Shreyas Iyer

టీమిండియా స్టార్‌ నమన్‌ ధీర్‌పై ప్రశంసల వర్షం కురుస్తోంది. న్యూజిలాండ్‌తో తొలి టీ20లో తీవ్రమైన ఒత్తిడిలోనూ అతడు రాణించిన తీరును సహచర ఆటగాళ్లతో పాటు మాజీ క్రికెటర్లు, అభిమానులు కొనియాడుతున్నారు. ఈ నేపథ్యంలో భారత ఓపెనర్‌, కివీస్‌తో తొలి టీ20లో ‘ప్లేయర్‌ ఆఫ్‌ ది మ్యాచ్‌’గా నిలిచిన సంజూ శాంసన్‌ చేసిన వ్యాఖ్యలు వైరల్‌గా మారాయి.క్రైస్ట్‌చర్చ్‌ వేదికగా గురువారం నాటి మ్యాచ్‌లో టాస్‌ గెలిచిన టీమిండియా తొలుత బౌలింగ్‌ ఎంచుకోగా.. న్యూజిలాండ్‌ నిర్ణీత 20 ఓవర్లలో నాలుగు వికెట్ల నష్టానికి 225 పరుగుల భారీ స్కోరు సాధించింది. గ్లెన్‌ ఫిలిప్స్‌ అద్భుత అర్ధ శతకం (40 బంతుల్లో 82 నాటౌట్‌)తో రాణించాడు.సంజూ మెరుపు అర్ధ శతకంఅనంతరం లక్ష్య ఛేదనకు దిగిన భారత్‌కు ఓపెనర్లు సంజూ శాంసన్‌, అభిషేక్‌ శర్మ శుభారంభం అందించారు. సంజూ 33 బంతుల్లో 8 ఫోర్లు, 4 సిక్సర్లు బాది 67 పరుగులు సాధించగా.. అభిషేక్‌ 12 బంతుల్లోనే 29 రన్స్‌ రాబట్టాడు. వన్‌డౌన్‌లో వచ్చిన తిలక్‌ వర్మ (6), ఐదో నంబర్‌ బ్యాటర్‌ ఇషాన్‌ కిషన్‌ (1) విఫలం కాగా.. శ్రేయస్‌ అయ్యర్‌ కెప్టెన్‌ ఇన్నింగ్స్‌ (28 బంతుల్లో 42) ఆడాడు.SILK, SWAG, AND CLINICAL PRECISION! 🤌 Shreyas Iyer served up a batting masterclass that deserves to be watched on loop! 🔁🔥 Watch the HERO VIDA India Tour of New Zealand, 2nd T20I, TOMORROW 11:30 AM onwards LIVE on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND— Sony Sports Network (@SonySportsNetwk) October 23, 2026నమన్‌ ధనాధన్‌అయితే, విజయ సమీకరణం సవాలుగా మారుతున్న వేళ అక్షర్‌ పటేల్‌ (14 బంతుల్లో 24) వేగంగా ఆడగా.. నమన్‌ ధీర్‌ ధనాధన్‌ దంచికొట్టాడు. కేవలం 15 బంతుల్లోనే 5 ఫోర్లు, 2 సిక్సర్ల సాయంతో 42 పరుగులతో అజేయంగా నిలిచి జట్టును విజయతీరాలకు చేర్చాడు. సంజూ, నమన్‌ మెరుపుల కారణంగా భారత్‌ 19.4 ఓవర్లలోనే లక్ష్యాన్ని ఛేదించి నాలుగు వికెట్ల తేడాతో గెలుపొందింది.ఎక్కువ క్రెడిట్‌ నమన్‌ ధీర్‌కే దక్కాలిఈ నేపథ్యంలో మ్యాచ్‌ అనంతరం సంజూ శాంసన్‌ మాట్లాడుతూ.. నమన్‌ ధీర్‌ ఆట తీరుపై ప్రశంసల జల్లు కురిపించాడు. ‘‘ఈ మ్యాచ్‌ విజయంలో ఎక్కువ క్రెడిట్‌ నమన్‌ ధీర్‌కే దక్కాలి. ఇప్పటి వరకు అతడు టీమిండియా తరఫున కేవలం నాలుగు నుంచి ఐదు మ్యాచ్‌లే ఆడి ఉన్నాడు.తీవ్రమైన ఒత్తిడి నెలకొన్న వేళ..అయినా సరే కీలక సమయంలో.. తీవ్రమైన ఒత్తిడి నెలకొన్న వేళ.. ప్రశాంతంగా ఆడుతూ జట్టుకు విలువైన విజయం అందించాడు. భవిష్యత్తులో భారత క్రికెట్‌కు అతడు గొప్ప ఆస్తి అవుతాడు’’ అని సంజూ కొనియాడాడు.బిజినెస్‌ క్లాస్‌లో ప్రయాణం.. లగ్జరీ హోటళ్లలో బసఅదే విధంగా.. భారత టీ20 జట్టు బిజీ షెడ్యూల్‌ గురించి మీడియా ప్రశ్నించగా.. ‘‘ఇంగ్లండ్‌ పర్యటన నాటి నుంచే మేము ఫిట్‌నెస్‌ మీద మరింత ఎక్కువగా దృష్టి సారించాము. బిజీ షెడ్యూల్‌కు సంబంధించి జరిగిన సమావేశంలో అన్ని విషయాలను చర్చించాము.ఫిట్‌నెస్‌ విషయంలో క్రమశిక్షణతో ఉండాలని స్పష్టమైన ఆదేశాలు ఉన్నాయి. శారీరకంగానే కాదు మానసికంగానూ మేమంతా పూర్తి ఫిట్‌గా ఉన్నాము. ఇక మా ప్రయాణాలు అన్నీ బిజినెస్‌ క్లాస్‌లోనే సాగుతాయి. అద్భుతమైన సౌకర్యాలున్న హోటళ్లలో బస చేస్తాము.దృష్టి మొత్తం దాని మీదేఏ విషయంలోనూ ఫిర్యాదు చేయాల్సిన అవసరం లేకుండా యాజమాన్యం అన్నీ చూసుకుంటోంది. కాబట్టి కేవలం మ్యాచ్‌లు, సిరీస్‌లు గెలవడం మీద మాత్రమే మా దృష్టి కేంద్రీకృతమై ఉంది’’ అని సంజూ శాంసన్‌ చెప్పుకొచ్చాడు. కాగా ఇటీవల స్వదేశంలో వెస్టిండీస్‌తో ఐదు మ్యాచ్‌ల టీ20 సిరీస్‌ను 2-2తో డ్రా చేసుకున్న టీమిండియా.. న్యూజిలాండ్‌ పర్యటనలోనూ ఐదు టీ20లు ఆడేందుకు షెడ్యూల్‌ ఖరారైంది. భారత్‌- కివీస్‌ మధ్య శనివారం నాటి రెండో టీ20కి క్రైస్ట్‌చర్చ్‌ వేదిక. చదవండి: NZ Vs IND: రెండో టీ20కి ఇషాన్ కిషన్ దూరం.. వైభవ్‌కు చాన్స్‌!🔥 RECORD-BREAKING CHASE. THE BLUE STORM IS HERE! 💙 226-run target? Check. India’s highest-ever successful chase in T20Is? Check. A 1-0 series lead? CHECK! 💥 🏏 HERO VIDA India Tour of New Zealand 📺 2nd T20I | TOMORROW | 11:30 AM onwards LIVE on Sony Sports Network, Sony LIV & Sony Vizha! #SonySportsNetwork #SonyLIV #SonyVizha #NZvIND— Sony Sports Network (@SonySportsNetwk) October 23, 2026

క్రైస్ట్‌చర్చ్ వేదికగా న్యూజిలాండ్‌తో జరిగిన తొలి టీ20లో టీమిండియా 4 వికెట్ల తేడాతో రికార్డు విజయం సాధించింది. 226 పరుగుల భారీ లక్ష్య ఛేదనలో భారత బ్యాటర్లు చెలరేగి ఆతిథ్య జట్టుకు షాకిచ్చారు. మాట్ హెన్రీ, ఫెర్గూసన్ వంటి వరల్డ్‌క్లాస్ బౌలర్లు ఉన్నప్పటికీ.. మన బ్యాటర్లు విధ్వంసం సృష్టించారు. ముఖ్యంగా సంజూ శాంసన్ (67), శ్రేయస్ అయ్యర్ (42), నమన్ ధీర్ (42 నాటౌట్) సంచలన ఇన్నింగ్స్‌లతో భారత విజయంలో కీలక పాత్ర పోషించారు. టీ20ల్లో భారత్‌కు ఇదే అత్యధిక లక్ష్య ఛేదన కావడం విశేషం. మ్యాచ్ అనంతరం భారత కెప్టెన్ శ్రేయస్ అయ్యర్ మాట్లాడుతూ.. సిరీస్‌ను విజయంతో ఆరంభించడం చాలా సంతోషంగా ఉందన్నాడు."నిజంగా ఇదొక అద్భుతం. ఈ సంతోషంలో సుదూర ప్రయాణం వల్ల కలిగిన అలసటను పూర్తిగా మర్చిపోయాం. మేము బౌలింగ్ ప్రారంభించినప్పుడు పిచ్ కొద్దిగా నెమ్మదిగా ఉంది, బంతి ఆగుతూ వచ్చింది. కానీ, బౌలింగ్‌లో మా ప్రణాళికలను సరిగ్గా అమలు చేయలేకపోయాము.సరైన లెంగ్త్‌లో కాకుండా హిట్టింగ్ జోన్‌లో బంతులు వేశాము. తొలి ఇన్నింగ్స్‌లోనే మంచు ప్రభావం ప్రారంభమైంది. పిచ్ మరింత ఫ్లాట్‌గా మారిపోవడంతో బంతి బ్యాట్‌పైకి చక్కగా వచ్చింది. కివీస్ బ్యాటర్లు దూకుడుగా ఆడి 225 పరుగుల భారీ స్కోర్ సాధించారు. ఈ విషయంలో వారికి క్రెడిట్ ఇవ్వాల్సిందే.220కి పైగా లక్ష్యాన్ని ఛేదించేటప్పుడు కచ్చితంగా మంచి ఆరంభం లభించాలి. మా ఓపెనర్లు అభిషేక్, సంజూ మరోసారి మాకు అదిరిపోయే ఆరంభాన్ని అందించారు. మొదటి ఆరు ఓవర్లలోనే 90-95 పరుగులు సాధించడం నిజంగా గ్రేట్‌" అని అయ్యర్ కొనియాడాడు.మా ఓపెనర్లు అద్భుతం..వారిద్దరికీ ఈ ఫార్మాట్‌లో అపారమైన అనుభవం ఉంది. ఇలాంటి పరిస్థితులను వారు చాలాసార్లు ఎదుర్కొన్నారు. కాబట్టి, వారికి ఎలా ఆడాలో ప్రత్యేకంగా చెప్పాల్సిన అవసరం లేదు. వారికి ఏమి చేయాలో బాగా తెలుసు. ఒక్కసారి రిథమ్ అందుకుంటే వారిని ఆపడం ఎవరి తరం కాదు. అది మరోసారి ఈ మ్యాచ్‌లో రుజువైంది. కొన్నిసార్లు వారు విఫలమవ్వొచ్చు, కానీ చాలా సందర్భాల్లో మాకు ఘన ఆరంభాన్ని అందిస్తూనే ఉన్నారు. ఆ తర్వాత మేము క్రీజులోకి వచ్చి ఇన్నింగ్స్‌ను ముందుకు తీసుకెళ్లి, మ్యాచ్‌ను విజయవంతంగా ముగిస్తాము అని అయ్యర్ పేర్కొన్నాడు. ఈ మ్యాచ్‌లో కీల‌క నాక్ ఆడిన న‌మ‌న్ ధీర్‌పై శ్రేయ‌స్ ప్ర‌శంస‌ల వ‌ర్షం కురిపించాడు."న్యూజిలాండ్‌లో కొందరికి నమన్ ధీర్‌ను మైదానంలో చూడటం ఇదే మొదటిసారి కావచ్చు. కానీ, అతడొక సంచలనం. నమన్ మరోసారి తన టాలెంట్‌ను నిరూపించుకున్నాడు. అతడు బ్యాట్‌తో పాటు బంతితో కూడా అద్భుతాలు చేయగలడు. కచ్చితంగా అలాంటి ఆటగాడు ప్రతీ జట్టుకూ అవసరం. అతడు వేసే రెండు, మూడు కీలమ ఓవర్లు మ్యాచ్ స్వభావాన్నే మార్చగలవు" అని పోస్ట్ మ్యాచ్ ప్రెజెంటేషన్‌లో అయ్యర్ చెప్పుకొచ్చాడు

న్యూజిలాండ్ ప‌ర్య‌ట‌న‌ను టీమిండియా ఘ‌నంగా ప్రారంభించంది. క్రైస్ట్‌చ‌ర్చ్ వేదిక‌గా జ‌రిగిన తొలి టీ20లో ఆతిథ్య కివీస్‌పై 4 వికెట్ల తేడాతో భార‌త్ విజ‌యం సాధించింది. ఆఖరి వరకు నువ్వానేనా అన్నట్లు సాగిన ఈ పోరులో నమన్‌ ధీర్‌ టీమిండియాను గెలిపించాడు. దీంతో ఐదు మ్యాచ్‌ల టీ20 సిరీస్‌లో భారత్ 1-0 ఆధిక్యంలో వెళ్లింది.ఫిలిప్స్ ఊచకోతఈ మ్యాచ్‌లో తొలుత బ్యాటింగ్ చేసిన న్యూజిలాండ్ నిర్ణీత 20 ఓవ‌ర్ల‌లో 4 వికెట్ల నష్టానికి 225 పరుగుల భారీ స్కోర్‌ సాధించింది. కివీస్‌ బ్యాటర్లలో గ్లెన్‌ ఫిలిప్స్‌(40 బంతుల్లో 8 ఫోర్లు, 3 సిక్స్‌లు నాటౌట్‌) టాప్‌ స్కోరర్‌గా నిలవగా.. ఫిన్‌ అలెన్‌(45), బెవాన్‌ జాకబ్స్‌(31) కీలక ఇన్నింగ్స్‌లు ఆడారు. భారత బౌలర్లలో అర్ష్‌దీప్‌ సింగ్‌, అక్షర్‌పటేల్‌, మయాంక్‌ యాదవ్‌ తలా వికెట్‌ పడగొట్టారు.సంజూ చెడుగుడు.. నమన్ మెరుపులుఅనంతరం 226 పరుగుల భారీ లక్ష్యంతో బరిలోకి దిగిన భారత్‌కు ఓపెనర్లు అభిషేక్ శర్మ, సంజూ శాంసన్ శుభారంభం​ అందించారు. వీరిద్దరి ధాటికి భారత్ స్కోర్ పవర్‌ప్లే ముగిసే ఏకంగా 90 పరుగులు దాటింది. అభిషేక్(29) ఔటైనప్పటికి సంజూ మాత్రం తన దూకుడును కొనసాగించాడు. శాంసన్ కేవలం 33 బంతుల్లోనే 67 పరుగులు చేసి పెవిలియన్‌కు చేరాడు. అయితే సంజూ ఔటయ్యాక పరిస్థితి తారుమారైంది.వవరుస ఓవర్లలో సంజూతో పాటు తిలక్ వర్మ (6), ఇషాన్ కిషన్‌ (1) తక్కువ పరుగులకే అవుట్ కావడంతో భారత్ కష్టాల్లో పడింది. . ఈ సమయంలో కెప్టెన్ శ్రేయస్ అయ్యర్‌ (42), అక్షర్ పటేల్‌ (24) బాధ్యతాయుతంగా ఆడి జట్టును తిరిగి గేమ్‌లోకి తీసుకొచ్చారు. . అయితే లక్ష్యానికి చేరువవుతున్న సమయంలో అక్షర్ పటేల్ అవుట్ కావడంతో మళ్లీ మ్యాచ్‌పై ఉత్కంఠ నెలకొంది.ఈ క్లిష్ట సమయంలో క్రీజులోకి వచ్చిన నమన్ ధీర్‌ (15 బంతుల్లో 5 ఫోర్లు, 2 సిక్సర్లతో 42 నాటౌట్) సంచలన బ్యాటింగ్‌తో చెలరేగాడు. శ్రేయస్ అయ్యర్ ఔటైనా ఏమాత్రం తడబడకుండా ఆఖరి వరకు అజేయంగా నిలిచి జ‌ట్టుకు చిరస్మరణీయ విజయాన్ని అందించాడు. ఫలితంగా లక్ష్యాన్ని భారత్‌ 19.4 ఓవర్లలో 6 వికెట్లు కోల్పోయి చేధించింది. టీ20ల్లో అత్యధిక లక్ష్య చేధన కావడం గమనార్హం. ఇక న్యూజిలాండ్ బౌలర్లలో బ్రెస్‌వెల్‌, మిచెల్ శాంట్నర్ తలా రెండు వికెట్లు చొప్పున పడగొట్టారు.చదవండి: IND vs NZ: అభిషేక్ శర్మ ప్రపంచ రికార్డు

న్యూజిలాండ్‌ పర్యటనలో టీమిండియా ఇవాళ తమ తొలి మ్యాచ్‌ ఆడుతుంది. ఐదు మ్యాచ్‌ల టీ20 సిరీస్‌లో భాగంగా క్రైస్ట్‌ చర్చ్‌ వేదికగా ఇవాళ తొలి టీ20 జరుగనుంది. భారతకాలమానం ప్రకారం​ ఈ మ్యాచ్‌ మధ్యాహ్నం 12:30 గంటలకు మొదలవుతుంది. ఈ మ్యాచ్‌లో టీమిండియా కెప్టెన్‌ శ్రేయస్‌ అయ్యర్‌ టాస్‌ గెలిచి బౌలింగ్‌ ఎంచుకున్నాడు. భారత్‌ తరఫున స్టార్‌ బౌలర్‌ భువనేశ్వర్‌ కుమార్‌, ఆల్‌రౌండర్‌ నితీశ్‌ కుమార్‌ రెడ్డి (శివమ్‌ దూబే స్థానంలో), పేసర్ మయాంక్‌ యాదవ్‌ (ప్రిన్స్‌ యాదవ్‌ స్థానంలో) తుది జట్టులోకి వచ్చారు. వరుణ్‌ చక్రవర్తి, వైభవ్‌ సూర్యవంశీ బెంచ్‌కే పరిమితమయ్యారు. తుది జట్లు..న్యూజిలాండ్: ఫిన్ అలెన్, టిమ్ సీఫెర్ట్(వికెట్ కీపర్), డారిల్ మిచెల్, గ్లెన్ ఫిలిప్స్, బెవాన్ జాకబ్స్, మైఖేల్ బ్రేస్‌వెల్, మిచెల్ సాంట్నర్(కెప్టెన్), నాథన్ స్మిత్, ఆడమ్ మిల్నే, మాట్ హెన్రీ, లాకీ ఫెర్గూసన్భారత్: సంజు సామ్సన్(వికెట్ కీపర్), అభిషేక్ శర్మ, ఇషాన్ కిషన్, శ్రేయస్ అయ్యర్(కెప్టెన్), తిలక్ వర్మ, నితీష్ కుమార్ రెడ్డి, నమన్ ధీర్, అక్షర్ పటేల్, భువనేశ్వర్ కుమార్, అర్ష్‌దీప్ సింగ్, మయాంక్ యాదవ్ ఇదీ చదవండి: భారత్‌ క్లీన్‌ స్వీప్‌

టీమిండియా యువ సంచలనం వైభవ్ సూర్యవంశీకి న్యూజిలాండ్ టూర్‌లోనూ నిరాశే ఎదురుకానుంది. ప్రధాన జట్టులో చోటు దక్కినప్పటికీ, తుది జట్టులో అవకాశం లభించడం కష్టమేనని భారత కెప్టెన్ శ్రేయస్ అయ్యర్ స్పష్టం చేశాడు. అభిషేక్ శర్మ, సంజూ శాంసన్ ఓపెనర్లుగా నిలకడగా రాణిస్తుండటంతో, వైభవ్ తన అవకాశం కోసం మరికొంత కాలం వేచి చూడక తప్పదని శ్రేయస్ అన్నాడు..ఈ ఏడాది జూలైలో ఇంగ్లండ్ టూర్‌లో అరంగేట్రం చేసిన వైభవ్, భారత్ ఆడిన గత 21 టీ20ల్లో కేవలం 8 మ్యాచ్‌లలో మాత్రమే తుది జట్టులో చోటు దక్కించుకోగలిగాడు. వరుసగా అఫ్గానిస్తాన్, వెస్టిండీస్ సిరీస్‌లలోనూ అతడు బెంచ్‌కే పరిమితమయ్యాడు.వైభవ్ వేచి ఉండాల్సిందే!"వైభవ్‌లో అద్భుతమైన టాలెంట్ ఉంది. అందులో ఎలాంటి సందేహం లేదు. అయితే, జట్టులో అభిషేక్, సంజూ నిలకడగా పరుగులు సాధిస్తుండటంతో ప్రస్తుతానికి వైభవ్‌కు తుది జట్టులో చోటు దక్కడం కష్టంగా మారింది. కానీ, అతడు జట్టుతోనే ఉన్నాడనే విషయాన్ని మనం గమనించాలి. డ్రెసింగ్ రూమ్‌లో సీనియర్ ఆటగాళ్ల నుంచి ఎంతో నేర్చుకుంటున్నాడు. అతడు చాలా చిన్నవాడు కాబట్టి, భవిష్యత్తులో అతనికి ఎక్కువగా అవకాశాలు వస్తాయి అని అయ్య‌ర్ తొలి టీ20కు ముందు ప్రీ మ్యాచ్ కాన్ఫ‌రెన్స్‌లో వ్యాఖ్యనించాడు.అలాగే విదేశీ పర్యటనల ప్రాముఖ్యతను వివరిస్తూ... "విదేశీ టూర్‌లలో జట్టుతో పాటు ప్రయాణించడం ద్వారా ఇక్కడి పిచ్‌లపై ఎలా ఆడాలో యువ ఆటగాళ్లకు స్పష్టమైన అవగాహన వస్తుంది. భవిష్యత్తులో మళ్లీ ఇక్కడికి వచ్చినప్పుడు మరింత సన్నద్ధతతో బరిలోకి దిగవచ్చు. అంతేకాకుండా, తొలిసారి విదేశీ పర్యటనకు వచ్చే ఇతర జట్టు సభ్యులకు కూడా అతను తగిన సూచనలు ఇవ్వగలడు" అని అయ్యర్ పేర్కొన్నాడు.

భారత మాజీ క్రికెట‌ర్ సంజ‌య్ బంగ‌ర్ కుమార్తె అన‌యా బంగ‌ర్ మ‌రోసారి వార్త‌ల్లో నిలిచింది. అయితే ఈసారి ఏ పోరాటంతోనో లేక మ్యాచ్‌ ఆడడం వల్లో కాదు. ఆమెను అడిగిన ఒక ఫ‌న్నీ ప్ర‌శ్న‌కు అదిరిపోయే జ‌వాబుతో అన‌యా పేరు సోష‌ల్ మీడియాలో ట్రెండింగ్‌లో నిలిచింది. ఇటీవ‌ల కృష్ణంక్ ఆత్రే యూట్యూబ్ చానెల్‌కు అన‌యా బంగ‌ర్ ఇంట‌ర్య్వూ ఇచ్చింది. ఈ నేప‌థ్యంలో ఆ ఇంట‌ర్వ్యూలో భార‌త క్రికెట‌ర్లు శుబ్‌మ‌న్ గిల్‌, శ్రేయ‌స్ అయ్య‌ర్‌, అభిషేక్ శ‌ర్మ‌ల‌ను ఆప్ష‌న్లుగా ఇచ్చి.. 'కిల్, మ్యారీ, హుకప్‌' అనే ఆట ఆడాల‌ని అడిగారు. దీంతో అన‌యా వెంట‌నే ఏం ఆలోచించకుండా.. శ్రేయ‌స్‌ను చంపి, అభిషేక్ శ‌ర్మ‌ను పెళ్లి చేసుకొని, గిల్‌తో జ‌త క‌డుతా అని ఫ‌న్నీగా స‌మాధాన‌మిచ్చింది. దీనికి సంబంధించిన వీడియో సోష‌ల్ మీడియాలో వైర‌ల్‌గా మారింది.ఇక అన‌యా బంగ‌ర్ 2022లో లింగ‌మార్పిడి ఆప‌రేష‌న్ చేయించుకొని అమ్మాయిగా మారింది. జెండ‌ర్ ఆప‌రేష‌న్‌కు ముందు అన‌యా ముంబై త‌ర‌ఫున పురుషుల క్రికెట్ ఆడింది. భార‌త్‌లో ట్రాన్స్‌జెండ‌ర్ల‌కు క్రికెట్ ఆడే అవ‌కాశం లేక‌పోవ‌డంతో లింగ నిర్ధార‌ణ శ‌స్త్ర చికిత్స చేయించుకున్న త‌ర్వాత క్రికెట్ కెరీర్‌ను ప్రారంభించేందుకు ఆస్ట్రేలియాను ఎంచుకుంది. ఆస్ట్రేలియా క్రికెట్ ట్రాన్స్ జెండ‌ర్ క్రీడాకారిణులు పోటీ ప‌డేందుకు వీలుగా ఒక మార్గాన్ని ప్ర‌వేశపెట్ట‌డంతో అన‌యా మొద‌ట తాను భార‌త్‌లో ఆడేందుకు అనుమ‌తి ఇవ్వాల‌ని బీసీసీఐని కోరింది. కానీ బీసీసీఐ అనుమ‌తి నిరాక‌రించ‌డంతో క్రికెట్ ఆస్ట్రేలియాకు ప్రాతినిధ్యం వ‌హించాల‌ని నిర్ణ‌యం తీసుకుంది. వ‌చ్చే బిగ్‌బాష్ మ‌హిళ‌ల లీగ్‌లో అన‌యా బ‌రిలోకి దిగే అవ‌కాశ‌ముంది.🔴 ANAYA BANGAR WANTS TO MARRY ABHISHEK SHARMA🤯 Q🎙️: Kill, Marry, Hookup - Abhishek Sharma, Shubman Gill, and Shreyas Iyer? Anaya🎙️: - Marry Abhishek Sharma ❤️ - Hookup with Shubman Gill😍 - Kill Shreyas Iyer.😭 https://t.co/GjY1neIjGl— Sam (@cricsam02) October 18, 2026ఇదీ చదవండి: టీమిండియా ఓపెనర్‌ ప్రపంచ రికార్డు.. తొలి ప్లేయర్‌గాసిమన్స్ విధ్వంసం.. ఫైనల్లో ఇంగ్లండ్‌ను చిత్తు చేసిన వెస్టిండీస్‌

వెస్టిండీస్‌తో జరిగిన ఐదు మ్యాచ్‌ల టీ20 సిరీస్‌లో అద్భుతంగా రాణించిన భారత కెప్టెన్ శ్రేయస్ అయ్యర్‌కు ప్రత్యేక అవార్డు లభించింది. ఈ సిరీస్‌లో బ్యాటింగ్‌తో పాటు నాయకత్వంలోనూ ఆకట్టుకున్న అతడికి టీమిండియా మేనేజ్‌మెంట్‌ ‘ఇంపాక్ట్ ప్లేయర్ ఆఫ్ ది సిరీస్’ అవార్డును అందించింది.సిరీస్ ముగిసిన తర్వాత డ్రెస్సింగ్ రూమ్‌లో నిర్వహించిన కార్యక్రమంలో శ్రేయస్‌కు ఈ అవార్డును అందించారు. భారత జట్టు ట్రైనింగ్ అసిస్టెంట్ నువాన్ సేనవిరత్నే శ్రేయస్‌ ప్రదర్శనను ప్రశంసిస్తూ ఈ అవార్డును అందజేశాడు.తొలి మ్యాచ్‌లో సెంచరీఈ సిరీస్‌లో శ్రేయస్ అయ్యర్ ఐదు ఇన్నింగ్స్‌ల్లో మొత్తం 181 పరుగులు చేశాడు. లక్నోలో జరిగిన తొలి టీ20లో కేవలం 43 బంతుల్లోనే అజేయమైన 102 పరుగులు చేసి జట్టు విజయంలో ప్రధానపాత్ర పోషించాడు. ఈ సెంచరీ శ్రేయస్‌కు అంతర్జాతీయ టీ20ల్లో మొదటిది. ఈ సెంచరీతో అతడు మూడు ఫార్మాట్లలోనూ సెంచరీలు సాధించిన ఏడో భారత ఆటగాడిగా నిలిచాడు.అనంతరం రాంచీలో జరిగిన రెండో మ్యాచ్‌లోనూ శ్రేయస్‌ రాణించాడు. ఆ మ్యాచ్‌లో 18 బంతుల్లో 3 ఫోర్లు, 3 సిక్సర్ల సాయంతో 40 పరుగులు చేశాడు. ఆతర్వాత శ్రేయస్‌ మూడు, నాలుగు టీ20ల్లో పెద్దగా ఆకట్టుకోలేకపోయినా, బెంగళూరులో జరిగిన చివరి టీ20లో తిరిగి టచ్‌లోకి వచ్చాడు. ఈ మ్యాచ్‌లో అతడు 14 బంతుల్లో 22 పరుగులు చేశాడు.కాగా, నిన్న జరిగిన సిరీస్‌ నిర్ణయాత్మక ఐదో టీ20 వర్షం కారణంగా రద్దు కావడంతో సిరీస్‌ 2-2తో సమమైన విషయం తెలిసిందే. శ్రేయస్‌ భారత్‌ను 1, 3 మ్యాచ్‌ల్లో గెలిపించగా.. విండీస్‌ రెండు, నాలుగు టీ20ల్లో విజయం సాధించింది. సిరీస్‌లో రెండు సెంచరీలు, ఓ హాఫ్‌ సెంచరీ చేసిన విండీస్‌ కెప్టెన్‌ షాయ్‌ హోప్‌ ప్లేయర్‌ ఆఫ్‌ ద సిరీస్‌ అవార్డు గెలుచుకున్నాడు.ఇదీ చదవండి: వర్షం కారణంగా భార‌త్‌-వెస్టిండీస్ ఐదో టీ20 రద్దు

జ‌ట్టు కోసం ఏ స్థానంలోనైనా బ్యాటింగ్ చేయ‌డానికి తాను సిద్ధంగా ఉన్న‌ట్లు టీమిండియా వైస్ కెప్టెన్ తిల‌క్ వ‌ర్మ‌ తెలిపాడు. ప్ర‌స్తుతం తిల‌క్ వ‌ర్మ భార‌త టీ20 జ‌ట్టులో ఎక్కువ‌గా ఐదు లేదా ఆరు స్థానాల్లో బ్యాటింగ్‌కు వ‌స్తున్నాడు. త‌న‌కిచ్చిన బాధ్య‌త‌ను స‌క్ర‌మంగా నిర్వ‌ర్తిస్తూనే బ్యాట‌ర్‌గానూ త‌న విలువ‌ను చాటుతూ వ‌స్తున్నాడు. వైస్ కెప్టెన్‌గా ప్ర‌మోష‌న్ పొందిన త‌ర్వాత ఆట‌గాడిగా త‌న బాధ్య‌త మ‌రింత పెరిగిన‌ట్ల‌యింది. తన కొత్త పాత్రలోని సవాళ్లను అధిగమించడానికి.. నైపుణ్యాలను మెరుగుపరుచుకోవడంతో పాటు మానసికంగా సిద్ధమవుతున్నట్లు తెలిపాడు. శనివారం రాత్రి వెస్టిండీస్‌తో వర్షం కారణంగా ఐదో టీ20 రద్దయిన సంగ‌తి తెలిసిందే. ఈ నేప‌థ్యంలో మ్యాచ్ ర‌ద్దు అనంత‌రం తిల‌క్ వ‌ర్మ మాట్లాడుతూ.. ‘‘బ్యాటింగ్‌లో మూడోస్థానం నుంచి ఐదు లేదా ఆరు స్థానాల‌కు మార‌డం అంత సుల‌భం కాదు. ఇది కొంచెం స‌వాలుతో కూడుకున్న‌దే. ఐదు లేదా ఆరో స్థానంలో బ్యాటింగ్‌కు వ‌స్తున్నామంటే ఫినిష‌ర్‌గా మ్యాచ్‌ల్లో స్కోరును పెంచ‌డం (తొలి ఇన్నింగ్స్ బ్యాటింగ్‌), ఎలా ముగించాలి (రెండో ఇన్నింగ్స్‌ బ్యాటింగ్‌) అనే దానిపై ఒత్తిడి ఉండ‌డం స‌హాజం. అయితే వ్య‌క్తిగ‌తంగా నాకు మూడో స్థానంలో బ్యాటింగ్ చేయ‌డం సుల‌భంగా ఉంటుంది. కానీ జ‌ట్టులో ఆయా కాంబినేష‌న్ల కోసం నేను ఐదు లేదా ఆరో స్థానంలో బ్యాటింగ్‌కు రావాల్సి వ‌స్తోంది. తొలి రెండు స్థానాలు ఓపెనింగ్ కాంబినేష‌న్ ఉంది. ఇక ఇషాన్ కిష‌న్ మూడో స్థానంలో అద్భుతంగా ఆడుతున్నాడు. నాలుగో స్థానంలో కెప్టెన్ శ్రేయ‌స్ ఉన్నాడు. వాళ్లంతా అద్బుతంగా ఆడుతుండ‌డంతో నా స్థానాన్ని త్యాగం చేయ‌డం త‌ప్ప మ‌రో మార్గం లేదు. అంతేకాదు బ్యాటింగ్‌ స్లాట్‌లో ఐదో స్థానం నుంచే ఖాళీ ఉండ‌డంతో జ‌ట్టు కోసం ఐదు లేదా ఆరో స్థానంలో బ్యాటింగ్‌కు ప‌ని పూర్తి చేయ‌డ‌మే ల‌క్ష్యంగా పెట్టుకున్నాను. ఇటీవ‌లే చాలా మ్యాచ్‌ల్లో ఐదు లేదా ఆరో స్థానంలోనే బ్యాటింగ్‌కు వ‌చ్చి స‌ఫ‌ల‌మ‌య్యాను. కాబ‌ట్టి ఈ స్థానాల్లో కూడా రాణించ‌గ‌ల‌ను అనే గ‌ట్టి న‌మ్మ‌కం ఏర్ప‌డింది. లోయ‌ర్ ఆర్డ‌ర్‌లో బ్యాటింగ్ చేయ‌డం పెను స‌వాల్‌తో కూడుకున్న ప‌ని. బ్యాటింగ్‌లో ఎదురయ్యే సవాళ్లను ఎదుర్కోవడానికి, నా షాట్ల పరిధిని, నైపుణ్య స్థాయిని మెరుగుపరుచుకోవడం కోసం నెట్స్‌లో అవిశ్రాంతంగా సాధన చేస్తున్నా. ఫినిష‌ర్‌గా బ్యాటింగ్‌కు వ‌చ్చిన‌ప్పుడు గ‌రిష్ఠంగా 5 లేదా ఆరు ఓవ‌ర్లు మాత్ర‌మే మిగిలి ఉంటాయి. ఈ స‌మ‌యంలో వేగంగా ఆడుతూనే నా త‌ర్వాతి బ్యాట‌ర్ల‌ స‌హ‌కారంతో ఇన్నింగ్స్‌ను నిర్మించాల్సి ఉంటుంది. ఒక్క‌టి మాత్రం క‌చ్చితంగా చెప్ప‌గ‌ల‌ను. ఇప్పుడు మూడో స్థానం నుంచి ఆరో స్థానం వ‌ర‌కు ఏ స్థానంలో బ్యాటింగ్‌కు వ‌చ్చినా ఆడ‌గ‌లిగే స‌త్తాను అల‌వ‌రుచుకున్నాను.’’ అని ముగించాడు.ఇక తిలక్‌ వర్మ విండీస్‌తో టీ20 సిరీస్‌లో 4 ఇన్నింగ్స్‌ల్లో 122 పరుగులు సాధించాడు. అంతకముందు మూడు మ్యాచ్‌ల వన్డే సిరీస్‌ను 2-1 తేడాతో సొంతం చేసుకున్న టీమిండియా, వెస్టిండీస్‌తో టీ20 సిరీస్‌ను 2-2తో సమం చేసింది.ఇదీ చదవండి:'సంజూను కాపాడుతుంది వాళ్లే.. ఇది క‌రెక్ట్ కాదు'ప్ర‌పంచ రికార్డు బ‌ద్ద‌లుకొట్టిన‌ భార‌త్‌, విండీస్ టీ20 సిరీస్‌

భార‌త్‌, వెస్టిండీస్ మ‌ధ్య జ‌రిగిన ఐదు మ్యాచ్‌ల టీ20 సిరీస్‌లో ప‌రుగుల వ‌ర‌ద పారింది. బ్యాటింగ్‌కు అనుకూలించిన పిచ్‌ల‌పై ఇరుజ‌ట్ల‌ బ్యాట‌ర్లు చెల‌రేగ‌గా.. బౌల‌ర్లు మాత్రం వికెట్ల కోసం శ్ర‌మించాల్సి వ‌చ్చింది. ఐదు టీ20లు క‌లిపి దాదాపు 1700 ప‌రుగుల‌కు పైగా (రెండు ఇన్నింగ్స్‌లు కలిపి) న‌మోద‌వ్వ‌డం విశేషం. ఇందులో వెస్టిండీస్ ఒక‌సారి ఆలౌట్ కాగా, భార‌త్ రెండుసార్లు ఆలౌట్ అయింది. ఈ నేప‌థ్యంలో రెండు జ‌ట్లు క‌లిపి ఐదు టీ20ల్లో కొట్టిన సిక్స‌ర్ల సంఖ్య 105గా ఉంది. ఒక ద్వైపాక్షిక సిరీస్‌లో వందకు పైగా సిక్సర్లు రావడం ఇది నాలుగోసారి. గతంలో 2023-34లో ఇంగ్లండ్‌, వెస్టిండీస్ మధ్య జరిగిన టీ20 సిరీస్‌లో 120 సిక్సర్లు నమోదయ్యాయి. 2025లో ఆస్ట్రేలియా, వెస్టిండీస్ మధ్య జరిగిన టీ20 సిరీస్‌లో ఇరుజట్ల బ్యాటర్లు కలిపి 117 సిక్సర్లు బాదారు. 2026లో భారత్, న్యూజిలాండ్ మధ్య జరిగిన టీ20 సిరీస్‌లో 116 సిక్సర్లు నమోదయ్యాయి. 2019లో టీమిండియా, విండీస్ మధ్య జరిగిన టీ20 సిరీస్‌లో 96 సిక్సర్లు రాగా.. 2021-22లో ఇంగ్లండ్‌, వెస్టిండీస్ మధ్య టీ20 సిరీస్‌లో 96 సిక్సర్లు నమోదయ్యాయి.ర‌న్‌రేట్ ప‌రంగా ప్ర‌పంచ రికార్డు..ఇక భార‌త్‌, వెస్టిండీస్ మ‌ధ్య జ‌రిగిన ద్వైపాక్షిక టీ20 సిరీస్ ర‌న్‌రేట్ ప‌రంగా ప్ర‌పంచ రికార్డు న‌మోదు చేసింది. ఐదు మ్యాచ్‌ల టీ20 సిరీస్‌లో భాగంగా 10.98 ర‌న్‌రేట్‌తో పరుగులు రావ‌డం విశేషం. గ‌తంలో ఈ రికార్డు భార‌త్‌, న్యూజిలాండ్ టీ20 సిరీస్ (10.57 ర‌న్‌రేట్‌) అత్యుత్తమంగా ఉండగా, తాజా రికార్డుతో ఇది రెండో స్థానానికి ప‌డిపోయింది. ఇక 2025లో ఆస్ట్రేలియా, వెస్టిండీస్ మ‌ధ్య టీ20 సిరీస్‌లో 9.63 ర‌న్‌రేట్‌తో ప‌రుగులు వ‌చ్చాయి. 2026లో భార‌త్‌, ఇంగ్లండ్ మ‌ధ్య జ‌రిగిన టీ20 సిరీస్‌లో 9.36 ర‌న్‌రేట్‌తో ప‌రుగులు సాధించ‌గా, 2023-24లో ఇంగ్లండ్‌, వెస్టిండీస్ టీ20 సిరీస్‌లో 9.21 ర‌న్‌రేట్‌తో ప‌రుగులు న‌మోద‌య్యాయి.An entertaining series comes to an end 🤝 🎥 BCCI Hon. Treasurer Mr A. Raghuram Bhat presents the @mflone_ T20I Series trophy to #TeamIndia Captain Shreyas Iyer and West Indies Captain Shai Hope 🏆 #INDvWI https://t.co/iKA8vx68ba— BCCI (@BCCI) October 17, 2026ఇదీ చదవండి: పాపం వెస్టిండీస్.. రిక్త హస్తాలతోనే స్వదేశానికి!బంగ్లాదేశ్‌ను చిత్తు చేసిన జింబాబ్వే

భారత్‌, వెస్టిండీస్‌ల మధ్య జరిగిన ఐదు మ్యాచ్‌ల టీ20 సిరీస్ 2-2తో సమంగా ముగిసింది. శనివారం బెంగళూరు వేదికగా జరగాల్సిన నిర్ణయాత్మక ఐదో టీ20 మ్యాచ్ వర్షం కారణంగా రద్దు కావడంతో, ఇరు జట్లు ట్రోఫీని సంయుక్తంగా పంచుకున్నాయి.ఈ సిరీస్ ముగింపు సందర్భంగా భారత కెప్టెన్ శ్రేయస్ అయ్యర్ పలు ఆసక్తికర విషయాలు పంచుకున్నాడు న్యూజిలాండ్‌తో జరగబోయే టీ20 సిరీస్‌లో యువ సంచలనం వైభవ్ సూర్యవంశీకి తుది జట్టులో అవకాశం దక్కడంపై శ్రేయస్ స్పష్టత ఇచ్చాడు. వైభవ్ ఒక అద్భుతమైన ఆటగాడని, కానీ తుది జట్టులో చోటు కాస్త ఓపిక పట్టాలని అయ్యర్ అన్నాడు.కాగా వెస్టిండీస్‌తో జరిగిన సిరీస్ మొత్తానికి వైభవ్ సూర్యవంశీ బెంచ్‌కే పరిమితమయ్యాడు. అంతకముందు అఫ్గానిస్తాన్ సిరీస్‌లోనూ అతడికి ఆడే అవకాశం దక్కలేదు. ఓపెనర్లుగా అభిషేక్ శర్మ, సంజూ శాంసన్ అత్యుత్తమ ఫామ్‌లో కొనసాగుతుండడమే ఇందుకు ప్రధాన కారణం."వైభవ్ టాలెంట్ గురించి ప్రత్యేకంగా చెప్పాల్సిన అవసరం లేదు. అయితే ప్రస్తుతం జట్టులో సంజూ శాంసన్, అభిషేక్ శర్మ రూపంలో ఇద్దరు అద్భుతమైన ఓపెనర్లు ఉన్నారు. టీ20 ప్రపంచకప్ విజయంలో వారు కీలక పాత్ర పోషించడమే కాకుండా, తర్వాతి సిరీస్‌లలోనూ నిలకడగా రాణిస్తున్నారు. అలాంటప్పుడు వారిని పక్కన పెట్టడం సరైన నిర్ణయం కాదు. కానీ వైభవ్‌కు కచ్చితంగా అవకాశం వస్తుంది. అతడు తన ప్రాసెస్‌పై దృష్టి పెట్టి కాస్త ఓపికగా ఉండాలి. ఇదే విషయాన్ని నేను అతడికి పదే పదే చెబుతుంటాను" అని పోస్ట్ మ్యాచ్ ప్రెజెంటేషన్‌లో వెల్లడించాడు.కాగా అక్టోబర్ 22 నుంచి క్రైస్ట్‌చర్చ్ వేదికగా భారత్‌-కివీస్‌ ఐదు మ్యాచ్‌ల టీ20 సిరీస్ ప్రారంభం కానుంది. ఇప్పటికే ఈ సిరీస్ కోసం భారత జట్టును బీసీసీఐ ప్రకటించింది. వెటరన్ పేసర్ భువనేశ్వర్ కుమార్‌కు ఈ జట్టులో చోటు దక్కింది.చదవండి: BAN vs ZIM: బంగ్లాదేశ్‌ను చిత్తు చేసిన జింబాబ్వే

భారత్‌-విండీస్‌ మధ్య ఐదో టీ20 వర్షం కారణంగా రద్దు అయింది. బెంగ‌ళూరు వేదిక‌గా భార‌త్‌-వెస్టిండీస్ మ‌ద్య జ‌ర‌గాల్సిన ఐదో టీ20 వర్షార్పణమైంది. దీంతో ఐదు మ్యాచ్‌ల టీ20 సిరీస్ 2-2తో సమంగా ముగిసింది. ట్రోఫీని ఇరు జట్లు సంయుక్తంగా పంచుకున్నాయి. కాగా తొలుత వర్షం కారణంగా మ్యాచ్‌ను తొలుత తొమ్మిది ఓవర్లకు కుదించారు. టాస్ ఓడి బ్యాటింగ్‌కు దిగిన భారత్ నిర్ణీత 7.4 ఓవర్లలో 5 వికెట్ల నష్టానికి 118 పరుగుల భారీ స్కోరు సాధించింది. ఈ దశలో మళ్లీ వర్షం కురవడంతో ఆటను నిలిపివేశారు. వర్షం ఆగితే కనీసం ఐదు ఓవర్ల ఆటనైనా జరుగుతుందని అభిమానులు భావించారు. కానీ వర్షం తగ్గముఖం పట్టే సూచనలు కనిపించకపోవడంతో అంపైర్లు మ్యాచ్‌ను రద్దు చేస్తున్నట్లు ప్రకటించారు.5 ఓవర్ల తర్వాత భారత్‌ స్కోర్‌ 73-3తిలక్‌ వర్మ2 , శ్రేయస్‌ అయ్యర్‌ 10మూడో వికెట్‌ కోల్పోయిన భారత్‌4.1 ఓవర్‌- 66 పరుగుల వద్ద భారత్‌ మూడో వికెట్‌ కోల్పోయింది. స్ప్రింగర్‌ బౌలింగ్‌లో సంజూ శాంసన్‌ (16) క్లీన్‌ బౌల్డ్‌ అయ్యాడు. 4 ఓవర్ల తర్వాత భారత్‌ స్కోర్‌ 66-2సంజూ శాంసన్‌ 16, శ్రేయస్‌ అయ్యర్‌ 63 ఓవర్ల తర్వాత భారత్‌ స్కోర్‌ 56-2సంజూ శాంసన్‌ 11, శ్రేయస్‌ అయ్యర్‌ 1రెండో వికెట్‌ కోల్పోయిన భారత్‌2.3వ ఓవర్‌- 45 పరుగుల వద్ద ఇషాన్‌ కిషన్‌ (30) ఔటయ్యాడు. భారత్‌ స్కోర్‌ 45-2గా ఉంది. దంచికొట్టిన ఇషాన్‌షెపర్డ్‌ వేసిన రెండో ఓవర్‌లో ఇషాన్‌ కిషన్‌ చెలరేగిపోయాడు. ఈ ఓవర్‌లో ఏకంగా 24 పరుగులు పిండుకున్నాడు. 2 ఓవర్ల తర్వాత జట్టు స్కోర్‌ 38-1గా ఉంది. తొలి వికెట్‌ కోల్పోయిన భారత్‌.. అభిషేక్‌ ఔట్‌0.5వ ఓవర్‌- 13 పరుగుల వద్ద భారత్‌ తొలి వికెట్‌ కోల్పోయింది. కీమో పాల్‌ బౌలింగ్‌లో షమార్‌ జోసఫ్‌కు క్యాచ్‌ ఇచ్చి అభిషేక్‌ శర్మ (6) ఔటయ్యాడు. టాస్‌ గెలిచి బౌలింగ్‌ ఎంచుకున్న విండీస్‌విండీస్‌ కెప్టెన్‌ షాయ్‌ హోప్‌ టాస్‌ గెలిచి బౌలింగ్‌ ఎంచుకున్నాడు.తుది జట్లు..వెస్టిండీస్: షాయ్ హోప్ (w/c), జ్యువెల్ ఆండ్రూ, షిమ్రాన్ హెట్మెయర్, రోవ్‌మన్ పావెల్, షెర్ఫాన్ రూథర్‌ఫోర్డ్, రొమారియో షెపర్డ్, రోస్టన్ చేజ్, కీమో పాల్, షమర్ స్ప్రింగర్, గుడాకేష్ మోటీ, షమర్ జోసెఫ్భారత్: అభిషేక్ శర్మ, సంజు శాంసన్(w), ఇషాన్ కిషన్, శ్రేయాస్ అయ్యర్(c), తిలక్ వర్మ, శివమ్ దూబే, నమన్ ధీర్, అక్షర్ పటేల్, భువనేశ్వర్ కుమార్, ప్రిన్స్ యాదవ్, అర్ష్‌దీప్ సింగ్9:15 గంటలకు ప్రారంభం​.. 9 ఓవర్ల మ్యాచ్‌వరుణుడు శాంతించాడు. మ్యాచ్‌ 9:15 గంటలకు ప్రారంభం​ కానుంది. ఈ మ్యాచ్‌ చెరో 9 ఓవర్ల మ్యాచ్‌ కానుంది. పవర్‌ ప్లే నిబంధనలు 2.4 ఓవర్లుగా ఉండనున్నాయి. ఇంకా తగ్గని వర్షం.. ఓవర్ల కోత మొదలు8:20 గంటలు- వరుణుడు ఇంకా శాంతించలేదు. 7:45 నుంచే ఓవర్ల కోత మొదలైంది. 7:30 గంటలు- వర్షం ఇంకా తగ్గలేదు. గంట తర్వాత కూడా టాస్‌కు అనుకూలమైన సూచనలు లేవు. టాస్‌ ఆలస్యం6:36 PM: భారత్‌-వెస్టిండీస్‌ జట్ల మధ్య బెంగళూరు వేదికగా ఇవాళ జరగాల్సిన నిర్ణయాత్మక ఐదో టీ20 వర్షం కారణంగా ఆలస్యమయ్యింది. 6:30 గంటలకు టాస్‌ పడాల్సి ఉండగా.. వర్షం కారణంగా ఇప్పటివరకు పడలేదు. టాస్‌ సమయానికి వర్షం మరింత అధికమైంది. కాగా, ఐదు మ్యాచ్‌ల సిరీస్‌లో ఇరు జట్లు చెరో రెండు గెలవడంతో ప్రస్తుతం సిరీస్‌ సమంగా ఉంది. నేటి మ్యాచ్‌లో గెలిచే జట్టే సిరీస్‌ కైవసం చేసుకుంటుంది. ఇదీ చదవండి: భారత క్రికెట్‌ అభిమానులకు శుభవార్త.. చరిత్రలో తొలిసారి..!

భారత్‌-వెస్టిండీస్‌ జట్ల మధ్య బెంగళూరు వేదికగా ఇవాళ జరగాల్సిన సిరీస్‌ నిర్ణయాత్మక ఐదో టీ20కి వర్షం ముప్పు పొంచి ఉంది.వాతావరణ సూచన ప్రకారం మ్యాచ్‌ సమయంలో వర్షం పడే అవకాశాలు ఎక్కువగా ఉన్నాయి. సాయంత్రం 6:30 గంటలకు టాస్‌ జరగాల్సి ఉండగా, ఆ సమయంలో వర్షం పడే అవకాశం 34 నుంచి 49 శాతం మధ్య ఉంటుందని అంచనా.మ్యాచ్‌ తొలి మూడు గంటల్లో వర్షం ముప్పు 34 నుంచి 40 శాతానికి పెరిగే అవకాశం ఉంది. రాత్రి 10 గంటల సమయంలో వర్షం పడే అవకాశం 78 శాతంగా ఉంటుంది.చిన్నస్వామి స్టేడియంలో ప్రపంచ స్థాయి డ్రైనేజీ వ్యవస్థ ఉన్నప్పటికీ, భారీ వర్షం కురిస్తే మ్యాచ్‌ నిర్వహణకు ఆటంకం కలగవచ్చు.కాగా, ఐదు మ్యాచ్‌ల సిరీస్‌లో ఇరు జట్లు చెరో రెండు విజయాలతో 2-2తో సమంగా ఉన్నాయి. నేటి మ్యాచ్‌లో గెలిచిన జట్టు సిరీస్‌ను కైవసం చేసుకోనుంది.సజావుగా సాగితే పరుగుల వరదే..!చిన్నస్వామి స్టేడియంలో చిన్న బౌండరీలు, బ్యాటింగ్‌కు అనుకూలమైన పిచ్‌ కారణంగా భారీ స్కోర్లు నమోదయ్యే అవకాశం ఉంది. అయితే 2024 అక్టోబర్‌ తర్వాత ఈ మైదానంలో అంతర్జాతీయ మ్యాచ్‌ జరగకపోవడంతో పిచ్‌ పరిస్థితులు కీలకం కానున్నాయి.భువీకి ఛాన్స్‌భారత్‌ తుది జట్టులో భువనేశ్వర్‌ కుమార్‌కు చోటు దక్కే అవకాశాలున్నాయి. నాలుగో టీ20లో భుజానికి గాయం కావడంతో అర్ష్‌దీప్‌ సింగ్‌ అందుబాటుపై సందేహాలు నెలకొన్నాయి. అతడికి ప్రత్యామ్నాయంగా భువనేశ్వర్‌ను జట్టులోకి తీసుకున్నారు. అర్ష్‌దీప్‌ ఫిట్‌నెస్‌ సాధించకపోతే భువీ ఛాన్స్‌ దక్కడం ఖాయం.ఇదీ చదవండి: న్యూజిలాండ్‌ పర్యటన.. భారత జట్ల ఎంపికలో ఆసక్తికర విషయం

న్యూజిలాండ్‌తో జరగనున్న ఐదు మ్యాచ్‌ల వన్డే సిరీస్, రెండు మ్యాచ్‌ల టెస్ట్ సిరీస్‌ల కోసం భారత జట్టును బీసీసీఐ శుక్ర‌వారం ప్ర‌క‌టించింది. ఈ సంద‌ర్భంగా సెల‌క్ట‌ర్లు ప‌లు కీల‌క నిర్ణ‌యాలు తీసుకున్నారు. తొలి మూడు వ‌న్డేలకు భార‌త జ‌ట్టు కెప్టెన్ వ్య‌వ‌హ‌రించ‌నుండ‌గా.. చివ‌రి రెండు మ్యాచ్‌ల్లో శ్రేయ‌స్ అయ్య‌ర్‌కు ప‌గ్గాలు అప్ప‌గించారు. వ‌ర్క్‌లోడ్‌ను దృష్టిలో ఉంచుకుని గిల్‌ను ఆఖరి రెండు వన్డేల నుంచి తప్పించారు. ఇక స్టార్ పేసర్ జస్ప్రీత్ బుమ్రాకు వన్డేల నుంచి విశ్రాంతినిచ్చారు. అదేవిధంగా వికెట్ కీప‌ర్ బ్యాట‌ర్ కుమార్ కుశాగ్రా తొలిసారి జాతీయ జ‌ట్టుకు ఎంపికయ్యాడు. చివరి రెండు వన్డేల కోసం అత‌డిని జ‌ట్టులోకి తీసుకున్నారు. ఫాస్ట్ బౌలర్ అన్షుల్ కాంబోజ్ తొలి మూడు వన్డేలకు ఎంపిక చేసిన జ‌ట్టులో చోటు ద‌క్కింది. మ‌రోవైపు ఫాస్ట్ బౌల‌ర్ ప్ర‌సిద్ద్ కృష్ణను సెలక్ట్ చేసినప్పటికి అతడు తన ఫిట్‌నెస్‌ను నిరూపించుకోవాల్సి ఉంది. అలాగే కివీస్‌తో ఈ ఐదు వన్డేల మెత్తానికి సీనియర్‌ ప్లేయర్లు విరాట్‌ కోహ్లి, రోహిత్‌ శర్మ అందుబాటులో ఉన్నారు.ఆకాష్ దీప్ రీఎంట్రీఇక భార‌త టెస్టు జ‌ట్టులోకి బెంగాల్ పేస‌ర్ ఆకాష్ దీప్ తిరిగి రీఎంట్రీ ఇచ్చాడు. అదేవిధంగా వన్డేలకు విశ్రాంతి తీసుకున్న జస్ప్రీత్ బుమ్రాకు సైతం టెస్టు జ‌ట్టులో చోటు ద‌క్కింది. అయితే గాయంతో బాధపడుతున్న వికెట్ కీపర్ రిషబ్ పంత్‌ను ఎంపిక చేసినప్పటికీ, సిరీస్‌కు ముందు అతను ఫిట్‌నెస్ టెస్ట్ క్లియర్ చేసుకోవాల్సి ఉంది. న‌వంబ‌ర్ 4 నుంచి వ‌న్డే సిరీస్‌, నవంబర్ 19 నుంచి టెస్ట్ సిరీస్ ప్రారంభం కానున్నాయి. ఇప్ప‌టికే టీ20 జ‌ట్టును బీసీసీఐ ప్ర‌క‌టించింది.జట్ల వివరాలు:తొలి మూడు వన్డేలకు భారత జట్టు: శుభ్‌మన్ గిల్ (కెప్టెన్), రోహిత్ శర్మ, విరాట్ కోహ్లీ, శ్రేయస్ అయ్యర్ (వైస్ కెప్టెన్), కెఎల్ రాహుల్ (వికెట్ కీపర్), నితీష్ కుమార్ రెడ్డి, అక్షర్ పటేల్, నమన్ ధీర్, అన్షుల్ కాంబోజ్, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, ఇషాన్ కిషన్ (వికెట్ కీపర్), మహమ్మద్ సిరాజ్, ప్రసిద్ధ్ కృష్ణ*, కుల్దీప్ యాదవ్.నాలుగు, ఐదు వన్డేలకు భారత జట్టు: శ్రేయస్ అయ్యర్ (కెప్టెన్), రోహిత్ శర్మ, విరాట్ కోహ్లీ, తిలక్ వర్మ, ఇషాన్ కిషన్ (వికెట్ కీపర్, వైస్ కెప్టెన్), నితీష్ కుమార్ రెడ్డి, అక్షర్ పటేల్, నమన్ ధీర్, ఔకిబ్ నబీ, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, కుమార్ కుశాగ్రా (వికెట్ కీపర్), మహమ్మద్ సిరాజ్, యశ్ ఠాకూర్, కుల్దీప్ యాదవ్.టెస్ట్ జట్టు: శుభ్‌మన్ గిల్ (కెప్టెన్), యశస్వి జైస్వాల్, కెఎల్ రాహుల్ (వైస్ కెప్టెన్), దేవ్‌దత్ పడిక్కల్, రిషబ్ పంత్ (వికెట్ కీపర్)*, ధ్రువ్ జురెల్ (వికెట్ కీపర్), రవీంద్ర జడేజా, అన్షుల్ కాంబోజ్, జస్ప్రీత్ బుమ్రా, ప్రసిద్ధ్ కృష్ణ, ఆకాష్ దీప్, సాయి సుదర్శన్, నితీష్ కుమార్ రెడ్డి, వాషింగ్టన్ సుందర్, కుల్దీప్ యాదవ్, మహమ్మద్ సిరాజ్.

ఉప్ప‌ల్ వేదిక‌గా టీమిండియాతో జ‌రిగిన నాలుగో టీ20లో 24 ప‌రుగుల తేడాతో విజ‌యాన్ని అందుకున్న వెస్టిండీస్ ఐదు మ్యాచ్‌ల టీ20 సిరీస్‌ను 2-2తో స‌మం చేసింది. కెప్టెన్ షై హోప్ అజేయ సెంచ‌రీతో భార‌త్‌కు మ‌రోసారి కొర‌క‌రాని కొయ్య‌లా త‌యార‌య్యాడు. కెప్టెన్ అంటే జ‌ట్టును న‌డిపించ‌డ‌మే కాకుండా బ్యాట్‌తోనూ రాణిస్తూ భార‌త్ పాలిట విల‌న్‌గా త‌యార‌య్యాడు. టీ20 సిరీస్‌లో హోప్‌కు ఇది రెండో సెంచ‌రీ కాగా, అంత‌క‌ముందు వ‌న్డే సిరీస్‌లోనూ రెండు సెంచ‌రీలు సాధించగా.. ఓవ‌రాల్‌గా భార‌త్ ప‌ర్య‌ట‌న‌లో హోప్ నాలుగు సెంచ‌రీలు సాధించడం విశేషం. తాజాగా నాలుగో టీ20లో సెంచ‌రీతో మెరిసిన హోప్ 'ప్లేయ‌ర్ ఆఫ్ ది మ్యాచ్8 అవార్డు గెలుచుకున్నాడు. ఓవ‌రాల్‌గా హోప్‌కు ఇది మూడో 'ప్లేయ‌ర్ ఆఫ్ ది మ్యాచ్' అవార్డు కావ‌డం విశేషం. ఈ నేప‌థ్యంలో మ్యాచ్ విజ‌యం అనంత‌రం అవార్డు అందుకున్న హోప్ మాట్లాడుతూ.. అవార్డుల‌తో త‌న లగేజీ మొత్తం నిండిపోతుంద‌ని, అంత బరువును విండీస్‌కు తీసుకెళ్ల‌డం క‌ష్ట‌మ‌వుతుందేమోన‌ని, ఈ అవార్డులకు ఎక్స్‌ట్రా లగేజీ తీసుకెళ్లాల్సి వస్తుందేమోనంటూ స‌ర‌దాగా వ్యాఖ్యానించాడు. ఇక త‌న ప్ర‌ద‌ర్శ‌న ప‌ట్ల సంతృప్తి వ్య‌క్తం చేసిన హోప్ జ‌ట్టు బౌల‌ర్ల‌పై ప్ర‌శంస‌ల వ‌ర్షం కురిపించాడు.ఇది బౌలర్ల విజయం..‘‘టీమిండియా వంటి పటిష్టమైన జట్టుపై పిచ్‌ స్వభావాన్ని బట్టి చూస్తే మేము చేసిన 247 పరుగుల భారీ స్కోరు కూడా సరిపోదేమోనని మొదట భావించాను. కానీ మా బౌలర్లు అద్భుతంగా రాణించారు. ముఖ్యంగా పిచ్ కాస్త భిన్నంగా ఉంది. మేం ఊహించిన దానికంటే కాస్త నెమ్మదిగా ఉంది. బంతి ఆగుతూ వచ్చింది. కొత్త బంతితో బౌలింగ్ చేస్తే కొన్ని బౌన్స్ అయితే.. మరికొన్ని లో-హైట్‌లో వచ్చాయి. ఆ తర్వాత స్పిన్నర్లు, పేసర్ బౌలింగ్ చేసినప్పుడు షాట్స్ కొట్టడం చాలా కష్టమైంది. దీంతో 247 ప‌రుగుల టార్గెట్ ఆ త‌ర్వాత‌ స‌రైన‌దే అనిపించింది. భారత్‌లో ఒకే బౌలర్‌తో వరుసగా 3 ఓవర్లు వేయించడం కొంచెం కష్టం. ఇంకో ఓవర్ ఇస్తే బాగుండేదేమో అని అనిపించినా.. కొన్నిసార్లు మైదానంలో కుదరదు. గుడకేష్ మోటీ రెండు ఓవర్లలో 2 వికెట్లు తీసినా.. పరిస్థితుల కారణంగా మరో ఓవర్ ఇవ్వలేకపోయాను. సెకండ్ ఇన్నింగ్స్‌లో మంచు ప్రభావం ఎక్కువగా ఉంటుంది. మ‌రోవైపు కీమో పాల్ కూడా ఐదు వికెట్లతో భార‌త్‌పై ఒత్తిడిని పెంచాడు. అది ఛేజింగ్ టీమ్‌కు అడ్వాంటేజ్‌గా మారుతుంది. ఏదేమైనా ఇది చాలా మంచి మ్యాచ్. భారత్ కూడా అన్ని విభాగాల్లోనూ చాలా బాగా ఆడింది. వారికి క్రెడిట్ ఇవ్వాల్సిందే. కానీ మేం గట్టి పోటీ ఇచ్చి సిరీస్‌ అవకాశాలను సజీవంగా ఉంచుకున్నాం. ఇక బెంగళూరులో జరిగే ఆఖరి మ్యాచ్‌లోనూ గెలిచి సిరీస్‌ను సొంతం చేసుకునేందుకు ప్రయత్నిస్తాం’’ అని హోప్‌ చెప్పుకొచ్చాడు.Shai Hope is going back home with a lot of extra luggage 😂 https://t.co/qG92O9vBiR— Cricinfo (@cricinfo) October 15, 2026ఇదీ చ‌ద‌వండి:IND vs WI: ఇలాంటి జట్టుతో ప్రపంచకప్‌ గెలవడం అసాధ్యం!ఐదు వికెట్ల ప్రదర్శన.. చరిత్ర సృష్టించిన విండీస్‌ బౌలర్‌

శ్రేయస్ అయ్యర్ సారథ్యంలోని భారత జట్టుకు వెస్టిండీస్ మరో షాకిచ్చింది. ఉప్పల్ వేదికగా జరిగిన నాలుగో టీ20లో టీమిండియాపై 24 పరుగుల తేడాతో విండీస్ ఘన విజయం సాధించింది. దీంతో ఐదు మ్యాచ్‌ల టీ20 సిరీస్ 2-2తో సమమైంది. ఈ మ్యాచ్‌లో తొలుత బ్యాటింగ్ చేసిన వెస్టిండీస్ ఏకంగా 247 పరుగుల భారీ స్కోరు సాధించింది. లక్ష్య ఛేదనలో భారత బ్యాటర్లు పోరాడినప్పటికీ, కీలక సమయంలో వికెట్లు కోల్పోవడంతో ఓటమి తప్పలేదు. కాగా ఈ ​మ్యాచ్ అనంతరం కెప్టెన్ శ్రేయస్ అయ్యర్ మాట్లాడుతూ.. బౌలింగ్ వైఫల్యం కారణంగానే ఓడిపోయామని చెప్పుకొచ్చాడు.బౌలింగే కొంపముంచింది: అ‍య్యర్‌"మా ఓటమికి ప్రధాన కారణం బౌలింగే. ఈ మ్యాచ్‌లో మా బౌలర్లు నిరాశపరిచారు. సరైన లైన్ అండ్ లెంగ్త్‌తో బంతులు వేయడంలో విఫలమయ్యారు. అయితే మా బ్యాటర్లు మాత్రం చివరి వరకు పోరాడారు. 250 పరుగుల భారీ లక్ష్యాన్ని ఛేదిస్తున్నప్పుడు దూకుడుగా ఆడాల్సి ఉంటుంది, ఆ విషయంలో మా బ్యాటర్లు ఎలాంటి పొరపాటూ చేయలేదు. బౌలింగ్‌లోనే ప్రణాళికలను సరిగ్గా అమలు చేయలేకపోయాం.. అక్కడే మ్యాచ్ మన చేతుల్లోంచి జారిపోయింది" అని అయ్యర్ తెలిపాడు.విండీస్ బౌలర్లపై ప్రశంసలు"ఛేజింగ్‌లో సంజూ శాంసన్‌ మాకు మెరుపు ఆరంభాన్ని ఇచ్చాడు. పవర్ ప్లే ముగిసేసరికి మ్యాచ్ మా నియంత్రణలోనే ఉంది. అభిషేక్ శర్మకు పవర్ ప్లేలో ఎక్కువగా స్ట్రైక్ దొరకనప్పటికీ, మేము ఓవర్‌కు 12 పరుగుల చొప్పున సాధించాం. అయితే విండీస్ బౌలర్లు తమ ప్రణాళికలను చక్కగా అమలు చేశారు. పిచ్‌ నుంచి కూడా వారికి మంచి సహకారం లభించింది. విండీస్ కెప్టెన్ అద్భుతంగా ఫీల్డ్ సెట్ చేశాడు, ఫీల్డింగ్‌లోనూ వారు ఎలాంటి తప్పిదాలు చేయలేదు. కాబట్టి ఆ క్రెడిట్ ఖచ్చితంగా వారికే దక్కుతుంది" అని శ్రేయస్ పేర్కొన్నాడు.ఉప్పల్‌లో కొత్తగా తయారు చేసిన పిచ్ గురించి మాట్లాడుతూ.. "మా బౌలర్లు పిచ్ స్వభావాన్ని అర్థం చేసుకుని దానికి తగినట్లుగా బౌలింగ్ చేయడానికి ప్రయత్నించారు. కానీ విండీస్ బౌలర్లు మాకంటే అద్భుతంగా బౌలింగ్ చేశారు. ఏదేమైనప్పటికీ, శనివారం బెంగళూరులో జరిగే చివరి మ్యాచ్‌లో గెలిచి సిరీస్ సొంతం చేసుకుంటామన్న నమ్మకం ఉంది" అని అయ్యర్ ధీమా వ్యక్తం చేశాడు. కాగా సిరీస్‌ డిసైడర్‌ ఐదో టీ20 శనివారం బెంగళూరు వేదికగా జరగనుంది.చదవండి: IND vs WI: అభిషేక్ శర్మ ప్రపంచ రికార్డు

హైదరాబాద్‌ టీ20లో 24 పరుగుల తేడాతో భారత్‌ ఓటమి పాలైంది. 248 పరుగుల భారీ లక్ష్యంతో బరిలోకి టీమిండియా 19.3 ఓవర్లలో 223 పరుగులు మాత్రమే చేయగల్గింది. సంజూ శాంసన్‌(56), తిలక్‌ వర్మ(43), నితీశ్‌ కుమార్‌ రెడ్డి(41) రాణించినప్పటికి జట్టును గెలిపించలేకపోయారు.ఓటమికి చేరువలో టీమిండియాటీమిండియా 18 ఓవర్లలో వరుసగా రెండు వికెట్లు కోల్పోయింది. రెండో బంతికి నితీశ్‌ కుమార్‌ రెడ్డి(41) అవుట్‌ కాగా.. నాలుగోబ బంతికి ప్రిన్స్‌ యాదవ్‌ క్లీన్‌ బౌల్డయ్యాడు. భారత విజయా విజయానికి పది బంతుల్లో 34 పరుగులు కావాలి.టీమిండియా ఆరో వికెట్‌ డౌన్‌టీమిండియా ఆరో వికెట్‌ కోల్పోయింది. 25 బంతుల్లో 43 పరుగులు చేసిన తిలక్‌ వర్మ.. షెఫర్డ్‌ బౌలింగ్‌లో ఔటయ్యాడు.దూకుడుగా ఆడుతున్న తిలక్‌, నితీశ్‌టీమిండియా బ్యాటర్లు నితీశ్‌ కుమార్‌ రెడ్డి(32), తిలక్‌ వర్మ(34) దూకుడుగా ఆడుతున్నారు. భారత్‌ విజయానికి 24 బంతుల్లో 59 పరుగులు కావాలి.ఒకే ఓవర్‌లో రెండు వికెట్లు.. పోరాడుతున్న తిలక్‌12 ఓవర్‌లో భారత్‌ వరుసగా రెండు వికెట్లు కోల్పోయింది. మూడో బంతికి అభిషేక్‌ శర్మ(29), నాలుగో బంతికి నమన్‌ ధీర్‌(0) పెవిలియన్‌కు చేరారు. 14 ఓవర్లకు టీమిండియా స్కోర్‌: 156-5. క్రీజులో తిలక్‌ వర్మ(33), నితీశ్‌ కుమార్‌ రెడ్డి(6) ఉన్నారు.10 ఓవర్ల తర్వాత భారత్‌ స్కోర్‌ 115-3అభిషేక్‌ 24, తిలక్‌ 8కష్టాల్లో టీమిండియా.. మూడో వికెట్‌ డౌన్‌8.2వ ఓవర్‌- టీమిండియా కష్టాల్లో పడింది. 248 పరుగుల భారీ లక్ష్య ఛేదనలో 97 పరుగుల వద్ద మూడో వికెట్‌ కోల్పోయింది. స్ప్రింగర్‌ బౌలింగ్‌లో ఆండ్రూకు క్యాచ్‌ ఇచ్చి శ్రేయస్‌ అయ్యర్‌ (16) ఔటయ్యాడు.ఒకే ఓవర్‌లో 2 వికెట్లు కోల్పోయిన భారత్‌కీమో పాల్‌ వేసిన ఇన్నింగ్స్‌ ఐదో ఓవర్‌లో భారత్‌ రెండు వికెట్లు కోల్పోయింది. తొలి బంతికి శాంసన్‌ ఔట్‌ కాగా.. నాలుగో బంతికి ఇషాన్‌ కిషన్‌ (6) పెవిలియన్‌కు చేరాడు. 4.5 ఓవర్ల తర్వాత భారత్‌ స్కోర్‌ 68-2గా ఉంది. అభిషేక్‌ (2), శ్రేయస్‌ (1) క్రీజ్‌లో ఉన్నారు. శాంసన్‌ (56) ఔట్‌4.1వ ఓవర్‌- ధాటిగా ఆడుతున్న శాంసన్‌ (56) కీమో పాల్‌ బౌలింగ్‌లో హెట్‌మైర్‌కు క్యాచ్‌ ఇచ్చి ఔటయ్యాడు.దంచికొడుతున్న శాంసన్‌గత మ్యాచ్‌లో విఫలమైన సంజూ శాంసన్‌ ఈ మ్యాచ్‌లో చెలరేగి ఆడుతున్నాడు. కేవలం​ 18 బంతుల్లోనే 4 ఫోర్లు, 4 సిక్సర్ల సాయంతో 47 పరుగులు చేసి ఇన్నింగ్స్‌ను కొనసాగిస్తున్నాడు. శాంసన్‌ ధాటికి భారత్‌ 3 ఓవర్లలోనే 50 పరుగులు చేసింది. శాంసన్‌ మరో ఎండ్‌లో ఉన్న అభిషేక్‌కు (1) స్ట్రయిక్‌ ఇవ్వలేదు.హోప్‌ సెంచరీ.. విండీస్‌ భారీ స్కోర్‌టాస్‌ ఓడి తొలుత బ్యాటింగ్‌ చేసిన వెస్టిండీస్‌ భారీ స్కోర్‌ చేసింది. నిర్ణీత 20 ఓవర్లలో ఆ జట్టు 3 వికెట్ల నష్టానికి 247 పరుగులు చేసింది. ఓపెనర్‌ షాయ్‌ హోప్‌ ఇన్నింగ్స్‌ చివరి రెండు బంతులను సిక్సర్లుగా మలిచి, ఈ సిరీస్‌లో రెండో సెంచరీ (50 బంతుల్లో 102 నాటౌట్‌; 4 ఫోర్లు, 9 సిక్సర్లు) పూర్తి చేసుకున్నాడు. హోప్‌కు జతగా రూథర్‌ఫోర్డ్‌ (49 నాటౌట్‌) కూడా మెరుపు ఇన్నింగ్స్‌ ఆడాడు. పద్దెనిమిది ఓవర్లలో విండీస్‌ స్కోరు: 218-3హోప్‌ 83, రూథర్‌ఫర్డ్‌ 39 పరుగులతో ఉన్నారు.అతి భారీ స్కోర్‌ దిశగా విండీస్‌విండీస్‌ జట్టు అతి భారీ స్కోర్‌ దిశగా సాగుతోంది. 17 ఓవర్ల తర్వాత ఆ జట్టు స్కోర్‌ 207-3గా ఉంది. హోప్‌ 83, రూథర్‌ఫోర్డ్‌ 31 పరుగులతో క్రీజ్‌లో ఉన్నారు. పదహారు ఓవర్లలో విండీస్‌ స్కోరు: 185-3హోప్‌ 78, రూథర్‌ఫర్డ్‌ 14 పరుగులతో ఉన్నారు.మూడో వికెట్‌ కోల్పోయిన విండీస్‌12.5వ ఓవర్‌- 156 పరుగుల వద్ద విండీస్‌ మూడో వికెట్‌ కోల్పోయింది. అర్షదీప్‌ బౌలింగ్‌లో సంజూ శాంసన్‌కు క్యాచ్‌ ఇచ్చి రోవ్‌మన్‌ పావెల్‌ (24) ఔటయ్యాడు. 10 ఓవర్ల తర్వాత విండీస్‌ స్కోర్‌ 118-2హోప్‌ 47, పావెల్‌ 3 పరుగులతో క్రీజ్‌లో ఉన్నారు. రెండో వికెట్‌ కోల్పోయిన విండీస్‌8.2వ ఓవర్‌: ప్రిన్స్‌ యాదవ్‌ బౌలింగ్‌లో రెండో వికెట్‌గా వెనుదిరిగిన హెట్‌మైర్‌ (12 బంతుల్లో 33). పావెల్‌ క్రీజులోకి వచ్చాడు. విండీస్‌ స్కోరు: 114-2 (9). హోప్‌ 44 పరుగులతో ఉన్నాడు.సెంచరీ కొట్టేసిన వెస్టిండీస్‌ఎనిమిది ఓవర్లలో విండీస్‌ స్కోరు: 109-1షాయీ హోప్‌ 42, హెట్‌మైర్‌ 33 పరుగులతో ఉన్నారు.6 ఓవర్ల తర్వాత విండీస్‌ స్కోర్‌ 79-1ఆండ్రూ వికెట్‌ పడ్డాక కూడా విండీస్‌ బ్యాటర్లు ఏమాత్రం తగ్గడం లేదు. హోప్‌ (28), హెట్‌మైర్‌ (17) ధాటిగా ఆడుతున్నారు. 6 ఓవర్ల తర్వాత విండీస్‌ స్కోర్‌ 79-1గా ఉంది. తొలి వికెట్‌ కోల్పోయిన విండీస్‌4.2వ ఓవర్‌- 52 పరుగుల వద్ద విండీస్‌ తొలి వికెట్‌ కోల్పోయింది. అక్షర్‌ పటేల్‌ బౌలింగ్‌లో జువెల్‌ ఆండ్రూ (21) ఎల్బీడబ్ల్యూ అయ్యాడు.3 ఓవర్ల తర్వాత విండీస్‌ స్కోర్‌ 40-0టాస్‌ ఓడి తొలుత బ్యాటింగ్‌కు దిగిన వెస్టిండీస్‌ 3 ఓవర్ల తర్వాత వికెట్‌ నష్టపోకుండా 40 పరుగులు చేసింది. జువెల్‌ ఆండ్రూ (20) ధాటిగా ఆడుతున్నాడు. హోప్‌ (9) ఆచితూచి ఆడుతున్నాడు. టాస్‌ గెలిచి బౌలింగ్‌ ఎంచుకున్న భారత్‌భారత్‌-వెస్టిండీస్‌ జట్ల మధ్య ఇవాళ హైదరాబాద్‌లోని ఉప్పల్‌ స్టేడియంలో టీ20 మ్యాచ్‌ జరుగుతుంది. ఐదు మ్యాచ్‌ల సిరీస్‌లో భాగంగా జరుగుతున్న నాలుగో టీ20 ఇది. ఈ మ్యాచ్‌లో టాస్‌ గెలిచిన భారత్‌ ఫీల్డింగ్‌ ఎంచుకుంది. ఈ సిరీస్‌లో భారత్‌ 2-1 ఆధిక్యంలో కొనసాగుతోంది. మొదటి, మూడు మ్యాచ్‌లు భారత్‌ గెలవగా, విండీస్‌ రెండో టీ20లో గెలిచింది. భారత తుది జట్టులో ఎలాంటి మార్పులూ లేవు. విండీస్‌ తుదిజట్టులో కమిల్‌ పూరన్‌ స్థానంలో జువెల్‌, సాంప్సన్‌ స్థానంలో షెఫర్డ్‌ వచ్చారు. తుది జట్లు..భారత్‌: సంజు శాంసన్ (WK), అభిషేక్ శర్మ, ఇషాన్ కిషన్, శ్రేయాస్ అయ్యర్ (c), తిలక్ వర్మ, నమన్ ధీర్, నితీష్ రెడ్డి, అక్షర్ పటేల్, అర్షదీప్‌ సింగ్, ప్రిన్స్ యాదవ్, మయాంక్ యాదవ్వెస్టిండీస్‌: షాయ్ హోప్ (c & wk), జువెల్‌ ఆండ్రూ, షిమ్రాన్ హెట్మెయర్, రోవ్‌మన్ పావెల్, షెర్ఫేన్ రూథర్‌ఫోర్డ్, రొమారియో షెపర్డ్‌, కీమో పాల్, షమర్ స్ప్రింగర్, రోస్టన్ చేజ్, షమర్ జోసెఫ్, గుడాకేష్ మోటీఇదీ చదవండి: ఎస్‌ఆర్‌హెచ్‌లోకి స్టార్‌ ప్లేయర్‌ రీఎంట్రీ

ఐసీసీ తాజాగా విడుదల చేసిన టీ20 ర్యాంకింగ్స్‌లో టీమిండియా కెప్టెన్‌ శ్రేయస్‌ అయ్యర్‌ భారీగా లబ్ది పొందాడు. వెస్టిండీస్‌తో జరిగిన తొలి టీ20లో అద్బుత శతకం చేయడంతో ఏకంగా మూడు స్థానాలు మెరుగుపర్చు​కొని నాలుగో స్థానానికి ఎగబకాడు. విండీస్‌ సిరీస్‌లో నిలకడైన ప్రదర్శనలతో ఆకట్టుకుంటున్న తిలక్‌ వర్మ కూడా ఓ స్థానం మెరుగుపర్చుకొని తొమ్మిదో స్థానానికి చేరాడు. టీమిండియా చిచ్చరపిడుగులు ఇషాన్‌ కిషన్‌, అభిషేక్‌ శర్మ టాప్‌-2 బ్యాటర్లుగా కొనసాగుతుండగా.. డాషింగ్‌ ఓపెనర్‌ సంజూ శాంసన్‌ 4 స్థానాలు మెరుగుపర్చుకొని 27వ స్థానానికి చేరాడు.భారత్‌తో సిరీస్‌లో విశేషంగా రాణిస్తున్న విండీస్‌ కెప్టెన్‌ షాయ్‌ హోప్‌ రెండు స్థానాలు మెరుగుపర్చుకొని 11వ స్థానానికి ఎగబాకగా.. మరో విండీస్‌ ప్లేయర్‌ ఫెర్ఫాన్‌ రూథర్‌ఫోర్డ్‌ 13 స్థానాలు మెరుగుపర్చుకొని 24వ స్థానానికి చేరాడు. ఈ వారం ర్యాంకింగ్స్‌లో అతి భారీగా లబ్ది పొందింది పాక్‌ బ్యాటర్‌ మాజ్‌ సదాకత్‌. ఇతగాడు శ్రీలంకతో జరుగుతున్న సిరీస్‌లో ఆకాశమే హద్దుగా చెలరేగాడు. ఫలితంగా ఏకంగా 187 స్థానాలు మెరుగుపర్చుకొని 45వ స్థానానికి ఎగబాకాడు.బౌలర్ల ర్యాంకింగ్స్‌ విషయానికొస్తే.. ఆఫ్ఘనిస్తాన్‌ స్టార్‌ స్పిన్నర్‌ రషీద్‌ ఖాన్‌ టాప్‌ ప్లేస్‌ను నిలుపోగా.. ఆసీస్‌ స్పిన్నర్‌ జంపా, ఇంగ్లండ్‌ స్పిన్నర్‌ ఆదిల్‌ రషీద్‌ తలో స్థానాన్ని మెరుగుపర్చుకొని రెండు, మూడు స్థానాలకు ఎగబాకారు. బంగ్లాదేశ్‌ బౌలర్లు నసుమ్‌ అహ్మద్‌, మెహిది హసన్‌ తలో స్థానం మెరుగుపర్చుకొని 7, 8 స్థానాలకు ఎగబాకగా.. భారత బౌలర్లు అక్షర్‌ పటేల్‌ 2, బుమ్రా ఓ స్థానం కోల్పోయి 9, 11 స్థానాలకు పడిపోయారు. మరో టీమిండియా బౌలర్‌ మయాంక్‌ యాదవ్‌ 22 స్థానాలు ఎగబాకి 83వ స్థానానికి చేరాడు. పాకిస్తాన్‌ బౌలర్‌ సల్మాన్‌ మీర్జా 9 స్థానాలు ఎగబాకి 14వ స్థానానికి, విండీస్‌ బౌలర్‌ ఛేజ్‌ 24 స్థానాలు ఎగబాకి 23వ స్థానానికి చేరారు.ఆల్‌రౌండర్ల ర్యాంకింగ్స్‌లో జింబాబ్వేకు చెందిన సికందర్‌ రజా, పాక్‌ సైమ్‌ అయూబ్‌ మొదటి రెండు స్థానాలను నిలుపుకోగా.. విండీస్‌ ఛేజ్‌ 2 స్థానాలు మెరుగుపర్చుకొని మూడో స్థానానికి చేరాడు. ఇదీ చదవండి: పాకిస్తాన్‌ కెప్టెన్‌ ప్రపంచ రికార్డు

ఉప్పల్ వేదికగా మరికొన్ని గంటల్లో భారత్‌, వెస్టిండీస్ మధ్య నాలుగో టీ20 మ్యాచ్ జరగనుంది. ఇప్పటికే ఇరుజట్లు ఉదయమే మైదానానికి చేరుకొని ముమ్మర సాధన చేశాయి. ఐదు మ్యాచ్‌ల టీ20 సిరీస్‌లో 2-1తో ఆధిక్యంలో ఉన్న టీమిండియా ఈ మ్యాచ్‌లోనూ గెలిచి మరో మ్యాచ్ ఉండగానే సిరీస్ కైవసం చేసుకోవాలని భావిస్తోంది. మరోవైపు వెస్టిండీస్ మాత్రం మూడో టీ20లో విజయానికి చేరువగా వచ్చి ఓడిపోయినప్పటికీ, నేటి వన్డేలో మాత్రం ఎలాంటి పొరపాట్లకు తావివ్వకుండా మ్యాచ్‌ను గెలిచి సిరీస్‌ను సమం చేయాలని చూస్తోంది.ఈ నేపథ్యంలో నాలుగో టీ20కి టీమిండియా జట్టు ఎలాంటి మార్పులు లేకుండానే బరిలోకి దిగే అవకాశముంది. అభిషేక్ శర్మ సూపర్ ఫామ్‌లో ఉండడంతో పాటు ఐపీఎల్‌లో తన హొంగ్రౌండ్ కావడం అతడికి సానుకూలాంశం. ఇక మరో ఓపెనర్‌ సంజూ సామ్సన్ విఫలమవుతున్నప్పటికీ, ఉప్పల్ మైదానంలో అతడికి ఉన్న ట్రాక్ రికార్డు దృశ్యా అభిషేక్‌తో కలిసి మరోసారి ఓపెనింగ్ చేయనున్నాడు. దీంతో ఈ మ్యాచ్‌కు కూడా వైభవ్ సూర్యవంశీ మరోసారి బెంచ్‌కే పరిమితం కానున్నాడు. వన్‌డౌన్‌లో ఇషాన్ కిషన్‌, నాలుగో స్థానంలో కెప్టెన్ శ్రేయస్ అయ్యర్ మరోసారి కీలకం కానున్నారు. మ్యాచ్‌లో కళ్లన్నీ లోకల్ బాయ్ తిలక్ వర్మపైనే నెలకొన్నాయి. 73 అంతర్జాతీయ మ్యాచ్‌ల కెరీర్‌ తర్వాత తొలిసారి తన సొంతగడ్డపై భారత్‌ తరఫున బరిలోకి దిగుతున్న తిలక్‌వర్మపై అందరి దృష్టీ నిలిచింది. గత టీ20లో అనూహ్యంగా రనౌటైన తిలక్‌ ఈసారి గుర్తుండిపోయే ఇన్నింగ్స్‌ ఆడాలని పట్టుదలగా ఉన్నాడు. ఆల్‌రౌండర్లుగా అక్షర్‌పటేల్‌, నితీశ్‌కుమార్‌రెడ్డి, నమన్ ధీర్‌లు మంచి ఆటను కనబరుస్తున్నారు. బౌలింగ్ విభాగంలో అర్షదీప్ వైడ్లు ఎక్కువగా వేస్తుండడం ఆందోళన కలిగిస్తోంది. మయాంక్ యాదవ్‌, ప్రిన్స్ యాదవ్‌లు మరోసారి చెలరేగితే విండీస్‌కు కష్టాలు తప్పవనిపిస్తోంది.నాలుగో టీ20కి భారత జట్టు అంచనాఅభిషేక్ శర్మ, సంజూ సామ్సన్ (వికెట్ కీపర్‌), ఇషాన్ కిషన్‌, శ్రేయస్ అయ్యర్ (కెప్టెన్‌), తిలక్ వర్మ, నితీశ్‌కుమార్ రెడ్డి, నమన్ ధీర్‌, అక్షర్ పటేల్‌, ప్రిన్స్ యాదవ్‌, అర్షదీప్ సింగ్‌, మయాంక్ యాదవ్‌.ఇదీ చదవండి:న్యూజిలాండ్‌తో సిరీస్‌.. ఆ ముగ్గురి వల్లే జ‌ట్ల ఎంపిక ఆల‌స్యం!నాలుగో టీ20.. స‌హచ‌రుల‌కు వైస్ కెప్టెన్ తిల‌క్ వ‌ర్మ వార్నింగ్‌!

