Ranga Reddy District News

షాద్‌నగర్‌: పురిటి నొప్పులతో ఆస్పత్రికి వెళ్లిన కుటుంబానికి అంతులేని విషాదం ఎదురైంది. ప్రసూతి కోసం వెళ్లిన గర్భిణితో పాటు కడుపు లోని శిశువు కూడా మృతి చెందడంతో కుటుంబ సభ్యులు కన్నీరు మున్నీరయ్యారు. వైద్యుల నిర్లక్ష్యం కారణంగానే మృతి చెందారని బంధువులు ఆరోపిస్తున్నారు. ఈ ఘటన శుక్రవారం రాత్రి షాద్‌నగర్‌ ప్రభుత్వ కమ్యూనిటీ ఆస్పత్రిలో చోటు చేసుకుంది. వివరాలు ఇలా ఉన్నాయి. కొందుర్గు మండలం చెరుకుపల్లి గ్రామానికి చెందిన రమేష్‌ కుమార్‌ వివాహం కొత్తూరు మండలం ఇన్ములనర్వ గ్రామానికి చెందిన రాధ (28)తో కొన్నేళ్ల క్రితం జరిగింది. రాధకు మొదటి రెండు కాన్పులో ఆడపిల్లలు జన్మించారు. మూడో కాన్పులో అబార్షన్‌ చేయించారు. నాలుగోసారి గర్భం దాల్చిన ఆమెకు పురిటి నొప్పులు రావడంతో కుటుంబ సభ్యులు శుక్రవారం ఉదయం కొందుర్గు ప్రాథమిక ఆరోగ్య కేంద్రానికి తీసుకెళ్లారు. అక్కడి వైద్యుల సూచన మేరకు షాద్‌నగర్‌ ప్రభుత్వ ఆస్పత్రికి తీసుకొచ్చారు. పరీక్షలు నిర్వహించిన వైద్యులు సాధారణ ప్రసవం అవుతుందని కుటుంబ సభ్యులకు తెలిపారు. ఈ క్రమంలో రాధకు సాయంత్రం ఒక్కసారిగా ఫిట్స్‌ వచ్చాయని అపస్మారక స్థితిలోకి వెళ్లిందని వైద్యులు తెలిపారు. వెంటనే అత్యవసర వైద్య సేవలు అందించడంలో పాటు సీపీఆర్‌ చేసినా మృతి చెందినట్లు చెప్పారు. కడుపులో ఉన్న బిడ్డనైనా కాపాడాలని అంబులెన్స్‌ మాట్లాడి హైదరాబాద్‌లోని మెటర్నిటీ ఆస్పత్రికి పంపించారు. అక్కడికి వెళ్లే సరికే మాతా శిశువులు మరణించినట్లు వైద్యులు ధ్రువీకరించారు. దీంతో అర్ధరాత్రి షాద్‌నగర్‌ ఆస్పత్రికి వచ్చిన కుటుంబ సభ్యులు ఆందోళన చేపట్టారు. తల్లీబిడ్డల ప్రాణం పోవడానికి వైద్యుల నిర్లక్ష్యమే కారణమని ఆరోపించారు. గతంలో మగబిడ్డ కోసం అత్తింటివారు తరచూ వేధించేవారని, తమ కూతురు మృతికి వారే కారణమని మృతిరాలి తల్లి పోలీసులకు ఫిర్యాదు చేసింది. ఈ మేరకు రమేష్‌ను అదుపులోకి తీసుకుని దర్యాప్తు చేపట్టారు. విచారణ చేపట్టిన వైద్యాధికారులు ప్రభుత్వ ఆస్పత్రిలో జరిగిన ఘటనపై జిల్లా ఆస్పత్రుల నిర్వహణ అధికారిణి అనురాగిణి స్పందించారు. ఆస్పత్రికి వచ్చి విచారణ చేపట్టారు. ఘటనకు దారి తీసిన పరిస్థితులపై ఆరా తీశారు. ఈ ఘటనపై సమగ్ర విచారణ చేపట్టి నివేదిక అందిస్తామని తెలిపారు.

మీర్‌పేట: వివాహిత ఆత్మహత్య కేసులో విచారణ నిమిత్తం స్వాధీనం చేసుకున్న సెల్‌ఫోన్‌లు, బంగారు ఆభరణాలకు రక్షణ కల్పించాల్సిన ఓ కానిస్టేబుల్‌ దుర్వినియోగం చేసి చివరికి కటకటాలపాలయ్యాడు. ఈ సంఘటన మీర్‌పేట పోలీస్‌స్టేషన్‌ పరిధిలో చోటుచేసుకుంది. ఇన్‌స్పెక్టర్‌ శోభన్‌ కథనం ప్రకారం.. అల్మాస్‌గూడ వినాయకహిల్స్‌లో నివసించే హేమ అదనపు కట్నం వేధింపులు తాళలేక జూలై 30న ఆత్మహత్య చేసుకుంది. కుటుంబ సభ్యుల ఫిర్యాదు మేరకు పోలీసులు మృతురాలి భర్తతో పాటు మరో నలుగురిపై కేసు నమోదు చేశారు. 31న వారిని కస్టడీలోకి తీసుకుని విచారణలో భాగంగా వారి నుంచి సెల్‌ఫోన్‌లు, సుమారు 12 తులాల బంగారు ఆభరణాలు స్వాధీనం చేసుకున్నారు. వాటిని స్టేషన్‌లో కానిస్టేబుల్‌గా పనిచేస్తున్న శ్రవణ్‌కుమార్‌కు అప్పగించారు. కానిస్టేబుల్‌ తన తండ్రి వైద్య ఖర్చులు, ఇతర కుటుంబ అవసరాల నిమిత్తం అప్పులు చేశాడు. తండ్రి కూడా ఏడాది క్రితం చనిపోయారు. అప్పుల బాధ తీవ్రమవడంతో కేసు విచారణలో భాగంగా అప్పగించిన సెల్‌ఫోన్‌ నుంచి మొదటగా తన భార్యకు యూపీఐ ద్వారా రూ.1.37 లక్షలు, శివాజీ అనే వ్యక్తికి రూ.33 వేలను పలుమార్లు బదిలీ చేశాడు. బంగారు ఆభరణాలను ముత్తూట్‌ ఫైనాన్స్‌తో పాటు ఇతర రుణాలు ఇచ్చే సంస్థల్లో తాకట్టు పెట్టి రూ.12.37 లక్షలు తీసుకున్నాడు. చివరికి చిక్కాడిలా... వివాహిత ఆత్మహత్య కేసులో జైలు నుంచి విడుదలైన ఆమె భర్త రాజ్‌కుమార్‌ ఈ నెల 27న బ్యాంకు ఖాతాను తనిఖీ చేయగా పలుమార్లు నగదు బదిలీ అయినట్లు గమనించాడు. వెంటనే స్టేషన్‌కు వెళ్లి ఫిర్యాదు చేశాడు. విచారణ నిమిత్తం స్వాధీనం చేసుకున్న బంగారు ఆభరణాలను తాకట్టు పెట్టడంతో పాటు ఫోన్‌ ద్వారా కానిస్టేబుల్‌ శ్రవణ్‌కుమార్‌ నగదు బదిలీ చేసినట్లు పోలీసుల దర్యాప్తులో తేలింది. దీంతో పాటు విచారణలో స్వాధీనం చేసుకున్న మరో సెల్‌ఫోన్‌ నిబంధనలకు విరుద్ధంగా ఓ మహిళకు ఇచ్చినట్లు సమాచారం. తండ్రి వైద్య ఖర్చులు, ఇతర అవసరాల కోసం చేసిన అప్పులు బాధలు తాళలేక విచారణ నిమిత్తం స్వాధీనం చేసుకున్న బంగారు ఆభరణాలను పలు దఫాలుగా తాకట్టు పెట్టి నగదును తీసుకున్నట్లు కానిస్టేబుల్‌ విచారణలో వెల్లడించాడు. ఈ మేరకు కానిస్టేబుల్‌పై కేసు నమోదు చేసి ఈ నెల 27న రిమాండ్‌కు తరలించి, తాకట్టు పెట్టిన సొత్తును రికవరీ చేస్తున్నామని ఇన్‌స్పెక్టర్‌ శోభన్‌ తెలిపారు. కాగా, లాక్‌ చేసి ఉన్న సెల్‌ఫోన్‌ పాస్‌వర్డ్‌, యూపీఐ పాస్‌వర్డ్‌ తెలుసుకోవడం ఎలా సాధ్యమైందన్నది ప్రశ్నార్థకంగా మిగిలింది.

కడ్తాల్‌: రాష్ట్రంలో కాంగ్రెస్‌ ప్రజావ్యతిరేక పాలనపై రాజీలేని పోరాటం సాగించాలని, వచ్చే ఎన్నికల్లో బీజేపీ అధికారంలోకి తేవడమే లక్ష్యంగా పార్టీ శ్రేణులు పనిచేయాలని ఎస్టీ మోర్చా జాతీయ అధ్యక్షుడు డాక్టర్‌ మన్నాలాల్‌ రావత్‌ పిలుపునిచ్చారు. మైసిగండిలోని ఎంఆర్‌జీ గార్డెన్‌లో శనివారం ఎస్టీమోర్చా రాష్ట్ర కార్యవర్గ సమావేశం నిర్వహించారు. ఈ సందర్భంగా ఆయన మాట్లాడుతూ.. కేంద్ర ప్రభుత్వ పథకాలతోనే ఆదివాసీ చెంచుల అభివృద్ధి జరుగుతోందని పేర్కొన్నారు. ముఖ్యమంత్రి సొంత జిల్లాలోనే ఆదివాసీలకు న్యాయం జరుగకపోవడం సిగ్గుచేటన్నారు. పలువురు నాయకులు మాట్లాడుతూ.. పదేళ్ల బీఆర్‌ఎస్‌ కుటుంబ నియంతృత్వ పాలనలతో విసిగిపోయిన ప్రజలు మార్పు కోసం కాంగ్రెస్‌ను నమ్మి అధికారంలోకి తెచ్చారని పేర్కొన్నారు. కాంగ్రెస్‌ ప్రభుత్వం ప్రజల విశ్వాసంపై నీళ్లు చల్లిందని, ఏ ఒక్క హామీని సక్రమంగా అమలు చేయలేదని మండిపడ్డారు. అనంతరం పార్టీ నాయకులు, కార్యకర్తలతో భారీ ర్యాలీ నిర్వహించారు. కార్యక్రమంలో ఎస్టీ మోర్చా జాతీయ ప్రధాన కార్యదర్శి అశోక్‌ నేతాజీ, అదిలాబాద్‌ ఎంపీ నగేశ్‌, జాతీయ బీసీ కమిషన్‌ మాజీ సభ్యుడు ఆచారి, గిరిజన మోర్చా రాష్ట్ర అధ్యక్షుడు రవినాయక్‌, మాజీ ఎంపీ సీతారాంనాయక్‌, బీజేవైఎం రాష్ట్ర అధ్యక్షుడు కల్యాణ్‌నాయక్‌, నాయకులు ఆజ్మీరా బాబీ, అమర్‌సింగ్‌ తిలావత్‌, గువ్వల బాలరాజ్‌ తదితరులు పాల్గొన్నారు. ఎస్టీ మోర్చా జాతీయ అధ్యక్షుడు డాక్టర్‌ మన్నాలాల్‌ రావత్‌

