Wanaparthy District Latest News

ఈ పథకంతో మహి ళలు ఎవరి మీద ఆధారపడకుండా స్వయంగా సంపాదించుకునే అవకాశం ఉంటుంది. ఆర్థిక ఇబ్బందులతో సొంతంగా కుట్టు మిషన్‌ కొనుగోలు చేయలేని మాలాంటి పేద మహిళలకు ఎంతో ప్రయోజనకరం. ఎలాంటి పైరవీలకు ఆస్కారం లేకుండా ఎంపిక ప్రక్రియ చేపట్టి అర్హులైన వారికి ఇస్తే సంతోషిస్తారు. – రేణుక, అజ్జకొల్లు, మదనాపురం ప్రభుత్వం తీసుకొచ్చిన ఇంటింటికి ఇందిరమ్మ కుట్టుమిషన్ల పథకం పేద మహిళలకు ఎంతో ఉపయోగకరంగా ఉంటుంది. కుట్టుపని తెలిసిన మాలాంటి మహిళలకు ఇంటి వద్దనే ఉపాధి పొందేందుకు మంచి అవకాశం. కుట్టుమిషన్‌ అందితే పిల్లల చదువులు, కుటుంబ అవసరాలకు కొంత ఆదాయం సమకూర్చుకునే అవకాశం ఉంటుంది. కుట్టుమిషన్లు ఇస్తే మహిళలు ఆర్థికంగా అభివృద్ధి చెందుతారు. – కుందెన స్వప్న, గుమ్మడం, పెబ్బేరు ●

జిల్లావ్యాప్తంగా వచ్చిన దరఖాస్తులను ప్రభుత్వ మార్గదర్శకాల ప్రకారం పరిశీలిస్తాం. సమర్పించిన ధ్రువపత్రాలను పరిశీలించి అర్హులను ఎంపిక చేస్తాం. మండల, పట్టణస్థాయిలో సంబంధిత అధికారులు క్షేత్రస్థాయి విచారణ అనంతరం అర్హులైన వారి వివరాలను జిల్లాస్థాయి కమిటీకి పంపిస్తాం. ప్రభుత్వం నిబంధనలు, అందుబాటులో ఉన్న కుట్టుమిషన్ల సంఖ్య ఆధారంగా తుది లబ్ధిదారుల జాబితాను ఎంపిక చేస్తాం. ఎంపిక ప్రక్రియ పారదర్శకంగా చేపట్టి అర్హులైన మహిళలకు లబ్ధి చేకూరేలా చర్యలు తీసుకుంటాం. – ముజహీద్‌ఖాన్‌, జిల్లా బీసీ సంక్షేమశాఖ అధికారి ●

వనపర్తి రూరల్‌: జిల్లాకేంద్రంలోని కేడీఆర్‌నగర్‌లో ఉన్న అనూస్‌ పాఠశాల, నాగవరం ప్రాథమికోన్నత పాఠశాలలో శనివారం జిల్లా న్యాయ సేవాధికార సంస్థ ఆధ్వర్యంలో సురక్షిత్‌ బచ్‌పన్‌ అభియాన్‌–2026, పోక్సో చట్టం–2012పై అవగాహన సదస్సు నిర్వహించారు. ఈ కార్యక్రమానికి జిల్లా న్యాయసేవాధికార సంస్థ కార్యదర్శి, సీనియర్‌ సివిల్‌ న్యాయమూర్తి కె.దీప కాసరగడ్డ ముఖ్యఅతిథిగా హాజరై విద్యార్థులకు గుడ్‌, బ్యాడ్‌ టచ్‌, ఆన్‌లైన్‌ వేధింపులు, ఇంటర్నెట్‌, సోషల్‌ మీడియా వినియోగం, సైబర్‌ నేరాలపై అప్రమత్తత తదితర విషయాలపై అవగాహన కల్పించారు. ఏదైనా సమస్య ఎదురైతే చైల్డ్‌ హెల్ప్‌లైన్‌ నంబర్‌ 1098 లేదా జిల్లా న్యాయ సేవాధికార సంస్థ టోల్‌ఫ్రీ నంబర్‌ 15100ను సంప్రదించాలని సూచించారు. అనంతరం సురక్షిత్‌ బచ్‌పన్‌ అభియానన్‌లో భాగంగా బాలల హక్కులపై నిర్వహించిన వ్యాసరచన పోటీల్లో విజేతలకు ప్రథమ, ద్వితీయ బహుమతులు అందజేశారు. కార్యక్రమంలో ఎంఈఓ మద్దిలేటి, సీఎంఓ ప్రతాప్‌రెడ్డి, లీగల్‌ ఎయిడ్‌ డిఫెన్స్‌ కౌన్సిలర్లు డి.కృష్ణయ్య, రఘు, సైబర్‌క్రైమ్‌ ఎస్‌ఐ రవిప్రకాష్‌, డీసీపీఓ రాంబాబు, ఆయా పాఠశాలల ప్రిన్సిపాల్స్‌, ఉపాధ్యాయులు, విద్యార్థులు పాల్గొన్నారు.

ఖిల్లాఘనపురం: ఎల్‌నినో ప్రభావంతో కరువు పరిస్థితులు నెలకొన్నాయని.. నీటిలభ్యత పెంపునకు గ్రామాల్లో పాంపాండ్ల నిర్మాణానికి ప్రాధాన్యతనివ్వాలని స్థానిక సంస్థల అదనపు కలెక్టర్‌ ఖీమ్యానాయక్‌ ఆదేశించారు. శనివారం మండల కేంద్రంలో వీబీజీరాంజీ పథకంలో భాగంగా ఫీడర్‌ చానల్‌ పనులను డీఆర్డీఓ ఉమాదేవితో కలిసి పరిశీలించారు. అలాగే వెంకటాంపల్లి, సోళీపురం గ్రామంలో నిర్మించిన పాంపాండ్లను పరిశీలించి మాట్లాడుతూ.. కరువును దృష్టిలో ఉంచుకొని కూలీల సంఖ్య పెంచేందుకు చర్యలు తీసుకోవాలన్నారు. ప్రతి ఒక్క కూలీకి 125 పనిదినాలు కల్పించాలని సూచించారు. పాంపాండ్ల నిర్మాణాలతో కలిగే ప్రయోజనాలను రైతులకు వివరించాలన్నారు. అధికారులు, కూలీలతో మాట్లాడి పనుల వివరాలు, సమస్యలు అడిగి తెలుసుకున్నారు. అనంతరం మండల కేంద్రంలోని ఎస్టీ ఆశ్రమ పాఠశాలను తనిఖీ చేసి సామగ్రి నిల్వగది, ఆవరణ, తరగతి గదులు, హాస్టల్‌ గదులు పరిశీలించి సౌకర్యాల గురించి విద్యార్థులను అడిగి తెలుసుకున్నారు. మెనూ ప్రకారం విద్యార్థులకు భోజనం అందించాలని.. నిర్లక్ష్యానికి తావు ఇవ్వకూడదని హెచ్‌ఎం రాంలాల్‌నాయక్‌ను ఆదేశించారు. విద్యార్థులు శుభ్రంగా ఉండటంతో పాటు మెరుగైన ఫలితాల కోసం కష్టపడి చదవాలని, అందుకు ఉపాధ్యాయులు సిద్ధం చేయాలన్నారు. ఆయన వెంట ఎంపీడీఓ విజయసింహారెడ్డి, గ్రామపెద్దలు ఆగారం ప్రకాష్‌, నాగేష్‌ తదితరులు ఉన్నారు.

వనపర్తి: ప్రభుత్వ ఉద్యోగులు అవినీతికి దూరంగా ఉంటూ ప్రజలకు నిస్వార్థంగా సేవలు అందించాలని రెవెన్యూ అదనపు కలెక్టర్‌ టి.వినోద్‌కుమార్‌ సూచించారు. శనివారం కలెక్టరేట్‌లోని సమావేశ మందిరంలో విజిలెన్స్‌ అవేర్‌నెస్‌ వీక్‌–2026లో భాగంగా అవినీతి నిరోధకశాఖ ఆధ్వర్యంలో ఉద్యోగులకు అవగాహన కార్యక్రమం నిర్వహించారు, ఈ కార్యక్రమానికి ఆయనతో పాటు అవినీతి నిరోధకశాఖ ఇన్‌స్పెక్టర్‌ ఎస్‌కే జిలానీ ముఖ్యఅతిథులుగా హాజరయ్యారు. ఈ సందర్భంగా అదనపు కలెక్టర్‌ మాట్లాడుతూ.. ప్రభుత్వ ఉద్యోగం ప్రజలకు సేవచేసే గొప్ప అవకాశమని, ప్రతి ఉద్యోగి నిజాయితీ, నిబద్ధతతో విధులు నిర్వర్తించాలన్నారు. అవినీతికి దూరంగా ఉంటూ ప్రజలకు పారదర్శక సేవలు అందించాలన్నారు. అవినీతికి అలవాటుపడితే అది వ్యసనంగా మారి నిజాయితీగా పనిచేసే ఉద్యోగుల ప్రతిష్టను సైతం దెబ్బతీస్తుందని పేర్కొన్నారు. ఉద్యోగులు బాధ్యతలను గుర్తించి ప్రజలకు జవాబుదారీతనంతో పనిచేయాలన్నారు. అనంతరం ఏసీబీ ఇన్‌స్పెక్టర్‌ మాట్లాడుతూ.. సర్దార్‌ వల్లబ్‌భాయ్‌ పటేల్‌ జయంతిని పురస్కరించుకొని ఏటా అక్టోబర్‌ 26 నుంచి నవంబర్‌ 1 వరకు విజిలెనన్స్‌ అవేర్‌నెస్‌ వీక్‌ నిర్వహిస్తున్నట్లు తెలిపారు. ఏసీబీ డైరెక్టర్‌ జనరల్‌ చారుసిన్హా ఆదేశాల మేరకు రాష్ట్రవ్యాప్తంగా కార్యక్రమం నిర్వహిస్తున్నట్లు చెప్పారు. ప్రభుత్వ ఉద్యోగులు నైతిక విలువలు పాటిస్తూ అధికార దుర్వినియోగానికి పాల్పడకుండా విధులు నిర్వర్తించాలని సూచించారు. లంచం తీసుకోవడం, ఇవ్వడం రెండూ నేరాలేనన్నారు. అవినీతిని అరికట్టేందుకు అవినీతి నిరోధకశాఖ నిరంతరం కృషి చేస్తోందని తెలిపారు. ప్రభుత్వ కార్యాలయాల్లో ఎవరైనా లంచం డిమాండ్‌ చేసినా, అవినీతికి పాల్పడినా, అవినీతికి సంబంధించిన అక్రమాలు జరిగినా ప్రజలు ఏసీబీ టోల్‌ఫ్రీ నంబర్‌ 1064కు ఫిర్యాదు చేయవచ్చన్నారు. అవినీతి రహిత సమాజ నిర్మాణంలో ప్రజలు భాగస్వాములు కావాలని కోరారు. కార్యక్రమంలో డీఆర్వో రామిరెడ్డి, జెడ్పీ సీఈఓ యాదయ్య, జిల్లా అధికారులు, కలెక్టరేట్‌ సిబ్బంది తదితరులు పాల్గొన్నారు. సమావేశానికి హాజరైన అధికారులు

వనపర్తి: కలెక్టర్‌, జిల్లా మేజిస్ట్రేట్‌ ఆదర్శ్‌ సురభి వ్యక్తిగత కారణాలతో నవంబర్‌ 13 వరకు 15 రోజుల పాటు సెలవుపై వెళ్లారు. దీంతో జోగుళాంబ గద్వాల కలెక్టర్‌ రిజ్వాన్‌ బాషాషేక్‌కు పూర్తి అదనపు బాధ్యతలు (ఎఫ్‌ఏసీ) అప్ప గిస్తూ రాష్ట్ర ప్రభుత్వం ఉత్తర్వులు జారీ చేసింది. ఈ మేరకు రిజ్వాన్‌ బాషాషేక్‌ జిల్లా కలెక్టర్‌గా అదనపు బాధ్యతలు నిర్వర్తించనున్నారు. జూరాల కాల్వలకు నీటి విడుదల అమరచింత: ప్రియదర్శిని జూరాల జలాశయం ప్రధాన కుడి, ఎడమ కాల్వలతో పాటు సమాంతర కాల్వకు శనివారం నీటిని విడుదల చేసినట్లు ఏఈ సుదర్శన్‌ తెలిపారు. ఆయకట్టుకు వారాబందీ విధానంలో ప్రాజెక్టు అధికారులు సాగునీటిని వదులుతున్నారు. ఇందులో భాగంగానే శనివారం నుంచి 4 రోజుల పాటు నిరంతరాయంగా కాల్వలకు నీటిని వదలనున్నట్లు వెల్లడించారు. ప్రధాన ఎడమకాల్వకు 1,140 క్యూసెక్కులు, కుడి కాల్వకు 730, సమాంతర కాల్వకు 1,100, భీమా ఎత్తిపోతలకు 750 క్యూసెక్కులు.. మొత్తంగా 3,033 క్యూసెక్కుల నీటిని వదులుతున్నారు. జూరాల ప్రధాన కుడి, ఎడమ కాల్వలకు మాత్రమే సాగునీటిని వదలాలని.. సమాంతర కాల్వకు కేవలం వరద వచ్చినప్పుడే వదలాలని అమరచింత, ఆత్మకూర్‌ మండలాల ఆయకట్టు రైతులు డిమాండ్‌ చేస్తున్నారు. సమాంతర కాల్వ ద్వారా ప్రాజెక్టులో ఉన్న నిల్వనీటిని దిగువకు తీసుకెళ్లే కుట్రలు మానుకోవాలని, లేనిపక్షంలో ఆందోళనలు చేస్తామని రైతులు హెచ్చరించారు. జలాశయంలో ప్రస్తుతం 3.116 టీఎంసీల నీరు మాత్రమే నిల్వ ఉంది.

వనపర్తి రూరల్‌: గంజాయి, ఇతర మాదక ద్రవ్యాలను సరఫరా చేసే ప్రధాన డ్రగ్‌పెడ్లర్లపై ప్రత్యేక నిఘా ఏర్పాటు చేసి పూర్తిస్థాయిలో ఛేదించాలని తెలంగాణ నార్కోటిక్స్‌ కంట్రోల్‌ బ్యూరో (ఈగల్‌ ఫోర్స్‌) ఎస్పీ పద్మజ అన్నారు. శనివారం జిల్లాకేంద్రంలోని జిల్లా పోలీసు కార్యాలయంలో ఎస్పీ సునీతరెడ్డి ఆధ్వర్యంలో ఎన్‌డీపీఎస్‌ కేసులపై జిల్లా పోలీసు అధికారులతో ఉన్నతస్థాయి సమీక్ష నిర్వహించారు. జిల్లాలో నమోదైన కేసులు, పురోగతి, పెండింగ్‌ కేసుల దర్యాప్తు, మాదకద్రవ్యాల అక్రమ రవాణా, సరఫరా వ్యవస్థపై సమగ్రంగా చర్చించారు. ఈ సందర్భంగా ఆమె మాట్లాడుతూ.. ఎన్‌డీపీఎస్‌ చట్టంపై అధికారులకు పూర్తి అవగాహన ఉండాలని, పక్కా ఆధారాలతో కేసుల దర్యాప్తు పూర్తిచేసి నిందితులకు శిక్షపడేలా చార్జిషీట్లు దాఖలు చేయాలన్నారు. నిందితులకు బెయిల్‌, రెమిషన్‌ వంటి అంశాల్లో చట్టపరమైన నిబంధనలను సమర్థవంతంగా అమలు చేస్తూ కేసుల విచారణలో ప్రత్యేక శ్రద్ధ తీసుకోవాలని సూచించారు. నషా ముక్త్‌భారత్‌ 2029 లక్ష్యంగా పాఠశాలలు, కళాశాలలు, విద్యాసంస్థల్లో విస్తృత అవగాహన కార్యక్రమాలు నిర్వహించాలన్నారు. కమ్యూనిటీ పోలీసింగ్‌లో భాగంగా ప్రజలను భాగస్వాములను చేస్తూ డ్రగ్స్‌ దుష్పరిణామాలను వివరించాలని పేర్కొన్నారు. అనంతరం ఎస్పీ సునీతరెడ్డి మాట్లాడుతూ.. వనపర్తిని మాదకద్రవ్య రహిత జిల్లాగా తీర్చిదిద్దేందుకు పోలీస్‌శాఖ తరఫున సమగ్ర కార్యాచరణ అమలు చేస్తామని తెలిపారు. డ్రగ్స్‌ అక్రమ రవాణా, విక్రయాలపై నిరంతర నిఘా కొనసాగిస్తూ బాధ్యులపై కఠిన చర్యలు తీసుకుంటామని స్పష్టం చేశారు. కమ్యూనిటీ పోలీసింగ్‌ ద్వారా గ్రామాలు, పట్టణాల్లో ప్రజలు, యువత, విద్యాసంస్థలను భాగస్వాములను చేస్తూ డ్రగ్స్‌ నిర్మూలనపై అవగాహన కార్యక్రమాలు నిర్వహిస్తామని తెలిపారు. మాదకద్రవ్యాల నిర్మూలన పోలీసుల బాధ్యత మాత్రమే కాకుండా సమాజంలోని ప్రతి ఒక్కరి బాధ్యత అని, డ్రగ్స్‌కు సంబంధించిన సమాచారం తెలిస్తే వెంటనే పోలీసులకు తెలియజేసి సహకరించాలని కోరారు. ఈగల్‌ఫోర్స్‌ డీఎస్పీ బుచ్చయ్య, డీసీఆర్బీ డీఎస్పీ బాలాజీ, వనపర్తి, కొత్తకోట, ఆత్మకూర్‌ సీఐలు సుగంధరత్నం, రమేష్‌, శివకుమార్‌, ఎస్సైలు, ఈగల్‌ఫోర్స్‌ సిబ్బంది పాల్గొన్నారు.

వనపర్తి: సైబర్‌ మోసాలకు గురికాకుండా ప్రతి ఒక్కరూ అప్రమత్తంగా ఉండాలని, ఆన్‌లైన్‌ లావాదేవీల సమయంలో వెంటనే స్పందించకుండా ఆగడం (పీఏయూఎస్‌ఈ), నిజానిజాలను ఆలోచించడం (టీహెచ్‌ఐఎన్‌కే), అధికారిక మార్గాల్లో ధ్రువీకరించుకోవడం (వీఈఆర్‌ఐఎఫ్‌వై) అనే మూడు సూత్రాలను తప్పనిసరిగా పాటించాలని ఎస్పీ డి.సునీతరెడ్డి అన్నారు. జాతీయ సైబర్‌ భద్రత అవగాహన మాసం సందర్భంగా శుక్రవారం రాత్రి పట్టణంలో జిల్లా పోలీసుశాఖ ఆధ్వర్యంలో సైబర్‌ ఫ్లాష్‌వాక్‌ నిర్వహించారు. కేడీఆర్‌ పాలిటెక్నిక్‌ కళాశాల నుంచి ప్రారంభమైన ఫ్లాష్‌ వాక్‌ అంబేడ్కర్‌ చౌక్‌ వరకు కొనసాగి తిరిగి కళాశాలకు చేరుకుంది. పోలీసు అధికారులు, సిబ్బంది, విద్యార్థులు తమ మొబైల్‌ ఫోన్ల టార్చ్‌లైట్లు వెలిగిస్తూ పీఏయూఎస్‌ఈ, టీహెచ్‌ఐఎన్‌కే, వీఈఆర్‌ఐఎఫ్‌వై నినాదాలతో ప్రజలకు సైబర్‌ నేరాలపై అవగాహన కల్పించారు. ఈ సందర్భంగా ఎస్పీ మాట్లాడుతూ.. సైబర్‌ నేరగాళ్లు నకిలీ లింకులు, ఫేక్‌ వెబ్‌సైట్లు, ఫోన్‌కాల్స్‌, సందేశాలు, సోషల్‌ మీడియా ఖాతాల ద్వారా ప్రజలను మోసం చేస్తున్నారన్నారు. అనుమానాస్పద లింకులు, సందేశాలు వచ్చినప్పుడు వెంటనే స్పందించకుండా ఆగడం (పీఏయూఎస్‌ఈ), వాటి నిజానిజాలను ఆలోచించడం (టీహెచ్‌ఐఎన్‌కే), అధికారిక మార్గాల్లో ధ్రువీకరించుకోవడం (వీఈఆర్‌ఐఎఫ్‌వై) చేయాలన్నారు. ఎవరైనా సైబర్‌ మోసానికి గురైతే ఆలస్యం చేయకుండా హెల్ప్‌లైన్‌ నంబర్‌ 1930కు సమాచారం ఇవ్వాలని లేదా www.cybercrime. gov.in ద్వారా ఫిర్యాదు చేయాలని కోరారు. సైబర్‌ నేరాల నివారణ పోలీసుల బాధ్యత మాత్రమే కాదని.. ప్రతి ఒక్కరిదిగా వ్యవహరించాలని పేర్కొన్నారు. డిజిటల్‌ లావాదేవీలపై అప్రమత్తంగా ఉంటూ ఇతరులకు కూడా అవగాహన కల్పించాలన్నారు. కార్యక్రమంలో డీఎస్పీ గిరిబాబు, డీసీఆర్బీ డీఎస్పీ బాలాజీనాయక్‌, సీఐ సుగంధ రత్నం, సైబర్‌క్రైమ్‌ సీఐ శ్రీనునాయక్‌, సైబర్‌క్రైమ్‌ ఎస్‌ఐ రవిప్రకాష్‌, టౌన్‌ ఎస్‌ఐ హరిప్రసాద్‌, స్పెషల్‌ బ్రాంచ్‌ ఎస్‌ఐ పర్వతాలు, సైబర్‌క్రైమ్‌ సిబ్బంది, పోలీసు అధికారులు, విద్యార్థులు, ప్రజాప్రతినిధులు తదితరులు పాల్గొన్నారు.

ఇంటింటికి ఇందిరమ్మ కుట్టుమిషన్ల పథకానికి భారీ స్పందన ● ముగిసిన గడువు.. 7 వేలకుపైగా దరఖాస్తులు ● జిల్లాలో తొలివిడత వెయ్యి మిషన్ల అందజేతకు సన్నాహాలు ● లబ్ధిదారుల ఎంపికపై మహిళల్లో ఆసక్తి కొత్తకోటలో కుట్టు శిక్షణ పొందుతున్న మహిళలుకొత్తకోట రూరల్‌: పేద నిరుద్యోగ బీసీ మహిళలు స్వయం ఉపాధి పొంది ఆర్థిక స్వావలంబన సాధించేలా తీర్చిదిద్దడమే లక్ష్యంగా రాష్ట్ర ప్రభుత్వం ప్రవేశపెట్టిన ఇంటింటికి ఇందిరమ్మ కుట్టుమిషన్ల పథకానికి మహిళల నుంచి భారీ స్పందన లభించింది. పథకం దరఖాస్తుల స్వీకరణకు సెప్టెంబర్‌ 30తో గడువు ముగియడంతో ఇప్పుడు అర్హుల ఎంపికపై ఆసక్తి నెలకొంది. జిల్లావ్యాప్తంగా మొత్తం 7,788 దరఖాస్తులు వచ్చినట్లు అధికారులు వెల్లడించారు. 18 ఏళ్ల నుంచి 55 ఏళ్లలోపు వయస్సు ఉండి గ్రామీణ ప్రాంతాల్లో రూ.1.50 లక్షలు, పట్టణ ప్రాంతాల్లో రూ.2 లక్షలలోపు వార్షిక ఆదాయం ఉన్న మహిళలు పథకానికి అర్హులు. ● బీసీ మహిళలకు ఉపాధి కల్పించి వారి ఆర్థిక పరిస్థితిని మెరుగుపర్చాలనే ఉద్దేశంతో ప్రభుత్వం ఈ పథకాన్ని అమల్లోకి తీసుకొచ్చింది. కుట్టు పని తెలిసిన మహిళలు స్వయం ఉపాధి పొందేందుకు ఉపయోగపడనుంది. ప్రభుత్వం తొలుత దరఖాస్తుల స్వీకరణకు సెప్టెంబర్‌ 15 వరకు గడువు విధించగా.. మహిళల విజ్ఞప్తుల మేరకు సెప్టెంబర్‌ 30 వరకు పొడిగించింది. తొలివిడతలో ఒక్కో నియోజకవర్గానికి వెయ్యి చొప్పున మొత్తం 1.19 లక్షల ఆటోమేటిక్‌ కుట్టుమిషన్లు పంపిణీ చేయాలని లక్ష్యంగా నిర్ణయించింది. ఒక్కో మిషన్‌్‌ విలువ సుమారు రూ.12 వేల వరకు ఉండగా.. 100 శాతం రాయితీపై అందించనున్నారు. రైట్‌వింగ్‌లో గౌతమ్‌ గురి గౌతమ్‌ దీక్షిత్‌ రెండేళ్లుగా కోచ్‌ ప్రదీప్‌ పర్యవేక్షణలో హ్యాండ్‌బాల్‌ శిక్షణ పొందుతున్నాడు. జట్టులో రైట్‌వింగ్‌ ప్లేయర్‌గా తన ప్రతిభను చాటుతున్నాడు. ఇప్పటికే రెండు రాష్ట్రస్థాయి పోటీల్లో పాల్గొన్న అనుభవం ఉంది. తాజాగా మధ్యప్రదేశ్‌లోని ఉమరియాలో జరిగిన 70వ ఎస్‌జీఎఫ్‌ అండర్‌–14 జాతీయస్థాయి పోటీల్లో తెలంగాణ జట్టు తరఫున ఆడాడు. మరిన్ని జాతీయస్థాయి పోటీల్లో పాల్గొని తన ఆటతీరును మెరుగుపరుచుకోవడంతోపాటు ఉన్నతస్థాయి క్రీడాకారుడిగా ఎదగాలని లక్ష్యంగా పెట్టుకున్నాడు. భవ్యరాజ్‌.. పట్టుదలతో సాధన భవ్యరాజ్‌ మూడేళ్లుగా హ్యాండ్‌బాల్‌పై ఆసక్తితో సాధన చేస్తున్నాడు. ప్రతిరోజూ ఉదయం, సాయంత్రం శిక్షణ తీసుకుంటూ ఆటలో నైపుణ్యాలను పెంచుకుంటున్నాడు. ఇటీవల మహబూబ్‌నగర్‌లో జరిగిన అండర్‌–14 ఎస్‌జీఎఫ్‌ రాష్ట్రస్థాయి పోటీల్లో ప్రతిభ కనబరిచాడు. అనంతరం ఉమరియాలో జరిగిన జాతీయస్థాయి పోటీల్లో తెలంగాణ జట్టు తరఫున బరిలోకి దిగాడు. తొలిసారి జాతీయస్థాయి పోటీల్లో పాల్గొనడం ఆనందంగా ఉందని, భవిష్యత్తులో దేశానికి ప్రాతినిధ్యం వహించడమే తన ఆశయమని చెబుతున్నాడు. దరఖాస్తుల స్వీకరణ గడువు ముగియడంతో అధికారులు తదుపరి దశలో పరిశీలన చేపట్టనున్నారు. ప్రభుత్వ మార్గదర్శకాల ప్రకారం అర్హులైన మహిళలను ఎంపిక చేయనున్నారు. మండలస్థాయిలో ఎంపీడీఓలు, పురపాలికల్లో పుర కమిషనర్ల ఆధ్వర్యంలోని కమిటీలు క్షేత్రస్థాయి పరిశీలన అనంతరం కలెక్టర్‌ నేతృత్వంలోని జిల్లాస్థాయి కమిటీ తుది లబ్ధిదారుల జాబితాను ఖరారు చేయనుంది. అర్హత, ప్రభుత్వ మార్గదర్శకాలు, అందుబాటులో ఉన్న మిషన్ల సంఖ్య ఆధారంగా ఎంపిక ప్రక్రియ కొనసాగనుంది. తుదిజాబితా అధికారికంగా విడుదలయ్యే వరకు లబ్ధిదారుల వివరాలపై స్పష్టత వచ్చే అవకాశం లేదు.

వనపర్తిఅట్టహాసంగా క్రికెట్‌ టోర్నీ పాలమూరులో 70వ ఎస్‌జీఎఫ్‌ రాష్ట్రస్థాయి అండర్‌–19 బాలుర క్రికెట్‌ చాంపియన్‌షిప్‌ శనివారం అట్టహాసంగా ప్రారంభమైంది. ఆదివారం శ్రీ 1 శ్రీ నవంబర్‌ శ్రీ 2026–8లో uమైదానంలో బంతితో గురిపెడుతున్నారు.. ప్రత్యర్థి జట్టుకు దీటుగా బదులిస్తున్నారు.. ప్రతిభకు పదును పెడుతూ జాతీయస్థాయిలో సత్తా చాటుతున్నారు పాలమూరు క్రీడాకారులు. హ్యాండ్‌బాల్‌లో జిల్లా యువత తమదైన ముద్ర వేస్తోంది. కఠోర సాధన, కోచ్‌ల ప్రోత్సాహంతో రాష్ట్రస్థాయి పోటీల్లో రాణించడమే కాకుండా జాతీయస్థాయి బరిలోనూ అడుగుపెడుతున్నారు. ఇటీవల మధ్యప్రదేశ్‌లోని ఉమరియాలో జరిగిన 70వ ఎస్‌జీఎఫ్‌ అండర్‌–14 జాతీయస్థాయి హ్యాండ్‌బాల్‌ పోటీల్లో జిల్లాకు చెందిన ముగ్గురు క్రీడాకారులు తెలంగాణ జట్టుకు ప్రాతినిధ్యం వహించారు. వీరిలో త్రివిక్రమ్‌ జట్టుకు కెప్టెన్‌గా వ్యవహరించగా.. గౌతమ్‌ దీక్షిత్‌, భవ్యరాజ్‌ తమ ఆటతీరుతో గుర్తింపు పొందుతున్నారు. – మహబూబ్‌నగర్‌ క్రీడలు హ్యాండ్‌బాల్‌లో సత్తా చాటిన ‘పాలమూరు’ త్రయం జాతీయస్థాయిలో తెలంగాణ జట్టుకు ముగ్గురు జిల్లా క్రీడాకారులు కెప్టెన్‌గా త్రివిక్రమ్‌.. సెంటర్‌, రైట్‌వింగ్‌లో ప్రతిభ పతకాల వేటే లక్ష్యంగా యువ క్రీడాకారుల అడుగులు

●మహబూబ్‌నగర్‌ ఎడ్యుకేషన్‌: పీయూలో ఉన్నత విద్య అభ్యసిస్తున్న విద్యార్థులకు నాణ్యమైన విద్య, ఉపాధి అవకాశాలు కల్పించేందుకు అధికారులు చర్యలు తీసుకుంటున్నారు. అందుకోసం జాతీయ, అంతర్జాయ, రాష్ట్రస్థాయి సంస్థలతో అధికారులు ఎంఓయూ (మెమోరాండం ఆఫ్‌ అండర్‌ స్టాండింగ్‌)లు కుదుర్చుకుంటున్నారు. అందులో భాగంగా పీయూ వైస్‌ చాన్స్‌లర్‌ శ్రీనివాస్‌ పాలమూరు బయోసైన్స్‌ను సందర్శించి.. ఇక్కడ చేపడుతున్న పరిశోధనలు, ప్రయోగాల గురించి సంస్థ ప్రతినిధులతో వివరాలు తెలుసుకున్నారు. యూనివర్సిటీలో చదువుతున్న విద్యార్థులకు పరిశోధన పరిజ్ఞానం అందించాలని విన్నవించారు. యూనివర్సిటీ పరిధిలోని గద్వాల, కొల్లాపూర్‌, వనపర్తి, పీజీ కళాశాలల్లో పలు సైన్స్‌ కోర్సులు నిర్వహిస్తున్నారు. వీటితోపాటు పీయూ పరిధిలో మొత్తం 110 కళాశాలల్లో చదువుతున్న 25 వేల మంది విద్యార్థులకు ఈ ఎంఓయూలు వర్తించనున్నాయి. కెమిస్ట్రీ విద్యార్థులకు శిక్షణ గత నెలలో పీయూ అధికారులు ప్రతిష్టాత్మక జాతీయ స్థాయి సీఎస్‌ఐఆర్‌ (ఇండియన్‌ ఇనిస్టిట్యూట్‌ ఆఫ్‌ కెమికల్‌ టెక్నాలజీ) హైదరాబాద్‌ వారితో ఎంఓయూ కుదుర్చుక్నునారు. ఇందులో కెమిస్ట్రీ చదువుతున్న విద్యార్థులకు పరిశోధన పరంగా శిక్షణ ఇచ్చేందుకు అవగాహన ఒప్పందం చేసుకున్నారు. ఈ మేరకు పీయూలో చదివిన 12 మంది సీనియర్‌ విద్యార్థులు అక్కడ రీసెర్చిలో పాల్గొనడం గమనార్హం. ఇంటిగ్రేటెడ్‌ కెమిస్ట్రీతోపాటు పలు సంస్థల్లో ఇలాంటి అవకాశాలు విద్యార్థులకు లభిస్తున్నాయి. ఇక మ్యాజిక్‌ బస్‌ వంటి ఫౌండేషన్ల ఆధ్వర్యంలో విద్యార్థులకు క్యాంపస్‌ సెలక్షన్స్‌ నిర్వహించి వెంటనే ఉద్యోగావకాశాలు కల్పించేందుకు ఒప్పందం చేసుకున్నారు. వీటితోపాటు ఎక్స్‌టెల్‌ టెక్‌ ప్రైవేటు లిమిటెడ్‌, డాక్టర్‌ ఎమ్మెస్కే రావు రీసెర్చి అండ్‌ ఇన్నోవేషన్‌ సొల్యూషన్స్‌, క్లినోసాల్‌ రీసెర్చి ప్రైవేట్‌ లిమిటెడ్‌, పాలమూరు రైతు డెవలప్‌మెంట్‌ సొసైటీ, మహబూబ్‌నగర్‌, కల్పవృక్ష మ్యూచువల్‌ ఎయిడ్‌ మల్టీపర్సస్‌ కోఆపరేటివ్‌ సొసైటీ, మహబూబ్‌నగర్‌, ఏరో ఫైన్‌ సొల్యూషన్స్‌ ప్రైవేట్‌ లిమిటెడ్‌ వారితో ఎంఓయూలు కుదుర్చుకున్నారు. త్వరలో మరిన్ని సంస్థలతో ఎంఓయూలు కుదుర్చుకునే అవకాశం ఉంది. వందరోజుల శిక్షణ.. పీయూ పరిధిలోని విద్యార్థులకు స్కిల్‌ డెవలప్‌మెంట్‌ కోసం కోడ్‌తంత్ర అనే సంస్థ ఆధ్వర్యంలో శిక్షణ ఇస్తున్నారు. ఆన్‌లైన్‌లో నిర్వహించే శిక్షణలో విద్యార్థులకు బిహేవియర్‌, లాంగ్వేజ్‌, పర్సనాలిటీ, ప్రొఫీషియన్సీ, కమ్యూనికేషన్‌ స్కిల్స్‌ వంటి వాటిపై శిక్షణ ఇస్తున్నారు. ఇందులో ఏవైనా సందేహాలు ఉంటే.. విద్యార్థులు తమకు నచ్చిన భాషలో ప్రశ్నలు వేస్తే అది తిరిగి సమాధానం చెబుతుంది. ఇలా విద్యార్థులకు ఉద్యోగాల కోసం ఇంటర్వ్యూలకు వెళ్లినప్పుడు ఎలాంటి ప్రశ్నలు వస్తాయి. ఎలాంటి సమాధానాలు చెప్పాలి అనే అంశంపై వందరోజుల శిక్షణ ఇస్తున్నారు. శిక్షణ పొందిన వారికి సంస్థ సర్టిఫికెట్‌ సైతం అందించనుంది. వీటి ద్వారా విద్యార్థులు సులువుగా ఉద్యోగావకాశాలు పొందేందుకు ఆస్కారం ఉంది. ఇప్పటికే సుమారు 8 వేల మంది శిక్షణ తీసుకుంటున్నారు. నాణ్యమైన విద్య.. పీయూ పరిధిలో చదువుతున్న విద్యార్థులకు నాణ్యమైన విద్యను అందించే లక్ష్యతో పనిచేస్తున్నాం. అలాగే విద్యార్థుల చదువులు పూర్తయిన వెంటనే ఉద్యోగాలు సాధించేలా చర్యలు తీసుకుంటన్నాం. అందుకోసం ఇప్పటికే పలు సంస్థలతో ఎంఓయూలు చేసుకున్నాం. శుక్రవారం పాలమూరు బయోటెక్‌ సంస్థను సందర్శించి.. పీయూ విద్యార్థులకు పరిశోధన పరమైన శిక్షణ ఇవ్వాలని కోరాం. తద్వారా విద్యార్థులు ఏ సంస్థకు వెళ్లినా వెంటనే మంచి వేతనంతో సులువుగా ఉద్యోగాలు సాధించేలా తీర్చిదిద్దుతున్నాం. మరో సంస్థ ఆధ్వర్యంలో 100 రోజుల స్కిల్‌ డెవలప్‌మెంట్‌ శిక్షణ ఇస్తున్నాం. – జీఎన్‌ శ్రీనివాస్‌, వీసీ, పీయూ వివిధ సంస్థల ఆధ్వర్యంలో శిక్షణకు పీయూ ఎంఓయూలు తద్వారా విద్యార్థుల రీసెర్చి, ట్రైనింగ్‌కు విరివిగా అవకాశాలు రెండేళ్లలో 9 సంస్థలతో ఒప్పందాలు.. తాజాగా పాలమూరు బయోసైన్స్‌తో చర్చలు చదువు పూర్తయిన వెంటనే క్యాంపస్‌ రిక్రూట్‌మెంట్లకు ఆస్కారం డిగ్రీ స్థాయిలోనే స్కిల్‌ డెవలప్‌మెంట్‌ శిక్షణకు శ్రీకారం చుట్టిన అధికారులు రీసెర్చి ఫెసిలిటీ భవనం.. ఇటీవల కేంద్ర ప్రభుత్వం విడుదల చేసిన రూ.100 కోట్ల నుంచి రీసెర్చి ఫెసిలిటీ భవనాన్ని నిర్మించారు. ఇలాంటి రీసెర్చి ఫెసిలిటీ భవనం హైదరాబాద్‌ మినహా ఎక్కడా అందుబాటులో లేదు. ఇందులో రూ.కోట్లు వెచ్చించి అత్యాధునిక పరికరాలు, మైక్రోస్కోప్‌లు తదితర వాటిని ఏర్పాటు చేయనున్నారు. ఇప్పటికే వీటి కోసం సుమారు రూ.10 కోట్లతో టెండర్‌ పిలిచారు. విదేశాల నుంచి పరికరాలు త్వరలో దిగుమతి కానున్నాయి. ఇది అందుబాటులోకి వస్తే ప్రైవేటు కంపెనీలు, సంస్థలు, రీసెర్చి స్కాలర్స్‌ ఇక్కడ కొత్త అంశాలపై రీసెర్చి చేసుకునేందుకు వెసులుబాటు కలుగుతుంది. అలాగే దీనిని వినియోగించుకున్నందుకు కొంత మొత్తాన్ని కూడా వసూలు చేయనున్నారు. అంతేకాకుండా పలు ప్రాజెక్టులు సైతం యూనివర్సిటీకి వచ్చే అవకాశం ఉంది.

రూ.81.20 లక్షలతో భవన నిర్మాణం.. మూడేళ్లుగా నిరుపయోగం ● ఆధునిక యంత్రాలు, రసాయనాల కోసం ఎదురుచూపులు ● మరో రూ.25 లక్షలు వెచ్చిస్తేనే అందుబాటులోకి.. ● వేధిస్తున్న సిబ్బంది కొరత వనపర్తి: రైతులకు శాసీ్త్రయ సాగు విధానాలు చేరువ చేయాలి.. భూమిలోని పోషక విలువలను గుర్తించి నేల స్వభావానికి అనుగుణంగా పంటలు సాగు చేసేలా ప్రోత్సహించాలి. అవసరమైన ఎరువులనే వినియోగించేలా సూచనలు అందించాలి. ఇది భూసార పరీక్ష కేంద్రం ఏర్పాటు వెనుక ప్రభుత్వ లక్ష్యం. ఇందుకోసం సుమారు రూ.81.20 లక్షలతో జిల్లాకేంద్రం సమీపంలోని నాగవరం శివారులో 2021, ఆగస్టులో భవన నిర్మాణానికి శంకుస్థాపన చేసి 2023, సెప్టెంబర్‌లో నాటి మంత్రి కేటీఆర్‌ ప్రారంభించారు. మూడేళ్లు గడుస్తున్నా నేటికీ కేంద్రం వినియోగంలోకి రాలేదు. మరో రూ.25 లక్షలతో ఆధునిక యంత్రాలు, రసాయనాలు సమకూర్చాల్సి ఉంది. దీనికితోడు సిబ్బంది కొరత కూడా వేధిస్తోంది. ఫలితంగా రైతులకు ఉపయోగపడాల్సిన భూసార పరీక్షల వ్యవస్థే నిర్లక్ష్యపు నీడలో చిక్కుకుంది. నాలుగేళ్లుగా మట్టి నమూనాల సమస్య.. భూసార పరీక్షల నిర్వహణలో నాలుగేళ్లుగా ఇబ్బందులు ఎదురవుతున్నట్లు తెలుస్తోంది. రైతుల మట్టి నమూనాలను పరీక్షించి ఫలితాలు వెల్లడించేందుకు అవసరమైన సదుపాయాలు పూర్తిస్థాయిలో అందుబాటులో లేకపోవడం సమస్యగా మారింది. నమూనాల సేకరణతో పాటు వాటి విశ్లేషణ, ఫలితాల వెల్లడిలో జాప్యం జరిగితే భూసార పరీక్షల లక్ష్యం దెబ్బతింటుంది. రైతులకు సకాలంలో భూసార కార్డులు అందకపోతే ఏ నేలలో ఏ పోషకాలు తక్కువగా ఉన్నాయి? ఏ ఎరువు ఎంత మోతాదులో వినియోగించాలి? అనే విషయాలపై స్పష్టత లభించదు. సిబ్బంది కొరత.. ప్రయోగశాలకు ఆధునిక యంత్రాలు సమకూర్చడమే కాకుండా వాటిని నిర్వహించే నైపుణ్యం కలిగిన సిబ్బంది కూడా అవసరం. ప్రస్తుతం సిబ్బంది కొరత సమస్యగా మారినట్లు తెలుస్తోంది. పరికరాలు, రసాయనాలు అందుబాటులోకి వచ్చినా వాటిని నిర్వహించే సిబ్బంది లేకపోతే కేంద్రం పూర్తిస్థాయిలో అందుబాటులోకి రాదు. ప్రభుత్వం నిధులు మంజూరు చేయడంతో పాటు అవసరమైన సాంకేతిక సిబ్బందిని కూడా నియమించాల్సిన అవసరం ఉంది. భూసార పరీక్ష కేంద్రం పూర్తిస్థాయిలో పనిచేయాలంటే ఆధునిక యంత్రాలు, అవసరమైన రసాయనాలు సమకూర్చాల్సి ఉంది. ఇందుకోసం మరో రూ.25 లక్షల వరకు అవసరమని తెలుస్తోంది. భవన నిర్మాణానికి నిధులు వెచ్చించిన సమయంలోనే ప్రయోగశాల నిర్వహణకు అవసరమైన పరికరాలు, రసాయనాల కొనుగోలుకు కూడా ప్రణాళిక రూపొందించి ఉంటే ఈ పరిస్థితి తలెత్తేది కాదు. నిర్మాణం పూర్తయి మూడేళ్లు గడుస్తున్నా అవసరమైన నిధుల సమీకరణలో జాప్యం ఎందుకు జరుగుతోందన్న ప్రశ్నలు వ్యక్తమవుతున్నాయి. భూసార పరీక్షలు రైతులకు ఎంతో ఉపయోగకరమైనవి. నేలలో నత్రజని, భాస్వరం, పొటాష్‌తో పాటు సూక్ష్మ పోషకాల స్థాయిని పరీక్షల ద్వారా గుర్తించవచ్చు. వాటి ఆధారంగా పంటలకు అవసరమైన ఎరువులను సూచించవచ్చు. భూసార పరీక్షలు చేయకపోతే రైతులు నేల స్వభావాన్ని తెలుసుకోకుండానే ఎరువులు వినియోగించే పరిస్థితి ఏర్పడుతుంది. దీంతో సాగు పెట్టుబడులు పెరిగే అవకాశం ఉండటంతో పాటు నేల ఆరోగ్యంపైనా ప్రభావం పడుతుంది. శాసీ్త్రయ సాగు విధానాలను ప్రోత్సహించాలన్న ప్రభుత్వ లక్ష్యానికి కూడా విఘాతం కలుగుతుంది.

ఖిల్లాఘనపురం: ప్రభుత్వం వందశాతం రాయితీపై అందించిన వేరుశనగ విత్తనాలు అర్హులకు ఇవ్వడం లేదంటూ శుక్రవారం మండలంలోని సోళీపురం గ్రామంలో గ్రామ మహిళా సంఘం ఆధ్వర్యంలో మహిళలు అధికసంఖ్యలో వనపర్తి–ఖిల్లాఘనపురం ప్రధాన రహదారిపై బైఠాయించి రాస్తారోకో చేపట్టారు. అనర్హులకు విత్తనాలు పంచారని, అధికారులు వచ్చి న్యాయం చేయాలంటూ నినాదాలు చేశారు. వేరుశనగ విత్తనాలు తీసుకున్న వారు ప్రైవేట్‌గా విక్రయించారని.. పంట సాగు చేయని వారికి కూడా విత్తనాలు ఇచ్చారని తెలిపారు. అధికారులు స్పందించి పూర్తి వివరాలు సేకరించి బుక్‌ కీపర్‌పై చర్యలు తీసుకోవాలని డిమాండ్‌ చేశారు. గ్రామసంఘం లావాదేవీల విషయంలో ఏపీఎం వచ్చి లెక్కలు చెప్పాలన్నారు. వేరుశనగ విత్తనాలు వేసేందుకు సిద్ధంగా ఉన్న రైతులకు విత్తనాలు ఇవ్వాలని పట్టుబట్టారు. విషయం తెలుసుకున్న మండల వ్యవసాయ అధికారి మల్లయ్య, ఏపీఎం నాగరాజు, ఎస్సై వెంకటేష్‌ ఘటన స్థలానికి చేరుకొని మహిళలతో మాట్లాడారు. ఆందోళన విరమించి రైతువేదిక వద్ద కూర్చొని మాట్లాడుదామని, వాహనాల రాకపోకలకు ఇబ్బందులు కలిగించొద్దని సూచించడంతో విరమించి రైతువేదిక దగ్గరకు వెళ్లారు. అక్కడ అధికారులు మాట్లాడుతూ.. అనర్హులకు విత్తనాలు పంపిణీ చేసినట్లు ఉంటే పరిశీలించి తగిన చర్యలు తీసుకుంటామని హామీ ఇచ్చారు. అర్హులకు వేరుశనగ విత్తనాలు ఇచ్చేందుకు కృషి చేస్తామని తెలిపారు. గ్రామ మహిళా సంఘంలో డబ్బుల లావాదేవీల వ్యవహారం ఏపీఎంతో చర్చించాలని సూచించారు.

● మహిళా కౌన్సిలర్లతో పాటు కుటుంబసభ్యులు హాజరు.. వారే సమస్యలు లేవనెత్తిన వైనం ● నిర్వహణ తీరుపై అధికారపార్టీ సభ్యుల ఆగ్రహం వనపర్తి టౌన్‌: స్థానిక పుర కౌన్సిల్‌ సమావేశం ఇష్టారాజ్యంగా సాగుతోంది. అవగాహన లేక అధికార దుర్వినియోగానికి పాల్పడుతున్న ఉదంతాలు అధికార పార్టీలోనే అగ్గి రాజేస్తున్నాయి. కనీసం విలేకర్లను సైతం సమావేశానికి హాజరు కానివ్వకుండా ఇష్టానుసారంగా నిర్వహిస్తున్నారనేందుకు శుక్రవారం జరిగిన సమావేశం ఒక ఉదాహరణ. వివరాల్లోకి వెళ్తే.. స్థానిక పుర కౌన్సిల్‌ సాధారణ అత్యవసర సమావేశం శుక్రవారం పుర కార్యాలయంలో పుర చైర్‌పర్సన్‌ మాధవి అధ్యక్షతన జరిగింది. సమావేశానికి కాంగ్రెస్‌, బీఆర్‌ఎస్‌ పార్టీలకు చెందిన మహిళా కౌన్సిలర్లతో పాటు వారి భర్తలు, కుమారులు సైతం హాజరై వాదనలు వినిపించడం తీవ్ర చర్చనీయాంశంగా మారింది. వారే కౌన్సిలర్లుగా వ్యవహరిస్తూ సమావేశంలో మాట్లాడటం పలువురిని ఆశ్చర్యానికి గురిచేసింది. అయితే ఈ వ్యవహారంపై అధికారులుగాని, చైర్‌పర్సన్‌, వైస్‌ చైర్మన్‌గాని అభ్యంతరం తెలుపకపోవడం, అడ్డుకోకపోవడం, సమావేశం నుంచి బయటకు పంపించే ప్రయత్నం చేయకపోవడం గమనార్హం. సమావేశం నిర్వహణపై ఆగ్రహం.. సమావేశం ముగిసిన అనంతరం అధికార పార్టీకి చెందిన సభ్యులు చైర్‌పర్సన్‌, వైస్‌చైర్మన్‌ తీరుపై తీవ్ర ఆగ్రహం వ్యక్తం చేసినట్లు తెలిసింది. కౌన్సిల్‌ సమావేశం నిర్వహించే పద్ధతి ఇదేనా? ఎన్నికై న కౌన్సిలర్లు కాకుండా వారి భర్తలు, కుమారులు సైతం సమావేశంలో కూర్చొని వారే కౌన్సిలర్లుగా వాదనలు వినిపిస్తుంటే అడ్డుకునే బాధ్యత లేదా? కనీసం సమావేశాన్ని సక్రమంగా నిర్వహించాలనే ఆలోచన కూడా లేదా? అంటూ అసహనం వ్యక్తం చేసినట్లు సమాచారం. సమావేశంలో ఎవరు మాట్లాడాలి.. ఎవరు మాట్లాడకూడదనే నియంత్రణ లేకపోయిందని, చైర్‌పర్సన్‌, వైస్‌చైర్మన్‌ వ్యవహారశైలితో పాటు అధికారుల మౌనంపై సభ్యులు అసంతృప్తి వ్యక్తం చేసినట్లు సమాచారం. మరోవైపు పట్టణంలో కొనసాగుతున్న రహదారి విస్తరణ పనులకు కౌన్సిల్‌ ఏకగ్రీవంగా ఆమోదం తెలిపింది. విస్తరణ పనులకు కౌన్సిలర్లు సహకరించాలని సమావేశంలో కోరారు. డ్రైనేజీ నిర్మాణానికి అడ్డుగా ఉన్న నిర్మాణాలు, ఆక్రమణలను తొలగించేందుకు అయ్యే యంత్రాల అద్దె, డీజిల్‌ ఖర్చు చెల్లింపునకు నిర్ణయించారు. అయితే ఇందుకు ఎంత ఖర్చవుతుందనే దానిపై ప్రస్తుతానికి స్పష్టత రాలేదు. పనుల భారాన్ని బట్టి త్వరలోనే ఖర్చు వివరాలు వెల్లడిస్తామని తెలిపారు. అదేవిధంగా పురపాలికకు చెందిన టౌన్‌హాల్‌ను టెండర్‌ ద్వారా లీజుకు ఇవ్వాలని, పట్టణంలో డంపింగ్‌యార్డుకు, మిగిలిన రహదారి పనులు చేపట్టాలని తీర్మానించారు. ప్రజలు నీటిని వృథా చేయకుండా పొదుపుగా వినియోగించుకోవాలని సమావేశంలో సూచించారు. సమావేశంలో వైస్‌ చైర్మన్‌ గౌడ్‌, కమిషనర్‌ నిరంజన్‌, అధికారులు, కౌన్సిలర్లు పాల్గొన్నారు.

పాన్‌గల్‌: భూముల రీ–సర్వే ప్రక్రియను నిబంధనల ప్రకారం పారదర్శకంగా, పకడ్బందీగా చేపట్టాలని రెవెన్యూ అదనపు కలెక్టర్‌ వినోద్‌కుమార్‌ అన్నారు. శుక్రవారం మండలంలోని జమ్మాపూర్‌, బండపల్లిలో భూ రీ–సర్వే పురోగతిని పరిశీలించి సర్వేయర్లకు పలు సూచనలు చేశారు. భూముల హద్దులను కచ్చితంగా గుర్తించి ఎలాంటి తప్పిదాలకు తావు లేకుండా జాగ్రత్తలు తీసుకోవాలని ఆదేశించారు. రైతులకు ముందస్తుగా సమాచారం అందించి వారి సమక్షంలోనే సర్వే ప్రక్రియ పూర్తి చేయాలన్నారు. అత్యంత కీలకమైన కో–రిలేషన్‌ రిజిస్టర్‌ను ఎలాంటి లోటుపాట్లు లేకుండా పకడ్బందీగా నిర్వహించాలని సూచించారు. నిర్లక్ష్యంగా వ్యవహరించే సిబ్బందిపై శాఖాపరమైన చర్యలు తప్పవని హెచ్చరించారు. ఆయన వెంట తహసీల్దార్‌ కార్తీక్‌రావు, వీపనగండ్ల ఇన్‌చార్జ్‌ తహసీల్దార్‌ శివకుమార్‌, డిప్యూటీ తహసీల్దార్‌ అశోక్‌కుమార్‌, ఆర్‌ఐ మహేష్‌, సర్పంచ్‌ అన్నె మల్లయ్య, సర్వేయర్లు పెన్నయ్య, స్వామి, రెవెన్యూ సిబ్బంది, రైతులు ఉన్నారు.

వనపర్తి రూరల్‌: సమాజం, దేశ రక్షణ కోసం ప్రాణాలు త్యాగం చేసిన పోలీసు అమరవీరుల సేవలు చిరస్మరణీయమని.. వారిని స్మరించుకుంటూ ప్రజలకు ఉపయోగపడే సేవా కార్యక్రమాల్లో ప్రతి ఒక్కరూ భాగస్వాములు కావాలని ఎస్పీ డి.సునీతరెడ్డి కోరారు. శుక్రవారం జిల్లాకేంద్రంలోని పట్టణ పోలీస్‌స్టేషన్‌లో జిల్లా పోలీసుశాఖ ఆధ్వర్యంలో నిర్వహించిన మెగా రక్తదాన శిబిరాన్ని ఆమె ప్రారంభించారు. శిబిరంలో జిల్లా పోలీసు అధికారులు, సిబ్బంది, యువత, స్వచ్ఛంద సంస్థల ప్రతినిధులు మొత్తం 129 మంది పాల్గొని స్వచ్ఛందంగా రక్తదానం చేశారు. సేకరించిన రక్త యూనిట్లను ప్రభుత్వ ఆస్పత్రిలోని బ్లడ్‌బ్యాంకులో అందజేశారు. ఈ సందర్భంగా ఎస్పీ మాట్లాడుతూ.. రక్తం ఎంతో విలువైందని, రక్తదానం ద్వారా ప్రాణాపాయ స్థితిలో ఉన్న వారికి ప్రాణదానం చేయవచ్చన్నారు. రక్తదానం చేసిన ప్రతి ఒక్కరికి అభినందనలు తెలుపడంతో పాటు ప్రశంసాపత్రాలు, పండ్లు అందజేశారు. కార్యక్రమాన్ని విజయవంతం చేసిన పోలీసు అధికారులు, సిబ్బంది, యువత, విద్యార్థులు, స్వచ్ఛంద సంస్థల ప్రతినిధులు, ప్రజలకు ప్రత్యేక కృతజ్ఞతలు తెలిపారు. కార్యక్రమంలో వనపర్తి ప్రభుత్వ జనరల్‌ ఆస్పత్రి మెడికల్‌ సూపరింటెండెంట్‌ డా. చంద్రమోహన్‌, డా. జ్యోతి, ఆర్‌ఎం డా. జావీద్‌, సాయుధదళ అదనపు ఎస్పీ వీరారెడ్డి, డీఎస్పీ గిరిబాబు, డీసీఆర్బీ డీఎస్పీ బాలాజీ, వనపర్తి, కొత్తకోట, ఆత్మకూర్‌ సీఐలు సుగంధ రత్నం, రమేష్‌, శివకుమార్‌, రిజర్వ్‌ ఇన్‌స్పెక్టర్లు శ్రీనివాస్‌, అప్పలనాయుడు, జిల్లాలోని ఎస్సైలు, పోలీసు అధికారులు, సిబ్బందితో పాటు బ్లడ్‌ బ్యాంక్‌ సిబ్బంది పాల్గొన్నారు.

అమరచింత: జూరాల కాల్వలకు శనివారం నీటిని విడుదల చేయనున్నట్లు ప్రాజెక్టు సీఈ రహిమొద్దీన్‌ శుక్రవారం ఒక ప్రకటనలో తెలిపారు. ప్రభుత్వ ఆదేశాల మేరకు శనివారం నుంచి నవంబర్‌ 4 వరకు ప్రధాన ఎడమ, కుడి కాల్వలకు వదులుతున్నట్లు పేర్కొన్నారు. జలాశయానికి ఎగువ నుంచి వరద భారీగా రాకపోవడంతో వానాకాలంలో ఆయకట్టు కింద సాగుచేసిన వరి పంటలకు చివరితడిగా నీటిని అందించేందుకు ప్రభుత్వం ఆదేశించినట్లు వివరించారు. భవిష్యత్‌ తాగునీటి అవసరాల దృష్ట్యా ప్రాజెక్టులోని నీటిని పొదుపుగా వినియోగిస్తున్నామన్నారు. ఆత్మరక్షణ మార్చ్‌కు భారీగా తరలిరావాలి వనపర్తి రూరల్‌: ఢిల్లీలోని రాంలీలా మైదానంలో ఆదివారం నిర్వహించనున్న ఆత్మరక్షణ మార్చ్‌కు జిల్లా నుంచి భారీసంఖ్యలో తరలివచ్చి విజయవంతం చేయాలని డీసీసీ అధ్యక్షుడు శివసేనారెడ్డి శుక్రవారం ఓ ప్రకటనలో పిలుపునిచ్చారు. దేశంలో ప్రజాస్వామ్యం, రాజ్యాంగాన్ని పరిరక్షించడంతో పాటు ఓటు చోరీని అడ్డుకోవాలనే లక్ష్యంతో ఏఐసీసీ అగ్రనేత, లోక్‌సభ ప్రతిపక్ష నేత రాహుల్‌గాంధీ నేతృత్వంలో మార్చ్‌ నిర్వహిస్తున్నట్లు పేర్కొన్నారు. ముఖ్యమంత్రి రేవంత్‌రెడ్డి, టీపీసీసీ అధ్యక్షుడు మహేష్‌కుమార్‌గౌడ్‌ ఆదేశాల మేరకు జిల్లా నుంచి 150 మందికిపైగా కాంగ్రెస్‌ నాయకులు, కార్యకర్తలు ఢిల్లీకి బయలుదేరినట్లు తెలిపారు. ప్రజల ఓటు హక్కును కాపాడటం, ఎన్నికల ప్రక్రియలో పారదర్శకతను నిలబెట్టడం ప్రతి ఒక్కరి బాధ్యతన్నారు. కేంద్రంలోని బీజేపీ ప్రభుత్వం అనుసరిస్తున్న విధానాలకు వ్యతిరేకంగా ప్రజాస్వామ్యవాదులంతా పార్టీలకతీతంగా మార్చ్‌లో పాల్గొనాలని కోరారు. ‘జలసిరి’ సద్వినియోగం చేసుకోవాలి పాన్‌గల్‌: భూగర్భ జలాల పెంపే లక్ష్యంగా అమలు చేస్తున్న జలసిరి పథకాన్ని రైతులు సద్వినియోగం చేసుకునేలా సిబ్బంది అవగాహన కల్పించాలని డీఆర్డీఓ ఉమాదేవి అన్నారు. శుక్రవారం మండలంలోని కేతేపల్లిలో జలసిరి పురోగతిని సర్పంచ్‌ రమేష్‌తో కలిసి పరిశీలించారు. ఈ సందర్భంగా మాట్లాడుతూ.. ఎల్‌నినో ప్రభావంతో గ్రామాల్లో వలసల నివారణకు వీబీజీ రాంజీ పథకంలో చేపట్టే పనులకు ఎక్కువ సంఖ్యలో కూలీలు హాజరయ్యేలా స్థానిక ప్రజాప్రతినిధులు చైతన్యం చేయాలన్నారు. రైతుల పొలాలో తవ్విన పాంపాండ్లను ఆమె పరిశీలించి గ్రామంలో ఇంకుడుగుంతలు, పాంపాండ్ల నిర్మాణాలకు భూమిపూజ చేశారు. ఎంపీడీఓ గోవిందరావు, ఏపీఓ కుర్మయ్య, ఈఈ ఆంజనేయులు, టీఏ పద్మ, ఫీల్డ్‌ అసిస్టెంట్‌ బీరయ్య, పంచాయతీ కార్యదర్శి పరశురాం, కూలీలు పాల్గొన్నారు. సుస్థిర వ్యవసాయమే మేలు : డీఏఓ ఖిల్లాఘనపురం: వాతావరణంలో వస్తున్న మార్పులకు అనుగుణంగా సుస్థిర వ్యవసాయం చేయడంతో రైతులకు మేలు చేకూరుతుందని జిల్లా వ్యవసాయ అధికారి ఆంజనేయులు తెలిపారు. ఖేత్‌ బచావో అభియాన్‌ కార్యక్రమంలో భాగంగా శుక్రవారం మండలంలోని కమాలోద్ధీన్‌పూర్‌ రైతువేదికలో యాసంగిలో పంటల సాగుపై రైతులకు అవగాహన కార్యక్రమం నిర్వహించగా.. ఆయన హాజరై మాట్లాడారు. ప్రభుత్వ ఆదేశాల మేరకు ఈ నెల 30 వరకు జిల్లాలోని అన్ని రైతువేదికల్లో రైతు అవగాహన సదస్సులు నిర్వహిస్తున్నట్లు చెప్పారు. ఎరువుల వినియోగం, ప్రకృతి వ్యవసాయం, పంట అవశేషాల నిర్వహణ, సమగ్ర పోషక యాజమాన్యం, సమగ్ర సస్యరక్షణ, వాతావరణ మార్పులకు అనుగుణంగా వ్యవసాయం, సుస్థిర సాగు పద్ధతులపై రైతులకు అవగాహన కల్పిస్తున్నట్లు చెప్పారు. ఎల్‌నినో ప్రభావంతో భూగర్భ జలాలు తగ్గాయని.. యాసంగిలో ఆరుతడి పంటలు సాగుచేసి నీటిపొదుపు పాటించాలని సూచించారు. కార్యక్రమంలో మండల వ్యవసాయ అధికారి మల్లయ్య, సర్పంచ్‌ గోపాల్‌, ఏఈఓ పవన్‌కళ్యాణ్‌, ఉప సర్పంచ్‌ చెన్నయ్య, గ్రామపెద్దలు, రైతులు పాల్గొన్నారు.