నవంబర్‌లో న్యూజిలాండ్‌తో జరగనున్న వన్డే సిరీస్‌కు సంబంధించి భారత జట్టును ఇంకా ప్రకటించాల్సి ఉంది. జట్టు కూర్పుపై కసరత్తులు చేస్తున్న బీసీసీఐ సెలెక్షన్ కమిటీ ఈ వారంలో జట్టును ప్రకటించే అవకాశముంది. ఈ నేపథ్యంలో రెగ్యులర్ కెప్టెన్ శుబ్‌మన్ గిల్ తొలి మూడు వన్డేలకు మాత్రమే సారథ్యం వహిస్తాడని, చివరి రెండు వన్డేలకు శ్రేయస్ అయ్యర్ కెప్టెన్‌గా ఉంటాడని సోషల్ మీడియాలో వార్తలు వస్తున్నాయి. ఇందులో నిజమెంత అనేది తెలియాలంటే అధికారిక జట్టు ప్రకటన విడుదలయ్యేంతవరకు వేచి చూడాల్సిందే. అయితే రవీంద్ర జడేజా, వాషింగ్టన్ సుందర్‌లు వన్డే సిరీస్‌కు ఎంపికయ్యే దాఖలాలు కనిపించడం లేదనిపిస్తోంది. ఇక భారత స్టార్ బౌలర్ జస్‌ప్రీత్ బుమ్రాను కూడా ఐదు వన్డే మ్యాచ్‌లు ఆడించకుండా రెండు లేదా మూడు వన్డేలకు పరిమితం చేయాలని బీసీసీఐ భావిస్తున్నట్లు సమాచారం. విండీస్‌తో టీ20 సిరీస్‌లో ఆడుతున్న అర్షదీప్ సింగ్‌, ప్రిన్స్ యాదవ్‌లను కివీస్‌తో వన్డే సిరీస్‌కు ఎంపిక చేసే అవకాశాలున్నట్లు తెలుస్తోంది. ఇక ప్రసిధ్ క్రిష్ణ తొలి రెండు వన్డేలకు అందుబాటులో ఉండకపోవచ్చు. మరో విషయమేంటంటే తొలుత మూడు వన్డేలకు మాత్రమే జట్టును ప్రకటించి, ఆ తర్వాత నాలుగు, ఐదు వన్డేలకు జట్టును వేరుగా ఎంపిక చేయాలని బీసీసీఐ చూస్తోందట.తొలి మూడు వన్డేలకు భారత జట్టు అంచనా:రోహిత్, గిల్ (కెప్టెన్‌), విరాట్ కోహ్లి, శ్రేయాస్ అయ్యర్‌, అక్షర్ పటేల్‌, కేఎల​ రాహుల్, నమన్ ధీర్, నితీష్ రెడ్డి, కుల్దీప్, బుమ్రా, సిరాజ్, ప్రిన్స్ యాదవ్‌, గుర్నూర్ బ్రార్‌, ఇషాన్ కిషన్‌, యశస్వి జైస్వాల్, అర్ష్‌దీప్ సింగ్‌.🚨 UPDATE ON INDIAN 1st 3 ODI MATCH SQUAD Vs NEW ZEALAND 🚨 - Shubman Gill leading team India's only 3 ODIs matches - Shreyas Iyer lead India 4th & 5th ODIs - Prasidh Krishna is unlikely 1 or 2 ODIs - Jasprit Bumrah is set to play 1st & 3rd ODI - Doubtful for Hardik Pandya & Harshit Rana in 1st 3 ODIs - No Washington Sundar in ODI - Arshdeep Singh & Prince is likely back in ODI - No Ravindra Jadeja in ODI setup - Selectors are picks ODI squad for team India's in this week tour of New Zealand's Likely Team India's 1st 3 ODI squad: Rohit, Gill (c), Virat, Shreyas, Axar, kl Rahul, Naman Dhir, Nitish Reddy, Kuldeep, Bumrah & Siraj, Prince, Gurnoor, Ishan, Jaiswal, Arshdeep.— MANU (@IMManu_14) October 12, 2026ఇదీ చ‌ద‌వండి:‘స్కూల్‌ పిల్లాడిలా ప్రవర్తించావు’.. తిల‌క్ వ‌ర్మ‌కు చుర‌క‌లురంజీ ట్రోఫీలో సెంచ‌రీ.. కంటతడి పెట్టిన బెంగాల్‌ బ్యాటర్‌

ఇండోర్ వేదిక‌గా టీమిండియా, వెస్టిండీస్ మ‌ధ్య జ‌రిగిన మూడో టీ20 మ్యాచ్‌లో భార‌త కెప్టెన్ శ్రేయ‌స్ అయ్య‌ర్‌, విండీస్ హిట్ట‌ర్ షిమ్రోన్ హెట్‌మైర్ మ‌ధ్య జ‌రిగిన గొడ‌వ ఆల‌స్యంగా వెలుగు చూసింది. విండీస్ బ్యాటింగ్ స‌మ‌యంలో వీరిద్ద‌రి మ‌ధ్య మాట‌ల యుద్ధం జ‌రిగిన‌ట్లు తెలుస్తోంది. నమన్‌ ధీర్‌ బౌలింగ్‌ వేయడానికి ముందు స్ట్రైక్‌లో ఉన్న హెట్‌మైర్.. నాన్‌స్ట్రైక్ ఎండ్‌లో ఉన్న బ్యాట‌ర్‌తో అదే ప‌నిగా మాట్లాడుతూ కనిపించింది. దీంతో చిర్రెత్తుకొచ్చిన శ్రేయ‌స్ అయ్య‌ర్ అంపైర్ ద‌గ్గ‌రకు వెళ్లి.. ''ఓవ‌ర్ టూ ఓవ‌ర్ గ్యాప్‌లో విండీస్ బ్యాట‌ర్లు చాలా స‌మ‌యం తీసుకుంటున్నారు. దీనివ‌ల్ల 30 గ‌జాల స‌ర్కిల్ వెలుప‌ల మాకు ఒక ఫీల్డ‌ర్ త‌క్కువ‌య్యే ప్ర‌మాదం పొంచి ఉంది. వాళ్ల తీరుపై చ‌ర్య తీసుకోండి'' అని ఫిర్యాదు చేశాడు. దీంతో విండీస్ బ్యాట‌ర్ల‌ను పిలిచిన అంపైర్ ఇలా చేయ‌డం త‌గద‌ని హెచ్చ‌రించారు. అనంత‌రం క్రీజులోకి వెళుతున్న హెట్‌మైర్ అయ్య‌ర్ వైపు చూస్తూ.. ''బౌలింగ్ చేయ‌డమే మీ ప‌ని. మాట్లాడుకోవ‌డానికి నేను నా స‌మ‌యం తీసుకుంటాను.'' అని ఘాటుగా వ్యాఖ్యానించాడు. అయితే అయ్య‌ర్ గొడ‌వ పెద్ద‌ది చేసేందుకు ఇష్ట‌ప‌డ‌లేదు. ఇదంతా గమనించిన నమన్‌ ధీర్‌కు ఒళ్లు మండినట్లుంది. అదే ఓవ‌ర్‌లో త‌న బౌలింగ్‌తో హెట్‌మైర్‌ను పెవిలియ‌న్ చేర్చిన నమన్‌ ధీర్‌ కెప్టెన్ శ్రేయ‌స్‌ను సంతోషంలో ముంచెత్తాడు. ఇదే సమయంలో పెవిలియ‌న్ వైపు బాట ప‌ట్టిన హెట్‌మైర్ వైపు చూస్తూ శ్రేయ‌స్ న‌వ్వుతూ ఇచ్చిన‌ లుక్ సోషల్‌ మీడియాలో వైరల్‌గా మారింది.ఇదీ చ‌ద‌వండి: చ‌రిత్ర సృష్టించిన శ్రేయ‌స్‌ అయ్యర్‌'ఆ అమ్మాయికి మాటిస్తున్నా.. బెస్ట్ ఇన్నింగ్స్ గిఫ్ట్‌గా ఇస్తా'

టీమిండియా కెప్టెన్ శ్రేయ‌స్ అయ్య‌ర్ అంత‌ర్జాతీయ టీ20ల్లో చ‌రిత్ర సృష్టించాడు. ఆదివారం వెస్టిండీస్‌తో జ‌రిగిన మూడో టీ20లో భార‌త జ‌ట్టు తొలుత బ్యాటింగ్ చేసి 20 ఓవ‌ర్ల‌లో 224 ప‌రుగులు చేసిన సంగ‌తి తెలిసిందే. ఈ నేప‌థ్యంలో అయ్య‌ర్ సార‌థ్యంలో టీమిండియా 37వ సారి 200 ప్ల‌స్ స్కోరు సాధించ‌డం విశేషం. త‌ద్వారా భారత మాజీ కెప్టెన్‌ ఎంఎస్‌ ధోని రికార్డు (36 సార్లు) బ‌ద్ద‌లుకొట్టిన శ్రేయ‌స్ అయ్య‌ర్ తొలి స్థానంలో నిలిచాడు. ఇక శ్రేయ‌స్, ధోని త‌ర్వాత కోహ్లి కెప్టెన్సీలో భార‌త్ 29 సార్లు 200 ప్ల‌స్ స్కోర్లు చేసింది. ఇక టీ20 కెప్టెన్‌గా అయ్య‌ర్‌కు 19 మ్యాచ్‌ల్లో ఇది 11వ విజ‌యం కాగా.. ఏడు మ్యాచ్‌ల్లో ఓట‌మి పాలైంది. ఒక మ్యాచ్‌లో ఫ‌లితం రాలేదు. కెప్టెన్‌గా అయ్య‌ర్ విన్నింగ్ ప‌ర్సంటేజీ 57.89 శాతంగా ఉంది.మ్యాచ్ విష‌యానికొస్తే.. ఆదివారం జరిగిన మూడో టీ20లో టీమిండియా 14 పరుగుల తేడాతో వెస్టిండీస్‌ను ఓడించింది. ఫలితంగా ఐదు మ్యాచ్‌ల సిరీస్‌లో టీమిండియా 2–1తో ముందంజ వేసింది. టాస్‌ ఓడి మొదట బ్యాటింగ్‌కు దిగిన భారత్‌ నిర్ణీత 20 ఓవర్లలో 223 పరుగులకు ఆలౌటైంది. అభిషేక్‌ శర్మ (30 బంతుల్లో 69; 6 ఫోర్లు, 5 సిక్స్‌లు) అర్ధశతకంతో ఆకట్టుకున్నాడు.ఇషాన్‌ కిషన్‌ (37; 6 ఫోర్లు, 1 సిక్స్‌), తిలక్‌ వర్మ (28; 4 ఫోర్లు) రాణించారు. విండీస్‌ బౌలర్లలో చేజ్, షమార్‌ జోసెఫ్, స్ప్రింగర్‌ తలా రెండు వికెట్లు పడగొట్టారు. అనంతరం లక్ష్యఛేదనలో విండీస్‌ జట్టు 20 ఓవర్లలో 7 వికెట్లకు 209 పరుగులు చేసి విజయానికి దూరంగా నిలిచింది. కమిల్‌ పూరన్‌ (42; 3 ఫోర్లు, 3 సిక్స్‌లు), హెట్‌మైర్‌ (43; 6 ఫోర్లు, 2 సిక్స్‌లు) పోరాడినా ఫలితం లేకపోయింది. భారత బౌలర్లలో అర్ష్ దీప్ 3, నమన్‌ ధీర్‌ 2 వికెట్లు పడగొట్టారు.ఇదీ చ‌ద‌వండి: 'ఆ రెండు ఓవ‌ర్లే ట‌ర్నింగ్ పాయింట్‌.. లేదంటే ఓడిపోయేవాళ్లం!'

వెస్టిండీస్‌పై మూడో టీ20లో టీమిండియా 14 ప‌రుగుల తేడాతో విజ‌యం సాధించింది. మ్యాచ్ అనంతరం టీమిండియా కెప్టెన్ శ్రేయ‌స్ అయ్య‌ర్ మాట్లాడాడు. విండీస్ బ్యాట‌ర్లు ఆఖ‌రి వ‌ర‌కు పోరాడ‌డంతో ఒక ద‌శ‌లో ఈ మ్యాచ్‌లో కూడా ఓట‌మి పాల‌వుతామోన‌ని భావించిన‌ట్లు తెలిపాడు. కానీ బౌల‌ర్లు అద్భుతంగా రాణించి భార‌త్‌ను నిల‌బెట్టారని, ఆ రెండు ఓవ‌ర్లు మ్యాచ్‌కు ట‌ర్నింగ్ పాయింట్‌గా నిలిచింద‌ని పేర్కొన్నాడు. శ్రేయ‌స్ మాట్లాడుతూ.. ''గ‌త మ్యాచ్ అనుభ‌వం ఇంకా నా క‌ళ్ల ముందే మెదులుతుంది. విండీస్ ఎదుట 224 ప‌రుగుల టార్గెట్ పెట్టిన‌ప్ప‌టికీ, నా మ‌దిలో మాత్రం ఏ మూల‌నో చిన్న‌పాటి ఓట‌మి భ‌యం ఉండేది. అయితే మ్యాచ్‌లో మా బౌల‌ర్లు అద్భుత ప్ర‌ద‌ర్శ‌న క‌న‌బ‌రిచారు. ముఖ్యంగా అర్ష‌దీప్‌, ప్రిన్స్‌ యాద‌వ్‌లు వేసిన ఇన్నింగ్స్ 18, 19 ఓవ‌ర్లు మ్యాచ్‌కు ట‌ర్నింగ్ పాయింట్‌గా నిలిచింద‌ని చెప్పొచ్చు. అప్ప‌టిదాకా విండీస్ కూడా విజ‌యం దిశ‌గా న‌డిచింది. కీల‌క స‌మ‌యంలో అర్ష‌దీప్ రెండు వికెట్లు తీసి వారిపై ఒత్తిడిని పెంచాడు. ఆ త‌ర్వాతి ఓవ‌ర్‌లో ప్రిన్స్‌ యాద‌వ్ ఒత్తిడిలో అద్భుతంగా బౌలింగ్ చేసి విండీస్ బ్యాట‌ర్ల‌ను క‌ట్టడి చేశాడు. గెలుపు క్రెడిట్ మాత్రం క‌చ్చితంగా బౌల‌ర్ల‌కు ఇచ్చి తీరాల్సిందే. అంత‌క‌ముందు బ్యాటింగ్‌లో అభిషేక్ శ‌ర్మ‌, ఇషాన్ కిష‌న్‌లు మంచి ఆరంభాన్ని ఇచ్చారు. ఆ ఆరంభాన్ని మా బ్యాట‌ర్లు చాలా స‌ద్వినియోగం చేసుకున్నారు. ఆఖ‌ర్లో తిల‌క్ వ‌ర్మ‌, అక్ష‌ర్ ప‌టేల్‌, నితీశ్ రెడ్డిలు త‌మ బ్యాటింగ్‌తో టీమిండియా స్కోరును 220 ప‌రుగులు దాటించారు. జ‌ట్టు స‌మ‌ష్టి ప్ర‌ద‌ర్శ‌న‌తోనే మ్యాచ్‌లో విజ‌యం సాధ్య‌మైంది. హైద‌రాబాద్‌లో మ్యాచ్ ఆడ‌డం కోసం ఎదురుచూస్తున్నాం.'' అని చెప్పుకొచ్చాడు.ఇదీ చ‌ద‌వండి: తిల‌క్ వ‌ర్మ ఖాతాలో అరుదైన రికార్డు

ఇండోర్ వేదిక‌గా వెస్టిండీస్‌తో జ‌రిగిన మూడో టీ20 మ్యాచ్‌లో టీమిండియా 14 ప‌రుగుల తేడాతో విజ‌యాన్ని అందుకున్న సంగ‌తి తెలిసిందే. మ్యాచ్ అనంత‌రం శ్రేయ‌స్ అయ్య‌ర్‌, ఇయాన్ బిష‌ప్ మ‌ధ్య ఆస‌క్తిక‌ర సంభాష‌ణ న‌డిచింది. ఇయాన్ బిష‌ప్ అడిగిన ప్ర‌శ్న‌కు అయ్య‌ర్ అదిరిపోయే రిప్లై ఇచ్చాడు. తొలి టీ20లో సెంచ‌రీతో జ‌ట్టును గెలిపించిన శ్రేయ‌స్ అయ్య‌ర్‌.. రెండో టీ20 మ్యాచ్‌లోనూ 40 ప‌రుగుల కీల‌క ఇన్నింగ్స్ ఆడాడు. అయితే మూడో టీ20లో మాత్రం ఒక్క ప‌రుగు మాత్ర‌మే చేసి రోస్ట‌న్ చేజ్ బౌలింగ్‌లో ఎల్బీగా వెనుదిరిగాడు. దీంతో అయ్య‌ర్‌ ఆట‌ను చూసేందుకు వ‌చ్చిన ఒక వీరాభిమాని త‌న ఫెవ‌రెట్ ప్లేయ‌ర్ ఔట‌వ్వ‌డంతో బోరుమ‌ని ఏడ్చింది. ఆమె ఏడుస్తున్న దృష్ట్యాలు కెమెరాల్లో రికార్డ‌య్యియి. ఇది గ‌మ‌నించిన ఇయాన్ బిష‌ప్ మ్యాచ్ అనంత‌రం శ్రేయ‌స్‌తో మాట్లాడుతూ ఫ్యాన్ గ‌ర్ల్ ఏడ్చిన విష‌యాన్ని ప్ర‌స్తావించాడు. ''శ్రేయాస్ నువ్వు తొంద‌ర‌గా ఔట‌వ్వ‌డంతో, ఈరోజు మ్యాచ్‌కు వ‌చ్చిన వారిలో మీ వీరాభిమాని ఒక‌రు స్టాండ్స్‌లో బోరున ఏడ్వ‌డం గ‌మ‌నించాను. నాకు తెలిసి ఆ అమ్మాయి నీకు పెద్ద ఫ్యాన్ అనుకుంటా. ఈ విష‌యంపై నీ స్పంద‌న ఏంటి'' అని అడిగాడు. దీనికి అయ్య‌ర్ న‌వ్వుతూ..''నేను ఎప్పుడు టీమ్‌కు బెస్ట్ ఇవ్వ‌డానికే ప్ర‌య‌త్నిస్తాను. కానీ దుర‌దృష్ట‌వ‌శాత్తూ ఇవాళ తొంద‌ర‌గా ఔట‌య్యాను. నా ఆట‌ను చూసేందుకు వ‌చ్చిన వీరాభిమానిని పూర్తిగా నిరాశ‌ప‌రిచాను. పెద్ద స్కోరు చేయ‌క‌పోవ‌డంపై క్ష‌మాప‌ణ అడుగుతున్నా. ఆ అమ్మాయికి మాటిస్తున్నా.. క‌చ్చితంగా త‌ర్వాతి మ్యాచ్‌లో బెస్ట్ ఇన్నింగ్స్ ఆడి ఆమె మొహంలో సంతోషాన్ని తిరిగి తెస్తాను'' అని పేర్కొన్నాడు. అయ్య‌ర్ వ్యాఖ్య‌లు విన్న స‌ద‌రు ఫ్యాన్ గ‌ర్ల్ స్టాండ్స్‌లోనే ఎగిరి గంతేయ‌డం విశేషం. ప్ర‌స్తుతం బిష‌ప్‌, అయ్య‌ర్ మ‌ధ్య సంభాష‌ణ వైర‌ల్‌గా మారింది. టీమిండియా కెప్టెన్‌గానే గాక త‌న అభిమాని మొహంలో సంతోషం చూడ‌డం కోసం మాట్లాడిన అయ్య‌ర్ ఒక మెట్టు పైకి ఎక్కేశాడు అని చెవులు కొరుక్కుంటున్నారు.🚨 INDIAN GIRL BREAKS DOWN IN TEARS AFTER SHREYAS IYER'S EARLY DISMISSAL! 💔 A young Indian girl couldn't control her emotions after her favourite cricketer, Shreyas Iyer, was dismissed for just 1 run. She started crying in the stands, and despite her boyfriend's repeated attempts to console her, she couldn't stop her tears. Even legendary Sunil Gavaskar praised the young fan for her emotional attachment and unconditional love for Shreyas Iyer. This is what being a true fan looks like! ❤️🥹— Central Cricket (@arshdeep3444) October 11, 2026ఇదీ చ‌దవండి:జయం మనదేమరోసారి విజృంభించిన షమీ.. ఎంత చేసి ఏం ప్రయోజనం..?

విండీస్‌పై టీమిండియా విక్టరీఇండోర్‌ వేదికగా వెస్టిండీస్‌తో జరిగిన మూడో టీ20లో టీమిండియా 14 పరుగుల తేడాతో విజయం సాధించింది. ఫలితంగా ఐదు మ్యాచ్‌ల సిరీస్‌లో 2-1 ఆధిక్యంలోకి వెళ్లింది.నాలుగో వికెట్‌ కోల్పోయిన విండీస్‌10.6వ ఓవర్‌- 105 పరుగుల వద్ద విండీస్‌ నాలుగో వికెట్‌ కోల్పోయింది. నమన్‌ ధిర్‌ బౌలింగ్‌లో అర్షదీప్‌కు క్యాచ్‌ ఇచ్చి కమిల్‌ పూరన్‌ (42) ఔటయ్యాడు. మూడో వికెట్‌ కోల్పోయిన విండీస్‌9.4వ ఓవర్‌- 82 పరుగుల వద్ద విండీస్‌ మూడో వికెట్‌ కోల్పోయింది. అక్షర్‌ పటేల్‌ బౌలింగ్‌లో ఇషాన్‌ కిషన్‌కు క్యాచ్‌ ఇచ్చి రోవ్‌మన్‌ పావెల్‌ (5) ఔటయ్యాడు. రెండో వికెట్‌ కోల్పోయిన విండీస్‌6.6వ ఓవర్‌- 67 పరుగుల వద్ద విండీస్‌ రెండో వికెట్‌ కోల్పోయింది. నమన్‌ ధిర్‌ బౌలింగ్‌లో హెట్‌మైర్‌ (43) క్లీన్‌ బౌల్డ్‌ అయ్యాడు. హోప్‌ క్లీన్‌ బౌల్డ్భారీ లక్ష్య ఛేదనలో విండీస్‌కు ఆదిలోనే ఎదురుదెబ్బ తగిలింది. ఇన్‌ ఫామ్‌ బ్యాటర్‌ షాయ్‌ హోప్‌ 5 పరుగులు చేసి అర్షదీప్‌ బౌలింగ్‌లో క్లీన్‌ బౌల్డ్‌ అయ్యాడు. టీమిండియా భారీ స్కోర్‌ఇండోర్‌ వేదికగా వెస్టిండీస్‌తో జరుగుతున్న మూడో టీ20లో టీమిండియా భారీ స్కోర్‌ చేసింది. టాస్‌ ఓడి తొలుత బ్యాటింగ్‌ చేసిన భారత్‌ నిర్ణీత 20 ఓవర్లలో 223 పరుగులకు ఆలౌటైంది. ఆరో వికెట్‌ కోల్పోయిన భారత్‌14.2వ ఓవర్‌- 169 పరుగుల స్కోర్‌ వద్ద కీమో పాల్‌ బౌలింగ​్‌లో షాయ్‌ హోప్‌కు క్యాచ్‌ ఇచ్చి నితీశ్‌ కుమార్‌ రెడ్డి (21) ఔటయ్యాడు. ఐదో వికెట్‌ కోల్పోయిన భారత్‌10.5వ ఓవర్‌- 135 పరుగుల వద్ద భారత్‌ ఐదో వికెట్‌ కోల్పోయింది. మోటీ బౌలింగ్‌లో స్ప్రింగర్‌కు క్యాచ్‌ ఇచ్చి నమన్‌ ధిర్‌ (10) ఔటయ్యాడు. నాలుగో వికెట్‌ కోల్పోయిన భారత్‌9.5వ ఓవర్‌- 124 పరుగుల వద్ద భారత్‌ నాలుగో వికెట్‌ కోల్పోయింది. ధాటిగా ఆడుతున్న అభిషేక్‌ శర్మ (69) షమార్‌ స్ప్రింగర్‌ బౌలింగ్‌లో క్యాచ్‌ అండ్‌ బౌల్డ​్‌ అయ్యాడు. ఒకే ఓవర్‌లో 2 వికెట్లు కోల్పోయిన భారత్‌ఇన్నింగ్స​్‌ 9వ ఓవర్‌లో భారత్‌ రెండు వికెట్లు కోల్పోయింది. రోస్టన్‌ ఛేజ్‌ వేసిన ఈ ఓవర్‌లో తొలుత ఇషాన్‌ కిషన్‌, ఆతర్వాత శ్రేయస్‌ అయ్యర్‌ (1) ఔటయ్యారు. 9 ఓవర్ల తర్వాత భారత్‌ స్కోర్‌ 117-3గా ఉంది. రెండో వికెట్‌ కోల్పోయిన భారత్‌8.2వ ఓవర్‌- 115 పరుగుల వద్ద భారత్‌ రెండో వికెట్‌ కోల్పోయింది. రోస్టన్‌ ఛేజ్‌ బౌలింగ్‌లో భారీ సిక్సర్‌ బాదిన అనంతరం ఇషాన్‌ కిషన్‌ (37) స్టంపౌటయ్యాడు. అభిషేక్‌ 67 పరుగుల వద్ద ధాటిగా బ్యాటింగ్‌ కొనసాగిస్తున్నాడు. 18 బంతుల్లో హాఫ్‌ సెంచరీ పూర్తి చేసిన అభిషేక్‌అభిషేక్‌ 18 బంతుల్లో హాఫ్‌ సెంచరీ పూర్తి చేశాడు. ఇందులో 4 ఫోర్లు, 4 సిక్సర్లు ఉన్నాయి. 6 ఓవర్ల తర్వాత భారత్‌ స్కోర్‌ 87-1గా ఉంది. అభిషేక్‌ 54, ఇషాన్‌ కిషన్‌ 24 పరుగులతో క్రీజ్‌లో ఉన్నారు.ఆదిలోనే భారత్‌కు షాక్‌టాస్‌ ఓడి తొలుత బ్యాటింగ్‌కు దిగిన భారత్‌కు ఆదిలోనే షాక్‌ తగిలింది. 7 పరుగుల వద్దనే సంజూ శాంసన్‌ (3) ఔటయ్యాడు. షమార్‌ జోసఫ్‌ బౌలింగ్‌లో కమిల్‌ పూరన్‌కు క్యాచ్‌ ఇచ్చి పెవిలియన్‌కు చేరాడు. టాస్‌ గెలిచి బౌలింగ్‌ ఎంచుకున్న వెస్టిండీస్‌ఐదు మ్యాచ్‌ల టీ20 సిరీస్‌లో భాగంగా భారత్‌-వెస్టిండీస్‌ జట్ల మధ్య ఇవాళ ఇండోర్‌లోని హోల్కర్‌ స్టేడియం వేదికగా మూడో మ్యాచ్‌ జరుగనుంది. ఈ మ్యాచ్‌లో వెస్టిండీస్‌ టాస్‌ గెలిచి బౌలింగ్‌ ఎంచుకుంది. ఈ మ్యాచ్‌ కోసం భారత్, వెస్టిండీస్‌ తలో రెండు మార్పులు చేశాయి. భారత్‌ తరఫున శివమ్‌ దూబే, కుల్దీప్‌ యాదవ్‌ స్థానాల్లో నితీశ్‌ కుమార్‌ రెడ్డి, ప్రిన్స్‌ యాదవ్‌ తుది జట్టులోకి రాగా.. విండీస్‌ తరఫున రొమారియో షెపర్డ్‌, అకీల్‌ హొసేన్‌ స్థానాల్లో క్వెంటిన్‌ శాంసన్‌, కీమో పాల్‌ జట్టులోకి వచ్చారు. తుది జట్లు..భారత్‌: అభిషేక్ శర్మ, సంజు శాంసన్ (wk), ఇషాన్ కిషన్, శ్రేయస్ అయ్యర్ (c), తిలక్ వర్మ, నితీష్ రెడ్డి, నమన్ ధీర్, అక్షర్ పటేల్, అర్ష్‌దీప్ సింగ్, ప్రిన్స్‌ యాదవ్‌, మయాంక్ యాదవ్వెస్టిండీస్‌: షాయ్ హోప్ (c & wk), కమిల్ పూరన్, షిమ్రాన్ హెట్మెయర్, రోవ్‌మన్ పావెల్, షెర్ఫేన్ రూథర్‌ఫోర్డ్, రోస్టన్ చేజ్, క్వెంటన్‌ శాంసన్‌, గుడాకేష్ మోటీ, షమర్ స్ప్రింగర్, కీమో పాల్‌, షమర్ జోసెఫ్ఇదీ చదవండి: సెంచరీతో కదంతొక్కిన రింకూ సింగ్‌

ఇండోర్‌లోని హోల్క‌ర్ స్టేడియం వేదిక‌గా భార‌త్‌, వెస్టిండీస్ రేపు మూడో టీ20 మ్యాచ్‌లో త‌ల‌ప‌డ‌నున్నాయి. రెండో టీ20 మ్యాచ్‌లో టీమిండియా విధించిన 250 ప‌రుగుల ల‌క్ష్యాన్ని విండీస్ 9 బంతులు మిగిలి ఉండ‌గానే ఛేదించి రికార్డు సృష్టించింది. ఈ నేప‌థ్యంలో మూడో టీ20కి టీమిండియా తుదిజ‌ట్టులో రెండు మార్పులు మాత్రం ఖాయంగా క‌నిపిస్తున్నాయి. ఆల్‌రౌండ‌ర్ శివ‌మ్ దూబేతో పాటు స్పిన్న‌ర్ కుల్దీప్ యాద‌వ్ మూడో టీ20 మ్యాచ్‌కు బెంచ్‌కు ప‌రిమితమ‌య్యే అవ‌కాశ‌ముంది. వీరి స్థానాల్లో నితీశ్ కుమార్ రెడ్డి, ప్రిన్స్ యాద‌వ్‌లు తుదిజ‌ట్టులోకి వ‌చ్చే చాన్స్ ఉంది. రెండో టీ20లో అర్థ‌సెంచ‌రీతో సంజూ శాంస‌న్ ఫామ్‌లోకి రావ‌డంతో చిచ్చ‌ర‌పిడుగు వైభ‌వ్ సూర్య‌వంశీ మ‌రోసారి బెంచ్‌కే ప‌రిమితం కానున్నాడు. ఓపెన‌ర్లుగా అభిషేక్‌, శాంస‌న్, వ‌న్‌డౌన్‌లో ఇషాన్ కిష‌న్ రానున్నారు. శ్రేయ‌స్ అయ్య‌ర్‌, తిల‌క్ వ‌ర్మ‌, నితీశ్ రెడ్డిల‌తో మిడిలార్డ‌ర్ పటిష్టంగా క‌నిపిస్తోంది. లోయ‌ర్ ఆర్డ‌ర్‌లో అక్ష‌ర్ ప‌టేల్‌, న‌మ‌న్ ధీర్‌లు కీల‌కం కానున్నారు. బౌలింగ్ విభాగంలో కుల్దీప్ యాద‌వ్ విఫ‌లం కావ‌డంతో అత‌డి స్థానంలో ప్రిన్స్ యాద‌వ్ రానున్నాడు. న‌మన్‌తో క‌లిసి అక్ష‌ర్ ప‌టేల్ స్పిన్ బాధ్య‌త‌లు పంచుకోనున్నాడు. ఇక అర్ష‌దీప్‌, మ‌యాంక్ యాద‌వ్‌, ప్రిన్స్ యాద‌వ్‌లు పేస్ బౌలింగ్‌ బాధ్య‌త‌లు తీసుకోనున్నారు.ఆక‌ట్టుకోని దూబే..గ‌త 10 ఇన్నింగ్స్‌ల్లో పెద్దగా ఆక‌ట్టుకోని శివమ్ దూబే శుక్ర‌వారం జ‌రిగిన రెండో టీ20లో బ్యాటింగ్‌లో ప్ర‌మోష‌న్ ల‌భించిన‌ప్ప‌టికీ దారుణంగా విఫ‌ల‌మ‌య్యాడు. 10 బంతుల్లో ఏడు ప‌రుగులు చేసి నిరాశ‌ప‌రిచాడు. అత‌డి స్లో బ్యాటింగ్ వ‌ల్ల టీమిండియా కీల‌క ర‌న్‌రేట్‌ను కోల్పోవాల్సి వ‌చ్చింది. అదీగాక బౌలింగ్‌లోనూ దూబే పెద్ద‌గా రాణించ‌లేక‌పోయాడు. మ్యాచ్‌లో 2 ఓవ‌ర్లు మాత్ర‌మే బౌలింగ్ వేసిన దూబే 30 ప‌రుగులు స‌మ‌ర్పించుకున్నాడు. దీంతో శివ‌మ్ దూబేపై వేటు వేయాల‌నే డిమాండ్లు పెరిగాయి. అందుకే మూడో టీ20కి దూబే స్థానంలో నితీశ్ ఎంట్రీ ఖాయంగా క‌నిపిస్తోంది.అందుకే కుల్దీప్‌పై వేటు..ఇండోర్ పిచ్ పేస‌ర్ల‌కు అనుకూలించే అవ‌కాశం ఉండ‌డంతో కుల్దీప్ యాద‌వ్ మూడో టీ20కి బెంచ్‌కు ప‌రిమితమ‌య్యే చాన్స్ ఉంది. తొలి టీ20లో రెండు వికెట్లు తీసిన కుల్దీప్.. రెండో టీ20లో ఒక వికెట్ తీసినప్ప‌టికీ 4 ఓవ‌ర్ల‌లో 53 ప‌రుగులు స‌మ‌ర్పించుకున్నాడు. దీంతో మూడో టీ20కి ప్రిన్స్ యాద‌వ్ రాక ఖాయంగా క‌న‌బ‌డుతోంది. ఇప్ప‌టికే రెండో టీ20లో త‌న ఫాస్ట్ బౌలింగ్‌తో ఆక‌ట్టుకున్న మ‌యాంక్ యాద‌వ్ మూడు కీల‌క వికెట్లు తీశాడు. మూడో టీ20లోనూ అత‌డు మ‌రోసారి కీల‌కం కానున్నాడు. సీనియ‌ర్ల గైర్హాజ‌రీలో బౌలింగ్‌లో పెద్ద‌న్న పాత్ర పోషిస్తున్న అర్ష‌దీప్ విఫ‌ల‌మ‌వ్వ‌డం కాస్త ఆందోళ‌న క‌లిగిస్తోంది. క‌నీసం మూడో టీ20లోనైనా అర్ష‌దీప్ మెరుగైన ప్ర‌ద‌ర్శ‌న చేస్తాడ‌ని ఆశిద్దాం.భార‌త తుదిజ‌ట్టు అంచ‌నాసంజు శాంసన్ (వికెట్ కీప‌ర్‌), అభిషేక్ శర్మ, ఇషాన్ కిషన్, శ్రేయ‌స్ అయ్యర్ (కెప్టెన్‌), తిలక్ వర్మ, నమన్ ధీర్, నితీష్ కుమార్ రెడ్డి, అక్షర్ పటేల్, అర్ష‌దీప్ సింగ్‌, ప్రిన్స్ యాదవ్, మయాంక్ యాదవ్.ఇదీ చదవండి:రేపు విండీస్‌తో మూడో టీ20.. ఒక్క ఫిఫ్టీ కొడితే ఇన్ని రికార్డులా?బంగ్లాదేశ్ జట్టులో మిస్టరీ స్పిన్నర్‌

రాంచీ వేదిక‌గా జ‌రిగిన రెండో టీ20లో 250 ప‌రుగుల ల‌క్ష్యాన్ని ఛేదించిన వెస్టిండీస్ జ‌ట్టు టీమిండియాకు ఊహించ‌ని షాక్ ఇచ్చింది. మ్యాచ్‌లో కీల‌క ఇన్నింగ్స్ ఆడిన షెర్ఫేన్ రూథ‌ర్‌ఫోర్డ్ ఇచ్చిన‌ క్యాచ్‌ జార‌విడ‌వ‌డం టీమిండియా కొంప‌ముంచింద‌ని చెప్పొచ్చు. మ్యాచ్‌కు ట‌ర్నింగ్ పాయింట్ కూడా అదే. ఇక కెప్టెన్ షెయ్ హోప్‌తో క‌లిసి రూథ‌ర్‌ఫోర్డ్ చేసిన విధ్వంసం మాములుగా లేదు. ఈ ఇద్ద‌రు నాలుగో వికెట్‌కు 120 ప‌రుగులు జోడించి మ్యాచ్ గ‌మనాన్ని నిర్దేశించారు. రూథ‌ర్‌ఫోర్డ్ ఔటైన‌ప్ప‌టికీ హోప్ చివ‌రి దాకా నిల‌బ‌డి భారీ సిక్స‌ర్‌తో సెంచ‌రీ చేయ‌డ‌మే గాక జ‌ట్టును గెలిపించాడు. మొత్తం మీద రెండు జ‌ట్లు క‌లిపి 38.3 ఓవ‌ర్ల‌లోనే 502 ప‌రుగులు సాధించాయి. దీంతో రాంచీలోని జేఎస్‌సీఏ క్రికెట్ స్టేడియం పిచ్‌పై విమ‌ర్శ‌లు వెల్లువెత్తాయి. బ్యాలెన్సింగ్‌గా రూపొందించాల్సిన పిచ్‌ను కాస్తా బ్యాటింగ్‌కు అనుకూలంగా మార్చేశారంటూ భిన్నాభిప్రాయాలు వ్య‌క్త‌మ‌వుతున్నాయి.ఈ నేప‌థ్యంలో టీమిండియా హెడ్ కోచ్ గౌత‌మ్ గంభీర్ భారీ ల‌క్ష్యం నిర్దేశించిన‌ప్ప‌టికీ ఓడిపోవ‌డంపై స్పందించాడు. మ్యాచ్ ఓట‌మి అనంత‌రం నిర్వ‌హించిన ప్రెస్ కాన్ఫ‌రెన్స్‌లో మాట్లాడాడు. తాను ఎవ‌రినీ నిందించ‌లేన‌ని, త‌మ బౌల‌ర్లు క‌ష్ట‌ప‌డ్డార‌ని, కానీ పిచ్ బ్యాటింగ్‌కు అనుకూలంగా ఉన్న‌ప్పుడు ఎవ‌రు మాత్రం ఏం చేయ‌గ‌ల‌ర‌ని పేర్కొన్నాడు. పిచ్ రూప‌క‌ల్ప‌న అనేది బ్యాట్‌కు, బంతికి స‌మానంగా ఉండేలా చూడాల్సిన అవ‌స‌ర‌ముంద‌న్నాడు. రిస్క్‌లో బౌలర్ల కెరీర్‌..గంభీర్ ఇంకా మాట్లాడుతూ.. ‘‘బ్యాట్‌కు, బంతికి మ‌ధ్య మంచి పోటీ ఉండాల‌నే మ‌నంద‌రం కోరుకుంటున్నాం. కానీ ప్ర‌స్తుత ప‌రిస్థితుల్లో బౌల‌ర్ల కెరీర్‌లు ప్ర‌మాదంలో ప‌డుతున్నాయి. వారు డ్రెస్సింగ్ రూమ్‌లోకి వ‌చ్చేందుకు ఎంత‌గానో శ్ర‌మిస్తారు. బ్యాట్‌కు, బంతికి స‌మాన‌మైన పోటీ ఉన్న‌ప్పుడే మెరుగైన ఆట సాధ్య‌మ‌వుతుంది. ఇక మ్యాచ్‌ పరిస్థితులను పరిశీలిస్తే.. రోస్టన్‌ చేజ్‌ స్పెల్‌ ఆటను మలుపు తిప్పింది. మ్యాచ్‌ ఫలితంపై ప్రభావం చూపింది. ఈ పిచ్‌పై అతడు బౌలింగ్‌ చేసిన విధానం అద్భుతం. తన లైన్‌ను మార్చుకుంటూ బ్యాటర్లను అయోమయానికి గురిచేశాడు. ముఖ్యంగా వెస్టిండీస్‌ లాంటి ప్రమాదకర జట్లపై భారీ స్కోర్లను కాపాడుకోవాలంటే మనమూ కొత్త మార్గాలను అన్వేషించాలి. ఈ ఓటమికి ఎవరినీ బాధ్యులుగా చూపలేను. ఎవరినీ నిందించలేను. 250 పరుగుల లక్ష్యాన్ని కాపాడుకోలేకపోయామన్నదే అసలు విషయం. వెస్టిండీస్‌ బ్యాటర్లు అద్భుతంగా ఆడారు. వారు విజయానికి అర్హులు. మేం ఇంకా చాలా విషయాల్లో మెరుగుపడాల్సి ఉంది'' అని గంభీర్ స్పష్టం చేశాడు.కావాలని క్యాచ్‌లు విడవరు..మ్యాచ్‌లో క్యాచ్‌లు జారవిడవడంపై గంభీర్‌కు ప్రశ్న ఎదురైంది. ‘టాస్‌ మన చేతుల్లో ఉండదు. క్యాచ్‌లు జారవిడవడం గతంలోనూ జరిగింది.. భవిష్యత్తులోనూ జరగొచ్చు. ఎవరూ ఉద్దేశపూర్వకంగా క్యాచ్‌లు వదలరు. అందుకే ఇలాంటి విషయాల్లో ఎవరినీ నిందించలేం. ఎంత స్కోర్ చేస్తే గెలవగలమనే విషయాన్ని చెప్పలేం. రెండు వికెట్లు త్వరగా తీసిన తర్వాత 250 పరుగులు మంచి స్కోరని అనుకున్నాం. కానీ బ్యాటింగ్‌లో వెస్టిండీస్‌ సాధించిన దానికి కచ్చితంగా క్రెడిట్‌ ఇవ్వాలి’ అని గంభీర్ వివరించాడు.ఇదీ చదవండి: అదే మా కొంపముంచింది.. వారు మాత్రం అత్యద్భుతం: శ్రేయస్‌ అయ్యర్‌

రాంచీ వేదికగా వెస్టిండీస్‌తో జరిగిన రెండో టీ20లో టీమిండియా 6 వికెట్ల తేడాతో ఓటమిపాలైంది. ఏకంగా 250 పరుగుల భారీ లక్ష్యాన్ని కూడా భారత బౌలర్లు కాపాడుకోలేకపోయారు. విండీస్ జట్టు ఈ భారీ లక్ష్యాన్ని కేవలం 18.3 ఓవర్లలోనే ఛేదించి మూడు మ్యాచ్‌ల సిరీస్‌ను 1-1తో సమం చేసింది. స్టిండీస్ కెప్టెన్ షాయ్ హోప్ (102), షెఫానే రూథర్‌ఫోర్డ్ (84) విధ్వంసకర ఇన్నింగ్స్‌లతో చెలరేగి తమ జట్టుకు రికార్డు విజయాన్ని అందించారు.భారీ స్కోరు చేసినా తప్పని ఓటమిఈ మ్యాచ్‌లో తొలుత బ్యాటింగ్ చేసిన భారత్ నిర్ణీత 20 ఓవర్లలో 5 వికెట్ల నష్టానికి 249 పరుగుల భారీ స్కోరు సాధించింది. వికెట్ కీపర్ బ్యాటర్ సంజూ శాంసన్ (82) హాఫ్ సెంచరీతో అదరగొట్టగా.. ఇషాన్ కిషన్ (43), తిలక్ వర్మ (44), శ్రేయస్ అయ్యర్ (40) మెరుపు ఇన్నింగ్స్‌లతో రాణించారు.మా ఓటమికి కారణమిదేఇక ఈ ఓటమిపై మ్యాచ్ అనంతరం భారత కెప్టెన్ శ్రేయస్ అయ్యర్ స్పందించాడు. మంచు ప్రభావం మ్యాచ్ ఫలితంపై తీవ్ర ప్రభావం చూపిందని అతడు తెలిపాడు."అద్భుత విజయం సాధించిన వెస్టిండీస్‌కు నా అభినందనలు. నిజం చెప్పాలంటే టీ20 ఫార్మాట్‌లో ఏ స్కోరూ సురక్షితం కాదని మరోసారి రుజువైంది. మంచు ప్రభావం ఈ మ్యాచ్‌లో కీలక పాత్ర పోషించింది. 249 పరుగుల భారీ లక్ష్యాన్ని కూడా ప్రత్యర్థి మరో రెండు ఓవర్లు మిగిలి ఉండగానే ఛేదించిందంటే పరిస్థితి ఎలా ఉందో అర్థం చేసుకోవచ్చు. ఇలాంటి పిచ్‌పై బౌలర్లు చిన్న పొరపాటు చేసినా మూల్యం చెల్లించుకోక తప్పదు. లైన్ తప్పితే బంతి నేరుగా స్టాండ్స్‌లోకి వెళ్లిపోతుంది.మేము కూడా కొన్ని తప్పిదాలు చేశాము. ఫీల్డింగ్‌లో కొన్ని క్యాచ్‌లు విడిచాము. కానీ అదంతా ఆటలో సహజమే. ఏదేమైనప్పటికీ విండీస్ అద్భుతంగా బ్యాటింగ్ చేసింది. ఈ మ్యాచ్‌లో సంజూ శాంసన్ మరోసారి తన క్లాస్ చూపించాడు. ఇక బౌలింగ్‌లో మయాంక్ యాదవ్ అసాధారణ ప్రదర్శన కనబరిచాడు.ఆరంభంలోనే మూడు వికెట్లు పడగొట్టి మమ్మల్ని గేమ్‌లో ఉంచాడు. కానీ ఆ తర్వాత పరిస్థితి తారుమారైంది. తర్వాతి మ్యాచ్‌లో కచ్చితంగా పుంజుకుంటాం" అని అయ్యర్ పేర్కొన్నాడు.చదవండి: IND vs WI: చ‌రిత్ర సృష్టించిన వెస్టిండీస్.. ప్రపంచంలోనే తొలి జట్టుగా

రాంచీ వేదికగా వెస్టిండీస్‌తో జరుగుతున్న రెండో టీ20 మ్యాచ్‌లో టీమిండియా నిర్ణీత 20 ఓవర్లలో 5 వికెట్ల నష్టానికి 249 పరుగుల భారీ స్కోరు చేసింది. గత నాలుగు మ్యాచ్‌ల్లో సింగిల్ డిజిట్‌కే పరిమితమైన ఓపెనర్ సంజూ శాంసన్ (41 బంతుల్లో 82, 9 ఫోర్లు, 4 సిక్సర్లు) భారీ ఇన్నింగ్స్‌తో అలరించగా, ఇషాన్ కిషన్ (22 బంతుల్లో 43, 6 ఫోర్లు, 2 సిక్సర్లు) దనాధన్ ఆటతీరును ప్రదర్శించాడు. చివర్లో శ్రేయస్ అయ్యర్ (17 బంతుల్లో 40; 3 ఫోర్లు, 3 సిక్సర్లు) గత మ్యాచ్ ఫామ్‌ను కంటిన్యూ చేయగా, తిలక్ వర్మ (18 బంతుల్లో 44 నాటౌట్‌; 3 ఫోర్లు, 3 సిక్సర్లు) ఆకట్టుకున్నాడు. విండీస్ బౌలర్లలో రోస్టన్ చేజ్ మూడు వికెట్లు తీయగా, షమర్ స్ప్రింగర్ రెండు వికెట్లు తీశాడు. అభిషేక్‌ (12 బంతుల్లో 20) మెరుపు ఆరంభాన్ని ఇవ్వగా.. ఇషాన్‌, సంజూ శాంసన్‌లు ఇన్నింగ్స్‌ను కొనసాగించారు. ఈ ఇద్దరు కలిసి రెండో వికెట్‌కు 97 పరుగులు జోడించారు. ఇషాన్‌, శాంసన్‌, శివమ్‌ దూబేలు స్వల్ప వ్యవధిలో పెవిలియన్‌ చేరినప్పటికీ, ఆఖర్లో శ్రేయస్‌, తిలక్‌ ధాటిగా ఆడారు. ఈ ఇద్దరు కలిసి ఐదో వికెట్‌కు 32 బంతుల్లోనే 83 పరుగులు జోడించడం విశేషం. భారత ఇన్నింగ్స్‌లో 25 ఫోర్లు, 13 సిక్సర్లు ఉన్నాయి.అంతకముందు టాస్ గెలిచిన వెస్టిండీస్‌ బౌలింగ్ ఎంచుకుంది. రెండో ఇన్నింగ్స్‌ సమయంలో మంచు కురిసే అవకాశం ఉండడంతో బౌలింగ్‌ ఎంచుకున్నట్లు హోప్‌ తెలిపాడు. తొలి టీ20 ఆడిన జట్టుతోనే టీమిండియా బరిలోకి దిగింది. మరోవైపు వెస్టిండీస్‌ మాత్రం తుదిజట్టులో ఒక మార్పు చేసింది.ఇదీ చదవండి: ఏ జట్టుకు సాధ్యం కాలేదు.. టీమిండియా అరుదైన రికార్డు

రాంచీ వేదిక‌గా టీమిండియాతో జ‌రిగిన రెండో టీ20 మ్యాచ్‌లో వెస్టిండీస్ ఆరు వికెట్ల తేడాతో సంచ‌ల‌న విజ‌యాన్ని సాధించింది. భార‌త్ విధించిన 250 ప‌రుగుల భారీ ల‌క్ష్యాన్ని విండీస్ 18.3 ఓవ‌ర్లలోనే ఛేదించ‌డం విశేషం. కెప్టెన్ షెయ్ హోప్ (45 బంతుల్లో 102 నాటౌట్‌, 6 ఫోర్లు, 9 సిక్స‌ర్లు) ఆకాశ‌మే హ‌ద్దుగా చెల‌రేగాడు. హోప్‌కు తోడు రూథ‌ర్‌ఫోర్డ్ (37 బంతుల్లో 84, 7 ఫోర్లు, 7 సిక్స‌ర్లు) విధ్వంసం సృష్టించ‌గా, ఆఖ‌ర్లో రొమారియో షెప‌ర్డ్ (13 బంతుల్లో 34 నాటౌట్‌, 3 ఫోర్లు, 3 సిక్స‌ర్లు) మెరుపులు తోడ‌య్యాయి. భార‌త బౌల‌ర్ల‌లో మ‌యాంక్ యాద‌వ్ 3 వికెట్లు తీయ‌గా, కుల్దీప్ యాద‌వ్ ఒక వికెట్ ప‌డ‌గొట్టాడు.దంచికొడుతున్న విండీస్‌..250 పరుగుల భారీ టార్గెట్‌తో బరిలోకి దిగిన వెస్టిండీస్ 9 ఓవర్లు ముగిసేసరికి 3 వికెట్ల నష్టానికి 113 పరుగులు చేసింది. కెప్టెన్ హోప్‌ 24 బంతుల్లో ఫిఫ్టీ మార్క్‌ అందుకోగా, రూథర్‌ఫోర్డ్ (31) క్రీజులో​ ఉన్నాడు. అంతకముందు విండీస్ కోల్పోయిన మూడు వికెట్లు మయాంక్ యాదవ్ ఖాతాలోకి వెళ్లాయి.విండీస్‌ టార్గెట్‌ 250 రన్స్‌రాంచీ వేదికగా వెస్టిండీస్‌తో జరుగుతున్న రెండో టీ20 మ్యాచ్‌లో టీమిండియా నిర్ణీత 20 ఓవర్లలో 5 వికెట్ల నష్టానికి 249 పరుగుల భారీ స్కోరు చేసింది. గత నాలుగు మ్యాచ్‌ల్లో సింగిల్ డిజిట్‌కే పరిమితమైన ఓపెనర్ సంజూ శాంసన్ (41 బంతుల్లో 82, 9 ఫోర్లు, 4 సిక్సర్లు) భారీ ఇన్నింగ్స్‌తో అలరించగా, ఇషాన్ కిషన్ (22 బంతుల్లో 43, 6 ఫోర్లు, 2 సిక్సర్లు) దనాధన్ ఆటతీరును ప్రదర్శించాడు. చివర్లో శ్రేయస్ అయ్యర్ (17 బంతుల్లో 40, 3 ఫోర్లు, 3 సిక్సర్లు) గత మ్యాచ్ ఫామ్‌ను కంటిన్యూ చేయగా, తిలక్ వర్మ (18 బంతుల్లో 44 నాటౌట్‌, 3 ఫోర్లు) ఆకట్టుకున్నాడు. విండీస్ బౌలర్లలో రోస్టన్ చేజ్ మూడు వికెట్లు తీయగా, షమర్ స్ప్రింగర్ రెండు వికెట్లు తీశాడు.మూడో వికెట్ కోల్పోయిన టీమిండియాఏడు ప‌రుగులు చేసిన శివ‌మ్ దూబే చేజ్ బౌలింగ్‌లో క్లీన్‌బౌల్డ్‌గా వెనుదిర‌గ‌డంతో టీమిండియా 158 ప‌రుగుల వ‌ద్ద మూడో వికెట్ కోల్పోయింది. రోస్ట‌న్ చేజ్‌కు ఇది మూడో వికెట్ కావ‌డం గ‌మ‌నార్హం. శాంస‌న్ (82), శ్రేయ‌స్ (2) క్రీజులో ఉన్నారు.10 ఓవర్లలో భారత్‌ స్కోరెంతంటే?10 ఓవర్లు ముగిసేసరికి భారత్‌ వికెట్‌ నష్టానికి 127 పరుగులు చేసింది. సంజూ శాంసన్‌ (73), ఇషాన్‌ కిషన్‌ (33) క్రీజులో ఉన్నారు.ఫిఫ్టీ బాదిన సంజూ..టీమిండియా ఓపెనర్ సంజూ శాంసన్ 21 బంతుల్లో అర్థసెంచరీ మార్క్ చేరుకున్నాడు. అతడి ఇన్నింగ్స్‌లో 6 ఫోర్లు, 3 సిక్సర్లు ఉన్నాయి. ప్రస్తుతం భారత్ వికెట్ నష్టానికి 80 పరుగులు చేసింది.అభిషేక్ శ‌ర్మ (20) ఔట్‌..విండీస్‌తో జ‌రుగుతున్న రెండో టీ20లో బ్యాటింగ్‌కు దిగిన టీమిండియా తొలి వికెట్ కోల్పోయింది. 20 ప‌రుగులు చేసిన అభిషేక్ శ‌ర్మ.. రోస్ట‌న్ చేజ్ బౌలింగ్‌లో గుద‌కేశ్ మోతీకి క్యాచ్ ఇచ్చి వెనుదిరిగాడు. టీమిండియా 4 ఓవ‌ర్ల‌లో వికెట్ న‌ష్టానికి 42 ప‌రుగులు చేసింది.రాంచీ వేదిక‌గా టీమిండియా, వెస్టిండీస్ మధ్య రెండో టీ20 మ్యాచ్ ప్రారంభ‌మ‌య్యింది. టాస్ గెలిచిన వెస్టిండీస్‌ బౌలింగ్ ఎంచుకుంది. రెండో ఇన్నింగ్స్‌ సమయంలో మంచు కురిసే అవకాశం ఉండడంతో బౌలింగ్‌ ఎంచుకున్నట్లు హోప్‌ తెలిపాడు. తొలి టీ20 ఆడిన జట్టుతోనే టీమిండియా బరిలోకి దిగింది. మరోవైపు వెస్టిండీస్‌ మాత్రం తుదిజట్టులో ఒక మార్పు చేసింది.భారత్ తుదిజ‌ట్టు: అభిషేక్ శర్మ, సంజు శాంసన్(వికెట్ కీప‌ర్‌), ఇషాన్ కిషన్, శ్రేయాస్ అయ్యర్(కెప్టెన్‌), తిలక్ వర్మ, శివమ్ దూబే, నమన్ ధీర్, అక్షర్ పటేల్, అర్ష్‌దీప్ సింగ్, కుల్దీప్ యాదవ్, మయాంక్ యాదవ్వెస్టిండీస్ తుదిజ‌ట్టు: షెయ్ హోప్ (కెప్టెన్‌, వికెట్ కీప‌ర్‌), కమిల్ పూరన్, షిమ్రాన్ హెట్మెయర్, రోవ్‌మన్ పావెల్, షెర్ఫేన్ రూథర్‌ఫోర్డ్, రోస్టన్ చేజ్, రొమారియో షెపర్డ్, గుడాకేష్ మోటీ, షమర్ స్ప్రింగర్, అకేల్ హోసేన్, షమర్ జోసెఫ్.🚨 Toss 🚨 West Indies have won the toss and elected to field first in Ranchi. Updates ▶️ https://t.co/mZlyaWZsoe #TeamIndia | #INDvWI | @mflone_ https://t.co/0KxGk6XkDf— BCCI (@BCCI) October 9, 2026ఇదీ చదవండి: పాక్‌తో మ్యాచ్‌; బ‌రిలో భారత దిగ్గజ క్రికెటర్ల కుమారులు!

వెస్టిండీస్‌తో జరుగుతున్న ఐదు మ్యాచ్‌ల టీ20 సిరీస్‌ను టీమిండియా ఘనంగా ప్రారంభించింది. లక్నోలో జరిగిన తొలి టీ20లో భారత్ 9 వికెట్ల తేడాతో విజయం సాధించి సిరీస్‌లో 1-0 ఆధిక్యంలోకి దూసుకెళ్లింది. ఈ మ్యాచ్‌లో తొలుత బౌలింగ్‌ చేసి వెస్టిండీస్‌ను 171 పరుగులకే పరిమితం చేసిన భారత జట్టు.. ఆతర్వాత 14.4 ఓవర్లలోనే లక్ష్యాన్ని ఛేదించింది.కెప్టెన్‌ శ్రేయస్‌ అయ్యర్‌ మెరుపు శతకంతో విరుచుకుపడి టీమిండియాను విజయతీరాలకు చేర్చాడు. టీ20 అంతర్జాతీయ క్రికెట్‌లో శ్రేయస్‌కు ఇది తొలి శతకం. ఈ ఇన్నింగ్స్‌తో పలు రికార్డులను ఖాతాలో వేసుకున్న శ్రేయస్‌.. అక్టోబర్‌ 9న రాంచీలో జరుగబోయే రెండో టీ20లో మరిన్ని ఘనతలు సాధించే అవకాశం ఉంది.ధవన్‌కు దాటే అవకాశంఅంతర్జాతీయ టీ20 క్రికెట్‌లో శ్రేయస్ ఇప్పటివరకు 11 సార్లు 50కి పైగా స్కోరు చేశాడు. మాజీ ఓపెనర్ శిఖర్ ధావన్ కూడా టీ20ల్లో 11 ఫిఫ్టీ ప్లస్‌ స్కోర్లు నమోదు చేశాడు. రెండో టీ20లో అయ్యర్ మరోసారి 50+ స్కోరు చేస్తే.. ధావన్‌ను అధిగమిస్తాడు.సెహ్వాగ్, విశ్వనాథ్‌లను అధిగమిస్తాడువెస్టిండీస్‌పై అంతర్జాతీయ క్రికెట్‌లో దిగ్గజ ఆటగాళ్లు వీరేంద్ర సెహ్వాగ్, గుండప్ప విశ్వనాథ్ చెరో 8 అర్ధసెంచరీలు సాధించారు. శ్రేయస్‌ కూడా విండీస్‌పై ఇప్పటివరకు 8 అర్ద సెంచరీలు చేశాడు. రెండో టీ20లో అతడు ఫిఫ్టీ సాధిస్తే సెహ్వాగ్, విశ్వనాథ్‌లను అధిగమిస్తాడు.రోహిత్‌ను సమం చేసే ఛాన్స్భారత టీ20 కెప్టెన్‌గా రోహిత్ శర్మ వెస్టిండీస్‌పై రెండు 50+ స్కోర్లు నమోదు చేశాడు. తొలి టీ20లోనే అద్భుత సెంచరీ చేసిన శ్రేయస్.. రెండో మ్యాచ్‌లో మరో ఫిఫ్టీ సాధిస్తే రోహిత్ శర్మ రికార్డును సమం చేస్తాడు.రోహిత్ రికార్డుకు ఒక్క అడుగు దూరంలో..భారత టీ20 కెప్టెన్‌గా రోహిత్ శర్మ 2024లో వరుసగా 11 విజయాలు సాధించాడు. వెస్టిండీస్‌తో తొలి టీ20లో విజయం సాధించడంతో శ్రేయస్ అయ్యర్ కెప్టెన్‌గా వరుసగా 10వ టీ20 విజయాన్ని నమోదు చేశాడు. శ్రేయస్‌ రెండో టీ20లో కూడా భారత్‌ను గెలిపిస్తే.. వరుసగా 11 టీ20 విజయాలు సాధించిన రోహిత్ శర్మ రికార్డును సమం చేస్తాడు.ఇదీ చదవండి: టీమిండియా క్రికెటర్లు వాడుతున్న ఆ పరికరం ఏంటి..?

సొంతగడ్డపై వెస్టిండీస్‌తో టీ20 సిరీస్‌ను టీమిండియా ఘనంగా ఆరంభించింది. లక్నో వేదికగా మంగళవారం నాటి తొలి టీ20 మ్యాచ్‌లో విండీస్‌ జట్టును ఎనిమిది వికెట్ల తేడాతో చిత్తు చేసింది. కరేబియన్లు విధించిన 172 పరుగుల లక్ష్యాన్ని కేవలం 14.4 ఓవర్లలోనే ఊదేసింది.కెప్టెన్‌ శ్రేయస్‌ అయ్యర్‌ మెరుపు శతకం (43 బంతుల్లో 102 నాటౌట్‌)తో చెలరేగి టీమిండియా విజయంలో కీలక పాత్ర పోషించాడు. ఇదిలా ఉంటే.. భారత్‌తో మ్యాచ్‌లో వెస్టిండీస్‌ యువ పేసర్‌ మాథ్యూ ఫోర్డ్‌ చెత్త బౌలింగ్‌తో విమర్శలు మూటగట్టుకున్నాడు.Sealed in 𝙨𝙤𝙢𝙚 𝙨𝙩𝙮𝙡𝙚! 💥 🎥 A breathtaking batting display from #TeamIndia to clinch the 1️⃣st T20I by eight wickets 👊 Scorecard ▶️ https://t.co/2czVyKWreK #INDvWI | @mflone_ https://t.co/JgxYkZLDwS— BCCI (@BCCI) October 6, 2026అతడి బౌలింగ్‌లో ఆడేసుకున్నారువిండీస్‌ బౌలింగ్‌ అటాక్‌ ఆరంభించిన ఫోర్డ్‌.. తొలి ఓవర్లోనే పదిహేను పరుగులు ఇచ్చుకున్నాడు. అతడి బౌలింగ్‌లో ఓపెనర్‌ అభిషేక్‌ శర్మ ఓ సిక్స్‌, రెండు ఫోర్లు బాదాడు. ఇక పద్నాలుగో ఓవర్లో కెప్టెన్‌ షాయీ హోప్‌ మరోసారి ఫోర్డ్‌ చేతికి బంతినిచ్చాడు.ఈసారి కూడా అతడు దారుణంగా విఫలమయ్యాడు. ఫోర్డ్‌ బౌలింగ్‌లో శ్రేయస్‌ అయ్యర్‌ మూడు సిక్సర్లు, ఓ బౌండరీ బాది ఏకంగా 24 పరుగులు పిండుకున్నాడు. దీంతో ఫోర్డ్‌కు ఈ మ్యాచ్‌లో పీడకలే మిగిలింది. కేవలం రెండు ఓవర్లు మాత్రమే వేసిన ఈ రైటార్మ్‌ పేసర్‌ ఏకంగా 39 పరుగులు ఇచ్చుకుని వికెట్‌ మాత్రం తీయలేకపోయాడు.66 ఏళ్ల వయసులో నేనూ చితక్కొడతా!ఈ నేపథ్యంలో భారత మాజీ కెప్టెన్‌ క్రిష్ణమాచారి శ్రీకాంత్‌ 24 ఏళ్ల మాథ్యూ ఫోర్డ్‌ బౌలింగ్‌ తీరుపై ఆగ్రహం వ్యక్తం చేశాడు. ‘‘అసలు ఫోర్డ్‌ని ఆల్‌రౌండర్‌ అని ఎలా పిలుస్తున్నారు? ప్రస్తుతం నేను.. 66 ఏళ్ల వయసులోనూ అతడి బౌలింగ్‌ను చితక్కొట్టగలను.అతడి బౌలింగ్‌ అంత చెత్తగా ఉంది. షమార్‌ జోసెఫ్‌ బౌలింగ్‌లో కూడా పస తగ్గిపోయింది. అతడు అత్యంత సాధారణంగా బౌలింగ్‌ చేస్తున్నాడు. నిజానికి జాన్‌ కాంప్‌బెల్‌, ఆమిర్‌ జాంగూ, జేడన్‌ సీల్స్‌ విండీస్‌ తరఫున టీ20 ఫార్మాట్లోనూ ఆడాలి.వారికి బదులు ఎవరో కొందరు అనామకులు ఆడటం ఎంతమాత్రం సరికాదు. వెస్టిండీస్‌ జట్టు అతి సాధారణంగా ఉంది. వాళ్లు జట్టును ఎలా ఎంపిక చేస్తున్నారో తెలియదు. నిజానికి ఈ మ్యాచ్‌లో విండీస్‌ 190- 195 వరకు స్కోరు చేయగలిగేది. సెన్స్‌లెస్‌ బ్యాటింగ్‌కానీ వాళ్ల బ్యాటింగ్‌ ఆర్డర్‌ కుప్పకూలింది. కేవలం స్లాగ్‌ షాట్లు ఆడేందుకే బ్యాటర్లు ప్రయత్నించారు. నిజంగా అదొక తెలివిలేని బ్యాటింగ్‌. సెన్స్‌లెస్‌’’ అంటూ చిక్కా విండీస్‌ బ్యాటింగ్‌ విభాగంపై ఘాటు వ్యాఖ్యలు చేశాడు.కాగా టీమిండియాతో తొలి టీ20లో కెప్టెన్‌ షాయీ హోప్‌ (37 బంతుల్లో 52), షెర్ఫానే రూథర్‌ఫర్డ్‌ (34 బంతుల్లో 56) అర్ధ శతకాలు చేశారు. మిగిలిన వారంతా ఇలా వచ్చి అలా పెవిలియన్‌ చేరారు. భారత బౌలర్లలో ఆల్‌రౌండర్‌ నమన్‌ ధిర్‌ మూడు వికెట్లతో సత్తా చాటగా.. అక్షర్‌ పటేల్‌, కుల్దీప్‌ యాదవ్‌ చెరో రెండు.. అర్ష్‌దీప్‌ సింగ్‌, మయాంక్‌ యాదవ్‌ తలా ఒక వికెట్‌ పడగొట్టారు.చదవండి: నా కల నెరవేరింది.. అతడొక అద్భుతం

ఐసీసీ తాజాగా విడుదల చేసిన టీ20 బ్యాటర్ల ర్యాంకింగ్స్‌లో టీమిండియా కెప్టెన్‌ శ్రేయస్‌ అయ్యర్‌ ఉప్పెనలా దూసుకొచ్చాడు. నిన్న లక్నో వేదికగా వెస్టిండీస్‌తో జరిగిన తొలి టీ20లో మెరుపు శతకంతో (43 బంతుల్లో 102 నాటౌట్‌) విరుచుకుపడిన అతడు.. ఏకంగా 18 స్థానాలు జంప్‌ కొట్టి ఏడో స్థానానికి ఎగబాకాడు. ఇది శ్రేయస్‌ కెరీర్‌లో అత్యుత్తమ ర్యాంక్‌.మరోవైపు మరో ఇద్దరు భారత స్టార్‌ బ్యాటర్లు ఇషాన్‌ కిషన్‌, అభిషేక్‌ శర్మ టాప్‌-2 స్థానాలను నిలబెట్టుకున్నారు. మరో టీమిండియా బ్యాటర్‌ తిలక్‌ వర్మ తొమ్మిది నుంచి పదో స్థానానికి పడిపోయాడు. మొత్తంగా టాప్‌-10లో నలుగురు భారత బ్యాటర్లు ఉండటం విశేషం.ఇతర దేశాల ఆటగాళ్ల విషయానికొస్తే.. వెస్టిండీస్ బ్యాటర్ షెర్ఫాన్ రూథర్‌ఫోర్డ్ భారత్‌తో తొలి టీ20లో మెరుపు అర్ద శతకం బాదడంతో 10 స్థానాలు ఎగబాకి 37వ ర్యాంక్‌కు చేరుకున్నాడు. ఆసియా క్రీడల్లో రాణించిన భారత యువ బ్యాటర్ వైభవ్ సూర్యవంశీ 8 స్థానాలు మెరుగుపరుచుకుని 46వ ర్యాంక్‌కు చేరాడు. పాకిస్తాన్ బ్యాటర్ హసన్ నవాజ్ ఏకంగా 62 స్థానాలు ఎగబాకి 48వ ర్యాంక్‌లో నిలిచాడు.మళ్లీ నంబర్ వన్‌గా రషీద్ ఖాన్టీ20 బౌలర్ల ర్యాంకింగ్స్‌లో ఆఫ్ఘనిస్తాన్ స్టార్ లెగ్ స్పిన్నర్ రషీద్ ఖాన్ మళ్లీ అగ్రస్థానాన్ని దక్కించుకున్నాడు. ఆసియా క్రీడల్లో పెద్ద ఆకట్టుకోలేకపోయిన పాకిస్తాన్ స్పిన్నర్ అబ్రార్ అహ్మద్ నంబర్ వన్ స్థానాన్ని నిలబెట్టుకోలేకపోయాడు. భారత బౌలర్ల విషయానికొస్తే.. అక్షర్ పటేల్ కూడా ర్యాంకింగ్స్‌లో భారీగా పురోగతి సాధించాడు. గత వారం మూడు మ్యాచ్‌ల్లో రెండేసి వికెట్లు తీసిన అక్షర్ 16 స్థానాలు ఎగబాకి ఏడో ర్యాంక్‌కు చేరుకున్నాడు.బంగ్లాదేశ్‌కు చెందిన నసుమ్ అహ్మద్ 8వ స్థానానికి, మెహిది హసన్ 9వ స్థానానికి చేరుకున్నారు. శ్రీలంక బౌలర్ నువాన్ తుషార 18 స్థానాలు మెరుగుపరుచుకుని 48వ ర్యాంక్‌కు చేరుకోగా, పాకిస్టాన్ బౌలర్‌ సైమ్ అయూబ్ 8 స్థానాలు ఎగబాకి 62వ స్థానంలో నిలిచాడు.వన్డే ర్యాంకింగ్స్‌లో గిల్ ఆధిపత్యంవన్డే బ్యాటింగ్ ర్యాంకింగ్స్‌లో టీమిండియా కెప్టెన్ శుభ్‌మన్ గిల్ నంబర్ వన్ స్థానాన్ని మరింత పటిష్టం చేసుకున్నాడు. ఇటీవలే వెస్టిండీస్‌తో జరిగిన రెండో వన్డేలో అజేయంగా 223 పరుగులు చేయడంతో గిల్‌ తన రేటింగ్‌ పాయింట్లను గణనీయంగా మెరుగుపర్చుకున్నాడు.భారత మాజీ కెప్టెన్ విరాట్ కోహ్లీ రెండో స్థానం నుంచి మూడో స్థానానికి పడిపోగా.. విండీస్‌తో మూడో వన్డేలో సెంచరీ చేసిన కేఎల్‌ రాహుల్‌ ఏకంగా 7 స్థానాలు మెరుగుపర్చుకొని 10వ స్థానానికి ఎగబాకాడు. అదే మ్యాచ్‌లో సెంచరీ చేసిన విండీస్‌ కెప్టెన్‌ షాయ్‌ హోప్‌ రెండు స్థానాలు ఎగబాకి ఆరో ర్యాంక్‌కు చేరుకున్నాడు.ఇదీ చదవండి: శ్రేయస్‌ సెంచరీ మెరుపులు

టీమిండియాతో ఐదు మ్యాచ్‌ల టీ20 సిరీస్‌ను వెస్టిండీస్‌తో ఓట‌మితో ఆరంభించింది. లక్నో వేదికగా మంగళవారం జరిగిన తొలి టీ20లో వెస్టిండీస్ జట్టు భారత్ చేతిలో 8 వికెట్ల తేడాతో ఘోర పరాజయాన్ని మూటగట్టుకుంది. పర్యాటక జట్టు నిర్దేశించిన 172 పరుగుల లక్ష్యాన్ని భారత్ కేవలం రెండు వికెట్లు మాత్రమే కోల్పోయి 14.4 ఓవర్లలోనే ఊదిపడేసిందిటీమిండియా కెప్టెన్ శ్రేయస్ అయ్యర్ కేవలం 43 బంతుల్లోనే 102 పరుగులతో నాటౌట్‌గా నిలిచి, అద్భుత శతకంతో జట్టును విజయతీరాలకు చేర్చాడు. ఈ ఓటమిపై మ్యాచ్ అనంతరం కరేబియన్ జట్టు కెప్టెన్ షాయ్ హోప్ స్పందిస్తూ.. తమ బ్యాటింగ్ వైఫల్యమే ఓటమికి ప్రధాన కారణమని అంగీకరించాడు.మా ఓటమికి కారణమిదే"నిజాయితీగా చెప్పాలంటే ఈ మ్యాచ్‌లో మేము చాలా పొరపాట్లు చేశాం. ముఖ్యంగా బ్యాటింగ్‌లో తీవ్రంగా నిరాశపరిచాం. పవర్‌ప్లేలో ఆశించిన ఆరంభం లభించలేదు. దూకుడుగా ఆడే క్రమంలో వరుసగా వికెట్లు కోల్పోయాం. భారత్ లాంటి బలమైన జట్టుతో ఆడుతున్నప్పుడు బోర్డుపై భారీ స్కోరు ఉండటం చాలా అవసరం. వికెట్లను కాపాడుకుంటూ మరో 20 నుంచి 30 పరుగులు అదనంగా చేసి ఉంటే పరిస్థితి వేరుగా ఉండేది. ఆఖరి ఓవర్లలో కూడా అనుకున్నంతగా పరుగులు రాబట్టలేకపోయాం.రెండో ఇన్నింగ్స్‌లో మంచు ప్రభావం ఎక్కువగా ఉండటంతో భారత్‌కు లక్ష్య ఛేదన మరింత సులువైంది. అయితే ఈ విషయంలో బౌలర్లను తప్పుపట్టలేను. ఎంచుకున్న టీమ్ కాంబినేషన్ ప్రకారమే బరిలోకి దిగినప్పటికీ, జట్టులో మరొక అదనపు స్పిన్నర్ ఉండి ఉంటే బాగుండేదని మ్యాచ్ తర్వాత అనిపించింది.మా వ్యూహం ప్రకారం పవర్‌ప్లేలోనే రోస్టన్ చేజ్, అకీల్ హొసేన్‌లతో చెరో రెండు ఓవర్లు బౌలింగ్ చేయించాను. ఆ తర్వాత భారత్ మరికొన్ని వికెట్లు కోల్పోయి, వారి మిడిల్ ఆర్డర్‌లో లెఫ్ట్ హ్యాండర్లు వచ్చినప్పుడు చేజ్‌ను రంగంలోకి దించాలనుకున్నాం.కానీ మేమనుకున్న ప్లాన్ ఏదీ వర్కవుట్ అవ్వలేదు. మ్యాచ్ ముగిసాక ఎన్నైనా మాట్లాడుకోవచ్చు.. కానీ ఈ రోజు భారత్ మాకంటే అత్యుత్తమ ప్రదర్శన చేసి విజయం సాధించింది" అని పోస్ట్ మ్యాచ్ ప్రెజెంటేషన్‌లో షాయ్ హోప్ పేర్కొన్నాడు.చదవండి: IND vs NZ: సెలక్టర్ల సంచలన నిర్ణయం.. భారత కెప్టెన్‌గా ఎవ‌రూ ఊహించ‌ని ప్లేయ‌ర్‌

వెస్టిండీస్‌తో జరిగిన తొలి టీ20లో సెంచరీ బాదడం ద్వారా టీమిండియా కెప్టెన్ శ్రేయస్ అయ్యర్ అనేక రికార్డులను తన పేరిట లిఖించుకున్నాడు. ఇప్పటికే టీ20ల్లో చేజింగ్‌లో భారత్ తరఫున సెంచరీ సాధించిన తొలి కెప్టెన్‌గా నిలిచాడు. తాజాగా శ్రేయస్ మరో ఘనతను కూడా తన పేరిట లిఖించుకున్నాడు. అదేంటంటే.. తాజా సెంచరీ ద్వారా అంతర్జాతీయ క్రికెట్‌లో అన్ని ఫార్మాట్లలో (టెస్టులు, వన్డేలు, టీ20లు) శతకాలు బాదిన ఏడో క్రికెటర్‌గా నిలిచాడు. గతంలో టీమిండియా తరఫున విరాట్ కోహ్లి, రోహిత్ శర్మ, శుబ్‌మన్ గిల్‌, కేఎల్ రాహుల్‌, సురేశ్ రైనా, యశస్వి జైస్వాల్‌లు ఈ ఫీట్ సాధించారు.👉దీంతో పాటు మరో రికార్డు కూడా ఖాతాలో వేసుకున్నాడు. ఫుల్ టీం మెంబర్ కెప్టెన్‌గా టీ20ల్లో ఫాస్టెస్ట్ సెంచరీ నమోదు చేసిన ఐదో బ్యాటర్‌గా శ్రేయస్ అయ్యర్ నిలిచాడు. విండీస్‌తో టీ20లో అయ్యర్ 42 బంతుల్లో సెంచరీ సాధించి హ్యారీ బ్రూక్‌తో క‌లిసి సంయుక్తంగా మూడో స్థానంలో ఉన్నాడు. జింబాబ్వే తరఫున సికందర్ రజా (2024లో 33 బంతుల్లో జాంబియాపై) శతకం సాధించి తొలి స్థానంలో నిలవగా, రోహిత్ శర్మ (2017లో శ్రీలంక‌పై 35 బంతుల్లో శ‌త‌కం) రెండో స్థానంలో, ఇంగ్లండ్ త‌ర‌ఫున‌ హ్యారీ బ్రూక్ (2026లో శ్రీలంక‌పై 42 బంతుల్లో) మూడు, సౌతాఫ్రికా త‌ర‌ఫున డుప్లెసిస్ (2015లో వెస్టిండీస్‌పై 46 బంతుల్లో) నాలుగో స్థానాల్లో ఉన్నారు.👉ల‌క్నో వేదిక‌లో శ్రేయ‌స్ అయ్య‌ర్‌కు మంచి రికార్డు ఉంది. ఈ వేదిక‌లో శ్రేయ‌స్ అయ్య‌ర్ ఐదు మ్యాచ్‌లు ఆడితే అందులో ఒక‌సారి మాత్ర‌మే ఔటవ్వ‌గా.. మిగ‌తా నాలుగుసార్లు అజేయంగా నిలిచాడు. ఇందులో రెండు సెంచ‌రీలు, రెండు అర్థ‌సెంచ‌రీలు ఉన్నాయి. తాజాగా విండీస్‌పై సెంచ‌రీ బాదిన శ్రేయ‌స్‌.. ఐపీఎల్ 2026 సీజ‌న్‌లో ల‌క్నోతో మ్యాచ్‌లో పంజాబ్ కింగ్స్ త‌ర‌ఫున 51 బంతుల్లో శ‌త‌కం సాధించాడు. ఓవ‌రాల్‌గా ల‌క్నో వేదిక‌గా ఆడిన‌ ఐదు మ్యాచ్‌ల్లో 335 ప‌రుగులు చేసిన శ్రేయ‌స్ ఖాతాలో 32 ఫోర్లు, 17 సిక్స‌ర్లు ఉన్నాయి.👉ఇక అంత‌ర్జాతీయ‌ టీ20 క్రికెట్‌లో చేజింగ్‌లో టీమిండియా త‌ర‌ఫున శ్రేయ‌స్ అయ్య‌ర్‌, ఇషాన్ కిష‌న్ నెలకొల్పిన 137 ప‌రుగుల అజేయ భాగ‌స్వామ్యం మూడో అత్యుత్త‌మంగా నిలిచింది. గ‌తంలో జైస్వాల్‌-గిల్ రెండుసార్లు (165 ప‌రుగులు వ‌ర్సెస్ వెస్టిండీస్‌పై, 2023లో), (156 ప‌రుగులు అజేయ భాగ‌స్వామ్యం వ‌ర్సెస్ జింబాబ్వేపై 2024లో) ఈ ఫీట్ న‌మోదు చేశారు.No better way to bring up your maiden T20I ton! 🤩 🎥 Relive Captain Shreyas Iyer's 𝙢𝙞𝙡𝙚𝙨𝙩𝙤𝙣𝙚 𝙢𝙤𝙢𝙚𝙣𝙩 🔥 Updates ▶️ https://t.co/2czVyKWreK #TeamIndia | #INDvWI | @mflone_ | @ShreyasIyer15 https://t.co/LGOfKb5SYx— BCCI (@BCCI) October 6, 2026ఇదీ చ‌ద‌వండి: హర్మన్‌, మంధాన మధ్య విభేదాలు!

