార్యక్రమంలో వైఎస్సార్‌సీపీ జిల్లా అధ్యక్షుడు బెల్లాన చంద్రశేఖర్‌, మాజీ ఎంపీపీ ఇప్పిలి వెంకటనర్శమ్మ, వైఎస్సార్‌సీపీ జిల్లా ప్రధాన కార్యదర్శి ఇప్పిలి అనంతం, పార్టీ మండలాధ్యక్షుడు మీసాల వరహాలనాయుడు, జెడ్పీటీసీ అభ్యర్థి బెల్లాన వంశీకృష్ణ, తదితరులు పాల్గొన్నారు. అంతకుముందు ఇప్పిలి వెంకటనర్శమ్మ, అనంతం దంపతుల ఆధ్వర్యంలో వారి నివాసం నుంచి బయిలుదేరిన ర్యాలీ లావేరురోడ్‌, కొత్త గవిడివీధి, శివరాం రోడ్‌, మెయిన్‌రోడ్‌ మీదుగా మూడు రోడ్ల కూడలి వరకు సాగింది. అప్పుల బాబుకు ఓటుతో కళ్లుతెరిపించండి టీడీపీది నీకెంత నాకెంత పాలన పేదలు గుర్తుకు రావాలంటే ఓటు మార్చండి 30 ఏళ్లుగా నిస్వార్థ సేవలు అందించాను నమ్మితే వైఎస్సార్‌సీపీ అభ్యర్థులకు మద్దతు ఇవ్వండి శాసనమండలి విపక్ష నేత బొత్స సత్యనారాయణ

పూసపాటిరేగ: పూసపాటిరేగ మండలం, బత్తివలస గ్రామ టీడీపీకి చెందిన 50 కుటుంబాల వారు వైఎస్సార్‌ సీపీలో మంగళవారం చేరారు. యువనేత బొత్స చైతన్య నేతృత్వంలో వారంతా పార్టీలో చేరగా వారందరికీ పార్టీ కండువాలు వేసి, సాదరంగా ఆహ్వానించారు. పార్టీలో చేరిన వారిలో సహదేవ లక్ష్మణ్‌, సహదేవ కనకంరాజు, తార బలరాం, లండ పైడిరాజు కుటుంబాలతో పాటు మరికొన్ని కుటుంబాలు ఉన్నాయి. రాష్ట్రంలో టీడీపీ ప్రభుత్వం సృష్టిస్తున్న దారుణాలు, అరాచకాలు చూసి, అందులో ఇమడలేకనే ప్రజల పక్షాన పోరాడే వైఎస్సార్‌ సీపీలోకి రావడం జరిగిందని వారు తెలిపారు. గతంలో వైఎస్సార్‌ సీపీ అధికారంలో ఉన్నప్పుడు జరిగిన అభివృద్ధి, సంక్షేమానికి ఆకర్షితులై భవిష్యత్‌లోనూ వైఎస్సార్‌ సీపీతోనే రాష్ట్ర సర్వతోముఖాభివృద్ధి, ప్రజాసంక్షేమమని భావించి పార్టీలో చేరడం జరిగిందన్నారు. పార్టీ అధిష్టానం మేరకు నడుచుకుంటామని, పార్టీని క్షేత్రస్థాయిలో బలోపేతం చేసేందుకు తమవంతు కృషి చేస్తామన్నారు. కార్యక్రమంలో వైఎస్సార్‌ సీపీ నాయకులు పడాల శ్రీధర్‌, గుజ్జు సురేష్‌రెడ్డి, మహంతి శ్రీనివాసరావు తదితరులు పాల్గొన్నారు.

విజయనగరం అర్బన్‌: మున్సిపల్‌ ఎన్నికల్లో అధికార పార్టీ అధికారాన్ని అడ్డం పెట్టుకొని ప్రలోభాలకు తెర తీసింది. నయానో భయానో ఓటర్లను తమ దారిలోకి తెచ్చుకునేందుకు విశ్వ ప్రయత్నాలు చేసింది. దీని ఫలితంగానే మెజార్టీ స్థానాలు దక్కించుకోగలిగింది. దీనికి తోడు పోలింగ్‌ ఉదయం నుంచి మందకొడిగా సాగినా.. చివరి నిమిషాల్లో అమాంతం పెరగడంపైనా అనుమానాలు ఉన్నాయి. వీటన్నిటి ఫలితమే.. మంగళవారం ప్రకటించిన ఎన్నికల ఫలితాలు కూటమి పార్టీలకు అనుకూలంగా రావడానికి కారణమని ప్రతిపక్ష నాయకులు ఆరోపిస్తున్నారు. ఎన్ని కుట్రలకు తెర తీసినా... కొన్నిచోట్ల వైఎస్సార్సీపీ అభ్యర్థులు బలమైన పోటీ ఇచ్చారు. విజయనగరం కార్పొరేషన్‌ మేయర్‌గా టీడీపీ అభ్యర్థి అవనాపు భార్గవి వైఎస్సార్‌సీపీ అభ్యర్థి కోలగట్ల శ్రావణిపై 18,407 ఓట్ల మెజార్టీతో విజయం సాధించారు. ఐదు రౌండ్లలో భార్గవికి 75,694 ఓట్లు రాగా, శ్రావణికి 57,287 ఓట్లు లభించాయి. అలాగే, బొబ్బిలి మున్సిపల్‌ చైర్‌పర్సన్‌గా టీడీపీకి చెందిన రాంబార్కి రేణుకాదేవి స్వప్న తన సమీప ప్రత్యర్థి, మాజీ మున్సిపల్‌ చైర్‌పర్సన్‌ తూముల అచ్యుతవల్లిపై 5,184 ఓట్ల మెజార్టీతో గెలుపొందారు. నెల్లిమర్ల నగరపంచాయతీ చైర్మన్‌గా స్వతంత్ర అభ్యర్థి లెంక అప్పలనాయుడు విజేతగా నిలిచారు. విజయనగరం కార్పొరేషన్‌, బొబ్బిలిలో టీడీపీ అభ్యర్థులు విజయం నెల్లిమర్లలో విజేతగా నిలిచిన స్వతంత్ర అభ్యర్థి ఫలించిన అధికారపార్టీ ప్రలోభాలు

సాలూరు: పరిషత్‌ ఎన్నికల వేళ ఆంధ్రా, ఒడిశా వివాదాస్పద కొఠియా గ్రామాల్లో తీవ్ర ఉద్రిక్త పరిస్థితులు నెలకొంటున్నాయి. వివాదాస్పద కొఠియా గ్రూప్‌ గ్రామాలకు ఎన్నికల భద్రత కోసం వెళ్లిన ఏపీ పోలీసులను ఒడిశా పోలీసులు అడ్డుకున్నారు. దీంతో కొఠియా సరిహద్దు గ్రామాల వద్ద తీవ్ర ఉద్రిక్త వాతావరణం నెలకొంది. ఆంధ్రాలో పరిషత్‌ ఎన్నికలు గురువారం జరగనున్నాయి. ఎప్పటిలాగానే కొఠియా గ్రూప్‌ గ్రామాల్లోను ఈ ఎన్నికలు నిర్వహించడానికి అధికారులు సిద్ధమయ్యారు.ఈ ఎన్నికలను అడ్డుకోవడానికి ఒడిశా ప్రభుత్వం విశ్వప్రయత్నాలు చేస్తోంది. గడిచిన వారం రోజులు ముందుగానే కొఠియా గ్రామాలకు ముఖద్వారమైన నేరెళ్లవలస సంతవద్ద ఒడిశా పోలీసులు అవుట్‌పోస్ట్‌ పెట్టారు. ఈ నేపథ్యంలో సోమవారం ఆంధ్రా ప్రభుత్వానికి సంబంధించిన రేషన్‌ బియ్యం లారీని సైతం అడ్డుకున్నారు. ఎన్నికల నిర్వహణలో భాగంగా భద్రత కోసం వెళ్తున్న కొఠియా సీఐ దశరథ్‌, ప్రత్యేక బృందం ఏఎస్సై సత్యనారాయణ తదితరులను మంగళవారం ఒడిశా పోలీసులు నేరెళ్లవలస వద్ద బారికేడ్లు అడ్డుగా పెట్టి నిలువరించారు. దీంతో ఇరు రాష్ట్రాల పోలీసుల మధ్య వాగ్వాదం జరిగింది. ఇది స్టేటస్‌కో అమలులో ఉన్న ప్రాంతమని, మేమెప్పుడూ ఎన్నికలు నిర్వహిస్తున్నామని, ఇప్పుడు ఎన్నికలు నిర్వహిస్తే మీ అభ్యంతరం ఏమిటని కొఠియా సీఐ దశరథ్‌ ఒడిశా పోలీసులను ప్రశ్నించారు. కాగా ఆంధ్రా పోలీసులను అడ్డుకోవడంతో స్థానిక పరిసర కొఠియా గ్రూప్‌ గ్రామాలైన దొర్లతాడివలస, మూలతాడివలస, నేరెళ్లవలస తదితర గ్రామాల ప్రజలు పెద్ద ఎత్తును సంఘటనా స్దలానికి చేరుకుని ఒడిశా పోలీసులపై ఆగ్రహం వ్యక్తం చేశారు. బారికేడ్లు తొలగించి, ఒడిశా గోబ్యాక్‌ గో బ్యాక్‌ అంటూ పెద్ద ఎత్తున నినాదాలు చేశారు. దీంతో ఒడిశా పోలీసులు వారి ఉన్నతాధికారులకు సమాచారం ఇవ్వడంతో పెద్ద ఎత్తున పోలీసులు, వారి వెంట కొందరు ఒడిశా వాసులు వచ్చారు. వారు ఆంధ్రా పోలీస్‌ గో బ్యాక్‌ అంటూ నినాదాలు చేశారు. ఈ క్రమంలో కొద్దిసేపు తోపులాట జరిగింది. సంయమనం పాటించినప ఆంధ్రా పోలీసులు అధిక సంఖ్యలో ఒడిశా పోలీసులు ఉండడం, స్వల్ప సంఖ్యలో ఆంధ్రా పోలీసులు ఉండడంతో ఆంధ్రా పోలీసులు సంయమనం పాటించారు. ఇది ఒడిశా భూభాగమని ఇక్కడ ఎన్నికలు నిర్వహించరాదంటూ ఒడిశా వాసులు నినాదాలు చేశారు. ఈ విషయాన్ని ఆంధ్రా పోలీసులు వారి ఉన్నతాధికారులకు తెలియచేయడంతో ఆంద్రా నుంచి ప్రత్యేక బలగాలు నేరెళ్లవలసకు చేరుకున్నాయి. ఎడతెరిపిలేకుండా కురుస్తున్న వర్షంలో తడుస్తూనే ఇరు రాష్ట్రాల పోలీసులు, అధికారులు ఉన్నారు. ఒడిశా నుంచి కొరాపుట్‌ సబ్‌కలెక్టర్‌ హబిరషీధ్‌, ఆంధ్రా నుంచి పార్వతీపురం సబ్‌కలెక్టర్‌ సచిన్‌ అర్చిత్‌ రహార్‌, డీఎస్పీ శేషయ్యలు మంగళవారం రాత్రి సంఘటనా స్థలానికి చేరుకుని చర్చలు జరుపుతున్నారు. స్వేచ్ఛగా ఓటు వేసేలా చేయాలి ఒడిశా అధికారులు, ప్రజాప్రతినిధులు దూకుడుగా ఉన్న నేపథ్యంలో ఆంధ్రా ప్రజాప్రతినిధులు కనీసం పట్టించుకోవడం లేదని ఈ గ్రామాల గిరిజనులు ఆందోళన వ్యక్తంచేస్తున్నారు. పూర్తిస్థాయిలో తమకు భద్రత కల్పించి, స్వేచ్ఛాయుత వాతావరణంలో ఓటు హక్కు వినియోగించుకునేలా తగు చర్యలు తీసుకోవాలని ఆంధ్రా ప్రభుత్వాన్ని కొఠియా గ్రూప్‌ గ్రామాల గిరిజనులు కోరుతున్నారు. ఎప్పుడు ఏం జరుగుతుందోనని భయాందోళనకు గురవుతున్నారు. ఏపీ పోలీసులను అడ్డుకున్న ఒడిశా పోలీసులు ఆంధ్రా, ఒడిశా పోలీసుల మధ్య తోపులాట ఒడిశా గో బ్యాక్‌..ఆంధ్రా గో బ్యాక్‌ అంటూ ఇరు పక్షాల నినాదాలు

రామభద్రపురం: చంద్రబాబు ప్రభుత్వం అధికారంలోకి వచ్చాక సర్కారు బడుల్లో సదుపాయాల కల్పనకు మంగళం పాడేసింది. పేద, మధ్యతరగతి కుటుంబాలు చదువుకునే ఊరి బడిని పట్టించుకోవడం మానేసింది. గత ప్రభుత్వం తలపెట్టిన ‘మనబడి నాడు–నేడు’ పనులను అసంపూర్తిగా వదిలేసింది. దీంతో విద్యార్థులు అసౌకర్యాల నడుమ చదువులు సాగిస్తున్నారు. చాలా పాఠశాలల్లో నేలపైనే కూర్చొని పాఠాలు వింటున్నారు. భోజన శాలలు లేక ఆరుబయట మైదానంలోను, పాఠశాల వరండాల్లో భోజనాలు చేస్తున్నారు. ఇంటి వద్ద నుంచే భోజనం పల్లాలను ప్రతిరోజూ మోస్తున్నారు. పేద కుటుంబాల పిల్లల చదువుపై చంద్రబాబు సర్కారు కర్కశత్వంపై తల్లిదండ్రులు మండిపడుతున్నారు. ఇదీ పరిస్థితి.. జిల్లాలోని ప్రభుత్వ పాఠశాలల్లో సుమారు సుమారు 1.10 లక్షల మంది విద్యార్థులు చదువుతున్నారు. అధిక మంది విద్యార్థులు ఇంటివద్ద నుంచి తెచ్చుకున్న పల్లెంలోనే భోజనం చేస్తున్నారు. పాఠశాలల్లో భోజన శాలలు లేకపోవడంతో విద్యార్థులకు పల్లాలు మోత తప్పడం లేదు. మరోవైపు రాగిజావను సైతం ప్లేటులోనే పట్టి తాగుతున్నారు. గత వైస్సార్‌సీపీ ప్రభుత్వంలో దాతలు స్పందించి విద్యార్థులకు ప్లేట్లు, గ్లాసులు పంపిణీ చేశారు. ఐదేళ్లలో అవి పాడైపోవడంతో ఇప్పుడు ఇంటి వద్ద నుంచి పుస్తకాలతో పాటు బ్యాగులో పల్లెం పెట్టుకుని తెచ్చుకుంటున్నామని విదార్థులు చెబుతున్నారు. చిత్రంలో నేలపై కూర్చొని పాఠ్యాంశం వింటున్నది రామభక్షదపురం ప్రభుత్వ ఉన్నతపాఠశాల విద్యార్థులు. ఇక్కడ ఆరో తరగతి నుంచి పదో తరగతి వరకు 600 మంది విద్యార్థులు చదువుతున్నారు. వీరికి సుమారు 35 మంది ఉపాధ్యాయులు పాఠ్యాంశాలు బోధిస్తున్నారు. విద్యార్థులు కూర్చొనేందుకు ఏ తరగతి గదిలోనూ బెంచీలు లేవు. రోజంతా నేలపై కూర్చొనే పాఠాలు వింటున్నామంటూ విద్యార్థులు గోడువినిపిస్తున్నా పాలకులకు కనీసం పట్టడంలేదు. రామభద్రపురం ఉన్నత పాఠశాలలో మధ్యాహ్న భోజనం కోసం క్యూ కట్టిన విద్యార్థులుబ్యాగుతో పాటు ఇంటి వద్ద నుంచి తెచ్చుకుంటున్న పల్లాలను చూపిస్తున్న రామభద్రపురంలోని చొక్కాపు వీధి ప్రాథమిక పాఠశాల పిల్లలు ప్రభుత్వ పాఠశాలల్లో సదుపాయాల కల్పనకు మొగ్గుచూపని చంద్రబాబు సర్కారు ఊరిబడిలో సదుపాయాలు కరువు నేలపైనే చదువులు, భోజనాలు ఆవేదనలో చిన్నారులు

● వాస్తవానికి ఓసీ కులానికి చెందిన రమేష్‌ కుమార్‌జైన్‌కు జన్మించిన ముస్కాన్‌ జైన్‌ను 2021లో బీసీ–డీ సామాజిక వర్గానికి చెందిన మజ్జి శ్రీనివాసరావు దత్తత తీసుకున్నారు. ఆ తరువాత మజ్జి సిరిసహస్రగా పేరు మార్చి బీసీ–డిగా ధ్రువీకరిస్తూ అప్పటి విజయనగరం తహసీల్దార్‌ కులధ్రువీకరణ పత్రాన్ని జారీ చేశారు. కేవలం దత్తత తీసుకున్నంత మాత్రాన ఒక వ్యక్తికి ఆ కుటుంబానికి సంబంధించిన కులధ్రువీకరణ పత్రం పొందే అర్హత వస్తుందా? రిజర్వేషన్‌ ప్రయోజనాలు పొందవచ్చా? అనే అంశంపై వివాదం ఏర్పడింది. ఈ విషయం ప్రస్తుతం ఆంధ్రప్రదేశ్‌ హైకోర్టు దృష్టికి వెళ్లింది. ఇరు పక్షాల వాదనలు విన్న గౌరవ హైకోర్టు, దత్తత ఆధారంగా ఒక వ్యక్తి మరో సామాజికవర్గానికి చెందిన వారిగా గుర్తింపు పొందవచ్చా లేదా అనే విషయాన్ని అధికారులు పూర్తిగా పరిశీలించాలని స్పష్టం చేసింది. దత్తత తీసుకున్న కుటుంబం, పుట్టిన కుటుంబం యొక్క ఆచారాలు, సంప్రదాయాలు, ఇతర పరిస్థితులనుకూడా పరిశీలించాలని పేర్కొంది. ఈ కుల ధ్రువీకరణ పత్రంపై వచ్చిన ఫిర్యాదును, దానిపై కోరిన మధ్యంతర ఉపశమనాన్ని కూడా హైకోర్టు ఉత్తర్వుల కాపీ అందిన తేదీ నుంచి ఒక వారంలోపు పరిశీలించి తగిన నిర్ణయం తీసుకోవాలని విజయనగరం జిల్లా కలెక్టర్‌ను ఆదేశించింది. అలాగే, జెడ్పీటీసీ అభ్యర్థిగా బీసీ వర్గం కేటగిరీలో చెల్లించిన రూ.3 వేలకు అదనంగా ఓసీ కేటగిరీలోనే రూ.3 వేలు రిటర్నింగ్‌ అధికారికి చెల్లించాలని హైకోర్టు ఆదేశించింది. సాక్షిప్రతినిధి విజయనగరం: ముస్కాన్‌ జైన్‌ అనే ఓసీ సామాజిక వర్గానికి చెందిన తన దత్తత కుమార్తెను సిరిసహస్రగా పేరుమార్చి బీసీగా చూపించి రాజకీయ లబ్ధికోసం స్కెచ్‌లు వేసిన జెడ్పీ మాజీ చైర్మన్‌ మజ్జి శ్రీనివాసరావు (చిన్న శ్రీను) ఎత్తులకు హైకోర్టు బ్రేక్‌లు వేసి పెద్ద షాకే ఇచ్చింది. జిల్లాలోని పరిషత్‌ ఎన్నికల్లో భాగంగా తెర్లాం, కొత్తవలస జెడ్పీటీసీ స్థానాలు అన్‌రిజర్వ్‌డ్‌కు కేటాయించిన విషయం విధితమే. అయితే, ఓసీ వర్గానికి చెందిన ముస్కాన్‌ జైన్‌ అలియాస్‌ సిరిసహస్ర బీసీ వర్గాలకు నిర్దేశించిన విధంగానే నామినేషన్‌ పత్రాలతో పాటు రూ.3,000 డిపాజిట్‌ రుసుం చెల్లించారు. వాస్తవానికి ఎన్నికల సంఘం నిబంధనల మేరకు ఓసీ సామాజిక వర్గానికి చెందిన అభ్యర్థులు రూ. 6,000 చెల్లించాల్సి ఉంది. దీంతో పాటు ఆమె కులధ్రువీకరణపై వైఎస్సార్‌ కాంగ్రెస్‌ పార్టీ నాయకులు హెకోర్టును ఆశ్రయించారు. వాదోపవాదనలను పరిశీలించిన తరువాత కలెక్టర్‌కు వారంలోగా నివేదిక ఇవ్వాలంటూ కోర్టు ఆదేశాలు జారీ చేసింది. ఈ సందర్భంగా రిజర్వేషన్‌లు అనేవి సామాజికంగా, విద్యాపరంగా వెనుకబడిన వర్గాల అభివృద్ధి కోసం రాజ్యాంగం కల్పించిన హక్కు. ఆ ప్రయోజనాలు నిజంగా అర్హులైన వారికే అందాలి. అర్హత లేని వారు రిజర్వేషన్‌ ప్రయోజనాలను పొందకుండా అధికారులు నిష్పక్షపాతంగా వ్యవహరించాలి అని వాఖ్యానించింది.

● ఒరిగిపోయిన పోలీస్‌ అవుట్‌ పోస్ట్‌ గజపతినగరం: మండల కేంద్రంలో మంగళవారం సాయంత్రం ఓ లారీ అదుపు తప్పి డివైడర్‌ను ఢీకొట్టింది. విజయనగరం నుంచి సాలూరు వైపు వెళ్తున్న లారీ గజపతినగరం చేరుకునేసరికి ఒక్క సారిగా అదుపు తప్పి డివైడర్‌ను ఢీకొట్టింది. దీంతో పోలీస్‌ అవుట్‌ పోస్ట్‌ పక్కకు ఒరిగిపోయింది. ఆ సమయంలో జనసంచారం లేక పోవడంతో పెనుప్రమాదం తప్పిందని స్థానికులు ఊపిరి పీల్చుకున్నారు. ఎంపీడీఓ కార్యాలయంలో పాముగుమ్మలక్ష్మీపురం: స్థానిక ఎంపీడీఓ కార్యాలయంలోని ఆర్‌డబ్ల్యూఎస్‌ ఏఈ రూమ్‌లో మంగళవారం సుమారు 7 అడుగుల పాము (జెర్రిపోతు) ఆందోళన సృష్టించింది. ఆ రూమ్‌లోకి ఎప్పుడొచ్చి దూరిందో గానీ, కార్యాలయం సిబ్బంది మధ్యాహ్నం ఆ రూం తలుపులు తెరవగానే కిటికీలోంచి వెళ్లిపోయేందుకు ప్రయత్నించింది. కిటికీలకు మెస్‌ బిగించి ఉండడంతో వెళ్లలేక ఆ రూమ్‌ వద్దే మూలన నక్కింది. సిబ్బంది తలుపులన్నీ తెరిచి వెనుకవైపు నుంచి తోలడంతో తలుపు మార్గం గుండా బయటికి వెళ్లిపోయింది. దీంతో అక్కడి సిబ్బంది ఊపిరి పీల్చుకున్నారు. బాలిక అత్మహత్య..హైదరాబాద్‌: జిల్లాలోని జీడిమెట్ల పోలీస్‌ స్టేషన్‌ పరిధిలో ఓ బాలిక ఉరి వేసుకుని ఆత్మహత్యకు పాల్పడింది. ఈ ఘటనపై సీఐ రవికుమార్‌ తెలిపిన వివరాల ప్రకారం.. ఆంద్రప్రదేశ్‌ రాష్ట్రంలోని పార్వతీపురానికి చెందిన రమ, హరికృష్ణ దంపతులకు ఇద్దరు కుమార్తెలు. పెద్ద కుమార్తెకు వివాహం కాగా చిన్న కుమార్తె లావణ్య(15)తో కలిసి సంవత్సరం నుంచి నగరంలోని కుత్బుల్లాపూర్‌ బోళాశంకర్‌ నగర్‌లో ఉంటున్నారు. మూడు రోజుల క్రితం దంపతులు పని నిమిత్తం స్వగ్రామానికి వెళ్తూ లావణ్యను పిన్ని ఉమ ఇంట్లో ఉంచారు. కాగా లావణ్య కుత్బుల్లాపూర్‌ జెడ్పీహెచ్‌ఎస్‌లో 9వ తరగతి చదువుతోంది. సోమవారం ఉదయం పాఠశాలకు వెళ్లిన బాలిక సాయంత్రం పిన్ని ఇంటికి వెళ్లకుండా బోళాశంకర్‌నగర్‌ లోని వారు ఉంటున్న ఇంటికి వెళ్లింది. బాలిక లోపలి నుంచి తలుపు గడియ పెట్టుకుని ఉండడాన్ని గమనించిన ఇంటి యజమానురాలు శోభ తలుపు తట్టగా ఎంతకూ తీయలేదు. దీంతో అనుమానం వచ్చిన ఆమె బాలిక పిన్నికి సమాచారం అందించింది. వెంటనే ఆమె ఇంటికి వచ్చి చుట్టు పక్కల వారి సహాయంతో తలుపులు పగలగొట్టి చూడగా బాలిక చీరతో ఫ్యాన్‌కు ఉరి వేసుకుని వేలాడుతూ మృతిచెంది ఉంది. బాలిక పిన్ని ఉమ ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. రివాల్వర్‌తో కాల్చుకుని జవాన్‌ ఆత్మహత్య మెళియాపుట్టి: భారత సైన్యంలో సుదీర్ఘ కాలంగా సేవలందిస్తూ మరికొద్ది నెలల్లో ఉద్యోగ విరమణ చెంది కుటుంబంతో సంతోషంగా గడపాల్సిన ఆర్మీ జవాన్‌ ఆత్మహత్యకు పాల్పడిన విషాద ఘటన మెళియాపుట్టి మండలంలో చోటుచేసుకుంది. చాపర గ్రామానికి చెందిన ఆర్మీ జవాన్‌ నక్క నారాయణరావు(40) ఆదివారం జమ్మూకాశ్మీర్‌లో సర్వీస్‌ రివాల్వర్‌తో కాల్చుకుని ఆత్మహత్య చేసుకున్నాడు. మృతికి గల కారణాలు తెలియలేదు. నారాయణరావుకు భార్య హైమావతి, ఇద్దరు పిల్లలు ఉన్నారు. మంగళవారం చాపర గ్రామంలో అంత్యక్రియలు నిర్వహించారు. బొలెరోను ఢీకొన్న లారీ మందస: బాలిగాం గ్రామ సమీపంలో జాతీయ రహదారిపై సోమవారం రాత్రి అరటి పండ్ల లోడుతో ఆగి ఉన్న బొలెరో వాహనాన్ని ఓ లారీ ఢీకొట్టింది. ఈ ఘటనలో లారీ డ్రైవర్‌, క్లీనర్‌కు స్వల్ప గాయాలయ్యాయి. బొలెరో వాహనం రాజమండ్రి నుంచి ఒడిశాకు వెళ్తుండగా టైరు పంక్చర్‌ కావడంతో రోడ్డు పక్కన ఆపి ఉంచగా ఈ ప్రమాదం చోటుచేసుకుంది. హైవే పోలీసులు ఘటనా స్థలానికి చేరుకుని క్షతగాత్రులను హరిపురం ప్రభుత్వ ఆస్పత్రికి తరలించారు.

● వీక్షించిన భక్తజనం ● బాణసంచా మిరమిట్లు నడుమ పెద్దచెరువులో విహరించిన అమ్మవారు ● పైడిమాంబకు జేజేలు పలికిన భక్తులు విజయనగరం (కల్చరల్‌) క్రైమ్‌: ఉత్తరాంధ్రుల ఆరాధ్య దైవం, విజయనగరం ప్రజల ఇలవేల్పు పైడితల్లి అమ్మవారి తెప్సోత్సవం మంగళవారం కనుల పండువగా సాగింది. వేద మంత్రోచ్ఛరణాలు, మంగళవాయిద్యాలు నడుమ పైడితల్లి అమ్మవారు హంసవాహనంలో మూడుసార్లు విహరించారు. తొలుత వనంగుడిలో పండితులు వేదపఠనం గావించారు. అనంతరం అమ్మవారి ఉత్సవ మూర్తులకు శాస్త్రోక్తంగా అభిషేకం చేశారు. అమ్మవారిని అలంకరించాక పల్లకిలో ఉంచి వనంగుడి నుంచి రైల్వే స్టేషన్‌ రోడ్డు మీదుగా పడమర ఉన్న పెద్ద చెరువులో సిద్ధంగా ఉన్న హంసవాహనంలో ఉంచి సాయంత్రం 05.40 గంటల సమయంలో తెప్పోత్సవం నిర్వహించారు. సీఎంఆర్‌, రామానాయుడు రోడ్‌, ఎం.ఆర్‌.కాలేజ్‌, టెలిఫోన్‌భవన్‌ రోడ్‌ వైపుగా చెరువులో అమ్మవారు విహరించారు. అమ్మవారి తెప్పోత్సవాన్ని చూసేందుకు భక్తులు పోటెత్తారు. బాణసంచా మిరమిట్లు నడుమ చెరువులో విహరిస్తున్న అమ్మవారికి జేజేలు పలికారు. ఎలాంటి అవాంఛనీయ ఘటనలు జరగకుండా డీఎస్పీ లక్ష్మణమూర్తి, వన్‌టౌన్‌ సీఐ చౌదరి, పోలీసులు బందోబస్తు నిర్వహించారు. వేదపఠనం చేసిన పండితులకు ఆలయ అధికారులు సత్కరించారు. కార్యమ్రంలో ఉపాధ్యాయ ఎమ్మెల్సీ గాదె శ్రీనివాసులనాయుడు పాల్గొన్నారు.

● పార్టీలోకి ఆహ్వానించిన బొబ్బిలి మాజీ ఎమ్మెల్యే శంబంగితెర్లాం: మండలంలోని ఉద్దవోలు గ్రామంలో పలు కుటుంబాల వారు టీడీపీని వీడి బొబ్బిలి మాజీ ఎమ్మెల్యే శంబంగి వెంకట చినఅప్పలనాయుడు సమక్షంలో వైఎస్సార్‌సీపీలో మంగళవారం చేరారు. గ్రామానికి చెందిన వైఎస్సార్‌సీపీ నాయకుల ఆధ్వర్యంలో వారంతా టీడీపీని వీడి వైఎస్సార్‌సీపీలో చేరినట్లు ప్రకటించారు. పార్టీలో చేరిన వారందరికీ వైఎస్సార్‌సీపీ కండువాలు వేసి బొబ్బిలి మాజీ ఎమ్మెల్యే పార్టీలోకి ఆహ్వానించారు. ఈ సందర్భంగా ఆయన మాట్లాడుతూ ఎన్నో ఏళ్లుగా టీడీపీలో ఉంటూ పార్టీ అభివృద్ధికి కష్టపడి పనిచేసిన నాయకులు, కార్యకర్తలు కూటమి ప్రభుత్వంపై ఉన్న వ్యతిరేకతతోనే వైఎస్సార్‌సీపీలో చేరారన్నారు. టీడీపీని వీడి వైఎస్సార్‌ సీపీలో చేరిన ప్రతి ఒక్కరికీ ఎల్లప్పుడూ అండగా ఉంటామని ఆయన తెలిపారు. పార్టీలో చేరిన వారంతా గ్రామంలో వైఎస్సార్‌సీపీని బలోపేతం చేసేందుకు తమవంతు కృషి చేస్తామని, ఈనెల 5న జరగనున్న స్థానిక సంస్థల ఎన్నికల్లో తెర్లాం జెడ్పీటీసీ అభ్యర్ధి బొమ్మి శ్రీనివాసరావును, ఉద్దవోలు ఎంపీటీసీ అభ్యర్ధి పలగర లక్ష్మిని అత్యధిక మెజార్టీతో గెలిపించేందుకు కష్టపడి పనిచేస్తామని వారంతా అన్నారు. కార్యక్రమంలో పార్టీ మండల నాయకులు, ఉద్దవోలు గ్రామ వైఎస్సార్‌సీపీ నాయకులు, కార్యకర్తలు పాల్గొన్నారు.

● మళ్లీ వైఎస్సార్‌సీపీలో చేరిన 200 కుటుంబాలురామభద్రపురం: గిరిజన గ్రామాల్లో బోర్లు తీస్తామని, రోడ్డు వేస్తామని, పింఛన్లు, ఇళ్లు మంజూరు వంటి సంక్షేమ పథకాలు ఇస్తామని టీడీపీ నాయకులు బొబ్బిలి కోటకు తీసుకెళ్లి ఎమ్మెల్యే బేబీనాయనతో పార్టీ కండువాలు వేయించి మోసం చేశారని మండలంలోని రావివలస, ఆర్‌. చింతలవలస, ఎనుబరువు గ్రామాలకు చెందిన గిరిజన ప్రజలు ఆవేదన వ్యక్తంచేశారు. బోర్లు ఎప్పుడు వేస్తారని అడిగితే టీడీపీ నాయకులు మాట్లాడడం లేదని ఆవేదన వ్యక్తంచేశారు.టీడీపీ నాయకుల మాటలు నమ్మి కండువాలు వేసుకుని మోసపోయామని, ఇక నుంచి అలా జరగకుండా వైఎస్‌ఆర్‌సీపీకి మద్దతు ఇస్తూ మీ వెంట నడుస్తామని చెప్పారు. దీంతో రావివలస పచాయతీ తాజా మాజీ సర్పంచ్‌ సోముల కుమారి ఆధ్వర్యంలో మంగళవారం రావివలస, ఆర్‌ చింతలవలస, ఎనుబరువు గ్రామాల్లో 200 కుటుంబాలు మళ్లీ వైఎస్సార్‌సీపీలో చేరాయి. వారందరికీ మాజీ సర్పంచ్‌ కుమారి పార్టీ కండువాలు వేసి పార్టీలోకి ఆహ్వానించారు.దుంబిరి లక్ష్మి, పేటూరి సీతమ్మ, రూడిజన్ని లావణ్య, దుంబిరి పెద్దమ్మి తదితరులు పార్టీలో చేరిన వారిలో ఉన్నారు. కార్యక్రమంలో మీసాల రామారావు, మరడ అప్పారావు, రైతు తవుడు తదితరులు పాల్గొన్నారు.

రాజాం: ‘బడుగుబలహీన వర్గాలకు చెందిన వారికి 50 ఏళ్లకే వృద్ధాప్య పింఛన్‌... వలంటీర్లకు నెలకు రూ.10వేలు జీతం.. నిరుద్యోగులకు ఉద్యోగం వచ్చేవరకు నెలకు రూ.3వేలు చొప్పున నిరుద్యోగ భృతి... ఆడబిడ్డ నిధి కింద నెలకు రూ.1500 చొప్పున మహిళలకు ఆర్థిక లబ్ధి.. రైతన్నకు సాగుసాయం... పేదలందరికీ ఇళ్లు’.. అంటూ ప్రస్తుత సీఎం చంద్రబాబు, కూటమి నేతలు ఎన్నికల సమయంలో హామీలిచ్చారు. పల్లె, పట్టణ ప్రజలను నమ్మించారు. తీరా అధికారంలోకి వచ్చాక వీటిలో ఏ ఒక్క హామీని అమలు చేయలేదు. రెండున్నరేళ్లుగా ఏ ఒక్క పథకమూ మంజూరుచేయలేదు. హామీలు నమ్మి ఓట్లేసిన జనాన్ని మోసం చేశారు. అబద్ధాలతో నిలువునా ముంచేశారు. చంద్రబాబును నమ్మి పోయాం మోసం అంటూ ఇప్పుడు ఓటర్లు ఆవేదన చెందుతున్నారు. స్థానిక ఎన్నికలవేళ గ్రామాల్లో కూటమి నాయకులు, కార్యకర్తలు ఇస్తున్న హామీలు వింటూ.. పార్టీ పెద్దలే హామీలు అమలుచేయకపోతే చిన్నచిన్న కార్యకర్తలు, నాయకుల మాటలు ఎలా నమ్ముతా మని బాహాటంగానే విమర్శిస్తున్నారు. ● అటకెక్కిన ఇంటివద్దకే బియ్యం పథకం జిల్లా వ్యాప్తంగా 5,71,228 రేషన్‌ కార్డుదారులకు 430 ఎండీయూ వాహనాలతో ఇంటివద్దకే గత ప్రభుత్వం బియ్యం అందజేసేది. మరోవైపు వాహన డ్రైవర్లకు ఉపాధి కల్పించింది. చంద్రబాబు ప్రభుత్వం వచ్చాక ఎండీయూ వాహన వ్యవస్థను రద్దుచేయడంతో వందలాది మంది నిరుద్యోగులుగా మారారు. వారి కుటుంబాలకు ఉపాధి కరువైంది. మరోవైపు రేషన్‌ కోసం మళ్లీ పూర్వపు రోజులు పునరావృతమయ్యాయి. పనులు మానుకుని డిపోలకు పరుగుతీయాల్సి వస్తోంది. ● ఊరించి.. ఉసూరుమనిపించి అధికారంలోకి వచ్చిన వెంటనే మహిళలకు ఆడబిడ్డ నిధి కింద నెలకు రూ.1500 ఇస్తామని చంద్రబాబు హామీ ఇచ్చారు. రెండున్నరేళ్లలో ఒక్కరూపాయి కూడా ఇవ్వలేదు. జిల్లా వ్యాప్తంగా 7.50 లక్షల మంది అర్హులైన ఆడబిడ్డలను మోసం చేశారు. ఆశపెట్టి మోసం చేశారు.. పార్టీలకు అతీతంగా గ్రామ, వార్డు వలంటీర్లకు నెలకు రూ.10 వేలు ఇస్తామని సీఎం చంద్రబాబు ఎన్నికల ముందు ప్రకటించారు. నిజమేనని నమ్మాం. తీరా అధికారంలోకి వచ్చిన వెంటనే వ్యవస్థను రద్దుచేసి ఉపాధిలేకుండా చేశారు. నిలువునా ముంచేశారు. – రేగిడి రాజు, మాజీ గ్రామ వలంటీర్‌, వాసుదేవపట్నం, సంతకవిటి మండలం చంద్రబాబును నమ్మరాదు చంద్రబాబును నమ్మరాదు. నిరుద్యోగులను నిలువునా ముంచేశారు. గత ప్రభుత్వం లక్షలాది సచివాలయ ఉద్యోగాలు భర్తీచేసింది. ఈ ప్రభుత్వం ఉద్యోగాలు ఇవ్వకపోగా, ఇస్తామన్న నెలకు రూ.3వేలు నిరుద్యోగ భృతి అందజేయడంలేదు. ఫీజు రీయింబర్స్‌మెంట్‌ చెల్లించకపోవడంతో డిగ్రీ పాసైనా సర్టిఫికెట్లు ఇవ్వడం లేదు. ఇంత మోసకారి ప్రభుత్వాన్ని ఎన్నడూ చూడలేదు. – కడగల భీమేశ్వరరావు, ఎమ్‌బీఏ, ఎల్‌ఎల్‌బీ, రాజాం ఆడబిడ్డలకు కన్నీరు.. గత ప్రభుత్వం అడగకుండానే మహిళలకు సంక్షేమ పథకాలు అందజేసింది. ఆర్థిక కష్టాలను దూరం చేసింది. ప్రస్తుత చంద్రబాబు ప్రభుత్వం కొత్త పింఛన్లు మంజూరు చేయడంలేదు. ఆడబిడ్డ నిధి కింద ఇస్తామన్న రూ.1500 అందజేయడం లేదు. ఆసరా, చేయత పథకాలను అటకెక్కించారు. డ్వాక్రా వడ్డీ మాఫీ మాటే లేదు. ఈ ప్రభుత్వాన్ని ఏమని దూషించాలో తెలియడం లేదు. ఎన్నికల్లో జనం బుద్ధిచెప్పడం ఖాయం. – ఎలిగింటి తేజేశ్వరి, సంకిలి, రేగిడి మండలంఉమ్మడి విజయనగరం జిల్లాలో గత వైఎస్సార్‌సీపీ ప్రభుత్వ హయాంలో గ్రామ, వార్డు వలంటీర్‌ వ్యవస్థతో నిరుద్యోగ యువతకు కొంతమేర ఉపాధి లభించింది. జిల్లా వ్యాప్తంగా 10,200 మంది గ్రామ, వార్డు వలంటీర్లు ప్రభుత్వానికి ప్రజలకు మధ్య వారధిగా పనిచేస్తూ నెలకు రూ.5వేల గౌరవ వేతనంలో జీవనం సాగించేవారు. ఉత్తమ సేవలందిస్తూ సేవా వజ్ర, సేవా రత్న, సేవా మిత్ర అవార్డులకు ఎంపికై నగదు ప్రోత్సాహకాలు అందుకునేవారు. వీరందరికీ చంద్రబాబు నెలకు రూ.10వేలు ఇస్తామని చెప్పి నమ్మించారు. తీరా అధికారంలోకి వచ్చాక వలంటీర్‌ వ్యవస్థను రద్దుచేసి అందరినీ రోడ్డున పడేశారు. పెరుగుతున్న నిరుద్యోగిత.. గత జనగ్‌మోహన్‌రెడ్డి ప్రభుత్వం ఒకేసారి రాష్ట్ర వ్యాప్తంగా సచివాలయ వ్యవస్థను అందుబాటులోకి తెచ్చి 1.60 లక్షల మంది నిరుద్యోగులకు ఉద్యోగ అవకాశాలు కల్పించింది. ఈ ఉద్యోగ విప్లవంతో నిరుద్యోగులు ఉద్యోగులుగా మారడమే కాకుండా ఓ ఇంటివారయ్యారు. ఇప్పుడు ఆ పరిస్థితి మారిపోయింది. గత రెండున్నరేళ్లుగా సరైన ఉద్యోగనోటిఫికేషన్ల కోసం ఎదురుచూస్తున్నా నిరాశే ఎదురవుతోంది. జిల్లాలో నిరుద్యోగ సమస్య పెరుగుతోంది. జిల్లా వ్యాప్తంగా ఎంప్లాయ్‌మెంట్‌ కార్యాలయంలో 90 వేల మంది నిరుద్యోగులు నమోదుకాగా, అనధికారికంగా మరో 3 లక్షలు మంది ఉన్నారు. నిరుద్యోగులకు ఇస్తామన్న నిరుద్యోగ భృతిని కూడా చంద్రబాబు ప్రభుత్వం చెల్లించకపోవడంతో అవస్థలు తప్పడంలేదు. రూ.10వేలు అన్నారు.. పంగనామాలు పెట్టారు... ఇచ్చిన హామీలు అమలుచేయని చంద్రబాబు ప్రభుత్వం వలంటీర్లకు నెలకు రూ.10వేలు ఇస్తామని వ్యవస్థనే రద్దు చేశారు.. ఆడబిడ్డ నిధి అందించేదెప్పుడు? కొత్త పింఛన్లు లేవు.. నిరుద్యోగ భృతి అందదు.. ఉద్యోగ నోటిఫికేషన్లకు తప్పని ఎదురుచూపు

నెల్లిమర్ల రూరల్‌: మండలంలోని అలుగోలు ఎంపీటీసీ సెగ్మెంట్‌ పరిధిలో టీడీపీకి చెందిన 20 కుటుంబాలు సోమవారం వైఎస్సార్‌సీపీలో చేరాయి. మాజీ ఎంపీ బొత్స ఝాన్సీలక్ష్మి, వైఎస్సార్‌సీపీ నెల్లిమర్ల నియోజకవర్గ సమన్వయకర్త గదల సన్యాసినాయుడు, మాజీ వైస్‌ ఎంపీపీ సారిక వైకుంఠంనాయుడు సమక్షంలో నక్కెల్ల రామస్వామి, నక్కెల్ల సంతోష్‌, గౌరి, గోపి, మణి, కిల్లాన సూర్యనారాయణ, గూన పండు, అలుగోలు సూర్యనారాయణ, లక్ష్మి తదితరులు వైఎస్సార్‌సీపీలో చేరారు. ఈ సందర్భంగా మాజీ ఎంపీ బొత్స ఝాన్సీ మాట్లాడుతూ..కూటమి ప్రభుత్వంలో సామాన్యుడి బతుకు అగమ్యగోచరంగా మారిందని, నిత్యావసర ధరలు ఆకాంశాన్ని అంటాయన్నారు. వైఎస్‌ జగన్‌ ప్రభుత్వంలో అన్ని వర్గాల ప్రజలకు న్యాయం జరిగిందని, ప్రతి ఇంట్లో సంక్షేమ వెలుగులు నిండాయని గుర్తు చేశారు. నేడు ఆ పరిస్థితి ఎక్కడా లేదని..సంక్షేమాభివృద్ధి పాలన కావాలంటే వైఎస్సార్‌సీపీకి మద్దతు పలకాల్సిన అవసరం ఉందన్నారు. పార్టీలో చేరిన వారు పార్టీని క్షేత్రస్థాయిలో మరింత బలోపేతం చేయాలని, జెడ్పీపీటీసీ, ఎంపీటీసీ ఎన్నికల్లో ఫ్యాన్‌ గుర్తుపై ఓటు వేసి వైఎస్సార్‌సీపీ అభ్యర్థులను గెలిపించాలని పిలుపునిచ్చారు. కార్యక్రమంలో జెడ్పీటీసీ అభ్యర్థి మత్స విజయ, ఎంపీటీసీ అభ్యర్థి ఆల్తి రమణమ్మ, నాయకులు మత్స సత్యనారాయణ, ఆల్తి ఆదినారాయణ తదితరులు పాల్గొన్నారు.

రామభద్రపురం: మండలంలోని ఆర్‌.చింతలవలసకు చెందిన ఓ వ్యక్తి పురుగు మందు తాగి అస్వస్థతకు గురి కాగా చికిత్స పొందుతూ మృతి చెందాడు. ఈ సంఘటనపై పోలీసులు తెలిపిన వివరాల ప్రకారం గ్రామానికి చెందిన కుడుమూరు రాజేష్‌ ఇంటి సమస్యల కారణంగా మనస్తాపానికి గురై గత నెల 21వ తేదీన ఇంట్లో ఎవరూ లేని సమయంలో గడ్డి మందు తాగాడు. గమనించిన కుటుంబ సభ్యులు ప్రథమ చికిత్స నిమిత్తం వెంటనే 108 వాహనంలో బొబ్బిలి సీహెచ్‌సీకి తరలించారు. ప్రథమ చికిత్స అనంతరం అక్కడినుంచి మెరుగైన వైద్యం కోసం విశాఖపట్నం కేజీహెచ్‌కు తరలించారు.అక్కడ చికిత్సపొందుతూ సోమవారం మృతి చెందాడు. మృతుడి తండ్రి రాజయ్య ఫిర్యాదు మేరకు ఎస్సై జ్ఞానప్రసాద్‌ కేసు నమోదు చేసి దర్యాప్తు చేస్తున్నారు. చౌడేశ్వరిదేవి ఆలయంలో చోరీరాజాం సిటీ: మున్సిపాల్టీ పరిధి సంతమార్కెట్‌ ఆవరణలోని మల్లికార్జునస్వామి ఆలయం వద్ద ఉన్న చౌడేశ్వరిదేవి ఆలయంలో ఆదివారం రాత్రి చోరీ జరిగింది. ఎప్పటిలాగే అర్చకుడు యశ్వంత్‌ సోమవారం ఉదయం ఆలయానికి చేరుకుని తలుపులు తెరిచేందుకు సిద్ధం కాగా అప్పటికే తాళాలు పగులగొట్టి ఉండడాన్ని గమనించి కమిటీ సభ్యులు, పోలీసులకు సమాచారం అందించాడు. ఈ విషయం తెలుసుకున్న పోలీసులు ఆలయానికి చేరుకుని పరిసరాలను పరిశీలించారు. అమ్మవారికి అమర్చిన బంగారు బొట్టు, కనుబొమ్మలు, కన్నులతో పాటు ఐదు నెలలుగా లెక్కించకుండా ఉన్న రెండు హుండీల్లోని నగదును దుండగులు అపహరించుకుపోయినట్లు గుర్తించారు. అలాగే ఆలయం ఆవరణలో అమర్చిన సీసీ కెమెరాలు, హార్డ్‌ డిస్క్‌ను ధ్వంసం చేసినట్లు గుర్తించి క్లూస్‌టీమ్‌కు సమాచారం అందించారు. వారు వచ్చి ఆధారాలు సేకరించారు. కమిటీ సభ్యులు ఇచ్చిన ఫిర్యాదు మేరకు కేసు నమోదుచేసి దర్యాప్తు చేస్తున్నామని పోలీసులు తెలిపారు. కొఠియాలో హైటెన్షన్‌● నేరెళ్లవలస వద్ద ఆంధ్రా రేషన్‌ సరుకుల లారీ అడ్డగింత సాలూరు: ఆంధ్రా ఒడిశా వివాదాస్పద కొఠియా గ్రూప్‌ గ్రామాల్లో ఆంధ్రా స్థానిక సంస్థల ఎన్ని కల నేపథ్యంలో హైటెన్షన్‌ వాతావరణం నెలకొంటోంది. ఇప్పటికే ఒడిశా అధికారులు, ప్రత్యే క పోలీసు బలగాలతో ఆంధ్రా ఎన్నికలను అడ్డుకునేలా చర్యలు తీసుకుంటున్నారు. ఈ క్రమంలో సోమవారం కొఠియా గ్రూప్‌ గ్రామాలకు జీసీసీ ద్వారా ఆంధ్రా ఆధ్వర్యంలో ప్రతి నెలా అందించే రేషన్‌సరుకుల వాహనం నేరెళ్లవలస జీసీసీ డిపో వద్ద డంప్‌ చేయడానికి చేరుకున్న క్రమంలో ఒడిశా రాష్ట్రం పొట్టంగి బ్లాక్‌ డెవలప్‌మెంట్‌ అధికారి ఈ లారీని అడ్డుకున్నారు. దీనిపై ఆంధ్రా రెవెన్యూ అధికారులు పలువిధాలుగా నచ్చచెప్పి సరుకులను డంప్‌ చేసే ప్రయత్నం చేసినా ఒడిశా అధికారులు అంగీకరించలేదు. దీంతో అటు ఒడిశా పోలీసులు, ఇటు సాలూరు సీఐ రామకృష్ణ ఆధ్వర్యంలో ఆంధ్రా పోలీసులు, తహసీల్దార్‌ సురేష్‌ తదితరులు సంఘటనా స్థలానికి చేరుకున్నారు. విషయం తెలు సుకున్న కొఠియా గ్రూప్‌ గ్రామాలైన ఎగుశెంబి, దిగువశెంబి, ధూళిభద్ర, మూలతాడివలస, సా రిక, నేరెళ్లవలస తదితర గ్రామాల ప్రజలు సంఘటనా స్దలానికి చేరుకుంటున్నారు.రాత్రి సు మారు 10 గంటల సమయంలో కూడా పరిస్థితి ఉద్రిక్తంగానే ఉంది. రేషన్‌ సరుకుల లారీనే అడ్డుకుంటే రానున్న స్థానిక సంస్థల ఎన్నికల్లో ఈ కొఠియా గ్రామాల ప్రజలు ఓటు హక్కును వినియోగించుకునే పరిస్థితి ఉండే అవకాశం ఉంటుందా? అని ఆందోళన వ్యక్తం చేస్తున్నారు.

