Parvathipuram manyam District Latest News

● శాసనమండలి విపక్ష నేత బొత్స సత్యనారాయణడెంకాడ: వైఎస్సార్‌సీపీ జెడ్పీటీసీ, ఎంపీటీసీ అభ్యర్థులను గెలిపించి చంద్రబాబు పాలనకు చరమగీతం పాడాలని శాసనమండలి విపక్ష నేత బొత్స సత్యనారాయణ పిలుపునిచ్చారు. ఈ మేరకు డెంకాడ మండలంలోని చింతలవలస గ్రామంలో వైఎస్సార్‌సీపీ అభ్యర్థులకు మద్దతుగా ఆదివారం నిర్వహించిన ప్రచార కార్యక్రమంలో ఆయన మాట్లాడారు. జెడ్పీటీసీ అభ్యర్థిగా పిన్నింటి తమ్మునాయుడు, ఎంపీపీ అభ్యర్థిగా అక్కివరం ఎంపీటీసీ సభ్యురాలు కంది మౌనికను నిర్ణయించామన్నారు. మండలంలో జెడ్పీటీసీతో పాటు 16 ఎంపీటీసీ స్థానాల్లో వైఎస్సార్‌సీపీ తరఫున అభ్యర్థులు పోటీలో ఉన్నారని వారందరినీ గెలిపించి వైఎస్సార్‌సీపీకి మద్దతుగా నిలవాలని ఓటర్లను కోరారు. వైఎస్‌ జగన్‌మోహన్‌ రెడ్డి ప్రభుత్వం హయాంలో రాష్ట్రంలో సంక్షేమ పాలన నడిచిందని, చంద్రబాబు ప్రభుత్వం ప్రజల సంక్షేమాన్ని విస్మరించిందన్నారు. ఎమ్మెల్సీ పెనుమత్స సురేష్‌ బాబు మాట్లాడుతూ వైఎస్‌ జగన్‌మోహన్‌ రెడ్డి ముఖ్యమంత్రిగా ఉన్న సమయంలో సచివాలయ వ్యవస్థను ఏర్పాటు చేసి రాష్ట్రంలో విప్లవాత్మక పాలన తీసుకువచ్చారన్నారు. కార్యక్రమంలో మాజీ జెడ్పీటీసీ సభ్యుడు కంది సూర్యనారాయణ, జెడ్పీటీసీ అభ్యర్థి పిన్నింటి తమ్మునాయుడు, ఎంపీపీ అభ్యర్థి కంది మౌనిక, వైఎస్సార్‌సీపీ తరఫున పోటీ చేస్తున్న ఎంపీటీసీ అభ్యర్థులు, నాయకులు కార్యకర్తలు పాల్గొన్నారు.

● పోలింగ్‌ కేంద్రాల వద్ద పలువురు టీడీపీ కార్యకర్తలు, నాయకులు నిబంధనలకు విరుద్ధంగా వ్యవహరించారు. ఓటర్లను ప్రలోభపెట్టే ప్రయత్నం చేశారు. బరిలో ఉన్నవారు సైతం పసుపు చొక్కాలు వేసుకొని హల్‌చల్‌ చేశారు. సాక్షాత్తు పార్వతీపురం నియోజకవర్గ ఎమ్మెల్యే బోనెల విజయచంద్ర పసుపు రంగు టోపీ ధరించి పోలింగ్‌ కేంద్రాల వద్ద తిరిగారు. చర్చ్‌ వీధి పోలింగ్‌ కేంద్రం వద్ద బరిలో ఉన్న ఓ అభ్యర్థి పసుపు చొక్కా వేసుకొని అటూఇటూ తిరగడంపై అక్కడే విధుల్లో ఉన్న పోలీసులు సుతిమెత్తగా అభ్యంతరం తెలియజేశారు. అదే సమయంలో అక్కడకు వచ్చిన ఎమ్మెల్యే విజయ్‌చంద్ర పోలీసులపై చిర్రుబుర్రులాడారు. ‘మాకు నచ్చిన రంగు చొక్కాలు ధరిస్తాం. అభ్యంతరం చెప్పడానికి మీరెవర‘ని పోలీసులను నిలదీశారు. ‘ఇక్కడ పార్టీ గుర్తులు ఏమీ లేవు కదా.. మీ ఉన్నతాధికారులేమైనా మీకు సూచనలు చేశారా? అంటూ బెదిరింపులకు దిగారు. అక్కడ నుంచే సీఐతో ఫోన్‌లో మాట్లాడి హెచ్చరికలు జారీ చేశారు. ‘మీకు నచ్చిన చొక్కాలు వేసుకుని తిరగండి.. ఎవరు అడుగుతారో చూద్దాం‘ అంటూ శ్రేణులకు సూచించడం గమనార్హం. ● పాలకొండలోని పలు వార్డుల్లోని పోలింగ్‌ కేంద్రాల్లో పాలకొండ ఎమ్మెల్యే జయకృష్ణ, ఎమ్మెల్సీ గ్రీష్మ, టీడీపీ నియోజకవర్గ ఇన్‌చార్జ్‌ భూదేవి హల్‌చల్‌ చేశారు. అందరికీ నమస్కారం చేస్తూ, అక్కడి ఎన్నికల సిబ్బందికి సూచనలు చేస్తూ కనిపించారు. ఏ ఒక్క అధికారీ దీనిపై అభ్యంతరం వ్యక్తం చేయకపోవడం గమనార్హం.

కొనిశలో 30 కుటుంబాలు.. గజపతినగరం రూరల్‌: మండలంలోని కొనిశ గ్రామంలో టీడీపీ వీడి 30 కుటుంబాల వారు వైఎస్సార్‌సీపీలో ఆదివారం చేరారు. కొనిశ గ్రామంలో జరిగిన ప్రచార కార్యక్రమంలో టీడీపీ నాయకులు వేమలి దిలీప్‌, పాసల సత్యారావు, వేమలి అప్పారావు, కృష్ణల ఆధ్వర్యంలో వైఎస్సార్‌సీపీలో చేరిన కుటుంబాలకు మాజీ ఎమ్మెల్యే, నియోజకవర్గ సమన్వయకర్త బొత్స అప్పల నరసయ్య కండువాలు కప్పి పార్టీలోకి ఆహ్వానించారు. ఈ సందర్భంగా మాజీ ఎమ్మెల్యే అప్పల నరసయ్య మాట్లాడుతూ, నియోజకవర్గంలో ప్రతి చోట చేరికల పరంపర కొనసాగుతోందన్నారు. అధికార కూటమి ప్రభుత్వ ప్రజా వ్యతిరేక విధానాలకు విసుగుచెందిన టీడీపీ నాయకులు వైఎస్సార్‌సీపీలో చేరుతున్నారన్నారు. కార్యక్రమంలో వైఎస్సార్‌సీపీ మండల అధ్యక్షుడు పల్లి సంజీవరావు, ఉత్తరాంధ్ర ఉపాధ్యాయ కో ఆర్డినేటర్‌ బూడి వెంకట్రావు, పలువురు నాయకులు పాల్గొన్నారు. కొండకిండాంలో 20 కుటుంబాలుబొండపల్లి: కూటమి అభ్యర్థులను చిత్తుగా ఓడించాలని మాజీ ఎమ్మెల్యే, వైఎస్సార్‌సీపీ గజపతినగరం నియోజకవర్గ ఇన్‌చార్జ్‌ బొత్స అప్పలనరసయ్య పిలుపునిచ్చారు. ఈ మేరకు మండలంలోని కొండకిండాం గ్రామానికి చెందిన టీడీపీ సీనియర్‌ నాయకుడు ముంజేటి కన్నం నాయుడుతో పాటు 20 కుటుంబాల వారు టీడీపీని వీడి వైఎస్సార్‌సీపీలో చేరగా వారికి పార్టీ కండువాలు వేసి ఆయన పార్టీలోకి సాదరంగా ఆహ్వానించారు. ఈ సందర్భంగా మాట్లాడుతూ కూటమి ప్రభుత్వం పట్ల ప్రజల్లో తీవ్ర వ్యతిరేకత వ్యక్తమవుతోందన్నారు. ఎన్నికల్లో ఇచ్చిన హామీలు ఒక్కటి కూడా అమలు చేయకపోవడంతో పార్టీని వీడుతున్నారని, వచ్చే ఎన్నికల్లో ప్రజలు తగిన గుణ పాఠం ఆ పార్టీకి చెబుతారన్నారు. ఈ సందర్భంగా టీడీపీ నాయకులు పాలూరి గణేష్‌, మూడడ్ల రాంబాబు, పేట కల్యాణ్‌తో పాటు పలువురు వైఎస్సార్‌సీపీ తీర్థం పుచ్చుకున్నారు. కార్యక్రమంలో వైఎస్సార్‌సీపీ మండల అధ్యక్షుడు బొద్దల చిన్నం నాయుడు, భోపారపు శ్రీను తదితరులు పాల్గొన్నారు.ఉంగరాడలో 50 కుటుంబాలు.. రేగిడి: మండల పరిధిలోని ఉంగరాడ గ్రామానికి చెందిన 50 కుటుంబాలు టీడీపీని వీడి వైఎస్సార్‌ కాంగ్రెస్‌ పార్టీలో ఆదివారం చేరాయి. ఈ మేరకు వైఎస్సార్‌సీపీ రాజాం నియోజకవర్గ ఇన్‌చార్జి డాక్టర్‌ తలే రాజేష్‌, జిల్లా పార్టీ ఉపాధ్యక్షుడు టంకాల అచ్చెన్నాయుడు, పార్టీ మండల కన్వీనర్‌ వావిలపల్లి జగన్మోహనరావు, ఉంగరాడ ఎంపీటీసీ అభ్యర్థి పిల్లా రోజా, యూత్‌ నాయకులు పొట్నూరు శ్రీనివాసరావు ఆధ్వర్యంలో సుంకర ఎరుకునాయుడు, బంకి అప్పలనాయుడు, బంకి పోలినాయుడు, ముద్దాడ తవుడు, సుంకర శ్రీనివాసరావు, విద్యాకమిటీ మాజీ చైర్మన్‌ కరణం సూరపునాయుడు, వియ్యపు ఎరకయ్య, చౌదరి ఎరుకునాయుడు తదితరులకు పార్టీ కండువాలు వేసి సాదరంగా ఆహ్వానించారు. ఈ సందర్భంగా ఇన్‌చార్జి డాక్టర్‌ తలే రాజేష్‌ మాట్లాడుతూ మాజీ ముఖ్యమంత్రి వైఎస్‌ జగన్‌మోహన్‌రెడ్డిని మళ్లీ ముఖ్యమంత్రిని చేయాలనే సంకల్పంతో ప్రజలు ఉర్రుతలూగుతున్నారని అన్నారు. ఏ గ్రామంలో చూసినా వైఎస్సార్‌సీపీకి మంచి ఆదరణ లభించడం ఆనందంగా ఉందన్నారు. కూటమి ఇచ్చిన హామీలను నెరవేర్చకపోవడంతోనే ప్రజలు వైఎస్సార్‌ సీపీలో చేరుతున్నారన్నారు. స్థానిక ఎన్నికల్లో వైఎస్సార్‌సీపీ విజయదుంధుబి మోగించేందుకు ప్రజలు సిద్ధంగా ఉన్నారన్నారు. కార్యక్రమంలో మాజీ సర్పంచ్‌లు ముంజేటి కిషోర్‌కుమార్‌, విజయ్యపు చక్రపాణి, పిల్లా గౌరునాయుడు తదితరులు పాల్గొన్నారు. పెదమానాపురంలో 45 కటుంబాల చేరిక దత్తిరాజేరు: మండలంలోని పెదమానారంలో టీడీపీకి గట్టి షాక్‌ తగిలింది. ఈ మేరకు గ్రామానికి చెందిన వైఎస్సార్‌సీపీ ఎంపీటీసీ అభ్యర్థి రౌతు రాజేశ్వరి తరఫున ప్రచారానికి ఆదివారం వచ్చిన మాజీ ఎమ్మెల్యే బొత్స అప్పలనరసయ్య సంక్షంలో 45 కటుంబాల వారు టీడీపీని వీడి వైఎస్సార్‌సీపీలో చేరారు. పిలక కామయ్య, బోర రామచంద్ర ఆదినారాయణ, బోర రవి, పిలక సంతోష్‌ ,శ్రీను, పొంగ ఈశ్వరరావు, గొటివాడ జోజి, గొటివాడ దీలీప్‌, నగిరెడ్ల రమణ తదితర కుటుంబాల వారు పార్టీలో చేరడంతో వారికి కండువాలు వేసి పార్టీలోకి ఆహ్వానించారు.వైఎస్సార్‌సీసీ జెడ్పీటీసీ, ఎంపీటీసీ అభ్యర్థులను అత్యధిక మెజారిటీతో గెలిపిస్తామని పార్టీలో చేరిన వారు ఈ సందర్భంగా అన్నారు. లక్కవరపు కోటలో 30 కుటుంబాలు.. లక్కవరపుకోట: మండలంలోని కోనమసివానిపాలెం గ్రామంలో తెలుగుదేశం పార్టీకి చెందిన 30 కుటుంబాల వారు మాజీ ఎంపీటీసీ బొడ్డు గణపతి ఆధ్వర్యంలో ఆదివారం వైఎస్సార్‌సీపీలో చేరారు. వారందరికీ బొడ్డు గణపతి పార్టీ కండువాలు వేసి సాదరంగా ఆహ్వానించారు. ఈ సందర్భంగా ఆయన మాట్లాడుతూ ఈ నెల 5వ తేదీన జరగనున్న ఎన్నికల్లో వైఎస్సార్‌సీపీ తరఫున పోటీ చేస్తున్న ఎంపీటీసీ, జెడ్పీటీసీ అభ్యర్థులను భారీ మెజార్టీతో గెలిపించేందుకు కృషి చేయాలని కోరారు. అనంతరం ఎంపీటీసీ అభ్యర్థి బోకం భార్గవి, పార్టీ నాయకులు, కార్యకర్తలతో కలిసి ఇంటింటి ప్రచారం నిర్వహించారు. కార్యక్రమంలో పార్టీ నాయకులు, కార్యకర్తలు పాల్గొన్నారు.సైకిల్‌ టైర్లకు గాలి లీకవుతోంది. చైన్‌ తప్పిపోతోంది. హ్యాండిల్‌ వంకర పోయింది. బెల్లు మోగడం లేదు. రిమ్ములు పింపిరి పడుతున్నాయి. మొత్తంగా జిల్లాలో తెలుగుదేశం పార్టీకి బీటలు వారుతున్నాయి. రోజురోజుకూ ఆ పార్టీకి బలం తగ్గిపోతోంది. ఆ పార్టీని వీడుతున్న వారంతా వైఎస్సార్‌సీపీలో చేరుతున్నారు. జిల్లాలో వైఎస్సార్‌సీపీలో టీడీపీ వారి చేరికల పరంపర కొనసాగుతుండడంతో పార్టీ బలపడుతోంది. ఆదివారం జిల్లాలో వైఎస్సార్‌సీపీలో జరిగిన చేరికల వివరాలిలా ఉన్నాయి.

విజయనగరం రూరల్‌: ప్రజాస్వామ్యం ఎక్కడ ఉంది..? దాడులతో నెగ్గుకువద్దామన్న అధికార పార్టీ తీరుపై శాసనమండలి విపక్ష నేత బొత్స సత్యనారాయణ ఆగ్రహం వ్యక్తం చేశారు. కార్పొరేషన్‌ ఎన్నికల్లో భాగంగా సతీమణి బొత్స ఝాన్సీలక్ష్మితో కలిసి విజయనగరం జిల్లా కేంద్రంలోని ఎంఆర్‌ కాలేజీ పోలింగ్‌ కేంద్రంలో ఆదివారం ఓటు హక్కు వినియోగించుకున్నారు. ఓటు వేసిన అనంతరం ఆయన మీడియాతో మాట్లాడుతూ ఈ ఎన్నికలు ఎందుకు జరుగుతున్నాయో అర్ధం కావడం లేదని, ప్రజాస్వామ్యబద్దంగా జరగడం లేదని మండిపడ్డారు. ప్రజాస్వామ్యం అపహాస్యం అవుతోందని, ప్రజలు ప్రభుత్వంపై తిరగబడే రోజు వచ్చిందన్నారు. చంద్రబాబు ప్రభుత్వం అధికారంలోకి వచ్చిన రెండున్నరేళ్లలో ప్రజలకు ఏమైనా మంచి జరిగిందా అని ప్రశ్నించారు. ఎంతసేపు ప్రచార ఆర్భాటం తప్ప ప్రజా సంక్షేమం, అభివృద్ధి గాలికి వదిలేశారని దుయ్యబట్టారు. విద్య ప్రాథమిక హక్కు అని, గత ప్రభుత్వం అనేక పాఠశాలలను నిర్మించిందని, అయితే ఎన్నికల సమయానికి కొన్ని అసంపూర్తి పనులు మిగిలిపోతే ఇప్పటికీ వాటిని పూర్తిచేయక విద్యార్థులకు విద్యను దూరం చేసిందన్నారు. నిత్యావసర ధరలు ఆకాశాన్ని అంటుకున్నా ప్రభుత్వానికి చీమకుట్టినట్టు లేదన్నారు. ప్రభుత్వానికి గుణపాఠం చెప్పేందుకే ఓటు వేయాలని, ఈ ఎన్ని కల్లో వైఎస్సార్‌ సీపీ అభ్యర్థులు మేయర్‌, చైర్మన్‌ కార్పొరేటర్‌, కౌన్సిలర్లుగా విజయం సాధిస్తారన్నారు.

● వైఎస్సార్‌సీపీ జిల్లా అధ్యక్షుడు ‘బెల్లాన’చీపురుపల్లి: దౌర్జన్యం, అరాచకం, దోపిడీ, అన్యాయంతో పరిపాలన సాగిస్తున్న కూటమి ప్రభుత్వాన్ని ఇంటికి పంపించేందుకు స్థానిక సంస్థల ఎన్నికల్లో ప్రజలు ఇచ్చే తీర్పు నాంది కావాలని వైఎస్సార్‌సీపీ జిల్లా అధ్యక్షుడు బెల్లాన చంద్రశేఖర్‌ అన్నారు. ఎంపీటీసీ, జెడ్పీటీసీ ఎన్నికల ప్రచారంలో భాగంగా ఆదివారం ఆయన చీపురుపల్లి మేజర్‌ పంచాయతీ పరిధిలోని ఆకుపేలపేట గ్రామంలో ఎన్నికల ప్రచారం నిర్వహించారు. ఈ సందర్భంగా మాట్లాడుతూ ఎన్నో హామీలు ఇచ్చి పేదలను మోసం చేసిన చంద్రబాబు ప్రభుత్వం స్థానిక సంస్థల ఎన్నికల్లో పోలీసు యంత్రాంగాన్ని అడ్డం పెట్టుకుని రౌడీయిజం చేస్తూ రాజ్యాంగ హక్కులను కాలరాస్తోందన్నారు. రాజ్యాంగం ఇచ్చిన హక్కులను పోలీసుల సాక్షిగా హరిస్తున్నారని మండిపడ్డారు. ఇలాంటి అరాచక ప్రభుత్వాన్ని ఇంటికి పంపించాలంటే స్థానిక సంస్థల ఎన్నికల్లో వైఎస్సార్‌సీపీ అలభ్యర్థులకు మద్దతు ఇవ్వాలని కోరారు. ఈ నెల 5న జరగనున్న జెడ్పీటీసీ, ఎంపీటీసీ ఎన్నికల్లో ఫ్యాన్‌ గుర్తుపై ఓటు వేసి సంపూర్ణ మద్దతు ఇవ్వాలని విజ్ఞప్తి చేశారు. మోసపూరిత చంద్రబాబు పరిపాలనకు ప్రజలు గట్టిగా బుద్ధి చెప్పాలని పిలుపునిచ్చారు.

● వైద్యుడి నియామకంలో జాప్యం ● రోగులకు అందని వైద్యసేవలువిజయనగరం ఫోర్ట్‌: ప్రజారోగ్యానికి పెద్దపీట వేస్తున్నామని గొప్పలు చెబుతున్న కూటమి సర్కార్‌ మాటలు ప్రకటనలకే తప్ప అమలుకు నోచుకోవడం లేదనే ఆరోపణలు వినిపిస్తున్నాయి. దీంతో వైద్యసేవలు అందక రోగులు ఇబ్బంది పడుతున్నారు. ఆయుష్‌శాఖలో భాగమైన యూనాని విభాగానికి స్వీపరే దిక్కయ్యాడు. యునాని విభాగానికి వైద్యుడు, కాంపౌండర్‌ లేక పోవడం వల్ల ఈ విభాగానికి వైద్యసేవల కోసం వచ్చే వారు వెనుదిరుగుతున్నారు. యునానిలో కొన్ని రకాల సమస్యలకు మంచి చికిత్స ఉంది. దీంతో ఎన్నో వ్యయ ప్రయాసలకు ఓర్చి చికిత్స కోసం వచ్చే రోగులకు చికిత్స అందని పరిస్థితి నెలకొంది. యునాని విభాగానికి ప్రభుత్వం వైద్యుడిని నియమించలేదు. ఇక్కడ పనిచేసే కాంపౌండర్‌ను వేరే చోటకు బదిలీ చేశారు. వైద్యుడు, కాంపౌండర్‌ రెండు పోస్టులు ఖాళీగా ఉన్నప్పటికీ ప్రభుత్వం భర్తీ చేయలేదు. దీంతో స్వీపర్‌ కమ్‌ స్కావెంజర్‌ ఈ విభాగానికి పెద్ద దిక్కుగా నిలిచాడు. వైద్యుడు, కాంపౌండర్‌ లేనప్పటికీ ప్రతిరోజూ యునాని డిస్పెన్సరీలో ఉదయం 9 గంటల నుంచి సాయంత్రం 4 గంటల వరకు స్వీపర్‌ ఉంటున్నాడు. మందులు ఉన్నా అందించే దిక్కు లేదు: యునానిలో చర్మ సంబంధిత సమస్యలు (బొల్లి మచ్చలు) కీళ్ల నొప్పులు, దగ్గు, జలుబు, జ్వరం, గ్యాస్టిక్‌, సీ్త్రల వ్యాధులకు మంచి మందులు ఉన్నాయి. అయినప్పటికీ వాటిని అందించే నాథుడే కరువయ్యాడు. యునాని వైద్యం గురించి తెలిసిన రోగులు ప్రతిరోజు వస్తుంటారు. అయితే చికిత్స అందించే వారు లేక పోవడంతో వారు వెళ్లి పోతున్నారు. ప్రభుత్వానికి నివేదించాం యునాని విభాగానికి రెగ్యులర్‌ నియామకాల కోసం ప్రభుత్వానికి లెటర్‌ రాశాం. బుధ, శనివారాల్లో భోగాపురం యునాని వైద్యుడు డిప్యుటేషన్‌పై సేవలు అందిస్తున్నారు. డాక్టర్‌ శ్రీనివాస్‌రావు, ఆర్‌డీడీ, ఆయుష్‌శాఖ

● గిరిప్రదక్షిణ రహదారికి పొంచి ఉన్న ముప్పు ● రూ.3.40 కోట్ల రహదారికి ఆరు నెలలకే గండం ● వర్షం ధాటికి ఏడు చోట్ల కొట్టుకుపోయిన మట్టి ● ఈ రహదారిని వర్చువల్‌గా ప్రారంభించిన పవన్‌ కల్యాణ్‌ ● రహదారి భద్రతపై భక్తుల్లో ఆందోళననెల్లిమర్ల రూరల్‌: సుప్రసిద్ధ పుణ్యక్షేత్రం రామతీర్థంలో గిరిప్రదక్షిణ రహదారికి ప్రమాదం పొంచి ఉంది. కోట్లాది రూపాయల ప్రజాధనంతో నిర్మించిన రహదారి ఆరు నెలలు గడవకముందే దెబ్బతినే పరిస్థితి కనిపిస్తోంది. ఇటీవల కురిసిన వర్షాలకు రహదారికి ఇరువైపులా వేసిన మట్టి సుమారు ఏడు ప్రాంతాల్లో కొట్టుకుపోవడం ఆందోళన కలిగిస్తోంది. దీంతో రహదారి అంచులు బలహీన పడి పూర్తిగా దెబ్బతినే ప్రమాదం ఉందని భక్తులు ఆవేదన వ్యక్తం చేస్తున్నారు. రామతీర్థంలోని బోడికొండ చుట్టూ భక్తులు గిరిప్రదక్షిణ చేసేందుకు వీలుగా సుమారు 3.70 కిలోమీటర్ల మేర ఈ రహదారిని నిర్మించారు. ఆరు నెలల కిందట డిప్యూటీ సీఎం పవన్‌ కల్యాణ్‌ వర్చువల్‌గా ఈ రహదారిని ప్రారంభించారు. అయితే ఇటీవల కురిసిన వర్షాలకే రోడ్డుకు ఇరువైపులా వేసిన మట్టి పలుచోట్ల కొట్టుకుపోవడం చర్చనీయాంశంగా మారింది. రహదారి నిర్మాణం పూర్తయిన కొద్ది కాలానికే ఈ పరిస్థితి ఎందుకు తలెత్తిందన్న ప్రశ్నలు ఉత్పన్నమవుతున్నాయి. మట్టి కొట్టుకుపోవడంతో రహదారి అంచులకు బలం తగ్గి నిర్మాణంపై కూడా ప్రభావం చూపే అవకాశం ఉందని స్థానికులు చెబుతున్నారు. అవసరమైన చోట్ల నీటి పారుదల ఏర్పాట్లు, మట్టి కోతను అరికట్టే రక్షణ చర్యలు చేపట్టకపోవడంతోనే ఈ పరిస్థితి తలెత్తిందని చెబుతున్నారు. వర్షం ఎప్పుడు కురిసినా బోడికొండపై నుంచి వర్షం నీరు రహదారిపైకి వస్తుంటుంది. ఈ నేపథ్యంలో నిర్మాణ సమయంలో సంబంధిత అధికారులు నాణ్యతను ఏ మేరకు పరిశీలించారనేది ప్రశ్నార్థగా మారింది. ప్రస్తుతం కొట్టుకుపోయిన మట్టిని బలంగా పూడ్చడంతో పాటు భవిష్యత్తులో వర్షాలకు కోతకు గురికాకుండా శాశ్వత చర్యలు చేపట్టాల్సిన అవసరం ఎంతైనా ఉంది. సంబంధిత అధికారులు రహదారిని పరిశీలించి, నష్టం జరిగిన ప్రాంతాలను గుర్తించి, మరమ్మతులు చేపట్టాలని భక్తులు, స్థానికులు డిమాండ్‌ చేస్తున్నారు.

● నీతి, నిజాయితీ గల నాయకులను ఎన్నుకోవాలి ప్రాదేశిక పోరులో వైఎస్సార్‌సీపీ అభ్యర్థులు ప్రచారంలో దూసుకుపోతున్నారు. కొమరాడ మండలంలోని నాగావళి నదికి ఆవల ఉన్న పాలెం, దళాయిపేట, కొట్టు, కొరిశీల, తులసివలస గ్రామాల్లో జెడ్పీటీసీ అభ్యర్థి కొండగొర్రి రామలక్ష్మి, ఎంపీటీసీ అభ్యర్థులు బి. తవుడమ్మ, పువ్వల పెద్దరాజు, సిరిపురం మంగమ్మ, పాలక నిరీషాలతో కలిసి వైఎస్సార్‌సీపీ మన్యం జిల్లా అధ్యక్షులు శత్రుచర్ల పరీక్షిత్‌రాజు ఆదివారం ప్రచారం నిర్వహించారు. ఆయా గ్రామాల్లో ప్రజలు ఘన స్వాగతం పలికారు. – కొమరాడ ప్రాదేశిక ఎన్నికల్లో ఓటు వేసే ముందు ప్రతీ ఓటరు ఆలోచించి నీతి, నిజాయితీ కలిగిన నాయకులను ఎన్నుకోవాలని మాజీ ఉప ముఖ్యమంత్రి పాముల పుష్పశ్రీవాణి పిలుపునిచ్చారు. ప్రాదేశిక ఎన్నికల పోరులో భాగంగా ఆమె వైఎస్సార్‌సీపీ అభ్యర్థుల తరఫున శివ్వాం, గరుగుబిల్లి, బురదవెంకటాపురం, ఉల్లిభద్ర ప్రాదేశిక సెగ్మెంట్లలో ఆదివారం నిర్వహించిన ప్రచార సభల్లో పాల్గొన్నారు. గత వైఎస్సార్‌సీపీ ప్రభుత్వ పాలనలో జగనన్న చేసిన మేలును ప్రతి ఒక్కరూ గుర్తించాలని కోరారు. ప్రచారంలో వైఎస్సార్‌సీపీ అభ్యర్థులు ప్రజలు ఘన స్వాగతం పలికారు. ప్రచారంలో జెడ్పీటీసీ అభ్యర్థి గుజ్జల నాగమణి, గరుగుబిల్లి, కొత్తూరు, గొట్టివలస, బురదవెంకటాపురం, ఉల్లిభద్ర ఎంపీటీసీ అభ్యర్థులు తెర్లి ఎల్లంనాయుడు, రేగిడి రామలక్ష్మి, వెలమల సంధ్య, కలిశెట్టి ఇందుమతి, శెట్టి ధనుంజయరావు, జెడ్పీ మాజీ వైస్‌చైర్మన్‌ మరిశల్ల బాపూజీనాయుడు, మండల కన్వీనర్‌ కేతిరెడ్డి అచ్యుతరావు, పెద్ద సంఖ్యలో పార్టీ శ్రేణులు పాల్గొన్నాయి. – గరుగుబిల్లి

సాక్షి, పార్వతీపురం మన్యం: జిల్లాలోని పార్వతీపురం, సాలూరు మున్సిపాలిటీలు, పాలకొండ నగర పంచాయతీకి ఆదివారం జరిగిన ఎన్నికలు స్వల్ప ఘటనలు మినహా ప్రశాంతంగా ముగిశాయి. ఉదయం 7 గంటల నుంచే పోలింగ్‌ ప్రారంభమయ్యింది. నిర్ణీత సమయం 5 గంటల దాటిన తర్వాత కూడా.. కొందరు లైన్‌లో ఉండటంతో ముందుగా స్లిప్పులు ఇచ్చి, వారికి ఓటింగుకు అవకాశం కల్పించారు. తొలుత మందకొడిగా సాగినా.. క్రమంగా జోరందుకుంది. చివరికి వచ్చేసరికి ఆశించిన స్థాయిలో ఓటింగు శాతం నమోదు కాకపోవడం గమనార్హం. మూడు చోట్ల మొత్తం 1,06,165 మంది ఓటర్లు ఉండగా... 71,934 మంది మాత్రమే ఓటు హక్కును వినియోగించుకున్నారు. పలు చోట్ల పోలింగ్‌ కేంద్రాల వద్ద వసతులు లేక ఓటర్లు ఇబ్బందులు పడ్డారు. మంచినీరు, ర్యాంపులు, వీల్‌ చైర్లు వంటి కనీస సౌకర్యాలు చాలా చోట్ల కానరాలేదు. ముఖ్యంగా వృద్ధులు, అనారోగ్యంతో ఉన్నవారు ఓటు వేసేందుకు తీవ్ర అవస్థలు పడ్డారు. పోలింగ్‌ కేంద్రాల వద్ద వీల్‌చైర్‌ అందుబాటులో లేకపోవడంతో ఇతరుల సహాయంతో పోలింగ్‌ కేంద్రానికి చేరుకోవాల్సి వచ్చింది. పార్వతీపురం మున్సిపాల్టీ పరిధిలో చాలా మందికి ఓటు హక్కు ఉన్నప్పటికీ సచివాలయ సిబ్బంది ఓటరు స్లిప్పులు అందించలేకపోయారు. దీంతో కొన్ని చోట్ల చేతి రాతతో అప్పటికప్పుడు ఓటరు స్లిప్పులు రాసివ్వగా.. మరికొన్ని చోట్ల ఓటర్లు ఓటు వేయకుండానే వెనుదిరిగారు. దూర ప్రాంతాల నుంచి పోలింగ్‌ కేంద్రానికి చేరుకున్న ఓటర్లు వార్డుల మార్పులు, చేర్పులు కారణంగా గందరగోళానికి లోనయ్యారు. తమ ఓటు వివరాలు ఎక్కడున్నాయో తెలుసుకోలేక ఇబ్బందులు పడ్డారు. అస్తవ్యస్త వార్డుల విభజన వల్ల కుటుంబంలో ఓట్లు చెల్లాచెదురయ్యాయి. భర్తకు ఒక చోట.. భార్యకు మరో చోట ఓట్లు వచ్చాయి. సచివాలయ సిబ్బంది కొంతమందికి మాత్రమే ఓటరు స్లిప్పులు అందించారని, మరికొందరికి ఇవ్వలేదని ఓటర్లు ఆరోపించారు. ఈ ఘటనల వల్ల పోలింగు సరళి బాగా పడిపోయింది. ఆదివారం సెలవు దినం అయినప్పటికీ.. పట్టణ ఓటర్లు ఓటు వేసేందుకు ఆసక్తి చూపలేదు. పార్వతీపురంలో ఓటు వేసేందుకు వస్తున్న వృద్ధుడు సాలూరులోని 17, 28, 28 వార్డుల్లో అధికార పార్టీ శ్రేణులు పోలింగు కేంద్రాల సమీపంలోనే డబ్బులు పంచినట్లు ప్రతిపక్ష పార్టీ నాయకులు ఆరోపించారు. 25వ వార్డు రెండో పోలింగు కేంద్రంలో విధుల్లో ఉన్న ఓ ఎన్నికల ఉద్యోగి.. అధికార పార్టీకి మద్దతుగా ఓటర్లను ప్రభావితం చేసినట్లు వైఎస్సార్‌ సీపీ అభ్యర్థి హైమావతి ఆరోపించారు. ప్రజాస్వామ్య వ్యవస్థలో ప్రతి ఒక్కరూ భాగస్వాములు కావాలని, ఓటు హక్కును విధిగా వినియోగించుకోవాలని కలెక్టర్‌ ఎన్‌.ప్రభాకర రెడ్డి కోరారు. జిల్లా కేంద్రంలోని ప్రభుత్వ ఉన్నత పాఠశాలలో ఏర్పాటు చేసిన పోలింగ్‌ కేంద్రాన్ని సందర్శించి, సాధారణ పౌరుడిలా క్యూలో నిల్చొని తన తన ఓటు హక్కును వినియోగించుకున్నారు. ఈ సందర్భంగా కలెక్టర్‌ మాట్లాడుతూ.. ఓటు కేవలం హక్కు మాత్రమే కాదని, దేశ భవిష్యత్తును నిర్ణయించే బాధ్యత అని తెలిపారు. అనంతరం జిల్లా కేంద్రంలోని పలు పోలింగ్‌ కేంద్రాలను సందర్శించి, ఏర్పాట్లను ప్రత్యక్షంగా పరిశీలించారు. బెలగాంలోని ’పిఎం శ్రీ’ ప్రభుత్వ ఉన్నత పాఠశాలలోని పోలింగ్‌ కేంద్రంతో పాటు పలు కేంద్రాలను ఆయన తనిఖీ చేశారు. ఓటర్లకు ఎలాంటి ఇబ్బందులూ కలగకుండా తాగునీరు, నీడ, లైటింగ్‌, దివ్యాంగులకు ర్యాంప్‌ వసతి వంటి ప్రాథమిక సౌకర్యాలు సక్రమంగా ఉన్నాయా లేదా అని అధికారులను అడిగి తెలుసుకున్నారు. అనంతరం, కలెక్టరేట్‌లో ప్రత్యేకంగా ఏర్పాటు చేసిన వెబ్‌కాస్టింగ్‌ కమాండ్‌ కంట్రోల్‌ రూమ్‌ నుంచి జిల్లాలోని వివిధ పోలింగ్‌ కేంద్రాల్లో జరుగుతున్న పోలింగ్‌ సరళిని, సీసీ టీవీ ప్రత్యక్ష ప్రసారాల ద్వారా పరిశీలించారు.

● పొలాలు, చెరువుల వద్ద 8 ఏనుగుల సంచారం ● బిక్కుబిక్కుమని ఉంటున్న రైతులు, స్థానికులు ● అప్రమత్తం చేసిన అటవీశాఖ అధికారులు పార్వతీపురం రూరల్‌: మండలంలో గజరాజుల సంచారం రైతులకు కంటిమీద కునుకు లేకుండా చేస్తోంది. కొద్ది రోజుల క్రితం ఎనిమిది ఏనుగుల గుంపు మండలంలో ప్రవేశించి మండల పరిధిలోని పలు గ్రామాల్లో తిష్ఠవేసింది. పచ్చని వ్యవసాయ భూములు, చెరువుల సమీపంలో స్వేచ్ఛగా సంచరిస్తుండడంతో రైతులు, సమీప గ్రామాల ప్రజలు ప్రాణాలను గుప్పిట్లో పెట్టుకుని బిక్కుబిక్కుమని ఉంటున్నారు. తాజాగా ఆదివారం ఈ ఏనుగుల గుంపు లక్ష్మీనారాయణపురం, కృష్ణపల్లి, బండిదొర వలస గ్రామాల మధ్య ఉన్న చెరువు ప్రాంతంలోకి ప్రవేశించింది. గుంపుగా సంచరిస్తున్న ఈ దృశ్యాలు స్థానికుల్లో తీవ్ర భయాందోళన రేకెత్తిస్తున్నాయి. గజరాజుల సంచారంపై సమాచారం అందుకున్న అటవీశాఖ అధికారులు తక్షణమే స్పందించి స్థానికులను అప్రమత్తం చేశారు. ఏనుగులు తిరుగుతున్న చెరువులు, వ్యవసాయ భూముల వైపు ప్రజలెవరూ వెళ్లరాదని హెచ్చరికలు జారీ చేశారు. రైతులు సైతం అటవీశాఖ నిబంధనలు పాటించాలని సూచించారు. అయినప్పటికీ నిత్యం పొలాల వద్దే ఏనుగులు తిరుగుతుండడంతో అన్నదాతలు ఆవేదన చెందుతున్నారు. అధికారులు వెంటనే తగిన చర్యలు చేపట్టి, ఈ ఏనుగుల గుంపును తక్షణమే సురక్షిత ప్రాంతాలకు తరలించాలని రైతులు, గ్రామస్తులు కోరుతున్నారు. ఏనుగుల భయం నుంచి తమకు శాశ్వత విముక్తి కల్పించాలని విజ్ఞప్తి చేస్తున్నారు.

బొబ్బిలి రూరల్‌: మండలంలోని అలజంగి గ్రామానికి చెందిన 300 కుటుంబాలకు చెందిన ఓటర్లు టీడీపీ పార్టీని వీడి వైఎస్సార్‌సీపీలో శనివారం చేరారు. గ్రామంలో రేజేటి వీధికి చెందిన వారంతా ఎంపీటీసీ అభ్యర్థి పూడి సింహాచలం ఆధ్వర్యంలో జెడ్పీటీసీ అభ్యర్థి శంబంగి వేణుగోపాలనాయుడు సమక్షంలో వైఎస్సార్‌సీపీలో చేరగా వారందరికీ వేణుగోపాలనాయుడు పార్టీ కండువాలను కప్పి సాదరంగా పార్టీలోకి ఆహ్వానించారు. గత వైఎస్సార్‌సీపీ ప్రభుత్వం అందించిన సంక్షేమ ఫలాలను పొందిన తమ కుటుంబాలు, ప్రస్తుత కూటమి ప్రభుత్వం పాలనలో వివక్షకు గురౌతున్నామని, తమకు పార్టీలో ఎటువంటి ప్రాధాన్యత లేకపోగా సంక్షేమం అందని ద్రాక్షలా మారిందని అన్నారు. మాజీ ఎమ్మెల్యే శంబంగి వెంకటచినప్పలనాయుడు పరిపాలన దక్షత, వైఎస్సార్‌సీపీ విధానాలు,సంక్షేమ పథకాలు తమకు ఎంతగానో అండగా నిలిచాయన్నారు. వైఎస్సార్‌సీపీ మండల పార్టీ అధ్యక్షుడు త మ్మిరెడ్డి దామోదరరావు తదితరులు పాల్గొన్నారు.

● స్థానిక ఎన్నికల్లో వైఎస్సార్‌సీపీని గెలిపించండి ● శాసనమండలి విపక్ష నేత బొత్స సత్యనారాయణమెరకముడిదాం: స్థానిక సంస్థల ఎన్నికల్లో వైఎస్సార్‌సీపీ అభ్యర్థులకు మద్దతు ఇచ్చి గెలిపించాలని.. మీకు అండగా నేనుంటానని.. శాసనమండలి విపక్ష నేత బొత్స సత్యనారాయణ అన్నారు. మండలంలోని ఉత్తరావల్లి, సోమలింగాపురం గ్రామాల్లో శనివారం పార్టీ అభ్యర్థుల తరఫున ఎన్నికల ప్రచారం నిర్వహించారు. రెండు గ్రామాల్లో జరిగిన సభల్లో ఆయన మాట్లాడారు. గత వైఎస్సార్‌సీపీ ప్రభుత్వ హయాంలో వైఎస్‌ జగన్‌మోహన్‌రెడ్డి ముఖ్యమంత్రిగా ఉన్నప్పుడు అమలు చేసిన సంక్షేమ పథకాలు, అభివృద్ధిని గుర్తెరిగి ఓటు వేయాలన్నారు. మండలంలో అన్ని ఎంపీటీసీ స్థానాలతో పాటు జెడ్పీటీసీ స్థానంలో కూడా వైఎస్సార్‌సీపీ అభ్యర్థులను గెలిపించుకుందామని పిలుపునిచ్చారు. కూటమి నాయకులు ఇచ్చిన ఏ ఒక్క హామీని అమలు చేయలేదని, ఆ హామీలన్నీ గాలిలో కలిసిపోయాయని ఎద్దేవా చేశారు. వైఎస్సార్‌సీపీలో పలువురి చేరిక సోమలింగాపురంలో నిర్వహించిన ప్రచార సభలో మెరకముడిదాం గ్రామానికి చెందిన 20 కుటుంబాలు వైఎస్సార్‌సీపీలో చేరాయి. వీరికి శాసనమండలి విపక్ష నేత బొత్స సత్యనారాయణ పార్టీ కండువాలు వేసి సాదరంగా ఆహ్వానించారు. అదే గ్రామానికి చెందిన పలు కుటుంబాలు వైఎస్సార్‌సీపీకి మద్దతు తెలిపాయి. కార్యక్రమంలో పార్టీ నాయకులు ఎస్‌వీ రమణరాజు, తాడ్డి వేణుగోపాలరావు, సరిది రమేష్‌, పిన్నింటి సుగుణాకరరావు, పార్టీ అభ్యర్థులు శిరువూరు కుసుమప్రియ, అడ్డాల అరుణ, కొమ్ము రమ్య, పల్లి ఉమామహేశ్వరరావు, నాయకులు, అధికార ప్రతినిధి రేగిడి లక్ష్మణరావు, కొమ్ము శంకరరావు, ఎస్‌.కృష్ణమూర్తిరాజు, జంపన సావిత్రి, బోనెల గోపి తదితరులు పాల్గొన్నారు.

● 122 పోలింగ్‌ కేంద్రాల్లో సీసీ కెమెరాలు నిల్‌ ● ప్రతిచోటా సీసీ కెమెరా అమర్చాలన్న సుప్రీంకోర్టు ఆదేశాలు బేఖాతర్‌ ● 229 కేంద్రాల్లో 107 చోట్లే సీసీ కెమెరాలు విజయనగరం అర్బన్‌/బొబ్బిలి: మున్సిపల్‌ ఎన్నికలు పారదర్శకంగా నిర్వహించడంపై సుప్రీంకోర్టు పలు సూచనలు చేసింది. ప్రతి పోలింగ్‌ కేంద్రంలో సీసీ కెమెరా అమర్చాలని ఆదేశించింది. వీటిని కాదని విజయనగరం నగరపాలక సంస్థ పరిధిలో 229 పోలింగ్‌ కేంద్రాల్లో సమస్యాత్మక, అత్యంత సమస్యాత్మక కేంద్రాలైన 107 చోట్ల మాత్రమే సీసీ కెమెరాలు, వెబ్‌ కాస్టింగ్‌ ఏర్పాట్లు చేయడం విమర్శలకు తావిస్తోంది. అన్నిచోట్లా నిఘా ఏర్పాట్లపై స్పష్టత లేకపోవడం అనుమానాలకు తావిస్తోంది. నగరంలోని 62 వార్డులు, మేయర్‌ స్థానానికి జరుగుతున్న ఎన్నికల్లో మొత్తం 2,23,050 మంది ఓటర్లు తమ ఓటు హక్కును వినియోగించుకోనున్నారు. వీరిలో 1,15,015 మంది మహిళలు, 1,08,010 మంది పురుషులు, 25 మంది ఇతర ఓటర్లు ఉన్నారు. వీరి కోసం 229 పోలింగ్‌ కేంద్రాలను ఏర్పాటు చేశారు. వీటిలో 122 (53.28 శాతం) సాధారణ కేంద్రాలు, 81 సమస్యాత్మక, 26 అత్యంత సమస్యాత్మక కేంద్రాలుగా గుర్తించారు. సమస్యాత్మక, అత్యంత సమస్యాత్మక కేంద్రాలు కలిపి 107 (46.72 శాతం) మాత్రమే. మిగిలిన 122 సాధారణ కేంద్రాల్లోనూ కెమెరాల నిఘా ఉందా? లేదా? అన్నది ఇప్పడు కీలకంగా మారింది. మొత్తం కేంద్రాల్లో సగానికిపైగా సాధారణ కేంద్రాలే ఉండగా, వాటిలో పర్యవేక్షణ ఏర్పాట్లపై అధికారుల నుంచి స్పష్టమైన ప్రకటన లేకపోవడం గమనార్హం. వార్డు సభ్యుల స్థానాలకు 169 మంది, మేయర్‌ పదవికి ఏడుగురు పోటీలో ఉన్న నేపధ్యంలో ప్రతి పోలింగ్‌ కేంద్రంలోనూ పారదర్శకతకు ప్రాధాన్యం ఇవ్వాల్సిన అవసరం ఉందని అభ్యర్థులు కోరుతున్నారు. ● బొబ్బిలి మున్సిపాలిటీలో 49,482 మంది ఓటర్లకు 69 పోలింగ్‌ కేంద్రాలను ఏర్పాటు చేశారు. ఇందులో సెన్సిటివ్‌, హైపర్‌సెన్సిటివ్‌ పోలింగ్‌ కేంద్రాలుగా 25 గుర్తించారు. ఈ కేంద్రాల్లో మాత్రమే సీసీ కెమెరాలు ఏర్పాటు చేశారు. ఒక కెమెరా బయట, మరో కెమెరా పోలింగ్‌కేంద్రం లోపల అమర్చారు. మిగతా పోలింగ్‌ కేంద్రాల్లో అమర్చలేదని ఓటర్లు, స్థానిక ప్రజలు విమర్శిస్తున్నారు. ఏదేని జరగరాని సంఘటనల నేపథ్యంలో విచారణకు ఆటంకం తప్పదన్న వాదన వినిపిస్తోంది.

గజపతినగరం: మెంటాడ జంక్షన్‌ రోడ్డులో ఓ ఇంట్లో మెరుగు పేరిట బంగారం చోరీ జరిగిన సంఘటన చోటు చేసుకున్నట్టు ఎస్‌ఐ కె.కిరణ్‌కుమార్‌నాయుడు శనివారం తెలిపారు. మెంటాడ రోడ్డు జంక్షన్‌లో శనివారం ఉదయం గుర్తు తెలియని ఇద్దరు వ్యక్తులు పట్టీలు మెరుగు పెడతామంటూ పురిటిపెంట చర్చి వీధిలో వెత్సా గాయిత్రి ఇంటికి వెళ్లారు. గాయిత్రి వారి మాయ మాటలు నమ్మి ముందు పట్టీలను మెరుగు పరిచేందుకు ఇచ్చింది. తరువాత పట్టీలు మెరిసేలా చేయడంతో బంగారాన్ని కూడా మెరుగు పెడతామని ఆమెను నమ్మబలికారు. దీంతో ఆమె తన మెడలో ఉన్న రెండు తులాల బంగారు గోలుసును ఒకరి చేతిలో పెట్టింది. ఇంతలో ఆమె ఇంట్లోకి రాగా ఇద్దరు వ్యక్తులు అక్కడి నుంచి పరారయ్యారు. ఈ విషయమై సదరు మహిళ గాయిత్రి ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్టు ఎస్‌ఐ తెలిపారు. అయితే నిందితులు సీసీ పుటేజిల్లో నమోదయ్యారు. వీరిని పట్టుకునేందుకు పోలీసులు గాలిస్తున్నారు. గంజాయి అక్రమ రవాణా కేసులో నిందితుడిపై పీడీ యాక్ట్‌ విజయనగరం టౌన్‌: జిల్లాలో తెర్లాం మండలం రంగప్పవలస గ్రామానికి చెందిన సిగిలి వెంకటేష్‌(29) తరచూ గంజాయి అక్రమ రవాణాకు, అసాంఘిక కార్యకలాపాలకు పాల్పడుతున్న నేపథ్యంలో అతనిపై పీడీ యాక్ట్‌ అమలుచేసి, శనివారం విశాఖ కేంద్ర కారాగారానికి పంపించినట్లు ఎస్పీ ఎఆర్‌.దామోదర్‌ ప్రకనటలో తెలిపారు. సిగిలి వెంకటేష్‌పై ఇప్పటికే తెర్లాం పోలీస్‌స్టేషన్‌లో ఒకటి, బుదరాయవలస పోలీసుస్టేషన్‌ పరిధిలో ఒకటి మొత్తం రెండు గంజాయి కేసులు నమోదయ్యాయన్నారు. ఆయా కేసుల్లో నిందితుడు నుంచి మొత్తం 16 కిలోల 570 గ్రాముల గంజాయిని స్వాధీనం చేసుకున్నట్లు వెల్లడించారు. నిందితుడు తన నేర ప్రవత్తిని మార్చుకోకుండా పదే పదే గంజాయి అక్రమ రవాణాకు పాల్పడుతూ, చట్టాన్ని ఉల్లంఘిస్తున్నందున, నేరాల నియంత్రణ, శాంతి భద్రతల పరిరక్షణలో భాగంగా అతనిపై పీడీ యాక్ట్‌ కింద నిర్బంధ చర్యలను బొబ్బిలి రూరల్‌ సీఐ మల్లిఖార్జునరావు చేపట్టినట్లు తెలిపారు. జిల్లాలో గంజాయి అక్రమ రవాణా, విక్రయాలకు పాల్పడుతూ పదే పదే నేరాలకు పాల్పడే వారిపై కఠిన చర్యలు తీసుకుంటామని హెచ్చరించారు. నేరాల నియంత్రణ, ముందస్తు నేర నియంత్రణ చర్యల్లో భాగంగా నిందితుడు వెంకటేష్‌ను అదుపులోకి తీసుకుని ఏడాది వరకూ బెయిల్‌ రాకుండా చర్యలు చేపట్టి, అతన్ని విశాఖ సెంట్రల్‌ జైలుకు తరలించామన్నారు. జేఎన్టీయూ జీవీలో జాతీయ ఐక్యత దినోత్సవం విజయనగరం రూరల్‌: స్థానిక జేఎన్టీయూ జీవీలో జాతీయ ఐక్యతా దినోత్సవం శనివారం ఘనంగా నిర్వహించారు. కార్యక్రమానికి ముఖ్య అతిథిగా హాజరైన విశ్వవిద్యాలయ ఉప కులపతి ప్రొఫెసర్‌ వి.వి.సుబ్బారావు ముందుగా సర్దార్‌ వల్లభాయ్‌ పటేల్‌ చిత్రపటానికి పూలమాలలు వేసి నివాళులు అర్పించారు. అనంతరం ఆయన మాట్లాడుతూ జాతీయ సమైక్యత, ఐక్యత, సమగ్రత, దేశ సమగ్రతను కాపాడటంలో ప్రతి ఒక్కరి బాధ్యతను వివరించారు. సర్దార్‌ వల్లభాయ్‌ పటేల్‌ ఆశయాలను స్ఫూర్తిగా తీసుకుని దేశ ఐక్యత, సమగ్రత కోసం ప్రతి ఒక్కరూ కృషి చేయాలని పిలుపునిచ్చారు. రిజిస్ట్రార్‌ కె.సి.బి.రావు, విశ్వవిద్యాలయ వివిధ డైరెక్టర్లు, విభాగాధిపతులు, బోధన, బోధనేతర సిబ్బంది, ఎన్‌ఎస్‌ఎస్‌ వలంటీర్లు, వివిధ విభాగాలకు చెందిన విద్యార్థులు పెద్ద సంఖ్యలో పాల్గొన్నారు. ‘రన్‌ ఫర్‌ యూనిటీ’ ర్యాలీ డెంకాడ: సర్దార్‌ వల్లభాయ్‌ పటేల్‌ జయంతి పురస్కరించుకుని, జాతీయ ఐక్యతా దినోత్సవంలో భాగంగా చింతలవలస ఏపీఎస్పీ ఐదో బెటాలియన్‌ పోలీసులు శనివారం రన్‌ ఫర్‌ యూనిటీ ర్యాలీ శనివారం నిర్వహించారు. దేశ సమగ్రతను కాపాడడం కోసం అందరం ఐక్యంగా మెలగాలని, దేశ రక్షణకు, శాంతిభద్రతల పరిరక్షణకు ప్రతిఒక్కరూ పాటుపడాలని కమాండెంట్‌ వై.రవిశంకర్‌రెడ్డి కోరారు. అనంతరం రాష్ట్రీయ ఏక్తా దివస్‌ ప్రతిజ్ఞ చేశారు. కార్యకమ్రంలో అడిషనల్‌ కమాండెంట్‌ రాజారెడ్డి తదితరులు పాల్గొన్నారు.

● పోలింగ్‌ కేంద్రాలున్న భవనాలకు 4న స్థానిక సెలవు : కలెక్టర్‌ విజయనగరం రూరల్‌/గంటస్తంభం: జిల్లాలో ఎంపీటీసీ, జెడ్పీటీసీ ఎన్నికల పోలింగ్‌ నిర్వహణకు సంబంధించి అవసరమైన ఏర్పాట్లు చేపట్టినట్లు కలెక్టర్‌, జిల్లా ఎన్నికల అధికారి ఎస్‌.రాంసుందర్‌ రెడ్డి శనివారం తెలిపారు. రీషెడ్యూల్‌ చేసిన ఎన్నికల పోలింగ్‌ నవంబరు 5న నిర్వహించనున్న నేపథ్యంలో ఎన్నికల సంఘం ఆదేశాల మేరకు పలు సూచనలు, ఆదేశాలు జారీ చేసినట్లు పేర్కొన్నారు. పోలింగ్‌కు ముందు రోజైన 4న పోలింగ్‌ కేంద్రాలుగా గుర్తించిన ప్రాంతాల్లో స్థానిక సెలవు ప్రకటించినట్లు తెలిపారు. 5న పోలింగ్‌ ప్రక్రియ నిర్వహించే అన్ని ప్రభుత్వ భవనాలు, విద్యా సంస్థలు, ఇతర ప్రభుత్వ పరిధిలోని భవనాలకు సెలవు వర్తిస్తుందని స్పష్టం చేశారు. ఎన్నికల రోజున ఓటర్లు తమ ఓటు హక్కును స్వేచ్ఛగా వినియోగించుకునేందుకు వీలుగా, సంబంధిత ఎన్నికల ప్రాంతాల్లోని దుకాణాలు, వ్యాపార సంస్థలు, ఇతర సంస్థల్లో పని చేస్తున్న ఉద్యోగులు, కార్మికులకు వేతనంతో కూడిన సెలవు (పెయిడ్‌ హాలిడే) ప్రకటించినట్లు కలెక్టర్‌ తెలిపారు. ఎన్నికలు జరిగే ప్రాంతాల్లోని ప్రభుత్వ, ప్రభుత్వ అనుబంధ, ప్రైవేటు సంస్థలకు, కంపెనీలకు 5న స్థానిక సెలవుగా ప్రకటించినట్లు తెలిపారు. ఎన్నికల సంఘం ఉత్తర్వులను సంబంధిత శాఖల అధికారులు, సంస్థల యాజమాన్యాలు తప్పనిసరిగా అమలు చేయాలని, నిబంధనల ఉల్లంఘనలను తీవ్రంగా పరిగణిస్తామని కలెక్టర్‌ హెచ్చరించారు. 3 నుంచి మద్యం షాపులు మూసివేత జెడ్పీటీసీ, ఎంపీటీసీ ఎన్నికల నిర్వహణలో భాగంగా పోలింగ్‌కు 48 గంటల ముందుగా మద్యం దుకాణాలను మూసివేయడం జరుగుతుందని కలెక్టర్‌ ఎస్‌.రాంసుందర్‌ రెడ్డి తెలిపారు. నవంబరు 3న ఉదయం 7 గంటల నుంచి 5వ తేదీ పోలింగ్‌ ప్రక్రియ ముగిసే సమయం వరకు సంబంధిత పోలింగ్‌ ప్రాంతాల పరిధిలో మద్యం దుకాణాలను మూసి వేయాలని కలెక్టర్‌ ఆదేశించారు. ఏపీ పంచాయతీరాజ్‌ చట్టం 1994లోని సెక్షన్‌ 225–ఏ ప్రకారం ఈ ఆదేశాలను అమలు చేయాలని సంబంధిత అధికారులకు సూచించారు.

● ఆర్‌జేడీ విజయ్‌భాస్కర్‌ గంట్యాడ: ఉపాధ్యాయులు అంకితభావంతో విధులు నిర్వహించాలని ఆర్‌జేడీ విజయ్‌భాస్కర్‌ అన్నారు. డీఈఓ మాణిక్యంనాయుడు, ఎంఈఓ సత్యనారాయణతో కలిసి మండలంలోని కొటారుబిల్లి కస్తూరిబా గాంధీ బాలికల విద్యాలయం, గంట్యాడ జిల్లా పరిషత్‌ ఉన్నత పాఠశాలను శనివారం తనిఖీ చేశారు. ఈ సందర్భంగా విద్యార్థుల సామర్థ్యాలను పరిశీలించారు. అనంతరం ఉపాధ్యాయులతో మాట్లాడుతూ.. విద్యార్థులకు సులువుగా అర్థమయ్యేలా బోధన చేపట్టాలని సూచించారు. కార్యక్రమంలో స్థానిక జిల్లా పరిషత్‌ ఉన్నత పాఠశాల ప్రధానోపాధ్యాయరాలు ఝాన్సీ, కొటారుబిల్లి కస్తూరిబా గాంధీ బాలికల విద్యాలయం ప్రధానోపాధ్యాయరాలు జ్యోతి పాల్గొన్నారు.

పార్వతీపురం రూరల్‌: నీటి కోసం ఇంటి నుంచి వెళ్లిన ఓ యువకుడు అర్థాంతరంగా తనువు చాలించాడు. పార్వతీపురం మండలం అడ్డపుశీల గ్రామ శివారులో వెలుగు చూసిన ఈ ఘటన స్థానికంగా కలకలం రేపింది. కృష్ణపల్లి గ్రామానికి చెందిన గర్భాపు రాకేష్‌ (18) పాలిటెక్నిక్‌ విద్యాభ్యాసం పూర్తి చేశాడు. అక్టోబరు 29వ తేదీ సాయంత్రం తాగునీరు తెచ్చేందుకు తన పల్సర్‌ ద్విచక్ర వాహనంపై వాటర్‌ క్యాన్‌ తీసుకుని ఇంటి నుంచి బయలుదేరాడు. ఎంతకీ తిరిగి రాకపోవడంతో కుటుంబ సభ్యులు చుట్టుపక్కల గాలించినా ఫలితం దక్కలేదు. చివరకు శనివారం అడ్డపుశీల గ్రామ శివారు ప్రాంతంలో శవమై కనిపించాడు. మృతదేహం పక్కనే అతడు తీసుకెళ్లిన వాటర్‌ క్యాన్‌, పల్సర్‌ బైక్‌ పడి ఉండటంతో పలు అనుమానాలకు తావిస్తోంది. రాకేష్‌ మృతికి గల కారణాలు తెలియరాకపోవడంతో.. ఇది అనుమానాస్పద మృతిగా మారింది. సమాచారం అందుకున్న పార్వతీపురం రూరల్‌ పోలీసులు ఘటనా స్థలానికి చేరుకున్నారు. సంఘటనా స్థలాన్ని నిశితంగా పరిశీలించి, మృతదేహాన్ని స్వాధీనం చేసుకున్నారు. ఈ ఘటనపై కేసు నమోదు చేసుకున్న పోలీసులు దర్యాప్తును ముమ్మరం చేశారు. రోడ్డు ప్రమాదంలో వ్యక్తి..పాలకొండ రూరల్‌: నగర పంచాయతీ పరిధి ఎన్‌కే రాజపురానికి చెందిన కొవగాన వాసు (32) శుక్రవారం రాత్రి 11.30 గంటల సమయంలో స్థానిక ఆర్టీసీ కాంప్లెక్స్‌ నుంచి స్వగృహానికి తన ద్విచక్ర వాహనంపై వెళ్తూ.. ఇంటి ఇన్‌ గేట్‌ సమీపంలో రోడ్డుపై నిలిచి ఉన్న పశువులను తప్పించబోయి ప్రమాదానికి గురయ్యాడు. ప్రమాదం సమయంలో రోడ్డుపై పడి ఉన్న వాసును స్థానికులు గుర్తించి పాలకొండ ఏరియా ఆస్పత్రికి తరలించి, కుటుంబీకులకు సమాచారం అందించారు. అప్పటికే వాసు మరణించినట్టు వైద్యులు ధృవీకరించారు. నగర పంచాయతీ ఎన్నికలు కావటం, తన కుటుంబ సభ్యులు బరిలో నిలవటంతో అప్పటి వరకూ సహచరులతో కలసి ఉన్న వాసు మరణ వార్త విని స్నేహితులు, బంధువులు షాక్‌కు గురయ్యారు. అందరితో కలివిడిగా ఉండే తమ స్నేహితుడు లేడన్న విషయం తెలుసుకుని పెద్దెత్తున సహచరులు ఆస్పత్రికి చేరుకున్నారు. విషయం తెలుసుకున్న ఎమ్మెల్సీ పాలవలస విక్రాంత్‌, మాజీ ఎమ్మెల్యే విశ్వాసరాయి కళావతి సంతాపం తెలిపారు. మృతుడికి భార్య జ్యోతిర్మయి, పిల్లలు వీక్షిత్‌, జశ్వంత్‌ ఉన్నారు. వాసు మృతితో కుటుంబ సభ్యులు, బంధువులు, స్నేహితులు కన్నీరుమున్నీరయ్యారు. చంపావతిలో కొట్టుకుపోయి వృద్ధుడు..నెల్లిమర్ల: గుర్ల మండలం కోటగండ్రేడు గ్రామానికి చెందిన కొండపల్లి వీర్రాజు (65) చంపావతి నదిలో ప్రమాదవశాత్తు కాలుజారి పడి మృతి చెందాడు. వీర్రాజు పైడితల్లమ్మ పండగ కోసమని విజయనగరంలోని పూల్‌బాగ్‌ ప్రాంతంలో ఉంటున్న తన కుమారుల ఇంటికి అక్టోబరు 26న భార్యతో కలిసి వెళ్లాడు. అక్టోబరు 30న మధ్యాహ్నం పింఛన్‌ తీసుకోవాలని కుటుంబ సభ్యులకు చెప్పి పూల్‌బాగ్‌ నుంచి కోటగండ్రేడుకు బయలుదేరాడు. మార్గమధ్యంలో మొయిద నారాయణపట్నం బ్రిడ్జి దగ్గర కాలకృత్యాల నిమిత్తం చంపావతి నది వద్దకు వెళ్లగా.. ప్రమాదవశాత్తు కాలుజారి నదిలో పడిపోయాడు. తుఫాన్‌ నేపథ్యంలో నది ఉధృతంగా ప్రవహిస్తుండడంతో ఆయన ప్రవాహంలో కొట్టుకుపోయి మృతి చెందాడు. మృతుని కుమారుడు కొండపల్లి హరినాథ్‌ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్టు ఎస్‌ఐ జి.గోపాలరావు తెలిపారు. విద్యుదాఘాతానికి మహిళ..సీతంపేట: మండలంలోని హడ్డుబంగి గ్రామానికి చెందిన బిడ్డిక పెంటమ్మ (43) శనివారం విద్యుదాఘాతానికి గురై మృతి చెందింది. తన ఆవులను మేతకు పెంటమ్మ పొలాల్లోకి తీసుకువెళ్లింది. ఈ క్రమంలో కిందకు వేలాడి ఉన్న విద్యుత్‌ హైటెన్షన్‌ వైర్‌ తగలడంతో అక్కడికక్కడే మృతి చెందినట్టు గ్రామస్తులు తెలిపారు. మృతురాలికి భర్త బిడ్డిక కృష్ణారావు, కుమారుడు ప్రశాంత్‌, కుమార్తెలు మాదర, మనీష ఉన్నారు. ఈమె మృతితో గ్రామంలో విషాదం అలుముకుంది. ఎస్‌ఐ వై.అమ్మన్నరావు కేసు నమోదు చేసి దర్యాప్తు చేస్తున్నారు. మృతదేహాన్ని పోస్టుమార్టం నిమిత్తం స్థానిక ఏరియా ఆస్పత్రికి తరలించారు. విద్యుత్‌ శాఖ నిర్లక్ష్యమే వల్లే నిండు ప్రాణం పోయిందని గ్రామస్తులు మండిపడ్డారు. కొన్ని నెలలుగా పొలాల్లో విద్యుత్‌ వైర్లు వేలాడుతున్నాయని సంబంధిత సిబ్బందికి ఫిర్యాదు చేసినా పట్టించుకున్న దాఖలాలు లేవన్నారు. ఈ విషయమై ట్రాన్స్‌కో ఏఈ నీలిమ మాట్లాడుతూ ఇటీవల కురిసిన అర్నబ్‌ తుఫాన్‌కు విద్యుత్‌ స్తంభం ఒరిగిందన్నారు. లైన్‌ లూజు కావడంతో ప్రమాదం సంభవించిందన్నారు. యువకుడి అనుమానాస్పద మృతి

విజయనగరం టౌన్‌: పోలింగ్‌ కేంద్రాల వద్ద విధులు నిర్వహించే పోలీసులు ఓటర్లతో మర్యాదగా వ్యవహరించాలని, విధి నిర్వహణలో ఎటువంటి అలసత్వం ప్రదర్శించరాదని ఎస్పీ ఎఆర్‌.దామోదర్‌ సూచించారు. స్థానిక రాజీవ్‌ క్రీడా ప్రాంగణం డిస్ట్రిబ్యూషన్‌ సెంటర్‌ వద్ద శనివారం బందోబస్తు నిర్వహించే పోలీసు అధికారులు, సిబ్బందితో సమావేశమయ్యారు. నిర్దేశించిన విధులను సమర్ధవంతంగా నిర్వహించి, ఎన్నికలను ప్రశాంతంగా, పారదర్శకంగా నిర్వహించడంలో భాగస్వాములు కావాలన్నారు. ఎన్నికల నిర్వహణలో ఎక్కడ ఎటువంటి అవాంఛనీయ సంఘటనలు చేటుచేసుకోకుండా చూడాలన్నారు. పోలింగ్‌ అధికారి పోలీసుల సహాయం కోరితే తప్ప ఎవరూ పోలింగ్‌ కేంద్రంలోకి వెళ్లవద్దన్నారు. పోలింగ్‌ కేంద్రానికి 100 మీటర్ల దూరంలో లైన్స్‌ వేయించాలని, వందమీటర్ల లోపలికి ఎవరినీ అనుమతించవద్దన్నారు. విధుల్లో ఉన్న పోలీసులపై ఎవరైనా దురుసుగా ప్రవర్తిస్తే మాత్రం కఠినంగా వ్యవహరించాలని ఆదేశించారు. డీఎస్పీ ఎస్‌.లక్ష్మణమూర్తి, చీపురుపల్లి డీఎస్పీ ఎస్‌.రాఘవులు, పలువురు సీఐలు, ఎస్‌ఐలు, పోలీస్‌ సిబ్బంది పాల్గొన్నారు. విధుల్లో అలసత్వం వద్దు : ఎస్పీ

పార్వతీపురం రూరల్‌: ప్రశాంత ఎన్నికలే లక్ష్యమని, నిబంధనలు ఉల్లంఘించే వారిపై కఠి న చర్యలు తీసుకుంటా మని ఎస్పీ ఎస్‌.వి.మాధవ్‌ రెడ్డి స్పష్టంచేశారు. పార్వతీపురం, సాలూరు, పాలకొండ మున్సిప ల్‌ ఎన్నికల నేపథ్యంలో పోలీస్‌ అధికారులు, సిబ్బందికి శనివారం దిశానిర్దేశం చేశారు. సమస్యాత్మక ప్రాంతాల్లో రూట్‌ మొబైల్స్‌, స్ట్రైకింగ్‌ ఫోర్స్‌ అప్రమత్తంగా ఉండాలని, పోలింగ్‌ అనంతరం బ్యాలెట్‌ బాక్సులను పటిష్ట భద్రత నడుమ తరలించాలని స్పష్టం చేశారు. ఓటర్ల ను ప్రలోభపెట్టేందుకు నగదు, మద్యం పంపి ణీ చేసినా, బెదిరింపులకు పాల్పడినా సంబంధిత చట్టాల కింద కఠిన చర్యలు తీసుకుంటా మని హెచ్చరించారు. పార్వతీపురం: జిల్లాలో జరగనున్న పట్టణ, గ్రామీణ స్థానిక సంస్థల ఎన్నికల పోలింగ్‌, కౌంటింగ్‌ సమాచారాన్ని మీడియాకు ఎప్పటికప్పుడు అందించేందుకు సమాచార పౌర సంబంధాల శాఖ అధికారులను నియమించారు. కలెక్టర్‌, జిల్లా ఎన్నికల అధికారి డా. ఎన్‌.ప్రభాకరరెడ్డి ఆదేశాల మేరకు పాలకొండ నగర పంచాయతీకి డీఐపీఆర్‌ఓ కేబీఎం సింగ్‌, సాలూరు మున్సిపాల్టీకి డీపీఆర్‌ఓ ఐ.శ్రీనివాసరావు, ఆఫీస్‌ సబార్డినేట్‌ ఎం.ఎం.షరీఫ్‌, పార్వతీపు రం మున్సిపాల్టీకి ఏఈఐఈ గజపతిరావు, డివిజనల్‌ పీఆర్‌ఓ జీవీ రవికుమార్‌లను కేటాయించారు. ఎన్నికల కౌంటింగ్‌కు సంబంధించి ఉల్లిభద్రలోని డా. వైఎస్సార్‌ ఉద్యాన కళాశాలలో కేబీఎం సింగ్‌ను, సాలూరు ప్రభుత్వ డిగ్రీ కళా శాల వద్ద డీపీఆర్‌ఓ ఐ.శ్రీనివాసరావు, పార్వతీపురం జూనియర్‌ కళాశాలలో ఎం.గజపతిరావును, పాలకొండ ప్రభుత్వ డిగ్రీ కళాశాల వద్ద జీవీ రవికుమార్‌లను సమాచారాన్ని అందించేందుకు నియమించినట్లు శనివారం తెలిపా రు. నవంబర్‌ 1, 3వ తేదీల్లో పట్టణ ఎన్నికల కు, నవంబర్‌ 5న జెడ్పీటీసీ, ఎంపీటీసీ పోలింగ్‌, నవంబర్‌ 7న కౌంటింగ్‌కు సంబంధించి ఈ అధికారులు విధులను నిర్వహిస్తారు. పో లింగ్‌, కౌంటింగ్‌ తాజా సమాచారాన్ని మీడి యా ప్రతినిధులకు అందించడంతో పాటు ఉన్నతాధికారులకు నివేదించాలని జిల్లా సమాచార పౌర సంబంధాల అధికారి కేబీఎం సింగ్‌ తెలిపారు. విజయనగరం (కల్చరల్‌) క్రైమ్‌: పైడితల్లి అమ్మవారి తెప్పోత్సవం ఈ నెల 3న జరగనుందని ఆలయ ఈఓ శిరీష శనివారం తెలిపారు. తెప్పోత్సవ ట్రయల్‌ రన్‌ సోమవారం జరుగుతుందన్నారు. తెప్పోత్సవం నిర్వహించే పెద్ద చెరువును అధికారులతో కలిసి శనివారం పరిశీలించారు. కార్యక్రమంలో దేవదాయశాఖ సిబ్బంది రమేష్‌, ఆలయ పూజారి బంటుపల్లి వెంకటరావు, వనంగుడి అధికారులు, పూజారు లు కృష్ణ, రాజేష్‌, సాయి పాల్గొన్నారు.

