Woman

ఆమ్‌స్టర్‌డామ్‌: నెదర్లాండ్స్‌లో జరిగిన ఓ ఫెస్టివల్‌లో ఊహించని ఘటన చోటుచేసుకుంది. బెలూన్లను పేల్చేందుకు ఎయిర్ రైఫిల్‌తో కాల్పులు జరిపిన ఓ మహిళ పొరపాటున అక్కడ పనిచేస్తున్న మరో మహిళపై కాల్పులు జరిపింది. ఈ ఘటనలో బాధితురాలు ఒక కంటిచూపును శాశ్వతంగా కోల్పోయినట్లు తెలుస్తున్నది.సోషల్ మీడియాలో వైరల్ అవుతున్న వీడియోలో ఓ మహిళ జాతరలోని షూటింగ్ స్టాల్ వద్ద ఎయిర్ రైఫిల్ పట్టుకుని కనిపించింది. బెలూన్లను లక్ష్యంగా చేసుకుని కాల్చాల్సిన ఆమె, అనుకోకుండా కౌంటర్ వద్ద ఉన్న మహిళా ఉద్యోగి వైపు గురిపెట్టి ట్రిగ్గర్ నొక్కింది. ఈ క్రమంలో తుపాకీ నుంచి వెలువడిన లోహపు గుళిక ఉద్యోగి కంటికి తగిలింది. దీంతో ఆమె కౌంటర్ వెనుక కుప్పకూలిపోయింది. ఈ ప్రమాదంలో ఆమె ఒక కంటిచూపును శాశ్వతంగా కోల్పోయింది. 🚨🇳🇱 A woman reportedly fired an air rifle at a fairground target in the Netherlands despite staff telling her to wait. A female employee raised her head in front of the rifle and was struck, reportedly losing sight in one eye. The circumstances and bystanders’ reactions have not been independently verified.— The Daily Brief (@TheDailyBriefX) November 9, 2026వీడియో వైరల్ కావడంతో సోషల్ మీడియాలో తీవ్ర విమర్శలు వ్యక్తమవుతున్నాయి. కాల్పులు జరిపే ముందు వేచి ఉండాలన్న భద్రతా సూచనలను ఎందుకు పట్టించుకోలేదని నెటిజన్లు ప్రశ్నిస్తున్నారు. గాయపడిన మహిళకు వెంటనే సహాయం అందించేందుకు అక్కడున్నవారు ఎందుకు ముందుకు రాలేదని కూడా పలువురు నిలదీస్తున్నారు. మరోవైపు షూటింగ్ స్టాళ్లలో భద్రతా ప్రమాణాలపైనా చర్చ మొదలైంది. ఎయిర్ రైఫిళ్లతో కాల్పులు జరిపే సమయంలో ఉద్యోగులు, సందర్శకులు ప్రమాదానికి గురికాకుండా తగిన జాగ్రత్తలు తీసుకోవాలని చాలామంది సూచించారు.ఇదీ చదవండి: ట్రంప్‌కు బిగ్ షాక్.. చేతులు మారిన రిపబ్లికన్ పగ్గాలు!

1889 నవంబర్‌ రెండో వారంలో నెల్లీ బ్లై అనే 25 ఏళ్ల అమెరికన్‌ మహిళా జర్నలిస్టు మహిళలు ఇంటికే పరిమితం కావా లనే అభిప్రాయాలను పక్కనపెట్టి, ఒంటరిగా ప్రపంచాన్ని చుట్టి రావాలని బయలుదేరింది. ఫ్రెంచ్‌ రచయిత జూల్స్‌ వెర్న్‌ రాసిన ‘ఎరౌండ్‌ ద వరల్డ్‌ ఇన్‌ 80 డేస్‌’ నవలలోని ‘ఫిలియస్‌ ఫాగ్‌’ పాత్ర ఎనభై రోజుల్లో ప్రపంచ యాత్ర చేసిందని చదివి, తానూ అంతే సమయంలో ప్రపంచాన్ని చుట్టి రావాలనేది ఆమె లక్ష్యం.ఆమె అసలు పేరు ఎలిజబెత్‌ జేన్‌ కోక్రేన్‌. 1864 మే 5న అమె రికాలోని పెన్సిల్వేనియాలో జన్మించింది. ఒకసారి పత్రికలో మహిళల పాత్రను తక్కువ చేస్తూ ప్రచురితమైన ‘వాట్‌ గరల్స్‌ ఆర్‌ గుడ్‌ ఫర్‌’’ వ్యాసానికి ఎలిజబెత్‌ నిరసన వ్యక్తం చేస్తూ సంపాద కుడికి ఒక ఘాటైన లేఖ రాసింది. ఆ లేఖలోని ఆలోచనా స్పష్టత, ప్రశ్నించే తత్వం, రచనా శైలి సంపాదకుడిని ఆకట్టుకున్నాయి. దాంతో ఆమెకు ఆ పత్రికలోనే ఉద్యోగం లభించింది. సంగీత కారుడు స్టీఫెన్‌ ఫోస్టర్‌ రాసిన ఒక ప్రసిద్ధ పాట నుంచి ప్రేరణ పొంది ఆమె తన కలం పేరుగా ‘నెల్లీ బై్ల’ అని స్వీకరించింది.స్వయంగా పరిస్థితుల మధ్యలోకి వెళ్లి వాస్తవాలను వెలికి తీయడం ఆమె ప్రత్యేకత. 1887లో న్యూయార్క్‌లోని బ్లాక్వెల్స్‌ ఐలాండ్‌లో ఉన్న మానసిక చికిత్సా కేంద్రంలో ఒక రోగిగా నటించి, 10 రోజుల పాటు అక్కడి అమానుష పరిస్థితులను సంచలనాత్మక కథనాలుగా రాసింది. ‘టెన్‌ డేస్‌ ఇన్‌ ఎ మ్యాడ్‌ హౌస్‌’ పుస్తకాన్ని ప్రచురించింది. ఆ తర్వాత జోసెఫ్‌ పులిట్జర్‌ నిర్వహణలోని ‘న్యూయార్క్‌ వరల్డ్‌’ పత్రికలో చేరి తన పరిశోధనా త్మక జర్నలిజాన్ని మరింత ఎత్తుకు తీసుకెళ్లింది.1889 నవంబర్‌ 14న న్యూజెర్సీ నుంచి బయల్దేరిన ఆగస్టా విక్టోరియా80 రోజుల్లో ప్రపంచ యాత్ర చేయాలనే తన ఆలోచనను పత్రిక సంపాదకుని ముందు ఉంచింది. కష్టం మీద అందుకు ఒప్పించింది. 1889 నవంబర్‌ 14న న్యూజెర్సీలోని హోబోకెన్‌ నౌకాశ్రయం నుంచి ఆగస్టా విక్టోరియా అనే జర్మన్‌ నౌకలో కేవలం ఒక చేతి సంచితో నెల్లీ బై్ల బయలుదేరింది. ఆమె ప్రయాణానికి తూర్పు దిశను ఎంచుకుంది. అంటే యూరప్‌ మీదుగా ఆసియాకు, అక్కడి నుంచి పసిఫిక్‌ మహాసముద్రం దాటి అమె రికాకు తిరిగి రావాలన్నది ప్రణాళిక. ఆమె వెంట తీసుకెళ్లిన డబ్బు అప్పటి పరిస్థితులకు అనుగుణంగా ఉంది. కొంత బ్రిటిష్‌బంగారు కరెన్సీ, కొంత అమెరికన్‌ డబ్బు తీసుకెళ్లింది. నౌక అట్లాంటిక్‌ మహాసముద్రాన్ని దాటి ఇంగ్లండ్‌ చేరు కుంది. అక్కడి నుంచి రైలు ప్రయాణం ప్రారంభమైంది. ఇంగ్లండ్‌ నుంచి ఫ్రాన్స్ వెళ్లింది. ఫ్రాన్స్‌లో జూల్స్‌ వెర్న్‌ను కలిసింది. నవల ద్వారా తనకు స్ఫూర్తినిచ్చిన రచయితను కలవడం ఆమెకు ప్రత్యేకమైన అనుభవం. ఫ్రాన్స్ నుంచి ఇటలీకి చేరుకుని, బ్రిండిసీ నౌకాశ్రయం నుంచి నౌకలో బయలుదేరి సూయజ్‌ కాలువ ద్వారా ఈజిప్టు, ఎర్ర సముద్రం ప్రాంతాలను దాటింది. ఆ తర్వాత ఏడెన్, సిలోన్‌ (ప్రస్తుత శ్రీలంక), మలయా ద్వీపకల్పం, సింగ పూర్, హాంకాంగ్, జపాన్‌ మీదుగా ప్రయాణించింది.నౌకలు, రైళ్లు, గుర్రపు బండ్లు, స్థానిక రవాణా వాహనాలు... అందుబాటులో ఉన్న మార్గాలను ఉపయోగించుకుంది. నిర్ణీత నౌకను అందుకోవడం, రైలు బయలుదేరే సమయానికి చేరు కోవడం, అవసరమైన చోట టెలిగ్రాఫ్‌ ద్వారా పత్రికకు సమా చారం పంపడం ఆమెకు సవాళ్లుగా మారాయి. ఈ ప్రయాణ విశేషాలను న్యూయార్క్‌ వరల్డ్‌ పత్రిక పాఠకులకు అందించేది. మరో మహిళ నుంచి పోటీ!నెల్లీ బై్ల ప్రయాణం ప్రారంభమైన కొద్ది రోజులకే ఈ కథలో మరో ఆసక్తికరమైన మలుపు. ‘కాస్మోపాలిటన్‌’ పత్రికకు చెందిన ఎలిజబెత్‌ బిస్లాండ్‌ అనే మరో అమెరికన్‌ జర్నలిస్టు కూడా ప్రపంచాన్ని చుట్టి రావడానికి బయలుదేరింది. నెల్లీ కంటే ముందుగా ప్రపంచయాత్ర పూర్తి చేయాలన్న లక్ష్యంతో ఆమె పోటీకి దిగింది. ఇద్దరూ వేర్వేరు దిశల్లో ప్రయాణించారు. నెల్లీ తూర్పు దిశగా వెళితే, బిస్లాండ్‌ పశ్చిమ దిశగా బయలుదేరింది. ఈ పోటీ అమె రికాలో పాఠకుల్లో మరింత ఆసక్తిని పెంచింది.ఆసియా దేశాల మీదుగా ప్రయాణించిన నెల్లీ జపాన్‌ చేరు కుంది. అక్కడి నుంచి పసిఫిక్‌ మహాసముద్రాన్ని దాటి, 72 రోజుల 6 గంటలకు 1890 జనవరి 25న న్యూజెర్సీ చేరుకుంది. అక్కడ ఆమెకు జనం ఘన స్వాగతం పలికారు.ఎడిటోరియల్ టీమ్

ఒక స్కూలులో దశాబ్దాల పాటు స్వీపర్‌గా చేసిన మహిళ అరుదైన గౌరవం దక్కింది. అమెరికాలోని టెక్సాస్ రాష్ట్రంలో 39 ఏళ్ల పాటు స్కూల్ ఆయాగా సేవలుందించిన ఒక మహిళ గౌరవార్థం, ఏకంగా ఒక పాఠశాలకే ఆమె పేరును నామకరణం చేయడం విశేషంగా నిలుస్తోంది.టెక్సాస్‌లోని ఓబ్రీ ఇండిపెండెంట్ స్కూల్ డిస్ట్రిక్ట్ (Aubrey ISD), 39 సంవత్సరాల పాటు స్కూలులో (custodian) పని చేసిన 76 ఏళ్ల మరిలిన్ హాంప్టన్ (Marilyn Hampton) గౌరవార్థం కొత్త ప్రాథమిక పాఠశాలకు "మరిలిన్ హాంప్టన్ ఎలిమెంటరీ స్కూల్" (Marilyn Hampton Elementary School) అని పేరు పెట్టింది. 1983 నుండి 2022 వరకు దాదాపు 39 ఏళ్ల పాటు పనిచేశారు. హాంప్టన్ తన విధుల్లో భాగమైన స్కూల్ పరిశుభ్రతతో పాటు, విద్యార్థులతో ఎంతో ఆప్యాయంగా ఉండేవారు. ఆర్థిక ఇబ్బందుల్లో ఉన్న పిల్లలకు అవసరమైన పెన్నులు, పుస్తకాలు, భోజనం కోసం డబ్బులు ఇవ్వడం, హోమ్‌వర్క్‌లో సహాయం చేయడం, వారి చిన్న చిన్న తగాదాలను తీర్చడం వంటి పనులు చేసేవారు. అందుకే ఆమెను అంతా ప్రేమగా "స్కూల్ హెల్పర్" అని పిలుచుకునేవారు.For nearly 40 years, Marilyn Hampton went above and beyond to help students in Texas. Now, the retired school janitor is getting a lasting tribute: a new elementary school named in her honor. https://t.co/8YUQ49KF77— CBS Evening News with Tony Dokoupil (@CBSEveningNews) November 10, 2026 ఒక సాధారణ స్కూల్ బోర్డ్ మీటింగ్ అనుకుని వచ్చిన హాంప్టన్ ముందు 'మెరిలిన్ హాంప్టన్ ఎలిమెంటరీ స్కూల్' అని ఉన్న రెడ్ కార్పెట్‌ను ఆవిష్కరించమని అడగడంతో భావోద్వేగానికి లోనయ్యారు. కొత్త స్కూల్‌కు ఆమె పేరు పెట్టాలని బోర్డు సభ్యులందరూ ఏకగ్రీవంగా నిర్ణయించారు. ఇదీ చదవండి: అరుణా రాయ్‌ భర్త, బంకర్‌ రాయ్‌ కన్నుమూత"సాధారణంగా ఆయాల పేర్లు స్కూళ్లకు పెట్టరు. అలాంటి వారిని ఎవరూ పట్టించుకోరు. కానీ నా పేరు పెట్టడం చాలా సంతోషంగా ఉంది" అని ఆమె భావోద్వేగానికి గురయ్యారు. చిన్నతనంలో తను కూడా తీవ్ర పేదరికం అనుభవించడం వల్లే పిల్లలకు సహాయం చేయడానికి ముందుండేదాన్నని ఆమె తెలిపారు. ఈ కొత్త పాఠశాల వచ్చే ఏడాది ఆగస్టులో టెక్సాస్‌లోని ఓబ్రీలో ప్రారంభం కానుంది. ఇదీ చదవండి: కష్టాలు, కన్నీళ్లే ఇన్నాళ్లు : చివరికి ‍శ్రుతి జీవితంలో కొత్త వెలుగులు

కెనడాలోని టొరంటో నగరంలో పంజాబ్‌కు చెందిన నవ్‌నీత్ కౌర్ (26) అనే భారత సంతతి మహిళ దారుణ హత్యక కేసులో కీలక పరిణామం చోటు చేసుకుంది. ఈ ఘటనలో నిందితుడు రాజ్ పాల్ (రాజత్ జస్వాల్) కోర్టుకు హాజరయ్యాడు. పశ్చిమ లండన్‌లోని హాన్స్‌స్లో (Hounslow) ప్రాంతంలోని చెర్ట్‌సే రోడ్‌లో ఉన్న నివాసంలో నవ్‌నీత్ కౌర్‌ను హత్య చేసిన ఆరోపణలపై 31 ఏళ్ల రాజత్ జస్వాల్‌ను పోలీసులు అరెస్టు చేశారు. నిందితుడిపై హత్య కేసే కాకుండా, ప్రాణాలకు హాని కలిగించే ఉద్దేశ్యంతో తుపాకీని కలిగి ఉన్నారనే ఆరోపణలపై హెండన్ మేజిస్ట్రేట్ కోర్టులో హాజరుపరిచారు.కాగా నవంబర్ 4 మధ్యాహ్నం 'వెల్ఫేర్ చెక్' కోసం చెర్ట్‌సే రోడ్‌లోని ఇంటికి వెళ్లిన మెట్రోపాలిటన్ పోలీసులకు నవ్‌నీత్ కౌర్ తీవ్ర తుపాకీ గాయాలతో పడి ఉండటం కనిపించింది. ఆమె ఘటనా స్థలంలోనే మృతి చెందినట్లు నిర్ధారించారు. నవనీత్ కుటుంబానికి ప్రగాఢ సానుభూతి తెలియజేసిన డిటెక్టివ్ చీఫ్ ఇన్‌స్పెక్టర్ (డీసీఐ) సారా లీ (Sarah Lee) ఈ కేసుపై దర్యాప్తు కొనసాగుతోందన్నారు. ఈ ఘటనకు సంబంధించి ఏదైనా సమాచారం ఉన్నవారు, లేదా ఆ ప్రాంతంలోని డోర్‌బెల్ కెమెరా, డాష్‌క్యామ్ ఫుటేజ్ ఉన్నవారు పోలీసులకు అందించి దర్యాప్తులో సహకరించాలని విజ్ఞప్తి చేశారు.

సొంతిల్లు అనేది ప్రతి మధ్య తరగతి వ్యక్తికీ జీవితకాల కల. అది అందరికీ అంత సులువు కాదు. ఇల్లు కొనాలంటే భారీగా డౌన్‌పేమెంట్‌ చెల్లించాలి.. మిగిలిన మొత్తానికి హోమ్‌లోన్‌ తీసుకోవాలి. ఆ తర్వాత నెలల తరబడి ఈఎంఐలు కట్టాలి. అయితే మహారాష్ట్రకు చెందిన ఓ మహిళ మాత్రం ఇందుకు భిన్నంగా ఆలోచించింది. క్రమశిక్షణతో కూడిన పొదుపు, అదనపు ఆదాయంతో ఎలాంటి హోమ్‌ లోన్‌ తీసుకోకుండానే సుమారు రూ.70 లక్షల విలువైన ఇంటిని కొనుగోలు చేసి, తనకు నచ్చినట్లు అలంకరించుకుంది. ప్రస్తుతం ఈమె ఇంటి కొనుగోలు ప్రయాణం సోషల్ మీడియాలో చర్చనీయాంశంగా మారింది.మూడేళ్లలో రూ.19 లక్షల పొదుపుమహారాష్ట్రలోని షహాద్‌కు చెందిన ఈ మహిళ సోషల్ మీడియాలో షేర్ చేసిన వీడియో ప్రకారం.. ఆమె కొనుగోలు చేసిన ఫ్లాట్‌ విలువ రూ.60 లక్షలు. ఇంటీరియర్ పనులతో కలిపి మొత్తం ఖర్చు దాదాపు రూ.70 లక్షలకు చేరింది. ఈ లక్ష్యాన్ని చేరుకోవడానికి మూడేళ్ల పాటు ప్రణాళికాబద్ధంగా డబ్బు ఆదా చేసింది. మొదటి ఏడాది రూ.4 లక్షలు, రెండో ఏడాది రూ.5.5 లక్షలు, మూడో ఏడాది రూ.9.5 లక్షలు.. ఇలా మొత్తం రూ.19 లక్షలు పొదుపు చేసింది. వీటితో పాటు రూ.లక్ష అత్యవసర నిధిని కూడా ప్రత్యేకంగా ఏర్పాటు చేసుకుంది.రెండు బ్యాంకు ఖాతాల వ్యూహంపొదుపు కోసం ఆమె అనుసరించిన విధానం ఆసక్తికరంగా ఉంది. తన లాగే ప్రతి ఒక్కరూ రెండు బ్యాంకు ఖాతాలు తెరవాలని సూచించింది. ఒకటి జీతం జమయ్యే ఖాతా కాగా, మరొకటి కలల ఇంటి కోసం కేటాయించిన ప్రత్యేక ఖాతా. జీతం అందిన వెంటనే అందులో ఎక్కువ మొత్తాన్ని రెండో ఖాతాకు బదిలీ చేసేది. అనవసర ఖర్చుల కోసం ఆ డబ్బును విత్‌డ్రా చేయకుండా డెబిట్, క్రెడిట్ కార్డులకు దూరంగా ఉంచింది.బిల్డర్‌తో ఒప్పందమే కీలకంమొదట మిగిలిన మొత్తానికి గృహ రుణం తీసుకోవాలని భావించినప్పటికీ, తండ్రితో చర్చించిన తర్వాత మరో మార్గాన్ని ఎంచుకుంది. నిర్మాణంలో ఉన్న ఫ్లాట్ కావడంతో బిల్డర్‌తో నేరుగా వాయిదాల పద్ధతిలో చెల్లించేలా ఒప్పందం చేసుకుంది. నెలకు రూ.లక్ష చొప్పున 36 నెలల పాటు చెల్లించి, మిగిలిన రూ.8 లక్షలను ఇంటి స్వాధీన సమయంలో చెల్లించేలా మాట్లాడుకుంది.అమ్మకాల ఉద్యోగం.. అదనపు ఆదాయంఆమె లక్ష్యాన్ని చేరుకోవడంలో అమ్మకాల విభాగంలో చేస్తున్న ఉద్యోగం కూడా కీలకమైంది. జీతానికి అదనంగా నెలకు సగటున రూ.లక్ష నుంచి రూ.1.5 లక్షల వరకు ప్రోత్సాహకాలు పొందేది. వాటిని కూడా తన ఇంటి కొనుగోలు లక్ష్యానికి ఉపయోగించుకుంది. అంతేకాదు, కుటుంబానికి గతంలో ఉన్న ఇంటిని విక్రయించకుండా పునరుద్ధరించి అద్దెకు ఇచ్చినట్లు వెల్లడించింది.తన అనుభవాన్ని పంచుకుంటూ.. ఇంటి కొనుగోలు విషయంలో భయపడకుండా, సరైన వ్యూహంతో ప్రణాళిక వేసుకుని ముందడుగు వేయాలని ఆమె సూచించింది. ఈ వీడియోపై పలువురు నెటిజన్లు ప్రశంసలు కురిపిస్తున్నారు. ముఖ్యంగా ఆర్థిక క్రమశిక్షణతో పాటు అదనపు ఆదాయ మార్గాలను ఉపయోగించుకోవడం స్ఫూర్తిదాయకమని అభిప్రాయపడుతున్నారు. View this post on Instagram A post shared by Pooja Gowda (@poojaslays_)

బొమ్మనహళ్లి: బెంగళూరు టూర్‌కు వచ్చిన రాజస్థానీ యువతి (26)పై అత్యాచారం జరిగిందని మడివాళ ఠాణాలో కేసు నమోదైంది. ఫిర్యాదు మేరకు వివరాలు.. జైపూర్‌ నగరానికి చెందిన యువతి అక్టోబర్‌ 4న పర్యటన నిమిత్తం బెంగళూరుకు వచ్చింది. ఆమె హోసూరు రోడ్‌లోని ఒక హోటల్‌ గదిలో బస చేసింది. ఆ తర్వాత, ఆమె కమ్మనహళ్లిలోని స్నేహితురాలి ఇంట్లో 10 రోజులు ఉండి, తిరిగి అదే హోటల్‌కు వచ్చింది. గత నెల 24న కోరమంగళలోని ఒక క్లబ్‌కు వెళ్లగా సమీర్‌ (26) అనే యువకుడు ఆమెకు సిగరెట్‌ అంటించుకోవడానికి లైటర్‌ ఇచ్చి పరిచయం చేసుకున్నాడు. ఆ తర్వాత, ఇద్దరూ కలిసి మద్యం తాగి మొబైల్‌ నంబర్లు మార్చుకున్నారు. నిందితుడు ఆ యువతిని ప్రలోభపెట్టి మరో హోటల్‌లో గదిని బుక్‌ చేసి తీసుకెళ్లాడు. ఆమె మద్యం మత్తులో ఉన్నప్పుడు ఆమెపై అత్యాచారం చేసి పారిపోయాడు. ఘటన జరిగిన నాలుగు రోజుల తర్వాత ఆమె 28వ తేదీన ఫిర్యాదు చేసింది. పోలీసులు గాలించి నిందితున్ని అరెస్టు చేసి పరప్పన అగ్రహార జైలుకు పంపారు.

కేరళ: బంగారం స్మగ్లింగ్‌ కోసం ఓ మహిళ తన కిడ్నాప్‌ నాటకానికి తెరలేపింది. చివరకు పోలీసుల విచారణలో అసలు విషయం బయటపడటంతో ఆమెతో పాటు ఉన్న మరో నలుగురు అరెస్ట్‌ అయ్యారు. కేరళలోని కరిపూర్‌ అంతర్జాతీయ విమానాశ్రయం సమీపంలో ఈ ఘటన చోటుచేసుకుంది.తలశేరికి చెందిన ప్రియాంక అనే సదరు మహిళ దుబాయ్‌ నుంచి సుమారు 18 సవర్ల బంగారంతో విమానాశ్రయానికి చేరుకుంది. అయితే ఆమె ఆ బంగారాన్ని మట్టన్నూర్‌కు చెందిన జబీర్‌కు అప్పగించాల్సి ఉంది. కానీ ఆ బంగారాన్ని అతడికి ఇవ్వకుండా కాజేయాలని ప్రియాంక ప్లాన్‌ చేసినట్లు పోలీసులు గుర్తించారు. ఇందుకోసం కన్నూరుకు చెందిన శ్రీలాల్‌, ప్రిన్స్‌, సుభిత్‌లతో కలిసి తన కిడ్నాప్‌ జరిగినట్లు నాటకమాడింది.ఈ క్రమంలో నీలిరంగు బాలెనో కారులో ప్రియాంకను తీసుకెళ్తుండగా ఓ వ్యక్తి ఆ కారు వెనుక పరుగెత్తడాన్ని విమానాశ్రయంలోని ఓ పోలీస్‌ అధికారి గమనించారు. దాంతో ఆయన కిడ్నాప్‌ జరుగుతోందని భావించి వెంటనే కారును వెంబడించారు. దాదాపు 12 కిలోమీటర్ల పాటు పోలీసులకు, కారులోని వ్యక్తులకు మధ్య ఛేజింగ్‌ జరిగింది. పోలీసు జీపును తప్పించుకునేందుకు కారు వెనక్కి వెళ్లి పారిపోయే ప్రయత్నం చేసినప్పటికీ చివరకు పోలీసులు వారిని పట్టుకున్నారు.ఆ కారు వెనుక పరుగెత్తిన వ్యక్తి బంగారం కోసం ఎదురుచూస్తున్న జబీర్‌గా గుర్తించారు. ప్రియాంక, జబీర్‌తో పాటు శ్రీలాల్‌, ప్రిన్స్‌, సుభిత్‌లను పోలీసులు అరెస్టు చేశారు. ఈ కుట్ర గురించి ప్రియాంక భర్తకు కూడా తెలియదని, పిల్లలతో సహా అతడిని కూడా తెలియకుండానే ఈ వ్యవహారంలో భాగం చేసినట్లు పోలీసులు వెల్లడించారు.ఇదీ చదవండి: వేల కోట్ల లావాదేవీలు.. మహదేవ్ బెట్టింగ్ యాప్ కో-ఫౌండర్ అరెస్ట్

పుణేలోని పింప్రి-చించ్వాడ్ పరిధిలో చోటు చేసుకున్న ఘటన తీవ్ర విషాదాన్ని నింపింది. 33 ఏళ్ల మహిళ , తన ఆరేళ్ల కుమారుడితో సహా ఆత్మహత్యకు పాల్పడిన ఘటన కలకలం రేపింది. థేర్‌గావ్ వాకడ్ ప్రాంతంలోని 'సిగ్నేచర్ పార్క్' అనే హై-ప్రొఫైల్ హౌసింగ్ బిల్డింగ్ 18వ అంతస్తు నుంచి ఏక్తా భాంగ్డే (33) కుమారుడు మాధవ్ భాంగ్డేతో కలిసి దూకేసింది. దీంతో ఇద్దరూ అక్కడికక్కడే మృతి చెందారు.రాజస్థాన్‌కు చెందిన ఈ కుటుంబం గత రెండేళ్లుగా ఈ సొసైటీలోని 7వ అంతస్తులో నివాసముంటోంది. ఏక్తా భర్త మనోజ్ భాంగ్డే (35) యరవాడలోని ఐటీ కంపెనీలో ఉద్యోగం చేస్తున్నారు. శుక్రవారం ఉదయం 10 గంటలకు మనోజ్ భాంగ్డే ఎప్పటిలాగే ఆఫీసుకు వెళ్లిపోయాడు. సాయంత్రం సుమారు 6:30 గంటల సమయంలో ఈ ఘోరం జరిగింది. బిల్డింగ్ డక్ట్ ఏరియా నుంచి పెద్ద శబ్దం రావడంతో సొసైటీ నివాసితులు క్రిందికి వచ్చి చూడగా, రక్తపు మడుగులో పడి ఉన్న ఏక్తా, ఆమె కుమారుడు మాధవ్‌లను గమనించి పోలీసులకు సమాచారం అందించారు.ఇదీ చదవండి: 5 స్టార్‌ హోటల్‌ స్విమ్మింగ్‌ పూల్‌లో షాక్‌ : ఇద్దరు విదేశీయులు దుర్మరణంవాకడ్ పోలీసులు సీసీటీవీ దృశ్యాలను పరిశీలించగా, ఏక్తా తన కుమారుడిని లిఫ్ట్ ద్వారా 18వ అంతస్తుకు తీసుకెళ్లినట్లు తేలింది. 18వ అంతస్తులోని గ్యాలరీ రేలింగ్ వద్ద వారి చెప్పులు లభించాయి. ప్రాథమికంగా ఇది ఆత్మహత్యగా భాస్తున్నట్లు పోలీసులు తెలిపారు. మృతదేహాలను పోస్టుమార్టం నిమిత్తం ఆసుపత్రికి తరలించి, వాకడ్ పోలీసులు తదుపరి విచారణ జరుపుతున్నారు. మరోవైపు ఏక్తా మరణానికి ముందు రాసినట్లు భావిస్తున్న ఏడు పేజీల లేఖను పోలీసులు స్వాధీనం చేసుకున్నారు.ఇదీ చదవండి: 56 ఏళ్ల వయసులో ప్రియురాల్ని పెళ్లాడిన సీఎంఏక్తా కొంతకాలంగా వెన్నెముక సంబంధిత అనారోగ్య సమస్యతో బాధపడుతోంది. తన మరణం తర్వాత భర్త ఒంటరిగా మిగిలిపోకూడదని మరో పెళ్లి చేసుకోవాలని భర్తను కోరినట్లు సమాచారం. జీవితాన్ని మళ్లీ కొత్తగా ప్రారంభించాలని ఆమె లేఖలో పేర్కొన్నట్లు పోలీసులు గుర్తించారు. అలాగే తన మరణం తరువాత కుమారుడు మాధవ్‌ ఒంటరి వాడవుతాడనే ఆందోళనతోపాటు,బిడ్డ ఉండే , మరో మరో పెళ్లి చేసుకోవడం కష్టమవుతుందని, అందుకే తన బిడ్డను తనతోపాటు తీసుకెళుతున్నట్టు లేఖలో పేర్కొంది. ఈ ఘటనతో అపార్ట్‌మెంట్‌ వాసులు తీవ్ర విచారంలో మునిగిపోయారు. ఇదీ చదవండి : ఆడబిడ్డ అని, బలవంతపు అబార్షన్‌, గర్భిణి మృతి

కాలిఫోర్నియాలో కనిపించకుండా పోయిన భారత సంతత మహిళ అనుమానాస్పద స్థితిలో శవమైన ఘటన విషాదాన్ని నింపింది. ఆగస్టు నుంచి కనిపంచకుండా పోయిన 72 ఏళ్ల భారత సంతతి వృద్ధురాలు అజిత్ కౌర్ మృతదేహాన్ని ఒక కాలువలో అధికారులు గుర్తించారు. అజిత్ కౌర్ అనే మహిళ మృతదేహాన్ని అక్టోబర్ 24, శనివారం కనుగొన్నట్లు సెరెస్ పోలీస్ డిపార్ట్‌మెంట్ (CPD) తెలిపింది.పోలీసుల సమాచారం ప్రకారం సీరెస్ (Ceres) నగరం పరిధిలోని కాసా గ్రాండే అపార్ట్‌మెంట్ కాంప్లెక్స్ నుంచి అజిత్ కౌర్ ఆగస్టు 23న అదృశ్యమయ్యారు. ఆ రోజు రాత్రి 1:45 గంటల ప్రాంతంలో విట్మోర్ అవెన్యూ, మిట్చెల్ రోడ్ సమీపంలో ఆమె చివరిసారిగా కనిపించినట్లు పోలీసులు తెలిపారు. టర్లాక్ ఇరిగేషన్ డిస్ట్రిక్ట్ (TID) ఉద్యోగి ఒకరు తన రోజువారీ తనిఖీల్లో భాగంగా కాలువ వద్ద పెట్రోలింగ్ చేస్తుండగా, సెంట్రల్ అవెన్యూ - కీస్ రోడ్ సమీపంలోని 'లోయర్ లాటరల్ 3' కాలువలో మృతదేహం తేలియాడుతూ ఉండగా గుర్తించారని పోలీసులు తెలిపారు. అనంతరం, మృతదేహాన్ని స్టానిస్లాస్ కౌంటీ కరోనర్ కార్యాలయానికి (SCCO) తరలించగా, అక్టోబర్ 27న అది అజిత్ కౌర్‌దేనని గుర్తించారు.ఇదీ చదవండి: 5 స్టార్‌ హోటల్‌ స్విమ్మింగ్‌ పూల్‌లో షాక్‌ : ఇద్దరు విదేశీయులు దుర్మరణంపోలీసుల దర్యాప్తుఅపార్ట్‌మెంట్ కాంప్లెక్స్ తూర్పు వైపు ఉన్న TID కాలువలోకి అజిత్ కౌర్ ప్రమాదవశాత్తు పడిపోయి ఉండవచ్చని దర్యాప్తు అధికారులు అనుమానించారు. డాగ్ స్క్వాడ్‌ సహా పోలీసులు విస్తృతంగా గాలింపు చర్యలు చేపట్టారు. స్థానిక పరిసరాలతో పాటు కాలువ ప్రాంతాలన్నింటినీ జల్లెడ పట్టారు. స్టానిస్లాస్ కౌంటీ షెరీఫ్ డిపార్ట్‌మెంట్ డైవ్ యూనిట్ సాయంతో నీటి అడుగున పనిచేసే సోనార్ డ్రోన్‌లను ఉపయోగించి కాలువల్లో వెతికారు. నీటి ప్రవాహ మార్గాలను అంచనా వేసేందుకు TID అధికారులతో కలిసి మ్యాపింగ్ కూడా చేశారు.మరోవైపు ఈ బాధాకరమైన సమయంలో అజిత్ కౌర్ కుటుంబ సభ్యులకు, బంధువులకు సీరెస్ పోలీస్ డిపార్ట్‌మెంట్ తమ సానుభూతిని ప్రకటించింది. అలాగే దర్యాప్తులో సహకరించిన ఇతర భద్రతా విభాగాలకు పోలీసులు ధన్యవాదాలు తెలిపారు. ఇదీ చదవండి: పూజకు పూలు కోస్తూ బాల్కనీ నుంచి పడి తండ్రీ కొడుకులు మృతి

కొందరి మహిళలకి గర్భందాల్చాక..ఆ తర్వాత తీసుకోవాల్సిన వైద్య సహాయంపై అంతగా అవగాహన ఉండదు. పైగా వాళ్లకు తమకు గర్భం వచ్చినట్లు, ముగిసిపోయినట్లు కూడాతెలియదు. దాంతో కడుపులో చనిపోయిన శిశువుని ఏళ్లుగా మోస్తూనే ఉంటారు. కొందరు అయితే వృద్ధాప్య దశ వరకు అలానే గర్భంలో మోస్తూ ఉంటారు. కానీ ఈ మహిళకు మూడేళ్లలోపే ఈ పరిస్థితతి బయటపడింది. విపరీతమైన కడుపు నొప్పి కారణంగా.. ఆ విషయం బయటపడటం, ఆ సమస్య నుంచి ఉపశమనం పొందడం చకచక​ జరిగాయి. సోమాలిలాండ్‌కు చెందిన 42 ఏళ్ల మహిళ సుమారు మూడేళ్లుగా తన కడుపులో గట్టిపడిన రాతి శిశువుని మోసింది. కాల్షియం మాదిరిగా గట్టిపడిపోతుంది పిండం. అయితే ఆమెకు గత కొన్నేళ్లుగా నిరంతరం కడుపు నొప్పి, బరువుగా ఉండటం వంటి ఇబ్బందులను ఎదర్కొంది. ఆ తర్వాత నెలలో ఆ లక్షణాలు మరింత తీవ్రమయ్యాయి. అయితే వైద్యులు ఆమెను క్షుణ్ణంగా విచారించగా... తను గతంలో గర్భధారణ సంకేతాలు అనుభవించినట్లు గుర్తు చేసుకుంది. కడుపు ఉబ్బడం, పిండం కదిలిన అనుభవాలను వెల్లడించింది. అయితే ఆ తర్వాత అనూహ్యంగా గర్భం మాయమైందని పేర్కొంది. దాంతో వైద్యులు ఆమె త్రీ-డైమెన్షనల్ రీకన్‌స్ట్రక్షన్‌తో సీటీ స్కాన్‌ నిర్వహించి..గర్భాశయం వెలుపల కాల్షియంలా పేరుకుపోయిన గడ్డను గుర్తించారు. ఈ గడ్డ లోపల పుర్రె, వెన్నెముక, పక్కటెముకలు, అవయవాల ఎముకలతో కూడిన పిండం అస్థిపంజరం ఉన్నట్లు నిర్థారించారు. దీన్ని వైద్యులు లిథోపెడియన్‌గా పేర్కొన్నారు. ఈ పరిస్థితిలో పొత్తికడుపులో గర్భధారణ సమయంలో పిండం చనిపోయి... తల్లి శరీరంలో కలిసిపోకుండా కాల్షియంలా పేరుకుపోతుంది. ఫలితం వాటిని చుట్టుపక్కల కణజాలాల వేరుచేసేందుకు ఉపయోగపడుతుందట. దీన్ని వైద్య పరిభాషలో రాతిశిశువుగా పేర్కొంటారని చెప్పారు. బాధితురాలికి శస్త్ర చికిత్స చేసి ఆ రాతి శిశువుని తొలగించారు వైద్యులు. ఆ తర్వాత కడుపు నొప్పి తగ్గిపోవడమే కాకుండా పూర్తిగా కోలుకుని డిశ్చార్జ్‌ అయ్యింది. అంతేగాదు గణాంకాల ప్రకారం... ఇలాంటి కేసులు ఇప్పటి వరకు 340 నమోదు చేశారట. ముఖ్యంగా వనరులు పరిమితంగా ఉన్న ప్రాంతాలలో ఇటువంటి సమస్యలు ఎదురవుతాయని అన్నారు. అయితే ఇలాంటి అవశేషాలు వృద్ధమహిళల్లో గుర్తించామని, కానీ ఈ బాధతురాలి విషయంలో అలా కాకపోవడం కొంత మెరుగేనని అన్నారు వైద్యులు.ఇదీ చదవండి: 74 ఏళ్లలో సైకిల్‌..82 ఏళ్లకు బైక్‌, ట్రాక్టర్‌! వయసునే సవాలు చేస్తున్న బామ్మ..!

సాక్షి, హైదరాబాద్‌: ఆత్మవిశ్వాసం, పట్టుదల ఉంటే ఎలాంటి లక్ష్యాన్నైనా సాధించవచ్చు. ఈ విషయాన్ని తెలంగాణాకుచెందిన డా. కొయ్యల రూత్‌ మరోసారి నిరూపించారు. వ్యవసాయ కూలీగా పనిచేస్తూ ఎన్నో కష్టాలు, వివక్షను ఎదుర్కొన్నప్పటికీ ఇపుడు డాక్టర్ కొయ్యల రూత్ జాన్ పాల్ నిరూపించారు. ఎమర్జెన్సీ మెడిసిన్‌లో ఎండీ పూర్తిచేసి, దేశంలోనే ఈ ఘనత సాధించిన ట్రాన్స్‌జెండర్‌గా నిలిచిన రూత్‌జాన్‌ పాల్‌ (Koyyala Ruth John Paul) ను హైదరాబాద్‌ పోలీసు కమిషనర్‌ వీసీ సజ్జనార్‌ ప్రత్యేకంగా అభినందించారు. ఆమె ప్రయాణం ఎందరికో స్ఫూర్తిదాయకం అంటూ ఆమెను సత్కరించినఫోటోలను ట్విటర్‌లో షేర్‌ చేశారు. ఎమర్జెన్సీ మెడిసిన్‌లో ఎండీ పూర్తిచేసి, దేశంలోనే ఈ ఘనత సాధించిన మొట్టమొదటి ట్రాన్స్ మహిళగా నిలిచిన డాక్టర్ కొయ్యల రూత్ జాన్ పాల్ గారి సంకల్పాన్ని అభినందిస్తూ, వారిని సత్కరించాను. ఒకప్పుడు వ్యవసాయ కూలీగా పనిచేస్తూ ఎన్నో కష్టాలు, వివక్షను ఎదుర్కొన్నప్పటికీ... పట్టుదలతో చదువుకుని, న్యాయపోరాటం చేసి పీజీ పూర్తిచేసిన ఆమె జీవన ప్రయాణం ప్రశంసనీయం. ప్రస్తుతం సనత్‌నగర్ ఈఎస్ఐ ఆసుపత్రి అత్యవసర విభాగంలో సేవలందిస్తూ ఎందరో రోగుల ప్రాణాలు కాపాడుతున్నారు. అన్ని అవరోధాలనూ అధిగమించి నిలిచిన ఈ తొలి ట్రాన్స్ వైద్యురాలి అకుంఠిత దీక్ష సమాజానికి ఎంతో స్ఫూర్తిదాయకం. డాక్టర్ రూత్ గారి భవిష్యత్తు మరింత ఉజ్వలంగా ఉండాలని, తన లక్ష్యాలను చేరుకోవాలని మనసారా ఆకాంక్షిస్తున్నాను. ఈ ప్రయాణంలో డాక్టర్ రూత్ గారికి వెన్నుదన్నుగా నిలిచి సహకరించిన ముకుంద మాల గారికి, వైజయంతి వసంత గారికి, రచన ముద్రబోయిన గారికి నా ప్రత్యేక ధన్యవాదాలు. #Inspiration— V.C. Sajjanar, IPS (@SajjanarVC_IPS) October 28, 2026

హైదరాబాద్: గుర్తుతెలియని వ్యక్తి ఓ యువతిపై కత్తితో దాడి చేసి పారిపోయాడు. మలక్‌పేట ఇన్‌స్పెక్టర్‌ వెంకట్‌రెడ్డి తెలిపిన వివరాలు... సూర్యాపేట జిల్లా అర్వపల్లి మండలం పర్సాయిపల్లికి చెందిన హేమలత(34) గడ్డిఅన్నారం ఏ1 పకోడా ఎదురుగా ఉన్న ఓ అపార్ట్‌మెంట్‌లో ఫ్లాట్‌ అద్దెకు తీసు కుని మరో నలుగురు అమ్మాయిలతో కలిసి గ్రూప్‌ పరీక్షలకు సన్నద్ధమవుతోంది. తోటివారు బయటికి వెళ్లగా ఆమె గదిలో చదువుకుంటోంది. గుర్తుతెలియని వ్యక్తి వచ్చి తలుపు తట్టాడు. పక్క పోర్షన్‌ వారికి ఫుడ్‌ డెలివరీ తెచ్చానని, దాహం వేస్తోందంటూ మంచినీళ్లు అడిగాడు. నీళ్లు తాగిన తర్వాత ఆమె ను తాకేందుకు యతి్నంచగా నెట్టివేసింది. కత్తితో ఆమె కడుపులో పొడిచి, సెల్‌ఫోన్‌ తీసుకుని పరారయ్యాడు. పొరుగువారు ఇచ్చిన సమాచారం మేరకు పోలీసులు వచ్చి ఆమెను మలక్‌పేటలోని ఓ ప్రైవేట్‌ ఆసుపత్రికి తరలించారు. బాధితురాలి ఆరోగ్య పరిస్థితి విషమంగా ఉన్నట్లు సమాచారం. నిందితుడి జాడ కోసం పోలీసులు సీసీ ఫుటేజీలను పరిశీలిస్తున్నారు. ఇదీ చదవండి: ‘అందరికీ థ్యాంక్యూ చెప్పండి’.. లేఖలో సమంత ప్రస్తావన

జార్ఖండ్‌లోని గిరిడిహ్‌లో చోటు చేసుకున్న పరిణామం ఆసక్తికరంగా మారింది ట్యూబెక్టమీ ప్రక్రియ చేయించుకున్నప్పటికీ గర్భవతి అయిన మహిళకు పరిహారం దక్కింది. రూ. 72,500 చెల్లించాలని జిల్లా వినియోగదారుల వివాదాల పరిష్కార కమిషన్ ఆమెకు ఆపరేషన్‌ చేసిన వైద్యుడిని ఆదేశించింది. అసలు ఏం జరిగిందంటే..అప్పటికే ఇద్దరు కుమారులు, ఒక కుమార్తె ఉన్న ఆ దంపతులు ఇక బిడ్డలు చాలు అనుకున్నారు. ఈ నేపథ్యంలో వారు కుటుంబ నియంత్రణ చేసుకోవాలని భావించారు. భర్త కుటుంబ నియంత్రణ చేయించుకోవాలని సదరు వైద్యుడిని సంప్రదించగా, ట్యూబెక్టమీ చేయించుకోమని ఆమె సలహా ఇచ్చాడు.దీంతో 2022 డిసెంబర్ 14న రూ. 15,000 ఫీజు చెల్లించి క్లినిక్‌లో ట్యూబెక్టమీ (Tubectomy) ఆపరేషన్ చేయించుకున్నారు. ఫ్యామిలీ ప్లానింగ్ ఆపరేషన్ విఫలం కావడంతో ఆగస్టు 26, 2023న మహిళ మళ్లీ గర్భవతి అని తేలడంతో దంపతులు తీవ్ర దిగ్భ్రాంతికి గురయ్యారు. దీనిపై డాక్టర్ సరిగ్గా స్పందించకపోవడంతో ఆమె వినియోగదారుల కమిషన్‌ను ఆశ్రయించింది.ఆపరేషన్ విఫలమై మహిళ గర్భవతి కావడంపై విచారణ జరిపిన వినియోగదారుల కమిషన్, వైద్య నిర్లక్ష్యం (Medical Negligence) , సేవా లోపంపై సదరు వైద్యుడి నిర్లక్ష్యాన్ని నిరూపిస్తూ బాధితురాలికి పరిహారం చెల్లించాలని ఆదేశించింది.(దీపావళి ధమాకా : ఆ ఉద్యోగులకు సరికొత్త కియా కార్లు)డాక్టర్ వాదన: ఆపరేషన్ సమర్థవంతంగానే చేశానని, ట్యూబెక్టమీ ఫలితం 100% నమ్మకం కాదని, ఇందులో 0.4% నుండి 2% వరకు విఫలమయ్యే అవకాశం ఉందని ముందుగానే దంపతులకు వివరించి సమ్మతి (Consent) తీసుకున్నట్లు డాక్టర్ వాదించారు. ఆ తర్వాత గర్భం వద్దనుకుంటే అబార్షన్ చేయించుకునే అవకాశం కూడా ఉందన్నారు. ఇదీ చదవండి: కర్ణాటకలో ఎస్‌ఐఆర్‌ కలకలం : సుమారు కోటి మందికి భారీ షాక్‌!కమిషన్ తీర్పు: ఆపరేషన్ సరిగ్గా, నిర్లక్ష్యం లేకుండా చేశారని నిరూపించడానికి డాక్టర్ ఎలాంటి ఆధారాలు లేదా పత్రాలు సమర్పించలేకపోయారని కమిషన్ గుర్తించింది. బాధితురాలు తగిన ఆధారాలతో వైద్య నిర్లక్ష్యాన్ని,సేవా లోపాన్ని నిరూపించగలిగారని కమిషన్ స్పష్టం చేసింది. ఇందుకుగాను ఆపరేషన్ కోసం తీసుకున్న రూ. 15,000 ఫీజును తిరిగి రీఫండ్ చేయాలని చెప్పింది. అలాగే ఆమెను శారీరక, మానసిక వేదనకు గురిచేసినందుకు రూ. 50,000 పరిహారంతోపాటు, కోర్టు ఖర్చుల నిమిత్తం రూ. 7,500 చెల్లించాలని డాక్టర్‌ను ఆదేశించింది.ఇదీ చదవండి: 15 ఏళ్లలో 38 మందిని చంపి తిన్న సీరియల్‌ కిల్లర్‌ అరెస్ట్‌

రంగారెడ్డి జిల్లా: మున్సిపల్‌ కార్యాలయంలో ఉద్యోగం ఇప్పిస్తానని మాయమాటలు చెప్పి ఓ వివాహితను రిసార్ట్స్‌లోకి తీసుకెళ్లి లైంగిక దాడికి పాల్పడిన సంఘటన ఘట్‌కేసర్‌ పీఎస్‌ పరిధిలో సోమవారం జరిగింది. ఇన్‌స్పెక్టర్‌ పి.కిరణ్‌ తెలిపిన మేరకు.. మల్లాపూర్‌కు చెందిన ఓ మహిళ (30) భర్తతో విడిపోయి టైలరింగ్‌ పనిచేస్తూ జీవనం సాగిస్తోంది. యాదాద్రి భువనగిరి జిల్లా భువనగిరికి చెందిన జగన్‌మోహన్‌ మోత్కూరు మున్సిపాలిటీలో మేనేజర్‌గా పనిచేస్తున్నాడు. ఇతడితో మహిళకు 4 నెలల క్రితం ఫోన్‌ ద్వారా పరిచయం ఏర్పడింది. తాను భువనగిరి మేనేజర్‌గా పని చేస్తానని, రూ.5 లక్షలు ఇస్తే మున్సిపల్‌ ఆఫీసులో ప్రభుత్వ ఉద్యోగం ఇప్పిస్తానని నమ్మబలికాడు. దీంతో ఆమె సోమవారం రూ.4.5 లక్షలు సిద్ధం చేసుకోగా, జగన్‌మోహన్‌ కారులో వెళ్లి మల్లాపూర్‌లో ఎక్కించుకుని భువనగిరికి బయలుదేరారు. ప్రయాణించే సమయంలోనే డబ్బు తీసుకొని కారులో భద్రపరుచుకున్నాడు. భువనగిరికి వెళ్లకుండా ఎదులాబాద్‌ డివిజన్‌ అవుషాపూర్‌ వద్ద శ్రీనిధి రిసార్ట్స్‌లోకి కారును మళ్లించగా బాధితురాలు అనుమానంతో ప్రశ్నించింది. డబ్బులు తీసుకునే అధికారి రిసార్ట్స్‌లో ఉన్నాడని బదులిచ్చాడు. లోపలికి వెళ్లిన అనంతరం రిసార్ట్స్‌లోని ఓ గదిలోకి తీసుకెళ్లి లైంగిక దాడికి పాల్పడ్డాడు. అధికారిని కలుద్దామని ఆమె కోరడంతో కారులో ఎక్కించుకుని ఆమె ముఖంపై చేతులతో దాడి చేసి బయటకు తోసేసి వెళ్లిపోయాడు. బాధితురాలు 100కు డయల్‌ చేయగా ఘట్‌కేసర్‌ పోలీసులు వచ్చి భరోసా కేంద్రానికి తరలించారు. బాధితురాలి ఫిర్యాదు మేరకు జగన్‌మోహన్‌ను పోలీసులు అదుపులోకి తీసుకున్నారు.

బెంగళూరు: కర్ణాటక మాజీ ముఖ్యమంత్రి సిద్ధరామయ్యకు సంబంధించిన స్టింగ్‌ వీడియో కేసులో దర్యాప్తు సందర్భంగా మహిళా పోలీసు అధికారిపై దాడి జరిగినట్లు ఆరోపణలు వచ్చాయి. నిందితుడి ఇంట్లో సోదాలు నిర్వహిస్తున్న సమయంలో అతడి భార్య, ఆమె స్నేహితురాలు తనపై దాడి చేశారని బైడరహళ్లి పోలీస్‌ స్టేషన్‌కు చెందిన మహిళా పోలీసు అధికారి కవిత జి.ఎం. ఫిర్యాదు చేశారు. ఈ ఘటన అక్టోబర్‌ 23న బెంగళూరులోని యశ్వంత్‌పురలో చోటుచేసుకుంది.కవిత అక్టోబర్‌ 24న ఇచ్చిన ఫిర్యాదు ప్రకారం.. సాయంత్రం 5 గంటల నుంచి 6 గంటల మధ్య ఈ ఘటన జరిగింది. భరత్‌ నగర్‌లోని లక్ష్య రాయల్‌ మేనర్‌ అపార్ట్‌మెంట్‌లో నివసిస్తున్న మోహన్‌ గౌడ ఇంట్లో సోదాలు నిర్వహించేందుకు ఆమె తన పోలీసు బృందంతో కలిసి వెళ్లారు.సోదాల సమయంలో మోహన్‌ గౌడ భార్య పవిత్ర సహకరించలేదని, తన మొబైల్‌ ఫోన్‌ను అప్పగించేందుకు నిరాకరించారని కవిత ఆరోపించారు. ఈ క్రమంలో పవిత్ర, ఆమె స్నేహితురాలు తనపై దాడి చేశారని ఫిర్యాదులో పేర్కొన్నారు.ఈ ఘర్షణలో తన బంగారు బ్రాస్‌లెట్‌ కనిపించకుండా పోయిందని కవిత తెలిపారు. అయితే, పోలీస్‌ స్టేషన్‌కు తిరిగి వచ్చిన తర్వాతే ఈ విషయం గుర్తించినట్లు చెప్పారు. దీంతో సోదాల సమయంలో చిత్రీకరించిన వీడియోను పరిశీలించారు. నిందితుడి గదిలోని మంచంపై తన బ్రాస్‌లెట్‌ పడిపోయినట్లు ఆ వీడియోలో గుర్తించారు.ఈ ఘటనపై పోలీసులు పవిత్రతో పాటు ఆమె స్నేహితురాలిపై కేసు నమోదు చేశారు. విధుల్లో ఉన్న ప్రభుత్వ ఉద్యోగిని అడ్డుకునేందుకు దాడి చేయడం లేదా నేరపూరిత బలప్రయోగానికి పాల్పడినట్లు భారతీయ న్యాయ సంహిత, 2023లోని సెక్షన్‌ 132 కింద అభియోగాలు నమోదు చేశారు.ఇదిలా ఉండగా, సిద్ధరామయ్యకు సంబంధించిన స్టింగ్‌ వీడియోను పంపిణీ చేసినట్లు ఆరోపణలు ఎదుర్కొంటున్న మోహన్‌ గౌడ, ఇతరుల ఆచూకీ గుర్తించేందుకు సైబర్‌ క్రైమ్‌ పోలీసులు ప్రయత్నాలు కొనసాగిస్తున్నారు. ఈ కేసులో వీడియో పంపిణీకి సంబంధించిన దర్యాప్తుతో పాటు, సోదాల సమయంలో పోలీసు అధికారిపై దాడి జరిగిందన్న ఆరోపణలపై తదుపరి చర్యలు కీలకంగా మారాయి.ఇదీ చదవండి: మాజీ ఎమ్మెల్యే హఫీజ్ ఖాన్‌పై టీడీపీ గూండాలు దాడికి యత్నం

హోంగార్డ్‌ ఉద్యోగం కోసం చీర కట్టుకుని, చెప్పులు లేకుండా పరిగెత్తి సోషల్ మీడియాలో అందరి మనసులను గెలుచుకున్న జార్ఖండ్‌లోని రామ్‌గఢ్ జిల్లాకు చెందిన ఈ ఇద్దరు బిడ్డల తల్లి కవితకు నిరాశ ఎదురైంది. ప్రభుత్వం ఉద్యోగాన్ని సాధించాలన్న కోరికతో 1,600 మీటర్ల పరుగు పందాన్ని కేవలం 8 నిమిషాల 57 సెకన్లలోనే పూర్తి చేసినప్పటికీ ఆమె ఆశయం నెరవేరలేదు. నిర్ణీత సమయం కంటే ముందే లక్ష్యాన్ని చేరుకున్నప్పటికీ ఆ తర్వాతి రౌండ్‌లో విఫలం కావడంతో ఆమె ఉద్యోగ కల నెరవేరలేదు.హైజంప్‌లో వైఫల్యంరన్నింగ్ షూస్ లేకుండా, చెప్పులు లేకుండానే, అత్యంత ధైర్యంతో సాంప్రదాయ చీర కట్టుకుని,పరుగు పందెంలోనిర్ణీత సమయం కంటే ముందే పూర్తి చేసి రన్నింగ్ టెస్ట్ క్లియర్ చేశారు కవిత. కానీ హైజంప్ (High Jump) విఫలమైనారు. మూడు అవకాశాలిచ్చినప్పటికీ అవసరమైన ఎత్తును దాటలేక పోవడంతో ఆమెను అనర్హురాలిగా ప్రకటించారు. ఈ నియామక పరీక్షకు మొత్తం 930 మంది మహిళా అభ్యర్థులు హాజరయ్యారు.ఇదీ చదవండి: పెళ్లైన నాలుగు నెలలకే హోటల్‌ గదిలో అనంతలోకాలకు : భర్త పనేనా?ఇటీవల సిద్ధో-కన్హు జిల్లా మైదానంలో 'అంకిత్ రన్నింగ్ అకాడమీ' నిర్వహించిన ట్రయల్ రన్‌లో కవిత వెలుగులోకి వచ్చారు. తీవ్రమైన ఆర్థిక ఇబ్బందులు, కనీస సదుపాయాలు లేపోయినా ఉత్త కాళ్లతోనే పరుగు పందెంలో పాల్గొన్న ఘటనకు సంబంధించిన ఫోటోలు, వీడియోలు సోషల్ మీడియాలో వైరల్ అవ్వడంతో ఆమె రాత్రికి రాత్రే వైరల్‌గా మారారు.భర్త మరణంతో ఇద్దరు పిల్లలను, వృద్ధులైన అత్తమామలను పోషించే బాధ్యత ఆమెపై పడింది. ఈ నేపథ్యంలోనే ఉద్యోగం సాధించి, ఆర్థికంగా స్వతంత్రురాలిని కావాలని, తన కుటుంబాన్ని పోషించుకోవాలని ఆశించి ఆమె ఈ నియామక పరీక్షకు హాజరైంది. ఆమె కథ వైరల్ కావడంతో చాలామంది ఆమెకు సహాయం చేయడానికి ముందుకు వచ్చారు; దీనివల్ల ఆమె తన శిక్షణను కొనసాగించే అవకాశం లభించింది.ఇదీ చదవండి: ఏడేళ్లకే 12 భాషలు : కుమార్తె పెంపకంలో హీరోయిన్‌ స్పెషాల్టీ ఇదే!