బలిజిపేట: మండలంలోని పదమాయవలసలో మాజీ సర్పంచ్‌ టి.సత్యంనాయుడుతో సహా 50కుటుంబాలు టీడీపీ నుంచి వైఎస్సార్‌సీపీలో సోమవారం చేరాయి. వారికి మాజీ ఎమ్మెల్యే అలజంగి జోగారావు పార్టీ కండువాలు వేసి పార్టీలోకి సాదరంగా ఆహ్వానించారు. పార్టీలో చేరిన వారిలో టి.సింహాద్రినాయుడు, పార్వతమ్మ, సీతమ్మ, పారమ్మతో పాటు 50కుటుంబాల వారు ఉన్నారు. ఈ సందర్భంగా మాజీ ఎమ్మెల్యే జోగారావు మాట్లాడుతూ టీడీపీ ప్రభుత్వం ఎన్నికల ముందు ఇచ్చిన హామీలను అమలుచేయడంలో విఫలమైందన్నారు. గ్రామాల్లో బడుగు, బలహీన వర్గాల ప్రజలు ఆకలిమంటలతో అల్లాడిపోతున్నారని తెలిపారు. ప్రభుత్వంలో సంక్షేమం, అభివృద్ధి లేవన్నారు. కార్యక్రమంలో మాజీ జెడ్పీటీసీ రవికుమార్‌, పార్టీ జిల్లా మేధావుల ఫోరం అధ్యక్షుడు పీఎస్‌ఆర్‌ నాయుడు, కె.మోహనరావు, పార్టీ నాయకులు, కార్యకర్తలు, అభిమానులు పాల్గొన్నారు.

మక్కువ: మండల కేంద్రం మక్కువకు చెందిన తెలుగుదేశం పార్టీ నాయకులు, ఆ పార్టీని వీడి సోమవారం వైఎస్సార్‌సీపీ మండల అధ్యక్షుడు మావుడి రంగునాయుడు సమక్షంలో వైఎస్సార్‌ కాంగ్రెస్‌ పార్టీలో చేరారు. సుమారు మూడు దశాబ్దాలుగా మక్కువకు చెందిన మావుడి పార్థసారథి, లింగం తారక రామారావు, కొండపల్లి గోపి తెలుగుదేశంలో ఉంటూ, పార్టీ కోసం ఎంతో కష్టపడ్డారు. వైఎస్సార్‌ కాంగ్రెస్‌ పార్టీ మండల అధ్యక్షుడు మావుడి రంగునాయుడుతో కలిసి పార్టీ కోసం పనిచేసేందుకు సిద్ధమై, పార్టీలో చేరగా వారికి రంగునాయుడు పార్టీ కండువాలు వేసి పార్టీలోకి ఆహ్వానించారు. స్థానిక సంస్థల ఎన్నికల్లో మనమంతా కలిసి పనిచేసి మండలంలో 14 ఎంపీటీసీ స్థానాల్లో మన అభ్యర్థులను గెలిపించేందుకు కృషి చేద్దామని రంగునాయుడు ఈ సందర్భంగా పిలుపునిచ్చారు.

చికెన్‌విజయనగరం రూరల్‌: స్థానిక సంస్థల ఎన్నికల్లో భాగంగా ఆదివారంతో పురపోరుకు తెరపడగా, పరిషత్‌ పోరు మొదలైంది. ఈనెల 5న జరగనున్న పరిషత్‌ పోరుకు జిల్లా అధికార యంత్రాంగం సర్వం సిద్ధం చేస్తోంది. జిల్లాలోని 27 జెడ్పీటీసీ, 449 ఎంపీటీసీ స్థానాలకు ఎన్నికల కమిషన్‌ నోటిఫికేషన్‌ జారీ చేయగా, నామినేషన్ల ప్రక్రియ ముగిసేనాటికి జెడ్పీటీసీ స్థానాలకు 258 నామినేషన్లు దాఖలు కాగా ఎంపీటీసీ స్థానాలకు 2577 నామినేషన్లు దాఖలయ్యాయి. 449 ఎంపీటీసీ స్థానాలకు గాను 11 స్థానాలు ఏకగ్రీవం కాగా 438 స్థానాలకు ఎన్నికలు నిర్వహించనున్నారు. 27 జెడ్పీటీసీ స్థానాలకు వైఎస్సార్‌సీపీ నుంచి 27 మంది, తెలుగుదేశం పార్టీ నుంచి 22 మంది జనసేన పార్టీ నుంచి ఐదుగురు, బీజేపీ నుంచి ఒకరు పోటీ పడుతున్నారు. అలాగే కాంగ్రెస్‌ నుంచి 21 మంది, స్వతంత్ర అభ్యర్థులు 23 మంది, ఇతర పార్టీల నుంచి మరో నలుగురు ఎన్నికల బరిలో నిలిచారు. 1586 పోలింగ్‌ కేంద్రాలు ఎంపీటీసీ జెడ్పీటీసీ ఎన్నికలకు గాను జిల్లాలో 1586 పోలింగ్‌ కేంద్రాలను అధికారులు సిద్ధం చేశారు. 27 మండలాల్లో 12,85,691 మంది ఓటర్లు తమ ఓటు హక్కును వినియోగించుకోనున్నారు. నేటితో ఎన్నికల ప్రచారానికి తెర జిల్లాలో ఈనెల 5న జరగనున్న జెడ్పీటీసీ, ఎంపీటీసీ సాధారణ ఎన్నికల పోలింగ్‌కు సంబంధించి బహిరంగ ప్రచారానికి మంగళవారం సాయంత్రం 5గంటలతో తెరపడనుందని జిల్లా ఎన్నికల అధికారి, కలెక్టర్‌ ఎస్‌. రామ్‌సుందర్‌ రెడ్డి సోమవారం తెలిపారు. రాష్ట్ర ఎన్నికల సంఘం నిబంధనల ప్రకారం పోలింగ్‌ ముగిసే సమయానికి 48 గంటల ముందు నుంచే ప్రచార గడువు ముగుస్తుందని ఆయన స్పష్టం చేశారు. ఎన్నికలు జరిగే సంబంధిత ప్రాదేశిక నియోజకవర్గాల్లో ఓటు హక్కు లేని రాజకీయ నాయకులు, స్టార్‌ క్యాంపెయినర్లు, ఇతర ప్రాంతాల నుంచి వచ్చిన కార్యకర్తలు మంగళవారం సాయంత్రం 5 గంటలలోపు ఆయా ప్రాంతాలను విడిచి వెళ్లిపోవాలని కలెక్టర్‌ ఆదేశించారు. సాయంత్రం 5 గంటల తర్వాత ఎట్టి పరిస్థితుల్లోనూ మైకులు, లౌడ్‌ స్పీకర్లు, ర్యాలీలు, రోడ్‌షోలు, బహిరంగ సమావేశాలు నిర్వహించరాదని, ఇంటింటి ప్రచారం సైతం ఎన్నికల నిబంధనలకు లోబడి మాత్రమే చేపట్టాల్సి ఉంటుందని స్పష్టం చేశారు. ఎన్నికల కోడ్‌ ముగిసే వరకు సోషల్‌ మీడియా, వాట్సాప్‌ గ్రూపులు, ఎస్‌ఎంఎస్‌ల ద్వారా ఓటర్లను ప్రలోభపెట్టే సందేశాలు, ప్రకటనలు పంపడంపై సైబర్‌ విభాగం నిఘా ఉంచుతుందని కలెక్టర్‌ తెలిపారు. ప్రచారం ముగిసిన సమయం నుంచి పోలింగ్‌ ముగిసే వరకు ఎన్నికలు జరిగే ప్రాంతాల్లో మద్యం విక్రయాలపై పూర్తిగా నిషేధం అమల్లో ఉంటుందని, సరిహద్దుల వద్ద చెక్‌పోస్టులు ఏర్పాటు చేసి అక్రమ రవాణాను అడ్డుకుంటామన్నారు. ప్రజాస్వామ్య పద్ధతిలో ఎన్నికలు నిష్పాక్షికంగా, ప్రశాంత వాతావరణంలో జరిగేందుకు అన్ని రాజకీయ పక్షాలు, అభ్యర్థులు, ఓటర్లు సహకరించాలని, నిబంధనలను అతిక్రమిస్తే చట్టపరమైన కఠిన చర్యలు తప్పవని కలెక్టర్‌ హెచ్చరించారు. అధికారులకు కలెక్టర్‌ సూచనలు ప్రతి రెండు గంటలకు ఒకసారి పోలింగ్‌ సరళికి సంబంధించిన వివరాలను నిర్దేశిత సమయానికి కంట్రోల్‌ రూమ్‌కు అందించాలి. పోలింగ్‌ కేంద్రాల్లో వీడియో గ్రఫీ, సీసీటీవీ ఫుటేజీ ఏర్పాట్లు సక్రమంగా ఉండాలి. బ్యాలెట్‌ పేపర్లు, స్టేషనరీ, ఇతర ఎన్నికల సామగ్రిని ముందుగానే తనిఖీ చేసి సిద్ధంగా ఉంచాలి. ఓటర్‌ స్లిప్పులు ముందుగానే పంపిణీ చేయాలి. పోలింగ్‌ సిబ్బందికి ఎన్నికల సామగ్రి పంపిణీ, రూట్‌ వెరిఫికేషన్‌, రవాణా ఏర్పాట్లు పక్కాగా చేయాలి. పోలింగ్‌ సిబ్బందిని రిసెప్షన్‌ కేంద్రం వద్ద దించి వాహనాలు వెళ్లిపోకుండా, వారిని బస్టాండ్‌కు చేర్చే వరకు రవాణా సౌకర్యం కల్పించాలని. పోలింగ్‌ సిబ్బందికి తాగునీరు, భోజనం, అల్పాహారం, రాత్రి భోజనం వంటి కనీస సౌకర్యాలు కల్పించాలని స్పష్టం చేశారు. సోమవారం కలెక్టర్‌ నిర్వహించిన వెబెక్స్‌ సమావేశంలో జాయింట్‌ కలెక్టర్‌ సేతు మాధవన్‌, డీఆర్‌ఓ సీహెచ్‌. సత్తిబాబుతో కలిసి ఆర్డీఓలు, డీఎల్డీఓలు, రిటర్నింగ్‌ అధికారులు, ఎంపీడీఓలు, తహసీల్దార్లు, నోడల్‌ అధికారులకు పలు సూచనలు చేశారు. సమావేశంలో సంబంధిత ఎన్నికల అధికారులు, నోడల్‌ అధికారులు పాల్గొన్నారు. 27 జెడ్పీటీసీ, 438 ఎంపీటీసీ స్థానాలకు పోటీ జెడ్పీటీసీ బరిలో 103 మంది, ఎంపీటీసీ స్థానాలకు 1069 మంది పోటీ 1586 పోలింగ్‌ కేంద్రాలు సిద్ధం ఓటు హక్కు వినియోగించుకోనున్న 12,85,691 మంది ఓటర్లు

గుర్ల: చంద్రబాబు చేస్తున్న పరిపాలనకు విసుగు చెందిన మండలంలోని వల్లాపురం గ్రామానికి చెందిన 25 కుటుంబాల వారు టీడీపీ, జనసేన పార్టీలను వీడి వైఎస్సార్‌సీపీలో సోమవారం చేరారు. పార్టీలో చేరిన బొద్దాన అప్పన్న, కోల ఆదినారాయణ, కోల సత్యం, బొద్దాన గణేష్‌, గొరుబిండి అప్పలనాయుడు, బాగు సూరిబాబు, బొద్దాన రమేష్‌, మీసాల శ్రీను, శేషపు రమణ, రెడ్డి సత్యనారాయణ, వాళ్లె సతీష్‌, రెడ్డి రాంబాబు, బొద్దాన అప్పయ్య, బొద్దాన చిన్న రమణలకు మాజీ ఎంపీ బొత్స ఝాన్సీలక్ష్మి స్థానిక వైఎస్సార్‌సీపీ కార్యాలయం వద్ద సోమవారం పార్టీ కండువాలు వేసి పార్టీలోకి సాదరంగా ఆహ్వానించారు. వైఎస్సార్‌సీపీని అధికారంలోకి తీసుకురావడానికి కృషి చేయాలని సూచించారు. బొత్స అనూష సమక్షంలో మరో 20 కుటుంబాలు అలాగే మండలంలోని గిరిడ, జమ్ముపేట గ్రామాల నుంచి మరో 20 కుటుంబాలు భీమిలి నియోజకవర్గ వైఎస్సార్‌సీపీ సమన్వయ కర్త బొత్స అనూష సమక్షంలో వైఎస్సార్‌సీపీలో ఆదివారం రాత్రి చేరారు. పార్టీలో చేరిన దాసరి పైడినాయుడు, దాసరి ప్రియాంక, రెడ్డి సూరిబాబు, గేదెల చిన్న, బిల్లాన శ్రీను, గునాటి అప్పన్న, బిల్లాన చిన్న, బిల్లాన ఆదినారాయణ, గిడిజాల నరసింహమూర్తి, బిల్లాన సీతారాం, బిల్లాన ఇందిరలకు బొత్స అనూష, జెడ్పీటీసీ అభ్యర్థి సంగం రెడ్డి వెంకటలక్ష్మి పార్టీ కండువాలు వేసి వైఎస్సార్‌సీపీలోకి ఆహ్వనించారు. స్థానిక ఎన్నికల్లో ఫ్యాన్‌ గుర్తుపై ఓటు వేసి అత్యధిక మెజార్టీతో గెలిపించాలని కోరారు. ఈ ఎన్నికల ప్రచారంలో వైఎస్సార్‌సీపీ నాయకులు కేవీ సూర్యానారాయణ రాజు, పొట్నూరు సన్యాసినాయుడు, శీర అప్పలనాయుడు, తిరుమరెడ్డి సూరిబాబు, కురుమునెల్లి వరలక్ష్మి పాల్గొన్నారు.

చీపురుపల్లి రూరల్‌(గరివిడి): విద్యాబుద్ధులు నేర్పించి విద్యార్థుల భవిష్యత్తుకు బాటలు వేయాల్సిన ఉపాధ్యాయుడే చిన్నారుల పట్ల అసభ్యకరంగా ప్రవర్తించారనే ఆరోపణలు కలకలం రేపుతున్నాయి. బడిలో పిల్లలకు తల్లిదండ్రుల మాదిరిగా రక్షణగా నిలవాల్సిన గురువే వారి పట్ల అనుచితంగా వ్యవహరించారనే ఫిర్యాదులు గరివిడి మండలంలోని గదబవలస గ్రామంలో తీవ్ర ఆందోళనకు దారితీశాయి. సమాజం తలదించుకునేలా ఉన్న ఈ ఘటనపై విద్యార్థుల తల్లిదండ్రులు, గ్రామస్తులు తీవ్ర ఆగ్రహం వ్యక్తం చేస్తున్నారు. గరివిడి మండలం గదబవలస ప్రాథమిక పాఠశాలలో ప్రధానోపాధ్యాయుడిగా పని చేస్తున్న బాబ్జీపై..పలువురు చిన్నారి బాలికల పట్ల అసభ్యకరంగా ప్రవర్తించారనే ఆరోపణలు వెల్లువెత్తాయి. జ్వరం కారణంగా ఓ చిన్నారి విద్యార్థిని పాఠశాలకు వెళ్లకపోవడంతో తల్లిదండ్రులు ఆరా తీయగా విషయం వెలుగులోనికి వచ్చిందని స్థానికులు చెబుతున్నారు. దీంతో అప్రమత్తమైన తల్లిదండ్రులు పాఠశాలలో చదువుతున్న ఇతర విద్యార్ధినులను కూడా విచారణ చేయగా మరికొందరు చిన్నారులు సైతం తాకరాని చోట్ల చేతులు వేస్తున్నాడని తెలియజేశారు. ఈ విషయంపై గ్రామపెద్దలు, విద్యార్థుల తల్లిదండ్రులు అధికారులకు ఫిర్యాదు చేశారు. గ్రామంలో విచారణ గ్రామస్తులు, చిన్నారుల తల్లిదండ్రుల ఫిర్యాదు మేరకు మండల విద్యాశాఖాధికారి పి.రామారావుతో పాటు చీపురుపల్లి సీఐ జి.శంకరరావు, గరివిడి ఎస్సై బి.లోకేశ్వరరావు గ్రామానికి చేరుకుని ఘటనపై గ్రామస్తులను కలిసి విచారణ చేశారు. స్కూల్‌లో చదువుతున్న చిన్నారులను కూడా ప్రశ్నించగా గడిచిన మూడు సంవత్సరాల నుంచి ఉపాధ్యాయుడు ఇలా చేతులు వేయడం, తాకరాని చోట గిల్లడం, పట్టుకోవడం చేస్తున్నారని చిన్నారులు అందరి సమక్షంలో చెప్పినట్లు తల్లిదండ్రులు చెబుతున్నారు. అధికారులు గ్రామంలోనికి వెళ్లక ముందు చిన్నారుల తల్లిదండ్రులు స్కూల్‌ వద్దకు వెళ్లి ఉపాధ్యాయుడిని ప్రశ్నించగా తప్పు అయిపోయిందని, మరెప్పుడూ ఇలా చేయనని, క్షమించమని ఆ ఉపాధ్యాయుడు అడిగారని చిన్నారుల తల్లిదండ్రులు చెబుతున్న మాట.ఏది ఏమైనా సరే ఆ ఉపాధ్యాయుడిని విదుల నుంచి తొలగించాలని, ఏ పాఠశాలలో కూడా బోధన చేయకుండా శిక్షించాలని తల్లిదండ్రులు డిమాండ్‌ చేశారు. ఈ నేపథ్యంలో సదరు ఉపాధ్యాయుడు బాబ్జీపై సస్పెన్షన్‌ విధిస్తూ జిల్లా విద్యాశాఖ అధికారి ఆదేశాలు జారీ చేశారు. ఇదే విషయమై ఎంఈఓ రామారావు మాట్లాడుతూ ఫిర్యాదు మేరకు గ్రామంలోనికి వెళ్లి పిల్లలతో, వారి తల్లిదండ్రులతో మాట్లాడామని తెలిపారు. ఈ విషయంలో ఉపాధ్యాయుడిపై సస్పెన్షన్‌ విధిస్తూ డీఈఓ ఆదేశాలు జారీ చేశారన్నారు. ఈ విషయమై తదుపరి విచారణ చేపడతామని చెప్పారు. గ్రామస్థులు, పిల్లల తల్లిదండ్రుల ఫిర్యాదు మేరకు హెచ్‌ఎం బాబ్జీపై ఎస్సై బి.లోకేశ్వరరావు కేసు నమోదు చేశారు. చిన్నారులపై ఉపాధ్యాయుడి అసభ్య ప్రవర్తన గదబవలస ప్రాథమిక పాఠశాలలో కలకలం ప్రధానోపాధ్యాయుడిపై తీవ్ర ఆరోపణలు సస్పెన్షన్‌ విధించిన డీఈఓ

● చంద్రబాబు ప్రభుత్వాన్ని విమర్శించిన శాసన మండలి విపక్షనేత బొత్స సత్యనారాయణ గుర్ల: అబద్ధపు హామీలతో నమ్మించి పేద ప్రజలను చంద్రబాబు ప్రభుత్వం మోసం చేసిందని శాసనమండలి విపక్షనేత బొత్స సత్యనారాయణ విమర్శించారు. గుర్ల మండలం పెద్దబంటుపల్లి, తెట్టంగి, కెల్లలో ఆయన సోమవారం ఎన్నికల ప్రచారం చేశారు. సంక్షేమ పథకాల అమలులో సర్కారు విఫలమైందన్నారు. రైతులకు ఎరువులు దొరకని దుస్థితి నెలకొందన్నారు. పార్టీలు మారిన వారి బెదిరింపులకు తలొగ్గద్దని, వైఎస్సార్‌సీపీలో ఉన్న ప్రతి నాయకుడు, కార్యకర్తకు అండగా ఉంటానని భరోసా ఇచ్చారు. జెడ్పీటీసీ అభ్యర్థి సంగం రెడ్డి వెంకటలక్ష్మి మాట్లాడుతూ గ్రామాలు అభివృద్ధి చేసి మాజీ మంత్రి బొత్స సత్యనారాయణ అడుగుజాడల్లో మనందరం నడుచుకుందామన్నారు. ప్రచారంలో వైఎస్సార్‌సీపీ రాష్ట్ర కార్యదర్శి కె.వి.సూర్యనారాయణ రాజు, పార్టీ మండలాధ్యక్షుడు పొట్నూరు సన్యాసినాయుడు, జెడ్పీటీసీ మాజీ సభ్యుడు శీర అప్పలనాయుడు, వరదా ఈశ్వరరావు, బెల్లాన బంగారునాయుడు, కేసలి అప్పారావు, స్థానిక నాయకులు కంకణాల రమణయ్య, గెడ్డపు సతీష్‌, బూర్లె అప్పలస్వామి, తదితరులు పాల్గొన్నారు. పెద్దబంటుపల్లి ఎన్నికల సభలో మాట్లాడుతున్న శాసనమండలి విపక్షనేతబొత్స సత్యనారాయణ

వంగర: మడ్డువలస గొర్లె శ్రీరాములునాయుడు ప్రాజెక్టుకు వరదపోటు పెరిగింది. రెండు రోజుల కిందట వరద ఉద్ధృతి తగ్గుముఖం పట్టడంతో అధికారులు ప్రాజెక్టు గేట్లు మూసివేశారు. మళ్లీ వర్షాలు కురుస్తుండడంతో సోమవారం 7వేల క్యూసెక్కుల నీరు ప్రాజెక్టులోకి చేరుతోంది. సువర్ణముఖి, వేగావతి నదుల నుంచి ప్రాజెక్టుకు నీటి ప్రవాహం పెరగడంతో రెండు గేట్లు ఎత్తి దిగువకు విడిచిపెడుతున్నారు. ప్రస్తుతం ప్రాజెక్టు వద్ద 64.69 మీటర్ల మేర నీటిమట్టం నమోదైందని ఏఈ నితిన్‌ తెలిపారు. పొగాకు ఉత్పత్తులకు దూరంగా ఉండండి విజయనగరం ఫోర్ట్‌: పొగాకు ఉత్పత్తులకు దూరంగా ఉండాలని డీఎంహెచ్‌ఓ ఎస్‌.జీవనరాణి తెలిపారు. నేషనల్‌ టొబొకో కంట్రోల్‌ ప్రొగ్రాంపై రూపొందించిన వాల్‌పోస్టర్‌ను జిల్లా వైద్య ఆరోగ్యశాఖ కార్యాలయంలో సోమవారం ఆవిష్కరించారు. పొగాకు ఉత్పత్తులను తినడం వల్ల కేన్సర్‌, పేగు సంబంధిత వ్యాధులు వచ్చే ప్రమాదం ఉందన్నారు. జిల్లాలో 60 రోజుల పాటు టొబొకో ప్రీ యూత్‌ క్యాంప్‌ కార్యక్రమం నిర్వహిస్తామన్నారు. కార్యక్రమంలో డీఎల్‌ఓ రాణి, రఘువంశి, తదితరులు పాల్గొన్నారు. కూటమి ధర్మాన్ని పాటించరా? ● బీజేపీకి సీటు కేటాయిస్తే టీడీపీ అభ్యర్థి ఎలా పోటీచేస్తారు? ● విజయనగరం అశోక్‌ బంగ్లావద్ద ఆందోళనకు దిగిన బీజేపీ కార్యకర్తలు విజయనగరం రూరల్‌: పూసపాటిరేగ మండలం రెల్లివలస ఎంపీటీసీ స్థానాన్ని కూటమి సీట్ల సర్దుబాటులో బీజేపీకి కేటాయించారు. అయితే, అక్కడ టీడీపీ తరఫున మరో అభ్యర్థి బరిలో నిలిచారు. ఇదెక్కడి అన్యాయమని, తక్షణమే బీజేపీ అభ్యర్థికి పోటీగా ఉన్న రెబెల్‌ అభ్యర్థిని టీడీపీ నుంచి సస్పెండ్‌ చేయాలంటూ బీజేపీ జిల్లా ప్రధాన కార్యదర్శి పతివాడ రాజేష్‌, పార్టీ కార్యకర్తలు విజయనగరం టీడీపీ జిల్లా కార్యాలయమైన అశోక్‌ బంగ్లా వద్ద సోమవారం ధర్నా చేశారు. కూటమి సీట్ల సర్దుబాటు ధర్మాన్ని తాము పాటిస్తున్నా టీడీపీ అభ్యర్థులు పాటించడంలేదంటూ ఆవేదన వ్యక్తంచేశారు.

● నవంబర్‌ 5న ఉద్యోగులు, కార్మికులకు పెయిడ్‌ హాలిడేపార్వతీపురం: జిల్లాలో ఎంపీటీసీ, జెడ్పీటీసీ ఎన్నికలు జరిగే ప్రాంతాల్లో నవంబ ర్‌ 5న దుకాణాలు, వాణిజ్య సంస్థలు, ఇతర సంస్థల్లో పనిచేసే ఉద్యోగులు, కార్మికులకు వేతనంతో కూడిన సెలవు ప్రకటించినట్లు కలెక్టర్‌, జిల్లా ఎన్నికల అధికారి డా. ఎన్‌. ప్రభాకరరెడ్డి తెలిపారు. కార్మిక శాఖ ఉత్తర్వులను యజమానులు తప్పనిసరిగా అమలు చేయాలని సూచించారు. ఓటర్లు స్వేచ్ఛగా తమ ఓటు హక్కును వినియోగించుకునేందుకు ఈ వెసులుబాటు కల్పించినట్లు తెలిపారు. ఎన్నికల వేళ మద్యం దుకాణాల మూసివేత జిల్లాలో మున్సిపల్‌, ఎంపీటీసీ, జెడ్పీటీసీ ఎన్నికల నేపథ్యంలో మద్యం విక్రయాలపై ఆంక్షలు విధిస్తున్నట్లు కలెక్టర్‌ డా. ఎన్‌. ప్రభాకరరెడ్డి తెలిపారు. నవంబర్‌ 3న ఓట్ల లెక్కింపు సందర్భంగా పార్వతీపురం, సాలూరు, పాలకొండ పరిధిలో మద్యం దుకా ణాలు, బార్లు, కల్లు దుకాణాలు మూసివేయాలని తెలిపారు. అలాగే ఎంపీటీసీ, జెడ్పీటీసీ పోలింగ్‌ నేపథ్యంలో నవంబర్‌ 3 సాయంత్రం 5గంటల నుంచి 5వ తేదీ సాయంత్రం 5 గంటల వరకు పోలింగ్‌ పరిధిలో మద్యం విక్రయాలు నిషేధమన్నారు. నవంబర్‌ 7న కౌంటింగ్‌ కేంద్రాల చుట్టూ ఐదు కిలోమీటర్ల పరిధిలోను మద్యం దుకాణాలు మూసివేయాలని స్పష్టం చేశారు. నిబంధనలు ఉల్లంఘిస్తే కఠిన చర్యలు తీసుకుంటామని హెచ్చరించారు. అక్రమంగా మద్యం అమ్మకాల సమాచారం ఫోన్‌ 8987389271 నంబర్‌కు తెలియజేయాలని కోరారు.

● మున్సిపల్‌ ఓట్ల లెక్కింపునకు ఏర్పాట్లు పూర్తి ● పీఠం ఎవరిదో తేలే క్షణం.. సాక్షిప్రతినిధి,విజయనగరం: ఉత్తరాంధ్ర రాజకీయాల్లో అత్యంత ప్రాధాన్యత సంతరించుకున్న విజయనగరం మున్సిపల్‌ కార్పొరేషన్‌తో పాటు బొబ్బిలి మున్సిపాలిటీ, నెల్లిమర్ల నగర పంచాయతీ ఎన్నికల ఓట్ల లెక్కింపునకు వేళయింది. నగరం, పట్టణాల అధికార పీఠాన్ని ఏ పార్టీ కై వసం చేసుకుంటుందో, ఓటర్లు ఎవరికి పట్టం కట్టారో తేల్చే నిర్ణయాత్మక ఘడియలు వచ్చేశాయి. కొన్నివారాలుగా నిద్రలేని రాత్రులు గడుపుతూ సుదీర్ఘ ప్రచార పర్వాన్ని ముగించుకున్న అభ్యర్థుల గుండెల్లో కౌంటింగ్‌ గంట మోగుతున్న కొద్దీ దడపెరుగుతోంది. ఉదయం నుంచే కౌంటింగ్‌ కేంద్రాల వద్ద ఓట్ల లెక్కింపు వేగవంతంగా సాగనుండగా, సాయంత్రం 5 గంటల నాటికి నగరపాలక పీఠం ఎవరిదో పూర్తి స్పష్టత రానుంది. ఉత్కంఠత.. సుదీర్ఘంగా సాగిన ఎన్నికల ప్రక్రియ తుది ఘట్టానికి చేరుకోవడంతో విజయనగరం మున్సిపల్‌ కార్పొరేషన్‌లో సర్వత్రా ఉత్కంఠ వాతావరణం నెలకొంది. నగరంలో మొత్తం 2,23,050 మంది నమోదిత ఓటర్లు ఉండగా, అందులో 1,39,929 మంది తమ ఓటు హక్కును వినియోగించుకుని అభ్యర్థుల భవిష్యత్తును నిర్ణయించారు. ప్రత్యక్ష పద్ధతిలో జరుగుతున్న ఈ ఎన్నికల్లో నగర మేయర్‌ పీఠం కోసం మొత్తం ఏడుగురు అభ్యర్థులు బరిలో నిలవగా, నగరంలోని 62 డివిజన్ల పరిధిలో బరిలోకి దిగిన కార్పొరేటర్‌ అభ్యర్థులు తమ అదృష్టాన్ని పరీక్షించుకుంటున్నారు. వీరి భవితవ్యమంతా ప్రస్తుతం కౌంటింగ్‌ కేంద్రాల్లోని బ్యాలెట్‌ పెట్టెలలోనే నిక్షిప్తమై ఉంది. 1.39 లక్షల మంది ఓటర్లు ఇచ్చిన తీర్పు సాయంత్రానికి వెల్లడికానుండడంతో ప్రతి డివిజన్‌లోని అభ్యర్థుల్లో ఆందోళన, ఆసక్తి పరాకాష్ఠకు చేరాయి. ఎవరి ధీమా వారిదే... విజయనగరం మున్సిపల్‌ కార్పొరేషన్‌ పోరుపై రాజకీయ విశ్లేషకులు కూడా ఒక కచ్చితమైన అంచనాకు రాలేకపోతున్నారు. అధికార పక్షానికి ఎక్కడా తగ్గకుండా ప్రతిపక్ష వైఎస్సార్‌ కాంగ్రెస్‌ పార్టీ అంతే ధీటుగా పోటీ ఇచ్చినట్లు క్షేత్రస్థాయి విశ్లేషణలు చెబుతున్నాయి. విజయావకాశాలు చాలా తక్కువ ఓట్ల వ్యత్యాసంతోనే తేలనున్నాయని, స్వల్ప ఆధిక్యతతోనే గెలుపోటములు ఆధారపడి ఉంటాయని అంచనా వేస్తున్నారు. కౌంటింగ్‌ చివరి రౌండ్‌ వరకు విజేత ఎవరనేది ఊహించడం కష్టమేనని, ఒక్కో ఓటు అత్యంత ప్రాధాన్యతను సంతరించుకుందని రాజకీయ పండితులు వ్యాఖ్యానిస్తున్నారు. పోలింగ్‌ నాటి నుంచే నగరంలో రాజకీయం వేడెక్కింది. ప్రధాన పార్టీల నాయకులు, కార్యకర్తలు వాడవాడలా ఎవరి గెలుపుపై వారు ధీమా వ్యక్తం చేస్తుండగా, సామాన్య పురప్రజలు మాత్రం ఫలితాలను ఆసక్తిగా గమనిస్తున్నారు. కౌంటింగ్‌ కేంద్రం వద్ద ఎలాంటి అవాంఛనీయ సంఘటనలు జరగకుండా అధికారులు భారీ పోలీస్‌ బందోబస్తును ఏర్పాటు చేశారు. సాయంత్రం 5 గంటలలోపే నగరానికి రాబోయే కొత్త మేయర్‌ ఎవరు, 62 డివిజన్లను ఏ పార్టీ కై వసం చేసుకుంటుంది అనేది పూర్తిస్థాయిలో తేలిపోనుంది. లెక్కింపు ఇలా...విజయనగరం అర్బన్‌/విజయనగరం: మున్సిపల్‌ ఎన్నిక ఫలితాలు వెల్లడికి రంగం సిద్ధమైంది. విజయనగరం నగరపాలక సంస్థ, బొబ్బిలి మున్సిపాలిటీ, నెల్లిమర్ల నగర పంచాయితీల్లో ఓట్ల లెక్కింపు, ఫలితాలు త్వరిత గతిన వెల్లడించేందుకు ప్రత్యేక కౌంటింగ్‌ టేబుళ్లు, సిబ్బందిని నియమించారు. ప్రతి టేబుల్‌కు నలుగురు సిబ్బంది చొప్పున విధులు కేటాయించారు. మూడు చోట్ల మూడు రకాలుగా... విజయనగరం నగరపాలక సంస్థ ఓట్లను రాజీవ్‌గాంధీ ఇండోర్‌ స్టేడియంలోను, నెల్లిమర్ల నగర పంచాయతీ ఓట్లను సీకేఎం జూనియర్‌ కళాశాలలోను, బొబ్బిలి మున్సిపాలిటీ ఓట్లను గ్రోత్‌సెంటర్‌లోని ఏపీఐఐసీ భవనంలో చేపట్టనున్నారు. విజయనగరం నగరపాలక సంస్థ పరిధిలో మేయర్‌ అభ్యర్థుల ఓట్ల లెక్కింపునకు 31 టేబుళ్లు, 62 డివిజన్ల కార్పొరేటర్‌ అభ్యర్థుల ఓట్ల లెక్కింపునకు మరో 31 టేబు ళ్లు ఏర్పాటు చేశారు. మొత్తం 62 కౌంటింగ్‌ కంపార్ట్‌మెంట్లలో లెక్కింపు నిర్వహించనున్నాను. రెండు రౌండ్లలోనే ఓట్ల లెక్కింపు దాదాపు పూర్తయ్యే అవకాశం ఉంది. బొబ్బిలి మున్సిపాలిటీలో చైర్‌పర్సన్‌ అభ్యర్థి ఓట్ల లెక్కింపునకు 9 టేబుళ్లు, 36 వార్డుల కౌన్సిలర్‌ అభ్య ర్థుల ఓట్ల లెక్కింపునకు మరో 9 టేబుళ్లు ఏర్పాటు చేశారు. మొత్తం నాలుగు రౌండ్లలో ఫలితాలు వెలువడనున్నాయి. నెల్లిమర్ల నగర పంచాయతీలో చైర్మన్‌ అభ్యర్ధి ఓట్ల లెక్కింపునకు నాలుగు టేబుళ్లు, 23 వార్డుల కౌన్సిలర్‌ అభ్యర్థుల ఓట్ల లెక్కింపునకు మూడు టేబుళ్లు సిద్ధం చేశారు. ఇక్కడ ఆరు రౌండ్లలో ఓట్ల లెక్కింపు పూర్తి చేసి ఫలితాలు ప్రకటించనున్నారు. కట్టుదిద్దమైన భద్రత... నిరంతర నిఘా కౌంటింగ్‌ కేంద్రాల వద్ద ఎలాంటి అవాంఛనీయ సంఘటనలు జరగుండా 144 సెక్షన్‌ అమలు చేస్తున్నారు. కౌంటింగ్‌ హాళ్లలోకి సెల్‌ ఫోన్లు, ఆహార పదార్థాలు, పానీయాలు, వాటర్‌ బాటిళ్లకు అనుమతి లేదు. ప్రతి కౌంటింగ్‌ టేబుల్‌ వద్ద జరిగే ప్రక్రియను వీడియో రికార్డింగ్‌ చేయనున్నారు. ఫలితాలు పూర్తిగా వెల్లడయ్యే వరకు విరామం లేకుండా లెక్కింపు కొనసాగించేందుకు అధికారులు ఏర్పాట్లు చేశారు. కేంద్రాల వద్ద భారీ పోలీస్‌ బందోబస్తు ఏర్పాటు చేశారు.

విజయనగరం గంటస్తంభం: నైరుతి, పశ్చిమ మధ్య బంగాళాఖాతంలో ఏర్పడిన ‘మురసు’ తుపాను నేపధ్యంలో జిల్లా యంత్రాంగం, విపత్తుల నిర్వహణ సంస్థ ముందస్తు హెచ్చరికలు జారీ చేశాయి. ప్రస్తుతం విజయనగరానికి 610 కిలోమీటర్ల దూరంలో కేంద్రీకృతమై ఉన్న తుపాను తీవ్ర రూపం దాల్చి, నెల్లూరు–నర్సాపురం మధ్య తీరాన్ని దాటే అవకాశం ఉందని విపత్తుల నిర్వహణ సంస్థ వెల్లడించింది. తుపా ను ప్రభావంతో విజయనగరం జిల్లాలో 3వ తేదీ మంగళవారం కొన్ని ప్రాంతాల్లో భారీ నుంచి అతిభారీ వర్షాలు కురిసే అవకాశం ఉందని అధికారులు తెలిపారు. ప్రజలు, ముఖ్యంగా మత్స్యకారులు, లోతట్టు ప్రాంతాల నివాసితులు అప్రమత్తంగా ఉండాలని సూచించారు. అత్యవసర సహాయం, సమాచారం కోసం విపత్తుల నిర్వహణ సంస్థ టోల్‌ ఫ్రీ నంబర్లు 112, 1070, 18004250101 లేదా వాట్సాప్‌ మిత్ర నంబర్‌ 9552300009ను సంప్రదించాలని కోరారు. విజయనగరం రూరల్‌: ప్రజాస్వామ్యం ఎక్కడ ఉంది..? దాడులతో నెగ్గుకువద్దామన్న అధికా ర పార్టీ తీరుపై శాసనమండలి విపక్ష నేత బొ త్స సత్యనారాయణ ఆగ్రహం వ్యక్తం చేశారు. కార్పొరేషన్‌ ఎన్నికల్లో భాగంగా సతీమణి బొత్స ఝాన్సీలక్ష్మితో కలిసి విజయనగరం జిల్లా కేంద్రంలోని ఎంఆర్‌ కాలేజీ పోలింగ్‌ కేంద్రంలో ఆదివారం ఓటు హక్కు వినియోగించుకున్నారు. ఓటు వేసిన అనంతరం ఆయన మీడియాతో మాట్లాడుతూ ఈ ఎన్నికలు ఎందుకు జరుగుతున్నాయో అర్ధం కావడం లేదని, ప్రజాస్వామ్యబద్దంగా జరగడం లేదని మండిపడ్డారు. ప్రజాస్వామ్యం అపహాస్యం అవుతోందని, ప్రజలు ప్రభుత్వంపై తిరగబడే రోజు వచ్చిందన్నారు. చంద్రబాబు ప్రభుత్వం అధికారంలోకి వచ్చిన రెండున్నరేళ్లలో ప్రజలకు ఏమైనా మంచి జరిగిందా అని ప్రశ్నించారు. ఎంతసేపు ప్రచార ఆర్భాటం తప్ప ప్రజా సంక్షేమం, అభివృద్ధి గాలికి వదిలేశారని దుయ్యబట్టారు. విద్య ప్రాథమిక హక్కు అని, గత ప్రభు త్వం అనేక పాఠశాలలను నిర్మించిందని, అయి తే ఎన్నికల సమయానికి కొన్ని అసంపూర్తి పనులు మిగిలిపోతే ఇప్పటికీ వాటిని పూర్తిచేయక విద్యార్థులకు విద్యను దూరం చేసిందన్నారు. నిత్యావసర ధరలు ఆకాశాన్ని అంటుకున్నా ప్రభుత్వానికి చీమకుట్టినట్టు లేదన్నారు. స్థానిక ఎన్నికల్లో ఓటర్లు వైఎస్సార్‌ సీపీ అభ్యర్థులకు పట్టంకడతారని ఆశాభావం వ్యక్తంచేశారు.

విజయనగరం రూరల్‌: జెడ్పీ మాజీ చైర్మన్‌ మజ్జి శ్రీనివాసరావు (చిన్న శ్రీను) కుమార్తె సిరిసహస్ర తెర్లాం జెడ్పీటీసీ టీడీపీ అభ్యర్థిగా పోటీ చేయడంపై స్థానికులు, నాయకులు రగిలిపోతున్నారు. అధిష్టానం తీరును దుమ్మెత్తిపోస్తున్నారు. అసలు తెర్లాం మండలం ఎక్కడుందో తెలియని ఆమెకు సీటు కేటాయించడంపై అసహనం వ్యక్తంచేస్తున్నారు. ఇన్నాళ్లూ పార్టీకోసం పనిచేసిన తామంతా దద్దమ్మలమా అంటూ పలువురు బహిరంగంగా ఆగ్రహం వ్యక్తంచేస్తున్నారు. ఎలా గెలుస్తుందో చూద్దాం అంటూ వాదనకు దిగుతున్నారు. విజయనగరం పట్టణంలోని ధర్మపురిలో నివసిస్తూ.. డెంకాడ మండలం మోపాడలో ఓటు ఉన్న సిరిసహస్రకు తెర్లాం జెడ్పీటీసీ టికెట్‌ ఏ ప్రాతిపదికన కేటాయించారని ప్రశ్నిస్తున్నారు. అంతవరకు ఒక్కసారి కూడా వెళ్లని ఊరిలో... ఇంకా చెప్పాలంటే ఎలా వెళ్లాలో తెలియని ఊరిలో ఏకంగా రాజకీయ ఆరంగేట్రం చేస్తూ అక్కడ స్థానిక నాయకులను పరిహసించడం ఇక్కడ విచిత్రం. ఎలాంటి వారినైనా డబ్బుతో కొనేయగలడం వీరి బలంకాదా..!.. వెనుకబాటు... ఆర్థిక లేమి ... ఇవన్నీ కలిపి స్థానిక నాయకులను వలసనేతల ముందు మోకారిల్లేలా చేస్తున్నాయన్న వ్యాఖ్యలు వినిపిస్తున్నాయి. అక్కడ కార్యక్రమాలకు, ప్రజల మంచి చెడులకు హాజరైంది లేదు.. స్థానికేతకంగా ఆమె అక్కడ పోటీ చేయడానికి అర్హురాలే కావచ్చు.. కాని నైతికంగా ఆమెను బలపరచడమంటే ఓటర్లు ఆలోచించాల్సిన పరిస్థితి నెలకొంది. ఎన్నికల నామినేషన్‌ పత్రాల్లోని చిరునామా.. ఆమెకున్న ఓటు హక్కు.. అసలు పోటీ చేస్తున్న ప్రాంతానికి మధ్య ఏ మాత్రం పొంతన లేకపోవడంతో ఆమె స్థానికతపై చర్చసాగుతోంది. ఈ ప్రాంతానికి సంబంధం లేని వ్యక్తి పెత్తనం చేయడానికి రావడం ఏంటి? గెలిపిస్తే సమస్యల పరిష్కారం కోసం తెర్లాం ప్రజలు విజయనగరం వెళ్లి వెతుక్కోవాలా అని అక్కడి వారు మండిపడుతున్నారు. స్థానికేతరులకు టికెట్‌ ఇచ్చి తమ ఆత్మగౌరవాన్ని దెబ్బతీసిన టీడీపీకి రాబోయే ఎన్నికల్లో ఓటుతో గట్టి గుణపాఠం చెబుతామని స్థానికులు బహిరంగంగానే చెబుతున్నారు.

పోలింగ్‌ ముగిసింది.. వీల్‌ చైర్‌లేక 52వ వార్డు పరిధిలోని సెయింట్‌ ఆన్స్‌ గర్ల్స్‌ హైస్కూల్‌లో పోలింగ్‌ కేంద్రానికి వృద్ధురాలిని ఎత్తుకుని తీసుకెళ్తున్న బంధువు ఎం.ఆర్‌.కాలేజీలో నెలల బిడ్డను తీసుకుని వచ్చి ఓటు వేస్తున్న మహిళ ఎం.ఆర్‌.కళాశాలలో ఓటు వేస్తున్న శాసనమండలి విపక్షనేత బొత్స సత్యనారాయణ, మాజీ ఎంపీ బొత్స ఝాన్సీ సాక్షి ప్రతినిధి, విజయనగరం: ఉమ్మడి విజయనగరం జిల్లాలో ఆదివారం నిర్వహించిన మున్సిపల్‌ ఎన్నికలు స్వల్ప వివాదాలు, తోపులాటల మధ్య ముగిశాయి. విజయనగరం కార్పొరేషన్‌, పార్వతీపురం, సాలూరు, బొబ్బిలి మున్సిపాలిటీలు, పాలకొండ, నెల్లిమర్ల నగర పంచాయతీల్లో ఉదయం 7 గంటలకు ఆరంభమైన పోలింగ్‌ ప్రక్రియ సాయంత్రం 5 గంటల వరకు సాగింది. అనంతరం అభ్యర్థుల భవిత వ్యాన్ని సీల్డ్‌ బాక్సుల్లో పెట్టి స్ట్రాంగ్‌ రూములకు తరలించారు. ఇలా రేపటి వరకు అభ్యర్థులకు, కార్యకర్తలకు టెన్షన్‌ టెన్షన్‌ తప్పదు. గత పదిహేను రోజులుగా రాజకీయ పార్టీల కోసం పని చేసిన కార్యకర్తలు.. అభ్యర్థులు మెల్లగా ఇళ్లకు చేరుకొని తమకు ఎన్ని ఓట్లు వస్తాయి.. ఎన్ని ఓట్ల మెజారిటీతో గెలుస్తాం.. అయ్యో.. ఇంకాస్త పంచితే గెలిచేవాళ్లం కదా బాధపడేవాళ్లు కొందరు.. అయ్యో ఇంత సర్వీస్‌ చేసినా జనం అభిమానం పొందలేకపోయామే అని ఫీలైనవాళ్లు మరికొందరు.. మొత్తానికి గెలిచేస్తున్నాం గురూ అంటూ కాన్ఫిడెన్స్‌తో రిలాక్సింగ్‌ మోడ్‌లోకి వెళ్లేవారు కొందరు.. మొత్తనికి రెండు వారాల నుంచి సాగుతున్న మున్సిపల్‌ ఎన్నికల ప్రక్రియ ముగిసింది. ఎన్నికలు ముగిసిన తరువాత ట్రెండ్స్‌ బట్టి ఎవరి అంచనాల్లో వారు పడిపోయారు. ఎవరి కాన్ఫిడెనన్స్‌ వాళ్లకు ఉండడంతో ఇప్పటికే బెట్టింగ్‌ బంగార్రాజు లు లైన్లోకి వచ్చేశారు. వార్డుల వారీగా ఎవరు గెలుస్తారనేదానిపైనా బెట్టింగులు మొదలయ్యాయి. ఏ పార్టీకి ఎన్ని కార్పొరేటర్‌ స్థానాలు వస్తాయనేదానిమీద కూడా బెట్టింగ్‌ నడుస్తోంది. కొందరు మేయర్‌ ఎవరు అవుతారన్నదానిమీద బెట్టింగ్‌ వేస్తున్నారు. విజయనగరం కార్పొరేషన్‌లోని 56వ డివిజన్‌ కణపాకలో వైఎస్సార్‌ కాంగ్రెస్‌ పార్టీ అభ్యర్థి కనిమెరక తౌడు ను బీజేపీ కార్యకర్త చింతపల్లి అప్పారావు బెదిరించారు. అయ్యన్నపేటలోని మేధాస్కూల్‌లో ఏర్పాటు చేసిన పోలింగ్‌ స్టేషన్‌ 56/1,2 వద్ద బీజేపీ కార్యకర్త ఒక్కసారిగా తౌడు మీద దాడికి యత్నించి బెదిరించారు. నిన్ను రేపటికి లేకుండా చేస్తాను అని బెదిరించడం కలకలం రేపింది. ప్రశాంతమైన పట్టణంలో గతంలో ఇలాంటి ఘటనలు ఎన్నడూ జరగలేదని.. కానీ కూటమి ప్రభుత్వం వచ్చాక ఇలాంటి దారుణాలు జరుగుతున్నాయని ప్రజలు సైతం ఆందోళన వ్యక్తం చేస్తున్నారు. ●58, 60 డివిజన్ల కు సంబంధించి గాజులరేగ ప్రాంతంలో వైఎస్సార్‌ కాంగ్రె స్‌ పార్టీ వార్డు ఇన్‌ చార్జి గార సత్యనారాయణ ఓటేసేందుకు క్యూలో నిలబడగా టీడీపీ నాయకుడు కర్రోతు శంకర్‌, పిల్లి శ్రీను ఆయనను బయటకు లాగేసి నీకు ఇక్కడేం పని అని బెదిరించి కొట్టారు. వాస్తవానికి 58, 60 వార్డులకు సంబంధించి ఒకే చోట పోలింగ్‌ స్టేషన్‌ ఏర్పాటు చేయడంతో అయన అక్కడికి ఓటేసేందుకు వచ్చారు. అయితే, ఆయన స్థానికేతరుడు అని భావించి టీడీపీ నేతలు తనమీద మీద దాడిచేసి కొట్టినట్లు సత్యనారాయణ తెలిపారు. విజయనగరం అర్బన్‌: జిల్లాలో మున్సిపల్‌ ఎన్నికల పోలింగ్‌ ప్రశాంతంగా ముగిసింది. ఉదయం తొలి గంటల్లో మందకొడిగా సాగిన పోలింగ్‌... సమ యం గడిచే కొద్దీ పుంజుకుంది. నెల్లిమర్ల నగర పంచాయతీగా మారిన తర్వాత తొలిసారిగా జరిగిన ఎన్నికల్లో ఓటు వేసేందుకు ఓటర్లు పెద్ద సంఖ్యలో పోలింగ్‌ కేంద్రాలకు తరలివచ్చారు. అక్కడ అత్యధికంగా 80.31 శాతం పోలింగ్‌ నమోదైంది. మూడు పట్టణ స్థానిక సంస్థల్లోనూ మహిళా ఓటర్ల సంఖ్య పురుషుల కంటే అధికంగా ఉండడం విశేషం. మహిళా ఓటర్లే అధికం విజయనగరం కార్పొరేషన్‌లో 1,39,911 మంది ఓటు హక్కు వినియోగించుకున్నారు. వీరిలో 67,050 మంది పురుషులు, 72,851 మంది మహిళలు, 10 మంది ఇతరులు ఉన్నారు. నెల్లిమర్లలో మొత్తం 15,320 మంది ఓటు వేయగా... వీరిలో 7,264 మంది పురుషులు, 8,055 మంది మహిళలు, ఒకరు ఇతరులు ఉన్నారు. బొబ్బిలిలో 335,141 మంది ఓటు హక్కు వినియోగించుకున్నారు. వీరిలో 16,763 మంది పురుషులు, 18,373 మంది మహిళలు, ఐదుగురు ఇతరులు ఉన్నారు. కంట్రోల్‌ రూమ్‌ నుంచి కలెక్టర్‌ పర్యవేక్షణ ఎన్నికల నిర్వహణపై జిల్లా ఎన్నికల అధికారి, కలెక్టర్‌ ఎస్‌.రాంసుందర్‌రెడ్డి, జాయింట్‌ కలెక్టర్‌ ఎస్‌.సేతు మాధవన్‌ ఉదయం నుంచి పోలింగ్‌ ముగిసే వరకు కలెక్టరేట్‌ కంట్రోల్‌ రూమ్‌ నుంచే నిరంతరం పర్యవేక్షించారు. వెబ్‌కాస్టింగ్‌ ద్వారా పోలింగ్‌ కేంద్రాల పరిస్థితులను పరిశీలిస్తూ రిటర్నింగ్‌ అధికారులు, ప్రిసైడింగ్‌ అధికారులకు ఎప్పటికప్పుడు సూచనలు, ఆదేశాలు జారీ చేశారు. క్షేత్రస్థాయి నుంచి నివేదికలు తెప్పించుకుని యాప్‌లో అప్‌లోడ్‌ చేయించారు. పోలింగ్‌ ముగిసిన అనంతరం బ్యాలెట్‌ బాక్సులను రాజకీయ పార్టీల ప్రతినిధుల సమక్షంలో సీల్‌ చేసి పటిష్ట భద్రత మధ్య స్ట్రాంగ్‌ రూములకు తరలించారు. విజయనగరం కార్పొరేషన్‌కు సంబంధించి రాజీవ్‌ స్టేడియం, నెల్లిమర్ల నగర పంచాయతీ బూత్‌లను సీకేఎం జూనియర్‌ కళాశాల, బొబ్బిలి మున్సిపాలిటీకి సంబంధించిన బూత్‌లను గ్రోత్‌ సెంటర్‌లోని ఏపీఐఐసీ భవనంలోని స్ట్రాంగ్‌ రూమ్‌లలో భద్రపరిచారు. పోలింగ్‌ సిబ్బందిని కేంద్రాలకు తరలించేందుకు వినియోగించిన 82 వాహనాల్లోనే బ్యాలెట్‌ బాక్సులను తిరిగి తరలించారు.