శంకర్‌పల్లి: పెండింగ్‌ కేసుల దర్యాప్తులో వేగం పెంచాలని చేవెళ్ల డీసీపీ యోగేశ్‌ గౌతమ్‌ అన్నారు. మోకిల పోలీస్‌స్టేషన్‌ని శనివారం ఆయన ఆకస్మికంగా తనిఖీ చేశారు. ఈ సందర్భంగా మాట్లాడుతూ.. ఠాణాలో సిబ్బంది ఎల్లప్పుడూ అందుబాటులో ఉండి, బాధితుల కు సత్వరమే న్యాయం జరిగేలా చొరవ తీసుకోవాలన్నారు. రికార్డులను మొయింటైన్‌ చేయాలని, నిర్లక్ష్యం వహించిన వారిపై కఠిన చర్యలుంటాయని హెచ్చరించారు. గ్రామాలు, విల్లాలు, అపార్ట్‌మెంట్లలో సీసీ కెమెరాలు, రోడ్డు భద్రతపై విస్తృతంగా అవగాహన కల్పించాని సూచించారు. అనుమానిత వ్యక్తులు కనిపిస్తే పోలీసులకు సమాచారం ఇవ్వాలన్నారు. తనిఖీల సమయంలో మోకిల సీఐ శ్రీనివాస్‌ రెడ్డి, ఎస్‌ఐలు లక్ష్మణ్‌, సురేశ్‌, పద్మ, సిబ్బంది ఉన్నారు. అధిక ధరలకు బియ్యం విక్రయిస్తే చర్యలు సాక్షి, రంగారెడ్డిజిల్లా: ప్రభుత్వం నిర్దేశించిన ధరలకు మించి బియ్యం విక్రయించే వ్యాపారులపై కఠిన చర్యలు తీసుకోవడానికి వెనుకాడబోమని అదనపు కలెక్టర్‌ కె.చంద్రారెడ్డి స్పష్టం చేశారు. ఈ మేరకు శనివారం ఓ ప్రకటన విడుదల చేశారు. రాష్ట్రంలో వివిధ రకాల బియ్యం విక్రయ ధరలపై కమిషనర్‌తో జిల్లా, రాష్ట్ర రైస్‌ మిల్లర్ల అసోసియేషన్‌ ప్రతినిధులు నిర్వహించిన సమావేశంలో కీలక నిర్ణయాలు తీసుకోవడం జరిగిందని పేర్కొన్నారు. రైస్‌ మిల్లర్లు, ట్రేడర్లు, హోల్‌సేల్‌ డిపో నిర్వాహకులు, రిటైలర్లు వినియోగదారుల నుంచి నిర్ణయించిన ధరల కంటే అధిక మొత్తం వసూలు చేయరాదని సూచించారు. ప్రజలకు న్యాయమైన ధరలకు బియ్యం అందుబాటులో ఉండేలా నిర్ణయాలను తప్పనిసరిగా పాటించాలని ఆదేశించారు. రక్తదానం ప్రాణదానంతో సమానం కందుకూరు: రక్తదానం చేయడం ఆపదలో ఉన్నవారికి ప్రాణదానం చేయడంతో సమానమని మహేశ్వరం డీసీపీ నారాయణరెడ్డి పేర్కొన్నారు. పోలీసు అమరవీరుల సంస్కరణ వారోత్సవాల్లో భాగంగా శనివారం మహేశ్వరం మండల కేంద్రంలోని సుమంగళి కన్వెన్షన్‌ హాలులో ఏర్పాటు చేసిన మెగా రక్తదాన శిబిరాన్ని ప్రారంభించారు. ఈ సందర్భంగా ఆయన మాట్లాడుతూ.. అన్ని దానాల్లో రక్తదానం గొప్పదన్నారు. రక్తదాన శిబిరంలో పాల్గొని రక్తం ఇచ్చిన యువకులు, కార్మికులు, ప్రజా ప్రతినిధులు, వివిధ రాజకీయ పార్టీల నాయకులను అభినందించారు. రక్తదాన శిబిరంలో సుమారు 2వేల మంది పాల్గొనగా 680 యూనిట్ల రక్తాన్ని సేకరించారు. కార్యక్రమంలో మహేశ్వరం ఏసీపీ జానకిరెడ్డి, మహేశ్వరం, కందుకూరు సీఐలు రాఘవేందర్‌రెడ్డి, వెంకటేశ్వర్లు, ఎస్‌ఐలు మారయ్య, ప్రసాద్‌, ధనుంజయ్‌, ట్రాఫిక్‌ పోలీసులు, ఆయా గ్రామాల సర్పంచ్‌లు, ఉప సర్పంచ్‌లు, వివిధ పార్టీల నాయకులు తదితరులు పాల్గొన్నారు. ప్రాణాలు కాపాడిన డయల్‌ 100 ఇబ్రహీంపట్నం: చెరువులో దూకి ఆత్మహత్య చేసుకుంటానని 100కు డయల్‌ చేసిన ఓ మహిళను ఇబ్రహీంపట్నం పోలీసులు కాపాడారు. సీఐ మహేందర్‌రెడ్డి తెలిపిన వివరాల ప్రకారం..కర్ణంగూడ వైపు నుంచి పెద్ద చెరువు వైపు వస్తూ తాను ఆత్మహత్య చేసుకుంటున్నానని ఓ మహిళ 100కు డయల్‌ చేయడంతో స్థానిక పోలీసులు అప్రమత్తమయ్యారు. తిరిగి ఆ నంబర్‌కు ఫోన్‌ చేస్తే ఎలాంటి స్పందన రాకపోవడంతో వెంటనే చెరువు పరిసర ప్రాంతాలను గాలించారు. చెరువు వైపు వెళ్తున్న మహిళను గుర్తించి స్టేషన్‌కు తీసుకొచ్చి విచారించారు. ఆమె ఎలాంటి సమాచారం ఇవ్వలేదు. మహిళ ప్రవర్తను బట్టి మానసిక స్థితి బాగాలేదని గుర్తించి హయత్‌నగర్‌లోని అనాథాశ్రమానికి తరలించారు.

పహాడీషరీఫ్‌: యువకుడు అదృశ్యమైన సంఘటన పహాడీషరీఫ్‌ పోలీస్‌స్టేషన్‌ పరిధిలో చోటు చేసుకుంది. పోలీసులు తెలిపిన వివరాల ప్రకారం.. జల్‌పల్లి శ్రీరామ కాలనీకి చెందిన డి.జేమ్స్‌ (27) ప్రైవేట్‌ ఉద్యోగి. అక్టోబర్‌ 30న పురానాపూల్‌కు పని నిమిత్తం వెళ్తున్నానని ఇంట్లో చెప్పి బైక్‌పై బయల్దేరిన జేమ్స్‌ రాత్రి వరకు కూడా రాలేదు. ఫోన్‌ చేస్తే స్విచ్ఛాఫ్‌ రావడంతో అతని తండ్రి జాన్సన్‌ పహాడీషరీఫ్‌ పోలీస్‌స్టేషన్‌లో శుక్రవారం రాత్రి ఫిర్యాదు చేశాడు. ‘లోన్‌సెన్సీ’ అనే లోన్‌ యాప్‌ నుంచి కొన్ని రోజులుగా వేధిస్తూ మెసేజ్‌లు వచ్చాయని, ఈ క్రమంలోనే తన కుమారుడు అదృశ్యమై ఉంటాడని ఫిర్యాదులో పేర్కొన్నాడు. కేసు నమోదు చేసుకున్న పోలీసులు దర్యాప్తు చేస్తున్నారు. ● సీఎం రేవంత్‌రెడ్డి సభకు సామగ్రి తరలిస్తున్న వాహనం ● పరిగిలోని అమరవీరుల స్తూపం వద్ద పల్టీ పరిగి: కొడంగల్‌లో మూడు రోజుల పాటు కొనసాగనున్న సీఎం రేవంత్‌రెడ్డి పర్యటన కోసం సామగ్రితో వెళ్తున్న ఓ డీసీఎం వ్యాన్‌ బోల్తా పడింది. ఈ ఘటన పరిగి పట్టణంలో శుక్రవారం అర్ధరాత్రి చోటు చేసుకుంది. పోలీసులు తెలిపిన వివరాల ప్రకారం.. ఈనె 7నుంచి 9వ తేదీ వరకు సీఎం తన సొంత నియోజకవర్గంలో పర్యటించనున్నారు. స్టేజీ ఏర్పాటు కోసం సామగ్రి నింపుకొన్న డీసీఎం శుక్రవారం శంషాబాద్‌ నుంచి హకీంపేట్‌కు బయలుదేరింది. పరిగిలోని అమరవీరుల స్తూపం వద్ద అదుపుతప్పి పల్టీ కొట్టింది. సామగ్రి మొత్తం చెల్లాచెదురుగా పడిపోవడంతో హైదారాబాద్‌– బీజాపూర్‌ జాతీయ రహదారిపై కొద్దిసేపు ట్రాఫిక్‌ జామ్‌ అయింది. ఘటన స్థలానికి చేరుకున్న పోలీసులు క్యాబిన్‌లో ఇరుక్కుపోయిన డ్రైవర్‌తో పాటు మరో ఇద్దరిని ఆస్పత్రికి తరలించారు. రోడ్డుపై పడిన సామగ్రిని తొలగించి, ట్రాఫిక్‌ను క్లియర్‌ చేశారు.