కాన్పూర్: ఉత్తర ప్రదేశ్‌లోని కాన్పూర్ జిల్లా పురావూపూర్ గ్రామంలో ఒక విచిత్రమైన ఘటన చోటుచేసుకుంది. ఆ ఇంట్లో పిల్లల మధ్య జరిగిన సాధారణ గొడవ పెద్దల వరకు చేరడంతో, కుటుంబ సభ్యుల మధ్య ఘర్షణ చెలరేగింది. ఈ వివాదంలో వదిన తన మరిదితో గొడవపడి, ఆగ్రహంతో అతని ప్రైవేట్ పార్ట్‌ను గట్టిగా కొరికింది.దీంతో తీవ్రంగా గాయపడిన ఆ యువకుడిని కుటుంబ సభ్యులు మొదట ఘటంపూర్ కమ్యూనిటీ హెల్త్ సెంటర్‌కు, ఆ తర్వాత మెరుగైన చికిత్స కోసం కాన్పూర్‌లోని హేలట్ ఆసుపత్రికి తరలించారు. అక్కడ వైద్యులు పరిశీలించి తక్షణం చికిత్స అందించారు. గాయాల తీవ్రత కారణంగా అతనికి 55 కుట్లు పడ్డాయి. ఈ ఘటనపై బాధితుడి భార్య పోలీసులకు ఫిర్యాదు చేయగా, పోలీసులు కేసు నమోదు చేసుకుని దర్యాప్తు చేపట్టారు.

అదృష్టం కలిసొస్తే..ఒక్కోసారి రాత్రికి రాత్రే తలరాత మారిపోతుంది. సాధారణ వ్యక్తిని సైతం కోటీశ్వరుడిగా మార్చేస్తుంది. అందుకు నిలువెత్తు నిదర్శనం ఈ పంజాబ్‌కి చెందిన మహిళ.అసలేం జరిగిందంటే..పంజాబ్లోని ఫరీద్‌కోట్‌ జిల్లా, కోట్‌కపురాకు చెందిన కుటుంబం లాటరీని గెలుచుకుంది. కూలి పనిచేసుకునే వ్యక్తి భార్య అయిన బిమ్లాదేవి ఒక రోజు సాయంత్రం వేళ పిల్లల కోసం కొన్ని వస్తువులు కొనుగోలు చేసేందుకు రైల్వే రోడ్డుకు వెళ్లారు. ఆ సయంలోనే సరదాగా ఒక లాటరీ టికెట్‌ని జస్ట్‌ రూ. 7లకు కొనుగోలు చేసింది. మరుసటి రోజు సాయంత్రమే తను కొన్న టికెట్‌కే బహుమతి వచ్చినట్లు తెలియడంతో ఆ కుటుంబంలో ఆనందాలు వెల్లివిరిశాయి. సదరు లాటరీ దుకాణదారుడి ద్వారా విషయం తెలుసుకుని నేరుగా లాటరీస్టాల్‌కి చేరుకున్నారు. లాటరీ దుకాణం యజమాని నరేష్‌ మోంగా ఆ కుటుంబానికి మిఠాయిలు అందించి అభినందనలు తెలిపాడు. ఆ కుటుంబం మాత్రం జస్ట్‌ రూ. 7ల టికెట్‌తో కోటి గెలుచుకున్నామన్న సంతోషంతో ఉబ్బితబ్బిబవుతూ చిందులు వేశారు. ఈ బహుమతి సొమ్ముని ఏం చేయాలో ఇంకా ఆలోచించలేదని, కానీ తమను ఆర్థిక కష్టాల నుంచి బయటపడేస్తుందని చాలా సంతోషంగా చెబుతోంది ఆ కుటుంబం. కాగా లాటరీ స్టాల్ యజమాని నరేష్ మోంగా మాట్లాడుతూ, తాను గత ఆరు నెలలుగా ఈ వ్యాపారాన్ని నిర్వహిస్తున్నానని, ఇటీవలనే తన దుకాణాన్ని రైల్వే స్టేషన్ సమీపానికి మార్చినట్లు తెలిపాడు. చాలామంది తన దుకాణంలో లక్ష రూపాయలకు పైగా బహుమతులు గెలుచుకున్నారు కానీ ఎవ్వరూ ఇలా ఇంత పెద్ద మొత్తంలో కోటి రూపాయలు గెలుచుకోలేదని మోంగా చెప్పుకొచ్చాడు. View this post on Instagram A post shared by The CSR Journal (@thecsrjournal) ఇదీ చదవండి: ప్రసవమైన ఆరువారాలకే రన్‌వేపై రీఎంట్రీ..! మాతృత్వపు గ్లామర్‌ వెనుకున్న సీక్రెట్‌ ఇదే

చైనాలో ఓ మహిళకు వింత అనుభవం ఎదురైంది. భర్త.. భార్యను ప్రేమతో హగ్‌ చేసుకున్నాడు.. అంతే, ఒక్కసారిగా ఎముకలు విరిగిన శబ్దం.. నొప్పితో విలవిల్లాడుతూ కిందపడిపోయింది. ఆస్పత్రికి వెళ్లి పరీక్షలు చేయించుకుంటే ఐదు పక్కటెముకలు విరిగినట్లు తేలింది. మరో ఎముకకూ పగులు ఏర్పడ్డాయి. చైనాలో జరిగిన ఈ ఘటన వెనుక అసలు కారణం తెలుసుకుని వైద్యులే ఆశ్చర్యపోయారు. తరచూ డైటింగ్‌ చేస్తూ భోజనం మానేయడం, ఎండకు దూరంగా ఉండటం వంటి అలవాట్లతో ఆమె ఎముకలు బలహీనపడటమే ఇందుకు కారణమని గుర్తించారు. చైనాలోని జియాంగ్స్‌ ప్రావిన్స్‌లో ఈ ఘటన చోటుచేసుకుంది. వాంగ్‌ అనే వ్యక్తి భార్య చలిగా ఉందని చెప్పడంతో ఆమెను కౌగిలించుకున్నాడు. ఆ సమయంలో ఒక్కసారిగా ఎముకలు విరిగినట్లు శబ్దం వినిపించింది. వెంటనే ఆమె తీవ్రమైన నొప్పితో కిందకు వంగిపోయింది. పైకి లేవలేకపోయింది. తాను సాధారణంగానే కౌగిలించుకున్నానని.. ఇంత తీవ్రమైన గాయాలవుతాయని ఊహించలేదని వాంగ్‌ తెలిపాడు.తన భార్య రాత్రంతా నొప్పితో బాధపడిందని చెప్పాడు. మరుసటి రోజు ఉదయం ఆస్పత్రికి తీసుకెళ్లగా వైద్యులు ఛాతీకి సీటీ స్కాన్‌ చేశారు. అందులో ఐదు పక్కటెముకలు విరిగినట్లు, మరో పక్కటెముకకు సన్నటి పగులు ఏర్పడినట్లు తేలింది. అయితే, శస్త్రచికిత్స అవసరం లేదని వైద్యులు నిర్ణయించారు. మందులు, నొప్పి తగ్గించే ఔషధ ప్యాచ్‌లు ఇచ్చి విశ్రాంతి తీసుకోవాలని సూచించారు. ప్రస్తుతం ఆమె ఆస్పత్రి నుంచి డిశ్చార్జ్‌ అయి ఇంట్లోనే కోలుకుంటోంది. ప్రతి ఐదు రోజులకు ఒకసారి ఆస్పత్రికి వెళ్లి వైద్య పరీక్షలు చేయించుకోవాల్సి ఉంది.వైద్యులు ఆమెకు ఆస్టియోపొరోసిస్‌ ఉన్నట్లు గుర్తించినట్లు వాంగ్‌ వెల్లడించాడు. ఈ వ్యాధి కారణంగా ఎముకల సాంద్రత తగ్గి.. అవి బలహీనంగా మారతాయి. దీంతో చిన్నపాటి ఒత్తిడికే ఎముకలు విరిగే ప్రమాదం ఉంటుంది. ఆయన భార్య బరువు 45 నుంచి 50 కిలోల మధ్య ఉంటుంది. బరువు తగ్గేందుకు తరచూ డైటింగ్‌ చేసేది. ఒక్కోసారి రాత్రి భోజనం కూడా మానేసేది. రోజూ కనీసం ఒక కప్పు కాఫీ తాగేది. ఆమె కుటుంబానికి చెందిన దుకాణంలో పనిచేస్తుండగా.. ఆ షాపు ఇంటి నుంచి కారులో రెండు, మూడు నిమిషాల దూరంలోనే ఉంది. బయటకు వెళ్లినప్పుడు కూడా శరీరాన్ని పూర్తిగా కప్పుకునేది. ఎండలో ఎక్కువసేపు గడిపేది కాదు.శరీరంలో విటమిన్‌ డి ఉత్పత్తికి సూర్యరశ్మి కీలకం. విటమిన్‌ డి ద్వారా శరీరం కాల్షియాన్ని సమర్థంగా గ్రహించగలుగుతుంది. ఎముకల సాంద్రతను కాపాడుకోవడానికి ఇది అవసరం. ఈ ఘటన తర్వాత తన భార్య ఆరోగ్యంపై ప్రత్యేక శ్రద్ధ పెడుతున్నామని వాంగ్‌ తెలిపాడు. ఆమె ఎక్కువగా ఎండలో గడపడంతో పాటు కాల్షియం ఎక్కువగా ఉండే ఆహారం తీసుకోవడంపై దృష్టి పెట్టిందని చెప్పాడు.వుహాన్‌ ఆసియా హార్ట్‌ జనరల్‌ ఆసుపత్రి ఆర్థోపెడిక్‌ వైద్యుడు యాన్‌ యాన్‌షియాంగ్‌ ఈ ఘటనపై స్పందించారు. సాధారణంగా యువతలో కౌగిలింత వంటి సాధారణ చర్యతో పక్కటెముకలు విరగడం చాలా అరుదని తెలిపారు. ఈ మహిళకు ఉన్న ఆస్టియోపొరోసిస్‌ గాయాల తీవ్రతకు కారణమై ఉండవచ్చని వివరించారు. జీవనశైలి, ఆహారపు అలవాట్లు ఎముకల ఆరోగ్యంపై ప్రభావం చూపుతాయని ఆయన పేర్కొన్నారు.ఎండలో తక్కువగా గడపడం, రోజూ కాఫీ తాగడం వంటి అలవాట్లను ప్రస్తావిస్తూ.. కెఫిన్‌ అధికంగా తీసుకోవడం వల్ల శరీరంలో కాల్షియం నష్టం పెరిగే అవకాశం ఉందని తెలిపారు. బలమైన టీని అధికంగా తాగడం, ఇతర అనారోగ్యకరమైన అలవాట్లు, స్టెరాయిడ్‌ మందుల వాడకం కూడా ఎముకల నుంచి కాల్షియం నష్టాన్ని వేగవంతం చేయవచ్చని వివరించారు..抱断老婆 5 根肋骨 网传江苏一男子给老婆一个“热情拥抱”，老婆当场蹲地起不来 CT一拍：5根肋骨骨折，1根骨裂。 男子说本想抱紧点让她感受自己的热情，“真不是故意的”。 https://t.co/s3iiSLtXc7— 像树 (@gexx126657) October 19, 2026ఇదీ చదవండి: ఆకాశం నుంచి పిట్టల్లా రాలిపోతున్న ఉక్రెయిన్‌ డ్రోన్లు!

న్యూఢిల్లీ: భారత సంతతికి చెందిన దక్షిణాఫ్రికా న్యాయకోవిదురాలు నవనీతం ‘నవీ’ పిళ్ళై నోబెల్ శాంతి బహుమతి గెలుచుకున్నారు. తమిళనాడులోని దిండిగల్ మూలాలున్న ఆమెకు ఈ అత్యున్నత పురస్కారం దక్కడంతో బంధువులు, స్థానికులు హర్షం వ్యక్తం చేస్తున్నారు. అయితే ఈ విజయంపై కేంద్ర ప్రభుత్వం నుంచి ఎలాంటి అభినందన సందేశం రాకపోవడంపై కాంగ్రెస్ ఎంపీ శశి థరూర్ మండిపడ్డారు.భారత సంతతి మహిళ అంతర్జాతీయ గుర్తింపు పొంది ఆరు రోజులు గడుస్తున్నా కేంద్రం మౌనం వహించడం శోచనీయమని ఆయన ‘ఎక్స్‌’ వేదికగా విమర్శించారు. జాతి వివక్షకు వ్యతిరేకంగా పోరాడిన నవీ పిళ్ళై.. నెల్సన్ మండేలా వంటి నాయకులకు న్యాయవాదిగా సేవలందించారు. ఆ తర్వాత దక్షిణాఫ్రికా హైకోర్టులో తొలి శ్వేతజాతీయేతర మహిళా జడ్జిగా, ఐక్యరాజ్యసమితి మానవ హక్కుల హైకమిషనర్‌గా పనిచేసి అంతర్జాతీయ ఖ్యాతి గడించారు. కాగా థరూర్ విమర్శలపై సోషల్ మీడియాలో భిన్న స్పందనలు వ్యక్తమయ్యాయి. సొంత పార్టీ పూర్తిస్థాయిలో స్పందించనప్పుడు కేంద్రాన్ని మాత్రమే నిందించడం ద్వంద్వ నీతి అని కొందరు నెటిజన్లు థరూర్‌ను ప్రశ్నిస్తున్నారు.ఇదీ చదవండి: టైగర్ ష్రాఫ్‌పై కాల్పులు: ముగ్గురు అనుమానితుల అరెస్ట్

మహిళా అధికారిపై సీనియర్‌ ఐఏఎస్‌ అధికారి అసభ్య పదజాలంతో దూషించిన ఘటన జమ్మూ కశ్మీర్‌లో కలకలం రేపింది. ‘నేనే నీ బాస్‌ను’ అంటూ ఆయన ఆగ్రహం వ్యక్తం చేసినట్లు ఉన్న వీడియో సోషల్‌ మీడియాలో వైరల్‌గా మారడంతో తీవ్ర విమర్శలు వెల్లువెత్తుతున్నాయి.జమ్మూ కశ్మీర్ కార్మిక, ఉపాధి శాఖ కార్యదర్శి కుమార్‌ రాజీవ్ రంజన్‌తో ఉపాధి విభాగంలో అసిస్టెంట్ డైరెక్టర్‌గా పనిచేస్తున్న మహిళా అధికారిణి బీనిష్ వానీ వాగ్వాదానికి దిగారు. గ్రామీణాభివృద్ధి, ఉపాధి సంబంధిత కార్యక్రమాల పురోగతిని సమీక్షించేందుకు నిర్వహించిన మిషన్ యువా సమీక్షా సమావేశంలో ఈ ఘటన జరిగినట్లు సమాచారం. సోషల్ మీడియాలో వైరల్ అవుతున్న వీడియోలో రంజన్ తీవ్ర ఆగ్రహంతో బీనిష్ వానీపై అరుస్తూ ఆమెను ఉద్దేశించి అసభ్య పదజాలం ఉపయోగించినట్లు వినిపిస్తోంది. నేనే నీ బాస్‌నంటూ ఆయన అన్నట్లు వీడియోలో కనిపిస్తోంది.ఈ ఘటనపై స్పందించిన బీనిష్ వానీ.. ఆ వీడియో నిజమైనదేనని.. మార్ఫింగ్‌, ఏఐ ద్వారా సృష్టించింది కాదని స్పష్టం చేశారు. తన కాలికి ఫ్రాక్చర్ అయి సెలవులో ఉన్నప్పటికీ.. ఇంటి నుంచే వర్చువల్ విధానంలో సమావేశానికి హాజరైనట్లు ఆమె తెలిపారు. ఒక మహిళ గౌరవాన్ని కాపాడాలి. మాతో అలా ప్రవర్తించకూడదని ఆమె వ్యాఖ్యానించారు. మరోవైపు, ఈ ఘటనపై స్పందించిన కుమార్ రాజీవ్ రంజన్.. ఆవేశంలో ఏదైనా మాట్లాడి ఉంటే క్షమించాలన్నారు. తాను పలుమార్లు మౌనంగా ఉండాలని కోరినప్పటికీ.. మహిళా అధికారి తనను రెచ్చగొట్టేలా మాట్లాడారని ఆయన ఆరోపించారు.అధికారులను ప్రశ్నించకపోతే సమీక్షా సమావేశాలు ఎలా నిర్వహించగలం? బాధ్యతలను ఎలా నిర్ధారించగలం? అంటూ ఆయన ప్రశ్నించారు. ఈ ఘటనపై ఒక నిర్ణయానికి వచ్చే ముందుసుమారు గంటపాటు జరిగిన సమావేశానికి సంబంధించిన పూర్తి వీడియోను పరిశీలించాలని ఆయన కోరారు. వైరల్ అవుతున్న క్లిప్పుల్లో పూర్తి సందర్భం కనిపించడం లేదన్నారు.The J&K Chief Minister, Chief Secretary and Secretary, GAD must take cognisance and come clean on this deeply disturbing conduct by a public servant. The language he uses towards his own female colleague raises serious questions about workplace dignity, accountability & respect. https://t.co/8oQwudAqnT— Nazir Ganaie (@Nazirkashmiri) October 15, 2026ఇదీ చదవండి: ఆమెకు 30, అతనికి 75 : ఏడాది ప్రేమ, ఘనంగా ఎంగేజ్‌మెంట్‌

యూట్యూబ్ స్టార్ మిస్టర్‌బీస్ట్‌ను కలవడానికిగుజరాత్‌కు చెందిన మహిళ ఏడాది పాటు చేసిన ప్రయత్నం ఫలించింది. గుజరాత్‌లోని సూరత్‌లో 365 రోజుల ఛాలెంజ్‌ను ప్రారంభించిన మాయా గుప్తా చివరికి తనకెంతో ఇష్టమైన క్రియేటర్‌ను కలిసి 10 వేల డాలర్లు (సుమారు రూ. 9.5 లక్షలు) గెల్చుకుంది. ఈ విషయాన్ని మిస్టర్‌బీస్ట్‌ తన ఇన్‌స్టాలో వీడియోపాటు షేర్‌ చేయడం విశేషంగా నిలిచింది. ఇంటర్నెట్‌లో అత్యంత ప్రజాదరణ పొందిన క్రియేటర్లలో ఒకరిని కలవాలనే సాధారణ లక్ష్యంతో మాయా గుప్తా ఈ ఛాలెంజ్‌ను ప్రారంభించింది. @mayaforbeast అనే తన ఇన్‌స్టాగ్రామ్ ఖాతా ద్వారా ఆమె క్రమం తప్పకుండా అప్‌డేట్‌లను పంచుకుంటూ, తన వీడియోలలో ఆయనను ట్యాగ్ చేస్తూ, ఆయన్ను సంప్రదించడానికి చేసిన ప్రయత్నాలను రికార్డు చేసింది. రోజులు గడిచేకొద్దీ, ఆన్‌లైన్‌లో మంచి ఫాలోయింగ్‌ను సంపాదించుకుంది. ఆమె పోస్ట్‌లు ఈ ఛాలెంజ్‌ను ఒక కౌంట్‌డౌన్‌లా మార్చేసాయి.అయితే, మిస్టర్‌బీస్ట్‌ను కలవడం, ఆయనను సంప్రదించడానికి చేసిన ప్రయత్నాలతో పాటు, ఆమె తన స్థానికంగా ప్రజలకు ఆహారం అందించే సేవలను కూడా పంచుకునేది. అయితే సెప్టెంబర్‌లో ఆమెకు ఒక పెద్ద బ్రేక్ లభించింది. మిస్టర్‌బీస్ట్ తన ఇమెయిల్ చిరునామా, వాట్సాప్ వివరాలను అడిగినట్లు గుప్తా వెల్లడించింది. దీని తరువాత మిస్టర్‌ బీస్ట్‌ను కలవగలననే ఆశ మరింత పెరిగింది. మరింత పట్టుదలగా ప్రయత్నించింది. చివరికి ఆమె ఆశలు ఫలించి 365 రోజుల కృషికి తగిన ఫలితం దక్కింది. ఛాలెంజ్ చివరి రోజు తన అభిమాన యూట్యూబర్‌ను కలుసుకుంది. ఈ సందర్భంగా మాయా గుప్తాకు మిస్టర్‌బీస్ట్ 10వేల డాలర్లను బహుమతిగా ఇచ్చారు. View this post on Instagram A post shared by MrBeast (@mrbeast) ఈ సందర్భంగా, గత ఏడాది కాలంగా మాయా గుప్తా చేసిన సమాజసేవను, తనను కలుసుకునేందుకు ఆమె పడిన తపనను తాను గమనించానని మిస్టర్‌బీస్ట్ వివరించారు. "మాయ, గత ఏడాదిగా తన స్థానిక సమాజానికి ఆహారం అందిస్తూ, ఆమె చేసే ప్రతి వీడియోలో నన్ను ట్యాగ్ చేస్తోంది... గత ఏడాది కాలంలో ఆమె సమాజం కోసం చేసిన మంచి పనులన్నీ నేను చూశాను. నేను ఆమెకు ఒక బహుమతి ఇవ్వాలనుకుంటున్నాను" అని అన్నారు. మాయా కమ్యూనిటీ సేవలకు గాను సుమారు రూ. 9.5 లక్షలు అందజేశారు. ఆ డబ్బును తన ఒక్కదానికోసం దాచుకోకుండా అందరితో పంచుకుంటానని, తన సేవలను కొనసాగిస్తానని గుప్తా వెల్లడించింది.ఇదీ చదవండి: మీరట్‌ బ్లూ డ్రమ్‌ కేసు : దోషులకు మరణ శిక్షనెటిజన్ల స్పందనగుప్తా తన ఛాలెంజ్‌ను విజయవంతంగా పూర్తి చేసినందుకు నెటిజన్లు అభినందించారు. అలాగే ఆమె ప్రయత్నాలను గుర్తించి, కమ్యూనిటీ సేవకు మద్దతు ఇచ్చినందుకు మిస్టర్‌బీస్ట్‌కు పలువురు కృతజ్ఞతలు తెలిపారు. మరొకరు, చివరికి, మాయ కల నెరవేరిందంటూ సంతోషం వ్యక్తం చేశారు.ఇదీ చదవండి: రూ. 70 కోట్లు : ఇన్‌ఫ్లూయెన్సెర్‌కి చుక్కలు చూపించిన COD ఆర్డర్లుమిస్టర్‌బీస్ట్ ఎవరు?పాపులర్‌ అమెరికన్ యూట్యూబర్‌ మిస్టర్‌బీస్ట్ అసలు పేరు జిమ్మీ డొనాల్డ్‌సన్. అతను నగదు బహుమతులు, ఛాలెంజ్‌లు, గివ్‌అవేలతో అభిమానులను ఆకట్టుకుంటూ ఉంటారు. అనేక ఛారిటబుల్ కార్యక్రమాలకు మద్దతు ఇవ్వడంతో పాటు ఆహార పంపిణీ, నిత్యావసర వస్తువులను అందించడం వంటి సేవా కార్యక్రమాలను కూడా చేస్తుంటారు.

లక్డీకాపూల్‌ : వరంగల్‌ క్రైమ్‌ బ్రాంచ్‌ ఎస్సై రాజ్‌ కుమార్‌తో తనకు ప్రాణహాని ఉందని హనుమకొండకు చెందిన ఎం. పూర్ణిమ ఆందోళన వ్యక్తం చేశారు. సోమాజిగూడ ప్రెస్‌క్లబ్‌లో సోమవారం ఏర్పాటు చేసిన విలేకరుల సమావేశంలో రిటైర్డ్‌ ఆర్మీ ఉద్యోగి శ్రీనివాస్‌రెడ్డితో కలిసి ఆమె మాట్లాడారు. నాలుగేళ్లుగా లైంగిక దాడి, శారీరక, మానసిక హింస, వివాహం పేరుతో మోసం, కుల వివక్షతో కూడిన అవమానకర దూషణలు, ప్రాణభయ పరిస్థితుల నుంచి రక్షణ కల్పించి నిందితుడిపై చట్టపరమైన చర్యలు తీసుకోవాలన్నారు. 2018లో తాను ప్రేమించి పెళ్లి చేసుకున్న ఓ యువకుడు కొద్దిరోజుకే శారీరక, మానసిక వేధింపులకు గురి చేయడంతో.. భరించలేక 2022 మార్చి4న హనుమకొండ పోలీసులను ఆశ్రయించినట్టు తెలిపారు. ఆ సమయంలో అక్కడ ఎస్సైగా ఉన్న రాజ్‌ కుమార్‌ తన భర్తను పోలీసు స్టేషన్‌కు పిలిపించి హెచ్చరించినప్పటికి అతని ప్రవర్తనలో మార్పురాకపోవడంలో విడాకులు తీసుకోవాలని నిర్ణయించుకున్నట్టు చెప్పారు. తనకు సాయం చేస్తానని చెప్పి ఎస్సై తనపై లైంగిక దాడికి పాల్పడి ఆపై నగ్న ఫొటోలు, వీడియోలతో బ్లాక్‌మెయిల్‌ చేస్తున్నట్టు వాపోయా రు. అప్పటి నుంచి శారీరకంగా వేధిసూ్తనే ఉన్నారని ఆరోపించారు. తన కోసం నిలబడిన వారిపై కూడా అక్రమంగా కేసులు బనాయిస్తూ.. వేధింపులకు గురి చేస్తున్నారని.. ఈ విషయంలో పోలీస్‌ ఉన్నతాధికారులు జోక్యం చేసుకుని తనను ఎస్సై రాజ్‌ కుమార్‌ నుంచి విముక్తి కల్పించాలని కోరారు. ఇదీ చదవండి: లే కన్నా.. ఇంటికెళ్దాం!

కర్నూలు: మంత్రాలయం క్షేత్రంలో ఓ కర్ణాటక భక్తురాలు ఆత్మహత్యకు పాల్పడింది. కర్ణాటక రాష్ట్రం చామారాజానగర్‌ జిల్లా మల్‌వల్లి గ్రామానికి చెందిన జయశీల (40), ఆమె అన్న, వదినతో కలసి బుధవారం మంత్రాలయం చేరుకున్నారు. స్వామిని దర్శించుకున్న తర్వాత మఠం గదిలో వసతి పొందారు. తన ఆరోగ్యం సరిగా బాగా లేనందున సేవ చేసేందుకు కొన్ని రోజులు ఇక్కడే ఉంటానని ఇంటి వద్ద ఉన్న భర్త మహేశప్ప, కుమార్తె లావణ్యకు తెలిపింది. అదే రోజు ఆమె అన్న తిరిగివెళ్లగా, ఆమెకు తోడుగా ఉన్న వదిన శుక్రవారం వెళ్లిపోయింది. కాగా రెండు రోజులు క్షేత్రంలో ఒంటరిగా ఉన్న జయశీల ఆదివారం మధ్యాహ్నం కుమార్తెకు ఫోన్‌ చేసి ‘ఆరోగ్యం సహకరించడం లేదని, తాను చని పోతున్నట్లు’ ఫోన్‌ చేసి చెప్పింది. వెంటనే లావణ్య మంత్రాలయం పోలీసులకు విషయం చెప్పగా.. సాంకేతిక పరిజ్ఞానంతో నది సమీపంలో ఆంజనేయ స్వామి గుండ్లు ప్రాంతంలో ఉన్నట్లు తెలుసుకుని అక్కడికి వెళ్లారు. అప్పటికే ఆమె నీటిలో శవమై కనిపించడంతో కుటుంబీకులు విషయం తెలిపారు. ఈ మేరకు కేసు నమోదు చేసినట్లు హెడ్‌ కానిస్టేబుల్‌ మురళీధర్‌రెడ్డి తెలిపారు.

సాక్షి ప్రతినిధి, శ్రీకాకుళం : అస్సోం యువతి మరణం.. రైలు ప్రయాణాల్లో భద్రతను ప్రశ్నార్థకం చేసింది. కిక్కిరిసిన రైళ్లలో ఇబ్బందులు పడుతూ ప్రయాణాలు, రిజర్వేషన్‌ బోగీల్లోనూ పరిమితికి మించి ప్రయాణాలు, ఏఓబీలో రైళ్లలోనే గంజాయి అక్రమ రవాణాలు, అక్కడక్కడా మందు బాబుల విన్యాసాలు వంటివి ప్రయాణికులను నిత్యం భయపెడుతూనే ఉన్నాయి. మనం సేఫేనా..? రైలు ప్రయాణాల్లో మహిళలకు వేధింపులు జిల్లాలో సంఖ్యాపరంగా తక్కువే కానీ ఇచ్ఛాపురం, పలాస వంటి రైల్వే స్టేషన్లను చాలా మంది గంజాయి అక్ర మ రవాణాకు అడ్డాగా వాడుకుంటున్నారు. వారి వల్ల ఎప్పటికైనా ప్రమాదం పొంచే ఉంది. మరీ ముఖ్యంగా ఒడిశా నుంచి పశి్చమ బెంగాల్, అస్సోం వంటి సుదూర ప్రాంతాలకు వెళ్లే రైళ్లలో స్లీపర్, జనరల్‌ కోచ్‌లు అధ్వానంగా ఉంటున్నా యనే వాదన ఎప్పటి నుంచో ఉంది. మద్యపాన ప్రియులు, ఆకతాయిలు ఎక్కువగా ఉంటున్నారనే ఫిర్యాదులు చాలాకాలంగా వినిపిస్తూనే ఉంటున్నాయి. వీటిపై చర్యలు తీసుకున్న దాఖలాలేవీ లేవు. ఇక జనరల్‌ బోగీల్లో పరిస్థితి నానాటికీ మరీ దిగజారుతోంది. కనీసం నిలబడేందుకైనా చోటు లేని బోగీల్లో ఎప్పటికప్పుడు గొడవలు, తగాదాలు జరుగుతూనే ఉన్నాయి. ఈ బోగీలు మరీ పరిమితంగా ఉన్న పరిస్థితుల్లో సామాన్యులు ఈ అవస్థలు పడుతూనే ప్రయాణం సాగించాల్సి వస్తోంది. అవగాహన ఉందా..? రైల్‌ మదద్‌ వంటి యాప్‌లు రైల్వే టోల్‌ ఫ్రీ నంబర్ల గురించి జిల్లా ప్రయాణికులకు అంతగా అవగా హన కలి్పంచడం లేదు. అస్సోం యువతి విషయంలో యాప్‌లో ఫిర్యాదు చేసినా కాపాడలేకపోయారు. దీనిపై రైల్వే పోలీసులు చొరవ తీసుకుని అవగాహన కల్పించాల్సిన అవసరం ఉంది. ఊళ్లలో బెల్టు షాపుల వల్ల ఇబ్బడిముబ్బడిగా దొరుకుతున్న మద్యం వల్ల చాలా మంది తాగి ప్రయాణాలు చేస్తున్నారు. మద్యం తాగుతున్నప్పుడు అధికారులు పట్టుకుంటే కేసు అవుతుందని తెలిసి కూడా ఈ తప్పు చేస్తున్నారు. రైల్వే స్టేషన్ల బయట లెక్కకు మిక్కిలి షాపులు ఉండడంతో బయటే పని కానిచ్చేసి చక్కగా రైలెక్కుతున్నారు. ఈ వైఖరి మహిళలకు ఎప్పటికైనా అపాయకరమే.

సమాజంలో తల్లిదండ్రులను భగవంతుడితో సమానంగా చూస్తూ, వారిని గౌరవించాలనే భావన తరతరాలుగా కొనసాగుతోంది. అయితే, ఈ ఆలోచనా విధానాన్ని ‘తాయ్ సావిత్రి’ అనే వృద్ధురాలు తీవ్రంగా తప్పుపట్టారు. తల్లిదండ్రులను దైవ సమానులుగా చిత్రీకరించడం వెనుక ఒక ప్రత్యేకమైన, సంకుచిత స్వభావం దాగి ఉందని ఆమె అభిప్రాయపడ్డారు.తల్లిదండ్రులు దేవుళ్లు ఎలా కాగలరని ఆమె ప్రశ్నించారు. ప్రతి మనిషిలోనూ వందలాది బలహీనతలు, లోపాలు ఉంటాయని, కొందరు కులపిచ్చి ఉన్నవారు, తాగుబోతులు లేదా అవినీతిపరులు కూడా కావచ్చని అన్నారు. వివాహం చేసుకుని పిల్లలకు జన్మనిచ్చినంత మాత్రాన ఆ చెడు లక్షణాలు మాయమైపోవని, పైగా వారు తమ పిల్లలకు కూడా అవే నేర్పించే ప్రమాదం ఉందని ఆమె అన్నారు.లోపాలు అనేవి తల్లిదండ్రుల్లోనూ ఉండవచ్చు, పిల్లల్లోనూ ఉండవచ్చని ఆమె పేర్కొన్నారు. అయినప్పటికీ మన సమాజం తల్లిదండ్రులపై ‘దేవుడు’ అనే ముద్ర వేయడానికి గల అసలు కారణం.. పిల్లలు వారి ఆలోచనలను, తప్పులను ఏనాడూ ప్రశ్నించకుండా కట్టడి చేయడానికేనని ఆమె తేల్చిచెప్పారు. ఈ విశ్లేషణను పరిశీలిస్తే, తల్లిదండ్రులకు దైవ హోదా ఇవ్వడం వల్ల పిల్లలు తమ మనసులోని భావాలను స్వేచ్ఛగా వ్యక్తీకరించలేకపోతున్నారని తెలుస్తోంది. వారి నిర్ణయాలపై అసమ్మతి తెలపడానికి భయపడే వాతావరణం ఏర్పడుతోంది. కాబట్టి, గుడ్డిగా ఆరాధించడం కంటే కూడా ఇరువైపులా ఒకరి మాట మరొకరు వింటూ, భేదాభిప్రాయాలు ఉన్నా నిర్భయంగా చర్చించుకునే స్వేచ్ఛాయుత సంబంధం ఉండటమే ఆరోగ్యకరమైన పెంపకానికి నిదర్శనం. View this post on Instagram A post shared by Tai Savitri (@tai_savitri)ఇదీ చదవండి: రాళ్లతో విరుచుకుపడి.. మాజీ ఎమ్మెల్యే దారుణ హత్య!

హైదరాబాద్‌: అంతర్జాతీయ బాలికా దినోత్సవం సందర్భంగా జలవిహార్‌ వేదికగా ఆదివారం షీ పవర్‌ ఫౌండేషన్‌ ఆధ్వర్యంలో మహిళా భద్రతా బైక్‌ ర్యాలీ నిర్వహించారు. మంత్రులు జూపల్లి కృష్ణారావు, పొన్నం ప్రభాకర్‌ ర్యాలీని ప్రారంభించారు. బైక్‌ ర్యాలీ ఇందిరాగాంధీ చౌరస్తా నుంచి తిరిగి జలవిహార్‌ వరకు సాగింది. నగరానికి చెందిన మహిళా రైడర్లతో పాటు నేపాల్, భూటాన్, దేశంలోని వివిధ రాష్ట్రాల నుంచి మహిళా సూపర్‌ బైకర్లు, స్కూటీ రైడర్లు, మహిళా పోలీసులు ఉత్సాహంగా పాల్గొన్నారు. ఈ సందర్బంగా మంత్రులు జూపల్లి, పొన్నం మాట్లాడుతూ.. మహిళలు అన్ని రంగాల్లోనూ ముందంజ వేస్తున్నారని కొనియాడారు. కార్యక్రమంలో డీసీపీ శిల్పవల్లి, షీ పవర్‌ ఫౌండర్‌ మహేష్‌ గుప్తా తదితరులు పాల్గొన్నారు. ఆ్రఫ్టాల్‌ ఉమెన్‌ అన్న పదం నచ్చక.. 2013లో ఆ్రఫ్టాల్‌ ఉమెన్‌ అన్న ఒక్క మాట నాకు నచ్చక చాలెంజింగ్‌గా తీసుకున్నా. మొదట్లో బుల్లెట్‌ బండి నడుపుతున్నప్పుడు వేస్ట్‌ అన్నారు. పంజాగుట్ట పీఎస్‌లో పని చేస్తుండగా 5జీ బుల్లెట్‌ బైక్‌ తీసుకున్నా. 60 రోజుల పాటు నేను ఒక్కదాన్నే రాత్రి వేళ పెట్రోలింగ్‌ చేశా. ఆల్‌ ఇండియా చాలెంజింగ్‌ ఉమెన్‌ అవార్డు అందుకున్నా. షార్ట్‌పుట్‌లో జాతీయ, అంతర్జాతీయ అవార్డులతో పాటు రెండు డాక్టరేట్లు సాధించాను. వెపన్‌ షూటింగ్‌లో గోల్ట్‌మెడల్‌ అందుకున్నా. – శ్యామల, బేగంపేట్‌ ట్రాఫిక్‌ ఎస్‌ఐ

సాధించాలనే పట్టుదల ఉండాలే కానీ, విజయం సాధించడానికి ఖరీదైన లేదా పెద్ద కోచింగ్ సెంటర్లే అవసరం లేదని నిరూపించారు హర్యానాకు చెందిన 23 ఏళ్ల ఛవి సర్దానా (Chhavi Sardana). సొంతంగా చదువుకుంటూ.. రోజుకు సుమారు 8 గంటలు పరీక్షల కోసం కష్టపడి చదివిన ఆమె.. హర్యానా సివిల్ సర్వీసెస్ (HCS) పరీక్షలు 2025లో ఐదో ర్యాంక్ సాధించారు. మొత్తం 675 మార్కులకు గాను 385.80 మార్కులు సాధించి అందరి దృష్టిని ఆకర్షించారు.హర్యానాలోని హిసార్ పట్టణానికి చెందిన ఛవి.. చిన్నప్పటి నుంచి తన కెరీర్‌పై స్పష్టమైన లక్ష్యంతో ముందుకు సాగారు. పాటియాలాలో బీఏ ఎల్‌ఎల్‌బీ పూర్తి చేసిన ఆమెకు మొదట న్యాయవాదిగా స్థిరపడాలని ఉండేది. అయితే.. సివిల్ సర్వీసెస్ అధికారిగా ఎదగాలనే కోరిక కూడా బలంగా ఉండటంతో, కాలేజీలో చదువుకుంటున్నప్పుడే పోటీ పరీక్షలకు సిద్ధమవడం ప్రారంభించారు.రోజుకు 8 గంటలు చదువుసివిల్ సర్వీసెస్ పరీక్షలకు సిద్ధమవ్వాలంటే.. కోచింగ్ తప్పనిసరి అని చాలామంది భావిస్తుంటారు. కానీ ఛవి మాత్రం అందుకు భిన్నంగా ఆలోచించారు. ఏ కోచింగ్ ఇన్‌స్టిట్యూట్‌లోనూ చేరకుండా సొంతంగానే చదువుకోవాలని నిర్ణయించుకున్నారు. ప్రతిరోజూ ఉదయం 6 నుంచి 7 గంటల మధ్య చదవడం ప్రారంభించి, దాదాపు 8 గంటల పాటు ప్రిపరేషన్‌కు సమయం కేటాయించేవారు.కాలేజీ చదువులు పూర్తి చేయడంతో పాటు, సివిల్ సర్వీసెస్ పరీక్షలకు సిద్ధమవడం అంత సులభం కాదు. అయినప్పటికీ.. సమయాన్ని సరిగ్గా ఉపయోగించుకుంటూ, తన లక్ష్యంపై దృష్టి పెట్టారు. రోజూ కొంత సమయం చదవడం, నేర్చుకున్న అంశాలను అర్థం చేసుకోవడం, సందేహాలను నివృత్తి చేసుకోవడంపై దృష్టి సారించారు. ఇలా క్రమం తప్పకుండా చేసిన ప్రయత్నమే చివరకు ఆమెకు మంచి ఫలితాన్ని అందించింది.చాట్‌జీపీటీ సాయంపరీక్షలకు సిద్ధమయ్యే సమయంలో.. చాలామందికి సోషల్ మీడియా పెద్ద ఆటంకంగా మారుతుంది. గంటల తరబడి ఫోన్‌లో గడపడం వల్ల చదువుపై ఏకాగ్రత తగ్గే అవకాశం ఉంటుంది. ఈ విషయం గుర్తించిన ఛవి, తన ప్రిపరేషన్ సమయంలో ఫేస్‌బుక్, ఇన్‌స్టాగ్రామ్ వంటి సోషల్ మీడియా వేదికలకు దూరంగా ఉన్నారు.అదే సమయంలో.. చదువుకునే సమయంలో వచ్చిన సందేహాలను తెలుసుకోవడానికి, అర్థం చేసుకోవడానికి చాట్‌జీపీటీ(ChatGPT)ను ఉపయోగించుకున్నారు. వివిధ అంశాల గురించి సమాచారం తెలుసుకోవడం, కష్టంగా అనిపించే విషయాలను సులభంగా అర్థం చేసుకోవడం కోసం ఈ టెక్నాలజీని సద్వినియోగం చేసుకున్నారు.60వేల మందితో పోటీహర్యానా సివిల్ సర్వీసెస్ ఎంపిక ప్రక్రియ ప్రారంభ దశలో సుమారు 60 వేల మంది అభ్యర్థులు పాల్గొన్నట్లు ఛవి తెలిపారు. వివిధ దశలను దాటుకుంటూ చివరకు ఇంటర్వ్యూ వరకు చేరుకోవడం అభ్యర్థులకు పెద్ద సవాలే. ఈ పరీక్షల మొదటి దశ ఏప్రిల్‌లో, రెండో దశ జూన్‌లో నిర్వహించారు. అనంతరం అక్టోబర్ 3 నుంచి 8 వరకు పంచకులాలోని కమిషన్ కార్యాలయంలో ఇంటర్వ్యూలు జరిగాయి. ఈ ప్రక్రియలో అన్ని దశలను పూర్తి చేసిన ఛవి.. తుది ఫలితాల్లో ఐదో ర్యాంక్ సాధించారు.హర్యానా సివిల్ సర్వీసెస్ పరీక్షలో విజయం సాధించిన ఛవి ప్రయాణం ఇక్కడితో ముగియలేదు. ఆమె ఇప్పటికే పంజాబ్ సివిల్ సర్వీసెస్ (PCS), యూపీఎస్‌సీ పరీక్షలకు కూడా హాజరయ్యారు. ఈ రెండు పరీక్షల ఫలితాలు ఇంకా రావాల్సి ఉంది. అయితే, హర్యానాలో సాధించిన ఉద్యోగ బాధ్యతలకు మొదటి ప్రాధాన్యత ఇస్తానని ఆమె తెలిపారు. భవిష్యత్తులో మరింత ఉన్నత స్థాయికి ఎదిగేందుకు ఉన్న అవకాశాలను కూడా పరిశీలిస్తానని పేర్కొన్నారు.ఇదీ చదవండి: బంగారంతో.. చైనా మాస్టర్ ప్లాన్!

ముంబై: మహారాష్ట్రలోని ఉల్హాస్‌నగర్‌లో ఆస్పత్రికి చేరుకోవడానికి కొద్ది నిమిషాల దూరంలో ఉండగానే ఓ గర్భిణి రిక్షాలో మగబిడ్డకు జన్మనిచ్చింది. ఆస్పత్రికి తీసుకెళ్తున్న ఆటో భారీ ట్రాఫిక్‌లో చిక్కుకుపోవడంతో ఈ ఘటన చోటుచేసుకుంది. తల్లి, నవజాత శిశువు ఇద్దరూ క్షేమంగా ఉన్నట్లు సమాచారం.ఉల్హాస్‌నగర్‌కు చెందిన ఆ మహిళకు పురిటి నొప్పులు రావడంతో సమీపంలోని ప్రభుత్వ ఆస్పత్రికి తీసుకెళ్లాలని కుటుంబ సభ్యులు నిర్ణయించారు. ఆ సమయంలో మరో వాహనం అందుబాటులో లేకపోవడంతో వారు రిక్షాను ఏర్పాటు చేసి ఆమెను ఆస్పత్రికి తీసుకెళ్లారు. అయితే ఆస్పత్రికి చేరుకునేలోపే ఆటో భారీగా నిలిచిపోయిన ట్రాఫిక్‌లో చిక్కుకుంది.దాదాపు 15 నుంచి 20 నిమిషాల పాటు ఆటో ముందుకు కదల్లేదు. ఇదే సమయంలో మహిళకు పురిటి నొప్పులు మరింత తీవ్రం కావడంతో పరిస్థితి ఆందోళనకరంగా మారింది. ఆస్పత్రి కొద్ది దూరంలోనే ఉన్నప్పటికీ ట్రాఫిక్‌ రద్దీ కారణంగా వాహనం ముందుకు వెళ్లలేకపోయింది. చివరకు ఆమె ఆటోరిక్షాలోనే బిడ్డకు జన్మనిచ్చింది.ఈ ఘటనతో వైద్య అత్యవసర పరిస్థితుల్లో ట్రాఫిక్‌ రద్దీ కలిగించే ఇబ్బందులపై మరోసారి ఆందోళనలు వ్యక్తమవుతున్నాయి. అదృష్టవశాత్తూ తల్లి, ఆమెకు పుట్టిన మగబిడ్డ ఇద్దరూ ఆరోగ్యంగా ఉన్నారు.

సాక్షి, విజయవాడ: అరండల్ పేటలో దారుణం జరిగింది. మహిళ దారుణ హత్యకు గురైంది. మృతురాలిని సునీతగా గుర్తించారు. నిందితుడు నాగరాజు.. ఆ మహిళను కత్తితో పొడిచి హత్య చేశాడు. ఇద్దరి మధ్య పెనుగులాటలో నాగరాజుకు కూడా గాయాలయ్యాయి. సునీతను హత్య చేసిన తర్వాత ఇంటి పక్కనే ఉన్న కాలువలోకి దూకి.. నిందితుడు ఆత్మహత్యాయత్నం చేశాడు.నాగరాజును అదుపులోకి తీసుకున్న పోలీసులు ఆసుపత్రికి తరలించారు. పోలీసులు కేసు నమోదు చేసి దర్యాప్తు చేపట్టారు. వివాహేతర సంబంధమే హత్యకు కారణమని పోలీసులు భావిస్తున్నారు.ఇదీ చదవండి: ఘోర రోడ్డు ప్రమాదం.. ముగ్గురు టెన్నిస్‌ ప్లేయర్లు మృతి

సోషల్ మీడియాలో మెల్లిగా స్నేహంగా ప్రారంభమైంది. అలా ఆ పరిచయం త్వరలోనే ప్రేమగా మారింది. చివరికి తన ప్రేమ బంధాన్ని వివాహ బంధంగా మార్చుకుంది. ఆ తరువాత లబోదిబో మంది. ఇది ఏదో సినిమా కథ కాదు, కాన్పూర్‌కు చెందిన వ్యక్తిని వివాహం చేసుకున్న థాయ్‌లాండ్ మహిళ నిజ జీవిత గాథ.థాయ్‌లాండ్‌లో రెస్టారెంట్, క్యాంటీన్ నడుపుకుంటూ జీవిస్తోంది అప్సార్ (Upsorn), సోషల్ మీడియా ద్వారా ఉత్తరప్రదేశ్‌లోని కాన్పూర్‌కు చెందిన లెదర్ వ్యాపారి ఇర్ఫాన్‌తో పరిచయం ఏర్పడింది. వారి ఆన్‌లైన్ చాట్‌లు క్రమంగా రొమాంటిక్ రిలేషన్‌షిప్‌గా మారాయి. ఒక రోజు ప్రియురాల్ని కలవడానికి ఏకంగా థాయ్‌లాండ్‌ వెళ్లాడు ఇర్ఫాన్‌. ఆమె పరిస్థితిని, స్థితిగతులను గమనించాడు. ఆమెను నమ్మించి, రెండేళ్ల క్రితం ఆమెను థాయ్‌లాండ్‌లో వివాహం చేసుకున్నాడు. దీంతో తన అదృష్టానికి తనకు తానే మురిసి పోయింది అప్సార్. కానీ ఇర్ఫాన్‌ ప్లాన్‌ మరోలా ఉంది. నెమ్మదిగా తన పథకాన్ని అమలు చేశాడు. వ్యాపారం, అవసరాలు అంటూ ఆమె దగ్గర డబ్బులు లాగడం మొదలుపెట్టాడు. దీంతో భర్తే కదా అనే ఉద్దేశంతో తన సంపాదనతోపాటు, బంధువుల దగ్గర అప్పు తీసుకొని మరీ కాలక్రమేణా దాదాపు రూ. 60 లక్షలు అప్సార్‌కి ముట్టజెప్పింది. ఆ తరువాత ఇక ఇర్ఫాన్‌ ఆమెతో అన్ని సంబంధాలను తెంచుకుని భారత్‌కు తిరిగి వచ్చేశాడు. ఆమెతో సంబంధాలను కట్‌ చేసుకోవాలని చూశాడు.ఇదీ చదవండి: నో షూస్‌, నో సూట్..1600 మీటర్ల రన్‌, అదీ చీరలోతన భర్త నుంచి నెలల తరబడి ఎలాంటి సమాచారం లేకపోవడంతో, భర్తను వెదుక్కుంటూ ఇండియాకు వచ్చింది. అక్టోబర్ 6న కాన్పూర్‌లోని ఇర్ఫాన్‌ ఇంటికి చేరింది. అక్కడ మెకు దిగ్భ్రాంతికరమైన నిజం తెలియడంతో షాక్‌ అయింది. ఇర్ఫాన్‌కు 12 ఏళ్ల క్రితమే పెళ్లి అయింది. ముగ్గురు పిల్లలు ఉన్నారు.దీంతో తననెందుకు మోసం చేశావని నిలదీసింది., తన డబ్బు తనకు ఇవ్వాలని డిమాండ్‌ చేయడంతో ఈ వ్యవహారం మరింత ముదిరింది. తనతో ఉండాలన్నా లేదా తన డబ్బు తిరిగి రావాలన్నా, ఇస్లాం మతంలోకి మారి బుర్ఖా ధరించాలని షరతు పెట్టాడు. అంతేకాదు ఆమెపై భౌతిక దాడికి పాల్పడ్డాడు. దీంతో ఆమె వేరే దారి లేక స్థానిక పోలీసులను ఆశ్రయించింది. అదనపు డిప్యూటీ కమిషనర్ ఆఫ్ పోలీస్ (ఈస్ట్) శివ సింగ్‌ను ఆశ్రయించి తన గోడును వెళ్లబోసుకుంది.. మతమార్పిడి కోణంతో సహా ఆరోపణల తీవ్రతను దృష్టిలో ఉంచుకుని పోలీసులు చర్యలు చేపట్టారు. కేసు నమోదు చేసిన పోలీసులు ఇర్ఫాన్‌ను అరెస్ట్ చేశారు. వివాహ పత్రాలు, రూ. 60 లక్షల బదిలీకి సంబంధించిన బ్యాంకు లావాదేవీలు, అలాగే మహిళపై మతం మార్చుకోవాలని ఒత్తిడి చేశారన్న ఆరోపణలపై పోలీసులు దర్యాప్తు చేస్తున్నారు.

మంగళగిరి టౌన్‌: ఇన్‌స్ట్రాగామ్‌ ద్వారా పరిచయమైన యువతిని ఓ వ్యక్తి పెట్‌ షాప్‌ ప్రమోషన్‌ పేరుతో విజయవాడకు పిలిపించాడు. మత్తుమందు కలిపిన నీళ్లు ఇచ్చి నగ్న ఫొటోలు, వీడియోలు తీసి బెదిరింపులకు పాల్పడ్డాడు. అనంతరం లైంగిక దాడి చేసి, నగదు బదిలీ చేయించుకున్నాడు. ఘటనపై బాధితురాలు మంగళగిరి పోలీసులను ఆశ్రయించింది. ఆమె ఫిర్యాదులో పేర్కొన్న వివరాల ప్రకారం.. కడపకు చెందిన యువతి ఇన్‌స్ట్రాగామ్‌ ఖాతా నిర్వహిస్తూ సింగర్, యాంకర్‌గా ఆర్కెస్ట్రా ఈవెంట్లకు వెళుతుంటుంది. మూడు నెలల కిందట ఇన్‌స్ట్రాగామ్‌ ద్వారా విజయవాడకు చెందిన షేక్‌ జానీ పరిచయమయ్యాడు. తనకు పెట్‌ షాప్‌ ఉందని, దాని ప్రమోషన్‌ కోసం రీల్స్‌ చేయాలని, విజయవాడకు వస్తే రూ.30 వేల పారితోíÙకం ఇస్తానని చెప్పడంతో ఆమె అంగీకరించింది. గతనెల 20న విజయవాడకు యువతి చేరుకుంది. మంగళగిరిలోని సాయిప్రియ రెసిడెన్సీకి వెళ్లి అక్కడ ఫ్రెష్‌ అవ్వాలని జానీ చెప్పాడు. తర్వాత వాటర్‌ బాటిల్‌లోని నీటిని తాగమని చెప్పాడు. దీంతో ఆమె నీరు తాగి స్పృహ కోల్పోయినట్లు ఫిర్యాదులో పేర్కొంది. స్పృహ లేని సమయంలో తన నగ్న ఫొటోలు, వీడియోలు తీసినట్లు, స్పృహలోకి వచ్చిన అనంతరం వాటిని చూపించి బెదిరించినట్లు తెలిపింది. తన మాట వినకపోతే ఫొటోలు సోషల్‌ మీడియాలో పెడతానని, చంపేస్తానని బెదిరించి తనను లైంగికంగా దాడి చేసినట్లు ఫిర్యాదులో ఆరోపించింది. బెదిరించి ఫోన్‌పే ద్వారా నగదు బదిలీ.. అనంతరం తనకు డబ్బు ఇవ్వాలని బెదిరించడంతో రూ.16 వేల వరకు ఫోన్‌పే ద్వారా మూడు విడతల్లో బదిలీ చేయించుకున్నాడని బాధితురాలు తెలిపింది. ఆమె ఇంటికి వెళ్లిన అనంతరం జానీ ఫోన్‌ చేస్తూ ఘటన గురించి ఎవరికైనా చెబితే, పోలీసులకు ఫిర్యాదు చేస్తే ఫొటోలు, వీడియోలను సోషల్‌ మీడియాలో పెడతానని బెదిరిస్తున్నాడని ఫిర్యాదులో తెలిపింది. బాధితురాలి ఫిర్యాదు మేరకు మంగళగిరి పోలీసులు కేసు నమోదు చేయగా ఘటన మంగళవారం వెలుగుచూసింది.