ఖిల్లాఘనపురం: త్వరలో జరిగే పట్టభద్రుల ఎమ్మెల్సీ ఎన్నికల్లో పార్టీ అభ్యర్థిని గెలిపించడానికి ముందుచూపుగా గ్రామాల్లోని ప్రతి పట్టభద్రుడి ఓటు నమోదు కార్యక్రమాన్ని ముమ్మరం చేయాలని మాజీ మంత్రి సింగిరెడ్డి నిరంజన్‌రెడ్డి కోరారు. గురువారం మండల కేంద్రంలోని ఓ కళ్యాణ వేదికలో గ్రాడ్యుయేట్‌ ఎమ్మెల్సీ ఓటరు నమోదు, హరీశ్‌రావు పర్యటన సన్నాహక సమావేశం నిర్వహించారు. ఈ కార్యక్రమానికి ముఖ్యఅతిథులుగా ఆయనతో పాటు ఎన్నికల ఇన్‌చార్జ్‌ ఇంతియాజ్‌ ఇసాక్‌ హాజరయ్యారు. ఈ సందర్భంగా మాజీ మంత్రి మాట్లాడుతూ.. అర్హులైన ప్రతి పట్టభద్రుడిని కలిసి ఓటరుగా నమోదు చేసుకునేలా చూడాలన్నారు. ఎమ్మెల్సీ ఎన్నికల్లో ఎట్టి పరిస్థితుల్లోనూ బీఆర్‌ఎస్‌ అభ్యర్థిని గెలిపించేందుకు ప్రతి బీఆర్‌ఎస్‌ నాయకుడు, కార్యకర్త కృషి చేయాలన్నారు. ప్రభుత్వ నిర్లక్ష్యంతో వరద నీరు సకాలంలో సద్వినియోగం చేసుకోకపోవడంతో నేడు అన్నదాతలు పంటలు ఎండి అల్లాడుతున్నారని, వారిలో ఆత్మస్థైర్యం నింపేందుకు నవంబర్‌ 2న మాజీ మంత్రి హరీశ్‌రావు జిల్లాకు రానున్నట్లు తెలిపారు. కార్యక్రమానికి రైతులు పెద్దసంఖ్యలో హాజరయ్యేలా చూడాలన్నారు. 100 టీఎంసీల కృష్ణా జలాలను ఆంధ్రాకు తరలించుకుపోతుంటే ఇక్కడి ప్రభుత్వం చూస్తూ ఉండిపోయిందని ఆరోపించారు. కార్యక్రమంలో మాజీ ఎంపీపీ కృష్ణానాయక్‌, మాజీ మార్కెట్‌ కమిటీ చైర్మన్‌ లక్ష్మారెడ్డి, బీఆర్‌ఎస్‌ పార్టీ మండల అధ్యక్షుడు రాళ్ల కృష్ణయ్య, నాయకులు బాలీశ్వర్‌రెడ్డి, మన్యంగౌడ్‌, పీన్యానాయక్‌, సర్పంచులు వట్టెం నాగయ్య, మాన్యానాయక్‌, రామకృష్ణ, వివిధ గ్రామాల నాయకులు పాల్గొన్నారు.

ఆక్రమణల తొలగింపు సమయంలో కొందరు వ్యాపారులు పుర అధికారులతో వాగ్వాదానికి దిగారు. కొందరి నిర్మాణాలు 10 నుంచి 20 అడుగుల వరకు ఆక్రమణలో ఉన్నప్పటికీ వాటిని తొలగించకుండా తమ దుకాణాల వద్దకే యంత్రాలు తీసుకురావడమేమిటని కమిషనర్‌ను ప్రశ్నించారు. ఈ క్రమంలో కొద్దిసేపు ఉద్రిక్త పరిస్థితులు నెలకొన్నాయి. నిబంధనల ప్రకారమే ఆక్రమణలపై చర్యలు తీసుకుంటామని కమిషనర్‌ బాధితులకు భరోసా ఇచ్చారు. అయినప్పటికీ వివాదం ముదురుతుండటంతో పోలీసులు రంగంలోకి దిగి బందోబస్తు ఏర్పాటు చేశారు. ఎలాంటి అవాంఛనీయ ఘటనలు చోటుచేసుకోకుండా భారీ యంత్రాల సాయంతో డ్రైనేజీ నిర్మాణానికి అడ్డుగా ఉన్న ఆక్రమణలు, సెట్‌బ్యాక్‌ లేని నిర్మాణాల తొలగింపును కొనసాగించారు.

వనపర్తి: స్వామి వివేకానంద జయంతిని పురస్కరించుకొని 30వ జాతీయ యువజనోత్సవాల్లో భాగంగా జిల్లాస్థాయి వికసిత్‌ భారత్‌ యువ నాయకుల సంభాషణ (వీబీవైఎల్‌డీ–2027), జిల్లాస్థాయి సాంస్కృతిక పోటీలు 2026–27 నిర్వహిస్తున్నట్లు జిల్లా యువజన క్రీడల అధికారి టి.సుధీర్‌కుమార్‌రెడ్డి గురువారం ఒక ప్రకటనలో తెలిపారు. పోటీలు నవంబర్‌ 6న ఉదయం 9 గంటలకు జిల్లాకేంద్రంలోని మినీ స్టేడియంలో ప్రారంభమవుతాయని పేర్కొన్నారు. జిల్లాలోని 15 ఏళ్ల నుంచి 29 ఏళ్లలోపు యువత ప్రతిభను వెలికితీసి వారిని ప్రోత్సహించడంతో పాటు జిల్లా, రాష్ట్ర, జాతీయస్థాయిలో గుర్తింపు పొందేందుకు ఈ పోటీలు దోహదపడుతాయన్నారు. జానపద నృత్యం, జానపద గీతాలు, పెయింటింగ్‌, వీధి నాటకం, కవిత్వం, రచన అనే అంశాల్లో పోటీలు ఉంటాయని.. జిల్లాస్థాయిలో ప్రతిభ చాటిన యువత రాష్ట్రస్థాయి యువనోత్సవాల్లో పాల్గొనే అవకాశం ఉంటుందని వివరించారు. రాష్ట్రస్థాయిలో ఎంపికై న విజేతలు నిర్దేశిత మార్గదర్శకాల ప్రకారం జాతీయస్థాయి పోటీలో పాల్గొనే అవకాశం పొందుతారన్నారు. ఆసక్తిగల యువత https://mybharat.gov.i n/vbyd2027 నందు రిజిస్ట్రేషన్‌ చేసుకోవాలన్నారు. mybharat పోర్టల్‌ రిజిస్ట్రేషన్‌ ప్రింట్‌ అవుట్‌, ఆధార్‌కార్డు ప్రతితో పాటు రెండు పాస్‌పోర్ట్‌ సైజ్‌ ఫొటోలను పోటీలు జరిగే రోజున రిజిస్ట్రేషన్‌ కౌంటర్‌ వద్ద సమర్పించాలని సూచించారు. ఆసక్తి, అర్హులైన యువత ఈ అవకాశాన్ని సద్వినియోగం చేసుకొని అధికసంఖ్యలో పాల్గొని తమ ప్రతిభ చాటాలన్నారు. మరిన్ని వివరాలకు కలెక్టరేట్‌లోని రూం నంబర్‌ 201 లేదా సెల్‌నంబర్లు 98858 51813, 98662 92353 సంప్రదించాలని కోరారు. చట్టాలపై అవగాహన ఉండాలి వనపర్తి రూరల్‌: ప్రతి విద్యార్థికి చట్టాలపై అవగాహన ఉండాలని జిల్లా న్యాయ సేవాధికార సంస్థ కార్యదర్శి, సీనియర్‌ న్యాయమూర్తి దీప కాసరగడ్డ అన్నారు. గురువారం శ్రీరంగాపురంలోని కేజీవీబీ, జెడ్పీ బాలికల ఉన్నత పాఠశాలలో జిల్లా న్యాయ సేవాధికార సంస్థ ఆధ్వర్యంలో నిర్వహించిన న్యాయ విజ్ఞాన సదస్సుకు ఆమె ముఖ్యఅతిథిగా హాజరై సురక్షిత్‌ బచ్‌పన్‌ అభియాన్‌ (పోక్సో చట్టం 2012) గురించి విద్యార్థులకు అవగాహన కల్పించారు. సామాజిక మాధ్యమాలు, సైబర్‌ నేరాలపై అప్రమత్తంగా ఉండాలని, బాల్యవివాహాల నిషేధిత చట్టం–2006 ప్రకారం 18 ఏళ్లలోపు అమ్మాయిలు, 21 ఏళ్లలోపు అబ్బాయిలకు వివాహాలు చేయడం చట్ట విరుద్దమన్నారు. బాల్య కార్మిక చట్టం కింద 14 ఏళ్లలోపు బాలలను పనిలో పెట్టుకోవడం నేరమని తెలిపారు. కార్యక్రమంలో డీసీఓ రాంబాబు, లీగల్‌ ఎయిడ్‌ డిఫెన్స్‌ కౌన్సిల్‌ కృష్ణయ్య, శ్రీదేవి, ఎస్‌ఓ, ఉపాధ్యాయులు పాల్గొన్నారు. భూసారాన్ని పరిరక్షించాలి వనపర్తి రూరల్‌: అధిక మోతాదులో రసాయన ఎరువులు, పురుగు మందులను వినియోగించడంతో నేల ఆరోగ్యం దెబ్బతింటుందని, భూసార పరీక్షల ఆధారంగా ఎరువులు వాడాలని ఆత్మ డిప్యూటీ ప్రాజెక్టు డైరెక్టర్‌ హైమావతి సూచించారు. ఖేత్‌ బచావో అభియాన్‌ కార్యక్రమంలో భాగంగా గురువారం మండల వ్యవసాయశాఖ అధికారి కురుమయ్య ఆధ్వర్యంలో మండలంలోని నాచహళ్లి, మెంటపల్లిలో సాగుభూమి ఆరోగ్య పరిరక్షణపై నిర్వహించిన అవగాహన సదస్సుకు ఆమె ముఖ్యఅతిథిగా హాజరై మాట్లాడారు. పచ్చిరొట్ట ఎరువుల సాగు, పంట మార్పిడి, సహజ వ్యవసాయ పద్ధతులను పాటించాలని, పంట వ్యర్థాలను భూమిలో కలియదున్నడం, నీటిని పొదుపుగా వినియోగించడం, సమగ్ర పోషకాలు, పురుగుల యాజమాన్య పద్ధతులు పాటించడంతో భూసారాన్ని కాపాడుకోవచ్చని తెలిపారు. కార్యక్రమంలో నాచహళ్లి సర్పంచ్‌ అబ్దుల్లా, మెంటపల్లి సర్పంచ్‌ రాములు, వ్యవసాయ విస్తరణ అధికారులు యుగంధర్‌, కవిత, పంచాయతీ కార్యదర్శి నూతన్‌, శంకర్‌రెడ్డి, వివిధ గ్రామాల రైతులు పాల్గొన్నారు.

ఆత్మకూర్‌: ప్రతి ఇంటి ఆవరణలో ఇంకుడుగుంత నిర్మించుకొనే విధంగా ప్రజలకు అవగాహన కల్పించాలని స్థానిక సంస్థల అదనపు కలెక్టర్‌ ఖీమ్యానాయక్‌ అన్నారు. గురువారం మండలంలోని ఆరేపల్లిలో ఆయన పర్యటించి ఉపాధిహామీ పథకంలో నిర్మిస్తున్న ఇంకుడుగుంతలను పరిశీలించారు. ఈ సందర్భంగా ఆయన మాట్లాడుతూ.. ఎల్‌నినో ప్రభావంతో గ్రామాల్లో తాగునీటి సమస్య తలెత్తే అవకాశాలు ఉన్నాయని, నీటిని వృథా చేయకుండా, తాగునీటి సమస్యలు తలెత్తకుండా ముందస్తు చర్యలు తీసుకోవాలని సూచించారు. బోరుబావులను లీజుకు తీసుకోవాలని, పశువులకు నీరు అందేవిధంగా చూడాలని, రాబోయే రోజుల్లో అప్రమత్తంగా ఉండేలా గ్రామస్తులకు అవగాహన కల్పించాలన్నారు. అనంతరం ప్రభుత్వ పాఠశాల, అంగన్‌వాడీ కేంద్రాలను తనిఖీ చేసి ఎల్‌నినో గురించి అవగాహన కల్పించారు. ఆయన వెంట డీఆర్డీఓ ఉమాదేవి, ఎంపీడీఓ శ్రీరాంరెడ్డి, సర్పంచ్‌ రామచంద్రయ్య, ఉపాధిహామీ సిబ్బంది పాల్గొన్నారు. పెద్దతండా(ఆర్‌)లో పర్యటన.. వనపర్తి రూరల్‌: మండలంలోని పెద్దతండా(ఆర్‌)లో గురువారం స్థానిక సంస్థల అదనపు కలెక్టర్‌ ఖీమ్యానాయక్‌ పర్యటించారు. గ్రామపంచాయతీ కార్యాలయంలో నిర్వహించిన సమావేశంలో పాల్గొని గ్రామంలో చేపడుతున్న పలు అభివృద్ధి పనుల గురించి సర్పంచ్‌ దానమ్మతో చర్చించారు. అనంతరం మాట్లాడుతూ.. గ్రామంలోని ప్రతి ఇంటి ఆవరణలో ఇంకుడుగుంత నిర్మించుకునేలా ప్రజలకు అవగాహన కల్పించాలని సూచించారు. వీబీజీ రాంజీ పథకంలో చేపడుతున్న పనులను సద్వినియోగం చేసుకోవాలని, వర్షపు నీరు భూమిలోకి ఇంకేలా నీటికుంటలు నిర్మించుకొనేలా చర్యలు తీసుకోవాలని సర్పంచ్‌కు సూచించారు. సమావేశంలో పంచాయతీ కార్యదర్శి నాగమణి, జీపీఓ, వార్డుసభ్యులు పాల్గొన్నారు.

జిల్లాకేంద్రంలో పునః ప్రారంభమైన రహదారి విస్తరణ పనులు ● ఆక్రమణల తొలగింపునకు అధికారులు శ్రీకారం ● వాగ్వాదానికి దిగిన బాధితులు ● రంగంలోకి దిగిన పోలీసులు రహదారి విస్తరణ జిల్లాకేంద్ర ప్రజల చిరకాల వాంఛ. ప్రజా ప్రయోజనాల దృష్ట్యా ప్రతి ఒక్కరూ రహదారి విస్తరణకు సహకరించాలి. విస్తరణలో నష్టపోయే బాధితులకు మేలు చేకూరేలా ఎమ్మెల్యే ఆలోచిస్తున్నారు. ప్రతి ఒక్కరూ అభివృద్ధిలో భాగస్వాములు కావాలి. గతంలో మాదిరిగా కాకుండా ప్రజా ఆమోదంతోనే ముందుకెళ్తున్నాం. – ఎం.మాధవి, పుర చైర్‌పర్సన్‌, వనపర్తి వనపర్తిటౌన్‌: జిల్లాకేంద్రంలో మలివిడత రహదారి విస్తరణ పనులు గురువారం ఒక్కసారిగా ఊపందుకున్నాయి. మూడేళ్లుగా నిలిచిన విస్తరణ ప్రక్రియకు అధికారులు అనూహ్యంగా వేగం పెంచారు. భారీ క్రేన్లు, ఇతర యంత్రాల సాయంతో డ్రైనేజీల నిర్మాణానికి అడ్డుగా ఉన్న ఆక్రమణలు, సెట్‌బ్యాక్‌ లేకుండా నిర్మించిన కట్టడాల తొలగింపు ప్రక్రియను పుర యంత్రాంగం చేపట్టింది. మూడురోజుల కిందట పురపాలికలో రోడ్ల విస్తరణ బాధితులు, వ్యాపారులతో అధికారులు సమావేశం నిర్వహించారు. ఆ సమావేశం అర్ధాంతరంగా ముగియడం, కలెక్టర్‌ సైతం అధికారులతో విస్తరణ పనులపై సమీక్ష నిర్వహించిన నేపథ్యంలో గురువారం చోటుచేసుకున్న పరిణామాలు పట్టణంలో చర్చనీయాంశంగా మారాయి. వివేకానంద విగ్రహం నుంచి.. మూడేళ్ల కిందట నిలిచిన విస్తరణ పనుల్లో ప్రధానంగా వివేకానంద విగ్రహం నుంచి పొట్టి శ్రీరాములు చౌరస్తా వరకు ఉన్న రహదారి అంశం కీలకంగా మారింది. పట్టణంలోని ప్రధాన రహదారుల్లో ఒకటైన ఈ మార్గం విస్తరణ ఎట్టకేలకు ప్రారంభం కావడంతో మలివిడత ఆసక్తిగా మారింది. ఈ మార్గం విస్తరిస్తే రాకపోకలకు మరింత సౌలభ్యం కలగనుంది. మరోవైపు రహదారి విస్తరణ పరిణామాలను విపక్ష బీఆర్‌ఎస్‌ పార్టీ నిశితంగా పరిశీలిస్తున్నట్లు రాజకీయ వర్గాల్లో చర్చ జరుగుతోంది. విస్తరణలో బాధితుల మనోభావాలు దెబ్బతినేలా ఏ చిన్న సంఘటన జరిగినా దాన్ని రాజకీయంగా ప్రస్తావించే అవకాశం ఉందన్న ప్రచారం సాగుతున్న నేపథ్యంలో బీఆర్‌ఎస్‌ వ్యూహాలను చిత్తు చేసేలా అధికార పక్షం ప్రతివ్యూహాలు సన్నద్ధం అవుతుండటంతో మలిదశ విస్తరణపై రాజకీయ ప్రాధాన్యత సంతరించుకుంటుంది. త్వరలోనే ఎమ్మెల్యే బాధితులతో సమావేశం నిర్వహించి ప్రభుత్వపరంగా సాధ్యమయ్యే ప్రతిపాదనలను వారి ముందు ఉంచనున్నట్లు సమాచారం. ప్రధాన రహదారి విస్తరణ పనులు ప్రారంభం కావడంతో తొలగిస్తున్న మట్టిని పక్కనే పారబోస్తుండటంతో సగం మేర రోడ్డు కుదించుకపోయింది. దీంతో రాకపోకలకు తీవ్ర అసౌకర్యం కలుగుతుంది. ప్రత్యామ్నాయంగా బస్సు డిపో రోడ్‌ నుంచి బస్సులు, భారీ వాహనాలను దారి మళ్లించినా ట్రాఫిక్‌ కష్టాలు అధికమవుతూనే ఉన్నాయి.

కొత్తకోట రూరల్‌: భూముల రీ–సర్వేను పకడ్బందీగా, పారదర్శకంగా చేపట్టాలని కలెక్టర్‌ ఆదర్శ్‌ సురభి అధికారులను ఆదేశించారు. గురువారం రెవెన్యూ అదనపు కలెక్టర్‌ టి.వినోద్‌కుమార్‌తో కలిసి మండలంలోని నాంచారమ్మపేటలో కొనసాగుతున్న భూ రీ–సర్వేను ఆయన క్షేత్రస్థాయిలో పరిశీలించారు. సర్వేయర్లు సర్వే చేస్తున్న తీరును పరిశీలించి పలు సూచనలు చేశారు. రీ–సర్వేలో భాగంగా ముందుగా గ్రామ సరిహద్దులను గుర్తించాలని, అనంతరం ప్రభుత్వ భూములు, తర్వాత పట్టా భూములను సర్వే చేయాలని ఆదేశించారు. ప్రభుత్వ భూములు ఎక్కడైనా ఆక్రమణకు గురైనట్లు గుర్తిస్తే వాటి వివరాలను ఉన్నతాధికారులకు నివేదించాలన్నారు. పట్టా భూముల సర్వే చేపట్టే ముందు సంబంధిత రైతులకు ముందస్తు సమాచారం అందించాలని, సర్వే పూర్తయిన అనంతరం భూముల వివరాలను రైతులకు తెలియజేసి వారి సంతకాలను తప్పనిసరిగా తీసుకోవాలన్నారు. రీ–సర్వేలో ఎలాంటి పొరపాట్లకు తావులేకుండా, రైతులకు ఇబ్బందులు కలగకుండా నిర్వహించాలని సూచించారు. పనులు వేగవంతం చేయాలి.. మండల కేంద్రంలోని తహసీల్దార్‌ కార్యాలయం సమీపంలో నిర్మిస్తున్న సామాజిక ఆరోగ్య కేంద్రం పనులను కలెక్టర్‌ తనిఖీ చేశారు. నిర్మాణ పనుల పురోగతిని పరిశీలించి వేగవంతంగా పూర్తి చేసేందుకు అవసరమైన చర్యలు తీసుకోవాలని ఇంజినీ రింగ్‌ అధికారులకు సూచించారు. పనుల్లో నాణ్యతా ప్రమాణాలు తప్పనిసరిగా పాటించాలని, నిర్దేశిత ప్రమాణాలకు అనుగుణంగా పూర్తిచేసి ప్రజలకు మెరుగైన వైద్యసేవలు అందుబాటులోకి వచ్చేలా చూడాలన్నారు. కలెక్టర్‌ వెంట తహసీల్దార్‌ సుభాష్‌, ఇతర అధికారులు ఉన్నారు.

మదనాపురం: ఎలాంటి పొరపాట్లకు తావులేకుండా పకడ్బందీగా భూ రీ–సర్వే ప్రక్రియను పూర్తి చేయాలని రెవెన్యూ అదనపు కలెక్టర్‌ వినోద్‌కుమార్‌ అధికారులను ఆదేశించారు. గురువారం మండలంలోని నర్సింగాపురంలో భూ రీ–సర్వే ప్రక్రియను క్షేత్రస్థాయిలో పరిశీలించి భూ కొలతలు, రికార్డుల నమోదు తీరును పరిశీలించి సర్వే సిబ్బందికి పలు సూచనలు చేశారు. రీ–సర్వేకు ముందు రైతులు, భూ యజమానులకు తప్పనిసరిగా ముందస్తు సమాచారం అందించి నోటీసులు జారీ చేయాలి.. ప్రతి నోటీసుపై నిబంధనల ప్రకారం అధికారుల సంతకాలు ఉండాలన్నారు. భూముల హద్దులను పక్కాగా నిర్ధారించి వివరాలను సక్రమంగా నమోదు చేయాలని చెప్పారు. రైతులకు ఎలాంటి ఇబ్బందులు కలగకుండా వారి సందేహాలను నివృత్తి చేస్తూ సమన్వయంతో ముందుకు వెళ్లాలని సూచించారు. అనంతరం సరళాసాగర్‌ ప్రాజెక్టును సందర్శించి ఆయకట్టు వివరాలు అడిగి తెలుసుకున్నారు. పశువులకు తాగునీరు ఉండే విధంగా చూడాలని ఆదేశించారు. ఆయన వెంట తహసీల్దార్‌ రేపోలు రాజు, సర్వే సిబ్బంది తదితరులు ఉన్నారు.

● పోలేపల్లి, జినుకుంటలో 50 ఎకరాలు నిరుపయోగం ● రూ.2 కోట్ల యంత్రాలు తుప్పుపాలు.. శిథిలావస్థలో భవనాలు ●జడ్చర్ల: దళిత యువతకు ఉపాధి కల్పించడంతోపాటు చర్మ ఉత్పత్తుల పరిశ్రమలను అభివృద్ధి చేయాలన్న లక్ష్యంతో ఏర్పాటు చేసిన లెదర్‌ పార్కులు నిరుపయోగంగా మారాయి. ఉమ్మడి పాలమూరులోని పోలేపల్లి, నాగర్‌కర్నూల్‌ జిల్లా జినుకుంటలో కలిపి 50 ఎకరాలు కేటాయించగా, భవనాలు శిథిలావస్థకు చేరాయి. సుమారు రూ.2 కోట్లతో సమకూర్చిన యంత్రాలు తుప్పుపట్టాయి. యువతకు శిక్షణ ఇచ్చినా పరిశ్రమలు ప్రారంభం కాకపోవడంతో ఉపాధి అవకాశాలు దక్కలేదు. రెండు చోట్లా 25 ఎకరాలు చర్మ ఉత్పత్తుల పరిశ్రమల ద్వారా రాష్ట్రవ్యాప్తంగా లక్ష మందికి ఉపాధి కల్పించాలనే లక్ష్యంతో 2002లో జడ్చర్ల మండలం పోలేపల్లి సెజ్‌ సమీపంలో లిడ్‌క్యాప్‌కు 25 ఎకరాల అసైన్డ్‌ భూమిని కేటాయించారు. నాగర్‌కర్నూల్‌ జిల్లా బల్మూరు మండలం జినుకుంటలో మరో 25 ఎకరాలు ఇచ్చారు. పోలేపల్లిలో 2004లో ‘మలుపు’ పథకం కింద రూ.10 లక్షలతో, జినుకుంటలో రూ.25 లక్షలతో భవనాలు నిర్మించారు. యంత్రాల కోసం సుమారు రూ.2 కోట్లు ఖర్చు చేసినా పరిశ్రమలు ఏర్పాటు కాలేదు. శిక్షణ ఇచ్చారు.. ఉపాధి మరిచారు చర్మ ఉత్పత్తుల తయారీలో నిరుద్యోగ దళిత యువతకు శిక్షణ ఇచ్చారు. జడ్చర్ల పారిశ్రామిక పార్కులో సుమారు 250 మందికి, జినుకుంటలో 400 మందికి శిక్షణ అందించారు. కొందరిని చైన్నెకి కూడా పంపించారు. శిక్షణ సమయంలో నెలకు రూ.1,500 స్టైపెండ్‌ ఇచ్చి ధ్రువీకరణ పత్రాలు అందజేశారు. అనంతరం ఎస్సీ కార్పొరేషన్‌ ద్వారా ఒక్కొక్కరికి రూ.7,500 రుణసదుపాయం కల్పించారు. లెదర్‌ పార్కుల్లో పరిశ్రమలు ఏర్పాటైతే ఉపాధి లభిస్తుందని ఆశించిన యువతకు నిరాశే మిగిలింది. రూ.60 లక్షలు ఏమయ్యాయి? పోలేపల్లిలోని లిడ్‌క్యాప్‌ శిక్షణ కేంద్రాన్ని పునఃప్రారంభించేందుకు 2022లో ప్రభుత్వం రూ.60 లక్షలు కేటాయించినట్లు అధికారులు ప్రకటించారు. సీఎల్‌ఆర్‌ఐ ఆధ్వర్యంలో శిక్షణ కార్యక్రమాల నిర్వహణకు ఈ నిధులు కేటాయించినట్లు తెలిపారు. అయితే నిధుల వినియోగం, శిక్షణ కేంద్రం పునఃప్రారంభంపై స్పష్టత లేదు. మరోవైపు పోలేపల్లిలో భవనం శిథిలావస్థకు చేరగా, జినుకుంటలోనూ భవనం దెబ్బతింది. యంత్రాలు తుప్పుపట్టి నిరుపయోగంగా మారాయి. భూముల విలువ పెరిగినా.. పోలేపల్లి భూమిని 2008లో లెదర్‌ పార్కు ఏర్పాటుకు లిడ్‌క్యాప్‌ అప్పటి ఏపీఐఐసీకి అప్పగించింది. అభివృద్ధి జరగకపోవడంతో 2013లో ప్రభుత్వం తిరిగి లిడ్‌క్యాప్‌కు బదలాయించింది. అయినా పనులు ముందుకు సాగలేదు. సెజ్‌, జాతీయ రహదారికి సమీపంలో ఉండటంతో ఇక్కడ ఎకరం ధర రూ.3 కోట్లకు పైగా పలుకుతున్నట్లు అంచనా. ఇంత విలువైన భూమిని పరిరక్షిస్తూ పరిశ్రమల ఏర్పాటుకు ప్రభుత్వం చర్యలు తీసుకోవాల్సి ఉంది. యంత్రాలను పునరుద్ధరించి, శిక్షణ కేంద్రాలను ప్రారంభించి, పెట్టుబడిదారులను ఆకర్షిస్తే స్థానిక యువతకు ఉపాధి అవకాశాలు లభించే వీలుంది. పోలేపల్లి గ్రీన్‌ ఇండస్ట్రియల్‌ పార్కులో లెదర్‌ పార్కు అభివృద్ధికి చర్యలు చేపడతాం. ఇప్పటికే ఈ సమస్యను ప్రభుత్వం దృష్టికి తీసుకెళ్లినా నిధులు విడుదల కాలేదు. మరోసారి ముఖ్యమంత్రి రేవంత్‌రెడ్డి దృష్టికి తీసుకెళ్లి, దళితులకు ఉద్యోగ, ఉపాధి అవకాశాలు కల్పించేలా కృషి చేస్తాం. – అనిరుధ్‌రెడ్డి, ఎమ్మెల్యే, జడ్చర్ల

వనపర్తి: వీబీజీ రాంజీ పథకం కింద రైతులు పశుగ్రాసం సాగుచేసి లబ్ధి పొందే విధంగా చూడాలని స్థానిక సంస్థల అదనపు కలెక్టర్‌ ఎన్‌.ఖీమ్యానాయక్‌ కోరారు. బుధవారం రాష్ట్ర పంచాయతీరాజ్‌శాఖ మంత్రి సీతక్క, సెర్ప్‌ సీఈఓ దివ్య దేవరాజన్‌, ప్రత్యేక కార్యదర్శి దాన కిషోర్‌ హైదరాబాద్‌ నుంచి అన్ని జిల్లాల అదనపు కలెక్టర్లు, సర్పంచులు, ఎంపీడీఓలతో వీడియో కాన్ఫరెనన్స్‌ నిర్వహించగా కలెక్టరేట్‌ నుంచి అదనపు కలెక్టర్‌ పాల్గొని జిల్లా వివరాలు వెల్లడించారు. జిల్లాలోని ప్రతి చెరువు కాల్వ పూడికతీతకు చర్యలు తీసుకున్నామని.. ఇప్పటికే నిర్మాణంలో ఉన్న వీవో భవనాలు, అదనపు గదులు, అంగన్‌వాడీ కేంద్రాలు, పంచాయతీ భవనాలు నిర్ణీత గడువులోగా పూర్తి చేస్తామని తెలిపారు. నీటితొట్ల నిర్మాణాలు, పశుగ్రాసం పెంచే విధంగా చర్యలు తీసుకుంటామన్నారు. నీటి సంరక్షణకు వ్యక్తిగత ఇంకుడు గుంతలు, సామూహిక ఇంకుడు గుంతలు నిర్మించుకునేలా అవగాహన కల్పిస్తున్నట్లు వివరించారు. వీడియో కాన్ఫరెన్స్‌లో డీఆర్డీఓ ఉమాదేవి, జెడ్పీ సీఈఓ యాదయ్య, మిషన్‌ భగీరథ ఎస్‌ఈ వెంకటరమణ, అదనపు డీఆర్డీఓ రామమహేశ్వర్‌రెడ్డి, డీపీఓ రఘునాథరెడ్డి, జిల్లా పశుసంవర్ధకశాఖ అధికారి వెంకటయ్యగౌడ్‌ తదితరులు పాల్గొన్నారు.

వీపనగండ్ల: బిందు, తుంపర పరికరాలను వినియోగించి పంటలకు నీటిని పొదుపుగా వినియోగించుకోవాలని జిల్లా ఉద్యాన అధికారి విజయభాస్కర్‌రెడ్డి సూచించారు. బుధవారం మండల కేంద్రంలోని రైతువేదికలో మామిడి రైతుల అవగాహన సదస్సుకు ఆయన ముఖ్యఅతిథిగా హాజరై మాట్లాడారు. మామిడి కాయల నాణ్యతను పరిరక్షించేందుకు ఇప్పటికే 25 లక్షల కవర్లకు ఆర్డర్‌ ఇచ్చామని.. డిమాండ్‌ ఆధారంగా 80 లక్షల వరకు రాయితీపై అందిస్తామని చెప్పారు. ఎల్‌నినో దృష్ట్యా రైతులు తమ బోర్ల వద్ద బోర్‌ రీచార్జింగ్‌ ట్రెంచ్‌లను ఏర్పాటు చేసుకోవాలని సూచించారు. నీటికుంటల నిర్మాణానికి వీబీజీ రాంజీ పథకాన్ని వినియోగించుకోవాలన్నారు.

వనపర్తి: జిల్లాకేంద్రంలోని వేంకటేశ్వరస్వామి ఆలయంలో కొనసాగుతున్న అభివృద్ధి పనులు వేగంగా పూర్తి చేయాలని కలెక్టర్‌ ఆదర్శ్‌ సురభి అధికారులను ఆదేశించారు. బుధవారం ఆలయాన్ని సందర్శించిన ఆయన తొలుత స్వామివారిని దర్శించుకొని ప్రత్యేక పూజలు చేశారు. అనంతరం ప్రాంగణంలో నిర్మాణంలో ఉన్న అర్చక, ఆధ్యాత్మిక భవనాల పనులను పరిశీలించి మాట్లాడారు. ఆధ్యాత్మిక భవనం పనులను వచ్చే నెల 15 నాటికి, అర్చక భవనం నిర్మాణాన్ని వచ్చే ఏడాది జనవరి చివరిలోగా పూర్తి చేయాలని సూచించారు. పనుల్లో నాణ్యతా ప్రమాణాలు తప్పనిసరిగా పాటించాలని, నిర్ణీత గడువులోగా పూర్తయ్యేలా అవసరమైన చర్యలు తీసుకోవాలన్నారు. కలెక్టర్‌ వెంట ఆలయ చైర్మన్‌ రఘునాథాచార్యులు, పెబ్బేరు పుర చైర్మన్‌ శ్రీనివాస్‌గౌడ్‌, పంచాయతీరాజ్‌ శాఖ ఈఈ, ఏఈలు ఉన్నారు.

అమరచింత: భూగర్భ జలాల పరిరక్షణ ప్రతి ఒక్కరి బాధ్యతని జిల్లా వ్యవసాయ అధికారి ఆంజనేయులు, భూగర్భ జలశాఖ ఏడీ ఉమేష్‌ అన్నారు. బుధవారం మండల కేంద్రంలోని విద్యుత్‌ సబ్‌స్టేషన్‌ వద్ద ఉన్న ఫోజోమీటర్‌ వద్ద భూగర్భ జలమట్టం ఎంతమేరకు ఉందనే విషయంపై రైతులకు అవగాహన కల్పించారు. ఈ సందర్భంగా మాట్లాడుతూ.. భూగర్భ జలాలను అవసరానికి మించి వినియోగించడంతో నీటిమట్టాలు తగ్గిపోతున్నాయన్నారు. రైతులు నీటిని పొదుపుగా వినియోగిస్తూ ఆరుతడి పంటల సాగుకు ప్రాధాన్యత ఇవ్వాలని సూచించారు. డ్రిప్‌, స్ప్రింక్లర్‌ వంటి సూక్ష్మ సేద్య పద్ధతులను అవలంబించాలని, వర్షపు నీటిని ఒడిసిపట్టి భూగర్భ జలాలను పెంచుకోవాలన్నారు. నీటిని వృథా చేయకుండా భవిష్యత్‌ తరాలకు నీటి వనరులను అందించేలా రైతులు తమవంతు కృషి చేయాలని కోరారు. కార్యక్రమంలో మండల వ్యవసాయ అధికారి అరవింద్‌, ఉద్యాన అధికారి సురేష్‌, రైతులు పాల్గొన్నారు.

ప్రైవేట్‌ వ్యాపారులు వరి ధాన్యానికి ప్రభుత్వ మద్దతు ధర కన్నా అధికంగా చెల్లిస్తున్నారు. ప్రభుత్వం క్వింటాకు రూ.2,460 చెల్లిస్తే ప్రైవేట్‌ వ్యాపారులు రూ.3,500 చెల్లిస్తున్నారు. పండించిన పంటను ప్రైవేట్‌కే అమ్మడంతో పెట్టుబడి పోను లాభం వస్తోంది. – ఎల్లన్న, రైతు, మూలమళ్ల ప్రభుత్వ కొనుగోలు కేంద్రాల్లో తేమ శాతం అధికంగా ఉంటే ధాన్యం కొనేందుకు నిరాకరిస్తుంటారు. అదే ప్రైవేట్‌ వ్యాపారులు వరికోతలు కాకముందే పంటకు బేరమాడి ముందస్తుగా డబ్బులు చెల్లిస్తున్నారు. ప్రైవేట్‌ వ్యాపారులు క్వింటాకు రూ.3,500 నుంచి రూ.3,800 వరకు కొనుగోలు చేస్తుండటంతో వారికే విక్రయిస్తున్నాం. – వెంకటేశ్వర్‌రెడ్డి, రైతు, అమరచింత ప్రభుత్వ కొనుగోలు కేంద్రాలు ఏర్పాటు చేయడానికి శ్రీకారం చుట్టాం. ఇప్పటికే బోరుబావులు, చెరువు కింద సాగుచేసిన వరి పంటల కోతలు ప్రారంభం కావడంతో ఐకేపీ, పీఏసీఎస్‌ల ఆధ్వర్యంలో కొనుగోలు కేంద్రాలు ఏర్పాటు చేస్తున్నాం. ప్రభుత్వ మద్దతు ధరపై గ్రామాల్లో రైతులకు అవగాహన కల్పిస్తున్నాం. ఇచ్చిన లక్ష్యం మేర పూర్తిస్థాయిలో కొనుగోలు చేసేందుకు ప్రణాళికతో ముందుకు సాగుతున్నాం. – నల్గొండ ఆంజనేయులు, జిల్లా పౌరసరఫరాలశాఖ అధికారి ●

అమరచింత: సన్నరకం వరి ధాన్యానికి ప్రభుత్వం నిర్ణయించిన మద్దతు ధర కంటే అదనంగా రూ.1,300 వస్తుండటంతో జిల్లా రైతులు తాము పండించిన పంటను ప్రైవేట్‌ వ్యక్తులకే విక్రయించేందుకు ఆసక్తి కనబరుస్తున్నారు. ప్రభుత్వం ఈసారి బోనస్‌ డబ్బులు కేవలం 7 రకాల సన్నాలకు మాత్రమే చెల్లిస్తామని ప్రకటించింది. కానీ తాము పండించిన ధాన్యానికి బోనస్‌ వస్తుందో రాదో, గతంలో కూడా ఇస్తామన్న బోనస్‌ డబ్బులు సైతం అందలేదనే కారణాలతో ఈసారి అధికంగా డబ్బులు చెల్లించేందుకు ముందుకొస్తున్న ప్రైవేట్‌ వ్యాపారులు, మిల్లర్లకే పంటను విక్రయిస్తున్న పరిస్థితులు కనిపిస్తున్నాయి. ఎల్‌నినో కారణంగా వర్షాకాలంలో ఆశించిన మేర వర్షం కురవకపోవడం, బోరుబావుల్లో నీటిమట్టం తగ్గి చాలావరకు చివరి దశలో పంటలు వాడుముఖం పట్టడంతో దిగుబడులు ఆశించిన మేర రాకపోవడంతో వరి ధాన్యానికి డిమాండ్‌ పెరిగింది. దీంతో పక్క రాష్ట్రమైన కర్ణాటకకు చెందిన ప్రైవేట్‌ మిల్లర్లు సైతం గ్రామాల్లో మకాం వేస్తున్నారు. జిల్లాలో బోరుబావులు, చెరువుల కింద అక్కడక్కడ వరి కోతలు ప్రారంభమయ్యాయి. ఇప్పుడే బియ్యం ధరలు ఆకాశాన్నంటుతుండటంతో ప్రైవేట్‌ వ్యాపారులు, మిల్లర్లు ముందస్తుగానే ధాన్యం సేకరించే పనుల్లో నిమగ్నమయ్యారు. ఇందుకుగాను ముందస్తుగా రైతులను కలిసేందుకు తమ ఏజెంట్లను గ్రామాలకు పంపుతూ అధిక ధరల ఆశ చూపుతూ తమకే విక్రయించాలని కోరుతున్నారు. జిల్లాలో సాగు ఇలా.. జిల్లావ్యాప్తంగా 1.15 లక్షల ఎకరాల్లో వరి సాగు చేశారు. గతంతో పోలిస్తే 35 శాతం సాగు విస్తీర్ణం తగ్గింది. ఎల్‌నినో ప్రభావంతో వర్షాలు కురవక జలాశయాలు నిండకపోవడం, భూగర్భ జలాలు తగ్గడమే సాగు విస్తీర్ణం తగ్గడానికి కారణం. జూరాల జలాశయం నుంచి ఐదు విడతలుగా సాగునీరు విడుదల చేశారు. ప్రస్తుతం బోరుబావులు, చెరువుల కింద సాగు చేసిన పంట కోతలు అక్కడక్కడ ప్రారంభమయ్యాయి. జిల్లాలో 2.60 లక్షల మెట్రిక్‌ టన్నుల ధాన్యం కేంద్రాలకు వస్తుందని అధికారులు అంచనా వేస్తున్నారు.

వనపర్తి: రానున్న మహబూబ్‌నగర్‌–రంగారెడ్డి–హైదరాబాద్‌ పట్టభద్రుల ఎమ్మెల్సీ ఎన్నికల నేపథ్యంలో అర్హులైన పట్టభద్రులు ఓటరుగా నమోదు చేసుకోవాలని కలెక్టర్‌ ఆదర్శ్‌ సురభి బుధవారం ఒక ప్రకటనలో కోరారు. ప్రజాస్వామ్యంలో ఓటు హక్కు అత్యంత విలువైందని, ఎన్నికల ప్రక్రియలో ప్రతి ఓటరు భాగస్వామ్యం కీలకమని పేర్కొన్నారు. 2023, అక్టోబర్‌ 31కి ముందు పట్టభద్రులైన వారు ఓటరు నమోదుకు అర్హులని.. నవంబర్‌ 6వ తేదీలోగా ఫారం–18 ద్వారా ఆన్‌లైన్‌లో దరఖాస్తు చేసుకోవాలని సూచించారు. ఆన్‌్‌లైన్‌లో దరఖాస్తు చేసుకోలేని వారు సంబంధిత ఆర్డీఓ కార్యాలయం లేదా తహసీల్దార్‌ కార్యాలయాల్లో దరఖాస్తులను సమర్పించాలని కోరారు. చివరి తేదీ వరకు వేచి చూడకుండా వెంటనే దరఖాస్తు చేసుకోవాలన్నారు. బాలికలు ఉన్నత శిఖరాలు అధిరోహించాలి వనపర్తి రూరల్‌: బాలికలు విద్యలో రాణిస్తూ ఉన్నత శిఖరాలను అధిరోహించాలని ప్రిన్సిపల్‌ జూనియర్‌ సివిల్‌ న్యాయమూర్తి కార్తీక్‌రెడ్డి సూచించారు. బుధవారం జిల్లాకేంద్రంలోని నాగవరంతండా బాలికల గురుకుల పాఠశాలలో నల్సా ఆధ్వర్యంలో నిర్వహించిన ‘సురక్షిత్‌ బచ్‌పన్‌ అభియాన్‌–2026’ కార్యక్రమంలో భాగంగా పోక్సో చట్టం–2012పై విద్యార్థినులకు న్యాయ అవగాహన సదస్సు నిర్వహించగా.. ఆయన ముఖ్యఅతిథిగా హాజరై మాట్లాడారు. ఇంటర్నెట్‌, సోషల్‌ మీడియాను అవసరమైన ప్రయోజనాలకే వినియోగించాలని, సైబర్‌ నేరాల పట్ల అప్రమత్తంగా ఉండాలని సూచించారు. బాలల రక్షణకు సంబంధించి సమస్యలు ఎదురైతే చైల్డ్‌ హెల్ప్‌లైన్‌ నంబర్‌ 1098, న్యాయసాయం కోసం టోల్‌ఫ్రీ నంబర్‌ 15100 సంప్రదించాలన్నారు. లీగల్‌ ఎయిడ్‌ డిఫెన్స్‌ కౌన్సెలర్లు కృష్ణయ్య, రఘు, శ్రీదేవి, డీసీపీఓ రాంబాబు, చైల్డ్‌ వెల్ఫేర్‌ కమిటీ సభ్యురాలు వనజ, జిల్లా విద్యాశాఖ సీఎంఓ ప్రతాపరెడ్డి ప్రిన్సిపాల్‌ పాల్గొన్నారు. చట్టాలపై అవగాహన కలిగి ఉండాలి ఖిల్లాఘనపురం: విద్యార్థులు చిన్న వయసు నుంచే చట్టాలపై పూర్తిస్థాయిలో అవగాహన కలిగి ఉండాలని జిల్లా న్యాయ సేవాధికార సంస్థ కార్యదర్శి కె.దీప అన్నారు. బుధవారం మండల పరిధిలోని కస్తూర్భాగాంధీ విద్యాలయ, తెలంగాణ మోడల్‌ పాఠశాల, జిల్లాకేంద్రంలోని హరిజనవాడ జెడ్పీ ఉన్నత పాఠశాలలో విద్యార్థులకు చట్టాలపై అవగాహన సదస్సు నిర్వహించారు. ఆయా కార్యక్రమాలకు ఆమె హాజరై మాట్లాడుతూ.. సురక్షిత్‌ బచ్చన్‌ అభియాన్‌ (పోక్స్‌ చట్టం–2012) లో భాగంగా విద్యార్థులకు చట్టాలపై అవగాహన కల్పిస్తున్నట్లు చెప్పారు. ముఖ్యంగా బాలికల రక్షణకు ఈ చట్టం ఎంతో ఉపయోగపడుతుందన్నారు. అనంతరం విద్యార్థులకు బ్యాగులు పంపిణీ చేశారు. కాంట్రాక్టు అధ్యాపకులను క్రమబద్ధీకరించాలి మహబూబ్‌నగర్‌ ఎడ్యుకేషన్‌: రాష్ట్రంలోని యూనివర్సిటీల్లో పనిచేస్తున్న కాంట్రాక్టు అధ్యాపకులను ప్రభుత్వం వెంటనే క్రమబద్ధీకరించి, ఉద్యోగ భద్రత కల్పించాలని అధ్యాపకులు కోరారు. పీయూలో నిర్వహించిన కార్యక్రమంలో వారు మాట్లాడుతూ.. వివిధ యూనివర్సిటీల్లో సుమారు 1,200 మంది కాంట్రాక్టు అధ్యాపకులు ఏళ్లుగా సేవలందిస్తున్నారని తెలిపారు. నెట్‌, సెట్‌, పీహెచ్‌డీ వంటి అర్హతలున్నప్పటికీ ఉద్యోగ భద్రత లేక ఇబ్బందులు పడుతున్నామని ఆవేదన వ్యక్తం చేశారు. రెగ్యులర్‌ అధ్యాపకుల నియామక ప్రక్రియలో తమకు న్యాయం చేయాలని ప్రభుత్వాన్ని కోరారు. ఈనెల 30న నిర్వహించే అఖిలపక్ష సమావేశానికి కాంట్రాక్టు అధ్యాపకులు పెద్ద సంఖ్యలో హాజరుకావాలని పిలుపునిచ్చారు. భూమ య్య, శ్రీధర్‌రెడ్డి, రవికుమార్‌, సోమేశ్వర్‌ తదితరులు పాల్గొన్నారు. పత్తి క్వింటా రూ.9,060 జడ్చర్ల: బాదేపల్లి మార్కెట్‌ యార్డులో బుధ వారం పత్తి క్వింటా గరిష్టంగా రూ.9,060, కనిష్టంగా రూ.8,860 ధర పలికింది. అలాగే ధాన్యం ఆర్‌ఎన్‌ఆర్‌ రకం గరిష్టంగా రూ. 3,301, కనిష్టంగా రూ.2,071, మొక్కజొన్న గరిష్టంగా రూ.3,072, కనిష్టంగా రూ.2,651, ఆముదాలు గరిష్టంగా రూ.7,966, కనిష్టంగా రూ.7,825 ధరలు లభించాయి.

వనపర్తి: ఎల్‌నినో నేపథ్యంలో జిల్లాలో నీటి సంరక్షణపై ప్రజల్లో విస్తృత అవగాహన కల్పించేందుకు సమన్వయంతో పని చేయాలని కలెక్టర్‌ ఆదర్శ్‌ సురభి ఆదేశించారు. బుధవారం కలెక్టరేట్‌లోని తన ఛాంబర్‌లో సంబంధిత శాఖల అధికారులతో నిర్వహించిన సమన్వయ సమావేశంలో ఆయన మాట్లాడారు. జిల్లా సాంస్కృతికశాఖ ఆధ్వర్యంలో కళాకారులతో అన్ని గ్రామాల్లో నీటి సంరక్షణపై అవగాహన కార్యక్రమాలు నిర్వహించేందుకు షెడ్యూల్‌ రూపొందించినట్లు తెలిపారు. ప్రజలకు నీటి పొదుపు ఆవశ్యకతను వివరించి వృథా చేయకుండా సంరక్షించుకోవడంపై అవగాహన కల్పించాలన్నారు. అవగాహన కార్యక్రమాలను ప్రజలందరికీ చేరువ చేసేలా పంచాయతీరాజ్‌, గ్రామీణాభివృద్ధి, వ్యవసాయ, ఉద్యాన, విద్యుత్‌ తదితర శాఖల అధికారులు షెడ్యూల్‌ను దృష్టిలో ఉంచుకొని సమన్వయంతో పనిచేయాలని ఆదేశించారు. ఆయా గ్రామాల్లో నిర్ణయించిన షెడ్యూల్‌ ప్రకారం కార్యక్రమాలు నిర్వహించి ప్రజల భాగస్వామ్యంతో విజయవంతం చేయాలన్నారు. అదేవిధంగా నీటి సంరక్షణపై ప్రత్యేకంగా రూపొందించిన కరపత్రాలను ప్రతి ఇంటికీ చేరవేసేలా చర్యలు తీసుకోవాలని సూచించారు. సమావేశంలో డీపీఆర్వో సీతారాం, డీఆర్డీఓ ఉమాదేవి, జిల్లా ఉద్యాన అధికారి విజయభాస్కర్‌, జిల్లా వ్యవసాయ అధికారి ఆంజనేయులు, ముఖ్య ప్రణాళిక అధికారి హరికృష్ణ, సంబంధిత శాఖల అధికారులు పాల్గొన్నారు.

ఖిల్లాఘనపురం: కమాలోద్ధీన్‌పూర్‌ బ్రాంచ్‌ కెనాల్‌ నుంచి 18 ఎల్‌, 19 టీఈ కాల్వల నిర్మాణంలో భూములు కోల్పోతున్న రైతులకు ఎకరాకు రూ.14.50 లక్షల పరిహారం చెల్లించనున్నట్లు భూ సేకరణ అదనపు కలెక్టర్‌ తిరుపతయ్య తెలిపారు. బుధవారం మండలంలోని కమాలోద్ధీన్‌పూర్‌లో ఐబి డీఈ బాబుచంద్‌తో కలిసి భూ నిర్వాసితులతో ప్రత్యేక సమావేశం నిర్వహించారు. ఈ సందర్భంగా ఆయన మాట్లాడుతూ.. గ్రామ శివారులో రెండు కాల్వల నిర్మాణానికి 180 మంది రైతులకు చెందిన సుమారు 25 ఎకరాల భూమి సేకరిస్తున్నట్లు చెప్పారు. ఆయా భూములకు ఎకరాకు రూ.14.5 లక్షల చొప్పున పరిహారం ఇచ్చేందుకు ప్రభుత్వం అంగీకరించిందని.. సహకరించి అంగీకారపత్రంపై సంతకాలు చేస్తే రెండు నెలల్లో పరిహారం డబ్బులు ఖాతాల్లో జమచేసేలా చర్యలు తీసుకుంటామన్నారు. సమావేశానికి హాజరైన రైతులు ఎకరాకు కనీసం రూ.16 లక్షల పరిహారం ఇవ్వాలని కోరారు. అనంతరం కొందరు రైతులు ప్రభుత్వం నిర్ణయించిన ధరకు అంగీకరించి సంతకాలు చేయగా.. మరికొందరు త్వరలో తమ అభిప్రాయం చెబుతామని తెలిపారు. సమావేశంలో సర్పంచ్‌ గోపాల్‌, ఐబీ ఏఈ లక్ష్మారెడ్డి తదితరులు పాల్గొన్నారు.

వనపర్తి: పట్టభద్రుల ఎమ్మెల్సీ ఎన్నికల్లో కాంగ్రెస్‌పార్టీ అభ్యర్థి విజయమే లక్ష్యంగా నాయకులు, కార్యకర్తలు సమన్వయంతో పనిచేయాలని ఏఐసీసీ పరిశీలకుడు రవీంద్రదాస్‌ పిలుపునిచ్చారు. మంగళవారం జిల్లాకేంద్రంలోని ఓ గార్డెన్స్‌లో డీసీసీ అధ్యక్షుడు శివసేనారెడ్డి అధ్యక్షతన హైదరాబాద్‌–రంగారెడ్డి– మహబూబ్‌నగర్‌ పట్టభద్రుల ఎమ్మెల్సీ ఎన్నికల సన్నాహక సమావేశం జరగగా.. ముఖ్యఅతిథులుగా ఆయనతో పాటు ఎమ్మెల్యే తూడి మేఘారెడ్డి, పార్లమెంట్‌ ఇన్‌చార్జి సిద్ధేశ్వర్‌, ఎస్‌ఐఆర్‌ ప్రక్రియ కో–ఆర్డినేటర్‌ శత్రురావు బుజ్జి హాజరయ్యారు. ఈ సందర్భంగా ఆయన మాట్లాడుతూ.. పార్టీ నాయకులు, మండల అధ్యక్షులు, బూత్‌ లెవల్‌ ఏజెంట్లు క్షేత్రస్థాయిలో సమన్వయంతో పనిచేసి ఓటరు నమోదు ప్రక్రియను వేగవంతం చేయాలని సూచించారు. ప్రతి మండలంలో అర్హులైన ప్రతి పట్టభద్రుడికి ఓటు హక్కు కల్పించేలా ప్రత్యేక చొరవ తీసుకోవాలన్నారు. ఎస్‌ఐఆర్‌ ప్రక్రియ తుది దశకు చేరుకుంటున్న నేపథ్యంలో పార్టీ శ్రేణులు అప్రమత్తంగా ఉండాలని డీసీసీ అధ్యక్షుడు శివసేనారెడ్డి సూచించారు. ఓటరు జాబితా పరిశీలనతో పాటు అర్హులైన ఓటర్ల హక్కులకు భంగం కలగకుండా బాధ్యతగా వ్యవహరించాలన్నారు. నవంబర్‌ 1న ఢిల్లీలోని రాంలీలా మైదానంలో నిర్వహించనున్న శ్రీఓట్‌ బచావో–దేశ్‌ బచావో’ మహాధర్నాలో తెలంగాణ నుంచి కాంగ్రెస్‌ నాయకులు, కార్యకర్తలు పెద్దసంఖ్యలో పాల్గొనాలని కోరారు. సమావేశంలో పార్టీ రాష్ట్ర ప్రధాన కార్యదర్శి కొంకిని వెంకటేష్‌, డీసీసీ ఉపాధ్యక్షులు తిరుపతయ్య, సాయిచరణ్‌రెడ్డి, పార్టీ ప్రధాన కార్యదర్శి బ్రహ్మం, పుర చైర్‌పర్సన్‌ మాధవి, పెబ్బేరు మున్సిపల్‌ చైర్మన్‌ శ్రీనివాస్‌గౌడ్‌, మున్సిపల్‌ వైస్‌ చైర్మన్‌ మధుసూదన్‌గౌడ్‌, పెబ్బేర్‌ వైస్‌ చైర్మన్‌ సుమిత్ర, పార్టీ పట్టణ అధ్యక్షుడు కదిరె రాములు, మండల అధ్యక్షుడు రవికిరణ్‌ తదితరులు పాల్గొన్నారు.

వనపర్తి రూరల్‌: వీబీజీ రాంజీ పథకం కింద పాంపాండ్‌ (నీటి కుంటల) నిర్మాణ పనులను నిర్దేశిత లక్ష్యం మేరకు నిర్ణీత గడువులోగా పూర్తి చేయాలని స్థానిక సంస్థల అదనపు కలెక్టర్‌ ఖీమ్యానాయక్‌ ఆదేశించారు. మంగళవారం మండలంలోని పెద్దగూడెం గ్రామంలో పాంపాండ్‌ నిర్మాణ పనులను డీఆర్డీఓ ఉమాదేవితో కలిసి క్షేత్రస్థాయిలో పరిశీలించారు. సంబంధిత అధికారులతో మాట్లాడి పనుల పురోగతిని అడిగి తెలుసుకున్నారు. అనంతరం మాట్లాడుతూ.. జిల్లాలో పనుల పురోగతి వేగవంతం చేసేందుకు కూలీల సమీకరణపై ప్రత్యేక దృష్టి సారించాలని ఆదేశించారు. అవసరం మేరకు కూలీలు పనులకు హాజరయ్యేలా చర్యలు తీసుకోవాలని, ఎలాంటి జాప్యం జరగకుండా నిరంతరం క్షేత్రస్థాయిలో పనులను పర్యవేక్షిస్తూ నాణ్యతా ప్రమాణాలు పాటించేలా చూడాలని ఆదేశించారు. ఆయన వెంట ఎంపీడీఓ అజహర్‌ మొయినుద్దీన్‌, ఏపీఓ సుకన్య, టెక్నికల్‌ అసిస్టెంట్‌ (టీఏ), పంచాయతీ కార్యదర్శి మల్లికార్జున్‌ పాల్గొన్నారు. పిల్లల భద్రత సమాజ బాధ్యత కొత్తకోట రూరల్‌: పిల్లల హక్కుల పరిరక్షణే సురక్షిత సమాజానికి పునాది అని.. బాలల భద్రత ప్రతి ఒక్కరి బాధ్యతని జిల్లా న్యాయ సేవాధికార సంస్థ కార్యదర్శి దీప అన్నారు. మంగళవారం కొత్తకోట కేపీఎస్‌ స్కూల్‌లో జిల్లా న్యాయ సేవాధికార సంస్థ ఆధ్వర్యంలో పోక్సో చట్టం–2012పై న్యాయ అవగాహన సదస్సు నిర్వహించగా.. ముఖ్య అతిథులుగా సీనియర్‌ సివిల్‌ న్యాయమూర్తి, జిల్లా న్యాయ సేవాధికార సంస్థ కార్యదర్శి కె.దీప, అసిస్టెంట్‌ లీగల్‌ ఎయిడ్‌ డిఫెన్స్‌ కౌన్సిల్‌ ఎం.శ్రీదేవి, కొత్తకోట రెండో ఎస్‌ఐ భాస్కర్‌, వనపర్తి జిల్లా చైల్డ్‌ ప్రొటెక్షన్‌ అధికారి రాంబాబు హాజరయ్యారు. ఈ సందర్భంగా ముఖ్యఅతిథులు విద్యార్థులకు పోక్సో చట్టంలోని ముఖ్యమైన నిబంధనలు, పిల్లలకు చట్టం కల్పిస్తున్న రక్షణ, నేరాలకు విధించే శిక్షల గురించి వివరించారు. బాలలపై లైంగిక వేధింపులను గుర్తించడం, అపరిచితుల పట్ల అప్రమత్తంగా ఉండటం, తమకు ఎదురయ్యే ఇబ్బందులను తల్లిదండ్రులు, ఉపాధ్యాయులు, నమ్మకమైన పెద్దలకు తెలియజేయడం వంటి అంశాలపై అవగాహన కల్పించారు. ప్రతి బాలబాలికకు సురక్షితమైన వాతావరణంలో జీవించే హక్కు ఉందని.. ఎలాంటి సమస్య ఎదురైనా భయపడకుండా పెద్దలకు తెలియజేయాలని, అవసరమైనప్పుడు పోలీసుల సహకారం, న్యాయపరమైన సాయం పొందాలని సూచించారు. పాఠశాలల్లో ఇలాంటి కార్యక్రమాల నిర్వహణతో విద్యార్థులకు చట్టాలపై అవగాహన, సామాజిక బాధ్యతను పెంపొందిస్తుందన్నారు. కార్యక్రమంలో ప్రిన్సిపాల్‌ కృష్ణవేణి, కరస్పాండెంట్‌ డా. ఎద్దుల రాజవర్ధన్‌రెడ్డి, ఉపాధ్యాయులు, విద్యార్థులు పాల్గొన్నారు.

వనపర్తి: జిల్లాలో ఇప్పటికే మంజూరైన ఆర్‌అండ్‌బీ, పంచాయతీరాజ్‌ రహదారి పనులు యుద్ధప్రాతిపదికన పూర్తి చేయాలని కలెక్టర్‌ ఆదర్శ్‌ సురభి ఆదేశించారు. మంగళవారం కలెక్టరేట్‌లో ఎమ్మెల్యే తూడి మేఘారెడ్డితో కలిసి అఽధికారులతో సమీక్ష నిర్వహించారు. ఈ సందర్భంగా కలెక్టర్‌ మాట్లాడుతూ.. రోడ్డు విస్తరణ, కొత్త రోడ్లు వేయడానికి ఉన్న ఇబ్బందులు పరిష్కరించడానికి సంబంధితశాఖ అధికారులు క్షేత్రస్థాయిలో సర్వే చేయాలని సూచించారు. వనపర్తి–పెబ్బేరు, పానగల్‌ రహదారి విస్తరణ, పెద్దమందడి రోడ్డు, కొత్తగా మంజూరై హ్యాంరోడ్లు, వనపర్తి బైపాస్‌ రోడ్డు పనుల పెండింగ్‌కు గల కారణాలు, పరిష్కార మార్గాలపై చర్చించారు. ముఖ్యమంత్రి రేవంత్‌రెడ్డి స్వయంగా శంకుస్థాపన చేసిన రహదారి పనులు ఇప్పటి వరకు ఎందుకు ప్రారంభం కావడం లేదని పంచాయతీరాజ్‌ ఇంజనీరింగ్‌ అధికారులను ప్రశ్నించారు. పెద్దమందడి రహదారి పనులు చేపట్టేందుకు విద్యుత్‌ స్తంభాలు మార్చాలి ఉందని, మిషన్‌ భగీరథ పైప్‌లైన్‌ సమస్య సైతం ఉందని అధికారులు వెల్లడించారు. విద్యుత్‌ స్తంభాలు, ట్రాన్స్‌ఫార్మర్లు మార్చేందుకు వెంటనే చర్యలు చేపట్టాలని విద్యుత్‌శాఖ అధికారులకు ఎమ్మెల్యే సూచించారు. మిషన్‌ భగీరథ, విద్యుత్‌, పంచాయత్‌రాజ్‌ అధికారులు సంయుక్తంగా జాయింట్‌ సర్వే చేసి రహదారి విస్తరణ పనులకు ఆటంకంగా ఉన్న అన్ని అంశాలను పరిష్కరించి వారం రోజుల్లో పనులు ప్రారంభించాలని ఆదేశించారు. అదేవిధంగా వనపర్తి–ఆత్మకూర్‌ బైపాస్‌ రోడ్‌కు ఆటంకంగా ఉన్న అటవీ భూమిపై చర్చిస్తూ కలెక్టర్‌ సంబంధిత అధికారులతో సమన్వయం చేసుకొని పనులు ప్రారంభించే విధంగా చర్యలు తీసుకోవాలన్నారు. వనపర్తి–పెబ్బేరు, వనపర్తి–బుద్దారం, వనపర్తి–పానగల్‌ రోడ్లపై సమీక్షించారు. ఆక్రమణలను వెంటనే తొలగించి స్థలం కోల్పోతున్న యజమానులకు టీడీఆర్‌ అమలు చేసి అవసరమైన మేరకు స్థలం సేకరించే విధంగా చర్యలు చేపట్టాలని పుర కమిషనర్‌ను ఆదేశించారు. విస్తరణ పనులు ఇప్పటికే చాలా ఆలస్యమయ్యాయని, వెంటనే పనులు ప్రారంభించాలని ఆర్‌అండ్‌బీ అధికారులకు ఎమ్మెల్యే సూచించారు. ఎల్‌నినో ప్రభావంతో వచ్చే వేసవిని దృష్టిలో ఉంచుకొని తాగునీరు, విద్యుత్‌ సమస్యలు తలెత్తకుండా జాగ్రత్తలు తీసుకోవాలని.. అవసరమైన మోటార్లు ఇతర సామగ్రి కోసం నివేదికలు సమర్పించి వేసవిలో నీటి సమస్యలు ఉత్పన్నం కాకుండా చూడాలని మిషన్‌ భగీరథ అధికారిని ఆదేశించారు. జిల్లాలో నీరు, విద్యుత్‌ పొదుపుగా వినియోగించే విధంగా గ్రామాల్లో ప్రజలకు అవగాహన కార్యక్రమాలు నిర్వహించాలని సూచించారు. సమావేశంలో స్థానిక సంస్థల అదనపు కలెక్టర్‌ ఖీమ్యానాయక్‌, జిల్లా అటవీ అధికారి నవీన్‌రెడ్డి, పుర చైర్‌పర్సన్లు మాధవి రమేష్‌, శ్రీనివాస్‌గౌడ్‌, పుర వైస్‌ చైర్మన్‌ మధుసూదన్‌గౌడ్‌, విద్యుత్‌శాఖ ఎస్‌ఈ తిరుపతిరావు, డీఈ శ్రీనివాస్‌, పంచాయతీరాజ్‌ కార్యనిర్వాహక ఇంజినీర్‌ విజయ్‌కుమార్‌, ఆర్‌అండ్‌బీ కార్యనిర్వాహక ఇంజినీర్‌ ప్రమీల, పుర కమిషనర్‌ నిరంజన్‌, టౌన్‌ ప్లానింగ్‌ అధికారులు పాల్గొన్నారు.