యాచారం: రాష్ట్రంలో ఏర్పడిన కరువు కాంగ్రెస్‌ తెచ్చిందే తప్ప కాలం తెచ్చింది కాదని బీఆర్‌ఎస్‌ జిల్లా అధ్యక్షుడు, మాజీ ఎమ్మెల్యే మంచిరెడ్డి కిషన్‌రెడ్డి పేర్కొన్నారు. మండల పరిధిలోని మల్కీజ్‌గూడ, గాండ్లగూడెం గ్రామాల్లో శనివారం ఆయన ఎండిపోయిన వరి పంటను పరిశీలించి, రైతుల బాధలను అడిగి తెలుసుకున్నారు. బోరుబావుల్లో కొద్దిపాటి నీళ్లున్నా విద్యుత్‌ కోతలతో చేతికొచ్చిన వరి పంట పూర్తిగా ఎండిపోతోందని రైతులు తెలియజేశారు. విద్యుత్‌ ఎప్పుడు వస్తుందో.. ఎప్పుడు పోతోందో తెలియడం లేదని ఆందోళన వ్యక్తం చేశారు. దీంతో ఆయన మండల కేంద్రంలోని విద్యుత్‌ సబ్‌ స్టేషన్‌ను సందర్శించి ఏఈ సుధీర్‌తో మాట్లాడారు. నిత్యం రైతులకు సరిపడా త్రీఫేస్‌ విద్యుత్‌ సరఫరా చేయాలని సూచించారు. పాలనపై సీఎం రేవంత్‌రెడ్డికి ఏ మాత్రం అవగాహన లేదని మండిపడ్డారు. జిల్లా మొత్తాన్ని కరువు ప్రాంతంగా ప్రకటించి, తక్షణమే ఎండిపోయిన పంటలను సర్వే చేసి, ఎకరాకు రూ.20 వేల చొప్పున రైతులకు పరిహారం అందజేయాలని డిమాండ్‌ చేశారు. జిల్లాలో పారిశ్రామిక పార్క్‌లు, ఫ్యూచర్‌సిటీ, ఇతర పరిశ్రమల కోసం చేపట్టే భూసేకరణతో జిల్లా ఊనికికే ప్రమాదం ఏర్పడిందన్నారు. భూసేకరణతో ఈ ప్రాంత రైతులు పూర్తిగా నిరాశ్రయులుగా మారే అవకాశం ఉందన్నారు. దేని కోసం భూసేకరణ చేస్తున్నారో ప్రజలకు తెలియజేయడం లేదన్నారు. భూసేకరణలో రైతులకు న్యాయం చేయాలని, లేని పక్షంలో ఆందోళన చేపడతామని హెచ్చరించారు. ప్రతి పట్టభద్రుడిని స్వయంగా కలవాలి రాష్ట్రంలో త్వరలో జరగబోయే ఎమ్మెల్సీ ఎన్నికలు బీఆర్‌ఎస్‌కు ఎంతో చాలెంజ్‌ అని మంచిరెడ్డి కిషన్‌రెడ్డి పేర్కొన్నారు. పట్టభద్రుల ఓటు నమోదుపై 24 గ్రామాలకు చెందిన పార్టీ నేతలతో సమీక్షించారు. ప్రతి పట్టభద్రుడిని స్వయంగా కలిసి ఓటు నమోదు చేయించి, బీఆర్‌ఎస్‌ పార్టీ బలపర్చిన అభ్యర్థికే ఓటు పడేలా కృషి చేయాలని సూచించారు. సమావేశంలో జిల్లా గ్రంథాలయ సంస్థ మాజీ చైర్మన్‌ సత్తు వెంకటరమణారెడ్డి, బీఆర్‌ఎస్‌ మండల అధ్యక్షుడు కర్నాటి రమేష్‌గౌడ్‌, ప్రధాన కార్యదర్శి పాశ్చ భాషా, యాచారం పీఏసీఎస్‌ చైర్మన్‌ రాజేందర్‌రెడ్డి, వైస్‌ చైర్మన్‌ యాదయ్యగౌడ్‌, పార్టీ నేతలు జుట్టు శ్రీశైలం, లిక్కి నర్సింహారెడ్డి, పరికిషన్‌రెడ్డి, ఎండీ ఖాజు, శివకుమార్‌, పలు గ్రామాల సర్పంచులు, పార్టీ నేతలు పాల్గొన్నారు.బీఆర్‌ఎస్‌ జిల్లా అధ్యక్షుడు, మాజీ ఎమ్మెల్యే మంచిరెడ్డి కిషన్‌రెడ్డి

● కారులో ప్రయాణిస్తున్న మహిళ మృతి ● మరో ఇద్దరికి గాయాలు మొయినాబాద్‌: అతివేగంతో వెళ్తున్న కారు అదుపుతప్పి రోడ్డు పక్కన ఉన్న పైపులను ఢీకొట్టడంతో కారులో ఉన్న ఓ మహిళ అక్కడికక్కడే మృతి చెందింది. ఈ సంఘటన మొయినాబాద్‌ పోలీస్‌స్టేషన్‌ పరిధిలో చోటుచేసుకుంది. పోలీసులు తెలిపిన వివరాల ప్రకారం.. మల్కాజిగిరి ప్రాంతానికి చెందిన ప్రత్యూష(30) పెప్సికోలా కంపెనీలో డిప్యూటీ మేనేజర్‌గా పనిచేస్తున్నారు. శుక్రవారం రాత్రి ఆమె స్నేహితులు కౌశిక్‌కుమార్‌, భరద్వజ్‌, మరో ఇద్దరితో కలిసి మొయినాబాద్‌ మున్సిపాలిటీలోని అప్పోజీగూడ సమీపంలో లేక్‌వ్యూ ఫాంహౌస్‌కు వచ్చి పార్టీ చేసుకున్నారు. శనివారం ఉదయం రెండు కార్లలో నగరానికి బయలుదేరారు. గండిపేట చౌరస్తా వద్దకు వెళ్లగానే ప్రత్యూష ప్రయాణిస్తున్న కారు అతివేగంతో వెళ్లి అదుపుతప్పి రోడ్డు పక్కన ఉన్న పైపులను ఢీకొట్టింది. దీంతో కారులోని వెనక సీట్లో ఉన్న ప్రత్యూష అక్కడికక్కడే మృతి చెందగా ముందు సీట్లో కూర్చున్న భరద్వజ్‌కు కాలు విరిగింది. కారు డ్రైవింగ్‌ చేస్తున్న కౌశిక్‌ కుమార్‌ స్వల్పగాయాలతో బయటపడ్డాడు. సమాచారం అందుకున్న పోలీసులు ఘటనా స్థలానికి చేరుకుని వివరాలు సేకరించారు. మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించారు. ఈ మేరకు కేసు నమోదు చేసి దర్యాప్తు చేస్తున్నట్టు పోలీసులు తెలిపారు.

అనంతగిరి: సైబర్‌ నేరాల పట్ల ప్రజలు అప్రమత్తంగా ఉండాలని వికారాబాద్‌ సైబర్‌ క్రైమ్‌ డీఎస్పీ కాజల్‌ జైస్వాల్‌ అన్నారు. శనివారం రాత్రి వికారాబాద్‌లో కళాశాల విద్యార్థులతో అవగాహన ర్యాలీ నిర్వహించారు. ఈ సందర్భంగా ఆమె మాట్లాడుతూ.. ఫోన్లలో వచ్చే అనవసరమైన లింకులను ఓపెన్‌ చేయవద్దన్నారు. అపరిచిత వ్యక్తులు ఫోన్‌ చేసి ఓటీపీ అడిగితే చెప్పకూడదని తెలిపారు. ఏ బ్యాంకు కూడా మనకు ఫోన్‌ చేసి ఓటీపీ అడగదనే విషయాన్ని గ్రహించాలన్నారు. సైబర్‌ క్రైమ్‌ జరిగిన వెంటనే 1930కు ఫోన్‌ చేయాలని సూచించారు. ఈ కార్యక్రమంలో వికారాబాద్‌ టౌన్‌ సీఐ రఘుకుమార్‌, ఎస్‌ఐలు, కళాశాల విద్యార్థులు తదితరులు పాల్గొన్నారు.

బడంగ్‌పేట్‌: టౌన్‌ ప్లానింగ్‌లోని రెవెన్యూ అధికారి పై పోస్టర్లు కలకలం రేపాయి. బడంగ్‌పేట సర్కిల్‌ కార్యాలయంలో ఎల్‌ఆర్‌ఎస్‌ కోసం 56 వేల మంది దరఖాస్తు చేసుకున్నారు. 16 వేల మంది ప్రభుత్వానికి ఎల్‌ఆర్‌ఎస్‌ రుసుం చెల్లించారు. ఇప్పటి వరకు 9 వేల దరఖాస్తులు క్లియర్‌ చేశారు. లంచాలు ఇస్తేనే ఆర్‌ఐ అధికారి యాసిన్‌ క్లియర్‌ చేస్తున్నాడని బాధితులు ఆరోపించారు. ఈ క్రమంలో విసుగెత్తిన బాధితులు యాసిన్‌ కనిపించడంలేదంటూ పోస్టర్లు అంటించారు. దీనిపై డిప్యూటీ కమిషనర్‌ సమ్మయ్యను వివరణ కోరగా జోనల్‌ కమిషనర్‌కు లేఖ రాసినట్లు తెలిపారు. ఆర్‌ఐయాసిన్‌ను తొలగించి మరో అధికారిని నియమించాలని జెడ్సీని కోరామని స్పష్టం చేశారు.