తలపై కొంగు.. పక్కా పల్లెటూరి మనిషి.. పొలాల్లో పని చేస్తూ వీడియోలు చేస్తుంటుంది. మాములుగా అయితే ఆమె గురించి ఇప్పుడు ఎందుకు మాట్లాడుకుంటాం. ఆమె వీడియోను నటి ప్రియాంక చోప్రా తన ఇన్‌స్టాగ్రామ్‌లో షేర్‌ చేసుకుంది. ఎందుకంత ప్రత్యేకంగా ప్రియాంక పోస్ట్‌ చేసింది అంటారా?. ఆమె టాలెంట్‌ అలాంటిది కాబట్టి!.ప్రియాంక చోప్రా తన వీడియోను షేర్‌ చేయడం యశోదాకు ఊహించని ఆనందాన్ని ఇచ్చింది. ఆ విషయాన్ని ఆమె మరో వీడియో ద్వారా తన ఫాలోవర్లతో పంచుకున్నారు. అంతేకాదు.. అదే రోజు ఇన్‌స్టాగ్రామ్‌లో ఆమె 4 లక్షల మంది ఫాలోవర్ల మైలురాయిని కూడా అందుకున్నారు. ‘‘చాలామందికి ఇది ఒక ఇన్‌స్టాగ్రామ్‌ స్టోరీ మాత్రమే కావచ్చు. కానీ నాకు మాత్రం ఎంతో ప్రత్యేకమైన క్షణం’’ అంటూ యశోదా ఆనందం వ్యక్తం చేశారు.యశోదా లోధి స్వస్థలం ఉత్తరప్రదేశ్‌లోని కౌశాంబి జిల్లా సిరతు ప్రాంతం. యశోదకు ఏడాది వయసున్నప్పుడే ఆమె తల్లిదండ్రులు బంధువులకు అప్పగించారు. పిల్లలు లేని బువా, ఫూఫా ఆమెను పంజాబ్‌లోని లుధియానాకు తీసుకెళ్లి పెంచారు. 12వ తరగతి వరకు హిందీ మీడియంలోనే చదువుకున్న ఆమె.. ఇంగ్లిష్‌ నేర్చుకోవడానికి ఎలాంటి ప్రత్యేక శిక్షణ తీసుకోలేదు. కానీ, ఇతరులు ఇంగ్లిష్‌లో మాట్లాడే వీడియోలను పదేపదే వింటూ.. వారిని అనుకరిస్తూ సొంతంగా సాధన చేశారు. క్రమంగా మాట్లాడటంలో పట్టు సాధించారు. ఆ తర్వాత తాను నేర్చుకున్నదాన్ని ఇతరులకు కూడా నేర్పించాలని నిర్ణయించుకున్నారు.గ్రామీణ మహిళలు, విద్యార్థులు సులభంగా అర్థం చేసుకునేలా రోజువారీ జీవితానికి సంబంధించిన ఉదాహరణలతో ఇంగ్లిష్‌ పదాలు, వాక్యాలు, గ్రామర్‌ నేర్పడం మొదలుపెట్టారు. పొలంలో పని చేయడం, ఇంటి పనులు చేసుకోవడం, కుటుంబ సభ్యులతో మాట్లాడటం.. ఇలా తన చుట్టూ జరిగే విషయాలనే పాఠాలుగా మార్చుకున్నారు.‘దేహాతీ’ అనే పేరే బ్రాండ్‌గా..యశోదా తన గ్రామీణ నేపథ్యాన్ని ఎప్పుడూ దాచుకోలేదు. చీర, కొంగుతోనే ఎక్కువ వీడియోల్లో కనిపిస్తూ.. ‘‘పల్లెటూరిలో పుట్టాం.. ఇంగ్లిష్‌ మాట్లాడకూడదా? మళ్లీ పుడతామా ఏంటి?’’ అన్నట్టుగా తన ప్రయాణాన్ని కొనసాగించారు. అందుకే ‘దేహాతీ మేడమ్‌’(పల్లెటూరి మేడమ్‌)కు ప్రత్యేక గుర్తింపుగా మారింది. ఆమె వీడియోలు గ్రామీణ ప్రాంతాల్లో ఇంగ్లిష్‌ నేర్చుకోవాలనుకునే వారిలో మంచి ఆదరణ పొందాయి.యూట్యూబ్‌తో మొదలై..యశోదా ఇంగ్లీష్‌ విత్‌ దెహతీ మేడమ్‌ ‘English With Dehati Madam’ పేరుతో యూట్యూబ్‌ ఛానెల్‌ ప్రారంభించి స్పోకెన్‌ ఇంగ్లిష్‌, గ్రామర్‌, రోజువారీ సంభాషణలకు సంబంధించిన వీడియోలు చేయడం మొదలుపెట్టారు. తొలినాళ్లలో పెద్దగా స్పందన లేకపోయినా.. క్రమంగా ఆమె వీడియోలకు ఆదరణ పెరిగింది. కొద్దికాలంలోనే లక్షల మంది ఆమెను ఫాలో చేయడం మొదలుపెట్టారు. 2023 నాటికే ఆమె ఛానెల్‌కు సుమారు 3 లక్షల మంది సబ్‌స్క్రైబర్లు ఉండగా.. ఆమెకు యూట్యూబ్‌ సిల్వర్‌ ప్లే బటన్‌ కూడా లభించింది. ఆమె ప్రత్యేకత పుస్తకాల్లోని ఇంగ్లిష్‌ను చెప్పడం కంటే.. సాధారణ జీవితంలో ఎలా మాట్లాడాలో నేర్పడమే. అందుకే గ్రామీణ నేపథ్యం ఉన్నవారికి ఆమె వీడియోలు సులభంగా కనెక్ట్‌ అయ్యాయి.భర్త నుంచి విమర్శలు.. యశోదా ప్రయాణం మొదట్లో అంత సులభంగా సాగలేదు. తాను యూట్యూబ్‌ ద్వారా ఏదైనా సాధించగలనని చెప్పినప్పుడు కుటుంబం నుంచి కూడా వెంటనే ప్రోత్సాహం లభించలేదట. భర్త నుంచే ఆమెకు తిట్లు పడ్డాయట. పనులు మానేసి అవేం వీడియోలు అంటూ ఆయన నిరుత్సాహపరిచేవారని ఆమె గుర్తు చేసుకుంటున్నారు. అయినా తన ప్రయత్నాన్ని మాత్రం ఆపలేదు. వినడం, మాట్లాడటం, తప్పులు సరిదిద్దుకోవడం.. ఇదే తన ఇంగ్లిష్‌ నేర్చుకునే మార్గమని ఆమె చెబుతుంటారు. ఇప్పుడు ఆయనే ఆమె భుజం తట్టి అభినందిస్తున్నారట. ఇప్పుడు గ్లోబల్‌ వైడ్‌.. గ్రామీణ ప్రాంతంలో సాధారణ జీవితాన్ని గడుపుతూ తనకు తానే ఇంగ్లిష్‌ నేర్చుకున్న యశోదా.. ఇప్పుడు సోషల్‌ మీడియాలో ప్రత్యేక గుర్తింపు తెచ్చుకున్నారు. అంతేకాదు ప్రభుత్వం,ఎన్జీవోల తరఫున పలు ఈవెంట్లలో పాల్గొని మరికొందరిలో స్ఫూర్తి నింపే ప్రయత్నం చేశారు. అలాంటి వ్యక్తి వీడియోను ప్రియాంక చోప్రా షేర్‌ చేయడంతో.. పల్లెటూరి మేడమ్‌ పేరు మరోసారి దేశవ్యాప్తంగా చర్చలోకి వచ్చింది.ఇదీ చదవండి: వారెవ్వా.. చీరలో ఆమె పరుగులు! వెనక ఎమోషనల్‌ కథ

తన బిడ్డలకు బంగారు భవిష్యత్తును పంచడంకోసం మాతృమూర్తులు ఎంతటి సాహసాని కైనా వెనుకాడరు. ఎన్నిక ప్రతికూల పరిస్థితులున్నా తమ లక్ష్య సాధనలో ముందడుగే వేదమంత్రం. తాజాగా జార్ఖండ్‌లోని రామ్‌గఢ్ జిల్లా దుల్మి బ్లాక్ పరిధిలోని సోసో గ్రామానికి చెందిన కవితా కుమారి కూడా ఆ కోవలోకే వస్తారు. హోంగార్డ్ నియామకాల కోసం జరుగుతున్న శారీరక దారుఢ్య పరీక్షల్లో తన సంకల్ప బలంతో అభ్యర్థులందరికీ స్ఫూర్తిగా నిలిచారు. తన పిల్లల భవిష్యత్తు కోసం ఆమె పడ్డ కష్టం .పట్టుదలకు సంబంధించిన వీడియో సోషల్ మీడియాలో వైరల్ అవుతోంది.హోంగార్డ్ నియామకాల కోసం జరుగుతున్న శారీరక దారుఢ్య పరీక్షకు గాను, రన్నింగ్ షూస్, ట్రాక్‌సూట్ గానీ ఏవీ లేకుండానే చీరలోనే ఆమె మండుతున్న ఎండలో చెప్పులు లేకుండానేపోటీలో పాల్గొన్నారు. అలా ఏకంగా 1,600 మీటర్ల పరుగు పందెంలో ఆమె పాల్గొన్నారు. అంతేకాదు నిర్దేశిత 10 నిమిషాల సమయానికి బదులుగా కేవలం ఆరు నిమిషాల్లోనే ఆమె పరుగును పూర్తి చేసి అందరిని ఆకట్టుకున్నారు. ఆమె పరుగుకు సంబంధించిన వీడియో సోషల్ మీడియాలో వైరల్ కావడంతో, ఒక స్థానిక రన్నింగ్ గ్రూప్ ఆమెను సత్కరించాలని నిర్ణయించింది. అకాడమీ సభ్యులు ఆమె ఇంటికి వెళ్లి ఆమెను సన్మానించారు.यह सुंदर तस्वीर झारखंड के रामगढ़ की है होमगार्ड बनने की उम्मीद में साड़ी पहनकर नंगे पांव दौड़ी महिला….! #jharkhand #homeguard #womenspower https://t.co/Yryuhwoelh— Mukesh singh (@Mukesh_Journo) October 6, 2026ఇదీ చదవండి: కుక్కర్‌, బెల్ట్‌, మొబైల్‌ చార్జర్‌ : దుబాయ్‌లో కొత్త పెళ్లికూతురికి చిత్రహింసలుఅయితే కవితకు భర్తలేడు. దీంతో తన ఇద్దరు చిన్న పిల్లలను, వృద్ధులైన అత్తమామలను పోషించాల్సిన బాధ్యత కవిత మీదే ఉంది. రన్నింగ్ షూస్ లేదా ట్రాక్‌సూట్ కొనుగోలు చేసే ఆర్థిక స్థోమత లేకపోవడంతో, తనకు అందుబాటులో ఉన్న ఏకైక మార్గంలో ఆమె నియామక పరీక్షకు సిద్ధమయ్యారు. ఆమె ప్రతిరోజూ ఉదయం 4 గంటలకు లేచి చీరతోనే రన్నింగ్‌ ప్రాక్టీస్‌ చేసేవారట. తన పిల్లలకు మంచి భవిష్యత్తును అందించడానికే తాను హోంగార్డ్‌లో చేరాలనుకుంటున్నట్లు కవిత చెప్పారు.కాగా రామ్‌గఢ్ జిల్లాలో 284 హోంగార్డ్ పోస్టుల భర్తీ కోసం ఈ నియామక డ్రైవ్ జరుగుతోంది. అక్టోబర్ 24 నుండి నవంబర్ 5 వరకు ఈ ప్రక్రియను షెడ్యూల్ చేశారు. ఇందులో 50శాతం పోస్టులు మహిళలకు రిజర్వ్ చేయగా, ఇందులో వితంతువులు, విడాకులు తీసుకున్న మహిళలకు అదనంగా 5శాతం రిజర్వేషన్ కల్పించారు. అందుకే ఈ ఉద్యోగాన్ని ఎలాగైనా సాధించాలనే పట్టుదలతో ఉన్నారు. మహిళా అభ్యర్థుల్లో మరికొంతమంది కూడా చీరలోనే ఈ పోటీలో పాల్గొనడం గమనార్హం.అయితే తమ లక్ష్యంకోసం చీరల్లో పరుగెత్తి తమ ప్రత్యేకతను చాటుకున్న మహిళా మణులూ గతంలో కూడా ఉన్నారు. ముఖ్యంగా కూతురి చదువు కోసం మహారాష్ట్రకు చెందిన 47 ఏళ్ల లతా భగవాన్ కరేమహిళ తన కూతురి కాలేజీ ఫీజు కట్టడం కోసం బారమతి మారథాన్‌లో నవవారీ చీర కట్టుకుని, చెప్పులు లేకుండా పరుగెత్తి గెలిచారు. అలాగే యూకేలో నివసిస్తున్న 41 ఏళ్ల ఒడిశాకు చెందిన మధుస్మిత జెనా దాస్ సంబల్‌పురి చీర కట్టుకుని 42.5 కిలోమీటర్ల మాంచెస్టర్ మారథాన్‌ను 3 గంటల 45 నిమిషాల్లో విజయవంతంగా పూర్తి చేసి రికార్డు సృష్టించింది. ముంబై మారథాన్‌లో 80 ఏళ్ల భారతి అనే వృద్ధురాలు చీర మరియు స్నీకర్స్ ధరించి, చేతిలో జాతీయ జెండాను పట్టుకుని పరుగెత్తి అందరికీ ఫిట్‌నెస్ స్ఫూర్తిగా నిలిచిన సంగతి విదితమే.ఇదీ చదవండి: హవ్వ..బీజేపీ ఎమ్మెల్యే బంగ్లా క్లీనింగ్‌కు ఫైర్‌ ఇంజీనా? వీడియో వైరల్‌

నోయిడాలోని డీఎల్‌ఎఫ్ మాల్‌ని ఓ స్టోర్‌లో నెయ్యి, రిఫైన్డ్ ఆయిల్‌ను దొంగిలించేందుకు ప్రయత్నించిన ఓ మహిళను సిబ్బంది పట్టుకున్నారు. సీసీటీవీలో చోరీ బయటపడింది. ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది. ఈ ఘటన సెక్టార్ 18లోని మాల్‌లో ఉన్న ‘లే మార్చే’ స్టోర్‌లో జరిగినట్లు తెలుస్తోంది.ఆ మహిళ నెయ్యి, రిఫైన్డ్ ఆయిల్ బాటిళ్లను తన బ్యాగ్‌లో దాచుకుని స్టోర్ నుంచి బయటకు వెళ్లేందుకు ప్రయత్నించగా.. సీసీటీవీ కెమెరాల ద్వారా ఈ విషయాన్ని గుర్తించిన సిబ్బంది.. ఆమెను స్టోర్ ఎగ్జిట్ సమీపంలో అడ్డుకుకున్నారు. వీడియోలో ఇద్దరు సెక్యూరిటీ గార్డులు ఆ మహిళను మాల్ లోపలికి తీసుకెళ్తుండగా, ఆమె తన ముఖాన్ని ఫోన్‌తో కప్పుకునేందుకు ప్రయత్నిస్తున్నట్లు కనిపిస్తోంది. స్టోర్‌కు సంబంధించిన వ్యక్తిగా భావిస్తున్న ఓ వ్యక్తి కూడా ఆమెను ప్రశ్నిస్తున్నట్లు వీడియోలో కనిపిస్తుంది.ఆ మహిళ గత నెల రోజులుగా స్టోర్‌కు వస్తూ ఉండేదని.. గతంలోనూ పలుమార్లు వస్తువులను దొంగిలించినట్లు అనుమానం ఉందని సిబ్బంది పేర్కొన్నారు. సీసీటీవీ ఫుటేజీ సహాయంతో గతంలో జరిగినట్లు అనుమానిస్తున్న దొంగతనాలను కూడా గుర్తించినట్లు ఓ ఉద్యోగి తెలిపారు. గతంలో కూడా ఆ మహిళ వేల రూపాయల విలువైన నెయ్యి, ఇతర కిరాణా వస్తువులను తీసుకెళ్లినట్లు సిబ్బంది చెబుతున్నారు.ఇదీ చదవండి: బొమ్మ.. బాంబుగా మారింది..!ఈ వీడియో సోషల్ మీడియాలో చర్చకు దారితీసింది. నెయ్యి, వంట నూనె వంటి రోజువారీ అవసరాల వస్తువులను ఎందుకు దొంగిలిస్తారని పలువురు ప్రశ్నించారు. ఈ ఘటనపై సోషల్‌ మీడియాలో చర్చ జరుగుతుంది. కొందరు ఆమెకు ‘క్లెప్టోమేనియా’ అనే మానసిక ఆరోగ్య సమస్య ఉండవచ్చని అభిప్రాయపడ్డారు. క్లెప్టోమేనియా అంటే వస్తువులను దొంగిలించాలనే నియంత్రించలేని ప్రేరణ కలిగించే ఒక మానసిక రుగ్మత. అయితే, ఈ ఘటనపై పూర్తి స్పష్టత రాలేదు.DLF Mall Noida: Mall employees caught a man and a woman red-handed while stealing https://t.co/BfXPHJuXmK— Ramesh Speaks (@rameshofficial0) October 5, 2026

సాక్షి, విజయవాడ: ఓ యువతితో సన్నిహితంగా ఉన్న న్యూడ్‌ ఫొటోలు, వీడియోలతో బెదిరిస్తున్న మాజీ ప్రియుడిపై విజయవాడ నగరానికి చెందిన యువతి కుటుంబ సభ్యులు దాడి చేసిన ఘటన ఆదివారం రాత్రి వెలుగు చూసింది. కృష్ణాజిల్లా అవనిగడ్డకు చెందిన ఓ యువతి గతంలో హైదరాబాద్‌లో కోచింగ్‌ కోసం వెళ్లినప్పుడు అక్కడ అవనిగడ్డకు చెందిన ఎం. నిఖిల్‌తో పరిచయం ఏర్పడింది. అది కాస్త ప్రేమకు దారి తీసింది. అప్పట్లో వారు సన్నిహితంగా మెలిగారు. వారు సన్నిహితంగా ఉన్న ఫొటోలు, వీడియోలను ప్రియుడు భద్రపరచుకున్నాడు. కొన్నాళ్ల తర్వాత యువతికి పెళ్లి అయింది. ఆమె విజయవాడలోనే భర్తతో ఉండేది. ఆమెకు పెళ్లయినా కూడా ప్రియుడి వేధింపులు ఆగలేదు. తనను వదిలి పెట్టాలని ఎంత చెప్పినా వినకుండా కలవాలంటూ అతను ఆమెను వేధించేవాడు. అంతటితో ఆగకుండా ఫొటోలు, వీడియోలను నిఖిల్‌ సోషల్‌ మీడియాలో పెట్టాడు. ఏకంగా భర్తకే వీడియోలు పంపి బ్లాక్‌ మెయిల్‌.. అవనిగడ్డకు చెందిన ఆ యువకుడు తనను కలవట్లేదనే అక్కసుతో ఏకంగా ఆమె భర్తకు యువతితో కలిసి ఉన్న న్యూడ్‌ ఫొటోలు, వీడియోలు పంపాడు. తన భార్య వేరే వ్యక్తితో సన్నిహితంగా ఉండడాన్ని జీర్ణించుకోలేక సదరు యువతిని భర్త వదిలేశాడు. గత నెల రోజులుగా తనను కలవాలంటూ యువతిని నిఖిల్‌ వేధింపులకు గురి చేశాడు. విషయాన్ని బాధిత యువతి కుటుంబ సభ్యులకు చెప్పింది. ఈ నేపథ్యంలోనే సదరు యువతి పథకం ప్రకారం నిఖిల్‌ను ఆదివారం విజయవాడకు రప్పించింది. ఆదివారం రాత్రి పీవీపీ మాల్‌ సమీపంలో నిఖిల్‌ ఉండగా అప్పటికే వేచి ఉన్న సదరు యువతి కుటుంబ సభ్యులు అతనిపై దాడి చేశారు. అక్కడే ఉన్న స్థానికులు వారిస్తున్నా విచక్షణ రహితంగా దాడి చేశారు. స్థానికుల సమాచారంతో మాచవరం పోలీసులు ఘటనా స్థలానికి చేరుకుని వివరాలు సేకరించి నిఖిల్‌ను ప్రభుత్వాస్పత్రికి తరలించారు.

విజయవాడ: పెళ్లైన యువతిని మాజీ ప్రియుడు వేధింపులకు గురి చేసిన ఘటన విజయవాడలో వెలుగుచూసింది. నెల రోజుల నుంచి తనను కలవాలంటూ యువతిని బ్లాక్‌ మెయిల్‌ చేస్తున్నాడు మాజీ ప్రియుడు. ఈ క్రమంలోనే ఆ యువతితో సాన్నిహిత్యంగా ఉన్న ఫొటోలను సోషల్‌ మీడియాతో పాటు యువతి భర్తకు పంపాడు. తన భార్యతో వేరే వ్యక్తితో సన్నిహితంగా ఉన్న ఫొటోస్, వీడియోస్ బయటకి రావడంతో ఆమెకు దూరంగా ఉంటున్నాడు భర్త. ఈ విషయాన్ని సదరు యువతి కుటుంబ సభ్యులకు తెలపడంతో వారు యువకుడిపై దాడికి ప్లాన్‌ చేశారు. ఈ క్రమంలో విజయవాడకు రప్పించింది యువతి. విజయవాడకు వచ్చిన యువకుడిపై యువతి కుటుంబ సభ్యులు పివిపి మాల్స్ సమీపంలో దాడి చేశారు. ఈ సమాచారం తెలుసుకున్న పోలీసులు అక్కడకు చేరుకుని యువకుడ్ని అదుపులోకి తీసుకుని పీఎస్‌కు తరలించారు. ఇదీ చదవండి: తహసీల్దార్‌ కార్యాలయం వద్ద రైతు ఆత్మహత్య

వంటగదిలోకి వెళ్లిన మహిళకు ఒక్కసారిగా షాకింగ్‌ దృశ్యం కనిపించింది. వంట చేసేందుకు వెళ్లిన ఆమెకు స్లాబ్‌పై ఏకంగా 12 అడుగుల భారీ కొండచిలువ కనిపించడంతో భయంతో కేకలు వేస్తూ బయటకు పరుగులు తీసింది. ఉత్తరప్రదేశ్‌లోని ఇటావా జిల్లాలో ఓ ఇంట్లో భారీ కొండచిలువ కలకలం రేపింది. తన పిల్లల కోసం వంట చేసేందుకు వంటగదిలోకి వెళ్లిన మహిళకు స్లాబ్‌పై భారీ కొండచిలువ కనిపించింది. ఒక్కసారిగా దానిని చూసి తీవ్ర భయాందోళనకు గురైన ఆమె గట్టిగా కేకలు వేసి ఇంటి నుంచి బయటకు వచ్చింది. అనంతరం కుటుంబ సభ్యులు, ఇరుగుపొరుగు వారిని అప్రమత్తం చేశారు. స్థానికులు వెంటనే అటవీ శాఖ అధికారులకు సమాచారం అందించారు.దీంతో అటవీ శాఖ రెస్క్యూ బృందం అక్కడికి చేరుకుని కొండచిలువను పట్టుకున్నారు. ఇంత పెద్ద కొండచిలువను తమ ప్రాంతంలో ఇంతకుముందెప్పుడూ చూడలేదని, దానిని చూసిన సమయంలో తాను తీవ్రంగా భయపడ్డానని మహిళ తెలిపింది. ఈ కుటుంబంలో ఆ మహిళతో పాటు ఆమె భర్త, ముగ్గురు చిన్నపిల్లలు ఉన్నారు. ఇదీ చదవండి: రెప్పపాటులో.. సీసీటీవీలో భయానక దృశ్యాలు

ఢిల్లీ: ఢిల్లీలోని పశ్చిమ ప్రాంతం కీర్తి నగర్‌లో ఒళ్లు గగుర్పాటుకు గురిచేసే ఘటన చోటుచేసుకుంది. ఓ వృద్ధ దంపతులను ఎస్‌యూవీ కారు ఢీకొట్టింది. ఆర్య సమాజ్ మందిర్ సమీపంలో జరిగిన ఈ ప్రమాదానికి సంబంధించిన సీసీటీవీ దృశ్యాలు సోషల్‌ మీడియాలో వైరల్‌గా మారాయి. కారును నడుపుతున్న మహిళను పోలీసులు అదుపులోకి తీసుకున్నారు.వృద్ధ దంపతులు రోడ్డుకు ఎడమ వైపున నడుచుకుంటూ వెళ్తుండగా.. వేగంగా వచ్చిన క్రెటా కారు వారిని ఢీకొట్టింది. కారు ఢీకొనడంతో ఇద్దరూ గాల్లోకి ఎగిరి రోడ్డుపై పడిపోయారు. చేతిలో వాకింగ్ స్టిక్, భుజానికి బ్యాగ్ ధరించిన వృద్ధురాలు రోడ్డు పక్కన ఉన్న విద్యుత్ స్తంభానికి సమీపంలో పడిపోయారు. ఆమె భర్త కారు బానెట్‌పై సుమారు రెండు సెకన్ల పాటు పడిన అనంతరం రోడ్డుపైకి ఎగిరి పడ్డారు. ఆయన ముఖం నేలకు బలంగా తగలడంతో తీవ్ర గాయాలయ్యాయి.ప్రమాదం జరిగిన వెంటనే స్థానికులు, వాహనదారులు వృద్ధ దంపతులను ఆసుపత్రికి తరలించారు. కాగా, ప్రమాదం తర్వాత కారు డ్రైవ్‌ చేస్తున్న ఆ మహిళ వ్యవహరించిన తీరు కూడా సీసీటీవీలో రికార్డైంది. మొదట ఆమె కారు నుంచి బయటకు రావాలా వద్దా? అన్నట్లుగా కొద్దిసేపు ఆలోచించింది. కారు డోర్ తెరిచి మళ్లీ మూసివేసి సుమారు ఏడు సెకన్ల పాటు కారులోనే కూర్చుంది. అనంతరం కిందకు దిగి వృద్ధుడి వద్దకు పరుగెత్తుకుంటూ వెళ్లి ఆయన పరిస్థితిని పరిశీలించింది. ఆ తర్వాత కొంత దూరంలో పడివున్న వృద్ధురాలి వైపు చూసింది. 🚨 An elderly couple Dayanand Tagra (79) and Kusum Tagra (71) were injured after being hit by a Creta near Arya Samaj Mandir in Kirti Nagar West Delhi on 2nd Oct. Both are undergoing treatment at Kalra Hospital. Delhi Police have arrested the 49-year-old driver, Navleen Kaur ⚠️ https://t.co/NmSrBoWPsa— Dr. Abhinaba Pal (@drabhinabapal7) October 3, 2026అనంతరం ఆమె చేతులు జోడించి పైకి చూస్తూ కనిపించింది. ఇద్దరి ప్రాణాలు దక్కినందుకు దేవుడికి కృతజ్ఞతలు తెలిపినట్లుగా సీసీటీవీ దృశ్యాల్లో కనిపించింది. ఆ తర్వాత తిరిగి కారులోకి వెళ్లి అక్కడి నుంచి వెళ్లిపోయింది. ఈ ప్రమాదంలో గాయపడిన వారిని 71 ఏళ్ల కుసుమ్ టాగ్రా, 79 ఏళ్ల ఆమె భర్త దయానంద్ టాగ్రాగా గుర్తించారు. ప్రస్తుతం వీరిద్దరూ కీర్తి నగర్‌లోని కల్రా ఆసుపత్రిలో చికిత్స పొందుతున్నారు. వారి పిల్లలు అమెరికాలో ఉన్నట్లు ఢిల్లీ పోలీసులు తెలిపారు.ఇదీ చదవండి: రెండు ఇళ్ల గోడల మధ్య ఇరుక్కున్న వృద్ధుడు

ఖమ్మం రూరల్‌/మరిపెడ: ఖమ్మం జిల్లా ఏదులాపురం మున్సిపాలిటీ పరిధి సింహాద్రినగర్‌ నివాసి దారం సుప్రియ (30) అమెరికాలో జరిగిన రోడ్డు ప్రమాదంలో మృతి చెందారు. మహబూబాబాద్‌ జిల్లా మరిపెడ బంగ్లాకు చెందిన దారం శ్రీనివాస్, జ్యోతి దంపతులు కుటుంబంతో కలిసి సింహ్రాద్రినగర్‌లో నివాసముంటున్నాడు. ఆయనకు ఇద్దరు కుమార్తెలు.పెద్ద కుమార్తె సుప్రియకు మహబూబాబాద్‌కు చెందిన సాఫ్ట్‌వేర్‌ ఉద్యోగి రంజిత్‌తో వివాహం జరిగింది. వీరు అమెరికాలోని ముస్సోరి రాష్ట్రంలో నివాసం ఉంటుండగా, మూడేళ్ల కుమారుడు ఉన్నాడు. సుప్రియ శనివారం తన స్నేహితురాలితో కలిసి కారులో రెస్టారెంట్‌కు వెళ్లి వస్తుండగా ఎదురుగా వచ్చిన టిప్పర్‌ బలంగా ఢీకొట్టింది. ఈ ప్రమాదంలో సుప్రియ అక్కడికక్కడే మృతి చెందగా ఆమె స్నేహితురాలు తీవ్రంగా గాయపడింది.భారత కాలమానం ప్రకారం శనివారం అర్ధరాత్రి రెండు గంటలకు ఆమె మృతి వార్త తెలియడంతో తండ్రి శ్రీనివాస్, కుటుంబీకులు కన్నీరుమున్నీరయ్యారు. కాగా, సుప్రియ కుటుంబ సభ్యులను సీపీఐ జిల్లా కార్యదర్శి దండి సురేష్‌ తదితరులు పరామర్శించారు. సుప్రియ మృతదేహం అమెరికా నుంచి మంగళవారం వచ్చే అవకాశం ఉంది. ఇదీ చదవండి: రెండు ఇళ్ల గోడల మధ్య ఇరుక్కున్న వృద్ధుడు

గువాహటి: అసోంలోని గువాహటి నగరంలోని ఓ నైట్‌క్లబ్‌లో దారుణం చోటుచేసుకుంది. ఓ మహిళను బార్‌లోని ఆడ, మగ బౌన్సర్లు కలిసి వివస్త్రగా మార్చి, దాడికి పాల్పడ్డారు. గురువారం అర్ధరాత్రి దాటాక ఖానాపారా ప్రాంతంలో ‘ది లోకల్స్‌’అనే నైట్‌క్లబ్‌లో జరిగిన ఘటనకు సంబంధించిన వీడియోలు వైరల్‌గా మారాయి. ఓ మహిళను వివస్త్రగా మార్చి, కొందరు కాళ్లతో తన్నుతున్నట్లుగా ఉన్న వీడియో తమ దృష్టికి వచ్చిందని, దీనిపై డిస్‌పూర్‌ పోలీస్‌ స్టేషన్‌లో సుమోటోగా కేసు నమోదు చేశామని గువాహటి ఈస్ట్‌ డీసీపీ తబు రామ్‌ పెగు తెలిపారు. ‘క్లబ్‌ సిబ్బంది బాధితురాలిపై శుక్రవారం వేకువజామున 2.30 గంటల సమయంలో దాడికి పాల్పడినట్లు సీసీటీవీ ఫుటేజీ ద్వారా గుర్తించాం. అనంతరం, క్లబ్‌ నిర్వహిస్తున్న నాలుగో అంతస్తు నుంచి ఆమెను జుట్టు పట్టుకుని లాక్కుంటూ పార్కింగ్‌ ప్రాంతానికి తీసుకువచ్చారు. మత్తులో ఉన్న ఆమెను కాళ్లతో తన్నుతూ మరోసారి దాడికి పాల్పడ్డారు’అని డీసీపీ వివరించారు. ఆ సమయంలో, అక్కడికి చేరుకున్న మరో మహిళ ఆమెను కారులో ఎక్కించుకుని వెళ్లారు. ఈ ఘటనపై తమకు ఎటువంటి సమాచారం అందజేయనందున క్లబ్‌ మేనేజర్‌ను, ఈవెంట్‌ మేనేజర్‌ను, ఫ్రంట్‌ ఆఫీస్‌ ఎగ్జిక్యూటివ్‌తోపాటు దాడికి బాధ్యులుగా గుర్తించిన ముగ్గురు మహిళా బౌన్సర్లు సహా ఏడుగురికి అదుపులోకి తీసుకున్నామన్నారు. బాధిత మహిళ వివరాలు వెల్లడి కాలేదు. అయితే, ఈ నైట్‌ క్లబ్‌కు అర్ధరాత్రి 12.30 గంటల వరకు మాత్రమే అనుమతి ఉండగా, తెల్లవారు జాము వరకు తెరిచి ఉండటంపైనా విచారణ చేపట్టామన్నారు. ఘటనకు దారి తీసిన పరిస్థితులపై దర్యాప్తు కొనసాగుతోందని చెప్పారు. ఇలా ఉండగా, బాధిత మహిళ మొదటగా బీరు బాటిల్‌తో మహిళా బౌన్సర్‌పై దాడికి దిగిందని, ఆగ్రహంతో బౌన్సర్లంతా కలిసి ఆమెను పార్కింగ్‌ స్థలానికి లాక్కొచ్చి కొట్టారని క్లబ్‌ నడుస్తున్న భవనం వాచ్‌మాన్‌ అంటున్నారు.

సోషల్ మీడియాలో రీల్స్‌కోసం వెర్రి వేషాలు వేస్తూ, దిగజారిపోతున్న వారి సంఖ్య రోజు రోజుకు పెరిగిపోతోంది. ఇంటర్నెట్ పాపులారిటీ, లైక్స్ , వ్యూస్" కోసం ఒక మహిళ చేసిన పని నెట్టింట వైరల్‌గా మారింది. ఆమె తీరుపై నెటిజన్లు మండి పడుతున్నారు. ఇంతకీ ఆమె ఏం చేసిందంటే...చీర కట్టుకుని రైలు పట్టాలపై నిలబడి రొమాంటిక్ రీల్ చేసింది. అక్కడితో ఆగిపోలేదు. తన చీర కొంగును రైలు ముందు భాగానికి కట్టేసి మరీ రీల్‌ చేసింది. బ్యాక్‌గ్రౌండ్‌లో వస్తున్న పాటకు వయ్యారంగా ఆమె లిప్ సింక్ ఇచ్చింది. 'Nalanda_index' అనే హ్యాండిల్‌లో ఈ వీడియో పోస్ట్‌ అయింది. సోషల్ మీడియాలో వ్యూస్, లైకుల కోసం కొందరు తమ ఇతరుల భద్రతను, బాధ్యతను గాలికి వదిలేస్తున్నారని, కెమెరా ఆన్ చేయగానే మానవత్వం మరిచిపోతున్నారని నెటిజన్లు తీవ్రంగా విమర్శించారు. ఇలాంటి వారిపై కఠిన చర్యలు తీసుకోవాలని అధికారులను ట్యాగ్ చేస్తూ డిమాండ్ చేశారు. ఇది చాలా హాస్యాస్పదం, అసలు వీళ్లకి అనుమతి ఎలా లభిస్తోంది, ఆన్‌లైన్ పాపులారిటీ పేరుతో మన దేశంలో ఏం జరుగుతోంది? అని మరొకరు వ్యాఖ్యానించారు.रील बनाने की होड़ लोगों को सिर्फ मानसिक रूप से ही नहीं, बल्कि सामाजिक रूप से भी दिवालिया बना रही है।कुछ लाइक्स और व्यूज़ के लिए लोग अपनी समझ, शर्म और जिम्मेदारी तक दांव पर लगाने लगे हैं।कभी-कभी लगता है, कैमरा चालू होते ही इंसानियत बंद हो जाती है। 📱🎥 pic.twitter.com/twWXJ8n5hm— The Nalanda Index (@Nalanda_index) October 1, 2026 ఇదీ చదవండి: కస్టడీ పోరు : నాలుగేళ్లపాపను కాల్చి చంపి, ఆత్మహత్య కొద్ది రోజుల క్రితం బిహార్‌లోని భక్తియార్‌పూర్ రైల్వే స్టేషన్ ప్లాట్‌ఫారమ్‌పై ఒక మహిళ కూల్ డ్రింక్ బాటిల్‌ను తన తలపై బోలించుకుంటూ మరో విచిత్రమైన రీల్ చేసిన వీడియో కూడా ఇలాగే వైరల్ అయింది. ఇదీ చదవండి: జేబులో రూ.100 అకౌంట్‌లో రూ. లక్ష : స్టాండప్‌ కమెడియన్ సక్సెస్‌ స్టోరీ

టెక్సాస్‌లో దారుణ ఘటన చోటు చేసుకుంది. హ్యూస్టన్‌లో సిబెల్లె సావెల్లా (35) అనే మహిళ తన నాలుగేళ్ల కూతురు వివియన్‌ను కాల్చి చంపి, ఆ తర్వాత తను కూడా కాల్చుకుని ఆత్మహత్యకు పాల్పడిన ఘటన తీవ్ర కలకలం రేపింది. ఆ చిన్నారి సంరక్షణ బాధ్యతను (కస్టడీని) ఆమె తండ్రికి అప్పగిస్తూ కోర్టు తీర్పు ఇచ్చిన కొద్ది గంటలకే ఆమె తన ఉసురు తీసుకుంది. సాయంత్రం పాప తండ్రి వద్దకు వెళ్లాల్సి ఉంది. దీంతో ఆ పూట గడిస్తే తన బిడ్డ తనకు దూరమవుతందనే ఆవేదనతో ఆమె ఈ నిర్ణయం తీసుకోవడం కుటుంబంలో తీవ్ర విషాదాన్ని నింపింది.వివియన్‌ను ఆమె తండ్రి ఆరోన్ సావెల్లాకు అప్పగిస్తూ కోర్టు అదే రోజు తీర్పు వెలువరించింది. ఆ సాయంత్రమే పాప తండ్రి వద్దకు వెళ్లాల్సి ఉంది, కానీ ఇంతలోనే ఈ ఘోరం జరిగిందని పోలీసులు ,కుటుంబ తరపు న్యాయవాదులు తెలిపారు. తుపాకీ కాల్పులు జరిగిన సమయంలో సిబెల్లె ప్రస్తుత భర్త, రెస్టారెంట్ యజమాని గ్రెగ్ కుబాలా,ఒక బేబీ సిట్టర్ ఇంట్లోనే ఉన్నారని పోలీసులు, స్థానిక మీడియా నివేదికలు తెలిపాయి. ఈ కాల్పుల ఘటనలో వారికి ఎటువంటి ప్రమేయం లేదని భావిస్తున్నారు.ఏం జరిగిందంటేన్యూయార్క్ పోస్ట్ కథనం ప్రకారం బ్రెజిల్‌కు చెందిన సిబెల్, నాలుగేళ్ల వివాహ బంధం తర్వాత 2024 నవంబర్‌లో ఆరోన్‌కు విడాకులు ఇచ్చింది. కూతురు వివియన్‌ కస్టడీ కోసం కొంతకాలంగా ఈ దంపతుల మధ్య న్యాయపోరాటం జరుగుతోంది. తాజాగా పాపకు సంబంధించిన నిర్ణయాలు తీసుకునే ప్రత్యేక హక్కులను కోర్టు తండ్రికి కట్టబెట్టింది. టెక్సాస్‌కు చెందిన ఒక సంస్థ పర్యవేక్షణలో మాత్రమే తల్లి సిబెల్‌కు ఆ చిన్నారితో సమయం గడపడానికి కోర్టు అనుమతించింది. అంతేకాదు సందర్శన సమయంలో ఉన్న పర్యవేక్షకుడికి పోర్చుగీస్ భాషలో ప్రావీణ్యం ఉంటే తప్ప, వివియన్‌తో పోర్చుగీస్‌లో మాట్లాడకుండా కూడా సిబెల్‌ను పరిమితం చేసినట్లు తెలుస్తోంది. దీంతో తీవ్ర ఆవేదనకు గురైన ఆమె హ్యూస్టన్‌లోని తమ ఇంట్లోనే ముందుగా చిన్నారిని కాల్చి చంపి, ఆ తర్వాత తనను తాను కాల్చుకుంది. తీవ్రంగా గాయపడిన ఆమెను ఆసుపత్రికి తరలించినప్పటికీ, మరుసటి రోజు ఆమె మరణించింది.ఇదీ చదవండి: 12 ఏళ్ల కొడుకు గొంతు నులిమి? కష్టాల్లో ప్రముఖ నటి ఆరోన్‌ కుటుంబం ఆవేదనచట్టాన్ని నమ్మి, న్యాయస్థానం ద్వారా నాలుగేళ్ల తన బిడ్డను కాపాడుకోవడానికి ప్రయత్నించిన తండ్రి ఆరోన్ పడిన వేదన వర్ణనాతీతమని కుటుంబ సభ్యులు ఆవేదన వ్యక్తం చేశారు. పాప ఆ సాయంత్రం ఆయన వద్దకు రావాల్సి ఉంది. కానీ ఆమె ఇక ఎప్పటికీ రాలేదని, ఈ నష్టాన్ని మాటల్లో చెప్పలేమని పేర్కొంది. ప్రస్తుతం ఈ ఘటనపై పోలీసులు దర్యాప్తు జరుపుతున్నారు.ఇదీ చదవండి : ఈజీగా బరువు తగ్గాలంటే : ఉప్మా-పోహా ఏది బెస్ట్‌

నల్లగొండ: ఉన్నత విద్య కోసం అమెరికా వెళ్లిన వేములపల్లి మండలానికి చెందిన యువతి క్యాన్సర్‌ బారిన పడి మృతి చెందింది. ఉన్నత చదువులు పూర్తిచేసి తమకు అండగా నిలుస్తుందనుకున్న కూతురు హఠాన్మరణంతో ఆ కుటుంబం తీవ్ర విషాదంలో మునిగిపోయింది. వేములపల్లి మండలం మొల్కపట్నం గ్రామానికి చెందిన కందిమళ్ల లక్ష్మారెడ్డి గతంలో సల్కునూరు పీఏసీఎస్‌ చైర్మన్‌గా, జిల్లా కాంగ్రెస్‌ కమిటీ ప్రధాన కార్యదర్శిగా పనిచేశారు. పిల్లల చదువుల కోసం పదేళ్ల క్రితం లక్ష్మారెడ్డి, పద్మ దంపతులు హైదరాబాద్‌కు వెళ్లి అక్కడే స్థిరపడ్డారు. వీరికి ఇద్దరు కుమార్తెలు కాగా.. పెద్ద కుమార్తె మాలతి బీటెక్‌ పూర్తిచేసి సాఫ్ట్‌వేర్‌ ఉద్యోగం చేస్తుండగానే వివాహం చేశారు. చిన్న కుమార్తె మాన్వితరెడ్డి(25) 2023లో బీఫార్మసీ పూర్తి చేసింది. అనంతరం ఆమె కోరిక మేరకు ఉన్నత విద్య కోసం తల్లిదండ్రులు ఎంతో కష్టపడి అమెరికాకు పంపించారు. అక్కడ ఎంఎస్‌ పూర్తిచేసుకున్న మాన్విత.. హెచ్‌1–బీ వీసా పొంది ఉద్యోగ ప్రయత్నాల్లో ఉంది.నెల రోజులుగా ఆస్పత్రిలో పోరాటం..సెప్టెంబర్‌ 4న మాన్విత అకస్మాత్తుగా గొంతు నొప్పితో అనారోగ్యానికి గురికాగా.. స్నేహితులు సమీపంలోని ఆస్పత్రికి తీసుకెళ్లారు. పరీక్షలు నిర్వహించిన వైద్యులు క్యాన్సర్‌ స్టేజ్‌–4గా నిర్ధారించారు. దీంతో మెరుగైన చికిత్స కోసం సెప్టెంబర్‌ 13న ఆమె ఆస్పత్రిలో చేరి చికిత్స పొందుతూ గురువారం మృతిచెందింది. చేతికొచ్చిన కూతురు మృతితో తల్లిదండ్రులు శోకసంద్రంలో మునిగిపోయారు.రేపు హైదరాబాద్‌కు మృతదేహం..మాన్వితరెడ్డి మృతదేహాన్ని స్వదేశానికి తరలించేందుకు అమెరికా తెలుగు సంఘం ప్రతినిధులు కృషి చేస్తున్నట్లు తెలిసింది. ఆదివారం నాటికి మృతదేహం హైదరాబాద్‌కు చేరుకుంటుందని బంధువులు తెలిపారు.

సాక్షి, తాడేపల్లి: క్రీడాకారిణి బొల్లు లిఖితకు వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్ జగన్‌మోహన్‌రెడ్డి అభినందనలు తెలిపారు. కామన్వెల్త్ పవర్‌లిఫ్టింగ్ ఛాంపియన్‌షిప్‌లో స్వర్ణ పతకం గెలవటంపై హర్షం వ్యక్తం చేశారు. గుంటూరుకు చెందిన లిఖిత అంతర్జాతీయ వేదికపై సత్తా చాటటం.. దేశానికి బంగారు పతకం అందించడం గర్వకారణం’’ అని వైఎస్‌ జగన్‌ ట్వీట్‌ చేశారు.లిఖిత విజయానికి అండగా నిలిచిన ఆమె కుటుంబ సభ్యులు, కోచ్‌ల ప్రోత్సాహం అభినందనీయం. భవిష్యత్తులో మరిన్ని విజయాలు సాధించి.. దేశానికి, ఆంధ్రప్రదేశ్‌కు మరింత పేరు తీసుకురావాలని ఆకాంక్షిస్తున్నాను’’ అని వైఎస్‌ జగన్‌ పేర్కొన్నారు.ఇదీ చదవండి: చికిత ‘గోల్డెన్’ ధమాకా.. తెర వెనక సైలెంట్ హీరో!Congratulations to Bollu Likhitha on winning the gold medal in the 76 kg category at the Commonwealth Powerlifting Championships in Winnipeg, Canada! It’s a proud moment to see a young woman from Guntur win gold for India. The encouragement and support of your family and coaches are truly appreciable. Wishing you continued success, Likhitha!— YS Jagan Mohan Reddy (@ysjagan) October 2, 2026

మహిళల కోసం మాత్రమే ఉద్దేశించిన రాపిడో పింక్ రైడ్ సర్వీస్‌పై ఒక ఇన్‌స్టాగ్రామ్ క్రియేటర్ చేసిన విమర్శ వైరల్ అయ్యింది. తన బుకింగ్‌కు మహిళా ప్రయాణికురాలికి బదులుగా ఒక పురుష డ్రైవర్‌ను కేటాయించారని ఆమె ఆరోపించారు.రాపిడో పింక్' (Rapido Pink) సర్వీస్‌ అనేది పూర్తిగా మహిళల భద్రత కోసం, మహిళా డ్రైవర్లతో మాత్రమే నడిచే సర్వీస్‌. అయితే ఇన్‌స్టాగ్రామ్ క్రియేటర్ శాలిని చతుర్వేది చేసిన విమర్శ వైరల్ అయ్యింది. తన బుకింగ్‌కు మహిళకు బదులుగా పురుష డ్రైవర్‌ను కేటాయించారని ఆమె ఆరోపించడంతో వివాదం ప్రారంభ మైంది. మహిళలకోసం మహిళా కెప్టెన్‌ అని చెప్పుకుంటూ, మహిళల భద్రతను కేవలం లాభసాటి వ్యాపారంగా మార్చేశారని, ఇదొక జోక్, పింక్ ట్యాక్స్, విలాసవంతమైన ధరలు, అయినా భద్రతకు హామీ లేదు అని ఆమె విమర్శించారు. దీనిపై ర్యాపిడో కూడా స్పందించింది.ప్రత్యేకంగా పింక్ సర్వీస్‌నే బుక్ చేసుకుంటే రైడ్‌కుపురుష డ్రైవర్‌ రావడంపై శాలిని చతుర్వేది ప్రశ్నించింది. దీనికి సమాధానంగా అతను "మేడమ్, నేను గే (gay)" అని చెప్పాడు. పైగా యాప్‌లో మహిళ ప్రొఫైల్ ఫోటో ఉండగా, రియల్‌లో పురుషుడు రావడంతో తన సేఫ్టీపై ఆందోళన వ్యక్తం చేసింది. అంతేకాదు రైడ్‌ను రద్దు చేయాలని చూసింది. ఇక్కడ ఆమెకు ఇంకో షాక్‌ తగిలింది. కేవలం రూ. 25 ట్రిప్‌కు రూ. 15 క్యాన్సిలేషన్ ఫీజు చూపించడాన్ని ఆమె తీవ్రంగా తప్పుబట్టారు. చివరికి ఆమె రైడ్‌ను రద్దు చేసి, తనకెదురైన అనుభవాన్ని సోషల్‌మీడియాలో పంచుకున్నారు. అంతేకాదు ఆ డ్రైవర్‌ కూడాపై అనుమానం వ్యక్తం చేశారు. ఇదీ చదవండి: మోనాలిసా భోస్లేకు భారీ ఊరట : తండ్రికి మొట్టికాయలురాపిడో స్పందనఈ పోస్ట్ వైరల్ కావడంతో రాపిడో స్పందించి క్షమాపణలు తెలిపింది. పింక్ రైడ్స్ కేవలం మహిళా డ్రైవర్లనే కేటాయించాలని,ఈ తప్పింది ఇది ఎలా జరిగిందో విచారిస్తామని తెలిపింది. మొదట డ్రైవర్‌కు కేవలం హెచ్చరిక మాత్రమే ఇస్తామని చెప్పినప్పటికీ, క్రియేటర్ తీవ్రంగా వ్యతిరేకించడంతో ఆ డ్రైవర్ ఐడీని శాశ్వతంగా రద్దు (terminate) చేసినట్లు రాపిడో ధృవీకరించింది.ఇదీ చదవండి: హెలికాప్టర్‌ క్రాష్‌ : ప్రముఖ వ్యాపారవేత్త, భార్య దుర్మరణం నెటిజన్ల విమర్శలుఈ ఘటన రైడ్-హెయిలింగ్ ప్లాట్‌ఫారమ్‌లలో భద్రతా తనిఖీలు, నాణ్యతా నియంత్రణ మరియు ప్లాట్‌ఫారమ్ జవాబుదారీతనంపై సోషల్ మీడియాలో పెద్ద ఎత్తున చర్చకు దారితీసింది. ‘‘నాకు కూడా ఇలాగే జరిగింది, నేను ఒక రైడ్ బుక్ చేస్తే డ్రైవర్ వేరే వాహనంలో వచ్చాడు," అని ఒక వినియోగదారుడు వ్యాఖ్యానిస్తూ, ఈ సమస్యను పరిష్కరించాలని కంపెనీని కోరారు.ఇదీ చదవండి: మీరట్ బ్లూ డ్రమ్ కేసు : కోర్టు సంచలన తీర్పు

సంచలనం సృష్టించిన కాన్పూర్‌ ప్రముఖ వ్యాపారి వినీత్‌ మనోచా హత్య కేసు అనూహ్య మలుపు తిరిగింది. మామ హత్య కేసులో అరెస్టయిన కోడలు షాలూ మనోచా.. 21 రోజుల జైలు జీవితం తర్వాత బయటకు వచ్చారు. అయితే జైలులో గడిపిన రోజుల్లో తనను వెంటాడింది హత్య కేసు కాదని.. తన కుమారుడి జ్ఞాపకాలేని.. నా బిడ్డ లేకుండా నిద్రపట్టేది కాదు.. ప్రతి క్షణం అతని రూపమే కళ్ల ముందు కనిపించేదంటూ షాలు కన్నీటి పర్యంతమయ్యారు.ఆ 21 రోజులు నా జీవితంలోనే అత్యంత దారుణమైన రోజులు. నేను బతికున్నంత కాలం వాటిని ఎప్పటికీ మర్చిపోలేను. అది నాకు చాలా కష్టమైన సమయం. అసలు ఏం జరిగిందో, ఎలా జరిగిందో నాకు ఇప్పటికీ అర్థం కావడం లేదు. క్షణాల్లోనే అంతా తలకిందులైంది. నా ఇల్లు, నా కుటుంబం, నా జీవితం.. అంతా నాశనమైంది. ప్రతి క్షణం కుమారుడి గురించే ఆలోచనలు నన్ను వెంటాడేవి. బిడ్డ లేకుండా నాకు నిద్ర పట్టేది కాదు. నా కుమారుడి రూపమే ఎప్పుడూ నా కళ్ల ముందు కనిపించేది” అని ఆమె పేర్కొన్నారు.60 ఏళ్ల వినీత్‌ను సెప్టెంబర్ 5న కాన్పూర్‌లోని కల్యాణ్‌పూర్ ప్రాంతంలోని రతన్ ఆర్బిట్ అపార్ట్‌మెంట్‌లో కత్తితో పొడిచి హత్య చేశారు కోడలు షాలూనే ఈ హత్యకు ప్రధాన సూత్రధారిగా తేల్చిన పోలీసులు అమెను అరెస్ట్‌ చేశారు. ఆమెతో పాటు వినీత్‌ దగ్గర గతంలో పని చేసిన విశాల్ గౌతమ్, రాజ్‌కిషోర్‌ను అరెస్ట్‌ చేశారు.విశాల్‌ వాంగ్మూలంలో మరో కీలక అంశం బయటపడినట్లు పోలీసులు తెలిపారు. తాను పోలీసులకు చిక్కితే సుబ్రత్‌ భార్య షాలూ పేరును చెప్పాలని సుబ్రత్‌ సూచించినట్లు తేలింది. దీంతో ఈ కేసులో షాలూ ప్రమేయం లేదని.. ఆమెను భర్తే ఉద్దేశపూర్వకంగా ఇరికించాడని తేలింది. ఆ నంబర్‌ నుంచి అతను చేసిన తొలి కాల్‌ సుబ్రత్‌కే వెళ్లినట్లు పోలీసులు తెలిపారు. హత్యకు ముందు ఇద్దరి మధ్య జరిగిన ఫోన్‌ సంభాషణలను కూడా పోలీసులు పరిశీలించారు. షాలూ భర్త సుబ్రత్‌కు ఆరు ఫోన్ కాల్స్ చేసినట్లు పోలీసులు గుర్తించారు. సెప్టెంబర్ 23న సుబ్రత్‌ను అరెస్టు చేశారు.విచారణలో సుబ్రత్ తన తండ్రి పలువురు మహిళలతో సంబంధాలు కలిగి ఉండేవారని.. ఆయన మరో మహిళతో కలిసి ఉండి తన ఆస్తి మొత్తాన్ని ఆమె పేరుపై బదిలీ చేస్తారనే భయంతో హత్యకు కుట్ర పన్నినట్లు అంగీకరించినట్లు పోలీసులు తెలిపారు. ‘‘సుబ్రత్ పాత్ర గురించి నేను మాట్లాడదలుచుకోలేదు. దాని గురించి చెప్పడానికి నా దగ్గర ఏమీ లేదు. పోలీసులు, అధికారులు తమ పని తాము చేస్తున్నారు. న్యాయం జరిగేలా.. నిజం వెలుగులోకి వచ్చేలా వారు చూస్తారు. అంతకుమించి నేను ఎలాంటి వ్యాఖ్య చేయదలుచుకోలేదు’’ అంటూ షాలు చెప్పుకొచ్చారు.చదవండి: ఇంద్రుడిపైనే కలెక్టర్‌కు ఫిర్యాదు.. ఎందుకంటే?

లాహోర్‌: పాకిస్థాన్‌లోని లాహోర్‌లో అజర్‌బైజాన్‌కు చెందిన 20 ఏళ్ల యువతిపై ముగ్గురు వ్యక్తులు సామూహిక అత్యాచారానికి పాల్పడ్డారనే ఆరోపణలు కలకలం రేపుతున్నాయి. వ్యాపార పనుల కోసం పాకిస్థాన్‌కు వచ్చిన ఆమెను ఇద్దరు మహిళలు కేఫ్‌కు తీసుకెళ్లగా.. అక్కడ ముగ్గురు పురుషులు వారిని కలిశారు. అనంతరం ఆ యువతిని కారులో తీసుకెళ్లి ఓ ఫ్లాట్‌లో ఈ దారుణానికి పాల్పడ్డారని పోలీసులు తెలిపారు.కేఫ్‌ నుంచి ఫ్లాట్‌కు..పోలీసు అధికారి అంజుమ్ బషీర్ తెలిపిన వివరాల ప్రకారం.. బాధిత యువతి సుమారు రెండు వారాల క్రితం అజర్‌బైజాన్ రాజధాని బాకు నుంచి పాకిస్థాన్‌కు వచ్చింది. లాహోర్‌లోని రాయ్‌విండ్ ప్రాంతంలో ఉంటోంది. సెప్టెంబర్ 25న రాత్రి సుమారు 11 గంటలకు ఇద్దరు మహిళలు ఆమెను డిఫెన్స్ హౌసింగ్ అథారిటీ (డీహెచ్‌ఏ)ప్రాంతంలోని ఓ కేఫ్‌కు తీసుకెళ్లారు. కొద్దిసేపటి తర్వాత ముగ్గురు పురుషులు అక్కడికి వచ్చారు.మత్తు పదార్థం ఇచ్చి..కేఫ్‌లో సమయం గడిపిన అనంతరం యువతిని ఆమె నివాసానికి కారులో తీసుకెళ్తామని ఆ ముగ్గురు పురుషులు చెప్పినట్లు పోలీసులు తెలిపారు. అయితే ఆమెను మరో ఫ్లాట్‌కు తీసుకెళ్లి మత్తు పదార్థం ఇచ్చారని, అనంతరం లైంగిక దాడికి పాల్పడ్డారని బాధితురాలు ఆరోపించింది. అక్కడి నుంచి ఆమెను లాహోర్‌లోని ఘాజీ ఇంటర్‌చేంజ్ సమీపంలో వదిలి వెళ్లినట్లు పోలీసులు తెలిపారు.ఐఫోన్‌ కూడా లూటీనిందితులు యువతి ఐఫోన్‌ను కూడా తీసుకెళ్లినట్లు పోలీసుల విచారణలో వెల్లడైంది. ఘటనపై బాధితురాలి ఫిర్యాదు మేరకు పోలీసులు కేసు నమోదు చేశారు. ఆమెకు వైద్య పరీక్షలు నిర్వహించారు. ముగ్గురు అనుమానితులపై కేసు నమోదు చేసి దర్యాప్తు కొనసాగిస్తున్నారు.ప్రధాన నిందితుడి కారు స్వాధీనంప్రధాన నిందితుడిని గుర్తించినట్లు పోలీసు అధికారి అంజుమ్ బషీర్ తెలిపారు. నేరానికి ఉపయోగించినట్లు భావిస్తున్న కారును అతడి బంధువు ఇంటి నుంచి పోలీసులు స్వాధీనం చేసుకున్నారు. ప్రధాన నిందితుడితో పాటు మరో ఇద్దరి కోసం పోలీసులు విస్తృతంగా గాలిస్తున్నారు. వారు దేశం విడిచి వెళ్లకుండా ముగ్గురు అనుమానితుల పేర్లను ‘స్టాప్ లిస్ట్‌’లో చేర్చినట్లు తెలిపారు.ఇద్దరు మహిళల పాత్రపైనా దర్యాప్తుబాధితురాలిని కేఫ్‌కు తీసుకెళ్లిన ఇద్దరు మహిళల పాత్రపైనా పోలీసులు దర్యాప్తు చేస్తున్నారు. ఈ ఘటనలో ఇప్పటివరకు ఎవరినీ అరెస్టు చేయలేదని పోలీసులు తెలిపారు. నిందితుల కోసం పలు ప్రాంతాల్లో తనిఖీలు కొనసాగుతున్నాయి.జూలైలోనూ విదేశీ మహిళలపై ఘటనలాహోర్‌లో విదేశీ మహిళలపై దాడికి సంబంధించిన ఘటన గతంలోనూ చోటుచేసుకుంది. జూలైలో విదేశీ మహిళలను అపహరించి సామూహిక అత్యాచారానికి పాల్పడ్డారనే కేసు నమోదైంది. ఈ కేసులో కొందరు నిందితులను జూలై 2న అరెస్టు చేసి జైలుకు పంపినట్లు సమాచారం.ఇదీ చదవండి: ‘సాగర్‌ ప్యారడైజ్‌’: 16 సెకన్లలో 14 సార్లు ఇనుప రాడ్‌తో దాడి

జైపూర్ : రష్యాకు చెందిన వెరా ప్రొకోఫెవా తొలిసారి రాజస్థాన్‌లోని జైపూర్ మెట్రోలో ప్రయాణించి తన అనుభవాన్ని సోషల్ మీడియాలో పంచుకున్నారు. మెట్రో స్టేషన్ పరిశుభ్రత, నిర్వహణపై ప్రశంసలు కురిపించిన ఆమె.. జైపూర్ మెట్రోకు ఏకంగా ‘10/10’ రేటింగ్ ఇచ్చారు. అంతేకాదు, స్టేషన్‌ను దుబాయ్ మెట్రోతో పోల్చడం వైరల్‌గా మారింది. ఈ ప్రయాణానికి సంబంధించిన వీడియోను ఆమె ఇన్‌స్టాగ్రామ్‌లోని @vera__india ఖాతాలో షేర్ చేశారు. మెట్రో స్టేషన్‌లో సిబ్బందితో మాట్లాడిన అనంతరం ప్లాట్‌ఫామ్‌కు వెళ్లిన ఆమె.. అక్కడి వాతావరణాన్ని పరిశీలిస్తూ తన అభిప్రాయాన్ని వెల్లడించారు.‘టెన్ అవుట్ ఆఫ్ టెన్’ అంటూ ప్రశంసలుప్లాట్‌ఫామ్‌ను చూసిన వెరా.. ‘వెరీ గుడ్.. నైస్ ప్లాట్‌ఫామ్.. టెన్ అవుట్ ఆఫ్ టెన్’ అంటూ ప్రశంసించారు. అనంతరం స్టేషన్‌లోని వివిధ ప్రాంతాలను వీడియోలో చిత్రీకరించారు. పరిశుభ్రత, స్టేషన్ రూపురేఖలు తనను ఆకట్టుకున్నట్లు ఆమె వీడియోలో పేర్కొన్నారు. హవా మహల్ సమీపంలోని మెట్రో స్టేషన్‌కు చేరుకున్న తర్వాత కూడా వెరా తన అభిప్రాయాన్ని మార్చుకోలేదు. ‘స్టిల్ 10/10’ అంటూ మరోసారి రేటింగ్ ఇచ్చారు. ఆ తర్వాత ‘ఇది దుబాయ్ మెట్రోలా అనిపిస్తోంది’ అని వ్యాఖ్యానించారు.వెరా షేర్ చేసిన వీడియోకు సోషల్ మీడియాలో మంచి స్పందన వచ్చింది. పలువురు జైపూర్ వాసులు తమ నగరంలోని మెట్రో వ్యవస్థపై ఆనందం వ్యక్తం చేశారు. మరికొందరు జైపూర్ మెట్రోను మరిన్ని ప్రాంతాలకు విస్తరించాలని సూచించారు. ఒక జైపూర్ వాసి.. నగరంలోని అమెర్ ఫోర్ట్, జల్ మహల్ వంటి చారిత్రక పర్యాటక ప్రాంతాలను కూడా మెట్రో మార్గంతో అనుసంధానిస్తే బయట ప్రాంతాల నుంచి వచ్చే పర్యాటకులకు మరింత సౌకర్యంగా ఉంటుందని సూచించారు. వెరా వీడియోపై స్పందించిన కొందరు నెటిజన్లు ఆమె ఢిల్లీ మెట్రో, ర్యాపిడ్ రైల్‌లోనూ ప్రయాణించాలని సూచించారు.ఇదీ చదవండి: ఉత్తరప్రదేశ్‌లో వర్ష బీభత్సం.. 56 మంది మృతి!