● ఆర్టీసీకి దసరా బొనాంజ ● రీజియన్‌ పరిధిలో భారీగా ఆదాయం ● 64.29 లక్షల కి.మీ. తిరిగిన 762 ప్రత్యేక బస్సులు ● గతేడాది కంటే రూ.4.60 కోట్ల అదనపు రాబడి మహబూబ్‌నగర్‌ మున్సిపాలిటీ: ఈసారి దసరా పండుగ సెలవుల కారణంగా ఆర్టీసీకి రూ.కోట్లలో ఆదాయం సమకూరింది. మహబూబ్‌నగర్‌ రీజియన్‌ పరిధిలోని పది డిపోల నుంచి 762 అదనపు బస్సు సర్వీసులను నడిపారు. ముఖ్యంగా ఆయా డిపోల నుంచి హైదరాబాద్‌ రూట్లో ఎక్కువ బస్సులను నడిపించారు. ఈ రూట్లోనే మహబూబ్‌నగర్‌ ఆర్టీసీ రీజియన్‌కు అధిక ఆదాయం వచ్చింది. దసరా పండుగ ప్రయాణికుల రద్దీని దృష్టిలో ఉంచుకుని ఈ నెల 9 నుంచి 26వ తేదీ వరకు మహబూబ్‌నగర్‌ ఆర్టీసీ రీజియన్‌కు రూ.38,17,94,000 ఆదాయం సమకూరింది. ఈ 18 రోజుల్లో 64.29 లక్షల కిలోమీటర్లు బస్సులు తిరిగాయి. మహబూబ్‌నగర్‌ రీజియన్‌ 104 శాతం ఆక్యుపెన్షి రేషియా సాధించింది. గత ఏడాది ఇదే సీజన్‌లో రూ.33,64,90,000 రరాబడి రాగా, ఈసారి రూ.4.60 కోట్లు అదనంగా వచ్చింది. అందరి కృషితో సాధించాం.. దసరా పండుగ రోజుల్లో ప్రయాణికులకు ఎలాంటి ఇబ్బందులు లేకుండా బస్టాండ్లలో అన్ని ఏర్పాటు చేశాం. అన్ని డిపోల డ్రై వర్లు, కండక్టర్లు, సూపర్‌ వైజర్లు, ఇతర ఉద్యోగులు సమష్టి కృషి తో ఆక్యుపెన్సీ రేషియో పెరిగింది. ఆర్టీసీపై ఆదరణ చూపించిన ఉమ్మడి జిల్లాలోని ప్రయాణికులకు ధన్యవాదాలు తెలుపుతున్నాం. – పి.సంతోష్‌కుమార్‌, రీజినల్‌ మేనేజర్‌, మహబూబ్‌నగర్‌

సరిపడా సిబ్బంది లేకనే.. పదోన్నతిపై వరంగల్‌లో విధులు నిర్వర్తిస్తున్నా. జిల్లాలో పర్యవేక్షణ ఇబ్బంది అవుతుంది. ఇక్కడి కార్యాలయం టైపిస్టు, అటెండర్‌తో మాత్రమే నడుస్తోంది. క్షేత్రస్థాయిలో పర్యటించే సిబ్బంది ఎవరూ లేరు. అందరు అధికారులు ఉంటేనే అక్రమ తవ్వకాలకు అడ్డుకట్ట వేయగలం. సమస్య తీవ్రతను ఉన్నతాధికారుల దృష్టికి తీసుకెళ్తాం. పరిష్కారం కోసం ప్రయత్నం చేస్తాం. – గోవిందరాజు, జిల్లా మైనింగ్‌శాఖ అధికారి వనపర్తి: జిల్లాలో మట్టి అక్రమ తవ్వకాలకు అడ్డుకట్ట పడటం లేదు. అక్రమార్కులు పట్టణ, గ్రామీణ ప్రాంతాలనే తేడా లేకుండా ప్రైవేట్‌ అవసరాలు, వెంచర్లు, ఇతర నిర్మాణాలకు ఇష్టానుసారంగా గుట్టలను తవ్వి మట్టి విక్రయిస్తూ సొమ్ము చేసుకుంటున్నారు. ఫిర్యాదు చేసేందుకు, ప్రశ్నించేందుకు యత్నించిన వారిపై ఎదురుదాడికి తెగబడుతున్నట్లు అధికారులకు ఫిర్యాదులు అందాయి. ఇటీవలి కాలం వరకు పట్టణంలోని శ్రీనివాసపురం శివారు, పాన్‌గల్‌ రోడ్డులోని గుట్టల్లో తవ్వకాలు జరిగాయి. తాజాగా పది రోజుల నుంచి రాజపేట శివారులో ఎలాంటి అనుమతి లేకుండానే గుట్టలను తవ్వేసి మట్టిని కొత్తకోట శివారులోని ఓ ప్రైవేట్‌ స్థలానికి తరలిస్తూ సొమ్ము చేసుకోవడం అధికారుల కంట పడినా.. ఎవరైనా ఫిర్యాదు చేస్తేనే స్పందించేలా ప్రవర్తించడం గమనార్హం. అనుమతులు, నిబంధనల పర్యవేక్షణ మాట ఎలా ఉన్నా.. మట్టి తవ్వకాలు, తరలింపుపై అధికారుల నిఘా ఎక్కడుందన్న ప్రశ్నలు తలెత్తుతున్నాయి. ఈ వ్యవహారంలో రూ.లక్షల్లో అక్రమార్జన జరుగుతోందన్న ఆరోపణలు వినిపిస్తుండగా, అక్రమ తవ్వకాలతో ప్రభుత్వ ఆదాయానికి భారీగా గడిపడుతుందనేది సత్యం. శ్రీనివాసపురం శివారులో మట్టి తవ్వకాల వ్యవహారం చర్చనీయాంశంగా మారిన నేపథ్యంలో ప్రభుత్వానికి నామమాత్రంగా చలానా చెల్లించి గుట్టలను మాయం చేశారనేది బహిరంగ సత్యం. ఇటీవల రాజాపేట శివారులోనూ తవ్వకాలు జరుగుతున్నట్లు సామాజిక మాధ్యమాల్లో ఫొటోలు చక్కర్లు కొట్టడంతో విషయం వెలుగులోకి వచ్చిందని చెప్పవచ్చు. తవ్వకాల స్థలాలు, తరలిస్తున్న మట్టి పరిమాణం, వినియోగిస్తున్న వాహనాలు, అనుమతుల వివరాలను పరిశీలిస్తేనే అసలు పరిస్థితి అంచనా వేయవచ్చు. ఇసు క దందాను పక్కనబెట్టి అధికార పార్టీకి చెందిన కొందరు బడా నాయకులు సైతం మట్టి దందాకు తెరితీసినట్లు విమర్శలు గుప్పుమంటున్నాయి. ప్రాంతాలు మారుస్తూ.. శ్రీనివాసపురం, రాజపేట శివారుల్లో జోరుగా అక్రమ తవ్వకాలు రూ.లక్షల్లో అక్రమార్జన..ప్రభుత్వ ఖజానాకు గండి మైనింగ్‌శాఖ పర్యవేక్షణపై అనుమానాలు ఏళ్లుగా ఇన్‌చార్జి అధికారితోనే నెట్టుకొస్తున్న వైనం

అమరచింత: పట్టణంలోని పీఎంశ్రీ ఉన్నత పాఠశాలకు మంజూరైన నిధులు దుర్వినియోగం అయ్యాయనే ఫిర్యాదుపై మంగళవారం ఇన్‌చార్జ్‌ డీఈఓ యాదయ్య విచారణ చేపట్టారు. మండలంలోని ఈర్లదిన్నె, మస్తీపురం జెడ్పీ ఉన్నత పాఠశాలలో సైతం పీఎంశ్రీ నిధులు గోల్‌మాల్‌ అయినట్లు ఫిర్యాదులో పేర్కొన్నట్లు తెలిపారు. ఈ మేరకు ఆయా పాఠశాలల ప్రధానోపాధ్యాయులను పట్టణంలోని జెడ్పీ ఉన్నత పాఠశాలకు పిలిపించి విచారించారు. మొదట అమరచింత పాఠశాలకు మంజూరైన నిధుల వివరాలను ఇన్‌చార్జ్‌ ఎంఈఓ, హెచ్‌ఎం కృష్ణవేణిని అడిగి తెలుసుకున్నారు. అందుకు సంబంధించిన ఖర్చుల వివరాల రికార్డులను తెప్పించుకుని పరిశీలించారు. ఈ సందర్భంగా డీఈఓ మాట్లాడుతూ.. నిధుల అవకతవకలపై వచ్చిన ఫిర్యాదు మేరకు విచారణకు వచ్చామన్నారు. హెచ్‌ఎం కృష్ణవేణి ఇచ్చిన సమాధానం, ఆమె వ్యవహరించిన తీరు అనుమానాలకు తావిస్తుందని.. ఖర్చు వివరాల నివేదిక వారం రోజుల్లో అందజేయాలని సూచించినట్లు చెప్పారు. ఫిర్యాదు చేసిన డీవైఎఫ్‌ఐ, ఏఐఎఫ్‌ఐ సంఘాల నాయకులను పిలిపించి వివరాలు అడిగి తెలుసుకున్నామన్నారు. సీఆర్పీపై చిందులు వేసిన ఎంఈఓ.. పాఠశాలలో జరుగుతున్న ఘటనలకు సీఆర్పీ స్వామి కారణమంటూ హెచ్‌ఎం, ఇన్‌చార్జ్‌ ఎంఈఓ కృష్ణవేణి డీఈఓ సమక్షంలో ఆయనపై ఆగ్రహం వ్యక్తం చేశారు. పాఠశాల క్లస్టర్‌ సమావేశాల సమయంలో టీ తెప్పించాలని డిమాండ్‌ చేయడం, వీటికోసం నిధులు వస్తాయిగా అని ప్రశ్నించడం ఏమిటని సీఆర్పీపై మండిపడ్డారు. మెమో ఇస్తానని చెప్పడం అక్కడ ఉన్న అందరిని ఆశ్చర్యపర్చింది.

నారాయణపేట: ప్రస్తుత వానాకాలం సీజన్‌లో నెలకొన్న వర్షాభావ పరిస్థితుల నేపథ్యంలో ఉమ్మడి పాలమూరులో 63 మండలాలను కరువు ప్రభావిత ప్రాంతాలుగా ప్రకటిస్తూ రాష్ట్ర ప్రభుత్వ ప్రధాన కార్యదర్శి సంజయ్‌జాజు ఉత్తర్వులు జారీ చేశారు. ఈ మేరకు రెవెన్యూ (విపత్తు నిర్వహణ) శాఖ జీఓ ఎంఎస్‌ నంబర్‌ 3ను విడుదల చేసింది. ఎల్‌నినో ప్రభావం, నైరుతి రుతుపవనాల సమయంలో నమోదైన వర్షపాత లోటు, పంటల కీలక ఎదుగుదల దశల్లో నెలకొన్న దీర్ఘకాలిక పొడి వాతావరణం, నేలలో తేమశాతం తగ్గిపోవడం వంటి అంశాలను పరిగణలోకి తీసుకుని ఈ నిర్ణయం తీసుకుంది. ఈ నేపథ్యంలో కొన్నింటిని తీవ్ర, మరికొన్ని మధ్యస్థ ప్రభావిత మండలాలుగా గుర్తించింది. ఇందులో భాగంగానే ఉమ్మడి పాలమూరులోని నారాయణపేట, మహబూబ్‌నగర్‌, నాగర్‌కర్నూల్‌, వనపర్తి, జోగుళాంబ గద్వాల జిల్లాల్లో కలిపి మొత్తం 63 కరువు మండలాలుగా ప్రకటించింది. ఇందులో 44 మండలాలు తీవ్ర కరువు ప్రభావిత, 19 మధ్యస్థ కరువు మండలాలుగా ప్రభుత్వం గుర్తించింది. జూన్‌ 1 నుంచి.. జాతీయ కరువు నిర్వహణ మాన్యువల్‌– 2016 (డిసెంబర్‌ 2020 వరకు నవీకరించిన మార్గదర్శకాలు) ప్రకారం ప్రభుత్వం మండలాల వారీగా కరువు పరిస్థితులను అంచనా వేసింది. ఇందులో జూన్‌ 1 నుంచి సెప్టెంబర్‌ 30 వరకు నమోదైన స్వయంచాలక వర్షపాత గణాంకాలు, వర్షాభావ కాలవ్యవధి వివరాలను పరిశీలించింది. వ్యవసాయ సాగు విస్తీర్ణంలో లోటు, ఉపగ్రహ ఆధారిత వృక్షసంపద పరిస్థితి, నేలలో తేమ వంటి ప్రభావ సూచికలను కూడా పరిగణలోకి తీసుకున్నట్లు ఉత్తర్వుల్లో పేర్కొంది. ఈ మేరకు కరువు ప్రభావిత మండలాల్లో తక్షణ చర్యలు చేపట్టేందుకు అవసరమైన భౌతిక, ఆర్థిక వనరుల వివరాలతో కార్యాచరణ ప్రణాళిక సమర్పించాలని కలెక్టర్లు, వ్యవసాయ, ఉద్యాన వన, పశు సంవర్ధక శాఖల అధికారులను ఆదేశించింది. కేంద్రం నుంచి జాతీయ విపత్తు ప్రతిస్పందన నిధి కింద సహాయం కోరేందుకు అవసరమైన నివేదికలను సిద్ధం చేసి పంపేలా ప్రభుత్వం చర్యలు చేపట్టింది. ఉమ్మడి జిల్లాలో 63 మండలాలను ప్రకటించిన ప్రభుత్వం 44 మండలాల్లో తీవ్రం.. 19 చోట్ల మధ్యస్థ కరువు వర్షాభావం, నేలలో తగ్గిన తేమతో పంటలకు ముప్పు

కొత్తకోట రూరల్‌: పంటసాగు ఖర్చులను తగ్గించి, దిగుబడులను పెంచేందుకు రైతులు శాసీ్త్రయ పద్ధతులను అనుసరించాలని కేవీకే శాస్త్రవేత్త డా.రాజేందర్‌రెడ్డి సూచించారు. పొలం సంరక్షణ కార్యక్రమంలో భాగంగా సోమవారం మదనాపురం కృషి విజ్ఞాన కేంద్రం ఆధ్వర్యంలో, జాతీయ నూనెగింజల పరిశోధన సంస్థ (ఐఐఓఆర్‌) సహకారంతో సోమవారం కొత్తకోట మండలం నిర్వేన్‌లో రైతులకు అవగాహన కార్యక్రమం నిర్వహించారు. ఈ సందర్భంగా ఐఐఓఆర్‌ శాస్త్రవేత్తలు డా.లక్ష్మమ్మ, డా.సెంతిళీవేలు, డా.సురేశ్‌కుమార్‌ రైతులకు భూసార సంరక్షణ పద్ధతులు, సేంద్రియ ఎరువుల వినియోగం, పచ్చిరొట్ట, జీవ ఎరువుల వాడకంపై అవగాహన కల్పించారు. ప్రస్తుత వాతావరణ పరిస్థితులకు అనుగుణంగా వేరుశనగ, ఆముదం, నువ్వుల సాగులో పాటించాల్సిన మెళకువలను వివరించారు. అనంతరం ఐఐఓఆర్‌ రూపొందించిన బయో పాలిమర్‌ మందును ప్రయోగాత్మక పరిశీలనలో భాగంగా ప్రస్తుతం వేరుశనగ సాగు చేస్తున్న 10మంది రైతులకు అందజేశారు. కార్యక్రమంలో సర్పంచ్‌ రామకృష్ణ, ఉపసర్పంచ్‌ సుజాత, ఆనంద్‌, అభ్యోదయ వేరుశనగ రైతులు పాల్గొన్నారు.

● ఎమ్మెల్సీ ఎన్నికల్లో పార్టీ అభ్యర్థి విజయానికి కృషి చేయాలి ● మాజీ మంత్రులు మహమూద్‌ అలీ, శ్రీనివాస్‌ గౌడ్‌ జెడ్పీ సెంటర్‌ (మహబూబ్‌నగర్‌): కాంగ్రెస్‌ ప్రభుత్వంపై ప్రజల్లో తీవ్ర వ్యతిరేకత ఉందని, వచ్చే ఎమ్మెల్సీ ఎన్నికల్లో బీఆర్‌ఎస్‌ అభ్యర్థి విజయం కోసం పార్టీ శ్రేణులు సమన్వయంతో పనిచేయాలని మాజీ డిప్యూటీ సీఎం మహమూద్‌ అలీ అన్నారు. సోమవారం స్థానిక బీఆర్‌ఎస్‌ పార్టీ కార్యాలయంలో నిర్వహించిన సమావేశంలో ఆయన మాట్లాడారు. పట్టభద్రుల ఎమ్మెల్సీ ఎన్నికల్లో పార్టీ అభ్యర్థి గెలుపునకు ప్రతి ఒక్కరూ కృషి చేయాలని పిలుపునిచ్చారు. ఓటరు నమోదుకు సమయం తక్కువగా ఉన్నందున డిగ్రీ పూర్తి చేసిన పట్టభద్రులందరూ ఓటర్లుగా నమోదు చేసుకోవాలని సూచించారు. మాజీ మంత్రి శ్రీనివాస్‌గౌడ్‌ మాట్లాడుతూ.. పార్టీ కోసం పనిచేసిన వారికి రానున్న రోజుల్లో తగిన గుర్తింపు లభిస్తుందన్నారు.మైనార్టీ ప్రాంతాల్లో స్థానిక నాయకులు ఓటరు నమోదుపై ప్రత్యేక శ్రద్ధ చూపాలన్నారు. డివిజన్లు, వార్డులు, గ్రామాల వారీగా డిగ్రీ పూర్తి చేసిన వారి వివరాలు సేకరించి, ఓటు హక్కు కోసం దరఖాస్తు చేసుకున్నారా లేదా పరిశీలించాలని సూచించారు. క్షేత్రస్థాయిలో కాంగ్రెస్‌ ప్రభుత్వంపై ఉన్న వ్యతిరేకతను బీఆర్‌ఎస్‌కు అనుకూలంగా మలుచుకోవాలన్నారు. ఏడాదిన్నర తర్వాత బీఆర్‌ఎస్‌ ప్రభుత్వం అధికారంలోకి వచ్చాక అన్ని వర్గాల సంక్షేమానికి ప్రాధాన్యం ఇస్తుందని పేర్కొన్నారు. సమావేశంలో రాష్ట్ర కార్పొరేషన్‌ మాజీ చైర్మన్‌ వాల్య నాయక్‌, గ్రంథాలయ సంస్థ మాజీ చైర్మన్‌ రాజేశ్వర్‌ గౌడ్‌, మున్సిపల్‌ మాజీ చైర్మన్‌ నర్సింహులు, మాజీ ఎంపీపీ బాలరాజు, మాజీ జడ్పీటీసీ నరేందర్‌, నాయకులు శివరాజ్‌, ఆంజనేయులు, కార్పొరేటర్లు ఈశ్వరయ్య, మధుమోహన్‌ తదితరులు పాల్గొన్నారు.

కొత్తకోట రూరల్‌: మండలంలోని కానాయపల్లి స్టేజీ సమీపంలో గల సుప్రసిద్ధ శైవక్షేత్రం కోటిలింగేశ్వర దత్త దేవస్థానంలో సోమవారం ఆదిదంపతుల కల్యాణోత్సవం అంగరంగ వైభవంగా జరిగింది. పౌర్ణమి సందర్భంగా శివపార్వతుల ఉత్సవ మూర్తులను ప్రత్యేకంగా అలంకరించి.. వేద మంత్రాలు, మంగళ వాయిద్యాల నడుమ కల్యాణం నిర్వహించారు. ఈ వేడుకను భక్తులు కనులారా తిలకించి భక్తిపారవశ్యంతో ఉప్పొంగారు. అనంతరం ఆలయ కమిటీ ఆధ్వర్యంలో భక్తులకు అన్నదాన కార్యక్రమం నిర్వహించారు. ఇంటర్‌ ప్రవేశాలకు చివరి అవకాశం వనపర్తి: ఇంటర్మీడియట్‌ విద్య అభ్యసించాలనుకునే విద్యార్థులకు చివరి అవకాశం కల్పించినట్లు డీఐఈఓ కలకోట నరేంద్ర కుమార్‌ సోమవారం ఒక ప్రకటనలో తెలిపారు. ఇప్పటివరకు ఇంటర్మీడియట్‌లో ప్రవేశాలు పొందని విద్యార్థులు ఈ అవకాశాన్ని సద్వినియోగం చేసుకోవాలని సూచించారు. ఈ నెల 29వ తేదీలోగా సమీప ప్రభుత్వ జూనియర్‌ కళాశాలలో అందుబాటులో ఉన్న గ్రూపుల్లో వెంటనే ప్రవేశాలు పొందాలని కోరారు. నిర్ణీత గడువు ముగిసిన తర్వాత ప్రవేశాల విషయంలో ఇబ్బందులు ఎదురయ్యే అవకాశం ఉన్నందున విద్యార్థులు, తల్లిదండ్రులు ఈ విషయాన్ని గమనించాలని పేర్కొన్నారు. అలాగే ఇంటర్మీడియట్‌ ప్రథమ, ద్వితీయ సంవత్సర విద్యార్థుల వార్షిక పరీక్షల ఫీజు చెల్లింపు ప్రక్రియ ఈ నెల 26 నుంచి ప్రారంభమైనట్లు తెలిపారు. ఎలాంటి ఆలస్య రుసుము లేకుండా నవంబర్‌ 9వ తేదీ వరకు ఫీజు చెల్లించేందుకు అవకాశం ఉందన్నారు. విద్యార్థులు చివరి తేదీ వరకు వేచి ఉండకుండా, ముందుగానే ఫీజు చెల్లించి పరీక్షలకు సంబంధించిన ప్రక్రియను పూర్తి చేసుకోవాలని డీఐఈఓ కోరారు. ఆక్రమణల తొలగింపు వనపర్తి: జిల్లా కేంద్రంలో ట్రాఫిక్‌ సమస్యకు కారణమవుతున్న రహదారి ఆక్రమణలపై మున్సిపల్‌ అధికారులు చర్యలు చేపట్టారు. స్థానిక ప్రజావైద్యశాల రోడ్డులో ఆర్టీసీ షాపింగ్‌ కాంప్లెక్స్‌ దుకాణదారులు ఏర్పాటుచేసిన రేకుల షెడ్లను సోమవారం కలెక్టర్‌ ఆదేశాల మేరకు తొలగించారు. ఆస్పత్రులు, విద్యాసంస్థలు, వివిధ వ్యాపార సముదాయాలు ఉండటంతో ఈ రహదారిపై నిత్యం వాహనాలు, ప్రజల రాకపోకలు అధికంగా ఉంటాయి. అయితే ఆర్టీసీ షాపింగ్‌ కాంప్లెక్స్‌లోని కొందరు తమ దుకాణాల ముందు సుమారు 10 నుంచి 15 అడుగుల వరకు రేకుల షెడ్లు ఏర్పాటు చేసుకోవడంతో రహదారి ఇరుకుగా మారింది. దీంతో వాహనాల రాకపోకలకు తీవ్ర అంతరాయం ఏర్పడటంతో పాటు, వినియోగదారులు తమ వాహనాలను నిలిపేందుకు కూడా స్థలం లేకుండా పోయింది. ఈ ఆక్రమణల కారణంగా నిత్యం ట్రాఫిక్‌ సమస్యలు తలెత్తుతున్నట్లు అధికారులు గుర్తించి.. పోలీసుల సహకారంతో తొలగించారు. ఆర్టీసీ ఉద్యోగులకుభద్రత కల్పించాలి వనపర్తి రూరల్‌: ప్రజలకు నిరంతరం సేవలందించే ఆర్టీసీ ఉద్యోగుల భద్రతకు ప్రభుత్వం తగిన చర్యలు తీసుకోవాలని కార్మిక సంఘాల కార్యదర్శులు చలపతి, విశ్వనాథ్‌, నాగేశ్వర్‌, నాగరాజు డిమాండ్‌ చేశారు. మణుగూరు ఆర్టీసీ డిపోకు చెందిన కండక్టర్‌పై జరిగిన దాడిని ఖండిస్తూ సోమవారం జిల్లా కేంద్రంలోని ఆర్టీసీ డిపో ఎదుట అన్ని కార్మిక సంఘాల ఆధ్వర్యంలో ఉద్యోగులు నల్లబ్యాడ్జీలు ధరించి నిరసన కార్యక్రమం చేపట్టారు. ఈ సందర్భంగా వారు మాట్లాడుతూ.. విధి నిర్వహణలో ఉన్న ఆర్టీసీ ఉద్యోగులపై దాడులు జరగడం దురదృష్టకరమన్నారు. ఉద్యోగుల భద్రతకు ఆర్టీసీ యాజమాన్యం చర్యలు తీసుకోవాలని వారు డిమాండ్‌ చేశారు. ముఖ్యంగా మహిళా ఉద్యోగుల రక్షణకు ప్రాధాన్యమివ్వాలని కోరారు. కండక్టర్‌పై దాడికి పాల్పడిన వారిపై చట్టప్రకారం చర్యలు తీసుకోవడంతో పాటు బాధితురాలికి న్యాయం చేయాలని వారు విజ్ఞప్తి చేశారు.

● త్వరలో కేంద్రీయ విద్యాలయానికి సొంత భవనం ● నాగర్‌కర్నూల్‌ ఎంపీ మల్లు రవి వనపర్తి/వనపర్తి రూరల్‌: జిల్లా కేంద్రంలో కేంద్రీయ విద్యాలయం ఏర్పాటుతో స్థానిక విద్యార్థులకు జాతీయస్థాయి విద్య అందుబాటులోకి వచ్చిందని నాగర్‌కర్నూల్‌ ఎంపీ మల్లు రవి అన్నారు. నాగవరం శివారులో ఏర్పాటుచేసిన కేంద్రీయ విద్యాలయాన్ని సోమవారం స్థానిక ఎమ్మెల్యే తూడి మేఘారెడ్డి, కలెక్టర్‌ ఆదర్శ్‌ సురభితో కలిసి ఆయన అధికారికంగా ప్రారంభించారు. అదే విధంగా స్థానిక హరిజనవాడ జిల్లా పరిషత్‌ ఉన్నత పాఠశాలలో రూ. 23.80 లక్షలతో నిర్మించనున్న అదనపు తరగతి గదులకు శంకుస్థాపన చేశారు. చిమనగుంటపల్లి ప్రాథమికోన్నత పాఠశాలలో ఎస్‌బీఐ సీఎస్‌ఆర్‌ నిధులతో నిర్మించిన మరుగుదొడ్లు, మినరల్‌ వాటర్‌ ప్లాంట్‌ను ప్రారంభించారు. ఈ సందర్భంగా ఎంపీ మాట్లాడుతూ.. జిల్లాకు కేంద్రీయ విద్యాలయం మంజూరు కావడం ఎంతో సంతోషకరమైన విషయమన్నారు. అతి తక్కువ సమయంలోనే విద్యాలయాన్ని ప్రారంభించి, విద్యార్థులకు అందుబాటులోకి తీసుకొచ్చినట్లు చెప్పారు. త్వరలోనే కేంద్రీయ విద్యాలయానికి సొంత భవనం నిర్మిస్తామన్నారు. ప్రస్తుతం విద్యాలయం నిర్వహణ కోసం కలెక్టర్‌ అనువైన భవనాన్ని కేటాయించారని పేర్కొన్నారు. కేంద్రీయ విద్యాలయంలో విద్యార్థులకు దేశవ్యాప్తంగా అమలవుతున్న ప్రమాణాలకు అనుగుణంగా విద్యాబోధన అందుతుందని చెప్పారు. విద్యార్థులు ఈ అవకాశాన్ని సద్వినియోగం చేసుకొని చదువులో రాణించాలని ఆకాంక్షించారు. ● ఎమ్మెల్యే మేఘారెడ్డి మాట్లాడుతూ.. జిల్లాకు కేంద్రీయ విద్యాలయం మంజూరుకు ఎంతో కృషి చేశామన్నారు. ఎంపీ మల్లు రవి ఢిల్లీలో సంబంధిత స్థాయిలో నిరంతరం ప్రయత్నాలు చేయడం వల్ల విద్యాలయం ఏర్పాటు సాధ్యమైందన్నారు. ఇప్పటికే ప్రవేశాల ప్రక్రియ పూర్తిచేసుకున్నట్లు తెలిపారు. ఎంపీ మల్లు రవి సహకారంతో రూ.9 కోట్ల విలువైన సీఎస్‌ఆర్‌ నిధుల ద్వారా విద్యాలయానికి అవసరమైన పలు సదుపాయాలు కల్పించేందుకు చర్యలు చేపడుతున్నట్లు వివరించారు. అలాగే జిల్లాలో నవోదయ విద్యాలయం ఏర్పాటుకు కూడా ప్రతిపాదనలు పంపించామని.. ఇందుకోసం అనువైన భూమిని ఇప్పటికే పరిశీలించామని తెలిపారు. ● కలెక్టర్‌ ఆదర్శ్‌ సురభి మాట్లాడుతూ.. కేంద్రీయ విద్యాలయం మంజూరుకు అవసరమైన అన్ని ప్రమాణాలను పరిశీలించిన అనంతరమే అనుమతులు లభిస్తాయన్నారు. వనపర్తిలో అందుకు తగ్గ ప్రమాణాలను మనం చూపించడంలో సఫలమయ్యామని.. అందుకే ఏర్పాటు సాధ్యమైందన్నారు. జిల్లాకు కేంద్రీయ విద్యాలయం తీసుకురావడంలో ఎంపీ మల్లు రవి, ఎమ్మెల్యే మేఘారెడ్డి ఎంతో సహకరించారన్నారు. విద్యాలయంలో ప్రవేశాల కోసం అధిక సంఖ్యలో దరఖాస్తులు రావడంతో నిబంధనల ప్రకారం లక్కీ డ్రా ద్వారా విద్యార్థులను ఎంపిక చేసినట్లు తెలిపారు. విద్యార్థులు క్రమశిక్షణతో చదువుకొని విద్యాసంస్థకు, జిల్లాకు మంచి పేరు తీసుకురావాలని ఆకాంక్షించారు. కార్యక్రమంలో మున్సిపల్‌ చైర్‌పర్సన్‌ మాధవి, వైస్‌ చైర్మన్‌ మధుసూదన్‌ గౌడ్‌, డీసీసీబీ మాజీ చైర్మన్‌ విష్ణువర్ధన్‌రెడ్డి, డీఈఓ యాదయ్య, సర్పంచ్‌ నీలమ్మ శివకుమార్‌, ఎంఈఓ మద్దిలేటి తదితరులు పాల్గొన్నారు.

స్టేషన్‌ మహబూబ్‌నగర్‌: శ్రీఅన్నమయ్యవాణి లలితా సంగీత విద్యాలయం వ్యవస్థాపకుడు గద్వాల చంద్రశేఖరరావు ఆధ్వర్యంలో నగరంలోని గాయత్రీ ఫంక్షన్‌హాల్‌లో నిర్వహిస్తున్న శ్రీవనమాలి పాదపద కవితా తాతసంకీర్తన షష్టమ వారోత్సవాలు నాలుగో రోజు సోమవా రం వైభవంగా కొనసాగుతన్నాయి. ఈ సందర్భంగా గద్వాల చంద్రశేఖరరావు నిర్వహించిన సంకీర్తన కచేరీ అద్యంతం అలరించింది. పలు అన్నమయ్య భక్తి గీతాలను ఆలపించారు. సంకీర్తనవారోత్సవాలతో ఆ ప్రాంతం ఆధ్యాత్మికతను సంతరించకుంది. ఈనెల 29వ తేదీ వరకు సంకీర్తన షష్టమ వారోత్సవాలు జరగనున్నాయి. కార్యక్రమంలో సామవేదం వెంకటమురళీకృష్ణ, రిటైర్డ్‌ డిప్యూటీ కలెక్టర్‌ బాలయ్య తదితరులు పాల్గొన్నారు.

కొత్తకోట/కొత్తకోట రూరల్‌: గ్రాడ్యుయేట్‌ ఎమ్మెల్సీ ఎన్నికల నేపథ్యంలో అర్హులైన ప్రతి పట్టభద్రుడిని ఓటరుగా నమోదు చేసేందుకు కాంగ్రెస్‌ పార్టీ నాయకులు, కార్యకర్తలు క్షేత్రస్థాయిలో కృషి చేయాలని దేవరకద్ర ఎమ్మెల్యే జి.మధుసూదన్‌రెడ్డి పిలుపునిచ్చారు. సోమవారం కొత్తకోటలో పట్టభద్రుల ఎమ్మెల్సీ ఎన్నికల ఓటరు నమోదు కార్యక్రమాన్ని ఆయన ప్రారంభించి మాట్లాడారు. ఓటరు నమోదు ప్రక్రియలో ఎలాంటి సాంకేతిక ఇబ్బందులు తలెత్తకుండా దరఖాస్తుదారులకు అవసరమైన సహాయ, సహకారాలు అందించాలని పార్టీ శ్రేణులకు సూచించారు. గ్రామాలు, వార్డుల వారీగా పట్టభద్రులను గుర్తించి, వందశాతం ఓటరు నమోదు లక్ష్యాన్ని సాధించాలని కోరారు. అనంతరం మున్సిపాలిటీలో వరిధాన్యం కొనుగోలు కేంద్రాన్ని ఎమ్మెల్యే ప్రారంభించారు. రైతులు ప్రభుత్వ కొనుగోలు కేంద్రాల్లోనే ధాన్యాన్ని విక్రయించి, మద్దతు ధర పొందాలని సూచించారు. అలాగే మండలంలోని పాలెం, నిర్వీన్‌ గ్రామాల్లో వందశాతం రాయితీపై 99 క్వింటాళ్ల వేరుశనగ విత్తనాలను రైతులకు పంపిణీ చేశారు. రాష్ట్రంలో నూనెగింజల ఉత్పత్తిని పెంచడమే లక్ష్యంగా ప్రభుత్వం రైతులకు ఉచితంగా వేరుశనగ విత్తనాలను అందిస్తోందని ఆయన తెలిపారు. కార్యక్రమాల్లో మున్సిపల్‌ చైర్‌పర్సన్‌ అరుణ శ్రీనివాస్‌, వైస్‌ చైర్‌పర్సన్‌ పల్లవి కృష్ణారెడ్డి, కౌన్సిలర్లు ఎన్‌జే బోయేజ్‌, భీమ చంద్రకాంత్‌, సీడీసీ చైర్మన్‌ చంద్రమోహన్‌రెడ్డి, ఏడీఏ షేక్‌ మున్నా, ఎంపీడీఓ వినీత్‌కుమార్‌, ఏఓ జాస్మిన్‌, సర్పంచ్‌ మిద్దె నీరజ, కాంగ్రెస్‌ పార్టీ మండల అధ్యక్షుడు బీచుపల్లి యాదవ్‌, రావుల జితేంద్రనాథ్‌రెడ్డి, సుభాష్‌, జేసీబీ రాములు పాల్గొన్నారు.

అమరచింత: ప్రియదర్శిని జూరాల ప్రాజెక్టుకు ఎగువ నుంచి వరద పూర్తిగా నిలిచిపోవడంతో ఆయకట్టు రైతుల పరిస్థితి దయనీయంగా మారింది. ప్రస్తుతం జూరాలలో 2.862 టీఎంసీల నీరు మాత్రమే నిల్వ ఉండటంతో ఆయకట్టు సాగు ప్రశ్నార్థకంగా మారుతోంది. రానున్న గడ్డుకాలాన్ని దృష్టిలో ఉంచుకుని ఇక తాగునీటి అవసరాలకే జలాశయంలోని నీటిని నిల్వ ఉంచుకోవాలని ప్రభుత్వం ప్రకటించడంతో అధికారులు జూరాల కుడి, ఎడమ కాల్వలకు శనివారం సాగునీటిని నిలిపివేశారు. ఎగువ నుంచి వరదలు వస్తేనే నవంబర్‌ వరకు సాగునీటిని విడుదలచేసే అవకాశాలు ఉన్నాయని.. వరద రాకపోతే ఈ నెలాఖరులో 4 రోజులపాటు కాల్వలకు సాగునీటిని అందించి, ఆ తర్వాత పూర్తిస్థాయిలో నిలిపివేయనున్నట్లు పీజేపీ సీఈ రహీముద్దీన్‌ వెల్లడించారు. అయితే ప్రస్తుతం వరిపైరు పొట్టదశలో ఉందని.. నవంబర్‌ వరకు సాగునీరు అందిస్తేనే పంట చేతికొస్తుందని ఆయకట్టు రైతులు ఆందోళన చెందుతున్నారు. అమరచింత ఎత్తిపోతల పరిధిలో సింగంపేటకు చెందిన రైతు విష్ణుమూర్తి 18 ఎకరాలను కౌలుకు తీసుకొని వరిసాగు చేశారు. ఇప్పటికే ఎకరానికి రూ.30 వేలు ఖర్చుపెట్టారు. ప్రస్తుతం వరిపైరు పొట్టదశలో ఉంది. జూరాల ఎడమ కాల్వ ద్వారా అమరచింత ఎత్తిపోతలకు సాగునీరు అందుతుంది. ప్రస్తుతం కాల్వలకు సాగునీటిని నిలిపివేయడంతో సాగు ప్రశ్నార్థకంగా మారిందని రైతు విష్ణుమూర్తి ఆందోళన చెందుతున్నారు. ప్రభుత్వం చొరవ చూపి నవంబర్‌ చివరి వరకు సాగునీరు అందించాలని కోరుతున్నారు. జూరాలకు పూర్తిగా నిలిచిన వరద ప్రాజెక్టులో కేవలం 2.862 టీఎంసీలు మాత్రమే నిల్వ ఈనెల 31 నుంచి 4 రోజులు మాత్రమే చివరి తడి అందిస్తామని అధికారుల ప్రకటన ఆందోళనలో ఆయకట్టు రైతులు నవంబర్‌ వరకు సాగునీరు అందించాలని వేడుకోలు కుడి, ఎడమ కాల్వ పరిధిలో 1.15లక్షల ఎకరాల్లో వరిసాగు 4 ఎకరాల్లో వరిసాగు.. అమరచింత ఎత్తిపోతల ద్వారా ఆయకట్టుకు వస్తున్న సాగునీటిపై ఆధారపడి 4 ఎకరాల్లో వరిసా గు చేస్తున్నా. మొదట్లో సాగునీరు వస్తుందో.. రాదో అన్న సందేహాలతో కాస్త ఆలస్యంగా వరిసాగు చేశా. ఎకరం సాగుకు ఇప్పటికే రూ. 25వేల వరకు ఖర్చు పెట్టాను. నీటి సరఫరా నిలిచిపోతే పంట ఎండిపోవడం ఖాయం. – కిరణ్‌కుమార్‌రెడ్డి, రైతు, అమరచింత ఇక చివరి తడి మాత్రమే.. ప్రభుత్వ ఆదేశాల మేరకు జూరాల ఆయకట్టుకు సాగునీటిని విడుదల చేస్తున్నాం. ఎగువ నుంచి వరద రాకపోవడంతో నిల్వ ఉన్న నీటితో ఇప్పటి వరకు సాగునీటిని వారాబందీ ద్వారా అందించాం. ప్రస్తుతం ప్రాజెక్టులో రెండున్నర టీఎంసీల నీరు మాత్రమే నిల్వ ఉంది. ఈ నెలాఖరు నుంచి 4 రోజుల పాటు మాత్రమే చివరి తడిగా కాల్వలకు సాగునీరు అందిస్తాం. – చంద్రశేఖర్‌, ఎస్‌ఈ

జూరాల ఎడమ కాల్వ పరిధిలో 85 వేలు, కుడి కాల్వ పరిధిలో 30 వేల ఎకరాల్లో వరిసాగు చేశారు. ప్రస్తుతం వరిపైరు పొట్ట దశలో ఉంది. అయితే ఈ నెల 31 నుంచి 4 రోజులపాటు మాత్రమే కాల్వలకు సాగునీటిని వదులుతామని అధికారులు ప్రకటించడంతో ఆయకట్టు రైతులు ఆందోళన చెందుతున్నారు. నవంబర్‌ చివరి నాటికి రెండు తడులైనా అందించాలని వేడుకుంటున్నారు. సకాలంలో వరిపంటకు నీరు అందకపోతే తీవ్ర నష్టం వాటిల్లుతుందని వాపోతున్నారు. ప్రభుత్వం ఆయకట్టు రైతుల బాధను అర్థం చేసుకుని ఈ ఒక్క పంటకై నా పూర్తిస్థాయిలో సాగునీటిని వదలాలని కోరుతున్నారు. అమరచింత ఎత్తిపోతల పరిధిలో పొట్టదశలో ఉన్న వరిపైరు

వనపర్తి రూరల్‌: విద్యార్థి దశ నుంచే చట్టాలపై అవగాహన పెంచుకోవాలని జిల్లా న్యాయ సేవాధికార సంస్థ కార్యదర్శి, సీనియర్‌ సివిల్‌జడ్జి దీప కాసరగడ్డ అన్నారు. జిల్లా న్యాయ సేవాధికార సంస్థ ఆధ్వర్యంలో సోమవారం పెబ్బేరు మోడల్‌ స్కూల్‌లో నిర్వహంచిన న్యాయ విజ్ఞాన సదస్సులో ఆమె పాల్గొని మాట్లాడారు. విద్యాహక్కు చట్టం ద్వారా 6 నుంచి 14 ఏళ్ల పిల్లలు ఉచిత విద్య పొందవచ్చన్నారు. బాల్యవివాహాల నిషేధిత చట్టం 2006 ప్రకారం 18 ఏళ్లలోపు అమ్మాయి, 21 ఏళ్లలోపు అబ్బాయిలకు వివాహాలు చేయడం చట్టవిరుద్ధమన్నారు. బాలకార్మిక చట్టం కింద 14 ఏళ్లలోపు బాలలను పనిలో పెట్టుకోవడం చట్టరీత్యా నేరమన్నారు. అనంతరం పోక్సో చట్టంపై విద్యార్థులకు అవగాహన కల్పించారు. కార్యక్రమంలో జిల్లా సంక్షేమశాఖ అధికారిణి సుధారాణి, డీసీఓ రాంబాబు, ఎస్‌ఐ వెంకటేశ్‌గౌడ్‌, ప్రిన్సిపల్‌ టి.నరేశ్‌కుమార్‌, లీగల్‌ ఎయిడ్‌ డిఫెన్స్‌ కౌన్సిల్‌ కృష్ణయ్య, శ్రీదేవి పాల్గొన్నారు.

పోలీసు ప్రజావాణిలో అందిన ఫిర్యాదుల పరిష్కారానికి అవసరమైన చర్యలు తీసుకోవాలని ఎస్పీ డి.సునీతారెడ్డి సంబంధిత స్టేషన్‌ అధికారులకు సూచించారు. జిల్లా పోలీసు కార్యాలయంలో సోమవారం నిర్వహించిన ప్రజావాణి కార్యక్రమంలో ఆమె పాల్గొని ప్రజల నుంచి ఫిర్యాదులు స్వీకరించారు. వివిధ ప్రాంతాల నుంచి వచ్చిన 14 మంది ఫిర్యాదుదారులు తమ సమస్యలను నేరుగా ఎస్పీకి వివరించి, అర్జీలు సమర్పించారు. ఈ సందర్భంగా ఆమె మాట్లాడుతూ.. సంబంధిత పోలీస్‌స్టేషన్‌ అధికారులు ఫిర్యాదులను క్షుణ్ణంగా పరిశీలించి, పరిష్కారానికి చర్యలు తీసుకోవాలని ఆదేశించారు.

చెరుకు రైతుల సమస్యలు పరిష్కరించాలి.. చెరుకు రైతుల సమస్యల పరిష్కారానికి చొరవ చూపాలంటూ తెలంగాణ చెరుకు రైతు సంఘం ఆధ్వర్యంలో ఆదివారం అమరచింతలో మంత్రి వాకిటి శ్రీహరికి వినతిపత్రం అందజేశారు. ఈ సందర్భంగా సంఘం రాష్ట్ర అధ్యక్షుడు జీఎస్‌ గోపి మాట్లాడుతూ.. ప్రభుత్వం సన్నరకం వరికి రూ.500 బోనస్‌ ఇస్తున్న మాదిరిగానే చెరుకు టన్నుకు సైతం రూ.వెయ్యి చెల్లించాలని డిమాండ్‌ చేశారు. చెరుకు టన్నుకు కనీస మద్దతు ధర రూ.6 వేలుగా నిర్ణయించాలని కోరారు. వినతిపత్రం అందజేసిన వారిలో కౌన్సిలర్‌ తిరుమలేష్‌, అరుణ్‌కుమార్‌, గోపాల్‌రెడ్డి, స్వామినాయక్‌, మున్ని, శ్రీకాంత్‌ తదితరులు పాల్గొన్నారు. అమరచింత: గ్రామాల అభివృద్ధే లక్ష్యంగా తమ ప్రభుత్వం ముందుకు సాగుతోందని.. సమస్యల పరిష్కారానికి ప్రత్యేక కార్యాచరణతో మండల, గ్రామస్థాయిలో సమీక్షలు నిర్వహిస్తున్నామని రాష్ట్ర పశుసంవర్ధకశాఖ మంత్రి వాకిటి శ్రీహరి అన్నారు. ఆదివారం మండల కేంద్రంలోని ఓ ఫంక్షన్‌ హాల్‌లో నిర్వహించిన కాంగ్రెస్‌పార్టీ మండలస్థాయి కార్యకర్తల విస్తృతస్థాయి సమావేశానికి ఆయన హాజరై మాట్లాడారు. నియోజకవర్గ అభివృద్ధే లక్ష్యంగా ప్రతి గ్రామంలోని సమస్యలను గుర్తించి శాశ్వత పరిష్కారం చూపే దిశగా ప్రణాళికలు సిద్ధం చేస్తున్నామన్నారు. గ్రామం నుంచి నియోజకవర్గస్థాయి వరకు సమగ్ర అభివృద్ధి సాధించాలనే లక్ష్యంతో రహదారులు, తాగునీరు, విద్యుత్‌, పారిశుద్ధ్యం, మౌలిక వసతుల కల్పనపై దృష్టి సారిస్తున్నామని వెల్లడించారు. గ్రామాలు అభివృద్ధి చెందినప్పుడే దేశం పురోగతి సాధిస్తుందనే నినాదంతో తమ ప్రభుత్వం గ్రామాలపై ప్రత్యేక దృష్టి సారించిందని వివరించారు. ముఖ్యమంత్రి రేవంత్‌రెడ్డి ప్రతి క్యాబినెట్‌ సమావేశంలో గ్రామస్థాయి నుంచి అభివృద్ధి జరగాలని.. ఇందుకోసం అడిగినన్ని నిధులు వెంటనే మంజూరు చేస్తున్నారని తెలిపారు. ఎల్‌నినో ప్రభావంతో రాబోయే రోజుల్లో తలెత్తే కరువు పరిస్థితుల గురించి ప్రజలకు వివరించాల్సిన బాధ్యత పార్టీ కార్యకర్తలపై ఉందన్నారు. జలాశయాల్లో నీటిమట్టం తగ్గుతోందని.. తాగునీటి సమస్యలు రాకుండా పొదుపుగా వినియోగించుకోవాలనే విషయాలను గ్రామాల్లో అవగాహన కల్పించాలని సూచించారు. రైతులు అధైర్యపడకుండా ఉండాలని.. యాసంగిలో వరిసాగు చేయొద్దని సూచించారు. సంక్షేమ ఫలాలు అర్హులకే అందాలని, ఇందిరమ్మ ఇంటి బిల్లులు సకాలంలో లబ్ధిదారులకు అందినప్పుడే నిర్మాణాలు వేగవంతం అవుతాయని వివరించారు. అమరచింత మండలంలో విద్య, వైద్యం, రవాణా సదుపాయలను పూర్తిస్థాయిలో కల్పించేందుకు తనవంతు సహకారం ఉంటుందని వివరించారు. త్వరలోనే మినీ స్టేడియం, జూనియర్‌ కళాశాల పనులు ప్రారంభం అవుతాయని తెలిపారు. కార్యక్రమంలో రాష్ట్ర గీతకార్మిక కార్పొరేషన్‌ వైస్‌ చైర్మన్‌ కేశం నాగరాజుగౌడ్‌, పార్టీ మండల అధ్యక్షుడు రాజేందర్‌రెడ్డి, పట్టణ అధ్యక్షుడు రవికాంత్‌, పుర చైర్‌పర్సన్‌ జింక సువర్ణ, జిల్లా కార్యదర్శి రమేష్‌ ముదిరాజ్‌ తదితరులు పాల్గొన్నారు.

వనపర్తి: భారత రాజ్యాంగం పౌరులకు కల్పించిన హక్కుల్లో ఓటు హక్కు అత్యంత కీలకమైందని ఏఐసీసీ జిల్లా పరిశీలకుడు రవీంద్రదాస్‌ అన్నారు. ఆదివారం జిల్లాకేంద్రంలోని డీసీసీ కార్యాలయంలో నిర్వహించిన పార్టీ ముఖ్య కార్యకర్తల సమావేశానికి ఎమ్మెల్యే తూడి మేఘారెడ్డి, డీసీసీ అధ్యక్షుడు శివసేనారెడ్డితో కలిసి ఆయన పాల్గొన్నారు. ఈ సందర్భంగా మాట్లాడుతూ.. ప్రజల ఓటుతో ఏర్పడిన ప్రభుత్వాలు అదే ఓటు హక్కును దెబ్బతీసే విధంగా వ్యవహరిస్తే ప్రజాస్వామ్యానికి ప్రమాదం తప్పదని, ఓటు హక్కును కాలరాసే ప్రయత్నాలు చేస్తే ప్రజలు తిరగబడతారని హెచ్చరించారు. రాజ్యాంగ పరిరక్షణే లక్ష్యంగా కాంగ్రెస్‌పార్టీ పోరాటం కొనసాగిస్తుందని, ఓటు హక్కును కాపాడుకునే ఉద్యమాన్ని ప్రజల్లోకి తీసుకెళ్తామని తెలిపారు. అనంతరం డీసీసీ అధ్యక్షుడు శివసేనారెడ్డి మాట్లాడుతూ.. ఓటు చోరీకి పాల్పడుతూ ఓటర్ల జాబితా నుంచి అర్హులైన ఓటర్ల పేర్లను తొలగిస్తున్నారంటూ కేంద్ర ఎన్నికల సంఘం తీరుపై విమర్శలు గుప్పించారు. ఓటు హక్కు పరిరక్షణ కోసం కాంగ్రెస్‌పార్టీ దేశవ్యాప్తంగా ‘ఓట్‌ బచావో.. దేశ్‌ బచావో’ నినాదంతో పోరాటం సాగిస్తోందని వెల్లడించారు. ఈ అంశంపై నవంబర్‌ 1న దేశ రాజధాని ఢిల్లీలో భారీ నిరసన కార్యక్రమం కొనసాగుతుందని.. జిల్లా నుంచి భారీ సంఖ్యలో తరలిరావాలని పిలుపునిచ్చారు. దేశవ్యాప్తంగా ఓట్ల తొలగింపుపై అనేక అనుమానాలు వ్యక్తమవుతున్నాయని.. అర్హులైన ప్రతి ఓటరుకు న్యాయం జరిగేలా చర్యలు తీసుకోవాలని డిమాండ్‌ చేశారు. ఓటు చోరీ అంశంపై ఏఐసీసీ అగ్రనేత, లోక్‌సభ ప్రతిపక్ష నేత రాహుల్‌గాంధీ ఇప్పటికే పవర్‌పాయింట్‌ ప్రజెంటేషన్‌తో దేశ ప్రజలకు వాస్తవాలను వివరించారన్నారు. కార్యక్రమంలో డీసీసీ ఉపాధ్యక్షుడు తిరుపతయ్య, సాయిచరణ్‌రెడ్డి, ప్రధాన కార్యదర్శి బ్రహ్మచారి, కాంగ్రెస్‌పార్టీ మహిళా అధ్యక్షురాలు శ్రీలతరెడ్డి, పార్టీ జిల్లా అధికార ప్రతినిధి కోళ్ల వెంకటేష్‌, పుర వైస్‌ చైర్మన్‌ మధుసూదన్‌గౌడ్‌ తదితరులు పాల్గొన్నారు.

ఫ దెబ్బతిన్న తూములు, అలుగులు ఫ పట్టించుకోని పాలకులు, ఐబీ అధికారులు ఫ షట్టర్లు మరమ్మతు లేక వృథాగా అవుతున్న నీరు ఫ ఇబ్బందులకు గురవుతున్న రైతులు ఎమ్మెల్సీ ఓటరుగా నమోదు చేసుకోండి వనపర్తి రూరల్‌: గ్రాడ్యుయేట్‌ ఎమ్మెల్సీ ఎన్నికలకుగాను పట్టభద్రులంతా ఓటరుగా నమోదు చేసుకోవాలని మాజీ మంత్రి సింగిరెడ్డి నిరంజన్‌రెడ్డి కోరారు. ఆదివారం జిల్లాకేంద్రంలోని బజాజ్‌ ఎలక్ట్రానిక్స్‌, కాసం, గరుడ, ట్రెండ్స్‌, చందన బ్రదర్స్‌, బీఫిట్‌ తదితర వ్యాపార దుకాణాల్లో పర్యటించి ప్రైవేట్‌ ఉద్యోగులు, పట్టభద్రులను కలిసి ఓటరు నమోదు ఫారాలు అందజేశారు. ఈ సందర్భంగా ఆయన మాట్లాడుతూ.. ప్రభుత్వ నిర్లక్ష్యం, అవగాహన లోపంతో ఇప్పటి వరకు 36 శాతం మంది పట్టభద్రులు మాత్రమే ఓటు నమోదు చేసుకోవడం ఆందోళనకరమన్నారు. ఓటు హక్కు ప్రాధాన్యతను గుర్తించి ప్రజాస్వామ్యాన్ని బలోపేతం చేసేందుకు ప్రతి పట్టభద్రుడు ఓటరు నమోదు చేసుకోవాలని కోరారు. ఓటరు నమోదు ప్రక్రియ, అవసరమైన ధ్రువపత్రాలపై అవగాహన కల్పించారు. ఆయన వెంట బీఆర్‌ఎస్‌ పార్టీ నాయకులు గట్టు యాదవ్‌, వాకిటి శ్రీధర్‌, గంధం పరంజ్యోతి తదితరులు పాల్గొన్నారు. కరువు సహాయక చర్యలు చేపట్టాలి పాన్‌గల్‌: ఎల్‌నినో ప్రభావంతో తీవ్ర వర్షాభావంతో జిల్లాలో కరువుఛాయలు నెలకొన్నాయని.. కరువు మండలాలుగా ప్రకటించి యుద్ధప్రాతిపదికన సహాయక చర్యలు చేపట్టాలని సీపీఐ జిల్లా కార్యవర్గసభ్యుడు, ఏఐటీయూసీ జిల్లా సహాయకార్యదర్శి శ్రీరాం డిమాండ్‌ చేశారు. ఆదివారం మండలంలోని కేతేపల్లిలో పార్టీ నాయకులతో కలిసి విలేకర్లతో మాట్లాడారు. జిల్లాలో సాధారణం కంటే 38 శాతం లోటు వర్షపాతం నమోదైందని.. వర్షాభావ పరిస్థితుల కారణంగా వానాకాలంలో పంటలు తక్కువగా సాగు చేశారని, ఆవి కూడా ఎండిపోయాయన్నారు. కేఎల్‌ఐ, భీమా సాగునీటి కాల్వల ద్వారా తగినంత నీరందక వరి సాగు కూడా తక్కువ విస్తీర్ణంలోనే సాగుచేసినా అవి కూడా సాగునీరు సక్రమంగా అందక, విద్యుత్‌ కోతలతో సగం వరకు ఎండిపోయాయని వివరించారు. చివరి దశలో ఉన్న పంటలు కూడా చేతికందుతుందో లేదో తెలియని పరిస్థితి నెలకొందని వివరించారు. అధికారులు స్పందించి సాగునీరు అందిస్తూ, కోతలు లేకుండా విద్యుత్‌ సరఫరా చేయాలన్నారు. రైతులు, ప్రజలను ఆదుకునేందుకు కరువు సహాయక చర్యలు చేపట్టాలని లేనిచో ప్రజలతో కలిసి ఆందోళన కార్యక్రమాలు చేపడతామని హెచ్చరించారు. సమావేశంలో పార్టీ నాయకులు డంగు కుర్మయ్య, కాకం చిన్ననారాయణ, లక్ష్మీనారాయణ, పెంటయ్య, కురువమ్మ, కాకం కాశన్న, మాల కుర్మయ్య పాల్గొన్నారు.

వనపర్తి: జిల్లాలో వానాకాలం వరి ధాన్యం కొనుగోళ్లు ఊపందుకోనున్న నేపథ్యంలో నిల్వ సామర్థ్యాన్ని పెంచేందుకు అధికారులు ప్రత్యేక ఏర్పాట్లు చేస్తున్నారు. జిల్లావ్యాప్తంగా 2.60 లక్షల మెట్రిక్‌ టన్నుల ధాన్యం కొనుగోలు చేయాలని లక్ష్యంగా నిర్దేశించారు. కొనుగోలు కేంద్రాలకు భారీగా ధాన్యం తరలివచ్చే అవకాశం ఉండటంతో ఇప్పటికే ఉన్న గోదాంలతో పాటు అదనపు నిల్వ సదుపాయాలను అందుబాటులోకి తీసుకురావడంపై ప్రత్యేక దృష్టి సారించారు. జిల్లాలో అత్యధిక మిల్లులు డిఫాల్ట్‌ జాబితాలో ఉన్న కారణంగా కొనుగోలు చేసిన ధాన్యం నిల్వకు తాత్కాలిక కేంద్రాలు కీలకంగా మారనున్నాయి. అందుబాటులో ఉన్న గోదాముల సామర్థ్యం సరిపోకపోతే కొనుగోలు కేంద్రాల్లోనే ధాన్యం పేరుకుపోయే అవకాశం ఉంటుంది. దీనిని అరికట్టేందుకు సుమారు లక్ష మెట్రిక్‌ టన్నుల ధాన్యం నిల్వ చేసేలా అద్దె, తాత్కాలిక గోదాంలను ఏర్పాటు చేయాలని నిర్ణయించారు. ఇందుకోసం అనువైన ప్రాంతాలను గుర్తించడం, అక్కడ ధాన్యం నిల్వకు అవసరమైన మౌలిక వసతులు కల్పించడం, వర్షం, తేమ నుంచి ధాన్యాన్ని సంరక్షించే ఏర్పాట్లు చేయడంపై అధికారులు కసరత్తు చేస్తున్నారు. ఎస్‌డబ్ల్యూసీ పర్యవేక్షణలో.. అద్దె, తాత్కాలిక గోదాంల ఏర్పాటు, ధాన్యం నిల్వకు సంబంధించిన బాధ్యతలను స్టేట్‌ వేర్‌హౌసింగ్‌ కార్పొరేషనన్‌ (ఎస్‌డబ్ల్యూసీ)కు పౌరసరఫరాలశాఖ అప్పగించింది. ధాన్యం నిల్వ సామర్థ్యాన్ని అంచనా వేసి అవసరమైన చోట్ల అదనపు వసతులను సిద్ధం చేయనున్నారు. కొనుగోలు కేంద్రాల నుంచి గోదాంలకు ధాన్యం తరలింపు, నిల్వ, అవసరమైన సమయంలో మిల్లులకు తరలించే ప్రక్రియను సమన్వయం చేయనున్నారు. డిఫాల్ట్‌ మిల్లులకు ధాన్యం కేటాయించం.. జిల్లావ్యాప్తంగా 198 రైస్‌మిల్లులు ఉండగా.. కేవలం 45 మాత్రమే ధాన్యం కేటాయింపులకు అర్హత సాధించాయి. మిగతా మిల్లులన్నీ డిఫాల్ట్‌ కేటగిరీలో ఉన్నాయి. కాబట్టి ఈ సీజన్‌లో సేకరించిన ధాన్యం 45 మిల్లులకు సామర్థ్యం మేర కేటాయించి మిగతా ధాన్యాన్ని గోదాముల్లో నిల్వ చేసేందుకు ఏర్పాట్లు చేస్తున్నాం. జిల్లా సమీపంలోని ఏపీ ప్రాంతంలో సుమారు 50 వేల మెట్రిక్‌ టన్నుల ధాన్యం నిల్వ చేసేందుకు గోదాంలు అందుబాటులో ఉన్నాయని, అద్దెకు ఇచ్చేందుకు అక్కడి అధికారులు సముఖంగా ఉన్నారు. ఇక్కడి గోదాములు నిండితే వాటిని వినియోగించుకునేందుకు ఆలోచిస్తాం. – హరీశ్‌, డీఎం, జిల్లా పౌరసరఫరాల కార్పొరేషన్‌ 2.60 లక్షల మెట్రిక్‌ టన్నుల కొనుగోలే లక్ష్యం జిల్లాలో అధికంగా డిఫాల్డ్‌ మిల్లర్లు ఉండటమే కారణం నిల్వ సామర్థ్యం పెంపుపై కార్పొరేషన్‌ ప్రత్యేక దృష్టి లక్ష మెట్రిక్‌ టన్నుల ధాన్యం నిల్వ చేసే గోదాంల ఏర్పాటుకు అవకాశం 50 వేల టన్నుల నిల్వకుఏపీ సర్కారు గ్రీన్‌సిగ్నల్‌

వనపర్తి: అహంకార పాలన తమకొద్దని ప్రజలు ఇంటికి పంపినా.. గర్వంతో మాజీ మంత్రి సింగిరెడ్డి నిరంజన్‌రెడ్డి ఇష్టానుసారంగా మాట్లాడుతున్నారని ఎమ్మెల్యే తూడి మేఘారెడ్డి మండిపడ్డారు. శనివారం ఎస్పీ, డీఎస్పీ ములాకత్‌ సందర్భంగా మాజీ మంత్రి చేసిన వాఖ్యలపై ఎమ్మెల్యే స్పందించారు. ఆదివారం డీసీసీ కార్యాలయంలో నిర్వహించిన విలేకర్ల సమావేశంలో మాట్లాడారు. 32 మంది బీసీ నాయకులపై నాన్‌బెయిలబుల్‌ కేసులు నమోదు చేయించారని, విలేకర్లపై కూడా కేసులు నమోదు చేయించిన ఘనత మాజీ మంత్రికే దక్కిందన్నారు. నియోజకవర్గంలోని రియల్‌ ఎస్టేట్‌ వ్యాపారులు, నిరుద్యోగులు, వివిధ వర్గాల ప్రజలను భయభ్రాంతులకు గురిచేయడంతోనే ఆయన్ను ఇంటికి సాగనంపారన్న విషయాన్ని మర్చిపోయారా అని ప్రశ్నించారు. నియోజకవర్గ ప్రజలు చాలా విజ్ఞులని.. అన్నీ గమనిస్తున్నారని.. సరైన సమయంలో సరైన సమాధానం ఇస్తారనే విషయాన్ని గుర్తుంచుకోవాలని హితవు పలికారు. వనపర్తి రాజకీయాల్లో బెదిరింపులు, వ్యక్తిగత ధూషణల కంటే అభివృద్ధి, ప్రజాసేవే ముఖ్యమని భావించి పని చేస్తున్నామని చెప్పారు. సమావేశంలో డీసీసీ అధ్యక్షుడు శివసేనారెడ్డి పాల్గొన్నారు.