కొనిశలో 30 కుటుంబాలు.. గజపతినగరం రూరల్‌: మండలంలోని కొనిశ గ్రామంలో టీడీపీ వీడి 30 కుటుంబాల వారు వైఎస్సార్‌సీపీలో ఆదివారం చేరారు. కొనిశ గ్రామంలో జరిగిన ప్రచార కార్యక్రమంలో టీడీపీ నాయకులు వేమలి దిలీప్‌, పాసల సత్యారావు, వేమలి అప్పారావు, కృష్ణల ఆధ్వర్యంలో వైఎస్సార్‌సీపీలో చేరిన కుటుంబాలకు మాజీ ఎమ్మెల్యే, నియోజకవర్గ సమన్వయకర్త బొత్స అప్పల నరసయ్య కండువాలు కప్పి పార్టీలోకి ఆహ్వానించారు. ఈ సందర్భంగా మాజీ ఎమ్మెల్యే అప్పల నరసయ్య మాట్లాడుతూ, నియోజకవర్గంలో ప్రతి చోట చేరికల పరంపర కొనసాగుతోందన్నారు. అధికార కూటమి ప్రభుత్వ ప్రజా వ్యతిరేక విధానాలకు విసుగుచెందిన టీడీపీ నాయకులు వైఎస్సార్‌సీపీలో చేరుతున్నారన్నారు. కార్యక్రమంలో వైఎస్సార్‌సీపీ మండల అధ్యక్షుడు పల్లి సంజీవరావు, ఉత్తరాంధ్ర ఉపాధ్యాయ కో ఆర్డినేటర్‌ బూడి వెంకట్రావు, పలువురు నాయకులు పాల్గొన్నారు. ఉంగరాడలో 50 కుటుంబాలు.. రేగిడి: మండల పరిధిలోని ఉంగరాడ గ్రామానికి చెందిన 50 కుటుంబాలు టీడీపీని వీడి వైఎస్సార్‌ కాంగ్రెస్‌ పార్టీలో ఆదివారం చేరాయి. ఈ మేరకు వైఎస్సార్‌సీపీ రాజాం నియోజకవర్గ ఇన్‌చార్జి డాక్టర్‌ తలే రాజేష్‌, జిల్లా పార్టీ ఉపాధ్యక్షుడు టంకాల అచ్చెన్నాయుడు, పార్టీ మండల కన్వీనర్‌ వావిలపల్లి జగన్మోహనరావు, ఉంగరాడ ఎంపీటీసీ అభ్యర్థి పిల్లా రోజా, యూత్‌ నాయకులు పొట్నూరు శ్రీనివాసరావు ఆధ్వర్యంలో సుంకర ఎరుకునాయుడు, బంకి అప్పలనాయుడు, బంకి పోలినాయుడు, ముద్దాడ తవుడు, సుంకర శ్రీనివాసరావు, విద్యాకమిటీ మాజీ చైర్మన్‌ కరణం సూరపునాయుడు, వియ్యపు ఎరకయ్య, చౌదరి ఎరుకునాయుడు తదితరులకు పార్టీ కండువాలు వేసి సాదరంగా ఆహ్వానించారు. ఈ సందర్భంగా ఇన్‌చార్జి డాక్టర్‌ తలే రాజేష్‌ మాట్లాడుతూ మాజీ ముఖ్యమంత్రి వైఎస్‌ జగన్‌మోహన్‌రెడ్డిని మళ్లీ ముఖ్యమంత్రిని చేయాలనే సంకల్పంతో ప్రజలు ఉర్రుతలూగుతున్నారని అన్నారు. ఏ గ్రామంలో చూసినా వైఎస్సార్‌సీపీకి మంచి ఆదరణ లభించడం ఆనందంగా ఉందన్నారు. కూటమి ఇచ్చిన హామీలను నెరవేర్చకపోవడంతోనే ప్రజలు వైఎస్సార్‌ సీపీలో చేరుతున్నారన్నారు. స్థానిక ఎన్నికల్లో వైఎస్సార్‌సీపీ విజయదుంధుబి మోగించేందుకు ప్రజలు సిద్ధంగా ఉన్నారన్నారు. కార్యక్రమంలో మాజీ సర్పంచ్‌లు ముంజేటి కిషోర్‌కుమార్‌, విజయ్యపు చక్రపాణి, పిల్లా గౌరునాయుడు తదితరులు పాల్గొన్నారు.కొండకిండాంలో 20 కుటుంబాలుబొండపల్లి: కూటమి అభ్యర్థులను చిత్తుగా ఓడించాలని మాజీ ఎమ్మెల్యే, వైఎస్సార్‌సీపీ గజపతినగరం నియోజకవర్గ ఇన్‌చార్జ్‌ బొత్స అప్పలనరసయ్య పిలుపునిచ్చారు. ఈ మేరకు మండలంలోని కొండకిండాం గ్రామానికి చెందిన టీడీపీ సీనియర్‌ నాయకుడు ముంజేటి కన్నం నాయుడుతో పాటు 20 కుటుంబాల వారు టీడీపీని వీడి వైఎస్సార్‌సీపీలో చేరగా వారికి పార్టీ కండువాలు వేసి ఆయన పార్టీలోకి సాదరంగా ఆహ్వానించారు. ఈ సందర్భంగా మాట్లాడుతూ కూటమి ప్రభుత్వం పట్ల ప్రజల్లో తీవ్ర వ్యతిరేకత వ్యక్తమవుతోందన్నారు. ఎన్నికల్లో ఇచ్చిన హామీలు ఒక్కటి కూడా అమలు చేయకపోవడంతో పార్టీని వీడుతున్నారని, వచ్చే ఎన్నికల్లో ప్రజలు తగిన గుణ పాఠం ఆ పార్టీకి చెబుతారన్నారు. ఈ సందర్భంగా టీడీపీ నాయకులు పాలూరి గణేష్‌, మూడడ్ల రాంబాబు, పేట కల్యాణ్‌తో పాటు పలువురు వైఎస్సార్‌సీపీ తీర్థం పుచ్చుకున్నారు. కార్యక్రమంలో వైఎస్సార్‌సీపీ మండల అధ్యక్షుడు బొద్దల చిన్నం నాయుడు, భోపారపు శ్రీను తదితరులు పాల్గొన్నారు. పెదమానాపురంలో 45 కటుంబాల చేరిక దత్తిరాజేరు: మండలంలోని పెదమానారంలో టీడీపీకి గట్టి షాక్‌ తగిలింది. ఈ మేరకు గ్రామానికి చెందిన వైఎస్సార్‌సీపీ ఎంపీటీసీ అభ్యర్థి రౌతు రాజేశ్వరి తరఫున ప్రచారానికి ఆదివారం వచ్చిన మాజీ ఎమ్మెల్యే బొత్స అప్పలనరసయ్య సంక్షంలో 45 కటుంబాల వారు టీడీపీని వీడి వైఎస్సార్‌సీపీలో చేరారు. పిలక కామయ్య, బోర రామచంద్ర ఆదినారాయణ, బోర రవి, పిలక సంతోష్‌ ,శ్రీను, పొంగ ఈశ్వరరావు, గొటివాడ జోజి, గొటివాడ దీలీప్‌, నగిరెడ్ల రమణ తదితర కుటుంబాల వారు పార్టీలో చేరడంతో వారికి కండువాలు వేసి పార్టీలోకి ఆహ్వానించారు.వైఎస్సార్‌సీసీ జెడ్పీటీసీ, ఎంపీటీసీ అభ్యర్థులను అత్యధిక మెజారిటీతో గెలిపిస్తామని పార్టీలో చేరిన వారు ఈ సందర్భంగా అన్నారు. లక్కవరపు కోటలో 30 కుటుంబాలు.. లక్కవరపుకోట: మండలంలోని కోనమసివానిపాలెం గ్రామంలో తెలుగుదేశం పార్టీకి చెందిన 30 కుటుంబాల వారు మాజీ ఎంపీటీసీ బొడ్డు గణపతి ఆధ్వర్యంలో ఆదివారం వైఎస్సార్‌సీపీలో చేరారు. వారందరికీ బొడ్డు గణపతి పార్టీ కండువాలు వేసి సాదరంగా ఆహ్వానించారు. ఈ సందర్భంగా ఆయన మాట్లాడుతూ ఈ నెల 5వ తేదీన జరగనున్న ఎన్నికల్లో వైఎస్సార్‌సీపీ తరఫున పోటీ చేస్తున్న ఎంపీటీసీ, జెడ్పీటీసీ అభ్యర్థులను భారీ మెజార్టీతో గెలిపించేందుకు కృషి చేయాలని కోరారు. అనంతరం ఎంపీటీసీ అభ్యర్థి బోకం భార్గవి, పార్టీ నాయకులు, కార్యకర్తలతో కలిసి ఇంటింటి ప్రచారం నిర్వహించారు. కార్యక్రమంలో పార్టీ నాయకులు, కార్యకర్తలు పాల్గొన్నారు.సైకిల్‌ టైర్లకు గాలి లీకవుతోంది. చైన్‌ తప్పిపోతోంది. హ్యాండిల్‌ వంకర పోయింది. బెల్లు మోగడం లేదు. రిమ్ములు పింపిరి పడుతున్నాయి. మొత్తంగా జిల్లాలో తెలుగుదేశం పార్టీకి బీటలు వారుతున్నాయి. రోజురోజుకూ ఆ పార్టీకి బలం తగ్గిపోతోంది. ఆ పార్టీని వీడుతున్న వారంతా వైఎస్సార్‌సీపీలో చేరుతున్నారు. జిల్లాలో వైఎస్సార్‌సీపీలో టీడీపీ వారి చేరికల పరంపర కొనసాగుతుండడంతో పార్టీ బలపడుతోంది. ఆదివారం జిల్లాలో వైఎస్సార్‌సీపీలో జరిగిన చేరికల వివరాలిలా ఉన్నాయి.

● పొలాలు, చెరువుల వద్ద 8 ఏనుగుల సంచారం ● బిక్కుబిక్కుమని ఉంటున్న రైతులు, స్థానికులు ● అప్రమత్తం చేసిన అటవీశాఖ అధికారులు పార్వతీపురం రూరల్‌: మండలంలో గజరాజుల సంచారం రైతులకు కంటిమీద కునుకు లేకుండా చేస్తోంది. కొద్ది రోజుల క్రితం ఎనిమిది ఏనుగుల గుంపు మండలంలో ప్రవేశించి మండల పరిధిలోని పలు గ్రామాల్లో తిష్ఠవేసింది. పచ్చని వ్యవసాయ భూములు, చెరువుల సమీపంలో స్వేచ్ఛగా సంచరిస్తుండడంతో రైతులు, సమీప గ్రామాల ప్రజలు ప్రాణాలను గుప్పిట్లో పెట్టుకుని బిక్కుబిక్కుమని ఉంటున్నారు. తాజాగా ఆదివారం ఈ ఏనుగుల గుంపు లక్ష్మీనారాయణపురం, కృష్ణపల్లి, బండిదొర వలస గ్రామాల మధ్య ఉన్న చెరువు ప్రాంతంలోకి ప్రవేశించింది. గుంపుగా సంచరిస్తున్న ఈ దృశ్యాలు స్థానికుల్లో తీవ్ర భయాందోళన రేకెత్తిస్తున్నాయి. గజరాజుల సంచారంపై సమాచారం అందుకున్న అటవీశాఖ అధికారులు తక్షణమే స్పందించి స్థానికులను అప్రమత్తం చేశారు. ఏనుగులు తిరుగుతున్న చెరువులు, వ్యవసాయ భూముల వైపు ప్రజలెవరూ వెళ్లరాదని హెచ్చరికలు జారీ చేశారు. రైతులు సైతం అటవీశాఖ నిబంధనలు పాటించాలని సూచించారు. అయినప్పటికీ నిత్యం పొలాల వద్దే ఏనుగులు తిరుగుతుండడంతో అన్నదాతలు ఆవేదన చెందుతున్నారు. అధికారులు వెంటనే తగిన చర్యలు చేపట్టి, ఈ ఏనుగుల గుంపును తక్షణమే సురక్షిత ప్రాంతాలకు తరలించాలని రైతులు, గ్రామస్తులు కోరుతున్నారు. ఏనుగుల భయం నుంచి తమకు శాశ్వత విముక్తి కల్పించాలని విజ్ఞప్తి చేస్తున్నారు.

● వైఎస్సార్‌సీపీ జిల్లా అధ్యక్షుడు ‘బెల్లాన’చీపురుపల్లి: దౌర్జన్యం, అరాచకం, దోపిడీ, అన్యాయంతో పరిపాలన సాగిస్తున్న కూటమి ప్రభుత్వాన్ని ఇంటికి పంపించేందుకు స్థానిక సంస్థల ఎన్నికల్లో ప్రజలు ఇచ్చే తీర్పు నాంది కావాలని వైఎస్సార్‌సీపీ జిల్లా అధ్యక్షుడు బెల్లాన చంద్రశేఖర్‌ అన్నారు. ఎంపీటీసీ, జెడ్పీటీసీ ఎన్నికల ప్రచారంలో భాగంగా ఆదివారం ఆయన చీపురుపల్లి మేజర్‌ పంచాయతీ పరిధిలోని ఆకుపేలపేట గ్రామంలో ఎన్నికల ప్రచారం నిర్వహించారు. ఈ సందర్భంగా మాట్లాడుతూ ఎన్నో హామీలు ఇచ్చి పేదలను మోసం చేసిన చంద్రబాబు ప్రభుత్వం స్థానిక సంస్థల ఎన్నికల్లో పోలీసు యంత్రాంగాన్ని అడ్డం పెట్టుకుని రౌడీయిజం చేస్తూ రాజ్యాంగ హక్కులను కాలరాస్తోందన్నారు. రాజ్యాంగం ఇచ్చిన హక్కులను పోలీసుల సాక్షిగా హరిస్తున్నారని మండిపడ్డారు. ఇలాంటి అరాచక ప్రభుత్వాన్ని ఇంటికి పంపించాలంటే స్థానిక సంస్థల ఎన్నికల్లో వైఎస్సార్‌సీపీ అలభ్యర్థులకు మద్దతు ఇవ్వాలని కోరారు. ఈ నెల 5న జరగనున్న జెడ్పీటీసీ, ఎంపీటీసీ ఎన్నికల్లో ఫ్యాన్‌ గుర్తుపై ఓటు వేసి సంపూర్ణ మద్దతు ఇవ్వాలని విజ్ఞప్తి చేశారు. మోసపూరిత చంద్రబాబు పరిపాలనకు ప్రజలు గట్టిగా బుద్ధి చెప్పాలని పిలుపునిచ్చారు.

● గిరిప్రదక్షిణ రహదారికి పొంచి ఉన్న ముప్పు ● రూ.3.40 కోట్ల రహదారికి ఆరు నెలలకే గండం ● వర్షం ధాటికి ఏడు చోట్ల కొట్టుకుపోయిన మట్టి ● ఈ రహదారిని వర్చువల్‌గా ప్రారంభించిన పవన్‌ కల్యాణ్‌ ● రహదారి భద్రతపై భక్తుల్లో ఆందోళననెల్లిమర్ల రూరల్‌: సుప్రసిద్ధ పుణ్యక్షేత్రం రామతీర్థంలో గిరిప్రదక్షిణ రహదారికి ప్రమాదం పొంచి ఉంది. కోట్లాది రూపాయల ప్రజాధనంతో నిర్మించిన రహదారి ఆరు నెలలు గడవకముందే దెబ్బతినే పరిస్థితి కనిపిస్తోంది. ఇటీవల కురిసిన వర్షాలకు రహదారికి ఇరువైపులా వేసిన మట్టి సుమారు ఏడు ప్రాంతాల్లో కొట్టుకుపోవడం ఆందోళన కలిగిస్తోంది. దీంతో రహదారి అంచులు బలహీన పడి పూర్తిగా దెబ్బతినే ప్రమాదం ఉందని భక్తులు ఆవేదన వ్యక్తం చేస్తున్నారు. రామతీర్థంలోని బోడికొండ చుట్టూ భక్తులు గిరిప్రదక్షిణ చేసేందుకు వీలుగా సుమారు 3.70 కిలోమీటర్ల మేర ఈ రహదారిని నిర్మించారు. ఆరు నెలల కిందట డిప్యూటీ సీఎం పవన్‌ కల్యాణ్‌ వర్చువల్‌గా ఈ రహదారిని ప్రారంభించారు. అయితే ఇటీవల కురిసిన వర్షాలకే రోడ్డుకు ఇరువైపులా వేసిన మట్టి పలుచోట్ల కొట్టుకుపోవడం చర్చనీయాంశంగా మారింది. రహదారి నిర్మాణం పూర్తయిన కొద్ది కాలానికే ఈ పరిస్థితి ఎందుకు తలెత్తిందన్న ప్రశ్నలు ఉత్పన్నమవుతున్నాయి. మట్టి కొట్టుకుపోవడంతో రహదారి అంచులకు బలం తగ్గి నిర్మాణంపై కూడా ప్రభావం చూపే అవకాశం ఉందని స్థానికులు చెబుతున్నారు. అవసరమైన చోట్ల నీటి పారుదల ఏర్పాట్లు, మట్టి కోతను అరికట్టే రక్షణ చర్యలు చేపట్టకపోవడంతోనే ఈ పరిస్థితి తలెత్తిందని చెబుతున్నారు. వర్షం ఎప్పుడు కురిసినా బోడికొండపై నుంచి వర్షం నీరు రహదారిపైకి వస్తుంటుంది. ఈ నేపథ్యంలో నిర్మాణ సమయంలో సంబంధిత అధికారులు నాణ్యతను ఏ మేరకు పరిశీలించారనేది ప్రశ్నార్థగా మారింది. ప్రస్తుతం కొట్టుకుపోయిన మట్టిని బలంగా పూడ్చడంతో పాటు భవిష్యత్తులో వర్షాలకు కోతకు గురికాకుండా శాశ్వత చర్యలు చేపట్టాల్సిన అవసరం ఎంతైనా ఉంది. సంబంధిత అధికారులు రహదారిని పరిశీలించి, నష్టం జరిగిన ప్రాంతాలను గుర్తించి, మరమ్మతులు చేపట్టాలని భక్తులు, స్థానికులు డిమాండ్‌ చేస్తున్నారు.

● వైద్యుడి నియామకంలో జాప్యం ● రోగులకు అందని వైద్యసేవలువిజయనగరం ఫోర్ట్‌: ప్రజారోగ్యానికి పెద్దపీట వేస్తున్నామని గొప్పలు చెబుతున్న కూటమి సర్కార్‌ మాటలు ప్రకటనలకే తప్ప అమలుకు నోచుకోవడం లేదనే ఆరోపణలు వినిపిస్తున్నాయి. దీంతో వైద్యసేవలు అందక రోగులు ఇబ్బంది పడుతున్నారు. ఆయుష్‌శాఖలో భాగమైన యూనాని విభాగానికి స్వీపరే దిక్కయ్యాడు. యునాని విభాగానికి వైద్యుడు, కాంపౌండర్‌ లేక పోవడం వల్ల ఈ విభాగానికి వైద్యసేవల కోసం వచ్చే వారు వెనుదిరుగుతున్నారు. యునానిలో కొన్ని రకాల సమస్యలకు మంచి చికిత్స ఉంది. దీంతో ఎన్నో వ్యయ ప్రయాసలకు ఓర్చి చికిత్స కోసం వచ్చే రోగులకు చికిత్స అందని పరిస్థితి నెలకొంది. యునాని విభాగానికి ప్రభుత్వం వైద్యుడిని నియమించలేదు. ఇక్కడ పనిచేసే కాంపౌండర్‌ను వేరే చోటకు బదిలీ చేశారు. వైద్యుడు, కాంపౌండర్‌ రెండు పోస్టులు ఖాళీగా ఉన్నప్పటికీ ప్రభుత్వం భర్తీ చేయలేదు. దీంతో స్వీపర్‌ కమ్‌ స్కావెంజర్‌ ఈ విభాగానికి పెద్ద దిక్కుగా నిలిచాడు. వైద్యుడు, కాంపౌండర్‌ లేనప్పటికీ ప్రతిరోజూ యునాని డిస్పెన్సరీలో ఉదయం 9 గంటల నుంచి సాయంత్రం 4 గంటల వరకు స్వీపర్‌ ఉంటున్నాడు. మందులు ఉన్నా అందించే దిక్కు లేదు: యునానిలో చర్మ సంబంధిత సమస్యలు (బొల్లి మచ్చలు) కీళ్ల నొప్పులు, దగ్గు, జలుబు, జ్వరం, గ్యాస్టిక్‌, సీ్త్రల వ్యాధులకు మంచి మందులు ఉన్నాయి. అయినప్పటికీ వాటిని అందించే నాథుడే కరువయ్యాడు. యునాని వైద్యం గురించి తెలిసిన రోగులు ప్రతిరోజు వస్తుంటారు. అయితే చికిత్స అందించే వారు లేక పోవడంతో వారు వెళ్లి పోతున్నారు. ప్రభుత్వానికి నివేదించాం యునాని విభాగానికి రెగ్యులర్‌ నియామకాల కోసం ప్రభుత్వానికి లెటర్‌ రాశాం. బుధ, శనివారాల్లో భోగాపురం యునాని వైద్యుడు డిప్యుటేషన్‌పై సేవలు అందిస్తున్నారు. డాక్టర్‌ శ్రీనివాస్‌రావు, ఆర్‌డీడీ, ఆయుష్‌శాఖ

● శాసనమండలి విపక్ష నేత బొత్స సత్యనారాయణడెంకాడ: వైఎస్సార్‌సీపీ జెడ్పీటీసీ, ఎంపీటీసీ అభ్యర్థులను గెలిపించి చంద్రబాబు పాలనకు చరమగీతం పాడాలని శాసనమండలి విపక్ష నేత బొత్స సత్యనారాయణ పిలుపునిచ్చారు. ఈ మేరకు డెంకాడ మండలంలోని చింతలవలస గ్రామంలో వైఎస్సార్‌సీపీ అభ్యర్థులకు మద్దతుగా ఆదివారం నిర్వహించిన ప్రచార కార్యక్రమంలో ఆయన మాట్లాడారు. జెడ్పీటీసీ అభ్యర్థిగా పిన్నింటి తమ్మునాయుడు, ఎంపీపీ అభ్యర్థిగా అక్కివరం ఎంపీటీసీ సభ్యురాలు కంది మౌనికను నిర్ణయించామన్నారు. మండలంలో జెడ్పీటీసీతో పాటు 16 ఎంపీటీసీ స్థానాల్లో వైఎస్సార్‌సీపీ తరఫున అభ్యర్థులు పోటీలో ఉన్నారని వారందరినీ గెలిపించి వైఎస్సార్‌సీపీకి మద్దతుగా నిలవాలని ఓటర్లను కోరారు. వైఎస్‌ జగన్‌మోహన్‌ రెడ్డి ప్రభుత్వం హయాంలో రాష్ట్రంలో సంక్షేమ పాలన నడిచిందని, చంద్రబాబు ప్రభుత్వం ప్రజల సంక్షేమాన్ని విస్మరించిందన్నారు. ఎమ్మెల్సీ పెనుమత్స సురేష్‌ బాబు మాట్లాడుతూ వైఎస్‌ జగన్‌మోహన్‌ రెడ్డి ముఖ్యమంత్రిగా ఉన్న సమయంలో సచివాలయ వ్యవస్థను ఏర్పాటు చేసి రాష్ట్రంలో విప్లవాత్మక పాలన తీసుకువచ్చారన్నారు. కార్యక్రమంలో మాజీ జెడ్పీటీసీ సభ్యుడు కంది సూర్యనారాయణ, జెడ్పీటీసీ అభ్యర్థి పిన్నింటి తమ్మునాయుడు, ఎంపీపీ అభ్యర్థి కంది మౌనిక, వైఎస్సార్‌సీపీ తరఫున పోటీ చేస్తున్న ఎంపీటీసీ అభ్యర్థులు, నాయకులు కార్యకర్తలు పాల్గొన్నారు.

● శాసనమండలి విపక్ష నేత బొత్స సత్యనారాయణ తెర్లాం: స్థానిక సంస్థల ఎన్నికల్లో వైఎస్సార్‌ సీపీ జెడ్పీటీసీ, ఎంపీటీసీ అభ్యర్థులను గెలిపించి కూటమి ప్రభుత్వానికి ఓటుతో బుద్ధి చెప్పాలని శాసనమండలి విపక్షనేత బొత్స సత్యనారాయణ ఓటర్లను కోరారు. తెర్లాం మండలం లోచర్లలో శనివారం నిర్వహించిన ఎన్నికల ప్రచార సభలో ఆయన మాట్లాడారు. రెండున్నరేళ్ల కిందట ఎన్నో హామీలిచ్చి అధికారంలోకి వచ్చిన చంద్రబాబు ప్రభుత్వం హామీలను నెరవేర్చడంలో విఫలమైందన్నారు. ప్రజలను మోసంచేసి నిలువునా ముంచేసిందన్నారు. ఓటర్లంతా విజ్ఞతతో ఆలోచించి స్థానిక సంస్థల ఎన్నికల్లో ఫ్యాన్‌ గుర్తుపై ఓటేసి వైఎస్సార్‌ సీపీ తరుఫున పోటీ చేస్తున్న జెడ్పీటీసీ, ఎంపీటీసీ అభ్యర్థులను అత్యధిక మెజార్టీతో గెలిపించాలని కోరారు. వైఎస్సార్‌ సీపీకి తెర్లాం మండలం కంచుకోట అన్నది నిరూపించాలన్నారు. ప్రచారంలో తెర్లాం మండల వైఎస్సార్‌ సీపీ జెడ్పీటీసీ అభ్యర్ధి బొమ్మి శ్రీనివాసరావు, బొబ్బిలి మాజీ ఎమ్మెల్యే శంబంగి వెంకట చినఅప్పలనాయుడు, మాజీ ఎంపీపీ నర్సుపల్లి ఉమాలక్ష్మి, లోచర్ల ఎంపీటీసీ అభ్యర్థి మర్రాపు శంకరరావు, పార్టీ సీనియర్‌ నాయకులు మర్రాపు జగన్నాథం, గర్భాపు రామారావు, తదితరులు పాల్గొన్నారు.

● విద్యుత్‌ చార్జీల మోత విద్యుత్‌ చార్జీలు గతంలో కంటే భారీగా పెరిగాయి. సాధారణ కుటుంబాలకు రూ.130 నుంచి రూ.150లు వచ్చే విద్యుత్‌ బిల్లు ఇప్పుడు రెట్టింపయింది. సర్‌చార్జీల పేరుతో అదనపు వసూళ్లు చేస్తుండడంతో విద్యుత్‌చార్జీలు కట్టలేక పట్టణాల్లో నివాసం ఉంటున్న కార్మికులు, రోజువారీ కూలీలు ఇబ్బందులు పడుతున్నారు. రెండు లైట్లు, ఒక ఫ్యాన్‌ వినియోగిస్తే నెలకు రూ.350లు దాటి విద్యుత్‌ బిల్లులు వస్తున్నాయని గగ్గోలు పెడుతున్నారు. పన్నులు, విద్యుత్‌చార్జీల రూపంలో దోపిడీపై పట్టణవాసులు మండిపడుతున్నారు. రాజాం: కూటమి ప్రభుత్వం అధికారంలోకి వచ్చాక పట్టణ ప్రజలపై పన్నుల భారం అమాంతం పెరిగింది. ఇళ్లు, ఖాళీ స్థలాలకు పన్నుల వడ్డింపుతో పట్టణవాసుల జేబులకు చిల్లుపడుతోంది. మరోవైపు రెండున్నరేళ్లుగా నగరం, పట్టణాల్లో కనీస సదుపాయాల కల్పనలో ప్రభుత్వం నిర్లక్ష్యం నటిస్తోంది. గతంలో వైఎస్సార్‌ సీపీ ప్రభుత్వం మున్సిపాల్టీలు, కార్పొరేషన్లలో మౌలిక వసతులకు ప్రాధాన్యత ఇచ్చేది. క్యాపిటల్‌ ఆధారిత చెల్లింపులు కట్టడిచేసేది. ఫలితంగా మున్సిపాల్టీలు, కార్పొరేషన్లలో ఇంటిపన్ను వసూళ్లు అంతంత మాత్రంగానే ఉండేవి. ఇప్పుడు అలా కాకుండా ఏటా 15 శాతం మేర ఇంటిపన్ను వసూళ్లు అధికమైంది. క్యాపిటల్‌ ఆధారంగా.. ఏటా పట్టణాల్లో ఖాళీ స్థలాలకు రిజిస్ట్రేషన్‌ శాఖ నుంచి విలువను నిర్థారిస్తున్నారు. చదరపు అడుగులు ఆధారంగా మున్సిపాల్టీలో 0.20 శాతం, కార్పొరేషన్లులో 0.50 శాతం పన్ను నిర్ధారిస్తున్నారు. 2021–23 మధ్య కాలంలో రాజాం మున్సిపాల్టీలో 375 చదరపు అడుగులు ఉండే ఖాళీ స్థలానికి రూ.4 లక్షలు మార్కెట్‌ విలువ ఉండేది. ఇప్పుడు ఆ ధర రూ.8 లక్షలకు చేరింది. ఈ క్యాపిటల్‌ ఆధారంగా గతంలో ఈ స్థలానికి చెల్లించే రూ.800లు పన్నును ఇప్పుడు రూ.1600లు చెల్లించాల్సి వస్తోంది. ఇలా ఖాళీ స్థలాలకే కాకుండా ఇంటికి సైతం పన్ను చెల్లింపు ఏటా గతంలో చెల్లించినదానికంటే 15 శాతం పెంచుతూ వస్తున్నారు. మరో వైపు ఇంటి నిర్మాణాలు సక్రమంగా లేవని, క్రమబద్ధీకరించుకోవాలని, కుళాయిలకు పర్మిషన్‌లేదనే షాకులతో అదనపు వసూళ్లు అధికమయ్యాయి. ఎన్నికల ముందు కూటమి ప్రభుత్వం ఇచ్చిన ఇంటిపన్నుభారం ఉండదనే హామీని గాలికొదిలేసింది. పట్టణ ప్రజలపై పన్నుల భారం వేస్తోంది. విధిలేక అప్పులుచేసి పన్నుచెల్లిస్తున్నారు. ఏటా పన్ను పెంపు మున్సిపాల్టీలో ఆస్తులు విలువ గతంలో కంటే భారీగా పెంచేశారు. ఇప్పుడు రిజిస్ట్రేషన్‌ విలువ ఆధారంగా ఇంటిపన్ను, ఖాళీ స్థలాలకు పన్నులు వసూలు చేస్తున్నారు. ఖాళీ స్థలాలకు భారీగా పన్నులు వసూలు చేయడం దారుణం. ఈ స్థాయిలో పన్నుల భారం వేసిన ప్రభుత్వాన్ని నేను చూడలేదు. పన్నులు వసూలు చేస్తున్న ప్రభుత్వం ఆ స్థాయిలో వార్డుల్లో మౌలిక వసతులు కల్పించడంలేదు. – బి.వెంకటరమణ, రాజాం నిబంధనల ప్రకారమే... ఇంటి పన్నులు, ఖాళీ స్థలాలకు పన్నులు చెల్లింపు కార్యక్రమం ప్రభుత్వ నిబంధనలు ప్రకారమే జరుగుతోంది. ఏటా మున్సిపాల్టీలో 0.15 శాతం పెరుగుదల ఉంటుంది. క్యాపిటల్‌ విలువ ఆధారంగా ఈ వసూళ్లు జరుగుతున్నాయి. – ఎ.రామచంద్రరావు, మున్సిపల్‌ కమిషనర్‌, రాజాం గతంలో కంటే ఎక్కువ నేను రాజాం మున్సిపాల్టీ ఆదర్శనగర్‌లో ఉంటున్నాను. గతంలో కంటే ఇప్పుడు ఇంటిపన్ను బాగా పెరిగిపోయింది. గతంలో రూ.5 వేలు ఇంటిపన్ను కడితే ఇప్పుడు రూ.7 వేలు కట్టాల్సి వస్తుంది. సకాలంలో చెల్లించకుంటే కుళాయి ఆపేస్తున్నారు. ఇంట్లో ఎవరైనా పింఛన్‌ వచ్చినవారు ఉంటే వాళ్ల డబ్బులు జమచేస్తున్నారు. ఇంటిపన్ను చెల్లింపులు సామాన్యునికి భారంగా మారాయి. మరో వైపు ఏ వార్డులో చూసినా అభివృద్ధి లేదు. ప్రభుత్వం నుంచి నగదు సంక్షేమ పథకాలు అందడంలేదు. ప్రజలకు కష్టాలు తప్పడంలేదు. – కె.ఉమాశంకర్‌, రాజాం ఇచ్చిన మాట తప్పిన ‘కూటమి’ ఆస్తి విలువ ఆధారంగా మున్సిపాల్టీలో 0.20 శాతం.. కార్పొరేషన్లులో 0.50 శాతం మేర పన్ను వసూళ్లు గతంలో కంటే రెట్టింపు వడ్డింపు కనీస వసతులు కల్పించని వైనం ఖాళీ స్థలాలపై భారీగా పన్ను ఇంటిపన్నుతో పాటు విద్యుత్‌ చార్జీల పెంపు ఆవేదనలో నగర, పట్టణ ప్రజలు

విజయనగరం: మున్సిపల్‌ ఎన్నికలకు సమయం ఆసన్నమైంది. ఆదివారం ఉదయం 7 గంటల నుంచి పోలింగ్‌ ప్రారంభం కానుంది. శుక్రవారం సాయంత్రంతో ప్రచార పర్వానికి తెరపడగా.. అదే రోజు రాత్రి నుంచి ప్రలోభాల పర్వం ప్రారంభమైంది. నోట్ల పాములు కట్టలు తెంచుకున్నాయి. ఓటుకు వాళ్లు రూ.500 ఇస్తే.. మేం రూ.వెయ్యి ఇస్తాం.. మీ ఇంటిలోని ఓట్లన్నీ మాకే వేయాలంటూ బరిలో నిలిచిన అభ్యర్థులు ఓటర్లకు గాలం వేసే పనిలో నిమగ్నమయ్యారు. విజయనగరం కార్పొరేషన్‌తో పాటు బొబ్బిలి మున్సిపాలిటీ, నెల్లిమర్ల నగర పంచాయతీల పరిధిలో డబ్బుల పంపిణీ సాగుతున్నట్టు సమాచారం. అధికార బలంతో అక్రమంగా డబ్బు సంపాదించినవారు ఇంటింటికీ డబ్బులు పంపిణీ చేస్తున్నట్టు తెలిసింది. మరోవైపు మద్యం పంపిణీ కూడా సాగుతోంది. డివిజన్‌, వార్డుల్లో ఉన్న మొత్తం ఓట్లలో 50 నుంచి 60 శాతం ఓట్లు దక్కితే విజయం సాధించగలమనే ప్రణాళికలు రూపొందించుకుని అందుకు తగ్గట్టుగానే.. పంపిణీ కార్యక్రమాలు చేపడుతున్నారు. మరికొన్నిచోట్ల మేయర్‌/చైర్మన్‌ల ఓట్ల కోసం వేరుగా... కార్పొరేటర్‌/కౌన్సిలర్‌ అభ్యర్థులకు వేర్వేరుగా రూ.500 చొప్పున ఇచ్చేలా ముందే ఓటర్లతో ఒప్పందం కూడా చేసుకున్నట్లు తెలిసింది. సామాజిక వర్గాల వారీగా ఆత్మీయ సమావేశాలు సమయం లేదు మిత్రమా.. ఇంటింటి ప్రచారాల కంటే ఆత్మీయ సమావేశాలవల్లే ఓట్లు పడ తాయని అభ్యర్థులకు ప్రధాన రాజకీయ పార్టీలు దిశానిర్దేశం చేయడంతో ప్రచార పర్వం ముగిసిన తరువాత ఈ సమావేశాలకు ప్రాధాన్యత సంతరించుకుంది. మున్సిపల్‌ ఎన్నికలకు మొదటి నుంచే తక్కువ సమయం ఉండడం, దీనికి తోడు అర్నబ్‌ తుఫాన్‌ వల్ల ప్రచారానికి రెండు రోజులు ఆటంకం ఏర్పడడంతో నాయకుల్లో ఆందోళన పెరిగింది. ఈ సమయంలో ఇంటింటికి తిరిగి ఓటర్లను అభ్యర్థించడం కంటే సామాజికవర్గాల వారీగా ఆత్మీయ సమావేశాలు నిర్వహించి ఓటర్లను ప్రసన్నం చేసుకుంటున్నారు. ఈ క్రమంలో వార్డుల వారీగా ఉన్న బీసీలు, ఎస్సీలు, ఎస్టీలు, ముస్లింలు మైనార్టీలతో ప్రధానంగా సమావేశాలు నిర్వహించారు. ముఖ్యంగా బీసీల్లో ఉన్న అన్ని ప్రధాన ఉపకులాలు, ప్రజలతో సమావేశాలు ఏర్పాటు చేశారు. కట్టలు తెంచుకున్న నోట్ల పాములు వారు రూ.500 ఇస్తే... మేం రూ.1000 ఇస్తామంటూ ఆఫర్లు ఓటర్లను ప్రసన్నం చేసుకునేందుకు విశ్వప్రయత్నాలు నేడు మున్సిపల్‌ ఎన్నికల ఓటింగ్‌ దూర ప్రాంతాల నుంచి రప్పించేలా.. విజయనగరం మున్సిపల్‌ కార్పొరేషన్‌తో పాటు బొబ్బిలి మున్సిపాలిటీ, నెల్లిమర్ల నగర పంచాయతీలకు చెందిన ఓటర్లు కొందరు ఉద్యోగ, ఉపాధి రీత్యా హైదరాబాద్‌, విజయవాడ, విశాఖ తదితర దూర ప్రాంతాల్లో ఉన్నారు. వారందరికీ అభ్యర్థులే నేరుగా ఫోన్లు చేసి పోలింగ్‌కు రావాలని కోరుతున్నారు. ఖర్చులకు భయపడొద్దని.. రైలు, బస్సు టిక్కెట్లకు ఎంతవుతుందో చెబితే ముందే ఫోన్‌పే ద్వారా పంపిస్తున్నారు. వీరిని రప్పించేందుకు అభ్యర్థులు ప్రత్యేకంగా కొందరికి బాధ్యత అప్పగించారు.

విజయనగరం టౌన్‌: జిల్లా పోలీస్‌ కార్యాలయంలో అదనపు ఎస్పీ (పరిపాలన)గా ఎ.పద్మలత శనివారం బాధ్యతలు స్వీకరించారు. ముందుగా ఆమె ఎస్పీ ఎ.ఆర్‌.దామోదర్‌ను కలిసి పుష్పగుచ్ఛం అందజేశారు. పద్మలత 1998లో సబ్‌ ఇన్‌స్పెక్టర్‌గా విధుల్లో చేరారు. 2010లో ఇన్‌స్పెక్టర్‌ ఆఫ్‌ పోలీస్‌గానూ, 2020లో డీఎస్పీగా, 2026లో అదనపు ఎస్పీగా ఉద్యోగోన్నతులు పొందారు. గతంలో ఆమె రాయలసీమలోని తిరుపతి, చిత్తూరు, కడప జిల్లాలో వివిధ హోదాల్లో, వివిధ పోలీస్‌ స్టేషన్‌లో పనిచేసి గుర్తింపు పొందారు. 3న పైడితల్లి తెప్పోత్సవం విజయనగరం (కల్చరల్‌) క్రైమ్‌: పైడితల్లి అమ్మవారి తెప్పోత్సవం ఈ నెల 3న జరగనుందని ఆలయ ఈఓ శిరీష శనివారం తెలిపారు. తెప్పోత్సవ ట్రయల్‌ రన్‌ సోమవారం జరుగుతుందన్నారు. తెప్పోత్సవం నిర్వహించే పెద్ద చెరువును అధికారులతో కలిసి శనివారం పరిశీలించారు. కార్యక్రమంలో దేవదాయశాఖ సిబ్బంది రమేష్‌, ఆలయ పూజారి బంటుపల్లి వెంకటరావు, వనంగుడి అధికారులు, పూజారులు కృష్ణ, రాజేష్‌, సాయి, తదితరలు పాల్గొన్నారు. పోలీస్‌ అమరవీరులకు నివాళి విజయనగరం టౌన్‌: పోలీస్‌ అమరవీరులకు నివాళులర్పిస్తూ జిల్లా పోలీస్‌ కార్యాలయం నుంచి స్మృతివనంలోని అమరవీరుల స్థూపం వరకు పోలీస్‌ శాఖ ఆధ్వర్యంలో శనివారం క్యాండిల్‌ ర్యాలీ నిర్వహించారు. జిల్లా కేంద్రంలో ఓపెన్‌ హౌస్‌, రక్తదాన శిబిరం, మెగా మెడికల్‌ క్యాంప్‌, సమైక్యత పరుగు, క్యాండిల్‌ ర్యాలీ నిర్వహించి విధి నిర్వహణలో అసువులు బాసిన పోలీసులకు నివాళులర్పించామని ఎస్పీ దామోదర్‌ తెలిపారు. ర్యాలీలో ఏఆర్‌ అదనపు ఎస్పీ పి.కిరణ్‌కుమార్‌, ఏఆర్‌ డీఎస్పీ ఇ.కోటిరెడ్డి, రిజర్వు ఇన్‌స్పెక్టర్లు ఎన్‌.గోపాలనాయుడు, ఆర్‌.రమేష్‌కుమార్‌, పి.శ్రీనివాసరావు పాల్గొన్నారు.

విజయనగరం అర్బన్‌: మున్సిపల్‌ ఎన్నికల పోలింగ్‌ సమయం ఆసన్నమైంది. ఆదివారం ఉదయం 7 గంటల నుంచి సాయంత్రం 6 గంటల వరకు జరగనున్న పోలింగ్‌కు అధికార యంత్రాంగం సర్వం సిద్ధంచేసింది. పోలింగ్‌ కేంద్రాలకు సిబ్బంది, ఎన్నికల సామగ్రి తరలింపు, భద్రత, రవాణా, వెబ్‌కాస్టింగ్‌ వంటి కీలక ఏర్పాట్లపై ప్రత్యేక దృష్టి సారించింది. జిల్లాలోని విజయనగరం మున్సిపల్‌ కార్పొరేషన్‌, బొబ్బిలి మున్సిపాలిటీ, నెల్లిమర్ల నగర పంచాయతీ పరిధిలో మొత్తం 322 పోలింగ్‌ కేంద్రాలను ఏర్పాటు చేసింది. ఎన్నికల సామగ్రి, సిబ్బంది తరలింపునకు 82 వాహనాలను సిద్ధం చేసింది. స్థానిక రాజీవ్‌ స్టేడియం వద్ద ఏర్పాటు చేసిన డిస్ట్రిబ్యూషన్‌ కేంద్రాన్ని కలెక్టర్‌ ఎస్‌.రాంసుందర్‌రెడ్డి, జిల్లా ఎన్నికల సాధారణ పరిశీలకుడు తేజ్‌ భరత్‌, ఎస్పీ ఏఆర్‌ దామోదర్‌ శనివారం పరిశీలించారు. పోలింగ్‌ సామగ్రి పంపిణీ కౌంటర్లు, సిబ్బందికి కల్పించిన వసతులు, వాహనాల కేటాయింపు, రవాణా ఏర్పాట్లను తనిఖీ చేశారు. ఇదే ప్రాంగణంలో ఏర్పాటు చేస్తున్న స్ట్రాంగ్‌ రూముల భద్రత, ఓట్ల లెక్కింపు కేంద్రాల ఏర్పాట్లపైనా అధికారులతో సమీక్షించారు. ఎన్నికల పరిశీలకుడి సమక్షంలో పోలింగ్‌ సిబ్బంది ర్యాండమైజేషన్‌ ప్రక్రియ పూర్తి చేసి, ప్రతి పోలింగ్‌ కేంద్రానికి అవసరమైన సిబ్బందిని కేటాయించినట్లు కలెక్టర్‌ వెల్లడించారు. సున్నిత, అత్యంత సున్నిత పోలింగ్‌ కేంద్రాల్లో సీసీ కెమెరాలు, వీడియో కెమెరాల ద్వారా వెబ్‌కాస్టింగ్‌, ప్రత్యక్ష ప్రసారాలు ఏర్పాటు చేశారు. ఓట్లను ఈ నెల 3న లెక్కించనున్నారు. దీనికోసం విజయనరం రాజీవ్‌ స్టేడియంతోపాటు నెల్లిమర్లలోని స్థానిక కళాశాల, బొబ్బిలిలో ప్రత్యేకంగా కౌంటింగ్‌ కేంద్రాలను ఏర్పాటు చేసినట్లు కలెక్టర్‌ వివరించారు. ఓటర్లంతా ఎలాంటి ప్రలోభాలకు గురికాకుండా స్వేచ్ఛగా, నిర్భయంగా తమ ఓటు హక్కును వినియోగించుకోవాలని కలెక్టర్‌ విజ్ఞప్తి చేశారు. చిన్నారులతో ఎన్నికల విధులకు వచ్చిన ఉద్యోగినులు మూడు పట్టణాల్లో 322 పోలింగ్‌ కేంద్రాలు ఏర్పాటు 82 వాహనాలతో సిబ్బంది, సామగ్రి తరలింపు పోలింగ్‌ కేంద్రాల్లో వెబ్‌ కాస్టింగ్‌ నిఘా.. పటిష్ట భద్రతా ఏర్పాట్లు నేడు ఉదయం 7 నుంచి సాయంత్రం 5 గంటల వరకు పోలింగ్‌

● 122 పోలింగ్‌ కేంద్రాల్లో సీసీ కెమెరాలు నిల్‌ ● ప్రతిచోటా సీసీ కెమెరా అమర్చాలన్న సుప్రీంకోర్టు ఆదేశాలు బేఖాతర్‌ ● 229 కేంద్రాల్లో 107 చోట్లే సీసీ కెమెరాలు విజయనగరం అర్బన్‌/బొబ్బిలి: మున్సిపల్‌ ఎన్నికలు పారదర్శకంగా నిర్వహించడంపై సుప్రీంకోర్టు పలు సూచనలు చేసింది. ప్రతి పోలింగ్‌ కేంద్రంలో సీసీ కెమెరా అమర్చాలని ఆదేశించింది. వీటిని కాదని విజయనగరం నగరపాలక సంస్థ పరిధిలో 229 పోలింగ్‌ కేంద్రాల్లో సమస్యాత్మక, అత్యంత సమస్యాత్మక కేంద్రాలైన 107 చోట్ల మాత్రమే సీసీ కెమెరాలు, వెబ్‌ కాస్టింగ్‌ ఏర్పాట్లు చేయడం విమర్శలకు తావిస్తోంది. అన్నిచోట్లా నిఘా ఏర్పాట్లపై స్పష్టత లేకపోవడం అనుమానాలకు తావిస్తోంది. నగరంలోని 62 వార్డులు, మేయర్‌ స్థానానికి జరుగుతున్న ఎన్నికల్లో మొత్తం 2,23,050 మంది ఓటర్లు తమ ఓటు హక్కును వినియోగించుకోనున్నారు. వీరిలో 1,15,015 మంది మహిళలు, 1,08,010 మంది పురుషులు, 25 మంది ఇతర ఓటర్లు ఉన్నారు. వీరి కోసం 229 పోలింగ్‌ కేంద్రాలను ఏర్పాటు చేశారు. వీటిలో 122 (53.28 శాతం) సాధారణ కేంద్రాలు, 81 సమస్యాత్మక, 26 అత్యంత సమస్యాత్మక కేంద్రాలుగా గుర్తించారు. సమస్యాత్మక, అత్యంత సమస్యాత్మక కేంద్రాలు కలిపి 107 (46.72 శాతం) మాత్రమే. మిగిలిన 122 సాధారణ కేంద్రాల్లోనూ కెమెరాల నిఘా ఉందా? లేదా? అన్నది ఇప్పడు కీలకంగా మారింది. మొత్తం కేంద్రాల్లో సగానికిపైగా సాధారణ కేంద్రాలే ఉండగా, వాటిలో పర్యవేక్షణ ఏర్పాట్లపై అధికారుల నుంచి స్పష్టమైన ప్రకటన లేకపోవడం గమనార్హం. వార్డు సభ్యుల స్థానాలకు 169 మంది, మేయర్‌ పదవికి ఏడుగురు పోటీలో ఉన్న నేపధ్యంలో ప్రతి పోలింగ్‌ కేంద్రంలోనూ పారదర్శకతకు ప్రాధాన్యం ఇవ్వాల్సిన అవసరం ఉందని అభ్యర్థులు కోరుతున్నారు. ● బొబ్బిలి మున్సిపాలిటీలో 49,482 మంది ఓటర్లకు 69 పోలింగ్‌ కేంద్రాలను ఏర్పాటు చేశారు. ఇందులో సెన్సిటివ్‌, హైపర్‌సెన్సిటివ్‌ పోలింగ్‌ కేంద్రాలుగా 25 గుర్తించారు. ఈ కేంద్రాల్లో మాత్రమే సీసీ కెమెరాలు ఏర్పాటు చేశారు. ఒక కెమెరా బయట, మరో కెమెరా పోలింగ్‌కేంద్రం లోపల అమర్చారు. మిగతా పోలింగ్‌ కేంద్రాల్లో అమర్చలేదని ఓటర్లు, స్థానిక ప్రజలు విమర్శిస్తున్నారు. ఏదేని జరగరాని సంఘటనల నేపథ్యంలో విచారణకు ఆటంకం తప్పదన్న వాదన వినిపిస్తోంది.

