NTR district News

గాంధీనగర్‌(విజయవాడసెంట్రల్‌): బంగాళాఖాతంలో ఏర్పడిన అల్పపీడనం వాయుగుండంగా మారింది. ఇది మరింత బలపడి సోమవారం నాటికి తుపాను(అర్ణబ్‌)గా మారే అవకాశం ఉందని భారత వాతావరణ శాఖ(ఐఎండీ) హెచ్చరించింది. అంతేకాక రాబోయే రెండు రోజుల్లో బలపడి తీవ్ర తుపాను మారవచ్చని, తాజా పరిస్థితిని బట్టి బుధవారం ఉదయం నాటికి బాపట్ల, విశాఖపట్నం మధ్య తీరం దాటే అవకాశం ఉందని చెబుతోంది. ఆ సమయంలో భారీ ఈదురు గాలులతో కూడిన వర్షం కురిసే అవకాశం ఉందని, ఈ ప్రభావం జిల్లాపై తీవ్రంగా ఉండే అవకాశం ఉందని హెచ్చరించింది. కంట్రోల్‌ రూమ్‌ ఏర్పాటు.. అర్ణబ్‌ తుపాను హెచ్చరికల నేపథ్యంలో జిల్లా యంత్రాంగం అప్రమత్తమైంది. ఎన్టీఆర్‌ జిల్లా కలెక్టరేట్‌లో 91549 70454తో కంట్రోల్‌ రూం ఏర్పాటు చేసింది. తుపాను ప్రభావంతో ఎలాంటి ప్రాణ, ఆస్తి నష్టం జరగకుండా ముందస్తు సహాయ, రక్షణ చర్యలు చేపట్టేందుకు యంత్రాంగం సిద్ధమైంది. సర్వ సన్నద్ధంగా ఉండండి.. జిల్లాలో తుపాను ప్రభావాన్ని సమర్థంగా ఎదుర్కొనేందుకు రెవెన్యూ, పోలీస్‌, అగ్నిమాపక, విద్యుత్‌, పౌరసరఫరాలు, వైద్య, జలవనరులు తదితర శాఖల జిల్లా అధికారులతో కలెక్టర్‌ లక్ష్మీశ ఆదివారం టెలి కాన్ఫరెన్స్‌ నిర్వహించారు. ఈదురుగాలుల తీవ్రత ఎక్కువగా ఉండే అవకాశం ఉన్నందున రోడ్ల పక్కన ఉన్న భారీ హోర్డింగ్‌లు, ఫ్లెక్సీలను తక్షణమే తొలగించాలని కలెక్టర్‌ ఆదేశించారు. హోర్డింగ్‌ల ఫ్రేమ్‌లపై ఉన్న ఫ్లెక్సీలను తొలగించి ఖాళీగా ఉంచాలన్నారు. కొండ ప్రాంతాలు, లోతట్టు ప్రాంతాలు, పాత భవనాలు, శిథిలావస్థకు చేరిన ఇళ్లలో నివసిస్తున్న వారిని ముందుగానే గుర్తించి సురక్షిత ప్రాంతాలకు తరలించేందుకు చర్యలు చేపట్టాలని ఆదేశించారు. అవసరమైన పునరావాస కేంద్రాలుగా విద్యాసంస్థల భవనాలు, ఫంక్షన్‌ హాళ్లను సిద్ధం చేయాలని సూచించారు. ముఖ్యంగా తిరువూరు, విస్సన్నపేట, జగ్గయ్యపేట ప్రాంతాలపై ప్రత్యేక దృష్టి సాధించాలన్నారు.

గాంధీనగర్‌ (విజయవాడ సెంట్రల్‌): ఎన్నో దశాబ్దాల పాటు రాష్ట్ర ప్రభుత్వానికి సేవలందించి ఉద్యోగ విరమణ చేసిన పెన్షనర్ల సమస్యల పరిష్కారానికి ఏపీ ఎన్జీఓ సంఘం కృషి చేస్తోందని సంఘ రాష్ట్ర అధ్యక్షుడు, ఏపీ జేఏసీ చైర్మన్‌ ఎ. విద్యాసాగర్‌ తెలిపారు. పెన్షనర్ల వయస్సు, ఆరోగ్య అవసరాలు, ఆర్థిక, సాంకేతిక సమస్యలు, ఉద్యోగ విరమణ ప్రయోజనాలకు సంబంధించిన అంశాల పరిష్కారానికి సంఘం నిరంతరం కృషి చేస్తోందన్నారు. ఎన్టీఆర్‌ జిల్లా విజయవాడ గాంధీనగర్‌లోని ఎన్జీఓ హోంలో ఆంధ్రప్రదేశ్‌ ట్రాన్స్‌పోర్ట్‌ పెన్షనర్స్‌ అసోసియేషన్‌ సమావేశం ఆదివారం జరిగింది. ఈ సందర్భంగా విద్యాసాగర్‌ మాట్లాడుతూ పెన్షనర్లకు హెల్త్‌ కార్డుల ద్వారా పూర్తిస్థాయిలో నగదు రహిత వైద్యసేవలు అందుబాటులోకి రావాల్సిన అవసరం ఉందన్నారు. సీనియర్‌ సిటిజన్లకు నాణ్యమైన వైద్యసేవలు సకాలంలో అందేలా చర్యలు తీసుకోవాలన్నారు. ఆంధ్ర ప్రదేశ్‌ ట్రాన్స్‌పోర్ట్‌ పెన్షనర్స్‌ అసోసియేషన్‌ రాష్ట్ర అధ్యక్షుడు సుబ్బారావు, సంఘ ప్రధాన కార్యదర్శి జె. రాజారావు, ఎన్జీఓ నాయకులు పాల్గొన్నారు.

నున్న(విజయవాడరూరల్‌): నున్నలో కొండవాగు నుంచి ఎర్ర చెరువులోకి ప్రవహించే వాగునీరు రాకుండా రియల్‌ ఎస్టేట్‌ వ్యాపారులు రాళ్లతో పూడ్చుతున్నారని రైతులు ఆందోళన వ్యక్తం చేశారు. ఆదివారం నున్న హృదయనగర్‌ కాలనీ సమీపంలో వంతెనకు ఉత్తరం వైపు నుంచి వాగు సమీపంలో భూములను కొందరు రియల్‌ ఎస్టేట్‌ వ్యాపారులు కొనుగోలు చేశారని, ఆ వాగును పూడ్చుతున్నారనే విషయం తెలిసి రైతులు అక్కడకు వెళ్ళి అభ్యంతరం వ్యక్తం చేసి పూడ్చొద్దన్నారు. వాగును పూడ్చటంతో ఎర్ర చెరువుకు వాగునీరు వచ్చే అవకాశం ఉండదని, చెరువు ఆయకట్టు పరిధిలో వ్యవసాయ పంట పొలాలు పండే పరిస్ధితి వుండదని రైతులు ఆందోళన వ్యక్తం చేస్తున్నారు. రెవెన్యూ అధికారులు, ఇరిగేషన్‌ అధికారులు వాగు ఆక్రమణలను తొలగించాలని గ్రామంలోని రైతులు విజ్ఞప్తి చేస్తున్నారు.

మొగల్రాజపురం(విజయవాడ తూర్పు): అర్ణబ్‌ తుపాను ప్రభావం వల్ల విద్యుత్‌ సరఫరాలో ఏ విధమైన అంతరాయం కలుగకుండా పటిష్టమైన చర్యలు తీసుకోవాలని ఆంధ్రప్రదేశ్‌ సెంట్రల్‌ పవర్‌ డిస్ట్రిబ్యూషన్‌ కార్పొరేషన్‌ లిమిటెడ్‌(ఏపీసీపీడీసీఎల్‌) సీఎండీ పి.పుల్లారెడ్డి అధికారులకు చెప్పారు. గుణదలలోని ఏపీ సీపీడీసీఎల్‌ కార్పొరేట్‌ కార్యాలయంలో సమీక్ష సమావేశం ఆదివారం జరిగింది. తుపాను కారణంగా బలమైన గాలులు, భారీ వర్షాలు కురిసే అవకాశం ఉందని ఆంధ్రప్రదేశ్‌ రాష్ట్ర విపత్తుల నిర్వహణ సంస్థ హెచ్చరికలు జారీ చేసిన నేపథ్యంలో జిల్లాలోని పరిస్థితి గురించి సమావేశంలో చర్చించారు. భారీ వర్షాలు, బలమైన గాలుల కారణంగా విద్యుత్‌ స్తంభాలు, విద్యుత్‌ లైన్లు దెబ్బతినే అవకాశం ఉన్నందున ముందస్తు జాగ్రత్తలు తీసుకోవాలని ఆదేశించారు. సమాచారం ఇవ్వండి.. విద్యుత్‌ ప్రమాదాలు లేదా సరఫరా అంతరాయాలకు సంబంధించిన సమాచారం అందించేందుకు ప్రతి సర్కిల్‌ పరిధిలో ప్రత్యేకంగా కంట్రోల్‌ రూమ్‌లను ఏర్పాటు చేశామని పుల్లారెడ్డి చెప్పారు. ● ఎన్టీఆర్‌ జిల్లాలో.. విజయవాడ ఎన్టీఆర్‌ సర్కిల్‌ పరిధిలోని వారు 94408 17561, నూజివీడు డివిజన్‌ 73826 23234, గుణదల డివిజన్‌ 94910 52947లోనూ, అలాగే కృష్ణాజిల్లా సమాచారాన్ని 62817 09355కు తెలియ జేయాల్సిందిగా కోరారు.

ఇంద్రకీలాద్రి(విజయవాడపశ్చిమ): దసరా ఉత్సవాలు ముగిసినా ఇంద్రకీలాద్రికి భవానీలు, భక్తుల రద్దీ కొనసాగుతోంది. ఆదివారం తెల్లవారుజాము నాలుగు గంటలకే ఆలయానికి చేరుకున్న భవానీలు, భక్తులతో క్యూలైన్లు కిటకిటలాడాయి. ప్రధాన ఆలయంలో అమ్మవారికి ఖడ్గమాలార్చన ప్రారంభం కాగా, అప్పటికే క్యూలైన్‌లో వేచి ఉన్న అమ్మవారి దర్శనం కోసం క్యూలైన్లు దాటుకుని ఆలయానికి చేరుకునేందుకు ప్రయత్నించారు. దీంతో ఆలయ అధికారులు అప్రమత్తమై సర్వదర్శనం రెండు క్యూలలో దర్శనానికి అనుమతించారు. తెలంగాణ నుంచి భారీగా భక్తులు తెలంగాణ నుంచి పెద్ద ఎత్తున భక్తులు ఇంద్రకీలాద్రికి తరలివచ్చి అమ్మవారిని దర్శించుకున్నారు. అమ్మవారిని దర్శించుకున్న భక్తులు ఒడిబియ్యంతో పాటు పట్టుచీర, పూలు, పండ్లు, పూజా సామగ్రిని సమర్పించారు. అమ్మవారిని దర్శించుకున్న భవానీలు ఆలయ ప్రాంగణంలోని రావిచెట్టు, ఉపాలయమైన నటరాజ స్వామి వారి ఆలయం, మల్లేశ్వర స్వామి వారి ఆలయాల వద్ద అర్చకుల చేతుల మీదగా దీక్ష విరమణ చేశారు. అన్నదానం కోసం క్యూ దీక్షలు విరమించిన భవానీలు, భక్తులు అమ్మవారి అన్న ప్రసాదం స్వీకరించేందుకు అన్నదాన భవనం వద్ద క్యూ కట్టారు. ఉదయం 10గంటలకే అన్న ప్రసాద వితరణ ప్రారంభించి, నాలుగు గంటల వరకు కొనసాగించారు. మణిపాల్‌లో లైవ్‌ ఆపరేటివ్‌ వర్క్‌షాప్‌ తాడేపల్లి రూరల్‌: తాడేపల్లి పట్టణ పరిధిలోని మణిపాల్‌ హాస్పిటల్‌లో ఆదివారం టెప్‌(టోటల్లీ ఎక్స్‌ట్రాపెరిటోనియల్‌) లైవ్‌ ఆపరేటివ్‌ వర్క్‌షాప్‌ నిర్వహించారు. హాస్పిటల్‌ సర్జికల్‌ గ్యాస్ట్రో ఎంటరాలజీ, మినిమల్‌ యాక్సెస్‌ సర్జరీ, బేరియాట్రిక్‌ సర్జరీ, రోబోటిక్‌ సర్జరీ విభాగాల డైరెక్టర్‌ డాక్టర్‌ గణేష్‌ షెనాయ్‌ మార్గదర్శకత్వంలో వర్క్‌షాప్‌ చేపట్టారు. డాక్టర్‌ గణేష్‌ షెనాయ్‌ మాట్లాడుతూ హెర్నియా చికిత్సలో మినిమల్లీ ఇన్వేసిస్‌ సర్జరీ విధానాలు అభివృద్ధి చెందుతున్నాయని పేర్కొన్నారు. టీఈపీ, ఈటీఈపీ వంటి పద్ధతులు హెర్నియా చిక్సిత అందించడంలో సర్జన్లకు వివిధ మార్గాలను అందిస్తున్నారని వివరించారు. హాస్పిటల్‌ డైరెక్టర్‌ జె.రామాంజనేయరెడ్డి మాట్లాడుతూ హెర్నియా చికిత్సలో ఉపయోగించే ఆధునిక శస్త్రచికిత్స పద్ధతులను ప్రత్యక్షంగా పరిశీలించి, వాటిని రోగుల చికిత్సలో ఎలా ఉపయోగించవచ్చో తెలుసుకునే అవకాశాన్ని సర్జర్లను కల్పించామని తెలిపారు. ప్రత్యక్ష శస్త్రచికిత్స ప్రదర్శనలు, ఆచరణాత్మక శిక్షణ వలన మినిమల్లీ ఇన్వేసివ్‌ విధానాల్లో వివిధ దశలను సర్జన్లు మరింత స్పష్టంగా అర్థం చేసుకోగలరని పేర్కొన్నారు. కార్యక్రమంలో వైద్యులు డాక్టర్‌ డి.రవి(జనరల్‌ సర్జరీ), డాక్టర్‌ డి.వరుణ్‌(సర్జికల్‌ గ్యాస్ట్రో ఎంటరాలజీ) పాల్గొన్నారు.

మొగల్రాజపురం(విజయవాడ తూర్పు): నవంబర్‌ 14వ తేదీ వైజాగ్‌, కాకినాడల్లో జరగనున్న రాష్ట్ర స్థాయి స్మిమ్మింగ్‌ పోటీల్లో ఎన్టీఆర్‌ జిల్లా నుంచి ప్రాతినిధ్యం వహించేందుకు పలు విభాగాల జట్లలోని సభ్యుల ఎంపికలు నగరంలోని గాంధీనగర్‌ సర్‌ విజ్జి స్విమ్మింగ్‌ పూల్‌లో ఆదివారం జరిగాయి. వివిధ విభాగాల్లో ఎంపికై న జట్లలోని స్విమ్మర్లను ఎన్టీఆర్‌ జిల్లా స్విమ్మింగ్‌ అసోసియేషన్‌ ప్రెసిడెంట్‌ కె.రవికాంత్‌, సెక్రటరీ ఐ.రమేష్‌, కృష్ణా జిల్లా స్విమ్మింగ్‌ అసోసియేషన్‌ సెక్రటరీ వి.వినోద్‌, సర్‌ విజ్జి మున్సిపల్‌ కార్పొరేషన్‌ స్విమ్మింగ్‌ పూల్‌ ఇన్‌చార్జ్‌ అనిల్‌, కోచ్‌లు ఎం.మాల్యాద్రి, లక్ష్మణ్‌, రఫీ, గౌతమ్‌ అభినందించారు. ఎంపికై న స్విమ్మర్లు వీరే గ్రూప్‌1బి విభాగంలో.. పి.రమ్య శ్రీ, ఎన్‌.ధ్రుతిరామస్వామి, ఎస్‌.శ్యామంత్‌, ఎస్‌.లక్ష్మి వరుణ్‌, సి.విష్ణువర్థన్‌, ఎండీ ముజాఖిర్‌,వై. రిత్విక్‌సాయివిఘ్నేష్‌, బి.పృధ్వీరాజ్‌, బి.జయప్రకాష్‌ ఎంపికయ్యారని ఎన్టీఆర్‌ జిల్లా స్విమ్మింగ్‌ అసోసియేషన్‌ కార్యదర్శి ఐ.రమేష్‌ తెలిపారు.

ఎన్టీఆర్‌ జిల్లాసోమవారం శ్రీ 26 శ్రీ అక్టోబర్‌ శ్రీ 20267గాంధీనగర్‌(విజయవాడసెంట్రల్‌): మునిసిపల్‌, మండల, జిల్లా పరిషత్‌ ఎన్నికల నేపథ్యంలో ఎన్టీఆర్‌ జిల్లా కలెక్టరేట్‌లో సోమవారం జరగాల్సిన ప్రజా ఫిర్యాదుల పరిష్కారవేదిక (పీజీఆర్‌ఎస్‌) తాత్కాలికంగా రద్దు చేసినట్లు కలెక్టర్‌ డాక్టర్‌ జి. లక్ష్మీశ ఆదివారం ఒక ప్రకటనలో తెలిపారు. దసరా ఉత్సవాలు ముగిసినా ఇంద్రకీలాద్రికి భవానీలు, భక్తుల రద్దీ కొనసాగుతోంది. తెల్లవారుజాము నాలుగు గంటలకే క్యూలైన్లు కిటకిటలాడాయి.ఆత్రేయపురం: కోనసీమ తిరుమల వాడపల్లి వేంకటేశ్వరస్వామి నిత్యాన్నదానానికి విజయవాడ కు చెందిన మంద విజయశేఖరరెడ్డి, సతీష్‌రెడ్డి కుటుంబం రూ.1,16,116 విరాళం సమర్పించారు.

లబ్బీపేట(విజయవాడతూర్పు): టాయిలెట్లు లేకపోవడంతో షాదీఖానా ఏడాదిగా ప్రారంభోత్సవానికి దూరంగా ఉంది. విజయవాడ తూర్పు నియోజకవర్గంలో మైనార్టీల కోసం లబ్బీపేటలో రూ.2 కోట్లతో షాదీఖానా భవన నిర్మాణం చేస్తే, ఏడాది దాటినా టాయిలెట్లు లేవంటూ ప్రారంభోత్సవం నిలిపివేయడంపై ముస్లింలు మండిపడుతున్నారు. ఇటీవల ఆ ప్రాంతాన్ని పరిశీలించిన తూర్పు ఎమ్మెల్యే.. టాయిలెట్ల నిర్మాణానికి నిధులు లేవు... దాతలను చూడండి అని చెప్పడంపై మండిపడుతున్నారు. కనీసం టాయిలెట్ల నిర్మాణం చేయలేని వాళ్లు ఇప్పుడు ఎన్నికల్లో నగరాన్ని అభివృద్ధి చేస్తామంటూ ప్రగల్బాలు పలకడంపై ముస్లింలు మండిపడుతున్నారు. నిర్మాణం పూర్తై ఏడాది.. లబ్బీపేట బందరు కాల్వ ఒడ్డున రెండు అంతస్తుల్లో షాదీఖానా నిర్మాణం ఏడాది క్రితమే పూర్తైంది. దానికి విద్యుత్‌ సరఫరాతో పాటు, టాయిలెట్స్‌ నిర్మాణం చేసి ప్రారంభోత్సవం చేస్తే ముస్లింలు చిన్న ఫంక్షన్‌లు చేసుకునే అవకాశం ఉంది. కానీ ఏడాదిగా ఎలాంటి పనులు చేపట్టకుండా ఆ భవనాన్ని అలాగే వదిలేశారు. అదేమంటే.. వైఎస్సార్‌ సీపీ చేపట్టిన నిర్మాణం కావడమే కారణమంటున్నారు. గతంలో సైతం ఇదే ఎమ్మెల్యే స్థలం కేటాయింపు విషయమై ప్రచారం చేసుకున్నారే కానీ కేటాయించలేదు. ఇప్పుడు కూడా అదే రీతిలో వ్యవహరిస్తున్నారని ముస్లింలు మండిపడుతున్నారు. చిత్తశుద్ధితో నిర్మించిన వైఎస్సార్‌ సీపీ.. రాష్ట్రంలో 2019లో వైఎస్సార్‌ సీపీ అధికారంలోకి వచ్చిన తర్వాత లబ్బీపేటలో షాదీఖానా విషయాన్ని స్థానిక ముస్లింలు వైఎస్సార్‌ సీపీ నియోజకవర్గ ఇన్‌చార్జి దేవినేని అవినాష్‌ దృష్టికి తీసుకెళ్లారు. ఆయన నాటి ముఖ్యమంత్రి వైఎస్‌ జగన్‌ దృష్టికి తీసుకెళ్లి షాదీఖానాకు ఆర్‌ అండ్‌ బీ నుంచి స్థలం కేటాయింపుతో పాటు, నిధులను సైతం మంజూరు చేయించారు. నాటి డిప్యూటీ సీఎం అంజాద్‌బాషాతో శంకుస్థాపన చేయించి, ఎన్నికల నాటికే దాదాపు 60 శాతం నిర్మాణ పనులు పూర్తి చేశారు. అనంతరం మిగిలిన పనులు పూర్తి చేసిన కూటమి ప్రభుత్వం దాన్ని ప్రారంభోత్సవం జరపకుండా నిరుపయోగంగా వదిలేశారు. దీంతో పేద, మధ్యతరగతి ముస్లింలు తీవ్ర ఇబ్బందులు పడుతున్నారు. వైఎస్సార్‌ సీపీ ప్రభుత్వ హయాంలో రూ.2 కోట్లు కేటాయించారు. భవన నిర్మాణం పూర్తైంది. ఇప్పుడు టాయిలెట్స్‌ నిర్మాణం చేపడితే ముస్లింలు వినియోగించుకోవచ్చు. కూటమి ప్రభుత్వం మైనార్టీలకు మంచి చేయడం ఇష్టం లేక దానిని అలాగే వదిలేసింది. ఎమ్మెల్యే ఆ ప్రాంతానికి వచ్చి దాతలు ఉంటే చూడాలని చెప్పడం సిగ్గుచేటు. టాయిలెట్స్‌ కట్టని వారు నగరాన్ని ఏం అభివృద్ధి చేస్తారు. –ఎండీ నాహీద్‌, మైనార్టీ నేత, లబ్బీపేట

ఉంగుటూరు(గన్నవరం): ఉంగుటూరు మండలం ఇందుపల్లిలోని ప్రకృతి వ్యవసాయ క్షేత్రాన్ని అమెరికాలోని న్యూయార్క్‌ బృందం ఆదివారం సందర్శించింది. రైతు కె. రామ్‌ప్రసాద్‌కు చెందిన వ్యవసాయ క్షేత్రంతో పాటు సమీకృత విధానంలో పశువులు, గొర్రెలు, కోళ్ల పెంపకాన్ని ఈ బృందం సభ్యులు పరిశీలించారు. ప్రకృతి వ్యవసాయ పద్ధతులు, శాసీ్త్రయ అంశాలు, నేల సారవంతం పెరగడం, పంటల ఎదుగుదల ప్రయోజనాల గురించి ప్రకృతి వ్యవసాయ జిల్లా ప్రాజెక్ట్‌ మేనేజర్‌ కె. పార్థసారధి వివరించారు. అనంతరం రైతులతో జరిగిన ముఖాముఖి కార్యక్రమంలో ప్రకృతి వ్యవసాయంలో అనుసరిస్తున్న పద్ధతులు, అనుభవాలను న్యూయార్క్‌ బృందం అడిగి తెలుసుకుంది.

గాంధీనగర్‌(విజయవాడసెంట్రల్‌): వైఎస్సార్‌ సీపీ ప్రభుత్వం అధికారంలోకి వచ్చిన వెంటనే ఎన్నికల మేనిఫెస్టో అమలు చేశాం. మేనిఫెస్టోలో ఇచ్చిన హామీలతో పాటు ఇవ్వని వాటిని కూడా 99శాతం అమలు చేశాం. సంక్షేమం, అభివృద్ధి రెండు కళ్లుగా పాలన సాగింది. కానీ కూటమి ప్రభుత్వం అధికారంలోకి వచ్చి రెండున్నరేళ్లు దాటినా ఎన్నికల హామీలు అమలు చేయడంలో పూర్తిగా విఫలమైంది. వైఎస్సార్‌ సీపీ పాలనకు, కూటమి పాలనకు తేడా గమనించాలి. అవినీతి పోయి అభివృద్ధి జరగాలంటే తమను గెలిపించాలి’ అంటూ మునిసిపల్‌ ఎన్నికల్లో వైఎస్సార్‌ సీపీ మేయర్‌, చైర్‌ పర్సన్‌ అభ్యర్థులు విస్తృత ప్రచారం నిర్వహిస్తున్నారు. ఇంటింటికీ వెళ్లి వైఎస్‌ జగన్‌, చంద్రబాబు పాలనకు తేడా వివరిస్తూ ఓటర్లను ఆకర్షిస్తున్నారు. జిల్లాలోని విజయవాడ కార్పొరేషన్‌తోపాటు జగ్గయ్యపేట, నందిగామ, తిరువూరు, కొండపల్లి మునిసిపాలిటీల్లో ప్రచారం సాగుతోంది. ● వైఎస్సార్‌ సీపీ మేయర్‌ అభ్యర్థి రాయన భాగ్యలక్ష్మి నగరంలోని తూర్పు, సెంట్రల్‌ నియోజకవర్గంలోని పలు డివిజన్లలో ఎన్నికల ప్రచారం నిర్వహించారు. తూర్పులో పార్టీ జిల్లా అధ్యక్షుడు దేవినేని అవినాష్‌, సెంట్రల్‌లో మాజీ ఎమ్మెల్యే మల్లాది విష్ణుతో కలిసి విస్తృతంగా ప్రచారం చేశారు. తూర్పులో 12, 22, 23 డివిజన్లలోనూ, సెంట్రల్‌లో 65, 77,79 డివిజన్లలో ప్రచారం చేసి గత ఐదేళ్లలో జరిగిన అభివృద్ధిని వివరించారు. ● అవినీతి పోయి అభివృద్ధి జరగాలంటే వైఎస్సార్‌ సీపీని గెలిపించాలని వైఎస్సార్‌ సీపీ మునిసిపల్‌ చైర్‌ పర్సన్‌ అభ్యర్థి షేక్‌ హఫీజున్నీసా ఓటర్లను కోరారు. జగ్గయ్యపేటలోని 22వ వార్డులో తన్నీరు నాగేశ్వరరావు సతీమణి సుధారాణితో కలిసి హఫీజున్సీసా ఎన్నికల ప్రచారం నిర్వహించారు. 22వ వార్డు కౌన్సిలర్‌ అభ్యర్థి చెరుకుపల్లి రాంబాబు పాల్గొన్నారు. ● కొండపల్లి మునిసిపాలిటీలోని 17, 18, 19, 20, 21, 32, 33, 34 వార్డుల్లో చైర్‌ పర్సన్‌ అభ్యర్థి నల్లమోతు తేజస్వి ఎన్నికల ప్రచారం నిర్వహించారు. ఈ ప్రచారంలో జోగి రాజీవ్‌ పాల్గొని వైఎస్సార్‌ సీపీ అభ్యర్థులను గెలిపించి అభివృద్ధికి బాటలు వేయాలన్నారు. నాయకులు మేడపాటి నాగిరెడ్డి, నల్లమోతు ప్రకాష్‌, లంకె అంకమోహనరావు పాల్గొన్నారు.

కొండపలి(ఇబ్రహీంపట్నం): పట్టణ సమగ్రాభివృద్ధే లక్ష్యంగా పనిచేస్తానని కొండపల్లి మునిసిపాలిటీ వైఎస్సార్‌ సీపీ చైర్‌ పర్సన్‌ అభ్యర్థి నల్లమోతు తేజస్వి తెలిపారు. రాజకీయంగా 20ఏళ్లకు పైగా ఉన్న తమ కుటుంబ సభ్యులు వైఎస్సార్‌ సీపీలో పలు విభాగాల్లో పనిచేస్తున్నారని వెల్లడించారు. తాను కూడా గొల్లపూడి ఏఎంసీ డైరెక్టర్‌గా పనిచేసి మంచి గుర్తింపు తెచ్చుకున్నట్లు తెలిపారు. కొండపల్లి మునిసిపాలిటీలో వైఎస్సార్‌ సీపీ కచ్చితంగా పాలకవర్గం ఏర్పాటు చేస్తుందని ధీమా వ్యక్తం చేశారు. మాజీ మంత్రి జోగి రమేష్‌ సహకారంతో మునిసిపాలిటీలోని దీర్గకాలిక సమస్యల పరిష్కారం, స్వచ్ఛమైన తాగునీరు, కాలుష్యం నివారణే లక్ష్యంగా పనిచేస్తానని చెప్పారు. ఆదివారం ‘సాక్షి’తో ప్రత్యేకంగా ఆమె మాట్లాడారు. ఆ వివరాలు ఆమె మాటల్లోనే.. మౌలిక వసతుల కల్పన.. గత వైఎస్సార్‌ సీపీ పాలనలో కొండపల్లి, ఇబ్రహీంపట్నం ప్రాంతాల్లో 3వేలకు పైగా ప్లాట్లు పేదలకు కేటాయించి నూతన కాలనీలు నిర్మించారు. కాలనీల్లో నివసించే కుటుంబాలకు కనీస సదుపాయాలు కల్పించడంలో ప్రస్తుత ప్రభుత్వం విఫలమైంది. కాలనీతో పాటు మునిసిపాలిటీ పరిధిలో ప్రజలకు అవసరమైన రోడ్లు, డ్రెయినేజీలు, తాగునీరు, వీధి దీపాలు వంటి సదుపాయాల కల్పనకు ప్రాధాన్యం ఇస్తా. ప్రజల వైద్యం, ఆరోగ్యాలకు భరోసా.. ఎన్టీటీపీఎస్‌ బూడిద చెరువు, బూడిద రవాణా కారణంగా కొండపల్లి పరిసర ప్రాంతాల్లో దుమ్ము, కాలుష్యం సమస్య ప్రజలను ఆందోళనకు గురిచేస్తోంది. అనేక మంది శ్వాసకోశ, చర్మ వ్యాధులతో ఇబ్బందులు పడుతున్నారు. ఈ సమస్యను సంబంధిత అధికారుల దృష్టికి తీసుకెళ్లి, కాలుష్య నియంత్రణ చర్యలు చేపట్టేలా ప్రయత్నిస్తా. ఎన్టీటీపీఎస్‌ ద్వారా సూపర్‌ స్పెషాలిటీ వైద్యశాల నిర్మాణానికి కృషి చేసి పేదలకు ఉచిత వైద్యంతో ఆరోగ్య భరోసాకు శాశ్వత పరిష్కారానికి పోరాడుతా. చిరు వ్యాపారులకు చేదోడుగా.. మునిసిపాలిటీ పరిధిలో హైవే పక్కన చిరువ్యాపారాలు చేసుకుంటున్న వారిని నిర్ధాక్షిణ్యంగా తొలిగించడంతో వారి జోవనోపాధిపై పెద్ద దెబ్బ పడింది. వారికి శాశ్వత పరిష్కారం చూపేందుకు పనిచేస్తా. గత వైఎస్సార్‌ సీపీ పాలనలో పురుషులకు చేదోడు, వాహన మిత్రతో వంటి సథకాలతో లబ్ధి చేకూరగా, 67,515 మంది మహిళలకు రూ.200కోట్లకు పైగా ఆసరా, చేయూత వంటి పథకాలతో నగదు నేరుగా బ్యాంకు ఖాతాల్లో జమ అయ్యాయి. ఇప్పుడు ఆ భరోసా వారికి లేకుండా పోయింది. కొండపల్లి ప్రజలకు సురక్షితమైన తాగునీటిని నిరంతరాయంగా అందించేందుకు ప్రత్యేక తాగునీటి సరఫరా ప్రాజెక్టు అవసరం ఉంది. కృష్ణానది ఒడ్డున ఉన్న కొండపల్లికి పాలకుల నిర్లక్ష్యంతో తాగునీటి కష్టాలు రావడం దురదృష్టకరం. గత మునిసిపల్‌ ఎన్నికల సమయంలో ఇంటింటికీ తాగునీటి సరఫరాకు అప్పటి సీఎం వైఎస్‌ జగన్‌మోహన్‌రెడ్డి రూ.57కోట్లు మంజూరు చేశారు. వీటితో పాటు జలజీవన్‌ మిషన్‌ నిధులు వచ్చినా ఇంటింటికీ కుళాయి కల నెరవేరలేదు. ప్రస్తుత పైలెట్‌ ప్రాజెక్ట్‌ కొండ పల్లితో పాటు నియోజకవర్గవ్యాప్తంగా 104 గ్రామాలకు తాగునీటి సరఫరా చేస్తున్నందున స్థానికంగా నీటి ఇబ్బందులు తలెత్తాయి. ప్రత్యేక ప్రాజెక్ట్‌తో ప్రతి కుటుంబానికి స్వచ్ఛమైన తాగునీరు అందించాలన్నది ప్రధాన లక్ష్యం. 400 ఏళ్లకు పైగా చారిత్రక కలిగిన కొండపల్లి ఖిల్లా ప్రాశస్త్యాన్ని కాపాడుతూ.. కొండపల్లి బొమ్మల పరిశ్రమ అభివృద్ధి చేసేందుకు కృషి చేస్తా. ప్రత్యేక నిధులు, గ్రాంట్లు రప్పించి ఖిల్లా, బొమ్మల పరిశ్రమ అభివృద్ధికి తోడ్పాటు అందిస్తా. కొండపల్లి బొమ్మల పరిశ్రమ కళాకారులు పడుతున్న ప్రధాన సమస్య అయిన తెల్లపొనికి కలప పెంపకం, ఆన్‌లైన్‌ మార్కెటింగ్‌ మెరుగు పరిచేందుకు అధికారులతో సంప్రదించి ప్రోత్సహిస్తా. తద్వారా పర్యాటకంగా కొండపల్లి పురోగభివృద్ధి సాధిస్తుందనే నమ్మకం ఉంది.

పాయకాపురం(విజయవాడరూరల్‌): కార్పొరేషన్‌ ఎన్నికలు జరగబోతున్న తరుణంలో టీడీపీకి ఎదురుదెబ్బ తగిలింది. టీడీపీ నుంచి 11 మంది కార్యకర్తలు ఆ పార్టీకి రాజీనామా చేసి వైఎస్సార్‌ సీపీలోకి చేరారు. ఆదివారం రాజీవ్‌నగర్‌లోని వైఎస్సార్‌ సీపీ కార్యాలయం లో పార్టీ నేతలు అంగిరేకుల నాగేశ్వరరావు, 85వ డివిజన్‌ వైఎస్సార్‌ సీపీ అభ్యర్థిని అంగిరేకుల గొల్లభామ, క్లస్టర్‌ ఇన్‌చార్జి పసుపులేటి ఏసు వారికి పార్టీ కండువాలను కప్పి సాదరంగా పార్టీలోకి ఆహ్వానించారు. టి.చంద్రశేఖర్‌, టి.బుజ్జి, వి.శ్రీను, బి.తవ్టీస్‌, కె.వెంకటేశ్వరరావు, ఎన్‌.సూర్‌రెడ్డి, బి.నాగు, వి.రాజు, బాలు, టి.భాస్కరరావు, టి.దుర్గారావు టీడీపీ నుంచి వైఎస్సార్‌ సీపీలోకి చేరారు. పార్టీ అభివృద్ధికి అభ్యర్థి గెలుపు కోసం కృషి చేయాలని పసుపులేటి ఏసు వారికి సూచించారు. పెదకళ్లేపల్లి(మోపిదేవి): మండల పరిధిలోని పెదకళ్లేపల్లి జెడ్పీ పాఠశాల ఆవరణలో ఆదివారం అండర్‌–19 జిల్లా స్థాయి బాల్‌బ్యాడ్మింటన్‌ చాంపియన్‌షిప్‌ పోటీలు నిర్వహించారు. పోటీల్లో బాలికల విభాగంలో మచిలీపట్నం సౌత్‌ జట్టు ప్రథమ స్థానం సాధించగా, మచిలీపట్నం నార్త్‌ జట్టు ద్వితీయ స్థానాన్ని కైవసం చేసుకున్నట్లు ఎంపిక కమిటీ అధ్యక్షుడు వి.వెంకటేశ్వరావు తెలిపారు. బాలుర విభాగంలో విజయవాడ జట్టు మొదటి స్థానం సాధించగా, పెడన ద్వితీయ స్థానంలో నిలిచినట్లు తెలిపారు. పోటీల్లో క్రీడాకారులు ప్రదర్శించిన ప్రతిభ, నైపుణ్యాల ఆధారంగా జిల్లా స్థాయి జట్లకు క్రీడాకారులను ఎంపిక చేసినట్లు కమిటీ నిర్వాహకులు వివరించారు. పోటీల్లో ఎంపిక కమిటీ సెక్రటరీ శివశంకర్‌, కన్వీనర్‌ మోహనరావు, సభ్యులు కె.రాజేంద్రబాబు, ఎం.చెన్నకేశవ, యు.అశోక్‌ తదితరులు పాల్గొన్నారు. కంచికచర్ల: ఎంపీటీసీ నామినేషన్ల పరిశీలన సందర్భంగా దాడి, బెదిరింపులకు పాల్పడిన వ్యక్తిపై ఫిర్యాదు మేరకు కేసు నమోదు చేసినట్లు ఎస్‌ఐ పి. శంకరరావు ఆదివారం తెలిపారు. ఎస్‌ఐ తెలిపిన వివరాల ప్రకారం కంచికచర్ల మండల పరిషత్‌ అధికారి కార్యాలయంలో ఈ నెల 24వ తేదీ మధ్యాహ్నం సమయంలో ఎంపీటీసీ నామినేషన్ల పరిశీలన జరుగుతున్న సందర్భమది. అప్పుడు కంచికచర్ల 6వ ఎంపీటీసీ స్థానానికి స్వతంత్ర అభ్యర్థిగా నామినేషన్‌ దాఖలు చేసిన చింతమాల నవీన్‌ అంబేద్కర్‌ తరఫున అభ్యంతరం తెలియజేయడానికి వెళ్లిన బర్రె శ్రీనివాసరావుపై బర్రె ఉదయ్‌కిరణ్‌ అనే వ్యక్తి దాడిచేసి దూషిస్తూ బెదిరింపులకు పాల్పడినట్లు ఫిర్యాదు అందిందన్నారు. ఘటనపై బాదితుడు శ్రీనివాసరావు ఈనెల 25న ఫిర్యాదు చేశారని ఫిర్యాదు మేరకు ఉదయ్‌కిరణ్‌పై క్రైం నంబర్‌ 302 /2026 భారతీయ న్యాయ సంహిత(బీఎన్‌ఎస్‌) 126(2), 131,351(2) సెక్షన్‌ల కింద కేసు నమోదు చేశామని ఎస్‌ఐ తెలిపారు. మహిళ మృతి పామర్రు: టిప్పర్‌ను కారు ఢీకొన్న ఘటనలో మహిళ మృతి చెందిన ఘటన ఆదివారం చోటు చేసుకుంది. పామర్రు పోలీసులు తెలిపిన వివరాల ప్రకారం ఎన్టీఆర్‌ జిల్లా జగ్గయ్యపేటకు చెందిన ఓర్సు ఆదినారాయణ, తన తల్లి ఓర్సు చిన్న తిరుపతమ్మ(55), దుండగుల నాగమణి, కోట నరేష్‌, గోపీకృష్ణలతో కలిసి ఏపీ03సీఎఫ్‌5149 నంబరు కారులో అర్ధరాత్రి వేళ మోపిదేవి గ్రామానికి బయలుదేరారు. మార్గ మధ్యలో సుమారు అర్ధరాత్రి 2 గంటల సమయంలో పామర్రు, గుడివాడ ఫ్లైఓవర్‌ వద్దకు కారు చేరుకుంది. ఆ సమయంలో విజయవాడ నుంచి మచిలీపట్నం వైపు వెళ్తున్న ఏపీ25వై5208 నంబరు టిప్పర్‌ లారీ అకస్మాత్తుగా ఆగింది. దీంతో కారు.. టిప్పర్‌ లారీని ఢీ కొట్టింది. ఘటనలో కారులో ప్రయాణిస్తున్న ఓర్సు చిన్న తిరుపతమ్మ అక్కడికక్కడే మృతి చెందారు. కారులో ఉన్న నలుగురు ప్రయాణికులు గాయపడగా వారిని వెంటనే మచిలీపట్నం ప్రభుత్వ ఆస్పత్రికి తరలించారు. విషయం తెలుసుకున్న పామర్రు ఎస్‌ఐ కూచిపూడి శ్రీనివాస్‌ హుటా హుటిన ఘటనా స్థలానికి చేరుకుని వివరాలను నమోదు చేసి సహాయ చర్యలు తీసుకున్నారు. కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు.

పటమట(విజయవాడతూర్పు): వీఎంసీ ఎన్నికల నేపథ్యంలో విజయవాడ నగర పాలక సంస్థ ఫ్లయింగ్‌ స్క్వాడ్‌ అధికారి డాక్టర్‌ డి.హరీష్‌ తన బృందంతో శనివారం నగర పరిధిలోని భవానీపురం, ఊర్మిళనగర్‌, చిట్టినగర్‌, ఐ.వి. ప్యాలెస్‌, 5 వ నంబరు బస్సు రూట్‌ ప్రాంతాల్లో క్షేత్రస్థాయి తనిఖీలు నిర్వహించారు. ఈ సందర్భంగా ఎన్నికల ప్రవర్తనా నియమావళి అమలు, ఎన్నికలకు సంబంధించిన నిబంధనల పాటింపు, ఎన్నికల నేపథ్యంలో చేపట్టాల్సిన చర్యలు, ఇతర ఎన్నికల సంబంధిత అంశాలను క్షేత్రస్థాయిలో పరిశీలించారు. నగరంలోని వివిధ ప్రాంతాల్లో ఎన్నికల ప్రవర్తనా నియమావళి అమలుతీరును తనిఖీ చేసి, ఎన్నికలకు సంబంధించిన నిబంధనలపై పర్యవేక్షణ చేపట్టారు. ఎన్నికల ప్రక్రియలో భాగంగా నగర పరిధిలో ఎన్నికల ప్రవర్తనా నియమావళి అమలును నిరంతరం పర్యవేక్షిస్తూ, ఎన్నికల సంబంధిత అంశాలపై ఫ్లయింగ్‌ స్క్వాడ్‌ క్షేత్రస్థాయి తనిఖీలు నిర్వహిస్తోంది.

పెనమలూరు: కానూరు స్కాట్‌స్సైస్‌ ఇంటర్నేషనల్‌ పాఠశాలకు చెందిన విద్యార్థిని జాతీయ స్థాయిలో బ్యాండీ(ఐస్‌ హాకీ)పోటీలో పతకం సాధించింది. ఈ మేరకు ప్రిన్సిపాల్‌ చలసాని ప్రతిమ శనివారం వివరాలు వెల్లడించారు. 8వ జాతీయ బ్యాండీ–2026 పోటీలు ఉత్తరాఖండ్‌ రాష్ట్రం డెహరాడూన్‌లో ఇటీవల నిర్వహించారని, తమ పాఠశాలలో 3వ తరగతి విద్యార్థిని అబ్దుల్‌ అఫ్షిన్‌ అండర్‌ 10 విభాగంలో కాంస్య పతకం గెలిచిందన్నారు. ఈ సందర్భంగా అఫ్షిన్‌ను, కోచ్‌ ఎండీ ఖాజాను పాఠశాల చైర్మన్‌ వీరమాచినేని వంశీకృష్ణ, డైరెక్టర్‌ శాంతి, సీఈవో కొడాలి జాహ్నవి అభినందించారు. రేపు ఇంద్రకీలాద్రి గిరిప్రదక్షిణ ఇంద్రకీలాద్రి(విజయవాడపశ్చిమ): పౌర్ణమిని పురస్కరించుకుని 26వ తేదీ సోమవారం శ్రీదుర్గా మల్లేశ్వరస్వామి వార్లు కొలువై ఉన్న ఇంద్రకీలాద్రి గిరి ప్రదక్షిణ జరగనుందని దుర్గగుడి ఈఓ శీనా నాయక్‌ తెలిపారు. సోమవారం తెల్లవారుజామున 5.55 గంటలకు దుర్గగుడి ఘాట్‌రోడ్డులోని కామధేను అమ్మవారి ఆలయం నుంచి గిరి ప్రదక్షిణ ప్రారంభమవుతుందన్నారు. ప్రత్యేకంగా అలంకరించిన వాహనంపై శ్రీదుర్గా మల్లేశ్వరస్వామి వార్ల ఉత్సవ మూర్తులు కొలువు తీరుతారు. ఆలయ అర్చకులు పూజా కార్యక్రమాల అనంతరం వాహనంతో పాటు దేవస్థాన ప్రచార రథం ముందుకు సాగుతుంది. గిరి ప్రదక్షిణలో ఆలయ అధికారులు, సిబ్బంది, అర్చకులతో పాటు భక్తులు, ఉభయదాతలు, సేవా సిబ్బంది విరివిగా పాల్గొనాలని దేవస్థాన వైదిక కమిటీ పిలుపునిచ్చింది. అమరావతి: ప్రపంచ ప్రఖ్యాతిగాంచిన అమరా వతిలోని అపురూపమైన బౌద్ధ వారసత్వ సంపదను సింగపూర్‌ పాత్రికేయ బృందం శనివారం సందర్శించింది. స్థానిక పురావస్తు మ్యూజియం, అమరావతి మహాస్తూపం, ధ్యానబుద్ధ విగ్రహాన్ని బృందం సందర్శించింది. సింగపూర్‌ పాత్రికేయ బృంద సభ్యులు భవన్‌ జైప్రగాస్‌, డారిల్‌ లిమ్‌, కీర్తిగా రవీందరన్‌, మహమ్మద్‌ ఇజ్వాండి బిన్‌ అజ్మాన్‌, శివరంజని గుణశేఖరన్‌లకు పురావస్తు, పర్యాటక శాఖల అధికారులు స్వాగతం పలికారు. స్థానిక అధికారులు అమరావతి బౌద్ధ వారసత్వ ప్రాముఖ్యత ను, బౌద్ధధర్మం మానవ జీవనవిధానంపై చూపిన ప్రభావాన్ని అమరావతికి ఉన్న చారిత్రక, సాంస్కృతిక, ఆధ్యాత్మిక విశిష్టతను బృంద సభ్యులకు వివరించారు. కార్యక్రమంలో ఆంధ్రప్రదేశ్‌ పర్యాటక ప్రాధికార సంస్థ ఆర్‌డీ ఈడి ప్రసన్నలక్ష్మి, జిల్లా పర్యాటక శాఖాధికారి నాయుడమ్మ, పురావస్తు శాఖాధికారి నాగేంద్రకుమార్‌ పర్యాటక శాఖ యూనిట్‌ మేనేజర్‌ అశోక్‌ తదితరులు పాల్గొన్నారు. డ్రైన్‌లో గుర్తు తెలియని మృతదేహం చిట్టినగర్‌(విజయవాడపశ్చిమ): పాముల కాల్వ నుంచి వైవీ రావు రింగ్‌ వైపు ఉన్న డ్రైన్లో గుర్తు తెలియని వ్యక్తి మృతదేహాన్ని శనివారం గుర్తించారు. ఘటనపై వీఆర్వో మర్రెపూడి శివయ్య ఇచ్చిన ఫిర్యాదు మేరకు పోలీసులు కేసు నమోదు చేశారు. పోలీసులు తెలిపిన వివరాల ప్రకారం వైవీ రావు రింగ్‌ సమీపంలోని చిన్న వంతెన వద్ద గుర్తు తెలియని వ్యక్తి మృతదేహం ఉందని పోలీసులకు సమాచారం అందింది. ఘటనా స్థలానికి చేరుకున్న పోలీసులు కాల్వలో గుర్రపు డెక్క కింద తలకిందులుగా సుమారు 45 నుంచి 50 ఏళ్ల పురుషుడి మృతదేహాన్ని గుర్తించారు. మృతదేహం పూర్తిగా కుళ్లిన స్థితిలో ఉండటంతో స్థానికులెవరూ సదరు వ్యక్తిని గుర్తు పట్టలేదు. దీంతో పోలీసులు మృతదేహాన్ని ప్రభుత్వాసుపత్రి మార్చురీకి తరలించారు. ఘటనపై వీఆర్వో ఇచ్చిన ఫిర్యాదు మేరకు పోలీసులు కేసు నమోదు చేశారు.

గాంధీనగర్‌(విజయవాడసెంట్రల్‌): విజయవాడ నగరపాలక సంస్థ, మునిసిపాలిటీల్లో వైఎస్సార్‌ సీపీ మేయర్‌, చైర్మన్‌ అభ్యర్థుల ప్రచారం ఊపందుకుంది. అభ్యర్థులకు ప్రజల నుంచి విశేష ఆదరణ లభిస్తోంది. విజయవాడ కార్పొరేషన్‌, జగ్గయ్యపేట, నందిగామ, తిరువూరు, కొండపల్లి మునిసిపాలిటీల్లో మేయర్‌, చైర్మన్‌ అభ్యర్థులు, ఆయా డివిజన్లలో కార్పొరేటర్‌, కౌన్సిలర్‌ అభ్యర్థులు శనివారం ఎన్నికల ప్రచారం నిర్వహించారు. వైఎస్సార్‌ సీపీ ప్రభుత్వ హయాంలో జరిగిన సంక్షేమం, అభివృద్ధిని వివరిస్తూ, కూటమి ప్రభుత్వ వైఫల్యాలను ఎండగడుతూ ప్రచారం సాగిస్తున్నారు. విజయవాడలో.. నగరంలోని 60వ డివిజన్‌ కాళేశ్వరరావు రోడ్డు, చిలుకు దుర్గయ్య వీధి ప్రాంతాల్లో మేయర్‌ అభ్యర్థి రాయన భాగ్యలక్ష్మి, కార్పొరేటర్‌ అభ్యర్థి యర్రంశెట్టి అంజిబాబు ఎన్నికల ప్రచారం నిర్వహించారు. మాజీ ఎమ్మెల్యే మల్లాది విష్ణు పాల్గొని కూటమి ప్రభుత్వ వైఫల్యాలను ఎండగట్ట్టారు. నగరాభివృద్ధిని కూటమి ప్రభుత్వం విస్మరించిందన్నారు. మేయర్‌ అభ్యర్థి రాయన భాగ్యలక్ష్మి మాట్లాడుతూ.. గత ఐదేళ్లలో నగరంలో చేసిన అభివృద్ధి, సంక్షేమాన్ని వివరించారు. ఈ ఎన్నికల్లో వైఎస్సార్‌ సీపీ అభ్యర్థులను గెలిపించి నగరాభివృద్ధికి సహకరించాలని కోరారు. జగ్గయ్యపేటలో.. జగ్గయ్యపేట పట్టణంలో వైఎస్సార్‌ సీపీ అభ్యర్థుల ఎన్నికల ప్రచారం ముమ్మరంగా సాగుతోంది. ఏడో వార్డులో చైర్‌పర్సన్‌ అభ్యర్థి హఫీజున్నీసా, పార్టీ నియోజకవర్గ ఇన్‌చార్జి తన్నీరు నాగేశ్వరరావు, పార్టీ రాష్ట్ర కార్యదర్శి ఇంటూరి రాజగోపాల్‌ (చిన్న)తో కలిసి ఇంటింటికీ వెళ్లి ఓట్లు అభ్యర్థించారు. వారి ప్రచారానికి ప్రజల నుంచి మంచి లభించింది. ఆరు, ఏడు వార్డుల కౌన్సిలర్‌ అభ్యర్థులు బొజ్జ లక్ష్మి, పాగోల్‌ బ్యూలా ప్రియదర్శిని పాల్గొన్నారు. తిరువూరులో.. తిరువూరు మునిసిపాలిటీ వైఎస్సార్‌ సీపీ చైర్మన్‌ అభ్యర్థి పరసా శ్రీనివాసరావు, కౌన్సిలర్‌ అభ్యర్థి పాలం రమాదేవి ఏడో వార్డులో ఎన్నికల ప్రచారం నిర్వహించారు. ప్రచారంలో భాగంగా ప్రతి ఒక్కరిని ఆప్యాయంగా పలుకరిస్తూ ముందుకు సాగారు. పార్టీ నాయకులు వెలుగోటి ఆదినారాయణ, గజ్జల సీతారామయ్య, తంగిరాల వెంకటరెడ్డి పాల్గొన్నారు. నందిగామలో.. నందిగామ మున్సిపల్‌ చైర్మన్‌ అభ్యర్థి చల్లా బ్రహ్మేశ్వరరావు,మాజీ ఎమ్మెల్యే మొండితోక జగన్‌మోహన్‌రావుతో కలిసి ఎన్నికల ప్రచారం చేశారు. ఓటర్లను కలుసుకుని వైఎస్సార్‌ సీపీని గెలిపిస్తే చేపట్టే అభివృద్ధి కార్యక్రమాలను వివరించారు. కొండపల్లిలో.. కొండపల్లి మున్సిపాలిటీలోని 4, 5, 6, 7, 8, 9, 10 వార్డుల్లో వైఎస్సార్‌సీపీ చైర్‌ పర్సన్‌ అభ్యర్థి నల్లమోతు తేజస్వి, వార్డు కౌన్సిలర్‌ అభ్యర్థుల విజయాన్ని కాంక్షిస్తూ మాజీ మంత్రి జోగి రమేష్‌ ఎన్నికల ప్రచారం నిర్వహించారు. జోగి రమేష్‌ మాట్లాడుతూ.. కూటమి ప్రభుత్వం మోసపూరిత హామీలతో గద్దెనెక్కి సంక్షేమాన్ని, అభివృద్ధిని గాలికి వదిలేసిందన్నారు. కొండపల్లి అభివృద్ధి చెందాలంటే వైఎస్సార్‌సీపీ అభ్యర్థులకు ఓట్లు వేసి గెలిపించాలని అభ్యర్థించారు.

లబ్బీపేట(విజయవాడతూర్పు): కొండ ప్రాంత ప్రజలు సమస్యల వలయంలో బిక్కు బిక్కు మంటూ జీవనం సాగిస్తున్నారు. కూటమి ప్రభుత్వం అధికారంలోకి వచ్చిన రెండున్నరేళ్లలో కొండ ప్రాంత ప్రజల సమస్యలను గాలికొదిలేసింది. దీంతో భారీ వర్షాలు పడినప్పుడు కొండ చరియలు జారి పడి ఆ రాళ్ల కింద బడుగుల బతుకులు చితికిపోతున్నాయి. అయినప్పటికీ పాలకుల్లో చలనం రావడం లేదు. రిటైనింగ్‌ వాల్స్‌ నిర్మాణం, మంచినీటి సమస్యలు ఎక్కడికక్కడ తిష్ట వేసుకు కూర్చున్నాయి. కొండ ప్రాంతాల్లో అభివృద్ధి ఊసే ఎత్తడం లేదు. మంచినీరు, మెట్ల మార్గాలు, డ్రైనేజీ, విద్యుత్‌, వీధి లైట్లు వంటి అనేక సమస్యలతో సహజీవనం సాగిస్తున్నారు. పాలకుల నిర్లక్ష్యమే కారణం కూటమి ప్రభుత్వం అధికారంలోకి వచ్చిన తర్వాత 2024 ఆగస్టు 31న వచ్చిన భారీ వర్షాలకు సున్నపు బట్టీల సెంటర్‌లో కొండరాళ్లు జారి ఓ ఇంటిపై పడ్డాయి. దీంతో ఐదు ప్రాణాలు రాళ్ల కింద చితికిపోయాయి. వారిలో ఎంతో భవిష్యత్తు ఉన్న హోట ల్‌ మేనేజ్‌మెంట్‌ విద్యార్థులు కూడా ఉన్నారు. భారీ వర్షం వస్తుందని తెలిసినా పాలకులు ముందుగా ఎలాంటి హెచ్చరికలు చేయకపోవడమే ఇందుకు కారణం. ఇలాంటి ఘటనలు జరగకుండా చర్యలు తీసుకోవాల్సిన ప్రభుత్వం చోద్యం చూస్తోంది. మధ్యలో నిలిచిన రిటైనింగ్‌ వాల్‌ పనులు గులాం మొహిద్దీన్‌ నగర్‌లో రెండు వేల మందికి పైగా ప్రజలు నివసిస్తున్నారు. ఇక్కడ మెట్ల మార్గం ఎదురుగా ఉన్న ప్రాంతం ప్రమాదకరంగా ఉండటంలో గత ప్రభుత్వంలో రూ.16 లక్షలు కేటాయించి రిటైనింగ్‌ వాల్‌ నిర్మాణ పనులు చేపట్టారు. ఆ వాల్‌ నిర్మాణం సగం పూర్తయిన తర్వాత నిలిపివేయడంతో ఆ ప్రాంతంలో ప్రమాదకరంగా మారింది. ప్రజలు ఏ మాత్రం గమనించక పోయినా కొండపై నుంచి పడిపోయే ప్రమాదం ఉందని స్థానికులు ఆందోళన వ్యక్తం చేస్తున్నారు. పనులు పూర్తి చేయాలని డిమాండ్‌ చేస్తున్నారు.

వైఎస్సార్‌ సీపీ ప్రభుత్వ హయాంలో నగరంలోని 90 వేల మందికి ‘పేదలందరికీ ఇళ్లు’ పథకం ద్వారా నగర శివారులోని మద్దూరు, వణుకూరు, పాములకాలువ, జి.కొండూరు తదితర ప్రాంతాల్లో ఇళ్ల స్థలాలు మంజూరు చేసి ఇళ్ల నిర్మాణం చేసి అందించింది. కూటమి ప్రభుత్వం ఏర్పడి రెండున్నరేళ్ల తర్వాత ఒక్క నూతన గృహాన్నీ మంజూరు చేయలేదు. వైఎస్సార్‌ సీపీ ఆధ్వర్యంలో నగరంలో కొత్తగా భవానీపురం, కృష్ణలంక, అజిత్‌సింగ్‌నగర్‌, లెనిన్‌సెంటర్‌లో 15 పార్కుల నిర్మాణం చేపట్టి పూర్తిచేస్తే కూటమి ప్రభుత్వంలో ఉన్న పార్కులకు కూడా నిధులు కేటాయించలేదు. పార్కులకు అవసరమైన పరికరాలను సక్రమంగా సమకూర్చలేదు.

హనుమాన్‌జంక్షన్‌రూరల్‌: జిల్లాలో జెడ్పీటీసీ, ఎంపీటీసీ ఎన్నికలను నిబంధనల మేరకు నిష్పక్షపాతంగా, పారదర్శకంగా నిర్వహించాలని జిల్లా ఎన్నికల అధికారి, కలెక్టర్‌ డీకే బాలాజీ అధికారులను ఆదేశించారు. స్థానిక మహాత్మగాంధీ నగర్‌లోని బాపులపాడు మండల పరిషత్‌ కార్యాలయంలో జరుగుతున్న జెడ్పీటీసీ, ఎంపీటీసీ నామినేషన్ల పరిశీలన ప్రక్రియను ఎస్పీ విద్యాసాగర్‌ నాయుడితో కలిసి కలెక్టర్‌ డీకే బాలాజీ శనివారం క్షేత్రస్థాయిలో పరిశీలించారు. నామినేషన్ల పరిశీలన జరుగుతున్న తీరు, ఎన్నికల నిబంధనల అమలును సమీక్షించారు. జిల్లాలో స్వేచ్ఛాయుత వాతావరణంలో స్థానిక ఎన్నికలు నిర్వహించేందుకు అవసరమైన చర్యలు తీసుకుంటున్నామని కలెక్టర్‌ బాలాజీ తెలిపారు. రాష్ట్ర ఎన్నికల సంఘం నిబంధనలకు అనుగుణంగా వ్యవహరించాలని అధికారులకు సూచించినట్లు చెప్పారు. ఎన్నికల నిబంధనలు, నామినేషన్ల పరిశీలనపై రిటర్నింగ్‌ అధికారులకు ఎలాంటి సందేహాలు వచ్చినా వెంటనే నివృత్తి చేసేందుకు ప్రత్యేకంగా డౌట్‌ క్లియరెన్స్‌ కార్యక్రమాలు కూడా చేపట్టినట్లు తెలిపారు. ఎస్పీ విద్యాసాగర్‌ నాయుడు మాట్లాడుతూ జిల్లాలో జెడ్పీటీసీ, ఎంపీటీసీ నామినేషన్ల స్వీకరణ ప్రక్రియలో ఎక్కడా అవాంఛనీయ సంఘటనలు లేకుండా ప్రశాంతంగా ముగిసిందని చెప్పారు. ఎన్నికల ప్రతి దశలోనూ ఎలాంటి సమస్యలు తలెత్తకుండా పటిష్టమైన ఏర్పాట్లు చేసినట్లు వెల్లడించారు. ఎన్నికల ప్రచార కార్యక్రమాలు, పోలింగ్‌, ఓట్ల లెక్కింపు సమయంలోనూ ఎలాంటి అవాంఛనీయ సంఘటనలు జరగకుండా తగిన పోలీస్‌ బందోబస్తు ఏర్పాటు చేస్తామని చెప్పారు. దీనికోసం శాంతిభద్రతల పరిరక్షణకు అవసరమైన పోలీస్‌ బలగాలు సిద్ధంగా ఉన్నాయని స్పష్టం చేశారు. కార్యక్రమంలో గుడివాడ ఆర్డీవో జి.బాలసుబ్రహ్మణ్యం, బాపులపాడు తహసీల్దార్‌ బి.మురళీకృష్ణ, హనుమాన్‌జంక్షన్‌ సీఐ ఎల్‌.రమేష్‌, ఎస్‌ఐ ఎం.శ్రీనివాస్‌ పాల్గొన్నారు. జిల్లా ఎన్నికల అధికారి, కలెక్టర్‌ డీకే బాలాజీ

విమానాశ్రయం(గన్నవరం): ఈ నెల 26న ఉప రాష్ట్రపతి సి.పి.రాధాకృష్ణన్‌ పర్యటనకు సంబంధించి భద్రత, ప్రొటోకాల్‌ ఏర్పాట్లను పకడ్బందీగా పూర్తి చేయాలని కృష్ణా జిల్లా కలెక్టర్‌ డి.కె.బాలాజీ అధికారులకు సూచించారు. స్థానిక విమానాశ్రయంలో శనివారం ఉప రాష్ట్రపతి పర్యటన ఏర్పాట్లపై ఎస్పీ వి.విద్యాసాగర్‌నాయుడు, ఐఎస్‌డబ్ల్యూ, హెచ్‌ఎఫ్‌ఏసీ సూపరింటెండెంట్‌ ఆఫ్‌ పోలీస్‌ కె.ఆరిఫ్‌ హఫీజ్‌, జిల్లా ఉప రాష్ట్రపతి భద్రత అధికారులు, వివిధ శాఖల అధికారులతో ఆయన సమన్వయ సమావేశం నిర్వహించారు. ఈ సందర్భంగా కలెక్టర్‌ బాలాజీ మాట్లాడుతూ.. ఉప రాష్ట్రపతి ఈ నెల 26న విమా నాశ్రయానికి చేరుకుని ఎన్టీఆర్‌ జిల్లాలో జరిగే పలు కార్యక్రమాల్లో పాల్గొని తిరిగి ఎయిర్‌పోర్ట్‌కు చేరుకుంటారని తెలిపారు. ఉప రాష్ట్రపతి పర్యటన సందర్భంగా విమానాశ్రయంలో కంట్రోల్‌ రూమ్‌, గ్రీన్‌ రూమ్‌, వీఐపీ రిసెప్షన్‌, పార్కింగ్‌ తదితర ఏర్పాట్లను ముందుగానే పూర్తిచేయాలని సూచించారు. ఉపరాష్ట్రపతి కాన్వాయ్‌ మార్గాన్ని క్షుణ్ణంగా పరిశీలించి కీలక ప్రాంతాల్లో పటిష్టవంతమైన బందోబస్తు, ట్రాఫిక్‌ నియంత్రణ చర్యలు చేపట్టాలని ఆదేశించారు. అత్యవసర పరిస్థితులను ఎదుర్కొనేందుకు వైద్య బృందాలు, అంబులెన్స్‌లు, అవసరమైన వైద్య పరికరాలు, అగ్నిమాపక శాఖ ఫైర్‌ టెండర్లను అందుబాటులో ఉంచాలని పేర్కొన్నారు. నిరంతర విద్యుత్‌ సరఫరాకు చర్యలు తీసుకోవాలని, ఎస్పీజీ సూచించిన భద్రత ప్రొటోకాల్‌ను తప్పక పాటించాలని సూచించారు. ఉప రాష్ట్రపతి సెక్యూరిటీ అండర్‌ సెక్రటరీ చందన్‌.డి, డీసీపీ బి.సత్యనారాయణ, ఎయిర్‌పోర్ట్‌ డైరెక్టర్‌ ఎం.లక్ష్మీకాంతరెడ్డి, గుడివాడ ఆర్డీఓ జి.బాలసుబ్రహ్మణ్యం, పలు ప్రభుత్వ శాఖల అధికారులు పాల్గొన్నారు.

మధురానగర్‌(విజయవాడసెంట్రల్‌): ప్రతి చిన్నారికీ క్రమం తప్పకుండా పోలియో చుక్కలు వేయించి దేశాన్ని పోలియో రహిత దేశంగా తీర్చిదిద్దేందుకు ప్రతి ఒక్కరూ సహకరించాలని ట్రాఫిక్‌ డీసీపీ ఎస్‌.కె. షరీన్‌ బేగం అన్నారు. స్థానిక బీఆర్టీఎస్‌ రోడ్డులో శనివారం ప్రపంచ పోలియో దినోత్సవం సందర్భంగా రోటరీ క్లబ్‌ ఆఫ్‌ విజయవాడ ఆధ్వర్యంలో రోటరీ క్లబ్‌ ఆఫ్‌ విజయవాడ మిడ్‌టౌన్‌ సహకారంతో ‘పోలియో అవేర్‌నెస్‌ వాకథాన్‌ 2026’ కార్యక్రమం జరిగింది. కార్యక్రమంలో ఆమె ముఖ్య అతిథిగా పాల్గొని రోటరీ డిస్ట్రిక్ట్‌ 3020 గవర్నర్‌ రొటేరియన్‌ గుత్తికొండ శ్రీరామ్‌తో కలిసి వాక్‌థాన్‌ను ప్రారంభించారు. ఈ సందర్భంగా వారు మాట్లాడుతూ సమాజం నుంచి పోలియోను పూర్తిగా పారదోలడానికి రోటరీ ఇంటర్నేషనల్‌ చేస్తున్న కృషిని కొనియాడారు. ఎండ్‌ పోలియో నౌ’ అనే నినాదంతో ప్రతి చిన్నారికి పోలియో చుక్కలు వేయించి, భవిష్యత్‌ తరాలను సురక్షితంగా ఉంచాలని ప్రజలకు పిలుపునిచ్చారు. విశిష్ట అతిథి ఎన్టీఆర్‌ జిల్లా వైద్య ఆరోగ్యశాఖాధికారి డాక్టర్‌ ఎ.శ్రవణ్‌ బాబు మాట్లాడుతూ ప్రపంచ ఆరోగ్య సంస్థ, యూనిసెఫ్‌, గ్లోబల్‌ పోలియో ఎరాడికేషన్‌ ఇనిషియేటివ్‌ వంటి సంస్థల విశేష కృషితో భారతదేశంలో 2011 నుంచి ఇప్పటివరకు ఒక్క పోలియో కేసు కూడా నమోదు కాలేదన్నారు. కార్యక్రమంలో రోటరీ క్లబ్‌ ఆఫ్‌ విజయవాడ ప్రెసిడెంట్‌ రవిప్రకాష్‌ సోమయాజుల, సెక్రటరీ రామకృష్ణ ఉప్పలపాటి, యడ్ల పార్థసారథి, వెంకట్‌ కేతిబోయిన, త్రినాథ్‌ నండూరి తదితరులు పాల్గొని మాట్లాడారు.

మచిలీపట్నంఅర్బన్‌: అర్ణబ్‌ తుపాను నేపథ్యంలో వాతావరణం అనుకూలించే వరకు మత్స్యకారులు సముద్రంలో చేపల వేటకు వెళ్లవద్దని కృష్ణా జిల్లా మత్స్యశాఖ అధికారి ఎ.ఉషాకిరణ్‌ హెచ్చరించారు. తుపాను ప్రభావంతో భారీ నుంచి అతి భారీ వర్షాలు కురుస్తాయని, బలమైన గాలులు వీచే ప్రమాదం ఉందని తెలిపారు. బందరులోని మత్స్యకారుల ల్యాండింగ్‌ సెంటర్లను ఆమె శనివారం సందర్శించారు. నావలు, వలలు, ఇతర వేట పరికరాలను సురక్షిత ప్రాంతాల్లో భద్రపరచుకోవాలని సూచించారు. తుపాను తాజా సమాచారాన్ని మత్స్యకారులకు ఎప్పటికప్పుడు తెలియజేస్తూ అప్రమత్తం చేయాలని గ్రామ మత్స్య సహాయకులు (వీఎఫ్‌ఏలు), సాగరమిత్రలను ఆదేశించారు. ఈ పర్యటనలో మచిలీపట్నం అసిస్టెంట్‌ డైరెక్టర్‌ ఆఫ్‌ ఫిషరీస్‌ చి.రమేష్‌, మత్స్యశాఖ అభివృద్ధి అధికారి ఎం.సలేహ, గ్రామ మత్స్య సహాయకులు, సాగరమిత్రలు పాల్గొన్నారు. ఎన్నికల వ్యయ పరిశీలకుడిగా విజయకుమార్‌ నియామకంగాంధీనగర్‌(విజయవాడసెంట్రల్‌): ఎన్టీఆర్‌ జిల్లా స్థానిక సంస్థల ఎన్నికల వ్యయ పరిశీలకుడిగా రాష్ట్ర అటవీ అకాడమీ ప్రధాన అటవీ సంరక్షణాధికారి బి.విజయ కుమార్‌ను నియమిస్తూ రాష్ట్ర ఎన్నికల సంఘం ఉత్తర్వులు జారీ చేసింది. విజయకుమార్‌ జిల్లా కలెక్టర్‌ జి.లక్ష్మీశను శనివారం కలెక్టరేట్‌లో మర్యాదపూర్వకంగా కలిశారు. ఎన్నికల బరిలో ఉన్న అభ్యర్థులు తమ రోజు వారీ ఖర్చులు, బ్యాంకు ఖాతా లావాదేవీల రిజిస్టర్లను విజయకుమార్‌ ఎప్పటికప్పుడు తనిఖీ చేసి పర్యవేక్షిస్తారు. ఓటర్లను ప్రలోభపెట్టేందుకు జరిగే నగదు, బహుమతులు, మద్యం పంపిణీలను అడ్డుకునేందుకు జిల్లా స్థాయి ఫ్లయింగ్‌ స్క్వాడ్లు, స్టాటిక్‌ సర్వైలెన్స్‌ టీమ్‌లు, వీడియో సర్వైలెన్స్‌ టీమ్‌లు, అకౌంటింగ్‌ బృందాలతో సమన్వయం చేసుకుంటారు. ఎన్నికలకు సంబంధించి ఏదైనా సమాచారాన్ని 62810 72815 నంబరుకు అందజేయాలని కోరారు. విద్యుత్‌ శాఖ సిబ్బంది సన్నద్ధంగా ఉండాలి మొగల్రాజపురం(విజయవాడ తూర్పు): అర్ణబ్‌ తుపాను నేపథ్యంలో విద్యుత్‌ శాఖ సిబ్బంది ఎల్లప్పుడు అప్రమత్తంగా, సన్నద్ధంగా ఉండా లని ఏపీసీపీడీసీఎల్‌ సీఎండీ పి.పుల్లారెడ్డి ఆదే శించారు. గుణదలలోని సంస్థ కార్యాలయంలో సర్కిల్‌ పరిధిలోని ఆయా జిల్లాల ఎస్‌ఈలు, అధికారులతో ఆయన శనివారం వీడియో కాన్ఫ రెన్స్‌ నిర్వహించారు. తుపాను ప్రభావంతో స్తంభాలు, విద్యుత్‌ లైన్లు దెబ్బతినే అవకాశం ఉన్నందున సిబ్బంది, వాహనాలు, మరమ్మతు పరికరాలు సిద్ధంగా ఉంచాలని సూచించారు. అన్ని సర్కిల్‌, డివిజన్‌ స్థాయిలో కంట్రోల్‌ రూమ్‌లు ఏర్పాటు చేశామని, విద్యుత్‌ ఉద్యో గులు సెలవులు తీసుకోవద్దని పేర్కొన్నారు. తెగిపడిన విద్యుత్‌ తీగలను తాకవద్దని ప్రజలకు సూచించారు. విద్యుత్‌ ప్రమాదాలు లేదా సరఫరా అంతరాయాల సమాచారం అందిన వెంటనే చర్యలు తీసుకోవాలని ఆదేశించారు. లఖ్‌పతి దీదీలతో కేంద్ర మంత్రి నిముబెన్‌ ముఖాముఖీ భవానీపురం(విజయవాడపశ్చిమ): జాతీయ సరస్‌ మేళాను కేంద్ర వినియోగదారుల వ్యవహారాలు, ఆహారం, ప్రజా పంపిణీ శాఖ సహాయ మంత్రి నిముబెన్‌ జయంతిబాయ్‌ బాంబానియా శనివారం సందర్శించారు. ఈ సందర్భంగా స్వయం సహాయక సంఘాల మహిళా పారిశ్రామికవేత్తలు, లఖ్‌పతిదీదీలతో ముఖాముఖా నిర్వహించి, వారి విజయగాథలను తెలుసుకున్నారు. అనంతరం నిముబెన్‌ మాట్లాడుతూ స్వయం సహాయక సంఘాల ద్వారా గ్రామీణ మహిళలు ఆర్థిక స్వాతంత్య్రం సాధిస్తూ వ్యాపారవేత్తలుగా, సంస్థల యజమానులుగా ఎదుగుతున్న తీరు స్ఫూర్తిదాయకమన్నారు. ప్రధాని నరేంద్ర మోదీ నాయకత్వం, కేంద్ర గ్రామీణాభివృద్ధి శాఖ మంత్రి మార్గదర్శకత్వంలో మహిళా స్వయం సహాయక సంఘాలను బలోపేతం చేయడానికి, గ్రామీణ వ్యాపారాలను ప్రోత్సహించేందుకు, మార్కెటింగ్‌ అవకాశాలను విస్తరించడానికి సరస్‌ మేళాలు కీలక వేదికలుగా నిలుస్తున్నాయని తెలిపారు.