● జాతీయ హోదా కాదు.. నిధులు కావాలి ● సీఎంతో కలిసి ఢిల్లీకి వెళ్లడానికి సిద్ధం ● కుర్చీలు ఎవరికీ శాశ్వతం కాదు ● పాలమూరు ఎంపీ డీకే అరుణ కొడంగల్‌: పాలమూరు– రంగారెడ్డి ప్రాజెక్టును కాంగ్రెస్‌ ప్రభుత్వం పట్టించుకోవడం లేదని మహబూబ్‌నగర్‌ ఎంపీ డీకే అరుణ ఆరోపించారు. శనివారం కొడంగల్‌లో ఏర్పాటు చేసిన విలేకరుల సమావేశంలో ఆమె మాట్లాడుతూ ‘పాలమూరు– రంగారెడ్డి’లో పాలమూరు లేదు.. రంగారెడ్డి లేదు అని విమర్శించారు. ఈ రెండు జిల్లాల సాగునీటి కోసం ప్రతిపాదించిన పథకాన్ని గతంలో బీఆర్‌ఎస్‌ ప్రభుత్వం, ప్రస్తుత కాంగ్రెస్‌ ప్రభుత్వం ఉద్దేశ పూర్వకంగా పక్కన పెట్టాయని మండిపడ్డారు. కాంగ్రెస్‌ ప్రభుత్వం ఏర్పడి మూడేళ్లవుతున్నా ఇప్పటి వరకూ దీనిపై అతీగతీ లేదన్నారు. మిగిలిన రెండేళ్లలో ఏం సాధిస్తారని ప్రశ్నించారు. ఉమ్మడి పాలమూరు జిల్లా నుంచి గెలిచి ముఖ్యమంత్రి అయిన రేవంత్‌రెడ్డి జిల్లాలో ఉన్న పెండింగ్‌ ప్రాజెక్టులను పూర్తి చేయడంలో నిర్లక్ష్యం చేస్తున్నారని ఆరోపించారు. ప్రాజెక్టుకు జాతీయ హోదా కారు.. నిధులు కావాలని తెలిపారు. ఇందుకోసం సీఎం రేవంత్‌రెడ్డితో కలిసి ఢిల్లీకి వెళ్లేందుకు సిద్ధమని ప్రకటించారు. పాలమూరు జిల్లాను ఆయన పట్టించుకోవడం లేదని విమర్శించారు. కల్వకుర్తి, బీమా, నెట్టంపాడు ప్రాజెక్టుతో జిల్లాలోని కొంత ప్రాంతానికి మాత్రమే సాగునీరు అందుతుందని, మిగిలిన ప్రాంతానికి వర్షాధారమే దిక్కని ఆవేదన వ్యక్తంచేశారు. గతం మాదిరిగానే మహబూబ్‌నగర్‌ జిల్లాలో కరువు వచ్చిందన్నారు. గత, ప్రస్తుత పాలకులు ఈ జిల్లాలో సాగునీటి వనరులు కల్పించి ఉంటే ఈ దుస్థితి వచ్చి ఉండేది కాదన్నారు. కుర్చీలు ఎవరికీ శాశ్వతం కాదని, ప్రజలకు చేసిన మేలు శాశ్వతంగా గుర్తుంటుందని సీఎంను ఉద్దేశించి అన్నారు. దేశాన్ని విచ్ఛిన్నం చేయడానికి ఢిల్లీలో కుట్ర జరుగుతోందని, ప్రజలు అప్రమత్తంగా ఉండాలని సూచించారు. ఓటు చోరీ జరిగి ఉంటే తెలంగాణ, కర్నాటక, కేరళలో కాంగ్రెస్‌ పార్టీ ఎలా గెలుస్తుందని ప్రశ్నించారు. కొడంగల్‌, కోస్గి మున్సిపాలిటీలకు అమృత్‌ భారత్‌ పథకం కింద రూ.రూ.22 కోట్లు మంజూరు చేసినట్లు తెలిపారు. కమ్యూనిటీ భవనాలు, సీసీ రోడ్లు, ఇతర పనులకు ఎంపీ నిధుల నుంచి రూ.1.5 కోట్లు ఇచ్చామని స్పష్టంచేశారు. పీఎమ్‌శ్రీ కింద ఆరు పాఠశాలలకు రూ.80 లక్షలు, గ్రామాల్లో జరుగుతున్న అభివృద్ధి పనులు, మౌళిక సదుపాయాల కల్పనకు కేంద్ర ప్రభుత్వం నిధులు మంజూరు చేసిందని వివరించారు. సమావేశంలో బీజేపీ నాయకులు రతంగ్‌ పాండురెడ్డి, పున్నంచంద్‌ లాహోటీ, బస్వరాజ్‌, సత్య యాదవ్‌, ప్రతాప్‌రెడ్డి, మురళీధర్‌రెడ్డి పాల్గొన్నారు.

శంకర్‌పల్లి: ఆధునిక యుగంలో విద్యార్థులు నిరంతరం కొత్త విషయాలను శోధించి, నూతన ఆవిష్కరణలు చేపట్టాలని హెచ్‌సీఎల్‌ సహ వ్యవస్థాపకుడు, ఫాదర్‌ ఆఫ్‌ హార్డ్‌వేర్‌ ఇన్‌ ఇండియా అజయ్‌చౌదరి అన్నారు. మండలంలోని ఓ ప్రైవేటు కన్వెన్షన్‌ హాలులో శనివారం ఇక్ఫాయ్‌ యూనివర్సిటీ 16వ స్నాతకోత్సవాన్ని నిర్వహించారు. రిజర్వ్‌ బ్యాంక్‌ మాజీ గవర్నర్‌, ఇక్ఫాయ్‌ ఛాన్స్‌లర్‌ డా.సి.రంగరాజన్‌ అధ్యక్షతన నిర్వహించిన కార్యక్రమానికి అజయ్‌ చౌదరితో పాటు ఏఐజీ హాస్పిటల్స్‌ చైర్మన్‌ డా.నాగేశ్వర్‌రెడ్డి ముఖ్య అతిథులుగా హాజరయ్యారు. వీరికి ఇక్ఫాయ్‌ యూనివర్సిటీ గౌరవ డాక్టరేట్స్‌ని అందించింది. అనంతరం పీహెచ్‌డీ, ఎంబీఏ తదితర విభాగాలకు చెందిన 4,402 మంది విద్యార్థులకు పట్టాలు అందించారు. ఈ సందర్భంగా అజయ్‌ చౌదరి మాట్లాడుతూ.. విద్యార్థులు సాధించాల్సిన లక్ష్యాలను దృఢంగా నిర్దేశించుకున్నప్పుడు.. గెలుపు మార్గాలు సులభంగా దొరుకుతాయన్నారు. రంగరాజన్‌ మాట్లాడుతూ.. విద్యార్థుల భవిష్యత్తు అనేది దేశ భవిష్యత్తుతో ముడిపడి ఉందని, పట్టభద్రులు అనేవారు మార్పునకు కాబోయే నాయకులుగా అభివర్ణించారు. కార్యక్రమంలో ఇక్ఫాయ్‌ వీసీ ప్రొ.డా. వినయ్‌ కుమార్‌ తదితరులు పాల్గొన్నారు.

కడ్తాల్‌: పర్యావరణ పరిరక్షణ, ప్రకృతి వనరుల సంరక్షణ, వాతావరణ మార్పులపై అవగాహన కల్పించడంలో ఎర్త్‌ లీడర్స్‌ పాత్ర అభినందనీయమని సోషల్‌ స్టాక్‌ ఎక్ఛేంజ్‌ సీనియర్‌ మేనేజర్‌ కౌషల్‌ కిషోర్‌ కుమార్‌, రామకృష్ణ మఠం స్వామి శితికంఠానందస్వామి అన్నారు. కౌన్సిల్‌ఫర్‌ గ్రీన్‌ రెవల్యూషన్‌ పర్యావరణ సంస్థ– తెలంగాణ పాఠశాల విద్యాశాఖ సంయుక్త ఆధ్వర్యంలో మండల పరిధిలోని ఆన్మాస్‌పల్లి ఎర్త్‌ సెంటర్‌లో శనివారం 2025–26 సంవత్సరానికి సంబంధించిన యంగ్‌ఎర్త్‌ లీడర్స్‌ పురస్కారాల ప్రదానోత్సవం నిర్వహించారు. ఈ సందర్భంగా వారు మాట్లాడుతూ.. పర్యావరణ హిత సమాజ నిర్మాణానికి విద్యార్థులు చిన్నానాటి నుంచే ప్రకృతిపై అవగాహన పెంపొందించుకోవాలని పేర్కొన్నారు. సమాచార హక్కు చట్టం మాజీ కమిషనర్‌ దిలీప్‌రెడ్డి మాట్లాడుతూ.. పాఠశాలల్లో విద్యాబోధనతో పాటు పర్యావరణ వికాసానికి ప్రాధాన్యం ఇవ్వాలని సూచించారు. సీజీఆర్‌ చైర్‌ పర్సన్‌ లీలాలక్ష్మారెడ్డి మాట్లాడుతూ.. యంగ్‌ ఎర్త్‌ లీడర్‌ కార్యక్రమం విశాలమైన ఆశయాలతో ఏర్పడిందని, దేశ వ్యాప్తంగా విస్తరించాలని ఆకాంక్షించారు. సీజీఆర్‌ చేపడుతున్న కార్యక్రమాలకు సహకారం అందిస్తామని నాబార్డ్‌ జనరల్‌ మేనేజర్‌ గణపతి తెలిపారు. అనంతరం పర్యావరణ పరిరక్షణలో ప్రతిభ చూపిన విద్యార్థులు, ఉపాధ్యాయులు, సామాజిక కార్యకర్తలకు పురస్కారాలు ప్రదానం చేశారు. కార్యక్రమంలో సీజీఆర్‌ సీఈఓ నారాయణరావు, ప్రొఫెసర్‌ ఉపేందర్‌రెడ్డి, పర్యావరణ శాస్త్రవేత్త సాయిభాస్కర్‌రెడ్డి, సీజీఆర్‌ వ్యవస్థాపకుడు లక్ష్మారెడ్డి, మాజీ డీజీపీ ఆంజనేయరెడ్డి, విశ్వనాథ్‌రెడ్డి, వెంకట్‌రెడ్డి, భూషన్‌రెడ్డి, ఉమామహేహేశ్వర్‌రెడ్డి, సీజీఆర్‌ ప్రతినిధులు పాల్గొన్నారు.

సాక్షి, రంగారెడ్డిజిల్లా: అటవీ శాఖ, హెచ్‌ఎండీఏ ఆధ్వర్యంలో జిల్లాలోని పలు అర్బన్‌ ఫారెస్ట్‌ పార్కులను అభివృద్ధి చేశారు. వీటిలో 47.03 లక్షల మొక్కలు నాటారు. మెజార్టీ పార్కులు ఓఆర్‌ఆర్‌కు ఆనుకుని, వెళ్లేందుకు అనువుగా ఉన్నాయి. అవసరమైన పచ్చదనాన్ని పెంపొందించడంతో పాటు స్థానిక జీవవైవిధ్యాన్ని కాపాడటం, ప్రజలకు వినోదం, పర్యావరణ అవగాహన కల్పించడం వీటి ప్రధాన ఉద్దేశం. వాకింగ్‌ ట్రాక్‌లు, సైక్లింగ్‌ మార్గాలు, వాచ్‌టవర్లు, సందర్శకులకు సదుపాయాలతో వీటి ని తీర్చిదిద్దారు. కార్తీక మాసంలో కుటుంబాలు, స్నేహితుల బృందాలు ప్రకృతి మధ్య సమయం గడిపేందుకు ఇవి ఆకర్షణీయంగా మారుతున్నాయి. ప్రకృతి ‘సంజీవని’ గుర్రంగూడలోని సంజీవని వనం వనభోజన ప్రియులకు అనువైన ప్రకృతి విడిది కేంద్రాల్లో ఒకటి. పచ్చని చెట్లు, నడక మార్గాలు, సైక్లింగ్‌ సదుపాయాలు, విశాలమైన ప్రదేశాలు ఇక్కడి ప్రత్యేకత. ప్రకృతి మధ్య నడుస్తూ స్వచ్ఛమైన గాలిని ఆస్వాదించొచ్చు. కుటుంబ సభ్యులతో కలిసి సరదాగా గడపడంతో పాటు పిల్లలకు ప్రకృతిని పరిచయం చేయొచ్చు. పెద్ద బృందాలతోవనభోజనాలు నిర్వహించాలనుకునేవారు ముందుగా పార్కు సిబ్బందిని సంప్రదించి అనుమతులు, అందుబాటులో ఉన్న ఏర్పాట్లను తెలుసుకోవాల్సి ఉంటుంది. ‘లేక్‌వ్యూ’ అందాలు గండిపేట చెరువు పరిసరాల్లోని లేక్‌వ్యూ పార్కు ప్రకృతి అందాలకు పెట్టింది పేరు. విశాలమైన వాకింగ్‌ మార్గాలు, పిక్నిక్‌ స్పేస్‌లు, ఫ్లవర్‌ టెర్రస్‌లు, ఆర్ట్‌ పెవిలియన్లు, ఓపెన్‌ ఎయిర్‌ థియేటర్‌ వంటి ఆకర్షణలు సందర్శకులకు ఆహ్లాదాన్ని పంచుతున్నాయి. ఒకవైపు పచ్చని చెట్లు.. మరోవైపు జలాశయం అందాలు.. ఆహ్లాదకరమైన వాతావరణంలో కుటుంబ సభ్యులతో గడిపేందుకు అనువుగా ఉంటుంది. వారాంతాల్లో ఈ ప్రాంతానికి సందర్శకుల తాకిడి పెరుగుతోంది. ఆకర్షణగా రాశివనం, నవగ్రహవనం మహేశ్వరం, తుక్కుగూడ పరిసరాల్లోని సంజీవని, పంచవటి, మసీదుగడ్డ, శ్రీనగర్‌, సిరిగిరిపూర్‌ తదితర అర్బన్‌ ఫారెస్ట్‌ ప్రాంతాలు ప్రకృతి ప్రేమికులకు ఆకర్షణగా ఉన్నాయి. పంచవటిలో రాశివనం, నవగ్రహ వనం ప్రత్యేకత కాగా..మసీదుగడ్డలో సైక్లింగ్‌, క్యాంప్‌ఫైర్‌ వంటి సదుపాయాలు కల్పించారు. హరిన వనస్థలి నేషనల్‌ పార్క్‌లో విహారం గుర్రంగూడలోని సంజీవని వనం అర్బన్‌ ఫారెస్ట్‌ పార్కులు రెడీ