గౌహతి విశ్వవిద్యాలయానికి చెందిన సోషియాలజీ విద్యార్థిని నిమిషా ఠాకురియా అనుమానాస్పద పరిస్థితుల్లో మరణించింది. సెప్టెంబర్ 25వ తేదీ శనివారం ఉదయం అస్సాంలోని గువాహటి, గరాల్ ప్రాంతంలోని ఒక హోమ్‌స్టేలో శవమై తేలిన ఘటన దిగ్భ్రాంతి రేపింది. ఈ ఘటనకు సంబంధించి పోలీసులు 26 ఏళ్ల వ్యక్తిని అరెస్టు చేశారు. 'లవ్ జిహాద్' అరోపణలు మరింత తీవ్ర కలకలం రేపాయి.నిమిషా ఉరివేసుకుని ఆత్మహత్య చేసుకున్నట్లు నిందితుడు ఆసిఫ్ అలీ (26)పోలీసులకు తెలిపాడు. అయితే, పోలీసులు ఈ వాదనను పూర్తిగా కొట్టిపారేశారు. ఇది హత్య అయి ఉండవచ్చని అనుమానిస్తున్నారు. నిమిషా ముఖం, తల, చేతులు, మర్మాంగాలపై గాయాల గుర్తులు ఉన్నట్లు మేజిస్ట్రేట్ విచారణలో ప్రాథమికంగా తేలిన నివేదికల నేపథ్యంలో ఆందోళన నెలకొంది. పోస్ట్‌మార్టం నివేదిక వస్తేనే పూర్తి వివరాలు తెలుస్తాయని పోలీసులు వెల్లడించారు.చివరి కాల్‌, సంచలన ఆరోపణలుధారాపూర్‌కు చెందిన నిమిషా, తన స్నేహితుడు ఆసిఫ్ అలీతో కలిసి శుక్రవారం సాయంత్రం 'రుద్రాస్ కిచెన్ హోమ్‌స్టే'కి వెళ్ళినట్టు తెలుస్తోంది. మృతురాలి కుటుంబ స్నేహితుడు గౌతమ్ దాస్ మీడియాతో మాట్లాడుతూ.. అర్ధరాత్రి దాటాక సుమారు 2:00 గంటల ప్రాంతంలో నిమిషా తన తల్లికి ఫోన్ చేసి "వాళ్ళు నన్ను చంపేస్తారు అమ్మ" ఏడుస్తూ అని చెప్పిందని, ఆ తర్వాత ఆమె ఫోన్‌ను లాక్కుని ఉంటారని అనుమానాన్ని వ్యక్తం చేశారు.కుటుంబ సభ్యులు పోలీసులను ఆశ్రయించేలోపే, ఆమెను ఆసుపత్రికి తరలించగా అప్పటికే ఆమె మృతి చెందినట్లు వైద్యులు ధృవీకరించారు.మరోవైపు హాస్టల్‌ యజమాని మాటలు కూడా హత్య అనే అనుమానాలకు మరింత ఊతమిస్తున్నాయి.Assam: Locals in Guwahati’s Dharapur protest against ‘Love Jihad’ after the mysterious death of Gauhati University student Nimisha Thakuria.👉 Nimisha’s boyfriend Ashik Ali has been detained.👉 Both were staying at a homestay where the incident took place.👉 Nimisha left… pic.twitter.com/FhQAlapi9n— aboyob bhuyan (@aboyobbhuyan) September 26, 2026 ఇదీ చదవండి : మమ్మల్ని అడ్డుకుని, గృహనిర్బంధం : మమత సంచలన వ్యాఖ్యలు హోమ్‌స్టే కేర్‌టేకర్‌ వాంగ్మూలంరాత్రి సమయంలో ఒక మగ గొంతు గట్టిగా అరుస్తూ ఎవరో లేవాలని ("దదా, ఉఠో, ఉఠో") పిలుస్తున్న శబ్దం వినిపించిందని హోమ్‌స్టే కేర్‌టేకర్‌ బిపుల్ బైలుంగ్ తెలిపారు. ఆ తర్వాత శబ్దం వచ్చిన గదికి వెళ్లి చూడగా, ఒక అబ్బాయి నేలపై పడి ఉన్న అమ్మాయిని పట్టుకుని ఉన్నాడని, వెంటనే యజమానులకు సమాచారం అందించి అంబులెన్స్‌లో ఆసుపత్రికి తరలించామని చెప్పారు.'లవ్ జిహాద్' ఆరోపణలు, నిరసనలుమృతురాలు హిందూ మతానికి చెందిన విద్యార్థిని కాగా, అరెస్టయిన ప్రియుడు ముస్లిం కావడంతో ఈ ఘటన తీవ్ర ఉద్రికత్తతను రాజేసింది. ఇది 'లవ్ జిహాద్' కుట్ర అంటూ కొన్ని సంస్థలు రహదారిపై నిరసనలు చేపట్టాయి. నిందితుడిని ఎన్‌కౌంటర్‌ చేయాలంటూ డిమాండ్‌ చేశారు. పోలీసులు వెంటనే స్పందించి ఆందోళనకారులను సముదాయించి ట్రాఫిక్‌ను పునరుద్ధరించారు.ఇదీ చదవండి: లవర్‌తో పెళ్లి : పోలీస్‌కానిస్టేబుల్‌ని మట్టుబెట్టిన కొడుకు

బెంగళూరు: ర్యాపిడో బైకు రైడరు ఒకరు యువతితో రైడ్‌లో నడుచుకున్న తీరు కర్ణాటకలో వైరల్‌గా మారింది. యువతిని బైకుపై కూర్చోబెట్టుకోలేదు. ఓటీపీ తీసుకుని యువతికి హెల్మెట్‌ ఇచ్చి 10 కి.మీ. దూరం వెళ్లారు. ప్రస్తుతం ఈ వీడియో సోషల్‌ మీడియాలో వైరల్‌గా మారింది. బెంగళూరు నగరంలో ఓ యువతి ర్యాపిడో బుక్‌ చేయగా రైడరు వచ్చాడు. వెంటనే యువతి ఓటీపీ తెలిపింది. రైడరు యువతికి హెల్మెట్‌ ఇవ్వగానే దానిని ధరించేందుకు ఆమె సిద్ధమైంది. ఆమె బైక్‌ ఎక్కినట్లు భావించిన రైడర్‌ ముందుకెళ్లి పోయాడు. ఇలా 10 కి.మీ. దూరం వెళ్లిన తర్వాత అసలు విషయం గుర్తించాడని రిటైర్‌ స్పోర్ట్స్‌ ఫ్యాన్‌ క్రిప్‌క్రాప్‌ అనే వ్యక్తి సోషల్‌ మీడియా ఎక్స్‌ అకౌంట్‌లో పోస్ట్‌ పెట్టారు. ప్రస్తుతం అది సోషల్‌ మీడియాలో వైరల్‌గా మారింది. ఈ విషయంపై పలువురు నెటిజన్లు పలు రకాలుగా స్పందించారు. కన్నడ సినిమా గాళిపటను గుర్తుకు తెచ్చుకున్నారు. మరికొందరు ఇలా జరగడం సహజమని తెలిపారు. ఇదీ చ‌ద‌వండి: డబ్బు ఎంతైనా.. ప్రసాదం దక్కాల్సిందే

అమెరికాలోని వర్జీనియాకు చెందిన మహిళకు.. ఒక రోజు ఊహించని అదృష్టం కలిసొచ్చింది. ఆమె ఏకంగా 2 మిలియన్ డాలర్ల లాటరీ గెలుచుకుంది. సాధారణంగా.. ఇంత పెద్ద మొత్తంలో డబ్బు గెలిస్తే ఎవరైనా ఆనందంతో ఉద్యోగానికి వెళ్లడం మానేసి, కుటుంబ సభ్యులతో కలిసి సంబరాలు చేసుకుంటారు. కానీ ఈ మహిళ మాత్రం అందుకు భిన్నంగా వ్యవహరించింది.ఆ రోజు ఆమెకు పని విషయంలో చాలా ఒత్తిడిగా అనిపించింది. మధ్యాహ్నం లంచ్ బ్రేక్ సమయంలో ఏదైనా తినడానికి బయటకు వెళ్లిన ఆమె, అదృష్టాన్ని కూడా పరీక్షించుకోవాలని అనుకుంది. అలా.. లవ్ ఫుడ్ మార్ట్ అనే షాపుకు వెళ్లి 20 డాలర్స్ పెట్టి “ప్లాటినం 7ఎస్” అనే స్క్రాచ్-ఆఫ్ లాటరీ టికెట్ కొనుగోలు చేసింది.టికెట్ కొనుగోలు చేసి.. అక్కడే దానిని స్క్రాచ్ చేసి చూడగా, తాను కొనుగోలు చేసిన టికెట్‌కు ఏకంగా 2 మిలియన్ డాలర్ల (రూ.19 కోట్ల కంటే ఎక్కువ) జాక్‌పాట్ తగిలింది. ఒక్కసారిగా జీవితమే మారిపోయేంత డబ్బు గెలిచినా, ఆమె అక్కడ పెద్దగా హంగామా చేయలేదు. ఎందుకంటే అప్పటికే ఆమె లంచ్ బ్రేక్ సమయం అయిపోతోంది!ఆమె టికెట్‌ను జాగ్రత్తగా తన దగ్గర పెట్టుకుని, ఏమీ జరగనట్టుగా తిరిగి తన ఉద్యోగానికి వెళ్లింది. అక్కడ మిగిలిన పనిని కూడా పూర్తి చేసింది. తరువాత వర్జీనియా లాటరీ అధికారులతో మాట్లాడుతూ.., “నేను తిరిగి పనికి వెళ్లి ఏమీ జరగనట్టుగా నటించాల్సి వచ్చింది” అని చెప్పింది.ఆమెకు బహుమతిని తీసుకునే సమయంలో రెండు అవకాశాలు ఇచ్చారు. 2 మిలియన్ డాలర్లను 30 సంవత్సరాల పాటు విడతలుగా తీసుకోవచ్చు లేదా ఒకేసారి నగదు రూపంలో తీసుకోవచ్చు. ఆమె ఒకేసారి నగదు తీసుకోవాలని నిర్ణయించుకుంది. ఇంత పెద్ద మొత్తంలో లాటరీ గెలుచుకున్నప్పటికీ.. ఆమె తన పేరును కూడా బయటకు వెల్లడించలేదు. వర్జీనియా చట్టం ప్రకారం, కొన్ని సందర్భాల్లో లాటరీ విజేతలు తమ పేరు, స్వస్థలం వంటి వివరాలను రహస్యంగా ఉంచుకోవచ్చు. ఆమె కూడా అదే విధానాన్ని ఎంచుకుంది.ఇక్కడ అందరినీ ఆశ్చర్యపరిచిన విషయం ఏమిటంటే.. ఆమె డబ్బు గెలుచుకోవడం కాదు. అంత మొత్తం గెలుచుకున్నప్పటికీ.. పని పూర్తి చేయడానికి ఆఫీసుకు వెళ్లడం. జీవితంలో ఒక్కసారిగా ఇంత పెద్ద అదృష్టం వచ్చినా, తన రోజువారీ బాధ్యతను పూర్తి చేసి ఇంటికి వెళ్లిన ఈ మహిళ కథ అందుకే సోషల్ మీడియాలో వైరల్ అయింది. అయితే.. ఆ తర్వాత ఆమె ఉద్యోగానికి రాజీనామా చేసిందా లేదా అన్న విషయం మాత్రం తెలియలేదు.ఇదీ చదవండి: ఇలా ఎవరైనా లీవ్ అడుగుతారా?: హర్ష గోయెంకా ట్వీట్

లక్నో: భర్త వదిలివేసిన కారణంగా విడాకులు మంజూరైనప్పటికీ.. విడాకులు పొందిన మహిళ తన మాజీ భర్త నుంచి భరణం కోరవచ్చని అలహాబాద్‌ హైకోర్టు కీలక తీర్పు వెలువరించింది. అయితే, ఆమెకు మళ్లీ వివాహం జరిగి ఉండకూడదని, ఆమె తనను తాను పోషించుకోలేని స్థితిలో ఉండాలని, అలాగైతేనే మాజీ భర్త నుంచి భరణం పొందడానికి అర్హురాలు అవుతుందని స్పష్టంచేసింది. భరణం అభ్యర్థనను తిరస్కరిస్తూ సుల్తాన్‌పూర్‌ ఫ్యామిలీ కోర్టు ఇచ్చిన ఉత్తర్వును వ్యతిరేకిస్తూ సునీత అనే మహిళ దాఖలు చేసిన క్రిమినల్‌ రివిజన్‌ పిటిషన్‌ను లక్నో బెంచ్‌కు చెందిన జస్టిస్‌ రామ్‌ మనోహర్‌ నారాయణ్‌ మిశ్రా అనుమతించారు. అదనపు కట్నం కోసం తన భర్త, అత్తమామలు తీవ్రంగా వేధించారని, రూ.లక్ష నగదు, ఒక మోటార్‌సైకిల్, ఒక కలర్‌ టీవీ ఇవ్వాలంటూ డిమాండ్‌ చేశారని ఆరోపిస్తూ సునీత 2009లో సీఆర్‌పీసీ సెక్షన్‌ 125 కింద భరణం కోసం ఫిర్యాదు చేశారు. ఈ ఆరోపణలను ఆమె భర్త ఖండించాడు. ఆమె తనను వదిలి వెళ్లిపోయిందని, తనతో కలిసి జీవించడానికి ఇష్టపడటం లేదని పేర్కొన్నాడు. కోర్టులో విచారణ సమయంలో 2014 సెప్టెంబర్‌ 25న ఏకపక్షంగా విడాకుల డిక్రీని పొందాడు. అతడు ఆ తర్వాత పునర్వివాహం చేసుకున్నాడని, అతని సర్విస్‌ రికార్డుల్లో ఆ రెండో మహిళ పేరు అతని భార్యగా నమోదు చేసినట్లు సూచించే ఆధారాలను కూడా హైకోర్టు గుర్తించింది. కేవలం భర్త వదిలివేసిన కారణంతో విడాకులు మంజూరైనంత మాత్రాన ఒక మహిళ భరణం పొందే హక్కుకు ఎటువంటి ఆటంకం కలగదని న్యాయస్థానం పేర్కొంది. చట్టపరమైన నిబంధనలకు లోబడి, విడాకులు తీసుకున్న మహిళ పునరి్వవాహం చేసుకునే వరకు లేదా తన సొంత సంపాదనతో తనను తాను పోషించుకోగలిగేంత వరకు భరణం పొందడానికి అర్హురాలని తీర్పులో హైకోర్టు న్యాయమూర్తి తేల్చిచెప్పారు. ఈ వ్యవహారాన్ని తిరిగి పరిశీలించడం కోసం కుటుంబ న్యాయస్థానానికి పంపారు. తదుపరి విచారణ పెండింగ్‌లో ఉన్నంత కాలం, సునీతకు నెలకు రూ.4,000 చొప్పున మధ్యంతర భరణం చెల్లించాలని ఆమె మాజీ భర్తను ఆదేశించారు.

బెంగళూరు: మండ్యలో మహిళా ఎస్‌ఐ సవితా పాటిల్‌కి చెంపదెబ్బ కొట్టిన కేసులో తుమకూరు రూరల్‌ ఎమ్మెల్యే సురేష్‌గౌడ కుమార్తె ఐశ్వర్య బేషరతుగా క్షమాపణ చెప్పింది. ఆగస్టు 12న ఆమె స్థానిక ఆలయంలో దర్శనం కోసం రాగా, ఎస్‌ఐ సవితా నిలిపేయడంతో గొడవ జరిగి చెంపమీద కొట్టడం, తిరిగి ఎస్‌ఐ ఆమెను చెంప దెబ్బ కొట్టడం తెలిసిందే. ఇరువురూ కేసులు కూడా పెట్టుకున్నారు. ఎస్‌ఐ క్యాతనహళ్లి పోలీస్‌ స్టేషన్‌లో ఫిర్యాదు చేస్తూ, కోర్టులో కూడా కేసు వేశారు. ఐశ్వర్య బెయిల్‌ కోసం దరఖాస్తు చేసుకోగా, జడ్జి అంగీకరించలేదు. మీరు క్షమాపణలు చెప్పాలని ఆదేశించడంతో ఈ మేరకు ఐశ్వర్య ఓ వీడియోలో క్షమాపణలు కోరింది.ఇదీ చదవండి: Gachibowli: క్యాబ్‌ ఎక్కుతుండగా... ముద్దుపెట్టిన సెక్యూరిటీ గార్డు

తుగ్గలి: కర్నూలు జిల్లా తుగ్గలి మండలంలోని మారెల్లలో పొ­లం పనులకు వెళ్లిన ఓ మహిళా కూలీకి సోమవారం వజ్రం దొరి­కినట్టు సమాచారం. దాదాపు రెండు క్యారెట్లు ఉన్న ఈ వజ్రాన్ని మంగళవారం పగిడి­రా­యిలో గుత్తికి చెందిన ఓ వజ్రా­ల వ్యాపారి వేలంలో రూ.­1,10,900లకు కొన్నట్లు తెలి­సింది. ఈ ప్రాంతంలో వజ్రం దొర కడం చాలా అరుదు. ఎక్కువ­గా జొన్నగిరి, పగిడి­రాయి, జీ.ఎర్ర­గుడి, గిరిగెట్ల, ఉప్పర్లపల్లి, బొల్లవా­నిపల్లి పరిసరాల్లో తొల­కరి వర్షాలు పడినప్పుడు వజ్రా­లు దొరుకు­తుంటాయి. వర్షాలు లేక ఈ ఏడాది రెండు వజ్రాలు మాత్ర­మే లభ్యమై­నట్లు తెలు­స్తోంది.

హైదరాబాద్‌: అనుమానాస్పద స్థితిలో ఓ యువతి మరణించిన సంఘటన మాదాపూర్‌ పోలీస్‌స్టేషన్‌ పరిధిలో మంగళవారం చోటుచేసుకుంది. ఇన్‌స్పెక్టర్‌ కేవీ సుబ్బారావు తెలిపిన వివరాల ప్రకారం... ఏపీలోనివి శాఖపట్నానికి చెందిన షారోన్‌ నిఖిత టోప్నో(29) ప్రైవేటు ఉద్యోగి. ఆమె ప్రియుడు శ్రీనివాస రవితేజతో కలిసి ఈ నెల 21న మాదాపూర్‌ సిద్దిఖీనగర్‌ ఓఎస్‌ఎల్‌ఎన్‌ టెర్మినస్ ఓయో హోటల్‌లోని రూమ్‌ నెంబర్‌ 303కు వెళ్లింది. తర్వాత ఆమె అపస్మారక స్థితికి చేరుకోవడంతో అర్ధరాత్రి కొత్తగూడలోని అపోలో హాస్పిటల్‌కి తరలించారు.అప్పటికే ఆమె మృతి చెందినట్టు వైద్యులు నిర్ధారించి మాదాపూర్‌ పోలీసులకు సమాచారం అందించారు. ఆమె మృతి చెందినట్టు తెలియగానే శ్రీనివాస రవితేజ ఆసుపత్రి నుంచి పారిపోయాడు . ఫోన్‌ స్విచ్చాఫ్‌ చేశాడు. మృతురాలి ముఖంపై చిన్న గాయాలు, గోడలపై బెడ్‌ష్‌ట్‌లపై రక్తపు మరకలను పోలీసులు గుర్తించారు. రూమ్‌లో మద్యం సీసాలు ఉన్నట్టు గమనించారు. మృతదేహాన్ని ఉస్మానియా ఆసుపత్రికి తరలించి పోలీసులు కేసు నమోదు చేసుకుని దర్యాప్తు చేస్తున్నారు.

‘కుటుంబాన్ని చూసుకోవాలా? ఉద్యోగం చేసుకోవాలా?’ అనే సంశయంలో ఉద్యోగం మానెయ్యాలనుకున్నారు అరుంధతీ భట్టాచార్య. ఆమె తన నిర్ణయానికి కట్టుబడి ఉంటే, భారతీయ బ్యాకింగ్‌ రంగంలో తనకంటూ ఒక పేజీ ఉండేది కాదు. ‘కష్టంగా అనిపించినా సరే, ఉద్యోగం వదులుకోవద్దు’ అని ఆమె గట్టిగా అనుకోవడం వల్లే ఎస్‌బీఐ కి తొలి మహిళా చైర్‌ పర్సన్‌గా చరిత్ర సృష్టించారు అరుంధతీ భట్టాచార్య. తాజా విషయానికి వస్తే ఆమె ఆత్మకథలాంటి ‘ఇండామిటబుల్‌: ఏ వర్కింగ్‌ ఉమెన్స్‌ నోట్స్‌ ఆన్‌ లైఫ్‌–వర్క్‌ అండ్‌ లీడర్‌షిప్‌’ హిందీ అనువాదం ‘అపరాజిత’ విడుదలైంది...‘ఇండామిటబుల్‌’ పుస్తకం బ్యాంకర్‌గా అరుంధతి జీవిత కథ. పురుషాధిక్య రంగంలో ఆమె ఎదుర్కొన్న సవాళ్ల కథ. భిలాయ్, బొకారోలాంటి నిశ్శబ్ద పట్టణాలలో పెరిగిన అరుంధతి భట్టాచార్య తాను భారతదేశంలోని అతి పెద్ద బ్యాంకుకు చైర్‌ పర్సన్‌ అవుతానని అనుకోలేదు. బ్యాంక్‌ ప్రోబేషనరీ ఆఫీసర్‌ల ప్రవేశపరీక్ష గురించి ఒక స్నేహితురాలి ద్వారా తెలుసుకున్న అరుంధతి దరఖాస్తు చేసుకొని, పరీక్ష రాసి ఉద్యోగానికి ఎంపికయ్యారు. బ్యాంకింగ్‌ రంగంలో నాలుగు దశాబ్దాల అద్భుత ప్రయాణం చేశారు.సానుకూల శక్తితో... తరచుగా బదిలీలు జరిగే ఉద్యోగంలో కుటుంబ, వృత్తి జీవితాన్ని సమన్వయం చేసుకోవడం అంత సులువేమీ కాదు. సమన్వయం చేసుకోవడం ఒకానొక కాలంలో కష్టంగా అనిపించడం తో ఉద్యోగానికి రాజీనామా చేయాలనుకున్నారు. అంతలోనే ఆలోచనలో పడి... ‘ఇది సరికాదు’ అని ముందుకు కదిలారు.వృత్తిజీవితంలో ఆమెకు ఎన్నో సవాళ్లు ఎదురయ్యాయి. వాటిని సానుకూల దృక్పథంతో ఎదుర్కొన్నారు. కొత్త పనిని నేర్చుకోవడంలో ఉత్సాహాన్ని ప్రదర్శించారు. చైర్‌ పర్సన్‌గా బ్యాంకును క్లిష్టమైన దశలను దాటించారు. బ్యాంకులపై ప్రజల్లో అవిశ్వాసం ఏర్పడినప్పుడు వాటిపై విశ్వాసాన్ని నింపారు. ఆమె నాయకత్వంలో కస్టమర్‌–సెంట్రిక్, డిజిటల్లీ అడ్వాన్స్‌డ్‌ బ్యాంక్‌గా ఎస్‌బీఐ ఎదిగింది.ఉత్సాహంగా... మహిళలు గ్రామీణ ప్రాంతాలలో పనిచేయడానికి ఎందుకు ఇష్టపడడం లేదు?ఎస్‌బీఐలో కెరీర్‌ పురోగతికి ముఖ్యమని భావించే గ్రామీణ అసైన్‌మెంట్‌లపై మహిళా అధికారులు ఆసక్తి ప్రదర్శించకపోవడంపై అరుంధతి ఆశ్చర్యపోయేవారు. ఆసక్తి లేకపోవడానికిగల కారణాలలో, గ్రామీణ ప్రాంతాలలో సరైన వసతి లేకపోవడం లాంటి సమస్యలు ఎన్నో ఉన్నాయి. దీన్ని దృష్టిలో పెట్టుకొని ఎస్‌బీఐ గ్రామీణ ప్రాంతాలలో ఉద్యోగికి వసతితోపాటు, మెస్‌ను కూడా ఏర్పాటు చేసింది.దీనివల్ల మహిళ ఉద్యోగులు గ్రామీణ ప్రాంతాలలో పనిచేయడానికి వెనకడుగు వేయలేదు. గ్రామీణ ప్రాంతాలలో ఉద్యోగం చేయడంపై ఉండే అనాసక్తిని వదులుకొని ఉత్సాహంగా, న్వతంత్రంగా పనిచేయడానికి వెళ్లిన విషయాన్ని ఆమె గుర్తు చేసుకున్నారు. ‘ఉద్యోగులు ఎందుకు పనిచేయడం లేదు?’ అనే సందేహం నుంచి–‘వారిని వెనక్కి లాగుతున్న కారణాలు ఏమిటి?’ అనేది విశ్లేషించడం వరకు ఎస్‌బీఐలో ప్రతి అడుగులో తనదైన పరిష్కార మార్గాన్ని చూపారు.అదే ప్రధానం... ‘జెన్‌ జెడ్‌ ఏదైనా సులభంగా కోరుకుంటుంది. కష్టపడడానికి ఇష్టపడరు. అసహనంగా ఉంటారు... అనే అభిప్రాయం ఒకటి ఉంది. ఇది పూర్తిగా తప్పు అని నేను నమ్ముతున్నాను. యువతరం దృఢంగా ఉంది. జీతం చెక్‌కు మించి ఒక లక్ష్యాన్ని ఏర్పాటు చేసుకుంటోంది. యువతకు నేను ఇచ్చే సలహా ఒక్కటే. వెనక్కి వెళ్లవద్దు. నేను చేయలేనని వెనక్కిపోవడం చాలా సులభం. అది క్షణాల్లో జరిగిపోతుంది. వెనక్కి వెళ్లను... అనుకొని ప్రయత్నించండి. మీరు ప్రయత్నిస్తే మార్గాలు తెరుచుకుంటాయి. ఒకవేళ మధ్యలో ఏవైనా ఆంటకాలు ఎదురైతే అలాగే కానివ్వండి. అవి నేర్చుకోవడానికి అవకాశాలు. వాటినుంచే నేర్చుకోండి. నేర్చుకోవడమే ప్రధానం’ అంటారు అరుంధతి భట్టాచార్య. ఎన్నో బాధ్యతలు...ఇష్టంగా!ఆరోజుల్లో ఉద్యోగావకాశాలు చాలా తక్కువగా ఉండేవి. అలాంటి కాలంలో బ్యాంకు ఉద్యోగంతో నా కెరీర్‌ మొదలైంది. ఉద్యోగం వచ్చిన తరువాత నేను అందులోనే కొనసాగాలనుకోవడానికి కారణం అది నాలో ఆసక్తి, ఉత్సాహాన్ని నింపడమే. నాలుగు దశాబ్దాల ఉద్యోగ ప్రస్థానంలో వివిధ విభాగాల్లో పదహారు రకాల ఉద్యోగ బాధ్యతలు నిర్వర్తించాను. ఎప్పటికప్పుడూ కొత్త విషయాలు నేర్చుకోవల్సి వచ్చేది. కార్పొరెట్‌ బ్యాంకింగ్‌ నుండి ట్రెజరీకి, ఆపై రిటైల్‌ విభాగానికి, అక్కడి నుంచి కొత్త వ్యాపారాలు ప్రారంభించే విభాగానికి ఆ తరువాత హెచ్‌ఆర్‌కు, చివరగా ఇన్వెస్ట్‌మెంట్‌ బ్యాంకింగ్‌కు మారాను. ఇవన్నీ చాలా పెద్ద మార్పులు. ప్రతి మూడేళ్లకు ఒకసారి కొత్త ఉద్యోగం చేస్తున్నట్లుగా అనిపించేది. పని చేస్తూనే నేర్చుకునే అవకాశం ఉండడం వల్ల నా ఆసక్తి అలాగే కొనసాగింది. కొత్త విషయాలు నేర్చుకోవడం, కొత్త ప్రదేశాలు చూడడం, కొత్త సంస్కృతులను అర్థం చేసుకోవడం నాకు ఎప్పుడూ ఇష్టం. అందుకే ఈ ప్రయాణం నాకు ఆసక్తికరంగా అనిపించింది.– అరుంధతి భట్టాచార్య

విశాఖపట్నం: దైవ దర్శనానికి వెళ్లి వస్తున్న ఓ యువతి స్కూటీ అదుపు తప్పి స్థానిక వేంకటాద్రి కొండను ఆనుకుని ఉన్న లోయలో పడిపోయింది. దాదాపు 30 అడుగుల లోయలో పడివున్న సదరు యువతిని గుర్తించిన స్థానికులు పోలీసులకు సమాచారం అందించడంతో ప్రాణాపాయం నుంచి బయటపడింది. వివరాలివి.. చినముషిడివాడ శారాదపీఠం ప్రాంతంలో నివాసం ఉంటున్న జాహ్నవి(24) సోమవారం ఉదయం వేంకటాద్రిపై ఉన్న వేంకటేశ్వరస్వామి ఆలయానికి దర్శనానికి వెళ్ళింది. తిరిగి స్కూటీపై దిగువ ఘాట్‌లో వస్తున్న క్రమంలో అదుపు తప్పి, పక్కనే ఉన్న లోయలో స్కూటీతో సహా పడిపోయింది. బాగా లోతులోకి పడిపోయిన ఆమె బిగ్గరగా అరవడంతో స్థానికులు ప్రమాదాన్ని గుర్తించారు. వెంటనే పోలీసులకు సమాచారం అందించారు. సీఐ కేవీ సతీష్‌ కుమార్‌ ఆదేశాల మేరకు పోలీసులు అక్కడికి చేరుకున్నారు. పోలీస్‌ బృందం లోయలోకి దిగి జాహ్నవిని సురక్షితంగా పైకి తీసుకొచ్చారు. చిన్నపాటి గాయాలతో పాటు, తీవ్ర ఆందోళనకు గురైన బాధితురాల్ని చికిత్స నిమిత్తం ఆస్పత్రికి తరలించారు.

లక్నో: ఉత్తరప్రదేశ్‌ రాజధాని లక్నోలోని హజ్రత్‌గంజ్‌ ప్రాంతంలో ఓ మహిళ టవర్ ఎక్కడంతో కలకలం చెలరేగింది. తమ భూమికి సంబంధించిన వివాదంలో న్యాయం కోరుతూ ఆగ్రాకు చెందిన తుల్సా అనే మహిళ ఈ చర్యకు పాల్పడింది. ఈ ప్రాంతం ఉత్తరప్రదేశ్‌ ముఖ్యమంత్రి నివాసానికి సమీపంలో ఉండటంతో పోలీసులు, అగ్నిమాపక సిబ్బంది వెంటనే అప్రమత్తమయ్యారు. మీడియాకు అందిన సమాచారం ప్రకారం.. భూమికి సంబంధించిన వివాదంతో తుల్సా తీవ్ర ఆవేదనకు గురైనట్లు తెలుస్తోంది. తన భూమిని మన్‌సింగ్‌ అనే వ్యక్తి ఆక్రమించుకున్నాడని ఆమె ఆరోపిస్తున్నది. ఈ విషయంపై నిరసన వ్యక్తం చేస్తూ ఆమె గోల్ఫ్‌ చౌరాహా వద్ద జూ గేట్‌ నంబర్‌ 3 సమీపంలోని టవర్‌ ఎక్కింది.విషయం తెలుసుకున్న పోలీసులు, అగ్నిమాపక సిబ్బంది సంఘటనా స్థలానికి చేరుకున్నారు. వెంటనే సహాయక చర్యలు చేపట్టారు. టవర్‌పై ఉన్న మహిళను కిందకు తీసుకురావడానికి అగ్నిమాపక సిబ్బంది హైడ్రా వాహనాన్ని ఉపయోగించారు. దాని సహాయంతో ఆమెను సురక్షితంగా కిందకు తీసుకొచ్చారు. అనంతరం పోలీసులు ఆమెను అడిగి వివరాలు తెలుసుకున్నారు. ఈ ఘటనలో మహిళకు లేదా ఇతరులకు ఎలాంటి గాయాలు కాలేదు. ఈ వివాదానికి సంబంధించిన మరిన్ని వివరాలు తెలియాల్సి ఉంది. ఇదీ చదవండి: Bigg Boss-20: మేరీ కోమ్‌పై యుంగ్ డీఎస్‌ఏ సంచలన వ్యాఖ్యలు

సాక్షి, చెన్నై: చెన్నైలోని మైలాపూర్‌లో ఉన్న విధై బర్తింగ్‌ సెంటర్‌ అండ్‌ హాస్పిటల్‌ అరుదైన రికార్డును నమోదు చేసింది. ఒక గర్భిణి తొలిసారిగా నీటిలో ప్రసవం పొందింది. తల్లి కోరికలను పరిగణనలోకి తీసుకుని, భద్రత , గౌరవానికి ప్రాధాన్యతనిస్తూ ప్రసవ సంరక్షణ అందించినట్లు ఆసుపత్రి వ్యవస్థాపకురాలు, మెడికల్‌ డైరెక్టర్‌ డాక్టర్‌ జె. నందిని తెలిపారు. శనివారం జరిగిన సమావేశంలో ఆమె మాట్లాడుతూ... నీటిలో ప్రసవం అనేది ఒక పద్ధతి. దీనిలో వైద్యపరంగా ఆరోగ్యంగా ఉన్న గర్భిణి ప్రసవ సమయంలో పరిస్థితులు అనుకూలంగా ఉంటే, ప్రత్యేకంగా రూపొందించిన గోరువెచ్చని నీటి కొలనులో బిడ్డకు జన్మనిస్తుంది. ఇది ప్రసవ సమయంలో విశ్రాంతి తీసుకోవడానికి , సౌకర్యవంతమైన భంగిమలలో కదలడానికి అవకాశం కల్పిస్తుందన్నారు. అయితే, ఈ పద్ధతి గర్భిణులందరికీ అనుకూలమైనది కాదని, వైద్య బృందం తల్లి , బిడ్డ ఆరోగ్యాన్ని నిరంతరం పర్యవేక్షించిన తర్వాత మాత్రమే నీటిలో ప్రసవం నిర్వహిస్తారన్నారు. అవసరమైన సమయంలో వైద్య సహాయం అందించడానికి కూడా ఏర్పాట్లు చేసినట్లు పేర్కొన్నారు.

పట్నా: బిహార్ ఎమ్మెల్యే, ప్రముఖ గాయని మైథిలీ ఠాకూర్ (26) ముంబైలోని ప్రసిద్ధ లాల్‌బాగ్చా రాజా మండపాన్ని సందర్శించారు. గణేశుడిని దర్శించుకున్న ఆమె.. నీలిరంగు రోల్స్ రాయిస్ కలినన్‌లో మండపానికి రావడం ప్రస్తుతం సామాజిక మాధ్యమాల్లో చర్చనీయాంశంగా మారింది. ఆమె రాకకు సంబంధించిన వీడియో వైరల్‌గా మారింది.చౌఫర్ నడిపిస్తున్న ఈ విలాసవంతమైన కారులో వెనుక సీట్లో మైథిలీ ఠాకూర్ కూర్చున్నారు. లాల్‌బాగ్చా రాజా మండపం చుట్టూ భారీగా భక్తులు ఉండటంతో కారు నెమ్మదిగా ముందుకు కదిలింది. ఈ సమయంలో ఆమె అక్కడున్న వారితో మాట్లాడటం, ఫొటోలకు పోజులివ్వడం కనిపించింది. మండపం ప్రధాన ద్వారం వద్దకు చేరుకునే సమయంలో కూడా ఆమె ప్రజలకు చేతులు ఊపుతూ అభివాదం చేశారు.అయితే ఈ రోల్స్ రాయిస్ కారు మైథిలీ ఠాకూర్‌దేనా అనే విషయం స్పష్టంగా తెలియలేదు. వాహన నంబర్ ప్లేట్ ప్రకారం అది ముంబై సమీపంలోని వాషి ఆర్టీఓలో నమోదైన వాహనంగా తెలుస్తోంది. ఆమెకు సొంతంగా ఈ కారు ఉందా? అద్దెకు తీసుకున్నారా? లేదా ప్రత్యేక ఏర్పాటులో భాగంగా ఆమె కోసం వాహనాన్ని సమకూర్చారా? అనే దానిపై అధికారిక సమాచారం లేదు.దర్శనం సందర్భంగా మైథిలీ ఠాకూర్ గణేశుడి విగ్రహం ముందు తల వంచి ప్రార్థనలు చేశారు. అనంతరం లాల్‌బాగ్చా రాజా సార్వజనిక గణేశోత్సవ మండల్‌ ప్రతినిధులు ఆమెను సత్కరించారు. మండపానికి వచ్చిన సమయంలో అభిమానులు ఆమెతో ఫొటోలు దిగారు.మైథిలీ ఠాకూర్ వచ్చిన రోల్స్ రాయిస్ కలినన్ ప్రపంచంలోని ఖరీదైన విలాసవంతమైన ఎస్‌యూవీల్లో ఒకటిగా పేరుంది. దీని ఎక్స్‌షోరూమ్ ధర సుమారు రూ.10.50 కోట్లుగా ఉంది. ముంబైలో పన్నులు, బీమా, ఇతర ఛార్జీలు, వేరియంట్‌ను బట్టి ఆన్‌రోడ్ ధర సుమారు రూ.13.11 కోట్ల నుంచి రూ.15.30 కోట్ల వరకు ఉండొచ్చు. ఇందులో కలినన్ సిరీస్ 2, బ్లాక్ బ్యాడ్జ్ సిరీస్ 2 వేరియంట్లు ఉన్నాయి.లాల్‌బాగ్చా రాజా దర్శనానికి ఒక రోజు ముందు మైథిలీ ఠాకూర్ ముంబైలోని అంబానీ కుటుంబ నివాసం యాంటీలియాలో జరిగిన గణేశ్ చతుర్థి వేడుకలకు కూడా హాజరయ్యారు. అక్కడ ఈషా అంబానీ ఆమె గానాన్ని ప్రశంసిస్తూ, తమ పిల్లలు ఆమె పాటలను తరచూ వింటారని చెప్పినట్లు మైథిలీ షేర్‌ చేసిన వీడియోలో కనిపించింది. మైథిలీ ఠాకూర్ లాల్‌బాగ్చా రాజా దర్శనం, ఆమె విలాసవంతమైన కారులో వచ్చిన దృశ్యాలు ప్రస్తుతం సామాజిక మాధ్యమాల్లో వైరల్‌గా కొనసాగుతున్నాయి. View this post on Instagram A post shared by C.N.M.  (@c.n.m.786)

రైలు ప్రయాణంలో టికెట్‌ తనిఖీ సాధారణమే. టికెట్‌ లేకపోతే జరిమానా చెల్లించాలి.. లేదంటే నిబంధనల ప్రకారం చర్యలు ఎదుర్కోవాలి. కానీ ఓ మహిళ మాత్రం టికెట్‌ అడిగిన టికెట్‌ ఎగ్జామినర్‌తో వాగ్వాదానికి దిగి.. చివరకు తన దుస్తులనే చించేసుకుంది. అంతటితో ఆగకుండా ఆయనపై తీవ్ర ఆరోపణలు చేయడంతో అక్కడున్నవారంతా షాక్‌కు గురయ్యారు. ఈ ఘటనకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది.వైరల్‌ అవుతున్న వీడియోలో రైలులో ప్రయాణిస్తున్న మహిళను యువతి చూపించమని టీటీఈ అడిగాడు. అయితే ఆమె వద్ద టికెట్‌ లేకపోవడంతో డ్రామాకు దిగింది. అదే సమయంలో తన సోదరుడు కూడా రైల్వేలో టీటీఈగా పని చేస్తాడని కబర్లు చెప్పింది. ఈ క్రమంలో వాళ్లిద్దరి మధ్య మధ్య వాగ్వాదం చోటుచేసుకుంది. ఫోన్‌లో మాట్లాడుతున్నట్లు చేస్తూ.. ఆ యువతి ఒక్కసారిగా తన దుస్తులను తానే చించుకోవడం ప్రారంభించింది. దీంతో అక్కడున్నవాళ్లంతా కంగుతిన్నారు. ఆపై టీటీఈ తనతో అసభ్యంగా ప్రవర్తించాడంటూ గట్టిగా అరవడం మొదలుపెట్టింది. ఫోన్‌లో రికార్డ్‌ చేయడంతో..అయితే ఈ మొత్తం వ్యవహారాన్ని టీటీఈ తన ఫోన్‌లో రికార్డ్‌ చేసినట్లు వీడియోలో కనిపిస్తోంది. ఎలాంటి గొడవకు దిగకుండా ప్రశాంతంగా వ్యవహరించిన ఆయన.. అత్యవసర పరిస్థితి అనుకుంటే 112కు ఫోన్‌ చేయాలని మహిళకు సూచించినట్లు తెలుస్తోంది.ఈ వీడియో బయటకు రావడంతో సోషల్‌ మీడియాలో భిన్నమైన చర్చ మొదలైంది. ఘటనను రికార్డ్‌ చేయడం వల్ల టీటీఈపై తర్వాత ఎలాంటి ఆరోపణలు వచ్చినా అసలు ఏం జరిగిందో తెలుసుకునేందుకు ఆధారం ఉంటుందని పలువురు కామెంట్లు చేస్తున్నారు. రైల్వే సిబ్బందికి బాడీ కెమెరాలు అందుబాటులో ఉంచితే ఇలాంటి వివాదాల్లో మరింత స్పష్టమైన ఆధారాలు ఉంటాయని కొందరు సూచిస్తున్నారు.రైల్వే సిబ్బందికి కొత్త సవాల్‌ప్రయాణికులతో నిత్యం నేరుగా వ్యవహరించే టీటీఈలు, ఇతర ఫ్రంట్‌లైన్‌ రైల్వే సిబ్బందికి ఇలాంటి వివాదాలు కొత్త సవాలుగా మారుతున్నాయి. టికెట్‌ తనిఖీల సమయంలో ప్రయాణికులు, సిబ్బంది మధ్య వాగ్వాదాలు చోటుచేసుకునే సందర్భాలు ఉంటాయి. అలాంటి సమయంలో ఇరువైపులా ఉన్న వారి ప్రవర్తనను రికార్డ్‌ చేసే వ్యవస్థ ఉంటే వాస్తవాన్ని నిర్ధారించడం సులభమవుతుందని నెటిజన్లు అభిప్రాయపడుతున్నారు.ఈ ఘటన ఎక్కడ, ఎప్పుడు జరిగిందనేదానిపై స్పష్టత లేదు. సోషల్‌మీడియాలో మాత్రం ట్రెండ్‌ అవుతోంది. అయితే రైల్వే ప్రొటెక్షన్‌ ఫోర్స్‌ (RPF) జోక్యం చేసుకున్నట్లు సమాచారం. మహిళకు జరిమానా విధించినట్లు కూడా కథనాలు పేర్కొంటున్నాయి. అయితే ఘటనకు సంబంధించిన పూర్తి అధికారిక వివరాలు, కేసులో నమోదైన ఆరోపణలు తదితర అంశాలపై స్పష్టత రావాల్సి ఉంది.Woman tears off her clothes to accuse TT of molestation when he asked her to show ticketNeither Indian Police Nor Indian Judiciary knows how to handle such women Men in all such services should be provided bodycams to save themselves from false cases pic.twitter.com/ZoaV3HmBek— Deepika Narayan Bhardwaj (@DeepikaBhardwaj) September 19, 2026ఇదీ చదవండి: రాజా సాబ్‌ వార్నింగ్‌ వీడియో వైరల్‌

సాక్షి, హైదరాబాద్‌: హఫీజ్‌పేట రైల్వే స్టేషన్ పరిధిలో అమానుష ఘటన చోటుచేసుకుంది. మియాపూర్‌-హఫీజ్‌పేట రైల్వే స్టేషన్ సమీపంలో ఒక మహిళను రైల్వే పోలీస్ కానిస్టేబుల్ విచక్షణారహితంగా కొట్టడమే కాకుండా, ఆమె జుట్టును పట్టుకొని నేలపై ఈడ్చుకుంటూ వెళ్లడం గమనార్హం. అయితే మహిళను కొట్టడం వెనుక కారణాలు ఏంటనే దానిపై పూర్తి వివరాలు తెలియాల్సి ఉంది. అయితే సదరు మహిళను రైల్వే కానిస్టేబుల్‌ ఈడ్చుకెళుతున్న సమయంలో భర్త, కూతురు ఆమెను వదిలేయాలంటూ కానిస్టేబుల్‌ను వేడుకున్నారు. కానీ మాట వినిపించుకోని కానిస్టేబుల్‌ వాళ్లను నెట్టివేసి ఆమెను తన వాహనం వద్దకు ఈడ్చుకెళ్లాడు. దీనికి సంబంధించిన దృశ్యాలు సామాజిక మాధ్యమాల్లో వైరల్‌ అయ్యాయి.ఇక, ఈ ఘటనకు సంబంధించిన వీడియోపై బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ ఎక్స్‌ వేదికగా స్పందించారు. తెలంగాణ పోలీసుల తీరుపై తీవ్ర అసంతృప్తి వ్యక్తం చేస్తూ.. ‘ఇది తెలంగాణ పోలీసుల దారుణ ప్రవర్తన. మీరు చర్యలు తీసుకుంటారని ఆశిస్తున్నాను’ అంటూ తెలంగాణ డీజీపీని ట్యాగ్‌ చేశారు.This is atrocious behaviour by Telangana police Hope you will act @TelanganaDGP https://t.co/CFA6SWxDUe— KTR (@KTRBRS) September 19, 2026ఇదీ చదవండి: టీ20 క్రికెట్‌లో ష‌ఫాలీ వ‌ర్మ అరుదైన ఫీట్‌

తమిళనాడు: చెంగల్పట్టులోని పెరియనాధం మెట్టు వీధికి చెందిన పెరుందేవి (61). ఈమె తన కుమారుడు వెంకటేషన్‌ (34), కోడలు ఇందుజ (28), మనవడు, మనవరాలితో నివసిస్తుంది. ఈ స్థితిలో, గత ఆదివారం సాయంత్రం పెరుందేవి తన ఇంట్లోని బాత్రూంలో జారిపడి తీవ్రంగా గాయపడి, స్పృహ కోల్పోయినట్లుగా తెలుస్తుంది. ఆమెను వెంటనే రక్షించి, తీవ్ర చికిత్స కోసం చెంగల్పట్టు ప్రభుత్వ వైద్య ఆసుపత్రిలో చేర్పించారు. ఈ స్థితిలో, సోమవారం పెరుందేవి విషాదకరంగా మరణించింది. చెంగల్పట్టు సిటీ పోలీస్‌ స్టేషన్‌లో సహజ మరణంగా కేసు నమోదు చేశారు.దీని అనంతరం, పెరుందేవి మృతదేహానికి పోస్ట్‌మార్టం నిర్వహించగా, ఆమె గొంతు నులమడం వల్ల మరణించినట్లు వెల్లడైంది. అనుమానం వచ్చిన పోలీసులు ఆమె కోడలు ఇందుజను విచారించారు. విచారణలో ఇందుజ చెప్పిన దాని ప్రకారం, గత ఐదేళ్లుగా అత్తాకోడళ్లు గొడవ పడుతు వచ్చారు. తన అత్త అకస్మాత్తుగా బాత్రూంలో స్పృహ కోల్పోవడాన్ని అవకాశంగా తీసుకుని, ఆమె గొంతు నొక్కి, కొట్టినట్లు తెలిపింది. చెంగల్పట్టు నగర పోలీసులు ఆమెను అరెస్టు చేసి, చెంగల్పట్టు క్రిమినల్‌ కోర్టులో హాజరుపరిచి, పుళల్‌ మహిళా జైలుకు తరలించారు. ఇదీ చదవండి: నా మాట ఎవరు వింటారు?

బెంగళూరు: భార్యను లాడ్జికి తీసికెళ్లిన భర్త ఆమెను గొంతు బిగించి హత్య చేసిన సంఘటన దొడ్డబళ్లాపురంలో జరిగింది. వివరాలు.. గౌరిబిదనూరు తాలూకా నగరగెరె గ్రామానికి చెందిన విద్య (23), నాలుగేళ్ల క్రితం ముదుగెరె నివాసి ఆనంద్‌ ప్రేమ వివాహం చేసుకున్నారు. వీరికి ఒక కుమారుడు ఉన్నాడు. విద్య ఫాక్స్‌కాన్‌ ఫ్యాక్టరీలో పని చేస్తోంది. ఇద్దరి మధ్య గొడవలు రావడంతో ఆమె బెంగళూరులో పీజీ హాస్టల్‌లో ఉంటోంది. ఇటీవల ఆనంద్‌ తన భార్య కనబడడం లేదని దొడ్డబళ్లాపురం మహిళా పోలీస్‌స్టేషన్‌లో ఫిర్యాదు చేశాడు. విద్యను తీసుకువచ్చిన పోలీసులు 20 రోజుల క్రితం ఇద్దరికీ కౌన్సిలింగ్‌ ఇచ్చి కలిపి పంపించేశారు. బుధవారం రాత్రి విద్యను తీసుకుని ఆనంద్‌ దొడ్డలో ఓ లాడ్జిలో దిగాడు. ఆమె ఐడీ కార్డ్‌తోనే గొంతు బిగించి హత్య చేసి మొబైల్‌ను తీసుకుని అర్ధరాత్రి వెళ్లిపోయాడు. పోలీసులు కేసు నమోదు చేసుకుని పరారీలో ఉన్న ఆనంద్‌ కోసం గాలిస్తున్నారు.

పార్వతీపురం మన్యం: గరివిడి మండలంలోని కందిపేట గ్రామంలో కలిసి జీవనం సాగిస్తున్న వ్యక్తిని ఓ మహిళ హత్య చేసిన ఘటన కలకలం రేపింది. తనతో కలిసి జీవిస్తున్న ధనాల శ్రీను(34) అనే వ్యక్తిపై రాములమ్మ సిమెంట్‌ దిమ్మతో దాడి చేసి హతమార్చింది. ఈ సంఘటనకు సంబంధించి పోలీసులు తెలిపిన వివరాల మేరకు రాములమ్మకు గతంలోనే వివాహం కాగా భర్తను విడిచి దూరంగా ఉంది. అదే విధంగా మృతుడు ధనాల శ్రీను కూడా వివాహం చేసుకుని భార్యను విడిచిపెట్టి దూరంగా ఉంటున్నాడు.ఈ క్రమంలో వారిద్దరూ పరిచయం పెంచుకుని ఎనిమిది నెలల క్రితం నుంచి భార్యాభర్తల మాదిరిగా కందిపేట గ్రామంలో జీవిస్తున్నారు. శ్రీను విశాఖపట్నంలో పారిశుద్ధ్య కార్మికుడిగా పనిచేస్తూ అప్పుడప్పుడూ కందిపేట వచ్చి వెళ్తూ ఉంటాడు. ఈ మధ్య ఐదు రోజులుగా కందిపేట గ్రామంలోనే ఉంటున్నాడు. తనను కూడా విశాఖపట్నం తీసుకుపోవాలని కొంతకాలం నుంచి రాములమ్మ అడుగుతుండడంతో ఇద్దరి మధ్య గొడవ జరుగుతోంది. బుధవారం రాత్రి కూడా వారిద్దరి మధ్య జరిగిన ఘర్షణలో తనను విశాఖపట్నం తీసుకువెళ్లిపోవాలని శ్రీనుపై రాములమ్మ ఒత్తిడి తీసుకువచ్చింది. ఈ క్రమంలో రాత్రి ఇద్దరి మధ్య ఘర్షణ తీవ్రరూపం దాల్చడంతో రాములమ్మ మంచం కాళ్ల కింద పెట్టిన సిమెంట్‌ దిమ్మతో శ్రీను తలపై గట్టిగా కొట్టి హత్య చేసింది. అంతటితో ఆగకుండా ఆనవాళ్లు లేకుండా చేసేందుకు మృతుని ముఖం, శరీరంపై మరిగిన నూనెను పోసింది. హత్య అనంతరం రాములమ్మ కూడా పురుగు మందు తాగి ఆత్మహత్యకు ప్రయత్నించింది. ఈ విషయం తెలుసుకున్న సీఐ జి.శంకరరావు, ఎస్సై బి.లోకేశ్వరరావులు సంఘటనా స్థలానికి వెళ్లి పరిశీలించారు. ఆత్మహత్యకు ప్రయత్నించిన ఆమెను వైద్య చికిత్స నిమిత్తం చీపురుపల్లి ప్రభుత్వాస్పత్రికి పోలీసులు తరలించారు. ఎస్సై లోకేశ్వరరావు కేసు నమోదు చేయగా సీఐ శంకరరావు దర్యాప్తు చేస్తున్నారు.ఇదీ చదవండి: మామయ్యా కడుపులో నొప్పి, మంటగా ఉంది..

ఝార్ఖండ్‌లో 36 ఏళ్ల ఓ మహిళ హత్యకు గురైనట్లు ఆమె కుటుంబ సభ్యులు ఫిర్యాదు చేశారు. అయితే, సుమారు 20 రోజుల తర్వాత గుజరాత్‌లోని సూరత్‌లో ఆమె సురక్షితంగా కనిపించింది. ఇన్‌స్టాగ్రామ్‌లో ఆమె పెట్టిన వీడియోలు, మొబైల్‌ లొకేషన్‌ ఆధారంగా పోలీసులు ఆమె ఆచూకీని గుర్తించారు. అనంతరం సూరత్‌ సచిన్‌ జీఐడీసీ పోలీసులు ఆమెను గుర్తించి ఝార్ఖండ్‌ పోలీసులకు అప్పగించారు.ఈ ఘటన ఝార్ఖండ్‌లోని రాంచీ జిల్లా ఖలారీ పోలీస్‌ స్టేషన్‌ పరిధిలో జరిగింది. టండ్వా ప్రాంతానికి చెందిన ఛట్టూ గోప్‌ తన కుమార్తె విని దేవి అలియాస్‌ వీణా దేవి హత్యకు గురైందని అనుమానిస్తూ పోలీసులకు ఫిర్యాదు చేశారు. ఆమె భర్త సాము మహతో, అనికేత్‌ యాదవ్‌ సహా మరికొందరిపై కేసు నమోదైంది.విని దేవికి 2010లో సాము మహతోతో వివాహమైంది. ఈ దంపతులకు ఒక కుమారుడు, ఒక కుమార్తె ఉన్నారు. పెళ్లైనప్పటి నుంచి భర్త తన కుమార్తెను కొడుతూ, వేధిస్తున్నాడని ఆమె తండ్రి ఆరోపించారు. ఈ విషయంపై ఆగస్టు 30న ఖలారీ పోలీస్‌ స్టేషన్‌లో సన్హా కూడా నమోదైంది. ఆగస్టు 24న సాము మహతో, అనికేత్‌ యాదవ్‌ కలిసి విని దేవిని హత్య చేసి మృతదేహాన్ని దాచిపెట్టారని తండ్రి ఆరోపించారు. దీంతో కేసు నంబర్‌ 46/2026 కింద భారతీయ న్యాయ సంహితలోని 85, 103, 238, 3(5) సెక్షన్లతో కేసు నమోదైంది.దర్యాప్తులో విని దేవి ఇన్‌స్టాగ్రామ్‌ ఖాతాలోని కొన్ని వీడియోలు పోలీసులకు లభించాయి. వాటి ఆధారంగా ఆమె సూరత్‌లో ఉన్నట్లు అనుమానం వచ్చింది. మొబైల్‌ ఫోన్‌ ఆన్‌ కావడంతో దాని లొకేషన్‌ సచిన్‌ జీఐడీసీ ప్రాంతంలో ఉన్నట్లు గుర్తించారు. సెప్టెంబర్‌ 15న ఖలారీ పోలీసులు సచిన్‌ జీఐడీసీ పోలీసులను సంప్రదించారు. స్థానికంగా సమాచారం సేకరించిన పోలీసులు ఆమెను గుర్తించి సురక్షితంగా తీసుకొచ్చారు.పోలీసుల ప్రాథమిక విచారణలో భర్త, అత్తింటివారి వేధింపులతో విసిగిపోయిన ఆమె ఎవరికీ చెప్పకుండా సుమారు 20 రోజుల క్రితం సూరత్‌కు వచ్చినట్లు తెలిపింది. అక్కడ దినసరి కూలీగా పనిచేస్తూ జీవిస్తున్నట్లు వెల్లడించింది. ఆమెను ఝార్ఖండ్‌ పోలీసులకు అప్పగించగా, ఇక ఆమె వాంగ్మూలం ఆధారంగా కేసులో తదుపరి దర్యాప్తు కొనసాగనుంది. మహిళ హత్యకు గురైందన్న ఆరోపణలు, మృతదేహాన్ని దాచారన్న అంశాలపై కూడా పోలీసులు విచారణ కొనసాగించనున్నారు.

సాక్షి, తిరుమల: తిరుమలలో మరోసారి రీల్స్‌ వ్యవహారం కలకలం రేపింది. తిరుమల ఆలయం ముందు దర్శిణి ఫ్యాషన్స్‌కు చెందిన మహిళ రీల్స్ చేయడంపై విమర్శలు వ్యక్తమవుతున్నాయి. కళాకారులకు మేకప్ చేసేందుకు వచ్చిన దర్శిణి ఫ్యాషన్స్ మహిళ.. ప్రమోషన్ కోసం ఆలయం ముందు రీల్స్ చేసింది. కళాకారులతో దర్శిణి ఫ్యాషన్స్‌పై ఆ మహిళ మాట్లాడించింది. తిరుమలలో రీల్స్, వాణిజ్య ప్రమోషన్స్ నిషేధించిన సంగతి తెలిసిందే.మాడవీధుల్లో రీల్స్ చేస్తున్నా భద్రతా సిబ్బంది పట్టించుకోవడం లేదు. తిరుమల పవిత్రతకు భంగం కలిగేలా రీల్స్‌పై విమర్శలు వస్తున్నాయి. రేణిగుంటకు చెందిన దర్శిణి ఫ్యాషన్స్‌గా గుర్తించారు. ఆలయం ముందు వాణిజ్య ప్రచారం చేయడంపై భక్తుల్లో అసంతృప్తి వ్యక్తమవుతోంది. నిబంధనలు ఉన్నా తిరుమలలో రీల్స్‌కు అడ్డుకట్ట ఎక్కడ? అంటూ భక్తులు ప్రశ్నిస్తున్నారు.కాగా, గత నెలలో కూడా శ్రీవారి దర్శనార్థం తిరుమలకు వచ్చిన ఓ జంట దేవుడి పేరుతో రీల్స్‌ చేశారు. సర్వదర్శనం క్యూలైన్‌ పాటు రాంబగీచా ప్రాంతంలోనూ చేసిన రీల్స్‌ సోషల్‌ మీడియాలో వైరల్‌ కావడంతో నెటిజన్లు తీవ్రంగా స్పందించారు. తిరుమలలో తరచూ ఇలాంటి రీల్స్‌ వెలుగులోకి వస్తుండడంపై చర్చ జరుగుతోంది. ఇదీ చదవండి: AP: ఆ జిల్లాలకు పిడుగుపాటు హెచ్చరిక

విశాఖపట్నం: వివాహేతర సంబంధంలో వివాదాల కారణంగా మనస్తాపానికి గురై ఓ మహిళ బలవన్మరణానికి పాల్పడింది. పీఎం పాలెం పోలీసులు తెలిపిన వివరాలు.. మధురవాడ ఆర్టీసీ కాలనీలోని సాయిప్రియ నివాస్‌ ఎఫ్‌–2లో పిట్ల కోమలి(29) మూడు నెలలుగా సుభాన్‌ అనే వ్యక్తితో కలిసి ఉంటోంది. ఈ నెల 13న సుభాన్‌ భార్య, ఆమె సోదరుడు కోమలిని వాంబే కాలనీకి పిలిపించి సుభాన్‌తో ఉన్న సంబంధంపై నిలదీసినట్లు తెలిసింది. ఈ విషయాన్ని సుభాన్‌కు కోమలి ఫోన్‌లో చెప్పినప్పటికీ అతని నుంచి స్పందన లేదు. దీంతో మనస్తాపానికి గురైన కోమలి అదే రోజు రాత్రి ఇంటి కిటికీ ఊచలకు చీరతో ఉరేసుకుని ఆత్మహత్యకు పాల్పడింది. మృతదేహాన్ని పోస్టుమార్టం నిమిత్తం కేజీహెచ్‌కు తరలించారు. మృతురాలి సోదరి బి.భవాని ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పీఎం పాలెం సీఐ జి.భాస్కరరావు తెలిపారు. ఇదీ చదవండి: విశాఖలో కలకలం.. పార్క్‌ వద్ద చిరిగిన కరెన్సీ నోట్ల కుప్ప

వాషింగ్టన్‌: అమెరికాలో బాల్టిమోర్ నుంచి మయామికి వెళ్తున్న అమెరికన్ ఎయిర్‌లైన్స్ విమానంలో ఓ యువతి బట్టలు విప్పింది. తోటి ప్రయాణికుల ఎదుట అసభ్యకరంగా ప్రవర్తించింది. దీంతో విమాన సిబ్బంది కాక్‌పిట్ సిబ్బందిని అప్రమత్తం చేసి, విమానం మయామి చేరుకున్న వెంటనే పోలీసులను పిలిపించారు.అమెరికన్ ఎయిర్‌లైన్స్ ఏఏ1779 విమానంలో ఈ ఘటన జరిగింది. బాల్టిమోర్/వాషింగ్టన్ ఇంటర్నేషనల్ థర్గుడ్ మార్షల్ విమానాశ్రయం నుంచి రాత్రి 9 గంటల తర్వాత విమానం బయలుదేరింది. షెడ్యూల్ కంటే దాదాపు 2 గంటలు ఆలస్యంగా బయలుదేరిన ఎయిర్‌బస్ ఏ319లో ప్రయాణికులు మయామికి వెళ్తున్నారు.విమానంలోని 9డీ సీటులో కూర్చున్న మహిళ “తన బట్టలన్నీ విప్పేసింది” అని విమాన సిబ్బంది ఎయిర్‌క్రాఫ్ట్ కమ్యూనికేషన్స్ అడ్రెసింగ్ అండ్ రిపోర్టింగ్ సిస్టమ్ సందేశంలో పేర్కొన్నారు. ఆమె ప్రయాణికుల సమక్షంలో అసభ్యకరంగా ప్రవర్తించినట్లు కూడా తెలిపారు. ఈ విషయాన్ని విమాన సిబ్బంది సంస్థ కార్యకలాపాల కేంద్రానికి తెలియజేసి, విమానం చేరుకునే సమయానికి పోలీసులను సిద్ధంగా ఉంచాలని కోరారు.అయితే ఘటన కారణంగా విమానాన్ని దారి మళ్లించలేదు. అధికారులు నేలపై ఏర్పాట్లు చేసుకుంటుండగా విమానం మయామి వైపు ప్రయాణం కొనసాగించింది. స్థానిక సమయం ప్రకారం రాత్రి 11.23 గంటలకు మయామి అంతర్జాతీయ విమానాశ్రయంలోని నార్త్ టెర్మినల్ డీ2 గేట్‌కు విమానం చేరుకోగా, అక్కడ సిద్ధంగా ఉన్న పోలీసులు మహిళను అదుపులోకి తీసుకున్నారు.ఈ ఘటనకు దారితీసిన కారణం, మహిళ గుర్తింపు, ఆమెపై ఎలాంటి అభియోగాలు నమోదయ్యాయన్న వివరాలు వెంటనే వెల్లడికాలేదు. విమాన ప్రయాణంలో సిబ్బంది పరిస్థితిని ఎలా నియంత్రించారన్నది కూడా స్పష్టంగా తెలియలేదు.