సాక్షి ప్రతినిధి, విజయవాడ: ‘ప్రజా సమస్యల పరిష్కారమే ప్రధాన అజెండాగా పనిచేస్తా. ప్రతి రోజూ వార్డుల్లో పర్యటించి ప్రజలు ఎదుర్కొంటున్న సమస్యలను గుర్తించి, వాటి పరిష్కారానికి కృషి చేస్తా’ అని వైఎస్సార్‌ సీపీ విజయవాడ మేయర్‌ అభ్యర్థి రాయన భాగ్యలక్ష్మి హామీ ఇచ్చారు. గత ఐదేళ్ల తన పాలనలో విజయవాడ అభివృద్ధికి విశేష కృషి చేశానని గుర్తుచేశారు. ఆ కృషిని కొనసాగిస్తూ విజయవాడను సర్వతో ముఖాభివృద్ధి చేయడమే లక్ష్యమని అన్నారు. ఆమె శనివారం ‘సాక్షి’ ప్రతినిధితో ప్రత్యేకంగా మాట్లాడారు. ఆ వివరాలు ఆమె మాటల్లోనే.. బుడమేరు ముంపు సమస్యకు పరిష్కారం చరిత్రలో ఎన్నడూ లేని విధంగా 2024లో విజయవాడను బుడమేరు ముంచేసింది. చంద్రబాబు ప్రభుత్వ నిర్లక్ష్యం వల్ల 60 మంది మరణించారు. వంద రోజుల్లో బుడమేరు సమస్యను పరిష్కరిస్తామంటూ అప్పట్లో హామీలు గుప్పించి ప్రజలను చంద్రబాబు మోసం చేశారు. మేము గెలిచిన తర్వాత భవిష్యత్‌లో బుడమేరు ముంపు సమస్య రాకుండా శాశ్వత పరిష్కారం చూపిస్తాం. వచ్చే ఐదేళ్లలో రోడ్ల అభివృద్ధికి ప్రణాళిక రూపొందిస్తాం. రోడ్డు పనుల నాణ్యతను తనిఖీ చేయడానికి ప్రత్యేక అధికారులను నియమించి అవినీతికి చెక్‌ పెడతాం. ప్రతి ఇంటికీ రక్షిత తాగునీరు అందిస్తాం. మా హయాంలో స్వచ్ఛమైన తాగునీరు అందించాం. ప్రస్తుత ప్రభుత్వ హయాంలో డయేరియాతో ప్రజలు మృతి చెందే దుస్థితి నెలకొంది. విజయవాడ నగరంలో మహిళలు, యువతుల భద్రత ప్రమాదకరంగా మారింది. పోలీసులే లాకప్‌ డెత్‌లు చేస్తున్న దుస్థితి నెల కొంది. కృష్ణలంకకు చెందిన కాపు యువకుడు గాదె సాయికృష్ణను లాకప్‌లో చంపేశారు. గంజాయి బ్యాచ్‌ రోడ్లపై స్వైర విహారం చేస్తోంది. ఈ మధ్య కాలంలో మద్యం, గంజాయి, డ్రగ్స్‌ వినియోగం విచ్చలవిడిగా పెరిగిపోవడంతో విజయవాడలో ఆడబిడ్డలకు రక్షణ కరువైంది. ఈ అఘాయిత్యాలను నివారించడంలో మునిసిపల్‌ కార్పొరేషన్‌ పాత్ర కూడా కీలకం. వీధి లైట్లను ఎక్కువగా ఏర్పాటు చేస్తే మహిళలపై దాడులు చేయడానికి ఆకతాయిలు భయపడతారు. చీకటిగా ఉండే రోడ్లు, బస్టాప్‌లు, పార్కుల వద్ద స్ట్రీట్‌ లైట్లను మెరుగుపరుస్తాం. నగరంలో లోతట్టు ప్రాంతాల్లో డ్రెయినేజీని మెరుగుపరుస్తాం. చంద్రబాబు ప్రభుత్వం గతంలో కేంద్రం ఇచ్చిన అండర్‌ గ్రౌండ్‌ డ్రెయినేజీ నిధులు రూ.500 కోట్లు మళ్లించింది. ఆ నిధుల సాధన కోసం ప్రయత్నిస్తాం. విజయ వాడ సిటీ ఇమేజ్‌ను ఇంకా పెంచాల్సి ఉంది. శానిటేషన్‌ స్పెషల్‌ డ్రైవ్‌ నిర్వహించి, ఇంటింటికీ చెత్త సేకరణ, తడి–పొడి చెత్త వేరుచేయడాన్ని మెరుగుపరుస్తాం. విజయవాడ వాసులకు కూడా ఆహ్లాదకరమైన వాతావరణం కల్పించడానికి ప్రాధాన్యం ఇస్తాం. గతంలో మా హయాంలో నగరంలోని ప్రధానమైన పార్కులన్నింటినీ అభివృద్ధి చేశాం. మిగిలిన వార్డుల్లోనూ పార్కుల అభివృద్ధి, నిర్వహణ చేపడతాం.

గుడ్లవల్లేరు: మండలంలోని అంగలూరు జిల్లా ఉపాధ్యాయ శిక్షణ సంస్థలో ఉమ్మడి జిల్లా స్థాయి రోల్‌ ప్లే, ఫోక్‌ డ్యాన్స్‌ పోటీలు నిర్వహించారు. కృష్ణాజిల్లా పరిధిలో ఫోక్‌ డ్యాన్స్‌లో అంగలూరు గవర్నమెంటు హైస్కూల్‌ విద్యార్థులు ప్రథమ స్థానం పొందారని ప్రిన్సిపాల్‌ మోహినీకుమారి తెలిపారు. ఎన్టీఆర్‌ జిల్లా పరిధిలో ఫోక్‌ డ్యాన్స్‌, రోల్‌ ప్లే పోటీలలో కొండూరు కేజీబీవీఏ పాఠశాల విద్యార్థులు ప్రథమ స్థానం పొందారని చెప్పారు. విజేతలు నవంబర్‌లో జరిగే రాష్ట్ర స్థాయి పోటీలకు అర్హత సాధించారని ప్రిన్సిపాల్‌ తెలిపారు. కార్యక్రమానికి నోడల్‌ ఆఫీసర్లుగా రామ ప్రసాద్‌, శ్రీనివాస్‌, కళాశాల బోధన, బోధనేతర సిబ్బంది పాల్గొన్నారు.ఎన్టీఆర్‌ జిల్లా స్థాయిలో కొండూరు విద్యార్థులకు ప్రథమ స్థానం

● ప్రైవేటు బాట.. సాక్షి ప్రతినిధి, విజయవాడ/పటమట: కూటమి అధికారంలోకి వచ్చిన తర్వాత విజయవాడ పూర్తిగా నిర్లక్ష్యానికి గురైంది. నగర అభివృద్ధికి నిధులు ఇవ్వకపోగా ఉన్న నిధులను కూడా ప్రభుత్వ ఖజానాకు మళ్లిస్తున్నారు. పక్కనే ఉన్న రాజధానికి రూ.వేల కోట్లు ఖర్చు పెడుతున్న ప్రభుత్వం విజయవాడకు మాత్రం మొండిచేయి చూపిస్తోంది. అభివృద్ధికి వినియోగించాల్సిన నగరపాలక సంస్థ సాధారణ నిధులను రాష్ట్ర ప్రభుత్వం సీఎఫ్‌ఎంఎస్‌, పురమిత్ర పేరుతో రాష్ట్ర ఖజానాకు తరలించుకుపోతోంది. ఫలితంగా నగరాభివృద్ధికి నిధుల కొరత ఏర్పడి చిన్న పనులు చేయడానికి కూడా రాష్ట్ర ప్రభుత్వ దయాదాక్షణ్యాలపై ఆధారపడాల్సి వస్తోంది. బకాయిలు ఘనం.. చెల్లించింది నామమాత్రం నగర ఆదాయాన్ని రాష్ట్ర ప్రభుత్వ ఖజానాకు మళ్లించటంతో నగరంలో వివిధ అభివృద్ధి పనులు చేసిన కాంట్రాక్టర్లకు చెల్లించాల్సిన బిల్లులు పెండింగ్‌లో పడిపోయాయి. రూ.350 కోట్ల వరకు బకాయిలు పేరుకుపోయాయి. దీంతో ఇటీవల కాట్రాక్టర్లు ధర్నాలు, అర్ధనగ్న ప్రదర్శనలతో నిరసన తెలప డంతో బ్యాంకు లోన్ల ద్వారా నగరపాలక సంస్థ నిధులను సమకూర్చి కాంట్రాక్టర్లకు రూ.50 కోట్ల మేర చెల్లింపులు పూర్తిచేసింది. కేంద్ర ప్రభుత్వ ఫైనాన్స్‌ కమిషన్‌ గ్రాంట్లు, వృత్తిపన్ను, ఇతర పన్నుల ద్వారా రావాల్సిన బకాయిలు రూ.1000 కోట్ల వరకు ఉన్నాయి. వీటిని కార్పొరేషన్‌ తిరిగి పొందితేనే అభివృద్ధి సాధ్యమవుతోంది. పార్కులు, రోడ్లు ప్రైవేటుకు.. నగరంలోని ప్రధాన పార్కులను ప్రైవేటుపరం చేయటానికి చంద్రబాబు ప్రభుత్వం సిద్ధమైంది. కృష్ణలంకలోని రివర్‌ ఫ్రంట్‌ పార్కు, రాజీవ్‌గాంధీ పార్కు, అంబేడ్కర్‌ పార్కును అభివృద్ధి పేరుతో ప్రైవేటీకరణ చేపట్టింది. నగరంలోని అంబేడ్కర్‌ స్మృతివనం నిర్వహణ బాధ్యతలను ఏడాది క్రితం వరకు నగరపాలక సంస్థ పర్యవేక్షించేది. కూటమి ప్రభుత్వం స్మృతి వనాన్ని నిర్లక్ష్యం చేసి, దాని నిర్వహణను సాంఘిక సంక్షేమ శాఖ ఆధ్వర్యంలో ప్రైవేటు వ్యక్తులకు కట్టబెట్టింది. పబ్లిక్‌, ప్రైవేటు పార్టనర్‌షిప్‌ (పీపీపీ) పేరుతో నగరంలోని బందరు రోడ్డు, ఏలూరు రోడ్డు, భవానీపురం స్వాతి రోడ్డు, సాంబమూర్తి రోడ్డు, గురునానక్‌ రోడ్డు, పంట కాలువ రోడ్డు వంటి 19 ప్రధాన రహదారులను సైతం అభివృద్ధి పేరిట ప్రైవేటు పరం చేయడానికి సిద్ధమైంది. ట్రాఫిక్‌ సమస్య జటిలం నగరంలోని ప్రధాన ప్రాంతమైన బెంజిసర్కిల్‌ నుంచి ఆటోనగర్‌ వరకు సుమారు 3.5 కిలోమీటర్ల మేర రోడ్డును వెడల్పు చేయటానికి వీఎంసీ ఎన్‌హెచ్‌ఏఐ సిఫార్సు మేరకు విస్తరణ చర్యలు చేపట్టింది. ఈ మేరకు నిర్వాసితులకు టీడీఆర్‌ (టాన్స్‌ఫర్‌ డెవలప్‌మెంట్‌ రైట్స్‌) కూడా అందించారు. 100 అడుగులు విస్తరించటానికి రోడ్డుకు ఇరువైపులా కొంతమేర ప్రైవేటు నిర్మాణాలు తొలగించారు. ఇప్పటికే సైడు కాలువల నిర్మాణం కూడా చేపట్టారు. కూటమి ప్రభుత్వ వచ్చాక ఎమ్మెల్యేలే రంగంలోకి దిగి ఈ పనులు ఆపేశారు. ఫలితంగా నిత్యం ఈ ప్రాంతంలో ట్రాఫిక్‌ సమస్య మరింత జటిలంగా మారింది. బెంజిసర్కిల్‌ వద్ద ఉన్న రెండు ఫ్లై ఓవర్ల కింది భాగంలో గ్రీనరీని ఏర్పాటు చేయటానికి వైఎస్సార్‌ సీపీ ప్రభుత్వంలో రూ.5 కోట్ల ప్రత్యేక నిధులు కేటాయించి 32 రకాల మొక్కలను నాటారు. కూటమి ప్రభుత్వం ఈ వ్యవహారాన్ని ఓఅండ్‌ఎం (ఆపరేషన్‌ అండ్‌ మెయింటినెన్స్‌) ద్వారా కాంట్రాక్టర్‌కు అప్పగించింది. ప్రస్తుతం ఈ ప్రాంతంలో మొక్కలు ఎండిపోయి నీరు పోసే పరిస్థితి లేకుండా పోయింది. విజయవాడ – గన్నవరం ఎయిర్‌పోర్టు మార్గాన్ని సుందరంగా తీర్చిదిద్దేందుకు రామవరప్పాడు రింగు నుంచి గన్నవరం వరకు బ్యూటిఫికేషన్‌–లిఫ్టింగ్‌కు నగరపాలక సంస్థ రూ.11 కోట్ల ప్రత్యేక నిధులు కేటాయించింది. రోడ్డుకు రెండు వైపులా అందమైన, నాణ్యమైన ఫుట్‌పాత్‌లు ఏర్పాటు చేసింది. అయితే కూటమి ప్రభుత్వం వాటి నిర్వహణను వదిలేసింది. నగరంలో పెరు గుతున్న కాలుష్యాన్ని నిరోధించేందుకు కాలుష్య నియంత్రణ మండలి సిఫార్సు మేరకు రోడ్డుకు ఇరువైపులా దుమ్మూ, ధూళి లేవకుండా మూడు నియోజకవర్గాల పరి ధిలో ఎండ్‌ – టూ – ఎండ్‌ పేవర్‌బ్లాక్స్‌ను రూ.50 కోట్లు వెచ్చించి వేస్తే కూటమి ప్రభుత్వం వాటి నిర్వహణను పట్టించుకో లేదు. దీంతో అవి పగిలి చాలా ప్రాంతాల్లో ప్రమాదాలకు కారణాలు అవుతున్నాయి.

మొగల్రాజపురం(విజయవాడ తూర్పు): కృష్ణా విశ్వవిద్యాలయం అంతర్‌ కళాశాలల పురుషుల చెస్‌ చాంపియన్‌షిప్‌–2026 పోటీలు, కృష్ణా యూనివర్సిటీ జట్టులో సభ్యుల ఎంపికను ఈనెల 26వ తేదీ సోమవారం విజయవాడ గాంధీనగర్‌లోని తమ కళాశాల ఆవరణలో నిర్వహిస్తున్నామని శారద కళాశాల ప్రిన్సిపాల్‌ ఎస్‌.నాగేశ్వరశర్మ చెప్పారు. స్థానిక గాంధీనగర్‌లోని కళాశాల ఆవరణలో చెస్‌ చాంపియన్‌షిప్‌కు సంబంధించిన పత్రాన్ని శనివారం ఆవిష్కరించారు. ఈ సందర్భంగా నాగేశ్వరశర్మ మాట్లాడుతూ కృష్ణా యూనివర్సిటీ పరిధిలోని డిగ్రీ కళాశాలల విద్యార్థులు ఈ పోటీలతో పాటుగా యూనివర్సిటీ జట్టు ఎంపికలో పాల్గొనవచ్చని తెలిపారు. యూనివర్సిటీ జట్టు ఎంపికలకు హాజరయ్యే వారు కళాశాల నుంచి గుర్తింపు ధ్రువపత్రం, పాస్‌పోర్ట్‌ ఫొటో, పుట్టినతేదీ ధ్రువీకరణ పత్రం, ఇంటర్‌, పదో తరగతి సర్టిఫికెట్లు, ఆధార్‌ కార్డుతో వారు చదువుతున్న కళాశాల ప్రిన్సిపాల్‌తో అటెస్ట్‌ చేయించి తీసుకురావాలని వివరించారు. ఇతర వివరాలకు తమ కళాశాలలోని ఫిజికల్‌ ఎడ్యుకేషన్‌ విభాగంలో సిబ్బందిని సంప్రదించాలని కోరారు. కళాశాల కార్యదర్శి కుందా రామ నారాయణ, ప్రసాదరావు, అధ్యాపకులు పాల్గొన్నారు.

రాష్ట్ర ఎకై ్సజ్‌ కమిషనర్‌ చామకూరి శ్రీధర్‌ ఆదేశంలబ్బీపేట(విజయవాడతూర్పు): ఎన్నికల నేపథ్యంలో ఇతర రాష్ట్రాల నుంచి అక్రమంగా మద్యం రవాణా కాకుండా నిరంతరం నిఘా ఉంచాలని రాష్ట్ర ఎకై ్సజ్‌ కమిషనర్‌ చామకూరి శ్రీధర్‌ ఆదేశించారు. ఆయన శుక్రవారం ఎన్టీఆర్‌, కృష్ణాజిల్లాల ఎకై ్సజ్‌ అధికారులతో సమీక్ష సమావేశం నిర్వహించారు. కరెన్సీనగర్‌లోని ప్రొహిబిషన్‌ అండ్‌ ఎకై ్సజ్‌ ఏపీ ఎన్‌ఫోర్స్‌మెంట్‌ కార్యాలయంలో నిర్వహించిన ఈ సమావేశంలో ఎన్నికల నేపథ్యంలో చేపట్టాల్సిన ముందస్తు చర్యలు, ఎన్నికల ప్రవర్తనా నియమావళి అమలు వంటి అంశాలపై దిశానిర్దేశం చేశారు. నాటు సారా తయారీ, రవాణా, విక్రయాలపై ఉక్కుపాదం మోపాలన్నారు. సమావేశంలో ఎన్‌ఫోర్స్‌మెంట్‌ డైరెక్టర్‌ రాహుల్‌దేవ్‌ శర్మ, హెడ్‌ క్వార్టర్స్‌ డెప్యూటీ కమిషనర్‌ వివేక్‌, విజయవాడ డెప్యూటీ కమిషనర్‌ టి.శ్రీనివాసరావు, అసిస్టెంట్‌ కమిషనర్‌ సీహెచ్‌ లావణ్య, ఎన్టీఆర్‌, కృష్ణా ఎకై ్సజ్‌ అధికారి ఎన్‌. శ్రీనివాసరావు తదితరులు పాల్గొన్నారు. సమావేశం అనంతరం ఎకై ్సజ్‌ కమిషనర్‌ చామకూరి శ్రీధర్‌ గొల్లపూడిలోని శ్రీ సాయికృష్ణ వైన్స్‌ను ఆకస్మిక తనిఖీ చేసి, దుకాణంలో మద్యం స్టాక్‌, సంబంధిత రికార్డులను పరిశీలించారు.

మొగల్రాజపురం(విజయవాడ తూర్పు): క్రమశిక్షణ, దేశభక్తిని విద్యార్థి దశ నుంచే అలవర్చుకోవాలని ఆర్గనైజేషన్‌ ఫర్‌ కౌంటర్‌ టెర్రరిస్ట్‌ ఆపరేషన్స్‌ (ఆక్టోపస్‌) విభాగం ఇన్‌స్పెక్టర్‌ జనరల్‌ ఆఫ్‌ పోలీస్‌ శ్రీకాంత్‌ అన్నారు. స్థానిక మొగల్రాజపురంలోని వీరమాచనేని పద్దయ్య సిద్ధార్థ పబ్లిక్‌ స్కూల్‌ ఆవరణలో పోలీస్‌ అమరవీరుల సంస్మరణ దినోత్సవం సందర్భంగా శుక్రవారం ఆక్టోపస్‌ ఆధ్వర్యంలో ఓపెన్‌ ఎగ్జిబిషన్‌ జరిగింది. ఐజీ శ్రీకాంత్‌ మాట్లాడతూ ఉగ్రవాద వ్యతిరేక చర్యల్లో ఆక్టోపస్‌ విభాగం పాత్రపై స్కూల్‌ విద్యార్థులకు, ప్రజలకు అవగాహన కోసం ఈ కార్యక్రమాన్ని ఏర్పాటు చేశామన్నారు. దేశ రక్షణ కోసం విధి నిర్వహణలో ధైర్యసాహసాలు ప్రదర్శించి ప్రాణత్యాగం చేసిన పోలీసు సిబ్బందికి నివాళులర్పించారు. కార్యక్రమంలో ఆక్టోపస్‌ (ఆపరేషన్స్‌) ఎస్పీ శశికాంత్‌, అడ్మిన్‌ ఎస్పీ లక్ష్మీపతి, ఐపీఎస్‌ సిద్ధార్థ అకాడమీ ఉపాధ్యక్షుడు వి.నాగభూషణరావు, కార్యదర్శి పాలడుగు లక్ష్మణరావు, జాయింట్‌ సెక్రటరీ సూర్రెడ్డి విష్ణు, గవర్నింగ్‌ బాడీ సభ్యుడు అరుణ్‌ కుమార్‌, సిద్ధార్థ స్కూల్‌ ప్రిన్సిపాల్‌ ఎం.సీతారామయ్య, వైస్‌ ప్రిన్సిపాల్‌ కె.రోజ్‌ మేరీ, ప్రైమరీ విభాగం ప్రిన్సిపాల్‌ జయలక్ష్మి తదితరులు పాల్గొన్నారు.

గాంధీనగర్‌(విజయవాడసెంట్రల్‌): స్థానిక సంస్థల ఎన్నికలను ప్రశాంత వాతావరణంలో పకడ్బందీగా నిర్వహించేందుకు జిల్లా యంత్రాంగం అన్ని ఏర్పాట్లు చేసిందని కలెక్టర్‌, జిల్లా ఎన్నికల అధికారి డాక్టర్‌ జి.లక్ష్మీశ తెలిపారు. విజయవాడలోని ఎన్టీఆర్‌ జిల్లా పరిషత్‌ కార్యాలయంలో జెడ్పీటీసీ అభ్యర్థుల నామినేషన్ల ప్రక్రియను శుక్రవారం కలెక్టర్‌ డాక్టర్‌ జి.లక్ష్మీశ ఆకస్మికంగా పరిశీలించారు. అభ్యర్థులకు ఏమైనా సందేహాలు ఉంటే ఇక్కడే అడిగి తెలుసుకోవాలని సూచించారు. ఈ సందర్భంగా ఆయన మాట్లాడుతూ నామినేషన్ల ప్రక్రియ, హెల్ప్‌ డెస్క్‌లు, నామినేషన్ల స్వీకరణ ప్రక్రియ పారదర్శకంగా జరిగేలా ప్రతి కేంద్రం వద్ద నిరంతర వీడియోగ్రఫీ పర్యవేక్షణను ఏర్పాటు చేశామన్నారు. నామినేషన్‌ దాఖలు చేసే అభ్యర్థులకు ఏవైనా సందేహాలు ఉంటే మార్గదర్శనం చేసేందుకు ప్రతి కేంద్రం వద్ద ప్రత్యేకంగా హెల్ప్‌ డెస్క్‌ సదుపాయాన్ని అందుబాటులో ఉంచామని చెప్పారు. ఎవరైనా నామినేషన్ల దాఖలుకు వెళ్లే అభ్యర్థులను అడ్డుకున్నా లేదా ఇబ్బందులకు గురిచేసినా వెంటనే కలెక్టరేట్‌ కంట్రోల్‌ రూమ్‌ నంబర్‌ 91549 70454, పోలీస్‌ కంట్రోల్‌ రూమ్‌ లేదా సంబంధిత రిటర్నింగ్‌ అధికారుల దృష్టికి తేవాలన్నారు. అడ్డంకులు సృష్టించే వ్యక్తులపై చట్టప్రకారం కఠిన చర్యలు తీసుకుంటామన్నారు. సమస్యాత్మక పోలింగ్‌ కేంద్రాలపై నిఘా... ఓటర్లు తమ ఓటు హక్కును సౌకర్యవంతంగా వినియోగించుకునేలా జిల్లా వ్యాప్తంగా అన్ని పోలింగ్‌ కేంద్రాలలో నిర్దేశిత కనీస వసతులైన తాగునీరు, విద్యుత్‌, షామియానా, ర్యాంప్‌ వంటి అన్ని సౌకర్యాలు కల్పించామన్నారు. గత ఎన్నికల పరిస్థితులను పరిశీలించి సమస్యాత్మక ప్రాంతాలుగా గుర్తించిన పోలింగ్‌ కేంద్రాలపై ప్రత్యేక దృష్టి సారించామన్నారు. అక్కడ అదనపు పోలీసు బలగాల మోహరింపు, సీసీటీవీ కెమెరాలు, వెబ్‌కాస్టింగ్‌ ద్వారా నిరంతర నిఘా కొనసాగుతుందన్నారు. పోలింగ్‌ ముగిసిన అనంతరం ఈవీఎంలను భద్రపరిచేందుకు స్ట్రాంగ్‌ రూమ్‌లు, ఓట్ల లెక్కింపు ప్రక్రియ కోసం కౌంటింగ్‌ కేంద్రాల వద్ద విస్తృత భద్రతా ఏర్పాట్లతో పాటు అవసరమైన అన్ని సదుపాయాలను సిద్ధం చేసినట్లు తెలిపారు. ఎన్నికల నియమావళిని ప్రతి ఒక్కరూ తూ.చ తప్పక పాటించాలని, ఎన్నికలు విజయవంతంగా ముగిసేందుకు ప్రజలు, అభ్యర్థులు, రాజకీయ పార్టీల ప్రతినిధులు సహకరించాలని కలెక్టర్‌ కోరారు. కలెక్టర్‌, జిల్లా ఎన్నికల అధికారి డాక్టర్‌ జి.లక్ష్మీశ

గాంధీనగర్‌(విజయవాడసెంట్రల్‌): మునిసిపల్‌ ఎన్నికల్లో వైఎస్సార్‌ సీపీ మేయర్‌, మున్సిపల్‌ చైర్‌పర్సన్‌ అభ్యర్థులు ప్రచారంలో దూసుకుపోతున్నారు. ఎన్టీఆర్‌ జిల్లాలో విజయవాడ మున్సిపల్‌ కార్పొరేషన్‌తో పాటు జగ్గయ్యపేట, తిరువూరు, నందిగామ, కొండపల్లి మునిసిపాలిటీలకు ఎన్నికలు జరుగుతున్నాయి. నామినేషన్ల ఘట్టం పూర్తికావడంతో అభ్యర్థులు ప్రచారం ముమ్మరం చేశారు. డివిజన్లు, వార్డుల్లో ఉదయం, సాయంత్రం పర్యటిస్తూ ఓట్లు అభ్యర్థిస్తున్నారు. కూటమి ప్రభుత్వ వైఫల్యాలను ప్రజలకు వివరిస్తూ ముందుకు సాగుతున్నారు. విజయవాడ నగర పాలక సంస్థలో... వైఎస్సార్‌ సీపీ మేయర్‌ అభ్యర్థి రాయన భాగ్యలక్ష్మి ముమ్మరంగా ఎన్నికల ప్రచారం చేస్తున్నారు. పశ్చిమ నియోజకవర్గంలోని 32, 35, 36, 37 డివిజన్లలో మాజీ మంత్రి వెలంపల్లి శ్రీనివాసరావుతో కలిసి ఎన్నికల ప్రచారం నిర్వహించారు. వైఎస్సార్‌సీపీ ప్రభుత్వంలో నగరంలో జరిగిన అభివృద్ధిని వివరించారు. గత ఐదేళ్ల వైఎస్సార్‌సీపీ పాలనకు, ప్రస్తుత కూటమి పాలనకు తేడా గమనించాలని కోరారు. తాను మేయర్‌గా గత ఐదేళ్లలో ఆయా డివిజన్లలో చేసిన అభివృద్ధిని వివరించారు. కూటమి వైఫల్యాలను ఎండగట్టారు. జగ్గయ్యపేట మునిసిపాలిటీలో... జగ్గయ్యపేట పట్టణంలో మున్సిపల్‌ చైర్‌పర్సన్‌ వైఎస్సార్‌సీపీ అభ్యర్థి షేక్‌ హఫీజున్నీసా 35వ వార్డులో ఎన్నికల ప్రచారం నిర్వహించారు. కౌన్సిలర్‌ అభ్యర్థి దార్ల ప్రసన్నకుమార్‌, నియోజకవర్గ ఇన్‌చార్జి తన్నీరు నాగేశ్వరరావు సతీమణి సుధారాణితో కలిసి వార్డులో ఇంటింటికీ ప్రచారం చేపట్టారు. కూటమి ప్రభుత్వం ఎన్నికల సమయంలో ఇచ్చిన హామీలను ఏ విధంగా విస్మరించింది వివరిస్తూ ప్రచారం చేశారు. వైఎస్సార్‌సీపీ అభ్యర్థులను గెలిపించాలని కోరారు. కొండపల్లి మునిసిపాలిటీలో... కొండపల్లి మున్సిపాలిటీలో వైఎస్సార్‌ సీపీ చైర్‌ పర్సన్‌ అభ్యర్థి నల్లమోతు తేజస్వి 29, 30, 32వ వార్డుల్లో ఎన్నికల ప్రచారం నిర్వహించారు. మాజీ మంత్రి జోగి రమేష్‌, ఆయా వార్డుల కౌన్సిలర్‌ అభ్యర్థులు వెంకటేష్‌, కన్నెకంటి పద్మ, కారుమంచి లవకుమార్‌ ప్రచారంలో పాల్గొన్నారు. పథకాల అమలులో నిర్లక్ష్యం, ధరల పెరుగుదల వంటి అంశాలను ప్రస్తావిస్తూ ప్రచారంలో దూసుకెళుతున్నారు. నందిగామ మునిసిపాలిటీలో... నందిగామ మున్సిపల్‌ చైర్మన్‌ అభ్యర్థి చల్లా బ్రహ్మేశ్వరరావు పట్టణంలోని 19, 20, 21, 22 వార్డుల్లో ఎన్నికల ప్రచారం చేపట్టారు. మాజీ ఎమ్మెల్యే డాక్టర్‌ మొండితోక జగన్మోహనరావు, ఏఎంసీ మాజీ చైర్మన్‌ షేక్‌ మస్తాన్‌తో పాటు పలువురు పార్టీ నాయకులు ప్రచారంలో పాల్గొన్నారు. కూటమి ప్రభుత్వ వైఫల్యాలను ప్రజలకు వివరిస్తూ ప్రచారం ముమ్మరం చేశారు. తిరువూరు మునిసిపాలిటీలో... తిరువూరు పట్టణంలోని 18వ వార్డులో చైర్మన్‌ అభ్యర్థి పరసా శ్రీనివాసరావు ఎన్నికల ప్రచారం చేశారు. ప్రచార సమయంలో స్థానికులు తాగునీటి సమస్య తీవ్రంగా ఉందని ఆయనకు వివరించారు. ప్రచారంలో వైఎస్సార్‌సీపీ నాయకులు పాల్గొన్నారు.

లబ్బీపేట(విజయవాడతూర్పు): కొండ ప్రాంతాల్లో నివసించే ప్రజల దాహార్తిని తీర్చే నిమిత్తం వేసిన మంచినీటి పైప్‌లైన్‌ను పాలకులు పక్కదారి పట్టించారు. గద్దెనెక్కిన వారి పొలాల్లోని నివాసాలకు తాగునీరు అందించడానికి మళ్లించారు. తత్ఫలితంగా గుణదల, మాచవరం కొండ ప్రాంతాల్లో నివసించే ప్రజలు తాగునీరు సరఫరా కాక తీవ్ర ఇబ్బందులు పడుతున్నారు. ఈ విధంగా మళ్లించే క్రమంలోనే దేవినేని అవినాష్‌ నాయకత్వంలో వైఎస్సార్‌ సీపీ నేతలు చినబాబు, చందా కిరణ్‌తేజ తదితరులు ఆందోళనకు దిగి పనులను అడ్డుకుని నిరసన తెలిపారు. పనులు నిలిపివేయాలంటూ నీటి గుంటలో నిల్చుని నిరసన తెలిపారు. అయినా అధికార దురహంకారంతో పోలీసులను అడ్డు పెట్టుకుని పైప్‌లైన్‌ను గద్దే వారి పొలాల్లోకి మళ్లించేసి యథేచ్ఛగా నీటిని తరలించేస్తున్నారు. కొండ ప్రాంతాల్లో పెరిగిన నీటి సమస్య కార్మికనగర్‌, దేవినేని నగర్‌ కొండ ప్రాంతాల్లో నీటి సమస్యను పరిష్కరించేందుకు గుణదల గంగిరెద్దుల దిబ్బ ప్రాంతంలోని రిజర్వాయర్‌ నుంచి ప్రత్యేక పైప్‌లైన్‌ వేశారు. కొండ పై భాగంలో రిజర్వాయర్‌ ఉండటంతో కొండ ప్రాంతాల్లోని ఇళ్లకు చిట్టచివరి ఇళ్ల వరకూ నీరు చేరేది. అయితే కూటమి ప్రభుత్వం వచ్చిన తర్వాత కొండ ప్రాంతాలకు చెందిన రిజర్వాయర్‌ నుంచి నీటిని 1వ డివిజన్‌, గద్దే వారి పొలాల్లోకి మళ్లించేందుకు నిర్ణయించి పైప్‌లైన్‌ను అటువైపు కనెక్ట్‌ చేశారు. దీంతో రిజర్వాయర్‌ కెపాసిటీ సరిపోక కార్మికనగర్‌, దేవినేని నగర్‌, మాచవరం కొండ ప్రాంతాల్లో నీటి సమస్య నెలకొంది. గతంలో కొండ ప్రాంతాల్లో చిట్టచివరి వరకూ నీరు సరఫరా అయ్యేది. ఇప్పుడు పైప్‌లైన్‌ను వేరే ప్రాంతాలకు కనెక్ట్‌ చేయడంతో నీటి ఫోర్స్‌ తగ్గింది. దీంతో కొండ చిట్టచివరి ప్రాంతాల వారికి నీరు సరిగా సరఫరా కాక తీవ్ర ఇబ్బందులు పడుతున్నారు. కార్మికనగర్‌, దేవినేని నగర్‌ ప్రాంతాల్లో ఈ సమస్య ఎక్కువగా ఉంది. కొండ ప్రాంతాలకు సమస్య ఉంటుందని నాడు చెప్పినా వినకుండా అధికారం అడ్డుపెట్టుకుని నీరు మళ్లించేశారు. – ఎండీ మొయిన్‌, మాచవరం

మొగల్రాజపురం(విజయవాడ తూర్పు): ఈనెల 25వ తేదీ ఆదివారం విజయవాడ బీఆర్‌టీఎస్‌ రోడ్డులోని శారదా కళాశాల ఆవరణలో ఎన్టీఆర్‌ జిల్లా ఓపెన్‌ చెస్‌ టోర్నమెంట్‌ నిర్వహిస్తున్నామని ఎన్టీఆర్‌ జిల్లా చెస్‌ అసోసియేషన్‌ కార్యదర్శి పి.రేణుక శుక్రవారం ఒక ప్రకటనలో తెలిపారు. ఈ టోర్నమెంట్‌లో ఎన్టీఆర్‌ జిల్లాతో పాటుగా కృష్ణాజిల్లాలోని చెస్‌ క్రీడాకారులు కూడా పాల్గొనవచ్చునని తెలియజేశారు. ఈ టోర్నమెంట్‌ శారదా కళాశాల యాజమాన్యం ఆధ్వర్యంలో జరుగుతుందని, విజేతలకు నగదు బహుమతులను అందజేస్తారని తెలిపారు. బాలబాలికలను వయస్సుల వారీగా విభాగాలు చేసి వారికి వేర్వేరుగా పోటీలను నిర్వహిస్తారని వివరించారు. ఆసక్తి ఉన్న క్రీడాకారులు ఆదివారం ఉదయం 8.30 గంటల లోగా టోర్నమెంట్‌ జరిగే ప్రదేశానికి స్వయంగా వచ్చి రిపోర్ట్‌ చేయాల్సిందిగా పేర్కొన్నారు. వివరాలకు 97007 75220 నంబరులో సంప్రదించాల్సిందిగా ఆమె కోరారు. ఎ.కొండూరు: మండలంలోని గోపాలపురం గ్రామంలో జరిగిన రోడ్డు ప్రమాదంలో ఓ వ్యక్తి మృతి చెందాడు. విజయవాడ నుంచి భద్రాచలం వెళ్తున్న తెలంగాణ ఆర్టీసీ బస్సు కంభంపాడు వైపు నుంచి గోపాలపురం వెళ్తున్న మోపెడ్‌ను వెనుకనుంచి వేగంగా ఢీకొంది. ఈ ప్రమాదంలో మోపెడ్‌పై వెళ్తున్న మాళావతు భధ్య (55)తీవ్ర గాయాలపాలై విపరీతంగా రక్తస్రావం కావడంతో ఘటనా స్థలంలోనే ప్రాణాలు కోల్పోయాడు. పోలీసులు కేసు నమోదు చేసి దర్యాప్తు చేస్తున్నారు. గన్నవరం: మండలంలోని సూరంపల్లిలో ఓ వ్యక్తి అనుమానాస్పద స్థితిలో మృతిచెందిన సంఘటనపై శుక్రవారం గన్నవరం పోలీసులు కేసు నమోదు చేశారు. పోలీసుల వివరాల ప్రకారం... పశ్చిమ బెంగాల్‌ రాష్ట్రం ఉత్తర దినాజ్‌పూర్‌ జిల్లా మున్సిటోలా గ్రామానికి చెందిన జాగిర్‌ అలీ(19) కొంతకాలంగా సూరంపల్లిలోని ఓ కంపెనీలో పనిచేస్తున్నాడు. జాగిర్‌ అలీ ఓ యువతి పరస్పరం ప్రేమించుకోవడంతో పాటు పెళ్లి చేసుకునే ఆలోచనలో ఉన్నారు. అయితే ఇద్దరిదీ చిన్న వయస్సు కావడంతో పెళ్లి చేసుకునేందుకు కొంత కాలం వేచి ఉండాలని కుటుంబ సభ్యులు చెప్పారు. దీంతో అతను మనస్తాపానికి గురై గురువారం బాత్‌రూమ్‌లో ఉరివేసుకున్నాడు. తోటి కార్మికులు గుర్తించి కిందకు దించి చూడగా అప్పటికే అతను మృతిచెందాడు. మృతుడి బంధువు తోహిత్‌ ఆలం ఫిర్యాదు మేరకు గన్నవరం పోలీసులు కేసు నమోదు చేసి దర్యాప్తు చేపట్టారు. గుణదల(విజయవాడ తూర్పు): పార్టీ నియమాలను ఉల్లంఘిస్తూ కార్పొరేషన్‌ ఎన్నికల వ్యవహారంలో ఇష్టానుసారంగా ప్రవర్తించిన ఇద్దరు నాయకులను తెలుగుదేశం పార్టీ సస్పెండ్‌ చేసింది. సేకరించిన వివరాల ప్రకారం, గుణదల 1వ డివిజన్‌లో టీడీపీకి చెందిన కొమ్మినేని సురేష్‌, మాదాల సత్యవతి ఎన్నో ఏళ్లుగా తెలుగుదేశంపార్టీకి సేవలందించారు. కార్పొరేషన్‌ ఎన్నికల నేపథ్యంలో పార్టీ వీరిద్దరికీ సముచిత స్థానం ఇవ్వలేదన్న కారణంగా వారు స్వతంత్ర అభ్యర్థులుగా నామినేషన్‌ వేశారు. ఈ క్రమంలో తెలుగుదేశం పార్టీ నాయకులను దూషిస్తూ, పార్టీ నియమాలను అతిక్రమించారు. దీంతో విషయం తెలుసుకున్న సెంట్రల్‌ ఎమ్మెల్యే బొండా ఉమామహేశ్వరరావు వారిద్దరిపై క్రమశిక్షణ చర్యలు తీసుకున్నారు. తెలుగుదేశం పార్టీ నిబంధనలకు వ్యతిరేకంగా నడుచుకున్నారంటూ ఆగ్రహం వ్యక్తం చేశారు. ఇకపై టీడీపీలో వీరిద్దరికీ స్థానం లేదని, పార్టీ కార్యక్రమాల్లో పాలుపంచుకోకూడదని, సస్పెండ్‌ చేస్తున్నట్లు టీడీపీ సెంట్రల్‌ కార్యాలయం అధికారికంగా లేఖను విడుదల చేసింది. ఎంతో కాలంగా పార్టీ కోసం అహర్నిశలు కష్టపడి పనిచేసిన తమను సస్పెండ్‌ చేయడంపై వారిద్దరూ తీవ్ర అసహనానికి గురయ్యారు. తమకు అన్యాయం జరిగిందంటూ సోషల్‌ మీడియా వేదికగా తమ ఆవేదనను వ్యక్తం చేశారు. నిత్యాన్నదానానికి వితరణ మోపిదేవి: స్థానిక శ్రీవల్లీదేవసేన సమేత సుబ్రహ్మణ్యేశ్వరస్వామివారి దేవస్థానంలో నిత్యాన్నదాన పథకానికి విజయవాడ వాస్తవ్యులు చినమూరి సదాశివరెడ్డి రూ.50 వేలు విరాళంగా సమర్పించుకున్నారు. ఉదయం ఆలయానికి వచ్చి స్వామివార్లను దర్శించుకుని ప్రత్యేక పూజలు నిర్వహించారు. అనంతరం ఆలయ సూపరింటెండెంట్‌ అచ్యుత మధుసూదనరావుకు విరాళం అందజేశారు.

ఇంద్రకీలాద్రి(విజయవాడపశ్చిమ): దసరా ఉత్సవాల అనంతరం ఇంద్రకీలాద్రిపై శుక్రవారం మధ్యాహ్నం నుంచి సాధారణ పరిస్థితులు కనిపించాయి. శుక్రవారం తెల్లవారుజాము నుంచి ఉదయం 11 గంటల వరకు భక్తులు, భవానీల రద్దీ అధికంగా కనిపించింది. భవానీల రద్దీకి తోడు శుక్రవారం రద్దీ తోడు కావడంతో అమ్మవారి దర్శనానికి గంట లోపు సమయం పట్టింది. మరో వైపున దసరా ఉత్సవాలకు సొంత గ్రామాలు, పట్టణాలకు విచ్చేసిన వారు తిరుగు ప్రయాణంలో ఇంద్రకీలాద్రికి చేరుకుని అమ్మవారిని దర్శించుకోవడం కనిపించింది. భక్తుల రద్దీ సాదారణంగా ఉండటంతో ఘాట్‌రోడ్డు మీదగా కొండపైకి అనుమతించారు. శనివారం నుంచి ఆలయంలో అన్ని ఆర్జిత సేవలు యథాతథంగా నిర్వహిస్తున్నట్లు ఆలయ ఈవో శీనానాయక్‌ తెలిపారు. తెల్లవారుజామున అమ్మవారికి నిర్వహించే ఖడ్గమాలార్చన, ఉదయం 8 గంటలకు శ్రీచక్రనవార్చన, చండీహోమం, ప్రత్యేక కుంకుమార్చనలతో పాటు సాయంత్రం అమ్మవారికి పంచహారతుల సేవలు జరుగుతాయన్నారు. సేవలతో పాటు అమ్మవారి అంతరాలయ దర్శనం, రూ.100, రూ.300 టికెట్లపై దర్శనాలు కూడా అనుమతిస్తామన్నారు.

కంబాలచెరువు(రాజమహేంద్రవరం): ఆర్టీసీ బస్టాండ్లు, రైల్వే స్టేషన్లలో ఒంటరిగా ప్రయాణించే వృద్ధ మహిళలను లక్ష్యంగా చేసుకుని మత్తు పదార్థాలు కలిపిన కూల్‌ డ్రింక్స్‌ ఇచ్చి బంగారు ఆభరణాలు దొంగిలిస్తున్న వ్యక్తిని ప్రకాష్‌నగర్‌ పోలీసులు శుక్రవారం అరెస్ట్‌ చేశారు. ఈ నెల 8న రాజమహేంద్రవరం ఆర్టీసీ బస్టాండ్‌లో రావులపాలేనికి చెందిన గీసాల మహాలక్ష్మి అనే వృద్ధురాలి మూడు కాసుల బంగారు చైన్‌ చోరీకి గురైంది. బాధితురాలి ఫిర్యాదుతో పోలీసులు కేసు నమోదు చేసి దర్యాప్తు చేపట్టారు. సీసీ కెమెరాలు, సాంకేతిక పరిజ్ఞానం ఆధారంగా దర్యాప్తు చేసిన పోలీసులు తెలంగాణ రాష్ట్రం భద్రాద్రి కొత్తగూడెం జిల్లా పాల్వంచకు చెందిన సమయమంతుల వెంకటేశ్వరరావును శుక్రవారం సాయంత్రం ఆర్టీసీ కాంప్లెక్స్‌ వద్ద అరెస్ట్‌ చేశారు. నిందితుడి నుంచి బంగారు చైన్‌, మత్తు పదార్థాన్ని స్వాధీనం చేసుకున్నారు. నిందితుడు ఒంటరిగా ప్రయాణించే 60 నుంచి 70 ఏళ్ల వయసున్న మహిళలతో పరిచయం పెంచుకుని, వారికి సహాయం చేస్తున్నట్లు నమ్మించి, కూల్‌డ్రింక్స్‌, జ్యూస్‌లలో మత్తు పదార్థాలు కలిపి ఇచ్చేవాడని పోలీసులు తెలిపారు. వారు స్పృహ కోల్పోయిన తర్వాత బంగారు ఆభరణాలను దొంగిలించేవాడని అన్నారు. నిందితుడిపై గతంలో విజయవాడ కృష్ణలంక, జంగారెడ్డిగూడెం, తొర్రూరు పోలీస్‌ స్టేషన్లలో కేసులు ఉన్నట్లు పేర్కొన్నారు.

పెడన: కృష్ణా జిల్లా పెడన మండలం లంకలకలవగుంట గ్రామంలో దసరా మహోత్సవాలను పురస్కరించుకుని ఈ నెల 12 నుంచి నిర్వహించిన రాష్ట్రస్థాయి చెడుగుడు పోటీలు శుక్రవారంతో ముగిశాయి. రాష్ట్రంలోని వివిధ ప్రాంతాల నుంచి 25 జట్లు ఈ పోటీల్లో పాల్గొన్నాయి. కృష్ణా, గుంటూరు, నెల్లూరు, ఒంగోలు, చీరాల, బాపట్ల, పశ్చిమగోదావరి, ఏలూరు తదితర ప్రాంతాల నుంచి క్రీడాకారులు పోటీలకు హాజరయ్యారు. శుక్రవారం తెల్లవారుజామున జరిగిన ఫైనల్‌ పోటీలో చినగంజాం, నెల్లూరు జట్లు తలపడగా చినగంజాం జట్టు విజయం సాధించి ప్రథమ స్థానాన్ని దక్కించుకుంది. విజేతగా నిలిచిన చినగంజాం జట్టుకు రూ.30వేలు, ద్వితీయ బహుమతి నెల్లూరు జట్టుకు రూ.25 వేలు, తృతీయ బహుమతి స్టువర్టుపురం జట్టుకు రూ.20 వేలు, నాలుగో బహుమతి ఏలూరు జిల్లా వేమవరప్పాడు జట్టుకు రూ.15 వేల నగదు బహుమతులు అందజేశారు. ప్రతి సంవత్సరం దసరా మహోత్సవాల సందర్భంగా నెహ్రూ యువ కేంద్రం ఆధ్వర్యంలో ఈ రాష్ట్రస్థాయి చెడుగుడు పోటీలను నిర్వహిస్తున్నట్లు నిర్వాహకుడు ముత్యాల వెంకటస్వామి తెలిపారు. పోటీల నిర్వహణలో లంకల కలవగుంట చెడుగుడు కమిటీ సభ్యులు కాగిత సత్యనారాయణ, కట్టా సూర్యచంద్రరావు, కట్టా రామ్మోహనరావు కీలకంగా వ్యవహరించారు.

గాంధీనగర్‌(విజయవాడసెంట్రల్‌): ఎన్టీఆర్‌ జిల్లాలో జెడ్పీటీసీ, ఎంపీటీసీ ఎన్నికలకు సంబంధించి రెండో రోజు నామినేషన్ల స్వీకరణ ప్రక్రియ కొనసాగింది. గురువారం ఆయా రాజకీయ పార్టీల అభ్యర్థులు నామినేషన్లు దాఖలు చేశారు. 16 జెడ్పీటీసీ స్థానాలకు రెండో రోజు 53 నామినేషన్లు దాఖలయ్యాయి. రెండు రోజుల్లో మొత్తం 57 నామినేషన్లు వచ్చాయి. వైఎస్సార్‌ సీపీ నుంచి 23, టీడీపీ నుంచి 21, బీఎస్పీ నుంచి రెండు, సీపీఎం నుంచి 4, కాంగ్రెస్‌ నుంచి మూడు నామినేషన్లు దాఖలు చేశాయి. స్వతంత్ర అభ్యర్థులు మూడు స్థానాలకు నామినేషన్‌ దాఖలు చేశారు. జిల్లాలో 16 మండలాల్లోని 280 ఎంపీటీసీ స్థానాలకు మొత్తం 749 నామినేషన్లు దాఖలయ్యాయి. తొలిరోజు 73, గురువారం 676 నామినేషన్లు దాఖలయ్యాయి. వైఎస్సార్‌ సీపీ నుంచి 386, టీడీపీ నుంచి 297 దాఖలయ్యాయి. హోరెత్తిన మున్సిపల్‌ ఎన్నికల ప్రచారం విజయవాడ మునిసిపల్‌ కార్పొరేషన్‌తోపాటు జగ్గయ్యపేట, నందిగామ, తిరువూరు, కొండపల్లి ముని సిపాలిటీల్లో ఎన్నికల ప్రచారం ఊపందుకుంది. ప్రధాన పార్టీల అభ్యర్థులు పార్టీ నాయకులతో కలిసి ముమ్మరంగా ప్రచారం చేస్తున్నారు. కరపత్రాలు పంపిణీ చేస్తూ ముందుకు సాగుతున్నారు. విజయవాడ కార్పొరేషన్‌లో.. విజయవాడ నగర పాలక సంస్థ వైఎస్సార్‌ సీపీ మేయర్‌ అభ్యర్థి రాయన భాగ్యలక్ష్మి తూర్పు, సెంట్రల్‌ నియోజకవర్గాల్లో ఎన్నికల ప్రచారం నిర్వహించారు. కృష్ణలంకలో పార్టీ జిల్లా అధ్యక్షుడు దేవినేని అవినాష్‌తో కలిసి వైఎస్సార్‌ సీపీ కరపత్రాలను పంపిణీ చేశారు. మహిళా ఓటర్లతో మాట్లాడి సమస్యలను అడిగి తెలుసుకున్నారు. గత ప్రభుత్వంలో కృష్ణలంక వాసులకు జరిగిన మేలును వివరించారు. ఆమె వెంట ప్రచారంలో వైఎస్సార్‌ సీపీ నాయకులు పాల్గొన్నారు. కొండపల్లిలో.. కొండపల్లి మున్సిపాలిటీ చైర్‌పర్సన్‌ అభ్యర్థి నల్లమోతు తేజస్వి 30వ వార్డులో కౌన్సిలర్‌ అభ్యర్థి కన్నెకంటి పద్మతో కలిసి ఎన్నికల ప్రచారం నిర్వహించారు. ఇంటింటి ప్రచారంలో కూటమి ప్రభుత్వ వైఫల్యాలు ప్రజలకు వివరించారు. వైఎస్‌ జగన్‌ పాలనకు, చంద్రబాబు పాలనకు తేడా గమనించా లని ప్రజలను కోరారు. పార్టీ నాయకులు మేడపాటి నాగిరెడ్డి, ఉయ్యూరు శ్రీనివాసరెడ్డి, కోమటి కోటేశ్వరరావు ఎన్నికల ప్రచారంలో పాల్గొన్నారు. తిరువూరు మునిసిపల్‌ వైఎస్సార్‌ సీపీ చైర్మన్‌ అభ్యర్థి పరసా శ్రీనివాసరావు 19వ వార్డులో ఎన్నికల ప్రచారం నిర్వహించారు. కౌన్సిలర్‌ అభ్యర్థి గజ్జల శ్రీదేవితో కలిసి వైఎస్సార్‌ ఫొటోతో ఎన్నికల ప్రచారం చేశారు. ఆయన ప్రవేశపెట్టిన సంక్షేమ పథకాలు, వైఎస్‌ జగన్‌ ప్రభుత్వంలో అమలు చేసిన పథకాలను వివరించారు. కూటమి ప్రభుత్వం అధికారం చేపట్టిన నాటి నుంచి ప్రజల స్థితి గతులు ఎలా ఉన్నాయో వివరించారు. ఆయన వెంట నియోజకవర్గ ఇన్‌చార్జి నలగట్ల స్వామిదాసు, సుధారాణి ప్రచారం చేశారు. జగ్గయ్యపేట మునిసిపాలిటీ వైఎస్సార్‌ సీపీ చైర్‌ పర్సన్‌ అభ్యర్థి హఫీజున్నీసా ప్రచారంలో దూసుకెళ్తున్నారు. మునిసిపాలిటీ పరిధిలోని 25వ వార్డులో ఆమె గురువారం ఎన్నికల ప్రచారం నిర్వహించారు. కూటమి ప్రభుత్వ ప్రజా వ్యతిరేక విధానాలను ప్రజలకు వివరిస్తూ ముందుకు సాగారు. ఆమె వెంట నియోజకవర్గ ఇన్‌చార్జి తన్నీరు నాగేశ్వరరావు సతీమణి సుధారాణి ప్రచారంలో పాల్గొన్నారు. 25వ వార్డు కౌన్సిలర్‌ అభ్యర్థి షేక్‌ జాన్‌ మియా ప్రచారం చేశారు. ఓటర్లకు కరపత్రాలు పంపిణీ చేశారు. ప్రజల సంక్షేమం, పట్టణ అభివృద్ధి, వార్డులో మౌలిక సదుపాయాల కల్పనే లక్ష్యమని పేర్కొన్నారు.

ఇబ్రహీంపట్నం: రాష్ట్రంలో విద్యుత్‌ బస్సులను ప్రైవేట్‌ వ్యక్తులు కొనుగోలు చేసే టెండర్లు రద్దు చేసి ప్రభుత్వమే కొనుగోలు చేయాలని ఇబ్రహీంపట్నం ఆర్టీసీ డిపో ఉద్యోగులు డిమాండ్‌ చేశారు. గురువారం తెల్లవారు జామున మొదటి డ్యూటీ నుంచి ఉద్యోగులు నల్లబ్యాడ్జీలు ధరించి నిరసన కార్యక్రమం నిర్వహించారు. ఏపీఎస్‌ఆర్టీసీ జేఏసీ పిలుపు మేరకు నేషనల్‌ మజ్దూర్‌, ఎంప్లాయీస్‌ యూనియన్‌ నాయకులు పి.శ్రీనివాసరావు, ఎస్‌. రమేష్‌ మాట్లాడుతూ రాష్ట్ర వ్యాప్తంగా 1,450 విద్యుత్‌ బస్సుల కొనుగోలుకు ప్రైవేట్‌ టెండర్‌ పిలవడం దుర్మార్గమన్నారు. తక్షణం టెండర్‌ రద్దు చేసి సంస్థ ద్వారానే బస్సులు కొనుగోలు చేయాలని డిమాండ్‌ చేశారు. సంస్థ ఉద్యోగుల ద్వారానే బస్సులు నడపాలని సూచించారు. యూనియన్‌ నాయకులు బీఎన్‌ రావు, ఆంజనేయులు, సీహెచ్‌ నాగేశ్వరరావు, ఇస్మాయిల్‌ తదితరులు పాల్గొన్నారు. రాష్ట్ర స్థాయి వెయిట్‌ లిఫ్టింగ్‌లో జెడ్పీ విద్యార్థుల ప్రతిభ మూలపాడు(ఇబ్రహీంపట్నం): స్కూల్‌ గేమ్స్‌ ఫెడరేషన్‌ ఆధ్వర్యంలో కాకినాడలో ఇటీవల జరిగిన రాష్ట్ర స్థాయి వెయిట్‌ లిఫ్టింగ్‌ పోటీల్లో మూలపాడు జెడ్పీ పాఠశాల విద్యార్థులు రజిత, కాంస్యం పతకాలు సాధించారని పాఠశాల హెచ్‌ఎం డేవిడ్‌ రాక్‌ఫెల్లర్‌ గురువారం తెలిపారు. విద్యార్థులు వి.సుధీర్‌ అండర్‌ 17 విభాగంలో 71 కిలోల కేటగిరీలో రజిత పతకం, ఎన్‌హెచ్‌ నారాయణమూర్తి అండర్‌ 19 విభాగంలో 71 కిలోల కేటగిరీలో కాంస్య పతకం సాధించారు. టి.సాయివర్ధన్‌ నాలుగో స్థానంలో నిలిచారని చెప్పారు. విద్యార్థులను వ్యాయామ ఉపాధ్యాయులు ఎస్‌.కె. రషీద్‌, మొహమ్మద్‌ వహీదా బేగం, పాఠశాల సిబ్బంది అభినందించారు.

గంపలగూడెం: ఎన్టీఆర్‌ జిల్లాలోని ప్రముఖ పుణ్యక్షేత్రమైన నెమలి శ్రీ వేణుగోపాల స్వామి ఆలయానికి రూ.24,19,354 ఆదాయం సమకూరింది. ఆలయంలోని హుండీల్లో భక్తులు సమర్పించిన కానుకలను గురువారం లెక్కించారు. ఆలయ హుండీ కానుకల ద్వారా రూ.23,66,053, అన్నదానం హుండీ ద్వారా రూ.53,301, మొత్తం రూ.24,19,354 ఆదాయం వచ్చిందని ఆలయ అధికారులు తెలిపారు. బంగారం 700 మిల్లీ గ్రాములు, 500 గ్రాముల వెండి సమకూరిందని జిల్లా దేవదాయ శాఖ అధికారి ఎన్‌.సాంబశివరావు తెలిపారు. కానుకల లెక్కింపు కార్యక్రమంలో ఆలయ కార్యనిర్వహణ అధికారి ఎన్‌.సంధ్య తదితరులు పాల్గొన్నారు. కంచికచర్ల: స్థానిక సంస్థల ఎన్నికలు ప్రశాంత వాతావరణంలో పారదర్శకంగా జరగాలని ఎన్టీఆర్‌ జిల్లా ఎన్నికల పరిశీలకురాలు నాగ లక్ష్మి పేర్కొన్నారు. కంచికచర్ల, వీరులపాడు, నందిగామలో నామినేషన్‌ కేంద్రాలను ఆమె గురువారం పరిశీలించారు. ఈ సందర్భంగా నాగలక్ష్మి మాట్లాడుతూ.. సమస్యాత్మక ప్రాంతాల్లో అదనపు భద్రతా చర్యలు చేపట్టా లని ఆదేశించారు. నామినేషన్‌, పోలింగ్‌, కౌంటింగ్‌ కేంద్రాల్లో తప్పనిసరిగా సీసీ కెమెరాలు ఏర్పాటు చేయాలని, ఎన్నికల సమ యంలో పోలీస్‌, రెవెన్యూ అధికారులు సమన్వయంతో అవాంఛనీయ ఘటనలు జరగకుండా చూడాలని స్పష్టంచేశారు. సమస్యాత్మక, అతి సమస్యా త్మక గ్రామాలను ముందుగా గుర్తించి అదనపు పోలీస్‌ బలగాలను మోహరించాలన్నారు. ఎన్నికల ప్రక్రియపై ప్రజల్లో సంపూర్ణ విశ్వాసం పెంపొందించేలా అధికారులు పనిచేయాలని స్పష్టం చేశారు. ఈ కార్యక్రమంలో రిటర్నింగ్‌ అధికారి బాలాజీ, ఎంపీడీఓ డి. వెంకటేశ్వరరావు డెప్యూటీ తహసీల్దార్‌ మానస తదితరులు పాల్గొన్నారు. పెనమలూరు: విద్యార్థులు భవిష్యత్తు నైపుణ్యాలపై దృష్టిపెట్టాలని జిల్లా చైల్డ్‌ డెవలప్‌మెంట్‌ అధికారి సీతామహాలక్ష్మి సూచించారు. పెనమలూరు జిల్లా పరిషత్‌ ఉన్నత పాఠశాలను గురువారం ఆమె సందర్శించి లెవల్‌–2 రిటైల్‌ ట్రేడ్‌ విద్యార్థులతో మాట్లాడారు. రిటైల్‌ ట్రేడ్‌లో కేరీర్‌ అవకాశాలను వివరించారు. భవిష్యత్‌ నైపుణ్యాలు, స్వయం ఉపాధి మార్గదర్శకాలపై విలువైన సూచనలు చేశారు. పెనమలూరులో ఇంటర్న్‌షిప్‌ కేంద్రంగా ఉన్న శ్రీ విజయలక్ష్మి రైస్‌ అండ్‌ జనరల్‌ స్టోర్స్‌ సందర్శించి డిజిటల్‌ మెషిన్‌తో తూకం, ప్యాకేజి చేయడం, స్టాక్‌ అమరిక వంటి ప్రాక్టికల్‌ పనులు పరిశీలించారు. కార్యక్రమంలో సెక్టోరియల్‌ అధికారి జి.పద్మజ, సాయిరామ్‌, హెచ్‌ఎం సుధారాణి, డి.వి.సుబ్బారావు తదితరులు పాల్గొన్నారు. పెదప్రోలు(మోపిదేవి): మండలంలోని పెదప్రోలు రైతు సేవాకేంద్రంలో ప్రకృతి వ్యవసాయం, సేంద్రియపై రైతులకు గురువారం అవగాహన కార్యక్రమం నిర్వహించారు. ఘంటసాల కేవీకే శాస్త్రవేత్త డాక్టర్‌ సుధారాణి ఆయా పంటల్లో సస్యరక్షణ చర్యలను వివరించారు. ప్రకృతి వ్యవసాయంలో పాటించాల్సిన పద్ధతులు, ప్రయోజనాలపై అవగాహన కల్పించారు. మండల వ్యవసాయ అధికారి కె.హెప్సీబారాణీ, పద్మజ, శ్రీనివాస్‌, అవనిగడ్డ ఏడీఏ జయప్రద, తదితరులు పాల్గొన్నారు.

● అన్ని దారులూ దుర్గమ్మ సన్నిధికే.. ● తరలివస్తున్న భవానీ మాలధారులు ● నేడు కూడా రద్దీ కొనసాగే అవకాశం క్యూలైన్లు, ఘాట్‌ రోడ్డు మీదుగా అనుమతి 8.37 లక్షల మందికి అన్నప్రసాద వితరణ 26, 27 తేదీల్లో కానుకల లెక్కింపు గురువారం ఆదాయం రూ. 41.66 లక్షలు భవానీల రద్దీ నేపథ్యంలో గురువారం దుర్గగుడికి రూ.41.66 లక్షల ఆదాయం సమకూరిందని ఆలయ అధికారులు తెలిపారు. లడ్డూ ప్రసాదం విక్రయం ద్వారా రూ.36.25 లక్షలు, శ్రీచక్ర (పెద్ద) లడ్డూ విక్రయం ద్వారా రూ.4,900, కేశఖండన టికెట్ల ద్వారా రూ.5.27 లక్షలు, అమ్మవారి పుస్తకాలు, ఫొటోల విక్రయం ద్వారా మిగిలిన ఆదాయం వచ్చిందని వివరించారు. దుర్గమ్మ దర్శనానికి వస్తున్న భవానీ మాలధారులు

గత ప్రభుత్వం హయాంలోనే మెరుగైన వసతులు పటమట(విజయవాడతూర్పు): వైఎస్సార్‌ సీపీ పాలనలో 2021 నుంచి 2026 మధ్య కాలంలో విజయవాడ నగరం గణనీయంగా అభివృద్ధి చెందింది. ప్రధానంగా మౌలిక సదుపాయాలు సమకూరాయి. 2021వ సంవత్సరంలో విజయవాడ నగర పాలక సంస్థ (వీఎంసీ)కు ఎన్నికలు జరిగి వైఎస్సార్‌ సీపీ పాలనా బాధ్యతలు చేపట్టింది. కౌన్సిల్‌ పదవీ కాలం పూర్తయ్యే నాటికి వీఎంసీ సాధారణ నిధుల నుంచి అభివృద్ధి పనులకు సుమారు రూ.3 వేల కోట్లు వెచ్చించింది. రాష్ట్ర ప్రభుత్వం నుంచి ఏటా రూ.100 కోట్లు, రూ.50 కోట్ల ప్రత్యేక నిధుల వెచ్చించి ఎన్నో మౌలిక సదుపాయాలు కల్పించారు. మేయర్‌గా పనిచేసిన రాయన భాగ్యలక్ష్మి నేతృత్వంలో నగరాభివృద్ధికి గణనీయమైన కృషి జరిగింది. అందుకే మళ్లీ భాగ్యలక్ష్మినే మేయర్‌ అభ్యర్థిగా నిలబెట్టి వైఎస్సార్‌ సీపీ ఎన్నికల బరిలో నిలిచింది. గత ఎన్నికల్లో మొత్తం 64 డివిజన్లకు వైఎస్సార్‌ సీపీ 49 గెలుచుకోగా, టీడీపీ 14 డివిజన్లు, సీపీఎం ఒక డివిజన్‌కు పరిమితమయ్యాయి. మేయర్‌ భాగ్యలక్ష్మి సారథ్యంలో వివక్షకు తావు లేకుండా అన్ని డివిజన్లకు నిధులు కేటాయించి అభివృద్ధి పథంలో నడిపారు. కాలువల్లో వ్యర్థాల తొలగింపు నగరం మీదుగా ప్రవహించే ఏలూరు, బందరు, రైవస్‌ కాలువ గట్లను పటిష్టం చేశారు. సుందరీకరణలో భాగంగా కాలువల్లో పేరుకుపోయిన 19 టన్నుల ప్లాస్టిక్‌ వ్యర్థాలను టక్సర్‌ వాహనాలతో తొలగించారు. అజిత్‌సింగ్‌నగర్‌లోని డంపింగ్‌ యార్డును అభివృద్ధి చేయటంతోపాటు నగరంలో వివిధ ప్రాంతాల నుంచి వచ్చే వ్యర్థాలను శుద్ధి చేసే ప్రక్రియ కోసం ఇన్‌ఫర్‌మేషన్‌ పార్కును రూ.8 కోట్లతో అభివృద్ధి చేశారు. సింగ్‌నగర్‌లోని చెరువు పూడిక తీతతోపాటు చెరువు చుట్టూ వాకింగ్‌ ట్రాక్‌ ఏర్పాటు చేసి స్థానికులకు అందుబాటులోకి తీసుకొచ్చారు. వాంబేకాలనీ, అజిత్‌సింగ్‌నగర్‌ ప్రాంతాల్లో అంతర్గత, ప్రధాన రోడ్లలో సెంట్రల్‌ డివైడర్‌ ఏర్పాటు చేసి, గ్రీనరీని అభివృద్ధి చేశారు. పారిశుద్ధ్యం.. పర్యావరణం నగరంలోని అన్ని డివిజన్లలో ఇంటింటి నుంచి చెత్త సేకరణతోపాటు ప్రధాన రహదారులైన బందరు రోడ్డు, ఏలూరు రోడ్డును లిట్టర్‌ ఫ్రీ జోన్‌గా ప్రకటించి నిరంతరం శుభ్రంగా ఉంచారు. క్లీన్‌ ఆంధ్రప్రదేశ్‌ (క్లాప్‌) ద్వారా ఇంటింటి నుంచే చెత్త సేకరించి, సులభంగా రవాణా చేశారు. నగరంలో పారిశుద్ధ్య నిర్వహణకు 2021, 2022, 2023వ సంవత్సరాల్లో జాతీయ స్థాయిలో స్వచ్ఛ సర్వేక్షణ్‌ ర్యాకింగ్‌ అవార్డులు లభించాయి. కాలుష్యాన్ని నివారించేందుకు రోడ్ల వెంబడి దుమ్ము, ధూళి గాలిలో కలవకుండా 15 ప్రధాన జంక్షన్ల వద్ద ఫౌంటేన్లు ఏర్పాటు చేశారు. అన్ని డివిజన్లలో రోడ్లకు రెండు వైపులా పేవర్‌ బ్లాక్‌లు ఏర్పాటు చేసి కాలుష్యాన్ని తగ్గించారు. తాగు నీటి సరఫరాకు సమర్థ ప్రణాళిక కొండ ప్రాంతాల్లో తాగునీటి సరఫరాకు వైఎస్సార్‌ సీపీ ప్రభుత్వం హయాంలో సమర్థ ప్రణాళిక అమలు చేశారు. అన్ని డివిజన్లలో వీఎంసీ సాధా రణ నిధులు, రాష్ట్ర ప్రభుత్వం ప్రత్యేక నిధులు, కేంద్ర ప్రభుత్వ 15వ ఆర్థిక సంఘం నిధులతో తాగునీటి పైపులైన్లను ఆధునికీకరించారు. వేలాది ఇళ్లకు నూతన కుళాయి కనెక్షన్‌ ఇవ్వటంతోపాటు భవానీపురంలోని హెడ్‌ వాటర్‌ వర్క్స్‌ను అభివృద్ధి చేశారు. డ్రెయినేజీ అభివృద్ధి సైడు డ్రెయిన్లు, భూగర్భ డ్రెయిన్ల (యూజీడీ)ను ఆధునికీకరించారు. యూఎన్‌డీపీ నుంచి వచ్చిన రూ.100 కోట్లతో రామలింగేశ్వనగర్‌లోని మూడు ఎస్‌టీపీ (సీవేజ్‌ ట్రీట్‌మెంట్‌ ప్లాంట్‌)లు, జక్కంపూడికాలనీ, ఆటోనగర్‌, అజిత్‌సింగ్‌నగర్‌లోని ఎస్‌టీపీలను ఆధునికీకరించారు. వాటికి అనుబంధంగా ఉండే పంపింగ్‌ స్టేషన్లు రూ.10 కోట్లతో అభివృద్ధి చేశారు. నగర సుందరీకరణలో భాగంగా రాజీవ్‌గాంఽధీ పార్కు, రాఘవయ్య–అంబేడ్కర్‌ పార్కును అభివృద్ధి చేయటంతోపాటు కృష్ణానదీ తీరాన రాణిగారితోటలో మూడు కిలోమీటర్ల పొడవున మూడు ఫేజులుగా రివర్‌ ఫ్రంట్‌ వ్యూ పార్కును రూ.11 అభివృద్ధి చేశారు. కృష్ణానదికి ఆనుకుని ఉన్న రిటైనింగ్‌ వాల్స్‌కు అనుబంధంగా మొదటి ఫేజ్‌లో కిలోమీటరు వరకు వాకింగ్‌ ట్రాక్‌, చైల్డ్‌ ప్లే ఏరియా, సైక్లింగ్‌ ట్రాక్‌ తదితర నిర్మాణాలు పూర్తిచేసి ప్రజలకు అందుబాటులోకి తీసుకొచ్చారు. పార్క్‌ల అభివృద్ధి, నగర వ్యాప్తంగా ఓపెన్‌ జిమ్‌లు, వాకింగ్‌ ట్రాక్‌లతో కూడిన మూడు కొత్త పార్కులను హార్టీకల్చర్‌ విభాగం ద్వారా అభివృద్ధి చేశారు. అన్ని డివిజన్లలో మౌలిక వసతుల కల్పనకు కృషి వీఎంసీ సాధారణ నిధుల నుంచి రూ.3వేల కోట్లు ఖర్చు రూ.9 కోట్ల నిధులతో కేటీ రోడ్డు విస్తరణ, పునర్నిర్మాణం రూ.11 కోట్లతో అందంగా రివర్‌ ఫ్రంట్‌ పార్కు ఏర్పాటు రూ.29 కోట్లతో ఎస్‌టీపీల ఆధునికీకరణ పనులు పూర్తిపెరుగుతున్న జనాభాకు అనుగుణంగా రోడ్లు చాలక ఇబ్బందులు ఎదురయ్యేవి. ప్రధాన ప్రాంతాల్లోనూ రోడ్ల విస్తరణ ఓ ప్రహసనంగా ఉండేది. వైఎస్సార్‌ సీపీ పాలనా బాధ్యతలు చేపట్టి వన్‌టౌన్‌లో కొత్తూరు తాడేపల్లి (కేటీ) రోడ్డును 60 నుంచి 80 అడుగులకు విస్తరించి, శాశ్వత ప్రాతిపాదికన రూ.9 కోట్లతో కేబీఎన్‌ కళాశాల నుంచి కొత్త అమ్మవారి గుడి వరకు రెండు ఫేజులుగా సీసీ రోడ్డు నిర్మించారు. బ్రాహ్మణ వీధిని వెడల్పు చేయంతోపాటు రోడ్డు నిర్మాణ పనులు పూర్తిచేశారు. భవానీపురం, విద్యాధరపురం, చిట్టినగర్‌, పూర్ణానందంపేట, పాత రాజరాజేశ్వరిపేట ప్రాంతాల్లో ప్రధాన రోడ్లతోపాటు అంతర్గత రహదారులు, డ్రెయిన్ల నిర్మాణాలు పూర్తిచేశారు. కేఎల్‌ రావు పార్కును రూ.4 కోట్లతో అభివృద్ధి చేసి, కొండప్రాంతాల్లో తాగునీటి సరఫరాకు నూతన పైప్‌లైన్లు ఏర్పాటు చేశారు. వాగు సెంటర్‌ ప్రాంతాల్లో కొండ చరియలు విరిగిపడకుండా రిటైనింగ్‌ వాల్స్‌ నిర్మాణం, ఇతర అభివృద్ధి పనులకు రూ.29 కోట్లు ఖర్చుచేశారు.