వనపర్తి: ఎల్‌నినో ప్రభావం నేపథ్యంలో జిల్లాలో నీటి సంరక్షణకు ప్రాధాన్యతనిస్తూ తాగునీటి వృథాను అరికట్టేందుకు అధికారులు చర్యలు తీసుకోవడంతో పాటు ప్రజల్లో విస్తృత అవగాహన కల్పించాలని కలెక్టర్‌ ఆదర్శ్‌ సురభి ఆదేశించారు. శనివారం కలెక్టరేట్‌లోని సమావేశ మందిరం నుంచి వచ్చే ఏడాది జూలై వరకు తాగునీటి సరఫరా ప్రణాళిక, వీబీజీ రాంజీ పథకం పనుల పురోగతి, ఇందిరమ్మ ఇళ్ల నిర్మాణం తదితర అంశాలపై తహసీల్దార్లు, ఎంపీడీఓలతో వెబెక్స్‌లో సమావేశమై పలు కీలక సూచనలు చేశారు. రానున్న కాలంలో నీటి అవసరాలను దృష్టిలో ఉంచుకొని నీటి సంరక్షణ చర్యలను పటిష్టంగా అమలు చేయాలని సూచించారు. ప్రతి నీటి బొట్టును పొదుపుగా వినియోగించేలా ప్రచార కార్యక్రమాలు నిర్వహించాలని.. నవంబర్‌ 15 నుంచి డిసెంబర్‌ 30 వరకు మిషన్‌ భగీరథ ఆధ్వర్యంలో ప్రత్యేక డ్రైవ్‌ కొనసాగించాలన్నారు. తాగునీటి సమస్యలను గుర్తించి పరిష్కరించాలని, గ్రామాలు, మండలాలు, మున్సిపాలిటీల పరిధిలో ఎక్కడైనా పైపులైన్‌ లీకేజీలు ఉన్నట్లయితే వెంటనే మరమ్మతు చేపట్టాని కోరారు. రానున్న వేసవిలో తాగునీటి కొరత తలెత్తకుండా ముందస్తు ప్రణాళికలు రూపొందించాలని, స్థానిక నీటి వనరులను వినియోగంలోకి తీసుకురావాలని, అవసరమైన చోట ప్రైవేటు బోర్లను తీసుకునేందుకు ముందస్తు చర్యలు చేపట్టాలన్నారు. జిల్లాలో ఉపాధి కూలీల పనిదినాల కల్పనలో పురోగతి తక్కువగా ఉందని.. వెంటనే పెంచేలా మండలస్థాయి అధికారులు చర్యలు తీసుకోవాలన్నారు. గ్రామాల్లో నిర్దేశిత లక్ష్యాలను సాధించేలా కూలీలను సమీకరించి పనులు చేపట్టాలని.. ఫాంపాండ్స్‌, ఇంకుడుగుంతలు, బోర్‌వెల్‌ రీచార్జ్‌ నిర్మాణాలు వంటి నీటి సంరక్షణ పనులకు అధిక ప్రాధాన్యం ఇవ్వాలని సూచించారు. పనుల అమలులో అలసత్వం వహించే అధికారులపై చర్యలు తీసుకుంటామని హెచ్చరించారు. రెండోవిడత ఇందిరమ్మ ఇళ్ల నిర్మాణంపై సమీక్షిస్తూ రూఫ్‌ రీప్లేస్‌మెంట్‌కు సంబంధించి నియోజకవర్గానికి 500 మంది లబ్ధిదారులను కేటాయించనున్నట్లు తెలిపారు. ఇందుకు సంబంధించి మండలాల వారీగా అర్హులైన లబ్ధిదారులను గుర్తించి వివరాలను సిద్ధం చేయాలని ఆదేశించారు. అర్హుల ఎంపిక పారదర్శకంగా చేపట్టి ప్రభుత్వ మార్గదర్శకాల ప్రకారం చర్యలు తీసుకోవాలన్నారు. సమావేశంలో జెడ్పీ సీఈఓ యాదయ్య, డీఆర్డీఓ ఉమాదేవి, మిషన్‌ భగీరథ ఎస్‌ఈ, హౌసింగ్‌ పీడీ విఠోబా, సీపీఓ హరికృష్ణ పాల్గొన్నారు.

రైతువేదికల నిర్వహణ ఖర్చులు నాలుగేళ్లుగా ప్రభుత్వం నుంచి అందడం లేదు. విద్యుత్‌ బిల్లులు, పారిశుద్ధ్యం, ఇతర నిర్వహణ అవసరాల కోసం సొంత డబ్బులు ఖర్చు చేయాల్సి వస్తోంది. ప్రభుత్వం స్పందించి పెండింగ్‌లో ఉన్న నిర్వహణ నిధులను వెంటనే మంజూరుచేసి తమపై పడుతున్న ఆర్థిక భారాన్ని తగ్గించాలి. – రవీందర్‌రెడ్డి, ఏఈఓ, అమడబాకుల రైతువేదికల నిర్వహణకు ప్రభుత్వం నుంచి నిధులు రావాల్సి ఉంది. జిల్లావ్యాప్తంగా 72 రైతువేదికలు ఉన్నాయి. ఒక్కో రైతువేదిక నిర్వహణకు దాదాపుగా రూ.9 వేల వరకు ఖర్చవుతుంది. 2022 నుంచి నిధులు విడుదల కాలేదు. సమస్యను ఉన్నతాధికారులు, ప్రభుత్వం దృష్టికి తీసుకెళ్లాం. – ఆంజనేయులు, జిల్లా వ్యవసాయ అధికారి ●

వనపర్తి రూరల్‌: మహిళా ఉద్యోగుల రక్షణకు పోష్‌ చట్టం అండగా ఉంటుందని జిల్లా న్యాయ సేవాధికార సంస్థ చైర్మన్‌, జిల్లా ప్రధాన న్యాయమూర్తి బాకరాజు శ్రీనివాసరావు తెలిపారు. జిల్లాకేంద్రంలోని కోర్టు ఆవరణలో శనివారం ‘పోష్‌ చట్టం–పని ప్రదేశంలో మహిళలపై లైంగిక వేధింపుల (నివారణ, నిషేధం, పరిష్కారం) చట్టం, 2013’పై న్యాయ విజ్ఞాన సదస్సు నిర్వహించగా.. ఆయన హాజరై చట్టం ప్రాముఖ్యతను వివరించారు. కోర్టు ఆవరణాలోని కార్యాలయాల్లో మహిళలకు సురక్షితమైన పని వాతావరణాన్ని కల్పించడం బాధ్యతగా భావించాలని, ఉద్దేశపూర్వకంగా ధూషించడం, లైంగిక వేధింపులకు గురిచేయడం చట్ట విరుద్ధమని, పలు సెక్షన్ల ప్రకారం కఠిన చర్యలు ఉంటాయని హెచ్చరించారు. మహిళా ఉద్యోగుల వేధింపులపై కోర్టులోనే అంతర్గత ఫిర్యాదుల కమిటీ ఏర్పాటు చేస్తామని.. సభ్యులు బాధితుల ఫిర్యాదులు స్వీకరిస్తారని చెప్పారు. కార్యక్రమంలో న్యాయమూర్తులు కె.లావణ్య, బాల్‌రెడ్డి, కళార్చన, దీప కాసరగడ్డ, టి.కార్తీక్‌రెడ్డి, శ్రీలత, బార్‌ అసోసియేషన్‌ అధ్యక్షుడు కిరణ్‌కుమార్‌ తదితరులు పాల్గొన్నారు.

వనపర్తి: డిఫాల్టర్‌ జాబితాలో ఉన్న మిల్లర్లు ప్రభుత్వం ఇచ్చిన ప్రత్యేక అవకాశాన్ని సద్వినియోగం చేసుకోవాలని రెవెన్యూ అదనపు కలెక్టర్‌ వినోద్‌కుమార్‌ కోరారు. శనివారం కలెక్టరేట్‌లోని సమావేశ మందిరంలో పౌరసరఫరాలు, విజిలెనన్స్‌ డిప్యూటీ కమిషనర్‌ కొండలరావు, డీఎస్పీ వెంకటేశంతో కలిసి అదనపు కలెక్టర్‌ మిల్లర్లు, సంబంధిత అధికారులతో సమావేశం నిర్వహించారు. ఈ సందర్భంగా ఆయన మాట్లాడుతూ.. 2014 నుంచి 2025 ఖరీఫ్‌ వరకు సీఎంఆర్‌ బకాయిలను మిల్లర్లు చెల్లించేందుకు ప్రభుత్వం 45 రోజుల గడువు ఇస్తూ ఉత్తర్వులు జారీ చేసిందన్నారు. ప్రభుత్వం ఇచ్చిన అవకాశాన్ని వినియోగించుకొని బకాయిలు పూర్తిగా చెల్లించి నాన్‌ డిఫాల్టర్‌ జాబితాలోకి చేరాలని సూచించారు. దీంతో రాబోయే సీజన్లకు సంబంధించి ధాన్యం కేటాయింపులు పొందడానికి అవకాశం సాధించవచ్చని తెలిపారు. అయితే 2022 రబీ వేలం ధాన్యానికి సంబంధించి ఈ అవకాశం వర్తించదన్నారు. ప్రభుత్వానికి సీఎంఆర్‌ అప్పగించని మిల్లర్లపై ఇప్పటికే చట్టపరమైన చర్యలు తీసుకుంటున్నామని తెలిపారు.

సీబీఎస్‌ఈ స్కూళ్లు మార్పునకు రాష్ట్ర ప్రభుత్వం కసరత్తు ● ఉమ్మడి జిల్లావ్యాప్తంగా 8 మోడల్‌ స్కూళ్లు ● ఒక్కో పాఠశాలలో 820 మందికి ప్రవేశం ● ఈ ఏడాది నుంచి ఐఐటీ– జేఈఈ, నీట్‌ కోచింగ్‌ ● వచ్చే విద్యా సంవత్సరం నుంచి అమలుకు చర్యలు సీబీఎస్‌ఈ సిలబస్‌ అందించేందుకు మోడల్‌ స్కూళ్లు ఏర్పాటు చేశారు. స్టేట్‌ సిలబస్‌తో నడుస్తున్నప్పటికీ విద్యార్థులు రాణిస్తున్నారు. ఈ ఏడాది జాతీయ పోటీ పరీక్షలు ఐఐటీ– జేఈఈ, నీట్‌ కోచింగ్‌ ఇచ్చేందుకు మా స్కూల్‌ ఎంపిక చేశారు. ఇప్పటికే మోడల్‌ స్కూళ్లలో భౌతిక మౌలిక సదుపాయాలు ఉన్నాయి. గతేడాది ఎస్సెస్సీలో 97 శాతం, ఇంటర్‌లో 68 శాతం ఉత్తీర్ణత సాధించాం. మా పాఠశాలలో చదివిన వారు ఎంతో మంది డాక్టర్లుగా, ఇంజినీర్లుగా పని చేస్తున్నారు. – శ్రీధర్‌, మోడల్‌ స్కూల్‌ ప్రిన్సిపాల్‌, వెల్దండ అచ్చంపేట: ఆదర్శ పాఠశాలల బలోపేతమే లక్ష్యంగా రాష్ట్ర ప్రభుత్వం నూతన చర్యలకు శ్రీకారం చుడుతోంది. ఇక మీదట సీబీఎస్‌ఈ స్కూళ్లుగా మార్చేందుకు పాఠశాల విద్యాశాఖ ప్రభుత్వానికి ప్రతిపాదనలు పంపించింది. అలాగే 2027– 28 నుంచి ప్రీ ప్రైమరీతోపాటు ప్రాథమిక పాఠశాలలు కూడా ప్రారంభించడానికి సన్నాహాలు చేస్తోంది. తద్వారా విద్యార్థుల సంఖ్య పెరుగుతుందని భావిస్తోంది. గ్రామీణ విద్యార్థులకు ఆంగ్ల మాధ్యమంలో విద్యనందించాలన్న లక్ష్యంతో కేంద్ర ప్రభుత్వం 2013లో మోడల్‌ స్కూళ్లను ఏర్పాటు చేసింది. ఆరో తరగతి నుంచి ఇంటర్మీడియట్‌ వరకు విద్యనందిస్తున్నారు. ప్రస్తుతం ఆరో తరగతి నుంచి ఇంటర్మీడియట్‌ వరకు ఆంగ్ల బోధన ఉన్నప్పటికీ రాష్ట్రస్థాయి సిలబస్‌లోనే ఉంది. ఉమ్మడి జిల్లాలోని వెల్దండ, కోడేరు, కొత్తకోట, పెబ్బేరు, ఖిల్లాఘనపురం, ధన్వాడ, కోస్గి, గండేడ్‌ మండలాల్లో ఆదర్శ పాఠశాలలున్నాయి. ఇందులో సీబీఎస్‌ఈ సిలబస్‌ ప్రారంభిస్తే విద్యార్థుల సంఖ్య పెరగవచ్చని విద్యాశాఖ భావిస్తోంది. విద్యార్థుల సంఖ్య పెంపు.. ఉమ్మడి పాలమూరు జిల్లాలో ప్రస్తుతం 8 మోడల్‌ స్కూళ్లు ఉండగా.. 6 వేల మంది విద్యను అభ్యసిస్తున్నారు. ఒక్కో పాఠశాలలో 820 విద్యార్థుల ప్రవేశానికి అవకాశం ఉంది. 5 నుంచి 10 తరగతి వరకు 500, ఇంటర్మీడియట్‌లో 320 విద్యార్థులు ప్రవేశం పొందవచ్చు. ప్రతి స్కూల్‌లో 100 విద్యార్థినులకు హాస్టల్‌ వసతి ఉంటుంది. అయితే కొన్నిచోట్ల పాఠశాలలు దూరంగా ఉండటం, రోజురోజుకూ గురుకులాలు, కేజీబీవీలు పెరుగుతుండటంతో మోడల్‌ స్కూళ్లలో విద్యార్థుల సంఖ్య తగ్గుతుందన్న అభిప్రాయాలు వ్యక్తమవుతున్నాయి. పోటీ పరీక్షలకు కోచింగ్‌ ప్రభుత్వ పాఠశాలల్లో చదువుతున్న విద్యార్థులకు జాతీయస్థాయి పోటీ పరీక్షల కోచింగ్‌ అందించాలని ప్రభుత్వం నిర్ణయించింది. మోడల్‌ స్కూళ్లలో 29 యంగ్‌ ఇండియా ఇనిస్టిట్యూట్‌ ఆఫ్‌ ఎక్స్‌లెన్స్‌ కేంద్రాలను ఏర్పాటు చేయనుంది. 2026– 27 విద్యా సంవత్సరంలోనే దీనిని అమలు చేస్తామని పాఠశాల విద్యా శాఖ డైరెక్టర్‌ డాక్టర్‌ నవీన్‌ నికోలస్‌ ప్రకటించారు. జిల్లాకు ఒకటి చొప్పున ఏర్పాటు చేసి ఈ కేంద్రాల ద్వారా విద్యార్థులకు ఐఐటీ– జేఈఈ, నీట్‌, క్లాట్‌ వంటి పోటీ పరీక్షలకు ప్రత్యేక శిక్షణ ఇవ్వనున్నారు. ఇందుకోసం 6మంది చొప్పున బోధనా సిబ్బందిని నియమిస్తారు. ఎంపికై న అధ్యాపకులు గంట ప్రాతిపదికన 152 పనిదినాలపాటు విద్యార్థులకు బోధించనున్నారు. కాన్సెప్ట్‌ ఆధారిత బోధన, పోటీ పరీక్షలకు ప్రత్యేక శిక్షణ, సందేహాల నివృత్తి, అసైన్‌మెంట్లు, మాక్‌ టెస్టులు, వెనుకబడిన విద్యార్థులకు అదనపు సహాయం అందించనున్నారు. ఇందుకు సంబంధించి ఇప్పటికే ప్రభుత్వం ఈ నెల 14న నిధులు సైతం విడుదల చేసింది. సెంట్రల్‌ బోర్డు ఆఫ్‌ సెకండరీ ఎడ్యుకేషన్‌ (సీబీఎస్‌ఈ) సిలబస్‌ను అనుసరిస్తే పాఠశాలలో విద్యార్థుల సంఖ్య పెరిగేందుకు అవకాశం ఉంటుందని అధికారులు అంచనా వేస్తున్నారు. కాంపిటేటివ్‌ పరీక్షలు, సివిల్స్‌ లాంటి ప్రవేశ పరీక్షలకు సీబీఎస్‌ఈ సిలబస్‌ తోడ్పడుతుందని విద్యావేత్తలు అభిప్రాయపడుతున్నారు. అందుకే మోడల్‌ స్కూళ్లలో సీబీఎస్‌ఈ సిలబస్‌తోపాటు ప్రీ ప్రైమరీ, ప్రైమరీ పాఠశాలల ఏర్పాటు కోసం ప్రభుత్వానికి ప్రతిపాదనలు పంపారు. అయితే సీబీఎస్‌ఈ బోర్డు నుంచి ఎఫిలియేషన్‌ పొందాల్సి ఉందని సమాచారం. ప్రీ ప్రైమరీతోపాటు 1 నుంచి 5వ తరగతి వరకు ఈ ఏడాది నుంచే అమలుకు సన్నాహాలు చేసినా సీబీఎస్‌ఈ నుంచి అనుమతులు పొందాల్సి ఉంది. దీనిపై రాష్ట్ర విద్యాశాఖ ప్రభుత్వానికి ప్రతిపాదన పంపించింది. ప్రభుత్వం అనుమతిస్తే వచ్చే విద్యా సంవత్సరం నుంచి అమలు చేయనున్నారు.

ఆత్మకూర్‌: ఎల్‌నినో ప్రభావంతో రానున్న వేసవి మరింత కఠినంగా ఉండే అవకాశం ఉందని.. సమష్టిగా ఎదుర్కొందామని రాష్ట్ర పశుసంవర్ధకశాఖ మంత్రి వాకిటి శ్రీహరి అన్నారు. శనివారం స్థానిక ఎంపీడీఓ కార్యాలయంలో జరిగిన మండల సర్వసభ్య సమావేశానికి ఆయన ముఖ్యఅతిథిగా హాజరై మాట్లాడారు. ఎల్‌నినో ప్రభావంతో సాధారణం కంటే అఽధిక ఉష్ణోగ్రతలు నమోదై వడగాలులు వీచే ప్రమాదం ఉందని, వృద్ధులు, చిన్నారులు, వ్యవసాయ కూలీలు అప్రమత్తంగా ఉండాలని సూచించారు. వర్షాభావ పరిస్థితులతో భూగర్భ జలాలు అడుగంటి తాగునీటి కొరత తలెత్తే అవకాశం ఉందని.. సాగునీటి ఇబ్బందులు, పశుగ్రాసం కొరత ఏర్పడవచ్చని ఆందోళన వ్యక్తం చేశారు. తాగునీటి అవసరాలకు రూ.కోటి విడుదలయ్యాయని .. గ్రామాల్లో నీటి సామర్థ్యం ఉన్న బోర్లను గుర్తించి లీజుకు తీసుకోవాలని, తాగునీటి కష్టాలు రాకుండా జాగ్రత్తలు తీసుకుంటూ పకడ్బందీ ప్రణాళికతో ముందుకు సాగాలని సూచించారు. అధికారులు, సర్పంచ్‌లు అప్రమత్తంగా ఉంటూ ప్రతి గ్రామంలో తాగునీటి వనరులు ఇప్పటి నుంచే గుర్తించి మరమ్మతు చేపట్టాలని, అవసరమైనచోట బోర్లు, ట్యాంకర్ల ద్వారా నీటిసరఫరాకు ప్రణాళిక రూపొందించుకోవాలని, ఉపాధి పథంకంలో నీటిసంరక్షణ పనులు, చెక్‌డ్యాంలు, ఇంకుడుగుంతల నిర్మాణాలు వేగవంతం చేయాలని, ప్రజలు, పశువులు, పక్షులకు ఎలాంటి కష్టాలు రాకుండా సమన్వయంతో పనిచేయాలని పిలుపునిచ్చారు. అనంతరం 35 మంది లబ్ధిదారులకు ఇందిరమ్మ ఇళ్ల మంజూరుపత్రాలు పంపిణీ చేశారు. కార్యక్రమంలో స్థానిక సంస్థళ అదనపు కలెక్టర్‌ ఖీమ్యానాయక్‌, ఆర్డీఓ సుబ్రమణ్యం, డీఐఈఓ నరేంద్రకుమార్‌, మార్కెట్‌ చైర్మన్‌ రహ్మతుల్లా, విండో అధ్యక్షుడు గాడి కృష్ణమూర్తి, చైర్‌పర్సన్‌ నాగమణి, వైస్‌ చైర్మన్‌ నల్గొండ శ్రీను, వివిధ శాఖల అధికారులు, సర్పంచులు, కార్యదర్శులు పాల్గొన్నారు. నియోజకవర్గంలోని గ్రామాల అభివృద్ధే ధ్యేయంగా ముందుకెళ్తున్నామని మంత్రి వాకిటి శ్రీహరి అన్నారు. శనివారం పట్టణంలోని కాంగ్రెస్‌పార్టీ కార్యాలయంలో గ్రామాల వారీగా నాయకులతో వేర్వేరుగా సమావేశమయ్యారు. గ్రామాల్లో నెలకొన్న సమస్యలు, చేపట్టాల్సిన అభివృద్ధి పనుల వివరాలను అడిగి తెలుసుకున్నారు. మండలంలో రూ.300 కోట్లతో వివిధ అభివృద్ధి పనులు చేపడుతున్నామని.. అవసరమైతే రూ.100 కోట్లు తీసుకొస్తానని భరోసానిచ్చారు. కార్యకర్తలు సైనికుల్లా పనిచేయాలని, చేపడుతున్న అభివృద్ధి పనులు, గత పాలకుల వైఫల్యాలను ప్రజలకు వివరించాలని సూచించారు. అంతకుముందు ఆత్మకూర్‌లో ఆస్పత్రి, మార్కెట్‌యార్డు భవన నిర్మాణ పనులను పరిశీలించారు. గడువులోగా పనులు పూర్తిచేసి వినియోగంలోకి తీసుకురావాలని, నాణ్యత ప్రమాణాలు పాటించాలని అధికారులు, కాంట్రాక్టర్లకు సూచించారు.

● నాలుగేళ్లుగా డబ్బులు విడుదల చేయని ప్రభుత్వం ● విద్యుత్‌ బిల్లులు, తాగునీరు, స్టేషనరీ ఖర్చులు అధికారులపైనే ● జిల్లావ్యాప్తంగా 72 నిర్మాణం –IIలో uకొత్తకోట రూరల్‌: రైతులకు సాగు మెళకువలు, ఆధునిక వ్యవసాయ పద్ధతులపై అవగాహన కల్పించడంతో పాటు శాస్త్రవేత్తల ద్వారా సలహాలు, సూచనలు అందించాలనే ఉద్దేశంతో గత ప్రభుత్వం రైతువేదికలను నిర్మించింది. కాగా నిర్వహణకు నిధులు మంజూరు చేయకపోవడంతో వ్యవసాయశాఖ అధికారులు ఇబ్బందులు ఎదుర్కొంటున్నారు. నాలుగేళ్లుగా విద్యుత్‌ బిల్లులు, తాగునీరు, స్టేషనరీ, చిన్నచిన్న మరమ్మతులకు సొంత డబ్బులు వెచ్చిస్తున్నారు. జిల్లావ్యాప్తంగా మొత్తం 72 రైతువేదికలు ఉండగా.. ఇందులో వీడియో కాన్ఫరెన్స్‌ యూనిట్లు గలవి 44 ఉన్నాయి. వీటిల్లోనే రాష్ట్ర ప్రభుత్వం రైతునేస్తం కార్యక్రమాన్ని ప్రతి మంగళవారం నిర్వహిస్తోంది. ఒక్కో నిర్మాణానికి రూ.22 లక్షలు.. 2020లో అప్పటి బీఆర్‌ఎస్‌ ప్రభుత్వం వ్యవసాయ క్లస్టర్‌కు ఒక రైతువేదిక చొప్పున నిర్మించింది. ఒక్కో నిర్మాణానికి రూ.22 లక్షలు వెచ్చించగా.. అందులో వ్యవసాయశాఖ రూ.12 లక్షలు, ఉపాధిహామీ పథకం కింద రూ.10 లక్షలు ఉన్నాయి. మొదట్లో నిర్వహణకు రూ.3 వేల చొప్పున మంజూరు చేయగా.. ఆ నిధులు సరిపోవడం లేదని వ్యవసాయశాఖ అధికారులు ప్రభుత్వాన్ని కోరడంతో రూ.9 వేలకు పెంచారు. ఇందులో పారిశుద్ధ్యం కోసం రూ.3 వేలు, విద్యుత్‌ బిల్లు రూ.వెయ్యి, స్టేషనరీ కొనుగోలుకు రూ.వెయ్యి, తాగునీటికి రూ.వెయ్యి, రైతుల శిక్షణ సమయంలో టీ, అల్పాహారం తదితర ఖర్చులకు రూ.2,500 కేటాయించారు. ఈ నిధులు 2022 నుంచి మూడు నెలలు మాత్రమే వచ్చాయని.. అనంతరం నిలిచిపోయాయని వ్యవసాయ అధికారులు చెబుతున్నారు. కొత్తగా వచ్చిన కాంగ్రెస్‌ ప్రభుత్వం సైతం నిధులు మంజూరు చేయడం లేదని తెలిపారు. రైతువేదికల నిర్వహణ తమకు భారంగా మారిందని వాపోతున్నారు. భారంగా మారిన రైతువేదికలు

వనపర్తి: ప్రజల ధన, మాన, ప్రాణ రక్షణ కోసం విధి నిర్వహణలో ప్రాణాలర్పించిన పోలీసు అమరవీరుల త్యాగాలు చిరస్మరణీయమని ఎస్పీ సునీతారెడ్డి అన్నారు. పోలీసు అమరవీరుల వారోత్సవాల్లో భాగంగా శనివారం జిల్లాకేంద్రంలో ఎస్పీ ఆధ్వర్యంలో జిల్లా పోలీసు కార్యాలయం నుంచి కేడీఆర్‌ పాలిటెక్నిక్‌ కళాశాల వరకు బైక్‌ర్యాలీ నిర్వహించారు. ఈ సందర్భంగా ఆమె మాట్లాడుతూ.. అమరవీరుల ఆశయాలకు అనుగుణంగా ప్రతి పోలీసు అధికారి, సిబ్బంది అంకితభావంతో విధులు నిర్వర్తించాలన్నారు. వారోత్సవాల్లో భాగంగా అమరవీరుల త్యాగాలను ప్రజలకు తెలియజేయడంతో పాటు పోలీసుశాఖ సేవలు, బాధ్యతలపై అవగాహన పెంపొందిస్తున్నామని తెలిపారు. ప్రజల సహకారంతో శాంతిభద్రతల పరిరక్షణ, సమాజ భద్రతకు నిరంతరం కృషి చేస్తున్నామన్నారు. పోలీస్‌ ఓపెన్‌హౌస్‌.. పోలీసు అమరవీరుల వారోత్సవాల్లో భాగంగా వనపర్తి పట్టణ పోలీస్‌స్టేషన్‌లో పాఠశాల, కళాశాల విద్యార్థుల కోసం పోలీస్‌ ఓపెన్‌హౌస్‌ కార్యక్రమం నిర్వహించారు. ఈ సందర్భంగా విద్యార్థులకు పోలీసు విధులు, బాధ్యతలు, భద్రత చర్యలపై అవగాహన కల్పించారు. వివిధ రకాల ఆయుధాలను ప్రదర్శించి వాటి గురించి అవగాహన కల్పించారు. అలాగే షీటీమ్స్‌, భరోసా కేంద్రం, యాంటీ నార్కోటిక్స్‌ విభాగం ఆధ్వర్యంలో మహిళల భద్రత, మహిళలకు అందించే సహాయ సేవలు, మాదకద్రవ్యాల దుష్ప్రభావాలు, వాటి నివారణకు పోలీస్‌శాఖ చేపడుతున్న చర్యలను వివరించారు. ఎస్పీ విద్యార్థులకు పోలీస్‌శాఖ పనితీరుపై ప్రత్యక్ష అవగాహన కల్పించారు. విద్యార్థులు చెడు వ్యసనాలకు దూరంగా ఉంటూ చట్టాలపై అవగాహన పెంపొందించుకోవాలని, సమాజంలో బాధ్యతాయుత పౌరులుగా ఎదగాలన్నారు. కార్యక్రమంలో జిల్లా సాయుధదళ అదనపు ఎస్పీ వీరారెడ్డి, డీఎస్పీ గిరిబాబు, డీసీఆర్బీ డీఎస్పీ బాలాజీనాయక్‌, వనపర్తి, కొత్తకోట, ఆత్మకూర్‌ సీఐలు సుగంధ రత్నం, ఓడీ రమేష్‌, శివకుమార్‌, స్పెషల్‌ బ్రాంచ్‌ సీఐ నరేష్‌, రిజర్వ్‌ ఇన్‌స్పెక్టర్లు అప్పలనాయుడు, శ్రీనివాస్‌ పాల్గొన్నారు. బైక్‌ర్యాలీలో ఎస్పీ డి.సునీతారెడ్డి, పోలీసు అధికారులు, సిబ్బంది

వనపర్తి: జిల్లాలో రోడ్డు ప్రమాదాలు, మాదక ద్రవ్యాల నిర్మూలకు పకడ్బందీ చర్యలు చేపట్టాలని కలెక్టర్‌ ఆదర్శ్‌ సురభి ఆదేశించారు. శుక్రవారం కలెక్టరేట్‌లోని సమావేశ మందిరంలో ఎస్పీ సునీతారెడ్డితో కలిసి రోడ్డు భద్రత, మాదక ద్రవ్యాల నిర్మూలనపై సంబంధిత శాఖల అధికారులతో నిర్వహించిన సమీక్షలో ఆయన మాట్లాడారు. జాతీయ రహదారులతో పాటు అంతర్గత రహదారులపై రోడ్డు ప్రమాదాల సంఖ్య రోజురోజుకు పెరుగుతోందని, ప్రమాదాలు ఎక్కువగా జరుగుతున్న ప్రాంతాలను గుర్తించి అవసరమైన నివారణ చర్యలు చేపట్టాలన్నారు. హెచ్చరిక బోర్డులు ఏర్పాటు చేయడంతో పాటు అసంపూర్తిగా ఉన్న రహదారి పనులను త్వరగా పూర్తి చేయాలని సూచించారు. కొత్తకోట మదర్‌ థెరిస్సా జంక్షన్‌, పెద్దమందడి మండలం బలిజపల్లి క్రాస్‌రోడ్డు వద్ద ప్రమాదాలు జరగకుండా చూడాలని, రహదారి నిబంధనలు ఉల్లంఘించే వారిపై కఠిన చర్యలు తీసుకోవాలని ఆదేశించారు. బాధితులకు సకాలంలో వైద్యసేవలు అందించేందుకు ఉద్దేశించిన ప్రధానమంత్రి రాహత్‌ పథకం కింద గోల్డెన్‌ అవర్‌లో అందించే అత్యవసర వైద్యంపై సంబంధిత అధికారులకు సూచనలు చేశారు. అలాగే మాదక ద్రవ్యాల వినియోగం, అక్రమ రవాణాను అరికట్టాలని, దుష్ప్రభావాలపై ప్రజలకు అవగాహన కల్పించాలని, పాఠశాలలు, కళాశాలల్లో యాంటీ డ్రగ్‌ కమిటీలను ఏర్పాటు చేసి విద్యార్థులకు మాదక ద్రవ్యాలతో కలిగే అనర్థాలను వివరించాలని సూచించారు. అనంతరం ఎస్పీ సునీతారెడ్డి మాట్లాడుతూ.. జిల్లాలో రోడ్డు ప్రమాదాల నివారణకు పోలీసుశాఖ తరఫున అవసరమైన చర్యలు చేపడుతున్నట్లు తెలిపారు. జాతీయ రహదారుల అధికారులు, సంబంధిత శాఖలతో సమన్వయం చేసుకుంటూ ప్రమాదాలు ఎక్కువగా జరిగే ప్రాంతాల్లో భద్రతా చర్యలు చేపడతామన్నారు. క్షేత్రస్థాయిలో పోలీసు సిబ్బంది సమర్థవంతంగా పనిచేసేలా చర్యలు తీసుకుంటున్నట్లు తెలిపారు. మాదక ద్రవ్యాల వినియోగం, అక్రమ రవాణాను అరికట్టేందుకు ప్రత్యేక చర్యలు చేపడుతున్నామన్నారు. సివిల్‌ రైట్స్‌డే, ఇతర సందర్భాల్లోనూ ప్రజలకు మాదక ద్రవ్యాల నిర్మూలనపై అవగాహన కార్యక్రమాలు నిర్వహిస్తున్నట్లు పేర్కొన్నారు. విద్యాశాఖ తరఫున యాంటీ డ్రగ్‌ కమిటీలను బలోపేతం చేస్తూ విద్యార్థులకు అవగాహన కల్పిస్తున్నట్లు వెల్లడించారు. సమావేశాల్లో స్థానిక సంస్థల అదనపు కలెక్టర్‌ ఖీమ్యానాయక్‌, డీఎస్పీలు బాలాజీనాయక్‌, గిరిబాబు, డీఆర్వో రాంరెడ్డి, సుబ్రమణ్యం, ఈడార్‌ మేనేజర్‌ మురళీకృష్ణ, ఆర్‌అండ్‌బీ, రవాణాశాఖ అధికారులు పాల్గొన్నారు.

వనపర్తి: జిల్లాలో కొనసాగుతున్న భూ రీ–సర్వే పారదర్శకంగా, కచ్చితత్వంతో నిర్దేశిత గడువులోగా పూర్తి చేయాలని రెవెన్యూ అదనపు కలెక్టర్‌ వినోద్‌కుమార్‌ సంబంధిత అధికారులను ఆదేశించారు. గోపాల్‌పేట మండలం చెన్నూరులో కొనసాగుతున్న భూ రీ–సర్వే పనులను శుక్రవారం ఆయన పరిశీలించి సరిహద్దుల గుర్తింపు, భూముల వివరాల నమోదు, సంబంధిత పత్రాల నిర్వహణ ప్రక్రియను తనిఖీ చేశారు. నాణ్యతా ప్రమాణాలు పాటిస్తూ క్షేత్రస్థాయిలో ప్రతి అంశాన్ని క్షుణ్ణంగా పరిశీలించాలని సర్వే సిబ్బందికి సూచించారు. సరిహద్దుల గుర్తింపు, రికార్డుల నమోదు తదితర అంశాల్లో ఎలాంటి పొరపాట్లకు తావివ్వకుండా జాగ్రత్తలు తీసుకోవాలన్నారు. అనంతరం జిల్లాకేంద్రంలోని కేడీఆర్‌ పాలిటెక్నిక్‌ కళాశాల ప్రాంగణంలోని ప్రభుత్వ బీసీ బాలుర వసతిగృహాన్ని సందర్శించి గదులు, వంటగది, ఇతర మౌలిక వసతులను తనిఖీ చేశారు. విద్యార్థులకు అందిస్తున్న భోజన నాణ్యత, మెనూ అమలు తీరును అడిగి తెలుసుకున్నారు. వారి తో కలిసి నేలపై కూర్చొని మధ్యాహ్న భోజనం చేశారు. వసతిగృహ పరిసరాలను పరిశుభ్రంగా ఉంచాలని, ముఖ్యంగా చేతులు కడుక్కునే ప్రాంతంలో పారిశుద్ధ్యాన్ని మెరుగుపర్చాలని సూచించారు. విద్యార్థుల ఆరోగ్యం, శుభ్రత విషయంలో నిర్లక్ష్యం సరికాదన్నారు. తదుపరి ఎంజేపీటీబీసీ వ్యవసాయ డిగ్రీ కళాశాలను సందర్శించి కళాశాలలో విద్యాబోధన, విద్యార్థు లకు కల్పిస్తున్న వసతులను పరిశీలించారు. విద్యా ప్ర ణాళికలు, పరీక్షలకు సన్నద్ధత, భవిష్యత్‌ లక్ష్యాలను అడిగి తెలుసుకుని పలు సూచనలు చేశారు. నాణ్యమై న విద్య, పౌష్టికాహారం అందించాలని యాజమాన్యానికి సూచించారు. వసతి గృహాల్లో సదుపాయాలు, పరిశుభ్ర వాతావరణాన్ని కల్పించాలన్నారు. సంబంధి త మండలాల రెవెన్యూ సిబ్బంది, సర్వే అధికారులు, వసతిగృహ సంక్షేమ అధికారులు, కళాశాల సిబ్బంది ఉన్నారు.

వేరుశనగ సాగు చేయాలని పొలం సిద్ధం చేశాం. ప్రభుత్వం నుంచి వందశాతం రాయితీపై విత్తనాలు అందిస్తున్నారని తెలిసి మహిళా సంఘం వారిని అడిగినా ఇవ్వలేదు. మా ఊర్లో 13 మంది రైతులకు మాత్రమే ఇచ్చారు. అందరికీ ఇవ్వడం కుదరదని చెబుతున్నారు. మండలానికి మొత్తం 140 క్వింటాళ్ల విత్తనాలు మాత్రమే వచ్చాయని చెబుతున్నారు. పంట సాగు చేసే రైతులకు ఇస్తే బాగుంటుంది. – కల్వకోలు శ్రీనివాస్‌రెడ్డి, ఉప్పరిపల్లి, ఖిల్లాఘనపురం కేంద్ర ప్రభుత్వ నిబంధనల ప్రకారం.. మహిళా సంఘాల్లోని సభ్యులు, ఏటా వేరుశనగ సాగు చేసే రైతు కుటుంబాల మహిళలతో ఎఫ్‌పీజీలను ఎంపికచేసి వారి సారథ్యంలోనే అర్హుల ఎంపిక, విత్తనాల పంపిణీ చేయించాల్సి ఉంది. జిల్లాకు ఇచ్చిన ఇండెంట్‌ ప్రకారం విత్తనాలు తెప్పించి వారికి అప్పగించే వరకే మా పాత్ర. కాని ఉన్నతాధికారుల సూచన మేరకు పంపిణీని పర్యవేక్షించి సమస్యను పరిష్కరించేందుకు ప్రయత్నం చేస్తాం. ప్రస్తుతం పంపిణీ చేస్తున్న విత్తనాలు గిర్‌–4, 5 రకాలు. వనపర్తి ప్రాంతంలోని రైతులు ఎక్కువగా కే–6, ట్యాగ్‌ రకాల విత్తనాలు వేస్తారు. ఈ రెండు రకాల మధ్య వ్యత్యాసం ఉంటుంది. రైతులు ముందుకొచ్చి సాగు చేస్తామంటేనే ప్రోత్సాహకం ఉంటుంది. – ఆంజనేయులు, జిల్లా వ్యవసాయ అధికారి ●

ఎన్‌ఎంఈఓ–ఓఎస్‌ పథకం పక్కదారి? ● ఎఫ్‌పీజీల సారథ్యంలో అమలుకు శ్రీకారం ● జిల్లాలో పదిరోజుల్లో మూడుచోట్ల నిరసనలు ● రెండు మండలాల్లో విత్తనాల పంపిణీకి బ్రేక్‌ ఇచ్చిన అధికారులు వనపర్తి: ఇప్పటికే ఉచితాలతో ఊదరగొడుతున్న ప్రభుత్వాలు.. తాజాగా నూనెగింజల ఉత్పుత్తులను పెంచాలనే లక్ష్యంతో పరిమిత రైతులకు వంద శాతం రాయితీపై నూనెగింజల విత్తనాలు పంపిణీ చేసేందుకు గతేడాది కేంద్ర ప్రభుత్వం ఎన్‌ఎంఈఓ–ఓఎస్‌ (నేషనల్‌ మిషన్‌ ఆఫ్‌ ఎడిబుల్‌ ఆయిల్స్‌–ఆయిల్‌ సీడ్స్‌) పథకాన్ని ప్రవేశపెట్టింది. పూర్తిగా ఉచితం అనే వరకు రైతుల్లో చాలామంది తమకు ఎందుకు అర్హత లేదంటూ నిరసనలకు దిగారు. జిల్లాలో మొత్తం 15 మండలాలు ఉండగా.. ఈ పథకాన్ని ఎక్కువగా వేరుశనగ సాగు చేసే ప్రాంతాలైన వనపర్తి, పెద్దమందడి, ఖిల్లాఘనపురం, పాన్‌గల్‌, వీపనగండ్ల, పెబ్బేరు ప్రాంతాలను ఎంపిక చేశారు. మండలాల వారీగా ఎఫ్‌పీజీ(ఫార్మర్‌ ప్రొడ్యూసర్‌ గ్రూప్‌)లను ఏర్పాటుచేసి వారు ఎంపిక చేసిన రైతులకు వందశాతం రాయితీపై వేరుశనగ విత్తనాలు అందించాలనే నిబంధన ఉంది. కాగా.. పథకాన్ని అమలు చేసే క్రమంలో రైతులు, విపక్షాల నుంచి తీవ్ర వ్యతిరేకతతో పాటు నిరసనలు వెల్లువెత్తుతున్నాయి. పదిరోజుల వ్యవధిలో వనపర్తి మండలం చిమనగుంటపల్లి, అంకూరు, ఖిల్లాఘనపురం మండల కేంద్రంలో మహిళా సంఘాల సభ్యులు, రైతులు రోడ్డెక్కి ఆందోళనలకు దిగారు. తమకు రాయితీ వేరుశనగ విత్తనాలు ఎందుకు ఇవ్వడం లేదని కొందరి వాదన కాగా.. ఎఫ్‌పీజీ గ్రూప్‌లో లేని వారికి ఎలా ఇస్తారని మరికొందరి వాదిస్తుండటంతో సమస్య జఠిల రూపం దాల్చింది. పథకం ఉద్దేశం మంచిదే అయినా.. పూర్తిగా ఉచితం అనే వరకు వారు సూచించిన వేరుశనగ రకాన్ని సాగుచేసే యోచన లేనివారు సైతం తమకు ఇవ్వాలంటూ పట్టుబట్టడం గమనార్హం. కేంద్ర ప్రభుత్వం ప్రతిష్టాత్మకంగా అమలు చేస్తున్న ఈ పథకం జిల్లాలో పంచాయితీకి దారితీస్తోంది. ఉచితంగా అందాల్సిన విత్తనాల పంపిణీపై రైతుల్లో అసంతృప్తి వ్యక్తమవుతోంది. పదిరోజుల్లో జిల్లాలోని మూడు ప్రాంతాల్లో రైతులు నిరసనలకు దిగారు. రైతుల నుంచి వస్తున్న ఒత్తిడి నేపథ్యంలో పాన్‌గల్‌, వీపనగండ్ల మండలాల్లో అధికారులు పంపిణీకి తాత్కాలిక బ్రేక్‌ ఇచ్చినట్లు తెలుస్తోంది. ఎంపిక ప్రక్రియ, లబ్ధిదారుల జాబితా, విత్తనాల పంపిణీ విధానంపై స్పష్టత వచ్చిన తర్వాతే తిరిగి పంపిణీ చేపట్టే అవకాశం ఉన్నట్లు సమాచారం.

264183176175121129111103977671512440361513నాగర్‌కర్నూల్‌గద్వాలమహబూబ్‌నగర్‌నారాయణపేటవనపర్తి

● పండుగ సాయన్న స్ఫూర్తితో అన్యాయాలపై పోరాడాలి ● శాసనమండలి డిప్యూటీ చైర్మన్‌ బండ ప్రకాష్‌ మదనాపురం: బలహీనవర్గాలు తమ హక్కుల సాధన కోసం ఐక్యంగా నిరంతరం పోరాటం చేయాలని తెలంగాణ శాసనమండలి డిప్యూటీ చైర్మన్‌ బండ ప్రకాష్‌ పిలుపునిచ్చారు. శుక్రవారం మండలంలోని దంతనూరులో పోరాట యోధుడు పండుగ సాయన్న విగ్రహావిష్కరణ కార్యక్రమానికి ఆయన ముఖ్యఅతిథిగా హాజరై అనంతరం నిర్వహించిన బహిరంగ సభలో మాట్లాడారు. అన్యాయాలు, అక్రమాలను ఎదురించిన పండుగ సాయన్న పోరాట స్ఫూర్తి ప్రతి ఒక్కరిలో నిండాలని ఆకాంక్షించారు. స్వాతంత్య్రం వచ్చి దశాబ్దాలు గడుస్తున్నా ముదిరాజ్‌ల స్థితిగతుల్లో ఆశించిన మార్పు రాలేదని.. నేటికీ భూమి లేని పేదలు 72 శాతం, తీవ్ర పేదరికంలో ఉన్నవారు 68 శాతం మంది ఉన్నారని వివరించారు. చదువుకు దూరమవుతున్న ఆడబిడ్డల శాతం 70 దాకా ఉందంటే పరిస్థితి ఎంత తీవ్రంగా ఉందో అర్థం చేసుకోవచ్చునని ఆవేదన వ్యక్తం చేశారు. బీసీ–డి నుంచి బీసీ–ఏ గ్రూప్‌ మార్పునకు గతంలో చేపట్టిన సుదీర్ఘ పోరాటాలు, కాంగ్రెస్‌ మేనిఫెస్టో కమిటీ సభ్యుడిగా తాను చేసిన కృషిని గుర్తుచేశారు. దినపత్రికల్లో వచ్చే శీర్షికలు సంతోషాన్నిచ్చినా.. ఆచరణలో విజయం సాధించే వరకు నిత్యం అప్రమత్తంగా ఉండాలని సూచించారు. మత్స్యశాఖ ద్వారా గతంలో చేపట్టిన సంక్షేమ పథకాలు, 75 శాతం రాయితీపై 62 వేల మందికి ద్విచక్ర వాహనాలు, 4 వేల మందికి త్రీవిల్లర్లు, డీసీఎం వాహనాలు ఇప్పించిన తీరును వివరించారు. ప్రతి గ్రామంలో ముదిరాజ్‌ కమిటీలు, యువజన సంఘాలు, మహిళా మత్స్య పారిశ్రామిక సహకార సంఘాలు ఏర్పాటు చేసుకోవాలని సూచించారు. 50 మంది సభ్యులతో మూడేళ్లు విజయవంతంగా నడిచే మహిళా సంఘాలకు ప్రభుత్వం నుంచి రూ.3 లక్షల నుంచి రూ 5 లక్షల వరకు ఉచిత గ్రాంట్‌ అందుతుందని తెలిపారు. నీటి వనరులు, ప్రాజెక్టులు ఉన్న ఈ ప్రాంత మత్స్యకారులు ఆర్థికంగా ఎదగాలని కోరారు. కార్యక్రమంలో సర్పంచ్‌ నాగరాజుగౌడ్‌, రాష్ట్ర ముదిరాజ్‌ సంఘం ఉపాధ్యక్షుడు అందె బాబయ్య, నాయకులు పెద్ద విజయ్‌, సత్యనారాయణ, పుట్టా బాలరాజు, జిల్లా ముదిరాజ్‌ సంఘం మాజీ సర్పంచ్‌ చీర్ల శ్రీనివాసులు, గ్రామ కమిటీ సభ్యులు గాండ్ల రాము, యుగంధర్‌, నాగన్న, జనార్దన్‌, నరేందర్‌, కురుమూర్తి, పరశురాం తదితరులు పాల్గొన్నారు.

వనపర్తి: పోరాట యోధుడు పండుగ సాయన్న అని.. ఆయన ఆశయాల సాధనకు ప్రతి ఒక్కరు కృషి చేయాలని వనపర్తి ఎమ్మెల్యే తూడి మేఘారెడ్డి అన్నారు. గురువారం జిల్లాకేంద్రంలోని సమీకృత జిల్లా కార్యాలయాల సముదాయంలో జిల్లా వెనుకబడిన తరగతుల సంక్షేమశాఖ ఆధ్వర్యంలో పండుగ సాయన్న జయంతి వేడుకలను ఘనంగా నిర్వహించారు. ఈ కార్యక్రమానికి ఆయనతో పాటు కలెక్టర్‌ ఆదర్శ్‌ సురభి ముఖ్యఅతిథులుగా హాజరై సాయన్న చిత్రపటానికి పూలమాలలు వేసి నివాళులర్పించారు. అనంతరం ఎమ్మెల్యే మాట్లాడుతూ.. పండుగ సాయన్న జీవిత చరిత్ర, ఆయన చేసిన పోరాటం, సమాజానికి అందించిన సేవలను వివరించారు. సమాజంలో అణగారిన వర్గాల హక్కుల కోసం పోరాడి ప్రజల మన్ననలు పొందిన మహనీయుడని పేర్కొన్నారు. ధైర్యసాహసాలు, ప్రజా సంక్షేమం పట్ల నిబద్ధతకు ఆయన జీవితం నిదర్శనమన్నారు. అనంతరం కలెక్టర్‌ మాట్లాడుతూ.. పండుగ సాయన్న ఆశయాలను నేటి తరానికి తెలియజేయడంతో పాటు ఆయన జీవితాన్ని స్ఫూర్తిగా తీసుకొని సామాజిక సమానత్వం, ఐకమత్యం, ప్రజాసేవ వంటి విలువలను ప్రతి ఒక్కరూ అలవర్చుకోవాలని పిలుపునిచ్చారు. మహనీయుల త్యాగాలను స్మరించుకోవడం, వారి ఆశయాలను ముందుకు తీసుకెళ్లడం ప్రతి ఒక్కరి బాధ్యతన్నారు. ఈ సందర్భంగా పండుగ సాయన్న జీవిత చరిత్రపై కళాకారుడు రాజారాంప్రకాష్‌ పాడిన పాట అందరినీ ఆకట్టుకుంది. కార్యక్రమంలో పుర వైస్‌ చైర్మన్‌ మధుసూదన్‌గౌడ్‌, వివిధ శాఖల అధికారులు, ప్రజాప్రతినిధులు, ప్రజా సంఘాల నాయకులు, ముదిరాజ్‌ సంఘం నాయకులు, ఇతర ప్రముఖులు తదితరులు పాల్గొన్నారు.

వనపర్తి రూరల్‌: ప్రతి ఒక్కరూ ఆర్థిక భద్రతను పొందేందుకు ప్రభుత్వ బీమా, పింఛన్‌ పథకాలను సద్వినియోగం చేసుకోవాలని కలెక్టర్‌ ఆదర్శ్‌ సురభి సూచించారు. జిల్లాలోని గ్రామీణ ప్రాంత ప్రజలకు బ్యాంకింగ్‌ సేవలు, ప్రభుత్వ బీమా, పింఛన్‌ పథకాలను మరింత చేరువ చేయాలనే లక్ష్యంతో గురువారం మండలంలోని నాచహళ్లి ప్రభుత్వ పాఠశాలలో యూనియన్‌ బ్యాంక్‌ ఆఫ్‌ ఇండియా ఆధ్వర్యంలో ఆర్థిక సమ్మిళిత పథకాల ప్రచార శిబిరం నిర్వహించారు. ఈ శిబిరంలో యూనియన్‌ బ్యాంక్‌ ఆఫ్‌ ఇండియా సిబ్బంది ప్రజలకు వివిధ బ్యాంకింగ్‌ సేవలు, ప్రభుత్వ బీమా, పింఛన్‌ పథకాలపై అవగాహన కల్పించారు. ఈ కార్యక్రమానికి కలెక్టర్‌ ముఖ్యఅతిథిగా హాజరై ప్రజలకు ప్రభుత్వ పథకాల ప్రాధాన్యతను వివరించారు. ప్రధానమంత్రి సురక్ష బీమా, ప్రధానమంత్రి జీవన్‌జ్యోతి బీమా, అటల్‌ పెన్షన్‌ యోజన పథకాలు ప్రజలకు ఎంతో ఉపయోగకరమన్నారు. ప్రధానమంత్రి సురక్ష బీమా యోజన పథకంలో ఏడాదికి కేవలం రూ.20 ప్రీమియం చెల్లించి రూ.2 లక్షల ప్రమాద బీమా రక్షణ పొందవచ్చన్నారు. ప్రధానమంత్రి జీవన్‌జ్యోతి బీమా యోజన ద్వారా ఏడాదికి రూ.436 ప్రీమియం చెల్లించి, బీమా నిబంధనలకు అనుగుణంగా మరణించిన సందర్భంలో రూ.2 లక్షల బీమా ప్రయోజనం పొందవచ్చన్నారు. అదేవిధంగా ప్రస్తుత ఆర్థిక పరిస్థితులు, పెరుగుతున్న జీవన వ్యయాలను దృష్టిలో ఉంచుకొని ప్రజలు అటల్‌ పింఛన్‌ యోజనపై అవగాహన పెంచుకోవాలని సూచించారు. ఈ పథకానికి అర్హులైన అభ్యర్థులు నిబంధనలకు అనుగుణంగా క్రమం తప్పకుండా పొదుపు చేస్తూ వృద్ధాప్యంలో ఆర్థిక భద్రత పొందవచ్చన్నారు. ఈ మూడు పథకాలు ప్రజల కుటుంబాలకు ఆర్థిక రక్షణ కల్పించడంలో కీలక పాత్ర పోషిస్తాయని, అర్హులైన ప్రతి ఒక్కరూ నమోదు చేసుకోవాలని సూచించారు.

కొత్తకోట రూరల్‌: కొత్తకోటలోని వాసవీ కన్యకాపరమేశ్వరి వసంతోత్సవ శోభాయాత్ర గురువారం అంగరంగ వైభవంగా కొనసాగింది. దేవీ శరన్నవరాత్రి ఉత్సవాలు ముగిసిన తర్వాత దసరా పండుగ మరుసటి రోజు వసంతోత్సవం నిర్వహించడం ఆనవాయితీగా వస్తోందని ఆలయ నిర్వాహకులు చెబుతున్నారు. సాంప్రదాయంలో భాగంగా ఆలయ నిర్వాహకులు ప్రత్యేకంగా అలంకరించిన వాహనంపై అమ్మవారి ఉత్సవ విగ్రహాన్ని ఉంచి ఆలయ ప్రాంగణం నుంచి పట్టణంలోని ప్రధాన వీధుల మీదుగా శోభాయాత్ర సాగింది. మహిళలు బతుకమ్మలతో పాల్గొనగా యువత కోలాటాలు, దాండియా నృత్యాలతో అలరించారు. భజనలు, ఆటపాటలు, బాణసంచా వెలుగులతో పురవీధులు సందడిగా మారాయి. భక్తులు అమ్మవారిని దర్శించుకొని ప్రత్యేక పూజలు నిర్వహించారు. కార్యక్రమంలో పట్టణ ఆర్యవైశ్య సంఘం అధ్యక్షుడు భీమ చంద్రకాంత్‌, గౌరవ అధ్యక్షుడు భీమ ప్రభాకర్‌, శ్రీనివాసులు, శంకర్‌, భీమ కిషోర్‌, నర్సింహమూర్తి, భాస్కర్‌, జయలక్ష్మి, రాధిక, జ్యోతి, అనిత, స్వాతి తదితరులు పాల్గొన్నారు. జాతీయ అథ్లెటిక్స్‌కు షకీల్‌ ఎంపిక వీపనగండ్ల: మండలంలోని బొల్లారం గ్రామానికి చెందిన ఎండీ షకీల్‌పాషా జాతీయస్థాయి అథ్లెటిక్స్‌ పోటీలకు టెక్నికల్‌ అఫీషియల్‌గా ఎంపికయ్యారు. వచ్చే నెల 14 నుంచి 16వ తేదీ వరకు హైదరాబాద్‌లో 20వ నేషనల్‌ ఇంటర్‌ డిస్ట్రిక్ట్‌ జూనియర్‌ అథ్లెటిక్‌ మీట్‌ జరగనుంది. ఈ పోటీల నిర్వహణకు రాష్ట్రం నుంచి షకీల్‌పాషా ఎంపిక కావడంపై మండల ప్రజాప్రతినిధులు, గ్రామస్తులు హర్షం వ్యక్తం చేస్తున్నారు. ప్రస్తుతం ఈయన కొల్లాపూర్‌ మినీ స్టేడియంలో షాహీద్‌ ఫిట్‌నెస్‌ అకాడమీ పేరుతో ఎస్‌ఐ, కానిస్టేబుల్‌, ఆర్మీ ఉద్యోగార్థులకు శిక్షణ ఇస్తున్నారు. అధిక దిగుబడులే లక్ష్యం : డీఏఓ ఆత్మకూర్‌: రైతులు అధిక దిగుబడులు సాధించడమే లక్ష్యంగా తెలంగాణ రాష్ట్ర ప్రభుత్వం ముందుకెళ్తుందని జిల్లా వ్యవసాయశాఖ అధికారి ఆంజనేయులు అన్నారు. గురువారం మండలంలోని జూరాల రైతువేదికలో ఖేత్‌ బచావో అభియాన్‌ కార్యక్రమంలో భాగంగా రాష్ట్ర వ్యవసాయశాఖ మంత్రి తుమ్మల నాగేశ్వరరావు టెలి కాన్ఫరెన్స్‌ ద్వారా రైతులతో మాట్లాడారు. అనంతరం డీఏఓ పత్తి కొనుగోలు, భూ సంరక్షణ, ఎరువుల వినియోగం, ఎల్‌నినో ప్రభావం, సేంద్రియ వ్యవసాయం, ఆయిల్‌పాం సాగు, నీటిసంరక్షణ పద్ధతులు, వాతావరణ ఆధారిత వ్యవసాయం తదితర విషయాలపై రైతులకు అవగాహన కల్పించారు. కార్యక్రమంలో వ్యవసాయ మార్కెట్‌యార్డు చైర్మన్‌ రహ్మతుల్లా, డీసీసీ కార్యదర్శి తులసీరాజ్‌ యాదవ్‌, జిల్లా ఉపాధ్యక్షుడు రాయిచూర్‌ పరమేష్‌, మండల వ్యవసాయ అధికారి రమేష్‌నాయక్‌, అరవింద్‌, ఏఈఓలు ఝాన్సీ, సంతోష్‌, మహేష్‌, లక్ష్మి, చెన్నరాయుడు, కిషోర్‌ పాల్గొన్నారు. ఉమ్మడి జిల్లాలోని పెండింగ్‌ ప్రాజెక్టులు పూర్తి చేయాలిజెడ్పీసెంటర్‌(మహబూబ్‌నగర్‌): ఉమ్మడి పాలమూరు జిల్లాలోని పెండింగ్‌ ప్రాజెక్టులను వెంటనే పూర్తి చేయాలని ఉమ్మడి పాలమూరు పెండింగ్‌ ప్రాజెక్టుల సాధన జేఏసీ జిల్లా చైర్మన్‌ రాజేందర్‌రెడ్డి డిమాండ్‌ చేశారు. పండుగ సాయన్న స్ఫూర్తితో గురువారం పెండింగ్‌ ప్రాజెక్టులు పూర్తి చేయాలని లక్ష సంతకాల సేకరణ కార్యక్రమాన్ని ప్రారంభించారు. ఈ సందర్భంగా ఆయన మాట్లాడుతూ పాలమూరు–రంగారెడ్డి నీళ్లు డిండి పేరుతో నల్లగొండకు తరలించే కుట్రలను తిప్పి కొట్టాలన్నారు. లక్ష్మీదేవిపల్లి రిజర్వాయర్‌ నిర్మించాలని, చంద్రసాగర్‌, అమ్రాబాద్‌ లిఫ్ట్‌ చేపట్టాలని కోరారు. కృష్ణ, బీమా నదుల సంగం తంగిడి నుంచి 72 జీఓ వేమరకు భారీ ఎత్తిపోతల పథకం చేపట్టాలని కోరారు. పాలమూరు–రంగారెడ్డి ప్రాజెక్టుకు నిధుల వరద పారించి యుద్ధ ప్రాతిపదికన పూర్తి చేయాలని డిమాండ్‌ చేశారు. పోరాటాల వీరుడు పండుగ సాయన్న స్ఫూర్తితో పాలమూరు ప్రాజెక్టులపై పోరాటం చేస్తామన్నారు. ఇందుకోసం లక్ష సంతకాల సేకరణ మహోద్యమాన్ని ప్రారంభించినట్లు తెలిపారు.

రైతు ప్రాణం పోయినా.. అందని సాయం ఏడు నెలలు గడుస్తున్నా.. మాది మాగనూరు. నా భర్త బచ్చి దేవేంద్రప్ప(32) ఏడు నెలల క్రితం పొలం దగ్గర విద్యుత్‌ మరమ్మతులు చేస్తుండగా.. ఆకస్మికంగా కరెంట్‌ షాక్‌కు గురై అక్కడిక్కడే మరణించాడు. అయితే నా భర్త పేరు మీద ఒక ఎకరం పొలం ఉంది. నేను రైతు బీమా కోసం ఏడు నెలల క్రితం సంబంధిత వ్యవసాయ అధికారుల దగ్గర దరఖాస్తు చేసుకున్నా.. ఇప్పటివరకు పరిహారం అందలేదు. దీంతో భర్తను కోల్పోయిన తాను ఆర్థికంగా ఇబ్బందులు పడుతున్నట్లు చెప్పుకొచ్చారు. – అంజలి, మాగనూర్‌, నారాయణపేట జిల్లా పొలంలోనే అకస్మాత్తుగా గుండెనొప్పితో... నాగర్‌కర్నూల్‌ జిల్లా ఉప్పునుంతల మండలం కొత్తరాంనగర్‌ గ్రామానికి చెందిన గుర్రపు పాండుయాదవ్‌(39) ఆగస్టు 20న రాత్రి పొలంలో పత్తి పంటకు నీరు పెట్టడానికి వెళ్లగా అకస్మాత్తుగా గుండెనొప్పి రావడంతో చనిపోయాడు.ఇతనికి నాలుగు ఎకరాల పొలం ఉంది. కూలిన పాత ఇళ్లు ఉండగా..ఇంటి ఆవరణలోనే రేకులు వేసుకొని కుటుంబం జీవనం సాగిస్తుంది. భార్య పద్మ, ఇద్దరు చిన్నపిల్లలు ఉన్నారు. వ్యవసాయం, ఇతర అవసరాల కోసం రూ.7లక్షల అప్పు ఉందని మృతుడి భార్య పద్మ ఆవేదన వ్యక్తం చేస్తున్నారు. ప్రభుత్వం రూ.5లక్షల పరిహారం ఇచ్చి ఆదుకోవాలని వేడుకుంటున్నారు. నాగర్‌కర్నూల్‌: కుటుంబానికి పెద్దదిక్కుగా ఉన్న రైతు మరణిస్తే ఆ ఇంటి కష్టాలు రెట్టింపవుతాయి. పంటల కోసం చేసిన అప్పులు, పిల్లల చదువులు, కుటుంబ పోషణ భారంగా మారతాయి. అలాంటి సమయంలో అండగా నిలిచే రైతుబీమా ఇప్పుడు నిలిచిపోవడంతో బాధిత కుటుంబాలకు భరోసా కరువైంది. రైతు మరణిస్తే అందే రూ.5 లక్షల పరిహారం కోసం వందలాది కుటుంబాలు ఎదురుచూస్తున్నాయి. ఉమ్మడి మహబూబ్‌నగర్‌ జిల్లాలో పథకం నిలిచిపోయిన తర్వాత మరణించిన 501 మంది రైతుల కుటుంబాలకు రూ.25.05 కోట్ల పరిహారం అందాల్సి ఉంది. మరోవైపు, బీమా అమల్లో ఉన్నప్పుడే రైతులను కోల్పోయిన కుటుంబాలకూ సాయం అందలేదు. నవంబర్‌ 19న ఇందిరమ్మ కుటుంబ బీమా అమలవుతుందన్న నేపథ్యంలో పాత బాధితులకు పరిహారం ఎలా అందిస్తారన్న ప్రశ్నలు తలెత్తుతున్నాయి. ఎనిమిదేళ్లుగా అండగా.. గత ప్రభుత్వంఎనిమిదేళ్ల క్రితం రైతుబీమా పథకాన్ని ప్రవేశపెట్టింది. 18–59 ఏళ్ల వయసున్న అర్హులైన రైతులకు ప్రభుత్వమే ప్రీమియం చెల్లించేది. ఏటా ఆగస్టు 14న ఎల్‌ఐసీకి ప్రీమియం చెల్లించి పాలసీని పునరుద్ధరించేది. రైతు మరణిస్తే నామినీ ఖాతాలో రూ.5 లక్షలు జమయ్యేవి. సాధారణంగా వారం నుంచి పది రోజుల్లో పరిహారం అందడంతో బాధిత కుటుంబాలకు తక్షణ ఆర్థిక సాయం లభించేది. అయితే ఈ ఏడాది ఆగస్టు 14న ప్రీమియం చెల్లించకపోవడంతో పథకం నిలిచిపోయింది. దీంతో ఆ తర్వాత మరణించిన అర్హులైన రైతుల కుటుంబాలకు పరిహారం అందని పరిస్థితి ఏర్పడింది. కొత్త పథకంపై స్పష్టత ఏదీ? నవంబర్‌ 19 నుంచి ఇందిరమ్మ కుటుంబ బీమా అమలు చేయాలని ప్రభుత్వం నిర్ణయించినట్లు సమాచారం. అయితే అంతకుముందు మరణించిన రైతుల కుటుంబాలకు పరిహారం ఎలా అందిస్తారనే దానిపై స్పష్టత లేదు. కొత్త పథకం అమల్లోకి వచ్చినా మధ్యకాలంలో రైతులను కోల్పోయిన కుటుంబాలకు న్యాయం జరుగుతుందా? అన్న సందేహాలు వ్యక్తమవుతున్నాయి. మరణించిన రైతులకు తిరిగి బీమా వర్తింపజేయడం సాధ్యం కానందున, ప్రభుత్వం ప్రత్యేక నిధులు కేటాయించి పరిహారం అందించాలని బాధితులు కోరుతున్నారు. బీమా ఉన్నా అందని సాయం బీమా అమల్లో ఉన్న సమయంలో రైతులను కోల్పోయిన కుటుంబాలకూ పరిహారం అందని పరిస్థితి ఉంది. నాగర్‌కర్నూల్‌ జిల్లాలో 65 కేసులు పెండింగ్‌లో ఉండగా, 15 మంది రైతుల వివరాలు వివిధ కారణాలతో ప్రభుత్వానికి పంపలేదని సమాచారం. మిగిలిన 50 కుటుంబాలకు రూ.2.50 కోట్ల పరిహారం అందాల్సి ఉంది. ఉమ్మడి జిల్లావ్యాప్తంగా ఇలాంటి పెండింగ్‌ కేసులు 200కుపైగా ఉన్నట్లు తెలుస్తోంది. ఈ బకాయిల విలువ రూ.10 కోట్లకు పైగా ఉంటుందని అంచనా. బాధిత కుటుంబాలు పరిహారం కోసం వ్యవసాయశాఖ కార్యాలయాల చుట్టూ తిరుగుతున్నాయి. ప్రభుత్వం స్పందించాలి రైతుబీమా నిలిచిపోయిన తర్వాత మరణించిన అర్హులైన రైతుల కుటుంబాలను గుర్తించి పరిహారం అందించేందుకు ప్రత్యేక కార్యాచరణ రూపొందించాలని బాధితులు కోరుతున్నారు. ఇప్పటికే పెండింగ్‌లో ఉన్న క్లెయిమ్‌లనూ త్వరగా పరిష్కరించాలని విజ్ఞప్తి చేస్తున్నారు. కొత్త పథకం అమలు తేదీ, పాత బాధితులకు పరిహారం, పెండింగ్‌ చెల్లింపులపై ప్రభుత్వం స్పష్టత ఇవ్వాల్సి ఉంది. రైతు మరణంతో జీవనాధారాన్ని కోల్పోయిన కుటుంబాలకు ఆర్థిక సాయం అందించి, కష్టకాలంలో అండగా నిలవాల్సిన బాధ్యత ప్రభుత్వంపై ఉంది. నిలిచిపోయిన రైతుబీమా పథకం రూ.5 లక్షల సాయం కోసం బాధితుల ఎదురుచూపులు ఉమ్మడి జిల్లాలో 501 కుటుంబాలకు అందని రూ.25.05 కోట్ల పరిహారం కొత్త బీమాపై ఆశలు.. పాత బాధితుల్లో ఆందోళన రైతు బీమా ప్రభుత్వం ప్రీమియం చెల్లించకపోవడంతో ఆగిపోయింది. అందుకే బీమాకు అర్హులైన రైతులు చనిపోయినా పరిహారం రావడం లేదు. ఉన్నతాధికారులు చనిపోయిన రైతుల వివరాలు నమోదు చేసుకోండని సమాచారం ఇవ్వడంతో చేస్తున్నాం. రెండు నెలలో జిల్లా 150 మంది రైతు బీమా అర్హులైన రైతులు వివిధ కారణాల వల్ల చనిపోయారు. వారికి పరిహారం ఎలా ఇస్తారో తమ సమాచారం లేదు. – యశ్వంత్‌రావు, డీఏఓ, నాగర్‌కర్నూల్‌ ఉమ్మడి మహబూబ్‌నగర్‌ జిల్లాలో బీమా నిలిచిపోయిన తర్వాత మరణించిన అర్హులైన రైతులు 501 మంది ఉన్నట్లు సమాచారం. ఒక్కో కుటుంబానికి రూ.5 లక్షల చొప్పున రూ.25.05 కోట్ల పరిహారం అందాల్సి ఉంది. కుటుంబ పెద్దను కోల్పోయిన బాధలో ఉన్నవారికి ఆర్థిక ఇబ్బందులు తోడవడంతో ఆందోళన మరింత పెరుగుతోంది. అధికారులను సంప్రదిస్తే పథకం నిలిచిపోయిందని చెబుతున్నట్లు బాధితులు వాపోతున్నారు.