లక్నో వేదికగా వెస్టిండీస్‌తో జరిగిన 1st టీ20లో టీమిండియా 8 వికెట్ల తేడాతో విజయం సాధించింది. అజేయ సెంచరీ సాధించి కెప్టెన్ శ్రేయస్ అయ్యర్‌ జట్టును గెలిపించాడు. మ్యాచ్ విజయం అనంతరం ‘ప్లేయర్ ఆఫ్ ది మ్యాచ్‌’ అవార్డు అందుకున్న అయ్యర్ తన ప్రదర్శనపై స్పందించాడు."చాలా ఆనందంగా ఉంది. నా తొలి సెంచరీ గురించి చాలా రోజులుగా ఎదురుచూస్తూ వచ్చాను. కెప్టెన్‌గా ఆ ఫీట్‌ను అందుకోవడం నా సంతోషాన్ని రెట్టింపు చేసింది. ఇవాళ నా కల నిజమైంది. విజయం ఇచ్చే కిక్కు వేరు. ఇది మన రోజైనప్పుడు, జట్టు కోసం మ్యాచ్ గెలవాలి. మొత్తంగా ఇది ఒక సమష్టి ప్రదర్శన. ఇదే దృక్పథంతో కొనసాగితే, టీ20ల్లో అత్యంత విధ్వంసక జట్లలో ఒకటిగా నిలుస్తాం. ఇక టీ20ల్లో అరంగేట్రం చేసిన నమన్ ధీర్‌లో అద్భుత ప్రతిభ దాగుంది. క్లిష్ట సమయాల్లో బౌలింగ్ చేసేందుకు ధీర్ ముందుకొచ్చాడు. పిచ్‌పై లభించిన టర్న్‌ను చక్కగా ఉపయోగించుకున్నాడు. అతడి వైఖరి నాకు బాగా నచ్చింది. వన్డే సిరీస్ తర్వాత ప్రయాణ ఇబ్బందులు ఎదురైనప్పటికీ, దానిని ఒక సాకుగా చూడకుండా, జట్టు మొత్తం అద్భుతంగా ఆడింది.ఈరోజు ఎందుకో బాగా నిద్ర వస్తోంది. మ్యాచ్ గెలిచిన సంతోషంలో ఆనందంగా నిద్రపోతాను. ఇప్పటికే నా సహచరుడు అక్షర్ కళ్లు బాగా ఎర్రబడిపోయాయి.. ఇంకా ఎక్కువసేపు మాట్లాడదలచుకోలేను (నవ్వుతూ). మంచి విశ్రాంతి అనంతరం రెండో టీ20కి సిద్ధమవుతాం.’ అని అయ్యర్ చెప్పుకొచ్చాడు.మ్యాచ్ విష‌యానికొస్తే తొలుత బ్యాటింగ్ చేసిన వెస్టిండీస్ 19.1 ఓవ‌ర్ల‌లో 171 ప‌రుగుల‌కు ఆలౌటైంది. రూథ‌ర్‌పోర్డ్ (56), కెప్టెన్ హోప్ (52) అర్థ‌సెంచ‌రీల‌తో చెల‌రేగారు. భార‌త బౌల‌ర్ల‌లో న‌మ‌న్ ధీర్ మూడు వికెట్ల‌తో స‌త్తా చాట‌గా, అక్ష‌ర్ ప‌టేల్‌, కుల్దీప్ యాద‌వ్ చెరో 2 వికెట్లు ప‌డ‌గొట్టారు. అనంత‌రం భార‌త జ‌ట్టు 14.4 ఓవ‌ర్ల‌లోనే 2 వికెట్లు మాత్ర‌మే కోల్పోయి 172 ప‌రుగులు చేసి విజ‌యాన్ని సాధించింది. శ్రేయ‌స్ అయ్య‌ర్ (43 బంతుల్లో 102 నాటౌట్‌), ఇషాన్ కిష‌న్ (37 నాటౌట్‌) జ‌ట్టును గెలిపించారు. విండీస్ బౌల‌ర్ల‌లో అకిల్ హొసెన్, రోస్ట‌న్ చేజ్‌లు చెరొక వికెట్ తీశారు. ఇరుజట్ల మధ్య రెండో టీ20 మ్యాచ్‌ శుక్రవారం రాంచీ వేదికగా జరగనుంది.- Won Gold in Asian Games 3 days before. - Won the Match as a Captain. - 10th Consecutive Wins in T20I. - Maiden T20I Hundred. - Won POTM Awards. CAPTAIN SHREYAS IYER, TAKE A BOW. 🙇 https://t.co/UF8Zx9sEy2— Tanuj (@ImTanujSingh) October 6, 2026 Sealed in 𝙨𝙤𝙢𝙚 𝙨𝙩𝙮𝙡𝙚! 💥 🎥 A breathtaking batting display from #TeamIndia to clinch the 1️⃣st T20I by eight wickets 👊 Scorecard ▶️ https://t.co/2czVyKWreK #INDvWI | @mflone_ https://t.co/JgxYkZLDwS— BCCI (@BCCI) October 6, 2026ఇదీ చదవండి: ఫేర్‌వెల్ మ్యాచ్‌.. వెక్కివెక్కి ఏడ్చిన మెస్సీ

ల‌క్నో వేదికగా వెస్టిండీస్‌తో జ‌రిగిన తొలి టీ20లో టీమిండియా 8 వికెట్ల తేడాతో ఘ‌న విజ‌యాన్ని అందుకుంది. భార‌త కెప్టెన్ శ్రేయ‌స్ అయ్య‌ర్ అజేయ సెంచ‌రీతో జ‌ట్టును గెలిపించిన సంగ‌తి తెలిసిందే. ఈ నేప‌థ్యంలో కెప్టెన్‌గా శ్రేయ‌స్ అయ్య‌ర్ టీ20ల్లో అరుదైన ఫీట్‌తో చరిత్ర సృష్టించాడు. చేజింగ్‌లో సెంచ‌రీ చేసిన తొలి భార‌త కెప్టెన్‌గా ఎవరికీ సాధ్యం కాని రికార్డును తన పేరిట లిఖించుకున్నాడు. గ‌తంలో ఇదే వెస్టిండీస్‌పై విరాట్ కోహ్లి చేజింగ్‌లో చేసిన 94 ప‌రుగుల అజేయ ఇన్నింగ్స్ ఇప్ప‌టివ‌ర‌కు అత్యుత్త‌మ స్కోరుగా ఉంది. తాజాగా కోహ్లి రికార్డును బ్రేక్ చేసిన‌ శ్రేయ‌స్ చ‌రిత్ర సృష్టించాడు. ఇక ఓవ‌రాల్‌గా చూసుకుంటే టీ20ల్లో భార‌త కెప్టెన్‌గా సెంచ‌రీ చేసిన మూడో ఆట‌గాడిగా శ్రేయ‌స్ నిలిచాడు. రోహిత్ శ‌ర్మ కెప్టెన్ హోదాలో మూడుసార్లు శ‌త‌కాలు బాద‌గా, సూర్య‌కుమార్ యాద‌వ్ ఒక‌సారి సెంచ‌రీ సాధించాడు. తాజాగా వీరి స‌ర‌స‌న శ్రేయ‌స్ అయ్య‌ర్ చోటు సంపాదించాడు.👉ఇక టీ20 క్రికెట్‌లో ఛేద‌నలో భార‌త్ త‌ర‌ఫున సెంచ‌రీ చేసిన నాలుగో ఆట‌గాడిగా శ్రేయ‌స్ అయ్య‌ర్ రికార్డులకెక్కాడు. గ‌తంలో సూర్య‌కుమార్ (117) ఒక‌సారి, కేఎల్ రాహుల్ (110 నాటౌట్‌, 101 నాటౌట్‌) రెండుసార్లు, రోహిత్ శ‌ర్మ (100 నాటౌట్‌) ఒక‌సారి సెంచ‌రీలు చేశారు.👉వెస్టిండీస్‌పై టీ20ల్లో సెంచరీ చేసిన మూడో క్రికెట‌ర్‌గా శ్రేయ‌స్ అయ్య‌ర్ నిలిచాడు. గ‌తంలో రోహిత్ శ‌ర్మ (111 నాటౌట్‌, 2018లో), కేఎల్ రాహుల్ (110 నాటౌట్‌, 2016లో) శ‌త‌కాలు సాధించారు.ఇక మ్యాచ్ విష‌యానికొస్తే తొలుత బ్యాటింగ్ చేసిన వెస్టిండీస్ 19.1 ఓవ‌ర్ల‌లో 171 ప‌రుగుల‌కు ఆలౌటైంది. రూథ‌ర్‌పోర్డ్ (56), కెప్టెన్ హోప్ (52) అర్థ‌సెంచ‌రీల‌తో చెల‌రేగారు. భార‌త బౌల‌ర్ల‌లో న‌మ‌న్ ధీర్ మూడు వికెట్ల‌తో స‌త్తా చాట‌గా, అక్ష‌ర్ ప‌టేల్‌, కుల్దీప్ యాద‌వ్ చెరో 2 వికెట్లు ప‌డ‌గొట్టారు. అనంత‌రం భార‌త జ‌ట్టు 14.4 ఓవ‌ర్ల‌లోనే 2 వికెట్లు మాత్ర‌మే కోల్పోయి 172 ప‌రుగులు చేసి విజ‌యాన్ని సాధించింది. శ్రేయ‌స్ అయ్య‌ర్ (43 బంతుల్లో 102 నాటౌట్‌), ఇషాన్ కిష‌న్ (37 నాటౌట్‌) జ‌ట్టును గెలిపించారు. విండీస్ బౌల‌ర్ల‌లో అకిల్ హొసెన్, రోస్ట‌న్ చేజ్‌లు చెరొక వికెట్ తీశారు.ఇదీ చదవండి: శ్రేయస్‌ సెంచరీ మెరుపులు

లక్నో: వన్డే సిరీస్‌లో వెస్టిండీస్‌పై ఆధిపత్యం ప్రదర్శించిన భారత్‌ టి20 సిరీస్‌లోనూ శుభారంభం చేసింది. కెప్టెన్‌ శ్రేయస్‌ ముందుండి నడిపించగా, అలవోక విజయాన్ని అందుకుంది. మంగళవారం జరిగిన తొలి టి20 మ్యాచ్‌లో భారత్‌ 8 వికెట్ల తేడాతో వెస్టిండీస్‌ను చిత్తు చేసింది. టాస్‌ ఓడి ముందుగా బ్యాటింగ్‌కు దిగిన వెస్టిండీస్‌ 19.1 ఓవర్లలో 171 పరుగులకు ఆలౌటైంది. షెర్ఫాన్‌ రూథర్‌ఫర్డ్‌ (34 బంతుల్లో 56; 6 ఫోర్లు 3 సిక్స్‌లు), కెప్టెన్‌ షై హోప్‌ (37 బంతుల్లో 52; 6 ఫోర్లు, 2 సిక్స్‌లు) అర్ధ సెంచరీలు సాధించారు. ఈ మ్యాచ్‌తో అంతర్జాతీయ టి20ల్లో అరంగేట్రం చేసిన నమన్‌ ధీర్‌ (3/31) మూడు వికెట్లతో రాణించగా...అక్షర్‌ పటేల్, కుల్దీప్‌ యాదవ్‌ చెరో 2 వికెట్లు తీశారు. అనంతరం భారత్‌ 14.4 ఓవర్లలో 2 వికెట్లకు 172 పరుగులు చేసి విజయాన్నందుకుంది. ‘ప్లేయర్‌ ఆఫ్‌ ద మ్యాచ్‌’ శ్రేయస్‌ అయ్యర్‌ (43 బంతుల్లో 102 నాటౌట్‌; 10 ఫోర్లు, 6 సిక్స్‌లు) సెంచరీతో కదం తొక్కగా, ఇషాన్‌ కిషన్‌ (27 బంతుల్లో 37 నాటౌట్‌; 5 ఫోర్లు) రాణించాడు. వీరిద్దరు మూడో వికెట్‌కు 68 బంతుల్లోనే అభేద్యంగా 137 పరుగులు జోడించారు. భారత్‌ 1–0తో సిరీస్‌లో ఆధిక్యంలో నిలవగా, రెండో టి20 శుక్రవారం రాంచీలో జరుగుతుంది. ఆదుకున్న భాగస్వామ్యం... వన్డే సిరీస్‌ ఫామ్‌ను కొనసాగిస్తూ హోప్‌ దూకుడుగా ఇన్నింగ్స్‌ మొదలు పెట్టాడు. మయాంక్‌ ఓవర్లో అతను 4 ఫోర్లు కొట్టాడు. అయితే పవర్‌ప్లే ముగిసేలోపే 6 పరుగుల వ్యవధిలో 3 వికెట్లు కోల్పోయి విండీస్‌ కష్టాల్లో పడింది. పవర్‌ప్లేలో విండీస్‌ 44 పరుగులు చేయగా, ఆ తర్వాత హోప్, రూథర్‌ఫర్డ్‌ కలిసి జట్టును ఆదుకున్నారు. కుల్దీప్‌ ఓవర్లో చెరో సిక్స్‌ కొట్టిన వీరిద్దరు...అక్షర్‌ ఓవర్లో 2 ఫోర్లు, సిక్స్‌తో 18 పరుగులు రాబట్టారు. నమన్‌ ఓవర్లో భారీ సిక్స్‌తో 36 బంతుల్లో అర్ధసెంచరీ పూర్తి చేసుకున్న హోప్‌ తర్వాతి బంతికే వెనుదిరిగాడు.హోప్, రూథర్‌ఫర్డ్‌ నాలుగో వికెట్‌కు 35 బంతుల్లో 63 పరుగులు జోడించారు. ఆ తర్వాత విండీస్‌ మళ్లీ తడబడింది. మరో 21 పరుగుల వ్యవధిలో జట్టు తర్వాతి 4 వికెట్లు చేజార్చుకుంది. మరో వైపు తాను ఎదుర్కొన్న నాలుగు బంతుల్లో 3 ఫోర్లు కొట్టిన రూథర్‌ఫర్డ్‌ 31 బంతుల్లోనే హాఫ్‌ సెంచరీని చేరుకున్నాడు. చివర్లో అకీల్‌ హొసీన్‌ (15) కొన్ని కీలక పరుగులు జోడించారు. చెలరేగిన కెప్టెన్‌...తొలి ఓవర్లో 2 ఫోర్లు, సిక్స్‌ కొట్టిన అభిషేక్‌ శర్మ (21) దూకుడుగా ఛేదనను మొదలు పెట్టాడు. అయితే అభిషేక్‌తో పాటు సంజు సామ్సన్‌ (11) ఆరు పరుగుల తేడాతో అవుటయ్యారు. ఈ దశలో శ్రేయస్‌ ధాటిని ప్రదర్శించగా, ఇషాన్‌ అతనికి అండగా నిలిచాడు. వీరిద్దరి భాగస్వామ్యం జట్టును గెలుపు దిశగా నడిపించింది. జోసెఫ్‌ ఓవర్లో శ్రేయస్‌ వరుసగా 3 ఫోర్లు కొట్టడంతో పవర్‌ప్లే ముగిసే సరికి స్కోరు 62/2కు చేరింది. ఆ తర్వాత షెఫర్డ్‌ ఓవర్లోనూ వరుసగా మూడు ఫోర్లు బాదిన శ్రేయస్‌ 28 బంతుల్లోనే హాఫ్‌ సెంచరీని అందుకున్నాడు.అనంతరం మరింత జోరును ప్రదర్శించిన కెప్టెన్‌...ఫోర్డ్‌ ఓవర్లో 3 సిక్స్‌లు, ఫోర్‌ బాదడంతో మొత్తం 24 పరుగులు లభించాయి. ఛేజ్‌ వేసిన ఇన్నింగ్స్‌ 15వ ఓవర్‌ మూడో బంతిని లాంగాన్‌ మీదుగా భారీ సిక్సర్‌గా మలిచి కెరీర్‌లో తొలి శతకాన్ని (42 బంతుల్లో) నమోదు చేసిన శ్రేయస్‌...తర్వాతి బంతికి సింగిల్‌ తీసి మరో 32 బంతులు మిగిలి ఉండగానే మ్యాచ్‌ను ముగించాడు. ఈ ఫార్మాట్‌లో టీమిండియాకు ప్రాతినిధ్యం వహించిన 125వ ఆటగాడిగా నమన్‌ ధీర్‌ నిలిచాడు. 1 అంతర్జాతీయ టి20ల్లో శ్రేయస్‌కు ఇదే తొలి సెంచరీ. గతంలో 10 అర్ధ సెంచరీలు ఉండగా అత్యధిక స్కోరు 80 పరుగులు.స్కోరు వివరాలువెస్టిండీస్‌ ఇన్నింగ్స్‌: హోప్‌ (సి) అక్షర్‌ (బి) నమన్‌ 52; కామిల్‌ (బి) అర్ష్ దీప్‌ 12; హెట్‌మైర్‌ (రనౌట్‌) 5; పావెల్‌ (బి) అక్షర్‌ 0; రూథర్‌ఫర్డ్‌ (సి) నమన్‌ (బి) మయాంక్‌ 56; ఛేజ్‌ (ఎల్బీ) (బి) కుల్దీప్‌ 5; షెఫర్డ్‌ (సి) తిలక్‌ (బి) నమన్‌ 7; ఫోర్డ్‌ (సి) ఇషాన్‌ కిషన్‌ (బి) కుల్దీప్‌ 2; స్ప్రింగర్‌ (సి) అక్షర్‌ (బి) నమన్‌ 9; అకీల్‌ (సి) ఇషాన్‌ కిషన్‌ (బి) అక్షర్‌ 15; జోసెఫ్‌ (నాటౌట్‌) 0; ఎక్స్‌ట్రాలు 8; మొత్తం (19.1 ఓవర్లలో ఆలౌట్‌) 171. వికెట్ల పతనం: 1–38, 2–44, 3–44, 4–107, 5–114, 6–121, 7–124, 8–135, 9–171, 10–171. బౌలింగ్‌: అర్ష్ దీప్‌ 4–0–34–1, మయాంక్‌ యాదవ్‌ 4–0–40–1, అక్షర్‌ 3.1–1–26–2, కుల్దీప్‌ 4–0–33–2, నమన్‌ ధీర్‌ 4–0–31–3. భారత్‌ ఇన్నింగ్స్‌: సామ్సన్‌ (సి) అండ్‌ (బి) అకీల్‌ 11; అభిషేక్‌ (సి) హెట్‌మైర్‌ (బి) ఛేజ్‌ 21; ఇషాన్‌ కిషన్‌ (నాటౌట్‌) 37; శ్రేయస్‌ (నాటౌట్‌) 102; ఎక్స్‌ట్రాలు 1; మొత్తం (14.4 ఓవర్లలో 2 వికెట్లకు) 172. వికెట్ల పతనం: 1–29, 2–35. బౌలింగ్‌: ఫోర్డ్‌ 2–0–39–0, అకీల్‌ 4–0–37–1, ఛేజ్‌ 3.4–0–37–1, జోసెఫ్‌ 2–0–23–0, షెఫర్డ్‌ 2–0–24–0, స్ప్రింగర్‌ 1–0–12–0.ఇదీ చదవండి: న్యూజిలాండ్‌ టీ20 సిరీస్‌కు భారత జట్టు ప్రకటన

లక్నో వేదికగా వెస్టిండీస్‌తో తొలి టీ20 మ్యాచ్‌లో టాస్‌ గెలిచిన టీమిండియా తొలుత బౌలింగ్‌ ఎంచుకుంది. ఈ సందర్భంగా భారత టీ20 జట్టు కెప్టెన్‌ శ్రేయస్‌ అయ్యర్‌ మాట్లాడుతూ.. ‘‘ఏకనా పిచ్‌ మిశ్రమంగా ఉంటుంది. ఇక్కడ తేమ ప్రభావం కూడా పడుతుంది. కాబట్టి మేము ముందుగా బౌలింగ్‌ చేయాలని నిర్ణయించుకున్నాము.కఠిన సవాలుశనివారమే ఆసియా క్రీడల ఫైనల్‌ గెలిచి స్వర్ణంతో స్వదేశానికి తిరిగి వచ్చిన తర్వాత.. మూడు రోజుల్లోనే (మంగళవారం) ఈ మ్యాచ్‌ ఆడటం కాస్త ఇబ్బందిగానే ఉంది. నిజానికి జపాన్‌ నుంచి వచ్చిన తర్వాత నేను ఒక్క రోజు మా ఇంట్లో ఉన్నాను. ఆ తర్వాత లక్నోకు వచ్చేశాను.వాళ్లు అద్భుతంగా ఆడుతున్నారుఏదేమైనా ఈరోజు మ్యాచ్‌ మాకు కఠిన సవాలు విసరబోతోంది. విండీస్‌ ఆఖరి వన్డేలో అద్భుతంగా ఆడింది. టీ20 క్రికెట్‌లో కరేబియన్ల ఆధిపత్యం గురించి ప్రత్యేకంగా చెప్పాల్సిన పనిలేదు. గత రెండేళ్లుగా వాళ్లు అద్భుతంగా ఆడుతున్నారు.విండీస్‌ జట్టును అంచనా వేయడం చాలా కష్టం.. షాయీ హోప్‌ సహా ఎంతో మంది అద్బుతమైన బ్యాటర్లు ఆ జట్టులో ఉన్నారు. ఆల్‌రౌండర్లకు కూడా కొదవలేదు’’ అని పేర్కొన్నాడు. వెస్టిండీస్‌ను తాము ఎంతమాత్రం తేలికగా తీసుకోవడం లేదని శ్రేయస్‌ అయ్యర్‌ స్పష్టం చేశాడు.అతడి పేరు మర్చిపోయిన శ్రేయస్‌ అయ్యర్‌అదే సమయంలో విండీస్‌తో తొలి టీ20 తుదిజట్టుకు సంబంధించిన వివరాలు వెల్లడిస్తూ శ్రేయస్‌ అయ్యర్‌ ఓ ఆటగాడి పేరు మర్చిపోయాడు. ‘‘మా తుదిజట్టులో రవి బిష్ణోయి, నితీశ్‌ రెడ్డి, వైభవ్‌ సూర్యవంశీ లేరు. ఇంకో ఆటగాడు కూడా ఈరోజు ఆడటం లేదు. నేను అతడి పేరును మర్చిపోయాను.హా.. గుర్తొచ్చింది. ప్రిన్స్‌ యాదవ్‌ కూడా తుదిజట్టులో లేడు’’ అని శ్రేయస్‌ అయ్యర్‌ తెలిపాడు. కాగా జపాన్‌ వేదికగా ఆసియా క్రీడల టోర్నీ ఫైనల్లో పాకిస్తాన్‌పై గెలిచిన టీమిండియా వరుసగా రెండో ఎడిషన్‌లో స్వర్ణ పతకాన్ని ముద్దాడింది.వైభవ్‌తో పాటు అతడికి దక్కని చోటుఇక పాక్‌తో టైటిల్‌ పోరులో యువ ఓపెనర్‌ వైభవ్‌ సూర్యవంశీతో పాటు రవి బిష్ణోయి, వాషింగ్టన్‌ సుందర్‌, జస్‌ప్రీత్‌ బుమ్రా ఆడారు. అయితే, వాషీ, బుమ్రాకు విండీస్‌ సిరీస్‌ నుంచి విశ్రాంతినివ్వగా.. విప్రాజ్‌ నిగమ్‌, యశ్‌ ఠాకూర్‌లకు చోటు దక్కలేదు. ప్రిన్స్‌ యాదవ్‌, మయాంక్‌ యాదవ్‌, నితీశ్‌ కుమార్‌ రెడ్డి, నమన్‌ ధిర్‌, కుల్దీప్‌ యాదవ్‌ జట్టులోకి వచ్చారు.ఇటీవలే వెస్టిండీస్‌తో సిరీస్‌ సందర్భంగా వన్డేల్లో అరంగేట్రం చేసిన నమన్‌ ధిర్‌.. తాజాగా మంగళవారం నాటి మ్యాచ్‌తో అంతర్జాతీయ టీ20లలోనూ అరంగేట్రం చేశాడు. ఇదిలా ఉంటే.. విండీస్‌తో తొలి రెండు మ్యాచ్‌లలో గెలిచి వన్డే సిరీస్‌ను భారత్‌ 2-1తో కైవసం చేసుకున్న సంగతి తెలిసిందే.తొలి టీ20కి భారత తుదిజట్టుఅభిషేక్‌ శర్మ, సంజూ శాంసన్‌ (వికెట్‌ కీపర్‌), ఇషాన్‌ కిషన్‌, శ్రేయస్‌ అయ్యర్‌ (కెప్టెన్‌), తిలక్‌ వర్మ, శివం దూబే, నమన్‌ ధిర్‌, అక్షర్‌ పటేల్‌, అర్ష్‌దీప్‌ సింగ్‌, కుల్దీప్‌ యాదవ్‌, మయాంక్‌ యాదవ్‌బెంచ్‌: వైభవ్‌ సూర్యవంశీ, ప్రిన్స్‌ యాదవ్‌, రవి బిష్ణోయి, నితీశ్‌ కుమార్‌ రెడ్డి.విండీస్‌ తుదిజట్టుషాయీ హోప్‌ (కెప్టెన్‌, వికెట్‌ కీపర్‌), కమిల్‌ పూరన్‌, షిమ్రన్‌ హెట్‌మెయిర్‌, రోవ్‌మన్‌ పావెల్‌, షెర్ఫానే రూథర్‌ఫర్డ్‌, రొమారియో షెఫర్డ్‌, మాథ్యూ ఫోర్డ్‌, రోస్టన్‌ ఛేజ్‌, అకీల్‌ హొసేన్‌, షమార్‌ జోసెఫ్‌, షమార్‌ స్ప్రింగర్‌.బెంచ్‌: ఆమిర్‌ జాంగూ, గుడకేశ్‌ మోటి, కీమో పాల్‌, క్విన్‌టిన్‌ సామ్‌ప్సన్‌.చదవండి: నాశనం చేస్తున్నారు: గంభీర్‌, గిల్‌పై మాజీ క్రికెటర్‌ ఫైర్‌

తొలి టీ20లో టీమిండియా ఘన విజయంలక్నో వేదికగా వెస్టిండీస్‌తో జరిగిన తొలి టీ20లో భారత్‌ 8 వికెట్ల తేడాతో ఘన విజయం సాధించింది. ఈ మ్యాచ్‌లో టాస్‌ గెలిచి తొలుత బౌలింగ్‌ చేసిన భారత్‌ విండీస్‌ను 171 పరుగులకే (19.1 ఓవర్లు) ఆలౌట్‌ చేసింది. అనంతరం శ్రేయస్‌ అయ్యర్‌ మెరుపు శతకంతో విరుచుకుపడటంతో భారత్‌ 14.4 ఓవర్లలో 2 వికెట్లు మాత్రమే కోల్పోయి సునాయాసంగా లక్ష్యాన్ని ఛేదించింది.రెండో వికెట్ కోల్పోయిన భారత్35 పరుగుల వద్ద భారత్‌ రెండో వికెట్ కోల్పోయింది. సంజూ శాంసన్‌ 11 పరుగుల వద్ద .. బౌలర్‌ అకేల్ హోసేన్‌కు రిటర్న్‌ క్యాచ్ ఇచ్చి వెనుదిరిగారు. దీంతో భారత్‌ కష్టాల్లో పడింది.తొలి వికెట్‌ కోల్పోయిన భారత్‌2.3వ ఓవర్‌- 29 పరుగుల వద్ద భారత్‌ తొలి వికెట్‌ కోల్పోయింది. ధాటిగా ఆడుతున్న అభిషేక్‌ శర్మ (21) రోస్టన్‌ ఛేజ్‌ బౌలింగ్‌లో హెట్‌మైర్‌కు క్యాచ్‌ ఇచ్చి ఔటయ్యాడు.171 పరుగులకు విండీస్‌ ఆలౌట్‌టాస్‌ ఓడి తొలుత బ్యాటింగ్‌ చేసిన వెస్టిండీస్‌ 171 పరుగులకు ఆలౌటైంది. హోప్‌ (52), రూథర్‌ఫోర్డ్‌ (56) అర్ద సెంచరీలతో రాణించారు. భారత బౌలర్లలో నమన్‌ ధిర్‌ 3, కుల్దీప్‌, అక్షర్‌ తలో 2, అర్షదీప్‌, మయాంక్‌ యాదవ్‌ చెరో వికెట్‌ తీశారు. ఎనిమిదో వికెట్‌ కోల్పోయిన విండీస్‌15.5వ ఓవర్‌- 135 పరుగుల వద్ద విండీస్‌ ఎనిమిదో వికెట్‌ కోల్పోయింది. నమన్‌ ధిర్‌ బౌలింగ్‌లో అక్షర్‌ పటేల్‌కు క్యాచ్‌ ఇచ్చి స్ప్రింగర్‌ (9) ఔటయ్యాడు. ఏడో వికెట్‌ కోల్పోయిన విండీస్‌14.1వ ఓవర్‌- 124 పరుగుల వద్ద విండీస్‌ ఏడో వికెట్‌ కోల్పోయింది. కుల్దీప్‌ బౌలింగ్‌లో ఇషాన్‌ కిషన్‌కు క్యాచ్‌ ఇచ్చి ఫోర్డ్‌ (2) ఔటయ్యాడు. ఆరో వికెట్‌ కోల్పోయిన విండీస్‌13.2వ ఓవర్‌- 121 పరుగుల వద్ద విండీస్‌ ఆరో వికెట్‌ కోల్పోయింది. నమన్‌ ధిర్‌ బౌలింగ్‌లో తిలక్‌ వర్మకు క్యాచ్‌ ఇచ్చి షెపర్డ్‌ (7) ఔటయ్యాడు. ఐదో వికెట్‌ కోల్పోయిన విండీస్‌12.3వ ఓవర్‌- 114 పరుగుల వద్ద విండీస్‌ ఐదో వికెట్‌ కోల్పోయింది. కుల్దీప్‌ యాదవ్‌ బౌలింగ్‌లో రోస్టన్‌ ఛేజ్‌ (5) ఎల్బీడబ్ల్యూ అయ్యాడు. నాలుగో వికెట్‌ కోల్పోయిన విండీస్‌.. హోప్‌ ఔట్‌11.4వ ఓవర్‌- 107 పరుగుల వద్ద విండీస్‌ నాలుగో వికెట్‌ కోల్పోయింది. నమన్‌ ధిర్‌ బౌలింగ్‌లో సిక్సర్‌తో హాఫ్‌ సెంచరీ పూర్తి చేసిన హోప్‌ (52) ఆతర్వాతి బంతికే అక్షర్‌ పటేల్‌కు క్యాచ్‌ ఇచ్చి ఔటయ్యాడు. విండీస్‌ స్కోర్‌ 11 ఓవర్లలో 100-3హోప్‌ (46), రూథర్‌ఫోర్డ్‌ (31)ఒకే ఓవర్‌లో 2 వికెట్లు కోల్పోయిన విండీస్‌5.5వ ఓవర్‌- ఒకే ఓవర్‌లో విండీస్‌ రెండు వికెట్లు కోల్పోయింది. రెండో బంతికి డేంజరస్‌ బ్యాటర్‌ హెట్‌మైర్‌ రనౌట్‌ కాగా.. ఐదో బంతికి మరో డేంజరస్‌ ఆటగాడు రోవ్‌మన్‌ పావెల్‌ (0)ను అక్షర్‌ పటేల్‌ క్లీన్‌ బౌల్డ్‌ చేశాడు. రెండో వికెట్‌ కోల్పోయిన విండీస్‌.. డేంజరస్‌ బ్యాటర్‌ ఔట్‌5.2వ ఓవర్‌- 44 పరుగుల వద్ద విండీస్‌ రెండో వికెట్‌ కోల్పోయింది. డేంజరస్‌ బ్యాటర్‌ షిమ్రోన్‌ హెట్‌మైర్‌ (5) రనౌటయ్యాడు. తొలి వికెట్‌ కోల్పోయిన విండీస్‌4.3వ ఓవర్‌- 38 పరుగుల వద్ద విండీస్‌ తొలి వికెట్‌ కోల్పోయింది. అర్షదీప్‌ సింగ్‌ బౌలింగ్‌లో కమిల్‌ పూరన్‌ (12) క్లీన్‌ బౌల్డ్‌ అయ్యాడు. ధాటిగా ఆడుతున్న హోప్‌టాస్‌ ఓడి తొలుత బ్యాటింగ్‌కు దిగిన విండీస్‌కు శుభారంభం లభించింది. ఓపెనర్‌ షాయ్‌ హోప్‌ (13 బంతుల్లో 22) ధాటిగా ఆడుతున్నాడు. మరో ఓపెనర్‌ కమిల్‌ పూరన్‌ (5) ఆచితూచి బ్యాటింగ్‌ చేస్తున్నాడు. భారత్‌-వెస్టిండీస్‌ జట్ల మధ్య ఐదు మ్యాచ్‌ల టీ20 సిరీస్‌ ఈ రోజు నుంచి ప్రారంభమవుతుంది. లక్నోలోని భారత రత్న అటల్‌ బిహారి వాజ్‌పేయి ఎకానా క్రికెట్‌ స్టేడియంలో తొలి మ్యాచ్‌ మరికాసేపట్లో మొదలవుతుంది. ఈ మ్యాచ్‌లో టాస్‌ గెలిచిన భారత్‌ బౌలింగ్‌ ఎంచుకుంది.కొద్ది రోజుల కిందటే విండీస్‌ వన్డే అరంగేట్రం చేసిన విధ్వంసకర బ్యాటర్‌ నమన్‌ ధిర్‌ ఈ మ్యాచ్‌తో టీ20 అరంగేట్రం కూడా చేశాడు. పేసర్‌ అర్షదీప్‌ సింగ్‌ నమన్‌కు టీమిండియా తొలి క్యాప్‌ అందజేశాడు. తుది జట్లుభారత్‌: అభిషేక్ శర్మ, సంజు శాంసన్ (wk), ఇషాన్ కిషన్, శ్రేయస్ అయ్యర్ (c), తిలక్ వర్మ, శివమ్ దూబే, నమన్‌ ధిర్‌, అక్షర్ పటేల్, కుల్దీప్ యాదవ్, అర్ష్‌దీప్ సింగ్, మయాంక్ యాదవ్వెస్టిండీస్‌: కమిల్ పూరన్, షాయ్ హోప్ (c & wk), షిమ్రాన్ హెట్మెయర్, రోస్టన్ చేజ్, రోవ్‌మాన్ పావెల్, షెర్ఫేన్ రూథర్‌ఫోర్డ్, రొమారియో షెపర్డ్, మాథ్యూ ఫోర్డ్, అకేల్ హోసేన్, షమర్ జోసెఫ్, షమార్‌ స్ప్రింగర్‌ఇదీ చదవండి: సెంచరీతో కదంతొక్కిన ఆసీస్‌ ప్లేయర్‌.. టీమిండియా టార్గెట్‌ ఎంతంటే..?

వెస్టిండీస్‌పై వ‌న్డే సిరీస్‌ను 2-1 తేడాతో సొంతం చేసుకున్న టీమిండియా రేపటి నుంచి ఐదు మ్యాచ్‌ల టీ20 సిరీస్ ఆడనుంది. కాగా తొలి టీ20 మ్యాచ్‌కు లక్నోలోని ఎక్నా క్రికెట్ స్టేడియం వేదిక కానుంది. సొంతగడ్డపై టీ20 సిరీస్ ఆడుతుండడంతో టీమిండియా ఫెవరెట్‌గా కనిపిస్తున్నప్పటికీ, వెస్టిండీస్‌ను తక్కువ అంచనా వేయలేం. రెండుసార్లు టీ20 చాంపియన్స్ అయిన వెస్టిండీస్ టీ20 క్రికెట్‌లో బలమైన జట్టుగా పరిగణించవచ్చు.బౌలింగ్‌ పెద్దన్నగా అర్ష్‌దీప్‌తుది జ‌ట్టులో ఒక‌టి రెండు మార్పులు మిన‌హా ఆసియా గేమ్స్‌కు ఆడిన జ‌ట్టే దాదాపు విండీస్‌తో బ‌రిలోకి దిగ‌నుంది. అయితే ఆసియా గేమ్స్‌లో టీమిండియా బౌలింగ్ దళానికి నాయకత్వం వహించిన జ‌స్‌ప్రీత్ బుమ్రాకు విండీస్‌తో సిరీస్‌కు విశ్రాంతినిచ్చారు. దీంతో ఆసియా గేమ్స్‌తో పాటు జ‌పాన్‌తో మ్యాచ్‌కు దూరమైన అర్ష్‌దీప్ సింగ్ సిరీస్‌కు ఫ్రంట్‌లైన్ బౌల‌ర్‌గా వ్య‌వ‌హ‌రించ‌నున్నాడు. రవి బిష్ణోయ్‌పై వేటుఅత‌డికి ప్రిన్స్ యాద‌వ్‌ లేదా మ‌యాంక్ యాద‌వ్‌లలో ఒకరు బాధ్యత పంచుకోనున్నారు. ఇక విండీస్‌తో వ‌న్డే సిరీస్‌లో ఆడిన కుల్దీప్ ఆసియా గేమ్స్‌లో పాల్గొన‌లేదు. కానీ విండీస్‌తో టీ20 సిరీస్‌కు ఎంపికైన కుల్దీప్‌ ఆడడం ఖాయం కావడంతో ఆసియా గేమ్స్‌లో విఫ‌ల‌మైన ర‌వి బిష్ణోయ్‌పై వేట ప‌డ‌నుంది. ఇక ఆల్‌రౌండ‌ర్లుగా శివ‌మ్ దూబే, అక్ష‌ర్ ప‌టేల్‌, న‌మ‌న్ ధీర్ కొన‌సాగే అవ‌కాశ‌ముంది. దీంతో నితీశ్‌కుమార్ రెడ్డి బెంచ్‌కే పరిమితం కానున్నాడు.బ్యాటింగ్ విభాగానికి వ‌స్తే అభిషేక్ శ‌ర్మ‌, సంజూ శాంస‌న్ మ‌రోసారి ఓపెన‌ర్లుగా వ‌చ్చే అవ‌కాశ‌ముంది. ఆసియా గేమ్స్‌లో పేల‌వ ప్ర‌ద‌ర్శ‌న క‌న‌బ‌రిచినప్ప‌టికీ సంజూ శాంస‌న్‌కు మ‌రో అవ‌కాశం ద‌క్కనుంది. వైభవ్‌ సూర్యవంశీ ఆడుతాడని ప్రచారం జరిగినప్పటికీ, తాజాగా గంభీర్‌ వ్యాఖ్యలతో అతడు బెంచ్‌కు పరిమితమయ్యే అవకాశముంది. ఇక వ‌న్‌డౌన్‌లో ఇషాన్ కిష‌న్‌, కెప్టెన్ శ్రేయ‌స్, వైస్ కెప్టెన్‌ తిల‌క్ వ‌ర్మ నాలుగు, ఐదు స్థానాల్లో బ్యాటింగ్‌కు రానున్నారు. ఆల్‌రౌండ‌ర్ శివ‌మ్ దూబే ఆరో స్థానంలో ఆడ‌నున్నాడు.గంభీర్ వ్యాఖ్య‌లు వైరల్‌..విండీస్‌తో తొలి టీ20కి ముందు భారత హెడ్‌కోచ్‌ గౌతమ్‌ గంభీర్‌ వైభవ్‌ సూర్యవంశీని ఆడించడంపై స్పందించాడు. 'వైభవ్ సూర్యవంశీకి అవకాశం కల్పించడం కష్టమవుతోంది. అతను ఫామ్‌లో ఉన్న మాట వాస్తవమే. కానీ, జట్టులోకి ఎందుకు తీసుకోవడం లేదనేది అతనికి అర్థమయ్యేలా చెప్పాను. కొన్నిసార్లు అత్యుత్తమ ప్రదర్శన చేసే ఆటగాడైనా సరే.. అవకాశాల కోసం ఎదురు చూడాల్సి వస్తుంది. ఒకవేళ వైభవ్‌ను ఆడిస్తే.. అభిషేక్, సంజూ శాంసన్‌లలో ఎవర్ని తప్పించాలనేది కష్టమవుతుంది. గత కొంతకాలంగా మెరుగ్గా రాణిస్తున్న ఈ కాంబినేషన్‌ను ఉన్నట్టుండి మార్చలేం. రెండు, మూడు వైఫల్యాలకే .. సీనియర్ ఆటగాళ్లను పక్కనపెట్టి కుర్రాళ్లను ఆడించడం సరికాదు. పాపులర్ అయ్యే నిర్ణయాలు తీసుకోవడం సరైన నిర్ణయమే. కానీ సరైన నిర్ణయం తీసుకోవడం చాలా కష్టమైన పని. సంజూ-అభిషేక్ జోడీని కొనసాగించి మేం మంచి నిర్ణయమే తీసుకున్నామని అనిపిస్తోంది.'అని గంభీర్ చెప్పుకొచ్చాడు.తొలి టీ20 భార‌త తుది జ‌ట్టు అంచ‌నా:అభిషేక్ శర్మ, సంజూ శాంసన్, ఇషాన్ కిషన్, శ్రేయస్ అయ్యర్, శివమ్ దూబే, తిలక్ వర్మ, అక్షర్ పటేల్, నమన్ ధీర్, కుల్దీప్ యాదవ్, అర్ష్‌దీప్ సింగ్, ప్రిన్స్ యాదవ్/మయాంక్ యాదవ్ఇదీ చదవండి: న్యూజిలాండ్‌ టూర్‌కు ముందు భార‌త ఆట‌గాళ్ల కీల‌క నిర్ణ‌యం

ఏషియ‌న్ గేమ్స్‌-2026 క్రికెట్ పోటీల్లో స్వ‌ర్ణం గెలుచుకున్న భార‌త పురుషుల జ‌ట్టు.. ఇప్పుడు స్వ‌దేశంలో వెస్టిండీస్‌తో ఐదు మ్యాచ్‌ల టీ20 సిరీస్‌లో తలపడేందుకు సిద్ధమైంది. ఈ సిరీస్‌లో భాగంగా ఇరు జట్ల మధ్య తొలి టీ20 మ్యాచ్ అక్టోబర్ 6న లక్నో వేదికగా జరగనుంది. అయితే ఈ మ్యాచ్‌లో భారత యువ సంచలనం వైభవ్ సూర్యవంశీకి తుది జట్టులో చోటు దక్కేది అనుమానంగానే మారింది.ఆసియా క్రీడల్లో అద్భుతమైన ప్రదర్శన కనబరిచినప్పటికీ, జట్టు కూర్పు కారణాల వల్ల వైభవ్‌ను మరోసారి బెంచ్‌కే పరిమితం చేసే అవకాశాలు కనిపిస్తున్నాయి. రెగ్యులర్‌ ఓపెనర్లు అభిషేక్ శర్మ, సంజూ శాంసన్‌‌లనే విండీస్‌తో సిరీస్‌లోనూ కొనసాగించనున్నట్లు సమాచారం.గతనెలలో అఫ్గానిస్తాన్‌తో జరిగిన సిరీస్‌లోనూ వైభవ్ మూడు మ్యాచ్‌లకు గాను డ్రింక్స్ బాయ్‌గానే పరిమితమయ్యాడు. పాకిస్తాన్‌తో ఫైనల్ మ్యాచ్ అనంతరం జియో హాట్‌‌స్టార్‌తో మాట్లాడిన భారత కెప్టెన్ శ్రేయస్ అయ్యర్ చేసిన వ్యాఖ్యలు ఈ వార్తలకు మరింత ఊతమిస్తున్నాయి."ప్రస్తుతం మేము ప్రపంచకప్ గెలిచిన జట్టులోని ఓపెనర్లతోనే ముందుకు వెళ్తున్నాం. వారు ఆ స్థానానికి పూర్తిగా అర్హులు. ప్రస్తుతం వైభవ్ 15 మంది సభ్యుల జట్టులోనే ఉన్నాడు కాబట్టి అతడికి భవిష్యత్తులో ఖచ్చితంగా అవకాశాలు వస్తాయి. అవకాశం వచ్చినప్పుడు అతడు మైదానంలో ఖచ్చితంగా ఆధిపత్యం చెలాయిస్తాడనే నమ్మకం ఉంది" అని శ్రేయస్ వెల్లడించాడు.వైభవ్‌తో తనకున్న బంధం గురించి మాట్లాడుతూ.. "నేను వైభవ్‌తో చాలా క్లోజ్‌గా ఉంటాను. అందరూ అతనితో ఎప్పుడూ క్రికెట్ గురించే మాట్లాడుతుంటారు, కానీ నేను మైదానం వెలుపల అతడి జీవనశైలి, కుటుంబం, ఇతర విషయాల గురించి ఎక్కువగా చర్చిస్తాను. అది అతనికి ఎంతో ఉత్సాహాన్ని ఇస్తుంది. అతడు చూడటానికి చాలా సైలెంట్‌గా ఉంటాడు కానీ. మైదానంలో మాత్రం ప్రత్యర్థులపై విరుచుకుపడతాడు. డ్రెసింగ్ రూమ్‌లో కూడా చాలా సరదాగా ఉంటాడు" అని అయ్యర్ పేర్కొన్నాడు.చదవండి: WCL 2026: భార‌త్‌తో విభేదాలు.. కీలక టోర్నీ నుంచి పాక్ అవుట్‌

వెస్టిండీస్‌తో టీ20 సిరీస్‌ నేపథ్యంలో భారత తుదిజట్టు కూర్పు గురించి ఇప్పుడే చర్చ మొదలైంది. ఇరుజట్ల మధ్య మూడు వన్డేలు, ఐదు టీ20లకు సెప్టెంబరు 27- అక్టోబరు 17 మధ్య షెడ్యూల్‌ ఖరారైన సంగతి తెలిసిందే.ఫైనల్‌ తర్వాత స్వదేశానికితొలుత వన్డే సిరీస్‌ మొదలు కాగా.. ఇప్పటికే రెండు మ్యాచ్‌లు గెలిచిన టీమిండియా.. శనివారం నాటి మూడో వన్డేలోనూ గెలుపొంది క్లీన్‌స్వీప్‌ చేయాలని పట్టుదలగా ఉంది. మరోవైపు.. ఆసియా క్రీడలు-2026 పురుషుల టీ20 టోర్నమెంట్‌లో శనివారం నాటి ఫైనల్‌ ముగిసిన తర్వాత టీమిండియా స్వదేశానికి చేరుకోనుంది.వీవీఎస్‌ లక్ష్మణ్‌ కీలక నిర్ణయంఅనంతరం అక్టోబరు 6 నుంచి రెగ్యులర్‌ హెడ్‌కోచ్‌ గౌతం గంభీర్‌ మార్గదర్శనంలో భారత టీ20 జట్టు విండీస్‌తో సిరీస్‌ మొదలుపెడుతుంది. ఇదిలా ఉంటే.. ఆసియా క్రీడల్లో టీమిండియాకు వీవీఎస్‌ లక్ష్మణ్‌ తాత్కాలిక హెడ్‌కోచ్‌గా పనిచేస్తున్న సంగతి తెలిసిందే. ఈ క్రమంలో శ్రీలంకతో సెమీ ఫైనల్‌ సందర్భంగా లక్ష్మణ్‌ కీలక నిర్ణయం తీసుకున్నాడు.ఈ ముగ్గురు టాపార్డర్‌లో కుదురుకుంటే..ఓపెనింగ్‌ బ్యాటర్లు అభిషేక్‌ శర్మ, సంజూ శాంసన్‌, వైభవ్‌ సూర్యవంశీ.. ఇలా ముగ్గురినీ టాపార్డర్‌లో ఆడించాడు. ఓపెనర్లుగా వైభవ్‌, అభిషేక్‌ బరిలోకి దిగగా.. సంజూ వన్‌డౌన్‌లో వచ్చాడు. ఇదే కాంబినేషన్‌ను సొంతగడ్డపై వెస్టిండీస్‌తో సిరీస్‌లోనూ కొనసాగించాలని భారత మాజీ క్రికెటర్‌ మహ్మద్‌ కైఫ్‌ అభిప్రాయపడ్డాడు.ఒకవేళ ఈ ముగ్గురు టాపార్డర్‌లో కుదురుకుంటే.. వీరిలో ఒక్కరు మెరుగ్గా ఆడినా భారత జట్టు వరుస విజయాలు సాధించడం ఖాయమని కైఫ్‌ విశ్వాసం వ్యక్తం చేశాడు. ఈ విషయంలో కెప్టెన్‌ శ్రేయస్‌ అయ్యర్‌ చొరవ తీసుకోవాలని విజ్ఞప్తి చేశాడు. ఈ మేరకు..గంభీర్‌ను కాదనైనా సరే శ్రేయస్‌ నిర్ణయం తీసుకోవాలి‘‘విండీస్‌తో సిరీస్‌కు వీవీఎస్‌ కోచ్‌గా ఉండడు. అయితే కెప్టెన్‌ మాత్రం శ్రేయస్‌ అయ్యరే కదా!.. టాపార్డర్‌ విషయంలో శ్రేయస్‌ గట్టి నిర్ణయం తీసుకోవాలి. అభిషేక్‌, వైభవ్‌, సంజూలను తుదిజట్టులో ఆడించాలి.వాళ్లు ముగ్గురూ గనుక టాపార్డర్‌లో కుదురుకుని.. ఈ కాంబినేషన్‌ వర్కౌట్‌ అయిందంటే అద్భుతమైన ఫలితాలు రాబట్టవచ్చు. అయితే, ఇక్కడ కోచ్‌ (గంభీర్‌)తో సమస్య రావొచ్చు. అయినా సరే శ్రేయస్‌ ఒప్పించగలగాలి. ఆ ముగ్గురిలో ఒక్కరు బ్యాట్‌ ఝులిపించినా టీమిండియా ఆరోజు తప్పక విజయం సాధిస్తుంది.వన్‌డౌన్‌లోనైనా వైభవ్‌వైభవ్‌ను పక్కన పెట్టడం ఏ రకంగానూ మంచిది కాదు. అతడిని ప్రపంచకప్‌ టోర్నీకి సిద్ధం చేయాలంటే వరుస అవకాశాలు ఇవ్వాల్సి ఉంటుంది. లెఫ్ట్‌- రైట్‌ కాంబినేషన్‌ కోసం అభిషేక్‌- సంజూను ఓపెనర్లుగా కొనసాగిస్తే వైభవ్‌ను వన్‌డౌన్‌లోనైనా ఆడించాలి’’ అని కైఫ్‌ తన యూట్యూబ్‌ చానెల్‌ వేదికగా అభిప్రాయాలు పంచుకున్నాడు.కాగా టీ20 ప్రపంచకప్‌-2026 టోర్నీలో భారత్‌ను చాంపియన్‌గా నిలిపిన సంజూకు మరిన్ని అవకాశాలు ఇవ్వాల్సి ఉంటుందని ఇటీవల గంభీర్‌ పేర్కొన్న సంగతి తెలిసిందే. కాబట్టి యువ ఓపెనర్‌ వైభవ్‌ సూర్యవంశీ మరికొన్నాళ్లు వేచి చూడక తప్పదని కుండబద్దలు కొట్టాడు గంభీర్‌.చదవండి: చరిత్ర సృష్టించిన సౌతాఫ్రికా యువ సంచలనం

ఆసియా క్రీడలు-2026 పురుషుల టీ20 టోర్నమెంట్‌ ఫైనల్లో టీమిండియా- పాకిస్తాన్‌ అమీతుమీ తేల్చుకునేందుకు బరిలోకి దిగాయి. జపాన్‌లోని నిశిన్‌ వేదికగా టాస్‌ గెలిచిన భారత్‌ తొలుత బ్యాటింగ్‌ ఎంచుకుంది. భారత్‌ భారీ స్కోరు ఓపెనర్‌ అభిషేక్‌ శర్మ విధ్వంసకర అర్ధ శతకం (28 బంతుల్లో 61) బాదగా.. ఆఖర్లో తిలక్‌ వర్మ, శివం దూబే మెరుపులు మెరిపించారు. దూబే 15 బంతుల్లో 27 పరుగులు చేయగా.. తిలక్‌ వర్మ 21 బంతుల్లోనే అర్ధ శతకం సాధించాడు. మొత్తంగా 22 బంతులు ఎదుర్కొని 51 పరుగులు చేశాడు. ఫలితంగా నిర్ణీత 20 ఓవర్లలో భారత్‌ ఆరు వికెట్ల నష్టానికి 211 పరుగులు చేసింది. ఈ క్రమంలో లక్ష్య ఛేదనకు దిగిన పాకిస్తాన్‌.. ఆఖరి ఓవర్‌ వరకు పట్టుదలగా పోరాడి.. చివరికి 19 పరుగుల తేడాతో ఓడిపోయింది. హసన్‌ నవాజ్‌ ఒంటరి పోరాటం (51 బంతుల్లో 96) చేశాడు. ఇన్నింగ్స్‌ ఆఖరి బంతికి శివం దూబే బౌలింగ్‌లో అవుటై సెంచరీకి నాలుగు పరుగుల దూరంలో నిలిచిపోయాడు. ఫలితంగా పాక్‌ నిర్ణీత 20 ఓవర్లలో ఆరు వికెట్ల నష్టానికి 192 పరుగులకు పరిమితమైంది. భారత బౌలర్లలో అక్షర్‌ పటేల్‌, వాషింగ్టస్‌ సుందర్‌, శివం దూబే తలా రెండు వికెట్లు కూల్చారు.మరోసారి స్వర్ణంఆసియా క్రీడల్లో టీమిండియా వరుసగా రెండోసారి స్వర్ణం గెలిచింది. గత ఎడిషన్‌లో అఫ్గానిస్తాన్‌తో ఫైనల్‌ వర్షంవల్ల రద్దు కాగా రుతురాజ్‌ సేన పసిడి పతకాన్ని ముద్దాడింది. ఇక తాజాగా దాయాది పాకిస్తాన్‌ను ఓడించి మరోసారి బంగారు పతకం గెలిచి అభిమానులకు అసలైన మజా అందించింది. పాక్‌ రజతంతో సరిపెట్టుకుంది.UPDATES:👉19 పరుగుల తేడాతో టీమిండియా జయభేరి 👉భయపెట్టిన నవాజ్‌👉19.6: దూబే బౌలింగ్‌లో నవాజ్‌ అవుట్‌👉19.4: దూబే బౌలింగ్‌లో సిక్సర్‌ బాదిన నవాజ్‌👉వైడ్‌ వేసిన దూబే👉19.1: దూబే బౌలింగ్‌లో ఫోర్‌ బాదిన హసన్‌ నవాజ్‌పందొమ్మిది ఓవర్లలో పాక్‌ స్కోరు: 179-5👉విజయానికి ఆఖరి ఓవర్లో 33 పరుగులు కావాలి 👉18.3: బుమ్రా బౌలింగ్‌లో సిక్సర్‌ బాదిన సాద్‌ మసూద్‌పాక్‌ ఐదో వికెట్‌ డౌన్‌👉17.6: ఆఖరి బంతికి సిక్సర్‌ బాదిన సాద్‌ మసూద్‌.. విజయానికి 12 బంతుల్లో 44 పరుగులు కావాలి.👉17.3: పాకిస్తాన్‌ ఐదో వికెట్‌ కోల్పోయింది. 9 పరుగులు చేసిన అబ్దుల్‌ సమద్‌.. వాషింగ్టన్‌ సుందర్‌ బౌలింగ్‌లో ఔటయ్యాడు. పాక్‌ 👉విజయానికి ఇంకా 14 బంతుల్లో 50 పరుగులు కావాలి. పదిహేడు ఓవర్లలో పాక్‌ స్కోరు: 160-4👉విజయానికి 19 బంతుల్లో 54 పరుగులు కావాలి👉దూబే 16 పరుగులు సమర్పించుకున్నాడు.👉16.4: ఈసారి అబ్దుల్‌ సమద్‌ ఫోర్‌ బాదాడు👉16.2: మరో ఫోర్‌ బాదిన నవాజ్‌👉16.1: దూబే బౌలింగ్‌లో ఫోర్‌ బాదిన నవాజ్‌పదహారు ఓవర్లలో పాక్‌ స్కోరు: 144-4👉విజయానికి 24 బంతుల్లో 68 పరుగులు కావాలి👉ఈ ఓవర్లో పద్నాలుగు పరుగులు ఇచ్చిన అక్షర్‌ పటేల్‌👉హసన్‌ నవాజ్‌ 68, అబ్దుల్‌ సమద్‌ మూడు పరుగులతో ఉన్నారు.👉15.1: అక్షర్‌ పటేల్‌ బౌలింగ్‌లో సిక్స్‌ కొట్టిన నవాజ్‌పదిహేను ఓవర్లలో పాక్‌ స్కోరు: 130-4👉విజయానికి 31 బంతుల్లో 82 పరుగులు కావాలి👉ఈ ఓవర్లో కేవలం నాలుగు పరుగులే ఇచ్చి వికెట్‌ తీసిన శివం దూబే👉హసన్‌ నవాజ్‌ 60, అబ్దుల్‌ సమద్‌ 2 పరుగులతో ఉన్నారు.నాలుగో వికెట్‌ కోల్పోయిన పాకిస్తాన్‌👉14.1: శివం దూబే బౌలింగ్‌లో వాషింగ్టన్‌ సుందర్‌కు క్యాచ్‌ ఇచ్చి అవుటైన సయీమ్‌ (22 బంతుల్లో 29). అబ్దుల్‌ సమద్‌ క్రీజులోకి రాగా.. హసన్‌ 58 పరుగులతో ఉన్నాడు.పద్నాలుగు ఓవర్లలో పాక్‌ స్కోరు: 126-3👉విజయానికి 36 బంతుల్లో 86 పరుగులు కావాలి👉సయీమ్‌ , హసన్‌ నవాజ్‌ పరుగులతో ఉన్నారు.👉13.6: బుమ్రా బౌలింగ్‌లో ఫోర్‌ బాదిన హసన్‌ నవాజ్‌👉కాస్త పొదుపుగా బౌలింగ్‌ చేసి ఈ ఓవర్లో కేవలం తొమ్మిది పరుగులు ఇచ్చిన బుమ్రాపదమూడు ఓవర్లలో పాక్‌ స్కోరు: 117-3👉సయీమ్‌ 24 , హసన్‌ నవాజ్‌ 54 పరుగులతో ఉన్నారు.👉ఈ ఓవర్లో ఏకంగా 20 పరుగులు ఇచ్చిన రవి బిష్ణోయి👉12.6: ఫోర్‌ బాదిన నవాజ్‌👉12.2: బిష్ణోయి బౌలింగ్‌లో సిక్సర్‌ బాదిన హసన్‌ నవాజ్‌.. హాఫ్‌ సెంచరీ పూర్తిపన్నెండు ఓవర్లలో పాక్‌ స్కోరు: 97-3👉సయీమ్‌ 24, హసన్‌ నవాజ్‌ 34 పరుగులతో ఉన్నారు.👉ఈ ఓవర్లో 8 పరుగులు ఇచ్చిన వాషింగ్టన్‌ సుందర్‌పదకొండు ఓవర్లలో పాక్‌ స్కోరు: 89-3👉సయీమ్‌ 22, హసన్‌ నవాజ్‌ 28 పరుగులతో ఉన్నారు.👉ఈ ఓవర్లో 13 పరుగులు ఇచ్చిన అభిషేక్‌ శర్మ👉10.5: వరుసగా రెండో ఫోర్‌ బాదిన సయీమ్‌👉10.4: అభిషేక్‌ బౌలింగ్లో ఫోర్‌ బాదిన సయీమ్‌ పది ఓవర్లలో పాక్‌ స్కోరు: 76-3👉విజయానికి 60 బంతుల్లో 136 పరుగులు కావాలి👉సయీమ్‌ 12, హసన్ 26‌ పరుగులతో ఉన్నారు. 👉ఈ ఓవర్లో 14 పరుగులు ఇచ్చిన రవి బిష్ణోయి👉9.4: మరో సిక్సర్‌ బాదిన హసన్‌👉9.2: రవి బిష్ణోయి బౌలింగ్‌లో సిక్స్‌ కొట్టిన హసన్‌ నవాజ్‌తొమ్మిది ఓవర్లలో పాక్‌ స్కోరు: 62-3👉సయీమ్‌ 11, హసన్‌ 13 పరుగులతో ఉన్నారు. 👉ఈ ఓవర్లో పది పరుగులు ఇచ్చుకున్న అభిషేక్‌👉8.4: అభిషేక్‌ శర్మ బౌలింగ్‌లో సిక్సర్‌ బాదిన హసన్‌ఎనిమిది ఓవర్లలో పాక్‌ స్కోరు: 52-3 👉సయీమ్‌ 10, హసన్‌ 4 పరుగులతో ఉన్నారు. ఈ ఓవర్లో 10 పరుగులు👉7.4: రవి బిష్ణోయి బౌలింగ్‌లో సిక్సర్‌ బాదిన సయీమ్‌ ఆయుబ్‌ఏడు ఓవర్లలో పాక్‌ స్కోరు: 42-3👉ఈ ఓవర్లో కేవలం మూడు పరుగులు ఇచ్చి.. వికెట్‌ తీసిన అక్షర్‌👉సయీబ్‌ ఆయుబ్‌, హసన్‌ నవాజ్‌ చెరో రెండు పరుగులతో ఉన్నారు.మూడో వికెట్‌ కోల్పోయిన పాక్‌👉6.1: అక్షర్‌ బౌలింగ్‌లో వాషింగ్టన్‌కు క్యాచ్‌ ఇచ్చి అవుటైన సదాకత్‌ (18 బంతుల్లో 23) Brilliant catch from Washington Sundar as Pakistan go deep in trouble in the chase 🔥Watch Pakistan vs India in the 20th Asian Games Gold Medal Match, LIVE NOW on Sony Sports Network TV channels & Sony LIV.#SonySportsNetwork #SonyLIV #AsianGames #AichiNagoya2026… pic.twitter.com/pXbXHTJwiI— Sony Sports Network (@SonySportsNetwk) October 3, 2026పవర్‌ ప్లేలో పాక్‌ స్కోరు: 39-2 (ఆరు ఓవర్లు)👉పొదుపుగా బౌలింగ్‌ చేసిన వాషీ.. కేవలం మూడు పరుగులే ఇచ్చాడు.ఐదు ఓవర్లలో పాక్‌ స్కోరు: 36-2👉హసన్‌ నవాజ్‌ 0, సదాకత్‌ 22 పరుగులతో ఉన్నారు.పాక్‌ రెండో వికెట్‌ డౌన్‌👉4.5: అక్షర్‌ పటేల్‌ బౌలింగ్‌లో దూబేకు క్యాచ్‌ ఇచ్చి ఉస్మాన్‌ ఖాన్‌ అవుట్‌ (6 బంతుల్లో 3). BAPU BREAKTHROUGHS ARE PERMANENT🔥Axar into the attack and the wickets just keep coming💪Watch Pakistan vs India in the 20th Asian Games Gold Medal Match, LIVE NOW on Sony Sports Network TV channels & Sony LIV.#SonySportsNetwork #SonyLIV #AsianGames #AichiNagoya2026… pic.twitter.com/7VqSfbguRV— Sony Sports Network (@SonySportsNetwk) October 3, 2026నాలుగు ఓవర్లలో పాక్‌ స్కోరు: 34-1👉విజయానికి ఇంకా 178 పరుగులు కావాలి👉ఉస్మాన్‌ 1, సదాకత్‌ 21 పరుగులతో క్రీజులో ఉన్నారు.తొలి వికెట్‌ కోల్పోయిన పాక్‌👉3.4: వాషీ బౌలింగ్‌లో అక్షర్‌కు క్యాచ్‌ ఇచ్చి తొలి వికెట్‌గా వెనుదిరిగిన ఫర్హాన్‌ (11 బంతుల్లో 10)👉3.3: ఫోర్‌ బాదిన ఫర్హాన్‌👉3.1: వాషింగ్టన్‌కు ఫోర్‌తో ఆహ్వానం పలికిన సదాకత్‌మూడు ఓవర్లలో పాక్‌ స్కోరు: 24-0👉పొదుపుగా బౌలింగ్‌ చేసిన బుమ్రా.. కేవలం మూడు పరుగులే ఇచ్చాడు.రెండు ఓవర్లలో పాక్‌ స్కోరు: 21-0👉అక్షర్‌ పటేల్‌ 10 పరుగులు ఇచ్చుకున్నాడు. ఫర్హాన్‌ 6, సదాకత్‌ 13 పరుగులతో ఉన్నారు.రెండు నోబాల్స్‌ వేసిన బుమ్రా👉భారత బౌలింగ్‌ అటాక్‌ ఆరంభించిన ప్రధాన పేసర్‌ జస్‌ప్రీత్‌ బుమ్రా.. తొలి బంతినే నోబాల్‌గా వేశాడు. అతడి బౌలింగ్‌లో ఐదో బంతి కూడా నోబాల్‌ కాగా.. మాజ్‌ సదాకత్‌ ఫోర్‌ బాదాడు. మొత్తానికి తొలి ఓవర్లో బుమ్రా 11 పరుగులు ఇచ్చుకున్నాడు. పాక్‌ స్కోరు: 11-0. ఫర్హాన్‌ 1, సదాకత్‌ 8 పరుగులతో ఉన్నారు. భారత్‌ స్కోరు: 211- 6 (20).. పాక్‌ లక్ష్యం 212👉19.6: సింగిల్‌ తీసిన తిలక్‌👉19.5: రెండు పరుగులు తీసి.. 21 బంతుల్లో హాఫ్‌ సెంచరీ చేసిన తిలక్‌ వర్మ👉19.4: బ్యాక్‌వర్డ్‌ స్వ్కేర్‌ లెగ్‌ మీదుగా మరో సిక్సర్‌ బాదిన తిలక్‌👉19.3: దనియాల్‌ బౌలింగ్‌లో ఫైన్‌ లెగ్‌ మీదుగా సిక్సర్‌ బాదిన తిలక్‌ వర్మTilak Varma clearly enjoys batting against Pakistan. Here’s the proof! 😮‍💨 Watch Pakistan vs India in the 20th Asian Games Gold Medal Match, LIVE NOW on Sony Sports Network TV channels & Sony LIV. #SonySportsNetwork #SonyLIV #AsianGames #AichiNagoya2026… pic.twitter.com/jCZu7ZAREJ— Sony Sports Network (@SonySportsNetwk) October 3, 2026ఆరో వికెట్‌ కోల్పోయిన భారత్‌👉19.1: అహ్మద్‌ దనియాల్‌ బౌలింగ్‌లో మాజ్‌ సదాకత్‌కు క్యాచ్‌ ఇచ్చి ఆరో వికెట్‌గా వెనుదిరిగిన శివం దూబే (15 బంతుల్లో 27; రెండు ఫోర్లు, రెండు సిక్స్‌లు). అక్షర్‌ పటేల్‌ క్రీజులోకి వచ్చాడు.పందొమ్మిది ఓవర్లలో భారత్‌ స్కోరు: 195-5👉తిలక్‌ వర్మ 18 బంతుల్లో 36 , దూబే 14 బంతుల్లో 27 పరుగులతో ఉన్నారు. 29 బంతుల్లో 62 పరుగుల భాగస్వామ్యం👉18.5: ఈసారి ఫోర్‌ బౌండరీ బాదిన తిలక్‌ వర్మ👉18.3: ఫోర్‌ కొట్టిన దూబే👉18.2: ఈసారి లాంగాన్‌ మీదుగా సిక్సర్‌ బాదిన దూబే👉18.1: సయీమ్‌ ఆయుబ్‌ బౌలింగ్‌లో లాంగాఫ్‌ మీదుగా సిక్స్‌ కొట్టిన శివం దూబేపద్దెనిమిది ఓవర్లలో భారత్‌ స్కోరు: 172-5👉తిలక్‌ వర్మ 30, దూబే 10 పరుగులతో ఉన్నారు.👉17.6: మరో సిక్సర్‌ బాదిన తిలక్‌ వర్మ👉17.5: సూఫియాన్‌ బౌలింగ్‌లో డీప్‌ మిడ్‌ వికెట్‌ మీదుగా సిక్సర్‌ బాదిన తిలక్‌ వర్మ👉17.1: సూఫియాన్‌ బౌలింగ్‌లో లాంగాఫ్‌ మీదుగా ఫోర్‌ బాదిన తిలక్‌ వర్మపదిహేడు ఓవర్లలో భారత్‌ స్కోరు: 154-5👉తిలక్‌ వర్మ 13, దూబే తొమ్మిది పరుగులతో ఉన్నారు.👉16.5: బ్యాక్‌వర్డ్‌ స్క్వేర్‌ లెగ్‌ మీదుగా ఫోర్‌ బాదిన దూబే👉16.1: అబ్రార్‌ బౌలింగ్‌లో డీప్‌ స్క్వేర్‌ లెగ్‌ మీదుగా ఫోర్‌ బాదిన తిలక్‌పదహారు ఓవర్లలో భారత్‌ స్కోరు: 142-5👉తిలక్‌ వర్మ ఏడు, దూబే నాలుగు పరుగులతో ఉన్నారు.పదిహేను ఓవర్లలో భారత్‌ స్కోరు: 137-5👉తిలక్‌ వర్మ నాలుగు, దూబే రెండు పరుగులతో ఉన్నారు.ఐదో వికెట్‌ కోల్పోయిన భారత్‌👉14.1: అబ్రార్‌ అహ్మద్‌ బౌలింగ్‌లో సాహిబ్‌జాదా ఫర్హాన్‌కు క్యాచ్‌ ఇచ్చి శ్రేయస్‌ అయ్యర్‌ (24 బంతుల్లో 21) ఐదో వికెట్‌గా వెనుదిరిగాడు. శివం దూబే క్రీజులోకి వచ్చాడు.పద్నాలుగు ఓవర్లలో భారత్‌ స్కోరు: 133-4👉శ్రేయస్‌ 21, తిలక్‌ వర్మ రెండు పరుగులతో ఉన్నారు.నాలుగో వికెట్‌ కోల్పోయిన భారత్‌👉13.1: అరాఫత్‌ బౌలింగ్‌లో ఇషాన్‌ కిషన్‌ బౌల్డ్‌ (18 బంతుల్లో 20; మూడు ఫోర్లు). తిలక్‌ వర్మ క్రీజులోకి వచ్చాడు.పదమూడు ఓవర్లలో భారత్‌ స్కోరు: 128-3👉శ్రేయస్‌ 19, ఇషాన్‌ 20 పరుగులతో ఉన్నారు.పన్నెండు ఓవర్లలో భారత్‌ స్కోరు: 124-3👉శ్రేయస్‌ 17, ఇషాన్‌ 18 పరుగులతో ఉన్నారు.పదకొండు ఓవర్లలో భారత్‌ స్కోరు: 120-3👉ఇషాన్‌ 17, శ్రేయస్‌ 15 పరుగులతో ఉన్నారు.పది ఓవర్లలో టీమిండియా స్కోరు: 114-3👉ఇషాన్‌ 12, అయ్యర్‌ 15 పరుగులతో ఉన్నారు.👉9.4: సూఫియాన్‌ బౌలింగ్‌లో ఫోర్‌ బాదిన శ్రేయస్‌ అయ్యర్‌. Sarpanch Saab bringing the class to the big stage! 👌Watch Pakistan vs India in the 20th Asian Games Gold Medal Match, LIVE NOW on Sony Sports Network TV channels & Sony LIV. #SonySportsNetwork #SonyLIV #AsianGames #AichiNagoya2026 #BaarBaarBharatHarBaarBharat pic.twitter.com/4Ajc8UbF4b— Sony Sports Network (@SonySportsNetwk) October 3, 2026తొమ్మిది ఓవర్లలో భారత్‌ స్కోరు: 103-3👉8.6: డీప్‌ ఎక్స్‌ట్రా కవర్‌ మీదుగా బౌండరీ బాదిన శ్రేయస్‌ అయ్యర్‌.. సెంచరీ కొట్టిన టీమిండియా👉8.1: అబ్రార్‌ అహ్మద్‌ బౌలింగ్‌లో ఫోర్‌ బదిన ఇషాన్‌ ఎనిమిది ఓవర్లలో భారత్‌ స్కోరు: 94-3మూడో వికెట్‌ కోల్పోయిన భారత్‌👉7.5: అరాఫత్‌ బౌలింగ్‌లో స్టంపౌట్‌గా వెనుదిరిగిన అభిషేక్‌ శర్మ (28 బంతుల్లో 61; మూడు ఫోర్లు, ఏడు సిక్సర్లు). ఇషాన్‌ క్రీజులోకి వచ్చాడు.👉7.4: అరాఫత్‌ బౌలింగ్‌లో లాంగాన్‌ మీదుగా సిక్సర్‌ బాదిన అభిషేక్‌ శర్మఏడు ఓవర్లలో భారత్‌ స్కోరు: 85-2👉అభిషేక్‌ 24 బంతుల్లో 54, అయ్యర్‌ ఆరు బంతుల్లో 5 పరుగులతో ఉన్నారు.పవర్‌ ప్లేలో భారత్‌ స్కోరు: 81-2 (6 ఓవర్లు)👉అభిషేక్‌ 52, అయ్యర్‌ 3 పరుగులతో ఉన్నారు.అభిషేక్‌ శర్మ మెరుపు అర్ధ శతకం👉5.6: దనియాల్‌ బౌలింగ్‌లో డీప్‌ ఎక్స్‌ట్రా కవర్‌ మీదుగా సిక్సర్‌ బాది అర్ధ శతకం పూర్తి చేసుకున్న అభిషేక్‌. 20 బంతుల్లో 52. 👉5.3: వైడ్‌.. ఫోర్‌.. ఐదు పరుగులు👉5.1 ఓవర్‌: దనియాల్‌ బౌలింగ్లో డీప్‌ మిడ్‌ వికెట్‌ మీదుగా సిక్సర్‌ బాదిన అభిషేక్‌ఐదు ఓవర్లలో భారత్‌ స్కోరు: 53-2👉అభిషేక్‌ 40, అయ్యర్‌ 3 పరుగులతో ఉన్నారు.👉4.1 ఓవర్‌: అరాఫత్‌ మిన్హాస్‌ బౌలింగ్‌లో డీప్‌ స్క్వేర్‌ లెగ్‌ మీదుగా సిక్సర్‌ బాదిన అభిషేక్‌UNSTOPPABLE ABHI! ⚡Abhishek Sharma brings up a stunning 20-ball fifty with a six as India are building up the lead against Pakistan! 🔥Watch Pakistan vs India in the 20th Asian Games Gold Medal Match, LIVE NOW on Sony Sports Network TV channels & Sony LIV.… pic.twitter.com/v6Ig2hxV6e— Sony Sports Network (@SonySportsNetwk) October 3, 2026 నాలుగు ఓవర్లలో భారత్‌ స్కోరు: 52-2👉అభిషేక్‌ 32, అయ్యర్‌ సున్నా పరుగులతో ఉన్నారు.రెండో వికెట్‌ కోల్పోయిన భారత్‌👉3.5 ఓవర్‌: దనియాల్‌ బౌలింగ్‌లో అరాఫత్‌కు క్యాచ్‌ ఇచ్చి పెవిలియన్‌ చేరిన సంజూ (2). శ్రేయస్‌ అయ్యర్‌ క్రీజులోకి వచ్చాడు.👉3.2 ఓవర్‌: అహ్మద్‌ దనియాల్‌ బౌలింగ్‌లో లాంగాన్‌ మీదుగా సిక్సర్‌ బాదిన అభిషేక్‌.. టీమిండియా హాఫ్‌ సెంచరీమూడు ఓవర్లలో భారత్‌ స్కోరు: 43-1👉అభిషేక్‌ 9 బంతుల్లో 25 పరుగులతో, సంజూ ఒక పరుగుతో ఉన్నారు.👉2.6 ఓవర్‌: లాంగాఫ్‌ మీదుగా ఫోర్‌ బాదిన అభిషేక్‌👉2.5 ఓవర్‌: లాంగాన్‌ మీదుగా ఫోర్‌ బాదిన అభిషేక్‌👉2.4 ఓవర్‌: సయీబ్‌ ఆయుబ్‌ బౌలింగ్‌లో మిడ్‌ వికెట్‌ మీదుగా సిక్సర్‌ బాదిన అభిషేక్‌ శర్మవైభవ్‌ అవుట్‌👉2.1 ఓవర్‌: సయీమ్‌ ఆయుబ్‌ బౌలింగ్‌లో వైభవ్‌ ఉస్మాన్‌ ఖాన్‌కు క్యాచ్‌ ఇచ్చి అవుటయ్యాడు. మొత్తంగా తొమ్మిది బంతులు ఎదుర్కొని రెండు సిక్సర్ల సాయంతో 15 పరుగులు చేసి అవుటైన వైభవ్‌. సంజూ క్రీజులోకి వచ్చాడు.రెండు ఓవర్లలో భారత్‌ స్కోరు: 28-0👉అభిషేక్‌ 11, వైభవ్‌ 15 పరుగులతో ఉన్నారు.👉ఆరో బంతి నోబాల్‌ కాగా.. ఫ్రీ హిట్‌ను ఫోర్‌గా మలిచిన అభిషేక్‌ అభిషేక్‌ భారీ సిక్సర్‌👉ఐదో బంతికి సిక్సర్‌ బాదిన అభిషేక్‌వైభవ్‌ వరుస సిక్సర్లు👉రెండో ఓవర్‌ రెండో బంతికి సాద్‌ మసూద్‌ బౌలింగ్‌లో సిక్సర్‌ బాదిన వైభవ్‌👉మూడో బంతిని కూడా సిక్సర్‌గా మలిచిన వైభవ్‌తొలి ఓవర్లో భారత్‌ స్కోరు: 4-0సయీబ్‌ ఆయుబ్‌ బౌలింగ్‌లో వైభవ్‌ రెండు సింగిల్స్‌, అభిషేక్‌ ఒక సింగిల్‌ తీశారు. వైడ్‌ రూపంలో ఒక పరుగు వచ్చింది.నో షేక్‌హ్యాండ్‌తొలి సెమీ ఫైనల్లో బంగ్లాదేశ్‌ను పాకిస్తాన్‌.. రెండో సెమీస్‌ మ్యాచ్‌లో శ్రీలంకను టీమిండియా ఓడించి పసిడి పతక పోరుకు అర్హత సాధించాయి. ఇక టాస్‌ సందర్భంగా ఆసియా కప్‌-2025, టీ20 ప్రపంచకప్‌-2026 నాటి ఘటనే పునరావృతమైంది. టీమిండియా‌ కెప్టెన్‌ శ్రేయస్ అయ్యర్‌ పాక్‌ సారథి సాహిబ్‌జాదా ఫర్హాన్‌తో కరచాలనం చేయలేదు.ఇదిలా ఉంటే.. శ్రీలంకతో సెమీ ఫైనల్లో ఆడిన తుదిజట్టులో మార్పులు లేకుండా భారత్‌ బరిలోకి దిగింది. ఫలితంగా చిచ్చర పిడుగు వైభవ్‌ సూర్యవంశీకి ప్లేయింగ్‌ ఎలెవన్‌లో మరోసారి చోటు దక్కింది. కఠినమైన పిచ్‌నిశిన్‌ పిచ్‌పై స్పిన్‌ ప్రభావం ఎక్కువగా ఉంటుందని.. బ్యాటింగ్‌ అంత తేలిక కాదని గత మ్యాచ్‌ల ద్వారా ఇప్పటికే నిరూపితమైంది. అయితే, సెమీస్‌లో భారత పేసర్‌ బుమ్రా కూడా ఇక్కడ రాణించడం సానుకూల అంశం. ఇక తుదిజట్టులోస్పిన్‌ బౌలింగ్‌ ఆల్‌రౌండర్లు అక్షర్‌ పటేల్‌, వాషింగ్టన్‌ సుందర్‌, స్పెషలిస్టు రవి బిష్ణోయితో పాటు అభిషేక్‌ శర్మ, తిలక్‌ వర్మ వంటి పార్ట్‌టైమ్‌ స్పిన్నర్లు కూడా ఉన్నారు.తుదిజట్లుభారత్‌వైభవ్‌ సూర్యవంశీ, అభిషేక్‌ శర్మ, సంజూ శాంసన్‌ (వికెట్‌ కీపర్‌), శ్రేయస్‌ అయ్యర్‌ (కెప్టెన్‌), ఇషాన్‌ కిషన్‌, తిలక్‌ వర్మ, శివం దూబే, అక్షర్‌ పటేల్‌, వాషింగ్టన్‌ సుందర్‌, రవి బిష్ణోయి, జస్‌ప్రీత్‌ బుమ్రా.పాకిస్తాన్‌సాహిబ్‌జాదా ఫర్హాన్‌ (కెప్టెన్‌), మాజ్‌ సదాకత్‌, ఉస్మాన్‌ ఖాన్‌ (వికెట్‌ కీపర్‌), సయీమ్‌ ఆయుబ్‌, హసన్‌ నవాజ్‌, అబ్దుల్‌ సమద్‌, అరాఫత్‌ మిన్హాస్‌, అహ్మద్‌ దనియాల్‌, సాద్‌ మసూద్‌, అబ్రార్‌ అహ్మద్‌, సూఫియాన్‌ మొకీమ్‌.

భారత సీనియర్‌ పురుషుల టీ20 క్రికెట్‌ జట్టు ప్రస్తుతం ఆసియా క్రీడలు-2026తో బిజీగా ఉంది. జపాన్‌ వేదికగా శ్రీలంకతో గురువారం నాటి సెమీ ఫైనల్లో శ్రేయస్‌ అయ్యర్‌ సేన 124 పరుగుల తేడాతో ఘన విజయం సాధించిన సంగతి తెలిసిందే.టాస్‌ ఓడి తొలుత బ్యాటింగ్‌కు దిగిన భారత్‌... నిర్ణీత 20 ఓవర్లలో 7 వికెట్ల నష్టానికి 169 పరుగులు చేసింది. ఇషాన్‌ కిషన్‌ (46 బంతుల్లో 80 నాటౌట్‌; 4 ఫోర్లు, 5 సిక్స్‌లు) అర్ధ శతకంతో కదంతొక్కగా... 15 ఏళ్ల ఓపెనర్‌ వైభవ్‌ సూర్యవంశీ (21 బంతుల్లో 38; 6 ఫోర్లు, 2 సిక్స్‌లు) దంచికొట్టాడు. స్వేచ్ఛగా షాట్‌లు ఆడుతూమిగిలిన వారిలో అభిషేక్‌ శర్మ (7), సంజూ శాంసన్‌ (7), కెప్టెన్‌ శ్రేయస్‌ అయ్యర్‌ (13), అక్షర్‌ పటేల్‌ (8), తిలక్‌ వర్మ (2), శివమ్‌ దూబే (3) విఫలమయ్యారు. ఒకవైపు వికెట్లు పడుతున్న ఇషాన్‌ మాత్రం స్వేచ్ఛగా షాట్‌లు ఆడుతూ స్కోరు బోర్డును పరుగులు పెట్టించాడు.ఈ నేపథ్యంలో భారత మాజీ క్రికెటర్‌, కామెంటేటర్‌ ఆకాశ్‌ చోప్రా స్పందిస్తూ.. ఇషాన్‌ కిషన్‌పై ప్రశంసలు కురిపించాడు. ఈ లెఫ్టాండర్‌ బ్యాటర్‌ త్వరలోనే తిలక్‌ వర్మ స్థానంలో భారత టీ20 జట్టు వైస్‌ కెప్టెన్‌గా నియమితుడవుతాడని అంచనా వేశాడు.డేంజర్‌లో తిలక్‌ వర్మ ప్లేస్‌‘‘మన బ్యాటింగ్‌ ఆర్డర్‌ తడబడింది. ఒక రకంగా కుప్పకూలే పరిస్థితి ఎదురైంది. అయితే, ఇషాన్‌ కిషన్‌ జట్టును అద్భుత ప్రదర్శనతో ఆదుకున్నాడు. రోజురోజుకీ అతడి ప్రభ పెరిగిపోతోంది. అతడు వైస్‌ కెప్టెన్‌ కావడానికి ఎంతో కాలం పట్టదు. నాకు తెలిసి ఆర్నెళ్లలోనే అతడు శ్రేయస్‌ అయ్యర్‌కు డిప్యూటీ అవుతాడు. జరగబోయేది ఇదే. ఈ అబ్బాయి నిజంగా అద్భుతంగా ఆడుతున్నాడు. వరుస మ్యాచ్‌లలో మంచి స్కోర్లు సాధిస్తూ జట్టుకు ఉపయోగపడుతున్నాడు’’ అని ఆకాశ్‌ చోప్రా కొనియాడాడు.కాగా సెమీ ఫైనల్లో శ్రీలంకపై గెలిచిన భారత్‌.. ఫైనల్లో చిరకాల ప్రత్యర్థి పాకిస్తాన్‌తో తలపడేందుకు సిద్ధమైంది. కాగా ఇషాన్‌ కిషన్‌ టీ20 ప్రపంచకప్‌-2026 సందర్భంగా పాక్‌తో మ్యాచ్‌లో 40 బంతుల్లోనే 77 పరుగులు చేసి టీమిండియా విజయంలో కీలక పాత్ర పోషించాడు.చదవండి: ‘అది వైభవ్‌కు, క్రికెట్‌కు మంచిది కాదు’

క్రికెట్‌ అభిమానులు ఎంతగానో వేచి చూస్తున్న దాయాదుల సమరానికి రంగం సిద్ధమైంది. ఆసియా క్రీడలు-2026 పురుషుల టీ20 క్రికెట్‌ టోర్నీ ఫైనల్లో టీమిండియా- పాకిస్తాన్‌ అమీతుమీ తేల్చుకునేందుకు సిద్ధమయ్యాయి.వర్షం వల్ల రద్దైన మ్యాచ్‌లుజపాన్‌ వేదికగా జరుగుతున్న ఈ టోర్నీలో ఐసీసీ ర్యాంకింగ్స్‌ ఆధారంగా భారత్‌, పాకిస్తాన్‌, బంగ్లాదేశ్‌, శ్రీలంక నేరుగా క్వార్టర్‌ ఫైనల్లో అడుగుపెట్టిన సంగతి తెలిసిందే. అయితే, వర్షం కారణంగా క్వార్టర్‌ ఫైనల్‌ మ్యాచ్‌లన్నీ టాస్‌ కూడా పడకుండానే రద్దైపోయాయి.నేరుగా సెమీ ఫైనల్‌కుఈ క్రమంలో ర్యాంకింగ్స్‌ ఆధారంగా టీమిండియా, పాకిస్తాన్‌, బంగ్లాదేశ్‌, శ్రీలంక నేరుగా సెమీ ఫైనల్‌కు అర్హత సాధించాయి. ఇందులో భాగంగా గురువారం తెల్లవారుజామున జరిగిన తొలి సెమీస్‌ మ్యాచ్‌లో పాకిస్తాన్‌- బంగ్లాదేశ్‌ తలపడ్డాయి. వర్షం అంతరాయం కలిగించిన కారణంగా మ్యాచ్‌ను పదమూడు ఓవర్లకు కుదించారు.బంగ్లాను ఓడించి పాక్‌ నిశిన్‌ వేదికగా టాస్‌ గెలిచిన పాక్‌ తొలుత బౌలింగ్‌ ఎంచుకోగా.. బంగ్లాదేశ్‌ బ్యాటింగ్‌కు దిగింది. నిర్ణీత 13 ఓవర్లలో ఏడు వికెట్ల నష్టానికి 111 పరుగులు చేసింది. ఈ క్రమంలో లక్ష్య ఛేదనలో పాకిస్తాన్‌ 11.3 ఓవర్లలో కేవలం నాలుగు వికెట్లు నష్టపోయి పని పూర్తి చేసింది. తద్వారా ఫైనల్‌కు దూసుకువెళ్లింది.లంకపై గెలిచి భారత్‌ఇక ఇదే వేదికపై గురువారం నాటి రెండో సెమీ ఫైనల్లో టీమిండియా- శ్రీలంక తలపడ్డాయి. టాస్‌ గెలిచిన శ్రీలంక తొలుత బౌలింగ్‌ ఎంచుకోగా.. టీమిండియా నిర్ణీత 20 ఓవర్లలో ఏడు వికెట్ల నష్టానికి 169 పరుగులు సాధించింది. ఇక టార్గెట్‌ ఛేదించే క్రమంలో శ్రీలంక బ్యాటింగ్‌ ఆర్డర్‌ పేకమేడలా కుప్పకూలింది.BAPU's DOUBLE STRIKE! ⚡A double blow from Axar Patel leaves Sri Lanka searching for answers in the Semi-Final! 🔥Watch India vs Sri Lanka, Men’s Cricket Semi-Final 2, LIVE NOW on Sony Sports Network TV channels & Sony LIV.#SonySportsNetwork #SonyLIV #AsianGames… pic.twitter.com/GpIdHRjDT9— Sony Sports Network (@SonySportsNetwk) October 1, 2026భారత బౌలర్ల ధాటికి 9.5 ఓవర్లలో కేవలం 45 పరుగులు చేసి ఆలౌట్‌ అయింది. ఫలితంగా శ్రేయస్‌ అయ్యర్‌ సేన 124 పరుగుల తేడాతో ఘన విజయం సాధించి.. ఫైనల్లో అడుగుపెట్టింది.ఈ ఏడాది రెండోసారి భారత్‌ వర్సెస్‌ పాకిస్తాన్‌తొలి సెమీ ఫైనల్లో బంగ్లాదేశ్‌ను ఓడించి పాకిస్తాన్‌.. రెండో సెమీస్‌ మ్యాచ్‌లో శ్రీలంకపై గెలిచి భారత్‌.. టైటిల్‌ పోరులో తలపడేందుకు సిద్ధమయ్యాయి.చిరకాల ప్రత్యర్థులు చివరగా టీ20 ప్రపంచకప్‌-2026 టోర్నీలో భాగంగా శ్రీలంక వేదికగా ఈ ఏడాది ఫిబ్రవరి 15న తలపడ్డాయి. ఈ మ్యాచ్‌లో టీమిండియా పాక్‌ను 61 పరుగుల తేడాతో చిత్తు చేసింది.ఆసియా క్రీడలు-2026 ఫైనల్‌ వేదిక, షెడ్యూల్‌, జట్లు, లైవ్‌ స్ట్రీమింగ్‌ వివరాలు👉గోల్డ్‌ మెడల్‌ మ్యాచ్‌: భారత్‌ వర్సెస్‌ పాకిస్తాన్‌👉తేది: అక్టోబరు 3 (శనివారం)👉వేదిక: కొరొగి స్పోర్ట్స్‌ పార్కు, నిశిన్‌, జపాన్‌👉ప్రత్యక్ష ప్రసారం: సోనీ స్పోర్ట్స్‌ నెట్‌వర్క్‌ (టీవీ), సోనీ లివ్‌ (డిజిటల్‌)👉మ్యాచ్‌ ఆరంభ సమయం: భారత కాలమానం ప్రకారం ఉదయం 10 గంటలకు మొదలు👉ఇదే రోజు కాంస్యం కోసం బంగ్లాదేశ్‌- శ్రీలంక మధ్య ఉదయం ఐదున్నర గంటలకు మ్యాచ్‌ ఆరంభంజట్లుటీమిండియాసంజు శాంసన్ (వికెట్‌ కీపర్‌), అభిషేక్ శర్మ, ఇషాన్ కిషన్, శ్రేయస్ అయ్యర్(కెప్టెన్‌), తిలక్ వర్మ, శివమ్ దూబే, అక్షర్ పటేల్, అర్ష్‌దీప్‌ సింగ్, రవి బిష్ణోయ్, జస్ప్రీత్ బుమ్రా, వాషింగ్టన్ సుందర్, యశ్ ఠాకూర్, వైభవ్ సూర్యవంశీ, విప్రజ్ నిగమ్.పాకిస్తాన్‌సాహిబ్‌జాదా ఫర్హాన్(కెప్టెన్‌), సయీమ్ అయూబ్, ఉస్మాన్ ఖాన్ (వికెట్‌ కీపర్‌), హసన్ నవాజ్, హైదర్ అలీ, అబ్దుల్ సమద్, మొహమ్మద్ వసీం జూనియర్, అబ్రార్ అహ్మద్, సుఫ్యాన్ మొకిమ్, అహ్మద్ డానియాల్, అకిఫ్ జావేద్, అరాఫత్ మిన్హాస్, సాద్ మసూద్, మాజ్ సదాకత్, అలీ రెజా.చదవండి: చరిత్ర సృష్టించిన ఇషాన్‌ కిషన్‌

జపాన్‌ వేదికగా శ్రీలంకతో సెమీ ఫైనల్లో ఆరంభంలో తడబడ్డ టీమిండియా ఆ తర్వాత తిరిగి పుంజుకుంది. ఓపెనర్‌ వైభవ్‌ సూర్యంశీ మెరుపులకు తోడు.. ఐదో నంబర్‌ బ్యాటర్‌ ఇషాన్‌ కిషన్‌ దంచికొట్టడంతో మెరుగైన స్కోరు సాధించగలిగింది. ఆదిలోనే ఎదురుదెబ్బలుఆసియా క్రీడలు- 2026 పురుషుల టీ20 క్రికెట్‌ టోర్నీలో భాగంగా రెండో సెమీ ఫైనల్లో టాస్‌ గెలిచిన శ్రీలంక తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన భారత్‌కు ఆదిలోనే ఎదురుదెబ్బలు తగిలాయి. ఓపెనర్లలో అభిషేక్‌ శర్మ (3 బంతుల్లో 7) వచ్చీ రాగానే పెవిలియన్‌ చేరగా.. వన్‌డౌన్‌లో వచ్చిన సంజూ శాంసన్‌ (9 బంతుల్లో 7) కూడా విఫలమయ్యాడు.అంతా ఫెయిల్‌అయితే, మరో ఓపెనర్‌ వైభవ్‌ సూర్యవంశీ మెరుపులు మెరిపించాడు. మొత్తంగా 21 బంతుల్లో ఆరు ఫోర్లు, రెండు సిక్సర్లు బాది 38 పరుగులు చేశాడు. మిగిలిన వారిలో కెప్టెన్‌ శ్రేయస్‌ అయ్యర్‌ (13 బంతుల్లో 13)తో పాటు.. ఆల్‌రౌండర్‌ అక్షర్‌ పటేల్‌ (13 బంతుల్లో 8), వైస్‌ కెప్టెన్‌ తిలక్‌ వర్మ (4 బంతుల్లో 2), ఆల్‌రౌండర్‌ శివం దూబే (9 బంతుల్లో 3) పెవిలియన్‌కు వరుస కట్టారు.𝐅𝐄𝐀𝐑𝐋𝐄𝐒𝐒. 𝐅𝐋𝐀𝐌𝐁𝐎𝐘𝐀𝐍𝐓. 𝐕𝐀𝚰𝐁𝐇𝐀𝐕! 🚀The teenage sensation turns on the heat in the Men's Cricket Semi-Final at Aichi-Nagoya 2026 🔥Watch India vs Sri Lanka, Men’s Cricket Semi-Final 2, LIVE NOW on Sony Sports Network TV channels & Sony LIV.… pic.twitter.com/DPlqKERcbu— Sony Sports Network (@SonySportsNetwk) October 1, 2026ఆదుకున్న ఇషాన్‌ఓవైపు వికెట్లు పడుతున్నా ఐదో నంబర్‌ బ్యాటర్‌ ఇషాన్‌ కిషన్‌ మాత్రం నిలకడగా ఆడుతూ ఇన్నింగ్స్‌ చక్కదిద్దాడు. కేవలం 46 బంతుల్లోనే నాలుగు ఫోర్లు, ఐదు సిక్సర్ల సాయంతో 80 పరుగులతో ఆఖరి వరకు అజేయంగా నిలిచాడు. ఈ లెఫ్టాండర్‌ బ్యాటర్‌కు ఆల్‌రౌండర్‌ వాషింగ్టన్‌ సుందర్‌ (3 బంతుల్లో 7 నాటౌట్‌) తోడుగా నిలిచాడు. Pocket Dynamo's6️⃣“IN HIS ARC, AND IT’S OUT OF THE PARK!” 🚀Watch India vs Sri Lanka, Men’s Cricket Semi-Final 2, LIVE NOW on Sony Sports Network TV channels & Sony LIV.#SonySportsNetwork #SonyLIV #AsianGames #AichiNagoya2026 #BaarBaarBharatHarBaarBharat pic.twitter.com/9KOtrjxmLL— Sony Sports Network (@SonySportsNetwk) October 1, 2026లంక లక్ష్యం 170ఫలితంగా టీమిండియా నిర్ణీత 20 ఓవర్లలో ఏడు వికెట్ల నష్టానికి 169 పరుగులు చేయగలిగింది. శ్రీలంక బౌలర్లలో స్పిన్నర్లు తరిందు రత్ననాయకె, కెప్టెన్‌ సహాన్‌ అరాచిగే చెరో రెండు వికెట్లు పడగొట్టగా.. వనుజ సహాన్‌, లసిత్‌ క్రూస్పుల్లె, నువానిదు ఫెర్నాండో తలా ఒక వికెట్‌ దక్కించుకున్నారు.చదవండి: ఇది అసలు క్రికెటే కాదు.. రికార్డుల కోసం మాత్రమేనా?: గంభీర్‌ అసహనం

ఆసియా గేమ్స్‌లో పాల్గొనేందుకు టీమిండియా గ‌త‌వార‌మే జ‌పాన్‌లో అడుగుపెట్టింది. అయితే జ‌పాన్‌తో చారిత్ర‌క మ్యాచ్ అనంత‌రం రాజ‌ధాని టోక్యోలో గ‌డిపిన టీమిండియా బృందం శ‌నివారం ఆసియా గేమ్స్ జ‌రుగుతున్న న‌గోయాకు చేరుకుంది. ఈ నేప‌థ్యంలో టోక్యో నుంచి న‌గోయాకు టీమిండియా బుల్లెట్ ట్రైన్‌లో ప్ర‌యాణించ‌డం సోష‌ల్ మీడియాలో వైర‌ల్‌గా మారింది. దీనికి సంబంధించిన ఫొటోలను బీసీసీఐ త‌న ఎక్స్‌లో పంచుకుంది. స్వదేశంలో వెస్టిండీస్‌తో వ‌న్డే సిరీస్ కార‌ణంగా హెడ్‌కోచ్ గంభీర్ భార‌త్‌లోనే ఉండిపోవ‌డంతో, శ్రేయ‌స్ అయ్య‌ర్ టీంకు మెంటార్ క‌మ్ కోచ్‌గా మాజీ క్రికెట‌ర్ వీవీఎస్ ల‌క్ష్మ‌ణ్ వ్య‌వ‌హ‌రించ‌నున్నాడు. అనంత‌రం శ్రేయ‌స్ నేతృత్వంలోని జ‌ట్టు గ్రూప్ ఫొటోకు ఫోజిచ్చింది. PC: BCCI Twitterభారత్‌కు సీడింగ్‌, ఐసీసీ ర్యాంకింగ్‌ ఆధారంగా ఆసియా గేమ్స్‌లో నేరుగా క్వార్టర్‌ఫైనల్‌ బెర్త్‌ లభించిన విషయం తెలిసిందే. సోమవారం జరిగే రెండో క్వార్టర్‌ ఫైనల్లో ఆఫ్ఘనిస్తాన్‌తో టీమిండియా తలపడనుంది. 2023 ఆసియా గేమ్స్‌లో రుతురాజ్ గైక్వాడ్ సార‌థ్యంలోని టీమిండియా స్వ‌ర్ణ ప‌త‌కం సాధించిన సంగ‌తి తెలిసిందే.PC: BCCI Twitterకాగా ఈసారి క్రీడలకు మాత్రం డిఫెండింగ్‌ ఛాంపియన్‌ భారత్‌ ఫుల్‌ మెంబర్స్‌ జట్టుతో బరిలోకి దిగింది. శ్రేయస్‌ అయ్యర్‌ నేతృత్వంలోని భారత జట్టులో అభిషేక్‌ శర్మ, సంజూ శాంసన్‌, ఇషాన్‌ కిషన్‌, శివమ్‌ దూబే, తిలక్‌ వర్మ, అక్షర్‌ పటేల్‌, వాషింగ్టన్‌ సుందర్‌, రవి బిష్ణోయ్‌, జస్ప్రీత్‌ బుమ్రా, హర్షిత్‌ రాణా, అర్ష్‌దీప్‌ సింగ్‌ తదితర స్టార్లు ఉన్నారు.All set for the #AsianGames 2026 challenge 🇮🇳Drop a 💙 if you are ready to cheer for #TeamIndia 👇@WeAreTeamIndia | @Media_SAI pic.twitter.com/qypPk87QQM— BCCI (@BCCI) September 26, 2026ఇదీ చదవండి: టీమిండియా తరఫున అదే చివరిది: విరాట్‌ కోహ్లి

జపాన్‌తో చారిత్రక టీ20 మ్యాచ్‌లో టీమిండియా కొద్దిలో బతికిపోయింది! క్రికెట్‌లో ఓనమాలు నేర్చుకుంటున్న పసికూన చేతిలో ఓటమికి చేరువగా వచ్చిన శ్రేయస్‌ అయ్యర్‌ సేన ఆఖరికి రెండు పరుగుల స్వల్ప తేడాతో గట్టెక్కి.. ‘అవమానకర విజయాన్ని’ సొంతం చేసుకుంది. కష్టాలు తప్పవుఈ నేపథ్యంలో భారత స్పిన్‌ దిగ్గజం రవిచంద్రన్‌ అశ్విన్‌ టీమిండియా ఆట తీరుపై ఆగ్రహం వ్యక్తం చేశాడు. ఐపీఎల్‌లో ఫ్లాట్‌ పిచ్‌లపై బ్యాటింగ్‌ చేయడానికి అలవాటు పడ్డ భారత బ్యాటర్లు.. విదేశీ పిచ్‌లపై తేలిపోతున్నారు అనడానికి ఇది మరో నిదర్శనం అన్నాడు.తదుపరి న్యూజిలాండ్‌ పర్యటనలోనూ శ్రేయస్‌ అయ్యర్‌ సేనకు ఇలాంటి తిప్పలు తప్పవని అశూ అభిప్రాయపడ్డాడు. ఈ మేరకు తన యూట్యూబ్‌ చానెల్‌లో మాట్లాడుతూ.. ‘‘పిచ్‌ ఫ్లాట్‌గా లేదు కాబట్టి భారత బ్యాటింగ్‌ లైనప్‌ బాగా ఇబ్బంది పడినట్లు కనిపించింది.ఇండియాలో ఐపీఎల్‌లో ఎక్కువగా రోడ్‌ మాదిరి ఉండే ఫ్లాట్‌ పిచ్‌లే రూపొందిస్తారు. కాబట్టి ప్రత్యర్థి జట్లు ఇందుకు భిన్నమైన పిచ్‌లు రూపొందించి టీమిండియాను దెబ్బకొడుతున్నాయి. అందుకే మన బ్యాటర్లు జపాన్‌లో తేలిపోయారు. ఐపీఎల్‌లో మనోళ్లు ఎలాంటి పిచ్‌లపై ఆడుతున్నారో అందరూ చూస్తున్నారు కదా!కివీస్‌ ఒక తెలివైన జట్టుతదుపరి న్యూజిలాండ్‌తో సిరీస్‌ ఆడాల్సి ఉంది. కివీస్‌ ఒక తెలివైన జట్టు. వాళ్లు కూడా జపాన్‌లో మాదిరి పిచ్‌నే తయారు చేసి.. భారత బ్యాటర్లను ఇబ్బంది పెట్టే ప్రయత్నం చేస్తారు. SENA (సౌతాఫ్రికా, ఇంగ్లండ్‌, న్యూజిలాండ్‌, ఆస్ట్రేలియా) దేశాల్లో మొత్తం ఇలాంటి స్లో వికెట్లే రూపొందించడానికి ఎంతో కాలం పట్టదు. అక్కడ కూడా బంతి టర్న్‌ అవడం మొదలవుతుంది చూడండి. ఎందుకంటే టీ20 క్రికెట్‌ ఆడే మన క్రికెటర్ల బలహీనతలు ఏమిటో వారు సరిగ్గా పసిగడుతున్నారు’’ అని అశ్విన్‌ టీమిండియాను విమర్శించాడు.బంతి బాగా టర్న్‌ కావడంతోకాగా సానో అంతర్జాతీయ స్టేడియం వేదికగామంగళవారం వర్షం కారణంగా 5 ఓవర్లకు కుదించిన ఏకైక టీ20లో భారత్‌ 2 పరుగుల తేడాతో జపాన్‌పై విజయం సాధించింది. బంతి బాగా టర్న్‌ అవుతూ బ్యాటింగ్‌కు అసలు ఏమాత్రం అనుకూలించని పిచ్‌పై టాస్‌ గెలిచిన భారత్‌ 5 ఓవర్లలో 4 వికెట్ల నష్టానికి 32 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ శ్రేయస్‌ అయ్యర్‌ (12 బంతుల్లో 16; 1 ఫోర్‌) టాప్‌ స్కోరర్‌.అనంతరం జపాన్‌ 5 ఓవర్లలో 3 వికెట్లకు 30 పరుగులే చేయగలిగింది. కెప్టెన్‌ కెండెల్‌ కడోవాకి (12)దే అత్యధిక స్కోరు. మ్యాచ్‌లో స్పిన్నర్లే అన్ని ఓవర్లూ వేయగా ... ఇరు జట్లు కలిపి 60 బంతుల్లో 4 ఫోర్లే కొట్టగలిగాయంటే పరిస్థితి అర్థం చేసుకోవచ్చు.చదవండి: IND vs JPN: ఆఖర్లో హైడ్రామా.. వైడ్‌ ఇచ్చి ఉంటే.. టీమిండియా కొంపమునిగేది!