లబ్బీపేట(విజయవాడతూర్పు): నందిగామలోని 8వ వార్డు కౌన్సిలర్‌గా నామినేషన్‌ వేసిన మహిళా వైద్యురాలిని టీడీపీ గూండాలు కిడ్నాప్‌ చేసి, బలవంతంగా నామినేషన్‌ విత్‌డ్రా చేయించగా, ఇప్పటి వరకూ ఆమె ఆచూకీ తెలియడం లేదంటూ ఎమ్మెల్సీ మొండితోక అరుణకుమార్‌ గురువారం రాష్ట్ర ఎన్నికల కమిషన్‌కు ఫిర్యాదు చేశారు. ఈ మేరకు నగరంలోని ఎస్‌ఈసీ కార్యాలయంలో ఎన్నికల కమిషనర్‌ను కలిసి వినతిపత్రం అందజేశారు. అనంతరం ఆయన మీడియాతో మాట్లాడుతూ రాష్ట్రంలో ప్రజాస్వామ్య వ్యవస్థ దిగజారిపోయిందనేందుకు కూటమి పాలనే నిదర్శనమన్నారు. దేశంలో ఎక్కడా లేని విధంగా నామినేషన్‌లు వేయకుండా అరాచకాలు చేశారని, చివరకు సుప్రీం కోర్టు మొట్టికాయలు వేయాల్సి వచ్చిందన్నారు. ప్రజల ఓటు హక్కును కాలరాసే విధంగా టీడీపీ వికృత చేష్టలు చేస్తోందన్నారు. ఆ మహిళ ఎక్కడ? నందిగామ 8 వార్డుకు నామినేషన్‌ దాఖలు చేసిన మహిళా వైద్యురాలు క్లినిక్‌లో ఉండగా టీడీపీ గూండాలు కిడ్నాప్‌ చేశారని, ఆమెతో బలవంతంగా నామినేషన్‌ విత్‌డ్రా చేయించిన తర్వాత ఇప్పటి వరకూ ఆమె ఆచూకీ తెలియడం లేదని ఎమ్మెల్సీ అరుణకుమార్‌ ఆందోళన వ్యక్తం చేశారు. ఆ వార్డుకు మళ్లీ నామినేషన్‌లు స్వీకరించాలని ఎమ్మెల్సీ అరుణకుమార్‌ డిమాండ్‌ చేశారు.

మొగల్రాజపురం(విజయవాడ తూర్పు): స్పోర్ట్స్‌ కరాటే అసోసియేషన్‌ ఆఫ్‌ ఆంధ్రప్రదేశ్‌ ఆధ్వర్యంలో వైజాగ్‌లోని గాజువాక రాజీవ్‌ ఇండోర్‌ స్టేడియంలో 5వ సౌత్‌ ఇండియా జోనల్‌ కరాటే ఛాంపియన్‌షిప్‌–2026 పోటీలు ఈ నెల 24, 25 తేదీల్లో జరుగనున్నాయని ది వరల్డ్‌ షోటాకాన్‌ కరాటే ఫెడరేషన్‌ ఆఫ్‌ ఇండియా ప్రతినిధి జె.విజయ్‌కుమార్‌ ప్రకటనలో తెలిపారు. ఈ పోటీల్లో ఎన్టీఆర్‌ జిల్లా నుంచి కరాటే విద్యార్థులు ఎం.సుకీర్త్‌, బి.సహాస్యలహారి, వి.నాగ చైతన్య, డి.జ్ఞానప్రకాష్‌ కటా, కుమిటె విభాగాల్లో ఆంధ్రప్రదేశ్‌ నుంచి ప్రాతినిధ్యం వహిస్తారని వివరించారు. మధురానగర్‌(విజయవాడసెంట్రల్‌): విజయవాడ నగరంలోని 69వ డివిజన్‌ శ్రీనగర్‌ కాలనీలో టీడీపీ సీటు రాకపోవటంతో ఆ పార్టీ నాయకుడు బాబీ స్వతంత్య్ర అభ్యర్థిగా బరిలో దిగారు. గురువారం ఆయన ఎన్నికల ప్రచారం నిర్వహించారు. బ్యాట్‌ గుర్తుకు ఓటు వేసి గెలిపించాలని అభ్యర్థించారు. బాబీ అనుచరులతో పాటు టీడీపీ, జనసేనకు చెందిన పలువురు ర్యాలీలో పాల్గొని సంఘీభావం తెలిపారు.

వన్‌టౌన్‌(విజయవాడపశ్చిమ): దసరా శరన్నవరాత్రి మహోత్సవాల ముగింపును పురస్కరించుకొని వన్‌టౌన్‌ పోలీసుస్టేషన్‌ ప్రాంగణంలో గురువారం అన్నసమారాధన కార్యక్రమాన్ని నిర్వహించారు. దసరా ఉత్సవాల సందర్భంగా స్టేషన్‌ ప్రాంగణంలో కలశాన్ని ఏర్పాటు చేసి పూజలు నిర్వహించిన విషయం తెలిసిందే. ముగింపు సందర్భంగా వన్‌టౌన్‌ పోలీసుస్టేషన్‌ ప్రాంగణంలో చండీహోమాన్ని శాస్త్రోక్తంగా నిర్వహించారు. ఎన్టీఆర్‌ జిల్లా పోలీస్‌ కమిషనర్‌ రాజశేఖరబాబు పలువురు ఐపీఎస్‌ అధికారులు స్వయంగా హాజరై పూర్ణాహుతిలో పాల్గొన్నారు. అనంతరం అమ్మవారికి ప్రత్యేక పూజలు నిర్వహించారు. తర్వాత పోలీసు కమిషనర్‌ రాజశేఖరబాబు అన్నదాన కార్యక్రమాన్ని ప్రారంభించారు. వేలాదిమంది పేదలతో పాటు, సీపీ, పోలీసు కుటుంబాలు సైతం స్టేషన్‌ ప్రాంగణంలో అన్న ప్రసాదాన్ని స్వీకరించారు. స్థానిక సీఐ గుణరాము కార్యక్రమాలను నిర్వహించారు. ఉత్సవాలను విజయవంతం చేశాం.. తమ పోలీసు శాఖ అంకిత భావంతో పని చేసి దసరా ఉత్సవాలను విజయవంతం చేశారని పోలీసు కమిషనర్‌ రాజశేఖర్‌బాబు అన్నారు. వన్‌టౌన్‌ స్టేషన్‌ ప్రాంగణంలో పూజల అనంతరం ఆయన సిబ్బందిని అభినందించారు. పూర్ణాహుతితో ఉత్సవాలకు ముగింపు

వన్‌టౌన్‌(విజయవాడ పశ్చిమ): విజయవాడ నగ రంలో వైఎస్సార్‌ సీపీ ఎన్ని కల ప్రచారం సోమవారం ముమ్మరంగా సాగింది. పశ్చిమ నియోజకవర్గ పరిధిలోని 31వ డివిజన్‌లో పార్టీ మేయర్‌ అభ్యర్థి రాయన భాగ్యలక్ష్మి, కార్పొరేటర్‌ అభ్యర్థి మండెపూడి ఛటర్జీతో కలిసి మాజీ మంత్రి వెలంపల్లి శ్రీనివాసరావు ఎన్నికల ప్రచారం నిర్వహించారు. పాతశివాలయం వీధి కూడలి నుంచి ప్రారంభమైన ప్రచారం పులిపాటి వారి వీధి, కందుల వారి వీధి, సామారంగం చౌక్‌ పరిసర ప్రాంతాల్లో కొనసాగింది. ఈ సందర్భంగా ఇంటింటికీ వెళ్లి వైఎస్సార్‌ సీపీని గెలిపించాలని కోరారు. కార్పొరేషన్‌ ఎన్నికల్లో ఫ్యాన్‌ గుర్తుపై తమ అమూల్యమైన ఓటు వేసి వైఎస్సార్‌ సీపీ మేయర్‌ అభ్యర్థి రాయన భాగ్యలక్ష్మి, 31వ డివిజన్‌ కార్పొరేటర్‌ అభ్యర్థి మండెపూడి ఛటర్జీని అత్యధిక మెజారిటీతో గెలిపించాలని విజ్ఞప్తి చేశారు. ఈ సందర్భంగా వెలంపల్లి శ్రీనివాసరావు మాట్లాడుతూ.. రాష్ట్రంలో కూటమి పాలకులను నమ్మే పరిస్థితుల్లో ప్రజలు లేరని పేర్కొన్నారు. రెండున్నరేళ్లలో రాష్ట్రాన్ని పూర్తిగా దిగజార్చారని విమర్శించారు. వైఎస్సార్‌ సీపీ ప్రభుత్వ హయాంలో అప్పటి ముఖ్యమంత్రి వైఎస్‌ జగన్‌ మోహన్‌రెడ్డి కులం, మతం, ప్రాంతం, రాజకీయం చూడకుండా అర్హులైన ప్రతి పేద కుటుంబానికి సంక్షేమ ఫలాలు, పారదర్శక పాలన అందించా రని గుర్తుచేశారు. ఆ అభివృద్ధి, సంక్షేమ పథకాలే నేడు పార్టీకి ప్రజల్లో కొండంత అండగా నిలిచాయని పేర్కొన్నారు. కూటమి ప్రభుత్వం ఎన్నికల హామీలను గాలికొదిలేసి, పాలనలో తీవ్రంగా విఫలమైందన్నారు. సామాన్యుడి జీవితం దుర్భరంగా మారిందన్నారు. ప్రజల్లో కూటమి పాలనపై తీవ్ర వ్యతిరేకత మొదలైందని విమర్శించారు. స్థానిక సంస్థల ఎన్నికల్లో ప్రజలు ఓటు ద్వారా ప్రభుత్వంపై తమ వ్యతిరేకతను తెలిపేందుకు సిద్ధంగా ఉన్నారని పేర్కొన్నారు. వైఎస్సార్‌ సీపీ శ్రేణులు, నాయకులు, కార్యకర్తలు క్షేత్రస్థాయిలో సమన్వయంతో పనిచేసి అభ్యర్థుల విజయానికి కృషి చేయాలని పిలుపునిచ్చారు. ఈ ప్రచారంలో డివిజన్‌ స్థాయి ముఖ్య నాయకులు, కార్యకర్తలు, మహిళా విభాగ ప్రతినిధులు, అభిమానులు, స్థానిక ప్రజలు భారీ సంఖ్యలో పాల్గొన్నారు. లబ్బీపేట(విజయవాడతూర్పు): కార్పొరేషన్‌ ఎన్నికల్లో పార్టీనేతలు, కార్యకర్తలు అందరినీ సమన్వయం చేసుకుంటూ, సమష్టి కృషితో విజయమే లక్ష్యంగా పనిచేద్దామని వైఎస్సార్‌ సీపీ జిల్లా అధ్యక్షుడు దేవినేని అవినాష్‌ పిలుపునిచ్చారు. గుణదలలోని జిల్లా పార్టీ కార్యాలయంలో సోమవారం రాత్రి మేయర్‌ అభ్యర్థి రాయన భాగ్యలక్ష్మి, తూర్పు నియోజకవర్గంలోని కార్పొరేటర్‌ అభ్యర్థులతో కలిసి సమావేశం నిర్వహించారు. ఈ సందర్భంగా అవినాష్‌ మాట్లాడుతూ.. ప్రతి గడపకు వెళ్లి రెండున్నరేళ్లలో కూటమి కుతంత్రాలు, మోసాలను ప్రజలకు తెలియచేద్దామన్నారు. గత ఐదేళ్ల వైఎస్సార్‌ సీపీ ప్రభుత్వంలో ప్రజలకు జరిగిన మంచి, అందిన సంక్షేమ పథకాలు, డివిజన్లలో జరిగిన అభివృద్ధిని తెలియజేద్దామని అవినాష్‌ సూచించారు. వారం రోజులే సమయం ఉన్నందున ప్రతి ఒక్కరూ ప్రణాళికా బద్ధంగా డివిజన్లలో ప్రచారం చేయాలని సూచించారు. పార్టీ అభ్యర్థులు, సీనియర్‌ నాయకుడు కడియాల బుచ్చిబాబు తదితరులు పాల్గొన్నారు.

లబ్బీపేట(విజయవాడతూర్పు): నగరంలోని సిటీ ఆర్మ్‌డ్‌ రిజర్వ్‌ కార్యాలయంలో సోమ వారం పోలీసులు ఆయుధ పూజ నిర్వహించారు. దసరా ఉత్సవాల్లో భాగంగా మహార్నవమి రోజు నగరంలోని అన్ని పోలీస్‌ స్టేషన్లు, అన్ని విభా గాల్లో ఆయుధాలకు పూజలు చేస్తారు. సిటీ ఆర్మ్‌డ్‌ రిజర్వ్‌ కార్యాలయంలో జరిగిన ఆయుధ పూజలో పోలీస్‌ కమిషనర్‌ ఎస్‌.వి.రాజశేఖరబాబు దంపతులు పాల్గొని ప్రత్యేక పూజలు చేశారు. ఈ కార్యక్రమంలో డీసీపీలు కె.తిరుమ లేశ్వరరెడ్డి, షిరీన్‌బేగం, కె.జి.వి.సరిత, కృష్ణ ప్రసన్న, ఎ.బి.టి.ఎస్‌.ఉదయరాణి, బి.సత్య నారాయణ, ఏఆర్‌ ఏడీసీపీ ఎన్‌.వి.రమణ, పలువురు ఏసీపీలు, ఆర్‌ఐలు పాల్గొన్నారు. పెనుగంచిప్రోలు: మడలంలో బతుకమ్మ సంబరాలు వైభవంగా జరుగుతున్నాయి. మహిళలు రంగురంగుల పూలతో బతుకమ్మలు తయారు చేసి ఆట, పాటల మధ్య సందడి చేస్తున్నారు. సోమవారం రాత్రి పెనుగంచిప్రోలు ధర్మపురి లక్ష్మీనరసింహస్వామి ఆలయం, రుక్మిణి సత్యభామ సమేత వేణుగోపాలస్వామి ఆలయం, లింగగూడెం, అనిగండ్లపాడు గ్రామాల్లో బతుకమ్మ సంబరాలు ఘనంగా నిర్వహించారు. కోనేరుసెంటర్‌(మచిలీపట్నం): ఈ నెల 21వ తేదీన నుంచి పరిషత్‌ ఎన్నికల నామినేషన్లు ప్రారంభం కానున్న నేపథ్యంలో అధికారులు, సిబ్బంది ఏర్పాట్లలో నిమగ్నమయ్యారు. మూల నపడిన బ్యాలెట్‌ బాక్సులను బయటి తీసి రంగులతో ముస్తాబు చేస్తున్నారు. రిటర్నింగ్‌ అధికారుల ఆదేశాల మేరకు ఎంపీడీఓ బాల కృష్ణారావు ఏర్పాట్లను పర్యవేక్షిస్తున్నారు.

ఇంద్రకీలాద్రి(విజయవాడపశ్చిమ): ఇంద్రకీలాద్రిపై కొలువైన శ్రీదుర్గా మల్లేశ్వర స్వామి వార్ల దేవస్థానంలో శ్రీ దేవీ శరన్నవరాత్రులు వైభవంగా జరుగుతున్నాయి. క్యూలైన్లు భక్తులతో కిక్కిరిసి కనిపిస్తున్నాయి. అంతరాలయం, ఇంద్రకీలాద్రి, కనకదుర్గానగర్‌ ఇలా అన్ని చోట్లా భక్తజన సందోహం కనిపిస్తోంది. ఉత్సవాల్లో భాగంగా సోమవారం శ్రీమహిషాసుర మర్దినీదేవిగా అమ్మవారు భక్తులకు దర్శనమిచ్చారు. తెల్లవారుజామున అమ్మవారికి విశేష అలంకరణ, పూజా కార్యక్రమాల అనంతరం భక్తులను దర్శనానికి అనుమతించారు. ఉత్సవాలను పురస్కరించుకుని అమ్మవారికి విశేష ఖడ్గమాలార్చన, విశేష కుంకుమార్చన, విశేష శత చండీహోమం, విశేష శ్రీచక్రనవార్చనలు నిర్వహించారు. దసరా ఉత్సవాలు ముగింపు దశకు చేరు కోవడంతో ఇతర ప్రాంతాల నుంచి భక్తులు, భవానీ మాలధారుల తాకిడి పెరిగింది. తెల్లవారుజాము నుంచే అమ్మవారి దర్శనానికి తరలివచ్చిన భవానీలతో క్యూలైన్లతో పాటు ఆలయ ప్రాంగణం, అన్నప్రసాద భవనం, గోశాల మార్గం, కనకదుర్గనగర్‌ ఎరుపు వర్ణాన్ని సంతరించుకున్నాయి. నేటి అలంకారం శ్రీరాజరాజేశ్వరీదేవి దేవీ శరన్నవ రాత్రి మహోత్సవాల్లో పదో రోజున శ్రీ రాజరాజేశ్వరీదేవిగా దుర్గమ్మ భక్తులకు దర్శనమిస్తారు. చెరుకుగడను వామహస్తంతో ధరించి, దక్షిణ హస్తంతో అభయాన్ని ప్రసాదిస్తూ, శ్రీషోడశాక్షరీ మహామంత్ర స్వరూపిణిగా, శ్రీచక్రరాజ అధిష్టాన దేవతగా వెలుగొందే శ్రీరాజరాజేశ్వరీదేవిని దర్శించి అర్చించడం వల్ల సర్వ శుభాలు కలుగుతాయి. దసరా ఉత్సవాల సంపూర్ణ పుణ్యాన్ని అందరికీ అందింపచేసే అపరాజితాదేవిగా, చల్లని తల్లిగా శ్రీకనకదుర్గమ్మ శ్రీరాజరాజేశ్వరీదేవి అలంకారంలో దర్శనమిస్తుంది. సాయంత్రం 5 గంటలకు తెప్పోత్సవం దసరా మహోత్సవాలు ముగింపును పురస్కరించుకుని శ్రీదుర్గా మల్లేశ్వర స్వామి వార్లు పవిత్ర కృష్ణానదిలో హంసవాహనంపై విహరిస్తారు. ఏటా దసరా ఉత్సవాల ముగింపు రోజున ఆదిదంపతులు నదీ విహారం చేయడం ఆనవాయితీ. మంగళవారం సాయంత్రం నాలుగు గంటలకు మల్లేశ్వర స్వామి వారి ఆలయం సమీపంలోని యాగశాల నుంచి శ్రీగంగాపార్వతి సమేత మల్లేశ్వర స్వామి వార్లు ఊరేగింపుగా దుర్గాఘాట్‌కు చేరుకుంటారు. దుర్గాఘాట్‌లో ఉత్సవ మూర్తులకు ఆలయ అర్చకులు పూజా కార్యక్రమాలను నిర్వహించిన అనంతరం హంసవాహనాన్ని అధిరోహించి మూడు పర్యాయాలు నదీలో విహరిస్తారు. రాత్రికి బ్రాహ్మణ వీధిలోని జమ్మిదొడ్డి ఆవరణలో శమీపూజ, పారువుటోత్సవం సంప్రదా యబద్ధంగా జరుగుతాయి. 6.83 లక్షల మందికి అల్పాహారం, అన్నప్రసాదం దసరా ఉత్సవాల్లో అమ్మవారి దర్శనానికి విచ్చేసిన భక్తులకు నిరంతరం నిత్యం అల్పాహారం, అన్న ప్రసాదం పంపిణీచేస్తున్నారు. ఆలయ ప్రాంగణంలో నూతనంగా నిర్మించిన అన్నదాన భవనంలో ఉత్సవాల్లో తొమ్మిది రోజుల వరకు 6.83 లక్షల మందికి అల్పాహారం, అన్న ప్రసాదం అందజేశారు. గోశాల సమీపంలో ఐదు రోజులుగా 1.20 లక్షల మందికి కదంబం, పులిహోర, కట్టెపొంగలి ప్రసాద వితరణ చేస్తున్నారు. వీటితో పాటు జీరరైస్‌, ఉప్మా, పులిహోర 200 గ్రాముల ప్యాకెట్లు 1.40 లక్షల వరకు పంపిణీ చేయడం విశేషం. ఆదిదంపతులకు ప్రత్యేక పూజలు దసరా ఉత్సవాల్లో భాగంగా సోమవారం శ్రీదుర్గామల్లేశ్వర స్వామి వార్లకు నగరోత్సవ సేవ వైభవంగా జరిగింది. మల్లేశ్వర స్వామి వారి ఆలయం నుంచి ప్రారంభమైన ఆదిదంపతుల ఊరేగింపు కనుల పండువగా సాగింది. తొలుత యాగశాల వద్ద పూల పల్లకీని అధిరోహించిన ఆదిదంపతులకు ఆలయ అర్చకులు ప్రత్యేక పూజలు చేశారు. ఈఓ శీనానాయక్‌ కొబ్బరి కాయ కొట్టి ఊరేగింపును ప్రారంభించారు. ఆలయ స్థానాచార్య శివప్రసాద్‌ శర్మ, ఈఓ పల్లకీని తమ భుజాలపై మోస్తూ ముందుకు సాగారు. మేళతాళాలు, మంగళవాయిద్యాల నడుమ అంగరంగ వైభవంగా సాగిన ఊరేగింపులో పెద్ద ఎత్తున భక్తులు, ఆలయ అధికారులు, సేవా సిబ్బంది పాల్గొన్నారు. గ్రామోత్సవం అనంతరం ఆలయ ప్రాంగణంలోని రాజగోపురం ఎదుట అస్థాన సేవ నిర్వహించారు. తెప్సోత్సవానికి సిద్ధమైన హంస వాహనంశ్రీదుర్గా మల్లేశ్వర స్వామి వార్ల దేవస్థానం ఇంద్రకీలాద్రిపై జరుగుతున్న దసరా మహోత్సవాలు మంగళ వారంతో ముగియనున్నాయి. ఉత్సవాల ముగింపును పురస్కరించుకుని అమ్మవారి ఆలయ ప్రాంగణంలోని యాగశాలలో మహా పూర్ణాహుతి నిర్వహిస్తారు. ఉదయం 10.30 గంటలకు ఆలయ వైదిక కమిటీ సభ్యుల పర్యవేక్షణలో అర్చకులు, వేద పండితులు పూర్ణాహుతి కార్యక్రమాన్ని శాస్త్రోక్తంగా పూర్తి చేస్తారు. అనంతరం వేద ఆశీర్వచనం ప్రసాద వితరణ జరుగుతుంది. దసరా ఉత్సవాల్లో తొమ్మిదో రోజైన సోమవారం రూ.42.17 లక్షల మేర ఆదాయం సమకూరిందని దుర్గగుడి అధికారులు తెలిపారు. లడ్డూ ప్రసాదాల విక్రయాల ద్వారా రూ.39.50 లక్షలు, కేశఖండన టికెట్ల విక్రయం ద్వారా రూ.2.37 లక్షలు, అమ్మవారి ఫొటోలు, క్యాలెండర్లు విక్రయం ద్వారా మిగిలిన ఆదాయం లభించిందని వివరించారు.

గన్నవరం: మండలంలోని కేసరపల్లిలో మంగళవారం జరిగిన రోడ్డు ప్రమాదంలో ఓ మహిళ దుర్మరణం చెందింది. బాపులపాడు మండలం బండారుగూడెం గ్రామానికి చెందిన బర్రె నాగేంద్రబాబు తేలప్రోలులోని ఓ ప్రైవేట్‌ కంపెనీలో మెషిన్‌ ఆపరేటర్‌గా పనిచేస్తున్నాడు. విజయవాడలోని మేనమామ ఇంటికి వెళ్లిన నాగేంద్రబాబు మంగళవారం ఉదయం బైక్‌పై భార్య లిఖిత, తల్లి సుభాదేవితో కలిసి బండారుగూడెం బయలుదేరారు. కేసరపల్లిలోని వెటర్నరీ కళాశాల వద్దకు రాగనే విజయ వాడ నుంచి ఏలూరు వైపు భవానీ భక్తులతో వెళ్తున్న వ్యాన్‌ వెనుక నుంచి వారి బైక్‌ను బలంగా ఢీకొట్టింది. ఈ ప్రమాదంలో బైక్‌పైన ఉన్న ముగ్గురు రోడ్డుపై పడిపోగా, లిఖిత తలపై వ్యాన్‌ వెనుక టైరు ఎక్కడంతో తీవ్రంగా గాయపడి అక్కడికక్కడే మృతి చెందింది. భార్య లిఖిత మృతదేహం వద్ద నాగేంద్రబాబు కన్నీరుమున్నీరుగా విల పించాడు. నాగేంద్రబాబు, సుభాదేవి కూడా గాయపడటంతో గన్నవరం ప్రభుత్వాస్పత్రికి తరలించారు. ఈ ఘటనపై కేసు నమోదు చేసి దర్యాప్తు చేపట్టినట్లు గన్నవరం పోలీసులు తెలిపారు. మృతదేహానికి స్థానిక ప్రభుత్వాస్పత్రిలో పోస్టుమార్టం నిర్వహించి బంధువులకు అప్పగించారు. రెండు బైక్‌లు ఢీకొని.. ఉంగుటూరు మండలం పెద్దఆవుటపల్లికి చెందిన ఉప్పలపాటి సీతారామాంజనేయులు (56) వ్యవసాయ కూలీగా జీవిస్తున్నాడు. కంకిపాడు మండ లంలోని కొలవెన్నులో బంధువుల ఇంటికి వెళ్లిన ఆయన మంగళవారం మధ్యాహ్నం బైక్‌పై తిరిగి స్వగ్రామానికి బయలుదేరాడు. కేసరపల్లి శివారు లోని టాడ్‌ ఆయిల్‌ మిల్లు సమీపంలోకి రాగనే బైక్‌పై వేగంగా వెళ్తున్న వ్యక్తి అతడిని ఢీకొట్టాడు. ఈ ప్రమాదంలో తీవ్రంగా గాయపడిన సీతారామాంజనేయులను 108లో విజయవాడ ప్రభుత్వాస్పత్రికి తరలించారు. అక్కడ చికిత్స పొందుతూ పరిస్థితి విషమించి అర్ధరాత్రి 12.40 గంటల సమయంలో అతను మృతి చెందాడు. ఈ ఘటనపై మృతుడి భార్య రమాదేవి ఫిర్యాదు మేరకు బుధవారం కేసు నమోదు చేసి దర్యాప్తు చేపట్టినట్లు గన్నవరం పోలీసులు తెలిపారు. రోడ్డు ప్రమాదంలో యువతి దుర్మరణం కృష్ణలంక(విజయవాడతూర్పు): ఆర్టీసీ బస్సు ఢీకొని ద్విచక్ర వాహనంపై వెళ్తున్న ఓ యువతి దుర్మరణం చెందగా, మరో వ్యక్తికి తీవ్రంగా గాయపడ్డాడు. ఈ ప్రమాదం ఎన్టీఆర్‌ జిల్లా విజయవాడ కృష్ణలంక పోలీస్‌ స్టేషన్‌ పరిధిలో జరిగింది. పోలీసుల కథనం మేరకు.. గుంటూరు జిల్లా, రామకృష్ణాపురం, దేవరాయబొట్లపాలేనికి చెందిన కల్యాణం రాజేష్‌ (30) ఓ ప్రయివేటు కంపెనీలో పనిచేస్తున్నాడు. ఉద్యోగ విధుల్లో భాగంగా రెండు రోజుల క్రితం విజయవాడ వచ్చాడు. ఈ నెల 19వ తేదీన బీసెంట్‌ రోడ్డులోని ఓ మార్ట్‌ వద్ద క్రెడిట్‌ కార్డు క్యాంపెయిన్‌లో ప్రకాశం జిల్లా కెల్లంపల్లి, పలుకురాల తండాకు చెందిన నలావత్తు సంధ్యాబాయి(21)తో రాజేష్‌కు పరిచయం ఏర్పడింది. అదే రోజు రాత్రి 8:30 గంటల సమయంలో భవానీపురంలో సంధ్యాబాయికి తెలిసిన ఒక వ్యక్తికి క్రెడిట్‌ కార్డు అందజేసేందుకు రాజేష్‌తో కలిసి ఆమె బైక్‌పై బయలుదేరింది. కాళీమాత గుడి ఎదురుగా వచ్చేసరికి వెనుక వైపు నుంచి బస్టాండ్‌కు వెళ్తున్న ఆర్టీసీ బస్సు వారి బైక్‌ను ఢీకొట్టింది. ఇద్దరూ కిందపడిపోవడంతో తీవ్రంగా గాయపడ్డారు. స్థానికులు వెంటనే స్పందించి 108లో వారిని ఆస్పత్రికి తరలించారు. ఆస్పత్రిలో చికిత్స పొందుతూ పరిస్థితి విషమించి మంగళవారం తెల్లవారుజామున సంధ్యాబాయి మృతి చెందింది. రాజేష్‌ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు. ఆటోను ఢీకొన్న కారు.. మహిళ మృతి ఉయ్యూరు(కంకిపాడు): రోడ్డు ప్రమాదంలో మహిళ మృతి చెందిన ఘటనపై ఉయ్యూరు రూరల్‌ పోలీసుస్టేషన్‌లో మంగళవారం రాత్రి కేసు నమోదైంది. పోలీసుల కథనం మేరకు.. విజయవాడ – మచిలీపట్నం జాతీయ రహదారిపై ఓ ఆటోను వెనుక నుంచి కారు ఢీకొంది. ఘటనలో ఆటోలో ప్రయాణిస్తున్న ముక్కు నాగమణి (40) తీవ్రంగా గాయపడి అక్కడికక్కడే మృతి చెందింది. ఆమెతో పాటు పలువురు ప్రయాణికులు గాయపడ్డారు. ఆకునూరు ఫ్‌లై ఓవర్‌ వద్ద ఈ ప్రమాదం జరిగింది. పోలీసులు కేసు నమోదు చేసి దర్యాప్తు చేపట్టారు. ఉమ్మడి కృష్ణా జిల్లా పరిధిలో రహదారులు రక్తమోడాయి. వేర్వేరు చోట్ల జరిగిన రోడ్డు ప్రమాదాల్లో ఎనిమిది మంది మృత్యువాత పడ్డారు. ఓ ప్రమాదంలో భర్త కళ్లెదుటే భార్య మృతి చెందింది. ఈ ప్రమాదాలపై పోలీసులు కేసులు నమోదు చేసి దర్యాప్తు చేపట్టారు. పెనమలూరు: మండలంలోని గంగూరు గ్రామంలో రోడ్డు ప్రమాదంలో వ్యక్తి మృతి చెందిన ఘటనపై పోలీసులు బుధవారం కేసు నమోదు చేశారు. పెనమలూరు పోలీసుల కథనం మేరకు.. గ్రామానికి చెందిన సారిపల్లి జగదీష్‌కుమార్‌(46) కారు డ్రైవర్‌గా జీవిస్తున్నాడు. అతను ఈ నెల 19వ తేదీన బైక్‌పై వెళ్తూ ప్రమాదవశాత్తు కిందపడి గాయపడ్డాడు. ఈ ప్రమాదంలో ఛాతీకి దెబ్బ తగలటంతో అపస్మారక స్థితికి చేరుకున్నాడు. స్థానికులు అతడిని పోరంకిలో ఓ ప్రైవేటు ఆస్పత్రిలో చేర్చారు. అక్కడ చికిత్స పొందుతూ పరిస్థితి విషమించి మంగళవారం మృతిచెందాడు. మృతుడి కుమారుడు మనోజ్‌ కుమార్‌ ఇచ్చిన ఫిర్యాదు మేరకు పోలీసులు కేసు నమోదు చేశారు. కారు ఢీకొని వృద్ధుడు మృతి పెనుగంచిప్రోలు: మండల పరిధిలోని ముంద్ల పాడు క్రాస్‌రోడ్స్‌ వద్ద జాతీయ రహదారిపై జరిగిన ప్రమాదంలో ఓ వృద్ధుడు మృతి చెందాడు. ఈ ఘటన మంగళవారం జరిగింది. పోలీసుల కథనం మేరకు.. మండలంలోని నవాబుపేట గ్రామానికి చెందిన ఏలూరు లక్ష్మీనారాయణ(65) పొలంలో గేదెలను మేపుకొని తిరిగి ఇంటికి వెళ్లే క్రమంలో రోడ్డు దాటుతుండగా విజయవాడ వైపు నుంచి వస్తున్న కారు ఢీకొంది. ఈ ప్రమాదంలో తీవ్రంగా గాయపడిన అతను అక్కడికక్కడే మృతి చెందాడు. ఈ ప్రమాదంపై కేసు నమోదు చేసి దర్యాప్తు చేస్తున్నట్లు ఎస్‌ఐ అర్జున్‌ తెలిపారు. 00

ఉత్సవాల ముగింపును పురస్కరించుకుని ఇంద్రకీలాద్రిపై అమ్మవారి ఆలయం సమీపంలోని నూతన యాగశాలలో మంగళవారం మహా పూర్ణా హుతి కార్యక్రమాన్ని ఆలయ అర్చకులు, వైదిక కమిటీ సభ్యులు శాస్త్రోక్తంగా నిర్వహించారు. దేవదాయ కమిషనర్‌ రామచంద్రమోహన్‌, ఫెఫ్టివల్‌ ఆఫీసర్‌ త్రినాథరావు, చైర్మన్‌ రాధాకృష్ణ, ఈవో శీనానాయక్‌ పాల్గొన్నారు. మంగళవారం, బుధవారం రాత్రి 12 గంటల వర కు భవానీలను అమ్మవారి దర్శనానికి అనుమతించారు. భవానీల రాకతో ఆలయ ప్రాంగణం, కనకదుర్గనగర్‌, మహామండపం దిగువన ఇరుముడి పాయింట్లు, అన్న ప్రసాద భవనం, లడ్డూ ప్రసాదం కౌంటర్లు అరుణ వర్ణాన్ని సంతరించుకున్నాయి. శుక్రవారం వరకు ఏర్పాట్లు యథాతథం.. దసరా ఉత్సవాలు ముగిసినా భవానీలు, భక్తుల రాకతో శుక్రవారం వరకు ఉత్సవ ఏర్పాట్లు కొనసాగుతాయని ఆలయ అధికారులు పేర్కొన్నారు. భక్తుల రద్దీ సాధారణం అయ్యే వరకు వీఐపీ దర్శనాలను రద్దు చేస్తున్నట్లు పేర్కొన్నారు. బుధవారం కూడా అమ్మవారు శ్రీరాజరాజేశ్వరీదేవిగా దర్శనమివ్వగా భవానీలు, భక్తులు విశేషంగా దర్శించుకున్నారు. బుధవారం తెల్లవారు జామున 1.30 గంటలకు అమ్మవారికి నిత్య పూజలు నిర్వహించిన అనంతరం భవానీలను దర్శనానికి అనుమతించారు. వీఎంసీ కార్యాలయం వద్ద ఉన్న కంపార్టుమెంట్లు, క్యూలైన్ల ఉన్న భవానీలు, భక్తులు కొండపైకి చేరుకునేందుకు 5 గంటలకు పైగా సమయం పట్టింది.

వన్‌టౌన్‌(విజయవాడపశ్చిమ): శ్రీ దుర్గామల్లేశ్వరస్వామి వార్ల దేవస్థానం ఆధ్వర్యంలో జరుగుతున్న దసరా మహోత్సవాల్లో భాగంగా శమీపూజను వన్‌టౌన్‌ పోలీస్‌ స్టేషన్‌ ఆధ్వర్యంలో మంగళవారం అర్ధరాత్రి శాస్త్రోక్తంగా నిర్వహించారు. దుర్గమ్మ శమీపూజను వన్‌టౌన్‌ హౌస్‌ ఆఫీసర్‌ దంపతులు నిర్వహించటం ఆనవాయితీ. హంస వాహనంపై గంగ, పార్వతి (దుర్గ) సమేత మల్లేశ్వరస్వామి వార్ల ఉత్సవమూర్తుల ఊరేగింపు ఆలయం నుంచి బయలుదేరి జమ్మిదొడ్డికి చేరుకుంది. అక్కడ సీఐ గుణరాము దంపతులు ఆధ్వర్యంలో పూజలు నిర్వహించారు. అనంతరం అమ్మవారి ఉత్సవమూర్తులు ఊరేగింపుగా పాతబస్తీ ప్రధాన వీధుల మీదుగా సాగుతూ వన్‌టౌన్‌ పీఎస్‌కు చేరుకున్నారు. సీఐ దంపతులు శ్రీ దుర్గామల్లేశ్వర్లు మూర్తులకు స్వాగతం పలికి స్టేషన్‌ ప్రాంగణానికి తీసుకువెళ్లారు. ప్రత్యేక పూజలు నిర్వహించిన అనంతరం ఊరేగింపు బుధవారం ఉదయం ఆలయానికి చేరుకుంది. పోలీసు అధికారులు కుటుంబ సభ్యులతో కలిసి ఈ పూజల్లో పాల్గొన్నారు. లోకో పైలెట్‌ సురేష్‌కు జీఎం సేఫ్టీ అవార్డు రైల్వేస్టేషన్‌(విజయవాడపశ్చిమ): విధుల్లో అప్రమత్తంగా వ్యవహరించి రానున్న ప్రమాదాన్ని ముందుగానే గుర్తించి సురక్షిత రైళ్ల నిర్వహణకు కృషి చేసిన విజయవాడ డివిజన్‌ రాజమండ్రి గూడ్స్‌ లోకో పైలెట్‌ టి.సురేష్‌ ప్రతిష్టాత్మక ‘జీఎం మ్యాన్‌ ఆఫ్‌ ది మంత్‌ సేఫ్టీ అవార్డు’ అందుకున్నారు. విశాఖపట్నంలోని జోనల్‌ హెడ్‌ క్వార్టర్స్‌ బుధవారం అవార్డుల ప్రదానోత్సవం జరిగింది. దక్షిణ కోస్తా రైల్వే జీఎం సందీప్‌ మాధుర్‌ చేతుల సురేష్‌ అవార్డు స్వీకరించారు. సెప్టెంబర్‌ 28న సురేష్‌ విధుల్లో ఉండగా పక్క ట్రాక్‌పై వెళ్తున్న ఒక గూడ్స్‌ రైలులోని వ్యాగన్‌ యాక్సిల్‌ బాక్స్‌ నుంచి భారీగా మంటలు రావటాన్ని గుర్తించారు. వెంటనే స్పందించి వాకీటాకీ ద్వారా పక్క రైలులోని లోకోపైలెట్లు, ట్రైన్‌ మేనేజర్లను అప్రమత్తం చేశారు. వారు తక్షణం రైలును నిలిపి మంటలను అదుపు చేశారు. అనంతరం గుణదల రైల్వేస్టేషన్‌లో చక్రం మార్చేందుకు వ్యాగన్‌ను వేరు చేశారు. రైలు భద్రతపై సురేష్‌ చూసిన అప్రమత్తతకు జీఎం సేఫ్టీ అవార్డును అందజేసి అభినందించారు.

వికటించిన ప్రయోగం.. సాక్షి ప్రతినిధి, విజయవాడ: కూటమిలో రెబల్స్‌ బెడద నెలకొంది. విజయవాడ వెస్ట్‌లో తొలుత ఒక జాబితాను విడుదల చేశారు. తర్వాత బుధవారం నాడు నామినేషన్ల విత్‌డ్రా చివరిరోజున వేరే వారికి బీఫారం ఇచ్చారు. దీంతో వారు బుద్ధా వెంకన్న కార్యాలయం ముందు ఆందోళన చేశారు. 52వ డివిజన్‌లో తొలుత కొప్పుల గంగాధర్‌రెడ్డికి సీటు కేటాయించినట్లు ప్రకటించారు. తర్వాత ఈ సీటును బీజేపీకి కేటాయించి వేరే వారికి బీఫారం ఇచ్చారు. బుద్ధా వెంకన్న సామాజికవర్గానికి చెందిన వ్యక్తి కావడంతో ఆ సీటు కేటాయించేశారంటూ గంగాధరరెడ్డి ఆందోళన చేశారు. సీట్లు అమ్ముకున్నారంటూ తెలుగుదేశం నాయకులు బుద్ధా వెంకన్నపై ఆరోపణలకు దిగారు. దీంతో అక్కడ ఉద్రిక్త పరిస్థితి ఏర్పడింది. సిటీ అంతా అంతే.. పాతబస్తీలో 31వ డివిజన్‌ సీటును అమ్ముకున్నారంటూ ఆరోపణలు వచ్చాయి. పార్టీకి సంబంధం లేని గడ్డం రవికి సీటు కేటాయించారు. 55వ డివిజన్‌ సీటు కూడా పార్టీకి సంబంధం లేని పెద్ది రమేష్‌కు కేటాయించడంతో పార్టీలో తీవ్ర అసంతృప్తి నెలకొంది. మరోవైపు తమ సీటును బీజేపీకి కేటాయించడంతో అక్కడ బీజేపీ జిల్లా అధ్యక్షుడు అడ్డూరి శ్రీరామ్‌ పోటీకి దిగారు. ఈ స్థానంలో జనసేన సీటు కోసం ప్రయత్నించిన తాజా మాజీ అభ్యర్తి మహదేవు అప్పాజీ ఈ సీటు బీజేపీకి కేటాయించడంతో స్వతంత్ర అభ్యర్థిగానే బరిలో నిలవాలని నిర్ణయించారు. ● తూర్పు నియోజకవర్గంలో కృష్ణలంక 28వ డివిజన్‌లో కూటమిలో విభేదాలు భగ్గుమన్నాయి. రిజర్వేషన్లు ప్రకటించినప్పటి నుంచి 28వ డివిజన్‌ సీటు కోసం జనసేన, బీజేపీ పార్టీల మధ్య తీవ్ర పోటీ నెలకొంది. కూటమి పొత్తులో భాగంగా తొలుత ఆ సీటు బీజేపీకి ఖరారు చేసినప్పటికీ ఇరుపార్టీల అభ్యర్థులు నామినేషన్లు దాఖలు చేశారు. సీటు తనకు కావాలంటే తనకు కావాలని ఇద్దరు అభ్యర్థులు భీష్మించుకు కూర్చోవడంతో చేసేదేమిలేక బుధవారం ఇరువురికి ఆయా పార్టీలు బీఫారంలు ఇచ్చాయి. దీంతో అక్కడ జనసేన, బీజేపీ నుంచి ఇద్దరు అభ్యర్థులు బరిలో ఉన్నారు. తిరువూరులో తికమక.. తిరువూరు మునిసిపాలిటీలో కూటమి అభ్యర్థులకు రెబల్స్‌ బెడద ఎదురవుతోంది. చైర్మన్‌ పదవిని జనసేనకు కేటాయించగా, తాను ప్రతిపాదించిన అభ్యర్థికి టికెట్‌ ఇవ్వలేదని అసంతృప్తి చెందిన ఎమ్మెల్యే కొలికపూడి శ్రీనివాసరావు పెనుమల్లి శ్రావణిని పోటీకి నిలబెట్టారు. అన్ని వార్డుల్లో ఎంపీ, ఎమ్మెల్యే వర్గాలకు చెందిన అభ్యర్థులు వార్డు కౌన్సిలర్‌ పదవులకు నామినేషన్లు దాఖలు చేయడంతో జిల్లా పార్టీ అధ్యక్షురాలు బుధవారం తిరువూరు వచ్చి ఇరువర్గాలను బుజ్జగించే ప్రయత్నం చేశారు. పార్టీ కార్యాలయానికి రావలసిందిగా ఎమ్మెల్యే శ్రీనివాసరావును ఆహ్వానించగా, తనకు వ్యతిరేకంగా ఏర్పాటు చేసిన కార్యాలయానికి రావడానికి అంగీకరించలేదు. చివరికి ఎమ్మెల్యే వర్గానికి చెందిన నలుగురు అభ్యర్థులకు కౌన్సిలర్‌ టికెట్లు ఇచ్చేందుకు ఒప్పించి చైర్మన్‌ పదవికి ఎమ్మెల్యే మద్దతుతో పెనుమల్లి శ్రావణి వేసిన నామినేషన్‌ను ఉపసంహరించేందుకు అంగీకరించినా ఇంకా ఐదుగురు టీడీపీ రెబల్స్‌ తమ నామినేషన్లను ఉపసంహరించుకోకుండా ముఖం చాటేశారు. కొండపల్లి మునిసిపాలిటీలో 19వ వార్డులో టీడీపీ ప్రయోగం వికటించి కౌన్సిలర్‌ అభ్యర్థి లేకుండా పోయాడు. పెడన పురపాలక సంఘంలో కూటమి నుంచి బీజేపీ విడిపోయి ఒంటరిగా పోటీ చేస్తోంది. పట్టణంలోని 15, 26 వార్డులలో బీజేపీ అభ్యర్థులు ప్రత్తిపాటి వెంకటరమణ, తాళ్ల వెంకట సుబ్రహ్మణ్యం బరిలో ఉన్నారు. ఈ రెండు స్థానాల్లో కూడా తెలుగుదేశం బరిలో ఉంది.

ఇంద్రకీలాద్రిపై గత 10 రోజులుగా జరిగిన దసరా మహోత్సవాలలో మొత్తం 15.05 లక్షల మంది విచ్చేశారని ఆలయ అధికారులు ప్రకటించారు. మూలా నక్షత్రం రోజున 2.32 లక్షల మంది అమ్మవారి దర్శనానికి విచ్చేశారని పేర్కొన్నారు. ఇక ఉత్సవాలలో తొలి రోజున 1.47లక్షలు, రెండో రోజున 1.50లక్షలు, మూడో రోజున 1.44లక్షలు, నాల్గో రోజున 1.17లక్షలు, ఐదో రోజున 1.27లక్షలు, ఆరో రోజున 2.32లక్షలు, 7వ రోజున 1.32లక్షలు, 8వ రోజున 1.54లక్షలు, 9వ రోజున 1.47లక్షలు, 10వ రోజున 1.51 లక్షల మంది అమ్మవారిని దర్శించుకున్నారని పేర్కొన్నారు.

పటమట(విజయవాడతూర్పు): విజయవాడ నగరపాలక సంస్థ ఎన్నికల్లో నామినేషన్ల ఉపసంహరణ ఘట్టం బుధవారం ముగిసింది. వీఎంసీ ప్రధాన కార్యాలయంలోని కమాండ్‌ కంట్రోల్‌ రూంలో ఏర్పాటు చేసిన ఆర్వో కేంద్రంలో ఈ నెల 16, 17, 18 తేదీల్లో నామినేషన్లు స్వీకరించారు. స్క్రూటినీ అనంతరం మేయర్‌ ఎన్నికలకు 21 మందిని అర్హులుగా గుర్తించగా, ఇద్దరు నామినేషన్లను ఉపసంహరించుకున్నారు. దీంతో 19 మంది మేయర్‌ ఎన్నికల రేసులో మిగిలారు. వారికి బుధవారం సాయంత్రం ఆర్వో రజినీ బ్యాలెట్‌ పేపరులో ఆర్డర్‌ను బట్టి గుర్తులు కేటాయించారు. వైఎస్సార్‌ సీపీ అభ్యర్థి, మాజీ మేయర్‌ రాయన భాగ్యలక్ష్మికి ఫ్యాన్‌ గుర్తును మూడో నంబరు గుర్తుగా కేటాయించారు. ఎన్నికల కమిషన్‌ గుర్తించిన, రిజిస్టర్‌ అయిన జాతీయ, ప్రాంతీయ పార్టీల అభ్యర్థులకు గుర్తులు కేటాయించారు. 11 మంది స్వతంత్ర అభ్యర్థులకు గ్యాస్‌ సిలిండర్‌, గౌను, కత్తెర, ఉంగరం, బ్యాట్‌, కుట్టుమిషన్‌, గ్యాస్‌పొయ్యి, కుండ, బీరువా, ఎయిర్‌ కండీషనర్‌ వంటి గుర్తులను కేటాయించారు. నగరంలోని మూడు సర్కిళ్ల పరిధిలోని 86 డివిజన్లకు 475 మంది కార్పొరేటర్‌ అభ్యర్థులు నామినేషన్లు ఉపసంహరించకున్నారు. రైల్వేస్టేషన్‌(విజయవాడపశ్చిమ): రైలులో గంజాయి తరలిస్తున్న యువకుడిని విజయవాడ ప్రభుత్వ రైల్వే పోలీసులు (జీఆర్‌పీ) అరెస్టు చేసి, 9.5 కిలోల గంజాయి స్వాధీనం చేసుకున్నారు. పోలీసుల కథనం మేరకు.. మంగళవారం రాత్రి 7.30 గంటల సమయంలో జీఆర్‌పీ పోలీసులు విజయవాడ రైల్వేస్టేషన్‌లోని ఒకటో నంబరు ప్లాట్‌ఫాంలో ఆగిన ప్రశాంతి ఎక్స్‌ప్రెస్‌ జనరల్‌ కోచ్‌లో సాధారణ తనిఖీలు చేపట్టారు. ఒక యువకుడు లగేజీ బ్యాగుతో పారిపోయేందుకు ప్రయత్నించడంతో పోలీసులు అదుపులోకి తీసుకుని, సోదా చేయగా బ్యాగులో మూడు బండిళ్లలో 9.5 కిలోల గంజాయి దొరికింది. నిందితుడిని కర్నాటక రాష్ట్రం, కలహాలి గ్రామానికి చెందిన ఎం. మంజునాథ (27)గా గుర్తించారు. అతను విశాఖ పట్నం పరిసర ప్రాంతాల్లో తక్కువ ధరకు గంజాయి కొని బెంగళూరులో అధిక ధరకు విక్రయిస్తుంటాడు. ఈ క్రమంలో మంగళవారం 9.5 కిలోల గంజాయి కొనుగోలు చేసి ప్రశాంతి ఎక్స్‌ప్రెస్‌ జనరల్‌ కోచ్‌లో బెంగళూరుకు టికెట్‌ లేకుండా ప్రయాణిస్తూ జీఆర్‌పీ పోలీసుల తనిఖీల్లో పట్టుపడ్డాడు. అతని వద్ద గంజాయి స్వాధీనం చేసుకుని, అరెస్టు చేశారు. మొగల్రాజపురం(విజయవాడ తూర్పు): జపాన్‌లోని ఐచి–నగోయాలో జరుగుతున్న ఆసియా పారా గేమ్స్‌– 2026లో షాట్‌పుట్‌ (ఎఫ్‌–40 విభాగం)లో రాష్ట్రానికి చెందిన రొంగాలి రవి కాంస్య పతకం సాధించడం అభినందనీయమని ఆంధ్రప్రదేశ్‌ క్రీడా ప్రాధికార సంస్థ (శాప్‌) చైర్మన్‌ రవి నాయుడు బుధవారం ఓ ప్రకటనలో పేర్కొన్నారు. అంతర్జాతీయ క్రీడా వేదికపై సత్తాచాటి పతకాన్ని అందించిన రవికి అభినందనలు తెలిపారు. అతని కఠోర శ్రమ, పట్టుదల, అంకితభావం ఎంతోమంది క్రీడాకారులకు స్ఫూర్తిదాయకమని కొనియాడారు. రవి భవిష్యత్తులోనూ ఇదే స్ఫూర్తి తో మరిన్ని విజయాలు సాధించి, అంతర్జాతీయ స్థాయిలో దేశానికి, రాష్ట్రానికి మరింత పేరు ప్రతిష్ఠలు తీసుకురావాలని ఆకాంక్షించారు. పెనుగంచిప్రోలు: మండలంలోని లింగగూడెం రోడ్డులో సోమవారం వ్యవసాయ బావిలో పడిన గ్రామానికి చెంది షేక్‌ గఫూర్‌ మృతదేహం మంగళవారం మధ్యాహ్నం లభించింది. బావిలో నీరు ఎక్కువగా ఉండటం, మట్టితో పూడిపోవటంతో మోటార్లతో నీటి తోడించిన అనంతరం రెండో రోజు మృతదేహాన్ని ఈతగాళ్లు బయటకు తీశారు. అనంతరం పోస్టుమార్టమ్‌ నిమిత్తం జగ్గయ్యపేట ప్రభుత్వాస్పత్రికి తరలించారు. మృతుడి తల్లి జాన్‌బీ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ అర్జున్‌ తెలిపారు. పోస్టుమార్టమ్‌ అనంతరం మృతికి గత కారణాలు తెలుస్తాయన్నారు. జగ్గయ్యపేట: మండలంలోని బూదవాడ గ్రామంలో జరిగిన శ్రీ దేవీ శరన్నవరాత్రి వేడుకల్లో మంగళవారం రాత్రి అపశృతి చోటు చేసుకుంది. గ్రామంలోని ప్రధాన సెంటరులో నవరాత్రులు సందర్భంగా నిర్వాహకులు అమ్మవారి విగ్రహాన్ని ఏర్పాటు చేశారు. విజయదశమి పండుగ సంద ర్భంగా మంగళవారం రాత్రి అమ్మవారి విగ్రహాన్ని గ్రామంలో ప్రత్యేక ట్రాక్టర్‌పై ఊరేగించారు. ఈ క్రమంలో ట్రాక్టర్‌లో బాణసంచా ఉంచారు. అదే ట్రాక్టర్‌పై చిన్నారులు ఉన్నారు. టపాసులు కాలుస్తుండగా నిప్పురవ్వలు పడి ట్రాక్టర్‌లోని బాణసంచా పేలి నలుగురు చిన్నారులకు తీవ్ర గాయాలయ్యాయి. వెంటనే వారిని జగ్గయ్యపేట ప్రభుత్వాస్పత్రికి తీసుకెళ్లారు. ప్రథమ చికిత్స అనంతరం మెరుగైన వైద్యం కోసం విజయవాడ తరలించారు.

జల విహారం..ఇంద్రకీలాద్రి(విజయవాడపశ్చిమ): ఇంద్రకీలాద్రిపై దసరా ఉత్సవాల ముగింపును పురస్కరించుకుని ఆదిదంపతులకు హంసవాహన సేవ కనుల పండువగా సాగింది. గత ఏడాది కృష్ణానదికి వరద నేపథ్యంలో హంస వాహన సేవ నదీ తీరానికే పరిమితం కాగా, ఈ ఏడాది ఆ పరిస్థితి లేకపోవడంతో వేడుకగా జరిగింది. ఆలయ అర్చకుల వేద మంత్రోచ్ఛారణ, వేద పఠనం, విద్యుత్‌ దీపకాంతులు, టపాసుల వెలుగులలో హంస వాహనంపై కొలువై ఉన్న శ్రీదుర్గా మల్లేశ్వర స్వామి మూడు పర్యాయాలు నదీలో విహరించి భక్తులను అనుగ్రహించారు. ఆదిదంపతుల హంస వాహన సేవను వీక్షించేందుకు ఎన్టీఆర్‌, గుంటూరు జిల్లాల భక్తులు నదీ తీరానికి పెద్ద ఎత్తున తరలివచ్చారు. ప్రకాశం బ్యారేజీ, దుర్గాఘాట్‌, దుర్గగుడి ఫ్లై ఓవర్‌, భవానీ ఘాట్ల నుంచి భక్తులు పెద్ద ఎత్తున దర్శించుకున్నారు. సాయం సంధ్య వేళ దుర్గా ఘాట్‌లో కృష్ణమ్మకు నవ హారతులను ఇవ్వగా, అదే సమయంలో హంస వాహన సేవ జరిగింది. ఒకే సమయంలో రెండు సేవలను వీక్షించే మహాభాగ్యం భక్తులకు కలిగింది. హంస వాహన సేవతో ఇంద్రకీలాద్రిపై నిర్వహించిన దసరా ఉత్సవాలు ముగిశాయి. నగరోత్సవం.. నయనానందకరం మల్లేశ్వర స్వామి వారి ఆలయం సమీపంలోని యాగశాల నుంచి ఆదిదంపతుల నగరోత్సవం బయలుదేరింది. ఆలయ అధికారులు ఆదిదంపతుల పల్లకీకి భుజం పట్టగా, మేళతాళాలు, మంగళ వాయిద్యాలు, భక్తజనుల కోలాట నృత్యాల మధ్య దుర్గాఘాట్‌కు బయలుదేరింది. ఊరేగింపులో బేతాళ నృత్యాలు, కేరళ వాయిద్యాలు, మేళతాళాలు, మంగళవాయిద్యాలు ఆకట్టుకున్నాయి. దుర్గగుడి ఈవో శీనానాయక్‌, కలెక్టర్‌ లక్ష్మీశ కేరళవాయిద్యాలను లయబద్ధంగా వాయించి అందరినీ ఆకట్టుకున్నారు. దుర్గాఘాట్‌కు చేరుకున్న ఆదిదంపతులకు ఆలయ అర్చకులు పూజా కార్యక్రమాలను నిర్వహించారు. హంసవాహనంపైకి పరిమిత సంఖ్యలోనే అర్చకులు, వేద పండితులు, ఆలయ అధికారులను అనుమతించారు. దుర్గాఘాట్‌ నుంచి సేవను వీక్షించేందుకు దేవస్థానం ప్రత్యేక ఏర్పాట్లు చేయగా, పలువురు ప్రముఖులు సేవను వీక్షించారు.ఎన్నికల కోడ్‌ నేపథ్యంలో అమ్మవారి దర్శనానికి ఎటువంటి సిఫార్సు, బ్రేక్‌, వీఐపీ దర్శనాలకు అనుమతించలేదని దుర్గగుడి ఈవో శీనానాయక్‌ పేర్కొన్నారు. ప్రజా ప్రతి నిధులు, రాజకీయ ప్రముఖులు చేసిన ిసిఫార్సుల ద్వారా దర్శనాలకు అనుమతి లేదని, అయితే స్వయంగా విచ్చేసే ప్రొటోకాల్‌ పరిధిలోకి తీసుకుని నిబంధనల మేరకు దర్శనం కల్పిస్తామని పేర్కొన్నారు. లోక పావని జగన్మాత.. ఆ పక్కనే గంగా మల్లేశ్వరులు హంస వాహనంపై కొలువుదీరి అలల దారుల్లో మెల్లగా.. విద్యుత్‌ దీప కాంతులు, మిరుమిట్లు గొలిపే బాణసంచా వెలుగుల మధ్య విహరిస్తుంటే.. ఒడ్డున ఉన్న జనమే కాదు.. నదిలోని జలమూ పులకించింది. దసరా మహోత్సవాల్లో ఆఖరి ఘట్టం తెప్పోత్సవం విజయదశమి నాడు కనుల పండువగా సాగింది.

జగ్గయ్యపేట: కారు ఢీకొని ఇద్దరు యువకులు మృతి చెందిన ఘటన మండలంలోని ముక్త్యాల గ్రామ సమీపంలోని కోటిలింగాల వద్ద బుధవారం రాత్రి జరిగింది. గ్రామానికి చెందిన జంగాల కేశవ గోపాలరావు (17) పట్టణంలో ఒక ప్రైవేట్‌ కళాశాలలో ఇంటర్మీడియెట్‌ చదువుతున్నాడు. బుధవారం సాయంత్రం తెలంగాణ రాష్ట్రం, ఖమ్మం జిల్లా, నేలకొండపల్లి మండలం కాసారం గ్రామానికి చెందిన స్నేహితుడు రామ్‌చరణ్‌ బైక్‌పై జగ్గయ్యపేటకు చెందిన మరో స్నేహితుడు చాపల సూర్య ఉమేష్‌చంద్ర(20)తో కలిసి కేశవగోపాలరావు తన ఇంటికి వెళ్లాడు. కొద్దిసేపు ఇంట్లో గడిపిన అనంతరం జగ్గయ్యపేటకు ముగ్గురు ద్విచక్రవాహనంపై బయలుదేరారు. కోటిలింగాల వద్దకు వచ్చే సరికి జగ్గయ్యపేట నుంచి ముక్త్యాలకు వస్తున్న కారు వారి బైక్‌ను వేగంగా ఢీట్టింది. ఈ క్రమంలో కేశవగోపాల్‌, ఉమేష్‌చంద్ర తీవ్రంగా గాయపడి అక్కడికక్కడే మృతిచెందారు. వాహనం నడుపుతున్న రామ్‌చరణ్‌ తీవ్రంగా గాయపడటంతో జగ్గయ్యపేట ఆస్పత్రికి తీసుకెళ్లారు. అనంతరం మెరుగైన చికిత్స కోసం విజయవాడ ఆస్పత్రికి తరలించారు. చిల్లకల్లు పోలీసులు కేసు నమోదు చేసి దర్యాప్తు చేస్తున్నారు. మృతదేహాలను పోస్టుమార్టమ్‌ నిమిత్తం జగ్గయ్యపేట ప్రభుత్వాస్పత్రికి తరలించారు. కేశవ్‌గోపాల్‌ (ఫైల్‌) ఉమేష్‌చంద్ర (ఫైల్‌)

పేలుడు పదార్థాలు గుర్తించడంతో ఎన్టీఆర్‌ జిల్లా పోలీస్‌ కమిషరేట్‌లో తొమ్మిదేళ్లు సేవలు అందించిన బెల్జియం మెలనోయిస్‌ జాతికి చెందిన స్నీపర్‌ డాగ్‌ లూసీ అనారోగ్యంలో మంగళవారం మరణించింది. లూసీ మృతిపై పోలీస్‌ కమిషనర్‌ ఎస్‌వీ రాజశేఖరబాబు శ్రద్ధాంజలి ఘటించి, అధికార లాంఛనాలతో అంత్యక్రియలు నిర్వహించాలని ఆదేశించారు. ఆ మేరకు సీఎస్‌డబ్ల్యూ ఏసీపీ చిరంజీవి, ఆర్‌ఐలు అంకమరావు, సంపంగి రావు, సుధాకరరెడ్డి, ఆర్‌ఎస్‌ఐలు, ఇతర అధికారులు పోలీసు డాగ్‌ లూసీ పార్థీవ దేహానికి పూలమాలలు వేసి, నివాళులర్పించి అధికార లాంఛనాలతో అంత్యక్రియలు జరిపించారు. – లబ్బీపేట(విజయవాడతూర్పు)

భవానీపురం(విజయవాడపశ్చిమ): స్థానిక పున్నమిఘాట్‌లో నిర్వహిస్తున్న జాతీయ సరస్‌ మేళాను కలెక్టర్‌ డాక్టర్‌ జి.లక్ష్మీశ బుధవారం పరిశీలించారు. మేళా ప్రాంగణంలోని వివిధ స్టాళ్లను సందర్శించి, దేశవ్యాప్తంగా వచ్చి స్వయం సహాయక సంఘాల మహిళలు, చేతివృత్తుల కళాకారులు ప్రదర్శించిన ఉత్పత్తులను ఆసక్తిగా తిలకించారు. ఆయా ఉత్పత్తుల తయారు చేసే విధానం, నాణ్యత, ధరలు, విక్రయాల వివరాలను అడిగి తెలుసుకున్నారు. వినియోగదారులు, విక్రయదారులతో ముఖాముఖీ సంభాషించారు. అనంతరం మేళాకు వస్తున్న సందర్శకులకు నగదు లావాదేవీల విషయంలో ఎలాంటి ఇబ్బందులు కలుగకుండా ఏర్పాటు చేసిన మొబైల్‌ ఏటీఎం వాహనాలను పరి శీలించారు. మేళా ప్రాంగణంలో పారిశుద్ధ్య నిర్వహణ, తాగునీటి సరఫరా, భద్రతా ఏర్పాట్లు, సందర్శకులకు అవసరమైన మైలిక సదుపాయాలపై అధికారులు నిరంతరం పర్యవేక్షణ చేపట్టాలని కలెక్టర్‌ ఆదేశించారు. కార్యక్రమంలో డీఆర్డీఏ ప్రాజెక్ట్‌ డైరెక్టర్‌ నాంచారరావు, సెర్ప్‌ డైరెక్టర్‌ (అడ్మిన్‌) కల్యాణ చక్రవర్తి తదితరులు పాల్గొన్నారు.

సాక్షి ప్రతినిధి, విజయవాడ: దసరా ఉత్సవాలకు విచ్చేసే భక్తులు, భవానీలకు లడ్డూ ప్రసాదాలను అందజేయడంలో చంద్రబాబు ప్రభుత్వం విఫలమైంది. దేవస్థాన అధికారుల నిర్లక్ష్యంతో భక్తులు తీవ్ర ఇబ్బందులు ఎదుర్కొన్నారు. ఉత్సవాలకు తెలుగు రాష్ట్రాల నుంచి వచ్చే వారి కోసం 55 నుంచి 60 లక్షల లడ్డూలు తయారు చేసి కోరినన్ని లడ్డూలను అందిస్తామని దుర్గగుడి ఈవో, చైర్మన్‌ పదేపదే చెబుతూ వచ్చారు. గత ఏడాది దసరా ఉత్సావాలలో 45 లక్షల లడ్డూలను విక్రయించారు. ఈసారి పది నుంచి 15 లక్షల లడ్డూలు అదనంగా అందిస్తామని చెప్పారు. అయితే ఉత్సవాల చివరి రెండు రోజులు లడ్డూలను అందించలేకపోయారు. వాస్తవానికి గతేడాది తయారు చేసిన లడ్డూల కన్నా ఈ ఏడాది తయారు చేసిన లడ్డూల సంఖ్య తక్కువగా కనిపిస్తోంది. అధికారుల మధ్య సమన్వయ లోపం వల్ల ఈ ఏడాది లడ్డూ తయారీలో ఇబ్బందులు ఏర్పడ్డాయి. అధికారికంగా ఇప్పటివరకూ దేవస్థానం ఇచ్చిన లెక్క కూడా 35 లక్షలు మాత్రమే ఉన్నాయి. ఇప్పుడు దేవస్థానం వద్ద మూడు లక్షల లోపు లడ్డూలే ఉన్నాయి. దీంతో వచ్చే రెండు రోజుల పాటు వచ్చే భవానీలకు అడిగినన్ని లడ్డూలు అందించే పరిస్థితి లేకుండా పోయింది. కమిషనర్‌ ఆదేశాలతోనే ఆలస్యం.. దసరా ఉత్సవాలకు కొద్ది రోజుల ముందు నూతన లడ్డూ పోటు ప్రారంభించారు. ఆ లడ్డూ పోటులోనే ఈ ఏడాది లడ్డూలను తయారు చేసి భవానీలకు, భక్తులకు అందించాలని దేవదాయశాఖ కమిషనర్‌ ఆదేశాలు జారీ చేశారు. అయితే నూతన లడ్డూపోటులో లడ్డూ బూందీ తయారీకి ఎటువంటి పొయ్యిల ఏర్పాటు అప్పటికి జరగలేదు. కమిషనర్‌ ఆదేశాలతో హుటాహుటిన లడ్డూపోటుకు వంటశాలను సిద్ధం చేశారు. అయితే అప్పటికే జరగాల్సిన ఆలస్యం జరిగిపోయింది. తొలుత బుద్దా వారి ఆలయం వెనుక ఉన్న లడ్డూపోటులో తయారీకి ససేమిరా అన్న కమిషనర్‌కు పరిస్థితిని వివరించడంతో చివరి నిమిషంలో లడ్డూ తయారీకి అంగీకారం తెలిపారు. ఏటా ఉత్సవాలకు రెండు, మూడు రోజుల ముందు నుంచే లడ్డూ తయారీ ప్రారంభిస్తారు. ఈ ఏడాది కేవలం బుద్దా వారి ఆలయం వెనుక ఉన్న లడ్డూపోటులో మాత్రమే లడ్డూ తయారైంది. ఏనుగు షెడ్డు వినియోగిస్తే సమస్య తలెత్తేనా? కనకదుర్గనగర్‌ సమీపంలోని దేవస్థానానికి చెందిన ఏనుగు షెడ్డులో ఈ ఏడాది లడ్డూ తయారీని నిలిపేశారు. ఈ షెడ్డును గోడౌన్‌గా వినియోగించారు. ఏటా ఈ షెడ్డులో రోజుకు రెండు లక్షల మేర లడ్డూలు తయారయ్యేవి. ఈ ఏడాది ఈ షెడ్డులో లడ్డూ తయారీకి ఎట్టి పరిస్థితుల్లో అంగీకరించేది లేదని దేవదాయ శాఖ కమిషనర్‌ రామచంద్రమోహన్‌ తొలి నుంచీ చెబుతూ వచ్చారు. దీంతో భక్తులకు ప్రసాదాలను అందించలేకపోయారన్నది వాస్తవం. గంటల తరబడి ఎదురుచూపులు.. శ్రీరాజరాజేశ్వరి అలంకారం నుంచి లడ్డూల కొరత సృష్టంగా కనిపించింది. ప్రసాదాల కోసం భవానీలు గంటల తరబడి క్యూలైన్‌లో వేచి ఉండాల్సి వచ్చింది. ఒక్కొక్కరికీ ఒకటి, రెండు బాక్సులు మాత్రమే ఇస్తుండటంతో బృందంగా వచ్చిన భక్తులందరూ ప్రసాదాల కోసం క్యూలైన్‌లో నిల్చోవాల్సిన పరిస్థితులు ఏర్పడ్డాయి. మరోవైపు లడ్డూ ప్రసాదాల కోసం వేచి ఉన్న భక్తుల క్యూ ప్రసాదాల కౌంటర్‌ షెడ్డును దాటి కనకదుర్గనగర్‌ వరకు చేరింది. అయితే, భక్తుల రద్దీని ముందుగానే అంచనా వేసి ఆలయ పోటు విభాగంలో నిరంతరాయంగా లడ్డూలు తయారు చేసి నిల్వలు ఉంచడం వల్ల మంగళవారం సాయంత్రం వరకు భక్తులందరికీ కోరినన్ని లడ్డూ ప్రసాదాలు అందించగలిగామని, ప్రసాదం తయారీ కొనసాగుతుందని ఈవో శీనానాయక్‌ చెబుతున్నారు.

ఎన్టీఆర్‌ జిల్లాగురువారం శ్రీ 22 శ్రీ అక్టోబర్‌ శ్రీ 2026Iమచిలీపట్నం టౌన్‌: శ్రీదేవీ శరన్నవరాత్రి ఉత్సవాల్లో భాగంగా 12 రోజులుగా మచిలీపట్నంలో ఊరేగుతున్న శక్తి పటాల ప్రదర్శన మంగళవారంతో ముగిసింది.పెడన: మునిసిపల్‌ ఎన్నికల ఏర్పాట్లను కృష్ణా జిల్లా పరిశీలకుడు కేవీఎన్‌ చక్రధర్‌బాబు బుధవారం పరిశీలించారు. బ్యాలెట్‌ బాక్సులు తదితర వాటిపై ఆరా తీశారు.కోనేరు సెంటర్‌: పోలీస్‌ అమరవీరుల సేవలు చిరస్మరణీయమని కలెక్టర్‌ డీకే బాలాజీ అన్నారు. బందరులో పోలీస్‌ అమరవీరుల సంస్మరణ దినోత్సవాన్ని నిర్వహించారు.

ఇంద్రకీలాద్రి(విజయవాడపశ్చిమ): మన సంస్కృతికి, ఆధ్యాత్మిక జీవనానికి వేదాలే మూలస్తంభాలని దేవదాయ శాఖ కార్యదర్శి కె.కన్నబాబు పేర్కొన్నారు. దసరా ఉత్సవాలను పురస్కరించుకుని ఇంద్రకీలాద్రిపై మహామండపం ఆరో అంతస్తులో ఆదివారం వేద విద్వత్‌ సభ జరిగింది. చతుర్వేద పారాయణ పండితుల సన్మాన సభగా నిర్వహించిన కార్యక్రమానికి పలువురు అర్చకులు, వేద పండితులు పాల్గొన్నారు. చింతపల్లి ఆంజనేయ ఘనాపాఠి సభా నిర్వహకులుగా వేద పారాయణ, వేద స్వస్తి, ఆశీర్వచన కార్యక్రమాలు జరిగాయి. రాష్ట్రంలోని వివిధ ప్రాంతాల నుంచి 450 మంది ఘనాపాఠీలు, క్రమపాఠీలు, వేదమూర్తులను దేవస్థానం తరఫున సత్కరించి శాలువాతో సత్కరించారు. కార్యక్రమంలో దుర్గగుడి ఈవో శీనానాయక్‌, చైర్మన్‌ రాధాకృష్ణ, స్థానాచార్య విష్ణుభట్ల శివప్రసాద్‌ శర్మ, ఆలయ ఏఈవో గంగాధర్‌, పర్యవేక్షకురాలు హేమదుర్గాంబ, బోర్డు సభ్యులు పాల్గొన్నారు.