మసాచుసెట్స్‌కు చెందిన లిండ్సే క్లాన్సీ అనే తల్లి తన ముగ్గురు పిల్లలని గొంతు నులిమి హత్య చేసిన కేసు ప్రపంచవ్యాప్తంగా సంచలనం సృష్టించింది. ఈ కేసులో విచారణ సందర్బంగా కాంగ్రెస్ సభ్యురాలు నాన్సీ మేస్ సంచలన వ్యాఖ్యలు చేశారు. ఈ కేసులో లిండ్సేకు బహిరంగ మరణ శిక్ష అమలు చేయాలని డిమాండ్‌ చేశారు. పిల్లలను చంపితే ఇలాగే ఉంటుందనేది ప్రపంచంలోని తల్లులందరికీ హెచ్చరికలా ఉండాలని ఆమె వ్యాఖ్యానించారు.2023లో జరిగిన ఈ ఘటనపై విచారణ ముగిసిన తర్వాత, ఇటీవల కోర్టులో మిస్ ట్రయల్ (Mistrial) ప్రకటించారు. తీవ్రమైన ప్రసవానంతర మానసిక సమస్య (పోస్ట్‌పార్టం సైకోసిస్) కారణంగానే ఆమె ఈ అఘాయిత్యానికి పాల్పడినట్లు ఆమె తరఫు న్యాయవాదులు వాదించారు. ఏడు రోజుల పాటు సుదీర్ఘ చర్చల తరువాత 9 మంది మహిళలు, ముగ్గురు పురుషులతో కూడిన జ్యూరీ ఏకాభిప్రాయానికి రాలేకపోయింది. మానసిక పరిస్థితి కారణంగా ఆమె నిర్దోషి అని 11 మంది జ్యూరీ సభ్యులు ఓటు వేయగా, ఒకరు మాత్రం వ్యతిరేకించారు. దీంతో జ్యూరీ ప్రతిష్టంభన నెలకొనడంతో జడ్జి విలియం సుల్లివన్ మిస్ ట్రయల్ ప్రకటించారు.ఇదీ చదవండి: రూ. 12,300 కోట్ల సీఎం విజయ్‌ డీల్‌ : 9 వేల ఉద్యోగాలుదీనిపై దక్షిణ కరోలినా కాంగ్రెస్ మహిళ నాన్సీ మేస్ ఈ కేసుపై తీవ్రంగా స్పందించారు. లిండ్సే క్లాన్సీకి మరణశిక్ష విధించాలని, అది కూడా అందరికీ ఒక హెచ్చరికగా బహిరంగ మరణశిక్ష (Public Execution) కావాలని ఆమె డిమాండ్ చేశారు. పిల్లలు చనిపోయారు కనుక ఆమెకు మరణశిక్ష విధించాలి. అదీ బహిరంగంగా జరగాలి. కాల్చి చంపినా, విద్యుత్ కుర్చీలో కూర్చోబెట్టినా ఏదైనా పర్వాలేదు. కానీ ప్రపంచంలోని తల్లులందరికీ ఒక హెచ్చరికలా ఉండాలని వ్యాఖ్యానించారు. అంతేకాకుండా, లిండ్సే క్లాన్సీని క్షమించాలని ఆమె తరఫు న్యాయవాది కెవిన్ రెడ్డింగ్టన్ అమెరికా అధ్యక్షుడు డొనాల్డ్ ట్రంప్‌ను కోరడాన్ని నాన్సీ మేస్ తీవ్రంగా తప్పుబట్టారు.కాగా మూడో బిడ్డ పుట్టిన తర్వాత కొన్ని నెలల పాటు లిండ్సే క్లాన్సీ మానసిక ఆరోగ్యం పూర్తిగా దెబ్బతింది. ప్రసవానంతర మానసిక రుగ్మతతో నిద్రలేమి, ఆత్మహత్య చేసుకోవాలనే ఆలోచనలతో సతమతమవుతూ ఉండేది. దీంతో ఆమె నిపుణులను సంప్రదించింది. చికిత్స తీసుకుంది. కానీ అవేవీ పనిచేయకపోవడంతో, ఆమె ఒక మానసిక వైద్య ఆసుపత్రిలో చేరింది. ఆసుపత్రి నుంచి విడుదలైన పంతొమ్మిది రోజుల తర్వాత, ఆమె మసాచుసెట్స్‌లోని తమ ఇంట్లో తన ముగ్గురు పిల్లలను గొంతు నులిమి చంపేసింది. భర్త పాట్రిక్ క్లాన్సీ ఇంటిలో లేని సమయంలో లిండ్సే తన ముగ్గురు పిల్లలను గొంతు నులిమి హత్య చేసింది.ఇదీ చదవండి: బిర్యానీ గణేశుడు : షాపు యజమానికి భారీ షాక్‌ ఆమె తీవ్రమైన పోస్ట్‌పార్టం డిప్రెషన్, సైకోసిస్‌తో బాధపడుతున్నట్లు వైద్య నిపుణులు కోర్టులో వెల్లడించారు. పిల్లలను హాని చేయాలనే ఆలోచనలు వస్తున్నాయని, ఒక పురుషుడి గొంతు తనను హెచ్చరిస్తున్నట్లు ఆమె అంతకుముందే తన భర్తకు, తల్లికి తెలిపింది. హత్య జరిగిన సమయంలో ఆమె వాస్తవ ప్రపంచానికి దూరంగా, తీవ్రమైన మానసిక అస్థిరతలో ఉందని వైద్య సాక్షులు తెలిపారు.2023 జనవరిలో జరిగిన ఈ హత్యలకు ఆమె మాజీ భర్తే మొదటి సాక్షి. అతను తన భార్యను క్షమించానని, ఆమెను చెడ్డదానిగా కాకుండా అనారోగ్యంతో ఉన్నదానిగా భావించానని ఇంటర్వ్యూలలో చెప్పాడు.

ఒక ఘోర ప్రమాదంలో 21 ఏళ్ల కొడుకును కోల్పోయిన 54 ఏళ్ల గ్రీకు మహిళ రెండోసారి ఐవీఎఫ్ ద్వారా గర్భం దాల్చి పండింటి బిడ్డకు జన్మనిచ్చింది. అయితే, గ్రీస్ నిబంధనల ప్రకారం సాధారణంగా 54 ఏళ్లు దాటిన మహిళలు ఐవీఎఫ్ చేయించుకోవడానికి అనుమతి లేదు. అయినా అ దంపతులు దేశంలోని నేషనల్ రిప్రొడక్టివ్ మెడిసిన్ అథారిటీ నుండి ప్రత్యేక అనుమతి తీసుకుని మరీ బిడ్డను కనడం విశేషంగా నిలుస్తోంది. తాజా ఘటనతో గ్రీకు దేశంలో ఐవీఎఫ్ వయస్సు పరిమితులపై మరోసారి చర్చ మొదలైంది.గతేడాది అక్టోబర్‌లో జరిగిన రోడ్డు ప్రమాదంలో క్రిస్టినా రాప్తి-ట్జెలెపి (Cristina Rapti-Tzelepi), కాన్స్టాంటినోస్ రాప్టిస్ (Constantinos Raptis, 60) దంపతుల 21 ఏళ్ల కొడుకు గియోర్గోస్ (Giorgos) మరణించాడు. ఆ దుర్ఘటన జరిగి కొద్ది నెలల తర్వాత ఈ దంపతులు మరోసారి సంతానం కనాలని నిర్ణయించుకున్నారు.22 ఏళ్లకు పైగా ఫ్రీజ్ చేసిన ఎంబ్రియోను ఉపయోగించి ఐవీఎఫ్‌ పద్ధతిలో సెప్టెంబర్ 9న ఆడబిడ్డకు జన్మనిచ్చారు. పుట్టిన పాప బరువు 3.49 కిలోలు. తమ దివంగత కొడుకు గియోర్గోస్ జ్ఞాపకార్థం దంపతులు తమ కూతురికి 'జార్జియా' (Georgia) అని పేరు పెట్టారు. గియోర్గోస్ కూడా గతంలో ఐవీఎఫ్ ద్వారానే జన్మించాడు.All the leftover frozen embryos are as precious as this beautiful little girl. They deserve their right to life and right to their mother and father protected.Parents, go implant your babies! https://t.co/eX63pkfpBC— Katy Faust (@Katy_Faust) September 13, 202622 ఏళ్ల క్రితం ఫ్రీజ్ చేసిన పిండం ద్వారా ఒక గ్రీకు మహిళ బిడ్డకు జన్మనిచ్చిందని, అదే చికిత్సతో పుట్టిన తన కుమారుడిని కోల్పోయిన తర్వాత ఈ సంఘటన జరిగిందని గైనకాలజిస్ట్ కాన్‌స్టాంటినోస్ పాంటోస్ ఒక ఫేస్‌బుక్ పోస్ట్‌లో పేర్కొన్నారు.2004లో పిండ మార్పిడి తర్వాత, తొలి ప్రయత్నంలోనే ఆరోగ్యకరమైన మగబిడ్డకు జన్మనిచ్చారు. కానీ దురదృష్టవశాత్తూ ఆ బిడ్డను కోల్పోయారని పాంటోస్ తెలిపారు.వయస్సు నిబంధనలపై చర్చగతంలోనూ ఇలాంటి ఘటనే వార్తల్లో నిలిచింది. ఒక ఒహియో దంపతులు ఎంబ్రియో అడాప్షన్ ద్వారా, ఏకంగా 30 సంవత్సరాలకు పైగా ఫ్రీజ్ చేసిన ఎంబ్రియోను ఉపయోగించి బాబుకు జన్మనిచ్చారు. ఇది గిన్నిస్ వరల్డ్ రికార్డ్స్‌లోనూ గుర్తింపు పొందింది.రాప్తి-ట్జెలెపి గైనకాలజిస్ట్, హెలెనిక్ సొసైటీ ఆఫ్ రిప్రొడక్టివ్ మెడిసిన్ హెడ్ అయిన కోస్టాస్ పాంటోస్ మాట్లాడుతూ ముఖ్యంగా గ్రీస్‌లో తగ్గుతున్న జనన రేటును దృష్టిలో ఉంచుకుని ఈ నిబంధనలను పునః సమీక్షించాల్సిన అవసరం ఉందని పేర్కొన్నారు.ప్రస్తుత నిబంధనల ప్రకారం మహిళలు 54 ఏళ్ల వరకు మాత్రమే ఐవీఎఫ్ చేయించుకోవడానికి అవకాశం ఉంది. ఈ నిబంధన చాలా కఠినంగా ఉందని, చట్టంలో మార్పు రావాలని డాక్టర్ పాంటోస్ వాదిస్తున్నారు.మరోవైపు రెండో అవకాశం ద్వారా జీవితాన్ని కొత్తగా ప్రారంభించాలనుకున్నాం. ఇంట్లోకి మరో బిడ్డను ఆహ్వానించి, తమ తొలి బిడ్డ ఇంటిని నవ్వులతో ఎలా నింపిందో, ఈ పాప కూడా అంతే ఆరోగ్యంగా, ఆనందంగా, ఉత్సాహంగా పెరగాలని కోరుకున్నాం అంటూ ఎంతో సంతోషంగా చెప్పారు దంపతులు.

సాక్షి, నంద్యాల జిల్లా: ఆత్మకూరు పట్టణంలో ఒంటరి మహిళ రియాజున్నీసా (55) అనుమానాస్పద స్థితిలో మృతి చెందారు. ఇంటి బయట తాళం వేసి ఉండడంతో పలు అనుమానాలకు తావిస్తోంది. మృతురాలి భర్త రహమతుల్లా రిటైర్డ్ ఆర్టీసీ డ్రైవర్ రెండేళ్ల క్రితం మరణించారు. పిల్లలు లేకపోవడంతో మృతురాలు ఒంటరిగా జీవిస్తున్నారు. ఇంటి తాళం పగలగొట్టి మృతదేహాన్ని పరిశీలించిన పోలీసులు.. కేసు నమోదు చేసుకొని దర్యాప్తు చేపట్టారు.మరో ఘటనలో..భార్య తో గొడవపడి ఓ వ్యక్తి ఆత్మహత్య చేసుకున్నా డు. కర్నూలు నాలుగో పట్టణ పోలీస్‌స్టేషన్‌ పరిధిలోని వీకర్‌ సెక్షన్‌ కాలనీలో ఈ సంఘటన జరిగింది. పోలీసులు తెలిపిన వివ రాల మేరకు.. పింజరి నబీసా (37) మద్యానికి బానిసయ్యాడు. ఈ విషయంలో శుక్రవారం రాత్రి 11 గంటల సమయంలో భార్య పింజరి మాబీతో గొడవ జరిగింది.క్షణికావేశంలో ఆయన ఇంట్లోని పైకప్పు కర్రకు చీరతో ఉరి వేసుకుని వేలాడుతుండగా కుటుంబ సభ్యులు గమనించి కిందకు దించి కర్నూలు ప్రభుత్వాసుపత్రికి తరలించారు. అయితే అప్పటికే మృతిచెందినట్లు క్యాజువాలిటీ వైద్యులు నిర్ధారించారు. మృతుడి భార్య ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు వెల్లడించారు.ఇదీ చదవండి: కోడలిని హతమార్చి.. బావిలోకి దూకి..!

ససారం: బిహార్‌లోని రోహ్‌తాస్‌ జిల్లాలో 12 ఏళ్ల క్రితం నమోదైన హత్య కేసు ఇప్పుడు కీలక మలుపు తిరిగింది. హత్యకు గురైనట్లు భావించి కేసు నమోదు చేసిన సరస్వతీ దేవి జార్ఖండ్‌లో సజీవంగా కనిపించడంతో అప్పట్లో ఆమె భర్త, మామ, బావతో సహా ఎనిమిది మంది కుటుంబ సభ్యులపై నమోదైన కేసుపై అనేక ప్రశ్నలు తలెత్తుతున్నాయి. 2014 ఆగస్టులో దేహ్రీలోని ముఫుస్సిల్‌ పోలీస్‌స్టేషన్‌ పరిధిలోని బల్రతి బిఘా-దహౌర్‌ ప్రాంతానికి చెందిన సరస్వతీ దేవి ఇంటి నుంచి అదృశ్యమైంది.ఆమె తన బావతో కలిసి వెళ్లినట్లు కుటుంబ సభ్యులు తెలిపారు. ఇదే సమయంలో ఆగస్టు 22న ఖండా గ్రామం సమీపంలోని కాలువలో ఓ మహిళ మృతదేహం లభ్యమైంది. సరస్వతీ దేవి సోదరుడు ఆ మృతదేహాన్ని తన సోదరిదిగా గుర్తించాడు. అనంతరం పోలీసులు పోస్ట్‌మార్టం నిర్వహించి హత్య కేసు నమోదు చేశారు. ఈ కేసులో సరస్వతీ దేవి భర్త అరుణ్‌ మెహతా, మామ దిలీప్‌ మెహతా, బావ గోవింద్‌ కుమార్‌తో పాటు మొత్తం ఎనిమిది మందిపై ఆరోపణలు నమోదయ్యాయి. వారిలో పలువురు జైలులో, కోర్టు విచారణల్లో సంవత్సరాల పాటు గడిపారు.అయితే ఇటీవల సరస్వతీ దేవి జార్ఖండ్‌లో జీవించి ఉన్నట్లు పోలీసులకు సమాచారం అందింది. దేహ్రీ ముఫుస్సిల్‌ పోలీసులు.. గర్వా జిల్లాలోని కండి పోలీస్‌స్టేషన్‌ పరిధి లహరి గ్రామానికి చేరుకున్నారు. అక్కడ ఆమెను గుర్తించినట్లు పోలీసులు తెలిపారు. ఆమె తన పేరును కాంతి దేవిగా మార్చుకుని, రట్టు సింగ్‌ అనే వ్యక్తితో కలిసి నివసిస్తున్నట్లు వెల్లడించారు. అనంతరం ఆమెను బిహార్‌కు తీసుకువచ్చి ససారం కోర్టులో హాజరుపరిచారు. దీంతో 2014లో కాలువలో లభించిన మృతదేహం ఎవరిది? దానిని సరస్వతీ దేవిగా ఎలా గుర్తించారు? గుర్తింపు ప్రక్రియలో ఏ విధానాలు అనుసరించారు? వంటి ప్రశ్నలు ముందుకొచ్చాయి. ఈ విషయంపై సమగ్ర దర్యాప్తు జరపాలని కుటుంబ సభ్యులు కోరుతున్నారు.సరస్వతీ దేవికి ప్రస్తుతం 22 ఏళ్ల కుమారుడు ఉన్నాడు. ఆమె ఇంటి నుంచి వెళ్లిపోయినప్పుడు అతను చిన్నవాడు. జార్ఖండ్‌లో ఆమె సజీవంగా లభించడంతో 12 ఏళ్ల క్రితం నమోదైన హత్య కేసును పూర్తిగా పునఃపరిశీలించాల్సిన పరిస్థితి ఏర్పడింది. కాలువలో లభించిన మృతదేహం గుర్తింపును నిర్ధారించడమే ప్రస్తుతం పోలీసులకు ప్రధాన సవాలుగా మారింది.ఇదీ చదవండి: మేరీకోమ్‌పై బిగ్ బాస్ అభిమానుల ఆగ్రహం

గౌహతి: అసోంలోని గౌహతిలోని హాటిగావ్‌ ప్రాంతంలో 25 ఏళ్ల మహిళ దారుణ హత్యకు గురైన ఘటన కలకలం రేపింది. బసిష్ఠపూర్‌ బైలేన్‌లోని ఇంట్లో ఆమె మృతదేహం లభ్యమైంది. మృతురాలిని నూన్‌మతికి చెందిన రియా తాలూక్దార్‌గా పోలీసులు గుర్తించారు. ఆమె భర్త రామానుజన్‌ గోస్వామి ఆమెను హత్య చేసి ఉండొచ్చని పోలీసులు అనుమానిస్తున్నారు. రామానుజన్‌ స్వస్థలం గౌరీపూర్‌ అని తెలిసింది.పోలీసులు తెలిపిన వివరాల వివరాల ప్రకారం.. రియా ఫ్యాన్సీ బజార్‌లోని ఏసీ మార్కెట్‌ ప్రాంతంలో ఉన్న ఓ బొటిక్‌లో పనిచేసేది. ఆమెకు తల్లిదండ్రులు లేరు. ఒక్క సోదరుడు మాత్రమే ఉన్నాడు. సోమవారం రియా, ఆమె భర్త మధ్య ఏదో విషయమై తీవ్ర వాగ్వాదం జరిగినట్లు ప్రాథమిక దర్యాప్తులో వెల్లడైంది. అనంతరం రాత్రి 8 గంటల సమయంలో రామానుజన్‌ ఇంటి నుంచి వెళ్లిపోయినట్లు పోలీసులు తెలిపారు.మంగళవారం ఇంటి నుంచి తీవ్రమైన దుర్వాసన రావడంతో ఇరుగుపొరుగు వారికి అనుమానం వచ్చింది. వారు పోలీసులకు సమాచారం అందించారు. అక్కడికి చేరుకున్న పోలీసులు ఇంటిని తనిఖీ చేయగా హత్య విషయం వెలుగులోకి వచ్చింది. రియాను అత్యంత క్రూరంగా హత్య చేసినట్లు పోలీసులు తెలిపారు. హత్య అనంతరం ఆమె తలను వేరు చేసి నల్లటి పాలిథిన్‌ సంచిలో ఉంచి ఫ్రిజ్‌లో దాచినట్లు తెలియవస్తోంది. అలాగే ఆమె వేళ్లను కూడా వేరుచేసినట్లు సమాచారం.ఈ హత్యకు గల కారణం ఇంకా వెల్లడి కాలేదు. దీంతో పోలీసులు అన్ని కోణాల్లో దర్యాప్తు చేస్తున్నారు. మృతదేహాన్ని పోస్టుమార్టం కోసం గౌహతి మెడికల్‌ కాలేజ్‌ అండ్‌ హాస్పిటల్‌ (జీఎంసీహెచ్‌)కు తరలించారు. భర్త కోసం పోలీసులు గాలిస్తున్నారు. పోస్టుమార్టం నివేదిక, దర్యాప్తు అనంతరం మరిన్ని వివరాలు వెల్లడయ్యే అవకాశం ఉంది.ఇది కూడా చదవండి: మాంసాహారం వండేవారిపై ధీరేంద్ర శాస్త్రి సంచలన వ్యాఖ్యలు

లాటరీలో జాక్‌పాట్‌ తగలాలి, ఆ మొత్తంతో బంగ్లా,కారు, నగలు ఇలా ఎన్నో రకాల విలాసాలపై ఖర్చుపెట్టాలనే ఆశతోనే సాధారణంగా లాటరీ టికెట్లను కొనుగోలు చేస్తారు ఎవరైనా కదా..! అలా ఒక దంపతులకు అనూహ్యంగా వేలకోట్ల రూపాయల విలువ చేసే లాటరీ దక్కించుకున్నారు. మరి ఆ ధనాన్ని వారు ఎలా ఖర్చుపెట్టారో తెలుసా? ప్రస్తుతం వీరి కథ వైరల్‌గా మారింది.స్కై న్యూస్ ప్రకారం 2019లో ఫ్రాన్సెస్, ఆమె భర్త ప్యాడీ కాన్నోలీ పెద్ద మొత్తంలో యూరోమిలియన్స్ (EuroMillions) గెల్చుకున్నారు. ఫ్రాన్సెస్ కాన్నోలీ అనే రిటైర్డ్ టీచర్‌, సామాజిక కార్యకర్త సోషల్ వర్కర్ , టీచర్, పెద్దమొత్తంలో గెల్చుకున్నదీని ఏకంగా రూ. 1,470 కోట్లు. సామాజిక సేవకు ప్రాధాన్యత ఇస్తే ఫ్రాన్సెస్‌ ఇక్కడే చాలా పెద్దమనసుతో ఆలోచించారు. తమ కుటుంబ అవసరాలు తీరిన తర్వాత, గెలుచుకున్న మొత్తం 115 మిలియన్ల పౌండ్లలో, సగానికి పైగా అంటే రూ. 632.5 కోట్లను ఛారిటీలకు, సంఘాలకు విరాళంగా అందించారు. అందించారు. దీనికోసం ఆమె 'PFC ట్రస్ట్' అనే స్వచ్ఛంద సంస్థను కూడా ఏర్పాటు చేయడం విశేషంగా నిలుస్తోంది.A Northern Irish National Lottery winner who has given away half of her £115 million winnings has said it is human nature to help others.Frances Connolly has set up a charitable trust to support good causes since winning the enormous EuroMillions jackpot with husband Paddy in… pic.twitter.com/d9UQRdvJXv— The Irish News (@irish_news) September 6, 2026 అంతేకాదు ఇంత సంపద ఉన్నప్పటికీ, వీరు నార్త్ ఈస్ట్ ఇంగ్లాండ్‌లో నిరాడంబరంగా జీవిస్తున్నారు. విలాసాల కోసం అనవసరంగా డబ్బు ఖర్చు చేయకుండా సెకండ్ హ్యాండ్ వాచీలు, వాడిన కార్లనే కొనుగోలు చేయడానికి ప్రాధాన్యం ఇస్తారు.ఇదీ చదవండి : నో ఫుడ్‌, నో మనీ : కట్‌ చేస్తే కంపెనీ సీఈవోగా గత నెలలో 80 ఏళ్ల వయసులో మరణించిన గాయని, ప్రముఖ సంగీత విద్వాంసురాలు , దాత డాలీ పార్టన్ (Dolly Parton) తన దాతృత్వానికి ఒక 'స్ఫూర్తి' అని ఫ్రాన్సెస్ అభివర్ణించారు. మిడిల్స్‌బ్రో వెలోడ్రోమ్‌లో "60 ఫర్ 60 ఛాలెంజ్"లో కూడా పాల్గొంది. "మనకు తగినంత లభించినప్పుడు ఇతరులతో పంచుకోవడం మానవ నైజం" అంటారు ఆమె. తమ పిల్లల భవిష్యత్తు సురక్షితంగా ఉన్నప్పుడు, అనవసరంగా డబ్బును తన దగ్గరే ఉంచుకోవడంలో అర్థం లేదని ఆమె పేర్కొన్నారు.ఉత్తర ఐర్లాండ్‌లో పెరిగిన ఫ్రాన్సెస్, 1990లో హార్ట్‌ల్‌పూల్‌కు మారారు. అక్కడ దాదాపు 25 ఏళ్లకు పైగా నివసిస్తూ సమాజ సేవా కార్యక్రమాల్లో చురుగ్గా పాల్గొంటున్నారు. ఆమె 60వ పుట్టినరోజు సందర్భంగా ఈ ట్రస్ట్‌కు నిధులు సేకరించేందుకు ఏడుగురు అథ్లెట్లు పలు ఛాలెంజ్‌లలో పాల్గొంటున్నారు. సామాజిక సేవలో చురు​గ్గా ఉంటూ, పూర్తి జీవితాన్ని ఆస్వాదిస్తున్నారు. తన ట్రస్ట్‌ ద్వారా యువ సంరక్షకులు సరైన విరామం తీసుకోవడానికి వీలుగా విశ్రాంతి కారవాన్‌ను డొనేట్‌ చేసింది. ఇంకా ఒంటరిగా ఉండే వృద్ధుల కోసం కొన్ని ప్రాజెక్టులు, డిజిటల్ టెక్నాలజీకి నిధులు సమకూర్చింది .అత్యవసర ఆహార పొట్లాలను పంపిణీ చేసింది. స్థానిక క్రీడా క్లబ్‌లలో డీఫిబ్రిలేటర్లను ఏర్పాటు చేసింది.ఈ ట్రస్ట్ తరపున గ్రేట్ నార్త్ రన్‌లో పాల్గొన బోతున్న పాల్ హెవిట్సన్ తదితరులు సంతోషాన్ని ప్రకటించారు ఇది తమకు ఎంతో స్ఫూర్తి నిచ్చిందన్నారు. ఇదీ చదవండి: వారెవ్వా.. డ్రాగన్‌ ఫ్రూట్‌సాగుతో నెలకు రూ. 4 లక్షలు

సూర్యాపేట జిల్లా: వివాహితను ఓ వ్యక్తి లైంగికంగా వేధిస్తుండగా.. అతడిపై బాధితురాలి కుటుంబ సభ్యులు దాడి చేశారు. ఇరువర్గాల ఫిర్యాదు మేరకు 8 మందిపై పోలీసులు కేసు నమోదు చేశారు. ఎస్‌ఐ ప్రవీణ్‌కుమార్‌ తెలిపిన వివరాల ప్రకారం.. సూర్యాపేట జిల్లా మఠంపల్లి మండలం బక్కమంతులగూడెం గ్రామానికి చెందిన చింతారెడ్డి భాస్కర్‌రెడ్డి ఏడాది కాలంగా మేళ్లచెరువు మండలం వెంకట్రామాపురం గ్రామానికి చెందిన బేత మౌనిక వెంటపడుతూ ‘నువ్వంటే నాకిష్టం..నా కోరిక తీర్చు’అంటూ వేధింపులకు గురిచేస్తున్నాడు. ఎన్నిసార్లు మందలించినా అతడి పద్ధతిలో మార్పు రాలేదు. దీంతో ఈ నెల 4న మౌనిక తన తల్లిగారి ఊరైన బక్కమంతులగూడేనికి వచ్చింది. ఆదివారం ఉదయం తన తల్లిగారింటి ముందు ఆమె వాకిలి ఊడుస్తుండగా భాస్కర్‌రెడ్డి ఒక్కసారిగా మౌనిక వద్దకు వచ్చి బలవంతంగా ఇంట్లోకి లాక్కెళ్లడంతో ఆమె కేకలు వేసింది. దీంతో భాస్కర్‌రెడ్డి కొడవలితో ఆమె కుడిచేతిపై కొట్టి.. ‘నా కోరిక తీర్చు, లేకపోతే నిన్ను చంపేస్తాను, నీ ఫొటోలు సోషల్‌ మీడియాలో పెడతాను’అంటూ బెదిరించాడు. భాస్కర్‌రెడ్డి ఇంటిపై దాడి.. అనంతరం బేత మౌనికతోపాటు బేత రామాంజిరెడ్డి, బోగాల పద్మ, కుందూరు సంధ్య, బోగాల మధుసూదన్‌రెడ్డి కలిసి భాస్కర్‌రెడ్డి ఇంట్లోకి ప్రవేశించి కర్రలు, రాడ్లతో అతడిపై దాడిచేసి తల పగులగొట్టారు. దీంతో భాస్కర్‌రెడ్డిని చికిత్స నిమిత్తం సూర్యాపేట ప్రభుత్వాస్పత్రికి తరలించారు. భాస్కర్‌రెడ్డి భార్య శివనాగిని మెడలోని నాలుగున్నర తులాల బంగారు గొలుసు కూడా పోయింది. ఇదంతా భాస్కర్‌రెడ్డి ఇంట్లోని సీసీ కెమెరాల్లో రికార్డయింది. భాస్కర్‌రెడ్డి తనను లైంగికంగా వేధించడంతోపాటు అతడి భార్య శివనాగిని, కొడుకు మంజూనాథరెడ్డి కూడా అసభ్య పదజాలంతో తనను తిట్టి బెదిరించారని మౌనిక పోలీసులకు ఫిర్యాదు చేసింది. పాత పంచాయితీలు మనసులో పెట్టుకొని తమ ఇంటిపై దాడి చేసి తన భర్త తల పగులగొట్టారని భాస్కర్‌రెడ్డి భార్య శివనాగిని కూడా పోలీసులకు ఫిర్యాదు చేసింది. ఈ మేరకు మొత్తం 8 మందిపై కేసు నమోదు చేసి దర్యాప్తు చేసినట్టు ఎస్‌ఐ తెలిపారు. చదవండి: పబ్‌లో అర్ధరాత్రి ఘర్షణ

బనశంకరి: బెంగళూరులో నడిరోడ్డున శనివారం తెల్లవారుజామున దంపతులను అడ్డగించి దోచుకున్న దుండగులు.. అంతటితో ఆగకుండా భర్త ఎదురుగా భార్యపై సామూహిక లైంగికదాడికి పాల్పడినట్లు సమాచారం. ఈ ఘటన పులకేశినగర పోలీస్‌స్టేషన్‌ పరిధిలో జరిగింది. వివరాలు.. ఓ దంపతులు స్నేహితుని ఇంటికి వెళ్లి అక్కడి నుంచి ఆటోలో తిరి వెళ్తున్నారు. భారతీనగర వద్ద ఐటీసీ ఫ్లై ఓవర్‌ పైన వెళుతుండగా బైకులలో వచ్చిన ఐదారుమంది అల్లరి మూకలు కత్తులతో ఆటోడ్రైవరు, దంపతులను బెదిరించి మొబైల్, బంగారు గొలుసు, పర్సు లాక్కున్నారు. మహిళను ఆటోలో నుంచి కిందికి లాగి భర్త ఎదురుగా ఆమెపై అత్యాచారం చేశారు. బాధితురాలు గట్టిగా కేకలు వేయడంతో అల్లరిమూకలు ఉడాయించారు. భార్యాభర్తలు నేరుగా పోలీస్‌స్టేషన్‌కు వెళ్లి ఫిర్యాదు చేశారు. పోలీసులు సీసీ కెమెరాల దృశ్యాలు ఆధారంగా దుండగుల కోసం తీవ్రంగా గాలిస్తున్నారు.చదవండి: రన్నింగ్‌ ఆటోలోనే ప్రసవం.. రోడ్డుపై విసిరేసిన తల్లి

సాక్షి, చెన్నై : మద్యం, గంజాయి మత్తులో ఒక బాలుడి నుంచి మానసిక వైకల్యంతో బాధపడుతున్న మహిళను వీధి కుక్కలు కాపాడిన ఘటన కోయంబత్తూరులోని తుడియలూరు వద్ద అశోకపురంలో వెలుగుచూసింది. ఓ దుకాణంలో అగ్నిప్రమాదానికి సంబంధించి సీసీ కెమెరా ఫుటేజ్‌ను పోలీసులు పరిశీలిస్తున్న సమయంలో ఈ సంచలన విషయం బయటపడింది. దీంతో ఆ కెమెరా దృశ్యాల ఆధారంగా ఆ బాలుడిని అరెస్టు చేశారు. వివరాలు.. అశోకపురం జీజీఓ కాలనీలోని ఒక దుకాణానికి గురువారం గుర్తుతెలియని వ్యక్తులు నిప్పు పెట్టడంతో తుడియలూరు పోలీసులు దర్యాప్తు చేపట్టారు. స్థానికంగా ఉన్న సీసీటీవీ ఫుటేజ్‌ను తనిఖీ చేశారు. ఇందులో ఓ దృశ్యం పోలీసుల్ని దిగ్భ్రాంతికి గురిచేసింది. అశోకపురం ఫ్లైఓవర్‌ వద్ద ఒంటరిగా తిరుగుతూ ఉండే ఒక మానసిక వైకల్యంతో బాధపడే మహిళపై మద్యం, గంజాయి మత్తులో ఉన్న బాలుడు లైంగిక దాడికి ప్రయత్నించాడు. Street Dog in Tamil Nadu’s Coimbatore have become unlikely heroes after they intervened and saved a mentally ill woman from an alleged sexual assault attempt by a minor boy. 🐕#TamilNadu #India #Dog pic.twitter.com/LOE5ny0Q6m— মৃত্যুঞ্জয়/姆里蒂尤恩贾伊/Mrityunjay 🇮🇳 (@VloggerCalcutta) September 4, 2026 బాధితురాలు కేకలు వేసినా అర్ధరాత్రి వేళ ఎవరూ పట్టించుకోలేదు. అదే సమయంలో అక్కడే ఉన్న వీధి కుక్కలు తక్షణమే స్పందించాయి. ఆ బాలుడిని చుట్టుముట్టి దాడి చేశాయి. అతడి కాళ్లను కరుస్తూ అడ్డుకున్నాయి. కుక్కల దాడితో భయపడిన బాలుడు అక్కడి నుంచి పారిపోయాడు. ఈ ఫుటేజ్‌ ఆధారంగా విచారణ చేపట్టిన పోలీసులు, గణేష్‌ నగర్‌కు చెందిన 16 ఏళ్ల బాలుడిని శుక్రవారం అదుపులోకి తీసుకున్నారు. అనంతరం బాలల అబ్జర్వేషన్‌ హోమ్‌కు తరలించారు. చదవండి: ప్రియుడికి సర్‌ప్రైజ్‌ ఇచ్చి.. ఆపై కటకటాల్లోకి!

సాక్షి, ముంబై: మహారాష్ట్రలోని ధారాశివ్ జిల్లాలో దారుణం చోటు చేసుకుంది. జాతీయ స్థాయి మహిళా రెజ్లర్ అశ్విని మనోహర్ పాల్ (Ashwini Manohar Paul) ఆత్మహత్య ఉదంతం కలకలం రేపింది. నాల్‌దుర్గ్ చారిత్రక కోటలో 100 అడుగుల లోతైన లోయలోకి తన ముగ్గురు పిల్లలతో సహా దూకేసిన విషాద ఘటన క్రీడా లోకంలో తీవ్ర దిగ్భ్రాంతిని నింపింది. ఈ ఘటనలో అశ్వినితో పాటు ముగ్గురు పిల్లలలో ఇద్దరు మరణించారని పోలీసులు తెలిపారు. ఒక కుమార్తె ప్రాణాలతో బయట పడింది. అశ్విని ఆమె ఐదున్నర ఏళ్ల కుమారుడు అజింక్య అక్కడికక్కడే మరణించారు. రెండేళ్లన్నర కవల కుమార్తెలలో ఒకరైన క్రాంతి, చికిత్స పొందుతూ మరణించింది. ఆమె మరో కుమార్తె వీర తీవ్ర గాయాలతో ప్రస్తుతం ధారాశివ్‌లోని ప్రభుత్వ ఆసుపత్రిలో వెంటిలేటర్ సపోర్ట్‌పై చికిత్స పొందుతోంది.తన భర్త, అత్తమామల నుండి అశ్విని నిరంతరం మానసిక, శారీరక వేధింపులకు గురైందని ఆమె తండ్రి ఆరోపించారు. దీనిపై పోలీసులు దర్యాప్తు చేస్తున్నారు. నల్దుర్గ్ పోలీస్ స్టేషన్‌లో కేసు నమోదైంది. తదుపరి దర్యాప్తు కొనసాగుతోంది.ఇదీ చదవండి: దివ్యాంగ మహిళపై లైంగిక దాడి యత్నం.. తరిమి కొట్టిన వీధి కుక్కలు!కాగా అశ్విని పాల్ రెజ్లింగ్ వర్గాల్లో సుపరిచితురాలు. ఆమెను "మహారాష్ట్ర టైగ్రెస్" (Maharashtra's Tigress) అని పిలిచేవారు. తన క్రీడా జీవితంలో ఆమె జాతీయ స్థాయిలో ఐదు స్వర్ణ , ఆరు రజత పతకాలను గెలుచుకున్నారు. ఈ ఘటన మహారాష్ట్ర వ్యాప్తంగా, క్రీడా వర్గాల్లో తీవ్ర విషాదాన్ని నింపింది; ఈ క్రీడాకారిణి ,ఆమె పిల్లల మరణం పట్ల పలువురు దిగ్భ్రాంతి వ్యక్తం చేశారు.ఇదీ చదవండి: వామ్మో, టూటీ ఫ్రూటీ ఇలా తయారుచేస్తారా? వైరల్‌ వీడియో

వరంగల్‌: ఒకరినొకరు ప్రేమించుకున్నారు..పెళ్లి చేసుకుందామని బాస చేసుకున్నారు. నమ్మబలికి గర్భవతిని చేశాడు. తీరా పెళ్లి చేసుకోవాలని ఆమె అడగడంతో నిరాకరించాడు. దీంతో మనస్తాపానికి గురైన యువతి ఫ్యాన్‌కు చీరతో ఉరేసుకుని ఆత్మహత్యకు పాల్పడిన విషాదకర సంఘటన మహబూబాబాద్‌ జిల్లా కురవి మండలం నల్లెల గ్రామంలో గురువారం చోటుచేసుకుంది. సీ రోలు ఎస్సై సంతోష్, మృతురాలి తండ్రి బండి మల్ల య్య కథనం ప్రకారం.. నల్లెల్ల గ్రామానికి చెందిన ఓ యువతి (24), మహబూబాబాద్‌ మండలం పర్వతగిరి గ్రామానికి చెందిన గుదె శ్రీకాంత్‌ నాలుగేళ్లుగా ప్రేమించుకుంటున్నారు. పెళ్లి చేసుకుందామని శ్రీకాంత్‌ నమ్మబలికి ఆమెతో శారీరక సంబంధం పెట్టుకుని గర్భవతిని చేశాడు. దీంతో ఆ యువతి పెళ్లి చేసుకుందామని శ్రీకాంత్‌ను అడిగింది. పెళ్లి చేసుకోను, నీదిక్కున్న వారికి చెప్పుకో అని బెదిరించాడు. దీంతో బాధితురాలు వెంటనే తండ్రికి విషయాన్ని వివరించింది. గత నెల 30న మహబూబాబాద్‌ జిల్లా కేంద్రంలో ఈ విషయంపై పెద్దమనుషుల సమక్షంలో పంచాయితీ జరిగింది. ఆ సమయంలో శ్రీకాంత్, అతడి తల్లిదండ్రులు వెంకన్న, సునీత, బంధువులు చెలమల సాయి, అన్నారం వాసు, కుమార్, మహేశ్‌ అందరూ కలిసి యువతిని నానా దుర్భాషలాడారు. ఎందుకు బతికున్నావు, చనిపో అని తిట్టినట్లు ఎస్సై పేర్కొన్నారు. ఈనెల 2 (బుధవారం)న కూతురును తీసుకుని తండ్రి మల్లయ్య సీరోలు పోలీస్‌ స్టేషన్‌లో ఫిర్యాదు చేశారు. అనంతరం ఇంటికి వెళ్లే సమయంలో సీరోలు సెంటర్‌ వద్ద శ్రీకాంత్, అతడి తల్లిదండ్రులు వెంకన్న, సునీత, వారి బంధువులు చెలమల సాయి, అన్నారం వాసు, కుమార్, మహేశ్‌ అడ్డం తిరిగి మావోడి మీద కేసు పెట్టి ఏం చేస్తావు, డబ్బులు ఇస్తాం అని బెదిరించారు. అక్కడి నుంచి నల్లెల్ల గ్రామంలోని ఇంటికి యువతి, తండ్రి మల్లయ్య వచ్చారు. అదేరోజు రాత్రి అందరు పడుకున్న తర్వాత యువతి వేరే గదిలో పడుకుంది. మనస్తాపానికి గురైన ఆమె చీరతో ఫ్యాన్‌కు ఉరేసుకుని ఆత్మహత్యకు పాల్పడింది. గురువారం ఉదయం లేచి చూడగా ఫ్యాన్‌కు ఉరివేసుకుని వేలాడుతూ చనిపోయి ఉందని తండ్రి మల్లయ్య తెలిపారు. తన కుమార్తె చావుకు కారణమైన వారిని కఠినంగా శిక్షించాలని ఆయన ఎస్సై సంతోష్‌ను కోరారు. ఈ మేరకు శ్రీకాంత్‌ను అరెస్టు చేసి రిమాండ్‌కు తరలించినట్లు, మిగిలిన వారిపై కేసు నమోదు చేసి దర్యాప్తు చేస్తున్నట్లు ఎస్సై తెలిపారు. కాగా, మృతురాలికి గతంలో ఇద్దరితో వివాహం జరగగా విడాకులు అయ్యాయి.

కష్టాలు తొలగి, శుభాలు కలగాలని ఓ యువతి గుడికెళితే అక్కడ పూజలు చేసే ఓ ప్రబుద్ధుడు ఆమెను ట్రాప్‌ చేశాడు. ‘నువ్వంటే నాకిష్టం, నువ్వు లేకుంటే చచ్చిపోతా’ అంటూ మభ్యపెట్టాడు. గుట్టుచప్పుడు కాకుండా తాళి కట్టాడు. బిడ్డ పుట్టాక నడిరోడ్డుపైకి నెట్టి నరకం చూపిస్తున్నాడు. వివరాలు.. యాడికి మండలానికి చెందిన ఓ యువతి అనంతపురంలో ఉంటోంది. ప్రైవేట్‌ సంస్థలో జాబ్‌ చేస్తూ జీవనం సాగించేది. జీవితంలో కొన్ని ఆటుపోట్లు ఎదురుకావడంతో రాప్తాడు మైనార్టీ కాలనీలోని సుంకులమ్మ గుడికి వెళ్లి పూజలు చేస్తే కష్టాలు తొలుగుతాయని తెలిసిన వారు చెప్పడంతో ఆలయానికి వెళుతూ ఉండేది. అక్కడ పూజలు చేసే శివకుమార్‌ కన్ను యువతిపై పడింది. తాను చెప్పిన పూజలు చేస్తే కష్టాలు తొలగిపోతాయని.. జీవితంలో ఉన్నత స్థాయికి వెళతావని నమ్మించాడు. తర్వాత వివిధ ఆలయాల్లో పూజలు చేయించి యువతిని లోబరుచుకున్నాడు. నిలదీయడంతో.. శ్రీశైలంలో పెళ్లి యువతి అమాయకత్వాన్ని ఆసరాగా చేసుకుని శివకుమార్‌ ఆమెను శారీరంగా కలుస్తూ ఉండేవాడు. దీంతో ఆమె గర్భం దాలి్చంది. గట్టిగా నిలదీయడంతో యువతి బంధువులకు తెలియకుండా శ్రీశైలం పుణ్యక్షేత్రానికి తీసుకెళ్లి 2025 మేలో పెళ్లి చేసుకున్నాడు. పెళ్లయినప్పటి నుంచి యువతికి వేధింపులు మొదలయ్యాయి. భర్త, అత్త, ఆడపడుచులు నిత్యం వేధించేవారని యువతి కన్నీటి పర్యంతమవుతూ తెలిపింది. ఏడు నెలల గర్భిణిగా ఉన్న సమయంలో భర్త తీవ్రంగా కొట్టడంతో యువతి రాప్తాడు పోలీసులను ఆశ్రయించింది. దంపతులిద్దరినీ పిలిపించి పోలీసులు కౌన్సెలింగ్‌ ఇచ్చి పంపించినా శివకుమార్‌ ప్రవర్తనలో మార్పు రాలేదు. బాబు పుట్టినా.. పుట్టింటికే పరిమితం తొమ్మిది నెలల గర్భిణిగా ఉన్న సమయంలో కాన్పు కోసం యువతి పుట్టింటికి చేరుకుంది. ఈ ఏడాది మే 25న పండంటి బిడ్డకు జన్మనిచ్చింది. మూడు నెలల తర్వాత తనను, తన బిడ్డను తీసుకెళతానని చెప్పిన శివకుమార్‌ ముఖం చాటేశాడు. ‘నీతో నేను కలిసి బతకలేను.. నీతో ఉంటే నువ్‌ నన్ను చంపేస్తావ్‌’ అంటూ బూటకపు మాటలు చెప్పి యువతిని దూరం పెట్టాడు. దీంతో యువతి ఆగస్ట్‌ 13న రాప్తాడు పోలీసులను ఆశ్రయించింది. తన భర్త నమ్మించి మోసం చేస్తున్నాడని, న్యాయం చేయాలని వేడుకుంది. చేతిలో రెండు నెలల చిన్నారిని పెట్టుకుని ఉదయం నుంచి రాత్రి వరకు పోలీసు స్టేషన్‌ గుమ్మం వద్దే పడిగాపులు కాచింది. అయినా, పోలీసులు ఫిర్యాదును తీసుకోలేదు. సీఐ నిర్లక్ష్యం..! న్యాయం కోసం యువతి 20 రోజులుగా పోలీస్‌ స్టేషన్‌ చుట్టూ తిరుగుతున్నా సీఐ వెంకటేశ్వర్లు మనసు కరగలేదు. ‘చెప్పావ్‌ గా... వాడు కనిపిస్తే తీసుకొస్తాం లే.. నువ్‌ వెళ్లు..’ అంటూ నిర్లక్ష్యంగా చెప్పడంతో దిక్కుతోచని స్థితిలో యువతి ఇటీవల ఎస్పీ జగదీశ్‌ను ఆశ్రయించింది. పీజీఆర్‌ఎస్‌లో కలిసి ఫిర్యాదు చేయడంతో అప్పుడు సీఐ స్పందించారని యువతి చెబుతోంది. ఉన్నతాధికారులు స్పందించి న్యాయం చేయాలని చేతులు జోడించి వేడుకుంటోంది. -అనంతపురంచదవండి: నేవి ఉద్యోగి భార్య ఆత్మహత్య

nepal flash flood నేపాల్‌లో ఆగస్టు 26వ తేదీ సంభవించిన భయంకరమైన ఆకస్మిక వరదలు తీవ్ర విషాదాన్ని నింపాయి. ఈ కొన్ని వందల మందిని రక్షించినప్పటికీ భయంకరమైన వరదల్లో ఇప్పటివరకు 1,200 మందికి పైగా ప్రాణాలు కోల్పోయారు. ముఖ్యంగా బురదలో చిక్కుకున్న 97 ఏళ్ల వృద్ధురాలి గుణా మాయా బొహారా (Guna Maya Bohara) బయ JCB ఎక్స్‌కవేటర్ బకెట్‌లో సురక్షితంగా బయటకు తీస్తున్న దృశ్యాలు వైరల్‌గా మారాయి.అత్యంత తెగువతో ఈ విపత్తు నుంచి ప్రాణాలతో బయటపడి ధైర్యానికి గొప్ప సంకేతంగా నిలిచారు.నువాకోట్‌లోని దేవీఘాట్‌లోని సీనియర్ సిటిజన్స్ వెల్ఫేర్ ఫౌండేషన్ ఆశ్రమంలోని ఏడుగురు వృద్ధులు మరణించగా, ప్రాణాలతో బయటపడిన బొహారా సహా మిగిలిన వృద్ధులను ఖాట్మండులోని తాత్కాలిక పునరావాస కేంద్రానికి విమానంలో తరలించారు. అక్కడ చికిత్స పొందుతున్న ఆమెకు తీవ్రమైన ఒత్తిడి రుగ్మత (acute stress disorder) ఉన్నట్లు వైద్యులు నిర్ధారించారు. ‘‘ఆ నీళ్ళు నన్నేఎందుకు ముంచెత్తాయి?" అనే ప్రశ్నను బొహారా అమాయకంగా, తీవ్రమైన ఆవేదనతో పదే పదే అడుగుతూనే ఉన్నారని ఆమె సమీప బంధువు దీపక్ చెప్పారు.ఇదీ చదవండి: స్త్రీవాద దిగ్గజం, రచయిత్రి కన్నుమూతనాలుగు గంటలపాటు.. తల ఎత్తివరద వచ్చిన సమయంలో బొహారా తన గదిలోనే ఉన్నారు. ఆమెకు ముందు నుంచే కాళ్లు పనిచేయవు. దీనికి తోడు ఉధృతమైన నీటి ప్రవాహం వల్ల ఆమె చేతికి గాయమైంది, కానీ బ్రతకాలన్న సంకల్పమే ఆమెను ముందుకు నడిపించింది. ధైర్యపడకుండా గది కిటికీ తెరిచి, నీటిమట్టానికంటే ఎత్తుగా తన తలను ఉంచుకుని ఊపిరి పీల్చుకున్నారు. స్థానిక వాలంటీర్లు 4 గంటల తర్వాత వచ్చి ఆమెను బురద నుంచి రక్షించారు. మరోవైపు రాబోయే ప్రళయం గురించి తమను ఎవరూ సకాలంలో హెచ్చరించలేదని మరో వృద్ధుడు వాపోయారు.ఇదీ చదవండి: వారెవ్వా.. డ్రాగన్‌ ఫ్రూట్‌సాగుతో నెలకు రూ. 4 లక్షలుబోహరాకు బాల్య వివాహాలు సర్వసాధారణంగా ఉన్న రోజుల్లో ఎనిమిదేళ్ల వయసులోనే పెళ్లి జరిగింది. వయసు తన భర్త కంటే 81 సంవత్సరాలు ఎక్కువ జీవించారు. ఆమెకు పిల్లలు లేరు.పెళ్ళైన ఎనిమిదేళ్ళకు తన భర్తను, ఆ తర్వాత నాలుగేళ్ళకు తన తల్లిదండ్రులిద్దరినీ; మరికొంత కాలానికి తన ఏకైక సోదరుడిని ఇలా ఇరవై ఏళ్ళ వయసు వచ్చేసరికి, తన రక్త సంబంధీకులలో దాదాపు అందరినీ ఆమె కోల్పోయింది. ఆమె భర్త కుటుంబం, అతని ముగ్గురు సోదరులు, వారి భార్యలు, కాలక్రమేణా వారి పిల్లలు మాత్రమే మిగిలారు. ఆమె పదమూడు మంది మేనల్లుళ్ళను, పన్నెండు మంది మేనకోడళ్ళను సొంత పిల్లల్లా పెంచింది. ఆ కుటుంబంలో ఆ తరంలో మిగిలి ఉన్న చివరి వ్యక్తి బోహారా. ఇదీ చదవండి: రూ. 1,200 కోట్లతో వందేళ్లు నిలిచేలా కొత్త సెక్రటేరియట్‌కాగా నేపాల్ వరదల్లో ఇప్పటివరకు 1,252 మంది మరణించగా, 4,216 మందికి పైగా గల్లంతయ్యారు. నేపాల్ ఆర్మీ, సహాయక బృందాలు జలవిద్యుత్ ప్రాజెక్టుల టన్నెళ్లలో చిక్కుకున్న వారి కోసం గాలింపు చర్యలు కొనసాగిస్తున్నాయి.

జైపూర్: నహర్‌గఢ్ బయోలాజికల్ పార్క్‌లో దారుణ ఘటన చోటుచేసుకుంది. ఓ పులి మహిళా కార్మికురాలిపై దాడి చేసి చంపేసింది. ఈ ఘటనతో పార్క్‌లో సమీప గ్రామాల్లో తీవ్ర భయాందోళనలు నెలకొన్నాయి. పార్క్‌లోని 16వ ఎన్‌క్లోజర్‌లో ఈ ఘటన జరిగింది. ఆ సమయంలో ఏడుగురు మహిళలు గడ్డి కోస్తుండగా.. అకస్మాత్తుగా పులి.. మహిళపై దాడి చేసింది. మృతురాలిని సుగ్నా దేవిగా గుర్తించారు. మిగతా మహిళలు ప్రాణ భయంతో పరుగులు తీశారు. కొందరు ఫెన్సింగ్ ఎక్కగా.. మరికొందరు సమీపంలోని చెట్లపైకి ఎక్కి తప్పించుకున్నారు. స్థానికులు తెలిపిన వివరాలు ప్రకారం.. మహిళలు మంగళవారం ఎన్‌క్లోజర్‌లోకి గడ్డి కోయడానికి వెళ్లారు. బుధవారం ఉదయం మళ్లీ గడ్డి సేకరించేందుకు అక్కడికి వెళ్లారు. మహిళలు లోపల ఉన్న విషయం తెలియక హన్సా అనే ఉద్యోగి ఎన్‌క్లోజర్‌ను తెరిచినట్లు సమాచారం. ఆ ప్రాంతంలో మొబైల్ నెట్‌వర్క్ సమస్యలు ఉండటంతో అటవీ శాఖ అధికారులను వెంటనే సంప్రదించలేకపోయారు. సమాచారం అందుకున్న వెంటనే అటవీ శాఖ బృందం ఘటనాస్థలానికి చేరుకుంది. పులిని అదుపులోకి తీసుకున్నారు. అనంతరం ఆ మహిళ మృతదేహాన్ని బయటకు తీసుకువచ్చారు. ఫెన్సింగ్‌పై, చెట్లపై చిక్కుకుపోయిన మహిళలను కూడా సురక్షితంగా బయటకు తీసుకువచ్చారు.ఘటనపై స్థానికులు నిరసనకు దిగడంతో డిప్యూటీ కన్జర్వేటర్ ఆఫ్ ఫారెస్ట్స్ (DCF) ఆశిష్ వ్యాస్, పోలీసు అధికారి పీయూష్, స్థానిక ఎమ్మెల్యే ప్రశాంత్ శర్మ వారితో సమావేశమయ్యారు. నిర్లక్ష్యంగా వ్యవహరించిన సిబ్బందిపై చర్యలు తీసుకుంటామన్నారు. మృతురాలి కుటుంబానికి ప్రభుత్వం నుంచి ఆర్థిక సహాయం అందించాలని కోరుతామని.. కాగా, ఆమె పిల్లల్లో ఒకరికి కాంట్రాక్ట్ ప్రాతిపదికన జూ కేర్‌టేకర్ ఉద్యోగం కల్పించే అంశాన్ని పరిశీలిస్తామని అధికారులు తెలిపారు. ఘటనకు సంబంధించిన సీసీటీవీ ఫుటేజీని పరిశీలించాలని స్థానికులు డిమాండ్ చేశారు.