● ఇచ్చిన మాట తప్పిన ‘కూటమి’ ● పట్టణ ప్రజలపై పన్నుల వడ్డింపు ● కనీస వసతులు కల్పించని వైనం మున్సిపాల్టీలో ఆస్తులు విలువ గతంలో కంటే భారీగా పెంచేశారు. ఇప్పుడు రిజిస్ట్రేషన్‌ విలు వ ఆధారంగా ఇంటిపన్ను, ఖాళీ స్థలాలకు పన్నులు వసూలు చేస్తున్నారు. ఖాళీ స్థలాలకు భారీగా పన్నులు వసూలు చేయడం దారుణం. ఈ స్థాయిలో పన్నుల భారం వేసిన ప్రభుత్వాన్ని ఎన్నడూ చూడలేదు. పన్నులు వసూలు చేస్తున్న ప్రభుత్వం ఆ స్థాయిలో వార్డుల్లో మౌలిక వసతులు కల్పించడంలేదు. – బి.వెంకటరమణ, రాజాం ఇంటి పన్నులు, ఖాళీ స్థలాలకు పన్నుల చెల్లింపు కార్యక్రమం ప్రభుత్వ నిబంధనల ప్రకారం జరుగుతోంది. ఏటా మున్సిపాల్టీలో 0.15 శాతం పెరుగుదల ఉంటుంది. క్యాపిటల్‌ విలు వ ఆధారంగా ఈ వసూళ్లు జరుగుతున్నాయి. – ఎ.రామచంద్రరావు, మున్సిపల్‌ కమిషనర్‌, రాజాం ● విద్యుత్‌ చార్జీల మోత విద్యుత్‌ చార్జీలు గతంలో కంటే భారీగా పెరిగాయి. గతంలో సాధారణ కుటుంబాలకు రూ.130 నుంచి రూ.150లు వచ్చే విద్యుత్‌ బిల్లు ఇప్పుడు రెట్టింపైంది. సర్‌చార్జీల పేరుతో అదనపు వసూళ్లు చేస్తుండడంతో విద్యుత్‌చార్జీలు కట్టలేక పట్టణాల్లో నివాసం ఉంటున్న కార్మికులు, రోజువారీ కూలీలు ఇబ్బందులు పడుతున్నారు. రెండు లైట్లు, ఒక ఫ్యాన్‌ వినియోగిస్తే నెలకు రూ.350లు దాటి విద్యుత్‌ బిల్లులు వస్తోందని గగ్గోలు పెడుతున్నారు. పన్నులు, విద్యుత్‌చార్జీల పెంపుపై మండిపడుతున్నారు. రాజాం: కూటమి ప్రభుత్వం అధికారంలోకి వచ్చాక పట్టణ ప్రజలపై పన్నుల భారం అమాంతం పెరిగింది. ఇళ్లు, ఖాళీ స్థలాలకు పన్నుల వడ్డింపుతో పట్టణవాసుల జేబులకు చిల్లుపడుతోంది. మరోవైపు రెండున్నరేళ్లుగా నగరం, పట్టణాల్లో కనీస సదుపాయాల కల్పనలో ప్రభుత్వం నిర్లక్ష్యం నటిస్తోంది. గతంలో వైఎస్సార్‌ సీపీ ప్రభుత్వం మున్సిపాల్టీలు, కార్పొరేషన్లలో మౌలిక వసతులకు ప్రాధాన్యత ఇచ్చేది. క్యాపిటల్‌ ఆధారంగా చెల్లింపులు కట్టడిచేసేది. ఫలితంగా మున్సిపాల్టీలు, కార్పొరేషన్లలో ఇంటిపన్ను వసూళ్లు అంతంత మాత్రంగానే ఉండేది. ఇప్పుడు అలా కాకుండా ఏటా 15 శాతం మేర ఇంటిపన్ను వసూళ్లు అధికమైంది. ఏటా పట్టణాల్లో ఖాళీ స్థలాలకు రిజిస్ట్రేషన్‌ శాఖ నుంచి విలువను నిర్థారిస్తున్నారు. చదరపు అడుగు లు ఆధారంగా మున్సిపాల్టీలో 0.20 శాతం, కార్పొ రేషన్లులో 0.50 శాతం పన్ను నిర్ధారిస్తున్నారు. 2021–23 మధ్య కాలంలో రాజాం మున్సిపాల్టీలో 375 చదరపు అడుగులు ఉండే ఖాళీ స్థలానికి రూ.4 లక్షలు మార్కెట్‌ విలువ ఉండేది. ఇప్పుడు ఆ ధర రూ.8 లక్షలకు చేరింది. ఈ క్యాపిటల్‌ ఆధారంగా గతంలో ఈ స్థలానికి చెల్లించే రూ.800లు పన్నును ఇప్పుడు రూ.1600లు చెల్లించాల్సి వస్తోంది. ఇలా ఖాళీ స్థలాలకే కాకుండా ఇంటికి సైతం పన్ను చెల్లింపు ఏటా గతంలో చెల్లించినదానికంటే 15 శాతం పెంచుతూ వస్తున్నారు. మరో వైపు ఇంటి నిర్మాణాలు సక్రమంగా లేవని, క్రమబద్ధీకరించుకోవాలని, నాలాకు పర్మిషన్‌లేదనే షాకులతో అదనపు వసూళ్లు అధికమయ్యాయి. ఎన్నికల ముందు కూటమి ప్రభుత్వం ఇచ్చిన ఇంటిపన్నుభారం ఉండదనే హామీని గాలికొదిలేసింది. పట్టణ ప్రజలపై పన్నుల భారం వేస్తూ అవస్థలకు గురిచేస్తోంది.

● మాజీ ఉప ముఖ్యమంత్రి పీడిక రాజన్నదొర వినతి సాలూరు: గత వైఎస్సార్‌సీపీ పాలనలో జరిగిన సంక్షేమం, అభివృద్ధిని చూసి విజ్ఞతతో ఆలోచించి ఓటు వేయాలని వైఎస్సార్‌సీపీ పీఏసీ సభ్యుడు, మాజీ ఉప ముఖ్యమంత్రి పీడిక రాజన్నదొర ఓటర్లను కోరారు. పట్టణంలో శనివారం ఏర్పాటుచేసిన మీడియా సమావేశంలో ఆయన మాట్లాడారు. ఇచ్చిన హామీలను అమలు చేసి మాటకు కట్టుబడిన మాజీ ముఖ్యమంత్రి వైఎస్‌ జగన్‌మోహన్‌రెడ్డి చేసిన మేలును గుర్తించాలని కోరారు. గత వైఎస్సార్‌సీపీ పాలనలో ఎన్నికల సమయంలో ఇచ్చిన ప్రతి ఒక్క హామీ అమలు చేశారన్నారు. అన్ని వర్గాల ప్రజలకు పార్టీలకతీతంగా సంక్షేమం అందించిన విషయాన్ని గుర్తించాలని కోరారు. మహిళలు, విద్యార్థులు, రైతులు, బడుగు, బలహీన వర్గాల ప్రజలు ఇలా ప్రతి ఒక్కరికీ మేలు చేసిన ఘనత జగన్‌మోహన్‌రెడ్డికే దక్కుతుందన్నారు. చంద్రబాబు ప్రభుత్వం అధికారం చేపట్టి మూడేళ్లు అవుతున్నా.. ఇచ్చిన హామీలను పూర్తి స్థాయిలో అమలు చేయలేదు సరికదా... ఉన్న పథకాల్లో కూడా పార్టీలకు అనుగుణంగా కత్తెర వేసి ప్రజలను వేధిస్తున్న విషయాన్ని ప్రతి ఒక్కరూ గుర్తించాలని సూచించారు. కూటమి ప్రభుత్వం కొత్త పింఛన్ల మాటే లేదన్నారు. ఎన్నికల ముందు హడావుడి చేసి దరఖాస్తులు స్వీకరించి నేడు వాటిని మూలన పడేశారని ధ్వజమెత్తారు. యువతను నిలువునా మోసం చేశారని మండిపడ్డారు. మహిళలకు మొండి చేయి చూపారన్నారు. ఉచిత గ్యాస్‌ ఉత్తిదేనని తేలిపోయిందన్నారు. ఇలా ప్రతి ఒక్కరినీ నిలువునా మోసం చేశారన్నారు. స్థానిక మంత్రి సంధ్యారాణి విష యం స్థానికులకు వేరేగా చెప్పనక్కర్లేదన్నారు. ఉద్యోగులు, కార్మికులు, కర్షకులు, మహిళలు ఇలా అన్ని వర్గాల ప్రజలు ఏ ప్రభుత్వంలో మేలు జరిగిందో ఒక్కసారి ఆలోచించి ఓటు వేయాలని కోరారు. వైఎస్సార్‌సీపీ నుంచి టీడీపీలోకి వెళ్లిన వారి పట్ల అప్రమత్తంగా ఉండాలని మంత్రి సంధ్యారాణి ఇటీవల విలేకరుల సమావేశంలో ప్రస్తావించిన విషయం అక్టోబర్‌ 30న పచ్చపత్రికలో ముద్రితమైన విషయాన్ని ప్రస్తావిస్తూ.. టీడీపీలోకి వెళ్లే ఇతర పార్టీల నాయకులను దొంగల్లా భావిస్తున్నారేమోనని ప్రజలకు అనుమానం కలుగుతుందన్నారు. పట్టణ ఓటర్లంతా విజ్ఞతతో ఆలోచించి అన్ని వర్గాల ప్రజలకు మంచి చేసిన వైఎస్సార్‌సీపీ నేతలను ఆదరించి, ఫ్యాన్‌ గుర్తుకు ఓటేసి అఖండ మెజార్టీతో అభ్యర్థులను గెలిపించాలని కోరారు.

● నిమ్మక – తోయకల మధ్య తీవ్ర వాగ్వాదం ● పార్టీ శ్రేణుల మధ్య తోపులాట ● ప్రచారంలో మధ్యలోనే వెనుదిరిగిన ఎమ్మెల్యే తోయక జగదీశ్వరి జియ్యమ్మవలస రూరల్‌ : కూటమి పార్టీల మధ్య ఉన్న విబేధాలు టీడీపీ ఎమ్మెల్యే తోయక జగదీశ్వరి సాక్షిగా భగ్గుమన్నాయి. టీడీపీ, జనసేన శ్రేణులు ఆమె సాక్షిగా వాదులాటకు దిగారు. ఒకరిని ఒకరు నెట్టుకున్నారు. చివరకు ఈ కుమ్ములాట తీవ్రం కావడంతో ప్రచారానికి వచ్చిన ఎమ్మెల్యే జగదీశ్వరి మధ్యలోనే వెనుదిరిగారు. వివరాల్లోకి వెళ్తే.. జియ్యమ్మవలస మండలం అర్నాడ గ్రామంలో తెలుగుదేశం, జనసేన పార్టీల శ్రేణులు శనివారం ఎంపీటీసీ ఎన్నికల ప్రచారాన్ని ఏకకాలంలో నిర్వహించారు. టీడీపీ తరఫున ఎమ్మెల్యే తోయక జగదీశ్వరి.. జనసేన తరఫున మాజీ ఎమ్మెల్యే నిమ్మక జయరాజ్‌ ప్రచారంలో పాల్గొన్నారు. ఈ క్రమంలో కూటమి పొత్తులో భాగంగా జనసేన అభ్యర్థిగా జోగి ప్రసాదమ్మ ఎంపీటీసీగా పోటీ చేస్తుండగా కూటమి ధర్మాన్ని వీడి టీడీపీ అభ్యర్థిగా జోగి భుజంగరావును నిలబెట్టడం సమంజసమేనా? అంటూ జనసేన నాయకులు ఎమ్మెల్యే జగదీశ్వరి నిలదీశారు. దీంతో ఎమ్మెల్యే జోక్యం చేసుకుని మండలంలోని అర్నాడ ఎంపీటీసీకి పార్టీ కన్వీనర్‌గా ఉన్న భుజంగరావు తమ పార్టీ బీ ఫారం ఇస్తే మీరెలా పోటీ చేస్తారని జనసేన శ్రేణులను ప్రశ్నించారు. మండలంలో జనసేనకు రెండు ఎంపీటీసీ స్థానాలు కేటాయిస్తే మీరు ఐదు చోట్ల టీడీపీకి వ్యతిరేకంగా పోటీ చేయడం సమంజసమేనా? అంటూ ప్రశ్నించారు. దీంతో ఇరు వర్గాల మధ్య వాగ్వాదం చోటు చేసుకుంది. ఇది చివరకు తోపులాటకు దారితీసింది. దీంతో జనసేన శ్రేణులు ఎమ్మెల్యే డౌన్‌ డౌన్‌ అంటూ నినాదాలు చేశారు. దీంతో చేసేదిలేక ఎమ్మెల్యే తోయక జగదీశ్వరి అక్కడ నుంచి వెనుదిరిగారు.

పార్వతీపురం రూరల్‌: జిల్లా పోలీస్‌ కార్యాలయంలో శనివారం సర్దార్‌ వల్లభాయ్‌ పటేల్‌ 151వ జయంతిని నిర్వహించారు. ఎస్పీ ఎస్‌.వి.మాధవ్‌ రెడ్డి పటేల్‌ చిత్రపటానికి పూలమాలలు వేసి నివాళులర్పించారు. ఈ సందర్భంగా ఎస్పీ మాట్లాడుతూ.. స్వాతంత్య్రం అనంతరం దేశ సమైక్యత, అంతర్గత భద్రతకు తొలి హోంమంత్రిగా పటేల్‌ చేసిన సేవలను వివరించారు. 500కు పైగా సంస్థానాల ను భారత యూనియన్‌లో విలీనం చేసి ఐక్య భారతదేశానికి పునాది వేశారని గుర్తుచేశారు. అక్టోబర్‌ 31వ తేదీన పటేల్‌ జయంతి సందర్భంగా దేశవ్యా ప్తంగా ‘రాష్ట్రీయ ఏక్తా దివస్‌’ నిర్వహిస్తున్నట్లు తెలిపారు. కుల, మత, ప్రాంతీయ భేదాల్లేకుండా పౌరులంతా ఐకమత్యంతో దేశ సమగ్రతను కాపాడాలని సూచించారు. ఏఆర్‌ డీఎస్పీ థామస్‌ రెడ్డి, సీఐలు రమణమూర్తి, మారూఫ్‌, రమణ, ఏఆర్‌ ఆర్‌ఐలు నాయుడు, రాంబాబు, ఆదినారాయణ, ఆర్‌ఎస్సైలు, ఇతర సిబ్బంది పాల్గొన్నారు.

● పార్వతీపురం, సాలూరు మున్సిపాలిటీలు, పాలకొండ నగర పంచాయతీలకు ఎన్నికలు ● ఉదయం 7 నుంచి సాయంత్రం 5 గంటల వరకు పోలింగు సాక్షి, పార్వతీపురం మన్యం : స్థానిక సమరం మొదలైంది. మూడు దశల ఎన్నికల ఘట్టాల్లో మొదటి అంకానికి వేళైంది. జిల్లాలోని పార్వతీపురం, సాలూరు పురపాలికలు, పాలకొండ నగర పంచాయతీలో ఆదివారం ఎన్నికలు జరగనున్నాయి. ఇందుకుగానూ మొత్తం 96 వార్డులకు సంబంధించి 155 పోలింగు కేంద్రాలను ఎన్నికల అధికారులు సిద్ధం చేశారు. 1,302 మంది ఉద్యోగులు విధుల్లో పాల్గొననున్నారు. ఫ్లయింగ్‌ స్క్వాడ్స్‌, రూట్‌ అధికారులు, పీవోలు, ఏపీవోలు, సిబ్బంది విధుల్లో భాగస్వామ్యమవుతున్నారు. మొత్తంగా మూడు చోట్ల కలిపి 10 మంది చైర్‌పర్సన్‌ అభ్యర్థులు, 228 మంది కౌన్సిలర్‌ అభ్యర్థులు బరిలో దిగుతున్నారు. ఇప్పటికే ప్రధాన పార్టీలు నువ్వా.. నేనా అన్నట్లుగా ప్రచార పర్వంలో దూసు కుపోయాయి. ఆఖరి మెట్టుపై అమీతుమీ తేల్చుకు నేందుకు సిద్ధపడుతున్నాయి. ఉదయం 7 గంటల నుంచి పోలింగు ప్రారంభం కానుంది. సాయంత్రం 5 గంటలతో ముగుస్తుంది. ఎన్నికలను ప్రశాంత వాతావరణంలో, స్వేచ్ఛాయుతంగా నిర్వహించేందుకు అధికారులు అన్ని చర్యలూ తీసుకున్నారు. బ్యాలెట్‌ పత్రాల ద్వారా ఓటర్లు తమ ఓటు హక్కును వినియోగించుకోనున్నారు. ఎన్నికల ప్రక్రియను పారదర్శకంగా, ప్రశాంతంగా నిర్వహించేందుకు అవసరమైన అన్ని ఏర్పాట్లూ చేశామని కలెక్టరు ఎన్‌.ప్రభాకరరెడ్డి తెలిపారు. ●పార్వతీపురం మున్సిపాలిటీ పరిధిలో 19,482 పురుషులు, 21,729 మంది మహిళలు, ఇతరులు నలుగురు ఓటర్లుగా ఉన్నారు. 140 బ్యాలెట్‌ బాక్సులతో పాటు 424 మంది పోలింగు సిబ్బందిని నియమించారు. ఎన్నికల నిర్వహణ కోసం 13 మంది ఎన్నికల అధికారులు, 24 మంది సహాయ ఎన్నికల అధికారులు, ఐదురుగు జోనల్‌ అధికారులు, తొమ్మిది మంది రూట్‌ అధికారులు విధుల్లో పాల్గొంటున్నారు. ఎన్నికలు సజావుగా సాగేందుకు పార్వతీపురం పట్టణాన్ని ఐదు జోన్లుగా, 14 రూట్లుగా విభజించారు. చైర్మన్‌ అభ్యర్థికి నలుగురు, కౌన్సిలర్‌ సభ్యులకు 122 మంది పోటీ పడుతున్నారు. ●సాలూరు మున్సిపాలిటీ పరిధిలో 20,039 మంది పురుషులు, 21,893 మంది మహిళలు, ఇతరులుగా ఇద్దరు ఓటర్లుగా ఉన్నారు. ఎన్నికల నిర్వహణకు 200 బ్యాలెట్‌ బాక్సులను సిద్ధం చేయడంతో పాటు.. 33 మంది ఎన్నికల అధికారులు, 33 మంది సహాయ ఎన్నికల అధికారులను నియమించారు. మున్సిపాలిటీని ఆరు రూట్లు, ఆరు జోన్లుగా విభజించారు. మొత్తం 450 మంది పోలింగు సిబ్బందిని కేటాయించగా.. వీరిలో 60 మంది పీవోలు, 381 మంది ఇతర సిబ్బంది ఉన్నారు. ●పాలకొండ నగర పంచాయతీ పరిధిలో 11,453 మంది పురుషులు, 12,012 మంది మహిళలు, ఇతరులు కేటగిరీలో ఒకరు ఓటర్లుగా ఉన్నారు. ఎన్నికల నిర్వహణ కోసం 59 బ్యాలెట్‌ బాక్సులను సిద్ధం చేయడంతో పాటు.. 30 మంది ఎన్నికల అఽధికారులు, 30 మంది సహాయ ఎన్నికల అధికారులను నియమించారు. ఆరుగురు ఏఈవోలను రిజర్వులో ఉంచారు. నగర పంచాయతీని ఐదు రూట్లు, మూడు జోన్లుగా విభజించారు. మొత్తం 120 మంది పోలింగు సిబ్బందిని కేటాయించగా.. వీరిలో ప్రిసైడింగు అధికారులు, ఇతరు పోలింగు సిబ్బంది ఉన్నారు. పుర పోరుకు పోలీస్‌ శాఖ పటి ష్ట బందోబస్తు ఏర్పాటు చేసింది. సమస్యాత్మ క, అతి సమస్యాత్మక ప్రాంతాలపై ప్రత్యేక దృష్టి సారించారు. మొత్తం సుమారు 600 మంది సిబ్బందిని బందో బస్తుకు వినియోగిస్తున్నారు. ఇందులో ఒక ఏఎస్పీ, ముగ్గురు డీఎస్పీలు, ఎస్సైలు 30 మంది, ఆర్‌ఎస్‌ఐలు, ఏఎస్సైలు, హెచ్‌సీలు 106 మంది, కానిస్టేబు ళ్లు, హోంగార్డులు, ఆర్మ్‌డ్‌ రిజర్వు, ఇతర విభాగాల సిబ్బంది 442 మంది బందోబస్తు విధుల్లో ఉంటున్నారు. అదనపు ఎస్పీ, డీఎస్పీలు బాధ్యులుగా వ్యవహరిస్తారు.

శృంగవరపుకోట: సౌత్‌జోన్‌ కరాటే పోటీల్లో మొహంతిస్‌ కౌముది గ్లోబల్‌ స్కూల్‌ విద్యార్థులు ఘన విజయం సాధించారు. విశాఖపట్నం వేదికగా అక్టోబర్‌ 25న నిర్వహించిన 5వ కియో సౌత్‌జోన్‌ కరాటే చాంపియన్‌ షిప్‌ 2026 (5వ కియో సౌత్‌ జోన్‌ కరాటే చాంపియన్‌షిప్‌)లో మొహంతిస్‌ కౌముది గ్లోబల్‌ స్కూల్‌ విద్యార్థులు అద్భుత ప్రతిభ కనబరిచి పతకాలు సాధించారు. దాదాపు 2,600 మంది క్రీడాకారులు పాల్గొన్న ఈ ప్రతిష్టాత్మక పోటీలలో పాఠశాల విద్యార్థులు స్వర్ణ, రజత, కాంస్య పతకాలను కై వసం చేసుకున్నట్లు ప్రిన్సిపాల్‌ శాంతి మొహంతి చెప్పారు. 4వ తరగతి విద్యార్థి ఎ.తేజస్వరూప్‌–స్వర్ణపతకం, 7వ తరగతి విద్యార్థి వి.హార్ధిక్‌ వినయ్‌–రజత పతకం, 3వ తరగతి విద్యార్థిని కె.సుదీక్ష కాంస్యపతకం సాధించారు. ఈ సందర్భంగా విద్యార్థులకు శిక్షణ ఇచ్చిన కరాటే కోచ్‌ శ్రీనివాసరావును, పతకాలు సాధించిన క్రీడాకారులను పాఠశాల ప్రిన్సిపాల్‌ శాంతి మొహంతి అభినందించారు. రక్తదానాన్ని సామాజిక బాధ్యతగా భావించాలి డెంకాడ: రక్తదానాన్ని సామాజిక బాధ్యతగా భావించాలని డెంకాడ ఏపీఎస్పీ ఐదో బెటాలియన్‌ కమాండెంట్‌ రవిశంకర్‌రెడ్డి అన్నారు. పోలీస్‌ అమరవీరుల సంస్మరణ వారోత్సవాల్లో భాగంగా మండల కేంద్రంలోని బెటాలియన్‌ యూనిట్‌ ఫంక్షన్‌ హాల్‌లో రక్తదాన శిబిరం శుక్రవారం నిర్వహించారు. రక్తదానం చేస్తే సన్నబడిపోతామన్న అపోహ అందరిలో ఉందని, నిజానికి అందులో ఏమాత్రం వాస్తవం లేదన్నారు. మనమిచ్చే రక్తం ఆపదలో ఉన్న వారి ప్రాణం కాపాడుతుందన్న విషయం గుర్తెరగాలన్నారు. రక్తదానం ప్రాణదానంతో సమానమని, ప్రతిఒక్కరూ రక్తదానానికి ముందుకురావాలని కోరారు. అనంతరం 41 మంది పోలీసులు రక్తదానం చేయగా రక్తదాతలందరికీ ప్రశంసాపత్రం అందజేశారు. కార్యక్రమంలో విజయనగరం ప్రభుత్వ సర్వజన ఆస్పత్రి తేజస్విని, యూనిట్‌ మెడికల్‌ ఆఫీసర్‌ రాజేష్‌, డాక్టర్‌ మనోజ్ఞ, అడిషనల్‌ కమాండెంట్‌ సి.రాజారెడ్డి, అసిస్టెంట్‌ కమాండెంట్‌లు జీవీ ప్రభాకరరావు, వీవీ అప్పారావు, డీవీ రమణమూర్తి, ఆర్‌ఐలు, జి.రవీంద్రకుమార్‌, జి.దామోదర్‌, ఎన్‌.గణేష్‌, ఎ.శ్రీనివాసరావు, పోలీస్‌ అసోసియేషన్‌ ప్రెసిడెంట్‌ ఎం.అప్పలనాయుడు తదితరులు పాల్గొన్నారు. సెపక్‌ తక్రా జిల్లా స్థాయి ఎంపిక పోటీలు ప్రారంభంవిజయనగరం అర్బన్‌: స్థానిక వీటీఅగ్రహారం జిల్లా పరిషత్‌ ఉన్నత పాఠశాలలో బాలబాలిలకు సెపక్‌ తక్రా క్రీడలో జిల్లా స్థాయి ఎంపిక పోటీలను జిల్లా విద్యాశాఖ అధికారి యూ.మాణిక్యం నాయుడు శుక్రవారం ప్రారంభించారు. ఈ పోటీల్లో ప్రతిభ కనబరిచిన క్రీడాకారులను రాష్ట్రస్థాయి పోటీలకు ఎంపిక చేయనున్నారు. ఎంపికై న విద్యార్థులు రాష్ట్రస్థాయిలో జరిగే సెపక్‌ తక్రా పోటీల్లో జిల్లా తరఫున ప్రాతినిధ్యం వసిస్తారని నిర్వాహకులు డి.నారాయణరావు, ఎం.రమ్య తెలిపారు. కార్యక్రమంలో పాఠశాల ప్రధానోపాధ్యాయుడు బండి మార్టిన్‌, పలువురు వ్యాయామ ఉపాధ్యాయులు పాల్గొన్నారు. చికిత్స పొందుతూ వ్యక్తి మృతి కొత్తవలస: అనకాపల్లి జిల్లా కోటపాడు మండలం గొట్లాం గ్రామానికి చెందిన కొట్యాడ సూరిబాబు (40)చికిత్స పొందుతూ మృతి చెందినట్లు కొత్తవలస సీఐ టీవీ విజయకుమార్‌ శుక్రవారం తెలిపారు. గొట్లాం గ్రామానికి చెందిన సూరిబాబు కొత్తవలస మండలంలోని చీపురువలస రెవెన్యూ పరిధిలో గల తన పశువుల పాకలో ఉండగా అర్నాబ్‌ తుఫాన్‌ కారణంగా బుధవారం కురిసిన భారీ వర్షానికి పశువుల పాక వద్దగల తాటిచెట్టు విరిగి పశువుల పాకపై పడడంతో పాకలో మంచంపై ఉన్న సూరిబాబు తీవ్ర గాయాలపాలయ్యాడు. కుటుంబసభ్యులు ప్రమాదాన్ని గుర్తించి సూరిబాబును కోటపాడు ప్రభుత్వ ఆస్పత్రికి తరలించారు. అక్కడి నుంచి మెరుగైన వైద్యం కోసం విశాఖపట్నం తరలించగా అక్కడ చికిత్స పొందుతూ మృతి చెందినట్లు సీఐ తెలిపారు. మృతుడి కుటుంబసభ్యులు ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు సీఐ తెలిపారు.

నేను దాదాపు 20 ఏళ్లుగా ఆటో నడుపుతున్నాను.ఇదే మా జీవనాధారం.దీని ద్వారా వచ్చే ఆదాయంతో కుటుంబాన్ని పోషించుకుంటున్నాం.కూటమి ప్రభుత్వం అమలు చేసిన ఉచిత బస్సు పథకం వల్ల కొంత మేర ఉపాధి కోల్పోయాం.అలాగే కూటమి ప్రభుత్వం అధికారంలోకి వచ్చి రెండున్నరేళ్ల తర్వాత ఒక విడత ఒక్కొక్క ఆటో డ్రైవర్‌కు రూ.15 వేలు చొప్పున వేసింది. ఇప్పుడు ఏడాది దాటినా రెండో విడత వేయడానికి మీనమేషాలు లెక్కిస్తోంది. అలాగే పెట్రోల్‌ డీజిల్‌ ధరలు పెంచి ప్రభుత్వం మా పొట్టకొట్టింది. సీహెచ్‌ లోకేష్‌, బొబ్బిలి రూట్‌ యూనియన్‌ అధ్యక్షుడు, రామభద్రపురం జగన్‌ ప్రభుత్వంలోనే ఆటోవాలాలకు మేలు.. ఎన్నికల ముందు ఆటో కార్మికులకు చంద్రబాబు అనేక హామీలు ఇచ్చారు. మేనిఫెస్టోలో సైతం పెట్టారు.అధికారంలోకి వచ్చి ఏడాదిన్నర తర్వాత ఆటో యూనియన్లు ఎన్నో ధర్నాలు,ఉద్యమాలు చేస్తే ఒక్కొక్కరికి రూ.15 వేలు చొప్పున ఆర్థిక సాయం చేశారు. ఇప్పుడు ఏడాది దాటినా రెండో విడతకు అతీగతి లేదు.జగన్‌ ప్రభుత్వంలోనే ఆటో డ్రైవర్లకు మేలు జరిగింది. జగనన్న హామీ మేరకు ప్రతి ఏటా రూ.10 వేలు చొప్పున ఆర్థిక సాయం చేసి ఆదుకున్నారు. బి.దాలయ్య, ఆటో కార్మికుడు

● రెండురోజుల క్రితం ఆస్పత్రిలో బిడ్డను ప్రసవించిన గిరిజన గర్భిణి ● మోకాలి లోతు నీటిలో గెడ్డదాటి ఇంటికి చేరుకుంటున్న తల్లీబిడ్డలుఅసలే పచ్చి బాలింత. చల్లగాలి, చల్లటి నీరు తగలకూడదు. అయినప్పటికీ గత్యంతరం లేక తల్లీబిడ్డలను కుటుంబసభ్యులు గెడ్డదాటించి ఇంటికి చేర్చాల్సిన పరిస్థితి ఏర్పడింది. ఈ ఘటన వివరాలిలా ఉన్నాయి. పార్వతీపురం మన్యం జిల్లా, మక్కువ మండలం, పనసభద్ర పంచాయతీ, గుంటభద్ర గ్రామానికి చెందిన గిరిజన గర్భిణి పాలిక కాంతమ్మ రెండురోజుల క్రితం పార్వతీపురం ఏరియా ఆస్పత్రిలో పండంటి బిడ్డకు జన్మనిచ్చింది. ప్రసవం తరువాత తల్లీబిడ్డ క్షేమంగా ఉన్నారని, ఇంటికి తీసుకువెళ్లిపోవచ్చని వైద్యాధికారులు తెలిపారు. దీంతో శుక్రవారం ఆస్పత్రి నుంచి సుమారు 40కిలోమీటర్ల వరకు 102వాహనంలో తల్లీబిడ్డలను తీసుకువచ్చారు. గ్రామం సమీపంలో అడారుగెడ్డపై కాజ్‌వే, బ్రిడ్జి లేకపోవడంతో 102వాహనం వెళ్లేందుకు అవకాశం లేకపోయింది. అంతేకాకుండా అర్నబ్‌ తుఫాన్‌ ప్రభావంతో అడారుగెడ్డ ఉధృతంగా ప్రవహించడంతో మోకాళ్ల లోతులో బాలింత కాంతమ్మ నడవగా, నవజాత శిశువును ఎత్తుకుని కుటంబసభ్యులు గెడ్డదాటి గ్రామానికి చేరుకున్నారు. ఈ పరిస్థితి గిరిజనుల దారి కష్టాలకు అద్దం పడుతోంది. –మక్కువ

మున్సిపల్‌ ఎన్నికల ప్రచార ఘట్టం చివరి రోజైన శుక్రవారం పార్వతీపురం పట్టణంలో వైఎస్సార్‌ కాంగ్రెస్‌ పార్టీ ప్రచార హోరు మార్మోగింది. మున్సిపల్‌ ఎన్నికల్లో ఫ్యానన్‌్‌ గుర్తుకే తమ మద్దతు అనేలా అశేష జనవాహినితో పట్టణం కిక్కిరిసిపోయింది. పట్టణ ప్రారంభంలో గెడ్డ వీధిలో ప్రారంభమైన ఈ ప్రచార ర్యాలీ కిలోమీటరు మేర జనసంద్రంగా మారి పాత బస్టాండ్‌ వరకు ఉత్సాహంగా సాగింది. వైఎస్సార్‌ కాంగ్రెస్‌ పార్టీ శ్రేణులు, వార్డు అభ్యర్థులతో కలిసి ప్రజలు పెద్ద ఎత్తున అడుగులు వేశారు. ప్రచార వాహనంపై నుంచి మాజీ ఎమ్మెల్యే అలజంగి జోగారావు, మున్సిపల్‌ చైర్‌పర్సన్‌ వైఎస్సార్‌సీపీ అభ్యర్థి పట్నాన సాయిశ్రీ ప్రజలకు అభివాదం చేస్తూ ముందుకు సాగారు. –పార్వతీపురం రూరల్‌

● 600 మంది పోలీసుల నియామకం పార్వతీపురం రూరల్‌: నవంబర్‌1న ఆదివారం జరగనున్న పార్వతీపురం, సాలూరు, పాలకొండ మున్సిపల్‌ ఎన్నికలకు మన్యం జిల్లా పోలీసు యంత్రాంగం సర్వసన్నద్ధమైంది. ప్రశాంత వాతావరణంలో పోలింగ్‌ జరిగేలా, ఓటర్లు నిర్భయంగా ఓటు హక్కు వినియోగించుకునేలా సుమారు 600 మంది సిబ్బందితో పటిష్ట భద్రత కల్పించినట్లు ఎస్పీ ఎస్‌.వి.మాధవ్‌ రెడ్డి తెలిపారు. భద్రతా పర్యవేక్షణ కోసం సాలూరు, పాలకొండలకు డీఎస్పీలను, పార్వతీపురానికి అదనపు ఎస్పీని ప్రత్యేకంగా నియమించారు. అవాంఛనీయ ఘటనలకు తావులేకుండా సమస్యాత్మక ప్రాంతాల్లో పోలీసులు రూట్‌ మార్చ్‌ నిర్వహించారు. అత్యవసర పరిస్థితులను దీటుగా ఎదుర్కొనేందుకు రూట్‌ మొబైల్స్‌, స్ట్రైకింగ్‌ ఫోర్స్‌, ఫ్లయింగ్‌ స్క్వాడ్‌లను రంగంలోకి దించారు. నగదు, మద్యం అక్రమ రవాణాకు అడ్డుకట్ట వేసేలా జిల్లావ్యాప్తంగా చెక్‌పోస్టులు ఏర్పాటు చేసి ముమ్మర తనిఖీలు చేపట్టారు. స్ట్రాంగ్‌ రూమ్‌లు, పోలింగ్‌ కేంద్రాల వద్ద డ్రోన్లు, సీసీ కెమెరాలతో డేగకన్ను వేశారు. శుక్రవారం సాయంత్రం ఐదు గంటలతో ప్రచార పర్వం ముగియడంతో సభలు, ర్యాలీలు, మైకుల వినియోగానికి ఎట్టి పరిస్థితుల్లోనూ అనుమతి లేదన్నారు. ఎన్నికల కోడ్‌ ఉల్లంఘిస్తే చట్టపరమైన కఠిన చర్యలు తప్పవని హెచ్చరించారు. ఓటర్లు ఎలాంటి ప్రలోభాలకు గురికాకుండా స్వేచ్ఛగా ఓటు వేయాలని, ఎక్కడైనా చట్టవ్యతిరేక కార్యకలాపాలు గమనిస్తే వెంటనే ‘112’ టోల్‌ ఫ్రీ నంబర్‌కు సమాచారం ఇవ్వాలని ప్రజలకు పోలీసు శాఖ విజ్ఞప్తి చేసింది.

బొండపల్లి: గ్రామాల్లో వైఎస్సార్‌సీపీని బలోపేతం చేయడానికి కృషి చేయాలని బొండపల్లి వైఎస్సార్‌సీపీ జెడ్పీటీసీ అభ్యర్థిని బొత్స అనూష కోరారు. ఈ మేరకు మండలంలోని చిన్నతామరాపల్లి గ్రామానికి చెందిన టీడీపీ సీనియర్‌ నాయకుడు, నీటి సంఘం మాజీ అధ్యక్షుడు రెడ్డి సత్యనారాయణతో పాటు పలువురు టీడీపీని వీడి వైఎస్సార్‌సీపీలో చేరగా శుక్రవారం ఎం.కొత్తవలసలో జరిగిన కార్యక్రమంలో వారికి కండువాలు పార్టీలోకి ఆహ్వనించారు. ఈ సందర్భంగా ఆమె మాట్లాడుతూ కూటమి ప్రభుత్వం ఇచ్చిన హమీలను అమలు చేయకపోవడంతో వైఎస్సార్‌సీపీలోకి చాలా మంది వచ్చి చేరుతున్నారని, వారందరికీ వైఎస్సార్‌సీపీ సముచిత స్థానం కల్పించనుందని తెలిపారు. రాబోయే ఎన్నికల్లో తప్పనిసరిగా వైఎస్సార్‌సీపీ అధికారంలోకి వస్తుందని అందరికీ న్యాయం జరుగుతుందన్నారు. టీడీపీ నాయకులు పిళ్లా భాస్కరరావు, పిళ్లా రామునాయుడు, రెడ్డి సత్తిబాబులతో పాటు పలువురు పార్టీలో చేరిన వారిలో ఉన్నారు. కార్యక్రమంలో వైఎస్సార్‌సీపీ యువ నాయకుడు బొత్స సాయి గురునాయుడు, పార్టీ మండల అధ్యక్షుడు బొద్దల చిన్నం నాయుడు, వైఎస్సార్‌సీపీ ఎస్సీ సెల్‌ మండల అధ్యక్షుడు ములపర్తి రమణ, పిళ్లా గురునాయుడు తదితరులు పాల్గొన్నారు. గుర్ల మండలంలో మరికొందరు.. గుర్ల: మండలంలోని దేవునికణపాకకు చెందిన పలువురు టీడీపీని వీడి వైఎస్సార్‌సీపీలో గురువారం చేరారు. పార్టీలో చేరిన రెడ్డి రామునాయుడు, కోట్ల రామారావు, గుషిడి ఆదినారాయణ తదితరుల కుటుంబాలకు వైఎస్సార్‌సీపీ జెడ్పీటీసీ అభ్యర్థి సంగంరెడ్డి వెంకటలక్ష్మి వైఎస్సార్‌సీపీ కండువాలు వేసి శుక్రవారం పార్టీలోకి ఆహ్వానించారు. వైఎస్సార్‌సీపీ బలోపేతానికి కృషి చేయాలని కోరారు. ఆనంతరం గవిడిపేటలో ఎన్నికల ప్రచారం నిర్వహించారు. కార్యక్రమంలో వైఎస్సార్‌సీపీ రాష్ట్ర కార్యదర్శి కేవీ సూర్యనారాయణ రాజు, పార్టీ మండల అధ్యక్షుడు పొట్నూరు సన్యాసినాయుడు, మాజీ జెడ్పీటీసీ సభ్యుడు శీర అప్పలనాయుడు పాల్గొన్నారు. గరివిడి మండలంలో చేరికలు చీపురుపల్లి రూరల్‌(గరివిడి): వైఎస్సార్‌సీపీ హయంలో ఆమలు చేసిన అభివృద్ధి, సంక్షేమ కార్యక్రమాలు, ప్రజాప్రయోజనాలకు పెద్దపీట వేసిన పాలన పట ఆకర్షితులై ప్రజలు తిరిగి వైఎస్సార్‌సీపీ వైపు మొగ్గు చూపుతున్నారని వైఎస్సార్‌సీపీ యువ నాయకుడు బొత్స సందీప్‌, గరివిడి జెడ్పీటీసీ వైఎస్సార్‌సీపీ అభ్యర్థి బొత్స పూజిత పెర్కొన్నారు. ఈ మేరకు గరివిడి మండలంలోని బొండపల్లి మధుర గ్రామమైన సిరిగుడి పేటకు చెందిన 20 కుటుంబాలు టీడీపీని వీడి వైఎస్సార్‌సీపీలో శుక్రవారం చేరాయి. సిరిగుడి పేటకు చెందిన కొప్పు లోకేష్‌, కొప్పు శ్రీను, కొప్పు అప్పలరాము, కొప్పు యుగంధర్‌తోపాటు మరో 14 కుటుంబాల వారు సందీప్‌, పూజిత సమక్షంలో వైఎస్సార్‌సీపీలో చేరారు. వారికి పార్టీ కండువాలు వేసి వైఎస్సార్‌సీపీలోకి ఆహ్వానించారు. పార్టీలో చేరిన వారికి అండగా ఉంటామని హామీ ఇచ్చారు. కార్యక్రమంలో వైఎస్సార్‌సీపీ మండల అధ్యక్షుడు మీసాల విశ్వేశ్వరరావు, యలకల అప్పలనాయుడు, పొన్నాడ కుమార్‌, తమ్మినాయుడు, రాంబాబు, దాలినాయుడు, బాసి సీతన్న రెడ్డి, మీసాల వేణు, గణపతి, గొట్టాపు శ్రీను. రామకృష్ణ రాజు తదితరులు పాల్గొన్నారు. మెరకముడిదాంలో 500 కుటుంబాల చేరిక మెరకముడిదాం: మండల కేంద్రంలోని ఎస్సీకాలనీకి చెందిన సుమారు 500 కుటుంబాల వారు వైఎస్సార్‌కాంగ్రెస్‌ పార్టీ రాష్ట్ర అధికారప్రతినిధి రేగిడిలక్ష్మణరావు, రేగిడిసీతారాం తదితరుల ఆధ్వర్యంలో బొత్ససందీప్‌ సమక్షంలో వైఎస్సార్‌ కాంగ్రెస్‌ పార్టీలో శుక్రవారం రాత్రి చేరారు. వారికి బొత్ససందీప్‌ పార్టీ కండువాలను వేసి సాదరంగా ఆహ్వానించారు. అనంతరం ఆయన మాట్లాడుతూ మీకు ఏసమయంలో ఎలాంటి అవసరం వచ్చినా మిమ్మల్ని అన్నివిధాలా ఆదుకుంటామని హామీ ఇచ్చారు. కార్యక్రమంలో డీసీఎంఎస్‌ మాజీ చైర్మన్‌ ఎస్‌.వి.రమణరాజు, మాజీ సర్పంచ్‌లు సరిదిరమేష్‌, పిన్నింటిసుగుణాకరరావు, సత్యనారాయణ, రేగిడి రామకృష్ణ తదితరులు పాల్గొన్నారు. పార్టీలోకి ఆహ్వానించిన బొత్స అనూష

ప్రచారం ముగిసింది..కొద్ది రోజులుగా హోరెత్తిన మైకులు మూగబోయాయి.. ఇన్నాళ్లూ ఓటు కోసం అభ్యర్థించి, వీధి వీధినా తిరిగిన గొంతులు విశ్రాంతి తీసుకున్నాయి. ఓటరు దేవుడిని ప్రసన్నం చేసుకోవడానికి తెర వెనుక ప్రయత్నాలు.. ప్రచారాల ప్రలోభాలు మొదలయ్యాయి. సాక్షి, పార్వతీపురం మన్యం: పార్వతీపురం మన్యం జిల్లాలో పార్వతీపురం, సాలూరు మున్సిపాలిటీలు, పాలకొండ నగర పంచాయతీకి ఎన్నికలు జరగనున్నాయి. ఈ మూడు పట్టణ ప్రాంతాల్లో రాజకీయ పార్టీలు, అభ్యర్థులు ప్రతిష్ఠాత్మకంగా తీసుకున్న పోరు చివరి దశకు చేరుకుంది. ప్రచార సమయంలో ప్రజా సమస్యలు, అభివృద్ధి, మౌలిక సదుపాయాలపై హామీలిచ్చిన నేతలు..ఇప్పుడు ఓటర్ల మద్దతు కూడగట్టుకోవడమే లక్ష్యంగా పావులు కదుపుతున్నారు. మరోవైపు ఎన్నికల నిబంధనల ప్రకారం ప్రచారం ముగిసిన తర్వాత ఓటర్లను ప్రభావితం చేసే చర్యలకు పాల్పడితే చర్యలు తప్పవు. మద్యం, నగదు, ఇతర తాయిలాల పంపిణీపై ఎన్నికల అధికారులు నిఘా పెంచాల్సిన అవసరం ఉంది. అక్రమాలకు అడ్డుకట్ట వేసి స్వేచ్ఛాయుత వాతావరణంలో పోలింగ్‌ జరిగేలా చూడడం అధికార యంత్రాంగానికి సవాలుగా మారింది. పుర ఎన్నికలు నవంబరు 1న జరగనున్నాయి. ఎన్నికల సంఘం నిబంధనల మేరకు బరిలో ఉన్న అభ్యర్థులు పోలింగుకు 48 గంటల ముందు ప్రచా రం నిలిపివేయాలి.ఈ ప్రకారం శుక్రవారం సాయంత్రం 5 గంటలతో మూడు ప్రాంతాల్లో ప్రచారం ఆగిపోయింది. మైకులు మూగబోయాయి.. హామీ ల పర్వం ముగిసింది. ఓటర్లను ఆకర్షించే తెరవెనుక రాజకీయాలు మాత్రం ఊపందుకున్నాయి. వార్డుల వారీగా నగదు పంపిణీ మొదలైంది. ఓటర్లకు స్లిప్పులతో పాటు.. ఓటుకు రూ.వెయ్యి నుంచి రూ.2 వేలు వరకై నా ఇచ్చేందుకు కొంతమంది వెనుకాడడం లేదు. పోటాపోటీగా పంపకాలకు ఇప్పటికే నగదు తరలిపోయింది. మద్యం దుకాణాలు బంద్‌ అయినప్పటికీ..సరిపడా నిల్వలను ఆయా అభ్యర్థులు రహస్య ప్రాంతాల్లో నిల్వ చేశారు. మహిళలకు బొట్టుపెట్టి..చిరు కానుకలు అందిస్తున్నారు. ఈ చివరి 48 గంటల్లో ఎవరి వ్యూహాలు ఫలిస్తాయి? ఎవరి ప్రలోభాలకు ఓటర్లు లొంగుతారు? లేక అభ్యర్థుల భవితవ్యాన్ని అభివృద్ధి, స్థానిక సమస్యలే నిర్ణయిస్తాయా? అన్నది వేచి చూడాలి.

● జెండా ఊపి ప్రారంభించిన ఎస్పీ మాధవ్‌ రెడ్డి పార్వతీపురం రూరల్‌: సర్దార్‌ వల్లభ్‌భాయ్‌ పటేల్‌ జయంతి, పోలీస్‌ అమరవీరుల సంస్మరణ వారోత్సవాలను పురస్కరించుకుని శుక్రవారం జిల్లాకేంద్రం పార్వతీపురంలో జిల్లా పోలీసు శాఖ ఆధ్వర్యంలో జాతీయ సమైక్యతా పరుగు (రన్‌ ఫర్‌ యూనిటీ) నిర్వహించారు. ఈ మేరకు స్థానిక ఆర్టీసీ కూడలి నుంచి జిల్లా పోలీస్‌ కార్యాలయం వరకు జరిగిన ఈ పరుగును ఎస్పీ ఎస్‌.వి.మాధవ్‌ రెడ్డి జెండా ఊపి ప్రారంభించారు. ఈ సందర్భంగా ఎస్పీ మాట్లాడుతూ..స్వాతంత్య్రం అనంతరం 500కు పైగా సంస్థానాలను విలీనం చేసి ఐక్య భారతదేశ నిర్మాణానికి పటేల్‌ చేసిన కృషిని గుర్తుచేశారు. దేశ ఐక్యత, సమగ్రత, భద్రతను కాపాడడం ప్రతి పౌరుడి బాధ్యత అని పేర్కొన్నారు. అనంతరం, దేశ సమగ్రతను కాపాడేందుకు అంకితమవుతామని పరుగులో పాల్గొన్న పోలీసు అధికారులు, సిబ్బంది, విద్యార్థులతో ఎస్పీ ‘రాష్ట్రీయ ఏక్తా దివస్‌’ ప్రతిజ్ఞ చేయించారు. ఈ పరుగులో విజేతలుగా నిలిచిన బి.దివాకర్‌ (ప్రథమ), కె.చందు (ద్వితీయ), టి.అభిషేక్‌ (తృతీయ)లకు ఎస్పీ బహుమతులు అందజేశారు. కార్యక్రమంలో అదనపు ఎస్పీ ఎం.వెంకటేశ్వరరావు, డీఎస్పీలు శేషయ్య, థామస్‌ రెడ్డి, సీఐలు వెంకట్రావు, రంగనాథం, ఏఆర్‌ ఆర్‌ఐలు రాంబాబు, నాయుడు, ఆదినారాయణ తదితరులు పాల్గొన్నారు.

● కలెక్టర్‌ డా.ఎన్‌. ప్రభాకరరెడ్డి పార్వతీపురం: పట్టణ స్థానిక సంస్థల ఎన్నికల నేపథ్యంలో పార్వతీపురం, సాలూరు మున్సిపాల్టీలు, పాలకొండ నగర పంచాయతీ పరిధిలో అక్టోబర్‌ 30 సాయంత్రం 5గంటల నుంచి నవంబర్‌ 1 సాయంత్రం 5గంటల వరకు మద్యం దుకాణాలు, బార్లు, కల్లు దుకాణాలు మూసివేయాలని కలెక్టర్‌ డా.ఎన్‌. ప్రభాకరరెడ్డి ఆదేశించారు. నవంబర్‌ 3న ఓట్ల లెక్కింపు రోజున కూడా మద్యం విక్రయాలు నిషే ధమని తెలిపారు. అక్రమంగా మద్యం నిల్వలు, రవాణా, విక్రయాలపై ప్రత్యేక నిఘా ఏర్పాటు చేసినట్లు పేర్కొన్నారు. నిబంధనలు ఉల్లంఘిస్తే చర్యలు తీసుకుంటామని హెచ్చరించారు. అక్రమ మద్యం సమాచారం ఉంటే ఫోన్‌ 8897389271 నంబర్‌కు తెలియజేయాలని కోరారు. ఎన్నికల సిబ్బందికి ప్రత్యేక సూచనలు మున్సిపల్‌, జిల్లా పరిషత్‌ ఎన్నికలకు విధులు కేటా యించిన సిబ్బందికి కలెక్టర్‌ డా.ఎన్‌. ప్రభాకరరెడ్డి ప్రత్యేక సూచనలు జారీ చేశారు. రెండు ఎన్నికలకు విధులు కేటాయించిన సిబ్బందిలో అక్టోబర్‌ 31న మున్సిపల్‌ ఎన్నికల విధులకు కేటాయించిన సిబ్బంది మాత్రమే హాజరు కావాలని, జిల్లా పరిష త్‌ ఎన్నికల విధులు కేటాయించిన సిబ్బందికి నవ ంబర్‌ 3న ప్రత్యేక శిక్షణ నిర్వహిస్తామని తెలిపారు. కేవలం జిల్లా పరిషత్‌ ఎన్నికల శిక్షణకు కేటాయించిన సిబ్బంది మాత్రం అక్టోబర్‌ 31న తప్పనిసరిగా హాజరు కావాలని కలెక్టర్‌ స్పష్టం చేశారు. తుఫాన్‌ సహాయక చర్యలు వేగవంతం చేయాలి తుఫాన్‌ ప్రభావిత ప్రాంతాల్లో ప్రజల భద్రతకు ప్రాధాన్యమిస్తూ సహాయక, పునరుద్ధరణ చర్యలను వేగవంతం చేయాలని కలెక్టర్‌ డా.ఎన్‌.ప్రభాకరరెడ్డి అధికారులను ఆదేశించారు. విద్యుత్‌, తాగునీటి సరఫరా పునరుద్ధరణ, రహదారులపై పడిపోయిన చెట్ల తొలగింపు, చెరువులు, కాలువల గండ్ల పూడ్చివేత, పంట నష్టాల అంచనాను త్వరితగతిన పూర్తి చేయాలని సూచించారు. తుఫాన్‌ పరిస్థితులు, సహాయక చర్యలు, అత్యవసర సమాచారం ప్రజలకు ఎప్పటికప్పుడు తెలియజేయాలని, రైతులకు పంట బీమా, ఇన్‌పుట్‌ సబ్సిడీ, ఆర్థిక సహాయంపై అవగాహన కల్పించాలని తెలిపారు. ప్రజల భాగస్వామ్యంతో సహాయక చర్యలు చేపట్టి పట్టణాల్లో 24 గంటల్లో, ప్రభావిత గ్రామాల్లో 72 గంటల్లో సాధ్యమైనంత మేరకు విద్యుత్‌, తాగునీటి సరఫరాను పునరుద్ధరించాలని స్పష్టం చేశారు. మున్సిపల్‌ ఎన్నికల ప్రచారం ముగింపు జిల్లాలో నవంబర్‌ 1న జరగనున్న మున్సిపల్‌ ఎన్నికల ప్రచారం శుక్రవారం సాయంత్రం 5గంటలకు ముగిసిందని కలెక్టర్‌ ఎన్నికల అధికారి డా. ఎన్‌. ప్రభాకరరెడ్డి తెలిపారు. ప్రచార గడువు ముగిసిన తరువాత మైక్‌లు, బహిరంగ సభలు, ర్యాలీలు నిర్వహించరాదని స్పష్టం చేశారు. ఎన్నికల కోడ్‌ ఉల్లంఘనపై అధికారులు ప్రత్యేక నిఘా ఉంచాలని, నిబంధనలు అతిక్రమించిన వారిపై చట్టప్రకారం చర్యలు తీసుకోవాలని ఆదేశించారు. పోలింగ్‌ ప్రశాంతంగా, స్వేచ్చగా, నిష్పక్షపాతంగా జరిగేలా చర్యలు చేపట్టాలని సూచించారు.

మహిళలకు ఉచిత బస్సులతో పోటు..! ఏ ప్రభుత్వమైనా ఒక పథకాన్ని అమలు చేసింది అంటే అది అందరి ప్రజలకు మేలు జరిగేలా ఉండాలి.కూటమి ప్రభుత్వం అమలు చేసిన మహిళలకు ఏచిత బస్సు సౌకర్యంతో ఆటోవాలాల ఉపాధికి గండి పడింది.కూటమి సర్కారు హామీలు విస్మరించి ఉచిత బస్సులతో ఆటోవాలాల పొట్టకొట్టిందని వారు తీవ్రంగా విమర్శలు గుప్పిస్తున్నారు. నియోజకవర్గంలోని రామభద్రపురం,బొబ్బిలి టౌన్‌, బొబ్బిలి రూరల్‌, బాడంగి, తెర్లాం మండలాల్లో సుమారు 1500 నుంచి 1600 వరకు ఆటోలు ఉన్నాయి. వాటి ఆధారంగా బతుకుతున్న వారంతా కూటమి ప్రభుత్వం అమలు చేసిన సీ్త్ర శక్తి పథకం మరింత సమస్యగా మారిందని, ఆటో ప్రయాణాలపై ఆధారపడే మహిళా ప్రయాణికుల సంఖ్య తగ్గడంతో రోజువారీ ఆదాయం గణనీయంగా పడిపోయిందని పలువురు ఆటో డ్రైవర్లు వాపోతున్నారు. రోజువారీ ఆదాయం పడిపోవడంతో ఆర్థిక ఇబ్బందులు పడుతున్నామని ఆవేదన వ్యక్తం చేస్తున్నారు.రామభద్రపురం: వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌రెడ్డి హయాంలో ఆటోడ్రైవర్లకు ప్రతి ఏటా ఒక్కొక్కరికి రూ.10 వేలు చొప్పున ఆర్థిక సాయం అందించేవారని, ప్రస్తుత కూటమి ప్రభుత్వంలో ఆటో డ్రైవర్ల సంక్షేమం కోసం ప్రకటించిన ఆటో సేవా పథకం కింద రెండో విడత ఆర్థిక సాయం చేసేందుకు మీనమేషాలు లెక్కిస్తున్నారని ఆటోవాలాలు మండిపడుతున్నారు. ఎన్నికల ముందు ఆటో డ్రైవర్ల సంక్షేమానికి పెద్దపీట వేస్తాం. అధికారంలోకి వచ్చిన వెంటనే ఒక్కొక్కరికి రూ.15 వేలు చొప్పున ప్రతి ఏటా ఆర్థిక సాయం చేసి ఆదుకుంటామని కూటమి పక్షాలు హామీలు ఇచ్చాయి. అయితే అధికారంలోకి వచ్చిన తర్వాత హామీలు విస్మరించడంతో ఆటో డ్రైవర్లు ధర్నాలు, ఉద్యమాలు చేయడంతో అధికారం చేపట్టిన ఏడాదిన్నర తర్వాత మొదటి విడతలో వివిధ కారణాలు, నిబబంధనల సాకు చూపుతూ కొంత మందికి మాత్రమే సాయం అందించి, మిగిలిన వారికి ప్రభుత్వం నిరాశ మిగిల్చిందన్న ఆరోపణలు ఉన్నాయి. అలాగే మొదటి విడత ఆర్థిక సాయం ఇచ్చి ఏడాది దాటినా రెండో విడత ఆర్థిక సాయంపై కూటమి సర్కారు ఊసెత్తడం లేదని ప్రభుత్వ తీరుపై ఆటోవాలాలు ఆగ్రహం వ్యక్తంచేస్తున్నారు. గత జగన్‌మోహన్‌రెడ్డి ప్రభుత్వంలోనే ఆటో డ్రైవర్లకు మేలు జరిగిందని గుర్తుచేస్తున్నారు.రెండో విడత ఆర్థిక సాయం ఇంకెప్పుడు బాబూ? అంటూ ప్రశ్నిస్తున్నారు. ఆర్థిక ఇబ్బందులతో జీవనం రెండో విడత అందని ఆర్థిక సాయం ఒక విడతలో నిబబంధనల సాకుతో కొంత మందికే సాయం ఏడాది దాటినా రెండో విడత సాయంపై ఊసెత్తని ప్రభుత్వం మహిళలకు ఉచిత బస్సుతో పొట్టకొట్టిన సర్కారు కూటమి ప్రభుత్వ తీరుపై ఆటో యజమానుల ఆగ్రహం

బలిజిపేట: అర్నబ్‌ తుఫాన్‌ ప్రభావంతో పంట నష్టపోయిన రైతులకు తక్షణమే పరిహారం చెల్లించాలని రైతు సంఘం నాయకులు తహసీల్దార్‌ బాలమురళీకృష్ణకు శుక్రవారం వినతిపత్రం అందజేశారు. సువర్ణముఖి నదీ పరీవాహక గ్రామమైన నారాయణపురంలో వాణిజ్య పంటలతో పాటు వరి పంటకు తీవ్ర నష్టం వాటిల్లిందని, పరిహారం చెల్లించి రైతులను ఆదుకోవాలని కోరారు. వరి పంటకు ఎకరాకు రూ.25 వేలు, వాణిజ్య పంటలకు ఎకరాకు రూ.50వేలు చొప్పున చెల్లించాలన్నారు. కార్యక్రమంలో ఏపీ రైతు సంఘం రాష్ట్ర కార్యదర్శి ఎం.సూర్యనారాయణ, రైతు సంఘం జిల్లా ఉపాధ్యక్షుడు జి.సత్యనారాయణ, ఏపీ రైతు సంఘం మండలాధ్యక్షుడు గోవిందరావు, ఏపీ రైతుకూలీ సంఘం సభ్యుడు సింహాద్రినాయుడు, ఏపీ రైతు సంఘం సభ్యుడు రాజారావు పాల్గొన్నారు. సీతంపేట: పసుపు పంటను ధ్వంసం చేసిన ఫారెస్టు అధికారులపై క్రిమినల్‌ చర్యలు తీసుకుని నష్టపరిహారం ఇప్పించాలని పీపీ ఈతమానుగూడ పంచాయతీ బిల్లమడ గ్రామానికి చెందిన పాలక నాగేశ్వరరావు ఐటీడీఏ పీఓకు శుక్రవారం ఫిర్యాదు చేశారు. బిల్లమడ గ్రామానికి ఆనుకుని ఉన్న ఫారెస్టు బీట్‌లో ఉన్న భూమిని తరతరాలుగా సాగుచేస్తున్నామన్నారు. ఈ భూమికి పట్టాలు కూడా ఇచ్చారన్నారు. ఐటీడీఏ సరఫరా చేసిన పసుపు విత్తనాలు వేసుకుని పండించుకుంటే ఎటువంటి సమాచారం లేకుండా ఫారెస్టు బీటు అధికారులు ధ్వంసం చేశారని వాపోయారు. విజయనగరం గంటస్తంభం: రాష్ట్రంలో కూట మి ప్రభుత్వం అధికారంలోకి వచ్చిన నాటినుంచి పత్రికా స్వేచ్ఛను పూర్తిగా కాలరాస్తూ, నిరంకుశంగా విలేకరులపై కక్ష సాధింపులకు పాల్పడుతోందని విజయనగరం జిల్లా జర్నలిస్టు యూనియన్‌ నాయకులు తీవ్రస్థాయిలో ధ్వజమెత్తారు. ప్రజా సమస్యలను నిర్భయంగా వెలుగులోకి తెస్తున్న జర్నలిస్టులను టార్గెట్‌ చేసి భౌతిక దాడులకు పురిగొల్పడం అత్యంత హేయమైన చర్య అని మండిపడ్డారు. ఇటీవల కర్నూలు జిల్లా ఆత్మకూరులో సాక్షి రూరల్‌ విలేకరి సుబ్బారెడ్డిపై కొందరు గుర్తుతెలియని దుండగులు మారణాయుధాలతో విచక్షణారహితంగా దాడిచేసి గాయపరచడాన్ని నిరసిస్తూ కలెక్టరేట్‌ ఆవరణలోని మహాత్మా గాంధీ విగ్రహం వద్ద శుక్రవారం పెద్ద ఎత్తున నిరసన తెలిపారు. జర్నలిస్టులకు రక్షణ కల్పించాలంటూ జిల్లా రెవెన్యూ అధికారి(డీఆర్వో) సీహెచ్‌ సత్తిబాబుకు వినతిపత్రం అందజేశారు.