నాగాయలంక: స్థానిక కృష్ణానది తీరంలో శ్రీరామ పాదక్షేత్రం పుష్కరఘాట్‌ తెలంగాణ ఆడపడుచుల సంప్రదాయ గుండె చప్పుడైన బతుకమ్మ సంబరం ఆదివారం రాత్రి కోలాహలంగా జరిగింది. నాగాయలంక, పరిసర గ్రామాల నుంచి మహిళలు అధిక సంఖ్యలో బతుకమ్మలతో తరలి రావడంతో రామలింగేశ్వరస్వామి మండపం పక్కన కార్యక్రమం ఏఎంసీ మాజీ చైర్మన్‌ మండవ బాలవర్థిరావు ప్రారంభించారు. తొలుత బంతిపూల బతుకమ్మలతో వినాయకుని గుడి సెంటర్‌ నుంచి ర్యాలీగా మెయిన్‌ ఫెర్రీ రోడ్‌లో కృష్ణానది తీరంలోని శ్రీరామ పాదక్షేత్రం పుష్కర ఘాట్‌కు చేరుకున్నారు. ముందుగా బతుకమ్మలతో శ్రీకనకదుర్గాదేవి దర్శనం చేసి తర్వాత వాటిని ఘాట్‌ ప్రాంగణంలో ప్రత్యేకంగా 10 అడుగుల ఎత్తులో నిర్మించిన భారీ బతుకమ్మ చుట్టూ ఉంచారు. మహిళలు ప్రదక్షిణలు చేస్తూ బతుకమ్మ ఆట పాటలతో నృత్యాలు చేశారు. స్థానిక పారుపూడి సిస్టర్స్‌ ప్రిహాన్స్‌, సృనిసాయి ప్రదర్శించిన సంప్రదాయ కూచిపూడి నృత్యానికి అనుగుణంగా మహిళలు, యువతులు నృత్యాలతో సందడి చేశారు. అనంతరం బతుకమ్మలను కృష్ణానదిలో వదిలి నిమజ్జనం చేసారు. క్షేత్రం చైర్మన్‌ ఆలూరి శ్రీనివాసరావు, నిర్వహణ సంధానకర్త తలశిల రఘుశేఖర్‌, ఉప్పల లీలాకృష్ణప్రసాద్‌ పాల్గొన్నారు.

తిరువూరు: ఎన్టీఆర్‌ జిల్లా తిరువూరు పురపాలక సంఘ ఎన్నికల్లో కూటమి పార్టీల తరఫున రెబల్స్‌ పెద్ద ఎత్తున నామినేషన్లు దాఖలు చేశారు. 28 వార్డులకు టీడీపీ తరఫున 93 మంది, జనసేన నుంచి 17, బీజేపీ నుంచి ఐదు నామినేషన్లు దాఖలయ్యాయి. తిరువూరు పురపాలక సంఘ చైర్మన్‌ పదవిని కూటమి పార్టీలు జనసేనకు కేటాయించగా పసుపులేటి మాధవికి ఆ పార్టీ ‘బీ’ ఫారం ఇచ్చింది. ఆదివారం మాధవి టీడీపీ, బీజేపీ, జనసేన మద్దతుతో నామినేషన్‌ దాఖలు చేయగా, ఎమ్మెల్యే కొలికపూడి శ్రీనివాసరావు పెనుమల్లి శ్రావణికి మద్దతు తెలిపి రెబల్‌గా నామినేషన్‌ వేయించారు. వార్డుల్లో సైతం టీడీపీలోని ఎంపీ, ఎమ్మెల్యే వర్గీయులు, జనసేన అభ్యర్థులు పోటాపోటీగా నామినేషన్లు దాఖలు చేశారు. తొలుత జనసేన టికెట్‌ శ్రావణికి ఇచ్చి తర్వాత మాధవి పేరు ప్రకటించడాన్ని ఎమ్మెల్యే వ్యతిరేకిస్తున్నట్లు చెబుతున్నారు. జనసేన అధిష్టానం శ్రావణికి టికెట్‌ ఇవ్వాలని ఎమ్మెల్యే డిమాండ్‌ చేస్తున్నట్లు కూడా పార్టీ నేతలు చెబుతున్నారు. రెబల్‌కు మద్దతు తెలిపిన టీడీపీ ఎమ్మెల్యే

గన్నవరం రూరల్‌: మండలంలోని సూరంపల్లిలో టీడీపీకి ఎదురుదెబ్బ తగిలింది. ఆ పార్టీకి చెందిన పలు కుటుంబాలు ఆదివారం గన్నవరం మాజీ ఎమ్మెల్యే డాక్టర్‌ వల్లభనేని వంశీమోహన్‌ సమక్షంలో వైఎస్సార్‌ సీపీలో చేరారు. స్థానిక సంస్థల ఎన్నికల వేళ టీడీపీకి షాక్‌ ఇచ్చినట్లు అయ్యింది. సూరంపల్లి శివారు రామచంద్రాపురం గ్రామానికి చెందిన వారు వైఎస్సార్‌ సీపీలో చేరగా వంశీ వారికి కండువాలు కప్పి ఆహ్వానించారు. పెదపూడి సుధాకర్‌, రమేష్‌, శోభనాద్రి, రాజా రవీంద్ర, కిషోర్‌ కుటుంబాలు పార్టీలో చేరాయి. వైఎస్సార్‌ సీపీ నాయకులు సర్నాల రాంబాబు, కూరాకుల కోటేశ్వరరావు, సర్నాల లక్ష్మణరావు, కాజా వెంకట సుబ్బారావు, భూక్యా కోటేశ్వరరావు, కై లే శివకుమార్‌, పోలిమెట్ల జయరాజు, నీలం ప్రవీణ్‌కుమార్‌, మండల పార్టీ అధ్యక్షుడు పడమట సురేష్‌, పసుపులేటి ఏడుకొండలు తదితరులు పాల్గొన్నారు. భవానీపురం(విజయవాడపశ్చిమ): విజయవాడ భవానీపురంలోని పున్నమిఘాట్‌లో జరుగుతున్న జాతీయ సరస్‌ మేళాను దేశంలోని చైనా రాయబారి జు ఫెయిహాంగ్‌, ఆయన సతీమణి టాన్‌ యుక్సియూ, మినిస్టర్‌ కౌన్సిలర్‌ డాక్టర్‌ జొ గుఓహుయ్‌, సెకెండ్‌ సెక్రటరీ గువో డోంగ్‌డాంగ్‌, రాయబారి కార్యదర్శి లీ అన్నన్‌ ఇతర ప్రతినిధులతో కలిసి ఆదివారం సాయంత్రం సందర్శించారు. ఈ సందర్భంగా మేళాలో ఏర్పాటు చేసిన స్టాల్స్‌లో వివిధ రాష్ట్రాల నుంచి వచ్చిన స్వయం సహాయక సంఘాల మహిళలు తయారు చేసిన ఉత్పత్తులను ఆసక్తిగా తిలకించారు. మహిళలతో మాట్లాడి వారి ఉత్పత్తుల ప్రత్యేకతలను తెలుసుకున్నారు. పలు ఉత్పత్తులను కొనుగోలు చేశారు. సరస్‌ మేళాను కేంద్ర మంత్రి పెమ్మసాని చంద్రశేఖర్‌, ఎంపీ కేశినేని శివనాథ్‌తో కలిసి సందర్శించారు. సెర్ప్‌ డైరెక్టర్‌ (అడ్మిన్‌) కల్యాణ్‌ చక్రవర్తి మాట్లాడుతూ ఇప్పటి వరకు సుమారు రూ.3.50 కోట్ల మేర వ్యాపారం జరిగిందని తెలిపారు. గన్నవరం: ఓ వ్యక్తి ఉరివేసుకుని ఆత్మహత్య చేసుకున్న ఘటనపై గన్నవరం పోలీసులు ఆదివారం కేసు నమోదు చేశారు. పోలీసులు తెలిపిన వివరాల ప్రకారం స్థానిక గౌడపేటకు చెందిన నాగ శ్రీనివాసరావు(55) వ్యవసాయ కూలీ పనులు చేస్తుంటాడు. ఐదేళ్ల క్రితం పక్షవాతం రావడంతో పాటు మైగ్రేన్‌ వంటి అనారోగ్య సమస్యలతో ఇబ్బందులు పడుతున్నాడు. తీవ్రమైన తలనొప్పి భరించలేక ఐదు రోజుల క్రితం ఎలుకల మందు తీసుకుని ఆత్మహత్యాయత్నం చేశాడు. కుటుంబ సభ్యులు అతన్ని పిన్నమనేని సిద్ధార్థ ఆస్పత్రికి తరలించారు. చికిత్స అనంతరం శ్రీనివాసరావు కోలుకుని రెండు రోజుల క్రితం తిరిగి ఇంటికి వచ్చాడు. ఈ నేపథ్యంలో శనివారం రాత్రి ఇంటి వరండాలో వైర్‌తో ఉరేసుకుని ఆత్మహత్య చేసుకున్నాడు. కుటుంబ సభ్యులు గమనించి అతన్ని సమీపంలోని ప్రభుత్వ ఆస్పత్రికి తరలించగా అప్పటికే మృతి చెందినట్లుగా వైద్యులు నిర్ధారించారు. మృతుడి కుమారుడు వంశీకృష్ణ ఫిర్యాదుపై పోలీసులు కేసు నమోదు చేసి దర్యాప్తు చేస్తున్నారు. మృతదేహానికి ప్రభుత్వ ఆస్పత్రిలో పోస్టుమార్టం నిర్వహించి బంధువులకు అప్పగించారు.

వన్‌టౌన్‌(విజయవాడపశ్చిమ): వైఎస్సార్‌ సీపీ విజయవాడ మేయర్‌ అభ్యర్థి, నగరాల ఆడబిడ్డ, మాజీ మేయర్‌ రాయన భాగ్య లక్ష్మికి నగరాల సోదర సోదరీమణులందరూ అండగా నిలిచి, ఆమెను మరోసారి బెజవాడ ప్రథమ పౌరురాలిగా నిలబెట్టేందుకు కృషి చేయాలని ఏపీ నగరాల సంఘం రాష్ట్ర అధ్యక్షుడు బాయన బాబూజీ (బాబ్జీ) ఆదివారం ఒక ప్రకటనలో పిలుపునిచ్చారు. తమ సమాజానికి వెంటనే బీసీ కార్పొరేషన్‌ చైర్మన్‌ లేదా ఇన్‌చార్జి డైరెక్టర్‌ను నియమించాలనే డిమాండ్‌తో ఇటీవల ఐదు రోజుల నిరాహార దీక్ష చేసినా ప్రభుత్వం నుంచి స్పందన లేకపోవడం బాధాకరమని పేర్కొన్నారు. రాష్ట్రవ్యాప్తంగా రెండు లక్షలకు పైగా ఉన్న నగరాల్లో, విజయవాడలోని మూడు నియోజకవర్గాల్లో మాత్రమే 60 వేల వరకు ఉన్న నగరాల సమాజానికి, బీసీ మంత్రివర్యులు, సంబంధిత అధికారులతో జరిగిన గత మూడు త్రైమాసిక సమావేశాల్లో ప్రాతినిధ్యం లేకపోవడం విచారకరమని పేర్కొన్నారు. ఒకప్పుడు నగరాల సమాజానిదే కీలకపాత్ర ఒకప్పుడు విజయవాడ రాజకీయాల్లో నగరాల సమాజం కీలక పాత్ర పోషించిందని, ఆర్థికంగా బలహీనపడటంతో క్రమంగా రాజకీయ ప్రాధాన్యత కోల్పోయిందని గుర్తుచేశారు. వైఎస్సార్‌ ఉమ్మడి ఏపీలోని ఐదు జిల్లాల్లో తమ సమాజానికి బీసీ–డీ హోదా కల్పించారని, గత వైఎస్సార్‌ సీపీ ప్రభుత్వ హయాంలో వైఎస్‌ జగన్‌మోహన్‌ రెడ్డి, దేవదాయ శాఖ మాజీ మంత్రి వెలంపల్లి శ్రీనివాస్‌ సహాయ సహకారాలతో రాయన భాగ్యలక్ష్మికి మేయర్‌గా అవకాశం ఇచ్చారని గుర్తు చేశారు. పలు కీలక పదవుల్లో కనకదుర్గ గుడి చైర్మన్‌ పదవి, శ్రీశైలం బోర్డు మెంబర్‌ , శ్రీశైలంలో నగరాల అన్నదాన వసతి సత్రానికి స్థలం కేటాయింపు, బీసీ–డి స్టేటస్‌ని ఏపీలో అన్ని జిల్లాలకు, నగరాల సమాజానికి మంచి ప్రాతినిధ్యం లభించిందని పేర్కొన్నారు. ఈ నేపథ్యంలో నగరాల సంఘీయులందరూ ఐక్యంగా నిలిచి, రాయన భాగ్యలక్ష్మికి మద్దతుగా కృషి చేయాలని, దీంతో విజయవాడలో నగరాల సమాజం పూర్వ వైభవాన్ని తిరిగి చాటాలని బాబూజీ పిలుపునిచ్చారు.

విజయవాడ సిటీఎన్టీఆర్‌ జిల్లాసోమవారం శ్రీ 19 శ్రీ అక్టోబర్‌ శ్రీ 2026uII లో జయహో పెద్ద ఎత్తున తరలివస్తున్న భవానీలురమణీయం.. నగరోత్సవం ● కూటమిలో సీట్ల కోసం కొనసాగిన కుస్తీ ● రెండు పార్టీలకు ఒకే అభ్యర్థి నామినేషన్లు ● రాధా నామినేషన్‌కు హాజరుకాని బొండా, గద్దె, చిన్ని ● ‘పుర’ పోరులో తొలి ఘట్టం సమాప్తంIతెగని పంచాయితీ!సాక్షి ప్రతినిధి, విజయవాడ: జిల్లాలో నామినేషన్ల పర్వం ముగిసింది. అయితే ఇప్పటివరకూ సీట్ల పంచాయితీ తేలకపోవడంతో కూటమి తరఫున బరిలో పెద్ద ఎత్తున పోటీలో నిలిచారు. విజయవాడ కార్పొరేషన్‌లో దాదాపు అన్ని డివిజన్లలో మూడు పార్టీ అభ్యర్థులు నామినేషన్లు వేశారు. మేయర్‌ అభ్యర్థుల నామినేషన్ల విషయంలో కూడా వారి మద్య విభేదాలు కనపడ్డాయి. విజయవాడ జనసేనకు మేయర్‌ పదవిని కేటాయించడాన్ని వ్యతిరేకిస్తున్న సెంట్రల్‌ నియోజకవర్గ ఎమ్మెల్యే బొండా ఉమామహేశ్వరరావు మేయర్‌ అభ్యర్థి వంగవీటి రాధాకృష్ణ నామినేషన్‌కు హాజరుకాలేదు. విజయవాడ ఎంపీ కేశినేని చిన్ని, తూర్పు నియోజకవర్గ ఎమ్మెల్యే గద్దె రామ్మోహనరావు కూడా దూరంగా ఉన్నారు. ఎన్టీఆర్‌ జిల్లా అధ్యక్షురాలిగా ఉన్న గద్దె అనురాధ, వెస్ట్‌ ఇన్‌చార్జ్‌ బుద్ధా వెంకన్న మాత్రమే హాజరయ్యారు. తెలుగుదేశం పార్టీలో ఇతర ప్రముఖులు ఎవ్వరూ నామినేషన్‌ కార్యక్రమం వైపు తొంగి చూడలేదు. నామినేషన్‌ కార్యక్రమానికి వచ్చిన గద్దె అనురాధ, బుద్ధా వెంకన్నలను లోపలికి పిలవకపోవడంతో అవమానంగా భావించి దూరంగా ఉండిపోయారు. డివిజన్లలోనూ ఎవరికి వారే.. ఇక డివిజన్ల విషయానికి వస్తే అసలు ఎవరు ఏ డివిజన్‌లో వేశారో తెలియకుండా నామినేషన్లు వేసేశారు. ఒకే డివిజన్‌లో బీజేపీ, తెలుగుదేశం, జనసేన నుంచి నామినేషన్లు వేశారు. విజయవాడ పశ్చిమలో 28 డివిజన్లు ఉంటే అందులో బీజేపీ 17 డివిజన్లలో, తెలుగుదేశం 29 డివిజన్లలో, జనసేన 19 డివిజన్లలో నామినేషన్లు వేశారు. విజయవాడ తూర్పు నియోజకవర్గానికి వస్తే తెలుగుదేశం పార్టీ 29 డివిజన్లకు గాను 28 డివిజన్లలో పోటీకి దిగగా, జనసేన 14 డివిజన్లు, బీజేపీ నాలుగు డివిజన్లకు నామినేషన్లు వేశారు. ఇక్కడ జనసేనకు ఏడు, బీజేపీకి రెండు సీట్లు ఇవ్వడానికి అంగీకారం కుదిరినా దానికి రెట్టింపు సీట్లలో వారు నామినేషన్లు వేశారు. విజయవాడ సెంట్రల్‌ నియోజకవర్గానికి వస్తే తెలుగుదేశం పార్టీ అన్ని డివిజన్లకు పోటీలో దిగగా జనసేన 21 డివిజన్లలో బీజేపీ తొమ్మిది స్థానాల్లో నామినేషన్లు వేసింది. ● తిరువూరు మునిసిపాలిటీలో కూటమి పార్టీల తరఫున రెబల్స్‌ పెద్ద ఎత్తున నామినేషన్లు దాఖలు చేశారు. తిరువూరు మునిసిపల్‌ చెర్మన్‌ పదవిని కూటమి పార్టీలు జనసేనకు కేటాయించగా పసుపులేటి మాధవికి ఆ పార్టీ ‘బీ’ ఫారం ఇచ్చింది. ఆదివారం మాధవి టీడీపీ, బీజేపీ, జనసేన మద్దతుతో నామినేషన్‌ దాఖలు చేయగా, ఎమ్మెల్యే కొలికపూడి శ్రీనివాసరావు పెనుమల్లి శ్రావణికి మద్దతు తెలిపి రెబల్‌గా నామినేషన్‌ వేయించారు. వార్డుల్లో సైతం టీడీపీలోని ఎంపీ, ఎమ్మెల్యే వర్గీ యులు, జనసేన అభ్యర్థులు పోటాపోటీగా నామినేషన్లు దాఖలు చేశారు. తొలుత జనసేన టికెట్‌ శ్రావణికి ఇచ్చి తర్వాత మాధవి పేరు ప్రకటించడాన్ని ఎమ్మెల్యే వ్యతిరేకిస్తున్నట్లు చెబుతున్నారు. ● జగ్గయ్యపేట మునిసిపాలిటీలో తెలుగుదేశం పార్టీకి రెబల్స్‌ బెడద పట్టుకుంది. తెలుగుదేశం పార్టీ అభ్యర్థిగా నరేంద్రుల వినీత పోటీ చేస్తుండగా, ఆమెకు రెబల్‌ అభ్యర్థిగా ఆచంట సునీత తెలుగుదేశం, స్వతంత్ర అభ్యర్థిగా బరిలోకి దిగారు. కొండపల్లిలో టీడీపీ అభ్యర్థిగా కన్నెకంటి అమూల్య చైర్‌ పర్సన్‌ అభ్యర్థిగా నామినేషన్‌ వేశారు. ప్రస్తుత 22వ వార్డు కౌన్సిలర్‌ వీజే దేవకుమారి టీడీపీ రెబల్‌ అభ్యర్థిగా నామినేషన్‌ వేశారు. బీజేపీకి చెందిన తురక సుస్మ కూటమికి వ్యతిరేకంగా రెబల్‌ అభ్యర్థిగా నామినేషన్‌ వేశారు. కాంగ్రెస్‌ అభ్యర్థి మినహాయించి అందరూ కూటమికి సానుభూతిపరులుగా ఉన్నవారే. పెరిగిన భవానీల తాకిడి.. జై భవానీ.. జైజై భవానీ నామస్మరణతో అమ్మవారి ఆలయ ప్రాంగణం మార్మోగుతోంది. భవానీ దీక్షపరులు అమ్మవారిని దర్శించుకుని ఇరుముడు లను సమర్పిస్తున్నారు. మహా మండపం దిగువన ఏర్పాటు చేసిన ప్రత్యేక కౌంటర్ల వద్ద గురు భవానీలకు ఇరుముడులను సమర్పించి దీక్షను పరిపూర్ణం చేసుకుంటున్నారు. తూర్పు గోదావరి, అనకాపల్లి, విశాఖపట్నం వైపు నుంచి పాదయాత్రగా ఇంద్రకీలాద్రికి చేరుకుంటున్న భవానీలను దేవస్థానం బస్సుల్లో కొండపైకి చేర్చుతున్నారు. ఓం టర్నింగ్‌ నుంచి ఆలయానికి చేరుకుంటున్న భవానీలు అమ్మవారిని దర్శించుకుని మొక్కులు చెల్లించుకుంటున్నారు. అమ్మవారి సన్నిధికి చేరుకుంటున్న భవానీలకు సేవా సిబ్బంది వేడివేడి పాలు, బిస్కెట్లు అందజేస్తున్నారు. 17 లక్షల లడ్డూల విక్రయం.. 8వ రోజు ఆదాయం రూ. 35.15లక్షలు వన్‌టౌన్‌(విజయవాడపశ్చిమ): విజయవాడ మేయర్‌ స్థానానికి వైఎస్సార్‌ కాంగ్రెస్‌ పార్టీ అభ్యర్థిగా మాజీ మేయర్‌ రాయన భాగ్యలక్ష్మి ఆదివారం తన నామినేషన్‌ను దాఖలు చేశారు. తొలుత పలు ఆలయాల్లో పూజలు చేసి, పార్టీ ముఖ్యనేతలు వెంటరాగా నగరపాలకసంస్థలో ఏర్పాటు చేసిన ఎలక్షన్‌ సెల్‌లో ఆమె తన నామినేషన్‌ పత్రాలను దాఖలు చేశారు. అనుమతి నిరాకరణ.. వాస్తవానికి భారీ ర్యాలీతో నామినేషన్‌ వేయాలని భావించినా.. పోలీసులు అనుమతి నిరాకరించారు. మరోవైపు కూటమి అభ్యర్థి నామినేషన్‌కు మాత్రం భారీ ర్యాలీకి అనుమతించడంతో వైఎస్సార్‌ సీపీ నేతలు మండిపడ్డారు. పార్టీ ప్రాంతీయ పరిశీలకులు అయోధ్య రామిరెడ్డి, జిల్లా అధ్యక్షుడు దేవినేని అవి నాష్‌, మాజీ ఎమ్మెల్యేలు వెలంపల్లి శ్రీనివాస రావు, మల్లాది విష్ణు, ఎమ్మెల్సీ రుహుల్లా, గుంటూరు పార్లమెంట్‌ నియోజకవర్గ పరిశీలకులు పోతిన మహేష్‌ పాల్గొన్నారు. గాంధీనగర్‌(విజయవాడసెంట్రల్‌): స్థానిక ఎన్నికల నేపథ్యంలో కలెక్టరేట్‌లో సోమవారం జరగాల్సిన ప్రజా ఫిర్యాదుల పరిష్కార వేదిక (పీజీఆర్‌ఎస్‌) రద్దు చేసినట్లు కలెక్టర్‌ డాక్టర్‌ జి. లక్ష్మీశ ఆదివారం ఒక ప్రకటనలో తెలిపారు. అచ్చంపేట: పులిచింతల ప్రాజెక్టులో ప్రస్తుత నిల్వ 28.5553 టీఎంసీలు. ప్రాజెక్టు దిగువకు 400 క్యూసెక్కులు లీకేజిల ద్వారా వెళుతుంది. కృష్ణానది తీరంలోని శ్రీరామ పాదక్షేత్రం పుష్కరఘాట్‌ వద్ద బతుకమ్మ సంబరం ఆదివారం కోలాహలంగా జరిగింది. మహిళలు అధిక సంఖ్యలో పాల్గొన్నారు. దుర్గా మల్లేశ్వర స్వామి వార్ల నగరోత్సవ సేవ ఆదివారం కనుల పండువగా జరిగింది. తొలుత మల్లేశ్వర స్వామి వారి ఆలయం సమీపంలోని యాగశాల నుంచి ఆదిదంపతులకు ఆలయ అర్చకులు పూజా కార్యక్రమాలను నిర్వహించారు. ఆలయ అధికారులు కొబ్బరికాయలను కొట్టి ఊరేగింపును ప్రారంభించారు. మేళతాళాలు, మంగళ వాయిద్యాలు, కోలాట నృత్యాలు, డప్పు కళాకారుల విన్యాసాల మధ్య ఊరేగింపు అంగరంగ వైభవంగా సాగింది. ఆలయానికి చేరుకున్న అనంతరం రాజగోపురం ఎదుట ఆస్థాన సేవను నిర్వహించారు. వేద పండితులు, అర్చకులు విశేష చతుర్వేద హారతులను సమర్పించారు.

అధికారుల తీరుపై దేవినేని అవినాష్‌ ఆగ్రహం లబ్బీపేట(విజయవాడతూర్పు): మున్సిపల్‌ ఎన్నికల నామినేషన్ల స్వీకరణలో అధికారులు నిబంధనల ప్రకారం వ్యవహరించాలని వైఎస్సార్‌ సీపీ ఎన్టీఆర్‌ జిల్లా అధ్యక్షుడు దేవినేని అవినాష్‌ డిమాండ్‌ చేశారు. ప్రతిపక్ష అభ్యర్థుల నామినేషన్లను అడ్డుకునేలా కొందరు అధికారులు వ్యవహరిస్తున్నారని ఆరోపించారు. విజయవాడలోని ఎన్టీఆర్‌ జిల్లా వైఎస్సార్‌ సీపీ కార్యాలయంలో శనివారం ఆయన మీడియాతో మాట్లాడారు. బీ–ఫారాల సమర్పణ, నామినేషన్ల పరిశీలన విషయంలో ఎన్నికల మాన్యువల్‌లోని నిబంధనలను పాటించాలన్నారు. పత్రాలు సక్రమంగా ఉన్నా స్క్రూటినీ పేరుతో నామినేషన్లను తిరస్కరించే ప్రయత్నాలు జరుగుతున్నాయనే అనుమానాలు ఉన్నాయన్నారు. ఈ అంశంపై నగరపాలక సంస్థ కమిషనర్‌, సంబంధిత అధికారుల దృష్టికి తీసుకెళ్లినట్లు తెలిపారు. క్షేత్రస్థాయిలో ఎన్నికల విధులు నిర్వహిస్తున్న రిటర్నింగ్‌ అధికారులు నిబంధనలు ఎందుకు పాటించడం లేదని ప్రశ్నించారు. ఎన్నికల ప్రక్రియ పారదర్శకంగా జరిగేలా రాష్ట్ర ఎన్నికల సంఘం జోక్యం చేసుకుని, ఫిర్యాదులపై విచారణ జరిపి తగిన చర్యలు తీసుకోవాలని డిమాండ్‌ చేశారు. ఎన్‌ఐఆర్‌డీ అడిషనల్‌ డైరెక్టర్‌ సుధీర్‌ కుమార్‌ భవానీపురం(విజయవాడపశ్చిమ): దేశ వ్యాప్తంగా స్వయం సహాయక సంఘాల మహిళలు తయారు చేసే ఉత్పత్తులకు జాతీయ స్థాయి మార్కెటింగ్‌కు వేదిక ఏర్పాటు చేయడంతో పాటు మహిళా పారిశ్రామికవేత్తలను ప్రోత్సహించడమే సరస్‌ మేళా లక్ష్యమని ఎన్‌ఐఆర్‌డీ అడిషనల్‌ డైరెక్టర్‌ సుధీర్‌ కుమార్‌ అన్నారు. భారత ప్రభుత్వ గ్రామీణాభివృద్ధి మంత్రిత్వ శాఖ, రాష్ట్ర గ్రామీణ జీవనోపాధి మిషన్‌ (సెర్ప్‌) ఆధ్వర్యంలో విజయవాడ భవానీపురం పున్నమిఘాట్‌లో ఏర్పాటు చేసిన జాతీయ సరస్‌ మేళాను ఆయన శనివారం సందర్శంచారు. అనంతరం మీడియాతో మాట్లాడుతూ స్వయం సహాయక సంఘాల మహిళలు తమ ఉత్పత్తులను నాణ్యమైన బ్రాండ్‌లుగా అభివృద్ధి చేసుకుని జాతీయ, అంతర్జాతీయ మార్కెట్లలో విక్రయించేలా ప్రోత్సహించేందుకు మీట్‌ అండ్‌ గ్రీట్‌ పెవిలియన్‌లో ప్రత్యేక శిక్షణ కార్యక్రమాలు నిర్వహిస్తున్నారన్నారు. ఎన్‌ఐఆర్‌డీపీఆర్‌ నిపుణులు, జాతీయ స్థాయి నిపుణుల సహకారంతో ప్రతిరోజూ నిర్వహిస్తున్న శిక్షణలో బ్రాండింగ్‌, ప్యాకేజింగ్‌, ఎగుమతి మార్కెటింగ్‌ వాల్యూ చైన్‌ మేనేజ్‌మెంట్‌ వంటి అంశాలపై అవగాహన కల్పిస్తున్నారని తెలిపారు. సెర్ప్‌ అడ్మినిస్ట్రేటివ్‌ డైరెక్టర్‌ కళ్యాణ చక్రవర్తి మాట్లాడుతూ జాతీయ సరస్‌ మేళాకు సందర్శకుల నుంచి విశేష ఆదరణ లభిస్తోందని, ఇప్పటివరకు సుమారు రూ.2 కోట్ల మేర వ్యాపారం జరిగినట్లు తెలిపారు. సమావేశంలో నేషనల్‌ ఇనిస్టిట్యూట్‌ ఆఫ్‌ రూరల్‌ డెవలప్‌మెంట్‌ జాయింట్‌ డైరెక్టర్‌ ఖటారియా, ఎన్టీఆర్‌ జిల్లా ప్రాజెక్ట్‌ డైరెక్టర్‌ ఏఎన్‌వీ నాంచారరావు పాల్గొన్నారు.

● వివిధ శాఖల పేరు చెప్పుకుని దర్జాగా దర్శనాలు ● సామాన్యులకు తప్పని పాట్లు ● ఇష్టానుసారంగా కొండపైకి ద్విచక్ర వాహనాలు, కార్లు ఇంద్రకీలాద్రి(విజయవాడపశ్చిమ): ఇంద్రకీలాద్రిపై దసరా మహోత్సవాలు కీలక దశకు చేరుకున్నాయి. దసరా ఉత్సవాలలో ప్రధానంగా మూలా నక్షత్రం రోజు సాఫీగా గడిచిందంటే ఉత్సవాలు విజయవంతం అయినట్లేనని అన్ని ప్రభుత్వ శాఖలు భావిస్తాయి. అయితే శనివారం అమ్మవారి దర్శనానికి విచ్చేసిన భక్తుల సంఖ్య అనూహ్యంగా పెరిగింది. శనివారం తెల్లవారుజాము నుంచి సామాన్య భక్తులకు తోడు ఇతర ప్రాంతాల నుంచి విచ్చేసే భక్తులతో పాటు భవానీల తాకిడి పెరిగింది. భక్తుల రద్దీ అధికంగా ఉండటం, క్యూలైన్‌లో నుంచి కాకుండా విడిగా ఘాట్‌రోడ్డులో నుంచి వచ్చే వారి సంఖ్య అధికంగా కనిపించింది. అనధికార దర్శనాలను కట్టడి చేయడంలో అన్ని ప్రభుత్వ శాఖలు విఫలమయ్యాయి. సిఫార్సులు ఉన్న వారు దర్జాగా కార్లలో డోనర్‌ సెల్‌ వరకు చేరుకోవడం, పోలీసు శాఖ సిబ్బంది దర్జాగా ద్విచక్ర వాహనాలు, కార్లపై ఘాట్‌రోడ్డు మీదగా ఆలయానికి చేరుకుని అమ్మవారి దర్శనాలు చేసుకోవడం కనిపించింది. దీంతో క్యూలైన్‌లో గంటల తరబడి వేచి ఉన్న భక్తులు ఆగ్రహావేశాలకు లోనయ్యారు. క్యూలైన్లకు సమీపంలో విధులు నిర్వహిస్తున్న పోలీసు సిబ్బందిపై ఆగ్రహం వ్యక్తం చేయడం కనిపించింది. ముఖ్యంగా ఓం టర్నింగ్‌, డోనర్‌ సెల్‌, లక్ష్మీగణపతి ఫుట్‌ బ్రిడ్జి, చిన్న గాలిగోపురం వద్ద సిఫార్సులతో విచ్చేసిన వారు గుంపులు, గుంపులుగా చేరిపోతున్నారు. దీంతో ఎక్కడ తొక్కిసలాట జరుగుతుందోననే ఆందోళనతో గేట్లను తీయడం, మళ్లీ కొంత సమయానికి రద్దీ పెరిగిపోవడం కనిపించింది. వెస్ట్‌ నుంచి ఏసీపీగా బదిలీ అయిన దుర్గారావు స్వయంగా సర్వ దర్శనం క్యూలైన్‌లోకి వెళ్లి రద్దీని నియంత్రించారు. ఓ దశలో ఆయనకు కూడా అది సాధ్యం కాకపోవడంతో ఐదుగురు సిబ్బంది సహకారం తీసుకుని క్యూలైన్లను క్రమబద్ధీకరించారు. మధ్యాహ్నం డోనర్‌ సెల్‌ వద్ద ఇదే తరహాలో భక్తుల రద్దీ పెరిగిపోవడం, వారి మధ్యలో చంటిపిల్లలు, వృద్ధులు, వికలాంగులు చిక్కుకుపోవడంతో పరిస్థితి అదుపు తప్పింది. ఈ నాలుగు పాయింట్ల వద్ద ఉదయం నుంచి సాయంత్రం వరకు ఇదే పరిస్థితి నెలకొనడంతో భక్తులు ఆవేదన వర్ణనాతీతం. ఓం టర్నింగ్‌ పాయింట్‌ వద్ద విధులు నిర్వహిస్తున్న అధికారులు ఇష్టానుసారంగా భక్తులను వదిలేయడం వల్లే ఈ పరిస్థితి తలెత్తిందని పోలీసు అధికారులు బహిరంగంగా పేర్కొంటున్నారు. అయితే పోలీసు సిబ్బంది ఎవరు వచ్చినా గేట్లను బార్లా తీస్తున్నారని రెవెన్యూ సిబ్బంది ఆరోపిస్తున్నారు. ఇలా ఒక శాఖపై మరో శాఖ తప్పును నెట్టి తప్పించుకోవడం సామాన్య భక్తుల కష్టాలకు కారణమైంది.

ెపనమలూరు: కానూరు పీవీపీ సిద్ధార్థలో జరిగిన జేఎన్‌టీయూ అంతర్‌ కళాశాలల చెస్‌ పోటీలలో పురుషుల విభాగంలో కానూరు వీఆర్‌ సిద్ధార్థ, మహిళల విభాగంలో గుడ్లవల్లేరు ఎస్‌ఆర్‌ కాలేజీలు విజయం సాధించాయి. కానూరులో ఈ నెల 16,17 తేదీలలో జేఎన్‌టీయూ అంతర్‌ కళాశాలల చెస్‌ పోటీలు నిర్వహించారు. పురుషుల విభాగంలో 11, మహిళల విభాగంలో ఏడు కళాశాలలు పాల్గొన్నాయి. పురుషుల విభాగంలో ప్రథమస్థానం కానూరు వీఆర్‌ సిద్ధార్థ జట్టు, ద్వితీయ స్థానంలో విజయవాడ పీఎస్‌సీఎంఆర్‌ ఇంజినీరింగ్‌ కాలేజీ, తృతీయ స్థానంలో కానూరు పీవీపీ సిద్ధార్థ, ఏలూరు సీఆర్‌ రెడ్డి కాలేజీలు సంయుక్తంగా గెలిచాయి. మహిళల విభాగంలో ప్రథమ స్థానంలో గుడ్లవల్లేరు ఎస్‌ఆర్‌ ఇంజినీరింగ్‌ కాలేజీ జట్టు, ద్వితీయ స్థానంలో కానూరు పీవీపీ సిద్ధార్థ జట్టు, తృతీయ స్థానంలో ఏలూరు సీఆర్‌రెడ్డి కాలేజీ జట్టు, శ్రీవిష్ణు ఇంజినీరింగ్‌ కాలేజీ ఫర్‌ ఉమెన్‌ జట్లు సంయుక్తంగా గెలిచాయి. గెలిచిన జట్లకు శనివారం పీవీపీ సిద్ధార్థ ఇంజినీరింగ్‌ కాలేజీ ప్రిన్సిపాల్‌ డాక్టర్‌ కొండపల్లి శివాజీబాబు బహుమతులు ప్రదానం చేశారు. మహిళల పోటీల్లో విజేత గుడ్లవల్లేరు జట్టు పురుషుల పోటీల్లో విజేత సిద్ధార్థ జట్టు

రైల్వేస్టేషన్‌(విజయవాడపశ్చిమ): రైళ్లు, రైల్వేస్టేషన్‌లలో పరిశుభ్రత మెరుగుపర్చడంలో సిబ్బంది నిరంతర కృషితో పాటు ప్రయాణికుల సహకారం ఎంతో ముఖ్యమని దక్షిణ కోస్తా రైల్వే, విజయవాడ రైల్వే డీఆర్‌ఎం మోహిత్‌ సోనాకియా అన్నారు. ఈ నెల 1 నుంచి 15 వరకు డివిజన్‌లో జరిగిన స్వచ్ఛతా పక్షోత్సవ ప్రచారం ముగింపును పురస్కరించుకుని మచిలీపట్నం రైల్వేస్టేషన్‌లో ‘రైల్‌ జన్‌ సంవాద్‌’ పేరుతో ప్రత్యేక క్యాంపెయిన్‌ నిర్వహించారు. ఈ సందర్భంగా రైల్వే అధికారులు, ప్రయాణికులు, ప్రజాప్రతినిధులు, క్షేత్రస్థాయి సిబ్బంది పాల్గొని రైళ్లు, స్టేషన్‌లలో పరిశుభత్రపై చర్చించారు. కార్యక్రమంలో ముఖ్యఅతిథిగా డీఆర్‌ఎం మోహిత్‌ సోనాకియా పాల్గొని ప్రసంగించారు. రైల్వేస్టేషన్‌లు, రైళ్లలో పరిశుభ్రత ప్రాముఖ్యతను సభ్యులకు వివరించారు. రైల్లే పరిసరాల పరిశుభ్రతలో ప్రజల క్రియాశీలక భాగస్వామ్యం ఆవశ్యకతను తెలియజేశారు. అనంతరం సభ్యుల నుంచి పలు సూచనలు, సలహాలను అడిగి తెలుసుకుని వాటి పరిష్కారానికి కృషిచేస్తానని చెప్పారు.

మొగల్రాజపురం(విజయవాడ తూర్పు): జమ్మూ కశ్మీర్‌ ప్రభుత్వం ఆధ్వర్యంలో శ్రీనగర్‌ వేదికగా కశ్మీర్‌ మారథాన్‌–2026 నిర్వహిస్తోందని, ఆ మారథాన్‌లో పాల్గొనే క్రీడాకారులు ఆన్‌లైన్‌లో తమ వివరాలు నమోదు చేసుకోవాలని ఎన్టీఆర్‌ జిల్లా క్రీడాభివృద్థి అధికారి (డీఎస్‌డీవో) కె.కోటేశ్వరరావు శనివారం ఒక ప్రకటనలో తెలిపారు. మారథాన్‌ ఈ నెల 25వ తేదీన శ్రీనగర్‌లో మొదలవుతుందని, ఈ లోగా వివరాలు నమోదు చేసుకోవాలని పేర్కొన్నారు. శారీరక దృఢత్వాన్ని ప్రోత్సహించడం, క్రీడా పర్యాటకాన్ని అభివృద్ధి చేయడం, యువతలో క్రీడలపై ఆసక్తిని పెంపొందించడం ఈ మారథాన్‌ ముఖ్య ఉద్దేశమని, ఈ పోటీలలో దేశవ్యాప్తంగా ఉన్న అథ్లెట్లు, రన్నర్లు, క్రీడలపై ఆసక్తి ఉన్న యువత పాల్గొనవచ్చునని తెలియజేశారు. మారథాన్‌లో పాల్గొనాలనుకునే వారు కశ్మీర్‌మారథాన్‌.జేకే.జీవోవీ.ఇన్‌ వెబ్‌సైట్‌లో వివరాలు నమోదు చేసుకోవాలని తెలిపారు. ఎన్టీఆర్‌ జిల్లాలోని క్రీడాకారులు, రన్నర్లు, క్రీడా సంఘాలు, కోచ్‌లు, స్పోర్ట్స్‌ క్లబ్‌లు, పాఠశాలలు, కళాశాలలు, విశ్వవిద్యాలయాల ప్రతినిధులు ఈ అవకాశాన్ని సద్వినియోగం చేసుకోవాల్సిందిగా ఆయన కోరారు. లబ్బీపేట(విజయవాడతూర్పు): ఎంబీబీఎస్‌ ఫేజ్‌–1 పరీక్ష ఫలితాల్లో తమ విద్యార్థులు 93.68 శాతం ఉత్తీర్ణత సాధించినట్లు ప్రభుత్వ సిద్ధార్థ వైద్య కళాశాల ప్రిన్సిపాల్‌ డాక్టర్‌ ఆలపాటి ఏడుకొండలరావు తెలిపారు. డాక్టర్‌ ఎన్టీఆర్‌ ఆరోగ్య విజ్ఞాన విశ్వ విద్యాలయం పరిధిలోని ప్రభుత్వ, ప్రైవేటు వైద్య కళాశాలల్లో తమ విద్యార్థులు ప్రథమ స్థానంలో నిలిచినట్లు ఆయన పేర్కొన్నారు. ఈ విజయం కళాశాలకు గర్వకారణమన్నారు. విద్యార్థులకు నాణ్యమైన వైద్య విద్యను అందించడంలో అధ్యాపకులు చూపుతున్న అంకితభావం, నిరంతర కృషి, బోధనేతర సిబ్బంది సహకారం ప్రధాన కారణాలని ఆయన పేర్కొన్నారు. విద్యార్థులు పరీక్షలకు సమర్థంగా సన్నద్ధమయ్యేలా మార్గనిర్దేశం చేసిన అధ్యాపకుల కృషిని ప్రత్యేకంగా అభినందించారు. కంకిపాడు: రోడ్డు ప్రమాదంలో మెకానిక్‌ మృతి చెందిన సంఘటనపై శనివారం స్థానిక పోలీసుస్టేషన్‌లో కేసు నమోదైంది. ఎస్‌ఐ ప్రతాప్‌రెడ్డి తెలిపిన కథనం మేరకు... ఉంగుటూరు మండలం ఇందుపల్లి గ్రామానికి చెందిన బొకినాల ఉదయ్‌కుమార్‌ (45) గంగూరులోని కారు షోరూంలో మెకానిక్‌గా పనిచేస్తున్నాడు. ఈనెల 16వ తేదీ రాత్రి బైక్‌పై ఇంటికి వెళ్లే క్రమంలో పునాదిపాడు బైపాస్‌ సర్వీసురోడ్డులో బైక్‌ అదుపుతప్పి కింద పడటంతో గాయాల య్యాయి. క్షతగాత్రుడిని వైద్యం నిమిత్తం విజయవాడ ప్రభుత్వాసుపత్రికి తరలించగా మృతి చెందాడు. కుటుంబ సభ్యులు ఇచ్చిన ఫిర్యాదుపై కేసు నమోదు చేశారు. కేసు దర్యాప్తు చేస్తున్నట్లు ఎస్‌ఐ ప్రతాప్‌రెడ్డి తెలిపారు. పెనమలూరు: కానూరులో కాలేజీ భవనం పైనుంచి వైస్‌ ప్రిన్సిపాల్‌ కిందపడి అనుమానాస్పదస్థితిలో మృతి చెందిన ఘటనపై పోలీసులు శనివారం కేసు నమోదు చేశారు. ఎస్‌ఐ సందీప్‌ తెలిపిన వివరాల ప్రకారం పమిడిముక్కల మండలం బొడ్డువానిగూడెంకు చెందిన ఐల భాగ్యరాజు(27) కానూరులో ఒక ప్రైవేట్‌ కాలేజీలో వైస్‌ ప్రిన్సిపాల్‌గా పని చేస్తున్నారు. ఆయన శనివారం ఉదయం కాలేజీ నాలుగో అంతస్తు నుంచి కిందపడి మృతి చెందారు. మృతదేహాన్ని పోరంకిలో ఆస్పత్రికి తరలించారు. ఈ సమాచారం తెలుసుకున్న మృతుడి బంధువులు కాలేజీ వద్దకు వచ్చి యాజమాన్యంతో వాగ్వాదానికి దిగారు. ఈ ఘటన పై మృతుడి సోదరుడు తిలక్‌ పోలీసులకు ఫిర్యాదు చేయటంతో అనుమానాస్పద మృతిగా కేసు నమోదు చేసి దర్యాప్తు చేపట్టారు. కంచికచర్ల: పశువులు మేపేందుకు వెళ్లిన పశువుల కాపరి చెరువులో పడి మృతి చెందిన సంఘటన శనివారం మండలంలో జరిగింది. ఎస్‌ఐ శంకరరావు కథనం మేరకు కంచికచర్ల మండలం పేరకలపాడు గ్రామానికి చెందిన తోట్ల కృపానందం(70) గ్రామానికి చెందిన ఓ రైతుకు సంబంధించిన పశువులను మేపుతున్నాడు. యథావిధిగా శుక్రవారం పశువులను మేపేందుకు పొలం వెళ్లగా గ్రామ సమీపంలో ఉన్న చెరువులో పశువులు నీళ్లు తాగేందుకు వెళ్లాయి. ఆ పశువులను ఒడ్డుకు తోలే క్రమంలో కృపానందం చెరువులో పడి గల్లంతయ్యాడు. శుక్రవారం రాత్రి వరకు ఇంటికి రాకపోవటంతో రైతుతో పాటు కృపారావు కుటుంబసభ్యులు కృపానందం ఆచూకీ కోసం వెతికారు. శనివారం తిరిగి గాలింపు ప్రారంభించగా చెరువులో శవమై తేలియాడటంతో మృతదేహాన్ని ఒడ్డుకు తీసుకువచ్చారు. అనంతరం మృతదేహాన్ని పోస్టుమార్టం కోసం నందిగామ ప్రభుత్వ ఆసుపత్రికి తరలించారు. కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు.

పటమట(విజయవాడతూర్పు): ఎన్టీఆర్‌ జిల్లా ఎన్నికల పరిశీలకురాలు నాగలక్ష్మి శనివారం ఉదయం విజయవాడ నగరపాలక సంస్థ ప్రధాన కార్యాలయంలోని మేయర్‌ ఎన్నికల రిటర్నింగ్‌ అధికారి కార్యాలయాన్ని క్షేత్రస్థాయిలో పరిశీలించారు. మేయర్‌ ఎన్నికలకు సంబంధించి కొనసాగుతున్న నామినేషన్ల ప్రక్రియ, అభ్యర్థులకు కల్పించిన సదుపాయాలు, ఎన్నికల నిర్వహణకు చేపట్టిన ఏర్పాట్లను ఆమె సమగ్రంగా సమీక్షించారు. ఇప్పటివరకు ఎన్ని నామినేషన్లు దాఖలయ్యాయి, నామినేషన్ల స్వీకరణకు సంబంధించి చేపట్టిన ఏర్పాట్లు, అభ్యర్థులకు అవసరమైన సమాచారం, ఫారాలు ఏ విధంగా అందజేస్తున్నారు వంటి అంశాలపై వివరాలు సేకరించారు. నామినేషన్ల ప్రక్రియకు సంబంధించిన రికార్డులు, కార్యాలయంలో అందుబాటులో ఉన్న ఏర్పాట్లను కూడా పరిశీలించారు. ఎన్నికల నిర్వహణకు సంబంధించి రిటర్నింగ్‌ అధికారి కార్యాలయంలో చేపట్టిన ఏర్పాట్లను పరిశీలిస్తూ, నామినేషన్ల ప్రక్రియకు సంబంధించిన ప్రస్తుత పరిస్థితిపై అధికారుల నుంచి సమగ్ర సమాచారం పొందారు. విజయవాడ నగరపాలక సంస్థ పరిధిలోని మొత్తం 86 డివిజన్లలో ఎన్నికల నిర్వహణకు సంబంధించి కొనసాగుతున్న పరిస్థితులపై చర్చించారు. కార్యక్రమంలో విజయవాడ నగరపాలక సంస్థ కమిషనర్‌ ధ్యానచంద్ర, అదనపు కమిషనర్‌, ఎన్నికల నోడల్‌ అధికారి ఎ.రవీంద్రరావు, సంబంధిత ఎన్నికల సిబ్బంది పాల్గొన్నారు. పటమట(విజయవాడతూర్పు): ఎన్టీఆర్‌ జిల్లాలో విజయవాడ నగరపాలక సంస్థ మేయర్‌ ఎన్నిక, జగ్గయ్యపేట, తిరువూరు, కొండపల్లి, నందిగామ మున్సిపల్‌ చైర్‌పర్సన్‌ ఎన్నికల పరిశీలకురాలిగా ఏపీ జెన్‌కో ఎండీ ఎస్‌.నాగలక్ష్మిని ఎన్నికల కమిషన్‌ నియమించింది. పోటీలో ఉన్న అభ్యర్థులు తమ సమస్యలను ఏవైనా చెప్పుకోదలచుకుంటే 7680980032 నంబరులో సంప్రదించవచ్చని శనివారం ఓ ప్రకటనలో పేర్కొన్నారు.

మొగల్రాజపురం(విజయవాడ తూర్పు): స్థానిక అజిత్‌సింగ్‌ నగర్‌లోని మాకినేని బసవపున్నయ్య స్టేడియంలో విజయవాడ ఉత్సవ్‌ – 2026లో భాగంగా పురుషులు, మహిళల సీనియర్‌ రాష్ట్ర స్థాయి కబడ్డీ చాంపియన్‌ షిప్‌ పోటీలు శనివారం ప్రారంభమయ్యాయి. అథ్లెటిక్స్‌ ఫెడరేషన్‌ ఆఫ్‌ ఇండియా జాయింట్‌ సెక్రటరీ ఏవీ రాఘవేంద్రరావు ముఖ్య అతిథిగా హాజరై పోటీలను ప్రారంభించారు. కార్యక్రమంలో ఆంధ్ర కబడ్డీ అసోసియేషన్‌ ప్రధాన కార్యదర్శి యలమంచిలి శ్రీకాంత్‌, ఆంధ్ర కబడ్డీ అసోసియేషన్‌ వర్కింగ్‌ ప్రెసిడెంట్‌ ఎన్‌.అర్జునరావు, అసోసియేషన్‌ జాయింట్‌ సెక్రటరీ కేవీ నాంచారయ్య, రెఫరీస్‌ బోర్డు చైర్మన్‌ మురళీ కుమార్‌తో పాటుగా అసోసియేషన్‌ సభ్యులు పాల్గొన్నారు. పురుషుల విభాగంలో జరిగిన పోటీల్లో నెల్లూరు జట్టు కర్నూలుపై 45–24 పాయింట్ల తేడాతో విజయం సాధించింది. కృష్ణా జిల్లా జట్టు అనంతపురం జట్టుపై 50–39 పాయింట్ల తేడాతో విజయం సాధించింది. ఈ లీగ్‌ మ్యాచ్‌లు ఆదివారం కూడా కొనసాగుతాయి.

విజయవాడ మేయర్‌ స్థానానికి 4 నామినేషన్లు దాఖలు వార్డులకు .. పటమట(విజయవాడతూర్పు): జిల్లాలో నామినేషన్ల పర్వం జోరందుకుంది. విజయవాడ నగరపాలక సంస్థకు జరుగుతున్న సాధారణ ఎన్నికలకు మేయర్‌ స్థానానికి శనివారం నాలుగు నామినేషన్లు దాఖలయ్యాయి. వాటిలో ఆమ్‌ఆద్మీపార్టీ(ఆప్‌)1 నామినేషన్‌ దాఖలు చేయగా ఇతరుల నుంచి మూడు నామినేషన్లు దాఖలయ్యాయి. కార్పొరేటర్లకు 241 నామినేషన్లు శనివారం నగరంలోని మూడు సర్కిళ్ల పరిధిలో వీఎంసీ ఏర్పాటు చేసిన 44 ఆర్వో కార్యాలయాల్లో కార్పొరేటర్లకు 241 నామినేషన్లు దాఖలయ్యాయి. అందులో బీజేపీ నుంచి 7, సీపీఐ నుంచి 1, ఇండియన్‌ నేషనల్‌ కాంగ్రెస్‌ నుంచి 3, టీడీపీ నుంచి 84, వైఎస్సార్‌ సీపీ నుంచి 110, జనసేన నుంచి 40, ఆప్‌ నుంచి 1, ఇండిపెండెంట్లు నుంచి 14 నామినేషన్లు దాఖలయ్యాయి. దీంతో ఇప్పటి వరకు ఆయా డివిజిన్లకు దాఖలైన నామినేషన్లు 260 అయ్యాయి. సర్కిల్‌–1 పరిధిలో.. సర్కిల్‌–1 పరిధిలో మొత్తం 28 డివిజన్లకు శనివారం 72 నామినేషన్లు దాఖలవ్వగా, బీజేపీ 5, సీపీఐ1, కాంగ్రెస్‌2, టీడీపీ14, వైఎస్సార్‌ సీపీ 44, జనసేన 10, ఆప్‌ 1, ఇతరులు 2 నామినేషన్లు వచ్చాయి. ఈ సర్కిల్‌ పరిధిలో 76 నామినేషన్లు దాఖలయ్యాయి. సర్కిల్‌–2 పరిధిలో.. సర్కిల్‌–2లో 29 డివిజన్లకు 108 నామినేషను దాఖలవ్వగా, కాంగ్రెస్‌ 1, టీడీపీ 44, వైఎస్సార్‌సీపీ 55, జనసేన 09, ఇతరులు 10 నామినేషన్లు దాఖలు చేశారు. దీంతో ఇప్పటి వరకు ఈ సర్కిల్‌లో మొత్తం 119 నామినేషన్లు దాఖలయ్యాయి. సర్కిల్‌–3 పరిధిలో .. సర్కిల్‌–3 పరిధిలో శనివారం 29 డివిజన్లకు 61 నామినేషన్లు దాఖలవ్వగా వాటిలో బీజేపీ 7, టీడీపీ 29, వైఎస్సార్‌ సీపీ 11, జనసేన 21, ఇతరులు 2 నామినేషన్లు దాఖలయ్యాయి. ఇప్పటి వరకు సర్కిల్‌ పరిధిలో 65 నామినేషన్లు దాఖలయ్యాయి. ఎన్టీఆర్‌ జిల్లాలో.. జిల్లాలోని నాలుగు మున్సిపాలిటీలకు శనివారం చైర్‌పర్సన్‌ అభ్యర్థులుగా 6 నామినేషన్లు దాఖలు అయ్యాయి. జగ్గయ్యపేట టీడీపీ 1, తిరువూరు నుంచి వైఎస్సార్‌ సీపీ 2, నందిగామ నుంచి వైఎస్సార్‌ సీపీ 1, టీడీపీ 1, ఇతరులు నుంచి 1 నామినేషన్‌ దాఖలయ్యాయి. ఎన్టీఆర్‌ జిల్లాలోని జగ్గయ్యపేట, నందిగామ, తిరువూరు, కొండపల్లి మున్సిపాలిటీల్లో 154 నామినేషన్లు వచ్చాయి. సీపీఐ 5, సీపీఎం 3, టీడీపీ 58, వైఎస్సార్‌ సీపీ 77, జనసేన 6, ఇతరులు 4 నామినేషన్‌లను దాఖలు చేశారు. ఆయా మున్సిపాలిటీల్లో మొత్తం 158 నామినేషన్లు దాఖలయ్యాయి.

గన్నవరం: మధ్యప్రదేశ్‌ ముఖ్యమంత్రి మోహన్‌ యాదవ్‌ శనివారం గన్నవరం విమానాశ్రయానికి వచ్చారు. విజయవాడ ఇంద్రకీలాద్రిపై కనకదుర్గమ్మను దర్శించుకునేందుకు ఆయన ప్రత్యేక విమానంలో మధ్యాహ్నం ఇక్కడికి చేరుకున్నారు. విమానాశ్రయంలో సీఎం మోహన్‌ యాదవ్‌కు రాష్ట్ర వైద్య, ఆరోగ్య శాఖ మంత్రి సత్యకుమార్‌ యాదవ్‌, పలువురు బీజేపీ నేతలు స్వాగతం పలికారు. అనంతరం రోడ్డు మార్గం ద్వారా విజయవాడ బయలుదేరి వెళ్లారు. ప్రముఖుల సందడి దసరా ఉత్సవాల్లో పాల్గొనేందుకు సినీ హీరో విజయ్‌ దేవరకొండ, హీరోయిన్‌ రష్మిక, గాయని సునీత హైదరాబాద్‌ నుంచి గన్నవరం వచ్చారు. విమానాశ్రయంలో వీరికి అభిమానులు ఘన స్వాగతం పలికారు. అనంతరం విజయవాడ బయలుదేరి వెళ్లారు.

రాజకీయ పార్టీల ప్రతినిధులతో కలెక్టర్‌ బాలాజీ చిలకలపూడి(మచిలీపట్నం): స్థానిక సంస్థల ఎన్నికల్లో రాజకీయ పార్టీల ప్రతినిధులు సహకరించాలని జిల్లా ఎన్నికల అధికారి, కలెక్టర్‌ బాలాజీ కోరారు. స్థానిక సంస్థల ఎన్నికల నిర్వహణపై వివిధ రాజకీయ పార్టీల నేతలతో జాయింట్‌ కలెక్టర్‌ నవీన్‌ తో కలిసి ఆయన చాంబర్‌లో శనివారం సాయంత్రం సమావేశం నిర్వహించారు. కలెక్టర్‌ మాట్లాడుతూ మునిసిపల్‌ ఎన్నికల నిర్వహణ అనంతరం జెడ్పీటీసీ, ఎంపీటీసీ ఎన్నికలు నిర్వహిస్తామని, వాటికి సంబంధించి అభ్యర్థులకు రాజకీయ పార్టీల ప్రతినిధులకు ఎలాంటి సందేహాలు, సమస్యలు ఉన్నా రిటర్నింగ్‌ అధికారుల దృష్టికి తీసుకురావాలన్నారు. నామినేషన్ల సమయంలో అఫిడవిట్లు అసంపూర్తిగా సమర్పించటం, రిజర్వేషన్‌ స్థానాలకు అవసరమైన ధ్రువీకరణ పత్రాలు జత చేయకపోవటం తదితర లోపాలతో అభ్యర్థులు ఇబ్బందులు ఎదుర్కోకుండా నిబంధనను ముందుగానే అవగాహన కల్పిస్తామన్నారు. వైఎస్సార్‌ సీపీ జిల్లా అధ్యక్షుడు పేర్ని వెంకట్రామయ్య (నాని) మాట్లాడుతూ కుల ధ్రువీకరణ పత్రాలు జారీ చేయడంలో జాప్యం జరుగుతోందని అలా కాకుండా నామినేషన్ల ప్రక్రియ సమయం తక్కువ ఉండటంతో వీలైనంత త్వరగా పత్రాలు జారీ చేసేలా చూడాలని కలెక్టర్‌ దృష్టికి తీసుకువచ్చారు. అభ్యర్థులకు క్రిమినల్‌ కేసులు జిల్లాలోని వివిధ స్టేషన్లలో ఉండే అవకాశాలు ఉన్నాయని అందుకోసం సింగిల్‌ డెస్క్‌ను ఏర్పాటు చేసి అభ్యర్థులకు వెసులుబాటు కల్పించాలని కోరారు. నిష్పక్షపాతంగా ఎన్నికలు నిర్వహిస్తున్నప్పటికీ అన్ని పార్టీలపై ఒకే రకంగా అధికారులు వ్యవహరించాలని, వివక్ష చూపవద్దని కోరారు. అనంతరం కలెక్టర్‌ మాట్లాడుతూ ఎన్నికల నిర్వహణలో అన్ని రాజకీయ పార్టీలకు సమాన అవకాశాలు కల్పిస్తామని, నిబంధనలకు అనుగుణంగా ప్రక్రియను సజావుగా పూర్తి చేసేందుకు యంత్రాంగం కృషి చేస్తుందని స్పష్టం చేశారు. సమావేశంలో డీఆర్వో కె.శ్రీధర్‌రెడ్డి, జెడ్పీ సీఈవో ఎం.శ్రీహరి, వైఎస్సార్‌ సీపీ నేత దుక్కిపాటి శశిభూషణ్‌, మునిసిపల్‌ మాజీ చైర్మన్‌ షేక్‌ సలార్‌దాదా, మట్టా జాన్‌ విక్టర్‌బాబు, సీపీఎం నేత కొడాలి శర్మ, మాజీ డెప్యూటీ మేయర్‌ లంకా సూరిబాబు తదితరులు పాల్గొన్నారు.

ఇంద్రకీలాద్రి(విజయవాడపశ్చిమ): ఇంద్రకీలాద్రిపై దుర్గమ్మ సన్నిధిలో దేవి శరన్నవరాత్రులు అంగరంగ వైభవంగా జరుగుతున్నాయి. ఉత్సవాల్లో ఏడో రోజు శనివారం అమ్మవారు శ్రీమహాలక్ష్మీదేవిగా భక్తులకు దర్శనమిచ్చారు. తెల్లవారుజామున 4 గంటలకు అమ్మవారికి విశేష అలంకరణ, ప్రత్యేక పూజా కార్యక్రమాల అనంతరం భక్తులను దర్శనానికి అనుమతించారు. శనివారం వీకెండ్‌ కావడంతో మెట్రోనగరాల నుంచి ఐటీ రంగ నిపుణులు, యువతీ యువకులు అమ్మవారిని దర్శించు కున్నారు. టీటీడీ, పెనుగంచిప్రోలు, కనకమహాలక్ష్మి ఆలయాల నుంచి సారె దసరా ఉత్సవాల్లో భాగంగా టీటీడీ నుంచి అమ్మవారికి సారెను సమర్పించారు. టీటీడీ ఆలయ ధర్మకర్తలు జాస్తి సాంబశివరావు, నన్నపనేని సదాశివరావు, ఆలయ సూపరింటెండెంట్‌ సూర్యనారాయణ, అర్చకులు అమ్మవారికి పట్టువస్త్రాలను సమర్పించేందుకు ఇంద్రకీలాద్రికి విచ్చేశారు. వారికి దుర్గగుడి సిబ్బంది స్వాగతం పలికారు. అమ్మవారిని దర్శించుకుని పట్టువస్త్రాలను సమర్పించిన అనంతరం వేద పండితులు ఆశీర్వచనం అందజేశారు. దుర్గగుడి చైర్మన్‌ రాధాకృష్ణ అమ్మవారి చిత్రపటం, ప్రసాదాలను అందజేశారు. కనకమహాలక్ష్మి ఆలయాల నుంచి చైర్మన్‌ కందుల నాగరాజు, ఈవో కె. శోభారాణి, పాలక మండలి సభ్యులు, అర్చకులు అమ్మవారికి సారెను సమర్పించారు. పెనుగంచిప్రోలు తిరుపతమ్మ ఆలయం నుంచి పట్టువస్త్రాలను సమర్పించారు. తెల్లవారుజాము నుంచే రద్దీ.. తెల్లవారుజాము నుంచే మహాలక్ష్మి దర్శనానికి పెద్ద సంఖ్యలో క్యూలో బారులు తీరి కనిపించారు. ఉదయానికి రథం సెంటర్‌, ఇటు హెడ్‌ వాటర్‌ వర్‌ుక్స వరకు భక్తులు క్యూలో వేచి ఉండటం కనిపించింది. మరో వైపున క్యూలో కాకుండా సిఫారసులు, వివిధ ప్రభుత్వ శాఖల పేరిట సిబ్బంది ఇష్టానుసారం తమ బంధువులు, కుటుంబ సభ్యులకు దర్శనాలు చేయించడం కనిపించింది. దీంతో వీఐపీలకు దర్శనానికి అర్ధగంట, సామాన్యులకు ఐదుగంటలు పట్టింది. ఆలయ ప్రాంగణంలో నిన్నటి వరకు కనిపించిన దేవదాయ శాఖ అధికారులు, పోలీసు ఉన్నతాధికారుల హడావుడి కనిపించలేదు. దుర్గమ్మను దర్శించుకున్న ప్రముఖులు దుర్గమ్మను మధ్యప్రదేశ్‌ సీఎం మోహన్‌యాదవ్‌, సినీ నటులు విజయ్‌ దేవరకొండ, రష్మిక దంపతులు, అల్లరి నరేష్‌, సుబ్బరాజు దర్శించుకున్నారు. 7వ రోజు ఆదాయం రూ. 26.01 లక్షలు దసరా ఉత్సవాలను పురస్కరించుకుని 7వ రోజు దేవస్థానానికి రూ. 26.01 లక్షల ఆదాయం సమకూరిందని ఆలయ అధికారులు పేర్కొన్నారు. 6 లడ్డూ ప్రత్యేక ప్యాక్‌ విక్రయం ద్వారా రూ. 23లక్షలు, సింగిల్‌ లడ్డూ ప్రసాదం విక్రయం ద్వారా రూ. 88,500, మూడు లడ్డూ ప్రత్యేక ప్యాక్‌ ద్వారా రూ. 1.50 లక్షలు, కేశఖండన టికెట్ల విక్రయం ద్వారా రూ. 56,400 ఆదాయం లభించింది.దుర్గామల్లేశ్వరస్వామి వార్ల నగరోత్సవ సేవ శనివారం సాయంత్రం కనుల పండువగా జరిగింది.శరన్నవరాత్రుల్లో భాగంగా 8వ రోజైన ఆదివారం అష్టమి తిథిన దుర్గమ్మ వారు శ్రీదుర్గాదేవిగా భక్తులకు దర్శనమిస్తారు. శరన్నవరాత్రుల్లో దుర్గాదేవిని అర్చిస్తే దుర్గతులను పోగొట్టి సద్గతులను ప్రసాదిస్తుంది. సమస్త దేవతా స్వరూపిణి, విశ్వపూజిత అయిన శ్రీదుర్గమ్మ వారు దర్శనం సకల శ్రేయోదాయకం.

సాక్షి ప్రతినిధి, విజయవాడ: కూటమిలో పొత్తులు రోడ్డెక్కాయి. విజయవాడ నగరంలో కూటమి మధ్య చర్చలు ఇంకా ఫలితాన్ని ఇవ్వలేదు. శనివారం ఉదయం జరిగిన చర్చల్లో కూడా పీటముడి వీడలేదు. జనసేన మొత్తం 27 సీట్లు అడిగితే 18 సీట్లు మాత్రమే వచ్చే అవకాశం ఉండటంతో మరో తొమ్మిది సీట్లలో స్నేహపూర్వక పోటీలకు సిద్ధం కావాలని అధిష్టానం చెబుతోందని జన సైనికులు చెబుతున్నారు. బీజేపీ 14 సీట్లు అడిగితే ఇప్పటివరకూ ఎన్ని సీట్లు ఇవ్వాలన్నది నిర్ణయించలేదు. దీంతో ఆదివారం 20 డివిజన్లలో నామినేషన్లు వేయాలని, అవసరమైతే విజయవాడ వరకూ స్నేహపూర్వక పోటీలకు సిద్ధమతున్నట్లు బీజేపీ నాయకులు చెబుతున్నారు. విజయవాడ తూర్పులో మాత్రమే కూటమి అనుకున్న సీట్లు దక్కాయి. జనసేనకు ఏడు సీట్లు, రెండు సీట్లు బీజేపీకి ఇవ్వడానికి ఎమ్మెల్యే గద్దె రామ్మోహన్‌ అంగీకరించారు. విజయవాడ పశ్చిమ విషయానికి వస్తే బీజేపీ ఎమ్మెల్యే సుజనాచౌదరి ప్రాతినిధ్యం వహిస్తున్న నేపథ్యంలో బీజేపీకి కనీసం ఆరు సీట్లు కావాలని పట్టుపడుతున్నారు. జనసేన ఎనిమిది సీట్లు అడుగుతోంది. ఇన్ని సీట్లు ఇవ్వడానికి పశ్చిమ నేతలు ససేమిరా అంటున్నారు. చివరికి జనసేనకు ఆరు, బీజేపీకి ఐదు సీట్లు ఇవ్వడానికి సుముఖత వ్యక్తం చేసినట్లు సమాచారం. ఎంపీ చిన్ని, ఎమ్మెల్యే బొండా మధ్య వాగ్వాదం విజయవాడ సెంట్రల్‌లో ఎమ్మెల్యే బొండా ఉమామహేశ్వరరావు సీట్ల కేటాయింపు విషయంలో వెనక్కి తగ్గడం లేదు. శనివారం ఉదయం జరిగిన రెండోదఫా మీటింగ్‌లో కూడా నాలుగు కన్నా ఎక్కువ ఇచ్చేది లేదని తేల్చిచెప్పారు. ఈ విషయంలో ఎంపీ కేశినేని చిన్నికి, బొండాకు మధ్య వాగ్వాదం జరిగినట్లు సమాచారం. అంతకు మించి సీట్లు ఇవ్వను ఏం చేస్తావో చేసుకోమని ఎంపీని ఉద్దేశించి బొండా వ్యాఖ్యలు చేసినట్లు తెలిసింది. స్వతంత్రులుగా నామినేషన్లు వేయాలని.. మరోవైపు జనసేనకు కేటాయించిన సీట్లలో స్వతంత్రులుగా నామినేషన్లు వేయండని తన అనుచరులకు బొండా చెప్పారని తెలిసింది. అయితే సాయంత్రానికి మెత్తబడి మరో సీటు ఇవ్వడానికి అంగీకారం తెలిపినట్లు సమాచారం. బీజేపీకి రెండు సీట్లు కేటాయిస్తున్నట్లు చెబుతున్నారు. మరోవైపు టీడీపీ తరఫున 15వ డివిజన్‌ నుంచి కొమ్మారెడ్డి పట్టాభి పోటీ చేస్తున్నారు. ఇప్పటికే 69వ డివిజన్‌ నుంచి ఇద్దరు టీడీపీ నుంచి, ముగ్గురు జనసేన నుంచి నామినేషన్లు దాఖలు చేశారు. అభ్యుదయ వాదుల సంఘం తరఫున మాజీ పోలీసు అధికారి ఏబీ వెంకటేశ్వరరావు ఆదివారం నామినేషన్‌ వేయనున్నారు. తనకు మద్దతు ఇవ్వాలని పీసీసీ అధ్యక్షురాలు షర్మిలకు ఆయన లేఖ రాశారు. జనసేన అధిష్టానానికి ఫిర్యాదు తిరువూరు మున్సిపాలిటీని జనసేనకు కేటాయించారు. అక్కడ అభ్యర్థిగా పి.మాధవిని పార్టీ ప్రకటించింది. అయితే టీడీపీ ఎమ్మెల్యే కొలికపూడి శ్రీనివాసరావు ఆమె అభ్యర్థిత్వాన్ని వ్యతిరేకించారు. పెనుమల్లి శ్రావణికి తాను మద్దతు ఇస్తున్నానని, ఆదివారం ఆమె నామినేషన్‌ దాఖలు చేసే కార్యక్రమానికి కేడర్‌ తరలిరావాలంటూ వాట్సప్‌ స్టేటస్‌ ద్వారా పిలుపునిచ్చారు. ఎమ్మెల్యే వైఖరితో ఖంగుతిన్న జనసైనికులు అధిష్టానానికి ఫిర్యాదు చేశారు. వార్డుల్లో సైతం టీడీపీ, జనసేన అభ్యర్థులతోపాటు ఎమ్మెల్యే వర్గీయులు నామినేషన్లు దాఖలు చేశారు. జగ్గయ్యపేటలో టీడీపీ తరపున రెబల్‌ అభ్యర్థి ఆచంట సునీత నామినేషన్‌ దాఖలు చేశారు. ఎమ్మెల్యే ఉమా

తిరువూరు: తిరువూరు పురపాలక సంఘం చైర్మన్‌ అభ్యర్థిగా పరసా శ్రీనివాసరావు పేరును వైఎస్సార్‌ సీపీ ఖరారు చేసింది. ఈ మేరకు శనివారం రాత్రి విడుదల చేసిన జాబితాలో పరసాకు అవకాశం కల్పించారు. వైఎస్సార్‌ సీపీ ఏర్పడిన నాటినుంచి చురుకై న కార్యకర్తగా పనిచేస్తూ గత మున్సిపల్‌ ఎన్నికల్లో తిరువూరు నగరపంచాయతీ ఏడో వార్డు నుంచి కౌన్సిలర్‌గా శ్రీనివాసరావు ఎన్నికయ్యారు. పార్టీలో పలు హోదాల్లో పదవులు నిర్వహించిన ఆయన ప్రస్తుత ఎన్నికల్లో తిరువూరు మున్సిపల్‌ చైర్మన్‌ పదవికి పోటీ చేస్తున్నారు. ఆయన డిగ్రీ చదివారు. చెరకు టన్ను మద్దతు ధర రూ.3,783 ఉయ్యూరు(కంకిపాడు): 2026–27 సీజన్‌కు చెరకు టన్ను మద్దతు ధర రూ.3,783గా కేసీపీ యాజమాన్యం ప్రకటించింది. కర్మాగార ఆవరణలో శనివారం రైతు సంఘాల ప్రతినిధులతో ప్రత్యేక సమావేశం నిర్వహించారు. కేసీపీ యూనిట్‌ హెడ్‌ సీతారామదాస్‌ మాట్లాడుతూ ప్రస్తుత చెరకు సీజన్‌కు టన్ను మద్దతు ధర సబ్సిడీతో కలిపి రూ.3,783గా నిర్ణయించామన్నారు. యాంత్రీకరణకు అనువుగా సాగు చేసిన రైతులకు టన్నుకు రూ.3,883 చెల్లించనున్నట్లు ప్రకటించారు. 2027–28 సీజన్‌కు నవంబరు 2026 నుంచి ఫిబ్రవరి 2027 వరకూ నాటే చెరకు మొక్క తోటలకు ఎకరాకు రూ. 20 వేలు సబ్సిడీ ప్రకటించారు. సంప్రదాయ పద్ధతుల్లో నాటిన చెరకు తోటలకు టన్నుకు రూ.400, యాంత్రీకరణకు అనువుగా వేసిన చెరకు తోటలకు టన్నుకు రూ.500 సబ్సిడీ ప్రకటిస్తున్నట్లు చెప్పారు. మొక్కతోటలకు రూ.20 వేలు, పిలక తోటలకు రూ.8 వేలు వడ్డీ లేని రుణం అందిస్తామని తెలిపారు. సమావేశంలో సూరపనేని వెంకట కృష్ణారావు, మోహనరెడ్డి, రత్నగిరిరావు, తిమ్మారెడ్డి, డీజీఎం వెంకటేశ్వర్లు పాల్గొన్నారు. కృష్ణా వర్సిటీ పరీక్షల ఫలితాలు విడుదల కోనేరు సెంటర్‌: కృష్ణా యూనివర్సిటీలో వివిధ కోర్సులకు సంబంధించిన పరీక్షల ఫలితాలను రిజిస్ట్రార్‌ ఎన్‌.ఉష, పరీక్షల నియంత్రణాధికారి డాక్టర్‌ పి.వీరబ్రహ్మచారి శనివారం విడుదల చేశారు. ఎల్‌ఎల్‌బీ సెకండ్‌ సెమిస్టర్‌ (రెగ్యులర్‌, సప్లిమెంటరీ), బీఏ ఎల్‌ఎల్‌బీ 2, 6 సెమిస్టర్లు (రెగ్యులర్‌, సప్లిమెంటరీ), పోస్టు గ్రాడ్యుయేషన్‌ (పీజీ), ప్రొఫెషనల్‌ కోర్సులు, ఎల్‌ఎల్‌ఎం–2వ సెమిస్టర్‌ (రీవాల్యుయేషన్‌), యూజీ 1, 2, 3, 4, 5, 6వ సెమిస్టర్‌ (2015–2020) వన్‌టైమ్‌ ఆపర్చ్యునిటీ ఫలితాలు విడుదల చేసినట్లు వీరబ్రహ్మచారి తెలిపారు. విద్యార్థులు ఫలితాలను అధికారిక వెబ్‌సైట్‌లో చూసుకోవాలని సూచించారు. పునఃమూల్యాంకనం కోసం ఈ నెల 29లోపు ఫీజు చెల్లించిదరఖాస్తు చేసుకోవాలన్నారు.