● స్థానిక ఎన్నికల్లో వైఎస్సార్‌సీపీని గెలిపించండి ● శాసనమండలి విపక్ష నేత బొత్స సత్యనారాయణమెరకముడిదాం: స్థానిక సంస్థల ఎన్నికల్లో వైఎస్సార్‌సీపీ అభ్యర్థులకు మద్దతు ఇచ్చి గెలిపించాలని.. మీకు అండగా నేనుంటానని.. శాసనమండలి విపక్ష నేత బొత్స సత్యనారాయణ అన్నారు. మండలంలోని ఉత్తరావల్లి, సోమలింగాపురం గ్రామాల్లో శనివారం పార్టీ అభ్యర్థుల తరఫున ఎన్నికల ప్రచారం నిర్వహించారు. రెండు గ్రామాల్లో జరిగిన సభల్లో ఆయన మాట్లాడారు. గత వైఎస్సార్‌సీపీ ప్రభుత్వ హయాంలో వైఎస్‌ జగన్‌మోహన్‌రెడ్డి ముఖ్యమంత్రిగా ఉన్నప్పుడు అమలు చేసిన సంక్షేమ పథకాలు, అభివృద్ధిని గుర్తెరిగి ఓటు వేయాలన్నారు. మండలంలో అన్ని ఎంపీటీసీ స్థానాలతో పాటు జెడ్పీటీసీ స్థానంలో కూడా వైఎస్సార్‌సీపీ అభ్యర్థులను గెలిపించుకుందామని పిలుపునిచ్చారు. కూటమి నాయకులు ఇచ్చిన ఏ ఒక్క హామీని అమలు చేయలేదని, ఆ హామీలన్నీ గాలిలో కలిసిపోయాయని ఎద్దేవా చేశారు. వైఎస్సార్‌సీపీలో పలువురి చేరిక సోమలింగాపురంలో నిర్వహించిన ప్రచార సభలో మెరకముడిదాం గ్రామానికి చెందిన 20 కుటుంబాలు వైఎస్సార్‌సీపీలో చేరాయి. వీరికి శాసనమండలి విపక్ష నేత బొత్స సత్యనారాయణ పార్టీ కండువాలు వేసి సాదరంగా ఆహ్వానించారు. అదే గ్రామానికి చెందిన పలు కుటుంబాలు వైఎస్సార్‌సీపీకి మద్దతు తెలిపాయి. కార్యక్రమంలో పార్టీ నాయకులు ఎస్‌వీ రమణరాజు, తాడ్డి వేణుగోపాలరావు, సరిది రమేష్‌, పిన్నింటి సుగుణాకరరావు, పార్టీ అభ్యర్థులు శిరువూరు కుసుమప్రియ, అడ్డాల అరుణ, కొమ్ము రమ్య, పల్లి ఉమామహేశ్వరరావు, నాయకులు, అధికార ప్రతినిధి రేగిడి లక్ష్మణరావు, కొమ్ము శంకరరావు, ఎస్‌.కృష్ణమూర్తిరాజు, జంపన సావిత్రి, బోనెల గోపి తదితరులు పాల్గొన్నారు.

విజయనగరం టౌన్‌: పోలింగ్‌ కేంద్రాల వద్ద విధులు నిర్వహించే పోలీసులు ఓటర్లతో మర్యాదగా వ్యవహరించాలని, విధి నిర్వహణలో ఎటువంటి అలసత్వం ప్రదర్శించరాదని ఎస్పీ ఎఆర్‌.దామోదర్‌ సూచించారు. స్థానిక రాజీవ్‌ క్రీడా ప్రాంగణం డిస్ట్రిబ్యూషన్‌ సెంటర్‌ వద్ద శనివారం బందోబస్తు నిర్వహించే పోలీసు అధికారులు, సిబ్బందితో సమావేశమయ్యారు. నిర్దేశించిన విధులను సమర్ధవంతంగా నిర్వహించి, ఎన్నికలను ప్రశాంతంగా, పారదర్శకంగా నిర్వహించడంలో భాగస్వాములు కావాలన్నారు. ఎన్నికల నిర్వహణలో ఎక్కడ ఎటువంటి అవాంఛనీయ సంఘటనలు చేటుచేసుకోకుండా చూడాలన్నారు. పోలింగ్‌ అధికారి పోలీసుల సహాయం కోరితే తప్ప ఎవరూ పోలింగ్‌ కేంద్రంలోకి వెళ్లవద్దన్నారు. పోలింగ్‌ కేంద్రానికి 100 మీటర్ల దూరంలో లైన్స్‌ వేయించాలని, వందమీటర్ల లోపలికి ఎవరినీ అనుమతించవద్దన్నారు. విధుల్లో ఉన్న పోలీసులపై ఎవరైనా దురుసుగా ప్రవర్తిస్తే మాత్రం కఠినంగా వ్యవహరించాలని ఆదేశించారు. డీఎస్పీ ఎస్‌.లక్ష్మణమూర్తి, చీపురుపల్లి డీఎస్పీ ఎస్‌.రాఘవులు, పలువురు సీఐలు, ఎస్‌ఐలు, పోలీస్‌ సిబ్బంది పాల్గొన్నారు. విధుల్లో అలసత్వం వద్దు : ఎస్పీ

పార్వతీపురం రూరల్‌: నీటి కోసం ఇంటి నుంచి వెళ్లిన ఓ యువకుడు అర్థాంతరంగా తనువు చాలించాడు. పార్వతీపురం మండలం అడ్డపుశీల గ్రామ శివారులో వెలుగు చూసిన ఈ ఘటన స్థానికంగా కలకలం రేపింది. కృష్ణపల్లి గ్రామానికి చెందిన గర్భాపు రాకేష్‌ (18) పాలిటెక్నిక్‌ విద్యాభ్యాసం పూర్తి చేశాడు. అక్టోబరు 29వ తేదీ సాయంత్రం తాగునీరు తెచ్చేందుకు తన పల్సర్‌ ద్విచక్ర వాహనంపై వాటర్‌ క్యాన్‌ తీసుకుని ఇంటి నుంచి బయలుదేరాడు. ఎంతకీ తిరిగి రాకపోవడంతో కుటుంబ సభ్యులు చుట్టుపక్కల గాలించినా ఫలితం దక్కలేదు. చివరకు శనివారం అడ్డపుశీల గ్రామ శివారు ప్రాంతంలో శవమై కనిపించాడు. మృతదేహం పక్కనే అతడు తీసుకెళ్లిన వాటర్‌ క్యాన్‌, పల్సర్‌ బైక్‌ పడి ఉండటంతో పలు అనుమానాలకు తావిస్తోంది. రాకేష్‌ మృతికి గల కారణాలు తెలియరాకపోవడంతో.. ఇది అనుమానాస్పద మృతిగా మారింది. సమాచారం అందుకున్న పార్వతీపురం రూరల్‌ పోలీసులు ఘటనా స్థలానికి చేరుకున్నారు. సంఘటనా స్థలాన్ని నిశితంగా పరిశీలించి, మృతదేహాన్ని స్వాధీనం చేసుకున్నారు. ఈ ఘటనపై కేసు నమోదు చేసుకున్న పోలీసులు దర్యాప్తును ముమ్మరం చేశారు. రోడ్డు ప్రమాదంలో వ్యక్తి..పాలకొండ రూరల్‌: నగర పంచాయతీ పరిధి ఎన్‌కే రాజపురానికి చెందిన కొవగాన వాసు (32) శుక్రవారం రాత్రి 11.30 గంటల సమయంలో స్థానిక ఆర్టీసీ కాంప్లెక్స్‌ నుంచి స్వగృహానికి తన ద్విచక్ర వాహనంపై వెళ్తూ.. ఇంటి ఇన్‌ గేట్‌ సమీపంలో రోడ్డుపై నిలిచి ఉన్న పశువులను తప్పించబోయి ప్రమాదానికి గురయ్యాడు. ప్రమాదం సమయంలో రోడ్డుపై పడి ఉన్న వాసును స్థానికులు గుర్తించి పాలకొండ ఏరియా ఆస్పత్రికి తరలించి, కుటుంబీకులకు సమాచారం అందించారు. అప్పటికే వాసు మరణించినట్టు వైద్యులు ధృవీకరించారు. నగర పంచాయతీ ఎన్నికలు కావటం, తన కుటుంబ సభ్యులు బరిలో నిలవటంతో అప్పటి వరకూ సహచరులతో కలసి ఉన్న వాసు మరణ వార్త విని స్నేహితులు, బంధువులు షాక్‌కు గురయ్యారు. అందరితో కలివిడిగా ఉండే తమ స్నేహితుడు లేడన్న విషయం తెలుసుకుని పెద్దెత్తున సహచరులు ఆస్పత్రికి చేరుకున్నారు. విషయం తెలుసుకున్న ఎమ్మెల్సీ పాలవలస విక్రాంత్‌, మాజీ ఎమ్మెల్యే విశ్వాసరాయి కళావతి సంతాపం తెలిపారు. మృతుడికి భార్య జ్యోతిర్మయి, పిల్లలు వీక్షిత్‌, జశ్వంత్‌ ఉన్నారు. వాసు మృతితో కుటుంబ సభ్యులు, బంధువులు, స్నేహితులు కన్నీరుమున్నీరయ్యారు. చంపావతిలో కొట్టుకుపోయి వృద్ధుడు..నెల్లిమర్ల: గుర్ల మండలం కోటగండ్రేడు గ్రామానికి చెందిన కొండపల్లి వీర్రాజు (65) చంపావతి నదిలో ప్రమాదవశాత్తు కాలుజారి పడి మృతి చెందాడు. వీర్రాజు పైడితల్లమ్మ పండగ కోసమని విజయనగరంలోని పూల్‌బాగ్‌ ప్రాంతంలో ఉంటున్న తన కుమారుల ఇంటికి అక్టోబరు 26న భార్యతో కలిసి వెళ్లాడు. అక్టోబరు 30న మధ్యాహ్నం పింఛన్‌ తీసుకోవాలని కుటుంబ సభ్యులకు చెప్పి పూల్‌బాగ్‌ నుంచి కోటగండ్రేడుకు బయలుదేరాడు. మార్గమధ్యంలో మొయిద నారాయణపట్నం బ్రిడ్జి దగ్గర కాలకృత్యాల నిమిత్తం చంపావతి నది వద్దకు వెళ్లగా.. ప్రమాదవశాత్తు కాలుజారి నదిలో పడిపోయాడు. తుఫాన్‌ నేపథ్యంలో నది ఉధృతంగా ప్రవహిస్తుండడంతో ఆయన ప్రవాహంలో కొట్టుకుపోయి మృతి చెందాడు. మృతుని కుమారుడు కొండపల్లి హరినాథ్‌ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్టు ఎస్‌ఐ జి.గోపాలరావు తెలిపారు. విద్యుదాఘాతానికి మహిళ..సీతంపేట: మండలంలోని హడ్డుబంగి గ్రామానికి చెందిన బిడ్డిక పెంటమ్మ (43) శనివారం విద్యుదాఘాతానికి గురై మృతి చెందింది. తన ఆవులను మేతకు పెంటమ్మ పొలాల్లోకి తీసుకువెళ్లింది. ఈ క్రమంలో కిందకు వేలాడి ఉన్న విద్యుత్‌ హైటెన్షన్‌ వైర్‌ తగలడంతో అక్కడికక్కడే మృతి చెందినట్టు గ్రామస్తులు తెలిపారు. మృతురాలికి భర్త బిడ్డిక కృష్ణారావు, కుమారుడు ప్రశాంత్‌, కుమార్తెలు మాదర, మనీష ఉన్నారు. ఈమె మృతితో గ్రామంలో విషాదం అలుముకుంది. ఎస్‌ఐ వై.అమ్మన్నరావు కేసు నమోదు చేసి దర్యాప్తు చేస్తున్నారు. మృతదేహాన్ని పోస్టుమార్టం నిమిత్తం స్థానిక ఏరియా ఆస్పత్రికి తరలించారు. విద్యుత్‌ శాఖ నిర్లక్ష్యమే వల్లే నిండు ప్రాణం పోయిందని గ్రామస్తులు మండిపడ్డారు. కొన్ని నెలలుగా పొలాల్లో విద్యుత్‌ వైర్లు వేలాడుతున్నాయని సంబంధిత సిబ్బందికి ఫిర్యాదు చేసినా పట్టించుకున్న దాఖలాలు లేవన్నారు. ఈ విషయమై ట్రాన్స్‌కో ఏఈ నీలిమ మాట్లాడుతూ ఇటీవల కురిసిన అర్నబ్‌ తుఫాన్‌కు విద్యుత్‌ స్తంభం ఒరిగిందన్నారు. లైన్‌ లూజు కావడంతో ప్రమాదం సంభవించిందన్నారు. యువకుడి అనుమానాస్పద మృతి

● ఆర్‌జేడీ విజయ్‌భాస్కర్‌ గంట్యాడ: ఉపాధ్యాయులు అంకితభావంతో విధులు నిర్వహించాలని ఆర్‌జేడీ విజయ్‌భాస్కర్‌ అన్నారు. డీఈఓ మాణిక్యంనాయుడు, ఎంఈఓ సత్యనారాయణతో కలిసి మండలంలోని కొటారుబిల్లి కస్తూరిబా గాంధీ బాలికల విద్యాలయం, గంట్యాడ జిల్లా పరిషత్‌ ఉన్నత పాఠశాలను శనివారం తనిఖీ చేశారు. ఈ సందర్భంగా విద్యార్థుల సామర్థ్యాలను పరిశీలించారు. అనంతరం ఉపాధ్యాయులతో మాట్లాడుతూ.. విద్యార్థులకు సులువుగా అర్థమయ్యేలా బోధన చేపట్టాలని సూచించారు. కార్యక్రమంలో స్థానిక జిల్లా పరిషత్‌ ఉన్నత పాఠశాల ప్రధానోపాధ్యాయరాలు ఝాన్సీ, కొటారుబిల్లి కస్తూరిబా గాంధీ బాలికల విద్యాలయం ప్రధానోపాధ్యాయరాలు జ్యోతి, తదితరులు పాల్గొన్నారు.

● పోలింగ్‌ కేంద్రాలున్న భవనాలకు 4న స్థానిక సెలవు : కలెక్టర్‌ విజయనగరం రూరల్‌/గంటస్తంభం: జిల్లాలో ఎంపీటీసీ, జెడ్పీటీసీ ఎన్నికల పోలింగ్‌ నిర్వహణకు సంబంధించి అవసరమైన ఏర్పాట్లు చేపట్టినట్లు కలెక్టర్‌, జిల్లా ఎన్నికల అధికారి ఎస్‌.రాంసుందర్‌ రెడ్డి శనివారం తెలిపారు. రీషెడ్యూల్‌ చేసిన ఎన్నికల పోలింగ్‌ నవంబరు 5న నిర్వహించనున్న నేపథ్యంలో ఎన్నికల సంఘం ఆదేశాల మేరకు పలు సూచనలు, ఆదేశాలు జారీ చేసినట్లు పేర్కొన్నారు. పోలింగ్‌కు ముందు రోజైన 4న పోలింగ్‌ కేంద్రాలుగా గుర్తించిన ప్రాంతాల్లో స్థానిక సెలవు ప్రకటించినట్లు తెలిపారు. 5న పోలింగ్‌ ప్రక్రియ నిర్వహించే అన్ని ప్రభుత్వ భవనాలు, విద్యా సంస్థలు, ఇతర ప్రభుత్వ పరిధిలోని భవనాలకు సెలవు వర్తిస్తుందని స్పష్టం చేశారు. ఎన్నికల రోజున ఓటర్లు తమ ఓటు హక్కును స్వేచ్ఛగా వినియోగించుకునేందుకు వీలుగా, సంబంధిత ఎన్నికల ప్రాంతాల్లోని దుకాణాలు, వ్యాపార సంస్థలు, ఇతర సంస్థల్లో పని చేస్తున్న ఉద్యోగులు, కార్మికులకు వేతనంతో కూడిన సెలవు (పెయిడ్‌ హాలిడే) ప్రకటించినట్లు కలెక్టర్‌ తెలిపారు. ఎన్నికలు జరిగే ప్రాంతాల్లోని ప్రభుత్వ, ప్రభుత్వ అనుబంధ, ప్రైవేటు సంస్థలకు, కంపెనీలకు 5న స్థానిక సెలవుగా ప్రకటించినట్లు తెలిపారు. ఎన్నికల సంఘం ఉత్తర్వులను సంబంధిత శాఖల అధికారులు, సంస్థల యాజమాన్యాలు తప్పనిసరిగా అమలు చేయాలని, నిబంధనల ఉల్లంఘనలను తీవ్రంగా పరిగణిస్తామని కలెక్టర్‌ హెచ్చరించారు. 3 నుంచి మద్యం షాపులు మూసివేత జెడ్పీటీసీ, ఎంపీటీసీ ఎన్నికల నిర్వహణలో భాగంగా పోలింగ్‌కు 48 గంటల ముందుగా మద్యం దుకాణాలను మూసివేయడం జరుగుతుందని కలెక్టర్‌ ఎస్‌.రాంసుందర్‌ రెడ్డి తెలిపారు. నవంబరు 3న ఉదయం 7 గంటల నుంచి 5వ తేదీ పోలింగ్‌ ప్రక్రియ ముగిసే సమయం వరకు సంబంధిత పోలింగ్‌ ప్రాంతాల పరిధిలో మద్యం దుకాణాలను మూసి వేయాలని కలెక్టర్‌ ఆదేశించారు. ఏపీ పంచాయతీరాజ్‌ చట్టం 1994లోని సెక్షన్‌ 225–ఏ ప్రకారం ఈ ఆదేశాలను అమలు చేయాలని సంబంధిత అధికారులకు సూచించారు.

గజపతినగరం: మెంటాడ జంక్షన్‌ రోడ్డులో ఓ ఇంట్లో మెరుగు పేరిట బంగారం చోరీ జరిగిన సంఘటన చోటు చేసుకున్నట్టు ఎస్‌ఐ కె.కిరణ్‌కుమార్‌నాయుడు శనివారం తెలిపారు. మెంటాడ రోడ్డు జంక్షన్‌లో శనివారం ఉదయం గుర్తు తెలియని ఇద్దరు వ్యక్తులు పట్టీలు మెరుగు పెడతామంటూ పురిటిపెంట చర్చి వీధిలో వెత్సా గాయిత్రి ఇంటికి వెళ్లారు. గాయిత్రి వారి మాయ మాటలు నమ్మి ముందు పట్టీలను మెరుగు పరిచేందుకు ఇచ్చింది. తరువాత పట్టీలు మెరిసేలా చేయడంతో బంగారాన్ని కూడా మెరుగు పెడతామని ఆమెను నమ్మబలికారు. దీంతో ఆమె తన మెడలో ఉన్న రెండు తులాల బంగారు గోలుసును ఒకరి చేతిలో పెట్టింది. ఇంతలో ఆమె ఇంట్లోకి రాగా ఇద్దరు వ్యక్తులు అక్కడి నుంచి పరారయ్యారు. ఈ విషయమై సదరు మహిళ గాయిత్రి ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్టు ఎస్‌ఐ తెలిపారు. అయితే నిందితులు సీసీ పుటేజిల్లో నమోదయ్యారు. వీరిని పట్టుకునేందుకు పోలీసులు గాలిస్తున్నారు. గంజాయి అక్రమ రవాణా కేసులో నిందితుడిపై పీడీ యాక్ట్‌ విజయనగరం టౌన్‌: జిల్లాలో తెర్లాం మండలం రంగప్పవలస గ్రామానికి చెందిన సిగిలి వెంకటేష్‌(29) తరచూ గంజాయి అక్రమ రవాణాకు, అసాంఘిక కార్యకలాపాలకు పాల్పడుతున్న నేపథ్యంలో అతనిపై పీడీ యాక్ట్‌ అమలుచేసి, శనివారం విశాఖ కేంద్ర కారాగారానికి పంపించినట్లు ఎస్పీ ఎఆర్‌.దామోదర్‌ ప్రకనటలో తెలిపారు. సిగిలి వెంకటేష్‌పై ఇప్పటికే తెర్లాం పోలీస్‌స్టేషన్‌లో ఒకటి, బుదరాయవలస పోలీసుస్టేషన్‌ పరిధిలో ఒకటి మొత్తం రెండు గంజాయి కేసులు నమోదయ్యాయన్నారు. ఆయా కేసుల్లో నిందితుడు నుంచి మొత్తం 16 కిలోల 570 గ్రాముల గంజాయిని స్వాధీనం చేసుకున్నట్లు వెల్లడించారు. నిందితుడు తన నేర ప్రవత్తిని మార్చుకోకుండా పదే పదే గంజాయి అక్రమ రవాణాకు పాల్పడుతూ, చట్టాన్ని ఉల్లంఘిస్తున్నందున, నేరాల నియంత్రణ, శాంతి భద్రతల పరిరక్షణలో భాగంగా అతనిపై పీడీ యాక్ట్‌ కింద నిర్బంధ చర్యలను బొబ్బిలి రూరల్‌ సీఐ మల్లిఖార్జునరావు చేపట్టినట్లు తెలిపారు. జిల్లాలో గంజాయి అక్రమ రవాణా, విక్రయాలకు పాల్పడుతూ పదే పదే నేరాలకు పాల్పడే వారిపై కఠిన చర్యలు తీసుకుంటామని హెచ్చరించారు. నేరాల నియంత్రణ, ముందస్తు నేర నియంత్రణ చర్యల్లో భాగంగా నిందితుడు వెంకటేష్‌ను అదుపులోకి తీసుకుని ఏడాది వరకూ బెయిల్‌ రాకుండా చర్యలు చేపట్టి, అతన్ని విశాఖ సెంట్రల్‌ జైలుకు తరలించామన్నారు. జేఎన్టీయూ జీవీలో జాతీయ ఐక్యత దినోత్సవం విజయనగరం రూరల్‌: స్థానిక జేఎన్టీయూ జీవీలో జాతీయ ఐక్యతా దినోత్సవం శనివారం ఘనంగా నిర్వహించారు. కార్యక్రమానికి ముఖ్య అతిథిగా హాజరైన విశ్వవిద్యాలయ ఉప కులపతి ప్రొఫెసర్‌ వి.వి.సుబ్బారావు ముందుగా సర్దార్‌ వల్లభాయ్‌ పటేల్‌ చిత్రపటానికి పూలమాలలు వేసి నివాళులు అర్పించారు. అనంతరం ఆయన మాట్లాడుతూ జాతీయ సమైక్యత, ఐక్యత, సమగ్రత, దేశ సమగ్రతను కాపాడటంలో ప్రతి ఒక్కరి బాధ్యతను వివరించారు. సర్దార్‌ వల్లభాయ్‌ పటేల్‌ ఆశయాలను స్ఫూర్తిగా తీసుకుని దేశ ఐక్యత, సమగ్రత కోసం ప్రతి ఒక్కరూ కృషి చేయాలని పిలుపునిచ్చారు. రిజిస్ట్రార్‌ కె.సి.బి.రావు, విశ్వవిద్యాలయ వివిధ డైరెక్టర్లు, విభాగాధిపతులు, బోధన, బోధనేతర సిబ్బంది, ఎన్‌ఎస్‌ఎస్‌ వలంటీర్లు, వివిధ విభాగాలకు చెందిన విద్యార్థులు పెద్ద సంఖ్యలో పాల్గొన్నారు. ‘రన్‌ ఫర్‌ యూనిటీ’ ర్యాలీ డెంకాడ: సర్దార్‌ వల్లభాయ్‌ పటేల్‌ జయంతి పురస్కరించుకుని, జాతీయ ఐక్యతా దినోత్సవంలో భాగంగా చింతలవలస ఏపీఎస్పీ ఐదో బెటాలియన్‌ పోలీసులు శనివారం రన్‌ ఫర్‌ యూనిటీ ర్యాలీ శనివారం నిర్వహించారు. దేశ సమగ్రతను కాపాడడం కోసం అందరం ఐక్యంగా మెలగాలని, దేశ రక్షణకు, శాంతిభద్రతల పరిరక్షణకు ప్రతిఒక్కరూ పాటుపడాలని కమాండెంట్‌ వై.రవిశంకర్‌రెడ్డి కోరారు. అనంతరం రాష్ట్రీయ ఏక్తా దివస్‌ ప్రతిజ్ఞ చేశారు. కార్యకమ్రంలో అడిషనల్‌ కమాండెంట్‌ రాజారెడ్డి తదితరులు పాల్గొన్నారు.

బొబ్బిలి రూరల్‌: మండలంలోని అలజంగి గ్రామానికి చెందిన 300 కుటుంబాలకు చెందిన ఓటర్లు టీడీపీ పార్టీని వీడి వైఎస్సార్‌సీపీలో శనివారం చేరారు. గ్రామంలో రేజేటి వీధికి చెందిన వారంతా ఎంపీటీసీ అభ్యర్థి పూడి సింహాచలం ఆధ్వర్యంలో జెడ్పీటీసీ అభ్యర్థి శంబంగి వేణుగోపాలనాయుడు సమక్షంలో వైఎస్సార్‌సీపీలో చేరగా వారందరికీ వేణుగోపాలనాయుడు పార్టీ కండువాలను కప్పి సాదరంగా పార్టీలోకి ఆహ్వానించారు. గత వైఎస్సార్‌సీపీ ప్రభుత్వం అందించిన సంక్షేమ ఫలాలను పొందిన తమ కుటుంబాలు, ప్రస్తుత కూటమి ప్రభుత్వం పాలనలో వివక్షకు గురౌతున్నామని, తమకు పార్టీలో ఎటువంటి ప్రాధాన్యత లేకపోగా సంక్షేమం అందని ద్రాక్షలా మారిందని అన్నారు. మాజీ ఎమ్మెల్యే శంబంగి వెంకటచినప్పలనాయుడు పరిపాలన దక్షత, వైఎస్సార్‌సీపీ విధానాలు,సంక్షేమ పథకాలు తమకు ఎంతగానో అండగా నిలిచాయన్నారు. వైఎస్సార్‌సీపీ మండల పార్టీ అధ్యక్షుడు త మ్మిరెడ్డి దామోదరరావు తదితరులు పాల్గొన్నారు.

విజయనగరం ఫోర్ట్‌: ఆరుగాలం శ్రమించి అందరికీ అన్నంపెట్టే రైతన్నకు రెండున్నరేళ్లుగా గడ్డు పరిస్థితి ఎదురవుతోంది. విపత్తుల సమయంలో ప్రభుత్వం ఆదుకుంటుందన్న భరోసా కరువైంది. తుఫాన్‌ వర్షాలకు పంటలు నష్టపోయి ఆర్థికంగా కుదేలవుతున్నా పరిహారం అందజేయకపోవడం రైతులను ఆవేదనకు గురిచేస్తోంది. విత్తనాలు కూడా ఉచితంగా అందజేయకపోవడం సాగుకు అవరోధంగా మారింది. ఒకదాని తర్వాత మరొక తుఫాన్‌ సంభవిస్తూ నడ్డివిరుస్తున్నా సర్కారు స్పందించకపోవడం కలచివేస్తోందని రైతులు చెబుతున్నారు. 2025 అక్టోబర్‌ నెలలో వచ్చిన మోంఽఽథా తుఫాన్‌ కారణంగా జిల్లాలో వరి, మొక్కజొన్న, చెరకు ఉలవ, పత్తి, శనగ, మినుము పంటలు 776.978 హెక్టార్ల మేర నష్టం వాటిల్లింది. ఇందుకు సంబంధించి వ్యవసాయ అధికారులు రూ.1.93 కోట్ల ఇన్‌పుడ్‌ సబ్సిడీ రైతులకు చెల్లించాలని ప్రభుత్వానికి ప్రతిపాదనలు పంపించారు. అయితే, ఇంతవరకు చంద్రబాబు రైతులకు నయా పైసా చెల్లించలేదు. పెసర పంట 0.214 హెక్టార్లు, చెరకు 0.699 హెక్టార్లు, ఉలవ పంట 1.012 హెక్టార్లు, క్కజొన్న 9.103 హెక్టార్లు, శనగ పంట 0.243 హెక్టార్లు , పత్తి పంట 7.523 హెక్టార్లు, మినుము 1.194 హెక్టార్లలోని పంటలకు నష్టం వాటిల్లింది. ● ముంచేసిన అర్నబ్‌ అర్నబ్‌ తుఫాన్‌ రైతుల శ్రమను ఊడ్చేసింది. జిల్లాలో సుమారు 2,483 హెక్టార్లలో పంట నష్టం వాటిల్లింది. వరి పంట 2,450 హెక్టార్లలో, మొక్కజొన్న 25, పత్తి 8 హెక్టార్లలో నష్టం వాటిల్లినట్టు వ్యవసాయ అధికారులు ప్రాధమికంగా అంచనా వేశారు. అదేవిధంగా 217 హెక్టార్లలో బొప్పాయి, అరటి , కూరగాయలు పంటలకు నష్టం వాటిల్లినట్టు నమోదుచేశారు. అయితే, అధికారులు నిర్ధారించినా పరిహారం అందుతుందన్న భరోసా ఇవ్వలేకపోతున్నారు. దీనికి రైతులు, వ్యవసాయంపై చంద్రబాబు ప్రభుత్వ నిర్లక్ష్యధోరణే కారణమన్న వాదన వినిపిస్తోంది. ‘తెల్ల అన్నం ఎవరు తింటారు’ అంటూ వ్యాఖ్యలు చేసిన అచ్చెన్నాయుడు వ్యవసాయ శాఖమంత్రి కావడం తమ దురుదృష్టకరంగా రైతులు భావిస్తున్నారు. గత ఖరీఫ్‌ సీజన్‌లో ధాన్యం కొనుగోలులో ప్రభుత్వం వెనుకంజ వేయడంతో చౌకగానే దళారులకు ధాన్యాన్ని విక్రయించారు. ఇప్పుడు 25 కిలోల బియ్యం మార్కెట్‌లో రూ.2,200 నుంచి రూ.2,500 పలుకుతోంది. ప్రభుత్వ తీరుతో రైతులకు నష్టం జరుగుతోందని, దళారులకు మేలు జరుగుతోందన్న విమర్శలు వినిపిస్తున్నాయి. రైతులకు అధిక మేలు జరిగిందంటే అది గత జగన్‌మోహన్‌రెడ్డి ప్రభుత్వ హయాంలోనేనని గుర్తుచేసుకుంటున్నారు. ఉచిత పంటల బీమా, ఠంచన్‌గా వైఎస్సార్‌ రైతు భరోసా, పంట నష్టపరిహారం చెల్లింపు, ఇన్‌పుట్‌ సబ్సిడీ, సకాలంలో రాయితీపై విత్తనాలు, సమృద్ధిగా ఎరువులు, పంటకు గిట్టుబాటు ధర, సాగుకు యంత్రసాయం ఇలా... రైతు ప్రయోజనకరమైన సేవలు గత ప్రభుత్వ హయాంలోనే అందాయని చెబుతున్నారు. ఈ ఏడాది రైతులకు నష్టమే... గత నెలలో బంగాళాఖాతంలో సంభవించిన తుఫాన్‌ వర్సాలు, నదులు ఉప్పొంగడంతో వరి, ఉద్యాన పంటలకు తీవ్ర నష్టం వాటిల్లింది. 189.83 హెక్టార్లలో అరటి, బొప్పాయి. కూరగాయల పంటలు నాశనమయ్యాయి. అరటి 129.11 హెక్టార్లు, బొప్పాయి 57.72 హెక్టార్లు, కూరగాయల పంటలు 3 హెక్టార్లలో నష్టం వాటిల్లినట్టు ఉద్యానశాఖ అధికారులు గుర్తించారు. సుమారు 5.69 కోట్లు వరకు పరిహారం చెల్లించాలని ప్రతిపాదనలు పంపించారు. బొబ్బిలి, చీపురుపల్లి, డెంకాడ, గంట్యాడ, గరివిడి, మెరకముడిదాం, నెల్లిమర్ల, పూసపాటిరేగ, రామభద్రపురం, రేగిడి ఆమదాలవలస, ఎస్‌.కోట, తెర్లాం, వంగర, సంతకవిటి మండలాల రైతులు ఎక్కువగా నష్టపోయినట్టు నిర్ధారించారు. కానీ పైసా పరిహారం అందలేదు. తుఫాన్‌ల కారణంగా నష్టపోతున్న రైతులు విపత్తుల సమయంలో పట్టించుకోని చంద్రబాబు సర్కారు పెట్టుబడి గల్లంతు.. అప్పుల ఊబిలో అన్నదాత

● వీడియో కాన్ఫరెన్స్‌లో రాష్ట్ర ఎన్నికల అధికారి అనిల్‌ చంద్ర పునేఠా విజయనగరం గంటస్తంభం: రాష్ట్రంలో స్థానిక సంస్థల ఎన్నికలను పూర్తి పారదర్శకంగా, ప్రశాంత వాతావరణంలో, నిష్పక్షపాతంగా నిర్వహించేందుకు అన్ని శాఖల అఽధికారులు పరస్పర సమన్వయంతో పనిచేయాలని రాష్ట్ర ఎన్నికల అధికారి అనిల్‌చంద్ర పునేఠా ఆదేశించారు. ఎన్నికల వ్యవస్థపై ఓటర్లలో పూర్తివిశ్వాసం కల్పించేలా పటిష్టమైన చర్యలు చేపట్టాలన్నారు. అమరావతి నుంచి స్థానిక, మున్సిపల్‌ ఎన్నికల ఏర్పాట్లు, భద్రత, కౌంటింగ్‌ తదితర అంశాలపై ఐజీ రాజకుమారి, కార్యదర్శి మల్లికార్జునతో కలిసి జిల్లా కలెక్టర్లు, ఎస్పీలు, సాధారణ, వ్యయ పరిశీలకులతో శుక్రవారం వీడియో కాన్ఫరెన్స్‌ నిర్వహించారు. పోలింగ్‌కు 48 గంటల ముందు నుంచే సైలెంట్‌ పీరియడ్‌ నిబంధనలను కచ్చితంగా అమలు చేయాలన్నారు. వీడియో కాన్ఫరెన్స్‌లో విజయనగరం కలెక్టరేట్‌ నుంచి కలెక్టర్‌ ఎస్‌.రాంసుందర్‌ రెడ్డి, ఎన్నికల సాధారణ పరిశీలకుడు తేజ్‌ భరత్‌, వ్యయ పరిశీలకుడు ఎస్‌.వెంకటేష్‌, డీఆర్వో సీహెచ్‌.సత్తిబాబు, మున్సిపల్‌ కమిషనర్‌ బాలస్వామి, జెడ్పీ డిప్యూటీ సీఈఓ లవరాజు పాల్గొన్నారు. జిల్లా వ్యాప్తంగా 5,231 పోస్టల్‌ బ్యాలెట్లు విజయనగరం రూరల్‌: జెడ్పీటీసీ, ఎంపీటీసీ ఎన్నికల విధుల్లో పాల్గొనే ఉద్యోగులు తమ ఓటుహక్కును శుక్రవారం పోస్టల్‌ బ్యాలెట్‌ రూపంలో వినియోగించుకున్నారు. జిల్లా వ్యాప్తంగా 27 మండలాల్లో మొత్తం 5,231 పోస్టల్‌ బ్యాలెట్లు పోలయ్యా యి. ఉదయం 9:30 గంటల సమయానికి ప్రారంభమైన ఈ పోలింగ్‌ ప్రక్రియ క్రమక్రమంగా ఊపందుకుంది. ఓటింగ్‌ ప్రక్రియను ఆర్వోలు పర్యవేక్షించారు.

మహిళలకు ఉచిత బస్సులతో పోటు..! ఏ ప్రభుత్వమైనా ఒక పథకాన్ని అమలు చేసింది అంటే అది అందరి ప్రజలకు మేలు జరిగేలా ఉండాలి.కూటమి ప్రభుత్వం అమలు చేసిన మహిళలకు ఏచిత బస్సు సౌకర్యంతో ఆటోవాలాల ఉపాధికి గండి పడింది.కూటమి సర్కారు హామీలు విస్మరించి ఉచిత బస్సులతో ఆటోవాలాల పొట్టకొట్టిందని వారు తీవ్రంగా విమర్శలు గుప్పిస్తున్నారు. నియోజకవర్గంలోని రామభద్రపురం,బొబ్బిలి టౌన్‌, బొబ్బిలి రూరల్‌, బాడంగి, తెర్లాం మండలాల్లో సుమారు 1500 నుంచి 1600 వరకు ఆటోలు ఉన్నాయి. వాటి ఆధారంగా బతుకుతున్న వారంతా కూటమి ప్రభుత్వం అమలు చేసిన సీ్త్ర శక్తి పథకం మరింత సమస్యగా మారిందని, ఆటో ప్రయాణాలపై ఆధారపడే మహిళా ప్రయాణికుల సంఖ్య తగ్గడంతో రోజువారీ ఆదాయం గణనీయంగా పడిపోయిందని పలువురు ఆటో డ్రైవర్లు వాపోతున్నారు. రోజువారీ ఆదాయం పడిపోవడంతో ఆర్థిక ఇబ్బందులు పడుతున్నామని ఆవేదన వ్యక్తం చేస్తున్నారు.రామభద్రపురం: వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌రెడ్డి హయాంలో ఆటోడ్రైవర్లకు ప్రతి ఏటా ఒక్కొక్కరికి రూ.10 వేలు చొప్పున ఆర్థిక సాయం అందించేవారని, ప్రస్తుత కూటమి ప్రభుత్వంలో ఆటో డ్రైవర్ల సంక్షేమం కోసం ప్రకటించిన ఆటో సేవా పథకం కింద రెండో విడత ఆర్థిక సాయం చేసేందుకు మీనమేషాలు లెక్కిస్తున్నారని ఆటోవాలాలు మండిపడుతున్నారు. ఎన్నికల ముందు ఆటో డ్రైవర్ల సంక్షేమానికి పెద్దపీట వేస్తాం. అధికారంలోకి వచ్చిన వెంటనే ఒక్కొక్కరికి రూ.15 వేలు చొప్పున ప్రతి ఏటా ఆర్థిక సాయం చేసి ఆదుకుంటామని కూటమి పక్షాలు హామీలు ఇచ్చాయి. అయితే అధికారంలోకి వచ్చిన తర్వాత హామీలు విస్మరించడంతో ఆటో డ్రైవర్లు ధర్నాలు, ఉద్యమాలు చేయడంతో అధికారం చేపట్టిన ఏడాదిన్నర తర్వాత మొదటి విడతలో వివిధ కారణాలు, నిబబంధనల సాకు చూపుతూ కొంత మందికి మాత్రమే సాయం అందించి, మిగిలిన వారికి ప్రభుత్వం నిరాశ మిగిల్చిందన్న ఆరోపణలు ఉన్నాయి. అలాగే మొదటి విడత ఆర్థిక సాయం ఇచ్చి ఏడాది దాటినా రెండో విడత ఆర్థిక సాయంపై కూటమి సర్కారు ఊసెత్తడం లేదని ప్రభుత్వ తీరుపై ఆటోవాలాలు ఆగ్రహం వ్యక్తంచేస్తున్నారు. గత జగన్‌మోహన్‌రెడ్డి ప్రభుత్వంలోనే ఆటో డ్రైవర్లకు మేలు జరిగిందని గుర్తుచేస్తున్నారు.రెండో విడత ఆర్థిక సాయం ఇంకెప్పుడు బాబూ? అంటూ ప్రశ్నిస్తున్నారు. ఆర్థిక ఇబ్బందులతో జీవనం రెండో విడత అందని ఆర్థిక సాయం ఒక విడతలో నిబబంధనల సాకుతో కొంత మందికే సాయం ఏడాది దాటినా రెండో విడత సాయంపై ఊసెత్తని ప్రభుత్వం మహిళలకు ఉచిత బస్సుతో పొట్టకొట్టిన సర్కారు కూటమి ప్రభుత్వ తీరుపై ఆటో యజమానుల ఆగ్రహం

నేను దాదాపు 20 ఏళ్లుగా ఆటో నడుపుతున్నాను.ఇదే మా జీవనాధారం.దీని ద్వారా వచ్చే ఆదాయంతో కుటుంబాన్ని పోషించుకుంటున్నాం.కూటమి ప్రభుత్వం అమలు చేసిన ఉచిత బస్సు పథకం వల్ల కొంత మేర ఉపాధి కోల్పోయాం.అలాగే కూటమి ప్రభుత్వం అధికారంలోకి వచ్చి రెండున్నరేళ్ల తర్వాత ఒక విడత ఒక్కొక్క ఆటో డ్రైవర్‌కు రూ.15 వేలు చొప్పున వేసింది. ఇప్పుడు ఏడాది దాటినా రెండో విడత వేయడానికి మీనమేషాలు లెక్కిస్తోంది. అలాగే పెట్రోల్‌ డీజిల్‌ ధరలు పెంచి ప్రభుత్వం మా పొట్టకొట్టింది. సీహెచ్‌ లోకేష్‌, బొబ్బిలి రూట్‌ యూనియన్‌ అధ్యక్షుడు, రామభద్రపురం జగన్‌ ప్రభుత్వంలోనే ఆటోవాలాలకు మేలు.. ఎన్నికల ముందు ఆటో కార్మికులకు చంద్రబాబు అనేక హామీలు ఇచ్చారు. మేనిఫెస్టోలో సైతం పెట్టారు.అధికారంలోకి వచ్చి ఏడాదిన్నర తర్వాత ఆటో యూనియన్లు ఎన్నో ధర్నాలు,ఉద్యమాలు చేస్తే ఒక్కొక్కరికి రూ.15 వేలు చొప్పున ఆర్థిక సాయం చేశారు. ఇప్పుడు ఏడాది దాటినా రెండో విడతకు అతీగతి లేదు.జగన్‌ ప్రభుత్వంలోనే ఆటో డ్రైవర్లకు మేలు జరిగింది. జగనన్న హామీ మేరకు ప్రతి ఏటా రూ.10 వేలు చొప్పున ఆర్థిక సాయం చేసి ఆదుకున్నారు. బి.దాలయ్య, ఆటో కార్మికుడు

ఈ ఫొటోలో కనిపిస్తున్న రైతు పేరు బాలి ప్రకాష్‌. చీపురుపల్లి మండలం పత్తికాయవలస గ్రామం. 10 ఎకరాల్లో అరటి పంట సాగుచేశాడు. ఎకరాకు రూ.70 వేలు చొప్పున 10 ఎకరాలకు రూ.7 లక్షలు వరకు పెట్టుబడి పెట్టాడు. గత నెలలో తుఫాన్‌ కారణంగా 10 ఎకరాల్లో అరటి పంట దెబ్బతింది. రూ.20 లక్షలు పంట దిగుబడి రావాల్సి ఉంది. పంట దెబ్బతినడంతో రూ.20 లక్షల వరకు నష్ట పోయాడు. ప్రభుత్వం నుంచి ఇంతవరకు రూపాయి సాయం అందలేదు. ఈ ఫొటోలో కనిపిస్తున్న రైతు పేరు సిరిపురం సూర్యనారాయణ. ఈయనది మెంటాడ మండలం పిట్టాడ గ్రామం. గత నెలలో సంభవించిన తుఫాన్‌ కారణంగా 2.2 ఎకరాల్లో అరటి పంట దెబ్బతింది. సుమారు రూ.1.50 లక్షల వరకు నష్టపోయాడు. ఇంతవరకు ఇతనికి ప్రభుత్వం నుంచి ఎలాంటి సాయం అందలేదు. శనివారం శ్రీ 31 శ్రీ అక్టోబర్‌ శ్రీ 2026

పూసపాటిరేగ: వైఎస్సార్‌సీపీ ప్రభుత్వంలోనే ప్రజా సంక్షేమం, అభివృద్ధి జరిగిందని పార్టీ నెల్లిమర్ల నియోజకవర్గ నాయకుడు బొత్స లక్ష్మణరావు అన్నారు. పూసపాటిరేగ మండలం కనిమెల్ల, కామవరం, అల్లాడపాలెం, కందివలస, కనిమెట్ట గ్రామాల్లో పూసపాటిరేగ వైఎస్సార్‌సీపీ జెడ్పీటీసీ అభ్యర్థి మహంతి శివ, ఎంపీటీసీ అభ్యర్థుల తరఫున శుక్రవారం ఎన్నికల ప్రచారం నిర్వహించారు. ఫ్యాన్‌గుర్తుపై ఓటేసి జెడ్పీటీసీతోపాటు 21 మంది ఎంపీటీసీ అభ్యర్థులను గెలిపించాలని ఓటర్లను అభ్యర్థించారు. కార్యక్రమంలో వైఎస్సార్‌సీపీ మండలాధ్యక్షుడు పతివాడ అప్పలనాయుడు, బర్రి చినఅప్పన్న, అల్లాడ రమేష్‌, నడిపేన రమణ, గుజ్జు సురేష్‌రెడ్డి, పడాల శ్రీధర్‌, కొత్తకోట శ్రీరాములు, శంకాబత్తుల సత్తిబాబు, తదితరులు పాల్గొన్నారు.