టీ20 క్రికెట్‌లో భార‌త్‌, జపాన్ మ‌ధ్య సానో అంతర్జాతీయ స్టేడియంలో జ‌రిగిన చారిత్ర‌క టీ20 మ్యాచ్ ఉత్కంఠ పోరుకు వేదికగా మారింది. వ‌ర్షం అంత‌రాయంతో 5 ఓవ‌ర్ల‌కు కుదించిన మ్యాచ్‌లో భార‌త్ కేవ‌లం 2 ప‌రుగుల తేడాతో గ‌ట్టెక్కింది. ఈ నేప‌థ్యంలో టీమిండియా గ‌తంలో అంత‌ర్జాతీయ టీ20 మ్యాచ్‌ల్లో త‌క్కువ ప‌రుగుల తేడాతో మ్యాచ్‌లు గెలిచిన సంద‌ర్భాలు ఒకసారి ప‌రిశీలిద్దాం.సౌతాఫ్రికాపై ప‌రుగు తేడాతో2012 ఐసీసీ టీ20 ప్ర‌పంచ‌క‌ప్‌లో కొలంబో వేదిక‌గా సౌతాఫ్రికాతో జ‌రిగిన మ్యాచ్‌లో టీమిండియా ఒక్క ప‌రుగు తేడాతో విజ‌యం సాధించింది. ఆ మ్యాచ్‌లో తొలుత బ్యాటింగ్ చేసిన భార‌త్ 20 ఓవ‌ర్ల‌లో 6 వికెట్ల న‌ష్టానికి 152 ప‌రుగులు చేసింది. సురేశ్ రైనా (45), రోహిత్ (25) రాణించారు. Photo Credit: BCCI Twitterఅనంత‌రం సౌతాఫ్రికా 19.5 ఓవ‌ర్ల‌లో 151 ప‌రుగుల‌కు ఆలౌట్ కావ‌డంతో భార‌త్ ఒక్క ప‌రుగు తేడాతో గెలిచింది. జ‌హీర్ ఖాన్‌, బాలాజీ చెరో 3 వికెట్లు తీయ‌గా, యువ‌రాజ్ సింగ్ ( 21 ప‌రుగులు, రెండు వికెట్లు) ఆల్‌రౌండ్ ప్ర‌దర్శ‌న క‌న‌బ‌రిచి ప్లేయ‌ర్ ఆఫ్ ది మ్యాచ్‌గా ఎంపిక‌య్యాడు.ముచ్చెమ‌ట‌లు ప‌ట్టించిన బంగ్లాదేశ్‌Photo Credit: BCCI Twitter2016 టీ20 ప్ర‌పంచ‌క‌ప్‌లో బంగ్లాదేశ్‌పై టీమిండియా ఒక్క ప‌రుగు తేడాతో గెలిచింది. తొలుత భార‌త్ 20 ఓవ‌ర్లలో 7 వికెట్ల న‌ష్టానికి 146 ప‌రుగులు చేసింది. రైనా (30), కోహ్లి (24), ధావ‌న్ (23) రాణించారు. అనంత‌రం బంగ్లాదేశ్ 20 ఓవర్ల‌లో 9 వికెట్ల న‌ష్టానికి 145 ప‌రుగులు చేసింది. అశ్విన్‌, జ‌డేజా, పాండ్యాలు క‌ట్టుదిట్టంగా బంతులేయ‌డంతో టీమిండియా ఒక్క ప‌రుగుతో గ‌ట్టెక్కింది.లంక‌పై 2 ప‌రుగుల తేడాతో..Photo Credit: BCCI Twitter2023లో భార‌త ప‌ర్య‌ట‌న‌కు వ‌చ్చిన శ్రీలంక ముంబై వేదిక‌గా జ‌రిగిన తొలి టీ20లో రెండు ప‌రుగుల తేడాతో ఓట‌మిపాలైంది. తొలుత టీమిండియా 20 ఓవ‌ర్ల‌లో 5 వికెట్ల న‌ష్టానికి 162 ప‌రుగులు చేసింది. దీప‌క్ హుడా (41 నాటౌట్‌) రాణించాడు. అనంత‌రం లంక 20 ఓవ‌ర్ల‌లో 160 ప‌రుగుల‌కు కుప్ప‌కూలింది. శివ‌మ్ మావి 4 వికెట్లు ప‌డ‌గొట్టాడు.జింబాబ్వేపై 3 ప‌రుగుల తేడాతో..Photo Credit: BCCI Twitter2016లో జింబాబ్వే ప‌ర్య‌ట‌న‌కు వెళ్లిన టీమిండియా మూడు మ్యాచ్‌ల టీ20 సిరీస్‌లో చివ‌రి మ్యాచ్‌లో ఆతిథ్య జ‌ట్టుపై 3 ప‌రుగుల తేడాతో గెలుపొందింది. తొలుత టీమిండియా 6 వికెట్ల న‌ష్టానికి 138 ప‌రుగులు చేయ‌గా, ఆ త‌ర్వాత జింబాబ్వే 20 ఓవ‌ర్ల‌లో 6 వికెట్లు కోల్పోయి 135 ప‌రుగుల‌కే ప‌రిమిత‌మైంది. కేదార్ జాద‌వ్ ప్లేయ‌ర్ ఆఫ్ ది మ్యాచ్ గెలుచుకున్నాడు.చుక్క‌లు చూపించిన ఐర్లాండ్‌Photo Credit: BCCI Twitter2022లో ఐర్లాండ్ ప‌ర్య‌ట‌న‌కు వెళ్లిన టీమిండియా 2-0తో టీ20 సిరీస్‌ను గెలుచుకుంది. అయితే రెండో టీ20లో ఐర్లాండ్ మాత్రం టీమిండియాను దాదాపు ఓడించినంత ప‌ని చేసింది. దీపక్ హుడా (57 బంతుల్లో 104) సెంచ‌రీకి తోడు సంజూ శాంస‌న్ (77) మెరుపులు తోడ‌వ్వ‌డంతో టీమిండియా 20 ఓవ‌ర్ల‌లో 7 వికెట్ల న‌ష్టానికి 225 ప‌రుగులు చేసింది. అనంత‌రం ఐర్లాండ్ 20 ఓవ‌ర్ల‌లో 5 వికెట్లు కోల్పోయి 221 ప‌రుగులు చేసింది. ఆండ్రూ బాల్బ‌రిన్ (60), పాల్ స్టిర్లింగ్ (40) రాణించ‌డంతో ఐర్లాండ్ గెలుపు దిశగా ప‌య‌నించింది. కానీ చివ‌ర్లో ఒత్తిడితో విజ‌యానికి నాలుగు ప‌రుగుల తేడాతో ఓట‌మి చ‌విచూసింది.ఇదీ చ‌ద‌వండి: ఆఖర్లో హైడ్రామా.. వైడ్ ఇచ్చుంటే భారత్ కొంపమునిగేదే!

సానో అంత‌ర్జాతీయ క్రికెట్ మైదానం వేదిక‌గా జ‌పాన్‌తో జ‌రిగిన చారిత్రతక మ్యాచ్‌లో టీమిండియా కెప్టెన్ శ్రేయ‌స్ అయ్య‌ర్ ఓ అరుదైన ఘ‌న‌త సాధించాడు. వర్షం ఆటంకం కలిగించడంతో అంపైర్లు ఈ మ్యాచ్‌ను ఇరు జట్లకు 5 ఓవర్ల చొప్పున కుదించారు. ఈ క్రమంలో టాస్ గెలిచిన అయ్యర్ ఎలాంటి సంకోచం లేకుండా బ్యాటింగ్ ఎంచుకున్నాడు.తద్వారా 5 ఓవర్ల టీ20 మ్యాచ్‌లో టాస్ గెలిచి తొలి బ్యాటింగ్ ఎంచుకున్న మొదటి ఐసీసీ ఫుల్ టైమ్ జ‌ట్టు కెప్టెన్‌గా అయ్యర్ నిలిచాడు. ఇక మ్యాచ్ విష‌యానికి వ‌స్తే.. చివ‌రి ఉత్కంఠ భ‌రితంగా సాగిన ఈ పోరులో 2 ప‌రుగుల తేడాతో టీమిండియా విజ‌యం సాధించింది. ఈ గెలుపుతో భార‌త్‌ అంతర్జాతీయ టీ20ల్లో 200వ విజయాన్ని నమోదు చేసుకుంది. తొలుత బ్యాటింగ్ చేసిన భారత్ నిర్ణీత 5 ఓవర్లలో 4 వికెట్ల నష్టానికి 32 పరుగులు మాత్రమే చేయగలిగింది. అభిషేక్ శర్మ (0) గోల్డెన్ డ‌కౌట్‌గా కాగా.. ఇషాన్ కిషన్ (3), సంజూ శాంసన్ (9)లు దారుణంగా విఫలమయ్యారు. కెప్టెన్ అయ్యర్ (16) కాస్త ఫర్వాలేదనిపించడంతో ఆ మాత్రం స్కోరైనా మెన్ ఇన్ బ్లూ సాధించ‌గ‌ల్గింది. అనంత‌రం 33 పరుగుల స్వల్ప లక్ష్యంతో బరిలోకి దిగిన జపాన్ చివ‌రి వ‌ర‌కు పోరాడి ఓట‌మి పాలైంది. నిర్ణీత ఓవ‌ర్ల‌లో 3 వికెట్ల నష్టానికి 30 ర‌న్స్ చేసి విజ‌యానికి రెండు ప‌రుగుల దూరంలో నిలిచిపోయింది. వాషింగ్టన్ సుందర్ రెండు వికెట్లు తీయ‌గా.. అక్ష‌ర్ ప‌టేల్ క‌ట్టుదిట్టంగా బౌలింగ్ చేశాడు.చదవండి: IND vs JPN: చుక్కలు చూపించిన జపాన్‌ బౌలర్లు.. టీమిండియా అత్యంత చెత్త రికార్డు

జపాన్‌తో జరిగిన చారిత్రక టీ20 మ్యాచ్‌లో టీమిండియా కేవలం రెండు పరుగుల తేడాతో గట్టెక్కింది. వర్షం అంతరాయంతో 5 ఓవర్ల ఆట మాత్రమే సాధ్యమైంది. తొలుత బ్యాటింగ్ చేసిన టీమిండియా జపాన్ బౌలర్ల ధాటికి 5 ఓవర్లలో 4 వికెట్ల నష్టానికి 32 పరుగులు చేసింది. అనంతరం జపాన్ 5 ఓవర్లలో 2 వికెట్లు కోల్పోయి 30 పరుగులు చేయడంతో భారత్ థ్రిల్లింగ్ విజయాన్ని నమోదు చేసింది. అయితే జపాన్ ఇన్నింగ్స్‌లో అక్షర్ పటేల్ వేసిన ఆఖరి ఓవర్‌లో హైడ్రామా నడిచింది. ఆఖరి ఓవర్‌లో జపాన్ విజయానికి 8 పరుగులు అవసరం. తొలి రెండు బంతులకు ఒక పరుగు వచ్చింది. అయితే మూడో బంతిని అక్షర్ అనూహ్యంగా వైడ్ వేయడంతో జపాన్ విజయానికి ఆరు పరుగులు అవసరమయ్యాయి. ఈ నేపథ్యంలో అక్షర్ లెగ్‌సైడ్ దిశగా బంతిని వేశాడు. క్రీజులో ఉన్న అలెగ్జాండర్ రివర్స్ స్వీప్ ఆడే ప్రయత్నం చేశాడు. కానీ అంపైర్ ఆ బంతిని కూడా తొలుత వైడ్ అని ప్రకటించాడు. దీంతో అక్షర్‌, కీపర్ సంజూ శాంసన్‌లు షాక్‌కు గురయ్యారు. ఇది గమనించి కెప్టెన్ శ్రేయస్ అయ్యర్ స్క్వేర్‌లెగ్‌ అంపైర్ చారిస్ బ్రౌన్‌తో వాదనకు దిగాడు. అప్పటికీ ఫీల్డ్ అంపైర్ క్రిస్ థుర్గేట్‌ మాత్రం తన వైడ్‌కాల్‌కు కట్టుబడి ఉన్నాడు. దీంతో చిర్రెత్తుకొచ్చిన అక్షర్.. ‘అసలు ఇదెలా వైడ్ అవుతుందో అర్థం కాలేదు’ అని శ్రేయస్‌కు సైగ చేశాడు. దీంతో శ్రేయస్ ఫీల్డ్ అంపైర్ వద్దకు వచ్చి మరోసారి నిర్ణయంపై పునరాలోచించాలని కోరాడు. ఇద్దరు అంపైర్లు సుదీర్ఘంగా చర్చించుకొని అక్షర్ వేసిన బంతి సరైనదేనని తేల్చారు. ఆ తర్వాతి రెండు బంతులకు రెండు పరుగులు మాత్రమే రావడంతో జపాన్ ఓటమి చవిచూసింది. మ్యాచ్‌కు డీఆర్‌ఎస్ టెక్నాలజీ అందుబాటులో లేకపోవడంతో.. ఒకవేళ అంపైర్ తన వైడ్‌బాల్‌కు కట్టుబడి ఉంటే మాత్రం టీమిండియా కొంపమునిగేదే. కానీ సరైన సమయంలో అక్షర్, శ్రేయస్ స్పందించడంతో టీమిండియా స్వల్ప తేడాతో విజయాన్ని అందుకుంది. ప్రస్తుతం ఈ విషయం సోషల్‌మీడియాలో తెగ వైరల్ అవుతోంది.మ్యాచ్ విష‌యానికొస్తే చార్లీ హింజ్ (2-17) అద్భుత ప్ర‌ద‌ర్శ‌న‌తో తొలుత బ్యాటింగ్ చేసిన‌ టీమిండియా 4 వికెట్ల న‌ష్టానికి 32 ప‌రుగులు చేసింది. కెప్టెన్‌ శ్రేయస్‌ (16) టాప్‌స్కోరర్‌గా నిలిచాడు. అనంత‌రం జ‌పాన్ అనుభ‌వ‌లేమితో 5 ఓవ‌ర్ల‌లో 3 వికెట్లు కోల్పోయి 30 ప‌రుగులు చేసి విజ‌యానికి రెండు ప‌రుగుల దూరంలో ఆగిపోయింది.Umpires overturning a wide decision without a review or replay, simply because Indian players asked for it.What a low. This is more shameful than losing to Japan.pic.twitter.com/X2zhpsiSCf https://t.co/6OHZlMYcsH— Ragav X (@ragav_x) September 22, 2026 🔴 BIG CONTROVERSY BETWEEN SHREYAS IYER & UMPIRE 🤯- Axar Patel bowled a legal delivery, but umpire called it a wide.- Axar was angry with the umpire as it was already back-to-back wides, & Japan needed only a few runs to win.- Shreyas Iyer then spoke to the umpire.-… pic.twitter.com/VQtdQf6XvH— Sam (@cricsam02) September 22, 2026ఇదీ చదవండి: టీమిండియాపై జపాన్‌ బౌలర్‌ ప్ర‌పంచ రికార్డు

సానో అంతర్జాతీయ క్రికెట్ మైదానం వేదికగా జపాన్‌తో జరిగిన చారిత్రాత్మక టీ20 మ్యాచ్‌లో 2 పరుగుల తేడాతో టీమిండియా థ్రిల్లింగ్ విక్టరీ సాధించింది. మైదానం తడిగా ఉండటంతో ఈ మ్యాచ్‌ను 5 ఓవర్లకు కుదించారు. తొలుత బ్యాటింగ్ చేసిన టీమిండియా జపాన్ బౌలర్ల ధాటికి నిర్ణీత ఓవర్లలో 4 వికెట్ల నష్టానికి 32 పరుగులు మాత్రమే చేయగలిగింది. ఓపెనర్ అభిషేక్ శర్మ (0) గోల్డెన్ డకౌట్ కాగా.. సంజూ శాంసన్ (9), ఇషాన్ కిషన్ (3) కూడా త్వరగానే పెవిలియన్ చేరారు. కెప్టెన్ శ్రేయస్ అయ్యర్ 16 పరుగులు చేసి ప్లేయర్ ఆఫ్‌ది మ్యాచ్‌గా నిలిచాడు. అనంతరం స్వల్ప లక్ష్య చేధనలో జపాన్ 3 వికెట్లు కోల్పోయి 30 పరుగులకే పరిమితమై ఓటమి పాలైంది. కాగా భారత్‌కు ఇది టీ20ల్లో 200వ విజయం కావడం విశేషం. ఈ హిస్టారికల్ విజయంపై కెప్టెన్ శ్రేయస్ అయ్యర్ మ్యాచ్ అనంతరం స్పందించాడు. ఈ మ్యాచ్‌ను 5 ఓవర్లకు కుదించినప్పటికీ ఇరు జట్ల అత్యుత్తమ ప్రదర్శన చేయడం తనకు ఎంతో సంతోషాన్ని ఇచ్చిందని అయ్యర్ అన్నాడు."భారత్‌, జపాన్ మధ్య దౌత్య సంబంధాలు 75 ఏళ్లు పూర్తి చేసుకున్న సందర్భంగా ఇరు దేశాల ప్రజలకు నా శుభాకాంక్షలు. మేము ఇక్కడికి వచ్చినప్పటి నుంచి దీని గురించే మాట్లాడుకుంటున్నాం. ఇక్కడికి చేరుకోవడానికి మాకు దాదాపు 3 గంటల సమయం పట్టినా.. మైదానంలోకి అడుగుపెట్టి అభిమానులను అలరించాలనే ఆలోచనే మా మనస్సులో ఉంది. ఈ చారిత్రక మ్యాచ్ కోసం అభిమానులు ఎంతో ఆసక్తిగా ఎదురుచూశారు. ఈ మ్యాచ్‌ను విజయవంతంగా నిర్వహించడంలో భాగమైన ప్రతి ఒక్కరికీ ధన్యవాదాలు.ఇది కేవలం ఐదు ఓవర్ల మ్యాచ్ అయినప్పటికీ.. మైదానంలో బరిలోకి దిగినందుకు ఆనందంగా ఉంది. చివరి వరకు ఉత్కంఠభరితంగా సాగిన ఈ మ్యాచ్‌లో ప్రత్యర్థి జట్టు మాకు గట్టి పోటీ ఇచ్చింది. వారు అద్భుతంగా ఆడారు. వరుసగా రెండుసార్లు వరల్డ్ ఛాంపియన్స్‌గా నిలిచిన భారత జట్టుకు నాయకత్వం వహించడం నాకు దక్కిన అరుదైన గౌరవంగా భావిస్తున్నాను. భారత్ లాంటి జట్టును నడిపించడం చాలా పెద్ద విషయం. ఒత్తిడి ఉన్నప్పుడే నా నుంచి ఉత్తమ ప్రదర్శన వస్తుంది. ఒత్తిడి అనేది నాలోని ఉత్తమ ఆటగాడిని బయటకు తీస్తుందని నమ్ముతాను. ఈ పాత్రను నేను ఎప్పుడూ ఆస్వాదిస్తాను.మా లక్ష్యం అదేఆసియా క్రీడల్లో గోల్డ్ మెడల్ గెలవడమే మా లక్ష్యం. ముందుగా మేము మ్యాచ్‌లు జరిగే నగోయాకు వెళ్లి అక్కడి పరిస్థితులను అంచనా వేసి, పిచ్ ఎలా స్పందిస్తుందో తెలుసుకుంటాము. ఇతర జట్లు కూడా ఇదే లక్ష్యంతో వస్తాయని నాకు తెలుసు. కానీ మా ప్రణాళికలకు తగ్గట్టు ముందుకు వెళ్లేందుకు ప్రయత్నిస్తాం. గతంలో ఏం జరిగిందనో లేదా భవిష్యత్తులో ఏం జరగబోతోందో ఆలోచించకూడదు. మనం ఎంత ఎక్కువగా వర్తమానంపై దృష్టి పెడితే అంత మంచిది" అని అయ్యర్ పోస్ట్ మ్యాచ్ ప్రెజెంటేషన్‌లో పేర్కొన్నాడు."

జ‌పాన్‌తో జ‌రిగిన ఏకైక టీ20 మ్యాచ్‌లో టీమిండియా అతి క‌ష్టం మీద నెగ్గింది. ఆద్యంతం ఉత్కంఠంగా సాగిన పోరులో భార‌త్ కేవ‌లం 2 ప‌రుగుల తేడాతో గట్టెక్కింది. వ‌ర్షం అంత‌రాయంతో 5 ఓవ‌ర్ల ఆట మాత్రమే సాధ్య‌ప‌డింది. రెండువేల సీటింగ్ సామ‌ర్థ్య‌మున్న సానో అంత‌ర్జాతీయ క్రికెట్ స్టేడియంలో జ‌రిగిన ఈ మ్యాచ్‌లో జ‌పాన్ స్పిన్ బౌల‌ర్‌ చార్లీ హింజ్‌ ప్ర‌త్యేక ఆక‌ర్ష‌ణగా నిలిచాడు.17 ఏళ్ల వ‌య‌సున్న చార్లీ త‌న వైవిధ్య‌మైన బౌలింగ్‌తో ఓపెన‌ర్ అభిషేక్ శ‌ర్మ‌తో పాటు కెప్టెన్ శ్రేయ‌స్ అయ్య‌ర్ వికెట్లు ప‌డ‌గొట్టాడు. ఇందులో అభిషేక్ శ‌ర్మ‌ను గోల్డెన్ డ‌కౌట్ చేసిన చార్లీ హింజ్‌.. మ్యాచ్‌లో భార‌త్ త‌ర‌ఫున టాప్ స్కోర‌ర్‌గా నిలిచిన శ్రేయ‌స్ అయ్య‌ర్ వికెట్ కూడా ప‌డ‌గొట్టి జ‌పాన్‌కు బ్రేక్ ఇచ్చాడు. దీంతో చార్లీ హింజ్‌ పేరు సోష‌ల్ మీడియాలో మార్మోగిపోయింది.అయితే మ్యాచ్‌కు ముందే చార్లీ హింజ్‌ ఒక రికార్డును తన పేరిట లిఖించుకున్నాడు. టీమిండియాతో జ‌రిగిన టీ20 మ్యాచ్‌లో ఆడిన అతి పిన్న వ‌య‌స్కుడి జాబితాలో చార్లీ హింజ్ చోటు ద‌క్కించుకున్నాడు. 17 ఏళ్ల 357 రోజుల వ‌య‌సున్న చార్లీ హింజ్ భార‌త్‌పై టీ20 ఆడిన మూడో పిన్న వ‌య‌స్కుడిగా రికార్డుల‌కెక్కాడు. హింజ్ కంటే ముందు నేపాల్ క్రికెట‌ర్ గుల్ష‌న్ ఝా (17 ఏళ్ల 228 రోజులు), న‌మీబియా క్రికెట‌ర్ మాక్స్ హీంగో (17 ఏళ్ల 341 రోజులు) తొలి రెండు స్థానాల్లో ఉన్నారు.ఎవ‌రీ చార్లీ హింజ్‌?చార్లీ హింజ్ విషయానికొస్తే అత‌డి కుటుంబం మొత్తం క్రికెట‌ర్ల‌తో నిండి ఉండ‌డం విశేషం. అత‌డి సోద‌రులు జి హ‌రా హింజ్‌, ఎమ్ హ‌రా హింజ్‌లు జ‌పాన్ అండ‌ర్‌-19 జ‌ట్టుకు ఆడారు. ఈ ముగ్గురిలో చార్లీ హింజ్ స‌క్సెస్ అయ్యాడు. 2024లో జ‌పాన్ సీనియ‌ర్ జ‌ట్టుకు ఆడాడు. గ‌ణాంకాల విష‌యానికొస్తే చార్లీ హింజ్ 39 టీ20ల్లో 49 వికెట్లు తీశాడు. జ‌పాన్ త‌ర‌ఫున అంత‌ర్జాతీయ టీ20ల్లో అత్య‌ధిక వికెట్లు తీసిన బౌల‌ర్ల జాబితాలో చార్లీ హింజ్ మూడో స్థానంలో కొన‌సాగుతున్నాడు.మ్యాచ్ విష‌యానికొస్తే చార్లీ హింజ్ (2-17) అద్భుత ప్ర‌ద‌ర్శ‌న‌తో తొలుత బ్యాటింగ్ చేసిన‌ టీమిండియా 4 వికెట్ల న‌ష్టానికి 32 ప‌రుగులు చేసింది. అనంత‌రం జ‌పాన్ అనుభ‌వ‌లేమితో 5 ఓవ‌ర్ల‌లో 3 వికెట్లు కోల్పోయి 30 ప‌రుగులు చేసి విజ‌యానికి రెండు ప‌రుగుల దూరంలో ఆగిపోయింది.ఇదీ చదవండి: కాసేప‌ట్లో లంక‌తో తొలి వ‌న్డే.. ఇంగ్లండ్ స్టార్‌ క్రికెటర్‌ గుడ్‌బై

ఆసియా క్రీడలు-2026 పురుషుల టీ20 టోర్నమెంట్‌ ఆరంభానికి ముందు టీమిండియా ఆతిథ్య జపాన్‌తో తలపడింది. కాంటోలోని సనో అంతర్జాతీయ క్రికెట్‌ మైదానంలో ఇరుజట్ల మధ్య తొలిసారి అంతర్జాతీయ టీ20 మ్యాచ్‌ జరిగింది.ఊహించని విధంగావర్షం కారణంగా అవుట్‌ ఫీల్డ్‌ చిత్తడిగా మారడంతో టాస్‌ బాగా ఆలస్యమైంది. ఈ క్రమంలో మంగళవారం నాటి ఈ మ్యాచ్‌ను ఐదు ఓవర్లకు కుదించగా.. టాస్‌ గెలిచిన టీమిండియా తొలుత బ్యాటింగ్‌కు దిగింది. అయితే, జపాన్‌ బౌలర్లు ఊహించని విధంగా విజృంభించారు.పదిహేడేళ్ల స్పిన్నర్‌ చార్లీ హారా- హింజే అనూహ్య రీతిలో అభిషేక్‌ శర్మను గోల్డెన్‌ డకౌట్‌ చేశాడు. మరో ఓపెనర్‌ సంజూ శాంసన్‌ (9)ను ఇబ్రహీం తకాహషి పెవిలియన్‌కు పంపగా.. వన్‌డౌన్‌ బ్యాటర్‌ ఇషాన్‌ కిషన్‌ (3)ను బెంజమిన్‌ ఇటో-డేవిస్‌ అవుట్‌ చేశాడు.ఆఖరి వరకు ఉత్కంఠకెప్టెన్‌ శ్రేయస్‌ అయ్యర్‌ 16 పరుగులతో టాప్‌ రన్‌ స్కోరర్‌గా నిలవగా.. తిలక్‌ వర్మ ఒకటి, శివం దూబే సున్నా పరుగులతో అజేయంగా నిలిచారు. ఫలితంగా నిర్ణీత ఐదు ఓవర్లలో టీమిండియా నాలుగు వికెట్ల నష్టానికి 32 పరుగులు చేయగలిగింది. అనంతరం లక్ష్య ఛేదనకు దిగిన జపాన్‌ నరాలు తెగే ఉత్కంఠ రేపింది. నిర్ణీత 5 ఓవర్లలో మూడు వికెట్ల నష్టానికి 30 పరుగులు చేసింది. ఫలితంగా రెండు పరుగుల స్వల్ప తేడాతో గట్టెక్కిన టీమిండియా చారిత్రక మ్యాచ్‌లో గెలుపొంది ఊపిరిపీల్చుకుంది.కాగా అంతర్జాతీయ టీ20 క్రికెట్‌లో టీమిండియాకు ఇది 200వ విజయం (సూపర్‌ ఓవర్లు సహా)కావడం విశేషం. తద్వారా ప్రపంచంలోనే ఈ ఘనత సాధించిన తొలి జట్టుగా భారత్‌ చరిత్ర సృష్టించింది.టీమిండియా ‘డబుల్‌ సెంచరీ’లో మైలురాళ్లు👉తొలి విజయం: 2006లో జొబర్గ్‌ వేదికగా సౌతాఫ్రికాపై ఆరు వికెట్ల తేడాతో గెలుపు👉యాభైవ విజయం: 2017లో కొలంబో వేదికగా శ్రీలంకపై ఏడు వికెట్ల తేడాతో గెలుపు👉వందవ విజయం: 2022లో కోల్‌కతా వేదికగా వెస్టిండీస్‌పై 8 పరుగుల తేడాతో గెలుపు👉150వ విజయం: 2024లో గ్రాస్‌ ఐలెట్‌ వేదికగా ఆస్ట్రేలియాపై 24 పరుగుల తేడాతో గెలుపు👉200వ విజయం: 2026లో సనో వేదికగా జపాన్‌పై రెండు పరుగుల తేడాతో గెలుపు.

సానో అంతర్జాతీయ క్రికెట్ మైదానం వేదికగా భారత్‌-జపాన్‌ మధ్య జరిగిన చారిత్రక టీ20 మ్యాచ్‌ సస్పెన్స్ థ్రిల్లర్‌ను తలపించింది. ఆఖరి వరకు ఉత్కంఠభరితంగా సాగిన ఈ పోరులో జపాన్‌పై రెండు పరుగుల తేడాతో భారత్‌ విజయం సాధించింది. కాగా ఈ మ్యాచ్‌ను వెట్‌ ఔట్‌ ఫీల్డ్‌ కారణంగా ఈ మ్యాచ్‌ను 5 ఓవర్లకు కుదించారు. ఈ క్రమంలో తొలుత బ్యాటింగ్‌ చేసిన భారత్‌ నిర్ణీత ఓవర్లలో 4 వికెట్ల నష్టానికి కేవలం 32 పరుగులు మాత్రమే చేసింది. అభిషేక్‌ శర్మ గోల్డెన్‌ డకౌట్‌ కాగా.. సంజూ శాంసన్‌(9), ఇషాన్‌ కిషన్‌(3), తిలక్‌ వర్మ(1) సింగిల్‌ డిజిట్‌ స్కోర్లకే పరిమితమయ్యాడు. శ్రేయస్‌ అయ్యర్‌(16) టాప్‌ స్కోరర్‌గా నిలిచాడు. చివ‌రి ఓవ‌ర్‌లో జ‌పాన్ విజ‌యానికి 8 ప‌రుగులు అవ‌స‌ర‌మవ్వ‌గా.. అక్ష‌ర్ ప‌టేల్ అద్భుతంగా బౌలింగ్ చేసి కేవ‌లం 5 ప‌రుగులు మాత్ర‌మే ఇచ్చాడు.అక్షర్‌ పటేల్‌ తన రెండు ఓవర్ల కోటాలో వికెట్లు పడగొట్టనప్పటికి.. కేవలం 7 పరుగులు మాత్రమే ఇచ్చాడు. భారత బౌలర్లలో వాషింగ్టన్‌ సుందర్‌ ఒక్కడే రెండు వికెట్లు సాధించాడు. జపాన్‌ బౌలర్లలో కెండెల్ కడోవాకి-ఫ్లెమింగ్(12) టాప్‌ స్కోరర్‌గా నిలిచాడు.చదవండి: IND vs JPN: చుక్కలు చూపించిన జపాన్‌ బౌలర్లు.. టీమిండియా అత్యంత చెత్త రికార్డు

పసికూనతో ఉత్కంఠ పోరు.. అతికష్టం మీద గెలిచిన టీమిండియాజపాన్‌తో జరిగిన చారిత్రక టీ20 మ్యాచ్‌లో భారత్‌ అతికష్టం మీద గెలిచి, పరువు కాపాడుకుంది. టాస్‌ గెలిచి తొలుత బ్యాటింగ్‌ చేసిన భారత్‌ చెత్తగా ఆడింది. క్రికెట్‌లో ఓనమాలు కూడా తెలీని బౌలర్లను ఎదుర్కొనేందుకు భారత స్టార్‌ బ్యాటర్లు నానాకష్టాలు పడ్డారు. చచ్చీ చెడి నిర్ణీత 5 ఓవర్లలో 4 వికెట్ల నష్టానికి 32 పరుగులు చేసిన భారత్‌, లక్ష్యాన్ని కాపాడుకునేందుకు మరింత శ్రమించాల్సి వచ్చింది.జపాన్‌ బ్యాటర్లు గెలుపు కోసం చివరి బంతి వరకు పోరాడారు. 5 ఓవర్లలో ఆ జట్టు 3 వికెట్ల నష్టానికి 30 పరుగులు చేసి లక్ష్యానికి 3 పరుగుల దూరంలో నిలిచిపోయింది. ఫలితంగా భారత్‌ 2 పరుగుల తేడాతో విజయం సాధించింది. చివరి ఓవర్‌లో అక్షర్‌ పటేల్‌ వరుసగా వైడ్లు వేసి భారత శిబిరంలో ఉత్కంఠ రేకెత్తించాడు. కాస్త అటుఇటైనా ఫలితం భారత్‌కు ప్రతికూలంగా ఉండేది. రెండో వికెట్‌ కోల్పోయిన జపాన్‌1.4వ ఓవర్‌- 7 పరుగుల వద్ద జపాన్‌ రెండో వికెట్‌ కోల్పోయింది. సుందర్‌ బౌలింగ్‌లో బిష్ణోయ్‌కు క్యాచ్‌ ఇచ్చి ఇబ్రహీం (4) ఔటయ్యాడు. ఇషాన్‌ అద్భుతమైన త్రో.. 2 పరుగులకే తొలి వికెట్‌ కోల్పోయిన జపాన్‌0.5వ ఓవర్‌- ఇషాన్‌ కిషన్‌ అద్భుతమైన డైరెక్ట్‌ త్రోతో రనౌట్‌ చేయడంతో 33 పరుగుల లక్ష్య ఛేదనలో జపాన్‌ 2 పరుగులకే తొలి వికెట్‌ కోల్పోయింది. చెత్తగా ఆడిన టీమిండియా.. 5 ఓవర్లలో 32 పరుగులేక్రికెట్‌లో ఓనమాలు కూడా తెలినీ జపాన్‌తో జరుగుతున్న టీ20 మ్యాచ్‌లో టీమిండియా చాలా చెత్తగా బ్యాటింగ్‌ చేసింది. నిర్ణీత 5 ఓవర్లలో కేవలం 32 పరుగులే చేసి ఏకంగా 4 వికెట్లు కోల్పోయింది. భారత ఇన్నింగ్స్‌లో ఒక్క సిక్సర్‌ కూడా లేకపోవడం​ గమనార్హం. ఫోర్లు కూడా రెండు మాత్రమే ఉన్నాయి. భారత బ్యాటర్లలో కెప్టెన్‌ శ్రేయస్‌ అయ్యర్‌ (16) ఒక్కడే రెండంకెల స్కోర్‌ చేయగా.. అభిషేక్‌ డకౌట్‌, సంజూ శాంసన్‌ 9, ఇషాన్‌ కిషన్‌ 3, తిలక్‌ వర్మ 1 (నాటౌట్‌) పరుగు చేశారు. జపాన్‌ బౌలర్లలో చార్లీ 2, ఇబ్రహీం, బెంజమిన్‌ తలో వికెట్‌ తీశారు. చెత్తగా ఆడుతున్న టీమిండియా.. 14 పరుగులకే 3 వికెట్లుక్రికెట్‌లో ఓనమాలు కూడా తెలియని జపాన్‌తో మ్యాచ్‌లో టీమిండియా చెత్తగా ఆడుతుంది. 2.4 ఓవర్లలో కేవలం​ 14 పరుగులు మాత్రమే చేసి 3 వికెట్లు (అభిషేక్‌, సంజూ, ఇషాన్‌) కోల్పోయింది. నిర్ణీత 5 ఓవర్లలో కనీస స్కోర్‌ కూడా చయలేకపోతే, టీమిండియాకు ఘోర పరాభవం తప్పకపోవచ్చు. మూడు బంతుల వ్యవధిలో అభిషేక్‌, సంజూ ఔట్‌1.2వ ఓవర్‌- భారత జట్టు మూడు బంతుల వ్యవధిలో ఇద్దరు ఓపెనర్ల వికెట్లు కోల్పోయింది. తొలి ఓవర్‌ చివరి బంతికి అభిషేక్‌ డకౌట్‌ కాగా.. రెండో ఓవర్‌ రెండో బంతికి సంజూ శాంసన్‌ (9) కూడా పెవిలియన్‌ బాట పట్టాడు. 1.2 ఓవర్ల తర్వాత భారత్‌ స్కోర్‌ 9-2గా ఉంది. టీమిండియాకు షాక్‌.. తొలి ఓవర్లోనే అభిషేక్‌ డకౌట్‌5 ఓవర్ల మ్యాచ్‌లో టీమిండియాకు తొలి ఓవర్‌లోనే షాక్‌ తగిలింది. భారత్‌ టాస్‌ గెలిచి తొలుత బ్యాటింగ్‌ ఎంచుకోగా.. విధ్వంసకర ఓపెనర్‌ అభిషేక్‌ శర్మ తాను ఎదర్కొన్న తొలి బంతికే డకౌటయ్యాడు. మరో ఎండ్‌లో సంజూ శాంసన్‌ నిదానంగా ఆడుతున్నాడు. తొలి ఓవర​్‌ తర్వాత భారత్‌ స్కోర్‌ 7-1గా ఉంది. తుది జట్లు:భారత్ (ప్లేయింగ్ XI): సంజు శాంసన్(w), అభిషేక్ శర్మ, ఇషాన్ కిషన్, శ్రేయాస్ అయ్యర్(c), తిలక్ వర్మ, శివమ్ దూబే, అక్షర్ పటేల్, వాషింగ్టన్ సుందర్, యశ్ ఠాకూర్, రవి బిష్ణోయ్, అర్ష్‌దీప్ సింగ్జపాన్ (ప్లేయింగ్ XI): లాచ్లాన్ యమమోటో-లేక్, రియో ​​సకురానో-థామస్, కెండెల్ కడోవాకి-ఫ్లెమింగ్(సి), బెంజమిన్ ఇటో-డేవిస్, వాటరు మియాచి, అలెగ్జాండర్ షిరాయ్-పాట్‌మోర్(w), చార్లీ హర-హింజ్, ఇబ్రహీం తకాహషి, మాక్ తకాహషి, మక్టోమా- షోమా సుగయ-స్లేటర్5 ఓవర్ల మ్యాచ్‌.. టాస్‌ గెలిచి బ్యాటింగ్‌ ఎంచుకున్న భారత్‌మధ్యాహ్నం 12 గంటలు: భారత్‌-జపాన్‌ చారిత్రక టీ20 మ్యాచ్‌ మరి కొది​సేపట్లో ప్రారంభం కానుంది. వెట్‌ ఔట్‌ ఫీల్డ్‌ కారణంగా 3 గంటలు ఆలస్యమైన ఈ మ్యాచ్‌ భారతకాలమానం ప్రకారం మధ్యాహ్నం 12:30 గంటలకు ప్రారంభం కానుంది. బాగా ఆలస్యం కావడంతో ఈ మ్యాచ్‌ను చెరి 5 ఓవర్లకు కుదించారు. ఈ మ్యాచ్‌లో టీమిండియా టాస్‌ గెలిచి బ్యాటింగ్‌ ఎంచుకుంది. ఇండియా: అభిషేక్ శర్మ, సంజు శాంసన్ (వికెట్ కీపర్‌), ఇషాన్ కిషన్, శ్రేయాస్ అయ్యర్ (కెప్టెన్‌), శివమ్ దూబే, తిలక్ వర్మ, అక్షర్ పటేల్, వాషింగ్టన్ సుందర్, యశ్ రవిసింగ్ ఠాకూర్, రవి బిష్ణోయ్, అర్ష్‌దీప్ సింగ్జపాన్: కెండెల్ కడోవాకి-ఫ్లెమింగ్ (కెప్టెన్‌), లాచ్‌లాన్ యమమోటో-లేక్, వటారు మియౌచి, అలెగ్జాండర్ షిరాయ్-పాట్‌మోర్ (వారం), చార్లీ హింజ్, రియో ​​సకురానో-థామస్, బెంజమిన్ ఇటో-డేవిస్, ఇబ్రహీం తకాహషి, డెక్లాన్ మకో మకో మటోమ్, టాక్లాన్ సుజ్మా,తదుపరి తనిఖీ 11:45 గంటలకుభారత్‌-జపాన్‌ మధ్య చారిత్రక టీ20 మ్యాచ్‌ మరింత ఆలస్యమవుతుంది. ఉదయం 9: 30 గంటలకు ప్రారంభం కావాల్సిన ఈ మ్యాచ్‌ వెట్‌ ఔట్‌ ఫీల్డ్‌ కారణంగా ఇప్పటివరకు టాస్‌ కూడా పడలేదు. పలు మార్లు పిచ్‌ను తనిఖీ చేసిన అంపైర్లు మరో తనిఖీని 11:45 గంటలకు చేపట్టనున్నారు. టాస్‌ మరింత ఆలస్యం (9:45)వెట్‌ ఔట్‌ ఫీల్డ్‌ కారణంగా టాస్‌ మరింత ఆలస్యమయ్యేలా ఉంది. తొలుత 9:45 గంటలకు తనిఖీ చేసి అప్‌డేట్‌ ఇస్తామన్న అంపైర్లు.. మైదానం ఇంకా తడిగానే ఉండటంతో మరోసారి తనిఖీ చేయనున్నట్లు చెప్పారు. టాస్‌ ఆలస్యంఏషియన్ గేమ్స్ 2026 మెన్స్ క్రికెట్‌ పోటీల ఆరంభానికి ముందు టీమిండియా ఆతిథ్య జపాన్‌తో ఇవాళ (సెప్టెంబర్‌ 22) ఏకైక టీ20 మ్యాచ్‌ ఆడనుంది. సానో ఇంటర్నేషనల్ క్రికెట్ గ్రౌండ్ వేదికగా జరుగనున్న ఈ చారిత్రక మ్యాచ్‌లో వెట్‌ ఔట్‌ ఫీల్డ్‌ కారణంగా టాస్‌ ఆలస్యమవుతుంది. 9:45 గంటలకు రిఫరీ మైదానాన్ని తనఖీ చేసి అప్‌డేట్‌ ఇస్తారు. కాగా, భారత్-జపాన్ మధ్య 75 ఏళ్ల దౌత్య సంబంధాలను పురస్కరించుకుని ఈ మ్యాచ్‌ను నిర్వహిస్తున్న విషయం తెలిసిందే. 2022 అక్టోబర్‌లో తమ తొలి అంతర్జాతీయ మ్యాచ్‌ ఆడిన జపాన్‌.. ఓ ఐసీసీ ఫుల్‌ మెంబర్‌ జట్టుతో తలపడటం ఇదే మొదటిసారి. ఇదీ చదవండి: Asian Games 2026: క్రికెట్‌లో పాక్‌కు కాంస్య పతకం

జపాన్‌తో చారిత్రాత్మక టీ20 మ్యాచ్ ఆడేందుకు శ్రేయస్ అయ్యర్ సారథ్యంలోని టీమిండియా వారి గడ్డపై అడుగుపెట్టింది. జపాన్‌కు చేరుకున్న భారత బృందానికి ఘన స్వాగతం లభించింది. ఈ మేరకు బీసీసీఐ ఒక ప్రత్యేక వీడియోనూ రిలీజ్ చేసింది. ఆ వీడియోలో శ్రేయస్ అయ్యర్ జపాన్ ఆతిథ్యంపై ప్రశంసల వర్షం కురిపించాడు. జపాన్ ప్రభుత్వం నుంచి తమకు అద్భుత స్వాగతం లభించిందని, చూడడానికి చాలా అందంగా అనిపించిందని చెప్పుకొచ్చాడు. జపాన్‌లో క్రికెట్ పరిస్థితులపై శ్రేయస్‌ మాట్లాడుతూ.. ‘ఇది మాకు చాలా ఉత్కంఠభరితమైన, ఉత్తేజకరమైన మ్యాచ్ కాబోతోంది. మేము జపాన్‌తో ఆడడం ఇదే తొలిసారి కాబట్టి, ఇక్కడి పిచ్ పరిస్థితి, వికెట్ గురించి పెద్దగా తెలియదు. కానీ జపాన్‌తో ఒక గొప్ప మ్యాచ్ ఆడేందుకు మాత్రం ఎదురుచూస్తున్నాం.’ అని ముగించాడు.ఇటీవలే ఢిల్లీ వేదికగా అఫ్గానిస్తాన్‌తో జరిగిన మూడు మ్యాచ్‌ల టీ20 సిరీస్‌లో శ్రేయస్ వరుసగా 8 నాటౌట్‌, 11, 29 పరుగులు సాధించాడు. ఆసియా గేమ్స్‌లో భాగంగా సెప్టెంబర్ 28న టీమిండియా క్వార్టర్ ఫైనల్ ఆడనుంది. ఈ నేపథ్యంలో ఫామ్‌లోకి రావాలని శ్రేయస్ ఉవ్విళ్లూ రుతున్నాడు. మూడేళ్ల తర్వాత జట్టులోకి వచ్చిన శ్రేయస్ ప్రస్తుతం టీమిండియాకు టీ20 కెప్టెన్‌గా ఉన్నాడు. కెప్టెన్‌గా 13 ఇన్నింగ్స్‌ల్లో 143 స్ట్రైక్‌రేట్‌తో 359 పరుగులు సాధించాడు. ఇందులో రెండు అర్థశతకాలు ఉన్నాయి.సుజుకి కప్‌గా నామకరణంభారత్‌- జపాన్‌ మధ్య దౌత్య సంబంధాలు మొదలై 75 వసంతాలు పూర్తయిన సందర్భంగా ఇరుదేశాల పురుష క్రికెట్‌ జట్ల మధ్య ఈ మేరకు ఏకైక టీ20 మ్యాచ్‌ నిర్వహణకు సన్నాహకాలు చేశారు. ‘స్పోర్ట్‌-75’ పేరుతో రూపొందుతున్న ప్రత్యేక కార్యక్రమంలో భాగంగా ఇరుదేశాల మధ్య క్రీడల అభివృద్ధికి సహకారాన్ని ఆశిస్తూ ఈ నిర్ణయం తీసుకున్నారు. రెండు జట్ల మధ్య జరగనున్న ఏకైక టీ20 మ్యాచ్‌కు సుజుకి కప్ అని నామకరణం చేశారు. ఈ చారిత్రాత్మక మ్యాచ్‌కు టోచిగి ప్రిఫెక్చర్‌లోని సానో అంతర్జాతీయ క్రికెట్ స్టేడియం వేదిక కానుంది. భారత కాలమాన ప్రకారం రేపు ఉదయం 9.30 గంటలకు మ్యాచ్ ప్రారంభం కానుంది.జపాన్ టీ20, ఆసియా క్రీడలకు భారత జట్టు:శ్రేయస్ అయ్యర్ (కెప్టెన్), అభిషేక్ శర్మ, సంజూ శాంసన్ (వికెట్ కీపర్), ఇషాన్ కిషన్ (వికెట్ కీపర్), శివమ్ దూబే, తిలక్ వర్మ (వైస్ కెప్టెన్), అక్షర్ పటేల్, వాషింగ్టన్ సుందర్‌, రవి బిష్ణోయి, జస్‌ప్రీత్ బుమ్రా, అర్ష్‌దీప్ సింగ్‌, వైభవ్ సూర్యవంశీ, యష్ ఠాకూర్, విప్రజ్ నిగమ్.🗣️ 𝗜𝘁'𝘀 𝗴𝗼𝗶𝗻𝗴 𝘁𝗼 𝗯𝗲 𝗮 𝘁𝗵𝗿𝗶𝗹𝗹𝗶𝗻𝗴 𝗮𝗻𝗱 𝗲𝘅𝗰𝗶𝘁𝗶𝗻𝗴 𝗺𝗮𝘁𝗰𝗵 𝗳𝗼𝗿 𝘂𝘀🎥 #TeamIndia have arrived in Japan and Captain Shreyas Iyer @ShreyasIyer15 is looking forward to the historic one-off T20I 🇮🇳🤝🇯🇵@CricketJapan pic.twitter.com/PZUo9kiCQ9— BCCI (@BCCI) September 21, 2026ఇదీ చదవండి: జ‌పాన్‌ను చిత్తుగా ఓడించిన భార‌త్‌

ఆసియా క్రీడలు-2026 టోర్నమెంట్‌ ఆరంభానికి ముందు టీమిండియా జపాన్‌తో ఏకైక టీ20 మ్యాచ్‌కు సిద్ధమైంది. ఇరుజట్ల మధ్య మంగళవారం (సెప్టెంబరు 22) జరిగే ఈ మ్యాచ్‌కు సనో అంతర్జాతీయ క్రికెట్‌ మైదానం వేదిక. కాగా భారత్‌- జపాన్‌ అంతర్జాతీయ క్రికెట్‌ మ్యాచ్‌లో తలపడటం ఇదే మొదటిసారి కావడం విశేషం.క్రీడల అభివృద్ధికి సహకారాన్ని ఆశిస్తూభారత్‌- జపాన్‌ మధ్య దౌత్య సంబంధాలు మొదలై 75 వసంతాలు పూర్తయిన సందర్భంగా ఇరుదేశాల పురుష క్రికెట్‌ జట్ల మధ్య ఈ మేరకు ఏకైక టీ20 మ్యాచ్‌ నిర్వహణకు సన్నాహకాలు చేశారు. ‘స్పోర్ట్‌-75’ పేరుతో రూపొందుతున్న ప్రత్యేక కార్యక్రమంలో భాగంగా ఇరుదేశాల మధ్య క్రీడల అభివృద్ధికి సహకారాన్ని ఆశిస్తూ ఈ నిర్ణయం తీసుకున్నారు.ఇక జపాన్‌తో జరిగే ఏకైక టీ20కి శ్రేయస్‌ అయ్యర్‌ సారథ్యంలోని భారత జట్టు ఇప్పటికే సిద్ధమైంది. మరోవైపు జపాన్‌ సైతం ప్రపంచ చాంపియన్‌ టీమిండియాతో పోటీ పడేందుకు ఆసక్తిగా ఎదురుచూస్తోంది. మరి ఈ మ్యాచ్‌కు సంబంధించిన జట్లు, ఆరంభ సమయం, ప్రత్యక్ష ప్రసారం తదితర వివరాలు తెలుసుకుందామా?!టీమిండియా వర్సెస్‌ జపాన్‌.. ఏకైక టీ20 మ్యాచ్‌వేదిక: సనో అంతర్జాతీయ క్రికెట్‌ మైదానంటైమింగ్‌భారత కాలమానం ప్రకారం మంగళవారం (సెప్టెంబరు 22) ఉదయం 9.30 నిమిషాలకు మ్యాచ్‌ ఆరంభంఎక్కడ చూడాలంటే..స్టార్‌ స్పోర్ట్స్‌ నెట్‌వర్క్‌ (టీవీ), ఫ్యాన్‌కోడ్‌ యాప్‌, వెబ్‌సైట్‌ (డిజిటల్‌).జట్లు ఇవేభారత్‌శ్రేయస్‌ అయ్యర్‌ (కెప్టెన్‌), అభిషేక్‌ శర్మ, సంజూ శాంసన్‌ (వికెట్‌ కీపర్‌), ఇషాన్‌ కిషన్‌ (వికెట్‌ కీపర్‌), శివం దూబే, తిలక్‌ వర్మ (వైస్‌ కెప్టెన్‌), అక్షర్‌ పటేల్‌, వాషింగ్టన్‌ సుందర్‌, రవి బిష్ణోయి, రవి బిష్ణోయి, జస్‌ప్రీత్‌ బుమ్రా, అర్ష్‌దీప్‌ సింగ్‌, వైభవ్‌ సూర్యవంశీ, యశ్‌ ఠాకూర్‌, విప్రాజ్‌ నిగమ్‌.జపాన్‌కెండెల్‌ కడోవాకీ ఫ్లెమింగ్‌ (కెప్టెన్‌), చార్లీ హరా హింజే, బెంజమిన్‌ ఇటో-డేవిస్‌, కొయి కుబోటా, వటారు మియాచి, రియో సకురనో-థామస్‌, అలెక్స్‌ శిరాయి-పాట్‌మోర్‌, షోమా సుగయా-స్లేటర్‌, డెక్లాన్‌ సుజుకి, ఇబ్రహీం తకహషి, మకొటో తానియమా, లచ్లాన్‌ యమామొటో, అలెస్టెర్‌ కడోవాకీ-ఫ్లెమింగ్‌, జేక్‌ కుసుడ-నైర్‌, సుయోషి తకడా.చదవండి: ఆసీస్‌పై వీరేందర్‌ సెహ్వాగ్‌ కుమారుడు ఆర్యవీర్‌ విధ్వంసం

వెస్టిండీస్‌తో స్వదేశంలో వైట్-బాల్ సిరీస్ పూర్తి చేసుకున్న తర్వాత భారత క్రికెట్ జట్టు ఆల్-ఫార్మాట్ సిరీస్ కోసం న్యూజిలాండ్ పర్యటనకు వెళ్లనుంది. ఈ పర్యటనలో భాగంగా టీమిండియా ఆతిథ్య కివీస్‌ జట్టుతో ఐదు టీ20లు, ఐదు వన్డేలు, రెండు టెస్టుల సిరీస్‌లలో తలపడనుంది. అయితే వైట్-బాల్ మ్యాచ్‌లతో పోలిస్తే ఈ టూర్‌లో టెస్టు సిరీస్ భారత్‌కు అత్యంత కీలకం. వరల్డ్ టెస్ట్ ఛాంపియన్‌షిప్ ఫైనల్ రేసులో నిలవాలంటే టీమిండియా ఖచ్చితంగా కివీస్‌ను ఓడించాల్సి ఉంది. ఇందుకోసం టీమ్‌ మేనేజ్‌మెంట్ ప్రత్యేక వ్యూహాలను సిద్ధం చేస్తోంది.చివరి వన్డే ముగిసిన కేవలం మూడు రోజులకే మొదటి టెస్టు ప్రారంభం కానుంది. దీంతో కెప్టెన్ శుభ్‌మన్ గిల్‌తో పాటు టెస్టు జట్టుకు ఎంపికైన ముఖ్య ఆటగాళ్లు చివరి రెండు వన్డేల నుంచి విశ్రాంతి ఇవ్వ‌నున్న‌ట్లు తెలుస్తోంది. వీరంతా వెల్లింగ్టన్‌లో జరిగే మొదటి టెస్టు కోసం ముందుగానే రెడ్-బాల్ ప్రాక్టీస్ ప్రారంభించనున్నారు. గిల్ గైర్హాజరీలో చివరి రెండు వన్డేలకు భారత జట్టు నాయకత్వ బాధ్యతలను శ్రేయస్ అయ్యర్ చేపట్టే అవకాశం ఉంది. గిల్‌తో పాటు జ‌స్ప్రీత్ బుమ్రా, సిరాజ్‌, ప్ర‌సిద్ద్ కృష్ణ వంటి ప్లేయర్లు కివీస్‌తో చివరి రెండు వన్డేలకు దూరమయ్యే ఛాన్స్ ఉంది.టీ20 సిరీస్‌ షెడ్యూల్‌తొలి టీ20: అక్టోబర్ 22 – క్రిస్ట్చర్చ్ (మధ్యాహ్నం 12:30) రెండో టీ20: అక్టోబర్ 24 – క్రిస్ట్చర్చ్ (మధ్యాహ్నం 12:30)మూడో టీ20: అక్టోబర్ 27- వెల్లింగ్టన్ (మధ్యాహ్నం 12:30)నాలుగో టీ20: అక్టోబర్ 30-ఆక్లాండ్ (మధ్యాహ్నం 12:30)ఐదో టీ20: నవంబర్ 1 – హామిల్టన్ (మధ్యాహ్నం 12:30)వన్డే సిరీస్‌ షెడ్యూల్‌తొలి వ‌న్డే: నవంబర్ 4 – ఆక్లాండ్ (ఉదయం 7:30) రెండో వ‌న్డే: నవంబర్ 7 – వెల్లింగ్టన్ ((ఉదయం 7:30)మూడువ వన్డే: నవంబర్ 10 - హామిల్టన్ (ఉదయం 7:30)నాలుగో వ‌న్డే: నవంబర్ 13 : మౌంట్ మాంగనుయ్ -ఆక్లాండ్ (ఉదయం 7:30)5వ వన్డే: నవంబర్ 15 – మౌంట్ మాంగనుయ్ (బే ఓవల్) (ఉదయం 7:30)టెస్టు సిరీస్‌తొలి టెస్టు: నవంబర్ 19 - నవంబర్ 23 – వెల్లింగ్టన్ (ఉదయం 3:30)రెండో టెస్టు: నవంబర్ 27 - డిసెంబర్ 1 – హ్యాగ్లే ఓవల్, క్రిస్ట్చర్చ్ (ఉదయం 3:30)

అఫ్గానిస్తాన్‌తో జ‌రిగిన మూడు మ్యాచ్‌ల టీ20 సిరీస్‌ను 3-0తో టీమిండియా క్లీన్‌స్వీప్ చేసిన సంగ‌తి తెలిసిందే. గురువారం జ‌రిగిన చివరి టీ20లో భార‌త్ 127 ప‌రుగుల తేడాతో విజ‌యాన్ని అందుకుంది. మ్యాచ్ అనంత‌రం కెప్టెన్ శ్రేయ‌స్ అయ్య‌ర్ స్పందిస్తూ అభిషేక్ శ‌ర్మ‌పై ప్ర‌శంస‌లు కురిపించాడు. ‘‘నిజానికి ఇది సుల‌భ‌మైన వికెట్ కాదు. కానీ అభిషేక్ ఆడిన తీరు కంటికి ఇంపుగా ఉంది. అత‌డొక అద్భుతం. అత‌డు శ‌త‌కం సాధించడం చాలా ఆనందం క‌లిగించింది. అఫ్గానిస్తాన్ సిరీస్ కోల్పోయిన‌ప్ప‌టికీ వాళ్లు మా మ‌న‌సులు గెలిచారు. ఈ సిరీస్‌కు వాళ్లు ఆతిథ్యం ఇస్తున్నారు కాబ‌ట్టి ఖచ్చితంగా గౌర‌వం ఉంటుంది. ఓడిన‌ప్ప‌టికీ ఆఫ్గన్ జ‌ట్టు ప్ర‌ద‌ర్శ‌న కూడా ప్ర‌శంస‌నీయం. టాస్‌కు ముందే ఆఫ్గ‌న్ కెప్టెన్ ఇబ్ర‌హీం జ‌ద్రాన్‌తో క్లుప్తంగా మాట్లాడిన త‌ర్వాతే మొద‌ట బ్యాటింగ్ చేయాల‌ని నిర్ణ‌యించుకున్నాం. మ్యాచ్‌లో మాకు అద్భుత‌మైన ఆరంభం ల‌భించింది. అభిషేక్ విధ్వంసానికి తోడు శాంస‌న్ రాణించ‌డంతో 200ల‌కు పైగా రన్స్‌ను స్కోరుబోర్డుపై చేర్చ‌గ‌లిగాం. అక్ష‌ర్ ప‌టేల్ కీల‌క స‌మ‌యంలో రాణిండంలో సిద్ధ‌హ‌స్తుడు. గ‌తంలో చాలా సంద‌ర్భాల్లో జ‌ట్టును గెలిపించాడు. ఇప్పుడు కూడా అదే చేశాడు. క్లిష్ట ప‌రిస్థితుల్లో ఎలా బౌలింగ్ చేయాల‌నేది అత‌డికి బాగా తెలుసు. మొదటి నుండి నిలకడగా రాణిస్తున్నాడు. కాబట్టి అతడికి నా ప్ర‌త్యేక‌ అభినందనలు.’’ అని పేర్కొన్నాడు.ఇదీ చదవండి: బట్లర్ ప్రపంచ రికార్డు.. రెండో టీ20లో ఇంగ్లండ్ విజయం

న్యూఢిల్లీ వేదికగా ఆఫ్ఘనిస్తాన్‌తో ఇవాళ జరుగుతున్న మూడో టీ20లో ఆఫ్ఘనిస్తాన్‌ టాస్‌ గెలిచి తొలుత బౌలింగ్‌ ఎంచుకుంది. ఈ మ్యాచ్‌ కోసం ఆఫ్ఘన్‌ జట్టు రెండు మార్పులు చేయగా.. భారత్‌ ఓ మార్పుతో బరిలోకి దిగింది. ఆఫ్ఘన్‌ తరఫున గుల్బదిన్‌ నైబ్‌, నూర్‌ అహ్మద్‌ స్థానాల్లో అబ్దుల్లా అహ్మద్‌జాయ్‌, నూర్‌ ఉల్‌ రహ్మాన్‌ బరిలోకి దిగనుండగా.. భారత్‌ తరఫున అర్షదీప్‌ స్థానంలో యశ్‌ ఠాకూర్‌ బరిలోకి దిగుతున్నాడు. మూడు మ్యాచ్‌ల ఈ సిరీస్‌లో తొలి రెండు మ్యాచ్‌లు గెలిచిన భారత్‌ ఇదివరకే సిరీస్‌ కైవసం చేసుకుంది.తుది జట్లు.. ఆఫ్ఘనిస్తాన్ (ప్లేయింగ్ XI): ఇబ్రహీం జద్రాన్ (సి), రహమానుల్లా గుర్బాజ్ (డబ్ల్యు), సెడిఖుల్లా అటల్, అబ్దుల్లా అహ్మద్‌జాయ్, దర్విష్ రసూలీ, నూర్ ఉల్ రెహమాన్, అజ్మతుల్లా ఒమర్‌జాయ్, మహ్మద్ నబీ, రషీద్ ఖాన్, ముజీబుల్ ఉర్‌ రహ్మాన్, ఫజల్‌ హక్‌ ఫారూఖీ, అబ్దుల్లా అహ్మద్‌జాయ్‌భారత్ (ప్లేయింగ్ XI): సంజు శాంసన్(w), అభిషేక్ శర్మ, ఇషాన్ కిషన్, శ్రేయాస్ అయ్యర్(c), తిలక్ వర్మ, నితీష్ కుమార్ రెడ్డి, శివమ్ దూబే, అక్షర్ పటేల్, రవి బిష్ణోయ్, యశ్ ఠాకూర్, జస్ప్రీత్ బుమ్రాఇదీ చదవండి: ఆసీస్‌ వరల్డ్‌కప్‌ విన్నర్‌ షాకింగ్‌ నిర్ణయం

అఫ్గానిస్తాన్‌తో టీ20 సిరీస్‌ తర్వాత టీమిండియా స్వదేశంలో వెస్టిండీస్‌తో పరిమిత ఓవర్ల సిరీస్‌లలో తలపడనుంది. ఇరుజట్ల మధ్య సెప్టెంబరు 27 నుంచి అక్టోబరు 17 మధ్య మూడు వన్డేలు, ఐదు టీ20 మ్యాచ్‌లు ఆడనుంది. ఈ నేపథ్యంలో భారత క్రికెట్‌ నియంత్రణ మండలి (బీసీసీఐ) ఇందుకు సంబంధించి తమ వన్డే, టీ20 జట్లను బుధవారం ప్రకటించింది.హార్దిక్‌, పంత్‌లకు దక్కని చోటువెస్టిండీస్‌తో జరగనున్న మూడు మ్యాచ్‌ల వన్డే సిరీస్‌ కోసం శుబ్‌మన్‌ గిల్‌ సారథ్యంలో 15 మందితో కూడిన జట్టును ఎంపిక చేసింది. గాయం నుంచి కోలుకుంటున్న పేస్‌ ఆల్‌రౌండర్‌ హార్దిక్‌ పాండ్యాతో పాటు వికెట్‌ కీపర్‌ రిషబ్‌ పంత్‌లకు ఈ జట్టులో చోటు దక్కలేదు. వారికి తొలి పిలుపుఅయితే, పంజాబ్‌ ఆల్‌రౌండర్‌ నమన్‌ ధీర్, జమ్మూ కశ్మీర్‌ పేసర్‌ ఆకిబ్‌ నబీ తొలిసారి భారత వన్డే జట్టులో చోటు దక్కించుకున్నారు. దేశవాళీల్లో పంజాబ్‌ తరఫున నిలకడగా రాణిస్తున్న నమన్‌ ధీర్‌... ఐపీఎల్‌లో ముంబై ఇండియన్స్‌ తరఫున మెరుపులు మెరిపించాడు. ఇక కౌంటీ క్రికెట్‌లో మెరుగైన ప్రదర్శన కనబర్చిన ఆఖిబ్‌ నబీకి వన్డే జట్టు నుంచి పిలుపు వచ్చింది.దిగ్గజాలతో పాటు జడ్డూ కూడాఇక టెస్టు, టీ20 ఫార్మాట్‌లకు వీడ్కోలు పలికి కేవలం వన్డేల్లో మాత్రమే కొనసాగుతున్న స్టార్‌ ప్లేయర్లు రోహిత్‌ శర్మ, విరాట్‌ కోహ్లి వన్డే జట్టులో చోటు నిలబెట్టుకోగా... స్పిన్‌ ఆల్‌రౌండర్‌ రవీంద్ర జడేజా తిరిగి జట్టులోకి వచ్చాడు. వచ్చే ఏడాది వన్డే ప్రపంచకప్‌ జరగనున్న నేపథ్యంలో సెలక్టర్లు సీనియర్‌ ప్లేయర్లపై విశ్వాసం ఉంచినట్లు కనిపిస్తోంది.ఇదిలా ఉంటే.. ఈ నెల 20 వరకు పాండ్యా పూర్తి ఫిట్‌నెస్‌ సాధించనుండగా... భారత్‌ ‘ఎ’ తరఫున ఆడిన తర్వాతే అతడిని జాతీయ జట్టుకు ఎంపిక చేసే అంశాన్ని పరిశీలించే అవకాశాలున్నాయి. నితీశ్‌ రెడ్డి రాకఇక పాండ్యా అందుబాటులో లేకపోవడంతో ఆసియా క్రీడలకు ఎంపికైన జట్టులో ఉన్న ఆంధ్ర ఆల్‌రౌండర్‌ నితీశ్‌ కుమార్‌ రెడ్డిని వెస్టిండీస్‌తో వన్డే జట్టులో చేర్చారు. హైదరాబాదీ మొహమ్మద్‌ సిరాజ్, ప్రసిధ్‌ కృష్ణ, గుర్‌నూర్‌ బ్రార్‌ రూపంలో ముగ్గురు పేసర్లు ఉండగా... అదనంగా నబీని ఎంపిక చేశారు.గతంలోనే నబీ శ్రీలంకతో సిరీస్‌కు భారత టెస్టు జట్టులోకి ఎంపికైనా... ఇప్పటి వరకు అంతర్జాతీయ అరంగేట్రం చేసే అవకాశం దక్కలేదు. బుమ్రా లేడుఇక వెస్టిండీస్‌తో తలపడే టీ20 జట్టు విషయానికి వస్తే ఆసియా క్రీడల్లో పాల్గొనే జట్టులో స్వల్ప మార్పులతో విండీస్‌తో సిరీస్‌కు జట్టును ఎంపిక చేశారు. ఆసియా క్రీడల్లో ఆడనున్న జట్టులోని యశ్‌ ఠాకూర్, విప్రాజ్‌ నిగమ్‌ల స్థానాల్లో ప్రిన్స్‌ యాదవ్, మయాంక్‌ యాదవ్‌ను ఎంపిక చేశారు.అయితే ప్రస్తుతం అఫ్గానిస్తాన్‌తో టీ20 సిరీస్‌ ఆడుతున్న స్టార్‌ పేసర్‌ జస్‌ప్రీత్‌ బుమ్రా ఆ తర్వాత ఆసియా క్రీడల్లో పాల్గొననున్నాడు. విండీస్‌తో వన్డే, టి20 సిరీస్‌ల కోసం ప్రకటించిన జట్లలో మాత్రం అతడి పేరు లేదు. దీనిపై సెలెక్టర్లు కూడా ఎలాంటి స్పష్టతనివ్వలేదు.విండీస్‌తో సిరీస్‌కు భారత వన్డే జట్టు: శుబ్‌మన్‌ గిల్‌ (కెప్టెన్‌), కేఎల్‌ రాహుల్‌ (వైస్‌ కెప్టెన్‌), రోహిత్‌ శర్మ, విరాట్‌ కోహ్లి, రుతురాజ్‌ గైక్వాడ్, ధ్రువ్‌ జురేల్, నితీశ్‌ కుమార్‌ రెడ్డి, రవీంద్ర జడేజా, కుల్దీప్‌ యాదవ్, ప్రసిధ్‌ కృష్ణ, గుర్‌నూర్‌ బ్రార్, మెహమ్మద్‌ సిరాజ్, ఆఖిబ్‌ నబీ, యశస్వి జైస్వాల్, నమన్‌ ధీర్‌.విండీస్‌తో సిరీస్‌కు భారత టీ20 జట్టు: శ్రేయస్‌ అయ్యర్‌ (కెప్టెన్‌), తిలక్‌ వర్మ (వైస్‌ కెప్టెన్‌), అభిషేక్‌ శర్మ, వైభవ్‌ సూర్యవంశీ, ఇషాన్‌ కిషన్, సంజూ సామ్సన్, శివమ్‌ దూబే, కుల్దీప్‌ యాదవ్, అక్షర్‌ పటేల్, వాషింగ్టన్‌ సుందర్, రవి బిష్ణోయ్, నితీశ్‌ కుమార్‌ రెడ్డి, అర్‌‡్షదీప్‌ సింగ్, ప్రిన్స్‌ యాదవ్, మయాంక్‌ యాదవ్‌. భారత్‌ వర్సెస్‌ వెస్టిండీస్‌ షెడ్యూల్‌, మ్యాచ్‌ ఆరంభ సమయాలు వన్డే సిరీస్‌👉సెప్టెంబరు 27- తొలి వన్డే- త్రివేండ్రం- మధ్యాహ్నం రెండు గంటల నుంచి 👉సెప్టెంబరు 30- రెండో వన్డే- గువాహటి- మధ్యాహ్నం రెండు గంటల నుంచి 👉అక్టోబర్‌ 3- మూడో వన్డే- న్యూచండీగఢ్‌- మధ్యాహ్నం రెండు గంటల నుంచిటీ20 సిరీస్‌👉అక్టోబర్‌ 6- తొలి టీ20- లక్నో- రాత్రి ఏడు గంటల నుంచి 👉అక్టోబర్‌ 9- రెండో టీ20- రాంచీ- రాత్రి ఏడు గంటల నుంచి👉అక్టోబర్‌ 11- మూడో టీ20- ఇండోర్‌- రాత్రి ఏడు గంటల నుంచి👉అక్టోబర్‌ 14- నాలుగో టీ20- హైదరాబాద్‌- రాత్రి ఏడు గంటల నుంచి👉అక్టోబర్‌ 17- ఐదో టీ20- బెంగళూరు- రాత్రి ఏడు గంటల నుంచిప్రత్యక్ష ప్రసారం ఎక్కడంటే..స్టార్‌ స్పోర్ట్స్‌ నెట్‌వర్క్‌ (టీవీ), జియో హాట్‌స్టార్‌ (డిజిటల్‌).

ఈ నెలాఖరులో వెస్టిండీస్‌తో జరుగబోయే పరిమిత ఓవర్ల సిరీస్‌ల కోసం భారత జట్లను ఇవాళ ప్రకటించారు. వన్డే జట్టుకు కెప్టెన్‌గా శుభ్‌మన్‌ గిల్‌, టీ20 జట్టుకు కెప్టెన్‌గా శ్రేయస్‌ అయ్యర్‌ కొనసాగారు. కేఎల్‌ రాహుల్‌, తిలక్‌ వర్మ వన్డే, టీ20 జట్లకు ఉప నాయకులుగా వ్యవహరించనున్నారు. స్టార్‌ ద్వయం రోహిత్‌ శర్మ, విరాట్‌ కోహ్లి వన్డే జట్టులో కొనసాగగా.. రిషబ్‌ పంత్‌కు అవకాశం దక్కలేదు. ఆకిబ్‌ నబీ, నమన్‌ ధిర్‌కు తొలిసారి వన్డే జట్టులో అవకాశం దక్కింది. స్టార్‌ పేసర్‌ బుమ్రాకు విశ్రాంతినిచ్చారు. రెండు జట్లలో అతడికి చోటు దక్కలేదు.వన్డే సిరీస్‌కు భారత జట్టుశుభ్‌మన్ గిల్ (సి), రోహిత్ శర్మ, విరాట్ కోహ్లీ, రుతురాజ్ గైక్వాడ్, కేఎల్ రాహుల్ (వైస్‌ కెప్టెన్‌), ధృవ్ జురెల్, నితీష్ కుమార్ రెడ్డి, రవీంద్ర జడేజా, కుల్దీప్ యాదవ్, ప్రసిద్ధ్ కృష్ణ, గుర్నూర్ బ్రార్, మహ్మద్ సిరాజ్, ఆకిబ్ నబీ, యశస్వి జైస్వాల్, నమన్ ధిర్‌టీ20 సిరీస్‌కు భారత జట్టుశ్రేయస్ అయ్యర్ (సి), అభిషేక్ శర్మ, వైభవ్ సూర్యవంశీ, ఇషాన్ కిషన్ (వికెట్‌కీపర్‌), సంజు శాంసన్ (వికెట్‌కీపర్‌), తిలక్ వర్మ (వైస్‌ కెప్టెన్‌), శివమ్ దూబే, కుల్దీప్ యాదవ్, అక్షర్ పటేల్, వాషింగ్టన్ సుందర్, రవి బిష్ణోయ్, నితీష్ కుమార్ రెడ్డి, అర్ష్‌దీప్‌ సింగ్, ప్రిన్స్ యాదవ్.వన్డే సిరీస్‌ షెడ్యూల్‌ తొలి వన్డే: ఆదివారం, సెప్టెంబర్ 27 - మధ్యాహ్నం 2:00 గంటలకు - గ్రీన్‌ఫీల్డ్ ఇంటర్నేషనల్ స్టేడియం, తిరువనంతపురంరెండో వన్డే: బుధవారం, సెప్టెంబర్ 30 - మధ్యాహ్నం 2:00 గంటలకు - బర్సపారా క్రికెట్ స్టేడియం, గౌహతిమూడో వన్డే: శనివారం, అక్టోబర్ 3 - మధ్యాహ్నం 2:00 గంటలకు - మహారాజా యాదవేంద్ర సింగ్ ఇంటర్నేషనల్ క్రికెట్ స్టేడియం, ముల్లన్‌పూర్, న్యూ చండీగఢ్టీ20 సిరీస్‌ షెడ్యూల్‌తొలిటీ20: మంగళవారం, అక్టోబర్ 6 - సాయంత్రం 7:00 గంటలకు - భారత్ రత్న శ్రీ అటల్ బిహారీ వాజ్‌పేయి ఏకానా క్రికెట్ స్టేడియం, లక్నోరెండో టీ20: శుక్రవారం, అక్టోబర్ 9 - సాయంత్రం 7:00 గంటలకు - జేఎస్‌సీఏ ఇంటర్నేషనల్ స్టేడియం కాంప్లెక్స్, రాంచీమూడో టీ20: ఆదివారం, అక్టోబర్ 11 - సాయంత్రం 7:00 గంటలకు - హోల్కర్ స్టేడియం, ఇండోర్నాలుగో టీ20: బుధవారం, అక్టోబర్ 14 - సాయంత్రం 7:00 గంటలకు - రాజీవ్ గాంధీ అంతర్జాతీయ స్టేడియం, హైదరాబాద్ఐదో టీ20: శనివారం, అక్టోబర్ 17 - సాయంత్రం 7:00 గంటలకు - ఎం. చిన్నస్వామి స్టేడియం, బెంగళూరుఇదీ చదవండి: రోహిత్‌ శర్మను అధిగమించిన బట్లర్‌.. మిగిలింది అతనొక్కడే..!