● ఎస్‌ఐఆర్‌పై కేంద్రం స్పష్టత ఇవ్వాలి ● రౌండ్‌ టేబుల్‌ సమావేశంలో విద్యావంతులు, మేధావుల సూచనతాండూరు: సర్‌ ప్రక్రియపై పూర్తి స్పష్టత ఇవ్వాల్సిన బాధ్యత కేంద్ర ప్రభుత్వంపై ఉందని తాండూరు విద్యావంతులు, మేధావులు, పట్టభద్రులు సూచించారు. శనివారం బీజేపీ జిల్లా అధ్యక్షుడు రమేశ్‌కుమార్‌ ఆధ్వర్యంలో ఏర్పాటు చేసిన రౌండ్‌ టేబుల్‌ సమావేశానికి ముఖ్యఅతిథిగా హాజరైన ఎంపీ కొండా విశ్వేశ్వర్‌రెడ్డి సమక్షంలో వారి అభిప్రాయాలను వ్యక్తం చేశారు. సర్‌తో పెద్ద సంఖ్యలో ఓట్లు తొలగిపోతున్నాయంటూ వస్తున్న ఆరోపణలపై కేంద్ర ప్రభుత్వం, ఎలక్షన్‌ కమిషన్‌ స్పష్టమైన వివరణ ఇవ్వాలన్నారు. ప్రజల్లో ఉన్న అపోహలు, అనుమానాలను నివృత్తి చేయాలని కోరారు. ఓటరు జాబితాలో పేర్లు గల్లంతవుతున్నాయని ఆందోళనలు వ్యక్తమవుతున్నా సంబంధిత అధికారులు స్పందించకపోవడం అనుమానాలకు తావిస్తోందని తెలిపారు. అనంతం ఎంపీ విశ్వేశ్వర్‌రెడ్డి మాట్లాడుతూ.. సమావేశంలో తన దృష్టికి వచ్చిన అంశాలను కేంద్ర ప్రభుత్వం దృష్టికి తీసుకెళ్తానని తెలిపారు. స్థానికంగా ఎదురవు తున్న సమస్యలను కూడా పరిగణనలోకి తీసుకుని, ఓటరు హక్కులకు భంగం కలగకుండా తగిన చర్యలు తీసుకుంటామని హామీ ఇచ్చారు. కార్యక్రమంలో మున్సిపల్‌ మాజీ చైర్‌పర్సన్‌ తాటికొండ స్వప్నపరిమళ్‌, బీజేపీ నాయకులు మనోహర్‌రావు, విద్యావంతులు, మేధావులు, ప్రభుత్వ ఉపాధ్యాయులు, తపస్‌ ఉపాధ్యాయ సంఘం ప్రతినిధులు, వ్యాపారులు, ఆర్యవైశ్య సంఘం ప్రతినిధులు తదితరులు పాల్గొన్నారు.

వికారాబాద్‌ పౌరసరఫరాల సంస్థ స్పష్టీకరణ సాక్షి, రంగారెడ్డిజిల్లా: కస్టమ్‌ మిల్లింగ్‌ రైస్‌ (సీఎంఆర్‌) బకాయిల అంశంపై ‘సాక్షి’ లో వసూళ్లు ‘కస్టమ్‌’ శీర్షికన శనివారం ప్రచురితమైన కథనానికి వికారాబాద్‌ జిల్లా పౌరసరఫరాల సంస్థ మేనేజర్‌ ఎస్‌.నరసింహ స్పందించారు. ఈ మేరకు ఒక ప్రకటన విడుదల చేశారు. జిల్లాలో 50 మిల్లర్ల నుంచి రూ.102 కోట్ల బకా యిలు వసూలు కావాల్సి ఉండగా, ఇప్పటి వరకు రూ.25 కోట్లు వసూలు చేసినట్లు ప్రకటించారు. మరో రూ.77 కోట్లు వసూలు కావాల్సి ఉందని పేర్కొ న్నారు. బకాయిల చెల్లింపులకు ప్రభుత్వం మిల్లర్లకు ఇచ్చిన తుది గడువు సెప్టెంబర్‌ 31తో ముగిసిన నేపథ్యంలో ఆయా మిల్లర్లపై ఆర్‌ఆర్‌యాక్ట్‌ను ప్రయోగించేందుకు సిద్ధమైనట్లు స్పష్టం చేశారు. రికవరీ యాక్ట్‌కు కూడా స్పందించని మిల్లర్ల విషయంలో ప్రభుత్వ ఆదేశాల మేరకు మరింత కఠినంగా వ్యవహరించబోతున్నట్లు తెలిపారు. నాణ్యమైన వైద్యసేవలు అందించాలి జిల్లా వైద్యాధికారి డాక్టర్‌ కల్యాణ్‌ చక్రవర్తి షాద్‌నగర్‌: ప్రభుత్వ ఆస్పత్రికి వచ్చే రోగులకు నాణ్యమైన వైద్య సేవలు అందించాలని జిల్లా వైద్యాధికారి డాక్టర్‌ కల్యాణ్‌ చక్రవర్తి అన్నారు. ఫరూఖ్‌నగర్‌ మండలం చించోడ్‌ ప్రాథమిక ఆరోగ్య కేంద్రాన్ని శనివారం ఆకస్మికంగా తనిఖీ చేశారు. రికార్డులను పరిశీలించి, ఆస్పత్రిలో రోగులకు అందిస్తున్న వైద్య సేవలను అడిగి తెలుసుకున్నారు. అనంతరం ఆయన మాట్లాడుతూ.. విధి నిర్వహణలో వైద్యులు, సిబ్బంది నిర్లక్ష్యంగా వ్యవహరిస్తే కఠిన చర్యలు తప్పవని హెచ్చరించారు. ప్రాథమిక ఆరోగ్య కేంద్రంలో ప్రసవాల సంఖ్య పెంచేందుకు సిబ్బంది ప్రత్యేకంగా దృష్టి సారించాలని సూచించారు. కాంట్రాక్టు డేటా ఎంట్రీ ఆపరేటర్‌ విధులకు గైర్హాజరు కావడంపై ఆగ్రహం వ్యక్తం చేశారు. తనిఖీల్లో సీసీ సురేష్‌, హెల్త్‌ ఎడ్యుకేటర్‌ శ్రీనివాసులు తదితరులు పాల్గొన్నారు. ఆరోగ్యంపై జాగ్రత్తలు అవసరం కొత్తూరు: ఆరోగ్యంపై ప్రతి ఒక్కరూ జాగ్రత్త వహించాలని జిల్లా వైద్యాధికారి కళ్యాణ్‌ చక్రవర్తి సూచించారు. మండల కేంద్రంలోని పీహెచ్‌సీ ఆవరణలో శనివారం ఏర్పాటు చేసిన టీబీ ముక్త్‌భారత్‌ శిబిరాన్ని సందర్శించారు. ఇందులో భాగంగా టీబీ నిర్ధారణ పరీక్షలను క్షేత్రస్థాయిలో పరిశీలించారు. టీబీని ప్రాథమిక దశలో గుర్తించి పూర్తిస్థాయి చికిత్స తీసుకుంటే తగ్గిపోతుందన్నారు. కార్యక్రమంలో మండల వైద్యాధికారి దీప్తి, సిబ్బంది నగేష్‌, జ్యోతి, రవి తదితరులు పాల్గొన్నారు.