గాంధీనగర్‌(విజయవాడసెంట్రల్‌)/పటమట (విజయవాడతూర్పు): మునిసిపల్‌ ఎన్నికల నామినేషన్ల ఘట్టం ప్రారంభమైంది. విజయవాడ నగర పాలక సంస్థతోపాటు జగ్గయ్యపేట, నందిగామ, తిరువూరు, కొండపల్లి మునిసిపాలిటీల ఎన్నికల నిర్వహణకు బుధవారం షెడ్యూల్‌ విడుదలవడం.. ఆయా మునిసిపాలిటీలకు రిజర్వేషన్లు ఖరారు కావడంతో రాజకీయపార్టీలు పోటీలో నిలిచే అభ్యర్థులను సిద్ధం చేసుకున్నాయి. నామినేషన్లు దాఖలుకు స్వల్ప వ్యవధి మాత్రమే ఉండడంతో పోటీలో నిలిచే అభ్యర్థులు సామగ్రి సిద్ధం చేసుకుంటున్నారు. ఈనెల 18వ తేదీ సాయంత్రం 3 గంటల వరకే నామినేషన్లకు సమయం ఉండడంతో తొలి రోజు నుంచే నామినేషన్ల పర్వం ఊపందుకుంది. తొలిరోజు ఉత్సాహంగా నామినేషన్‌ ప్రక్రియ ప్రారంభమైంది. వీఎంసీ పరిధిలో 19 నామినేషన్లు విజయవాడ నగరపాలక సంస్థకు మేయర్‌ స్థానానికి నేరుగా ఎన్నిక జరుగుతుండగా.. తొలిరోజు ఒక్క నామినేషన్‌ కూడా దాఖలు కాలేదు. అయితే నగరంలోని ఆయా ప్రాంతాల్లో ఏర్పాటు చేసిన ఆర్వో కార్యాలయంలో కార్పొరేటర్ల స్థానాలకు పలువురు అభ్యర్థులు నామినేషన్లు దాఖలు చేశారు. మూడ సర్కిళ్ల పరిధిలో మొత్తం 16 మంది డివిజన్‌ కార్పొరేటర్‌ అభ్యర్థులు 19 నామినేషన్లను దాఖలు చేశారు. సర్కిల్‌–1 పరిధిలోని నాలుగు నామినేషన్లు దాఖలవ్వగా, సర్కిల్‌–2 పరిఽధిలో 11, సర్కిల్‌–3 పరిధిలో నలుగురు నామినేషన్లను ఆర్వోలకు సమర్పించారు. వీరిలో మూడు సర్కిళ్ల పరిధిలో వైఎస్సార్‌ సీపీ నుంచి 12 మంది, టీడీపీ నుంచి నలుగురు, జనసేన నుంచి ఇద్దరు, బీజేపీ నుంచి ఒక్కరు నామినేషన్‌ దాఖలు చేశారు. ● తిరువూరు మునిసిపాలిటీలో తొలిరోజు మొత్తం 3 నామినేషన్లు దాఖలయ్యాయి. వైఎస్సార్‌ సీపీ అభ్యర్థులు ముగ్గురు నామినేషన్‌ దాఖలు చేశారు. అధికార కూటమి తరఫున తొలిరోజు ఒక్కరు కూడా నామినేషన్‌ వేయలేదు. ● జగ్గయ్యపేట మునిసిపాలిటీలో తొలిరోజు ఒక్క నామినేషన్‌ కూడా ఫైల్‌ కాలేదు. ● నందిగామ మునిసిపాలిటీలో తొలిరోజు స్వతంత్ర అభ్యర్థి నామినేషన్‌ దాఖలు చేశారు. ● కొండపల్లి మునిసిపాలిటీలో తొలిరోజు స్వతంత్ర అభ్యర్థి నామినేషన్‌ దాఖలు చేశారు. ప్రధాన రాజకీయపార్టీల నుంచి నామినేషన్లు వేయలేదు. మొదలైన నామినేషన్ల సందడి

పెనమలూరు: ఆడుకోవడానికి వెళ్లిన కుమారుడు విగతజీవిగా మారడం.. కన్నవారికి తీరని శోకంగా మారింది. కానూరు ఎస్‌ఐ సందీప్‌ తెలిపిన వివరాల ప్రకారం కానూరుకు చెందిన కొరుమిల్లి జోగారావు రామాలయం వీధిలో ఒక అపార్టుమెంట్‌లో వాచ్‌మెన్‌గా పని చేస్తున్నాడు. అతనికి భార్య సత్య, కుమారులు నాగదుర్గత్రిలోక్‌ (11), మోక్షిత్‌రామ్‌ ఉన్నారు. అయితే శక్రవారం అపార్టుమెంట్‌ సమీపంలో ఒక్కసారిగా పెద్ద పేలుడు వినిపించింది. ఇంట్లో ఉన్న తల్లి సత్య బయటకు వెళ్లి చూడగా పెద్దకుమారుడు నాగదుర్గత్రిలోక్‌ తలకు తీవ్ర గాయాలతో పడిపోయి ఉన్నాడు. కుమారుడిని వెంటనే కానూరులో ప్రైవేటు ఆస్పత్రికి చికిత్సకు తీసుకు వెళ్లారు. అక్కడ పరీక్షలు చేసిన వైద్యులు బాలుడు మృతి చెందినట్లు ధ్రువీకరించారు. ఘటనా స్థలం వద్ద పరిశీలించగా మృతుడు నాగదుర్గ త్రిలోక్‌.. మరో ముగ్గురు చిన్నారులు టపాకాయలు కాలుస్తూ అక్కడే ఉన్న పెయింటింగ్‌ డ్రమ్ములో వేశారు. దీంతో డ్రమ్ము ఒక్కసారిగా పేలటంతో బాలుడు మృతి చెందాడు. ఘటనపై పోలీసులు కేసు నమోదు చేసి దర్యాప్తు చేస్తున్నారు.

వైఎస్సార్‌ సీపీ ఎన్టీఆర్‌ జిల్లా అధ్యక్షుడు దేవినేని అవినాష్‌ లబ్బీపేట(విజయవాడతూర్పు): వైఎస్సార్‌ సీపీ ఎంపీ పెద్దిరెడ్డి మిథున్‌రెడ్డిపై టీడీపీ గూండాల దాడిని తీవ్రంగా ఖండిస్తున్నామని ఆ పార్టీ ఎన్టీఆర్‌ జిల్లా అధ్యక్షుడు దేవినేని అవినాష్‌ పేర్కొన్నారు. పార్లమెంటు సభ్యునిగా ఉన్న ప్రజాప్రతినిధిపై టీడీపీ గుండాలు దాడికి పాల్పడటం ప్రజాస్వామ్య వ్యవస్థపై దాడి చేయడమేనని ఆయన ఆగ్రహం వ్యక్తం చేశారు. జెడ్‌ ప్లస్‌ భద్రత ఉన్న వ్యక్తిపై సైతం టీడీపీ గూండాలు దాడికి తెగబడటం రాష్ట్రంలో శాంతిభద్రతల పరిస్థితికి అద్దం పడుతోందన్నారు. కూటమి ప్రభుత్వం వ్యవస్థలను ఉపయోగించుకుని అణచివేతకు పాల్పడినా, ప్రాణాలకు తెగించైనా ప్రజల పక్షాన పోరాటం చేసేందుకు తమ పార్టీ సిద్ధంగా ఉందని స్పష్టం చేశారు. మిథున్‌రెడ్డిపై జరిగిన దాడిని కేంద్ర ప్రభుత్వం తీవ్రంగా పరిగణించి, ఘటనపై సమగ్ర విచారణ జరిపించి బాధ్యులపై కఠిన చర్యలు తీసుకోవాలని అవినాష్‌ డిమాండ్‌ చేశారు. మధురానగర్‌(విజయవాడసెంట్రల్‌): రాష్ట్రంలో స్థానిక సంస్థల ఎన్నికల నామినేషన్ల ఘట్టం ఉద్రిక్తతలు, అక్రమ అరెస్టుల మధ్య కొనసాగుతోందని వైఎస్సార్‌ సీపీ ట్రేడ్‌ యూనియన్‌ రాష్ట్ర అధ్యక్షుడు పూనూరు గౌతమ్‌రెడ్డి విమర్శించారు. విజయవాడ సత్యనారాయణపురంలో శుక్రవారం ఆయన విలేకరుల సమావేశంలో మాట్లాడారు. ప్రజాక్షేత్రంలో గెలుపుపై నమ్మకం లేకనే టీడీపీ ప్రభుత్వం అరాచకాలు, కుయుక్తులకు పాల్పడుతోందని ధ్వజమెత్తారు. ప్రజల్లో పెరుగుతున్న వ్యతిరేకతను చూసి భయపడే అధికార పార్టీ.. పోలీసుల సపోర్ట్‌తో దాడులను ప్రోత్సహిస్తోందని మండిపడ్డారు. పల్నాడు జిల్లా దాచేపల్లిలో.. సాఫ్ట్‌వేర్‌ ఉద్యోగం వదిలి స్థానిక ఎన్నికల్లో పోటీ చేస్తున్న కొప్పుల రవిని అక్రమంగా అరెస్ట్‌ చేయడం దారుణమైన చర్యగా అభివర్ణించారు. ప్రజాస్వామ్యయుతంగా ఎన్నికల్లో పోటీ చేయాలనుకుంటున్న యువతను బెదిరించడం సరికాదని హితవు పలికారు. ఎంపీ మిథున్‌రెడ్డిపై దాడి చేయడం, వాహనాలను ధ్వంసం చేయడం, పుంగనూరులో నామినేషన్లకు వెళ్లకుండా అడ్డుకోవడం హేయమైన చర్య అని ఆయన మండిపడ్డారు. ప్రతిపక్ష నేతలు, అభ్యర్థులపై జరుగుతున్న దాడులను తక్షణమే నిలిపివేయాలని డిమాండ్‌ చేశారు. ప్రజాస్వామ్యాన్ని అపహాస్యం చేస్తున్న అధికార పార్టీ తీరును ప్రజలు గమనిస్తున్నారని, త్వరలోనే బుద్ధి చెబుతారని హెచ్చరించారు.

మూలా నక్షత్రాన్ని పురస్కరించుకుని సరస్వతీ దేవి అలంకారంలో దర్శనమిచ్చిన దుర్గమ్మ సీఎం నారా చంద్రబాబునాయుడు దంపతులు పట్టువస్త్రాలను సమర్పించారు. అనంతరం ఆలయ ప్రాంగణంలోని రావిచెట్టు వద్ద కొలువై ఉన్న అపరాజిత అమ్మవారిని చంద్రబాబునాయుడు దంపతులు దర్శించుకున్నారు. అనంతరం మీడియా పాయింట్‌లో మాట్లాడుతూ రాష్ట్రంలో వర్షాలు పుష్కలంగా కురవాలని, కరువును ఎదుర్కొనే శక్తిని ప్రసాదించమని అమ్మవారిని వేడుకున్నట్లు సీఎం పేర్కొన్నారు. శుక్రవారం సాయంత్రం వరకూ సుమారు లక్షకు పైగా భక్తులు అమ్మవారిని దర్శించుకున్నారని అధికారులు పేర్కొన్నారు. కాగా ఉత్సవాలలో ఏడో రోజైన శనివారం దుర్గమ్మ వారు శ్రీమహాలక్ష్మీదేవిగా భక్తులకు దర్శనమిస్తారు. ఈ అలంకారంలో అమ్మవారిని దర్శించడం వల్ల అష్టైశ్వర్యప్రాప్తి, విజయం లభిస్తాయని భక్తుల విశ్వాసం.

పెనమలూరు: పెదపులిపాక గ్రామంలో శుక్రవారం రాత్రి కొండచిలువ గ్రామస్తులను భయభ్రాంతులకు గురిచేసింది. గ్రామంలో పెద్ద కరకట్ట దిగువున కృష్ణానదికి వెళ్లే మార్గంలో ఖాళీస్థలంలో కొండ చిలువను గ్రామస్తులు చూశారు. కొండచిలువ కోడిని పట్టి మింగసాగింది. ఈ సమాచారం తెలుసుకున్న గ్రామ పంచాయతీ కార్యదర్శి ఓగిరాల తిరుమల వెంకటరత్నం వెంటనే స్నేక్‌ క్యాచర్‌ ప్రభాకరరావును పిలిపించారు. ఖాళీ స్థలంలో ఉన్న కొండ చిలువను పొక్లయినర్‌ సాయంతో బయటకు తీయగా స్నేక్‌క్యాచర్‌ ప్రభాకర్‌రావు చాకచక్యంగా దానిని పట్టుకున్నారు. కొండ చిలువను మూలపాడులో ఉన్న అటవీ ప్రాంతంలో వదలటానికి తీసుకెళ్లారు.

కృష్ణలంక(విజయవాడతూర్పు): అమరావతితో పాటు విజయవాడను కూడా జంట నగరాలుగా.. సమాంతరంగా అభివృద్ధి చేయాలని, లేనిపక్షంలో నగరం డెడ్‌ సిటీగా మారుతుందని పలువురు వక్తలు ఆందోళన వ్యక్తం చేశారు. గవర్నర్‌పేటలోని బాలోత్సవ భవన్‌లో సీపీఎం ఆధ్వర్యంలో సీపీఎం రాష్ట్ర కమిటీ సభ్యుడు డి.కాశీనాథ్‌ అధ్యక్షతన గురువారం రౌండ్‌టేబుల్‌ సమావేశం నిర్వహించారు. ఈ సందర్భంగా మాజీ మేయర్‌ జంద్యాల శంకర్‌ మాట్లాడుతూ అర్హత లేని నాయకత్వం, సరైన శిక్షణ లేని అధికారుల వలన నగర పరిపాలన కుంటుపడుతోందని విమర్శించారు. నగరంలో కొత్త లేఅవుట్లలో లిక్విడ్‌, సాలిడ్‌ వేస్ట్‌ డిస్పోజల్‌, టాయిలెట్ల నిర్వహణ సరిగ్గా లేకపోవడం వల్ల భవిష్యత్‌లో తీవ్రమైన సమస్యలు వస్తాయని హెచ్చరించారు. నిధులు వెచ్చించాలి.. సీపీఎం రాష్ట్ర కార్యదర్శి వర్గ సభ్యుడు సీహెచ్‌ బాబూరావు మాట్లాడుతూ 15 లక్షలకు పైగా జనాభా ఉన్న విజయవాడకు తగిన నిధులు కేటాయించకపోవడంపై మండిపడ్డారు. సీఆర్డీఏ నిధుల్లో 50 శాతం నిధులను విజయవాడ అభివృద్ధికి కేటాయించాలని, గత 12 ఏళ్లుగా అపరిష్కృతంగా ఉన్న మెట్రో రైలు లేదా ప్రత్యామ్నాయ ప్రజా రవాణా వ్యవస్థను వెంటనే ఏర్పాటు చేయాలన్నారు. సలహాలు తీసుకోవాలి.. మాజీ మంత్రి వడ్డే శోభనాద్రీశ్వరరావు మాట్లాడుతూ ప్రజాస్వామ్యంలో ప్రజల అభిప్రాయాలను, మేధావుల సలహాలను తీసుకోవడం ప్రభుత్వాల బాధ్యత అని గుర్తు చేశారు. జీవో నంబర్‌ 74 తెచ్చి వైద్య, విద్య, మంచినీరు, డ్రెయినేజీ వంటి ప్రాథమిక రంగాలను ప్రైవేటీకరించే ప్రయత్నాలు జరుగుతున్నాయని, వీటిని తీవ్రంగా వ్యతిరేకిస్తున్నట్లు తెలిపారు. అది హాస్యాస్పదం.. ప్రజా వైద్యశాల వైద్యుడు డాక్టర్‌ సుధాకర్‌ మాట్లాడుతూ అమరావతి నిర్మాణం కోసం విదేశీ టౌన్‌ ప్లానర్లను పిలవడం, సినిమా డైరెక్టర్ల చేత అప్రూవల్‌ చేయించడం వంటి అంశాలు హాస్యాస్పదంగా ఉన్నాయన్నారు. ఐలూ వర్కింగ్‌ ప్రెసిడెంట్‌ సుంకర రాజేంద్రప్రసాద్‌, ట్యాక్స్‌ పేయర్స్‌ అసోసియేషన్‌ అధ్యక్షుడు వి.సాంబిరెడ్డి, కాంగ్రెస్‌ నగర అధ్యక్షుడు నరహరిశెట్టి నరసింహారావు, న్యూ డెమోక్రసీ నాయకుడు పోలారి, లయోలా కాలేజ్‌ ప్రతినిధి దాసు, డాక్టర్‌ పట్టాభిరామ్‌, జి.నాగేశ్వరరావు తదితరులు మాట్లాడారు.

మచిలీపట్నంటౌన్‌: మునిసిపల్‌ ఎన్నికల నేపథ్యంలో వైఎస్సార్‌ సీపీ శ్రేణుల్లో నూతనోత్సాహం నెలకొంది. ఇప్పటికే మచిలీపట్నం మేయర్‌, కొండపల్లి, ఉయ్యూరు చైర్‌పర్సన్‌ అభ్యర్థులను పార్టీ ప్రకటించడంతో జోష్‌ మరింత పెరిగింది. మచిలీపట్నం మేయర్‌ అభ్యర్థిగా లంకా జ్యోతి పేరును పార్టీ అధిష్టానం గురువారం రాత్రి ఖరారు చేసింది. జ్యోతి మాజీ డెప్యూటీ మేయర్‌ లంకా సూరిబాబు సతీమణి కావడం గమనార్హం. 1975 డిసెంబర్‌ 14వ తేదీన జన్మించిన లంకా జ్యోతి నగరంలోని రుస్తుంబాద మున్సిపల్‌ బాలికోన్నత పాఠశాలలో పదో తరగతి వరకు చదువుకున్నారు. ఆమె మామయ్య లంక అచ్చయ్య నాయుడు 1981లో పేర్ని కృష్ణ మూర్తితో కలసి సహచర మున్సిపల్‌ కౌన్సిలర్‌గా పని చేశారు. ఆ తర్వాత అచ్చయ్య నాయుడు కుమారుడు సూరిబాబు రాజకీయాల్లోకి వచ్చి 1995లో బందరు మండలం అరిసేపల్లి పీఏసీఎస్‌ డైరెక్టర్‌గా పనిచేశారు. 2000లో కౌన్సిలర్‌గా, 2005లో మున్సిపల్‌ కో– ఆప్షన్‌ సభ్యుడిగా, 2014లో కౌన్సిలర్‌గా, 2021లో కార్పొరేషన్‌ డెప్యూటీ మేయర్‌గా పని చేశారు. లంకా సూరిబాబు, జ్యోతి వివాహం 1990లో జరిగింది. వీరికి కుమార్తె మౌనిక, కుమారుడు క్రాంతి కుమార్‌ ఉన్నారు. మౌనికకు వివాహం కాగా, క్రాంతి కుమార్‌ డిగ్రీ పూర్తి చేశాడు. తాజా కార్పొరేషన్‌ ఎన్నికల్లో మేయర్‌ పదవి బీసీ మహిళకు కేటాయించడంతో తూర్పు కాపు సామాజిక వర్గానికి చెందిన జ్యోతిని పేర్ని నాని సూచన మేరకు వైఎస్సార్‌ సీపీ అధిష్టానం ఖరారు చేసింది. వైఎస్సార్‌ సీపీకి సాధారణంగానే ఎస్సీ, ఎస్టీ, బీసీ, మైనార్టీ వర్గాలు అండగా ఉంటాయని, తూర్పు కాపు సామాజిక వర్గానికి చెందిన జ్యోతికి కాపు సామాజిక వర్గానికి చెందిన వారు పార్టీలకు అతీతంగా మద్దతు తెలుపుతారని, ఆమె విజయం ఖాయమని విశ్లేషకులు పేర్కొంటున్నారు. మేయర్‌ అభ్యర్థిగా ఖరారైన జ్యోతి, ఆమె భర్త సూరిబాబుకు పలువురు అభినందనలు తెలిపారు. కొండపల్లి చైర్‌పర్సన్‌ అభ్యర్థిగా తేజస్వి ఇబ్రహీంపట్నం: కొండపల్లి మునిసిపాలిటీ వైఎస్సార్‌ సీపీ చైర్‌పర్సన్‌ అభ్యర్థిగా నల్లమోతు తేజస్వి పేరును పార్టీ అధిష్టానం గురువారం అధికారికంగా ప్రకటించింది. రాజకీయ నేపథ్యం కలిగిన కుటుంబం నుంచి వచ్చిన 47 ఏళ్ల నల్లమోతు తేజస్వి 2024లో గొల్లపూడి ఏఎంసీ డైరెక్టర్‌గా పనిచేశారు. ఆమెది ఎస్సీ మాదిగ సామాజిక వర్గం. తేజస్వి భర్త నల్లమోతు ప్రకాశరావు పార్టీ ఎస్సీ సెల్‌ రాష్ట్ర కార్యదర్శిగా కొనసాగుతున్నారు. ఆమె కుమార్తె నల్లమోతు ప్రియాంక 2021 మున్సిపల్‌ ఎన్నికల్లో 24వ వార్డు నుంచి వైఎస్సార్‌ సీపీ అభ్యర్థిగా పోటీ చేశారు. మాజీ మంత్రి జోగి రమేష్‌ సూచనలతో పార్టీ అధిష్టానం తేజస్వి పేరును ప్రకటించింది. ఈ నెల 18వ తేదీన అట్టహాసంగా నామినేషన్‌ వేసేందుకు ఆమె ఏర్పాట్లు చేసుకుంటున్నారు. ఉయ్యూరు చైర్‌పర్సన్‌ అభ్యర్థిగా దివ్య ఉయ్యూరు(కంకిపాడు): ఉయ్యూరు మునిసిపల్‌ వైఎస్సార్‌ సీపీ చైర్‌పర్సన్‌ అభ్యర్థిగా ఉయ్యూరు పట్టణానికి చెందిన పైడిముక్కల దివ్యను పార్టీ అధిష్టానం ఖరారు చేసింది. ఇటీవల విడుదలైన మునిసిపాలిటీ గజిట్‌ నోటిఫికేషన్‌లో ఉయ్యూరు మున్సిపాలిటీ చైర్మన్‌ ఎస్సీకి రిజర్వు అయ్యింది. ఈ స్థానానికి వైఎస్సార్‌ సీపీ నియోజకవర్గ సమన్వయకర్త దేవభక్తుని చక్రవర్తి పర్యవేక్షణలో పార్టీ మునిసిపల్‌ నేతలతో సమావేశం నిర్వహించారు. ఈ మేరకు ఏకగ్రీవంగా మున్సిపల్‌ చైర్‌పర్సన్‌ అభ్యర్థిగా పార్టీ యువజన విభాగం నియోజకవర్గ అధ్యక్షుడు గడ్డం చైతన్య సతీమణి పైడిముక్కల దివ్యను ఖరారు చేశారు. 1994 మే 31వ తేదీన జన్మించిన దివ్య బీటెక్‌ డిగ్రీ పొందారు. మునిసిపాలిటీ పరిధిలోని 32 వార్డుల అభ్యర్థులను శుక్రవారం ఖరారు చేయనున్నారు. అధికార టీడీపీ, కూటమి కుయుక్తులను తిప్పికొట్టేలా ఉయ్యూరు మున్సిపాలిటీలో పట్టు సాధించేందుకు వైఎస్సార్‌ సీపీ అన్ని విధాలా ప్రయత్నం చేస్తోంది. ఉయ్యూరు చైర్‌పర్సన్‌ అభ్యర్థి పైడిముక్కల దివ్య కొండపల్లి చైర్‌పర్సన్‌ అభ్యర్థి నల్లమోతు తేజస్వి

కంకిపాడు: సాగునీటి సమస్యపై రైతులు రోడ్డెక్కారు. అధికారుల నిర్లక్ష్య వైఖరిని నిరసిస్తూ కోమటిగుంట రెగ్యులేటర్‌ వద్ద ధర్నాకు దిగారు. రెండు రోజుల్లో పంట కాలువలకు సాగునీటిని మళ్లించి తమను ఆదుకోకపోతే ఆందోళనలు తీవ్రం చేస్తామని హెచ్చరించారు. పంటలు ఎండిపోతే తమకు ఆత్మహత్యలే దిక్కు అని వాపోయారు. మండలంలోని మంతెన, తెన్నేరు, జగన్నాథపురం గ్రామాలకు చెందిన రైతులు గురువారం కోమటిగుంట రెగ్యులేటర్‌ వద్ద మెరుపు ధర్నాకు దిగారు. పంట కాలువలకు నీటిని మళ్లించి చిరుపొట్టదశలో ఉన్న వరి పైర్లను కాపాడాలని రైతులు నినాదాలు చేశారు. మంతెన, తెన్నేరు, జగన్నాఽథపురం, కండ్రిక, తరిగొప్పల గ్రామాల పరిధిలో సుమారు 3500 ఎకరాల్లో వరి పైరు సాగులో ఉందని, ప్రస్తుతం చిరుపొట్ట దశలో ఉన్న పైరుకు సాగునీరు అందక పొలాలు నెర్రలిస్తున్నాయని, పంటలు ఎండుముఖం పడుతున్నాయని రైతులు ఆవేదన వ్యక్తం చేశారు. స్థానికంగా విధులు నిర్వర్తిస్తున్న లాకు సూపరింటెండెంట్‌కు రైతులు సాగునీటి సమస్యను విన్నవించారు. సాగునీటి కోసం విజయవాడలో ధర్నా చేసుకోవాలని ఆ అధికారి సూచించటంతో రైతులు ఆగ్రహం వ్యక్తం చేశారు. పాలకుల నిర్లక్ష్యమే కారణం.. వైఎస్సార్‌సీపీ బీసీ విభాగం రాష్ట్ర కార్యదర్శి కొండవీటి వెంకట సుబ్బారావు రైతులను ఉద్దేశించి మాట్లాడుతూ ఏటా రెగ్యులేటర్‌ లెవల్‌ మెయింటెనెన్స్‌ లోపాలు కారణంగా ఎగువ ప్రాంతాల్లో సాగు చేస్తున్న తమ పొలాలు దెబ్బతిని ఆర్థికంగా నష్టపోతున్నామన్నారు. పాలకులు, అధికారుల నిర్లక్ష్యమే ఇందుకు కారణమని ఆరోపించారు. ఎకరాకు రూ 30 వేలకు పైగా పెట్టుబడులు పెట్టామని, చిరు పొట్ట దశలో ఉన్న వరి పైర్లకు ప్రస్తుతం సాగునీరు అవసరమన్నారు. సమస్యను స్థానిక ఎమ్మెల్యే బోడె ప్రసాద్‌, ఇరిగేషన్‌ అధికారుల దృష్టికి తీసుకెళ్లామన్నారు. కోమటిగుంట రెగ్యులేటర్‌ వద్ద ఆందోళన

ఇంద్రకీలాద్రి(విజయవాడపశ్చిమ): శ్రీ దేవీ శరన్నవరాత్రి మహోత్సవాలను పురస్కరించుకుని ఇంద్ర కీలాద్రిపై కొలువై ఉన్న దుర్గమ్మ గురువారం శ్రీ లలితా త్రిపుర సుందరీదేవిగా భక్తులకు దర్శనమిచ్చారు. శ్రీలక్ష్మీదేవి, శ్రీసరస్వతీదేవి ఇరువైపులా వింజామరలతో సేవిస్తూ ఉండగా చిరు మందహాసంతో, వాత్సల్యరూపిణిగా చెరకు గడ చేబూనిన అమ్మవారు భక్తులను కరుణించారు. శ్రీలలితా త్రిపుర సుందరీదేవి అలంకారంలో దుర్గమ్మను భక్తులు వేలాదిగా దర్శించుకున్నారు. బ్రేక్‌ లేని వీఐపీ దర్శనాలు తెల్లవారుజాము నుంచి రాత్రి 11 గంటల వరకు భక్తుల రద్దీ ఏకరీతిగా కొనసాగింది. వీఐపీలు, సిఫార్సులు ఉన్న వారు ఘాట్‌ రోడ్డు మీద దర్జాగా కొండపైకి వెళ్లి అర్ధగంటలో దర్శనం పూర్తి చేసుకుని తిరిగి వెళ్తుంటే.. క్యూలైన్‌లో ఉన్న భక్తుల దర్శనానికి మూడు గంటలకు పైగానే సమయం పట్టింది. దీంతో క్యూలైన్‌లో చిన్న పిల్లలు, వృద్ధులు ఇబ్బందిపడ్డారు. వీఐపీలకు ప్రత్యేక టైం స్లాట్‌ కేటాయించినా అమలు కాలేదు. ఉదయం నుంచి సాయంత్రం వరకు యథేచ్ఛగా వీఐపీ బ్రేక్‌ దర్శనాలు, సిఫార్సు దర్శనాలు కొనసాగాయి. రూ.1000 టికెట్ల విక్ర యాలు నిలిపివేసినా, వీఐపీ దర్శనాలకు విచ్చేస్తుండటంతో క్యూలైన్‌లో గంటల తరబడి వేచి ఉన్న భక్తులు వారిని నిలదీయడం కనిపించింది. లక్ష్మీగణపతి విగ్రహం వద్ద, ఫుట్‌బ్రిడ్జి సమీపంలో భక్తులు గుమిగూడి ఉండటంతో దేవదాయ కమిషనర్‌ రామచంద్రమోహన్‌ ఆలయ అధికారులు, పోలీసు అధికారులపై ఆగ్రహం వ్యక్తం చేశారు. ఆలయ ప్రాంగణంలోని చిన్న గాలిగోపురం గేట్లకు తాళాలు వేసి వాటిని తన వద్దే పెట్టుకున్నారు. శ్రీశైలం, అన్నవరం దేవస్థానాల నుంచి పట్టువస్త్రాలు దసరా ఉత్సవాల నేపథ్యంలో దుర్గమ్మకు శ్రీశైలం, అన్నవరం దేవస్థానాల నుంచి పట్టువస్త్రాలు సమ ర్పించారు. శ్రీశైలం దేవస్థానం ఈఓ శ్రీనివాసరావు, అన్నవరం దేవస్థాన ఈఓ చక్రధరరావు, ఆయా ఆలయాల అర్చకులు, వేద పండితులు పట్టువస్త్రాలను సమర్పించేందుకు ఇంద్రకీలాద్రికి విచ్చేశారు. దుర్గగుడి ఈఓ శీనానాయక్‌, చైర్మన్‌ రాధాకృష్ణ వారికి సాదరంగా స్వాగతం పలికారు. 5 రోజుల్లో 7 లక్షల మందికి దర్శనం దసరా ఉత్సవాల్లో ఐదు రోజుల్లో ఏడు లక్షల మంది అమ్మవారిని దర్శించుకున్నారని ఆలయ ఈఓ శీనానాయక్‌ తెలిపారు. సుమారు 72 వేల మందికి అన్న ప్రసాదం అందజేశామని, 8.80 లక్షల లడ్డూలు విక్రయించామని పేర్కొన్నారు. శుక్రవారం సాయంత్రం సుమారు నాలుగు గంటల సమయంలో సీఎం చంద్రబాబు అమ్మవారికి పట్టువస్త్రాలు సమర్పిస్తారని ఈఓ వెల్లడించారు. నేడు శ్రీసరస్వతీదేవి అలంకారం మూలా నక్షత్రం అమ్మవారి జన్మనక్షత్రం. శుక్రవారం మూలా నక్షత్రాన్ని పురస్కరించుకుని అమ్మవారిని శ్రీసరస్వతీదేవిగా భక్తులకుదర్శనమిస్తారు. అజ్ఞానాన్ని పారదోలి జ్ఞానజ్యోతిని వెలిగించే జ్ఞాన ప్రదాయిని సరస్వతీదేవి. సరస్వతి దర్శనం అఖిల విద్యాభ్యుదయ ప్రదాయకం. ఐదో రోజు ఆదాయం రూ.29.83 లక్షలు ఉత్సవాల్లో ఐదో రోజు గురువారం రూ.29.83 లక్షల ఆదాయం సమకూరిందని ఆలయ అధికారులు తెలిపారు. సింగిల్‌ లడ్డూ విక్రయం ద్వారా రూ.1.17 లక్షలు, ఆరు లడ్డూల బాక్సుల ద్వారా రూ.17 లక్షలు, మూడు లడ్డూల బాక్సుల విక్రయం ద్వారా రూ.1.30 లక్షలు, శ్రీచక్ర పెద్ద లడ్డూ విక్రయం ద్వారా రూ.10 లక్షల మేర ఆదాయం సమకూరిందని వివరించారు. ఇక కేశఖండనశాలలో తలనీలాల టికెట్ల ద్వారా రూ.28,680 ఆదాయం లభించిందని పేర్కొన్నారు. సత్యనారాయణపురం(విజయవాడసెంట్రల్‌): విజయవాడ నగరానికి చెందిన డ్రగ్స్‌ విక్రేత బషీర్‌ పోలీసుల అదుపులో ఉన్నట్లు విశ్వసనీయ సమాచారం. పటమటలోని హైస్కూల్‌ రోడ్డుకు చెందిన నాగసౌమ్య బెంగళూర్‌ నుంచి నగరానికి మత్తు పదార్థాలు తీసుకొస్తూ రెండు రోజుల క్రితం పోలీసులకు పట్టుబడింది. ఆ క్రమంలో ఆమెను అదుపులోకి తీసుకొని విచారించగా.. నాగసౌమ్య డ్రగ్స్‌ విక్రేత బషీర్‌ కోసం పని చేస్తున్నట్లు తెలిసింది. ఈ క్రమంలోనే సత్యనారాయణపురం పోలీసులు బషీర్‌ను అదుపులోకి తీసుకొని విచారిస్తున్నట్లు సమాచారం. దసరా ఉత్సవాల్లో దుర్గా మల్లేశ్వర స్వామి వార్లకు నిత్యం నగరోత్సవ సేవ నిర్వహిస్తున్నారు. గురువారం ఆదిదంపతులకు ఆలయ అర్చకులు పూజా కార్యక్రమాలను నిర్వహించి ఊరేగింపు ప్రారంభించారు. మేళతాళాలు, మంగళ వాయిద్యాలు, కేరళ వాయిద్యాలు, భక్తజనుల కోలాట నృత్యాల నడుమ ఈ నగరోత్సవం కనుల పండువగా సాగింది. ఉత్సవాలను పురస్కరించుకుని కొండపై కొలువైన ఆదిదంపతులు తమ మధ్యకు రావడంతో భక్తులు తన్మయం చెందుతున్నారు.

సాక్షి ప్రతినిధి, విజయవాడ: కూటమిలో విజయవాడ మేయర్‌ పదవి చిచ్చు రగిలించింది. ఇప్పటి వరకూ తెలుగుదేశం పార్టీ తరఫున పెద్ద సంఖ్యలో మేయర్‌ పదవి కోసం పోటీ పడ్డారు. అయితే చివరికి ఆ పదవిని జనసేన పార్టీకి ఇవ్వడానికి అధిష్టానం సంసిద్ధత వ్యక్తం చేయడం తెలిసిందే. జనసేన తరఫున తెలుగుదేశం పార్టీ నుంచి ఒక్కరోజు ముందు జనసేన కండువా కప్పుకొన్న వంగవీటి రాధాకృష్ణకు సీటు కేటాయించడం ఇటు జనసేన, అటు టీడీపీ వర్గాల్లో తీవ్ర అసంతృప్తికి తెరలేపింది. నైరాశ్యంలో ఆశావహులు రాజధానికి దగ్గరలో ఉన్న కీలకమైన విజయవాడను తమ చేతుల్లో ఉంచుకోవాలని తెలుగుదేశం కేడర్‌ మొదటి నుంచి ఆశించింది. పార్టీ నుంచి ఎమ్మెల్యే బొండా ఉమా కుమారుడు సిద్ధార్థ్‌, దేవి నేని చందూ, గద్దె అనురాధ, బొప్పన భవకుమార్‌, చెన్నుపాటి గాంధీ, ముద్దరబోయిన వెంకటేశ్వరరావుతో పాటు పలువురు మేయర్‌ పదవి కోసం గట్టిగా ప్రయత్నించారు. వారిని కాదని ఈ సీటు జనసేనకు ఇవ్వడానికి అధిష్టానం మొగ్గుచూపింది. అయితే అక్కడ కూడా తమ పార్టీ అభ్యర్థినే రంగంలోకి దింపేలా పావులు కదిపింది. దీనిలో భాగంగా ఇప్పటి వరకూ ఎమ్మెల్సీ ఇస్తామని ఊరిస్తూ వచ్చిన వంగవీటి రాధాను జనసేనలోకి పంపి అక్కడి నుంచి మేయర్‌ అభ్యర్థిగా బరిలోకి దింపాలని భావించింది. ఈ పరిణామాన్ని తెలుగుదేశం శ్రేణులు జీర్ణించుకోలేకపోతున్నాయి. ఎమ్మెల్యే బొండా ఉమాను ముందుపెట్టి.. అధికార పార్టీకి చెందిన సామాజిక వర్గం వారు మేయర్‌ సీటు కోసం ఇంకా ప్రయత్నాలు చేస్తూనే ఉన్నారు. దీని కోసం సెంట్రల్‌ నియోజకవర్గ ఎమ్మెల్యే బొండా ఉమాను రెచ్చగొడుతున్నారు. కాపు సామాజికవర్గం నేతలతో బొండా ఉమా చర్చలు జరుపుతున్నారు. తన కుమారుడికి సీటు ఇవ్వాలని పట్టుపడుతున్నారు. లేనిపక్షంలో కాపు నేతలను రెచ్చ గొట్టడం ద్వారా వచ్చే అసెంబ్లీ ఎన్నికల్లో తన కుమారుడికి సీటు హామీ పొందేందుకు ఆయన తన సర్వశక్తులు ఒడ్డుతున్నారు. వంగవీటి రాధాకు సీటు ఇంకా సీటు ఖరారు కాలేదన్న ప్రచారం మొదలుపెట్టారు. మరోవైపు రాధాకు నిలకడ లేదని, ఇప్పటికే కాంగ్రెస్‌, ప్రజారాజ్యం, వైఎస్సార్‌ సీపీ, తెలుగుదేశం పార్టీల్లో పనిచేసి ఇప్పుడు పదవి కోసం జనసేనలో చేరారంటూ కూటమి నేతలు సోషల్‌ మీడియాలో తమ వారితో ప్రచారం చేయిస్తున్నారు. మరో వైపు జనసేన పార్టీలో కూడా తీవ్ర అసంతృప్తి వ్యక్తం అవుతోంది. తమ పార్టీకి సీటు కేటాయించామని చెబుతూ తెలుగుదేశంలో నుంచి తీసుకొచ్చిన రాధాకు సీటు ఇవ్వడమేంటని జనసేన నాయకులు ప్రశ్నిస్తున్నారు. విజయవాడ సీటు టీడీపీ వారే తీసుకుని రాధాకృష్ణకు ఇచ్చి ఉంటే బాగుండేదని, తమకు వేరే చోట ఇవ్వాల్సిందని వాదిస్తున్నారు. విజయవాడ కార్పొరేషన్‌, తిరువూరు, పెడన మునిసిపాలిటీలు జనసేనకు కేటాయించి, మిగిలిన చోట్ల టీడీపీ పోటీ చేసేలా పొత్తు కుదిరింది. కార్పొరేటర్ల సీట్ల విషయంలో కూటమి ఇంకా అంగీకారానికి రాలేదు. జనసేనకు పది సీట్లు, బీజేపీకి మూడు నియోజకవర్గాల్లో ఒక్కో సీటు చొప్పున ఇస్తామంటూ తెలుగుదేశం పార్టీ నుంచి బేరం మొదలుపెట్టారు. అయితే జనసేన వారు తమకు ప్రతి నియోజకవర్గంలో ఎనిమిది సీట్లు ఇవ్వాల్సిందేనని తెగేసి చెప్పింది. మరోవైపు బీజేపీ కూడా తమకు పది స్థానాలకు తగ్గకుండా కావాలని, పశ్చిమంలో ఎక్కువ స్థానాలు ఇవ్వాలని పట్టుపట్టింది. ఈ చర్చల్లో కూటమి నుంచి ఎమ్మెల్యే గద్దె రామ్మోహన్‌, గద్దె అనురాధ, బొండా ఉమా, అమ్మిశెట్టి వాసు, అబ్బూరు శ్రీరామ్‌ పాల్గొన్నారు.

నున్న(విజయవాడరూరల్‌): ఎన్నికల నోటిఫికేషన్‌ వెలువడిన నేపథ్యంలో నున్న గ్రామంలో ఇళ్ల మధ్య మద్యం దుకాణం ఏర్పాటు చేయడంపై స్థానిక మహిళలు గురువారం ఆందోళన చేశారు. గ్రామ పంచాయతీతో పాటు సంబంధిత శాఖల నుంచి అనుమతులు పొందకుండానే మద్యం దుకాణం ఏర్పాటు చేశారని ఆరోపిస్తూ మద్యం దుకాణం ఎదుట బైఠాయించి నిరసన తెలిపారు. నున్న–గుణదల రోడ్డులో ఓ అపార్ట్‌మెంట్‌ పక్కనే ఉన్న భవనంలో విజయవాడ నగరానికి చెందిన ఓ వ్యక్తి మద్యం దుకాణం ఏర్పాటు చేశారు. ఇటీవల నిర్వహించిన మద్యం వేలంలో ప్రొవిజనల్‌ లైసెన్స్‌ పొందిన సదరు వ్యక్తి స్థానికంగా అవసరమైన అనుమతులు తీసుకోకుండానే దుకాణం ప్రారంభించారని మహిళలు ఆరోపించారు. ఇరుకై న రోడ్డు పక్కన, నివాసాల మధ్య మద్యం దుకాణం ఏర్పాటు చేయడం వల్ల తమకు భద్రతాపరమైన సమస్యలు ఎదురవుతాయని ఆందోళన వ్యక్తం చేశారు. దుకాణాన్ని తక్షణమే తొలగించాలని, లేనిపక్షంలో ఆందోళనను ఉద్ధృతం చేస్తామని హెచ్చరించారు. తాత్కాలికంగా మూసివేత.. మహిళల నిరసనతో నున్న రూరల్‌ పోలీసులు ఘటనా స్థలానికి చేరుకుని మద్యం దుకాణం, గ్రామ పంచాయతీ అనుమతులపై ఆరా తీశారు. తక్షణమే దుకాణాన్ని మూసివేయాలని నిర్వాహకుడికి సూచించారు. దీంతో దుకాణాన్ని తాత్కాలికంగా మూసివేశారు. తిరిగి తెరిస్తే మరింత పెద్ద ఎత్తున ఆందోళన చేపడతామని మహిళలు హెచ్చరించారు.

లబ్బీపేట(విజయవాడతూర్పు): వైఎస్సార్‌ సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి ఆదేశాల మేరకు విజయవాడ పశ్చిమ నియోజకవర్గానికి చెందిన వానపల్లి త్రిమూర్తులును రాష్ట్ర చేనేత విభాగం ప్రధాన కార్యదర్శిగా నియమించారు. గన్నవరం నియోజకవర్గానికి చెందిన నీలం ప్రవీణ్‌కుమార్‌ను రాష్ట్ర ఎస్సీ విభాగం కార్యదర్శిగా నియమించారు. ఈ మేరకు పార్టీ కేంద్ర కార్యాలయం నుంచి గురువారం ఆదేశాలు జారీ అయ్యాయి. మొగల్రాజపురం(విజయవాడ తూర్పు): ప్రపంచ ప్రమాణాల దినోత్సవం (వరల్డ్‌ స్టాండర్డ్స్‌ డే)ను నగరంలోని స్కూల్‌ ఆఫ్‌ ప్లానింగ్‌ అండ్‌ ఆర్కిటెక్చర్‌ కళాశాల ఆవరణలో ఘనంగా గురువారం నిర్వహించారు. ఈ సందర్భంగా కళాశాల ఆవరణలోని కృష్ణవేణి సభాఘర్‌లో సభ జరిగింది. బ్యూరో ఆఫ్‌ ఇండియన్‌ స్టాండర్డ్స్‌ విజయవాడ కార్యాలయం డైరెక్టర్‌ ప్రేమ్‌ సజని పట్నాల మాట్లాడుతూ ఏటా ప్రత్యేకమైన థీమ్‌తో ఈ ప్రపంచ స్టాండర్ట్స్‌ డేను నిర్వహిస్తున్నామని చెప్పారు. ఈ ఏడాది ఎఫర్డ్‌బుల్‌ అండ్‌ క్లీన్‌ ఎనర్జీ–షేర్‌డ్‌ విజన్‌ ఫర్‌ ఏ బెటర్‌ వరల్డ్‌ అనే థీమ్‌తో ఈ ఏడాది వేడుకలను నిర్వహిస్తున్నామని చెప్పారు. స్కూల్‌ ఆఫ్‌ ప్లానింగ్‌ అండ్‌ ఆర్కిటెక్చర్‌ కళాశాల డైరెక్టర్‌ రమేష్‌ శ్రీకొండ, ఇండియన్‌ ఇన్‌స్టిట్యూట్‌ ఆఫ్‌ టెక్నాలజీ(తిరుపతి) ఎలక్ట్రికల్‌ ఇంజినీరింగ్‌ శాఖ అసిస్టెంట్‌ ప్రొఫెసర్‌ డాక్టర్‌ విఘ్నేష్‌, ఆదిత్య బిర్లా గ్రూప్‌ అల్ట్రాటెక్‌ సిమెంట్‌ ప్లాంట్‌ జాయింట్‌ ఎగ్జిక్యూటివ్‌ ప్రెసిడెంట్‌ శివరాజ్‌ వరదరాజన్‌ తదితరులు పాల్గొన్నారు. కళాశాల ఆవరణలో ఏర్పాటు చేసిన ప్రాచీన ఆలయాల నమూనాలను అతిథులు సందర్శించారు.

సంగమేశ్వరం(నాగాయలంక): మండలంలోని సంగమేశ్వరంలో కొలువైన శ్రీగంగాపార్వతీ సమేత సంగమేశ్వరస్వామి దేవస్థానంలో వినాయకస్వామికి భక్తులు గురువారం రూ.1,10,976 విలువైన బంగారు, రూ.5వేలు విలువైన వెండి దంతం సమర్పించారు. హైదరాబాద్‌లో స్థిరపడిన సమీప గ్రామం భావదేవరపల్లికి చెందిన భోగాది కరుణాకర్‌ ఈ ఆభరణాలను దేవదాయశాఖ గుమాస్తా మాజేటి వెంకట నాంచారయ్యకు అందజేశారు. ఈ సందర్భంగా ప్రత్యేక పూజ జరిపి స్వామివారి శేషవస్త్రంతో దాతను ఆలయం తరఫున సన్మానించారు. దాత తండ్రి వెంకటరాయుడు, సోదరి జ్యోతి పాల్గొన్నారు.

చిలకలపూడి(మచిలీపట్నం): చంద్రబాబు ప్రభుత్వ అహంకారపూరిత కుట్రలు స్థానిక సంస్థల ఎన్నికల్లో బయటపడుతున్నాయని, వీటిని ప్రజలు గమనించా లని వైఎస్సార్‌ సీపీ కృష్ణా జిల్లా అధ్యక్షుడు, మాజీ మంత్రి పేర్ని వెంకట్రామయ్య (నాని) పేర్కొన్నారు. స్థానిక సంస్థల రిజర్వేషన్లు ప్రకటిస్తూ కలెక్టర్‌ బుధవారం విడుదల చేసిన గెజిట్‌లో పెనమలూరు మండలంలో జరిగిన రిజర్వేషన్లలో అవకతవకలపై విస్మయం వ్యక్తంచేశారు. ఎంపీపీ పదవి ఎస్టీలకు రిజర్వు చేసి, ఎంపీటీసీ స్థానాలేవీ కేటాయించలేదని విమర్శించారు. ఈ అవకతవకలపై కలెక్టర్‌ డి.కె.బాలాజీకి గురువారం పేర్ని నాని ఫిర్యాదు చేశారు. అనంతరం ఆయన మీడియాతో మాట్లాడుతూ.. పెనమలూరు ఎంపీపీ స్థానాన్ని ఎస్టీలకు రిజర్వు చేసి, ఎంపీటీసీ స్థానాల్లో ఒక్క స్థానాన్ని కూడా వారికి కేటాయించకపోవడం దురదృష్టకరమని అన్నారు. ఈ విషయాన్ని జిల్లా ఎన్నికల అధికారి, కలెక్టర్‌ బాలాజీ దృష్టికి తీసుకెళ్లామని తెలిపారు. ఎన్నికల నిబంధనలు, పంచాయతీరాజ్‌ చట్టం ప్రకారం రిజర్వేషన్‌ ప్రక్రియ నిర్వహించామని, అన్‌ రిజర్వు స్థానంలో పోటీ చేయొచ్చు కదా అని కలెక్టర్‌ చెప్పడం దారుణమన్నారు. అవకతవకలపై న్యాయస్థానాన్ని ఆశ్రయిస్తామని ప్రకటించారు. పేర్ని నాని వెంట వైఎస్సార్‌ సీపీ నాయకులు లంకే వెంకటేశ్వరరావు, గణేశన రమేష్‌, సాక్షి ఫణి తదితరులు ఉన్నారు.

సాక్షి, విజయవాడ: ప్రధానమంత్రి స్కూల్స్‌ ఫర్‌ రైజింగ్‌ ఇండియా(పీఎం శ్రీ) స్కూళ్ల అభివృద్ధి కోసం కేటాయించాల్సిన నిధులు పక్కదారి పడుతున్నాయి. ఈ స్కూళ్లలో పని చేసే ప్రధానోపాధ్యాయులు కొందరు ఒకే వెండార్‌ దగ్గర స్కూళ్లకు అవసరమైన సామగ్రి కొనుగోలు చేసి.. నీకింత నాకింత అనే ధోరణిలో భారీగా కమీషన్లు దండుకున్నారనే ఆరోపణలు ఆ స్కూళ్లలో పని చేసే సిబ్బంది చెప్పడంతో అసలు విషయం వెలుగు చూసింది. ఎంతో ఉన్నతాశయంతో 2022 సెప్టెంబర్‌ 7న జాతీయ విద్యావిధానం (ఎన్‌ఈపీ)లో భాగంగా ఈ పీఎం శ్రీ పథకం ప్రవేశపెట్టి దేశవ్యాప్తంగా ఉన్న 14,500కు పైగా ప్రభుత్వ పాఠశాలలను ఆదర్శవంతమైన స్కూళ్లుగా అభివృద్ధి చేయాలని ఆకాంక్షిస్తూ ప్రారంభించారు. వీటికి వచ్చే నిధుల మంజూరులో మన రాష్ట్రానికి వచ్చే సరికి కేంద్రం వాటా 60 శాతం, రాష్ట్రం వాటా 40 శాతం కేటాయిస్తాయి. గ్రాంట్‌ వినియోగ నిబంధనలు ఇలా.. పీఎం శ్రీ స్కూళ్లకు పీఎం శ్రీ పథకం కింద ప్రతి స్కూల్‌కు ఏటా రెండు రకాల గ్రాంట్లు వస్తాయి. అందులో 2024–25, 2025–26 కు సంబంధించి కాంపోజిట్‌ స్కూల్‌ గ్రాంట్‌ అనేది ఏటా విద్యార్థుల సంఖ్యను బట్టి వస్తుంది. స్కూల్‌లో 30 మంది లోపు విద్యార్థులు ఉంటే రూ. 25,000, సుమారు 100 వరకు ఉంటే రూ.50,000, అలాగే 250 మంది వరకు ఉంటే రూ.75,000, అలాగే 1000 మంది పైన విద్యార్థులు ఉంటే రూ.1,00,000 వస్తుంది. ఈ నిధుల్లో కనీసం 10 శాతం నిధులను స్వచ్ఛత యాక్షన్‌ ప్లాన్‌ (మరుగుదొడ్లు, తాగునీరు, చేతి కడుక్కునే స్టేషన్లు, చెత్త డబ్బాలు)కు తప్పనిసరిగా వాడాలి. మిగిలిన 90శాతం నిధులను లైబ్రరీ పుస్తకాలు, స్పోర్ట్స్‌ సామగ్రి, ల్యాబ్‌ కెమికల్స్‌, ఎలక్ట్రిక్‌ బిల్లు, పాఠశాల ఫర్నిచర్‌ చిన్న మరమ్మతులు (బల్లలు, బెంచీలు), ఇంటర్నెట్‌, జిరాక్స్‌, స్టేషనరీ తోట, పాఠశాల అందం (గ్రీన్‌ స్కూల్‌)కోసం వినియోగించాలి. ఈ నిధులను స్కూళ్లలో భవన నిర్మాణం, టీచర్ల జీతాలు, వ్యక్తిగత వస్తువులను కొనకూడదు. ఏ వస్తువు కొనుగోలు చేసినా వాటికి సంబంధించి పీఎఫ్‌ఎంఎస్‌ పోర్టల్‌లోనే అన్ని ఖర్చులు బిల్లుల రూపంలో ఎంటర్‌ చేయాలి. ఎస్‌ఎంసీ/ఎస్‌ఎండీసీ తీర్మానం తప్పనిసరి. అలాగే 3 కొటేషన్లు, బిల్లులు భద్రపరచాలి. ఉమ్మడి కృష్ణా జిల్లాలో 56 పీఎం శ్రీ స్కూళ్లు ఉన్నాయి. అయితే 2026–27 ఆర్థిక సంవత్సరానికి సంబంధించి ఎన్టీఆర్‌ జిల్లా పరిధిలో ఉన్న 29 స్కూళ్లకు గానూ ఈ ఏడాది రూ.117.88 లక్షలు మంజూరు కాగా.. ఇప్పటికే రూ.102.66 లక్షలకు బిల్లులు సైతం అప్‌లోడ్‌ చేశారు. అక్టోబర్‌ నెల నాటికే 90 శాతం నిధులు వాడేశారు. ఈ నిధులు ఎన్టీఆర్‌ జిల్లా సమగ్ర శిక్ష అడిషనల్‌ ప్రాజెక్టు కార్యాలయం కేంద్రంగా పక్కదోవ పట్టాయనే ఆరోపణలు వినిపిస్తున్నాయి. పీఎం శ్రీ పాఠశాలలకు మంజూరు చేసే నిధులతో ఆయా ప్రధానోపాధ్యాయులు స్కూల్స్‌లో, విద్యార్థులకు అవసరమైన సైన్సు ల్యాబ్‌, మైదానాలు, క్రీడా పరికరాలు తదితర అవసరాలకు వినియోగించాల్సి ఉంది. ఈ క్రమంలో ఆయా పరికరాలు సరఫరా చేసిన వెండర్‌కు నేరుగా నిధులు జమ కావాల్సి ఉంది. కానీ ఎన్టీఆర్‌ జిల్లా వ్యాప్తంగా ఉన్న పాఠశాలల నిధులను కమీషన్ల రూపంలో దండుకునేందుకు పెద్ద ప్రణాళికలే రచించినట్లు తెలుస్తోంది. అన్ని పాఠశాలలకు ఒక్కడే వెండర్‌ను ఎంచుకొని, ఈ నిధులు అసలు ఖర్చు ఎంతో తెలియని విధంగా, కమీషన్ల రూపంలో అడ్డదారిలో పంచుకుంటున్నట్లు సమాచారం. సంబంధిత ఉన్నతాధికారులు వీటిపై చర్యలు తీసుకోవాలని కోరుతున్నారు. పీఎం శ్రీ స్కూళ్లకు సెంట్రల్‌ గవర్నమెంటు నుంచే ప్రొక్యూర్‌మెంట్‌ వస్తాయి. కొన్ని మాత్రమే స్కూల్‌ కమిటీలు కొనుగోలు చేస్తాయి. ఏదైనా నిధులు పక్కదారి అని తెలిస్తే విచారణ చేయిస్తాం. – రమేష్‌బాబు, సమగ్రశిక్ష అడిషనల్‌ ప్రాజెక్టు కోఆర్డినేటర్‌, ఎన్టీఆర్‌ జిల్లా

వన్‌టౌన్‌(విజయవాడపశ్చిమ): ఇంద్రకీలాద్రిపై కొలువైన దుర్గమ్మను కేంద్ర భారీ పరిశ్రమలు, ఉక్కు శాఖ సహాయ మంత్రి భూపతి రాజు శ్రీనివాసవర్మ గురువారం దర్శించుకున్నారు. దేవస్థానం అధికారులు మంత్రికి సంప్రదాయబద్ధంగా స్వాగతం పలికారు. అనంతరం అర్చకులు శాస్త్రోక్తంగా పూజా కార్యక్రమాలు నిర్వహించి అమ్మవారి దర్శనం కల్పించారు. వేదాశీర్వచనం అందించి, అమ్మవారి ప్రసాదాన్ని అందజేశారు. ఆయన మీడియాతో మాట్లాడుతూ అమ్మవారి చల్లని దీవెనలు రాష్ట్ర, దేశ ప్రజలందరిపై ఎల్లప్పుడూ ఉండాలని ప్రార్థించినట్లు తెలిపారు. కార్యక్రమంలో కేంద్ర మంత్రితో పాటు కుటుంబ సభ్యులు, తదితరులు పాల్గొన్నారు. కాకినాడ క్రైం: కాకినాడ జీజీహెచ్‌లో చికిత్స పొందుతున్న రాజమహేంద్రవరం సెంట్రల్‌ జైలు ఖైదీ గురువారం మృతి చెందాడు. వివరాల్లోకి వెళితే.. విజయవాడ కామకోటి నగర్‌కు చెందిన బోయ రవి (34) ఓ హత్య కేసులో జీవిత ఖైదు అనుభవిస్తున్నాడు. అతడికి కాన్సర్‌ వ్యాధి ఉంది. జైలులో ఉండగా తీవ్ర అనారోగ్య సమస్య తలెత్తింది. తొలుత రాజమహేంద్రవరం ప్రభుత్వ ఆస్పత్రికి తరలించారు. అక్కడి వైద్యుల సిఫారసు మేరకు బుధవారం రాత్రి కాకినాడ జీజీహెచ్‌కు తీసుకువచ్చి చేర్చారు. అక్కడి కాన్సర్‌ వార్డులో ఉంచి చికిత్స అందిస్తుండగా ఆరోగ్య పరిస్థితి మరింత విషమించడంతో గురువారం ఉదయం మృతి చెందాడు. ఇంద్రకీలాద్రి(విజయవాడపశ్చిమ): ఇంద్రకీలాద్రిపై కొలువై ఉన్న దుర్గమ్మకు విజయవాడకు చెందిన భక్తులు గురువారం రూ. 15లక్షల విలువైన బంగారు పళ్లెం, పాదుకలను కానుకగా సమర్పించారు. విజయవాడ మోడ్రన్‌ కన్‌స్ట్రక్షన్స్‌ ఇన్‌ఫ్రా ప్రైవేట్‌ లిమిటెడ్‌ ఎండీ పంగలూరి శేషగిరిరావు, సునీత దంపతులు అమ్మవారి దర్శనానికి ఇంద్రకీలాద్రికి వచ్చారు. ఆలయ చైర్మన్‌ రాధాకృష్ణ, స్థానాచార్య శివప్రసాద్‌ శర్మలను కలిసి కానుకలను అందజేశారు. అనంతరం దాతలకు ఆలయ మర్యాదలతో అమ్మవారి దర్శనం కల్పించారు. వేద పండితుల ఆశీర్వచనం అనంతరం దాతలకు అధికారులు అమ్మవారి చిత్రపటం, ప్రసాదాలను అందజేశారు. రైల్వేస్టేషన్‌(విజయవాడపశ్చిమ): విజయవాడ రైల్వేస్టేషన్‌లో ప్రయాణికుడిపై గుర్తు తెలియని వ్యక్తి హత్యాయత్నానికి పాల్పడిన ఘటన ఆలస్యంగా వెలుగులోకి వచ్చింది. జీఆర్‌పీ పోలీసులు తెలిపిన వివరాల ప్రకారం.. నగరంలోని మల్లికార్జునపేట, రావిచెట్టు ప్రాంతానికి చెందిన లంకపల్లి సాయితేజ(28) హోటల్‌లో పనిచేస్తూ కుటుంబంతో కలసి జీవిస్తున్నాడు. ఈ నెల 9న రాత్రి రాజమండ్రి వెళ్లేందుకు విజయవాడ రైల్వేస్టేషన్‌ చేరుకుని టికెట్‌ కోసం సౌత్‌ బుకింగ్‌ కార్యాలయానికి చేరుకున్నాడు. ఆ సమయంలో గుర్తు తెలియని వ్యక్తి హిందీలో మాట్లాడుతూ సాయితేజను ఫోన్‌ ఇవ్వమని అడిగాడు. తన వద్ద లేదని చెప్పడంతో అతన్ని కొట్టి, జేబులో నుంచి కత్తెర బయటకు తీసి ఎడమవైపు పక్కటెముకల భాగంలో పొడిచాడు. దీంతో తీవ్ర రక్తస్రావంతో సాయితేజ పడిపోయాడు. నిందితుడు అక్కడ నుంచి పరారయ్యడు. వెంటనే స్థానికులు 108కి సమాచారం అందించడంతో వారు ప్రభుత్వ ఆసుపత్రికి తరలించగా చికిత్స పొందుతున్నాడు. దీనిపై ఆసుపత్రి నుంచి వచ్చిన సమాచారం మేరకు విజయవాడ జీఆర్‌పీ పోలీసులు అక్కడకు చేరుకుని బాధితుని ఫిర్యాదు మేరకు కేసు నమోదు చేసి దర్యాప్తు చేపట్టారు.

గన్నవరం: ఓ వ్యక్తి అనుమానాస్పద స్థితిలో మృతి చెందిన సంఘటనపై గన్నవరం పోలీసులు గురువారం కేసు నమోదు చేశారు. వారు తెలిపిన సమాచారం ప్రకారం.. మండలంలోని కేసరపల్లి శివారు వీఎన్‌ పురం కాలనీకి చెందిన గజగంటి కోటేశ్వరరావు(42) ఓ ప్రైవేటు కంపెనీ గోదాములో సెక్యూరిటీ గార్డుగా పనిచేస్తున్నాడు. ఇటీవల అప్పుల బాధతో తీవ్ర ఆందోళన చెందుతున్న అతను మద్యానికి బానిసయ్యాడు. దీనికితోడు అనారోగ్య సమస్యలతో కోటేశ్వరరావు ఇబ్బంది పడుతున్నాడు. ఈ నేపథ్యంలో బుధవారం రాత్రి న్యూఆటోనగర్‌లో హౌస్‌ కీపింగ్‌ పనిచేస్తున్న అతని భార్య అనూష ఇంటికి వచ్చి చూడగా ఇనుపరాడ్డుకు చీరతో ఉరివేసుకుని వేలాడుతూ ఉండడం గమనించింది. కిందకు దించి చూడగా అప్పటికే మృతి చెందినట్లుగా నిర్ధారించుకుని పోలీసులకు సమాచారం ఇచ్చారు. భార్య ఫిర్యాదు మేరకు పోలీసులు అనుమానాస్పద మృతిగా కేసు నమోదు చేశారు.

వన్‌టౌన్‌(విజయవాడపశ్చిమ): శరన్నవరాత్రి ఉత్సవాల వేళ శ్రీకాకుళం పట్టణానికి చెందిన కుటుంబం గురువారం విజయవాడ ఇంద్రకీలాద్రిపై కొలువైన దుర్గమ్మకు బంగారు కిరీటం కానుకగా సమర్పించింది. రూ.75 లక్షలతో ఎరుపు, నీలం, తెలుపు, పచ్చ రాళ్లతో సుందరంగా తయారు చేయించిన 494 గ్రాముల బరువు గల నవరత్న కచిత బంగారు కిరీటాన్ని శ్రీకాకుళానికి చెందిన భక్తుడు కూర్మినాయుడు, పద్మావతమ్మ దంపతుల కుమారుడు కె.దుర్గా శ్రీనివాస్‌ అమ్మవారికి సమర్పించారు. ఆలయ ఈఓ కె.శీనానాయక్‌, దసరా చీఫ్‌ ఫెస్టివల్‌ ఆఫీ సర్‌ వి.త్రినాథరావు సంయుక్తంగా ఈ కానుకను స్వీకరించారు. అనంతరం దాత కుటుంబ సభ్యులకు అంతరాలయంలో అమ్మవారి ప్రత్యేక దర్శనం కల్పించారు. వేద పండితులు ఆశీర్వచనం అనంతరం అమ్మవారి శేషవస్త్రం, ప్రసాదాలను అందజేసి సత్కరించారు. దుర్గా శ్రీనివాస్‌ మాట్లాడుతూ దుర్గమ్మ దయవల్లే తాము ఈ కానుకను సమర్పించుకోగలిగామన్నారు. పవిత్ర శరన్నవరాత్రుల్లో అమ్మవారికి స్వర్ణ కిరీటం సమర్పించే భాగ్యం కలిగినందుకు ఆనందంగా ఉందన్నారు. గన్నవరం రూరల్‌: నైపుణ్య అభివృద్ధి, సామర్థ్యాల మెరుగుదల లక్ష్యాలుగా పోటీలు నిర్వహించినట్లు ఎన్‌డీఆర్‌ఎఫ్‌ అధికారులు తెలిపారు. మండలంలోని కొండపావులూరులో ఎన్‌డీఆర్‌ఎఫ్‌ 10వ బెటాలియన్‌ ఆధ్వర్యంలో ఎస్టీఆర్‌ఎఫ్‌ దక్షిణ, దక్షిణ మధ్య జోన్‌ ప్రాంతీయ స్థాయిలో నిర్వహించిన పోటీల్లో తమిళనాడు ఎస్డీఆర్‌ఎఫ్‌ విజేతగా నిలిచింది. ఏపీ ఎస్డీఆర్‌ఎఫ్‌ రన్నరప్‌గా నిలిచింది. ఈ నెల 12 నుంచి 15 వరకూ నాలుగు రోజుల పాటు జరిగిన పోటీల్లో ఏపీ, తెలంగాణ, కర్ణాటక, తమిళనాడు, కేరళం, ఒడిశా ఎస్డీఆర్‌ఎఫ్‌ బృందాలు పాల్గొన్నాయి. ముగింపు కార్యక్రమం గురువారం జరగ్గా ఐజీ పోలీస్‌ ఆపరేషన్స్‌ సీహెచ్‌ శ్రీకాంత్‌ ముఖ్య అతిథిగా హాజరయ్యారు. కమాండెంట్‌ ప్రసన్నకుమార్‌, కల్నల్‌ పి.ఎన్‌. రెడ్డి, పలువురు అధికారులు పాల్గొన్నారు. ఇంద్రకీలాద్రి/వన్‌టౌన్‌(విజయవాడపశ్చిమ): దసరా ఉత్సవాల్లో భాగంగా మూలా నక్షత్రం సందర్భంగా మూడు లక్షల మంది వరకు భక్తులు వచ్చినా ఎలాంటి ఇబ్బందులు కలగకుండా పకడ్బందీ ఏర్పాట్లు చేపట్టినట్లు ఎన్టీఆర్‌ జిల్లా కలెక్టర్‌ జి.లక్ష్మీశ తెలిపారు. నేడు అనుసరించాల్సిన ప్రణాళికపై గురువారం కొండ దిగువ భాగాన ఇరిగేషన్‌ మోడల్‌ గెస్ట్‌ హౌజ్‌లోని కమాండ్‌ కంట్రోల్‌ కేంద్రంలో సీపీ ఎస్‌వీ రాజశేఖరబాబు, దేవదాయ శాఖ కమిషనర్‌ కె.రామచంద్రమోహన్‌, ఆలయ ఈఓ వి.కె.శీనానాయక్‌, స్థానాచార్యుడు విష్ణుభట్ల శివప్రసాదశర్మ తదితరులతో కలిసి కలెక్టర్‌ సమావేశమయ్యారు. వివిధ అంశాలపై చర్చించారు. తొలుత కలెక్టర్‌ హోల్డింగ్‌ పాయింట్లను, క్యూలైన్లను పరిశీలించారు. సమావేశం అనంతరం కలెక్టర్‌ లక్ష్మీశ మీడియాతో మాట్లాడారు. వర్షం కురిసినా భక్తులకు ఇబ్బందులు కలగకుండా దర్శనానికి ప్రత్యామ్నాయ ఏర్పాట్లు చేశామన్నారు. భక్తుల రద్దీ పర్యవేక్షణకు 450 సీసీ కెమెరాలను ఏర్పాటు చేశామన్నారు. సాయంత్రం 4 నుంచి 4.30 గంటల మధ్యలో ముఖ్యమంత్రి చంద్రబాబు అమ్మవారికి పట్టు వస్త్రాలు సమర్పిస్తారన్నారు. మరో 900 మందికి బాధ్యతలు.. పోలీస్‌ కమిషనర్‌ రాజశేఖరబాబు మాట్లాడుతూ మూలానక్షత్రం రోజు అదనంగా మరో 900 మంది పోలీస్‌ సిబ్బందికి బాధ్యతలు అప్పగించినట్లు చెప్పారు. శుక్రవారం వీఐపీ పాస్‌లను రద్దు చేసినట్లు తెలిపారు. దేవదాయ శాఖ కమిషనర్‌ కె.రామచంద్రమోహన్‌ మాట్లాడుతూ మూలానక్షత్రం రోజున మూడు లక్షల మంది వరకు భక్తులు వచ్చే అవకాశముందన్నారు. వైదిక కమిటీ సభ్యులతోనూ చర్చించి భక్తులకు సంతృప్తికర అమ్మవారి దర్శనం లభించేలా ఏర్పాట్లు చేసినట్లు పేర్కొన్నారు.

ఇంద్రకీలాద్రి(విజయవాడపశ్చిమ): మహాచండీ దేవి అలంకారంలో దుర్గమ్మను పలువురు సినీ నటులు బుధవారం దర్శించుకున్నారు. అమ్మ వారి దర్శనానికి విచ్చేసిన సినీ నటులు మురళీ మోహన్‌, రాజారవీంద్ర, శ్రీనివాసరెడ్డికి ఆలయ అధికారులు సాదరంగా స్వాగతం పలికారు. అమ్మవారిని దర్శించుకుని ప్రత్యేక పూజలు జరిపించుకున్న అనంతరం వారికి వేద పండి తులు ఆశీర్వచనం, ఆలయ అధికారులు అమ్మ వారి చిత్రపటం, ప్రసాదాలు, శేషవస్త్రాలు అందజేశారు. మంగళగిరి రూరల్‌: విజయవాడకు చెందిన మటన్‌ వ్యాపారి షేక్‌ మస్తాన్‌ వలి రోడ్డు ప్రమాదంలో మృతి చెందాడు. మంగళగిరి మండల పరిధిలోని కాజా టోల్‌గేట్‌ సమీ పంలో బుధవారం ఉదయం 6.30 గంటలకు ఈ ప్రమాదం జరిగింది. పోలీసుల కథనం మేరకు.. విజయవాడలో మటన్‌ షాపు నిర్వహిస్తూ జీవనం సాగిస్తున్న షేక్‌ మస్తాన్‌వలికి ప్రకాశం జిల్లా మేదరమెట్ల వద్ద ఫంక్షన్‌కు పెద్ద మొత్తంలో మటన్‌ ఆర్డర్‌ రావడంతో తన కారులో మటన్‌ డెలివరీ చేసి తిరిగి స్వస్థలానికి బయలుదేరాడు. ఈ క్రమంలో హైవే పై హ్యాపీ నేస్ట్‌ వద్ద ఎటువంటి హెచ్చరికలు, భద్రతా చర్యలు లేకుండా రోడ్డుపై నిలిపి ఉంచిన కంటైనర్‌ లారీని కారు ఢీకొట్టింది. ఈ ప్రమాదంలో షేక్‌ మస్తాన్‌ వలి అక్కడికక్కడే మృతి చెందగా, డ్రైవర్‌ షేక్‌ నూరుద్దీన్‌ తీవ్రంగా గాయపడ్డారు. క్షతగాత్రుడిని చికిత్స నిమిత్తం ఎన్నారై ఆసుపత్రికి తరలించారు. మృతుడి సోదరుడు అబ్దుల్‌ బాజీ ఇచ్చిన ఫిర్యాదు మేరకు మంగళగిరి రూరల్‌ పోలీసులు కేసు నమోదు చేసి దర్యాప్తు చేస్తున్నారు.