ఖిల్లాఘనపురం: విద్యుత్‌ కోతలతో విసిగిన కర్షకులు కన్నెర్ర చేశారు. పంట చేతికొచ్చే సమయంలో ఎండుతుండటంతో తట్టుకోలేక గురువారం మండలపరిధిలోని మామిడిమాడ విద్యుత్‌ సబ్‌స్టేషన్‌ ఎదుట మామిడిమాడ, సల్కెలాపురం, పర్వతాపురం, అప్పారెడ్డిపల్లి గ్రామాల రైతులు ఆందోళన చేపట్టారు. ఈ సందర్భంగా రైతులు మాట్లాడుతూ.. ఓ పక్క వర్షాలు లేక, మరోపక్క విద్యుత్‌ కోతలతో పంటలు ఎండుతున్నాయని ఆవేదన వ్యక్తం చేశారు. ఉదయం ఆరు నుంచి సాయంత్రం ఆరు వరకు వ్యవసాయానికి విద్యుత్‌ సరఫరా చేస్తున్నట్లు చెబుతున్నప్పటికీ పొద్దస్తమానం ఎప్పుడుపడితే అప్పుడు ఎల్‌సీ తీసుకోవడంతో ఒకేసారి రెండు, మూడు గ్రామాలకు విద్యుత్‌ సరఫరా నిలిచిపోతుందని తెలిపారు. మొదట్లో ఇచ్చినట్లుగానే ఉదయం 3 నుంచి సరఫరా ప్రారంభించాలని కోరారు. విషయం తెలుసుకున్న విద్యుత్‌శాఖ ఏఈ సుధాకర్‌ విద్యుత్‌ సబ్‌స్టేషన్‌ దగ్గరకు సిబ్బందితో కలిసి వచ్చి రైతుల డిమాండ్లను అడిగి తెలుసుకున్నారు. ఈ సమయంలో రైతులు తమ డిమాండ్ల వినతిపత్రం ఏఈకి అందజేశారు. ఈ సందర్భంగా ఏఈ మాట్లాడుతూ.. వినతిపత్రంలో కోరిన డిమాండ్లను ఉన్నతాధికారుల దృష్టికి తీసుకెళ్లి విద్యుత్‌ సరఫరా చేసేందుకు చర్యలు తీసుకుంటామని హామీ ఇవ్వడంతో రైతులు నిరసన విరమించి గ్రామాలకు వెళ్లారు. మామిడిమాడ విద్యుత్‌ సబ్‌స్టేషన్‌ ఎదుట నిరసన

వేడుకగా విజయదశమి ● జిల్లాకేంద్రంలో సంస్థానాధీశులు, ఎమ్మెల్యే శమీపూజ ● బేతాళుడు, ఆయుధాలతో భారీ ఊరేగింపు ● గ్రామాలు, మండల కేంద్రాల్లోనూ ఘనంగా పూజలు .. తీరని విషాదం ఉమ్మడి జిల్లాలోని వివిధ ప్రాంతాల్లో మంగళవారం జరిగిన రోడ్డు ప్రమాదాల్లో ఆరుగురు మృత్యువాత పడ్డారు. గురువారం శ్రీ 22 శ్రీ అక్టోబర్‌ శ్రీ 2026–IIలో uవిజయదశమి సందర్భంగా ఎమ్మెల్యే తూడి మేఘారెడ్డి, శాట్‌ చైర్మన్‌ శివసేనారెడ్డి వారి వద్ద ఉన్న వాహనాలకు ప్రత్యేక పూజలు చేశారు. ఎమ్మెల్యే తన కుమారులు నవనీత్‌రెడ్డి, మనోజ్‌కుమార్‌రెడ్డితో కలిసి మంగళవారం నందిహిల్స్‌లోని తన నివాసంలో సాంప్రదాయబద్ధంగా దసరా పూజలు నిర్వహించారు. శాట్‌ చైర్మన్‌ హైదరాబాద్‌లోని తన నివాసంలో కుటుంబ సభ్యులతో కలిసి వాహన, ఆయుధ పూజలు చేశారు. వనపర్తి ప్రాంతం ధనధాన్యాలతో విరాజిల్లాలని దుర్గామాతకు పూజలు చేసినట్లు వేర్వేరుగా వెల్లడించారు. సామాజిక మాధ్యమాలు వేదికగా వాహన పూజలు చేసిన ఫొటోలను ప్రజలతో పంచుకున్నారు. దసరా పండుగ చెడుపై మంచి సాధించిన విజయానికి ప్రతీకగా నిలుస్తుందని.. ప్రతి ఒక్కరి జీవితాల్లో విజయాలు, సంతోషాలు వెల్లివిరియాలని వారు ఆకాంక్షించారు. వనపర్తి: జిల్లావ్యాప్తంగా దసరా పండుగను మంగళవారం ఆనందోత్సాహాల నడుమ ఘనంగా జరుపుకొన్నారు. గ్రామాలు, పట్టణాల్లో శమీ వృక్షాలు, ఆయుధాలు, వాహనాలకు సాంప్రదాయబద్దంగా పూజలు నిర్వహించారు. జిల్లాకేంద్రంలో దశాబ్దాలుగా వస్తున్న ఆనవాయితీ ప్రకారమే వనపర్తి రాజవంశీయులు తొమ్మిది రోజుల పాటు అమ్మవారి ఆరాధన చేయడంతో పాటు పండుగ రోజున స్థానిక నల్లచెరువు ట్యాంక్‌బండ్‌పై ఉన్న శమీవృక్షం వద్ద ఎమ్మెల్యే తూడి మేఘారెడ్డితో కలిసి పూజలు చేశారు. అంతకుముందు బేతాళుడి విగ్రహాన్ని రాజమహల్‌ నుంచి శమీవృక్షం వరకు ఊరేగింపుగా తీసుకొచ్చారు. ఊరేగింపులో ఎమ్మెల్యే కుటుంబసభ్యులు, పుర చైర్‌పర్సన్‌ మాధవి కుటుంబసభ్యులు పాల్గొని అమ్మవారికి కొత్త వస్త్రాలు, పూజాసామగ్రిని సమర్పించారు. రాజవంశీయుల ఆచారం ప్రకారం రాజావారి గృహం నుంచి ప్రారంభమైన ఊరేగింపు మినీ ట్యాంక్‌బండ్‌పై శమీవృక్షం వద్దకు చేరుకుంది. రాజా కృష్ణదేవరావు, ఎమ్మెల్యే తూడి మేఘారెడ్డి ఆయుధాలకు పూజలు చేసి పట్టణ ప్రజలకు శమీ ఆకులను పంచిపెట్టారు. పూజల అనంతరం స్థానికులు ఎమ్మెల్యేకి జమ్మి ఆకులు అందజేసి పండుగ శుభాకాంక్షలు తెలిపారు. అన్ని మండల కేంద్రాలు, మున్సి పాలిటీల్లోనూ ఆయా ప్రాంతాల ప్రజాప్రతినిధులు సాంప్రదాయబద్దంగా పుజలు నిర్వహించారు. బేతాళాడి విగ్రహం, ఆయుధాల ఊరేగింపు

వనపర్తి: ప్రజల రక్షణ, దేశ అంతర్గత భద్రత, శాంతిభద్రతల పరిరక్షణకు విధి నిర్వహణలో ప్రాణాలర్పించిన పోలీసు అమరవీరుల త్యాగాలు చిరస్మరణీయమని ఎమ్మెల్యే తూడి మేఘారెడ్డి అన్నారు. పోలీసు అమరవీరుల సంస్మరణ దినోత్సవాన్ని పురస్కరించుకొని బుధవారం జిల్లా పోలీసు కార్యాలయ పరేడ్‌ మైదానంలో నిర్వహించిన కార్యక్రమానికి ఆయనతో పాటు కలెక్టర్‌ ఆదర్శ్‌ సురభి, ఎస్పీ సునీతారెడ్డి ముఖ్యఅతిథులుగా హాజరై పోలీసు అమరవీరుల స్మారక స్తూపం వద్ద పుష్పగుచ్ఛాలు ఉంచి ఘనంగా నివాళులర్పించారు. అనంతరం ఎమ్మెల్యే మాట్లాడుతూ.. పోలీసులు తమ కుటుంబాలను సైతం పక్కనబెట్టి ప్రజల భద్రత కోసం నిరంతరం విధులు నిర్వహిస్తున్నారన్నారు. ప్రజల రక్షణ కోసం తమ ప్రాణాలను సైతం లెక్కచేయకుండా పనిచేస్తున్న పోలీసులందరికీ సెల్యూట్‌ చేస్తున్నానని తెలిపారు. జిల్లా పోలీసులు శాంతిభద్రతల పరిరక్షణలో సమర్థవంతంగా విధులు నిర్వర్తిస్తున్నారని.. ప్రజల కోసం వారు చేస్తున్న సేవలు ప్రశంసనీయమని కొనియాడారు. అనంతరం కలెక్టర్‌ మాట్లాడుతూ.. పోలీసుల త్యాగాలను స్మరించుకుంటూ ఏటా అక్టోబర్‌ 21న పోలీసు అమరవీరుల సంస్మరణ దినోత్సవం నిర్వహించుకుంటామన్నారు. ఈ ఏడాది దేశవ్యాప్తంగా 154 మంది పోలీసులు విధి నిర్వహణలో ప్రాణాలు కోల్పోయారని, వారిలో నలుగురు తెలంగాణకు చెందిన వారు ఉన్నారన్నారు. దేశ ప్రజల భద్రత, శాంతిభద్రతల పరిరక్షణకు పోలీసులు చేస్తున్న త్యాగాలు ఎంతో గొప్పవని కొనియాడారు. పోలీసు సేవలు సమాజానికి ఎంతో విలువైనవని.. అంకితభావంతో ప్రజలకు సేవలందిస్తూ శాంతిభద్రతల పరిరక్షణలో తమ పాత్రను కొనసాగించాలన్నారు. దేశం కోసం ప్రాణత్యాగం చేసిన పోలీసు అమరవీరుల సేవలను ప్రతి ఒక్కరూ గుర్తుంచుకోవాలని సూచించారు. ఎస్పీ సునీతారెడ్డి మాట్లాడుతూ.. పోలీసు అమరవీరుల సంస్మరణ దినోత్సవం పోలీసుల త్యాగాలను గుర్తు చేసుకునే గొప్ప సందర్భమన్నారు. ప్రజల ప్రాణ, ఆస్తుల రక్షణతో పాటు శాంతిభద్రతల పరిరక్షణ కోసం పోలీసులు నిరంతరం కృషి చేస్తున్నారని తెలిపారు. విధి నిర్వహణలో ఎన్నో సవాళ్లు, ప్రమాదాలు ఎదురైనా వెనుకడుగు వేయకుండా ప్రజలకు సేవలందించడం పోలీసుల బాధ్యత, నిబద్ధతకు నిదర్శనమన్నారు. విధి నిర్వహణలో ప్రాణాలు కోల్పోయిన అమరవీరుల త్యాగాలు పోలీసుశాఖకు ఎల్లప్పుడూ స్ఫూర్తిదాయకమని చెప్పారు. వారి ఆశయాలకు అనుగుణంగా ప్రతి పోలీసు అధికారి, సిబ్బంది క్రమశిక్షణ, అంకితభావంతో విధులు నిర్వహించాలని సూచించారు. ప్రజలు కూడా పోలీసులకు సహకరిస్తూ శాంతియుత సమాజ నిర్మాణంలో భాగస్వాములు కావాలన్నారు. ఈ సందర్భంగా పలువురు పోలీసు అమరవీరుల కుటుంబాల సభ్యులను ముఖ్యఅతిథులు సత్కరించి వారికి పోలీసుశాఖ తరపున కానుక అందజేశారు. కార్యక్రమంలో పుర చైర్‌పర్సన్‌ మాధవి, డీఎస్పీ గిరిబాబు, ఎస్పీ కార్యాలయ సిబ్బంది, పోలీసు అధికారులు, సిబ్బంది, ఇతర ప్రజాప్రతినిధులు తదితరులు పాల్గొన్నారు.

అమరచింత: కృష్ణవేణి షుగర్‌ ఫ్యాక్టరీ పరిధిలో చెరుకు సాగుచేస్తున్న రైతుల ప్రయోజనాలను దృష్టిలో ఉంచుకొని యాజమాన్యం ఈ ఏడాది ముందస్తు కోతలకు శ్రీకారం చుట్టింది. ఏటా దీపావళి అనంతరం కోతలు ప్రారంభమవుతుండగా.. ఈసారి 26వ తేదీ నుంచి కోతలు ప్రారంభించి పంట ఫ్యాక్టరీకి తరలించేందుకు యాజమాన్యం ప్రణాళిక సిద్ధం చేసింది. అందుకు అనుగుణంగా సరిపడా కోత కార్మికులను ముందస్తుగానే రప్పించి సకాలంలో కోతలు పూర్తి చేయాలనే సంకల్పంతో ముందుకు సాగుతోంది. ఎల్‌నినో ప్రభావం కారణంగా ఈసారి పంట దిగుబడి తగ్గుతుందని భావించి పక్క జిల్లాల నుంచి కూడా చెరుకు తరలించి లక్ష్యాన్ని పూర్తి చేయాలని ఫ్యాక్టరీ యాజమాన్యం నిర్ణయించింది. వర్షాలు సమృద్ధిగా లేని కారణంగా కొన్ని మండలాల్లో పంటకు వేరుపురుగు సోకడంతో ఎండుముఖం పట్టింది. దీనిని అరికట్టేందుకు ఫ్యాక్టరీ యాజమాన్యం సకాలంలో తగిన చర్యలు తీసుకోకపోవడంతో రైతులు తీవ్ర నష్టాలను చవిచూడాల్సిన దుస్థితి నెలకొంది. ఎండిన, వేరుపురుగు సోకిన పంటలకు సైతం తగిన పరిహారం అందించాలని ఆయా మండలాల రైతులు కోరుతున్నారు. 2011లో ప్రారంభమై.. జిల్లాలోని కొత్తకోట మండలం రామకృష్ణాపురం పరిధిలో 2011, ఫిబ్రవరిలో కృష్ణవేణి షుగర్‌ ఫ్యాక్టరీ ప్రారంభమైంది. నాటి నుంచి జిల్లాలోని వివిధ మండలాలతో పాటు ఉమ్మడి జిల్లా పరిధిలోని ఇతర మండలాల్లో ఫ్యాక్టరీ యాజమాన్యం ప్రత్యేక చొరవచూపి చెరుకు సాగుపై రైతుల్లో చైతన్యం తీసుకొచ్చింది. అప్పటి వరకు వరి సాగుపై దృష్టి సారించిన రైతులు సైతం తక్కువ పెట్టుబడితో ఒకసారి సాగుచేస్తే మూడు పర్యాయాలు దిగుబడి వస్తుందనే ఆశతో చెరుకు సాగుకు ఆసక్తి కనబర్చారు. ఫ్యాక్టరీలో రోజు క్రషింగ్‌ జరగాలంటే 3,500 టన్నులు వినియోగించాల్సి ఉంది. చెరుకు క్రషింగ్‌తో పాటు కో–జనరేషన్‌ విద్యుదుత్పత్తి సైతం జరిగే విధంగా ఫ్యాక్టరీని నిర్మించారు. అమరచింత శివారులో సాగుచేసిన చెరుకు తోట ఫ్యాక్టరీ పరిధిలో ఈసారి మూడున్నర లక్షల టన్నుల నుంచి 4 లక్షల టన్నుల చెరుకు సేకరించడమే ప్రధాన లక్ష్యం. ఈ నెల 26 నుంచి క్రషింగ్‌ ప్రారంభమవుతుంది. ఇందుకోసం 150 కోత కార్మికుల బృందాలతో పాటు 25 యంత్రాలను ముందస్తుగానే సమకూర్చాం. రైతులకు ఇబ్బందులు కలగకుండా కోతలు సకాలంలో పూర్తి చేస్తాం. – రామ్మోహన్‌, కేన్‌ అడ్వయిజర్‌, కృష్ణవేణి షుగర్‌ ఫ్యాక్టరీ సుమారు 4 లక్షల టన్నుల సేకరణే లక్ష్యం టన్ను ధర రూ.3,810.. రాయితీ రూ.400 చెల్లింపు ఫ్యాక్టరీ పరిధిలో 13 వేల ఎకరాలు.. 26 నుంచి క్రషింగ్‌ ప్రారంభం ఫ్యాక్టరీ యాజమాన్యం ప్రభుత్వ మద్దతు ధర ప్రకారం టన్ను చెరుకుకు రూ.3,810 ధరతో పాటు రూ.350 నుంచి రూ.400 వరకు అదనంగా చెల్లిస్తున్నట్లు యాజమాన్యం తెలిపింది. ఫ్యాక్టరీ ప్రారంభంలో 3 వేల ఎకరాలు ఉండగా.. ప్రస్తుతం 13 వేల ఎకరాలకు చేరిందని వివరించారు. ప్రారంభంలో కోతలతో పాటు రైతులకు డబ్బు చెల్లింపులో యాజమాన్యం అలసత్వం ప్రదర్శించడంతో సాగు విస్తీర్ణం తగ్గుముఖం పట్టింది. తర్వాత యాజమాన్యం ప్రత్యేక చొరవ తీసుకొని సకాలంలో కోత కార్మికులను రప్పించడం, ఫ్యాక్టరీకి పంట తరలించిన 15 రోజుల్లోనే రైతు ఖాతాలో మద్దతు ధర జమ చేస్తుండటం, సాగు రైతులకు రాయితీలు, రుణాలు ఇవ్వడం వంటి కార్యక్రమాలతో రైతులు చెరుకు సాగుపై దృష్టి సారించారు.

30 నుంచి దేవేంద్రాచార్యుల ఆరాధనోత్సవాలు అమరచింత: మండలంలోని నాగల్‌కడ్మూర్‌లో వెలిసిన విశ్వకర్మ జగద్గురు దేవేంద్రాచార్యుల 74వ దివ్య ఆరాధనోత్సవాలను ఈ నెల 30 నుంచి నవంబర్‌ 1వ తేదీ వరకు నిర్వహించనున్నట్లు ఆలయ నిర్వాహకుడు నర్సింహాచారి తెలిపారు. ఇందుకు సంబంధించిన వాల్‌పోస్టర్లను బుధవారం ఆలయం వద్ద విడుదల చేసి మాట్లాడారు. ఆరాధనోత్సవాల సందర్భంగా మఠానికి వచ్చే భక్తులకు ఎలాంటి ఇబ్బందులు కలగకుండా తగిన వసతులు కల్పించామన్నారు. కార్యక్రమంలో సర్పంచ్‌ శివ, జగదీశ్వర్‌రెడ్డి, నర్సింహులుగౌడ్‌, రామకృష్ణారెడ్డి, శ్రీనివాస్‌గౌడ్‌ పాల్గొన్నారు. ఉమ్మడి జిల్లాస్థాయి భజన పోటీలు.. ఆరాధనోత్సవాల సందర్భంగా ఉమ్మడి జిల్లాస్థాయి భజన పోటీలు నిర్వహిస్తున్నట్లు నిర్వాహకులు వెల్లడించారు. ఆసక్తిగల భజన మండలి సభ్యులు పూర్తి వివరాల కోసం సెల్‌నంబర్లు 96400 53826, 96033 42851 సంప్రదించాలని సూచించారు. జోగుళాంబ మాత పాహిమాం వివరాలు 8లో.. ప్రారంభోత్సవాలకు దూరంగా.. ముఖ్యమంత్రి రేవంత్‌రెడ్డి చేతుల మీదుగా ప్రాథమిక ఆరోగ్యకేంద్రం, సెంట్రల్‌ లైటింగ్‌ సిస్టం, ఎస్‌టీపీలను ప్రారంభించడంతో పాటు ఏటీసీ సెంటర్‌కు భూమిపూజ చేయాల్సి ఉండగా.. ఆయన ఆదేశాల మేరకు ఎంపీ మల్లు రవి, ఎమ్మెల్యే వంశీకృష్ణ వాటిని ప్రారంభించారు. కాగా, రాష్ట్ర ముఖ్యమంత్రిగా స్వగ్రామాన్ని అన్నివిధాలుగా అభివృద్ధి చేయాలన్న సంకల్పంతో ఇప్పటి వరకు దాదాపు రూ.200 కోట్ల నిధులను మంజూరు చేశారు. ముఖ్యమంత్రి ఇంటి నుంచి జమ్మిచెట్టు వరకు నడుచుకుంటూ వెళ్తున్న క్రమంలో గ్రామ పంచాయతీ, బస్‌షెల్టర్‌, సోలార్‌ సెంట్రల్‌ లైటింగ్‌ సిస్టం, మిల్క్‌ చిల్లింగ్‌ సెంటర్‌, నూతనంగా నిర్మిస్తున్న పాఠశాల, నాలుగు లెన్ల రహదారిని చూసి మురిసిపోయారు. అలంపూర్‌: అలంపూర్‌ జోగుళాంబ, బాలబ్రహ్మేశ్వర స్వామివార్ల తెప్పోత్సవం మంగళవారం రాత్రి తుంగభద్ర పుష్కరఘాట్‌లో వైభవంగా జరిగింది. హంస వాహనంపై కొలువుదీరిన ఆదిదంపతుల నదీ విహారం భక్తులను విశేషంగా ఆకట్టుకుంది. విద్యుత్‌ దీపాల వెలుగులు, బాణసంచా కాంతుల నడుమ సాగిన తెప్పోత్సవాన్ని తిలకించేందుకు వేలాది మంది భక్తులు తరలివచ్చారు. తెప్పోత్సవానికి ముందు బాలబ్రహ్మేశ్వర స్వామివారు మంగళవాయిద్యాల నడుమ పల్లకీ సేవలో జోగుళాంబ అమ్మవారి ఆలయానికి చేరుకున్నారు. ప్రత్యేక పూజల అనంతరం ఉత్సవమూర్తులను పుష్కర ఘాట్‌కు తీసుకెళ్లి నదీ పూజలు, నవక పూజలు నిర్వహించారు. అనంతరం హంస వాహనంపై దేవతామూర్తులను కొలువుదీర్చి తుంగభద్ర నదిలో విహరింపజేశారు. కార్యక్రమంలో ఎమ్మెల్యే విజయుడు, ఆలయ ఈఓ దీప్తి, అమ్మవారి దీక్ష స్వీకరించిన స్వాములు పాల్గొన్నారు. తెప్పోత్సవంతో శరన్నవరాత్రి ఉత్సవాలు ముగిశాయి. వైభవంగా ముగిసిన దేవి శరన్నవరాత్రి ఉత్సవాలు పూర్ణాహుతి, నాగకన్యల బావిలో తీర్థావళి నేత్రపర్వంగా ఆదిదంపతుల నదీ విహారం

నాగర్‌కర్నూల్‌/జడ్చర్ల/కల్వకుర్తి రూరల్‌/వంగూరు: దసరా పండుగను పుట్టిన ఊరిలోనే జరుపుకోవాలనే ఉద్దేశంతో రాష్ట్ర ముఖ్యమంత్రి ఎనుముల రేవంత్‌రెడ్డి మంగళవారం స్వగ్రామమైన కొండారెడ్డిపల్లిలో అడుగుపెట్టడంతో గ్రామస్తులంతా పులకరించిపోయారు. చిన్ననాటి నుంచి ఏస్థాయిలో ఉన్నా దసరా పండుగ రోజు స్వగ్రామానికి రావాలనే ఆనవాయితీని ముఖ్యమంత్రి కొనసాగించడం ఆనందంగా ఉందంటూ గ్రామస్తులు పేర్కొన్నారు. మధ్యాహ్నం 12 గంటలకు కొండారెడ్డిపల్లికి సీఎం వస్తారని సీఎంఓ ప్రకటించగా.. 2:55 గంటలకు హెలికాప్టర్‌లో చేరుకున్నారు. నాగర్‌కర్నూల్‌ ఎంపీ మల్లు రవి, ఎమ్మెల్యేలు చిక్కుడు వంశీకృష్ణ, కసిరెడ్డి నారాయణరెడ్డి, కూచుకుళ్ల రాజేశ్‌రెడ్డి, బాలునాయక్‌, కేవీన్‌ రెడ్డి, ఇన్‌చార్జి కలెక్టర్‌ ఆదర్శ్‌ సురభి, ఎస్పీ డా.సంగ్రామ్‌ సింగ్‌ జీ పాటిల్‌ ఇతర ఉన్నతాధికారులు సీఎంకు పుష్పగుచ్ఛాలు అందజేసి ఘన స్వాగతం పలికారు. అనంతరం ప్రచార రథంలో ఆంజనేయస్వామి ఆలయం వద్దకు చేరుకున్నారు. ఈ క్రమంలో గ్రామస్తులు ఆయనపై పూలవర్షం కురిపించారు. మహిళలు బతుకమ్మలు, కోలాటాలతో, వేద పండితులు పూర్ణకుంభంతో సంప్రదాయబద్దంగా సీఎంకు స్వాగతం పలికారు. కుటుంబ సమేతంగా ఆయన ఆంజనేయస్వామి, శివాలయాల్లో ప్రత్యేక పూజలు చేశారు. స్వగ్రామంలో ముఖ్యమంత్రిరేవంత్‌రెడ్డి విజయదశమి వేడుకలు ఘన స్వాగతం పలికిన గ్రామస్తులు కుటుంబసమేతంగా ఆలయాలను దర్శించుకున్న సీఎం గ్రామస్తులతో కలిసి శమీ పూజ కల్వకుర్తి, జడ్చర్ల పట్టణాల్లో ఆకస్మిక పర్యటన దేశంలోనే ఆదర్శంగా పాలమూరు.. దేశానికే ఆదర్శవంతమైన జిల్లాగా పాలమూరు అభివృద్ధి చెందాలని సీఎం రేవంత్‌రెడ్డి ఆకాంక్షించారు. జడ్చర్ల ప్రభుత్వ డిగ్రీ కళాశాల మైదానంలో స్థానిక ఎమ్మెల్యే అనిరుధ్‌రెడ్డి ఆధ్వర్యంలో నిర్వహించిన దసరా ఉత్సవాల్లో ఆయన ముఖ్య అతిథిగా పాల్గొని ప్రసంగించారు. విజయదశమి అందరి జీవితాల్లో వెలుగులు తీసుకురావాలన్నారు. యువకులకు ఉద్యోగ, ఉపాధి అవకాశాలు పెంపొందించాలని.. పాలమూరు జిల్లా పసిడి పంటలతో పచ్చగా విరాజిల్లాలని కాంక్షించారు. కాగా, ఉత్సవాల్లో భాగంగా రావణ దహనంతో పాటు ప్రత్యేకంగా ఏర్పాటుచేసిన డ్రోన్‌ షో ప్రజలను ఆకట్టుకుంది. కార్యక్రమంలో ప్రభుత్వ విప్‌, ఎమ్మెల్యే యెన్నం శ్రీనివాస్‌రెడ్డి, ఎస్పీ జానకి, మైనార్టీ కార్పొరేషన్‌ చైర్మన్‌ ఒబేదుల్లా కొత్వాల్‌, అదనపు కలెక్టర్‌ హరిప్రియ, డీసీసీ అధ్యక్షుడు సంజీవ్‌ ముదిరాజ్‌ పాల్గొన్నారు. ఇదిలా ఉంటే, కల్వకుర్తి, జడ్చర్ల పట్టణాల్లో సీఎం పర్యటన షెడ్యూల్‌ ఆకస్మికంగా ఖరారు కావడం.. ఆయా ప్రాంతాల్లో సీఎం పర్యటన ప్రశాంతంగా కొనసాగడంతో అధికారులు ఊపిరి పీల్చుకున్నారు.

అమరచింత: ప్రియదర్శిని జూరాల ప్రాజెక్టు ప్రధాన కుడి, ఎడమ కాల్వలకు ఆదివారం అధికారులు నీటిని విడుదల చేశారు. వారాబందీ విధానంతో ఆయకట్టుకు నీటిని విడుదల చేస్తున్న అధికారులు 4 రోజుల పాటు వదిలి 3 రోజులు నిలిపివేశారు. మరో తడి కోసం ఆదివారం ప్రధాన ఎడమకాల్వకు 1,190 క్యూసెక్కులు, కుడికాల్వకు 730 క్యూసెక్కుల నీటిని వదులుతున్నారు. జూరాల ఆయకట్టు పరిధిలో సుమారు 1.15 లక్షల ఎకరాల్లో రైతులు వివిధ రకాల పంటలు సాగుచేశారు. ప్రస్తుతం వరి పంట పొట్టదశలో ఉండటంతో సాగునీటిని పొదుపుగా వినియోగించుకోవాలని ప్రాజెక్టు అధికారులు రైతులకు సూచిస్తున్నారు. జలాశయంలో ప్రస్తుతం 3.664 టీఎంసీల నీరు నిల్వ ఉందని అధికారులు వెల్లడించారు. స్థల పరిశీలనకే పరిమితం ● మండలకేంద్రంలో రోడ్డుపై విక్రయాలు ● ఇబ్బందులు పడుతున్న వ్యాపారులు, ప్రజలు ● సంత మార్కెట్‌ నిర్మించాలని విజ్ఞప్తి వివరాలు 9లో..

అమరచింత: చేనేత మగ్గాలపై ఆధారపడి జీవిస్తున్న నేత కార్మికులను ఆర్థికంగా ఆదుకునేందుకు త్రిఫ్ట్‌ ఫండ్‌ పథకాన్ని గత బీఆర్‌ఎస్‌ ప్రభుత్వం ప్రవేశపెట్టింది. ఈ పథకంలో కార్మికుడు ప్రతి నెల తన మూల వేతనంలో 3వ వంతు డబ్బులను బ్యాంకులో జమచేస్తే.. ప్రభుత్వం రెండింతల డబ్బును వారి ఖాతాలో జమ చేస్తుంది. జిల్లాలో జియోట్యాగ్‌ నంబర్‌ ఉన్న మగ్గాలు 310 ఉన్నట్లు అధికారులు తెలిపారు. ఈ పథకంలో ప్రధాన కార్మికుడితో పాటు ఒక అనుబంధ కార్మికుడికి చోటు కల్పించారు. జియోట్యాగ్‌ నంబర్‌కు ఇద్దరు మాత్రమే అర్హులు కావడంతో ప్రతి మగ్గానికి ఇద్దరు మాత్రమే దరఖాస్తు చేసుకున్నారు. గత ప్రభుత్వ హయంలోనే పథకం అమలుకాగా.. కొత్తగా ఏర్పడిన కాంగ్రెస్‌ ప్రభుత్వం సైతం పథకాన్ని కొనసాగిస్తున్నట్లు ప్రకటించింది. దీంతో ప్రతి మగ్గానికి ప్రధాన కార్మికుడు, సహాయ కార్మికుడు బ్యాంక్‌లో ఆర్‌డీ–1, ఆర్‌డీ–2 ఖాతాలను ప్రారంభించి ప్రతి నెల డబ్బులు జమ చేస్తున్నారు. ప్రధాన కార్మికుడు నెలకు రూ.1,200 జమ చేస్తే ప్రభుత్వం రూ.2,400.. అదేవిధంగా సహాయ కార్మికుడు రూ.800 జమచేస్తే ప్రభుత్వం రూ.1,600 జమ చేస్తున్నట్లు జౌళిశాఖ అధికారులు తెలిపారు. 19 నెలల బకాయిలు.. త్రిఫ్ట్‌ పథకానికి ప్రతి నెలా రూ.1,200 జమచేస్తున్నా. జమచేసిన డబ్బులకు రెండింతలు ప్రభుత్వం మా బ్యాంకు ఖాతాలో జమచేసేది. వీటితో కుటుంబ అవసరాలతో పాటు అప్పులు తీర్చుకునే వాళ్లం. 19 నెలలుగా మే ము డబ్బులు బ్యాంకు ఖాతాలో వేస్తున్నా.. ప్రభుత్వం మాత్రం జమ చేయడం లేదు. – పోతు ఉమ, చేనేత కార్మికురాలు, అమరచింత కుటుంబ అవసరాలు తీరేవి.. త్రిఫ్ట్‌ ఫండ్‌ ద్వారా వచ్చే డబ్బులతో కుటుంబ అవసరాలు తీరేవి. గత ప్రభుత్వంలో ఏడాదికో పర్యాయం డబ్బులు చెల్లించేవారు. కాంగ్రెస్‌ ప్రభుత్వం వచ్చిన తర్వాత నెల నెల చెల్లిస్తామన్నారు. అన్న మాట ప్రకారం రెండు నెలల డబ్బులు చెల్లించి తర్వాత ఇప్పటి వరకు డబ్బులను బ్యాంకు ఖాతాలో జమ చేయడం లేదు. ప్రభుత్వం స్పందించి నిదులను వెంటనే మంజూరు చేయాలి. – మహంకాళి ప్రకాష్‌, చేనేత కార్మికుడు, అమరచింత తక్షణమే జమ చేయాలి.. ప్రభుత్వం ప్రకటించిన విధంగా త్రిఫ్ట్‌ నిధులను వెంటనే కార్మికుల బ్యాంకు ఖాతాలో జమచేయాలి. కార్మికుడు క్రమం తప్పకుండా వాటాధనం ఖాతాలో జమచేసిన తక్షణమే జౌళిశాఖ అధికారులు వాటికి రెండింతల డబ్బులను ఖాతాలో జమచేసి కార్మికులను ఆదుకోవాలి. – వగ్గు రామలింగం, చేనేత కార్మిక సంఘం నాయకుడు, అమరచింత నిధులు మంజూరు కాలేదు.. త్రిఫ్ట్‌ ఫండ్‌ నిధులు ప్రభుత్వం విడుదల చేయలేదు. మంజూరైన వెంటనే కార్మికుల ఆర్‌డీ–1, ఆర్‌డీ–2 బ్యాంకు ఖాతాలో వారికి రావాల్సిన వాటాధనం జమ చేయడానికి చర్యలు తీసుకుంటాం. 19 నెలల్లో కేవలం రెండు నెలల డబ్బులు మాత్రమే జమ చేశాం. మిగిలిన నెలల నిధు లు మంజూరైన వెంటనే జమచేస్తాం. – ఇందిర, ఏడీ, చేనేత జౌళిశాఖ, జోగుళాంబ గద్వాల నిధుల మంజూరుపై నీలినీడలు 19 నెలలుగా చేనేత కార్మికులు ప్రతి నెల తమ వాటాధనాన్ని బ్యాంకులో జమచేస్తున్నా.. ప్రభుత్వం మాత్రం ఇప్పటి వరకు కేవలం 2 నెలల డబ్బులను మాత్రమే ఖాతాలో జమ చేసినట్లు నేత కార్మికులు వెల్లడిస్తున్నారు. ప్రభుత్వం రాష్ట్రవ్యాప్తంగా నిధులు మంజూరు చేయకపోవడంతో పథకం నిర్వహణపై నీలినీడలు అలుముకున్నాయి. తమ జీవనోపాధికి తోడుగా నిలిచే పథకానికి ప్రభుత్వం తక్షణమే నిధులు మంజూరు చేసి ఆదుకోవాలని నేత కార్మికులు కోరుతున్నారు. కార్మికుడి నెలసరి మూల వేతనంలో రూ.1,200 పొదుపు సహాయ కార్మికుడి నుంచి రూ.800 జిల్లాలో జియోట్యాగ్‌ కార్మికులు 310 మంది 19 నెలలుగా పెండింగ్‌లోనే ప్రభుత్వ వాటా

వనపర్తి: ప్రతి పోలీస్‌ అధికారి ఆయుధాలపై కృతజ్ఞత భావం కలిగి ఉండాలని ఎస్పీ సునీతారెడ్డి అన్నారు. ఆదివారం జిల్లాకేంద్రంలోని జిల్లా సాయుధదళ కార్యాలయంలో ఆయుధ పూజ నిర్వహించగా.. ఆమె ముఖ్యఅతిథిగా హాజరై ఆయుధాలు, పోలీసు వాహనాలు, రాజపేట శివారులోని పోలీసు పెట్రోల్‌ పంపు వద్ద సాంప్రదాయబద్ధంగా పూజలు చేశారు. ఈ సందర్భంగా ఆమె మాట్లాడుతూ.. హిందూ సాంప్రదాయంలో ఆయుధ పూజకు విశిష్ట ప్రాముఖ్యత ఉందన్నారు. విధి నిర్వహణలో వినియోగించే ఆయుధాలు, పరికరాలపై కృతజ్ఞత భావం కలిగి ఉండటమే ఆయుధ పూజ ముఖ్య ఉద్దేశమని పేర్కొన్నారు. ఆయుధాలు రాజ్యరక్షణ, ప్రజల శాంతిభద్రతల పరిరక్షణకు ప్రతీకలని తెలిపారు. ప్రజలతో పాటు పోలీసు అధికారులు, సిబ్బంది, వారి కుటుంబ సభ్యులందరిపై దుర్గామాత ఆశీస్సులు ఉండాలని ఆకాంక్షించారు. జిల్లా ప్రజలు, పోలీసు సిబ్బందికి ముందస్తుగా విజయదశమి శుభాకాంక్షలు తెలిపారు. పోలీసు అధికారులు, సిబ్బంది విధి నిర్వహణలో నిబద్ధత, అప్రమత్తత, క్రమశిక్షణ పాటిస్తూ ప్రజలకు మెరుగైన సేవలు అందించాలన్నారు. కార్యక్రమంలో ఏఆర్‌ అదనపు ఎస్పీ వీరారెడ్డి, డీఎస్పీ గిరిబాబు, సీఐలు ఓడీ రమేష్‌, సుగంధ రత్నం, నరేష్‌, రిజర్వ్‌ ఇన్‌స్పెక్టర్లు అప్పలనాయుడు, శ్రీనివాస్‌కుమార్‌, ఎస్‌ఐలు, పోలీసు సిబ్బంది తదితరులు పాల్గొన్నారు.

శాశ్వత పరిష్కారం దిశగా.. మిషన్‌ భగీరథ స్కీంకు వేసవిలో నీటి సరఫరాకు ఇబ్బందులు ఎదురవుతున్న నేపథ్యంలో గత ప్రభుత్వం ఈ సమస్యకు శాశ్వత పరిష్కారం చూపాలని భావించింది. మిషన్‌ భగీరథ స్కీంకు సమీపంలోనే పాలమూరు ప్రాజెక్టు పరిధిలోని నార్లాపూర్‌ రిజర్వాయర్‌ కూడా ఉంది. కేఎల్‌ఐ పరిధిలోని ఎల్లూరు రిజర్వాయర్‌ నీటినిల్వ సామర్థ్యం 0.36 టీఎంసీ కాగా.. నార్లాపూర్‌ రిజర్వాయర్‌ సామర్థ్యం 6.4 టీఎంసీలు. దీంతో నార్లాపూర్‌ రిజర్వాయర్‌ ద్వారా మిషన్‌ భగీరథ స్కీంకు నీటిని మళ్లించాలని అప్పటి ప్రభుత్వం నిర్ణయించింది. ఇందుకోసం రెండు ప్రత్యామ్నాయాలను రూపొందించింది. మొదట నార్లాపూర్‌ రిజర్వాయర్‌ పూర్తి నీటి నిల్వతో ఉన్నప్పుడు ఎలాంటి పంపింగ్‌ లేకుండా స్లూయిస్‌ ద్వారా ఎల్లూరు రిజర్వాయర్‌లోకి నీటిని మళ్లించేలా ఏర్పాట్లు చేశారు. నార్లాపూర్‌ రిజర్వాయర్‌లో ఫుల్‌గేజ్‌ నీటి నిల్వ లేని సమయంలో కూడా మిషన్‌ భగీరథకు నీటిని తరలించేందుకు వీలుగా సున్నపుతండా వద్ద పంప్‌హౌజ్‌ నిర్మాణానికి చర్యలు చేపట్టారు. ఇందుకోసం రూ.140 కోట్లు కేటాయించింది. పంప్‌హౌజ్‌ నిర్మాణం నిదానంగా సాగుతూ.. ఇన్నాళ్లకు తుదిదశకు చేరింది. కొల్లాపూర్‌: త్వరలోనే మిషన్‌ భగీరథ స్కీంకు నీటి సరఫరా సమస్యలు శాశ్వతంగా తీరనున్నాయి. ఉమ్మడి పాలమూరు జిల్లాతోపాటు రంగారెడ్డి జిల్లాలోని పలు ప్రాంతాలకు భగీరథ స్కీం ద్వారా తాగునీటిని అందిస్తున్న విషయం తెలిసిందే. కొల్లాపూర్‌ మండలం ఎల్లూరు సమీపంలోని మిషన్‌ భగీరథ స్కీంకు ప్రస్తుతం ఎంజీకేఎల్‌ఐ ద్వారా నీటిని సరఫరా చేస్తుండగా.. ఇకపై పాలమూరు ప్రాజెక్టు ద్వారా సరఫరాకు ప్రభుత్వం శ్రీకారం చుడుతోంది. ఇందుకోసం నార్లాపూర్‌ రిజర్వాయర్‌కు అనుసంధానంగా పంప్‌హౌజ్‌ నిర్మించింది. ఈ పనులు దాదాపుగా తుది దశకు చేరగా.. త్వరలోనే పంప్‌హౌజ్‌ను ప్రారంభించేందుకు సన్నాహాలు చేస్తున్నారు. తాగునీటి సరఫరా ఇలా.. కేఎల్‌ఐ ప్రాజెక్టుకు అనుసంధానంగా ఎల్లూరులో మిషన్‌ భగీరథ పంప్‌హౌజ్‌ నిర్మించారు. ఇక్కడి నుంచి ఉమ్మడి మహబూబ్‌నగర్‌తోపాటు రంగారెడ్డి జిల్లాలోని 3 నియోజకవర్గాల్లో కలిపి మొత్తం 84 మండలాల్లో 3,912 గ్రామాల ప్రజలకు తాగునీరు అందించేందుకు పైప్‌లైన్లు, వాటర్‌ ట్యాంకులు నిర్మించారు. పంప్‌హౌజ్‌ సామర్థ్యం ఇలా.. నార్లాపూర్‌ రిజర్వాయర్‌ నుంచి నీటిని బయటకు విడుదల చేసే హెడ్‌ రెగ్యులేటరీ వద్ద పంప్‌హౌజ్‌ నిర్మాణం చేపట్టారు. 1.7 కిలోవాట్ల సామర్థ్యం గల 6 పంపులను ఏర్పాటు చేశారు. ఇందులో 4 మోటార్ల ద్వారా నీటిని పంపింగ్‌ చేసి, మరో రెండు మోటార్లను స్పేర్‌లో ఉంచనున్నారు. ఒక్కో మోటారు ద్వారా రోజు 9 వేల క్యూసెక్కుల నీటిని పంపింగ్‌ చేయవచ్చు. పంప్‌హౌజ్‌కు మిషన్‌ భగీరథ స్కీం వద్ద ఉన్న 200/11 కేవీ సబ్‌స్టేషన్‌ నుంచి విద్యుత్‌ సరఫరా చేయనున్నారు. పంప్‌హౌజ్‌లోని మోటార్లకు సెప్టెంబర్‌లో డ్రై రన్‌ కూడా నిర్వహించారు. త్వరలోనే సీఎం రేవంత్‌రెడ్డిచే పంప్‌హౌజ్‌ను ప్రారంభించేందుకు అధికారులు ఏర్పాట్లు చేస్తున్నారు. పంప్‌హౌజ్‌ ప్రారంభమైతే మిషన్‌ భగీరథ స్కీంకు పాలమూరు, కేఎల్‌ఐ రెండు ప్రాజెక్టుల ద్వారా నీటిని వాడుకునే వెసులుబాటు కలుగుతుంది. తాగునీటి పథకానికి పాలమూరు ప్రాజెక్టు నుంచి నీటి సరఫరాకు సిద్ధం ఎల్లూరు సమీపంలోని సున్నపుతండాలో రూ.140 కోట్లతో పంప్‌హౌజ్‌ నిర్మాణం 1.7 కేవీ సామర్థ్యంతో 6 మోటార్లు ఏర్పాటు సీఎం చేతుల మీదుగా ప్రారంభించేందుకు సన్నాహాలు

● అత్యధికంగా లా, ఇంజినీరింగ్‌ కళాశాలలకు కేటాయింపు ● త్వరలో రోస్టర్‌, నోటిఫికేషన్‌ ఇవ్వనున్న అధికారులు మహబూబ్‌నగర్‌ ఎడ్యుకేషన్‌: పాలమూరు యూనివర్సిటీలో రెగ్యులర్‌ ప్రతిపాదికన అసిస్టెంట్‌ ప్రొఫెసర్‌ పోస్టులు భర్తీ చేసేందుకు ఇటీవల జీఓ 31ని విడుదల చేసిన ప్రభుత్వం తాజాగా డిపార్టుమెంట్ల వారీగా భర్తీ చేసే పోస్టులకు అనుమతిస్తూ జీఓ 142 జారీచేసింది. మొత్తం పీయూలోని 19 డిపార్ట్‌మెంట్లలో 152 పోస్టులు ఉండగా ఇందులో ప్రస్తుతం రెగ్యులర్‌ ప్రతిపాదికన 18 మంది పనిచేస్తుండగా.. 134 పోస్టులు ఖాళీగా ఉన్నాయి. ఈ క్రమంలో కేవలం 45 పోస్టులకు మాత్రమే భర్తీకి అనుమతించింది. అయితే కాంట్రాక్టు అధ్యాపకులు పనిచేస్తున్న మెజార్టీ డిపార్ట్‌మెంట్లలో ప్రభుత్వం రెగ్యులర్‌ పోస్టులను భర్తీ చేయడంపై సుముఖత వ్యక్తం చేసినట్లు తెలుస్తుంది. ప్రధానంగా పీయూలో కొత్తగా ప్రారంభించిన లా, ఇంజినీరింగ్‌ కళాశాలల్లో లాలో 8, ఇంజినీరింగ్‌లో మూడు డిపార్ట్‌మెంట్లలో 23 పోస్టుల భర్తీకి అనుమతి ఇచ్చింది. యూనివర్సిటీ పరిధిలో భర్తీ చేయనున్న పోస్టులు కావడంతో వాటికి సంబంధించి రోస్టర్‌, నోటిఫికేషన్‌ ప్రక్రియను అధికారులు చేపట్టనున్నారు. అంతేకాకుండా ఈ ప్రక్రియను మార్చిలోగా పూర్తి చేయాలని అధికారులు భావిస్తున్నట్లు సమాచారం. ఇందుకోసం పలు కమిటీలను కూడా త్వరలో ఏర్పాటు చేయనున్నారు. డిపార్ట్‌మెంట్‌ పోస్టులు బాటనీ 2 బిజినెస్‌ మేనేజ్‌మెంట్‌ 1 ఇంగ్లిష్‌ 4 మేథమెటిక్స్‌ 1 లా ( ఎల్‌ఎల్‌బీ, ఎల్‌ఎల్‌ఎం) 8 ఇంజినీరింగ్‌ సీఎస్‌ఈ 6 ఇంజినీరింగ్‌– సీఎస్సీ డాటాసైన్స్‌ 6 ఇంజినీరింగ్‌ (హ్యూమనిటీస్‌, 10 సోషల్‌ సైన్స్‌) ఇంజినీరింగ్‌ ఫిజికల్‌ ఎడ్యుకేషన్‌ 1

పాన్‌గల్‌: ప్రస్తుతం నెలకొన్న కరువు కాలం తెచ్చింది కాదని.. కాంగ్రెస్‌ ప్రభుత్వం తీసుకొచ్చిన కరువని కొల్లాపూర్‌ మాజీ ఎమ్మెల్యే బీరం హర్షవర్ధన్‌రెడ్డి అన్నారు. ఆదివారం మండల కేంద్రంలోని ఈదమ్మ ఆలయం సమీపంలో ఉన్న కేఎల్‌ఐ ఎంజే–6 పరిధిలో ఎండిన వరి పంటలను స్థానిక నాయకులతో కలిసి ఆయన పరిశీలించారు. ఈ సందర్భంగా మాట్లాడుతూ.. ప్రస్తుత ప్రభుత్వం సాగునీరు ఇవ్వడం లేదని.. కనీసం విద్యుత్‌ సరఫరా సక్రమంగా చేస్తే చేతికొచ్చిన పంటను రైతులు కాపాడుకుంటారన్నారు. ఓ పక్క సాగునీటి కష్టాలు, మరోపక్క విద్యుత్‌ కోతలతో పంటలు ఎండి రైతులు తీవ్రంగా నష్టపోతున్నారని ఆవేదన వ్యక్తం చేశారు. కాంగ్రెస్‌ ప్రభుత్వం కేసీఆర్‌ను తిట్టడం తప్ప రైతులకు సాగునీరు, విద్యుత్‌, రైతుబంధు ఇవ్వడంలో పూర్తిగా విఫలమైందని ఆరోపించారు. భీమా కాల్వ చివరి ఆయకట్టుకు సాగునీరు అందక రైతులు ఘర్షణ పడుతున్నారని.. అధికారుల పర్యవేక్షణ లేకనే గొడవలు జరుగుతున్నాయని విమర్శించారు. పంట నష్టపోయిన రైతులకు పరిహారం అందించి ఆదుకోవాలన్నారు. ఇప్పటికై నా అధికారులు స్పందించి పంటలు చేతికందే దశలోనైనా సాగునీరు, కోతలు లేకుండా విద్యుత్‌ సరఫరా చేసి పంటలను కాపాడాలని.. లేనిచో బీఆర్‌ఎస్‌ పార్టీ ఆధ్వర్యంలో రైతులతో కలిసి ఆందోళనలు చేపడతామని హెచ్చరించారు. కార్యక్రమంలో బీఆర్‌ఎస్‌ పార్టీ మండల అధ్యక్షుడు వీరసాగర్‌, న్యాయవాది రవికుమార్‌, చంద్రునాయక్‌, వెంకటయ్యనాయుడు, దాసునాయక్‌, గోపాల్‌రెడ్డి, రాంచందర్‌యాదవ్‌, సర్పంచ్‌లు కిశోర్‌నాయక్‌, కృష్ణనాయుడు, ఆయా గ్రామాల పార్టీ నాయకులు పాల్గొన్నారు.

వనపర్తి రూరల్‌: బుద్దారం రిజర్వాయర్‌లో భూములు కోల్పోతున్న రైతులకు 2013 భూ సేకరణ చట్టం ప్రకారం మార్కెట్‌ విలువకు మూడింతల నష్ట పరిహారం చెల్లించాలని సీపీఎం జిల్లా కార్యదర్శి పుట్టా ఆంజనేయులు, రైతు సంఘం రాష్ట్ర నాయకుడు ఎండీ జబ్బార్‌ బుద్దారం భూ నిర్వాసితుల పోరాట కమిటీతో ఆధ్వర్యంలో వనపర్తి ఎమ్మెల్యే తూడి మేఘారెడ్డికి వినతిపత్రం అందజేశారు. ఆదివారం జిల్లాకేంద్రంలోని ఎమ్మెల్యే నివాసంలో కలిసి రైతుల 8 డిమాండ్లపై ఆయనతో చర్చించారు. రిజర్వాయర్‌ రెండోదశ నిర్మాణ పనుల్లో 135 మంది రైతులు 101.33 ఎకరాల భూమి కోల్పోతున్నారని.. ప్రభుత్వం ఎకరాకు రూ.15 లక్షల పరిహారం ప్రకటించిందని, భూ సేకరణ చట్టం ప్రకారం మార్కెట్‌ విలువ రూ.15.75 లక్షలు ఉందన్నారు. చట్టం ప్రకారం మూడింతలు రూ.47.25 లక్షలు ఇవ్వాలని డిమాండ్‌ చేశారు. ముంపునకు గురవుతున్న భూముల్లో బోరుబావులు, పైపులైన్లు, కొబ్బరి, మామిడి, టేకు చెట్లు ఉండటంతో అదనంగా పరిహారం చెల్లించాలని కోరారు. 18 ఏళ్లు నిండిన యువతకు ప్రభుత్వ ఉద్యోగాలు కల్పించాలని డిమాండ్‌ చేశారు. పేట–కొడంగల్‌ మాదిరి ప్రత్యేక జీఓ తీసుకొచ్చి రైతులకు న్యాయం చేయాలని.. లేనిపక్షంలో ఉద్యమం ఉధృతం చేస్తామని వివరించారు. పరిహారం పెంపుపై మరోసారి చర్చించి ప్రయత్నం చేస్తామని, ఇందిరమ్మ ఇళ్లు, ఇళ్ల స్థలాలు ఇస్తామని ఎమ్మెల్యే హామీ ఇచ్చారు. మధు, కృష్ణ, శేఖర్‌, సాంబయ్య, ధర్మారావు, కావలి ఆంజనేయులు, కావలి జంబులయ్య, శ్రీశైలం తదితరులు పాల్గొన్నారు.

గోపాల్‌పేట: బుద్దారం రిజర్వాయర్‌లో భూములు కోల్పోతున్న రైతులు శనివారం గ్రామం నుంచి జిల్లాకేంద్రానికి పాదయాత్ర చేపట్టారు. గ్రామంలో ప్రారంభమై గోపాల్‌పేట, తాడిపర్తి, నర్సింగాయపల్లి మీదుగా వనపర్తికి చేరుకుంది. ఈ సందర్భంగా వారు మాట్లాడుతూ.. ప్రభుత్వం ఎకరాకు కేవలం రూ.15 లక్షలు మాత్రమే నష్టపరిహారం చెల్లిస్తామని చెబుతోందని, అలాగాకుండా మార్కెట్‌ ధరకు మూడురెట్లు అందించాలని డిమాండ్‌ చేశారు. మొత్తం 210 ఎకరాల వరకు నష్టపోతుంటే వంద ఎకరాలకుపైగా ఇప్పటికే పరిహారం అందిందని.. రెండో విడత రైతుల పొలాలు హైదరాబాద్‌ ప్రధాన రహదారి పక్కనే ఉన్నాయని, వాటిని తీసుకుంటే తాము భవిష్యత్‌లో బతకలేమన్నారు. రోడ్డు పక్కన ఉన్న పొలాలకు మార్కెట్‌లో ప్రస్తుతం ఎక్కువ ధరలు ఉన్నాయని.. ప్రభుత్వం కేవలం రూ.15 లక్షలు ఇస్తామంటే ఎంతవరకు న్యాయమని ప్రశ్నించారు. నష్టపరిహారంతో పాటు బోర్లు, బావులు, ఇతరాలకు అదనంగా చెల్లించాలని, లేదంటే పోరాటం కొనసాగిస్తామని హెచ్చరించారు. పరిహారం చెల్లించకుంటే పనులు సాగనివ్వం.. వనపర్తి రూరల్‌: బుద్దారం రిజర్వాయర్‌ నిర్మాణంలో భూములు కోల్పోతున్న రైతులకు 2013 భూ సేకరణ చట్టం ప్రకారం మార్కెట్‌ రేట్‌కు మూడింతలు నష్ట పరిహారం చెల్లించాలని, లేనిపక్షంలో చెరువుకట్ట పనులు సాగనివ్వమని సీపీఎం జిల్లా కార్యదర్శి పుట్టా ఆంజనేయులు, రైతు సంఘం రాష్ట్ర నాయకుడు ఎండీ జబ్బార్‌ ప్రభుత్వాన్ని హెచ్చరించారు. బుద్దారం భూ నిర్వాసితుల పోరాట కమిటి, సీపీఎం జిల్లా కమిటీ రైతులతో కలిసి గ్రామం నుంచి కలెక్టరేట్‌ వరకు పాదయాత్ర నిర్వహించి గేట్‌ ఎదుట ధర్నా చేశారు. అనంతరం రెవెన్యూ అదనపు కలెక్టర్‌ వినోద్‌కుమార్‌కు డిమాండ్ల వినతిపత్రం అందజేశారు. కార్యక్రమంలో సీపీఎం నాయకులు లక్ష్మి, మేకల ఆంజనేయులు, మండ్ల రాజు, బొబ్బిలి నిక్సన్‌, వెంకట్రాములు, బాల్యానాయక్‌, దేవేందర్‌, మౌలాలి, మద్దిలేటి, మహేష్‌, శేఖర్‌గౌడ్‌, శివాజీ, జామ్లానాయక్‌, వెంకటేష్‌, కృష్ణా తదితరులు పాల్గొన్నారు.

గోపాల్‌పేట: ఫిర్యాదుదారులకు ఎస్‌హెచ్‌ఓలు జవాబుదారీగా ఉండి వారి ఫిర్యాదు మేరకు కేసులు నమోదు చేయాలని ఎస్పీ సునీతరెడ్డి ఆదేశించారు. వార్షిక తనిఖీల్లో భాగంగా శనివారం ఆమె స్థానిక పోలీస్‌స్టేషన్‌ను సందర్శించి రికార్డులు, ఆవరణను పరిశీలించారు. అనంతరం సిబ్బందితో సమావేశమై మాట్లాడారు. కేసుల నమోదులో జాప్యం సరికాదని.. ఫిర్యాదు చేసిన రోజే పరిశీలించి కేసు నమోదు చేయాలని సూచించారు. మైనర్లు వాహనాలు నడపడం, మహిళలు, యువతులపై వేధింపులు జరగకుండా కఠినంగా వ్యవహరించాలని సూచించారు. ప్రజలకు నిరంతరం అందుబాటులో ఉండి బాధ్యతగా వ్యవహరించాలన్నారు. ఆమె వెంట డీఎస్పీ గిరిబాబు, సీఐ రత్నం, ఎస్సై శశిధర్‌ తదితరులు ఉన్నారు. హామీల అమలును విస్మరించిన కాంగ్రెస్‌ వనపర్తి రూరల్‌: రాష్ట్రంలోని కాంగ్రెస్‌ ప్రభుత్వం ఎన్నికల సమయంలో ఇచ్చిన హామీలు అమలు చేయకుండా యువత, ప్రజలను మోసం చేస్తూ కాలయాపన చేస్తోందని జెడ్పీ మాజీ చైర్మన్‌ లోక్‌నాథ్‌రెడ్డి, బీజేపీ రాష్ట్ర కార్యవర్గసభ్యుడు వెంకటేశ్వర్‌రెడ్డి మండిపడ్డారు. శనివారం జిల్లాకేంద్రంలోని కొత్త బస్టాండ్‌ దగ్గర బీజేవైఎం నాయకులతో కలిసి నల్లబ్యాడ్జీలు ధరించి వినూత్న రీతిలో నిరసన కార్యక్రమం చేపట్టారు. ఈ సందర్భంగా వారు మాట్లాడుతూ.. సరూర్‌నగర్‌ వేదికగా ప్రియాంకగాంధీ యూత్‌ డిక్లరేషన్‌ పేరిట అధికారంలోకి రాగానే ఏటా 2 లక్షల ఉద్యోగాలు, నిరుద్యోగ యువతకు ప్రతి నెల నిరుద్యోగ భృతిగా రూ.4 వేలు చెల్లిస్తామని గొప్పలు చెప్పారని గుర్తుచేశారు. అలాగే మహిళలకు స్కూటీలు, జాబ్‌ క్యాలెండర్‌ విడుదల, ఎస్సీ, ఎస్టీ యువతకు వడ్డీలేని రుణాలు వంటి హామీలు గుప్పించి అధికారంలోకి రాగానే పూర్తిగా విస్మరించారని ఆగ్రహం వ్యక్తం చేశారు. ప్రజలు, యువతను మోసం చేస్తున్న చేతకాని ప్రభుత్వం వెంటనే గద్దె దిగాలని డిమాండ్‌ చేశారు. కార్యక్రమంలో పార్టీ రాష్ట్ర వాణిజ్యసెల్‌ సభ్యుడు బశెట్టి శ్రీనివాసులు, అధికార ప్రతినిధి నక్క మహేష్‌, ఎస్సీమోర్చా అధ్యక్షుడు రవి, యువమోర్చా ప్రధానకార్యదర్శి జీఎస్‌ నవీన్‌, రాజేష్‌, కుబేర్‌, రఘు, రవి, రఘురాం, చంద్రశేఖర్‌ తదితర నాయకులు పాల్గొన్నారు.