విజయనగరం: ఈనెల 1న జరగనున్న విజయనగరం మున్సిపల్‌ కార్పొరేషన్‌ ఎన్నికల్లో మేయర్‌ అభ్యర్థిగా పోటీ చేస్తున్న తనను అత్యధిక మెజార్టీతో గెలిపిస్తే విజన్‌ విజయనగరమే లక్ష్యంగా పాలన సాగిస్తానని వైఎస్సార్‌సీపీ విజయనగరం మేయర్‌ అభ్యర్థి కోలగట్ల శ్రావణి పేర్కొన్నారు. ఈ మేరకు శుక్రవారం విజయనగరంలోని సుజాత ఫంక్షన్‌ హాల్‌లో ఏర్పాటు చేసిన విలేకరుల సమావేశంలో తన తండ్రి మాజీ డిప్యూటీ మేయర్‌ కోలగట్ల వీరభద్రస్వామితో కలిసి ఆమె మాట్లాడారు. గత పది రోజులుగా విజన్‌ విజయనగరం మేనిఫెస్టోతో నగరంలోని 62 డివిజన్‌లలో ఎన్నికల ప్రచారం చేశామని చెప్పారు. అందులో భాగంగా తనను గెలిపిస్తే ప్రజల వద్దకు మేయర్‌ కార్యక్రమం పేరిట ప్రతి డివిజన్‌లో రెండు రోజుల పాటు స్థానికంగా ఉండి ప్రజల సమస్యలు తెలుసుకుని వాటి పరిష్కారానికి కృషి చేస్తానని హామీ ఇచ్చారు. అంతేకాకుండా 24/7 వాట్సాప్‌ గ్రీవెన్స్‌ సెల్‌ఏర్పాటు చేసి నేరుగా అధికార యంత్రాంగంతో సమస్యను పరిశీలించి పరిష్కరిస్తానని చెప్పారు. మహిళల భద్రతలో భాగంగా నగరంలో సీసీ కెమెరాల ఏర్పాటుతో పాటు అన్ని ప్రాంతాల్లో వీధి దీపాల ఏర్పాటు, అన్ని ప్రాంతాల్లో శానిటరీ ప్యాడ్స్‌, ఫీడింగ్‌ రూమ్‌లు ఏర్పాటు చేస్తామని చెప్పారు. ప్రతి ఇంటికీ తాగునీరు, ప్రతి వీధిలో పరిశుభ్ర వాతావరణం కల్పించడం ద్వారా ప్రజారోగ్యానికి ప్రాధాన్యం ఇస్తామన్నారు. పెద్దచెరువులో బోటు షికారువిద్యలకు నిలయం, కళలకు సంస్కృతిగా నిలిచే విజయనగరాన్ని పర్యాటకపరంగా అభివృద్ధి చేయడంలో భాగంగా పెద్ద చెరువులో బోటు షికారు ఏర్పాటు చేస్తామన్నారు. 5 ఏళ్లు డిప్యూటీ మేయర్‌గా పని చేసిన అనుభవంతో మీ ఇంటి అడబిడ్డగా ఎన్నికల్లో పోటీ చేస్తున్న తనతో పాటు 62 మంది కార్పొరేటర్‌ అభ్యర్థులకు ఫ్యాన్‌ గుర్తుపై ఓటు వేసి గెలిపించాలని అభ్యర్థించారు. ఐదేళ్ల పాలనలో చేసిన అభివృద్ధి ప్రజల కళ్లముందేగడిచిన పాలకవర్గంలో ఐదేళ్ల పాటు చేసిన అభివృద్ధి కార్యక్రమాలు ప్రజల కళ్ల ముందే ఉన్నాయని, గడిచిన రెండున్నరేళ్లలో కూటమి నేతలు రూ.540 కోట్లతో అభివృద్ధి చేపట్టామని ప్రచారం చేస్తున్న అభివృద్ధి ఎక్కడ జరిగిందో చెప్పాలని సవాల్‌ చేశారు. ఎన్నికల సమయంలో కూటమి నాయకులు తమను మానసికంగా ఇబ్బంది పెట్టాలనే ఆలోచనతో తప్పుడు ప్రచారాలు చేస్తూ బురద జల్లే ప్రయత్నాలు చేస్తున్నారని మండిపడ్డారు. తప్పుడు మాటలు చెప్పకుండా చేసిన అభివృద్ధిని చెప్పి ఓటర్లను అభ్యర్థించాలని హితవుపలికారు. కూటమికి అధికారం ఇస్తే రానున్న రోజుల్లో పీల్చే గాలికి కూడా ట్యాక్స్‌ విధిస్తారని ఎద్దేవా చేశారు. మరింత సుందరంగా విజయనగరం అభివృద్ధి సమావేశంలో ఏపీ శాసనసభ మాజీ డిప్యూటీ స్పీకర్‌ కోలగట్ల వీరభద్రస్వామి మాట్లాడుతూ ఈనెల 1న జరగనున్న విజయనగరం మున్సిపల్‌ కార్పొరేషన్‌ ఎన్నికల్లో వైఎస్సార్‌సీపీ తరఫున పోటీ చేస్తున్న మేయర్‌ అభ్యర్థిని కోలగట్ల శ్రావణితో పాటు వైఎస్సార్‌సీపీ కార్పొరేటర్‌ అభ్యర్థులను గెలిపిస్తే నగరాన్ని మరింత సుందరంగా అభివృద్ధి చేస్తామని హామీ ఇచ్చారు. కూటమి ప్రభుత్వం అధికారంలోకి వచ్చిన తరువాత జరుగుతున్న ఎన్నికల్లో హమీల అమల్లో ప్రభుత్వ వైఫల్యం, పెరిగిన నిత్యవసరాల ధరలతో సామన్య ప్రజలు పడుతున్న ఇబ్బందులు, ఐదేళ్ల వైఎస్సార్‌సీపీ పాలనలో చేసిన అభివృద్ధిని చెబుతూ ప్రజలను ఓట్లు అడినట్లు చెప్పారు. తమ ప్రచార సమయంలో నమ్మి ఓటేసిన కూటమి నేతలు మోసం చేశారంటూ ప్రజలే చెబుతున్నారని, అటువంటి పాలకులు ఏం అభివృద్ధి చేస్తారని ప్రశ్నించారు. ఎప్పుడూ ఎన్నికల్లో లబ్ధి పొందాలనే ఆశతో తనపై ,తన కుటుంబంపై దుష్ప్రచారం చేయడం అలవాటుగా మారిపోయిందని, అటువంటి చర్యలను తిప్పికొడతామని హెచ్చరించారు. సమావేశంలో విజయనగరం అసెంబ్లీ నియోజకవర్గ పరిశీలకుడు అందవరపు సూరిబాబు, మాజీ మేయర్‌ వెంపడాపు విజయలక్ష్మి, వైఎస్సార్‌సీపీ రాష్ట్ర కార్యదర్శి సంగంరెడ్డి బంగారునాయుడు, నగర పార్టీ అధ్యక్షుడు ఆశపు వేణు, మాజీ కార్పొరేషన్‌ ఫ్లోర్‌లీడర్‌ శెట్టి వీరవెంకట రాజేష్‌, జిల్లా మహిళా విభాగం అధ్యక్షురాలు గదుల సత్యలత తదితరులు పాల్గొన్నారు. 24/7 డిజిటల్‌ గ్రీవెన్స్‌ సెల్‌ ప్రజల వద్దకే మేయర్‌ కార్యక్రమంలో సమస్యల పరిష్కారం మహిళల భద్రతకు అధిక ప్రాధాన్యం తాగునీటి సరఫరా, పారిశుధ్యం, ప్రజరోగ్యంపై ప్రత్యేక శ్రద్ధ నగరాన్ని పర్యాటకంగా అభివృద్దికి కృషి రెండున్నరేళ్లలో కూటమి చేసిన అభివృద్ధి ఎక్కడ? వైఎస్సార్‌సీపీ విజయనగరం మేయర్‌ అభ్యర్థి కోలగట్ల శ్రావణి

´ëÆý‡Ó-¡ç³#Æý‡… Æý‡*Æý‡-ÌŒæ: B…{«§ýl-{ç³-§ól-ÔŒæ-&J-yìlÔ> çÜÇçßæ-§ýl$ª-ÌZÏ ÝëÆ> ™èlĶæ*È, çÜ$…MýS… ^ðlÍÏ…^èl° Ð]l$§ýlÅ… A{MýSÐ]l$ Æý‡Ðé×ê °Ä¶æ$…-{™èl-×æOò³ CÆý‡$ Æ>[ÚëtÌS A«¨M>Æý‡$-Ë$ MöÆ>ç³#sŒæ Gïܵ M>Æ>Å-ÌS-Ķæ$…-ÌZ VýS$Æý‡$-ÐéÆý‡… çÜÐ]l$-¯]lÓĶæ$ çÜÐ]l*-ÐólÔèæ… °Æý‡Ó-íßæ…^éÆý‡$. MöÆ>ç³#sŒæ Gïܵ Æøíß晌æ Ð]lÆý‡Ã ç³Æý‡Å-Ðól-„ýS-×æÌZ fÇW¯]l D ¿ôæsîæ-ÌZ ´ëÆý‡Ó-¡ç³#Æý‡… Ð]l$¯]lÅ… hÌêÏ {´÷-íßæ-¼çÙ¯ŒS A…yŠæ GOMð ÞgŒæ A«¨M>Ç MðS.çÜ-çßæ-§ólÐ]l ¯ól™èl–-™èlÓ…ÌZ° A«¨M>Æý‡$ÌS º–…§ýl… ´ëÌŸY…¨. çÜÇçßæ-§ýl$ª-ÌZÏ {糆 ¯ðlÌê ç܅Ķæ¬MýS¢ §éyýl$-Ë$ °Æý‡Ó-íßæ…^éÌS°, ÐólVýS-Ð]l…-™èl-OÐðl$¯]l çÜÐ]l*-^éÆý‡ Ð]l*ǵyìlMìS {ç³™ólÅMýS ¯øyýlÌŒæ A«¨M>Æý‡$-ÌS¯]l$ °Ä¶æ$-Ñ$…-^éÌS° çÜÐ]l*-Ðól-Ôèæ…-ÌZ °Æý‡~-Ƈ$$…^éÆý‡$. ¯]lÐðl*-O§ðl¯]l MóSçÜ$-ÌZÏ °…¨™èl$ÌS B^èl*MîS VýS$Ç¢…ç³#, AÆð‡-çÜ$t-ÌSMýS$ ç³Æý‡-çܵÆý‡… çÜçßæ-MýS-Ç…^èl$-MøÐéÌS° ¡Æ>Ã-°…^éÆý‡$. Ý린MýS çÜ…çܦÌS G°²MýSÌS §ýl–ÚëtÅ {ç³MýS-sìæ…^ól "{Oyðl yól‹Ü' çÜÐ]l$-Ķæ*-ÌZÏ Ð]l$§ýlÅ… §ýl$M>×êÌS Ð]lÊíÜ-Ðól-™èl¯]l$ ç³M>P-V> AÐ]l$-Ë$ ^ólĶæ*-ÌS° °Æý‡~-Ƈ$$…^éÆý‡$. ¿ôæsîæ-ÌZ A§ýl-¯]lç³# Gïܵ Ð]l$¯øgŒæ, GOMð ÞgŒæ çÜ*ç³-Ç…sñæ…yðl…sŒæ Ð]l$¯øgŒæ MýS$Ð]l*ÆŠ‡ ´ëÉìl, A«¨M>Æý‡$-Ë$ çÜ…™ø‹Ù Vø´ë-ÌS-MýS–çÙ~, ¯]lÆý‡-íÜ…çßæ-Ð]lÊ-Ç¢, ÔóæQÆŠ‡-»êº$, §éçÜ$ ´ëÌŸY-¯é²Æý‡$.

పార్వతీపురం: అర్నబ్‌ తుఫాన్‌ వల్ల వచ్చిన భారీ వర్షాల కారణంగా పంట నష్టాలకు గురైన రైతులు తమ నష్టాల వివరాలను స్వయంగా నమోదు చేసుకునేందుకు ప్రభుత్వం ప్రత్యేక సదుపాయాన్ని కల్పించిందని కలెక్టర్‌ డా.ఎన్‌. ప్రభాకరరెడ్డి తెలిపారు. రైతులు కర్షక్‌.ఏపీ.జీఓవీ.ఇన్‌ వెబ్‌సైట్‌లో లేదా ఏపీఐఎంఎస్‌ ఫార్మర్‌ యాప్‌ ద్వారా ఆధార్‌ ఓటీపీ ధ్రువీకరణతో పంటనష్టాల వివరాలను నమోదు చేసుకోవచ్చునన్నారు. నష్టపోయిన పొలాల సర్వే నంబర్లు, భూమి వివరాలతో పాటు పంట నష్టం ఫొటోలను అప్‌లోడ్‌ చేయాలని సూచించారు. సాధారణంగా వ్యవసాయ, ఉద్యానవన, రెవెన్యూశాఖల అధికారులు క్షేత్రస్థాయిలో పంట నష్టాల ను అంచనా వేస్తారని, రైతుల స్వీయ నమోదు వివరాలు ఈ ప్రక్రియకు అదనపు సమాచారంగా ఉపయోగడపతాయని కలెక్టర్‌ పేర్కొన్నా రు. రైతులకు ఈ విధానంపై అవగాహన కల్పి ంచి అవసరమైన సహకారాన్ని అందించాలని సంబంధిత అధికారులను ఆదేశించారు. పార్వతీపురం రూరల్‌: పురపాలక సంఘాల ఎన్నికల నేపథ్యంలో పార్వతీపురం పట్టణంలో సమస్యాత్మక ప్రాంతాలుగా గుర్తించిన వార్డుల్లో గురువారం భద్రతా బలగాలు రూట్‌ మా ర్చ్‌ నిర్వహించాయి. ఎటువంటి అవాంఛనీయ ఘటనలు జరగకుండా, పోలింగ్‌ ప్రశాంతంగా సాగేలా డీఎస్పీ శేషయ్య ఆధ్వర్యంలో పోలీసులు కవాతు చేస్తూ పరిస్థితులను పర్యవేక్షించా రు. ముందస్తు శాంతిభద్రతల చర్యల్లో భాగంగా స్థానిక రౌడీషీటర్లకు పోలీసులు ప్రత్యేక కౌన్సెలింగ్‌ నిర్వహించారు. ఎన్నికల ప్రక్రియలో సాధారణ ప్రజలకే ప్రాధాన్యం ఉంటుంద ని, రౌడీషీటర్లు మధ్యాహ్నం 3 గంటల తర్వాతే తమ ఓటు హక్కును వినియోగించుకోవాలని డీఎస్పీ స్పష్టం చేశారు. ఓటర్లు ఎలాంటి భయం లేకుండా తమ అమూల్యమైన ఓటును స్వేచ్ఛగా వినియోగించుకునేలా చైతన్యం కల్పించేందుకే ఈ రూట్‌ మార్చ్‌ ఏర్పాటు చేసినట్లు ఆయన వెల్లడించారు. ఈ కవాతులో పట్టణ సీఐ బి.వెంకట్రావు, ఎస్సైలు గోవింద, సింహాచలం, తదితరులు పాల్గొన్నారు. విజయనగరం అర్బన్‌: మున్సిపల్‌ ఎన్నికల రెండువితల శిక్షణకు సహేతుకమైన కారణం లేకుండా గైర్హాజరైన ఏడుగురు సిబ్బందికి జిల్లా ఎన్నికల అధికారి, కలెక్టర్‌ ఎస్‌.రాంసుందర్‌రెడ్డి గురువారం షోకాజ్‌ నోటీసులు జారీ చేశారు. ఎన్నికల నిబంధనల ప్రకారం వారిని ఎందుకు సస్పెండ్‌ చేయకూడదో వివరణ ఇవ్వాలని నోటీసుల్లో పేర్కొన్నారు. ఎన్నికల విధులను ప్రతి ఒక్కరూ బాధ్యతాయుతంగా నిర్వర్తించాలని కలెక్టర్‌ సూచించారు. విధుల పట్ల నిర్లక్ష్యం వహించే వారిపై నిబంధనల ప్రకారం చర్యలు తీసుకుంటామని హెచ్చరించారు.

రెండేళ్ల కిందటితో పోలిస్తే సామాన్యుడి కొనుగోలు శక్తి పాతాళానికి పడిపోయింది. ఆదాయం ఏమాత్రం పెరగకపోగా, నిత్యావసరాల ధరలు ఆకాశాన్ని అంటడంతో మార్కెట్‌ వైపు చూసేందుకే పేద, మధ్యతరగతి వర్గాలు జంకుతున్నాయి. కందిపప్పు, వంట నూనెల రేట్లు చూసి సామాన్యుడు సరుకులు కొనుగోలు చేసే పరిస్థితి అస్సలు లేదు. సామాన్యులు తమ రోజువారీ సంపాదనతో కడుపు నిండా తినలేని దైన్య స్థితికి చేరుకున్నారు. మార్కెట్లో వస్తువులున్నా వాటిని కొనే స్థోమత లేక జనం అల్లాడుతున్నారు. ఇదే దుస్థితి కొనసాగితే సమాజంలో ఆర్థిక అంతరాలు మరింత పెరిగి, రానున్న రోజుల్లో మరింత ప్రమాదకర పరిస్థితిలో ఏర్పడే అవకాశం ఉంది. –సానిపినిడి రాజు, పార్వతీపురం వైకేఎం కాలనీ

సాక్షి, పార్వతీపురం మన్యం: వచ్చేనెల 1వ తేదీన జరగనున్న మున్సిపల్‌ ఎన్నికల ప్రచార గడువు శుక్రవారం సాయంత్రం 5 గంటలతో ముగియనుంది. ఎన్నికల నిబంధనల ప్రకారం పోలింగ్‌ ప్రారంభానికి 48 గంటల ముందే ప్రచారాన్ని నిలిపివేయాల్సి ఉంది. దీనిప్రకారం ఈ రోజు 5 గంటల తర్వాత జిల్లా వ్యాప్తంగా ఎలాంటి మైకులు, బహిరంగ సభలు, ర్యాలీ లు, ఊరేగింపులు, ఇతర ప్రచార కార్యక్రమాల కు అనుమతి ఉండదు. జిల్లాలోని పార్వతీపురం, సాలూరు మున్సిపాలిటీలు, పాలకొండ నగర పంచాయతీ పరిధిలో ఇది అమల్లోకి వస్తుంది. ఎన్నికల కోడ్‌ అమలులో ఉన్నందున రాజకీయ పార్టీలు, అభ్యర్థులు నిబంధనలను కచ్చితంగా పాటించాలని కలెక్టర్‌, జిల్లా ఎన్నిక ల అధికారి ఎన్‌.ప్రభాకరరెడ్డి సూచించారు. ఎ న్నికల ప్రక్రియను ప్రశాంతంగా, నిష్పక్షపాతంగా నిర్వహించేందుకు అన్ని ఏర్పాట్లు పూర్తి చేసి నట్లు వెల్లడించారు. ఓటర్లు ఎలాంటి భయాందోళనలు లేకుండా స్వేచ్ఛగా తమ ఓటు హక్కు ను వినియోగించుకోవాలని పిలుపునిచ్చారు. మడ్డువలసకు వరదపోటు వంగర: మండల పరిధి మడ్డువలస గొర్లె శ్రీరాములునాయుడు ప్రాజెక్టుకు గురువారం వరద తాకిడి పెరిగింది. సువర్ణముఖి, వేగావతి నదుల నుంచి 60 వేల క్యూసెక్కుల వరద నీరు ప్రాజెక్టులోకి వచ్చి చేరుతోంది. ప్రాజెక్టు నీటిమట్టం 63.59 మీటర్లు నమోదైంది. దీంతో ప్రాజెక్టు వద్ద ఎమినిది గేట్లు ఎత్తివేసి 60వేల క్యూసెక్కుల నీటిని దిగువకు విడిచిపెడుతున్నట్టు డీఈ పి.అర్జున్‌ తెలిపారు. ఇప్పటికే కొప్పర, కొండచాకరాపల్లి, గీతనాపల్లి గ్రామా ల్లో ప్రజలను అప్రమత్తం చేశామన్నారు. కులం, మతం పేరుతో ఓట్లు అడగడం.. దేవాలయాలు, చర్చిలు, మసీదుల స్థలాలను ఎన్నికల ప్రచారానికి వినియోగించడం ఎన్నికల ప్రవర్తన నియమావళి ఉల్లంఘన కిందకు వస్తుంది. పార్వతీపురం ఎమ్మెల్యే విజయ్‌ చంద్ర పార్వతీపురం పట్టణంలో టీడీపీ నాయకులు, అభ్యర్థులతో కలిసి గురువారం ఎన్నికల ప్రచారాన్ని నిర్వహించారు. పట్టణంలోని 29, 24, 23, 22, 15వ వార్డుల్లో పర్యటిస్తూ.. ఇంటింటికీ వెళ్లి ఓట్లు అభ్యర్థించారు. చర్చిలో జరిగిన ప్రత్యేక ప్రార్థనల్లోనూ, దేవాలయంలో జరిగిన పూజల్లోనూ తన అనుచరుల తో కలిసి పాల్గొనడం, మాట్లాడటం కోడ్‌ ఉల్లంఘన కిందకే వస్తుందని ప్రతిపక్ష నాయకులు ఆరోపిస్తున్నారు. – సాక్షి, పార్వతీపురం మన్యం

● నూకలవాడ, వంతరాం, నారాయణపురం గ్రామాల్లోకి నీరు ● అవస్థలు పడుతున్న ప్రజలుబలిజిపేట: అర్నబ్‌ తుఫాన్‌ ప్రభావంతో సువర్ణముఖి, వేగావతి నదుల ఉధృతి పెరిగి నదిపరీ వాహక ప్రాంతాల్లో ఉండే గ్రామాల్లోకి వరదనీరు చేరడంతో ప్రజలు ఇబ్బందులకు గురయ్యారు. ముఖ్యంగా వేగావతి నది ప్రవాహ ఉధృతి పెరగడంతో నూకలవాడ ఎస్సీకాలనీలోని నివాసగృహాల్లోకి నీరుచేరడంతో ప్రజలకు తీవ్ర అసౌకర్యం కలిగింది. బుధవారం రాత్రి నుంచి కాలనీలోకి నీరు రావడంతో కాలనీవాసులకు నిద్ర, ఆహారం కరువైనట్లు చెబుతున్నారు. వరద నీటికి ఎటువంటి విషసర్పాలు వస్తాయేమోనని ఆందోళనకు గురవుతున్నారు. అధికారులు పట్టించుకోలేదని కాలనీవాసులు తెలిపారు. పునరావాస కేంద్రాన్ని ఏర్పాటుచేసినా అక్కడికి తరలించలేదని, ఆకలితో అవస్థలు పడ్డామని కాలనీవాసులు వాపోయారు. వంతరాం వద్ద బస్టాండ్‌ నుంచి శివాలయం వరకు వేగావతి నది నీరు రావడంతో గ్రామంలోకి రాకపోకలకు ప్రజలు ఇబ్బందులు ఎదుర్కొన్నారు. గ్రామం శివారున ప్రభుత్వ ఉన్నత పాఠశాల, కేజీబీవీ ఉన్నాయి. ఉన్నత పాఠశాలకువచ్చే విద్యార్థులు, ఉపాధ్యాయులకు అవస్థలు తప్పలేదని గ్రామస్తులు తెలిపారు. నారాయణపురం వద్ద సువర్ణముఖి నది ఉధృతి పెరగడంతో గ్రామంలోని మహంతి వీధిలోకి నీరు వచ్చిందని ప్రజలు తెలి పారు. తీవ్రంగా వర్షాలు కురిసినప్పుడు, తుఫాన్‌ల సమయంలో నదిపరీవాహక గ్రామాల్లో ఇటువంటి సమస్యలు తలెత్తుతున్నాయని ప్రజలు తెలిపారు. అధికారులు వస్తున్నారు, పర్యవేక్షిస్తున్నారు, వెళ్లిపోతున్నారు తప్ప పరిష్కార మార్గాన్ని చూపించడం లేదని ప్రజలు అసంతృప్తి వ్యక్తం చేస్తున్నారు.

● సామాన్య కుటుంబాల బడ్జెట్‌కు తప్పని కోతలు ఎన్నికలకు ముందు నిత్యావసర ధరలతో పాటు విద్యుత్‌, పెట్రోల్‌, డీజిల్‌ ధరలు అదుపు చేస్తామన్న ప్రభుత్వం ఇప్పుడు ముఖం చాటేస్తోంది. పప్పులు, ఉప్పులు, గ్యాస్‌, వంటనూనెల ధరలు ఆకాశా న్ని అంటుతున్నాయి. కిలో బియ్యం రూ.100 ఉంటే ఎకరా భూమి 99 పైసలకు కూటమి నాయకులు ఇచ్చేస్తున్నారు. పేదలను ఆదుకోవడంలేదు. సంపన్నులు ఇచ్చే కమీషన్ల కోసం ప్రభుత్వ ఆస్తులు చౌకగా కట్టబెడుతోంది. పెరుగుతున్న ధరలతో అన్ని వర్గాల ప్రజలు తీవ్ర అవస్థలు పడుతున్నారు. ప్రభుత్వం కనీసం ఎన్నికల హామీలు అమలుచేసినా కాస్త వెసులుబాటు ఉండేది. రెక్కలు ముక్కలు చేసుకున్నా కుటుంబపోషణ భారంగా మారింది...ఇదే కూటమి తీరు. –విశ్వాసరాయి కళావతి, మాజీ ఎమ్మెల్యే, పాలకొండ సాక్షి, పార్వతీపురం మన్యం/పాలకొండ రూరల్‌/పార్వతీపురం రూరల్‌: నిత్యావసరాల ధరల పెరుగుదల పార్వతీపురం మన్యం జిల్లాలోని సామాన్య కుటుంబాలను ఉక్కిరిబిక్కిరి చేస్తోంది. కూరగాయల నుంచి పప్పులు, నూనెల వరకు రోజువారీ అవసరాల కోసం ఖర్చు పెరుగుతుండటంతో నెలవారీ కుటుంబ బడ్జెట్‌ తలకిందులవుతోంది. ఆదాయం అంతంతమాత్రంగా ఉన్న పేద, మధ్యతరగతి కుటుంబాలు.. ఖర్చులను తగ్గించుకోవాల్సిన పరిస్థితి ఏర్పడుతోంది. ఒకవైపు ఆదాయం పెరగకపోగా.. మరోవైపు మార్కెట్‌లో ధరలు అదుపుతప్పుతున్నాయన్న ఆందోళన వ్యక్తమవుతోంది. చంద్రబాబు ప్రభుత్వం అధికారంలోకి వచ్చిన తర్వాత రెండున్నరేళ్లుగా నిత్యావసరాల ధరల నియంత్రణపై తీసుకుంటున్న చర్యలు ఏమిటన్న ప్రశ్నలు వినిపిస్తున్నాయి. ధరల పెరుగుదలకు అంతర్జాతీయ పరిణామాలు, వాతావరణ పరిస్థితులు, ఉత్పత్తి తగ్గుదల వంటి కారణాలు ఉన్నప్పటికీ.. వాటి ప్రభావం సామాన్యులపై పడకుండా చూడాల్సిన బాధ్యత ప్రభుత్వంపై ఉందనే అభిప్రాయాలు వ్యక్తమవుతున్నాయి. 2024కు ముందు ఉన్న ధరలకు, ప్రస్తుత ధరలకు మధ్య భారీ వ్యత్యాసం కనిపిస్తోంది. బియ్యం 25 కిలోల బస్తా ధర రూ.1,400 నుంచి రూ.2,200– 2,400కు చేరింది. పాలు లీటరు రూ.44 నుంచి రూ.59కి, పంచదార కిలో రూ.40 నుంచి రూ.75, కందిపప్పు రూ.110 నుంచి రూ.170కి పెరిగింది. కోడిగుడ్డు ధర రూ.5 నుంచి రూ.7, పెట్రోల్‌ రూ.109 నుంచి రూ.118, డీజిల్‌ రూ.94 నుంచి రూ.104, టమాటా ధర రూ.20 నుంచి రూ.45, మినపప్పు ధర రూ.120 నుంచి రూ.145 అయ్యింది. ఉల్లిపాయలు, శనగపప్పు, చింతపండు.. ఇలా ఏ ధర చూసుకున్నా రెట్టింపు అయ్యింది. వంటనూనె 15 కిలోల టిన్‌ ధర రూ.2,000 నుంచి రూ.2,800కు పెరిగింది. చికెన్‌ కిలో రూ.180 నుంచి రూ.300కు, మాంసం రూ.800 నుంచి రూ.1,000కు చేరాయి. గృహ వినియోగ గ్యాస్‌ సిలిండర్‌ ధర రూ.820 నుంచి రూ.950కి పెరిగింది. ధరల పెరుగుదల ప్రభావం కేవలం కుటుంబ ఖర్చులకే పరిమితం కావడం లేదు. ఆదాయం సరిపోకపోతే పప్పులు, పాలు, పండ్లు, నూనెల వినియోగాన్ని తగ్గించుకోవాల్సి వస్తుంది. ముఖ్యంగా రోజువారీ కూలీలు, చిరుద్యోగులు, చిన్న వ్యాపారులు, గిరిజన గ్రామీణ కుటుంబాలపై ఈ భారం అధికంగా పడుతోంది. పౌష్టికాహారానికి అవసరమైన వస్తువులనే కొనలేని పరిస్థితి ఏర్పడితే కుటుంబాల ఆరోగ్యంపైనా ప్రభావం పడుతుంది. జిల్లాలోని గిరిజన, గ్రామీణ ప్రాంతాల్లో ప్రజల ఆదాయ పరిస్థితులను దృష్టిలో ఉంచుకుని నిత్యావసరాల సరఫరాపై ప్రత్యేక దృష్టి పెట్టాల్సిన అవసరం ఉంది. ధరల నియంత్రణ అనేది కేవలం మార్కెట్‌ వ్యవహారం కాదు.. ప్రజల జీవన ప్రమాణాలతో ముడిపడిన అంశం. ధరల పెరుగుదలకు కారణాలను గుర్తించడం, సరఫరా వ్యవస్థలో లోపాలను సరిదిద్దడం, అక్రమ నిల్వలపై చర్యలు తీసుకోవడం, అవసరమైన వస్తువులను సరసమైన ధరలకు అందించే విషయంలో చంద్రబాబు ప్రభుత్వం తీసుకున్న చర్యలు శూన్యం. ప్రజలకు కావాల్సింది హామీలు కాదు.. వంటింటి ఖర్చును తగ్గించే ఆచరణాత్మక చర్యలు. నిత్యావసరాల ధరల పెరుగుదలతో సతమతమవుతున్న కుటుంబాలకు ఉపశమనం కల్పించడంలో రాష్ట్ర ప్రభుత్వం వైఫల్యం స్పష్టంగా కనిపిస్తోంది. ఒకవైపు చేతిలో డబ్బులు లేక.. మరోవైపు నిత్యవసరాల ధరల మోతతో చిరు బతుకులు ఛిన్నాభిన్నమవుతున్నాయి

పార్వతీపురం: జిల్లాలో ఎంపీటీసీ, జెడ్పీటీసీ ఎన్నికల నిర్వహణకు సంబంధించి, పీవో(ప్రిసైడింగ్‌ ఆఫీసర్‌), ఏపీవో(అసిస్టెంట్‌ ప్రిసైడింగ్‌ ఆఫీసర్‌)లకు ఈ నెల 31వ తేదీన శిక్షణ తరగతులు నిర్వహిస్తున్నట్లు కలెక్టర్‌, జిల్లా ఎన్నికల అధికారి డా.ఎన్‌.ప్రభాకరరెడ్డి తెలిపారు. శిక్షణలో భాగంగా ఎన్నికల విధులు, పోలింగ్‌ ప్రక్రియ, ఎన్నికల నియమ నిబంధనలు, ఎన్నికల సామగ్రి వినియోగంపై సిబ్బందికి అవగాహన కల్పించనున్నారు. ఎన్నికలు సజావుగా, పారదర్శకంగా జరిగేలా అధికారులు పూర్తి అవగాహనతో విధులు నిర్వర్తించాలని కలెక్టర్‌ సూచించారు. సాంకేతిక కారణాలతో ఇప్పటికే ఆర్డర్లు జారీచేసి ఉంటే, వాటి స్థానంలో తాజాగా జారీచేసే ఆర్డర్లే అమల్లోకి వస్తాయని స్పష్టం చేశారు. సంబంధిత అధికారులు ఈ విషయాన్ని గమనించాలని సూచించారు. వరద ప్రభావిత ప్రాంతాల్లో తక్షణ సహాయక చర్యలు చేపట్టాలి జిల్లాలో నాలుగు రోజులుగా కురుస్తున్న భారీ వర్షాల నేపథ్యంలో వరద ప్రభావిత ప్రాంతాల్లో తక్షణ సహాయక, పునరుద్ధరణ చర్యలు చేపట్టాలని కలెక్టర్‌ డా.ఎన్‌.ప్రభాకరరెడ్డి ఆదేశించారు. ఈ మేరకు గురువారం వివిధ శాఖల అధికారులతో వీడియో కాన్ఫరెన్సు నిర్వహించి పరిస్థితులను సమీక్షించారు. వర్షాలకు దెబ్బతిన్న పంటలు, ఇళ్లు, రహదారులు, కల్వర్టులు, విద్యుత్‌ వ్యవస్థకు జరిగిన నష్టాన్ని క్షేత్రస్థాయిలో పరిశీలించి సమగ్ర నివేదికలు సిద్ధం చేయాలని సూచించారు. ప్రజల ప్రాణ రక్షణకు ప్రాధాన్యతనిస్తూ ప్రమాదకర ప్రాంతాలలో హెచ్చరికలు జారీచేయాలని, దెబ్బతిన్న మౌలిక సదుపాయాలను త్వరగా పునరుద్ధరించాలని తెలిపారు. గ్రామాలు, పట్టణాల్లో పారిశుధ్యం, సురక్షిత తాగునీటి సరఫరాపై ప్రత్యేక దష్టి సారించాలని, వ్యాధులు ప్రబలకుండా వైద్య ఆరోగ్య శాఖ అప్రమత్తంగా ఉండాలని ఆదేశించారు. జిల్లా, డివిజన్‌, మండల స్థాయిలో కంట్రోల్‌ రూమ్‌లు 24 గంటలూ పనిచేయాలని, అన్ని శాఖల అధికారులు సమన్వయంతో పనిచేస్తూ బాధితులకు తక్షణ సహాయం అందించాలని కలెక్టర్‌ స్పష్టం చేశారు.

దేవుడి మాన్యం అధికార తెలుగుదేశం పార్టీ పోలిట్‌ బ్యూరో సభ్యురాలు గంటేడ శ్రీదేవి భర్త గంటేడ సూర్యారావు పేరిట 16 సెంట్లు నమోదై ఉండడం అనేక ఆరోపణలు వినవస్తున్నాయి. ఎఫ్‌సీఏ రికార్డుల్లో శ్రీరామ అష్ట శివ కేశవులు పేరిట ఉన్నట్లు చెబుతున్న భూమి ఇతరుల పేర్లకు ఎలా మారిందన్నది తేలాల్సిఉంది. గజపతినగరం నుంచి ఎంపీపీ రేసులో ఉన్న శ్రీదేవి ప్రస్తుతం మరుపల్లి నుంచి ఎంపీటీసీగా పోటీ చేస్తున్నారు. కాలం కలిసొస్తే ఆవిడను ఎలాగైనా ఎంపీపీ కుర్చీలో కూకోబెట్టేయాలని పార్టీ పెద్దలు కూడా గట్టిగా కమిటై ఉన్నట్లు తెలుస్తోంది. జాతీయ రహదారి పక్కనే ఉన్న ఈ 16 సెంట్ల భూమి అంటే దాదాపు 800 గజాల వాణిజ్య పరమైన భూమి దాదాపు రూ.2 కోట్ల వరకు ఉంటుందని ఆంచనా. మొత్తానికి అధికారం మాటున నాయకులంతా కలిపి దేవుడికి పంగనామాలు పెట్టారని ప్రజలు గుసగుసలాడుతున్నా బయటకు ఏమీ అనలేని పరిస్థితి.

పార్వతీపురం: రాష్ట్ర ఎన్నికల సంఘం ఆదేశాల మేరకు ఎంపీటీసీ, జెడ్పీటీసీ ఎన్నికల షెడ్యూల్‌లో మార్పులు చేసినట్లు కలెక్టర్‌, జిల్లా ఎన్నికల అధికారి డాక్టర్‌ ఎన్‌.ప్రభాకరరెడ్డి తెలిపారు. నవంబర్‌ 5న పోలింగ్‌, అవసరమైన చోట 6న రీపోలింగ్‌ నిర్వహిస్తామన్నారు. నవంబర్‌ 7న ఉదయం 8 గంటల నుంచి ఓట్ల లెక్కింపు ప్రారంభించి, అనంతరం ఓట్ల లెక్కింపు ఫలితాలను ప్రకటిస్తామన్నారు. ఎన్నికలు ప్రశాంతంగా, పారదర్శకంగా నిర్వహించేందుకు అధికారులు సమన్వయంతో ఏర్పాట్లు పూర్తి చేయాలని ఆదేశించారు. ఎంపీటీసీ, జెడ్పీటీసీ ఎన్నికలకు ఏర్పాట్లు ముమ్మరం జిల్లాలో ఎంపీటీసీ, జెడ్పీటీసీ ఎన్నికల నిర్వహణకు ఏర్పాట్లు ముమ్మరంగా సాగుతున్నాయి. ఎన్నికల సామగ్రి డిస్ట్రిబ్యూషన్‌, రిసెప్షన్‌ కేంద్రాలతోపాటు స్ట్రాంగ్‌ రూమ్‌లు, కౌంటింగ్‌ కేంద్రాలను ఖరారు చేశారు. గరుగుబిల్లి, జియ్యమ్మవలస, జి.ఎల్‌. పురం, కొమరాడ మండలాల ‘స్థానిక’ ఓట్లను ఉల్లిభద్రలోని డా.వైఎస్సార్‌ హార్టికల్చర్‌ కళాశాలలోను, పాలకొండ, వీరఘట్టం, భామిని, సీతంపేట మండలాల ఓట్లను పాలకొండ ప్రభుత్వ డిగ్రీ కళాశాలలోను, పార్వతీపురం, బలిజిపేట, సీతానగరం మండలాలకు సంబంధించి పార్వతీపురం ప్రభుత్వ జూనియర్‌ కళాశాలలోను, మక్కువ, సాలూరు, పాచిపెంట మండలాలకు సాలూరు ప్రభుత్వ డిగ్రీ కళాశాలలో లెక్కింపు కేంద్రాలను ఏర్పాటుచేశారు. ● నవంబర్‌ 5న పోలింగ్‌ ● 7న ఓట్ల లెక్కింపు డా.ఎన్‌.ప్రభాకరరెడ్డి

● దైవాన్ని ఏమార్చి.. రికార్డులు మార్చి భూదందా ● దేవుడి మాన్యం కాజేసిన తెలుగు తమ్ముళ్లు ● రెండు కోట్ల భూమి వాటాగా పొందిన పొలిట్‌ బ్యూరో సభ్యురాలు శ్రీదేవి భర్త సూర్యరావు? ● మరుపల్లిలో దేవుడి భూముల రికార్డుల మార్పులు దేవుడి భూమి ఇదే.. సాక్షి ప్రతినిధి, విజయనగరం: అధికార బలం ఉంది... మంత్రి అండదండలు దండిగా ఉన్నాయి.. మన ముందు ముల్లోకాలను పాలించే దేవుడెంత?.. ఆయన భూముల ఆక్రమణ ఓ లెక్కా..? రికార్డులు మార్చేద్దాం.. ఆక్రమించేద్దాం అని కూడబలుక్కున్నారు. గజపతినగరం మండలంలోని శ్రీరామా అష్ట శివకేశవ స్వామివారి పేరిట దశాబ్దాలుగా కొనసాగుతున్న భూముల రికార్డులను మార్చేసి తమ పేరిట దఖలు పర్చుకున్నారు. దేవుడి భూమిని నేరుగా తమపేరిట రాయించుకుంటే దైబ్బెపోతాం అని తెలుసుకున్న నాయకులు.. ముందుగా ఆ భూమిని వేరేవారి పేరిట రికార్డుల్లో మార్పించి, ఆ తరువాత రెండో అంచెలో దాన్ని తమపేరు మీద మార్చుకున్నారు. దేవుడికే శఠగోపం పెట్టిన టీడీపీ నేతల బాగోతం ఇప్పుడు జిల్లాలో చర్చనీయాంశంగా మారింది. వారి కబ్జాపర్వం చూసి భక్తులు మండిపడుతున్నారు. దేవుడి భూములకే కన్నం వేసిన నాయకుల తీరును చూసి ఛీకొడుతున్నారు. ● కబ్జా పర్వం సాగిందిలా... గజపతినగరం మండలం మరుపల్లి గ్రామంలోని జాతీయ రహదారి పక్కన సర్వే నంబర్‌ 287/1లో మొత్తం 2 ఎకరాల 87 సెంట్ల భూమి ఉండగా, ఇందులో 1 ఎకరా 94 సెంట్ల భూమి మరుపల్లి గ్రామంలో ఉన్న శ్రీరామా అష్ట శివకేశవ ఆలయం మాన్యంగా ఉంది. దశాబ్దాలుగా ఉన్న ఈ ఆలయాన్ని ఈ మధ్యనే కూల్చేసి కొత్తగా పునర్నిర్మించారు. అయితే, దేవుడి పేరుమీద ఉన్న ఈ భూమి గురించి అడిగేవారు లేకపోవడంతో ఈ భూ బకాసురుల కన్ను వాటిపై పడింది. అనుకున్నదే తడవుగా రెవెన్యూ అధికారులతో కలిసి రికార్డుల మార్పులకు రంగం సిద్ధమైంది ● ఒన్‌బీ రికార్డులతో మొదలైన పథకం? భూములు కొట్టేయాలని భావిస్తున్న బ్యాచ్‌ ముందుగా రెవెన్యూ అధికారులను మచ్చిక చేసుకుని రెవెన్యూ రికార్డుల్లో కొందరి పేర్లు నమోదుచేశారు. తద్వారా ఆ భూమిపై హక్కులు పొందడానికి పునాది వేసుకున్నారు. గతంలో కొందరు రెవెన్యూ సిబ్బంది ఈ దందాకు సహకరించినట్లు తెలుస్తోంది. దీనిద్వారా వారిపేర్లు ఒన్‌బీ రికార్డుల్లోకి చేర్చారు. ● చేతులు మారిన భూమి! ఒన్‌బీలో తమ పేర్లు ఉన్నాయి కాబట్టి ఆ భూమి తమదే అంటూ వారు రెవెన్యూ అధికారులకు అర్జీ పెట్టుకోవడం.. రికార్డులు రాసింది.. మార్చింది కూడా రెవెన్యూ వారే కాబట్టి వెనువెంటనే నిజమే.. ఇది మీ భూమే అంటూ ఆంగీకరించడం జరిగిపోయింది. ఈ పథకాన్ని చక్కగా అమలు చేసి భూములపై హక్కులను గెద్ద నారాయణరావు, గెద్ద రామారావులకు బదిలీ చేసేశారు. అనంతరం సేల్‌ డీడ్లు ద్వారా గెద్ద కనక, గెద్ద సూర్యనారాయణ, ఇజ్జురోతు జీవన్‌కుమారుల పేర్లకు.. అక్కడి నుంచి గెద్ద భాను ప్రకాష్‌, ఆల్తి ఇందుమతికి బదిలీ అయినట్లు రికార్డులు స్పష్టం చేస్తున్నాయి. ఈ భూమిని ఇష్టానుసారం సర్వే నంబర్లను మార్చి సబ్‌ డివిజన్లుగా చేసేసి వారికి కట్టబెట్టారు. కేవలం ఒన్‌బీలో మినహా ఇంకెక్కడా వీరి పేర్లు లేకపోయినా రెవెన్యూ అధికారులు తమ వాటాలు పుచ్చుకుని దేవుడి భూమిని ఇలా ప్రైవేటు వ్యక్తులకు ధారాదత్తం చేసేశారు. సూత్రధారులు, పాత్రధారుల గుట్టు బయటపడేలా ? దేవుడి మాన్యం భూమి ప్రైవేటు వ్యక్తుల పేర్లపై నమోదైందన్న ఆరోపణలు నిజమైతే, అది కేవలం భూ వివాదానికే పరిమితమయ్యే అంశం కాదు. ప్రభుత్వ భూ రికార్డుల నిర్వహణ, మతపరమైన ఆస్తుల పరిరక్షణ, రిజిస్ట్రేషన్‌ ప్రక్రియలపై కూడా అనేక అనుమానాలు వ్యక్తమవుతున్నాయి. ఈ నేపథ్యంలో జిల్లా ఉన్నతాధికారులు స్పందించి సర్వే నంబర్‌ 287/1కు సంబంధించిన అసలు రెవెన్యూ రికార్డులు, పాత 1బీ, అడంగల్‌, గిఫ్ట్‌ సెటిల్‌మెంట్‌ పత్రాలు, సేల్‌ డీడ్లు, ప్రస్తుత యాజమాన్య నమోదులను సమగ్రంగా పరిశీలించాల్సి ఉంది. అవసరమైతే భూమి స్వభావాన్ని నిర్ధారించి, చట్టవిరుద్ధమైన మార్పులు జరిగినట్లు తేలితే బాధ్యులపై చర్యలు తీసుకోవాలనే డిమాండ్లు వినిపిస్తున్నాయి. అలాగే, దేవుడి భూమి ఎవరి చేతుల్లో ఉంది? ఆ హక్కులు ఎలా వచ్చాయి? రికార్డులు మార్చినట్లయితే అందుకు బాధ్యులెవరు? ఈ ప్రశ్నలకు అధికారిక విచారణ ద్వారా మాత్రమే సాధ్యమవుతుందని అంటున్నారు. ఆరోపణల నిజానిజాలు తేల్చి, దేవుడి మాన్యం భూమికి చట్టబద్ధమైన రక్షణ కల్పించాలని మరుపల్లి గ్రామస్తులు కోరుతున్నారు.

మన్యం మహిళలకు సాక్షి, పార్వతీపురం మన్యం: కేన్సర్‌ మహమ్మారి కబళిస్తోంది. మెల్లగా శరీరాన్ని గుల్ల చేస్తోంది. చివరకు ప్రాణాలను హరిస్తోంది. ప్రధానంగా మహిళల్లో రొమ్ము, గర్భాశయ కేన్సర్‌ లక్షణాలు బయటపడుతుండటం పార్వతీపురం మన్యం జిల్లా వాసులను కలవరపెడుతోంది. వ్యాధి తీవ్రత పెరిగే వరకూ గుర్తించలేకపోవడం.. జిల్లాలో సరైన వైద్యసదుపాయాలు లేకపోవడం.. అధిక ఖర్చుతో కూడుకున్న వైద్యం కావడంతో చాలా మంది తక్కువ వయస్సులోనే మృత్యువాత పడుతున్నారు. జిల్లాలో నిర్వహించిన ఎన్‌సీడీ 4.0 సర్వేలో 223 రొమ్ము కేన్సర్‌, 187 గర్భాశయ కేన్సర్‌ అనుమానిత కేసులు గుర్తించారు. లక్షణాలను నిర్లక్ష్యం చేయకుండా సకాలంలో పరీక్షలు చేయించుకోవాలని అధికారులు సూచిస్తున్నారు. 7.88 లక్షల మందిని సర్వే లక్ష్యంగా.. జిల్లాలో 18 ఏళ్లు దాటిన 7.88 లక్షల మందిని సర్వే లక్ష్యంగా నిర్దేశించగా, అందుబాటులో ఉన్న 7.005 లక్షల మందికి పరీక్షల సర్వే నిర్వహించారు. మొత్తం 410 అనుమానిత కేసులు వెలుగుచూడడంతో వైద్య శాఖ అప్రమత్తమైంది. మిగిలిన వారిని కూడా గుర్తించి, కేన్సర్‌పై అవగాహన కల్పించడంతోపాటు అనుమానిత లక్షణాలున్న వారిని వైద్య పరీక్షలకు పంపించే దిశగా చర్యలు కొనసాగుతున్నాయి. మారుతున్న జీవనశైలే కారణం... ఆహారపు అలవాట్లు, కలుషిత ఆహారం, ఆధునిక జీవనశైలి, శారీరక శ్రమ లేకపోవడం, స్థూలకాయం, హార్మోన్ల మార్పులు, కుటుంబంలో క్యాన్సర్‌ చరిత్ర వంటి అంశాలు వ్యాధికి కారణమవుతున్నాయి. వ్యాధి ఒకటి, రెండు దశల్లో గుర్తిస్తే చికిత్స సులభతరమవుతుంది. అవగాహన లేక మూడు, నాలుగు దశల్లోనే ఎక్కువ కేసులను గుర్తించగలుగుతున్నారు. ఆ పరిస్థితిలో చికిత్సకు రూ.లక్షల్లో ఖర్చవుతుంది. ఆర్థిక స్తోమత లేక చాలామంది మధ్యలోనే చికిత్సను విరమించుకుంటున్నారు. జిల్లాలో కేన్సర్‌కు సంబంధించి పూర్తిస్థాయిలో వైద్యసేవలు అందుబాటులో లేవు. విశాఖపట్నానికే వెళ్లాల్సి వస్తోంది. దీనివల్ల చికిత్స ఖర్చుతోపాటు, రవాణా వ్యయం కూడా అధికమవుతోంది. లక్షణాలుంటే నిర్లక్ష్యం వద్దు రొమ్ములో నొప్పి లేని గడ్డలు, రొమ్ము పరిమాణంలో ఆకస్మిక మార్పులు, చర్మంపై ముడతలు లేదా రంగులో మార్పులు కనిపిస్తే వెంటనే వైద్యులను సంప్రదించాలి. ఇలాంటి లక్షణాలు కనిపించినంత మాత్రాన కేన్సర్‌ ఉన్నట్లు నిర్ధారణ కాదు. వాటిని నిర్లక్ష్యం చేయకుండా వైద్య పరీక్షలు చేయించుకోవడం అవసరం. జిల్లాలోని 37 ప్రాథమిక ఆరోగ్య కేంద్రాలు, ఐదు పట్టణ ఆరోగ్య కేంద్రాల సిబ్బంది ద్వారా కేన్సర్‌పై ప్రజలకు అవగాహన కల్పిస్తున్నాం. సర్వేలో అనుమానిత లక్షణాలు గుర్తించిన వారిని తదుపరి వైద్య పరీక్షలకు పంపించేలా చర్యలు చేపడుతున్నాం. కేన్సర్‌ను ప్రారంభ దశలో గుర్తిస్తే చికిత్స ఫలితాలు మెరుగుపడే అవకాశాలున్నందున మహిళలు ముందస్తు పరీక్షలు చేసుకోవాలి. మహిళలు ఆరోగ్యంపై ప్రత్యేక శ్రద్ధ వహించాలి. – డాక్టర్‌ విజయలక్ష్మి, జిల్లా వైద్య ఆరోగ్యశాఖాధికారిణి జిల్లాలో పెరుగుతున్న కేన్సర్‌ కేసులు చాపకింద నీరులా వ్యాపిస్తున్న ప్రాణాంతక వ్యాధి మహిళల్లో రొమ్ము, గర్భాశయ కేసులే అధికం

● జిల్లావ్యాప్తంగా వర్షాలు ● లోతట్టు ప్రాంతాలు జలమయం జీగిరాంలో నీట మునిగిన పంట పొలాలు సాక్షి, పార్వతీపురం మన్యం: జిల్లాను అర్నబ్‌ తుపాను వణికించింది. ఏకదాటిగా కురిసిన వర్షాలకు లోతట్టు ప్రాంతాలు జలమయమయ్యాయి. రహదారులు కోతకు గురయ్యాయి. నదులు, చెరువులు పొంగిపొర్లుతున్నాయి. సీతానగరం మండలం అంటిపేట వద్ద వీఆర్‌ఎస్‌ కాలువకు గండిపడింది. సువర్ణముఖి, నాగావళి నదులు పొంగిప్రవహిస్తున్నాయి. పలు మండలాల్లో పంట పొలాలు నీట మునిగాయి. మంగళవారం నుంచి బుధవారం ఉదయం వరకు జిల్లాలో సగటున 108.7 మి.మీ. వర్షం కురిసింది. పాచిపెంట మండలంలో 193.0 మి.మీ., బలిజిపేటలో 164.2, సీతంపేటలో 138.2, మక్కువలో 134.8, సాలూరులో 123.6, సీతానగరంలో 120.4, పాలకొండలో 115.0, పార్వతీపురంలో 94.8 మి.మీ చొప్పున వర్షపాతం నమోదైంది. కూలిన చెట్లు.. విరిగిన స్తంభాలు బూర్జ మండలం మదనాపురం–సరుబుజ్జిలి రహదారిపై భారీ వృక్షం నేలకూలింది. పాలకొండ అగ్నిమాపక సిబ్బంది ప్రధాన రహదారిపై అడ్డంగా పడి ఉన్న చెట్టును తొలగించారు. పి.కోనవలస–పాచిపెంట రహదారిలోనూ భారీవృక్షం నేలకొరిగింది. దీంతో చాలాసేపు రాకపోకలకు ఇబ్బందులు ఎదురయ్యాయి. కలెక్టర్‌ కార్యాలయంలో కంట్రోల్‌రూమ్‌కు సమాచారం అందడంతో వెంటనే ఆర్‌అండ్‌బీ అధికారులను అప్రమత్తం చేసి, తొలగింపు చర్యలు చేపట్టారు. ఈదురుగాలులు, వర్షానికి విద్యుత్‌ శాఖకు తీవ్ర నష్టం ఏర్పడింది. పలుచోట్ల స్తంభాలు నేలకూలాయి. వైర్లు తెగిపడ్డాయి. బలిజిపేట, మక్కువ, పాచిపెంట, సీతంపేట తదితర మండలాల్లో విద్యుత్‌ సరఫరాకు గంటలకొద్దీ అంతరాయం కలిగింది. ఆ శాఖ సిబ్బంది తక్షణం స్పందించి తగు మరమ్మతు చర్యలు చేపట్టారు. తుపాను నేపథ్యంలో జిల్లాలో కురుస్తున్న వర్షాలపై వివిధ శాఖలు చేపడుతున్న సహాయక చర్యలు, ముందస్తు జాగ్రత్తలను కలెక్టర్‌ ప్రభాకరరెడ్డి నిరంతరం పర్యవేక్షించారు. కుమ్మేసి.. తెరిపిచ్చి... మంగళవారంతో పోల్చుకుంటే బుధవారం కాస్త వర్షం తెరిపిచ్చింది. ఉదయం 8.30 నుంచి రాత్రి 7 గంటల వరకు జిల్లాలో 17.52 మి.మీ. సగటు వర్షపాతం నమోదైంది. అత్యధికంగా పాచిపెంటలో 42 మి.మీ., సాలూరులో 33.8, సీతానగరం 20.3 చొప్పున కురవగా.. అత్యల్పంగా వీరఘట్టం 9.5, గుమ్మలక్ష్మీపురం 8.2, కొమరాడ 10.3 మి.మీ. చొప్పున కురిసింది.

విజయనగరం అర్బన్‌: పురపాలక ఎన్నికలను పారదర్శకంగా ప్రశాంత వాతావరణంలో నిర్వహించేందుకు ఎన్నికల యంత్రాంగం చర్యలు వేగవంతం చేసింది. ఇందులో భాగంగా జనరల్‌ అబ్జర్వర్‌ ఎన్‌.తేజ్‌ భరత్‌ పర్యవేక్షణలో బుధవారం మైక్రో అబ్జర్వర్లకు వీడియో కాన్ఫరెన్స్‌ ద్వారా ఆన్‌లైన్‌ శిక్షణ కార్యక్రమాన్ని నిర్వహించారు. ఈ సందర్భంగా తేజ్‌ భరత్‌ మాట్లాడుతూ ఎన్నికల నిర్వహణలో మైక్రో అబ్జర్వర్ల పాత్ర అత్యంత కీలకమని పేర్కొన్నారు. ముఖ్యంగా సున్నిత, అతి సున్నిత పోలింగ్‌ కేంద్రాల్లో ఎన్నికల ప్రక్రియను నిశితంగా పరిశీలించాలని సూచించారు. పోలింగ్‌ ప్రారంభం నుంచి ముగిసే వరకు కేంద్రాల లోపల, వెలుపల జరిగే పరిణామాలను నిరంతరం గమనిస్తూ, నిబంధనల ప్రకారం నమోదు చేయాలని ఆదేశించారు. విధుల నిర్వహణ, పోలింగ్‌ కేంద్రాల్లో అనుసరించాల్సిన విధానాలు, సిబ్బంది బాధ్యతలపై స్పష్టమైన అవగాహన కలిగి ఉండాలని సూచించారు. శిక్షణ కార్యక్రమంలో మైక్రో అబ్జర్వర్లు లేవనెత్తిన సందేహాలను జనరల్‌ అబ్జర్వర్‌ నివృత్తి చేశారు. కార్యక్రమంలో ఎన్నికల సిబ్బంది, మైక్రో అబ్జర్వర్లు, సహాయ ఎన్నికల అధికారి, మున్సిపల్‌ కమిషనర్లు, ఇతర అధికారులు పాల్గొన్నారు. విజయనగరం టౌన్‌: సెంచురియన్‌ యూనివర్సిటీలో ఇంజినీరింగ్‌ 4వ సంవత్సరం చదువుతున్న కాకినాడ జిల్లా తుని పట్టణానికి చెందిన యశస్విన్‌ భార్గవ్‌ (21) అనుమానాస్పద స్థితిలో మృతిచెందాడు. ఈ ఘటనకు సంబంధించి వన్‌టౌన్‌ ఎస్సై ప్రసన్నకుమార్‌ తెలిపిన వివరాలిలా ఉన్నాయి. తన నలుగురు స్నేహితులతో కలిసి భార్గవ్‌ కేఎల్‌ పురంలో ఉంటున్నాడు. మంగళవారం మధ్యాహ్నం ఫ్రెండ్స్‌ అందరూ బయటకు వెళ్లడంతో ఇంట్లో ఒక్కడే ఉన్నాడు. గదిలోని సీలింగ్‌ కొక్కానికి ఉరి వేసుకున్నాడు. స్నేహితులు తిరిగి వచ్చేసరికి వేలాడుతూ కొనప్రాణంతో కనిపించిన భార్గవ్‌ను కిందకు దించి ఆస్పత్రికి తరలించారు. వైద్యులు పరిశీలించి ప్రాణాలు పోయాయని నిర్ధారించారు. మృతుడి తండ్రి చిత్ర రామజోగి ఇచ్చిన ఫిర్యాదు మేరకు అనుమానాస్పద మృతి కేసు నమోదుచేసి దర్యాప్తు చేస్తున్నామని ఎస్సై ప్రసన్నకుమార్‌ తెలిపారు. సీతంపేట: మండలంలోని తలైబుగూడ గ్రామానికి చెందిన సవర అప్పన్న (58) శ్రీకాకుళం రిమ్స్‌లో చికిత్స పొందుతూ మృతిచెందాడు. ఈనెల 12న సీతంపేటలో గిరిజనోత్పత్తుల విక్రయానికి తీసుకువచ్చిన సందర్భంగా వారపు సంత వద్ద రోడ్డుదాటుతుండగా పికప్‌వ్యాన్‌ అప్పన్నను ఢీ కొట్టింది. దీంతో గాయాలపాలు కాగా కొత్తూరు పీహెచ్‌సీకి తరలించారు. అక్కడి నుంచి రిమ్స్‌కు తరలించగా చికిత్స పొందుతూ బుధవారం మృతిచెందినట్లు కుటుంబ సభ్యులు తెలిపారు. ఆయనకు భార్య గయ్యారమ్మ, నలుగురు కుమారులు, ఇద్దరు కుమార్తెలు ఉన్నారు. కుటుంబ పెద్ద మృతితో వారంతా గుండెలవిసేలా రోదిస్తున్నారు. చెట్టుపై నుంచి జారి పడి వ్యక్తి..సీతంపేట: మండలంలోని పెద్దగూడ గ్రామానికి చెందిన సవర ఫల్గుణరావు (42) అనే వ్యక్తి బుధవారం చెట్టుపై నుంచి జారి పడి మృతిచెందాడు. మేకలు మేత వేయడానికి కావాల్సిన ఆకులను సేకరించేందుకు చెట్టుపైకి ఎక్కి కొమ్మలు నరుకుతుండగా ప్రమాదవశాత్తు జారిపడి మృతిచెందినట్లు కుటుంబసభ్యులు తెలిపారు. మృతునికి భార్య మీనాకుమారి, ఇద్దరు పిల్లలు ఉన్నారు. ఫల్గుణ మృతితో గ్రామంలో విషాధ చాయలు అలుముకున్నాయి. ఈ మృతిపై ఫిర్యాదు అందలేదని ఎస్సై వై అమ్మన్నరావు తెలిపారు.

దత్తిరాజేరు: మండలంలోని పెదమానాపురంలో టీడీపీ నుంచి వైఎస్సార్‌సీపిలోకి 20 కటుంబాలు చేరినట్లు ఎంపీటీసీ అభ్యర్థి రౌతు రాజేశ్వరి బుధవారం తెలిపారు. రెండున్నరేళ్ల పాలనలో టీడీపీ ప్రజలకు చేసింది శూన్యమని గ్రహించి గ్రామానికి చెందిన వై. జోజి, కె.గురమ్మ, జి.సూర్యనారాయణ, కె.శ్రీను, జి హరీష్‌, దీలీప్‌, జి.మధు, జి.సతీష్‌ తదితరులు పార్టీలో చేరడంతో వారిని పార్టీలోకి ఆహ్వానించినట్లు చెప్పారు. జగన్నపై అభిమానంతో పార్టీలో చేరిన తాము ఎంపిటీసీగా రాజేశ్వరిని, జెడ్పీటీసీ మంత్రి అప్పలనాయుడిని గెలిపిస్తామని పార్టీలో చేరిన వారు చెప్పారు. వైఎస్సార్‌సీపీలో చేరిన అలజంగి వాసులు బొబ్బిలి: మండలంలోని అలజంగి గ్రామానికి చెందిన పది కుటుంబాల వారు టీడీపీని వీడి వైఎస్సార్‌సీపీలో చేరారు. ఈ మేరకు బుధవారం స్థానిక వైఎస్సార్‌ సీపీకార్యాలయంలో జరిగిన ఓ కార్యక్రమంలో జెడ్పీటీసీ అభ్యర్థి, వైఎస్సార్‌ సీపీ జిల్లా ప్రధానకార్యదర్శి శంబంగి వేణుగోపాల నాయుడు పార్టీలో చేరిన వారికి కండువాలు వేసి సాదరంగా ఆహ్వానించారు. టీడీపీ చేస్తున్న ప్రజా వ్యతిరేక కార్యకలాపాలకు నిరసనగా తాము వైఎస్సార్‌సీపీలోకి చేరుతున్నట్లు అలజంగి వాసులు తెలిపారు. పార్టీలో చేరిన వారిలో ఎర్రాపు చిన్నారావు, అప్పారావు, మురళి, చంటి, మోహన్‌, తోట నాజర్‌, యమ్మల లక్ష్ము, బోనెల చిన్నారావు, యజ్జల చిట్టి, పెంకి బంగారాయ్య తదితరులు ఉన్నారు.

విజయనగరం టౌన్‌: అర్నబ్‌ తుఫాన్‌ కారణంగా విజయనగరం మండల పరిధిలోని ధర్మపురి గ్రామంలో జలయమమైన ఒక ఇంట్లో చిక్కుకున్న ఐదుగురి ప్రాణాలను విజయనగరం డీఎస్పీ ఎస్‌.లక్ష్మణమూర్తి ఆధ్వర్యంలో రూరల్‌ సీఐ బి.లక్ష్మణరావు, రూరల్‌ ఎస్సై వెలమల ప్రసాదరావు, పోలీస్‌ సిబ్బంది రక్షించి, సురక్షిత ప్రాంతానికి చేర్చారు. రెండురోజులుగా అర్నబ్‌ తుఫాన్‌ వల్ల కురిసిన భారీ వర్షాలకు ధర్మపురి గ్రామంలో కొన్ని ఇళ్లు జలమయమయ్యాయి. ఒక ఇంట్లో ఐదుగురు చిక్కుకున్నట్లు సమాచారం అందుకున్న రూరల్‌ పోలీసులు సంఘటనా స్థలానికి చేరుకున్నారు. ఇంట్లో చిక్కుకున్న ఒక్కొక్కరినీ తాళ్లు, జేసీబీ సాయంతో సురక్షిత ప్రాంతానికి చేర్చారు. అనంతరం, లోతట్టు ప్రాంతంలో నీరు తగ్గేంత వరకూ ఎవరూ వెళ్లకుండా బారికేడ్లను ఏర్పాటుచేశారు. పోలీసు అధికారులు, సిబ్బంది సమయస్ఫూర్తితో వ్యవహరించి, జలమయమైన ఇంట్లో చిక్కుకున్న ఐదుగురిని రక్షించడంతో స్థానికులు హర్షం వ్యక్తం చేసి, పోలీస్‌ అధికారులను, సిబ్బందిని అభినందించారు.

● ఉప్పొంగిన నదులు ● పలు గ్రామాలకు నిలిచిపోయిన రాకపోకలు ● స్తంభించిన జనజీవనం సాలూరు: అర్నబ్‌ తుఫాన్‌ నేపథ్యంలో కురిసిన భారీ వర్షాలకు సాలూరు మండలంలోని గోముఖి, సువర్ణముఖి, వేగావతి తదితర నదులు, వాగులు ఉప్పొంగుతున్నాయి. మామిడిపల్లిలో సువర్ణముఖి నది ఉప్పొంగి ప్రమాదకర స్థాయికి చేరుకోవడంతో గ్రామశివారులో బ్రిడ్జి ప్రక్కన రోడ్డు మీదుగా నీరు ప్రవహించడంతో ఉదయం నుంచి సాయంత్రం వరకు రాకపోకలు నిలిచిపోయాయి. స్థానిక పీహెచ్‌సీకి వరద నీరు చేరడంతో తహసీల్దార్‌ సురేష్‌ ఆధ్వర్యంలో సిబ్బంది అప్రమత్తమై విలువైన సామగ్రి, మందులను సురక్షిత ప్రాంతాలకు తరలించారు. గత అనుభవాలున్నప్పటికీ, అధికారులంతా అప్రమత్తంగా ఉండాలని కలెక్టర్‌ పదే పదే హెచ్చరిస్తున్నా, ముంపునకు గురయ్యే వరకు పీహెచ్‌సీలో సామగ్రి, మందులను సురక్షిత ప్రాంతాలకు తరలించకపోవడం కేవలం వైద్యాదికారుల నిర్లక్ష్యానికి నిదర్శనమని స్థానిక ప్రజలు ఆరోపిస్తున్నారు. తోణాం సమీపంలో గోముఖి నది ఉప్పొంగడంతో ఎగువమెండంగి, దిగువమెండంగి, శిఖపరువు, పూతికవలస గ్రామాలకు రాకపోకలు నిలిచిపోయాయి. దండిగాం వద్ద సువర్ణముఖి ఉప్పొంగడంతో కురుకుట్టి, డెన్సరాయి, సంపంగిపాడు తదితర పంచాయతీల్లో పలు గ్రామాలకు రాకపోకలు ఆగిపోయాయి. వేగావతి, వట్టిగెడ్డ ఉప్పొంగడంతో పారన్నవలస పంచాయతీ పరిసర గ్రామాల ప్రజలు రాకపోకలకు ఇబ్బందులు పడ్డారు. ఈ వర్షం వల్ల మొక్కజొన్న, పత్తి పంటలకు తీవ్ర నష్టం వాటిల్లిందని రైతులు వాపోతున్నారు. జీగిరాం సమీపంలో పంటలు నీట మునిగాయి.