కనుచూపుమేర భీకర దృశ్యాలు... బాధితుల ఆర్తనాదాలు... బురద ప్రవాహంలో కొట్టుకుపోతున్న గ్రామాలు... భయంకరంగా విరిగి పడుతున్న కొండచరియలు... ఎటు చూసినా కల్లోలమే! ఇటువంటి అత్యంత ప్రతికూల పరిస్థితుల్లోనూ తనప్రాణాలను సైతం పణంగా పెట్టి సహాయక చర్యలు చేపట్టారు నేపాల్‌ తొలి మహిళా హెలికాప్టర్‌ కెప్టెన్‌ ప్రియా అధికారి. కేవలం ఆరు రోజుల వ్యవధిలోనే 100 రెస్క్యూ మిషన్లు పూర్తి చేసి, వందలాది మంది బాధితులను సురక్షితప్రాంతాలకు చేర్చి ఎంతోమందికి స్ఫూర్తిగా నిలిచారు. ఈ రెస్క్యూ మిషన్‌లో తన అనుభవాల గురించి ఆమె మాటల్లోనే...2015లో నేపాల్‌లో వచ్చిన భూకంపం కంటే భయంకరమైనది ఈ విపత్తు. నేను గగనతలం నుంచి చూసిన దృశ్యాలు వర్ణనాతీతం. ఎక్కడ చూసినా చెల్లాచెదురుగా పడి ఉన్న మృతదేహాలు కలవరపరిచాయి. జలవిద్యుత్‌ప్రాజెక్టులు, ఇళ్లు, రోడ్లు.. ఒక్కటేమిటి సమస్తం కొట్టుకు పోయాయి. 2015లో వచ్చిన భారీ భూకంపం కంటే కూడా ఈ వరదల తీవ్రత చాలా ఎక్కువ. ముఖ్యంగా ఈ విపత్తులో రసువా జిల్లాలోని తిమురే అనే గ్రామం పూర్తిగా దెబ్బతింది. అక్కడి నుంచి బాధితులను సురక్షితప్రాంతాలకు తరలించడం మాకు అతిపెద్ద సవాలుగా మారింది.ఆపని ఇంజిన్లుఈ రెస్క్యూలో రాత్రింబవళ్లు సుమారుగా 20 హెలికాప్టర్లు పనిచేస్తున్నాయి. ఒకే ల్యాండింగ్‌ పాయింట్‌కు ఒకేసారి అనేక హెలికాప్టర్లు రావడం వల్ల ఆపరేషన్ నిర్వహణ మాకు అత్యంత కష్టంగా మారింది. అలా ఇబ్బంది వచ్చినపుడు మేము వైర్‌లెస్‌ సాధనాల ద్వారా సమన్వయం చేసుకుంటూ ముందుకు సాగాము. మరోవైపు నేలపై మోకాలు లోతున ఉన్న చిక్కటి బురద కారణంగా హెలికాప్టర్‌లను నిలపడం మాకు కష్టంగా మారింది. దాంతో ఇంజిన్లను ఆపకుండానే క్షణాల వ్యవధిలో బాధితులను ఎక్కించుకుని సురక్షితప్రాంతాలకు చేర్చాము. ఆర్మీ ఆగస్టా హెలికాప్టర్లతో కలిపి తిమురే గ్రామం నుంచే మొదటి రెండు రోజుల్లో 200 మందికి పైగా బాధితులను రక్షించాం. ఇప్పటికీ అక్కడ చాలామంది ఆచూకీ తెలియడం లేదు. అలసట మాయంనాకు సుదీర్ఘ కాలంగా పర్వతప్రాంతాలలో విమానాలు నడిపిన అనుభవం ఉంది. అయినప్పటికీ ఈ భీకర విపత్తు తీవ్రత నాకు సవాల్‌గా నిలిచింది. వరుసగా విమానాలు నడపడం వల్ల మేమంతా తీవ్ర అలసటకు గురయ్యాము, కానీ నేలపై ఆశగా చేతులు ఊపుతున్న బాధితులను చూసినప్పుడు ఆ అలసట అంతా మాయమయ్యేది. వారిని రక్షించడమే మానసికంగా నాకెంతో బలం చేకూర్చింది. వరదల్లో చిక్కుకుని, కష్టాల్లో ఉన్న ప్రతి ఒక్కరినీ తనవారిగా భావించి రక్షించిన ప్రియా అధికారి సాహసంపై ప్రపంచవ్యాప్తంగా ప్రశంసల వర్షం కురుస్తోంది. ఎయిర్‌ హోస్టెస్‌ టు ఎవరెస్ట్‌ పైలట్‌40 ఏళ్ల ప్రియా అధికారి ప్రయాణం ఎంతో స్ఫూర్తిదాయకం. ఎన్విరాన్‌మెంటల్‌ సైన్స్‌లో పట్టా పొందిన ఆమె, మొదట్లో ఎయిర్‌ హోస్టెస్‌గా తన కెరీర్‌ప్రారంభించారు. కానీ విమాన యానంపై కలిగిన ఆసక్తితో ఫిలిప్పీన్ ్స వెళ్లి పైలట్‌ శిక్షణలో చేరారు. 2017 నాటికి ఆమె పూర్తిస్థాయి కెప్టెన్ గా మారారు. ఆ తరువాత హిమాలయాలలోని ఎతై ్తనప్రాంతాలలో సెర్చ్‌ అండ్‌ రెస్క్యూ మిషన్లలో శిక్షణ పొందారు. ఎవరెస్ట్‌ పర్వతంపై దాదాపు 6,200 మీటర్ల ఎత్తు వరకు వెళ్లి గాయపడిన పర్వతారోహకులను రక్షించిన ఘనత ఆమె సొంతం.

Priya Adhikari నేపాల్‌ దేశంలోనే తొలి మహిళా రెస్క్యూ హెలికాప్టర్ కెప్టెన్ ప్రియా అధికారి (40) నేపాల్‌ విలయంలో ఎంతోమంది పాలిట ఆపద్బాంధవురాలిగా నిలిచారు. దేశంలోనే ఏకైక మహిళా రెస్క్యూ హెలికాప్టర్ పైలట్‌గా ఎంతో మందికి స్ఫూర్తిగా నిలిచిన ఆమె, నేపాల్-టిబెట్ సరిహద్దుల్లో సంభవించిన భీకర వరదలు, కొండచరియలు విరిగిపడిన ఘటనలో సహాయక చర్యల్లో సమయస్ఫూర్తితో వందలాదిమందికి ప్రాణ భిక్ష పెట్టి తన ప్రత్యేకతను చాటుకున్నారు. దీంతో ప్రియా అధికారి పేరు ఇపుటు నెట్టింట మారు మోగిపోతోంది.హిమాలయాలలో గాలింపు, సహాయక చర్యల్లో రోజుల తరబడి తలమునక లవుతూ తన నిబద్ధతను చాటుకున్నారు. వారం రోజుల్లో ప్రియా అధికారి దాదాపు 100 రెస్క్యూ మిషన్లు నిర్వహించి వందలాది మంది బాధితులను సురక్షిత ప్రాంతాలకు తరలించారు. తీవ్ర అలసట ఉన్నప్పటికీ తామున్నది దీని కోసమే అంటూ ప్రమాదకర పరిస్థితులను కూడా లెక్క చేయకుండా బాధితుల కోసం ముందుకు సాగడం విశేషం.భయంకర పరిస్థితులు: రెస్క్యూ ఆపరేషన్లు2015లో నేపాల్‌లో వచ్చిన భారీ భూకంపం కంటే ఈ వరదల తీవ్రత ఎక్కువగా ఉందని ప్రియా తెలిపారు. ఐదు జలవిద్యుత్ ప్రాజెక్టులు, అనేక గ్రామాలు కొట్టుకుపోయాయని ఆమె ఆవేదన వ్యక్తం చేశారు. రసువా జిల్లాలోని తిమురే (Timure) గ్రామంలో బురద ఎక్కువగా ఉండటంతో ఇంజిన్ ఆపకుండానే (రన్నింగ్ పవర్‌పై) హెలికాప్టర్లను ల్యాండ్ చేస్తూ అత్యంత ప్రమాదకర పరిస్థితుల్లో ఆమె బాధితులను రక్షించారు. ఈ విపత్తు తీవ్రత తన ఎత్తైన ప్రదేశాలలో సహాయక చర్యల అనుభవాన్ని సైతం పరీక్షించిందని ఆమె ఒక మీడియా ఇంటర్వ్యూలో పేర్కొనడం ఈ వరద ముప్పు తీవ్రతకు అద్దం పడుతుంది. ఈ ప్రమాదంలో ఇప్పటివరకు 1,000 మందికి పైగా ప్రాణాలు కోల్పోగా, వేలాది మంది గల్లంతయ్యారు.🇳🇵🚁 Nepal’s first female helicopter captain Priya Adhikari has flown 100+ flood rescue missions. 🫡❤️In the face of danger, she continues to fly toward those who need help most - showing extraordinary courage, strength, and dedication.Her story is not just inspiring; it is a…— Ananda Nepali (@anandanepali99) September 1, 2026ఇదీ చదవండి: కుమార్తెల చదువు కోసం ఓ తల్లి తెగింపు...చెప్పుల్లేకుండానే! ఎవరీ ప్రియా అధికారి?ఎన్విరాన్‌మెంటల్ సైన్స్ చదివి, ఐదేళ్లపాటు క్యాబిన్ క్రూగా పనిచేసిన ఆమె ఫిలిప్పీన్స్‌లో శిక్షణ పొంది 2017లో ఫుల్-టైమ్ పైలట్‌గా మారారు. హిమాలయాలలో, మౌంట్ ఎవరెస్ట్‌పై గాయపడిన పర్వతారోహకులను రక్షించడంతో సహా అనేక సహాయక మిషన్లలో పాల్గొన్నారు.దాదాపు 6,200 మీటర్ల ఎత్తు వరకు వెళ్లి క్లిష్టమైన రెస్క్యూ ఆపరేషన్లు నిర్వహించిన అనుభవం ఆమెకు ఉంది. మహిళలు హెలికాప్టర్ కెప్టెన్ కాలేరనే అపనమ్మకాలను పటాపంచలు చేస్తూ నేపాల్ మొదటి మహిళా హెలికాప్టర్ కెప్టెన్‌గా ఆమె రికార్డు సృష్టించారు. హెలికాప్టర్‌లో ఆనందకరమైన ప్రయాణం చేసే అవకాశం లభించిందని ఒక సందర్భంలో వెల్లడించారు. ఆ టేకాఫ్ సమయంలో తాను పొందిన ఉత్సాహమే, దీన్ని వృత్తిగా ఎంచుకోవడానికి తనను ప్రోత్సహించిందని కూడా తెలిపారు. ఇదీ చదవండి: లక్షల్లో జీతం, హెచ్‌1 బీ వీసా : తిరిగి ఇండియాకు, ఎందుకు?

తల్లి తన పిల్లల కోసం ఏదైనా చేయగలదు అని మరోసారి రుజువైంది. ఓ తల్లి తన కుమార్తెల కోసం మారథాన్‌లో పాల్గొంది. కనీసం అనువైన డ్రెస్‌, షూలు లేకపోయినా..పిల్లలను ప్రయోజకులుగా తీర్చిదిద్దడమే తన ధ్యేయం అన్నట్లుగా రేసులోకి దిగింది. మరి ఆ తల్లి గెలిచిందా అంటే..మహారాష్ట్రలోని బీడ్‌ జిల్లా అంబాజోగైకి చెందిన వంటమనిషి రమాబాయి చెప్పలు లేకుండా మారథాన్‌లో పరిగిఎత్తి అందర్నీ ఆశ్చర్యపరిచేలా గెలిచింది. ఓ అమ్మ తలుచుకుంటే పిల్లల కోసం ఎంతటి అనితర సాధ్యమైనదైనా.. చేధించగలదని ప్రపంచానికి చూపించింది. ఇంతలా మారథాన్‌లో పాల్గొని గెలిచి తీరాల్సినంత అవసరం ఆమెకు ఎందుకంటే..ముంబైలో జరిగిన ఒక ప్రమాదంలో భర్తని కోల్పోయింది రమాబాయి. దాంతో తన ఇద్దరు కుమార్తెలను ఒంటరిగా పెంచుతూ వారి బాగోగులను చూసుకుంటూ వచ్చింది. అయితే తన పిల్లలకు మంచి చదువు అందించి ప్రయోజకులుగా తీర్చిదిద్దాలనేదే ఆమె ప్రగాఢ ఆకాంక్ష. అయితే ఆర్థిక వనరులు ఏమాత్రం సహకరించడం లేదామెకు. అయినా సరే ఏదోలా కుటుంబాన్ని నెట్టుకొస్తోంది. అంతేగాదు కుమార్తె చదివే చోట అంబాజోగైలోని అకాడమీలో వంటమనిషిగా పనిలో చేరి కుటుంబ బాధ్యతలను నిర్వర్తిస్తోందామె. ఆమె అకాడమీలో వంట చేస్తూ కాలం వెళ్లదీస్తుండగా, ఆమె కుమార్తెలు చదువులు, పోటీపరీక్షలపై దృష్టి సారిస్తున్నారు. ఎన్ని కష్టాలు ఎదురైనా..ఇద్దరు కుమార్తెలకు మెరుగైన భవిష్యత్తు అందించాలనే పట్టుదలతో రమాబాయి ముందుకు సాగుతోంది. ఆ క్రమంలోనే ఒక స్థానిక సంస్థ నిర్వహించిన 'అమృత్ దౌడ్' మారథాన్‌లో పాల్గొంది రమాబాయి. ఆ మారథాన్‌లో అంతా ట్రాక్‌సూట్‌లు, షూలు ధరించిన యువ పోటీదారుల మధ్య సాధారణ చీర కట్టుకుని పాల్గొంది రమాబాయి. ఆమె మొదట చెప్పులు వేసుకుని పరుగుని ప్రారంభించింది. కానీ పరిగెత్తేటప్పుడు అవి జారిపోతుండటంతో వాటిని తీసేయక తప్పలేదు. దాంతో ఆమె చేతిలో చెప్పులు పట్టుకుని చీరను జాగ్రత్తగా సర్దుకుంటూ..చల్లని రోడ్డుపై పరిగెత్తిందామె. కఠిన పరిస్థితులు ఉన్నప్పటికీ ఇదర పోటీదారుల కంటే వేగంగా దూసుకుపోయి..ముగింపు రేఖను చేరుకుంది. రమబాయి అచంచలమైన పట్టదలను చూసి ప్రేక్షకులు హర్షధ్వానాలతో అభినందించారామెను. రేసు తదనంతరం రమాయి మాట్లాడుతూ..ఈ పోటీలో చాలామంది పాల్గొన్నారని తెలసుని కానీ బహుమతి గెలవాలనే పట్టుదలతో ఉన్నానని చెప్పారామె. పరిగెత్తేటప్పుడు తాను నిరంతరం తన కుమార్తెల గురించి, వారి భవిష్యత్తునే ఆలోచిస్తూ పరుగు ప్రారంభించానని అన్నారామె. మరి గెలిచిన సోమ్ముని ఏం చేస్తావంటే..వారి పుస్తకాలు కొనడానికి ఉపయోగిస్తానని చెప్పింది. అంతేగాదు మరోఅద్భుతం ఏంటంటే ఇదే మారథాన్‌లో పాల్గొన్న ఆమె కుమార్తె పూజా రెండో స్థానాన్ని కైవసం చేసుకుంది. తానే తల్లిని పాల్గొనమని ప్రోత్సహించానని, కానీ ప్రథమ స్థానంలో నిలుస్తుందని అస్సలు ఊహించలేదని ఆనందంగా చెబుతోంది. ఇక పూజా పోలీస్ రిక్రూట్‌మెంట్ కోసం సిన్నద్ధమవుతోంది. ఇక ఆమె సోదరి బ్యాంక్‌ పోటీ పరీక్షలకు ప్రిపేరవుతంది. చాలా కఠినమైన పరిస్థితులను తట్టుకుని మమ్మల్ని ఎంతో ప్రయాస పడి పెంచిందని చెబుతోంది ఆమె కూతురు పూజా. అంతేగాదు పూజా అంకితభావానికి ముగ్ధుడైన అకాడమీ డైరెక్టర్‌ ఆమె ఫీజును కూడా మాపీ చేశారు. కాగా, రమాబాయి కుటుంబం గతంలో వ్యవసాయ పనులపై ఆధారపడి జీవిస్తుండేది. అయితే పిల్లల చదువుకి సాయం అందించేందుకు ఇలా కూతురి అకాడమీలోనే చేరి వంటమనిషిగా పనిచేస్తోందామె. ఈ తల్లికి కుమార్తెల కలను నెరవేర్చడానికి మారథాన్‌ను ఒక అవకాశంగా ఉపయోగించుకుంది. పైగా ఆమె పోటీలో వేసిన ప్రతిఅడుగు అపురూపమైనది. ఎందుకంటే ఆ రేసులో వేసిన అడుగులన్నీ పిల్లలకు మంచి భవిష్యత్తుని అందించాలనే ఆశతో వడివడిగా నడిచినవే. View this post on Instagram A post shared by Avani (@avaniarya) (చదవండి: విపత్తు మిగిల్చిన విషాదం..! తల్లిదండ్రుల ఆచూకీ కోసం..ఆ పసివాడు..)

ఆరంకెల జీతం, హెచ్‌1-బీ వీసా కలలతో అమెరికాకు ఎగిరిపోయే భారతీయులకు ఈ కల సాకారమైనాక ఇక లైఫ్‌ సెట్‌ అనుకుంటారు. కానీ ఒక భారత సంతతి మహిళ అలా అనుకోలేదు. వాటన్నింటినీ వదులుకుని మాతృదేశానికి తిరిగి వచ్చేయాలని నిర్ణయించుకుంది. ఎందుకో తెలుసా?'బిజినెస్ ఇన్‌సైడర్' అందించిన వివరాల ప్రకారం 28 ఏళ్ల దిశా లాంబా, 2021లో న్యూయార్క్ యూనివర్సిటీలో కంప్యూటర్ ఇంజనీరింగ్‌లో మాస్టర్స్ డిగ్రీ కోసం అమెరికాకు వెళ్లింది. అక్కడ విజయ వంతమైన కెరీర్‌ను నిర్మించుకుని, 2024లో CVS హెల్త్‌లో డేటా సైంటిస్ట్ ఉద్యోగాన్ని పొందింది. ఆరెంకల భారీ వేతనంతో కూడిన ఉద్యోగం. H-1B వీసా లాటరీ ప్రక్రియలోనూ విజయం సాధించింది. కానీ తన కుటుంబానికి దగ్గరగా ఉండటంతో పాటు,మారుతున్న పరిస్థితుల రీత్యా వాటన్నింటినీ వదులుకోవాలని నిర్ణయించుకుంది.ఒంటరితనం, అమెరికా సమయానికి అనుగుణంగా ఇండియాలోని తల్లిదండ్రులతో మాట్లాడాల్సి రావడం ఆమెను మానసికంగా ఇబ్బందికి గురి చేసినట్టు ఆమె వెల్లడించారు. H-1B వీసా పొందినప్పటికీ ఉద్యోగం మారడం, ఇతర ఆదాయ మార్గాలు (Side hustles) వెతుక్కోవడం, ప్రయాణాలు లేదా కెరీర్ గ్యాప్ తీసుకోవడం H-1B నిబంధనల వల్ల చాలా కష్టంతో కూడుకున్నవి కావడం కూడా ఆమె నిర్ణయానికి ఊతమిచ్చాయి.ఇదీ చదవండి: రూ. 15 లక్షల కారు, 70 తులాల గోల్డ్‌ : అయినా కట్నదాహానికి టీచర్‌ భువనేశ్వరి ఆహుతి2026 మేలో ఉద్యోగానికి రాజీనామా చేసి గురుగ్రామ్‌లోని తన తల్లిదండ్రుల వద్దకు తిరిగొచ్చేశారు. ప్రస్తుతం ఒక చిన్న కెరీర్ బ్రేక్ తీసుకుని, భారతదేశంలోనే కొత్త అవకాశాలు లేదా స్వంతంగా వ్యాపారం ప్రారంభించే యోచనలో ఉన్నారు. H-1B వీసాలపై కొత్త ప్రతిపాదనలప్రకారం, అమెరికా డిపార్ట్‌మెంట్ ఆఫ్ హోమ్‌ల్యాండ్ సెక్యూరిటీ (DHS) H-1B వీసాలకు సంబంధించి కొన్ని కఠినమైన మార్పులను ప్రతిపాదించింది: H-1B వీసా ఫీజు పెంచే ప్రతిపాదనతోపాటు. గ్రేస్ పీరియడ్ రద్దచేయాలని భావిస్తోంది. దీంతో ఉద్యోగం కోల్పోయిన H-1B హోల్డర్లకు ఇచ్చే 60 రోజుల గ్రేస్ పీరియడ్‌ను తొలగిస్తారు.అలాగే H-1B వీసాదారుల జీవిత భాగస్వాములకిచ్చే (H-4 వీసా) ఇచ్చే పని అనుమతులను రద్దు చేసే ప్రతిపాదన కూడా ఉంది. ఈ నిబంధనలు ఎక్కువ మంది భారతీయ కుటుంబాలపై ప్రభావం చూపుతున్నాయి. ఇదీ చదవండి: 12 ఏళ్లు ఆర్మీకి సేవలు : గుడ్‌బై చెప్పిన ‘నేషనల్‌ క్రష్‌’

జీవితంలో ఏ దశలో ఉన్నా సరే కొత్తగా ఏదైనా చేయాలనే సంకల్పం ఉంటే..ఏవిధంగానైనా ముందుకు సాగిపోగలం అనే మాటకు నిలువెత్తు నిదర్శనం ఆమె. శరీరానికి వయసు తప్ప మనసుకి కాదు..యువకులకు తీసిపోని విధంగా కష్టపడగలమని నిరూపించి సంశయంతో కాలక్షేపం చేస్తున్న తన ఏజ్‌వాళ్లకు, యువతకు స్ఫూర్తిగా నిలిచింది. వాస్తవంగా ఆరుపదుల వయసులో కాళ్ల నొప్పులు, చేతుల నొప్పులు అని బాధపడుతుంటారు. కానీ ఆ వయసులో తనకంటూ ఓ గుర్తింపు కోసం ఆరాటపడుతూ..చిన్నాగా ఏదైనా చేయాలనుకోవడమే విశేషం అనుకుంటే..ఏకంగా శారీరక శ్రమతో కూడిన ఆహార వ్యాపారం చేయాలనుకోవడం అతిపెద్ద సాహసం. నీ వల్ల కాదు అన్న వాళ్లే విస్తుపోయేలా సక్సెస్‌ అందుకుని ముందుకు సాగిపోతోంది ఈ బామ్మ. ఆ బామ్మే పాట్నాకు చెందిన దేవ్నీ దేవి. 65 ఏళ్ల వయస్సులో తనకంటూ గుర్తింపు వచ్చేలా ఏదైనా చేయాలని అనిపించిందామెకు. బాధ్యతలు తీరిన సమయంలో కాయకష్టం చేసే పనివైపుకి మళ్లిందామె. చిన్న ఆలోచనతో మొదలైన చిన్న స్టార్లప్‌ లాంటి వ్యాపారం ఆమెది. ముందుగా ఇంట్లో వండిన సాధారణ భోజనాన్ని రూ. 20లకే విక్రయించే చిన్న టిఫిన్‌ ​సెంటర్‌ పెట్టుకుంది. చిన్నగా ప్రారంభమైన ఆమె టిఫిన్‌ సెంటర్‌ కాస్తా..అనతి కాలంలోనే విశేష ఆధరణ లభించి, ఎక్కువ ఆర్డర్లు రావడం మొదలైంది. అంతేగాదు ఆమె చేతి రుచి భోజనప్రియుల మనసుని గెలుచుకుంది. దాంతో చూస్తుండగానే చిన్న వ్యాపారం కాస్తా..రుచికి నమ్మకమైన పేరుగా గుర్తింపు తెచ్చుకుని రూ. 2.5 కోట్ల ఆహార వ్యాపారంగా మారింది. దేవ్నీ దేవి ఈ వ్యాపారం చేయాలనుకునే నిర్ణయానికి కుటుంబం నుంచి, బంధువుల నుంచి ఎలాంటి మద్దతు లేకపోయినా..కఠిన శ్రమ, ఓర్పుతో విజయం సాధించి చూపారామె. నాణ్యత, రుచిలో రాజీపడకుండా ఎంతో శ్రద్ధతో తాజగా వండిన భోజనం అందించి కార్మికులు, విద్యార్థులు, కుటుంబాల నమ్మకాన్ని గెలుచుకుంది. అది కూడా సరసమైన ధరలో మంచి భోజనం అందించే టిపిన్‌ సెంటర్‌గా పేరుతెచ్చుకునేలా కష్టపడింది. ఆ శ్రమకు తగిన గుర్తింపు లభించేలా పెద్ద ఆహార వ్యాపారంగా విస్తరించింది. అంతేగాదు క్యాటరింగ్‌ సేవలను ప్రారంభించి, ఎక్కువమందికి తన సర్వీస్‌ని అందించేలా రెస్టారెంట్‌ను కూడా తెరిచారామె. ఆరోజు ఈ వయసులోనా అని ముఖం చిట్లించిన వాళ్లే సిగ్గుపడేలా ఉవ్వెత్తున ఎగిసిపడేలా అందనంత ఎత్తుకు ఎదిగింది. కొత్తగా ఏ పని చేయాలన్న లేదా ప్రారంభించి విజయం సాధించడానికి వయసు ఎప్పటికీ అడ్డంకి కాదు..అది మీ మనస్సులోని సంకల్పం ముందు నిలువదు అని చెప్పే స్ఫూర్తిదాయక కథ. దైర్యం, ఓర్పు, నిరంత కృషి ఉన్నవాళ్లకి అపజయం అన్నదే కలగదు అనే మాటకు దేవ్నీ దేవి కథే ఓ ఉదాహరణ. View this post on Instagram A post shared by startup universe (@startup_universe) (చదవండి: అక్కడ సుబ్రహ్మణ్య స్వామికి నైవేద్యంగా చాక్లెట్లు..!)

అయోధ్య: అయోధ్యలోని రామమందిరానికి సంబంధించి ఒక విస్తుపోయే ఉదంతం వెలుగుచూసింది. మందిర సిబ్బంది సంక్షేమం, సౌకర్యాల నిమిత్తం చెన్నైకి చెందిన ఓ మహిళా భక్తురాలు శ్రీరామ జన్మభూమి తీర్థ క్షేత్ర ట్రస్ట్‌కు రూ.4 కోట్ల విలువైన చెక్కును అందజేశారు. అయితే ట్రస్ట్ ఆ చెక్కును బ్యాంకులో జమ చేయగా.. ఆమె ఖాతాలో కేవలం రూ.3 మాత్రమే ఉన్నట్లు తేలింది. తగినంత నగదు నిల్వ లేకపోవడంతో ఆ చెక్కు బౌన్స్ అయింది.సమాచారం ప్రకారం, తాను అందించే రూ.4 కోట్లను ప్రత్యేకంగా రామమందిర ఉద్యోగుల వసతులకే ఖర్చు చేయాలని సదరు మహిళ కోరారు. దీనిపై ట్రస్ట్ నుంచి లిఖితపూర్వక హామీని కూడా అడిగారు. అయితే, ట్రస్ట్ అటువంటి హామీ ఏదీ ఇవ్వలేదని తెలిసింది. కాగా, ఆమె ఆలయానికి విడిగా మరో రూ.10 వేల విరాళాన్ని అందజేశారు. ఖాతాలో నిధులు లేకున్నా భారీ మొత్తానికి చెక్కు జారీ చేసినందుకు గాను, ఆ మహిళకు నోటీసులు పంపేందుకు బ్యాంకు అధికారులు సిద్ధమవుతున్నారు. నిబంధనల ప్రకారం ఆమె వివరణ కోరడంతో పాటు, అవసరమైతే చట్టపరమైన చర్యలు చేపట్టే అవకాశం ఉంది. ప్రస్తుతం ట్రస్ట్ ప్రతినిధులు సదరు మహిళతో మాట్లాడి సమస్యను పరిష్కరించే ప్రయత్నం చేస్తున్నట్లు సమాచారం. దీనిపై ట్రస్ట్ నుంచి ఇంకా ఎలాంటి అధికారిక ప్రకటన వెలువడలేదు.గతంలో 2020లో నిర్వహించిన నిధి సమర్పణ ప్రచారంలోనూ సాంకేతిక, ఇతర కారణాలతో సుమారు రూ.100 కోట్ల విలువైన చెక్కులు బౌన్స్ అయ్యాయి. వాటిలో చాలా వరకు తర్వాత రికవరీ కాగా, దాదాపు రూ.22 కోట్ల మేర చెక్కుల రికవరీ పెండింగ్‌లో ఉన్నట్లు తెలిసింది. ప్రస్తుతం ఆలయానికి నెలకు నగదు, ఆన్‌లైన్, చెక్కుల రూపంలో రూ.3 నుంచి రూ.4 కోట్ల వరకు విరాళాలు అందుతున్నాయి. ఇందులో చెక్కుల ద్వారానే రూ.1 నుంచి రూ.1.5 కోట్లు వస్తుండటంతో, ఇకపై భారీ విరాళాల చెక్కుల క్లియరింగ్‌లో ట్రస్ట్ మరింత అప్రమత్తత పాటించే అవకాశం ఉంది.ఇది కూడా చదవండి: శవాల దిబ్బల్లో ఆప్తుల కోసం అన్వేషణ.. మిన్నంటుతున్న రోదనలు!

భోపాల్‌: మధ్యప్రదేశ్‌లోని రేవాలో ప్రభుత్వ ఆసుపత్రిలో 25 ఏళ్ల మహిళ, ఆమె నవజాత శిశువు మృతి చెందారు. ప్రసవానికి కొన్ని గంటల ముందు ఆమె చేసిన విజ్ఞప్తికి సంబంధించిన వీడియో సోషల్ మీడియాలో వైరల్‌గా మారింది. కల్పనా మిశ్రా అనే ఆ మహిళ తనను ఆసుపత్రి నుంచి తీసుకెళ్లాలని కుటుంబ సభ్యులను వేడుకున్నారు ఆసుపత్రిలో చికిత్స కొనసాగిస్తే తనకు ప్రాణహాని జరుగుతుందనే భయాన్ని వ్యక్తం చేశారు.“నన్ను ఇక్కడి నుంచి తీసుకెళ్లండి. నేను బతకను.. వాళ్లు నన్ను చంపేస్తారు” అని కల్పనా మిశ్రా అన్నారు. కల్పనను మంగళవారం సంజయ్ గాంధీ మెమోరియల్ ఆసుపత్రిలో చేర్పించారు. దీనిని గాంధీ మెమోరియల్ ఆసుపత్రి అని కూడా పిలుస్తారు. కుటుంబ సభ్యులు తెలిపిన వివరాల ప్రకారం.. మరుసటి రోజు ఆమెకు సిజేరియన్‌ శస్త్రచికిత్స చేశారు. ఆ తర్వాత చికిత్స పొందుతూ ఆమెతో పాటు ఆమె నవజాత శిశువు మృతి చెందారు.కల్పన తన ఆరోగ్య పరిస్థితి గురించి పదేపదే ఫిర్యాదు చేసినా, ఆమెకు సకాలంలో చికిత్స అందించలేదని కుటుంబ సభ్యులు ఆరోపించారు. వైద్యులు, నర్సింగ్ సిబ్బంది తమతో దురుసుగా ప్రవర్తించారని కూడా వారు ఆరోపించారు. ఈ వీడియోలో కల్పనా తీవ్ర ఆందోళనలో కనిపిస్తూ, తనను ఆసుపత్రి నుంచి తీసుకెళ్లాలని వేడుకుంటున్నారు. కుటుంబ సభ్యుల్లో ఒకరు ఆమెను ఓదార్చేందుకు ప్రయత్నిస్తూ, వైద్యులు చికిత్స చేస్తున్నారని, ఆమెకు ఏమీ కాదని చెప్పడం కనిపించింది.ఈ మరణాలపై ఆసుపత్రిలో నిరసనలు మొదలయ్యాయి. మృతురాలి కుటుంబ సభ్యులు ప్రధాన ద్వారం బయట బైఠాయించి, బాధ్యులుగా భావించిన వారిపై చర్యలు తీసుకోవాలని డిమాండ్ చేశారు. వైద్యుల నిర్లక్ష్యం ఆరోపణలను ఆసుపత్రి అధికారులు ఖండించారు. ఆందోళన తీవ్రం కావడంతో డీన్ సునీల్ అగర్వాల్, సూపరింటెండెంట్ రాహుల్ మిశ్రా అక్కడికి చేరుకుని కుటుంబ సభ్యులతో మాట్లాడారు. నిష్పక్షపాత విచారణ జరుపుతామని వారికి హామీ ఇచ్చారు.ప్రాథమిక చర్యగా విధుల్లో ఉన్న ఇద్దరు నర్సింగ్ అధికారులను సస్పెండ్ చేశారు. మరణాలకు దారితీసిన పరిస్థితులపై దర్యాప్తు చేసేందుకు ఒక కమిటీని ఏర్పాటు చేశారు. జిల్లా ఆసుపత్రికి చెందిన వైద్యుల బృందం మృతదేహాలకు పోస్టుమార్టం నిర్వహించనుంది. పోస్టుమార్టం, విచారణ నివేదికలు వచ్చిన తర్వాతే తల్లి, నవజాత శిశువు మృతికి కచ్చితమైన కారణం నిర్ధారణ అవుతుందని అధికారులు తెలిపారు.పరిస్థితిని తెలుసుకునేందుకు మంగావన్‌ బీజేపీ ఎమ్మెల్యే నరేంద్ర ప్రజాపతి కూడా ఆసుపత్రికి వెళ్లి మృతురాలి కుటుంబ సభ్యులను కలిశారు. ఆయన ఆసుపత్రి అధికారులతో మాట్లాడి, ఎవరైనా బాధ్యులుగా తేలితే చర్యలు తీసుకుంటామని కుటుంబ సభ్యులకు హామీ ఇచ్చారు. Heartbreaking: A 25 year old woman Kalpana Mishra died with her newborn during her first delivery at Gandhi Memorial Hospital in Rewa home district of MP Deputy CM and Health Minister Rajendra Shukla. शब्द: "ऐ बाबू हमको बचा लो ये हमको मार डालेंगे "🙏A video shows her crying… pic.twitter.com/Hq8oPNXiWh— Ramesh Speaks (@rameshofficial0) August 27, 2026

వికారాబాద్‌: తన కుటుంబ పరిస్థితులు సరిగ్గా లేకపోవడాన్ని ఆసరాగా చేసుకుని, ఓ వ్యక్తి పెడుతున్న లైంగిక వేధింపులు, బెదిరింపులను భరించలేకున్నానని బాధిత మహిళ బుధవారం పరిగి డీఎస్పీకి ఫిర్యాదు చేసింది. ఆమె వివరాల మేరకు.. మండల పరిధిలోని ఓ గ్రామానికి చెందిన మహిళ భర్త పక్షవాతంతో బాధపడుతున్నాడు. దీన్ని ఆసరాగా చేసుకొని ఇదే ఊరికి చెందిన కర్రె సుధాకర్‌ నెల రోజులుగా ఆమెతో అసభ్యకరంగా ప్రవర్తిస్తూ, లైంగిక వేధింపులకు గురిచేస్తున్నాడు. ఈవిషయమై బాధితురాలు ఈనెల 15న స్థానిక పోలీసు స్టేషన్‌లో ఫిర్యాదు చేయగా, 18న కేసు నమోదు చేశారు. కానీ ఇంతవరకూ అతన్ని అరెస్టు చేయకపోగా, కేసు వాపస్‌ తీసుకోవాలని ఎస్‌ఐ తనను బెదిరిస్తున్నాడని బాధితురాలు వాపోయింది. దీనిపై పూర్తి విచారణ చేసి న్యాయం చేయాలని డీఎస్పీ శ్రీనివాస్‌కు ఫిర్యాదు చేసింది. వెంటనే స్పందించిన ఆయన ఎస్‌ఐ బాలవెంకటరమణతో ఫోన్‌ మాట్లాడి, నిందితున్ని వెంటనే అరెస్ట్‌ చేయాలని ఆదేశించినట్లు కుల నిర్మూలన పోరాట సమితి నాయకులు, చైతన్య మహిళా సంఘం జిల్లా అధ్యక్షురాలు అలివేలు, మహబూబ్‌నగర్‌ జిల్లా అధ్యక్షురాలు శ్రీదేవి తెలిపారు.

కృష్ణా జిల్లా: రోడ్డు ప్రమాదానికి గురైన తండ్రిని చూసేందుకు హైదరాబాద్‌కు వెళ్లి తిరిగి వస్తున్న ఉంగుటూరు మండలం తేలప్రోలు గ్రామానికి చెందిన యాసారపు చిన్ని(32) తిరిగిరాని లోకాలకు వెళ్లిపోయింది. తేలప్రోలు గ్రామంలోని సుందరయ్యనగర్‌లో కుటుంబంతోపాటు చిన్ని నివసిస్తుంది. ఆమె భర్త సుధాకర్‌ తేలప్రోలు సబ్‌స్టేషన్‌లో షిఫ్ట్‌ ఆపరేటర్‌. వీరికి ఇద్దరు కుమారులు. పాఠశాల విద్యను అభ్యసిస్తున్నారు. భర్త, పిల్లలతో ఆనందంగా జీవిస్తున్న ఆమె తండ్రి హైదరాబాద్‌లో ఉంటున్నారు. ఆయన ఇటీవల రోడ్డు ప్రమాదానికి గురై గాయపడ్డాడు. తండ్రిని చూసేందుకు పదిహేను రోజుల క్రితం చిన్ని హైదరాబాద్‌ వెళ్లారు. ఆమెను తీసుకువచ్చేందుకు భర్త సుధాకర్‌ సోమవారం వెళ్లారు. ఇద్దరూ ప్రైవేట్‌ ట్రావెల్స్‌ బస్సులో గ్రామానికి బయలుదేరారు. కోదాడ సమీపంలో జరిగిన ప్రమాదంలో చిన్ని అక్కడికక్కడే మృతి చెందింది. ఆమె భర్త సుధాకర్‌ గాయాలతో బయటపడ్డాడు. చిన్ని మృతితో సుందరయ్యకాలనీలో విషాద ఛాయలు అలుముకున్నాయి. కన్నతల్లి మృతి చెందిన విషయం తెలుసుకుని ఇద్దరు చిన్నారులు బోరున విలపించారు. వారిని ఆపడం ఎవరి తరమూ కాలేదు. చదవండి: ఉద్యోగం వస్తుందన్న ఆనందం అంతలోనే ఆవిరి...

తిరువొత్తియూరు: చెన్నైలోని వానగరం ప్రాంతానికి చెందిన 21 ఏళ్ల యువతి, తన ఇద్దరు స్నేహితురాళ్లతో కలిసి ఒక అద్దె ఇంట్లో నివసిస్తూ, ఓ ప్రైవేట్‌ సంస్థలో ఉద్యోగం చేస్తోంది. వీరి ఇంటి యజమాని కుమారుడు శరవణన్‌ ఆ యువతి, ఆమె స్నేహితురాళ్లు ఉద్యోగానికి వెళ్లేటప్పుడు తరచూ వారికి వేధింపులు గురిచేసేవాడని తెలుస్తోంది. ఈ పరిస్థితిలో, ఆ మహిళలు ఉంటున్న గదిలోని స్విచ్‌ బాక్స్‌లో ఓ రహస్య కెమెరా అమర్చిన్నట్లు గమనించారు. అంతేకాకుండా, ఆ కెమెరా ఇంటి యజమాని కుమారుడైన శరవణన్‌ మొబైల్‌ ఫో¯న్‌కు అనుసంధానించబడి (లింక్‌ అయి) ఉండటం చూసి వారు తీవ్ర దిగ్భ్రాంతికి లోనయ్యారు. దీనిపై వానగరం పోలీసులకు ఫిర్యాదు చేశారు. పోలీసులు మహిళలపై వేధింపుల నిరోధక చట్టం, సమాచార సాంకేతిక చట్టం సహా 4 సెక్షన్ల కింద కేసు నమోదు చేసి, శరవణన్‌ను అరెస్ట్‌ చేసి జైలుకు తరలించారు. సూర్యాపేట: ప్రాణాలు తీసిన ప్రైవేట్‌ ట్రావెల్స్‌ బస్సు డ్రైవర్‌ నిర్లక్ష్యం

సాక్షి, లక్నో: ఉత్తరప్రదేశ్‌లోని కురుక్షేత్రలోని పెహోవా రోడ్డులో రాజ్ ప్యాలెస్ సమీపంలో దారుణం చోటు చేసుకుంది. ఒక మహిళ భర్తను అత్యంత అమానుషంగా హత్య చేసింది. పొట్టలో కత్తితో దారుణంగా పొడవడంతో పేగులు బయటకొచ్చిన ఘటన కలకలం రేపింది. అంతేకాదు మృతుడి కాలేయం, కిడ్నీ అదృశ్యం కావడంపై మరింత ఆందోళన రేపింది. దీనిపై హర్యానా పోలీసులు దర్యాప్తు చేస్తున్నారు.యూపీలోని ధంపూర్ గ్రామానికి చెందిన రాజేష్, విమలా దేవి భార్యాభర్తలు. భార్యాభర్తల మధ్య తీవ్ర వాగ్వాదం నేపథ్యంలో భర్తను పొడిచిన తర్వాత, ఆ మహిళ అతని ప్రేగులను భవనం పైకప్పుపై ఉన్న ప్లాస్టిక్ సంచిలో కుక్కుతుండగా,ఇంటి యజమాని కంట్లోపడింది. ఇంటి యజమాని రింకు అక్కడికి చేరుకుని, రక్తపు మడుగులో పడి ఉండటాన్ని గమనించినప్పుడు, నిందితురాలు విమలా దేవి భవనం పైకప్పు పైనుంచి దూకేసింది. రాజేష్ పొట్టలో తీవ్రమైన గాయాలు అయ్యాయని, బయటకు వచ్చిన ప్రేగులను విమల ఒక ప్లాస్టిక్ సంచిలో పెడుతోందని రింకు పోలీసులకు తెలిపింది. మరోవైపు నిందితురాలు దేవి వెన్నెముకకు తీవ్ర గాయాలయ్యాయి. ఆమెను ఆసుపత్రిలో చేర్పించి, చికిత్స అందిస్తున్నారు పోలీసులు.భర్త కాలేయం, మూత్రపిండం అదృశ్యంపోస్ట్-మార్టం నివేదిక ప్రకారం, ఫోరెన్సిక్ నిపుణుడు డాక్టర్ గౌరవ్ కౌశిక్ వివరాల ప్రకారం భర్త రైట్‌ కిడ్నీ,కాలేయంలోకొంత భాగం కనిపించకుండా పోయాయి. అలాగే పొట్ట భాగంలో సుమారు 37 సెంటీమీటర్ల పొడవైన లోతైన గాటు, ప్రేగులు బయటకు వచ్చి పడి ఉన్నాయి. ఇదీ చదవండి: బిచ్చగత్తె కన్నుమూత : 30కి పైగా గోనె సంచుల్లో డబ్బువిమల, రాజేష్‌ దంపతులు సుమారు ఏడాది కాలంగా కురుక్షేత్రలో నివసిస్తుండగా, భర్త ఒక కంపెనీలో నీటి సరఫరా విభాగంలో పనిచేసేవాడు. వీరికి పిల్లలు లేరు. అయితే విమలాదేవి చేతబడి, దుష్టశక్తులను వదిలించే ప్రక్రియవంటి పనుల్లో నిమగ్నమై ఉండేదని, వారిద్దరి మధ్య తరచుగా గొడవలు జరిగేవని ఇంటి యజమాని తెలిపారు.ఇదీ చదవండి: 25 ఏళ్లకే కోట్లు సంపాదించా : ఫ్యూచర్‌లో ఏం చేయాలి?ఘటనా స్థలం నుండి పోలీసులు మూడు కత్తులను స్వాధీనం చేసుకున్నారు. అయితే, ఈ హత్యకు గల కారణం ఇంకా తెలియరాలేదు. విచారణకు సహకరించేంతగా ఆమె ఆరోగ్యం కుదుటపడ్డాక ఆమెను విచారిస్తామని ఆదర్శ్ పోలీస్ స్టేషన్ ఎస్‌హెచ్‌ఓ సురేందర్ సంధు వెల్లడించారు. ఈ అవయవాలు అదృశ్యం కావడానికి, హత్యకు మధ్య ఏదైనా సంబంధం ఉందా అనే కోణంలో పోలీసులు దర్యాప్తు చేస్తున్నారు.ఇదీ చదవండి: రోజు రూ. 50లే, ఇపుడు ఫార్చ్యూనర్ కారు : స్వీపర్‌ సక్సెస్‌ స్టోరీ వైరల్‌

బెంగళూరు: కాంగ్రెస్‌ పార్టీ అగ్రనేత రాహుల్‌ గాంధీ అభిమానినని చెప్పుకున్న యువకునికి అమ్మాయి నుంచి తిరస్కారం ఎదురైంది. అతడు నెలకు రూ.40 లక్షలు సంపాదిస్తున్నా కూడా పెళ్లికి ససేమిరా అంది. బెంగళూరులో ఆరూహి రెడ్డి అనే అమ్మాయి వివరాలను ఎక్స్‌ ఖాతాలో పోస్టు చేసింది. ఆమెకు ఇంట్లో సంబంధాలు చూస్తూ ఉన్నారు, ఇటీవల ఓ సంబంధం తీసుకువచ్చారు. యువకుడు అందగాడు, నెలకు రూ.40 లక్షలు సంపాదిస్తాడు, మంచి కుటుంబమని బంధువులు తెలిపారు. అయితే ఆ అబ్బాయి అతని ప్రొఫైల్‌లో రాహుల్‌గాంధీ అభిమానినని రాసుకున్నాడు. ఇది చూసిన ఆరూహిరెడ్డి ఈ ఒక్క కారణంతో మూడుముళ్ల బంధానికి నిరాకరించినట్టు తెలిపింది. వరుసగా అపజయాలు మూటగట్టుకుంటున్న రాహుల్‌గాం«దీని రోల్‌ మోడల్‌గా చెప్పుకునే వ్యక్తి ఐక్యూ ఏ స్థాయిలో ఉందో తెలుస్తోందని పలు తీవ్ర విమర్శలు చేసింది. నీలాంటి వ్యక్తిని జీవిత భాగస్వామిగా ఎంచుకోలేనని, అందం,అంతస్తు, డబ్బు కంటే దేశభక్తి, మతం మీద ప్రేమ, భక్తి ఉండడం ఎంతో అవసరమని తేల్చిచెప్పింది. ఈ పోస్టుతో నెటిజన్లు కొందరు ఆరూహిరెడ్డిని అభినందిస్తుంటే మరికొందరు దూషిస్తున్నారు.

సాధారణంగా నెలకు రూ.1 లక్ష నుంచి రూ.2 లక్షల జీతం అంటే చాలామందికి మంచి ఆదాయమే. ఇలాంటి జీతం వస్తే హాయిగా జీవించొచ్చని అనుకుంటారు. కానీ.. పెద్ద నగరాల్లో మాత్రం పరిస్థితి భిన్నంగా ఉంటుందని ఓ మహిళ చెబుతోంది. నెలకు రూ.1-2 లక్షలు సంపాదిస్తున్నా.. ఖర్చులు పోగా చేతిలో పెద్దగా డబ్బు మిగలడం లేదని పేర్కొంది. దీనికి సంబంధించిన వీడియో సోషల్ మీడియాలో వైరల్ అవుతోంది.ఏమిటీ 'శాలరీ ట్రాప్'ఇన్‌స్టాగ్రామ్‌లో నిధి కుష్వాహా అనే మహిళ ఈ విషయంపై తన అభిప్రాయాన్ని పంచుకున్నారు. టైర్-1 నగరాల్లో నెలకు రూ.1-2 లక్షలు సంపాదించే వాళ్లు కూడా ఆర్థిక ఒత్తిడిని ఎదుర్కొంటున్నారని వివరించారు.ఆమె చెప్పిన లాజిక్ కూడా చాలామందికి కనెక్ట్ అవుతోంది. ఈ జీతం తక్కువ ఆదాయంతో జీవించే స్థాయి నుంచి బయటపడటానికి సరిపోతుంది. కానీ.. ఖరీదైన జీవనశైలిని ఎలాంటి ఆలోచన లేకుండా కొనసాగించడానికి మాత్రం సరిపోదు. అంటే.. జీతం బాగానే ఉంటుంది, కానీ నెలాఖరుకు బ్యాంక్ బ్యాలెన్స్ చూస్తే మాత్రం నిరాశే మిగులుతుంది.పెద్ద నగరాల్లో ఖర్చులుఇక్కడ ప్రధాన సమస్య జీవన వ్యయం. టైర్-1 నగరాల్లో ఇంటి అద్దె ఒక్కటే జీతంలో పెద్ద భాగాన్ని తీసుకుపోతుంది. దానికి తోడు కరెంట్, ఇంటి ఖర్చులు, కారు లేదా బైక్ ఈఎంఐ, పెట్రోల్, పిల్లల స్కూల్ ఫీజులు, వైద్యం, బయట తినడం, షాపింగ్ ఇలా ఒక్కో ఖర్చు కలుస్తూ పోతుంది.ఉదాహరణకు నెలకు రూ.1.5 లక్షలు జీతం వస్తే.. అందులో రూ.30-40 వేలు ఇంటి అద్దెకే వెళ్లొచ్చు. పిల్లలున్న కుటుంబాల్లో స్కూల్ ఫీజులు, వైద్య ఖర్చులు అదనంగా ఉంటాయి. కారు ఈఎంఐ లేదా హోమ్ లోన్ ఉంటే మరో పెద్ద మొత్తం అక్కడే పోతుంది. చివరికి పొదుపు చేయడానికి అనుకున్న డబ్బు చాలా తక్కువగా మిగలొచ్చు.జీతం పెరిగితే ఖర్చులు కూడాఇక్కడ మరో ఆసక్తికరమైన విషయం లైఫ్‌స్టైల్ ఇన్‌ఫ్లేషన్. జీతం పెరిగినప్పుడు మన అవసరాలు మాత్రమే కాదు.. మన కోరికలు కూడా పెరుగుతాయి.మంచి జీతం రావడంతో ఖరీదైన ఇల్లు, కొత్త కారు, ఎక్కువ ట్రావెల్స్, రెస్టారెంట్లు, బ్రాండెడ్ వస్తువులు ఇలా ఖర్చులు పెరగొచ్చు. మొదట్లో ఇవన్నీ చిన్న ఖర్చుల్లానే అనిపిస్తాయి. కానీ నెలాఖరుకు చూస్తే మొత్తం పెద్దదైపోతుంది. అందుకే కొంతమందికి జీతం రూ.80 వేల నుంచి రూ.1.5 లక్షలకు పెరిగినా.. పొదుపు మాత్రం పెద్దగా పెరగదు.ఇతరులతో పోల్చుకోవడం మరో సమస్యసోషల్ మీడియా వల్ల ఈ సమస్య మరింత పెరుగుతోందని కొందరు అభిప్రాయపడుతున్నారు. మన చుట్టూ ఉన్నవాళ్లు కొత్త కారు కొంటున్నారు, విదేశాలకు వెళ్తున్నారు, ఖరీదైన రెస్టారెంట్లకు వెళ్తున్నారు అని చూసి మనం కూడా అదే స్థాయిలో జీవించాలనుకుంటాం. కానీ వాళ్ల ఆదాయం ఎంత?, వాళ్ల అప్పులు ఎంత?, వాళ్లు ఎంత పొదుపు చేస్తున్నారు?, అనేది మనకు తెలియదు. అయినా వాళ్ల జీవనశైలిని చూసి మన ఆర్థిక పరిస్థితికి సరిపోని ఖర్చులు చేస్తే సమస్యలు మొదలవుతాయి.నెటిజన్ల స్పందననిధి కుష్వాహా వ్యాఖ్యలపై సోషల్ మీడియాలో భిన్నమైన స్పందనలు వచ్చాయి. కొందరు ఆమె చెప్పింది నిజమేనని అన్నారు. తమ స్నేహితులు కూడా ఇలాంటి ఆర్థిక ఒత్తిడిని ఎదుర్కొంటున్నారని కొందరు చెప్పారు. అయితే.. మరికొందరు మాత్రం సమస్య జీతంలో కంటే మన ఖర్చు చేసే విధానంలో ఎక్కువగా ఉంటుందని అభిప్రాయపడ్డారు. మనకు నిజంగా ఏం అవసరమో తెలుసుకోకుండా ఇతరుల జీవనశైలిని అనుసరించడం ఆర్థికంగా ఇబ్బందులకు దారితీయొచ్చని అన్నారు. View this post on Instagram A post shared by Nidhi Kushwaha | Money, Mindset & Real Perspectives (@nidhi_kushwaa)

సాక్షి, చెన్నై: ఒడిశాకు చెందిన ఒక మహిళను చెన్నై సమీపంలోని గూడువాంచేరిలో నరికి చంపి, ఆమె శరీర భాగాలను సూట్‌కేస్‌లో పెట్టి రైలులో ఆగ్రాకు పంపించడం కలకలం రేపింది. బాధితురాలిని ఒడిశాకు చెందిన హయత్‌ నిషాగా పోలీసులు గుర్తించారు. ఆమె విడాకులు తీసుకొని తాంబరంలోని ఓ సంస్థలో పనిచేస్తూ 19 ఏళ్ల కుమారుడితో కలిసి ఉంటోంది. చెన్నై నుంచి ఆగ్రా రైల్వేస్టేషన్‌కు చేరుకున్న తమిళనాడు ఎక్స్‌ప్రెస్‌లోని జనరల్‌ బోగీలో ఒక ఎర్రటి సూట్‌కేస్‌ లభ్యమైంది. దానిని తెరిచి చూడగా మహిళ శరీర భాగాలు ముక్కలుగా లభించాయి. ఆగ్రా నుంచి వచ్చిన సమాచారంతో చెన్నై సెంట్రల్‌ రైల్వేస్టేషన్‌లోని 350కి పైగా సీసీ కెమెరాలను పరిశీలించగా ఒక యువ జంట ఆ ఎర్రటి సూట్‌కేస్‌ను తమిళనాడు ఎక్స్‌ప్రెస్‌లో పెట్టి సబర్బన్‌ రైల్లో గూడువాంచేరికి వెళ్లినట్లు గుర్తించారు.

నాగ‌పూర్‌లోని నరేంద్ర నగర్ పరిధిలో ఉన్న సుందర్‌బన్ ప్రాంతంలో దారుణ హత్య చోటుచేసుకుంది. రెండు వారాల క్రితమే బెయిల్‌పై బయటకు వచ్చిన రౌడీషీటర్ గౌరవ్ పంకజ్ రాగ్డే (27) హత్య స్థానికంగా కలకలం రేపింది. స్నేహితుడు, తోటి గ్యాంగ్‌స్టర్ గౌరవ్ రాంభావో రౌత్ చేతిలోనే అతను దారుణంగా హత్యకు గురయ్యాడు. ఒకమహిళతో వీరిద్దరికీ ఉన్న సన్నిహిత సంబంధిత వివాదమే ఈ హత్యకు కారణమని పోలీసులు ప్రకటించారు.పోలీసుల సమాచారం ప్రకారం.. మృతుడు గౌరవ్ రాగ్డే ప్రముఖ గ్యాంగస్టర్‌ గమ్‌ఛు హత్య కేసుతో పాటు పలు దోపిడీ, హత్య, హత్యాయత్నం కేసుల్లో ముద్దాయిగా ఉన్నాడు. ఇతనిపై అజ్నీ పోలీస్ స్టేషన్‌లో దాదాపు 9 కేసులు నమోదు కాగా, ఇటీవల బెయిల్‌పై బయటకు వచ్చాడు. అయితే రాగ్డే జైలులో ఉన్న సమయంలో అతడి ప్రేమికురాలు 'రాణి' (పేరు మార్పు)తో గౌరవ్ రౌత్‌కు పరిచయం ఏర్పడి, అది సాన్నిహిత్యానికి దారితీసింది. నేర ప్రపంచానికి దూరంగా ఉండాలనుకున్న రాణి, రౌత్‌తో కలిసి నరేంద్ర నగర్‌లో క్లౌడ్ కిచెన్ వ్యాపారాన్ని ప్రారంభించి, సమీపంలోనే ఒక అద్దె ఇంట్లో నివాసముంటోంది. గురువారం మధ్యాహ్నం, రాణి గౌరవ్ రౌత్ ఇంటికి వెళ్లింది. అక్కడ రౌత్ ఇతర స్నేహితులు కూడా ఆమెతో కలిసి పార్టీ చేసుకుంటున్నారు. ఈ విషయం తెలుసుకున్న రాగ్డే తీవ్ర ఆగ్రహంతో అక్కడికి చేరుకున్నాడు. తలుపులు మూసి ఉండటంతో మ‌ద్యం మత్తులో ఉన్న రాగ్డే, రాళ్లతో దాడి చేసి, ఇంట్లోని అద్దాలను ధ్వంసం చేస్తూ గొడవకు దిగాడు.దీంతో రౌత్ తన అనుచరులతో కలిసి ఇంటి వెనుక తలుపు గుండా తప్పించుకునేందుకు యత్నించగా, రాగ్డే వారిని వెంటాడాడు. సుందర్‌బన్ నాలా వద్ద ఉన్న ఒక వంతెన సమీపంలో వీరి మధ్య తీవ్రమైన ఘర్షణ జరిగింది. ఈ క్రమంలో రాగ్డే కిందపడిపోగా, రౌత్ తన అనుచరుడు అభిషేక్ వాస్నిక్‌తో కలిసి రాగ్డే చేతిలో ఉన్న కత్తిని లాక్కుని అతడిపై విచక్షణారహితంగా దాడి చేశారు. తీవ్ర గాయాలపాలైన రాగ్డే అక్కడికక్కడే కూలిపోగా, నిందితులు పరారయ్యారు.నిందితులైన రౌత్, వాస్నిక్ కూడా వేర్వేరు హత్య కేసుల్లో నిందితులుగా ఉన్నారు. ఇదీ చదవండి: పెల్లెట్‌ గన్‌ వివాదం: సాహిల్‌తో కలిసి రాహుల్‌గాంధీ ధర్నాసినిమా ఫక్కీలో పోలీసుల ఛేజింగ్పెట్రోలింగ్‌లో ఉన్న అజ్నీ పోలీస్ స్టేషన్ సిబ్బంది మనీష్ భాల్మే, నరేష్ సావన్కర్ తక్షణమే స్పందించారు. కానిస్టేబుల్ మనీష్ భాల్మే సుమారు 1.5 కిలోమీటర్ల మేర ఛేజ్ చేసి నిందితుడు గౌరవ్ రౌత్‌ను పట్టుకున్నాడు. అతడి వద్ద నుంచి హత్యకు ఉపయోగించిన కత్తిని స్వాధీనం చేసుకున్నారు.ఇదీ చదవండి: 14 ఏళ్లకే సోషల్‌ మీడియాలో సంచలనం ఎవరీ ‘ఏలియన్‌ స్టార్‌’గొడవ అజ్నీ పోలీస్ స్టేషన్ పరిధిలో ప్రారంభమై, హత్య బెల్తరోడీ పోలీస్ స్టేషన్ పరిధిలో జరగడంతో కేసును బెల్తరోడీ పోలీస్ స్టేషన్‌లో నమోదు చేసి తదుపరి దర్యాప్తు జరుపుతున్నారు. క్షతగాత్రుడిని ఆస్పత్రికి తరలించగా అప్పటికే మృతి చెందినట్లు వైద్యులు ధ్రువీకరించారు.