శుక్రవారం శ్రీ 30 శ్రీ అక్టోబర్‌ శ్రీ 2026క్రమబద్ధీకరణ.. అప్పటికే కొన్ని భూముల ప్రక్రియ పూర్తి సాక్షి, రంగారెడ్డిజిల్లా: పెండింగ్‌లో ఉన్న జీఓ నంబర్‌ 59 దరఖాస్తులకు మోక్షం కల్పించాలని ప్రభుత్వం నిర్ణయించింది. 500 గజాలలోపు ఆక్రమిత స్థలాలను ప్రస్తుత మార్కెట్‌ విలువ ప్రకారం క్రమబద్ధీకరించనున్నట్లు ప్రకటించింది. ఇప్పటి వరకు జీఓకు సంబంధించిన యాప్‌ను ఓపెన్‌ చేయకపోవడం, ఏ మండల పరిధిలో ఎన్ని దరఖాస్తులు పెండింగ్‌లో ఉన్నాయి వంటి అంశాలపై స్పష్టత ఇవ్వకపోవడంతో రెండున్నరేళ్లుగా క్రమబద్ధీకరణ కోసం ఎదురు చూస్తున్న దరఖాస్తుదారుల్లో మళ్లీ ఆందోళన మొదలైంది. తహసీల్దార్‌ కార్యాలయాలకు చేరుకుని ఆరా తీస్తుండటంతో క్షేత్రస్థాయిలోని అధికారులు సైతం ఏమీ చెప్పలేక చేతులెత్తేయాల్సిన పరిస్థితి. జిల్లాలో 3,500 మందికిపైగా దరఖాస్తులు పెండింగ్‌లో ఉండగా, హైదరాబాద్‌లో 1,300 వరకు ఉన్నట్లు అంచనా. ప్రభుత్వ తాజా ప్రకటన నేపథ్యంలో ఆయా దరఖాస్తుదారుల్లో ఆశలు చిగురించాయి. ఈ అంశంపై ప్రభుత్వం ప్రకటన చేసి మూడు వారాలు దాటినా ఇప్పటి వరకు జీఓ నంబర్‌ 59కు సంబంధించిన యాప్‌ ఓపెన్‌ కాకపోవడంపై విమర్శలు వెల్లువెత్తుతున్నాయి. ఎన్నికల నోటిఫికేషన్‌తో నిలిచిన ప్రక్రియ ఒకవైపు క్షేత్రస్థాయి పరిశీలన, ఆమోదం, డిమాండ్‌ నోటీసుల జారీ, కన్వీనియన్స్‌ డీడ్‌ల రిజిస్ట్రేషన్‌ ప్రక్రియ కొనసాగుతుండగా, మరోవైపు కలెక్టర్‌ లాగిన్‌లో మరో 3,500 దరఖాస్తులు పెండింగ్‌లో ఉండిపోయాయి. ఇదే సమయంలో 2023 అసెంబ్లీ ఎన్నికల నోటిఫికేషన్‌ రావడం, తర్వాత బీఆర్‌ఎస్‌ ఓటమి పాలై.. కాంగ్రెస్‌ అధికారంలోకి రావడం జరిగిపోయాయి. ప్రభుత్వ స్థలాల క్రమబద్ధీకరణలో పెద్ద ఎత్తున అవినీతి, అక్రమాలు చోటు చేసుకున్నట్లు ఆరోపణలు వెల్లువెత్తడంతో ప్రభుత్వం అప్పటికే క్రమబద్ధీకరించిన భూములను కూడా రద్దు చేస్తున్నట్లు ప్రకటించింది. మెజార్టీ లబ్ధిదారులు ప్రభుత్వానికి డబ్బులు కట్టి ఉండటంతో ఈ అంశంపై పునరాలోచనలో పడింది. జీఓ నంబర్‌ 59 కింద ఉన్న ఆక్రమిత భూముల దరఖాస్తులకు మోక్షం కల్పించనున్ననట్లు ఇటీవల ప్రకటించింది. ఇప్పటి వరకు జీఓకు సంబంధించిన యాప్‌ను ఓపెన్‌ చేయకపోవడంతో లబ్ధిదారుల్లో ఆందోళన మొదలైంది. జీఓ నంబర్‌ 59పై ప్రభుత్వంలో కదలిక దరఖాస్తులకు మోక్షం కల్పించాలని నిర్ణయం తెరుచుకోని ఆక్రమిత స్థలాల క్రమబద్ధీకరణ యాప్‌ పెండింగ్‌లో 3,500 అప్లికేషన్లు ఆందోళనలో దరఖాస్తుదారులు ప్రభుత్వ భూములను ఆక్రమించి, చేపట్టిన నిర్మాణాలను రెగ్యులరైజ్‌ చేసి, లబ్ధిదారులకు హక్కు పత్రాలను జారీ చేయాలని అప్పటి బీఆర్‌ఎస్‌ ప్రభుత్వం భావించింది. ఈ మేరకు 2022, 2023లో జీఓ నంబర్‌ 58 సహా 59ని తీసుకొచ్చింది. ఈ రెండు జీఓల కింద జిల్లా వ్యాప్తంగా 50 వేలకుపైగా దరఖాస్తులు అందాయి. క్షేత్రస్థాయి తనిఖీలతోపాటు దరఖాస్తుల పరిశీలన, ఆమోదం కోసం వివిధ విభాగాలకు చెందిన జిల్లా ఉన్నతాధికారులు, తహసీల్దార్‌, ఇరిగేషన్‌ అధికారులతో ప్రత్యేక బృందాలను ఏర్పాటు చేసింది. 2014 జూన్‌ 2కు ముందు 125 గజాలలోపు ఉన్న ఆక్రమిత భూముల్లోని నిర్మాణాలను జీఓ నంబర్‌ 58 కింద ప్రభుత్వమే ఉచితంగా క్రమబద్ధీకరించింది. ఇక ఆక్రమిత ఖాళీ స్థలాలను జీఓ నంబర్‌ 59 కింద స్థానిక సబ్‌ రిజిస్ట్రార్‌ మార్కెట్‌ విలువ ప్రకారం రెగ్యులరైజ్‌ చేయాలని ప్రకటించి, ఆ మేరకు అప్పట్లోనే కొంత మందికి డిమాండ్‌ నోటీసులు జారీ చేసింది. నిర్దేశించిన ఫీజుల చెల్లింపు తర్వాత కన్వీనియన్స్‌ డీడ్‌లను ఎస్‌ఆర్‌ఓలకు పంపి, ప్రభుత్వమే స్వయంగా ఆయా లబ్ధిదారుల పేరున రెగ్యులరైజ్‌ చేసింది.

హుడాకాంప్లెక్స్‌: సరూర్‌నగర్‌ ప్రభుత్వ జూనియర్‌ కళశాలలో ఇంటర్‌ చదువుతున్న విద్యార్థులు క్రీడల్లో సత్తా చాటారు. ఖేలో ఇండియా యూత్‌గేమ్స్‌లో భాగంగా సరూర్‌నగర్‌ స్టేడియంలో నిర్వహించిన పోటీల్లో ప్రతిభ కనబర్చారు. ఫుట్‌బాల్‌ అండర్‌–17 బాలుర విభాగంలో కె.లలిత్‌తేజ్‌, ఎస్‌.ఆకాష్‌ రాష్ట్రస్థాయిలో మొదటి స్థానంలో నిలవగా, అండర్‌–19 విభాగంలో పి.శరత్‌కుమార్‌, డి.గాంధీ, జి.ధోని, ప్రథమ స్థానంలో నిలిచారు. అండర్‌–19 బాలికల విభాగంలో బి.మధుప్రియ, బి.హరిణి తృతీయ స్థానంలో నిలిచారు. రగ్బీ అండర్‌–19 బాలికల విభాగంలో బి.హరిణి, బి.మధుప్రియ మొదటి స్థానంలో నిలవగా, అండర్‌ –19 బాలుర విభాగంలో డి.గాంధీ, ఆర్‌.ఇశాంత్‌, ఈ.పరమసింహతేజ రాష్ట్రస్థాయిలో ప్రథమ స్థానం దక్కించుకున్నారు. వీరిలో ఈ.పరమసింహతేజ, ఆర్‌.ఇషాంత్‌, లలిత్‌తేజ్‌ జాతీయ స్థాయి పోటీలకు ఎంపికయ్యారు. ఈ సందర్భంగా కళాశాల ప్రిన్సిపాల్‌ మాట్లాడుతూ.. విద్యార్థులకు చదువుతోపాటు క్రీడలు కూడా ముఖ్యమని అన్నారు. క్రీడలతో శారీరక, మానసిక ఉల్లాసం కలుగుతుందన్నారు. క్రీడాపోటీల్లో ప్రతిభ చాటిన విద్యార్థులను అభినందించారు. ప్రశంసాపత్రాలతో విద్యార్థులు

షాద్‌నగర్‌: కాలుష్యం బారి నుంచి కాపాడాలని డిమాం డ్‌చేస్తూ ఫరూఖ్‌నగర్‌ మండలం కందివనం గ్రామస్తులు మొగిలిగిద్ద శివారులో ఉన్న ఓం శివశక్తి స్పాంజ్‌ ఐరన్‌ పరిశ్రమ ఎదుట చేపట్టిన ధర్నా గురువారం రెండో రోజు కొనసాగింది. గ్రామస్తులతో పాటు విద్యార్థులు పెద్ద ఎత్తున పరిశ్రమ ఎదుట భైఠాయించారు. పరిశ్రమ విడుదల చేస్తున్న కాలుష్యంతో చౌలపల్లి, కందివనం, గుండెగానితండా, పిట్టలగడ్డతండా, మొగిలిగిద్ద గ్రామాలు మసకబారుతున్నాయని, రోగాల బారిన పడుతున్నామని గ్రామస్తులు వాపోయారు. తమ ప్రాణాలు, పర్యా వరణాన్ని కాపాడాల్సిన అధికారులు నిర్లక్ష్యంగా వ్యవహరిస్తున్నారని మండిపడ్డారు. పరిశ్రమ యజ మానులపై ఎందుకు చర్యలు చేపట్టడం ప్రశ్నించారు. పరిశ్రమను మూసి వేసే వరకు తమ పోరాటం ఆగదని స్పష్టం చేశారు. ధర్నాకు బీజేపీ రాష్ట్ర నాయకుడు పాలమూరు విష్ణువర్ధన్‌రెడ్డి సంఘీభావం తెలిపారు. కాగా స్పాంజ్‌ ఐరన్‌ పరిశ్రమను షాద్‌నగర్‌ ఆర్డీఓ సరిత, ఫరూఖ్‌నగర్‌ తహిసీల్దార్‌ నాగయ్య పరిశీలించారు. ఆందోళన చేస్తున్నవారితో మాట్లాడారు. పరిశ్రమ నిర్వాహకులతో మాట్లాడి వెంటనే ఉత్పత్తి పనులు నిలిపివేయాలని ఆదేశించారు. సమగ్ర పరిశీలన చేసి నివేదికను కాలుష్య నియంత్రణ మండలి అధికారులకు అందించాలన్నారు.