విజయనగరం: అర్నాబ్‌ తీవ్ర తుఫాన్‌ జిల్లాను అంధకారం చేసింది. గత రెండు రోజులుగా కురుస్తున్న భారీ వర్షాలు, ఈదురుగాలుల నేపథ్యంలో మంగళవారం నుంచి జిల్లాలోని గ్రామీణ ప్రాంతాల్లో అంధకారం అలుముకుంది. మంగళవారం వేకువజాము నుంచి తుఫాన్‌ ప్రభావం చూపించగా..రెండు రోజుల వ్యవధిలో ఏపీఈపీడీసీఎల్‌ విజయనగరం ఆపరేషన్‌ సర్కిల్‌కు రూ.19.24 లక్షల నష్టం మిగిల్చింది. మంగళవారం, బుధవారం నెలకొన్న వాతావరణ పరిస్థితుల్లో జిల్లా వ్యాప్తంగా 115 విద్యుత్‌ స్తంభాలు నేలకొరిగిపోగా..వాటిలో 77 స్తంభాలను బుధవారం సాయంత్రానికి పునరుద్ధరించారు. మిగిలిన స్తంభాలను పునరుద్ధరించే చర్యలు చేపడుతున్నారు. అదేవిధంగా 28 డిస్ట్రిబ్యూషన్‌ ట్రాన్స్‌ఫార్మర్‌లు పాడవగా వాటిలో 20 ట్రాన్స్‌ఫార్మర్‌లను పునరుద్ధరించారు. మిగిలిన వాటిని మార్పు చేస్తున్నారు. సుమారు 5 కిలోమీటర్ల మేర విద్యుత్‌ లైన్లు దెబ్బతిన్నట్లు అధికారులు చెబుతున్నారు. మరో 1200 వ్యవసాయ విద్యుత్‌ సర్వీసులకు సరఫరాలో అంతరాయం ఏర్పడింది. తుఫాన్‌ ప్రభావంతో మంగళవారం మధ్యాహ్నం నుంచి బుధవారం వరకు అధిక సంఖ్యలో గ్రామీణ ప్రాంతాల్లో అంధకారం అలుముకుంది. తాగునీరు సరఫరా లేక ఇబ్బందులు తాగునీటి సరఫరాకు అవసరమైన విద్యుత్‌ సరఫరా లేకపోవడంతో ప్రజలు ఇబ్బందులు పడ్డారు. సుమారు నెల రోజుల క్రితం ఇదే తరహాలో వాయుగుండం రూపంలో భారీ వర్షాలు కురవడంతో సుమారు రూ.10.25 లక్షల నష్టం వాటిల్ల గా తాజాగా కురిసిన వర్షాలు అంతకన్నా ఎక్కువ నష్టాన్ని మిగిల్చాయి. ఏపీఈపీడీసీఎల్‌ విజయనగరం ఆపరేషన్‌ పరిధిలో తుఫాన్‌ నేపథ్యంలో జరిగిన నష్టాలను నివారించే దిశగా చర్యలు చేపడుతున్నట్లు ఎస్‌ఈ మువ్వల లక్ష్మణరావు తెలిపారు. ఏపీఈపీడీసీఎల్‌ సిబ్బందితో పాటు అదనంగా మరో 542 మంది సిబ్బందిని నియమించామని, వారితో నిరంతరం పునరుద్ధరణ చర్యలు చేపడుతున్నామన్నారు. బుధవారం సాయంత్రానికి 90 శాతం గృహ విద్యుత్‌ వినియోగదారులకు సరఫరాను అందించేలా కృషి చేస్తున్నామని, మిగిలిన సర్వీసులతో పాటు వ్యవసాయ విద్యుత్‌ సర్వీసుల పునరుద్ధరణ ప్రక్రియను గురువారం పూర్తి చేస్తామని వెల్లడించారు. వినియోగదారులు సహకరించాలని విజ్ఞప్తి చేశారు. అర్నాబ్‌ తుఫాన్‌ ఎఫెక్ట్‌ ఈదురుగాలులతో నేలకొరిగిన 115 విద్యుత్‌ స్తంభాలు భారీ వర్షాలతో పాడైన 28 డిస్ట్రిబ్యూషన్‌ ట్రాన్స్‌ఫార్మర్‌లు జిల్లా వ్యాప్తంగా గ్రామీణప్రాంతాల్లో అంధకారం పునరుద్దరణ చర్యల్లో విద్యుత్‌ శాఖ అధికారులు

● ప్రత్యేక ఆహ్వానితులుగా ఎంపికై న 50 మంది ● రైలు ప్రయాణాన్ని ప్రారంభించిన ఎస్పీ మాధవ్‌ రెడ్డిపార్వతీపురం రూరల్‌: గుజరాత్‌ రాష్ట్రంలో అక్టోబర్‌ 30, 31 తేదీలలో ప్రధానమంత్రి హాజరుకానున్న ‘రాష్ట్రీయ ఏక్తా దివస్‌ పరేడ్‌’ కార్యక్రమానికి పార్వతీపురం మన్యం జిల్లా నుంచి 50 మంది ఎంపికయ్యారు. ’నక్సల్‌ ముక్త్‌ భారత్‌’ అంశంతో కేంద్ర ప్రభుత్వం ఈ పరేడ్‌ నిర్వహిస్తోంది. మారుమూల గిరిజన ప్రాంతాల ప్రజలను దేశ నిర్మాణంలో భాగస్వాములను చేయాలనే లక్ష్యంతో జిల్లాకు చెందిన గిరిజన యువత, విద్యార్థులను ప్రత్యేక ఆహ్వానితులుగా ఎంపిక చేశారు. ఈ మేరకు బుధవారం పార్వతీపురం నుంచి గుజరాత్‌కు బయలుదేరిన ఈ బృందం రైలు ప్రయాణాన్ని ఎస్పీ ఎస్‌వీ మాధవ్‌ రెడ్డి పచ్చ జెండా ఊపి ప్రారంభించారు. ఈ సందర్భంగా ఎస్పీ మాట్లాడుతూ.. జాతీయ స్థాయి పరేడ్‌లో పాల్గొనడం జిల్లా వాసులకు గర్వకారణమని, కార్యక్రమంలో ఉత్సాహంగా పాల్గొని జిల్లాకు మంచి పేరు తీసుకురావాలని సూచించారు. ఆహ్వానితులకు రాకపోకల థర్డ్‌ ఏసీ రైలు చార్జీలతో పాటు వసతి, భోజన సదుపాయాలను ప్రభుత్వమే ఉచితంగా కల్పిస్తుందని తెలిపారు. వారి రక్షణ నిమిత్తం ఒక ఇన్‌స్పెక్టర్‌ స్థాయి అధికారితో కూడిన పోలీస్‌ బృందాన్ని ఎస్కార్ట్‌గా పంపుతున్నట్లు పేర్కొన్నారు. ఈ కార్యక్రమంలో డీఎస్పీ శేషయ్య, ఎస్‌బీ సీఐలు రమణమూర్తి, రమేష్‌, పట్టణ, రూరల్‌ సీఐలు వెంకట్రావు, రంగనాథం, ఆర్‌ఐలు పాల్గొన్నారు.

మక్కువ: వెంగళరాయసాగర్‌ ప్రాజెక్టు సువర్ణముఖి, గోముఖి రెగ్యులేటర్‌ ద్వారా నదుల్లోకి బుధవారం నీటిని ఇరిగేషన్‌ అధికారులు విడిచిపెట్టారు.అర్నబ్‌ తుఫాన్‌ ప్రభావంతో ఒడిశా నుంచి సువర్ణముఖి, గోముఖి నదుల ద్వారా ప్రాజెక్టులోకి ఇన్‌ఫ్లో సుమారు 3వేల క్యూసెక్కుల నీరు చేరుతోంది. వీఆర్‌ఎస్‌ ఫుల్‌ రిజర్వ్‌ లెవెల్‌ 161.00 మీటర్లు కాగా, ప్రస్తుతం 159 మీటర్లకు నీరు చేరుకుంది. ముందస్తు చర్యల్లో భాగంగా గోముఖి రెగ్యులేటర్‌ ద్వారా వెయ్యి క్యూసెక్కులు, సువర్ణముఖి రెగ్యులేటర్‌ ద్వారా 2వేల క్యూసెక్కుల నీటిని నదుల్లోకి విడిచిపెట్టారు. దీంతో గోముఖి, సువర్ణముఖి నదులు ఉధృతంగా ప్రవహిస్తున్నాయి. మక్కువ మండలంలోని కవిరిపల్లి గ్రామం వద్ద కాజ్‌వేపై నుంచి నీరు ప్రవహించడంతో సుమారు పది గ్రామాల ప్రజలు రాకపోకలకు అంతరాయం ఏర్పడింది. అలాగే గోముఖి నది సమీపంలో శివాలయం, అయ్యప్ప స్వామి దేవాలయాల వద్దకు నీటి తాకిడి చేరింది.

● నిండుకుండలా జలాశయం ● రెండు గేట్లు ఎత్తివేత.. పాచిపెంట: ఎడతెరపి లేని వర్షాలతో పెద్దగెడ్డ జలాశయానికి భారీగా వరద నీరు చేరుతోంది. ఎగువ ప్రాంతాల నుంచి వరద పోటెత్తడంతో జలాశయం నిండుకుండలా మారింది. పూర్తిస్థాయి నీటిమట్టం 213.80 మీటర్లు కాగా, ప్రస్తుతం 212.50 మీటర్లకు చేరింది. జలాశయంలోకి 10 వేల క్యూసెక్కుల నీరు చేరుతుండగా, రెండు గేట్లు ఎత్తి మూడువేల క్యూసెక్కుల నీటిని దిగువకు విడుదల చేస్తున్నారు. దీంతో దిగువ ప్రాంతాల ప్రజలను అప్రమత్తం చేసినట్లు జలాశయం జేఈ మోహన్‌ రావు తెలిపారు...

పూసపాటిరేగ: అర్నబ్‌ తుఫాన్‌ నేపథ్యంలో సముద్ర, నదీతీర ప్రాంతాల ప్రజలు అప్రమత్తంగా ఉండాలని మండల ప్రత్యేకాధికారి వెంకటేశ్వరరావు సూచించారు. మండలంలో సముద్ర తీర గ్రామమైన ముక్కాంలో మంగళవారం పర్యటించిన ఆయన..వర్షాలు తగ్గినంత వరకు వేటకు వెళ్లవద్దని, పడవలు, వలలను సురక్షిత ప్రాంతాలకు తరలించాలని మత్స్యకారులకు సూచించారు. ఏ సమయంలోనైనా ప్రమాదకర పరిస్థితులు తలెత్తితే కంట్రోల్‌ రూమ్‌ను సంప్రదించాలని కోరారు. ఆయన వెంట తహసీల్దార్‌ రమేష్‌ తదితరులు ఉన్నారు.

సాలూరు: ఆంధ్రా–ఒడిశా వివాదాస్పద కొటి యా గ్రూపు గ్రామాల్లో ఒడిశా రాష్ట్రానికి చెందిన కాంగ్రెస్‌ ప్రముఖులు మంగళవారం పర్యటించారు. కాంగ్రెస్‌ వాస్తవ పరిశీలన బృందం కొటియా, నేరెళ్లవలస తదితర గ్రామాల్లో పర్యటించి అక్కడి ప్రజలతో మాట్లాడారు. స్థానిక సంస్థల ఎన్నికలపై ప్రజల అభిప్రాయాలను తెలుసుకున్నారు. పర్యటించిన వారిలో ఒడిశా ఎంపీ, ఎమ్మెల్యేలు సప్తగిరి గిరిశంకర్‌, రామచంద్ర కదమ్‌, తారా ప్రసాద్‌ బహినీపతి, పీటా సావంత, మంగు ఖిల్‌, కద్రక అప్పలస్వామి, నీలమాధవ్‌ హిక్క తదితరులు ఉన్నారు.వివాహిత అనుమానాస్పద మృతి గజపతినగరం రూరల్‌: పాత శ్రీరంగరాజపురం గ్రామానికి చెందిన కొర్నాన ఈశ్వరమ్మ (21) మంగళవారం ఇంట్లో ఉరి వేసుకుని మృతి చెందింది. ఉదయం 11.30 గంటల సమయంలో ఇంట్లో ఎవరూ లేనప్పుడు ఈశ్వరమ్మ ఉరి వేసుకున్నట్టు సమాచారం. ఈశ్వరమ్మకు సుమారు మూడేళ్ల క్రితం బెల్లాన లక్ష్మునాయుడుతో ప్రేమ వివాహం కాగా, గత తొమ్మిది నెలలుగా ఇద్దరూ విడిగా ఉంటున్నట్లు తెలిసింది. ఆమె మృతికి గల కారణాలు తెలియాల్సి ఉంది. ఈ ఘటనపై కేసు నమోదు చేయాల్సి ఉంది. వ్యక్తికి తీవ్ర గాయాలు పార్వతీపురం రూరల్‌: టౌన్‌ రైల్వేస్టేషన్‌ ప్లాట్‌ఫామ్‌పై ట్రైన్‌ నుంచి గుర్తు తెలియని వ్యక్తి జారిపడి తీవ్రంగా గాయపడ్డాడు. ప్రమాదాన్ని గమనించిన వారు వెంటనే అతడిని చికిత్స నిమిత్తం జిల్లా కేంద్ర ఆస్పత్రికి తరలించారు. బాధితుడి వయసు 30 నుంచి 35 సంవత్సరాల మధ్య ఉంటుందని భావిస్తున్నారు. అతడి కుడి చేతిపై సిలువ గుర్తు, ఎడమ చేతిపై కరుణ అని పేరు రాసి ఉంది. ఈ ఘటనపై హెచ్‌సీ రత్నకుమార్‌ కేసు నమోదు చేసి దర్యాప్తు చేస్తున్నారు. నేడు ఫెసిలిటేషన్‌ కేంద్రాల్లో పోస్టల్‌ బ్యాలెట్‌ ఓటు విజయనగరం అర్బన్‌: నగరపాలక సంస్థ పరిధిలో ఓటు హక్కు కలిగి, ఎన్నికల విధుల్లో పాల్గొనే ప్రభుత్వ అధికారులు, సిబ్బంది, పోలీస్‌ సిబ్బంది ఫెసిలిటేషన్‌ కేంద్రాల్లో పోస్టల్‌ బ్యాలెట్‌ ఓటు హక్కును వినియోగించుకోవచ్చని నగరపాలక సంస్థ కమిషనర్‌ బాలస్వామి తెలిపారు. ఈ మేరకు నగరపాలక సంస్థ కార్యాలయంలో మూడు ఫెసిలిటేషన్‌ కేంద్రాలను ఏర్పాటు చేసినట్లు పేర్కొన్నారు. నగరపాలక సంస్థ కార్యాలయంలో బుధవారం ఏర్పాటు చేసిన ఫెసిలిటేషన్‌ కేంద్రాల్లో దిగువ అంతస్తులో 1 నుంచి 22వ వార్డు వరకు, మొదటి అంతస్తులో 23 నుంచి 42వ వార్డు వరకు, రెండో అంతస్తులో 43 నుంచి 62వ వార్డు వరకు ఓటు వేసేందుకు కేంద్రాలను ఏర్పాటు చేసినట్లు వెల్లడించారు. నవంబర్‌ 1న పోలింగ్‌ రోజున అత్యవసర విధులు నిర్వహించే పోలీసు సిబ్బందితోపాటు ప్రిసైడింగ్‌ అధికారులు, రూట్‌ అధికారులు, రిటర్నింగ్‌ అధికారులు, అదనపు రిటర్నింగ్‌ అధికారులు, జోనల్‌ అధికారులు, మైక్రో అబ్జర్వర్లు ఈ కేంద్రాల ద్వారా పోస్టల్‌ బ్యాలెట్‌ ఓటు హక్కును వినియోగించుకోవచ్చని కమిషనర్‌ తెలిపారు. ఎన్నికల విధుల్లో పాల్గొనే అర్హులైన సిబ్బంది ఈ అవకాశాన్ని సద్వినియోగం చేసుకోవాలని సూచించారు.

బుధవారం శ్రీ 28 శ్రీ అక్టోబర్‌ శ్రీ 2026● పురవీధుల్లో పూజారి రూపంలో పైడితల్లి విహారం ● మధ్యాహ్నం 3 గంటలకే ప్రారంభమైన సిరిమాను తిరువీధి ● అర్నబ్‌ తుఫాన్‌తో తగ్గిన భక్తులతాకిడి ● రాష్ట్ర ప్రభుత్వం తరఫున పట్టువస్త్రాలు సమర్పించిన కలెక్టర్‌ ● అమ్మవారిని దర్శించుకున్న ప్రముఖులు ● పైడితల్లికి లక్షపుష్పార్చన స్థానిక సంస్థల ఎన్నికలు దగ్గరపడున్న దృష్ట్యా పార్టీలకు అతీతంగా పోస్టులు పెట్టడం వంటివి చేయవద్దంటూ పోలీసులు అవగాహన కల్పిస్తున్నారు. కొవ్వొత్తుల వెలుగులో.. సంతకవిటి: అర్నబ్‌ తుఫాన్‌ ప్రభావంతో విద్యుత్‌ సరఫరాకు అంతరాయం కలిగింది. సంతకవిటి మండల పరిషత్‌ కార్యాలయంలో జరుగుతున్న నామినేషన్ల విత్‌ డ్రా, తుది జాబితా రూపకల్పన ప్రక్రియను ఎన్నికల సిబ్బంది కొవొత్తుల వెలుగులో పూర్తిచేశారు. ప్రాణ, ఆస్తి నష్టం జరగకుండా చర్యలుపార్వతీపురం: అర్నబ్‌ తుఫాన్‌ హెచ్చరికల నేపథ్యంలో జిల్లా యంత్రాంగం అప్రమత్తంగా ఉండాలని కలెక్టర్‌ డా.ఎన్‌.ప్రభాకరరెడ్డి ఆదేశించారు. వివిధ శాఖల అధికారులతో మంగళవారం నిర్వహించిన జూమ్‌ కాన్ఫరెన్స్‌లో ఆయన మాట్లాడారు. తుఫాన్‌ ప్రభావాన్ని ఎదుర్కొనేందుకు చేపట్టాల్సిన ముందస్తు చర్యలపై దిశానిర్దేశం చేశారు. ‘భారీ వర్షాలతో పాటు ఈదురు గాలుల వీచే అవకాశం ఉందని, ప్రాణ, ఆస్తి నష్టం జరగకుండా చర్యలు తీసుకోవాలి. విద్యుత్‌, తాగునీరు, వైద్య సేవలకు అంతరాయం కలగకుండా ప్రత్యామ్నాయ ఏర్పాట్లు సిద్ధం చేసుకోవాల’ని కలెక్టర్‌ తెలిపారు. లోతట్టు ప్రాంతాల ప్రజలను అప్రమత్తం చేయాలన్నారు. అవసరమైతే వారిని సురక్షిత ప్రాంతాలకు తరలించాలని సూచించారు. జియ్యమ్మవలస, పార్వతీపురం, వీరఘట్టం, గరుగుబిల్లి, పాలకొండ, మక్కువ, సీతానగరం, బలిజిపేట మండలాల్లో బుధవారం 56 కి.మీల నుంచి 48.91 కి.మీల వేగంతో బలమైన ఈదురుగాలులు వీచే అవకాశం ఉందని, ప్రజలు అప్రమత్తంగా ఉండాలని కలెక్టర్‌ పేర్కొన్నారు. సమావేశంలో జేసీ ఆర్‌.వైశాలి, పార్వతీపురం, పాలకొండ సబ్‌ కలెక్టర్లు సచిన్‌ ఆర్చిత్‌ రహర్‌, పవార్‌ స్వప్నిల్‌ జగన్నాథ్‌, డీఆర్వో కె.హేమలత, డీఎంహెచ్‌ఓ విజయలక్ష్మి పాల్గొన్నారు. సాక్షి, పార్వతీపురం మన్యం: జిల్లా ప్రాదేశిక నియోజక వర్గ సభ్యుల (జెడ్పీటీసీ) ఎన్నికలకు సంబంధించి 52 మంది పోటీ పడుతున్నారు. మంగళవారంతో ఉప సంహరణ గడువు ముగిసింది. ఎన్నికల్లో పోటీ చేసే అభ్యర్థుల తుది జాబితాను విడుదల చేశారు. జిల్లాలోని 15 జడ్పీటీసీ స్థానాలకు 127 నామినేషన్లు రాగా.. అందులో తిరస్కరణ, ఉప సంహరణ అనంతరం 52 మంది మిగిలారు. మండలాల వారీగా గరుగుబిల్లి– 2, భామిని–3, పాలకొండ–2, సీతంపేట–2, కురుపాం–6, సీతానగరం–3, పార్వతీపురం–4, సాలూరు–3, గుమ్మలక్ష్మీపురం–7, వీరఘట్టం–5, కొమరాడ–2, బలిజిపేట–4, మక్కువ–4, పాచిపెంట–2, జియ్యమ్మవలస ముగ్గురు చొప్పున పోటీలో ఉన్నారు. పార్టీల వారీగా చూసుకుంటే.. వైఎస్సార్‌ సీపీ అన్ని స్థానాల్లోనూ(15)పోటీ చేస్తోంది. టీడీపీ 9, స్వతంత్ర 8, జనసేన 5, కాంగ్రెస్‌ 5, బీఎస్పీ 4, రెడ్‌ స్టార్‌ 3, సీపీఎం 2, బీజేపీ 1 చొప్పున ఉన్నాయి. నవంబర్‌ 3న పోలింగ్‌ జరగనుంది. అదే నెల 5న ఫలితాలు వెల్లడి కానున్నాయి. మడ్డువలస గేట్లు ఎత్తివేత ● 16వేల క్యూసెక్కుల ఔట్‌ఫ్లో వంగర: మండల పరిధి మడ్డువలస గొర్లె శ్రీరాములునాయుడు ప్రాజెక్టు వద్ద మంగళవారం ఐదు గేట్లు ఎత్తి 16వేల క్యూసెక్కుల నీటిని దిగువకు విడిచిపెడుతున్నట్టు ఏఈ నితిన్‌ తెలిపారు. అర్నబ్‌ తుఫాన్‌ ప్రభావంతో విస్తారంగా కురుస్తున్న వర్షాలకు సువర్ణముఖి, వేగావతి నదుల నుంచి 3వేల క్యూసెక్కుల నీరు ప్రాజె క్టులో చేరుతోంది. ప్రాజెక్టు వద్ద 63.73 మీటర్ల నీటిమట్టం నమోదైంది. ఇన్‌ఫ్లో పెరిగితే మరిన్ని గేట్లు ఎత్తివేసి నీటిని కిందకు విడిచి పెడతామని ఏఈ తెలిపారు. విజయనగరం: మంగళ వాయిద్యాలు.. భక్తుల భజనలు... జై పైడిమాంబ.. జై జై పైడిమాంబ జయజయ ధ్వానాల నడుమ విజయనగరం ప్రజల ఇలవేల్పు పైడితల్లి సిరిమాను సంబరం మంగళవారం ప్రశాంతంగా సాగింది. సిరిమాను పూజారి రూపంలో దర్శనమిచ్చిన సిరులతల్లికి భక్తులు ప్రణమిల్లారు. అమ్మవారి ఆశీస్సులు అందుకున్నారు. అర్నబ్‌ తుఫాన్‌ ప్రభావంతో ఉదయం నుంచి కురిసిన జోరువానలోనే సిరిమాను తిరువీధి సాగింది. జిల్లా యంత్రాంగం ముందుస్తుగా నిర్ణయించిన సమ యం ప్రకారం పూజారి బంటుపల్లి వెంకటరావు మధ్యాహ్నం 2.38 గంటలకు సిరిమానును అధిరోహించగా.. 2.55 గంటలకు సిరిమాను రథం కదిలింది. పాలధార ముందు కదలగా తెల్ల ఏనుగు, బెస్తవారి వల, అంజలి రథం సిరిమాను వెంట సాగాయి. అమ్మవారి చుదురుగుడి నుంచి ప్రారంభమైన సిరిమాను తిరువీధి డెంకేషావలీబాబా దర్గా మీదుగా కోటకు చేరుకుని కోట శక్తికి మూడుసార్లు అభివాదం చేసింది. అనంతరం సాయంత్రం 4.45 నిమిషాలకు చేరుకుంది. ● పట్టువస్త్రాలు సమర్పించిన కలెక్టర్‌ రాష్ట్ర ప్రభుత్వం తరఫున కలెక్టర్‌ ఎం.రాంసుందర్‌రెడ్డి సతీసమేతంగా అమ్మవారికి పట్టువస్త్రాలు సమర్పించారు. ఆయనకు ఆలయ వేదపండితులు పూర్ణకుంభంతో స్వాగతం పలికారు. ఆలయ సంప్రదాయం ప్రకారం పూజాక్రతువులు పూర్తిచేశారు. ఆలయ అనువంశిక ధర్మకర్త పూసపాటి అశోక్‌ గజపతిరాజు, మంత్రి కొండపల్లి శ్రీనివాస్‌ అమ్మవారిని దర్శించి పట్టువస్త్రాలు సమర్పించారు. శాసన మండలి విపక్షనేత బొత్స సత్యనారాయణ, మాజీ ఎంపీ బొత్స ఝాన్సీలక్ష్మి కుటుంబ సమేతంగా అమ్మవారిని దర్శించుకుని ప్రత్యేక పూజలు చేశారు. ● సిరిమానోత్సవంలో ప్రముఖులు పైడితల్లి అమ్మవారి సిరిమానోత్సవాన్ని ఆలయ అనువంశిక ధర్మకర్త పూసపాటి అశోక్‌ గజపతిరాజు, ఎమ్మెల్యే అదితి విజయలక్ష్మి గజపతిరాజు, సుధాగజపతి, ఊర్మిళా గజపతి, ఇతర రాజకుటుంబీకులు ఎప్పటిలాగే కోట బురుజుపై నుంచి తిలకించారు. వీరితో పాటు జిల్లా మంత్రి కొండపల్లి శ్రీనివాస్‌, తదితరులు సిరిమానోత్సవాన్ని వీక్షించారు. రాష్ట్ర శాసన మండలి విపక్ష నేత బొత్స సత్యనారాయణ, మాజీ ఎంపీ బొత్స ఝాన్సీలక్ష్మి తమ కుటుంబంతో కలిసి పాత అర్బన్‌ బ్యాంక్‌ వద్ద ఏర్పాటు చేసిన వేదిక నుంచి ఉత్సవాన్ని తిలకించారు. వాస్తవానికి వీరంతా ప్రతి ఏడాది అమ్మవారి ప్రతిరూపంగా భావించే సిరిమాను ఉత్సవం ప్రారంభం నుంచి పూర్తియ్యేంత వరకు వేచి ఉండగా.. ఈ ఏడాది భారీ వర్షం... ఈదురుగాలుల నేపధ్యంలో మొదటి సారి సిరిమాను తిరిగి వచ్చే సరికి ఆయా వేదికల నుంచి వెనుదిరిగారు. ఇదిలా ఉండగా ఉత్సవంలో ముందు ఉండే సన్నాయి మేళం కూడా ఈ ఏడాది వర్షం కారణంగా ఏర్పాటు చేయలేదని అధికారులు చెబుతున్నారు. ● ఇళ్లకే పరిమితమైన భక్తులు ఏటా అంగరంగ వైభవంగా, లక్షలాది మంది భక్తుల జయజయధ్వానాల నడుమ సాగే పైడితల్లి సిరిమాను సంబరం అర్నబ్‌ తుఫాన్‌ కారణంగా సందడి తగ్గింది. ఎడతెరిపిలేని వర్షంతో భక్తులు ఇళ్లకే పరిమితమయ్యారు. తెలంగాణా, ఒడిశా, ఛత్తీస్‌గఢ్‌ నుంచి భక్తుల రాక తగ్గింది. సిరిమానోత్సవం రోజు కిక్కిరిసేలా కనించే వీధులు సందడిలేకుండా పోయాయి. ఉదయం నుంచి ఏకధాటిగా కురుస్తున్న వర్షాలకు భక్తులు ఇళ్ల నుంచి బయటకు వచ్చే ధైర్యం చేయలేదు.విపక్షనేతపై ఎందుకా వివక్ష..? ఉదయం రాజకీయ ప్రముఖులు అమ్మవారి దర్శనానికి వచ్చారు. అందరినీ నేరుగా పంపించిన ఆలయ అధికారులు, పోలీస్‌ సిబ్బంది శాసనమండలిలో విపక్షనేత బొత్స సత్యనారాయణకు దర్శనం కల్పించడంలో కూడా వివక్ష చూపారు. దర్శనానికి వచ్చిన ఆయనను సుమారు పదినిమిషాల పాటు నీరక్షింపజేసిన అనంతరం బారికేడ్లు ఓపెన్‌ చేసి అమ్మవారిని దర్శించుకునేందుకు పంపించారు. సిరులతల్లి సిరిమాను జాతర ఓ వైపు అంగరంగ వైభవంగా నిర్వహిస్తున్న సమయంలో చదురుగుడిలో పైడితల్లికి వేదపండితులు లక్షపుష్పార్చన సేవను నిర్వహించారు. ఆలయమంతా వేదమంత్రోచ్ఛారణతో మార్మోగింది. జై పైడిమాంబ జైజై పైడిమాంబ నినాదాలతో భక్తజనం లక్ష పుష్పార్చన సేవలో తరించారు.

విజయనగరం టౌన్‌: ఉత్తరాంధ్రుల ఆరాధ్య దైవం, కోరిన కోర్కెలు తీర్చే కల్పవల్లి శ్రీ పైడితల్లి అమ్మవారి సిరిమానోత్సవంలో ఎటువంటి అవాంఛనీయ సంఘటనలు చోటుచేసుకోకుండా ప్రశాంతంగా ముగిసిందని ఎస్పీ ఎఆర్‌.దామోదర్‌ స్పష్టం చేశారు. ఈ సందర్భంగా సిరిమానోత్సవాన్ని ఆయన స్వీయ పర్యవేక్షణ చేశారు. సిరిమానోత్సవ భద్రత కోసం సుమారు 3వేల మందిని ఏర్పాటు చేసి క్షేత్ర స్థాయిలో పర్యవేక్షణ చేశారు. ఐజీ గోపీనాథ్‌ జట్టి, ఎస్పీ స్వయంగా సిరిమాను వెంట మూడుసార్లు తిరుగుతూ భద్రతా ఏర్పాట్లను పరిశీలించి, అధికారులకు, సిబ్బందికి ఎప్పటికప్పుడు అవసరమైన సూచనలు చేశారు. ముందస్తు ప్రణాళికతో హుకుంపేట నుంచి సిరిమానును ప్రధాన ఆలయానికి తీసుకురావడం, నిర్ణీత సమయానికి సిరిమాను తిరిగేలా చర్యలు చేపట్టడం వలన ఉత్సవం చీకటిపడక ముందే సజావుగా ముగిసిందన్నారు. అర్నాబ్‌ తుఫాన్‌ ప్రభావంతో వర్షం కురుస్తున్నప్పటికీ భక్తులతో పాటూ పోలీస్‌ అధికారులు, సిబ్బంది అంకితభావంతో విధులు నిర్వహిస్తూ భక్తులకు భద్రత కల్పించారు. పట్టణంలోని ప్రధాన కూడళ్ల వద్ద ఏర్పాటు చేసిన సుమారు 200కి పైగా సీసీ కెమెరాల ద్వారా కమాండ్‌ కంట్రోల్‌ రూమ్‌ నుంచి పరిస్ధితిని నిరంతరం పర్యవేక్షిస్తూ, క్షేత్ర స్ధాయి అధికారులకు తక్షణ భద్రతా సూచనలు చేశారు.

పూసపాటిరేగ: పూసపాటిరేగ మండలంలో 21 ఎంపీటీసీ స్థానాలకు బీ ఫారాలు జారీ, అభ్యర్థులు జాబితా ప్రకటన విషయంలో గందరగోళం నెలకొంది. రిటర్నింగ్‌ అధికారికి నిర్ణీత సమయంలో వచ్చిన 41 బిఫారాలకుగాను, గంటల వ్యవధిలో టీడీపీకి అనుకూలంగా పసపాం, కొప్పెర్ల, సిహెచ్‌.అగ్రహారం ఎంపీటీసీ స్థానాలకు టీడీపీ బీ ఫారాలు ఇచ్చినట్లు రిటర్నింగు అధికారి ప్రకటించి హైడ్రామా నడిపారు. మండలంలో 21 ఎంపీటీసీలకుగాను విత్‌డ్రా సమయంలో వైఎస్సార్‌సీపీ నుంచి 21 బీ ఫారాలు, టీడీపీ నుంచి 9 బీ ఫారాలు, జనసేన 9, బీజేపీ 2 బీ ఫారాలు ఇచ్చినట్లు ప్రకటించారు. రాత్రి 7 గంటల సమయంలో జాబితా వెల్లడించే సమయానికి టీడీపీ పార్టీకి మరో 3 బీ ఫారాలు కలుపుతూ రిటర్నింగ్‌ అధికారి ప్రకటించారు. విషయం తెలుసుకున్న వైఎస్సార్‌సీపీ శ్రేణులు పూసపాటిరేగ మండల పరిషత్‌ కార్యాలయం గేటు వద్ద నిరసనకు దిగారు. వైఎస్సార్‌సీపీ మండల అధ్యక్షుడు పతివాడ అప్పలనాయుడు, వైఎస్సార్‌సీపీ నాయకుడు మహంతి శ్రీనివాసరావు బీ ఫారాలలో తేడా రావడంతో ఎన్నికల రిటర్నింగ్‌ అధికారి గోపిని ప్రశ్నించారు. నిర్ణీత సమయానికి వున్న బీ ఫారాలు తప్ప అదనంగా బీ ఫారాలు వుంటే సహించేది లేదని, అధికార పార్టీ ఒత్తడితోనే రిటర్నింగ్‌ అధికారి తప్పుడు పనికి పాల్పడ్డారని ఆవేదన వ్యక్తం చేశారు. రాత్రి 7 గంటల సమయంలో రిటర్నింగ్‌ అధికారి టీడీపీ నుంచి బీ ఫారాలు తీసుకొని కొప్పెర్ల, సిహెచ్‌.అగ్రహారం, పసపాం సిగ్మెంటులకు కలపడంపై భారీగా వైఎస్సార్‌సీపీ శ్రేణులు మండల పరిషత్‌ కార్యాలయానికి చేరుకొని నిరసన వ్యక్తం చేశారు. ఆర్‌ఓ తీరుపై ఉన్నతాధికారులకు నివేదిస్తామని, అధికార పక్షానికి కొమ్ముకాసిన ఉద్యోగులను వదిలేది లేదని న్యాయ పోరాటం చేస్తామని హెచ్చరించారు. వారితో పాటు వైఎస్సార్‌సీపీ నాయకులు అధిక సంఖ్యలో పాల్గొన్నారు. 9 నుంచి 12కి పెరిగిన టీడీపీ బీ ఫారాలు రాత్రి 7 గంటల సమయంలో బీ ఫారాలు ఇచ్చినట్లు ఆరోపణలు ఆర్‌ఓ తీరుపై మండిపడిన వైఎస్సార్‌సీపీ శ్రేణులు ఆర్‌ఓపై చర్యలకు వైఎస్సార్‌సీపీ డిమాండ్‌

రాజాం సిటీ: స్థానిక సంస్థల ఎన్నికలు దగ్గరపడుతున్నాయి. దీని దృష్ట్యా పార్టీలకు అతీతంగా పోస్టులు పెట్టడం వంటివి చేయవద్దంటూ గ్రామాల్లో పోలీసులు అవగాహనా కార్యక్రమాలు నిర్వహిస్తున్నారు. నేటి సమాజంలో సోషల్‌ మీడియా కీలక పాత్ర పోషిస్తోంది. ఫేస్‌బుక్‌, వాట్సాప్‌, ట్విట్టర్‌, ఇన్‌స్ట్రాగామ్‌ ఇలా తమకు అనుకూల వేదికలపై ప్రజలు వ్యక్తిగత అభిప్రాయాలను వ్యక్తపరుస్తున్నారు. సోషల్‌ మీడియాలో పుట్టుకొచ్చే పోస్టులు వందలు, వేల మందిని ప్రభావితం చేస్తున్నాయి. దీనిని ఆసరాగా చేసుకుని ఎన్నికల్లో పోటీచేసే వ్యక్తులను సోషల్‌ మీడియా ద్వారా ప్రచారం చేయడం పరిపాటి. ఎన్నికలు సమీపిస్తున్న వేళ ఎవరూ అసభ్యకర, రెచ్చగొట్టే వ్యాఖ్యలు చేస్తూ పోస్టులు పెట్టవద్దంటూ పోలీసులు గ్రామాల్లో అవగాహన కల్పిస్తున్నారు. కొన్ని సందర్భాల్లో కుల, మత, రాజకీయ, ప్రాంతీయ విభేదాలు, వైషమ్యాలకు దారి తీస్తున్నాయి. ఇలాంటి పరిస్థితుల్లో సోషల్‌ మీడియాల్లో పోస్టు, కామెంట్‌లు పెట్టే ముందు షేర్‌ చేసేటప్పుడు ఆలోచించి, వాస్తవాన్ని తెలుసుకొని ముందుకు వెళ్లడం మంచి పద్దతి. లేదంటే ఎవరైనా సరే ఇబ్బందులు పడకతప్పదు. ముఖ్యంగా దేశ ఆర్థిక, సామాజిక, రాజకీయ, కుల, మత ద్వేషాలు సృష్టించే సందేశాలు ఫార్వర్డ్‌ చేయకూడదు. నిబంధనలు మీరి ఫార్వర్డ్‌ చేస్తే గ్రూపు అడ్మిన్‌పై చట్టపరమైన చర్యలు తీసుకుంటామని పోలీసులు హెచ్చరిస్తున్నారు. హద్దు మీరితే.. అసభ్యకర ఫొటో, వీడియో, సమాచారం షేర్‌ చేస్తే ఐపీసీ సెక్షన్‌ 292 కింద శిక్షార్హులవుతారు. ఈ సెక్షన్‌ ప్రకారం రెండేళ్ల జైలు శిక్ష పడుతుంది. రెండో సారి ఇదే నేరానికి పాల్పడితే ఐదేళ్లు శిక్షార్హులు. ఓ మతాన్ని కించపరుస్తూ పోస్ట్‌, కామెంట్‌ చేస్తే ఐటీ చట్టం, ఐపీసీ సెక్షన్‌ 295 కింద కేసు నమోదు చేస్తారు. నకిలీ ఖాతాలు సృష్టించడం నేరం. ఇలా చేస్తే ఐపీసీ సెక్షన్‌ 499, ఐటీ చట్టంలో సెక్షన్‌ 66డి కింద శిక్షార్హులు అవుతారు. అనుమతి లేకుండా ఇతరుల ఫొటో సోషల్‌ మీడియాలో పోస్ట్‌ చేసినా, వాడినా ఐటీ చట్టం, ఐపీసీ సెక్షన్‌ 499 కింద కేసు నమోదు చేస్తారు. చీటింగ్‌ కేసు నమోదుకు ఆస్కారం ఉంది. మహిళలపై అసభ్యకర పోస్ట్‌లు, కామెంట్‌లు చేస్తే ఐటీ చట్టం సెక్షన్‌ 66, ఐపీసీ 292, 354ఎ, 354 డి (నిర్బయ చట్టం) కింద శిక్షార్హులు. నిరాధారమైన విషయాలు, పార్టీలు, మతాలు, కులాలు, ప్రాంతాలు, భాషల మధ్య విద్వేషాలు రెచ్చగొట్టేలా, కించపర్చేలా ఉండే పోస్టులు, వార్తలు, ఫొటోలు పోస్ట్‌ చేస్తే ఐపీసీ సెక్షన్‌ 505 కింద నాన్‌బెయిల్‌బుల్‌ కేసు నమోదు చేస్తారు. నేరం రుజువైతే మూడేళ్ల వరకు జైలు శిక్ష, జరిమానా తప్పవు. రెచ్చగొట్టే వాఖ్యలు, అసభ్యకర పోస్టులు, కామెంట్లు వద్దేవద్దు సోషల్‌ మీడియాలో ఏదిపడితే అది షేర్‌ చేయొద్దు గ్రామాల్లో అవగాహన కల్పిస్తున్న పోలీసులు

నీ హామీలన్నీ..ఉత్తుత్తివేనా...!రామభద్రపురం: ఎన్నికలు వస్తే చంద్రబాబుకు ప్రజలపై ఎక్కడ లేని ప్రేమ పుట్టుకొస్తుంది. అభివృద్ధి, సంక్షేమం పేరుతో అబద్ధాల పుట్టగొడుగు బయటకు వస్తుంది. స్థానిక సంస్థల ఎన్నికలు షెడ్యూల్‌ విడుదల కానుందని తెలిసిన చంద్రబాబు ఓ వైపు పక్కా ఇళ్లు నిర్మాణాలకు నిధులు విడుదల చేస్తామని, మరో వైపు పెన్షన్లు మంజూరు చేస్తామని, ఇంకో వైపు ఇంటి స్థలం ఇస్తామని సచివాలయాలలో దరఖాస్తులు స్వీకరిస్తూ ప్రచారాలు గుప్పించారు. ఎన్నికల షెడ్యూలు విడుదల కావడంతో ఇళ్ల మంజూరు, పెన్షన్లు తదితర సంక్షేమ పఽథకాలు మంజూరు కావని అర్ధం చేసుకున్న ప్రజలు కూటమి ప్రభుత్వంపై కన్నెర్ర చేస్తున్నారు. సాధారణ ఎన్నికల సమయంలో చంద్రబాబు ఇచ్చిన హామీలే స్థానిక సంస్థల్లో ఆ పార్టీ అభ్యర్థుల ఓటమికి నాంది పలకనున్నాయని ఆగ్రహిస్తున్నారు. ఇంటి స్థలం లేదు.. ఇళ్లు మంజూరు లేదు.. ముఖ్యంగా ఇళ్లు లేని పేదలకు పట్టణాల్లో రెండు, గ్రామీణ ప్రాంతాల్లో మూడు సెంట్ల స్థలం ఇస్తామని హామీ ఇచ్చారు. స్థలం ఉన్న లబ్ధిదారులకు ఇళ్లు నిర్మించుకోవడానికి పీఎంఏవై కింద ఒక్కో యూనిట్‌కు రూ.2.39 లక్షలు నిధులు ఇస్తామని కూటమి పార్టీలు హామీలు గుప్పించాయి. జిల్లాలో ఇళ్ల మంజూరు కోసం 39,559 మంది లబ్ధిదారులు అన్‌లైన్‌ ద్వారా దరఖాస్తు చేసుకోగా ఇందులో 32,657 మందిని అర్హులుగా గుర్తించారు. కూటమి ప్రభుత్వం అధికారంలోకి వచ్చి రెండున్నరేళ్లు గడుస్తున్నా ఒక్క అంగుళం స్థలం కూడా ఇవ్వలేకపోయారు. కూటమి ప్రభుత్వం కొత్త ఇళ్ల మంజూరు హామీలు గాలిలో కలిసిపోయాయని లబ్ధిదారులు మండిపడుతున్నారు. సూపర్‌ సిక్స్‌ పచ్చి మోసం మహిళలకు ఆడబిడ్డ నిధి కింద నెలకు రూ.1500, నిరుద్యోగ భృతి నెలకు రూ.3 వేలు, వలంటీర్లకు రూ.10 వేలు వంటి హామీలు అమలు కాలేదు. స్థానిక ఎన్నికల ముందు కొత్త పింఛన్లు మంజూరు చేస్తాం.. దరఖాస్తు చేసుకోవాలని కూటమి ప్రభుత్వం ప్రకటనలు చేసింది. దీంతో జిల్లా వ్యాప్తంగా 52,090 మంది అర్హులైన లబ్ధిదారులు సచివాలయాల్లో ఆన్‌లైన్‌ ద్వారా దరఖాస్తు చేసుకోగా ఎంపీడీఓ స్థాయిలో స్క్రూటీని చేసి వాటిలో 46,474 మంది స్టేట్‌ లాగిన్‌లోకి అప్రూవల్‌ చేశారు. 5,616 మందిని వివిధ కారణాలతో రిజెక్ట్‌ చేశారు. అవి ఇప్పటికీ మంజూరు కాకపోవడంతో రెండేళ్లుగా కొత్త పింఛన్లు మంజూరు కాక దివ్యాంగులు, వితంతువులు, వృద్ధులు తీవ్ర వేదనకు గురవుతున్నారు. నిలిచిన పథకాలు గత వైఎస్సార్‌సీపీ ప్రభుత్వంలో వైఎస్సార్‌సీపీ ప్రభుత్వంలో వైఎస్సార్‌ పెళ్లికానుక, ప్రమాద బీమా వంటి పథకాలను సమర్ధంగా అమలు చేయగా, కూటమి ప్రభుత్వం వాటిని నిలిపి వేసింది. కౌలు రైతులకు రైతు భరోసా, పంటల బీమా, పంట నష్ట పరిహారం అందడం లేదు. పెరిగిన ధరలు నిత్యావసర సరుకులైన బియ్యం, వంట నూనె, పప్పుల ధరలు విపరీతంగా పెరిగినా ప్రభుత్వం నియత్రించలేకపోయింది. దీంతో పేద, మధ్య తరగతి ప్రజలు, తీవ్ర ఆర్థిక ఇబ్బందుల్లో కూరుకుపోయారు. ఈ పరిస్థితుల్లో వచ్చిన స్థానిక సంస్థల ఎన్నికల్లో బాబు ప్రభుత్వానికి బుద్ధి చెప్పాలని ప్రజలు ఆగ్రహావేశాలతో ఉన్నారు. దీంతో పోటీలో నిలిచిన అభ్యర్థులు తమ కొంప కొల్లేరు అవుతుందేమోనని ఆందోళన చెందుతున్నారు.ప్రజలకు కూటమి వెన్నుపోటు ఎన్నికల సమయంలో అమలు కాని హామీలు ఇచ్చి అధికారంలో వచ్చిన తరువాత ప్రజలను కూటమి ప్రభుత్వం వెన్నుపోటు పొడిచింది. అధికారంలోకి వచ్చి రెండున్నరేళ్లు దాటినా ఇప్పటికీ హామీలు అమలుపై కదలికలేదు. యువతకు నిరుద్యోగ భృతి, 50 ఏళ్లకే పింఛన్‌ తదితర పథకాలు ఇస్తానని ప్రజలను నమ్మించి మోసం చేశారు. గత ప్రభుత్వం పాలనతో పోలిక చేసుకుని స్థానిక సంస్థల ఎన్నికల్లో ఓటు ద్వారా కూటమి ప్రభుత్వానికి బుద్ధి చెప్పాలి – అప్పికొండ సరస్వతి, జెడ్పీటీసీ అభ్యర్థిని, రామభద్రపురం అమలు కాని ‘సూపర్‌ సిక్స్‌’ ఆవాస్‌ ప్లస్‌ యోజనలో గుర్తించినా నేటికీ మంజూరు కాని పక్కా ఇళ్లు ఇంటి స్థలం హామీ మరిచిన చంద్రబాబు

● పార్టీ కండువాలు వేసి ఆహ్వానించిన మాజీ ఎమ్మెల్యే శంబంగితెర్లాం: తెలుగుదేశం పార్టీ నుంచి వైఎస్సార్‌ సీపీలోకి మంగళవారం భారీగా చేరికలు జరిగాయి. మండల కేంద్రమైన తెర్లాంలోని వైఎస్సార్‌ సీపీ కార్యాలయంలో పెరుమాళి మాజీ సర్పంచ్‌ వెలగాడ కృష్ణారావు, టీడీపీ నాయకులు సంచాన జయరావు(జాన్‌), కుప్ప శ్రీనివాసరావు ఆధ్వర్యంలో 70కుటుంబాలు టీడీపీని వీడి వైఎస్సార్‌ సీపీలో చేరారు. వీరందరికీ బొబ్బిలి మాజీ ఎమ్మెల్యే, వైఎస్సార్‌ సీపీ నియోజకవర్గ ఇన్‌చార్జ్‌ శంబంగి వెంకట చినఅప్పలనాయుడు పార్టీ కండువాలు వేసి ఆహ్వానించారు. ఈ సందర్భంగా టీడీపీని వీడి వైఎస్సార్‌ సీపీలో చేరిన వెలగాడ కృష్ణారావు, సంచాన జాన్‌, కుప్ప శ్రీనివాసరావు మాట్లాడుతూ పెరుమాళి పంచాయతీ పరిధిలోని పెరుమాళి, టెక్కలివలస గ్రామాలకు చెందిన తామంతా ఎన్నో ఏళ్లుగా టీడీపీలో ఉన్నామని, అయినప్పటికీ పార్టీలో తమకు సరైన గుర్తింపు ఇవ్వకపోవడం, ఇటీవల ఎంపీటీసీ స్థానం ఎస్సీకి రిజర్వేషన్‌ వచ్చినా వైఎస్సార్‌ సీపీకి చెందిన వారిని టీడీపీలో చేర్చుకొని వారికి టిక్కెట్‌ ఇచ్చి తమకు అన్యాయం చేశారన్నారు. దీన్ని దృష్టిలో ఉంచుకొని తాము టీడీపీని వీడి వైఎస్సార్‌ సీపీలో చేరామని తెలిపారు. పెరుమాళి వైఎస్సార్‌ సీపీ అభ్యర్థి గర్భాపు లూర్ధు విజయానికి కృషి చేస్తామని వారు చెప్పారు. కార్యక్రమంలో మండల పార్టీ అధ్యక్షుడు తెంటు సత్యంనాయుడు, సీనియర్‌ నాయకులు నర్సుపల్లి బాబ్జీరావు, గర్భాపు రామారావు, పెనుమత్స అప్పలరాజు, చొక్కరి వెంకటరావు, గరే రాము, గొందాల వెంకటరావు, నర్సుపల్లి శ్రీనివాసరావు పాల్గొన్నారు.

సాలూరు రూరల్‌: మున్సిపాలిటీలోని 10, 11 వార్డుల్లో జోరువానలో మున్సిపల్‌ చైర్‌పర్సన్‌ అభ్యర్థి భవిరెడ్డి రిబ్కారాణి, మాజీ డిప్యూటీ సీఎం రాజన్నదొర మంగళవారం ఇంటింటి ప్రచారం చేశారు. జగనన్న పాలనలో జరిగిన అభివృద్ధి, సంక్షేమాన్ని గుర్తు చేసుకోవాలని, వైఎస్సార్‌సీపీ అభ్యర్థులను గెలిపించాలని కోరారు. ప్రచారంలో వైఎస్సార్‌సీపీ జిల్లా అధ్యక్షుడు పరీక్షిత్‌ రాజు, మక్కువ మాజీ జెడ్పీటీసీ, పార్వతీపురం మన్యం జిల్లా ఇన్‌చార్జి మావుడి శ్రీనివాసులు నాయుడు పాల్గొన్నారు. ప్రచారంలో పార్టీ శ్రేణులు పెద్ద సంఖ్యలో పాల్గొన్నాయి.

● మాజీ ఎమ్మెల్యే కళావతి సమక్షంలో 60 కుటుంబాల చేరికభామిని: మండలంలో ఘనసరకు చెందిన జనసేన మండల ప్రధాన కార్యదర్శి మడపాన అనిల్‌కుమార్‌తో పాటు 15 కుటుంబాలు ఆ పార్టీని వీడి వైఎస్సార్‌సీపీలో మంగళవారం చేరారు. వీరికి మాజీ ఎమ్మెల్యే విశ్వాసరాయి కళావతి పార్టీ కండువాలు వేసి స్వాగతం పలికారు. అలాగే బురుజోల, సింగిడికి చెందిన టీడీపీ నాయకులు బోపు రాజారావు, కోస్టు రామారావు, మాని నూకయ్యతో పాటు 45 కుటుంబాలు ఆ పార్టీని వీడి వైఎస్సార్‌సీపీలో చేరారు. బురుజోలలో జరిగిన కార్యక్రమంలో వీరికి పార్టీ కండువాలు వేసి మాజీ ఎమ్మెల్యే సాదరంగా ఆహ్వానించారు. వైఎస్సార్‌సీపీ జిల్లా కార్యదర్శి తోట సింహాచలం, పార్టీ అధ్యక్షుడు బోదెపు శ్రీనివాసరావు, మండల నాయకుడు బోనగడ్డి ధర్మారావు, బోదెపుల సారధ్యంలో మాజీ ఎమ్మెల్యే వీరికి స్వాగతం పలికారు. జనసేన, టీడీపీ నేతల వేధింపులు తాళలేకే ఆయా పార్టీలను వీడినట్టు స్పష్టం చేశారు. పార్టీ నాయకులు మడపాన కేశవరావు, కిల్లారి ఫల్గుణ, వలరౌతు గిరిబాబు, రొక్కం ధర్మారావు తదితరులు పాల్గొన్నారు.

● వైఎస్సార్సీపీలో చేరిన 50 కుటుంబాలుగజపతినగరం రూరల్‌: మండలంలోని అధికార టీడీపీకి భారీ షాక్‌ తగిలింది. కాలంరాజుపేట ఎంపీటీసీ సెగ్మెంట్‌ పరిధిలోగల కాలంరాజుపేట, డోలపాలెం గ్రామానికి చెందిన 50 కుటుంబాలు టీడీపీని వీడి వైఎస్సార్‌సీపీలో సోమవారం చేరాయి. డోలపాలెం గ్రామ టీడీపీ నాయకులు సుంకరి అప్పలనాయుడు, గంట్యాడ నాగరాజు ఆధ్వర్యంలో 30 కుటుంబాలు టీడీపీకి గుడ్‌ బై చెప్పి వైఎస్సార్‌సీపీ కండువాలు వేసుకున్నాయి. అలాగే కాలం రాజుపేట గ్రామంలో మాజీ ఉపసర్పంచ్‌ గేదెల సత్తిబాబు, లెంక కూర్మారావు ఆధ్వర్యంలో 20 కుటుంబాలు వైఎసా్‌స్‌ర్‌సీపీ తీర్థం పుచ్చుకున్నాయి. వారందరికీ మాజీ ఎమ్మెల్యే, వైఎస్సార్‌సీపీ బొబ్బిలి నియోజక వర్గ నియోజకవర్గ సమన్వయకర్త బొత్స అప్పలనరసయ్య విజయనగరంలోని తన క్యాంప్‌ కార్యాలయంలో కండువాలు వేసి పార్టీలోకి ఆహ్వానించారు. ఈ సందర్భంగా ఆయన మాట్లాడుతూ, నియోజకవర్గంలో ఏ గ్రామంలో చూసినా అధికార టీడీపీ నుంచి వైఎసా్‌స్‌ర్‌సీపీలోకి వలసల పరంపర కొనసాగుతోందన్నారు. చంద్రబాబు మోసపూరిత హామీలకు విసుగుచెంది టీడీపీని చాలామంది నాయకులు వీడుతున్నారన్నారు. మళ్లీ జగన్‌మోహన్‌ రెడ్డి ప్రభుత్వం అధికారంలోకి వస్తేనే ప్రజలకు సంక్షేమ, అభివద్ధి కార్యక్రమాలు అందుతాయన్నారు. టీడీపీ ప్రభుత్వానికి స్థానిక సంస్థలు ఎన్నికల్లో తగిన గుణపాఠం చెప్పాలని కోరారు. స్థానిక సంస్థల ఎన్నికల్లో వైఎస్సార్‌సీపీ బలపరిచిన అభ్యర్థుల విజయానికి శక్తివంచన లేకుండా కృషి చేయాలని కోరారు.ఈ కార్యక్రమంలో ఎంపీటీసీ అభ్యర్థిని గేదెల రమాదేవి, మాజీ ఎంపీటీసీ గేదెల జగదీష్‌, మాజీ సర్పంచ్‌ గేదెల ఈశ్వరరావు, పలువురు నాయకులు పాల్గొన్నారు. కూటమి పాలనకు విసుగు చెంది.. గుర్ల: కూటమి ప్రభుత్వం చేస్తున్న ప్రజావంచన పాలనకు విసుగు చెందిన 10 కుటుంబాలు టీడీపీని వీడి వైఎస్సార్‌సీపీలో సోమవారం చేరాయి. మండలంలోని దమరసింగికి చెందిన రెడ్డి శ్రీరామ్‌, రెడ్డి శ్రీను, రెడ్డి సాయి, రెడ్డి అచ్యుతమ్మ, రెడ్డి కృష్ణవేణి తో పాటు మరో ఐదు కుటుంబాలు టీడీపీని వీడి వైఎస్సార్‌సీపీలో చేరా యి. వారికి మాజీ ఎంపీ బొత్స ఝాన్సీ లక్ష్మి, జెడ్పీటీసీ అభ్యర్థి సంగంరెడ్డి వెంకటలక్ష్మి వైఎస్సార్‌సీపీ కండువాలు కప్పి సోమవారం పార్టీలోకి ఆహ్వనించారు. వైఎస్సార్‌సీపీ బలోపేతానికి కృషి చేయాలని సూచించారు. జనసేన నుంచి వైఎస్సార్‌సీపీలోకి వలసలు మెంటాడ: మండలంలోని ఇద్దనవలస ఎంపీటీసీ స్థానం పరిధిలో గల రాబంద గ్రామ జనసేన పార్టీ అధ్యక్షుడు కూనిశెట్టి రామారావుతో పాటు 10కుటుంబాల వారు జనసేన పార్టీని వీడి సోమవారం వైఎస్సార్‌సీపీలో చేరారు. వారంతా వైఎస్సార్‌సీపీ మండల అధ్యక్షుడు రాయపల్లి రామారావు, మాజీ వైస్‌ ఎంపీపీ సారిక ఈశ్వరరావుల ఆధ్వర్యంలో పార్టీలో చేరారు. కార్యక్రమంలో కొంపంగి, మీసాలపేట, రాబంద మాజీ సర్పంచ్‌లు, వైఎస్సార్‌సీపీ కార్యకర్తలు పాల్గొన్నారు.

వంగర మండలంలో పందాలు జరగలేదు.. వంగర మండలంలో ఎక్కడా పొట్టేలు, కోడిపందాలు, పేకా ట శిబిరాలు జరగలేదు. జూ దంపై ఇప్పటికీ గట్టి నిఘా పెట్టాం. ఎక్కడైనా అలా జరిగితే దాడులు చేసి కేసులు నమోదు చేసి అరెస్టులు చేస్తాం. – షేక్‌ శంకర్‌, ఎస్సై, వంగరవంగర: ఓ వైపు వంగర మండలం..మరో వైపు బలిజిపేట, గరుగుబిల్లి మండలాలకు చెందిన సరిహద్దు ప్రాంతం అది. విస్తారంగా సాగుచేస్తున్న జీడి, మామిడి, నీలగిరి, టేకు, పామాయిల్‌ తోటలు. జనసంచారం అస్సలు ఉండదు. ఇటువైపు ప్రయాణికులు, ప్రజలు, బాటసారులు, వాహనదారుల తాకిడి ఉండదు. అటవీ ప్రాంతాన్ని తలపించే ప్రదేశం ఇది. ఇదే అదునుగా పందెం రాయుళ్లు రెచ్చిపోతున్నారు. ఈ సరిహద్దు ప్రాంతాన్ని జూదగాళ్లు అడ్డాగా ఎంచుకున్నారు. ఈ ప్రాంతంలో పొట్టేలు పందాలు జోరుగా సాగుతున్నాయి. కోట్ల రూపాయలు చేతులు మారుతున్నాయి. ప్రైవేట్‌ వ్యక్తులు టీమ్‌గా ఏర్పడి పందెం సమాచారం, సమయం, ప్రదేశం అందిస్తున్నారు. ఆ సమయానికి ఒక గంట ముందు అక్కడికి చేరుకుని పొట్టేలు పందాల్లో పాల్గొంటున్నారు. ఇందులో భాగంగా ఉత్తరాంధ్ర జిల్లాల నుంచి పందెం రాయుళ్లు పెద్ద ఎత్తున పాల్గొనడంతో పొట్టేలు పందెం సమయంలో ఈ ప్రదేశం ఒక్కోసారి సంక్రాంతి బరులను తలపిస్తోంది. పందాలు ఇలా.. వంగర మండలం పెద రాజులగుమ్మడ, చినరాజులగుమ్మడ, బలిజిపేట మండలం పెద్దింపేట, పోలినాయుడువలస గ్రామాల సమీపం (ఇరు మండలాల సరాసరి సరిహద్దు ప్రాంతం)లో పొట్టేలు పందాలు గుట్టుచప్పుడు కాకుండా జరుగుతున్నాయి. విజయనగరం, పార్వతీపురం మన్యం, శ్రీకాకుళం జిల్లాలకు చెందిన పందాల రాయుళ్లు టూవీలర్లు, కార్లు, ఆటోల్లో ఇక్కడికి చేరుకుని పందాల్లో పాల్గొంటున్నారు. పొట్టేలు రంగు ఆధారంగా బెట్టింగులు.. పొట్టేలు రంగును ఆధారంగా బెట్టింగులు జరుగుతున్నాయి. తెలుపు, నలుగు, ఎరుపు రంగుల పొట్టేళ్లు అధికంగా బరిలో ఉంటున్నాయి. వాటి బరువు, ఎత్తు ఆధారంగా బెట్టింగులు హెచ్చు..డిచ్చులతో సాగుతున్నాయి. పొట్టేళ్లు ఢీకొట్టుకుంటున్న సమయంలో కొంత మంది వ్యక్తులు లక్షకు పైగా బెట్టింగులు కాస్తుండడం విశేషం. వందల సంఖ్యలో పరిసర ప్రాంతాలకు చెందిన ప్రజలు ఈ పందాలను వీక్షిస్తుంటారు. సరిహద్దు అసలు సమస్య.. ఈ ప్రాంతంలో జరిగే పొట్టేలు పందాలపై పోలీసులు నిఘా ఉంది. పోలీసులకు సరిహద్దు సమస్యగా మారుతోంది. రెండేళ్ల క్రితం వంగర పోలీసులు దాడులు చేసి పందాల రాయుళ్లను, పొట్టేళ్లను అదుపులోకి తీసుకున్న సందర్భాలున్నాయి. అయితే ఈ ప్రాంతంలోని నాలుగైదు ప్రదేశాల్లో పందాలు నిర్వహిస్తున్నారు. కొన్ని సందర్భాల్లో వంగర మండలం వైపు, మరికొన్ని సందర్భాల్లో బలిజిపేట మండలం వైపు పందెం నిర్వహిస్తున్నారు. అందువలన పందెం రాయుళ్ల స్కెచ్‌ ఎవరికీ అర్ధం కావడం లేదు. విషయం తెలిసేసరికి అంతా ముగిసిపోతోంది. కోడి పందాలు..పేకాట కూడా..? వంగర మండలం వీవీఆర్‌పేట, గరుగుబిల్లి మండలం కొత్తూరు, కొత్తపల్లి సమీపంలోని సరిహద్దుల్లో కోడిపందాలు జోరుగా సాగుతున్నాయి. అలాగే వంగర మండలం–బలిజిపేట మండలం సరిహద్దులో పేకాట శిబిరాలు కూడా నిర్వహిస్తున్నారంటూ ఈ ప్రాంతంలో ప్రచారం జోరుగా సాగుతోంది. ప్రైవేట్‌ ఏజెంట్‌ వ్యవస్థ.. వంగర మండలంలోని పలు గ్రామాలకు చెందిన కొంత మంది వ్యక్తులు, పార్వతీపురం పట్టణానికి చెందిన కొంత మంది, బలిజిపేట, గరుగుబిల్లి మండలాలకు చెందిన కొంత మంది వ్యక్తులు టీమ్‌గా ఏర్పడ్డారు. ఒకవిధంగా చెప్పాలంటే ఓ ప్రైవేట్‌ ఏజెన్సీగా ఏర్పడి పందాలు నిర్వహిస్తున్నారు. వారంతా ఒక తాటిమీద పనిచేస్తుంటారు. పందెం జరిగే సమాచారం సెల్‌ఫోన్ల ద్వారా చేరవేస్తున్నారు. ఆ సమయానికి పెద్ద సంఖ్యలో పందెం రాయుళ్లు హాజరై తమ అదృష్టాన్ని పరీక్షించుకుంటున్నారు. పట్టణ ప్రాంతాల్లో నుంచి వస్తున్న కొంత మంది దీనిని వ్యాపారంగా మలుచుకుని కోట్లలో బెట్టింగులు కాస్తున్నారు. గుట్టుచప్పుడు కాకుండా సాగుతున్న పొట్టేలు పందాలు చేతులు మారుతున్న కోట్ల రూపాయలు అటవీ ప్రాంతాన్ని తలపిస్తున్న స్థలంలో బెట్టింగుల జోరు

విజయనగరం రూరల్‌: వాల్మీకి జయంతిని పురస్కరించుకుని జిల్లా కేంద్రం శివారు ప్రముఖ ఆధ్యాత్మిక పర్యాటక కేంద్రం రామనారాయణంలో సోమవారం జాతీయ సదస్సు నిర్వహించారు. భారతీయ సంస్కృతి, సనాతన ధర్మం, మానవీయ విలువలకు ప్రతీకగా నిలిచిన మహోన్నత ఇతిహాసం రామాయణం. వేల సంవత్సరాలుగా భారతీయ సమాజానికి జీవన మార్గదర్శకంగా నిలుస్తున్న రామాయణాన్ని ఆధునిక విజ్ఞానశాస్త్రం, భౌగోళిక పరిశోధనలు, పరిపాలనా విధానాలు, ప్రజా విధానాల కోణంలో అధ్యయనం చేయాలనే లక్ష్యంతో విజయనగరంలోని ప్రసిద్ధ ఆధ్యాత్మిక క్షేత్రం రామనారాయణంలో జాతీయ సదస్సు నిర్వహించారు. కేంద్ర సాంస్కృతిక మంత్రిత్వ శాఖ పరిధిలోని తిరుపతి ఇందిరాగాంధీ నేషనల్‌ సెంటర్‌ ఫర్‌ ది ఆర్ట్స్‌ ప్రాంతీయ కేంద్రం, విజయనగరం రామనారాయణంలోని వాల్మీకి రీసెర్చ్‌ సెంటర్‌ ఆన్‌ రామాయణ సంయుక్త ఆధ్వర్యంలో ఈ సదస్సు జరిగింది. ‘ఫ్రమ్‌ ఎపిక్‌ టు ఎవిడెన్స్‌’ అనే ప్రధాన ఇతివృత్తంతో నిర్వహించిన ఈ సదస్సులో రామాయణాన్ని కేవలం ఆధ్యాత్మిక గ్రంథంగానే కాకుండా వివిధ పరిశోధనా కోణాల్లో అధ్యయనం చేయడంపై దృష్టి సారించారు. ఈ సదస్సులో ఎన్‌సీఎస్‌ ట్రస్ట్‌ సభ్యులు నారాయణం శ్రీనివాస్‌ , నీరజవల్లి దంపతులు, ఇందిరాగాంధీ నేషనల్‌ సెంటర్‌ ఫర్‌ ది ఆర్ట్స్‌ తిరుపతి ప్రాంతీయ కేంద్రం రీజనల్‌ డైరెక్టర్‌ డాక్టర్‌ రాఘవన్‌, ప్రొఫెసర్‌ హనుమంతు లజపతిరాయ్‌, డాక్టర్‌ శ్రీరామ చక్రధర్‌, తదితరులు పాల్గొన్నారు.

గుమ్మలక్ష్మీపురం: స్థానిక హెచ్‌ గ్రౌండ్‌ క్రీడా మైదానం వేదికగా సోమవారం నిజ్జం(ఎన్‌ఐడీజేఏఎం) జాతీయ స్థాయి పోటీలకు ఎంపిక పోటీలు నిర్వహించారు. ఈ పోటీలను ఎంఈఓలు ఎల్‌.శ్రీనివాసరావు, బి.భీముడు ప్రారంభించారు. మన్యం జిల్లా నుంచి అండర్‌–14, అండర్‌–16 విభాగాలకు చెందిన 80 మంది బాలబాలికలు క్రీడాకారులు పాల్గొనగా..అథ్లెటిక్స్‌ క్రీడలైన 60 మీటర్లు, 600 మీటర్లు పరుగు, లాంగ్‌ జంప్‌, హై జంప్‌, షాట్‌ఫుట్‌, జావెలిన్‌త్రో క్రీడలను ఆడించి జాతీయ స్థాయికి ఎంపిక చేశారు. ఈ పోటీల్లో జాతీయ స్థాయికి 11 మంది బాల బాలికలు ఎంపికయ్యారని, ఏడాదికి ఒకసారి నిర్వహించే నిజ్జం క్రీడా పోటీలు జాతీయ స్థాయిలో నవంబర్‌ 14 నుంచి హైదరాబాద్‌లో జరుగుతాయని క్రీడా పోటీల అసోసియేషన్‌ సెక్రటరీ పి.చంద్రమోహన్‌ తెలిపారు. కార్యక్రమంలో పీడీలు సురేష్‌, రాము, చిన్నారావు, కొండలరావు, జగన్‌మోహన్‌ తదితరులు పాల్గొన్నారు.