భారత మహిళ శాస్తవేత్త అరుదైన ఘనతను దక్కించుకుంది. ఈ అత్యున్నత ఘనతను దక్కించుకున్న తొలి భారతీయ మహిళగా బెంగళూరులోని ఇండియన్ ఇన్‌స్టిట్యూట్ ఆఫ్ ఆస్ట్రోఫిజిక్స్ (IIA) డైరెక్టర్ ప్రొఫెసర్ అన్నపూర్ణి సుబ్రమణియం చరిత్ర సృష్టించింది. ఆమె 2026 సంవత్సరానికి అత్యంత ప్రతిష్టాత్మక అంతర్జాతీయ పురస్కారాలలో కాస్పార్(COSPAR) విక్రమ్ సారాభాయ్ పతకంను గెలుచుకున్నారు. ఇటీవల ఆగస్టులో ఇటలీలోని ఫ్లోరెన్స్‌లో జరిగిన 46వ కాస్పార్ సైంటిఫిక్ అసెంబ్లీలో ఈ అవార్డును గెలుచుకున్నారు అన్నపూర్ణి. నిజానికి ఆమె వ్యక్తిగత శాస్త్రీయ విజయం భారత అంతరిక్ష ఖగోళ శాస్త్రానికి ఒక మైలురాయిగా నిలవడం విశేషం. అంతేగాదు ఈ పతకాన్ని అందుకున్న తొలిభారతీయ మహిళ, అలాగే ఈ పతకాన్ని గెలుకున్న వారిలో నాల్గో భారతీయురాలిగా ఘనత సాధించారామె. ఈ పతకాన్ని ఆమె కంటే ముందు 1996లో యు.ఆర్. రావు: ఇస్రో మాజీ ఛైర్మన్, 2014లో గుర్బక్స్ సింగ్ లఖినా: అంతరిక్ష భౌతిక శాస్త్రవేత్త, 2024లో అనిల్ భరద్వాజ్: ఫిజికల్ రీసెర్చ్ లాబొరేటరీ డైరెక్టర్ తదితరలు ఈ పురస్కారాన్ని దక్కించుకున్నారు.ఈ పురస్కారం విశిష్టత..అంతరిక్ష పరిశోధనలో అంతర్జాతీయ శాస్త్రీయ సహకారాన్ని ప్రోత్సహించడానికి 1958లో కాస్పార్ విక్రమ్ సారాభాయ్ పతకాన్ని స్థాపించారు. విక్రమ్ సారాభాయ్ గౌరవార్థం, అంతరిక్ష పరిశోధన కమిటీ (COSPAR), భారత అంతరిక్ష పరిశోధన సంస్థ (ISRO) సంయుక్తంగా ఈ పురస్కారాన్ని ప్రదానం చేస్తాయి. ఆయన భారతదేశ అంతరిక్ష కార్యక్రమ రూపశిల్పులలో ఒకరు. అభివృద్ధి చెందుతున్న దేశాలలో అంతరిక్ష పరిశోధనకు చేసిన విశేష కృషిని గుర్తించి, ప్రతి రెండేళ్లకు ఒకసారి ఈ పురస్కారాన్ని అందజేస్తారు. అభ్యర్థులు ఏ దేశానికి చెందినవారైనా కావచ్చు, అయితే పురస్కార ప్రదానోత్సవానికి ముందు ఐదేళ్ల కాలంలో సంబంధిత కృషిని ఆధారంగా చేసుకుని ఈ పురస్కారాన్ని అందజేస్తారు.ఇక అన్నపూర్ణి మూడు దశాబ్దాలకు పైగా ఈ రంగంలోనే కొనసాగారామె. అంతేగాదు ఇండియన్ ఇన్‌స్టిట్యూట్ ఆఫ్ ఆస్ట్రోఫిజిక్స్ ప్రకారం.. ఆమె సుమారు 175 పరిశోధనా పత్రాలను ప్రచురించడమే గాక 15 మంది పీహెచ్‌డీ విద్యార్థులకు మార్గదర్శకత్వం వహించారు. అలాగే మాగెల్లానిక్ క్లౌడ్స్‌తో పాటు నక్షత్ర సమూహాలు, నక్షత్ర జనాభా, గెలాక్సీలు, అతినీలలోహిత ఖగోళశాస్త్రం వంటి రంగాలలో పనిచేశారు.అంతేకాకుండా, 2019లో ఇండియన్ ఇన్‌స్టిట్యూట్ ఆఫ్ ఆస్ట్రోఫిజిక్స్‌కు డైరెక్టర్‌గా బాధ్యతలు చేపట్టిన తొలి మహిళగా ఘనత సాధించారు. భారతదేశపు మొట్టమొదటి ప్రత్యేక బహుళ-తరంగదైర్ఘ్య అంతరిక్ష వేధశాల అయిన ఆస్ట్రోశాట్‌తో ఆమె చేసిన కృషి, ఆమె అందించిన అత్యంత ముఖ్యమైన సహకారాలలో ఒకటి. సుబ్రమణియం ఆస్ట్రోశాట్ అల్ట్రావైలెట్ ఇమేజింగ్ టెలిస్కోప్ (UVIT)కు క్యాలిబ్రేషన్ సైంటిస్ట్‌గా పనిచేశారు. ఆమె దాని కక్ష్యలోని క్యాలిబ్రేషన్, పనితీరు ధృవీకరణకు నాయకత్వం వహించారు.భూమి వాతావరణం కారణంగా ఇక్కడ నుంచి గమనించడం కష్టంగా లేదా అసాధ్యంగా ఉండే అతినీలలోహిత తరంగదైర్ఘ్యాలలో ఖగోళ వస్తువులను అధ్యయనం చేయడానికి ఈ టెలిస్కోప్ ఖగోళ శాస్త్రవేత్తలకు వీలు కల్పించింది.భవిష్యత్ టెలిస్కోపుల నిర్మాణంఆస్ట్రోశాట్ UVIT నుంచి పొందిన అనుభవం ఆధారంగా తదుపరి తరం అతినీలలోహిత-ఆప్టికల్ స్పేస్ టెలిస్కోప్ అయిన INSISTకు సుబ్రమణియం ప్రిన్సిపల్ ఇన్వెస్టిగేటర్‌గా ఉన్నారు. అంతర్జాతీయ థర్టీ మీటర్ టెలిస్కోప్ (TMT) ప్రాజెక్ట్‌లో భారతదేశం పాల్గొనడానికి కూడా ఆమె తోడ్పడ్డారు. అంతేగాదు ఆమె అందించిన ఈ సేవలకు గానూ భారత ప్రభుత్వం 2024లో రాష్ట్రీయ విజ్ఞాన్ పురస్కార్ – విజ్ఞాన్ శ్రీతో సత్కరించింది.(చదవండి: మేఘాలను గమనిస్తూ, వీడియోలు తీస్తూ..నెలకు రూ. 8.5 లక్షలు!)

నెల్లూరు జిల్లా: తనను దూరం పెడుతోందని సహ­జీ­వనం చేస్తున్న ఓ వ్యక్తి మహిళపై కిరాతకా­నికి ఒడిగ­ట్టాడు. మెడ భాగంలో స్క్రూడ్రై­వర్‌తో పొడిచి హత్య చేశాడు. ఈ ఘటన శ్రీపొట్టి­శ్రీరాములు నెల్లూరు జిల్లా కావలిలో జరిగింది. జలదంకికి చెందిన ఉప్పు సునీత (30)కు 15 ఏళ్ల క్రితం ఉప్పు శీనుతో వివాహమవ్వగా విభేదాలు రావడంతో ఐదేళ్లుగా వేర్వేరుగా ఉంటున్నారు. వీరి కుమార్తె (14), కుమారు­డు(13) శిశు సంక్షేమ పాఠశాలలో చదువుతున్నారు. మేస్త్రీ పనులకు వెళ్తున్న సునీత, కొండాపురం మండలానికి చెందిన మహేంద్ర (30) ఐదేళ్లుగా సహజీవనం చేస్తున్నారు. సునీత, ఉప్పు శీనుకు ఈ నెల 7న జలదంకి పోలీస్‌స్టేషన్‌లో కౌన్సెలింగ్‌ నిర్వహించారు. అనంతరం మహేంద్ర ఫోన్‌ నంబర్‌ను సునీత బ్లాక్‌ చేసింది. మంగళవారం మహేంద్ర వెంగళరావునగర్‌లో సునీత ఇంటికి వచ్చాడు. అక్కడ ఇద్దరి మధ్య గొడవ జరిగింది. కొద్దిసేపటి తర్వాత సునీత ఇంట్లో మృతి చెంది కనిపించడంతో స్థానికులు పోలీసులకు సమాచారమిచ్చారు. వారు ఘటనాస్థలికి రాగా..సునీత మెడపై రక్తగాయాలను గుర్తించారు. స్క్రూడ్రైవర్‌­తో సునీతపై దాడి చేసినట్లుగా ప్రాథమికంగా పోలీసులు నిర్థారించారు. మహేంద్రే హత్యకు పాల్పడి ఉండవచ్చని అనుమానిస్తున్నారు. పరారీలో ఉన్న అతడి కోసం గాలిస్తున్నారు. మృతురాలి బంధువుల ఫిర్యాదు మేరకు కేసు నమోదు చేసినట్లు పోలీసులు తెలిపారు.

సాక్షి, లక్నో: ఉత్తరప్రదేశ్‌లోని గోరఖ్‌పూర్‌కు చెందిన ఒక మహిళ చేసిన ఫిర్యాదుపై నెట్టింట తీవ్ర చర్చ నడుస్తోంది. వివాహమైన నెల రోజులకే హనీమూన్‌ సమయంలోనెలసరి వచ్చిందన్న ఆగ్రహంతో తన భర్త తనపై దాడిచేయడంతోపాటు గొంతు నులిమి హత్య చేయడానికి ప్రయత్నించాడంటూ ఆరోపించిన కేసు కలకలం రేపుతోంది.యూపీలోని రామ్‌ఘర్‌తాల్ ప్రాంతానికి చెందిన సదరు మహిళ తన ఫిర్యాదులో, ఢిల్లీకి చెందిన తన భర్త నిఖిల్ మిశ్రాపై కేసు నమోదు చేసింది.ఈ ఫిర్యాదు ప్రకారం 2023 మే 30న ఢిల్లీకి చెందిన నిఖిల్ మిశ్రాతో ఈమెకు వివాహమైంది. ఆ తర్వాత జూలై 4న హనీమూన్ కోసం అండమాన్ వెళ్లారు. అక్కడికి వెళ్లాక తీవ్రమైన కడుపునొప్పి, పీరియడ్స్ వచ్చాయి. అధిక రక్తస్రావం జరిగింది. దీంతో రుతుక్రమం గురించి తనకు ముందుగానే ఎందుకు చెప్పలేదని ప్రశ్నిస్తూ భర్త తనపై దాడి చేశాడని ఆమె ఆరోపించింది. అలాగే గొంతు నులమడానికి ప్రయత్నించాడని కూడా చెప్పింది. ఆమెకు రుతుక్రమం (పీరియడ్స్) రావడంతో ఆగ్రహానికి గురైన భర్త ఈ దారుణానికి ఒడిగట్టినట్లు పేర్కొంది. చివరికి హోటల్ సిబ్బంది ఆమె కేకలు విని రక్షించినట్లు బాధితురాలు తెలిపింది.కట్నం కోసం వేధింపులు పెళ్లిలో కట్నంకోసం వేధించారని కూడా ఫిర్యాదు చేసింది. రూ. 20 లక్షల నగదు, ఒక కారు, రూ. 40 లక్షల విలువైన వస్తువులు కట్నంగా ఇచ్చినప్పటికీ, బ్రాండెడ్ వస్తువులు తీసుకురాలేదని అత్త, ఆడపడుచు మానసికంగా వేధించారని తెలిపింది. అంతేకాదు పెళ్లయిన 45 రోజులకే (జూలై 14, 2023) ఆమెను అత్తవారింటి నుంచి వెళ్లగొట్టారు. సమస్యను పరిష్కరించడానికి వచ్చిన ఆమె తండ్రిని కూడా అవమానించినట్లు తెలిపారు. ఈ నేపథ్యంలో బాధితురాలు, ఆమె కుటుంబ సభ్యులు స్థానిక పోలీసు స్టేషన్లలో ఫిర్యాదు చేయడానికి పలుమార్లు ప్రయత్నించినప్పటికీ పోలీసులు పట్టించుకోలేదని ఆరోపించింది. ఇప్పటికీ కట్నంగా ఇచ్చిన వస్తువులను తిరిగి ఇవ్వలేదని, తన భర్త ఇంకా తనకు బెదిరింపు సందేశాలు పంపుతూనే ఉన్నాడని కూడా ఆమె ఆరోపించింది.ఇదీ చదవండి: 24 గంటల్లో 1.6 లక్షల ఫాలోవర్స్‌ : సీజేపీ తరహాలో డీజేపీ సంచలనంమొత్తానికి గోరఖ్‌పూర్ సీనియర్ సూపరింటెండెంట్ ఆఫ్ పోలీస్ డాక్టర్ కౌస్తుభ్ జోక్యంతో ఎట్టకేలకు ఆగస్టు 15న భర్త, అత్త మరియు ఆడపడుచుపై FIR నమోదు చేశారు. మిశ్రా, అతని తల్లి సంజు మిశ్రా సోదరి నేహా పాండేలపై సదరు మహిళ చేసిన ఫిర్యాదు మేరకు ఆగస్టు 15న ఎఫ్‌ఐఆర్ (FIR) నమోదు చేసినట్లు రామ్‌ఘర్‌తాల్ ఎస్‌హెచ్‌ఓ శ్యామ నంద్ రాయ్ తెలిపారు. విచారణలో సేకరించిన సాక్ష్యాధారాల ఆధారంగా తదుపరి చర్యలు తీసుకుంటామని పోలీసులు పేర్కొన్నారు.ఇదీ చదవండి: ఎగ్జామ్‌ స్కాంలపై మోదీ సర్కార్‌కు బాబా రామ్‌దేవ్ హెచ్చరిక

ఖర్గోన్: మధ్యప్రదేశ్‌లోని ఖర్గోన్ జిల్లాలో అనుమానాస్పద స్థితిలో మృతి చెందిన నీలోఫర్ అనే వివాహిత ఉదంతం సంచలనం సృష్టిస్తున్నది. మోహన్ టాకీస్ ప్రాంతానికి చెందిన నీలోఫర్ శనివారం మధ్యాహ్నం యాసిడ్ తాగినట్లు తెలుస్తోంది. కుటుంబ సభ్యులు ఆమెను చికిత్స నిమిత్తం ఇండోర్ ఆసుపత్రికి తరలిస్తుండగా మార్గం మధ్యలోనే ఆమె ప్రాణాలు కోల్పోయింది. అయితే ఎలాంటి పోస్ట్ మార్టం నిర్వహించకుండానే అత్తమామలు మృతదేహాన్ని ఖననం చేశారని పుట్టింటి వారు పోలీసులకు ఫిర్యాదు చేశారు.ఎస్డీఎం, తహశీల్దార్ ఆదేశాలతో ఘటన జరిగిన మరుసటి రోజే అధికారులు రంగంలోకి దిగారు. సమాధి నుంచి నీలోఫర్ మృతదేహాన్ని వెలికితీసి, తహశీల్దార్ సమక్షంలో పంచనామా పూర్తి చేశారు. అనంతరం పోస్ట్ మార్టం నిమిత్తం మృతదేహాన్ని జిల్లా ఆసుపత్రికి తరలించారు. పోలీసులు ఈ ఘటనపై సమగ్ర దర్యాప్తు ప్రారంభించారు. కోత్వాల సబ్ ఇన్‌స్పెక్టర్‌ రాజేంద్ర సిర్సాఠ్ మాట్లాడుతూ, అధికారుల సమక్షంలో మృతదేహాన్ని వెలికితీసి వైద్య పరీక్షల కోసం పంపామని తెలిపారు. మరణానికి గల కారణాలు పోస్ట్ మార్టం నివేదికలో వెల్లడవుతాయని అధికారులు తెలిపారు. ఈ ఘటన స్థానికంగా కలకలం రేపింది.ఇది కూడా చదవండి: పాక్ స్వాతంత్ర్య వేడుకల్లో భారత దేశభక్తి పాట.. రఫ్ఫాడిస్తున్న నెటిజన్లు!

ఈ రోజుల్లో కార్పొరేట్ జాబ్ చేసే చాలామంది ఏదైనా సొంతంగా స్టార్ట్ చేయాలని ఉద్యోగానికి రాజీనామా చేస్తుంటారు. ఇలాంటి కోవకు చెందిన ఒక మహిళ.. తాను ఎందుకు 9-5 ఉద్యోగాన్ని వదిలేసిందో వెల్లడించింది. దీనికి సంబంధించిన ఒక వీడియో కూడా సోషల్ మీడియాలో వైరల్ అవుతోంది.డిజిటల్ క్రియేటర్ అయిన అర్పిత సాహు, ఇన్‌స్టాగ్రామ్ వీడియోలో.. చిన్నప్పటి నుంచి బాగా చదవాలి, మంచి డిగ్రీ తెచ్చుకోవాలి, మంచి ఉద్యోగం సంపాదించాలి, బాగా డబ్బు సంపాదిస్తూ బాధ్యతగా జీవించాలి అనే ఆలోచనతోనే ముందుకు సాగింది. కానీ.. కొంతకాలంగా తాను కోరుకునే జీవితం ఇదేనా అనే ప్రశ్న ఆమెను వెంటాడిందట. దీంతో ఇక తన కోసం కొంత సమయం కేటాయించుకోవాలని నిర్ణయించుకుంది.ఉద్యోగం వదిలేయడం అంత ఈజీగా ఏమీ అనిపించలేదని అర్పితా వెల్లడించింది. స్థిరమైన ఉద్యోగాన్ని వదిలిన తర్వాత ఏం జరుగుతుందో తెలియక కొంత భయంగా ఉందని, అదే సమయంలో కొత్త జీవితాన్ని మొదలుపెట్టబోతున్నాననే ఉత్సాహం కూడా ఉందని తెలిపింది. ఇన్నాళ్లూ ఇతరులు తన నుంచి ఏం ఆశించారో అదే చేస్తూ వచ్చానని, ఇప్పుడు మాత్రం తన మనసు ఏం కోరుకుంటుందో తెలుసుకోవడానికి తనకు తానే ఒక అవకాశం ఇచ్చుకున్నానని చెప్పింది.అర్పితా నిర్ణయంపై సోషల్ మీడియాలో చాలామంది స్పందించారు. కొందరు మాత్రం ఉద్యోగం వదిలేయడం వల్ల ఆర్థికంగా ఇబ్బందులు రావచ్చని, కెరీర్‌లో గ్యాప్‌ ఏర్పడుతుందని ఆందోళన వ్యక్తం చేశారు. కానీ.. ఎక్కువ మంది మాత్రం ఆమె తీసుకున్న నిర్ణయాన్ని అభినందించారు. తన మానసిక ప్రశాంతత, వ్యక్తిగత ఎదుగుదలకు ప్రాధాన్యం ఇస్తూ ఇంత పెద్ద నిర్ణయం తీసుకోవడం ధైర్యమైన విషయమని పలువురు కామెంట్లు చేశారు. View this post on Instagram A post shared by Arpita Sahu | Travel • Fitness • Real Talk (@fit_wandererrr)

ముందస్తు సమాచారం ఇవ్వకుడానే విమానం రద్దు కావడంతో తీవ్ర ఆగ్రహానికి గురైన మహిళా ప్రయాణికురాలు గ్రౌండ్‌స్టాప్‌తో గొడవకు దిగిన ఘటన నెట్టింట వైరల్‌గా మారింది. బిడ్డ అనారోగ్యం కారణంగా ఆమె అత్యవసరంగా విమానంలో వెళ్లాలని ప్లాన్‌ చేసుకున్నారు. తీరా ఫ్లైట్ క్యాన్సిల్‌ కావడంతో ఆమె ఆవేదన గురైంది. ఒడిశాలోని భువనేశ్వర్‌ ఎయిర్‌పోర్టులో ఈ ఘటన చోటు చేసుకుంది.ఆగస్టు 13న భువనేశ్వర్ నుండి కోల్‌కతా వెళ్లాల్సిన ఇండిగో విమానం (6E 7352) సాంకేతిక లోపం వల్ల రద్దయింది. ఫ్లైట్ క్యాన్సిలేషన్‌తో తీవ్ర నిరాశకు గురైన ఒక మహిళా ప్రయాణికురాలు విమానాశ్రయంలోని లగేజీ బెల్ట్‌పైకి ఎక్కి మరీ గొడవ చేయడం వివాదానికి దారి తీసింది. ఇండిగో సిబ్బంది డెస్క్‌పై ఉన్న పేపర్లు, డాక్యుమెంట్లను విసిరికొడుతూ సిబ్బందిపై విరుచుకుపడింది. విమానంలో ప్రయాణించాల్సిన ఆ మహిళ బిడ్డ అనారోగ్యంతో ఉన్నాడని, ("ఇన్ కా బచ్చా బిమార్ హై") అందుకే ఆమె అంత ఆందోళన చెందిందని అక్కడ ఉన్న తోటి ప్రయాణికులు చెప్పారు. తోటి ప్రయాణికులు నీళ్లు ఇచ్చి ఆమెను శాంతపరిచేందుకు ప్రయత్నించినప్పటికీ ఫలితం దక్కలేదు. చివరికి సీఐఎస్‌ఎఫ్ (CISF) సిబ్బంది జోక్యం చేసుకుని, మీరు ఎయిర్‌పోర్ట్ ఆస్తికి నష్టం కలిగిస్తున్నారంటూ హెచ్చరించి పరిస్థితిని అదుపులోకి తెచ్చారు.🚨Woman travelling with her sick child creates ruckus at Bhubaneswar Airport after IndiGo cancelled the Kolkata-bound flight over technical glitch without updates pic.twitter.com/nfXZ8NC40F— The Tatva (@thetatvaindia) August 14, 2026 ఈ ఘటనకు సంబంధించిన వీడియో నెట్టింట వైరల్ కావడంతో నెటిజన్లు మిశ్రమంగా స్పందించారు. గంటల తరబడి వేచి చూసిన తర్వాత సమాచారం సరిగ్గా ఇవ్వకుండా ఫ్లైట్ క్యాన్సిల్ చేయడం వల్ల ప్రయాణికులు తీవ్ర ఇబ్బందులు పడ్డారని మరికొందరు ఇండిగోను తప్పుపట్టారు. ఆమె ప్రవర్తన తప్పే అయినప్పటికీ ఆమె కోపానికి కారణాన్ని, మానసిక స్థితిని కూడా అర్థం చేసుకోవాలని కొందరు కోరారు.మరోవైపు విమానాలు రద్దయితే గ్రౌండ్ స్టాఫ్‌పై ప్రతాపం చూపడం సరికాదని, వారు కేవలం విధి నిర్వహణలో ఉంటారని నెటిజన్లు పేర్కొన్నారు. ప్రతి ఒక్కరూ గౌరవంగా వ్యవహరించాలని హితవు పలికారు.ఎయిర్‌పోర్ట్ ఆస్తిని పాడుచేసినందుకు మరియు భద్రతా నిబంధనలు ఉల్లంఘించినందుకు ఆమెను 'నో-ఫ్లై లిస్ట్' (విమాన ప్రయాణాల నుంచి నిషేధం)లో పెట్టాలని కొందరు డిమాండ్ చేశారు.ఇండిగో స్పందనఈ ఘటనపై ఇండిగో సంస్థ స్పందిస్తూ ప్రకటన విడుదల చేసింది."ప్రీ-డిపార్చర్ తనిఖీలలో సాంకేతిక లోపం గుర్తించడం వల్ల సురక్షిత చర్యల్లో భాగంగా విమానాన్ని రద్దు చేయాల్సి వచ్చింది. ప్రయాణికులకు ఆహారం, బస (అకామడేషన్), ప్రత్యామ్నాయ ప్రయాణ సౌకర్యాలు లేదా పూర్తి రీఫండ్ వంటి సౌకర్యాలు కల్పించాం. విమానాశ్రయం ఆస్తికి నష్టం కలిగించి నియమాలు ఉల్లంఘించిన సదరు మహిళను 'అన్‌రూలీ ప్యాసింజర్' (Unruly Passenger) గా గుర్తించి నిబంధనల ప్రకారం భద్రతా సంస్థలకు అప్పగించామని తెలిపింది.

సాక్షి, చిత్తూరు: చిత్తూరు నియోజకవర్గం టీడీపీ మహిళా విభాగం నేత దమయంతి లీలావతి తనను వేధింపులకు గురిచేసిందంటూ ముంబైకు చెందిన ఫ్యాషన్‌ డిజైనర్‌‌ అనురూప ఆరోపణలు సోషల్‌ మీడియాలో వైరల్‌గా మారాయి. బెంగళూరులో పనిచేస్తున్న సమయంలో ఎక్కువ జీతం ఇస్తామని చిత్తూరుకు పిలిచారన్న అనురూప.. డిజైనింగ్‌ పనులతో​ పాటు ఇంటి, వంట పనులు చేయించారని ఆరోపించారు. చిత్తూరులో ఆకృతి బోటిక్ నిర్వహిస్తున్న లీలావతి.. అన్ని వసతి సౌకర్యాలు కల్పిస్తామని తీసుకువచ్చి.. జీతం చెల్లించకుండా మానసిక వేధింపులకు గురిచేశారని ఆమె ఆవేదన వ్యక్తం చేశారు. లీలావతి, ఆమె కుమారుడు అనుష్‌ చౌదరి టార్చర్‌ చేశారంటూ.. కన్నీటి పర్యంతమైన అనురూప వీడియో కలకలం రేపుతోంది.

బిహార్‌లో జరిగిన దారుణ ఘటన దిగ్బ్రాంతి రేపింది. ఛోటీ కుమారి అనే వివాహితను ఆమె ప్రియుడు రిషభ్‌ కుమార్‌ దారుణంగా హత్య చేసి, శవాన్ని సూట్‌కేసులో దాచిపెట్టిన ఘటన దేశవ్యాప్తంగా తీవ్ర కలకలం రేపింది. రెండేళ్ల క్రితం భర్తను వదిలి లవర్‌తో పారిపోయి, చివరికి అతని చేతిలో దారుణంగా హత్యకు గురైన ఘటన ఆలస్యంగా వెలుగులోకి వచ్చింది.బిహార్‌లోని నవాడా జిల్లాకు చెందిన ఛోటీ కుమారికి ఇదివరకే వివా మైంది. అయితే, తన గ్రామానికి చెందిన ప్రేమికుడు రిషభ్ కుమార్ సింగ్‌తో కలిసి దద్రా అండ్ నగర్ హవేలీలోని సిల్వాస్సాకు పారిపోయి పెళ్లి చేసుకుంది. వీరి వివాహాన్ని ఇరు కుటుంబాలు వ్యతిరేకించాయి. దీంతో రిషభ్‌పై కిడ్నాపింగ్ కేసే నమోదైంది.మరోవైపు పెళ్లయిన తర్వాత తమ సొంత ఊరికి తిరిగి వెళ్దామని ఛోటీ పదేపదే కోరడంతో ఇద్దరి మధ్య తరచూ గొడవలు జరిగేవి. ఈ క్రమంలో జూన్ 9న జరిగిన తీవ్ర వాగ్వాదం తర్వాత, రిషభ్ కోపంతో ఛోటీని గొంతు నులిమి హత్య చేశాడు. బాడీని సూట్‌కేస్‌లో కుక్కి అక్కడినుంచి పారిపోయాడు. అయితే ఆగస్టు 3న గది యజమాని వేరే వారికి అద్దెకు ఇవ్వడం కోసం తాళం పగులగొట్టి చూడగా, బాత్‌రూమ్‌లో ఉన్న సూట్‌కేస్ నుండి తీవ్ర దుర్వాసన రావడంతో ఈ దారుణం వెలుగులోకి వచ్చింది.ఈ ఘటనపై కేసు నమోదు చేసిన పోలీసులు దర్యాప్తు మొదలు పెట్టారు. పక్కా సమాచారంతో పోలీసులు దాడి చేసి, నిందితుడిని అరెస్ట్ చేశారు. పోలీసుల సమాచారం ప్రకారం హత్య తర్వాత వారణాసికి పారిపోయిన రిషభ్, తన పేరు మార్చుకుని ఒక ప్రైవేట్ కంపెనీలో కూలీగా పనిచేస్తున్నాడు.

టొరంటో: కెనడాలోని టొరంటోలో గత డిసెంబర్‌లో జరిగిన భారత సంతతికి చెందిన హిమాన్షీ ఖురానా (30) హత్య కేసులో ప్రధాన నిందితుడు, ఆమె భాగస్వామి అబ్దుల్ గఫూరీ (32)ని పోలీసులు అరెస్టు చేశారు. డిసెంబర్ 20, 2025న ఈ హత్య జరిగినప్పటి నుండి పరారీలో ఉన్న గఫూరీని, ఆగస్టు 7న టొరంటో విమానాశ్రయంలో అదుపులోకి తీసుకున్నట్లు టొరంటో పోలీసులు శనివారం ప్రకటించారు. ఇద్దరి మధ్య సన్నిహిత సంబంధం ఉందని దర్యాప్తులో తేలింది.నిందితుడిపై ఫస్ట్ డిగ్రీ హత్య కేసు నమోదు చేశారు. నేరం రుజువైతే అతనికి పెరోల్ లేని జీవిత ఖైదు పడే అవకాశం ఉంది. డిసెంబర్ 19న హిమాన్షీ కనిపించడం లేదని వచ్చిన ఫిర్యాదు మేరకు పోలీసులు గాలింపు చేపట్టగా, మరుసటి రోజు ఉదయం ఆమె మృతదేహం ఆమె ఇంట్లోనే లభ్యమైంది. టొరంటోలోని భారత కాన్సులేట్ ఈ ఘటనపై తీవ్ర దిగ్భ్రాంతి వ్యక్తం చేస్తూ, మృతురాలి కుటుంబానికి అన్ని విధాలా సహకారం అందిస్తామని ప్రకటించింది. నిందితుడు విదేశాలకు పారిపోయినప్పటికీ, అంతర్జాతీయ పోలీసు ఏజెన్సీల సహకారంతో అతడిని కెనడాకు రప్పించి, అరెస్టు చేసినట్లు అధికారులు వెల్లడించారు.ఇది కూడా చదవండి: బ్రెజిల్‌లో విషాదం: హెలికాప్టర్ కూలి నలుగురు మృతి!

పెనమలూరు(కృష్ణా జిల్లా): ఏపీలో మరో కీచక పర్వం వెలుగు చూసింది. ఓ వివాహిత పట్ల హెడ్‌ కానిస్టేబుల్‌ అసభ్యంగా ప్రవర్తించిన ఘటన చోటు చేసుకుంది. ఓ బాధిత వివాహిత ఫిర్యాదు చేయడానికి పీఎస్‌కు వస్తే హెడ్‌ కానిస్టేబుల్‌ ఆమెను వేధింపులకు గురి చేసిన ఘటన తాజాగా వెలుగుచూసింది. కృష్ణా జిల్లాలోని పెనమలూరు పీఎస్‌లో ఈ ఘటన చోటు చేసుకుంది. హెడ్‌ కానిస్టేబుల్‌గా విధులు నిర్వర్తిస్తున్న అరిసె శ్రీనివాసరావు.. ఓ వివాహిత పట్ల అసభ్యంగా ప్రవర్తించాడు. తన భర్త పట్టించుకోకపోవడంతో పెనమలూరు పీఎస్‌ను ఆశ్రయించింది ఓ మహిళ. న్యాయం కోసం వెళ్లిన బాధితురాలిని హెడ్ కానిస్టేబుల్ వేధింపులకు గురి చేశాడు. సాయం పేరుతో వివాహితకు పదే పదే ఫోన్‌ చేసి వేధించాడు. అర్థరాత్రి ఫోన్‌ కాల్స్‌ చేసి మరీ వేధించాడు. హబీస్‌ ఏంటని అంటూ కుశల ప్రశ్నలతో ట్రాప్‌ చేసేందుకు యత్నించాడని, ఇంటి లోకేష్‌ పట్టాలంటూ ఫోన్‌ కాల్స్‌లో వేధించ సాగాడు. వాట్సాప్‌ కాల్‌లో బాధిత వివాహితతో అసభ్యంగా మాట్లాడుతూ వేధించాడు.

పెనమలూరు/కోనేరుసెంటర్‌: పోలీస్‌ శాఖలో వెట్టిచాకిరీ వ్యవహారంపై తీవ్ర చర్చకు దారితీసిన అంశమిది. పెనమలూరు పోలీస్‌స్టేషన్‌లో హోంగార్డుగా పని చేసిన రూపకళ గురువారం యనమలకుదురులో మీడియాతో మాట్లాడుతూ వెట్టిచాకిరీ చేయడానికి నిరాకరించానని తనను సస్పెండ్‌ చేసినట్లు తెలిపారు. ‘భర్త మృతి చెందటంతో నాకు హోంగార్డు పోస్టు ఇచ్చారు. గన్నవరం డివిజన్‌ పెనమలూరు పీఎస్‌లో నాలుగు సంవత్సరాలుగా పనిచేస్తున్నాను. గత నెల 14వ తేదీన హోంగార్డు కార్యాలయం నుంచి సాల్‌మన్‌ అనే కానిస్టేబుల్‌ ఫోన్‌ చేసి ట్రైనింగ్‌ ఉందని రమ్మని చెప్పడంతో 15వ తేదీన వెళ్లి కలిశాను. మాచవరంలో ఐజీ ఉంటారని అక్కడ పని చేయాలని ఈ సందర్భంగా ఆదేశించారు. అనారోగ్యంతో ఉన్నానని వెళ్లలేనని చెప్పాను. దీనిని మనసులో పెట్టుకుని అప్పటి నుంచి నిన్నటి వరకూ ప్రతిరోజూ మచిలీపట్నం తిప్పారు. ఉదయం నుంచి సాయంత్రం వరకూ అక్కడ గడ్డి పీకించారు. ఆర్‌ఐని కలిసి నాకు ఆరోగ్యం బాగాలేదని మెడికల్‌ డాక్యుమెంట్లు చూపాను. ఆర్‌ఐ న్యాయం చేయకపోవటంతో గన్నవరం సర్కిల్‌లో హోంగార్డు విధులు పర్యవేక్షించే గుప్తాను కలిశాను. సొమ్ము ఇస్తే పనులు అవుతాయని గుప్తా చెప్పారు. నా నెల జీతం రూ.20 వేలేనని, సొమ్ము ఇవ్వలేనని చెప్పాను. దీంతో అక్కడి నుంచి నన్ను పంపించేశారు.ఉద్యోగం పీకేస్తానని ఎస్పీ బెదిరించారున్యాయం కోసం ఎస్పీని కలిసాను. ఆయన కూడా సీ క్యాటగిరీలో ఉన్న వారు ఇళ్లల్లోనే పని చేయాలని చెప్పారు. తన అర్హతను చూసి పోలీస్‌స్టేషన్‌కు కేటాయించారని, తన పరిస్థితి అర్థం చేసుకొని న్యాయం చేయాలని కోరితే ఉద్యోగం పీకేస్తానని బెదిరించారు. ఈ క్రమంలో బుధవారం హోంగార్డ్‌ ఆఫీసులో నాకు ఒక పేపర్‌ ఇచ్చి, అందులో ఏముందో కూడా చదువుకునే అవకాశం లేకుండా సంతకం చేయించుకున్నారు. తర్వాత సస్పెన్షన్‌ ఆర్డర్‌ చేతిలో పెట్టారు. ఆదేశించిన మేరకు ట్రైనింగ్‌కు హాజరు కాలేదని ఆరోపించారు’ అని కన్నీంటి పర్యంతమయ్యారు. అధికారుల ఇళ్లల్లో పని చేయాలంటే వ్యక్తిగత పనులు, వెట్టి చాకిరి చేయాల్సిందేనని రూపకళ ఈ సందర్భంగా వివరించారు. ‘పిల్లలతో కాలకృత్యాలు తీర్పించి వారికి స్నానాలు చేయించాలి. బాత్‌ రూమ్‌లు కడగాలి. వృద్ధులు ఉంటే డైపర్లు మార్చాలి. వంట చేయాలి’ అని ఆవేదన వ్యక్తం చేశారు.చేయాల్సిందే..మహిళా హోంగార్డు చేసిన ఆరోపణలను కృష్ణా జిల్లా పోలీసు శాఖ ఓ ప్రకటనలో ఖండించింది. సి–కేటగిరికి ఎంపికై న హోంగార్డులు గార్డెనింగ్‌, టైలరింగ్‌, శానిటేషన్‌ తదితర విధులను నిర్వర్తించాల్సి ఉంటుందని, పోలీస్‌స్టేషన్‌లలో మాత్రమే పనిచేస్తానని భీష్మిస్తే కుదరదని పేర్కొంది.

హైదరాబాద్: లోయర్‌ ట్యాంక్‌బండ్‌ గోశాల వద్ద ఓ యువతి మృతదేహాన్ని గుర్తు తెలియని వ్యక్తులు తగులబెట్టిన ఘటన కలకలం రేపింది. యువతిని హత్యచేసి.. మృతదేహాన్ని ఇక్కడికి తీసుకొచ్చి తగులబెట్టారా? లేక ఇక్కడే హత్య చేసి చెత్తకుప్పలో వేసి నిప్పంటించారా? అనేదానిపై అనుమానాలు వ్యక్తమవుతున్నాయి. బుధవారం అర్ధరాత్రి తర్వాత ఈ ఘటన చోటుచేసుకుందని పోలీసులు చెబుతున్నారు.సీఐ అంజద్‌ అలీ, స్థానికులు చెప్పిన వివరాలు ఇలా ఉన్నాయి. లోయర్‌ ట్యాంక్‌బండ్‌లోని గోశాల వద్ద డీబీఆర్‌ మిల్స్‌ గేట్‌ సమీపంలోని చెత్త కుప్పల్లో గుర్తు తెలియని వ్యక్తులు ఓ యువతి మృతదేహానికి నిప్పంటించి పరారీ అయినట్లు దోమలగూడ పోలీసులకు సమాచారం అందడంతో వారు ఘటనా స్థలానికి చేరుకొని ఫైరింజిన్‌ సహకారంతో మంటలుఆర్పివేశారు. మంటల్లో సుమారు 30 ఏళ్ల వయసు యువతి కాలిపోయినట్లు కనుగొన్నారు. నిత్యం రద్దీగా ఉండే ప్రాంతంలో ఈ దారుణం జరగడంతో స్థానికులు తీవ్ర భయాందోళనకు గురవుతున్నారు. ఇక్కడ అక్రమంగా పార్కింగ్‌ చేసిన వాహనాలను తొలగించి సీసీ కెమెరాలను ఏర్పాటు చేయాలని స్థానికులు కోరుతున్నారు.

ఖమ్మం రూరల్‌: ప్రియుడి మోజులో కట్టుకున్న భర్తను కడతేర్చాలని చూసింది ఓ భార్య. ఈ విషయాన్ని గ్రహించిన భర్త పోలీసులను ఆశ్రయించగా, భార్య, ఆమె ప్రియుడిపై కేసు నమోదైంది. వివరాలు ఇలా ఉన్నాయి. మహబూబాబాద్‌ జిల్లా డోర్నకల్‌ మండలం చిలుకోడుకు చెందిన గాదె రాజేశ్వరరావుకు సూర్యాపేట జిల్లా మోతే మండలం రాఘవాపురం గ్రామానికి చెందిన భవానితో 2016లో వివాహమైంది. వీరికి ఇద్దరు కూతుళ్లు. ఖమ్మం జిల్లా ఏదులాపురం మున్సిపాలిటీ పరిధి నాయుడుపేటలోని అద్దె ఇంట్లో ఉంటూ ఖమ్మంలోని ప్రైవేట్‌ హాస్పిటల్‌లో రాజేశ్వరరావు పని చేస్తున్నాడు.రెండు నెలల క్రితం సాయిప్రభాత్‌నగర్‌లోని అద్దె ఇంటికి మారారు. అయితే భవాని ప్రవర్తనలో మార్పు వచి్చంది. రాజేశ్వరరావుకు దూరంగా ఉంటూ పిల్లలను సరిగా చూసుకోవడంలేదు. జూలై 27న ఆస్పత్రి నుంచి రాజేశ్వరరావు మధ్యాహ్న భోజనానికి వచ్చేసరికి ఇంటి తలుపులు వేసి ఉన్నాయి. కిటికీలో నుంచి చూడగా, ఆమె మరో వ్యక్తితో చనువుగా కనిపించింది. దీంతో రాజేశ్వరరావు అరవడంతో ఆమె తలుపు తీయగానే సదరు వ్యక్తి పారిపోయాడు. ఎవరని అడిగితే తనకు తెలియదంటూ భర్తతో గొడవకు దిగింది.ఈ విషయాన్ని ఆయన తన బంధువులకు చెప్పగా చిలుకోడులో పంచాయతీ పెడతామని చెప్పారు. ఈనెల 28న ఇద్దరు పిల్లలను చిలుకోడులో దిగబెట్టాక, పెరుమాండ్ల సంకీసలో ఉన్న సోదరుడిని తీసుకొచ్చేందుకు బైక్‌పై బయలుదేరాడు. అయితే, ఓ వ్యక్తి తనను అనుసరిస్తుండడంతో పరిశీలించగా తన భార్యతో సన్నిహితంగా ఉన్న వ్యక్తిగా గుర్తించి నిలదీస్తుండగా పారిపోయాడు. చంపేయ్‌ అంటూ చాటింగ్‌ అక్కడి నుంచి చిలుకోడు వెళ్లిన రాజేశ్వరరావు తన భార్య భవాని సెల్‌ఫోన్‌లో ఇన్‌స్ట్రాగాం, వాట్సాప్‌ పరిశీలించగా ‘నా భర్తకు వేరే వ్యక్తితో యాక్సిడెంట్‌ చేయించాకే కనిపించు. వాడు మళ్లీ బతకకూడదు, వేరే వ్యక్తి అయితేనే మనపై అనుమానం రాదు’అంటూ పంపించిన మెసేజ్‌లు ఉన్నాయి. అవి ఎవరికి పంపిందోనని నంబర్‌ పరిశీలిస్తే ఖమ్మంలో కొరియర్‌ బాయ్‌గా పని చేసే పురిమెట్ల సైదులుగా తేలింది. ఆయనది కూడా భవాని స్వగ్రామమైన రాఘవాపురం అని తెలిసింది. ఈమేరకు తొలుత రాజేశ్వరరావు డోర్నకల్‌ పోలీసులకు ఫిర్యాదు చేయగా.. వారు జీరో ఎఫ్‌ఐఆర్‌ నమోదు చేసి ఖమ్మం రూరల్‌ స్టేషన్‌కు బదలాయించారు. మరోమారు ఖమ్మం రూరల్‌లో కూడా ఆయన ఇచ్చిన ఫిర్యాదుతో శుక్రవారం భవాని, సైదులుపై కేసు నమోదు చేసినట్లు సీఐ ముష్క రాజు తెలిపారు.

సాక్షి, బెంగళూరు : క్యాబ్‌ సేవల సంస్థ ర్యాపిడోపై ఒక మహిళ ఆరోపణలు సంచలనం రేపుతున్నాయి. బెంగళూరుకు చెందిన 32 ఏళ్ల శని కృష్ణ అనే మహిళకు ర్యాపిడో బైక్ ప్రయాణం పీడకలగా మారింది. తీవ్ర గాయాలతో ప్రాణాపాయ స్థితినుంచి బైటపడింది. దీనికి సంబంధించిన వివరాలను ఇన్‌స్టాలోపోస్ట్‌ చేయడంతో వైరల్‌గా మారాయి. చివరికి దీనిపై కంపెనీ స్పందించింది.జూన్ 17న శని కృష్ణ ఆఫీసుకు వెళ్లడానికి ర్యాపిడో బైక్ బుక్ చేసుకున్నారు. బాగ్మానే టెక్ పార్క్ వద్ద రైడర్ ఒక ట్రాక్టర్‌ను ఓవర్‌టేక్ చేయడానికి ప్రయత్నించడంతో బైక్ నియంత్రణ కోల్పోయింది. రోడ్డుపై పడిపోయిన ఆమెపై నుంచి ట్రాక్టర్ వెళ్లడంతో తీవ్రంగా గాయపడ్డారు. ఈ ప్రమాదంలో ఆమె ముఖానికి తీవ్ర గాయాలయ్యాయి, కాలేయం దెబ్బతింది, 9 పక్కటెముకలు విరిగాయి, ఊపిరితిత్తులు దెబ్బతినడంతో పాటు ప్లీహం (Spleen) తొలగించాల్సి వచ్చింది. మెరుగైన వైద్యం కోసం ఆమెను కేరళలోని ఆసుపత్రికి తరలించారు. ఈ తీవ్ర ప్రమాదంలో ఆమె ప్రాణాపాయ స్థితికి చేరుకోగా, ఆసుపత్రి ఖర్చులు రూ. 20 లక్షలు దాటాయని, అయితే రాపిడో సంస్థ తనకు ఎలాంటి సహాయం అందించలేదని ఆమె ఆరోపించారు.రూ. 20 లక్షల ఖర్చుఅత్యవసర శస్త్రచికిత్సలు, వైద్య ఖర్చుల నిమిత్తం ఇప్పటివరకు రూ. 20 లక్షలకు పైగా ఖర్చయిందని, ఇది తమ కుటుంబంపై తీవ్ర ఆర్థిక భారంగా మారిందని ఆమె ఇన్‌స్టాగ్రామ్‌లో షేర్‌ చేసిన వీడియో ద్వారా ఆవేదన వ్యక్తం చేశారు.ర్యాపిడోపై ఆరోపణలుమహిళల భద్రతకు ప్రాధాన్యత ఇస్తున్నామని ప్రకటనలు ఇచ్చే రాపిడో, ప్రమాదం జరిగాక తనను పట్టించుకోలేదని శని కృష్ణ ఆరోపించారు. న్యాయపరమైన నోటీసులు పంపినప్పటికీ, ఇన్సూరెన్స్ క్లెయిమ్ ప్రాసెస్ చూసుకోమంటూ కేవలం ఆటోమేటెడ్ ఇమెయిళ్ళు మాత్రమే పంపారని తెలిపారు. ఈ విషయమై తాను వినియోగదారుల కోర్టును (Consumer Court) ఆశ్రయించనున్నట్లు తెలిపారు.ఇదీ చదవండి: ఢిల్లీ అమ్మాయి, జాంబియా సుప్రీంకోర్టు తొలి మహిళా జడ్జ్‌గా ఘనత View this post on Instagram A post shared by Sani Krishna (@sani_krishna) ఇదీ చదవండి: అర్ధరాత్రి దాకా క్యాబ్ డ్రైవింగ్‌, రూ. 20 లక్షల నష్టం, ఇపుడు రూ. కోట్ల కంపెనీర్యాపిడో స్పందన:శని కృష్ణ ఇన్‌స్టాగ్రామ్ వీడియోపై రాపిడో సంస్థ స్పందిస్తూ, తాము బాధితురాలితో సంప్రదింపుల్లో ఉన్నామని, ఈ ఘటనపై పూర్తి స్థాయి విచారణ జరపడానికి కొంత సమయం కావాలని కోరింది.ఇదీ చదవండి: 'జెన్ జీ' పై ఎంపీ కంగనా రనౌత్ యూటర్న్‌: ఆసక్తికర వ్యాఖ్యలు

కేంద్రపారా: ఒడిశాలోని కేంద్రపారా జిల్లాలో తీవ్ర విషాదం చోటుచేసుకుంది. పట్టముండై బ్లాక్ పరిధిలోని దామోదర్ పట్నా గ్రామంలో మొసలి దాడిలో ఒక మహిళ ప్రాణాలు కోల్పోయినట్లు తెలుస్తోంది. ఈ ఘటన ఆ ప్రాంతంలో తీవ్ర భయాందోళనలను రేకెత్తించింది. నదీతీర ప్రాంతాలలో పెరుగుతున్న మొసళ్ల ముప్పుపై స్థానికుల్లో ఆందోళన పెరిగింది. గతంలోనూ ఇలాంటి ఘటనల్లో పలువురు ప్రాణాలు కోల్పోయినట్లు ఆధారాలున్నాయి.మీడియాకు అందిన వివరాల ప్రకారం.. అళపువ పంచాయతీ పరిధిలోని దామోదర్ పట్నా గ్రామానికి చెందిన సుచిత్రా దాస్ సోమవారం ఉదయం కాలకృత్యాలు తీర్చుకునేందుకు నదీతీరానికి వెళ్లారు. ఎంతకీ ఆమె ఇంటికి తిరిగి రాకపోవడంతో కుటుంబ సభ్యులు, గ్రామస్తులు ఆందోళనతో పరిసర ప్రాంతాల్లో గాలించారు. నది ఒడ్డున ఆమెకు సంబంధించిన వస్తువులు లభించడంతో.. ఆమెను ఏదైనా మొసలి నీళ్లలోకి లాగికెళ్లి ఉంటుందనే తీవ్ర అనుమానం వ్యక్తమైంది.సమాచారం అందుకున్న వెంటనే అగ్నిమాపక సిబ్బంది సంఘటనా స్థలానికి చేరుకుని, నదిలో గాలింపు చర్యలు చేపట్టారు. సుచిత్రా దాస్‌ ఆచూకీ కోసం బోట్లు, ప్రత్యేక పరికరాల సహాయంతో సహాయక చర్యలు ముమ్మరంగా కొనసాగుతున్నాయి. ఈ ఘటన గ్రామస్తులను తీవ్ర దిగ్భ్రాంతికి గురిచేసింది. వంటమనిషిగా పనిచేస్తూ జీవనం సాగిస్తున్న సుచిత్రా దాస్‌.. తన కుటుంబ పోషణకు ఏకైక ఆధారం కావడంతో, ఆమె కుటుంబ సభ్యుల రోదనలు మిన్నంటాయి. నదీతీర ప్రాంత ప్రజలు అప్రమత్తంగా ఉండాలని అధికారులు సూచిస్తున్నారు.ఇది కూడా చదవండి: కర్ణాటక మంత్రివర్గంలో కీలక మార్పులు.. కొత్త మంత్రులు వీరే!

సాక్షి, విజయవాడ: ఇంద్రకీలాద్రి అమ్మ వారి ఆలయంలో మరోసారి భద్రతా లోపం బయటపడింది. పెద్ద రాజగోపురం వద్ద రీల్స్ చేసి ఇన్‌స్టాగ్రామ్‌లో ఓ మహిళ పోస్ట్‌ చేసింది. సెల్‌ఫోన్‌పై నిషేధం ఉన్నా కొందరు దర్జాగా రీల్స్ చేయడంపై విమర్శలు వ్యక్తమవుతున్నాయి. దుర్గ గుడి చైర్మన్ బొర్రా రాధాకృష్ణ కార్యాలయం ఎదురుగా రీల్స్ చేస్తున్నా గుర్తించకుండా చోద్యం చూస్తున్నారంటూ భక్తులు మండిపడుతున్నారు.గతంలోనూ కొందరు పలుమార్లు అమ్మవారి మూల విరాట్‌ను వీడియోలు తీసి సోషల్ మీడియాలో పోస్ట్ చేసిన సంగతి తెలిసిందే. వరుస వివాదాలతో దుర్గగుడి ప్రతిష్ట దెబ్బతింటుంది. మహిళ ఇన్ స్టా రీల్‌తో ఆలయ భద్రత లోపం మరోసారి బయటపడింది.

సాక్షి,చెన్నై : తమిళనాడులో రాపిడో పింక్‌ మోబిలిటీ చొరవ కింద అందుబాటులోకి వచ్చిన బైక్‌ పింక్‌ ఫీచర్‌ మహిళలకు స్వతంత్ర ఉపాధి అవకాశాలను కల్పించడమే కాకుండా, మహిళా ప్రయాణికుల నిత్య జీవిత ప్రయాణాలను అత్యంత సురక్షితంగా మారుస్తున్నది. గిగ్‌ ఎకానమీ మహిళల భాగస్వామ్యాన్ని పెంచుతూ, ఆర్థిక స్వాతం్రత్యాన్ని అందిస్తున్న ఈ ప్రాజెక్ట్‌ ద్వారా ఎంతోమంది మహిళలు తమ కుటుంబాలకు ఆసరాగా నిలుస్తున్నారు. ఈ విజయం వెనుక చెన్నైకి చెందిన రాపిడో బైక్‌ పింక్‌ కెపె్టన్లు మహాలక్ష్మి రామలింగం, కె. భువనేశ్వరిలు తమ పయనం గురించి స్థానికంగా మీడియా ముందు ఉంచారు. రాత్రి వేళల్లో మహిళలకు అభయం: గత రెండేళ్లుగా రాపిడో బైక్‌ పింక్‌ కెప్టెన్‌గా సేవలు అందిస్తున్నానని మోగప్పేర్‌కు చెందిన మహాలక్ష్మి రామలింగం పేర్కొన్నారు.రాత్రి 9 గంటల నుండి ఒంటి గంట వరకు కోయంబేడు బస్సు టెరి్మనల్, పెరంబూర్‌ రైల్వే స్టేషన్‌ వంటి రద్దీ ప్రాంతాల నుండి ప్రయాణించే మహిళలకు తాను సురక్షితమైన ప్రయాణాన్ని అందిస్తున్నట్టు పేర్కొన్నారు. రాపిడోలో చేరడానికి ముందు ఆత్మరక్షణ విద్యలను నేర్చుకున్నట్టు పేర్కొన్నారు. మరోకెప్టెన్‌ బి. భువనేశ్వరి స్పందిస్తూ, ఇన్‌స్ట్రాగామ్‌ పేజీ ద్వారా గిగ్‌ వర్కర్‌ సరికొత్త అవకాశాలను, డ్రైవింగ్‌ నైపుణ్యాల ద్వారా లభించే ఆర్థిక స్వాతం్రత్యాన్ని డిజిటల్‌ మాధ్యమంలో తాను విస్తృతంగా ప్రచారం చేస్తున్నట్టు పేర్కొన్నారు. రాపిడో పింక్‌ మోబిలిటీ సాధిస్తున్న సామాజిక మార్పునకు , మహిళా ప్రయాణికులకు సురక్షితమైన ప్రయాణాన్ని దర్పణంగా , తోటి మహిళలో ఆత్మ విశ్వాసం నింపడమే లక్ష్యంగా వివరించారు.

జామ్‌నగర్: సస్పెన్స్ థ్రిల్లర్ 'దృశ్యం' సినిమాను తలపించే ఓ మిస్టరీ కేసును పోలీసులు ఛేదించారు. గుజరాత్‌లోని జామ్‌నగర్‌లో జరిగిన ఈ ఘటనలో ఓ వ్యక్తి అదృశ్యానికి సంబంధించి పోలీసులు విస్తుపోయే నిజాలు వెలుగులోకి తెచ్చారు. భర్తను హత్య చేసి, రెండేళ్ల పాటు ఎవరికీ అనుమానం రాకుండా ఓ పారిశ్రామిక యూనిట్ నేలలో మృతదేహాన్ని పాతిపెట్టిన భార్య, ఆమె ప్రియుడి ఉదంతాన్ని పోలీసులు బట్టబయలు చేశారు.పోలీసులు తెలిపిన వివరాల ప్రకారం.. జిగ్నేష్ మావడియా అనే వ్యక్తి గత రెండేళ్లుగా ఆస్ట్రేలియాలో నివసిస్తూ ఉద్యోగం చేస్తున్నాడని అతని కుటుంబ సభ్యులు నమ్ముతూ వచ్చారు. కానీ, అతన్ని హత్య చేసి.. దారెద్ జీఐడీసీ ప్రాంతంలోని ఒక ఫ్యాక్టరీలో దాదాపు 12 అడుగుల లోతున పూడ్చిపెట్టినట్లు పోలీసులు తేల్చారు.కుటుంబ సభ్యులలో ఒకరు ఆస్ట్రేలియాకు ప్రయాణమవుతూ.. అక్కడ జిగ్నేష్‌కు సంబంధించి స్థానిక కాంటాక్ట్ వివరాలు అడగడంతో ఈ హత్య సంగతి బయటపడింది. జిగ్నేష్ భార్య పృథ్వి, ఆమె ప్రియుడు నిలేశ్‌లను పోలీసులు అదుపులోకి తీసుకుని విచారించారు. ఘటనా స్థలం నుంచి వెలికితీసిన అస్థిపంజర అవశేషాలను డీఎన్ఏ పరీక్షల నిమిత్తం పంపించారు. అస్థిపంజరం ఎవరిదనే నిర్ధారణ అయిన తర్వాత హత్య, సాక్ష్యాలను ధ్వంసం చేయడం వంటి సంబంధిత సెక్షన్ల కింద కేసు నమోదు చేయనున్నట్లు అధికారులు తెలిపారు.విచారణ వివరాల ప్రకారం.. పృథ్వి, నిలేశ్‌లకు ఆమె వివాహానికి ముందే సంబంధం ఉంది. వివాహం తర్వాత కూడా వారు తమ వివాహేతర సంబంధాన్ని కొనసాగించారు. జిగ్నేష్‌ను మద్యంలో సైనేడ్ కలిపి హత్య చేశారని.. అనంతరం అతని మృతదేహాన్ని దారెద్ జీఐడీసీలోని ఒక ఫ్యాక్టరీకి తరలించి, సుమారు 12 అడుగుల లోతు గుంట తవ్వి నేల కింద పాతిపెట్టారు. జిగ్నేష్ ఉపాధి నిమిత్తం ఆస్ట్రేలియాకు వెళ్లినట్లు పృథ్వి కుటుంబ సభ్యులకు నమ్మబలికిందని.. దీంతో దాదాపు రెండేళ్ల పాటు ఎవరికీ ఎలాంటి అనుమానం రాలేదని పోలీసులు తెలిపారు.జిగ్నేష్ సోదరుడు అశోక్ మావడియా ఆస్ట్రేలియా వెళ్లినప్పుడు అక్కడ జిగ్నేష్ ఆచూకీ ఏమాత్రం లభించకపోవడంతో సిటీ బి పోలీస్ స్టేషన్‌లో ఫిర్యాదు చేశారు. పోలీసుల విచారణలో పృథ్వి తన నేరాన్ని అంగీకరించిందని.. మృతదేహాన్ని ఎక్కడ పాతిపెట్టిందో ఆ ప్రాంతాన్ని తెలిపింది. ఈ సమాచారం ఆధారంగా అసిస్టెంట్ కమిషనర్ ప్రతిభ నేతృత్వంలో సిటీ బి పోలీసులు దారెద్ జీఐడీసీలోని ఫ్యాక్టరీ ప్రాంగణంలో తవ్వకాలు జరిపి.. జిగ్నేష్‌దిగా భావిస్తున్న అస్థిపంజర అవశేషాలను వెలికితీశారు. ఈ అవశేషాలను ఫోరెన్సిక్ పరీక్షల కోసం పంపించగా.. ఈ కేసుకు సంబంధించి దర్యాప్తు కొనసాగుతోంది.