విజయనగరం గంటస్తంభం: రాష్ట్రంలో కూటమి ప్రభుత్వం అధికారంలోకి వచ్చిన నాటినుంచి పత్రికా స్వేచ్ఛను పూర్తిగా కాలరాస్తూ, నిరంకుశంగా విలేకరులపై కక్ష సాధింపులకు పాల్పడుతోందని విజయనగరం జిల్లా జర్నలిస్టు యూనియన్‌ నాయకులు తీవ్రస్థాయిలో ధ్వజమెత్తారు. ప్రజా సమస్యలను నిర్భయంగా వెలుగులోకి తెస్తున్న జర్నలిస్టులను టార్గెట్‌ చేసి భౌతిక దాడులకు పురిగొల్పడం అత్యంత హేయమైన చర్య అని మండిపడ్డారు. ఇటీవల కర్నూలు జిల్లా ఆత్మకూరులో సాక్షి రూరల్‌ విలేకరి సుబ్బారెడ్డిపై కొందరు గుర్తుతెలియని దుండగులు మారణాయుధాలతో విచక్షణారహితంగా దాడిచేసి గాయపరచడాన్ని నిరసిస్తూ కలెక్టరేట్‌ ఆవరణలోని మహాత్మా గాంధీ విగ్రహం వద్ద శుక్రవారం పెద్ద ఎత్తున నిరసన తెలిపారు. జర్నలిస్టులకు రక్షణ కల్పించాలంటూ జిల్లా రెవెన్యూ అధికారి(డీఆర్వో) సీహెచ్‌ సత్తిబాబుకు వినతిపత్రం అందజేశారు. కార్యక్రమంలో ఏపీయూడబ్ల్యూజే రాష్ట్ర కార్యదర్శి ఎం.ఎస్‌.ఎన్‌.రాజు, ఏపీయూడబ్ల్యూజే డిప్యూటీ జనరల్‌ సెక్రటరీ పి.ఎస్‌.వి.శివప్రసాద్‌, సాక్షి బ్యూరో ఇన్‌చార్జి కె.గాంధీ, ఏపీయూడబ్ల్యూజే జిల్లా ప్రధాన కార్యదర్శి ఎన్‌.సన్యాసిరావు, సీనియర్‌ జర్నలిస్టులు ప్రాతో బెహరా, డేవిడ్‌ రాజు, మంత్రిపాగడ రవికుమార్‌, వై.ఎస్‌.పంతులు, పంచాది అప్పారావు, కె.జె.శర్మ, ఏపీయూడబ్ల్యూజే అర్బన్‌ కమిటీ సభ్యులు, సాక్షి జర్నలిస్టులతో పాటు జిల్లాలోని వివిధ ప్రింట్‌, ఎలక్ట్రానిక్‌ మీడియా ప్రతినిధులు పెద్ద సంఖ్యలో పాల్గొన్నారు. కూటమి ప్రభుత్వంలో పత్రికా స్వేచ్ఛకు సంకెళ్లు.. విలేకరి సుబ్బారెడ్డిపై దాడికి నిరసనగా జర్నలిస్టు యూనియన్ల ఆందోళన జర్నలిస్టుల రక్షణకు చట్టం చేయాలని డిమాండ్‌ డీఆర్వో సీహెచ్‌ సత్తిబాబుకు వినతిపత్రం అందజేత

విజయనగరం: ఈనెల 1న జరగనున్న విజయనగరం మున్సిపల్‌ కార్పొరేషన్‌ ఎన్నికల్లో మేయర్‌ అభ్యర్థిగా పోటీ చేస్తున్న తనను అత్యధిక మెజార్టీతో గెలిపిస్తే విజన్‌ విజయనగరమే లక్ష్యంగా పాలన సాగిస్తానని వైఎస్సార్‌సీపీ విజయనగరం మేయర్‌ అభ్యర్థి కోలగట్ల శ్రావణి పేర్కొన్నారు. ఈ మేరకు శుక్రవారం విజయనగరంలోని సుజాత ఫంక్షన్‌ హాల్‌లో ఏర్పాటు చేసిన విలేకరుల సమావేశంలో తన తండ్రి మాజీ డిప్యూటీ మేయర్‌ కోలగట్ల వీరభద్రస్వామితో కలిసి ఆమె మాట్లాడారు. గత పది రోజులుగా విజన్‌ విజయనగరం మేనిఫెస్టోతో నగరంలోని 62 డివిజన్‌లలో ఎన్నికల ప్రచారం చేశామని చెప్పారు. అందులో భాగంగా తనను గెలిపిస్తే ప్రజల వద్దకు మేయర్‌ కార్యక్రమం పేరిట ప్రతి డివిజన్‌లో రెండు రోజుల పాటు స్థానికంగా ఉండి ప్రజల సమస్యలు తెలుసుకుని వాటి పరిష్కారానికి కృషి చేస్తానని హామీ ఇచ్చారు. అంతేకాకుండా 24/7 వాట్సాప్‌ గ్రీవెన్స్‌ సెల్‌ఏర్పాటు చేసి నేరుగా అధికార యంత్రాంగంతో సమస్యను పరిశీలించి పరిష్కరిస్తానని చెప్పారు. మహిళల భద్రతలో భాగంగా నగరంలో సీసీ కెమెరాల ఏర్పాటుతో పాటు అన్ని ప్రాంతాల్లో వీధి దీపాల ఏర్పాటు, అన్ని ప్రాంతాల్లో శానిటరీ ప్యాడ్స్‌, ఫీడింగ్‌ రూమ్‌లు ఏర్పాటు చేస్తామని చెప్పారు. ప్రతి ఇంటికీ తాగునీరు, ప్రతి వీధిలో పరిశుభ్ర వాతావరణం కల్పించడం ద్వారా ప్రజారోగ్యానికి ప్రాధాన్యం ఇస్తామన్నారు. పెద్దచెరువులో బోటు షికారువిద్యలకు నిలయం, కళలకు సంస్కృతిగా నిలిచే విజయనగరాన్ని పర్యాటకపరంగా అభివృద్ధి చేయడంలో భాగంగా పెద్ద చెరువులో బోటు షికారు ఏర్పాటు చేస్తామన్నారు. 5 ఏళ్లు డిప్యూటీ మేయర్‌గా పని చేసిన అనుభవంతో మీ ఇంటి అడబిడ్డగా ఎన్నికల్లో పోటీ చేస్తున్న తనతో పాటు 62 మంది కార్పొరేటర్‌ అభ్యర్థులకు ఫ్యాన్‌ గుర్తుపై ఓటు వేసి గెలిపించాలని అభ్యర్థించారు. ఐదేళ్ల పాలనలో చేసిన అభివృద్ధి ప్రజల కళ్లముందేగడిచిన పాలకవర్గంలో ఐదేళ్ల పాటు చేసిన అభివృద్ధి కార్యక్రమాలు ప్రజల కళ్ల ముందే ఉన్నాయని, గడిచిన రెండున్నరేళ్లలో కూటమి నేతలు రూ.540 కోట్లతో అభివృద్ధి చేపట్టామని ప్రచారం చేస్తున్న అభివృద్ధి ఎక్కడ జరిగిందో చెప్పాలని సవాల్‌ చేశారు. ఎన్నికల సమయంలో కూటమి నాయకులు తమను మానసికంగా ఇబ్బంది పెట్టాలనే ఆలోచనతో తప్పుడు ప్రచారాలు చేస్తూ బురద జల్లే ప్రయత్నాలు చేస్తున్నారని మండిపడ్డారు. తప్పుడు మాటలు చెప్పకుండా చేసిన అభివృద్ధిని చెప్పి ఓటర్లను అభ్యర్థించాలని హితవుపలికారు. కూటమికి అధికారం ఇస్తే రానున్న రోజుల్లో పీల్చే గాలికి కూడా ట్యాక్స్‌ విధిస్తారని ఎద్దేవా చేశారు. మరింత సుందరంగా విజయనగరం అభివృద్ధి సమావేశంలో ఏపీ శాసనసభ మాజీ డిప్యూటీ స్పీకర్‌ కోలగట్ల వీరభద్రస్వామి మాట్లాడుతూ ఈనెల 1న జరగనున్న విజయనగరం మున్సిపల్‌ కార్పొరేషన్‌ ఎన్నికల్లో వైఎస్సార్‌సీపీ తరఫున పోటీ చేస్తున్న మేయర్‌ అభ్యర్థిని కోలగట్ల శ్రావణితో పాటు వైఎస్సార్‌సీపీ కార్పొరేటర్‌ అభ్యర్థులను గెలిపిస్తే నగరాన్ని మరింత సుందరంగా అభివృద్ధి చేస్తామని హామీ ఇచ్చారు. కూటమి ప్రభుత్వం అధికారంలోకి వచ్చిన తరువాత జరుగుతున్న ఎన్నికల్లో హమీల అమల్లో ప్రభుత్వ వైఫల్యం, పెరిగిన నిత్యవసరాల ధరలతో సామన్య ప్రజలు పడుతున్న ఇబ్బందులు, ఐదేళ్ల వైఎస్సార్‌సీపీ పాలనలో చేసిన అభివృద్ధిని చెబుతూ ప్రజలను ఓట్లు అడినట్లు చెప్పారు. తమ ప్రచార సమయంలో నమ్మి ఓటేసిన కూటమి నేతలు మోసం చేశారంటూ ప్రజలే చెబుతున్నారని, అటువంటి పాలకులు ఏం అభివృద్ధి చేస్తారని ప్రశ్నించారు. ఎప్పుడూ ఎన్నికల్లో లబ్ధి పొందాలనే ఆశతో తనపై ,తన కుటుంబంపై దుష్ప్రచారం చేయడం అలవాటుగా మారిపోయిందని, అటువంటి చర్యలను తిప్పికొడతామని హెచ్చరించారు. సమావేశంలో విజయనగరం అసెంబ్లీ నియోజకవర్గ పరిశీలకుడు అందవరపు సూరిబాబు, మాజీ మేయర్‌ వెంపడాపు విజయలక్ష్మి, నగర పార్టీ అధ్యక్షుడు ఆశపు వేణు, మాజీ కార్పొరేషన్‌ ఫ్లోర్‌లీడర్‌ శెట్టి వీరవెంకట రాజేష్‌, జిల్లా మహిళా విభాగం అధ్యక్షురాలు గదుల సత్యలత పాల్గొన్నారు. 24/7 డిజిటల్‌ గ్రీవెన్స్‌ సెల్‌ ప్రజల వద్దకే మేయర్‌ కార్యక్రమంలో సమస్యల పరిష్కారం మహిళల భద్రతకు అధిక ప్రాధాన్యం తాగునీటి సరఫరా, పారిశుధ్యం, ప్రజరోగ్యంపై ప్రత్యేక శ్రద్ధ నగరాన్ని పర్యాటకంగా అభివృద్ధికి కృషి రెండున్నరేళ్లలో కూటమి చేసిన అభివృద్ధి ఎక్కడ? వైఎస్సార్‌సీపీ విజయనగరం మేయర్‌ అభ్యర్థి కోలగట్ల శ్రావణి

శృంగవరపుకోట: సౌత్‌జోన్‌ కరాటే పోటీల్లో మొహంతిస్‌ కౌముది గ్లోబల్‌ స్కూల్‌ విద్యార్థులు ఘన విజయం సాధించారు. విశాఖపట్నం వేదికగా అక్టోబర్‌ 25న నిర్వహించిన 5వ కియో సౌత్‌జోన్‌ కరాటే చాంపియన్‌ షిప్‌ 2026 (5వ కియో సౌత్‌ జోన్‌ కరాటే చాంపియన్‌షిప్‌)లో మొహంతిస్‌ కౌముది గ్లోబల్‌ స్కూల్‌ విద్యార్థులు అద్భుత ప్రతిభ కనబరిచి పతకాలు సాధించారు. దాదాపు 2,600 మంది క్రీడాకారులు పాల్గొన్న ఈ ప్రతిష్టాత్మక పోటీలలో పాఠశాల విద్యార్థులు స్వర్ణ, రజత, కాంస్య పతకాలను కై వసం చేసుకున్నట్లు ప్రిన్సిపాల్‌ శాంతి మొహంతి చెప్పారు. 4వ తరగతి విద్యార్థి ఎ.తేజస్వరూప్‌–స్వర్ణపతకం, 7వ తరగతి విద్యార్థి వి.హార్ధిక్‌ వినయ్‌–రజత పతకం, 3వ తరగతి విద్యార్థిని కె.సుదీక్ష కాంస్యపతకం సాధించారు. ఈ సందర్భంగా విద్యార్థులకు శిక్షణ ఇచ్చిన కరాటే కోచ్‌ శ్రీనివాసరావును, పతకాలు సాధించిన క్రీడాకారులను పాఠశాల ప్రిన్సిపాల్‌ శాంతి మొహంతి అభినందించారు.

విజయనగరం మున్సిపల్‌ కార్పొరేషన్‌ ఎన్నికల్లో భాగంగా వైఎస్సార్‌సీపీ అభ్యర్థులు విస్తృత ప్రచారం నిర్వహించారు. నగరంలోని 8, 34 డివిజన్ల కార్పొరేట్‌ అభ్యర్థులతో కలిసి మేయర్‌ అభ్యర్థి కోలగట్ల శ్రావణి శుక్రవారంఇంటింటి ప్రచారం చేశారు. బాలాజీ మార్కెట్‌లో మాజీ ఎంపీ బొత్స ఝాన్సీలక్ష్మి వీరికి మద్దతు తెలిపారు. రెండు బ్యాలెట్‌లలో ఫ్యాన్‌ గుర్తుపై ఓటేసి ఆశీర్వదించాలని, నగరాన్ని మరింత అభివృద్ధిచేస్తామని శ్రావణి తెలిపారు. – విజయనగరం

అభివృద్ధి, ప్రజా సంక్షేమమే వైఎస్సార్‌సీపీ ధ్యేయమని ఎమ్మెల్సీ పీవీవీ సూర్య నారాయణరాజు (సురేష్‌ బాబు), మాజీ ఎంపీ బెల్లాన చంద్రశేఖర్‌ అన్నారు. పార్టీ నెల్లిమర్ల నియోజకవర్గ సమన్వయ కర్త గదల సన్యాసినాయుడు, నగర పంచాయతీ చైర్‌పర్సన్‌ అభ్యర్థి సముద్రపు రామారావుతో కలిసి 2, 5, 23, 22 వార్డు అభ్యర్థులు నల్లి కృష్ణవేణి, బంగారు గురుమూర్తి, సముద్రపు సత్తిబాబు, తుమ్మి భారతి ఆధ్వర్యంలో శుక్రవారం ప్రచారం చేశారు. రెండు ఓట్లను ఫ్యాన్‌ గుర్తుపై వేసి వైఎస్సార్‌సీపీ అభ్యర్థులను గెలిపించాలని కోరారు. – నెల్లిమర్ల

● ఓటర్లకు టీడీపీ ప్రలోభాలు ● మున్సిపాలిటీల్లో వార్డుల వారీగా ఫండ్స్‌ రిలీజ్‌ ● పెన్షన్లు పంపిణీ చేస్తూనే అధికారులతో ప్రచారం సాక్షిప్రతినిధి, విజయనగరం: మున్సిపల్‌ ఎన్నికల ప్రచారానికి గడువు ముగిసింది. నాయకుల హామీలు.. వాగ్దానాలు.. పెద్దపెద్ద మాటలు.. వాద ప్రతివాదాలు.. ఆరోపణలు.. విమర్శలు.. ఒకరి మీద ఒకరు బురద పోసుకోవడాలు.. ఛాలెంజులు.. సవాళ్లు.. ఒకటా రెండా.. ఇలాంటివన్నీ ముగిశాయి. అధికారులు ఎన్నికల నిబంధనల మేరకు మైకులకు.. ప్రచార రథాలకు.. నాయకుల నోళ్లకు తాళాలు వేసి వెళ్లిపోయారు. నోటికి తాళం వేస్తే చేతులు ఊరుకుంటాయా ఏంటి.. సరిగ్గా ఇప్పుడే చేతులకు పని చెబుతున్నారు. వార్డులు.. వీధులు.. పెద్ద పెద్ద కుటుంబాలను.. వాళ్లను ప్రభావితం చేసే వ్యక్తులను జల్లెడపట్టి ఓటుకు ఇంతని లెక్కగట్టి డబ్బు పంపిణీకి ఏర్పాట్లు చేస్తున్నారు. తెలుగుదేశం వాళ్లు ఒక అడుగు ముందుకు వేసి వార్డుల వారీగా డబ్బు పంపిణీకి ఇన్‌చార్జిలను నియమించినట్టు సమాచారం. దీనికి తోడు పోలీసులు.. రెవెన్యూ అధికారులు సైతం వారికి సహకారం అందిస్తుండడంతో వారి ఆగడాలకు.. పంపకాలకు అడ్డంకి లేకుండా పోతోందన్న విమర్శలు వినిపిస్తున్నాయి. విజయనగరం కార్పొరేషన్‌, సాలూరు, బొబ్బిలి, పార్వతీపురం మున్సిపాలిటీలు, నెల్లిమర్ల, పాలకొండ, నగర పంచాయతీలకు నవంబర్‌ 1న ఎన్నికలు జరగనుండడంతో ఇప్పటికే ఆయా వార్డులను.. ప్రతి గుమ్మాన్ని టచ్‌ చేసిన టీడీపీ నాయకులు.. అభివద్ధి మాటలు చెప్పి ఓట్లను కొల్లగొట్టేందుకు అన్ని ఎత్తులూ వేస్తున్నారు. ఓట్లను బట్టి గంపగుత్తగా బేరాలు ఆడుతూ ఓటుకు రూ.1000 నుంచి రూ.2000 వరకు చెల్లించేందుకు ఏర్పాట్లు నడుస్తున్నాయి. దీనికితోడు వార్డుల్లో భోజనాలు.. చోటా మోటా నాయకులకు రాత్రిపూట మద్యమాంసాలతో విందు వినోదాలు కూడా నడుస్తున్నాయి. పెన్షన్ల పేరిట కొత్త ప్రచారం నవంబర్‌ ఒకటో తేదీన మున్సిపల్‌ ఎన్నికలు ఉండడంతో పోలింగ్‌ రోజున పెన్షన్లు పంపిణీకి ఇబ్బందులు తలెత్తుతాయన్న నెపంతో ప్రభుత్వం అక్టోబర్‌ 30న పెన్షన్లు పంపిణీ చేసింది. ఇదే తరుణంలో ఓట్లు వేయాలని ఉద్యోగులతో చెప్పించడం ద్వారా గోడచాటు ప్రచారాన్ని నడిపిస్తున్నారు. మరోవైపు తెలుగుదేశానికి ఓట్లు వేయకపోతే పెన్షన్లు తొలగించే ప్రమాదం ఉందని బెదిరిస్తున్నారు. మొత్తానికి ఎన్నికలవేళ తెలుగుదేశం వారు ఎన్ని అడ్డదారులు తొక్కాలో అన్నీ తొక్కుతూ ఓటర్లను మభ్యపెడుతున్నారన్న ఆరోపణలు వినిపిస్తున్నాయి. మున్ముందు కొత్త పథకాలు ఇస్తామని.. ఓటు వేయకుంటే ఉన్నవి తొలగిస్తామని బ్లాక్‌మెయిల్‌ కూడా చేయడం గమనార్హం. మొత్తానికి ప్రజలు గత వైఎస్‌ జగన్‌ పాలనతో ఇప్పటి చంద్రబాబు పాలనను... పెరిగిన నిత్యావసరాల ధరలను పోల్చుకుని అన్నిటినీ మనసులో దాచుకుని ఓట్లను గుప్పట్లో పట్టుకుని పోలింగ్‌ రోజు కోసం ఎదురు చూస్తున్నారు.

విజయనగరం రూరల్‌: జిల్లా కేంద్రం శివారున గల కేంద్రియ గిరిజన విశ్వవిద్యాలయంలో జాతీయ ఐక్యతా దినోత్సవాన్ని శుక్రవారం ఘనంగా నిర్వహించారు. ఉక్కు మనిషి, స్వాతంత్య్ర సమరయోధుడు సర్దార్‌ వల్లభ్‌భాయ్‌ పటేల్‌ 151వ జయంతిని పురస్కరించుకుని సీటీయూలో నిర్వహించిన జాతీయ ఐక్యతా దినోత్సవంలో ముందుగా ప్రతిజ్ఞ చేశారు. ఈ సందర్భంగా సీటీయూ ఇన్‌చార్జి ఉపకులపతి టి. శ్రీనివాసన్‌ మాట్లాడుతూ దేశ ఐక్యత, సమగ్రత, సార్వభౌమత్వాన్ని కాపాడడంలో ప్రతి పౌరుడికి బాధ్యత ఉందని, భిన్నత్వంలో ఏకత్వమే భారతదేశ ప్రత్యేకత అని పేర్కొన్నారు. సర్దార్‌ వల్లభ్‌భాయ్‌ పటేల్‌ దేశంలోని సంస్థానాలను ఏకీకృతం చేసి జాతీయ సమైక్యతకు బలమైన పునాది వేశారని, ఆయన ఆశయాలను ప్రతి ఒక్కరూ ఆదర్శంగా తీసుకోవాలని సూచించారు. ఇన్‌చార్జి రిజిస్ట్రార్‌ జితేంద్ర మోహన్‌ మిశ్రా మాట్లాడుతూ జాతీయ ఐక్యత అనేది కేవలం ఒకరోజు నిర్వహించే కార్యక్రమానికి పరిమితం కాకుండా ప్రతి ఒక్కరి జీవన విధానంలో భాగం కావాలని పేర్కొన్నారు. కుల, మత, భాష, ప్రాంతీయ భేదాలకు అతీతంగా పరస్పర గౌరవం, సోదరభావం, ఐక్యతతో ముందుకు సాగినప్పుడే బలమైన దేశ నిర్మాణం సాధ్యమవుతుందని తెలిపారు. గ్రంథాలయాధికారి డా.శంకర్‌ రెడ్డి కొల్లే ఆధ్వర్యంలో జరిగిన ఈ కార్యక్రమంలో పరీక్షల నియంత్రణాధికారి డా.సురేష్‌ బాబు కలిదిండి, విద్యార్థి సంక్షేమ విభాగం డీన్‌ బొంతు కోటయ్య, ఓఎస్‌డీలు తారకేశ్వరరావు, లతా కల్యంపూడి, పి. శ్రీదేవి, అప్పాసాబా, ఎన్‌వీఎస్‌. సూర్యనారాయణ, దివ్య, ప్రమ, కుసుమ, గంగు నాయుడు పాల్గొన్నారు.

విజయనగరం: అధికార మదం, డబ్బు ఆశ చూపించి, భయపెట్టి స్థానిక సంస్థల ఎన్నికల్లో గెలుపుకోసం చంద్రబాబు అండ్‌ కో ప్రయత్నించడం విచారకరమని ఏపీ శాసనమండలి విపక్షనేత బొత్స సత్యానారాయణ అన్నారు. విజయనగరం జిల్లా కేంద్రంలోని వైఎస్సార్‌సీపీ కార్యాలయంలో శుక్రవారం ఏర్పాటు చేసిన విలేకరుల సమావేశంలో ఆయన మాట్లాడారు. శాంతియుత, గౌరవప్రద, సంప్రదాయ బద్ధమైన విజయనగరం జిల్లాలో తుచ్చు, బెదిరింపు రాజకీయా లకు మద్దతు ఇవ్వొద్దని ప్రజలను కోరారు. ఈ నెల 5న విజయనగరం జిల్లా వ్యాప్తంగా జరగనున్న 27 జెడ్పీటీసీ స్థానాల్లో వైఎస్సార్‌సీపీ తరఫున బరిలో నిలిచిన అభ్యర్థులకు ఫ్యాన్‌ గుర్తుపై ఓటేసి అత్యధిక మెజార్టీతో గెలిపించాలని అభ్యర్థించారు. పలు చోట్ల అధికారులు, అనధికారులు కలిసిపోయి వైఎస్సార్‌సీపీ తరఫున పోటీ చేసే ఎంపీటీసీ అభ్యర్థులను ఎత్తుకెళ్లే ప్రయత్నం చేయడం సిగ్గుచేటన్నారు. అధికార పార్టీలో ఉన్నామన్న ధీమా ఉంటే పోటీ చేసి గెలుచుకోవాలే తప్ప నీచరాజకీయాలు చేయడం తగదన్నారు. ● మీరు నేర్పించిన సంస్కృతి ఇదేనా...? పెద్ద పెద్ద మాటలు చెప్పే గవర్నర్‌ పూసపాటి అశోక్‌గజపతిరాజు, పార్టీ పెద్దగా ఇటువంటి సంస్కృతిపై సమాధానం చెప్పాలని బొత్స డిమాండ్‌ చేశారు. ఇదేనా మీ పెద్దరికం?.. ఇదేనా మీ సంస్కృతి అంటూ నిలదీశారు. ఇలాంటి చర్యలే మీ పార్టీ నాయకులకు, కార్యకర్తలకు నేర్పించారా అంటూ ఎద్దేవాచేశారు. సంప్రదాయాలు, గౌరవం పాటించి శాంతియుతంగా ఎన్నికలు నిర్వహించుకుందామని హితవుపలికారు. మరో 100 ఏళ్ల పాటు మంచి సంస్కృతి కొనసాగేలా చూడలే తప్ప తుచ్చు రాజకీయాలు, బెదిరింపులకు తావివ్వొద్దని సూచించారు. ● తప్పుడు సర్టిఫికెట్లు ఇచ్చిన అధికారులను వదిలేది లేదు ఓసీలకు బీసీలుగా తప్పుడు సర్టిఫికెట్లు ఇచ్చిన తహసీల్దార్ల తీరుపై విచారణ జరిపించి చర్యలు తీసుకునేంత వరకు ఊరుకునేది లేదన్నారు. తప్పుడు సర్టిఫికెట్లు ఇచ్చిన వారి సంగతి తేలుస్తామని స్పష్టం చేశారు. ప్రభుత్వం శాశ్వతం కాదని, న్యాయ స్థానాలను ఆశ్రయించి అధికారులపై చర్యలు తీసుకుంటామని హెచ్చరించారు. మరోవైపు పోలీసుల జులం, అధికార మదం, ధన బలంతో ఎన్నికలు నిర్వహించడం దారుణమన్నారు. తప్పుడు పనులు చేసిన అధికారులు వారి మనస్సాక్షిని ప్రశ్నించుకోవాలని, భగవంతుడు అటువంటి అధికారులను ఎట్టి పరిస్థితుల్లో క్షమించడని అన్నారు. జిల్లాలో దుష్ట సంస్కృతికి తెరలేపొద్దని, అలాంటి రాజకీయాలు చేస్తే తగిన మూల్యం చెల్లించకోకతప్పదని బొత్స సత్యనారాయణ హెచ్చరించారు. ఎంపీటీసీ, జెడ్పీటీసీల నామినేషన్‌ పరిశీలన ప్రక్రియల అధికారుల తీరు ఆక్షేపణీయంగా ఉందన్నారు. అభ్యర్థులు దాఖలు చేసిన బీఫారంలు ఎక్కడోపడిపోయాయన్న నేపఽంతో రాత్రి 10 గంటల వరకు అభ్యర్థుల జాబితాను ప్రకటించకపోవడంతో ఎన్నికల నిర్వహణ పట్ల అధికార యంత్రాంగం తీరు అర్ధమవుతోందన్నారు. పూసపాటిరేగ అభ్యర్థి విషయంలో తానే స్వయంగా ఆర్వోతో మాట్లాడితే పొంతనలేని సమాధానం చెప్పారని, ఇటువంటి అధికారులు ప్రభుత్వాలు శాశ్వతం కాదన్న విషయం గుర్తించుకోవాలన్నారు. తెర్లాం మండలంలోని ముగ్గురు ఎంపీటీసీలు, ఎల్‌.కోటలో ఒక ఎంపీటీసీ విషయంలో ఇలానే అధికారులు వ్యవహరించారని చెప్పారు. కొత్తవలసకు చెందిన మరో వైఎస్సార్‌సీపీ అభ్యర్థిని కారులో ఎత్తుకుపోయే ప్రయత్నం చేస్తే అప్రమత్తమై అడ్డుకుకోవడం జరిగిందన్నారు. విజయనగరం జిల్లాలో ఎన్నడూ ఇటువంటి ఘటనలు చూడలేదన్నారు. దుష్ట రాజకీయాలకు తెరతీయొద్దు చేతనైతే పోటీ చేసి ఎన్నికల్లో గెలవండి దుష్ట సంస్కృతికి తగిన మూల్యం చెల్లించుకోక తప్పదు భయపెట్టి, సంతకాలు ఫోర్జరీచేసి నామినేషన్ల ఉపసంహరణా? పెద్దపెద్ద మాటలు చెప్పే అశోక్‌గజపతిరాజు మీ నాయకులకు ఇదే నేర్పించారా..? శాసనమండలి విపక్షనేత బొత్స సత్యనారాయణ

పార్వతీపురం రూరల్‌: ఆంధ్రప్రదేశ్‌–ఒడిశా సరిహద్దుల్లో సారా తయారీ, సుంకం చెల్లించని మద్యం అక్రమ రవాణా నియంత్రణపై ఇరు రాష్ట్రాల అధికారులు కొరాపుట్‌ ఎస్పీ కార్యాలయంలో గురువారం సమన్వయ సమావేశం నిర్వహించారు. కొరాపుట్‌ ఎస్పీ రోహిత్‌ వర్మ పర్యవేక్షణలో జరిగిన ఈ భేటీలో పార్వతీపురం మన్యం జిల్లా ప్రొహిబిషన్‌ అండ్‌ ఎకై ్సజ్‌ అధికారి కె.సహదేవ నేతృత్వంలోని అధికారుల బృందం పాల్గొంది. సరిహద్దుల్లో ప్రతి నెలా సంయుక్త దాడులు నిర్వహించాలని, వేగవంతమైన సమాచార మార్పిడికి ప్రత్యేక నోడల్‌ అధికారులను నియమించాలని సమావేశంలో నిర్ణయించారు. నమోదైన కేసుల్లో నిందితుల ఆచూకీ గుర్తింపు, అరెస్టులకు పరస్పరం సహకరించుకోవాలని తీర్మానించారు. స్థానిక సంస్థల ఎన్నికల దృష్ట్యా ప్రకటించే ‘డ్రై డేస్‌’ సమయాల్లో మద్యం దుకాణాల మూసివేతను పక్కాగా అమలు చేయాలని నిర్ణయించారు. భేటీలో అదనపు ఎస్పీ మనోజ్‌, ఎకై ్సజ్‌ సూపరింటెండెంట్‌ మనోజ్‌ కుమార్‌ పాఢి, అధికారులు సంతోష్‌ గోపాలకృష్ణ, నరసింహమూర్తి, శేఖర్‌బాబు, దాసు పాల్గొన్నారు.

–8లోపెద్దగెడ్డ గేటు మొరాయింపు వర్షాలు తగ్గుముఖం పట్టినా పెద్దగెడ్డ జలాశయం గేటు మొరాయించడంతో నీటి విడుదల కొనసాగుతోంది. వైద్య ఖర్చులొస్తే అప్పులే దిక్కు నెలవారీ ఖర్చులన్నీ ముందే లెక్క వేసుకుని జీవించాల్సిన పరిస్థితి ఉంది. ఇంటి అవసరాలకు డబ్బులు సరిపోకపోతే కొంత కాలం సర్దుబాటు చేసుకోవచ్చు. కానీ అనారోగ్యం వస్తే మందులు, పరీక్షలు, ఆసుపత్రి ఖర్చులు తప్పవు. అలాంటి సమయంలో చేతిలో పొదుపు లేకపోతే అప్పు చేయాల్సి వస్తుంది. నిత్యావసరాల ధరలతో ఇప్పటికే ఇబ్బంది పడుతున్న కుటుంబాలకు వైద్య ఖర్చులు మరింత భారంగా మారుతున్నాయి. – కోరాడ ఈశ్వరరావు, దిగువ మధ్యతరగతి కుబుంబ సభ్యుడు, విజయనగరం జీతం అదే... ఖర్చులు రెట్టింపు జీతం పెరిగితే కుటుంబం కొంత ముందుకు వెళ్తుందని ఆశించాం. కానీ జీతం పెరుగుదల కంటే ఖర్చుల పెరుగుదలే ఎక్కువగా కనిపిస్తోంది. ఇంటి అద్దె, కరెంటు బిల్లు, పిల్లల చదువు, ప్రయాణ ఖర్చులు పోను చేతిలో మిగిలేది చాలా తక్కువ. గతంలో కొంత పొదుపు చేసేవాళ్లం. ఇప్పుడు నెలాఖరుకు డబ్బులు సర్దుబాటు చేసుకోవడమే పెద్ద పనిగా మారింది. – పిన్నింటి అప్పలనాయుడు, మధ్యతరగతి ఉద్యోగి, విజయనగరం హామీలకు, వాస్తవ ఖర్చులకు పొంతనేది? ఎన్నికల సమయంలో సామాన్యుల జీవన వ్యయాన్ని తగ్గిస్తామని, ధరల నియంత్రణకు చర్యలు తీసుకుంటామని చెప్పారు. తీరా చూస్తే నిత్యావసర సరుకుల ధరల పెరుగుదల జనానికి భారంగా మారింది. – వారణాశి సుందరరావు, పౌరుడు, విజయనగరం కూలి డబ్బులన్నీ ఖర్చులకే... రోజూ కూలిచేసిన డబ్బులు ఖర్చులకే సరిపోతున్నాయి. పనిలేని రోజుల్లో కుటుంబాన్ని ఎలా పోషించుకోవాలో అర్ధం కావడం లేదు. పిల్లల అవసరాలు, మందుల ఖర్చులు అదనపు భారంగా మారాయి. కూలి పెరిగినా సరుకుల ధరలు కూడా పెరిగిపోవడంతో మా జీవితాల్లో పెద్దగా మార్పు కనిపించడం లేదు. – వల్లంకి ఎర్నినాయుడు, రోజువారీ కూలీ, విజయనగరం హోటల్‌ వ్యాపారానికి ధరల సెగ బియ్యం, వంటనూనె, గ్యాస్‌, కూరగాయల ధరలు పెరగడంతో హోటల్‌ నిర్వహణ ఖర్చులు పెరిగిపోయాయి. ధరలు పెంచితే వ్యాపారం పడిపోతోంది. చాలా ఇబ్బందికర పరిస్థితులు నెలకొన్నాయి. ధరల నియంత్రణకు ప్రభుత్వం చర్యలు తీసుకోవాలి. – పూసర్ల సతీష్‌, హోటల్‌ యజమాని, విజయనగరం పడిపోయిన వ్యాపారం పండగలు, శుభకార్యాల సమయంలో బట్టలు, అలంకరణ వస్తువులు, ఇతర సామగ్రి కొనుగోళ్లు పెరుగుతాయని ఆశిస్తాం. ఖర్చులు పెరగడంతో అవసరమైన వస్తువుల కొనుగోలుకే జనం ప్రాధాన్యం ఇస్తున్నారు. వ్యాపారాలు సాగడంలేదు. సరుకులు తెచ్చేందుకు పెట్టిన పెట్టుబడి తిరిగి రావడం లేదు. ధరల పెరుగుదల ఇంటి బడ్జెట్‌కే కాదు, చిన్న వ్యాపారుల ఉపాధినీ దెబ్బతీస్తోంది. – చిత్రపురి అప్పారావు, చిరు వ్యాపారి, విజయనగరంవిజయనగరం అర్బన్‌: నిత్యావసరాల ధరల పెరుగుదల జిల్లాలోని సామాన్య కుటుంబాలను ఉక్కిరిబిక్కిరి చేస్తోంది. కూరగాయల నుంచి పప్పులు, నూనెల వరకు రోజువారీ అవసరాల కోసం ఖర్చు పెరుగుతుండటంతో నెలవారీ కుటుంబ బడ్జెట్‌ తలకిందులవుతోంది. ఆదాయం అంతంతమాత్రంగా ఉన్న పేద, మధ్యతరగతి కుటుంబాలు.. ఖర్చులను తగ్గించుకోవాల్సిన పరిస్థితి ఏర్పడుతోంది. ఒకవైపు ఆదాయం పెరగకపోగా.. మరోవైపు మార్కెట్‌లో ధరలు అదుపుతప్పుతున్నాయన్న ఆందోళన వ్యక్తమవుతోంది. ● రెండున్నరేళ్లలో ధరలు రెట్టింపు చంద్రబాబు ప్రభుత్వం అధికారంలోకి వచ్చిన తర్వాత రెండున్నరేళ్లుగా నిత్యావసరాల ధరల నియంత్రణపై తీసుకుంటున్న చర్యలు ఏమిటన్న ప్రశ్నలు వినిపిస్తున్నాయి. ధరల పెరుగుదలకు అంతర్జాతీయ పరిణామాలు, వాతావరణ పరిస్థితులు, ఉత్పత్తి తగ్గుదల వంటి కారణాలు ఉన్నప్పటికీ.. వాటి ప్రభావం సామాన్యులపై పడకుండా చూడాల్సిన బాధ్యత ప్రభుత్వంపై ఉందనే అభిప్రాయాలు వ్యక్తమవుతున్నాయి. 2024కు ముందు ఉన్న ధరలకు, ప్రస్తుత ధరలకు మధ్య భారీ వ్యత్యాసం కనిపిస్తోంది. బియ్యం 25 కిలోల బస్తా ధర రూ.1,400 నుంచి రూ.2,200– 2,400కు చేరింది. పాలు లీటరు రూ.44 నుంచి రూ.59కి, పంచదార కిలో రూ.40 నుంచి రూ.75, కందిపప్పు రూ.110 నుంచి రూ.170కి పెరిగింది. కోడిగుడ్డు ధర రూ.5 నుంచి రూ.7, పెట్రోల్‌ రూ.109 నుంచి రూ.118, డీజిల్‌ రూ.94 నుంచి రూ.104, టమాటా ధర రూ.20 నుంచి రూ.45, మినపప్పు ధర రూ.120 నుంచి రూ.145 అయ్యింది. ఉల్లిపాయలు, శనగపప్పు, చింతపండు.. ఇలా ఏ ధర చూసుకున్నా రెట్టింపు అయ్యింది. వంటనూనె 15 కిలోల టిన్‌ ధర రూ.2,000 నుంచి రూ.2,800కు పెరిగింది. చికెన్‌ కిలో రూ.180 నుంచి రూ.300కు, మాంసం రూ.800 నుంచి రూ.1,000కు చేరాయి. గృహ వినియోగ గ్యాస్‌ సిలిండర్‌ ధర రూ.820 నుంచి రూ.950కి పెరిగింది. ● పేదల పళ్లెంలో తగ్గుతున్న పోషకాహారం ధరల పెరుగుదల ప్రభావం కేవలం కుటుంబ ఖర్చులకే పరిమితం కావడం లేదు. ఆదాయం సరిపోకపోతే పప్పులు, పాలు, పండ్లు, నూనెల వినియోగాన్ని తగ్గించుకోవాల్సి వస్తుంది. ముఖ్యంగా రోజువారీ కూలీలు, చిరుద్యోగులు, చిన్న వ్యాపారులు, గిరిజన గ్రామీణ కుటుంబాలపై ఈ భారం అధికంగా పడుతోంది. పౌష్టికాహారానికి అవసరమైన వస్తువులనే కొనలేని పరిస్థితి ఏర్పడితే కుటుంబాల ఆరోగ్యంపైనా ప్రభావం పడుతుంది. జిల్లాలోని గిరిజన, గ్రామీణ ప్రాంతాల్లో ప్రజల ఆదాయ పరిస్థితులను దృష్టిలో ఉంచుకుని నిత్యావసరాల సరఫరాపై ప్రత్యేక దృష్టి పెట్టాల్సిన అవసరం ఉంది. ధరల నియంత్రణ అనేది కేవలం మార్కెట్‌ వ్యవహారం కాదు.. ప్రజల జీవన ప్రమాణాలతో ముడిపడిన అంశం. ధరల పెరుగుదలకు కారణాలను గుర్తించడం, సరఫరా వ్యవస్థలో లోపాలను సరిదిద్దడం, అక్రమ నిల్వలపై చర్యలు తీసుకోవడం, అవసరమైన వస్తువులను సరసమైన ధరలకు అందించే విషయంలో చంద్రబాబు ప్రభుత్వం తీసుకున్న చర్యలు శూన్యం. ప్రజలకు కావాల్సింది హామీలు కాదు.. వంటింటి ఖర్చును తగ్గించే ఆచరణాత్మక చర్యలు. నిత్యావసరాల ధరల పెరుగుదలతో సతమతమవుతున్న కుటుంబాలకు ఉపశమనం కల్పించడంలో రాష్ట్ర ప్రభుత్వం వైఫల్యం స్పష్టంగా కనిపిస్తోంది. ఒకవైపు చేతిలో డబ్బులు లేక.. మరోవైపు నిత్యవసరాల ధరల మోతతో చిరు బతుకులు ఛిన్నాభిన్నమవుతున్నాయి కరోనా కాలంలోనూ ఆదుకున్న జగన్‌ ప్రభుత్వం కరోనా మహమ్మారి సమయంలో దేశవ్యాప్తంగా సరఫరా వ్యవస్థకు అంతరాయాలు ఏర్పడ్డాయి. ఆ క్లిష్ట సమయంలోనూ నాటి ముఖ్యమంత్రి వైఎస్‌ జగమోహన్‌ రెడ్డి ప్రభుత్వం ప్రజలకు నిత్యావసరాలు అందుబాటులో ఉంచేందుకు చర్యలు తీసుకుందని వైఎస్సార్‌సీపీ వర్గాలు గుర్తుచేస్తున్నాయి. ప్రస్తుత పరిస్థితులతో పోలుస్తూ.. నేటి ప్రభుత్వం ధరల నియంత్రణపై మరింత దృష్టి పెట్టాలని కోరుతున్నాయి. ఎల్‌నినో వంటి వాతావరణ పరిణామాలు ప్రభుత్వ నియంత్రణలో లేకపోయినా.. వాటి ప్రభావాన్ని తగ్గించే ముందస్తు ప్రణాళికలు, మార్కెట్‌ పర్యవేక్షణ మాత్రం పాలక యంత్రాంగం చేతుల్లోనే ఉన్నాయి. ఎల్‌నినో ప్రభావం ఉందనే కారణంతో ప్రతి వస్తువు ధర పెరుగుదలను సమర్థించలేమని వినియోగదారులు అభిప్రాయపడుతున్నారు. ఆ విషయంలో చంద్రబాబు ప్రభుత్వం ఘోరంగా వైఫల్యం చెందింది. ధరల నియంత్రణలో చంద్రబాబు ప్రభుత్వం విఫలం అందని సంక్షేమ పథకాలు... ఆవేదనలో జనం కిలో బియ్యం రూ.90 పలుకుతున్న వైనం పెరిగిన వంటింటి బడ్జెట్‌

వర్షం కురిస్తే కొండ వరద కాలనీను చుట్టుముడుతోంది.. ఇళ్లను ముంచెత్తుతోంది... రక్షణగోడ నిర్మించాలని విన్నవించినా పట్టించుకో లేదు.. విద్యుత్‌ లో ఓల్టేజీ సమస్య పరిష్కరించేవారే కరువయ్యారు.. తాగునీరు సక్రమంగా సరఫరా కావడం లేదు.. అంగన్‌వాడీ భవనాన్ని అసంపూర్తిగా వదిలేశారు.. మంత్రి వర్యా.. ఇదేం పాలన అంటూ బొండపల్లి మండలం అంబటివలస ఎస్సీ కాలనీ వాసులు మంత్రి కొండపల్లి శ్రీనివాస్‌ను నిలదీశారు. స్థానిక ఎన్నికల ప్రచారానికి గురువారం వెళ్లిన మంత్రిని చుట్టుముట్టి సమస్యలు ఏకరువుపెట్టారు. పరిష్కారానికి తక్షణ చర్యలు తీసుకోవాలని పట్టుబట్టారు. దీనిపై ఏం సమాధానం చెప్పాలో తెలియక ఎన్నికల తర్వాత చూద్దామంటూ మంత్రి అక్కడి నుంచి మెల్లగా జారుకున్నారు. – బొండపల్లి

● వైఎస్సార్‌సీపీలో చేరిన 100 కుటుంబాలు ● కండువాలు కప్పి ఆహ్వానించిన శంబంగిబొబ్బిలి: మండలంలోని అలజంగి గ్రామానికి చెందిన వంద కుటుంబాలు టీడీపీని వీడి వైఎస్సార్‌ సీపీలోకి చేరాయి. ఈ మేరకు బుధవారం పట్టణంలోని వైఎస్సార్‌సీపీ కార్యాలయంలో ఆ గ్రామానికి చెందిన వైఎస్సార్‌ సీపీ సీనియర్‌నాయకులు శీర తిరుపతి నాయుడు, అల్లు త్రినాథ,పైల చిన్నం నాయుడుల ఆధ్వర్యంలో జరిగిన చేరికల కార్యక్రమంలో ఆ గ్రామ వైఎస్సార్‌సీపీ ఎంపీటీసీ అభ్యర్థి పూడి చిన్నకు మద్దతుగా ఈ చేరికలు జరిగినట్లు గ్రామస్తులు తెలిపారు. గ్రామానికి చెందిన పైల వెంకట రమణ,పైల శ్రీరాం, ఈశ్వర రావు, వేణు, బెవర త్రినాథ, బెవర శివున్నాయుడు, సువ్వాడ రామకృష్ణ, ముల్లు అప్పలనాయుడు తదితర నాయకులు టీడీపీని వీడి తమ కుటుంబాలతో వైఎస్సార్‌సీపీలో చేరగా వారికి వైఎస్సార్‌సీపీ బొబ్బిలి నియోజక వర్గ సమన్వయకర్త, మాజీ ఎమ్మెల్యే కండువాలు వేసి వైఎస్సార్‌ సీపీలోకి సాదరంగా ఆహ్వానించారు. ఈ సందర్భంగా మాజీ ఎమ్మెల్యే శంబంగి వెంకట చిన అప్పలనాయుడు వైఎస్సార్‌సీపీ ప్రభుత్వం పదవీ కాలంలో చేపట్టిన అభివృద్ధి కార్యక్రమాలను, అమలు చేసిన ప్రజాసంక్షేమ పథకాలను వివరించారు. మీరంతా పార్టీలో చేరడంతో పార్టీ మరింత బలోపేతమవుతుందని ఆశాభావం వ్యక్తం చేశారు. కార్యక్రమంలో మాజీ మున్సిపల్‌ చైర్మన్‌ ఎస్వీ మురళీ కృష్ణారావు, వైఎస్సార్‌సీపీ జిల్లా ప్రచార కార్యదర్శి బొద్దల సత్యనారాయణ తదితరులు పాల్గొన్నారు. బాలేరులో 45 కుటుంబాల చేరిక భామిని: మండలంలోని బాలేరులో టీడీపీ నుంచి 45 కుటుంబాలు గురువారం వైఎస్సాఆర్‌సీపీలో చేరాయని వైఎస్సార్‌సీపీ నాయకులు కొత్తకోట చంద్రశేఖర్‌, మేడిబోయిన చలపతిలు తెలిపారు.టీడీపీ నాయకులు గొర్లె ఆదినారాయణ, గొర్లె ప్రహ్లాద్‌లతో పాటు 45 కుటుంబాలు ఆ పార్టీని వీడి వైఎస్సార్‌సీపీలో చేరగా వారికి పార్టీ నాయకులు కండువాలు కప్పి ఆహ్వానించారు. కార్యక్రమంలో వైఎస్సార్‌సీపీ నాయకులు కొత్తకోట ఆంజనేయులు, జామి ప్రభాకర్‌, దామోదర కంఠయ్య, కిల్లారి చంటి ఉన్నారు. నెల్లిమర్లలో 30 కుటుంబాలు వైఎస్సార్‌సీపీలో చేరిక నెల్లిమర్ల: పట్టణంలోని 11వ వార్డులో టీడీపీ నుంచి వైఎస్సార్‌సీపీలోకి 30కుటుంబాలు చేరాయి. గతంలో ఇదే వార్డులో టీడీపీ కౌన్సిలర్‌గా పోటీచేసి ఓడిపోయిన ఈపు బాబ్జీ, మీనాక్షి దంపతులు గురువారం ఎంఎల్‌సీ పీవీవీ సూర్య నారాయణరాజు (సురేష్‌ బాబు), నియోజక వర్గ సమన్వయ కర్త గదల సన్యాసి నాయుడు, జిల్లా యువజన నాయకుడు బొత్స చైతన్య ఆధ్వర్యంలో పార్టీలో చేరారు. వారితో పాటు 30 కుటుంబాల వారు వైఎస్సార్‌సీపీ తీర్థం పుచ్చుకున్నారు. కార్యక్రమంలో చైర్‌పర్సన్‌ అభ్యర్థి సముద్రపు రామారావు, కౌన్సిలర్‌ అభ్యర్థులు బూర సుజాత, బూర పూజ, బూర సత్యనారాయణ తదితరులు పాల్గొన్నారు.

● నిత్యావసర ధరల నియంత్రణలో ప్రభుత్వం విఫలం ● ప్రభుత్వం తీరుపై శాసనమండలి విపక్షనేత బొత్స సత్యనారాయణ ధ్వజం చీపురుపల్లిరూరల్‌ (గరివిడి): నిత్యావసర సరుకుల ధరలు ఆకాశన్నంటుతున్నాయని, పేద, సామాన్య, మధ్యతరగతి ప్రజల జీవనం దుర్భరంగా మారిందని శాసన మండలి విపక్షనేత బొత్స సత్యనారాయణ ఆవేదన వ్యక్తంచేశారు. కూటమి ప్రభుత్వం ప్రజా సమస్యలను పట్టించుకోవడం లేదని మండిపడ్డారు. స్థానిక సంస్థల ఎన్నికల్లో ప్రజలు ఒక్కసారి ఆలోచించి ఓటేయాలని కోరారు. గరివిడి మండలం కోడూరు, దువ్వాం, తోండ్రింగి గ్రామాల్లో ఎంపీటీసీ, జెడ్పీటీసీ అభ్యర్థుల తరఫున గురువారం ప్రచారం చేశారు. ఫ్యాన్‌ గుర్తుకు ఓటేసి జెడ్పీటీసీ అభ్యర్థి బొత్స పూజితతో పాటు ఎంపీటీసీ అభ్యర్థులను అత్యధిక మెజార్టీతో గెలిపించాలని కోరారు. ఈ సందర్భంగా ఆయన మాట్లాడుతూ నిత్యవసర వస్తువుల ధరలు విపరీతంగా పెరుగుతుంటే ప్రభుత్వాలు ఏం చేస్తున్నాయని ప్రశ్నించారు. 25 కిలోల బియ్యం ప్యాకెట్‌ ధర రూ.2వేలు దాటితే భవిష్యత్తులో ధరలు ఇంకెంత పెరుగుతాయోనని సామాన్యులు ఆందోళన చెందుతున్నారన్నారు. గ్రామాల్లోనికి ప్రచారానికి వచ్చే టీడీపీ నాయకులను ధరల పెరుగుదలపై ప్రజలే నిలదీయాలన్నారు. ఎన్నికల్లో ఇచ్చిన హామీలపై ప్రశ్నించాలన్నారు. ఆడబిడ్డనిధి, నిరుద్యోగభృతి, ఫీజురీయింబర్స్‌మెంట్‌ బకాయిల చెల్లింపు, సంక్షేమ పథకాలకు మంగళం పాడేయడంపై గట్టిగా అడగాలన్నారు. రెండున్నరేళ్లుగా టీడీపీ ప్రభుత్వం ప్రజాసంక్షేమాన్ని విస్మరించిందన్నారు. కార్యక్రమంలో జెడ్పీటీసీ అభ్యర్థి బొత్స పూజిత, ఎంపీటీసీ అభ్యర్థులు గేదెల అన్నాలు, మీసాల విశ్వేశ్వరరావు, రెడ్డి గోవింద్‌, పార్టీ నాయకుడు బొత్స సందీప్‌, మాజీ సర్పంచ్‌ గేదెల కృష్ణవేణి, వైఎస్సార్‌సీపీ నాయకులు గేదెల ఆదినారాయణ, గేదెల శంకరరావు, ఎలకల అప్పలనాయుడు, గవిడి సన్యాసి, కార్యకర్తలు పెద్ద సంఖ్యలో పాల్గొన్నారు.