మహబూబ్‌నగర్‌ మున్సిపాలిటీ: గ్రాడ్యుయేట్‌ ఎన్నికలకు సంబంధించి ఓటర్ల నమోదుపై ప్రత్యేక దృష్టి పెట్టాలని రాష్ట్ర ఎకై ్సజ్‌, పర్యాటక శాఖ మంత్రి జూపల్లి కృష్ణారావు సూచించారు. శనివారం సాయంత్రం జిల్లా కేంద్రంలోని ఓ ఫంక్షన్‌ హాలులో డీసీసీ అధ్యక్షుడు ఎ.సంజీవ్‌ ముదిరాజ్‌ అధ్యక్షతన కాంగ్రెస్‌ పార్టీ ఉమ్మడి మహబూబ్‌నగర్‌ జిల్లా పట్టభద్రుల ఎమ్మెల్సీ ఎన్నికల సన్నాహక సమావేశం జరిగింది. ఈ సందర్భంగా మంత్రి మాట్లాడుతూ గ్రామస్థాయి నుంచి జిల్లా స్థాయి వరకు పార్టీ కార్యకర్తలు, నాయకులు ప్రతి గ్రాడ్యుయేట్‌ను కలిసి ఓటరుగా తప్పక నమోదు చేయించాలన్నారు. పార్టీ అభ్యర్థి సామ రాంమోహన్‌రెడ్డి గెలుపు దీనిపైనే ఆధారపడి ఉందన్నారు. అందరూ బాధ్యతతో వ్యవహరించి వచ్చే నెల 6వ తేదీలోగా ఈ ప్రక్రియ పూర్తి చేయించాలన్నారు. ఉమ్మడి మహబూబ్‌నగర్‌ జిల్లాలో పెండింగ్‌ ప్రాజెక్టులను పూర్తి చేయకుండా ఎండబెట్టిన బీఆర్‌ఎస్‌, పాలమూరు– రంగారెడ్డి ఎత్తిపోతలకు జాతీయ హోదా ఇవ్వని బీజేపీ నేతలకు ఈ ఎన్నికల్లో ఓట్లు అడిగే నైతిక హక్కు లేదని విమర్శించారు. సామాజిక మాధ్యమాల్లో వివిధ అంశాలపై ప్రతిపక్షాలు చేసే తప్పుడు ప్రచారాన్ని తిప్పికొట్టాలన్నారు. ఈ మూడేళ్ల ప్రజాపాలనలో అమలు చేస్తున్న సంక్షేమ, అభివృద్ధి పథకాలను క్షేత్రస్థాయిలో వివరించాలన్నారు. ఈ ఎన్నిక దిక్సూచి: మంత్రి వాకిటి శ్రీహరి ఈ గ్రాడ్యుయేట్‌ ఎమ్మెల్సీ ఎన్నిక ఆ తర్వాత జరిగే స్థానిక సంస్థల ఎన్నికలు, శాసనసభ సాధారణ ఎన్నికలకు దిక్సూచి లాంటిదని రాష్ట్ర పశుసంవర్ధక, క్రీడల శాఖ మంత్రి వాకిటి శ్రీహరి అన్నారు. గత ఎన్నికలు జరిగినప్పుడు 5.31 లక్షల మంది పట్టభద్రులు ఉండగా.. ఇందులో 55 శాతం ఉమ్మడి పాలమూరులోనే ఉన్నారని పేర్కొన్నారు. ఈ విషయాన్ని గ్రహించి ఏమాత్రం నిర్లక్ష్యం వహించకుండా ఈ ఎన్నికల్లో పార్టీ అభ్యర్థిని గెలిపించాల్సిన బాధ్యత అందరిపై ఉందన్నారు. అన్ని విభాగాలు కలిసికట్టుగా పనిచేయాలి: చల్లా వంశీచంద్‌రెడ్డి కాంగ్రెస్‌ పార్టీకి చెందిన అన్ని విభాగాల నాయకులు సమష్టిగా పనిచేసి గ్రాడ్యుయేట్‌ ఎమ్మెల్సీ ఎన్నికల్లో పార్టీ అభ్యర్థిని భారీ మెజారిటీతో గెలిపించి సీఎం రేవంత్‌రెడ్డికి ‘గిఫ్ట్‌’గా ఇవ్వాలని సీడబ్ల్యూసీ ప్రత్యేక ఆహ్వానితుడు చల్లా వంశీచంద్‌రెడ్డి విజ్ఞప్తి చేశారు. వచ్చే నెల 6వ తేదీలోగా అన్ని గ్రామాల్లో ప్రతి పట్టభద్రుడిని కలిసి ఓటరుగా నమోదు చేయించాల్సిన బాధ్యత కాంగ్రెస్‌ పార్టీ నాయకులపై ఉందన్నారు. అందరూ నమోదు చేసుకోవాలి: అభ్యర్థి సామ రాంమోహన్‌రెడ్డి పట్టభద్రులందరూ ఓటరుగా తప్పక నమోదు చేయించుకోవాలని కాంగ్రెస్‌ పార్టీ అభ్యర్థి సామ రాంమోహన్‌రెడ్డి కోరారు. ఈ ఎన్నిక ఎంతో ప్రతిష్టాత్మకమని, ప్రతి కాంగ్రెస్‌ కార్యకర్య, నాయకుడు తామే అభ్యర్థిగా భావించి కష్టపని పనిచేయాలన్నారు. తాను గెలిస్తే శాసనమండలిలో ఆయా సమస్యలను ప్రస్తావించి రాష్ట్ర ప్రభుత్వం దృష్టికి తీసుకెళతానన్నారు. ఈ ఎన్నికల్లో ఒక్కటి కావడానికి బీఆర్‌ఎస్‌, బీజేపీ లోపాయకారీ ఒప్పందం చేసుకుంటాయని ఆరోపించారు. కార్యక్రమంలో నాగర్‌కర్నూల్‌ ఎంపీ. డా.మల్లురవి, ఎమ్మెల్సీ కూచుకుళ్ల దామోదర్‌రెడ్డి, ప్రభుత్వ విప్‌, ఎమ్మెల్యే యెన్నం శ్రీనివాస్‌రెడ్డి, ఎమ్మెల్యేలు అనిరుధ్‌రెడ్డి, జి.మధుసూదన్‌రెడ్డి, వీర్లపల్లి శంకర్‌, మేఘారెడ్డి, డా.రాజేశ్‌రెడ్డి, వంశీకృష్ణ, శాట్‌ చైర్మన్‌ శివసేనారెడ్డి, కార్పొరేషన్‌ చైర్మన్లు ఒబేదుల్లా కొత్వాల్‌, సరిత పాల్గొన్నారు. ప్రతిపక్షాల తప్పుడు ప్రచారం తిప్పికొట్టాలి: మంత్రి జూపల్లి కృష్ణారావు కాంగ్రెస్‌ పార్టీ ఉమ్మడి మహబూబ్‌నగర్‌ జిల్లా ఎమ్మెల్సీ ఎన్నికల సన్నాహక సమావేశం

వనపర్తి రూరల్‌: ప్రభుత్వం రాయితీపై అందించే వేరుశనగ విత్తనాల పంపిణీలో తమకు అన్యాయం జరిగిందంటూ శనివారం మండలంలోని చిమనగుంటపల్లిలో మహిళా సంఘాల సభ్యులు, గ్రామస్తులతో కలిసి ఖిల్లాఘనపురం వెళ్లే ప్రధాన రహదారిపై బైఠాయించి సుమారు రెండు గంటల పాటు ఆందోళన చేపట్టారు. ఘటన స్థలానికి డీపీఎం ప్రభాకర్‌, ఇన్‌చార్జి తహసీల్దార్‌ చక్రపాణి, ఎస్‌ఐ హృశికేష్‌ చేరుకొని వారికి సర్దిచెప్పి పాఠశాల ఆవరణలో సమావేశపర్చారు. ఈ సందర్భంగా డీపీఎం విత్తనాలు పంపిణీ చేసిన జాబితాను చదివి వినిపించడంతో గొడవ మొదలైంది. మహిళా సంఘ సభ్యుల సంతకాలు ఫోర్జరీ చేసి ఇతరులకు పంపిణీ చేశారని ఆరోపించారు. ఐకేపీ సిబ్బంది తమకు ఎలాంటి సమాచారం ఇవ్వకుండా గుట్టుగా విత్తనాలు పంపిణీ చేసినట్లు తెలిపారు. ఐకేపీలో మహిళలకు కాకుండా ఇతరులకు ఏ విధంగా పంపిణీ చేస్తారని డీపీఎంను నిలదీశారు. గ్రామంలో 14 మందికి ఒక్కొక్కరికి 4 బస్తాల చొప్పున పంపిణీ చేసినట్లు నమోదు చేసుకొని వాటిని గ్రామ శివారులోని కోళ్ల షెడ్‌లో భద్రపర్చినట్లు వివరించారు. అధికారులు అర్హులకు అందించకుండా రాజకీయ వత్తిళ్లకు తలొగ్గి ఇతరులకు పంపిణీ చేశారని ఆరోపిస్తూ ఈ వ్యవహారంపై సమగ్ర విచారణ జరిపించాలని డిమాండ్‌ చేశారు. వ్యవసాయాన్ని నమ్ముకొని జీవనం సాగించే రైతులకు విత్తనాలు ఎంతో కీలకమైనవని.. ప్రభుత్వం అందించే రాయితీ ప్రయోజనాలు అర్హులకు చేరాల్సిన అవసరం ఉందని పేర్కొన్నారు. తమకు విత్తనాలు అందించకపోవడానికి కారణాలేమిటో అధికారులు వెల్లడించాలని సభ్యులు పట్టుబట్టారు.

కొల్లాపూర్‌ రూరల్‌: మండలంలోని సోమశిల శివారు కృష్ణానది బ్యాక్‌వాటర్‌ ఆవలి ఒడ్డున వెలసిన సంగమేశ్వరాయం శనివారం పూర్తిగా తేలింది. ఈ సంవత్సరం ఉగాది పండుగ రోజు పూజా కార్యక్రమం ప్రారంభం కాగా.. తిరిగి జలాధివాసం అయిన సంగమేశ్వరుడికి దసరా పండుగ రోజు నుంచి పూజలు పునఃప్రారంభమవుతాయని ప్రధాన అర్చకులు రఘురామశర్మ తెలిపారు. ఈ మేరకు సోమవారం స్వామివారికి తొలిపూజ జరుగుతుందని చెప్పారు. అలాగే ఈ సంవత్సరం ఆలయంలో ఒండ్రుమట్టి, బురద తక్కువగా ఉందన్నారు. ప్రస్తుతం స్వామివారి ఆలయంతోపాటు కొంత రహదారి కూడా పూర్తిగా తేలిందన్నారు.

వనపర్తి: ప్రత్యేక ఓటరు జాబితా సవరణ (ఎస్‌ఐఆర్‌) ప్రక్రియలో భాగంగా పెండింగ్‌ నోటీసుల పరిష్కారంతో పాటు ఫారం–6, 7, 8 దరఖాస్తులను త్వరితగతిన పరిష్కరించాలని కలెక్టర్‌ ఆదర్శ్‌ సురభి అధికారులను ఆదేశించారు. శనివారం హైదరాబాద్‌ నుంచి రాష్ట్ర ప్రధాన ఎన్నికల అధికారి పి.సుదర్శన్‌రెడ్డి అన్ని జిల్లాల కలెక్టర్లతో వీడియో కాన్ఫరెనన్స్‌ నిర్వహించగా.. జిల్లా కలెక్టరేట్‌ నుంచి కలెక్టర్‌తో పాటు రెవెన్యూ అదనపు కలెక్టర్‌ వినోద్‌కుమార్‌, డీఆర్వో రాంరెడ్డి పాల్గొన్నారు. అనంతరం కలెక్టర్‌ జిల్లా అధికారులతో సమావేశమై మాట్లాడారు. గ్రాడ్యుయేట్‌ ఎమ్మెల్సీ ఎన్నికల నేపథ్యంలో ఫారం–18 ద్వారా దరఖాస్తు చేసుకున్న అభ్యర్థుల వివరాల ధ్రువీకరణను వేగవంతం చేయాలన్నారు. ప్రత్యేక ఓటరు జాబితా సవరణలో భాగంగా అనామలీస్‌కు సంబంధించి జారీ చేసిన నోటీసుల పరిష్కార ప్రక్రియను మరింత వేగవంతం చేయాలని ఆదేశించారు. నోటీసుల పరిష్కార సమయంలో ఆధార్‌కార్డుతో పాటు మరో గుర్తింపు పత్రాన్ని కూడా స్వీకరించి సంబంధిత వివరాలను నిబంధనల ప్రకారం పరిశీలించాలన్నారు. అక్టోబర్‌ 25లోగా ప్రక్రియ పూర్తిచేసేలా ప్రణాళిక రూపొందించుకోవాలని సంబంధిత అధికారులను ఆదేశించారు. ఓటరు జాబితా సవరణ ప్రక్రియను పారదర్శకంగా, నిర్దేశిత గడువులోగా పూర్తి చేయాలన్నారు. సమావేశంలో ఏఈఆర్వోలు, ఇతర అధికారులు తదితరులు పాల్గొన్నారు.

నవంబర్‌ 10 నుంచి ● జాతరకు పకడ్బందీ ఏర్పాట్లు ● అన్ని శాఖలు సమన్వయంతో పనిచేయాలి ● కలెక్టర్‌ ఖుష్బూగుప్తా, ఎమ్మెల్యే మధుసూదన్‌రెడ్డి జడ్పీ సెంటర్‌ (మహబూబ్‌నగర్‌): చిన్నచింతకుంట మండలం అమ్మాపూర్‌ సమీపంలోని శ్రీ కురుమూర్తిస్వామి దేవస్థానంలో నవంబర్‌ 10 నుంచి 25వ తేదీ వరకు నిర్వహించనున్న బ్రహ్మోత్సవాలకు పకడ్బందీ ఏర్పాట్లు చేయాలని దేవరకద్ర ఎమ్మెల్యే జి. మధుసూదన్‌రెడ్డి, కలెక్టర్‌ ఖుష్బూగుప్తా అధికారులను ఆదేశించారు. శుక్రవారం కలెక్టరేట్‌లో నిర్వహించిన జిల్లా స్థాయి సమన్వయ కమిటీ సమావేశంలో వారు జాతర ఏర్పాట్లపై సమీక్షించారు. ఎ మ్మెల్యే మాట్లాడుతూ భక్తులకు ఎలాంటి అసౌక ర్యం కలగకుండా ముందస్తు కార్యాచరణతో అన్ని ఏర్పాట్లు పూర్తి చేయాలన్నారు. తాగునీటికి ఇబ్బందులు లేకుండా చూడాలని, వైద్య శిబిరాలు ఏర్పా టు చేసి 24 గంటల పాటు వైద్య సేవలు అందించాలని సూచించారు. పోలీసు బందోబస్తు పటిష్ఠం చేయడంతో పాటు ట్రాఫిక్‌ నియంత్రణ, వాహనాల పార్కింగ్‌కు ప్రత్యేక చర్యలు తీసుకోవాలన్నారు. ఘాట్‌ రోడ్డు పనులు కొనసాగుతున్నందున కొండపైకి వాహనాలను అనుమతించకుండా చూడాలని సూచించారు. నవంబర్‌ 16న జరిగే ఉద్దాల ఉత్సవానికి భక్తుల రద్దీని దృష్టిలో ఉంచుకుని అదనపు ఆర్టీసీ బస్సులు నడపాలని, రహదారుల మరమ్మతులు పూర్తి చేయాలని తెలిపారు. నిరంతర విద్యుత్‌ సరఫరా, పారిశుధ్య నిర్వహణ, తాత్కాలిక మరుగుదొడ్ల ఏర్పాటు చేపట్టాలని, జాతర ప్రాంతంలో మద్యం విక్రయాలను నియంత్రించాలని అధికారులకు సూచించారు. కురు మూర్తిస్వామి దేవస్థానాన్ని ప్రముఖ ఆధ్యాత్మిక కేంద్రంగా అభివృద్ధి చేసేందుకు మాస్టర్‌ ప్లాన్‌ రూపొందిస్తున్నట్లు వెల్లడించారు. కలెక్టర్‌ ఖుష్బూ గుప్తా మాట్లాడుతూ గత అనుభవాలను దృష్టిలో ఉంచుకుని తాగునీరు, పారిశుధ్యం, వైద్యం, రవాణా, భద్రతకు ప్రాధాన్యమివ్వాలని సూచించారు. భక్తులకు సమాచారాన్ని అందించేందుకు సూచిక బోర్డులు ఏర్పాటు చేయాలని, వివిధ శాఖల సమన్వయం కోసం ఇంటిగ్రేటెడ్‌ కంట్రోల్‌ రూమ్‌ ఏర్పాటు చేయాలని ఆదేశించారు. ముఖ్యమైన రోజుల్లో అవసరమైతే ట్యాంకర్ల ద్వారా నీటిని సరఫరా చేయాలని, విద్యుత్‌ అంతరాయాలు తలెత్తకుండా ప్రత్యామ్నాయ ఏర్పాట్లు సిద్ధం చేసుకోవాలని తెలిపారు. అనంతరం బ్రహ్మోత్సవాల పోస్టర్‌ను విడుదల చేశారు. సమావేశంలో ట్రెయినీ కలెక్టర్‌ శివాని, అదనపు కలెక్టర్‌ జేఎల్‌బీ హరిప్రియ, ఏఎస్పీ రత్నం, డీఆర్‌ఓ నిర్మల, ఆలయ చైర్మన్‌ బత్తుల బాలరాజు, ఈఓ మదన్‌రెడ్డి, ఇతర అధికారులు పాల్గొన్నారు.

గద్వాల: నెట్టెంపాడు ఎత్తిపోతల పథకంలో ప్రధానమైన ర్యాలంపాడు రిజర్వాయర్‌ మరమ్మతుకు నోచుకోవడం లేదు. నాలుగేళ్ల కిందట ఆనకట్ట, తూముల వద్ద లీకేజీలు ఏర్పడ్డాయి. ఫలితంగా 4 టీఎంసీల నీటి సామర్థ్యం ఉన్న రిజర్వాయర్‌ కాస్త 2 టీఎంసీలు మాత్రమే నిల్వ చేస్తున్నారు. దీంతో ర్యాలంపాడు జలాశయం కింద 1.12 లక్షల ఎకరాల ఆయకట్టుకు కేవలం ఖరీఫ్‌లో ఒకే పంటకు సాగునీరు అందుతుండగా.. రబీ సీజన్‌లో క్రాప్‌ హాలిడే ఇస్తున్నారు. దీంతో తక్షణమే మర్మమతు చేయాలని రైతులు ఏటా ఆందోళన వ్యక్తం చేస్తున్నారు. ఇందుకోసం ప్రభుత్వం రూ.4.92 కోట్లు మంజూరు చేసింది. అయితే పలుమార్లు హైదరాబాద్‌, పుణెల నుంచి ఇంజినీరింగ్‌ నిపుణుల బృందం రిజర్వాయర్‌ను సందర్శించి సర్వే చేశారు. మరమ్మతు చేసేందుకు ముందస్తుగా 7 రకాల శాంపిల్స్‌ సేకరించి నివేదిక కోసం హైదరాబాద్‌లోని టీఎస్‌ఈఆర్‌ఎల్‌ (తెలంగాణ రాష్ట్ర ఇంజినీరింగ్‌ రీసెర్చి ల్యాబ్‌)కు పంపారు. వీరు ఇచ్చే నివేదికను పుణెకు చెందిన సీడబ్ల్యూపీఆర్‌సీ ల్యాబ్‌కు పంపించి అక్కడి నుంచి వచ్చే తుది నివేదిక ఆధారంగా పూర్తిస్థాయి రిపేర్లు చేయాల్సి ఉంటుంది. దీనిపై గత రెండు నెలలుగా ఎలాంటి నివేదిక రాలేదు. దేవుడు వరమిచ్చినా పూజారి కరుణించడం లేదన్న చందంగా ప్రభుత్వం నుంచి రూ.4.92 కోట్ల నిధులు మంజూరైనా రీసెర్చి ల్యాబ్‌ నుంచి నివేదిక రాకపోవడం మరమ్మతుకు అడ్డంకిగా మారింది. ఇదిలా ఉంటే.. మరోవైపు ఇటీవల రాష్ట్ర ప్రభుత్వం గుడ్డెందొడ్డి రిజర్వాయర్‌ స్థాయిని పెంచేందుకు ఆమోదం తెలిపింది. దీని కారణంగానే ర్యాలంపాడుకు మరమ్మతు చేపట్టేందుకు ప్రభుత్వం పునరాలోచనలో పడిందా అన్న ప్రచారం జరుగుతోంది. 2 లక్షల ఎకరాలు.. గద్వాల, అలంపూర్‌ నియోజకవర్గాల్లో సుమారు 2 లక్షల ఎకరాలకు సాగు, తాగునీటిని అందించే లక్ష్యంతో దివంగత మాజీ ముఖ్యమంత్రి వైఎస్‌ రాజశేఖరరెడ్డి నెట్టెంపాడు ఎత్తిపోతల పథకానికి 2005లో శంకుస్థాపన చేశారు. 2009 వరకు ప్రాజెక్టు నిర్మాణ పనులు పరుగులు పెట్టాయి. ఆ తర్వాత మహానేత అకాల మరణంతో పనులు అసంపూర్తిగా మిగిలిపోయాయి. అయితే ప్రాజెక్టు పరిధిలో మొత్తం ఏడు రిజర్వాయర్లు (20 టీఎంసీలు) ఉండగా ఇందులో ర్యాలంపాడును 4 టీఎంసీల సామర్థ్యంతో నిర్మించారు. ఇంతటి ప్రాధాన్యత కలిగిన ర్యాలంపాడు రిజర్వాయర్‌ పనులు దక్కించుకున్న కాంట్రాక్టర్‌ లోపభూయిష్టంగా నిర్మించడం, దానికి తోడు అధికారుల పర్యవేక్షణలో నిర్లక్ష్యం చోటుచేసుకోవడంతో ర్యాలంపాడు రిజర్వాయర్‌కు లీకేజీలు ఏర్పడ్డాయి. రిజర్వాయర్‌ను పూర్తిస్థాయిలో అందుబాటులోకి తీసుకొచ్చిన రెండేళ్లకే ఆనకట్టకు, తూముల నిర్మాణాల్లో లీకేజీలు ఏర్పడ్డాయంటే పనుల నాణ్యత ఏ స్థాయిలో నిర్మించారో అవగతమవుతోంది. ఏడు రకాల శాంపిల్స్‌.. రిజర్వాయర్‌ మరమ్మతుకు సంబంధించి ఆనకట్టలోని రాక్‌ టోల్‌ లేయర్లు, తూముల అడుగు భాగంలో ఏడు రకాల మట్టి శాంపిల్స్‌ సేకరించారు. వీటిని హైదరాబాద్‌లోని ఇంజినీరింగ్‌ రీసెర్చి ల్యాబ్‌కు పంపారు. ఇక్కడి నుంచి వచ్చిన రిపోర్టును తుది నివేదిక కోసం పుణెకు చెందిన సీడబ్ల్యూపీఆర్‌సీకి పంపనున్నట్లు అధికారులు తెలిపారు. అక్కడి నుంచి వచ్చే తుది నివేదిక ఆధారంగానే రిజర్వాయర్‌కు పూర్తిస్థాయిలో మరమ్మతు చేపట్టే అవకాశం ఉంది. జూరాలకు తగ్గిన ఇన్‌ఫ్లో అమరచింత: ప్రియదర్శిని జూరాల ప్రాజెక్టుకు ఇన్‌ఫ్లో పూర్తిగా తగ్గింది. శుక్రవారం కేవలం 300 క్యూసెక్కుల ఇన్‌ఫ్లో నమోదైనట్లు ప్రాజెక్టు ఏఈ సుదర్శన్‌ తెలిపారు. గురువారం నాటికి నారాయణపూర్‌ డ్యాం నుంచి రోజువారీగా 5వేల క్యూసెక్కుల నీరు నాలుగు రోజుల పాటు రావడం.. ఆపై 1,000 క్యూసెక్కుల నీరు రెండు రోజులపాటు వచ్చినట్లు పేర్కొన్నారు. ప్రస్తుతం ఇన్‌ఫ్లో పూర్తిగా తగ్గిందన్నారు. జూరాలపై ఆధారపడిన ఎత్తిపోతల పథకాలతో పాటు ఆర్డీఎస్‌ లింక్‌ కెనాల్‌, సమాంతర కాల్వ, భీమా ఫేజ్‌–2కు పూర్తిగా నీటి సరఫరాను నిలిపివేశారు. అదే విధంగా జూరాల ఆయకట్టుకు నాలుగు రోజులుగా సాగునీటి విడుదల నిలిచిపోయింది. ఏజెన్సీలతో సర్వే.. ర్యాలంపాడు రిజర్వాయర్‌కు లీకేజీ ఏర్పడిన అనంతరం మరమ్మతు చేసేందుకు ప్రభుత్వం నిర్ణయించింది. మొదట రూ.60 లక్షలతో హైదరాబాద్‌కు చెందిన ఏజెన్సీకి సర్వే పనులు అప్పగించింది. ఆరు నెలలపాటు సర్వే చేసిన సదరు ఏజెన్సీ తుది నివేదికను గత ప్రభుత్వానికి సమర్పించింది. అయితే దీనిపై ప్రభుత్వం నుంచి ఎలాంటి స్పష్టత రాకపోవడంతో మరోసారి పుణెకు చెందిన ఇంజినీరింగ్‌ బృందంతో సర్వే చేయించింది. పుణె ఇంజినీరింగ్‌ నిపుణుల బృందం రెండుసార్లు రిజర్వాయర్‌ను సందర్శించి.. తుది నివేదిక ప్రభుత్వానికి సమర్పించారు. ర్యాలంపాడ్‌ జలాశయ మరమ్మతుల్లో తీవ్ర అలసత్వం ఆనకట్ట, తూముల రిపేర్‌ కోసం రూ.4.92 కోట్లు మంజూరు టీఎస్‌ఈఆర్‌ఎల్‌ నివేదిక ఆలస్యమే కారణమా..? ఏదేమైనా పుణె సీడబ్ల్యూపీఆర్‌సీ నివేదిక వస్తేనే ముందుకు.. సాగునీటి ఇబ్బందులతో ఆయకట్టుకు యాసంగిలో క్రాప్‌ హాలీడే ప్రకటన ప్రభుత్వం మంజూరు చేసిన మొత్తం నిధులు రూ.4.92 కోట్లు మరమ్మతుకు వెచ్చించే నిధులు రూ.3.66 కోట్లు

బతుకమ్మ సంబరాల్లో మహిళా పోలీసు సిబ్బందితో ఎస్పీ సునీతారెడ్డి వనపర్తి: జిల్లా పోలీసు కార్యాలయంలో శుక్రవారం బతుకమ్మ సంబరాలను ఘనంగా నిర్వహించారు. ఈ సందర్భంగా ఎస్పీ డి.సునీతారెడ్డి మహిళా పోలీసు అధికారులు, సిబ్బందితో కలిసి వేపకాయల బతుకమ్మను రంగురంగుల పూలతో వేపుగా పేర్చి.. తమలపాకులలో గౌరమ్మని పెట్టిన అనంతరం ఆడబిడ్డలు అల్లిన రంగవల్లుల నడుమ బతుకమ్మ వేడుకలను సంబురంగా నిర్వహించారు. చిత్తూ చిత్తుల బొమ్మ.. శివుని ముద్దుగుమ్మ, ఒక్కేసి పువ్వేసి చందమామ అంటూ ఆడి పాడారు. కార్యక్రమంలో అడిషనల్‌ ఎస్పీ ఏఆర్‌ వీరారెడ్డి, డీసీఆర్‌బీ డీఎస్పీ బాలాజీనాయక్‌, డీఎస్పీ గిరిబాబు, సీఐలు ఓడి రమేశ్‌, రత్నం, అప్పలనాయుడు, శ్రీనివాస కుమార్‌ తదితరులు పాల్గొన్నారు.

వనపర్తి: గ్రామీణ యువ క్రీడాకారుల నైపుణ్యాలు వెలికితీసేందుకు వనపర్తి చాంపియన్స్‌ కప్‌–2026 ఎంతో దోహదపడుతుందని.. జిల్లాలోని అన్ని మండలాల క్రీడాకారులతో విద్య, వయసుతో సంబంధం లేకుండా ఆటలు ఆడించాలనే కలెక్టర్‌ ఆదర్శ్‌ సురభి ఆలోచన అభినందనీయమని రాష్ట్ర స్పోర్ట్స్‌ అథారిటీ చైర్మన్‌ కొత్తకాపు శివసేనారెడ్డి అన్నారు. దసరా పర్వదినాన్ని పురస్కరించుకొని శుక్రవారం జిల్లా కేంద్రంలోని పాలిటెక్నిక్‌ కళాశాల మైదానంలో కలెక్టర్‌ ఆదర్శ్‌ సురభి, ఎస్పీ సునీతారెడ్డిలతో కలిసి ఆయన చాంపియన్స్‌ కప్‌ క్రీడలను ప్రారంభించారు. ముందుగా హాకీ మాంత్రికుడు ధ్యాన్‌ చంద్‌ చిత్రపటానికి పూలమాలలు వేసి నివాళులర్పించి.. జ్యోతి ప్రజ్వలన చేశారు. అనంతరం క్రీడా పతాకావిష్కరణ చేశారు. అలాగే ప్రభుత్వ బాలుర పాఠశాల మైదానంలో నిర్వహిస్తున్న వాలీబాల్‌, ఫుట్‌బాల్‌, కబడ్డీ, క్యారమ్స్‌, చెస్‌ పోటీలను సైతం వారు ప్రారంభించారు. మొదటగా వనపర్తి – పాన్‌గల్‌ జట్లు వాలీబాల్‌లో తలపడ్డాయి. కబడ్డీలో పాన్‌గల్‌ – చిన్నంబావి, ఫుట్‌బాల్‌లో అమరచింత – గోపాల్‌పేట్‌ మధ్య పోటీ జరిగింది. చదరంగం ప్రారంభోత్సవం సందర్భంగా కలెక్టర్‌, స్పోర్ట్స్‌ అథారిటీ చైర్మన్‌ ఎత్తుకు పై ఎత్తులు వేసి క్రీడాకారులను ఉత్సాహపరిచారు. అనంతరం క్యారమ్స్‌లో ఎస్పీ సునీతారెడ్డి చక్కని ఆట తీరును కనబరిచారు. ఈ సందర్భంగా శాట్‌ చైర్మన్‌ మాట్లాడుతూ.. వనపర్తి చాంపియన్స్‌ కప్‌లో రాణించే క్రీడాకారులకు రాష్ట్ర, జాతీయ స్థాయిలో సైతం పోటీపడే అవకాశం కల్పిస్తామన్నారు. ఇక్కడి స్ఫూర్తితో సంక్రాంతికి రాష్ట్రంలోని ఇతర జిల్లాల్లో సైతం ఇలాంటి క్రీడలు నిర్వహించే విధంగా చర్యలు తీసుకుంటామన్నారు. కలెక్టర్‌ మాట్లాడుతూ.. దసరా పండుగ సందర్భంగా నిర్వహిస్తున్న చాంపియన్స్‌ కప్‌ క్రీడల్లో పాల్గొనేందుకు విచ్చేసిన క్రీడాకారులు క్రీడా స్ఫూర్తిని చాటి గెలుపు కోసం ప్రయత్నించాలని సూచించారు. అత్యధికంగా ట్రోపీలు గెలిచిన మండలానికి చాంపియన్స్‌ కప్‌ ఇవ్వనున్నట్లు తెలిపారు. అనంతరం ఎస్పీ మాట్లాడుతూ.. ఆటల్లో గెలుపోటములు సహజమన్నారు. క్రీడాకారులు మైదానంలో ఆటలాడుతున్నప్పుడు ఎన్నో మంచి విషయాలను నేర్చుకుంటారని తెలిపారు. కార్యక్రమంలో అదనపు కలెక్టర్‌ ఎన్‌.ఖీమ్యానాయక్‌, ఆర్డీఓ సుబ్రహ్మణ్యం, తహసీల్దార్లు, మున్సిపల్‌ కమిషనర్లు, కౌన్సిలర్లు, ఇతర ప్రజాప్రతినిధులు పాల్గొన్నారు.

కొత్తకోట రూరల్‌: చెరుకు రైతులకు టన్నుకు రూ.6 వేల మద్దతు ధర చెల్లించాలని రైతు సంఘం రాష్ట్ర నేత ఎండీ జబ్బార్‌ డిమాండ్‌ చేశారు. శుక్రవారం కొత్తకోట మండలం అప్పరాల సమీపంలోని కృష్ణవేణి షుగర్‌ ఫ్యాక్టరీ యాజమాన్యంతో రైతుల సమస్యలపై చర్చించారు. ఈ సందర్భంగా ఆయన మాట్లాడుతూ.. చెరుకు టన్నుకు రూ.6 వేల మద్దతు ధరతో పాటు అదనంగా రూ.1,000 బోనస్‌ చెల్లించాలన్నారు. చెరుకు రవాణా, కోత ఖర్చులను ఫ్యాక్టరీ యాజమాన్యమే భరించాలని, లేబర్‌ ఖుషీ మొత్తాన్ని కూడా ఎకరాకు యాజమాన్యమే చెల్లించాలని డిమాండ్‌ చేశారు. పంటసాగు విస్తీర్ణం కోసం రైతులకు ఎకరా రూ. 30వేల చొప్పున రుణాలు అందించాలని.. సీడీసీ నిధులతో రైతుల పొలాలకు వెళ్లే రహదారులకు మరమ్మతు చేపట్టాలని కోరారు. కార్యక్రమంలో ఫ్యాక్టరీ యాజమాన్యం తరఫున డైరెక్టర్‌ రవికుమార్‌, రామరాజు, నాగార్జున రావు, రామ్మోహన్‌రావు, చెరుకు రైతుల సంఘం ఉమ్మడి జిల్లా నాయకులు జీఎస్‌ గోపి, పి.తిరుమలేష్‌, ఎస్‌సీ అరుణ్‌ కుమార్‌, గోపాల్‌రెడ్డి, రైతులు శంకర్‌ నాయక్‌, స్వామి నాయక్‌, చంద్రన్న, రాజు, వెంకట్రాములు, విజయకుమార్‌ ఉన్నారు. మట్టి వాహనాలను అడ్డుకున్న నిర్వాసితులు కొత్తకోట రూరల్‌: మండలంలోని కానాయపల్లి గ్రామ పునరావాస కేంద్రానికి అతి సమీపంలో ఉన్న తేనెటిగుట్ట నుంచి మట్టిని అక్రమంగా తరలిస్తున్న టిప్పర్లను శుక్రవారం గ్రామ నిర్వాసితులు అడ్డుకున్నారు. పునరావాస కేంద్రంలో అవసరాలకు మట్టి కావాల్సి ఉండగా.. ఇతర ప్రాంతాలకు అక్రమంగా తరలించడంపై వారు ఆగ్రహం వ్యక్తం చేశారు. అధికార పార్టీ నాయకులు, అధికారుల అండదండతో కొందరు మట్టి వ్యాపారులు రెండు రోజులుగా మట్టిని అక్రమంగా తరలిస్తున్నారని వారు ఆరోపించారు. సర్వం కోల్పోయిన తమను పట్టించుకోకుండా ఎవరికి వారు తమ వ్యాపారాలు, రాజకీయాలను కొనసాగిస్తున్నారని వాపోయారు. పునరావాస కేంద్రానికి అవసరమైన మట్టిని అందుబాటులో ఉంచిన తర్వాతే ఇతర అవసరాలకు తరలింపుపై నిర్ణయం తీసుకోవాలని డిమాండ్‌ చేశారు. కాగా, మండలంలో కొంతకాలంగా మట్టి, ఇసుక అక్రమ రవాణా కొనసాగుతున్నా ఎవరూ పట్టించుకోవడం లేదనే విమర్శలు వ్యక్తమవుతున్నాయి. మట్టి వాహనాలను అడ్డుకున్న వారిలో రావుల నరోత్తమ్‌రెడ్డి, భీమన్ననాయుడు, సాయిలు, యాటకిరి అంజన్న, హోటల్‌ రాజు, మొగులన్న, బందెన్న ఉన్నారు.

పాన్‌గల్‌: విద్యుత్‌ కోతలతో పంటలు ఎండుతున్నాయని రైతులు రోడ్డెక్కి ఆందోళనకు దిగారు. పాన్‌గల్‌ మండలంలోని తెల్లరాళ్లపల్లి, తెల్లరాళ్లపల్లి తండాకు చెందిన రైతులు విద్యుత్‌ కోతలను నిరసిస్తూ శుక్రవారం కేతేపల్లి విద్యుత్‌ సబ్‌స్టేషన్‌ ముట్టడించారు. అనంతరం కొల్లాపూర్‌ – వనపర్తి ప్రధాన రహదారిపై బైఠాయించి ధర్నా చేపట్టారు. ఈ సందర్భంగా గిరిజన సంఘం రాష్ట్ర ఉపాధ్యక్షుడు బాల్యానాయక్‌ మాట్లాడుతూ.. కొన్ని రోజులుగా విద్యుత్‌ సరఫరాలో తీవ్ర అంతరాయం ఏర్పడుతుందన్నారు. 12 గంటల పాటు విద్యుత్‌ సరఫరా చేస్తున్నామని అధికారులు చెబుతున్నా క్షేత్రస్థాయిలో 7 నుంచి 8 గంటలు కూడా సరఫరా కావడం లేదన్నారు. కరెంటు వచ్చి పోతుండటంతో పారిన మడులే మళ్లీ మళ్లీ పారుతున్నాయని తెలిపారు. విద్యుత్‌ సరఫరాపై అధికారులు స్పష్టమైన హామీ ఇచ్చే వరకు ఆందోళన విరమించేది లేదని రైతులు భీష్మించారు. దీంతో ప్రధాన రహదారిపై ఎక్కడి వాహనాలు అక్కడే నిలిచిపోయాయి. సమాచారం అందుకున్న ట్రాన్స్‌కో ఏఈ చందన్‌కుమార్‌రెడ్డి అక్కడికి చేరుకొని 12 గంటల పాటు నిరంతరాయంగా విద్యుత్‌ సరఫరా చేస్తామని హామీ ఇవ్వడంతో ఆందోళన విరమించారు.

గోపాల్‌పేట: ఎప్పుడైనా రైతుల పక్షాన ఉండేది కాంగ్రెస్‌ ప్రభుత్వమేనని.. అధికారంలో ఉన్నప్పుడు ఒకలా, లేనప్పుడు మరోలా ప్రవర్తించడం బీఆర్‌ఎస్‌ నాయకులకే చెల్లిందని వనపర్తి ఎమ్మెల్యే తూడి మేఘారెడ్డి అన్నారు. గురువారం ఆయన రేవల్లి, ఏదుల మండలాల్లో పర్యటించారు. ఏదులలో పదివేల మెట్రిక్‌ టన్నుల గోదాం నిర్మాణానికి శంకుస్థాపన, ప్రాథమిక ఆరోగ్య కేంద్రాన్ని ప్రారంభించారు. మండలానికి త్వరలోనే అంబులెన్స్‌ సౌకర్యం కల్పించేందుకు కృషి చేస్తానని హామీ ఇచ్చారు. స్థానికంగా ఆరోగ్య శిబిరం నిర్వహించి ప్రజలకు వైద్యసేవలు అందించిన ఆస్పత్రి యాజమాన్యానికి ధన్యవాదాలు తెలిపారు. అనంతరం రేవల్లి మండలం కొంకలపల్లి సమీపంలో ఐదువేల మెట్రిక్‌ టన్నుల గోదాం ప్రారంభించారు. పలు అభివృద్ధి పనులకు శంకుస్థాపన చేశారు. ఈ సందర్భంగా మాట్లాడుతూ.. బీఆర్‌ఎస్‌ నేతలు అధికారంలో ఉన్నప్పుడు ప్రజలకు ఇచ్చిన హామీలు నెరవేర్చకుండా, రైతుల సమస్యలు పట్టించుకోకుండా ఇప్పుడు ప్రజల పక్షాన ఉన్నట్లు మాట్లాడడం విడ్డూరంగా ఉందన్నారు. ప్రజలు నాయకుల మాటలు కాకుండా గతంలో అధికారంలో ఉన్నప్పుడు వారు చేసిన పనులను కూడా పరిశీలించాలని కోరారు. గత పాలకులు కాంట్రాక్టర్లతో కుమ్మకై ్క కమీషన్లకు ప్రాధాన్యమిచ్చి గ్రామాల అభివృద్ధిని నిర్లక్ష్యం చేశారని ఆరోపించారు. కాంగ్రెస్‌పార్టీ అధికారంలోకి వచ్చిన తర్వాత ఏదులలో తహసీల్దార్‌, ఎంపీడీఓ కార్యాలయ నిర్మాణాలతో సహా పలు అభివృద్ధి కార్యక్రమాలకు శ్రీకారం చుట్టామని తెలిపారు. బండరావిపాకులలో ఆలయ నిర్మాణం, పాఠశాల ప్రహరీ నిర్మాణాని శంకుస్థాపన చేశారు. సొంత పార్టీ నుంచి బయటకు వచ్చి కవిత చేసిన వ్యాఖ్యలు గుర్తుచేస్తూ ప్రజా జీవితంలో ఉన్న నాయకులు గత పాలన, ప్రస్తుత వైఖరిని ఆత్మపరిశీలన చేసుకోవాలని సూచించారు. రేవల్లి మండలంలో ఆదర్శ వ్యవసాయం చేస్తున్న మహిళా రైతులను సన్మానించారు. కార్యక్రమంలో ఉమ్మడి మండల ప్రజాప్రతినిధులు, అధికారులు పాల్గొన్నారు.

సాధారణంగా అక్టోబరులో ఊపందుకునే పత్తి కొనుగోళ్లు ఫిబ్రవరి, మార్చి వరకు కొనసాగుతాయి. కానీ ఈసారి వర్షాభావంతో పంట ముందుగానే ఎండిపోవడం, కొత్త కాయలు వచ్చే అవకాశం తగ్గడంతో నవంబర్‌ చివరికే పత్తి ఏరడం పూర్తయ్యే పరిస్థితి కనిపిస్తోంది. దిగుబడి తగ్గడంతో జిన్నింగ్‌ మిల్లులకు వచ్చే పత్తి పరిమాణం కూడా పడిపోనుంది. పెట్టుబడి అవసరాలు, కొనుగోళ్ల పరిమితుల నేపథ్యంలో కొన్ని మిల్లులు డిసెంబర్‌లోపే కార్యకలాపాలు నిలిపివేసే అవకాశం ఉందని పరిశ్రమ వర్గాలు అంచనా వేస్తున్నాయి. మొత్తంగా ధరలు ఆశాజనకంగా ఉన్నా.. పంట లేకపోవడంతో పత్తి రైతులకు ఈ సీజన్‌ తీవ్ర నిరాశను మిగిల్చేలా ఉంది. అమరచింత శివారులో పత్తి ఏరుతున్న కూలీలు (ఫైల్‌)

వనపర్తి: బతుకమ్మ వేడుకలు మహిళల మధ్య ఐక్యత, పరస్పర ఆత్మీయతను పెంపొందిస్తాయని.. సంస్కృతి, సంప్రదాయాలను భావితరాలకు అందించేందుకు ప్రతి ఒక్కరూ కృషి చేయాలని జిల్లా సంక్షేమ అధికారి సుధారాణి కోరారు. గురువారం కలెక్టరేట్‌ ప్రాంగణంలో మహిళ, శిశు సంక్షేమశాఖ ఆధ్వర్యంలో బతుకమ్మ సంబరాలను ఘనంగా నిర్వహించారు. ఈ కార్యక్రమానికి ఆమె హాజరై బతుకమ్మకు ప్రత్యేక పూజలు నిర్వహించి వేడుకల్లో పాల్గొన్నారు. ఈ సందర్భంగా మాట్లాడుతూ.. బతుకమ్మ పండుగ తెలంగాణ ప్రజల జీవన విధానానికి, ప్రకృతిపై వారికున్న ఆరాధనా భావానికి ప్రతీకగా నిలుస్తుందని తెలిపారు. వివిధ రకాల పూలతో బతుకమ్మలను పేర్చి సంప్రదాయ పాటలు పాడుతూ జరుపుకొనే ఈ పండుగ తెలంగాణ సంస్కృతి, సంప్రదాయాల గొప్పతనాన్ని చాటి చెబుతుందన్నారు. పండుగలను సమష్టిగా జరుపుకోవడం ద్వారా సామాజిక ఐక్యత, సంతోషం మరింత పెరుగుతాయని చెప్పారు. మహిళల సందడి, బతుకమ్మ పాటలతో కలెక్టరేట్‌ ప్రాంగణంలో పండుగ వాతావరణం నెలకొంది. డీపీఆర్వో సీతారాంనాయక్‌, మహిళ, శిశు సంక్షేమశాఖ అధికారులు, సిబ్బంది, అంగనన్‌వాడీ కార్యకర్తలు పాల్గొన్నారు.

ఇందిరమ్మ ఇళ్లకు.. ప్రభుత్వం తాజాగా విడుదల చేసిన మార్గదర్శకాల ప్రకారం ఇందిరమ్మ ఇళ్లు నిర్మించుకోవాలని జిల్లాలో ఇప్పటి వరకు 86 మంది లబ్ధిదారులకు నోటీసులు అందించాం. పైకప్పు విస్తీర్ణం పెంచడంతో లబ్ధిదారులపై అదనపు భారం పడి అప్పుల పాలవుతున్నారని ప్రభుత్వం పరిమితి విధించి ఇళ్ల నిర్మాణం చేపట్టేలా ఆదేశాలిచ్చింది. ఎవరైనా నిబంధనలు అతిక్రమిస్తే బిల్లు చెల్లింపులు నిలిచిపోతాయి. ఈ మేరకు జిల్లాలోని అన్ని గ్రామాల్లో ఇందిరమ్మ ఇళ్ల లబ్ధిదారులకు కొత్త నిబంధనలపై అవగాహన కల్పిస్తున్నాం. – విఠోభా, పీడీ, జిల్లా గృహనిర్మాణశాఖ అమరచింత: రాష్ట్ర ప్రభుత్వం ప్రతిష్టాత్మకంగా అమలు చేస్తున్న ఇందిరమ్మ ఇళ్ల పథకం లబ్ధిదారులకు గృహనిర్మాణశాఖ షాకిచ్చింది. సొంత స్థలంలో ఇల్లు నిర్మించుకునే పేదలకు ప్రభుత్వం అందిస్తున్న రూ.5 లక్షల ఆర్థిక సాయం సద్వినియోగం కావాలనే సంకల్పంతో కొత్త నిబంధనలను అమల్లోకి తెచ్చింది. ప్రభుత్వం నిర్ణయించిన పైకప్పు విస్తీర్ణానికి మించి అదనంగా వేసేవారిపై నియంత్రణ చర్యలు చేపట్టింది. ఎవరైనా నిబంధనలు అతిక్రమించి పైకప్పు విస్తీర్ణం పెంచితే ప్రభుత్వం మంజూరు చేసే ఆర్థిక సాయం నిలిచిపోతుందని హెచ్చరిస్తున్నారు. కొత్త నిబంధనలు ప్రస్తుతం నిర్మాణంలో ఉన్న ఇందిరమ్మ ఇళ్లకు వర్తిస్తాయని ప్రభుత్వం తాజాగా జారీ చేసిన ఉత్తర్వుల్లో పేర్కొంది. ఇప్పటికే జిల్లాలో నోటీసుల పంపిణీ కార్యక్రమానికి అధికారులు శ్రీకారం చుట్టారు. ● క్షేత్రస్థాయిలో చాలామంది లబ్ధిదారులు ఇందిరమ్మ ఇళ్ల నిర్మాణంలో గోడల కంటే 3 నుంచి 8 అడుగుల వరకు పైకప్పును ముందుకు పొడిగించినట్లు అధికారులు గుర్తించారు. ఇలా చేయడంతో ప్రభుత్వం ఇచ్చే రూ.5 లక్షలు సరిపోక పేదలు అప్పుల పాలవుతున్నారని, మరికొందరు భారం తట్టుకోలేక ఇళ్ల నిర్మాణాలను మధ్యలోనే నిలిపివేస్తున్నట్లు ప్రభుత్వం భావిస్తోంది. ఈ క్రమంలోనే ప్రభుత్వం అందించే సాయంతోనే ఇంటి నిర్మాణం పూర్తి కావాలనే ఉద్దేశంతో పైకప్పు విస్తీర్ణంపై పరిమితులు విధించింది. ఇంటి పైకప్పు విస్తీర్ణం 750 చదరపు అడుగులు దాటితే బిల్లు చెల్లింపులు నిలిపివేస్తామంటూ గృహనిర్మాణశాఖ అధికారులు లబ్ధిదారులకు నోటీసులు పంపిణీ చేసే ప్రక్రియను వేగవంతం చేశారు. నత్తనడకన నిర్మాణాలు.. జిల్లాకు మొదటి విడతలో 5,825, రెండోవిడతలో 635 ఇందిరమ్మ ఇళ్లను ప్రభుత్వం మంజూరు చేసింది. ఇందులో ఇప్పటికే 1,947 ఇళ్ల నిర్మాణాలు పూర్తికాగా.. 312 ఇళ్లు మార్కింగ్‌కు నోచుకోలేదు. మార్కవుట్‌ ఇచ్చిన ఇళ్లు వివిధ దశలో ఉన్నట్లు అధికారులు చెబుతున్నారు. జిల్లాలో ఇళ్ల నిర్మాణాలు నత్తనడకన సాగుతుండటంతో అధికారులు క్షేత్రస్థాయిలో పర్యటనలు మరింత పెంచారు. ఆయా మండలాల ఎంపీడీఓలు, పంచాయతీ కార్యదర్శులు హౌసింగ్‌ ఏఈలు, డీఈలు గ్రామాల్లో పర్యటిస్తూ లబ్ధిదారులకు అవగాహన కల్పిస్తున్నారు. వైశాల్యం పెరిగితే బిల్లు నిలిపివేతకు ఆదేశం తాజా మార్గదర్శకాలు జారీ చేసిన ప్రభుత్వం లబ్ధిదారులు అప్పులపాలు కావద్దనే ఉద్దేశంతోనే.. జిల్లాలో ఇప్పటి వరకు 86 మందికి నోటీసులు

అమరచింత: ప్రభుత్వ పాఠశాల విద్యార్థులకు వ్యక్తిగత కొలతలతో యూనిఫాంలు తయారుచేసి అందించేందుకు తగిన చర్యలు తీసుకుంటున్నామని సెర్ప్‌ డీఆర్డీఏ నాన్‌ఫామ్‌ డైరెక్టర్‌ జాన్సన్‌ తెలిపారు. గురువారం మండల కేంద్రంలోని అమరచింత చేనేత ఉత్పత్తుల సంఘం ఆధ్వర్యంలో కొనసాగుతున్న టైలరింగ్‌ హబ్‌ను ఆయన సందర్శించారు. పాఠశాల యూనిఫాంలు కుడుతున్న మహిళలతో కాసేపు మాట్లాడి విషయాలను అడిగి తెలుసుకున్నారు. విద్యార్థుల యూనిఫాంల తయారీకి అనుగుణంగా ఇకపై మండలానికో టైలరింగ్‌ హబ్‌ను ఏర్పాటు చేయనున్నట్లు వెల్లడించారు. ఇక్కడ అధునాతన కుట్టుమిషన్లతో పాటు కాజా, ఐరన్‌ యంత్రాలను వినియోగించి యూనిఫాంలను తయారు చేయడం బాగుందని కొనియాడారు. ప్రభుత్వం 2024 నుంచి ప్రభుత్వ పాఠశాల విద్యార్థులకు ఒక్కొక్కరికి రెండు జతల యూనిఫాంలను ఉచితంగా పంపిణీ చేస్తోందని తెలిపారు. వీటి తయారీ బాధ్యతలను మహిళా సమాఖ్య సభ్యులకు అప్పగించినట్లు చెప్పారు.

తొమ్మిది ఎకరాలలో పత్తి పంట సాగు చేశాను. అంతా వర్షాధార పంటనే. వర్షానికి ఏదో మాయ రోగంవచ్చి కురవకపాయే. పంట ఎదుగలేదు. ఉన్న కాయలతో ఎకరానికి 2–3 క్వింటాళ్ల దిగుబడి రావచ్చు. ధర బాగుంది కానీ.. దిగుబడి లేకపాయే. పెట్టిన పెట్టుబడి సైతం చేతికి రాదు. – దేవ్‌సింగ్‌ రైతు, కమాల్‌పూర్‌ తండా అప్పు మిగిలింది.. నేను ఐదు ఎకరాలు కౌలుకు తీసుకొని పత్తి పంట సాగు చేశా. తీవ్ర వర్షభావ పరిస్థితులతో పత్తి దిగుబడి పూర్తిగా తగ్గిపోయింది. పంట దిగుబడి లేక కష్టం పోను రూ.1.50 లక్షల వరకు అప్పు మిగిలింది. కౌలు పత్తి రైతులను ప్రభుత్వం ఆదుకోవాలి. – బీర్ల శివ, రైతు, మిడ్జిల్‌ 22 నుంచి పత్తి కొనుగోళ్లు సీసీఐ ద్వారా పత్తి కొనుగోళ్లకు దసరా పండుగ తర్వాత 22 నుంచి స్లాట్లు ఓపెన్‌ చేస్తాం. ప్రస్తుతం మార్కెట్‌ ప్రభుత్వ మద్దతు ధర క్వింటాకు రూ.8,667 కంటే చాలా ఎక్కువగా ఉంది. దీంతో రైతులు ఎవరూ సీసీఐ కేంద్రాల్లో విక్రయించడానికి రారు. క్వింటాకు రూ.100 వ్యత్యాసం ఉన్నా ఎక్కువ ఎక్కడ ధర ఉంటే అక్కడే అమ్ముతారు. ప్రస్తుతం తాము సీసీఐ ద్వారా కొనుగోళ్లు చేయడానికి సిద్ధంగా ఉన్నాం. – రమేష్‌, సీసీఐ అధికారి ●

కేఎల్‌ఐ ప్రాజెక్టు మొదటి లిఫ్టు ద్వారా నీటి ఎత్తిపోతలు పాలమూరు ప్రాజెక్టులోని మొదటి లిఫ్టు ద్వారా విడుదలవుతున్న నీరు కొల్లాపూర్‌: పాలమూరు– రంగారెడ్డితోపాటు కేఎల్‌ఐ ప్రాజెక్టుల్లో నీటి ఎత్తిపోతలు గురువారం ముమ్మరంగా కొనసాగాయి. పాలమూరు ప్రాజెక్టులోని మొదటి లిఫ్టులో 2 మోటార్ల ద్వారా బుధవారం నీటి విడుదల చేపట్టిన సంగతి తెలిసిందే. అయితే 2.15 గంటలపాటు నీటి విడుదల అనంతరం విద్యుత్‌ సరఫరాలో సమస్య తలెత్తడంతో సాయంత్రం 5.30 గంటలకు మోటార్లను ఆపేసిన అధికారులు మళ్లీ రాత్రి 10 గంటల తర్వాత ఎత్తిపోతలు కొనసాగించారు. గురువారం రోజంతా రెండు మోటార్ల ద్వారా నీటి విడుదల కొనసాగింది. అలాగే పాలమూరు ప్రాజెక్టు సమీపంలోనే ఉన్న కేఎల్‌ఐ ప్రాజెక్టు మొదటి లిఫ్టులో కూడా గురువారం మూడు మోటార్లతో నీటి ఎత్తిపోతలు కొనసాగాయి. పక్కపక్కనే ఉన్న ఈ రెండు లిఫ్టుల్లో నీటి విడుదల కొనసాగుతుండటంతో స్థానికులు పెద్దసంఖ్యలో అక్కడి తరలివచ్చి నీటి పరవళ్లను తిలకించారు. పాలమూరు, కేఎల్‌ఐ ప్రాజెక్టుల్లో ముమ్మరంగా నీటి ఎత్తిపోతలు

ఉమ్మడి జిల్లాలో 7.50 లక్షల ఎకరాల్లో ఎకరాకు పది క్వింటాళ్ల చొప్పున దిగుబడి వస్తే 75 లక్షల క్వింటాళ్ల పత్తి ఉత్పత్తి అయ్యేది. కానీ ప్రస్తుత పరిస్థితుల్లో వర్షాధార పంటల నుంచి ఆశించిన స్థాయిలో దిగుబడి రావడం లేదు. మొత్తం ఉత్పత్తి 36–45 లక్షల క్వింటాళ్లకు పరిమితమయ్యే అవకాశముందని అంచనా వేస్తున్నారు. దీంతో 29–37 లక్షల క్వింటాళ్ల మేర దిగుబడి తగ్గే ప్రమాదం ఉంది. ప్రస్తుత మార్కెట్‌ ధరల ప్రకారం ఈ లోటు రైతులకు రూ.2,500 కోట్ల నుంచి రూ.3,400 కోట్ల వరకు ఆర్థిక నష్టాన్ని మిగిల్చే అవకాశం ఉంది.

ప్రభుత్వం విడుదల చేసిన జీఓ నంబర్‌ 352 ప్రకారం 400 చదరపు అడుగుల బిల్డ్‌ అప్‌ ఏరియా కలిగిన ఇంటికి స్లాబ్‌ వైశాల్యం గరిష్టంగా 500 ఫీట్లలోపే ఉండాలి. 600 ఎస్‌ఎఫ్‌టీ ఏరియా కలిగిన ఇంటికి గరిష్టంగా 750 ఎస్‌ఎఫ్‌టీ వరకే ఉండాలి. ఇంటి ముందువైపు గరిష్టంగా మూడు అడుగులకు పరిమితం చేసి మిగిలిన మూడువైపులా ఒక్క అడుగు మాత్రమే పైకప్పు విస్తీర్ణం ఉండాలని ఆదేశాల్లో స్పష్టం చేశారు. ఈ నిబంధనలు ఈ నెల ఒకటి నుంచి అమలులోకి వచ్చాయి. స్లాబ్‌ విస్తీర్ణం పెంచితే బిల్లు చెల్లింపులు నిలిపివేస్తామని ఉత్తర్వుల్లో హెచ్చరించారు. ఇప్పటికే ఎక్కువ విస్తీర్ణంలో పైకప్పు వేసిన వారు హౌసింగ్‌ అధికారులను సంప్రదిస్తున్నారు. నిబంధనలు అతిక్రమిస్తే లబ్ధిదారులు ఆర్థికంగా నష్టపోతారని హౌసింగ్‌శాఖ పేర్కొంది. మార్గదర్శకాలకు అనుగుణంగా నిర్మాణం చేపట్టాలని లబ్ధిదారులకు జారీ చేసిన నోటీసులల్లో అధికారులు సూచించారు.

వనపర్తి: జిల్లాకేంద్రంలో శుక్ర, శనివారం జరగనున్న వనపర్తి ఛాంపియన్స్‌కప్‌–2026 క్రీడా పోటీలను విజయవంతం చేసేందుకు తగిన ఏర్పాట్లు చేయాలని కలెక్టర్‌ ఆదర్శ్‌ సురభి అధికారులను ఆదేశించారు. గురువారం ఆయన స్థానిక ప్రభుత్వ పాలిటెక్నిక్‌ కళాశాల మైదానం, ప్రభుత్వ బాలుర పాఠశాల మైదానాలను స్థానిక సంస్థల అదనపు కలెక్టర్‌ ఎన్‌.ఖీమ్యానాయక్‌, సంబంధిత అధికారులతో కలిసి పరిశీలించారు. జిల్లాలో తొలిసారిగా పోటీలు నిర్వహిస్తున్నామని.. క్రీడా పోటీల నిర్వహణకు అవసరమైన ఏర్పాట్లను పూర్తి చేయాలని, క్రీడా ప్రాంగణాలను సిద్ధం చేయడంతో పాటు క్రీడాకారులకు ఎలాంటి ఇబ్బందులు కలగకుండా తాగునీరు, భోజనం, మరుగుదొడ్లు తదితర కనీస సౌకర్యాలు కల్పించాలని సూచించారు. పోటీలను తిలకించేందుకు జిల్లాలోని 15 మండలాల క్రీడాకారులు, స్థానిక ప్రజలు, క్రీడాభిమానులు అధికసంఖ్యలో తరలివచ్చే అవకాశం ఉన్నందున.. కూర్చునేందుకు కుర్చీలు, నీడ, తాగునీరు వంటి సౌకర్యాలు సమకూర్చాలని కోరారు. శుక్రవారం ఉదయం 9.30 గంటలకు ప్రారంభోత్సవం, శనివారం సాయంత్రం ముగింపు కార్యక్రమం ఉంటుందని.. అవసరమైన ఏర్పాట్లను ముందస్తు ప్రణాళికతో పూర్తి చేయాలని జిల్లా యువజన క్రీడలశాఖ అధికారులను ఆదేశించారు. అదేవిధంగా శనివారం సాయంత్రం ప్రభుత్వ పాలిటెక్నిక్‌ కళాశాల మైదానంలో నిర్వహించనున్న బతుకమ్మ సంబరాలకు అవసరమైన ఏర్పాట్లు కూడా సమన్వయంతో చేపట్టి కార్యక్రమాన్ని విజయవంతం చేయాలని అధికారులకు సూచించారు. కలెక్టర్‌ వెంట డీవైఎస్‌ఓ సుధీర్‌కుమార్‌రెడ్డి, డీపీఆర్వో సీతారాంనాయక్‌ తదితరులు పాల్గొన్నారు.

భీమా కాల్వ గేట్ల వద్ద బందోబస్తును పరిశీలిస్తున్న ఎస్‌ఐ కుర్మయ్య గోపాల్‌పేట: భూ రీ–సర్వే ప్రక్రియను ఎలాంటి పొరపాట్లకు తావులేకుండా పారదర్శకంగా నిర్దేశిత గడువులోగా పూర్తి చేయాలని రెవెన్యూ అదనపు కలెక్టర్‌ వినోద్‌కుమార్‌ ఆదేశించారు. బుధవారం గోపాల్‌పేట, ఏదుల మండలాల్లో కొనసాగుతున్న భూ రీ–సర్వేను ఆయన ఆకస్మికంగా పరిశీలించారు. సర్వే రికార్డులు, సర్వే బృందాలు వినియోగిస్తున్న ఆధునిక రోవర్‌ యంత్రాల పనితీరు, భూ సరిహద్దుల గుర్తింపును ప్రత్యక్షంగా చూసి సంబంధిత అధికారులకు పలు సూచనలు చేశారు. ఆధునిక యంత్రాలతో భూ సర్వే చేయడంతో హద్దులపై స్పష్టత రావడంతో పాటు భవిష్యత్‌లో భూ వివాదాలను నివారించేందుకు అవకాశం ఉంటుందన్నారు. సర్వే నిర్వహించే ముందు భూ యజమానులు, సరిహద్దులో ఉండే రైతులకు ముందస్తుగా సమాచారం ఇవ్వాలని.. వారి సమక్షంలోనే సర్వే పూర్తి చేయాలని సూచించారు. సర్వే వివరాలు రికార్డుల్లో నమోదు చేసే సమయంలో సిబ్బంది అప్రమత్తంగా ఉండాలని.. క్షేత్రస్థాయిలో పరిశీలించిన తర్వాతే హద్దు రాళ్లను ఏర్పాటు చేయాలన్నారు. రైతులకు ప్రయోజనం చేకూరేలా అధికారులు సమన్వయంతో పనిచేసి వేగంగా పూర్తి చేసేందుకు కృషి చేయాలని.. రైతులు కూడా సర్వే బృందాలకు సహకరించాలని కోరారు. ఆయన వెంట తహసీల్దార్‌ తిలక్‌కుమార్‌రెడ్డి, మండల సర్వేయర్లు, జీపీఓ ఉన్నారు.