గన్నవరం: రాష్ట్రపతి ద్రౌపది ముర్ము రెండు రోజుల విజయవాడ పర్యటన నేపథ్యంలో విమానాశ్రయ భూ నిర్వాసితులు, వారికి మద్దతు ఇస్తున్న ప్రజా సంఘాల నేతల నాయకులను పోలీసులు బుధవారం ముందస్తుగా అదుపులోకి తీసుకున్నారు. భూ నిర్వాసితుల సంఘ నేతలు యు.వేదవతి, తిరివీధి ఏసురత్నం, మరో ఎనిమిది మంది ప్రజా సంఘాల నాయకులను ఉదయమే పోలీసులు అదుపులోకి తీసుకున్నారు. అనంతరం వీరిని పోలీస్‌ స్టేషన్‌కు తరలించిన పోలీసులు బైండోవర్‌ చేశారు. పోలీసుల తీరుపై నిర్వాసితులు, ప్రజా సంఘాల నేతలు ఆగ్రహం వ్యక్తం చేశారు. 16 రోజులుగా శాంతియుతంగా నిరసన తెలుపుతున్న తమను ఉగ్రవాదులు, సంఘ వ్యతిరేక శక్తుల మాదిరిగా పోలీసులు నిర్బంధించడంపై మండిపడ్డారు. వారి అక్రమ అరెస్ట్‌లను సీపీఎం జిల్లా కార్యదర్శి వై. నరసింహారావు, కార్యవర్గ సభ్యుడు కళ్లం వెంకటేశ్వరరావు ఖండించారు. సుంకర పద్మశ్రీ హౌస్‌ అరెస్ట్‌ విమానాశ్రయ భూనిర్వాసితులకు మద్దతు తెలిపిన ఏఐసీసీ సభ్యురాలు సుంకర పద్మశ్రీని ఆత్కూరులోని ఆమె ఇంటి వద్ద పోలీసులు హౌస్‌ అరెస్ట్‌ చేశారు. పోలీసుల తీరుపై ఆమె తీవ్ర ఆగ్రహం వ్యక్తం చేశారు. విమానాశ్రయ విస్తరణ కోసం ఇళ్లు, స్థలాలు ఇచ్చిన నిర్వాసితులు రోడ్డెక్కి పోరాడు తుంటే సీఎం చంద్రబాబు, డెప్యూటీ సీఎం పవన్‌కల్యాణ్‌కు సిగ్గు అనిపించడం లేదా అని ప్రశ్నించారు. వేదవతిని స్టేషన్ల చుట్టూ తిప్పిన పోలీసులు విమానాశ్రయ భూ నిర్వాసితులకు చెందిన ప్లాట్స్‌ ఓనర్ల అసోసియేషన్‌ ప్రతినిధి యు.వేదవతిని ఉదయం 11 గంటలకు పోలీసులు గన్నవరంలో అదుపులోకి తీసుకుని స్థానిక పోలీస్‌స్టేషన్‌కు తరలించారు. అనంతరం ఆమెను పోలీస్‌ వాహనంలో నాగాయలంక పోలీస్‌స్టేషన్‌కు, అక్కడి నుంచి మచిలీపట్నంలోని ఇనుకుదురుపేట స్టేషన్‌కు తీసుకెళ్లి సాయంత్రం ఆరు గంటల వరకు నిర్బంధించారు. అనంతరం రాత్రి 7.50 గంటలకు పోరంకిలోని ఆమె నివాసం వద్ద వదిలివేశారు. తనతో పోలీసులు వ్యవహరించిన తీరుపై వేదవతి తీవ్ర ఆవేదన వ్యక్తం చేశారు.

అజిత్‌సింగ్‌నగర్‌(విజయవాడసెంట్రల్‌): కళాకారుల శాసీ్త్రయ నృత్యాలు, సినీ గీతాలు, సందర్శకుల ఆటపాటలతో విజయవాడ అజిత్‌సింగ్‌నగర్‌లోని మాకినేని బసవపున్నయ్య (ఎంబీ) మునిసిపల్‌ స్టేడియం సందడిగా మారింది. దసరా మహోత్సవాలలో భాగంగా నిర్వహిస్తున్న విజయవాడ ఉత్సవ్‌లో నాలుగో రోజు బుధవారం చేపట్టిన సాంస్కృతిక కార్యక్రమాలు నగర ప్రజలను అలరించాయి. బుధవారం నాటి వేడుకలకు ముఖ్య అతిథిగా హాజరైన కేంద్ర గ్రామీణాభివృద్ధి శాఖ సహాయ మంత్రి కమలేష్‌ పాశ్వాన్‌ ఉత్సవాల నిర్వహణను అభినందించారు. విజయవాడకు ప్రత్యేక గుర్తింపు తీసుకురావడంలో ఈ కార్యక్రమాలు కీలక పాత్ర పోషిస్తున్నాయని తెలిపారు. ఎంపీ లావు శ్రీకృష్ణదేవరాయలు, ఎంపీ కేశినేని శివనాథ్‌ (చిన్ని), ఎమ్మెల్యే బోండా ఉమామహేశ్వరరావు తదితరులు మాట్లాడుతూ విజయవాడ ఉత్సవ్‌–2.0తో పాటు నిర్వహిస్తున్న జాతీయ సరస్‌ మేళా మహిళా సాధికారతకు, గ్రామీణ ఉత్పత్తుల ప్రోత్సాహానికి వేదికగా నిలుస్తోందని, స్థానిక కళాకారులకు ప్రోత్సాహం అందించడం ఈ ఉత్సవాల లక్ష్యాలని పేర్కొన్నారు. కమలేష్‌ పాశ్వాన్‌ను ఘనంగా సత్కరించారు.

● జనార్దనపురం చోరీ కేసును ఛేదించిన పోలీసులు ● 16 గ్రాముల బంగారం, రూ.20 వేల నగదు స్వాధీనం ● మరో 26 గ్రాముల బంగారం రికవరీకి చర్యలు నందివాడ: మండలంలోని జనార్దనపురం గ్రామంలోని ఓ ఇంట్లో జరిగిన చోరీ కేసును పోలీసులు ఛేదించారు. ఈ కేసుతో పాటు మరో రెండు దొంగతనం కేసుల్లో సంబంధం ఉన్న ముగ్గురు నిందితులను బుధవారం అరెస్టు చేశారు. వారి వద్ద 16 గ్రాముల బంగారం, రూ.20 వేల నగదు స్వాధీనం చేసుకున్నారు. మరో 26 గ్రాముల బంగారాన్ని సామర్లకోటలోని ఓ ఫైనాన్స్‌ సంస్థ నుంచి స్వాధీనం చేసుకోవాల్సి ఉందని పేర్కొన్నారు. ఈ కేసు వివరాలను ఎస్‌ఐ సుబ్రహ్మణ్యం బుధవారం వెల్లడించారు. ఆయన కథనం మేరకు.. జనార్దనపురం గ్రామానికి చెందిన మేకల ఏడుకొండలు ఇంటి తాళాలు పగులగొట్టి చొరబడిన ఆగంతకులు బంగారు వస్తువులు, రూ.5 వేల నగదు, ఒక సెల్‌ఫోన్‌ను చోరీ చేశారు. ఈ ఘటనపై బాధితుడి ఫిర్యాదు మేరకు నందివాడ పోలీస్‌స్టేషన్‌లో కేసు నమోదైంది. గుడివాడ రూరల్‌ సీఐ ఎస్‌.ఎల్‌.ఆర్‌. సోమేశ్వరరావు పర్యవేక్షణలో పోలీసులు దర్యాప్తు చేపట్టారు. క్లూస్‌ టీమ్‌ ఎస్‌ఐ ఆర్‌.త్రివర్ణ బృందం అందించిన శాసీ్త్రయ ఆధారాలతో నిందితుల ఆచూకీ కోసం ప్రత్యేక బృందాలను ఏర్పాటు చేశారు. ఈ నెల 13న సాయంత్రం 5.30 గంటలకు కాకినాడ జిల్లా సామర్లకోటలోని పెన్షన్‌ లైన్‌, స్టీల్‌ కంపెనీ రోడ్డులో ఉన్న చిన్న దుర్గమ్మ ఆలయం వద్ద ప్రధాన నిందితుడు చుక్కపల్లి బాబి అలియాస్‌ ప్రవీణ్‌ కుమార్‌, అతనికి సహకరించిన పెద్దాడ హరికృష్ణ అలియాస్‌ పండు, మసకపల్లి విజయదుర్గను పోలీసులు అరెస్టు చేశారు. నందివాడ పోలీస్‌స్టేషన్‌లో నమోదైన రెండు కేసులతోపాటు వీరవల్లి పోలీస్‌స్టేషన్‌లో నమోదైన కేసుల్లో చుక్కపల్లి బాబి, పెద్దాడ హరికృష్ణ, మసకపల్లి విజయదుర్గకు సంబంధం ఉన్నట్లు పోలీసులు గుర్తించారు. వారి వద్ద 16 గ్రాముల బంగారం, రూ.20 వేల నగదు స్వాధీనం చేసుకున్నారు. సామర్లకోటలోని ఓ ఫైనాన్స్‌ సంస్థ వద్ద తనఖా పెట్టిన మరో 26 గ్రాముల బంగారాన్ని స్వాధీనం చేసుకునేందుకు చర్యలు చేపట్టారు. ముగ్గురు నిందితులను గుడివాడ కోర్టులో హాజరుపరచగా వారికి జడ్జి 15 రోజుల రిమాండ్‌ విధించారు. ఎస్‌ఐ సుబ్రహ్మణ్యం, ఏఎస్‌ఐ వెంకటరావు, హెడ్‌ కానిస్టేబుల్‌ గంగరాజు, కానిస్టేబుళ్లు నాగరాజు, మహేష్‌, రామచంద్రరావు, కిరణ్‌, హోంగార్డు అజయ్‌ కేసును దర్యాప్తు చేశారు. వారిని పోలీసు ఉన్నతాధికారులు అభినందించారు. విజయవాడలీగల్‌: బ్లేడుతో గాయపరచిన కేసులో నిందితుడికి ఏడాది జైలుశిక్ష, వెయ్యి రూపాయల జరిమానా విధిస్తూ బుధవారం 13వ అదనపు జిల్లా సెషన్స్‌ కోర్టు న్యాయమూర్తి ఎం.సుధ తీర్పునిచ్చారు. విజయనగరం జిల్లా గంట్యాడ గ్రామానికి చెందిన వ్యక్తి విజయవాడ గవర్నర్‌ పేట పోలీస్‌ స్టేషన్‌ పరిధిలోని పెద్దిబోట్ల వారి వీధిలోని ఓ హాస్టల్‌లో ఉంటూ చదువుకుంటున్నాడు. 2022 ఏప్రిల్‌ మూడో తేదీ సాయంత్రం ఐస్‌క్రీమ్‌ బండి వద్దకు వెళ్లాడు. అదే సమయంలో కందుల విఘ్నేశ్వరరావు అలియాస్‌ విఘ్నేష్‌ అక్కడికి వచ్చి గంట్యాడకు చెందిన వ్యక్తిని డబ్బు ఇవ్వాలని డిమాండ్‌ చేశారు. డబ్బులు ఇవ్వకపోవడంతో విఘ్నేష్‌ తన వద్ద ఉన్న బ్లేడ్‌తో అతని మెడ, చేతి మీద గాయపరిచి పారిపోయాడు. ఈ ఘటనపై గవర్నర్‌పేట పోలీసులు కేసు నమోదు చేశారు. నిందితుడు విఘ్నేష్‌ను అదే నెల నాలుగో తేదీన అరెస్ట్‌ చేసి న్యాయస్థానంలో హాజరుపరిచారు. ప్రాసిక్యూషన్‌ తరఫున అడిషనల్‌ పబ్లిక్‌ ప్రాసిక్యూటర్‌ గీతా పూర్ణిమ, ప్రస్తుత ఇన్‌స్పెక్టర్‌ బాలమురళికృష్ణ, సీఎంఎస్‌ ఇన్‌స్పెక్టర్‌ వాసవి, సీఎంఎస్‌ సిబ్బంది పర్యవేక్షణలో ఆరుగురు సాక్షులను విచారించారు. నిందితుడిపై నేరం రుజువుకావడంతో న్యాయమూర్తి పైవిధంగా తీర్పునిచ్చారు.

మోపిదేవి: స్థానిక శ్రీవల్లీదేవసేన సమేత సుబ్రహ్మణ్యేశ్వరస్వామివారి దేవస్థానంలో భక్తులు హుండీల్లో సమర్పించిన కానుకల రూ.1,20,62,105 వచ్చినట్లు ఆలయ డెప్యూటీ కమిషనర్‌ దాసరి శ్రీరామ వరప్రసాదరావు బుధవారం వెల్లడించారు. ఉదయం ఆలయ ప్రాంగణంలో మచిలీపట్నం డివిజన్‌ తనిఖీ అధికారి కె. శ్రీనివాసరావు సమక్షంలో కానుకలను లెక్కించారు. డీసీ మాట్లాడుతూ నగదుతో పాటు భక్తులు కానుకల రూపంలో వెండి ఒక కిలో 900 గ్రాములు, బంగారం 69 గ్రాములు, విదేశీ కరెన్సీ అమెరికన్‌ డాలర్లు 230, ఆస్ట్రేలియన్‌ డాలర్లు 70, కెనడా డాలర్స్‌ 20, ఇంగ్లాండ్‌ పౌండ్స్‌ 10 వచ్చాయన్నారు. చిలకలపూడి(మచిలీపట్నం): జిల్లా పరిషత్‌ సీఈవో డాక్టర్‌ జె. అరుణ బదిలీ అయ్యారు. ఈ మేరకు పంచాయతీరాజ్‌ రూరల్‌ డెవలప్‌మెంట్‌ ప్రత్యేక ప్రధాన కార్యదర్శి కాంతిలాల్‌ దండే బుధవారం ఉత్తర్వులు విడుదల చేశారు. అరుణను తదుపరి పోస్టింగ్‌ కోసం ప్రభుత్వానికి రిపోర్టు చేయాలని ఆదేశించారు. ఈ స్థానంలో రాష్ట్ర గ్రామీణాభివృద్ధి, పంచాయతీరాజ్‌ శిక్షణా సంస్థ (ఏపీఎస్‌ఐఆర్‌డీపీఆర్‌) డెప్యూటీ డైరెక్టర్‌గా పనిచేస్తున్న మోమిడి శ్రీహరిని కృష్ణా జిల్లా ప్రజా పరిషత్‌ సీఈవోగా నియమించారు.

విద్యుత్‌ దీపకాంతుల్లో మెరిసిపోతున్న ఇంద్రగిరి, (ఇన్‌సెట్‌లో) చండీదేవిగా దుర్గమ్మ ఇంద్రకీలాద్రి(విజయవాడపశ్చిమ): దసరా ఉత్సవ కాంతులతో శోభాయమానంగా వెలుగొందుతున్న ఇంద్రగిరిపై దుర్గమ్మ వారు నాలుగో రోజు బుధవారం సింహవాహినిగా, త్రిశక్తి స్వరూపిణిగా చిరుమంద హాసంతో మహాచండీదేవి అలంకారంలో కొలువై భక్తులకు దర్శనమిచ్చారు. తెల్లవారుజామున నాలుగు గంటల నుంచి భక్తులను దర్శనానికి అనుమతించారు. ప్రత్యేక ఖడ్గమాలార్చన, ప్రత్యేక కుంకుమార్చన, ప్రత్యేక శతచండీహోమం, ప్రత్యేక శ్రీచక్రనవార్చనల్లో పెద్ద ఎత్తున ఉభయదాతలు పాల్గొన్నారు. సాయంత్రం ఆరు గంటలకు సుమారు 75వేల మంది భక్తులు అమ్మవారిని దర్శించుకున్నారని ఆలయ అధికారులు అంచనా వేస్తున్నారు. అమ్మవారిని దర్శించుకున్న భక్తులు మల్లేశ్వర స్వామి వారిని దర్శించుకుని నేరుగా అన్నప్రసాద భవనానికి చేరుకున్నారు. తర్వాత కనకదుర్గనగర్‌లోని ఏర్పాటు చేసిన కౌంటర్లలో లడ్డూలను కొనుగోలు చేసి భక్తులు తిరుగు ప్రయాణమయ్యారు. ప్రత్యేక ఏర్పాట్లు.. రాష్ట్రపతి పర్యటన నేపథ్యంలో బుధవారం ఉదయం 6 గంటల నుంచి 9 గంటల వరకు ప్రొటోకాల్‌ దర్శనాలను అనుమతించారు. మధ్యాహ్నం ఒంటి గంట నుంచి కొండపైకి పూర్తిగా వాహనాల రాకపోకలను నిలిపివేశారు. ఘాట్‌ రోడ్డులోని ఓం టర్నింగ్‌ నుంచి ఆలయం వరకు, ఆలయ పరిసరాలను పూర్తిగా భద్రత సిబ్బంది తమ ఆధీనంలోకి తీసుకున్నాయి. పెరిగిన భవానీల రద్దీ భవానీ సంఖ్య రోజు రోజుకు పెరుగుతోంది. తెల్లవారుజామునే పవిత్ర కృష్ణానదిలో పుణ్యస్నానాలు ఆచరించిన భవానీలు క్యూలైన్‌ మార్గంలో అమ్మవారిని దర్శించుకున్నారు. శుక్రవారం నుంచి భవానీల తాకిడి మరింత పెరిగే అవకాశం ఉందని ఆలయ అధికారులు అంచనా వేస్తున్నారు. దివ్యాంగుల ఇబ్బందులు.. దసరా ఉత్సవాలలో దివ్యాంగులకు ఇబ్బందులు తప్పడం లేదు. బుధవారం ఉదయం దేవదాయ శాఖ కమిషనర్‌ క్యూలైన్లు మినహా అన్ని గేట్లకు తాళాలు వేయాలని ఆదేశాలు జారీ చేశారు. దీంతో మౌన స్వామి విగ్రహం, గాలిగోపురం వద్ద గేట్లకు ఆలయ సిబ్బంది తాళాలు వేశారు. దీంతో వీల్‌చైర్లలో ఆలయానికి చేరుకున్న వికలాంగులను సైతం క్యూలైన్‌లోనే దర్శనానికి వెళ్లాలని సూచించారు. దీంతో పలువురు వికలాంగులు క్యూలైన్‌లోకి వీల్‌చైర్లతో ప్రవేశించి మెట్లు వచ్చినప్పుడు అతి కష్టం మీద నడుచుకుంటూ ఆలయంలోకి చేరుకున్నారు. నాల్గో రోజు ఆదాయం రూ. 17.13 లక్షలు ఉత్సవాలలో నాల్గో రోజైన బుధవారం దేవస్థానానికి రూ. 17.13లక్షల మేర ఆదాయం సమకూరింది. లడ్డూ ప్రసాదం విక్రయం ద్వారా రూ. 15.53లక్షలు, కేశఖండనశాల టికెట్ల విక్రయం ద్వారా రూ. 30,760, ఇతర ఆదాయాల ద్వారా రూ. 5వేలు లభించినట్లు ఆలయ అధికారులు పేర్కొన్నారు. అలాగే నాల్గో రోజు మొత్తం 1.04 లక్షల లడ్డూలను విక్రయించారు. రాష్ట్రపతి పర్యటన నేపథ్యంలో ఆది దంపతుల నగరోత్సవ సేవ బుధవారం నాలుగు గంటలకే ఆలయ అధికారులు ప్రారంభించారు. మల్లేశ్వర స్వామి వారి ఆలయం సమీపంలోని యాగశాల వద్ద ఉత్సవ మూర్తులకు పూజా కార్యక్రమాలను నిర్వహించారు. అనంతరం కొబ్బరి కాయ కొట్టి నగరోత్సవసేవను లాంఛనంగా ప్రారంభించారు. మొత్తంగా గంటన్నర సమయంలోనే నగరోత్సవం తిరిగి ఆలయానికి చేరింది. కాగా ఉత్సవాలలో ఐదో రోజైన గురువారం దుర్గమ్మ శ్రీలలితా త్రిపుర సుందరీదేవిగా భక్తులకు దర్శనమిస్తారు. రాష్ట్రపతి ద్రౌపది ముర్ము అమ్మవారిని దర్శించుకున్న అనంతరం ఆమెకు దేవస్థానం ప్రత్యేకంగా తయారు చేసిన లడ్డూను అందించింది. జాయింట్‌ఫుడ్‌ కంట్రోలర్‌ శ్రీనివాస్‌, ఎఫ్‌ఎస్‌వోలు వెంకటేశ్వర్లు, రవీంద్రరెడ్డి పర్యవేక్షణలో ఆలయ అధికారుల ప్రత్యేకంగా ఈ లడ్డూను తయారు చేశారు. నేతితో తయారు చేసిన లడ్డూలో దిట్టం ప్రకారం పంచదార, జీడిపప్పు, పటికిబెల్లం ముక్కలు, కిస్‌మిస్‌లు, కర్పూరం వినియోగించారు. దసరా ఉత్సవాలలో భక్తుల రద్దీ తక్కువగా ఉంటే ఆలయానికి సమీపంలోని మార్గాల ద్వారా క్యూలైన్‌లోకి అనుమతిస్తామని ఆలయ ఈవో శీనానాయక్‌ గతంలో పేర్కొన్నారు. ఆదివారం మినహా మిగిలిన మూడు రోజులు పగటి వేళ క్యూలైన్లు ఖాళీగానే కనిపిస్తున్నాయి. అయినప్పటికీ భక్తులు వినాయకుడి గుడి వరకు వెళ్లి క్యూలైన్‌లో ఆలయానికి చేరుకోవాల్సి వస్తోంది. ఈ ఏడాది ఉత్సవాలలో రద్దీ తక్కువగా ఉన్న సమయంలో భక్తులను రథం సెంటర్‌, టోల్‌గేట్ల వద్ద నుంచి కూడా క్యూలైన్‌లోకి అనుమతిస్తామని ప్రకటించారు. అయితే ఉత్సవాలు ప్రారంభమై నాల్గో రోజులు అవుతున్నా ఇంత వరకు ఈవో ఆదేశాలు అమలు కాకపోవడం గమనార్హం.

సాక్షి, విజయవాడ: స్థానిక సంస్థల ఎన్నికల వేళ చంద్రబాబు ప్రభుత్వం కుట్రలకు తెరలేపిందన్న విమర్శలు వెల్లువెత్తుతున్నాయి. గ్రామ/వార్డు సచివాలయాల నుంచి నాలుగు రకాల పౌర సేవలను తప్పించడమే ఇందుకు కారణమని పలువురు పేర్కొంటున్నారు. ఎన్నికల్లో పోటీ చేసే వైఎస్సార్‌ సీపీ అభ్యర్థులకు అవసరమైన సర్టిఫికెట్లు అందకుండా చేసేందుకే ఈ చర్య లని స్పష్టంచేస్తున్నారు. మహాత్మా గాంధీ కలలు కన్న గ్రామ స్వరాజ్యాన్ని సాకారం చేస్తూ 2019లో ముఖ్యమంత్రిగా బాధ్యతలు చేపట్టిన వైఎస్‌ జగన్‌మోహన్‌రెడ్డి గ్రామ/వార్డు సచివాలయాలను ఏర్పాటు చేశారు. వాటి ద్వారా ప్రజల వద్దకే ప్రభుత్వ సేవలను చేరువ చేశారు. ఏకంగా 540 రకాల సేవలను సచివాలయాల ద్వారా ప్రజలకు అందించారు. ఐదేళ్ల పాటు రైతులు, ప్రజలు, విద్యార్థులు ఇలా అన్ని వర్గాల వారికి సచివాలయాల ద్వారానే పౌరసేవలు అందించి దేశంలోనే ఆదర్శంగా నిలిచి మన్ననలు పొందారు. 2024లో ముఖ్యమంత్రిగా బాధ్యతలు స్వీకరించిన చంద్రబాబు తీసుకుంటున్న నిర్ణయాలు ఇప్పుడు ప్రజలకు శరాఘాతంగా మారాయి. నిన్నటి మొన్నటి వరకు సచివాలయాల్లో అన్ని రకాల సేవలు అందు తుండగా, ఇప్పుడు కుట్రపూరితంగా పలు పౌర సేవలను సచివాలయాల నుంచి దూరం చేశారు. తాజాగా కుల, ఆదాయ, ఇతర సేవల రీఇష్యూ, పాస్‌బుక్‌ రీప్రింటింగ్‌ వంటి సేవలను సచివాలయాల నుంచి తొలగించడంపై సర్వత్రా విమర్శలు వెల్లువెత్తుతున్నాయి. మనమిత్రలో అందని సేవలు ఉమ్మడి కృష్ణా జిల్లాలో సుమారు 670 సచివాలయాలు ఉన్నాయి. ఒక్క విజయవాడ కార్పొరేషన్‌ పరిధిలోనే 286 వరకు వార్డు సచివాలయాలు ఉన్నాయి. రెండు వారాల కిందట ప్రభుత్వం సచివాలయాల్లో నాలుగు రకాల సేవలను నిలిపి సింది. చంద్రబాబు ప్రభుత్వం వచ్చాక ప్రభుత్వ సేవలను వాట్సాప్‌ గవర్నెన్స్‌ ద్వారా అందిస్తామని ఆర్భాటంగా ప్రకటించారు. అయితే వాట్సాప్‌ గవర్నెన్స్‌కు పెద్దగా స్పందన లేదు. ప్రజలు సచివాలయాల ద్వారానే సేవలు పొందుతున్నారు. స్థానిక సంస్థల నోటిఫికేషన్‌ వస్తుందన్న తరుణంలో ఉన్నఫళంగా సచివాలయాల్లో కుల, ఆదాయ, ఇతర సేవల రీఇష్యూ, పాస్‌బుక్‌ రీప్రింటింగ్‌ సేవలను తొలగించి, మనమిత్ర యాప్‌ ద్వారా పొందవచ్చని ప్రభుత్వం ప్రకటించింది. మనమిత్ర యాప్‌లో ఇతర సేవల రీఇష్యూస్‌ ఆప్షన్‌ నొక్కగానే ఓటీపీ వరకు వచ్చి ఆగిపోతోంది. దీంతో స్థానిక సంస్థల్లో పోటీ చేయాలనుకుంటున్న వారు మనమిత్రలో కుల, ఆదాయ ధ్రువీకరణ పత్రాలు రాక ఆందోళన చెందుతున్నారు. సచివాలయాలకు వెళ్తే తమ పరిధిలో లేదని చెబుతున్నారు. విజయవాడ కృష్ణలంకకు చెందిన ఓ వ్యక్తి తన కుమారుడికి స్కూల్‌లో ఇవ్వడానికి కుల ధ్రువీకరణ పత్రం కోసం సచివాలయానికి వెళ్లగా ఇక్కడి సిబ్బంది మనమిత్ర యాప్‌లో తీసుకోవాలని సూచించారు. అతను మనమిత్ర యాప్‌లో రెవెన్యూ సేవలను ఎంచుకుని, ఆ తరువాత ఇంటిగ్రేటెడ్‌ ధ్రువీకరణ పత్రం మళ్లీ జారీ అనే ఆప్షన్‌ ఎంపిక చేసి నిర్ధారించాడు. తరువాత గ్రామం/వార్డు సచివాలయం, మొబైల్‌ నంబర్‌ ఎంటర్‌ చేసేందుకు యత్నిస్తే రెడ్‌మార్కు చూపిస్తోంది. అసలు విజయవాడ పేరే కనిపించడం లేదని, పదిరోజులుగా సచివాలయం చుట్టూ తిరుగుతున్నా ఎవరూ స్పందించడం లేదని ఆ వ్యక్తి వాపోతున్నాడు. స్థానిక సంస్థల ఎన్నికల వేళ.. ఎందుకీ కుట్ర స్థానిక సంస్థల ముంగిట చంద్రబాబు ప్రభుత్వం సచివాలయాల్లో కుల, ఆదాయ, నీటి తీరువా, భూముల పాస్‌బుక్‌ రీప్రింటింగ్‌, ఇతర సేవల రీఇష్యూ తదితర సేవలను ఎందుకు తొలగించిందో చెప్పలేదు. మనమిత్ర యాప్‌లో ఆ సేవలు పొందొచ్చంటూ ఉచిత సలహాలు ఇచ్చింది. సచివా లయాలలో ఇప్పటికే రేషనలైజేషన్‌ పేరిట ఉద్యోగులను కుదించిన చంద్రబాబు ప్రభుత్వం ఇప్పుడు పౌరసేవలను తగ్గించే కుట్రలకు తెరలేపిందే ఆరోపణలు వినిపిస్తున్నాయి. స్థానిక సంస్థల్లో వైఎస్సార్‌ సీపీని ఎదుర్కొనే ధైర్యం లేక ఆ పార్టీ అభ్యర్థులకు అవసరమైన ధ్రువీకరణ పత్రాలు అందకుండా చేయాలనే ప్రభుత్వం ఈ కుట్రలకు పాల్పడుతోందన్న విమర్శలు వినిపిస్తున్నాయి. స్థానిక సంస్థల వేళ తమ అభ్యర్థులకు కుల, ఆదాయ, ఇతర సేవల రీఇష్యూస్‌ సేవల ధ్రువపత్రాలు అందడం లేదని, తక్షణమే వాటిని అందించేలా ఆదేశించాలని వైఎస్సార్‌ సీపీ హైకోర్టును కోరింది.

స్థానిక ఎన్నికలకు మోగిన నగారా సాక్షి ప్రతినిధి, విజయవాడ: ఇక నగరాలు, పట్టణాలు, పల్లెలు మోతమోగనున్నాయి. స్థానిక సంస్థల ఎన్నికల నగారా మోగడంతో జిల్లాలో రాజకీయం ఒక్కసారిగా వేడెక్కింది. ముందుగా మునిసిపల్‌ ఎన్నికలు, తర్వాత జెడ్పీటీసీ, ఎంపీటీసీ ఎన్నికలు, తర్వాత మూడు దశల్లో పంచాయతీ ఎన్నికలు నిర్వహించేందుకు ఎన్నికల కమిషన్‌ నోటిఫికేషన్‌ జారీ చేసింది. దీంతో బుధవారం నుంచే ఎన్నికల కోడ్‌ అమలులోకి వచ్చింది. విజయవాడ, మచిలీపట్నం కార్పొ రేషన్లతో పాటు జగ్గయ్యపేట, నందిగామ, తిరువూరు, కొండపల్లి, పెడన, ఉయ్యూరు మునిసిపాలిటీలకు 16వ తేదీ నుంచి నామినేషన్లు ప్రారంభం అవుతాయి. 18వ తేదీ ఆదివారం సాయంత్రం మూడు గంటలకు నామినేషన్లు ముగుస్తాయి. 19వ తేదీన స్కూృటిని జరుగుతుంది. 21వ తేదీ మధ్యాహ్నం మూడు గంటల వరకూ విత్‌డ్రా చేసుకోవడానికి గడువు ఉంది. అదే రోజు సాయంత్రం తుది అభ్యర్థుల జాబితాను ప్రకటిస్తారు. 28వ తేదీ ఎన్నికలు కాగా, ఎక్కడైనా రీపోల్‌ అవసరం అయితే 29న జరుగుతాయి. కౌంటింగ్‌ 30వ తేదీన జరుగుతుంది. తాడిగడప, గుడివాడ మునిసిపాలిటీలకు ఎన్నిక వాయిదా పడింది. కోర్టు కేసు ముగిసిన తర్వాత డిసెంబర్‌లోగా ఈ రెండింటికీ ఎన్నికలు నిర్వహిస్తామని ఎన్నికల కమిషన్‌ తెలిపింది. కూటమిలో అయోమయం.. ఇప్పటికే అభ్యర్థుల ఎంపికలో అన్ని పార్టీలు కసరత్తు చేస్తున్నాయి. విజయవాడ మునిసిపల్‌ కార్పొరేషన్‌ జనరల్‌కి, మచిలీపట్నం కార్పొరేషన్‌ బీసీ మహిళకు కేటాయించిన సంగతి తెలిసిందే. వైఎస్సార్‌ సీపీ ఇప్పటికే అభ్యర్థుల ప్రకటనలో దూకుడుగా వెళ్తోంది. మచిలీ పట్నం కార్పొరేషన్‌లో 60 స్థానాలకు గాను ఇప్పటికే 58 స్థానాలను ప్రకటించి పోటీలో ముందుంది. కూటమిలో పొత్తులు ఇప్పటి వరకూ ఖరారు కాకపోవడంతో ఆ పార్టీలలో కొంత అయోమయం నెలకొంది. ● మచిలీపట్నంలో గతంలో ఉండే 50 డివిజన్లను 60 డివిజన్లకు పెంచారు. దీని ప్రకారం నగరంలో 1,39,426 మంది ఓటర్లు ఉండగా వీరిలో మహిళా ఓటర్లు 71,465 మంది, పురుష ఓటర్లు 67,781 మంది ఉన్నారు. పోలింగ్‌ నిర్వహణకు నగరంలోని 60 డివిజన్లకు సంబంధించి 58 ప్రాంతాల్లో 161 పోలింగ్‌ కేంద్రాలను ఏర్పాటు చేశారు ● విజయవాడ మేయర్‌ సీటును జనసేనకు ప్రకటించడంతో తెలుగుదేశం పార్టీలో ఉన్న వంగవీటి రాధ జనసేన కండువా కప్పుకొన్నారు. ప్రస్తుతం 64 నుంచి 86 డివిజన్లుగా విజయవాడ నగరం రూపుదిద్దుకుంది. నగరంలో మూడు సర్కిళ్ల పరిధిలో మొత్తం 8,05,797 మంది ఓటర్లున్నారు. వారిలో పురుషులు 3,94,732 మంది ఉండగా 4,10,918 మంది సీ్త్రలు ఉన్నారు. ఇతరులు 87 మంది ఉన్నారు. బీసీలు 3,58,742 ఉండగా, ఎస్‌సీలు 91,932, ఎస్టీలు 9542, ఓసీలు 3,45,581 మంది ఉన్నారు. మరోవైపు జెడ్పీటీసీ, ఎంపీటీసీ ఎన్నికలకు సంబంధించి 19న నోటిఫికేషన్‌ విడుదల కానుంది. 21 నుంచి 23 వరకూ నామినేషన్లు, 24న స్కూృటిని, రిజెక్ట్‌ అయిన నామినేషన్లకు సంబంధించి 25న అప్పీల్‌ చేసుకునే అవకాశం 25న, 26న అప్పీల్‌ను పరిష్కరించేందుకు, 27 విత్‌డ్రా, పోటీలో ఉన్న జాబితా ప్రకటన, నవంబర్‌ మూడున ఎన్నికలు, ఐదున కౌంటింగ్‌ ఉంటుంది. పంచాయతీ ఎన్నికలు నవంబర్‌ 26, 29, డిసెంబర్‌ 02న మూడు దశల్లో ఎన్నికలు జరగనున్నాయి. ఇప్పటికే అన్ని ఎన్నికలకు సంబంధించి రిజర్వేషన్ల గెజిట్లను ప్రభుత్వం ప్రకటించింది. నోటిఫికేషన్‌ విడుదల చేసిన ఎన్నికల కమిషన్‌ మూడు దశల్లో ఎన్నికల నిర్వహణ 28న మునిసిపల్‌, వచ్చే నెల 3న ఎంపీటీసీ, జెడ్పీటీసీ ఎన్నికలు ఒక్కసారిగా వేడెక్కిన జిల్లా రాజకీయం అభ్యర్థుల ప్రకటనలో ముందున్న వైఎస్సార్‌ సీపీ అమల్లోకి ఎన్నికల కోడ్‌

● గేట్లకు తాళాలు వేసిన కమిషనర్‌ ● విధులకు అర్చకులు, ఎన్‌ఎస్‌ఎస్‌ విద్యార్థుల అగచాట్లు ఇంద్రకీలాద్రి(విజయవాడపశ్చిమ): దసరా ఉత్సవాలలో అడ్డదారుల్లో దర్శనాలు మళ్లీ ప్రారంభమయ్యాయి. వీఐపీ కార్లు, వృద్ధులు, వికలాంగులకు కేటాయించిన కార్లతో పాటు రూ.వెయ్యి జీరో టికెటు కలిగిన వారు తమ వారికి దర్జాగా అడ్డదారుల్లో దర్శనాలు చేయిస్తున్నారు. అధికార పార్టీ మంగళగిరి కార్యాలయానికి చెందిన కొంతమందికి ప్రత్యేకంగా దసరా విధులు వేశారు. వీరికి దేవస్థానం అధికారికంగా డ్యూటీ పాస్‌లు జారీ చేయడం గమనార్హం. కూటమి పార్టీకి చెందిన వారు ఆలయ సిబ్బందితో సమానంగా దర్శనాలు చేయించడం కనిపించింది. మరో వైపున ప్రజాప్రతినిధులు, పోలీసులు, రెవెన్యూ, ఇతర ప్రభుత్వ శాఖలకు చెందిన వారితో పాటు నగరంలోని పలు ఆలయాలు, సత్రాల బోర్డు డైరెక్టర్లు సైతం తమ వారికి రాజమార్గంలో దర్శనాలు చేయిస్తున్నారు. ఉత్సవాలలో మూడో రోజైన మంగళవారం ఈ పరిస్థితి మరింత శృతిమించింది. దీంతో ఆలయంలో ఉన్న దేవదాయ శాఖ కమిషనర్‌ రామచంద్రమోహన్‌ క్యూలైన్లు మినహా మిగిలిన గేట్లు అన్నింటికి తాళాలు వేయాలని సిబ్బందిని ఆదేశించారు. గాలిగోపురం పక్కనే మెట్ల మార్గంతో పాటు మెట్ల పూజ మార్గానికి, స్కానింగ్‌ పాయింట్‌లో గేట్లకు ఆలయ సిబ్బంది గేట్లకు తాళాలు వేశారు. అప్పటికే కొండపైకి చేరుకున్న సిఫార్సులు, అనధికార వీఐపీలు గేట్ల వద్ద గుంపులు గుంపులుగా చేరిపోయారు. మధ్యాహ్నం డ్యూటీలు ముగించుకుని తిరిగి వెళ్లే అర్చకులతో పాటు ఆలయంలో విధులకు హాజరయ్యే అర్చకులు సైతం గేట్ల వద్ద పడిగాపులు కాయాల్సిన పరిస్థితి నెలకొంది. మరో వైపున ఆలయంలో సేవలు అందిస్తున్న ఎన్‌సీసీ, ఎన్‌ఎస్‌ఎస్‌ వాలంటీర్లు సైతం తాళాలు వేసి ఉన్న గేట్ల వద్ద గోడలు దూకి వెళ్లాల్సిన పరిస్థితి. మరో వైపున ప్రొటోకాల్‌ దర్శనాల నమయం కాకున్నా అన్ని ప్రభుత్వ శాఖలకు చెందిన వారు ఆలయానికి చేరుకుని దర్శనాలు చేసుకోవడం కొసమెరుపు. దసరా ఉత్సవాలలో కీలకమైన మూలా నక్షత్రం, విజయ దశమి రోజున భక్తుల సంఖ్య మరింత పెరిగే అవకాశం ఉంది. ఈ నేపథ్యంలో అనధికార దర్శనాలకు అడ్డకట్ట వేయకుంటే ఇబ్బందులు తప్పవని భక్తులు ఆవేదన వ్యక్తం చేస్తున్నారు.

వన్‌టౌన్‌(విజయవాడపశ్చిమ): దసరా శరన్నవరాత్రి ఉత్సవాల సందర్భంగా విజయవాడ ఇంద్రకీలాద్రిపై కొలువుదీరిన దుర్గమ్మకు ద్వారకాతిరుమల శ్రీ వేంకటేశ్వరస్వామి వారి దేవస్థానం పక్షాన మంగళవారం సారె సమర్పించారు. శ్రీవారి క్షేత్రం నుంచి జగన్మాతకు సారె సమర్పించడం రెండు పుణ్యక్షేత్రాల మధ్య ఆధ్యాత్మిక అనుబంధాన్ని, భక్తి సంప్రదాయాల వైభవాన్ని చాటిచెప్పేదిగా ఏళ్లుగా కొనసాగుతోంది. ద్వారకాతిరుమల దేవస్థానం చైర్మన్‌ సూరనేని వెంకట నివృతరావు, కార్యనిర్వహణాధికారి త్రినాథరావు ఇతర ఆలయ సిబ్బంది పాల్గొన్నారు. వారికి దుర్గగుడి చైర్మన్‌ రాధాకృష్ణ, ఈవో శీనానాయక్‌ స్వాగతం పలికారు. అనంతరం పట్టువస్త్రాలు, పసుపు, కుంకుమలతో పాటుగా ప్రత్యేక పూజా సామగ్రిని శిరస్సుపై ఉంచుకొని మేళతాళాలతో ఆలయంలోకి తీసుకెళ్లారు. ఇంద్రకీలాద్రి(విజయవాడపశ్చిమ): దుర్గాఘాట్‌ లో మంగళవారం సాయంత్రం కృష్ణమ్మకు నవ హారతుల సేవ జరిగింది. ప్రతి నిత్యం సాయం సంధ్య వేళ కృష్ణమ్మకు దుర్గగుడి అర్చకులు నవ హారతులను ఇస్తారు. సాధారణ రోజులలో భక్తులను హారతులను వీక్షించేందుకు అనుమతిస్తారు. దసరా ఉత్సవాలలో భక్తులకు అనుమతి ఉండదు. తాజాగా మంగళవారం సాయంత్రం నిర్వహించిన నవ హారతులకు భక్తులను ఆలయ అధికారులు అనుమతించారు. తొలుత కృష్ణమ్మకు దుర్గగుడి అర్చకులు పూజా కార్యక్రమాలను నిర్వహించిన పసుపు, కుంకుమ, చీరను సమర్పించారు. అనంతరం అర్చకులు హారతులను ఇవ్వగా, సుమారు అరగంట పాటు సాగిన హారతులను భక్తులు ఆద్యంతం ఎంతో భక్తిశ్రద్ధలతో వీక్షించారు. అనంతరం భక్తులకు ప్రసాదాలు పంపిణీ చేశారు. రైల్వేస్టేషన్‌(విజయవాడపశ్చి మ): పరిశుభ్రత, ప్రయాణికుల మౌలిక సదుపాయాల మెరుగుదలలో ప్రజలను భాగస్వామ్యం చేసే దిశగా దక్షిణ కోస్తా రైల్వే, విజయవాడ డివిజన్‌లోని గుడివాడ రైల్వే స్టేషన్‌లో ‘రైల్‌ జన్‌ సంవాద్‌’ పేరుతో ప్రత్యేక క్యాంపెయిన్‌ నిర్వహించారు. ఈ కార్యక్రమంలో ప్రయాణికులు, డీఆర్‌యూసీసీ (డివిజనల్‌ రైల్‌ యూజర్స్‌ కన్సెల్టేటివ్‌ కమిటీ) సభ్యులు, క్షేత్ర స్థాయి సిబ్బంది నుంచి రైళ్లలో పరిశుభ్రతను మెరుగుపర్చాల్సిన అంశాలు, ప్రయాణికుల మెరుగైన సౌకర్యాలపై భాగస్వాముల నుంచి సీనియర్‌ డీఓఎం సురేష్‌రెడ్డి సూచనలు తీసుకున్నారు. ఆయన మాట్లాడుతూ రైల్వేస్టేషన్‌లు, రైళ్లలో పరిశుభ్రతను పాటించడం, రైల్వే పరిసర ప్రాంతాలను కొనసాగించడంతో ప్రజల క్రియాశీలక భాగస్వామ్యం ఆవశ్యకతను ఆయన వివరించారు. ఈ సందర్భంగా పలు సమస్యలపై డీఆర్‌యూసీసీ సభ్యులు సురేష్‌రెడ్డికి వినతిపత్రం సమర్పించారు. భవానీపురం(విజయవాడపశ్చిమ): విజయవాడ ఉత్సవ్‌–2026లో భాగంగా పర్యాటక శాఖ, విహంగ్‌ అడ్వెంచర్స్‌ సంస్థ ఆధ్వర్యాన విద్యాధరపురం లేబర్‌కాలనీ గ్రౌండ్‌లో ఏర్పాటు చేసిన హెలికాప్టర్‌ జాయ్‌ రైడ్స్‌ను మంగళవారం వేగ జ్యూయలర్స్‌ అధినేత సుధాకర్‌ ప్రారంభించారు. విజయవాడ అందాలను గగనతలం నుంచి వీక్షించేలా ఏర్పాటు చేసిన ఈ హెలికాప్టర్‌ రైడ్స్‌ ఉత్సవాల్లో ప్రత్యేక ఆకర్షణగా నిలువనుంది. రోజుకు సుమారు 50 ట్రిప్పుల నిర్వహించేలా ఏర్పాట్లు చేశామని విహంగ్‌ అడ్వెంచర్స్‌ నిర్వాహకుడు సూర్య వెంకట తేజ తెలిపారు. విహంగ వీక్షణం ద్వారా కృష్ణానది, ప్రకాశం బ్యారేజీ, ఇంద్రకీలాద్రి, శ్రీకనకదుర్గమ్మ ఆలయం, ఇందిరా గాంధీ మునిసిపల్‌ స్టేడియం పరిసరాలు తిలకించవచ్చని తెలిపారు.

వన్‌టౌన్‌(విజయవాడపశ్చిమ): దసరా ఉత్సవాల్లో భక్తులకు ఎటువంటి ఇబ్బందులు లేకుండా చూడాలని దేవదాయ ధర్మదాయ శాఖ కార్యదర్శి కె.కన్నబాబు అధికారులను ఆదేశించారు. ఈ సందర్భంగా కొండ దిగువన మోడల్‌ ఇరిగేషన్‌ గెస్ట్‌ హౌస్‌ లోని కమాండ్‌ కంట్రోల్‌ కేంద్రం నుంచి పరిస్థితిని పర్యవేక్షించారు. అనంతరం ఆయన మాట్లాడుతూ దసరా ఉత్సవాల్లో పలువురు ప్రముఖులు అమ్మవారి ఆలయానికి వస్తున్న నేపథ్యంలో అప్రమత్తంగా ఉండాలని సూచించారు. సమావేశంలో రాష్ట్ర దేవదాయ శాఖ కమిషనర్‌ రామచంద్ర మోహన్‌, జిల్లా కలెక్టర్‌ జి.లక్ష్మీశ, పోలీస్‌ కమిషనర్‌ ఎస్వీ రాజశేఖరబాబు, ఈవో వీకే శీనా నాయక్‌ ఉన్నారు. రాజమహేంద్రవరం: 70వ ఎస్‌జీఎఫ్‌ఐ ఆంధ్రప్రదేశ్‌ ఇంటర్‌ డిస్ట్రిక్ట్‌ ఫుట్‌బాల్‌ చాంపియన్‌షిప్‌ – 2026 బాలికల విభాగంలో విజేతగా తూర్పుగోదావరి జిల్లా జట్టు నిలిచింది. బాలుర విభాగంలో విశాఖపట్నం విజయకేతనం ఎగురవేసింది. రాజమహేంద్రవరం ఆర్ట్స్‌ కళాశాల క్రీడా మైదానంలో ఉత్సాహభరిత వాతావరణంలో జరిగిన ఈ పోటీలు మంగళవారం సాయంత్రం ముగిశాయి. ఈ పోటీల్లో బాలుర విభాగంలో కృష్ణా జిల్లా జట్టు మూడో స్థానంలో నిలించింది.

అన్నపూర్ణమ్మ దర్శనం.. భక్తజన పరవశంనమామిఇంద్రకీలాద్రి(విజయవాడపశ్చిమ): దేవీ శరన్నవరాత్రి మహోత్సవాల్లో మూడో రోజైన మంగళవారం అమ్మవారు శ్రీఅన్నపూర్ణాదేవిగా భక్తులకు దర్శనమిచ్చారు. తెల్లవారుజాము నుంచే పెద్ద ఎత్తున భక్తులు ఇంద్రకీలాద్రికి తరలివచ్చారు. అన్న ప్రసాదం కోసం భక్తులు క్యూ కట్టారు. మహామండపం ఎదుట నూతన అన్నదానం భవనం బయట భక్తులు వేచి ఉండేందుకు సరైన వసతులు లేకపోవడం, పోలీసు సిబ్బంది తగినంత మంది లేకపోవడంతో తోపులాట చోటు చేసుకుంది. ఉదయం, సాయంత్రం వేళ భక్తుల రద్దీ.. తెల్లవారుజామున నాలుగు గంటలకు అమ్మవారి దర్శనాలు ప్రారంభం కాగా, అప్పటికే క్యూలైన్‌లో వేచి ఉన్న భక్తులు అమ్మవారిని దర్శించుకుని మొక్కులు చెల్లించుకున్నారు. తెల్లవారుజాము నుంచి ఉదయం 11 గంటల వరకు, మధ్యాహ్నం నాలుగు గంటల నుంచి రాత్రి 11 గంటల వరకు క్యూలైన్‌లో రద్దీ కనిపించింది. మరో వైపున అనధికార దర్శనాలు అధికం కావడం, ప్రముఖులు దర్శనానికి విచ్చేయడంతో దేవదాయ శాఖ కమిషనర్‌ రామచంద్రమోహన్‌ క్యూలైన్లు మినహా మిగిలిన గేట్లకు తాళాలు వేయించారు. అన్నప్రసాదం కోసం వెతలు.. అమ్మవారి అన్న ప్రసాదం స్వీకరించేందుకు ఉదయం నుంచి భక్తులు పెద్ద ఎత్తున అన్నదాన భవనం వద్దకు చేరుకున్నారు. భక్తులు వేచి ఉండేందుకు భవనం గ్రౌండ్‌ ఫ్లోర్‌లో క్యూలైన్లు ఏర్పాటు చేయగా అవి పూర్తిగా నిండిపోయాయి. దీంతో భక్తులు అన్నదానం భవనం బయట వేచి ఉండలేక, వేడికి అల్లాడిపోయారు. ఓ దశలో అన్నదానం పెద్ద డోర్లను తోసుకుంటూ భక్తులు లోపలకు ప్రవేశించడంలో సిబ్బంది చేతులెత్తేశారు. శృంగేరీలో ఉన్న అన్నప్రసాదం తయారీని గ్రౌండ్‌ ఫ్లోర్‌లోకి తరలించారు. అక్కడ క్యూలైన్‌లో ఉన్న భక్తులు వేడి, ఉక్కపోతతో తీవ్ర ఇబ్బందులకు గురయ్యారు. అన్న ప్రసాదం స్వీకరించేందుకు రెండు గంటలు పైగా క్యూలైన్‌లో వేచి ఉన్నామని భక్తులు ఆవేదన వ్యక్తం చేశారు. రాష్ట్రపతి కాన్వాయ్‌ ట్రయల్‌ రన్‌ రాష్ట్రపతి ద్రౌపది ముర్ము బుధవారం ఇంద్రకీలాద్రిపై కొలువై ఉన్న దుర్గమ్మను దర్శించుకోనున్నారు. ఈ నేపథ్యంలో మంగళవారం ఆలయ ప్రాంగణంలో భద్రతా సిబ్బంది తనిఖీలు చేయడంతో పాటు కాన్వాయ్‌ ట్రయల్‌ రన్‌ నిర్వహించార. ఆలయ ప్రాంగణం మొత్తం జల్లెడ పట్టిన సెక్యూరిటీ అధికారులు.. ఆలయ అధికారులకు పలు సూచనలు చేశారు. బుధవారం మధ్యాహ్నం నుంచి ఆలయ ప్రాంగణం మొత్తం రాష్ట్రపతి సెక్యూరిటీ ఆధీనంలోకి వెళ్లనుంది. నేడు కొన్ని మార్పులు.. బుధవారం కొండపైన కీలక మార్పులు చేసినట్లు దుర్గగుడి ఈవో శీనానాయక్‌ పేర్కొన్నారు. మధ్యాహ్నం ఒంటి గంట తర్వాత కొండపైకి వాహనాల రాకపోకలను పూర్తిగా నిలుపుదల చేస్తామని పేర్కొన్నారు. ఉదయం ఆరు గంటల నుంచి 9 గంటల వరకు ప్రొటోకాల్‌ దర్శనాలు కల్పిస్తామన్నారు. మధ్యాహ్నం నుంచి రాత్రి 7.45 గంటల వరకు ప్రొటోకాల్‌ స్లాట్‌ను రద్దు చేసినట్లు పేర్కొన్నారు. ఆకలితో అలమటించే వారికి సాయం చేయడం కనీస మానవ ధర్మం.. అయితే సాక్షాత్తూ ఆ పరమేశ్వరుడికే భిక్షను ప్రసాదించిన అమృతమూర్తి అన్నపూర్ణాదేవి. దసరా శరన్నవరాత్రి ఉత్సవాల్లో మూడో రోజు అమ్మవారు ఆ ఆది దేవత రూపంలో భక్తులకు దర్శనమిచ్చారు. చేతిలో అక్షయపాత్ర ధరించి, ఆదిభిక్షువుకు అన్నాన్ని ప్రసాదిస్తున్న అవతారంలో కొలువైన అమ్మ దివ్యమంగళ స్వరూపాన్ని కనులారా వీక్షించి భక్తులు ఆనందంతో అన్న ప్రసాదాన్ని స్వీకరించారు.

లబ్బీపేట(విజయవాడతూర్పు): మాదకద్రవ్యాల వినియోగానికి ఉపయోగపడే వస్తువుల విక్రయంపై ఈగల్‌ అధికారులు మంగళవారం ఆన్‌లైన్‌, ఈ–కామర్స్‌ ప్లాట్‌ఫామ్‌ల ప్రతినిధులతో సమీక్ష సమావేశం నిర్వహించారు. నగరంలోని ఈగల్‌ కార్యాలయంలో ఇన్‌స్పెక్టర్‌ ఎం.రవీంద్ర నిర్వహించిన ఈ సమావేశంలో అమెజాన్‌, ఫ్లిప్‌కార్ట్‌, జెప్టో, బిగ్‌బాస్కెట్‌, బ్లింకిట్‌ వంటి సంస్థలకు చెందిన ప్రతినిధులు పాల్గొన్నారు. ఈ సందర్భంగా రవీంద్ర మాట్లాడుతూ ఆన్‌లైన్‌ వేదికలపై విక్రయించే ఉత్పత్తుల వివరాలను బాధ్యతాయుతంగా పరిశీలించాలని సూచించారు. కొన్ని వస్తువులను గంజాయి, కొకై న్‌ వంటి నిషేధిత మాదకద్రవ్యాల వినియోగానికి ఉపయోగించే అవకాశం ఉన్నందున, వాటి విక్రయాలు, సరఫరా, డెలివరీలకు సంబంధించి అప్రమత్తంగా ఉండాలని తెలిపారు. రోలింగ్‌ పేపర్లు, హుక్కా పరికరాలు విక్రయానికి అందుబాటులో ఉన్నంత మాత్రాన అవి స్వయంచాలకంగా చట్టవిరుద్ధమైన వస్తువులుగా పరిగణించబడవన్నారు. అయితే నిషేధిత మాదకద్రవ్యాల వినియోగం, సంబంధిత నేరాలతో వాటికి సంబంధం ఉన్నట్లు ఆధారాలు లభించిన సందర్భాల్లో వర్తించే చట్టాల ప్రకారం తగిన చర్యలు తీసుకోవాల్సి ఉంటుందని వివరించారు. ఆర్‌ఐ నాగార్జున, ఎస్‌ఐ ఎస్‌.దుర్గాభవాని, ఆన్‌లైన్‌ ప్లాట్‌ఫామ్‌ల ప్రతినిధులు తరుణ్‌ వెంకటేష్‌, వంకూరి నరేందర్‌రెడ్డి, పి.రమేష్‌, సుధాకర్‌, సూర్య తదితరులు పాల్గొన్నారు.

సాక్షి, విజయవాడ: మునిసిపల్‌ ఎన్నికల నగారా మోగకముందే కూటమిలో రాజకీయం అగ్గిరాజుకుంది. సోమవారం రిజర్వేషన్లు వెలువడిన వెంటనే కూటమిలో సీట్ల పంపకాల విషయంలో వార్‌ మొదలైంది. నిన్నటి వరకు మేయర్‌ స్థానాల కోసం భారీగానే ఖర్చు పెట్టుకుంటూ వచ్చిన టీడీపీ నేతలు.. జనసేనకు ఇస్తున్నట్లు వార్తలు రావడంతో లోలోపల ఆగ్రహంతో రగిలిపోతున్నట్లు సమాచారం. ఉమ్మడి కృష్ణా జిల్లాలోని విజయవాడ, మచిలీపట్నం నగరపాలక సంస్థలతో పాటు తాడిగడప, పెడన, గుడివాడ, ఉయ్యూరు, తిరువూరు, జగ్గయ్యపేట, నందిగామ మునిసిపాలిటీల్లో రిజర్వేషన్లు తారుమారు కావడంతో రాజకీయ సమీకరణాలు ఒక్కసారిగా మారిపోయాయి. విజయవాడ మేయర్‌ పీఠం కోసం అటు కూటమి పార్టీలో, ఇటు వైఎస్సార్‌ సీపీలో తీవ్ర పోటీ కనిపిస్తోంది. అయితే విజయవాడ, మచిలీపట్నం జనసేన ఖాతాలోకి వెళ్లే అవకాశాలు కనిపిస్తున్నాయి. టీడీపీ నేతల ఆశలపై నీళ్లు.. విజయవాడ నగర మేయర్‌ పీఠం తమకు అంటే తమకే కావాలని టీడీపీ నేతలు పోటాపోటీగా వ్యూహాలు పన్నుతూ వచ్చారు. అధిష్టానానికి సంకేతాలు పంపడంతో పాటు అప్లికేషన్లు పెట్టుకున్నారు. అయితే అనూహ్యంగా కూటమిలో భాగస్వామిగా ఉన్న జనసేనకు ఇస్తున్నట్లు తెలుస్తుండటంతో.. ఇంతవరకు మేం చేసిందంతా ఇందుకా.. అని ఫైర్‌ అవుతున్నారట. మచిలీపట్నం కథ మరోలా.. మచిలీపట్నం కార్పొరేషన్‌లో ఇటీవల ఇద్దరు జనసేన నేతలు మేయర్‌ పీఠం కోసం వీధికెక్కారు. మేయర్‌ సీటు తమది అంటే తమదే అంటూ ఇద్దరు నేతలు ప్రెస్‌మీట్లు పెట్టి మరీ సవాల్‌ విసురుకున్నారు. ప్రస్తుతం మచిలీపట్నం కార్పొరేషన్‌ బీసీ మహిళకు రిజర్వ్‌ కావడంతో ఆ ఇద్దరికీ నిద్ర పట్టడం లేదట. రిజర్వేషన్లు ఉల్టా కావడంతో.. ఎన్టీఆర్‌ జిల్లాలోని కొండపల్లి ఎస్సీ మహిళకు, జగ్గయ్యపేట జనరల్‌ మహిళ, తిరువూరు బీసీ జనరల్‌కు రిజర్వ్‌ కాగా.. నందిగామ మునిసిపాలిటీ మాత్రం అన్‌ రిజర్వ్‌డ్‌ అయింది. మచిలీపట్నం జిల్లా పరిధిలోని మచిలీపట్నం బీసీ మహిళ, పెడన జనరల్‌ మహిళ, గుడివాడ బీసీ మహిళ, ఉయ్యూరు ఎస్సీ జనరల్‌, తాడిగడప బీసీ జనరల్‌కు కేటాయించారు. దీంతో వీటిలో పాగా వేద్దామని నిన్నటి వరకు ఆశలు పెట్టుకున్న వారికి రిజర్వేషన్‌ దెబ్బకొట్టడంతో టీడీపీ నేతలు తలలు పట్టుకుంటున్నారు. డెప్యూటీ సీఎం పవన్‌ కల్యాణ్‌ ఇటీవల కాకినాడలో జరిగిన ఓ సభలో ప్రసంగించిన మాటలు టీడీపీ, జనసేన మధ్య వివాదానికి దారి తీశాయి. సోషల్‌ మీడియా వేదికగా తీవ్రస్థాయిలో ఆరోపణలు చేసుకుంటున్నారు. ఈ నేపథ్యంలో పొత్తులో సునాయాసంగా గెలిచి పోతామని భావిస్తున్న ఆశావహులు కాస్త.. వీరి గొడవలతో తామెక్కడ బలవుతామో అనే డైలమాలో పడుతున్నారు.

విజయవాడరూరల్‌: వెస్ట్‌ బైపాస్‌ (జాతీయ రహదారి నెంబరు 16 ) పై వాహనాలు ప్రమాదానికి గురికాకుండా రక్షణ చర్యలను చేపట్టడంలో అధికారులు నిర్లక్ష్యంగా వ్యవహరిస్తున్నారనే విమర్శలు వెల్లువెత్తుతున్నాయి. సాధారణంగా జాతీయ రహదారి కింది భాగంలో రైల్వే ట్రాక్‌, కాలువలు, నదులున్న ప్రాంతంలో రోడ్డు వెడల్పు తగ్గించి పుట్‌పాత్‌ నిర్మాణాలతో డిజైన్‌ వుంటుంది. అలాంటి చోట వాహనాలు ప్రమాదాలకు గురికాకుండా వుండేందుకు గాను ఫుట్‌పాత్‌ బ్రిడ్జి సమీపంలో ప్లాస్టిక్‌ బ్యారెల్స్‌ను ఏర్పాటు చేయాల్సి వుంది. అలా బ్యారెల్స్‌ ఏర్పాటు చేయడం వలన వాహనం అదుపు తప్పినా బ్యారెల్స్‌ను ఢీకొని ప్రాణాపాయం తగ్గుతుంది. సోమవారం వెస్ట్‌ బైపాస్‌ రోడ్డులో గొల్లపూడి వద్ద జరిగిన ఎలక్ట్రికల్‌ కారు ఫుట్‌పాత్‌ వద్ద బ్యారెల్స్‌ లేకపోవడం వలన కారు అదుపు తప్పి నేరుగా క్రాష్‌బేరర్స్‌ షోల్డర్‌పై ఎక్కి ప్రమాదానికి గురైంది. ఈ ప్రమాదంలో నున్న గ్రామానికి చెందిన ఒకే కుటుంబంలోని చంటి పిల్లాడితో పాటు మరో ముగ్గురు వ్యక్తులు మరణించారు. ఈ ప్రమాదం జరగటానికి నిర్వహణ లోపమే కారణమని పలువురు వాఖ్యానిస్తున్నారు. గొల్లపూడి జంక్షన్‌ నుంచి చిన అవుటపల్లి వరకు సుమారు 16 చోట్ల రోడ్డు వెడల్పు తగ్గించి పుట్‌పాత్‌లను నిర్మించారు. అలాంటి చోట్ల ప్రమాదాల నివారణకు ఏర్పాటు చేయాల్సిన ప్లాస్టిక్‌ బ్యారెల్స్‌ నామమాత్రంగా ఏర్పాటు చేశారు. అంబాపురం గ్రామం వద్ద రోడ్డుకిరువైపులా బ్యారెల్స్‌, రేడియం స్టిక్కర్లు ఏర్పాటు చేశారు. అక్కడ మినహాయించి 30 కిలో మీటర్ల దూరంలో మరెక్కడా బ్యారెల్స్‌, రేడియం స్టిక్కర్లు కనిపించడం లేదు. సంవత్సరం నుంచి జాతీయ రహదారి రన్నింగ్‌ వెస్ట్‌ బై పాస్‌ రోడ్డులో సుమారు ఏడాది కాలంగా వాహనాలు రాకపోకలు సాగిస్తున్నాయి. రోడ్డు నిర్వహణ బాధ్యతలను నేషనల్‌ హైవే కాకుండా కాంట్రాక్ట్‌ సంస్థ నిర్వహిస్తోందని సిబ్బంది అంటున్నారు. అధికారులు, కాంట్రాక్ట్‌ సంస్థ నిర్లక్ష్యం స్పష్టంగా కనిపిస్తోందని ఆరోపణలు వినవస్తున్నాయి. అంతేకాకుండా రాత్రి సమయాల్లో వాహనాల రాకపోకలకు వీలుగా హైవేపై దీపాలను ఏర్పాటు చేయాలని, డైవర్షన్‌ మార్కింగ్‌ కూడా క్లియర్‌గా కనిపించే విధంగా హెచ్చరిక బోర్డులను ఏర్పాటు చేయాలని ప్రయాణికులు సంబంధిత శాఖ అధికారులకు విజ్ఞప్తి చేస్తున్నారు.

తమిళనాడు సీఎం విజయ్‌ మంగళవారం అన్నపూర్ణాదేవిగా కొలువైన దుర్గమ్మను దర్శించుకున్నారు. సాయంత్రం నాలుగున్నర గంటలకు ఆలయానికి చేరుకున్న విజయ్‌కు పూర్ణకుంభంతో స్వాగతం పలికారు. ఆలయ ప్రధాన అర్చకుడు, వైదిక కమిటీ సభ్యులు వేద ఆశీర్వచనం అందజేయగా, దేవదాయ శాఖ కార్యదర్శి కన్నబాబు, కమిషనర్‌ రామచంద్రమోహన్‌, ఈవో శీనానాయక్‌, చైర్మన్‌ రాధాకృష్ణ అమ్మవారి చిత్రపటం, ప్రసాదాలను అందజేశారు. క్యూలైన్‌లో ఉన్న భక్తులకు విజయ్‌ అభివాదం చేశారు. విజయ్‌ సెక్యూరిటీ భద్రతా ఏర్పాట్లను కట్టుదిట్టంగా అమలు చేశారు.

లబ్బీపేట(విజయవాడతూర్పు): వెస్ట్‌ బైపాస్‌పై సోమవారం సాయంత్రం కారు ప్రమాదం జరిగితే, అది ఏ పోలీస్‌స్టేషన్‌ పరిధిలో జరిగిందో తహసీల్దార్‌ తేల్చాల్సి వచ్చింది. కారు ప్రమాదంలో నలుగురు మృత్యువాత పడటంపై రాష్ట్ర ముఖ్యమంత్రి, మాజీ ముఖ్యమంత్రి, పలువురు మంత్రులు స్పందించినా, పోలీసుల్లో మాత్రం చలనం లేకపోయింది. అది మా పరిధి కాదంటూ ఆ ప్రాంతానికి చుట్టు పక్కల ఉన్న భవానీపురం, కొత్తపేట పోలీస్‌స్టేషన్‌ల హౌస్‌ ఆఫీసర్స్‌ చెప్పడం ఆ శాఖ పనితీరుకు నిదర్శనంగా నిలుస్తుంది. నలుగురు సజీవ దహనం అయినట్లు వార్తలు వస్తున్నా వారిలో చలనం రాలేదు కదా కనీసం స్పందించాల్సింది పోయి మా పరిధి కాదంటూ తేల్చేశారు. ఘటన జరిగిన గంటన్నరకు ప్రమాదస్థలానికి ఇబ్రహీంపట్నం పోలీసులు చేరుకుని మృతదేహాలను ప్రభుత్వాస్పత్రి మార్చురీకి తరలించాల్సి వచ్చింది. తహసీల్దార్‌ తేల్చాల్సి వచ్చింది ప్రమాద ప్రాంతం నుంచి సోమవారం రాత్రి మృతదేహాలను ఇబ్రహీంపట్నం పోలీసులు ప్రభుత్వాస్పత్రికి తరలించారు. అయితే ప్రమాదం జరిగిన ప్రాంతంపై ఎవరికి వారు తమది కాదని చెపుతుండటంతో ఆ ప్రాంత తహసీల్దార్‌ రంగంలోకి దిగాల్సి వచ్చింది. తహసీల్దార్‌ ప్రమాద ప్రాంతంలోకి వెళ్లి తమ వద్ద ఉన్న ప్లాన్‌ ఆధారంగా ఆ ప్రాంతం భవానీపురం స్టేషన్‌ పరిధిలోకి వస్తుందని తేల్చాల్సి వచ్చింది. అప్పుడు భవానీపురం పోలీసులు స్పందించారు. కొత్తపేట, భవానీపురం స్టేషన్‌ల మధ్య ఘటన జరిగినా వాళ్లు స్పందించక పోవడంతో ఇబ్రహీంపట్నం వాళ్లు రావాల్సి వచ్చింది. సాధారణ విధులు పట్టించుకోరా? ప్రస్తుతం నగర పోలీసులకు అంతా ఉత్సవాల బందోబస్తు డ్యూటీ ఉన్నాయి. అయినప్పటికీ ఏదైనా ఘటన జరిగినప్పుడు స్పందించేందుకు కొందరు సిబ్బంది ఉంటారు. కానీ సోమవారం సాయంత్రం జరిగిన కారు ప్రమాదం, నలుగురు స్పాట్‌ డెడ్‌ అయిన ఘటనలో పోలీసులు వ్యవహరించిన తీరు సర్వత్రా విమర్శలకు తావిస్తోంది. ఉన్నతస్థాయి వ్యక్తులు స్పందించినా పోలీసుల్లో చలనం లేకపోవడంపై అన్ని వర్గాల నుంచి విమర్శలు వస్తున్నాయి.

ఇంద్రకీలాద్రి(విజయవాడపశ్చిమ): దసరా ఉత్సవాలలో భాగంగా శ్రీఅన్నపూర్ణాదేవిగా దర్శనమిచ్చిన దుర్గమ్మను రాష్ట్ర ప్రభుత్వ ప్రధాన కార్యదర్శి సాయిప్రసాద్‌ కుటుంబ సమేతంగా దర్శించుకున్నారు. అమ్మవారిని దర్శించుకుని ప్రత్యేక పూజలు జరిపించుకున్న అనంతరం వేద పండితులు ఆశీర్వచనం అందజేయగా, దేవదాయ శాఖ కార్యదర్శి కన్నబాబు, కమిషనర్‌ చంద్రమోహన్‌, చైర్మన్‌ రాధాకృష్ణ, ఈవో శీనానాయక్‌ అమ్మవారి చిత్రపటం, ప్రసాదాలను అందజేశారు. దుర్గమ్మను దర్శించుకున్న హోం మంత్రి శ్రీఅన్నపూర్ణాదేవిగా దర్శనమిచ్చిన దుర్గమ్మను రాష్ట్ర హోం శాఖ మంత్రి వంగలపూడి అనిత మంగళవారం రాత్రి దర్శించుకున్నారు. అమ్మవారి దర్శనానికి విచ్చేసిన హోం మంత్రి అనితను ఆలయ అధికారులు సాదరంగా స్వాగ తం పలికారు. అమ్మవారిని దర్శించుకుని ప్రత్యేక పూజలు జరిపించుకున్న అనంతరం వేద పండితులు ఆశీర్వచనం అందజేశారు. అనంతరం ఆలయ అధికారులు, అర్చకులు అమ్మవారి చిత్రపటం, ప్రసాదాలు అందించారు.

వైద్య శిబిరాల్లోని సిబ్బందికి డీఎంహెచ్‌ఓ సూచన లబ్బీపేట(విజయవాడతూర్పు): దసరా మహోత్సవాల్లోని వైద్య శిబిరాల్లో విధులు నిర్వహిస్తున్న సిబ్బంది నిరతరం అప్రమత్తంగా ఉండాలని జిల్లా వైద్య ఆరోగ్యశాకాధికారి డాక్టర్‌ ఎ.శ్రావణ్‌బాబు అన్నారు. ఆయన ఉత్సవాల్లో ఏర్పాటు చేసిన ప్రధమ చికిత్సా కేంద్రాలను సోమవారం తనిఖీ చేసి సిబ్బందికి తగు సూచనలు చేశారు. కొండపైన అత్యవసర పరిస్థితి ఏర్పడినప్పుడు తక్షణ సహాయం కోసం ఏర్పాటుచేసిన మూడు పడకల ఆసుపత్రిని, చినరాజు గోపురం వద్ద ఏర్పాటుచేసిన ప్రథమ చికిత్స కేంద్రాన్ని తనిఖీ చేశారు. కేంద్రాల్లో అందుబాటులో ఉన్న వైద్య సదుపాయాలు, అత్యవసర మందులు, వైద్య సిబ్బంది విధుల నిర్వహణ, ప్రథమ చికిత్స ఏర్పాట్లను పరిశీలించారు. భక్తులకు ఎటువంటి ఇబ్బందులు కలగకుండా నిరంతరం వైద్య సేవలు అందించాలన్నారు. అత్యవసర పరిస్థితుల్లో తక్షణమే స్పందించాలని సిబ్బందికి సూచించారు. భక్తుల ఆరోగ్య భద్రతకు ప్రాధాన్యతనిస్తూ, దసరా మహోత్సవాలు ప్రశాంతంగా జరిగేలా వైద్య సిబ్బంది అప్రమత్తంగా ఉండాలని ఆదేశించారు.