విజయనగరం టౌన్‌: జాతర సమయంలో ఎటువంటి అవాంఛనీయ సంఘటనలు సంభవించకుండా జిల్లా పోలీస్‌శాఖ ఆధ్వర్యంలో బాంబ్‌ స్క్వాడ్‌, డాగ్‌ స్క్వాడ్‌ అడుగడుగునా తనిఖీలు చేపట్టాయి. అనుమానం వచ్చిన ప్రతి అంశాన్ని విడిచిపెట్టకుండా అధికారులు తనిఖీ చేశారు. ఆలయం చుట్టూ ఉన్న పరిసర ప్రాంతాలన్నీ బాంబ్‌ స్క్వాడ్‌ పరిశీలించింది. ఇటు రైల్వేస్టేషన్‌ వద్దనున్న వనంగుడి, మూడు లాంతర్ల వద్దనున్న చదురుగుడి ఆవరణలో స్పెషల్‌ డిటెక్టర్‌లను ఏర్పాటుచేశారు.గంజాయి కేసులో మరో నిందితుడిపై పీడీ యాక్ట్‌విజయనగరం టౌన్‌: రాజాం మండలం ఒమ్మి గ్రామానికి చెందిన లోపింటి నాగరాజు అనే 20 ఏళ్ల గంజాయి నిందితుడు తరచూ గంజాయి అక్రమ రవాణా చేస్తూ అసాంఘిక కార్యకలాపాలకు పాల్పడుతున్న నేపథ్యంలో పీడీయాక్ట్‌ అమలుచేసి సోమవారం విశాఖ కేంద్ర కారాగారానికి తరలించినట్లు ఎస్పీ ఏఆర్‌. దామోదర్‌ ఒక ప్రకటనలో తెలిపారు. లోపింటి నాగరాజుపై ఇప్పటికే జిల్లాలోని తెర్లాం, బుదరాయవలస పోలీస్టస్టేషన్‌ల పరిధిలో రెండు గంజాయి కేసులు నమోదయ్యాయన్నారు. జిలాలో గంజాయి అక్రమ రవాణా, విక్రయాలకు పాల్పడుతూ పదే పదే నేరాలకు పాల్పడే వారిపై కఠినచర్యలు తప్పవని హెచ్చరించారు. నేరాల నియంత్రణ, ముందస్తు నేర నియంత్రణ చర్యల్లో భాగంగా లోపింటి నాగరాజును చీపురుపల్లి సీఐ జి.శంకరరావు ఆధ్వర్యంలో పోలీసులు అదుపులోకి తీసుకుని ఏడాది వరకూ బెయిల్‌ రాకుండా చర్యలు చేపట్టి, విశాఖ సెంట్రల్‌ జైల్‌కు తరలించామన్నారు.

● ఆకాశాన్నంటిన నిత్యావసరాల ధరలు ● హడలెత్తిపోతున్న సామాన్యులు ● నిత్యావసరాల ధరల నియంత్రణలో విఫలమైన ప్రభుత్వంవీరఘట్టం: ఉల్లి ధరలు కన్నీరు పెట్టిస్తున్నాయి. వెల్లుల్లి ధరలు వెక్కిరిస్తున్నాయి. అల్లం ధరలు ఆకాశాన్నంటుతున్నాయి. పచ్చిమిర్చి ధరలు ఘాటెక్కాయి. బియ్యం ధరలు బెంబేలెత్తిస్తున్నాయి. ఇలా ఒకటేమిటి వంటింటిలో వాడే ప్రతి కాయగూరల ధరతో పాటు పప్పులు, ఉప్పులు, నూనెల ధరలు గత రెండేళ్ల చంద్రబాబు ప్రభుత్వం హయాంలో ఆమాంతంగా పెరిగిపోయాయి. కూటమి ప్రభుత్వం వస్తే సూపర్‌ సిక్స్‌ హామీలతో ప్రశాంతంగా జీవించవచ్చునని ఆశించిన సామాన్య ప్రజలకు నిత్యావసర ధరలు ౖపైపెకి దూసుకుపోతుండడంతో సర్వత్రా ప్రజలు ఆందోళన చెందుతున్నారు. సామాన్యుడు బ్యాగ్‌ పట్టుకుని మార్కెట్‌కు వెళ్లి ఇంటికి కావాల్సిన నిత్యావసర సరుకులు కొనలేని పరిస్థితిలో సతమతమవుతున్నాడు. గడిచిన రెండేళ్లలో అమాంతం పెరిగిన నిత్యావసరాలు ధరలను ఏమీ కొనలేం..ఏమీ తినలేం అంటూ ఆందోళన వ్యక్తం చేస్తున్నాడు. గతంలో ఎన్నడూ లేని విధంగా పెరిగిన నిత్యావసరాల ధరలు సామాన్యులను బెంబేలెత్తిస్తున్నాయి. మండుతున్న వంట నూనెలు.. కూరగాయలు, నిత్యావసర ధరలు పెరిగి ప్రజలు ఇబ్బందులు పడుతుంటే దీనికి తోడు వంటనూనెల ధరలు కూడా మండిపోతున్నాయి.రిఫైండ్‌ ఆయిల్‌ ధర రూ.115 నుంచి రూ.175 కి పెరిగింది. పామాయిల్‌ ధర కూడా కొండెక్కి కూర్చుంది. పామాయిల్‌ రూ.90 నుంచి ఇప్పుడు రూ.150కి పెరిగింది. ఇలా అన్ని రకాల నూనెల ధరలు రెండేళ్ల వ్యవధిలో పెరగడంపై సామాన్య, మధ్య తరగతి వినియోగదారులు తీవ్ర ఆగ్రహం వ్యక్తం చేస్తున్నారు. రేషన్‌ డిపోల్లో అరకొరగా సరుకుల పంపిణీ.. నిత్యావవసర సరుకుల ధరలు పెరుగుతుంటే రేషన్‌ డిపోల్లో మాత్రం మొన్నటి వరకు బియ్యం మాత్రమే ఇచ్చారు. ఈ నెల నుంచి బియ్యంతో పాటు అరకిలో పంచదార, కిలో గోధుమపిండి అరకొరగా పంపిణీ చేస్తున్నారు. గతంలో రేషన్‌ డిపోల ద్వారా కందిపప్పు, పామాయిల్‌ను పంపిణీ చేసేవారు. గత ఏడాది జనవరి నుంచి రేషన్‌ డిపోల ద్వారా కందిపప్పు పంపిణీ నిలిపివేశారు. ఇప్పుడు పంపిణీ చేయకపోవడంతో పేదలు పప్పులు కొనలేక ఇబ్బందులు పడుతున్నారు. పనుల్లేక పస్తులు.. ఒక పక్క పనుల్లేకపోవడం మరో పక్క ధరలు పెరగడంతో పస్తులుండే పరిస్థితి నెలకొంది. పనులు లేకపోవడంతో అప్పులు కూడా పుట్టడం లేదని, ఈ పరిస్థితుల్లో పెరిగిన ధరలు గోరుచుట్టుపై రోకటి పోటులా మారాయంటూ ఆవేదన వ్యక్తం చేస్తున్నారు. కేంద్ర ప్రభుత్వం జీఎస్టీని తగ్గించినప్పటికీ దానిని బోర్డులకే పరిమితం చేస్తున్నారు. ఎవరైనా జీఎస్టీ తగ్గిందని ప్రశ్నిస్తే ఇంకా తమకు ఆదేశాలు రాలేదంటూ సమాధానం ఇస్తున్నారు.నిత్యావసర సరుకుల ధరలు తగ్గించాలి సామాన్యులకు నిత్యావసర సరుకుల ధరలు అందనంత ఎత్తులో ఉన్నాయి.ఓ పక్క పనులు లేక ప్రజలు తీవ్ర ఆందోళన చెందుతున్నారు. ఈ పరిస్థితుల్లో బియ్యం, పప్పులు, నూనెల ధరలు పెంచేశారు. గత రెండేళ్లలో ఇంతగా ధరలు పెరిగాయి, ఇంకా భవిష్యత్‌లో ఇంకెంత ఎత్తున ధరలు పెరుగుతాయో తెలియని పరిస్థితి ఉంది. – పిన్నింటి దుర్గారావు, వీరఘట్టంగతంలో ఎన్నడూ లేని విధంగా పెరిగాయి గతంలో ఎన్నడూ లేని విధంగా నిత్యావసర సరుకుల ధరలు పెరిగాయి. పప్పులు, నూనెలు, బియ్యం ధరలు గత రెండేళ్లతో పోలిస్తే సరాసరిన 50 శాతం వరకు పెరిగాయి. ఇలా నిత్యావసరాల ధరలు పెంచుకుంటూ పోతే సామాన్యులు బతికేదెలా? – కర్రి.సింహాచలం, రైతు, వీరఘట్టం

పార్వతీపురం రూరల్‌: పార్వతీపురం పట్టణ పరిధిలోని 13వ వార్డు కొత్తవలసకు చెందిన టీడీపీ కార్యకర్తలు ఆ పార్టీకి గుడ్‌బై చెప్పారు. ఆదరణ లభించని చోట సైకిల్‌ను తొక్కలేమంటూ ఫ్యాన్‌ కిందకు చేరారు. వీరికి మాజీ ఎమ్మెల్యే అలజంగి జోగారావు వైఎస్సార్‌సీపీ కండువాలు వేసి పార్టీలోకి సాదరంగా ఆహ్వానించారు. ఈ సందర్భంగా పలువురు మాట్లాడుతూ వైఎస్సార్‌సీపీ హయాంలోనే తమ వార్డులో అభివృద్ధి జరిగిందన్నారు. పార్టీలో చేరిన వారిలో దూత్రి శంకరరావు, ఏపూరి పోటియా, అప్పన్న, మొగిలి అప్పన్న, సత్యం, డి.అప్పయ్య, రాము, గుంపస్వామి, దుర్గాప్రసాద్‌, గది అప్పన్న, ఏపూరి లక్షణ, రవి, శ్రీను, డూత్రి వెంకటేష్‌, యోహాను, రెడ్డి చిట్టిబాబు, మూలకోటి సమ్సోను, డి.అప్పారావు, గది సింహాచలం, కటారి గౌరి, దొనాదరి వెంకటక్‌, డి.శ్రీను, డి.రాములు, అప్పయ్య, సూరినన్న, నక్క శ్రీను, మొగిలి కృష్ణారావు, దండుపాటి తిరుపతి, ఏపూరి వెంకటరావు, ఏపూరి అప్పయ్య, మూలుకోటి అప్పయ్య, అప్పన్న, తదితరులు ఉన్నారు.

సాక్షి, పార్వతీపురం మన్యం: పింఛన్‌దారుల సంఖ్యను తగ్గించడం ఒకవైపు.. కొత్త పింఛన్ల కోసం దరఖాస్తు చేసుకున్న వారిని నిరీక్షణలో ఉంచడం మరోవైపు..చంద్రబాబు ప్రభుత్వం అధికారంలోకి వచ్చింది మొదలు.. పండుటాకులు, వితంతువులు, దివ్యాంగులకు పింఛన్‌ కష్టాలు ఆరంభమయ్యాయి. పార్వతీపురం మన్యం జిల్లాలో సామాజిక భద్రతా పింఛన్ల వ్యవహారం ఇప్పుడు చర్చనీయాంశంగా మారుతోంది. అర్హులైన ప్రతి ఒక్కరికీ అండగా ఉంటామని చెప్పిన చంద్రబాబు ప్రభుత్వ హామీలు.. క్షేత్రస్థాయిలో నీటి మీద రాతలుగా మారుతున్నాయి. రెండున్నరేళ్ల కాలంలో జిల్లాలో వేలాది పింఛన్లు తగ్గినట్లు గణాంకాలు సూచిస్తుండగా..మరోవైపు కొత్త పింఛన్ల కోసం 27 వేల మందికిపైగా దరఖాస్తు చేసుకుని లబ్ధి కోసం ఎదురు చూస్తున్నారు. దీంతో పింఛన్లపై ఆధారపడి జీవించే పేదలు, వృద్ధులు, ఇతర అర్హులు ప్రభుత్వ నిర్ణయాల కోసం ఎదురుచూడాల్సిన పరిస్థితి నెలకొంది. పింఛన్‌ అనేది చాలామంది పేద కుటుంబాలకు నెలవారీ ఆదాయానికి ప్రధాన ఆధారం. వృద్ధాప్యంలో ఆసరాగా, అనారోగ్య సమయంలో మందుల ఖర్చులకు, కుటుంబ అవసరాలకు ఆ సొమ్ము ఉపయోగపడుతుంది. గత వైఎస్సార్‌సీపీ ప్రభుత్వంలో క్రమం తప్పకుండా ఇంటి ముంగిటకే అవ్వా తాతలకు పింఛన్‌ మొత్తం అందేది. అప్పట్లో జిల్లాలో 44 వేల మంది వరకూ లబ్ధిదారులు ఉండేవారు. ప్రస్తుతం 1.36 లక్షల మందికి మాత్రమే పింఛన్‌ లబ్ధి అందుతోంది. వివిధ కారణాలు చూపుతూ వేలాది మందిని లబ్ధికి దూరం చేశారు. నిజంగా అనర్హులను తొలగించే ప్రక్రియ జరిగితే అందుకు సంబంధించిన వివరాలను వెల్లడించాల్సిన బాధ్య త ప్రభుత్వంపై ఉంది. అదే సమయంలో అర్హులైన వారు పింఛ్‌ కోల్పోయి ఉంటే వారికి తిరిగి న్యాయం చేయాల్సి ఉంటుంది. పింఛన్ల సంఖ్య తగ్గిందనే గణాంకం వెనుక ఉన్న అసలు కారణాలను ప్రభుత్వం ప్రజలకు వివరించాల్సిన అవసరం ఉంది. 27 వేల దరఖాస్తులు.. ఎప్పటికి మంజూరో? స్థానిక ఎన్నికలను దృష్టిలో పెట్టుకుని, రాజకీయంగా లబ్ధి పొందేందుకు, కొత్త పింఛన్ల మంజూరు కోసం చంద్రబాబు ప్రభుత్వం హడావిడిగా గత సెప్టెంబర్‌లో ప్రకటన ఇచ్చింది. అంతే తొందరగా ముగించింది. ఈ క్రమంలో జిల్లాలో 27,945 దరఖాస్తులు వచ్చాయి. వాటి పరిశీలన కూడా పూర్తి చేశారు. స్థానిక ఎన్నికల లబ్ధికోసం ప్రకటనలు ఇచ్చి, తర్వాత సైలెంట్‌ అయిపోయారు. ఈలోగా ఎన్నికల కోడ్‌ వచ్చేసింది. పింఛన్‌ మంజూరుకు బ్రేక్‌ పడింది. దరఖాస్తుదారుల్లో నిరీక్షణ కొనసాగుతోంది. ప్రభుత్వ సాయం కోసం కార్యాలయాల చు ట్టూ తిరుగుతున్న వారు తమకు ఎప్పుడు పింఛన్‌ మంజూరవుతుందో తెలియని పరిస్థితిని ఎదుర్కొంటున్నారు. అర్హత ఉన్న ప్రతి ఒక్కరికీ పింఛను అందించడమే లక్ష్యమైతే.. దరఖాస్తుల పరిశీలన, అర్హు ల గుర్తింపు, మంజూరు ప్రక్రియకు స్పష్టమైన కాలపరిమితి ఉండాలి. కేవలం దరఖాస్తులు స్వీకరించ డం, ప్రకటనలు చేయడంతో బాధ్యత ముగిసిపో దు. అర్హుల ఖాతాల్లో పింఛన్‌ సొమ్ము జమయ్యే వర కు ప్రభుత్వ హామీ కార్యరూపం దాల్చినట్లు కాదు. పార్వతీపురం మన్యం వంటి జిల్లాలో పేదలు, వృద్ధులు, ఇతర అర్హులైన వర్గాలకు పింఛన్‌ కేవలం ప్రభుత్వ పథకం మాత్రమే కాదు.. నెలవారీ జీవితానికి భరోసా. అలాంటి పథకంలో పాత లబ్ధిదారుల తొలగింపులు, కొత్త దరఖా స్తుల పెండింగ్‌ రెండూ కలిపి ప్రజల్లో ఆందో ళన కలిగిస్తున్నాయి. స్థానిక ఎన్నికల సమయంలో ప్రకటనలు, హామీలు రాజకీయ చర్చకు దారితీయవచ్చు. పింఛన్‌దారులకు కావాల్సింది ప్రకటనలు కాదు.. చేతికి అందే ఆర్థిక సాయం. ఎన్నికల హడావిడి ముగిసిన తర్వాత కూడా అర్హుల సమస్యలకు పరిష్కారం లభి స్తుందా? లేక కొత్త పింఛన్ల కోసం మరోసారి ఎదురుచూడాల్సిందేనా? అన్నది ఇప్పుడు జిల్లాలో చర్చనీయాంశంగా మారింది.

పురపాలక ఎన్నికల సమరంలో ప్రచార పర్వం వేడెక్కింది. పోలింగ్‌ తేదీ సమీపిస్తుండడంటంతో అభ్యర్థులు ప్రజల్లోకి విస్తృతంగా వెళ్తున్నారు. ఇందులో భాగంగా సోమవారం పార్వతీపురం పట్టణంలోని దుగరాజపేట 5, 6 వార్డుల్లో స్థానిక మాజీ ఎమ్మెల్యే అలజంగి జోగారావు గడపగడపకూ ఎన్నికల ప్రచారం నిర్వహించారు. మున్సిప ల్‌ చైర్‌పర్సన్‌ అభ్యర్థి పట్నాన సాయిశ్రీ, కౌన్సిలర్‌ అభ్యర్థులు కోరాడ వినీల, పతివాడ ఝాన్సీలతో కలిసి ఆయన ఓటర్లను కలుసుకున్నారు. ఈ సందర్భంగా జోగారావు మాట్లాడుతూ..నవంబర్‌ 1 ఆదివారం నాడు జరిగే ఎన్నికల్లో వైఎస్సార్సీపీ అభ్యర్థులకు అండగా నిలవాలని ఓటర్లను కోరా రు. ప్రజా శ్రేయస్సే ధ్యేయంగా పనిచేస్తున్న తమ పార్టీకి పట్టం కట్టాలని, కూటమి ప్రభుత్వ విధానాలకు వ్యతిరేకంగా ఓటు ద్వారా తీర్పునివ్వాలని ఆయన విజ్ఞప్తి చేశారు. కార్యక్రమంలో టిడ్కో మా జీ చైర్మన్‌ జమ్మూన ప్రసన్నకుమార్‌, మున్సిపల్‌ మాజీ వైస్‌ చైర్మన్‌ యిండుపూరు గున్నేశ్వరరావు, వైఎస్సార్‌సీపీ బీసీ సెల్‌ అధ్యక్షుడు గొర్లి మాధవరావు, పార్టీ సీనియర్‌ నాయకులు గొర్లి శంకరరా వు, కోరాడ చిట్టి, ఇతర పట్టణ నాయకులు, కార్యకర్తలు పెద్ద సంఖ్యలో పాల్గొన్నారు. –పార్వతీపురం రూరల్‌

బలిజిపేట: మండలంలోని పెదపెంకి–2 ప్రాదేశికానికి పెంకి పార్వతి మూడు వేరువేరు నామినేషన్లు వేయడం చర్చనీయాంశమైంది. ఆమె గతంలో ఎంపీపీగా పనిచేశారు. ప్రస్తుతం టీడీపీ, జనసేన, స్వతంత్ర అభ్యర్థినిగా మూడు నామినేషన్లు దాఖలు చేశారు. ఆమె తెలుగుదేశం పార్టీ మండల అధ్యక్షుడు వేణుగోపాలనాయుడు భార్య. పార్టీ అధ్యక్షుడు అయినప్పటికీ ఆయనకు పార్టీలో ఎటువంటి ప్రాధాన్యం లేదు. పార్టీ కార్యక్రమాలకు సంబంధించి ఎటువంటి సమాచారాలు ఉండవు. నియోజకవర్గ ఎమ్మెల్యే విజయచంద్ర ఆయనను పక్కన పెట్టి మండలంలో వేరే వ్యక్తులతో రాజకీయాలు నడిపిస్తున్నారనే విమర్శలు ఉన్నాయి. ఈ తరుణంలో ప్రాదేశిక ఎన్నికలు రావడం, ఎంపీపీ పీఠం బీసీ మహిళకు రిజర్వ్‌ కావడం తెలిసిందే. వేణునాయుడు పెదపెంకి గ్రామానికి చెందిన వారవడం, పెదపెంకి–2ప్రాదేశికం బీసీ అవడంతో భార్య పెంకి పార్వతితో నామినేషన్‌ వేయించారు. అయితే మండల టీడీపీలో ఎటువంటి ప్రాధాన్యం ఇవ్వకుండా, పార్టీ కార్యక్రమాలకు దూరంగా ఉంచిన ఆయనకు ప్రాధాన్యం ఇచ్చి భార్య పార్వతికి పార్టీ బి–ఫాం ఇస్తారా అనేది ప్రశ్నార్థకం. ఇదే అనుమానంతో జనసేన, స్వతంత్ర అభ్యర్థులుగా ఆమె నామినేషన్లు దాఖలు చేశారనే ఊహాగానాలు వినిపిస్తున్నాయి. బీ–ఫాంతో టీడీపీ గుర్తుతో బరిలో ఉంటారా? జనసేన బీ–ఫాంతో గ్లాసు గుర్తుతో బరిలో నిలుస్తారా? ఎవరూ ఆదరించకపోతే స్వతంత్ర అభ్యర్థిగా బరిలో ఉంటారా? అనేది వేచిచూడాల్సిందే. దుర్గగుడి అభివృద్ధి పనులకు రూ.3లక్షల విరాళం ఇంద్రకీలాద్రి(విజయవాడపశ్చిమ): ఎన్టీఆర్‌ జిల్లా విజయవాడలోని ఇంద్రకీలాద్రిపై కొలు వై ఉన్న దుర్గమ్మ ఆలయ అభివృద్ధి పనులకు బొబ్బిలికి చెందిన భక్తులు సోమవారం రూ.3 లక్షల విరాళం సమర్పించారు. విజయనగరం జిల్లా బొబ్బిలికి చెందిన చనమల్ల కనకరాజు, కమల కుటుంబ సభ్యులు అమ్మవారిని దర్శించుకునేందుకు ఇంద్రకీలాద్రికి విచ్చేశారు. ఆల య అధికారులను కలిసి రూ.3 లక్షల విరాళా న్ని అందజేశారు. అనంతరం దాతలకు ఆల య మర్యాదలతో అమ్మవారి దర్శనం కల్పించారు. వేద పండితుల ఆశీర్వచనం అనంతరం ఆలయ పర్యవేక్షకులు అమ్మవారి చిత్రపటం, ప్రసాదాలు,శేష వస్త్రాలను అందజేశారు.

నగర పంచాయతీ పరిధిలో వైఎస్సార్‌సీపీ అభ్యర్థులు ఎన్నికల ప్రచారం జోరు పెంచారు. వైఎస్సార్‌సీపీ చైర్‌పర్సన్‌ అభ్యర్థి పాలవలస ఇందుమతి సోమవారం పట్టణంలోని 11వ వార్డులో కౌన్సిలర్‌ అభ్యర్థి పాలవలస శ్రీరాములుతో కలిసి ప్రచారం నిర్వహించారు. అక్కడి నుంచి నేరుగా పలు వార్డుల్లో పర్యటించి ప్రచారం చేపట్టారు. వైఎస్సార్‌సీపీ ప్రభుత్వం అమలు చేసిన సంక్షేమ పథకాలను ప్రజలకు వివరిస్తూ ప్రస్తుతం కూటమి ప్రభుత్వం చేస్తున్న అన్యాయాలను, మోసాలను వివరిస్తూ ఆమె ప్రచారం సాగింది. మంచిని గుర్తించి ఓటు వేయాలని ఈ సందర్భంగా ప్రజలను ఆమె కోరారు. 23వ వార్డు పరిధిలో కౌన్సిలర్‌ అబ్యర్థి బొత్స ప్రసాద్‌తో పాటు పాలవలస మణికంఠ ప్రచారంలో పాల్గొన్నారు. –పాలకొండ

మున్సిపల్‌ ఎన్నికల్లో భాగంగా వైఎస్సార్‌సీపీ చైర్‌ పర్సన్‌ అభ్యర్థి భవిరెడ్డి రిబ్కారాణి, ఆమె గెలుపు కోసం వార్డుల్లో ప్రచారం చేస్తున్న మాజీ ఉపముఖ్యమంత్రి రాజన్నదొర ప్రజాదరణ చూరగొంటున్నారు. ఎన్నికల వేళ ఇంటింటికీ వస్తున్న వారికి పూలమాలలు, హారతులతో ఆహ్వానం పలుకుతూ ముందుగానే తమ ఓటు వైఎస్‌జగన్‌ సంక్షేమానికేనని చెప్పడం విశేషం. రాజన్నదొర ఓటర్లతో మమేకమై పలకరిస్తున్న తీరుపై ఓటర్లు సంతోషం వ్యక్తం చేస్తున్నారు. సోమవారం సా యంత్రం సాలూరులోని 14,15,16 వార్డుల్లో పర్యటించి ప్రచారం చేశారు. –సాలూరు రూరల్‌

● కౌంటింగ్‌ కేంద్రంలో కలెక్టర్‌ ప్రభాకరరెడ్డి ఆకస్మిక తనిఖీపార్వతీపురం రూరల్‌: పట్టణ స్థానిక సంస్థల ఎన్నిక ల ఓట్ల లెక్కింపు ప్రక్రియ అత్యంత పారదర్శకంగా, నిబంధనల ప్రకారం జరగాలని కలెక్టర్‌, జిల్లా ఎన్ని కల అథారిటీ డాక్టర్‌ ఎన్‌.ప్రభాకరరెడ్డి అధికారుల ను ఆదేశించారు. ఈ మేరకు స్థానిక పార్వతీపురం జూనియర్‌ కళాశాలలో ఏర్పాటు చేసిన కౌంటింగ్‌ కేంద్రాన్ని సోమవారం ఆయన ఆకస్మికంగా తనిఖీ చేశారు. అధికారులతో కలిసి కౌంటింగ్‌ హాళ్ల నిర్మా ణం, మౌలిక సదుపాయాలు, భద్రతా ఏర్పాట్లను అణువణువూ పరిశీలించి పలు సూచనలు చేశారు. కౌంటింగ్‌ కేంద్రం వద్ద పటిష్టమైన పోలీసు బందో బస్తు ఏర్పాటు చేయాలని, అనధికార వ్యక్తుల ప్రవేశాన్ని కఠినంగా నిరోధించాలని స్పష్టం చేశారు. స్ట్రాంగ్‌ రూమ్‌ల నుంచి కౌంటింగ్‌ హాల్‌కు ఈవీఎంలు, బ్యాలెట్‌ పెట్టెల తరలింపు మార్గాలను పరిశీ లించిన ఆయన.. భద్రతకు పెద్దపీట వేయాలని సూచించారు. కౌంటింగ్‌ సిబ్బందికి బల్లలు, తగినంత విద్యుత్‌ వెలుగులు, తాగునీటి సదుపాయాల్లో ఎలాంటి లోటుపాట్లు లేకుండా చూడాలని స్పష్టం చేశారు. లెక్కింపు ప్రక్రియలో రవ్వంత పొరపాటు కు కూడా తావులేకుండా, ఎన్నికల సంఘం మార్గదర్శకాలను తప్పకుండా పాటిస్తూ సిబ్బంది అప్రమత్తంగా విధులు నిర్వర్తించాలని ఆదేశించా రు. పోలింగ్‌ కేంద్రం బాధ్యత పీఓదే మున్సిపల్‌ ఎన్నికల విధుల్లో పాల్గొనే అధికారులు సొంత నిర్ణయాలకు తావులేకుండా, ఎన్నికల నిబంధనలను తు.చ తప్పకుండా పాటించాలని కలెక్టర్‌, ఎన్నికల అధికారి డాక్టర్‌ ఎన్‌.ప్రభాకరరెడ్డి స్పష్టం చేశారు. ఈ మేరకు స్థానిక జూనియర్‌ కళాశాల మన్యం కళావేదికలో సోమవారం పీఓ, ఏపీఓలకు రెండో విడత శిక్షణ కార్యక్రమం నిర్వహించారు. ఈ సందర్భంగా ఆయన మాట్లాడుతూ.. ఎన్నికల ప్రక్రి య పారదర్శకంగా, నిష్పక్షపాతంగా జరగాలని చెప్పారు. పోలింగ్‌ బూత్‌లో పీఓదే పూర్తి బాధ్యత అని, పోలింగ్‌ ప్రారంభం నుంచి బాక్సుల సీలింగ్‌ వరకు అత్యంత అప్రమత్తంగా ఉండాలని ఆదేశించారు. కేంద్రంలో పీఓ మినహా ఇతరులు మొబైల్‌ ఫోన్లు వాడరాదని తేల్చిచెప్పారు. దొంగ ఓట్లకు చెక్‌ పెట్టేలా ఓటరు కార్డును క్షుణ్ణంగా పరిశీలించి, వేలికివేసిన సిరా ఆరిన తర్వాతే ఓటుకు అనుమతించాలన్నారు. సిబ్బంది పోలింగ్‌ రోజున గంట ముందే కేంద్రానికి చేరుకోవాలని, విధుల్లో ఎటువంటి సందేహాలు రాకుండా పీఓ హ్యాండ్‌బుక్‌ను విధిగా చదవాలని సూచించారు. పక్షపాతంతో వ్యవహరించి నా, నిబంధనలు ఉల్లంఘించినా కఠిన చర్యలు తప్పవని హెచ్చరించారు. ఈవీఎంల భద్రతపై అప్రమత్తం ఈవీఎంల భద్రత విషయంలో ఏమాత్రం ఏమరుపాటు తగదని, గిడ్డంగి వద్ద నిరంతర నిఘా కొనసాగాలని కలెక్టర్‌ డాక్టర్‌ ఎ్‌న్‌. ప్రభాకరరెడ్డి స్పష్టం చేశారు. కేంద్ర ఎన్నికల సంఘం నిబంధనల మేర కు నెలవారీ తనిఖీల్లో భాగంగా.. జిల్లా కేంద్రంలోని ఈవీఎం, వీవీప్యాట్‌ల భద్రతా గిడ్డంగిని సోమవారం ఆయన సమగ్రంగా పరిశీలించారు. ఈ సందర్భంగా గొడౌన్‌న సీల్స్‌, సీసీటీవీ కెమెరాల వ్యవస్థతో పాటు పోలీసు బందోబస్తును నిశితంగా పరిశీలి ంచారు. సంబంధిత రికార్డులు, రిజిస్టర్లను తనిఖీ చేసి, భద్రతా సిబ్బంది 24 గంటల పాటు కంటికి రెప్పలా కాపలా కాయాలని ఆదేశించారు. గిడ్డంగిలో గాలి, వెలుతురు ధారాళంగా ఉండేలా చూడటంతో పాటు, యంత్రాలకు ఎలాంటి తేమ చేరకుండా కట్టుదిట్టమైన జాగ్రత్తలు తీసుకోవాలని సూచించారు. అత్యవసర పరిస్థితులను ఎదుర్కొనేందుకు అగ్నిమాపక పరికరాలను ఎల్లప్పుడూ సర్వసన్నద్ధంగా ఉంచాలన్నారు.

జిల్లాలోని వివిధ తహసీల్దార్‌ కార్యాలయాల పరిధిలో ప్రజల సౌలభ్యం కోసం కంట్రోల్‌ రూమ్‌ నంబర్లను అందుబాటులో ఉంచారు. అత్యవసర సమయంలో ఈ నంబర్లను సంప్రదించడం ద్వారా అవసరమైన సహాయం పొందవచ్చని అధికారులు తెలిపారు. సాక్షి, పార్వతీపురం మన్యం: అర్నాబ్‌ తుపాను దూసుకొస్తోంది. ఈ ప్రభావంతో 27, 28, 29వ తేదీల్లో జిల్లాలో భారీ నుంచి అతి భారీ వర్షాలు కురిసే అవకాశం ఉందని విపత్తుల నిర్వహణ సంస్థ హెచ్చరించింది. వర్షాలతో పాటు, బలమైన గాలులు వీచే ప్రమాదం ఉన్నందున అన్ని విభాగాల అధికారులను కలెక్టర్‌ ప్రభాకర రెడ్డి అప్రమత్తం చేశారు. మత్స్యకారులు నాలుగు రోజులపాటు వేటకు వెళ్లరాదని సూచించారు. నదీ పరివాహక ప్రాంతాలు, లోతట్టు ప్రాంతాల ప్రజలు అప్రమత్తంగా ఉండాలని కోరారు. పూరి గుడిసెలు, తాత్కాలిక నిర్మాణాలు, ప్రమాదకర ప్రాంతాల్లో నివసించే వారిని ముందుగానే సురక్షిత ప్రాంతాలకు తరలించాలని అధికారులకు సూచించారు. గర్భిణులు, బాలింతలు, వృద్ధులు, దీర్ఘకాలిక వ్యాధిగ్రస్తుల పట్ల ముందస్తు జాగ్రత్తలు తీసుకోవాలన్నారు. ప్రభుత్వ, ప్రైవేట్‌ జూనియర్‌ కళాశాలల ప్రిన్సిపాల్స్‌, పాఠశాలల యాజమాన్యాలు అందరూ అప్రమత్తంగా ఉండాలని ఆదేశాలు జారీ చేశారు. శిథిలావస్థకు చేరిన భవనాల వివరాలను వెంటనే అధికారులకు తెలియజేయాలని, అటువంటి భవనాల్లోకి ఎవరినీ అనుమతించకూడదని స్పష్టం చేశారు. రైతులు వ్యవసాయ, ఉద్యాన శాఖ అధికారుల సూచనలు పాటిస్తూ, తగు జాగ్రత్తలు పాటించాలని తెలిపారు. ప్రజల భద్రతకు అవసరమైన అన్ని ముందస్తు చర్యలు చేపట్టామని.. అధికారుల హెచ్చరికలు, సూచనలు తప్పనిసరిగా పాటిస్తూ జిల్లా యంత్రాంగానికి సహకరించాలని కలెక్టర్‌ కోరారు. ఈదురు గాలులపై అప్రమత్తంగా ఉండాలి పార్వతీపురం: జిల్లాలో అర్నాబ్‌ తుపాను ప్రభావంతో సాలూరు, మక్కువ, గుమ్మలక్ష్మీపురం, కొమరా డ, తదితర మండలాల్లో గంటకు 76 నుంచి 78 కిలోమీటర్ల వేగంతో గాలులు వీచే అవకాశం ఉంద ని కలెక్టర్‌ డాక్టర్‌ ఎన్‌.ప్రభాకరరెడ్డి తెలిపారు. కలెక్ట ర్‌ కార్యాలయ సమావేశ మందిరంలో సోమవారం ఏర్పాటు చేసిన అధికారుల సమావేశంలో ఆయన పలు సూచనలు చేశారు. ప్రజలు అప్రమత్తంగా ఉండాలని, అత్యవసరమైతే తప్ప బయటకు రావద్దని సూచించారు. లోతట్టు ప్రాంతాల ప్రజలను సురక్షి త ప్రాంతాలకు తరలించేందుకు అవసరమైన ఏర్పాట్లు చేసినట్లు తెలిపారు. ప్రభుత్వ, ప్రైవేటు జూనియర్‌ కళాశాలల ప్రిన్సిపాల్స్‌ అప్రమత్తంగా ఉండాలని, జిల్లా ఇంటర్మీడియెట్‌ విద్యాశాఖాధికా రి కార్యాలయంలో 24 గంటల కంట్రోల్‌ రూం ఏ ర్పాటు చేసినట్లు తెలిపారు. అత్యవసర వేళల్లో జిల్లా కలెక్టరేట్‌ 08963 450347, పార్వతీపురం 79932 40754, పాలకొండ 95027 22212 నంబర్లను సంప్రదించాలన్నారు. సమావేశంలో జేసీ ఆర్‌.వైశాలి తోపాటు, వివిధ శాఖల అధికారులు పాల్గొన్నారు. పార్వతీపురం రూరల్‌: అర్నాబ్‌ తుఫాన్‌ ప్రభావం దృష్ట్యా పార్వతీపురం మన్యం జిల్లాలోని అన్ని యాజమాన్య పాఠశాలలకు రెండు రోజుల పాటు సెలవులు ప్రకటిస్తున్నట్లు జిల్లా విద్యాశాఖాధికారి (డీఈఓ) సోమవారం ఒక ప్రకటనలో తెలిపారు. ప్రతికూల వాతావరణ పరిస్థితుల నేపథ్యంలో విద్యార్థులు, ఉపాధ్యాయుల భద్రతను దృష్టిలో ఉంచుకుని కలెక్టర్‌ జారీ చేసిన ఆదేశాల మేరకు ఈ నిర్ణయం తీసుకున్నట్లు పేర్కొన్నారు. దీని ప్రకారం..అక్టోబర్‌ 27, 28 తేదీల్లో జిల్లాలోని అన్ని పాఠశాలలకు కాంపెన్సేటరీ సెలవులు వర్తిస్తాయని స్పష్టం చేశారు. పాఠశాలల ప్రధానోపాధ్యాయులు, ప్రిన్సిపాల్స్‌, యాజమాన్యాలు ఈ ఉత్తర్వులను తప్పనిసరిగా అమలు చేయాలని ఆదేశించారు. సెలవుల కారణంగా కోల్పోయిన ఈ రెండు పనిదినాలను విద్యాశాఖ మార్గదర్శకాల ప్రకారం భవిష్యత్తులో భర్తీ చేయాల్సి ఉంటుందని డీఈఓ ఆ ప్రకటనలో స్పష్టం చేశారు.

విజయనగరం: జాతీయస్థాయిలో జరిగిన తైక్వాండో పోటీల్లో విజయనగరం జిల్లాకు చెందిన క్రీడాకారిణి సత్తా చాటింది. జమ్ము కశ్మీర్‌ లోని శ్రీనగర్‌లో ఈనెల 22 నుంచి 26వ తేదీ వరకు నిర్వహించిన 70వ స్కూల్‌ గేమ్స్‌ జాతీయ స్థాయి తైక్వాండో పోటీల్లో విజయనగరం జిల్లాకు చెందిన కె. సాహిత్య కాంస్య పతకం సాధించి జిల్లాకు గర్వకారణంగా నిలిచింది. ఈ సందర్భంగా కాంస్య పతకం సాధించిన సాహిత్యను స్కూల్‌ గేమ్స్‌ కార్యదర్శి వాణిశ్రీ, శ్రీనివాస్‌, జిల్లా ఒలింపిక్‌ అసోసియేషన్‌ అధ్యక్షుడు గురాన అయ్యలు, న్యూ ఆంధ్రప్రదేశ్‌ తైక్వాండో అసోసియేషన్‌ జనరల్‌ సెక్రటరీ సీహెచ్‌ వేణుగోపాలరావు అభినందిం చారు. భవిష్యత్తులో మరిన్ని విజయాలు సాధించి విజయనగరం జిల్లాకు, ఆంధ్రప్రదేశ్‌ రాష్ట్రానికి మంచి పేరు తీసుకురావాలని ప్రోత్సహిస్తూ సాహిత్యకు శుభాకాంక్షలు తెలియజేశారు. 45 మద్యం సీసాలు స్వాధీనంపాలకొండ: పట్టణంలోని పాత బస్టాండ్‌ సమీపంలో శనివారం అర్ధరాత్రి తనిఖీల్లో భాగంగా 45 మద్యం సీసాలను టాస్క్‌ఫోర్స్‌ అధికారుల ఆధ్వర్యంలో స్వాధీనం చేసుకున్నామని ఎకై ్సజ్‌ సీఐ సూర్యకుమారి తెలిపారు. కె సూరిబాబు అనే వ్యక్తి మద్యం డంప్‌ చేసినట్లు గుర్తించి అరెస్టు చేశామని చెప్పారు. రెవెన్యూ, పోలీసు, ఎకై ్సజ్‌ శాఖ సిబ్బంది కలిసి పెట్రోలింగ్‌ నిర్వహించిన సమయంలో ఈ విషయం గుర్తించినట్లు తెలిపారు. ఎన్నికల నేపథ్యంలో ఏజెన్సీ ప్రాంతంలో తనిఖీలు నిర్వహించి పులిసిన బెల్లం ఊటలు ధ్వంసం చేశామని ఆమె తెలిపారు. ఆలయంలో చోరీ ఘటనపై వీహెచ్‌పీ ఆరావిజయనగరం క్రైమ్‌: అరుంధతి నగర్‌ శ్రీ వైభవ వెంకటేశ్వర స్వామి వారి ఆలయంలో జరిగిన చోరీప్రదేశాన్ని విశ్వహిందూ పరిషత్‌ జిల్లా నేతలు ఆదివారం సందర్శించారు. ఆలయంలో స్వామివారికి సంబంధించిన ఏయే ఆభరణాలు అపహరణకు గురయ్యాయి అనే విషయాలపై ఆలయ నిర్వాహకులు, అర్చకులను అడిగి వివరాలు తెలుసుకుంచారు. ఈ ఘటనకు సంబంధించిన పూర్తి వివరాలను విశ్వహిందూ పరిషత్‌ నాయకులు అడిగి తెలుసుకుని, ఆలయ భద్రతకు సంబంధించి తగిన సూచనలు, సలహాలు అందించారు.దేవాలయాల్లో ఇటువంటి చోరీ ఘటనలు భక్తుల మనోభావాలను దెబ్బతీస్తాయని విశ్వహిందూ పరిషత్‌ నాయకులు పేర్కొన్నారు. ఈ ఘటనపై సంబంధిత అధికారులు సమగ్ర విచారణ జరిపి, చోరీకి పాల్పడిన వారిని గుర్తించి, దొంగిలించిన స్వామివారి ఆభరణాలను తిరిగి స్వాధీనం చేసుకునేందుకు చర్యలు తీసుకోవాలని కోరారు. ఈ కార్యక్రమంలో విశ్వహిందూ పరిషత్‌ జిల్లా అధ్యక్షుడు బొండా కాశీ, విశ్వహిందూ పరిషత్‌ జిల్లా కార్యదర్శి కాళ్ల నాగభూషణ్‌ విశ్వహిందూ పరిషత్‌ లీగల్‌ సెల్‌ న్యాయవాది అనూష విశ్వహిందూ పరిషత్‌ విజయనగరం నగర కార్యదర్శి కంచి చినబాబు తదితరులు పాల్గొన్నారు. గుర్తు తెలియని వ్యక్తి మృతదేహం లభ్యంసీతానగరం: మండలంలోని ప్రధాన రహదారిపై కాశీపేట–అంటిపేట గ్రామాల మధ్య గుర్తు తెలియని వ్యక్తి మృతదేహం ఉన్నట్లు ఆదివారం స్థానికులు గుర్తించి పోలీసులకు సమాచారం ఇచ్చారు. దీనిపై స్థానికులు అందించిన వివరాలిలా ఉన్నాయి. అంటిపేట, కాశీపేట చుట్టుపక్కల గ్రామాల్లో కొన్నాళ్లుగా యాచన చేసుకుని జీవనం సాగిస్తున్నాడు. ఆదివారం చెట్టు కింద విగత జీవిగా ఉన్నట్లు గుర్తించిన కొంతమంది స్థానికులు పోలీసులకు ఇచ్చిన సమాచారం మేరకు ఎస్సై ఎం.హేమలత ఆధ్వర్యంలో హెచ్‌సీ తిరుపతిరావు, అప్పలకొండ సంఘటనా స్థలానికి చేరకుని మృతదేహానికి దహనక్రియలు చేసినట్లు ఎస్సై ఎం.హేమలత తెలియజేశారు.

విజయనగరం కల్చరల్‌ (క్రైమ్‌): ఉత్తరాంధ్ర ప్రజల ఇలవేల్పు, శరణుకోరిన భక్తుల కొంగుబంగారం పైడితల్లి అమ్మవారి జాతర మహోత్సవాలకు విజయనగరం సర్వాంగ సుందరంగా సిద్ధమైంది. నెల రోజుల పాటు అత్యంత వైభవంగా జరిగే ఈ జాతర మహోత్స వాల్లో అత్యంత ప్రధానమైన ‘తొలేళ్లు’, ‘సిరిమానోత్సవం’ ఘట్టాలకు వేళైంది. సుమారు మూడున్నర లక్షల నుంచి ఐదు లక్షల మంది భక్తులు అమ్మవారి దర్శనార్థం తరలివస్తారని అంచనా వేస్తుండడంతో అధికారులు, ఆలయ యంత్రాంగం విస్తృత ఏర్పాట్లు చేశారు. 1700వ సంవత్స రం నాటి చారిత్రక విజయనగరం కోటతో పాటు గంటస్తంభం, మూడు లాంతర్ల కూడలి, ప్రధాన రహదారులన్నీ మిరుమిట్లు గొలిపే విద్యుత్‌ కాంతులతో విరాజిల్లుతున్నాయి. నగరమంతా అమ్మ వారి నామస్మరణతో మారుమోగుతూ పండగ వాతావరణం సంతరించుకుంది. నేటి రాత్రే భవిష్యవాణి ఉత్సవాల్లో భాగంగా సోమవారం రాత్రి ‘తొలేళ్ల’ (తొలి ఏరు) పండుగను అత్యంత నిష్ఠతో నిర్వహించనున్నారు. భక్తులు వారు మొక్కుకున్న విధంగా విచిత్ర వేషధారణలతో అమ్మవారిని దర్శించుకుని మొక్కులు చెల్లించుకుంటారు. మరికొందరు ఘటాలతో ఊరేగింపుగా వెళ్తూ దర్శించి మొక్కు తీర్చుకుంటారు. జిల్లాలో పాడి పంటలు సమృద్ధిగా పండాలని, ప్రజలంతా ఆయురారోగ్యాలతో వర్ధిల్లాలని కోరుతూ అమ్మ వారికి విశేష పూజలు చేస్తారు. ఈ సందర్భంగా చదురుగుడి నుంచి అమ్మవారి ఉత్సవ విగ్రహాల ను, పవిత్ర ఘటాలను ఊరేగింపుగా తీసుకెళ్తారు. మూడులాంతర్ల కూడలి నుంచి కోటలో కొలువైన మూర్తులకు మూడుసార్లు మొక్కిస్తూ కోటకు చేర్చి, అక్కడే పవిత్ర పూజలు నిర్వహిస్తారు. గడిచిన 300 ఏళ్లుగా వస్తున్న ఆచారం ప్రకారం సోమవారం రాత్రి కోట వద్ద అమ్మవారు పూజారి ద్వారా స్వరం పలికి, రాబోయే ఏడాది కాలంలో జిల్లాలో వర్షపాతం, పంటల దిగుబడిపై ‘భవిష్యవాణి’ వినిపిస్తారు. ఈ అద్భుత ఘట్టాన్ని తిలకించేందుకు భక్తులు ఆసక్తితో ఎదురుచూస్తున్నారు. నాలుగు దశాబ్దాలుగా... పూజారి బంటుపల్లి వెంకట్రావు మాట్లాడుతూ, అమ్మవారి కరుణాకటాక్షాలతోనే తమ కుటుంబం 40 ఏళ్లుగా సిరిమాను సేవలో తరిస్తోందని ఆనందం వ్యక్తం చేశారు. ఉత్సవాల మహిమతో జిల్లా వ్యాప్తంగా విరివిగా వర్షాలు కురిసి, పంట లు బాగా పండాలని అమ్మవారిని ప్రార్థిస్తున్నట్లు తెలిపారు. భక్తులందరికీ ఉచిత దర్శనం ఉత్తరాంధ్రతో పాటు పొరుగు రాష్ట్రాల నుంచి కూడా భక్తులు భారీగా తరలివచ్చే అవకాశం ఉన్నందున, అందరికీ సులభంగా అమ్మవారి దర్శనం కల్పించేందుకు ప్రత్యేక చర్యలు తీసుకున్నట్లు ఆలయ ఈఓ శిరీష తెలిపారు. ఈ నెల 26, 27 తేదీలలో రూ.50, రూ.100 ప్రత్యేక దర్శన టిక్కెట్లను రద్దు చేశామని, భక్తులందరికీ పూర్తి ఉచిత దర్శనం కల్పిస్తున్నామని స్పష్టం చేశారు. వేలాది మంది భక్తులు నేరుగా అమ్మవారిని దర్శించుకునేలా క్యూలు, మంచినీరు, పారిశుధ్య ఏర్పాట్లు పూర్తి చేశారు. విజయనగరం శ్రీ పైడితల్లి అమ్మవారి జాతర మహోత్సవానికి సర్వాంగ సుందరంగా సిద్ధమైంది. జాతరలో అత్యంత కీలకమైన ‘సిరిమానోత్సవం’ తరలించే ఏర్పాట్లు మంగళవారం ఉద యం నుంచే ప్రారంభం కానుంది. హుకుంపేటలోని ఆలయ అనువంశిక పూజారి బంటుపల్లి వెంకటరావు నివాసం వద్ద సిద్ధమైన 60 అడుగుల పవిత్ర చింతమాను (సిరిమాను)తో పాటు అంజలి రథం, పాలధార, చేపల వల, తెల్ల ఏనుగు రథాలు ఉదయం 10 గంటలకే చదురుగుడికి చేరుకుంటాయి. నాటి రాజుల వైభవాన్ని, రాజరికపు ఠీవిని నేటి తరానికి చాటిచెప్పేలా తెల్ల ఏనుగు రథాన్ని దాదాపు 300 ఏళ్లుగా ప్రదర్శించడం ఆనవాయితీగా వస్తోంది. ఈ రథాలను రణస్థలా నికి చెందిన రమణ కుటుంబీకులు గడచిన 40 ఏళ్లుగా ఎంతో నిష్ఠతో తయారు చేస్తున్నారు. ఆ రోజు ఉద యం అమ్మవారి వేషధారణలో పూజారి బంటుపల్లి వెంకటరావు సిరిమానుపై అధిరోహించి భక్తులకు అభయమిస్తారు.

● పార్వతీపురం 24వ వార్డులో వైఎస్సార్సీపీ ముమ్మర ప్రచారంపార్వతీపురం రూరల్‌: పార్వతీపురం పురపాలక సంఘం ఎన్నికల ప్రచార పర్వం జోరందుకుంది. పట్టణంలోని బెలగాం 24వ వార్డులో ఆదివారం వైఎస్సార్‌సీపీ నాయకులు గడపగడపకూ వెళ్లి ముమ్మర ప్రచారం నిర్వహించారు. మున్సిపల్‌ చైర్‌పర్సన్‌ అభ్యర్థి పట్నాన సాయిశ్రీ, 24వ వార్డు అభ్యర్థి జమ్ము దుర్గారాణిలతో కలిసి మాజీ ఎమ్మెల్యే అలజంగి జోగారావు ఓటర్ల చెంతకు వెళ్లారు. వార్డులోని ప్రతి వీధిని చుట్టివస్తూ.. ఫ్యాన్‌ గుర్తుకు ఓటేసి అభ్యర్థులను అఖండ మెజారిటీతో గెలిపించాలని విజ్ఞప్తి చేశారు. ఈ సందర్భంగా ఓటర్లకు బ్యాలెట్‌ పత్రంపై అవగాహన కల్పిస్తూ..మొదటి స్థానంలో (1వ నంబర్‌) ఉన్న చైర్‌పర్సన్‌ అభ్యర్థి సాయిశ్రీకి, అలాగే రెండో స్థానంలో (2వ నంబర్‌) ఉన్న వార్డు అభ్యర్థి దుర్గారాణికి ఫ్యాన్‌ గుర్తుపై రెండు ఓట్లు వేసి ఆశీర్వదించాలని ఆయన కోరారు. కార్యక్రమంలో టిడ్కో మాజీ చైర్మన్‌ జమ్మాన ప్రసన్నకుమార్‌, పార్టీ వివిధ అనుబంధ విభాగాల నాయకులు, కార్యకర్తలు తదితరులు పాల్గొన్నారు.పాలకొండలో జోరుగా వైఎస్సార్‌సీపీ ప్రచారం

పార్వతీపురం: భారీ వర్షాలు, తుఫాన్‌ నేపధ్యంలో జిల్లా ప్రజలు అప్రమత్తంగా ఉండాలని కలెక్టర్‌ డా.ఎన్‌.ప్రభాకరరెడ్డి సూచించారు. తుఫాన్‌ ప్రభా వంతో ఎలాంటి ప్రాణనష్టం, ఆస్తి నష్టం జరగకుండా ప్రజలు ముందస్తు జాగ్రత్తలు పాటించాలని తెలి పారు. తెగిపడిన విద్యుత్‌ తీగలు, స్తంభాలు, ట్రాన్స్‌ఫార్మర్ల సమీపానికి వెళ్లరాదని, ఉధృతంగా ప్రవహించే వాగులు, గెడ్డలు, వంతెనలు దాటే ప్రయత్నం చేయకూడదని సూచించారు. అత్యవసరమైతే తప్ప ప్రయాణాలు వాయిదా వేసుకోవాలని, శిథిలావస్థలో ఉన్న ఇళ్లు, గోడల వద్ద ఉండరాదని హెచ్చరించారు. లోతట్టు ప్రాంతాలు, మారుమూల గిరిజన గ్రామాల ప్రజలు, అధికారులు సూచించిన వెంటనే సురక్షిత ప్రాంతాలకు తరలివెళ్లాలని కోరారు. తాగునీరు, ఆహార పదార్థాలు, అత్యవసర మందులు, టార్చ్‌లైట్లు, ముఖ్యమైన పత్రాలు సిద్ధంగా ఉంచుకోవాలని సూచించారు. గర్భిణులు, వృద్ధులు, దీర్ఘకాలిక వ్యాధిగ్రస్తులు ముందస్తుగా వైద్యసహయం పొందాలని తెలిపారు. సోషల్‌ మీడియాలో వచ్చే వదంతులను నమ్మకుండా అధికారిక సమాచారాన్ని మాత్రమే అనుసరించాలని, అత్యవసర పరిస్థితుల్లో జిల్లా యంత్రాంగం సంప్రదించాలని కలెక్టర్‌ పేర్కొన్నారు.● కలెక్టర్‌ డా.ఎన్‌.ప్రభాకర రెడ్డి

సాలూరు రూరల్‌: సాలూరు మున్సిపల్‌ ఎన్నికల్లో భాగంగా వైఎస్‌ఆర్‌సీపీ చైర్‌పర్సన్‌ అభ్యర్థి భవిరెడ్డి రిబ్కారాణికి జనం నీరాజనం పడుతున్నారు. మాజీ ఉపముఖ్యమంత్రి పీడిక రాజన్నదొరతో కలిసి ఆమె చేస్తున్న వార్డుల పర్యటనలో ప్రజలు పూలమాలలు హారతులతో అడుగడుగునా స్వాగతిస్తున్నారు. సంక్షేమానికి మారుపేరు దివంగత నేత వైఎస్‌ రాజశేఖరెడ్డి తనయుడు వైఎస్‌ జగన్‌ మోహనరెడ్డి సంక్షేమ పథకాలను గుర్తుచేస్తూ ప్రజల ఆదరణ చూరగొంటున్న రాజన్నదొర ప్రచారంలో దూసుకుపోతున్నారు. ఉదయం మొదలు రాత్రి వరకు వివిధ వార్డుల్లో ప్రజలను ఇంటింటికీ వెళ్లి పలకరిస్తూ ప్రచారం సాగిస్తున్నారు. ఆదివారం సాయంత్రం 1,7,8,9 వార్డుల్లో పర్యటించి అక్కడి ప్రజలతో మమేకమయ్యారు. రాజన్నదొర రాకను ముందుగానే తెలుసుకున్న ప్రజలు హారతులతో స్వాగతం పలికేందుకు పోటీ పడ్డ తీరు మంచినాయకుడికి ఇచ్చిన ఘనమైన స్వాగతంగా స్థానికులు ప్రస్తావించడం రాజన్నదొర మచ్చలేని పాలనకు నిదర్శనం.

సోమవారం శ్రీ 26 శ్రీ అక్టోబర్‌ శ్రీ 2026సాక్షి, పార్వతీపురం మన్యం : ‘అయ్యో సామీ..! ఇదేం రాజకీయం బాబూ.. కండువా చేతిలో ఉంటే చాలు, కనిపించినోళ్ల భుజాల మీద వేసేయడమేనా? కండువా కప్పిన మరుక్షణమే పార్టీ బలం పెరిగిపోయినట్టా? ఫొటో దిగిన వెంటనే కొత్త నాయకుడు పుట్టుకొచ్చినట్టా? మరీ ఇంత సులువైపోయిందా రాజకీయమయ్యా సామీ!’ సాలూరులో తెలుగుదేశం పార్టీ చేరికల వ్యవహారంపై సాగుతున్న ప్రచారం ఇప్పుడు ఆసక్తికరమైన చర్చకు దారి తీస్తోంది. పార్టీలోకి ప్రముఖ నాయకులు వస్తే అదో రాజకీయ పరిణామం. ప్రజల్లో పలుకుబడి ఉన్నవారు చేరితే అదో బలమైన సంకేతం. కానీ, ఎవరికి కండువా కప్పారు.. ఎంతమంది ఫొటోల్లో కనిపించారు.. అంటూ లెక్కలు పెంచుకుంటూ పోతే, అది రాజకీయ బలమా? లేక కండువాల వ్యాపారమా? అన్న ప్రశ్నలు వినిపిస్తున్నాయి. చిరుద్యోగులకూ రాజకీయ పట్టాభిషేకమా? పెద్ద నాయకులు, ప్రజాబలం ఉన్నవారు పార్టీలో చేరితే ప్రచారం చేసుకోవడంలో తప్పులేదు. నియోజకవర్గంలో చిరుద్యోగులు సహా ఎవరికి పడితే వారికి కండువాలు కప్పుతున్నారన్న విమర్శలు వినిపిస్తున్న నేపథ్యంలో అసలు చేరికల ప్రమాణాలేమిటన్న ప్రశ్న తలెత్తుతోంది. ఎవరైనా నిజంగా పార్టీలో చేరితే అది వారి నిర్ణయం. కానీ, కేవలం ఫొటో ఆధారంగా వారి రాజకీయ అనుబంధాన్ని ఖరారు చేయడం ఎంతవరకు సమంజసం అన్నదే అసలు ప్రశ్న. పలువురు చిరుద్యోగులను సైతం భయపెట్టి, మభ్యపెట్టి పార్టీలో చేర్చుకుంటున్నారన్న ప్రచారం నియోజకవర్గంలో జోరుగా సాగుతోంది. చేరికల ఫొటోలు వంద.. ప్రజాబలం ఎంత? అసలు రాజకీయమంటే ఫొటోల సంఖ్య కాదు సామీ.. ప్రజలతో ఉన్న సంబంధం! సభకు వచ్చిన జనాన్ని చూపించి బలం చెప్పుకోవడం ఒక ఎత్తు.. సమస్య వచ్చినప్పుడు ప్రజల పక్కన నిలబడటం మరో ఎత్తు. నలుగురికి కండువాలు కప్పి, పది మందిని చేర్చుకున్నామని చెప్పుకోవడం సులువే. ఆ పది మందిలో ఎంతమంది పార్టీ కోసం కష్టపడతారు? ఎంతమంది ప్రజల్లో పని చేస్తారు? ఎంతమంది పార్టీ విధానాలకు కట్టుబడి ఉంటారు? అన్నది కాలమే తేల్చాలి. కండువాల లెక్కల్లో క్యాడర్‌ పెరగొచ్చు.. ఫొటోల లెక్కల్లో నాయకులు పెరగొచ్చు.. ప్రజల నమ్మకం మాత్రం ప్రకటనలతో పెరగదు! దానికి పని చేయాలి, ప్రజల్లో ఉండాలి, వారి సమస్యలకు పరిష్కారం చూపాలి. ఆ పని పక్కనపెట్టి కండువాల లెక్కలే రాజకీయమని భావిస్తే.. ప్రచార కార్యాలయంలో పండగే గానీ ప్రజల్లో పలుకుబడి పెరుగుతుందన్న గ్యారంటీ లేదు. ఒక కండువా తీసుకురావాలి.. నలుగురికి కప్పాలి.. ఐదుగురితో ఫొటో దిగాలి.. ఆ తర్వాత పెద్ద ఎత్తున చేరికలు జరిగిపోయాయని ప్రచారం చేసుకోవాలి! ఇప్పుడు సాలూరు నియోజకవర్గంలోని టీడీపీలో జరుగుతున్న తంతు ఇదీ. మరి ఇదే లెక్క అయితే, ఒక కండువాను పది మందికి మార్చిమార్చి కప్పితే పార్టీ బలం పదింతలు పెరిగిపోతుందా ఏందయ్యా?! అని జనం నవ్వుకుంటున్నారు. ‘పార్టీలో చేరికలంటే అంత చులకనా? కండువా భుజం మీద పడిన ప్రతివారూ పార్టీ కోసం పని చేస్తారా? ఫొటోలో నవ్వుతూ నిలబడిన ప్రతి ఒక్కరూ ఎన్నికల సమయంలోనూ అదే ఉత్సాహంతో నిలబడతారా? ఇవన్నీ సమాధానం చెప్పాల్సిన ప్రశ్నలే..’ అని చర్చించుకుంటున్నారు. కండువా కప్పడం ఒక నిమిషం పని.. కార్యకర్తగా నిలబడటం మాత్రం నిరంతర కష్టం. ఈ తేడా తెలియకుండా చేరికల లెక్కలతో కాలర్‌ ఎగరేస్తే, రాజకీయాల్లో కామెడీ పండించడమే తప్ప బలం పెరిగినట్టు కాదన్నది విమర్శకుల మాట. కండువా కప్పితే క్యాడర్‌ అయిపోయినట్టేనా సామీ! సాలూరు టీడీపీలో చేరికల జాతరా.. కండువాల లెక్కలతోనే రాజకీయ బలమా.. ఫొటోలకు ఫోజులు.. ప్రచారానికి హడావుడి.. అసలు బలమెంతో తేల్చేది ప్రజలే..

రామభద్రపురం: గ్రామానికి రోడ్డు వేస్తామన్నారు. పింఛన్లు, ఇళ్లు మంజూరు చేస్తామన్నారు. ఇలా నమ్మబలికి టీడీపీ నాయకులు బొబ్బిలి కోటకు తీసుకెళ్లి ఎమ్మెల్యే బేబీనాయనతో టీడీపీ కండువాలు వేయించి మోసం చేశారని రామభద్రపురం మండలంలోని మిర్తివలస పంచాయతీ పరిధి కారేడువలస గ్రామానికి చెందిన గిరిజన ప్రజలు ఏకరువు పెట్టారు. ఈ మేరకు వైఎస్సార్‌సీపీ జిల్లా మహిళా విభాగం ఉపాధ్యక్షురాలు అప్పికొండ నిర్మల ముందు వాపోయారు. గతంలో వైఎస్సార్‌సీపీ హయాంలో గ్రామానికి మంజూరైన రోడ్లు రద్దయ్యాయని చెబుతున్నారని రోడ్లు ఎప్పుడు వేస్తారని అడిగితే టీడీపీ నాయకులు మాట్లాడడం లేదని ఆవేదన వ్యక్తంచేశారు. టీడీపీ నాయకుల మాటలు నమ్మి కండువాలు వేసుకుని మోసపోయామని, ఇక నుంచి అలా జరగకుండా వైఎస్‌ఆర్‌సీపీకి మద్దతు ఇస్తూ మీ వెంట నడుస్తామని చెప్పారు. దీంతో వైఎస్సార్‌సీపీ జిల్లా మహిళా విభాగం ఉపాధ్యక్షురాలు అప్పికొండ నిర్మల, తారాపురం ఎంపీటీసీ అభ్యర్థి వెక్కుడు సింహాచం, ,గ్రామ సీనియర్‌ నాయుకుడు పొట్టంగి రామాంజనేయులు ఆధ్వర్యంలో కారేడువలస గ్రామంలో 30 కుటుంబాల వారు తిరిగి వైఎస్సార్‌సీపీలో చేరారు. వారందరికీ నిర్మల పార్టీ కండువాలు వేసి ఆహ్వానించారు. కొర్లజన్ని గంగన్నదొర, కోనేపు పార్వతమ్మ, కారి శంకరరావు, కొర్ల జన్ని పైడమ్మ, కోవెల నాగన్నదొర, సింగారపు అక్కమ్మ, బడ్నాన లక్ష్మి, కారి గంగన్నదొర, బడ్నాన రాజారావు కొట్టిశ సూరమ్మ, ఆదిలక్ష్మి, బడ్నాన దుర్గారావు తదితరులు పార్టీలో చేరిన వారిలో ఉన్నారు. కార్యక్రమంలో పార్టీ సీనియర్‌ నాయుకులు కోట వెంకటరమణ, మజ్జి బాలకృష్ణ, పిల్లా రమణ తదితరులు పాల్గొన్నారు. మళ్లీ వైఎస్సార్‌సీపీలో చేరిన 30 కుటుంబాల గిరిజన ప్రజలు కండువాలు వేసి ఆహ్వానించిన పార్టీ జిల్లా మహిళా విభాగం ఉపాధ్యక్షురాలు అప్పికొండ నిర్మల

గరుగుబిల్లి: మండలంలోని పెదగుడబ పంచాయతీ పరిధి ఎస్‌ఆర్‌ పేట, పెదగుడబ గ్రామాలకు చెందిన టీడీపీ నాయకులు, కార్యకర్తలతో కూడిన 15 కుటుంబాలు వైఎస్సార్‌సీపీలో ఆదివారం చేరాయి. మాజీ ఉప ముఖ్యమంత్రి పాముల పుష్పశ్రీవాణి సమక్షంలో ఈ చేరికలు జరిగాయి. ఈ సందర్భంగా పార్టీలో చేరిన వారికి పుష్పశ్రీవాణి పార్టీ కండువాలు వేసి వైఎస్‌ఆర్‌ కాంగ్రెస్‌ పార్టీలోకి ఆహ్వానించారు. పార్టీలో చేరిన వారిలో సీనియర్‌ నాయుకులు కర్రి కోటేశ్వరరావు, ఎం.సింహచలం నాయడు, పి.తిరుపతిరావు (మిలటరీ నాయుడు), ఎ.శేఖర్‌, కందిశ అఖిల్‌, ఎస్‌.వెంకటరమణ తదితరులు ఉన్నారు. పెదగుడబ పంచాయతీ పరిధిలోని రెండు గ్రామాలనుంచి 15 కుటుంబాలు పార్టీ మారడం స్థానికంగా రాజకీయ చర్చకు దారితీసింది. త్వరలో జరగనున్న ఎంపీటీసీ ఎన్నికల ఫలితాలలో తీవ్ర ప్రభావం చూపే అవకాశం ఉందని పలువురు అభిప్రాయపడుతున్నారు. కార్యక్రమంలో జెడ్పీ మాజీ వైస్‌ చైర్మన్‌ మరిశర్ల బాపూజీనాయుడు, వైఎస్సార్‌సీపీ మండల కన్వీనర్‌ కేతిరెడ్డి అచ్యుతరావు తదితరులు పాల్గొన్నారు.