కడ్తాల్‌: యంగ్‌ ఎర్త్‌ లీడర్‌ 2025–26 వార్షిక పురస్కారాల ప్రదానోత్సవాన్ని ఈ నెల 31న (శనివారం) అన్మాస్‌పల్లి గ్రామ సమీపంలోని ఎర్త్‌ సెంటర్‌లో నిర్వహించనున్నట్లు సీజీఆర్‌ చైర్‌ పర్సన్‌ లీలా లక్ష్మారెడ్డి గురువారం ఒక ప్రకటనలో పేర్కొన్నారు. వేడుకలకు పాఠశాల విద్యాశాఖ డైరెక్టర్‌ నవీన్‌ నికోలస్‌, నాబార్డ్‌, సెబీ, ఎన్‌ఎస్‌ఈ–ఎస్‌ఎస్‌సీ సంస్థల ఉన్నతాధి కారులు, విద్యాశాఖ అధికారులు, పర్యావరణవేత్తలు హాజరుకానున్నట్లు తెలిపారు. ఈ సందర్భంగా రాష్ట్ర స్థాయిలో అత్యుత్తమ ప్రతిభ కనబర్చిన ఉత్తమ వైఈఎల్పీ పాఠశాలలు, ఉత్తమ మెంటర్స్‌ టీచర్స్‌, పర్యావరణ ఉపాధ్యాయులు, ఉత్తమ యంగ్‌ ఎర్త్‌ లీడర్స్‌ విద్యార్థులకు జ్ఞాపికలు, ప్రశాంసపత్రాలు అందించి సత్కరించనున్నట్లు చెప్పారు. ఇబ్రహీంపట్నం: టీఎన్‌జీఓ జిల్లా నూతన కార్యవర్గ సభ్యులు గురువారం స్పీకర్‌ గడ్డం ప్రసాద్‌కుమార్‌ను మర్యాద పూర్వకంగా కలుసుకున్నారు. ఈ సందర్భంగా శాలువా కప్పి సన్మానించారు. కార్యక్రమంలో సంఘం జిల్లా అధ్యక్షుడు ఊటు యశ్వంత్‌, ఉపాధ్యక్షుడు రంగయ్య, అసోసియేట్‌ ప్రెసిడెంట్‌ మాధవ్‌గౌడ్‌, ట్రైజరర్‌ ఆనంద్‌సింగ్‌, జిల్లా అర్బన్‌ ప్రెసిడెంట్‌ గోపాల్‌ నాయక్‌, ట్రెజరర్‌ గోపాల్‌, షాద్‌నగర్‌, రాజేంద్రనగర్‌ ఆమనగల్లు యూనిట్‌ నేతలు శ్రీనివాస శ్రీహరి, శ్రీలత, దార రాములు, అన్నపూర్ణ, శేఖర్‌, నగేష్‌ పాల్గొన్నారు. ఇబ్రహీంపట్నం: పోలీస్‌ అమరవీరుల సంస్మరణ వారోత్సవాల్లో భాగంగా ఇబ్రహీంపట్నం డివిజన్‌ పోలీసుల ఆధ్వర్యంలో గురువారం పట్టణంలో మెగా రక్తదాన శిబిరం నిర్వహించారు. శిబిరానికి ముఖ్యఅతిథిగా హాజరైన ఫ్యూచర్‌ సిటీ పోలీస్‌ కమిషనర్‌ తరుణ్‌జోషి స్వయంగా రక్తదానం చేసి సామాజిక బాధ్యతకు ఆదర్శంగా నిలిచారు. ఈ సందర్భంగా ఆయన మాట్లాడుతూ.. రక్తదానం ఆపదలో ఉన్నవారికి ప్రాణదానం అవుతుందన్నారు. మానవత్వంతో, సామాజిక సేవ కర్తవ్యంగా భావించి పలువురు విద్యార్థులు రక్తదా నం చేయడం అభినందనీయమన్నారు. పోలీ సు అధికారులతోపాటు సుమారు 350 మంది విద్యార్థులు రక్తదానం చేశారు. కార్యక్రమంలో మహేశ్వరం డీసీపీ కె.నారాయణరెడ్డి, ఇబ్రహీంపట్నం ఎస్‌హెచ్‌ఓ మహేందర్‌రెడ్డి, ట్రాఫిక్‌ ఎస్‌హెచ్‌ఓ జితేందర్‌రెడ్డి, డివిజన్‌ పరిధిలోని పోలీసు అధికారులు, సిబ్బంది పాల్గొన్నారు. మొయినాబాద్‌: నిరుద్యోగులు ప్రభుత్వంపై తీవ్ర వ్యతిరేకతతో ఉన్నారని.. వారిని బీఆర్‌ఎస్‌ వైపు తిప్పుకొని పట్టభద్రుల ఓటరు నమోదు చేయించాలని బీఆర్‌ఎస్‌ కార్మిక విభాగం రాష్ట్ర అధ్యక్షుడు రాంబాబుయాదవ్‌ అన్నారు. మున్సిపల్‌ కేంద్రంలోని అంజనాదేవి గార్డెన్‌లో గురువారం బీఆర్‌ఎస్‌ పార్టీ ఆధ్వర్యంలో పట్టభద్రుల ఎన్నికల సన్నాహక సమావేశం నిర్వహించారు. ఈ సందర్భంగా ఆయన మాట్లాడుతూ.. నిరుద్యోగులకు మాయమాటలు చెప్పి అధికారంలోకి వచ్చిన కాంగ్రెస్‌ ప్రభుత్వం, వారికి ఉద్యోగాలు కల్పించకుండా మోసం చేసిందన్నారు. నిరుద్యోగుల ఇంటింటికీ వెళ్లి ఓటరు నమోదు చేయించాలన్నారు. కార్యక్రమంలో పార్టీ రాష్ట్ర నాయకుడు కొంపల్లి అనంతరెడ్డి, మహిళా విభాగం జిల్లా అధ్యక్షురాలు స్వప్న, సర్పంచ్‌ రాజేందర్‌రెడ్డి, కృష్ణ, మాజీ సర్పంచ్‌ సుధాకర్‌యాదవ్‌, నాయకులు సురేందర్‌గౌడ్‌, తిరుపతిరెడ్డి, నర్సింహగౌడ్‌, ప్రభాకర్‌రెడ్డి, సునీల్‌, కిరణ్‌ తదితరులు పాల్గొన్నారు.

కందుకూరు: మండల పరిధిలోని లేమూరు సర్వే నంబర్‌ 102లోని 129 ఎకరాల భూమికి సంబంధించి భూసేకరణ కోసం గురువారం ఆర్డీఓ జగదీశ్వర్‌రెడ్డి ఆధ్వర్యంలో మండల పరిషత్‌ సమావేశపు హాల్‌లో భూసేకరణ కమిటీని ఏర్పాటు చేసి రైతులతో సమావేశం నిర్వహించారు. ఆ భూమిలో ప్రభుత్వం టీజీఐఐసీ ఆధ్వర్యంలో పారిశ్రామిక పార్కు ఏర్పాటు చేయనుంది. ఈ విషయమై అధికారులు, రైతుల మధ్య పరిహారం కోసం రెండో విడత చర్చలు నిర్వహించారు. ప్రభుత్వ ధర ప్రకారం ఎకరాకు రూ.1.32 కోట్ల పరిహారంతో పాటు అదనంగా ఎకరాకు 121 గజాల ప్లాటును కేటాయిస్తామని అధికారులు చెప్పారు. బహిరంగ మార్కెట్లో ఎకరా రూ.5 కోట్లు ఉందని, కనీసం రూ.2 కోట్లతో పాటు 2 ప్లాట్లు ఇవ్వాలని రైతులు కోరారు. రూ.1.35 కోట్లు ఇస్తామని అధికారులు తెలిపారు. కనీసం రూ.1.75 కోట్లు ఇవ్వాల్సిందేనని, లేనిపక్షంలో భూములిచ్చేదిలేదని రైతులు తేల్చి చెప్పారు. రైతుల అభిప్రాయాన్ని కలెక్టర్‌ దృష్టికి తీసుకెళ్తానని ఆర్డీఓ వారికి చెప్పి సమావేశాన్ని ముగించారు. కార్యక్రమంలో స్థానిక సర్పంచ్‌ ఎలుక మేఘనాథ్‌రెడ్డి, రెవెన్యూ, టీజీఐఐసీ అధికారులు పాల్గొన్నారు. పరిహారంపై తేల్చిచెప్పిన లేమూరు రైతులు

కడ్తాల్‌: తరచూ మద్యం తాగి వచ్చి వేధింపులకు గురిచేయడంతో ఓ గృహిణి ఉరి వేసుకుని ఆత్మహత్యకు పాల్పడింది. ఈ సంఘటన మండల పరిధిలోని మక్తమాధారంలో చోటు చేసుకుంది. సీఐ సైదిరెడ్డి తెలిపిన వివరాల ప్రకారం.. మక్తమాధారం గ్రామానికి చెందిన ఎగిరిశెట్టి ఆంజనేయులుకు పదేళ్ల క్రితం కేశంపేట మండలం చింతకుంటపల్లి గ్రామానికి చెందిన లావణ్య(29)తో వివాహం జరిగింది. వీరికి ఇద్దరు కుమారులు ఉన్నారు. నాలుగైదేళ్లుగా ఆంజనేయులు నిత్యం మద్యం తాగి వచ్చి భార్యను వేధింపులకు గురిచేసేవాడు. ఈ విషయమై పలుమార్లు పెద్దల సమక్షంలో పంచాయితీలు పెట్టినా మార్పు రాలేదు. ఈ క్రమంలో బుధవారం రాత్రి మరోసారి మద్యం తాగి వచ్చిన ఆంజనేయులు భార్యతో గొడవపడ్డాడు. గురువారం ఉదయం మరోసారి ఆమెతో వాగ్వాదానికి దిగాడు. దీంతో మనోవేదనకు గురైన లావణ్య ఇద్దరు కుమారులను పాఠశాలకు పంపి ఇంట్లో ఎవరూ లేని సమయంలో చీరతో ఉరేసుకుని ఆత్మహత్మకు పాల్పడింది. పాఠశాల నుంచి మధ్యాహ్నం ఇంటికి వచ్చిన పిల్లలు తల్లిని చూసి బోరుమన్నారు. స్థానికులు వెంటనే పోలీసులకు సమాచారం అందించారు. పోలీసులు ఘటనా స్థలానికి చేరుకుని వివరాలు సేకరించారు. మృతదేహాన్ని పోస్టుమార్టం నిమిత్తం కల్వకుర్తి ప్రభుత్వ ఆస్పత్రికి తరలించారు. మృతురాలి తల్లి సుగుణమ్మ ఫిర్యాదు మేరకు కేసు నమోదు చేసుకుని దర్యాప్తు జరుపుతున్నారు. మందు లేక వికారాబాద్‌కు తరలింపు బొంరాస్‌పేట: పాముకాటుకు గురైన వ్యక్తిని కుటుంబ సభ్యులు కొడంగల్‌ ఆస్పత్రికి తీసుకరాగా మందు లేకపోవడంతో వికారాబాద్‌ ఆస్పత్రికి తరలించారు. ఈ ఘటన గురువారం ఉదయం చోటుచేసుకుంది. వివరాలు ఇలా ఉన్నాయి.. బొంరాస్‌పేట మండలం నాందార్‌పూర్‌కు చెందిన చోటే మియా పాముకాటుకు గురయ్యాడు. కుటుంబ సభ్యులు వెంటనే కొడంగల్‌లోని ప్రభుత్వాస్పత్రికి తరలించారు. అక్కడ మందు లేకపోవడంతో వికారాబాద్‌కు తరలించారు. ప్రస్తుతం జిల్లా ఆస్పత్రిలో చికిత్స పొందుతున్నాడు. విషయం తెలుసుకున్న సర్పంచ్‌ లక్ష్మి, వార్డు సభ్యుడు శేఖర్‌ ఆస్పత్రికి వెళ్లి చోటేమియాను పరామర్శించారు. మెరుగైన వైద్యం అందించాలని డాక్టర్లను కోరారు. జిల్లా వైద్యాధికారులు స్పందించి కొడంగల్‌ ఆస్పత్రిలో పాముకాటు మందును అందుబాటులో ఉంచా లని సూచించారు.