● మూసుకోని జలాశయం రెండో నంబర్‌ గేటు ● ఒక్క గేటు నుంచి 5 వేల క్యూసెక్కుల నీరు విడుదల ● పరిశీలించిన కలెక్టర్‌ ప్రభాకర్‌రెడ్డిపాచిపెంట: అర్నబ్‌ తుఫాన్‌ ప్రభావంతో పెద్దగెడ్డ జలాశయానికి భారీగా వరద నీరు చేరగా..వర్షాలు తగ్గుముఖం పట్టినా గేటు మొరాయించడంతో నీటి విడుదల కొనసాగుతోంది. తుఫాన్‌న్‌ సమయంలో జలాశయానికి 6 వేల క్యూసెక్కుల ఇనన్‌ఫ్లో నమోదు కావడంతో అధికారులు మూడు గేట్ల ద్వారా అంతే మొత్తంలో నీటిని దిగువకు విడుదల చేశారు. ప్రస్తుతం ఇనన్‌ఫ్లో 1,300 క్యూసెక్కులకు తగ్గడంతో మూడు గేట్లను మూసివేసేందుకు చర్యలు చేపట్టారు. అయితే రెండు గేట్లు మాత్రమే మూసుకుపోగా, రెండో నంబర్‌ గేటు మొరాయించింది. దీంతో ఆ ఒక్క గేటు ద్వారానే సుమారు 5 వేల క్యూసెక్కుల నీరు దిగువకు వెళ్తోంది. జలాశయాన్ని పరిశీలించిన కలెక్టర్‌.. ఈ విషయం తెలుసుకున్న పార్వతీపురం మన్యం జిల్లా కలెక్టర్‌ ఎన్‌న్‌. ప్రభాకర్‌రెడ్డి, సబ్‌ కలెక్టర్‌ సచిన్‌ అచ్యుత్‌ రహార్‌తో కలిసి పెద్దగెడ్డ జలాశయాన్ని గురువారం సందర్శించి పరిస్థితిని పరిశీలించారు. గేటు మొరాయించడానికి గల కారణాలను అధికారులను అడిగి తెలుసుకుని, సమస్య పరిష్కారానికి తగిన సూచనలు చేశారు. ఈ సందర్భంగా కలెక్టర్‌ విలేకరులతో మాట్లాడుతూ అర్నబ్‌ తుఫాన్‌న్‌ను సమర్థవంతంగా ఎదుర్కొన్నామని, జిల్లాలో ఎలాంటి ప్రాణనష్టం జరగలేదని తెలిపారు. రైతులను ముందుగానే అప్రమత్తం చేశామన్నారు. తుఫాన్‌న్‌ కారణంగా పంటలు నష్టపోయిన రైతుల వివరాల నమోదుకు ప్రత్యేక క్యూ ఆర్‌ కోడ్‌ ఏర్పాటు చేశామని చెప్పారు. రైతులు తమ పంట నష్టం వివరాలను అందులో నమోదు చేస్తే అధికారులు పరిశీలించి తగిన చర్యలు చేపడతారన్నారు. తుఫాన్‌్‌ సమయంలో విద్యుత్‌ సరఫరాకు అంతరాయం కలగకుండా విద్యుత్‌ శాఖ అధికారులు కృషి చేశారని ప్రశంసించారు. పారిశుధ్య లోపంపై అసంతృప్తి పాచిపెంటలో పారిశుధ్య నిర్వహణ తీరుపై కలెక్టర్‌ అసంతృప్తి వ్యక్తం చేశారు. తుఫాన్‌ ప్రభావంతో దెబ్బతిన్న రహదారులను గుర్తించి మరమ్మతులు చేపట్టేందుకు చర్యలు తీసుకుంటామని తెలిపారు.

● వైఎస్సార్‌సీపీ రాష్ట్ర అధికార ప్రతినిధి రేగిడి లక్ష్మణరావు విజయనగరం: మరో మూడు రోజుల్లో జరుగుతున్న స్థానిక సంస్థల ఎన్నికల్లో అధికార యంత్రాంగం వ్యవహరిస్తున్న తీరు ఆక్షేపణీయంగా ఉందని వైఎస్సార్‌సీపీ రాష్ట్ర అధికారి ప్రతినిధి రేగిడి లక్ష్మణరావు విమర్శించారు. ఈ మేరకు గురువారం సాయంత్రం జిల్లా కేంద్రంలోని వైఎస్సార్‌సీపీ జిల్లా కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడారు. అధికారాన్ని అడ్డంపెట్టుకుని రాష్ట్ర వ్యాప్తంగా చంద్రబాబు నేతృత్వంలోని వెన్నుపోటు ప్రభుత్వం స్థానిక సంస్థల ఎన్నికల సమయంలో అనుసరిస్తున్న విధానం సరైనది కాదని పేర్కొన్నారు. వైఎస్సార్‌సీపీ నాయకులను నిర్బంధించడం, నామినేషన్‌ వేసేందుకు వెళ్లిన వారి పత్రాలను చించివేయడం, కర్రలు/బండరాళ్లతో హత్యలు చేసేందుకు ప్రయత్నించడం ప్రజాస్వామ్య ప్రభుత్వంలో తగదన్నారు. జిల్లాలో జెడ్పీటీసీ అభ్యర్థిగా పోటీ చేసిన సిరిసహస్రకు తండ్రి ముఖేష్‌ జైన్‌ వారసత్వం ప్రకారం ఆమెను ఓసీగా పరిగణించాల్సింది పోయి బీసీడీగా ఎలా ధ్రువీకరిస్తారని ప్రశ్నించారు. ఇదే విషయంలో ప్రస్తుతం మజ్జి సిరిసహస్ర పేరుతో తెర్లాం జెడ్పీటీసీగా పోటీ చేస్తున్న ఓసీ అభ్యర్థినిపై వైస్సార్‌సీపీ తరఫున పోటీ చేస్తున్న బీసీ అభ్యర్థి బొమ్మిడి శ్రీనివాసరావు ఫిర్యాదు చేస్తున్నా అధికార యంత్రాంగం ఎందుకు పట్టించుకోవడం లేదని నిలదీశారు. ప్రజాస్వామ్య భారత దేశంలో ఎవరైనా పుట్టిన సమయంలో వారసత్వంగా వచ్చిన కులం తప్ప ..దత్తత తీసుకున్న తరువాత వేరే కులం చెల్లదని సుప్రీంకోర్టు స్పష్టంగా తీర్పునిచ్చిందన్నారు. అయితే అధికార యంత్రాంగం అధికార పార్టీకి కొమ్ముకాసేలా ఓసీ అభ్యర్థిని, బీసీగా పోటీ చేస్తున్నట్లు ఫిర్యాదు చేసినా పట్టించుకోకపోవడం బీసీ, ఎస్సీ, ఎస్టీ వర్గాల హక్కుల కాలరాయడమేనని తెలిపారు. చైతన్య నామినేషన్‌ ఎలా తిరస్కరించారు? ఇదిలా ఉండగా..పూసపాటిరేగ మండలం నుంచి జెడ్పీటీసీ అఽభ్యర్థిగా వైఎస్సార్‌సీపీ తరఫున నామినేషన్‌ దాఖలు చేసిన బొత్స చైతన్యకు పట్టణ పరిధిలో ఓటు హక్కు ఉందంటూ సాంకేతిక కారణాలు చెప్పి నామినేషన్‌ను తిరస్కరించడం వెనుక ఆంతర్యమేంటని ప్రశ్నించారు. చీపురుపల్లి మండలం కోడూరు గ్రామానికి తన ఓటు హక్కును బదలాయించాలని కోరుతూ హైకోర్టును ఆశ్రయించగా..సదరు న్యాయమూర్తి అలా చేయాలంటూ ఇచ్చిన తీర్పును అమలు చేయకపోవడం దారుణమన్నారు. ధర్మబద్ధంగా వెళ్తున్న వైఎస్సార్‌సీపీ, అధర్మంగా వెళ్తున్న అధికార కూటమి పార్టీలకు మధ్య జరుగుతున్న ఎన్నికల్లో అధికారయంత్రాంగం వ్యవహరిస్తున్న తీరు సరికాదన్నారు. ప్రస్తుతం ప్రభుత్వం పని తీరును గమనిస్తే ఓట్లు దొంగతనం చేసే కుట్ర పన్నుతోందన్న అనుమానాలు వ్యక్తమవుతున్నాయన్నారు. ఇప్పటికై నా అధికారులు అధికార పార్టీ నేతల ఒత్తిళ్లుకు తలొగ్గకుండా స్వేచ్ఛగా ఓటర్లు తమ ఓటు హక్కు వినియోగించుకునేలా చర్యలు చేపట్టాలని డిమాండ్‌ చేశారు.

● జనసేన ఎస్‌.కోట నియోజకవర్గ ఇన్‌చార్జి వబ్బిన సత్యనారాయణ శృంగవరపుకోట: ఎంపీటీసీ, జెడ్పీటీసీ సీట్ల సర్దుబాటులో కూటమి ధర్మానికి టీడీపీ నాయకులు తూట్లు పొడిచారని, రాజకీయకుట్రతో జనసేన నాయకులు, కార్యకర్తలను మోసం చేశారని ఎస్‌.కోట జనసేన నియోజకవర్గ ఇన్‌చార్జి వబ్బిన సత్యనారాయణ ఆవేదన వ్యక్తంచేశారు. ఎస్‌.కోటలో గురువారం ఏర్పాటుచేసిన మీడియా సమావేశంలో ఆయన మాట్లాడారు. జనసేనకు కేటాయించిన సీట్లలో టీడీపీ నాయకులు బరిలో నిలిచి మిత్ర ధర్మాన్ని విస్మరించారన్నారు. ఎమ్మెల్యే కోళ్ల లలితకుమారి, నెల్లిమర్ల ఎమ్మెల్యే లోకం నాగమాధవి, విశాఖపట్నం పార్లమెంట్‌ పరిధి జనసేన నాయకులు తమ భాద్యతలను విస్మరించారన్నారు. నియోజకవర్గ ఇన్‌చార్జి, స్థానిక నాయకులతో మాటమాత్రం చెప్పకుండా, పార్టీ భవిష్యత్‌ను తాకట్టు పెట్టేయడం అన్యాయమన్నారు. జనసేనకు కేటాయించిన సీట్లలో టీడీపీ అభ్యర్థులను బరిలో దించడమంటే వెన్నుపోటు పొడిచినట్లేనని వ్యాఖ్యానించారు. పదేళ్లుగా పార్టీని నమ్ముకున్న నాయకులు, కార్యకర్తలను నిలువునా ముంచేశారని వాపోయారు. పార్టీ కోసం కష్టపడిన నాయకులు, కార్యకర్తలకు తగిన గుర్తింపు, న్యాయం దక్కడంలేదన్నారు. జనసేన శ్రేణులకు జరుగుతున్న అన్యాయాలపై పార్టీ అధినేత, ఉప ముఖ్య మంత్రి పవన్‌కల్యాణ్‌ స్పందించాలన్నారు. సమావేశంలో వేపాడ, శృంగవరపుకోట, ఎల్‌.కోట మండలాల జనసేన పార్టీ అధ్యక్షులు, సుంకరి అప్పా రావు, సేనాపతి వెంకటేష్‌, రుద్ర నాయుడు, దొగ్గ రమణ, మించిన దొర, పట్రాయని రవి, యలమంచిలి దేవుడు, సీతంపేట రాము, పిల్లా రామదుర్గ తదితరులు పాల్గొన్నారు.

● జెడ్పీ సీఈఓ పి.కిరణ్‌కుమార్‌ డెంకాడ: ఎంపీటీసీ, జెడ్పీటీసీ పోలింగ్‌ ప్రక్రియను ఎలాంటి వివాదాలకు తావులేకుండా నిర్వహించాలని జెడ్పీ సీఈఓ పి.కిరణ్‌కుమార్‌ అన్నారు. మండల పరిషత్‌, వెలుగు కార్యాలయాల్లో ఎన్నికల నిర్వహణపై పీఓ, ఏపీఓలకు గురువారం శిక్షణ ఇచ్చారు. ఎన్నికల విధుల్లో ఉన్న ప్రతి ఒక్కరూ వారికి అప్పజెప్పిన బాధ్యతలపై పూర్తిస్థాయిలో అవగాహన కలిగి ఉండాలని చెప్పారు. సమస్య ఉత్పన్నమైతే వాటికి చాలా జాగ్రత్తగా, నిబంధనలు ప్రకారం పరిష్కరించాలన్నారు. ఎన్నికల సిబ్బంది జాబితాను సీఈవో పరిశీలించారు. కార్యక్రమంలో ఎంపీడీఓ దేవానంద్‌, జీఎస్‌వీస్‌ మండల అధికారి కె.రాజ్‌కుమార్‌, సిబ్బంది పాల్గొన్నారు. మడ్డువలసకు వరదపోటు ● 60వేల క్యూసెక్కుల ఔట్‌ఫ్లో ● 8 గేట్లు ఎత్తివేత వంగర: మండల పరిధి మడ్డువలస గొర్లె శ్రీరాములునాయుడు ప్రాజెక్టుకు గురువారం వరద తాకిడి పెరిగింది. సువర్ణముఖి, వేగావతి నదుల నుంచి 60 వేల క్యూసెక్కుల వరద నీరు ప్రాజెక్టులోకి వచ్చి చేరుతోంది. ప్రాజెక్టు నీటిమట్టం 63.59 మీటర్లు నమోదైంది. దీంతో ప్రాజెక్టు వద్ద ఎమినిది గేట్లు ఎత్తివేసి 60వేల క్యూసెక్కుల నీటిని దిగువకు విడిచిపెడుతున్నట్టు డీఈ పి.అర్జున్‌ తెలిపారు. ఇప్పటికే కొప్పర, కొండచాకరాపల్లి, గీతనాపల్లి గ్రామాల్లో ప్రజలను అప్రమత్తం చేశామన్నారు. నేటితో ప్రచారానికి తెర విజయనగరం అర్బన్‌: మున్సిపల్‌ ఎన్నికల నేపథ్యంలో శుక్రవారం సాయంత్రం 5 గంటలతో ఎన్నికల ప్రచార గడువు ముగియనుందని కలెక్టర్‌, జిల్లా ఎన్నికల అధికారి ఎస్‌.రాంసుందర్‌రెడ్డి తెలిపారు. ప్రచార గడువు ముగిసిన అనంతరం రాజకీయ పార్టీలు, అభ్యర్థులు ఎన్నికల ప్రవర్తనా నియమావళిని తప్పనిసరిగా పాటించాలని సూచించారు. ఎన్నికల షెడ్యూల్‌ ప్రకారం పోలింగ్‌కు 48 గంటల ముందు ప్రచారాన్ని నిలిపివేయాల్సి ఉంటుందని పేర్కొన్నారు. గడువు ముగిసిన తర్వాత మైకులు వినియోగించడం, బహిరంగ సభలు నిర్వహించడం, ర్యాలీలు, ఊరేగింపులు చేపట్టడం సహా ఎలాంటి ప్రచార కార్యక్రమాలకూ అనుమతి లేదని స్పష్టం చేశారు. ఎన్నికల నిబంధనలను ఉల్లంఘించే వారిపై చట్టప్రకారం చర్యలు తీసుకుంటామని హెచ్చరించారు. ఎన్నికల ప్రక్రియను ప్రశాంతంగా పారదర్శకంగా నిర్వహించేందుకు అవసరమైన అన్ని ఏర్పాట్లు చేపట్టినట్లు కలెక్టర్‌ వెల్లడించారు. ఓటర్లు ఎలాంటి భయాందోళనలకు గురికాకుండా స్వేచ్ఛగా తమ ఓటు హక్కును వినియోగించుకోవాలని పిలుపునిచ్చారు. ఎన్నికల శిక్షణకు డుమ్మా కొట్టినవారికి షోకాజ్‌ నోటీసులు విజయనగరం అర్బన్‌: మున్సిపల్‌ ఎన్నికల రెండువితల శిక్షణకు సహేతుకమైన కారణం లేకుండా గైర్హాజరైన ఏడుగురు సిబ్బందికి జిల్లా ఎన్నికల అధికారి, కలెక్టర్‌ ఎస్‌.రాంసుందర్‌రెడ్డి గురువారం షోకాజ్‌ నోటీసులు జారీ చేశారు. ఎన్నికల నిబంధనల ప్రకారం వారిని ఎందుకు సస్పెండ్‌ చేయకూడదో వివరణ ఇవ్వాలని నోటీసుల్లో పేర్కొన్నారు. ఎన్నికల విధులను ప్రతి ఒక్కరూ బాధ్యతాయుతంగా నిర్వర్తించాలని కలెక్టర్‌ సూచించారు. విధుల పట్ల నిర్లక్ష్యం వహించే వారిపై నిబంధనల ప్రకారం చర్యలు తీసుకుంటామని హెచ్చరించారు.

మెరకముడిదాం: మండలంలోని ఇప్పలవలస గ్రామానికి చెందిన ఎనర్జీ అసిస్టెంట్‌ విద్యుత్‌షాక్‌కు గురై తీవ్రగాయాలతో బయటపడ్డాడు. ఈ ఘటన వివరాల్లోకి వెళ్తే.. గ్రామంలో వర్షాల కారణంగా మరమ్మతుల బారిన పడిన విద్యుత్‌లైన్లను సరిచేస్తున్న సమయంలో ఇప్పలవలస ఎనర్జీఅసిస్టెంట్‌ దాలిగోపాల్‌ విద్యుత్‌షాక్‌కు గురయ్యాడు. విద్యుత్‌స్తంభంపైన మరమ్మతులు చేస్తుండగా విద్యుత్‌షాక్‌ తగలడంతో విద్యుత్‌ స్తంభంపైన వేలాడుతూ ఉండిపోయాడు. ఈ విషయం గమనించిన మిగిలిన విద్యుత్‌శాఖ సిబ్బంది హుటాహుటిన క్రేన్‌ సహయంతో విద్యుత్‌ స్తంభంపై షాక్‌కు గురైన గోపాల్‌ను కిందికి దించి వెంటనే చీపురుపల్లి సీహెచ్‌సీకి తరలించారు. అక్కడి వైద్యసిబ్బంది వెంటనే స్పందించి చికిత్సను అందించడంతో తీవ్రగాయాలతో ప్రాణాపాయస్థితి నుంచి బయటపడ్డాడు. అయితే ఇంత జరిగినా అటు ఏపీఈపీడీసీఎల్‌ కానీ, ఇటు ఆర్‌ఈసీఎస్‌ అధికారులు కానీ ఎవ్వరూ పట్టించుకోలేదంటూ అతని కుటుంబసభ్యులు అరోపిస్తున్నారు. ఈ ఘటనపై ఏపీడీపీఈసీఎల్‌ అధికారులు కానీ, ఆర్‌ఈసీఎస్‌ అధికారులు కానీ వెంటనే స్పంధించి బాధితుడికి సహాయాన్ని అందించాలని, లేకుంటే అందోళనకు దిగాల్సి ఉంటుదని మండలానికి చెందిన ఎనర్జీ అసిస్టెంట్లు హెచ్చరిస్తున్నారు.

విజయనగరం: స్థానిక సంస్థల ఎన్నికల్లో ఎవరు మంచి చేస్తారో..ఎవరికి పాలన చేసే అర్హత ఉందో అటుంటి అభ్యర్థులను చూసి గెలిపించాలని ఏపీ శాసనసభా మాజీ డిప్యూటీ స్పీకర్‌, వైఎస్సార్‌సీపీ కేంద్ర కమిటీ సభ్యుడు కోలగట్ల వీరభద్రస్వామి అన్నారు. గడిచిన వైఎస్సార్‌సీపీ హయాంలో జరిగిన విజయనగరం నగర అభివృద్ధిని, ప్రత్యేకంగా ధర్మపురి గ్రామానికి చేసిన మార్చిపోవద్దని కోరారు. అందరూ అన్నయ్య అంటూ పిలిచే నా కుమార్తె కోలగట్ల శ్రావణి మేయర్‌ అభ్యర్థినిగా ఈ ఎన్నికల్లో పోటీ చేస్తోందని మీ మేనకోడలితో పాటు స్థానిక కార్పొరేటర్‌ అభ్యర్థిగా పోటీ చేస్తున్న పతివాడ గణపతిని నిండు మనస్సుతో ఓటు రూపంలో ఆశీర్వదించాలని అభ్యర్థించారు. విజయనగరం మున్సిపల్‌ కార్పొరేషన్‌ ఎన్నికల్లో భాగంగా గురువారం సాయంత్రం నగరంలోని ధర్మపురి ప్రాంతంలో ఏర్పాటు చేసిన ఎన్నికల ప్రచార సభలో ఆయన పాల్గొన్నారు. ఈ సందర్భంగా ఆయనతో పాటు మేయర్‌ అభ్యర్థి, స్థాఽనిక కార్పొరేటర్‌ అభ్యర్థికి స్థానిక ప్రజలు నుదుట కుంకుమ దిద్ది, పూలమాలలతో సత్కరించారు. అనంతరం జరిగిన ప్రచార సభలో కోలగట్ల వీరభద్రస్వామి మాట్లాడుతూ మొదటి పాలకవర్గంగా విజయనగరాన్ని పాలించిన వైఎస్సార్‌సీపీ 5 ఏళ్ల పాలనలో ధర్మపురిలో చేసిన అభివృద్ధిని ప్రజలంతా గుర్తుంచుకోవాలని కోరారు. మంచి చేసిన వారిని మర్చిపోవద్దన్నారు. విజయనగరం కార్పొరేషన్‌లో వైఎస్సార్‌సీపీకి బలమున్న ప్రాంతం ధర్మపురి అని గడిచిన 5 ఏళ్లలో సందు సందుల్లో నిర్మించిన రోడ్లు, ఉప్పు నీటి సమస్య పరిష్కారానికి నిర్మించిన నూతన వాటర్‌ ట్యాంక్‌లను మర్చిపోవద్దని గుర్తు చేశారు. ఈనెల 1న జరగనున్న కార్పొరేషన్‌ ఎన్నికల్లో తమ రెండ్లు ఓట్లను ప్రతి ఓటరు ఫ్యాన్‌ గుర్తుపై వేసి గెలిపించి కూటమి నిరంకుశ కూటమి ప్రభుత్వ పాలనకు చరమగీతం పాడాలని పిలుపునిచ్చారు. సమావేశంలో వైఎస్సార్‌సీపీ విజయనగరం కార్పొరేషన్‌ మేయర్‌ అభ్యర్థి కోలగట్ల శ్రావణి, మాజీ మేయర్‌ వెంపడాపు విజయలక్ష్మి, కార్పొరేషన్‌ ఎన్నికల పరిశీలకుడు అంధవరపు సూరిబాబు, స్థానిక కార్పొరేటర్‌ అభ్యర్థి పతివాడ గణపతి మాట్లాడారు. కార్యక్రమంలో వైఎస్సార్‌సీపీ రాష్ట్ర కార్యదర్శి సంగంరెడ్డి బంగారునాయుడు పాల్గొన్నారు. చేసిన మంచిని మర్చిపోవద్దు శ్రావణిని అశీర్వదించండి స్థానిక కార్పొరేటర్‌ అభ్యర్థిని గెలిపించండి ఏపీ శాసనసభ మాజీ డిప్యూటీ స్పీకర్‌ కోలగట్ల వీరభద్రస్వామి

గుర్ల: మండలంలోని భూపాలపురం గ్రామానికి చెందిన సుంకరి రాము (46) పాముకాటుతో గురువారం మృతి చెందాడు.ఈ ఘటన వివరాల్లోకి వెళ్తే..గ్రామానికి చెందిన సుంకరి రాము పోలీస్‌ బాంబ్‌ స్కాడ్‌లో హోంగార్డుగా పనిచేస్తున్నారు. వ్యవసాయ పనుల్లో భాగంగా వరి పంటలో నీరు తొలగించడానికి వెళ్లాడు. వరి పంట పొలంలో నీరు తొలగిస్తుండగా పాము కాటు వేసింది. ఈ సమాచారం తెలుసుకున్న కుటుంబసభ్యులు పొలం దగ్గరికి వెళ్లేటప్పటికే మృతి చెందినట్లు గుర్తించారు. సమాచారం మేరకు గుర్ల ఎస్సై పి.నారాయణ రావు సంఘటన స్థలానికి చేరుకుని మృతదేహాన్ని పోస్టుమార్టానికి పంపించారు. కేసు నమోదు చేసి దర్యాప్తు చేస్తున్నారు. మృతునికి భార్య చిన్నతల్లి, కుమార్తె సాయి ప్రశాంతి, కుమారుడు సాయి గోపాల్‌ ఉన్నారు. రైలు ఢీకొని గుర్తుతెలియని వ్యక్తి..బొబ్బిలి రూరల్‌: మండలంలోని దిబ్బగుడ్డివలస రైల్వే గేటు సమీపంలో రైలు ఢీకొని గుర్తు తెలియని వ్యక్తి మృతి చెందాడు. ఆర్‌పీఎఫ్‌ హెచ్‌సీ ఈశ్వర్రావు తెలిపిన వివరాల ప్రకారం గురువారం సాయంత్రం రైల్వే గేటు సమీపంలో రైల్వే ట్రాక్‌పై మొండెం, తల వేరై ఉన్న సుమారు 50 సంవత్సరాల వయస్సు కలిగిన వ్యక్తి మృతదేహం లభ్యమైందని తెలిపారు. మృతదేహం వద్ద ఎటువంటి ఆధారాలు లభించక పోవడంతో గుర్తు తెలియని వ్యక్తిగా పరిగణించి కేసు నమోదు చేశామని, తగిన ఆధారాలతో మృతుడి ఆచూకీ తెలిసిన వారు తమను సంప్రదించాలని కోరారు. వివరాల కోసం ఫోన్‌ 83099 01038నంబర్‌ను సంప్రదించి వివరాలను తెలియజేయాలన్నారు.

ప్రజాసంక్షేమమే వైఎస్సార్‌సీపీ ధ్యేయమని, స్థానిక ఎన్నికల్లో ఫ్యాన్‌ గుర్తుపై ఓటేసి పార్టీ అభ్యర్థులను విజేతలుగా నిలపాలని ఎమ్మెల్సీ పీవీవీ సూర్యనారాయణరాజు (సురేష్‌ బాబు) ఓటర్లను అభ్యర్థించారు. నెల్లిమర్ల నగర పంచాయతీ వైఎస్సార్‌సీపీ చైర్మన్‌ అభ్యర్థి సముద్రపు రామారావు, 10, 11వ వార్డు అభ్యర్థులు కె.హరీష్‌, బూర సుజాత తరఫున పార్టీ నెల్లిమర్ల నియోజకవర్గ సమన్వయకర్త గదల సన్యాసినాయుడుతో కలిసి గురువారం ఇంటింటి ప్రచారం చేశారు. అభివృద్ధి, సంక్షేమ పాలనకు ఓటుతో నాందిపలకాలని కోరారు. – నెల్లిమర్ల

వీరఘట్టం: స్కానింగ్‌ కేంద్రాలు వైద్యారోగ్యశాఖ నిబంధనలు, మార్గదర్శకాలను తప్పనిసరిగా అమలు చేయాలని రాష్ట్రీయ బాల స్వాస్ధ్య కార్యక్రమం జిల్లా అధికారి డాక్టర్‌ టి.జగన్‌మోహన్‌రావు స్పష్టం చేశారు.స్కానింగ్‌ కేంద్రాల తనిఖీల్లో భాగంగా గురువారం ఆయన వీరఘట్టంలోని కనోసా ఆస్పత్రిలో గల స్కానింగ్‌ కేంద్రాన్ని వైద్యబృందంతో కలిసి తనిఖీ చేశారు. స్కానింగ్‌ యంత్రం రిజిస్ట్రేషన్‌, రెన్యువల్‌ ధ్రువీకరణ పత్రాలు, ప్రతినెలా నిర్వహించే గర్భిణుల స్కానింగ్‌ వివరాల రికార్డులు, దస్త్రాలు పరిశీలించారు. స్కానింగ్‌ నిబంధనల బోర్డు, రుసుము వివరాలు.టోల్‌ఫ్రీ నంబర్‌ పరిశీలించి సూచనలు చేశారు. గర్భిణులకు నిర్వహించే స్కానింగ్‌ వివరాలు 21 కాలమ్స్‌తో కూడిన ఫారం–ఎఫ్‌లో పొందుపరిచి జిల్లా వైద్యారోగ్యశాఖ కార్యాలయానికి నివేదించాలని ఆదేశించారు.రికార్డులు ఎప్పటికప్పుడు సరైన సమాచారంతో నమోదు చేయాలని సూచించారు. నిర్ణీతకాలం కాలవ్యవధిలో రెన్యువల్‌ పూర్తి చేసుకోవాలని, స్కానింగ్‌ యంత్రాంగాన్ని, వైద్యులు, సిబ్బందిని మార్పు చేసిన యెడల ఆరోగ్యశాఖకు తెలియాలని సూచించారు. గర్భంలో శిశు ఆరోగ్య స్థితి, అసాధారణతలు తెలుసుకునేందుకు స్కానింగ్‌ ఉద్దేశమని, చట్టప్రకారం లింగ నిర్ధారణ నేరమని తెలియజేశారు. ఎక్కడైనా అట్టి చర్యలకు పాల్పడితే టోల్‌ఫ్రీ నంబర్‌ 18002332447కు తెలియజేయాలని యాక్ట్‌ ప్రకారం తగుచర్యలు ఉంటాయన్నారు. కార్యక్రమంలో ఆయనతో పాటు వైద్యారోగ్యశాఖ డిప్యూటీ డెమో డి.వి.గిరిబాబు, వైద్యాధికారి ప్రదీప్‌ తదితరులు ఉన్నారు. జిల్లా ఆర్‌బీఎస్‌కే అధికారి డా.జగన్‌మోహన్‌

● నిండుకుండలా జలాశయం ● రెండు గేట్లు ఎత్తివేత.. పాచిపెంట: ఎడతెరపి లేని వర్షాలతో పెద్దగెడ్డ జలాశయానికి భారీగా వరద నీరు చేరుతోంది. ఎగువ ప్రాంతాల నుంచి వరద పోటెత్తడంతో జలాశయం నిండుకుండలా మారింది. పూర్తిస్థాయి నీటిమట్టం 213.80 మీటర్లు కాగా, ప్రస్తుతం 212.50 మీటర్లకు చేరింది. జలాశయంలోకి 10 వేల క్యూసెక్కుల నీరు చేరుతుండగా, రెండు గేట్లు ఎత్తి మూడువేల క్యూసెక్కుల నీటిని దిగువకు విడుదల చేస్తున్నారు. దీంతో దిగువ ప్రాంతాల ప్రజలను అప్రమత్తం చేసినట్లు జలాశయం జేఈ మోహన్‌ రావు తెలిపారు...

● ఉప్పొంగిన నదులు ● పలు గ్రామాలకు నిలిచిపోయిన రాకపోకలు ● స్తంభించిన జనజీవనం సాలూరు: అర్నబ్‌ తుఫాన్‌ నేపథ్యంలో కురిసిన భారీ వర్షాలకు సాలూరు మండలంలోని గోముఖి, సువర్ణముఖి, వేగావతి తదితర నదులు, వాగులు ఉప్పొంగుతున్నాయి. మామిడిపల్లిలో సువర్ణముఖి నది ఉప్పొంగి ప్రమాదకర స్థాయికి చేరుకోవడంతో గ్రామశివారులో బ్రిడ్జి ప్రక్కన రోడ్డు మీదుగా నీరు ప్రవహించడంతో ఉదయం నుంచి సాయంత్రం వరకు రాకపోకలు నిలిచిపోయాయి. స్థానిక పీహెచ్‌సీకి వరద నీరు చేరడంతో తహసీల్దార్‌ సురేష్‌ ఆధ్వర్యంలో సిబ్బంది అప్రమత్తమై విలువైన సామగ్రి, మందులను సురక్షిత ప్రాంతాలకు తరలించారు. గత అనుభవాలున్నప్పటికీ, అధికారులంతా అప్రమత్తంగా ఉండాలని కలెక్టర్‌ పదే పదే హెచ్చరిస్తున్నా, ముంపునకు గురయ్యే వరకు పీహెచ్‌సీలో సామగ్రి, మందులను సురక్షిత ప్రాంతాలకు తరలించకపోవడం కేవలం వైద్యాదికారుల నిర్లక్ష్యానికి నిదర్శనమని స్థానిక ప్రజలు ఆరోపిస్తున్నారు. తోణాం సమీపంలో గోముఖి నది ఉప్పొంగడంతో ఎగువమెండంగి, దిగువమెండంగి, శిఖపరువు, పూతికవలస గ్రామాలకు రాకపోకలు నిలిచిపోయాయి. దండిగాం వద్ద సువర్ణముఖి ఉప్పొంగడంతో కురుకుట్టి, డెన్సరాయి, సంపంగిపాడు తదితర పంచాయతీల్లో పలు గ్రామాలకు రాకపోకలు ఆగిపోయాయి. వేగావతి, వట్టిగెడ్డ ఉప్పొంగడంతో పారన్నవలస పంచాయతీ పరిసర గ్రామాల ప్రజలు రాకపోకలకు ఇబ్బందులు పడ్డారు. ఈ వర్షం వల్ల మొక్కజొన్న, పత్తి పంటలకు తీవ్ర నష్టం వాటిల్లిందని రైతులు వాపోతున్నారు. జీగిరాం సమీపంలో పంటలు నీట మునిగాయి.

విజయనగరం అర్బన్‌: ఎన్నికల విధుల్లో పాల్గొనే ఉద్యోగులు తమ ఓటు హక్కును ప్రశాంతంగా రహస్యంగా వినియోగించుకునేందుకు బుధవారం స్థానిక మున్సిపాల్‌ కార్యాలయంలో ఏర్పాటు చేసిన పోస్టల్‌ బ్యాలెట్‌ ఫెసిలిటేషన్‌ కేంద్రాల్లో గందరగోళం నెలకొంది. ఓటు వేసేందుకు వచ్చిన ఉద్యోగులకు అవసరమైన సౌకర్యాలు కల్పించడంలో మున్సిపల్‌ యంత్రాంగం విఫలమైందన్న విమర్శలు వ్యక్తమయ్యాయి. ప్రొఫార్మా నింపే గది వద్ద క్యూలు సక్రమంగా లేకపోవడం, ఓటర్ల మధ్య తోపులాటకు ఆస్కారం కలిగించే పరిస్థితులు ఏర్పడ్డాయి. పోటీ అభ్యర్థుల బంధువులైన కొందరు ఉద్యోగులు ఓటు వేసిన వెంటనే వెళ్లిపోకుండా క్యూలో ఉన్న ఇతర ఓటర్లను ప్రభావితం చేసే ప్రయత్నాలు చేసినట్లు ఆరోపణలు రావడం చర్చనీయాంశమైంది. పర్యవేక్షించాల్సిన సిబ్బంది, పోలీసులు ప్రేక్షక పాత్రకే పరిమితమయ్యారని పలువురు ఓటర్లు ఆరోపించారు. మూడు అంతస్తుల్లో కేంద్రాలు.. అయినా తప్పని ఇబ్బందులు నగరపాలక సంస్థ ఎన్నికల్లో భాగంగా బుధవారం పోస్టల్‌ బ్యాలెట్‌ ద్వారా ఓటు హక్కు వినియోగించుకునేందుకు నగరపాలక సంస్థ కార్యాలయంలో మూడు ఫెసిలిటేషన్‌ కేంద్రాలను వేర్వేరు అంతస్తుల్లో ఏర్పాటు చేసినప్పటికీ, ఓటింగ్‌కు ముందు అవసరమైన ప్రొఫార్మా నింపే గదిలో క్యూల నిర్వహణ సక్రమంగా లేపోవడంతో ఉద్యోగులు ఇబ్బందులు ఎదుర్కొన్నారు. కలెక్టర్‌ పరిశీలన..కమిషనర్‌ సమీక్షమరోవైపు, జిల్లా ఎన్నికల అధికారి, కలెక్టర్‌ ఎస్‌.రాంసుందర్‌రెడ్డి పోస్టల్‌ బ్యాలెట్‌ ఫెసిలిటేషన్‌ కేంద్రాలను పరిశీలించారు. ఎన్నికల పరిశీలకుడు తేజ్‌ భరత్‌ కూడా ఓటింగ్‌ ప్రక్రియను పర్యవేక్షించారు. మున్సిపల్‌ కమిషనర్‌ బాలస్వామి కేంద్రాల్లో అవసరమైన ఏర్పాట్లను ఎప్పటికప్పుడు సమీక్షించారు.

విజయనగరం: అర్నాబ్‌ తీవ్ర తుఫాన్‌ జిల్లాను అంధకారం చేసింది. గత రెండు రోజులుగా కురుస్తున్న భారీ వర్షాలు, ఈదురుగాలుల నేపథ్యంలో మంగళవారం నుంచి జిల్లాలోని గ్రామీణ ప్రాంతాల్లో అంధకారం అలుముకుంది. మంగళవారం వేకువజాము నుంచి తుఫాన్‌ ప్రభావం చూపించగా..రెండు రోజుల వ్యవధిలో ఏపీఈపీడీసీఎల్‌ విజయనగరం ఆపరేషన్‌ సర్కిల్‌కు రూ.19.24 లక్షల నష్టం మిగిల్చింది. మంగళవారం, బుధవారం నెలకొన్న వాతావరణ పరిస్థితుల్లో జిల్లా వ్యాప్తంగా 115 విద్యుత్‌ స్తంభాలు నేలకొరిగిపోగా..వాటిలో 77 స్తంభాలను బుధవారం సాయంత్రానికి పునరుద్ధరించారు. మిగిలిన స్తంభాలను పునరుద్ధరించే చర్యలు చేపడుతున్నారు. అదేవిధంగా 28 డిస్ట్రిబ్యూషన్‌ ట్రాన్స్‌ఫార్మర్‌లు పాడవగా వాటిలో 20 ట్రాన్స్‌ఫార్మర్‌లను పునరుద్ధరించారు. మిగిలిన వాటిని మార్పు చేస్తున్నారు. సుమారు 5 కిలోమీటర్ల మేర విద్యుత్‌ లైన్లు దెబ్బతిన్నట్లు అధికారులు చెబుతున్నారు. మరో 1200 వ్యవసాయ విద్యుత్‌ సర్వీసులకు సరఫరాలో అంతరాయం ఏర్పడింది. తుఫాన్‌ ప్రభావంతో మంగళవారం మధ్యాహ్నం నుంచి బుధవారం వరకు అధిక సంఖ్యలో గ్రామీణ ప్రాంతాల్లో అంధకారం అలుముకుంది. తాగునీరు సరఫరా లేక ఇబ్బందులు తాగునీటి సరఫరాకు అవసరమైన విద్యుత్‌ సరఫరా లేకపోవడంతో ప్రజలు ఇబ్బందులు పడ్డారు. సుమారు నెల రోజుల క్రితం ఇదే తరహాలో వాయుగుండం రూపంలో భారీ వర్షాలు కురవడంతో సుమారు రూ.10.25 లక్షల నష్టం వాటిల్ల గా తాజాగా కురిసిన వర్షాలు అంతకన్నా ఎక్కువ నష్టాన్ని మిగిల్చాయి. ఏపీఈపీడీసీఎల్‌ విజయనగరం ఆపరేషన్‌ పరిధిలో తుఫాన్‌ నేపథ్యంలో జరిగిన నష్టాలను నివారించే దిశగా చర్యలు చేపడుతున్నట్లు ఎస్‌ఈ మువ్వల లక్ష్మణరావు తెలిపారు. ఏపీఈపీడీసీఎల్‌ సిబ్బందితో పాటు అదనంగా మరో 542 మంది సిబ్బందిని నియమించామని, వారితో నిరంతరం పునరుద్ధరణ చర్యలు చేపడుతున్నామన్నారు. బుధవారం సాయంత్రానికి 90 శాతం గృహ విద్యుత్‌ వినియోగదారులకు సరఫరాను అందించేలా కృషి చేస్తున్నామని, మిగిలిన సర్వీసులతో పాటు వ్యవసాయ విద్యుత్‌ సర్వీసుల పునరుద్ధరణ ప్రక్రియను గురువారం పూర్తి చేస్తామని వెల్లడించారు. వినియోగదారులు సహకరించాలని విజ్ఞప్తి చేశారు. అర్నాబ్‌ తుఫాన్‌ ఎఫెక్ట్‌ ఈదురుగాలులతో నేలకొరిగిన 115 విద్యుత్‌ స్తంభాలు భారీ వర్షాలతో పాడైన 28 డిస్ట్రిబ్యూషన్‌ ట్రాన్స్‌ఫార్మర్‌లు జిల్లా వ్యాప్తంగా గ్రామీణప్రాంతాల్లో అంధకారం పునరుద్దరణ చర్యల్లో విద్యుత్‌ శాఖ అధికారులు

దత్తిరాజేరు: మండలంలోని పెదమానాపురంలో టీడీపీ నుంచి వైఎస్సార్‌సీపిలోకి 20 కటుంబాలు చేరినట్లు ఎంపీటీసీ అభ్యర్థి రౌతు రాజేశ్వరి బుధవారం తెలిపారు. రెండున్నరేళ్ల పాలనలో టీడీపీ ప్రజలకు చేసింది శూన్యమని గ్రహించి గ్రామానికి చెందిన వై. జోజి, కె.గురమ్మ, జి.సూర్యనారాయణ, కె.శ్రీను, జి హరీష్‌, దీలీప్‌, జి.మధు, జి.సతీష్‌ తదితరులు పార్టీలో చేరడంతో వారిని పార్టీలోకి ఆహ్వానించినట్లు చెప్పారు. జగన్నపై అభిమానంతో పార్టీలో చేరిన తాము ఎంపిటీసీగా రాజేశ్వరిని, జెడ్పీటీసీ మంత్రి అప్పలనాయుడిని గెలిపిస్తామని పార్టీలో చేరిన వారు చెప్పారు. వైఎస్సార్‌సీపీలో చేరిన అలజంగి వాసులు బొబ్బిలి: మండలంలోని అలజంగి గ్రామానికి చెందిన పది కుటుంబాల వారు టీడీపీని వీడి వైఎస్సార్‌సీపీలో చేరారు. ఈ మేరకు బుధవారం స్థానిక వైఎస్సార్‌ సీపీకార్యాలయంలో జరిగిన ఓ కార్యక్రమంలో జెడ్పీటీసీ అభ్యర్థి, వైఎస్సార్‌ సీపీ జిల్లా ప్రధానకార్యదర్శి శంబంగి వేణుగోపాల నాయుడు పార్టీలో చేరిన వారికి కండువాలు వేసి సాదరంగా ఆహ్వానించారు. టీడీపీ చేస్తున్న ప్రజా వ్యతిరేక కార్యకలాపాలకు నిరసనగా తాము వైఎస్సార్‌సీపీలోకి చేరుతున్నట్లు అలజంగి వాసులు తెలిపారు. పార్టీలో చేరిన వారిలో ఎర్రాపు చిన్నారావు, అప్పారావు, మురళి, చంటి, మోహన్‌, తోట నాజర్‌, యమ్మల లక్ష్ము, బోనెల చిన్నారావు, యజ్జల చిట్టి, పెంకి బంగారాయ్య తదితరులు ఉన్నారు.

విజయనగరం టౌన్‌: అర్నబ్‌ తుఫాన్‌ కారణంగా విజయనగరం మండల పరిధిలోని ధర్మపురి గ్రామంలో జలయమమైన ఒక ఇంట్లో చిక్కుకున్న ఐదుగురి ప్రాణాలను విజయనగరం డీఎస్పీ ఎస్‌.లక్ష్మణమూర్తి ఆధ్వర్యంలో రూరల్‌ సీఐ బి.లక్ష్మణరావు, రూరల్‌ ఎస్సై వెలమల ప్రసాదరావు, పోలీస్‌ సిబ్బంది రక్షించి, సురక్షిత ప్రాంతానికి చేర్చారు. రెండురోజులుగా అర్నబ్‌ తుఫాన్‌ వల్ల కురిసిన భారీ వర్షాలకు ధర్మపురి గ్రామంలో కొన్ని ఇళ్లు జలమయమయ్యాయి. ఒక ఇంట్లో ఐదుగురు చిక్కుకున్నట్లు సమాచారం అందుకున్న రూరల్‌ పోలీసులు సంఘటనా స్థలానికి చేరుకున్నారు. ఇంట్లో చిక్కుకున్న ఒక్కొక్కరినీ తాళ్లు, జేసీబీ సాయంతో సురక్షిత ప్రాంతానికి చేర్చారు. అనంతరం, లోతట్టు ప్రాంతంలో నీరు తగ్గేంత వరకూ ఎవరూ వెళ్లకుండా బారికేడ్లను ఏర్పాటుచేశారు. పోలీసు అధికారులు, సిబ్బంది సమయస్ఫూర్తితో వ్యవహరించి, జలమయమైన ఇంట్లో చిక్కుకున్న ఐదుగురిని రక్షించడంతో స్థానికులు హర్షం వ్యక్తం చేసి, పోలీస్‌ అధికారులను, సిబ్బందిని అభినందించారు.

విజయనగరం అర్బన్‌: పురపాలక ఎన్నికలను పారదర్శకంగా ప్రశాంత వాతావరణంలో నిర్వహించేందుకు ఎన్నికల యంత్రాంగం చర్యలు వేగవంతం చేసింది. ఇందులో భాగంగా జనరల్‌ అబ్జర్వర్‌ ఎన్‌.తేజ్‌ భరత్‌ పర్యవేక్షణలో బుధవారం మైక్రో అబ్జర్వర్లకు వీడియో కాన్ఫరెన్స్‌ ద్వారా ఆన్‌లైన్‌ శిక్షణ కార్యక్రమాన్ని నిర్వహించారు. ఈ సందర్భంగా తేజ్‌ భరత్‌ మాట్లాడుతూ ఎన్నికల నిర్వహణలో మైక్రో అబ్జర్వర్ల పాత్ర అత్యంత కీలకమని పేర్కొన్నారు. ముఖ్యంగా సున్నిత, అతి సున్నిత పోలింగ్‌ కేంద్రాల్లో ఎన్నికల ప్రక్రియను నిశితంగా పరిశీలించాలని సూచించారు. పోలింగ్‌ ప్రారంభం నుంచి ముగిసే వరకు కేంద్రాల లోపల, వెలుపల జరిగే పరిణామాలను నిరంతరం గమనిస్తూ, నిబంధనల ప్రకారం నమోదు చేయాలని ఆదేశించారు. విధుల నిర్వహణ, పోలింగ్‌ కేంద్రాల్లో అనుసరించాల్సిన విధానాలు, సిబ్బంది బాధ్యతలపై స్పష్టమైన అవగాహన కలిగి ఉండాలని సూచించారు. శిక్షణ కార్యక్రమంలో మైక్రో అబ్జర్వర్లు లేవనెత్తిన సందేహాలను జనరల్‌ అబ్జర్వర్‌ నివృత్తి చేశారు. కార్యక్రమంలో ఎన్నికల సిబ్బంది, మైక్రో అబ్జర్వర్లు, సహాయ ఎన్నికల అధికారి, మున్సిపల్‌ కమిషనర్లు, ఇతర అధికారులు పాల్గొన్నారు. విజయనగరం టౌన్‌: సెంచురియన్‌ యూనివర్సిటీలో ఇంజినీరింగ్‌ 4వ సంవత్సరం చదువుతున్న కాకినాడ జిల్లా తుని పట్టణానికి చెందిన యశస్విన్‌ భార్గవ్‌ (21) అనుమానాస్పద స్థితిలో మృతిచెందాడు. ఈ ఘటనకు సంబంధించి వన్‌టౌన్‌ ఎస్సై ప్రసన్నకుమార్‌ తెలిపిన వివరాలిలా ఉన్నాయి. తన నలుగురు స్నేహితులతో కలిసి భార్గవ్‌ కేఎల్‌ పురంలో ఉంటున్నాడు. మంగళవారం మధ్యాహ్నం ఫ్రెండ్స్‌ అందరూ బయటకు వెళ్లడంతో ఇంట్లో ఒక్కడే ఉన్నాడు. గదిలోని సీలింగ్‌ కొక్కానికి ఉరి వేసుకున్నాడు. స్నేహితులు తిరిగి వచ్చేసరికి వేలాడుతూ కొనప్రాణంతో కనిపించిన భార్గవ్‌ను కిందకు దించి ఆస్పత్రికి తరలించారు. వైద్యులు పరిశీలించి ప్రాణాలు పోయాయని నిర్ధారించారు. మృతుడి తండ్రి చిత్ర రామజోగి ఇచ్చిన ఫిర్యాదు మేరకు అనుమానాస్పద మృతి కేసు నమోదుచేసి దర్యాప్తు చేస్తున్నామని ఎస్సై ప్రసన్నకుమార్‌ తెలిపారు. సీతంపేట: మండలంలోని తలైబుగూడ గ్రామానికి చెందిన సవర అప్పన్న (58) శ్రీకాకుళం రిమ్స్‌లో చికిత్స పొందుతూ మృతిచెందాడు. ఈనెల 12న సీతంపేటలో గిరిజనోత్పత్తుల విక్రయానికి తీసుకువచ్చిన సందర్భంగా వారపు సంత వద్ద రోడ్డుదాటుతుండగా పికప్‌వ్యాన్‌ అప్పన్నను ఢీ కొట్టింది. దీంతో గాయాలపాలు కాగా కొత్తూరు పీహెచ్‌సీకి తరలించారు. అక్కడి నుంచి రిమ్స్‌కు తరలించగా చికిత్స పొందుతూ బుధవారం మృతిచెందినట్లు కుటుంబ సభ్యులు తెలిపారు. ఆయనకు భార్య గయ్యారమ్మ, నలుగురు కుమారులు, ఇద్దరు కుమార్తెలు ఉన్నారు. కుటుంబ పెద్ద మృతితో వారంతా గుండెలవిసేలా రోదిస్తున్నారు. చెట్టుపై నుంచి జారి పడి వ్యక్తి..సీతంపేట: మండలంలోని పెద్దగూడ గ్రామానికి చెందిన సవర ఫల్గుణరావు (42) అనే వ్యక్తి బుధవారం చెట్టుపై నుంచి జారి పడి మృతిచెందాడు. మేకలు మేత వేయడానికి కావాల్సిన ఆకులను సేకరించేందుకు చెట్టుపైకి ఎక్కి కొమ్మలు నరుకుతుండగా ప్రమాదవశాత్తు జారిపడి మృతిచెందినట్లు కుటుంబసభ్యులు తెలిపారు. మృతునికి భార్య మీనాకుమారి, ఇద్దరు పిల్లలు ఉన్నారు. ఫల్గుణ మృతితో గ్రామంలో విషాధ చాయలు అలుముకున్నాయి. ఈ మృతిపై ఫిర్యాదు అందలేదని ఎస్సై వై అమ్మన్నరావు తెలిపారు.