ఢిల్లీలోని అరుణ్‌జైట్లీ స్టేడియం వేదిక‌గా జ‌రిగిన రెండో టీ20లో టీమిండియా 7 వికెట్ల తేడాతో అఫ్గానిస్తాన్‌పై ఘ‌న విజ‌యాన్ని అందుకుంది. అఫ్గానిస్తాన్ విధించిన 160 ప‌రుగుల ల‌క్ష్యాన్ని టీమిండియా 14.4 ఓవ‌ర్ల‌లో 3 వికెట్లు కోల్పోయి అందుకుంది. సంజూ శాంస‌న్ (57) అర్థ‌సెంచ‌రీతో రాణించ‌గా, అభిషేక్ శ‌ర్మ (39), ఇషాన్ కిష‌న్ (34 నాటౌట్‌) రాణించారు. చివ‌ర్లో తిల‌క్ వ‌ర్మ (15 నాటౌట్‌) జ‌ట్టును గెలిపించాడు. ర‌షీద్ ఖాన్ 3 వికెట్లు తీశాడు. ఈ నేపథ్యంలో మరో మ్యాచ్ మిగిలి ఉండగానే భారత్ 2-0తో సిరీస్‌ను కైవసం చేసుకుంది. కాగా మ్యాచ్ అనంత‌రం కెప్టెన్ శ్రేయ‌స్ అయ్య‌ర్ మాట్లాడాడు. త‌న‌పై వ‌చ్చిన విమ‌ర్శ‌ల‌కు సంజూ శాంస‌న్ నోటితోనే స‌మాధానం చెప్పాడ‌ని పేర్కొన్నాడు. బౌల‌ర్ల స‌మిష్టి ప్ర‌ద‌ర్శ‌న ఈ విజ‌యాన్ని అందించింద‌ని తెలిపాడు.తొలి మ్యాచ్ ఆటతీరును దృష్టిలో ఉంచుకుని ఈ మ్యాచ్‌లో భారీ విజయాన్ని ఆశించామని.. దానికి తగ్గట్టుగానే భారత ప్లేయర్లు అద్భుతంగా రాణించార‌ని తెలిపాడు. మైదానంలో ప్లేయర్లు చూపిన పట్టుదల, ప్లాన్ అమలు తీరు తమకు అనుకూలంగా ఫలితాన్ని ఇచ్చిందన్నాడు. మొదట్లో కొన్ని విషయాలను జీర్ణించుకోవడం కష్టంగా అనిపించినప్పటికీ, క్రీడా ప్ర‌యాణం అనేది ఒక‌ రోలర్ కోస్టర్ రైడ్ లాంటిదని పేర్కొన్నాడు. ఏ పరిస్థితిలోనైనా కూల్ గా ఉండటం చాలా ముఖ్యమని, గతాన్ని ఆలోచించకుండా ప్రస్తుత క్షణాన్ని ఆస్వాదించడం అలవాటు చేసుకున్నానని చెప్పాడు. ఒత్తిడిని ఎంతగా ఆస్వాదిస్తే పరిస్థితులు అంతగా అనుకూలంగా మారుతాయని తాను గతంలో కూడా చెప్పిన విషయాన్ని గుర్తు చేశాడు.ఇక సిరీస్ ఇప్పటికే 2-0తో కైవసం కావడంతో చివరి, మూడో టీ20 మ్యాచ్‌లో తుది జట్టులో మార్పులు చేసే అవకాశం ఉందనే సంకేతాలు ఇచ్చాడు. దీంతో తొలి రెండు మ్యాచ్‌లకు బెంచ్‌కే పరిమితమైన వైభవ్‌ సూర్యవంశీ మూడో టీ20లో ఆడే అవకాశముంది. అందరినీ ఇక్కడి పిచ్ వాతావరణానికి అలవాటు చేయడం, మైదానంలో తగినంత ప్రాక్టీస్ కల్పించడం ముఖ్యమని అభిప్రాయపడ్డాడు. అందువల్ల ఇప్పటివరకు బెంచ్ కే పరిమితమైన ఆటగాళ్లకు మూడో మ్యాచ్ లో అవకాశాలు ఇచ్చే ఆలోచనలో ఉన్నామని.. జ‌ట్టు కాంబినేషన్‌లో కూడా కొన్ని చిన్నపాటి మార్పులు చేసే అవకాశం ఉందని శ్రేయస్ అయ్యర్ స్పష్టం చేశాడు.ఇదీ చదవండి: శ‌తకంతో చెల‌రేగిన బ్రూక్‌.. లంక‌పై ఇంగ్లండ్ విజ‌యం

న్యూఢిల్లీ: ఒకవైపు శ్రేయస్‌ అయ్యర్‌ సారథ్యంలోని భారత టి20 జట్టు అఫ్గానిస్తాన్‌తో టి20 సిరీస్‌ ఆడుతుండగా... మరోవైపు ఈ నెలాఖరున ప్రారంభమయ్యే వెస్టిండీస్‌తో వన్డే సిరీస్‌ కోసం భారత క్రికెట్‌ నియంత్రణ మండలి (బీసీసీఐ) సెలక్షన్‌ కమిటీ బుధవారం జట్టును ఎంపిక చేయనుంది. ప్రస్తుతం అఫ్గానిస్తాన్‌తో టి20 సిరీస్‌ ఆడుతున్న భారత జట్టు ఆ తర్వాత నేరుగా... జపాన్‌ వేదికగా జరుగనున్న ఆసియా క్రీడల్లో పాల్గొనేందుకు వెళ్లనుంది. కాగా... ఈ నెల 27 నుంచి వెస్టిండీస్‌ జట్టు భారత్‌లో పర్యటించనుంది. ఇందులో భాగంగా 27న తిరువనంతపురం వేదికగా తొలి వన్డే, 30న గువాహటిలో రెండో వన్డే, అక్టోబర్‌ 3న చండీగఢ్‌లో మూడో వన్డే జరగనున్నాయి. అనంతరం ఇరు జట్ల మధ్య ఐదు మ్యాచ్‌ల టి20 సిరీస్‌ జరగనుంది. ఆసియా క్రీడల్లో పాల్గొన్న జట్టే విండీస్‌తో టి20 సిరీస్‌లో పాల్గొననుంది. అయితే వన్డే సిరీస్‌ కోసం మాత్రం సెలెక్టర్లు ఈ రోజు జట్టును ఎంపిక చేయనున్నారు. ‘రో–కో’ రీ ఎంట్రీ... టెస్టు, టి20లకు వీడ్కోలు పలికి కేవలం వన్డే ఫార్మాట్‌లో మాత్రమే జాతీయ జట్టుకు ప్రాతినిధ్యం వహిస్తున్న స్టార్‌ ప్లేయర్లు విరాట్‌ కోహ్లి, రోహిత్‌ శర్మ తిరిగి జట్టులోకి రానుండగా... గాయం నుంచి కోలుకున్న పేస్‌ ఆల్‌రౌండర్‌ హార్దిక్‌ పాండ్యా ఎంపిక తథ్యమే. నితీశ్‌ కుమార్‌ రెడ్డి ఆసియా క్రీడల్లో పాల్గొంటుండగా... అదనపు పేస్‌ ఆల్‌రౌండర్‌గా ఎవరిని ఎంపిక చేస్తారో చూడాలి. వెంకటేశ్‌ అయ్యర్, సూర్యాంశ్‌ షెడ్గే ప్రస్తుతం గాయాలతో ఇబ్బంది పడుతున్నారు. కేఎల్‌ రాహుల్‌ రూపంలో రెగ్యులర్‌ వన్డే వికెట్‌ కీపర్‌ అందుబాటులో ఉండగా... అదనపు కీపర్‌గా రిషబ్‌ పంత్‌కు చోటు దక్కుతుందా చూడాలి. చాన్నాళ్లుగా పరిమిత ఓవర్ల క్రికెట్‌లో పంత్‌ను సెలెక్టర్లు పరిగణనలోకి తీసుకోవడం లేదు. ఈసారి కూడా అతడిని ఎంపిక చేయకపోతే... రిజర్వ్‌ కీపర్‌గా ధ్రువ్‌ జురేల్‌కు అవకాశం దక్కొచ్చు. అదే జరిగితే పంత్‌ ఇరానీ కప్‌లో రెస్ట్‌ ఆఫ్‌ ఇండియాకు సారథ్యం వహించాల్సి ఉంటుంది. షమీకి చివరి చాన్స్‌ వచ్చేనా! రోహిత్‌ శర్మ, శుబ్‌మన్‌ గిల్, విరాట్‌ కోహ్లితో టాపార్డర్‌లో ఎలాంటి ఇబ్బందులు లేకపోగా... టి20 కెప్టెన్ శ్రేయస్‌ అయ్యర్‌ అందుబాటులో లేకపోవడంతో నాలుగో స్థానంలో ఖాళీని రుతురాజ్‌ గైక్వాడ్, రజత్‌ పాటిదార్‌లలో ఒకరితో నింపే అవకాశాలున్నాయి. యశస్వి జైస్వాల్‌ను రిజర్వ్‌ ఓపెనర్‌గా ఎంపిక చేయనుండగా... సీనియర్‌ స్పిన్‌ ఆల్‌రౌండర్‌ రవీంద్ర జడేజాను కొనసాగిస్తారా లేక మానవ్‌ సుతార్‌కు అవకాశం ఇస్తారా అనేది కీలకం. విప్రాజ్‌ నిగమ్, జీషన్‌ అన్సారీ రూపంలో ప్రత్యామ్నాయాలు అందుబాటులో ఉన్నాయి.అయితే వన్డే ప్రపంచకప్‌ టోరీ్నకి మరో ఏడాది సమయం మాత్రమే ఉన్న నేపథ్యంలో సెలెక్టర్లు ప్రయోగాల జోలికి వెళ్లకుండా... పాత జట్టుకే మద్దతు ఇచ్చే అవకాశాలున్నాయి. అయితే ఇటీవలి కాలంలో సోషల్‌ మీడియాలో భారీ మద్దతు కూడగట్టుకున్న మొహమ్మద్‌ షమీకి ఈసారైనా జాతీయ జట్టులో అవకాశం దక్కుతుందా చూడాలి.దేశవాళీల్లో ఫార్మాట్‌తో సంబంధం లేకుండా మెరుగైన బౌలింగ్‌తో సత్తాచాటుతున్న షమీని జాతీయ జట్టుకు ఎంపిక చేయాలనే డిమాండ్‌ భారీగా వినిపిస్తున్న నేపథ్యంలో సెలెక్టర్లు ఎలాంటి నిర్ణయం తీసుకుంటారనేది ఆసక్తికరం. బుమ్రా ఆసియా క్రీడల బరిలో ఉన్న నేపథ్యంలో సిరాజ్‌కు వన్డే పిలుపు వచ్చినా ఆశ్చర్యపోనక్కరలేదు.

న్యూఢిల్లీ వేదికగా ఆఫ్ఘనిస్తాన్‌తో జరుగుతున్న రెండో టీ20లో టీమిండియా బౌలర్లు సత్తా చాటారు. నితీశ్‌ కుమార్‌ రెడ్డి (3-0-24-3), అర్షదీప్‌ సింగ్‌ (4-0-35-2), జస్ప్రీత్‌ బుమ్రా (4-1-25-1), అక్షర్‌ పటేల్‌ (4-0-28-1), రవి బిష్ణోయ్‌ (4-0-32-1) చెలరేగడంతో టాస్‌ ఓడి తొలుత బ్యాటింగ్‌ చేసిన ఆఫ్ఘనిస్తాన్‌ నిర్ణీత 20 ఓవర్లలో 8 వికెట్ల నష్టానికి 159 పరుగులకే పరిమితమైంది. ఆఖర్లో రషీద్‌ ఖాన్‌ (28) బ్యాట్‌ ఝులిపించడంతో ఆఫ్ఘన్‌ జట్టు ఈ మాత్రం స్కోరైనా చేయగలిగింది. మిగతా ప్లేయర్లలో ఇబ్రహీం​ జద్రాన్‌ 37, రహ్మానుల్లా గుర్బాజ్‌ 0, సెదిఖుల్లా అటల్‌ 12, గుల్బదిన్‌ నైబ్‌ 10, దర్విష్‌ రసూలీ 26, అజ్మతుల్లా ఒమర్‌జాయ్‌ 11, మొహమ్మద్‌ నబీ (15), నూర్‌ అహ్మద్‌ (7 నాటౌట్‌), ముజీబ్‌ ఉర్‌ రెహ్మాన్‌ 4 (నాటౌట్‌) పరుగులు చేశారు. మూడు మ్యాచ్‌ల ఈ సిరీస్‌లో భారత్‌ 1-0 ఆధిక్యంలో కొనసాగుతున్న విషయం తెలిసిందే. ఇదీ చదవండి: శ్రేయస్‌ అయ్యర్‌ వరల్డ్‌ రికార్డు

భారత టీ20 జట్టు కెప్టెన్‌ శ్రేయస్‌ అయ్యర్‌ వరల్డ్‌ రికార్డు నెలకొల్పాడు. అంతర్జాతీయ టీ20 కెప్టెన్‌గా మొదటి 12 మ్యాచ్‌ల్లో అత్యధిక సార్లు (11) టాస్‌ గెలిచిన కెప్టెన్‌గా చరిత్ర సృష్టించాడు. ఆఫ్ఘనిస్తాన్‌తో రెండో టీ20లో టాస్‌ గెలవడంతో ఈ ఘనత సాధించాడు. ఖతార్ కెప్టెన్ మిర్జా బేగ్ (10), ఫిలిప్పీన్స్ కెప్టెన్ హెన్రీ టైలర్‌ (10)ను అధిగమించి సోలోగా ఈ రికార్డును సొంతం చేసుకున్నాడు.ఐసీసీ పూర్తి సభ్య దేశాల కెప్టెన్లను పరిశీలిస్తే.. ఇంగ్లండ్ మాజీ కెప్టెన్ ఇయాన్ మోర్గాన్, బంగ్లాదేశ్ మాజీ కెప్టెన్ మహ్మదుల్లా తమ తొలి 12 టీ20ల్లో తొమ్మిది సార్లు టాస్ గెలిచారు. శ్రేయస్‌ వీరికి అందనంత ఎత్తులో ఉన్నాడు. విరాట్ కోహ్లీ, లిటన్ దాస్, షై హోప్ వంటి ప్రముఖ కెప్టెన్లు తమ తొలి 12 టీ20ల్లో కేవలం రెండేసి టాస్ విజయాలు మాత్రమే సాధించి ఈ జాబితాలో అట్టడుగు స్థానాల్లో ఉన్నారు.మ్యాచ్‌ విషయానికొస్తే.. శ్రేయస్‌ టాస్‌ గెలిచి తొలుత బౌలింగ్‌ ఎంచుకున్నాడు. ఈ మ్యాచ్‌ కోసం భారత్‌ ఓ మార్పు చేయగా.. ఆఫ్ఘనిస్తాన్‌ తొలి మ్యాచ్‌లో ఆడిన జట్టుతోనే బరిలోకి దిగింది. వరుణ్‌ చక్రవర్తి గాయపడటంతో అతడి స్థానంలో రవి బిష్ణోయ్‌ జట్టులోకి వచ్చాడు. మూడు మ్యాచ్‌ల ఈ సిరీస్‌లో తొలి మ్యాచ్‌ గెలిచిన భారత్‌ 1-0 ఆధిక్యంలో కొనసాగుతుంది.3 వికెట్లు కోల్పోయిన ఆఫ్ఘనిస్తాన్‌ శ్రేయస్‌ అయ్యర్‌ ఆహ్వానం మేరకు తొలుత బ్యాటింగ్‌కు దిగిన ఆఫ్ఘనిస్తాన్‌ 9.2 ఓవర్లలో 59 పరుగులకే 3 వికెట్లు కోల్పోయింది. అర్షదీప్‌ సింగ్‌, రవి బిష్ణోయ్‌, నితీశ్‌ కుమార్‌ రెడ్డి తలో వికెట్‌ తీశారు. ఆఫ్ఘన్‌ బ్యాటర్లలో కెప్టెన్‌ ఇబ్రహీం​ జద్రాన్‌ 37, రహ్మానుల్లా గుర్బాజ్‌ 0, సెదిఖుల్లా అటల్‌ 12 పరుగులు చేసి ఔట్‌ కాగా.. గుల్బదిన్‌ నైబ్‌ (7) క్రీజ్‌లో ఉన్నాడు. ఇదీ చదవండి: సచిన్‌ వరల్డ్‌ రికార్డును బద్దలు కొట్టిన జింబాబ్వే ప్లేయర్‌

న్యూఢిల్లీ వేదికగా ఆఫ్ఘనిస్తాన్‌తో జరుగుతున్న రెండో టీ20లో టీమిండియా టాస్‌ గెలిచి బౌలింగ్‌ ఎంచుకుంది. ఈ మ్యాచ్‌ కోసం భారత్‌ ఓ మార్పు చేయగా.. ఆఫ్ఘనిస్తాన్‌ తొలి మ్యాచ్‌లో ఆడిన జట్టుతోనే బరిలోకి దిగింది. వరుణ్‌ చక్రవర్తి గాయపడటంతో అతడి స్థానంలో రవి బిష్ణోయ్‌ జట్టులోకి వచ్చాడు. మూడు మ్యాచ్‌ల ఈ సిరీస్‌లో తొలి మ్యాచ్‌ గెలిచిన భారత్‌ 1-0 ఆధిక్యంలో కొనసాగుతుంది.తుది జట్లు..ఆఫ్ఘనిస్తాన్ (ప్లేయింగ్ XI): రహ్మానుల్లా గుర్బాజ్(w), ఇబ్రహీం జద్రాన్(c), సెదిఖుల్లా అటల్, గుల్బాదిన్ నైబ్, దర్విష్ రసూలీ, అజ్మతుల్లా ఒమర్జాయ్, మహ్మద్ నబీ, రషీద్ ఖాన్, నూర్ అహ్మద్, ముజీబ్ ఉర్ రహ్మాన్, ఫజల్ హక్‌ ఫారూఖీభారత్ (ప్లేయింగ్ XI): సంజు శాంసన్(w), అభిషేక్ శర్మ, ఇషాన్ కిషన్, శ్రేయాస్ అయ్యర్(c), తిలక్ వర్మ, నితీష్ కుమార్ రెడ్డి, శివమ్ దూబే, అక్షర్ పటేల్, రవి బిష్ణోయ్, అర్ష్‌దీప్ సింగ్, జస్ప్రీత్ బుమ్రాఇదీ చదవండి: సచిన్‌ వరల్డ్‌ రికార్డును బద్దలు కొట్టిన జింబాబ్వే ప్లేయర్‌

అఫ్గానిస్తాన్‌తో తొలి టీ20 మ్యాచ్‌లో టాస్‌ గెలిచిన టీమిండియా తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన అ ప్గాన్‌ భారత బౌలర్లు విజృంభించడంతో నామమాత్రపు స్కోరుకే పరిమితమైంది. నిర్ణీత 20 ఓవర్లలో ఎనిమిది వికెట్ల నష్టానికి 156 పరుగులు చేసింది. కాగా భారత్‌ వేదికగా అఫ్గాన్‌ బోర్డు.. టీమిండియాకు మూడు మ్యాచ్‌ల సిరీస్‌కు ఆతిథ్యం ఇస్తున్న సంగతి తెలిసిందే. ఇందుకు ఢిల్లీలోని అరుణ్‌ జైట్లీ స్టేడియం వేదిక.UPDATES:ఇరవై ఓవర్లలో అఫ్గాన్‌ స్కోరు: 156-8ఓపెనర్లలో రహ్మనుల్లా గుర్బాజ్‌ డకౌట్‌ కాగా.. కెప్టెన్‌ ఇబ్రహీం జద్రాన్‌ (11) నిరాశపరిచాడు. మిగిలిన వారిలో సెదీకుల్లా అటల్‌ 13 పరుగులు చేయగా.. గుల్బదిన్‌ నైబ్‌ (2), డార్విష్‌ రసూలీ (2) సింగిల్‌ డిజిట్‌ స్కోర్లకే పరిమితం అయ్యారు.అజ్మతుల్లా ఒమర్జాయ్‌ హాఫ్‌ సెంచరీ (44 బంతుల్లో 64) చేయగా.. మహ్మద్‌ నబీ 33 పరుగులతో రాణించాడు. ఫలితంగా అఫ్గాన్‌ గౌరవప్రదమైన స్కోరు చేసింది. భారత బౌలర్లలో అర్ష్‌దీప్‌ సింగ్‌ మూడు వికెట్లు తీయగా.. బుమ్రా, అక్షర్‌ పటేల్‌, వరుణ్‌ చక్రవర్తి తలా ఒక వికెట్‌ పడగొట్టారు.పదిహేను ఓవర్లలో అఫ్గాన్‌ స్కోరు: 104-5అజ్మతుల్లా 33, నబీ 26 పరుగులతో ఉన్నారు.సగం ఇన్నింగ్స్‌ ముగిసే సరికి అఫ్గాన్‌ స్కోరు: 56-5 (10)అజ్మతుల్లా ఒమర్జాయ్‌ 10, నబీ 4 పరుగులతో ఉన్నారు. అంతకు ముందు ఏడో ఓవర్‌ ఆఖరి బంతికి వరుణ్‌ చక్రవర్తి బౌలింగ్‌లో డార్విష్‌ రసూలీ (2) బౌల్డ్‌ అయి ఐదో వికెట్‌గా వెనుదిరిగాడు.పవర్‌ ప్లేలో అఫ్గాన్‌ స్కోరు: 41-4 (6 ఓవర్లు)ఓపెనర్లలో రహ్మనుల్లా గుర్బాజ్‌ను జస్‌ప్రీత్‌ బుమ్రా డకౌట్‌ చేయగా.. కెప్టెన్‌ ఇబ్రహీం జద్రాన్‌ (11) రనౌట్‌ అయ్యాడు. వన్‌డౌన్‌ బ్యాటర్‌ సెదీకుల్లా అటల్‌ 13 పరుగుల వ్యక్తిగత స్కోరు వద్ద అర్ష్‌దీప్‌ సింగ్‌ బౌలింగ్‌లో పెవిలియన్‌ చేరాడు. గుల్బదిన్‌ నైబ్‌ ఆరు బంతులు ఎదుర్కొని రెండు పరుగులు చేసి అక్షర్‌ పటేల్‌ బౌలింగ్‌లో నాలుగో వికెట్‌గా వెనుదిరిగాడు.టాస్‌ గెలిచిన టీమిండియా.. వైభవ్‌ ఆడటం లేదుఇక టాస్‌ సందర్భంగా టీమిండియా కెప్టెన్‌ శ్రేయస్‌ అయ్యర్‌ మాట్లాడుతూ.. ‘‘మేము ముందుగా బౌలింగ్‌ చేస్తాము. ఢిల్లీ వికెట్‌ మీద తొలుత బౌలింగ్‌ చేస్తే అనుకూలంగా ఉంటుంది. జింబాబ్వే పర్యటనలో మాకెన్నో సానుకూల అంశాలు కనిపించాయి. ఇక్కడా అదే జోరు కొనసాగిస్తాం. అయితే, వైభవ్‌ సూర్యవంశీ ఆడటం లేదు’’ అని తెలిపాడు.తిరిగి వచ్చిన సంజూకాగా జింబాబ్వే పర్యటనకు సంజూ శాంసన్‌ దూరంగా ఉన్న సంగతి తెలిసిందే. ఈ క్రమంలో అభిషేక్‌ శర్మకు ఓపెనింగ్‌ జోడీగా వచ్చిన చిచ్చర పిడుగు వైభవ్‌ సూర్యవంశీ అదరగొట్టాడు. ఈ సిరీస్‌లో భారత్‌ 3-0తో జింబాబ్వేను క్లీన్‌స్వీప్‌ చేయగా.. ‘ప్లేయర్‌ ఆఫ్‌ ది సిరీస్‌’ అవార్డును వైభవ్‌ గెలుచుకున్నాడు. అయితే, అఫ్గాన్‌తో సిరీస్‌తో సంజూ తిరిగి రావడంతో వైభవ్‌కు తుదిజట్టులో చోటు కరువైంది. ఇదిలా ఉంటే.. గాయాల నుంచి కోలుకున్న ప్రధాన పేసర్‌ జస్ప్రీత్ బుమ్రా, పేస్‌ బౌలింగ్‌ ఆల్‌రౌండర్‌ నితీశ్‌ కుమార్‌ రెడ్డి, స్పిన్నర్‌ వరుణ్‌ చక్రవర్తి తుదిజట్టులోకి వచ్చారు. స్పిన్‌ బౌలింగ్‌ ఆల్‌రౌండర్‌ వాషింగ్టన్‌ సుందర్‌కు మాత్రం ప్లేయింగ్‌ ఎలెవన్‌లో చోటు దక్కలేదు.తుదిజట్లుభారత్‌సంజు శాంసన్(వికెట్‌ కీపర్‌), అభిషేక్ శర్మ, ఇషాన్ కిషన్, శ్రేయస్‌ అయ్యర్(కెప్టెన్‌), తిలక్ వర్మ, నితీశ్‌ కుమార్ రెడ్డి, శివమ్ దూబే, అక్షర్ పటేల్, అర్ష్‌దీప్ సింగ్, జస్ప్రీత్ బుమ్రా, వరుణ్ చక్రవర్తి.అఫ్గానిస్తాన్‌ఇబ్రహీం జద్రాన్‌ (కెప్టెన్‌), రహ్మనుల్లా గుర్బాజ్‌ (వికెట్‌ కీపర్‌), సెదీకుల్లా అటల్‌, డార్విష్‌ రసూలి, అజ్మతుల్లా ఒమర్జాయ్‌, గుల్బదిన్‌ నైబ్‌, మహ్మద్‌ నబీ, రషీద్‌ ఖాన్‌, ముజీబ్‌ ఉర్‌ రహ్మాన్‌, నూర్‌ అహ్మద్‌, ఫజల్‌హక్‌ ఫారూకీ.చదవండి: పంత్‌వి పిల్లాడి చేష్టలు: సంజీవ్‌ గోయెంకా

ఆఫ్ఘనిస్తాన్‌తో రేపు జరుగబోయే తొలి టీ20కి ముందు టీమిండియాకు సంబంధించి కీలక అప్‌డేట్‌ వచ్చింది. ఈ మ్యాచ్‌కు స్టార్‌ బ్యాటర్ ఇషాన్ కిషన్ అందుబాటులో ఉంటాడా లేదా అనే సందేహాలపై కెప్టెన్ శ్రేయస్ అయ్యర్ క్లారిటీ ఇచ్చాడు.దులీప్ ట్రోఫీ ఫైనల్‌లో సుదీర్ఘ ఇన్నింగ్స్‌లు (270, 80) ఆడటం వల్ల ఇషాన్ కొంత అలసటకు గురయ్యాడని, ప్రస్తుతం అతడు సౌకర్యంగానే ఉన్నాడని ఆయన చెప్పాడు. ఇషాన్‌ దులీప్‌ ట్రోఫీ ఫైనల్‌ తర్వాత నెట్స్‌లో ప్రాక్టీస్ చేస్తూ స్వల్ప గాయానికి గురయ్యాడు. దీంతో అతడు తాజాగా జరిగిన ప్రాక్టీస్ సెషన్‌కు కూడా దూరంగా ఉన్నాడు.ఇషాన్ ఆడకపోతే సంజూకు అవకాశం?ఒకవేళ ఇషాన్ కిషన్ పూర్తిగా కోలుకోకపోతే తొలి టీ20లో అతడికి విశ్రాంతి ఇచ్చే అవకాశం కూడా ఉంది. అదే జరిగితే సంజూ శాంసన్‌ను తుది జట్టులోకి తీసుకోవచ్చు.ఇషాన్‌ స్థానంలో ఒకవేళ ఆల్‌రౌండర్‌ను తీసుకోవాలని భావిస్తే, వాషింగ్టన్ సుందర్, అక్షర్ పటేల్ ఇద్దరికీ తుది జట్టులో చోటు దక్కే అవకాశం ఉంది.కాగా, ఆఫ్ఘనిస్తాన్‌ జట్టు మూడు మ్యాచ్‌ల టీ20 సిరీస్‌ కోసం భారత్‌లో పర్యటిస్తున్న విషయం తెలిసిందే. ఈ సిరీస్‌లోని తొలి టీ20 రేపు ఢిల్లీలోని అరుణ్‌ జైట్లీ స్టేడియం వేదికగా జరుగనుంది. ఈ మ్యాచ్‌ రాత్రి 7 గంటలకు ప్రారంభం కానుంది. ఇదీ చదవండి: చరిత్ర సృష్టించిన జో రూట్‌.. సచిన్‌ వరల్డ్‌ రికార్డు బద్దలు

భార‌త్‌ను ప్ర‌స్తుతం ‘80s’ ట్రెండ్ షేక్ చేస్తోంది. ఇన్‌స్టాగ్రామ్‌, ట్విట‌ర్‌, ఫేస్‌బుక్‌, వాట్సాప్ ఇలా ఏ సోషల్ మీడియా ప్లాట్‌ఫామ్ చూసుకున్నా ‘80s’ ట్రెండ్ పిచ్చ వైర‌ల్‌గా మారిపోయింది. సెలెబ్రిటీల నుంచి సామాన్యుల దాకా త‌మ‌కు న‌చ్చిన ఫొటోను చాట్ జీపీటీకి ఇచ్చి ప్రాంప్ట్ స‌హాయంతో ‘80s’ ట్రెండ్ ఫొటోల‌ను సృష్టించి స్టేట‌స్‌లుగా పెట్టేస్తున్నారు. ఇప్పుడు ఇదే ‘80s’ ట్రెండ్ టీమిండియా క్రికెట్‌కు కూడా పాకింది. తాజాగా బీసీసీఐ త‌న అధికారిక ఎక్స్ ఖాతాలో టీమిండియా క్రికెట‌ర్ల 80s ట్రెండ్ ఫొటోల‌ను పంచుకుంది. అఫ్గానిస్తాన్‌తో టీ20 సిరీస్ నేప‌థ్యంలో రేపటి నుంచి తొలి టీ20 మ్యాచ్ జ‌ర‌గ‌నుంది. ఇప్ప‌టికే ఢిల్లీకి చేరుకున్న టీమిండియా క్రికెట‌ర్ల‌కు వారి ‘80s’ ఫొటోల‌ను చూపించింది. దీనిపై ఒక్కో క్రికెట‌ర్ ఒక్కోలా రియాక్ట్ అవ్వ‌డం క‌నిపించింది. Photo Credit: BCCI Twitterముఖ్యంగా అక్ష‌ర్ ప‌టేల్‌, ఇషాన్ కిష‌న్‌, అభిషేక్ వ‌ర్మ‌, వైభ‌వ్ సూర్య‌వంశీ, అర్ష‌దీప్ సింగ్‌లు త‌మ ‘80s’ ఫొటోలు చూసుకొని తెగ మురిసిపోయారు. అభిషేక్ శ‌ర్మ అయితే అచ్చం హాలీవుడ్ హీరోని త‌ల‌పించే విధంగా ఉన్నాడంటూ ఇషాన్ కిష‌న్ ఆట‌ప‌ట్టించ‌డం విశేషం. కెప్టెన్ శ్రేయ‌స్ అయ్య‌ర్‌. బుమ్రా, సంజూ శాంస‌న్ ఇలా అంద‌రు క్రికెట‌ర్లు త‌మ ఫొటోల‌ను గుర్తుప‌ట్ట‌గా.. ర‌వి బిష్ణోయి, య‌ష్ ఠాకూర్‌లు మాత్రం త‌మ ఫొటోల‌ను పోల్చుకోలేక‌పోయారు. Photo Credit: BCCI Twitterమొద‌ట శివ‌మ్ దూబే త‌న ఫొటో బ‌దులు య‌శ్ ఠాకూర్‌ను చూపించాడు. అయితే వెంట‌నే త‌న ఫొటోను చూపిస్తూ.. ఇందాకా చూపించింది య‌శ్ ఠాకూర్‌ది అని పేర్కొన్నాడు. ఇక బుమ్రా మాత్రం త‌న ఫొటోను చూసుకోవ‌డానికి ఇష్ట‌ప‌డ‌లేదు. 2 నిమిషాల 40 సెకన్ల నిడివి ఉన్న వీడియో ఇప్పుడు సోష‌ల్ మీడియాను తెగ ఊపేస్తోంది. వీలైతే మీరు ఒక లుక్కేయండి.Photo Credit: BCCI Twitterఇక రేపు (ఆదివారం) భార‌త్, అఫ్గానిస్తాన్‌ల మ‌ధ్య తొలి టీ20 మ్యాచ్ జ‌ర‌గ‌నుంది. జ‌ట్టు కూర్పు ఇప్ప‌టికే ఒక అంచ‌నాకు వ‌చ్చిన‌ప్ప‌టికీ, ఓపెనింగ్ విష‌యంలోనే మేనేజ్‌మెంట్ ఎటూ తేల్చుకోలేక‌పోతుంది. ఓపెనింగ్‌లో వైభ‌వ్ లేదా శాంస‌న్‌లలో ఎవ‌రిని ఆడిస్తార‌నేది చూడాలి. విశ్వ‌సనీయ స‌మాచారం మేర‌కు వైభ‌వ్‌ను బెంచ్‌కు ప‌రిమితం చేసి శాంస‌న్‌కు అవ‌కాశ‌మివ్వ‌నున్న‌ట్లు తెలుస్తోంది. మూడు మ్యాచ్‌ల టీ20 సిరీస్‌లో అన్ని మ్యాచ్‌ల‌కు ఢిల్లీలోని అరుణ్ జైట్లీ స్టేడియం వేదిక కానుంది.Vintage vibes. Priceless reactions. 😂🎥 #TeamIndia takes on the 1980s trend 😉 - By @RajalArora #AFGvIND pic.twitter.com/nSaClHHdyn— BCCI (@BCCI) September 12, 2026ఇదీ చదవండి: ఆసియా గేమ్స్‌కు కొత్త రంగు జెర్సీలో టీమిండియా!

టీమిండియా క్రికెటర్లకు సంబంధించి చాట్‌ జీపీటీ ద్వారా చేసిన పాత ఫోటోల ప్రయోగం సోషల్‌ మీడియాలో వైరల్‌గా మారింది. మన ప్రస్తుతం క్రికెటర్లు 80వ దశకంలో ఇలా ఉండేవారంటూ పెట్టిన చిత్రాలు ఆసక్తికరంగా ఉన్నాయి.ఇందులో దిగ్గజ కెప్టెన్‌ మహేంద్ర సింగ్‌ ధోని, టీ20 స్పెషలిస్టు సంజు శాంసన్‌, టీమిండియా టెస్టు, వన్డే జట్ల కెప్టెన్‌ శుబ్‌మన్‌ గిల్, స్టార్‌ ఆల్‌రౌండర్‌ హార్దిక్‌ పాండ్యా, టీ20 కెప్టెన్‌ శ్రేయస్‌ అయ్యర్‌, చిచ్చరపిడుగు వైభవ్‌ సూర్యవంశీ, విధ్వంసకర వీరుడు అభిషేక్‌ శర్మ చాట్‌ జీపీటీ ఫోటోల ద్వారా నాటి ట్రెండ్‌ను గుర్తుకు తెచ్చారు!PC: Star Sports Xవీరిని గుర్తుపట్టడం కష్టమే!స్టార్‌ స్పోర్ట్స్‌ కన్నడ ధోనితో సంజూ.. గిల్‌, హార్దిక్‌ పాండ్యాలతో శ్రేయస్‌ అయ్యర్‌.. అభిషేక్‌ శర్మతో వైభవ్‌ సూర్యవంశీ కలిసి ఉన్న ఫొటోలను తమ సోషల్‌ మీడియా అకౌంట్లలో షేర్‌ చేసింది. ఇందులో సంజూ, శ్రేయస్‌ అయ్యర్‌ను తప్ప మిగతా వారందరినీ సులువుగానే గుర్తుపట్టొచ్చు అంటూ నెటిజన్లు కామెంట్లు చేస్తున్నారు. PC: Star Sports Xముందు స్వదేశంలో.. ఆ తర్వాత జపాన్‌లోఇదిలా ఉంటే.. శ్రేయస్‌ అయ్యర్‌, సంజూ శాంసన్‌, అభిషేక్‌ శర్మ, వైభవ్‌ సూర్యవంశీ అఫ్గానిస్తాన్‌తో టీ20 సిరీస్‌కు సిద్ధమవుతున్నారు. ఢిల్లీ వేదికగా టీమిండియా- అఫ్గాన్‌ మధ్య సెప్టెంబరు 13,15, 17 తేదీల్లో ఈ సిరీస్‌ నిర్వహణకు షెడ్యూల్‌ ఖరారైంది. అయితే, ఇక్కడ అఫ్గాన్‌ బోర్డు టీమిండియాకు ఆతిథ్యం ఇస్తుండటం విశేషం. ఇక ఈ సిరీస్‌ తర్వాత వీరంతా ఆసియా క్రీడలు-2026 టోర్నీతో బిజీ కానున్నారు.మరోవైపు.. ఆల్‌రౌండర్‌ హార్దిక్‌ పాండ్యా గాయం నుంచి కోలుకున్నప్పటికీ పూర్తి ఫిట్‌నెస్‌ సాధించలేదని సమాచారం. ఫలితంగా అఫ్గాన్‌తో టీ20 సిరీస్‌కు అతడు దూరమయ్యాడు. కాగా శ్రేయస్‌ అయ్యర్‌ సారథ్యంలో భారత టీ20 జట్టు జపాన్‌లో ఆసియా క్రీడల్లో పాల్గొనే సమయంలో.. శుబ్‌మన్‌ గిల్‌ కెప్టెన్సీలో వన్డే జట్టు స్వదేశంలో వెస్టిండీస్‌తో సిరీస్‌ ఆడనుంది. చదవండి: టీమిండియా సెమీస్‌ ప్రత్యర్థి ఖరారు

ఈ ఏడాది అక్టోబర్‌లో భారత క్రికెట్ అభిమానులకు డబుల్ ధమాకా లభించనుంది. ఒకవైపు జపాన్‌లో జరిగే ఆసియా క్రీడలులో శ్రేయస్ అయ్యర్ సారథ్యంలో ఒక భారత జట్టు బరిలోకి దిగుతుండగా.. స్వదేశంలో వెస్టిండీస్‌తో జరిగే వన్డే సిరీస్‌లో మరో జట్టు తలపడనుంది. ఏషియన్ గేమ్స్‌లో నేరుగా క్వార్టర్ ఫైనల్లో అడుగుపెట్టిన భారత జట్టు సెప్టెంబర్ 28న క్వార్టర్స్, అక్టోబర్ 1న సెమీఫైనల్స్ ఆడనుంది. పతక పోరు (ఫైనల్, మూడో స్థానం మ్యాచ్‌) అక్టోబర్ 3న జరగనుంది.ఇదే సమయంలో వెస్టిండీస్ జట్టు 3 వన్డేలు, 5 టీ20ల సిరీస్ కోసం భారత్‌లో పర్యటించనుంది. తొలి రెండు వన్డేలు సెప్టెంబర్ 27, 28 తేదీల్లో జరగనుండగా.. ఆఖరి వన్డే అక్టోబర్ 3న షెడ్యూల్ అయింది. అయితే భారత్ ఒకవేళ ఆసియా క్రీడల్లో ఫైనల్/మెడల్ రౌండ్‌కు అర్హత సాధిస్తే.. అక్టోబర్ 3న ఒకే రోజు వేర్వేరు వేదికలపై రెండు భారత జట్లు ఆడే అరుదైన దృశ్యం ఆవిష్కృతమవుతుంది.శ్రేయస్ అయ్యర్ దూరంకాగా ఆసియా క్రీడల బాధ్యతల కారణంగా స్వదేశంలో వెస్టిండీస్‌తో జరిగే వన్డే సిరీస్‌కు వైస్ కెప్టెన్ శ్రేయస్ అయ్యర్ దూరం కానున్నట్లు తెలుస్తోంది. అతడి స్ధానంలో ఆర్సీబీ కెప్టెన్ రజత్ పాటిదార్ పేరును బీసీసీఐ సెలక్టర్లు పరిశీలిస్తున్నట్లు సమాచారం. పాటిదార్‌ ప్రస్తుతం అద్భుతమైన ఫామ్‌లో ఉన్నాడు. ఈ ఏడాది జరిగిన ఐపీఎల్‌లో కూడా అతడు దుమ్ములేపాడు. శ్రేయాస్‌ లాగే మిడిలార్డర్‌లో రాణించే సత్తా పాటిదార్‌ ఉంది.మరోవైపు ఆసియా క్రీడల కోసం పయనమవుతున్న భారత క్రీడాకారుల బృందానికి బీసీసీఐ అధ్యక్షుడు మిథున్ మన్హాస్ శుభాకాంక్షలు తెలిపారు. భారత అథ్లెట్లు, క్రికెట్ జట్లు తమ అత్యుత్తమ ప్రదర్శన కనబరిచి పసిడి పతకాలు సాధిస్తారని ధీమా వ్యక్తం చేశారు.ఆసియా క్రీడలకు భారత పురుషల జట్టు: శ్రేయస్ అయ్యర్ (కెప్టెన్), అభిషేక్ శర్మ, సంజు శాంసన్ (వికెట్ కీపర్), ఇషాన్ కిషన్ (వికెట్ కీపర్), శివం దూబే, తిలక్ వర్మ (వైస్ కెప్టెన్), నితీష్ కుమార్ రెడ్డి, అక్షర్ పటేల్, వాషింగ్టన్ సుందర్, వరుణ్ చకరవర్తి, రవి బిష్ణోయ్, జస్ప్రీత్ బుమ్రా, హర్షిత్ రాణా, అర్ష్‌దీప్ సింగ్, వైభవ్ సూర్యవంశీ.

దాదాపు ఇరవై ఎనిమిదేళ్ల తర్వాత భారత పురుషుల క్రికెట్‌ చరిత్రలో అరుదైన ఘట్టం ఆవిష్కృతం కానుంది. ఒకేరోజు ‘టీమిండియా’ రెండు మ్యాచ్‌లు ఆడేందుకు సిద్ధమైంది. శ్రేయస్‌ అయ్యర్‌ సారథ్యంలో టీ20 జట్టు.. శుబ్‌మన్‌ గిల్‌ కెప్టెన్సీలో వన్డే జట్టు ప్రత్యర్థులతో అమీతుమీ తేల్చుకోనున్నాయి.ఒకేరోజు టీమిండియా రెండు మ్యాచ్‌లుఇంతకీ ఆరోజు ఎప్పుడంటారా?.. అక్టోబరు 3. కాగా మూడు వన్డేలు, ఐదు టీ20 మ్యాచ్‌లు ఆడేందుకు వెస్టిండీస్‌ జట్టు భారత పర్యటనకు రానున్న సంగతి తెలిసిందే. ఇందులో భాగంగా టీమిండియా- విండీస్‌ మధ్య సెప్టెంబరు 27, 30.. అక్టోబరు 3న వన్డే సిరీస్‌ నిర్వహణకు షెడ్యూల్‌ ఖరారైంది.న్యూ చండీగఢ్‌ వేదికగా భారత్‌-వెస్టిండీస్‌ మధ్య అక్టోబరు 3న మూడో వన్డే జరుగనుంది. మరోవైపు.. జపాన్‌ వేదికగా ఆసియా క్రీడలు-2026 టోర్నీ అక్టోబరు 3న ముగియనుంది. అదే రోజు పురుషుల క్రికెట్‌లో కాంస్య పతక పోరుతో పాటు ఫైనల్‌ జరుగనుంది.ఇక గత ఎడిషన్‌లో స్వర్ణం సాధించిన టీమిండియా.. ఈసారి నేరుగా ఆసియా క్రీడల క్వార్టర్‌ ఫైనల్లో అడుగుపెట్టిన సంగతి తెలిసిందే. 2023లో రుతురాజ్‌ గైక్వాడ్‌ నాయకత్వంలో ద్వితీయ శ్రేణి జట్టు చైనాలో పసిడి పతకం గెలవగా.. ఈసారి పూర్తిస్థాయిలో రెగ్యులర్‌ కెప్టెన్‌ శ్రేయస్‌ అయ్యర్‌ కెప్టెన్సీలో భారత టీ20 జట్టు జపాన్‌కు వెళ్లనుంది.గతంలోనూ ఇదే తరహాలోస్థాయిని బట్టి చూస్తే టీమిండియా ఈసారి కూడా ఫైనల్‌ ఆడటం లాంఛనమేనని చెప్పవచ్చు. ఈ నేపథ్యంలో ఇటు భారత్‌లో గిల్‌ కెప్టెన్సీలో వన్డే జట్టు.. అటు జపాన్‌లో టీ20 జట్టు అక్టోబరు 3న మ్యాచ్‌లు ఆడనున్నాయి. కాగా 1998, సెప్టెంబరు 12న కూడా ఇలాంటి ఘటనే జరిగింది.నాడు కౌలలంపూర్‌లో జరిగిన కామన్‌వెల్త్‌ గేమ్స్‌లో సచిన్‌ టెండుల్కర్‌, అనిల్‌ కుంబ్లే, అజయ్‌ జడేజా, వీవీఎస్‌ లక్ష్మణ్‌లతో కూడిన భారత జట్టు.. కెనడాను 112 పరుగుల తేడాతో ఓడించింది. అదే రోజు.. మహ్మద్‌ అజారుద్దీన్‌ సారథ్యంలో టొరంటో వేదికగా సహారా ఫ్రెండ్‌షిప్‌ కప్‌లో భాగంగా టీమిండియా పాకిస్తాన్‌తో మ్యాచ్‌ ఆడింది. ఇందులో సౌరవ్‌ గంగూలీ, రాహుల్‌ ద్రవిడ్‌, నవజోత్‌ సింగ్‌ సిద్ధు, జవగళ్‌ శ్రీనాథ్‌, అజిత్‌ అగార్కర్‌ తదితరులు సభ్యులుగా ఉన్నారు. నాటి ఈ మ్యాచ్‌లో భారత్‌ పాక్‌పై ఆరు వికెట్ల తేడాతో గెలుపొందింది.చదవండి: ఇషాన్‌ కిషన్‌కు గాయం!

ఆసియా క్రీడలు-2026 టోర్నీలో పాల్గొనబోయే భారత పురుషుల క్రికెట్‌ జట్టుకు.. బీసీసీఐ సెంటర్‌ ఆఫ్‌ ఎక్సలెన్స్‌ క్రికెట్‌ డైరెక్టర్‌ వీవీఎస్‌ లక్ష్మణ్‌ మార్గదర్శనం చేయనున్నాడు. జపాన్‌లో టీ20 ఫార్మాట్లో జరిగే ఈ టోర్నీలో గౌతం గంభీర్‌కు బదులు లక్ష్మణ్‌ హెడ్‌కోచ్‌గా వ్యవహరించనున్నాడు. కేంద్ర యువజన, క్రీడా మంత్రిత్వ శాఖ తాజాగా ఈ విషయాన్ని ధ్రువీకరించింది.గత ఎడిషన్‌లోనూ..కాగా చైనా వేదికగా ఆసియా క్రీడల గత ఎడిషన్‌లో రుతురాజ్‌ గైక్వాడ్‌ సారథ్యంలో ద్వితీయ శ్రేణి భారత జట్టు పాల్గొంది. అప్పుడు కూడా లక్ష్మణ్‌ మార్గదర్శనం చేయగా.. భారత్‌ స్వర్ణ పతకం సాధించింది. అయితే, ఈసారి మాత్రం శ్రేయస్‌ అయ్యర్‌ కెప్టెన్సీలో ప్రధాన టీ20 జట్టును భారత క్రికెట్‌ నియంత్రణ మండలి (బీసీసీఐ) జపాన్‌కు పంపేందుకు సిద్ధమైంది.PC: BCCI/Xఇందుకు సంబంధించి ఇప్పటికే అధికారిక ప్రకటన విడుదల చేసింది. కాగా ఆసియా క్రీడల్లో వీవీఎస్‌ లక్ష్మణ్‌ భారత టీ20 జట్టుకు మార్గదర్శనం చేయనుండగా.. గంభీర్‌ స్వదేశంలో వెస్టిండీస్‌తో జరిగే వన్డే సిరీస్‌తో బిజీగా ఉండనున్నాడు.అసిస్టెంట్‌ కోచ్‌లు వీరేఇక కేంద్ర యువజన, క్రీడా మంత్రిత్వ శాఖ తెలిపిన వివరాల ప్రకారం.. ఆసియా క్రీడల్లో టీమిండియాకు లక్ష్మణ్‌ హెడ్‌కోచ్‌గా వ్యవహరించనుండగా.. సునిల్‌ జోషి, హృషికేశ్‌ కనితక్కర్‌, శుభదీప్‌ ఘోష్‌ అతడికి అసిస్టెంట్లుగా పనిచేయనున్నారు. కాగా జపాన్‌లోని ఐచి- నగోయా వేదికగా సెప్టెంబరు 19 నుంచి అక్టోబరు 4 మధ్య ఆసియా క్రీడల నిర్వహణకు షెడ్యూల్‌ ఖరారైంది.ఆసియా క్రీడల్లో పాల్గొనే భారత పురుషుల టీ20 క్రికెట్‌ జట్టుశ్రేయస్‌ అయ్యర్‌ (కెప్టెన్‌), అభిషేక్‌ శర్మ, సంజూ శాంసన్‌, ఇషాన్‌ కిషన్‌, శివం దూబే, తిలక్‌ వర్మ, నితీశ్‌ కుమార్‌ రెడ్డి, అక్షర్‌ పటేల్‌, వాషింగ్టన్‌ సుందర్‌, వరుణ్‌ చక్రవర్తి, రవి బిష్ణోయి, జస్‌ప్రీత్‌ బుమ్రా, హర్షిత్‌ రాణా, అర్ష్‌దీప్‌ సింగ్‌, వైభవ్‌ సూర్యవంశీ.చదవండి: IND vs AFG: అతడిని ఎందుకు తప్పించారో సెలక్టర్లకే తెలియాలి

టీ20 ప్ర‌పంచ‌క‌ప్‌-2026 త‌ర్వాత టీమిండియా కెప్టెన్సీ నుంచి సూర్య‌కుమార్ యాద‌వ్‌ను బీసీసీఐ త‌ప్పించిన సంగ‌తి తెలిసిందే. కెప్టెన్‌గానే పూర్తిగా ప్లేయ‌ర్‌గానే అత‌డిని జ‌ట్టు నుంచి ప‌క్క‌న పెట్టేశారు. అత‌డి స్దానంలో అనుహ్యంగా మిడిలార్డ‌ర్ బ్యాట‌ర్ శ్రేయ‌స్ అయ్య‌ర్‌ను భార‌త టీ20 జ‌ట్టు సార‌ధిగా బీసీసీఐ నియ‌మించింది. బోర్డు తీసుకున్న ఈ నిర్ణ‌యంపై మిశ్రమ స్పందన వ్యక్తమైంది. వ‌ర‌ల్డ్‌క‌ప్ అందించిన కెప్టెన్ ప‌ట్ల బీసీసీఐ వ్య‌వ‌హ‌రించిన తీరు స‌రికాదు చాలా మంది మాజీలు విమర్శించారు. అయితే భార‌త జట్టు ప‌గ్గాల‌ను చేప‌ట్టిన ఆరంభంలోనే అయ్య‌ర్‌కు చేదు అనుభ‌వం ఎదురైంది. అత‌డి సార‌థ్యంలోని టీమిండియా వ‌రుస‌గా ఐర్లాండ్‌, ఇంగ్లండ్ సిరీస్‌లలో ఓట‌మి పాలైంది. ఆ త‌ర్వాత అయ్య‌ర్ కెప్టెన్‌గా అద్భుత‌మైన క‌మ్‌బ్యాక్ ఇచ్చాడు. గ‌త నెల‌లో జింబాబ్వేతో జ‌రిగిన టీ20 సిరీస్‌ను భార‌త్ 3-0 తేడాతో క్లీన్ స్వీప్ చేసింది. టీమిండియా టీ20 కెప్టెన్‌గా తొలి సిరీస్ విజ‌యాన్ని అందుకుంది. ఇప్పుడు అత‌డు కెప్టెన్సీలోనే భార‌త జ‌ట్టు స్వ‌దేశంలో అఫ్గానిస్తాన్‌తో టీ20 సిరీస్ త‌ల‌ప‌డ‌నుంది. సెప్టెంబ‌ర్ 13 నుంచి ఈ సిరీస్ ప్రారంభం కానుంది.ఈ నేప‌థ్యంలో అయ్య‌ర్ ఆసీస్ దిగ్గ‌జం, పంజాబ్ కింగ్స్ హెడ్‌కోచ్ రికీ పాంటింగ్ ప్ర‌శంస‌ల వ‌ర్షం కురిపించాడు. శ్రేయ‌స్‌కు అద్భుత‌మైన కెప్టెన్సీ స్కిల్స్ ఉన్నాయ‌ని, రిటైర్మెంట్ వ‌రకు అత‌డే టీమిండియా కెప్టెన్‌గా ఉంటాడ‌ని పాంటింగ్ జోస్యం చెప్పాడు."శ్రేయస్ గురించి ఎంత చెప్పినా తక్కువే. ఐపీఎల్ 2025 వేలంలో శ్రేయస్‌ కోసం భారీగా ఖ‌ర్చు చేసిన‌ప్పుడే, అతడిపై నాకు ఎంత నమ్మకం ఉందో అర్థం చేసుకోవచ్చు. అతడితో మళ్లీ కలిసి పనిచేయాలని అనుకున్నాను. ఒక ప్లేయర్‌గా అతడి నుంచి అత్యుత్తమ ప్రదర్శనను రాబట్టగలననే నమ్మకం నాకుంది. ఒక కెప్టెన్‌గా, టీమ్ లీడర్‌గా అయ్యర్‌తో పనిచేయడాన్ని నేను ఎంతగానో ఆస్వాదిస్తాను. భారత టీ20 జట్టు కెప్టెన్సీ అప్పగించి బీసీసీఐ మంచి నిర్ణయం తీసుకుంది. తను టీ20 క్రికెట్ నుంచి రిటైర్ అయ్యే వరకు ఆ పదవికి అతడే సరైనోడు" అని ఇండియా టూడే ఇంటర్వ్యూలో పేర్కొన్నాడు.చదవండి: IND vs AFG: వైభవ్‌ సూర్యవంశీకి భారీ షాక్‌..! అస్సలు ఊహించి ఉండడు?

టీమిండియాకు టీ20 ప్రపంచకప్‌ అందించిన కెప్టెన్‌ సూర్యకుమార్‌ యాదవ్‌. అయితే, ఈ మెగా టోర్నీ తర్వాత ఆడిన తొలి సిరీస్‌లోనే అతడిపై వేటు పడింది. భారత టీ20 జట్టు కెప్టెన్‌గా సూర్యను తప్పించిన యాజమాన్యం.. జట్టులోనూ అతడికి చోటు లేకుండా చేసింది. కెప్టెన్‌గా విజయవంతమైనా.. బ్యాటర్‌గా విఫలమైనందున 35 ఏళ్ల సూర్యకుమార్‌ను నిర్దాక్షిణ్యంగా జట్టు నుంచి తప్పించింది.ఈ నేపథ్యంలో సూర్యకుమార్‌ గనుక మళ్లీ దేశవాళీ క్రికెట్‌, ఐపీఎల్‌లో సత్తా చాటితే తిరిగి టీమిండియాలోకి వచ్చే అవకాశం ఉందనే వార్తలు వినిపిస్తున్నాయి. ఈ క్రమంలో ముంబై క్రికెట్‌ అసోసియేషన్‌ (MCA) అధికారి చేసిన వ్యాఖ్యలు ప్రాధాన్యం సంతరించుకున్నాయి. ఆ ఇద్దరిలో ఒకరు!దేశవాళీ పరిమిత ఓవర్ల క్రికెట్‌లో ముంబై జట్టుకు సూర్య కెప్టెన్‌ కానున్నట్లు సదరు అధికారి సంకేతాలు ఇచ్చారు. పీటీఐతో మాట్లాడుతూ.. ‘మా జట్టులో శ్రేయస్ అయ్యర్‌, సూర్యకుమార్‌ యాదవ్‌ ఉన్నారు. వన్డే, టీ20 ఫార్మాట్‌లకు ఈ ఇద్దరిలో ఎవరు అందుబాటులో ఉంటే వారే కెప్టెన్‌గా వ్యవహరిస్తారు’ అని ఎంసీఏ అధికారి తెలిపారు.అయ్యర్‌.. అంచెలంచెలుగా ఎదిగికాగా దేశవాళీ క్రికెట్‌ ముంబై తరఫున.. ఐపీఎల్‌లో పంజాబ్‌ కింగ్స్‌ కెప్టెన్‌గా అత్యుత్తమంగా రాణించిన శ్రేయస్‌ అయ్యర్‌కు ఊహించని అవకాశం వచ్చిన సంగతి తెలిసిందే. మూడేళ్లుగా భారత టీ20 జట్టులో చోటు కోసం పరితపించిన ఈ కుడిచేతి వాటం బ్యాటర్‌.. అనూహ్య రీతిలో ఏకంగా కెప్టెన్‌గా పునరాగమనం చేశాడు. టీమిండియాకు మూడో ప్రపంచకప్‌ అందించిన సూర్యకుమార్‌ స్థానాన్ని సెలక్టర్లు శ్రేయస్‌తో భర్తీ చేశారు. ప్రస్తుతం అతడు అఫ్గానిస్తాన్‌తో స్వదేశంలో జరిగే టీ20 సిరీస్‌తో బిజీ కానున్నాడు. కాగా 2024–25 సీజన్‌ ఫైనల్లో మధ్యప్రదేశ్‌ను ఓడించి శ్రేయస్‌ సారథ్యంలోని ముంబై జట్టు సయ్యద్‌ ముస్తాక్‌ అలీ టీ20 ట్రోఫీ గెలుచుకున్న సంగతి తెలిసిందే.ఇదిలా ఉంటే.. నవంబరు 14 నుంచి డిసెంబరు 6 మధ్య సయ్యద్‌ ముస్తాక్‌ అలీ టీ20 ట్రోఫీ టోర్నీ నిర్వహణకు షెడ్యూల్‌ ఖరారైంది. ఆ సమయంలో టీమిండియా సిరీస్‌లతో శ్రేయస్‌ అయ్యర్‌ బిజీగా ఉంటే.. సూర్యనే ముంబై జట్టును కెప్టెన్‌గా ముందుకు నడిపిస్తాడు.రంజీ జట్టు కెప్టెన్‌గా సిద్ధేశ్‌ లాడ్‌దేశవాళీ ప్రతిష్టాత్మక టోర్నమెంట్‌ రంజీ ట్రోఫీలో ముంబై జట్టుకు సిద్ధేశ్‌ లాడ్‌ కెప్టెన్‌గా ఎంపికయ్యాడు. అక్టోబర్‌ 11 నుంచి తాజా రంజీ సీజన్‌ ప్రారంభం కానుండగా... ఎంసీఏ సారథ్య మార్పు వివరాలను మంగళవారం వెల్లడించింది. గత సీజన్‌లో ముంబై జట్టుకు పేస్‌ ఆల్‌రౌండర్‌ శార్దుల్‌ ఠాకూర్‌ కెప్టెన్‌గా వ్యవహరించగా... అతడిపై అదనపు భారాన్ని తగ్గించేందుకే ఈ నిర్ణయం తీసుకున్నట్లు ఎమ్‌సీఏ వెల్లడించింది.ఇక 2025–26 రంజీ సీజన్‌లో క్వార్టర్‌ ఫైనల్లో ఓడిన ముంబై జట్టు... కొత్త సీజన్‌ను సిద్ధేశ్‌ సారథ్యంలో ప్రారంభించనుంది. 34 ఏళ్ల సిద్ధేశ్‌ గత సీజన్‌లో 77.40 సగటుతో 774 పరుగులు చేశాడు. నిలకడైన బ్యాటింగ్‌తో పాటు పరిణతి చెందిన ఆటతీరుతో అతడు నాయకత్వ అవకాశం దక్కించుకున్నాడు. 42సార్లు చాంపియన్‌గాహరియాణా, చండీగఢ్, హిమాచల్‌ ప్రదేశ్, రాజస్తాన్, రైల్వేస్, తమిళనాడు, ఉత్తరాఖండ్‌ జట్లతో కలిసి గ్రూప్‌ ‘డి’ నుంచి బరిలోకి దిగనున్న ముంబై... తొలి మ్యాచ్‌లో చండీగఢ్‌తో తలపడనుంది.రికార్డు స్థాయిలో ఇప్పటి వరకు 42 సార్లు రంజీ ట్రోఫీ విజేతగా నిలిచిన ముంబై జట్టు... వరుసగా రెండో ఏడాది కొత్త కెప్టెన్‌ సారథ్యంలో రంజీ ట్రోఫీ ఆడనుంది. 2023–24లో చివరిసారిగా అజింక్య రహానే సారథ్యంలో ముంబై జట్టు ట్రోఫీ గెలిచింది. గత సీజన్‌లో శార్దుల్‌ ఠాకూర్‌ అటు బంతితో, ఇటు బ్యాట్‌తో రాణించగా... ఈ సారి ప్రధాన పేసర్‌గా అతడికి మరింత స్వేచ్ఛనివ్వాలని టీమ్‌ మేనేజ్‌మెంట్‌ భావిస్తోంది.చదవండి: IND vs AFG: జట్టులో అతడు ఎందుకు?

స్వదేశంలో అఫ్గానిస్తాన్‌ జరగనున్న మూడు మ్యాచ్‌ల టీ20 సిరీస్‌కు బీసీసీఐ మంగ‌ళ‌వారం టీమిండియా జ‌ట్టును ప్ర‌క‌టించింది. 15 మందితో కూడిన జ‌ట్టుకు శ్రేయ‌స్ అయ్య‌ర్ కెప్టెన్‌గా వ్య‌వ‌హ‌రించ‌నుండ‌గా, తిల‌క్ వ‌ర్మ వైస్ కెప్టెన్‌గా ఉండ‌నున్నాడు. ఇక స్టార్‌ బౌలర్‌ జస్ప్రీ‌త్‌ బుమ్రా రీఎంట్రీ ఇవ్వనుండగా, జింబాబ్వేతో టీ20 సిరీస్‌కు విశ్రాంతినిచ్చిన సంజూ శాంస‌న్ తిరిగి జ‌ట్టులోకి వ‌చ్చాడు.ఇక బుమ్రాను ఎంపిక చేసినప్పటికీ, అతడు ఫిట్‌నెస్ నిరూపించుకోవాల్సి ఉంటుంది. తెలుగు క్రికెటర్‌ నితీశ్ కుమార్ రెడ్డితో పాటు వాషింగ్ట‌న్ సుంద‌ర్‌, హ‌ర్షిత్ రాణాలు ఎంపికైనప్పటికీ, వీరు కూడా ఫిట్‌నెస్ క్లియ‌రెన్స్ సాధించాల్సి ఉంటుంది. ఇక అఫ్గానిస్తాన్‌తో టీమిండియా సెప్టెంబ‌ర్ 13 నుంచి 17 మ‌ధ్య‌ మూడు మ్యాచ్‌ల టీ20 సిరీస్ ఆడ‌నుంది. తొలి టీ20 మ్యాచ్ సెప్టెంబ‌ర్ 13న‌, రెండో టీ20 సెప్టెంబ‌ర్ 15న‌, మూడో టీ20 సెప్టెంబ‌ర్ 17న జ‌ర‌గ‌నున్నాయి. ఈ మూడు టీ20ల‌కు ఢిల్లీలోని అరుణ్ జైట్లీ స్టేడియం వేదిక కానుంది.ఆఫ్గ‌న్‌తో టీ20 సిరీస్ కోసం సెలెక్టర్లు ప్రధాన బౌలర్లను చోటివ్వగా.. గాయం నుంచి కోలుకున్న మిస్టరీ స్పిన్నర్ వరుణ్ చక్రవర్తి స్క్వాడ్‌లోకి వచ్చాడు. రవి బిష్ణోయ్ రెండో స్పిన్నర్‌గా స్థానం సాధించాడు. బుమ్రా, హర్షిత్, వరుణ్ రాకతో ఇంగ్లండ్ గడ్డపై ఆడిన ప్రసిధ్ కృష్ణ, సూర్యాన్ష్‌ షెడ్గే, ప్రిన్స్ యాదవ్ జ‌ట్టులో చోటు కోల్పోయారు. అయితే జ‌ట్టులో చోటు దక్కించుకున్నప్ప‌టికీ బుమ్రా, నితీశ్, సుందర్, రాణాలు ఈ సిరీస్‌లో ఆడతారా? లేదా?అనేది ఫిట్‌నెస్‌పై ఆధారపడి ఉంటుందని సెలెక్టర్లు పేర్కొన్నారు.ఇక ఆఫ్గన్‌తో టీ20 సిరీస్‌కు ఎంపిక చేసిన జట్టునే ఆసియా గేమ్స్‌కు పంపనున్నట్లు తెలుస్తోంది. ఒకటి రెండు మార్పులు మినహా దాదాపు ఇదే జట్టు ఆసియా క్రీడల్లో పాల్గొననుంది. ఇక ఆసియా క్రీడలు జపాన్‌లోని ఐచీ-నగోయా వేదికగా సెప్టెంబర్ 19 నుంచి అక్టోబర్ 4 వరకు జరగనున్నాయి.భార‌త జ‌ట్టు: శ్రేయ‌స్ అయ్యర్ (కెప్టెన్‌), అభిషేక్ శర్మ, వైభవ్ సూర్యవంశీ, సంజు శాంసన్ (వికెట్ కీప‌ర్‌), ఇషాన్ కిషన్ (వికెట్ కీప‌ర్‌), తిలక్ వర్మ (వైస్ కెప్టెన్‌), శివమ్ దూబే, నితీశ్‌ కుమార్ రెడ్డి*, అక్షర్ పటేల్, వాషింగ్టన్ సుందర్*, వరుణ్ చక్రవర్తి, రవి బిష్ణోయ్, జ‌స్‌ప్రీత్ బుమ్రా*, అర్ష‌దీప్ సింగ్‌, హ‌ర్షిత్ రానా*India’s squad for Afghanistan T20I series announced. #TeamIndia will play three T20Is against Afghanistan at New Delhi, beginning September 13.#AFGvIND pic.twitter.com/UqTUeZyHz8— BCCI (@BCCI) September 1, 2026Read: పాక్ క్రికెట్‌లో సంక్షోభం; మ‌న‌స్తాపానికి గురై ప‌ద‌వికి రాజీనామా!

టీమిండియా టీ20 వైస్ కెప్టెన్, హైదరాబాదీ క్రికెటర్ తిలక్ వర్మను తిరిగి వన్డే సెటప్‌లోకి తీసుకురావాలని టీమ్ మేనేజ్‌మెంట్ భావిస్తున్నట్లు సమాచారం. 2027 వన్డే వరల్డ్ కప్‌ను దృష్టిలో ఉంచుకుని, శ్రేయస్ అయ్యర్‌కు బ్యాకప్‌గా తిలక్‌ను సిద్ధం చేయాలని హెడ్ కోచ్ గౌతమ్ గంభీర్ ప్లాన్ చేస్తున్నట్లు తెలుస్తోంది. ఈ మెగా టోర్నీ సన్నాహకాల్లో భాగంగా న్యూజిలాండ్, వెస్టిండీస్‌లతో జరగనున్న వన్డే సిరీస్‌లకు తిలక్‌ను ఎంపిక చేసే అవకాశాలు ఉన్నాయి.పరిమిత ఓవర్ల క్రికెట్‌లో తిలక్ వర్మకు అద్భుతమైన రికార్డు ఉంది. ముఖ్యంగా టీ20ల్లో నిలకడగా రాణిస్తూ జట్టులో కీలక సభ్యుడిగా మారాడీ ఈ హైదరాబాదీ. అతడికి ఇటీవల బీసీసీఐ భారత టీ20 జట్టు వైస్ కెప్టెన్సీ బాధ్యతలను కూడా అప్పగించింది. అయితే ఈ లెఫ్ట్ హ్యాండ్ బ్యాటర్ వన్డేల్లో మాత్రం తన మార్క్ ఇంకా చూపించాల్సి ఉంది. ఇప్పటివరకు 5 వన్డేలు ఆడిన తిలక్ 68 పరుగులు చేశాడు. గతేడాది డిసెంబర్‌లో అతడు భారత్ తరఫున చివరి వన్డే మ్యాచ్ ఆడాడు. ఈ క్రమంలో టీ20ల్లో అదరగొడుతున్న తిలక్‌కు వన్డేల్లోనూ రాణించేందుకు మేనేజ్‌మెంట్ మరో అవకాశం ఇవ్వాలని భావిస్తోంది. అలాగే అతడి పార్ట్-టైమ్ స్పిన్ బౌలింగ్ స్కిల్స్ కూడా జట్టుకు అదనపు బలంగా మారతాయని భావిస్తున్నారు."భారత వన్డే జట్టు మిడిల్ ఆర్డర్‌లో సరైన బ్యాకప్ ప్లేయర్లు లేరు. ఇదే విషయంపై హెడ్ కోచ్ గౌతమ్ గంభీర్, కెప్టెన్ శుబ్‌మన్ గిల్‌ల మధ్య చర్చ నడుస్తోంది. స్టార్ ఆల్‌రౌండర్లు హార్దిక్ పాండ్యా, నితీష్ కుమార్ రెడ్డిల ఫిట్‌నెస్‌పై పూర్తి స్పష్టత లేకపోవడంతో ప్రత్యామ్నాయాలపై దృష్టి పెట్టారు. టాప్-మిడిల్ ఆర్డర్‌లో ఉంటూ కనీసం 4 ఓవర్లు వేయగల ఆటగాడు జట్టుకు అవసరమని గంభీర్‌ అండ్‌కో భావిస్తున్నారు. వన్డే వరల్డ్ కప్ జరిగే దక్షిణాఫ్రికా మైదానాల్లో బ్యాటింగ్ చేయడం సులువు కాదు. ఆస్ట్రేలియా పర్యటన మధ్యలో శ్రేయస్ అయ్యర్ గాయపడటం, ఇటీవల కొందరు ఆటగాళ్లు పదే పదే గాయాల బారిన పడుతుండటంతో మేనెజ్‌మెంట్‌ ముందుజాగ్రత్త చర్యలు చేపట్టింది.ప్రస్తుతం రోహిత్ శర్మ, విరాట్ కోహ్లి వంటి సీనియర్లు ఉన్నారు. వారు కూడా ప్రస్తుతం చిన్న చిన్న ఫిట్‌నెస్‌ సమస్యలతో సతమవుతున్నారు. మరోవైపు కేఎల్‌ రాహుల్‌ వయసు 35 ఏళ్లు దాటుతుంది. రవీంద్ర జడేజా కూడా వన్డే ప్రపంచకప్‌ జట్టులో ఉంటాడా లేదా అనే దానిపై ఇంకా క్లారిటీ లేదు. అందుకే సౌతాఫ్రికా కండిషన్లకు తగ్గట్లు తిలక్ వర్మ లాంటి యువ ఆటగాళ్లను సిద్దం చేయాలని ప్లాన్‌ చేస్తున్నారు" అని బీసీసీఐ అధికారి ఒకరు 'టైమ్స్ ఆఫ్ ఇండియా'కు వెల్లడించారు. ఒకవేళ శ్రేయస్‌ అయ్యర్‌ విఫలమైతే తుది జట్టులో అతడి స్దానాన్ని తిలక్‌ భర్తీ చేసే అవకాశముంది.చదవండి: భారత క్రికెటర్లకు ఫిట్‌నెస్‌ పరీక్షలు

భారత్‌కు టీ20 ప్రపంచకప్‌ అందించిన కెప్టెన్లలో సూర్యకుమార్‌ యాదవ్‌ ఒకడు. అంతర్జాతీయ క్రికెట్‌ మండలి (ఐసీసీ) మొట్టమొదటగా 2007లో ప్రవేశపెట్టిన ఈ టోర్నీలో మహేంద్ర సింగ్‌ ధోని టీమిండియాను విజేతగా నిలపగా.. 2024లో రోహిత్‌ శర్మ సారథ్యంలో భారత్‌ మరోసారి పొట్టి ప్రపంచకప్‌ ట్రోఫీని ముద్దాడింది.సూర్యపై వేటుఇక ఈ ఏడాది స్వదేశంలో జరిగిన టీ20 వరల్డ్‌కప్‌ టోర్నీలో సూర్య టీమిండియాను చాంపియన్‌గా నిలిపాడు. అయితే, అనూహ్య రీతిలో సూర్యపై వేటు పడింది. ప్రపంచకప్‌ తర్వాత భారత్‌ ఆడిన తొలి సిరీస్‌ నుంచే యాజమాన్యం అతడిని తప్పించింది. కెప్టెన్సీ నుంచి తొలగించడంతో పాటు.. జట్టులోనూ స్థానం లేకుండా చేసింది.ఈ విషయంపై సూర్యకుమార్‌ యాదవ్‌ తాజాగా స్పందించాడు. తాను కనీసం ఇంకో రెండేళ్ల వరకు టీమిండియాను ముందుకు నడిపిస్తాననే ధీమాతో ఉన్నట్లు తెలిపాడు. కానీ అంతలోనే మేనేజ్‌మెంట్‌ నుంచి ఇలాంటి నిర్ణయం వెలువడిందని పేర్కొన్నాడు. భారత మాజీ క్రికెటర్‌, ప్రముఖ కామెంటేటర్‌ ఆకాశ్‌ చోప్రాకు ఇచ్చిన ఇంటర్వ్యూలో మాట్లాడుతూ..మరో రెండేళ్ల పాటు..‘‘ఆరోజు జట్టులో నా పేరు లేదు. అది చూడగానే నా పెదవులపైకి నవ్వు వచ్చింది. నేను దేశం కోసం ఆడుతున్న సమయంలో ఎప్పుడైనా తీవ్రమైన ఒత్తిడి ఉందనిపించినా.. పరిస్థితులు నా చేయి దాటిపోతున్నాయని అనిపిస్తున్నా.. అప్పుడూ ఇలాగే నవ్వు వస్తుంది. ముందుగా నేను రిలాక్స్‌ అవుతాను.గతంలో నాకు వచ్చిన అవకాశాలు.. వాటిని సద్వినియోగం చేసుకున్న తీరును గుర్తు చేసుకుంటాను. తద్వారా ఒత్తిడిని జయించే ప్రయత్నం చేస్తాను. నాకు దక్కినవాటికి ఎల్లప్పుడూ కృతజ్ఞతతో ఉంటాను. అలాగే.. కెప్టెన్సీ నుంచి తప్పించినప్పుడు కూడా నేను ఇలాగే ఆలోచించాను.2026 వరల్డ్‌కప్‌ గెలిచిన తర్వాత.. మరో రెండేళ్ల పాటు జట్టుకు నాయకుడిగా ఉంటానని అనిపించింది. ఒలింపిక్స్‌-2028లో నేను జట్టును ముందుకు నడిపిస్తాను.. ఆ తర్వాత టీ20 ప్రపంచకప్‌-2028లోనూ ఆడతానని అనిపించింది. అయితే, అందరి ఆలోచనలూ ఒకేలా ఉండవు కదా!ఇది పూర్తిగా వాళ్ల నిర్ణయమేవాళ్లు (సెలక్టర్లు) తమ ఆలోచనలను గౌరవించడంతో పాటు.. వాటిని అమలు చేయడం అత్యంత ముఖ్యం. నన్ను కాదని వాళ్లు ముందుకు వెళ్లాలని అనుకున్నపుడు తమకు నచ్చిన నిర్ణయం తీసుకుంటారు. కానీ నేను అందుకు పెద్దగా స్పందించలేదు.ఎందుకంటే ఇది వాళ్ల నిర్ణయం వాళ్లు ఎప్పుడైనా ఇలాంటి నిర్ణయం తీసుకోవచ్చు. వేరే ఆటగాడి సారథ్యంలో జట్టును నడిపించాలని వాళ్లు అనుకున్నారు. అతడి కెప్టెన్సీలో జట్టు మంచి విజయాలు సాధిస్తే ఎలాంటి సమస్యా రాదు. వాళ్లు శ్రేయస్‌ను ఎంచుకున్నారు.నిరాశకు లోనయ్యాఅతడితో కలిసి నేను దేశీ క్రికెట్‌లో చాలా మ్యాచ్‌లు ఆడాను. అతడొక మంచి క్రికెటర్‌. మంచి మనిషి. మంచి కెప్టెన్‌ కూడా!.. కాబట్టి.. ‘ఇతడిని ఎందుకు కెప్టెన్‌ను చేశారు’ అనే ప్రశ్న నా మదిలోకి రాలేదు. అయితే, నన్ను కెప్టెన్‌గా తొలగించడం పట్ల నిజంగానే నిరాశ చెందాను.రెండేళ్లుగా నేను ఒక్క సిరీస్‌ కూడా ఓడిపోలేదు. ప్రపంచకప్‌, ఆసియా కప్‌ గెలిచాను. ఇదే తరహాలో ముందుకు వెళ్లాలని భావించాను. కానీ అకస్మాత్తుగా ఇలా ఎందుకు చేశారు? కెప్టెన్‌ను మార్చడానికి గల కారణం ఏమిటి? అనే ప్రశ్నలు నా మెదడును తొలచివేశాయి. ఈ ఆలోచనలతో దాదాపు నెలన్నరపాటు ఇంట్లోనే ఉండిపోయాను’’ అని సూర్యకుమార్‌ యాదవ్‌ తన మనసులోని ఆవేదనను బయటపెట్టాడు. అదే విధంగా సారథ్య మార్పు గురించి సెలక్టర్లు తనకు చెప్పినపుడు.. ఈ నిర్ణయంతో తనకు ఎలాంటి సమస్యా లేదని చెప్పినట్లు సూర్య తెలిపాడు. మున్ముందు ఎప్పుడు పిలిచినా వచ్చి ఆడతానని వారితో అన్నట్లు పేర్కొన్నాడు.కెప్టెన్‌గా హిట్‌.. బ్యాటర్‌గా విఫలంకాగా కెప్టెన్‌ అయిన తర్వాత సూర్య బ్యాటర్‌గా విఫలమయ్యాడు. ఒకప్పుడు ప్రపంచ నంబర్‌ వన్‌ ర్యాంకు సాధించిన అతడు.. నాయకత్వంపై దృష్టి పెట్టి.. ఆటగాడిగా విఫలమయ్యాడు. అదే విధంగా వయసు రిత్యా కూడా సూర్య (35 ఏళ్లు)ను ఎక్కువకాలం కొనసాగించలేమని సెలక్టర్లు భావించి ఉండవచ్చు.. అందుకే అతడిపై వేటు వేశారనే అభిప్రాయాలు వ్యక్తమయ్యాయి. ఇక సూర్య స్థానంలో శ్రేయస్‌ అయ్యర్‌ భారత కొత్త టీ20 కెప్టెన్‌గా బాధ్యతలు చేపట్టాడు.కానీ తొలి ప్రయత్నంలోనే అత్యంత చేదు అనుభవం ఎదురైంది. యూకే పర్యటనలో పసికూన ఐరిష్‌ జట్టు చేతిలో భారత్‌ 2-0తో క్లీన్‌స్వీప్‌నకు గురైంది. ఆ తర్వాత ఇంగ్లండ్‌ పర్యటనలోనూ 4-0తో వైట్‌వాష్‌ అయింది. అయితే, చివరగా జింబాబ్వే పర్యటనలో మాత్రం 3-0తో క్లీన్‌స్వీప్‌ చేసింది.చదవండి: నో శ్రేయస్‌.. నో వైభవ్‌?

ఆసియా క్రీడలు-2026 టోర్నమెంట్‌కు పంపే జట్టు విషయంలో భారత క్రికెట్‌ నియంత్రణ మండలి (బీసీసీఐ) సందిగ్దంలో పడినట్లు సమాచారం. జపాన్‌లో జరిగే ఈవెంట్‌కు ద్వితీయ శ్రేణి జట్టును పంపేందుకు సిద్ధమైనట్లు తెలుస్తోంది. కాగా భారత టీ20 జట్టు కెప్టెన్‌గా సూర్యకుమార్‌ యాదవ్‌ను తొలగించిన బీసీసీఐ.. అతడి స్థానంలో శ్రేయస్‌ అయ్యర్‌కు పగ్గాలు అప్పగించిన సంగతి తెలిసిందే.అయ్యర్‌ కెప్టెన్సీలోఈ క్రమంలో జూన్‌లోనే శ్రేయస్‌ అయ్యర్‌ కెప్టెన్సీలో ఆసియా క్రీడల జట్టును బీసీసీఐ ప్రకటించింది. ఈ జట్టుకు తిలక్‌ వర్మను వైస్‌ కెప్టెన్‌గా నియమించిన యాజమాన్యం.. చిచ్చర పిడుగు వైభవ్‌ సూర్యవంశీని కూడా ఎంపిక చేసింది. ఇదిలా ఉంటే.. సెప్టెంబరు 19 నుంచి ఆసియా క్రీడల తాజా ఎడిషన్‌ మొదలుకానుంది.తీవ్ర అసంతృప్తి!జపాన్‌లోని ఐచి నగోయా ఇందుకు వేదిక. అయితే, అక్కడ క్రికెట్‌ మ్యాచ్‌ల నిర్వహణకు సంబంధించి సరైన వసతులు ఇంకా ఏర్పాటు చేయలేదని సమాచారం. ఈ విషయం గురించి బీసీసీఐ వర్గాలు ANIతో మాట్లాడుతూ.. ‘‘బీసీసీఐతో పాటు ఆసియా క్రికెట్‌ మండలి సైతం జపాన్‌లోని క్రీడా వేదిక వద్ద ఉన్న సదుపాయాలతో సంతృప్తిగా లేదు.అందుకే ముందుగా అక్కడికి ఒక అబ్జర్వర్‌ను పంపించాలనకుంటున్నాయి. అబ్జర్వర్‌ నుంచి నివేదిక వచ్చిన తర్వాతే జట్టు మార్పు విషయంలో నిర్ణయం ఉంటుంది. ఒకవేళ సరైన వసతులు అక్కడ లేనట్లయితే.. ద్వితీయ శ్రేణి జట్టును పంపే అవకాశం ఉంది.మరీ టెంట్లలోనా?ఈ విషయం గురించి ఇప్పటికే మేము జపాన్‌ ఒలింపిక్స్‌ అధికారులతో మాట్లాడాము. డ్రెసింగ్‌రూమ్‌లను టెంట్లలో ఏర్పాటు చేశారు. వాష్‌రూమ్‌లు టెంట్లకు 500 మీటర్ల దూరంలో ఉన్నాయి. హోటల్‌ గదులు కూడా చాలా చిన్నవిగా ఉన్నాయి. ఇవన్నీ ఆందోళన కలిగించే విషయాలు. ఆటగాళ్లు కచ్చితంగా అసంతృప్తికి లోనవుతారు’’ అని సదరు వర్గాలు పేర్కొన్నాయి. అందుకే బి- టీమ్‌?ఇక పిచ్‌ కూడా అత్యంత నాసిరకంగా ఉందని బీసీసీఐతో పాటు పాకిస్తాన్‌ బోర్డు ప్రతినిధులు కూడా ఆందోళన వ్యక్తం చేసినట్లు తెలుస్తోంది. నిజానికి ఐసీసీ నిబంధనల ప్రకారం.. మ్యాచ్‌ను కనీసం రెండు వేల మంది ప్రేక్షకులు అయినా వీక్షించేలా స్టేడియం ఉండాలి. కానీ జపాన్‌లో అలాంటి పరిస్థితి లేదని సమాచారం. ఈ పరిణామాల నేపథ్యంలో బీసీసీఐ తమ ద్వితీయ శ్రేణి జట్లను పంపే ఆలోచన చేస్తున్నట్లు తెలుస్తోంది. కాగా గత ఆసియా క్రీడల ఎడిషన్‌లో రుతురాజ్‌ గైక్వాడ్‌ కెప్టెన్సీలో పురుషుల జట్టు.. హర్మన్‌ప్రీత్‌ కౌర్‌ సారథ్యంలో మహిళా జట్టు స్వర్ణ పతకాలు సాధించాయి.ఆసియా క్రీడలకు భారత పురుషుల టీ20 జట్టుశ్రేయస్‌ అయ్యర్‌ (కెప్టెన్‌), సంజూ శాంసన్‌ (వికెట్‌ కీపర్‌), అభిషేక్‌ శర్మ, ఇషాన్‌ కిషన్‌ (వికెట్‌ కీపర్‌), శివం దూబే, తిలక్‌ వర్మ (వైస్‌ కెప్టెన్‌), అక్షర్‌ పటేల్‌, వాషింగ్టన్‌ సుందర్‌, నితీశ్‌ కుమార్‌రెడ్డి, వరుణ్‌ చక్రవర్తి, రవి బిష్ణోయి, హర్షిత్‌ రాణా, అర్ష్‌దీప్‌ సింగ్‌, వైభవ్‌ సూర్యవంశీ, జస్‌ప్రీత్‌ బుమ్రా.మహిళల టీ20 జట్టుహర్మన్‌ప్రీత్‌ కౌర్‌ (కెప్టెన్‌), స్మృతి మంధాన (వైస్‌ కెప్టెన్‌), షఫాలి వర్మ, జెమీమా రోడ్రిగ్స్‌, దీప్తి శర్మ, రిచా ఘోష్‌ (వికెట్‌ కీపర్‌), జి.కమలిని (వికెట్‌ కీపర్‌), భారతి ఫుల్మలి, శ్రీచరణి, రేణుకా ఠాకూర్‌, క్రాంతి గౌడ్‌, అరుంధతి రెడ్డి, శ్రేయాంక పాటిల్‌, రాధా యాదవ్‌, నందిని శర్మ.చదవండి: భారత జట్టులో లేని వైభవ్‌.. కారణం ఇదే!

టీమిండియా టీ20 కెప్టెన్‌గా బాధ్య‌త‌లు చేపట్టాక ఏడు మ్యాచ్‌ల త‌ర్వాత శ్రేయ‌స్ అయ్య‌ర్‌ గెలుపు రుచిని చూసిన సంగ‌తి తెలిసిందే. అయ్యర్ నాయకత్వంలో భారత జట్టు ఐర్లాండ్ (0-2), ఇంగ్లాండ్ (0-4) సిరీస్‌లలో వ‌రుస ఓట‌ముల‌ను చ‌విచూసింది. అనంత‌రం జింబాబ్వేతో జ‌రిగిన మూడు టీ20ల సిరీస్‌ను మాత్రం భారత్‌ క్లీన్ స్వీప్ చేసింది. అయ్యర్‌కు కెప్టెన్‌గా ఇదే తొలి సిరీస్ విజయం. అయితే శ్రేయస్ కెప్టెన్‌గా తొలి ఏడు మ్యాచ్‌లలో విఫలమైనప్పటికి వ్యక్తిగత ప్రదర్శన పరంగా మాత్రం ఆకట్టుకున్నాడు. ఐర్లాండ్‌, ఇంగ్లండ్ సిరీస్‌లో ఈ ముంబైకర్ బ్యాట్‌తో సత్తా చాటాడు. ఈ నేపథ్యంలో అయ్యర్‌పై భారత మాజీ క్రికెటర్ ఆకాశ్ చోప్రా ప్రశంసల వర్షం కురిపించాడు. ఫలితాలు అనుకూలంగా రాకపోయినప్పటికి శ్రేయస్ అయ్యర్‌ చాలా ప్రశాంతంగా వ్యవహరించాడని చోప్రా కొనియాడాడు."శ్రేయస్ అయ్యర్‌కు అద్భుతమైన కెప్టెన్సీ స్కిల్స్ ఉన్నాయి. అతడు ఎప్పుడూ ప్రతికూల విషయాల గురుంచి ఆలోచించడం, మాట్లడడం గానీ చేయడు. మనం ఏది ఆలోచిస్తే అదే జరుగుతుందనే సూత్రాన్నిఅతడు బలంగా నమ్ముతాడు. ఆ మైండ్‌సెట్ వల్లే జట్టులో ఎప్పుడూ నెగెటివిటీకి తావివ్వడు.ఆటగాళ్లు మానసికంగా ప్రశాంతంగా ఉన్నప్పుడే తమ అత్యుత్తమ ప్రదర్శన ఇవ్వగలరు. సహజంగా క్రికెట్ లాంటి క్రీడల్లో ప్రతీ ఒక్కరిపై ఒత్తిడి ఎలానూ ఉంటుంది. అదనంగా కెప్టెన్ లేదా కోచ్ కూడా ఒత్తిడి పెంచితే ఆటగాళ్లు రాణించలేరు. కానీ అయ్యర్ మాత్రం ఇందుకు పూర్తి భిన్నం. చాలా కూల్‌గా ఉండి ఆటగాళ్లకు పూర్తి స్వేఛ్చను ఇస్తాడు. ఆటగాళ్లకు మద్దతుగా నిలుస్తూ జట్టులో మంచి వాతావరణాన్ని పెంపొందించే వారే నిజమైన కెప్టెన్" అని దూరదర్శన్‌కు ఇచ్చిన ఇంటర్వ్యూలో చోప్రా పేర్కొన్నాడు. చదవండి: IND vs SL: భార‌త్‌తో టెస్టు సిరీస్‌.. శ్రీలంక క్రికెట్ బోర్డు ఊహించ‌ని నిర్ణ‌యం

జింబాబ్వేతో జరిగిన మూడో టీ20లో భారత్ 35 పరుగుల తేడాతో విజయం సాధించి మూడు మ్యాచ్‌ల సిరీస్‌ను 3-0తో క్లీన్‌స్వీప్ చేసింది. ఈ విజయంతో భారత టీ20 జట్టు కెప్టెన్ శ్రేయస్ అయ్యర్ చరిత్ర సృష్టించాడు.మూడు లేదా అంతకంటే ఎక్కువ మ్యాచ్‌ల ద్వైపాక్షిక టీ20 సిరీస్‌లో జింబాబ్వేపై 3-0తో క్లీన్‌స్వీప్ చేసిన తొలి భారత కెప్టెన్‌గా రికార్డు నెలకొల్పాడు. తద్వారా ప్రపంచంలో ఈ ఘనత సాధించిన మూడో జట్టుగా భారత్ నిలిచింది. అంతకుముందు పాకిస్తాన్, అఫ్ఘనిస్తాన్‌ మాత్రమే జింబాబ్వేపై మూడు లేదా అంతకంటే ఎక్కువ మ్యాచ్‌ల టీ20 సిరీస్‌ను క్లీన్‌స్వీప్ చేశాయి.జింబాబ్వేపై టీ20 సిరీస్ క్లీన్‌స్వీప్‌లు* పాకిస్తాన్ – 3-0 (2020)* ఆఫ్ఘనిస్తాన్‌– 3-0 (2021)* ఆఫ్ఘనిస్తాన్‌ – 3-0 (2022)* ఆఫ్ఘనిస్తాన్‌ – 3-0 (2025)* **భారత్** – 3-0 (2026)ధోనికి కూడా సాధ్యపడలేదు..!2010లో సురేశ్ రైనా నేతృత్వంలో భారత్ జింబాబ్వేపై 2-0తో సిరీస్ గెలిచినా, అది రెండు మ్యాచ్‌ల సిరీస్ మాత్రమే. 2015లో అజింక్య రహానే సిరీస్‌ను 1-1తో సమం చేయగా, 2016లో ఎంఎస్ ధోని నాయకత్వంలో భారత్ 2-1తో విజయం సాధించింది.2024లో శుభ్‌మన్ గిల్ సారథ్యంలో భారత్ 4-1తో సిరీస్ గెలిచింది. అయితే మూడు లేదా అంతకంటే ఎక్కువ మ్యాచ్‌ల సిరీస్‌ను 3-0తో క్లీన్‌స్వీప్ చేసిన తొలి భారత కెప్టెన్‌గా శ్రేయస్ అయ్యర్ చరిత్రలో నిలిచాడు.ఊరటనిచ్చిన విజయంటీ20 ప్రపంచకప్ విజేత కెప్టెన్ సూర్యకుమార్ యాదవ్ స్థానంలో బాధ్యతలు చేపట్టిన శ్రేయస్ అయ్యర్‌కు కెప్టెన్సీ ఆరంభం నిరాశాజనకంగా సాగింది. ఐర్లాండ్‌తో 0-2, ఇంగ్లండ్‌తో 0-4 తేడాతో వరుస సిరీస్‌ల్లో భారత్ పరాజయం పాలైంది. తొలి ఏడు మ్యాచ్‌ల్లో (ఒకటి ఫలితం లేకుండా) ఆరు ఓటములు ఎదుర్కొన్న భారత కెప్టెన్‌గా అయ్యర్ అవాంఛిత రికార్డు నమోదు చేశాడు.అయితే జింబాబ్వేపై 3-0 సిరీస్ విజయం శ్రేయస్ అయ్యర్‌కు, అలాగే భారత జట్టుకు ఆత్మవిశ్వాసాన్ని పెంచే ఫలితంగా నిలిచింది. రానున్న కఠిన సిరీస్‌లలో ఇదే జోరును కొనసాగించాలని భారత జట్టు లక్ష్యంగా పెట్టుకుంది.