ఎన్టీఆర్‌ జిల్లా కలెక్టర్‌ డాక్టర్‌ జి.లక్ష్మీశ వన్‌టౌన్‌(విజయవాడపశ్చిమ): దసరా శరన్నవరాత్రి ఉత్సవాలకు విజయవాడ తరలివచ్చే లక్షలాది మంది భక్తుల భద్రత, సౌకర్యవంతమైన దర్శనం, రద్దీ నియంత్రణకు ఆధునిక సాంకేతిక పరిజ్ఞానంతో చర్యలు చేపడుతున్నామని జిల్లా కలెక్టర్‌ డాక్టర్‌ జి.లక్ష్మీశ అన్నారు. ఆయన మోడల్‌ గెస్‌హౌస్‌లో ఉన్న కమాండింగ్‌ కంట్రోల్‌ రూమ్‌లో దసరా ఉత్సవాల సందర్భంగా ఏర్పాటు చేసిన సాంకేతిక అంశాలను పరిశీలించారు. దేవస్థానం రూపొందించిన దసరా–2026 ఐటీ ఏర్పాట్లలో భాగంగా దర్శన క్యూలైన్ల నుంచి అన్నప్రసాద వితరణ కేంద్రాలు, పార్కింగ్‌ ప్రాంతాలు, ఘాట్‌ రోడ్ల వరకు వివిధ సాంకేతిక వ్యవస్థలను వినియోగించే విధానాలను రూపొందించారు. భక్తుల రాకపోకలను పర్యవేక్షించడం, రద్దీని అంచనా వేయడం, వాహనాల ప్రవేశాన్ని నియంత్రించడం, తప్పిపోయిన పిల్లల ఆచూకీ గుర్తించడంలో సాంకేతిక పరిజ్ఞానం సహాయకారిగా నిలవనుందన్నారు. క్యూలైన్లలో రద్దీ పరిస్థితులను అంచనా వేయడానికి కెమెరా ఆధారిత దర్శన సమయ అంచనా వ్యవస్థ రూపొందించారన్నారు. రద్దీని ఒకేసారి క్యూలైన్లలోకి అనుమతించకుండా క్రమబద్ధీకరించేందుకు ఏఐ ఆధారిత స్మార్ట్‌ హోల్డింగ్‌ ఏరియా మానిటరింగ్‌, బ్లాక్‌ రిలీజ్‌ వ్యవస్థ కీలకమైన ఏర్పాటు. హోల్డింగ్‌ ప్రాంతాలను బ్లాక్‌లుగా విభజించి, ప్రతి బ్లాక్‌లోని రద్దీ స్థితిని డిజిటల్‌ డిస్‌ప్లేల ద్వారా పర్యవేక్షించే విధంగా ఏర్పాట్లు చేశామన్నారు. పిల్లల భద్రతకు క్యూఆర్‌ కోడ్‌ రిస్ట్‌బ్యాండ్లును వేస్తున్నామన్నారు. ఘాట్‌ రోడ్లపై ఏఎన్‌పీఆర్‌ కెమెరాలు.. వాహనాల ప్రవేశంపై నిఘా పెట్టినట్లు చెప్పారు. పార్కింగ్‌ ప్రాంతాల్లో ఖాళీ స్థలాలను గుర్తించడం, పార్కింగ్‌ వినియోగాన్ని పర్యవేక్షించడం, వాహనాల రద్దీని తగ్గించడం కోసం కొత్త సాంకేతికతను వినియోగిస్తున్నామన్నారు. భక్తుల అభిప్రాయాల సేకరణకు క్యూఆర్‌, ఐవీఆర్‌ వ్యవస్థలను వినియోగిస్తున్నామన్నారు. పరిశుభ్రతకు స్మార్ట్‌ గార్బేజ్‌ అలర్ట్‌ వ్యవస్థను వాడుతున్నామన్నారు.

ఇంద్రకీలాద్రి(విజయవాడపశ్చిమ): ఇంద్రకీలాద్రిపై కొలువై ఉన్న దుర్గమ్మకు విజయవాడకు చెందిన పి.శేషగిరిరావు కుటుంబం వెండి వస్తువులను కానుకగా సమర్పించారు. శేషగిరిరావు కుటుంబ సభ్యులు అమ్మవారిని దర్శించుకునేందుకు సోమవారం ఇంద్రకీలాద్రికి విచ్చేశారు. ఆలయ చైర్మన్‌ రాధాకృష్ణను కలిసి రెండు కిలోల వెండితో తయారు చేయించిన రెండు పళ్లేలు, రెండు పాదుకలు అందజేశారు. అనంతరం దాతలకు ఆలయ మర్యాదలతో అమ్మ వారి దర్శనం కల్పించారు. వేద పండి తుల ఆశీర్వచనం అనంతరం దాతలకు ఆలయ చైర్మన్‌ అమ్మవారి ప్రసాదాలు, శేషవస్త్రాలను అందించారు. ఆలయ డీఈఓ కిషోర్‌కుమార్‌, స్థానాచార్య శివప్రసాద్‌ శర్మ పాల్గొన్నారు. కృష్ణలంక(విజయవాడతూర్పు): దసరా ఉత్సవాల సందర్భంగా భక్తులు తలనీలాలు సమర్పించేందుకు సీతమ్మ వారి పాదాలు సమీపంలో ఏర్పాటు చేసిన కేశఖండన శాల సోమ వారం ఖాళీగా దర్శనమిచ్చింది. రెండో రోజైనప్పటికీ కేశఖండన శాల కౌంటర్లు ఖాళీగా, భక్తులు లేక వెలవెలబోతూ కనిపించాయి. తల నీలాల టికెట్‌కు రూ.40 వసూలు చేస్తుండటంపై భక్తుల నుంచి వ్యతిరేకత వ్యక్తమవుతోంది. ఉచితంగా తలనీలాలు సమర్పించే అవకాశం కల్పించాలని భక్తులు కోరుతున్నారు. వన్‌టౌన్‌(విజయవాడపశ్చిమ): సమాజ హితమే లక్ష్యంగా విద్యార్థులు అడుగులు వేయాలని రాష్ట్ర వైద్య, ఆరోగ్య శాఖ మంత్రి సత్యకుమార్‌ యాదవ్‌ సూచించారు. పొట్టిశ్రీరాములు చలవాది మల్లికార్జునరావు ఇంజినీరింగ్‌ కాలేజీ ఎంటెక్‌, ఎంబీఏ, ఎంసీఏ విద్యా ర్థుల రెండో గ్రాడ్యుయేషన్‌ వేడుకలు కళాశాల ఆవరణలో సోమవారం జరిగాయి. ముఖ్యఅతిథిగా హాజరైన మంత్రి సత్యకుమార్‌యాదవ్‌ మాట్లాడుతూ.. విద్యార్థులు ఆధునిక సాంకేతిక పరిజ్ఞానాన్ని అందిపుచ్చుకుని ఆవిష్కరణలపై దృష్టి సారించాలని సూచించారు. ఎన్‌ఐటీ ఢిల్లీ రిజిస్ట్రార్‌ ప్రొఫెసర్‌ ఓ.చంద్రశేఖర్‌ మాట్లా డుతూ.. పరిశోధన, నైపుణ్యాభివృద్ధి తదితర అంశాలకు విద్యార్థులు ప్రాధాన్యం ఇవ్వాలన్నారు. ఈ కార్యక్రమంలో కళాశాల అధ్యక్ష, కార్యదర్శులు చలవాది మల్లికార్జునరావు, చిట్టా అమర్‌సుధీర్‌, కోశాధికారి కాజా రాఘవయ్య, ఉపాధ్యక్షుడు పొట్టి సురేంద్రకుమార్‌, సహాయ కార్యదర్శి గ్రంధి పవన్‌కుమార్‌, ప్రిన్సిపాల్‌ డాక్టర్‌ ఎస్‌.శరవణకుమార్‌ ఆయా విభాగాధిపతులు పాల్గొన్నారు. చీరాల రూరల్‌: బీచ్‌ ఫుట్‌బాల్‌ విజేతగా ఎన్టీఆర్‌ జిల్లా నిలిచింది. ఆంధ్రప్రదేశ్‌ ఫుట్‌బాల్‌ అసోసియేషన్‌ ఆధ్వర్యంలో చీరాల రామాపురం బీచ్‌లో మూడు రోజులుగా ఏపీ ఇంటర్‌ డిస్ట్రిక్ట్‌ బీచ్‌ ఫుట్‌బాల్‌ చాంపియన్‌ షిప్‌ పోటీలు ఆదివారం రాత్రి ఉత్సాహంగా ముగిశాయి. ఈ పోటీల్లో మొత్తం 17 జిల్లాల క్రీడా జట్లు పాల్గొన్నారు. క్వార్టర్‌ ఫైనల్స్‌, సెమీ ఫైనల్స్‌లో తమ ప్రత్యర్థి జట్లను మట్టికరిపించిన విశాఖపట్టణం–ఎన్టీఆర్‌ జిల్లాల జట్లు ఫైనల్‌కు చేరాయి. ఫైనల్‌లో జరిగిన మ్యాచ్‌లో ఇరు జట్లు విజేత నువ్వానేనా అన్నట్లుగా చిరుతపులుల్లా పోరాడాయి. చివరకు ఎన్టీఆర్‌ జిల్లాజట్లు 1–0 గోల్స్‌ తేడాతో వైజాగ్‌ జట్టును ఓడించి విజేతగా నిలిచి మొదటి బహుమతిని కైవసం చేసుకుంది. విజేతగా నిలిచిన జట్టుకు ముఖ్య అతిథిగా పాల్గొన్న ఎమ్మెల్యే ఎంఎం. కొండయ్య బహుమతులు అందజేశారు. కార్యక్రమంలో నూతలపాటి దేవదాసు, విజయ్‌ కుమార్‌, బాలశౌరి, బాలాజీ, దీవెనయ్య, అగస్టీన్‌, యూత్‌ సభ్యులు పాల్గొన్నారు.

వన్‌టౌన్‌(విజయవాడపశ్చిమ): విజయవాడ దుర్గమ్మ ఆలయ దసరా ఉత్సవాల చీఫ్‌ ఫెస్టివల్‌ ఆఫీసర్‌గా ద్వారకా తిరుమల ఆలయ కార్యనిర్వహణాధికారి త్రినాథరావు సోమవారం ఉదయం బాధ్యతలు స్వీకరించారు. దేవదాయ శాఖలో ఆయన ఆర్జేసీ హోదాలో కొనసాగుతున్నారు. సోమవారం చోటు చేసుకున్న వివాదాలు, దసరా ఉత్సవాల ఏర్పాట్లలో ఇబ్బందులు, ప్రముఖ వ్యక్తికి సరైన దర్శనం కలిగించకపోవటం వంటి అంశాలతో ఇప్పటి వరకూ చీఫ్‌ ఫెస్టివల్‌ ఆఫీసర్‌గా పని చేసిన దేవదాయ శాఖ అడిషనల్‌ కమిషనర్‌ చంద్రశేఖర్‌ ఆజాద్‌ను ఆ బాధ్యతల నుంచి తొలగించిన విషయం తెలిసిందే. సోమవారం బాధ్యతలు స్వీకరించిన త్రినాథరావు ఆలయంలోని ఏర్పాట్లను పరిశీలించారు. క్యూలైన్లు, ప్రసాదాలు, అన్నదానం తదితర అంశాలపై వివరాలను అడిగి తెలుసుకున్నారు.

భవానీపురం(విజయవాడపశ్చిమ): విజయవాడ భవానీపురం రైతుబజార్‌లో బీపీటీ సన్నబియ్యంతోపాటు కెఎన్‌ఎమ్‌/ఆర్‌ఎన్‌ఆర్‌ రకం సన్నబియ్యం అమ్మకాల కౌంటర్‌ను రాష్ట్ర ఆహార, పౌరసరఫరాల శాఖ మంత్రి నాదెండ్ల మనోహర్‌ సోమవారం ప్రాంభించారు. అనంతరం ఆయన మాట్లాడుతూ ఇప్పటికే రైతుబజార్లలో ప్రత్యేక కౌంటర్ల ద్వారా బీపీటీ సన్న బియ్యాన్ని కిలో రూ.49కు అందిస్తున్నామని తెలిపారు. ప్రజల నుంచి వస్తున్న డిమాండ్‌ను దృష్టిలో ఉంచుకుని అదనంగా సన్న బియ్యాన్ని రూ.50కు 26 కేజీల బ్యాగును అందుబాటులోకి తీసుకొచ్చామన్నారు. ఇప్పటికే గోధుమ పిండి కిలో రూ.25కే అందుబాటులోకి తీసుకువచ్చామని, రైతుబజార్ల ద్వారా కిలో ఉల్లిపాయలు రూ.35కే విక్రయిస్తున్నామని తెలిపారు. రానున్న రోజుల్లో కందిపప్పు, పామాయిల్‌ కూడా తక్కువ ధరకే అందుబాటులోకి తీసుకొచ్చేందుకు ప్రయత్నిస్తున్నామన్నారు. కార్యక్రమంలో పౌర సరఫరాల సంస్థ కమిషనర్‌ కన్నబాబు, జేసీ ఇలక్కియ, డీఎస్‌ఓ వాణి, డిస్ట్రిక్ట్‌ మేనేజర్‌ సతీష్‌, సివిల్‌ సప్లయిస్‌ డిప్యూటీ తహిసీల్దార్‌ పి.శ్రీనివాస్‌, జనసేన జిల్లా అధ్యక్షుడు సామినేని ఉదయభాను, పశ్చిమ ఎమ్మెల్యే కార్యాలయ కార్యదర్శి ప్రత్తిపాటి శ్రీధర్‌, కూటమి నాయకులు పాల్గొన్నారు. లబ్బీపేట(విజయవాడతూర్పు): తిరుమలలో నిర్వహించే నిత్యాన్నదాన పథకానికి ది కృష్ణాజిల్లా లారీ ఓనర్స్‌ అసోసియేషన్‌ ఆధ్వర్యంలో 10 టన్నుల కూరగాయలు సరఫరా చేశారు. ఈ మేరకు బెంజిసర్కిల్‌ సమీపంలోని అసోసియేషన్‌ హాలు వద్ద కూరగాయలతో కూడిన లారీకి సోమవారం సంఘ అధ్యక్షుడు నాగమోతు రాజా జెండా ఊపి ప్రారంభించారు. ఈ కార్యక్రమంలో రాష్ట్ర ప్రధాన కార్యదర్శి వై.వి.ఈశ్వరరావు, జిల్లా ప్రధాన కార్యదర్శి అల్లాడ వీర వెంకట సత్యనారాయణ, కార్యవర్గ సభ్యులు, ఫౌండేషన్‌ అధ్యక్షులు రావి గోపాలరావు, సొసైటీ పాలకవర్గ సభ్యులు పాల్గొన్నారు. లబ్బీపేట(విజయవాడతూర్పు): గర్భం దాల్చిన 26 వారాలకే అత్యవసర పరిస్థితుల్లో డెలివరీకి దారితీయగా, 800 గ్రాముల బరువుతో పుట్టిన శిశువుకు ఎలాంటి లోపాలు లేకుండా ఎదిగేందుకు పట్టుదలతో వైద్యం చేసినట్లు అక్కినేని ఆస్పత్రి ఎండీ డాక్టర్‌ అక్కినేని మణి తెలిపారు. విజయవాడలోని ఆస్పత్రిలో సోమవారం మీడియా సమావేశంలో మాట్లాడారు. గర్భాశయ ముఖద్వారం బలహీన పడటం వలన 26 వారాలకే గర్భిణికి అత్యవసర డెలివరీకి దారితీసిన వైనాన్ని వివరించారు. పొత్తికడుపు నొప్పులతో, గర్భాశయ ద్వారం అప్పటికే తెరుచుకున్న స్థితిలో ఆస్పత్రికి వచ్చిన గర్భిణిని డాక్టర్‌ సౌమ్య, డాక్టర్‌ నారాయణ పరీక్షించినట్లు తెలిపారు. కాగా అప్పటికి నాలుగు వారాల ముందు ఇదే పరిస్థితి వస్తే సర్విక్స్‌కు కుట్లు వేశామని, మళ్లీ అదే సమస్య తలెత్తడంతో మళ్లీ కుట్లు వేడయం సాధ్యం కాని పరిస్థితిలో అత్యవసర డెలివరీ చేసినట్లు వివరించారు. దీంతో 800 గ్రాములతో పుట్టిన శిశువుకు అరుదైన చికిత్సతో ఆరోగ్యంగా ఎదిగేలా చేసినట్లు తెలిపారు. ప్రస్తుతం తల్లీ, బిడ్డలు ఇద్దరూ ఆరోగ్యంగా ఉన్నట్లు తెలిపారు. ఈ సమావేశంలో చికిత్స చేసిన వైద్య బృందం పాల్గొన్నారు.

వన్‌టౌన్‌(విజయవాడపశ్చిమ): దసరా ఉత్సవాలకు పోలీసుశాఖ చేపట్టిన బందోబస్తు ఏర్పాట్లను మోడల్‌ గెస్ట్‌ హౌస్‌ వద్ద ఏర్పాటు చేసిన కమాండ్‌ కంట్రోల్‌ రూమ్‌ నుంచి రాష్ట్రం హోం మంత్రి అనిత సోమవారం పరిశీలించారు. 30 అధునాతన డ్యాష్‌ బోర్డుల ద్వారా ఏఐ, డ్రోన్లు– ఏఎన్‌పీఆర్‌ ద్వారా క్యూలైన్లలో భక్తుల కదలికలు, రద్దీని ఏఐ కెమెరాలు, డ్రోన్లు, డిజిటల్‌ ట్విన్స్‌ పరిజ్ఞానంతో పర్యవేక్షణ చేస్తున్నట్లు అధికారులు మంత్రికి తెలిపారు. 70కి పైగా అనలైటికల్‌ కెమెరాలను ఏర్పాటు చేశామన్నారు. ఈ కార్యక్రమంలో డీసీపీలు షిరీన్‌బేగం, జి.సరిత తదితరులు పాల్గొన్నారు. కుటుంబ సభ్యులకు చిన్నారిని అప్పగింత.. కర్నూలు జిల్లా, జొన్నగిరి ప్రాంతానికి చెందిన తనుశ్రీ అనే చిన్నారి తన కుటుంబ సభ్యులతో కలిసి అమ్మవారి దర్శనానికి వచ్చి క్యూ లైన్‌ వద్ద అనుకోకుండా తన తల్లిదండ్రుల నుంచి విడిపోయింది. పోలీస్‌ సిబ్బంది ఆ పాపను గుర్తించి పోలీసు కంట్రోల్‌ రూమ్‌కు సమాచారం అందించారు. చిన్నారి ఇచ్చిన సమాచారంతో ఆమె తల్లిదండ్రులను సంప్రదించి క్షేమంగా అప్పగించారు.

గన్నవరం: విమానాశ్రయ విస్తరణలో ఇళ్లు, ప్లాట్లు కోల్పోయిన బాధితుల విషయంలో రాష్ట్ర ప్రభుత్వం మానవత్వంతో వ్యవహరించి తక్షణ న్యాయం చేయాలని మాజీ ఎమ్మెల్యే డాక్టర్‌ వల్లభనేని వంశీమోహన్‌ డిమాండ్‌ చేశారు. స్థానిక తహసీల్దారు కార్యాలయం వద్ద విమానాశ్రయ భూ నిర్వాసితులు చేపట్టిన రిలే నిరాహార దీక్షల శిబిరాన్ని ఆయన సోమవారం సందర్శించి, వారికి సంఘీభావం తెలిపారు. ఈ సందర్భంగా తమ సమస్యలను బాధితులు వంశీకి వివరించారు. అనంతరం వంశీమోహన్‌ మాట్లాడుతూ.. 2014లో తాను టీడీపీ ఎమ్మెల్యేగా ఉండగానే అప్పటి ముఖ్యమంత్రి చంద్రబాబు ఆదేశాల మేరకు విమానాశ్రయ విస్తరణ కోసం ఈ ప్రాంత రైతులు, ఇళ్లు, ప్లాట్ల యజమానులను ఒప్పించి భూములను సమీకరించినట్లు గుర్తుచేశారు. ఇళ్లు కోల్పోయిన 423 నిర్వాసిత కుటుంబాలకు ఆర్‌అండ్‌ఆర్‌ ప్యాకేజీ కింద గృహాలు, ప్లాట్లు కోల్పోయిన వారికి అజ్జంపూడిలో తిరిగి ప్లాట్లు కేటాయిస్తామనే హామీ అమలు చేయకుండా టీడీపీ ప్రభుత్వం దిగిపోయిందన్నారు. వైఎస్సార్‌ సీపీ ప్రభుత్వంలో ఆర్‌అండ్‌ఆర్‌ ప్యాకేజీ కింద నిర్వాసితులకు ప్లాట్లు కేటాయించడంతో పాటు దస్తావేజులను కూడా అందజేసినట్లు తెలిపారు. అనంతరం అధికారంలోకి వచ్చిన కూటమి ప్రభుత్వం బాధితులను పూర్తిగా గాలికి వదిలివేసిందని విమర్శించారు. విమానాశ్రయ భూ నిర్వాసితుల సమస్యలను గత ఫిబ్రవరిలోనే గ్రీవెన్స్‌లో కృష్ణా జిల్లా కలెక్టర్‌కు అర్జీ ఇచ్చి పరిష్క రించాలని కోరినా ఇప్పటి వరకూ స్పందన లేదని పేర్కొన్నారు. అవసరమైన సీఎం చంద్రబాబు దృష్టికి సమస్యను తీసుకెళ్లి పరిష్కరానికి కృషి చేస్తానని బాధితులకు వంశీమోహన్‌ హామీ ఇచ్చారు. వంటావార్పు తొలుత విమానాశ్రయ నిర్వాసితులు తమ ఆందోళనలో భాగంగా వంటావార్పు నిర్వహించారు. మాజీ మంత్రి వడ్డే శోభనాద్రీశ్వరరావు, ఏఐసీసీ సభ్యురాలు సుంకర పద్మశ్రీ, సీపీఎం జిల్లా కార్యదర్శి వై.నరసింహారావు, వ్యవసాయ కార్మిక సంఘం రాష్ట్ర కార్యదర్శి వెంకటేశ్వర్లు పాల్గొని సంఘీభావం తెలిపారు. ప్రైవేట్‌ సంస్థ నిర్మించిన భోగపురం విమానాశ్రయం ప్రారంభోత్సవానికి రూ.400 కోట్లు ఖర్చు పెట్టిన ప్రభుత్వం ఇక్కడి బాధితులకు రూ.120 కోట్లు కేటాయించేందుకు మీనమేషాలు లెక్కిస్తోందని ధ్వజమెత్తారు. రాష్ట్రపతి పర్యటన పేరుతో నిర్వాసితుల దీక్ష శిబిరాన్ని తొలగించేందుకు అధికారులు చేస్తున్న ప్రయత్నాలను విరమించుకోవాలని డిమాండ్‌ చేశారు.

ఇంద్రకీలాద్రి(విజయవాడపశ్చిమ): ఇంద్రకీలాద్రిపై శ్రీ దేవీ శరన్నవ రాత్రి మహోత్సవాలు అంగరంగ వైభవంగా జరుగుతున్నాయి. ఉత్సవాల్లో రెండో రోజైన సోమవారం శ్రీగాయత్రీదేవిగా దుర్గమ్మ భక్తులను కరుణించారు. తెల్లవారుజాము నుంచి ఉదయం వరకు భక్తుల రద్దీ అధికంగా ఉంది. ఆదివారం క్యూలైన్‌లో భక్తులు ఎదుర్కొన్న ఇబ్బందులపై అధికారులు స్పందించారు. సోమవారం ఉదయానికే క్యూలైన్లలో ఫ్యాన్లు, కూలర్లు ఏర్పాటు చేసి భక్తులకు వాటర్‌ బాటిళ్లు పంచారు. ఉదయం 10 గంటల తర్వాత క్యూలైన్లలో భక్తుల రద్దీ తగ్గింది. నూతన పూజా మండపంలో జరిగిన ప్రత్యేక కుంకుమార్చనలో దేవ దాయ శాఖ కమిషనర్‌ రామచంద్రమోహన్‌ దంపతులు పాల్గొన్నారు. దేవదాయ శాఖ కమిషనర్‌, ఫెస్టి వల్‌ ఆఫీసర్‌ త్రినాథరావు లడ్డూ పోటు, అన్నదాన భవనం, వైద్యశిబిరాలను పరిశీలించారు. గాయత్రీదేవిగా దర్శనమిచ్చిన దుర్గమ్మకు నిర్వహించిన ఆర్జిత సేవల్లో ఉభయదాతలు విశేషంగా పాల్గొన్నారు. నేడు తమిళనాడుసీఎం విజయ్‌ రాక దుర్గమ్మ దర్శనానికి తమిళనాడు సీఎం విజయ్‌ మంగళవారం సాయంత్రం ఐదు గంటలకు వస్తారని ఆలయ అధికారులు తెలి పారు. ప్రముఖుల రాక ప్రారంభం కానున్న నేపథ్యంలో బాంబ్‌ స్క్వాడ్‌ తనిఖీలు చేపట్టింది. నేటి అలంకారం శ్రీఅన్నపూర్ణాదేవి దసరా ఉత్సవాల్లో భాగంగా మంగళవారం శ్రీఅన్నపూర్ణాదేవిగా కనక దుర్గమ్మ భక్తులకు దర్శనమిస్తారు. నిత్యాన్నదానేశ్వరి అలంకారంలో శ్రీదుర్గ మ్మను దర్శించి తరించడం వల్ల అన్నాదులకు లోపం లేకుండా, ఇతరులకు అన్నదానం చేసే భాగ్యం అభిస్తుంది. నృత్య నీరాజనం విజయవాడ కల్చరల్‌: కనకదుర్గానగర్‌ లోని కళావేదికపై ప్రదర్శిస్తున్న సాంస్కృతిక కార్యక్రమాలు రస రమ్యంగా సాగుతున్నాయి. కళాకారులు అన్నమయ్య, త్యాగ రాజ, రామదాసు కీర్తలనకు కళాకారులు మనోహరంగా నృత్యం చేశారు. శ్రీదుర్గామల్లేశ్వర స్వామి బృందం నాదస్వరంతో రెండో రోజు సాంస్కృతిక కార్యక్రమాలకు శ్రీకారం చుట్టారు. వైభవంగా నగరోత్సవం ఉత్సవాలను పురస్కరించుకుని శ్రీగంగా పార్వతి సమేత మల్లేశ్వర స్వామి వార్ల నగరోత్సవ సేవ వైభవంగా జరిగింది. సాయంత్రం మహా మండపం దిగువ నుంచి ప్రారంభమైన ఈ సేవ మేళతాళాలు, మంగళవాయిద్యాల నడుమ అంగరంగ వైభవంగా సాగింది. ప్రత్యేకంగా అలంకరించిన పల్లకీపై ఆదిదంపతులు కొలువై ఉండగా, పలువురు కళాకారులు ఊరేగింపు ముందు తమ కళలను ప్రదర్శించారు. సోమవారం శ్రీ దుర్గా మల్లేశ్వర స్వామివార్ల దేవస్థానానికి వివిధ టికెట్ల విక్రయం ద్వారా రూ.25.41 లక్షల మేర ఆదాయం సమకూరింది. రాష్ట్రపతి ద్రౌపది ముర్ము ఈ నెల 14వ తేదీన ఇంద్రకీలాద్రికి వస్తున్న నేపథ్యంలో ఆలయ ప్రాంగణంలో ట్రయల్‌ రన్‌ నిర్వహించారు. చేపట్టాల్సిన ఏర్పాట్లపై ఆలయ ఈఓ, చైర్మన్‌, ఇంజినీరింగ్‌ అధికారులు చర్చించారు. ఆలయ ప్రాంగణంలోని రాష్ట్రపతి కొద్దిసేపు వేచి ఉండేందుకు డోనర్‌ సెల్‌లో కొన్ని మార్పులు చేయాలని నిర్ణయించారు. రాష్ట్రపతి ఆలయానికి విచ్చేసిన తరుణంలో ఏ విధంగా నడుచుకోవాలనే దానిపై ఏడీసీపీ సరిళ, దుర్గగుడి ఇంజినీరింగ్‌ అధికారులకు సూచనలు చేశారు. ఈ క్రమంలో ఈఈ రమాను రాష్ట్రపతిగా భావిస్తూ ఆలయ ప్రాంగణం నుంచి అమ్మవారి ఆలయంలో దర్శనం, తిరిగి డోనర్‌ సెల్‌ వరకు వచ్చే వరకు పాటించాల్సిన ప్రొటోకాల్‌పై అవగాహన కల్పించారు. ట్రయిల్‌ రన్‌లో దసరా ఫెస్టివల్‌ ఆఫీసర్‌ త్రినాథరావు, ఈఈ భాస్కర్‌, రాంబాబు, స్థానాచార్య శివప్రసాద్‌ శర్మ, ఆలయ వైదిక కమిటీ సభ్యుడు శంకర శాండిల్య, వెస్ట్‌ ఏసీపీ దుర్గారావు పాల్గొన్నారు.

ఈగల్‌ ఐజీపీ రవికృష్ణ పెనమలూరు: మాదకద్రవ్యాల నివారణకు ప్రజల భాగస్వామ్యం అవసరమని ఈగల్‌ ఐజీపీ ఆకే.రవికృష్ణ అన్నారు. యనమలకుదురు కాలువ కట్టపై మాదకద్రవ్యాల నివారణే లక్ష్యంగా సోమవారం ఆపరేషన్‌ త్రిశూల్‌లో భాగంగా మెగా కార్డన్‌ ఆండ్‌ సెర్చ్‌ ఆపరేషన్‌ నిర్వహించారు. ఈ సందర్భంగా రవికృష్ణ మాట్లాడుతూ మాదకద్రవ్యాల వినియోగం, అక్రమ రవాణా, అసాంఘిక కార్యకలాపాలు అరికట్టడానికి ప్రత్యేక చర్యలు చేపట్టామన్నారు. మాదకద్రవ్యాల విషయంలో సమాచారం తెలిసిన ప్రజలు మౌనంగా ఉండకుండా వెంటనే సంప్రదించి పోలీసులకు సమాచారం ఇవ్వలన్నారు. 1972 నంబర్‌కు ఫోన్‌ చేయాలని సూచించారు. ప్రజలు భాగస్వాములైతేనే ఆశించిన ఫలితాలు సాధించగలుగుతామని వివరించారు. జిల్లా ఎస్పీ వి.విద్యాసాగర్‌నాయుడు మాట్లాడుతూ ఆపరేషన్‌ త్రిశూల్‌తో మాదకద్రవ్యాల నివారణకు కృషి చేస్తున్నామన్నారు. మాదకద్రవ్యాలు వినియోగిస్తున్నారన్న అనుమానంతో 100 మందికి డ్రగ్‌ పరీక్షలు చేయగా ఇద్దరికి పాజిటివ్‌ వచ్చిందన్నారు. ఈగల్‌ ఎస్పీ కె.మహేశ్వరరాజు మాట్లాడుతూ కరటక్ట ప్రాంతంలో క్షేత్రస్థాయిలో తనిఖీలు చేశామన్నారు. అనుమానం ఉన్న వ్యక్తులకు కౌన్సిలింగ్‌ చేశామని తెలిపారు, పాజిటివ్‌ వచ్చిన వారిపై చర్యలు తీసుకుంటామని అన్నారు. కాగా పోలీసులు గ్రామంలో అనుమానాస్పద ప్రాంతాల్లో విసృతంగా పర్యటించి తనిఖీలు చేశారు. ప్రజలకు పోలీసుల సహాయం అవసరమైతే వెంటనే 112 కి ఫోన్‌ చేయలని సూచించారు. ఈ కార్యక్రమంలో డీఎఈస్ప ఆళ్ల జయకృష్ణ, ఈగల్‌ సీఐలు ఎం.రవీంద్ర, డి.నాగార్జున, పెనమలూరు సీఐ నామాల వెంకటనారాయణ, ఎస్‌ఐలు సుధాకర్‌, భవానీ, జిల్లా డాగ్‌ స్క్వాడ్‌, ఈగల్‌ సిబ్బంది, స్థానిక పోలీసులు పాల్గొన్నారు.

సాక్షి ప్రతినిధి, విజయవాడ: రాష్ట్ర ప్రభుత్వం ఎట్టకేలకు మునిసిపల్‌ కార్పొరేషన్లు, మునిసిపాలిటీల రిజర్వేషన్లను ఖరారు చేసింది. విజయవాడ నగరపాలక సంస్థ మేయర్‌ స్థానాన్ని జనరల్‌కు కేటాయించింది. మచిలీపట్నం మేయర్‌ సీటు బీసీ జనరల్‌కు ఖరారైంది. ఇక మునిసిపాలిటీల చైర్మన్ల సీట్లకు సంబంధించి నందిగామ జనరల్‌, పెడన, జగ్గయ్యపేట జనరల్‌ మహిళ, కొండపల్లి ఎస్‌సీ మహిళ, ఉయ్యూరు ఎస్సీ జనరల్‌, తిరువూరు, తాడిగడప బీసీ జనరల్‌ కాగా గుడివాడ బీసీ మహిళకు కేటాయించింది. తాడిగడప, గుడివాడ మునిసిపాలిటీల వార్డు రిజర్వేషన్లు ఇంకా ప్రకటించాల్సి ఉంది. మరో రెండు రోజుల్లో మునిసిపల్‌ ఎన్నికల నోటిఫికేషన్‌ వెలువడే అవకాశం ఉందని సమాచారం.

● తొలి రోజే వీఐపీల సేవలో అధికార గణం ● క్యూలోనే సొమ్ముసిల్లి పడిన వృద్ధులు వన్‌టౌన్‌(విజయవాడపశ్చిమ): వసతులు లేకపోవడంతో తొలిరోజు దసరా ఉత్సవాలకు వచ్చిన భక్తులు గగ్గోలు పెట్టారు. అధికారులు.. వీఐపీల సేవలోనే ఉన్నారని, సామాన్యుడి ఇక్కట్లు పట్టించుకోలేదనే విమర్శలు వస్తున్నాయి. ఎన్టీఆర్‌ జిల్లా విజయవాడలోని దుర్గమ్మ సన్నిధిలో సదరా ఉత్సవాల్లో భాగంగా తొలి రోజు ఆదివారం భక్తులు తీవ్ర ఇబ్బందులు ఎదుర్కొన్నారు. ఉదయం ఆలయంలో పూజలు ప్రారంభం, పలువురు వీఐపీలు తరలిరావటంతో మధ్యాహ్నం వరకూ ఆలయ అధికారులతో పాటుగా పోలీసు, ప్రొటోకాల్‌ తదితర ముఖ్యులందరూ ఆయా పనుల్లో నిమగ్నమయ్యారు. క్యూ మేనేజ్‌మెంట్‌లో గందరగోళం ఉత్సవాలకు 25 లక్షల మంది వస్తారని పదేపదే ప్రకటనలు గుప్పించిన అధికారులు తొలి రోజే అనేక విమర్శలు ఎదుర్కొనే పరిస్థితి వచ్చింది. మొదటి రోజు భక్తుల రద్దీతో అందరూ చేతులు ఎత్తేసిన పరిస్థితి నెలకొంది. క్యూలో ఉన్న భక్తుల సౌకర్యాలపైనా సరైన నిర్ణయాలు తీసుకోకపోవడంతో వృద్ధులు, చిన్నారులు, మహిళలు తీవ్ర అవస్థలు ఎదుర్కొన్నారు. తొలి రోజు పోలీసులు, ఇతర శాఖల అధికారులు క్యూలైన్‌ మేనేజ్‌మెంట్‌లో పూర్తిగా విఫలమయ్యారనే విమర్శలు వినిపించాయి. భక్తులు క్యూలో సుమారు నాలుగైదు గంటలు ఉండటంతో ఆకలితో అలమటించారు. ఉత్సవాల్లో టెక్నాలజీ ఫెయిల్‌! ఇంద్రకీలాద్రి(విజయవాడపశ్చిమ): ఉత్సవాల్లో తొలి రోజే టెక్నాలజీ పూర్తిగా ఫెయిలైంది. ఈ ఏడాది కొండపైకి వచ్చే వాహనాలను నియంత్రించడానికి దేవస్థానం, పోలీసు యంత్రాంగం కొత్త విధానానికి రూపకల్పన చేసింది. టీటీడీ స్థలం, టోల్‌గేట్‌తో పాటు ఘాట్‌రోడ్డులో బూమ్‌ బ్యారికేడ్లు, టర్న్‌స్టైల్స్‌ ఏర్పాటుకు లక్షలు వెచ్చించారు. ఆదివారం ఉదయమే టర్న్‌స్టైల్స్‌ విఫలం కాగా, సాయంత్రం నుంచి బూమ్‌ బ్యారికేడ్ల వ్యవస్థ కూడా విఫలమైంది. కొండపైకి ఇష్టానుసారంగా కార్లు, ఇతర వాహనాలను అనుమతించడంతో ఘాట్‌రోడ్డులోని టోల్‌గేట్‌ మొదలు ప్రొటోకాల్‌ కార్యాలయం వరకు ట్రాఫిక్‌ జామ్‌ ఏర్పడింది. ఒక వైపున అమ్మవారి నగరోత్సవ సేవ, ప్రముఖుల కార్లతో కనీసం అడుగు తీసి అడుగు వేసే పరిస్థితి కనిపించలేదు. రాత్రి 8 నుంచి 9 గంటల వరకు వీఐపీ ప్రొటోకాల్‌ దర్శనాలకు అనుమతించడంతో పలువురు ప్రముఖులు కొండపైకి చేరుకునేందుకు పోటీ పడ్డారు. కార్లు, ఇతర వాహనాలతో పాటు ద్విచక్ర వాహనాలది సైతం ఇదే పరిిస్థ్ధితి. దీంతో ఓం టర్నింగ్‌ నుంచి ఇటీవల కొండ చరియలు విరిగి పడిన ప్రాంతం వరకు పూర్తిగా ద్విచక్ర వాహనాలతో నిండిపోయింది.

వేద మంత్రాల నడుమ.. మంగళవాయిద్యాల సవ్వడితో.. అమ్మవారి నామస్మరణతో ఇంద్రకీలాద్రి ఆధ్యాత్మిక శోభను సంతరించుకుంది. జగజ్జనని శ్రీ కనకదుర్గమ్మ శరన్నవరాత్రి మహోత్సవాలు ఆదివారం అంగరంగ వైభవంగా ప్రారంభమయ్యాయి. తొలి రోజున అమ్మవారు శ్రీ బాలాత్రిపురసుందరీదేవిగా దర్శనమివ్వడంతో కొండ పరిసరాలు భక్తిభావంతో పులకించిపోయాయి. అమ్మవారిని దర్శించుకుని మొక్కులు చెల్లించుకునేందుకు పద్ద సంఖ్యలో భక్తులు తరలివచ్చారు. మరోవైపు ప్రముఖులు, వీఐపీల రాక, సిఫారసు దర్శనాల మధ్య సామాన్య భక్తులు ఇబ్బందులు ఎదుర్కోవాల్సి వచ్చింది. ఆంక్షలు, రద్దీ నడుమ భక్తుల గంటల తరబడి నిరీక్షించారు.

చల్లపల్లి: మండల పరిధిలోని నడకుదురు గ్రామంలో తెలుగుదేశం పార్టీకి చెందిన నాయకులు వైఎస్సార్‌ కాంగ్రెస్‌ పార్టీ అవనిగడ్డ నియోజకవర్గ సమన్వయకర్త, మాజీ శాసనసభ్యుడు సింహాద్రి రమేష్‌బాబు సమక్షంలో ఆదివారం రాత్రి వైఎస్సార్‌ సీపీలో చేరారు. ఈసందర్బంగా తొలుత ప్రధాన రహదారుల వెంట భారీ ర్యాలీ నిర్వహించారు. రాముడుపాలెం, నాదెళ్లవారిపాలెం, పాతనడకుదుర గ్రామాల నుంచి ప్రజలు ర్యాలీగా నడకుదురు ప్రధాన సెంటర్‌కు తరలివచ్చారు. దీంతో ప్రధాన రహదారుల వెంట పండుగ వాతావరణం నెలకొంది. పార్టీ నాయకులు, కార్యకర్తల, అభిమానుల కేరింతల మధ్య నడకుదురు సెంటర్‌లోని దివంగత ముఖ్యమంత్రి వైఎస్‌ రాజశేఖరరెడ్డి విగ్రహానికి సింహాద్రి రమేష్‌బాబు పూలమాలలు వేసి నివాళులర్పించారు. ఈ సందర్భంగా రమేష్‌బాబు మాట్లాడుతూ.. నాడు జగన్‌మోహనరెడ్డి పేదల పక్షాన నిలబడి వారి సంక్షేమం, అభివృద్ధికోసం పనిచేస్తే నేడు చంద్రబాబు ప్రభుత్వం కేవలం ఆర్థిక సంపన్నులకు మాత్రమే లబ్ధి చేకూర్చేందుకు పని చేస్తోందన్నారు. గత ఎన్నికల్లో ఏదో చేస్తాడని చంద్రబాబుకు ఓటేసిన ప్రజలు మోసపోయామని గ్రహించి తిరిగి వైఎస్‌ జగన్‌మోహన్‌రెడ్డిని బలపరిచేందుకు సిద్ధమయ్యారన్నారు. మరలా వైఎస్‌ జగన్‌ను ముఖ్యమంత్రిని చేసేందుకు రాష్ట్ర ప్రజలందరూ సంసిద్ధంగా ఉన్నారని చెప్పారు. స్థానిక సంస్థల ఎన్నికల్లో అన్ని చోట్లా పోటీ చేస్తామని స్పష్టం చేశారు. అనంతరం పార్టీ శ్రేణులకు గుర్తింపు కార్డులు పంపిణీ చేశారు. కార్యక్రమంలో నడకుదురు మాజీ సర్పంచ్‌ గొరిపర్తి సురేష్‌బాబు, కృష్ణాజిల్లా బూత్‌ కమిటీ విభాగం అధ్యక్షుడు మద్ది వెంకటనారాయణ(చిన్న), జిల్లా ప్రచార కమిటీ కార్యదర్శి బండ్రెడ్డి తేజ, మండల యూత్‌ అధ్యక్షుడు వెనిగళ్ల తారకజగదీష్‌, మహిళా కన్వీనర్‌ బొందలపాటి లక్ష్మి నాయకులు బొంతు నాని, బుస్సా కమలాకరరావు పెద్ద సంఖ్యలో కార్యకర్తలు, అభిమానులు పాల్గొన్నారు. 30 కుటుంబాలు చేరిక.. టీడీపీకి చెందిన 30 కుటుంబాల నాయకులు, కార్యకర్తలు వైఎస్సార్‌ సీపీలో చేరారు. నడకుదురు గ్రామ కన్వీనర్‌ నలిగిలి విజయరాజు, మాతంగి ఆదిశేషుల ఆధ్వర్యంలో మాతంగి శ్రీనివాసరావు, నలిగిలి రామకృష్ణ, బలుసుపల్లి శ్రీనివాసరావు, కొలుసు నాగరాజు, పెద్దిబోయిన ఏడుకొండలు, కనుమూరి గోవిందరావులతోపాటు మరో 25 కుటుంబాలకు చెందిన టీడీపీ నాయకులు, కార్యకర్తలు పార్టీలో చేరారు. సింహాద్రి రమేష్‌బాబు వారికి పార్టీ కండువాలు కప్పి వారిని సాదరంగా పార్టీలోకి ఆహ్వానించారు.

హనుమాన్‌జంక్షన్‌రూరల్‌: స్థానిక ప్రసిద్ధ అభయాంజనేయ స్వామి దేవస్థానం అన్నప్రసాద ట్రస్ట్‌కు దాతలు రూ.లక్ష విరాళాన్ని అందించారు. గుడివాడకు చెందిన వీరమాచినేని సీత రామదాసు, లక్ష్మీరాజ్యం దంపతులు, కుమారుడు నరేష్‌బాబు అన్నప్రసాద ట్రస్ట్‌కు రూ.1,01,116 విరాళాన్ని ఆలయ పాలక మండలి చైర్మన్‌ వేమూరి శ్రీనివాసరావు, కార్యనిర్వహణాధికారి పితాని తారకేశ్వరరావులకు అందించారు. అనంతరం ఆలయంలో అభయాంజనేయ స్వామికి దాతలు ప్రత్యేక పూజలు నిర్వహించారు. ఆలయ అర్చకులు దాతలకు ఆశీర్వచనం అందించి, స్వామి వారి శేషవస్త్రాలను అందించారు. ఆలయ పాలక మండలి చైర్మన్‌ వేమూరి శ్రీనివాసరావు దాతలను సత్కరించి, స్వామివారి చిత్రపటాన్ని బహూకరించారు.

లబ్బీపేట(విజయవాడతూర్పు): సెంటినీ గ్రూప్‌ ఆఫ్‌ హాస్పిటల్స్‌ ఆధ్వర్యంలో గుంటూరు జిల్లా తాడేపల్లి సర్వీసు రోడ్డులో 150 పడకలు, అధునాతన సౌకర్యాలతో ఏర్పాటు చేసిన సెంటినీ డాక్టర్‌ శ్రీమాన్‌ హాస్పిటల్‌లో ఆదివారం లాంఛనంగా సేవలు ప్రారంభించారు. ఈ సందర్భంగా నిర్వహించిన మీడియా సమావేశంలో సెంటినీ హాస్పిటల్స్‌ ఎండీ డాక్టర్‌ మొవ్వ పద్మ మాట్లాడుతూ.. వైద్య రంగంలో రెండు దశాబ్ధాలుగా విశేష అనుభవం కలిగిన నిపుణుల నేతృత్వంలో అత్యాధునిక ప్రమాణాలు, అంతర్జాతీయ స్థాయి వైద్య సేవలను ఈ నూతన ఆస్పత్రిలో అందించనున్నట్లు తెలిపారు. గుండె వైద్యంలో విశేష అనుభవం గడించిన డాక్టర్‌ జె.శ్రీమన్నారాయణ నేతృత్వంలో పూర్తిస్థాయి కార్డియాలజీ బృందం సేవలు అందిస్తుందన్నారు. అదే విధంగా జాయింట్‌ రీప్లేస్‌మెంట్‌, రోబోటిక్‌ సర్జన్‌ డాక్టర్‌ ఎన్‌ జగదీష్‌, న్యూరాలజిస్ట్‌ డాక్టర్‌ లావు హరీష్‌ వంటి నిపుణులు నిరంతరం అందుబాటులో ఉంటారని తెలిపారు. కార్డియాలజీ, న్యూరాలజీ, నెఫ్రాలజీ, ఆర్ధో అండ్‌ జాయింట్‌ రీప్లేస్‌మెంట్‌ సర్జరీ, గ్యాస్ట్రో ఎంట్రాలజీ, పల్మనాలజీ, క్రిటికల్‌ కేరర్‌, గైనకాలజీ, జనరల్‌ మెడిసిన్‌ విభాగాల్లో సేవలు అందించనున్నట్లు తెలిపారు. వైద్యులు శ్రీమన్నారాయణ, జగదీష్‌ మాట్లాడుతూ.. రాజధాని ప్రాంత పరిసర జిల్లాల వారికి అత్యుత్తమ వైద్య సేవలు అందించడమే తమ లక్ష్యమన్నారు. సమావేశంలో జనరల్‌ మెడిసిన్‌ నిపుణులు డాక్టర్‌ తుళ్లూరి రేష్మా చౌదరి, గైనకాలజిస్ట్‌ డాక్టర్‌ ఎన్‌.మాధురి, రేడియాలజిస్ట్‌ డాక్టర్‌ సుషేన్‌, ఆస్పత్రి చైర్మన్‌ మొవ్వ ఆనంద్‌, డైరెక్టర్‌ మొవ్వ విష్ణు తదితరులు పాల్గొన్నారు.

మొగల్రాజపురం(విజయవాడ తూర్పు): బెంగళూరులో ఈ నెల 4 నుంచి 11వ తేదీ వరకు జరిగిన రెండో ఆసియా మాస్టర్స్‌ ఆక్వాటిక్‌ చాంపియన్‌షిప్‌–2026లో ఎన్టీఆర్‌ జిల్లాకు చెందిన బీఎస్‌ఎఫ్‌ (బోర్డర్‌ సెక్యూరిటీ ఫోర్స్‌) జవాన్‌ జి.శ్రీకాంత్‌ అద్భుత ప్రతిభ చూపి వివిధ విభాగాల్లో మూడు పతకాలు సొంతం చేసుకున్నాడు. 30–34 ఏళ్ల విభాగంలో 400 మీటర్ల వ్యక్తిగత విభాగంలో సిల్వర్‌ మెడల్‌, 200 మీటర్ల బటర్‌ఫ్లై విభాగంలో బ్రాంజ్‌, 100 మీటర్ల బటర్‌ఫ్లై విభాగంలో బ్రాంజ్‌ మెడల్‌ సాధించాడు. విజయవాడకు చెందిన చెందిన శ్రీకాంత్‌ ప్రస్తుతం బోర్డర్‌ సెక్యూరిటీ ఫోర్స్‌ పంజాబ్‌లో జవాన్‌గా సేవలు అందిస్తున్నారు. విధి నిర్వహణలో బిజీగా ఉంటూనే, క్రీడలపై మక్కువతో తీవ్రంగా శ్రమించి ఈ అంతర్జాతీయ పోటీల్లో పతకాలు సాధించడం విశేషమని ఎన్టీఆర్‌ జిల్లా స్విమ్మింగ్‌ అసోసియేషన్‌ సెక్రటరీ ఐ.రమేష్‌ తెలిపారు. శ్రీకాంత్‌ను రమేష్‌, సంఘం సభ్యులు, క్రీడా ప్రముఖులు అభినందించారు. పటమట(విజయవాడతూర్పు): బెంజిసర్కిల్‌ వద్ద ఉన్న నూరానీ ప్లాజాల్లో నూతనంగా ఏర్పటు చేసిన బనానా క్లబ్‌ వస్త్రదుకాణం ఆదివారం ప్రారంభమైంది. బిగ్‌బాస్‌ ఫేమ్‌ పడాల కల్యాణ్‌ ఈ షోరూమ్‌ను ప్రారంభించారు. ఈసందర్భంగా కల్యాణ్‌ మాట్లాడుతూ.. నేటి యువత ఆసక్తి మేరకు వివిధ డిజైన్లు, రంగుల్లో అందుబాటు ధరల్లో ఇక్కడ వస్త్రాలు లభ్యమవుతాయన్నారు. కార్యక్రమంలో షోరూమ్‌ మేనేజర్‌ వెంకటేష్‌ మాట్లాడుతూ.. విజయవాడలో ఇది మొదటి షోరూమ్‌ అని, తమ షోరూం ప్రారంభోత్సవం సందర్భంగా మొద టి 200 మంది వినియోగదారులకు టీ షర్టును ఉచితంగా అందిస్తున్నామని పేర్కొన్నారు. కంకిపాడు: కుటుంబ కలహాలతో వ్యక్తి ఆత్మహత్య చేసుకున్న ఘటనపై స్థానిక పోలీసుస్టేషన్‌లో ఆదివారం కేసు నమోదైంది. ఎస్‌ఐ కేవై దాసు తెలిపిన కథనం మేరకు.. మండలంలోని మద్దూరు గ్రామానికి చెందిన కొక్కిలిగడ్డ రామకృష్ణ(38)కు భార్య, కుమార్తె, కుమారుడు ఉన్నారు. కార్పెంటర్‌గా పనిచేస్తూ కుటుంబాన్ని పోషిస్తున్నాడు. కుటుంబంలో ఏర్పడిన కలహాల కారణంగా మనస్తాపానికి గురై ఆదివారం మధ్యాహ్నం ఇంట్లో ఎవరూ లేని సమయంలో ఉరి వేసుకుని ఆత్మహత్య చేసుకున్నాడు. సమాచారం అందుకున్న పోలీసులు ఘటనాస్థలానికి చేరుకుని వివరాలు సేకరించారు. మృతదేహాన్ని పోస్టుమార్టం నిమిత్తం తరలించారు. మృతుడి తల్లి కొక్కిలిగడ్డ కుమారి ఇచ్చిన ఫిర్యాదుపై కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు. పాయకాపురం(విజయవాడరూరల్‌): ఇంటి నుంచి వెళ్లిన వృద్ధుడు శవమై కనిపించిన సంఘటన ఆదివారం జరిగింది. నున్న రూరల్‌ పోలీసులు తెలిపిన వివరాల ప్రకారం, వాంబే కాలనీ హెచ్‌ బ్లాక్‌లో భార్యతో నివాసం ఉంటున్న తాడిని చిన్నారావు(60) లారీ డ్రైవర్‌. అతను గత నెల రోజులుగా అనారోగ్యంతో బాధపడుతుండగా విజయవాడ ప్రభుత్వాస్పత్రిలో కుటుంబ సభ్యులు చికిత్స చేయించారు. ఈ నెల 11వ తేదీ ఉదయం ఇంటి నుండి బయటకు వెళ్లిన చిన్నారావు ఇంటికి తిరిగి రాకపోవడంతో చిన్నారావు భార్య కృష్ణలంకలో ఉంటున్న తన కుమారుడు శివకు ఫోన్‌ చేసి తండ్రి కనిపించడం లేదని చెప్పింది. తండ్రి కోసం వెతుకుతున్న శివకు దేవినేని గాంధీపురం మట్టి రోడ్డు దగ్గర తండ్రి చనిపోయి కనిపించాడు. ఈ విషయం పోలీసులకు తెలియజేయగా మృతదేహాన్ని పోస్టుమార్టం నిమిత్తం ప్రభుత్వాస్పత్రికి తరలించారు. కేసు నమోదు చేసి దర్యాప్తు చేస్తున్నారు.

విమానాశ్రయం(గన్నవరం): రాష్ట్రపతి ద్రౌపది ముర్ము రాష్ట్ర పర్యటన ఏర్పాట్లను పకడ్బందీగా చేపట్టాలని కృష్ణా జిల్లా కలెక్టర్‌ డీకే బాలాజీ అధికారులకు సూచించారు. ఈ మేరకు ఆదివారం గన్నవరం విమానాశ్రయంలో రాష్ట్రపతి పర్యటన ఏర్పాట్లపై ఐఎస్‌డబ్ల్యూ, హెచ్‌ఎఫ్‌ఏసీ సూపరింటెండెంట్‌ ఆఫ్‌ పోలీస్‌ కె. ఆరిఫ్‌ హఫీజ్‌, జిల్లా ఎస్పీ వి.విద్యాసాగర్‌నాయుడుతో కలిసి ఆయన వివిధ శాఖల అధికారులతో సమీక్ష సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ రాష్ట్రపతి పర్యటనలో ఎటువంటి లోటుపాట్లు తలెత్తకుండా అన్ని శాఖల అధికారులు పరస్పర సమన్వయంతో పనిచేయాలని చెప్పారు. రాష్ట్రపతి రాక, తిరుగు ప్రయాణ సమయాల్లో విమానాశ్రయంలో రిసెప్షన్‌, వీడ్కోలు కార్యక్రమాలకు అవసరమైన ఏర్పాట్లు సమన్వయంతో చేపట్టాలని సూచించారు. ఏఎస్పీలు వీవీ నాయుడు, బి. సత్యనారాయణ, ఇంటెలిజెన్స్‌ డీఎస్పీ చప్పిడి రాజా, ఎయిర్‌పోర్ట్‌ డైరెక్టర్‌ ఎం. లక్ష్మీకాంతరెడ్డి, సీఎస్‌ఓ కే. ధర్మేంద్ర, పలు శాఖల అధికారులు పాల్గొన్నారు. 14న దుర్గగుడికి రాష్ట్రపతి ఇంద్రకీలాద్రి(విజయవాడపశ్చిమ): రాష్ట్రపతి ద్రౌపతి ముర్ము 14వ తేదీ ఇంద్రకీలాద్రికి విచ్చేయనున్న నేపథ్యంలో ఆలయ ప్రాంగణంలో చేపట్టాల్సిన ఏర్పాట్ల గురించి ఆదివారం క్షేత్ర స్థాయిలో పరిశీలన జరిగింది. అనంతరం మహామండపం నాలుగో అంతస్తులోని సమావేశ మందిరంలో దేవస్థాన ఈవో, పోలీసు, రెవెన్యూ, మున్సిపల్‌, వైద్య, సమాచార శాఖకు చెందిన అధికారులు పాల్గొన్నారు. కృష్ణా కలెక్టర్‌ బాలాజీ

సాక్షి, విజయవాడ: ఏళ్ల తరబడి సేవలు అందిస్తున్నా.. పదవీ విరమణ లేక.. విధుల్లో ఉంటూ చనిపోతే కుటుంబ సభ్యులకు భరోసా లేక అరకొర వేతనంతో ఏళ్ల తరబడి నెట్టుకొస్తున్న గ్రామ రెవెన్యూ సహాయకులు కడుపు మండి రోడ్డెక్కారు. ప్రతి ప్రభుత్వ కార్యక్రమం ప్రారంభం నుంచి ముగిసే వరకు అహర్నిశలు శ్రమించే తమకు ఉద్యోగ భద్రత కల్పించాలని డిమాండ్‌ చేస్తున్నారు. కూటమి ప్రభుత్వం అధికారంలోకి వచ్చి రెండున్నరేళ్లు దాటినా తమ బతుకులు మాత్రం మారడం లేదని వాపోతున్నారు. ప్రతి పనికీ అధికారులు తమనే వాడుకుంటారని, చేసే ఉద్యోగానికి రిటైర్‌మెంట్‌ లేక బతికనంతకాలం పని చేయలేకపోతున్నామని ఆవేదన వ్యక్తం చేస్తున్నారు. పని చేస్తూ చనిపోతే భరోసా లేదని, తమ కుటుంబాలకు భరోసా కల్పించాలని డిమాండ్‌ చేస్తున్నారు. ఉమ్మడి కృష్ణా జిల్లాలో.. దీర్ఘకాలిక సమస్యల పరిష్కారం కోరుతూ వీఆర్‌ఏలు సెప్టెంబర్‌ 16 నుంచి 24 రోజులుగా వీఆర్‌ఏలు నిరసన కార్యక్రామాలు చేపడుతున్నారు. ఉమ్మడి కృష్ణా జిల్లాలో 1,400 మంది వరకు వీఆర్‌ఏలు తహసీల్దార్‌ కార్యాలయాల వద్ద నిరనసలు చేపడుతున్నారు. బిక్షాటన చేస్తూ, రాజ్యాంగ నిర్మాత డా.బీఆర్‌ అంబేడ్కర్‌ విగ్రహాలకు, పలువురు ప్రముఖుల విగ్రహాలకు విజ్ఞాపన పత్రాలు అందజేస్తూ.. కనిపించిన ప్రతి ఉన్నతాధికారి ఎదుట ఘోస చెప్పుకుంటున్నారు. ఏళ్ల తరబడి నౌకర్లుగా పని చేస్తున్న తమ జీవితాలకు భరోసా లేక, ప్రమోషన్లు లేక బతుకీడుస్తున్నామని వాపోతున్నారు. ప్రముఖుల పర్యటనల సమయాల్లో కొన్నిసార్లు కనీసం కాలకృత్యాలు తీర్చుకోవడానికి కూడా సమయం ఇవ్వడం లేదని పలువురు మహి ళా వీఆర్‌ఏలు వాపోతున్నారు. రాష్ట్రవ్యాప్తంగా వీఆర్‌ఏలు నిరసన్నల్లోకి వెళ్లడంతో రెవెన్యూ శాఖ చేపడుతున్న పనులకు అంతరాయం ఏర్పడింది. ఉద్యోగం చిన్నది.. పనులు ఎక్కువ.. ప్రభుత్వం చేపట్టే ప్రతి కార్యక్రమంలో వీరే కీలకం. ప్రముఖుల పర్యటనల్లోనూ ఉరుకులు పరుగులు పెడుతుంటారు. భూమి శిస్తు వసూళ్లు, రీసర్వేలో పాల్గొంటున్నారు. దీనికి తోడు బీఎల్‌ఏలుగా అదనపు బాధ్యతలు నిర్వర్తిస్తున్నారు. వీరికి వచ్చే రూ.10,500 వేతనంలో సగం జీతం తిరగడానికే పోతే కుటుంబ పోషణ భారంగా ఉందని చెబుతున్నారు. సచివాలయ సిబ్బంది, తహసీల్దార్‌ కార్యాలయ సిబ్బంది ఎవరు పిలిచినా ఏ టైమ్‌లో పిలిచినా వారి వెంట పరుగులు పెట్టాలి. జీవోల రూపంలో ఇవ్వాలని కోరుతున్నా.. రాష్ట్ర చీఫ్‌ సెక్రటరీ దగ్గర నుంచి రెవెన్యూ మంత్రితో పాటు ఇతర మంత్రులు, ఎమ్మెల్యేలు, ఉన్నతాధికారులను కలిసి గ్రామ రెవెన్యూ సహాయకులు తమ గోడు చెప్పుకుంటున్నారు. పే స్కేల్‌ అమలు చేయాలని విన్నవిస్తున్నారు. సీఎం చంద్రబాబు దృష్టికి తీసుకెళ్లి తమ సమస్యలను పరిష్కరించాలని కోరుతున్నారు. ఉన్నతాధికారులు మాత్రం చేద్దాం అని ఊరడించే మాటలు చెప్పి పంపుతున్నారని వీఆర్‌ఏలు ఆగ్రహం వ్యక్తం చేస్తున్నారు. జీవోల రూపంలో తమకు హామీ ఇవ్వాలని డిమాండ్‌ చేస్తున్నారు. డిమాండ్లు ఇవీ.. ● పే స్కేల్‌ అమలు చేయాలి ● నామినీలుగా పని చేస్తున్న వారిని రెగ్యులరైజ్‌ చేయాలి ● ఉద్యోగం చేస్తూ 65 ఏళ్లు దాటి చనిపోయిన వారి కుటుంబ సభ్యులకు కారుణ్య నియామకం కింద ఉద్యోగం ఇవ్వాలి ● ఐదేళ్లు సర్వీసు పూర్తి చేసుకున్న వారికి వీఆర్‌ఓలుగా ప్రమోషన్‌ కల్పించాలి ఏళ్ల తరబడి రెవెన్యూ సహాయకులుగా పని చేస్తున్నాం. మాకు ఉద్యోగ భద్రత లేదు. సెప్టెంబర్‌ 16 నుంచి మేము నిరసనలు తెలుపుతున్నాం. మాకు వచ్చే రూ.10,500 వేతనంతో నానా అవస్థలు పడుతున్నాం. ఉన్నతాధికారులకు మా గోడు చెప్పుకుంటున్నాం. మాకు రిటైర్‌మెంట్‌ లేదు. ఎన్నేళ్లయినా నౌకర్లుగా చాకిరీ చేయాలి. వయసు మీద పడి సహకరించక నామినీలుగా పెట్టుకున్న వారిని పర్మనెంట్‌ చేయాలని కోరుతున్నాం. కానీ ప్రభుత్వం నుంచి స్పందన లేదు. – వి.వెంకటరత్నం, ఉమ్మడి కృష్ణా జిల్లా వీఆర్‌ఏల సంఘం అధ్యక్షుడు

ఏపీ రేషన్‌ డీలర్ల రాష్ట్ర అధ్యక్షుడు దివి లీలామాధవరావు కృష్ణలంక(విజయవాడ తూర్పు): రాష్ట్రంలోని రేషన్‌ డీలర్లు ఎదుర్కొంటున్న సమస్యలను పరిష్కరించాలని కోరుతూ రాష్ట్ర సమాఖ్య ఆధ్వర్యంలో ప్రత్యేక కార్యాచరణను రూపొందించినట్లు ఆంధ్రప్రదేశ్‌ రేషన్‌ డీలర్ల రాష్ట్ర అధ్యక్షుడు దివి లీలామాధవరావు ఆదివారం ఒక ప్రకటనలో తెలిపారు. ఈనెల 13న రాష్ట్ర సమాఖ్య రూపొందించిన మెమొరాండంను రాష్ట్రంలోని అన్ని మండలాల అధ్యక్షులు ఆయా మండల కార్యాలయాల్లో అధికారులకు అందజేయాలని, 15న జిల్లా రేషన్‌ డీలర్ల సంఘం ఆధ్వర్యంలో జిల్లా జాయింట్‌ కలెక్టర్‌కు వినతిపత్రం అందజేయాలని సూచించారు. డీలర్లు ప్రస్తుతం ఎదుర్కొంటున్న ప్రధాన సమస్యలను ప్రభుత్వ దృష్టికి తీసుకువెళ్లేందుకే ఈ కార్యాచరణ చేపట్టినట్లు పేర్కొన్నారు. మండల, జిల్లా కమిటీలన్నీ ఐక్యంగా ముందుకు వచ్చి ఈ కార్యాచరణను విజయవంతం చేయాలని పిలుపునిచ్చారు. భవానీపురం(విజయవాడపశ్చిమ): ఫార్మాస్యూటికల్స్‌ వ్యాపారిని మోసగించి రూ.66 లక్షలకు టోపీ పెట్టిన వ్యక్తిపై భవానీపురం పోలీస్‌ స్టేషన్‌లో కేసు నమోదైంది. పోలీసులు తెలిపిన వివరాల ప్రకారం భవానీపురం సుఫలా బిల్డింగ్‌ రోడ్‌లో నివసించే దేవరశెట్టి వెంకట నరేష్‌ గత 30 ఏళ్లుగా వన్‌టౌన్‌ చల్లంరాజు వీధిలో చంద్ర ఫార్మాస్యూటికల్స్‌ పేరుతో షాపు నిర్వహిస్తున్నారు. హోల్‌సేల్‌గా మందులు విక్రయిస్తున్న ఆయనకు విజయవాడ రూరల్‌ మండలం గొల్లపూడిలోని వాసవి ఫార్మా కాంప్లెక్స్‌లో రెండు షాపులు ఉన్నాయి. ఈ క్రమంలో కర్లపూడి నరేష్‌ అనే వ్యక్తి 2010 నుంచి హనుమాన్‌ డ్రగ్స్‌ పేరుతో ఫిర్యాదుదారు నరే ష్‌తో మెడికల్‌ వ్యాపారం చేస్తున్నాడు. ప్రతిసారి బిల్‌ టు బిల్‌ ఇస్తూ నమ్మిస్తూ వచ్చాడు. అయితే తనకు గవర్న్‌మెంట్‌ కాంట్రాక్ట్‌ వచ్చిందని చెప్పి 2022–23 మధ్య కాలంలో రూ.66 లక్షల విలువైన మెడిసిన్‌ తీసుకుని డబ్బు ఇవ్వలేదు. అప్పటి నుంచి డబ్బులు గురించి అడిగితే రేపు ఇస్తా..ఎల్లుండి ఇస్తా అంటూ చెప్పేవాడు. ఈ ఏడాది జూన్‌ నెలలో గొల్లపూడిలో కనిపించినప్పుడు అడిగితే చంపేస్తానని కర్లపూడి నరేష్‌ బెదిరించినటు దేవరశెట్టి వెంకట నరేష్‌ పోలీసులకు ఇచ్చిన ఫిర్యాదులో పేర్కొన్నారు. పోలీసులు కేసు నమోదు చేసి దర్యాప్తు చేపట్టారు. పోలీస్‌ స్టేషన్‌ ఎదుట మృతదేహంతో ఆందోళన ఇబ్రహీంపట్నం: రోడ్డు పక్కన మాట్లాడుతున్న యువకులపైకి జీపు దూసుకెళ్లిన ఘటన మండలంలోని కిలేశపురం గ్రామంలో 65వ నంబర్‌ జాతీయ రహదారిపై ఆదివారం రాత్రి జరిగింది. ఈ ప్రమాదంలో కేతనకొండ గ్రామానికి చెందిన సాలవ వెంకటేష్‌(30) మృతి చెందాడు. సేకరించిన సమాచారం మేరకు సాలవ వెంకటేష్‌ తన స్నేహితుడిని కలిసేందుకు కిలేశపురం గ్రామం వచ్చాడు. హైవేకు 30 మీటర్ల దూరంలో బైక్‌ పక్కన పెట్టి మాట్లాడుతుండగా అనూహ్యంగా దూసుకొచ్చిన జీపు వెంకటేష్‌ను ఢీకొట్టింది. హుటాహుటినా వైద్యశాలకు తరలించగా చికిత్స పొందుతూ తుదిశ్వాస విడిచాడు. నిత్యం రద్దీగా ఉండే సెంటర్‌లో సెలవు రోజు కావడంతో ఎవరూ లేకపోవడంతో పెద్ద ప్రమాదం తప్పింది. మృతుడికి భార్య, 8 నెలల బాబు ఉన్నాడు. పోలీసులు కేసు నమోదు చేసి దర్యాప్తు చేపట్టారు. మృతదేహంతో బంధువులు, గ్రామస్తులు ఇబ్రహీంపట్నం పోలీసు స్టేషన్‌కు చేరుకుని మృతుడి కుటుంబానికి న్యాయం చేయాలని ఆందోళనకు దిగారు. నిర్లక్ష్యంగా జీపు నడిపి యువకుడి ప్రాణాలు బలిగొన్న వారిని తమకు అప్పగించాలని పోలీసులతో వాగ్వివాదానికి దిగారు. ఈ పరిణామాలతో పోలీస్‌స్టేషన్‌ వద్ద ఉద్రిక్త పరిస్థితులు నెలకొన్నాయి.

మొగల్రాజపురం(విజయవాడ తూర్పు): ఈ నెల నుంచి 10వ తేదీ వరకు జమ్మూ కశ్మీర్‌లోని శ్రీనగర్‌లో జరిగిన 21వ జాతీయస్థాయి జూనియర్‌ సాఫ్ట్‌ టెన్నిస్‌ చాంపియన్‌ షిప్‌లో ఏపీ మిక్స్‌డ్‌ జట్టు రజత పతకం కై వసం చేసుకుంది. జట్టు సభ్యులు రేవంత్‌, షేక్‌ గౌస్‌ మొహిద్దీన్‌, ఎస్‌.ఈశ్వర హితేష్‌, ఏఎస్‌ వైశాలి, డి.అరిఫా, ఆర్‌.హాసినిని ఏపీ సాఫ్ట్‌ టెన్నిస్‌ అసోసియేషన్‌ రాష్ట్ర చైర్మన్‌ డి.నవీన్‌ కుమార్‌, అధ్యక్షుడు వి.శ్రీనుబాబు, ఏపీ సాఫ్ట్‌ టెన్నిస్‌ అసోసియేషన్‌ ప్రధాన కార్యదర్శి డి.దిలీప్‌ కుమార్‌, కోశాధికారి బి.నీరజ, సంఘ సభ్యులు అభినందించారు. రైల్వేస్టేషన్‌(విజయవాడపశ్చిమ): దసరాకు పెరుగుతున్న ప్రయాణికుల రద్దీ దృష్ట్యా విజయవాడ – తిరుపతి మధ్య ప్రత్యేక రైలు నడపనున్నట్లు విజయవాడ రైల్వే పీఆర్వో నుస్రత్‌ మండ్రుప్కర్‌ ఆదివారం ఒక ప్రకటలో తెలిపారు. విజయవాడ, తిరుపతి (07249) ప్రత్యేక రైలు ఈ నెల 13 నుంచి 16 వరకు రోజు ఉదయం 9.30 గంటలకు విజయ వాడలో బయలుదేరి, అదేరోజు రాత్రి 7 గంటలకు తిరుపతి చేరుతుంది. తిరుగు ప్రయాణంలో ఈ రైలు (07250) రాత్రి 9.10 గంటలకు తిరుపతిలో బయలుదేరి, మరుసటి రోజు ఉదయం 5.30 గంటలకు విజయవాడ చేరుకుంటుంది. రెండు మార్గాల్లో ఈ రైలు పెద్దవడ్లపూడి, దుగ్గిరాల, తెనాలి, నిడుబ్రోలు, బాపట్ల, చీరాల, చిన్నగంజం, ఒంగోలు, సింగరాయకొండ, కావలి, నెల్లూరు, గూడూరు, వెంకటగిరి, శ్రీకాళహస్తి, రేణిగుంట స్టేషన్లలో ఆగుతుంది.