మక్కువ: వెంగళరాయసాగర్‌ ప్రాజెక్టు సువర్ణముఖి, గోముఖి రెగ్యులేటర్‌ ద్వారా నదుల్లోకి బుధవారం నీటిని ఇరిగేషన్‌ అధికారులు విడిచిపెట్టారు.అర్నబ్‌ తుఫాన్‌ ప్రభావంతో ఒడిశా నుంచి సువర్ణముఖి, గోముఖి నదుల ద్వారా ప్రాజెక్టులోకి ఇన్‌ఫ్లో సుమారు 3వేల క్యూసెక్కుల నీరు చేరుతోంది. వీఆర్‌ఎస్‌ ఫుల్‌ రిజర్వ్‌ లెవెల్‌ 161.00 మీటర్లు కాగా, ప్రస్తుతం 159 మీటర్లకు నీరు చేరుకుంది. ముందస్తు చర్యల్లో భాగంగా గోముఖి రెగ్యులేటర్‌ ద్వారా వెయ్యి క్యూసెక్కులు, సువర్ణముఖి రెగ్యులేటర్‌ ద్వారా 2వేల క్యూసెక్కుల నీటిని నదుల్లోకి విడిచిపెట్టారు. దీంతో గోముఖి, సువర్ణముఖి నదులు ఉధృతంగా ప్రవహిస్తున్నాయి. మక్కువ మండలంలోని కవిరిపల్లి గ్రామం వద్ద కాజ్‌వేపై నుంచి నీరు ప్రవహించడంతో సుమారు పది గ్రామాల ప్రజలు రాకపోకలకు అంతరాయం ఏర్పడింది. అలాగే గోముఖి నది సమీపంలో శివాలయం, అయ్యప్ప స్వామి దేవాలయాల వద్దకు నీటి తాకిడి చేరింది.

విజయనగరం అర్బన్‌: ఎన్నికల్లో ప్రతి ఓటూ కీలకమే. అలాంటి పోస్టల్‌ బ్యాలెట్‌ ఓట్ల భద్రత విషయంలోనూ అప్రమత్తత అత్యవసరం. కానీ విజయనగరం మున్సిపల్‌ కార్యాలయంలో బుధవారం నిర్వహించిన పోస్టల్‌ బ్యాలెట్‌ ఓటింగ్‌ అనంతరం బ్యాలెట్‌ బాక్సులను భద్రపరిచిన తీరుపై అభ్యంతరాలు వ్యక్తమయ్యాయి. మూడు అంతస్తుల్లోని వేర్వేరు గదుల్లోని బాక్సులను ఉంచగా ఆయా గదుల కిటికీల డోర్లు మూయకపోవడంపై వైఎస్సార్‌సీపీ ఏజెంట్లు అభ్యంతరం తెలిపారు. బ్యాలెట్‌ బాక్సుల భద్రతపై అనుమానాలు వ్యక్తంచేస్తూ ఎన్నికల అధికారి, మున్సిపల్‌ కమిషనర్‌ బాలస్వామికి ఫిర్యాదు చేశారు. బ్యాలెట్‌బాక్సుల భద్రత, అక్కడ విధులు నిర్వహించే సిబ్బంది వివరాలు తెలియజేయాలని డిమాండ్‌ చేశారు. ఏజెంట్లు నిరసనకు దిగడంతో రాత్రి 11 గంటలకు ప్రత్యామ్నాయ భద్రతా ఏర్పాట్లను కమిషనర్‌ చేపట్టారు. కిటికీలు తెరుచుకునే గదుల్లో బ్యాలెట్‌ బాక్సులు వైఎస్సార్‌సీపీ ఏజెంట్ల ఫిర్యాదు రాత్రి 11 గంటలకు ప్రత్యామ్నాయ భద్రతా ఏర్పాట్లు

● దైవాన్ని ఏమార్చి.. రికార్డులు మార్చి భూదందా ● దేవుడి మాన్యం కాజేసిన తెలుగు తమ్ముళ్లు ● రెండు కోట్ల భూమి వాటాగా పొందిన పొలిట్‌ బ్యూరో సభ్యురాలు శ్రీదేవి భర్త సూర్యరావు? ● మరుపల్లిలో దేవుడి భూముల రికార్డుల మార్పులు దేవుడి భూమి ఇదే.. సాక్షి ప్రతినిధి, విజయనగరం: అధికార బలం ఉంది... మంత్రి అండదండలు దండిగా ఉన్నాయి.. మన ముందు ముల్లోకాలను పాలించే దేవుడెంత?.. ఆయన భూముల ఆక్రమణ ఓ లెక్కా..? రికార్డులు మార్చేద్దాం.. ఆక్రమించేద్దాం అని కూడబలుక్కున్నారు. గజపతినగరం మండలంలోని శ్రీరామా అష్ట శివకేశవ స్వామివారి పేరిట దశాబ్దాలుగా కొనసాగుతున్న భూముల రికార్డులను మార్చేసి తమ పేరిట దఖలు పర్చుకున్నారు. దేవుడి భూమిని నేరుగా తమపేరిట రాయించుకుంటే దైబ్బెపోతాం అని తెలుసుకున్న నాయకులు.. ముందుగా ఆ భూమిని వేరేవారి పేరిట రికార్డుల్లో మార్పించి, ఆ తరువాత రెండో అంచెలో దాన్ని తమపేరు మీద మార్చుకున్నారు. దేవుడికే శఠగోపం పెట్టిన టీడీపీ నేతల బాగోతం ఇప్పుడు జిల్లాలో చర్చనీయాంశంగా మారింది. వారి కబ్జాపర్వం చూసి భక్తులు మండిపడుతున్నారు. దేవుడి భూములకే కన్నం వేసిన నాయకుల తీరును చూసి ఛీకొడుతున్నారు. ● కబ్జా పర్వం సాగిందిలా... గజపతినగరం మండలం మరుపల్లి గ్రామంలోని జాతీయ రహదారి పక్కన సర్వే నంబర్‌ 287/1లో మొత్తం 2 ఎకరాల 87 సెంట్ల భూమి ఉండగా, ఇందులో 1 ఎకరా 94 సెంట్ల భూమి మరుపల్లి గ్రామంలో ఉన్న శ్రీరామా అష్ట శివకేశవ ఆలయం మాన్యంగా ఉంది. దశాబ్దాలుగా ఉన్న ఈ ఆలయాన్ని ఈ మధ్యనే కూల్చేసి కొత్తగా పునర్నిర్మించారు. అయితే, దేవుడి పేరుమీద ఉన్న ఈ భూమి గురించి అడిగేవారు లేకపోవడంతో ఈ భూ బకాసురుల కన్ను వాటిపై పడింది. అనుకున్నదే తడవుగా రెవెన్యూ అధికారులతో కలిసి రికార్డుల మార్పులకు రంగం సిద్ధమైంది ● ఒన్‌బీ రికార్డులతో మొదలైన పథకం? భూములు కొట్టేయాలని భావిస్తున్న బ్యాచ్‌ ముందుగా రెవెన్యూ అధికారులను మచ్చిక చేసుకుని రెవెన్యూ రికార్డుల్లో కొందరి పేర్లు నమోదుచేశారు. తద్వారా ఆ భూమిపై హక్కులు పొందడానికి పునాది వేసుకున్నారు. గతంలో కొందరు రెవెన్యూ సిబ్బంది ఈ దందాకు సహకరించినట్లు తెలుస్తోంది. దీనిద్వారా వారిపేర్లు ఒన్‌బీ రికార్డుల్లోకి చేర్చారు. ● చేతులు మారిన భూమి! ఒన్‌బీలో తమ పేర్లు ఉన్నాయి కాబట్టి ఆ భూమి తమదే అంటూ వారు రెవెన్యూ అధికారులకు అర్జీ పెట్టుకోవడం.. రికార్డులు రాసింది.. మార్చింది కూడా రెవెన్యూ వారే కాబట్టి వెనువెంటనే నిజమే.. ఇది మీ భూమే అంటూ ఆంగీకరించడం జరిగిపోయింది. ఈ పథకాన్ని చక్కగా అమలు చేసి భూములపై హక్కులను గెద్ద నారాయణరావు, గెద్ద రామారావులకు బదిలీ చేసేశారు. అనంతరం సేల్‌ డీడ్లు ద్వారా గెద్ద కనక, గెద్ద సూర్యనారాయణ, ఇజ్జురోతు జీవన్‌కుమారుల పేర్లకు.. అక్కడి నుంచి గెద్ద భాను ప్రకాష్‌, ఆల్తి ఇందుమతికి బదిలీ అయినట్లు రికార్డులు స్పష్టం చేస్తున్నాయి. ఈ భూమిని ఇష్టానుసారం సర్వే నంబర్లను మార్చి సబ్‌ డివిజన్లుగా చేసేసి వారికి కట్టబెట్టారు. కేవలం ఒన్‌బీలో మినహా ఇంకెక్కడా వీరి పేర్లు లేకపోయినా రెవెన్యూ అధికారులు తమ వాటాలు పుచ్చుకుని దేవుడి భూమిని ఇలా ప్రైవేటు వ్యక్తులకు ధారాదత్తం చేసేశారు. సూత్రధారులు, పాత్రధారుల గుట్టు బయటపడేలా ? దేవుడి మాన్యం భూమి ప్రైవేటు వ్యక్తుల పేర్లపై నమోదైందన్న ఆరోపణలు నిజమైతే, అది కేవలం భూ వివాదానికే పరిమితమయ్యే అంశం కాదు. ప్రభుత్వ భూ రికార్డుల నిర్వహణ, మతపరమైన ఆస్తుల పరిరక్షణ, రిజిస్ట్రేషన్‌ ప్రక్రియలపై కూడా అనేక అనుమానాలు వ్యక్తమవుతున్నాయి. ఈ నేపథ్యంలో జిల్లా ఉన్నతాధికారులు స్పందించి సర్వే నంబర్‌ 287/1కు సంబంధించిన అసలు రెవెన్యూ రికార్డులు, పాత 1బీ, అడంగల్‌, గిఫ్ట్‌ సెటిల్‌మెంట్‌ పత్రాలు, సేల్‌ డీడ్లు, ప్రస్తుత యాజమాన్య నమోదులను సమగ్రంగా పరిశీలించాల్సి ఉంది. అవసరమైతే భూమి స్వభావాన్ని నిర్ధారించి, చట్టవిరుద్ధమైన మార్పులు జరిగినట్లు తేలితే బాధ్యులపై చర్యలు తీసుకోవాలనే డిమాండ్లు వినిపిస్తున్నాయి. అలాగే, దేవుడి భూమి ఎవరి చేతుల్లో ఉంది? ఆ హక్కులు ఎలా వచ్చాయి? రికార్డులు మార్చినట్లయితే అందుకు బాధ్యులెవరు? ఈ ప్రశ్నలకు అధికారిక విచారణ ద్వారా మాత్రమే సాధ్యమవుతుందని అంటున్నారు. ఆరోపణల నిజానిజాలు తేల్చి, దేవుడి మాన్యం భూమికి చట్టబద్ధమైన రక్షణ కల్పించాలని మరుపల్లి గ్రామస్తులు కోరుతున్నారు.

దేవుడి మాన్యం అధికార తెలుగుదేశం పార్టీ పోలిట్‌ బ్యూరో సభ్యురాలు గంటేడ శ్రీదేవి భర్త గంటేడ సూర్యారావు పేరిట 16 సెంట్లు నమోదై ఉండడం అనేక ఆరోపణలు వినవస్తున్నాయి. ఎఫ్‌సీఏ రికార్డుల్లో శ్రీరామ అష్ట శివ కేశవులు పేరిట ఉన్నట్లు చెబుతున్న భూమి ఇతరుల పేర్లకు ఎలా మారిందన్నది తేలాల్సిఉంది. గజపతినగరం నుంచి ఎంపీపీ రేసులో ఉన్న శ్రీదేవి ప్రస్తుతం మరుపల్లి నుంచి ఎంపీటీసీగా పోటీ చేస్తున్నారు. కాలం కలిసొస్తే ఆవిడను ఎలాగైనా ఎంపీపీ కుర్చీలో కూకోబెట్టేయాలని పార్టీ పెద్దలు కూడా గట్టిగా కమిటై ఉన్నట్లు తెలుస్తోంది. జాతీయ రహదారి పక్కనే ఉన్న ఈ 16 సెంట్ల భూమి అంటే దాదాపు 800 గజాల వాణిజ్య పరమైన భూమి దాదాపు రూ.2 కోట్ల వరకు ఉంటుందని ఆంచనా. మొత్తానికి అధికారం మాటున నాయకులంతా కలిపి దేవుడికి పంగనామాలు పెట్టారని ప్రజలు గుసగుసలాడుతున్నా బయటకు ఏమీ అనలేని పరిస్థితి.

● పోలింగ్‌ నవంబర్‌ 5న, ఓట్ల లెక్కింపు నవంబర్‌ 7న.. విజయనగరం రూరల్‌: ఆంధ్రప్రదేశ్‌ రాష్ట్ర ఎన్నికల సంఘం ఎంపీటీసీ, జెడ్పీటీసీ ఎన్నికల షెడ్యూల్‌ను సవరించింది. ఎన్నికల నిర్వహణ తేదీల్లో మార్పులు చేసింది. సవరించిన ఎన్నికల షెడ్యూల్‌ ప్రకారం పోలింగ్‌ నవంబర్‌ 5 ఉదయం 7 నుంచి సాయంత్రం 5 గంటల వరకు, అవసరమైన చోట రీపోలింగ్‌ నవంబర్‌ 6న ఉదయం 7 నుంచి సాయంత్రం 5 గంటల వరకు, ఓట్ల లెక్కింపు నవంబర్‌ 7న ఉదయం 8 గంటల నుంచి జరగనుంది. ఓట్ల లెక్కింపు పూర్తయిన వెంటనే ఫలితాలు ప్రకటిస్తామని పేర్కొంది. నేడు విద్యాలయాలకు సెలవు ● అర్నబ్‌ తుఫాన్‌ నేపథ్యంలో కలెక్టర్‌ ప్రకటన విజయనగరం అర్బన్‌: అర్నబ్‌ తుఫాన్‌ ప్రభావంతో జిల్లాలో భారీ వర్షాలు కురిసే అవకాశం ఉందని వాతావరణశాఖ హెచ్చరించిన నేపథ్యంలో విద్యార్థుల భద్రత దృష్ట్యా కలెక్టర్‌ ఎస్‌.రామసుందర్‌రెడ్డి జిల్లాలోని అన్ని ప్రభుత్వ, ప్రైవేటు యాజమాన్యాల పరిఽధిలోని పాఠశాలలు, కళాశాలలకు గురువారం సెలవు ప్రకటించారు. అంగన్‌వాడీ కేంద్రాలకు కూడా సెలవు వర్తిస్తుందని పేర్కొన్నారు. విద్యుదాఘాతంతో నల్లబిల్లి జేఎల్‌ఎం మృతి వేపాడ: మండలంలోని నల్లబిల్లి సచివాలయంలో జేఎల్‌ఎంగా పనిచేస్తున్న దువ్వాడ పైడిరాజు (28) బుధవారం రాత్రి విద్యుదాఘాతంతో మృతి చెందాడు. పోలీసులు, వేపాడ విద్యుత్‌ శాఖ ఏఈ పిచ్చయ్య తెలిపిన వివరాల ప్రకారం.. నల్లబిల్లి గ్రామానికి చెందిన పైడిరాజు అదే గ్రామ సచివాలయంలో జేఎల్‌ఎంగా పనిచేస్తున్నారు. గ్రామంలో విద్యుత్‌ బ్రేక్‌డౌన్‌ క్లియర్‌ చేసేందుకు నీలకంఠరాజుపురం ఎస్సీ కాలనీలో ఉన్న ట్రాన్స్‌ఫార్మర్‌ వద్ద ఏబీ స్విచ్‌ ఆపరేషన్‌ చేస్తుండగా విద్యుత్‌ షాక్‌కు గురై మృతి చెందినట్లు చెప్పారు. మృతి చెందిన పైడిరాజుకు తండ్రి అప్పారావు, తల్లి చిన్నమ్మ ఉన్నారు. దీనిపై విద్యుత్‌శాఖ అధికారులు వల్లంపూడి స్టేషన్‌కు ఫిర్యాదు చేయడంతో సంఘటన స్థలానికి వల్లంపూడి ఎస్సై సుదర్శన్‌ చేరుకుని కేసు నమోదు చేశారు. పైడిరాజు ఇటీవల అయ్యప్ప దీక్షధారణ చేశారు. అందరితో మంచిగా ఉండే యువకుడి మృతితో గ్రామంలో విషాదం అలుముకుంది.

● వైఎస్సార్‌ సీపీ జిల్లా అధ్యక్షుడు ‘బెల్లాన’ చీపురుపల్లి: మోసపూరిత హామీలతో ప్రజలను మోసం చేస్తున్న టీడీపీ ప్రభుత్వ పాలనకు స్థానిక సంస్థల ఎన్నికల్లో చెక్‌ చెప్పాలని వైఎస్సార్‌సీపీ జిల్లా అధ్యక్షుడు, పీఏసీ మెంబర్‌ బెల్లాన చంద్రశేఖర్‌ విజ్ఞప్తి చేశారు. చీపురుపల్లి మేజర్‌ పంచాయతీలోని అగ్రహారం, బ్రిడ్జిడౌన్‌ ఏరియా తదితర ప్రాంతాల్లో బుధవారం సాయంత్రం ఎన్నికల ప్రచారం నిర్వహించారు. టీడీపీ నాయకులు ఇంటికొచ్చి అబద్ధపు మాటలు చెబితే నిలదీయాలన్నారు. 2024 ఎన్నికల్లో ఇచ్చిన హామీలు ఎందుకు అమలు చేయలేదో ప్రజలకు చెప్పాలని డిమాండ్‌ చేశారు. అధికారంలో ఉన్నా లేకపోయినా వైఎస్సార్‌సీపీ నాయకులు ప్రజలకు నిరంతరం అందుబాటులో ఉంటారన్నారు. ఎన్నికల తరువాత టీడీపీ నేతలు కనపించరని స్పష్టం చేశారు. ఎంపీటీసీ, జెడ్పీటీసీ ఎన్నికల్లో ఫ్యాన్‌ గుర్తుపై ఓటేసి మద్దతు ఇవ్వాలని కోరారు. కార్యక్రమంలో పార్టీ నాయకులు కొసిరెడ్డి రమణ, వెంపడాపు నీలకంఠం, తదితరులు పాల్గొన్నారు.

● పురవీధుల్లో పూజారి రూపంలో పైడితల్లి విహారం ● మధ్యాహ్నం 3 గంటలకే ప్రారంభమైన సిరిమాను తిరువీధి ● అర్నబ్‌ తుఫాన్‌తో తగ్గిన భక్తులతాకిడి ● రాష్ట్ర ప్రభుత్వం తరఫున పట్టువస్త్రాలు సమర్పించిన కలెక్టర్‌ ● అమ్మవారిని దర్శించుకున్న ప్రముఖులు ● విపక్షనేతపై ఎందుకీ వివక్ష..? విజయనగరం: మంగళ వాయిద్యాలు.. భక్తుల భజనలు... జై పైడిమాంబ.. జై జై పైడిమాంబ జయజయ ధ్వానాల నడుమ విజయనగరం ప్రజల ఇలవేల్పు పైడితల్లి సిరిమాను సంబరం మంగళవారం ప్రశాంతంగా సాగింది. సిరిమాను పూజారి రూపంలో దర్శనమిచ్చిన సిరులతల్లికి భక్తులు ప్రణమిల్లారు. అమ్మవారి ఆశీస్సులు అందుకున్నారు. అర్నబ్‌ తుఫాన్‌ ప్రభావంతో ఉదయం నుంచి కురిసిన జోరువానలోనే సిరిమాను తిరువీధి సాగింది. జిల్లా యంత్రాంగం ముందుస్తుగా నిర్ణయించిన సమ యం ప్రకారం పూజారి బంటుపల్లి వెంకటరావు మధ్యాహ్నం 2.38 గంటలకు సిరిమానును అధిరోహించగా.. 2.55 గంటలకు సిరిమాను రథం కదిలింది. పాలధార ముందు కదలగా తెల్ల ఏనుగు, బెస్తవారి వల, అంజలి రథం సిరిమాను వెంట సాగాయి. అమ్మవారి చుదురుగుడి నుంచి ప్రారంభమైన సిరిమాను తిరువీధి డెంకేషావలీబాబా దర్గా మీదుగా కోటకు చేరుకుని కోట శక్తికి మూడుసార్లు అభివాదం చేసింది. అనంతరం సాయంత్రం 4.45 నిమిషాలకు చేరుకుంది. ● పట్టువస్త్రాలు సమర్పించిన కలెక్టర్‌ రాష్ట్ర ప్రభుత్వం తరఫున కలెక్టర్‌ ఎం.రాంసుందర్‌రెడ్డి సతీసమేతంగా అమ్మవారికి పట్టువస్త్రాలు సమర్పించారు. ఆయనకు ఆలయ వేదపండితులు పూర్ణకుంభంతో స్వాగతం పలికారు. ఆలయ సంప్రదాయం ప్రకారం పూజాక్రతువులు పూర్తిచేశారు. ఆలయ అనువంశిక ధర్మకర్త పూసపాటి అశోక్‌ గజపతిరాజు, మంత్రి కొండపల్లి శ్రీనివాస్‌ అమ్మవారిని దర్శించి పట్టువస్త్రాలు సమర్పించారు. శాసన మండలి విపక్షనేత బొత్స సత్యనారాయణ, మాజీ ఎంపీ బొత్స ఝాన్సీలక్ష్మి కుటుంబ సమేతంగా అమ్మవారిని దర్శించుకుని ప్రత్యేక పూజలు చేశారు. ● సిరిమానోత్సవంలో ప్రముఖులు పైడితల్లి అమ్మవారి సిరిమానోత్సవాన్ని ఆలయ అనువంశిక ధర్మకర్త పూసపాటి అశోక్‌ గజపతిరాజు, ఎమ్మెల్యే అదితి విజయలక్ష్మి గజపతిరాజు, సుధాగజపతి, ఊర్మిళా గజపతి, ఇతర రాజకుటుంబీకులు ఎప్పటిలాగే కోట బురుజుపై నుంచి తిలకించారు. వీరితో పాటు జిల్లా మంత్రి కొండపల్లి శ్రీనివాస్‌, తదితరులు సిరిమానోత్సవాన్ని వీక్షించారు. రాష్ట్ర శాసన మండలి విపక్ష నేత బొత్స సత్యనారాయణ, మాజీ ఎంపీ బొత్స ఝాన్సీలక్ష్మి తమ కుటుంబంతో కలిసి పాత అర్బన్‌ బ్యాంక్‌ వద్ద ఏర్పాటు చేసిన వేదిక నుంచి ఉత్సవాన్ని తిలకించారు. వాస్తవానికి వీరంతా ప్రతి ఏడాది అమ్మవారి ప్రతిరూపంగా భావించే సిరిమాను ఉత్సవం ప్రారంభం నుంచి పూర్తియ్యేంత వరకు వేచి ఉండగా.. ఈ ఏడాది భారీ వర్షం... ఈదురుగాలుల నేపధ్యంలో మొదటి సారి సిరిమాను తిరిగి వచ్చే సరికి ఆయా వేదికల నుంచి వెనుదిరిగారు. ఇదిలా ఉండగా ఉత్సవంలో ముందు ఉండే సన్నాయి మేళం కూడా ఈ ఏడాది వర్షం కారణంగా ఏర్పాటు చేయలేదని అధికారులు చెబుతున్నారు. ఉదయం రాజకీయ ప్రముఖులు అమ్మవారి దర్శనానికి వచ్చారు. అందరినీ నేరుగా పంపించిన ఆలయ అధికారులు, పోలీస్‌ సిబ్బంది శాసనమండలిలో విపక్షనేత బొత్స సత్యనారాయణకు దర్శనం కల్పించడంలో కూడా వివక్ష చూపారు. దర్శనానికి వచ్చిన ఆయనను సుమారు పదినిమిషాల పాటు నీరక్షింపజేసిన అనంతరం బారికేడ్లు ఓపెన్‌ చేసి అమ్మవారిని దర్శించుకునేందుకు పంపించారు. సిరులతల్లి సిరిమాను జాతర ఓ వైపు అంగరంగ వైభవంగా నిర్వహిస్తున్న సమయంలో చదురుగుడిలో పైడితల్లికి వేదపండితులు లక్షపుష్పార్చన సేవను నిర్వహించారు. ఆలయమంతా వేదమంత్రోచ్ఛారణతో మార్మోగింది. జై పైడిమాంబ జైజై పైడిమాంబ నినాదాలతో భక్తజనం లక్ష పుష్పార్చన సేవలో తరించారు.

విజయనగరం అర్బన్‌: జిల్లాలోని ఉన్నత పాఠశాలల్లో 8, 9 తరగతులు చదువుతున్న విద్యార్థులకు ఈ నెల 30న జిల్లా స్థాయి రోల్‌ప్లే, జానపద నృత్య పోటీలు నిర్వహించనున్నట్లు జిల్లా విద్యాశాఖ అధికారి యూ.మాణిక్యం నాయుడు, డైట్‌ ప్రిన్సిపాల్‌ కె.రామకృష్ణ మంగళవారం ఒక ప్రకటనలో తెలిపారు. జిల్లాలోని పాఠశాలల విద్యార్థులకు స్థానిక జిల్లా విద్యాశిక్షణ సంస్థ (డైట్‌) ప్రాంగణంలో పోటీలు నిర్వహించనున్నట్లు పేర్కొన్నారు. పార్వతీపురం మన్యం జిల్లాలో తుఫాన్‌ పరిస్థితుల నేపధ్యంలో అక్కడి విద్యార్థులకు జిల్లా కేంద్రంలోని పార్వతీపురం కళావేదికలో పోటీలు నిర్వహించనున్నట్లు తెలిపారు. రోల్‌ప్లే పోటీల్లో ఒక్కో జట్టులో నలుగురు నుంచి ఐదుగురు, జానపద నృత్య పోటీల్లో ఐదుగురు నుంచి ఆరుగురు విద్యార్థులు పాల్గొనాలని సూచించారు. రోల్‌ప్లేలో పాల్గొనే విద్యార్థులు తప్పనిసరిగా పాఠశాల యూనిఫాం ధరించాలని, జానపద నృత్య పోటీలకు సంప్రదాయ దుస్తులు ధరించవచ్చని వెల్లడించారు. పోటీలకు సంబంధించిన థీమ్‌ల వివరాలను ‘ఎన్‌పీఈపీఎన్‌సీఈఆర్‌టీ.ఐఎన్‌’ వెబ్‌సైట్‌లో తెలుసుకోవచ్చని, ఆసక్తిగల విద్యార్థులు అదే వెబ్‌సైట్‌లో పేర్లు నమోదు చేసుకోవాలని సూచించారు. మరిన్ని వివరాలకు విజయనగరం జిల్లా నోడల్‌ అఽధికారి డి.శ్రీనివాస్‌ (ఫోన్‌:944085755), పార్వతీపురం మన్యం జిల్లా నోడల్‌ అధికారి ఎ.శశిభూషణరావు (8500042742)ను సంప్రదించాలని తెలిపారు. పైడితల్లి సేవలో వైఎస్సార్‌ సీపీ నేతలు విజయనగరం గంటస్తంభం/విజయనగరం క్రైమ్‌: జిల్లా కేంద్రంలో పైడితల్లి సిరిమానోత్సవానికి వివిధ ప్రాంతాల వైఎస్సార్‌ సీపీ నాయకులంతా మంగళవారం తరలివెళ్లారు. అమ్మవారిని దర్శించుకుని ప్రత్యేక పూజలు చేశారు. ప్రజలంతా సుఖసంతోషాలతో జీవించేలా ఆశీర్వదించాలని వేడుకున్నారు. అమ్మవారిని దర్శించుకున్న వారిలో మాజీ ఎమ్మెల్యే, పార్టీ గజపతినగరం నియోజకవర్గ సమన్వయకర్త బొత్స అప్పలనరసయ్య, విజయనగరం మున్సిపల్‌ కార్పొరేషన్‌ మేయర్‌ అభ్యర్థి కోలగట్ల శ్రావణి, యువ నాయకుడు కౌశిక్‌ తదితరులు ఉన్నారు.

● 16వేల క్యూసెక్కుల ఔట్‌ఫ్లో వంగర: మండల పరిధి మడ్డువలస గొర్లె శ్రీరాములునాయుడు ప్రాజెక్టు వద్ద మంగళవారం ఐదు గేట్లు ఎత్తి 16వేల క్యూసెక్కుల నీటిని దిగువకు విడిచిపెడుతున్నట్టు అధికారులు తెలిపారు. అర్నబ్‌ తుఫాన్‌ ప్రభావంతో విస్తారంగా కురుస్తున్న వర్షాలకు సువర్ణముఖి, వేగావతి నదుల నుంచి 3వేల క్యూసెక్కుల నీరు ప్రాజెక్టులో చేరుతోంది. ప్రాజెక్టు వద్ద ఐదు గేట్లు ఎత్తివేసినట్లు ఏఈ నితిన్‌ తెలిపారు. ప్రాజెక్టు వద్ద 63.73 మీటర్ల నీటిమట్టం నమోదైంది. ఇన్‌ఫ్లో పెరిగితే మరిన్ని గేట్లు ఎత్తివేస్తామన్నారు. పార్టీ గుర్తు కోల్పోయిన కూటమి అభ్యర్థులు సంతకవిటి: మండలంలోని మిర్తివలస ప్రాదేశికం స్థానంలో టీడీపీ అభ్యర్థుల మధ్య వర్గపోరు స్వతంత్రులుగా మిగిల్చింది. ఇక్కడ టీడీపీ బీ–ఫారం ఆశిస్తూ ఇద్దరు అభ్యర్థులు నామినేషన్లు దాఖలు చేశారు. అధిష్టానంపై ఒత్తిడి తెచ్చారు. చివరకు పార్టీ నాయకులు ఎవరిపేరు రాయకుండా ఖాళీ బీ–ఫారంను ఆర్‌ఓకు అందజేశారు. గడువులోగా అభ్యర్థిని తేల్చుకోవాలని సూచించారు. అయితే, పార్టీ అభ్యర్థిని నిర్ణయించలేకపోవడం, నామినేషన్లు ఉపసంహరించకపోవడంతో ఇద్దరినీ స్వతంత్ర అభ్యర్థులుగా ఎన్నికల అధికారులు ప్రకటించారు. ఇదే స్థానంలో జనసేన పార్టీ తరఫున నామినేషన్‌ వేసిన పైడి గోవిందరావుకు కూడా పార్టీ నుంచి బీ–ఫారం అందకపోవడంతో స్వతంత్ర అభ్యర్థిగా ప్రకటించారు. ఇక్కడి ముగ్గురు కూటమి అభ్యర్థులకు పార్టీ గుర్తు రాకపోకవడం గమనార్హం. వైఎస్సార్‌సీపీలోకి పెదమానాపురం వాసులు దత్తిరాజేరు: మండలంలోని పెదమానాపురానికి చెందిన టీడీపీ కార్యకర్తలు పలువురు మంగళవారం వైఎస్సార్‌సీపీలో చేరారు. వీరికి ఎంపీటీసీ అభ్యర్థి రౌతు రాజేశ్వరి పార్టీ కండువాలు వేసి ఆహ్వానించారు. రెండున్నరేళ్లు పాలనలో ప్రజలకు టీడీపీ చేసింది శూన్యం అని గ్రహించి గ్రామానికి చెందిన వై.జోజి, కె.గురమ్మ, జి.సూర్యనారాయణ, కె.శ్రీను, జి.హరీష్‌, దిలీప్‌, జి.మధు, జి.సతీష్‌ పార్టీలో చేరారు. మాజీ ముఖ్యమంత్రి వైఎస్‌ జగన్‌మోహన్‌రెడ్డిపై ఉన్న అభిమానంతో పార్టీలో చేరామని, ఎంపీటీసీగా రాజేశ్వరిని, జెడ్పీటీసీగా మంత్రి అప్పలనాయుడును గెలిపించుకుంటామన్నారు.

విజయనగరం రూరల్‌: స్థానిక సంస్థల ఎన్నికల ప్రక్రియలో భాగంగా జిల్లాలో ఉన్న 27 జెడ్పీటీసీ, 449 ఎంపీటీసీ స్థానాలకు వచ్చేనెల మూడున జరగనున్న ఎన్నికలకు సంబంధించి నామినేషన్ల ఉపసంహరణ ప్రక్రియ మంగళవారంతో ముగిసింది. జెడ్పీటీసీ స్థానాలకు మొత్తం 258, ఎంపీటీసీ స్థానాలకు 2,577 నామినేషన్లు దాఖలయ్యాయి. ఈ నెల 25న నామినేషన్ల పరిశీలనలో జెడ్పీటీసీ స్థానాలకు సంబంధించి నాలుగు, ఎంపీటీసీ స్థానాలకు సంబంధించి 66 నామినేషన్లు తిరస్కరణకు గురయ్యాయి. సోమవారం నిర్వహించిన నామినేషన్ల ఉపసంహరణ ప్రక్రియలో 151 మంది తమ నామినేషన్లను ఉపసంహరించుకున్నారు. దీంతో వివిధ పార్టీల నుంచి 103 మంది అభ్యర్థులు బరిలో నిలిచారు. జెడ్పీటీసీ స్థానాలకు పార్టీలవారీగా బరిలో నిలిచిన అభ్యర్థులు వైఎస్సార్‌ కాంగ్రెస్‌ పార్టీ అభ్యర్థులు 27 జెడ్పీటీసీ స్థానాల్లోనూ బరిలో నిలవగా టీడీపీ అభ్యర్థులు 22 చోట్ల, ఇందిరా కాంగ్రెస్‌ పార్టీ నుంచి వేపాడ, వంగర, రాజాం, గంట్యాడ, బొండపల్లి జెడ్పీటీసీ స్థానాలు మినహా మిగతా 21 మండలాల్లో పోటీలో నిలిచారు. ఇండిపెండెంట్‌ అభ్యర్థులు 13 స్థానాలు మినహా, మిగతా అన్ని స్థానాల్లో పోటీ చేస్తున్నారు. జనసేన పార్టీ డెంకాడ, గుర్ల, జామి, నెల్లిమర్ల, పూసపాటిరేగ జెడ్పీటీసీ స్థానాలకు పోటీ చేస్తుండగా, బీజేపీ గజపతినగరం, సీపీఐ, ఎస్‌ఎస్పీ అభ్యర్థి పూసపాటిరేగ జెడ్పీటీసీ స్థానానికి పోటీ పడుతున్నాయి. అలాగే, బీఎస్పీ అభ్యర్థులు జామి, కొత్తవలస జెడ్పీటీసీ స్థానాలకు బరిలో నిలిచారు. 11 ఎంపీటీసీ స్థానాలు ఏకగ్రీవం జిల్లాలోని 449 ఎంపీటీసీ స్థానాల్లో కేవలం 11 స్థానాలు మాత్రమే ఏకగ్రీవమయ్యాయి. మిగిలిని 438 చోట్ల వివిధ పార్టీల తరఫున, స్వతంత్రంగా పోటీచేస్తున్నారు. 27 జెడ్పీటీసీ స్థానాల్లో వైఎస్సార్‌సీపీ అభ్యర్థులు పోటీ టీడీపీ–22, జనసేన–5, కాంగ్రెస్‌–21, సీపీఐ, బీజేపీ, ఎస్‌ఎస్పీ ఒక్కో స్థానంలో పోటీ స్వతంత్రులు పోటీచేస్తున్న స్థానాలు – 23 14 జెడ్పీటీసీ స్థానాల్లో ముగ్గురు చొప్పున పోటీ జామి, పూసపాటిరేగ స్థానాల్లో ఏడుగురు చొప్పున.. గంట్యాడ జెడ్పీటీసీ స్థానానికి వైఎస్సార్‌సీపీ–టీడీపీ మధ్య పోటీ

సాలూరు: ఆంధ్రా–ఒడిశా వివాదాస్పద కొటి యా గ్రూపు గ్రామాల్లో ఒడిశా రాష్ట్రానికి చెందిన కాంగ్రెస్‌ ప్రముఖులు మంగళవారం పర్యటించారు. కాంగ్రెస్‌ వాస్తవ పరిశీలన బృందం కొటియా, నేరెళ్లవలస తదితర గ్రామాల్లో పర్యటించి అక్కడి ప్రజలతో మాట్లాడారు. స్థానిక సంస్థల ఎన్నికలపై ప్రజల అభిప్రాయాలను తెలుసుకున్నారు. పర్యటించిన వారిలో ఒడిశా ఎంపీ, ఎమ్మెల్యేలు సప్తగిరి గిరిశంకర్‌, రామచంద్ర కదమ్‌, తారా ప్రసాద్‌ బహినీపతి, పీటా సావంత, మంగు ఖిల్‌, కద్రక అప్పలస్వామి, నీలమాధవ్‌ హిక్క తదితరులు ఉన్నారు.వివాహిత అనుమానాస్పద మృతి గజపతినగరం రూరల్‌: పాత శ్రీరంగరాజపురం గ్రామానికి చెందిన కొర్నాన ఈశ్వరమ్మ (21) మంగళవారం ఇంట్లో ఉరి వేసుకుని మృతి చెందింది. ఉదయం 11.30 గంటల సమయంలో ఇంట్లో ఎవరూ లేనప్పుడు ఈశ్వరమ్మ ఉరి వేసుకున్నట్టు సమాచారం. ఈశ్వరమ్మకు సుమారు మూడేళ్ల క్రితం బెల్లాన లక్ష్మునాయుడుతో ప్రేమ వివాహం కాగా, గత తొమ్మిది నెలలుగా ఇద్దరూ విడిగా ఉంటున్నట్లు తెలిసింది. ఆమె మృతికి గల కారణాలు తెలియాల్సి ఉంది. ఈ ఘటనపై కేసు నమోదు చేయాల్సి ఉంది. వ్యక్తికి తీవ్ర గాయాలు పార్వతీపురం రూరల్‌: టౌన్‌ రైల్వేస్టేషన్‌ ప్లాట్‌ఫామ్‌పై ట్రైన్‌ నుంచి గుర్తు తెలియని వ్యక్తి జారిపడి తీవ్రంగా గాయపడ్డాడు. ప్రమాదాన్ని గమనించిన వారు వెంటనే అతడిని చికిత్స నిమిత్తం జిల్లా కేంద్ర ఆస్పత్రికి తరలించారు. బాధితుడి వయసు 30 నుంచి 35 సంవత్సరాల మధ్య ఉంటుందని భావిస్తున్నారు. అతడి కుడి చేతిపై సిలువ గుర్తు, ఎడమ చేతిపై కరుణ అని పేరు రాసి ఉంది. ఈ ఘటనపై హెచ్‌సీ రత్నకుమార్‌ కేసు నమోదు చేసి దర్యాప్తు చేస్తున్నారు.

నీ హామీలన్నీ..ఉత్తుత్తివేనా...!రామభద్రపురం: ఎన్నికలు వస్తే చంద్రబాబుకు ప్రజలపై ఎక్కడ లేని ప్రేమ పుట్టుకొస్తుంది. అభివృద్ధి, సంక్షేమం పేరుతో అబద్ధాల పుట్టగొడుగు బయటకు వస్తుంది. స్థానిక సంస్థల ఎన్నికలు షెడ్యూల్‌ విడుదల కానుందని తెలిసిన చంద్రబాబు ఓ వైపు పక్కా ఇళ్లు నిర్మాణాలకు నిధులు విడుదల చేస్తామని, మరో వైపు పెన్షన్లు మంజూరు చేస్తామని, ఇంకో వైపు ఇంటి స్థలం ఇస్తామని సచివాలయాలలో దరఖాస్తులు స్వీకరిస్తూ ప్రచారాలు గుప్పించారు. ఎన్నికల షెడ్యూలు విడుదల కావడంతో ఇళ్ల మంజూరు, పెన్షన్లు తదితర సంక్షేమ పఽథకాలు మంజూరు కావని అర్ధం చేసుకున్న ప్రజలు కూటమి ప్రభుత్వంపై కన్నెర్ర చేస్తున్నారు. సాధారణ ఎన్నికల సమయంలో చంద్రబాబు ఇచ్చిన హామీలే స్థానిక సంస్థల్లో ఆ పార్టీ అభ్యర్థుల ఓటమికి నాంది పలకనున్నాయని ఆగ్రహిస్తున్నారు. ఇంటి స్థలం లేదు.. ఇళ్లు మంజూరు లేదు.. ముఖ్యంగా ఇళ్లు లేని పేదలకు పట్టణాల్లో రెండు, గ్రామీణ ప్రాంతాల్లో మూడు సెంట్ల స్థలం ఇస్తామని హామీ ఇచ్చారు. స్థలం ఉన్న లబ్ధిదారులకు ఇళ్లు నిర్మించుకోవడానికి పీఎంఏవై కింద ఒక్కో యూనిట్‌కు రూ.2.39 లక్షలు నిధులు ఇస్తామని కూటమి పార్టీలు హామీలు గుప్పించాయి. జిల్లాలో ఇళ్ల మంజూరు కోసం 39,559 మంది లబ్ధిదారులు అన్‌లైన్‌ ద్వారా దరఖాస్తు చేసుకోగా ఇందులో 32,657 మందిని అర్హులుగా గుర్తించారు. కూటమి ప్రభుత్వం అధికారంలోకి వచ్చి రెండున్నరేళ్లు గడుస్తున్నా ఒక్క అంగుళం స్థలం కూడా ఇవ్వలేకపోయారు. కూటమి ప్రభుత్వం కొత్త ఇళ్ల మంజూరు హామీలు గాలిలో కలిసిపోయాయని లబ్ధిదారులు మండిపడుతున్నారు. సూపర్‌ సిక్స్‌ పచ్చి మోసం మహిళలకు ఆడబిడ్డ నిధి కింద నెలకు రూ.1500, నిరుద్యోగ భృతి నెలకు రూ.3 వేలు, వలంటీర్లకు రూ.10 వేలు వంటి హామీలు అమలు కాలేదు. స్థానిక ఎన్నికల ముందు కొత్త పింఛన్లు మంజూరు చేస్తాం.. దరఖాస్తు చేసుకోవాలని కూటమి ప్రభుత్వం ప్రకటనలు చేసింది. దీంతో జిల్లా వ్యాప్తంగా 52,090 మంది అర్హులైన లబ్ధిదారులు సచివాలయాల్లో ఆన్‌లైన్‌ ద్వారా దరఖాస్తు చేసుకోగా ఎంపీడీఓ స్థాయిలో స్క్రూటీని చేసి వాటిలో 46,474 మంది స్టేట్‌ లాగిన్‌లోకి అప్రూవల్‌ చేశారు. 5,616 మందిని వివిధ కారణాలతో రిజెక్ట్‌ చేశారు. అవి ఇప్పటికీ మంజూరు కాకపోవడంతో రెండేళ్లుగా కొత్త పింఛన్లు మంజూరు కాక దివ్యాంగులు, వితంతువులు, వృద్ధులు తీవ్ర వేదనకు గురవుతున్నారు. నిలిచిన పథకాలు గత వైఎస్సార్‌సీపీ ప్రభుత్వంలో వైఎస్సార్‌సీపీ ప్రభుత్వంలో వైఎస్సార్‌ పెళ్లికానుక, ప్రమాద బీమా వంటి పథకాలను సమర్ధంగా అమలు చేయగా, కూటమి ప్రభుత్వం వాటిని నిలిపి వేసింది. కౌలు రైతులకు రైతు భరోసా, పంటల బీమా, పంట నష్ట పరిహారం అందడం లేదు. పెరిగిన ధరలు నిత్యావసర సరుకులైన బియ్యం, వంట నూనె, పప్పుల ధరలు విపరీతంగా పెరిగినా ప్రభుత్వం నియత్రించలేకపోయింది. దీంతో పేద, మధ్య తరగతి ప్రజలు, తీవ్ర ఆర్థిక ఇబ్బందుల్లో కూరుకుపోయారు. ఈ పరిస్థితుల్లో వచ్చిన స్థానిక సంస్థల ఎన్నికల్లో బాబు ప్రభుత్వానికి బుద్ధి చెప్పాలని ప్రజలు ఆగ్రహావేశాలతో ఉన్నారు. దీంతో పోటీలో నిలిచిన అభ్యర్థులు తమ కొంప కొల్లేరు అవుతుందేమోనని ఆందోళన చెందుతున్నారు.ప్రజలకు కూటమి వెన్నుపోటు ఎన్నికల సమయంలో అమలు కాని హామీలు ఇచ్చి అధికారంలో వచ్చిన తరువాత ప్రజలను కూటమి ప్రభుత్వం వెన్నుపోటు పొడిచింది. అధికారంలోకి వచ్చి రెండున్నరేళ్లు దాటినా ఇప్పటికీ హామీలు అమలుపై కదలికలేదు. యువతకు నిరుద్యోగ భృతి, 50 ఏళ్లకే పింఛన్‌ తదితర పథకాలు ఇస్తానని ప్రజలను నమ్మించి మోసం చేశారు. గత ప్రభుత్వం పాలనతో పోలిక చేసుకుని స్థానిక సంస్థల ఎన్నికల్లో ఓటు ద్వారా కూటమి ప్రభుత్వానికి బుద్ధి చెప్పాలి – అప్పికొండ సరస్వతి, జెడ్పీటీసీ అభ్యర్థిని, రామభద్రపురం అమలు కాని ‘సూపర్‌ సిక్స్‌’ ఆవాస్‌ ప్లస్‌ యోజనలో గుర్తించినా నేటికీ మంజూరు కాని పక్కా ఇళ్లు ఇంటి స్థలం హామీ మరిచిన చంద్రబాబు

పూసపాటిరేగ: పూసపాటిరేగ మండలంలో 21 ఎంపీటీసీ స్థానాలకు బీ ఫారాలు జారీ, అభ్యర్థులు జాబితా ప్రకటన విషయంలో గందరగోళం నెలకొంది. రిటర్నింగ్‌ అధికారికి నిర్ణీత సమయంలో వచ్చిన 41 బిఫారాలకుగాను, గంటల వ్యవధిలో టీడీపీకి అనుకూలంగా పసపాం, కొప్పెర్ల, సిహెచ్‌.అగ్రహారం ఎంపీటీసీ స్థానాలకు టీడీపీ బీ ఫారాలు ఇచ్చినట్లు రిటర్నింగు అధికారి ప్రకటించి హైడ్రామా నడిపారు. మండలంలో 21 ఎంపీటీసీలకుగాను విత్‌డ్రా సమయంలో వైఎస్సార్‌సీపీ నుంచి 21 బీ ఫారాలు, టీడీపీ నుంచి 9 బీ ఫారాలు, జనసేన 9, బీజేపీ 2 బీ ఫారాలు ఇచ్చినట్లు ప్రకటించారు. రాత్రి 7 గంటల సమయంలో జాబితా వెల్లడించే సమయానికి టీడీపీ పార్టీకి మరో 3 బీ ఫారాలు కలుపుతూ రిటర్నింగ్‌ అధికారి ప్రకటించారు. విషయం తెలుసుకున్న వైఎస్సార్‌సీపీ శ్రేణులు పూసపాటిరేగ మండల పరిషత్‌ కార్యాలయం గేటు వద్ద నిరసనకు దిగారు. వైఎస్సార్‌సీపీ మండల అధ్యక్షుడు పతివాడ అప్పలనాయుడు, వైఎస్సార్‌సీపీ నాయకుడు మహంతి శ్రీనివాసరావు బీ ఫారాలలో తేడా రావడంతో ఎన్నికల రిటర్నింగ్‌ అధికారి గోపిని ప్రశ్నించారు. నిర్ణీత సమయానికి వున్న బీ ఫారాలు తప్ప అదనంగా బీ ఫారాలు వుంటే సహించేది లేదని, అధికార పార్టీ ఒత్తడితోనే రిటర్నింగ్‌ అధికారి తప్పుడు పనికి పాల్పడ్డారని ఆవేదన వ్యక్తం చేశారు. రాత్రి 7 గంటల సమయంలో రిటర్నింగ్‌ అధికారి టీడీపీ నుంచి బీ ఫారాలు తీసుకొని కొప్పెర్ల, సిహెచ్‌.అగ్రహారం, పసపాం సిగ్మెంటులకు కలపడంపై భారీగా వైఎస్సార్‌సీపీ శ్రేణులు మండల పరిషత్‌ కార్యాలయానికి చేరుకొని నిరసన వ్యక్తం చేశారు. ఆర్‌ఓ తీరుపై ఉన్నతాధికారులకు నివేదిస్తామని, అధికార పక్షానికి కొమ్ముకాసిన ఉద్యోగులను వదిలేది లేదని న్యాయ పోరాటం చేస్తామని హెచ్చరించారు. వారితో పాటు వైఎస్సార్‌సీపీ నాయకులు అధిక సంఖ్యలో పాల్గొన్నారు. 9 నుంచి 12కి పెరిగిన టీడీపీ బీ ఫారాలు రాత్రి 7 గంటల సమయంలో బీ ఫారాలు ఇచ్చినట్లు ఆరోపణలు ఆర్‌ఓ తీరుపై మండిపడిన వైఎస్సార్‌సీపీ శ్రేణులు ఆర్‌ఓపై చర్యలకు వైఎస్సార్‌సీపీ డిమాండ్‌

● పార్టీ కండువాలు వేసి ఆహ్వానించిన మాజీ ఎమ్మెల్యే శంబంగితెర్లాం: తెలుగుదేశం పార్టీ నుంచి వైఎస్సార్‌ సీపీలోకి మంగళవారం భారీగా చేరికలు జరిగాయి. మండల కేంద్రమైన తెర్లాంలోని వైఎస్సార్‌ సీపీ కార్యాలయంలో పెరుమాళి మాజీ సర్పంచ్‌ వెలగాడ కృష్ణారావు, టీడీపీ నాయకులు సంచాన జయరావు(జాన్‌), కుప్ప శ్రీనివాసరావు ఆధ్వర్యంలో 70కుటుంబాలు టీడీపీని వీడి వైఎస్సార్‌ సీపీలో చేరారు. వీరందరికీ బొబ్బిలి మాజీ ఎమ్మెల్యే, వైఎస్సార్‌ సీపీ నియోజకవర్గ ఇన్‌చార్జ్‌ శంబంగి వెంకట చినఅప్పలనాయుడు పార్టీ కండువాలు వేసి ఆహ్వానించారు. ఈ సందర్భంగా టీడీపీని వీడి వైఎస్సార్‌ సీపీలో చేరిన వెలగాడ కృష్ణారావు, సంచాన జాన్‌, కుప్ప శ్రీనివాసరావు మాట్లాడుతూ పెరుమాళి పంచాయతీ పరిధిలోని పెరుమాళి, టెక్కలివలస గ్రామాలకు చెందిన తామంతా ఎన్నో ఏళ్లుగా టీడీపీలో ఉన్నామని, అయినప్పటికీ పార్టీలో తమకు సరైన గుర్తింపు ఇవ్వకపోవడం, ఇటీవల ఎంపీటీసీ స్థానం ఎస్సీకి రిజర్వేషన్‌ వచ్చినా వైఎస్సార్‌ సీపీకి చెందిన వారిని టీడీపీలో చేర్చుకొని వారికి టిక్కెట్‌ ఇచ్చి తమకు అన్యాయం చేశారన్నారు. దీన్ని దృష్టిలో ఉంచుకొని తాము టీడీపీని వీడి వైఎస్సార్‌ సీపీలో చేరామని తెలిపారు. పెరుమాళి వైఎస్సార్‌ సీపీ అభ్యర్థి గర్భాపు లూర్ధు విజయానికి కృషి చేస్తామని వారు చెప్పారు. కార్యక్రమంలో మండల పార్టీ అధ్యక్షుడు తెంటు సత్యంనాయుడు, సీనియర్‌ నాయకులు నర్సుపల్లి బాబ్జీరావు, గర్భాపు రామారావు, పెనుమత్స అప్పలరాజు, చొక్కరి వెంకటరావు, గరే రాము, గొందాల వెంకటరావు, నర్సుపల్లి శ్రీనివాసరావు పాల్గొన్నారు.