పీయూలో అధ్యాపక పోస్టుల భర్తీ కోసం విధివిధానాలను ప్రభుత్వం జీఓ 31ని విడుదల చేసింది. ఈ క్రమంలో ఖాళీగా ఉన్న పోస్టులలో ఎన్ని భర్తీ చేయాలనే దానిపై ప్రభుత్వం నోటిఫికేషన్‌ విడుదల చేయనుంది. అనంతరం రోస్టర్‌ చేసిన తర్వాత నోటిఫికేషన్‌ను విడుదల చేసి భర్తీ ప్రక్రియ చేపడతాం. ప్రక్రియ పూర్తి పారదర్శకంగా జరుగుతుంది. అధ్యాపక పోస్టుల భర్తీ వల్ల విద్యార్థులకు నాణ్యమైన విద్య లభిస్తుంది. ఇదే సమయంలో యూనివర్సిటీలో పనిచేస్తున్న కాంట్రాక్టు అధ్యాపకులకు న్యాయం జరిగేలా చూస్తాం. – జీఎన్‌ శ్రీనివాస్‌, వీసీ, పీయూ మహబూబ్‌నగర్‌ ఎడ్యుకేషన్‌: యూనివర్సిటీలు అన్ని రకాలుగా అభివృద్ధి చెందాలంటే ముఖ్యంగా అందులో పనిచేసే అధ్యాపకులే కీలకం. ఈ క్రమంలో అధ్యాపకుల భర్తీ ప్రక్రియ ప్రొఫెసర్‌ భాగ్యనారాయణ వీసీగా ఉన్న 2014– 15 సంవత్సరాల్లో జరగగా.. ప్రస్తుతం సుమారు పదేళ్ల తర్వాత రెగ్యులర్‌ అధ్యాపకుల భర్తీకి ప్రభుత్వం పచ్చజెండా ఊపింది. యూనివర్సిటీ అధికారులు ఇటీవల ప్రభుత్వ అధికారులతో జరిపిన చర్చల్లో భాగంగా ప్రస్తుతం ఉన్న పోస్టుల్లో మెజార్టీ పోస్టులకు నోటిఫికేషన్‌ ఇచ్చే అవకాశం ఉంది. ఏ యూనివర్సిటికీ ఆ యూనివర్సిటీ పోస్టులను భర్తీ చేసుకునేందుకు అవకాశం కల్పించారు. ఇందుకు అనుగుణంగా మరో ఐదారు నెలల్లో అధ్యాపక పోస్టుల భర్తీ ప్రక్రియను ప్రభుత్వం పూర్తి చేయనున్నట్లు సమాచారం. 80 శాతానికి పైగా మార్కులు.. డిగ్రీలో 80 శాతానికిపైగా మార్కు ఉంటే 15, 80 నుంచి 60 శాతం మధ్యలో ఉంటే 13, 55–60 శాతం ఉంటే 10 మార్కులు, పీజీలో 80 శాతంకన్నా ఎక్కువ ఉంటే 25, 60–80 మధ్యలో ఉంటే 23 మార్కులు, ఎంఫిల్‌లో 60 శాతం కన్నా పైగా ఉంటే 7 మార్కులు, పీహెచ్‌డీ ఉంటే 30 మార్కులు, నెట్‌తో జేఆర్‌ఎఫ్‌ ఉంటే 7, కేవలం నెట్‌ ఉంటే 5, స్లెట్‌, సెట్‌ ఉంటే 3, పబ్లికేషన్స్‌ 10 టీచింగ్‌లో ప్రతి సంవత్సరానికి 2 మార్కులు, నేషనల్‌, ఇంటర్నేషనల్‌ అవార్డ్స్‌కు 3, స్టేట్‌ లెవల్‌ అవార్డ్స్‌కు 2.. ఇలా అకాడమిక్స్‌లో 80, రీసెర్చి పబ్లికేషన్స్‌లో 10, టీచింగ్‌ ఎక్స్‌పీరియన్స్‌లో 10 మార్కులు ఉండగా.. డెమోకు 10, పబ్లికేషన్స్‌కు 3 మొత్తం 100 మార్కులు కేటాయించనున్నారు. అయితే టెక్నికల్‌, ఇంజినీరింగ్‌ విభాగంలో మాత్రం మార్పులు చోటు చేసుకోనున్నాయి. డెమోతోపాటు పలు అంశాల్లో మార్కులు వేయనున్నారు. రోస్టర్‌ ఆధారంగా ఎంపిక.. అధ్యాపకుల నియామక ప్రక్రియ పూర్తిగా కమిటీల ఆధ్వర్యంలో జరగనున్నాయి. ఇందులో పీయూ వైస్‌ చాన్స్‌లర్‌ నామినీగా ఉండడంతోపాటు ఒక సబ్జెక్టు ఎక్స్‌పర్ట్‌ ఉండనుండగా వారిని తెలంగాణ హయ్యర్‌ ఎడ్యుకేషన్‌ కౌన్సిల్‌ నియమించనుంది. బోర్డు ఆఫ్‌ స్టడీస్‌ చైర్‌పర్సన్‌, హెడ్‌ ఆఫ్‌ ది డిపార్ట్‌మెంట్‌ కన్వీనర్‌గా వ్యవహరించనున్నారు. దరఖాస్తుల పరిశీలనలో సర్టిఫికెట్ల వెరిఫికేషన్‌ కోసం ప్రత్యేకంగా ఇంటర్నల్‌ కమిటీలు కూడా ఉంటాయి. మొత్తం రోస్టర్‌ ఆధారంగా అభ్యర్థుల ఎంపిక ప్రక్రియ జరుగుతుంది. పాలమూరు యూనివర్సిటీ ముఖద్వారం సుమారు పదేళ్ల తర్వాత అసిస్టెంట్‌ ప్రొఫెసర్‌ పోస్టుల భర్తీ జీఓ 21ని సవరించి కొత్తగా జీఓ 31 జారీ చేసిన ప్రభుత్వం అనుభవం ఉన్న అధ్యాపకులకు వెయిటేజీ ఇవ్వనున్న అధికారులు త్వరలోనే మెజార్టీ పోస్టుల భర్తీకి నోటిఫికేషన్‌ ఇచ్చే అవకాశం పీయూతోపాటు జోగుళాంబ గద్వాల, కొల్లాపూర్‌, నాగర్‌కర్నూల్‌ పీజీ సెంటర్లతోపాటు కొత్తగా అందుబాటులోకి వచ్చిన లా, ఇంజినీరింగ్‌ విభాగాల్లో 19 డిపార్ట్‌మెంట్లు ఉండగా.. వీటిలో మొత్తం 152 పోస్టులు మంజూరయ్యాయి. వీటిలో ప్రస్తుతం 18 మంది రెగ్యులర్‌ అధ్యాపకులు పనిచేస్తుండగా.. మిగతా 134 పోస్టులు ఖాళీగా ఉన్నాయి. వీటిని భర్తీ చేసేందుకు ప్రభుత్వ ఆదేశాలు వచ్చాయి. ఈ క్రమంలో గత కొన్నేళ్లుగా యూనివర్సిటీల్లో పనిచేస్తున్న కాంట్రాక్టు అధ్యాపకులు తమను రెగ్యులర్‌ చేయాలని, పే స్కేల్‌ ఇవ్వాలని, ఉద్యోగ భద్రత కల్పించాలని డిమాండ్‌ చేస్తున్నారు. హయ్యర్‌ ఎడ్యుకేషన్‌ కౌన్సిల్‌ వద్ద గురువారం రాష్ట్రస్థాయిలో నిరసన కార్యక్రమం సైతం చేపట్టనున్నారు.

● నల్లమలలో రూ.150 కోట్లతో మౌలిక వసతుల కల్పన ● రాష్ట్ర ఉప ముఖ్యమంత్రి మల్లు భట్టి విక్రమార్క అచ్చంపేట: ప్రజలకు ప్రాణవాయువు లాంటి విద్యుత్‌ను నిరంతరాయంగా సరఫరా చేసేందుకు కృషి చేస్తున్నట్లు డిప్యూటీ సీఎం మల్లు భట్టి విక్రమార్క అన్నారు. బుధవారం జిల్లాలోని నల్లమల ప్రాంతంలో విస్తృతంగా పర్యటించిన ఆయన.. వివిధ అభివృద్ధి పనులకు శంకుస్థాపన, ప్రారంభోత్సవాలు చేశారు. అనంతరం అచ్చంపేటలోని బీఆర్‌ అంబేడ్కర్‌ ప్రజా భవన్‌లో టీజీఎస్పీడీసీఎల్‌ సీఎండీ జితేష్‌వి పాటిల్‌, ఎమ్మెల్యే వంశీకృష్ణ, ఎమ్మెల్సీ కూచుకుళ్ల దామోదర్‌రెడ్డి, ఇన్‌చార్జి కలెక్టర్‌ ఆదర్శ్‌ సురభి, అచ్చంపేట సబ్‌ కలెక్టర్‌ సలోని ఛాబ్రా, మైనార్టీ కార్పొరేషన్‌ చైర్మన్‌ ఒబేదుల్లా కొత్వాల్‌తో కలిసి విద్యుత్‌శాఖ అధికారులతో సమీక్షించారు. ఈ సందర్భంగా డిప్యూటీ సీఎం మాట్లాడుతూ.. నల్లమలలో విద్యుత్‌ వసతుల అభివృద్ధికి ప్రభుత్వం ప్రత్యేక దృష్టి సారించిందన్నారు. సుమారు రూ.150 కోట్లతో విద్యుత్‌ సరఫరా వ్యవస్థను బలోపేతం చేసేందుకు చర్యలు చేపట్టినట్లు వెల్లడించారు. ఇప్పటికే అచ్చంపేట నియోజకవర్గంలో సుమారు రూ.78 కోట్ల విలువైన పనులు చేపట్టామని వివరించారు. రాబోయే రోజుల్లో వాతావరణ పరిస్థితుల ప్రభావంతో వ్యవసాయం, తాగునీటి అవసరాలు పెరిగే అవకాశం ఉందని డిప్యూటీ సీఎం భట్టి విక్రమార్క అన్నారు. వీటికి అనుగుణంగా విద్యుత్‌ డిమాండ్‌ పెరిగినా.. సరఫరాలో ఇబ్బందులు తలెత్తకుండా అధికారులు ముందస్తు ప్రణాళికతో వ్యవహరించాలని సూచించారు. సోషల్‌ మీడియాలో వచ్చే అసత్య ప్రచారాలకు తావివ్వకుండా ఎప్పటికప్పుడు ప్రజలకు మెరుగైన విద్యుత్‌ అందించాలన్నారు. ఉద్యోగుల సంక్షేమం విషయంలో ప్రభుత్వం ప్రత్యేక శ్రద్ధ చూపుతోందని తెలిపారు. తాగునీటి కొరత రానివ్వొద్దు.. ఎల్‌నినో కారణంగా తీవ్ర వర్షాభావ పరిస్థితులు నెలకొన్న నేపథ్యంలో ప్రజలకు తాగునీటి కొరత తలెత్తకుండా ముందస్తు చర్యలు తీసుకోవాలని డిప్యూటీ సీఎం అధికారులను ఆదేశించారు. జిల్లాలోని రిజర్వాయర్లలో అందుబాటులో ఉన్న నీటిని సమర్థంగా వినియోగించుకోవాలని, అవసరమైన చోట్ల చెరువులు, కుంటలను నింపే చర్యలు చేపట్టాలని సూచించారు. రాబోయే రెండేళ్లకు అవసరమైన ఆహార ధాన్యాలు అందుబాటులో ఉన్నాయని.. ఆహార కొరత ఏర్పడుతుందని ఆందోళన చెందాల్సిన అవసరం లేదన్నారు. అభివృద్ధి జంక్షన్‌గా అచ్చంపేట.. నల్లమల ప్రాంతంలో గ్రీన్‌ ఫీల్డ్‌ రోడ్డు, ఎలివేటెడ్‌ కారిడార్‌, బుల్లెట్‌ ట్రైన్‌, యంగ్‌ ఇండియా స్కూల్‌, దేశంలోనే అతిపెద్ద ఎకో టూరిజం వంటి అభివృద్ధి కార్యక్రమాలతో అచ్చంపేట నియోజకవర్గం అతిపెద్ద అభివృద్ధి జంక్షన్‌గా మారబోతుందని డిప్యూటీ సీఎం భట్టి విక్రమార్క అన్నారు. వీలైనంత త్వరలో ఎకో టూరిజం ఏర్పాటు చేస్తామని హామీ ఇచ్చారు. గతంలో ఏ ప్రభుత్వలో రానన్ని ట్రాన్స్‌ఫార్మర్లు ప్రస్తుత ప్రజా ప్రభుత్వం ఇవ్వడం జరిగిందన్నారు. మన్ననూర్‌లో రూ. 74కోట్లతో ఏర్పాటుచేస్తున్న 220/33 కేవీ సబ్‌స్టేషన్‌తో మరో 50 ఏళ్ల వరకు విద్యుత్‌ సమస్య ఉండదన్నారు.

● రాష్ట్ర ఎకై ్సజ్‌, పర్యాటకశాఖ మంత్రి జూపల్లి కృష్ణారావు ● ‘పాలమూరు’ మోటార్ల ప్రారంభం.. సాంకేతిక సమస్యతో రెండు గంటల్లోనే నిలిపివేత కొల్లాపూర్‌: ఉమ్మడి జిల్లాలోని సాగునీటి ప్రాజెక్టులను పూర్తిచేసి తీరుతామని రాష్ట్ర ఎకై ్సజ్‌, పర్యాటకశాఖ మంత్రి జూపల్లి కృష్ణారావు అన్నారు. కొల్లాపూర్‌ మండలం ఎల్లూరు గ్రామ శివారులోని పాలమూరు – రంగారెడ్డి ఎత్తిపోతల పథకం పంపుహౌజ్‌లో రెండు బహుమలి మోటార్లను బుధవారం ఎమ్మెల్యేలు తూడి మేఘారెడ్డి, కసిరెడ్డి నారాయణరెడ్డితో కలిసి ఆయన ప్రారంభించారు. ముందుగా స్వీచ్‌యార్డులోని ప్యానల్‌ బోర్డులో పూజలు చేశారు. అనంతరం నార్లాపూర్‌ రిజర్వాయర్‌ వద్ద మంత్రి జూపల్లి కృష్ణారావు విలేకర్లతో మాట్లాడారు. ఉమ్మడి పాలమూరు జిల్లా ప్రాజెక్టులను పూర్తిచేసి, రైతాంగానికి సాగునీరు అందించడమే తమ ప్రభుత్వ లక్ష్యమన్నారు. రాజకీయ లబ్ధి కోసం బీఆర్‌ఎస్‌ నేతలు అసత్య ప్రచారాలు చేస్తూ.. ప్రజలకు తప్పుదోవ పట్టించే ప్రయత్నం చేస్తున్నారని ఆయన ఆగ్రహం వ్యక్తం చేశారు. ప్రారంభించిన మోటార్ల ద్వారా నార్లాపూర్‌ రిజర్వాయర్‌లోకి నీటిని ఎత్తిపోయనున్నామన్నారు. గత బీఆర్‌ఎస్‌ ప్రభుత్వం పాలమూరు ఎత్తిపోతల పథకం పనులను పూర్తి చేయకుండానే జాతికి అకింతం చేశారని విమర్శించారు. అప్పుడే ప్రాజెక్టులను పూర్తిచేసి ఉంటే ప్రస్తుతం ఈ పరిస్థితి తలెత్తేది కాదన్నారు. వాస్తవ పరిస్థితులను తెలుసుకోకుండా బీఆర్‌ఎస్‌ నేతలు మాట్లాడుతున్నారని మండిపడ్డారు. పాలమూరు రైతాంగం ప్రయోజనాల కంటే రాజకీయ ప్రచారానికే బీఆర్‌ఎస్‌ నేతలు ప్రాధాన్యమిస్తున్నారని ఆయన విమర్శించారు. ముఖ్యమంత్రి రేవంత్‌రెడ్డి దిశానిర్దేశం మేరకు సాగునీటి పారుదలశాఖ మంత్రి ఉత్తమ్‌కుమార్‌ రెడ్డి ఉమ్మడి పాలమూరు జిల్లాలోని సాగునీటి ప్రాజెక్టులపై ఎప్పటికప్పుడు సమీక్షలు నిర్వహిస్తూ.. పెండింగ్‌ పనులను త్వరగా పూర్తి చేసేందుకు చర్యలు తీసుకుంటున్నామని ఆయన తెలిపారు. ● ఇదిలా ఉండగా.. పాలమూరు ప్రాజెక్టులో సాంకేతిక సమస్యల కారణంగా నీటి ఎత్తిపోతలు కేవలం 2.15 గంటలు మాత్రమే కొనసాగాయి. విద్యుత్‌ సరఫరాలో సమస్యలు తలెత్తడంతో నీటిపంపింగ్‌ను సాయంత్రం 5.30 గంటలకే అధికారులు నిలిపివేశారు. దీనిపై సోషల్‌ మీడియాలో బీఆర్‌ఎస్‌, కాంగ్రెస్‌ నాయకుల మధ్య విమర్శలు, ప్రతి విమర్శలు కొనసాగాయి.

గట్టు: పాలమూరు ప్రజలకు కరువు తెచ్చి, రైతులను కన్నీరు పెట్టించడంతో పాటు బేడీలు వేసిన ఘనత రేవంత్‌రెడ్డికే దక్కిందని మాజీ మంత్రి తన్నీరు హరీశ్‌రావు విమర్శించారు. కర్ణాటకలోని యాదగిరి ప్రాంతానికి వలస వెళ్లి రోడ్డు ప్రమాదంలో మృతిచెందిన గట్టు మండలంలోని ఇందువాసి గ్రామానికి చెందిన ఏసేపు, నాగన్న కుటుంబాలతో పాటు క్షతగాత్రులను బుధవారం ఆయన పరామర్శించారు. ఇందువాసికి చెందిన దళిత వలస కూలీలు మృతి చెందితే సీఎం రేవంత్‌రెడ్డికి పట్టదని.. జిల్లాకు చెందిన ఇద్దరు మంత్రులకు పరామర్శించేందుకు తీరక లేదంటూ ఆరోపించారు. కనీసం కలెక్టర్‌, ఇతర అధికారులు కూడా బాధిత కుటుంబాలను ఇప్పటికి దాకా పరామర్శించక పోవడం దారుణమన్నారు. ఓవైపు తుంగభద్ర, మరోవైపు కృష్ణానదులు ఉన్నా ఇందువాసి గ్రామానికి సాగునీరందని దుస్థితి ఉందన్నారు. అందుకే ఇక్కడ దళిత కుటుంబాలు వలస బాట పట్టాయని ఆరోపించారు. ఎండుతున్న పంటలను చూడలేక జూరాల వద్ద ఆందోళనకు దిగితే ప్రభుత్వం రైతులపై నాన్‌బెయిలబుల్‌ కేసులు పెట్టి, బేడీలు వేయిస్తోందని ఆరోపించారు. సాగునీరు లేకపోవడం, కరెంటు సక్రమంగా ఇవ్వక పోవడంతో కరువు వచ్చి వలసలు ప్రారంభమయ్యాయని అన్నారు. ఇందిరమ్మ ఆత్మీయ భరోసా కింద కూలీలకు రూ.12వేల సాయం ఏమైందని ఆయన ప్రశ్నించారు. కూలీలను రేవంత్‌రెడ్డి ప్రభుత్వ దగా చేసిందని ఆరోపించారు. ఎల్‌నినో పేరుతో ప్రభుత్వం ప్రజలు, రైతులను భయపెడుతోందని ఆరోపించారు. రైతులకు ఉచితంగా విత్తనాలు అందించడంతో పాటు రైతుభరోసా నిధులు అందించాలని డిమాండ్‌ చేశారు. ● గట్టు సబ్‌స్టేషన్‌ నుంచి వ్యవసాయానికి అందిస్తున్న కరెంటుకు సంబంధించిన రికార్డులను హరీశ్‌రావు పరిశీలించారు. 7:16 గంటలు మాత్రమే కరెంట్‌ సరఫరా చేసిన విషయాన్ని గుర్తించారు. మద్యలో 3 పర్యాయాలు కరెంట్‌ కట్‌ చేసినట్లు స్పష్టమైంది. అక్కడి నుంచి రాయపురం స్టేజీ వద్ద ఎండిన వరిపంటను ఆయన పరిశీలించి, రైతుతో మాట్లాడారు. కరెంట్‌ సక్రమంగా లేకపోవడంతో వేసిన పంటలు ఎండిపోతున్నట్లు రైతులు హరీశ్‌రావు దృష్టికి తీసుకొచ్చారు. వ్యవసాయానికి పగలు మాత్రమే కరెంట్‌ ఇస్తున్నారని.. అదీ కూడా మధ్య మధ్యలో కోతలు పెడుతున్న కారణంగా పంటలను కాపాడుకోలేక పోతున్నట్లు రైతులు వాపోయారు. కాగా, రాయాపురంలో అగ్రికల్చర్‌ రీసెర్చ్‌ సెంటర్‌ కోసం 60 ఎకరాలు సేకరిస్తున్నారని.. ఈ భూములను నమ్ముకుని తాము బతుకుతున్నామని.. సాగు భూములు ఇచ్చేందుకు తాము సిద్ధంగా లేమని రైతులు హరీశ్‌రావు దృష్టికి తీసుకొచ్చారు. అయితే ఈ విషయంపై కలెక్టర్‌తో మాట్లాడుతామని, రైతులు అధైర్యపడొద్దని సూచించారు. కార్యక్రమంలో అలంపూర్‌ ఎమ్మెల్యే విజయుడు, మాజీ మంత్రి నిరంజన్‌రెడ్డి, మాజీ ఎమ్మెల్యేలు ఆల వెంకటేశ్వర్‌రెడ్డి, చిట్టెం రామ్మోహన్‌రెడ్డి, బీఆర్‌ఎస్‌ నియోజకవర్గ ఇన్‌చార్జి బాసు హనుమంతు నాయుడు, మున్సిపల్‌ మాజీ చైర్మన్‌ కేశవ్‌ పాల్గొన్నారు. ప్రభుత్వ వైఫల్యంతోనే రాష్ట్రంలో కరువు మాజీ మంత్రి తన్నీరు హరీశ్‌రావు ఇందువాసిలో వలస కూలీల కుటుంబాలకు పరామర్శ

వనపర్తి: వెట్టిచాకిరీ రహిత సమాజ నిర్మాణానికి ప్రతి ఒక్కరూ కృషి చేయాలని, బలవంతపు శ్రమదోపిడీ, బాండెడ్‌ లేబర్‌కు వ్యతిరేకంగా ప్రజల్లో అవగాహన కల్పించాలని స్థానిక సంస్థల అదనపు కలెక్టర్‌ ఎన్‌.ఖీమ్యానాయక్‌ అధికారులకు సూచించారు. బుధవారం కలెక్టరేట్‌లో ‘స్వేచ్ఛా రథం’ ప్రచార వాహనాన్ని రెవెన్యూ అదనపు కలెక్టర్‌ టి.వినోద్‌కుమార్‌, డీఎస్పీ బాలాజీనాయక్‌తో కలిసి జెండా ఊపి ప్రారంభించారు. ఈ సందర్భంగా మాట్లాడుతూ.. వెట్టిచాకిరీ, బలవంతపు శ్రమ అనేవి కార్మికుల స్వేచ్ఛ, హక్కులను హరించే చర్యలని పేర్కొన్నారు. వివిధ అసంఘటితరంగాల్లో పనిచేస్తున్న కార్మికులు వెట్టిచాకిరీ బారిన పడకుండా అప్రమత్తంగా ఉండాలన్నారు. వెట్టిచాకిరీకి గురైన వారు, అలాంటి పరిస్థితులను గమనించిన వారు సంబంధిత అధికారులకు సమాచారం అందించాలని సూచించారు. అనంతరం రెవెన్యూ అదనపు కలెక్టర్‌ వినోద్‌కుమార్‌ మాట్లాడుతూ.. వెట్టిచాకిరీ నిర్మూలనపై ప్రజలకు అవగాహన కల్పించేందుకు ప్రత్యేకంగా రూపొందించిన స్వేచ్ఛారథం జిల్లాలో రెండ్రోజుల పాటు పర్యటించనుందన్నారు. ఆటపాటలు, అవగాహన కార్యక్రమాలు నిర్వహిస్తూ ప్రజలకు వెట్టిచాకిరీ నిర్మూలన చట్టం, కార్మికుల హక్కులు, బాధితులకు అందుబాటులో ఉన్న సహాయ సేవల గురించి వివరిస్తారని తెలిపారు. వెట్టిచాకిరీకి సంబంధించిన ఫిర్యాదులు, సాయం కోసం హెల్ప్‌లైన్‌ నంబర్‌ 080–69434343 సంప్రదించాలని సూచించారు. అనంతరం ఇందుకు సంబంధించిన వాల్‌పోస్టర్లను ఆవిష్కరించారు. కార్యక్రమంలో డీపీఆర్వో సీతారాం, డీవైఎస్‌ఓ సుధీర్‌రెడ్డి, ఇన్‌చార్జి కార్మిక అధికారి వేణుగోపాల్‌ పాల్గొన్నారు. శాసీ్త్రయ పద్ధతులు పాటించాలి : డీఏఓ వనపర్తి రూరల్‌: వేరుశనగలో అధిక దిగుబడులు సాధించేందుకు రైతులు శాసీ్త్రయ పద్ధతులను పాటించాలని జిల్లా వ్యవసాయ అధికారి ఆంజనేయులు సూచించారు. బుధవారం పట్టణంలోని 19 వార్డులో ఉన్న కమ్యూనిటీ భవనంలో ఆత్మ ఆధ్వర్యంలో వేరుశనగ సాగు చేస్తున్న రైతులకు పొలంబడి కార్యక్రమం నిర్వహించగా.. ఆయన ముఖ్యఅతిథిగా హాజరై మాట్లాడారు. విత్తనశుద్ధి తప్పనిసరిగా చేసుకోవాలని, పూత దశలో ఎకరాకు 200 కిలోల జిప్సం వేసి అంతర కృషి చేయాలన్నారు. మదనాపురం కృషి విజ్ఞాన కేంద్రం శాస్త్రవేత రాజేందర్‌రెడ్డి మాట్లాడుతూ.. కలుపు, లద్దె పురుగు, తామర పురుగులు, సిలీంద్ర తెగులు నివారణకు తగిన చర్యలు చేపట్టాలని వివరించారు. ఆత్మ డిప్యూటీ డైరెక్టర్‌ హైమావతి మాట్లాడుతూ.. విత్తనాలు విత్తడానికి ముందే దుక్కిలో ఎకరాకు 200 కిలోల సింగిల్‌ సూపర్‌ పాస్పేట్‌ వేయాలని, పూత, ఊడలు దిగే దశల్లో తగినంత నీరు అందించాలని సూచించారు. అనంతరం రైతులకు సమగ్ర సస్యరక్షణ కిట్లు, వేప నూనె అందించారు. వేరుశనగ సాగు చేసిన రైతుల పొలాలను సందర్శించి పంటల నిర్వహణపై సూచనలు చేశారు. కార్యక్రమంలో వ్యవసాయ విస్తరణ అధికారి కురుమయ్య, ప్రభావతి, ఏఈఓలు పాల్గొన్నారు.

‘భీమా’ కాల్వలకు వారాబందీ విధానంలో సరఫరా ● చివరి ఆయకట్టుకు అందని వైనం ● ఘర్షణ పడుతున్న అన్నదాతలు ● అధికారుల పర్యవేక్షణ కరవు భీమా కాల్వలకు వారాబందీ విధానంలో సాగునీరు సరఫరా చేస్తున్నాం. ఆ నీటిని నిబంధనల ప్రకారం పొదుపుగా వాడుకోవాలి. కాల్వలో ఉన్న గేట్లను తెరవడం, కిందకు దించే విషయంలోనే రైతుల మధ్య ఘర్షణ చోటు చేసుకుంది. ఇలాంటి ఘటనలు పునరావృత్తం కాకుండా నీటి సరఫరా విషయంలో తగిన జాగ్రత్తలు తీసుకుంటాం. – వినయ్‌, ఏఈ, భీమా కాల్వ పాన్‌గల్‌: ఎల్‌నినో ప్రభావంతో తీవ్ర నీటికొరత ఏర్పడి పలు ప్రాంతాల్లో సాగునీటికి రైతుల మధ్య తీవ్ర ఘర్షణలు, ఆందోళనలు చోటుచేసుకుంటున్నాయి. ముఖ్యంగా వరి పంట చివరి దశకు చేరుకొని గింజ గట్టిపడే సమయంలో నీరందకపోవడంతో ఎండిపోతాయనే ఆందోళనతో రైతుల మధ్య గొడవలు జరుగుతున్నాయి. కాల్వలను అధికారులు పర్యవేక్షిస్తూ పైపులు, మోటార్లు, అడ్డుగా రాళ్లు తొలగిస్తూ చివరి ఆయకట్టుకు సాగునీరు సక్రమంగా సరఫరా అందేలా చూస్తే ఇలాంటి ఘర్షణలు చోటు చేసుకునే అవకాశం ఉండదని పలువురు రైతులు అభిప్రాయపడుతున్నారు. ● పాన్‌గల్‌ మండలంలోని భీమా కాల్వకు జూరాల జలాశయం నుంచి నీరు సరఫరా అవుతుంది. కాల్వలో ఉన్న గేట్లు (షట్టర్లు) తెరిచే విషయంలో మంగళవారం మాందాపూర్‌, బుసిరెడ్డిపల్లి గ్రామాల రైతుల మధ్య ఘర్షణ చోటు చేసుకుంది. కాల్వ సమీపంలో సాగునీటి పారుదల అధికారులు, పోలీసుల సమక్షంలోనే తోసుకోవడం, పిడిగుద్దులతో దాడి చేసుకున్నారు. ప్రధాన భీమా కాల్వ 27వ ప్యాకేజీ ద్వారా మాందాపూర్‌, చింతకుంట గ్రామాల వైపు ఉన్న మైనర్‌ కాల్వకు నీరు రాకపోవడంతో ఆయా గ్రామాల రైతులు కాల్వలోని రెండు గేట్లను మూసివేశారు. దీంతో ముందున్న బుసిరెడ్డిపల్లి, రాయినిపల్లి, బండపల్లి, కొత్తపేట, బహుదూర్‌గూడెం, జమ్మాపూర్‌, కేతేపల్లి గ్రామాలకు సాగునీరు సరఫరా నిలిచిపోవడంతో ఆయా గ్రామాల రైతులు కాల్వ దగ్గరకు చేరుకొని తమవైపు నీటి సరఫరా అయ్యే ఒక గేటును తెరిచే ప్రయత్నంలో ఇరువర్గాల రైతుల మధ్య ఘర్షణ చోటు చేసుకుంది. పోలీసులు, నీటిపారుదలశాఖ అధికారులు అక్కడికి చేరుకొని రైతులను శాంతింపజేసి నిబంధనల ప్రకారం సాగునీరు అందేలా చూస్తామనడంతో ఘర్షణ సద్దుమణిగింది. ఆరుగాలం కష్టపడి సాగుచేసిన పంటలను కాపాడుకోవడానికి రైతులు నానా అవస్థలు పడుతున్నారు. కాల్వల ద్వారా చివరి ఆయకట్టు వరకు సక్రమంగా సాగునీరు సరఫరా అయ్యేలా చూడాల్సిన బాధ్యత అధికారులపై ఉంది. ప్రస్తుత పరిస్థితుల్లో కాల్వలను అధికారులు పర్యవేక్షిస్తూ సాగునీరు సాఫీగా అందేలా చూస్తే రైతుల మధ్య గొడవలు చోటు చేసుకోవని పలువురు అభిప్రాయపడుతున్నారు. భీమా కాల్వ ద్వారా రాయినిపల్లి గ్రామానికి సాగునీరు సరఫరా అయ్యే 21వ డిస్ట్రిబ్యూటరీ కాల్వ వద్ద మంగళవారం రాత్రి రైతుల మధ్య ఘర్షణ చోటు చేసుకుంది. కాల్వలో పైపులు వేయడంతో ముందున్న పంటలకు సాగునీరు అందడం లేదు. దీంతో కాల్వలో వేసిన పైపులు తొలగించాలని ముందు పొలాల రైతులు చెప్పడంతో ఇరువురి మధ్య ఘర్షణ చోటుచేసుకుంది. ఈ ఘర్షణలో గ్రామానికి చెందిన రైతు మల్లేష్‌పై అదే గ్రామానికి చెందిన వెంకటస్వామి, రామచంద్రయ్య అనే రైతులు దాడి చేయడంతో తలకు గాయమైంది. బుధవారం ఎస్‌ఐ కుర్మయ్య భీమా కాల్వపై ఉన్న గేటును పరిశీలించారు. బాధిత రైతు ఫిర్యాదు మేరకు విచారణ చేస్తున్నామన్నారు. ఇలాంటి ఘర్షణలు పునరావృతం కాకుండా అధికారులు తగిన చర్యలు తీసుకోవాలని రైతులు కోరుతున్నారు.

వనపర్తి రూరల్‌: దేవీ శరన్నవరాత్రి ఉత్సవాల్లో భాగంగా శ్రీరంగాపురం శ్రీ రంగనాయకస్వామి ఆలయంలో సోమవారం అమ్మవారు విజయలక్ష్మి దేవిగా భక్తులకు దర్శనమిచ్చారు. భక్తులు అధికసంఖ్యలో తరలివచ్చి అమ్మవారిని దర్శించుకున్నారు. అదేవిధంగా పెబ్బేరులోని వాసవి కన్యకాపరమేశ్వరి ఆలయంలో సోమవారం రెండోరోజు అమ్మవారు గాయత్రీదేవిగా భక్తులకు దర్శనమిచ్చారు. ఈ సందర్భంగా ఆలయంలో మహిళలు పెద్దఎత్తున పాల్గొని కుంకుమార్చన, తదితర పూజలు నిర్వహించారు. పెబ్బేరు కన్యకాపరమేశ్వరి ఆలయంలో కుంకుమార్చన చేస్తున్న మహిళలు

వనపర్తి: సమస్యల పరిష్కారం కోసం ప్రజావాణికి దాఖలైన అర్జీలను సత్వరమే పరిష్కరించాలని స్థానిక సంస్థల అదనపు కలెక్టర్‌ ఖీమ్యానాయక్‌ ఆదేశించారు. సోమవారం కలెక్టరేట్‌లో నిర్వహించిన ప్రజావాణికి రెవెన్యూ అదనపు కలెక్టర్‌ వినోద్‌కుమార్‌తో కలిసి పాల్గొని అర్జీదారుల నుంచి వినతులు స్వీకరించారు. ఈ సందర్భంగా ఆయన మాట్లాడుతూ.. ఫిర్యాదులను ఎప్పటికప్పుడు పరిష్కరించి సమాచారాన్ని సంబంధిత ఫిర్యాదుదారుడికి పంపించడంతో పాటు ఆన్‌లైన్‌లో నమోదు చేయాలని సూచించారు. ఒకవేళ ఫిర్యాదు అంశం తమశాఖ పరిధిలోకి రాకుంటే సంబంధిత శాఖకు లేఖరాసి పంపించాలన్నారు. పరిష్కరించలేని అంశం ఏదైనా ఉంటే ఉన్నతాధికారులకు తెలియజేయడం లేదా ఏ నిబంధన ప్రకారం పరిష్కారం చేయలేమో ఫిర్యాదుదారునికి తెలియజేయాలి తప్ప పెండింగ్‌లో ఉంచరాదని ఆదేశించారు. పెండింగ్‌ దరఖాస్తులను పరిశీలించి వెంటనే పరిష్కరించేలా తగిన చర్యలు చేపట్టాలని.. సీఎం, జిల్లా మంత్రి ప్రజావాణి నుంచి వచ్చిన అర్జీలను సైతం వెంటనే పరిష్కరించాలని కోరారు. ఉదయం 10.30 నుంచి మధ్యాహ్నం భోజన విరామ సమయం వరకు జరిగిన ప్రజావాణికి మొత్తం 45 అర్జీలు దాఖలైనట్లు నిర్వాహకులు తెలిపారు. ఆర్డీఓ కార్యాలయంలో జరిగిన ప్రజావాణికి 4 వినతులు వచ్చాయి. కార్యక్రమంలో ప్రత్యేక డిప్యూటీ కలెక్టర్‌ తిరుపతయ్య, జెడ్పీ సీఈఓ యాదయ్య, శిక్షణ అదనపు కలెక్టర్లు రంజిత్‌రెడ్డి, శ్రావ్య, అన్ని శాఖల జిల్లా అధికారులు తదితరులు పాల్గొన్నారు.

వనపర్తి రూరల్‌: బాల్యవివాహాలను అరికట్టడం అందరి బాధ్యతని జిల్లా న్యాయ సేవాధికార సంస్థ జిల్లా కార్యదర్శి, సీనియర్‌ న్యాయమూర్తి దీప కాసరగడ్డ అన్నారు. సోమవారం మండలంలోని ఖాసీంనగర్‌లో జిల్లా న్యాయ సేవాధికార సంస్థ ఆధ్వర్యంలో నిర్వహించిన న్యాయ విజ్ఞాన సదస్సుకు ఆమె ముఖ్యఅతిథిగా హాజరై మాట్లాడారు. బాల్యవివాహాల నిషేధిత చట్టం 2006 ప్రకారం అమ్మాయికి 18 ఏళ్లు, అబ్బాయికి 21 ఏళ్లు నిండకుండా వివాహాలు చేయడం చట్ట విరుద్దమన్నారు. గ్రామాల్లో ఎవరైనా బాల్య వివాహాలు జరిపిస్తే కఠిన చర్యలు ఉంటాయని హెచ్చరించారు. బాల్య కార్మిక చట్టం కింద 14 ఏళ్లలోపు బాలలను పనిలో పెట్టుకోవడం చట్టరీత్యా నేరమన్నారు. అదేవిధంగా గ్రామంలో ఏర్పాటు చేసిన లీగల్‌ ఎయిడ్‌ క్లినిక్‌ను తనిఖీ చేశారు. సైబర్‌ నేరగాళ్లతో అప్రమత్తంగా ఉండాలని, వ్యక్తిగత సమాచారాన్ని ఎవరితో పంచుకోరాదని సూచించారు. వయోవృద్ధులైన తల్లిదండ్రులను పట్టించుకోకపోవడం సరికాదని.. వారి సమస్యల పరిష్కారానికి ఆర్డీఓ కార్యాలయంలో ట్రిబ్యూనల్‌ ఏర్పాటు చేశామని, ఫిర్యాదు చేయాలని సూచించారు. లేకుంటే జిల్లా న్యాయసేవాధికార సంస్థలో దరఖాస్తు ఇచ్చినా పరిష్కారానికి కృషి చేస్తామని భరోసానిచ్చారు. జిల్లా కళా సాంస్కృతిక బృందం బాల్య వివాహాలపై తమ ఆటపాటలతో అవగాహన కల్పించారు. బాల్యవివాహాల నిర్మూలనకు పాటుపడతామని గ్రామస్తులతో ప్రతిజ్ఞ చేయించారు. కార్యక్రమంలో సర్పంచ్‌ వెంకటేష్‌, డీసీపీఓ రాంబాబు, లీగల్‌ ఎయిడ్‌ డిఫెన్స్‌ కౌన్సిల్‌ కృష్ణయ్య తదితరులు పాల్గొన్నారు.

వనపర్తి రూరల్‌: కేంద్ర ఎన్నికల ప్రధాన కమిషనర్‌ జ్ఞానేష్‌కుమార్‌ను తొలగించాలని, ఎస్‌ఐఆర్‌ను రద్దుచేసి తొలగించిన 13 కోట్ల ఓట్లను పునరుద్ధరించాలని సీపీఎం జిల్లా కార్యదర్శివర్గ సభ్యుడు ఎండీ జబ్బార్‌ డిమాండ్‌ చేశారు. ఢిల్లీలో సీపీఎం నాయకులను అక్రమంగా అరెస్టు చేయడాన్ని నిరసిస్తూ సోమవారం జిల్లాకేంద్రంలోని అంబేడ్కర్‌ చౌరస్తాలో పట్టణ కమిటీ ఆధ్వర్యంలో ఆందోళన చేపట్టారు. ఈ సందర్భంగా ఆయన మాట్లాడుతూ.. ఎన్నికల సంఘం నిష్పక్షపాతంగా వ్యహరించాలని, నాయకుల నిర్బంధాలను వెంటనే నిలిపివేయాలని కోరారు. కార్యక్రమంలో నాయకులు మండ్ల రాజు, గంధం మదన్‌, బాలస్వామి, రమేష్‌, నందిమళ్ల రాములు, భాస్కర్‌, బీసన్న, గట్టయ్య, కురుమయ్య పాల్గొన్నారు.

ఎల్‌నినో ప్రభావాన్ని అధిగమించేందుకు అధికారులు, ప్రజాప్రతినిధులు ససమన్వయంతో పని చేయాలని కలెక్టర్‌ ఆదర్శ్‌ సురభి సూచించారు. తెలంగాణలో ఎల్‌నినో ప్రభావం.. అధికారులు, రైతుల అప్రమత్తతపై సోమవారం హైదరాబాద్‌ నుంచి ఉప ముఖ్యమంత్రి మల్లు భట్టి విక్రమార్క, రాష్ట్ర వ్యవసాయశాఖ మంత్రి తుమ్మల నాగేశ్వరరావు, రాష్ట్ర రోడ్డు రవాణా, బీసీ సంక్షేమశాఖ మంత్రి పొన్నం ప్రభాకర్‌, ప్రధానకార్యదర్శి సంజయ్‌జాజు రైతునేస్తం కార్యక్రమంలో పాల్గొని అన్ని రైతువేదికల్లో రైతులు, అధికారులతో ముఖాముఖి నిర్వహించారు. కలెక్టర్‌ మండలంలోని అంకూర్‌ రైతువేదికలో పాల్గొని మాట్లాడారు. జిల్లాలో గతేడాది కంటే చాలా తక్కువ వర్షపాతం నమోదైందని.. అదేవిధంగా రిజర్వాయర్లలో సైతం నీటిమట్టం తగ్గిన కారణంగా వరికి బదులు ప్రత్యామ్నాయ పంటలు వేసుకునే విధంగా రైతులకు అవగాహన కల్పిస్తున్నట్లు తెలిపారు. రబీలో ఎవరూ వరి సాగు చేయవద్దని.. దానికి బదులుగా తక్కువ నీటితో పండే చిరుధాన్యాలు, నూనెగింజలు సాగు చేసుకోవాలని సూచించినట్లు చెప్పారు. స్ప్రింక్లర్లు, డ్రిప్‌ ద్వారా మాత్రమే సాగునీరు వినియోగించుకునే విధంగా వ్యవసాయ అధికారులు క్షేత్రస్థాయిలో రైతులకు అవగాహన కల్పించాలని సూచించారు. భూగర్భ జలాలు అడుగంటుతుండటంతో ప్రజలు నీరు, విద్యుత్‌ను పొదుపుగా వినియోగించాలని, రాబోయే రోజుల్లో ఉష్ణోగ్రతలు అధికంగా ఉండే ప్రమాదం ఉందని.. వృద్ధులు, బయట పనిచేసే కార్మికులు జాగ్రత్తగా ఉంటూ ఆరోగ్యం కాపాడుకోవాలని సూచించినట్లు చెప్పారు. పరిస్థితులను అధిగమించేందుకు అన్ని విధాల కృషి చేస్తున్నట్లు తెలియజేశారు. వీడియో కాన్ఫరెనన్స్‌లో జిల్లా వ్యవసాయ అధికారి ఆంజనేయులు, జిల్లా ఉద్యాన అధికారి విజయభాస్కర్‌, రైతు నాయకులు, రైతులు తదితరులు పాల్గొన్నారు.

ఉమ్మడి మహబూబ్‌నగర్‌ జిల్లాలోని వర్షాభావ మండలాలను వెంటనే కరువు ప్రాంతాలుగా ప్రకటించి, పంట నష్టపోయిన రైతులకు ఎకరాకు రూ.30 వేల చొప్పున పరిహారం చెల్లించాలి. వలసలను అరికట్టడానికి ఉపాధి హామీ పనిదినాలను 120 నుంచి 200 రోజులకు పెంచి పనులు కల్పించాలి. మండల కేంద్రాల్లో తక్షణమే ఉచిత పశుగ్రాస డిపోలు, తాగునీటి సౌకర్యాలు ఏర్పాటు చేసి పాలమూరును కరువు కోరల నుంచి కాపాడాలి. – వెంకటస్వామి, జిల్లా కార్యదర్శి, తెలంగాణ రైతు సంఘం (ఏఐకేఎస్‌) ●

వనపర్తి రూరల్‌: మెడికల్‌ దుకాణాల నిర్వాహకులు వైద్యుడి చీటి లేకుండా మందుల విక్రయాలు జరపరాదని, ప్రభుత్వ నిబంధనలు విధిగా పాటించాలని జిల్లా డ్రగ్‌ ఇన్‌స్పెక్టర్‌ రష్మిక సూచించారు. సోమవారం పెబ్బేరులోని పలు మెడికల్‌ దుకాణాలను డ్రగ్‌ ఇన్‌స్పెక్టర్లు రష్మిక, విశ్వనాథ్‌రెడ్డి, వినయ్‌ సంయుక్తంగా తనిఖీలు నిర్వహించారు. వైద్యుల చీటి లేకుండా, బిల్లులు జారీ చేయకుండా మందులు విక్రయిస్తున్నారని తమ దృష్టికి వచ్చినట్లు వారు తెలిపారు. నిబంధనల ఉల్లంఘన నేపథ్యంలో ఓ మెడికల్‌ దుకాణాన్ని 15 రోజుల పాటు సీజ్‌ చేశామన్నారు. ఇదేవిధంగా నాలుగు దుకాణాల్లో లోపాలను గుర్తించి నోటీసులు జారీ చేసినట్లు వివరించారు. నోటీసులకు సరైన వివరణ ఇవ్వకపోతే ఆయా దుకాణాలపై తగిన చర్యలు తీసుకుంటామని చెప్పారు. సమాంతర కాల్వకు నీటి సరఫరా అమరచింత: జూరాల జలాశయంలో రోజురోజుకు నీటిమట్టం తగ్గుతుందని చెబుతున్న అధికారులు సమాంతర కాల్వకు మాత్రం నీటి సరఫరాను నిలిపివేయలేకపోతున్నారు. ప్రస్తుతం కుడి, ఎడమ కాల్వలకు నీటిని నిలిపివేసిన అధికారులు సమాంతర కాల్వకు మాత్రం నీటిని వదలడం ఏమిటని ఆయకట్టు రైతులు ప్రశ్నిస్తున్నారు. సమాంతర కాల్వ ద్వారా రోజు 900 క్యూసెక్కుల నీరు పారుతోందని.. ఎగువన ఉన్న ఆయకట్టు పంటలు ఎండుముఖం పడుతున్నా పట్టించుకోని అధికారులు సమాంతర కాల్వకు మాత్రం సాగునీటిని ఎందుకు సరఫరా చేస్తున్నారని ఆవేదన వ్యక్తం చేస్తున్నారు. జలాశయానికి ఎగువ నుంచి వరద వస్తున్న సమయంలోనే సమాంతర కాల్వకు నీటిని విడుదల చేయాలనే నిబంధన ఉన్నా వరద లేని సమయంలో కూడా నీటిని వదలడం ఏమిటని రైతులు అధికారుల వైఖరిని తప్పుబడుతున్నారు. ఈ విషయాన్ని సమాంతర కాల్వ ఏఈ మహేందర్‌ వద్ద ప్రస్తావించగా.. లిఫ్ట్‌లకు సాగునీటిని పంపింగ్‌ చేస్తున్నట్లుగానే సమాంతర కాల్వకు నీటిని వదులుతున్నారని, కాల్వ పరిధిలో వరి పంటలు ఎండిపోకుండా నీటిని సరఫరా చేస్తున్నామని బదులిచ్చారు. భూ రీ–సర్వేకు ప్రత్యేక బృందాలు వనపర్తి: జిల్లాలో రెవెన్యూ సమస్యలను సత్వరమే పరిష్కరించి ప్రజలకు పారదర్శకమైన సేవలు అందించాలని రెవెన్యూ అదనపు కలెక్టర్‌ టి.వినోద్‌కుమార్‌ అధికారులను ఆదేశించారు. సోమవారం కలెక్టరేట్‌లోని సమావేశ మందిరంలో ఆర్డీఓ సుబ్రమణ్యంతో కలిసి భూ రీ–సర్వే పురోగతి, పెండింగ్‌ దరఖాస్తులు, భూ–భారతి సేవలు, 22ఏ భూముల సమస్యలు, ఎస్‌ఐఆర్‌ నోటీసుల ప్రక్రియపై సమీక్షించారు. భూ రీ–సర్వే పనులను వేగవంతం చేసేందుకు ప్రతి మండలంలో రెండు ప్రత్యేక బందాలను తక్షణమే ఏర్పాటు చేయాలని సూచించారు. డిప్యూటీ తహసీల్దార్‌ పర్యవేక్షణలో ఒక బృందం, రెవెన్యూ ఇనన్‌స్పెక్టర్‌ లేదా సీనియర్‌ అసిస్టెంట్‌ పర్యవేక్షణలో మరో బృందాన్ని ఏర్పాటు చేయాలని, ప్రతి బృందంలో లైసెన్‌న్స్‌డ్‌ సర్వేయర్‌, జీపీఓ ఉండేలా చూడాలన్నారు. బృంద సభ్యులకు రీ–సర్వే విధివిధానాలపై పూర్తిస్థాయి శిక్షణ ఇవ్వాలని ఆదేశించారు. నిషేధిత భూముల జాబితా 22ఏకు సంబంధించి టోల్‌ఫ్రీ నంబర్‌ ద్వారా అందిన దరఖాస్తులను ఎప్పటికప్పుడు పరిశీలించి పెండింగ్‌ లేకుండా పరిష్కరించాలని స్పష్టం చేశారు. భూ–భారతి పోర్టల్‌లో అందుబాటులో ఉన్న నూతన మాడ్యూల్‌ ద్వారా ఒకే దరఖాస్తుతో వివిధ రెవెన్యూ సమస్యలను తెలియజేసే సౌలభ్యంపై ప్రజలకు అవగాహన కల్పించాలని సూచించారు. ఎస్‌ఐఆర్‌ పెండింగ్‌ నోటీసుల ప్రక్రియను త్వరగా పూర్తిచేసి సంబంధిత దరఖాస్తులను పరిష్కరించాలని ఆదేశించారు. అధికారులు బాధ్యతగా పనిచేస్తూ నిర్దేశిత లక్ష్యాలను గడువులోగా పూర్తి చేయాలని స్పష్టం చేశారు. సమావేశంలో ఏడీఎస్‌ఎల్‌ఆర్‌, తహసీల్దార్లు, డిప్యూటీ తహసీల్దార్లు, రెవెన్యూ ఇన్‌స్పెక్టర్లు, సీనియర్‌ అసిస్టెంట్లు, మండల సర్వేయర్లు, లైసెన్‌న్స్‌డ్‌ సర్వేయర్లు, ఇతర రెవెన్యూ సిబ్బంది పాల్గొన్నారు.

వనపర్తి: పరిపాలనను ప్రజలకు మరింత చేరువ చేసేందుకు చిన్న జిల్లాల ఏర్పాటుకు కృషి చేసిన మాజీ సీఎం కేసీఆర్‌కు జే కొడుతూ ఆదివారం జిల్లాకేంద్రంలో బీఆర్‌ఎస్‌ శ్రేణులు కొత్త జిల్లాల దశాబ్ది వేడుకలు నిర్వహించారు. ఈ సందర్భంగా జిల్లాకేంద్రంలోని ఆరోవార్డు పీర్లగుట్ట చౌరస్తా నుంచి ప్రధాన కూడళ్ల మీదుగా భారీ నిర్వహించారు. కొట్లాడి తెలంగాణ సాధించి పరిపాలన సౌలభ్యం కోసం 33 జిల్లాలు, కొత్త రెవెన్యూ డివిజన్లు, అవసరమైన కొత్త మండలాలను ఏర్పాటు చేసి ప్రజలకు పాలన అందించారని ఆ పార్టీ నాయకులు వాకిటి శ్రీధర్‌, ఉంగ్లం తిరుమల్‌, నందిమళ్ల అశోక్‌, శ్రీకర్‌గౌడ్‌, శ్రీనివాసులు వివరించారు. కేసీఆర్‌ బాటలో తమ నాయకుడు సింగిరెడ్డి నిరంజన్‌రెడ్డి నియోజకవర్గ ప్రజలకు అభివృద్ధి రుచి చూపించారన్నారు. ఈ సందర్భంగా మిఠాయిలు పంపిణీ చేశారు. కార్యక్రమంలో పార్టీ నాయకులు శిరీష, రమేష్‌గౌడ్‌, కవిత నాయక్‌, వెంకటేష్‌, నీలస్వామి, యాదయ్య, రంగం చంద్రయ్య తదితరులు పాల్గొన్నారు.

వనపర్తి రూరల్‌: పెబ్బేరు మండలం అయ్యవారిపల్లిలో రూ.60 కోట్లతో తెలంగాణా రైతు విజ్ఞాన కేంద్రం ఏర్పాటు చేస్తున్నామని.. ఈ నెల 15న రాష్ట్ర వ్యవసాయశాఖ మంత్రి తుమ్మల నాగేశ్వరావు శంకుస్థాపన చేస్తారని వనపర్తి ఎమ్మెల్యే తూడి మేఘారెడ్డి తెలిపారు. ఆదివారం పెబ్బేరులోని హజ్రత్‌ షేక్‌ అలీషా ఉర్సు సందర్భంగా దర్గాను సందర్శించి చాదర్‌ సమర్పించి ప్రత్యేక ప్రార్థనలు చేశారు. అనంతరం గ్రామంలో సర్వేనంబర్లు 280, 281, 164లో రైతు విజ్ఞాన కేంద్రం ఏర్పాటుకు కేటాయించిన 40 ఎకరాల భూమిని స్థానిక నాయకులతో కలిసి పరిశీలించారు. ఈ సందర్భంగా మాట్లాడుతూ.. ఈ ప్రాంత ప్రజలు ఎక్కువగా వరి సాగు చేస్తారని, వరితో పాటు ఇతర పంటలను సాగుచేసి వ్యవసాయాన్ని మరింత లాభసాటిగా మార్చేందుకు ప్రభుత్వం రైతు విజ్ఞాన కేంద్రాన్ని ఏర్పాటు చేస్తుందన్నారు. ఏడాది కాలంలో నిర్మాణం పూర్తిచేసి రైతులు ఆధునిక సాంకేతికత పరిజ్ఞానంతో పంటలు సాగు చేసేందుకు శాస్త్రవేత్తలు పరిశోధనాత్మక అంశాలను ఇక్కడ వివరిస్తారని వివరించారు. అలాగే మూడురోజుల కిందట పెబ్బేరు మహిళా పాలిటెక్నిక్‌ కళాశాల ఆవరణలో ఉన్న బీసీ సంక్షేమ బాలికల హాస్టల్‌లో ఫుడ్‌ పాయిజన్‌తో విద్యార్థులు అస్వస్థతకు గురికావడం చాలా బాధాకరమని, కలెక్టర్‌ ఆధ్వర్యంలో విచారణ చేపట్టి బాధ్యులపై చర్యలు తీసుకుంటామని తెలిపారు. కార్యక్రమంలో పుర చైర్మన్‌ అక్కి శ్రీనివాస్‌గౌడ్‌, సర్పంచ్‌ కురుమూర్తిసాగర్‌, వైస్‌ చైర్‌పర్సన్‌ సుమిత్ర, మధుసూదన్‌గౌడ్‌, మండల, పట్టణ అఽధ్యక్షులు దయాకర్‌రెడ్డి, రాంరెడ్డి, నాయకులు విజయవర్ధన్‌రెడ్డి, వెంకటరత్నం నాయుడు, సురేందర్‌గౌడ్‌, వెంకటేష్‌ సాగర్‌ తదితరులు పాల్గొన్నారు.

● ముగిసిన ‘సర్‌’ అభ్యంతరాలు, ఫిర్యాదుల స్వీకరణ ప్రక్రియ ● పరిశీలనలో నిమగ్నమైన అధికార యంత్రాంగం ● ఉమ్మడి జిల్లాలో 19,307 కొత్త ఓటర్ల నమోదుకు దరఖాస్తులు ● విదేశీ ఓటర్ల నమోదుకు స్పందన కరువు అచ్చంపేట: ఓటర్ల జాబితా ప్రత్యేక సమగ్ర సవరణ (సర్‌)లో భాగంగా ఉమ్మడి జిల్లాలో దరఖాస్తులు అందాయి. జూన్‌ 15 నుంచి అక్టోబరు 7 వరకు దరఖాస్తులు, అభ్యంతరాలు స్వీకరించడంతోపాటు ద్రువీకరణ పత్రాలు సమర్పించారు. ఉమ్మడి జిల్లావ్యాప్తంగా 18 ఏళ్లు నిండి, ఇప్పటి వరకు ఓటర్ల జాబితాలో పేరు లేని వారు ఫారం–6 ద్వారా 19,307 మంది ఓటర్లు దరఖాస్తు చేసుకోగా ఇప్పటి వరకు 1,874 మంది అర్హులుగా నిర్ధారించారు. ఫారం–6ఏ ప్రవాస భారతీయ ఓటర్లుగా 33 మంది దరఖాస్తు చేసుకోగా ఇప్పటి వరకు ముగ్గురిని అర్హులుగా తేల్చారు. ఇక ముసాయిదా జాబితాలో ఓటర్ల తొలగింపునకు 1,478 దరఖాస్తులు ఫారం–7 ద్వారా వచ్చాయి. ఇందులో 656 మంది ఓటర్లు అనర్హులుగా తేల్చి తొలగించారు. కొత్తగా నమోదు కానున్న ఓటర్లను సైతం పరిగణలోకి తీసుకుంటే నవంబరు 9న ప్రకటించనున్న తుది ఓటర్ల జాబితా కోసం అధికారులు కసరత్తు చేస్తున్నారు. ఓటర్ల వివరాల్లో మార్పులు/ తప్పులు, దిద్దబాటు/ చిరునామా మార్పు కోసం ఫారం–8 ద్వారా 29,048 దరఖాస్తులు రాగా.. 1,2147 దరఖాస్తులు మార్పులు చేర్పులు చేశారు. ఓటరు వివరాల్లో మార్పులు, సవరణ, చిరునామా, ఎపిక్‌ మార్పిడికి దరఖాస్తులు ఎక్కువగా సమర్పించారు. ఈ దరఖాస్తులను నవంబర్‌ 5లోగా పరిష్కరించి ఆ మేరకు తుది ఓటర్ల జాబితాలో మార్పులు, చేర్పులకు ఈసీ చర్యలు తీసుకోనుంది. వీటిని స్థానిక ఈఆర్వోలు/ ఏఈఆర్వోలు పరిశీలించి పరిష్కరిస్తారు. విదేశాల్లో ఉన్న ప్రవాస భారతీయ పౌరుల నమోదుకు సంబంధించిన ఫారం–6ఏకు ఉమ్మడి పాలమూరు జిల్లాల్లో స్పందన అంతగా కనిపించలేదు. 13 నియోజకవర్గాల్లో కలిసి 33 దరఖాస్తులు రాగా వాటిలో మూడింటికి పరిష్కారం లభించింది. అలాగే ఓటర్ల వివరాల్లో తప్పులను సరిదిద్దడానికి, చిరునామా మార్పు, పేర్లలో దొర్లిన తప్పులకు సంబంధించి ఫారం–8 ద్వారా పెద్దఎత్తున దరఖాస్తులు వచ్చాయి. పాలమూరులో 5,428 దరఖాస్తులు రాగా 1,869 దరఖాస్తులు సవరించారు. అచ్చంపేటలో 3,050, కొడంగల్‌లో 2,776, దేవరకద్రలో 2,439, నారాయణపేటలో 2,080 దరఖాస్తులు వచ్చాయి.

అమరచింత: ప్రియదర్శిని జూరాల జలాశయం ప్రధాన కుడి, ఎడమ కాల్వలకు సోమవారం నుంచి నీటి సరఫరా నిలిపివేయనున్నట్లు ఎస్‌ఈ చంద్రశేఖర్‌ ఆదివారం వెల్లడించారు. ప్రస్తుతం ప్రాజెక్టులో 3.445 టీఎంసీల నీటి నిల్వ మాత్రమే ఉందని.. ఎగువ నుంచి వరద రావడం లేదన్నారు. జూరాల ఆయకట్టును దృష్టిలో ఉంచుకొని ప్రభుత్వ ఆదేశాల మేరకు వారాబందీ విధానంలో నీటిని విడుదల చేస్తున్నామని చెప్పారు. తిరిగి ఏడురోజుల అనంతరం మరో 3 రోజుల పాటు ఆయకట్టుకు సాగునీటిని అందిస్తామని వివరించారు. డీ–6 పరిధిలో పంటలు ఎండుముఖం.. ఆత్మకూర్‌ మండలంలోని కట్టకింది పల్లెలకు సాగునీరు అందించే డీ–6 కాల్వల పరిధిలో ఇప్పటికే రెండు వేల ఎకరాల్లో వరిపంట ఎండుముఖం పట్టడంతో ఆయా గ్రామాల రైతు లు ఆందోళన చెందుతున్నారు. నిరంతరం సా గునీరు అందిస్తేనే పంటలు చేతికొస్తాయని.. లేనిపక్షంలో తమకు నష్టాలు తప్పవంటున్నా రు. ప్రభుత్వం సమస్యను అర్థం చేసుకొని సా గునీరు అందించాలని డిమాండ్‌ చేస్తున్నారు. జూరాల జలాశయంలో ప్రస్తుతం 3.445 టీఎంసీల నీటి నిల్వ

కొత్తకోట రూరల్‌: జన విజ్ఞాన వేదిక తెలంగాణ రాష్ట్ర 6వ మహాసభలు హైదరబాద్‌లో జరగగా ఆదివారం రాష్ట్ర కార్యవర్గాన్ని ఎన్నుకున్నారు. రాష్ట్ర కార్యవర్గసభ్యుడిగా కొత్తకోట జెడ్పీ ఉన్నత పాఠశాల ఉపాధ్యాయుడు దేవని ప్రవీణ్‌కుమార్‌ ఎన్నియ్యారు. ఈ సందర్భంగా ఆయన మాట్లాడుతూ.. ప్రజల్లో శాసీ్త్రయ దృక్పథం పెంపొందించడం, మూఢనమ్మకాలు నిర్మూలించడం, విద్యార్థుల్లో శాసీ్త్రయ ఆలోచన విధానాన్ని ప్రోత్సహించడమే లక్ష్యంగా జన విజ్ఞాన వేదిక నిరంతరం కృషి చేస్తోందని తెలిపారు. జన విజ్ఞాన వేదిక మరింత బలోపేతం కావాలని, శాసీ్త్రయ చైతన్య ఉద్యమాన్ని ప్రజల్లోకి విస్తృతంగా తీసుకెళ్లాలని ఆకాంక్షించారు. ప్రవీణ్‌కుమార్‌ ఎంపిక పట్ల తోటి ఉపాధ్యాయ బృందం హర్షం వ్యక్తం చేసింది. నేడు రైతువేదికల్లో సీఎం సందేశం వనపర్తి: ఎల్‌నినో ప్రభావంతో మారనున్న వాతావరణ పరిస్థితులు, వ్యవసాయరంగంపై వాటి ప్రభావం, ప్రత్యామ్నాయ పంటల సాగుపై రైతులకు అవగాహన కల్పించేందుకు రాష్ట్ర ప్రభుత్వం చర్యలు చేపట్టింది. ఇందులో భాగంగా సోమవారం ఉదయం ముఖ్యమంత్రి రేవంత్‌రెడ్డి రైతులను ఉద్దేశించి మాట్లాడనున్నారని.. ఈ కార్యక్రమం సమీపంలోని రైతువేదికల్లో ప్రత్యక్ష ప్రసారం కానుందని కలెక్టర్‌ ఆదర్శ సురభి ఆదివారం ఒక ప్రకటనలో తెలిపారు. రానున్న రబీ సీజన్‌ను దృష్టిలో ఉంచుకొని పంటల ప్రణాళిక, సాగు విధానం, యాజమాన్య పద్ధతులపై రైతులకు అవగాహన కల్పించనున్నట్లు పేర్కొన్నారు. ఈ కార్యక్రమంలో రైతులు అధికసంఖ్యలో పాల్గొని వీక్షించాలని కోరారు. గిరిజన సేవాసంఘం జిల్లా కార్యవర్గం వనపర్తి రూరల్‌: జిల్లాకేంద్రంలో ఆదివారం జరిగిన గిరిజన సంఘం సమావేశంలో ఆ సంఘం ప్రతినిధులు, గిరిజన పెద్దలు పాల్గొని జిల్లా కార్యవర్గాన్ని ఏకగ్రీవంగా ఎన్నుకున్నారు. అధ్యక్షుడిగా ముడావత్‌ సూర్యానాయక్‌, ప్రధానకార్యదర్శిగా టీక్యానాయక్‌, కోశాధికారిగా కృష్ణను ఎన్నుకున్నారు. ఈ సందర్భంగా అధ్యక్షుడు మాట్లాడుతూ.. గిరిజనుల సమస్యల పరిష్కారం, హక్కుల పరిరక్షణ, విద్య, సామాజిక అభివృద్ధికి కృషి చేస్తామని తెలిపారు. 17న మహాధర్నా జడ్పీసెంటర్‌ (మహబూబ్‌నగర్‌): ఉమ్మడి మహబూబ్‌నగర్‌ జిల్లాలో పెండింగ్‌ ప్రాజెక్టులను పూర్తి చేయాలని డిమాండ్‌ చేస్తూ ఈ నెల 17న కల్వకుర్తి తహసీల్దార్‌ కార్యాలయం ఎదుట మహాధర్నా నిర్వహించనున్నట్లు పెండింగ్‌ ప్రాజెక్టుల సాధన జేఏసీ చైర్మన్‌ రాజేందర్‌రెడ్డి తెలిపారు. ఆదివారం విడుదల చేసిన ప్రకటనలో పాలమూరుకు దక్కాల్సిన నీటిని నల్లగొండ జిల్లాకు తరలించే ప్రయత్నాలను ఆపాలని డిమాండ్‌ చేశారు. దీనివల్ల జిల్లాలోని పెండింగ్‌ ప్రాజెక్టులకు అన్యాయం జరుగుతుందని పేర్కొన్నారు. గత ప్రభుత్వాలు సాగునీటి వనరుల కల్పనలో విఫలమయ్యాయని, శాశ్వత ప్రాజెక్టులకు పెట్టుబడులు పెట్టకపోవడంతో ఈ పరిస్థితి నెలకొందని విమర్శించారు. ఉమ్మడి జిల్లాలోని ఐదు జిల్లాల నుంచి రైతులు, నిర్వాసితులు, ప్రజాప్రతినిధులు పెద్ద సంఖ్యలో తరలివచ్చి మహాధర్నాను విజయవంతం చేయాలని కోరారు. రాష్ట్రస్థాయి పోటీల్లో విజేతలుగా నిలవాలి మహబూబ్‌నగర్‌ క్రీడలు: రాష్ట్రస్థాయి స్కూల్‌ గేమ్స్‌ ఫెడరేషన్‌ క్రీడాపోటీల్లో ఉమ్మడి జిల్లా జట్లు మెరుగైన ప్రతిభ కనబరిచి విజేతలుగా నిలవాలని జిల్లా ఎస్‌జీఎఫ్‌ కార్యనిర్వాహక కార్యదర్శి వేణుగోపాల్‌ అన్నారు. సంగారెడ్డిలో ఆదివారం నుంచి ప్రారంభమైన రాష్ట్రస్థాయి ఎస్‌జీఎఫ్‌ అండర్‌–19 కబడ్డీ పోటీల్లో పాల్గొనే ఉమ్మడి జిల్లా బాల, బాలికల జట్లు తరలివెళ్లాయి. కబడ్డీ జట్లను స్థానిక మెయిన్‌ స్టేడియంలో వేణుగోపాల్‌ అభినందించారు. సమష్టిగా ఆడితే విజయం సాధించవచ్చని అన్నారు. అదే విధంగా సిద్దిపేటలో ఆదివారం నుంచి జరుగుతున్న స్కూల్‌ గేమ్స్‌ ఫెడరేషన్‌ అండర్‌–14, 17 బాల, బాలికల రాష్ట్రస్థాయి యోగా పోటీలకు ఉమ్మడి జిల్లా క్రీడాకారులు బయలుదేరారు. క్రీడాకారులను జిల్లా ఎస్‌జీఎఫ్‌ కార్యదర్శి అభినందించారు. రాష్ట్రస్థాయి యోగా పోటీల్లో పతకాలు సాధించాలని ఆకాంక్షించారు.