భార‌త మాజీ క్రికెట‌ర్ వీవీఎస్ ల‌క్ష్మ‌ణ్ టీమిండియా హెడ్‌కోచ్ అయ్యే అవ‌కాశాలు ఎక్కువ‌గా క‌నిపిస్తున్నాయి. ప్ర‌స్తుతం ఆ ప‌ద‌విలో ఉన్న గంభీర్ కోచ్‌గా వ‌రుస వైఫ‌ల్యాలు చ‌విచూస్తున్న వేళ‌.. తాత్కాలిక కోచ్‌గా ల‌క్ష్మ‌ణ్ అద‌ర‌గొట్ట‌డంతో కోచ్ మార్పు చేయాలని కొంద‌రు టీమిండియా ఆట‌గాళ్లు బీసీసీఐ వ‌ద్ద వాపోయిన‌ట్లు స‌మాచారం. టీమిండియా హెడ్‌కోచ్‌గా గౌత‌మ్ గంభీర్‌ను తొల‌గించి, అత‌డి స్థానంలో మాజీ క్రికెట‌ర్ వీవీఎస్ ల‌క్ష్మణ్‌కు పూర్తి స్థాయి కోచ్ బాధ్య‌త‌లు అప్ప‌గించాల‌ని పేర్కొన్న‌ట్లు తెలుస్తోంది. తాజాగా వ‌రుస వైఫ‌ల్యాలతో జింబాబ్వే టూర్‌కు గంభీర్‌కు విశ్రాంతి ఇవ్వ‌డంతో వీవీఎస్ ల‌క్ష్మ‌ణ్‌ను తాత్కాలిక కోచ్‌గా జ‌ట్టుతో పంపించారు. గంభీర్ కోచ్‌గా ఉన్న స‌మ‌యంలో ఐర్లాండ్‌, ఇంగ్లండ్ సిరీస్‌ల్లో వ‌రుస ఓట‌ములు చ‌విచూసిన కొత్త కెప్టెన్ శ్రేయ‌స్ అయ్య‌ర్ జింబాబ్వే గ‌డ్డ‌పై తొలి విజ‌యాన్ని అందుకున్నాడు. అంతేకాదు ల‌క్ష్మ‌ణ్ రాక‌తోనే శ్రేయ‌స్ అయ్య‌ర్ కెప్టెన్‌గా తొలి సిరీస్ విజ‌యాన్ని అందుకున్నాడు. జింబాబ్వే చిన్న జ‌ట్టే అయిన‌ప్ప‌టికీ, వారిపై సాధించిన ఏక‌ప‌క్ష విజ‌యాలు మాత్రం టీమిండియా దూకుడును చూపెట్టింది. దీంతో కెప్టెన్‌తో పాటు ప‌లువురు ఆట‌గాళ్లు గంభీర్‌ను తొల‌గించి ల‌క్ష్మ‌ణ్‌ను కోచ్‌గా ఎంపిక చేయాల‌ని బీసీసీఐకి విజ్ఞ‌ప్తి చేసిన‌ట్లు స‌మాచారం. ఒక‌వేళ బీసీసీఐ గంభీర్ స్థానంలో ల‌క్ష్మ‌ణ్‌కు హెడ్‌కోచ్ ప‌ద‌వి క‌ట్ట‌బెడితే, దానిని స్వీక‌రించ‌డానికి ల‌క్ష్మ‌ణ్ సిద్ధంగా ఉన్నాడా లేడా అనేది తెలియాల్సి ఉంది.ఇక టీమిండియా తాత్కాలిక కోచ్‌గా ల‌క్ష్మ‌ణ్ ట్రాక్ రికార్డు అద్భుతంగా ఉంది. అత‌డి కోచింగ్‌లో టీమిండియా 2022లో వ‌రుస‌గా ఐర్లాండ్‌పై 2-0తో, జింబాబ్వేపై 3-0తో, న్యూజిలాండ్‌పై 1-0తో టీ20 సిరీస్‌లు గెలుచుకుంది. అయితే న్యూజిలాండ్‌తో వ‌న్డే సిరీస్‌ను కోల్పోయిన‌ప్ప‌టికీ, మ‌ళ్లీ 2024లో జింబాబ్వేపై 4-1 తేడాతో, సౌతాఫ్రికాపై 3-1 తేడాతో టీ20 సిరీస్‌లు గెలుచుకుంది. తాజాగా జింబాబ్వేతో టీ20 సిరీస్‌ను క్లీన్‌స్వీప్ చేసిన టీమిండియాకు వీవీఎస్ ల‌క్ష్మ‌ణ్ లక్కీ కోచ్‌గా మారిపోయాడు. మ‌రి టీమిండియా కోచ్ మార్పు త‌ధ్య‌మేనా! 🚨 BREAKING NEWS 🚨🚨 INDIA PLAYERS REPORTEDLY WANT VVS LAXMAN AS PERMANENT HEAD COACH 🚨According to reports, several Indian team players have reportedly requested the BCCI to consider appointing VVS Laxman as the permanent head coach. The reports claim some players believe… pic.twitter.com/uiwSTwNi38— Muffatball vikrant (@Vikrant_1589) July 26, 2026చదవండి: ‘అసాధారణమే కానీ మెరుగుపడాలి’.. వైభవ్‌కు చురకలు!

ఆదివారం హ‌రారే వేదిక‌గా జింబాబ్వేతో జ‌రిగిన నామ‌మాత్ర‌పు మూడో టీ20లోనూ భార‌త్ అద‌ర‌గొట్టింది. ఈ మ్యాచ్‌లో ఆతిథ్య జ‌ట్టును 35 ప‌రుగుల తేడాతో టీమిండియా చిత్తు చేసింది. దీంతో మూడు టీ20ల సిరీస్‌ను 3-0 తేడాతో మెన్ బ్లూ క్లీన్ స్వీప్ చేసింది. తొలుత బ్యాటింగ్ చేసిన భార‌త్ నిర్ణీత 20 ఓవ‌ర్ల‌లో 5 వికెట్ల న‌ష్టానికి 192 ప‌రుగులు చేసింది. యువ ఓపెన‌ర్ వైభ‌వ్ సూర్య‌వంశీ(81) హాఫ్ సెంచ‌రీతో మెరిశాడు. అనంత‌రం బౌలింగ్‌లో మ‌యాంక్ యాద‌వ్ మూడు వికెట్లతో స‌త్తాచాటాడు. ఈ అద్భుత విజ‌యంపై మ్యాచ్ అనంత‌రం కెప్టెన్ శ్రేయ‌స్ అయ్య‌ర్ స్పందించాడు. తమ ఆటగాళ్లపై అయ్యర్ ప్రశంసల వర్షం కురిపించాడు.'ఈ సిరీస్‌లో మా ఆట‌గాళ్లు ఫియ‌ర్‌లెస్ క్రికెట్ ఆడారు. మూడు మ్యాచ్‌ల‌లోనూ మేము అన్ని విభాగాల్లో మెరుగైన ప్రదర్శన చేశాము. కెప్టెన్‌గా ఇది నాకు మొదటి సిరీస్‌ విజయం. అందుకే ఇది నాకు చాలా ప్రత్యేకమైనది మ‌రోసారి చెబుతున్నాను.జట్టులోని చాలామంది ఆటగాళ్లకు ఐపీఎల్‌ ఆడిన అనుభవం ఉంది. వారు మైదానంలో స్వేచ్ఛగా ఆడేలా చూడటమే నా బాధ్యత. రాబోయే రోజుల్లో మాకు మ‌రిన్ని క‌ఠిన స‌వాళ్లు ఎదురుకానున్నాయి.అయితే జట్టు సభ్యులు ఇదే తరహా ధైర్యాన్ని, పట్టుదలను మైదానంలో చూపిస్తే మంచి ఫలితాలు సాధించ‌వ‌చ్చు. ఫలితాల గురించి ఎక్కువగా ఆలోచించుకుండా సానుకూల దృక్పథంతో ముందుకు సాగడమే మా సిద్దాంతం అని పోస్ట్‌ మ్యాచ్‌ ప్రెజెంటేషన్‌లో అయ్యర్‌ పేర్కొన్నాడు.

హరారే వేదికగా జింబాబ్వేతో జరిగిన మూడో టీ20లో 35 పరుగుల తేడాతో భారత్ విజయం సాధించింది. దీంతో మూడు టీ20ల సిరీస్‌ను 3-0 తేడాతో టీమిండియా క్లీన్ స్వీప్ చేసింది. ఈ నామమాత్రపు మ్యాచ్‌లో తొలుత బ్యాటింగ్ చేసిన భార‌త్ నిర్ణీత 20 ఓవర్ల‌లో 5 వికెట్ల న‌ష్టానికి 192 ప‌రుగులు చేసింది.యువ సంచలనం వైభ‌వ్ సూర్య‌వంశీ మ‌రో హాఫ్ సెంచ‌రీతో స‌త్తాచాటాడు. 49 బంతులు ఎదుర్కొన్న సూర్యవంశీ.. 8 ఫోర్లు, 4 సిక్స్‌లతో 81 పరుగులు చేశాడు. అత‌డితో పాటు కెప్టెన్‌ శ్రేయస్‌ అయ్యర్‌(27), రింకూ సింగ్‌(25), ఇషాన్‌ కిషన్‌(29) రాణించారు. జింబాబ్వే బౌలర్లలో బ్రాడ్‌ ఎవాన్స్‌ రెండు, సికిందర్‌ రజా, ముజార్‌బానీ, మాధవీరే తలా వికెట్‌ పడగొట్టారు.బర్ల్ ఒంటరి పోరాటంఅనంతరం 193 పరుగుల లక్ష్యంతో బరిలోకి దిగిన జింబాబ్వే నిర్ణీత 20 ఓవర్లలో 7 వికెట్ల నష్టానికి 157 పరుగులు మాత్రమే చేయగల్గింది. జింబాబ్వే బ్యాటర్లలో ర్యాన్‌ బర్ల్‌(54 నాటౌట్‌) ఒంటరి పోరాటం చేశాడు. భారత బౌలర్లలో మయాంక్‌ యాదవ్‌ మూడు వికెట్లు పడగొట్టగా.. యశ్‌ ఠాకూర్‌ రెండు, అశోక్‌ శర్మ, రవి బిష్ణోయ్‌ తలా వికెట్‌ సాధించారు.చదవండి: IND vs ZIM: అభిషేక్‌ శర్మ చెత్త రికార్డు.. భారత టీ20 క్రికెట్‌ చరిత్రలోనే

India vs Zimbabwe 3rd T20 live updates and highlights: హరారే వేదికగా జింబాబ్వేతో జరిగిన మూడో టీ20లో 35 పరుగుల తేడాతో భారత్ విజయం సాధించింది. దీంతో మూడు టీ20ల సిరీస్‌ను 3-0 తేడాతో టీమిండియా క్లీన్ స్వీప్ చేసింది. 193 పరుగుల లక్ష్యంతో బరిలోకి దిగిన జింబాబ్వే నిర్ణీత 20 ఓవర్లలో 7 వికెట్ల నష్టానికి 157 పరుగులు మాత్రమే చేయగల్గింది. జింబాబ్వే బ్యాటర్లలో ర్యాన్‌ బర్ల్‌(54 నాటౌట్‌) ఒంటరి పోరాటం చేశాడు. భారత బౌలర్లలో మయాంక్‌ యాదవ్‌ మూడు వికెట్లు పడగొట్టగా.. యశ్‌ ఠాకూర్‌ రెండు, అశోక్‌ శర్మ, రవి బిష్ణోయ్‌ తలా వికెట్‌ సాధించారు. అంతకముందు బ్యాటింగ్‌ చేసిన భారత్‌ నిర్ణీత 20 ఓవర్ల‌లో 5 వికెట్ల న‌ష్టానికి 192 ప‌రుగులు చేసింది. యువ ఓపెన‌ర్ వైభ‌వ్ సూర్య‌వంశీ(81) మ‌రో హాఫ్ సెంచ‌రీతో స‌త్తాచాటాడు. జింబాబ్వే ఆరో వికెట్‌ డౌన్‌జింబాబ్వే ఆరో వికెట్‌ కోల్పోయింది. కేవలం ఒక్క పరుగు మాత్రమే చేసిన మరుమణి.. అశోక్‌ శర్మ బౌలింగ్‌లో ఔటయ్యాడు.జింబాబ్వే ఐదో వికెట్ డౌన్‌జింబాబ్వే ఐదో వికెట్ కోల్పోయింది. 28 పరుగులు చేసిన మాధవీరే.. మయాంక్ యాదవ్ బౌలింగ్‌లో ఔటయ్యాడు.స్పీడ్‌ పెంచిన జింబాబ్వే బ్యాటర్లు15 ఓవర్లు ముగిసే సరికి జింబాబ్వే 4 వికెట్ల నష్టానికి 121 పరుగులు చేసింది. క్రీజులో మాధవీరే(28), ర్యాన్‌ బర్ల్‌(40) ఉన్నారు. ఆతిథ్య జట్టు విజయానికి 30 బంతుల్లో 71 పరుగులు కావాలి.జింబాబ్వే నాలుగో వికెట్‌ డౌన్‌జింబాబ్వే నాలుగో వికెట్‌ కోల్పోయింది. 20 పరుగులు చేసిన బెన్‌ కుర్రాన్‌.. బిష్ణోయ్‌ బౌలింగ్‌లో ఔటయ్యాడు. 10 ఓవర్లకు జింబాబ్వే స్కోర్‌: 77/4జింబాబ్వే మూడో వికెట్‌ డౌన్‌యశ్‌ ఠాకూర్‌ వేసిన నాలుగో ఓవర్‌లో జింబాబ్వే వరుస బంతుల్లో రెండు వికెట్లు కోల్పోయింది. డియాన్‌ మైర్స్‌(19), సికిందర్‌(0) వెంటవెంటనే ఔటయ్యారు. 5 ఓవర్లకు జింబాబ్వే స్కోర్‌: 40/3జింబాబ్వే తొలి వికెట్‌ డౌన్‌193 పరుగుల భారీ లక్ష్యంతో బరిలోకి దిగిన జింబాబ్వేకు భారీ షాక్‌ తగిలింది. ఇన్నింగ్స్‌ తొలి బంతికే మయాంక్‌ యాదవ్‌ బౌలింగ్‌లో బెన్నెట్‌ ఔటయ్యాడుజింబాబ్వే టార్గెట్‌ ఎంతంటే?హ‌రారే వేదిక‌గా జింబాబ్వేతో జ‌రుగుతున్న నామ‌మాత్ర‌పు మూడో టీ20లో భార‌త బ్యాట‌ర్లు దుమ్ములేపారు. టాస్ గెలిచి తొలుత బ్యాటింగ్ చేసిన భార‌త్ నిర్ణీత 20 ఓవర్ల‌లో 5 వికెట్ల న‌ష్టానికి 192 ప‌రుగులు చేసింది. యువ ఓపెన‌ర్ వైభ‌వ్ సూర్య‌వంశీ మ‌రో హాఫ్ సెంచ‌రీతో స‌త్తాచాటాడు. 49 బంతులు ఎదుర్కొన్న సూర్యవంశీ.. 8 ఫోర్లు, 4 సిక్స్‌లతో 81 పరుగులు చేశాడు. అత‌డితో పాటు కెప్టెన్‌ శ్రేయస్‌ అయ్యర్‌(27), రింకూ సింగ్‌(25), ఇషాన్‌ కిషన్‌(29) రాణించారు. జింబాబ్వే బౌలర్లలో బ్రాడ్‌ ఎవాన్స్‌ రెండు, సికిందర్‌ రజా, ముజార్‌బానీ, మాధవీరే తలా వికెట్‌ పడగొట్టారు.భారత్‌ నాలుగో వికెట్‌ డౌన్‌భారత్‌ నాలుగో వికెట్‌ కోల్పోయింది. 27 పరుగులు చేసిన శ్రేయస్‌ అయ్యర్‌.. బ్రాడ్‌ ఎవాన్స్‌ బౌలింగ్‌లో ఔటయ్యాడు. 18 ఓవర్లకు భారత్‌ స్కోర్‌: 172/4వైభవ్‌ అవుట్‌వైభవ్ సూర్యవంశీ రూపంలో భారత్ మూడో వికెట్ కోల్పోయింది. 49 బంతులు ఎదుర్కొన్న సూర్యవంశీ.. 8 ఫోర్లు, 4 సిక్స్‌లతో 81 పరుగులు చేశాడు.ఇషాన్‌ కిషన్‌ అవుట్‌ఇషాన్‌ కిషన్‌ రూపంలో టీమిండియా రెండో వికెట్‌ కోల్పోయింది. 29 పరుగులు చేసిన కిషన్‌.. రజా బౌలింగ్‌లో క్లీన్‌ బౌల్డయ్యాడు.వైభవ్‌ ఫిప్టీవైభవ్‌ సూర్యవంశీ అర్ధ శతకాన్ని పూర్తి చేశాడు. వైభవ్‌ 31 బంతుల్లో 6 ఫోర్లు, 2 సిక్స్‌లతో హాఫ్‌ సెంచరీ మార్క్‌ను అందుకున్నాడు. 10 ఓవర్లు ముగిసే సరికి భారత్‌ 95 పరుగలు చేసింది. క్రీజులో వైభవ్‌తో పాటు ఇషాన్‌ కిషన్‌(29) ఉన్నాడు.దూకుడుగా ఆడుతున్న వైభవ్‌భారత యువ సంచలనం వైభవ్‌ సూర్యవంశీ(18 బంతుల్లో 31) దూకుడుగా ఆడుతున్నాడు. 6 ఓవర్లకు టీమిండియా స్కోర్‌: 60/1అభిషేక్‌ అవుట్‌జింబాబ్వే పర్యటనలో అభిషేక్‌ శర్మ పేలవ ఫామ్‌ కొనసాగుతోంది. హరారే వేదికగా జరుగుతున్న మూడో టీ20లో 2 పరుగులు చేసి ఔటయ్యాడు.హరారే వేదికగా నామమాత్రపు మూడో టీ20లో భారత్‌-జింబాబ్వే జట్లు తలపడుతున్నాయి. ఈ మ్యాచ్‌లో టాస్‌ గెలిచిన టీమిండియా తొలుత బ్యాటింగ్‌ ఎంచుకుంది. ఈ చివరి టీ20లో భారత్‌ మూడు మార్పులతో బరిలోకి దిగింది.ప్రిన్స్‌ యాదవ్‌, శివమ్‌ దూబేల స్ధానంలో అశోక్‌ శర్మ, సూర్యన్ష్ షెడ్గేలు తుది జట్టులోకి వచ్చారు. జింబాబ్వే కూడా ఓ మార్పు చేసింది. రిచర్డ్ నగరావా స్ధానంలో వెల్లింగ్టన్ మసకద్జాకు అవకాశమిచ్చారు.తుది జట్లుజింబాబ్వే: బ్రియాన్ బెన్నెట్, బెన్ కర్రాన్, డియోన్ మైయర్స్, సికందర్ రజా(కెప్టెన్‌), ర్యాన్ బర్ల్, వెస్లీ మాధేవెరే, తడివానాషే మారుమణి(వికెట్ కీపర్‌), బ్రాడ్ ఎవాన్స్, న్యూమాన్ న్యామ్‌హురి, వెల్లింగ్టన్ మసకద్జా, బ్లెస్సింగ్ ముజరబానీభారత్: వైభవ్ సూర్యవంశీ, అభిషేక్ శర్మ, ఇషాన్ కిషన్(వికెట్ కీపర్‌), శ్రేయాస్ అయ్యర్(కెప్టెన్‌), తిలక్ వర్మ, రింకూ సింగ్, సూర్యాంశ్ షెడ్గే, రవి బిష్ణోయ్, యశ్ ఠాకూర్, మయాంక్ యాదవ్, అశోక్ శర్మ

ఇంగ్లండ్‌, ఐర్లాండ్ చేతిలో టీ20 సిరీస్‌లు కోల్పోయిన టీమిండియా నెంబ‌ర్‌వ‌న్ ర్యాంకును కూడా కోల్పోయింది. తాజాగా జింబాబ్వేతో జ‌రుగుతున్న టీ20 సిరీస్‌ను మ‌రో మ్యాచ్ మిగిలి ఉండ‌గానే కైవ‌సం చేసుకుంది. ప‌నిలో ప‌నిగా మ‌రోసారి పొట్టి ఫార్మాట్‌లో అగ్ర‌పీఠాన్ని అందుకుంది. 60 మ్యాచ్‌లాడిన టీమిండియా 268 పాయింట్లతో తొలి స్థానంలో ఉండ‌గా, రెండో స్థానంలో ఇంగ్లండ్ (268 పాయింట్లు) ఉండ‌గా, 260 పాయింట్ల‌తో ఆస్ట్రేలియా మూడో స్థానంలో నిలిచింది. ఇంగ్లండ్‌, భార‌త్ మ‌ధ్య పాయింట్ల మ‌ధ్య వ్య‌త్యాసం లేకున్నప్ప‌టికీ భార‌త్ ఎక్కువ మ్యాచ్‌లు ఆడ‌డంతో నంబ‌ర్‌వ‌న్ స్థానాన్నితిరిగి హ‌స్త‌గ‌తం చేసుకుంది. మూడో టీ20లోనూ గెలిచి సిరీస్‌ను క్లీన్‌స్వీప్ చేస్తే మాత్రం టీమిండియా నంబ‌ర్‌వ‌న్ ర్యాంకు మ‌రింత ప‌టిష్టం కానుంది.శనివారం జరిగిన రెండో మ్యాచ్‌లో శ్రేయస్‌ అయ్యర్‌ సారథ్యంలోని టీమిండియా 90 పరుగుల తేడాతో ఆతిథ్య జింబాబ్వేను చిత్తు చేసింది. తద్వారా మరో మ్యాచ్‌ మిగిలుండగానే 2–0తో సిరీస్‌ పట్టేసింది. టాస్‌ ఓడి మొదట బ్యాటింగ్‌కు దిగిన భారత్‌ నిర్ణిత 20 ఓవర్లలో 5 వికెట్ల నష్టానికి 219 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ ఇషాన్‌ కిషన్‌ (44 బంతుల్లో 81; 9 ఫోర్లు, 2 సిక్స్‌లు), హైదరాబాదీ తిలక్‌ వర్మ (29 బంతుల్లో 60 నాటౌట్‌; 5 ఫోర్లు, 3 సిక్స్‌లు) అర్ధశతకాలతో మెరిశారు.అనంతరం భారీ లక్ష్యఛేదనలో జింబాబ్వే 17.5 ఓవర్లలో 129 పరుగులకు ఆలౌటైంది. ఓపెనర్‌ బ్రియాన్‌ బెన్నెట్‌ (19 బంతుల్లో 32; 3 ఫోర్లు, 3 సిక్స్‌లు) టాప్‌ స్కోరర్‌ కాగా... తక్కినవాళ్లంతా విఫలమయ్యారు. భారత బౌలర్లలో అభిషేక్‌ శర్మ 3 వికెట్లు పడగొట్టగా... అరంగేట్ర పేసర్‌ యశ్‌ ఠాకూర్, ప్రిన్స్‌ యాదవ్‌ చెరో రెండు వికెట్లు తీశారు. ఇరు జట్ల మధ్య నామమాత్రమైన మూడో టి20 నేడు ఇక్కడే జరగనుంది. చదవండి: ఫైన‌ల్‌కు దూసుకెళ్లిన అనాహత్‌.. 21 ఏళ్ల రికార్డు బ‌ద్ద‌లు

హరారే: స్థాయికి తగ్గ ప్రదర్శనతో సత్తా చాటిన భారత క్రికెట్‌ జట్టు... జింబాబ్వేపై టి20 సిరీస్‌ కైవసం చేసుకుంది. మూడు మ్యాచ్‌ల సిరీస్‌లో భాగంగా శనివారం జరిగిన రెండో మ్యాచ్‌లో శ్రేయస్‌ అయ్యర్‌ సారథ్యంలోని టీమిండియా 90 పరుగుల తేడాతో ఆతిథ్య జింబాబ్వేను చిత్తు చేసింది. తద్వారా మరో మ్యాచ్‌ మిగిలుండగానే 2–0తో సిరీస్‌ పట్టేసింది. టాస్‌ ఓడి మొదట బ్యాటింగ్‌కు దిగిన భారత్‌ నిర్ణిత 20 ఓవర్లలో 5 వికెట్ల నష్టానికి 219 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ ఇషాన్‌ కిషన్‌ (44 బంతుల్లో 81; 9 ఫోర్లు, 2 సిక్స్‌లు), హైదరాబాదీ తిలక్‌ వర్మ (29 బంతుల్లో 60 నాటౌట్‌; 5 ఫోర్లు, 3 సిక్స్‌లు) అర్ధశతకాలతో మెరిశారు. గత మ్యాచ్‌లో రికార్డు అర్ధ శతకం నమోదు చేసిన 15 ఏళ్ల ఓపెనర్‌ వైభవ్‌ సూర్యవంశీ (9 బంతుల్లో 20; 3 ఫోర్లు, 1 సిక్స్‌) ఎక్కువసేపు నిలవలేకపోయాడు. అనంతరం భారీ లక్ష్యఛేదనలో జింబాబ్వే 17.5 ఓవర్లలో 129 పరుగులకు ఆలౌటైంది. ఓపెనర్‌ బ్రియాన్‌ బెన్నెట్‌ (19 బంతుల్లో 32; 3 ఫోర్లు, 3 సిక్స్‌లు) టాప్‌ స్కోరర్‌ కాగా... తక్కినవాళ్లంతా విఫలమయ్యారు. భారత బౌలర్లలో అభిషేక్‌ శర్మ 3 వికెట్లు పడగొట్టగా... అరంగేట్ర పేసర్‌ యశ్‌ ఠాకూర్, ప్రిన్స్‌ యాదవ్‌ చెరో రెండు వికెట్లు తీశారు. ఇరు జట్ల మధ్య నామమాత్రమైన మూడో టి20 నేడు ఇక్కడే జరగనుంది. వైభవ్‌ ఆరంభ మెరుపులు... ఐర్లాండ్‌–ఇంగ్లండ్‌ పర్యటనలో పెద్దగా ఆకట్టుకోలేకపోయిన భారత బ్యాటింగ్‌ ఆర్డర్‌... ఈ మ్యాచ్‌లో దంచికొట్టింది. తొలి ఓవర్‌లో రెండు ఫోర్లు కొట్టిన అభిషేక్‌ శర్మ (8) ఎక్కువసేపు నిలవలేకపోగా... ఇన్నింగ్స్‌ మూడో ఓవర్‌లో సూర్యవంశీ వరుసగా 4, 6, 4, 4 బాదాడు. అయితే అదే ఊపులో మరో భారీ షాట్‌ ఆడేందుకు ప్రయతి్నంచి అవుటయ్యాడు. మంచి టచ్‌లో కనిపించిన కెప్టెన్‌ శ్రేయస్‌ అయ్యర్‌ (25; 4 ఫోర్లు) భారీ ఇన్నింగ్స్‌ ఆడలేకపోగా... 10 ఓవర్లు ముగిసేసరికి టీమిండియా 95/3తో నిలిచింది. అక్కడి నుంచి ఇషాన్, తిలక్‌ ఇన్నింగ్స్‌ను నడిపించారు. మంచి బంతులను గౌరవించిన ఈ జోడీ... చెత్త బంతులపై విరుచుకుపడింది. ఈ క్రమంలో ఇషాన్‌ 31 బంతుల్లో అర్ధశతకం పూర్తి చేసుకోగా... ఇన్నింగ్స్‌ 13వ ఓవర్‌లో తిలక్‌ హ్యాట్రిక్‌ ఫోర్లతో హోరెత్తించాడు. మరుసటి ఓవర్‌లో ఇషాన్‌ 4, 4, 6 కొట్టడంతో స్కోరు బోర్డు పరుగులు పెట్టింది. వీరిద్దరూ నిలకడగా రాణించడంతో మధ్య ఓవర్లలో భారత్‌ మెరుగైన స్కోరు చేసింది. ధాటిగా ఆడిన తిలక్‌ 23 బంతుల్లోనే హాఫ్‌సెంచరీ మార్క్‌ దాటాడు. తిప్పేసిన అభిషేక్‌... లక్ష్యఛేదనలో ఏ దశలోనూ జింబాబ్వే పోటీలో కనిపించలేదు. ఓపెనర్‌ బెన్నెట్‌ క్రీజులో ఉన్నంతసేపు భారీ షాట్‌లు ఆడగా... అతడిని తొలి అంతర్జాతీయ టి20 ఆడుతున్న యశ్‌ ఠాకూర్‌ అవుట్‌ చేశాడు. ఆ వెంటనే బెన్‌ కరెన్‌ (1) పెవిలియన్‌ చేరగా... మైయర్స్‌ (12),సికందర్‌ రజా (0) విఫలమయ్యారు. దీంతో జింబాబ్వే 49 పరుగులకే 4 వికెట్లు కోల్పోయింది. బర్ల్‌ (20; 2 ఫోర్లు), మరుమని (24; 1 ఫోర్, 1 సిక్స్‌), ఇవాన్స్‌ (19; 1 ఫోర్, 2 సిక్స్‌లు) తలాకొన్ని పరుగులు చేశారు. పిచ్‌ స్పిన్‌కు అనుకూలిస్తుండటంతో... భారత సారథి శ్రేయస్‌ బంతిని పార్ట్‌టైమ్‌ స్పిన్నర్‌లు అభిషేక్‌ శర్మ, తిలక్‌ వర్మకు అందించాడు. వారిద్దరూ లోయర్‌ ఆర్డర్‌ పనిపట్టడంతో జింబాబ్వే ఆలౌటైంది.స్కోరు వివరాలు భారత్‌ ఇన్నింగ్స్‌: వైభవ్‌ (సి) ముజరబాని (బి) ఎన్‌గరవా 20; అభిషేక్‌ (సి) బర్ల్‌ (బి) ముజరబాని 8; ఇషాన్‌ (సి) బెన్నెట్‌ (బి) న్యూమన్‌ 81; శ్రేయస్‌ (సి) ఇవాన్స్‌ (బి) బెన్నెట్‌ 25; తిలక్‌ (నాటౌట్‌) 60; రింకూ (సి) బర్ల్‌ (బి) ఇవాన్స్‌ 12; శివమ్‌ దూబే (నాటౌట్‌) 6; ఎక్స్‌ట్రాలు 7; మొత్తం (20 ఓవర్లలో 5 వికెట్లకు) 219. వికెట్ల పతనం: 1–10, 2–29, 3–95, 4–189, 5–213. బౌలింగ్‌: సికందర్‌ రజా 4–0–47–0; ముజరబాని 4–0–36–1; ఎన్‌గరవా 3–0–43–1; ఇవాన్స్‌ 4–0–44–1; న్యూమన్‌ 3–0–25–1; బెన్నెట్‌ 2–0–22–1. జింబాబ్వే ఇన్నింగ్స్‌: బెన్నెట్‌ (సి) ఇషాన్‌ (బి) యశ్‌ 32; కరన్‌ (సి) శివమ్‌ దూబే (బి) ప్రిన్స్‌ 1; మైయర్స్‌ (బి) రవి బిష్ణోయ్‌ 12; బర్ల్‌ (సి) రింకూ (బి) తిలక్‌ 20; సికందర్‌ రజా (సి) ఇషాన్‌ (బి) ప్రిన్స్‌ 0; మదెవెరె (సి) శ్రేయస్‌ (బి) శివమ్‌ దూబే 2; మరుమని (బి) యశ్‌ 24; ఇవాన్స్‌ (బి) అభిషేక్‌ 19; న్యూమన్‌ (బి) అభిషేక్‌ 3; ఎన్‌గరవా (సి) రింకూ (బి) అభిషేక్‌ 1; ముజరబాని (నాటౌట్‌) 7; ఎక్స్‌ట్రాలు 8; మొత్తం (17.5 ఓవర్లలో ఆలౌట్‌) 129. వికెట్ల పతనం: 1–34, 2–34, 3–48, 4–49, 5–65, 6–82, 7–105, 8–119, 9–121, 10–129. బౌలింగ్‌: మయాంక్‌ 3–0–25–0; యశ్‌ ఠాకూర్‌ 4–0–30–2; ప్రిన్స్‌ 1.2–0–10–2; రవి బిష్ణోయ్‌ 4–0–20–1; శివమ్‌ దూబే 1.4–0–13–1; తిలక్‌ వర్మ 1–0–9–1; అభిషేక్‌ 2.5–0–17–3.

హరారే వేదికగా జింబాబ్వేతో జరిగిన రెండో టీ20లో 90 పరుగుల తేడాతో భారత్ భారీ విజయాన్ని అందుకుంది. దీంతో మూడు మ్యాచ్‌ల టీ20 సిరీస్‌ను 2-0 తేడాతో టీమిండియా కైవసం చేసింది. ఈ మ్యాచ్‌లో భారత జట్టు ఆల్‌రౌండ్ షోతో అదరగొట్టింది. తొలుత బ్యాటింగ్‌లో 219 పరుగుల భారీ స్కోర్ సాధించిన మెన్ ఇన్ బ్లూ.. అనంతరం బౌలింగ్‌లో ప్రత్యర్ధి జట్టును 129 పరుగులకే కట్టడి చేసింది. ఈ విజయంపై మ్యాచ్ అనంతరం టీమిండియా కెప్టెన్ శ్రేయస్ స్పందించాడు. భారత జట్టు కెప్టెన్‌గా తొలి టీ20 సిరీస్ విజయాన్ని అందుకోవడం సంతోషంగా ఉందని అయ్య‌ర్ చెప్పుకొచ్చాడు."ఏకపక్ష విజయం సాధించడం చాలా ఆనందంగా ఉంది. జట్టులోని ప్రతి ఒక్క ఆటగాడు అత్యుత్తమ ప్రదర్శన కనబరచడం వల్లే ఈ అద్భుత విజయం సాధ్యమైంది. తొలుత బ్యాటింగ్‌లో ఇషాన్ కిష‌న్‌, తిల‌క్ వ‌ర్మ అసాధ‌ర‌ణ ప్ర‌ద‌ర్శ‌న క‌న‌బ‌రిచారు. వారిద్ద‌రూ ఆడిన కొన్ని షాట్లు చూడటానికి ఎంతో ముచ్చటగా ఉన్నాయి. ఈ పిచ్‌పై మొదట్లో 180 నుండి 200 పరుగులు చేస్తే మంచి స్కోర్ అని భావించాం. కానీ వారిద్దరి అద్భుత ఇన్నింగ్స్ వల్ల మేము ఏకంగా 219 పరుగులు సాధించాం. ఆ త‌ర్వాత మా బౌల‌ర్లు వారి ప‌ని వారు చేసుకుపోయారు. స‌రైన లైన్ అండ్ లెంగ్త్‌తో బౌలింగ్ చేసి ప్ర‌త్య‌ర్ధి జ‌ట్టును 129 ప‌రుగుల‌కే క‌ట్ట‌డి చేశారు. మ్యాచ్ ఆరంభం నుంచే ఆతిథ్య జ‌ట్టుపై ఆధిప‌త్యం చెలాయించాం. టీ20 ఫార్మాట్‌లో ఫియర్ లెస్ క్రికెట్ ఆడడం చాలా ముఖ్యం. గతంలో ఏం జరిగింది అనే దాన్ని పక్కన పెట్టి, ప్రస్తుతం గురుంచి ఆలోచిస్తూ ముందుకు సాగడమే మా సిద్దాంతం. ప్రతీ అవకాశాన్ని ఉపయోగించుకోవాడనికి ప్రయత్నించాలి. ఆదివారం కూడా మాకు మరో మ్యాచ్ ఉంది. ఈ మ్యాచ్‌లో కూడా గెలిచి సిరీస్‌ను విజయంతో ముగించేందుకు ఉత్సాహంగా ఎదురుచూస్తున్నాం" అని పోస్ట్ మ్యాచ్ ప్రెజెంటేషన్‌లో శ్రేయస్ పేర్కొన్నాడు.

Ind vs Zim 2nd T20 live updates: హరారే వేదికగా జరిగిన రెండో టీ20లో జింబాబ్వేను 90 పరుగుల తేడాతో భారత్‌ చిత్తు చేసింది. దీంతో మూడు టీ20ల సిరీస్‌ను మరో మ్యాచ్‌ మిగిలుండగానే 2-0 తేడాతో టీమిండియా సొంతం చేసుకుంది. 220 పరుగుల భారీ లక్ష్యంతో బరిలోకి దిగిన జింబాబ్వే 17.5 ఓవర్లలో 129 పరుగులకే కుప్పకూలింది. భారత బౌలర్లలో పార్ట్‌టైమ్‌ స్పిన్నర్‌ అభిషేక్‌ శర్మ మూడు వికెట్లతో సత్తాచాటగా.. ప్రిన్స్‌ యాదవ్‌, యశ్‌ ఠాకూర్‌ తలా రెండు వికెట్లు పడగొట్టారు. వీరితో పాటు రవి బిష్ణోయ్‌, దూబే, తిలక్‌కు ఒక్కో వికెట్‌ దక్కింది.జింబాబ్వే ఏడో వికెట్‌ డౌన్‌జింబాబ్వే ఏడో వికెట్‌ కోల్పోయింది. 19 పరుగులు చేసిన బ్రాడ్‌ ఎవాన్స్‌.. అభిషేక్‌ శర్మ బౌలింగ్‌లో క్లీన్‌ బౌల్డయ్యాడు. జింబాబ్వే ఆరో వికెట్‌ డౌన్‌జింబాబ్వే ఆరో వికెట్‌ కోల్పోయింది. 20 పరుగులు చేసిన రియాన్‌ బర్ల్‌.. తిలక్‌ వర్మ బౌలింగ్‌లో ఔటయ్యాడు. 12 ఓవర్లకు జింబాబ్వే స్కోర్‌: 90/6జింబాబ్వే ఐదో వికెట్‌ డౌన్‌జింబాబ్వే ఐదో వికెట్‌ కోల్పోయింది. 2 పరుగులు చేసిన మాధవీరే.. దూబే బౌలింగ్‌లో ఔటయ్యాడు.జింబాబ్వే నాలుగో వికెట్‌ డౌన్‌జింబాబ్వే నాలుగో వికెట్‌ కోల్పోయింది. ప్రిన్స్‌ యాదవ్‌ బౌలింగ్‌లో కెప్టెన్‌ సికందర్‌ రజా వికెట్ల ముందు దొరికిపోయాడు. ఆతిథ్య జట్టు 54 పరుగులకే 4 వికెట్లు కోల్పోయి కష్టాల్లో పడింది.జింబాబ్వే మూడో వికెట్‌ డౌన్‌జింబాబ్వే మూడో వికెట్‌ కోల్పోయింది. 12 పరుగులు చేసిన డియోన్‌ మైర్స్‌.. రవి బిష్ణోయ్‌ బౌలింగ్‌లో క్లీన్‌ బౌల్డయ్యాడు.జింబాబ్వే రెండో వికెట్‌ డౌన్‌జింబాబ్వే రెండో వికెట్‌ కోల్పోయింది. కేవలం ఒక్క పరుగు మాత్రమే చేసిన బెన్‌ కుర్రాన్‌.. ప్రిన్స్‌ యాదవ్‌ బౌలింగ్‌లో ఔటయ్యాడు.జింబాబ్వే తొలి వికెట్‌ డౌన్‌జింబాబ్వే తొలి వికెట్‌ కోల్పోయింది. 19 బంతుల్లో 32 పరుగులు చేసిన బ్రియాన్‌ బెన్నెట్‌.. యశ్‌ ఠాకూర్‌ బౌలింగ్‌లో ఔటయ్యాడు.దూకుడుగా ఆడుతున్న జింబాబ్వే220 పరుగుల భారీ లక్ష్యంతో బరిలోకి దిగిన జింబాబ్వే దూకుడుగా ఆడుతోంది. 3 ఓవర్లు ముగిసే సరికి జింబాబ్వే వికెట్‌ నష్టపోకుండా 23 పరుగులు చేసింది. క్రీజులో బెన్నెట్‌(22), బెన్‌ కుర్రాన్‌(1) తలా వికెట్‌ సాధించారు.జింబాబ్వే టార్గెట్‌ 220 పరుగులుహరారే వేదికగా జరుగుతున్న రెండో టీ20లో భారత బ్యాటర్లు సత్తాచాటారు. టాస్‌ ఓడి తొలుత బ్యాటింగ్‌కు దిగిన టీమిండియా నిర్ణీత 20 ఓవర్లలో 5 వికెట్ల నష్టానికి 219 పరుగులు చేసింది. భారత ఇన్నింగ్స్‌లో ఇషాన్‌ కిషన్‌(44 బంతుల్లో 9 ఫోర్లు,2 సిక్స్‌లతో 1), తిలక్‌ వర్మ(29 బంతుల్లో 60 నాటౌట్‌) హాఫ్‌ సెంచరీలతో సత్తాచాటారు. యువ ఓపెనర్‌ వైభవ్‌ సూర్యవంశీ కేవలం 9 బంతుల్లోనే 3 ఫోర్లు, ఒక సిక్సర్‌తో 20 పరుగులు చేసి ఔటయ్యాడు. జింబాబ్వే బౌలర్లలో ముజార్‌బానీ, నగరవా, బెన్నెట్‌, న్యూమన్ న్యాముహురి తలా వికెట్‌ సాధించారు.ఇషాన్‌ కిషన్‌ అవుట్‌ఇషాన్‌ కిషన్‌ రూపంలో భారత్‌ నాలుగో వికెట్‌ కోల్పోయింది. 81 పరుగులు చేసిన కిషన్‌.. న్యూమన్ న్యాముహురి బౌలింగ్‌లో ఔటయ్యాడు. క్రీజులోకి రింకూ సింగ్‌ వచ్చాడు. 18 ఓవర్లకు భారత్‌ స్కోర్‌: 195/5తిలక్ వర్మ ఫిప్టీతిలక్ వర్మ చెలరేగి ఆడుతున్నాడు. ఈ హైదరాబాదీ కేవలం 23 బంతుల్లోనే హాఫ్ సెంచరీ సాధించాడు. 17 ఓవర్లకు భారత్ స్కోర్‌: 188/3భారీ స్కోర్‌ దిశగా భారత్‌16 ఓవర్లు ముగిసే సరికి భారత్‌ 3 వికెట్ల నష్టానికి 171 పరుగులు చేసింది. క్రీజులో ఇషాన్‌ కిషన్‌(75), తిలక్‌ వర్మ(40) ఉన్నారు.ఇషాన్ కిషన్ హాఫ్ సెంచరీఇషాన్ కిషన్ ఎట్టకేలకు తన ఫామ్‌ను అందుకున్నాడు. జింబాబ్వేతో జరుగుతున్న రెండో టీ20లో కిషన్ హాఫ్ సెంచరీతో సత్తాచాటాడు. 51 పరుగులతో కిషన్ తన బ్యాటింగ్‌ను కొనసాగిస్తున్నాడు.టీమిండియా మూడో వికెట్‌ డౌన్‌టీమిండియా మూడో వికెట్‌ కోల్పోయింది. 25 పరుగులు చేసిన కెప్టెన్‌ శ్రేయస్‌ అయ్యర్‌.. బెన్నెట్‌ బౌలింగ్‌లో ఔటయ్యాడు. 10 ఓవర్లకు భారత్‌ స్కోర్‌: 95/3నిలకడగా ఆడుతున్న శ్రేయస్‌, కిషన్‌8 ఓవర్లు ముగిసే సరికి భారత్‌ రెండు వికెట్ల నష్టానికి 53 పరుగులు చేసింది. క్రీజులో శ్రేయస్‌ అయ్యర్‌(14), ఇషాన్‌ కిషన్‌(26) ఉన్నారు.భారత్‌ రెండో వికెట్‌ డౌన్‌.. వైభవ్‌ ఔట్‌వైభవ్‌ సూర్యవంశీ రూపంలో టీమిండియా రెండో వికెట్‌ కోల్పోయింది. కేవలం 9 బంతుల్లోనే 20 పరుగులు చేసిన వైభవ్‌.. నగరావ బౌలింగ్‌లో ఔటయ్యాడు.తొలి వికెట్‌ కోల్పోయిన భారత్‌1.5వ ఓవర్‌- 10 పరుగుల వద్ద భారత్‌ తొలి వికెట్‌ కోల్పోయింది. ముజరబానీ బౌలింగ్‌లో ర్యాన్‌ బర్ల్‌కు క్యాచ్‌ ఇచ్చి అభిషేక్‌ శర్మ (8) ఔటయ్యాడు. హరారే వేదికగా రెండో టీ20లో జింబాబ్వే-భారత్ జట్లు తలపడుతున్నాయి. ఈ మ్యాచ్‌లో టాస్ గెలిచిన జింబాబ్వే కెప్టెన్‌ సికిందర్‌ రజా తొలుత బౌలింగ్‌ ఎంచుకున్నాడు.ఈ మ్యాచ్‌తో టీమిండియా తరపున యువ పేసర్‌ యాశ్‌ ఠాకూర్‌ అరంగేట్రం చేశాడు. అశోక్‌ శర్మ స్ధానంలో యశ్‌ ఠాకూర్‌కు అవకాశమిచ్చారు. జింబాబ్వే మాత్రం తమ తుది జట్టులో ఎలాంటి మార్పులు చేయలేదు.తుది జట్లుభారత్: వైభవ్ సూర్యవంశీ, అభిషేక్ శర్మ, ఇషాన్ కిషన్(వికెట్ కీపర్‌), శ్రేయాస్ అయ్యర్(కెప్టెన్‌), తిలక్ వర్మ, రింకూ సింగ్, శివమ్ దూబే, రవి బిష్ణోయ్, ప్రిన్స్ యాదవ్, యశ్ ఠాకూర్, మయాంక్ యాదవ్జింబాబ్వే: బ్రియాన్ బెన్నెట్, బెన్ కర్రాన్, డియోన్ మైయర్స్, సికందర్ రజా(కెప్టెన్‌), ర్యాన్ బర్ల్, వెస్లీ మాధేవెరే, తడివానాషే మారుమణి(వికెట్ కీపర్‌), బ్రాడ్ ఎవాన్స్, న్యూమాన్ న్యామ్‌హురి, రిచర్డ్ నగరవ, బ్లెస్సింగ్ ముజారబానీ

భారత టీ20 కెప్టెన్‌గా పగ్గాలు చేపట్టిన తర్వాత శ్రేయస్‌ అయ్యర్‌కు తొలి ప్రయత్నంలోనే చేదు అనుభవం ఎదురైంది. యూకే పర్యటనలో భాగంగా అతడి సారథ్యంలో పసికూన ఐర్లాండ్‌ చేతిలో టీమిండియా 2-0తో వైట్‌వాష్‌కు గురైంది.అనంతరం ఇంగ్లండ్‌ గడ్డ మీద 4-0తో క్లీన్‌స్వీప్‌ అయింది. ఈ సిరీస్‌లో ఓ మ్యాచ్‌ వర్షం వల్ల రద్దైపోయింది. దీంతో కెప్టెన్‌గా బాధ్యతలు స్వీకరించిన తర్వాత తొలి ఏడు మ్యాచ్‌లలోనూ శ్రేయస్‌ అయ్యర్‌కు గెలుపన్నదే లేకుండా పోయింది. ఈ క్రమంలో జింబాబ్వే గడ్డ మీద తొలి మ్యాచ్‌ సందర్భంగా ఎట్టకేలకు శ్రేయస్‌ సేన విజయాల ఖాతా తెరిచింది.సమిష్టిగా రాణించి ఆతిథ్య జింబాబ్వే జట్టుపై ఏడు వికెట్ల తేడాతో జయభేరి మోగించింది. తద్వారా వరుస పరాభవాల తర్వాత శ్రేయస్‌ తొలిసారి గెలుపు రుచిచూశాడు. అయితే, జింబాబ్వేపై విజయాన్ని కూడా ఇంతలా సెలబ్రేట్‌ చేసుకోవాల్సిన పనిలేదంటూ కొంతమంది సోషల్‌ మీడియా వేదికగా విమర్శించారు.మిగిలిపోయిందైనా.. అది విందు భోజనం లాంటిదే!ఈ నేపథ్యంలో భారత మాజీ క్రికెటర్‌ సదగోపన్‌ రమేశ్‌ శ్రేయస్‌ అయ్యర్‌కు మద్దతుగా నిలిచాడు. ‘‘జింబాబ్వే మీద విజయాన్ని గొప్పగా భావించవద్దని చాలా మంది అంటున్నారు. అయితే.. టీ20 ప్రపంచకప్‌ చాంపియన్‌గా నిలిచిన తర్వాత టీమిండియా టీ20మ్యాచ్‌లో విజయం కోసం చకోర పక్షిలా ఎదురుచూసింది.చాన్నాళ్ల ఆకలి తర్వాత దక్కిన గెలుపు ఇది. కాబట్టి ఇది మిగిలిపోయిందే అయినా.. పెళ్లి భోజనం లాంటిదే. శ్రేయస్‌ అయ్యర్‌కు కాస్త ఊరట లభించింది. అతడి కెప్టెన్సీ ఆరంభంలోనే టీమిండియా ఘోర పరాజయాలు చవిచూసింది.కాబట్టి ఇప్పుడు జింబాబ్వే మీద గెలిచినా సరే.. అది విజయమే. ఇప్పుడు ఇదే అతడికి బూస్ట్‌’’ అని సదగోపన్‌ రమేశ్‌ పేర్కొన్నాడు. అదే విధంగా.. జింబాబ్వే టూర్‌లో గౌతం గంభీర్‌కు బదులు తాత్కాలిక హెడ్‌కోచ్‌గా వ్యవహరిస్తున్న వీవీఎస్‌ లక్ష్మణ్‌పై రమేశ్‌ ప్రశంసలు కురిపించాడు.వీవీఎస్‌ లక్ష్మణ్‌పై ప్రశంసలు‘‘ఈ విజయంలో వీవీఎస్‌ లక్ష్మణ్‌దే సింహభాగం. అతడు ఎప్పుడు కోచ్‌గా వ్యవహరించినా సరే.. అప్పుడు టీమిండియా తప్పక విజయాలు సాధిస్తుంది. అతడి మార్గదర్శనంలో టీమిండియా ప్రత్యర్థులను దాదాపుగా అన్ని సిరీస్‌లలోనూ వైట్‌వాష్‌ చేసింది.టీమిండియా వైట్‌వాష్‌లకు గురైన తర్వాత కూడా అతడు ఇలాంటి ఫలితాలు రాబట్టాడు. వరుస పరాజయాల తర్వాత ఇప్పుడు జింబాబ్వేతో తొలి మ్యాచ్‌లోనూ టీమిండియా గెలిచింది’’ అని రమేశ్‌ వీవీఎస్‌ లక్ష్మణ్‌ను ప్రశంసించాడు. కాగా జింబాబ్వేతో మూడు మ్యాచ్‌ల సిరీస్‌లో టీమిండియా గురువారం నాటి తొలి టీ20లో ఏడు వికెట్ల తేడాతో గెలిచి.. 1-0తో ఆధిక్యంలో నిలిచింది. ఇరుజట్ల మధ్య శని, ఆది వారాల్లో మిగిలిన రెండు మ్యాచ్‌లు జరుగుతాయి. ఇందుకు హరారే స్పోర్ట్స్‌ క్లబ్‌ వేదిక.చదవండి: తెలివితక్కువోడు తప్పిస్తే.. తానేంటో నిరూపించాడు!

టీమిండియా టీ20 కెప్టెన్‌గా శ్రేయస్‌ అయ్యర్‌ ఎట్టకేలకు విజయాల ఖాతా తెరిచాడు. అతడి నాయకత్వంలో జింబాబ్వేతో తొలి టీ20లో భారత్‌ ఘన విజయం సాధించింది. దీంతో వరుసగా ఏడు మ్యాచ్‌ల తర్వాత శ్రేయస్‌ అయ్యర్‌ తొలిసారి గెలుపు రుచిచూశాడు.హరారే స్పోర్ట్స్‌ క్లబ్‌ వేదికగా గురువారం నాటి టీ20లో టాస్‌ గెలిచిన టీమిండియా.. జింబాబ్వేను తొలుత బ్యాటింగ్‌కు ఆహ్వానించింది. భారత బౌలర్లు రాణించడంతో నిర్ణీత 20 ఓవర్లలో ఏడు వికెట్లు నష్టపోయిన జింబాబ్వే.. 125 పరుగులకే పరిమితమైంది.ఏడు వికెట్ల తేడాతోఅనంతరం లక్ష్య ఛేదనకు దిగిన భారత్‌ మూడు వికెట్లు నష్టపోయి 13.2 ఓవర్లలోనే పని పూర్తి చేసింది. తద్వారా ఏడు వికెట్ల తేడాతో జయభేరి మోగించి మూడు మ్యాచ్‌ల సిరీస్‌లో 1-0తో ఆధిక్యంలోకి వెళ్లింది. అయితే, ఈ మ్యాచ్‌లో భారత్‌ విజయం సాధించినప్పటికీ తుదిజట్టు కూర్పుపై టీమిండియా మాజీ క్రికెటర్‌ ఆకాశ్‌ చోప్రా ఆసక్తికర వ్యాఖ్యలు చేశాడు.మరి మీ ఐదో బౌలర్‌ ఎవరు?‘‘జట్టులో కేవలం నలుగురు బౌలర్లు.. పేసర్లు ప్రిన్స్‌ యాదవ్‌, మయాంక్‌ యాదవ్‌, అశోక్‌ శర్మ.. స్పిన్నర్‌ రవి బిష్ణోయి మాత్రమే ఉన్నారు. మరి మీ ఐదో బౌలర్‌ ఎవరు?.. దీనికి జవాబు శివం దూబే అంటారేమో!.. మరి ఆరో బౌలర్‌?.. ఎవరూ లేరు.ఆరో బౌలర్‌ లేకుండానే టీమిండియా బరిలోకి దిగింది. నిజానికి శివం దూబే ఆల్‌రౌండర్‌ కదా!.. అతడు ఈసారి బంతితో కాస్త మెరుగ్గానే రాణించాడు. నాలుగు ఓవర్ల బౌలింగ్‌లో 32 పరుగులు ఇచ్చి రెండు వికెట్లు తీశాడు. నిజంగా ఇది పెద్ద విషయమేమంచి క్యాచ్‌ కూడా పట్టాడు. ఏదేమైనా నాలుగు ఓవర్ల బౌలింగ్‌ కోటా పూర్తి చేయించడం ద్వారా యాజమాన్యం అతడిపై పూర్తి విశ్వాసం కనబరిచింది. నిజంగా ఇది పెద్ద విషయమే.సరైన నిర్ణయంఇక మయాంక్‌ యాదవ్‌తో బౌలింగ్‌ ఎటాక్‌ ఆరంభించి కెప్టెన్‌ శ్రేయస్‌ మంచి పని చేశాడు. అశోక్‌ శర్మను కూడా ముందుగానే పంపించడం సరైన నిర్ణయం. ఏదేమైనా వీళ్లిద్దరిని జట్టులో చూడటం ఎంతో బాగుంది. ముఖ్యంగా మయాంక్‌ గాయం నుంచి కోలుకుని రెండేళ్ల తర్వాత రీఎంట్రీ ఇచ్చి సత్తా చాటాడు. నిలకడగా బౌలింగ్‌ చేశాడు’’ అని కామెంటేటర్‌ ఆకాశ్‌ చోప్రా చెప్పుకొచ్చాడు. కాగా యూకే పర్యటనతో భారత టీ20 జట్టు కెప్టెన్‌గా శ్రేయస్‌ ప్రయాణం మొదలుపెట్టాడు. ఇందులో భాగంగా తొలుత ఐర్లాండ్‌ చేతిలో 2-0, ఇంగ్లండ్‌ చేతిలో 4-0తో టీమిండియా వైట్‌వాష్‌ అయింది.చదవండి: పిల్లాడినే.. నాకు ఆ అర్హత లేదు: వైభవ్‌

దాదాపు రెండేళ్ల తర్వాత టీమిండియాలో పునరాగమనం చేశాడు మయాంక్‌ యాదవ్‌. ఐపీఎల్‌లో సత్తా చాటిన ఈ ‘ఫాస్టెస్ట్‌’ బౌలర్‌.. 2024లో అంతర్జాతీయ క్రికెట్లో అడుగుపెట్టాడు. ఆ తర్వాత గాయాల కారణంగా కనుమరుగైపోయాడు. తాజాగా జింబాబ్వేతో టీ20 సిరీస్‌ సందర్భగా మయాంక్‌ రీఎంట్రీ ఇచ్చాడు.హరారే స్పోర్ట్స్‌ క్లబ్‌ వేదికగా గురువారం నాటి మ్యాచ్‌లో పొదుపుగా బౌలింగ్‌ చేయడంతో పాటు రెండు వికెట్లు కూల్చి సత్తా చాటాడు. తొలి బంతికే జింబాబ్వే ఓపెనర్‌ బ్రియాన్‌ బెన్నెట్‌ను డకౌట్‌ చేసిన మయాంక్‌.. వన్‌డౌన్‌ బ్యాటర్‌ డియోన్‌ మైర్స్‌ (6)ను కూడా అవుట్‌ చేశాడు. నాలుగు ఓవర్ల కోటాలో 24 ఏళ్ల ఈ రైటార్మ్‌ ఫాస్ట్‌ బౌలర్‌.. 18 పరుగులు మాత్రమే ఇచ్చి రెండు వికెట్లు పడగొట్టాడు.Aate hi kaam shuru kar diye 🔥💪Watch it LIVE only on FanCode! 🇮🇳 👇https://t.co/q6VBxaRJz3#ZIMvIND #RokoNahiThoko #MayankYadav pic.twitter.com/Pg9RugnnTR— FanCode (@FanCode) July 23, 2026గొప్పగా అనిపించిందితద్వారా టీమిండియా విజయంలో కీలక పాత్ర పోషించి.. ‘ప్లేయర్‌ ఆఫ్‌ ది మ్యాచ్‌’ అవార్డు అందుకున్నాడు. ఈ నేపథ్యంలో మయాంక్‌ యాదవ్‌ స్పందిస్తూ.. ‘‘రెండేళ్లు జట్టుగా దూరంగా ఉండటం నా జీవితంలో అత్యంత కష్టకాలం. అప్పుడు నాకు 22-23 ఏళ్ల మధ్య వయసు. అంత చిన్నవయసులోనే గాయాల వల్ల సుదీర్ఘకాలం ఆటకు దూరం కావడం తీవ్ర ప్రభావం చూపింది.అయితే, దేశానికి ఆడటం గొప్ప విషయం. అదే స్ఫూర్తిగా ముందుకు సాగి సవాళ్లను అధిగమించాను. జింబాబ్వేలో పిచ్‌లు ఫాస్ట్‌ బౌలర్లకు సహకరిస్తాయని విన్నాను. నేను హరారేలో ఆడటం ఇదే మొదటిసారి. గొప్పగా అనిపించింది. జట్టు విజయానికి నా వంతు సహకారం అందించాను’’ అని హర్షం వ్యక్తం చేశాడు.అతడి కెప్టెన్సీలో నాకు పూర్తి స్వేచ్ఛఅదే విధంగా కెప్టెన్‌ శ్రేయస్‌ అయ్యర్‌పై మయాంక్‌ యాదవ్‌ ప్రశంసలు కురిపించాడు. ‘‘అతడి కెప్టెన్సీలో ఆడటం ఇదే తొలిసారి. మ్యాచ్‌కు ముందు మేము ఎక్కువగా మాట్లాడుకోలేదు కూడా!.. అయితే, మ్యాచ్‌ సమయంలో బౌలర్లపై అతడు పూర్తి నమ్మకం ఉంచాడు.నాకు నచ్చినట్లుగా బౌలింగ్‌ చేయమని చెప్పాడు. అతడూ కొన్ని సలహాలు ఇచ్చాడు. సారథి ఇచ్చిన ధైర్యంతో నేను ముందుకు సాగాను. అతడి కెప్టెన్సీలో నాకు పూర్తి స్వేచ్ఛ ఇచ్చినట్లు అనిపించింది’’ అని మయాంక్‌ యాదవ్‌ చెప్పుకొచ్చాడు. కాగా బంగ్లాదేశ్‌తో 2024 నాటి టీ20 సిరీస్‌ సందర్భంగా అరంగేట్రం చేసిన మయాంక్‌ యాదవ్‌.. ఇప్పటికి నాలుగు మ్యాచ్‌లు ఆడి ఆరు వికెట్లు పడగొట్టాడు.చదవండి: నేనింకా పిల్లాడినే.. క్రెడిట్‌ నాకు ఇవ్వొద్దు: వైభవ్‌

టీ20ల్లో టీమిండియా ఎట్ట‌కేల‌కు తిరిగి గెలుపు బాట ప‌ట్టింది. హ‌రారే వేదిక‌గా జింబాబ్వేతో జ‌రిగిన తొలి టీ20లో 7 వికెట్ల తేడాతో భార‌త్ ఘ‌న విజ‌యం సాధించింది. ఆతిథ్య జ‌ట్టు నిర్ధేశించిన 126 ప‌రుగుల స్వ‌ల్ప ల‌క్ష్యాన్ని మెన్ ఇన్ బ్లూ 3 వికెట్లు మాత్ర‌మే కోల్పోయి కేవ‌లం 13.2 ఓవ‌ర్ల‌లో ఊదిప‌డేసింది.యువ ఆట‌గాడు వైభ‌వ్ సూర్య‌వంశీ కేవ‌లం 19 బంతుల్లో 50 ప‌రుగులు సాధించి భార‌త త‌ర‌పున టాప్ స్కోర‌ర్‌గా నిలిచాడు. ఈ గెలుపుతో మూడు టీ20ల సిరీస్‌లో టీమిండియా 1-0తో ముందంజ వేసింది. ఇక ఈ కమ్‌బ్యాక్ విజ‌యంపై మ్యాచ్ అనంత‌రం భార‌త కెప్టెన్ శ్రేయ‌స్ అయ్య‌ర్ స్పందించాడు. త‌న కెప్టెన్సీలో జ‌ట్టు తొలి విజ‌యం సాధించ‌డం సంతోషంగా ఉంద‌ని అయ్య‌ర్ అన్నాడు."ఈ విజయం నాకు చాలా ప్రత్యేకమైనది. కెప్టెన్‌గా తొలి గెలుపును అందుకోవడం సంతోషాన్నిస్తోంది. ఈ మ్యాచ్‌లో మా బాయ్స్ అందరూ అద్భుతంగా రాణించారు. తొలుత మా బౌలర్లు పరిస్థితులకు తగ్గట్టు బౌలింగ్ చేశారు. ఈ పిచ్‌పై బంతి ఎక్కువగా బౌన్స్ అవుతుందని నేను ముందే పసిగట్టాను.అందుకే టాస్ గెలిచి బౌలింగ్ ఎంచుకున్నాను. మయాంక్ యాద‌వ్ సంచ‌ల‌న స్పెల్ బౌలింగ్ చేశాడు. స‌రైన లైన్ అండ్ లెంగ్త్‌తో బౌలింగ్ చేస్తూ ప్ర‌త్య‌ర్ధి బ్యాట‌ర్ల‌కు ముప్పుతిప్ప‌లు పెట్టాడు. ఆ త‌ర్వాత బ్యాటింగ్‌లో వైభ‌వ్ సూర్య‌వంశీ అసాధ‌ర‌ణ ఇన్నింగ్స్ ఆడాడు. అత‌డికి ఏ మాత్రం భ‌యం లేదు. వైభవ్‌ బ్యాటింగ్ చేసిన తీరు నిజంగా అత్య‌ద్భుతం. హరారే పిచ్‌పై అతడికి బాగా అవగాహన ఉంది. ఇదే గ్రౌండ్‌లో అండర్-19 వరల్డ్ కప్ ఫైనల్లో 175 పరుగులు సాధించాడు. ఆ అనుభవమే ఈ మ్యాచ్‌లో అత‌డికి ప‌నికొచ్చింది. రాబోయో రెండు మ్యాచ్‌ల‌లో కూడా ఇదే జోరును కొన‌సాగించి సిరీస్ క్లీన్‌ చేస్తామ‌ని" పోస్ట్ మ్యాచ్ ప్రెజెంటేష‌న్‌లో శ్రేయ‌స్ పేర్కొన్నాడు.

హరారే వేదికగా జింబాబ్వేతో జరుగుతున్న తొలి టీ20లో భారత కెప్టెన్ శ్రేయస్ అయ్యర్ టాస్ గెలిచి సరికొత్త చరిత్ర సృష్టించాడు. అయ్యర్ టాస్ గెలవడం ఇది వరుసగా ఎనిమిదో సారి. దీంతో అంతర్జాతీయ టీ20లలో వరుసగా 8 టాస్‌లు గెలిచిన తొలి భారత కెప్టెన్‌గా శ్రేయ‌స్ రికార్డులెక్కాడు. ఇప్ప‌టివ‌ర‌కు ఈ రికార్డు భార‌త మాజీ కెప్టెన్ ఎంఎస్ ధోని పేరిట ఉండేది. ధోని టీమిండియా సార‌థిగా 2010-12 మ‌ధ్య కాలంలో వ‌రుస‌గా 7 సార్లు టాస్ గెలిచాడు. తాజా మ్యాచ్‌తో ధోనిని అయ్య‌ర్ అధిగ‌మించాడు.టీ20ల్లో వ‌రుస‌గా టాస్‌లు గెలిచిన భార‌త కెప్టెన్‌లు వీరేశ్రేయస్ అయ్యర్: 8 (జూన్ 2026 – జూలై 2026)ఎం.ఎస్. ధోని: 7 (మే 2010 – ఫిబ్రవరి 2012)విరాట్ కోహ్లి: 6 (ఆగస్టు 2019 – డిసెంబరు 2019)రోహిత్ శర్మ: 5 (ఫిబ్రవరి 2020 – ఫిబ్రవరి 2022)ఓవ‌రాల్‌గా వ‌ర‌ల్డ్ క్రికెట్‌లో ఈ రికార్డు వెస్టిండీస్ మాజీ కెప్టెన్ డార‌న్ సామీ పేరిట ఉంది. సామీ 2015-16 మ‌ధ్య కాలంలో టీ20ల్లో వ‌రుస‌గా 10 టాస్‌లు గెలిచాడు. ఆ త‌ర్వాత రెండో స్ధానంలో పాకిస్తాన్ కెప్టెన్ స‌ల్మాన్ అఘా(9) ఉన్నాడు. వీరిద్ద‌రి త‌ర్వాత స్ధానంలో హ్యారీ బ్రూక్‌(8), ఆరోన్ ఫించ్‌(8)లో క‌లిసి శ్రేయ‌స్ సంయుక్తంగా నిలిచాడు. కాగా అయ్య‌ర్ టాస్‌లు గెలుస్తున్న‌ప్ప‌టి మ్యాచ్‌లు మాత్రం గెల‌వ‌డం లేదు. ఇప్ప‌టివ‌ర‌కు అత‌డి సార‌థ్యంలో 7 మ్యాచ్‌లు ఆడిన టీమిండియా.. 6 మ్యాచ్‌ల్లో ఓట‌మి పాలైంది. ఓ మ్యాచ్ వ‌ర్షం కార‌ణంగా రద్దు అయింది.

హ‌రారే వేదిక‌గా గురువారం నాటి తొలి టీ20లో భార‌త్-జింబాబ్వే జ‌ట్లు త‌ల‌ప‌డ్డాయి. ఈ మ్యాచ్‌లో టాస్ గెలిచిన టీమిండియా తొలుత బౌలింగ్‌ ఎంచుకుంది. జింబాబ్వే నిర్ణీత 20 ఓవర్లలో ఏడు వికెట్ల నష్టానికి 125 పరుగులు చేసింది. భారత్‌ లక్ష్య ఛేదనకు దిగిన భారత్‌.. 13.1 ఓవర్లలో కేవలం మూడు వికెట్లు కోల్పోయి పని పూర్తి చేసింది.ఓపెనర్లలో అభిషేక్‌ శర్మ (1) విఫలమైనప్పటికీ.. వైభవ్‌ సూర్యవంశీ మెరుపు అర్ద శతకంతో రాణించాడు. కేవలం 18 బంతుల్లోనే నాలుగు ఫోర్లు, నాలుగు సిక్స్‌లు బాది 50 పరుగులు పూర్తి చేసుకున్నాడు. అతడికి తోడుగా వన్‌డౌన్‌ బ్యాటర్‌ ఇషాన్‌ కిషన్‌ (24 బంతుల్లో 35) రాణించగా.. కెప్టెన్‌ శ్రేయస్‌ అయ్యర్‌ (28*), వైస్‌ కెప్టెన్‌ తిలక్‌ వర్మ (6*)తో కలిసి జట్టును విజయతీరాలకు చేర్చారు. ఫలితంగా 13.2 ఓవర్లలో కేవలం మూడు వికెట్లు నష్టపోయి భారత్‌ 126 పరుగులు చేసింది. ఏడు వికెట్ల తేడాతో ఘన విజయం సాధించింది.Updates10 ఓవర్లలో టీమిండియా స్కోరు: 96-2ఇషాన్‌ 26, శ్రేయస్‌ అయ్యర్‌ 17 పరుగులతో ఉన్నారు.వైభవ్‌ మెరుపు అర్ధ శతకం6.1: నగరవ బౌలింగ్‌లో రెండు పరుగులు పూర్తి చేసుకుని యాభై పరుగుల మార్కు అందుకున్న వైభవ్‌. కేవలం 18 బంతుల్లోనే తొలి అంతర్జాతీయ హాఫ్‌ సెంచరీ. ఆ మరుసటి బంతికే అవుటయ్యాడు. స్కోరు: 68-2. ఇషాన్‌ 16 పరుగులతో ఉన్నాడు. శ్రేయస్‌ క్రీజులోకి వచ్చాడు.భారత్‌ తొలి వికెట్‌ డౌన్‌టీమిండియా తొలి వికెట్‌ కోల్పోయింది. ​కేవలం ఒక్క పరుగు మాత్రమే చేసిన అభిషేక్‌ శర్మ.. ముజరబాని బౌలింగ్‌లో ఔటయ్యాడు. మరోవైపు చిచ్చరపిడుగు వైభవ్‌ సూర్యవంశీ మాత్రం దూకుడుగా ఆడుతున్నాడు. కేవలం 9 బంతుల్లోనే 21 పరుగులు చేశాడు. 3 ఓవర్లకు భారత స్కోర్‌: 23/1 టీమిండియా టార్గెట్‌ ఎంతంటే?జింబాబ్వేతో జరుగుతున్న తొలి టీ20లో భారత బౌలర్లు సత్తాచాటారు. టాస్‌ ఓడి తొలుత బ్యాటింగ్‌ చేసిన జింబాబ్వే నిర్ణీత 20 ఓవర్లలో 7 వికెట్లు కోల్పోయి 125 పరుగులకే పరిమితమైంది. ఆతిథ్య జట్టు ఇన్నింగ్స్‌లో మధెవెరే(39) టాప్‌ స్కోరర్‌గా నిలవగా.. మరుమణి(27), బర్ల్‌(26) రాణించారు. భారత బౌలర్లలో మయాంక్‌ యాదవ్‌, ప్రిన్స్‌ యాదవ్‌ తలా రెండు వికెట్లు పడగొట్టగా.. శివమ్‌ దూబే, బిష్ణోయ్‌ తలా వికెట్‌ సాధించారు.వరుసగా రెండు వికెట్లుఆఖరి ఓవర్‌లో జింబాబ్వే వరుసగా రెండు వికెట్లు కోల్పోయింది. రెండో బంతికి మధెవెరే(39), మూడో బంతికి ఎవాన్స్‌(0) ఔటయ్యారు.ఐదో వికెట్‌ డౌన్‌13.1: రవి బిష్ణోయి బౌలింగ్‌లో తిలక్‌ వర్మకు క్యాచ్‌ ఇచ్చి వెనుదిరిగిన బర్ల్‌ (26). మెధెవెరె 8 పరుగులతో ఉండగా.. స్కోరు: 64-5. మరుమాణి క్రీజులోకి వచ్చాడు.పది ఓవర్లలో జింబాబ్వే స్కోరు: 46-4 (10)మెధెవెరె 5, బర్ల్‌ 12 పరుగులతో ఉన్నారు.నాలుగో వికెట్‌ డౌన్‌జింబాబ్వే నాలుగో వికెట్‌ కోల్పోయింది. శివమ్‌ దూబే బౌలింగ్‌లో సికిందర్‌ రజా(4) ఔటయ్యాడు. మెధెవెరె క్రీజులోకి వచ్చాడు.పవర్‌ ప్లేలో జింబాబ్వే స్కోరు: 26-3 (6)బర్ల్‌ 1, రజా 4 పరుగులతో ఉన్నారు.పీకల్లోతు కష్టాల్లో జింబాబ్వేజింబాబ్వే మూడో వికెట్‌ కోల్పోయింది. మయాంక్‌ యాదవ్‌ బౌలింగ్‌లో డియాన్‌ మైర్స్‌(6) ఔటయ్యాడు. మయాంక్‌కు ఇది రెండో వికెట్‌ కావడం గమనార్హం. 5 ఓవర్లకు జింబాబ్వే స్కోర్‌: 21/2జింబాబ్వే రెండో వికెట్‌ డౌన్‌జింబాబ్వే రెండో వికెట్‌ కోల్పోయింది. 10 పరుగులు చేసిన బెన్‌ కర్రాన్‌.. ప్రిన్స్‌ యాదవ్‌ బౌలింగ్‌లో ఔటయ్యాడు. 4 ఓవర్లకు జింబాబ్వే స్కోర్‌: 20/2తొలి వికెట్‌ కోల్పోయిన జింబాబ్వేభారత బౌలింగ్‌ అటాక్‌ ఆరంభించిన మయాంక్‌ యాదవ్‌ బౌలింగ్‌లో తొలి బంతికే... వికెట్‌ కీపర్‌ ఇషాన్‌ కిషన్‌కు క్యాచ్‌ ఇచ్చి తొలి వికెట్‌గా వెనుదిరిగిన బ్రియాన్‌ బెన్నెట్‌ (0). క్రీజులోకి డియాన్‌ మైర్స్‌. జింబాబ్వే స్కోరు: 6-1 (1). బెన్‌ కర్రాన్‌ సున్నా, డియాన్‌ మైర్స్‌ ఆరు పరుగులతో ఉన్నారు.అశోక్ శ‌ర్మ అరంగేట్రంరాజ‌స్తాన్ పేస‌ర్ అశోక్ శ‌ర్మ ఈ మ్యాచ్‌తో భార‌త్ త‌ర‌పున అరంగేట్రం చేశాడు. అదేవిధంగా యువ పేసర్‌ మయాంక్‌ యాదవ్‌ దాదాపు రెండేళ్ల తర్వాత తిరిగి జట్టులోకి వచ్చాడు. మరోవైపు యువ ఆటగాళ్లు న్యూమాన్ న్యామ్‌హురి, బెన్ కరన్ జింబాబ్వే తరపున డెబ్యూ చేశారు.తుది జట్లుజింబాబ్వే: బ్రియాన్ బెన్నెట్, తడివానాషే మారుమణి(వికెట్ కీప‌ర్‌), బెన్ కర్రాన్, డియాన్‌ మైర్స్‌, సికందర్ రజా(కెప్టెన్‌), ర్యాన్ బర్ల్, వెస్లీ మాధేవెరే, బ్రాడ్ ఎవాన్స్, న్యూమాన్ న్యామ్‌హురి, రిచర్డ్ నగరవ, బ్లెస్సింగ్ ముజారబానీభారత్ : వైభవ్ సూర్యవంశీ, అభిషేక్ శర్మ, ఇషాన్ కిషన్(వికెట్ కీప‌ర్‌), శ్రేయాస్ అయ్యర్(కెప్టెన్‌), తిలక్ వర్మ, రింకూ సింగ్, శివమ్ దూబే, రవి బిష్ణోయ్, ప్రిన్స్ యాదవ్, అశోక్ శర్మ, మయాంక్ యాదవ్

ఐర్లాండ్‌, ఇంగ్లండ్‌ చేతిలో క్లీన్‌స్వీప్‌ల తర్వాత భారత టీ20 జట్టు జింబాబ్వే గడ్డపై అడుగుపెట్టింది. ఇరుజట్ల మధ్య గురువారం నాటి తొలి టీ20కి హరారే స్పోర్ట్స్‌ క్లబ్‌ వేదిక. ఇక మూడు మ్యాచ్‌ల సిరీస్‌ నుంచి ఓపెనర్‌ సంజూ శాంసన్‌ను పక్కనపెట్టిన యాజమాన్యం.. వైభవ్‌ సూర్యవంశీని మాత్రం కొనసాగించింది.అదే విధంగా.. పంజాబ్‌ కింగ్స్‌ ఆటగాడు ప్రభ్‌సిమ్రన్‌ సింగ్‌, హర్ష్‌ దూబే, ప్రిన్స్‌ యాదవ్‌, మయాంక్‌ యాదవ్‌ తదితర యువ ఆటగాళ్లకు అవకాశం ఇచ్చింది. అశోక్‌ శర్మ, యశ్‌ ఠాకూర్‌లను తొలిసారి జాతీయ జట్టుకు ఎంపిక చేసింది. అదే విధంగా.. రింకూ సింగ్‌ను కూడా తిరిగి పిలిపించింది.అభిషేక్‌ జోడీగా ఎవరు?ఈ నేపథ్యంలో జింబాబ్వేతో తొలి టీ20కి భారత తుదిజట్టు కూర్పు ఎలా ఉండబోతున్న అంశం ఆసక్తికరంగా మారింది. అభిషేక్‌ శర్మకు ఓపెనింగ్‌ జోడీగా.. చిచ్చర పిడుగు వైభవ్‌ సూర్యవంశీని ఆడిస్తారా? లేదంటే వైభవ్‌ను ఎంపిక చేస్తారా? అన్న చర్చ జరుగుతోంది. ఇంగ్లండ్‌ పర్యటనలో వైభవ్‌ 14, 13, 15 పరుగులు చేసి విఫలమయ్యాడు.అయితే, హరారే వేదికగా ఈ ఏడాది అండర్‌-19 వరల్డ్‌కప్‌ ఫైనల్లో ఇంగ్లండ్‌పై వైభవ్‌ సూర్యవంశీ 80 బంతుల్లోనే 175 పరుగులతో విధ్వంసం సృష్టించి.. జట్టును చాంపియన్‌గా నిలిపాడు. కానీ టీమిండియా తరఫున అరంగేట్రం తర్వాత మాత్రం అతడు అంచనాలు అందుకోలేకపోతున్నాడు.ప్రభ్‌సిమ్రన్‌ సింగ్‌కు అవకాశం ఉంటుందా?అదే సమయంలో గత కొన్నేళ్లుగా ఐపీఎల్‌లో నిలకడైన ప్రదర్శన కనబరుస్తున్న ప్రభ్‌సిమ్రన్‌ సింగ్‌.. ఈ ఏడాది కూడా 510 పరుగులతో ఆకట్టుకున్నాడు. ప్రస్తుత టీమిండియా టీ20 కెప్టెన్‌ శ్రేయస్‌ అయ్యర్‌ సారథ్యంలోనే పంజాబ్‌ తరఫున ప్రభ్‌సిమ్రన్‌ ఈ మేరకు రాణించాడు.నా జట్టు ఇదేఇలాంటి తరుణంలో భారత మాజీ క్రికెటర్‌ ఎస్‌. బద్రీనాథ్‌ తన తుదిజట్టులో ఓపెనర్‌గా వైభవ్‌ సూర్యవంశీకే పెద్దపీట వేశాడు. వన్‌డౌన్‌లో ఇషాన్‌ కిషన్‌, నాలుగో నంబర్‌లో కెప్టెన్‌ శ్రేయస్‌ అయ్యర్‌, ఐదో స్థానంలో వైస్‌ కెప్టెన్‌ తిలక్‌ వర్మను కొనసాగించిన బద్రీనాథ్‌.. ఆరు, ఏడు స్థానాల్లో ఆల్‌రౌండర్లు శివం దూబే, సూర్యాంశ్‌ షెడ్గేలను ఎంచుకున్నాడు. రింకూ సింగ్‌ను మాత్రం పక్కనపెట్టాడు.ఇక స్పిన్‌ విభాగంలో హర్ష్‌ దూబే, రవి బిష్ణోయి రూపంలో ఇద్దరిని ఎంపిక చేసిన బద్రీనాథ్‌.. పేస్‌ దళంలో ప్రిన్స్‌ యాదవ్‌, మయాంక్‌ యాదవ్‌లకు చోటిచ్చాడు.జింబాబ్వేతో తొలి టీ20కి బద్రీనాథ్‌ ఎంచుకున్న జట్టువైభవ్‌ సూర్యవంశీ, అభిషేక్‌ శర్మ, ఇషాన్‌ కిషన్‌ (వికెట్‌ కీపర్‌), శ్రేయస్‌ అయ్యర్‌ (కెప్టెన్‌), తిలక్‌ వర్మ, శివం దూబే, సూర్యాంశ్‌ షెడ్గే, హర్ష్‌ దూబే, రవి బిష్ణోయి, ప్రిన్స్‌ యాదవ్‌, మయాంక్‌ యాదవ్‌.చదవండి: ICC ODI WC 2027: దమ్ముంటే అతడిని తప్పించండి

భార‌త్‌-జింబాబ్వే మ‌ధ్య మూడు టీ20ల‌ సిరీస్‌లో భాగంగా తొలి మ్యాచ్ గురువారం హ‌రారే వేదిక‌గా జ‌ర‌గ‌నుంది. వ‌రుస సిరీస్‌ల ఓట‌ముల అనంత‌రం జింబాబ్వే ప‌ర్య‌ట‌న‌కు వెళ్లిన టీమిండియా.. తొలి మ్యాచ్‌లో గెలిచి శుభారంభం చేయాల‌ని భావిస్తోంది.ఈ మ్యాచ్‌కు ముందు భార‌త కెప్టెన్ శ్రేయ‌స్ అయ్య‌ర్ తన సహచరలకు కీల‌క సూచ‌న‌లు చేశాడు. ఇంగ్లండ్‌, ఐర్లాండ్ పర్యటనల్లో ఎదురైన పరాజయాలను పక్కనపెట్టి ఫియర్‌లెస్ క్రికెట్ ఆడాలని అయ్యర్ పిలుపునిచ్చాడు. "ఇంగ్లండ్, ఐర్లాండ్‌ పర్యనటనలలో మాకు అనుకూల ఫలితాలు రాలేదు. కానీ ఈ ఓటముల నుంచి ఎన్నో విషయాలు నేర్చుకున్నాం. భవిష్యత్తులో ఒక జట్టుగా మనం ఏ విషయాలపై దృష్టి పెట్టాలి, మైదానంలో పరిస్థితులకు తగ్గట్లుగా ఎలా మారాలి అనే విషయాలపై స్పష్టత వచ్చింది. నాతో పాటు జట్టులో చాలా మం‍ది ఆటగాళ్లకు ఇదే తొలి జింబాబ్వే పర్యటన.కాబట్టి ఇక్కడ కండీషన్స్‌కు ఎంత వేగంగా అలవాటుపడితే అంత మెరుగైన ఫలితాలు వస్తాయి. నేను మా బాయ్స్‌కు ఒక విష‌యం చెప్పాల‌నుకుంటున్నాను. బ‌య‌ట నుంచి విమ‌ర్శ‌ల‌ను ప‌ట్టించుకోవ‌ద్దు. కేవ‌లం మీ ఆట‌పైనే దృష్టి సారించి ఫియర్ లెస్ క్రికెట్ ఆడండి. మేము ఒక జట్టుగా సమిష్టిగా రాణించాల్సిన అవసరముంది. జింబాబ్వేను ఏ మాత్రం తేలికగా తీసుకోము. ప్రత్యర్ధి జట్టులో అద్భుతమైన ఆటగాళ్లు ఉన్నారు. వారిలో కొంతమందికి ఐపీఎల్‌లో ఆడిన అనుభవం కూడా ఉందని" ప్రీమ్యాచ్ కాన్ఫరెన్స్‌లో అయ్యర్ పేర్కొన్నాడు.అదేవిధంగా యువ సంచలనం వైభవ్ సూర్యవంశీ గురుంచి శ్రేయస్ మాట్లాడుతూ.. "ఇంగ్లండ్ సిరీస్ తర్వాత మా బాయ్స్‌కు తగినంత విరామం దొరికింది. దీంతో యువ ఆటగాళ్లంతా నెట్స్‌లో తీవ్రంగా శ్రమించారు. వైభవ్ కూడా ఎక్కడ తప్పు చేశాడో దాన్ని సరిదిద్దుకుని ఉంటాడు. అందుకే నేను అతడికి పెద్దగా సలహాలు ఇవ్వాల్సిన అవసరం లేదు" అని అన్నాడు.చదవండి: భార‌త్‌-జింబాబ్వే టీ20 సిరీస్‌ షెడ్యూల్‌.. జట్లు, లైవ్‌ స్ట్రీమింగ్‌ వివరాలు ఇవే

భార‌త్‌-జింబాబ్వే మ‌ధ్య మూడు మ్యాచ్‌ల టీ20 సిరీస్‌కు స‌మ‌యం అస‌న్న‌మైంది. జూలై 23 నుంచి హ‌రారే వేదిక‌గా ఈ సిరీస్ ప్రారంభం కానుంది. వ‌రుస‌గా ఐర్లాండ్‌, ఇంగ్లండ్ ప‌ర్య‌ట‌న‌లో ఘోర ప‌రాజ‌యాల‌ను చ‌విచూసిన భార‌త్‌.. ఈ సిరీస్‌తో తిరిగి విజయాల బాట పట్టాలని పట్టుదలతో ఉంది.ఇప్ప‌టికే జింబాబ్వే గ‌డ్డ‌పై అడుగుపెట్టిన శ్రేయ‌స్ సేన మూడు రోజుల పాటు నెట్స్‌లో తీవ్రంగా శ్ర‌మించింది. ఈ సిరీస్ భార‌త జ‌ట్టుతో పాటు వైభ‌వ్ సూర్య‌వంశీ, మ‌యాంక్ యాద‌వ్ వంటి యువ ఆట‌గాళ్ల‌కు ఎంతో కీల‌కం కానుంది. త‌న అరంగేట్ర సిరీస్‌లో విఫ‌ల‌మైన వైభ‌వ్‌.. ఇప్పుడు జింబాబ్వేపై ఎలా రాణిస్తాడోనని అందరూ అతృతగా ఎదురు చూస్తున్నారు. మరోవైపు ఛాన్నాళ్ల తర్వాత జట్టులోకి వచ్చిన యువ పేసర్‌ మయాంక్ యాదవ్‌పై కూడా అందరి కళ్లు ఉన్నాయి. అంతేకాకుండా ఇంగ్లండ్‌, ఐర్లాండ్ సిరీస్‌లలో విఫలమైన వికెట్ కీపర్ బ్యాటర్ ఇషాన్ కిషన్‌కు కూడా తన ఫామ్‌ను అందుకోవడానికి ఈ జింబాబ్వే పర్యటన ఎంతగానో ఉపయోగపడనుంది.మరోవైపు సొంతగడ్డపై వరుస విజయాలతో మంచి జోష్ మీద ఉన్న జింబాబ్వే.. టీమిండియాను అడ్డుకునేందుకు తమ ఆస్త్రశాస్రాలను సిద్దం చేసుకుంటుంది. ఈ నేప‌థ్యంలో ఈ సిరీస్ షెడ్యూల్‌, లైవ్ స్ట్రీమింగ్ త‌దిత‌ర విష‌యాల‌ను తెలుసుకుందాం.షెడ్యూల్‌ఈ సిరీస్‌లోని అన్ని మ్యాచ్‌లు హరారే స్పోర్ట్స్ క్లబ్ వేదికగానే జరగనున్నాయి.1వ టీ20- జూలై 23, 2026- గురువారం- సాయంత్రం 4:30- హరారే స్పోర్ట్స్ క్లబ్2వ టీ20- జూలై 25, 2026- శనివారం-సాయంత్రం 4:30- హరారే స్పోర్ట్స్ క్లబ్3వ టీ20-జూలై 26, 2026- ఆదివారం- సాయంత్రం 4:30- హరారే స్పోర్ట్స్ క్లబ్ఈ మ్యాచ్‌ల‌ను భారత్‌లో జీ ఎంటర్‌టైన్‌మెంట్‌కు చెందిన సరికొత్త స్పోర్ట్స్ ఛానెల్ Unite8 Sports లో వీక్షించ‌వ‌చ్చు. అదేవిధంగా ఫ్యాన్‌కోడ్‌ యాప్, వెబ్‌సైట్‌లో కూడా ఈ మ్యాచ్‌లను చూడవచ్చు.జట్లుభారత్‌శ్రేయస్ అయ్యర్ (కెప్టెన్), తిలక్ వర్మ (వైస్ కెప్టెన్), వైభవ్ సూర్యవంశీ, అభిషేక్ శర్మ, ఇషాన్ కిషన్ (వికెట్ కీపర్), శివమ్ దూబే, సూర్యాంశ్ షెడ్గే, రింకూ సింగ్, హర్ష్ దూబే, ప్రిన్స్ యాదవ్, యష్ ఠాకూర్, అశోక్ శర్మ, మయాంక్ యాదవ్, ప్రభ్‌సిమ్రాన్ సింగ్ (వికెట్ కీపర్), రవి బిష్ణోయ్. జింబాబ్వే సికిందర్ రజా (కెప్టెన్), బ్రియన్ బెన్నెట్, ర్యాన్ బర్ల్, తనకా చివాంగా, బెన్ కుర్రాన్, బ్రాడ్ ఎవాన్స్, వెస్లీ మాధెవెరె, తాడివనాషే మరుమాని, వెల్లింగ్టన్ మసకద్జా, బ్లెస్సింగ్ ముజారబాని, డియోన్ మైయర్స్, రిచర్డ్ న్గరావా, న్యూమాన్ నియామ్‌హురీ, మిల్టన్ షుంబా, తఫద్వా త్సిగా (వికెట్ కీపర్).