ఇంద్రకీలాద్రి, వన్‌టౌన్‌ (విజయవాడపశ్చిమ): ఇంద్రకీలాద్రిపై దసరా మహోత్సవాలు అంగరంగ వైభవంగా ప్రారంభమయ్యాయి. ఉత్సవాల్లో తొలి రోజు ఆదివారం అమ్మవారు శ్రీబాలాత్రిపురసుందరీదేవిగా భక్తులకు దర్శనమిచ్చారు. ఆదివారం ఒక్క రోజే సుమారు లక్ష మంది భక్తులు అమ్మవారిని దర్శించుకున్నారని ఆలయ అధికారులు పేర్కొంటున్నారు. తెల్లవారుజామున 2 గంటలకు అమ్మవారికి సుప్రభాత సేవ అనంతరం స్నపనాభిషేకం, విశేష అలంకరణ, పూజా కార్యక్రమాల అనంతరం ఉదయం 8.30 గంటలకు దర్శనాలు ప్రారంభమయ్యాయి. అమ్మవారి తొలి దర్శనం మంత్రి సుభాష్‌, కలెక్టర్‌ లక్ష్మీశ, సీపీ రాజశేఖరబాబు, ఆలయ ఈవో శీనానాయక్‌, చైర్మన్‌ రాధాకృష్ణ చేసుకుని ప్రత్యేక పూజలు జరిపించుకున్నారు. ప్రధాన ఆలయం నుంచి అమ్మవారి ఉత్సవమూర్తిని నూతన పూజామండపానికి ఊరేగింపుగా తీసుకువచ్చి ప్రతిష్టించారు. పూజా మండపంలో గణపతి పూజ చేశారు. బాలా త్రిపుర సుందరీదేవి అలంకారంలో దుర్గమ్మను శాసనసభ డెప్యూటీ స్పీకర్‌ రఘురామకృష్ణంరాజు, కేంద్ర మంత్రి పెమ్మసాని చంద్రశేఖర్‌ పశ్చిమ ఎమ్మెల్యే సుజనాచౌదరి, మైలవరం ఎమ్మెల్యే కృష్ణప్రసాద్‌, కాళహస్తి ఎమ్మెల్యే బొజ్జల వెంకట సుధీర్‌ రెడ్డి అమ్మవారిని దర్శించుకున్నారు. ప్రత్యేక కుంకుమార్చన, ప్రత్యేక శత చండీహోమం, ప్రత్యేక శ్రీచక్రనవార్చనలను నిర్వహించారు. ఉభయదాతలను ప్రత్యేక క్యూలో అమ్మవారి దర్శనానికి అనుమతించారు. క్యూలో విచ్చేసే వారికే తొలి ప్రాధాన్యమిస్తామని చెప్పిన ఆలయ అధికారుల మాటలు ఆచరణలో మాత్రం అమలు కాలేదు. ఉత్సవాల్లో తొలి రోజే లిఫ్టుల ద్వారా తమకు కావాల్సిన వారిని పోలీసు, దేవస్థాన కమిటీ సభ్యులు యథేచ్ఛగా కొండపైకి తీసుకువెళ్లి దర్శనాలు చేయించారు. మరోవైపున ప్రజాప్రతినిధుల తరఫున సేవా దళం ఆలయ పరిసరాల్లో తిరుగుతూ తమ వారికి దర్శనాలు చేయిస్తున్నారు. వన్‌టౌన్‌లోని ఓ సత్రంకు చెందిన సభ్యుడు ప్రొటోకాల్‌ డ్యూటీ చేయడం గమనార్హం. మెడలో కండువా, ఐడీ కార్డును ధరించి దర్జాగా దర్శనాలు చేయిస్తున్నా అడ్డుకునే వారే లేకపోయారు. వీకెండ్‌, వరస సెలువులు, దసరా ఉత్సవాలు ఆదివారం ప్రారంభం కావడంతో ఆదివారం రికార్డు స్థాయిలో భక్తులు అమ్మవారిని దర్శించుకునేందుకు ఇంద్రకీలాద్రికి తరలివచ్చారు. కెనాల్‌రోడ్డు, సీతమ్మ వారి పాదాల వద్ద కంపార్టుమెంట్లతో పాటు కుమ్మరి పాలెం వైపు క్యూలైన్‌లోనూ భక్తుల తాకిడి కనిపించింది. ఉత్సవాల్లో భాగంగా బాలాత్రిపుర సుందరీదేవిగా దర్శనమిచ్చిన అమ్మవారికి కాళహస్తి, కాణిపాకం దేవస్థానాల నుంచి పట్టువస్త్రాలను సమర్పించారు. కాళహస్తి ఈవో బీకే వెంకటేశ్వర్లు, ఎమ్మెల్యే బొజ్జల సుధీర్‌రెడ్డి, పాలక మండలి సభ్యులు పట్టువస్త్రాలతో దుర్గగుడికి చేరుకోగా, ఆలయ చైర్మన్‌ రాధా కృష్ణ సాదరంగా స్వాగతం పలికారు. అమ్మవారిని దర్శించుకుని ప్రత్యేక పూజలు జరిపించుకున్న అనంతరం వేద పండితులు ఆశీర్వచనం అంద జేయగా, అమ్మవారికి పట్టుచీర, పూజా సామగ్రి, సారెను సమర్పించారు. అమ్మవారి లడ్డూ ప్రసాదాలు విక్రయించే ఆన్‌లైన్‌ కౌంటర్లు పని చేయకపోవడంతో భక్తులు ఇబ్బందులకు గురయ్యారు. దసరా ఉత్సవాల్లో భాగంగా దేవస్థానం నాలుగు ఆన్‌లైన్‌ కౌంటర్లు ఏర్పాటు చేసింది. భక్తులు ముందుగానే ఆన్‌లైన్‌లో ప్రసాదాలు కొనుగోలు చేయడంతో పాటు కౌంటర్లలో మొబైల్‌ ఫోన్ల ద్వారా ఆన్‌లైన్‌ పేమెంట్‌లు చేసి ప్రసాదాలను కొనుగోలు చేయవచ్చు. అయితే ఆదివారం మధ్యాహ్నం నుంచి సర్వర్‌ పని చేయకపోవడంతో భక్తులు వెనుదిరగడం కనిపించింది. మరో వైపు ఈ సమస్యపై ఈవో శీనానాయక్‌ చర్యలు తీసుకోవాలని ఆదేశించారు. సాయంత్రం వరకు సమస్య పరిష్కారం కాలేదు. ● ఉత్సవాల్లో తొలి రోజున దేవస్థానానికి రూ. 29.01 లక్షల ఆదాయం సమకూరినట్లు ఆలయ అధికారులు పేర్కొన్నారు. ఆదివారం ఉదయం 8 గంటల సమయంలో కార్పొరేషన్‌ సమీపంలో అధిక సంఖ్యలో భక్తుల రద్దీ , క్యూలో భక్త తరంగాలు తెల్లవారుజామున 3 గంటలకు అమ్మవారి దర్శనం ప్రారంభం తెల్లవారుజామున 4 గంటలకు నూతన పూజామండపంలో ఖడ్గమాలార్చన ఉదయం 6 గంటలకు , 9 గంటలకు ప్రత్యేక కుంకుమార్చన ఉదయం 8 గంటలకు ప్రత్యేక శత చండీహోమం, ప్రత్యేక శ్రీచక్రనవార్చన సాయంత్రం 6 గంటలకు అమ్మవారికి మహా నివేదన , పంచహారతుల సేవ సాయంత్రం 6 గంటలకు ఆది దంపతులకు నగరోత్సవ సేవ రాత్రి 11 గంటల వరకు అమ్మవారి దర్శనం బాలాత్రిపురసుందరిగా దుర్గమ్మ దర్శనం భక్తజనులకు కనుల పండువ లిప్టుల వినియోగం, సిఫారసు దర్శనాలు సామాన్య భక్తులకు ఇక్కట్లు అర్చకులు, మీడియాకు తప్పని ఆంక్షలు

క్యూలో మంచినీరు అందక భక్తులు తీవ్రంగా అల్లాడిపోయారు. గతంలో విస్తృతంగా మంచినీరు అందించిన అధికారులు ఈ ఏడాది ఆ ఏర్పాట్లను పూర్తిగా విస్మరించారు. తొలి రోజు సెలవు రోజు కావడంతో భారీగా భక్తులు తరలివచ్చిన నేపథ్యంలో తాగునీటి కోసం అల్లాడారు. వినాయకుని గుడి నుంచి బయలుదేరి రథం సెంటర్‌, అశోక పిల్లర్‌ సెంటర్‌, ఘాట్‌రోడ్డు, ఓం టర్నింగ్‌ తదితర ప్రాంతాల మీదుగా క్యూలైన్లు అమ్మవారి దర్శనానికి వెళ్తుంటాయి. సీతమ్మవారి పాదాలు, హోల్‌సేల్‌ పూల మార్కెట్‌ ప్రాంతాల్లో ఏర్పాటు చేసిన హోల్డింగ్‌ ప్రదేశాల్లో కేవలం కొన్ని చోట్ల మాత్రమే మంచినీటి ఏర్పాట్లు చేశారు.

విజయవాడ కల్చరల్‌: ఆంధ్రప్రదేశ్‌ ప్రభుత్వం, దేవదాయ ధర్మదాయ శాఖ, శ్రీదుర్గామల్లేశ్వర స్వామి దేవస్థానం ఆధ్వర్యంలో కనకదుర్గానగర్‌లోని కళావేదికపై 10 రోజుల పాటు నిర్వహించే సాంస్కృతిక కార్యక్రమాలు ఆదివారం ఉదయం ప్రారంభమయ్యాయి. రాష్ట్రంలోని వివిధ ప్రాంతాల నుంచి వచ్చిన యువ నాట్యాకళాకారులు, యువ సంగీత కళాకారులు నాట్యాచార్యుల పర్యవేక్షణలో నిర్వహించిన సంగీత, నృత్య కార్యక్రమాలు అలరించాయి. దేవస్థాన నాదస్వర బృందం సంప్రదాయ మంగళ వాయిద్యాలతో కార్యక్రమాలు ప్రారంభమయ్యాయి. పి.ప్రమీలారాణి, ఎస్‌.రామాంజనేయులు తాళం భజన, ఎం.రవి భక్తిరంజని ఆకట్టుకున్నాయి. సంప్రదాయ నృత్య కార్యక్రమంలో భాగంగా కె.ప్రజ్వల, నాట్యాచార్యులు సప్పా శివకుమార్‌, వేదాంతం పార్థసారథి, ఎల్‌ఎం భువనేశ్వరి, సుముఖి శర్మ, చింతా శివరామకృష్ణ, అభినయ ఆర్ట్స్‌ అకాడమీ, శివకళా నృత్యాలయం, రాయన శ్రీనివాసరావు, ఎం.నామగమల్లీశ్వరి, వి.మహాలక్ష్మి తమ బృందాలతో సంప్రదాయ నృత్యాలను మనోహరంగా ప్రదర్శించారు. త్యాగయ్యకు స్వరార్చన.. ముంబై నుంచి విచ్చేసిన జి.ఆశాకిరణ్‌ రెడ్డి నిర్వహించిన శాసీ్త్రయ సంగీత కచేరి సంగీత వైభవాన్ని చాటింది. త్యాగరాజస్వామి రచించిన పలు కీర్తనలను మధురంగా గానం చేశారు. అనంతరం కళాకారులకు ప్రశంసాపత్రాలను అందజేశారు. కార్యక్రమాలను రామకృష్ణ నిర్వహించారు. నిర్వహణ లోపం.. కళాకారులకు శాపం కళా ప్రదర్శనకు వచ్చిన కళాకారులకు నిర్వహణ లోపం వల్ల తీవ్ర ఇబ్బందులు పడ్డారు. కళా వేదికపై లైటింగ్‌ సరిగా లేకపోవడం వల్ల ప్రదర్శన చేసే సమయంలో కొంత ఇబ్బంది ఎదురైంది. 200 మందికి సీటింగ్‌ ఏర్పాటు చేశామని చెప్పిన దేవస్థానం అధికారులు పట్టుమని 50 మందికి సరిపడా కుర్చీలు ఏర్పాటు చేయకపోవడం విచారకరం. కళా ప్రదర్శనలను చూడటానికి వచ్చిన ప్రేక్షకులు నిల్చునే ప్రదర్శనలను తిలకించారు. ఒక వైపు ఎండ తీవ్రంగా ఉన్నా కనీసం ఫ్యానులు ఏర్పాటు చేయకపోవడం వల్ల కళాకారులు అవస్థలు వర్ణనాతీతంగా ఉన్నాయి. పొరపాట్లను సరిచేయాలని కళాకారులు, ప్రేక్షకులు కోరుతున్నారు.

ఎన్టీఆర్‌ జిల్లాఆదివారం శ్రీ 11 శ్రీ అక్టోబర్‌ శ్రీ 2026అమ్మ పండుగ ఇంద్రకీలాద్రి(విజయవాడపశ్చిమ): ఇంద్రకీలాద్రిపై కొలువైన శ్రీదుర్గా మల్లేశ్వర స్వామి వార్ల దేవస్థానం దసరా శరన్నవరాత్రి మహోత్సవాలకు ముస్తాబైంది. ప్రధాన ఆలయంతో పాటు మల్లేశ్వర స్వామి ఆలయం, ఉప ఆలయాలు, ఘాట్‌ రోడ్డు విద్యుత్‌ దీపకాంతులతో శోభిల్లుతున్నాయి. ఉత్సవాల తొలి రోజు ఆదివారం శ్రీబాలాత్రిపుర సుందరీదేవిగా దుర్గమ్మ భక్తులకు దర్శనమివ్వనున్నారు. తెల్లవారుజామున అమ్మ వారికి స్నపనాభిషేకం, విశేష అలంకరణ, పూజల అనంతరం ఉదయం ఎనిమిది గంటలకు అమ్మవారి దర్శనానికి భక్తులను అనుమతిస్తారు. నూతన పూజా మండపంలో అమ్మ ఉత్సవ మూర్తిని ప్రతిష్టించి పూజా కార్యక్రమాల నిర్వహణతో ఉత్సవాలు ప్రారంభమవుతాయి. అనంతరం అమ్మవారికి నిర్వహించే ప్రత్యేక కుంకుమార్చన, ప్రత్యేక చండీయాగం, ప్రత్యేక శ్రీచక్రన వార్చనలు ప్రారంభమవుతాయి. ఈ ఏడాది అన్ని దర్శన టికెట్లను దేవస్థానం రద్దు చేసింది. అమ్మవారికి పది విశేష అలంకారాలు ఉత్సవాల్లో అమ్మవారు పది విశేష అలంకారాల్లో భక్తులకు దర్శనమివ్వనున్నారు. ఈ ఉత్సవాలలో అమ్మవారి దర్శనానికి ప్రముఖులు విచ్చేస్తుండటంతో ఆలయంలో ప్రత్యేక ఏర్పాట్లు, కట్టుదిట్టమైన భద్రతా చర్యలు తీసుకుంటున్నారు. కొండ దిగువన మహా మండపం ఎదుట నూతన అన్నదాన భవ నంలో రోజు పదివేల మందికి అన్నప్రసాద వితరణకు ఏర్పాట్లు చేశారు. ఉదయం, సాయంత్రం అల్పాహారం అందజేస్తారు. ఒకే దఫా వెయ్యి మంది అమ్మవారి అన్న ప్రసాదం స్వీకరించేలా ఏర్పాట్లు చేశారు. క్యూలైన్‌లో చిన్నారులకు పాలు, బిస్కెట్లు, మంచినీటి బాటిళ్లను అందజేయనున్నారు. ఏర్పాట్ల పరిశీలన దసరా మహోత్సవాలు ఆదివారం ప్రారంభం కానున్న నేపథ్యంలో దేవదాయ శాఖ కార్యదర్శి కె. కన్నబాబు శనివారం ఏర్పాట్లను పరిశీలించారు. తొలుత దుర్గగుడి ఘాట్‌రోడ్డు వద్దకు చేరుకున్న ఆయన అక్కడ క్యూలైన్లను పరిశీలించారు. అనంతరం ఘాట్‌ రోడ్డులో ఏర్పాటు చేస్తున్న యాక్సిస్‌ గేట్లను, రాజ గోపురం వద్ద జరుగుతున్న పనులను తనిఖీ చేశారు. పోలీస్‌ శాఖ తరఫున ఎన్టీఆర్‌ జిల్లా పోలీస్‌ కమిషనర్‌ ఎస్‌.వి.రాజశేఖరబాబు దంపతులు శనివారం రాత్రి దుర్గమ్మకు పట్టువస్త్రాలు సమర్పించారు. ● నగర వనం

పెనమలూరు: కానూరు సిద్ధార్థ డీమ్డ్‌ టుబీ యూనివర్సీటీలో మూడు రోజుల పాటు నిర్వహించిన జేఎన్‌టీయు కే అంతర్‌ కళాశాలలో షటిల్‌ బ్యాడ్మింటన్‌ పోటీలు శుక్రవారం ముగిశాయి. ఈ పోటీల్లో పురుషుల విభాగంలో పరిటాల అమృతసాయి ఇంజినీరింగ్‌ కాలేజీ జట్టు, మహిళల విభాగంలో విజయవాడ సీఎస్‌సీఎంఆర్‌ ఇంజినీరింగ్‌ కాలేజి జట్టు విజేతలుగా నిలిచాయి. పురుషుల విభాగంలో రెండవ స్థానంలో గుడ్లవల్లేరు ఇంజినీరింగ్‌ కాలేజీ, మూడవ స్థానంలో సంయుక్తంగా కానూరు వీఆర్‌ సిద్ధార్థ, నరసరావుపేట ఇంజినీరింగ్‌ కాలేజీ జట్లు నిలిచినట్టు ఫిజికల్‌ డైరెక్టర్‌ రఘు తెలిపారు. మహిళల విభాగంలో గుడ్లవల్లేరు ఇంజినీరింగ్‌ కాలేజీ రెండోస్థానంలో నిలవగా, నర్సాపురం స్వర్ణాంధ్ర ఇంజినీరింగ్‌ కాలేజీ, కాకినాడ జేఎన్‌టీయుకె జట్లు సంయుక్తంగా మూడవ స్థానంలో నిలిచాయన్నారు. విజేతలకు రిజిస్ట్రార్‌ డాక్టర్‌ ఎం.రవిచంద్‌, డిప్యూటీ రిజిస్ట్రార్‌ ఎంవీ.సాయిబాబు బహుమతులు అందజేశారు. కార్యక్రమంలో జేఎన్‌టీయుకె డైరెక్టర్లు ఎ.కృష్ణమోహన్‌, డాక్టర్‌ జి.శ్యామ్‌కుమార్‌, డాక్టర్‌ జీపీ.రాజు, క్రీడాకారులు పాల్గొన్నారు.

మొగల్రాజపురం(విజయవాడ తూర్పు): మూలపాడులోని డాక్టర్‌ గోకరాజు లైలా గంగరాజు , ఏసీఏ క్రికెట్‌ మైదానంలో ఈ నెల 11 నుంచి 14వ తేదీ వరకు ఆంధ్ర–కర్ణాటక జట్ల మధ్య రంజీ ట్రోఫీ మ్యాచ్‌ జరగనుంది. నాలుగు రోజుల పాటు జరిగే మ్యాచ్‌ కోసం ఇరు జట్లు ముమ్మరంగా సన్నద్ధమవుతున్నాయి. భారత స్టార్‌ క్రికెటర్‌ కేఎల్‌ రాహుల్‌ శుక్రవారం విజయవాడకు చేరుకున్నారు. రెండు జట్ల ఆటగాళ్లు ప్రాక్టీస్‌ చేస్తున్నారు. కర్ణాటక జట్టులో కేఎల్‌ రాహుల్‌, మయాంక్‌ అగర్వాల్‌, కరుణ్‌ నాయర్‌ వంటి అనుభవజ్ఞులు ఉన్నారు. ఆంధ్ర క్రికెట్‌ అసోసియేషన్‌ (ఏసీఏ) అవసరమైన ఏర్పాట్లను పూర్తి చేసింది. ప్రేక్షకులకు ప్రవేశం లేదు ఈ రంజీ ట్రోఫీ మ్యాచ్‌కు ప్రేక్షకులకు అనుమతి లేదని ఏసీఏ నిర్వాహకులు స్పష్టం చేశారు. మ్యాచ్‌ సజావుగా నిర్వహించడంతో పాటు భద్రతకు ఇబ్బందులు తలెత్తకుండా పోలీసు శాఖ కట్టుదిట్టమైన ఏర్పాట్లు చేసింది. నిబంధనలను ఉల్లంఘించి మైదానంలోకి ప్రవేశించేందుకు ప్రయత్నిస్తే పోలీసులు కఠిన చర్యలు తీసుకుంటారని, ప్రేక్షకులు ఈ విషయాన్ని గమనించి సహకరించాలని ఏసీఏ సభ్యులు కోరారు. రాష్ట్ర రైతు విభాగంకార్యదర్శిగా నాగిరెడ్డి చిలకలపూడి(మచిలీపట్నం): వైఎస్సార్‌ సీపీ రాష్ట్ర రైతు విభాగం కార్యదర్శిగా యర్కారెడ్డి నాగిరెడ్డిని నియమించారు. ఈ మేరకు పార్టీ అధ్యక్షుడు వైఎస్‌ జగన్‌మోహన్‌రెడ్డి ఆదేశాల మేరకు తాడేపల్లి కేంద్ర కార్యాలయం శుక్రవారం ఉత్తర్వులు జారీ చేసింది. గన్నవరం అసెంబ్లీ నియోజకవర్గానికి చెందిన నాగిరెడ్డిని రాష్ట్ర రైతు విభాగం కార్యదర్శిగా నియమించారు.

ఇంద్రకీలాద్రిపై రేపటి నుంచి దసరా ఉత్సవాలు ఇంద్రకీలాద్రి(విజయవాడపశ్చిమ): నగరంలోని ఇంద్రకీలాద్రిపై దుర్గమ్మ సన్నిధిలో దసరా ఉత్సవాల ఏర్పాట్లు జరుగుతున్నాయి. ఉత్సవాల్లో తొలి రోజు 11వ తేదీ ఆదివారం ఉదయం 8 గంటలకు సర్వ దర్శనం ప్రారంభమవుతుంది. తెల్లవారుజామున 2.30 గంటలకు అమ్మవారికి సుప్రభాత సేవ, అనంతరం మూలవిరాట్‌కు స్నపనాభిషేకం, విశేష అలంకరణ, పూజా కార్యక్రమాల అనంతరం దర్శనాలు ప్రారంభమవుతాయి. దేవస్థాన యాగశాలలో ఉదయం 9 గంటలకు గణపతి పూజ, కలశ స్థాపనతో ఉత్సవాలకు అంకురార్పణ జరుగుతుంది. నూతన పూజా మండపంలో ప్రత్యేక కుంకుమార్చనలు, యాగశాలలో చండీహోమం నిర్వహిస్తారు. అర్జున వీధిలో స్వాగత ద్వారం

పటమట(విజయవాడతూర్పు): హత్య కేసులో నిందితుడికి న్యాయస్థానం జీవితఖైదు విధించింది. విజయవాడ పటమట పోలీస్‌స్టేషన్‌ పరిధిలోని ఆటోనగర్‌ బస్‌ టెర్మినల్‌ వద్ద 2021 డిసెంబర్‌ 25న ఈ హత్య ఘటన జరిగింది. సేకరించిన వివరాల ప్రకారం.. కృష్ణా జిల్లా పెనమలూరు మండలం గోసాలలో నివసించే జిలానీ, మస్తాన్‌లు నిందితుడైన కందవల్లి నాగ శేషు ఆటోలు నడుపుతూ జీవిస్తుంటారు. మస్తాన్‌ ఆటోను శేషు అద్దెకు తిప్పుకుంటూ ఉంటాడు. కొంత కాలంగా అద్దె డబ్బుల విషయంలో వారి మధ్య గొడవలు జరిగాయి. ఈ క్రమంలో తన భార్యను జిలానీ అసభ్యకరంగా మాట్లాడాడని శేషు కోపం పెంచుకున్నాడు. 2021 డిసెంబర్‌ 25వ తేదీన ఆటోనగర్‌ బస్‌ టెర్మినల్‌ సమీపంలో శేషు జిలానీతో గొడవ పడ్డాడు. వెంట తెచ్చుకున్న కత్తితో జిలానీ మెడ నరికాడు. చుట్టుపక్కల వారు ఆసుపత్రికి తరలించగా చికిత్స పొందుతూ జిలానీ మరణించాడు. సదరు ఘటనపై కేసు నమోదు చేసిన ఎస్‌.ఐ. జాన్‌ బాషా దర్యాప్తు చేయగా నాగ శేషును అదే నెల 28వ తేదీన అరెస్ట్‌ చేసి న్యాయస్థానంలో హాజరు పరచారు. ప్రాసిక్యూషన్‌ తరుపున అడిషనల్‌ పబ్లిక్‌ ప్రాసిక్యూటర్‌ ఆర్‌.జగదీష్‌, ప్రస్తుత ఇన్స్‌పెక్టర్‌ పవన్‌ కిషోర్‌, సి.యమ్‌.ఎస్‌. ఇన్‌స్పెక్టర్‌ జగదీశ్వరరావు, అప్పటి పటమట ఇన్స్‌పెక్టర్‌ సురేష్‌రెడ్డి. ఎస్‌.ఐ. జాన్‌ బాషా, సి.ఎం.ఎస్‌ సిబ్బంది పర్యవేక్షణలో 13 మంది సాక్షులను కోర్టులో విచారించారు. కేసులో కండవల్లి నాగ శేషుపై నేరం రుజువు కావటంతో శుక్రవారం 8వ అడిషనల్‌ డిస్ట్రిక్ట్‌ సెషన్స్‌ జడ్జి ఎన్‌.పద్మావతి నిందితునికి జీవిత ఖైదు రూ.2 వేల జరిమానా విధిస్తూ తీర్పునిచ్చారు.

ఇంద్రకీలాద్రి(విజయవాడపశ్చిమ): ఇంద్ర కీలాద్రిపై కొలువై ఉన్న శ్రీ దుర్గామల్లేశ్వరస్వామి దేవస్థానంలో నిర్వహించే నిత్యాన్నదాన కార్యక్రమానికి దేవినేని నెహ్రూ చారిటబుల్‌ ట్రస్ట్‌ రూ.2,00,116 విరాళం అందజేసినట్లు ట్రస్ట్‌ వైస్‌ చైర్మన్‌ దేవినేని సుధీర తెలిపారు. ఆమె శుక్రవారం దేవస్థానానికి విచ్చేసి అమ్మవారిని దర్శించుకొని విరాళాన్ని ఆలయ జూనియర్‌ అసిస్టెంట్‌ నరసింహకు చెక్కు రూపంలో అందజేశారు. ఈ సందర్భంగా సుధీర మాట్లాడుతూ దసరా పండుగ సందర్భంగా కనకదుర్గమ్మ దేవస్థానంలో మాజీ మంత్రి దేవినేని నెహ్రూ పేరుపై ప్రతి సంవత్సరం భక్తులకు అన్నవితరణకు విరాళం అందజేస్తున్నామని తెలిపారు. తెలంగాణ నుంచి అమ్మవారికి 10 పట్టుచీరలు ఇంద్రకీలాద్రి(విజయవాడపశ్చిమ): దసరా మహోత్సవాలు పురస్కరించుకుని తెలంగాణ పద్మశాలి సంఘం, అఖిల భారత పద్మశాలి సంఘం ప్రతినిధులు శుక్రవారం పట్టుచీరలను సమర్పించారు. తెలంగాణ నుంచి విచ్చేసిన సంఘ ప్రతినిధులు ఆలయానికి చేరుకోగా ట్రస్ట్‌ బోర్డు సభ్యులు వారిని సాదరంగా స్వాగతం పలికారు. ఆలయ మర్యాదలతో వారికి అమ్మవారి దర్శనం కల్పించారు. వేద పండితుల ఆశీర్వచనం అనంతరం వారికి ప్రసాదాలను అందజేయగా, దేవస్థానానికి పట్టుచీర, పూజా సామగ్రిని సమర్పించారు. ఈ సందర్భంగా సంఘ రాష్ట్ర నాయకులు బొద్దుల లక్ష్మణ్‌, కందగట్ల స్వామి మాట్లాడుతూ అమ్మవారి అలంకరణ నిమిత్తం నియమ నిష్టలతో 10 పట్టుచీరలను నేత నేసినట్లు పేర్కొన్నారు. తెలంగాణలోని పలు జిల్లాల నుంచి పలువురు పద్మశాలి కళాకారులు వీటిని సిద్ధం చేసినట్లు పేర్కొన్నారు. ఏఈవో ఎన్‌.రమేష్‌బాబుకు చీరలను అందజేశారు. రెండు పోటులలో లడ్డూ తయారీ ఇంద్రకీలాద్రి(విజయవాడ పశ్చిమ): దసరా ఉత్సవాలను పురస్కరించుకుని అమ్మవారి లడ్డూ ప్రసాదం తయారీకి రెండో పోటుకు అనుమతినిస్తూ ఆలయ అధికారులు ఆదేశాలు జారీ చేశారు. ‘ఒక పోటులో 60 లక్షల లడ్డూలు సాధ్యమేనా..!’ శీర్షికతో ఈ నెల 6వ తేదీన ‘సాక్షి’ ప్రచురించిన కథనానికి దేవదాయ శాఖ కీలక అధికారులు స్పందించారు. వెంటనే రెండో లడ్డూపోటును ఏర్పాటు చేసి లడ్డూలను సిద్ధం చేయాలని ఆదేశాలు జారీ చేశారు. దసరా ఉత్సవాలను పురస్కరించుకుని దేవస్థానం మొత్తం 60 లక్షల లడ్డూలను తయారు చేయాలని భావించింది. ఈ నేపథ్యంలో దేవస్థానం కొత్తగా నిర్మించిన లడ్డూ పోటులోనే లడ్డూలను తయారు చేయాలని దేవదాయ శాఖ కమిషనర్‌ ఆదేశాలు జారీ చేశారు. ఒక పోటులో 60 లక్షల లడ్డూలు తయారు సాధ్యం కాదని ఆలయ సిబ్బంది బహిరంగంనే పేర్కొన్నారు. అయితే ఈ విషయం దేవదాయ శాఖ కీలక అధికారులకు ‘సాక్షి’ కథనం ద్వారా తెలియడంతో బుద్దా వారి ఆలయం వద్ద ఉన్న పోటులో కూడా లడ్డూల తయారుకు అవసరమైన సరుకులను సిద్ధం చేస్తున్నారు. దీంతో దసరా ఉత్సవాలలో భక్తులందరికీ ప్రసాదం అందేలా శనివారం నుంచి లడ్డూ తయారీకి సిబ్బంది రంగం సిద్ధం చేస్తున్నారు. బాలిక చేతిరాత వైరల్‌ ఇన్‌స్టాగ్రామ్‌లో 125 మిలియన్‌ వ్యూస్‌ హనుమాన్‌జంక్షన్‌రూరల్‌: బాపులపాడు మండలం సింగన్నగూడెంలోని సెయింట్‌ విన్సెంట్‌ హైస్కూల్‌ తొమ్మిదో తరగతి విద్యార్థిని సంజన చేతిరాత వీడియో సోషల్‌ మీడియాలో వైరల్‌గా మారింది. తరగతి గదిలో నోట్‌బుక్‌ రాస్తుండగా ఉపాధ్యాయుడు ఆమె హ్యాండ్‌ రైటింగ్‌కు ముగ్ధుడై వీడియా తీసి ఇన్‌స్టాగ్రామ్‌లో పోస్ట్‌ చేశారు. కేవలం 24 గంటల వ్యవధిలో 100 మిలియన్‌ మంది నెటిజన్లు ఆమె వీడియో తిలకించారు. పలు జాతీయ డిజిటల్‌ న్యూస్‌ మీడియా చానళ్లలోనూ సంజన చేతిరాతకు ప్రశంసల జల్లు కురుపిస్తున్నారు. శుక్రవారం సాయంత్రానికి ఇన్‌స్టాగ్రామ్‌లో 125 మిలియన్‌ వ్యూస్‌ దాటడం విశేషం.

స్పీకర్‌ ఓంబిర్లా, యూపీ సీఎం యోగి ఆదిత్యనాథ్‌లకు ఆహ్వానం సాక్షి, న్యూఢిల్లీ: విజయవాడలో ఘనంగా నిర్వహించనున్న దసరా శరన్నవరాత్రి ఉత్సవాలు, విజయవాడ ఉత్సవ్‌ 2.0కు రావాలని లోక్‌సభ స్పీకర్‌ ఓంబిర్లా, ఉత్తరప్రదేశ్‌ సీఎం యోగి ఆదిత్య నాథ్‌లను విజయవాడ ఎంపీ కేశినేని శివనాథ్‌(చిన్ని), మంత్రి సత్యకుమార్‌ యాదవ్‌ ఆహ్వానించారు. ఈమేరకు శుక్రవారం ఢిల్లీలో స్పీకర్‌ ఓంబిర్లాను, లక్నోలో సీఎం యోగిని కలసి వేర్వేరుగా కలిసిన ఈ ఇద్దరూ వారికి ఆహ్వాన పత్రాలను అందచేశారు. ఇంద్రకీలాద్రిపై కొలువుదీరిన శ్రీ కనకదుర్గమ్మవారి సన్నిధిలో నిర్వహించే పవిత్ర దసరా శరన్నవరాత్రి ఉత్సవాల్లో పాల్గొనాలని వారు కోరారు. విజయవాడకు ఉన్న విశిష్ట ఆధ్యాత్మిక ప్రాధాన్యత, ఘనమైన సాంస్కృతిక వారసత్వాన్ని దేశవ్యాప్తంగా చాటిచెప్పే లక్ష్యంతో ఈ వేడుకలను వైభవంగా నిర్వహిస్తున్నట్లు తెలిపారు. భక్తి, సంప్రదాయాలు, కళలు, సంస్కృతికి ప్రతీకగా నిలిచే ఈ ఉత్సవాల ద్వారా విజయవాడకు జాతీయ స్థాయిలో మరింత గుర్తింపు లభిస్తుందని పేర్కొన్నారు. ఉత్సవాల్లో ప్రముఖులు, భక్తులు, ప్రజలు పెద్దఎత్తున పాల్గొని విజయవంతం చేయాలని ఎంపీ కేశినేని శివనాథ్‌ ఆకాంక్షించారు. కృష్ణలంక(విజయవాడతూర్పు): దసరా ఉత్సవాల సందర్భంగా విజయవాడ కనకదుర్గమ్మ దర్శనానికి విచ్చేసే భక్తులకు ట్రాఫిక్‌ ఇబ్బందులు కలగకుండా ఎన్టీఆర్‌ జిల్లా పోలీస్‌, ట్రాఫిక్‌ పోలీస్‌ యంత్రాంగం పటిష్ట ఏర్పాట్లు చేసింది. భక్తుల సౌకర్యార్థం నగరవ్యాప్తంగా 40 పార్కింగ్‌ స్థలాలను, లైవ్‌ నావిగేషన్‌ సదుపాయాన్ని, భారీ వాహనాల కోసం ప్రత్యామ్నాయ మార్గాలను ఏర్పాటు చేసినట్లు శుక్రవారం జిల్లా పోలీస్‌ కమిషనర్‌ ఎస్‌.వి.రాజశేఖరబాబు ఒక ప్రకటనలో వెల్లడించారు. ఆలయం లోపల, చుట్టుపక్కల ప్రాంతాల్లో మొత్తం 40 పార్కింగ్‌ ప్రదేశాలు సిద్ధం చేశామన్నాని, ఆయా స్థలాల్లో వాహనాల రాకపోకలను పర్యవేక్షించేందుకు ఏఎన్‌పీఆర్‌ కెమెరాలు ఏర్పాటు చేశామని తెలిపారు. భక్తులు తాము వచ్చే ప్రాంతాన్ని/మార్గాన్ని బట్టి వాహనాలను కేటాయించిన పార్కింగ్‌ స్థలాల్లోనే నిలపాలని విజ్ఞప్తి చేశారు. ట్రాఫిక్‌ డైవర్షన్‌ పాయింట్ల వద్ద ఉన్న క్యూఆర్‌ కోడ్‌ను స్కాన్‌ చేసి నేరుగా పార్కింగ్‌ స్థలానికి చేరుకోవచ్చని, పార్కింగ్‌ స్థలాల ఖాళీ స్థితి, సులువైన నావిగేషన్‌ను అస్త్రం సిటిజెన్‌ యాప్‌ ద్వారా తెలుసుకోవచ్చని వివరించారు. మూలా నక్షత్రం రోజు ప్రత్యేక మళ్లింపులు.. మూలా నక్షత్రం రోజున భక్తుల రద్దీని బట్టి కీలక కూడళ్లు కుమ్మరిపాలెం, లాడ్జి అవుట్‌ పోస్ట్‌, కనకదుర్గ ఫ్లైఓవర్‌ ప్రవేశం, గద్ద బొమ్మ సెంటర్‌, పాత పోలీస్‌ కంట్రోల్‌ రూమ్‌ జంక్షన్‌లలో ట్రాఫిక్‌ను మళ్లింపులు ఉంటాయని సీపీ తెలిపారు. వాహనదారులు గమనించి, ఉత్సవాలు ప్రశాంతంగా జరిగేందుకు ట్రాఫిక్‌ పోలీసులకు సహకరించాలని కోరారు. భవానీపురం(విజయవాడపశ్చిమ): సొసైటీ ఫర్‌ వైబ్రెంట్‌ విజయవాడ ఆధ్వర్యాన జిజ్ఞాస ఆర్ట్‌ వర్క్‌ నిర్వహిస్తున్న విజయవాడ ఉత్సవ్‌–2.0 కార్యక్రమంలో భాగంగా శుక్రవారం విజయవాడ తుమ్మలపల్లి కళాక్షేత్రంలో మిసెస్‌ విజయవాడ పోటీలు నిర్వహించారు. ఈ పోటీల్లో మహిళలు తమ విభిన్న ప్రతిభతో ఆకట్టుకున్నారు. వివిధ రాష్ట్రాల సంస్కృతి, సంప్రదాయాలను ప్రతిబింబించే వస్త్రధారణతో అలరించారు. టాలెంట్‌ రౌండ్‌లో నృత్యం, సంగీతం, మిమిక్రీ, వెంట్రిలాక్విజం, యాంకరింగ్‌, థీమాటిక్‌ కాస్ట్యూమ్స్‌ తదితర విభాగాల్లో పోటీలు నిర్వహించారు. కార్యక్రమానికి ముఖ్య అతిథులుగా హాజరైన కేశినేని జానకి లక్ష్మి, బొండా సుజాత మాట్లాడుతూ మహిళల్లో ఆత్మవిశ్వాసాన్ని పెంపొందించే ఇటువంటి కార్యక్రమాలను ఏర్పాటు చేయడం అభినందనీయమన్నారు. అందాల పోటీలు కేవలం బాహ్య సౌందర్యానికి మాత్రమే పరిమితం కాకుండా వ్యక్తిత్వం, ఆత్మవిశ్వాసం, సృజనాత్మకత ప్రతిబింభించేలా ఉండాలని సూచించారు.

రైల్వేస్టేషన్‌(విజయవాడపశ్చిమ): దక్షిణ కోస్తా రైల్వే జనరల్‌ మేనేజర్‌ సందీప్‌ మాధుర్‌ శుక్రవారం విజయవాడ డివిజన్‌లోని విజయవాడ–రాజమండ్రి సెక్షన్లలో విస్తృత తనిఖీలు చేశారు. విజయవాడ డీఆర్‌ఎం మోహిత్‌ సోనాకియా, పలువురు ప్రిన్సిపల్‌ చీఫ్‌ ఆఫీసర్లతో కలసి జీఎం ఏలూరు, తాడేపల్లిగూడెం, నిడదవోలు, కొవ్వూరు, గోదావరి, రాజమండ్రి స్టేషన్లలో అమృత్‌ భారత్‌ పథకంలో జరుగుతున్న అభివృద్ధి పనులను ఆయన పరిశీలించారు. ప్రయాణికుల మౌలిక సదుపాయాలు, భద్రత, స్టేషన్‌ల పరిశుభ్రతపై అధికారులతో సమీక్షించారు. ట్రాక్‌ నిర్వాహణ, సిగ్నలింగ్‌ వ్యవస్థలు, యార్డ్‌ పునర్నిర్మాణ పనులు, పని ప్రదేశంలో ఉద్యోగుల భద్రత చర్యలను తనిఖీ చేసి అధికారులకు పలు సూచనలు చేశారు. భద్రత ప్రమాణాలను కచ్చితంగా పాటించాలన్నారు. పుష్కర ఏర్పాట్లపై సమీక్ష రాబోయే గోదావరి పుష్కరాల్లో యాత్రికుల తాకిడిని దృష్టిలో ఉంచుకుని రాజమండ్రి స్టేషన్‌లో చేపట్టనున్న ముందస్తు భద్రత చర్యలపై జీఎం.. అధికారులతో సమీక్షించారు. గోదావరి నదీ తీరంలోని పుష్కర ఘాట్‌, మార్కండేయ ఘాట్‌, శ్రద్ధానంద్‌ ఘాట్‌, సరస్వతి ఘాట్‌, గౌతమి ఘాట్లతో సహా ఇతర స్నానఘట్టాలకు వెళ్లే ప్రవేశ మార్గాలను ప్రత్యక్షంగా తనిఖీ చేశారు.

ప్రత్యేక చట్టం చేయకుండానే బీసీలకు 34 శాతం రిజర్వేషన్లంటూ కట్టుకథలు సాక్షి, విజయవాడ: ఎన్నికల వేళ మాత్రమే సీఎం చంద్రబాబుకు బడుగు, బలహీన వర్గాల ప్రజలు గుర్తుకు వస్తారు. బీసీలకు 34 శాతం రిజర్వేషన్లు అంటూ స్థానిక సంస్థల వేళ ఆయన ఆడింది నాటకమని మరోసారి సుస్పష్టమైంది. బీసీల ఓట్ల కోసమే జీవోల కట్టుకథలు నడుతున్నారన్న విషయం సుప్రీంకోర్టు, హైకోర్టుల తీర్పులతో తేటతెల్లమైంది. కోర్టులు తిరస్కరిస్తాయని తెలిసినా చంద్రబాబు తన పంథా వీడలేదు. హైకోర్టులో బీసీలకు 34 శాతం రిజర్వేషన్లు కుదరదని తేల్చి చెప్పినా.. జనాలను తన వైపు తిప్పుకోవడానికి సుప్రీంకోర్టును ఆశ్రయించినా అక్కడా తిరస్కరణకు గురవడంతో చంద్రబాబు కుట్రపూరిత రాజకీయాలు మరోసారి బట్టబయలయ్యాయి. 2024 ఎన్నికల వేళ 50 ఏళ్లు దాటిన బీసీ, ఎస్సీ, ఎస్టీ మహిళలకు పింఛన్‌ పేరిట ప్రగల్బాలు పలికారు. అధికారంలోకి వచ్చి 28 నెలలు కావొస్తున్నా.. ఆ హామీని అమలు చేయకుండా అటకెక్కించారు. రాజీవ్‌ రంజన్‌ నేతృత్వంలోని డెడికేటెడ్‌ కమిషన్‌ ఏర్పాటు చేసిన చంద్రబాబు అందులోని వాస్తవాలను దాచి.. బీసీలకు 34 శాతం అంటూ రాగం అందుకున్నారు. ‘స్థానిక’ ఎన్నికల వేడి ఊపందుకున్న తరుణంలో బీసీ రిజర్వేషన్ల అంశం చంద్రబాబు కావాలనే తెరపైకి తెచ్చారు. ఆ వెంటనే మైండ్‌ గేమ్‌ మొదలెట్టారు. అందుకోసం పంచాయతీరాజ్‌ సంస్థల్లో 34 శాతం, పట్టణ స్థానిక సంస్థల్లో 33.33 శాతం రిజర్వేషన్లు కల్పిస్తూ జీవో నంబర్లు 105, 1065 జారీ చేయించారు. వీటిని హైకోర్టు కొట్టివేయడంతో అంతటితో ఆగని చంద్రబాబు మళ్లీ సుప్రీంకోర్టు తలుపు తట్టారు. ఎస్సీ, ఎస్టీ, బీసీలకు కలిపి మొత్తం రిజర్వేషన్లు 50 శాతానికి మించకుండా చూడాలని స్పష్టం చేసింది. అలాగే 28 మంది బీసీలకు ఎమ్మెల్సీలుగా అవకాశమిచ్చి చట్టసభలకు పంపారు. ఎంపీపీలు 68 శాతం, మున్సిపల్‌ చైర్‌పర్సన్‌ పదవులు 53 శాతం, ఎంపీటీసీ సభ్యులు 41 శాతం, జెడ్పీటీసీ సభ్యులుగా 36 శాతం మంది బీసీలకు అవకాశమిచ్చారని గుర్తు చేసుకుంటున్నారు. విజయవాడ మేయర్‌గా బీసీ (నగరాలు) మహిళ రాయన భాగ్యలక్ష్మికి, జెడ్పీ చైర్‌పర్సన్‌గా బీసీ (గౌడ సామాజిక వర్గం) మహిళ ఉప్పాల హారికకు ఇచ్చి బీసీలపై నిజాయతీని చాటుకున్నారు. వైఎస్సార్‌ సీపీ హయాంలో.. దుర్గగుడి చైర్మన్‌గా రెండుసార్లు కూడా బీసీలకే అవకాశమిచ్చిన ఇచ్చిన ఘనత వైఎస్‌ జగన్‌మోహన్‌రెడ్డిది. ఇంకా ఉమ్మడి కృష్ణా జిల్లాలో ఎంపీపీలుగా, జెడ్పీటీసీ సభ్యులుగా బీసీ, ఎస్సీ, ఎస్టీలకు అవకాశం కల్పించారు. మాజీ సీఎం వైఎస్‌ జగన్‌మోహన్‌రెడ్డి అధికారంలో ఉన్నప్పుడు స్థానిక సంస్థల్లో బీసీ, ఎస్సీ, ఎస్టీలకు అధిక ప్రాధాన్యమిచ్చారు. బీసీలకు 34 శాతం రిజర్వేషన్లు కల్పిస్తూ చేసిన నిర్ణయాన్ని సవాల్‌ చేస్తూ నాడు ప్రతిపక్షంలో ఉన్న ఇదే చంద్రబాబు తన అనుచరుడు బిర్రు ప్రతాప్‌ రెడ్డి ద్వారా కోర్టులో పిల్‌ వేయించి అడ్డుకున్నారు. అయినా మాజీ సీఎం వైఎస్‌ జగన్‌మోహన్‌రెడ్డి బీసీలకు 2021లో స్థానిక సంస్థల ఎన్నికల్లో 50 శాతానికి మించి ఇచ్చి నిబద్ధతను చాటుకున్నారు. ఏకంగా 56 కార్పొరేషన్లకు చైర్మన్లుగా, రాష్ట్రంలోని 13 మేయర్‌ పదవుల్లో 9 బీసీలకు కేటాయించి ఏకంగా 69 శాతం వారికి ఇచ్చారు. 13 జిల్లా పరిషత్‌లకు ఏకంగా 6 బీసీలకు ఇచ్చి 46 శాతం, 11 రాజ్యసభ సీట్లకు నలుగురు బీసీలకే ఇవ్వడంతో పాటు 25 లోక్‌సభ స్థానాల్లో 11 మంది బీసీలకు టికెట్‌ ఇచ్చి చట్టసభలకు పంపించారు. స్థానిక ఎన్నికల్లో బీసీలకు 34 శాతం రిజర్వేషన్లు కల్పించే అంశంపై సుప్రీంకోర్టు తీర్పు నేపథ్యంలో ఇచ్చిన హామీని చంద్రబాబు నిలబెట్టుకోలేదు. బీసీలకు ద్రోహం చేశారు. జగన్‌మోహన్‌రెడ్డి బీసీలకు అధిక ప్రాధాన్యం ఇచ్చారు. బీసీల ఓట్లతో అధికారంలోకి వచ్చిన కూటమి ప్రభుత్వం, ఇప్పుడు అదే బీసీల రాజకీయ ప్రాతినిధ్యానికి భరోసా కల్పించడంలో ఎందుకు విఫలమైంది. బీసీ యువత ఎదగడానికి రిజర్వేషన్లు కీలకం. బీసీలకు ఇచ్చిన హామీలను అమలు చేయకుండా వారిని రాజకీయ అవసరాల కోసం మాత్రమే ఉపయోగించుకోవడం సమంజసం కాదు. –దేవినేని అవినాష్‌, వైఎస్సార్‌ సీపీ ఎన్టీఆర్‌ జిల్లా అధ్యక్షుడు గతంలో మహానేత వైఎస్సార్‌, వైఎస్‌ జగన్‌మోహన్‌రెడ్డి బీసీలను నెత్తిన పెట్టుకున్నారు. చంద్రబాబుకు ఎన్నికలప్పుడే బీసీలు గుర్తొస్తారు. బూటకపు జీవోలు తెచ్చి అభాసుపాలయ్యారు. మా నాయకుడు వైఎస్‌ జగనన్న బీసీలకు 34 శాతం కాదు.. 50 శాతం పదవులు ఇచ్చి రాజ్యాధికారం కల్పించారు. దుర్గగుడి చైర్మన్‌గా బీసీ వెనుకబడిన వర్గాలకు చెందిన మాకు రెండుసార్లు అవకాశం ఇచ్చింది మా నాయకుడే. హైకోర్టు, సుప్రీంకోర్టు కొట్టేస్తాయని తెలిసి కూడా చంద్రబాబు ఎన్నికల వేళ బీసీలకు రిజర్వేషన్‌ అంటూ నాటకం ఆడారు. బీసీలకు చేయాలనుకుంటే అసెంబ్లీలో తీర్మానం చేసి కేంద్రానికి పంపవచ్చు. కానీ నాటకం ఆడారు. – కర్నాటి రాంబాబు, దుర్గగుడి మాజీ చైర్మన్‌

గాంధీనగర్‌(విజయవాడసెంట్రల్‌): ఎలక్ట్రానిక్‌ ఓటింగ్‌ మిషన్లు (ఈవీఎం)లు ట్యాంపరింగ్‌ జరిగిన మాట వాస్తవమేనని కేంద్ర మాజీ మంత్రి చింతా మోహన్‌ పేర్కొన్నారు. 150 లోక్‌ సభ స్థానాల్లో ట్యాంపరింగ్‌కు పాల్పడినట్లు ఆధారాలు ఉన్నాయన్నారు. ప్రతిపక్షాలు బలహీనంగా ఉన్న చోట ఈవీఎంలు ట్యాంపరింగ్‌ జరిగాయని ఆరోపించారు. శుక్రవారం విజయవాడ ప్రెస్‌క్లబ్‌లో చింతా మోహన్‌ మీడియాతో మాట్లాడారు. ఈ సందర్భంగా ఆయన కేంద్ర ఎన్నికల సంఘంపై ఆరోపణలు చేశారు. ఎన్నికల ప్రధాన అధికారి జ్ఞానేష్‌కుమార్‌ రాజీనామా చేయాలని డిమాండ్‌ చేశారు. రాహుల్‌ గాంధీ, ప్రియాంక గాంధీల అరెస్ట్‌లను ఆయన ఖండించారు. ఎన్నికల సంఘం బీజేపీ తొత్తుగా వ్యవహరిస్తోందన్నారు. రిజర్వేషన్ల విషయంలో చంద్రబాబు తీరును ఆయన తప్పుబట్టారు. బీసీలకు 34 శాతం రిజర్వేషన్లు కల్పిస్తామని చంద్రబాబు అబద్ధాలు చెబుతున్నారన్నారు. రాజ్యాంగ సవరణ జరగనిదే రిజర్వేషన్‌ సాధ్యం కాదన్నారు. దళితులు దేవాలయాల్లోకి ప్రవేశించి వందేళ్లు పూర్తయిందన్నారు. ఈ సందర్భంగా ఈనెల 13న 33 మంది దళితులతో కలిసి తిరుచానూరు పద్మావతి అమ్మవారిని దర్శించుకుని శతాబ్ది ఉత్సవాలు లాంఛనంగా ప్రారంభిస్తామన్నారు. ఏడాది పాటు దేశవ్యాప్తంగా దళిత దేవాలయ ప్రవేశ శతాబ్ది ఉత్సవాలు జరుపుతామన్నారు. సభలు, సమావేశాలు, చర్చ వేదికలు, సెమినార్లు నిర్వహిస్తామని ప్రకటించారు.

లబ్బీపేట(విజయవాడతూర్పు): పుట్టుకతోనే వినికిడి లోపం ఉన్న నాలుగేళ్ల చిన్నారి తన్మయికి విజయవాడ జీజీహెచ్‌లో కాక్లియర్‌ ఇంప్లాంట్‌ సర్జరీని విజయవంతంగా నిర్వహించారు. ఆస్పత్రి ఈన్‌టీ విభాగాధిపతి డాక్టర్‌ కొణిదె రవి నేతృత్వంలో సీనియర్‌ కాక్లియర్‌ సర్జన్‌ డాక్టర్‌ రాయుడు అసోసియేట్‌ ప్రొఫెసర్‌ డాక్టర్‌ అనిత, అసిస్టెంట్‌ డాక్టర్‌ శ్రీనివాస్‌లు ఈ శస్త్ర చికిత్స నిర్వహించిన వారిలో ఉన్నారు. ఈ సర్జరీ నిర్వాహణకు ఎనస్థీషియా విభాగాధిపతి డాక్టర్‌ ఎస్‌ వినయ్‌కుమార్‌, వైద్యులు కిరణ్‌, సుధారాణిలు తమవంతు సహకారం అందించారు. జీజీహెచ్‌లో తొలి కాక్లియర్‌ సర్జరీని విజయవతంగా నిర్వహించిన డాక్టర్‌ రాయుడు వైద్య బృందాన్ని శుక్రవారం వైద్య కళాశాల ప్రిన్సిపాల్‌ డాక్టర్‌ ఏవైరావు ్ఢఅభినందించారు.

సాక్షి, విజయవాడ: భక్తుల కొంగు బంగారంగా విరాజిల్లుతున్న బెజవాడ దుర్గమ్మను దసరా ఉత్సవాల్లో దర్శించుకునేందుకు దేశం నలుమూలల నుంచి భక్తులు విచ్చేస్తారు. మరో రెండు రోజుల్లో దేవీ శరన్నవరాత్రి ఉత్సవాలు ప్రారంభం కానున్నాయి. బస్సులు, రైళ్లు, ప్రైవేటు వాహనాల్లో భక్తులు విజయవాడకు చేరుకుంటారు. భక్తుల రద్దీ నేపథ్యంలో పది రోజుల పాటు జరిగే ఈ ఉత్సవాలకు ప్రత్యేక సర్వీసులు నడుపుతామని ఆర్టీసీ చెబుతోంది. అయితే ప్రతి నెలా కాల పరిమితి దాటిన బస్సులను స్క్రాప్‌ కింద పక్కన పెడుతున్నారు. తక్కువలో తక్కువగా నెలకు 10 నుంచి 15 బస్సులు షెడ్డుకు చేరుతున్నాయి. వాటి స్థానంలో కొత్త బస్సులను తేవడం లేదు. ఉన్న వాటినే అటూ ఇటు తిప్పుతూ ఆర్టీసీ తంటాలు పడుతోంది. గత వైఎస్సార్‌ సీపీ ప్రభుత్వంలో 1500 కొనుగోలుకు టెండర్లు పిలవగా ఎన్నికలకు ముందే సుమారు 400 బస్సులు రాష్ట్రవ్యాప్తంగా డిపోలకు చేరాయి. 2024లో చంద్రబాబు అధికారంలోకి వచ్చాక ఒక్కటంటే ఒక్క బస్సును కూడా కొనుగోలు చేయలేదు. భక్తులకు తిప్పలే.. ఈ నెల 11వ తేదీ నుంచి శరన్నవరాత్రి ఉత్సవాలతో పాటు విద్యార్థులకు దసరా సెలవులు కావడంతో ఆర్టీసీ ఈ ఏడాది 4,172 అదనపు ట్రిప్పులు (సర్వీసులు) నడిపేలా ఏర్పాట్లు చేసింది. గతేడాది 3,055 అదనపు ట్రిప్పులు నడపగా.. ఈ సారి మాత్రం రద్దీ భారీగా ఉండే నేపథ్యంలో 1,117 ట్రిప్పులు అదనంగా నడపనుంది. ముఖ్యంగా అమ్మవారి దర్శనం కోసం శ్రీకాకుళం, వైజాగ్‌, రాజమండ్రి, కాకినాడ, అమలాపురం, ఒంగోలు, నెల్లూరు జిల్లాల నంచి అధిక సంఖ్యలో వచ్చే అవకాశం ఉంది. ఆయా జిల్లాలకు శుక్రవారం నుంచి 1055 అదనపు ట్రిప్పులు, శరన్నవరాత్రి ఉత్సవాలు ముగిసిన తరువాత 200 ట్రిప్పులను ఆర్టీసీ అధికారులు నడపనున్నారు. గుంటూరు, మచిలీపట్నం, గుడివాడ, తెనాలి, ఏలూరు నుంచి 1883 (నాన్‌ స్టాప్‌) ట్రిప్పులు, పండుగ తరువాత 204 ట్రిప్పులు నడపనున్నారు. రాయలసీమ సెక్టార్‌కు ఈ సారి 126 అదనపు ట్రిప్పులు నడపనున్నారు. ఉమ్మడి కృష్ణా జిల్లాలోని అవనిగడ్డ, జగ్గయ్యపేట, పల్నాడు జిల్లా మాచర్ల, భీమవరం జిల్ల్లాకు శుక్రవారం నుంచి 653 అదనపు ట్రిప్పులు, సెలవుల అనంతరం 51 ట్రిప్పులు నడుస్తాయని ఆర్టీసీ అధికారులు చెబుతున్నారు. పక్క రాష్ట్రమైన తెలంగాణ నుంచి భక్తులు ఈ నెల 16, 17, 18, 19 తేదీల్లో అధికంగా వచ్చే అవకాశం ఉండడంతో ప్రత్యేక సర్వీసులతో పాటు వీకెండ్‌లో అదనపు సర్వీసులు నడవనున్నాయి. షెడ్యూల్‌ సర్వీసులే అదనపు ట్రిప్పులు దసరా ఉత్సవాలు, సెలవుల సందర్భంగా ఆర్టీసీ ఏర్పాటు చేస్తున్న ప్రత్యేక సర్వీసులకు జిల్లా పరిధిలో రోజూ తిరిగే షెడ్యూల్‌ సర్వీసుల నుంచే బస్సులను కేటాయించారు. ఉదాహరణకు విజయవాడ నుంచి జగ్గయ్యపేటకు వయా కంచికచెర్ల, నందిగామ మీదుగా 12 వరకు ఎక్స్‌ప్రెస్‌ బస్సులు షెడ్యూల్‌ ప్రకారం తిరుగుతాయి. ఇప్పుడు వీటిలోనే కొన్నింటిని ప్రత్యేక సర్వీసులుగా కేటాయిస్తారు. సాధారణంగానే జగ్గయ్యపేటకు ప్రయాణికుల రద్దీగా ఎక్కువ ఉంటుంది. వీటిలోనే తగ్గిస్తే మరింత ఇబ్బందికర పరిస్థితులు తలెత్తుతాయని ఆర్టీసీ అధికారులకు తెలుసు. కానీ వీటినే కేటాయిస్తున్నారు. పల్లెవెలుగు బస్సులు కూడా ప్రత్యేక సర్వీసులుగా నడిస్తే ఉన్న బస్సుల సంఖ్య మరింత తగ్గుతుంది. దీంతో గ్రామీణ ప్రయాణికులకు ఇబ్బందులు తప్పవన్న అభిప్రాయం సర్వత్రా వ్యక్తమవుతోంది. ఎలక్ట్రిక్‌ బస్సులెప్పుడు వస్తాయో ? రాష్ట్రవ్యాప్తంగా 750కి పైగా ఎలక్ట్రిక్‌ బస్సులు ఆగస్టు నాటికే అందుబాటులోకి వస్తాయని చంద్రబాబు ప్రభుత్వం బీరాలు పలికింది. అందులోనూ రాజధాని ప్రాంతంగా ఉన్న విజయవాడకు అధిక బస్సులు కేటాయిస్తున్నట్లు చెప్పింది. ఎలక్ట్రిక్‌ బస్సుల కోసం విద్యాధరపురం డిపోను కేటాయించారు. సాధారణంగానే విజయవాడకు ప్రయాణికుల తాకిడి అధికం. పండిట్‌ నెహ్రూ బస్‌ స్టేషన్‌ నుంచి సెప్టెంబర్‌ 30వ తేదీ వరకు 551 ఆర్టీసీ బస్సులు, 148 అద్దె బస్సులు కలిపి మొత్తం 699 బస్సులు జిల్లాలో 2,61,213 కిలోమీటర్ల మేర తిరిగాయి. సరాసరి ప్రతి నెలా 10 నుంచి 15 వరకు బస్సులు షెడ్డుకు చేరుతున్నాయి. ప్రస్తుతం బస్సుల సంఖ్య 650. అంటే ఈ 9 రోజుల్లో 49 సర్వీసులు తగ్గిపోయాయి. మరి దేవీ శరన్నవరాత్రి ఉత్సవాలకు అదనపు సర్వీసులు ఎలా నడుపుతారన్నది ప్రశ్నార్థకం. ఉన్న బస్సులనే అటు తిప్పి.. ఇటు తిప్పడం తప్ప ప్రత్యామ్నాయం లేదు. భక్తుల కోసం ప్రత్యేకంగా బస్సులు కొనుగోలు చేసి తిప్పడం లేదనే విషయం తేటతెల్లం అవుతోంది. అందులోనూ నాణ్యత లేని, పాత సర్వీసులనే అమ్మవారి దర్శనానికి వచ్చే భక్తుల కోసం కేటాయిస్తున్నారని, గత రెండేళ్లు కూడా ఇలానే చేశారనే ఆరోపణలు వినిపిస్తున్నాయి. దేశంలోనే అతిపెద్ద బస్టాండ్‌గా ఉన్న విజయవాడ పండిట్‌ నెహ్రూ బస్‌స్టేషన్‌ నుంచి రోజువారీ రెండు లక్షల మంది వరకు, వారాంతంలో ఆ సంఖ్య 2.50 లక్షల మంది రాకపోకలు సాగిస్తారు. సీ్త్రశక్తి పథకం కారణంగా మహిళా ప్రయాణికుల సంఖ్య భారీగా పెరిగింది. ఈ పథకమే ఆర్టీసీకి శరాఘాతంగా పరిణమించిందని కొందరు ఆర్టీసీ అధికారులు పేర్కొంటున్నారు. చంద్రబాబు ప్రభుత్వం వచ్చాక కాలపరిమితి దాటిన సర్వీసులు భారీగా షెడ్డుకు చేరాయి. మహిళలకు ఉచిత ప్రయాణం అని ఊదరగొట్టుకునే కూటమి ప్రభుత్వం ఆర్టీసీ సర్వీసులు తగ్గించి దగా చేస్తోంది. అరకొర బస్సుల్లో సామర్థ్యానికి మించి మహిళలు ప్రయాణిస్తుండటంతో డ్రైవర్లు, కండక్టర్లపై భారం అధికమైంది.

లబ్బీపేట (విజయవాడ తూర్పు): సమాజంలో మానసిక సమస్యలతో సతమతమవుతున్న వారి సంఖ్య రోజురోజుకూ పెరుగుతోంది. అందుబాటులోకి వచ్చిన ఆధునిక సాంకేతికత, విచ్చలవిడి మొబైల్‌ వినియోగం మానసిక సమస్యలకు ప్రధాన కారణాలుగా మారుతున్నాయి. మానసిక సమస్యలతో బాధపడుతున్న వారి ఆవేదనను వినడమే కాకుండా, వారికి ఉపశమనం కలిగించడం సమాజంలోని ప్రతి ఒక్కరి బాధ్యత అని నిపుణులు చెబుతున్నారు. ఏటా అక్టోబర్‌ 10న ప్రపంచ మానసిక ఆరోగ్య దినోత్సవాన్ని నిర్వహిస్తున్నారు. ఈ ఏడాది ‘వారి సమస్యను విందాం.. వారి భవితను మారుద్దాం’ అనే నినాదంతో అవగాహన కల్పిస్తున్నారు. కరువైన ఆత్మీయ పలకరింపులు నలుగురు కలిసి కూర్చుని ముచ్చట్లు చెప్పుకునే పరిస్థితి లేదు. కుటుంబ సభ్యులంతా కలిసి ఒకేసారి భోజనం చేసే ఆచారం కూడా కనుమరుగవుతోంది. ఉమ్మడి కుటుంబ వ్యవస్థ ఎప్పుడో అంతరించిపోయింది. ఆశ, అత్యాశ పెరిగి జీవితంలో సంతృప్తి అనేది లేకుండా పోయింది. బంధువులు, ఆత్మీయుల కలయికలు కూడా చాలా తక్కువగా ఉంటున్నాయి. ఒకప్పుడు వివాహాలు, ఇతర శుభకార్యాలకు రెండు మూడు రోజుల ముందే బంధువులు వచ్చేవారు. ఇప్పుడు ఆ పరిస్థితి లేదు. అనుబంధాలు దూరం కావడం మానసిక ఆరోగ్యంపై తీవ్ర ప్రభావం చూపుతోంది. చిన్న కష్టానికే కుంగుబాటు మానసిక సమస్యకు మొదటి సాయం మాత్ర వేయడం కాకపోవచ్చు. బాధలో ఉన్న వ్యక్తి మాటను శ్రద్ధగా వినే ఒక మనిషి తోడు కావాలి. కౌమార దశలోని పిల్లలు సోషల్‌ మీడియా, పరీక్షల ఒత్తిడిని ఎదుర్కొంటున్నారు. మానసిక సమస్యలను సత్వరమే పరిష్కరించుకోవాలి. డాక్టర్‌ ఎస్‌. అశోక్‌ బాబు, మానసిక వైద్య నిపుణులు ప్రతి విషయాన్ని పాజిటివ్‌గా తీసుకోవాలి. ప్రకృతి వైపరీత్యాలు వచ్చినప్పుడు ఆస్తులు, ఆప్తులను కోల్పోవడం జరుగుతుంది. అలాంటి సమయంలో మానసిక దృఢత్వం అవసరం. ఆత్మీయులు, సన్నిహితులు, స్నేహితులు, కుటుంబ సభ్యులతో ప్రతిరోజూ కొంత సమయం గడపడం ద్వారా ఒత్తిడి నుంచి ఉపశమనం పొందవచ్చు. డాక్టర్‌ గర్రె శంకరరావు, సైకాలజిస్ట్‌

విమానాశ్రయం(గన్నవరం): రాష్ట్రపతి ద్రౌపది ముర్ము ఈ నెల 14, 15 తేదీల్లో జిల్లాలో పర్యటించనున్న నేపథ్యంలో పకడ్బందీగా ఏర్పాట్లు చేయాలని కృష్ణా జిల్లా కలెక్టర్‌ డి.కె.బాలాజీ సంబంధిత అధికారులను ఆదేశించారు. ఎస్సీ వి.విద్యాసాగర్‌నాయుడుతో కలిసి గన్నవరం విమానాశ్రయంలో ముందస్తు భద్రత ఏర్పాట్లపై అధికారులతో గురువారం సమీక్ష నిర్వహించారు. కలెక్టర్‌ బాలాజీ మాట్లాడుతూ.. రాష్ట్రపతి పర్యటన సందర్భంగా ముందస్తు తనిఖీలు, ట్రాఫిక్‌ నియంత్రణ, వీఐపీల వాహన పార్కింగ్‌ తదితర ఏర్పాట్లను సమన్వయంతో నిర్వహించాలని సూచించారు. నిరంతర విద్యుత్‌ ఉండేలా ఏపీ సీపీడీసీఎల్‌ అధికారులు ప్రత్యేక చర్యలు తీసుకోవాలని ఆదేశించారు. గుడివాడ ఆర్డీఓ జి.బాలసుబ్రహ్మణ్యం, ఎయిర్‌పోర్ట్‌ డైరెక్టర్‌ ఎం.లక్ష్మీకాంతరెడ్డి, విమా నాశ్రయ సీఎస్‌ఓ కె.ధర్మేంద్ర, ఇంటిలిజెన్స్‌ విభాగాధికారి చప్పిడి రాజా, జాతీయ రహదారుల సంస్థ పీడీ విద్యాసాగర్‌ పాల్గొన్నారు.కృష్ణలంక(విజయవాడతూర్పు): దేశంలో అర్హులైన పౌరుల ఓట్లను విచక్షణారహితంగా తొలగించడాన్ని నిరసిస్తూ, చీఫ్‌ ఎలక్షన్‌ కమిషనర్‌ (సీఈసీ) జ్ఞానేష్‌కుమార్‌ తక్షణమే రాజీనామా చేయాలని డిమాండ్‌ చేస్తూ ఈ నెల పదో తేదీన విజయవాడలో చలో లోక్‌భవన్‌ నిర్వహిస్తున్నట్లు విద్యార్థి, యువజన సంఘాల నాయకులు ప్రకటించారు. గవర్నర్‌పేట బాలోత్సవ భవన్‌లో గురువారం జరిగిన విలేకరుల సమావేశంలో చలో లోక్‌భవన్‌ పోస్టర్లు ఆవిష్కరించారు. ఎస్‌ఎఫ్‌ఐ రాష్ట్ర కార్యదర్శి ప్రసన్నకుమార్‌ మాట్లాడుతూ.. ఓటు హక్కు పరిరక్షణ కోసం దేశవ్యాప్తంగా యువత చేపట్టిన ఉద్యమానికి మద్దతుగా ఈ కార్యక్రమం చేపట్టామని తెలి పారు. ఏఐఎస్‌ఎఫ్‌ రాష్ట్ర కార్యదర్శి నాసర్‌జీ మాట్లాడుతూ.. రాజ్యాంగ వ్యవస్థల విశ్వసనీయత మసకబారేలా ప్రవర్తించిన సీఈసీ జ్ఞానేష్‌ కుమార్‌ రాజీనామా చేయాలన్నారు. డీవైఎఫ్‌ఐ రాష్ట్ర కార్యదర్శి రామన్న మాట్లాడుతూ.. ప్రశ్నించే యువత గొంతు నొక్కేందుకు పాలకులు ప్రయత్నిస్తున్నారని ఆరోపించారు. ఈ సమావేశంలో ఏఐవైఎఫ్‌ రాష్ట్ర కార్యదర్శి యుగంధర్‌, పీడీఎస్‌యూ నాయకుడు నాని, ఎన్‌ఎస్‌యూఐ నాయకుడు శ్రీనివాస్‌, ఏఐడీఎస్‌ఓ రాష్ట్ర ఉపాధ్యక్షుడు సురేష్‌, పీఎస్‌యూ రాష్ట్ర అధ్యక్షుడు నరేంద్ర, ఐసా రాష్ట్ర ఉపాధ్యక్షుడు అప్పలస్వామి తదితరులు పాల్గొన్నారు. ఇంద్రకీలాద్రి(విజయవాడపశ్చిమ): ఇంద్రకీలాద్రిపై కొలువై ఉన్న దుర్గమ్మ సన్నిధిలో జరుగుతున్న నిత్యాన్నదానానికి గురువారం పలువురు భక్తులు విరాళాలు సమర్పించారు. తూర్పు గోదావరి జిల్లా గోకవరం మండలం కామరాజుపేటకు చెందిన రామోజీ లోహాచారి కుటుంబ సభ్యులు రామోజీ బాబూరావు పేరిట నిత్యాన్నదానానికి రూ.1,01,023, గన్నవరానికి చెందిన గొల్లపూడి శ్రీనివాసరావు, రమ్యకృష్ణ దంపతులు రూ.1,00,116 విరాళాన్ని ఆలయ అధికారులకు అందించారు. దాతలకు ఆలయ మర్యాదలతో అమ్మవారి దర్శనం కల్పించారు. వేద పండితుల ఆశీర్వచనం అనంతరం దాతలకు ఆలయ చైర్మన్‌ రాధాకృష్ణ, ఆలయ పర్యవేక్షకులు అమ్మవారి చిత్రపటం, ప్రసాదాలను అందజేశారు. మొగల్రాజపురం(విజయవాడ తూర్పు): ప్రధానమంత్రి సూర్య ఘర్‌ ముప్త్‌ బిజిలి యోజన అమలులో భాగంగా ఏపీసీపీడీసీఎల్‌ పరిధి లోని గుణదలలో నిర్వహిస్తున్న సేవా సేతు అభియాన్‌ క్యాంప్‌ను సంస్థ చీఫ్‌ జనరల్‌ మేనేజర్‌ కె.లింగమూర్తి గురువారం సందర్శించారు. క్యాంప్‌నకు వచ్చిన వినియోగదారులతో మాట్లాడారు. వినియోగదారులకు అధికారులు అందిస్తున్న సమాచారం, దరఖాస్తు ప్రక్రియ, సోలార్‌ వ్యవస్థ ఏర్పాటు అంశాల గురించి అడిగి తెలుసుకున్నారు. ప్రజలు తమ ఇళ్లపై రూఫ్‌టాప్‌ సోలార్‌ విద్యుత్‌ వ్యవస్థలను ఏర్పాటు చేసుకోవాలని సూచించారు. సౌర విద్యుత్‌ వినియోగం ద్వారా విద్యుత్‌ బిల్లుల భారాన్ని తగ్గించుకోవచ్చునని పేర్కొన్నారు. ఏపీసీపీడీసీఎల్‌ ఎగ్జిక్యూటివ్‌ ఇంజినీర్లు రత్నకుమారి, విశ్వేశ్వరప్రసాద్‌, గుణదల అసిస్టెంట్‌ ఇంజినీర్‌ మురళీకృష్ణ, సౌర విద్యుత్‌ సంస్థల ప్రతినిధులు, బ్యాంకర్లు పాల్గొన్నారు.

గాంధీనగర్‌(విజయవాడసెంట్రల్‌): జిల్లాలో రెన్యువల్‌ కాకుండా మిగిలిన మద్యం దుకాణాలను లాటరీ ద్వారా కేటాయించారు. కలెక్టరేట్‌ శ్రీ పింగళి వెంకయ్య సమావేశ మందిరంలో కలెక్టర్‌ డాక్టర్‌ జి.లక్ష్మీశ ఆధ్వర్యంలో గురువారం లాటరీ ప్రక్రియ నిర్వహించారు. 2026–27 సంవత్సరానికి గాను జిల్లాలోని 124 మద్యం దుకాణాలకు 106 దుకాణాలు రెన్యువల్‌ అయ్యాయి. మిగిలిన 18 మద్యం దుకాణాలకు కలెక్టర్‌ గెజిట్‌ నోటిఫికేషన్‌ జారీ చేశారు. నిబంధనల ప్రకారం ఒక్కో దుకాణానికి కనీసం నాలుగు దరఖాస్తులు అందినప్పుడే ఎంపిక ప్రక్రియ నిర్వహించాలని ప్రభుత్వం నిబంధన విధించింది. జిల్లాలో 16 మద్యం దుకాణాలకు నాలుగు కంటే ఎక్కువ దరఖాస్తులు వచ్చాయి. దీంతో లాటరీ నిర్వ హించి దుకాణాలను కేటాయించారు. ఈ కార్యక్రమంలో ప్రొహిబిషన్‌ అండ్‌ ఎకై ్సజ్‌ డెప్యూటీ కమిషనర్‌ టి.శ్రీనివాస్‌రావు, జిల్లా ప్రొహిబిషన్‌ అండ్‌ ఎకై ్సజ్‌ సూపరింటెండెంట్‌ ఎస్‌.శ్రీనివాస్‌రావు, అసిస్టెంట్‌ ఎకై ్సజ్‌ సూపరింటెండెంట్‌ ఆర్‌.వి.రామశివ, ఇన్‌స్పెక్టర్లు, సిబ్బంది తదితరులు పాల్గొన్నారు.