రాజాం సిటీ: స్థానిక సంస్థల ఎన్నికలు దగ్గరపడుతున్నాయి. దీని దృష్ట్యా పార్టీలకు అతీతంగా పోస్టులు పెట్టడం వంటివి చేయవద్దంటూ గ్రామాల్లో పోలీసులు అవగాహనా కార్యక్రమాలు నిర్వహిస్తున్నారు. నేటి సమాజంలో సోషల్‌ మీడియా కీలక పాత్ర పోషిస్తోంది. ఫేస్‌బుక్‌, వాట్సాప్‌, ట్విట్టర్‌, ఇన్‌స్ట్రాగామ్‌ ఇలా తమకు అనుకూల వేదికలపై ప్రజలు వ్యక్తిగత అభిప్రాయాలను వ్యక్తపరుస్తున్నారు. సోషల్‌ మీడియాలో పుట్టుకొచ్చే పోస్టులు వందలు, వేల మందిని ప్రభావితం చేస్తున్నాయి. దీనిని ఆసరాగా చేసుకుని ఎన్నికల్లో పోటీచేసే వ్యక్తులను సోషల్‌ మీడియా ద్వారా ప్రచారం చేయడం పరిపాటి. ఎన్నికలు సమీపిస్తున్న వేళ ఎవరూ అసభ్యకర, రెచ్చగొట్టే వ్యాఖ్యలు చేస్తూ పోస్టులు పెట్టవద్దంటూ పోలీసులు గ్రామాల్లో అవగాహన కల్పిస్తున్నారు. కొన్ని సందర్భాల్లో కుల, మత, రాజకీయ, ప్రాంతీయ విభేదాలు, వైషమ్యాలకు దారి తీస్తున్నాయి. ఇలాంటి పరిస్థితుల్లో సోషల్‌ మీడియాల్లో పోస్టు, కామెంట్‌లు పెట్టే ముందు షేర్‌ చేసేటప్పుడు ఆలోచించి, వాస్తవాన్ని తెలుసుకొని ముందుకు వెళ్లడం మంచి పద్దతి. లేదంటే ఎవరైనా సరే ఇబ్బందులు పడకతప్పదు. ముఖ్యంగా దేశ ఆర్థిక, సామాజిక, రాజకీయ, కుల, మత ద్వేషాలు సృష్టించే సందేశాలు ఫార్వర్డ్‌ చేయకూడదు. నిబంధనలు మీరి ఫార్వర్డ్‌ చేస్తే గ్రూపు అడ్మిన్‌పై చట్టపరమైన చర్యలు తీసుకుంటామని పోలీసులు హెచ్చరిస్తున్నారు. హద్దు మీరితే.. అసభ్యకర ఫొటో, వీడియో, సమాచారం షేర్‌ చేస్తే ఐపీసీ సెక్షన్‌ 292 కింద శిక్షార్హులవుతారు. ఈ సెక్షన్‌ ప్రకారం రెండేళ్ల జైలు శిక్ష పడుతుంది. రెండో సారి ఇదే నేరానికి పాల్పడితే ఐదేళ్లు శిక్షార్హులు. ఓ మతాన్ని కించపరుస్తూ పోస్ట్‌, కామెంట్‌ చేస్తే ఐటీ చట్టం, ఐపీసీ సెక్షన్‌ 295 కింద కేసు నమోదు చేస్తారు. నకిలీ ఖాతాలు సృష్టించడం నేరం. ఇలా చేస్తే ఐపీసీ సెక్షన్‌ 499, ఐటీ చట్టంలో సెక్షన్‌ 66డి కింద శిక్షార్హులు అవుతారు. అనుమతి లేకుండా ఇతరుల ఫొటో సోషల్‌ మీడియాలో పోస్ట్‌ చేసినా, వాడినా ఐటీ చట్టం, ఐపీసీ సెక్షన్‌ 499 కింద కేసు నమోదు చేస్తారు. చీటింగ్‌ కేసు నమోదుకు ఆస్కారం ఉంది. మహిళలపై అసభ్యకర పోస్ట్‌లు, కామెంట్‌లు చేస్తే ఐటీ చట్టం సెక్షన్‌ 66, ఐపీసీ 292, 354ఎ, 354 డి (నిర్బయ చట్టం) కింద శిక్షార్హులు. నిరాధారమైన విషయాలు, పార్టీలు, మతాలు, కులాలు, ప్రాంతాలు, భాషల మధ్య విద్వేషాలు రెచ్చగొట్టేలా, కించపర్చేలా ఉండే పోస్టులు, వార్తలు, ఫొటోలు పోస్ట్‌ చేస్తే ఐపీసీ సెక్షన్‌ 505 కింద నాన్‌బెయిల్‌బుల్‌ కేసు నమోదు చేస్తారు. నేరం రుజువైతే మూడేళ్ల వరకు జైలు శిక్ష, జరిమానా తప్పవు. రెచ్చగొట్టే వాఖ్యలు, అసభ్యకర పోస్టులు, కామెంట్లు వద్దేవద్దు సోషల్‌ మీడియాలో ఏదిపడితే అది షేర్‌ చేయొద్దు గ్రామాల్లో అవగాహన కల్పిస్తున్న పోలీసులు

● మాజీ ఎమ్మెల్యే కళావతి సమక్షంలో 60 కుటుంబాల చేరికభామిని: మండలంలో ఘనసరకు చెందిన జనసేన మండల ప్రధాన కార్యదర్శి మడపాన అనిల్‌కుమార్‌తో పాటు 15 కుటుంబాలు ఆ పార్టీని వీడి వైఎస్సార్‌సీపీలో మంగళవారం చేరారు. వీరికి మాజీ ఎమ్మెల్యే విశ్వాసరాయి కళావతి పార్టీ కండువాలు వేసి స్వాగతం పలికారు. అలాగే బురుజోల, సింగిడికి చెందిన టీడీపీ నాయకులు బోపు రాజారావు, కోస్టు రామారావు, మాని నూకయ్యతో పాటు 45 కుటుంబాలు ఆ పార్టీని వీడి వైఎస్సార్‌సీపీలో చేరారు. బురుజోలలో జరిగిన కార్యక్రమంలో వీరికి పార్టీ కండువాలు వేసి మాజీ ఎమ్మెల్యే సాదరంగా ఆహ్వానించారు. వైఎస్సార్‌సీపీ జిల్లా కార్యదర్శి తోట సింహాచలం, పార్టీ అధ్యక్షుడు బోదెపు శ్రీనివాసరావు, మండల నాయకుడు బోనగడ్డి ధర్మారావు, బోదెపుల సారధ్యంలో మాజీ ఎమ్మెల్యే వీరికి స్వాగతం పలికారు. జనసేన, టీడీపీ నేతల వేధింపులు తాళలేకే ఆయా పార్టీలను వీడినట్టు స్పష్టం చేశారు. పార్టీ నాయకులు మడపాన కేశవరావు, కిల్లారి ఫల్గుణ, వలరౌతు గిరిబాబు, రొక్కం ధర్మారావు తదితరులు పాల్గొన్నారు.

విజయనగరం టౌన్‌: ఉత్తరాంధ్రుల ఆరాధ్య దైవం, కోరిన కోర్కెలు తీర్చే కల్పవల్లి శ్రీ పైడితల్లి అమ్మవారి సిరిమానోత్సవంలో ఎటువంటి అవాంఛనీయ సంఘటనలు చోటుచేసుకోకుండా ప్రశాంతంగా ముగిసిందని ఎస్పీ ఎఆర్‌.దామోదర్‌ స్పష్టం చేశారు. ఈ సందర్భంగా సిరిమానోత్సవాన్ని ఆయన స్వీయ పర్యవేక్షణ చేశారు. సిరిమానోత్సవ భద్రత కోసం సుమారు 3వేల మందిని ఏర్పాటు చేసి క్షేత్ర స్థాయిలో పర్యవేక్షణ చేశారు. ఐజీ గోపీనాథ్‌ జట్టి, ఎస్పీ స్వయంగా సిరిమాను వెంట మూడుసార్లు తిరుగుతూ భద్రతా ఏర్పాట్లను పరిశీలించి, అధికారులకు, సిబ్బందికి ఎప్పటికప్పుడు అవసరమైన సూచనలు చేశారు. ముందస్తు ప్రణాళికతో హుకుంపేట నుంచి సిరిమానును ప్రధాన ఆలయానికి తీసుకురావడం, నిర్ణీత సమయానికి సిరిమాను తిరిగేలా చర్యలు చేపట్టడం వలన ఉత్సవం చీకటిపడక ముందే సజావుగా ముగిసిందన్నారు. అర్నాబ్‌ తుఫాన్‌ ప్రభావంతో వర్షం కురుస్తున్నప్పటికీ భక్తులతో పాటూ పోలీస్‌ అధికారులు, సిబ్బంది అంకితభావంతో విధులు నిర్వహిస్తూ భక్తులకు భద్రత కల్పించారు. పట్టణంలోని ప్రధాన కూడళ్ల వద్ద ఏర్పాటు చేసిన సుమారు 200కి పైగా సీసీ కెమెరాల ద్వారా కమాండ్‌ కంట్రోల్‌ రూమ్‌ నుంచి పరిస్ధితిని నిరంతరం పర్యవేక్షిస్తూ, క్షేత్ర స్ధాయి అధికారులకు తక్షణ భద్రతా సూచనలు చేశారు.

● ఎంపీటీసీ, జెడ్పీటీసీ అభ్యర్థుల తుదిజాబితా ప్రకటన విజయనగరం రూరల్‌: స్థానిక సంస్థల ఎన్నికల ప్రక్రియలో భాగంగా జిల్లాలోని ఎంపీటీసీ, జెడ్పీటీసీ ఎన్నికలకు సంబంధించి నామినేషన్ల ఉపసంహరణ ప్రక్రియ మంగళవారం ముగియనున్నది. జిల్లాలోని 27 జెడ్పీటీసీ స్థానాలకు నిర్వహించనున్న ఎన్నికలకు సంబంధించి 258 నామినేషన్లు దాఖలు కాగా, పరిశీలన సమయంలో నలుగురు అభ్యర్థుల నామినేషన్లను పలు కారణాలతో ఎన్నికల రిటర్నింగ్‌ అధికారులు తిరస్కరించారు. 254 నామినేషన్లు చెల్లుబాటు అయినట్లు అధికారులు ప్రకటించారు. అలాగే, జిల్లాలోని 27 మండలాల్లో 449 ఎంపీటీసీ స్థానాలకు 2,577 నామినేషన్లు దాఖలు కాగా, పరిశీలన ప్రక్రియలో 66 నామినేషన్లు తిరస్కరణకు గురికాగా 2,511 నామినేషన్లు ఆమోదించారు. ఉద్దేశపూర్వకంగానే నామినేషన్‌ తిరస్కరణ ● రూల్స్‌ గాలికొదిలేసి కూటమి నేతల చెప్పుచేతల్లో అధికారులు ● కోర్టులో తేల్చుకుంటాం బొత్స చైతన్య విజయనగరం గంటస్తంభం: ఎన్నికల నియమావళిని అమలు చేయాల్సిన అధికారులే పక్షపాత బుద్ధిని ప్రదర్శిస్తూ నిస్సిగ్గుగా వ్యవహరిస్తున్నారు. స్థానిక సంస్థల ఎన్నికల ప్రక్రియలో కూటమి నేతల ఒత్తిళ్లకు తలొగ్గి అధికారులు తీసుకుంటున్న ఏకపక్ష నిర్ణయాలు ప్రజాస్వామ్యాన్ని అపహాస్యం చేస్తున్నాయి. సిరి సహస్ర నామినేషన్‌ ఆమోదంపై ఈసీ అధికారుల తీరు అనేక అనుమానాలకు తావిస్తోంది. బీసీ సర్టిఫికేట్‌ ఉంది కాబట్టే నామినేషన్‌ ఆమోదించామని చెబుతున్న అధికారులు, ఇతర లోపాలపై మాత్రం సమాధానం చెప్పలేక మిన్నకుంటున్నారు. ఏమైనా అభ్యంతరాలుంటే కోర్టులో తేల్చుకోవాలంటూ ఉచిత సలహాలు ఇవ్వడం వారి ద్వంద్వనీతికి నిదర్శనంగా మారింది. మరోవైపు, వైఎస్సార్‌సీపీ తరఫున పూసపాటిరేగ జెడ్పీటీసీ బరిలో నిలిచిన బొత్స చైతన్య నామినేషన్‌ను కుట్రపూరితంగా తిరస్కరించడం తీవ్ర దుమారం రేపుతోంది. అక్టోబర్‌ 15వ తేదీనే ఓటు నమోదుకు దరఖాస్తు చేసుకున్నప్పటికీ, అధికారులు ఉద్దేశపూర్వకంగా జాప్యం చేశారని బొత్స చైతన్య ఆరోపించారు. నిబంధనల ప్రకారం నామినేషన్‌ వేయడానికి ముందు వరకు అవకాశం ఉన్నా పరిగణనలోకి తీసుకోకుండా, కూటమి నేతల కనుసన్నల్లో పనిచేస్తూ నామినేషన్‌ను తిరస్కరించారని వాపోయారు. అధికారుల పక్షపాత ధోరణిపై న్యాయపోరాటం చేస్తామని, ఎన్నికల ట్రిబ్యునల్‌, కోర్టును ఆశ్రయిస్తామని స్పష్టం చేశారు. దుర్గగుడి అభివృద్ధి పనులకు రూ.3లక్షల విరాళం ఇంద్రకీలాద్రి(విజయవాడపశ్చిమ): ఎన్టీఆర్‌ జిల్లా విజయవాడలోని ఇంద్రకీలాద్రిపై కొలువై ఉన్న దుర్గమ్మ ఆలయ అభివృద్ధి పనులకు బొబ్బిలికి చెందిన భక్తులు సోమవారం రూ.3 లక్షల విరాళం సమర్పించారు. విజయనగరం జిల్లా బొబ్బిలికి చెందిన చనమల్ల కనకరాజు, కమల కుటుంబ సభ్యులు అమ్మవారిని దర్శించుకునేందుకు ఇంద్రకీలాద్రికి విచ్చేశారు. ఆలయ అధికారులను కలిసి రూ.3 లక్షల విరాళాన్ని అందజేశారు. అనంతరం దాతలకు ఆలయ మర్యాదలతో అమ్మవారి దర్శనం కల్పించారు. వేద పండితుల ఆశీర్వచనం అనంతరం ఆలయ పర్యవేక్షకులు అమ్మవారి చిత్రపటం, ప్రసాదాలు, శేషవస్త్రాలను అందజేశారు.

● జిల్లాలో భారీ వర్షాలకు అవకాశం ● అప్రమత్తంగా ఉండాలని అధికారులకు కలెక్టర్‌ ఆదేశం ● కంట్రోల్‌ రూమ్‌ల ఏర్పాటు తుపాను సహాయక చర్యల కోసం ఏర్పాటుచేసిన కంట్రోల్‌ రూమ్‌ నంబర్లు: కలెక్టరేట్‌: 08922–236947 ఆర్డీఓ కార్యాలయం, విజయనగరం: 79970 81549 ఆర్డీఓ కార్యాలయం, బొబ్బిలి: 81796 24212 ఆర్డీఓ కార్యాలయం, చీపురుపల్లి: 97016 41979 విజయనగరం మున్సిపల్‌ కార్పొరేషన్‌: 98499 06486 బొబ్బిలి మున్సిపాలిటీ: 99496 61120 రాజాం మున్సిపాలిటీ: 08941–251060 నెల్లిమర్ల మున్సిపాలిటీ: 08922–44248 విజయనగరం గంటస్తంభం: అర్నాబ్‌ తుపాను దూసుకొస్తోందని, దీని ప్రభావంతో జిల్లాలో మంగళవారం నుంచి భారీ వర్షాలు కురిసే అవకాశం ఉందని కలెక్టర్‌ ఎస్‌.రాంసుందర్‌ రెడ్డి తెలిపారు. తుపాను ముందస్తు జాగ్రత్త చర్య లపై వివిధ ప్రభుత్వ శాఖల అధికారులతో సోమవారం నిర్వహించిన సమీక్ష సమావేశంలో ఆయన మాట్లాడారు. బంగాళాఖాతంలో కేంద్రీకృతమైన అర్నాబ్‌ తుపాను కాకినాడ సమీపంలో తీరాన్ని తాకే అవకాశం ఉందని, దీని ప్రభావంతో 100 కిలోమీటర్ల వేగంతో ఈదురుగాలులు వీస్తాయన్నారు. విద్యుత్‌ సరఫరాకు అంతరాయం కలిగిన పక్షంలో వెంటనే పునరుద్ధరణ పనులు చేపట్టాలన్నారు. వంగర, రేగిడి, సంతకవిటి తదితర నదీపరివాహక ప్రాంతాలు, 11 మత్స్యకార గ్రామాల్లోని సిబ్బంది అప్రమత్తం కావాలన్నారు. జిల్లా కేంద్రం, డివిజన్‌ కేంద్రాలతో పాటు మున్సిపాలిటీలు, మండల కేంద్రాల్లో 24 గంటలూ పనిచేసేలా కంట్రోల్‌ రూమ్‌లను ఏర్పాటు చేసిన ట్టు వెల్లడించారు. కార్యక్రమంలో డీఆర్వో సీహెచ్‌ సత్తిబాబు, ఆర్డీఓలు సుధాసాగర్‌, సుధారాణి, రామ్మోహనరావు, జిల్లా విపత్తు నిర్వహణాధికారి డాక్టర్‌ అంబరీష్‌, ఆయా శాఖల జిల్లా అధికారులు పాల్గొన్నారు. విద్యాలయాలకు సెలవులువిజయనగరం అర్బన్‌: ‘అర్నాబ్‌’ తుఫాన్‌ ప్రభావం నేపథ్యంలో ఈ నెల 27, 28 తేదీల్లో అని యాజమాన్యాల పరిధిలోని పాఠశాలలకు సెలవులు ప్రకటించారు. ఈ మేరకు సంబంధిత అధికారులు, మండల విద్యాశాఖ అధికారులు (ఎంఈఓలు), ప్రధానోపాధ్యాయులు అవసరమైన చర్యలు తీసుకోవాలని విద్యాశాఖ ఉన్నతాధికారులు ఆదేశించారు. ఎంఈఓ కార్యాలయాలు యథావిధిగా పనిచేయాలని స్పష్టం చేశారు.

● నేడు పైడితల్లి సిరిమానోత్సవం ● మధ్యాహ్నం 3 గంటలకే ఉత్సవాన్ని ప్రారంభించేలా ప్రణాళికలు ● మూడు లక్షలకు పైగా భక్తులు వస్తారని అంచనా ● పండగ శోభను సంతరించుకున్న విజయనగరం జిల్లా కేంద్రం ● 10వ సారి సిరిమాను అధిరోహించనున్న బంటుపల్లి వెంకటరావు ● ఉత్సవ నిర్వహణకు ఏర్పాట్లు పూర్తిచేసిన యంత్రాంగం ప్రత్యేక అలంకరణలో పైడితల్లి అమ్మవారు సాక్షిప్రతినిధి విజయనగరం: ఉత్తరాంఽధ్రుల ఆరాద్యదైవం... విజయనగరం ప్రజల ఇలవేల్పు పైడితల్లి అమ్మవారి ఉత్స వాల్లో కీలక ఘట్టమైన సిరిమాను సంబరానికి సమయం ఆసన్నమైంది. రెండున్నర శతాబ్దాల చరిత్రను సొంతం చేసుకున్న సిరిమానోత్సవం మంగళవారం జరగనుంది. సంప్రదాయ బద్దంగా సోమ వారం తొలేళ్ల ఉత్సవం భక్తజన సందోహం నడుమ జరిగింది. సిరిమాను సంబరాన్ని వీక్షించేందుకు లక్షలాది మంది భక్తజనం ఇప్పటికే విజయనగరం చేరుకుంది. ప్రతి ఇల్లు పండగ శోభతో కళకళలాడిపోతోంది. సిరిమాను సంబరాన్ని మధ్యాహ్నం 3 గంటల సమయంలో ప్రారంభించి సాయంత్రం 5 గంటలకే ముగించేలా అధికార యంత్రాంగం చర్యలు చేపడుతుండగా... ఉదయం 10 గంటలకే హుకుంపేట నుంచి అమ్మవారి చదరగుడి వద్దకు సిరిమాను, ఇరుసుమానును తరలించేలా ప్రణాళికలు రూపొందించారు. పండగ నిర్వహణకు కట్టుదిట్టమైన భద్రత ఏర్పాటుచేశారు. ● అమ్మవారి కరుణ కోసం.. ఒకప్పుడు గ్రామదేవత అయిన పైడితల్లి ఇప్పుడు అందరి దేవత. పైడితల్లి కీర్తి ఎల్లలు దాటింది. పసిడితల్లి కరుణాకటాక్షాల కోసం ఎక్కడెక్కడివారో సిరిమాను పండగ నాటికి విజయనగరం చేరుకుంటారు. సిరిమాను రథం ఊరేగింపు ప్రారంభమయ్యేసరికి మూడులాంతర్లు, రాజాబజారు, కోట కూడలికి చేరుకుంటారు. పూజారి రూపంలో ఉన్న అమ్మవారిని దర్శించుకుని తరిస్తారు. సిరిమానోత్సవం విజయవంతమయ్యేందుకు అధికార యంత్రాంగం పెద్ద ఎత్తున ఏర్పాట్లు చేసింది. మధ్యాహ్నం 3 గంటలకు ప్రారంభమయ్యే సిరిమానోత్సవంలో ప్రధాన పూజారి బంటుపల్లి వెంకటరావు ఈ ఏడాది 10వ సారి సిరిమానును అధిరోహించనున్నారు. రెండున్నర లక్షల నుంచి మూడున్నర లక్షల మంది భక్తులు తరలివస్తారని అంచనా. ● అన్నీ రసవత్తర ఘట్టాలే.... భక్తులను విశేషంగా ఆకట్టుకునే సిరిమానోత్సవంలో అన్నీ రసవత్తర ఘట్టాలే. 55 అడుగుల పొడువున్నా సిరిమాను ఉపరితలంతో బిగించే ఇరుసుపై ప్రధాన పూజారి ప్రధాన పూజారి వెంకటరావు విసనకర్ర చేతబట్టి ఆశీనులవుతారు. రెండో చివర రథంపై అమర్చిన ఇరుసుమానుకు అమరుస్తారు. దాని ఆధారంగానే మాను పైకిలేస్తుంది. గజపతిరాజ వంశీయులు తరఫున ఒకరు తాడు లాగడంతో ప్రారంభమయ్యే సిరిమాను ఊరేగింపు మూడులాంతర్లు వద్ద గల పైడితల్లి అమ్మవారి గుడి వద్ద నుంచి రాజాబజారు మీదుగా కోట వరకూ మూడుసార్లు తిరుగుతుంది. ఊరేగింపు ఆద్యంతం విసనకర్ర విసురుతూ కనిపించే సిరిమాను పూజారిని భక్తులు అరటిపండ్లతో కొలుస్తారు. ● అత్యంత నియమ నిష్టలతో... అత్యంత నియమనిష్టలతో ఉపవాసం ఉండే సిరిమాను పూజారి బంటుపల్లి వెంకటరావు హుకుంపేటలోని మధ్యాహ్నం 10 గంటలకు బయలుదేరుతారు. కాలినడకన వేలాది మంది భక్తుల సందడితో ఊరేగింపుగా వస్తారు. దారిపొడుగునా ప్రజలు పూజారి రూపంలో ఉన్న అమ్మవారి పాదాలపై పసుపునీళ్లు పోసి దీవెనలు అందుకుంటారు. చంటిపిల్లలపై నుంచి పూజారి దాటితే వారికి మేలు జరుగుతుందన్న నమ్మకంతో చాలామంది ఆయనవచ్చే దారిలో వారిని నేలపై ఉంచుతారు. పూజారి చేరుకున్నాకే సిరిమానోత్సవం ప్రారంభమవుతుంది. 260 ఏళ్ల చరిత్ర కలిగిన సిరిమాను చదురుగుడి నుంచి మహారాజ కోట వరకూ మూడు పర్యాయాలు తిరిగి భక్తులను ఆశీర్వదించనుంది. సిరిమాను ముందుండే బెస్తవారి వల, పాలధార, తెల్లఏనుగు, అంజలిరథాలు ఆకర్షణీయంగా నిలుస్తాయి.

● మన ఇంటి ఆడపిల్లగా మేయర్‌ అభ్యర్థి శ్రావణిని ఆశీర్వదించండి ● 62 మంది కార్పొరేటర్‌ అభ్యర్థులను గెలిపించండి ● శాసనమండలి విపక్షనేత బొత్స సత్యనారాయణ విజయనగరం: తన సొంత ప్రాంతమైన విజయనగరం అభివృద్ధి, నగరంలో నివసిస్తున్న ప్రజల శ్రేయస్సు తనతో పాటు, మాజీ డిప్యూటీస్పీకర్‌ కోలగట్ల వీరభద్రస్వామిల బాధ్యత అని ఏపీ శాసనమండలి విపక్షనేత బొత్స సత్య నారాయణ ఉద్ఘాటించారు. విజయనగరం మున్సిపల్‌ కార్పొరేషన్‌ మేయర్‌ అభ్యర్థిగా పోటీ చేస్తున్న కోలగట్ల శ్రావణితో పాటు 62 డివిజన్‌లలో వైఎస్సార్‌సీపీ తరఫున పోటీ చే స్తున్న అభ్యర్థులను ఫ్యాన్‌ గుర్తుపై ఓటేసి గెలిపించాలని ఓటర్లను అభ్యర్థించారు. నగరంలోని 31, 32, 33, 41 డివిజన్‌లకు సంబంధించి తోటపాలెం బాలాజీ నగర్‌లోను, 42, 43, 44వ డివిజన్‌లకు సంబంధించి వి.టి.అగ్రహారంలోను, 58, 59, 60, 61, 62 డివిజన్‌లకు సంబంధించి గాజులరేగ ప్రాంతాల్లో వైఎస్సార్‌సీపీ ఆధ్వర్యంలో సోమ వారం సాయంత్రం ప్రచార సభలు నిర్వహించారు. ఈ సందర్భంగా బొత్స మాట్లాడుతూ ప్రస్తుత కార్పొరేషన్‌ ఎన్నికల్లో వైఎస్సార్‌సీపీ అభ్యర్థులను గెలిపించి అభివృద్ధికి బాటలు వేసుకోవాలన్నారు. కోలగట్ల వీరభద్రస్వామి ఎమ్మెల్యేగా ఉన్న సమయంలో కార్పొరేషన్‌ పాలకవర్గం విజయనగరం నగరాన్ని అన్ని రంగాల్లో అభివృద్ధి చేసిందన్నారు. దుర్మార్గ పాలన సాగిస్తున్న కూటమి ప్రభుత్వానికి తగిన బుద్ధిచెప్పే సమయం ఇదేనని, ప్రతి ఒక్కరూ ఆలోచించి ఓటు వేయాలని సూచించారు. మరోసారి కూటమి పాలకుల మాటలకు మోసపోయి ఓట్లు వేయవద్దని అభ్యర్థించారు. సమావేశంలో మాజీ డిప్యూటీ స్పీకర్‌ కోలగట్ల వీరభద్రస్వామితో పాటు, వైఎస్సార్‌సీపీ మేయర్‌ అభ్యర్థి కోలగట్ల శ్రావణి, ఆయా డివిజన్ల అభ్యర్థులు పాల్గొన్నారు.

గరుగుబిల్లి: మండలంలోని పెదగుడబ పంచాయతీ పరిధి ఎస్‌ఆర్‌ పేట, పెదగుడబ గ్రామాలకు చెందిన టీడీపీ నాయకులు, కార్యకర్తలతో కూడిన 15 కుటుంబాలు వైఎస్సార్‌సీపీలో ఆదివారం చేరాయి. మాజీ ఉప ముఖ్యమంత్రి పాముల పుష్పశ్రీవాణి సమక్షంలో ఈ చేరికలు జరిగాయి. ఈ సందర్భంగా పార్టీలో చేరిన వారికి పుష్పశ్రీవాణి పార్టీ కండువాలు వేసి వైఎస్‌ఆర్‌ కాంగ్రెస్‌ పార్టీలోకి ఆహ్వానించారు. పార్టీలో చేరిన వారిలో సీనియర్‌ నాయుకులు కర్రి కోటేశ్వరరావు, ఎం.సింహచలం నాయడు, పి.తిరుపతిరావు (మిలటరీ నాయుడు), ఎ.శేఖర్‌, కందిశ అఖిల్‌, ఎస్‌.వెంకటరమణ తదితరులు ఉన్నారు. పెదగుడబ పంచాయతీ పరిధిలోని రెండు గ్రామాలనుంచి 15 కుటుంబాలు పార్టీ మారడం స్థానికంగా రాజకీయ చర్చకు దారితీసింది. త్వరలో జరగనున్న ఎంపీటీసీ ఎన్నికల ఫలితాలలో తీవ్ర ప్రభావం చూపే అవకాశం ఉందని పలువురు అభిప్రాయపడుతున్నారు. కార్యక్రమంలో జెడ్పీ మాజీ వైస్‌ చైర్మన్‌ మరిశర్ల బాపూజీనాయుడు, వైఎస్సార్‌సీపీ మండల కన్వీనర్‌ కేతిరెడ్డి అచ్యుతరావు తదితరులు పాల్గొన్నారు.

● పడవలు, వలలలు సురక్షిత ప్రాంతాకు తరలించండి ● పూసపాటిరేగ, భోగాపురం తహసీల్దార్‌ల ఆదేశాలుపూసపాటిరేగ: తుఫాన్‌ హెచ్చరికల నేపథ్యంలో తీరంలో ప్రజలు అప్రమత్తంగా ఉండాలని, మత్స్యకారులు తదుపరి ఆదేశాలు వచ్చే వరకు సముద్రంలో వేటకు వెళ్లవద్దని పూసపాటిరేగ, భోగాపురం తహసీల్దార్‌లు ఎన్‌వీ రమణ, రమేష్‌లు ఆదేశాలు జారీ చేశారు. తీరప్రాంత మండలాలైన పూసపాటిరేగ, భోగాపురంలలో గ్రామాలు చింతపల్లి, నీలగెడ్డపేట, బర్రిపేట, పతివాడబర్రిపేట, తమ్మయ్యపాలెం, పులిగెడ్డపేట, తిప్పలవలస, కోనాడ, చేపలుకంచేరు, ముక్కాం, కొండ్రాజుపాలెం గ్రామాలకు చెందిర మత్స్యకారులు తుఫాన్‌ప్రభావం కారణంగా వేటకు వెళ్లవద్దు అని ఆదేశాలు జారీ చేశారు. విశాఖపట్నం సమీపంలో తుఫాన్‌ తీరం దాటే అవకాశం ఉడడంతో బలమైన గాలులు వాయగుండంతో పాటు భారీ వర్షాలు పడతాయన్నారు. ప్రజలు ముందస్తు జాగ్రత్తలు తీసుకోవాలని సూచించారు. సముద్రంలో చేపలవేటకు వెళ్లే మత్స్యకారులు తమ విలువైన పడవలు, వలలు, ఇతర సామగ్రిని సురక్షిత ప్రాంతాలకు తరలించాలని సూచించారు. తుఫాన్‌ హెచ్చరికలపై ప్రజలకు అవగాహన కల్పించేందుకు గ్రామాల్లో దండోరా వేయించినట్లు తెలిపారు. అధికారులు, గ్రామస్థాయి సిబ్బంది ప్రజలను అప్రమత్తం చేయాలని తెలిపారు. తుఫాన్‌ ప్రభావంతో బలమైన గాలులు వీచే అవకాశం ఉన్నందున పాత భవనాల్లో నివసిస్తున్న కుటుంబాలు ముందుగానే సురక్షిత ప్రాంతాలకు తరలివెళ్లాలని సూచించారు. శిథిలావస్థలో ఉన్న ఇళ్లలో ఉండడం ప్రమాదకరమని, వర్షాలు, గాలులు సమయంలో చెట్ల కింద, విద్యుత్‌ స్తంభాల సమీపంలో ఉండకూడదని హెచ్చరించారు. ప్రధానంగా సముద్ర తీర గ్రామాల ప్రజలు వాతావరణ పరిస్థితులను ఎప్పటికప్పుడు గమనిస్తూ అప్రమత్తంగా ఉండాలని, అధికారుల సూచనలు తప్పనసరిగా పాటించాలని తహసీల్దార్‌లు కోరారు. అత్యవసర పరిస్థితులు ఎదురైతే వెంటనే అధికారులకు సమాచారం అందించి ప్రాణ రక్షణకు ప్రాధాన్యం ఇవ్వాలని సూచించారు.

బొబ్బిలి: వెన్నుపోటు టీడీపీ అవలంబిస్తున్న ప్రజావ్యతిరేక పాలనకు విసుగెత్తి ఆ పార్టీకి రాంరాం చెప్పారు బొబ్బిలి మండలంలోని జగన్నాథ పురం వాసులు. స్థానిక వైఎస్సార్‌ సీపీ కార్యాలయంలో ఏర్పాటుచేసిన కార్యక్రమంలో జగన్నాథ పురానికి చెందిన 50 మంది టీడీపీ నాయకులు, కార్యకర్తలు ఆదివారం వైఎస్సార్‌సీపీలో చేరారు. ఈ సందర్భంగా వారికి మాజీ ఎమ్మెల్యే శంబంగి వెంకట చిన అప్పలనాయుడు కండువాలు వేసి వైఎస్సార్‌సీపీలోకి సాదరంగా ఆహ్వానించారు. ఈ సందర్భంగా శంబంగి మాట్లాడుతూ కూటమి నాయకులు,వెన్నుపోటు ప్రభుత్వం ఎన్నో ప్రగల్భాలు పలికి దొంగ హామీలిచ్చి అధికారంలోకి వచ్చారన్నారు. ఆ తరువాత హామీలను తుంగలో తొక్కారన్నారు. మహిళలకు,రైతులకు,యువతకు వెన్నుపోటు పొడిచారన్నారు. హామీలను విస్మరించిన చంద్రబాబు నాయుడు, లోకేష్‌, పవన్‌కల్యాణ్‌లకు ఉద్వాసన పలికే రోజులు రానున్నాయన్నారు. తాజామాజీ ఎంపీటీసీ రౌతు తిరుపతిరావు, డీసీఎంఎస్‌ మాజీ డైరక్టర్‌ పొట్నూరు అప్పారావు, తాడ్డి పైడియ్య,సంగంరెడ్డి తవిటినాయుడు, సారిక అప్పారావు, మామిడి చిరంజీవి తదితరులు మాట్లాడుతూ హామీలిచ్చి అమలు చేయని టీడీపీ పట్ల విర క్తి చెంది వైఎస్సార్‌ సీపీలో చేరామని తెలిపారు. కార్యక్రమంలో వైఎస్సార్‌ సీపీ జిల్లా ప్రధాన కార్యదర్శి, జడ్పీటీసీ అభ్యర్థి శంబంగి వేణుగోపాల నాయుడు, వైఎస్సార్‌సీపీ జిల్లా ప్రచార కార్యదర్శి బొద్దల సత్యనారాయణ తదితరులు పాల్గొన్నారు.

సాలూరు రూరల్‌: స్థానిక మున్సిపాలిటీలోని 5 వ వార్డు పెద్దవీధినుంచి 38 కుటుంబాల వారు వైఎస్సార్‌సీపీలో ఆదివారం చేరారు. మాజీ ఉపముఖ్యమంత్రి రాజన్నదొర ఆధ్వర్యంలో వైఎస్సార్‌సీపీ పట్టణ అధ్యక్షుడు పుండరీ కాక్షనాయుడు వారందరికీ కండువాలు వేసి పార్టీలో చేర్చుకున్నారు. ఈ సందర్భంగా రాజన్నదొర మాట్లాడుతూ వారి కష్ట సుఖాల్లో అండగా ఉంటామని భరోసా ఇచ్చారు. దేవుడికి ఇచ్చిన వాగ్దానం మంత్రి సంధ్యారాణి నిలబెట్టుకోలేకపోవడం బాధాకరమన్నారు. ఎల్ల మ్మ గుడి కట్టించడం మంత్రి స్థాయిలో ఉన్న ఆమెకు కష్టమేమీ కాదని, స్థానిక ప్రజలకు ఇష్ట దైవమైన ఎల్లమ్మ గుడి కట్టిస్తానని మాట ఇచ్చిన సంధ్యారాణి ఆ మాటను నిలబెట్టుకోలేక పోయారన్నారు. మీ అందరి ఆశీర్వచనాల వల్ల మున్సిపల్‌ చైర్‌పర్సన్‌ వైఎస్సార్‌సీపీ గెలిచి అలాగే జగన్‌ మోహన రెడ్డి ముఖ్యమంత్రిగా గెలిచిన తరువాత ఎల్ల మ్మతల్లి గుడిని నిర్మాణం చేస్తానని మాట ఇస్తున్నానన్నారు.

● చిన్న శ్రీనూ.. ఇదేనా మీ సంస్కృతి? ● సిరి సహస్ర నామినేషన్లపై రేగిడి లక్ష్మణరావు అభ్యంతరం సాక్షి, విశాఖపట్నం: టీడీపీ నేత మజ్జి శ్రీనివాసరావు (చిన్న శ్రీను) ఉత్తరాంధ్రలో కొత్త సంస్కృతికి తెరలేపారని, కుల ధ్రువీకరణ పత్రాల వ్యవహారంతో బీసీల రిజర్వేషన్‌ హక్కులకు భంగం కలిగించే ప్రయత్నం జరుగుతోందని వైఎస్సార్‌సీపీ రాష్ట్ర అధికార ప్రతినిధి రేగిడి లక్ష్మణరావు మండిపడ్డారు. ఆదివారం మద్దిలపాలెంలోని వైఎస్సార్‌సీపీ కార్యాలయంలో ఆయన మీడియాతో మాట్లాడారు. కొత్తవలస, తెర్లాం జెడ్పీటీసీ స్థానాలకు సిరి సహస్ర దాఖలు చేసిన నామినేషన్లపై అభ్యంతరం వ్యక్తం చేశారు. సిరి సహస్రకు బీసీ కుల ధ్రువీకరణ పత్రాల జారీ, నామినేషన్ల స్వీకరణలో నిబంధనలు పాటించారా? లేదా? అనే అంశాలపై సమగ్ర విచారణ జరపాలని డిమాండ్‌ చేశారు. బీసీల రిజర్వేషన్‌ హక్కులకు భంగం కలగకుండా చర్యలు తీసుకోవాలని, నిబంధనలకు విరుద్ధంగా ఉన్నట్లు తేలితే ఆమె నామినేషన్లను తిరస్కరించాలని కోరారు. సిరి సహస్ర నామినేషన్లపై విచారణ జరపాలి సిరి సహస్ర జనన ధ్రువీకరణ పత్రం, పదో తరగతి మార్కుల జాబితాలో ఆమె పేరు ‘ముస్కాన్‌ జైన్‌’గా నమోదై ఉందనే అంశంపై స్పష్టత ఇవ్వాలని డిమాండ్‌ చేశారు. కొత్తవలస, తెర్లాం జెడ్పీటీసీ స్థానాలకు బీసీ కుల ధ్రువీకరణ పత్రాలతో ఆమె నామినేషన్లు దాఖలు చేయడంపై అభ్యంతరాలు ఉన్నాయన్నారు. సంబంధిత పత్రాల చెల్లుబాటు, ఆమె అర్హతపై అధికారులు సమగ్ర విచారణ జరపాలని కోరారు. జెడ్పీటీసీ అభ్యర్థి నామినేషన్‌కు జనరల్‌ కేటగిరీలో రూ.6 వేలు డిపాజిట్‌ చెల్లించాల్సి ఉండగా, బీసీ కేటగిరీ కింద రూ.3 వేలు మాత్రమే చెల్లించిన వ్యవహారంపై ఎన్నికల అధికారులు వివరణ ఇవ్వాలన్నారు. సిరి సహస్ర నామినేషన్లపై అభ్యంతరాలు వ్యక్తమైనప్పటికీ వాటిని ఎలా ఆమోదించారని ప్రశ్నించారు. ఎన్నికల సంఘం జోక్యం చేసుకుని బీసీల రిజర్వేషన్‌ హక్కులను కాపాడాలని విజ్ఞప్తి చేశారు.

మున్సిపల్‌ ఎన్నికల్లో వైఎస్సార్‌సీపీ అభ్యర్థులు దూకుడు పెంచారు. బొబ్బిలి మున్సిపల్‌ వైఎస్సార్‌సీపీ చైర్‌పర్సన్‌ అభ్యర్థి తూముల అచ్యుతవల్లి ప్రచారంలో దూసుకుపోతున్నారు. మాజీ ఎమ్మెల్యే శంబంగి వెంకటచినఅప్పలనాయుడు వెంట రాగా వార్డు అభ్యర్థులతో కలిసి ప్రచారం చేస్తున్నారు. ఆదివారం సాయంత్రం మున్సిపల్‌ పరిధిలోని పాత బొబ్బిలిలో ఎన్నికల ప్రచారం నిర్వహించారు. ఒకటో వార్డు అభ్యర్థి చోడిగంజి రమేష్‌నాయుడు, రెండో వార్డు అభ్యర్థి కాగాన హైమావతి, మూడో వార్డు అభ్యర్థి బండి అప్పలకొండతో కలిసి ప్రచారం నిర్వహించారు. వారి వెంట మాజీ కౌన్సిలర్‌ కోట పెదరాములు తదితరులు పాల్గొన్నారు. ప్రచారంలో వీరికి ప్రజలు సాదర స్వాగతం పలికి ఆశీర్వదించారు. – బొబ్బిలి

రాజాం : మండలంలో బొద్దాం గ్రామానికి చెందిన మాజీ గ్రామ వలంటీర్‌ నక్క పార్వతి స్థానిక ఎన్నికల బరిలో నిలిచారు. గత వైఎస్సార్‌ కాంగ్రెస్‌ పార్టీ ప్రభుత్వ పాలనలో గ్రామ వాలంటీర్‌గా ఆమె గ్రామంలో ప్రజలకు విశేష సేవలు అందించారు. సార్వత్రిక ఎన్నికల అనంతరం వలంటీర్‌ వ్యవస్థ రద్దవ్వడంతో ఇంటికే పరిమితమయ్యారు. ప్రస్తుతం జరుగుతున్న స్థానిక ఎన్నికల్లో బొద్దాం గ్రామ వైఎస్సార్‌ సీపీ ఎంపీటీసీ సెగ్మెంట్‌కు బరిలో నిలిచి ప్రచారం చేస్తున్నారు. ఎంపీటీసీగా తాను గెలిచి జగన్‌మోహన్‌రెడ్డికి బహుమతిగా ఇవ్వనున్నట్లు ఆమె తెలిపారు.

జాతరలో అత్యంత కీలకమైన ‘సిరిమానోత్సవం’ తరలించే ఏర్పాట్లు మంగళవారం ఉద యం ప్రారంభం కానుంది. హుకుంపేటలోని ఆలయ అనువంశిక పూజారి బంటుపల్లి వెంకటరావు నివాసం వద్ద సిద్ధమైన 60 అడుగుల పవిత్ర చింతమాను (సిరిమాను)తో పాటు అంజలి రథం, పాలధార, చేపల వల, తెల్ల ఏనుగు రథాలు ఉదయం 10 గంటలకే చదురుగుడికి చేరుకుంటాయి. నాటి రాజుల వైభవాన్ని, రాజరికపు ఠీవిని నేటి తరానికి చాటిచెప్పేలా తెల్ల ఏనుగు రథాన్ని దాదాపు 300 ఏళ్లుగా ప్రదర్శించడం ఆనవాయితీగా వస్తోంది. ఈ రథాలను రణస్థలానికి చెందిన రమణ కుటుంబీకులు గడచిన 40 ఏళ్లుగా ఎంతో నిష్ఠతో తయారు చేస్తున్నారు. ఆ రోజు ఉద యం అమ్మవారి వేషధారణలో పూజారి బంటుపల్లి వెంకటరావు సిరిమానుపై అధిరోహించి భక్తులకు అభయమిస్తారు.

డీఆర్వోను కలిసిన అనంతరం వైఎస్సార్‌సీపీ జిల్లా అధ్యక్షుడు బెల్లాన చంద్రశేఖర్‌ మీడియాతో మాట్లాడారు. కూటమి ప్రభుత్వంపై, కొందరు అధికారుల తీరుపై నిప్పులు చెరిగారు. పూసపాటిరేగ జెడ్పీటీసీ స్థానానికి వైఎస్సార్‌సీపీ తరపున నామినేషన్‌ వేసిన బొత్స చైతన్య నామినేషన్‌ను చిన్నపాటి సాంకేతిక కారణాలు చూపి కావాలనే రిజెక్ట్‌ చేశారు. ఉద్దేశపూర్వకంగానే బొత్స చైతన్యపై వివక్ష చూపించి నామినేషన్‌ను రద్దు చేసిన ఎన్నికల అధికారులు, ఇక్కడ కొత్తవలసలో ఇంతటి పచ్చి మోసాన్ని ఎలా ప్రోత్సహిస్తారు. చంద్రబాబు, నారా లోకేష్‌ బీసీల హక్కులను కాలరాసేందుకు తెగబడ్డారు. బీసీ మహిళకు కేటాయించిన జెడ్పీ చైర్మన్‌ పీఠాన్ని ఎలాగైనా దక్కించుకోవాలనే ఆలోచనతో, ఒక ఓసీ మహిళను దత్తత పేరిట తెరపైకి తెచ్చి తప్పుడు బీసీ సర్టిఫికెట్‌ సృష్టించారు. ఆమె టెన్త్‌ క్లాస్‌ సర్టిఫికెట్‌లో ముస్కాన్‌ జైన్‌, తండ్రి రమేశ్‌కుమార్‌ జైన్‌ అని స్పష్టంగా నమోదై ఉండగా అలాంటి ఓసీ మహిళకు తహసీల్దార్‌ ఏ విధంగా బీసీ–డీ సర్టిఫికెట్‌ ఇస్తారు. దాన్ని రిటర్నింగ్‌ అధికారి ఎలా స్వీకరిస్తారు. జిల్లా ఎన్నికల అధికారి, కలెక్టర్‌ వెంటనే స్పందించి ఈ అక్రమ నామినేషన్‌ను రద్దు చేయాలి. లేదంటే వైఎస్సార్‌సీపీ తరఫున హైకోర్టును ఆశ్రయించి తేల్చుకుంటాం. –బెల్లాన చంద్రశేఖర్‌, వైఎస్సార్‌సీపీ జిల్లా అధ్యక్షుడు