ఐర్లాండ్‌, ఇంగ్లండ్‌ చేతిలో వైట్‌వాష్‌ తర్వాత భారత టీ20 జట్టు జింబాబ్వే గడ్డపై అడుగుపెట్టింది. ఇరుజట్ల మధ్య మూడు మ్యాచ్‌ల సిరీస్‌లో భాగంగా గురువారం తొలి టీ20 నిర్వహణకు రంగం సిద్ధమైంది. ఇందుకు హరారే స్పోర్ట్స్‌ క్లబ్‌ వేదికగ.ఈ నేపథ్యంలో టీమిండియా టీ20 వైస్‌ కెప్టెన్‌ తిలక్‌ వర్మ కీలక వ్యాఖ్యలు చేశాడు. మొదటి బంతి నుంచే దూకుడుగా ఆడగల సత్తా తనకు ఉందని.. అయితే, పరిస్థితులకు తగ్గట్లుగానే తాను బ్యాటింగ్‌ చేస్తానని పేర్కొన్నాడు. వైస్‌ కెప్టెన్‌గా తనకంటూ కొన్ని బాధ్యతలు ఉంటాయని.. అందుకు అనుగుణంగానే వ్యవహరిస్తానంటూ విమర్శకులకు కౌంటర్‌ ఇచ్చాడు.తొలి ప్రయత్నంలోనే చేదు అనుభవాలుకాగా ఐర్లాండ్‌తో సిరీస్‌ సందర్భంగా శ్రేయస్‌ అయ్యర్‌ టీ20లలో ఇవ్వడంతో పాటు కెప్టెన్‌గా నియమితుడయ్యాడు. ఇక టీ20 ప్రపంచకప్‌ టోర్నీలో మంచి ప్రదర్శన కనబరిచిన తిలక్‌ వర్మకు వైస్‌ కెప్టెన్‌గా ప్రమోషన్‌ లభించింది. అయితే, ఐర్లాండ్‌తో పాటు ఇంగ్లండ్‌ చేతుల్లో టీమిండియా వరుసగా 2-0, 4-0తో క్లీన్‌స్వీప్‌ కావడంతో విమర్శలు వెల్లువెత్తాయి.బ్యాటర్‌గా శ్రేయస్‌ ఫర్వాలేదనిపించినా.. సారథిగా అతడికి చేదు అనుభవమే మిగిలింది. మరోవైపు.. తిలక్‌ వర్మ స్లోగా బ్యాటింగ్‌ చేస్తున్నాడనే విమర్శలు వచ్చాయి. ఐర్లాండ్‌తో సిరీస్‌లో అతడి స్ట్రైక్‌రేటు 110 కాగా.. ఇంగ్లండ్‌తో సిరీస్‌లో 152.94కు చేరినప్పటికీ సగటు 26 మాత్రమే.ఈ నేపథ్యంలో క్రిష్ణమాచారి శ్రీకాంత్‌ వంటి మాజీ క్రికెటర్లు తిలక్‌ వర్మను జట్టు నుంచే తొలగించాలనే డిమాండ్లు చేశారు. ఈ క్రమంలో జింబాబ్వేతో తొలి టీ20​కి ముందు తిలక్‌ వర్మ మాట్లాడుతూ.. ‘‘టీ20 ఫార్మాట్లో ఒక్కోసారి వేర్వేరు ఆటగాళ్లు వేర్వేరు స్థానాల్లో బ్యాటింగ్‌కు రావాల్సి ఉంటుంది.ఆ సత్తా నాకుంది.. కానీపిచ్‌ పరిస్థితులకు తగినట్లుగా ప్లాన్‌ ఉంటుంది. కాబట్టి ఏ స్థానంలోనైనా బ్యాటింగ్‌ చేసేందుకు సిద్ధంగా ఉండాలి. అంతిమంగా జట్టు ప్రయోజనాలే ముఖ్యం. ఒకవేళ ప్రణాళిక ప్రకారం.. తొలి బంతి నుంచే హిట్టింగ్‌ ఆడాలంటే నేను అదే పని చేస్తా. మొదటి బంతి నుంచే దూకుడుగా ఆడగల సత్తా నాకుంది. కానీ యూకే పిచ్‌ పరిస్థితుల్లో అది అంత సులువు కాదు. పైగా మ్యాచ్‌లో ఎలాంటి స్థితిలో ఉన్నామో కూడా చూసుకోవాలి.నేను బ్యాటింగ్‌కు వెళ్లేసరికి జట్టు పవర్‌ప్లేలోనే నాలుగైదు వికెట్లు కోల్పోతూ వచ్చింది. అలాంటప్పుడు వచ్చీ రాగానే షాట్లు ఆడటం సరైంది కాదు. పైగా వైస్‌ కెప్టెన్ అంటే నేను మరింత బాధ్యతగా ఆడాల్సి ఉంటుంది. అందుకే తొలి బంతి నుంచే దూకుడుగా ఆడేందుకు ఆలోచించాల్సి వచ్చింది. పోరాటపటిమ ఉన్న జట్టుగత రెండేళ్లుగా ఎక్కువగా ఆసియాలోని పిచ్‌లపైనే ఎక్కువ మ్యాచ్‌లు ఆడిన మేం ఇంగ్లండ్‌కు వెళ్లగానే ఇబ్బంది పడ్డాం’’ అని తిలక్‌ వర్మ తనను విమర్శించిన వారికి కౌంటర్‌ ఇచ్చాడు. అదే విధంగా.. జింబాబ్వే మంచి పోరాటపటిమ ఉన్న జట్టు అని ప్రశంసించిన తిలక్‌ వర్మ.. వారిని ఓడించడం కూడా అంత సులువేమీ కాదన్నాడు. చదవండి: టీమిండియాపై గెలవగలం: జింబాబ్వే కెప్టెన్‌

విదేశీ పర్యటనలో ఉన్న టీమిండియా వరుస పరాజయాలు చవిచూసింది. యూకే టూర్‌లో భాగంగా తొలుత ఐర్లాండ్‌తో టీ20 సిరీస్‌లో తలపడ్డ భారత జట్టు.. అనూహ్య రీతిలో పసికూన చేతిలో 2-0తో క్లీన్‌స్వీప్‌ అయింది. ఆ తర్వాత ఇంగ్లండ్‌ గడ్డ మీద అడుగుపెట్టి ఆతిథ్య జట్టు చేతిలో 4-0తో వైట్‌వాష్‌ అయింది.దీంతో యూకే పర్యటన‌తో భారత టీ20 జట్టు కెప్టెన్‌గా పగ్గాలు చేపట్టిన శ్రేయస్‌ అయ్యర్‌కు అత్యంత చేదు అనుభవమే మిగిలింది. విజయమన్నదే లేకుండా అతడు ఈ రెండు సిరీస్‌లను అవమానకర రీతిలో ముగించాల్సి వచ్చింది.ఇపుడు జింబాబ్వేతో సిరీస్‌అనంతరం.. ఇంగ్లండ్‌తో వన్డే సిరీస్‌లో శుబ్‌మన్‌ గిల్‌ సారథ్యంలోనూ టీమిండియా ఓటమిపాలైంది. ప్రత్యర్థికి 1-2తో సిరీస్‌ను సమర్పించుకుంది. ఇక ఇప్పుడు భారత జట్టు జింబాబ్వేలో అడుగుపెట్టింది. ఈ పర్యటనలో భాగంగా ఆతిథ్య జట్టుతో మూడు టీ20 మ్యాచ్‌లు ఆడనుంది.ఈ నేపథ్యంలో శ్రేయస్‌ అయ్యర్‌ బృందం ఎలాగైనా ఈసారి గెలుపు ఖాతా తెరిచి.. సిరీస్‌లో విజయం సాధించాలని పట్టుదలగా ఉంది. అయితే, అదేమీ అంత తేలిక కాదు. ఐరిష్‌ జట్టు వంటి పసికూన చేతిలో ఓడిన టీమిండియాకు.. జింబాబ్వే కూడా కఠిన సవాలు విసురుతోంది.అసాధారణ విజయాలుఇటీవలి కాలంలో ఆ జట్టు సాధించిన విజయాలే ఇందుకు నిదర్శనం. టీ20 ప్రపంచకప్‌-2026లో అనూహ్య రీతిలో మాజీ చాంపియన్‌, పటిష్ట ఆస్ట్రేలియా జట్టునే జింబాబ్వే మట్టికరిపించింది. ఏకంగా 23 పరుగుల తేడాతో ఓడించి గ్రూప్‌ దశలోనే ఆసీస్‌ను ఎలిమినేట్‌ చేసింది. ఆ తర్వాత శ్రీలంక, బంగ్లాదేశ్‌లపై కూడా విజయాలు సాధించింది.ఇక ఇటీవల బంగ్లాదేశ్‌ జట్టు తమ దేశంలో పర్యటించగా ఏకైక టెస్టులో బంగ్లాను ఏకంగా ఇన్నింగ్స్‌ 85 పరుగుల తేడాతో జింబాబ్వే మట్టికరిపించింది. ఆ తర్వాత వన్డే సిరీస్‌ను 2-1తో కైవసం చేసుకుంది. అయితే, టీ20 సిరీస్‌ను మాత్రం 1-2తో బంగ్లాకు కోల్పోయింది. ఏదేమైనా ఇటీవల అన్ని ఫార్మాట్లలో చెప్పుకోదగ్గ విజయాలతో జింబాబ్వే పూర్తి ఆత్మవిశ్వాసంతో బరిలోకి దిగుతోంది.టీమిండియా ఫేవరెట్‌ కాదుఈ నేపథ్యంలో తాజా టీ20 సిరీస్‌లో టీమిండియా హాట్‌ ఫేవరెట్‌ కదా అన్న ప్రశ్నకు జింబాబ్వే కెప్టెన్‌ సికిందర్‌ రజా ఇచ్చిన సమాధానం వైరల్‌గా మారింది. ‘‘అదేం లేదు. ఈ సిరీస్‌లో గెలిచేందుకు ఇరుజట్లకు సమాన అవకాశాలు ఉన్నాయి.ఏదేమైనా నేనొక విషయం కచ్చితంగా చెప్పగలను. జింబాబ్వే ఇటీవలి కాలంలో అత్యంత నిలకడగా ఆడుతూ క్రికెట్‌లోని అసలైన మజాను అందిస్తోంది. ఈ సిరీస్‌ ద్వారా కూడా జింబాబ్వే కావాల్సినంత వినోదాన్ని పంచుతుంది.వార్‌వన్‌ సైడ్‌ కానే కాదుప్రస్తుతం టీమిండియా సంధి దశలో ఉంది. జింబాబ్వే పరిస్థితి కూడా అంతే. కాబట్టి ఈ సిరీస్‌ ఎంతమాత్రం ఏకపక్షంగా ఉండబోదని చెప్పగలను’’ అని రజా పేర్కొన్నాడు. కాగా టీమిండియా- జింబాబ్వే మధ్య జూలై 23, 25, 26 తేదీల్లో మూడు టీ20 మ్యాచ్‌ల నిర్వహణకు షెడ్యూల్‌ ఖరారైంది. ఇందుకు హరారే స్పోర్ట్స్‌ క్లబ్‌ వేదిక. చదవండి: iND vs ENG: ప్రపంచంలోనే బెస్ట్‌.. అతడిని ఎందుకు ఆడించలేదు?Another exciting challenge awaits Team India! 🇮🇳Zimbabwe skipper Sikandar Raza is excited for the upcoming series against India and believes fans are in for an entertaining contest! 👊🔥#ZIMvIND pic.twitter.com/6iyXDzZbLn— Star Sports (@StarSportsIndia) July 21, 2026

ఇంగ్లండ్‌తో వన్డే సిరీస్‌లోనూ టీమిండియాకు భంగపాటే ఎదురైంది. తొలుత టీ20 సిరీస్‌లో ఆతిథ్య జట్టు చేతిలో 4-0 క్లీన్‌స్వీప్‌ అయిన భారత జట్టు.. ఆ తర్వాత వన్డే సిరీస్‌లో 2-1తో ఓడిపోయింది. తొలి వన్డేలో గెలిచిన గిల్‌ సేన.. ఆ తర్వాత రెండు వన్డేల్లోనూ ఓడిపోయింది.ఫిట్‌నెస్‌లేని ఆటగాళ్లకు గిల్‌ వార్నింగ్‌ముఖ్యంగా లార్డ్స్‌లో భారత బౌలర్ల వైఫల్యం కొట్టొచ్చినట్లు కనబడింది. ఇక జస్‌ప్రీత్‌ బుమ్రా గాయం వల్ల ఈ మ్యాచ్‌కు అందుబాటులో లేకుండా పోయాడు. అంతకుముందే ఆల్‌రౌండర్‌ వాషింగ్టన్‌ సుందర్‌ కూడా గాయపడి జట్టుకు దూరమయ్యాడు.ఇక ఈ సిరీస్‌ కంటే ముందే ఆల్‌రౌండర్లు హార్దిక్‌ పాండ్యా, నితీశ్‌ కుమార్‌ రెడ్డి కూడా గాయపడ్డారు. ఈ నేపథ్యంలో తరచూ గాయపడే ఆటగాళ్ల వల్ల తుదిజట్టు కూర్పు దెబ్బతింటోందని కెప్టెన్‌ శుబ్‌మన్‌ గిల్‌ అన్నాడు. వన్డే వరల్డ్‌కప్‌-2027లో వరుసగా ఏడు మ్యాచ్‌ల దాకా ఆడాల్సి ఉంటుందని.. అలాంటి కీలక సమయంలో వీరితో కష్టమేనంటూ అసంతృప్తి వ్యక్తం చేశాడు.తమ ఫిట్‌నెస్‌ ప్రమాణాలు మెరుగుపడితేనే అనుకున్న ఫలితాలు రాబట్టగలమని గిల్‌ గట్టిగానే వార్నింగ్‌ ఇచ్చాడు. ఇలాంటి తరుణంలో రాయల్‌ చాలెంజర్స్‌ బెంగళూరు మాజీ బ్యాటర్‌ అభినవ్‌ ముకుంద్‌ వరల్డ్‌కప్‌ జట్టును ఎంచుకున్నాడు.వారికే పెద్దపీటటాపార్డర్‌లో ఎలాంటి మార్పులు చేయని అభినవ్‌.. ఓపెనర్లుగా రోహిత్‌ శర్మ- కెప్టెన్‌ శుబ్‌మన్‌ గిల్‌ జోడీని వన్‌డౌన్‌లో విరాట్‌ కోహ్లిని కొనసాగించాడు. అయితే బ్యాకప్‌ ఓపెనర్‌గా యశస్వి జైస్వాల్‌కు మాత్రం చోటివ్వలేదు. ఇక వికెట్‌ కీపర్లుగా కేఎల్‌ రాహుల్‌, ఇషాన్‌ కిషన్‌లను ఎంచుకున్న అభినవ్‌.. మిడిలార్డర్‌లో వీరితో పాటు శ్రేయస్‌ అయ్యర్‌కు చోటిచ్చాడు.ఆల్‌రౌండర్ల కోటాలో హార్దిక్‌ పాండ్యా, అక్షర్‌ పటేల్‌, వాషింగ్టన్‌ సుందర్‌లను ఎంచుకున్న అభినవ్‌ ముకుంద్‌.. రవీంద్ర జడేజాను పక్కనపెట్టాడు. స్పెషలిస్టు స్పిన్నర్‌గా కుల్దీప్‌ యాదవ్‌కు స్థానమిచ్చిన అతడు.. వరుణ్‌ చక్రవర్తికి చోటివ్వలేదు.ఇక పేస్‌ విభాగంలో ప్రధాన పేసర్‌ జస్‌ప్రీత్‌ బుమ్రాతో పాటు మహ్మద్‌ సిరాజ్‌, ప్రసిద్‌ కృష్ణ, హర్షిత్‌ రాణా, గుర్నూర్‌ బ్రార్‌లకు చోటు ఇచ్చాడు. ప్రిన్స్‌ యాదవ్‌, మహ్మద్‌ షమీ, అర్ష్‌దీప్‌ సింగ్‌ పేర్లను అభినవ్‌ ముకుంద్‌ పరిగణనలోకి తీసుకోలేదు. వీళ్లు కూడా ఉండవచ్చుఅయితే, వరల్డ్‌కప్‌ టోర్నీకి ఇంకా సమయం ఉంది కాబట్టి.. నితీశ్‌ కుమార్‌ రెడ్డి, శివం దూబే, రుతురాజ్‌ గైక్వాడ్‌, యశ​స్వి జైస్వాల్‌, అర్ష్‌దీప్‌ సింగ్‌ ఆఖరి నిమిషంలో జట్టులోకి వచ్చినా అభినవ్‌ ఆశ్చర్యం లేదన్నాడు. కాగా వచ్చే ఏడాది సౌతాఫ్రికా- జింబాబ్వే- నమీబియా వేదికలుగా అక్టోబరు- నవంబరు మధ్య వన్డే వరల్డ్‌కప్‌ జరుగనుంది.వన్డే వరల్డ్‌కప్‌-2027 టోర్నీకి అభినవ్‌ ముకుంద్‌ ఎంచుకున్న భారత జట్టురోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, శ్రేయస్‌ అయ్యర్‌, కేఎల్‌ రాహుల్‌, ఇషాన్‌ కిషన్‌, హార్దిక్‌ పాండ్యా, అక్షర్‌ పటేల్‌, వాషింగ్టన్‌ సుందర్‌, కుల్దీప్‌ యాదవ్‌, హర్షిత్‌ రాణా, ప్రసిద్‌ కృష్ణ, జస్‌ప్రీత్‌ బుమ్రా, మహ్మద్‌ సిరాజ్‌, గుర్నూర్‌ బ్రార్‌.చదవండి: ఐపీఎల్‌ టూ ఇంగ్లండ్‌.. ఢిల్లీ ఆటగాడికి లక్కీ ఛాన్స్‌!

రోహిత్ శ‌ర్మ రిటైర్మెంట్‌పై సోష‌ల్ మీడియాలో ఊహాగానాలు వ‌చ్చిన నేప‌థ్యంలో బీసీసీఐ టీమిండియా ఆట‌గాళ్ల‌కు కీల‌క ఆదేశాలు జారీ చేసింది. మ్యాచ్‌లు ఉన్న స‌మ‌యంలో వీలైనంత మేర సోష‌ల్ మీడియాకు దూరంగా ఉండ‌డం మంచిద‌ని ఆట‌గాళ్ల‌కు బీసీసీఐ సూచించింది. శ‌నివారం లండ‌న్‌లోని భార‌త హైక‌మిష‌న్ నిర్వ‌హించిన ప్ర‌వాస భార‌తీయుల స‌న్మాన కార్య‌క్ర‌మంలో భాగంగా టీమిండియాతో జ‌రిగిన ఇంట‌రాక్టివ్ సెష‌న్‌లో బీసీసీఐ ఉపాధ్య‌క్షుడు రాజీవ్ శుక్లా ఈ వ్యాఖ్య‌లు చేశారు. ఈ కార్య‌క్ర‌మానికి టీమిండియా కెప్టెన్ శుబ్‌మ‌న్ గిల్, హెడ్ కోచ్ గంభీర్ సహా ఆట‌గాళ్లంతా హాజ‌ర‌య్యారు.99 శాతం అదే ధోరణిలో: రాజీవ్‌ శుక్లారాజీవ్ శుక్లా మాట్లాడుతూ..'భారతదేశంలో 99 శాతం మంది ప్రజలు తమను తాము క్రికెట్ నిపుణులుగా భావిస్తుంటారని, అందుకే మ్యాచ్‌ల‌కు ముందు ఆట‌గాళ్లు సోషల్ మీడియాకు వీలైనంత దూరంగా ఉండ‌డం మంచిద‌ని నా అభిప్రాయం. మన జట్టులో ప్రతిభకు కొదవలేదని, కేవలం ఆటపై దృష్టి పెట్ట‌డ‌మే ఆట‌గాళ్లు ముందున్న క‌ర్తవ్యం. అన‌వ‌స‌ర విష‌యాల‌ను ప‌ట్టించుకోవాల్సిన అవ‌స‌రం ఆట‌గాళ్ల‌కు లేదు.' అని చెప్పుకొచ్చారు.బయటి విషయాలు పట్టించుకోను: గిల్‌టీమిండియా కెప్టెన్ శుబ్‌మ‌న్ గిల్ మాట్లాడుతూ.. తన చేతిలో లేని బయటి అంశాల గురించి ఆలోచించకుండా, కేవలం తన ఆటపైనే దృష్టి పెట్టడం వల్ల ఎలాంటి ఒత్తిడినైనా సులభంగా అధిగమించగలనని ధీమా వ్యక్తం చేశాడు. ఇప్పటికే టీమిండియాలో క్యాంప్‌లో రోహిత్ శర్మ రిటైర్మెంట్ గురించి పుకార్లు షికార్లు చేస్తున్న వేళ గిల్ ఇలాంటి వ్యాఖ్యలు చేయడం గమనార్హం.ఇక గాయాల నుంచి కోలుకొని టీ20 కెప్టెన్‌గా ప్రమోషన్ పొందిన శ్రేయస్ అయ్యర్ తన పునరాగమన ప్రయాణాన్ని గుర్తుచేసుకున్నాడు. తాను ఆసుపత్రిలో ఉన్నప్పుడు సహచర ఆటగాళ్లు చేసిన ఫోన్ కాల్స్, వారు ఇచ్చిన మద్దతు తనలో ఎంతో స్ఫూర్తిని నింపాయని, అందుకే మరింత బలంగా జట్టులోకి తిరిగి రాగలిగానని అయ్యర్ భావోద్వేగంతో పేర్కొన్నాడు. చారిత్రక బంధం: గంభీర్‌ఇక టీమిండియా హెడ్ కోచ్ గౌతమ్ గంభీర్ మాట్లాడుతూ భారత్-బ్రిటన్ మధ్య ఉన్న చారిత్రక సంబంధాల వల్ల యూకే ఎప్పుడూ ఒక ప్రత్యేకమైన ప్రదేశమేనని అన్నారు. భారత క్రికెట్ అనేది కేవలం డ్రెస్సింగ్ రూమ్‌కే పరిమితం కాదని, జట్టును బేషరతుగా ప్రేమించే ప్రతి ఒక్క నిజాయితీ గల అభిమానికి చెందుతుందని గంభీర్ స్పష్టం చేశాడు. ఇక ఈ వేడుకకు ఆతిథ్యమిచ్చిన యూకేలోని భారత హైకమిషనర్ పి. కుమారన్, డిప్యూటీ హైకమిషనర్ కార్తీక్ పాండేలు టీమిండియాకు ఘన స్వాగతం పలికారు. ఇదే వారంలో అమల్లోకి వచ్చిన భారత్-యూకే సమగ్ర ఆర్థిక వాణిజ్య ఒప్పందం (CETA) వ్యాపారంతో పాటు క్రీడారంగానికి కూడా ఎన్నో కొత్త అవకాశాలను తెరుస్తుందని ఆశాభావం వ్యక్తం చేశారు. ఇన్నాళ్లూ టీమిండియా సాధించిన విజయాలు దేశానికి ఎంతో గర్వకారణమని వారు కొనియాడారు. ఇంగ్లండ్ పర్యటనలో భాగంగా లార్డ్స్ వేదికగా ఇవాళ చివరి వన్డే జరగనుంది. మూడు వన్డేల సిరీస్‌లో 1-1తో సమంగా ఉన్న ఇరుజట్లు ఈ మ్యాచ్‌లో విజయం సాధించి సిరీస్ గెలవాలనే పట్టుదలతో బరిలోకి దిగుతున్నాయి.

జింబాబ్వేతో టీ20 సిరీస్ ఆడేందుకు టీమిండియా శ‌నివారం రాత్రి భార‌త్ నుంచి బ‌య‌ల్దేరి వెళ్లింది. ఈ సిరీస్‌కు హెడ్‌కోచ్ గంభీర్‌కు విశ్రాంతినివ్వ‌డంతో అత‌డి స్థానంలో జ‌ట్టు మెంటార్‌గా వీవీఎస్ ల‌క్ష్మ‌ణ్ వ్య‌వ‌హ‌రించ‌నున్నాడు. ఈ నేప‌థ్యంలో శ‌నివారం రాత్రి వీవీఎస్ ల‌క్ష్మ‌ణ్ స‌హా తిల‌క్ వ‌ర్మ‌, వైభ‌వ్ సూర్య‌వంశీ, అభిషేక్ శ‌ర్మ ఇత‌ర క్రికెట‌ర్లు జింబాబ్వే టూర్‌కు వెళ్తున్న ఫొటోల‌ను బీసీసీఐ పంచుకుంది. ఇంగ్లండ్ టూర్‌లో ఇవాళ చివ‌రి వ‌న్డే ఆడిన అనంత‌రం టీ20 కెప్టెన్‌ శ్రేయ‌స్ అయ్య‌ర్‌, ఇషాన్ కిష‌న్‌, శివ‌మ్ దూబేలు నేరుగా జింబాబ్వేకు ప‌య‌నం కానున్నారు. సూర్యకుమార్ యాద‌వ్ స్థానంలో టీ20 కెప్టెన్‌గా ఎంపికైన శ్రేయ‌స్ అయ్య‌ర్ సార‌థ్యంలోని టీమిండియా.. ఐర్లాండ్‌, ఇంగ్లండ్‌ల‌తో జ‌రిగిన టీ20 సిరీస్‌ల్లో ఓట‌మిపాలైంది. త‌న కెప్టెన్సీలో శ్రేయ‌స్ ఒక్క మ్యాచ్ కూడా గెలవ‌క‌పోవ‌డంతో జింబాబ్వే సిరీస్ అత‌డికి కీల‌కం కానుంది. జింబాబ్వే టూర్‌లో టీమిండియానే ఫెవ‌రెట్‌గా క‌నిపిస్తున్న‌ప్ప‌టికీ ఆతిథ్య జ‌ట్టును త‌క్కువ అంచ‌నా వేయ‌డానికి వీల్లేదు. ఇరుజ‌ట్ల మ‌ధ్య మూడు మ్యాచ్‌ల టీ20 సిరీస్‌లో జూలై 23 నుంచి మొద‌లుకానుంది. తొలి టీ20 జూలై 23న హ‌రారే వేదిక‌గా సాయంత్రం 4.30 గంటలకు జ‌ర‌గ‌నుంది. 2024 జూలైలో చివ‌ర‌గా జింబాబ్వేలో ప‌ర్య‌టించిన భారత్ ఐదు మ్యాచ్‌ల టీ20 సిరీస్‌ను 4-1తో కైవ‌సం చేసుకుంది.ఇక ఈ సిరీస్‌కు సంజూ శాంసన్‌ను పక్కకు తప్పించారు. రింకూ సింగ్‌, మయాంక్‌ యాదవ్‌లతో పాటు ప్రబ్‌సిమ్రన్‌లను జింబాబ్వే టూర్‌కు ఎంపిక చేసింది.జింబాబ్వే టూర్‌కు టీమిండియా: శ్రేయ‌స్ అయ్యర్ (కెప్టెన్), తిలక్ వర్మ, వైభవ్ సూర్యవంశీ, అభిషేక్ శర్మ, ఇషాన్ కిషన్ (WK), శివమ్ దూబే, సూర్యాంశ్ షెడ్గే, రింకూ సింగ్, హర్ష్ దూబే, రవి బిష్ణోయ్, ప్రిన్స్ యాదవ్, యాష్ ఠాకూర్‌, అశోక్‌ శర్మ, ప్రబ్‌సిమ్ర‌న్‌, మ‌యాంక్ యాద‌వ్‌.𝙀𝙣 𝙧𝙤𝙪𝙩𝙚 𝙩𝙤 𝙕𝙞𝙢𝙗𝙖𝙗𝙬𝙚 🇿🇼#TeamIndia | #ZIMvIND pic.twitter.com/akRFqycwXC— BCCI (@BCCI) July 18, 2026చదవండి: రిటైర్మెంట్ ఊహాగానాల‌పై రోహిత్ తొలి స్పంద‌న‌!

కార్డిఫ్‌ వేదికగా ఇంగ్లండ్‌తో జరుగుతున్న రెండో వన్డేలో టాస్‌ ఓడి తొలుత బ్యాటింగ్‌ చేసిన భారత్‌ 44 ఓవర్లలో 233 పరుగులకే ఆలౌటైంది. విరాట్‌ కోహ్లి (65), శ్రేయస్‌ అయ్యర్‌ (66) రాణించడంతో భారత్‌ ఈమాత్రం స్కోరైనా చేయగలిగింది. ఓ దశలో (178-3) భారీ స్కోర్‌ చేసేలా కనిపించిన భారత్‌.. విరాట్‌ కోహ్లి ఔటయ్యాక వరుసగా వికెట్లు కోల్పోయింది. శ్రేయస్‌ క్రీజ్‌లో పాతుకుపోయినప్పటికీ.. అతడికి ఎవరు పెద్దగా సహకరించలేదు. ఆఖర్లో బుమ్రా (20 నాటౌట్‌) బ్యాట్‌ ఝులిపించడంతో భారత్‌ 230 పరుగుల మార్కును తాకగలిగింది. అట్కిన్సన్‌ వేసిన ఇన్నింగ్స్‌ 43వ ఓవర్‌లో బుమ్రా 3 ఫోర్లు, ఓ సిక్సర్‌ బాదాడు.అంతకుముందు భారత ఇన్నింగ్స్‌ను రోహిత్‌ శర్మ (26), శుభ్‌మన్‌ గిల్‌ (31) ఓ మోస్తరు ఆరంభాన్ని అందించారు. ఈ మ్యాచ్‌లో కేఎల్‌ రాహుల్‌ స్థానంలో ఆడుతున్న ఇషాన్‌ కిషన్‌ ఒక్క పరుగుకే ఔటై నిరాశపరిచారు. గత మ్యాచ్‌లో అద్భుత అర్ద శతకాలతో సత్తా చాటిన వాషింగ్టన్‌ సుందర్‌ (2), అక్షర్‌ పటేల్‌ (1) ఈ మ్యాచ్‌లో చేతెల్తేశారు. విధ్వంసకర ఆటగాడు శివమ్‌ దూబే ఎదుర్కొన్న తొలి బంతికే ఔటయ్యారు. జోఫ్రా ఆర్చర్‌ వరుస బంతుల్లో అక్షర్‌, దూబేలను ఔట్‌ చేశాడు. ఆతర్వాత కొద్ది సేపటికే గుర్నూర్‌ బ్రార్‌ 7 పరుగుల వద్ద ఔటయ్యాడు. శ్రేయస్‌ అయ్యర్‌ తొమ్మిదో వికెట్‌గా వెనుదిరిగాడు. ప్రసిద్ద్‌ కృష్ణ (0) ఆఖరి వికెట్‌గా వెనుదిరిగాడు.ఇంగ్లండ్‌ బౌలర్లలో జోఫ్రా ఆర్చర్‌, అట్కిన్సన్‌ తలో 3 వికెట్లతో సత్తా చాటగా.. సాకిబ్‌ మహమూద్‌ 2, సామ్‌ కర్రన్‌, విల్‌ జాక్స్‌ చెరో వికెట్‌ తీశారు. కాగా, 3 మ్యాచ్‌ల ఈ సిరీస్‌లో భారత్‌ తొలి వన్డే గెలిచి 1-0 ఆధిక్యంలో కొనసాగుతున్న విషయం తెలిసిందే.

టీ20 ప్రపంచకప్‌-2026లో టీమిండియాను చాంపియన్‌గా నిలిపిన కెప్టెన్‌ సూర్యకుమార్‌ యాదవ్‌. కానీ ఈ మెగా టోర్నీ తర్వాత జట్టు ఆడిన తొలి సిరీస్‌లోనే ఈ మిస్టర్‌ 360 డిగ్రీ ప్లేయర్‌పై వేటు పడింది. అజిత్‌ అగార్కర్‌ నేతృత్వంలోని సెలక్షన్‌ కమిటీ.. కెప్టెన్‌గా తప్పించడమే కాకుండా.. జట్టులోనే అతడికి స్థానం లేకుండా చేసింది.గత ఏడాదిన్నర కారణంగా బ్యాటర్‌గా సూర్యకుమార్‌ వ్యక్తిగత వైఫల్యలే ఇందుకు కారణం. ఈ నేపథ్యంలో సూర్య స్థానంలో శ్రేయస్‌ అయ్యర్‌కు సారథ్య బాధ్యతలు అప్పగించిన యాజమాన్యం.. చిచ్చర పిడుగు, పదిహేనేళ్ల వైభవ్‌ సూర్యవంశీని జాతీయ జట్టుకు ఎంపిక చేసింది.ఘోర పరాభవం!అయితే, అయ్యర్‌ కెప్టెన్సీలో తొలి సిరీస్‌లోనే భారత్‌కు ఘోర పరాభవం ఎదురైంది. పసికూన ఐర్లాండ్‌ చేతిలో టీ20 సిరీస్‌లో 2-0తో టీమిండియా వైట్‌వాష్‌కు గురైంది. ఇక ఇంగ్లండ్‌ చేతిలోనూ 4-0తో క్లీన్‌స్వీప్‌ అయింది. దీంతో తాజా యూకే టూర్‌ భారత క్రికెట్‌ చరిత్రలోనే మాయని మచ్చగా మిగిలిపోయింది.ఈ నేపథ్యంలో సూర్యను గుర్తు చేసుకుంటూ అభిమానులు పోస్టులు పెడుతున్నారు. అతడిని కొనసాగించి ఉంటే పరిస్థితి వేరేలా ఉండేదేమోనని అభిప్రాయపడుతున్నారు. ఇలాంటి తరుణంలో టైమ్స్‌ ఆఫ్‌ ఇండియా జర్నలిస్టు కరిష్మా సింగ్‌ సోషల్‌ మీడియా వేదికగా కీలక వ్యాఖ్యలు చేశారు.బీసీసీఐ గ్రీన్‌ సిగ్నల్‌!.. కానీ ఓ కండిషన్‌!సూర్యకు టీమిండియా తలుపులు శాశ్వతంగా ఏమీ మూసుకుపోలేదన్నారు. అతడు త్వరలోనే తిరిగి భారత టీ20 జట్టులోకి వచ్చే అవకాశం ఉందని ఆమె పేర్కొన్నారు. అయితే, అందుకోసం సూర్య దేశవాళీ క్రికెట్‌లో ముంబై తరఫున.. అదే విధంగా ఐపీఎల్‌లో ముంబై ఇండియన్స్‌ తరఫునా కచ్చితంగా రాణించాల్సి ఉంటుందని కరిష్మా చెప్పుకొచ్చారు.అగార్కర్‌ నేతృత్వంలోని సెలక్షన్‌ కమిటీ.. సూర్యకు మరో అవకాశం ఇచ్చేందుకు సిద్ధంగానే ఉందని విశ్వసనీయ వర్గాలు పేర్కొన్నట్లు కరిష్మా తెలిపారు. బంతి ఇప్పుడు సూర్య కోర్టులోనే ఉందన్నారు. దేశీ క్రికెట్‌లో రాణిస్తే తప్పక అతడు తిరిగి టీమిండియాలో అడుగుపెడతారని జోస్యం చెప్పారు. కాగా మాజీ ఆటగాళ్లు యువరాజ్‌ సింగ్‌, దినేశ్‌ కార్తిక్‌ తదితరులు కొన్నాళ్లపాటు జాతీయ జట్టుకు దూరమైనా.. దేశీ క్రికెట్‌లో సత్తా చాటి తిరిగి జట్టులో స్థానం సంపాదించిన సంగతి తెలిసిందే.చదవండి: ఇంగ్లండ్‌తో తొలి వన్డేకు భారత జట్టు ఇదే!

టీమిండియాపై తీవ్ర స్థాయిలో విమర్శలు వెల్లువెత్తుతున్నాయి. ఐర్లాండ్‌, ఇంగ్లండ్‌లతో టీ20 సిరీస్‌లలో క్లీన్‌స్వీప్‌ కావడమే ఇందుకు కారణం. తొలుత ఐర్లాండ్‌ చేతిలో 2-0తో వైట్‌వాష్‌ గురైన శ్రేయస్‌ అయ్యర్‌ సేన.. ఆ తర్వాత ఇంగ్లండ్‌ సిరీస్‌నూ విజయమన్నదే లేకుండా ముగించింది. ఇంగ్లిష్‌ జట్టు చేతిలో 4-0తో క్లీన్‌స్వీప్‌ అయింది.ఈ నేపథ్యంలో టీమిండియా యాజమాన్యంపై తీవ్ర స్థాయిలో విమర్శలు వస్తున్నాయి. ముఖ్యంగా వైభవ్‌ సూర్యవంశీ కోసం వరల్డ్‌కప్‌ హీరో సంజూ శాంసన్‌ను పక్కనపెట్టడాన్ని పలువురు మాజీ క్రికెటర్లు ప్రశ్నిస్తున్నారు. కాగా సంజూ ఐర్లాండ్‌తో రెండు టీ20లు (5, 0).. అదే విధంగా ఇంగ్లండ్‌తో తొలి టీ20 (1)లో విఫలమయ్యాడు.ఈ క్రమంలోనే సంజూను తప్పించి.. అతడి స్థానంలో ఓపెనర్‌గా వైభవ్‌ సూర్యవంశీ రెండో టీ20తో అరంగేట్రం చేశాడు. అయితే, వరుసగా మూడు మ్యాచ్‌లు ఆడిన వైభవ్‌.. 13, 14, 15 పరుగులు చేశాడు. అంతేగాక వైభవ్‌ రాకతో టాపార్డర్‌లో ముగ్గురూ (ఓపెనర్లు అభిషేక్‌ శర్మ, వైభవ్‌.. వన్‌డౌన్‌ బ్యాటర్‌ ఇషాన్‌ కిషన్‌) లెఫ్టాండర్లే అయ్యారు.ఈ నేపథ్యంలో నామమాత్రపు ఐదో టీ20లో మాత్రం వైభవ్‌ సూర్యవంశీని తప్పించి.. సంజూ శాంసన్‌ను తిరిగి తీసుకువచ్చారు. ఈ విషయంపై ఓటమి అనంతరం కెప్టెన్‌ శ్రేయస్‌ అయ్యర్‌ వివరణ ఇచ్చాడు. మీడియాతో మాట్లాడుతూ..‘‘సౌతాంప్టన్‌ పిచ్‌ పరిస్థితికి తగ్గట్లు మేము అత్యుత్తమ ఓపెనింగ్‌ కాంబినేషన్‌తో ముందుకు వెళ్లాలని అనుకున్నాము. అభిషేక్‌ శర్మతో కలిసి కుడిచేతి వాటం బ్యాటర్‌తో ఓపెనింగ్‌ చేయించాలని ఫిక్స్‌ అయ్యాము. అందుకే వైభవ్‌ను తప్పించాము. ఈ మ్యాచ్‌కు ఇలా చేయడమే సరైన నిర్ణయం. సంజూ గన్‌ బ్యాటర్‌. గతంలో ఒంటిచేత్తో ఎన్నో సిరీస్‌లు గెలిపించాడు’’ అని శ్రేయస్‌ అయ్యర్‌ పేర్కొన్నాడు. కాగా ఐదో టీ20లో సంజూ 27 పరుగులు చేయగా.. అభిషేక్‌ 3 రన్స్‌ చేసి వెనుదిరిగాడు. ఈ మ్యాచ్‌లో ఇంగ్లండ్‌ మూడు వికెట్ల నష్టానికి 257 పరుగులు చేయగా.. టీమిండియా 201 పరుగులకే కుప్పకూలింది.

సొంతగడ్డపై టీ20 ప్రపంచకప్‌-2026 విజేతగా నిలిచిన టీమిండియాకు.. విదేశీ గడ్డ మీద ఘోర పరాభవం ఎదురైంది. మెగా టోర్నీలో విజేతగా నిలిచిన తర్వాత తొలి ప్రయత్నంగా ఐర్లాండ్‌తో తలపడ్డ భారత్‌ ఊహించని రీతిలో.. ఆతిథ్య జట్టు చేతిలో 2-0తో క్లీన్‌స్వీప్‌నకు గురైంది.శ్రేయస్‌ అయ్యర్‌కు చేదు అనుభవంఆ తర్వాత ఇంగ్లండ్‌ చేతిలో 4-0తో వైట్‌వాష్‌ అయింది. దీంతో టీమిండియా టీ20 కెప్టెన్‌గా ప్రయాణం మొదలుపెట్టిన శ్రేయస్‌ అయ్యర్‌కు తొలి ప్రయత్నంలోనే అత్యంత చేదు అనుభవం మిగిలింది. ఈ రెండు టీ20 సిరీస్‌లలో భారత్‌ క్లీన్‌స్వీప్‌ కావడంతో అతడి కెప్టెన్సీపై విమర్శలు వెల్లువెత్తుతున్నాయి.ఈజీ ఆప్షన్‌ అదే!అదే సమయంలో హెడ్‌కోచ్‌ గౌతం గంభీర్‌పైనా మాజీ క్రికెటర్లు మండిపడుతున్నారు. ఈ నేపథ్యంలో భారత మాజీ క్రికెటర్‌, ప్రముఖ కామెంటేటర్‌ సంజయ్‌ మంజ్రేకర్‌ కీలక వ్యాఖ్యలు చేశాడు. ‘‘ఈ రెండు సిరీస్‌లలో టీమిండియా ఘోర ఓటమి నేపథ్యంలో గౌతం గంభీర్‌, కెప్టెన్‌ శ్రేయస్‌ అయ్యర్‌ను తొలగించడమనేది అత్యంత సులువైన ఆప్షన్‌.అయితే, ఆ విషయం పక్కనపెట్టి భారత జట్టు ఓటమికి అసలు కారణాలు ఏమిటో ముందు విశ్లేషించండి. నిజానికి ఐర్లాండ్‌, ఇంగ్లండ్‌.. అంటే విదేశీ గడ్డ మీద ఈ మ్యాచ్‌లు జరగడమే భారత్‌ ఓటమికి ప్రధాన కారణం.వికెట్‌ ఇలా ఉంది కాబట్టే మన బ్యాటర్లు విదేశీ పిచ్‌ల మీద ఆడేందుకు ఏమాత్రం సన్నద్ధం కాలేదు. ఎందుకంటే.. మన సెలక్టర్లు కేవలం ఐపీఎల్‌ ప్రదర్శన ఆధారంగా వీరిని విదేశీ టూర్‌కు ఎంపిక చేశారు. ఐపీఎల్‌ మన బ్యాటర్లకు ఓ కవచం వంటిది. ఇక్కడ రాణిస్తే చాలు జాతీయ జట్టులోకి వచ్చేస్తామనే నమ్మకం కుదిరింది.అయితే, ఐపీఎల్‌ రూపొందించినటువంటి ఫ్లాట్‌ పిచ్‌లను నేను జీవితంలో ఇంత వరకు చూడనేలేదు. వికెట్‌ ఇలా ఉంది కాబట్టే మన బ్యాటర్లు.. ముఖ్యంగా టాపార్డర్‌లో వచ్చిన వాళ్లు మంచినీళ్ల ప్రాయంగా పరుగులు రాబడుతున్నారు.మరి విదేశాల్లో వికెట్లు ఇలా ఉండవు కదా. అక్కడ మార్బుల్‌ షీట్‌పై బ్యాటింగ్‌ చేయడం కుదరదు. ఇలాంటపుడే సెలక్టర్లు మరింత తెలివిగా ఆలోచించాల్సింది. ఐర్లాండ్‌, ఇంగ్లండ్‌ గడ్డ మీద రాణించిన శుబ్‌మన్‌ గిల్‌ వంటి ఆటగాళ్లను సెలక్ట్‌ చేయాల్సింది.దిక్కుమాలిన ఐడియా ఇచ్చిన వారిపైనే వేటుఈ పరాజయాల నేపథ్యంలో లోతుగా విచారణ, విశ్లేషణ జరపాలి. బ్యాటింగ్‌కు అనుకూలమైన పిచ్‌లు రూపొందించమని బీసీసీఐకి సలహా ఇచ్చిన వారిని ముందుగా తొలగించాలి. ఐపీఎల్‌ను మరింత పాపులర్‌ చేయాలని.. వాణిజ్యపరంగా లాభాలు పొందాలని చూస్తే పరిస్థితులు ఇలాగే దిగజారిపోతాయి’’ అని సంజయ్‌ మంజ్రేకర్‌ ఘాటు వ్యాఖ్యలు చేశాడు. కాగా వరుస సిరీస్‌లలో వైట్‌వాష్‌ నేపథ్యంలో టీమిండియా ఐసీసీ ర్యాంకింగ్స్‌లో అగ్రస్థానాన్ని ఇంగ్లండ్‌కు కోల్పోయింది.చదవండి: ఇంగ్లండ్‌ టెస్టు జట్టు హెడ్‌కోచ్‌గా ద్రవిడ్‌?

నాలుగు నెల‌ల కిందట జ‌రిగిన టీ20 ప్ర‌పంచ‌క‌ప్‌ను మూడోసారి కైవ‌సం చేసుకొని నంబ‌ర్‌వ‌న్ స్థానాన్ని అధిరోహించిన టీమిండియా తాజాగా ఇంగ్లండ్‌తో టీ20 సిరీస్ ఓటమితో ఆ స్థానాన్ని కోల్పోయింది. ఐదు మ్యాచ్‌ల టీ20 సిరీస్‌ను 0-4తో ఇంగ్లండ్‌కు అప్ప‌గించి దారుణ ప‌రాజ‌యం మూట‌గ‌ట్టుకున్న‌ భార‌త జ‌ట్టు సిరీస్‌తో పాటు నంబ‌ర్‌వ‌న్ స్థానాన్ని కూడా ఇంగ్లండ్‌కు అప్ప‌గించేసింది. 1605 రోజుల తర్వాత టీమిండియా టీ20 ర్యాంకింగ్స్‌లో నంబర్‌వన్‌ స్థానాన్ని కోల్పోవడం గమనార్హం.పాయింట్ల ప‌రంగా మార్పు లేన‌ప్ప‌టికీ మ్యాచ్‌ల ప‌రంగా తేడా ఉండ‌డంతో ఇంగ్లండ్ తొలి స్థానాన్ని ఆక్ర‌మించింది. రెండో స్థానంలో భార‌త్ (268 పాయింట్లు), మూడో స్థానంలో ఆస్ట్రేలియా (260 పాయింట్లు) కొన‌సాగుతున్నాయి. గ‌త నాలుగేళ్ల‌లో నంబ‌ర్‌వ‌న్ ర్యాంకు కోల్పోవ‌డంతో పాటు రెండు వ‌రుస టీ20 సిరీస్‌లు ఓడ‌డం కూడా టీమిండియాకు ఇదే తొలిసారి కావ‌డం గ‌మనార్హం. ఈ నేప‌థ్యంలోనే ఇంగ్లండ్‌తో టీ20 సిరీస్ ఓట‌మి ద్వారా ప‌లు చెత్త రికార్డుల‌ను కూడా భార‌త్ త‌న పేరిట లిఖించుకుంది.👉టీమిండియాకు ప‌రుగుల ప‌రంగా (56 ప‌రుగులు) ఇది నాలుగో అతిపెద్ద ఓట‌మి. గ‌తంలో 2026లో ఇంగ్లండ్ చేతిలోనే 125 ప‌రుగుల తేడాతో ఓట‌మిపాలైంది. 2091లో న్యూజిలాండ్ చేతిలో 80 ప‌రుగులు, 2026లో సౌతాఫ్రికా చేతిలో 76 ప‌రుగుల తేడాతో ఓట‌మి చ‌విచూసింది.👉ఇంగ్లండ్‌తో టీ20 సిరీస్‌లో టీమిండియా నాలుగు మ్యాచ్‌లు ఓడ‌డం ద్వారా ఒక సిరీస్‌లో అత్య‌ధిక ఓట‌ములు చ‌విచూసిన‌ట్ల‌యింది. గ‌తంలో 2009 మ‌హిళ‌ల ప్ర‌పంచ‌క‌ప్‌లో మూడు ఓట‌ములు, 2010 మ‌హిళ‌ల ప్ర‌పంచ‌క‌ప్‌లో మూడు ఓట‌ములు, 2023 వెస్టిండీస్‌తో జ‌రిగిన టీ20 సిరీస్‌లో మూడు ఓట‌ములు చ‌విచూసింది.👉కెప్టెన్‌గా తొలి ఏడు టీ20 మ్యాచ్‌ల్లో గెలుపు లేని ఆట‌గాళ్ల జాబితాలో శ్రేయ‌స్ అయ్య‌ర్ చోటు సంపాదించాడు. గ‌తంలో బ్రెండ‌న్ టేల‌ర్ (జింబాబ్వే), ఎల్ట‌న్ చిగుంబ‌రా (జింబాబ్వే), తిసారా పెరీరా (శ్రీలంక‌) ఈ ఫీట్ సాధించారు. ఇక భార‌త కెప్టెన్ల‌లో రెండు వ‌రుస టీ20 సిరీస్‌ల‌తో పాటు ఏడు మ్యాచ్‌ల్లో గెలుపు రుచి చూడ‌ని తొలి కెప్టెన్‌గా శ్రేయ‌స్ అయ్య‌ర్ చెత్త రికార్డు న‌మోదు చేశాడు.👉 భారత క్రికెటర్‌ ప్రిన్స్‌ యాదవ్‌ ఒక చెత్త రికార్డు తన పేరిట లిఖించుకున్నాడు. అంబ‌టి రాయుడు త‌ర్వాత తాను ఆడిన మొద‌టి నాలుగు మ్యాచ్‌ల్లోనూ ప్రిన్స్ యాద‌వ్ ఓట‌మి చ‌విచూడ‌డం గ‌మ‌నార్హం. 🚨 INDIA’S REIGN AS THE NO.1 RANKED T20I TEAM IS OVER AFTER 1,605 DAYS. 🚨 pic.twitter.com/LOr51llcdt— Mufaddal Vohra (@mufaddal_vohra) July 11, 2026చదవండి: 'ఇది మాకు గుణ‌పాఠం.. ఓట‌మికి కారణం అదే'

ఐర్లాండ్ టూర్‌లో 0-2తో క్లీన్‌స్వీప్ అయిన‌ టీమిండియా ఇంగ్లండ్ టూర్‌లోనూ అదే కంటిన్యూ చేసింది. ఐదు మ్యాచ్‌ల టీ20 సిరీస్‌ను 0-4తో ఇంగ్లండ్‌కు అప్ప‌జెప్పి దారుణ ఓట‌మిని మూట‌గ‌ట్టుకుంది. శ‌నివారం రాత్రి జ‌రిగిన ఐదో టీ20 మ్యాచ్‌లో ఇంగ్లండ్ 56 ప‌రుగుల తేడాతో భార‌త్‌ను ఓడించింది. సూర్య‌కుమార్ యాద‌వ్ స్థానంలో టీమిండియా టీ20 కెప్టెన్‌గా బాధ్య‌త‌లు చేప‌ట్టిన శ్రేయ‌స్ అయ్య‌ర్‌కు ఇది వ‌రుస‌గా ఏడు మ్యాచ్‌ల్లో ఆరో ఓట‌మి (ఒక మ్యాచ్ వ‌ర్షంతో ర‌ద్దు) కావ‌డం గ‌మ‌నార్హం. ఏడు మ్యాచ్‌లుగా గెలుపు మొహం చూడ‌ని శ్రేయ‌స్ అయ్యర్‌ టీమిండియా త‌ర‌ఫున‌ అత్యంత చెత్త కెప్టెన్‌గా రికార్డుల‌కెక్కాడు. మ్యాచ్ ఓట‌మి అనంత‌రం మాట్లాడిన శ్రేయ‌స్ అయ్య‌ర్‌.. ఇంగ్లండ్‌తో సిరీస్ ఓట‌మి త‌మకు ఒక గుణ‌పాఠం లాంటిద‌ని పేర్కొన్నాడు. బ్యాటింగ్‌లో రాణించిన‌ప్పటికీ పేల‌వ ఫీల్డింగ్‌తో పాటు నాణ్య‌త లేని బౌలింగ్ జ‌ట్టు ఓట‌మికి ప్ర‌ధాన కార‌ణాలుగా నిలిచాయ‌ని తెలిపాడు. అయ్య‌ర్ మాట్లాడుతూ.. 'నిజాయితీగా చెప్పాలంటే ఇంకా మేము నేర్చుకోవాల్సింది చాలా ఉంది. ఇంగ్లండ్ ప‌రిస్థితుల‌కు ఇప్పుడిప్పుడే అల‌వాటు ప‌డుతున్నాం. ఐదు మ్యాచ్‌ల సిరీస్‌లో మేము ఆడిన ప్ర‌తి మైదానంతో పోలిస్తే మేము ఆడిన వికెట్ల‌లో ఇదే బ‌హుశా అత్యుత్త‌మ‌మైన‌ది కావొచ్చు. మ్యాచ్ మ్యాచ్‌కు ప‌రిస్థితులు మారిపోతున్నాయి. తొలుత ఇంగ్లండ్ గ‌డ్డ‌పై బ్యాటింగ్ చేయ‌డానికే చాలా క‌ష్ట‌ప‌డ్డాం. కానీ ఇవాళ్టి మ్యాచ్‌లో బ్యాటింగ్‌లో చాలా మెరుగ‌య్యామ‌నిపించింది. ప్రొఫెష‌న‌ల్ ఆట‌లో ఓట‌ములు స‌హజమే. కానీ ఈ సిరీస్ ఓట‌మి మాకు గుణ‌పాఠం లాంటిది. మ్యాచ్‌లు గెల‌వ‌డంలో ఫీల్డింగ్ కూడా కీల‌క‌పాత్ర పోషిస్తుంది. నేటి మ్యాచ్‌లో మూడు క్యాచ్‌లు జార‌విడ‌వ‌డంతో పాటు పేల‌వంగా ఫీల్డింగ్ చేశాము. 200-210 ప‌రుగుల టార్గెట్‌ను ఈ గ్రౌండ్‌లో ఈజీగా ఛేదించ‌వ‌చ్చు. 200 నుంచి 225 ప‌రుగులు చేయాల్సిన ఇంగ్లండ్ మా త‌ప్పిదాల వ‌ల్ల మ‌రో 25 నుంచి 30 ప‌రుగులు అద‌నంగా రాబ‌ట్టింది. పేల‌వ ఫీల్డింగ్‌తో మూల్యం చెల్లించుకోవాల్సి వ‌చ్చింది. ఇక బ్యాటింగ్ స‌మ‌యంలో ప‌వ‌ర్ ప్లేలో వెనువెంట‌నే వికెట్లు కోల్పోవడం కూడా విజ‌యాన్ని దూరం చేసిన‌ట్ల‌యింది. మంచి భాగ‌స్వామ్యాలు న‌మోదు చేయ‌డంలో విఫ‌ల‌మ‌య్యాం. బౌలింగ్ కూడా మెరుగుప‌డాల్సిన అవ‌స‌రం ఎంతైనా ఉంది. బుమ్రా, పాండ్యా వంటి అనుభ‌వ‌జ్ఞ‌లైన బౌల‌ర్లు లేని లోటు స్ప‌ష్టంగా తెలుస్తోంది. ఇక ఇంగ్లండ్ మ్యాచ్ విజ‌యానికి అర్హులు. మొద‌ట బ‌ట్ల‌ర్‌.. ఆ త‌ర్వాత కెప్టెన్ హ్యారీ బ్రూక్ వేగంగా ఆడి మ్యాచ్ గ‌మ‌నాన్ని మార్చేశాడు. ఏది ఏమైనా ఈ సిరీస్ ఓట‌మి మాకు గుణ‌పాఠం లాంటిది. ఇంగ్లండ్ గ‌డ్డ‌పై మ‌రోసారి టీ20 సిరీస్ ఆడేందుకు వ‌చ్చిన‌ప్పుడు మా కుర్రాళ్లు జాగ్ర‌త్త‌గా ఆడతార‌ని నేను అనుకుంటున్నా. కెప్టెన్‌గా సిరీస్ ఓట‌మి నాకు బాధ క‌లిగించింది. కానీ కెప్టెన్‌గా మాత్రం చాలా విష‌యాలు నేర్చుకున్నా.' అని ముగించాడు.మ్యాచ్‌ విషయానికొస్తే.. టాస్‌ ఓడి ముందుగా బ్యాటింగ్‌కు దిగిన ఇంగ్లండ్‌ 20 ఓవర్లలో 3 వికెట్ల నష్టానికి 257 పరుగులు చేసింది. జోస్‌ బట్లర్‌ (64 బంతుల్లో 131; 12 ఫోర్లు, 8 సిక్స్‌లు) టీ20ల్లో రెండో సెంచరీతో చెలరేగగా...కెప్టెన్ హ్యారీ బ్రూక్‌ (45 బంతుల్లో 95 నాటౌట్‌; 4 ఫోర్లు, 8 సిక్స్‌లు) త్రుటిలో ఆ అవకాశాన్ని కోల్పోయాడు. అనంతరం భారత్‌ 20 ఓవర్లలో 8 వికెట్లకు 201 పరుగులు చేసింది. ఇషాన్‌ కిషన్‌ (35 బంతుల్లో 56; 7 ఫోర్లు, 2 సిక్స్‌లు), తిలక్‌ వర్మ (25 బంతుల్లో 53; 3 ఫోర్లు, 4 సిక్స్‌లు) అర్ధ సెంచరీలు చేశారు. శ్రేయస్‌ అయ్యర్‌ (16 బంతుల్లో 28; 4 ఫోర్లు), సంజు సామ్సన్‌ (14 బంతుల్లో 27; 3 ఫోర్లు, 2 సిక్స్‌లు) ఫర్వాలేదనిపించారు. ఇప్పటి వరకు ఐసీసీ టి20 టీమ్‌ ర్యాంకింగ్స్‌లో నంబర్‌వన్‌గా ఉన్న భారత్‌ను వెనక్కి నెట్టి తాజా ఫలితంతో ఇంగ్లండ్‌ అగ్రస్థానానికి చేరుకుంది. ఇరుజ‌ట్ల మ‌ధ్య మూడు మ్యాచ్‌ల వ‌న్డే సిరీస్ జూలై 14న ప్రారంభం కానుంది.చదవండి: ఫిఫా ప్రపంచ కప్: ఇంగ్లండ్‌ సెమీస్‌కి.. నార్వే ఇంటికి..

భారత టీ20 కెప్టెన్‌గా శ్రేయస్ అయ్యర్ అరుదైన రికార్డు సాధించాడు. భారత్‌ తరఫున పొట్టి ఫార్మాట్‌లో అత్యధిక సార్లు (వరుసగా) టాస్‌ గెలిచిన కెప్టెన్‌గా ధోని రికార్డు సమం చేశాడు. శ్రేయస్‌, ధోని వరుసగా ఏడు మ్యాచ్‌ల్లో టాస్‌ గెలిచారు. ఈ జాబితాలో శ్రేయస్‌, ధోని తర్వాతి స్థానాల్లో విరాట్‌ కోహ్లి (6), రోహిత్‌ శర్మ (5) ఉన్నారు.ఇంగ్లండ్‌తో ఇవాళ (జులై 11) జరుగుతున్న ఐదో టీ20లో టాస్‌ గెలవడం ద్వారా శ్రేయస్‌ కోహ్లి రికార్డును అధిగమించి, ధోని రికార్డును సమం చేశాడు.భారత టీ20 కెప్టెన్‌గా అత్యధిక వరుస టాస్ విజయాలు..శ్రేయస్ అయ్యర్ – 7* (2026)ఎంఎస్ ధోని – 7 (2010-12)విరాట్ కోహ్లీ – 6 (2019)ఎంఎస్ ధోని – 5 (2007)రోహిత్ శర్మ – 5 (2020-22)మళ్లీ టాస్‌ గెలిచిన శ్రేయస్‌.. ఆసారైనా మ్యాచ్‌ గెలిచేనా..?భారత టీ20 కెప్టెన్‌గా శ్రేయస్‌ అయ్యర్‌ వరుసగా ఏడో మ్యాచ్‌లో టాస్‌ గెలిచాడు. అయితే ఈ ఏడు మ్యాచ్‌ల్లో అతడు ఒక్క మ్యాచ్‌ కూడా గెలవలేకపోయాడు. ఐర్లాండ్‌ సిరీస్‌తో టీమిండియా కెప్టెన్సీ బాధ్యతలు చేపట్టిన శ్రేయస్‌ ఆ సిరీస్‌లోని రెండు మ్యాచ్‌ల్లో టాస్‌ గెలిచి, సిరీస్‌ను మాత్రం 0-2తో కోల్పోయాడు. ఆతర్వాత ఇంగ్లండ్‌తో ఐదు మ్యాచ్‌ల టీ20 సిరీస్‌లో తొలి మ్యాచ్‌లోనూ టాస్‌ గెలవగా.. ఆ మ్యాచ్‌ వర్షం​ కారణంగా రద్దైంది. ఆ తర్వాత మూడు మ్యాచ్‌ల్లోనూ శ్రేయస్‌ టాస్‌ గెలిచినా, ఒక్క మ్యాచ్‌లోనూ టీమిండియాను గెలిపించలేకపోయాడు.దీంతో ఈసారైనా మ్యాచ్‌ గెలవాలని భారత అభిమానులు కోరుకుంటున్నారు. ఈ మ్యాచ్‌లో టాస్‌ గెలిచిన శ్రేయస్‌ తొలుత బౌలింగ్‌ ఎంచుకున్నాడు. ఈ మ్యాచ్‌ కోసం భారత్‌ రెండు మార్పులు చేసింది. వైభవ్‌ సూర్యవంశీ స్థానంలో సంజూ శాంసన్‌.. వాషింగ్టన్‌ సుందర్‌ స్థానంలో సూర్యాంశ్‌ షేడ్గే జట్టులోకి వచ్చారు.భారత్ (ప్లేయింగ్ XI): అభిషేక్ శర్మ, సంజు శాంసన్, ఇషాన్ కిషన్(w), శ్రేయాస్ అయ్యర్(c), తిలక్ వర్మ, శివమ్ దూబే, సూర్యాంశ్ షెడ్గే, అక్షర్ పటేల్, అర్ష్‌దీప్ సింగ్, ప్రిన్స్ యాదవ్, ప్రసిద్ధ్ కృష్ణఇంగ్లండ్ (ప్లేయింగ్ XI): ఫిలిప్ సాల్ట్, జోస్ బట్లర్(w), హ్యారీ బ్రూక్(c), జాకబ్ బెథెల్, టామ్ బాంటన్, సామ్ కర్రాన్, విల్ జాక్స్, లియామ్ డాసన్, జోఫ్రా ఆర్చర్, ఆదిల్ రషీద్, జోష్ టంగ్ల

టీ20 ప్రపంచకప్‌-2026 టోర్నీలో చాంపియన్‌గా నిలిచిన టీమిండియా.. మెగా ఈవెంట్‌ తర్వాత దారుణ ప్రదర్శనతో విమర్శలు మూటగట్టుకుంటోంది. ఈ ఐసీసీ టోర్నీ ముగిసిన తర్వాత భారత జట్టు తొలిసారిగా టీ20 సిరీస్‌ ఆడేందుకు ఐర్లాండ్‌ పర్యటనకు వెళ్లింది.అత్యంత చేదు అనుభవంవరల్డ్‌కప్‌లో జట్టును విజేతగా నిలిపిన సూర్యకుమార్‌ యాదవ్‌పై అనూహ్యంగా వేటు వేసిన యాజమాన్యం.. అతడి స్థానంలో ఈ టూర్‌ నుంచి శ్రేయస్‌ అయ్యర్‌కు పగ్గాలు అప్పగించింది. అయితే, శ్రేయస్‌కు సారథిగా తొలి ప్రయత్నంలోనే అత్యంత చేదు అనుభవం ఎదురైంది.ఇంగ్లండ్‌ పర్యటనలోనూఐర్లాండ్‌ చేతిలో టీమిండియా 2-0తో క్లీన్‌స్వీప్‌ అయింది. ఐరిష్‌ జట్టు చేతిలో ఓటమి చెందడం.. సిరీస్‌ను భారత్‌ చేజార్చుకోవడం ఇదే తొలిసారి. ఇక ఇంగ్లండ్‌ పర్యటనలోనూ ఇదే తరహా ఫలితం పునరావృతమైంది. ఐదు మ్యాచ్‌ల సిరీస్‌లో తొలి టీ20 వర్షం వల్ల రద్దు కాగా.. ఆ తర్వాత వరుసగా మూడు మ్యాచ్‌లలో టీమిండియా ఓటమి పాలైంది.తీవ్ర స్థాయిలో విమర్శలుఈ క్రమంలో ఇంగ్లండ్‌ 3-0తో సిరీస్‌ను కైవసం చేసుకుంది. ఈ నేపథ్యంలో కెప్టెన్‌ శ్రేయస్‌ అయ్యర్‌తో పాటు హెడ్‌కోచ్‌ గౌతం గంభీర్‌పైనా తీవ్ర స్థాయిలో విమర్శలు వెల్లువెత్తుతున్నాయి. తుదిజట్టు ఎంపికలో గంభీర్‌దే అంతిమ నిర్ణయం అని.. తరచూ మార్పులు చేస్తూ కెప్టెన్‌ను సైతం గందరగోళానికి గురిచేస్తున్నాడనే వార్తలు వినిపిస్తున్నాయి.నిజానికి శ్రేయస్‌ అయ్యర్‌ కెప్టెన్‌ కావడం గంభీర్‌కు ఇష్టం లేదని.. చీఫ్‌ సెలక్టర్‌ అజిత్‌ అగార్కర్‌ ఒత్తిడితోనే అతడు ఇందుకు అంగీకరించాడనే ఆరోపణలూ ఉన్నాయి. ఈ నేపథ్యంలో కనీవినీ ఎరుగని రీతిలో టీమిండియా వరుసగా రెండు టీ20 సిరీస్‌లు కోల్పోవడం సందేహాలకు తావిస్తోంది.తీవ్ర అసంతృప్తిలో బీసీసీఐ!ఈ నేపథ్యంలో భారత క్రికెట్‌ నియంత్రణ మండలి (BCCI) సైతం వరుస ఓటములపై తీవ్ర అసహనంతో ఉన్నట్లు సమాచారం. శ్రేయస్‌ అయ్యర్‌ సేనతో పాటు.. గంభీర్‌ టీమ్‌పైనా బోర్డు అసంతృప్తి వ్యక్తం చేసినట్లు తెలుస్తోంది.వేటు పడుతుందా?ఈ విషయాల గురించి బీసీసీఐ సన్నిహిత వర్గాలు ANIతో మాట్లాడుతూ.. ‘‘టీమిండియా స్వదేశానికి తిరిగి రాగానే వరుస ఓటములపై ఉన్నతస్థాయి సమీక్ష నిర్వహించేందుకు రంగం సిద్ధమైంది. గంభీర్‌పై కూడా స్క్రుటినీ ఉంటుంది’’ అని తెలిపాయి. కాగా గంభీర్‌ నేతృత్వంలోని కోచింగ్‌ సిబ్బందిలో ప్రస్తుతం బ్యాటింగ్‌ కోచ్‌గా సితాన్షు కొటక్‌, బౌలింగ్‌ కోచ్‌గా మోర్నీ మోర్కెల్‌, అసిస్టెంట్‌ కోచ్‌గా ర్యాన్‌ టెన్‌ డష్కాటే, ఫీల్డింగ్‌ కోచ్‌ టి. దిలీప్‌ ఉన్నారు.ఇక తాజా సిరీస్‌లలో టీమిండియా అన్ని విభాగాల్లోనూ విఫలం కావడంతో ఎవరిపైనైనా వేటు పడుతుందా? లేదంటే గంభీర్‌ చెప్పినట్లు సంధి దశ కాబట్టి పదవీకాలం పూర్తయ్యేంత వరకు వీరిని కొనసాగిస్తారా అనేది తెలియాల్సి ఉంది. కాగా గంభీర్‌ కాంట్రాక్టు 2027 వరకు ఉన్న సంగతి తెలిసిందే.గంభీర్‌ మార్గదర్శనంలో టీమిండియా డిజాస్టర్లు ఇవే👉స్వదేశంలో తొలిసారి న్యూజిలాండ్‌ చేతిలో టెస్టు సిరీస్‌లో 3-0తో వైట్‌వాష్‌👉పదేళ్ల తర్వాత తొలిసారి బోర్డర్‌- గావస్కర్‌ ట్రోఫీ (ఆస్ట్రేలియాతో)ని చేజార్చుకున్న భారత్‌👉పాతికేళ్ల తర్వాత తొలిసారి సొంతగడ్డపై సౌతాఫ్రికాతో టెస్టు సిరీస్‌లో 2-0తో వైట్‌వాష్‌ 👉అరంగేట్రం నుంచి మూడు సీజన్లలో డబ్ల్యూటీసీ ప్రపంచకప్‌ ఫైనల్‌కు చేరకపోవడం ఇదే తొలిసారి (2023-25)👉సొంతగడ్డపై న్యూజిలాండ్‌కు తొలిసారి వన్డే సిరీస్‌ను కోల్పోయిన భారత్‌👉ఐర్లాండ్‌కు తొలిసారి టీ20 సిరీస్‌ కోల్పోయిన భారత్‌👉ఇంగ్లండ్‌కు తొలిసారి టీ20 సిరీస్‌ కోల్పోయిన టీమిండియా👉అంతర్జాతీయ టీ20లలో పరుగుల పరంగా టీమిండియాకు అతిపెద్ద ఓటమి (ఇంగ్లండ్‌తో రెండో టీ20లో 125 పరుగుల తేడాతో చిత్తు) etc.చదవండి: చరిత్ర సృష్టించిన శ్రేయస్‌ అయ్యర్‌

ఐర్లాండ్ గ‌డ్డ‌పై సిరీస్ ఓటమితో ఘోర ప‌రాజ‌యాన్ని మూట‌గ‌ట్టుకున్న టీమిండియా ఇంగ్లండ్ గ‌డ్డ‌పై అదే దారుణ ఆట‌తీరును ప్ర‌ద‌ర్శిస్తూ వ‌స్తోంది. తొలి టీ20 వ‌ర్షార్ప‌ణం కాగా, ఆ త‌ర్వాత జరిగిన మూడు టీ20ల్లోనూ ప‌రాజ‌యం చ‌విచూసిన టీమిండియా 0-3తో ఇంగ్లండ్‌కు సిరీస్‌ను కోల్పోయింది. క‌నీసం చివ‌రి టీ20లోనైనా విజ‌యం సాధించి గౌర‌వ‌ప్ర‌దంగా సిరీస్‌ను ముగించాల‌ని టీమిండియా భావిస్తోంది. ఇక కెప్టెన్‌గా బాధ్య‌త‌లు చేప‌ట్టిన శ్రేయ‌స్ అయ్య‌ర్‌కు ఏదీ క‌లిసిరావ‌డం లేదు. బ్యాట‌ర్‌గా రాణిస్తున్న‌ప్ప‌టికీ కెప్టెన్‌గా వ‌రుస ఓట‌ములు అత‌డిని ఒత్తిడిలోకి నెట్టేస్తోంది. అత‌డి కెప్టెన్సీలో టీమిండియా ఆడిన ఆరు మ్యాచ్‌ల్లో ఐదింట ఓట‌మి (ఒక మ్యాచ్ ర‌ద్దు) పాల‌య్యింది. దీంతో శ్రేయ‌స్ అయ్య‌ర్ కెప్టెన్‌గా టీ20ల్లో ఇప్ప‌టిదాకా గెలుపు రుచి చూడలేదు. అటు టీమిండియా కూడా ఈ ఏడాది ఫిబ్ర‌వ‌రిలో జ‌రిగిన టీ20 ప్ర‌పంచ‌క‌ప్ గెలిచిన త‌ర్వాత ఒక్క టీ20 మ్యాచ్ కూడా గెల‌వ‌క‌పోవడం గ‌మ‌నార్హం. దీంతో అయ్య‌ర్ కెప్టెన్సీపై అప్పుడే నీలినీడ‌లు క‌మ్ముకుంటున్నాయి. ఈసారి అయ్య‌ర్‌తో పాటు కోచ్ గంభీర్‌పై కూడా క‌త్తి వేలాడుతోంద‌నే వార్త‌లు వ‌స్తున్నాయి. అదీగాక జింబాబ్వే టూర్‌తో పాటు ఆసియా గేమ్స్‌కు హెడ్‌కోచ్ గంభీర్‌కు విశ్రాంతినిచ్చి అత‌డి స్థానంలో మాజీ క్రికెట‌ర్ వీవీఎస్ ల‌క్ష్మ‌ణ్‌ను టీమిండియా వెంట పంపించాల‌ని బీసీసీఐ చూస్తున్న‌ట్లు తెలుస్తోంది. ఈ నేప‌థ్యంలో టీమిండియా అసిస్టెంట్ కోచ్ రెయాన్ టెన్‌డెస్క‌టే శ్రేయ‌స్ అయ్య‌ర్ కెప్టెన్సీ భ‌వితవ్యంపై కీల‌క వ్యాఖ్య‌లు చేశాడు. బ్రిస్ట‌ల్ వేదిక‌గా నాలుగో టీ20లో టీమిండియా ఓట‌మి పాలైన త‌ర్వాత ప్రెస్ కాన్ఫ‌రెన్స్‌లో టెన్ డ‌స్క‌టే మాట్లాడాడు. 'టీమిండియా టీ20 కెప్టెన్‌గా శ్రేయ‌స్ అయ్య‌ర్ ఇప్పుడే బాధ్య‌త‌లు చేప‌ట్టాడు. అత‌డి కెప్టెన్సీలో టీమిండియాకు వెంట‌నే విజ‌యాలు రావాలంటే ఎలా? కాస్త ఓపిక ప‌ట్టాల్సిన అవ‌స‌రం ఉంటుంది. మ్యాచ్ ఓట‌ముల‌కు శ్రేయ‌స్‌ను నిందించ‌డం ఆపండి. అత‌డు కెప్టెన్‌గా నిలుదొక్కుకోవ‌డానికి కాస్త స‌మ‌యం ప‌డుతుంది. ఇప్పుడు వ‌చ్చే ఓటములే త‌ర్వాత గెలుపుకు బాట‌లు వేస్తాయి. నిజానికి శ్రేయ‌స్ త‌న నాయ‌కత్వాన్ని బాధ్య‌త‌గా నిర్వ‌హిస్తున్నాడు. బ్యాటింగ్‌లో అద్భుత ప్ర‌ద‌ర్శ‌న చేస్తున్నాడు. కేవ‌లం కొన్ని మ్యాచ్‌ల‌కే అత‌డు కెప్టెన్‌గా వైఫ‌ల్యం చెందాడ‌ని పేర్కొన‌డం స‌రికాదు. అంత‌క‌ముందు సూర్య‌కుమార్ కూడా ఆరంభంలో ఇలాంటి ప‌రిస్థితుల‌నే ఎదుర్కొన్నాడు. కానీ ఆ త‌ర్వాత సూర్య కెప్టెన్సీలో టీమిండియా ఎలాంటి విజ‌యాలు సాధించిందో ప్ర‌త్యేకంగా చెప్ప‌న‌వ‌స‌రం లేదు. ఇంత‌కాలం ఒక కెప్టెన్సీలో ఆడి ఇప్పుడు మ‌రో కొత్త కెప్టెన్‌తో ఆడుతుండ‌డంతో జ‌ట్టులో స‌మ‌తుల్యం లోపించింది. రాబోయే రోజుల్లో అది చ‌క్క‌బడి మ‌ళ్లీ అంతా స‌వ్యంగా సాగుతుంది. ఇక జ‌ట్టులో పాండ్యా, బుమ్రా లోటు కూడా స్ప‌ష్టంగా తెలుస్తోంది. ఇక బ్యాట‌ర్‌గా శ్రేయ‌స్ అయ్య‌ర్ బాగా రాణిస్తున్నాడు. నాలుగు ఇన్నింగ్స్‌లు కలిపి 190 ప‌రుగులు సాధించ‌డ‌మే గాక కోహ్లీ రికార్డును కూడా స‌మం చేశాడు. టీమిండియా మ్యాచ్‌లు ఓడుతున్న‌ప్ప‌టికీ అయ్య‌ర్ మాత్రం బ్యాట‌ర్‌గా విఫ‌లం కాలేదు' అని చెప్పుకొచ్చాడు. ఇక ఇంగ్లండ్‌, టీమిండియా మ‌ధ్య చివ‌రి టీ20 మ్యాచ్ సౌతాంప్టన్ వేదిక‌గా ఆడ‌నున్నాయి. 🔴 STOP BLAMING SHREYAS IYER – COACH SAYS HE NEEDS TIME 🤯🎙️: Ryan ten Doeschate backed Shreyas, saying he deserves time as captain. He praised Iyer's leadership, accountability, and batting, urging everyone not to judge him after just a few matches.pic.twitter.com/tqNDEQAXEm— Sam (@cricsam02) July 10, 2026Read: అరుదైన ఫీట్‌తో ఫిఫా చ‌రిత్ర‌ను తిర‌గ‌రాసిన ఎంబాపె

ఇంగ్లండ్‌ గడ్డపై గత రెండు టీ20 సిరీస్‌లను సొంతం చేసుకున్న టీమిండియా ఈసారి మాత్రం తేలిపోయింది. బ్రిస్టల్‌ వేదికగా గురువారం ఇంగ్లండ్‌ జట్టుతో జరిగిన నాలుగో టీ20 మ్యాచ్‌లో భారత్‌ ఇంగ్లండ్‌ చేతిలో ఏకంగా 9 వికెట్ల తేడాతో ఓడిపోయింది. ఫలితంగా ఐదు మ్యాచ్‌ల సిరీస్‌ను మరో మ్యాచ్‌ మిగిలి ఉండగానే భారత జట్టు 0–3తో కోల్పోయింది. సిరీస్‌లోని తొలి మ్యాచ్‌ వర్షం వల్ల రద్దు కాగా... తర్వాతి మూడు మ్యాచ్‌ల్లో భారత జట్టుకు ఓటమి ఎదురైంది. దీంతో కెప్టెన్‌గా పగ్గాలు చేపట్టిన శ్రేయస్‌ అయ్యర్‌కు తీవ్ర నిరాశే మిగిలింది.అయితే, ఇంగ్లండ్‌తో నాలుగో టీ20లో వ్యక్తిగతంగా మాత్రం శ్రేయస్‌ అయ్యర్‌ మంచి ప్రదర్శన కనబరిచాడు. నాలుగో స్థానంలో బ్యాటింగ్‌కు వచ్చిన ఈ కుడిచేతి వాటం బ్యాటర్‌.. 49 బంతులు ఎదుర్కొని నాలుగు ఫోర్లు, ఐదు సిక్సర్ల సాయంతో 80 పరుగులతో అజేయంగా నిలిచాడు.డివిలియర్స్‌ ప్రపంచ రికార్డు బద్దలుఈ క్రమంలోనే శ్రేయస్‌ అయ్యర్‌.. సౌతాఫ్రికా దిగ్గజం ఏబీ డివిలియర్స్‌ పేరిట ఉన్న ప్రపంచ రికార్డును బద్దలు కొట్టాడు. ఇంగ్లండ్‌ గడ్డ మీద కెప్టెన్‌ హోదాలో ద్వైపాక్షిక టీ20 సిరీస్‌లో అత్యధిక పరుగులు సాధించిన క్రికెటర్‌గా చరిత్రకెక్కాడు.కాగా ఇంగ్లండ్‌తో సిరీస్‌లో భాగంగా తొలి టీ20లో శ్రేయస్‌ అయ్యర్‌ 47 బంతుల్లో 68 పరుగులు సాధించాడు. ఇక రెండో టీ20లో 37 పరుగులు చేసిన కెప్టెన్‌ సాబ్‌.. మూడో టీ20లో మాత్రం ఐదు పరుగులకే అవుటయ్యాడు. తాజాగా నాలుగో టీ20లో 80 పరుగులతో సత్తా చాటి.. ఇప్పటికి మొత్తంగా 190 పరుగులు పూర్తి చేసుకున్నాడు.ఇంగ్లండ్‌ గడ్డపై ద్వైపాక్షిక టీ20 సిరీస్‌లో కెప్టెన్‌ హోదాలో అత్యధిక పరుగులు చేసిన కెప్టెన్లు👉శ్రేయస్‌ అయ్యర్‌ (ఇండియా)- 2026లో నాలుగు మ్యాచ్‌లలో కలిపి 190 పరుగులు (రెండు అర్ధ శతకాలు)👉ఏబీ డివిలియర్స్‌ (సౌతాఫ్రికా)- 2017లో మూడు మ్యాచ్‌లలో కలిపి 146 పరుగులు (ఒక అర్ధ శతకం)👉ఆరోన్‌ ఫించ్‌ (ఆస్ట్రేలియా)- 2020లో మూడు మ్యాచ్‌లలో కలిపి 125 పరుగులు👉జోస్‌ బట్లర్‌ (ఇంగ్లండ్‌)- 2024లో రెండు మ్యాచ్‌లలో కలిపి 123 పరుగులు (రెండు అర్థ శతకాలు)👉బాబర్‌ ఆజం (పాకిస్తాన్‌)- 2021లో మూడు మ్యాచ్‌లలో కలిపి 118 పరుగులు (ఒక అర్ధ శతకం)కోహ్లి రికార్డు సమంఇదిలా ఉంటే.. ఇంగ్లండ్‌ గడ్డ మీద టీ20 సిరీస్‌లో ఒక ఇన్నింగ్స్‌లో అత్యధిక పరుగులు సాధించిన భారత కెప్టెన్‌గానూ శ్రేయస్‌ అయ్యర్‌ నిలిచాడు. అదే విధంగా ఇంగ్లండ్‌ జట్టుపై అత్యధిక వ్యక్తిగత టీ20 స్కోరు నమోదు చేసిన కెప్టెన్‌గా విరాట్‌ కోహ్లి (80 నాటౌట్‌) రికార్డును కూడా శ్రేయస్‌ సమం చేశాడు. కాగా ఐర్లాండ్‌ పర్యటనతో టీమిండియా టీ20 కెప్టెన్‌గా బాధ్యతలు చేపట్టిన శ్రేయస్‌ అయ్యర్‌కు తొలి ప్రయత్నంలోనే చేదు అనుభవం మిగిలింది. కనీవినీ ఎరుగని రీతిలో ఐరిష్‌ జట్టు చేతిలో టీమిండియా 2-0తో వైట్‌వాష్‌ అయింది. తాజాగా ఇంగ్లండ్‌కు సిరీస్‌ను చేజార్చుకుంది.చదవండి: ఆఖరి బంతికి సింగిల్‌... భారత్‌కు షాకిచ్చిన శ్రీలంక

టీమిండియా వైఫల్యాల పరంపర కొనసాగుతోంది. ఇంగ్లండ్‌తో నాలుగో టీ20లోనూ భారత జట్టు పరాజయం పాలైంది. ఆతిథ్య జట్టు చేతిలో తొమ్మిది వికెట్ల తేడాతో ఓటమి చవిచూసింది. తద్వారా మరో మ్యాచ్‌ మిగిలి ఉండగానే ఇంగ్లండ్‌ 3-0తో సిరీస్‌ సొంతం చేసుకోగా.. టీమిండియా వరుసగా రెండో టీ20 సిరీస్‌ను చేజార్చుకుంది.ఓటమికి కారణం అదేఈ నేపథ్యంలో కెప్టెన్‌ శ్రేయస్‌ అయ్యర్‌ టీమిండియా ఓటమిపై స్పందించాడు. ‘‘మరోసారి మాకు నిరాశే మిగిలింది. ఈ పిచ్‌పై 158 అనేది కచ్చితంగా కాపాడుకోగలిగే స్కోరైతే కాదు. అందుకు తగ్గట్లుగానే ఇంగ్లండ్‌ వేగంగానే ఈ లక్ష్యాన్ని ఛేదించింది.మిడిల్‌ స్టంప్‌, లెగ్‌ స్టంప్‌ మీదకు బంతులు వేయమని మా బౌలర్లకు చెప్పాను. అలా అయితే బ్యాటర్లు బౌండరీలు రాబట్టడం కష్టతరమవుతుంది. అయితే, మా ప్రణాళికలను అమలు చేయడంలో విఫలమయ్యాము. ఎప్పుడైతే మా వ్యూహాన్ని కొద్దిగా మార్చామో ఆ సమయంలో వాళ్లు పరుగులు పిండుకున్నారు.నేను బాగానే ఆడాను.. కానీ ఏం లాభం?అయితే, నా వ్యక్తిగత ప్రదర్శన పట్ల మాత్రం నేను సంతోషంగానే ఉన్నాను. కానీ గెలుపునకు నా ఇన్నింగ్స్‌ ఉపయోగపడలేదంటే దానికి ఎటువంటి అర్థం ఉండదు. నిజానికి నేను బాగా ఆడిన దాదాపు ప్రతిసారీ జట్టు గెలిచేది. కానీ దురదృష్టవశాత్తూ ఈసారి అలా జరగలేదు. తదుపరి మ్యాచ్‌లోనైనా ఆటంకాలు అధిగమించి అనుకున్న ఫలితం రాబట్టగలమనే అనుకుంటున్నాం.When the chips were down, the skipper stood tallest. 💙A magnificent innings from Shreyas Iyer. 🙌 Watch #ENGvIND LIVE NOW on Sony Sports Network TV channels.#SonySportsNetwork #MamlaPersonalHai #ExtraaaInnings pic.twitter.com/E5Lx13kGYs— Sony Sports Network (@SonySportsNetwk) July 9, 2026పొరపాట్లు సహజమేప్రస్తుతం జట్టు సంధి దశలో ఉంది. మా వల్ల చాలా పొరపాట్లు జరుగుతున్నాయి. యువ క్రికెటర్లలో చాలా మంది తొలిసారి ఇలాంటి పిచ్‌లపై ఆడుతున్నారు. కాబట్టి తప్పులు సహజమే. అయితే, వీటి నుంచి ఎంత తొందరగా పాఠాలు నేర్చుకుంటామనేదే ముఖ్యం.బలంగా తిరిగి వస్తాముమా జట్టులో క్విక్‌ లెర్నర్స్‌ ఉన్నారు. కచ్చితంగా విదేశీ గడ్డ మీది పరిస్థితులను అర్థం చేసుకుని.. వికెట్‌ను సరిగ్గా అంచనా వేసి మరింత బలంగా తిరిగి వస్తారని నమ్ముతున్నా’’ అని శ్రేయస్‌ అయ్యర్‌ ఆశాభావం వ్యక్తం చేశాడు. కాగా బ్రిస్టల్‌ వేదికగా గురువారం రాత్రి మ్యాచ్‌లో టాస్‌ గెలిచిన భారత్‌ తొలుత బ్యాటింగ్‌ ఎంచుకుంది.శ్రేయస్‌ మెరిసినా..నిర్ణీత 20 ఓవర్లలో ఏడు వికెట్లు నష్టపోయిన టీమిండియా 158 పరుగులకే పరిమితమైంది. శ్రేయస్‌ అయ్యర్‌ 49 బంతుల్లో 80 పరుగులతో అజేయంగా నిలిచాడు. మిగిలిన వారిలో శివం దూబే (22) మాత్రమే ఇరవై పరుగులు దాటాడు. ఇక లక్ష్య ఛేదనకు దిగిన ఇంగ్లండ్‌ 13.5 ఓవర్లలో కేవలం ఒక్క వికెట్‌ కోల్పోయి పని పూర్తి చేసింది.ఓపెనర్‌ ఫిల్‌ సాల్ట్‌ అజేయ అర్ధ శతకం (59*)తో రాణించగా.. హ్యారీ బ్రూక్‌ కెప్టెన్‌ ఇన్నింగ్స్‌ (35 బంతుల్లో 79 నాటౌట్‌)తో మెరిశాడు. ఇక ఇంగ్లండ్‌- భారత్‌ మధ్య తొలి టీ20 వర్షం వల్ల రద్దు కాగా.. రెండు, మూడు.. తాజాగా నాలుగో టీ20లో గెలిచి ఆతిథ్య జట్టు 3-0తో సిరీస్‌ గెలుచుకుంది. కాగా అంతకుముందు టీమిండియా ఐర్లాండ్‌ చేతిలో 2-0తో వైట్‌వాష్‌కు గురైన సంగతి తెలిసిందే.చదవండి: వైభవ్‌ సూర్యవంశీ అట్టర్‌ఫ్లాఫ్‌

బ్రిస్టన్‌ వేదికగా ఇంగ్లండ్‌తో జరుగుతున్న నాలుగో టీ20లో టీమిండియా కెప్టెన్‌ శ్రేయస్‌ అయ్యర్‌ అద్భుత ఇన్నింగ్స్‌ ఆడాడు. వైభవ్‌ సూర్యవంశీ(15), అభిషేక్‌ శర్మ(16), ఇషాన్‌ కిషన్‌(4) వంటి టాపార్డర్‌ బ్యాటర్లు విఫలమైన చోట.. ఇంగ్లండ్‌ బౌలర్లకు శ్రేయస్‌ చుక్కలు చూపించాడు. తన ఇన్నింగ్స్‌ ఆరంభంలో కాస్త ఆచితూచి ఆడిన శ్రేయస్‌, క్రీజులో సెటిల్‌ అయ్యాక బౌలర్లపై ఎదురు దాడికి దిగాడు. ఓ వైపు క్రమం తప్పకొండా వికెట్లు పడుతున్నప్పటికి, అయ్యర్‌ తన దూకుడును కొనసాగించాడు. 49 బంతుల్లో 4 ఫోర్లు, 5 సిక్స్‌లతో 80 పరుగులు చేసి అజేయంగా నిలిచాడు. అతడితో పాటు శివమ్‌ దూబే(22) పర్వాలేదన్పించాడు. ఫలితంగా టాస్‌ గెలిచి తొలుత బ్యాటింగ్‌ చేసిన భారత్‌ నిర్ణీత 20 ఓవర్లలో 7 వికెట్ల నష్టానికి 158 పరుగుల స్కోర్‌ సాధించింది. ఇంగ్లండ్‌ బౌలర్లలో జోఫ్రా ఆర్చర్‌, జోష్‌ టంగ్‌ తలా రెండు వికెట్లు పడగొట్టగా.. విల్‌ జాక్స్‌, అదిల్‌ రషీద్‌ చెరో వికెట్‌ సాధించారు.