గఖం రూరల్‌: తెలుగుదేశం పార్టీ నుంచి వైఎస్సార్సీపీలోకి ఆదివారం భారీగా చేరికలు జరిగాయి. ఈ మేరకు స్థానిక పార్టీ కార్యాలయంలో నియోజకవర్గం పరిధిలోని బొండపల్లి మండలం చినతామరాపల్లి గ్రామం నుంచి 90 కుటుంబాలు, దేవుపల్లి గ్రామం నుంచి మాజీ మంత్రి పడాల అరుణ మరిది పడాల అప్పలనాయుడు ఆధ్వర్యంలో 100 కుటుంబాలు చేరాయి. అలాగే దత్తిరాజేరు మండలం చామాలపల్లి గ్రామం నుంచి 120 కుటుంబాలు అధికార టీడీపీని వీడి వైఎస్సార్సీపీలో చేరారు. వారందరికీ మాజీ ఎమ్మెల్యే, నియోజకవర్గ సమన్వయకర్త బొత్స అప్పలనరసయ్య కండువాలు కప్పి పార్టీలోకి ఆహ్వానించారు. ఈ సందర్భంగా అప్పల నరసయ్య మాట్లాడుతూ, కూటమి ప్రభుత్వం అవలంబిస్తున్న ప్రజా వ్యతిరేక విధానాల పట్ల విసుగుచెంది తమ పార్టీలోకి చేరికల పరంపర కొనసాగుతోందన్నారు. తమను నమ్మి పార్టీలో చేరిన వారందరికీ సముచిత స్థానం కల్పిస్తామని, అధికారంలోకి రాగానే భూ సమస్యలు పరిష్కరిస్తామన్నారు. కార్యక్రమంలో యువనేత బొత్స సాయి గురు నాయుడు, వైఎస్సార్‌సీపీ బొండపల్లి దత్తిరాజేరు మండలాల అధ్యక్షులు బొద్దల చిన్నమనాయుడు, రాపాక కష్ణార్జున, మాజీ ఎంపీపీలు చల్లా చలం నాయుడు, గేదెల సింహాద్రి అప్పలనాయుడు, మాజీ జెడ్పీటీసీ మంత్రి అప్పలనాయుడు, మహంతి రమణ, మాజీ సర్పంచులు ఫణీంద్రుడు, పిల్ల గురునాయుడు, ఏర్నిల రామనాయుడు, పలువురు నాయకులు పాల్గొన్నారు. వైఎస్సార్‌ సీపీలోకి భారీగా చేరికలు దత్తిరాజేరు, బొండపల్లి మండలాలకు 310 కుటుంబాలకు పార్టీ తీర్థం కండువాలు కప్పి పార్టీలోకి ఆహ్వానించిన మాజీ ఎమ్మెల్యే బొత్స అప్పలనరసయ్య

● 3,500 మంది పోలీసులతో బందోబస్తు ● స్వీయపర్యవేక్షణ చేసిన విశాఖ రేంజ్‌ ఐజీపీ గోపీనాథ్‌ జెట్టివిజయనగరం టౌన్‌: ఉత్తరాంధ్రుల ఆరాధ్య దైవం, కోరిన కోర్కెలు తీర్చే కల్పవల్లి శ్రీ పైడితల్లి అమ్మవారి సిరిమానోత్సవానికి లక్షలాది మంది భక్తులు వచ్చే అవకాశం ఉన్నందున జిల్లా పోలీసుశాఖ పటిష్ట బందోబస్తు ఏర్పాటుచేసింది. ఈ నేపథ్యంలో విశాఖ రేంజ్‌ ఐజీపీ గోపీనాథ్‌ జెట్టి ఆదివారం పైడితల్లి అమ్మవారిని దర్శించుకుని, బందోబస్తు ఏర్పాట్లను పర్యవేక్షించారు. ఈ సందర్భంగా ఆయన మాట్లాడుతూ ఈ నెల 26న తొలేళ్ల సంబరాలు, 27న పైడితల్లి అమ్మవారి సిరిమానోత్సవం నిర్వహిస్తున్న తరుణంలో ఎటువంటి అవాంఛనీయ సంఘటనలు తలెత్తకుండా ప్రజల భద్రతకు ఎటువంటి ఇబ్బందులు తలెత్తకుండా సుమారు 3,500 మందితో పటిష్ట పోలీసు బందోబస్తు ఏర్పాటుచేశామన్నారు. ఆలయం చుట్టూ ఏర్పాటుచేసిన క్యూలు, ప్రసాదం కౌంటర్లు పరిశీలించారు. దొంగతనాలు జరగకుండా సీసీ కెమెరాలను ఏర్పాటుచేయాలని అధికారులను ఆదేశించారు. బారికేడ్లు, ఫెన్సింగ్‌ ఏర్పాటు చేయాలి సిరిమాను తిరిగే మార్గంలోకి అనుమతులు లేని వ్యక్తులు ప్రవేశించకుండా బారికేడ్లు, ఫెన్సింగ్‌లు ఏర్పాటుచేయాలని ఆర్‌అండ్‌బీ అధికారులను ఆదేశించారు. పండగ సమయంలో ఎక్కువ మంది భక్తులు ఇతర జిల్లాలు, పక్క రాష్ట్రాల నుంచి వచ్చే అవకాశం ఉన్నందున వాహనాల రాకపోకలకు ఎటువంటి ఇబ్బందులు తలెత్తకుండా ట్రాఫిక్‌ రెగ్యులేషన్‌కు సుమారు 500 మంది పోలీసు అధికారులు, సిబ్బందిని కేటాయించామన్నారు. కార్యక్రమానికి ముందు జిల్లా పోలీసు కార్యాలయానికి చేరుకుని, పోలీసుల నుంచి గౌరవ వందనం స్వీకరించారు. ఎస్పీ ఏఆర్‌.దామోదర్‌ ఆయనకు పూలమొక్కను అందజేసి స్వాగతం పలికారు. అనంతరం పోలీసు అధికారులతో సమావేశమై భద్రతా ఏర్పాట్లను సమీక్షించారు. కార్యక్రమంలో ఏఆర్‌ అదనపు ఎస్పీ పి.కిరణ్‌ కుమార్‌, విజయనగరం డీఎస్పీ ఎస్‌.లక్ష్మణమూర్తి, మహిళా స్టేషన్‌ డీఎస్పీ ఎం.వీరకుమార్‌, ఏఆర్‌ డీఎస్పీ ఈ.కోటిరెడ్డి, వన్‌టౌన్‌ సీఐ ఆర్‌వీఆర్‌కే.చౌదరి, టూటౌన్‌ సీఐ టి.శ్రీనివాసరావు, రూరల్‌ సీఐ బి.లక్ష్మణరావు, ట్రాఫిక్‌ సీఐ సిహెచ్‌.రాము, స్పెషల్‌ బ్రాంచ్‌ సీఐలు ఏవీ.లీలారావు, విద్యాసాగర్‌, సోషల్‌ మీడియా సీఐ శోభన్‌బాబు, దేవాదాయశాఖ ఈఓ శిరీష ఇతర పోలీసు అధికారులు, సిబ్బంది పాల్గొన్నారు.

బొబ్బిలి: వెన్నుపోటు టీడీపీ అవలంబిస్తున్న ప్రజావ్యతిరేక పాలనకు విసుగెత్తి ఆ పార్టీకి రాంరాం చెప్పారు బొబ్బిలి మండలంలోని జగన్నాథ పురం వాసులు. స్థానిక వైఎస్సార్‌ సీపీ కార్యాలయంలో ఏర్పాటుచేసిన కార్యక్రమంలో జగన్నాథ పురానికి చెందిన 50 మంది టీడీపీ నాయకులు, కార్యకర్తలు ఆదివారం వైఎస్సార్‌సీపీలో చేరారు. ఈ సందర్భంగా వారికి మాజీ ఎమ్మెల్యే శంబంగి వెంకట చిన అప్పలనాయుడు కండువాలు వేసి వైఎస్సార్‌సీపీలోకి సాదరంగా ఆహ్వానించారు. ఈ సందర్భంగా శంబంగి మాట్లాడుతూ కూటమి నాయకులు,వెన్నుపోటు ప్రభుత్వం ఎన్నో ప్రగల్భాలు పలికి దొంగ హామీలిచ్చి అధికారంలోకి వచ్చారన్నారు. ఆ తరువాత హామీలను తుంగలో తొక్కారన్నారు. మహిళలకు,రైతులకు,యువతకు వెన్నుపోటు పొడిచారన్నారు. హామీలను విస్మరించిన చంద్రబాబు నాయుడు, లోకేష్‌, పవన్‌కల్యాణ్‌లకు ఉద్వాసన పలికే రోజులు రానున్నాయన్నారు. తాజామాజీ ఎంపీటీసీ రౌతు తిరుపతిరావు, డీసీఎంఎస్‌ మాజీ డైరక్టర్‌ పొట్నూరు అప్పారావు, తాడ్డి పైడియ్య,సంగంరెడ్డి తవిటినాయుడు, సారిక అప్పారావు, మామిడి చిరంజీవి తదితరులు మాట్లాడుతూ హామీలిచ్చి అమలు చేయని టీడీపీ పట్ల విర క్తి చెంది వైఎస్సార్‌ సీపీలో చేరామని తెలిపారు. కార్యక్రమంలో వైఎస్సార్‌ సీపీ జిల్లా ప్రధాన కార్యదర్శి, జడ్పీటీసీ అభ్యర్థి శంబంగి వేణుగోపాల నాయుడు, వైఎస్సార్‌సీపీ జిల్లా ప్రచార కార్యదర్శి బొద్దల సత్యనారాయణ తదితరులు పాల్గొన్నారు.

సాలూరు రూరల్‌: స్థానిక మున్సిపాలిటీలోని 5 వ వార్డు పెద్దవీధినుంచి 38 కుటుంబాల వారు వైఎస్సార్‌సీపీలో ఆదివారం చేరారు. మాజీ ఉపముఖ్యమంత్రి రాజన్నదొర ఆధ్వర్యంలో వైఎస్సార్‌సీపీ పట్టణ అధ్యక్షుడు పుండరీ కాక్షనాయుడు వారందరికీ కండువాలు వేసి పార్టీలో చేర్చుకున్నారు. ఈ సందర్భంగా రాజన్నదొర మాట్లాడుతూ వారి కష్ట సుఖాల్లో అండగా ఉంటామని భరోసా ఇచ్చారు. దేవుడికి ఇచ్చిన వాగ్దానం మంత్రి సంధ్యారాణి నిలబెట్టుకోలేకపోవడం బాధాకరమన్నారు. ఎల్ల మ్మ గుడి కట్టించడం మంత్రి స్థాయిలో ఉన్న ఆమెకు కష్టమేమీ కాదని, స్థానిక ప్రజలకు ఇష్ట దైవమైన ఎల్లమ్మ గుడి కట్టిస్తానని మాట ఇచ్చిన సంధ్యారాణి ఆ మాటను నిలబెట్టుకోలేక పోయారన్నారు. మీ అందరి ఆశీర్వచనాల వల్ల మున్సిపల్‌ చైర్‌పర్సన్‌ వైఎస్సార్‌సీపీ గెలిచి అలాగే జగన్‌ మోహన రెడ్డి ముఖ్యమంత్రిగా గెలిచిన తరువాత ఎల్ల మ్మతల్లి గుడిని నిర్మాణం చేస్తానని మాట ఇస్తున్నానన్నారు.

● పడవలు, వలలలు సురక్షిత ప్రాంతాకు తరలించండి ● పూసపాటిరేగ, భోగాపురం తహసీల్దార్‌ల ఆదేశాలుపూసపాటిరేగ: తుఫాన్‌ హెచ్చరికల నేపథ్యంలో తీరంలో ప్రజలు అప్రమత్తంగా ఉండాలని, మత్స్యకారులు తదుపరి ఆదేశాలు వచ్చే వరకు సముద్రంలో వేటకు వెళ్లవద్దని పూసపాటిరేగ, భోగాపురం తహసీల్దార్‌లు ఎన్‌వీ రమణ, రమేష్‌లు ఆదేశాలు జారీ చేశారు. తీరప్రాంత మండలాలైన పూసపాటిరేగ, భోగాపురంలలో గ్రామాలు చింతపల్లి, నీలగెడ్డపేట, బర్రిపేట, పతివాడబర్రిపేట, తమ్మయ్యపాలెం, పులిగెడ్డపేట, తిప్పలవలస, కోనాడ, చేపలుకంచేరు, ముక్కాం, కొండ్రాజుపాలెం గ్రామాలకు చెందిర మత్స్యకారులు తుఫాన్‌ప్రభావం కారణంగా వేటకు వెళ్లవద్దు అని ఆదేశాలు జారీ చేశారు. విశాఖపట్నం సమీపంలో తుఫాన్‌ తీరం దాటే అవకాశం ఉడడంతో బలమైన గాలులు వాయగుండంతో పాటు భారీ వర్షాలు పడతాయన్నారు. ప్రజలు ముందస్తు జాగ్రత్తలు తీసుకోవాలని సూచించారు. సముద్రంలో చేపలవేటకు వెళ్లే మత్స్యకారులు తమ విలువైన పడవలు, వలలు, ఇతర సామగ్రిని సురక్షిత ప్రాంతాలకు తరలించాలని సూచించారు. తుఫాన్‌ హెచ్చరికలపై ప్రజలకు అవగాహన కల్పించేందుకు గ్రామాల్లో దండోరా వేయించినట్లు తెలిపారు. అధికారులు, గ్రామస్థాయి సిబ్బంది ప్రజలను అప్రమత్తం చేయాలని తెలిపారు. తుఫాన్‌ ప్రభావంతో బలమైన గాలులు వీచే అవకాశం ఉన్నందున పాత భవనాల్లో నివసిస్తున్న కుటుంబాలు ముందుగానే సురక్షిత ప్రాంతాలకు తరలివెళ్లాలని సూచించారు. శిథిలావస్థలో ఉన్న ఇళ్లలో ఉండడం ప్రమాదకరమని, వర్షాలు, గాలులు సమయంలో చెట్ల కింద, విద్యుత్‌ స్తంభాల సమీపంలో ఉండకూడదని హెచ్చరించారు. ప్రధానంగా సముద్ర తీర గ్రామాల ప్రజలు వాతావరణ పరిస్థితులను ఎప్పటికప్పుడు గమనిస్తూ అప్రమత్తంగా ఉండాలని, అధికారుల సూచనలు తప్పనసరిగా పాటించాలని తహసీల్దార్‌లు కోరారు. అత్యవసర పరిస్థితులు ఎదురైతే వెంటనే అధికారులకు సమాచారం అందించి ప్రాణ రక్షణకు ప్రాధాన్యం ఇవ్వాలని సూచించారు.

వేపాడ: మండలంలోని సోంపురం జిల్లా పరిషత్‌ ఉన్నత పాఠశాలకు చెందిన నల్లబిల్లి గుణశేఖర్‌ అండర్‌ – 17 బాస్కెట్‌బాల్‌ రాష్ట్రస్థాయి పోటీలకు ఎంపికై నట్లు పాఠశాల హెచ్‌ఎమ్‌ బీపీఏ రాజు తెలిపారు. ఈ మేరకు శనివారం విద్యార్థిని ప్రత్యేకంగా అభినందించారు. ఈ సందర్భంగా ఆయన మాట్లాడుతూ.. జిందాల్‌ భారతీ విద్యామందిర్‌లో జరిగిన జిల్లాస్థాయి పోటీల్లో ప్రతిభ కనబరిచిన గుణశేఖర్‌ రాష్ట్రస్థాయి పోటీలకు ఎంపిక కావడం అభినందనీయమన్నారు. కార్యక్రమంలో వ్యాయామ ఉపాధ్యాయుడు ఎస్‌. గోవిందరావు, ఉపాధ్యాయులు పాల్గొన్నారు.

● ఆంధ్రప్రదేశ్‌ నుంచి నలుగురు ఆటగాళ్లకు చోటు వంగర: భారత్‌ అంధుల క్రికెట్‌ జట్టుకు వంగర మండలం కొప్పరవలస గ్రామానికి చెందిన యువకుడు టొంపాకి దుర్గారావు ఎంపికయ్యాడు. శనివారం బెంగళూరులో భారతదేశం అంధుల క్రికెట్‌ సంఘం(సెబీ) 17 మందితో కూడిన భారత జట్టును ప్రకటించింది. బంగ్లాదేశ్‌లోని ఢాకాలో నవంబర్‌ 15వ తేదీ నుంచి రెండవ పురుషుల అంధుల క్రికెట్‌ ఆసియా కప్‌ పోరు జరగనుంది. ఢిల్లీలో నెల రోజులు పాటు జట్టు సభ్యులకు జరగనున్న శిక్షణలో దుర్గారావు ఉన్నారు. మారుమూల ప్రాంతం వంగర మండలం కొప్పరవలస గ్రామంలో నిరుపేద కుటుంబంలో పుట్టిన దుర్గారావు భారత అంధుల క్రికెట్‌ జట్టుకు ఎంపిక కావడం పట్ల సర్వత్రా హర్షాతిరేకాలు వ్యక్తమవుతున్నాయి. ఆంధప్రదేశ్‌ నుంచి మరో ముగ్గురు భారత్‌ అంధుల క్రికెట్‌ జట్టులో ఉన్న 17 మంది సభ్యుల్లో ఆంధ్రప్రదేశ్‌ చెందిన నలుగురు ఆటగాళ్లను సెబీ ప్రకటించింది. అందులో వంగర మండలం కొప్పరవలస గ్రామానికి చెందిన టొంపాకి దుర్గారావు, డి.వెంకటేశ్వరరావు (పలాస), ఎ.రవి(రాముడువలస, బొబ్బిలి మండలం), అశోక్‌రెడ్డి(గుంటూరు) ఆటగాళ్ల జాబితాలో ఉన్నారు.

పార్వతీపురం: జిల్లాలో స్థానిక సంస్థల ఎన్నికల నేపథ్యంలో ఓటర్లు తమ ఓటు ఏ పోలింగ్‌ కేంద్రంలో ఉందో రాష్ట్ర ఎన్నికల సంఘం వెబ్‌సైట్‌ ద్వారా ఆన్‌లైన్‌లో తెలుసుకోవచ్చునని కలెక్టర్‌, జిల్లా ఎన్నికల అధికారి డా. ఎన్‌.ప్రభాకరరెడ్డి తెలిపారు. ఓటర్లు తమ పోలింగ్‌ కేంద్రం వివరాలను ముందుగానే పరిశీలించుకొని ఎన్నికలకు సిద్ధంగా ఉండాలని సూచించారు. ఓటర్ల సౌలభ్యం కోసం ప్రత్యేకంగా క్యూఆర్‌ కోడ్‌ సదుపాయాన్ని కూడా అందుబాటులో ఉంచినట్లు తెలిపారు. ఈ సదుపాయాన్ని వినియోగించుకొని ఓటర్లు తమ పోలింగ్‌ కేంద్రం వివరాలను సులభంగా తెలుసుకోవాలని కలెక్టర్‌ సూచించారు.

● డీఎస్పీ గోవిందరావు ఆధ్వర్యంలో ముమ్మర దర్యాప్తురామభద్రపురం: మండలంలోని ఇట్లామామిడిపల్లిలో ఓ వృద్ధురాలు శనివారం అనుమానాస్పదంగా మృతి చెందింది. పోలీసులు, కుటుంబ సభ్యులు తెలియజేసిన వివరాల ప్రకారం.. గ్రామానికి చెందిన మామిడి దాలమ్మ (68) ఉక్కబోత వల్ల శుక్రవారం రాత్రి 11.30 గంటల వరకు ఇంటి బయటే కుర్చుంది. అనంతరం ఇంటిలోకి వెళ్లిపోయింది. ఇదిలా ఉంటే శనివారం ఉదయం 7 గంటలైనా దాలమ్మ ఇంటి తలుపులు తెరుచుకోలేదు. దీంతో అనుమానం వచ్చిన అదేవీధికి చెందిన మామిడి రమణమ్మ ఓ కుర్రాడి సహాయంతో తలుపు గడియ తొలగించగా.. లోపల దాలమ్మ రక్తపు మడుగులో పడి ఉంది. వెంటనే ఈ విషయాన్ని గ్రామంలోనే ఉన్న కుటుంబ సభ్యులకు తెలియజేశారు. వెంటనే దాలమ్మ పెద్ద కుమారుడు మామిడి గణపతి వచ్చి చూడగా మృతురాలి తల వెనుక భాగంలో తీవ్ర గాయం కనిపించింది. అప్పటికే ఆమె మృతి చెందినట్లు నిర్ధారించుకుని పోలీసులకు ఫిర్యాదు చేశారు. బంగారం, డబ్బుల కోసమే ఎవరో తన తల్లిని హత్య చేశారని గణపతి ఆరోపిస్తున్నాడు. విషయం తెలుసుకున్న ఎస్సై జ్ఞానప్రసాద్‌ సంఘటనా స్థలానికి చేరుకుని పరిస్థితిని సమీక్షించి, విషయాన్ని డీఎస్పీ గోవిందరావు, సీఐ మల్లికార్జునరావులకు తెలియజేశారు. దీంతో డీఎస్పీ, సీఐలు కూడా గ్రామానికి చేరుకుని మృతదేహాన్ని పరిశీలించారు. మృతురాలి ముక్కు, చెవులకు బంగారు ఆభరణాలు ఉన్నాయి. అలాగే బీరువా తెరిచి చూడగా.. డబ్బులున్నాయి. దీంతో విజయనగరం నుంచి క్లూస్‌ టీమ్‌ సభ్యులను రప్పించి స్థానికుల వేలిముద్రలు సేకరించారు. దాలమ్మ ప్రమాదవశాత్తూ కిందపడి చనిపోయిందా.. ఎవరైనా హత్య చేశారా అన్న కోణంలో పోలీసులు దర్యాప్తు చేస్తున్నారు. మృతదేహాన్ని పోస్టుమార్టం నిమిత్తం బాడంగి సీహెచ్‌సీకి తరలించారు.

ఆదివారం శ్రీ 25 శ్రీ అక్టోబర్‌ శ్రీ 2026● జిల్లాలో మహిళా నాయికలు ● పాలనలోనూ, అభివృద్ధిలోనూ తమదైన ముద్ర శాసించే శక్తిగా.. సాక్షి, పార్వతీపురం మన్యం: జిల్లా నిర్మాణంలో, సమాజ పురోగతిలో మహిళల పాత్ర ఎనలేనిది. ‘ఇంట్లో దీపం’గా వెలిగే మహిళలు.. నేడు రాజకీయంగా, పాలనాపరంగా కీలక నిర్ణయాలు తీసుకునే స్థాయికి ఎదుగుతున్నారు. రాజకీయాల్లో మహిళలకు ప్రాతినిధ్యం గత వైఎస్సార్‌ సీపీ ప్రభుత్వం నుంచి పెరిగింది. జిల్లాలో సార్వత్రిక ఎన్నికలతో పాటు.. స్థానిక సంస్థల్లోనూ పెద్ద ఎత్తున నాటి ముఖ్యమంత్రి జగన్‌మోహన్‌ రెడ్డి అవకాశం కల్పించారు. ప్రస్తుతం జరుగుతున్న స్థానిక సంస్థల ఎన్నికల్లోనూ మహిళలకు సమానంగా అవకాశాలు లభించాయంటే నాడు జగన్‌మోహన్‌ రెడ్డి తీసుకున్న నిర్ణయాలే కారణం. పురపాలక సంఘాల నుంచి మండల, జిల్లా పరిషత్‌ ప్రాదేశిక నియోజకవర్గాల వరకు మహిళలు రాజకీయాల్లో తమ పాత్రను విస్తరించేందుకు సిద్ధమవుతున్నారు. కేవలం ఓటర్లుగా మాత్రమే కాక.. ప్రజా సమస్యలను ప్రస్తావించే నాయకులుగా, అభివృద్ధి నిర్ణయాల్లో భాగస్వాములుగా ఎదిగేందుకు ముందడుగు వేస్తున్నారు. స్థానిక సంస్థల్లో మహిళలు అధికారంలోకి రావడం వల్ల గ్రామాల్లో మౌలిక వసతుల కల్పన, తాగునీరు, విద్య, ఆరోగ్యం, పారిశుధ్యం వంటి అంశాలపై ప్రత్యేక దృష్టి సారించడానికి ఆస్కారం ఏర్పడుతోంది. ఒక తల్లిగా కుటుంబ క్షేమాన్ని ఎలా కోరుకుంటారో.. అదే విధంగా తమ ప్రాంత అభివృద్ధిని, ప్రజల సంక్షేమాన్ని కుటుంబ బాధ్యతగా భావించి సేవలు అందిస్తున్నారు. చట్టసభలు, స్థానిక సంస్థల్లో మహిళలకు లభిస్తున్న ప్రాధాన్యం కేవలం సంఖ్యకు మాత్రమే పరిమితం కాకుండా, కీలక విధాన నిర్ణయాలు శాసించే శక్తిగా వారు రూపాంతరం చెందుతున్నారు. మన్యం జిల్లాలో జరుగుతున్న స్థానిక సంస్థల ఎన్నికల్లో మహిళా అభ్యర్థులు పెద్ద ఎత్తున బరిలో నిలుస్తున్నారు. కేవలం రిజర్వ్‌డ్‌ స్థానాలకే పరిమితం కాక.. తమ సత్తా చాటేందుకు వారు ఉత్సాహంగా ముందుకు వస్తున్నారు. గ్రామ స్థాయి నుంచి మండల, జిల్లా స్థాయి వరకు నాయకత్వ బాధ్యతలను భుజానకెత్తుకుంటూ రాజకీయాల్లో తమదైన ముద్ర వేస్తున్నారు. గ్రామీణ స్థానిక సంస్థల్లోనూ మహిళలకు గణనీయమైన ప్రాతినిధ్యం లభిస్తోంది. దీంతో ఈ ఎన్నికలు మహిళా నాయకత్వానికి కీలక వేదికగా మారుతున్నాయి. రాజకీయాల్లో మహిళల భాగస్వామ్యాన్ని పెంచడంలో రిజర్వేషన్లు ముఖ్యమైన పాత్ర పోషిస్తున్నాయి. పార్వతీపురం మన్యం జిల్లాలో 15 జడ్పీటీసీ స్థానాలు, 226 ఎంపీటీసీ స్థానాలకు ఎన్నికలు జరగనున్నాయి. 15 జడ్పీటీసీ స్థానాల్లో ఏడు సీట్లు మహిళలవే. 15 ఎంపీపీ స్థానాల్లో ఎనిమిది వారికే. 109 ఎంపీటీసీ స్థానాలు మహిళలే దక్కించుకున్నారు. పార్వతీపురం, సాలూరు మున్సిపాలిటీలుగానూ.. పాలకొండ నగర పంచాయతీగానూ ఉంది. ఈ మూడు చోట్ల చైర్‌పర్సన్‌ స్థానాలు అతివలవే. పార్వతీపురంలోని 36 వార్డుల్లో 18 స్థానాలు, సాలూరులోని 32కి 16, పాలకొండలోని 28 వార్డులకు 13 స్థానాలు సీ్త్రమూర్తులవే. పంచాయతీల పాలనలోనూ వీరిదే అగ్ర తాంబూలం. జిల్లాలో 451 పంచాయతీలకు, 4,128 వార్డులకు ఎన్నికలు జరగనున్నాయి. పంచాయతీల్లో 223, వార్డులకు సంబంధించి 2,058 స్థానాలు వారికే దక్కాయి. ఇందులో ఎస్సీ, ఎస్టీ, బీసీ వర్గాలకు చెందిన మహిళలకూ అవకాశాలు ఉన్నాయి. ఇదే సమయంలో జనరల్‌ స్థానాల్లోనూ పెద్ద ఎత్తున అదృష్ట లక్ష్ములు పోటీకి సిద్ధమవుతున్నారు. ఈ అవకాశాలు మహిళలకు ఎన్నికల్లో పోటీ చేసే మార్గాన్ని తెరవడమే కాక.. గ్రామీణ పాలనలో తమ ఆలోచనలు, సమస్యలు, అభివృద్ధి ప్రాధాన్యాలను ముందుకు తీసుకెళ్లేందుకు తోడ్పడనున్నాయి. రిజర్వేషన్ల ద్వారా పదవులు దక్కడం ఒక ఎత్తయితే, స్వతంత్రంగా నిర్ణయాలు తీసుకుంటూ ప్రజలకు జవాబుదారీగా పనిచేయడం మరో ఎత్తు.మన్యం ప్రాంతంలోని గిరిజన మహిళలు సైతం రాజకీయంగా చైతన్యం చూపుతున్నారు. సాంప్రదాయ కట్టుబాట్లను అధిగమించి, సమాజ అభివృద్ధి కోసం ముందుకు వస్తున్న గిరిజన మహిళా నాయకురాళ్లు ఇతరులకు ఆదర్శంగా నిలుస్తున్నారు. చదువు, అవగాహన పెరగడంతో తమ హక్కుల కోసం పోరాడటమే కాకుండా, సమస్యలను పరిష్కరించే దిశగా అడుగులు వేస్తున్నారు. పార్వతీపురం మన్యం జిల్లాలో మారుతున్న ఈ రాజకీయ ముఖచిత్రం శుభపరిణామంగా చెప్పవచ్చు. మహిళలు కేవలం గృహాలకే పరిమితం కాకుండా పరిపాలనా దక్షతను చాటుకుంటూ, జిల్లాను సర్వతోముఖాభివృద్ధి పథంలో నడిపించడంలో కీలక భూమిక పోషిస్తున్నారనడంలో ఎలాంటి సందేహమూ లేదు. మహిళలు నిర్ణయాలు తీసుకునే స్థాయికి ఎదిగినప్పుడే సాధికారతకు సార్థకత. ఆ నాయకత్వం ప్రజల జీవితాల్లో మార్పు తీసుకొచ్చినప్పుడే స్థానిక ప్రజాస్వామ్యం మరింత బలోపేతమవుతుందని గత వైఎస్సార్‌ సీపీ ప్రభుత్వం బలంగా విశ్వసించింది. నాటి ఫలాలే రాజకీయాల్లోనూ మహిళల ప్రాధాన్యం పెరగడానికి నేడు కారణమయ్యింది.

విజయనగరం క్రైమ్‌: పైడితల్లి అమ్మవారి జాతరకు ఆర్టీసీ 210 ప్రత్యేక సర్వీసులు నడపనున్నట్టు ఆర్టీసీ ప్రజా రవాణ అధికారిణి వరలక్ష్మి శనివారం తెలిపారు. ఈ నెల 26, 27 తేదీల్లో ఈ ప్రత్యేక సర్వీసులు నడపనున్నట్టు తెలిపారు. సోమవారం నుంచి ఈ సర్వీసులు తిరుగుతాయన్నారు. ఆర్టీసీలో రోజువారీ వంద సర్వీసులతో పాటు అదనంగా 110 సర్వీసులను నడుపుతామని తెలిపారు. కాంప్లెక్స్‌లో ప్రయాణికులు, భక్తుల సౌకర్యార్ధం అదనంగా ఆర్టీసీ పరంగా 15 మంది సిబ్బంది, పది మంది సూపర్‌వైజర్లను నియమించామని డీపీటీఓ తెలిపారు.

● శాసనమండలి విపక్ష నేత బొత్స సత్యనారాయణ, మాజీ ఎమ్మెల్యే అప్పలనరసయ్య బొండపల్లి: త్వరలో జరగనున్న స్థానిక సంస్థల ఎన్నికల్లో వైఎస్సార్‌సీపీ అభ్యర్థులు సత్తా చాటేలా ప్రతి ఒక్కరూ కృషి చేయాలని శాసనమండలి విపక్ష నేత బొత్స సత్యనారాయణ, గజపతినగరం మాజీ ఎమ్మెల్యే బొత్స అప్పలనరసయ్య సూచించారు. మండలంలోని బిల్లలవలస గ్రామానికి చెందిన తాజా మాజీ సర్పంచ్‌ నెట్టి ఏసురత్నంతో పాటు టీడీపీ నాయకుడు నెట్టి ముకుంద తన అనుచరులతో కలిసి వైఎస్సార్‌సీపీలో చేరారు. ఈ సందర్భంగా వారు మాట్లాడుతూ..వైఎస్సార్‌సీపీ నియోజకవర్గంలో రోజురోజుకూ బలపడుతుందని, కూటమి మాయలను ప్రజలు నమ్మే స్థితిలో లేరని చెప్పారు. కూటమి ప్రభుత్వం ఎత్తుగడలను స్థానిక సంస్థల ఎన్నికల్లో తిప్పికొట్టాలని పిలుపునిచ్చారు. కార్యక్రమంలో పార్టీ జిల్లా అధ్యక్షుడు బెల్లాన చంద్రశేఖర్‌, మండల అధ్యక్షుడు బొద్దల చిన్నంనాయుడు, మాజీ ఎంపీపీ చల్లా చలంనాయుడు, సాలాపు పెంటంనాయుడు, సిరిపురం నాయుడుబాబు, మాజీ ఎంపీపీ లెంక సత్యనారాయణ, నాయకులు, కార్యకర్తలు పాల్గొన్నారు. వైఎస్సార్‌సీపీలో చేరిన 15 కుటుంబాలు.. చీపురుపల్లి: మండలంలోని పేరిపి గ్రామంలో టీడీపీ నుంచి 15 కుటుంబాలు వైఎస్సార్‌సీపీలో చేరాయి. గ్రామంలో శనివారం ఏర్పాటు చేసిన ఓ కార్యక్రమంలో వైఎస్సార్‌సీపీ మండల అధ్యక్షుడు మీసాల వరహాలనాయుడు, జిల్లా ప్రధాన కార్యదర్శి ఇప్పిలి అనంతం సమక్షంలో 15 కుటుంబాలు వైఎస్సార్‌సీపీ తీర్థం పుచ్చుకున్నాయి. గ్రామానికి చెందిన ఉండ్రాళ్ల రాము, శ్రీను, పట్నాన కనకరాజు, మీసాల శ్రీను, మీసాల గౌరునాయుడు, మీసాల రామకృష్ణ, పెనుమజ్జి మహేష్‌, బాగు అప్పన్న, ఎలకల సూర్యనారాయణ, సురేష్‌, తదితరులకు కండువాలు వేసి పార్టీలోకి ఆహ్వానించారు. కార్యక్రమంలో మాజీ సర్పంచ్‌ కోరాడ పృథ్వి, ఎంపీటీసీ అభ్యర్థి లెంక రాజారావు, తదితరులు పాల్గొన్నారు. వైఎస్సార్‌సీపీలోకి 51 కుటుంబాలు.. బొబ్బిలి: మండలంలోని రంగరాయపురం ఒకటో వార్డు పెంకి వీధికి చెందిన 51 కుటుంబాలు టీడీపీని వీడి వైఎస్సార్‌సీపీలో చేరాయి. శనివారం స్థానిక వైఎస్సార్‌సీపీ కార్యాలయంలో రంగరాయపురానికి చెందిన మాజీ సర్పంచ్‌ గేదెల లక్ష్మి, వైఎస్సార్‌సీపీ నాయకులు కోట గోవిందరావు, నారాయణరావు, సౌజన్యల ఆధ్వర్యంలో పార్టీలో చేరిన వారికి పార్టీ మండల అధ్యక్షుడు తమ్మిరెడ్డి దామోదరరావు కండువాలు వేసి ఆహ్వానించారు. పార్టీలో చేరిన వారిలో పెంకి ఆనందరావు, పెంకి ప్రవీణ్‌కుమార్‌, పెంకి కృపారావు, పెంకి సుందరరావు, పెంకి దాసు, పెంకి కిరణ్‌, విజయమ్మ, సరోజనమ్మ, సత్తెమ్మ తదితరులున్నారు. కార్యక్రమంలో వైఎస్సార్‌సీపీ సీనియర్‌ నాయకుడు వంగపండు శ్రీరాములనాయుడు, తదితరులు పాల్గొన్నారు.

విజయనగరం: 2024 సార్వత్రిక ఎన్నికలకు ముందు మోసకారి హమీలు ప్రకటించి నమ్మించి మోసగించిన కూటమి నేతృత్వంలోని టీడీపీ, జనసేన, బీజేపీ పార్టీలకు స్థానిక సంస్థల ఎన్నికల్లో ఓటు రూపంలో తగిన బుద్ధి చెప్పాలని ఏపీ శాసనసభ మాజీ డిప్యూటీ స్పీకర్‌, వైఎస్సార్‌సీపీ కేంద్ర కమిటీ సభ్యుడు కోలగట్ల వీరభద్రస్వామి పిలుపునిచ్చారు. వచ్చే నెల 1న జరగనున్న మున్సిపల్‌ కార్పొరేషన్‌ ఎన్నికల్లో భాగంగా వైఎస్సార్‌సీపీ తరఫునమేయర్‌ అభ్యర్థిగా పోటీ చేస్తున్న కోలగట్ల శ్రావణితో పాటు 18, 19, 20, 21 డివిజన్‌లకు సంబంధించి గౌడు వీధిలో.. 22, 23, 24, 25, 26 డివిజన్‌లకు సంబంధించి దాసన్నపేట రధం వీధి జంక్షన్‌లో... 27, 28, 34, 35, 36, 37,38 డివిజన్‌లకు సంబంధించి స్థానిక ఫోర్ట్‌సిటీ స్కూల్‌ జంక్షన్‌లో ఏర్పాట చేసిన ఎన్నికల ప్రచార సభల్లో ఆయన పాల్గొని మాట్లాడారు. ఈ సందర్భంగా కోలగట్ల వీరభద్రస్వామి మాట్లాడుతూ వైఎస్సార్‌సీపీ తరఫున మేయర్‌ అభ్యర్థిగా పోటీ చేస్తున్న కోలగట్ల శ్రావణితో పాటు, డివిజన్‌లలో కార్పొరేటర్‌లుగా పోటీ చేస్తున్న అభ్యర్థులను ఫ్యాన్‌ గుర్తుపై ఓటు వేసి గెలిపించాలని అభ్యర్థించారు. నమ్మించి మోసం చేసిన వారు ఓట్లు అడిగేందుకు వస్తే ప్రశ్నించాలని సూచించారు. 2024 సంవత్సరంలో రూ.1400 ఉన్న 25 కేజీల బియ్యం ధర నేడు రూ.2200 పలుకుతోందని, పంచదార కేజీ రూ 40 నుంచి రూ.60కి పెరిగిందని ఇలా అన్ని నిత్యావసరాల ధరలు పెరగుతున్నా చంద్రబాబు ప్రభుత్వం ఎందుకు పట్టించుకోవటం లేదన్నది ఆలోచించాలన్నారు. సమావేశంలో ఎమ్మెల్సీ డాక్టర్‌ పెనుమత్స సురేష్‌ బాబు మాట్లాడుతూ రెండున్నరేళ్ల చంద్రబాబు పాలనలో దుష్టపాలన సాగుతుందని మండిపడ్డారు. స్థానిక ఎమ్మెల్యే రూ.500 కోట్లతో విజయనగరంలో అభివృద్ధి కార్యక్రమాలు చేపడుతున్నట్లు ఎన్నికల ప్రచార సభల్లో చేస్తున్న వాఖ్యల్లో నిజం లేదని, అవన్నీ కాగితాలకే పరిమితమని తెలిపారు. వైఎస్సార్‌సీపీ జిల్లా అధ్యక్షుడు మాజీ ఎంపీ బెల్లాన చంద్రశేఖర్‌ మాట్లాడుతూ ఎన్నికలకు ముందు ఇంటింటికి వెళ్లి చంద్రబాబ, పవన్‌కళ్యాణ్‌ల పేరిట ఇచ్చిన బాండ్లు ఎంత వరకు అమలు చేశారో ప్రజలే గుర్తు చేసుకోవాలన్నారు. వైఎస్సార్‌సీపీతోనే సంక్షేమ పాలన సాధ్యమని మాజీ సీఎం జగన్‌మోహన్‌రెడ్డి ఆచరణలో సాధ్యం చేసి చూపించారని గుర్తు చేశారు. కార్పొరేషన్‌ మేయర్‌ అభ్యర్థి కోలగట్ల శ్రావణి మాట్లాడుతూ సామాన్యులకు పెద్దలకు జరుగుతున్న ఎన్నికల్లో ప్రజలంతా ఆలోచించి ఆశీర్వదించాలని కోరారు. కార్యక్రమంలో మాజీ మేయర్‌ వెంపడాపు విజయలక్ష్మి, జిల్లా మహిళా విభాగం అధ్యక్షురాలు గదుల సత్యలత, రాష్ట్ర కార్యదర్శి సంగంరెడ్డి బంగారునాయుడు తదితరులు పాల్గొన్నారు. ప్రజలపై నిత్యావసరాల భారం శాసనసభ మాజీ డిప్యూటీ స్పీకర్‌ కోలగట్ల వైఎస్సార్‌సీపీతోనే సంక్షేమ పాలన : బెల్లాన

వేపాడ: వేపాడ రెడ్డివారి కళ్లాల వద్ద గల నూతిలో ఓ వ్యక్తి మృతదేహం కలకలం రేపింది. శనివారం చోటుచేసుకున్న ఈ సంఘటనకు సంబంధించి పోలీసులు అందించిన వివరాలు ఇలా ఉన్నాయి. వల్లంపూడి గ్రామానికి చెందిన మోర్చా విజయ్‌ (32) కొంతకాలంగా తాగుడుకు బానిసై డబ్బుల కోసం కుటుంబ సభ్యులను ఇబ్బంది పెడుతూ ఉన్నాడు. ఈ క్రమంలో రెండు రోజుల కిందట ఆత్మహత్య చేసుకుంటానని చెబుతూ ఇంటి నుంచి వెళ్లిపోయాడు. ఇంతలో రెడ్డివారి కళ్లాల వద్ద గల నూతిలో ఓ వ్యక్తి మృతదేహం తేలి ఉండడాన్ని స్థానికులు గుర్తించగా.. కుటుంబ సభ్యులు వచ్చి విజయ్‌గా గుర్తించారు. మృతుడి బంధువు కొమ్మనాపల్లి జ్యోతి ఇచ్చిన ఫిర్యాదు మేరకు ఎస్సై ఎస్‌.సుదర్శన్‌ కేసు నమోదు దర్యాప్తు చేస్తున్నారు. పోస్టుమార్టం నిమిత్తం మృతదేహాన్ని ఎస్‌.కోట ప్రభుత్వాస్పత్రికి తరలించారు.

పాలకొండ: ఎన్నికల వేల శాంతిభద్రతలకు ఎటువంటి విఘాతం కలగకుండా ప్రత్యేక చర్యలు తీసుకోవాలని ఐజీ గోపీనాథ్‌ జెట్టి సూచించారు. శనివారం సాయంత్రం పాలకొండ పోలీసుస్టేషన్‌ను సందర్శించిన ఆయన పోలీసు సిబ్బందితో సమీక్ష నిర్వహించారు. స్థానిక ఎన్నికల సమయంలో తీసుకోవాల్సిన చర్యలు వివరించారు. ప్రతి విషయంలోను ముందస్తు సమాచారం ఉంచుకోవాలని తెలిపారు. సమస్యాత్మక, అతి సమస్యాత్మక పోలింగ్‌ కేంద్రాల వద్ద ప్రత్యేక బలగాలను మోహరించాలని సూచించారు. నామినేషన్లు పక్రియ విజయవంతంగా పూర్తి చేసిన పోలీసు సిబ్బందిని అభినందించారు. ఇదే స్ఫూర్తితో నగర పంచాయతీ, జెడ్పీటీసీ, ఎంపీటీసీ ఎన్నికలు పూర్తి చేయాలని అన్నారు. ఎన్నికల నియమాల మేరకు సిబ్బంది నడుచుకోవాలని, అల్లర్లు చేసే వారిపై నిఘా ఏర్పాటు చేయాలన్నారు. ఆయనతో పాటు ఎస్పీ మాధవరెడ్డి, డీఎస్పీ రాంబాబు ఉన్నారు. ప్రశాంత వాతావరణంలో పోలింగ్‌ నిర్వహించాలి పార్వతీపురం రూరల్‌: రాబోయే మున్సిపాలిటీ, ఎంపీటీసీ, జెడ్పీటీసీ ఎన్నికలను స్వేచ్ఛగా, పారదర్శకంగా నిర్వహించేందుకు కట్టుదిట్టమైన భద్రతా ప్రణాళికతో ముందుకు వెళ్లాలని విశాఖపట్నం రేంజ్‌ ఐజీ గోపీనాథ్‌ జట్టి పోలీసు అధికారులను ఆదేశించారు. శనివారం పార్వతీపురం స్థానిక పోలీస్‌ అతిథిగృహంలో ఆయన ఎన్నికల భద్రత, శాంతిభద్రతల పరిరక్షణపై అధికారులతో సమీక్ష నిర్వహించారు. సమస్యాత్మక పోలింగ్‌ కేంద్రాలు, స్ట్రాంగ్‌ రూమ్‌ల వద్ద సీసీ కెమెరాలు, డ్రోన్లతో పర్యవేక్షించాలన్నారు. ప్రత్యేక మొబైల్‌ పార్టీలను 24 గంటల పాటు అందుబాటులో ఉంచాలని ఆదేశించారు. జిల్లా ఎస్పీ ఎస్‌.వి.మాధవరెడ్డి, అదనపు ఎస్పీ ఎం.వెంకటేశ్వరరావు, డీఎస్పీలు శేషయ్య, థామస్‌రెడ్డి, సీఐలు వెంకట్రావు, రంగనాథం రాంబాబు, ఆర్‌ఐలు తదితరులు పాల్గొన్నారు. ఎన్నికల విధుల్లో నిర్లక్ష్యం వహిస్తే కఠిన చర్యలు పార్వతీపురం: ఎన్నికల విధులు కేటాయించిన అధికారులు, సిబ్బంది తప్పనిసరిగా విధులకు హాజరు కావాలని కలెక్టర్‌, జిల్లా ఎన్నికల అధికారి డా. ఎన్‌.ప్రభాకరరెడ్డి స్పష్టం చేశారు. ఎన్నికల శిక్షణ తరగతులకు గైర్హాజరైతే క్రమ శిక్షణ చర్యలు తీసుకుంటామని హెచ్చరించారు. వైద్య, అత్యవసరాలు, బలమైన కారణాలు ఉంటే తప్ప విధుల నుంచి మినహాయింపులు ఉండవని తెలిపారు. తప్పుడు కారణాలతో మినహాయింపులు కోరితే చట్టపరమైన చర్యలు తీసుకుంటామని పేర్కొన్నారు. ప్రత్యేక కంట్రోల్‌ రూమ్‌ జిల్లాలో తుపాను ప్రభావంతో భారీ వర్షాలు, ఈదురు గాలులు వీచే అవకాశం ఉన్నందున పార్వతీపురం సబ్‌ కలెక్టర్‌ కార్యాలయంలో ప్రత్యేక కంట్రోల్‌ రూమ్‌ను ఏర్పాటు చేసినట్లు సబ్‌ కలెక్టర్‌ సచిన్‌ ఆర్చిత్‌ రహార్‌ తెలిపారు. అక్టోబర్‌ 27 నుంచి 30 వరకు కంట్రోల్‌ రూమ్‌ నిరంతరం పని చేస్తుందని పేర్కొన్నారు. తుపాను పరిస్థితులు, నష్టాల సమాచారాన్ని సేకరించేందుకు సిబ్బందిని సిఫ్ట్‌ల వారీగా నియమించినట్లు తెలిపారు. కంట్రోల్‌ రూమ్‌ను సంప్రదించడానికి 7993240754ను కేటాయించినట్టు తెలిపారు. వైభవంగా శ్రీ చక్ర స్నానం గరుగుబిల్లి: తోటపల్లి శ్రీ వెంకటేశ్వరస్వామి, శ్రీ కోదండరామస్వామి ఆలయంలో నిర్వహిస్తున్న బ్రహ్మోత్సవాల్లో భాగంగా నిర్వహించిన స్వామివారి శ్రీ చక్ర స్నాన మహోత్సవాన్ని శనివారం అత్యంత వైభవంగా నిర్వహించారు. ఉదయం నుంచి ఆలయంలో ప్రత్యేక ఆధ్యాత్మిక కార్యక్రమాలు భక్తి శ్రద్ధలతో నిర్వహించారు. ఇందులో భాగంగా స్వామివారికి విశేష అర్చనలు, హోమాలు, చూర్ణోత్సవం, స్నపనం తదితర పూజా కార్యక్రమాలు శాస్త్రోక్తంగా నిర్వహించారు. అనంతరం భక్తుల సందడి నముడు పవిత్ర నాగావళి తీరంలో శ్రీచక్ర స్నాన మహోత్సవాన్ని ఘనంగా జరిపారు. దీంతో నదీతీరం భక్తులతో సందడిగా మారింది. కార్యక్రమంలో వివిధ ప్రాంతాలకు చెందిన భక్తులు, స్వామివారి సేవకులు పాల్గొన్నారు.

● డీఎంహెచ్‌ఓ జీవనరాణి విజయనగరం ఫోర్ట్‌: ప్రతి ఒక్కరూ అయోడిన్‌ ఉప్పునే వినియోగించాలని డీఎంహెచ్‌ఓ జీవనరాణి సూచించారు. శనివారం స్థానిక జిల్లా వైద్యారోగ్యశాఖ కార్యాలయం వద్ద గ్లోబల్‌ అయోడిన్‌ లోప రుగ్మతల నివారణ వారోత్సవాలను పురస్కరించుకుని అవగాహన సదస్సు నిర్వహించారు. ఈ సందర్భంగా ఆమె మాట్లాడుతూ.. శరీర ఎదుగుదలకు, మెదుడు అభివృద్ధికి, థైరాయిడ్‌ గ్రంధి సక్రమంగా పనిచేయడానికి అయోడిన్‌ ఎంతో అవసరమన్నారు. అయోడిన్‌ లోపం వల్ల థైరాయిడ్‌ సంబంధిత సమస్యలు తలెత్తుతాయని చెప్పారు. గర్భిణులు అయోడిన్‌ కలిగిన ఉప్పును ప్రతిరోజూ తగిన మోతాదులో వినియోగించడం వల్ల శిశువు మెదడు అభివృద్ధి చెందుతుందని తెలిపారు. అనంతరం వారోత్సవాలకు సంబంధించిన వాల్‌పోస్టర్లను ఆవిష్కరించారు. కార్యక్రమంలో ఎన్‌సీడీ పీఓఓ డాక్టర్‌ రఘవంశీ, తదితరులు పాల్గొన్నారు.

కొమరాడ: నాన్నమ్మ అంత్యక్రియల్లో పాల్గొనేందుకు వచ్చిన మనవడితో పాటు ఆయన స్నేహితుడు దుర్మరణం పాలైన ఘటన మార్కొండపుట్టి గ్రామంలో విషాదం నింపింది. వివరాల్లోకి వెళ్తే... మండలంలోని మార్కొండపుట్టి గ్రామానికి చెందిన కలిపిండి నారాయణమ్మ(80) శనివారం అనారోగ్యంతో మృతి చెందింది. నారాయణమ్మ కుమారుడు కలిపిండి శ్రీనివాసరావు విశాఖపట్నంలో ఉంటున్నాడు. విషయం తెలుసుకున్న కుమారుడు తన కుటుంబ సభ్యులు, స్నేహితులతో కలిసి నారాయణమ్మ అంత్యక్రియల్లో పాల్గొనేందుకు ఇక్కడకు వచ్చాడు. నారాయణమ్మ అంత్యక్రియలు పూర్తయిన తరువాత వృద్ధురాలి సామగ్రిని స్థానికంగా ఉన్న దుమ్మలవాని చెరువులో కలిపేందుకు కుటుంబ సభ్యులు, స్నేహితులు వెళ్లారు. కార్యక్రమం పూర్తయిన తరువాత కుమారుడు, మనవడితో పాటు స్నేహితులు మొత్తం ఐదుగురు చెరువులో స్నానం చేస్తుండగా ప్రమాదవశాత్తు మనవడు తమరాపు భరత్‌(20), స్నేహితుడు సుభాష్‌ సాయిష్‌(17) చెరువులో లోతైన ప్రాంతంలో కూరుకుపోయి పైకి రాలేకపోయారు. దీంతో వీరిద్దరూ మృతి చెందారు. దీంతో కుటుంబ సభ్యులు, గ్రామస్తులు చెరువు వద్దకు వెళ్లారు. వీరిద్దరినీ రక్షించే ప్రయత్నం చేసినా ఫలితం లేకపోయింది. దీంతో ఆ ప్రాంతమంతా రోదనలతో కన్నీటి సంద్రమయ్యింది. విషయం తెలిసిన ఎస్‌ఐ జగదీస్‌నాయుడు తన సిబ్బందితో చెరువు వద్దకు వెళ్లి మృతదేహాలను వెలికితీసి పోస్టుమార్టం నిమిత్తం పార్వతీపురం జిల్లా ఆస్పత్రికి తరలించారు. కేసు నమోదు చేసి దర్యాప్తు చేపట్టామని ఎస్‌ఐ తెలిపారు. సాయిష్‌ (ఫైల్‌) భరత్‌(ఫైల్‌) చెరువులో మునిగి ఇద్దరు యువకుల మృతి కన్నీరుమున్నీరవుతున్న కుటుంబ సభ్యులు

వార్డుల అభివృద్ధే లక్ష్యంగా, ప్రజా సంక్షేమమే ధ్యేయంగా పార్వతీపురం పట్టణంలో వైఎస్సార్‌సీపీ శ్రేణులు ప్రచారాన్ని ముమ్మరం చేశాయి. శనివారం పట్టణంలోని 21, 22 వార్డుల్లో మాజీ ఎమ్మెల్యే అలజంగి జోగారావు ఆధ్వర్యంలో ఇంటింటి ప్రచారం ఉత్సాహంగా సాగింది. మున్సిపల్‌ చైర్‌పర్సన్‌ అభ్యర్థి పట్నాన సాయిశ్రీ,, 21వ వార్డు అభ్యర్థి సంఘంరెడ్డి సందీప్‌ కుమార్‌, 22వ వార్డు అభ్యర్థి మరిశర్ల భవానిలతో కలిసి నాయకులు గడపగడపకూ వెళ్లి ఓటర్లను కలిశారు. ఈ సందర్భంగా జోగారావు మాట్లాడుతూ మున్సిపల్‌ ఎన్నికల్లో వార్డు సభ్యులు, చైర్‌పర్సన్‌ స్థానాలకు ఫ్యాను గుర్తుపైనే రెండు ఓట్లు వేసి వైఎస్సార్‌సీపీ అభ్యర్థులకు అఖండ విజయాన్ని అందించాలని విజ్ఞప్తి చేశారు. టిట్కో మాజీ చైర్మన్‌ జమ్మన్న ప్రశాంత్‌కుమార్‌, పార్టీ అనుబంధ విభాగాల నాయకులు తదితరులు పాల్గొన్నారు. – పార్వతీపురం రూరల్‌ పాలకొండ: నగర పంచాయతీ వైఎస్సార్‌సీపీ చైర్‌పర్సన్‌ అభ్యర్థి పాలవలస ఇందుమతి ప్రచారం జోరు పెంచారు. శనివారం పట్టణంలోని పలు వార్డుల్లో ఆమె పర్యటించారు. ప్రజల సమస్యలు తెలుసుకుంటూ వాటి పరిష్కారానికి హమీ అందించారు. పట్టణంలో ప్రధానంగా ఉన్న తాగునీటి సమస్యను పరిష్కరిస్తామని తెలిపారు. ఈ సందర్భంగా ఆమెకు పట్టణ ప్రజలు హారతులు పట్టి మద్దతు పలికారు. ఆమెతో పాటు మాజీ జెడ్పీటీసీ సభ్యురాలు పాలవలస గౌరీ పార్వతి, పార్టీ నాయకులు, కౌన్సిలర్‌ అభ్యర్థులు పాల్గొన్నారు. మున్సిపల్‌ ఎన్నికల్లో భాగంగా వైఎస్సార్‌సీపీ చైర్‌పర్సన్‌ అభ్యర్థి రిబ్కారాణి ఇంటింటి ప్రచారంలో దూసుకుపోతున్నారు. శనివారం మాజీ డిప్యూటీ సీఎం రాజన్నదొర ఆధ్వర్యంలో చైర్‌పర్సన్‌ అభ్యర్థితో పాటు 23, 29, 30 వార్డుల కౌన్సిలర్‌ అభ్యర్థులతో కలసి ఆయా వార్డుల్లో ప్రచారం చేశారు. ఈ సందర్భంగా ఓటర్లకు వైఎస్‌ జగన్‌మోహన రెడ్డి అందించిన సంక్షేమ పాలన గురించి వివరించారు. ఆయా వార్డుల్లో ప్రజలు పూలమాలలతో స్వాగతం పలికారు. – సాలూరు రూరల్‌

కొత్తవలస: ఉత్తరాంధ్రలో కూటమి నాయకులు కొత్త సంస్కృతికి తెరలేపారు. ప్రశాంతతకు మారుపేరుగా ఉన్న ఉత్తరాంధ్ర జిల్లాలో ప్రత్యర్థి అభ్యర్థిని కిడ్నాప్‌ చేసేందుకు విఫలయత్నం చేశారు. వివరాల్లోకి వెళ్తే.. కొత్తవలస జెడ్పీటీసీ స్థానం నుంచి వైఎస్సార్‌సీపీ అభ్యర్థిగా నామినేషన్‌ వేసిన తుమ్మికాపల్లి మాజీ సర్పంచ్‌ విరోతి కొండలరావు నామినేషన్‌ దాఖలు చేశారు. నామినేషన్‌ వేసిన నుంచి కొండలరావును కూటమి నేతలు బెదిరింపులకు గురి చేస్తూ వచ్చారు. శుక్రవారం మండల కేంద్రంలో ఎంపీటీసీల నామినేషన్‌ ప్రక్రియ ముగిసిన తరువాత రాత్రి 10.30 గంటల ప్రాంతంలో తన కారులో కొండలరావు తుమ్మికాపల్లి బయలుదేరారు. ఆయన కదలికలపై నిఘా పెట్టిన కూటమి నాయకులు శుక్రవారం రాత్రి వడ్డిపేట సమీపంలో తమ కార్లు అడ్డంగా ఉంచి కొండలరావు కారును అడ్డుకున్నారు. దీంతో కారు లో నుంచి దిగిన కొండలరావును నామినేషన్‌ విత్‌డ్రా చేసుకోవాలని బెదిరిస్తూ వేరే కారులోకి నెట్టే ప్రయత్నం చేశారు. ఈ సమయంలో కొండలరావు చాకచక్యంగా తప్పించుకొని వేరొక మార్గంలో తన ఇంటికి వెళ్లిపోయారు. జరిగిన విషయాన్ని సీఐ విజయకుమార్‌, ఎస్పీకి ఫొన్‌లో వివరించారు. దీంతో ఎస్పీ దామోదర్‌ కొత్తవలస మండలంలో శనివారం పర్యటించి వివరాలు సేకరించారు. జెడ్పీటీసీ నామినేషన్‌ ఉపసంహరించుకోవాలని బెదిరింపు లేకుంటే పరిస్థితులు వేరుగా ఉంటాయని హెచ్చరికలు ఎస్పీకి ఫిర్యాదు చేసిన వైఎస్సార్‌సీపీ అభ్యర్థి

● ఒకరికి తీవ్రగాయాలు ● శ్రీకాకుళంలోని రిమ్స్‌కు తరలింపు సీతంపేట: మండలంలోని సవరగొయిది గ్రామ ఘాట్‌ రోడ్‌లో ఆటో బోల్తా పడిన సంఘటనలో 9 మందికి గాయాలయ్యాయి. క్షతగాత్రులను 108లో స్థానిక ప్రాంతీయ ఆస్పత్రికి తీసుకువచ్చారు. వారిలో ఆటోడ్రైవర్‌ మహేష్‌కు తీవ్రగాయలవడంతో శ్రీకాకుళం సర్వజన ఆస్పత్రికి తరలించారు. మిగిలిన వారికి స్వల్పగాయలవగా స్థానిక ఏరియా ఆస్పత్రిలో చికిత్స పొందుతున్నట్లు సూపరెంటెండెంట్‌ బి.శ్రీనివాసరావు తెలిపారు. ఒడిశాలోని గజపతి జిల్లా జమ్మి, నేరడి గ్రామానికి చెందిన వారు సీతంపేట మండలంలోని కోడిశ గ్రామానికి ఆటోలో 14 మంది బయలు దేరి వెళ్లారు. తిరుగు ప్రయాణంలో ఆటో బ్రేకులు ఫెయిల్‌ కావడంతో ప్రమాదం సంభవించింది. ఈ ఘటనపై ఎస్సై వై.అమ్మన్నరావు కేసు నమోదు చేసి దర్యాప్తు చేస్తున్నారు.

సాలూరు: ఆంధ్రా ఒడిశా వివాదాస్పద కొఠియా గ్రూప్‌ గ్రామాల్లో స్థానిక సంస్థల ఎన్నికల నేపథ్యంలో ఆంధ్రా ప్రాంత నాయకులు చేపడుతున్న ప్రచారాన్ని ఒడిశా రాజకీయ పార్టీల నాయకులు అడ్డుకున్నారు. పట్టుచెన్నేరు వద్ద ఆంధ్రా నేతలను ఒడిశా నాయకులు అడ్డుకుని ఆంధ్రా గో బ్యాక్‌ అంటూ నినాదాలు చేశారు. అంతటితో ఆగకుండా అక్కడ తెలుగులో ఉన్న గ్రామం బోర్డును ఒడిశా నాయకులు తొలగించారు. దీంతో కొఠియా గ్రామాల్లో స్థానిక సంస్థల ఎన్నికల నిర్వహణపై ప్రజలు ఆందోళనకు గురవుతున్నారు. పోటీలో ఉన్న అభ్యర్థులకు, ప్రజలకు ఆంధ్రా ప్రభుత్వం రక్షణ కల్పించాలని కోరుతున్నారు. కొఠియాలో పర్యటించిన బీజేడీ నాయకులు కొఠియాలో ఒడిశా రాష్ట్ర బీజేడీ నాయకులైన మాజీ ఎంపీలు, మాజీ ఎమ్మెల్యేలు శుక్రవారం పర్యటించారు. ఆంధ్రా ప్రభుత్వం చేపట్టిన స్థానిక సంస్థల ఎన్నికలపై నిరసన తెలిపారు. ఆంధ్రా స్థానిక సంస్థల ఎన్నికల నేపథ్యంలో బిజుజనతాదళ్‌ అధ్యక్షుడు మాజీ సీఎం నవీన్‌పట్నాయక్‌ ఒడిశా సీఎంకు ఈ కొఠియా సమస్యపై లేఖ రాశారని, ఎన్నికల మేనిఫెస్టోలో కొఠియా సమస్య పరిష్కరిస్తామని తెలిపిన ఈ బీజేపీ నేతలు ఇచ్చిన హామీలను అమలుచేయడంలో విఫలమయ్యారంటూ బీజేపీ ప్రభుత్వాన్ని నవీన్‌పట్నాయక్‌ విమర్శించారని పేర్కొన్నారు. అయితే సుదీర్ఘకాలం ముఖ్యమంత్రిగా ఉన్న నవీన్‌పట్నాయక్‌ ఈ సమస్య పరిష్కరించకలేకపోయారంటూ ఒడిశా ప్రభుత్వమూ చేస్తున్న ప్రతివిమర్శలతో ఈ కొఠియా గ్రామాల వివాద సమస్య ఒడిశాలో అధికార, ప్రతిపక్షాల మధ్య కాకరేపుతోంది. అవగాహన కల్పించిన ఆంధ్రా సిబ్బంది ఆంధ్రాప్రభుత్వం నిర్వహించనున్న స్థానిక సంస్థల ఎన్నికలకు సంబంధించి ‘ఆంధ్రా ఎన్నికలపై, ఒడిశా డేగ కన్ను’ శీర్షికన సాక్షిలో ప్రచురితమైన కథనంపై కలెక్టర్‌ డా.ఎన్‌ప్రభాకరరెడ్డి ఆదేశాలతో అధికారులు స్పందించారు. ఈ మేరకు పంచాయతీ రాజ్‌, రెవెన్యూ తదితర శాఖల అధికారులు, సిబ్బంది కొఠియా గ్రూప్‌ గ్రామాల్లో పర్యటించి ఈ స్థానిక సంస్థల ఎన్నికల్లో ఓటు హక్కును తప్పకుండా వినియోగించుకోవాలని అవగాహన పెంపొందించారు. ఆంధ్రా పాలకుల్లో చిత్తశుద్ధి కరువు కొఠియా గ్రామాల సమస్య పరిష్కారం చేస్తామని ఆంధ్రా కూటమి నేతలు ఎన్నికల్లో హామీ ఇవ్వడం, ఆంధ్రాలో బీజేపీతో కూడిన కూటమి పార్టీలు అధికారంలో ఉండడం, ఒడిశాలో బీజేపీ ప్రభుత్వమే కొలువుదీరడంతో నాయకుల్లో చిత్తశుద్ధి ఉంటే కచ్చితంగా ఈ కొఠియా గ్రామాల సమస్యకు పరిష్కారం సాధ్యమేనని ఈ ప్రాంతాల ప్రజలు చర్చించుకుంటున్నారు. ఒడిశాలో అధికార, ప్రతిపక్షాల మధ్య వివాదం కొఠియా గ్రామాల్లో ఆంధ్రా నాయకుల ప్రచారం అడ్డగింత తెలుగులో ఉన్న గ్రామం పేరు బోర్డును పీకేసిన ఒడిశా నాయకులు ఆంధ్రా గో బ్యాక్‌..అంటూ నినాదాలు రక్షణ కల్పించాలని కోరుతున్న అభ్యర్థులు, ప్రజలు

విజయనగరం టౌన్‌: ఎన్నికల నిర్వహణకు అవరోధాలు కల్పించే అసాంఘిక శక్తుల తాటతీస్తామని ఎస్పీ ఏఆర్‌.దామోదర్‌ హెచ్చరించారు. అటువంటి వారిపై చట్టపరమైన చర్యలు చేపట్టాలని పోలీసు అధికారులు, సిబ్బందికి ఆదేశాలు జారీచేశారు. ప్రజల భద్రతకు భరోసా కల్పించేందుకు జిల్లా పోలీస్‌శాఖ ఆధ్వర్యంలో వన్‌టౌన్‌ పోలీస్‌స్టేషన్‌ నుంచి గంటస్తంభం, మూడులాంతర్లు, కోట జంక్షన్‌, లయన్స్‌ క్లబ్‌ జంక్షన్‌ మీదుగా బాలాజీ కూడలి, జొన్నగుడ్డి వరకూ పోలీసు బలగాలు కవాతు నిర్వహించాయి. ఎస్పీ దామోదర్‌ స్వయంగా కవాతులో పాల్గొని, ఎన్నికలలో స్వేచ్ఛగా ఓటువేయాలని, బెదిరింపులకు, ప్రలోభాలాకు లొంగవద్దని, పోలీసుశాఖ అండగా ఉంటుందని భరోసా కల్పించారు. ప్రజలతో సంయమనంతో వ్యవహరించాలని, దుందుడుకు చర్యలకు పాల్పడే వారిపట్ల, ఎన్నికల నిబంధనలు ఉల్లంఘించే అసాంఘిక శక్తులతో కఠినంగా వ్యవహరించాలని పోలీస్‌ సిబ్బందికి సూచించారు. ఎన్నికల నిబంధనల పట్ల ప్రజలకు అవగాహన కల్పించడంతో ప్రాదేశిక ఎన్నికల నామినేషన్‌ ప్రక్రియలో జిల్లాలో ఎక్కడా ఎటువంటి అవాంఛనీయ సంఘటనలు జరగలేదన్నారు. చట్టాన్ని గౌరవించే వారికి మాత్రమే ఫ్రెండ్లీ పోలీసింగ్‌ అని, చట్టవ్యతిరేక చర్యలకు పాల్పడితే కఠినచర్యలు తప్పవని స్పష్టం చేశారు. పైడితల్లి అమ్మవారి పండగ, ప్రాదేశిక ఎన్నికలు వరసగా వచ్చినందున పోలీసు అధికారులు, సిబ్బంది మరింత శ్రమించి ప్రాదేశిక ఎన్నికలు, అమ్మవారి పండగను విజయవంతంగా నిర్వహించేందుకు అంకితభావంతోనూ, రెట్టింపు ఉత్సాహంతో పనిచేయాలని కోరారు. పట్టణంలోని సమస్యాత్మక ప్రాంతాలైన జొన్నగుడ్డి, బాబామెట్ట, పూల్‌బాగ్‌, వైఎస్‌ఆర్‌ నగర్‌ ప్రాంతాల్లో గస్తీ నిర్వహించేందుకు వంద మంది పోలీసు సిబ్బందిని కేటాయించి, రాత్రి సమయాల్లో గస్తీ నిర్వహిస్తామన్నారు. ప్రశాంతంగా పైడితల్లి జాతర, ప్రాదేశిక ఎన్నికలు నిర్వహించాలి : ఎస్పీ ఏఆర్‌ దామోదర్‌ 600 మంది పోలీస్‌ బలగాలు, అధికారులు, సిబ్బందితో కవాతు

గుమ్మలక్ష్మీపురం: జాతీయస్థాయి హ్యాండ్‌ బాల్‌ పోటీలకు గుమ్మలక్ష్మీపురం మండలం కొత్తగూడ ప్రభుత్వ గిరిజన సంక్షేమ బాలుర ఆశ్రమ పాఠశాలలో 9వ తరగతి చదువుతున్న బిడ్డిక సుధీర్‌ ఎంపికై నట్లు ఆ పాఠశాల పీడీ నిమ్మల మాధవరావు తెలిపారు. ఈ మేరకు ఈనెల 10 నుంచి 12 వరకు గుంటూరు జిల్లా తెనాలిలో జరిగిన రాష్ట్రస్థాయి పోటీల్లో పాల్గొన్న సుధీర్‌ ఉత్తమ ప్రతిభ కనబర్చి జాతీయ స్థాయికి ఎంపికయ్యాడని, ఈనెల 27 నుంచి 31 వ తేదీ వరకూ మధ్యప్రదేశ్‌ రాష్ట్రం ఉమారియాలో జరిగే జాతీయస్థాయి పోటీలకు వెళ్లనున్నట్లు తెలిపారు. జాతీయ పోటీల్లో కూడా ఉత్తమ ప్రతిభ కనబర్చాలని పీడీ ప్రోత్సహించారు.