బెంగళూరు: మహిళను అసభ్యకరంగా మాట్లాడిన బైకిస్టును పోలీసులు అదుపులోకి తీసుకున్నారు. బెంగళూరు నగరం కృష్ణరాజపురం పరిధిలోని రామమూర్తి నగర్‌లో ఒక మహిళ క్యాబ్‌ కోసం ఎదురుచూస్తుండగా బైక్‌పై వచ్చిన ఒక వ్యక్తి ‘మీ రేటు ఎంత’ అని అడిగాడు. ఆ మహిళ ఈ సంఘటనను వీడియో తీసి సోషల్‌ మీడియాలో అప్‌లోడ్‌ చేసింది. ‘నేను క్యాబ్‌ కోసం ఎదురుచూస్తుండగా, స్కూటీపై ఉన్న ఒక వ్యక్తి నా రేటు ఎంత అని అడిగాడు. నా భద్రత కోసం నేను వీడియో తీస్తున్నాను. అది గమనించిన ఆ వ్యక్తి నన్ను తిట్టి పారిపోయాడు’ అని పేర్కొంది. అసభ్యంగా ప్రవర్తించిన వ్యక్తిని 42 ఏళ్ల విజయ్‌ రాఘవ్‌గా గుర్తించారు. అతను పండ్ల వ్యాపారి, హోరమావు నివాసి. మహిళ ఇచ్చిన ఫిర్యాదు ఆధారంగా కేసు నమోదు చేసి, స్కూటర్‌ నంబర్‌ ఆధారంగా నిందితుడిని గుర్తించి అదుపులోకి తీసుకున్నట్లు రామమూర్తి నగర్‌ పోలీసులు తెలిపారు. ఘటన జరిగిన సమయంలో అతను వేరొకరి స్కూటర్‌ను ఉపయోగిస్తున్నాడని తెలిపారు. A woman was waiting by the roadside for a cab in Bengaluru when a man on a scooty approached her.MAN: I’ll give you ₹10,000. Come with me to a hotel room.WOMAN: What? Why the f*uck are you asking me? I’ll file a police complaint.MAN: Why would you file a police complaint?… pic.twitter.com/bz26WFsDV4— Lakshay Mehta (@lakshaymehta08) July 28, 2026

బోధన్‌టౌన్‌(బోధన్‌): ప్రేమ పేరు చెప్పి సహజీవనం చేసి, మోసం చేశాడని, నాకు న్యాయం చేయండని బాధిత మహిళ డిమాండ్‌ చేసింది. ఈమేరకు సోమవారం ఆమె కుటుంబ సభ్యులతో కలిసి బోధన్‌లోని ఆర్డీవో కార్యాలయం ఎదుట బైఠాయించి «ధర్నా నిర్వహించారు.ఈసందర్భంగా బాధిత మహిళ మాట్లాడుతూ.. పోతంగల్‌ మండలంలోని జల్లాపల్లి గ్రామ సర్పంచ్‌ దస్తగిరి తనను పెళ్లి చేసుకుంటానని నమ్మించి కొన్నేళ్లు సహజీవనం చేశాడన్నారు. వివాహం చేసుకుంటానని పలుమార్లు వాయిదా వేయడంతోపాటు, తను వేరే వారిని పెళ్లి చేసుకుంటే విడాకులు ఇప్పించాడన్నారు. ప్రస్తుతం పెళ్లి చేసుకుందామని నమ్మించి బోధన్‌లో అద్దె ఇంట్లో ఉంచి నాలుగేళ్లు సహజీవనం చేశాడన్నారు. తనకు రెండు సార్లు అబార్షన్‌ చేయించాడని పేర్కొంది. సర్పంచ్‌తోపాటు అబార్షన్‌ చేసిన ఆర్‌ఎంపీ ఇలియాస్‌పై పోలీసులకు ఫిర్యాదు చేశానని, పోలీసులు కేసు నమోదు చేశారన్నారు. విషయం తెలిసిన సర్పంచ్, ఆర్‌ఎంపీ డాక్టర్‌ ఇద్దరు పారిపోయారని, సర్పంచ్‌ కుటుంబ సభ్యులు తనను బెదిరిస్తున్నారన్నారు. ఇప్పటికైనా అధికారులు, పోలీసులు స్పందించి తనకు న్యాయం చేయాలని కోరారు.

దేవరపల్లి: న్యాయం కోసం ప్రియుడి ఇంటి ముందు ప్రియురాలు ధర్నాకు దిగిన సంఘటన నల్లజర్ల మండలం దూబచర్లలో ఆదివారం జరిగింది. తన ఏడు నెలల పసిపాపతో ప్రియుడి ఇంటి ముందు కుటుంబ సభ్యులతో ఆమె బైఠాయించి పోరాటం చేస్తుంది. పెళ్లి చేసుకుంటానని తనను శారీరకంగా వాడుకుని, ముఖం చాటేస్తున్న అనిల్‌ కుమార్‌కు డీఎన్‌ఏ పరిక్ష చేసి తనకు, తన బిడ్డకు న్యాయం చేయాలని ఆమె డిమాండ్‌ చేసింది.సంఘటనకు సంబంధించి బాధితురాలి కథనం ప్రకారం ఏలూరు జిల్లా ఉంగుటూరు మండలం గొల్లగూడేనికి చెందిన అడబాల హేమలత నల్లజర్ల మండలం దూబచర్లలో ఓ జీడిగింజల ఫ్యాక్టరీలో పనిచేసే సమయంలో ఫ్యాక్టరీ యజమాని కుమారుడు అనిల్‌కుమార్‌ తనకు మాయమాటలు చెప్పి ప్రేమిస్తున్నానని లొంగదీసుకున్నట్టు ఆమె తెలిపారు. తనను పెళ్లి చేసుకోవాలని అడగ్గా అలాగేనని నమ్మించి ముఖం చాటుశాడని ఆమె తెలిపారు. దీనిపై ఏడాది క్రితం నల్లజర్ల పోలీసులను ఆశ్రయించి జరిగిన సంఘటనపై ఫిర్యాదు చేసింది.అయినప్పటికి తనకు ఇప్పటి వరకు న్యాయం జరగలేదని ఆమె వాపోయారు. తనను మోసం చేసిన వ్యక్తికి ఇంతవరకు డీఎన్‌ఏ పరీక్ష చేయించలేదని ఆమె తెలిపారు. ఆమె తల్లి అడబాల లక్ష్మి కుమార్తెకు అండగా ఉన్నారు. దీనిపై నల్లజర్ల సీఐ రవికుమార్‌ను ‘సాక్షి’ వివరణ కోరగా ఈ సంఘటన 2025లో జరిగిందన్నారు. బాధితురాలు హేమలత ఇచ్చిన ఫిర్యాదుపై కేసు దర్యాప్తు పూర్తయిందని ఆయన తెలిపారు. అయితే అనిల్‌కుమార్‌కు డీఎన్‌ఏ పరీక్ష చేయించాలని హేమలత న్యాయస్థానాన్ని ఆశ్రయించడం వల్ల కోర్టు ఉత్తర్వుల కోసం ఎదురు చూస్తున్నట్టు ఆయన తెలిపారు.

బనశంకరి: బెంగళూరు బీఎంటీసీ బస్సుల్లో గొడవలు కొత్త కాదు. ఇప్పుడో రగడ వైరల్‌ అయ్యింది. ఓ వ్యక్తి అసభ్యంగా ప్రవర్తించాడని యువతితో పాటు బస్సు డ్రైవరు అతన్ని చితకబాదారు. సంపిగేహళ్లి పోలీసులు సుమోటోగా కేసు నమోదుచేశారు. వివరాలు.. ఈ నెల 24వ తేదీ మద్యాహ్నం 12:42 సమయంలో బీఎంటీసీ బస్సు మాన్యతా టెక్‌పార్కు వైపు వెళ్తోంది. ఓ యువతిని నిందితుడు కావాలనే తాకాడని ఆమె కోపంతో అతన్ని కేకలు వేసింది. తరువాత డ్రైవరుకు చెప్పింది. దీంతో ఇద్దరూ కలిసి అతన్ని బస్సులో మూలకు తోసి బట్టలు విప్పి చితకబాదారు. డ్రైవరు కాలితో ఎడాపెడా కొట్టాడు. చివరకు అతడు బస్సులో నుంచి దిగి పారిపోయాడు. ఈ వీడియో సోషల్‌ మీడియా­లో వైరల్‌ అయింది. సదరు వ్యక్తిని మతిస్థిమితం లేనివానిగా భావిస్తున్నారు. తరచూ సిటీ బస్సుల్లో ప్రయాణిస్తూ ఆకతాయిగా ప్రవర్తిస్తుంటాడని సమాచారం. యువతి ధైర్యంగా అతనికి గుణపాఠం చెప్పిందని కొందరు నెటిజన్లు అన్నారు. మరికొందరు అతన్ని అంత ఘోరంగా కొట్టడం సరికాదని పేర్కొన్నారు. ఆ వ్యక్తిని పట్టుకుని విచారించడానికి పోలీసులు గాలింపు చేపట్టారు.A woman faced sexual harassment by a copassenger on a #BMTC bus near Manyata Tech Park in #Bengaluru.After she confronted the accused, the BMTC driver locked the bus doors to stop him from fleeing and assaulted him. A video of the incident has gone viral. #Karnataka pic.twitter.com/MhXMNMZs4e— Imran Khan (@KeypadGuerilla) July 25, 2026

హైదరాబాద్‌: ఓ మహిళ నగ్న ఫొటోలను ఆమె భర్తకు చూపిస్తానని బెదిరించిన వ్యక్తిపై పోచారం ఐటీ కారిడార్‌ పోలీసులు కేసు నమోదు చేశారు. పోలీసులు తెలిపిన మేరకు.. ఇన్ఫోసిస్‌ పోచారం క్యాంపస్‌లో సె క్యూరిటీ గార్డుగా పనిచేస్తున్న మహిళ (34)కు హెడ్‌ సెక్యూరిటీ గార్డు బి.రమేష​తో పరిచయం ఏర్పడి సన్నిహతంగా మెలిగారు. ఈ క్రమంలో ఆమెకు తెలికుండా తీసిన నగ్న ఫొటోలను రమేష్‌ ఆమెకే చూపించాడు. ఈ విషయం గురించి భర్తకు చెబితే తన కు టుంబ జీవితమే నాశనమవుతుందని భయపడి చెప్పలేదు. ఇదిలా ఉండగా, సోమవారం రమేష్‌ బాధితు రాలికి ఫోన్‌ చేసి బెదిరించి తనకు సహకరించకపోతే రహస్య ఫొటోలను భర్తకు చూపిస్తానని బెదిరించాడు. దీంతో ఆమె గురువారం ఫిర్యాదు చేసింది.

సాక్షి, తిరుమల: తిరుమలో భద్రతా సిబ్బంది పర్యవేక్షణ లోపం మరోసారి బయటపడింది. తిరుమల నడక మార్గంలో ‘పెద్ది’ సినిమా పోస్టర్‌తో ఓ మహిళ హల్‌చల్‌ చేసింది. నిషేధం ఉన్నా పోస్టర్‌తో మహిళ రావడంతో విమర్శలు వ్యక్తమవుతున్నాయి.రాజకీయ, సినిమా ప్రచారాలకు తిరుమలలో అనుమతి లేదు. పెద్ది సినిమా పోస్టర్‌తో మహిళ నడిచిన వీడియో వైరల్‌గా మారింది. తిరుమల పవిత్రతపై భక్తుల్లో ఆందోళన వ్యక్తమవుతోంది. సోషల్‌ మీడియాలో ఈ ఘటన తీవ్ర చర్చకు దారితీసింది.కాగా, గత శుక్రవారం(జులై 17) తిరుమల శ్రీవారి ఆలయంలో ఆణివార ఆస్థానం సందర్భంగా శుక్రవారం శ్రీరంగం నుంచి పట్టువ్రస్తాల సమర్పణ వైభవంగా జరుగుతుండగా, మరోవైపు మహాద్వారం గుండా అనుమతి లేకుండానే ఓ వ్యక్తి ఆలయంలోకి ప్రవేశించాడన్న ఆరోపణలు కలకలం రేపిన సంగతి తెలిసిందే.భక్తులు, హిందూ సంఘాల ప్రతినిధుల కథనం ప్రకారం.. రాజారెడ్డి అనే వ్యక్తి అధికారిక అనుమతి లేకుండానే శుక్రవారం తిరుమల ఆలయ మహాద్వారం ద్వారం నుంచి ఆలయంలోకి వెళ్లినట్లు ఆరోపణలు వచ్చాయి. మహాద్వారం వద్ద విధులు నిర్వహించే విజిలెన్స్‌ అధికారులు ప్రతి ఒక్కరి గుర్తింపు కార్డులను తనిఖీ చేసి మాత్రమే లోపలికి అనుమతించాల్సి ఉండగా, ఈ ఘటనలో ఆ ప్రక్రియ సక్రమంగా అమలు కాలేదన్న విమర్శలు వ్యక్తమయ్యాయి.

కర్ణాటక: రాత్రి ఒంటరిగా వెళ్తున్న పశ్చిమ బెంగాల్ కు చెందిన యువతిని కారులో అపహరించి సామూహిక అత్యాచారానికి పాల్పడిన ఘటన మైసూరు జిల్లాలోని టి. నరసిపుర తాలూకాలోని ముగురు గ్రామం వద్ద జరిగింది. ఈ కేసులో టి.నరసిపురలో బట్టల దుకాణదారు రిహాన్‌ ఖాన్, హౌసింగ్‌ బోర్డ్‌వాసి కిషోర్‌ కుమార్, హెలవర హుండి గ్రామానికి చెందిన కిరణ్‌ అలియాస్‌ హుచ్చాను పోలీసులు అరెస్టు చేశారు. వివరాలు.. బెంగాల్‌కు చెందిన 30 ఏళ్ల యువతి, టి.నరసిపుర పట్టణంలో అద్దె ఇంట్లో నివసిస్తూ, ఒక చాట్‌ సెంటర్‌లో పనిచేస్తోంది. ఆమె 19న రాత్రి పార్టీ ఉందంటే మైసూరులో స్నేహితురాలి ఇంటికి వెళ్లింది. తిరిగి బస్టాండులో దిగి నడిచి వస్తుండగా, కారులో వచ్చిన నిందితులు ఆమెను ఏదో చిరునామా అడిగారు, తనకు తెలియదని చెప్పగా, బలవంతంగా ఎక్కించుకున్నారు. పలు లాడ్జిలు తిప్పుతూ చివరకు ముగురు గ్రామం సమీపంలో ఉన్న ఒక లాడ్జికి తీసుకెళ్లి సామూహిక అత్యాచారానికి పాల్పడ్డారు. మొబైల్‌ ఫోన్‌తో పాటు రూ. 5 వేలు దోచుకున్నారు. రూ.లక్ష ఇవ్వాలని బెదిరించి రూ.లక్ష ఇవ్వాలని దుండగులు డిమాండ్‌ చేశారని బాధితురాలు తెలిపింది. డబ్బు ఇంట్లో ఉందని, తీసుకెళ్తే ఇస్తానని చెప్పడంతో ఇంటికి తీసుకెళ్లారని ఆమె పేర్కొంది. బాధితురాలు కారు దిగి వెంటనే ఇంట్లోకి వెళ్లి తలుపు గడియ పెట్టుకుని సహాయం కోసం కేకలు వేసింది. దీంతో నిందితులు పారిపోయారు. ఇంటి యజమాని సహాయంతో మహిళా పోలీస్‌ స్టేషన్‌లో ఫిర్యాదు చేసింది. వివరాల ఆధారంగా కారును సీజ్‌ చేసి, నిందితులను పట్టుకున్నట్లు జిల్లా ఎస్పీ మల్లికార్జున బాలదండి మంగళవారం తెలిపారు. బాధితురాలు ఆస్పత్రిలో చికిత్స పొందుతోంది.

ఆస్ట్రేలియాకు చెందిన 34 ఏళ్ల జెనిటార్ సా నా’అమోవానా ఒక ఆశ్చర్యకరమైన పరిస్థితిని ఎదుర్కొంటోంది. ఈమె ఇటీవల నలుగురు ఆడపిల్లలకు జన్మనిచ్చింది. నలుగురూ ఎంతో ఆరోగ్యంగా ఉన్నారు. అప్పటికే నలుగురు చిన్న పిల్లలను పెంచుతున్న ఆ దంపతుల ఇల్లు ఈ నలుగురు పాపల రాకతో మొత్తం ఎనిమిది మంది సభ్యుల కుటుంబంగా మారింది. కానీ ఈ సంతోషకరమైన పరిణామం రాత్రికి రాత్రే వారికి సరికొత్త సవాళ్లను తెచ్చిపెట్టింది.నలుగురు ఆడపిల్లలు పుట్టడం తల్లిదండ్రులు తాము మర్చిపోలేని ఆశీర్వాదంగా అభివర్ణించారు. కానీ వారిని సంరక్షించేందుకు ఆర్థిక వనరులు అవసరమం. ముఖ్యంగా డైపర్లు, ఫార్ములా పాలు, బట్టలు లాంటి రోజువారీ ఖర్చులు ఊహించని భారమే. అయితే ఒకేసారి నలుగురు నవజాత శిశువులను పోషించేందుకు స్నేహితులు, అభిమానులు మొదట్లో చాలా సాయంగా నిలిచారు. మరికొంతమంది ఆ దంపతుల పట్ల ప్రశంసలు కురిపిస్తూ ప్రోత్సాహాన్ని అందిస్తున్నారు. ఇంత పెద్ద కుటుంబాన్ని నిర్వహించే క్రమంలో సమాజం నుండి లభిస్తున్న ఈ మద్దతు వారికి ఎంతో విలువైందిగా మారింది.అయితే వీరికి ఇంకో సమస్య వచ్చి పడింది. వీళ్లందరితో ప్రయాణించేందుకు ప్రస్తుతం ఉన్న కారులో అందరూ సురక్షితంగా కూర్చోవడానికి సరిపడా సీట్లు లేవు. ఆసుపత్రి పర్యటనలు, స్కూల్ డ్రాప్‌లు, ఇతర ప్రయాణాలు సులభంగా సాగేందుకు 10 సీట్ల వ్యాన్ (10-seater van)అవసరం ఉంటుందని ఆ కుటుంబం భావిస్తోంది. అలాంటి వ్యాన్‌ను కొనుగోలు చేయడానికి ఆ తల్లి ఆన్‌లైన్‌లో విరాళాల సేకరణను (fundraising) ప్రారంభించడం విశేషంగా నిలిచింది. తమ ఏడుగురు పిల్లలందరికీ సౌకర్యవంతమైన, సురక్షితమైన వాతావరణాన్ని అందించడానికి సరైన వాహనం, వనరులు ఉన్నాయని నిర్ధారించుకోవడమే ఆ కుటుంబం తక్షణ లక్ష్యంగాపెట్టుకుంది.డాక్టర్ అలెక్సా బెండాల్ ఏమన్నారంటేమోనోజైగోటిక్ క్వాడ్రప్లెట్స్ (ఒకే ఫలదీకరణం చెందిన అండం నుండి ఏర్పడిన ఒకేలా ఉండే నలుగురు శిశువులు) ప్రపంచంలోనే అత్యంత అరుదైన గర్భధారణ రకాల్లో ఒకటి. నామోనా విషయంలో విశేషం ఏమిటంటే, ఆమెకు పుట్టిన ఈ నలుగురు శిశువులకు ఒకే మాయ (placenta) అని నామెనాకు వైద్యం చేసిన డాక్టర్‌, రాయల్ బ్రిస్బేన్ అండ్ ఉమెన్స్ హాస్పిటల్‌కు చెందిన ఫీటల్ మెడిసిన్,ప్రసూతి వైద్యురాలు డాక్టర్ అలెక్సా బెండాల్ తెలిపారు. 1.5 కోట్ల కేసుల్లో ఒకరికి మాత్రమే జరుగుతుందని భావిస్తున్నామన్నారు. ప్రపంచంలో ఇతర ప్రాంతాల్లో ఒకటి రెండు కేసులు ఉండి ఉండవచ్చు కానీ ఆస్ట్రేలియాలో తమకు తెలిసినంత వరకు ఇదే ఏకైక కేసు అని చెప్పారు. View this post on Instagram A post shared by Brisbane Times (@brisbane_times) ఇదీ చదవండి: ఉద్యోగిని పెర్‌ఫామెన్స్‌ బాలేదని పెయిడ్‌ లీవ్‌ : కంపెనీకి భారీ క్రేజ్‌.

థానే: మహారాష్ట్రలోని థానేలో మన్‌పాడ పోలీస్ స్టేషన్ పరిధిలో ఒక భయానక ఘటన వెలుగుచూసింది. పూణెకు చెందిన హసిబా అనే మహిళ తన ప్రియుడు హమిదిల్లా ఇస్లామ్‌ను దారుణంగా హత్య చేసింది. వివాహేతర సంబంధం లేదా వ్యభిచార కూపంలోకి నెట్టేయాలని చూశాడనే అనుమానంతో ఆమె ఈ ఘాతుకానికి పాల్పడింది. సుమారు ఐదు రోజుల క్రితం ప్రియుడిని హతమార్చిన నిందితురాలు, మృతదేహాన్ని ముక్కలుగా నరికింది. అనంతరం దుర్వాసన రాకుండా, త్వరగా కుళ్లిపోవడానికి బాత్రూమ్‌లోని రన్నింగ్ వాటర్ ట్యాప్ కింద ఆ మృతదేహాన్ని గోనెసంచిలో దాచింది.ఈ దారుణానికి పాల్పడిన తర్వాత హసిబా కోల్‌కతాకు పరారైంది. అయితే ఫ్లాట్ యజమానికి వాయిస్ మెసేజ్ పంపి తాను హత్య చేసినట్లు తెలిపింది. అపార్ట్‌మెంట్ పరిసర ప్రాంతాలలో విపరీతమైన దుర్వాసన రావడంతో స్థానికులు పోలీసులకు సమాచారం అందించారు. రంగంలోకి దిగిన పోలీసులు తాళాలు పగలగొట్టి పరిశీలించగా, కుళ్లిన స్థితిలో ఉన్న మృతదేహం లభ్యమైంది. పోలీసులు మృతదేహాన్ని పోస్టుమార్టం నిమిత్తం తరలించి, నిందితురాలిని పట్టుకునేందుకు ప్రత్యేక బృందాన్ని కోల్‌కతాకు పంపారు.ఇది కూడా చదవండి: ఢిల్లీలో ఉద్రిక్తత.. ‘మహా పంచాయత్‌’తో కదం తొక్కిన అన్నదాతలు!

హైదరాబాద్‌: నగరంలోని జూబ్లీహిల్స్‌ కార్పిడియం పబ్‌ వద్ద ఉద్రిక్తత చోటు చేసుకుంది. సోమవారం(జూలై 20వ తేదీ) రాత్రి సమయంలో కార్పిడియం పబ్‌లో మహిళలపై ఓ వ్యక్తి దాడికి పాల్పడ్డాడు. తనపై దాడి చేయవద్దని సదరు మహిళ వేడుకున్నా వినకుండా విచక్షణారహితంగా దాడికి తెగబడ్డాడు. ఈ ఘటనలో గాయపడ్డ మహిళ పోలీసులకు ఫిర్యాదు చేసింది. ఈ ఘటనపై దర్యాప్తు చేపట్టిన పోలీసులు.. నిందితుడి కోసం గాలిస్తున్నారు. అక్కడ ఉన్న సీసీ టీవీ ఫుటేజ్‌ను పోలీసులు పరిశీలిస్తున్నారు.

ఖమ్మం: అదనపు కట్నం కోసం భర్త, ఆడపడుచులు పెట్టిన శారీరక, మానసిక వేధింపులు భరించలేక ఓ వివాహిత పురుగులమందు తాగి ఆత్మహత్యకు పాల్ప డిన ఘటన మండలంలో చోటుచేసుకుంది. శంభునిగూడెం గ్రామానికి చెందిన భట్టు భద్రయ్య తన కుమార్తె సుమ (25)ను 2023 మే 16న లక్ష్మీదేవిపల్లి మండలానికి చెందిన వజ్జా వెంకటేశ్వర్లుకు ఇచ్చి వివాహం చేశారు. పెళ్లి సమయంలో రూ.లక్ష కట్నంగా ఇచ్చారు. వివాహం అనంతరం కొద్దిరోజుల పాటు ఈ దంపతులు హైదరాబాద్లో ఉన్నారు. ఏడాది గడిచిన తర్వాత భర్త ప్రవర్తనలో మార్పు వచ్చింది. భార్యను అనుమానించడం, బంధువులతో ఫోన్‌ మాట్లాడినా అవమానించడం, ఎవరితోనూ మాట్లాడకూడదని ఆంక్షలు పెట్టడం ప్రారంభించాడు. కాగా, తొమ్మిది నెలల క్రితం వెంకటేశ్వర్లుకు ప్రభుత్వ ఉద్యోగం రావడంతో వీరిద్దరూ నాగార్జునసాగర్‌కు కాపురం మార్చారు. సుమకు పిల్లలు కలగకపోవడం, మరోవైపు వెంకటేశ్వర్లుకు ప్రభుత్వ ఉద్యోగం రావడంతో అతడి కుటుంబంలో మార్పులు వచ్చాయి. భర్త వెంకటేశ్వర్లుతో పాటు అతని అక్కలు అదనంగా కట్నం తీసుకురావాలంటూ సుమను శారీరకంగా, మానసికంగా తీవ్ర వేధింపులకు గురిచేశారు. పది రోజుల క్రితం భర్త వెంకటేశ్వర్లు సుమను చిత్రహింసలకు గురిచేసి ఇంటి నుంచి వెళ్లగొట్టాడు. దీంతో సుమ శంభునిగూడెంలోని పుట్టింటికి వచ్చింది. శనివారం భర్త వెంకటేశ్వర్లు, అతని అక్కలు కలిసి శంభునిగూడెంలోని సుమ పుట్టింటికి వచ్చిన, అక్రమ సంబంధం అంటకట్టి, దూషించి, విపరీతంగా కొట్టి వెళ్లిపోయారు. ఈ అవమానాన్ని తట్టుకోలేక సుమ ఇంట్లో ఉన్న గడ్డిమందు తాగింది. కుటుంబ సభ్యులు కొత్తగూడెం ఆస్పత్రికి తరలించగా చికిత్స పొందుతూ ఆదివారం మృతి చెందింది. మృతురాలి తండ్రి బట్టు భద్రయ్య ఫిర్యాదు మేరకు భర్త వెంకటేశ్వర్లు, ఆడ బిడ్డలు విజయ, రజిత, సుజాతలపై కేసు నమోదు చేశామని ఎస్‌ఐ తిరుపతి వెల్లడించారు.

సాక్షి, తాడేపల్లి: గుంటూరు ఘటన అత్యంత అమానవీయం అని వైఎస్సార్‌సీపీ నేత, మాజీ మంత్రి అంబటి రాంబాబు అన్నారు. గుంటూరు కృష్ణబాబు కాలనీలో అమానుషంగా మహిళను వివస్త్రను చేసి.. టీడీపీ నేతలు దాడి చేసిన సంగతి తెలిసిందే. బాధిత కుటుంబాన్ని వైఎస్సార్‌సీపీ నేతలు అంబటి రాంబాబు, లేళ్ల అప్పిరెడ్డి, నూరి ఫాతిమా పరామర్శించారు. బాధిత మహిళకు ధైర్యం చెప్పారు.అంబటి రాంబాబు మీడియాతో మాట్లాడుతూ.. ‘‘మూడు రోజుల క్రితం సంఘటన జరిగితే నిన్న జరిగినట్టు చంద్రబాబు చెప్తున్నారు. ఈ మూడు రోజులుగా ఎలాంటి చర్యలు తీసుకోకుండా తొక్కిపెట్టేందుకు ప్రయత్నించారు. సుదీర్ఘ కాలం రాజకీయాల్లో ఉన్న చంద్రబాబు అబద్దాలు చెప్పటం దుర్మార్గం. టీడీపీ నేత మల్లెల మూర్తి బాధిత మహిళ, ఆమె కుమారుడిని దారుణంగా కొట్టారు. అదే రోజు పోలీసు స్టేషన్‌కి వెళ్లి ఫిర్యాదు చేసినా కేసు నమోదు చేయలేదు’’ అని ఆయన మండిపడ్డారు.‘‘నా మీదే స్టేషన్‌కు వెళ్తావా? అంటూ రోడ్డు మీదే కొట్టారు. ఆ మహిళను వివస్త్ర చేశారు. కేసు పెట్టకపోగా కేసు రిజిస్టర్ చేయలేదు. ఆ తర్వాత 16న నమోదు చేసి అరెస్టు కూడా చేయలేదు. సీసీ కెమెరా పుటేజీ బయటకు వచ్చాక చంద్రబాబు, స్థానిక ఎమ్మెల్యే మేల్కొన్నారు. ఆ టీడీపీ నేత మూర్తిని పార్టీ నుండి సస్పెండ్ చేస్తున్నట్టు ప్రకటించారు. మేము పరామర్శకు వెళ్తున్నామని తెలిసి బాధిత కుటుంబాన్ని విచారణ పేరుతో పీఎస్‌కు తరలించారు...టీడీపీ నేత డబ్బులు వసూలు చేసే దందాలో జరిగిన గొడవ ఇది. దీన్ని వెలుగులోకి రాకుండా తొక్కేసేందుకు ప్రయత్నం చేశారు. ఎమ్మెల్యే ఆధ్వర్యంలో ఈ కుట్ర జరిగింది. కానీ పోలీసులను బలి చేసే కుట్ర చేస్తున్నారు. వరుసగా జరుగుతున్న సంఘటనలను చూసి హోంమంత్రి సిగ్గుతో తలదించుకోవాలి. తన పదవికి రాజీనామా చేసి వెళ్లాలి’’ అని అంబటి డిమాండ్‌ చేశారు.

సాక్షి, విశాఖపట్నం: గుంటూరులో సభ్య సమాజం తల దించుకునే ఘటన జరిగిందని.. టీడీపీ నేతలు కాలకేయుల్లా మారిపోయారంటూ వైఎస్సార్‌సీపీ ఎమ్మెల్సీ వరుదు కళ్యాణి ధ్వజమెత్తారు. శనివారం ఆమె మీడియా సమావేశంలో మాట్లాడుతూ.. మహిళలు కూటమి పాలనలో స్వేచ్ఛగా బతకలేరా..?. మల్లెల మూర్తి అనే వ్యక్తి నీటి కుళాయి కోసం మహిళ వద్ద రూ.10 వేలు లంచం అడిగాడు. అక్కడ తలెత్తిన ఘర్షణ కారణంగా ఆమెను వివస్త్రను చేశారు. పోలీసులకు ఫిర్యాదు చేసినా పట్టించుకోలేదు. ప్రభుత్వం సిగ్గుతో తల దించుకోవాలి’’ అంటూ ఆగ్రహం వ్యక్తం చేశారు.‘‘రాష్ట్రంలో చట్టం, న్యాయం అమలు కావా..?. మహిళలపై వేధింపులు, దాడుల్లో కూటమి నేతలు ఉన్నారు. గుంటూరు ఘటనలో ఎమ్మెల్యే గల్లా మాధవి అనుచరులు సెటిల్మెంట్ చేసే ప్రయత్నం చేశారు. టీడీపీ నాయకులు ఇలాంటి పనులు చేస్తున్నా పట్టించుకోవడం లేదు. టీడీపీ అంటే దుస్సాసన, దుర్మార్గుల పార్టీ. ఇలాంటి సంఘటన జరిగినందుకు నైతిక బాధ్యత వహించి రాజీనామా చేయాలి. హోం మంత్రి ఇప్పుడు వీడియో కాల్‌లో పరామర్శ చేస్తారా..?. ఆ కుటుంబాల దగ్గరకు వెళ్లి ఏం జరిగిందో తెలుసుకోవాలి. టీడీపీ కార్యకర్తలు ఇంతటి దారుణనికి ఒడిగడితే మహిళా కమిషన్ ఏం చేస్తుంది?..ఘటన జరిగి మూడు రోజులు అయితే మీకు తెలియదా..?. సీఎం చంద్రబాబు ప్రజలకు బహిరంగ క్షమాపణ చెప్పాలి. మల్లెల మూర్తి మీ పార్టీ కాబట్టి ఆయన్ని సస్పెండ్ చేశారు. అధికార దుర్వినియోగానికి గళ్ళా మాధవి పేటెంట్. అంబటి ఇంటిపై దాడి చేసినా పోలీసులు చర్యలు తీసుకోలేదు కాబట్టి ఇలాంటి దారుణాలకు టీడీపీ నాయకులు పాల్పడుతున్నారు. ఎమ్మెల్యే నజీర్‌పై ఎలాంటి చర్యలు తీసుకున్నారు. అరవ శ్రీధర్ అనే ఎమ్మెల్యే మహిళను లోబరుచుకొని అబార్షన్ చేయిస్తే చర్యలు తీసుకోలేదు. ఎమ్మెల్యేలపై చర్యలు తీసుకోకపోతే మిగతా వారు ఇలాగే చేస్తారు. ఎమ్మెల్యే కోనేటి ఆదిమూలం మహిళను మోసం చేస్తే మీరు ఏం చేశారు?. కిరణ్ రాయల్ వలన లక్ష్మి అనే మహిళ ఇబ్బంది పడితే మీరు ఏం చర్యలు తీసుకున్నారు’’ అంటూ వరుదు కళ్యాణి నిలదీశారు.

ఢిల్లీ జంతర్‌మంతర్‌ దగ్గర మరోసారి తీవ్ర ఉద్రిక్తత నెలకొంది. కాక్రోచ్ జనతా పార్టీ (CJP) వ్యవస్థాపకుడు అభిజీత్ దీప్కే ఓ మహిళ ఇంక్‌ చల్లింది. ఉదయం నుంచి జంతరమంతర్‌ దగ్గర దీప్కే నిరాహార దీక్ష చేస్తున్న సంగతి తెలిసిందే. ఈ క్రమంలో ఈ పోరాటానికి మద్దతుగా సోనం వాంగ్‌చుక్‌ జంతర్‌ మంతర్‌లో ఆమరణ నిరాహార దీక్ష చేపట్టారు. వాంగ్‌చుక్‌ ఆరోగ్య పరిస్థితి క్షీణించడంతో ఢిల్లీ పోలీసులు శనివారం ఉదయం ఆయనను సఫ్దర్‌జంగ్‌ ఆస్పత్రికి తరలించారు.ఢిల్లీ హైకోర్టు ఆదేశాలు, వైద్య నిపుణుల సూచనల మేరకే ఈ చర్య తీసుకున్నామని పోలీసులు తెలిపారు. అయితే ఈ చర్యపై సీజేపీ నేతలు తీవ్ర అభ్యంతరం వ్యక్తం చేశారు. వాంగ్‌చుక్‌ శాంతియుతంగా నిరసన చేస్తున్న సమయంలో పోలీసులు బలవంతంగా తరలించారని ఆరోపించారు. ఈ క్రమంలో ఇవాళ మధ్యాహ్నం జంతర్ మంతర్ దగ్గర మరో నాటకీయ పరిణామం చోటుచేసుకుంది. దీప్కే ప్రసంగిస్తుండగా ఓ మహిళ ఆయనపై సిరా లాంటి ద్రవాన్ని విసిరింది. దీంతో గందరగోళం నెలకొంది. ఆమెను పోలీసులు అదుపులోకి తీసుకున్నట్లు సమాచారం. దీనిపై విచారణ కొనసాగుతోందని పోలీసులు తెలిపారు.20 రోజులుగా చేస్తున్న నిరవధిక నిరాహార దీక్షలో వాంగ్‌చుక్ ఆరోగ్యం క్షీణించడంతో.. శనివారం తెల్లవారుజామున పోలీసులు ఆయనను ఆసుపత్రికి తరలించారు. నిరసనకారులు పోలీసుల చర్యను అడ్డుకోవడానికి ప్రయత్నించడంతో కాసేపు తోపులాట జరిగింది. నీట్‌ పరీక్షలో జరిగిన అక్రమాలపై సీజేపీ నేతృత్వంలో జరుగుతున్న నిరసనకు మద్దతుగా జూన్ 28 నుంచి వాంగ్‌చుక్ నిరవధిక నిరాహార దీక్ష చేస్తున్నారు. ఆయనను పర్యవేక్షిస్తున్న వైద్యులు.. ఈ దీక్షలో ఆయన దాదాపు 9.5 కిలోల బరువు తగ్గారని తెలిపారు.

మహారాష్ట్రలోని భూసావల్-వర్ధా ప్యాసింజర్ రైలులో ఒక యువతి తన ధైర్యసాహసాలతో నెట్టింట వైరల్‌గా మారింది. తనపై లైంగిక వేధింపులకు పాల్పడిన పోకిరీకి విచిత్రమైన రీతిలో, జీవితాంతం మర్చిపోలేని గుణపాఠం నేర్పింది. తోటి ప్యాసింజర్లు కూడా ఆమెకు తోడవడంతో, నిందితుడిని పట్టుకుని దేహశుద్ధి చేశారు. తద్వారా వేధింపులకు భయపడి మౌనంగా ఉండకుండా గట్టిగా ప్రతిఘటించాలనే ధైర్యాన్నిచ్చింది.కదులుతున్న రైలులో ఒక యువకుడు ఒక యువతి పట్ల అసభ్యంగా ప్రవర్తించాడు. దీంతో ఆమెకు చిర్రెత్తుకొచ్చింది. అంతే అసాధారణ ధైర్యం ప్రదర్శించి, తోటి ప్రయాణికుల సహాయంతో అతడిని పట్టుకుంది.ఆ పోకిరీకి చేతులకు గాజులు తొడిగి, పెదవులకు లిప్‌స్టిక్ పూసి అవమానించింది. ఆ కంపార్ట్‌మెంట్‌లోని చాలా మంది ఆ మహిళను చప్పట్లతో అభినందిస్తూ కనిపించారు. ఈ ఘటనకు సంబంధించిన వీడియో సోషల్ మీడియాలో విపరీతంగా వైరల్ అయింది. ఇదీ చదవండి: రూ. 1.4 కోట్ల జాక్‌పాట్‌ : నిద్రలేమే వరంలా మారిందిA brave young woman on the Bhusawal-Wardha Passenger Train taught a sexual harasser a lesson he will never forget, in a unique and viral act of justice. When a young man behaved indecently with her inside the moving train, the woman showed remarkable courage and caught hold of… pic.twitter.com/PPOyN0YdKI— Pune Mirror (@ThePuneMirror) July 17, 2026 వేధింపులపై మౌనంగా ఉండకుండా నిలబడిన ఈ సాహసికి, ఆమె తోటి ప్రయాణికులకు విస్తృత ప్రశంసలు లభిస్తున్నాయి. ఈ ఘటన మహిళల భద్రతపై మరోసారి చర్చకు దారి తీసింది. అయితే గాజులు, బొట్టు పెట్టడం అంటే తిరిగి మనల్ని మనం అవమానించుకున్నట్టే.. కానీ ఏదో విధంగా ప్రతిఘటించడం అభినందనీయం అంటున్నారు కొంతమంది. మహిళలు. బహిరంగ ప్రదేశాల్లో మహిళలు వేధింపులకు గురైనప్పుడు పక్కన ఉన్నవారు జోక్యం చేసుకోవాల్సిన ప్రాముఖ్యతను మరికొందరు నొక్కి చెప్పారు. ఇలాంటి పోకిరీలకు తగిన శిక్ష విధించేలా అధికారులు తక్షణమే కఠిన చర్యలు తీసుకోవాల్సిన అవసరం ఎంతైనా ఉందని నెటిజన్లు వ్యాఖ్యానిస్తున్నారు. ఇదీ చదవండి: తల్లి పనిమనిషి, తండ్రి అకాలమరణం : నీలూ నీట్‌ సక్సెస్‌ స్టోరీ

సాక్షి, చెన్నై: నిశ్చితార్థం జరిగిన తర్వాత పెళ్లి చేసుకోవడానికి నిరాకరించిందనే కోపంతో మరదలిపై ఓ యువకుడు కొడవలితో దాడి చేశాడు. అడ్డుకునేందుకు ప్రయత్నించినా అత్తపై కూడా విచక్షణారహితంగా విరుచుకుపడ్డాడు. తమిళనాడులో జరిగిన ఈ ఘటనలో యువతి తల్లి ప్రాణాలు కోల్పోగా.. యువతికి తీవ్ర గాయాలయ్యాయి. వివరాలు.. కరియాపట్టి తాలూకా కల్కురిచి గ్రామానికి చెందిన ముత్తుకుమార్, వినాయకజ్యోతి(45) దంపతులకు వర్ష(21) అనే కుమార్తె ఉంది. ముత్తుకుమార్‌ సోదరి కుమారుడు యువరాజన్‌(32)తో ఆమెకు వివాహం చేసేందుకు నిశి్చతార్థం చేసుకున్నారు. అయితే, ఈ పెళ్లికి వర్ష నిరాకరించడంతో వివాదం మొదలైంది. బుధవారం ఉదయం తీవ్ర ఆగ్రహానికి గురైన యువరాజన్‌.. ముత్తుకుమార్‌ ఇంటికి వచ్చి వర్షతో గొడవకు దిగాడు. కోపం పట్టలేక తన వెంట తెచ్చుకున్న కొడవలితో వర్షపై దాడి చేశాడు. అదే సమయంలో కుమార్తెను రక్షించేందుకు వినాయకజ్యోతి అడ్డువెళ్లింది. తీవ్ర ఆగ్రహంతో ఉన్న యువరాజన్‌.. వినాయకజ్యోతిని దారుణంగా నరికేశాడు. ఇంతలో చుట్టుపక్కలవారు రావడంతో.. అతను పారిపోయాడు. ఘటనాస్థలంలోనే వినాయక జ్యోతి మరణించగా.. తీవ్ర గాయాలపాలైన వర్షను ఆస్పత్రికి తరలించారు. యువరాజన్‌ బుధవారం సాయంత్రం మల్లంగి పోలీస్‌స్టేషన్‌లో లొంగిపోయాడు. అత్తను, మరదలి

అమెరికాలోని న్యూజెర్సీలో జరిగిన రోడ్డు ప్రమాదంలో ఆంధ్రప్రదేశ్‌కు చెందిన యువతి మృతి చెందింది. మృతురాలిని పల్నాడు జిల్లా వినుకొండ మండలం ఉమ్మడివరం గ్రామానికి చెందిన మక్కెన ప్రసన్నగా గుర్తించారు. ఆమె ఉన్నత చదువుల కోసం 2022లో అమెరికా వెళ్లారు. ఇటీవలే చదువు పూర్తి చేసిన ప్రసన్న ఉద్యోగ అన్వేషణలో ఉన్నారు.న్యూజెర్సీలో ప్రసన్న తన స్నేహితులతో కలిసి విహారయాత్రకు వెళ్లిన సమయంలో ఈ ప్రమాదం జరిగింది. ఈ ఘటనలో ఆమె స్నేహితులకు గాయాలు కాగా, ప్రసన్న అక్కడికక్కడే ప్రాణాలు కోల్పోయారు. పెద్ద కుమార్తె మరణంతో తల్లిదండ్రులు కన్నీరుమున్నీరుగా విలపిస్తున్నారు. ఆమె స్వగ్రామంలో తీవ్ర విషాద ఛాయలు అలముకున్నాయి. ప్రసన్న భౌతికకాయాన్ని వీలైనంత త్వరగా స్వగ్రామానికి రప్పించేలా చర్యలు తీసుకోవాలని.. సాయం అందించాలని కుటుంబ సభ్యులు రాష్ట్ర ప్రభుత్వానికి విజ్ఞప్తి చేశారు.

మెట్రో నగరాల్లో మహిళల భద్రత ప్రశ్నార్థకంగా మారింది. బెంగళూరులోని ఒక ఫ్లాట్‌లో ఒంటరిగా ఉన్న మహిళా పట్ల డెలివరీ బాయ్‌ హేయంగా ప్రవర్తించాడు. తన ఇంట్లోకి బలవంతంగా చొరబడి.. తన ముందు అసభ్యంగా ప్రవర్తించాడని నగరానికి చెందిన ఓ మహిళ సోషల్ మీడియా వేదికగా ఆరోపించింది. ఈ పోస్ట్‌కు స్పందించిన పోలీసులు.. బాధితురాలి ఫిర్యాదు మేరకు నిందితుడిని అరెస్ట్ చేశారు.సదరు డెలివరీ బాయ్‌ ఒక పార్సిల్ డెలివరీ చేయడానికి తన ఇంటికి వచ్చాడని.. ఆ తర్వాత వాష్‌రూమ్ ఉపయోగించుకోవచ్చా అని అడిగాడని ఆ మహిళ పేర్కొంది. అయితే ఆమె నిరాకరించినప్పటికీ.. అతను బలవంతంగా ఇంట్లోకి చొరబడ్డాడని, వాష్‌రూమ్ నుండి బయటకు వస్తూ తన ప్రైవేట్ భాగాలను చూపిస్తూ అసభ్యంగా ప్రవర్తించాడని ఆరోపించింది."నేను మర్యాదపూర్వకంగానే పలుమార్లు నిరాకరించాను. అపరిచితులను నా ఫ్లాట్‌లోకి రానివ్వనని స్పష్టంగా చెప్పాను. అత్యవసరం అయితే పక్కింటి పురుషులను అడగాలని కూడా సూచించాను. నేను ఎన్నిసార్లు వద్దని చెప్పినా వినకుండా.. అతను తన చెప్పులు విప్పేసి.. నా అనుమతి లేకుండా బలవంతంగా నా ఇంట్లోకి చొరబడ్డాడని ఆమె తెలిపింది. ఈ ఘటనపై ఫ్లిప్‌కార్ట్ సంస్థ తీవ్రంగా స్పందించింది. కస్టమర్ల భద్రత విషయంలో ఎలాంటి రాజీ పడే ప్రసక్తే లేదని స్పష్టం చేస్తూ ఒక ప్రకటన విడుదల చేసింది. ఈ విషయం మా దృష్టికి వచ్చిన వెంటనే.. సదరు డెలివరీ బాయ్‌ను ఉద్యోగం నుంచి తొలగించామని పేర్కొంది.

కడుపులో పెరుగుతున్న బిడ్డ వద్దనుకున్న భర్త 8 నెలల కడుపుతో ఉన్న భార్యను హత్య చేయడానికి ప్రయత్నించిన సంఘటన చిక్కబాణావర పోలీస్‌స్టేషన్‌ పరిధిలోని హెసరఘట్ట రోడ్డులో చోటు చేసుకుంది. మహమ్మద్‌ పీర్‌(40) అనే వ్యక్తి తన భార్య హసీనా(35)పై హత్యాయత్నం చేశాడు. వివరాలు.. మహమ్మద్‌ పీర్, హసీనాకు రెండేళ్ల క్రితం వివాహమైంది. అయితే అంతకు ముందే మహమ్మద్‌ పీర్‌కు వివాహమై సంతానం కూడా ఉన్నారు. ఈక్రమంలో హసీనా రెండు సార్లు గర్భం దాల్చగా అబార్షన్‌ చేయించాడు. మళ్లీ ఆమె గర్భం దాల్చడంతో అబార్షన్‌ చేయించుకోవడానికి హసీనా ఒప్పుకోలేదు. మహమ్మద్‌ పీర్‌ ఆమెపై దాడి చేసి అబార్షన్‌ చేయించుకోవాలని ఒత్తిడి చేసినా హసీనా ససేమిరా అంది. గురువారం సాయంత్రం హసీనా ఇంట్లో నిద్రిస్తుండగా చున్నీ(వేల్‌)తో గొంతు బిగించి హత్యాయత్నం చేశాడు. పెనుగులాటలో హసీనా మూర్ఛబోవడంతో మృతి చెందిందని భావించి పరారయ్యాడు. అయితే హసీనాకు స్పృహ వచ్చాక పుట్టింటికి ఫోన్‌ చేసి జరిగిన సంగతి చెప్పింది. కుటుంబ సభ్యులు వెంటనే హసీనాను వెంటబెట్టుకుని పోలీస్‌స్టేషన్‌కు వెళ్లి ఫిర్యాదు చేశారు. కేసు నమోదు చేసుకున్న పోలీసులు గాలించి నిందితుడిని అరెస్టు చేశారు.కర్ణాటక:

సాక్షి, నంద్యాల జిల్లా: బనగానపల్లెలోని మీ భూమి-మీ హక్కు సభలో ఓ మహిళపై చంద్రబాబు ఆగ్రహం వ్యక్తం చేశారు. తన సమస్య చెప్పేందుకు ప్రయత్నించిన మహిళపై చంద్రబాబు మండిపడ్డారు. ఏయ్‌ ఉండమ్మా.. అంటూ మహిళతో అనుచితంగా ప్రవర్తించారు. ఇది పవిత్ర కార్యక్రమం అంటూనే సమస్య వినకుండా చంద్రబాబు దాటవేశారు.మహిళను అడ్డుకోలేదని పోలీసులపై కూడా చంద్రబాబు చిందులు తొక్కారు. ఏయ్‌ గీయ్‌ అంటూ కాసేపు హడావుడి చేసిన చంద్రబాబు తీరుపట్ల సోషల్‌ మీడియాలో పెద్ద ఎత్తున విమర్శలు వ్యక్తమవుతున్నాయి. గతంలో కూడా పలుసార్లు చంద్రబాబు ఇలాగే ప్రవర్తించారని ప్రజలు గుర్తు చేసుకుంటున్నారు.2018లో సచివాలయం బయట నాయీ బ్రాహ్మణులతో చంద్రబాబు ఇలానే బిహేవ్ చేసిన సంగతి తెలిసిందే. ‘ఇయ్యమయ్యా... కనీస వేతనాలు ఇవ్వమని చెబుతున్నా. ఇవ్వం... మళ్లీ మళ్లీ చెబుతున్నా.. తోక జాడిస్తే కట్‌ చేస్తా. బీ కేర్‌పుల్‌. బెదిరిస్తే తోక కట్‌ చేస్తా’ ‘పిచ్చాటలాడితే మాత్రం.. చాలా సీరియస్‌గా ఉంటది’ ‘ఏం తమాషాలాడుతున్నారా...’ అంటూ బెదిరింపులకు దిగారు. చంద్రబాబు తీవ్రస్థాయిలో మండిపడుతూ.. వేలు చూపిస్తూ హెచ్చరికలు చేయటంతో నాయీ బ్రాహ్మణులు నిర్ఘాంతపోయారు. అప్పటి ఘటనను కూడా గుర్తు చేస్తూ.. సోషల్‌ మీడియాలో ప్రజలు మండిపడుతున్నారు.

మహిళలు పెళ్లి, పిల్లలు తరువాత చాలా బరువు పెరుగుతారు. ఇలా అదనంగా పెరిగిన బరువును తగ్గించు కోవడానికి చాలానే కష్టపడాల్సి వస్తుంది. కానీ అసాధ్యం కాదు. ఈ విషయాన్నే అక్షరాలా నిరూపించారు గురుగ్రామ్‌కు చెందిన దీప్తి హర్షానా. ఆహారం కూడా అంతే కీలక పాత్ర పోషిస్తుంది. డైటీషియన్ సహాయం లేకుండా, ఖరీదైన డైట్ ప్లాన్స్ జోలికి వెళ్లకుండానే తన బరువును 92 కిలోల నుండి 60 కిలోలకు తగ్గించుకున్నారు. అదెలాగో ఒకసారి చూద్దాం.క్రమం తప్పకుండా వ్యాయామం చేయడం మరియు చురుకైన జీవనశైలిని కలిగి ఉండటం బరువు తగ్గడానికి ఎంతగానో సహాయపడినప్పటికీ, బరువు తగ్గాల నుకునే వారికి సరైన ఆహారపు అలవాట్లు (డైట్) చాలా ముఖ్యం. ఫిట్‌నెస్ ఇన్‌ఫ్లుయెన్సర్ దీప్తి హర్షానా సోషల్‌ మీడియాలో షేర్‌ చేసిన వివరాల ప్రకారం ఆమె కేవలం ఇంట్లో వండుకునే సాధారణ భోజనం, రోజుకు 45 నిమిషాల వ్యాయామంతో ఈ విజయాన్ని సాధించారు. ముఖ్యంగా 5 పదార్థాలను తన ఆహారం నుండి పూర్తిగా దూరం పెట్టి ఈ సక్సెస్‌ను సాధించడం విశేషం. View this post on Instagram A post shared by Deepti | Mom • Fitness • Lifestyle (@deepti_harshana)చక్కెర పానీయాలు (Sugary Drinks)ఇవి శరీరంలో కేలరీలను, బరువును మరియు ముఖం ఉబ్బిపోయేలా చేసే 'వాటర్ రిటెన్షన్'ను పెంచుతాయి. దీనికి ప్రత్యామ్నాయంగా ఆమె నిమ్మరసం, కొబ్బరి నీళ్లు మరియు గ్రీన్ టీ తాగడం అలవాటు చేసుకున్నారు. వైట్ బ్రెడ్ (White Bread)మైదాతో చేసే వైట్ బ్రెడ్‌లోని రిఫైన్డ్ కార్బోహైడ్రేట్లు రక్తంలో చక్కెర స్థాయిలను వేగంగా పెంచి, కొవ్వు పేరుకుపోయేలా చేస్తాయి. దీనికి బదులుగా మల్టీగ్రెయిన్ లేదా హోల్ వీట్ (గోధుమ) బ్రెడ్, సోర్‌డో (sourdough) బ్రెడ్ మరియు ఓట్స్ ఎంచుకున్నారు.ప్యాక్ చేసిన స్నాక్స్ (Packaged Snacks)చిప్స్, కుర్‌కురే లాంటి స్నాక్స్‌లో ఉప్పు, కేలరీలు ఎక్కువగా ఉంటాయి. ఇవి కడుపు ఉబ్బరానికి (bloating, ఇంకా లేనిపోని ఆకలికి కారణమవుతాయి. వీటి స్థానంలో కొద్దిగా వేయించిన శనగలు (roasted chana), డ్రై ఫ్రూట్స్ (nuts), తామర గింజలు (makhana) తిన్నారు.నూనెలో వేయించిన ఫాస్ట్ ఫుడ్ (Fried Fast Food)వీటిలోని అధిక కొవ్వు, ఉప్పు బరువును పెంచడమే కాకుండా శరీరాన్ని బద్ధకంగా మారుస్తాయి. అందుకే ఇంట్లోనే చేసుకునే హెల్తీ వ్రాప్స్ (wraps), పనీర్ లేదా చికెన్ టిక్కా మరియు సాధారణ ఇంటి భోజనాన్ని ప్రాధాన్యత ఇచ్చారు. ఇదీ చదవండి: 256 గంటలు, 131 మంది శ్రమ : ఆమీర్‌-గౌరీ అరుదైన వెడ్డింగ్‌ రింగ్‌అర్ధరాత్రి స్నాక్స్ (Late-Night Snacking)రాత్రి వేళల్లో ఆలోచించకుండా ఏది పడితే అది తినడం వల్ల శరీరానికి అవసరం లేని అదనపు కేలరీలు చేరతాయి. ఈ విషయాన్నిగ్రహించిన ఆమె రాత్రి వేళ చిరుతిండ్లను పూర్తిగా దూరం పెట్టాడు. అలాగే ఆకలిగా లేదా ఏదైనా తినాలనిపిస్తే హెర్బల్ టీ తాగాలని ఆమె సూచించారు. ఇంకా రోజుకు 2-3 లీటర్ల నీళ్లు తాగడం, 7 గంటల నిద్ర, ప్రతీరోజూ వాకింగ్‌ చేస్తే, బాడీలో, ముఖ్యంగా మార్పు తప్పకుండా గమనిస్తారు అంటూ చెప్పుకొచ్చారు. View this post on Instagram A post shared by Deepti | Mom • Fitness • Lifestyle (@deepti_harshana)నోట్‌: కచ్చితమైన ప్రణాళిక, నిపుణుల పర్యవేక్షణ ఉంటే అధిక బరువును తగ్గించుకోవడం సులువే అవుతుంది. ఈ సమాచారం కేవలం సాధారణ అవగాహన కోసం మాత్రమే. బరువు తగ్గడానికి ఎలాంటి డైట్ పాటించాలన్నా ముందుగా వైద్యులను లేదా నిపుణులను సంప్రదించడం మంచిది.ఇదీ చదవండి: ఆమీర్‌ భార్య గౌరి బ్రైడల్‌ లుక్‌ : 'పఠానీ హార్' విశేషాలు తెలుసా?

నల్లగొండ: యువతిని పెళ్లి చేసుకుంటానని నమ్మించి, ఆమెపై లైంగిక దాడికి పాల్పడిన వ్యక్తికి జైలు శిక్ష, జరిమానా విధిస్తూ హుజూర్‌నగర్‌ రెండవ అదనపు జిల్లా న్యాయమూర్తి డాక్టర్‌ శివరామ ప్రసాద్‌ మంగళవారం తీర్పునిచ్చారు. అదనపు పబ్లిక్‌ ప్రాసిక్యూటర్‌ బొబ్బ కోటిరెడ్డి తెలిపిన వివరాల ప్రకారం.. గరిడేపల్లి మండలానికి చెందిన యువతి ఉద్యోగరీత్యా హైదరాబాద్‌లో నివాసం ఉంటుంది. ఆమె వివాహం నిమిత్తం ఒక మ్యారేజ్‌ బ్యూరోకు తన బయోడేటా పంపింది. విషయం తెలుసుకున్న హైదరాబాద్‌లోని బోడుప్పల్‌లో నివాసముండే గొర్రె ప్రభుదాస్‌ ఆమెను సంప్రదించి, వివాహం చేసుకుంటానని నమ్మించాడు.తాను నిరుద్యోగినని తన అవసరాలకు కొంత డబ్బు కావాలని పెద్ద మొత్తంలో వివిధ దఫాల్లో డబ్బులు తీసుకున్నాడు. తన స్వగ్రామమైన కర్నూల్‌లో నివాసముంటున్న తన తల్లిదండ్రులకు పరిచయం చేస్తానని ఆమెను నమ్మించి కర్నూలు కు తీసుకువెళ్లాడు. ఈక్రమంలో ఆమెపై లైంగికదాడికి పాల్పడ్డాడు. అంతేకాకుండా హైదరాబాద్‌లోని అతడి రూమ్‌కి కూడా చాలాసార్లు పిలిపించుకున్నాడు. అనంతరం అధిక కట్నం ఆశించి ప్రభుదాస్‌ వేరే సంబంధాల కోసం ప్రయత్నిస్తున్నాడని తెలిసి ఆమె అతనిని కలిసి పెళ్లి చేసుకోమని కోరగా అతను అందుకు నిరాకరించి వేరే సంబంధం చేసుకుంటానని తేల్చిచెప్పాడు.ఆమెను దుర్భాషలాడి, చంపుతానని బెదిరించడంతో సదరు యువతి గరిడేపల్లి పోలీస్‌ స్టేషన్‌లో ఫిర్యాదు చేసింది. అప్పటి ఎస్‌ఐ రామకృష్ణారెడ్డి కేసు నమోదు చేశారు. హుజూర్‌నగర్‌ సీఐ భాస్కర్‌ దర్యాప్తును పూర్తి చేసి కోర్టులో చార్జిషీట్‌ దాఖలు చేశారు. సాక్షుల పూర్తి విచారణ అనంతరం అదనపు పబ్లిక్‌ ప్రాసిక్యూటర్‌ బొబ్బ కోటిరెడ్డి వాదనలతో ఏకీభవించిన న్యాయస్థానం నిందితుడు గొర్రె ప్రభుదాస్‌పై నేరం నిరూపణ కావడంతో మూడేళ్ల సాధారణ జైలు శిక్ష, రూ 1,500ల జరిమానా విధిస్తూ జిల్లా న్యాయమూర్తి డాక్టర్‌ శివరాం ప్రసాద్‌ తీర్పు చెప్పారు. జరిమానా చెల్లించని పక్షంలో మరొక నెల రోజులు సాధారణ జైలు శిక్ష అనుభవించాలని తీర్పులో పేర్కొన్నారు. ప్రాసిక్యూషన్‌కు లైజన్‌ ఆఫీసర్‌ వెంకన్న సహకరించారు.