భారత టీ20 జట్టు కెప్టెన్‌గా శ్రేయస్ అయ్యర్‌కు వరుస పరాజయాలు ఎదురవుతుండటంతో విమర్శలు వెల్లువెత్తుతున్నాయి. ఈ నేపథ్యంలో అతడి సోదరి శ్రేష్ఠ అయ్యర్ తన సోదరుడికి అండగా నిలుస్తూ, భారత దిగ్గజాలు విరాట్ కోహ్లీ, రోహిత్ శర్మ, సచిన్ టెండూల్కర్‌లను ఉదాహరణగా చూపించి విమర్శలకు సమాధానం ఇచ్చింది.సూర్యకుమార్ యాదవ్ స్థానంలో యూరప్ పర్యటనకు శ్రేయస్ అయ్యర్‌ను టీ20 కెప్టెన్‌గా ఎంపిక చేసిన భారత జట్టు యాజమాన్యం అతడిపై భారీ ఆశలు పెట్టుకుంది. ఐపీఎల్‌లో పంజాబ్ కింగ్స్‌కు విజయవంతంగా నడిపించిన శ్రేయస్, ఐర్లాండ్‌తో జరిగిన సిరీస్‌లో 0-2తో ఓడిపోగా, ఇంగ్లండ్‌తో తొలి టీ20 వర్షం కారణంగా రద్దైంది. అనంతరం జరిగిన రెండు మ్యాచ్‌ల్లోనూ భారత్ పరాజయం పాలవడంతో కెప్టెన్‌గా ఇప్పటివరకు ఒక్క విజయాన్ని కూడా నమోదు చేయలేకపోయాడు.ఈ నేపథ్యంలో ఓ పోడ్‌కాస్ట్‌లో మాట్లాడిన శ్రేష్ఠ అయ్యర్, "విరాట్ కోహ్లీ ఒక లెజెండ్, రోహిత్ శర్మ ఒక లెజెండ్, సచిన్ టెండూల్కర్ ఒక లెజెండ్. వాళ్లు కూడా తమ కెరీర్‌లో ఎన్నో మ్యాచ్‌లు ఓడిపోయారు. కానీ ప్రతిసారీ శ్రేయస్‌నే విమర్శిస్తే సమస్య అతనిలో కాకుండా విమర్శించే వారిలోనే ఉండొచ్చు" అని వ్యాఖ్యానించింది.అయితే శ్రేష్ఠ చేసిన ఈ పోలికలపై సోషల్ మీడియాలో భిన్నాభిప్రాయాలు వ్యక్తమవుతున్నాయి. సచిన్ టెండూల్కర్ 1996లో కెప్టెన్‌గా బాధ్యతలు చేపట్టిన తర్వాత తొలి నాలుగు వన్డేల్లో రెండింట్లో జట్టుకు విజయాలు అందించాడు. విరాట్ కోహ్లీ కూడా కెప్టెన్సీ ఆరంభంలో తొలి ఓటమి తర్వాత వరుస విజయాలు సాధించాడు. రోహిత్ శర్మ తన తొలి వన్డే సిరీస్‌లో శ్రీలంకపై 2-1తో విజయం అందించగా, శుభ్‌మన్ గిల్ కూడా కెప్టెన్‌గా తన తొలి టీ20 సిరీస్‌లో ఐదు మ్యాచ్‌ల్లో నాలుగు విజయాలు నమోదు చేశాడు. ఈ గణాంకాలను ప్రస్తావిస్తూ శ్రేయస్‌ను దిగ్గజాలతో పోల్చడం సరైంది కాదని కొందరు అభిమానులు అభిప్రాయపడుతున్నారు.నెటిజన్లు శ్రేయస్‌ను దిగ్గజాలతో పోల్చొద్దని చెప్పినప్పటికీ.. శ్రేష్ఠ మాత్రం​ తన సోదరుడిపై పూర్తి విశ్వాసం వ్యక్తం చేసింది. "శ్రేయస్ గొప్ప వ్యక్తిత్వం కలిగిన ఆటగాడు. అతడిలో చాలా సామర్థ్యం ఉంది. సరైన సమయం వచ్చినప్పుడు అతడే భారత అత్యుత్తమ కెప్టెన్లలో ఒకడిగా గుర్తింపు పొందుతాడని నేను బలంగా నమ్ముతున్నాను" అని పేర్కొంది.ఇదిలా ఉండగా, ప్రారంభ వైఫల్యాలు ఎదురైనా శ్రేయస్ అయ్యర్‌పై ప్రధాన కోచ్ గౌతమ్ గంభీర్‌తో పాటు జట్టు యాజమాన్యం విశ్వాసం కొనసాగిస్తున్నట్లు తెలుస్తోంది. 2028 టీ20 ప్రపంచకప్‌ను దృష్టిలో పెట్టుకుని యువ జట్టుతో కొత్త ప్రణాళికలు అమలు చేస్తున్న నేపథ్యంలో శ్రేయస్‌కు మరిన్ని అవకాశాలు లభించే అవకాశం కనిపిస్తోంది.

అంత‌ర్జాతీయ క్రికెట్ కౌన్సిల్(ICC) తాజాగా ప్ర‌క‌టించిన బ్యాట‌ర్ల ర్యాంకింగ్స్‌లో టీమిండియా కెప్టెన్ శ్రేయ‌స్ అయ్య‌ర్ దుమ్ములేపాడు. ఇంగ్లండ్ టూర్‌లో శ్రేయ‌స్ కెప్టెన్‌గా విఫ‌ల‌మైన‌ప్ప‌టికి బ్యాట‌ర్‌గా మాత్రం రాణించాడు. ఈ సిరీస్‌లో ఇప్ప‌టివ‌ర‌కు మూడు మ్యాచ్‌లు ఆడిన అయ్య‌ర్‌.. 150.68 స్ట్రైక్ రేట్‌తో 110 ప‌రుగులు చేశాడు.ఈ ప్ర‌ద‌ర్శ‌న కార‌ణంగా శ్రేయ‌స్ బ్యాట‌ర్ల ర్యాంకింగ్స్‌లో ఏకంగా 425 స్థానాలు ఎగబాకి 93వ స్థానానికి చేరుకున్నాడు. ఇక ఇంగ్లండ్ యువ సంచ‌ల‌నం జాక‌బ్ బెథ‌ల్‌ తొలిసారి టాప్-10 లోకి దూసుకొచ్చాడు. బెథ‌ల్‌.. మార్ష్‌, బ్రెవిస్‌ వంటి స్టార్‌ క్రికెటర్లను వెనక్కి నెట్టి 8వ స్ధానానికి చేరుకున్నాడు. కాగా మాంచెస్టర్ టీ20లో బెథ‌ల్ విధ్వంస‌క‌ర ఇన్నింగ్స్ ఆడాడు. 191 పరుగుల ఛేదనలో ఇంగ్లండ్‌ ఓపెనర్లు ఇద్దరూ డకౌట్ అయినా.. బెథెల్ మాత్రం 46 బంతుల్లో 76 పరుగులు చేసి జట్టుకు అద్భుత విజ‌యాన్ని అందించాడు. ఇందుకు ఫ‌లితంగా ర్యాంకింగ్స్‌లో బెథ‌ల్‌కు భారీ రివార్డు ల‌భించింది. తొలి రెండు స్ధానాల్లో భార‌త ఆట‌గాళ్లు ఇషాన్ కిషన్, అభిషేక్ శర్మలు కొన‌సాగుతున్నారు. బౌలర్ల ర్యాంకింగ్స్‌లో ఇంగ్లండ్ ఆట‌గాళ్లు ఆదిల్ రషీద్, సామ్ కరన్ త‌మ స్ధానాల‌ను మెరుగుప‌రుచుకున్నారు. భారత్‌పై ఇప్పటివరకు 3 వికెట్లు పడగొట్టిన రషీద్, ఒక స్థానం ఎగ‌బాకి 3వ స్థానానికి చేరుకున్నాడు. సామ్ కరన్ బౌలింగ్ జాబితాలో 71 స్ధానం, ఆల్‌రౌండ‌ర్ల ర్యాంకింగ్స్‌లో 13వ స్ధానం సొంతం చేసుకున్నాడు. ఆల్‌రౌండ‌ర్ల జాబితాలో భార‌త ఆట‌గాడు శివ‌మ్ దూబే టాప్‌-10 నుంచి బయ‌ట‌కు వెళ్లిపోయాడు.చదవండి: IND vs ENG: సూర్యకుమార్‌ గుర్తొస్తున్నాడు

దేశం మారిన టీమిండియా ఆట తీరు మాత్రం మార‌లేదు. ప‌సికూన‌ ఐర్లాండ్ చేతిలో క్లీన్‌స్వీప్ అయిన‌ భార‌త జ‌ట్టు.. ఇప్పుడు ఇంగ్లండ్ గ‌డ్డ‌పై కూడా అదే ప‌రాభ‌వం దిశ‌గా కొన‌సాగుతోంది. ప్రస్తుతం జరుగుతున్న టీ20 సిరీస్‌లో భారత్ 2-0 తేడాతో వెనుకబడి ఉంది.వరుసగా రెండు టీ20 ప్రపంచకప్‌లలో అద్భుతాలు చేసిన టీమిండియా.. యూకే పర్యటనలో మాత్రం తీవ్రమైన ఒడిదుడుకులను ఎదుర్కొంటోంది. మ‌న జ‌ట్టు బ్యాటింగ్‌, బౌలింగ్ రెండింటిలోనూ విఫ‌ల‌మై ఘోర ప‌రాజ‌యాల‌ను మూట క‌ట్టుకుంది. ఒక‌ప్పుడు వ‌రుస దైపాక్షిక సిరీస్‌లను సొంతం చేసుకున్న భార‌త్‌.. ఇప్పుడు అదే వ‌రుస‌గా ఓట‌ములు చ‌విచూడ‌డాన్ని అభిమానులు జీర్ణించుకోలేక‌పోతున్నారు. కెప్టెన్సీ మార్పు కార‌ణంగానే టీమిండియాకు ఈ ప‌రిస్థితి ఏర్ప‌డంద‌ని సోష‌ల్ మీడియా వేదిక‌గా పోస్ట్‌లు పెడుతున్నారు. కెప్టెన్‌గా సూర్య‌కుమార్ యాద‌వ్ ఉండి ఉంటే బాగుండేద‌న్న అభిప్రాయాలు వ్య‌క్త‌మ‌వుతున్నాయి.ఐర్లాండ్ టూర్‌కు ముందు అజిత్ అగార్క‌ర్ నేతృత్వంలోని సెలక్షన్ కమిటీ సంచలన నిర్ణయం తీసుకుంది. కెప్టెన్‌గా టీ20 ప్రపంచకప్‌ను భారత్‌కు అందించి మూడు నెలల తిరగకముందే సూర్యకుమార్ యాదవ్‌పై వేటు వేశారు. కెప్టెన్‌గానే కాకుండా పూర్తిగా జట్టు నుంచే తప్పించారు. పేలవ ఫామ్ కారణంగా ఈ నిర్ణయం తీసుకున్నట్లు ఆ సందర్భంగా చీఫ్ సెలక్టర్ అగార్కర్ కానీ స్పష్టం చేశాడు.అతడి స్ధానంలో మరో ముంబై ఆటగాడు శ్రేయస్ అయ్యర్‌కు అప్పగించారు. దాదాపు రెండేళ్లగా భారత టీ20 జట్టులోనే లేని అయ్యర్‌ను తీసుకొచ్చి కెప్టెన్‌గా చేయడం అందరిని ఆశ్చర్యపరిచింది. భారత జట్టును అద్భుతంగా నడిపించిన సూర్యను పక్కన పెట్టడాన్ని చాలా మంది తప్పుపట్టారు. కానీ అయ్యర్ కూడా సూర్యలానే జట్టును విజయ పథంలో నడిపిస్తాడని టీమ్ మేనెజ్‌మెంట్‌తో పాటు బీసీసీఐ కూడా నమ్మింది. కానీ వారి నమ్మకాన్ని శ్రేయస్ వమ్ము చేశాడు.అక్కడ సక్సెస్‌.. ఇక్కడ ఫ్లాప్‌ఐపీఎల్‌లో సక్సెస్‌ఫుల్ కెప్టెన్‌గా పేరు సంపాదించిన శ్రేయస్ అయ్యర్‌.. టీమిండియా సారథిగా మాత్రం తన మార్క్ చూపించలేకపోతున్నాడు. భార‌త కెప్టెన్‌గా తొలి విజ‌యం కోసం అయ్య‌ర్ ఎదురు చూస్తున్నాడు. అత‌డి నాయ‌క‌త్వంలో ఇప్పటివరకు ఆడిన నాలుగు మ్యాచ్‌లలో అన్నింటిలోనూ భారత్ ఓటమి పాలైంది. అత‌డి కెప్టెన్సీలోనే తొలిసారి ఐర్లాండ్‌తో సిరీస్ కోల్పోయి భారత్ ఘోర పరభావాన్ని మూటకట్టుకుంది. ఇప్పుడు ఇంగ్లండ్‌తో జరిగిన మూడో టీ20లో 76 పరుగులకే కుప్పకూలి మ‌రో చెత్త రికార్డును త‌మ పేరిట లిఖించుకుంది. కెప్టెన్‌గా స‌రైన నిర్ణ‌యాలు తీసుకోవ‌డంలో శ్రేయ‌స్ విఫ‌ల‌మ‌వుతున్నాడు. మాంచెస్ట‌ర్ వేదిక‌గా జ‌రిగిన రెండో టీ20లో డెత్ ఓవ‌ర్‌లో స్పిన్న‌ర్‌తో బౌలింగ్ చేయించి.. భార‌త ఓట‌మికి కార‌ణమ‌య్యాడు. దీంతో అయ్య‌ర్ కెప్టెన్సీపై ప్ర‌శ్న‌ల వ‌ర్షం కురుస్తోంది. కెప్టెన్‌గా శ్రేయ‌స్ కంటే సూర్య ఎంతో బెట‌ర్ అన్న వాద‌న‌లు వినిపిస్తున్నాయి.స‌లాం సూర్య భాయ్‌!నిజంగానే సూర్యకుమార్ యాద‌వ్ కెప్టెన్సీ రికార్డు అద్భుతంగా ఉంది. అత‌డి కెప్టెన్సీలో 52 టీ20లు టీమిండియా.. 42 మ్యాచ్‌ల‌లో విజ‌యం సాధించింది. అంతేకాకుండా అతడి సారథ్యంలోనే భారత్ ఆసియా కప్ (2025)తో పాటు 2026 టీ20 ప్రపంచకప్‌ టైటిల్‌ను కూడా సొంతం చేసుకుంది. సూర్యకుమార్ కెప్టెన్సీ కాలంలో టీమిండియా ఒక్క అంతర్జాతీయ టీ20 సిరీస్‌ను కూడా కోల్పోలేదు. ఆడిన 8 ద్వైపాక్షిక సిరీస్‌లను క్లీన్ స్వీప్ లేదా విజయంతో ముగించింది.

టీమిండియా ప్రస్తుతం గడ్డు పరిస్థితులు ఎదుర్కొంటోంది. ఐర్లాండ్‌తో టీ20 సిరీస్‌లో 2-0తో క్లీన్‌స్వీప్‌ అయిన భారత జట్టు.. ఇంగ్లండ్‌తో సిరీస్‌లోనూ చెత్త ప్రదర్శన కొనసాగిస్తోంది. నాటింగ్‌హామ్‌ వేదికగా మంగళవారం రాత్రి జరిగిన మూడో టీ20లో శ్రేయస్‌ సేన ఇంగ్లండ్‌ చేతిలో మట్టికరిచింది.ఇంగ్లండ్‌ భారీ స్కోరుఆతిథ్య ఇంగ్లండ్‌ టీమిండియాను ఏకంగా 125 పరుగుల తేడాతో చిత్తు చేసి ఐదు మ్యాచ్‌ల సిరీస్‌లో 2-0తో ఆధిక్యంలోకి దూసుకువెళ్లింది. కాగా ట్రెంట్‌బ్రిడ్జ్‌లో టాస్‌ గెలిచిన టీమిండియా తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన ఇంగ్లండ్‌.. నిర్ణీత 20 ఓవర్లలో ఏడు వికెట్లు నష్టపోయి 201 పరుగుల భారీ స్కోరు సాధించింది.చతికిల పడ్డ టీమిండియాఅనంతరం లక్ష్య ఛేదనకు దిగిన భారత్‌ 11.4 ఓవర్లలో కేవలం 76 పరుగులు చేసి ఆలౌట్‌ అయింది. టాపార్డర్‌ రెండంకెల స్కోరు చేయగా.. లోయర్‌ ఆర్డర్‌ సింగిల్‌ డిజిట్‌కే పరిమితమైంది. ఓపెనర్‌ వైభవ్‌ సూర్యవంశీ (13), వన్‌డౌన్‌ బ్యాటర్‌ ఇషాన్‌ కిషన్‌ (13) పరుగులతో టాప్‌ రన్‌ స్కోరర్లుగా నిలిచారు.ఇక ఈ మ్యాచ్‌లో మరో ఓపెనర్‌ అభిషేక్‌ శర్మ ఏడు బంతులు ఎదుర్కొని ఒక సిక్సర్‌ సాయంతో 10 పరుగులు చేసి నిష్క్రమించాడు. జోష్‌ టంగ్‌ బౌలింగ్‌లో ఫిల్‌ సాల్ట్‌కు క్యాచ్‌ ఇచ్చి పెవిలియన్‌ చేరాడు.అయితే, ఇంతటి ఫ్లాప్‌ షోలోనూ అభిషేక్‌ శర్మ ఓ అరుదైన ఘనత సాధించాడు. ఇంగ్లండ్‌ జట్టుపై టీ20 ఫార్మాట్లో అత్యధిక సిక్సర్లు బాదిన భారత క్రికెటర్‌గా ఈ లెఫ్టాండర్‌ బ్యాటర్‌ చరిత్రకెక్కాడు.ఇంగ్లండ్‌పై టీ20లలో అత్యధిక సిక్సర్లు బాదిన భారత క్రికెటర్లు🏏అభిషేక్‌ శర్మ- 28🏏హార్దిక్‌ పాండ్యా- 27🏏విరాట్‌ కోహ్లి- 19🏏రోహిత్‌ శర్మ- 18🏏సూర్యకుమార్‌ యాదవ్‌ -18.మూడో టీ20 సందర్భంగా టీమిండియా నమోదు చేసిన చెత్త రికార్డులు ఇవే👉అంతర్జాతీయ టీ20లలో పరుగుల పరంగా టీమిండియాకు ఇదే అతిపెద్ద ఓటమి. (125 పరుగుల తేడాతో ఇంగ్లండ్‌ చేతిలో చిత్తు)👉ఇంగ్లండ్‌లో టీ20 మ్యాచ్‌లో అతి తక్కువ స్కోరుకే ఆలౌట్‌ అయిన జట్టుగా టీమిండియా (76/10).👉ఐదు టీ20 మ్యాచ్‌లలో విజయమన్నదే లేకుండా టీమిండియా పరాజయాల పరంపర కొనసాగించడం ఇదే తొలిసారి. ఐర్లాండ్‌ చేతిలో రెండు, ఇంగ్లండ్‌ చేతిలో రెండు మ్యాచ్‌లు ఓడిన టీమిండియా. ఇక వర్షం వల్ల ఇంగ్లండ్‌తో తొలి టీ20 రద్దు కాగా.. మొత్తంగా వరుసగా ఐదు మ్యాచ్‌లలో టీమిండియాకు గెలుపున్నదే లేకుండా పోయింది.👉టీ20 మ్యాచ్‌లో 11.4 (అతి తక్కువ) ఓవర్లలో టీమిండియా ఆలౌట్‌ కావడం ఇదే మొదటిసారి. చదవండి: అందుకే వైభవ్‌ను ఆడిస్తున్నాం: కుండబద్దలు కొట్టిన గంభీర్‌

నాటింగ్హమ్‌ వేదికగా ఇంగ్లండ్‌తో జరిగిన మూడో టీ20లో భారత్‌ 125 పరుగుల భారీ తేడాతో ఓటమిపాలైంది. ఈ ఓటమి అనంతరం భారత కెప్టెన్ శ్రేయస్ అయ్యర్ తీవ్ర అసంతృప్తి వ్యక్తం చేశాడు. జట్టు ప్రదర్శనను "అత్యంత దారుణం"గా అభివర్ణించాడు. ఇలాంటి ఓటమిని ఎట్టి పరిస్థితుల్లోనూ అంగీకరించలేమని స్పష్టం చేశాడు.అతడి మాటల్లో.. "ఈ ప్రదర్శనను వర్ణించడానికి 'అత్యంత దారుణం' అనే పదం తప్ప మరోటి కనిపించడం లేదు. ఇంత పెద్ద తేడాతో ఓడిపోవడం అసలు అంగీకారయోగ్యం కాదు. ఈ ఓటమి నుంచి పాఠాలు నేర్చుకుని మళ్లీ ప్రణాళికలు సిద్ధం చేసుకోవాలి. ఇది 200 పరుగులు చేసే పిచ్ కాదని నా అభిప్రాయం. పవర్‌ప్లేలోనే నాలుగు వికెట్లు కోల్పోవడం మాకు భారీ ఎదురుదెబ్బగా మారింది.బౌలింగ్‌లో కూడా జట్టు ప్రణాళికను సరిగా అమలు చేయలేకపోయింంది. జట్టు సమావేశాల్లో ఎంత ప్రణాళిక రూపొందించినా, మైదానంలో పరిస్థితులకు అనుగుణంగా బౌలింగ్ చేయాలి. ఈ వికెట్‌పై హార్డ్ లెంగ్త్ బంతులు ప్రభావవంతంగా ఉన్నాయి. కానీ మేము వాటిని తగినంతగా వేయలేదు.అలాగే 200 పరుగుల లక్ష్యాన్ని ఛేదించే సమయంలో బ్యాటర్లు ప్రణాళికాబద్ధంగా ఆడాలి. మొత్తంగా మా అమలు చాలా పేలవంగా సాగింది" అని అన్నాడు.అయితే మిగిలిన రెండు మ్యాచ్‌ల్లో బలంగా పుంజుకుంటామని విశ్వాసం వ్యక్తం చేశాడు. "గతాన్ని తలచుకుంటూ కూర్చోవడం వల్ల ప్రయోజనం లేదు. మేం చాలా పేలవమైన క్రికెట్ ఆడాం. అయినా ఈ ఓటమి నుంచి ఎన్నో విషయాలు నేర్చుకోవచ్చు. మళ్లీ జట్టుకు ఊపు తీసుకొచ్చేందుకు ప్రతి ఆటగాడు తన వంతు బాధ్యత ఎలా నిర్వర్తించాలనే దానిపై ఆలోచించాలి" అని తెలిపాడు.కాగా, ఈ మ్యాచ్‌లో తొలుత బ్యాటింగ్ చేసిన ఇంగ్లండ్ 20 ఓవర్లలో 7 వికెట్ల నష్టానికి 201 పరుగులు చేసింది. ఓపెనర్ ఫిల్ సాల్ట్ 44 బంతుల్లో 70 పరుగులతో టాప్ స్కోరర్‌గా నిలవగా, జోస్ బట్లర్ 36, సామ్ కరన్ 24 బంతుల్లో అజేయంగా 41 పరుగులు చేశాడు. భారత బౌలర్లలో హర్షిత్ రాణా, ప్రిన్స్ యాదవ్ తలో రెండు వికెట్లు తీశారు.202 పరుగుల లక్ష్యంతో బరిలోకి దిగిన భారత్ కేవలం 11.4 ఓవర్లలో 76 పరుగులకే ఆలౌటైంది. ఇది టీ20 అంతర్జాతీయ క్రికెట్‌లో భారత్‌కు రెండో అత్యల్ప స్కోరు కాగా, 125 పరుగుల తేడాతో ఓడిపోవడం భారత జట్టు చరిత్రలోనే అత్యంత భారీ పరాజయంగా నిలిచింది. ఇప్పుడు సిరీస్‌లో నిలవాలంటే జూలై 9న బ్రిస్టల్‌లో జరిగే నాలుగో టీ20లో భారత్ తప్పక విజయం సాధించాల్సిన పరిస్థితి ఏర్పడింది.కొత్తగా కెప్టెన్సీ బాధ్యతలు చేపట్టిన అయ్యర్ నాయకత్వంలో భారత్‌కు ఇది వరుసగా నాలుగో ఓటమి. అంతకుముందు ఐర్లాండ్‌తో జరిగిన రెండు టీ20ల్లోనూ భారత్ పరాజయం పాలైంది.

ఇంగ్లండ్‌తో జ‌రుగుతున్న మూడో టీ20 మ్యాచ్‌లో టీమిండియా టాస్ గెలిచి బౌలింగ్ ఎంచుకుంది. రెండో టీ20లో ఓట‌మి పాలైన భార‌త్ ఈ మ్యాచ్‌లో విజ‌యం సాధించి సిరీస్‌ను 1-1తో స‌మం చేయాల‌ని భావిస్తోంది. మ‌రోవైపు ఇంగ్లండ్ మాత్రం విజ‌యం సాధించి ఆధిక్యంలో నిల‌వాల‌ని ఉవ్విళ్లూరుతోంది. ఈ మ్యాచ్‌కు టీమిండియా ఒక మార్పుతో బ‌రిలోకి దిగింది. ర‌వి బిష్ణోయి స్థానంలో ప్రిన్స్ యాద‌వ్ తుదిజ‌ట్టులోకి రాగా.. ఇంగ్లండ్ జ‌ట్టు ఎలాంటి మార్పులు చేయ‌లేదు. తొలి మ్యాచ్ వర్షార్పణం కాగా, రెండో టీ20లో ఇంగ్లండ్ 4 వికెట్ల తేడాతో భారత్‌పై విజయాన్ని అందుకుంది.అయితే మ్యాచ్ ఆరంభానికి ముందే కెప్టెన్‌ శ్రేయస్ అయ్యర్ అరుదైన ఫీట్ సాధించాడు. భారత టీ20 కెప్టెన్‌గా అయ్యర్ టాస్ గెలవడం ఇది ఐదోసారి. ఈ నేపథ్యంలో అంతర్ర్జాతీయ టీ20 క్రికెట్‌లో టీమిండియా కెప్టెన్లలో అత్యధికసార్లు టాస్‌ నెగ్గిన జాబితాలో శ్రేయస్ అయ్యర్ రోహిత్ శర్మ, ధోనిలతో కలిసి సంయుక్తంగా మూడో స్థానంలో కొనసాగుతున్నాడు. వీరికంటే ముందు ఎంఎస్ ధోని ఏడుసార్లు (మే 2010 నుంచి ఫిబ్రవరి 2012 వరకు), విరాట్ కోహ్లి ఆరుసార్లు (ఆగస్టు 2019 నుంచి డిసెంబర్ 2019 వరకు), తొలి రెండు స్థానాల్లో ఉన్నారు.ఇంగ్లండ్: ఫిలిప్ సాల్ట్, జోస్ బట్లర్(వికెట్ కీప‌ర్‌), హ్యారీ బ్రూక్(కెప్టెన్‌), జాకబ్ బెథెల్, టామ్ బాంటన్, సామ్ కర్రాన్, విల్ జాక్స్, లియామ్ డాసన్, జోఫ్రా ఆర్చర్, ఆదిల్ రషీద్, జోష్ టంగ్భారత్: అభిషేక్ శర్మ, వైభవ్ సూర్యవంశీ, ఇషాన్ కిషన్(వికెట్ కీప‌ర్‌), శ్రేయాస్ అయ్యర్ (కెప్టెన్‌), శివమ్ దూబే, తిలక్ వర్మ, అక్షర్ పటేల్, హర్షిత్ రాణా, ప్రిన్స్ యాదవ్, అర్ష్‌దీప్ సింగ్, వరుణ్ చక్ర‌వ‌ర్తి🚨 Toss 🚨#TeamIndia have won the toss and elected to bowl first at Trent Bridge.Updates ▶️ https://t.co/jan4S8zsaV#ENGvIND pic.twitter.com/ptcxBFxRP5— BCCI (@BCCI) July 7, 2026చదవండి: సెమీస్‌కు దూసుకెళ్లిన గాఫ్‌.. పిన్న వ‌య‌స్కురాలిగా చ‌రిత్ర‌

తన గురించి జరుగుతున్న ప్రచారంపై టీమిండియా మాజీ కెప్టెన్‌ సూర్యకుమార్‌ యాదవ్‌ స్పందించాడు. అవన్నీ కేవలం కల్పితాలేనని.. అసత్య వార్తలను నమ్మవద్దని అభిమానులకు విజ్ఞప్తి చేశాడు. అదే విధంగా.. టీమిండియా గొప్ప విజయాలు సాధించాలని.. జట్టుకు తన మద్దతు ఎల్లప్పుడూ ఉంటుందని స్పష్టం చేశాడు.ఏకంగా జట్టు నుంచే తప్పించారుకాగా ఈ ఏడాది భారత్‌కు టీ20 ప్రపంచకప్‌ అందించిన సూర్యకుమార్‌పై యాజమాన్యం అనూహ్య రీతిలో వేటు వేసిన సంగతి తెలిసిందే. కెప్టెన్‌గా వరల్డ్‌కప్‌ ట్రోఫీ గెలిచినా.. ఆటగాడిగా విఫలమయ్యాడనే కారణంతో అతడిని ఏకంగా జట్టు నుంచే తప్పించారు సెలక్టర్లు.సూర్య స్థానంలో శ్రేయస్‌ అయ్యర్‌ను కొత్త కెప్టెన్‌గా నియమించింది బీసీసీఐ. అయితే, శ్రేయస్‌ సారథ్యంలో.. హెడ్‌కోచ్‌ గౌతం గంభీర్‌ మార్గదర్శనంలో టీమిండియాకు ఇటీవల ఘెర పరాభవం ఎదురైంది. ఐర్లాండ్‌ పర్యటనలో ఆతిథ్య జట్టు చేతిలో టీమిండియా ఊహించని విధంగా 2-0తో క్లీన్‌స్వీప్‌ అయింది.అనంతరం ఇంగ్లండ్‌ పర్యటనను కూడా ఓటమితోనే మొదలుపెట్టింది. ఈ నేపథ్యంలో టీమిండియా యాజమాన్యంపై విమర్శలు వస్తున్నాయి. సూర్యను తప్పించి పొరపాటు చేశారనే అభిప్రాయాలు వ్యక్తమవుతున్నాయి. ఈ నేపథ్యంలో సూర్యకుమార్‌ యాదవ్‌ సైతం ఇలాగే స్పందించాడనే వార్త వైరల్‌ అయింది.గౌరవం దక్కలేదన్నాడు!తనను కెప్టెన్సీ నుంచి ఎందుకు తొలగించారో స్పష్టంగా తెలియదని.. సమాచారం కూడా ఇవ్వలేదని.. అసలు తనకు దక్కాల్సిన గౌరవం దక్కలేదని సూర్య అన్నట్లుగా ప్రచారం జరిగింది. ఈ విషయంపై సూర్య తాజాగా సోషల్‌ మీడియా వేదికగా స్పందించాడు.సూర్యకుమార్‌ పోస్ట్‌ వైరల్‌‘‘భారత జట్టు కూర్పు పట్ల నేను సంతోషంగా ఉన్నాను. టీమిండియాకు మంచి జరగాలనే ఎల్లప్పుడూ కోరుకుంటాను. కుర్రాళ్లు ఎంతో గొప్పగా రాణిస్తున్నారు. వారికి నా మద్దతు ఎల్లప్పుడూ ఉంటుంది.ముఖ్యంగా వైభవ్‌.. నీ ప్రయాణం ఇప్పుడే మొదలైంది. ఇది ఇంకాస్త ఆసక్తిగా సాగాలని నేను కోరుకుంటున్నా. ఆడుతున్న ప్రతీ క్షణాన్ని ఆస్వాదించు. దేశాన్ని గర్వపడేలా చేయాలి. ఇక సోషల్‌ మీడియాలో నేను అన్నట్లుగా ఓ వార్త ప్రచారం కావడం నా దృష్టికి వచ్చింది.అవన్నీ తప్పుడు కథనాలు. నకిలీ వార్తలను నాకు ఆపాదిస్తున్నారు. నేను ఇలాంటి వ్యాఖ్యలు చేయలేదని ఇప్పుడు మీకు స్పష్టంగా తెలియజేస్తున్నా. ఇలాంటి అసత్య ప్రచారాలను దయచేసి నమ్మవద్దు.భారత క్రికెట్‌, నా సహచర ఆటగాళ్లకు ఎల్లప్పుడూ నా మద్దతు ఉంటుంది. ఇలాంటి నకిలీ వార్తల కంటే ఆట గురించిన చర్చే ఎక్కువగా ఉంటుంది. ఉండాలి కూడా’’ అని సూర్యకుమార్‌ యాదవ్‌ ఎక్స్‌ వేదికగా క్లారిటీ ఇచ్చాడు.చదవండి: మూడో టీ20కి ముందు వైభవ్‌కు గాయం!

జింబాబ్వేతో జ‌ర‌గ‌నున్న మూడు మ్యాచ్‌ల టీ20 సిరీస్ కోసం బీసీసీఐ సోమవారం టీమిండియా జ‌ట్టును ప్ర‌క‌టించింది. శ్రేయస్‌ అయ్యర్‌ సారథ్యంలో 15 మందితో కూడిన జట్టులో ఓపెనర్‌ సంజూ శాంసన్‌కు చోటు దక్కలేదు. అతడి స్థానంలో వైభవ్‌ సూర్యవంశీకి అవకాశం కల్పించారు. ఇక ఐపీఎల్‌ 2026 సీజన్‌లో పంజాబ్‌ కింగ్స్‌ తరఫున సంచలన ప్రదర్శన కనబరిచిన ఓపెనర్‌ ప్రబ్‌సిమ్రన్‌ సింగ్‌ జట్టులో తొలిసారి చోటు దక్కించుకున్నాడు.ఇక 2026 టీ20 ప్ర‌పంచ‌క‌ప్‌ను టీమిండియా గెల‌వ‌డంలో సంజూ శాంస‌న్‌ది కీల‌క‌పాత్ర‌. టోర్నీలో టాప్ స్కోర‌ర్‌గా నిలిచిన సంజూ శాంస‌న్ ఐర్లాండ్‌తో జ‌రిగిన రెండు టీ20ల‌తో పాటు ఇంగ్లండ్‌తో తొలి టీ20 మ్యాచ్‌లో ఆడిన‌ప్ప‌టికీ విఫ‌ల‌మ‌య్యాడు. దీంతో రెండో టీ20కి శాంస‌న్‌ను త‌ప్పించి వైభ‌వ్‌కు అవ‌కాశ‌మిచ్చారు. ఇక జింబాబ్వేతో టీ20 సిరీస్‌కు సంజూ శాంస‌న్‌ను పూర్తిగా ప‌క్క‌న‌బెట్టారు. చిన్న జ‌ట్టుతో సిరీస్ కావ‌డంతో శాంస‌న్‌కు రెస్ట్ ఇచ్చి ఉంటార‌ని కొంత‌మంది అభిమానులు భావిస్తున్నారు. ఇక జాతీయ జ‌ట్టుకు తొలిసారి ఎంపికైన ప్ర‌బ్‌సిమ్ర‌న్ ఐపీఎల్ 2026 సీజ‌న్‌లో పంజాబ్ కింగ్స్ త‌ర‌ఫున 168.87 స్ట్రైక్‌రేట్‌తో 510 ప‌రుగులు సాధించాడు. ఇత‌ర మార్పుల విష‌యానికొస్తే రింకూ సింగ్‌, మ‌యాంక్ యాద‌వ్ తిరిగి రీఎంట్రీ ఇవ్వ‌గా.. హ‌ర్ష్‌దూబే, య‌ష్ ఠాకూర్‌, గుజ‌రాత్ టైటాన్స్ స్టార్ అశోక్ శ‌ర్మ‌కు పిలుపొచ్చింది.జింబాబ్వే పర్యటనకు భారత జట్టుశ్రేయాస్ అయ్యర్ (కెప్టెన్), వైభవ్ సూర్యవంశీ, అభిషేక్ శర్మ, తిలక్ వర్మ (వైస్ కెప్టెన్), ఇషాన్ కిషన్ (వికెట్ కీపర్‌), శివమ్ దూబే, సూర్యాంశ్ షెడ్గే, రింకూ సింగ్, హర్ష్ దూబే, వరుణ్ చక్రవర్తి, ప్రిన్స్ యాదవ్, యశ్ ఠాకూర్, అశోక్ శర్మ, మయాంక్ యాదవ్‌, ప్రబ్‌సిమ్రన్ (వికెట్ కీపర్‌).జింబాబ్వే పర్యటనలో టీమిండియా షెడ్యూల్‌:తొలి టీ20: జూలై 23, హరారే (సమయం: సాయంత్రం 4.30 గంటల నుంచి)రెండో టీ20: జూలై 25, హరారే (సమయం: సాయంత్రం 4.30 గంటల నుంచి)మూడో టీ20: జూలై 26, హరారే (సమయం: సాయంత్రం 4.30 గంటల నుంచి)Read: టీమిండియాతో మూడో టీ20: ఇంగ్లండ్‌ తుదిజట్టు ప్రకటన

టీమిండియా కెప్టెన్‌గా తొలి విజ‌యం కోసం శ్రేయస్‌ అయ్యర్‌ నిరీక్షణ కొనసాగుతూనే ఉంది. సూర్య‌కుమార్ యాద‌వ్ స్ధానంలో భారత టీ20 ప‌గ్గాల‌ను చేప‌ట్టిన శ్రేయ‌స్.. జట్టును విజయపథంలో నడిపించడంలో విఫ‌ల‌మ‌వుతున్నాడు. అత‌డి సార‌థ్యలో భార‌త జ‌ట్టు వ‌రుస‌గా మూడు ఓటముల‌ను చూవిచూసింది.ఐర్లాండ్‌తో తొలిసారి సిరీస్‌ను కోల్పోయిన భార‌త్‌, ఇప్పుడు ఇంగ్లండ్ టూర్‌లో అదే తీరును క‌న‌బ‌రుస్తోంది. తొలి టీ20 వర్షార్పణం కాగా.. రెండో టీ20లో 4 వికెట్ల తేడాతో మెన్ ఇన్ బ్లూ ఓటమి పాలైంది. ఇప్పుడు శ్రేయస్ సేన ఆతిథ్య జట్టుతో ట్రెండ్‌బ్రిడ్జ్ వేదికగా మూడో టీ20లో తలపడేందుకు సిద్దమైంది. ఈ మ్యాచ్‌తో తిరిగి గెలుపు బాట పట్టాలని భారత్ పట్టుదలతో ఉంది. ఈ నేపథ్యంలో భారత తుది జట్టులో ఓ మార్పు చోటు చేసుకోనున్నట్లు తెలుస్తోంది.బిష్ణోయ్‌పై వేటురెండో టీ20లో దారుణంగా విఫలమైన స్పిన్నర్ రవి బిష్ణోయ్‌పై వేటు వేసేందుకు టీమ్ మేనెజ్‌మెంట్ సిద్దమైనట్లు తెలుస్తోంది. అతడి స్ధానంలో ఫాస్ట్ బౌలర్ ప్రిన్స్ యాదవ్ తిరిగి జ‌ట్టులోకి తీసుకోనున్న‌ట్లు స‌మాచారం. ప్రిన్స్ యాద‌వ్ ఐర్లాండ్‌తో జ‌రిగిన రెండో టీ20లో డెబ్యూ చేశాడు.త‌న అరంగేట్ర మ్యాచ్‌లో ప్రిన్స్ అద‌ర‌గొట్టాడు. 4 ఓవ‌ర్ల కోటాలో కేవ‌లం 22 ప‌రుగులిచ్చి 3 వికెట్లు ప‌డ‌గొట్టాడు. అయిన‌ప్ప‌టికి ఇంగ్లండ్‌తో తొలి రెండో టీ20ల‌కు స్పిన్న‌ర్ బిష్ణోయ్ కోసం ప్రిన్స్‌ను గంభీర్ అండ్ కో ప‌క్క‌న పెట్టింది. కానీ బిష్ణోయ్ పూర్తిగా తేలిపోవ‌డంతో ప్రిన్స్ యాద‌వ్ తిరిగి ప్లేయింగ్ ఎలెవ‌న్‌లోకి రావ‌డం దాదాపు ఖాయ‌మైన‌ట్లే. ఈ ఢిల్లీ పేస‌ర్‌కు కొత్త బంతితో పాటు డెత్ ఓవ‌ర్ల‌లో అద్భుత బౌలింగ్ చేయ‌గ‌ల‌డు. పిన్ పాయింట్ యార్క‌ర్ల వేయ‌డంలో దిట్ట‌. ప్రిన్స్ యాద‌వ్ పేస‌ర్లు హ‌ర్షిత్ రాణా, అర్ష్‌దీప్ సింగ్‌ల‌తో క‌లిసి బంతిని పంచుకోనున్నాడు. కాగా ఐపీఎల్‌-2026లో ల‌క్నో సూప‌ర్ జెయింట్స్ జ‌ట్టు త‌ర‌పున ప్రిన్స్ అసాధ‌ర‌ణ ప్ర‌ద‌ర్శ‌న చేశాడు. దీంతో జాతీయ సెల‌క్ట‌ర్ల నుంచి అత‌డికి పిలుపు వ‌చ్చింది. అఫ్గాన్ సిరీస్‌లో వ‌న్డే అరంగేట్రం కూడా చేశాడు.చదవండి: శ్రీలంక గడ్డపై ద్రవిడ్‌ కుమారుడి విశ్వరూపం!

టీ20ల్లో వ‌ర‌ల్డ్ నంబ‌ర్ వ‌న్‌, వ‌రుస‌గా రెండు పొట్టి ప్ర‌పంచ‌క‌ప్ టైటిల్స్ గెలుచుకున్న టీమిండియాకు ఏమైంది? త‌మ‌కు క‌లిసొచ్చిన టీ20 ఫార్మాట్‌లో ఎందుకు విఫ‌ల‌మ‌వుతోంది? ఒకప్పుడు పసికూనలను ఆటాడుకున్న భారత్‌,..ఇప్పుడు ఐర్లాండ్ వంటి చిన్న జట్టు చేతిలో సైతం ఘోర పరాభవాన్ని మూట కట్టుకుని అబాసుపాలైంది. ఐర్లాండ్ టూర్‌లో ఎదురైన ఓటముల నుంచి టీమిండియా ఎలాంటి పాఠాలు నేర్చుకోలేదు. ఇంగ్లండ్ గడ్డపై అదే తీరును భారత్ కొనసాగిస్తోంది. మాంచెస్టర్ వేదికగా జరిగిన రెండో టీ20లో​ 4 వికెట్ల తేడాతో టీమిండియా ఓడిపోయింది. తొలి టీ20 వర్షం​ కారణంగా రద్దు అయిన సంగతి తెలిసిందే. దీంతో మెన్ ఇన్ బ్లూ వరుసగా మూడో ఓటమి చవిచూసింది. అసలు కొత్త కెప్టెన్ శ్రేయస్ అయ్యర్ సారథ్యంలోని ఈ సరికొత్త ‘టమిండియా’ ఎందుకు తడబడుతోంది? లోపాలు ఎక్కడున్నాయి? వాటిపై ఓ లుక్కేద్దాం.కెప్టెన్సీ మార్పు కొంపముంచిందా?ఐర్లాండ్, ఇంగ్లండ్ సిరీస్‌లకు ముందు భారత్‌కు టీ20 ప్రపంచకప్‌ను అందించిన కెప్టెన్ సూర్యకుమార్ యాదవ్‌పై బీసీసీఐ సెలక్షన్ కమిటీ వేటు వేసింది. కెప్టెన్సీ నుంచి మాత్రమే కాకుండా జట్టు నుంచే సూర్యను తప్పించింది. పేలవ ఫామ్ కారణంగా ఈ నిర్ణయం తీసుకున్నట్లు చీఫ్‌ అజిత్ అగార్కర్ తెలిపాడు. అతడి స్ధానంలో మరో ముంబై ఆటగాడు శ్రేయస్ అయ్యర్‌కు భారత టీ20 జట్టు పగ్గాలను బీసీసీఐ అప్పగించింది. దేశవాళీ క్రికెట్‌తో పాటు ఐపీఎల్‌లో కెప్టెన్‌గా విజయవంతమైన అయ్యర్‌.. అంతర్జాతీయ క్రికెట్‌లో కూడా టీమిండియాను అదేవిధంగా నడిపిస్తాడని అంతా భావించారు. కానీ అయ్యర్ ఆరంభంలోనే అందరి అంచనాలను తారు మారు చేశాడు. కెప్టెన్‌గా తన తొలి మూడు మ్యాచ్‌లలోనూ ఓటమి చవిచూశాడు. అయితే సూర్య విషయానికి వస్తే.. అతడి ఫామ్ దిగజారిన మాట వాస్తవే. కానీ కెప్టెన్‌గా మాత్రం అతడు సక్సెస్ అయ్యాడనే చెప్పాలి. సూర్యకుమార్ యాదవ్ సారథ్యంలో భారత్ సుమారు 80 శాతం విజయాలను సాధించింది. ఆసియాకప్‌, ప్రపంచకప్‌లతో పాటు ఆస్ట్రేలియా, సౌతాఫ్రికా వంటి ప్రధాన టీ20 సిరీస్‌లో కూడా భారత్ గెలుపొందింది. దీంతో ఇప్పుడు సూర్యను అంతా గుర్తు చేసుకుంటున్నారు. సూర్య వుంటే పరిస్థితి మరో విధంగా ఉండేదని క్రికెట్ నిపుణులు అభిప్రాయపడుతున్నారు. మరో కనీసం మూడో టీ20లోనైనా అయ్యర్ కెప్టెన్‌గా తొలి విజయాన్ని అందుకుంటాడో లేదో వేచి చూడాలి.సరిపోని స్కోర్లు.. స్ట్రైక్ రేట్ పెంచాల్సిందేఇంగ్లండ్‌తో జరిగిన మ్యాచ్‌లో భారత్ 190 పరుగుల భారీ స్కోరు సాధించినప్పటికీ.. ఆధునిక టీ20 క్రికెట్‌లో అది ఏ మాత్రం సరిపోదని మరోసారి రుజువైంది. స్టార్ వికెట్ కీపర్ బ్యాటర్ ఇషాన్ కిషన్ చెప్పినట్లు, ఈ మ్యాచ్‌లో భారత్ మరో 20 పరుగులు తక్కువగా చేసింది. అంతేకాకుండా మిడిల్ ఓవర్లలో భారత బ్యాటర్లు దూకుడుగా ఆడలేకపోతున్నారు. అభిషేక్ శర్మ తనదైన శైలిలో పవర్‌ప్లేలో దుమ్ములేపుతుంటే.. ఆ తర్వాత రన్‌రేట్‌ను అదే వేగంతో కొనసాగించడంలో మన బ్యాటర్లు విఫలమవుతున్నారు. ఐర్లాండ్ సిరీస్‌లో కూడా ఇదే జరిగింది. మిడిల్ ఓవర్లలో వికెట్లు కాపాడుకునే క్రమంలో డాట్ బాల్స్ ఎక్కువగా ఆడుతున్నారు. దీంతో స్కోర్ వేగం తగ్గి భారీ టార్గెట్‌లను ప్రత్యర్ధి ముందు భారత్ ఉంచలేకపోతుంది. కచ్చితంగా భారత బ్యాటర్లు తమ స్ట్రైక్ రేట్ పెంచాల్సిందే.తేలిపోతున్న బౌలర్లుమరోవైపు భారత బౌలింగ్ విభాగంలో సీనియర్ పేసర్ జస్ప్రీత్ బుమ్రా లేని లోటు స్పష్టంగా కనిపిస్తోంది. పరుగులను కట్టడి చేయలేక తేలిపోతున్నారు. మాంచెస్టర్ టీ20లో కూడా అదే జరిగింది. 190 పరుగులను డిఫెండ్ చేసుకునే క్రమంలో భారత బౌలర్లు తీవ్ర ఒత్తిడికి లోనయ్యారు. ఇంగ్లండ్ బ్యాటర్లు స్వీప్‌లు, రివర్స్ స్పీప్‌లు ఆడుతుంటే.. మన బౌలర్లు కనీసం లెంగ్త్‌ను కూడా మార్చలేదు.కీలక సమయాల్లో చెత్త బంతులు వేసి మ్యాచ్‌ను ఇంగ్లండ్‌కు అప్పగించారు. అర్ష్‌దీప్ మినహా ప్రసిద్ద్ కృష్ణ, హర్షిత్ రాణా వంటి పేసర్లు ఏ మాత్రం ప్రభావం చూపలేకపోతున్నారు. టీమిండియా తమ తదుపరి మ్యాచ్‌లలో విజయం సాధించాలంటే కచ్చితంగా బౌలింగ్‌, బ్యాటింగ్ విభాగంలో మెరుగ్గా రాణించాల్సిందే. లేదంటే యూకే పర్యటనలో మరో సిరీస్ ఓటమి తప్పదు.

ఇంగ్లండ్‌తో జరిగిన రెండో టీ20లో కీలక సమయంలో ఖరీదైన ఓవర్ వేసి టీమిండియా ఓటమికి ప్రధాన కారకుడైన లెగ్ స్పిన్నర్ రవి బిష్ణోయ్‌ను కెప్టెన్ శ్రేయస్ అయ్యర్ వెనుకేసుకొచ్చాడు. జట్టు ఓటమికి ఒక్కడినే బాధ్యుడిని చేయడం సరికాదని అభిప్రాయపడ్డాడు.మ్యాచ్ అనంతరం శ్రేయస్ మాట్లాడుతూ.. మ్యాచ్ ఎక్కడ మా చేతుల్లో నుంచి జారిపోయిందో నాకు తెలుసు. కానీ ఒకే ఆటగాడిని చూపించి అతనినే నిందించాలనుకోవడం లేదు. 16వ ఓవర్ తర్వాత మ్యాచ్ మొమెంటం పూర్తిగా మారిపోయిందని అన్నాడు.బిష్ణోయ్ వేసిన వరుస నోబాల్స్ గురించి ప్రశ్నించగా.. ఒక నోబాల్ వేసినా అతను మరింత బలంగా తిరిగి వస్తాడని నమ్ముతున్నాను. 17వ ఓవర్‌లో మ్యాచ్ మా చేతుల్లో నుంచి వెళ్లిపోయింది. అతను ఈ అనుభవం నుంచి నేర్చుకోవాల్సి ఉంటుంది.ఈ పిచ్‌పై 190 పరుగులు చాలామంచి స్కోరు. ముఖ్యంగా చివరి ఓవర్‌లో తిలక్ వర్మ ఆడిన అజేయ 24 పరుగుల ఇన్నింగ్స్ అసాధారణం. అదే సమయంలో జేకబ్ బేతెల్ అద్భుతంగా బ్యాటింగ్ చేశాడు. అతనికి కూడా తగిన గుర్తింపు ఇవ్వాలని పేర్కొన్నాడు.టీమిండియా తరఫున అరంగేట్రం చేసిన 15 ఏళ్ల వైభవ్ సూర్యవంశీపై కూడా శ్రేయస్‌ ప్రశంసలు కురిపించాడు. "అతనిలో ఏమాత్రం భయం కనిపించలేదు. గత కొన్ని నెలలుగా అద్భుతమైన క్రికెట్ ఆడుతున్నాడు. అరంగేట్రం ఒత్తిడిని ఏమాత్రం పట్టించుకోకుండా అవకాశాన్ని చక్కగా వినియోగించుకున్నాడు. అతని ఆత్మవిశ్వాసం చూడటానికి చాలా ఆనందంగా ఉంది" అని అన్నాడు.కాగా, 191 పరుగుల లక్ష్యంతో బరిలోకి దిగిన ఇంగ్లండ్ 16 ఓవర్లు ముగిసే సమయానికి ఐదు వికెట్లు కోల్పోయి లక్ష్యానికి 49 పరుగుల దూరంలో ఉండింది. ఈ దశలో బౌలింగ్‌కు వచ్చిన రవి బిష్ణోయ్ వరుసగా రెండు నోబాల్స్ వేయగా, ఫ్రీ హిట్‌లను జేకబ్ బేతెల్ రెండు భారీ సిక్సర్లుగా మలిచాడు. అదే ఓవర్‌లో మరో సిక్స్, ఒక ఫోర్‌తో కలిపి మొత్తం 29 పరుగులు రావడంతో మ్యాచ్ పూర్తిగా ఇంగ్లండ్ ఆధీనంలోకి వెళ్లింది. చివరకు ఆతిథ్య జట్టు మరో ఓవర్ మిగిలి ఉండగానే లక్ష్యాన్ని ఛేదించింది. ఈ గెలుపుతో ఇంగ్లండ్‌ ఐదు మ్యాచ్‌ల సిరీస్‌లో 1-0 ఆధిక్యంలోకి వెళ్లింది. తొలి టీ20 వర్షం కారణంగా రద్దైన విషయం తెలిసిందే.

భారత టీ20 జట్టు కెప్టెన్‌గా శ్రేయస్‌ అయ్యర్‌ చెత్త రికార్డును మూటగట్టుకున్నాడు. తొలి నాలుగు మ్యాచ్‌ల్లో ఒక్క విజయాన్ని కూడా నమోదు చేయలేకపోయిన తొలి భారత కెప్టెన్‌గా అపఖ్యాతి పాలయ్యాడు. కొద్ది రోజుల కిందట ఐర్లాండ్‌తో జరిగిన రెండు మ్యాచ్‌ల సిరీస్‌లో భారత టీ20 కెప్టెన్‌గా బాధ్యతలు చేపట్టిన శ్రేయస్‌.. ఆ సిరీస్‌లో రెండు మ్యాచ్‌లు, ప్రస్తుతం ఇంగ్లండ్‌తో జరుగుతున్న సిరీస్‌లో వరుసగా రెండు మ్యాచ్‌ల్లో ఒక్క విజయం కూడా నమోదు చేయలేదు. ఇంగ్లండ్‌తో తొలి టీ20 వర్షం​ కారణంగా రద్దైన విషయం తెలిసిందే. ఇలా చూస్తే శ్రేయస్‌ భారత టీ20 కెప్టెన్‌గా తన కెరీర్‌ను హ్యాట్రిక్‌ ఓటములతో మొదలుపెట్టాడు.ఈ అవాంఛనీయ రికార్డులతో పాటు శ్రేయస్‌ మరో అపఖ్యాతిని కూడా మూటగట్టుకున్నాడు. కెప్టెన్‌గా చివరి 11 మ్యాచ్‌ల్లో ఏకంగా 9 మ్యాచ్‌ల్లో తన జట్టును గెలిపించలేకపోయాడు. భారత టీ20 కెప్టెన్‌గా కెరీర్‌ ప్రారంభించడానికి ముందు అతడు ఐపీఎల్‌ 2026లో పంజాబ్‌ కింగ్స్‌ కెప్టెన్‌గా వ్యవహరించాడు. ఈ ఎడిషన్‌లో శ్రేయస్‌ తన చివరి 7 మ్యాచ్‌ల్లో ఏకంగా ఆరింట తన జట్టును పరాజయాలబాట పట్టించాడు. ఆ ఒక్క గెలుపు చివరి లీగ్‌ మ్యాచ్‌లో వచ్చింది.ఈ లెక్కన శ్రేయస్‌ తన చివరి 11 ఐపీఎల్‌, అంతర్జాతీయ మ్యాచ్‌ల్లో కేవలం ఒకే ఒక విజయం సాధించాడు. ఓ మ్యాచ్‌ వర్షం కారణంగా రద్దైంది. కెప్టెన్‌గా ఘనమైన ట్రాక్‌ రికార్డు ఉందన్న కారణంగా టీమిండియా కెప్టెన్సీ దక్కించుకున్న శ్రేయస్‌ ఇలాంటి చెత్త ప్రదర్శనలు చేస్తుండటం అభిమానులకు ఆగ్రహం తెప్పిస్తుంది. భారత కెప్టెన్‌గా ఇప్పటివరకు నాలుగు మ్యాచ్‌లు ఆడిన శ్రేయస్‌ ఖాతా కూడా తెరవలేకపోవడం ఫ్యాన్స్‌ను విస్మయానికి గురి చేస్తుంది.శ్రేయస్‌ తాజా ఓటమి విషయానికొస్తే.. ఓల్డ్ ట్రాఫోర్డ్ వేదికగా ఇంగ్లండ్‌తో జరిగిన రెండో టీ20లో భారత్‌ 4 వికెట్ల తేడాతో పరాజయంపాలైంది. ఈ మ్యాచ్‌లో తొలుత బ్యాటింగ్‌ చేసిన టీమిండియా.. అభిషేక్‌ శర్మ (43), ఇషాన్‌ కిషన్‌ (49), శ్రేయస్‌ అయ్యర్‌ (37), తిలక్‌ వర్మ (24 నాటౌట్‌) ఓ మోస్తరు స్కోర్లు చేయడంతో నిర్ణీత 20 ఓవర్లలో 7 వికెట్ల నష్టానికి 190 పరుగులు చేసింది. ఈ మ్యాచ్‌తో టీమిండియా అరంగేట్రం చేసిన చిచ్చరపిడుగు వైభవ్‌ సూర్యవంశీ రెండు సిక్సర్లు బాదినా, 14 పరుగులకే పరిమితమై నిరాశపరిచాడు.అనంతరం 191 పరుగుల లక్ష్యంతో బరిలోకి దిగిన ఇంగ్లండ్‌కు ఆదిలోనే ఎదురుదెబ్బలు తగిలినప్పటికీ.. జేకబ్‌ బేతెల్‌ (78 నాటౌట్‌) చెలరేగి ఆడి అద్భుత విజయాన్నందించాడు. అతడికి కెప్టెన్‌ హ్యారీ బ్రూక్‌ (39), టామ్‌ బాంటన్‌ (39) సహకరించారు. ఓ దశలో ఇంగ్లండ్‌ గెలుపుపై ఆశలు వదులుకున్నప్పటికీ.. రవి బిష్ణోయ్‌ వేసిన ఓ ఓవర్‌ ఆ జట్టును గెలుపు ట్రాక్‌ ఎక్కించింది. ఇన్నింగ్స్‌ 17వ ఓవర్‌లో బిష్ణోయ్‌ ఏకంగా 29 పరుగులు సమర్పించుకొని టీమిండియా కొంపముంచాడు. ఆతర్వాత ఒత్తిడి తగ్గడంతో ఇంగ్లండ్‌ మరో ఓవర్‌ మిగిలుండగానే 6 వికెట్లు కోల్పోయి లక్ష్యాన్ని ఛేదించింది. ఈ గెలుపుతో ఇంగ్లండ్‌ 5 మ్యాచ్‌ల సిరీస్‌లో 1-0 ఆధిక్యంలోకి వెళ్లింది. మూడో టీ20 నాటింగ్హమ్‌ వేదికగా జులై 7న జరుగనుంది.

ఇంగ్లండ్‌తో రెండో టీ20లో టాస్‌ గెలిచిన టీమిండియా తొలుత బ్యాటింగ్‌ ఎంచుకుంది. ఈ మ్యాచ్‌తో భారత చిచ్చర పిడుగు వైభవ్‌ సూర్యవంశీ అంతర్జాతీయ క్రికెట్‌లో అడుగుపెట్టాడు. ఓపెనర్‌గా సంజూ శాంసన్‌ స్థానాన్ని పదిహేనేళ్ల వైభవ్‌ భర్తీ చేశాడు.టాస్‌ సందర్భంగా టీమిండియా కెప్టెన్‌ శ్రేయస్‌ అయ్యర్‌ మాట్లాడుతూ.. ‘‘మేము ఈసారి కూడా తొలుత బ్యాటింగ్‌ చేస్తాం. మా తుదిజట్టులో ఒక మార్పు. సంజూ స్థానంలో వైభవ్‌ ఆడతాడు. గత రెండు నెలలుగా అతడు అద్భుతంగా ఆడుతున్నాడు.అత్యుత్తమ బౌలర్లను సమర్థవంతంగా ఎదుర్కొన్నాడు. అతడు ఒత్తిడికి లోనుకాడు. ఎలాంటి పరిస్థితుల్లోనైనా నిలకడగా ఆడగలడు’’ అని వైభవ్‌ సూర్యవంశీపై ప్రశంసలు కురిపించాడు. కాగా 15 ఏళ్ల 99 రోజుల వయసులో అంతర్జాతీయ క్రికెట్‌లో అడుగుపెట్టిన వైభవ్‌.. అత్యంత పిన్న వయసులో అరంగేట్రం చేసిన భారత క్రికెటర్‌గా చరిత్రకెక్కాడు. మరోవైపు.. గత మూడు మ్యాచ్‌లలో విఫలమైన సంజూ (5, 0, 1)పై యాజమాన్యం వేటు వేసింది.తుదిజట్లుటీమిండియావైభవ్‌ సూర్యవంశీ, అభిషేక్‌ శర్మ, ఇషాన్‌ కిషన్‌ (వికెట్‌ కీపర్‌), శ్రేయస్‌ అయ్యర్‌ (కెప్టెన్‌), తిలక్‌ వర్మ, శివం దూబే, హర్షిత్‌ రాణా, అక్షర్‌ పటేల్‌, రవి బిష్ణోయి, అర్ష్‌దీప్‌ సింగ్‌, వరుణ్‌ చక్రవర్తి.ఇంగ్లండ్‌ఫిల్‌ సాల్ట్‌, జోస్‌ బట్లర్‌ (వికెట్‌ కీపర్‌), హ్యారీ బ్రూక్‌ (కెప్టెన్‌), జేకబ్‌ బెతెల్‌, టామ్‌ బాంటన్‌, సామ్‌ కర్రాన్‌, విల్‌ జాక్స్‌, లియామ్‌ డాసన్‌, ఆదిల్‌ రషీద్‌, జోఫ్రా ఆర్చర్‌, జోష్‌ టంగ్‌.చదవండి: శ్రీలంకతో వన్డే.. భారత్‌ ఘన విజయం

భార‌త్‌, ఇంగ్లండ్ మ‌ధ్య తొలి టీ20 మ్యాచ్ వ‌ర్షార్ప‌ణ‌మైన‌ప్ప‌టికీ టీమిండియా ఆట‌గాళ్లు మాత్రం ప‌లు రికార్డులు త‌మ పేరిట లిఖించుకున్నారు. ఇప్ప‌టికే అభిషేక్ శ‌ర్మ ఫాస్టెస్ట్ ఫిఫ్టీతో అరుదైన ఫీట్ సాధించ‌గా, తాజాగా కెప్టెన్ శ్రేయ‌స్ అయ్య‌ర్ ఏకంగా చేజింగ్ మాస్ట‌ర్ విరాట్ కోహ్లి రికార్డును బ‌ద్ద‌లుకొట్టాడు. విష‌యంలోకి వెళితే.. ఇంగ్లండ్‌తో తొలి టీ20లో అయ్య‌ర్ 47 బంతుల్లో 68 ప‌రుగుల‌తో రాణించాడు. ఐర్లాండ్‌తో టీ20 సిరీస్‌లో విఫ‌ల‌మైన శ్రేయ‌స్ ఇంగ్లండ్ గ‌డ్డ‌పై మాత్రం బ్యాట్ ఝ‌లిపించాడు. ఈ క్ర‌మంలో 37 ప‌రుగుల వ్య‌క్తిగ‌త స్కోరు వ‌ద్ద అంత‌ర్జాతీయ క్రికెట్‌లో అన్ని ఫార్మాట్లు క‌లిపి 5వేల ప‌రుగులు పూర్తి చేసుకున్నాడు. టీమిండియా త‌ర‌ఫున 5వేల ప‌రుగులు పూర్తి చేసుకున్న 29వ బ్యాట‌ర్‌గా అయ్య‌ర్ నిలిచాడు. 147 ఇన్నింగ్స్‌ల్లో (అన్ని ఫార్మాట్లు) అయ్య‌ర్ ఈ ఫీట్ అందుకున్నాడు. ఇందులో ఆరు సెంచ‌రీలు, 37 అర్ధ‌సెంచ‌రీలున్నాయి. ఇక తొలి టీ20లో హాఫ్ సెంచ‌రీ సాధించిన అయ్య‌ర్ ఇంగ్లండ్ గ‌డ్డ‌పై కెప్టెన్‌గా ఫిఫ్టీ సాధించిన తొలి ఆట‌గాడిగా అయ్య‌ర్ నిలిచాడు. గ‌తంలో టీ20 కెప్టెన్‌గా కోహ్లి చేసిన 47 ప‌రుగులే అత్యుత్త‌మంగా ఉండేది. 8 ఏళ్ల త‌ర్వాత కోహ్లి రికార్డును అయ్య‌ర్ బద్ద‌లు కొట్టాడు. అంతేకాదు టీ20 కెరీర్‌లో శ్రేయ‌స్ అయ్య‌ర్‌కు ఇది మూడో అత్యుత్త‌మ వ్య‌క్తిగ‌త స్కోరు. టాస్ గెలిచి తొలుత బ్యాటింగ్ చేసిన టీమిండియా 20 ఓవ‌ర్ల‌లో 7 వికెట్ల న‌ష్టానికి 189 ప‌రుగులు చేసింది. భార‌త బ్యాట‌ర్ల‌లో ఓపెన‌ర్ అభిషేక్ శ‌ర్మ (59), కెప్టెన్ శ్రేయ‌స్ అయ్య‌ర్ (47 బంతుల్లో 68) అర్ధ‌సెంచ‌రీల‌తో రాణించారు. ఆఖ‌ర్లో శివ‌మ్ దూబే (21 బంతుల్లో 42 నాటౌట్‌) ప‌వ‌ర్‌హిట్టింగ్‌తో టీమిండియా భారీ స్కోరు చేయ‌గ‌లిగింది. ఇంగ్లండ్ బౌల‌ర్ల‌లో సాకిబ్ మ‌హ్మూద్ 3 వికెట్లు తీయ‌గా, ఆదిల్ ర‌షీద్‌, సామ్ క‌ర‌న్‌లు చెరో వికెట్ ప‌డ‌గొట్టారు.

చెస్టర్‌ లీ స్ట్రీట్‌: ఇంగ్లండ్‌తో తొలి టి20 మ్యాచ్‌లో భారత బ్యాటర్లు మెరుగైన ప్రదర్శన కనబర్చారు. ఐర్లాండ్‌ చేతిలో రెండు టి20ల్లోనూ ఓడి సిరీస్‌ కోల్పోయిన టీమ్‌... ఇంగ్లండ్‌తో పోరును సాధికారికంగా మొదలు పెట్టింది. ఈ మ్యాచ్‌లో టాస్‌ గెలిచి బ్యాటింగ్‌ ఎంచుకున్న భారత్‌ 20 ఓవర్లలో 7 వికెట్ల నష్టానికి 189 పరుగులు చేసింది.కెప్టెన్‌ శ్రేయస్‌ అయ్యర్‌ (47 బంతుల్లో 68; 6 ఫోర్లు, 1 సిక్స్‌), అభిషేక్‌ శర్మ (24 బంతుల్లో 59; 6 ఫోర్లు, 4 సిక్స్‌లు) అర్ధ సెంచరీలు సాధించగా...శివమ్‌ దూబే (21 బంతుల్లో 42 నాటౌట్‌; 2 ఫోర్లు, 3 సిక్స్‌లు) చివర్లో భారీ షాట్లు ఆడాడు. అభిషేక్, అయ్యర్‌ మూడో వికెట్‌కు 38 బంతుల్లో 82 పరుగులు జోడించారు. ఇంగ్లండ్‌ బౌలర్లలో సాఖిబ్‌ మహమూద్‌కు 3 వికెట్లు దక్కాయి. మ్యాచ్‌ రద్దుఇంగ్లండ్‌ ఛేదన సమయానికి భారీ వర్షం మొదలుకావడంతో అంపైర్లు మ్యాచ్‌ను రద్దు చేశారు. కీలక భాగస్వామ్యం... భారత తుది జట్టులో టీనేజర్‌ వైభవ్‌ సూర్యవంశీకి మరోసారి చోటు దక్కలేదు. సంజు సామ్సన్‌ (1) వరుసగా మూడో మ్యాచ్‌లోనూ విఫలం కాగా, ఇషాన్‌ కిషన్‌ (0) మళ్లీ రనౌట్‌ కావడంతో 6 పరుగులకే భారత్‌ 2 వికెట్లు కోల్పోయింది. ఈ దశలో అభిషేక్, అయ్యర్‌ కలిసి ఇన్నింగ్స్‌ను నిలబెట్టారు. అభిషేక్‌ తనదైన శైలిలో ధాటిగా చెలరేగగా, కెప్టెన్‌గా తొలి రెండు మ్యాచ్‌లలో విఫలమైన అయ్యర్‌ ఈ సారి జాగ్రత్తగా ఆడే ప్రయత్నం చేశాడు. డాసన్‌ ఓవర్లో సిక్స్‌ కొట్టిన అభిషేక్‌ మహమూద్‌ ఓవర్లో వరుసగా 4, 6, 6 బాదాడు. ల్యూక్‌వుడ్‌ ఓవర్లోనూ వరుసగా 3 ఫోర్లు కొట్టిన అతను 20 బంతుల్లోనే అర్ధ సెంచరీ పూర్తి చేసుకున్నాడు. అభిషేక్‌ అవుటైన తర్వాత భారత్‌ జోరును నిలువరించడంలో ఇంగ్లండ్‌ బౌలర్లు సఫలమయ్యారు. 8 ఓవర్లు ముగిసే సరికి స్కోరు 87/2 కాగా...తర్వాతి 6 ఓవర్లలో జట్టు 38 పరుగులే చేయగలిగింది. తిలక్‌వర్మ (13) ప్రభావం చూపలేకపోగా, 38 బంతుల్లో అయ్యర్‌ హాఫ్‌ సెంచరీని అందుకున్నాడు. అయ్యర్‌ వెనుదిరిగాక దూబే దూకుడుతో భారత్‌ మెరుగైన స్కోరుతో ముగించగలిగింది. రషీద్‌ బౌలింగ్‌లో అతను కొట్టిన 2 సిక్స్‌లు హైలైట్‌గా నిలిచాయి.స్కోరు వివరాలుభారత్‌ ఇన్నింగ్స్‌: సామ్సన్‌ (సి) బాంటన్‌ (బి) మహమూద్‌ 1; అభిషేక్‌ (ఎల్బీ) (బి) కరన్‌ 59; ఇషాన్‌ కిషన్‌ (రనౌట్‌) 0; అయ్యర్‌ (ఎల్బీ) (బి) మహమూద్‌ 68; తిలక్‌ (సి) డాసన్‌ (బి) మహమూద్‌ 13; దూబే (నాటౌట్‌) 42; హర్షిత్‌ (స్టంప్డ్‌) బట్లర్‌ (బి) రషీద్‌ 0; అక్షర్‌ (రనౌట్‌) 3; ఎక్స్‌ట్రాలు 3; మొత్తం (20 ఓవర్లలో 7 వికెట్లకు) 189. వికెట్ల పతనం: 1–6, 2–6, 3–88, 4–124, 5–165, 6–174, 7–189. బౌలింగ్‌: ల్యూక్‌వుడ్‌ 3–0–35–0, మహమూద్‌ 4–0–33–3, డాసన్‌ 3–0–26–0, జాక్స్‌ 3–0–30–0, రషీద్‌ 4–0–39–1, స్యామ్‌ కరన్‌ 3–0–25–1.

టీమిండియా టీ20 కెప్టెన్సీ పగ్గాలు చేపట్టిన శ్రేయస్‌ అయ్యర్‌కు తొలి ప్రయత్నంలోనే చేదు అనుభవం ఎదురైంది. చరిత్రలో ఎన్నడూ లేని విధంగా భారత జట్టు పసికూన ఐర్లాండ్‌ చేతిలో 2-0తో వైట్‌వాష్‌ అయింది. దీంతో కెప్టెన్‌ శ్రేయస్‌ అయ్యర్‌తో పాటు.. హెడ్‌కోచ్‌ గౌతం గంభీర్‌పైనా విమర్శల వర్షం కురుస్తోంది.ఇక ఐర్లాండ్‌ పర్యటన ముగించుకున్న టీమిండియా ఇంగ్లండ్‌లో అడుగుపెట్టింది. ఇరుజట్ల మధ్య బుధవారం నుంచి టీ20 సిరీస్‌ ఆరంభం కానుంది. ఈ నేపథ్యంలో మీడియాతో మాట్లాడిన శ్రేయస్‌ అయ్యర్‌కు.. మాజీ కెప్టెన్‌ సూర్యకుమార్‌ యాదవ్‌ గురించి ప్రశ్న ఎదురైంది.సూర్య నాతో మాట్లాడాడుఇందుకు బదులిస్తూ.. ‘‘సూర్యకుమార్‌ యాదవ్‌, నేనూ దాదాపుగా ఒకేలా ఆలోచిస్తాము. దేశవాళీ క్రికెట్‌లో అతడితో కలిసి చాలా ఏళ్లు ఆడాను. ఇక్కడికి వచ్చేముందు కూడా సూర్య నాతో మాట్లాడాడు.యాజమాన్యం ఎలా పనిచేస్తుంది.. వివిధ సందర్భాల్లో ఆటగాళ్లు ఎలా స్పందిస్తారు.. వారి ఆలోచనలు ఏవిధంగా ఉంటాయన్న అంశాలపై నాకు ఇన్‌పుట్స్‌ ఇచ్చాడు. మా మధ్య సంభాషణ అర్థవంతంగా సాగింది. అతడి నుంచి నేర్చుకోవాల్సి చాలానే ఉంది’’ అని శ్రేయస్‌ అయ్యర్‌ పేర్కొన్నాడు.అనూహ్య రీతిలో వేటు కాగా ఈ ఏడాది టీ20 ప్రపంచకప్‌ టోర్నీలో భారత్‌ను చాంపియన్‌గా నిలిపిన సూర్యకుమార్‌ యాదవ్‌పై యాజమాన్యం అనూహ్య రీతిలో వేటు వేసింది. కెప్టెన్‌గా రాణించినా బ్యాటర్‌గా విఫలం కావడమే ఇందుకు ప్రధాన కారణం. అయితే, సూర్యకు ఇంగ్లండ్‌ పర్యటనలో భాగంగా మరొక్క అవకాశం ఇస్తారని భావించినా.. యాజమాన్యం మాత్రం అతడిని సారథ్య బాధ్యతల నుంచే కాకుండా.. జట్టు నుంచీ తొలగిస్తూ కఠిన నిర్ణయం తీసుకుంది.చదవండి: IND vs ENG: షెడ్యూల్‌, జట్లు.. టైమింగ్స్‌.. పూర్తి వివరాలు

ఐర్లాండ్ సిరీస్‌లో వైభవ్ సూర్యవంశీకి టీమిండియా అరంగేట్రం చేసే అవకాశం ఇవ్వకపోవడంపై పెద్ద వివాదం నడుస్తోంది. ఆ సిరీస్‌లో వైభవ్‌ తప్పక అరంగేట్రం చేస్తాడని అందరూ అనుకున్నా, చివరికి అతనికి ప్లేయింగ్ XIలో చోటు దక్కలేదు. దీంతో టీమిండియా మేనేజ్‌మెంట్‌, కెప్టెన్ శ్రేయస్ అయ్యర్‌, కోచ్ గౌతమ్ గంభీర్‌పై విమర్శలు వెల్లువెత్తాయి.ఈ వివాదంలోకి రాజకీయ నాయకులు కూడా ఎంటయ్యారు. బీజేపీ ఎంపీ, కేంద్ర మంత్రి గిరిరాజ్ సింగ్ వైభవ్‌ను ఐర్లాండ్‌ సిరీస్‌లో ఆడించకపోవడంపై తీవ్ర అసంతృప్తి వ్యక్తం చేశారు. శ్రేయస్‌ అయ్యర్‌, గౌతమ్‌ గంభీర్‌ టార్గెట్‌ చేస్తూ విమర్శలు గుప్పించారు. సచిన్ టెండూల్కర్, సునీల్ గవాస్కర్ వంటి దిగ్గజాలు సూచించినా వైభవ్‌ను తుది జట్టులోకి తీసుకోలేదంటూ టీమిండియా మేనేజ్‌మెంట్‌పై ధ్వజమెత్తారు. ఓ ఇంగ్లండ్‌ మాజీ స్పిన్నర్‌ పేపర్‌ స్టేట్‌మెంట్‌ను సోషల్‌మీడియాలో ట్యాగ్‌ చేస్తూ టీమిండియా సిస్టమ్‌పై అసహనం వ్యక్తం చేశారు.గిరిరాజ్‌ సింగ్‌ చేసిన రచ్చపై టీమిండియా కెప్టెన్‌ శ్రేయస్‌ అయ్యర్‌ తాజాగా స్పందించాడు. ఇంగ్లండ్‌తో టీ20 సిరీస్‌కు ముందు మీడియాతో మాట్లాడుతూ..తాను సోషల్ మీడియా లేదా న్యూస్ ఛానల్స్‌లో వచ్చే ఒత్తిడిని పట్టించుకోనని, జట్టు అవసరాలు మరియు ప్రదర్శన ఆధారంగానే నిర్ణయాలు తీసుకుంటామని పేర్కొన్నాడు. దీంతో వైభవ్‌ అరంగేట్రంపై వస్తున్న రాజకీయ ఒత్తిడిని నేరుగా తిప్పికొట్టాడు.ఇదిలా ఉంటే, ఇవాళ ఇంగ్లండ్‌తో జరుగబోయే తొలి టీ20లోనూ వైభవ్‌ అరంగేట్రం అనుమానమేనని తెలుస్తోంది. భారత మేనేజ్‌మెంట్‌, కోచ్‌, కెప్టెన్‌ అందరూ ముక్తకంఠంతో ఓపెనర్లుగా అభిషేక్‌ శర్మ, సంజూ శాంసన్‌కు వత్తాసు పలుకుతున్నారు. దీన్ని బట్టి నేటి మ్యాచ్‌లోనూ వైభవ్‌ అరంగేట్రం లేనట్లే అన్న విషయం స్పష్టమవుతుంది. ఈ లెక్కన వైభవ్‌ అరంగేట్రం కోసం మరికొద్ది రోజులు వేచి చూడక తప్పదు.

యూకే పర్యటనలో ఉన్న టీమిండియాకు మరో కఠిన సవాల్ ఎదురు కానుంది. జూలై 1 నుంచి భార‌త్-ఇంగ్లండ్ మ‌ధ్య ఐదు మ్యాచ్‌ల టీ20 సిరీస్ ప్రారంభం కానుంది. ఇందులో భాగంగా ఇరు జ‌ట్ల తొలి టీ20 డర్హామ్ వేదికగా బుధవారం జరగనుంది. ఐర్లాండ్ చేతిలో ఎదరైన ఘోర పరాభవం నుంచి తిరిగి పుంజుకుని ఇంగ్లండ్ గడ్డపై సత్తాచాటాలని భారత్ పట్టుదలతో ఉంది.అయితే ఐర్లాండ్ సిరీస్‌లో బెంచ్‌కే పరిమితమైన యువ సంచలనం వైభవ్ సూర్యవంశీని కనీసం ఇంగ్లండ్‌తో తొలి టీ20లోనా ఆడిస్తారా? లేదా? అన్న చ‌ర్చ ప్ర‌స్తుతం జ‌రుగుతోంది. ఐర్లాండ్ సిరీస్‌లో రెండు మ్యాచ్‌ల‌లోనూ విఫ‌ల‌మైన సంజూ శాంసన్ స్ధానంలో సూర్య‌వంశీకి ఛాన్స్ ఇవ్వాల‌ని చాలా మంది సూచిస్తున్నారు. మ‌రికొంద‌రు ఇషాన్ కిష‌న్‌ను ప‌క్క‌న పెట్టి వైభ‌వ్‌ను తుది జ‌ట్టులోకి తీసుకోవాల‌ని అభిప్రాయ‌ప‌డుతున్నారు.ఈ నేప‌థ్యంలో టీమిండియా కెప్టెన్ శ్రేయ‌స్ అయ్య‌ర్ కీల‌క వ్యాఖ్య‌లు చేశాడు. తొలి టీ20కు ముందు ప్రెస్ కాన్ఫ‌రెన్స్‌లో శ్రేయస్‌ పాల్గొన్నాడు. ఈ సంద‌ర్భంగా జ‌ట్టు కూర్పు కోసం అయ్య‌ర్‌ను విలేక‌రులు ప్ర‌శ్నించారు. అయితే తుది జట్టు కాంబినేషన్‌ను ముందుగానే వెల్లడించడం తనకు ఇష్టం లేదని శ్రేయస్ చెప్పుకొచ్చాడు.తొలి టీ20 కోసం మా ప్రణాళికలను సిద్దం చేసుకున్నాం. అయితే మేము ఏ కాంబినేషన్‌తో బరిలోకి దిగుతున్నామో బహిరంగంగా వెల్లడించలేను. ఎందుకంటే ప్రత్యర్థులకు మా వ్యూహాలు తెలిసిపోతాయి. అందుకే గోప్యంగా ఉంచాలనుకుంటున్నాను అని శ్రేయస్ పేర్కొన్నాడు.అదేవిధంగా వైభవ్ సూర్యవంశీ గురించి విలేకరులు శ్రేయస్‌ను మరోసారి ప్రశ్నించారు. అయితే సూర్యవంశీ జట్టులో ఉంటాడా లేదా అనే విషయంపై స్పష్టత ఇవ్వకుండా అయ్యర్‌.. ఈ రాజస్తాన్ చిచ్చరపిడుగుపై ప్రశంసల జల్లు కురిపించాడు."సూర్యవంశీ అద్భుతమైన ఆటగాడు. వైభవ్ వంటి గన్ ప్లేయర్‌ను బెంచ్‌లో కూర్చోబెట్టడం కెప్టెన్‌గా ఎంత కష్టమో నాకు తెలుసు. అలాగే అతడికి ఎప్పుడు అవకాశం ఇవ్వాలనే దానిపై నిర్ణయం తీసుకోవడం టీమ్ మేనేజ్‌మెంట్‌కు కూడా సవాల్‌గా మారింది. ఎందుకంటే గత కొన్ని సిరీస్‌లుగా అద్భుతంగా రాణించిన ఎంతో అనుభవజ్ఞులైన ఆటగాళ్లు ప్రస్తుతం జట్టులో ఉన్నారు. కాబట్లట్టి సీనియర్లకు మద్దతుగా నిలవాల్సిన అవసరముంది. కానీ వైభవ్‌కు ఎప్పుడు అవకాశం వచ్చినా ఖచ్చితంగా అత్యుత్తమంగా రాణిస్తాడన్న నమ్మకం నాకు ఉందని" శ్రేయస్ వెల్లడించాడు. అయితే శ్రేయస్‌ వ్యాఖ్యలను బట్టి చూస్తే వైభవ్‌కు మరోసారి నిరాశే ఎదురయ్యే అవకాశముంది.చదవండి: ఆస్ట్రేలియాకు గుడ్ బై.. వేరే దేశానికి ఆడ‌నున్న స్టార్ ఆల్‌రౌండ‌ర్‌

టీమిండియా టీ20 కెప్టెన్‌గా శ్రేయ‌స్ అయ్య‌ర్ త‌న ప్రస్థానాన్ని ఓటమితో ఆరంభించాడు. అత‌డి సార‌థ్యంలోని భార‌త జ‌ట్టు ఐర్లాండ్‌తో జ‌రిగిన రెండు మ్యాచ్‌ల టీ20 సిరీస్‌లో 2-0 తేడాతో క్లీన్ స్వీప్ అయింది. ఈ సిరీస్‌కు ముందు ఐర్లాండ్‌పై భారత్‌కు ఒక్క మ్యాచ్‌లో కూడా ఓడిపోయిన రికార్డు లేదు. కానీ ఇప్పుడు వరుసగా మ్యాచ్‌ల‌లోనూ ఓడిపోయి ఘోర పరాభవాన్ని మూటగట్టుకుంది.ఈ నేపథ్యంలో భారత క్రికెట్ దిగ్గజం సునీల్ గవాస్కర్ కీలక వ్యాఖ్యలు చేశాడు. భారత క్రికెట్ చరిత్రలోనే ఇదొక మాయని మచ్చ అని గవాస్కర్ అభిప్రాయపడ్డాడు. ఆటగాళ్ల నిర్లక్ష్య వైఖరిపై కూడా గవాస్కర్ ఆగ్రహం వ్యక్తం చేశాడు. ఈ సిరీస్‌లో ఒకరిద్దరూ మినహా మిగితా బ్యాటర్లంతా దారుణంగా విఫలమయ్యారు. 155 ప‌రుగుల స్వ‌ల్ప ల‌క్ష్యాన్ని కూడా టీమిండియా ఛేదించ‌లేక చ‌తిక‌ల‌ప‌డడం గ‌మ‌నార్హం."జూన్ 28(ఆదివారం) అనేది భార‌త క్రికెట్ చ‌రిత్ర‌లోనే అత్యంత దారుణమైన రోజుగా నిలిచిపోతుంది. మ్యాచ్‌లో ఓడిపోవడం, సిరీస్‌ను కోల్పోవ‌డం స‌హ‌జం. కానీ ఏ జ‌ట్టు చేతిలో ఓడిపోయామ‌నేది ముఖ్యం. భారత క్రికెట్ చరిత్రలో ఎన్నో చేదు అనుభవాలు ఉన్నాయి, వాటిలో కొన్నింటిలో నేను కూడా భాగమయ్యాను. అయితే ఐర్లాండ్ వంటి చిన్న జ‌ట్టు చేతిలో ఓడిపోవ‌డం మాత్రం ఇండియన్ క్రికెట్ హిస్ట‌రీలోనే ఘెర ప‌రాభావంగా చెప్పుకోవాలి.ఒకవేళ ఐర్లాండ్ అద్భుత‌మైన క్రికెట్ ఆడి గెలిస్తే ఆ బాధ ఇంతగా ఉండేది కాదు. కానీ భారత ఆటగాళ్లలో కనిపించిన మితిమీరిన ఆత్మవిశ్వాసం, నిర్లక్ష్య వైఖరి వల్లే ఈ ఓటమి ఎదురైంది. అదే నన్ను ఎక్కువగా బాధించింది. ఈ ఓట‌మి 1983 ప్రపంచ కప్ ఫైనల్‌లో వెస్టిండీస్ ప్రదర్శనను గుర్తు చేసింది. ఆ స‌మ‌యంలో భారత బౌలర్లు తెలివిగా, కచ్చితమైన లైన్ అండ్‌ లెంగ్త్‌తో బౌలింగ్ చేశారు.మ్యాచ్‌ను ఈజీగా ముగించేలా కనిపించిన వివ్ రిచర్డ్స్‌ను అవుట్ చేస్తూ కెప్టెన్ కపిల్ దేవ్ పట్టిన అద్భుతమైన క్యాచ్ మ్యాచ్ స్వ‌రూపాన్నే మార్చేసింది. అప్పుడు వెస్టిండీస్ బ్యాటర్లు ఔటైన తీరును గ‌మ‌నిస్తే అతివిశ్వాసం స్ప‌ష్టంగా క‌నిపించింది. ఇప్పుడు ఐర్లాండ్ సిరీస్‌లో భార‌త బ్యాట‌ర్లు కూడా అదే త‌ప్పు చేశారు" అని స్పోర్ట్స్ స్టార్‌కు ఇచ్చిన ఇంట‌ర్వ్యూలో గవాస్కర్ పేర్కొన్నారు.చదవండి: IND vs IRE: భారత్‌పై ఘన విజయం.. ఐర్లాండ్‌కు భారీ షాక్‌