మత్స్యకారుల జీవనోపాధిపై ప్రభావం? చేపల వేట, పెంపకంపై ఆధారపడి జీవించే మత్స్యకారులు చెరువులో పెద్ద సంఖ్యలో చేపలు మృతిచెందితే ఆర్థికంగా నష్టపోవాల్సి వస్తోందని ఆవేదన వ్యక్తం చేస్తున్నారు. నీరు కలుషితమైతే చెరువులోని ఇతర జలచరాల మనుగడపైనా ప్రభావం పడే ప్రమాదం ఉందని తెలిపారు. సంబంధిత అధికారులు స్పందించి చెరువును పరిశీలించి చేపలు, తాబేళ్ల మృతికి గల అసలు కారణాలను గుర్తించేందుకు తక్షణమే చర్యలు చేపట్టాల్సిన అవసరం ఉంది. చెరువులోని నీటి నమూనాలను సేకరించి రసాయన కాలుష్యం, తగ్గిన ఆక్సిజన్‌ స్థాయిలు, ఇతర నీటి నాణ్యత ప్రమాణాలను పరీక్షించాలి. మృతి చెందిన చేపలు, తాబేళ్లను కూడా పరిశీలిస్తే చనిపోవడానికి దారితీసిన కారణాలను గుర్తించే అవకాశం ఉంటుంది. చెరువులోకి మురుగు నీరు చేరుతుండటం గమనార్హం. ●వనపర్తి: జిల్లాకేంద్రంలోని నల్ల చెరువులో పెద్ద చేపలతో పాటు తాబేళ్లు సైతం చనిపోయి నీటిపై తేలుతుండటం మత్స్యకారులను ఆందోళనకు గురిచేస్తోంది. చెరువు నీటి నుంచి దుర్వాసన వెలువడుతుండటంతో నీటి కాలుష్యంపై అనుమానాలు వ్యక్తమవుతున్నాయి. గతంలో ఎప్పుడూ లేని విధంగా తాబేళ్లు సైతం మృతిచెందడంతో చెరువు నీటిలో విషపూరిత రసాయనాలు కలిసినట్లు మత్స్యకారులు భయాందోళన చెందుతున్నారు. ఈ ఘటనతో చెరువుపై ఆధారపడి జీవించే మత్స్యకారుల పరిస్థితి ప్రశ్నార్థకంగా మారింది. ఇటీవల నిర్వహించిన గణేష్‌ నిమజ్జనాలతో చెరువులో ఈ పరిస్థితి ఏర్పడి ఉండవచ్చని స్థానికులు అనుమానిస్తున్నారు. విగ్రహాలకు వినియోగించిన రంగులు, రసాయనాలు, ఇతర పదార్థాలు నిమజ్జనాల సమయంలో చెరువు నీటిలో కలవడంతో జలచరాలపై ప్రభావం పడి ఉండవచ్చని అనుమానాలు వ్యక్తమవుతున్నాయి. నీటిలో ఆక్సిజన్‌ స్థాయి తగ్గిపోవడం, రసాయన కాలుష్యం, మురుగు లేదా ఇతర విష పదార్థాలు చేరడంతో చేపలు, తాబేళ్లు, ఇతర జలచరాలు మృతి చెందే అవకాశం ఉన్నట్లు మత్స్యశాఖ అధికారులు వెల్లడిస్తున్నారు. నీటిని పరీక్షిస్తే తప్పా అసలు విషయం చెప్పడం సాధ్యం కాదు. చెరువులో చేపలు చనిపోవడం కలవరపెడుతుండగా.. ఎప్పడూ లేనివిధంగా తాబేళ్లు సైతం మృత్యువాత పడిన ఘటన ఆందోళనకు గురిచేస్తోంది. నీటి నాణ్యత, చనిపోయిన చేపలను పరీక్షిస్తాం.. జిల్లాకేంద్రంలోని నల్ల చెరువులో చేపలు, తాబేళ్లు మృతిచెందిన విషయం మా దృష్టికి రాలేదు. చెరువులోని నీటి నాణ్యతను పరీక్షిస్తాం. మృతిచెందిన చేపలు, తాబేళ్లును పరీక్షించి మృతికి గల కారణాలను తెలుసుకొని మిగిలినవి మృతి చెందకుండా తగిన జాగ్రత్తలు తీసుకుంటాం. జిల్లావ్యాప్తంగా ఎక్కడా ఇలాంటి సమస్య లేదు. ఒకవేళ నీటిలో ఆక్సీజన్‌ శాతం తగ్గితే ఇతర ప్రాంతాల్లోని చెరువుల్లోనూ ఇలాంటి పరిస్థితులు కనిపించేవి. నల్ల చెరువులోనే ఎక్కువ నీరు నిల్వ ఉంది. నీటి నాణ్యతలోనే ఏదైనా సమస్య ఉండవచ్చు. వెంటనే పరీక్షిస్తాం. – లక్ష్మప్ప, జిల్లా మత్స్యశాఖ అధికారి, వనపర్తి తాబేళ్లు, వందల సంఖ్యలో పెద్ద చేపలు మృత్యువాత నీటిలో విషపూరిత రసాయనాలు కలిశాయనే అనుమానాలు గణేష్‌ నిమజ్జనాలే కారణమా? ఇటీవలే 94 వేల చేపపిల్లలను వదిలిన వైనం ఆందోళనలో మత్స్యకారులు

వనపర్తి రూరల్‌: జిల్లాకేంద్రంలోని కొత్తకోట రోడ్‌లో ఉన్న చందన బ్రదర్స్‌ షాపింగ్‌ మాల్‌లో దసరా డబుల్‌ ధమాకా సేల్‌ ప్రారంభోత్సవానికి ఆదివారం సినీనటి పాయల్‌ రాజపుత్‌ ముఖ్యఅతిథిగా హాజరయ్యారు. దుకాణ యజమానులతో కలిసి పూజా కార్యక్రమంలో పాల్గొన్నారు. ఈ సందర్భంగా ఆమె మాట్లాడుతూ.. వనపర్తికి రావడం చాలా సంతోషంగా ఉందని, సీబీఎస్‌ దసరా డబుల్‌ దమాకా ప్రారంభోత్సవంలో భాగస్వామిని కావడం ఎంతో ఆనందాన్ని ఇచ్చిందని తెలిపారు. సంస్థ ఎండీ జానా సురేష్‌ మాట్లాడుతూ.. 40 ఏళ్ల అనుబంధంతో తమ సంస్థ తెలుగు రాష్ట్రాల్లో విస్తరిస్తోందన్నారు. తాము ప్రారంభించిన ప్రతి షోరూంకు స్థానిక ప్రజల నుంచి విశేష ఆదరణ లభిస్తోందని తెలిపారు. కాగా పాయల్‌ రాజ్‌పుత్‌ను చూసేందుకు అభిమానులు భారీ సంఖ్యలో తరలివచ్చారు.

వనపర్తి: జిల్లావ్యాప్తంగా ఆదివారం నుంచి దేవి శరన్నవరాత్రి ఉత్సవాలు ప్రారంభమయ్యాయి. మొదటిరోజు అమ్మవారు బాలత్రిపురసుందరీదేవిగా భక్తులకు దర్శనమిచ్చారు. జిల్లాకేంద్రంలోని అయ్యప్పస్వామి ఆలయంలోని సరస్వతిమాత ఆలయం, న్యూగంజ్‌లోని గణపతి ఆలయం, మర్రిచెట్టు బాలాంజనేయస్వామి ఆలయంలో అమ్మవారి విగ్రహాలను ఏర్పాటుచేసి అలంకరించి ప్రత్యేక పూజలు నిర్వహించారు. మర్రిచెట్టి ఆంజనేయస్వామి ఆలయ ముఖద్వారం వద్ద భారీ ఆర్చీ ఏర్పాటు చేశారు. జిల్లాకేంద్రంలోని వల్లభ్‌నగర్‌, రామాలయం, పాతబజార్‌, గాంధీచౌక్‌, టీచర్స్‌కాలనీ తదితర ప్రాంతాల్లో అమ్మవారి మండపాలను ఏర్పాటు చేసిన భక్తులు పూజలు నిర్వహించి అమ్మవారి మాలలు ధరించారు. శ్రీరంగాపురం రంగనాథస్వామి ఆలయంలో.. వనపర్తి రూరల్‌: శ్రీరంగాపురం రంగనాయకస్వామి ఆయంలో ఆదివారం అమ్మవారు ఆదిలక్ష్మిదేవిగా భక్తులకు దర్శనమిచ్చారు. భక్తులు అధికసంఖ్యలో పాల్గొని అమ్మవారిని దర్శించుకున్నారు.

జూరాల ప్రధాన ఎడమ కాల్వకు వారాబందీ విధానంలో నీటిని వదిలి అధికారులు చేతులు దులుపుకొంటున్నారు. కాని ఆ నీరు కాల్వల ద్వారా పంటలకు అందుతుందా లేదా అని పట్టించుకునే వారు కరువయ్యారని రైతులు ఆవేదన వ్యక్తం చేస్తున్నారు. ప్రధాన కాల్వ నుంచి డీ–20 కాల్వకు నీరు సరిగా రాకపోవడంతో శనివారం రైతులు కాల్వలో ఉన్న అడ్డుకట్టలు, నాచు, ముళ్లపొదలను తొలగించడం కనిపించింది. వారాబందీ విధానంలో నీటిని విడుదల చేయడంతో రైతులందరూ ఒకేసారి కాల్వల వెంట తిరుగుతూ పడుతున్న కష్టాలు వర్ణనాతీతం. – వనపర్తి రూరల్‌

● హైదరాబాద్‌ రూట్‌లోనే అధికంగా అదనపు ట్రిప్పులు ● ఈ నెల 22 వరకు ప్రత్యేక బస్సుల నిర్వహణ ● బస్టాండ్లలో తాగునీరు, షెల్టర్లు, కూర్చునేందుకు కుర్చీలు మహబూబ్‌నగర్‌ మున్సిపాలిటీ: దసరా పండుగ సెలవులను దృష్టిలో ఉంచుకుని మహబూబ్‌నగర్‌ ఆర్టీసీ రీజియన్‌ పరిధిలో ఈ నెల 9 నుంచి 22వ తేదీ వరకు మొత్తం 762 ప్రత్యేక బస్సులను నడిపేందుకు అధికారులు ఏర్పాట్లు చేశారు. ప్రయాణికుల రద్దీకి అనుగుణంగా అదనపు బస్సులను అందుబాటులో ఉంచుతున్నారు. అయితే, ఈ వివరాలను శనివారం అధికారికంగా ప్రకటించడం గమనార్హం. డిపోల వారీగా బస్సుల వివరాలు ప్రత్యేక బస్సుల నిర్వహణలో భాగంగా ఈ నెల 9న 88, 10న 43, 11న 63, 12న 34, 13న 29, 14న 38, 15న 22, 16న 68, 17న 79, 18న 77, 19న 70, 20న 34, 21న 29 బస్సులను నడపాలని ప్రణాళిక రూపొందించారు. చివరి రోజైన ఈ నెల 22న మరో 88 ప్రత్యేక బస్సులను నడపనున్నారు. డిపోల వారీగా నాగర్‌కర్నూల్‌ నుంచి 123, నారాయణపేట నుంచి 91, గద్వాల నుంచి 85, అచ్చంపేట, వనపర్తి డిపోల నుంచి 80 చొప్పున, మహబూబ్‌నగర్‌ నుంచి 78, షాద్‌నగర్‌ నుంచి 77, కల్వకుర్తి నుంచి 68, కొల్లాపూర్‌ నుంచి 52, కోస్గి నుంచి 28 ప్రత్యేక బస్సులను అందుబాటులోకి తీసుకొచ్చారు. హైదరాబాద్‌ రూట్‌లో అధిక ట్రిప్పులు హైదరాబాద్‌ రూట్‌లో ప్రయాణికుల రద్దీ ఎక్కువగా ఉండటంతో ఈ మార్గంలో అధిక సంఖ్యలో అదనపు బస్సులను నడుపుతున్నారు. ఈ మార్గం ద్వారా ఆర్టీసీకి ఎక్కువ ఆదాయం వచ్చే అవకాశం ఉంది. కర్నూలు రూట్‌లోనూ అదనపు బస్సులను ఏర్పాటు చేశారు. ప్రయాణికుల రద్దీని దృష్టిలో ఉంచుకుని హైదరాబాద్‌లోని వివిధ ప్రాంతాలతో పాటు ఉమ్మడి మహబూబ్‌నగర్‌ జిల్లాలోని బస్టాండ్లలో అదనపు వాలంటీర్లను అందుబాటులో ఉంచుతున్నారు. ప్రయాణికుల సౌకర్యార్థం తాగునీరు, షెల్టర్లు, కూర్చునేందుకు కుర్చీలు ఏర్పాటు చేస్తున్నారు. బస్సుల వివరాలు, ప్రయాణ సూచనలను ఎప్పటికప్పుడు తెలియజేసేలా చర్యలు చేపట్టారు. దసరాా పండుగను పురస్కరించుకొని ప్రయాణికుల సౌకర్యార్థం అదనపు బస్సులు నడుపుతున్నాం. ఈ అవకాశాన్ని అందరూ సద్వినియోగం చేసుకోవాలి. అనుమతి లేని ప్రైవేట్‌ వాహనాలను ఆశ్రయించవద్దు. ఆర్టీసీ బస్సుల్లో ప్రయాణం సురక్షితంగా ఉంటుంది. బస్టాండ్లలో వారికి అన్ని సౌకర్యాలు కల్పిస్తున్నాం. – పి.సంతోష్‌కుమార్‌, ఆర్టీసీ రీజినల్‌ మేనేజర్‌, మహబూబ్‌నగర్‌

గోపాల్‌పేట: బుద్దారం రిజర్వాయర్‌ నిర్మాణంలో భూములు కోల్పోతున్న రైతులకు ప్రభుత్వం సరైన పరిహారం చెల్లించాల్సిందేనని మాజీ మంత్రి సింగిరెడ్డి నిరంజన్‌రెడ్డి అన్నారు. శనివారం గ్రామంలో భూ నిర్వాసితులు చేపట్టిన దీక్షలో పాల్గొని మద్దుతు తెలిపి మాట్లాడారు. రిజర్వాయర్‌లో మొదటి విడత 110 ఎకరాలు, రెండోవిడత 101 ఎకరాల భూమి ముంపునకు గురవుతోందని తెలిపారు. గతంలో తాము భూములు కోల్పోయే రైతులకు చట్టపరిధిలో రూ.12 లక్షలు, దళితులకు దళితబంధు, బీసీలకు బీసీబంధు, మిగతా వారికి రెండు పడక గదుల ఇళ్లు ఇప్పిస్తామని హామీ ఇచ్చినట్లు గుర్తుచేశారు. ఎన్నికలకు ముందు రాజకీయ లబ్ధికోసం ఓ నాయకుడు వచ్చి ఎకరాకు రూ.25 లక్షల పరిహారం ఇప్పిస్తామని ప్రగల్భాలు పలికారని.. మూడేళ్ల తర్వాత అదే రూ.12 లక్షలు ఇస్తానని చెప్పడం సిగ్గుచేటని విమర్శించారు. కొడంగల్‌ ప్రజలకు ఒకరకంగా.. ఇక్కడి రైతులకు మరో విధంగా పరిహారం చెల్లిస్తారా అని ప్రశ్నించారు. పొలికెపాడు శివారులో ప్రభుత్వ భూమి ఉందని.. ఇక్కడ ఒక ఎకరాకు బదులు అక్కడ మూడు ఎకరాలు ఇవ్వాలని డిమాండ్‌ చేశారు. లేనిపక్షంలో ఇచ్చిన మాట ప్రకారం రూ.25 లక్షల పరిహారం చెల్లించాల్సిందేనని.. లేదంటే నిర్వాసితుల తరఫున న్యాయ పోరాటం చేస్తామని హామీ ఇచ్చారు.

వనపర్తి రూరల్‌: మహిళలకు ఉచిత ప్రయాణ సౌకర్యం అమల్లోకి వచ్చిన తర్వాత నిర్ణీత స్టాప్‌లు కాకుండా ఎక్కడపడితే అక్కడ నిలపడంతో ఇబ్బందులు ఎదురవుతున్నాయని.. తమ సమస్యలు పరిష్కరించే వరకు బస్సులు నడపబోమంటూ శనివారం జిల్లాకేంద్రంలోని ఆర్టీసి డిపో వద్ద ఆర్టీసీ ప్రైవేట్‌ బస్సు డ్రైవర్లు బస్సులను నిలిపివేసి నిరసన తెలిపారు. ఈ సందర్భంగా వారు మాట్లాడుతూ.. సామర్థ్యానికి మించి ప్రయాణికులు బస్కెక్కి డోర్ల వద్ద వేలాడుతున్నారని ఆవేదన వ్యక్తం చేశారు. ప్రమాదాలు జరిగితే తమనే బాధ్యులను చేయడం ఎంతవరకు సమంజసమని ప్రశ్నించారు. అలాగే ఎక్స్‌ప్రెస్‌ బస్సులకు సైతం అదనపు స్టాప్‌లు ఏర్పాటు చేయడంతో మైలేజీ తగ్గుతోందని.. దీంతో బస్సు యజమానులతో సమస్యలు వస్తున్నాయని పేర్కొన్నారు. స్టాప్‌ల వద్ద బస్సులు నిలపకపోతే డిపో మేనేజర్‌కు ఫిర్యాదు చేస్తున్నారని.. ఓ వైపు ప్రయాణికులు, మరోవైపు అధికారుల ఒత్తిళ్లతో విధులు నిర్వర్తించడం కష్టంగా మారిందని ఆవేదన వ్యక్తం చేశారు. అధికారులు స్పందించి తమ సమస్యలు పరిష్కరించి విధుల నిర్వహణకు అనుకూలమైన పరిస్థితులు కల్పించాలని డిమాండ్‌ చేశారు. విషయం తెలుసుకున్న ఆర్టీసీ డీఎం దేవేందర్‌గౌడ్‌ అక్కడికి చేరుకొని వారితో మాట్లాడారు. అధికారుల దృష్టికి తీసుకెళ్లి పరిష్కరించేందుకు కృషి చేస్తామని హామీ ఇవ్వడంతో తిరిగి విధులకు హాజరయ్యారు.

చిన్నమారూర్‌ ఎత్తిపోతల పంప్‌హౌస్‌ వద్ద ట్రాన్స్‌ఫార్మర్‌ దొంగతనం జరగడంతో పంపులు నడవక పొలాలకు నీటి సరఫరా నిలిచిపోయింది. కష్టపడి వేసిన వరి, ఇతర పంటలు ఎండిపోయే పరిస్థితికి వచ్చాయి. ట్రాన్స్‌ఫార్మర్‌ పోతే కొత్తది రావడానికి నెలలు పడుతుంది. విద్యుత్‌ అధికారులు, పోలీసులు వెంటనే స్పందించి కొత్త ట్రాన్స్‌ఫార్మర్‌ బిగించడంతో పాటు ట్రాన్స్‌ఫార్మర్‌ ఎత్తుకెళ్లిన దొంగలను గుర్తించి కఠినంగా శిక్షించాలి. – మద్దిలేటి, రైతు, చిన్నమారూర్‌ లిఫ్ట్‌ వద్ద వరుసగా చోరీలు జరుగుతున్నా పట్టించుకునే నాథుడే కరువయ్యాడు. పంప్‌హౌస్‌ల దగ్గర రాత్రి వేళ సెక్యూరిటీ గార్డులను నియమించకపోవడంతోనే ఈ పరిస్థితి వచ్చింది. విద్యుత్‌, నీటిపారుదలశాఖ అధికారులు ఒకరిపై మరొకరు చెప్పుకుంటూ కాలయాపన చేస్తున్నారు. రూ.లక్షల్లో నష్టం వస్తుంది. పోలీసులు రాత్రివేళ గస్తీ పెంచి చోరీలను అరికట్టాలి. – వెంకట్రాములు, అజ్జకొల్లు (మదనాపురం) చిన్నమారూర్‌, నెల్విడి పంప్‌హౌస్‌ల వద్ద ట్రాన్స్‌ఫార్మర్ల దొంగతనంపై కేసులు నమోదు చేసి దర్యాప్తు ప్రారంభించాం. పాత నేరస్తుల హస్తం ఉందనే అనుమానంతో ప్రత్యేక బృందాలను రంగంలోకి దించాం. పాత ఇనుము, రాగి సామగ్రి కొనుగోలు చేసే వ్యాపారులను విచారిస్తున్నాం. త్వరలోనే ఈ ముఠాను పట్టుకొని చోరీకి గురైన సొత్తును రికవరీ చేస్తాం. పంప్‌హౌస్‌ల వద్ద రాత్రిళ్లు పోలీస్‌ పెట్రోలింగ్‌ మరింత పెంచుతాం. – జగదీశ్వర్‌, ఎస్‌ఐ, మదనాపురం, – రామన్‌గౌడ్‌, ఎస్‌ఐ, చిన్నంబావి

వనపర్తి రూరల్‌: హాస్టల్‌ విద్యార్థుల ఆరోగ్యంపై ప్రత్యేక శ్రద్ధ వహించాలని కలెక్టర్‌ ఆదర్శ్‌ సురభి ఆదేశించారు. పెబ్బేరు మహిళా పాలిటెక్నిక్‌ కళాశాల ఆవరణలో ఉన్న బీసీ సంక్షేమ బాలికల హాస్టల్‌లో గురువారం పలువురు విద్యార్థినులు అనారోగ్యంతో ఆస్పత్రి పాలైన విషయం పాఠకులకు విధితమే. శుక్రవారం ఉదయం కలెక్టర్‌ హాస్టల్‌ను సందర్శించి విద్యార్థినులతో మాట్లాడి భోజనం నాణ్యత, తాగునీరు, అందుతున్న సౌకర్యాలను అడిగి తెలుసుకున్నారు. విద్యార్థులు అస్వస్థతకు గురికావడానికి గల కారణాలను సంబంధిత అధికారులు, విద్యార్థులతో ఆరా తీశారు. మొత్తం 22 మంది విద్యార్థులు అస్వస్థతకు గురయ్యారని.. ఆస్పత్రిలో చేర్పించి చికిత్స అందించినట్లు బీసీ సంక్షేమ అధికారి వివరించారు. ప్రస్తుతం వారి ఆరోగ్యం నిలకడగా ఉందన్నారు. రోజు ఆహారాన్ని తనిఖీ చేసిన తర్వాతే విద్యార్థులకు అందించాలని ప్రిన్సిపాల్‌కు, హాస్టల్‌ నిర్వాహకులకు సూచించారు. వంట మనుషులను మార్చాలని బీసీ వెల్ఫేర్‌ అధికారిని ఆదేశించారు. ఘటనకు బాధ్యులైన వారిపై విచారణ అనంతరం తగిన చర్యలు తీసుకుంటామని స్పష్టం చేశారు.

వనపర్తి: జిల్లాలో నేరాల నియంత్రణ, కేసుల దర్యాప్తు, పెండింగ్‌ కేసుల పరిష్కారంపై ప్రత్యేక దృష్టి సారించాలని ఎస్పీ డి.సునీతరెడ్డి ఆదేశించారు. శుక్రవారం జిల్లా పోలీసు కార్యాలయంలో నిర్వహించిన నేర సమీక్షలో ఆమె పాల్గొని పోలీసు అధికారులకు పలు సూచనలు చేశారు. ప్రతి ఎఫ్‌ఐఆర్‌ను ఈ–సాక్ష్య విధానంలో నమోదు చేసి, ఆధారాలను నిబంధనల ప్రకారం సేకరించాలని సూచించారు. బీఎన్‌ఎస్‌ నిబంధనల ప్రకారం 60, 90 రోజుల గడువుతో కూడిన కేసుల దర్యాప్తును నిర్ణీత సమయంలో పూర్తి చేయాలన్నారు. ఆన్‌లైనన్‌, జీరో ఎఫ్‌ఐఆర్‌లపై తక్షణ చర్యలు తీసుకోవాలని, సీసీ కెమెరాల పర్యవేక్షణ సమర్థవంతంగా నిర్వహించడంతో పాటు టీజీ కాప్‌, హెచ్‌ఆర్‌ఎంఎస్‌, సీఈఐఆర్‌ పోర్టల్స్‌లోని సమాచారాన్ని ఎప్పటికప్పుడు నవీకరించాలని సూచించారు. సాంకేతిక పరిజ్ఞానాన్ని వినియోగించి కేసులను వేగంగా పరిష్కరించాలని, డయల్‌ 112కు అందే అత్యవసర ఫిర్యాదులపై తక్షణమే స్పందించి బాధితులకు సకాలంలో సాయం అందించాలని కోరారు. ఈ–పెట్టీ, ఐటీ యాక్ట్‌, దర్యాప్తులో ఉన్న కేసులు, పెండింగ్‌ కేసుల పరిష్కారంపై ప్రత్యేక దృష్టి సారించాలన్నారు. చార్జ్‌షీట్ల దాఖలు శాతాన్ని పెంచడంతో పాటు సమన్లు, వారెంట్ల అమలును వేగవంతం చేయాలని, ప్రజలకు న్యాయం అందించడమే లక్ష్యంగా ప్రతి పోలీసు అధికారి బాధ్యగా, పారదర్శకంగా విధులు నిర్వర్తించాలని తెలిపారు. సాంకేతిక పరిజ్ఞానాన్ని సమర్థవంతంగా వినియోగించుకుంటూ జిల్లాలో శాంతిభద్రతల పరిరక్షణకు కృషి చేయాలన్నారు. సమావేశంలో అదనపు ఎస్పీ వీరారెడ్డి, డీఎస్పీ గిరిబాబు, డీసీఆర్బీ డీఎస్పీ బాలాజీనాయక్‌తో పాటు జిల్లాలోని సీఐలు, ఎస్‌ఐలు తదితరులు పాల్గొన్నారు.

కొత్తకోట రూరల్‌: అర్హులైన పేదల సొంతింటి కలను సాకారం చేయాలనే లక్ష్యంతో ప్రభుత్వం ఇందిరమ్మ ఇళ్ల పథకాన్ని అమలు చేస్తోందని.. ఇందులో భాగంగానే లబ్ధిదారులకు మంజూరు పత్రాలను పంపిణీ చేస్తున్నామని దేవరకద్ర ఎమ్మెల్యే జి.మధుసూదన్‌రెడ్డి తెలిపారు. శుక్రవారం మండల పరిధిలోని మిరాసిపల్లికి చెందిన 11 మంది ఇందిరమ్మ ఇళ్ల లబ్ధిదారులకు మంజూరు పత్రాలు (ప్రొసీడింగ్స్‌) అందజేసి మాట్లాడారు. గ్రామంలో అర్హులకు ఇళ్లు మంజూరు చేసిన ఎమ్మెల్యేకు సర్పంచ్‌ వైదేహితో పాటు లబ్ధిదారులు, కాంగ్రెస్‌ నాయకులు, కార్యకర్తలు కృతజ్ఞతలు తెలిపారు. చాదర్‌ సమర్పించిన ఎమ్మెల్యే.. మండలంలోని నాంచారమ్మపేటలో సయ్యద్‌ అబ్దుల్‌ షా ఖాద్రీ దర్గా ఉర్సుకు శుక్రవారం ఎమ్మెల్యే జి.మధుసూదన్‌రెడ్డి హాజరై చాదర్‌ సమర్పించి ప్రత్యేక ప్రార్థనలు చేశారు. ఎమ్మెల్యేకు దర్గా నిర్వాహకులు, గ్రామస్తులు, కాంగ్రెస్‌ నాయకులు స్వాగతం పలికారు. అనంతరం దర్గా సమీపంలో రూ.5 లక్షలతో నిర్మించిన షెడ్డును ఎమ్మెల్యే ప్రారంభించారు. కార్యక్రమంలో నాయకులు పి.కృష్ణారెడ్డి, శరత్‌రెడ్డి, శేఖర్‌రెడ్డి, సీడీసీ చైర్మన్‌ చంద్రమోహన్‌రెడ్డి, మేసీ్త్ర శ్రీనివాసులు, ఎన్‌జే బోయేజ్‌, బీచుపల్లియాదవ్‌, అప్పరాల సర్పంచ్‌ మాసన్న, సుభాష్‌, సాయిదాబ రాజు, ముజీబ్‌, సలీంఖాన్‌ పాల్గొన్నారు.

అలంపూర్‌: జోగుళాంబదేవి శరన్నవరాత్రి ఉత్సవాలకు ముఖ్యమంత్రి రేవంత్‌రెడ్డిని ఆహ్వానించినట్లు అలంపూర్‌ క్షేత్ర ఆలయాల ఈఓ దీప్తి తెలిపారు. హైదరాబాద్‌లో సీఎం రేవంత్‌రెడ్డిని దేవాదాయ, ధర్మాదాయ శాఖ కమిషనర్‌ హన్మంతురావు, ఈఓ దీప్తి, గద్వాల సంస్థాన వారసులు కృష్ణ రాంభూపాల్‌ శుక్రవారం కలిశారు. ఆదివారం నుంచి జోగుళాంబదేవి, బాలబ్రహ్మేశ్వరస్వామి దేవస్థానంలో జరిగే దసరా ఉత్సవాలకు సీఎంను ఆహ్వానించినట్లు చెప్పారు. అలాగే జోగుళాంబ, బాలబ్రహ్మేశ్వర స్వామివారి జ్ఞాపికను సీఎంకు అందజేశారు. ధాన్యం కొనుగోళ్లలో నిబంధనలు పాటించాలి వీపనగండ్ల: వరి కొనుగోలు కేంద్రాల్లో ధాన్యాన్ని సేకరించే సమయంలో ప్రభుత్వ నిబంధనలు విధిగా పాటించాలని వ్యవసాయశాఖ ఏడీ తిప్పస్వామి ఆదేశించారు. శుక్రవారం మండలంలోని గోపల్‌దిన్నెలో చిన్నంబావి, వీపనగండ్ల మండలాల కొనుగోలు కేంద్రాల సిబ్బంది, వీఓఏల శిక్షణ కార్యక్రమానికి ఆయన హాజరై పలు సూచనలు చేశారు. కొనుగోలు కేంద్రాల్లో రైతులకు ఇబ్బందులు కలగకుండా తగిన వసతులు కల్పించడంతో పాటు నాణ్యమైన ధాన్యాన్ని సేకరించాలని, రైతులకు డబ్బులను సకాలంలో చెల్లించేందుకు అవసరమైన చర్యలు తీసుకోవాలన్నారు. కార్యక్రమంలో మండల వ్యవసాయ అధికారి డాకేశ్వర్‌గౌడ్‌, ఏపీఎం మద్దిలేటి పాల్గొన్నారు. స్వచ్ఛత, నాణ్యత తప్పనిసరి అమరచింత: హోటల్‌ నిర్వాహకులు నాణ్యతతో పాటు పరిశుభ్రతను పాటించాలని ఇన్‌చార్జ్‌ ఫుడ్‌ ఇన్‌స్పెక్టర్‌ కరుణాకర్‌ అన్నారు. శుక్రవారం పట్టణంలోని పలు హోటళ్లు, టిఫిన్‌ సెంటర్లను ఆయన ఆకస్మికంగా తనిఖీ చేశారు. అదేవిధంగా పాలు, కోడిగుడ్ల విక్రయ కేంద్రాలను సైతం సందర్శించి పరిశీలించారు. ఈ సందర్భంగా మాట్లాడుతూ.. పట్టణంలోని హోటల్‌, టిఫిన్‌ సెంటర్ల నిర్వాహకులు నాణ్యత పాటించడం లేదని, శుభ్రతను విస్మరిస్తున్నారనే ఫిర్యాదులు రావడంతో తనిఖీలు చేపట్టామన్నారు. పరిసరాలు అపరిశుభ్రంగా ఉన్నాయనే విషయాలను గుర్తించి సదరు యాజమానులకు నోటీసులు జారీ చేశామని తెలిపారు. సస్యరక్షణతోనే తెగుళ్ల నివారణ అమరచింత: సస్యరక్షణ చర్యలతోనే తెగుళ్లను నివారించవచ్చని మదనాపురం కేవీకే శాస్త్రవేత్త డా. భవాని సూచించారు. శుక్రవారం మండలంలోని చింతరెడ్డిపల్లిలో వ్యవసాయశాఖ ఆధ్వర్యంలో నిర్వహించిన పొలంబడి కార్యక్రమానికి ఆమె హాజరై పంట నేల తయారీ, విత్తనం ఎంపిక నుంచి కోత, విక్రయం వరకు తీసుకుంటున్న చర్యలను రైతులను అడిగి తెలుసుకున్నారు. సలహాలు, సూచనల కోసం కేవీకే కేంద్రాన్ని సంప్రదించాలన్నారు. ఏఓ అరవింద్‌, గ్రామ సర్పంచ్‌ పాల్గొన్నారు.

వనపర్తి రూరల్‌: వనపర్తి ఆర్టీసీ డిపోలో శుక్రవారం జరిగిన గుర్తింపు సంఘం ఎన్నికల్లో టీడబ్ల్యూయూ కూటమి విజయం సాధించింది. జిల్లాకేంద్రంలోని ఆర్టీసీ డిపోలో ఉదయం నుంచి పోలింగ్‌ ప్రక్రియ ప్రారంభించగా.. విధులకు హాజరైన కండక్టర్లు, డ్రైవర్లు, మెకానిక్‌లు వారితో పాటు సూపర్‌వైజర్లు సాయంత్రం 6 వరకు తమ ఓటు హక్కు వినియోగించుకున్నారు. ఎన్నిక సందర్భంగా ఎలాంటి అవాంచనీయ ఘటనలు జరగకుండా డిపో వద్ద పోలీసు బందోబస్తు ఏర్పాటు చేశారు. 100 మీటర్ల దూరం నిబంధన అమలులో ఉండటంతో యూనియన్‌ నాయకులు సున్నంతో గీసిన గీత దాటి అవతల ప్రచారం చేశారు. డిపోలో మొత్తం 389 మంది కార్మికులు ఉండగా.. 388 మంది తమ ఓటు హక్కు వినియోగించుకున్నారు. శ్రీనివాస్‌రెడ్డి అనే కార్మికుడు ఆస్ట్రేలియాలో ఉండటంతో ఓటు హక్కు వినియోగించుకోలేదు. సాయంత్రం 6 తర్వాత అధికారులు ఓట్ల లెక్కింపు ప్రారంభించారు. టీడబ్ల్యూయూ ఈయూపై స్టేట్‌లో 132 ఓట్లు, రీజియన్‌లో 138 ఓట్ల ఆధిక్యం సాధించింది. భారీ మెజార్టీ సాధించిన టీడబ్ల్యూయూ కూటమి నాయకులు, కార్మికులు శుక్రవారం రాత్రి డిపో ఎదుట బాణాసంచా కాల్చి సంబరాలు జరుపుకొన్నారు. కార్యక్రమంలో నాయకులు చలపతిరెడ్డి, కిరణ్‌, రమేష్‌, డీబీకే రెడ్డి, నాగేష్‌, గోపాలకృష్ణ, కరుణాకర్‌ తదితరులు పాల్గొన్నారు. యూనియన్ల వారీగా వచ్చినట్లు యూనియన్‌ స్టేట్‌కు రీజియన్‌ టీడబ్ల్యూయూ కూటమి 258 262 ఈయూ 126 114 టీజేఎంయూ 3 6 బీకేయూ 1 3 ఐవైఆర్‌ఎస్‌ – 1 ఐఎన్‌టీయూసీ – 1 చెల్లనివి – 1

నారాయణపేట: మానసిక అనారోగ్యం, మేధో వైకల్యంతో బాధపడుతున్న వారికి న్యాయపరమైన రక్షణతో పాటు మెరుగైన వైద్యసేవలు, సంక్షేమ పథకాలు అందేలా సంబంధిత శాఖలు సమన్వయంతో పనిచేయాలని సీనియర్‌ సివిల్‌ న్యాయమూర్తి, జిల్లా న్యాయ సేవాధికార సంస్థ కార్యదర్శి వింధ్యానాయక్‌ సూచించారు. శుక్రవారం ప్రపంచ మానసిక ఆరోగ్య దినోత్సవం సందర్భంగా జిల్లా ప్రభుత్వ ఆస్పత్రిలో నల్సా (మానసిక అనారోగ్యం, మేధో వైకల్యం ఉన్న వ్యక్తులకు న్యాయసేవలు) పథకం–2024పై అవగాహన కార్యక్రమం నిర్వహించారు. ఈ కార్యక్రమానికి ఆమె ముఖ్యఅతిథిగా హాజరై మాట్లాడారు. మానసిక అనారోగ్యంతో బాధపడుతున్నవారు అవగాహన లోపం, సామాజిక వివక్ష కారణంగా అనేక ఇబ్బందులు ఎదుర్కొంటున్నారని.. వారికి న్యాయం, వైద్యం, సామాజిక భద్రత అందించడమే నల్సా పథకం ప్రధాన ఉద్దేశమన్నారు. బాధితులు వివక్షకు గురికాకుండా గౌరవప్రదమైన జీవనం అందించాల్సిన బాధ్యత సమాజంపై ఉందని పేర్కొన్నారు. జిల్లా న్యాయ సేవాధికార సంస్థ ఆధ్వర్యంలో బాధితులకు ఉచిత న్యాయసాయం, దివ్యాంగ ధ్రువీకరణ పత్రాలు, యూడీఐడీ కార్డులు, పింఛన్లు, ఇతర సంక్షేమ ప్రయోజనాలు పొందేందుకు సహకరిస్తామని చెప్పారు. వైద్య, ఆరోగ్య, సంక్షేమ శాఖల అధికారులు, పారా లీగల్‌ వలంటీర్లు, ఆశా, అంగన్‌వాడీ కార్యకర్తలు సమన్వయంతో పనిచేసి అవసరమైన వారికి సకాలంలో సాయం అందించాలని కోరారు. పోలీసు, వైద్య, సంక్షేమ శాఖలు బాధితుల పట్ల సున్నితంగా వ్యవహరించాలని సూచించారు. న్యాయసాయం అవసరమైనవారు టోల్‌ఫ్రీ నంబర్‌ 15100, లేదా జిల్లా న్యాయ సేవాధికార సంస్థ కార్యాలయం, రెండో అంతస్తు, న్యాయ సేవాసదనం, జిల్లా కోర్టు, నారాయణపేటలో సంప్రదించాలని సూచించారు. కార్యక్రమంలో లీగల్‌ ఎయిడ్‌ డిఫెన్స్‌ కౌన్సిల్‌ కె.లక్ష్మీపతి, డీఎంహెచ్‌వో డా. జయచంద్రమోహన్‌, ఆస్పత్రి సూపరింటెండెంట్‌ డా. ఆదిత్య, పోలీసు అధికారి బాలయ్య, అజహ్రా ఫాతిమా, వైద్యులు, ఇతర సిబ్బంది పాల్గొన్నారు.

వనపర్తి రూరల్‌: ప్రభుత్వం వ్యవసాయానికి 12 గంటల నిరంతర విద్యుత్‌ సరఫరా చేయాలంటూ గురువారం నాగరాల, తాటిపాముల, కంబాళాపురం, తండా రైతులు, ప్రజలు శ్రీరంగాపురం సబ్‌స్టేషన్‌ ఎదుట ఆందోళన చేపట్టారు. ఈ సందర్భంగా వారు మాట్లాడుతూ.. విద్యుత్‌ కోతలతో బోరుబావుల కింద సాగు చేసిన పంటలు ఎండిపోతున్నాయని ఆవేదన వ్యక్తం చేశారు. లో–ఓల్టేజీ సమస్యతో ట్రాన్స్‌ఫార్మర్లు, మోటార్లు కాలిపోతున్నాయని.. విద్యుత్‌ సమస్యతో పంటలు కళ్ల ఎదుటే ఎండిపోతుంటే చూసి ఏడ్చే పరిస్థితి నెలకొందన్నారు. ఏఈతో ఫోన్‌లో మాట్లాడితే ఉన్నతాధికారుల ఆదేశాల మేరకే సరఫరా చేస్తున్నామని సమాధానమిచ్చారని తెలిపారు. విద్యుత్‌ సమస్యను వెంటనే పరిష్కరించాలని అధికారులను కోరారు.

గోపాల్‌పేట: అర్హులకు మాత్రమే చేయూత పింఛన్లు అందేలా అధికారులు దరఖాస్తుల పరిశీలన త్వరగా పూర్తి చేయాలని స్థానిక సంస్థల అదనపు కలెక్టర్‌ ఖీమ్యానాయక్‌ అన్నారు. గురువారం మండలంలోని చాకల్‌పల్లిలో పర్యటించి దరఖాస్తుదారుల ఇళ్లకు వెళ్లి వారితో మాట్లాడి వివరాలు అడిగి తెలుసుకున్నారు. అనంతరం మాట్లాడుతూ.. అధికారులు నిబంధనలకు అనుగుణంగా పనిచేయాలని, అనర్హులను ఎట్టిపరిస్థితుల్లో ఎంపిక చేయొద్దని సూచించారు. అనంతరం చాకల్‌పల్లి గ్రామపంచాయతీలో రికార్డులు పరిశీలించారు. అధికారులు, ప్రజాప్రతినిధులు గ్రామాభివృద్ధికి సమన్వయంతో పనిచేయాలని సూచించారు. గ్రామంలో చేపట్టిన ఎస్‌ఐఆర్‌ ప్రక్రియపై సర్పంచ్‌ను అడిగి వివరాలు తెలుసుకున్నారు. గతంలో 1,100కు పైగా ఓట్లు ఉండగా.. ప్రస్తుతం 1,050 వచ్చాయని తెలిపారు. డబుల్‌, అనర్హుల ఓట్లు తొలగించి ఉండొచ్చని సర్పంచ్‌ శేషిరెడ్డి వివరించారు. ఆయన వెంట ఎంపీడీఓ అయేషా, ఎంపీఓ భవాని, పంచాయతీ కార్యదర్శి పార్వతి, వార్డు సభ్యులు ఉన్నారు.

ప్రజాస్వామ్య వ్యవస్థలో ప్రజలందరికి ఆహారం అందిస్తున్న రైతుల చేతులకు సంకెళ్లు వేసే రోజులొస్తే అది ఆ ప్రభుత్వానికి చివరి రోజులు. జూరాల ఆయకట్టు రైతులకు వానాకాలంలో పూర్తిస్థాయిలో సాగునీరు ఇవ్వకపోవడం ప్రభుత్వానిదే తప్పు. ఎగువ నుంచి వస్తున్న వరదను పూర్తిస్థాయిలో నిల్వ చేసుకోలేక ఆయకట్టు రైతులను ఆగం చేస్తామనడం సరైంది కాదు. సాగునీరు ఇవ్వమన్న రైతులపై అక్రమంగా కేసులు నమోదు చేయడం సరైంది కాదు. వెంటనే ఉపసంహరించుకోవాలి.. లేనిపక్షంలో రైతులతో కలిసి ఆందోళన చేపడతాం. – జాన్‌వెస్లీ, సీపీఎం రాష్ట్ర కార్యదర్శి

కాల్వలో నీరు వదలడంతో 5 ఎకరాల్లో వరి సాగుచేశా. ప్రాజెక్టులో నీరు లేదని సరఫరా నిలిపివేశారు. దీంతో పంటకు నీరందక వాడుముఖం పట్టింది. రైతులంతా ప్రాజెక్టు వద్దకు వెళ్లి సాగునీరు ఇవ్వమని కోరాం. దీనికే కేసు నమోదు చేయడం శోచనీయం. – దేవేంద్రం, రైతు, ఆరేపల్లి (ఆత్మకూర్‌) గ్రామంలో అధికార పార్టీ చేస్తున్న ప్రజా వ్యతిరేక విధానాలను ఒకానొక సందర్భంలో వ్యతిరేకించాం. దీనిని దృష్టిలో ఉంచుకొని సాగునీటి కోసం వెళ్లిన తనపై కేసు నమోదు చేయడం దారుణం. రైతురాజ్యం అంటూనే రైతులపై కేసులు ఎలా పెడతారో అర్థం కావడం లేదు. – షరీఫ్‌, రైతు, మూలమళ్ల

వనపర్తి: యువత బ్యాంకింగ్‌ సేవలను వినియోగించుకుంటూ పొదుపు అలవాటును పెంపొందించుకోవాలని జిల్లా లీడ్‌ బ్యాంక్‌ మేనేజర్‌ శివకుమార్‌ అన్నారు. గురువారం జిల్లాకేంద్రంలోని స్కాలర్స్‌ జూనియర్‌, డిగ్రీ కళాశాలలో యూనియన్‌ బ్యాంక్‌ క్లస్టర్‌ ఆధ్వర్యంలో బ్యాంకింగ్‌ సేవలు, పొదుపు, రుణాలు, కేంద్ర ప్రభుత్వ పథకాలపై అవగాహన కల్పించేందుకు ‘యూనియన్‌ యువ కనెక్ట్‌–బ్యాంకింగ్‌ ఫర్‌ యూత్‌’ కార్యక్రమాన్ని నిర్వహించారు. ఇందులో కళాశాల విద్యార్థులకు బ్యాంకింగ్‌ సేవలు, పొదుపు ఖాతాలు, కరెంట్‌ ఖాతాలు, రుణాలు, డిపాజిట్‌ పథకాలపై అవగాహన కల్పించారు. పొదుపు, కరెంట్‌ ఖాతా ప్రారంభించే విధానం, బ్యాంకు అందించే వివిధ డిపాజిట్లు, రుణాలు, కేంద్ర ప్రభుత్వ పథకాలు, బీమా పథకాలు తదితర అంశాలను వివరించారు. అలాగే డిజిటల్‌ బ్యాంకింగ్‌ సేవలు, యూనియన్‌ ఈజ్‌ వంటి డిజిటల్‌ సేవల వినియోగంపై విద్యార్థులకు అవగాహన కల్పించారు. ఆర్థిక అక్షరాస్యత ప్రాధాన్యతను వివరిస్తూ యువత చిన్న వయస్సు నుంచే పొదుపు అలవాటును పెంపొందించుకోవాలని, బ్యాంకింగ్‌ సేవలను సురక్షితంగా వినియోగించుకోవాలని సూచించారు. స్వయం ఉపాధి, నైపుణ్యాభివృద్ధికి సంబంధించిన ఆర్‌ఎస్‌ఈటీఐ ద్వారా అందించే శిక్షణ కార్యక్రమాలను కూడా వివరించారు. కార్యక్రమంలో కళాశాల డైరెక్టర్‌ జగదీశ్వర్‌, ప్రిన్సిపాల్‌ శ్రీధర్‌, అధ్యాపకులు, యూనియన్‌ బ్యాంక్‌ చీఫ్‌ మేనేజర్‌ లోకేష్‌, ఐడీఓసీ శాఖ మేనేజర్‌ వినయ్‌, ఆర్‌ఎస్‌ఈటీఐ డైరెక్టర్‌ అనిల్‌కుమార్‌, సీఎఫ్‌ఎల్‌ కౌన్సిలర్లు, యూనియన్‌ బ్యాంక్‌ వనపర్తి క్లస్టర్‌ సిబ్బంది తదితరులు పాల్గొన్నారు.

మహబూబ్‌నగర్‌ మున్సిపాలిటీ: ఉమ్మడి మహబూబ్‌నగర్‌ రీజియన్‌ పరిధిలోని పది డిపోలలో శుక్రవారం ఆర్టీసీ గుర్తింపు సంఘం ఎన్నికలకు పోలింగ్‌ జరగనుంది. ఆయా డీఎం కార్యాలయాల్లో ఉదయం 5 నుంచి సాయంత్రం 6 గంటల వరకు ఈ ప్రక్రియ కొనసాగనుంది. పోలింగ్‌ ముగిసిన 15 నిమిషాల తర్వాత ఎక్కడికక్కడే ఓట్లను కార్మిక శాఖ అధికారులు లెక్కించి ఉన్నతాధికారులకు నివేదించనున్నారు. అయితే అధికారికంగా ఈ నెల 17న ఎన్నికల ఫలితాలను ప్రకటిస్తారు. అందుకు గాను ఈపాటికే అన్ని ఏర్పాట్లు చేశారు. గురువారమే ఆయా ప్రాంతాలకు బ్యాలెట్‌ బాక్సులు, బ్యాలెట్‌ పేపర్లు, ఎన్నికల సామగ్రిని పంపించారు. ప్రతి డిపోలో ఒక్కొక్క పోలింగ్‌ బూత్‌ ఏర్పాటు చేశారు. అదే శాఖకు చెందిన ప్రిసైడింగ్‌ ఆఫీసర్‌తోపాటు ఇద్దరు పోలింగ్‌ ఆఫీసర్లు విధుల్లో ఉంటారు. అవసరమైన చోట అదనంగా మరొకరు సిబ్బంది అందుబాటులో ఉంటారు. కాగా, ఆన్‌ డ్యూటీలో ఉన్న డ్రైవర్లు, కండక్టర్లు, గ్యారేజీ సిబ్బంది పోస్టల్‌ బ్యాలెట్‌ వినియోగించుకోనున్నారు. ఈ నెల 14న ఆయా జిల్లాకేంద్రాల్లోని డీసీఎల్‌ కార్యాలయంలో వీరికి పోస్టల్‌ బ్యాలెట్‌ పంపిణీ చేయనున్నారు. మరుసటి రోజు పూర్తి చేసినవి తిరిగి అందజేయాల్సి ఉంటుంది. 3,062 మంది ఓటర్లు రీజియన్‌ పరిధిలోని పది డిపోలలో మొత్తం 3,098 మంది ఓటర్లు అర్హత సాధించినట్లు గత నెల 26న జిల్లా కార్మిక శాఖ అధికారులు ప్రకటించారు. అయితే వీరిలో కొందరు రిటైర్డ్‌ కావడంతో తాజాగా 3,062 మంది ఓటర్లుగా నిర్ధారించారు. వీరిలో మహబూబ్‌నగర్‌ డిపో పరిధిలో 410 మంది, ఆర్‌ఎం కార్యాలయ సిబ్బంది 41 మంది, వనపర్తి డిపోలో 389 మంది, గద్వాల డిపోలో 371 మంది, కల్వకుర్తి డిపోలో 354 మంది, అచ్చంపేట డిపోలో 307 మంది, నారాయణపేట, నాగర్‌కర్నూల్‌ డిపోలలో 285 మంది చొప్పున, షాద్‌నగర్‌ డిపోలో 284 మంది, కొల్లాపూర్‌ డిపోలో 226 మంది, కోస్గి డిపోలో 110 మంది ఉన్నారు. ఒక్కొక్కరు రెండేసి ఓట్లు వేయాల్సి ఉంటుంది. రాష్ట్రస్థాయి (క్లాస్‌–3)లో తెలుపు రంగు, రీజియన్‌ స్థాయి (క్లాస్‌–6)లో ఆకుపచ్చ రంగులో బ్యాలెట్‌ పేపర్‌ ముద్రించారు. ఇక ఎక్కడా ఎలాంటి అవాంఛనీయ ఘటనలు చోటు చేసుకోకుండా ఆయా పోలింగ్‌ కేంద్రాల వద్ద పోలీసులతో గట్టి బందోబస్తు కల్పిస్తున్నారు. రీజియన్‌లోని 10 డిపోలలో ఓటేయనున్న 3,062 మంది ఆన్‌ డ్యూటీలో ఉన్న వారికి 14న పోస్టల్‌ బ్యాలెట్‌ పంపిణీ 15న 5 జిల్లాకేంద్రాల్లోని డీసీఎల్‌లో అందజేతకు అవకాశం 17న అధికారికంగా తుది ఫలితాలు వెల్లడి

జూరాల ఆయకట్టు రైతుల ఆక్రందన ఎడమ కాల్వకు సాగు నీళ్లు ఇవ్వలేమని అధికారుల ప్రకటన క్రమంలో గత నెల 16న ప్రాజెక్ట్‌ సమీపంలోని ఆత్మకూరు, అమరచింత మండలాలకు చెందిన రైతులు ఆందోళన బాటపట్టారు. 17, 18 తేదీల్లో సైతం నిరసనలు తెలిపినా.. ప్రజాప్రతినిధులు గాని, అధికారులు గాని పట్టించుకోలేదు. ఈ క్రమంలో 19న ఎడమ కాల్వ హెడ్‌ రెగ్యులేటరీ వద్ద ఆందోళన చేస్తున్న రైతులకు సీపీఎం నాయకులు, శ్రేణులు మద్దతు తెలిపాయి. జూరాల ప్రాజెక్ట్‌ ముఖద్వారం వద్ద బీజేపీ సైతం రైతులకు సంఘీభావంగా ఆందోళనకు దిగింది. దీంతో అక్కడికి చేరుకున్న పీజేపీ అధికారులు నీరు విడుదల చేయలేమని చెప్పడంతో ఆగ్రహించిన రైతులు వారితో వాగ్వాదానికి దిగడంతోపాటు స్వయంగా ఎడమ కాల్వ పరిధిలో రెండు గేట్లు ఎత్తి నీటిని విడుదల చేశారు. ఆ తర్వాత పోలీసులు భారీ సంఖ్యలో అక్కడికి చేరుకోవడం.. తెరిచిన గేట్లు బంద్‌ చేయడం తెలిసిందే. ఆ తర్వాత రోజు బీఆర్‌ఎస్‌ ఆందోళనలకు పిలుపునివ్వగా.. పలువురు నేతలను గృహనిర్బంధం చేశారు. సాక్షి ప్రతినిధి, మహబూబ్‌నగర్‌: ఆరుగాలం కష్టపడి సాగుచేసిన పంట కళ్ల ముందే ఎండిపోతుంటే ఏ రైతు చూస్తూ ఊరుకోగలడు.. నాటిన పైరుకు నీరందించి బతికించుకునేందుకు నానా తంటాలు పడుతాడు. ఇదే కోవలో సాగునీటి కోసం అలమటిస్తున్న జూరాల ఎడమ కాల్వ ఆయకట్టు రైతులు చేసిన పని నేరమైంది. ఎల్‌నినో, వర్షాభావంతో ఎండిపోతున్న తమ పంటలను కాపాడుకునేందుకు ఆందోళనకు దిగిన ఆ అన్నదాతలు స్వయంగా నీటిని విడుదల చేసుకోగా.. వారిపై పోలీసులు నాన్‌బెయిలబుల్‌ కేసులు నమోదు చేశారు. పోలీసుల చర్యలతో వనపర్తి జిల్లాలోని అమరచింత, ఆత్మకూర్‌ మండలాల్లో ఉద్విగ్న పరిస్థితులు నెలకొనగా.. ఉమ్మడి పాలమూరు వ్యాప్తంగా కలకలం రేగింది. సాగు నీరివ్వమని అడిగితే కేసులు పెడతారా అంటూ సదరు రైతులు ప్రశ్నిస్తుండగా.. ప్రభుత్వ తీరుపై రైతు, ప్రజా సంఘాలు, ప్రతిపక్ష పార్టీలు భగ్గుమంటున్నాయి. గత నెల 19న జరిగిన ఘటనను సీరియస్‌గా తీసుకున్న ప్రభుత్వం సదరు ఆందోళనకారులపై చర్యలు తీసుకోవాలనే ఆదేశంతో నందిమళ్ల డివిజన్‌ డీఈ అదే రోజు అమరచింత పోలీస్‌స్టేషన్‌లో ఫిర్యాదు చేశారు. ఈ మేరకు ఆత్మకూర్‌ మండలంలోని ఆరేపల్లి, మూలమళ్ల, కత్తేపల్లి, వీరరాఘవపురం, అమరచింత మండలంలోని నందిమళ్ల, అమరచింత గ్రామాలకు చెందిన 14 మంది రైతులు (కృష్ణారెడ్డి– వీరరాఘవాపురం, రాజు– మోట్లంపల్లి, కురుమూర్తి– నందిమళ్ల, జీఎస్‌ గోపి– అమరచింత, ఎండీ జబ్బార్‌– పాన్‌గల్‌, షరీఫ్‌, నరేష్‌– మూలమళ్ల, శేఖర్‌రెడ్డి– గుంటిపల్లి, ఏటి భాస్కర్‌, ఏటి లక్ష్మణ్‌, దేవేందర్‌, వేణు– ఆరేపల్లి, నర్సింహ, సద్దల భాను)పై కేసులు నమోదు చేశారు. బీఎన్‌ఎస్‌ 132, 305(2), 352, 221, 126(2), 329(3), 189(2), 191(2), 324(4), 190 బీఎన్‌ఎస్‌ అండ్‌ సెక్షన్‌ 3 పీడీపీపీ, ఎసీటీ సెక్షన్ల కింద నాన్‌బెయిలబుల్‌ కేసులు నమోదు చేయడం 20 రోజుల తర్వాత ఆలస్యంగా గురువారం వెలుగులోకి వచ్చింది. దీంతో బీఆర్‌ఎస్‌ నాయకులు ఆత్మకూరు సర్కిల్‌ కార్యాలయానికి చేరుకుని సీఐతో భేటీ అయ్యారు. రైతులపై అక్రమ కేసులు పెట్టడం దారుణమంటూ నిలదీశారు. రైతులపై నాన్‌బెయిలబుల్‌ కేసులు నమోదు చేయడంపై వివిధ రైతు, ప్రజా సంఘాలు, వామపక్షాలు, ప్రతిపక్ష పార్టీల నేతలు మండిపడుతున్నారు. అన్నదాతలను నేరస్థుల్లా చూడడం దారుణమని, పంటలకు నీరివ్వడం చేతకాకపోగా.. రైతులపై కేసులు బనాయించడం ప్రభుత్వ నిరంకుశత్వానికి నిదర్శనమని ఆగ్రహం వ్యక్తం చేస్తున్నారు. రైతులపై పెట్టిన నాన్‌బెయిలబుల్‌ కేసులను తక్షణమే బేషరతుగా ఉపసంహరించుకోవాలని.. అలాగే చివరి ఆయకట్టు వరకూ ఎండిపోతున్న పంటలకు సాగునీరు ఇవ్వాలని డిమాండ్‌ చేస్తున్నారు. లేనిపక్షంలో జూరాల ఆయకట్టుతోపాటు ఉమ్మడి జిల్లావ్యాప్తంగా ఆందోళనలను ఉధృతం చేస్తామని హెచ్చరిస్తున్నారు. ఎడమ కాల్వకు నీరు విడుదల చేసిన రైతులపై నాన్‌బెయిలబుల్‌ కేసులు కలకలం రేపుతున్న పోలీసుల చర్యలు అమరచింత, ఆత్మకూర్‌ మండలాల్లో ఉద్విగ్న పరిస్థితులు భగ్గుమంటున్న ప్రజా, రైతు సంఘాలు, ప్రతిపక్ష పార్టీల నేతలు ఇందిరా ప్రియదర్శిని జూరాల ప్రాజెక్ట్‌ పరిధిలో కుడి, ఎడమ కాల్వల కింద జోగుళాంబ గద్వాల, వనపర్తి జిల్లాల్లో రైతులు ఈ వానాకాలం సీజన్‌లో సుమారు 1.15 లక్షల ఎకరాల వరకు సాగు చేశారు. అయితే వర్షాభావ పరిస్థితుల్లో ప్రభుత్వం ఆరుతడి పంటలకే సాగు నీరందిస్తామని చెప్పినప్పటికీ.. లక్ష ఎకరాలకు పైగా వరి సాగైంది. ప్రస్తుతం పొట్ట దశలో ఉన్న పంటకు నీటి తడులు అవసరం కాగా.. భవిష్యత్‌లో తాగునీటికి ఇబ్బందులు ఎదురవుతాయనే ఉద్దేశంతో ఎడమ కాల్వకు నీరివ్వలేమని అధికారులు ప్రకటించారు. ఈ ఆయకట్టులో వనపర్తి జిల్లాలోని ఆత్మకూరు, అమరచింత, మదనాపురం, పెబ్బేరు, కొత్తకోట, శ్రీరంగాపురం, వీపనగండ్ల, చిన్నంబావి మండలాల్లో మొత్తం 85 వేల ఎకరాలు ఉండగా.. అధికారుల ప్రకటనతో రైతులు బెంబేలెత్తారు.

కొత్తకోట రూరల్‌: చెరుకు టన్నుకు రూ.6 వేలు గిట్టుబాటు ధర చెల్లించాలని, రైతులు ఎదుర్కొంటున్న సమస్యలను తక్షణమే పరిష్కరించాలని తెలంగాణ చెరుకు రైతు సంఘం రాష్ట్ర నాయకుడు ఎండీ జబ్బార్‌ డిమాండ్‌ చేశారు. గురువారం మండలంలోని కృష్ణవేణి చెరుకు ఫ్యాక్టరీ డీజీఎం నాగార్జునరావును కలిసి చెరుకు రైతుల సమస్యలపై వినతిపత్రం అందజేశారు. ఈ సందర్భంగా రైతులతో నిర్వహించిన సమావేశంలో మాట్లాడుతూ.. ఉమ్మడి జిల్లా చెరుకు రైతు సంఘం ఆధ్వర్యంలో ఫ్యాక్టరీ యాజమాన్యం సహకారంతో అవగాహన కార్యక్రమాలు నిర్వహించడంతో చెరుగు సాగు గణనీయంగా పెరిగిందన్నారు. 2025–26లో 4,600 ఎకరాలు ఉన్న సాగు.. 2026–27 నాటికి 10,400 ఎకరాలకు చేరిందని తెలిపారు. 2025–26 సీజన్‌లో టన్నుకు 3,810 చెల్లించారని, అలాగే ఆర్‌–1 కేటగిరీకి టన్నుకు రూ.350, ఆర్‌–2 కేటగిరికి రూ.400 చొప్పున అదనంగా చేర్చి రైతులకు మొత్తం రూ. 4,210 ఇచ్చారని గుర్తు చేశారు. అయితే ప్రస్తుత పరిస్థితిని బట్టి ఈ ఏడాది టన్నుకు రూ. 6 వేల మద్దతు ధరతో పాటు ఫ్యాక్టరీ యాజమాన్యం తరఫున రూ.వెయ్యి బోనస్‌ అందించాలని డిమాండ్‌ చేశారు. ఫ్యాక్టరీకి పంట పంపిన 14 రోజుల్లో రైతు ఖాతాల్లో డబ్బులు జమ చేయాలని.. ఎకరాకు రూ.30 వేలు పరిశ్రమ ద్వారా రుణాలు ఇవ్వాలని, గ్రామాల్లో సీడీసీ నుంచి రహదారుల మరమ్మతు చేపట్టాలని, కొత్తకోట నుంచి ఫ్యాక్టరీ వరకు రోడ్లు మరమ్మతు చేయాలన్నారు. రవాణా సమయంలో రైతులు ఎదుర్కొంటున్న సమస్యలను యాజమాన్యం బాధ్యతగా స్వీకరించాలని కోరారు. ఎల్‌నినో ప్రభావంతో బోర్లలో నీటిమట్టం తగ్గిందని.. కోతలు త్వరగా పూర్తి చేయాలని సూచించారు. వినతిపత్రం అందజేసిన వారిలో తెలంగాణ చెరుకు రైతు సంఘం జిల్లా నాయకులు జీఎస్‌ గోపి, తిరుమలేష్‌, ఎస్‌.అరుణ్‌కుమార్‌, సుధాకర్‌రెడ్డి, ముని, రవి నాయక్‌, బుచ్చిరెడ్డి, హన్మంతు, నాగరాజు, రెడ్యానాయక్‌, శ్రీను, ఎల్లన్న, పి.రాఘవేందర్‌ తదితరులు పాల్గొన్నారు.