విజయనగరం అర్బన్‌: మున్సిపల్‌ ఎన్నికల విధుల్లో పాల్గొనే ప్రభుత్వ అధికారులు, సిబ్బంది, పోలీసు సిబ్బంది తమ ఓటును హక్కును వినియోగించుకునేందుకు ఈ నెల 28న ప్రత్యేకంగా ఫెసిలిటేషన్‌ కేంద్రాలను ఏర్పాటు చేయాలని జిల్లా ఎన్నికల అధికారి, కలెక్టర్‌ ఎస్‌.రాంసుందర్‌రెడ్డి ఆదేశించారు. అర్హులైన ప్రతి ఉద్యోగి పోస్టల్‌ బ్యాలెట్‌ ద్వారా ఓటు వేసేలా అవసరమైన ఏర్పాట్లు పూర్తి చేయాలని సూచించారు. నవంబరు 1న జరగనున్న మున్సిపల్‌ ఎన్నికల నిర్వహణ ఏర్పాట్లపై శుక్రవారం తన చాంబర్‌లో మున్సిపల్‌ కమిషనర్లతో నిర్వహించిన సమీక్షలో ఆయన ఈ ఆదేశాలు జారీ చేశారు. పోలింగ్‌ రోజున అత్యవసర విధులు నిర్వర్తించే పోలీసు సిబ్బంది, ప్రిసైడింగ్‌ అధికారులు, రూట్‌ అధికారులు, వాహన డ్రైవర్లు ఫెసిలిటేషన్‌ కేంద్రాల ద్వారా పోస్టల్‌ బ్యాలెట్‌ ఓటు హక్కును వినియోగించుకోవచ్చని కలెక్టర్‌ తెలిపారు. విజయనగరం నగరపాలక సంస్థతోపాటు నెల్లిమర్ల, బొబ్బిలి మున్సిపాలిటీల్లో ఏర్పాటు చేసే కేంద్రాల్లో గెజిటెడ్‌ అధికారులను అందుబాటులో ఉంచాలని, సంబంధిత పత్రాలపై సంతకాలు, ధ్రువీకరణ ప్రక్రియను అక్కడికక్కడే వేగంగా పూర్తి చేయాలని ఆదేశించారు. కేంద్రాల వివరాలను వెంటనే ప్రకటించాలని సూచించారు. 25న అభ్యర్ధుల తుది జాబితా ఎన్నికల సంఘం ఆదేశాల మేరకు మున్సిపాలిటీల్లో పోటీ చేస్తున్న అభ్యర్థుల తుది జాబితాను ఈ నెల 25న ప్రచురించనున్నట్లు కలెక్టర్‌ వెల్లడించారు. ఎన్నికల సిబ్బంది పోస్టల్‌ బ్యాలెట్ల ద్వారా ఓటు వేసేలా 28న ఫెసిలిటేషన్‌ కేంద్రాలను ఏర్పాటు చేయడంతోపాటు, పోలైన ఓట్లను భద్రపరిచేందుకు పటిష్టమైన స్ట్రాంగ్‌ రూమ్‌లను సిద్ధం చేయాలని ఆదేశించారు. సర్వీసు ఓట్లు, పోస్టల్‌ బ్యాలెట్ల నిర్వహణపై సమీక్షించి పలుసూచనలు చేశారు. రాజాం ఎన్నికల నిర్వహణ ఏర్పాట్లపై చర్చించారు. విధుల నుంచి మినహాయింపు లేదు స్థానిక సంస్థల ఎన్నికల విధులకు కేటాయించిన సిబ్బందిలో ఎవరికీ మినహాయింపు ఉండదని కలెక్టర్‌ స్పష్టం చేశారు. విధులకు సంబంధించి జారీ చేసిన ఆదేశాలను పాటించని వారిపై వెంటనే క్రమశిక్షణ చర్యలు తీసుకోవాలని అధికారులను ఆదేశించారు. శిక్షణ కార్యక్రమాలకు సిబ్బంది తప్పనిసరిగా హాజరుకావలని, పోలింగ్‌ సిబ్బందికి వివిధ దశల్లో నిర్వహించాల్సిన శిక్షణను త్వరితగతిన పూర్తి చేయాలని సూచించారు. సమావేశంలో డీఆర్‌ఓ సీహెచ్‌ సత్తిబాబు, డీఈఓ మాణిక్యంనాయుడు, మున్సిపల్‌ కమిషనర్లు బాలస్వామి, రామలక్ష్మి, గోవిందరావు, రామచంద్రరావు, ఎన్నికల సూపరింటెండెంట్‌ ప్రసాద్‌, ఇతర అధికారులు పాల్గొన్నారు. ఫెసిలిటేషన్‌ కేంద్రాల ఏర్పాటు

విజయనగరం/విజయ నగరం క్రైమ్‌: ఉత్తరాంధ్రుల ఇలవేల్పు పైడితల్లమ్మవారి సిరిమానోత్సవాన్ని పురస్కరించుకుని భక్తులకు అందించే ప్రసాదాలను జిల్లా ఆహార భద్రత అధికారిణి ఎస్‌.ఈశ్వరి శుక్రవారం పరిశీలించారు. ప్రసాదాల తయారీలో పరిశుభ్రత, నాణ్యత, ఆహార భద్రతా ప్రమాణాలను తప్పనిసరిగా పాటించాలని సంబంధిత సిబ్బందికి సూచనలు చేశారు. ఈ సందర్భంగా కొన్ని ఆహార పదార్థాల నమూనాలను సేకరించి, నాణ్యతా విశ్లేషణ నిమిత్తం ప్రయోగశాలకు పంపించారు. భక్తులకు నాణ్యమైన, సురక్షితమైన ప్రసాదాలను అందించేందుకు అవసరమైన జాగ్రత్తలు తీసుకోవాలని ఆమె సూచించారు. కార్యక్రమంలో ఆహార భద్రతాధికారి పి.శ్రీనుతో పాటు జిల్లా ఆహార భద్రతాధికారి కార్యాలయం సిబ్బంది పాల్గొన్నారు.

విజయనగరం ఫోర్ట్‌: జిల్లా కేంద్రంలో కార్పొరేషన్‌ ఎన్నికల నేపథ్యంలో ఎన్నికల కోడ్‌ అమలులో ఉంది. ప్రభుత్వ సర్వజన ఆస్పత్రిలోని కంటి విభాగం వద్ద సోలార్‌ రూఫ్‌టాప్‌కు సంబంధించిన ఫ్లెక్సీలో పీఎం మోడీతో పాటు, సీఎం చంద్రబాబు, విద్యుత్‌శాఖ మంత్రి రవికుమార్‌ల ఫొటోలు కూడా ఉన్నాయి. వాటికి ఎటువంటి ముసుగులు వేయలేదు. ఇదిచూసినా వారంతా ఇదేమి చోద్యం అని చర్చించుకుంటున్నారు. పైడితల్లి అమ్మవారి జాతరకు వైద్య శిబిరాలువిజయనగరం ఫోర్ట్‌: ఉత్తరాంధ్రుల ఆరాధ్య దైవం పైడితల్లి అమ్మవారి జాతర సందర్భంగా పట్టణంలో 6 చోట్ల 24 గంటల పాటు ఉచిత వైద్య సేవలు భక్తుల సౌకర్యార్థం వైద్యులు, పారామెడికల్‌ సిబ్బందితో ప్రత్యేక ప్రఽథమ చికిత్స కేంద్రాలు ఏర్పాటు చేస్తున్నట్లు డీఎంహెచ్‌ఓ డాక్టర్‌ ఎస్‌. జీవనరాణి తెలిపారు. పట్టణంలోని ఆరు ప్రధాన ప్రాంతాల్లో ఆక్టోబర్‌ 26, 27తేదీల్లో 24 గంటల పాటు ఉచిత ప్రఽఽథమ చికిత్స కేంద్రాలను ఏర్పాటు చేసినట్లు తెలిపారు. రైల్వేస్టేషన్‌, ఆర్టీసీ కాంప్లెక్స్‌, కోట జంక్షన్‌ బస్‌ షెల్టర్‌, పైడితల్లి అమ్మవారి ఆలయం లోపల ఎగ్జిట్‌ పాయింట్‌, గుమ్చీ జంక్షన్‌, దాసన్న పేట రోడ్డు వద్ద వైద్య శిబిరాలు ఏర్పాటు చేసినట్లు తెలిపారు. ప్రతి కేంద్రంలో ఉదయం 8గంటల నుంచి మరుసటి రోజు ఉదయం 8 గంటల వరకు మూడు షిఫ్టుల్లో వైద్యులు, పారామెడికల్‌ సిబ్బంది, ఆశ కార్యకర్తలు సేవలందిస్తారని తెలిపారు. అవసరమైన ప్రథమ చికిత్స మెడికల్‌ కిట్లను సంబంధిత పట్టణ ప్రాథమిక ఆరోగ్య కేంద్రాల ద్వారా ముందుగానే సరఫరా చేస్తారని తెలిపారు. సరస్‌ మేళా ప్రారంభంవిజయనగరం ఫోర్ట్‌: అఖిల భారత డ్వాక్రా బజార్‌ (సరస్‌ మేళా)ను స్థానిక మాన్సాస్‌ గ్రౌండ్‌లో సెర్ప్‌ సీఈఓ వాకాటి కరుణ శుక్రవారం ప్రారంభించారు. ఈ సందర్భంగా ఆమె మాట్లాడుతూ డ్వాక్రా చేనేత హస్త కళ ప్రదర్శనలు ఆకట్టుకున్నాయన్నారు. వివిధ రాష్ట్రాల నుంచి మహిళా సంఘాలు తయారు చేసిన వస్తువులు సరస్‌ మేళాలో ఏర్పాటు చేశారని చెప్పారు. కార్యక్రమంలో కలెక్టర్‌ ఎస్‌. రాంసుందర్‌ రెడ్డి, జిల్లా ప్రధాన న్యాయమూర్తి ఎం.బబిత, ఎస్పీ ఏఆర్‌.దామోదర్‌ తదితరులు పాల్గొన్నారు. బుర్రకథ కళాకారుడి ఆత్మహత్య?గంట్యాడ: మండలంలోని బూడిపేట గ్రామానికి చెందినిఽ బుర్రకథ కళాకారుడు దూళి.లక్ష్మణరావు(42) బావిలో పడి ఆత్మహత్యకు పాల్పడినట్లు తెలుస్తోంది. ఈ ఘటనపై పోలీసులు తెలిపిన వివరాల ప్రకారం గ్రామానికి చెందిన లక్ష్మణరావు బుర్రకఽథలు చెబుతూ జీవనం సాగిస్తుస్నారు. ఆయనకు ఇద్దరు భార్యలు కాగా, మొదటి భార్య అశ్వినికి, ఇద్దరు ఆడ పిల్లలు ఉన్నారు. రెండో భార్య గౌరికి ఒక పాప ఉంది. కరోనా సమయంలో గౌరి అనారోగ్యంతో మృతి చెందడంతో, అప్పటి నుంచి లక్ష్మణరావు డిప్రెషన్‌కు గురై తన రెండో భార్య కుమార్తెతో కలిసి విశాఖపట్నంలోని కొమ్మాది ప్రాంతంలో నివాసముంటున్నారు. ఈ నేపథ్యంలో ఈ నెల20న దసరా పండగ సందర్భంగా అయన స్వగ్రామానికి వెళ్తానని చెప్పి విశాఖపట్నం నుంచి బయలుదేరాడు. ఈ క్రమంలో కొర్లాం టోల్‌ ప్లాజా వద్ద తోటలోని నేల బావిలో లక్ష్మణరావు విగతజీవిగా శుక్రవారం కనిపించాడు. స్థానికుల సమాచారంతో మొదటి భార్య అశ్విని పోలీసులకు ఫిర్యాదు చేసింది. ఆమె ఇచ్చిన ఫిర్యాదు మేరకు కేసు నమోదు చేసి, మృతదేహాన్ని పోస్ట్‌మార్టం నిమిత్తం తరలించినట్లు ఎస్సై కె.లక్ష్మణరావు తెలిపారు. ఈ ఘటనపై దర్యాప్తు నివేదిక తర్వాత పూర్తి సమాచారం వెల్లడిస్తామని ఎస్సై పేర్కొన్నారు.

● శాసన మండలి విపక్షనేత బొత్స సత్యనారాయణ విజ్ఞప్తిబొండపల్లి: స్థానిక సంస్దల ఎన్నికల్లో గ్రామాల్లో వైఎస్సార్‌సీపీ తరఫున నిలబడిన అభ్యర్దుల విజయానికి కృషి చేయాలని శాసన మండలి విపక్షనేత బొత్స సత్యనారాయణ, గజపతినగరం మాజీ ఎమ్మెల్యే, బొత్స అప్పలనరసయ్యలు కోరారు. ఈ మేరకు మండలంలోని జె.గుమడాం గ్రామానికి చెందిన టీడీపీ సీనియర్‌ నాయకుడు మంత్రి నారం నాయుడు తన అనుచరులతో కలిసి వైఎస్సార్‌సీపీలో శుక్రవారం చేరగా పార్టీ కండువా వేసి ఆయనను సాదరంగా ఆహ్వానించారు. ఈ సందర్భంగా మాజీ మంత్రి బొత్స సత్యనారాయణ మాట్లాడుతూ కూటమి పాలనలో వారిలో వారు కుమ్ములాడుకోవడం తప్ప, ప్రజల సమస్యల గురించి పట్టించుకున్న దాఖలాలు లేవన్నారు. మరో రెండున్నర సంవత్సరాల కాలంలో పార్టీకి ప్రజలు పట్టం కట్టడానికి ఎదురు చూస్తున్నారని, అలాగే స్దానిక సంస్దల ఎన్నికల్లో కూడా కూటమి అభ్యర్దులకు చరమగీతం పాడడానికి సిద్ధంగా ఉన్నారని తెలిపారు. పార్టీ జిల్లా అద్యక్షుడు బెల్లాన చంద్ర శేఖర్‌ మాజీ ఎంపీపీ చల్లా చలం నాయుడు, పార్టీ మండల అధ్యక్షుడు బొద్దల చిన్నంనాయుడు, సాలాపు పెంటం నాయుడు, మంత్రి గోవింద, ములపర్తి రమణ తదితరులు కార్యక్రమంలో పాల్గొన్నారు. వైఎస్సాఆర్‌సీపీలో చేరిన కూటమి నాయకులుభామిని: మండల కేంద్రానికి చెందిన కూటమి కార్యకర్తలు టీడీపీ,జనసేన మధ్య రగులుతున్న తగాదాలను భరించలేక శుక్రవారం వైఎస్సాఆర్‌సీపీలో చేరారు. భామినికి చెందిన కూటమి నాయకులు పోతల రాంబాబు, గౌడో మోహన, పోతల కిశోర్‌, గుర్జాపు జగదీష్‌ శ్రీరామ్‌ మధు, బాదాపు సురేష్‌, శ్రీరామ్‌ హరికృష్ణల ఆధ్వర్యంలో 40 కుటుంబాలు వైఎస్సాఆర్‌సీపీలో చేరాయి. ఈ మేరకు పార్టీలో చేరిన కూటమి నాయకులకు పాలకొండ మాజీ శాసనసభ్యులు విశ్వాసరాయి కళావతి పార్టీ కండువాలు కప్పి సాదరంగా ఆహ్వానించారు. భామిని వైఎస్సాఆర్‌సీపీ నాయకులు గేదెల మోహన, పోతల మజ్జి,రొక్కం రమేష్‌, బొమ్మాళి సంజీవ్‌, పోతల హరికృష్ణల సారథ్యంలో వారంతా పార్టీలో చేరారు. వైఎస్సార్‌సీపీలో చేరికలు సాలూరు: మున్సిపాలిటీలోని వివిధ వార్డుల నుంచి నాయకులు, ప్రజలు వైఎస్సార్‌సీపీలో చేరుతున్నారు. 16వ వార్డు నుంచి దాసరి అచ్చయ్య, తదితర సుమారు 43 కుటుంబాలు వైఎస్సార్‌సీపీలో శుక్రవారం చేరాయి. 6 తదితర పలు వార్డుల నుంచి అనేక కుటుంబాలు వైఎస్సార్‌సీపీ తీర్థం పుచ్చుకున్నాయి. వారందరికీ మాజీ డిప్యూటీ సీఎం పీడిక రాజన్నదొర పార్టీ కండువాలు వేసి పార్టీలోకి ఆహ్వానించారు. మున్సిపల్‌ ఎన్నికల్లో ఽ గెలుపే ధ్యేయంగా అందరు సమష్టిగా సమన్వయంతో పనిచేయాలని రాజన్నదొర త సందర్భంగా కోరారు.

● అందని బాలికా సంరక్షణ పథకం ● వేలాది మంది ఎదురుచూపులు ● ఇద్దరు ఆడపిల్లలైతే రూ.60 వేలు.. ● ఒక ఆడపిల్ల అయితే రూ.లక్ష ఇవ్వాలివిజయనగరం ఫోర్ట్‌: గంట్యాడ మండలానికి చెందిన పి.నీలిమ 2002లో జన్మించింది. ఆమెకు ఒక చెల్లి కూడా ఉంది. అప్పట్లో వారి తల్లిదండ్రులు బాలికా సంరక్షణ పథకం (జీసీపీఎస్‌) పథకం కోసం దరఖాస్తు చేయగా వారికి పథకానికి సంబంధించిన బాండు కూడా ఇచ్చారు. 20 ఏళ్లు నిండిన తర్వాత ఆమెకు రూ.30 వేలు రావాలి. ఆమెకు 24 ఏళ్లు వచ్చినా డబ్బులు అందలేదు. ఐసీడీఎస్‌ అధికారులను అడిగినా వారు ఏమీ చెప్పడం లేదు. ఇలా ఈమె ఒక్కరే కాదు. జీసీపీఎస్‌ ద్వారా ఇచ్చే ప్రోత్సాహకం కోసం జిల్లా వ్యాప్తంగా వేలాది మంది ఎదురుచూస్తున్నారు. కొంతమందికి వివాహాలు కూడా జరిగిపోయాయి. ఇంకొంతమంది ఆ డబ్బులు వస్తే వివాహం చేయాలని చూస్తున్నారు. ఈ పథకం కోసం పేద వర్గాలకు చెందిన వారే అధికశాతం మంది దరఖాస్తు చేసుకున్నారు. ఇప్పుడు వారంతా పథకం లబ్ధికోసం నిరీక్షిస్తున్నారు. ఆడపిల్లలను కన్నవారిని ప్రోత్సహించడం కోసం బాలికా సంరక్షణ పథకాన్ని అప్పట్లో ప్రవేశ పెట్టారు. ఒక ఆడపిల్ల అయితే రూ.లక్ష, ఇద్దరు ఆడపిల్లలైతే రూ. 60 వేలు (ఒక్కో ఆడపిల్లకు రూ.30 వేలు చొప్పున) బాలికకు 20 ఏళ్లు నిండిన తర్వాత అందివ్వాలన్నది పథకం ఉద్దేశ్యం. వేలాది మంది ఎదురుచూపులు బాలికా సంరక్షణ పథకం నిబంధనల ప్రకారం జిల్లాలో చాలా మంది బాలికలకు 20 ఏళ్లు నిండాయి. వారందరికీ ప్రభుత్వం డబ్బులు అందజేయాలి. 20 ఏళ్లు నిండిన అమ్మాయిల తల్లిదండ్రులు సీడీపీఓ, పీడీ కార్యాలయాల్లో డబ్బుల గురించి అడిగితే అక్కడి అధికారులు స్పష్టత ఇవ్వడం లేదనే ఆరోపణలు వినిపిస్తున్నాయి. ఉమ్మడి విజయనగరం జిల్లాలో 42,980 మంది జీసీపీఎస్‌ పథకానికి అర్హులున్నారు. వారిలో ఒక ఆడపిల్లకు రూ.లక్ష వస్తుందని అశించిన తల్లిదండ్రులు గంపెడాశలు పెట్టుకున్నారు. పేదవారైతే వివాహ ఖర్చులకు సరిపోతాయని ఆశించారు. ఉన్నతాధికారుల దృష్టిలో ఉంది బాలికా సంరక్షణ పథకానికి సంబంధించి 20 ఏళ్లు దాటిన వారికి డబ్బుల చెల్లింపు విషయం ఉన్నతాధికారుల దృష్టిలో ఉంది. కేవీ బాలామణి, పీడీ, ఐసీడీఎస్‌

● కుమారుడితో కలిసి భర్తకు వ్యతిరేకంగా ప్రచారం బొబ్బిలి: ఈ చిత్రంలో కనిపిస్తున్న మహిళ మున్సిపల్‌ ఎన్నికల్లో వైఎస్సార్‌సీపీ అభ్యర్థులను గెలిపించాలని ప్రచారం చేస్తోంది. ఇందులో విచిత్రం ఏముంది అని అనుకోవద్దు. నిజంగా ఇది విచిత్రమే మరి. ఈమె పేరు కోసూరు జయలక్ష్మి. ఈమె ప్రచారం చేస్తున్నది ఆమె భర్తతో పోటీ పడుతున్న అభ్యర్థిని గెలిపించాలని. స్థానికులంతా ఆశ్చర్యపోయిన ఈ ఘటన బొబ్బిలిలోని 17వ వార్డులో సంభవించింది. ఈమె భర్త కోసూరు బ్రహ్మాజీ 17వ వార్డు టీడీపీ అభ్యర్థి. ఇతనికి పోటీగా వైఎస్సార్‌ సీపీ కొమ్మోజు హరిబాబును అభ్యర్థిగా దింపింది. శుక్రవారం ఈ వార్డులో వైఎస్సార్‌సీపీ చైర్‌పర్సన్‌ అభ్యర్థి తూముల అచ్యుతవల్లి, కౌన్సిలర్‌ అభ్యర్థి హరిబాబులు ప్రచారం చేశారు. ఈ సమయంలోనే జయలక్ష్మి వచ్చి హరిబాబును, జయలక్ష్మిని గెలిపించాలని ప్రజలను కోరింది. వైఎస్సార్‌సీపీ కండువా వేసుకుని ప్రచారం చేసింది. తన భర్త తనను మోసం చేశాడని చెబుతోంది. చిన్నపిల్లలున్నప్పటినుంచే ఎడంగా ఉండడంతో ఆమె తన కుమారుడు యశ్వంత్‌తో సహా ప్రచారం చేస్తోంది. మరో విషయం ఏమిటంటే హరిబాబు నామినేషన్‌ పత్రాలపై యశ్వంత్‌ సాక్షి సంతకం చేసిన అనంతరం ప్రచారంలో పాల్గొన్నాడు. ఈ వింతను పట్టణంలోని పలువురు ఆశ్చర్యంగా చూస్తున్నారు.

సీతానగరం: మండలంలోని పలు గ్రామాల్లో సంచరిస్తున్న గజరాజులు గురువారం గుచ్చిమి గ్రామంలోని సూరప్ప చెరువులో జలకాలాడుతున్నాయి. పదిరోజులుగా వివిధ గ్రామాల్లో సంచరిస్తున్న గజరాజులు పగటి పూట చెరువులు, తోటల్లో నివసిస్తున్నాయని స్థానికులు తెలి యజేశారు. బీటీరోడ్లపై గజరాజులు సంచరి స్తున్న కారణంగా బందలుప్పి, పులిగుమ్మి రేపటివలస, చిన్నారాయుడుపేట, సీతారాంపురం గుచ్చిమి గ్రామాలకు రాకపోకలు చేస్తున్న వారు జాగ్రత్తలు పాటించాలని అటవీ శాఖ అధికారులు కోరుతున్నారు. గరుగుబిల్లి: తోటపల్లిలోని శ్రీ వెంకటేశ్వరస్వామి ఆలయంలో భక్తులు హుండీలలో వేసిన కానుకల ద్వారా రూ.8,16,158ల నగదు ఆదా యంగా వచ్చిందని ఆలయ కార్యనిర్వాహణా ధికారి వీవీ.సూర్యనారాయణ గురువారం తెలి పారు. శ్రీ వెంకటేశ్వరస్వామి ఆలయం హుండీ నుంచి రూ.8,12,489లు, 25.600 గ్రాముల బంగారం, 3.100 కిలోల వెండి వచ్చింది. అలాగే శ్రీకోదండ రామాలయం హుండీ నుంచి రూ.3,669లు నగదు వచ్చిందన్నారు. గురువారం నిర్వహించిన హుండీల ఆదాయం లెక్కింపు కార్యక్రమాన్ని పాలకొండ శ్రీ జగన్నాథ స్వామి ఆలయ ఈఓ కె.పరమేశ్వరి పర్యవేక్షణ లో ఈఏడాది జూలై 10నుంచి అక్టోబర్‌ 22వ తేదీవరకు సంబంధించిన ఆలయాల హుండీలలో భక్తులు స్వామివారికి వేసిన మొక్కులు, ముడుపులను లెక్కించినట్లు తెలిపారు. ఈ లెక్కింపులో శ్రీస్వామివారి సేవకులు, సిబ్బంది, భక్తులు, తదితరులు పాల్గొన్నారు. పార్వతీపురం రూరల్‌: జిల్లా పరిధిలోని పట్టణ, ఏజెన్సీ, గ్రామీణ ప్రాంతాల్లో ఉన్న ప్రైవేటు ఆస్పత్రులు, క్లినిక్‌లు, ల్యాబ్‌లు, స్కానింగ్‌, ఫెర్టిలిటీ, ఫిజియోథెరపీ, డెంటల్‌ తదితర వైద్య కేంద్రాలు క్లినికల్‌ ఎస్టాబ్లిష్‌మెంట్‌ చట్టం–2002 ప్రకారం డీఎంహెచ్‌ఓ కార్యాలయంలో తప్పనిసరిగా ఆన్‌లైన్‌లో నమోదు చేసుకోవాలని జిల్లా వైద్య ఆరోగ్య శాఖాధికారి డాక్టర్‌ పి.విజయలక్ష్మి స్పష్టం చేశారు. రిజిస్ట్రేషన్‌ లేకుండా నిర్వహిస్తే చట్టపరమైన చర్యలు తప్పవని గురువారం విడుదల చేసిన పత్రికా ప్రకటనలో ఆమె హెచ్చరించారు. రిజిస్ట్రేషన్‌ కోసం హెచ్‌టీటీపీఎస్‌://క్లినికల్‌ ఎస్ట్‌ యాక్ట్‌.ఏపీ.గవ్‌.ఇన్‌ వెబ్‌సైట్‌లో దరఖాస్తు చేసుకోవాలని సూచించారు. స్కానింగ్‌ సెంటర్ల నిర్వాహకులు ప్రత్యేకంగా హెచ్‌టీటీపీఎస్‌://పీసీపీఎన్‌డీటీ.ఏపీ.గవ్‌.ఇన్‌ పోర్టల్‌లో తమ వివరాలను రిజిస్టర్‌ చేసుకోవాలని సూచించారు.

శిక్షణ కార్యక్రమంలో పాల్గొన్న అధికారులు, మాట్లాడుతున్న కలెక్టర్‌ డా.ఎన్‌ ప్రభాకరరెడ్డిపార్వతీపురం రూరల్‌: మున్సిపల్‌ ఎన్నికల విధుల్లో పాల్గొనే ప్రిసైడింగ్‌ అధికారులు (పీఓ), అసిస్టెంట్‌ ప్రిసైడింగ్‌ అధికారులు (ఏపీఓ) ఎన్నికల నిబంధనలను కచ్చితంగా పాటించాలని జిల్లా ఎన్నికల అధికారి, కలెక్టర్‌ డాక్టర్‌ ఎనన్‌.ప్రభాకర్‌రెడ్డి ఆదేశించారు. ఈ మేరకు గురువారం స్థానిక లయన్స్‌ క్లబ్‌ కల్యాణ మంటపంలో ఎన్నికల సిబ్బందికి నిర్వహించిన శిక్షణ కార్యక్రమంలో ఆయన మాట్లాడారు. ఎన్నికల ప్రక్రియను పారదర్శకంగా, నిష్పక్షపాతంగా నిర్వహించాలని సూచించారు. పోలింగ్‌ కేంద్రంలో జరిగే ప్రతి కార్యకలాపానికి పీఓదే పూర్తి బాధ్యత అని, కాబట్టి వారి వద్ద మాత్రమే మొబైల్‌ ఫోన్‌ ఉండాలని స్పష్టం చేశారు. ఏపీఓలు, ఇతర సిబ్బందికి ఫోన్లకు అనుమతి లేదన్నారు. దొంగ ఓట్లను నివారించేందుకు ఓటరు కార్డులను క్షుణ్ణంగా పరిశీలించాలని, వేలికి వేసిన సిరా గుర్తు ఆరిన తర్వాతే ఓటింగ్‌కు అనుమతించాలని సూచించారు. పోలింగ్‌ రోజున సిబ్బంది గంట ముందే కేంద్రానికి చేరుకోవాలన్నారు. నామినేషన్ల స్వీకరణ, పరిశీలన, ఉపసంహరణ ప్రక్రియలను ఎన్నికల షెడ్యూల్‌ ప్రకారం మార్గదర్శకాలకు లోబడి పూర్తి చేయాలన్నారు. పీఓ హ్యాండ్‌బుక్‌ను ఆసాంతం చదివి, విధుల్లో సొంత అభిప్రాయాలకు తావులేకుండా నిబంధనల ప్రకారమే విధులు నిర్వర్తించాలని స్పష్టం చేశారు. నిబంధనలు ఉల్లంఘించినా, పక్షపాతంగా వ్యవహరించినా చర్యలు తీసుకుంటామని హెచ్చరించారు. కార్యక్రమంలో పార్వతీపురం మున్సిపల్‌ కమిషనర్‌ బి.రామ్‌గోపాల్‌, పీఓలు, ఏపీఓలు పాల్గొన్నారు.

సుమారు 79,000 జనాభా, 13,059 గృహా లున్న పార్వతీపురం మున్సిపాలిటీ సమస్యల సుడిగుండంలో చిక్కుకుంది. అధికారంలోకి వచ్చిన వంద రోజుల్లోనే డంపింగ్‌ యార్డ్‌ తరలింపు, సురక్షిత తాగునీరు, మెరుగైన రహదా రుల నిర్మాణం చేపడతామన్న కూటమి పాలకుల హామీలు ఏళ్లు గడుస్తున్నా ఆచరణకు నోచుకోలేదు. మున్సిపాలిటీ పరిధిని 30 నుంచి 36 వార్డులకు విస్తరించారు తప్ప.. మౌలిక సదుపాయాల కల్పనలో కించిత్‌ మార్పు కూడా కానరావడం లేదు. కనీస అవసరమైన తాగునీరు సక్రమంగా అందక పట్టణవాసుల గొంతెండుతోంది. కుళాయిల్లో వస్తున్న నామమాత్రపు బురద నీటిని సీసాల్లో నింపుకుని, మహిళలు మున్సిపల్‌ కార్యాలయం ఎదుట ఖాళీ బిందెలతో నిరసనలు తెలుపుతున్న దయనీయ పరిస్థితులు నెలకొన్నాయి. ●మరోవైపు, ప్రధాన రహదారిపై డ్రైనేజీ వ్యవస్థ అస్తవ్యస్తంగా మారడంతో చిన్నపాటి చినుకు పడినా రహదారులు జలమయమై చెరువులను తలపిస్తున్నాయి. వర్షం వస్తే పలు వీధులుజలదిగ్బంధంలో చిక్కుకుంటున్నాయి. ●వీధిదీపాలు వెలగక రాత్రివేళ పలు కాలనీలు అంధకారంలో మగ్గుతూ ప్రజలను భయాందోళనకు గురిచేస్తున్నాయి. ●ఇక పాలనా పరంగా చూస్తే.. మున్సిపల్‌ కార్యాలయంలో నెలకొన్న తీవ్ర సిబ్బంది కొరత వ్యవస్థను కుంగదీస్తోంది. ప్రధాన విధులకు సంబంధించిన అధికారుల కుర్చీలు ఖాళీ గా దర్శనమిస్తుండడంతో పాలనా యంత్రాంగం పనితీరు పూర్తిగా కుంటుపడింది.

విజయనగరం క్రైమ్‌: ఈ నెల 26,27 తేదీలలో జరగనున్న పైడితల్లి అమ్మవారి తొలేళ్లు, సిరిమానోత్సవం రోజుల్లో భక్తులకు సురక్షితమైన, సౌకర్యవంతమైన దర్శనం కల్పించేందుకు పటిష్టమైన ఏర్పాట్లు చేపట్టాలని కలెక్టర్‌ ఎస్‌. రాంసుందర్‌ రెడ్డి అధికారులను ఆదేశించారు. ఈ మేరకు గురువారం ఉదయం ఎస్పీ ఏఆర్‌. దామోదర్‌తో కలిసి సిరిమానోత్సవ ఏర్పాట్లను క్షేత్రస్థాయిలో కలెక్టర్‌ రాంసుందర్‌ రెడ్డి పరిశీలించారు. కోట నుంచి మూడు లాంతర్లు, అమ్మవారి ఆలయం, శివాలయం వీధి కూడలి, అంబటి సత్రం జంక్షన్‌ వరకు, అలాగే దర్గా నుంచి శ్రీకాకుళం రోడ్డు వైపు చేపడుతున్న బారికేడ్ల ఏర్పాట్లను పరిశీలించారు. భక్తుల క్యూలు, ఆలయ ప్రవేశ, నిష్క్రమణ మార్గాలు, వాహనాల రాకపోకల నియంత్రణ, పోలీసు బందోబస్తు, ప్రసాదం కౌంటర్ల నిర్వహణపై అధికారులతో సమీక్షించారు. రద్దీని నిరంతరం పర్యవేక్షించేందుకు కంట్రోల్‌ రూమ్‌లు ఏర్పాటు చేసి, కీలక ప్రాంతాల్లో సీసీ కెమెరాల ద్వారా నిఘా ఉంచాలని సూచించారు. భక్తులకు వైద్య సేవలు అందించేందుకు అత్యవసర వైద్య శిబిరాలు ఏర్పాటు చేయాలని, అంబులెన్స్‌లు, అగ్నిమాపక వాహనాలను అందుబాటులో ఉంచాలని ఆదేశించారు. ప్రమాదాల నివారణకు ప్రత్యేక నిఘా ఉత్సవాలను తిలకించేందుకు భక్తులు పాడుబడిన భవనాలు, ప్రమాదకరమైన నిర్మాణాలపైకి ఎక్కకుండా ముందస్తు చర్యలు తీసుకోవాలని కలెక్టర్‌, ఎస్పీ సూచించారు. సిరిమానోత్సవ మార్గంలో రద్దీని నియంత్రిస్తూ, రోప్‌ పార్టీ సహకారంతో విధులకు సంబంధించిన వారు, అవసరమైన అనుమతి కలిగిన వారు మాత్రమే నిర్దేశిత మార్గంలోకి ప్రవేశించేలా చర్యలు చేపట్టాలని తెలిపారు. భక్తుల కదలికలను నిరంతరం పర్యవేక్షిస్తూ ఎలాంటి తొక్కిసలాటలకు, అవాంఛనీయ ఘటనలకు అవకాశం లేకుండా చూడాలని స్పష్టం చేశారు. తుఫాన్‌ హెచ్చరికల నేపథ్యంలో అప్రమత్తం తుఫాన్‌ హెచ్చరికలు ఉన్న నేపథ్యంలో వాతావరణ పరిస్థితులను ఎప్పటికప్పుడు పర్యవేక్షిస్తూ, అందుకు అనుగుణంగా ముందస్తు జాగ్రత్తలు తీసుకోవాలని అధికారులను ఆదేశించారు. ప్రతికూల వాతావరణ పరిస్థితులు ఎదురైనా భక్తులకు ఇబ్బందులు కలగకుండా, అవసరమైన సేవలు అందుబాటులో ఉండేలా చర్యలు చేపట్టాలన్నారు. పైడితల్లి అమ్మవారి ఉత్సవాలు ప్రశాంతంగా, భక్తిశ్రద్ధల మధ్య విజయవంతంగా నిర్వహించేందుకు ప్రతి శాఖ తనకు కేటాయించిన బాధ్యతలను సమర్థవంతంగా నిర్వర్తించాలని కలెక్టర్‌, ఎస్పీ స్పష్టం చేశారు. ఈ పరిశీలనలో ఆర్డీవో సుధాసాగర్‌, దేవదాయ శాఖ సహాయ కమిషనర్‌ శిరీష, ఏపీఈపీడీసీఎల్‌ ఎస్‌ఈ లక్ష్మణరావు, స్థానిక తహసీల్దార్‌ శ్రీనివాసరావు, పోలీసు, ఆర్‌అండ్‌బీ, మున్సిపల్‌ శాఖల అధికారులు పాల్గొన్నారు. కంట్రోల్‌ రూమ్‌లు, సీసీ కెమెరాల ఏర్పాటు సిరిమాను తిరిగే ప్రాంతాలు సందర్శించిన కలెక్టర్‌, ఎస్పీ

లక్కవరపుకోట: మండలంలోని అరకు–విశాఖపట్నం జాతీయ రహదారిలో గోల్డ్‌స్టార్‌ జంక్షన్‌ సమీపంలో గురువారం జరిగిన రోడ్డు ప్రమాదంలో వేపాడ మండలానికి చెందిన మాజీ ఎంపీటీసీ రొంగలి బంగారయ్య(76) మృతి చెందారు. ఈ ప్రమాదానికి సంబంధించి ఎస్సై జె.రామకృష్ణ, మృతుడి కుటుంబసభ్యులు తెలిపిన వివరాలిలా ఉన్నాయి. బంగారయ్య తన అల్లుడు పద్మనాభంతో కలిసి కొత్తవలస కోర్టు వాయిదాకు హాజరై తిరిగి తమ స్వగ్రామమైన వేపాడ మండలం గుడివాడకు ద్విచక్రవాహనంపై బయల్దేరారు. ఈ క్రమంలో గోల్డ్‌స్టార్‌ జంక్షన్‌ సమీపంలోకి వచ్చే సరికి ద్విచక్రవాహనం టైర్‌ పంక్చర్‌ అవడంతో బంగారయ్య వాహనాన్ని నడిపిస్తూ వస్తుండగా కొత్తవలస నుంచి వేగంగా ప్రయాణికులతో వచ్చిన ఆటో వెనకనుంచి బలంగా ఢీకొట్టింది. దీంతో రోడ్డు అంచున పడడంతో బలమైన గాయాలు కావడంతో ఎల్‌.కోట పీహెచ్‌సీకి తరలించారు. అక్కడినుంచి మెరుగైన వైద్యం కోసం ఎస్‌.కోట సీహెచ్‌సీకి తరలించగా అక్కడ వైద్యులు పరిక్షించి మృతి చెందినట్లు నిర్ధారించారు. మృతుని అల్లుడు పధ్మనాభం ఇచ్చిన ఫిర్యాదు మేరకు కేసు నమోదు చేసి ఆటో డ్రైవర్‌ను అదుపులోకి తీసుకున్నట్లు ఎస్సై తెలిపారు. రైలు నుంచి జారిపడి ఝార్ఖండ్‌ వాసి మృతికొత్తవలస: చికిత్స నిమిత్తం వెల్లూరుకు రైల్లో వెళ్తుండగా కొత్తవలస రైల్వేస్టేషన్‌లో రెండో ఫ్లాట్‌ఫామ్‌సై జారి పడి ఝార్ఖండ్‌ వాసి మృతి చెందాడు. గురువారం జరిగిన ఈ ఘటనకు సంబందించి విశాఖపట్నం జీఆర్‌పీ ఎస్సై కేటీఆర్‌.లక్ష్మి తెలిపిన వివరాలిలా ఉన్నాయి. ఝార్ఖండ్‌ రాష్ట్రం హజారిబాగ్‌ జిల్లాకు చెందిన అజిత్‌ గోపి తన కూతురుతో కలిసి బెంగళూర్‌ సూపర్‌ ఫాస్ట్‌ ఎక్స్‌ప్రెస్‌లో చికిత్స నిమిత్తం వెల్లూరు వెళ్తున్నారు. ఈ క్రమంలో కొత్తవలస రైల్వేస్టేషన్‌ సమీపానికి వచ్చే సరికి మరుగుదొడ్డి కోసం లేచి వెళ్తుండగా డోర్‌ వద్దకు వచ్చేసరికి ఒక్కసారిగా తల విసిరి ప్లాట్‌ఫామ్‌ మీద పడిపోయాడు. దీంతో తలకు తీవ్రగాయం కావడంతో అక్కడికక్కడే మృతి చెందాడు. మృతుడి కూతురు ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు. జాతీయస్థాయి హ్యాండ్‌బాల్‌ పోటీలకు సుదర్శన్‌విజయనగరం: జాతీయస్థాయిలో జరగనున్న స్కూల్‌గేమ్స్‌ హ్యాండ్‌బాల్‌ పోటీలకు విజయనగరం జిల్లా కేంద్రానికి ఆర్‌.సుదర్శన్‌కుమార్‌ అర్హత సాధించాడు. స్కూల్‌గేమ్స్‌ ఫెడరేషన్‌ ఆధ్వర్యంలో అండర్‌–14 విభాగంలో ఇటీవల గుంటూరులో నిర్వహించిన రాష్ట్రస్థాయి పోటీల్లో ఉత్తమ ప్రతిభ కనబరిచి ఆంధ్రప్రదేశ్‌ జట్టులో స్థానం దక్కించుకున్నాడు. ఈనెల 27 నుంచి 31 వరకు మధ్యప్రదేశ్‌లో జరగబోయే జాతీయస్థాయి అండర్‌–14 స్కూల్‌ గేమ్స్‌ పోటీల్లో ఆంధ్రప్రదేశ్‌ జట్టు తరఫున ప్రాతినిధ్యం వహించనున్నట్లు పాఠశాల ప్రధానోపాధ్యాయురాలు ఎం.కాంచన, సీనియర్‌ ఉపాధ్యాయుడు రమణ, వ్యాయామ ఉపాధ్యాయులు గోపాల్‌, రమేష్‌లు తెలిపారు. జాతీయస్థాయి పోటీల్లో ఉత్తమ ప్రతిభ కనబరిచి ఉజ్వల భవిష్యత్‌కు బాటలు వేసుకోవడంతో పాటు విజయనగరం జిల్లా కీర్తి ప్రతిష్టలు చాటి చెప్పాలని వారు ప్రోత్సహించారు.

● ఎన్నికల వేళ..గత వాగ్దానాలపై ప్రశ్నించండి ● పట్టణాల్లో సమస్యలు కోకొల్లలుటూ పోతే.. ప్రతి ప్రాంతంలో రక్షిత నీటి సమస్య ఉంది. ●పట్టణానికి సంబంధించి శాశ్వత డంపింగ్‌యార్డు లేదు. దీనిపై కూటమి నాయకులు ఇచ్చిన హామీలు కార్యరూపం దాల్చలేదు. ●అంతర్గత రహదారులు, డ్రైనేజీ వ్యవస్థ మెరుగుపడక పోవడంతో చిన్నపాటి వర్షాలకు కస్పా వీధి, గురువుగారి వీధి, నీలమ్మకాలనీలో కొంతభాగం, కోమటిపేట తదితర ప్రాంతాలు జలమయమవుతున్నాయి. ●శివారు ప్రాంతాల్లో సామూహిక మరుగుదొడ్లు నిర్వహణకు నోచుకోకపోగా..నూతన నిర్మాణాలు చేపట్టకపోవడంతో మహిళల ఆత్మగౌరవానికి అడ్డంకులు ఏర్పడుతున్నాయి.సాక్షి, పార్వతీపురం మన్యం/పార్వతీపురం రూరల్‌/ సాలూరు రూరల్‌/పాలకొండ రూరల్‌: పల్లె నుంచి పట్టణం వరకూ మహిళా ఓటర్లే అధికం. ప్రస్తుతం ఎన్నికల కాలం నడుస్తోంది. అభ్యర్థుల గెలుపు ఓటములను నిర్ణయించేంది మహిళా మణులే. ఓట్ల కోసం ఇంటి గడప వద్దకు నాయకులు వచ్చినప్పుడు వాటిపై ప్రశ్నించే అవకాశం సీ్త్ర మూర్తులకు దక్కేది ఈ సమయంలోనే.. పాలకొండ నగర పంచాయతీలో దీర్ఘకాలిక సమస్యలు తిష్ఠ వేశాయి. దీంతో మహిళలు అవస్థలు పడుతున్నారు. 42వేల పై చిలుకు జనాభా ఉన్న పట్టణంలో 23,466 మంది ఓటర్లు ఉన్నారు. వారిలో మహిళా ఓటర్లు 12,012మంది. పట్టణంలో ఏ వార్డులో చూసినా తాగునీటి సమస్య వేధిస్తోంది. మహిళలు బిందెడు నీటికోసం నానా అవస్థలు పడుతున్నారు. గారమ్మ, నీలమ్మ, జగనన్న కాలనీ ఇలా చెప్పుకుంతుప్పలతో నిండిన ఆటో నగర్‌ స్థలంసాలూరు పురపాలక సంఘం పరిధిలో మొత్తం ఓటర్లు 41,934 మంది కాగా.. వారిలో మహిళల సంఖ్య 21,893. స్థానిక శాసన సభ్యురాలు గుమ్మడి సంధ్యారాణి మంత్రి అయిన తరువాత మొదటిసారిగా పట్టణంలో పర్యటించినప్పుడు మహిళల ఆత్మగౌరవానికి సామూహిక మరుగుదొడ్లు అవసరమని, వారం రోజుల్లో పట్టణంలో పాడైపోయిన అన్ని సామూహిక మరుగుదొడ్లనూ రూ.20 లక్షలు వెచ్చించి బాగు చేయిస్తామని చెప్పుకొచ్చారు. దాదాపు రెండున్నరేళ్లు పూర్తి కావస్తున్నా.. ఆ పనులను చేపట్టలేకపోయారు. సాలూరులో వైఎస్సార్‌ కూడలి నుంచి వేద సమాజం దిగువ వరకు తారు రోడ్డు నిర్మాణానికి భూమి పూజ చేసి సుమారు ఏడాది కావస్తున్నా ఇప్పటికీ ఆ పనులు జరగలేదు. గత ఎన్నికల సమయంలో జీగిరాం జూట్‌ ఫ్యాక్టరీని గెలిచిన వెంటనే తెరిపిస్తామని ఇచ్చిన హామీ నేటికీ అమలు కాలేదు. గత వైఎస్సార్‌సీపీ ప్రభుత్వంలో వంద పడకల ఆస్పత్రిని 85శాతం పూర్తి చేస్తే.. కూటమి ప్రభుత్వం వచ్చిన రెండేళ్లు పూర్తయ్యాక మిగులు 15 శా తం పనులు పూర్తి చేశారు. పూర్తి స్థాయిలో మౌలిక సదుపాయాలు లేకుండానే ప్రారంభోత్సవం చేయడంతో రోగులు అవస్థలు పడుతున్నారు. దీంతో దాతలు కొంతమంది సహకారం అందిస్తున్నారు. లారీ పరిశ్రమపై ఆధారపడిన పట్టణ ప్రజలను ఆర్థికంగా ఆదుకుంటామని ఎన్నికల వేళ భరోసా ఇచ్చి, ఆటో నగర్‌ నిర్మాణాన్ని కూడా చేపట్టకుండా విడిచిపెట్టారు. పట్టణంలో పారిశుధ్య సమస్య తీవ్రంగా ఉంది. పట్టణంలో వస్తున్న మురుగునీరు అంతా వేగావతి నదిలో కలవడంతో నీరు కలుషితమవుతోంది. గత వైఎస్సార్‌సీపీ ప్రభుత్వం హయాంలో తాగునీటి అవసరాల కోసం మంజూరు చేసిన పథకాన్ని ప్రస్తుత కూటమి ప్రభుత్వం వచ్చి రెండున్నరేళ్లు గడుస్తున్నా పట్టించుకున్న దాఖలాలు కనిపించలేదు. గతంలో ఉన్న రైలు బస్సును పునరుద్ధరిస్తామని హామీ ఇచ్చిన మంత్రి మాటలు నేటికీ అమలు కాలేదు. పట్టణంలో చెరువులు, కాలువలు, ప్రభుత్వ స్థలాలు ఆక్రమణకు గురయ్యాయి. దీనిపై పట్టించుకున్న దాఖలాలు లేవు.

● కొఠియా గ్రామాల్లో కొరాపుట్‌ సబ్‌కలెక్టర్‌ పర్యటనసాలూరు: ఆంధ్రాలో జరగనున్న స్థానిక సంస్థల ఎన్నికలపై ఒడిశా ప్రభుత్వం డేగకన్ను వేసింది. ఆంధ్రా ఒడిశా వివాదాస్పద కొఠియా గ్రూప్‌ గ్రామాల ఎన్నికలపై ఒడిశా ప్రభుత్వం ప్రత్యేక దృష్టిసారించింది. ఈ మేరకు కొరాపుట్‌ సబ్‌కలెక్టర్‌ ఫాబ్రీ రషీధ్‌, అధికార యంత్రాంగం మూడు రోజులుగా కొఠియా గ్రామాల్లో పర్యటిస్తున్నారు. గంజాయిభద్ర, ఎగువశెంబి, నేరెళ్లవలస తదితర గ్రామాల్లో ప్రజలతో నేరుగా మాట్లాడుతున్నారు. ఆంధ్రాలో ఓటు హక్కు ఎందుకు వినియోగించుకుంటారని ఈ ప్రాంతాల్లో ప్రజలను సబ్‌కలెక్టర్‌ అడుగుతున్నారు. మాకు రెండు రాష్ట్రాలు సమానమేనని కావున రెండు రాష్ట్రాల్లోనూ తాము ఓటు హక్కు వినియోగించుకుంటామని అక్కడి ప్రజలు సమాధానమిస్తున్నారు. కొఠియా గ్రామాల సమస్య పరిష్కారమయ్యేవరకు ఈ పద్ధతినే అనుసరిస్తామని ప్రజలు చెబుతున్నారు. అయితే మహిళ అయిన సబ్‌కలెక్టర్‌ మూడు రోజులుగా ఈ ప్రాంతంలోనే ఉండి పర్యటిస్తుండడం, ఆంధ్రాలో స్థానిక సంస్థల ఎన్నికల నేపథ్యంలో మరింత ప్రాధాన్యం సంతరించుకుంది. గత వైఎస్సార్‌సీపీ ప్రభుత్వంలో స్థానిక సంస్థల ఎన్నికల సమయంలో ఒడిశా ప్రభుత్వం ఈ ప్రాంతాల ప్రజలను ఓటు హక్కు వినియోగించుకుండా అడ్డుకోగా, నాటి మాజీ డిప్యూటీ సీఎం పీడిక రాజన్నదొర ప్రత్యేక చొరవతో ఐటీడీఊ పీఓ కూర్మనాథ్‌ బారికేడ్లను నెట్టుకుంటూ వెళ్లి ఓటర్లు ఓటు హక్కు వినియోగించుకునేలా తీసుకున్న చర్యలను అక్కడి ప్రజలు గుర్తుచేసుకుంటున్నారు. ఎన్నికల ఆర్‌ఓకు కొఠియా ప్రజల వినతిపత్రం ఇదే క్రమంలో స్వేచ్ఛాయుత వాతావరణంలో ఆంధ్రాలో ఓటు హక్కు వినియోగించుకునేలా అధికారులు చర్యలు తీసుకోవాలని కొఠియా గ్రామాల నాయకులు, ప్రజలు గురువారం ఎన్నికల రిటర్నింట్‌ అధికారి గ్రౌండ్‌ వాటర్‌ డీడీ రమణమూర్తికి వినతిపత్రం అందించారు. ఇటు ఆంధ్రాలో కూటమి ప్రభుత్వంలో భాగస్వామ్యమైన బీజేపీ, అటు ఒడిశాలోను బీజేపీ ప్రభుత్వం అధికారంలో ఉన్న నేపథ్యంలో కొఠియా గ్రామాల్లో ఒడిశా ప్రభుత్వ చర్యలు అనేక అనుమానాలకు తావిస్తున్నాయి. ఈ స్థానిక సంస్థల ఎన్నికలు ఈ గ్రామాల్లో జరగడానికి ఒడిశా ప్రభుత్వం సహకరిస్తుందా? లేదా అడ్డుకుంటుందా? కొఠియా గ్రామాల్లో ఎన్నికలపై ఒడిశా వ్యూహమేంటనేది చర్చనీయాంశంగా మారింది. దీనిపై ఆంద్రా అధికారులు ఏ మేరకు అప్రమత్తంగా ఉన్నారనేది మరికొన్ని రోజులు వేచిచూడాల్సి ఉంది.

చిన విషయం విదితమే. పార్వతీపురం జెడ్పీటీసీ స్థానం ఇస్తామన్న హామీ మేరకు చివరి రోజు మున్సిపల్‌ బరిలో తమ నామినేషన్‌ను ఆయన ఉపసంహరించుకున్నారు. తీరా.. ఆ ప్రక్రియ పూర్తయ్యాక పార్వతీపురం జెడ్పీటీసీ స్థానం విషయంలోనూ ఎమ్మెల్యే విజయ్‌చంద్ర గట్టి ఝులక్‌ ఇచ్చే పరిస్థితి కనిపిస్తోంది. ఈ స్థానానికి ఎమ్మెల్యే సతీమణి స్వయంగా బరిలో దిగుతున్నట్లు ప్రచారం జరుగుతోంది. శుక్రవారంతో నామినేషన్ల ప్రక్రియ ముగియనుంది. చివరి రోజున మరింత ఆశావహుల సంఖ్య పెరిగే అవకాశం కనిపిస్తోంది. సాక్షి, పార్వతీపురం మన్యం/పార్వతీపురం రూరల్‌: ప్రాదేశిక ఎన్నికల నామినేషన్ల కోలాహలం రెండో రోజు రెట్టింపయ్యింది. జెడ్పీటీసీ, ఎంపీటీసీ స్థానాలకు గురువారం అధిక సంఖ్యలో నామినేషన్లు దాఖలయ్యాయి. జెడ్పీటీసీ స్థానాలకు సంబంధించి మొత్తం 38 నామినేషన్లు రాగా.. ఇందులో వైఎస్సార్‌సీపీ 18, టీడీపీ 11, జనసేన 3, ఇండిపెండెంట్‌ 2, సీపీఎం రెడ్‌స్టార్‌ 2, కాంగ్రెస్‌ 1, బీఎస్పీ 1 చొప్పున ఉన్నాయి. వీరంతా జెడ్పీ కార్యాలయం వద్ద తమ నామినేషన్‌ పత్రాలు అందజేశారు. వైఎస్సార్‌సీపీ జిల్లా అధ్యక్షుడు శత్రుచర్ల పరీక్షిత్‌రాజు, కురుపాం నియోజకవర్గ సమన్వయకర్త, మాజీ ఉపముఖ్యమంత్రి పాముల పుష్పశ్రీవాణి కురుపాం నియోజకవర్గంలోని తమ అభ్యర్థులతో దగ్గరుండి నామినేషన్‌ పత్రాలు వేయించారు. ● జిల్లాలోని మొత్తం 226 ఎంపీటీసీ స్థానాలకు రెండోరోజు 576 నామినేషన్లు దాఖలయ్యాయి. కూటమిలో రె‘బెల్స్‌’ బెడద జెడ్పీ చైర్‌పర్సన్‌ స్థానానికి టీడీపీలో పోటీ ఏర్పడింది. కురుపాం మండలం నుంచి టీడీపీ తరఫున జెడ్పీటీసీగా ట్రైకార్‌ బోర్డు డైరెక్టర్‌ పువ్వల లావణ్య నామినేషన్‌ వేశారు. ఆమె కూడా చైర్‌పర్సన్‌ పదవిని ఆశిస్తున్నారు. మరోవైపు జెడ్పీ చైర్మన్‌ రేసులో ఉన్న టీడీపీకి చెందిన వీరేష్‌చంద్రదేవ్‌ కూడా కురుపాం మండలం నుంచే జెడ్పీటీసీగా శుక్రవారం నామినేషన్‌ వేయనున్నారు. పార్వతీపురం పురపాలక సంఘానికి సంబంధించిన ఎన్నికల్లో మున్సిపల్‌ చైర్‌పర్సన్‌ స్థానాన్ని ఆశించిన బీజేపీ జిల్లా అధ్యక్షుడు ద్వారపురెడ్డి శ్రీనివాసరావు.. తన సతీమణితో నామినేషన్‌ వేయిం

పార్వతీపురం రూరల్‌: ఎంపీడీఓ కార్యాలయంలో గురువారం జరుగుతున్న నామినేషన్ల స్వీకరణ ప్రక్రియను కలెక్టర్‌, జిల్లా ఎన్నికల అధికారి డాక్టర్‌ ఎన్‌.ప్రభాకరరెడ్డి ఆకస్మికంగా తనిఖీ చేశారు. అధి కారులకు పలు సూచనలు చేశారు. నామినేషన్లు దాఖలు చేసేందుకు వచ్చే అభ్యర్థులకు పత్రాల సమర్పణలో ఎలాంటి ఆటంకాలు కలగకుండా చూడాలన్నారు. వారి సందేహాలను తక్షణమే నివృత్తి చేసేందుకు వీలుగా కేంద్రాల వద్ద హెల్ప్‌ డెస్క్‌లను నిరంతరం అందుబాటులో ఉంచాలని ఆదేశించారు. అనంతరం స్ట్రాంగ్‌ రూమ్‌లు, రిసెప్షన్‌ కేంద్రాలు, బ్యాలెట్‌ బాక్సుల భద్రతతో పాటు ఎన్నికల భద్రతా ఏర్పాట్లపై సంబంధిత మండల స్థాయి అధికారులతో మాట్లాడి వివరాలు తెలుసుకున్నారు. కార్యక్రమంలో స్థానిక అధికారులు, ఎన్నికల సిబ్బంది పాల్గొన్నారు.

● వైభవ వెంకటేశ్వరస్వామి ఆలయంలో భారీచోరీ ● సుమారు రూ.కోటి విలువైన ఆభరణాలు మాయం ● రంగంలోకి దిగిన వన్‌టౌన్‌ పోలీసులు, క్లూస్‌ టీమ్‌విజయనగరం టౌన్‌: స్థానిక అరుంధతి నగర్‌ కాలనీలో కొలువైన శ్రీ వైభవ వెంకటేశ్వరస్వామి దేవస్థానంలో దుండగులు బుధవారం రాత్రి చోరీకి పాల్పడి ఆలయ ఆవరణలో స్వామి, అమ్మవారి ఆభరణాలను దొంగిలించుకుపోయారు. గురువారం ఉదయం ఆలయం తెరిచేందుకు వచ్చిన పూజారులు, కమిటీ ప్రతినిధులు తలుపులు తెరిచి ఉండడం చూసి హతాశయులై తేరుకుని, చోరీకి జరిగినట్లు గుర్తించి వెంటనే వన్‌టౌన్‌ పోలీసులకు సమాచారమందించారు. దీంతో రంగంలోకి దిగిన వన్‌టౌన్‌ పోలీసులు, డీఎస్పీ ఎస్‌.లక్ష్మణమూర్తి సంఘటనాస్థలానికి చేరుకుని పరిశీలించారు. క్లూస్‌ టీమ్‌ రంగంలోకి దిగి వివరాలను సేకరించింది. అనంతరం ఆలయ కమిటీ ప్రతినిధులు మాట్లాడుతూ స్వామి, అమ్మవారికి అలంకరణలో సుమారు 35 కిలోలపైన ఉన్న వెండి ఉందని, అదేవిధంగా 45 గ్రాములకు పైగానే బంగారు ఆభరణాలు ఉన్నాయని ప్రాథమికంగా రిపోర్టులో పేర్కొన్నారు. ఇంకా చాలా ఆభరణాలు ఉన్నాయని, అవికూడా లిస్ట్‌ ప్రకారం తీసి వివరిస్తామన్నారు. వాటిన్నంటి విలువ సుమారు కోటి రూపాయలకు పైగా ఉంటుందని కమిటీ ప్రతినిధులు అంచనా వేశారు. ఆలయ ధర్మకర్త గనివాడ దివాన్‌జీ నాయుడు ఇచ్చిన ఫిర్యాదు మేరకు ఎస్సై సురేంద్ర నాయుడు కేసు నమోదుచేసి దర్యాప్తు చేస్తున్నారు.

జియ్యమ్మవలస రూరల్‌: జిల్లాలో జరగనున్న స్థానిక ఎన్నికల నిర్వహణకు పూర్తి భద్రత చర్యలు తీసుకున్నామని ఎస్పీ మాధవరెడ్డి తెలిపారు. ఈ మేరకు గురువారం ఆయన మండల కేంద్రంలోని ఎంపీడీవో కార్యాలయంలో ఏర్పాటు చేసిన ఎంపీటీసీల నామినేషన్ల ప్రక్రియను పరిశీలించారు.ఈ సందర్భంగా మాట్లాడుతూ స్థానిక సంస్థల ఎన్నికల నేపథ్యంలో జిల్లాలో 800 మంది పోలీస్‌ సిబ్బంది పూర్తిస్థాయిలో విధులు నిర్వహిస్తున్నారని, మూడంచెల భద్రత, పెట్రోలింగ్‌ టీమ్‌లు ఏర్పాటు చేశామన్నారు. అలాగే 250 బైండోవర్‌ కేసులను నమోదు చేసినట్లు తెలిపారు. ఎన్నికల సమయంలో ఎలాంటి అవాంఛనీయ సంఘటనలు జరగకుండా అంతర్‌ జిల్లా చెక్‌పోస్టులను ఏర్పాటు చేశామన్నారు. ఎన్నికల నియమావళికి ఎలాంటి ఆటంకం జరగకుండా అడిషనల్‌ ఎస్పీ డీఎస్పీల పర్యవేక్షణలో పటిష్టమైన భద్రతను ఏర్పాటు చేశామన్నారు. కార్యక్రమంలో సీఐ టీవీ తిరుపతిరావు, ఎస్సై ప్రశాంత్‌ కుమార్‌, పోలీస్‌ సిబ్బంది పాల్గొన్నారు.

● 800 మంది పోలీసులతో స్థానిక ఎన్నికలకు బందోబస్తు ● ఎస్పీ మాధవరెడ్డివీరఘట్టం/పాలకొండ: జిల్లాలో 120 సమస్యాత్మక పోలింగ్‌ కేంద్రాలను గుర్తించామని ఎస్పీ ఎస్‌.వి.మాధవరెడ్డి తెలిపారు. ఈ మేరకు గురువారం వీరఘట్టం, పాలకొండ మండల పరిషత్‌ కార్యాలయాల్లో జరుగుతున్న ఎంపీటీసీల నామినేషన్‌ ప్రక్రియను ఆయన పరిశీలించారు.అనంతరం మీడియాతో మాట్లాడారు. జిల్లాలో 45 సమస్యాత్మక గ్రామాలలో 300 మందిపై బైండోవర్‌ కేసులు నమోదు చేశామన్నారు. అక్కడ ఎటువంటి అవాంఛనీయ సంఘటనలు జరగకుండా గట్టి బందోబస్తు ఏర్పాటు చేశామని, తమ సిబ్బంది ఆ గ్రామాలపై నిఘా ఉంచారన్నారు.ఎన్నికలు పూర్తయిన తర్వాత నవంబర్‌ 5న సాలూరు, పార్వతీపురం, పాలకొండ నియోజక వర్గ కేంద్రాల్లో ఓట్ల లెక్కింపు ఉంటుందని, కురుపాం నియోజకవర్గానికి సంబంధించి ఉల్లిభద్ర వద్ద ఉన్న ఉద్యానవనశాఖ కాలేజీలో కౌంటింగ్‌ కేంద్రాలను ఏర్పాటు చేసినట్లు తెలిపారు. మూడంచెల భధ్రతా ఏర్పాట్లు.. నవంబర్‌ 3న జరగనున్న ఎంపీటీసీ, జెట్పీటీసీ ఎన్నికల్లో ఎటువంటి అవాంఛనీయ సంఘటనలు జరగకుండా 800 మంది పోలీసు సిబ్బందితో మూడంచెల భద్రతా ఏర్పాట్లు చేస్తున్నామని ఎస్పీ మాధవరెడ్డి తెలిపారు.సెక్షన్‌ 30 పోలీస్‌ యాక్ట్‌, సెక్షన్‌ 163 బీఎన్‌ఎస్‌ యాక్ట్‌ అమల్లో ఉన్నాయన్నారు. ఎన్నికల ప్రక్రియలో కీలకమైన నామినేషన్లు దశలో శాంతిభద్రతల పరిరక్షణకు ప్రత్యేక ప్రణాళికతో బందోబస్తు నిర్వహిస్తామన్నారు. ఆయనతో పాటు పాలకొండ డీఎస్పీ ఎం.రాంబాబు, పాలకొండ సీఐ ప్రసాదరావు, వీరఘట్టం, పాలకొండ, దోనుబాయి ఎస్సైలు ఎస్‌.షణ్ముఖరావు, డోల వెంకన్న, శంకరావులు ఉన్నారు. శాంతిభద్రతలపై ప్రత్యేక దృష్టి పాలకొండ: ఎన్నికల నేపధ్యంలో జిల్లాలో ఎక్కడా శాంతి భద్రతలకు విఘాతం కలగకుండా చర్యలు తీసుకున్నామని ఎస్పీ ఎస్‌వి మాదవ రెడ్డి తెలిపారు. ఈ మేరకు ఆయన గురువారం పాలకొండ పట్టణంలోని ప్రభుత్వ డిగ్రీ కళాశాలలో స్ట్రాంగ్‌ రూంలను పరిశీలించారు.

పార్వతీపురం రూరల్‌: జిల్లాలో స్థానిక సంస్థల ఎన్నికల నిర్వహణ కోసం అధికార యంత్రాంగం ఏర్పాట్లు ముమ్మరం చేసింది. ఇందులో భాగంగా పార్వతీపురం మండలానికి సంబంధించి స్థానిక జీజే కళాశాలలో ఏర్పాటు చేసిన ప్రతిపాదిత స్ట్రాంగ్‌ రూమ్‌లను సబ్‌ కలెక్టర్‌ సచిన్‌ అర్చిత రహార్‌ (ఐఏఎస్‌) గురువారం పరిశీలించారు. ఎన్నికల సంఘం మార్గదర్శకాలకు అనుగుణంగా అక్కడ కల్పించాల్సిన వసతులను, ఏర్పాట్లను ఆయన క్షుణ్ణంగా తనిఖీ చేశారు. స్ట్రాంగ్‌ రూమ్‌ల వద్ద పటిష్టమైన భద్రతా చర్యలు చేపట్టాలని, సీసీటీవీ కెమెరాలతో నిరంతరం నిఘా ఉంచాలని సంబంధిత అధికారులకు సూచించారు. ఎన్నికల ప్రక్రియను ప్రశాంత వాతావరణంలో, పారదర్శకంగా పూర్తి చేసేందుకు రెవెన్యూ, పోలీసు విభాగాలు సమన్వయంతో పనిచేయాలని ఆయన ఆదేశించారు. భద్రతాపరంగా ఎలాంటి లోపాలకు తావు ఇవ్వకూడదని స్పష్టం చేశారు. ఈ తనిఖీ కార్యక్రమంలో పలువురు స్థానిక అధికారులు, రెవెన్యూ సిబ్బంది తదితరులు పాల్గొన్నారు.

బలిజిపేట: మండలంలోని వెంగాపురం గ్రామంలో టీడీపీ నుంచి వైఎస్సార్‌సీపీలోకి 80కుటుంబాలు గురువారం చేరాయి. మాజీ ఎమ్మెల్యే జోగారావు సమక్షంలో వారు పార్టీలో చేరగా ఆయన వారికి పార్టీ కండువాలు కప్పి సాదరంగా ఆహ్వానించారు. పార్టీలో చేరిన వారిలో టీడీపీ రెబల్‌ ఎంపీటీసీగా నామినేషన్‌ వేసిన అలమండ ఈశ్వరి, ఆమె భర్త వెంకటరమణలతో సహా 80కుటుంబాలవారు ఉన్నారు. ఈ సందర్భంగా మాజీ ఎమ్మెల్యే మాట్లాడుతూ పార్టీ బి–ఫాం వెంకటరమణకు ఇవ్వనున్నామని పార్టీ తరఫున ఈశ్వరి అభ్యర్థిగా ఉంటారని తెలిపారు. నీతి, నిజాయితీ, నిబద్ధతతో, నిస్వార్థంగా పనిచేసి టీడీపీకి సేవలు అందించిన వెంకటరమణకు ఆపార్టీ ఇచ్చిన ప్రాధాన్యత మీకు తెలిసిందేనన్నారు. వెంకటరమణకు అన్ని విధాలా సహాయ సహకారాలు అందించనున్నట్లు తెలిపారు. ఎంపీటీసీగా ఈశ్వరి విజయానికి అందరూ సహకరించాలని కోరారు. ఇకపై గ్రామంలో వైఎస్సార్‌సీపీ జెండాను రెపరెపలాడించాలన్నారు. పార్టీలో చేరిన వారిలో అలమండ వారి కుటుంబాలు 22, గంట దాలినాయుడు కుటుంబాలు 15, వేమిరెడ్డి అప్పలనాయుడు(వైఏ నాయుడు) కుటుంబాలు 10, మరడాన అప్పలనాయుడు, పకీరునాయుడు కుటుంబాలు 10, కిల్లాడ తవిటినాయుడు కుటుంబాలు రెండు, రెడ్డి శ్రీను కుటుంబీకులు ఐదుగురు, దత్తి సత్యంనాయుడు కుటుంబాలు నాలుగు, అల్లు శివుడునాయుడు కుటుంబాలు నాలుగు, పూడు గౌరునాయుడు కుటుంబాలు ఐదు, యాదవకులానికి చెందిన ఏకల సింహాచలం కుటుంబాలు 5 ఉన్నాయి. కార్యక్రమంలో వైఎస్సార్‌సీపీ మండల అధ్యక్షుడు పి.మురళీకృష్ణ, మాజీ జెడ్పీటీసీ రవికుమార్‌, కె.గోపినాయుడు, రాష్ట్ర వాణిజ్య విభాగం ప్రధాన కార్యదర్శి వాసుదేవరావు, పార్టీ జిల్లా కార్యదర్శి ప్రసాదరావు, రాష్ట్ర వాణిజ్య విభాగం జనరల్‌ సెక్రటరీ పి.శ్రీనివాసరావు, బలిజకార్పొరేషన్‌ మాజీ డైరెక్టర్‌ శ్రీనివాసరావు, మాజీ సర్పంచ్‌లు, మాజీ ఎంపీటీసీలు, నాయకులు, కార్యకర్తలు పాల్గొన్నారు. బర్లిలో 10 కుటుంబాలు బర్లిలో టీడీపీ సీనియర్‌ నాయకుడు గులిపల్లి లక్ష్మునాయుడు, గ్రామానికి చెందిన మరో పది కుటుంబాల వారు గురువారం వైఎస్సార్‌సీపీలో చేరారు. ఈ సందర్భంగా మాజీ ఎమ్మెల్యే జోగారావు ఆయనకు, ఇతర కుటుంబాల వారికి పార్టీ కండువాలు కప్పి పార్టీలోకి సాదరంగా ఆహ్వానించారు. ఈ సందర్భంగా మాజీ ఎమ్మెల్యే జోగారావు మాట్లాడుతూ బర్లి స్థానానికి ఎంపీటీసీ అభ్యర్థిగా నామినేషన్‌ వేయాలని సూచించారు. పార్టీ బి–ఫాం అందించనున్నట్లు తెలిపారు. లక్ష్మునాయుడును ఎంపీటీసీగా గెలిపించాలని బర్లి గ్రామంలో పార్టీ నాయకులకు సూచించారు. కార్యక్రమంలో వైఎస్సార్‌సీపీ మండల అధ్యక్షుడు పి.మురళీకృష్ణ, మాజీ జెడ్పీటీసీ రవికుమార్‌, పార్టీ జిల్లా ప్రధానకార్యదర్శి ప్రసాదరావు, రాష్ట్ర వాణిజ్య విభాగం ప్రధాన కార్యదర్శి వాసుదేవరావు, పి.నారాయణరావు, మహేష్‌ మాస్టారు, బి.కృష్ణ, జి.శంకరరావు, జి.గంగయ్య, సత్యారావు, మాధవనాయుడు, తదితరులు పాల్గొన్నారు. జియ్యమ్మవలసలో 30 కుటుంబాలు జియ్యమ్మవలస రూరల్‌: మండలంలోని తాళ్లడుమ్మ గ్రామానికి చెందిన టీడీపీ నాయకుడు ముప్పర్తి నారాయణరావు ఆధ్వర్యంలో 30 టీడీపీ కుటుంబాలు ఆ పార్టీని వీడి గురువారం వైఎస్సార్‌సీపీలో చేయాయి. ఈ మేరకు చినమేరంగిలోని వైఎస్సార్‌సీపీ కార్యాలయం వద్ద మాజీ డిప్యూటీ సీఎం పాముల పుష్ప శ్రీవాణి వారందరికీ కండువాలు వేసి పార్టీలోకి సాదరంగా ఆహ్వానించారు. కార్యక్రమంలో వైఎస్సార్‌సీపీ మండల నాయకులు పాల్గొన్నారు.

బొబ్బిలిరూరల్‌: మండలంలోని శివడవలస గ్రామానికి చెందిన 50 కుటుంబాలు టీడీపీని వీడి మాజీ ఎమ్మెల్యే, బొబ్బిలి నియోజకవర్గ వైఎస్సార్‌సీపీ ఇన్‌చార్జ్‌ శంబంగి వెంకట చినప్పలనాయుడు సమక్షంలో గురువారం వైఎస్సార్‌సీపీలో చేరాయి. ఈ మేరకు పక్కి గ్రామంలో మాజీ ఎమ్మెల్యే శంబంగి స్వగృహంలో వారంతా పార్టీలో చేరగా పార్టీ కండువాలను కప్పి అందరినీ శంబంగి పార్టీలోకి సాదరంగా ఆహ్వానించారు.శివడవలస మాజీ సర్పంచ్‌ పెద్దింటి శంకర్రావు, మాజీ ఎంపీటీసీ శంబంగి సుధాకర్‌ ఆధ్వర్యంలో టీడీపీ అసంతృప్తి వాదులంతా వైఎస్సార్‌సీపీ తీర్థం పుచ్చుకున్నారు. ఈ సందర్భంగా వారు మాట్లాడుతూ గత వైఎస్సార్‌సీపీ ప్రభుత్వంలో జరిగిన ప్రజా సంక్షేమ కార్యక్రమాలు, పార్టీ విధానాల పట్ల ఆకర్షితులమై పార్టీలో చేరుతున్నామన్నారు. కార్యక్రమంలో వైఎస్సార్‌సీపీ జిల్లా జనరల్‌ సెక్రటరీ శంబంగి వేణుగోపాలనాయుడు, శంబంగి అనిల్‌కుమార్‌, కోట వంశీ, కోట వాసు, పెద్దింటి మాధవ, శంబంగి కృష్ణ, శంబంగి రమేష్‌, కె.రాములు తదితరులు పాల్గొన్నారు.

● జాయింట్‌ కలెక్టర్‌ ఆర్‌. వైశాలికొమరాడ: గిరిజన విద్యార్థినుల ఆరోగ్యం, సంక్షేమంతో పాటు పరిసర గ్రామాల ప్రజలకు నాణ్యమై న వైద్య సేవలు అందించడంపై అధికారులు ప్రత్యే క దృష్టి సారించాలని జాయింట్‌ కలెక్టర్‌ ఆర్‌. వైశా లి సూచించారు.ఈ మేరకు ఆమె గురువారం కొమరాడ మండలంలో క్షేత్రస్థాయిలో పర్యటించి వివిధ ప్రభుత్వ సంస్థలను ఆకస్మికంగా తనిఖీ చేశారు. ముందుగా కూనేరు రామభద్రపురం ప్రాథమిక ఆరోగ్య కేంద్రాన్ని సందర్శించిన జాయింట్‌ కలెక్టర్‌ వైద్య సేవలు, పారిశుద్ధ్యం, మందుల నిల్వలు, వైద్య పరికరాలు, సిబ్బంది హాజరు, రోగుల రికార్డులను పరిశీలించారు. ప్రభుత్వ ఆస్పత్రులకు వచ్చే రోగులకు ఎలాంటి అసౌకర్యం కలగకుండా నాణ్య మైన వైద్యం అందించాలని అధికారులను ఆదేశించారు. అవసరమైన మందులు ఎల్లప్పుడూ అందుబాటులో ఉంచాలని, గ్రామీణ ప్రజల ఆరోగ్య పరి రక్షణకు ప్రాధాన్యం ఇవ్వాలని సూచించారు. అనంతరం ఉలిపిరి గ్రామంలోని గిరిజన సంక్షేమ బాలిక ల ఉన్నత పాఠశాలను పరిశీలించారు. దసరా సెలవుల అనంతరం పాఠశాలకు తిరిగి వచ్చిన విద్యార్థి నుల ఆరోగ్యం, ఆహారం, వసతి సౌకర్యాలపై ప్రత్యేక శ్రద్ధ వహించాలని ఉపాధ్యాయులు, అధికా రులకు సూచించారు. పాఠశాలలోని వంటగది, మరుగుదొడ్లు, పరిసరాల పరిశుభ్రతను తనిఖీ చేసి, సురక్షితమైన తాగునీరు, నాణ్యమైన ఆహారం అందేలా చర్యలు తీసుకోవాలని ఆదేశించారు. విద్యార్థినుల్లో ఎవరికై నా అనారోగ్య లక్షణాలు కనిపి స్తే వెంటనే వైద్య సహాయం అందించాలని, వ్యక్తిగత పరిశుభ్రతపై అవగాహన కల్పించాలని సూచించారు. విద్యార్థినులకు సురక్షితమైన, ఆరోగ్యకరమై న వాతావరణం కల్పించడంలో ప్రతి ఒక్కరూ బాధ్యతగా వ్యవహరించాలని జాయింట్‌ కలెక్టర్‌ స్పష్టం చేశారు. కార్యక్రమాల్లో వైద్యాధికారులు, పాఠశాల సిబ్బంది, సంబంధిత అధికారులు పాల్గొన్నారు.

పార్వతీపురం రూరల్‌: స్థానిక సంస్థల ఎన్నికల నామినేషన్ల ప్రక్రియకు జిల్లా పోలీస్‌ యంత్రాంగం మూడంచెల భద్రతను ఏర్పాటు చేసినట్లు ఎస్పీ ఎస్‌.వి.మాధవ్‌ రెడ్డి తెలిపారు. జిల్లాలో సెక్షన్‌ 30 పోలీస్‌ యాక్ట్‌, సెక్షన్‌ 163 బి.ఎన్‌.ఎస్‌.ఎస్‌ (144 సి.ఆర్‌.పి.సి) నిబంధనలు అమలులో ఉన్నాయని గురువారం ఒక ప్రకటనలో పేర్కొన్నారు. నామినేషన్‌ కేంద్రాల వద్ద గుమిగూడడం, శాంతిభద్రతలకు విఘాతం కలిగించడం నిషేధమన్నారు. ఎస్పీ ఆదేశాల మేరకు జెడ్పీ కార్యాలయంలోని జెడ్పీటీసీ నామినేషన్‌ దాఖలు కేంద్రాన్ని అదనపు ఎస్పీ ఎం.వెంకటేశ్వరరావు, డీఎస్పీ సీహెచ్‌.వి.శేషయ్య గురువారం పరిశీలించారు. కార్యక్రమంలో పార్వతీపురం పట్టణ సీఐ వెంకట్రావు, ఎస్‌ఐలు, పోలీసు సిబ్బంది పాల్గొన్నారు.

పార్వతీపురం రూరల్‌: పోలీసు అమరవీరుల త్యాగాలు సమాజానికి స్ఫూర్తి దాయకమని ఎస్పీ ఎస్‌.వి.మాధవ్‌రెడ్డి అన్నారు. ఈ మేరకు స్థానిక ప్రభుత్వ జూనియర్‌ కళాశాల మైదానంలో బుధవారం పోలీసు అమరవీరుల సంస్మరణ దినోత్సవం జరిగింది. ఈ కార్యక్రమానికి కలెక్టర్‌ డాక్టర్‌ ఎన్‌.ప్రభాకర్‌రెడ్డి, ఎస్పీ ఎస్‌.వి.మాధవ్‌రెడ్డి హాజరై అమరవీరుల స్థూపం వద్ద పుష్పగుచ్ఛాలు ఉంచి నివాళులర్పించారు. 1959లో లడఖ్‌లో ప్రాణాలు కోల్పోయిన 10 మంది సీఆర్‌పీఎఫ్‌ జవాన్లతో పాటు, విధి నిర్వహణలో ప్రాణత్యాగం చేసిన జిల్లాకు చెందిన ముద్దాడ గాంధీ, చిట్టిపంతుల చిరంజీవి, షేక్‌ ఇస్మాయిల్‌, బి.శ్రీరాములు, కె.సూర్యనారాయణలను వారు ఈ సందర్భంగా స్మరించుకున్నారు. ఆధునిక సవాళ్లు, సైబర్‌ నేరాలను దీటుగా ఎదుర్కొనేందుకు పోలీసులు సన్నద్ధంగా ఉండాలని సూచించారు. అంతకుముందు ఏఆర్‌ ఆర్‌ఐ రాంబాబు ఆధ్వర్యంలో పోలీసుల కవాతు, గాలిలోకి కాల్పులు జరిపి గౌరవ వందనం సమర్పించారు. దేశవ్యాప్తంగా ఈ ఏడాది ప్రాణాలు కోల్పోయిన 154 మంది పోలీసుల పేర్లను అదనపు ఎస్పీ ఎం.వెంకటేశ్వరరావు చదివి వినిపించారు. అనంతరం అమరుల సతీమణులు మనోరంజని, ప్రమీల, రాజు తదితర కుటుంబ సభ్యులతో కలెక్టర్‌, ఎస్పీ సమావేశమయ్యారు. వారి సమస్యలు అడిగి తెలుసుకుని, పండ్లు, నగదు అందజేశారు. ప్రభుత్వం, పోలీసు శాఖ అండగా ఉంటుందని తెలిపారు. కార్యక్రమంలో సబ్‌ కలెక్టర్‌ సచిన్‌అర్చిత్‌ రహర్‌, డీఎస్పీలు శేషయ్య, రాంబాబు, థామస్‌రెడ్డి, పలువురు సీఐలు, ఎస్‌ఐలు పాల్గొన్నారు.

గరుగుబిల్లి: తోటపల్లి వేంకటేశ్వరస్వామి, కోదండరామ స్వామి ఆలయాల హుండీల ఆదాయాన్ని గురువారం లెక్కిస్తామని ఈఓ వి.వి.సూర్యనారాయణ తెలిపారు. భక్తుల నుంచి వచ్చిన కానుకలు, విరాళాలను దేవదాయ శాఖ ఉన్నతాధికారుల పర్యవేక్షణలో లెక్కిస్తామని చెప్పారు. వైఎస్సార్‌సీపీ సాలూరు పట్టణాధ్యక్షుడిగా ద్వారపురెడ్డి పుండరీకాక్ష సాలూరు: వైఎస్సార్‌సీపీ పట్టణాధ్యక్షుడిగా ద్వారపురెడ్డి పుండరీకాక్ష నాయుడును నియమిస్తూ పార్టీ కేంద్ర కార్యాలయం ఓ ప్రకటన జారీ చేసింది. ఆయనకు మాజీ డిప్యూటీ సీఎం, మాజీ గిరిజన సంక్షేమశాఖ మంత్రి పీడిక రాజన్నదొర అభినందనలు తెలిపారు. పార్టీ వ్యతిరేక కార్యకలాపాలకు పాల్పడుతున్న నేపధ్యంలో వి.అప్పలనాయుడును ఇటీవల పార్టీ నుంచి సస్పెండ్‌ చేసిన విషయం తెలిసిందే. పురపోరుకు సై ● బరిలో మిగిలింది వీరే.. ● ముగిసిన నామినేషన్లు, ఉపసంహరణ ప్రక్రియ సాక్షి, పార్వతీపురం మన్యం: పుర ఎన్నికల ప్రక్రియ చివరి దశకు వచ్చింది. జిల్లాలోని పార్వతీపురం, సాలూరు మున్సిపాలిటీలు, పాలకొండ నగర పంచాయతీకి సంబంధించి నామినేషన్ల ఉపసంహరణ ప్రక్రియ బుధవారంతో ముగిసింది. ప్రధాన వైఎస్సార్‌సీపీ, టీడీపీల నుంచి దాదాపు అన్ని వార్డుల్లోనూ పోటీలో ఉండగా.. పలుచోట్ల బీజేపీ, జనసేన, వామపక్షాలు కూడా సై అంటున్నాయి. ఈ నెల 28న జరిగే ఎన్నికల్లో బరిలో నిలిచిన అభ్యర్థులంతా తమ అదృష్టాన్ని పరీక్షించుకోనున్నారు. ● పార్వతీపురం మున్సిపల్‌ చైర్‌పర్సన్‌కు సంబంధించి ఏడుగురు నామినేషన్లు దాఖలు చేయగా.. ఎస్‌.లక్ష్మీపార్వతి(వైఎస్సార్‌సీపీ), ద్వారపురెడ్డి జ్యోతి(బీజేపీ), ద్వారపురెడ్డి దీప్తి(జనసేన) ఉపసంహరించుకున్నారు. వీరు కాక.. వైఎస్సార్‌సీపీ, టీడీపీ, జనసేన, ఇండిపెండెంట్‌ ఒక్కొక్కరు చొప్పున బరిలో మిగిలారు. పార్వతీపురంలోని 36 వార్డుల్లో కౌన్సిల్‌ సభ్యులకు సంబంధించి 196 నామినేషన్లు రాగా.. 185 అర్హతగా గుర్తించారు. ఇందులో 64 మంది తమ నామినేషన్లు ఉపసంహరించుకున్నారు. వివిధ పార్టీల నుంచి 122 మంది ఎన్నికల బరిలో నిలిచారు. ఇందులో 34 మంది స్వతంత్రులు ఉన్నారు. ● సాలూరులో మున్సిపల్‌ చైర్‌పర్సన్‌ స్థానానికి ఆరుగురు పోటీ పడుతున్నారు. ఇందులో ముగ్గురు ఇండిపెండెంట్లు కాగా.. వైఎస్సార్‌సీపీ, కాంగ్రెస్‌, జనసేన నుంచి ఒక్కొక్కరు ఉన్నారు. వార్డు సభ్యులకు సంబంధించి 32 వార్డు స్థానాలకు 200 నామినేషన్లు రాగా.. 85 మంది బరిలో ఉన్నారు.

విజయనగరం: జాతీయస్థాయిలో జరగనున్న తైక్వాండో పోటీలకు జిల్లాకు చెందిన క్రీడాకారులు ఎంపికయ్యారు. ఇటీవల జరిగిన 70వ రాష్ట్రస్థాయి స్కూల్‌ గేమ్స్‌ అంతర్‌ జిల్లాల అండర్‌–17 తైక్వాండో పోటీల్లో ప్రతిభ కనబరిచి బంగారు పతకాలు సాధించిన కె.సాహిత్య, డి.ప్రియవల్లి, ఎం.సాధ్విక, ఆర్‌.తేజస్విలు జమ్ము కశ్మీర్‌లోని శ్రీనగర్‌లో ఈ నెల 22 నుంచి 26 వరకు జరగనున్న జాతీయస్థాయి స్కూల్‌ గేమ్స్‌ పోటీలకు ఎంపికయ్యారు. ఈ సందర్భంగా స్కూల్‌ గేమ్స్‌ కార్యదర్శి ఎస్‌.వాణి, శ్రీను, జిల్లా ఒలింపిక్స్‌ అసోసియేషన్‌ అధ్యక్షుడు గురాన అయ్యలు, న్యూ ఆంధ్రప్రదేశ్‌ తైక్వాండో అసోసియేషన్‌ జనరల్‌ సెక్రటరీ సీహెచ్‌ వేణుగోపాలరావు క్రీడాకారులను అభినందించారు. జాతీయ స్థాయిలో కూడా అద్భుతమైన ప్రతిభ కనబరిచి విజయంతో తిరిగి రావాలని ఆకాంక్షిస్తూ, క్రీడాకారులకు శుభాకాంక్షలు తెలియజేశారు. రాష్ట్రానికి, జిల్లాకు మంచి పేరు తీసుకురావాలని వారు ఆశాభావం వ్యక్తం చేశారు.

● బుర్రకథ చూసివస్తూ మృత్యుఒడిలోకి ఇద్దరు విద్యార్థులు మక్కువ: తమ పిల్లలు బాగా చదువుకుని తమ ఆశలు నెరవేరుస్తారని భావించిన ఓ రెండు కుటుంబాల వారి ఆశలు రోడ్డు ప్రమాదం రూపంలో ఆవిరయ్యాయి. తమ పిల్లలు బాగా చదివి ప్రయోజకులవుతారని ఆశించిన కుటుంబసభ్యులు తమ పిల్లలను విగతజీవుల్లా చూసి కంటికీమింటికీ ఏకధారగా రోదిస్తున్నారు. స్నేహితులైన ఇద్దరు విద్యార్థులు బైక్‌ ప్రమాదంలో మృతిచెంది కుటుంబసభ్యులకు కడుపుకోత మిగిల్చారు. ఈ విషాద సంఘటన వివరాలిలా ఉన్నాయి. మండలంలోని చప్పబుచ్చమ్మపేట గ్రామానికి చెందిన వైకుంఠపు గిరి(17) శివకోటి రవి(17) స్నేహితులు. ఒకరు మక్కువలో ఇంటర్మీడియట్‌, మరొకరు విశాఖపట్నంలో పాలిటెక్నిక్‌ చదువుతున్నారు. వారిద్దరూ దసరా పండగ నిమిత్తం గ్రామానికి చేరుకుని, మంగళవారం ఉదయం నుంచి సాయంత్రం వరకు కుటుంబసభ్యులు, పండగకు గ్రామానికి వచ్చిన ఇతర స్నేహితులతో ఆనందంగా గడిపారు. దసరా పండగ సందర్భంగా సమీప గ్రామంలో బుర్రకథ ప్రోగ్రాం వేస్తున్నారని తెలుసుకుని ఇద్దరు స్నేహితులు కలిసి మంగళవారం రాత్రి ద్విచక్రవాహనంపై వెళ్లారు. ప్రోగ్రాం చూసుకుని తిరిగి గ్రామానికి బయల్దేరి కొంతదూరం ప్రయాణించగా, వేగంగా ప్రయాణించారో? ఏదైనా అడ్డువచ్చిందా? ఏమైందో ఏమో కానీ విద్యుత్‌స్తంభాన్ని బలంగా బైక్‌తో ఢీకొనడంతో ఒక యువకుడు అక్కడికక్కడే మృతిచెందగా, మరో యువకుడు పార్వతీపురం అస్పత్రికి తరలిస్తుండగా మార్గమధ్యంలో మృతిచెందాడు. మృతుతిద్దరిదీ ఒకే గ్రామం కావడంతో, పండగపూట గ్రామం శోకసంద్రంలోమునిగిపోయింది. ప్రమాద సమాచారం మేరకు ఏఎస్సై శ్రీనివాసరావు, సిబ్బంది సంఘటనా స్థలానికి చేరుకుని, దర్యాప్తు నిర్వహించి కేసు నమోదు చేశారు. మృతుడు గిరికి తండ్రి నరసింహ నాయుడు, తల్లి చిన్నారి, సోదరుడు ఉన్నారు. వ్యవసాయ పనులు చేసుకుంటారు. మృతుడు రవి తండ్రి కోటేశ్వర రావు గతేడాది అనారోగ్యంతో చనిపోగా తల్లి సుబ్బలక్ష్మి మక్కువలో ఓ హోటల్‌లో పనిచేస్తోంది. సోదరుడు ఉన్నాడు.

సీతానగరం: జిల్లాలోని నాలుగు నియోజకవర్గాలు, 15 మండలాల్లో స్థానిక సంస్థల ఎన్నికలు ప్రశాంతంగా నిర్వహించడానికి ఏర్పాట్లు పూర్తి చేశామని ఎస్పీ ఎస్వీ మాధవరెడ్డి అన్నారు. ఈ మేరకు సీతానగరం మండల కేంద్రంలోని స్థానిక ఎన్నికల నిర్వహణ కేంద్రాన్ని ఆయన బుధవారం తనిఖీ చేశారు. ఈ సందర్భంగా మాట్లాడుతూ 15 మండలాల జెడ్పీటీసీ, ఎంపీటీసీ అభ్యర్థుల నామినేషన్‌ ప్రక్రియ ప్రారంభించడం, మున్సిపల్‌ ఎన్నికల నామినేషన్‌ల ప్రక్రియ పూర్తి కావడంతో ఎన్నికలు సక్రమంగా నిర్వహించడానికి ఏర్పాట్లు పూర్తి చేశామన్నారు. నియోకవర్గం స్థాయిలో శాంతిభద్రలు నిర్వహిం చడానికి డీఎస్పీ స్థాయి అధికారిని నియమించామన్నారు. ఎన్నికలకోడ్‌ అమలులో ఉన్నందున ఎటువంటి కవ్వింపు చర్యలనైనా నిలువరించడానికి ప్రజలు సహకరించాలని కోరారు. అలాగే పోలింగ్‌ కేంద్రల్లో అనుసరించాల్సిన విధాలపై తీసుకోవాల్సిన జాగ్రత్తలను వివరించారు. కార్యక్రమంలో డిఎస్పీ సీహెచ్‌వీ శేషయ్య, ఎన్నికల రిటర్నింగ్‌ అధికారి కె. అప్పలనాయుడు, సహాయ ఎన్నికల అధికారులు ఎంఎల్‌ఎన్‌ ప్రసాద్‌, కె.ప్రసన్నకుమార్‌, ఎస్సై ఎం.హేమలత, డిప్యూటీ ఎంపీడీఓలు కె.కుమారవర్మ, ఎం.శివప్రసాద్‌, మండల పరిషత్‌ ఏఓ వెంకటరావు పాల్గొన్నారు. ఎస్పీ ఎస్వీ మాధవరెడ్డి

● వైఎస్సార్‌సీపీలో భారీగా చేరికలు ● పార్టీ కండువాలు వేసి ఆహ్వానిస్తున్న వైఎస్సార్‌సీపీ నాయకులు ● స్థానిక ఎన్నికల్లో విజయానికి కృషి చేద్దామని నాయకుల పిలుపు ● 21ఎస్‌ఎల్‌ఆర్‌61 బి–పార్టీలోకి చేరిన తూరుమామిడి గ్రామస్తులువైఎస్సార్‌సీపీలోకి జనసేన నాయకులు డెంకాడ: మండల మాజీ జెడ్పీటీసీ సభ్యుడు కంది సూర్యనారాయణ, అక్కివరం మాజీ సర్పంచ్‌ కంది కిరణ్‌కుమార్‌తో పాటు పలువురు జనసేన పార్టీని వీడి వైఎస్సార్‌సీపీలో బుధవారం చేరారు. వారికి మాజీ మంత్రి బొత్స సత్యనారాయణ స్వగృహంలో జరిగిన కార్యక్రమంలో పార్టీ కండువాలు వేసి ఆహ్వానించారు. కార్యక్రమంలో వైఎస్సార్‌సీపీ జిల్లా అధ్యక్షుడు బెల్లాన చంద్రశేఖర్‌, ఎమ్మెల్సీ పెనుమత్స సురేష్‌బాబు, నెల్లిమర్ల నియోజకవర్గం సమన్వయకర్త గదల సన్యాసినాయుడు, వైఎస్సార్‌సీపీ నాయకులు బొత్స చైతన్య, మండల పార్టీ అధ్యక్షుడు పిన్నింటి తమ్మునాయుడు, పలువురు వైఎస్సార్‌సీపీ నాయకులు, కార్యకర్తలు పాల్గొన్నారు. దత్తిరాజేరు మండలంలో 30 కుటుంబాలు దత్తిరాజేరు: మండలంలోని ఆర్‌.రామచంద్రపురం గ్రామానికి చెందిన 30 కుటుంబాలు టీడీపీ నుంచి వైఎస్సార్‌సీపీలో గురువారం చేరాయి. పార్టీలో చేరిన వారికి గజపతినగరంలోని వైఎస్సార్‌సీపీ కార్యాలయంలో మాజీ ఎమ్మెల్యే బొత్స అప్పలనరసయ్య పార్టీ కండువాలు వేసి ఆహ్వానించారు. అనంతరం పార్టీలో చేరిన తూమురోతు కృష్ణ. బొత్స చిన్నారావు కష్ణ తదితరులు మాట్లాడుతూ హామీలు అమలు చేయక పోవడంతో కూటమిపాలనపై విసుగుచెంది ప్రజలకు సేవ చేయాలనే ఉద్దేశంతో వైఎస్సార్‌సీపీలో చేరామన్నారు. కార్యక్రమంలో స్థానిక నాయకుడు బేత రవి మాజీ ఎంపీపీ గేదెల సింహాద్రి అప్పలనాయుడు పలు గ్రామాలకు చెందిన నాయకులు పాల్గొన్నారు.స్థానిక సంస్థల ఎన్నికల వేళ వైఎస్సార్‌సీపీ బలోపేతమవుతోంది. అధికార కూటమి పక్షాలకు చెందిన పలువురు నాయకులు, గ్రామస్తులు టీడీపీ, జనసేనలను వీడి వైఎస్సార్‌సీపీ తీర్థం పుచ్చుకుంటున్నారు. పార్టీలో చేరుతున్న వారంతా మాట్లాడుతూ కూటమి ప్రభుత్వ పాలనపై విసుగు చెందిన పార్టీ మారుతున్నామని, స్థానిక ఎన్నికల్లో వైఎస్సార్‌సీపీ విజయానికి కృషి చేస్తామని చెబుతున్నారు. ఆయా గ్రామాల్లో పార్టీలో చేరిన వారి వివరాలిలా ఉన్నాయి.

● వడమలో చైర్‌పర్సన్‌ అభ్యర్థి ఇందుమతి ప్రచారంపాలకొండ: పాలకొండ నగర పంచాయతీ వైఎస్సార్‌సీపీ చైర్‌పర్సన్‌ అభ్యర్థి పాలవలస ఇందుమతి బుధవారం ఎన్నికల ప్రచారం నిర్వహించారు. వడమ ప్రాంతంలో మాజీ ఎమ్మెల్యేలు విశ్వాసరాయి కళావతి, రెడ్డి శాంతితో కలిసి ఇంటింటికీ వెళ్లి ఓట్లు అభ్యర్థించారు. వైఎస్సార్‌సీపీ హయాంలో పట్టణంలో చేపట్టిన అభివృద్ధి పనులు, ప్రజలకు అందజేసిన సంక్షేమ పథకాలను తెలియజేశారు. ఫ్యాన్‌ గుర్తుకు ఓటేసి అత్యధిక మెజార్టీతో గెలిపించాలని కోరారు. కూటమి ప్రభుత్వం అధికారం చేపట్టి సుమారు మూడేళ్లు పూర్తికావస్తున్నా ఇంతవరకు ఇచ్చిన హమీలనే అమలు చేయలేదని ఆరోపించారు. ప్రజల పక్షాన పోరాటం చేస్తున్న వైఎస్‌ జగన్‌మోహనరెడ్డికి అండగా నిలిచి ప్రజలకు మంచి చేసేందుకు దోహద పడాలని విజ్ఞప్తిచేశారు.

విజయనగరం క్రైమ్‌: ఉత్తరాంధ్ర ఇలవేల్పు శ్రీ పైడితల్లి అమ్మవారిని కలెక్టర్‌ రాంసుందర్‌ రెడ్డి కుటుంబ సమేతంగా దర్శించుకుని ప్రత్యేక పూజలు చేసారు. విజయదశమి రోజున చదురుగుడిలో కొలువైన శ్రీ పైడితల్లి అమ్మవారిని కలెక్టర్‌ తన భార్యతో కలిసి దర్శించుకున్నారు. ఆలయ అర్చకులు రాజేష్‌, అచ్యుతానంద శర్మలు కలెక్టర్‌ దంపతులకు పూర్ణ కుంభంతో గర్భగుడిలో స్వాగతం పలికారు. దేవదాయ శాఖ ఎ.డి ఆలయ ఈఓ శిరీష దగ్గరుండి కలెక్టర్‌ దంపతులకు శ్రీ పైడితల్లి అమ్మవారి దర్శనం చేయించారు. జిల్లా ప్రజలందరూ ఆయురారోగ్యాలు, సుఖసంతోషాలతో ఉండాలని, ప్రజల జీవితాల్లో సుఖశాంతులు, సిరిసంపదలు వెల్లివిరియాలని అమ్మవారిని కలెక్టర్‌ ప్రార్థించారు. అనంతరం మంటపంలో కూర్చుండబెట్టి వేద ఆశ్వీరచనం చేసి పట్టు వస్త్రాలు సమర్పించి అమ్మవారి తీర్థప్రసాదాలను అందజేశారు. రోడ్డు ప్రమాదంలో వ్యక్తికి గాయాలువీరఘట్టం: మండలంలోని సీఎస్‌పీ రహదారిలో నడుకూరు సమీపంలో కనోసా ఆస్పత్రి ఎదురుగా మంగళవారం సాయంత్రం జరిగిన రోడ్డు ప్రమాదంలో అనకాపల్లి అప్పలరాజు అనే కార్పెంటర్‌కు తీవ్ర గాయాలయ్యాయి. దీనిపై స్థానికులు తెలిపిన వివరాలు ఇలా ఉన్నాయి. వీరఘట్టం బీసీ కాలనీకి చెందిన అప్పలరాజు తన మిత్రుడి బైక్‌పై వెనుక కూర్చుని ప్రయాణిస్తుండగా ఎదురుగా వచ్చిన ఆటో ఢీ కొట్టడంతో ప్రమాదం జరిగింది. .ఈ ప్రమాదం జరిగినప్పుడు బైక్‌ వెనుక కూర్చున్న అప్పలరాజు రోడ్డుపై దూరంగా పడిపోవడంతో కాలు పాదం పూర్తిగా నుజ్జునుజ్జైంది. అలాగే కుడి కన్ను క్రింది బాగంలో ఎముకలు విరిగిపోయాయి. తక్షణమే వైద్యం కోసం బంధువులు రాజాం తరలించారు.ఈ ప్రమాదంపై పూర్తి వివరాలు సేకరించి కేసు నమోదు చేస్తామని ఎస్సై షణ్ముఖరావు తెలిపారు. కారు ఢీకొని మరో వ్యక్తికి.. గజపతినగరం రూరల్‌: మండలంలోని మధుపాడ గ్రామ సమీపంలో భూదేవిపేట జంక్షన్‌ వద్ద మంగళవారం మరుపల్లి గ్రామానికి చెందిన సీర రామకష్ణ(37) తీవ్రంగా గాయపడ్డాడు. రామకృష్ణ తన టీవీఎస్‌ ఎక్సెల్‌ వాహనంపై మరుపల్లి వెళ్తుండగా, ఎదురుగా వచ్చిన కారు డ్రైవర్‌ వేగంగా, నిర్లక్ష్యంగా నడుపుతూ రోడ్డుకు కుడివైపు మళ్లించడంతో కారు డోర్‌ను ఢీకొని రామకృష్ణ కిందపడ్డాడు. దీంతో ముఖం, ఎడమ నుదుటిపై తీవ్రంగా గాయాలయ్యాయి. సమాచారం అందుకున్న రామకష్ణ బంధువులు వెంటనే సంఘటన స్థలానికి చేరుకుని గజపతినగరం ప్రభుత్వ ఆస్పత్రికి తరలించి ప్రాథమిక చికిత్స అనంతరం మెరుగైన వైద్యం కోసం విశాఖపట్నంలోని మెడికవర్‌ ఆస్పత్రిలో చేర్చారు. ఈ ఘటనపై భార్య సీర రమణమ్మ ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. గాయపడిన వ్యక్తి మృతిసంతకవిటి: మండలంలోని జావాం గ్రామానికి చెందిన బి.నారాయణరావు(36) సోమవారం జరిగిన రోడ్డు ప్రమాదంలో తలకు తీవ్ర గాయాలై చికిత్స పొందుతూ మృతి చెందినట్లు బంధువులు తెలిపారు. వారు తెలిపిన వివరాలిలా ఉన్నాయి. శ్రీకాకుళం జిల్లా పొందూరు మండలంలో తన అత్తవారి గ్రామమైన రాపాక లో భార్య రాజేశ్వరి, పిల్లలతో కలిసి నారాయణ రావు నివసిస్తున్నాడు. జావాం గ్రామంలో రేషన్‌ విడిపించేందుకు ద్విచక్ర వాహనంపై వచ్చి తిరిగి వెళ్తుండగా పొందూరు స్టేషన్‌ సమీపంలో ఎదురుగా వస్తున్న ద్విచక్ర వాహనం ఢీ కొనడంతో తలకు తీవ్రమైన గాయాలయ్యాయి. వెంటనే శ్రీకాకుళంలోని ఓ ఆస్పత్రికి తరలించగా చికిత్స పొందుతూ మృతి చెందాడు. మృతుడికి భార్యతో పాటు కుమార్తె దిల్లీశ్వరి, కుమారుడు విష్ణు వర్ధన్‌ ఉన్నారు. లోక కల్యాణార్థం చండీయాగం విజయనగరం క్రైమ్‌: లోక కల్యాణార్థం మహాలక్ష్మి చండీయాగం నిర్వహించామని బ్రహ్మర్షి యనమండ్ర వేణుగోపాల శాస్త్రి తెలిపారు. మంగళవారం స్థానిక పూల్‌బాగ్‌ గాయత్రీ విద్యాపీఠంలో శరన్నవరాత్రి ఉత్సవాల సందర్భంగా సామూహిక అక్షరాభ్యాసాలు, కుంకుమ పూజలు నిర్వహించారు. అలాగే చండీయాగం, లలితా సహస్రనామ హోమం, సహస్ర జ్యోతిర్లింగార్చన కార్యక్రమాలు చేపట్టినట్లు తెలిపారు.

● జెడ్పీటీసీ స్థానాలకు ఐదు నామినేషన్లు సాక్షి, పార్వతీపురం మన్యం: జిల్లాలో పల్లెపోరు మొదలైంది. స్థానిక సంస్థల ఎన్నికల్లో భాగంగా ప్రాదేశిక ఎన్నికలకు నోటిఫికేషన్‌ విడుదలైంది. జెడ్పీటీసీ, ఎంపీటీసీ స్థానాలకు నామినేషన్ల స్వీకరణ బుధవారం ప్రారంభమైంది. 15 మండలాల్లో 226 ఎంపీటీసీలకు సంబంధించి మండల కార్యాలయాలు, 15 జెడ్పీటీసీలకు జిల్లా పరిషత్‌ వద్ద నామినేషన్‌ స్వీకరణ ప్రక్రియ చేపట్టారు. ఆయా కేంద్రాల వద్ద పోలీస్‌ యంత్రాంగం రెండంచెల పటిష్ట బందోబస్తు ఏర్పాటు చేసింది. 23వ తేదీ వరకు నామినేషన్ల స్వీకరణ చేపడతారు. 24న నామినేషన్లను పరిశీలిస్తారు. నవంబర్‌ 3న ఎన్నికలు జరగనున్నాయి. అదేనెల ఐదో తేదీన ఓట్ల లెక్కింపు చేపడతారు. తొలిరోజు జెడ్పీటీసీ స్థానాలకు ఐదు నామినేషన్లు పడ్డాయి. ఇందులో వైఎస్సార్‌సీపీ 2, టీడీపీ 2, బీజేపీ ఒకటి చొప్పున ఉన్నాయి. ఎంపీటీసీ స్థానాలకు సంబంధించి 226కి 109 నామినేషన్లు దాఖలయ్యాయి. ఇందులో వైస్సార్‌సీపీ తరఫున 52, టీడీపీ నుంచి 40, జనసేన–07, సీపీఎం–07, బీజేపీ ఒకటి చొప్పున ఉన్నాయి.

పార్వతీపురం రూరల్‌: మండలంలోని బాలగూడబ గ్రామానికి చెందిన పది కుటుంబాల సభ్యులు బుధవారం వైఎస్సార్సీపీలో చేరారు. మాజీ ఎమ్మెల్యే, నియోజకవర్గ సమన్వయకర్త అలజంగి జోగారావు సమక్షంలో వారు పార్టీలో చేరగా, ఆయన కండువాలు కప్పి ఆహ్వానించారు. పార్టీలో చేరిన వారిలో జనసేన నుంచి వంగపండు నవీన్‌న్‌, గంగాడ ఆదినారాయణ, భోగి రవితేజ, గంగాడ వాసు, టీడీపీ నుంచి వంగపండు సత్యనారాయణ, గంగాడ శంకరరావు, వర్రి శంకరరావు, సూరిబాబులతో పాటు వారి కుటుంబ సభ్యులు ఉన్నారు. ఈ సందర్భంగా జోగారావు మాట్లాడుతూ.. పార్టీలో అందరికీ తగిన సముచిత స్థానం, గౌరవం ఉంటుందని పేర్కొన్నారు. కార్యక్రమంలో పార్టీ జిల్లా అధికార ప్రతినిధి మువ్వల సత్యంనాయుడు, మాజీ సర్పంచ్‌ పండు, మాజీ ఉపసర్పంచ్‌ వర్రి శ్రీనివాసరావు, తదితర గ్రామ నాయకులు, కార్యకర్తలు పాల్గొన్నారు.

● పోలీసు అమరవీరులకు ఘనంగా నివాళులు ● హాజరైన జిల్లా ప్రధాన న్యాయమూర్తి, కలెక్టర్‌, ఎస్పీ విజయనగరం టౌన్‌: పోలీసు అమరవీరుల దినాన్ని పురస్కరించుకుని జిల్లా పోలీసు కార్యాలయ ప్రాంగణం స్మృతివనంలో జిల్లా పోలీసుశాఖ ఆధ్వర్యంలో అమరవీరులకు బుధవారం ఘనంగా నివాళులర్పించారు. ప్రిన్సిపల్‌ డిస్ట్రిక్ట్‌ జడ్జి ఎం.బబిత, కలెక్టర్‌ ఎస్‌.రామసుందర్‌ రెడ్డి, ఎస్పీ ఏఆర్‌ దామోదర్‌, పోలీసు అమరవీరుల కుటుంబ సభ్యులు, అధికారులు కార్యక్రమంలో పాల్గొని విధి నిర్వహణలో ప్రాణాలర్పించిన అమరవీరులకు అమరవీరుల స్మతి స్ధూపం వద్ద ఘనంగా నివాళులర్పించారు. దేశ వ్యాప్తంగా విధి నిర్వహణలో అమరులైన 154 మంది పోలీసుల వివరాలతో కూడిన పుస్తకాన్ని ఎస్పీ ఏఆర్‌.దామోదర్‌ ఆవిష్కరించారు. ఏఆర్‌ అదనపు ఎస్పీ పి.కిరణ్‌కుమార్‌ ఆ పుస్తకంలో ఉన్న తీవ్రవాదుల దాడుల్లో మృతిచెందిన 154 మంది పోలీసు అధికారులు, సిబ్బంది పేర్లను చదివి వినిపించారు. పోలీసుల త్యాగాల ఫలితంగా ప్రశాంత జీవనం ఈ సందర్భంగా ప్రిన్సిపల్‌ డిస్ట్రిక్ట్‌ జడ్జి ఎం.బబిత మాట్లాడుతూ విధి నిర్వహణలో చాలామంది పోలీసులు తమ ప్రాణాలను కోల్పోయారని, వారు చేసిన త్యాగాల ఫలితంగా నేడు మనమంతా ప్రశాంతంగా జీవించగలుగుతున్నామన్నారు. పోలీసు అమరవీరుల కుటుంబాలకు న్యాయవ్యవస్ధ అండగా ఉంటుందని భరోసా ఇచ్చారు. దేశభద్రతకు రెవెన్యూ, పోలీస్‌, జ్యుడిషియల్‌ విభాగాలు సమన్వయంతో పనిచేస్తున్నాయన్నారు. కలెక్టర్‌ ఎస్‌.రామసుందర్‌ రెడ్డి మాట్లాడుతూ ప్రజలు శాంతియుతంగా జీవించాలనే ఉద్దేశంతో కంటికి కనిపించని శత్రువులతో పోరాటాలు చేసి, అనేక మంది పోలీసులు విధులను నిర్వహిస్తూ, ప్రాణాలను కోల్పోయారన్నారు. అటువంటి పోలీసు కుటుంబాలకు మనమంతా అండగా నిలబడాలని పిలుపునిచ్చారు. అమరవీరుల కుటుంబాల యోగక్షేమాలపై ఆరా ఎస్పీ ఏఆర్‌.దామోదర్‌ మాట్లాడుతూ దేశంలో మావోయిజం తీవ్రంగా ఉన్న సమయంలో దేశ అంతర్గత భద్రత కోసం, మావోయిస్టుల తీవ్రవాద కార్యక్రమాలను అరికట్టేందుకు వారితో పోరాటం చేసి, ఎంతోమంది పోలీసులు తమ ప్రాణాలను తృణప్రాయంగా అర్పించారని కొనియాడారు. అనంతరం పోలీసు అమరవీరుల కుటుంబాలతో మమేకమై, వారియోగక్షేమాలు అడిగి తెలుసుకుని, వారికి పండ్లు, నగదు అందజేసి అన్నివిధాలుగా అండగా ఉంటామన్న భరోసా కల్పించారు. కార్యక్రమలో ఎన్‌సీసీ వింగ్‌ లెఫ్ట్‌నెంట్‌ కల్నల్‌ రవివ్యాస్‌, సైనిక్‌ స్కూల్‌ వైస్‌ ప్రిన్సిపాల్‌ ఎస్‌.కిరణ్‌, విజయనగరం డీఎస్పీ ఎస్‌.లక్ష్మణమూర్తి, పోలీస్‌ అమరవీరులు సీహెచ్‌.చిరంజీవిరావు, షేక్‌ ఇస్మాయిల్‌ కుటుంబసభ్యులు షేక్‌ వీటి జాన్‌, విశాలాక్షి తదితరులు పాల్గొన్నారు. ఆయుధపూజలో పాల్గొన్న ఎస్పీ దసరా పర్వదినాన్ని పురస్కరించుకుని జిల్లా పోలీసుశాఖ ఆధ్వర్యంలో ఆయుధ పూజలు నిర్వహించారు. ఈ కార్యక్రమానికి ముఖ్య అతిథిగా హాజరైన ఎస్పీ ఏఆర్‌.దామోదర్‌ దుర్గామాతకు ప్రత్యేక పూజలు చేశారు. ఈ సందర్భంగా ఆయన మాట్లాడుతూ చెడుపై సాధించిన విజయానికి ప్రతీకగా, దుష్టశిక్షణ, శిష్టరక్షణకు పోలీసుశాఖ వినియోగిస్తున్న వివిధ ఆయుధాలు, వాహనాలు, బాంబ్‌ డిస్పోజల్‌ పరికరాలకు ప్రత్యేక పూజలు నిర్వహించామన్నారు. పోలీసు ఉద్యోగులు సుఖ సంతోషాలతో జీవించేలా ఆశీర్వదించాలని, తలపెట్టిన పనుల్లో విజయం సాధించాలని, ప్రజలందరికీ మంచి జరగాలని శ్రీ దుర్గాదేవిని వేడుకున్నట్లు తెలిపారు. అనంతరం అభివృద్ధి చేసిన బాంబ్‌ డిస్పోజల్‌ కార్యాలయాన్ని ప్రారంభించి, వేదపండితుల నుంచి ఆశీర్వచనం పొందారు. దసరా వేడుకల్లో ఏఆర్‌ అదనపు ఎస్పీ పి.కిరణ్‌కుమార్‌, ఆర్‌ఐలు ఎన్‌.గోపాలనాయుడు, ఆర్‌.రమేష్‌కుమార్‌, పి.శ్రీనివాసరావు ఇతర పోలీసు అధికారులు, సిబ్బంది పాల్గొన్నారు.

సాక్షి, పార్వతీపురం మన్యం/పార్వతీపురం రూరల్‌: పుర, నగర పంచాయతీ ఎన్నికల ఘట్టం మరోగట్టు దాటింది. నామినేషన్ల పర్వం పూర్తయి.. అభ్యర్థుల ఉప సంహరణ మెట్టు కూడా దాటేసింది. కూటమిలో కొన్ని చోట్ల సీట్ల సర్దుబాటు వ్యవహారం కొలిక్కి రాలేదు. స్థానిక ఎన్నికల వేళ పార్వతీపురం మున్సిపాలిటీలో టీడీపీ, జనసేన మధ్య సీట్ల పంచాయితీ కొత్త మలుపులు తిరుగుతోంది. మొత్తం 36 వార్డులున్న మున్సిపాలిటీలో 11 స్థానాలు కేటాయించాలని జనసేన కోరగా.. నాలుగు స్థానాలకే టీడీపీ అంగీకారం తెలిపినట్లు తెలుస్తోంది. దీంతో ఇరు పార్టీల మధ్య ఏకాభిప్రాయం కుదరలేదు. ఈ పరిణామాల నేపథ్యంలో జనసేన అభ్యర్థులు స్వతంత్రంగా, రెబల్స్‌గా బరిలోకి దిగేందుకు సిద్ధమవుతుండడం రాజకీయంగా చర్చనీయాంశంగా మారింది. సాలూరులోనూ చైర్‌ పర్సన్‌ స్థానం జనసేనకు కేటాయించగా.. టీడీపీ నుంచి ఇద్దరు అభ్యర్థులు నామినేషన్‌ దాఖలు చేశారు. ఇది కూడా చివరి నిమిషం వరకూ ఉత్కంఠగా మారింది. ఎవరి దారి వారిదే.. పార్వతీపురంలో సీట్ల సర్దుబాటుపై స్పష్టత రాకపోవడంతో జనసేన తనదైన దారిలో ముందుకు సాగుతోంది. అరకు పార్లమెంట్‌ ఇన్‌చార్జి, ఎన్నికల సమన్వయకర్త గంగులయ్య చేతుల మీదుగా 14 మంది జనసేన అభ్యర్థులకు బి–ఫారాలు అందజేయడం రాజకీయ వర్గాల్లో ఆసక్తిని రేకెత్తించింది. టీడీపీతో సీట్ల ఒప్పందం కుదరకుండానే ఇంతమంది అభ్యర్థులకు బి–ఫారాలు ఇవ్వడం కూటమి రాజకీయాల్లో కలకలం రేపుతోంది. టీడీపీ కూడా 36 వార్డులకు 34 మందికి బి–ఫారాలు అందజేసింది. మరోవైపు జనసేన బి––ఫారాల పంపిణీతో వార్డుల్లో పోటీ చేయాలనుకుంటున్న ఆశావహుల్లోనూ ఉత్కంఠ నెలకొంది. ఎవరికి పార్టీ అధికారికంగా అండగా నిలుస్తుంది? ఎవరికి అవకాశం దక్కుతుంది? కూటమి అభ్యర్థులుగా ఎవరు బరిలో ఉంటారు? అన్న ప్రశ్నలు తెరపైకి వస్తున్నాయి. నెల రోజులుగా కొనసాగుతున్న ఈ గందరగోళానికి తెరపడకపోవడం స్థానిక రాజకీయాలను మరింత వేడెక్కిస్తోంది. ఇక బీజేపీ వైఖరి కూడా స్పష్టంగా వెల్లడికాకపోవడం పరిస్థితిని మరింత ఆసక్తికరంగా మార్చింది. బీజేపీ జిల్లా అధ్యక్షుడు ద్వారపురెడ్డి శ్రీనివాసరావు పోటీలో నుంచి వెనక్కి తగ్గారు. ఈ నేపథ్యంలో మూడు పార్టీల మధ్య సమన్వయం కుదురుతుందా? లేక సీట్ల పంచాయితీతో కూటమి అభ్యర్థుల మధ్యే పోటీ తప్పదా? అన్నది ఇప్పుడు చర్చనీయాంశంగా మారింది. మొత్తానికి.. పార్వతీపురం మున్సిపాలిటీలో ప్రత్యర్థి పార్టీలతో పోరుకు ముందే కూటమి పార్టీల మధ్య సీట్ల లెక్కలు తలనొప్పిగా మారాయి. ఈ అంతర్గత విభేదాలు ఎన్నికల ఫలితాలపై ఎలాంటి ప్రభావం చూపుతాయో వేచి చూడాలి. పార్వతీపురంలో జనసేనకు 4 సీట్లకే పరిమితం చేయాలని టీడీపీ పట్టు 36 వార్డుల్లో సీట్ల సర్దుబాటుపై పీటముడి రెబల్స్‌గా బరిలోకి జనసేన అభ్యర్థులు

మున్సిపల్‌ బరిలో..సాక్షి, పార్వతీపురం మన్యం: మున్సిపల్‌ ఎన్నికల నామినేషన్ల పర్వం ముగిసింది. నామినేషన్ల ఉపసంహరణ గడువు కూడా బుధవారంతో పూర్తయింది. ఇక ఎన్నికల ప్రచారానికి తెరలేవాల్సిన తరుణంలో అభ్యర్థులపై ఒత్తిళ్లు, బెదిరింపులు తెరపైకి వస్తున్నాయనే ఆరోపణలు వినిపిస్తున్నాయి. బరిలో నిలిచిన ప్రతిపక్ష, స్వతంత్ర అభ్యర్థులను పోటీ నుంచి తప్పించేందుకు అధికార పార్టీకి చెందిన కొందరు నాయకులు ప్రయత్నిస్తున్నారనే విమర్శలు వ్యక్తమవుతున్నాయి. తొలుత తెలిసినవారు, మధ్యవర్తుల ద్వారా రాయబేరాలు నడుపుతున్నట్లు ఆరోపణలు ఉన్నాయి. వాటికి అభ్యర్థులు అంగీకరించకపోతే నేరుగా ఫోన్లు చేసి హెచ్చరిస్తున్నారనే వాదనలు వినిపిస్తున్నాయి. ‘పోటీ ఎలా చేస్తావో చూస్తాం.. ప్రచారం ఎలా నిర్వహిస్తావో చూస్తాం.. నామినేషన్‌ ఉపసంహరించుకోకపోతే నీ అంతు చూస్తాం’ అంటూ భయపెట్టే ప్రయత్నాలు జరుగుతున్నాయని పలువురు అభ్యర్థులు ఆందోళన వ్యక్తం చేస్తున్నారు. ప్రధానంగా వైఎస్సార్‌సీపీ, స్వతంత్ర అభ్యర్థులను లక్ష్యంగా చేసుకుని నయానో, భయానో పోటీ నుంచి తప్పించే ప్రయత్నాలు జరుగుతుండడం చర్చనీయాంశంగా మారింది. కేవలం కౌన్సిలర్‌ అభ్యర్థులను కాక.. మున్సిపల్‌ చైర్‌ పర్సన్‌గా పోటీలో నిలిచిన వారికి సైతం ఈ బెదిరింపులు తప్పలేదు. తెలుగుదేశం పార్టీకి చెందిన కౌన్సిలర్‌, చైర్‌ పర్సన్‌ అభ్యర్థుల నుంచే ఈ తరహా వార్నింగ్‌లు వస్తున్నాయని పలువురు ప్రతిపక్ష, స్వతంత్ర అభ్యర్థులు వాపోయారు. ఇప్పుడే ఇలా ఉంటే.. మున్ముందు ఎన్నికల బరిలో నిలిచిన అభ్యర్థులు స్వేచ్ఛగా ప్రచారం చేసుకునే పరిస్థితి ఉందా? అనే ప్రశ్నలు ఉత్పన్నమవుతున్నాయి. మరోవైపు పార్వతీపురం పురపాలక సంఘానికి మధ్యాహ్నం 2 గంటల సమయంలో ఎమ్మెల్యే విజయ్‌ చంద్ర చేరుకున్నారు. అక్కడే కమిషనర్‌ ఛాంబర్‌ ఎదురుగా గదిలో కూర్చుని.. తమ అభ్యర్థులు ఒక్కొక్కరికీ బి–ఫారాలు అందజేశారు. 3 గంటల తర్వాత గేట్లు వేసేయడంతో కొంతమంది ఉప సంహరణకు వచ్చి, ఆ ప్రక్రియ పూర్తి కాకుండానే వెళ్లిపోయారు. ఎన్నికల్లో పోటీ చేయడం ప్రతి అభ్యర్థికీ రాజ్యాంగబద్ధంగా కల్పించిన హక్కు. ప్రత్యర్థులను రాజకీయంగా ఎదుర్కోవాల్సింది ప్రజల ముందే తప్ప, బెదిరింపులతో కాదనే అభిప్రాయాలు వ్యక్తమవుతున్నాయి. ఈ ఆరోపణలపై ఎన్నికల అధికారులు, పోలీసు యంత్రాంగం స్పందించి, అభ్యర్థులకు భద్రత కల్పించడంతో పాటు స్వేచ్ఛాయుత వాతావరణంలో ఎన్నికలు జరిగేలా చర్యలు తీసుకోవాలని పలువురు కోరుతున్నారు. కుదిరితే రాయ‘బేరం’.. లేకుంటే దండోపాయం! పోటీలో ఉంటే.. నీ అంతు చూస్తా! ప్రత్యర్థి అభ్యర్థులకు ఫోన్లు.. పోటీ నుంచి తప్పుకోవాలంటూ ఒత్తిళ్లు? అధికార పార్టీ నేతల తీరుపై అభ్యర్థుల్లో ఆందోళన

విజయనగరం టౌన్‌: జిల్లా పోలీసు కార్యాలయంలో అదనపు ఎస్పీ (అడ్మిన్‌)గా బాధ్యతలు నిర్వహించి, నాన్‌కేడర్‌ ఎస్పీగా ఉద్యోగోన్నతి పొంది, విజిలెన్స్‌ అండ్‌ ఎన్‌ఫోర్స్‌మెంట్‌ విభాగానికి బదిలీ అయిన పి.సౌమ్యలతకు జిల్లా పోలీసు శాఖ ఆధ్వర్యంలో ఎస్పీ ఏఆర్‌ దామోదర్‌ బుధవారం ఘనంగా వీడ్కోలు పలికారు. ఈ సందర్భంగా ఆయన మాట్లాడుతూ జిల్లా పోలీసు కార్యాలయంలో నిర్వహించే పరిపాలనాపరమైన విధులు, పోలీసు అధికారులు, సిబ్బందికి అప్పగించిన బాధ్యతలను నిరంతరం పర్యవేక్షిస్తూ, అవసరాలకనుగుణంగా తగిన సూచనలు, ఆదేశాలు జారీచేస్తూ ఎంతో బాధ్యతాయుతంగా పనిచేసి అందరి మన్ననలు పొందారని ప్రశంసించారు. బదిలీపై వెళ్తున్న అదనపు ఎస్పీ పి.సౌమ్యలత మాట్లాడుతూ తాను జిల్లాలో పనిచేసిన సమయంలో ఎస్పీలుగా పనిచేసిన అధికారులందరూ అందించిన సహకారం, విధినిర్వహణలో సిబ్బంది చూపిన అంకితభావం మరువలేనన్నారు. జిల్లాలో బొబ్బిలి డీఎస్పీగా, ఇంటెలిజెన్స్‌ విభాగంలో అదనపు ఎస్పీగా పనిచేయడం మధురస్మృతిగా నిలిచిపోతుందన్నారు. ఈ సందర్భంగా జిల్లా పోలీసుశాఖ ఆమెకు పుష్పగుచ్ఛం, జ్ఞాపికలు అందజేసి, దుశ్శాలువాతో ఘనంగా సత్కరించింది, కార్యక్రమంలో డీఎస్పీలు ఎస్‌.లక్ష్మణరావు, ఎస్‌.రాఘవులు, ఆర్‌.గోవిందరావు, పలువురు సీఐలు, పోలీసు కార్యాలయం అధికారులు పాల్గొన్నారు.

● వైభవోపేతంగా కోటదుర్గమ్మ తిరువీధిపాలకొండ రూరల్‌: శరన్నవరాత్రి ఉత్సవాలు ముగిసిన వేళ... మేళతాళాలు, భక్తుల భజనలు, సాంస్కృతిక ప్రదర్శనల నడుమ ఉత్తరాంధ్రుల ఆరాధ్య దైవం కోటదుర్గమ్మ అమ్మవారి తిరువీధి కార్యక్రమం మంగళవారం రాత్రి అంగరంగ వైభవంగా సాగింది. సింహవాహనంపై శోభాయాత్రగా వచ్చిన అమ్మవారిని చూసి భక్తులు పులకించిపోయారు. కరుణించమ్మా.. కోటదుర్గమ్మా అంటూ ప్రార్థించారు. అమ్మవారి దివ్వప్రసాదాన్ని రూ.40వేలకు పట్టణానికి చెందిన శ్రీనివాసరావు అనే వర్తకుడు దక్కించుకున్నారు.

సాక్షి, పార్వతీపురం మన్యం: స్థానిక ఎన్నికల సందడి మొదలైంది. పట్టణం నుంచి పల్లె వరకు రాజకీయ వేడి పెరుగుతోంది. నిన్నటివరకు పలకరించడానికి కూడా తీరిక లేదన్న నేతలు.. ఇప్పుడు ప్రతి ఇంటి గడప తొక్కుతున్నారు. ఓటరు కనిపిస్తే చాలు.. ఆప్యాయతలు పొంగిపొర్లుతున్నాయి. వరసలు కలుపుతూ బంధుత్వాలు గుర్తు చేస్తున్నారు. ‘బావా.. బాగున్నావా?’, ‘వదినా.. ఎలా ఉన్నావు?’, ‘అన్నయ్యా.. మీ కుటుంబమే మా కుటుంబం’ అంటూ కొత్త బంధాలకు తెర తీస్తున్నారు. ఎన్నికలు వస్తేనే గుర్తుకొచ్చే ఈ బంధుత్వాలకు కాలపరిమితి మాత్రం పోలింగ్‌ రోజుతోనే ముగుస్తుందన్నది ప్రజల్లో వినిపిస్తున్న వ్యంగ్యం! ● బంధుత్వాలకూ ఎన్నికల సీజనే.. ఎన్నికల వేళ రాజకీయ నాయకులకు బంధువుల సంఖ్య ఒక్కసారిగా పెరిగిపోతోంది. ఎప్పుడూ పలకరించని వారు సైతం ఆత్మీయంగా పలకరిస్తున్నారు. ఓటరు ఇంటి ముందు కుర్చీ వేసుకుని కూర్చుంటున్నారు. కష్టసుఖాలు అడుగుతున్నారు. సమస్యలు పరిష్కరిస్తామని హామీలు గుప్పిస్తున్నారు. ‘మీ ఓటు మా కుటుంబానికే వేయాలి’ అంటూ కుటుంబ సంబంధాలకూ రాజకీయ రంగు పులుముతున్నారు. ఓటరు కూడా పాతికేళ్ల రాజకీయ అనుభవం ఉన్నంత తెలివితోనే వ్యవహరిస్తున్నాడు. ఎవరు ఎప్పుడు వస్తారో.. ఎవరు ఏం ఇస్తారో గమనిస్తున్నాడు. ఎవరి మాటల్లో ఎంత మమకారం ఉందో, మరెంత ఓట్ల లెక్క దాగి ఉందో బేరీజు వేస్తున్నాడు. పండగ పూట అందిన మాంసం పొట్లం ఒక్కరోజుకే సరిపోవచ్చు. కొత్త చీర కొన్ని సందర్భాల్లోనే ఉపయోగపడవచ్చు... తాగునీరు, రహదారులు, పారిశుద్ధ్యం, వీధి దీపాలు, డ్రైనేజీ వంటి సమస్యలు మాత్రం రోజూ వెంటాడుతూనే ఉంటాయి. అందుకే ఎన్నికల వేళ అందుతున్న కానుకల కంటే.. ఎన్నికల తర్వాత ప్రజల కోసం ఎవరు నిలబడతారన్నదే అసలు ప్రశ్న. ప్రజాస్వామ్యంలో ఓటు విలువను కానుకలతో కొలవలేరు. పండగ పేరుతోనో, బంధుత్వాల పేరుతోనో ఓటరును ప్రభావితం చేయాలనే ప్రయత్నాలు ఎంత జరిగినా.. చివరకు ఓటు హక్కు మాత్రం ఓటరు చేతిలోనే ఉంటుంది. పండగ సంబరాల మధ్య సాగుతున్న ఈ తాయిలాల రాజకీయంలో ప్రజలు ఎవరికి పట్టం కడతారన్నది పక్కన పెడితే.. అభ్యర్థులు మాత్రం ఇప్పుడే ఓటర్లకు ఆప్తులైపోతున్నారు! కలిసొచ్చిన దసరా పండగ ఈసారి దసరా పండగ కూడా అభ్యర్థులకు కలిసొచ్చింది. పండగ సంబరాలను ఓట్ల వేటకు అనుసంధానిస్తూ కొందరు అభ్యర్థులు తాయిలాల పంపిణీకి తెర తీశారు. ఓవైపు ప్రచార హోరు.. మరోవైపు మాంసం పొట్లాల పంపిణీ.. ఇంకోవైపు చీరల పంపకాలు.. వెరసి ఎన్నికల రాజకీయం పండగ పూట కొత్త రూపు సంతరించుకుంటోంది. దసరా పండగ వచ్చిందంటే చాలా కుటుంబాల్లో మాంసాహార వంటకాలు ప్రత్యేకం. ఈ అలవాటునే కొందరు అభ్యర్థులు తమ ప్రచారానికి అనుకూలంగా మలుచుకుంటున్నారనే చర్చ సాగుతోంది. కోడి, గొర్రె పోతు మాంసాన్ని అరకిలో, కిలో చొప్పున ఇళ్లకు పంపించేందుకు ఏర్పాట్లు చేసినట్టు ప్రచారం జరుగుతోంది. ఒక అభ్యర్థి ఇచ్చిన పొట్లం అందుకున్న ఇంటికి.. మరో అభ్యర్థి కూడా తన వంతు పంపిస్తుండడంతో కొన్ని ఇళ్లలో రెండు, మూడు కిలోల వరకు మాంసం సమకూరుతోందని స్థానికంగా చెప్పుకుంటున్నారు. దీంతో ఓటరు ఇంట్లో పొయ్యి వెలగకముందే రాజకీయ వేడి రాజుకుంటోంది. అభ్యర్థులు మాత్రం ప్రజలపై ప్రేమతోనే ఇదంతా చేస్తున్నామని చెప్పుకోవచ్చు గాక.. ఓటర్ల మనసులో మాత్రం ఒకటే ప్రశ్న.. ‘ఈ పండగ మమకారం ఎన్నికల తర్వాత కూడా ఉంటుందా?’ అని!చీరలతో ఓట్లకు వల! మాంసం పొట్లాలతో సరిపెట్టని మరికొందరు అభ్యర్థులు మహిళలను ఆకర్షించేందుకు చీరల పంపిణీకి తెర తీస్తున్నారనే ప్రచారం ఉంది. పండగకు కొత్త చీర.. ఎన్నికల వేళ కొత్త బంధం.. అభ్యర్థుల లెక్కలు మాత్రం పక్కాగా ఉన్నాయనే విమర్శలు వినిపిస్తున్నాయి. ఇంటింటికీ వెళ్లి సమస్యలు తెలుసుకోవాల్సిన నాయకులు.. ముందుగా ఇంటింటికీ కానుకలు చేరేలా చూస్తున్నారన్న వ్యంగ్య వ్యాఖ్యలు వినిపిస్తున్నాయి. చీర అందుకున్న ప్రతి మహిళ ఓటు తమకే వేస్తుందని, మాంసం పొట్లం అందుకున్న ప్రతి కుటుంబం తమ వెంటే ఉంటుందని అభ్యర్థులు భావిస్తే అది రాజకీయాల్లో మరో రకమైన అపోహే అవుతుంది. కానుక తీసుకున్న చేతే ఓటు వేస్తుందని గ్యారంటీ ఇచ్చే యంత్రం ఇంకా ఎన్నికల మార్కెట్‌లోకి రాలేదు కదా! ఓటరుకు దసరా.. అభ్యర్థులకు ప్రచార పండగ పట్టణం నుంచి పల్లె వరకు బంధుత్వ రాజకీయం.. మాటల్లో మమకారం ఒలకబోస్తూ.. ఇళ్లకు మాంసం పొట్లాలు, మహిళలకు చీరల పంపిణీ..