కొడంగల్‌: నియోజకవర్గ పరిధిలోని దుద్యాల మండలంలో జరుగుతున్న అభివృద్ధి పనులు జనం దృష్టిని ఆకర్శిస్తున్నాయి. జిల్లా వ్యాప్తంగా హకీంపేట అభివృద్ధికి కేరాఫ్‌ అడ్రస్‌గా మారింది. మండలంని లగచర్ల, పోలేపల్లి, హకీంపేట గ్రామాల్లో వందల కోట్ల రూపాయలతో వివిధ పనులకు శ్రీకారం చుట్టారు. సమీప భవిష్యత్తులో ప్రజలకు ఏ అవసరం వచ్చినా హకీంపేట ఎడ్యూకేషన్‌ హబ్‌కు వచ్చేలా తీర్చిదిద్తుతున్నారు. ముఖ్యమంత్రి రేవంత్‌రెడ్డి ప్రత్యేక దృష్టి సారించి పనులు చేయిస్తున్నారు. మెడికల్‌ కళాశాల, ప్రభుత్వ జనరల్‌ ఆసుపత్రి, నర్సింగ్‌, పారా మెడికల్‌, ఫిజియోథెరపీ, మహిళా డిగ్రీ కళాశాల, ఇంజనీరింగ్‌ కళాశాల, హాస్టల్‌ భవనాలు, సైనిక్‌ స్కూల్‌, యంగ్‌ ఇండియా ఇంటిగ్రేటెడ్‌ స్కూల్‌, ఫైర్‌ స్టేషన్‌, ఏటీసీ, స్కిల్‌ యూనివర్సిటీ, ఇలా ఒకటా రెండా అనేక రకాల భవనాలు, మౌలిక సదుపాయాలు, ప్రభుత్వ కార్యాలయాలు నిర్మిస్తున్నారు. హకీంపేట, లగచర్ల, పోలేపల్లితో పాటు పరిసర తండాల పరిధిలో సుమారు 1,300 ఎకరాల విస్తీర్ణలో ఎడ్యూకేషన్‌ హబ్‌, పారిశ్రామిక వాడ ఏర్పాటు చేస్తున్నారు. ప్రారంభానికి సిద్ధం దుద్యాల మండలంలో పలు భవనాల నిర్మాణాలు చివరి దశకు చేరుకున్నాయి. దుద్యాల గ్రామ శివారులో రూ.8.5 కోట్లతో నిర్మించిన మండల సమీకృత భవనం, హకీంపేట్‌ జిల్లా పరిషత్‌ ఉన్నత పాఠశాల ఆవరణంలో రూ.4.6 కోట్లతో నిర్మించిన సమీకృత విద్యాలయాల భవన నిర్మాణం, దుద్యాల గేట్‌ సమీపంలో జాతీయ రహదారి పక్కన నిర్మించిన పోలీస్‌ స్టేషన్‌ భవన నిర్మాణం పూర్తి కావచ్చింది. త్వరలో సీఎం చేతుల మీదుగా ప్రారంభించే అవకాశం ఉందని కాంగ్రెస్‌ పార్టీ మండల నాయకులు చెబుతున్నారు.

ఇబ్రహీంపట్నం: అనుమతిలేని నిర్మాణాలు, ఫుట్‌పాత్‌ ఆక్రమణలపై మున్సిపల్‌ అధికారులు ఉక్కుపాదం మోపారు. పోలీసుల సహకారంతో గురువారం మున్సిపల్‌ సిబ్బంది గురునానక్‌ విద్యాసంస్థ సమీపంలోని టీచర్స్‌ కాలనీలో అనుమతులకు మించి నిర్మించిన భవనాలను కొంత భాగం కూల్చివేశారు. మంచాల రోడ్డులో ఫుట్‌పాత్‌ ఆక్రమణలను తొలగించారు. ఈ సందర్భంగా మున్సిపల్‌ సిబ్బందితో కొందరు వాగ్వాదానికి దిగారు. ఫుట్‌పాత్‌లను ఆక్రమించడం, అనుమతులు లేకుండా ఇష్టానుసారంగా భవన నిర్మాణాలు చేపట్టడం చేసే ఊరుకునే ప్రసక్తే లేదని మున్సిపల్‌ కమిషనర్‌ సుదర్శన్‌ హెచ్చరించారు. ఫుట్‌ పాత్‌లను ఆక్రమించి ట్రాఫిక్‌కు అంతరాయం కలిగిస్తే సహించేదిలేదన్నారు. అక్రమ నిర్మాణాల తొలగింపు కార్యక్రమం కొనసాగుతుందని స్పష్టం చేశారు.

యాచారం: నిబంధనలకు విరుద్ధంగా భారీగా నిల్వ ఉంచిన బాణసంచాను పోలీసులు స్వాధీనం చేసుకున్నారు. వివరాలివీ.. మండల పరిధిలోని మాల్‌లో కొమ్మటిశెట్టి పురుషోత్తం తన ఇంట్లో భారీగా బాణసంచాను నిల్వ ఉంచినట్లు పోలీసులకు సమాచారం అందింది. గురువారం రంగంలోకి దిగి ఆకస్మికంగా దాడి చేసి ఇంట్లో అక్రమంగా నిల్వ ఉంచిన బాణసంచా బాక్స్‌లను స్వాధీనం చేసుకున్నారు. పురుషోత్తంను అరెస్టు చేశారు. కేసు నమోదు చేసి దర్యాప్తు చేస్తున్నట్లు సీఐ నందీశ్వర్‌రెడ్డి తెలిపారు. యాలాల: మూర్ఛ వ్యాధితో కిందపడిన ఓ వ్యక్తి మృతి చెందాడు. ఈ ఘటన మండలంలోని దౌలాపూర్‌ శివారులో బుధవారం జరిగింది. ఎస్‌ఐ విఠల్‌రెడ్డి తెలిపిన వివరాల ప్రకారం.. తాండూరుకు చెందిన రాముగౌడ్‌(47)కు మతిస్థిమితం సరిగ్గా లేదు. దీనికితోడు మూర్ఛ వ్యాధితో బాధపడుతున్నాడు. ఈనెల 26న తాండూరు ప్రభుత్వ ఆస్పత్రిలో చికిత్స నిమిత్తం చేర్పించగా, ఎవరికి చెప్పకుండా వెళ్లిపోయాడు. దీంతో అతని భార్య జ్యోతి తాండూరు పట్టణ పోలీస్‌ స్టేషన్‌లో మంగళవారం ఫిర్యాదు చేసింది. బుధవారం ఉదయం దౌలాపూర్‌ శివారులో గుర్తు తెలియని వ్యక్తి చనిపోయాడని తెలుసుకున్న కుటుంబ సభ్యులు మృతదేహాన్ని గుర్తు పట్టారు. మృతుడికి మూర్ఛ వ్యాధి ఉండటంతో కిందపడి చనిపోయి ఉంటాడని జ్యోతి యాలాల పోలీసులకు తెలిపింది. ఈ మేరకు కేసు నమోదు చేసి ర్యాప్తు చేస్తున్నట్లు ఎస్‌ఐ తెలిపారు. యాలాల: బైక్‌ను సిమెంటు ట్యాంకర్‌ ఢీకొన్న ఘటనలో ఓ వ్యక్తి అక్కడికక్కడే మృతి చెందాడు. ఈ ఘటన మండలంలోని దౌలాపూర్‌ సమీపంలో బుధవారం జరిగింది. ఎస్‌ఐ విఠల్‌రెడ్డి కథనం ప్రకారం.. మండలంలోని పగిడియాల గ్రామానికి చెందిన సతీష్‌(23) పని నిమిత్తం కొడంగల్‌కు వెళ్లి మధ్యాహ్నం బైక్‌పై తిరిగి వస్తున్నాడు. ఈ క్రమంలో దౌలాపూర్‌ సమీపంలోకి రాగానే ఎదురుగా వేగంగా.. అజాగ్రత్తగా వస్తున్న సిమెంటు ట్యాంకర్‌ ఢీకొంది. ఈ ఘటనలో సతీష్‌ తీవ్ర గాయాలతో అక్కడికక్కడే మృతి చెందాడు. మృతుడి భార్య సుమలత ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్‌ఐ తెలిపారు. దౌల్తాబాద్‌: ఎల్‌నినో ప్రభావంతో భూగర్భ జలమట్టం తగ్గిపోయిందని ఎవరూ బోర్లు వేయరాదని, ఒకవేళ వేస్తే కఠిన చర్యలు ఉంటాయని కడా ప్రత్యేక అధికారి వెంకట్‌రెడ్డి హెచ్చరించారు. గురువారం దౌల్తాబాద్‌లో ఎంపీడీఓ ఉసెనప్ప అధ్యక్షతన మండల సమీక్ష సమావేశం జరిగింది. ఈ సందర్భంగా ఆయన మాట్లాడుతూ.. వచ్చే ఏడాది జూన్‌ వరకు ఎల్‌నినో ప్రభావం ఉంటుందన్నారు. రైతులు ఆరుతడి పంటలు వేసుకోవాలని సూచించారు. ప్రజలు నీటిని పొదుపుగా వాడుకోవాలన్నారు. ఇంకుడు గుంతలు, ఫాంపాండ్స్‌, రీచార్జ్‌ పిట్స్‌ నిర్మించుకోవాలని తెలిపారు. మండలంలో దెబ్బతిన్న రైతు వేదికల వివరాలు తెలియజేస్తే వాటి బాగుకు నిధులు మంజూరయ్యేలా చూస్తామన్నారు. ధాన్యం కొనుగోలు చేపట్టాలని సర్పంచ్‌లు కోరగా.. రెండు మూడు రోజుల్లో ప్రారంభిస్తామని ఏఓ తులసి తెలిపారు. గ్రామాల్లో విద్యుత్‌ సమస్యలు ఉన్నాయని, పాత తీగలతో ఇబ్బందులు పడుతున్నామని సర్పంచులు తెలపగా వాటిని సరిచేసేందుకు ప్రతిపాదనలు సిద్ధం చేయాలని ఏఈ మహిపాల్‌కు సూచించారు. వీబీజీరామ్‌జీ పథకం కింద గ్రామాల్లో పశుగ్రాసం పెంచేందుకు, పశువుల నీటితొట్లు నిర్మించేందుకు చర్యలు తీసుకోవాలని పశువైద్యాఽధికారిణి వరలక్ష్మి చెప్పారు. గ్రామాల్లో పెండింగ్‌లో ఉన్న పీఆర్‌, ఆర్‌అండ్‌బీ రోడ్లను వెంటనే పూర్తి చేయాలని కడా అధికారి ఆదేశించారు. వచ్చే నెల 7నుంచి 9వ తేదీ వరకు నియోజకవర్గంలోని హకీంపేటలో ప్రభుత్వం రాష్ట్రస్థాయి రైతుమేళా నిర్వహించనున్నట్లు తెలిపారు. ఈ కార్యక్రమాన్ని విజయవంతం చేయాలని కోరారు. కార్యక్రమంలో మండల ప్రత్యేకాధికారి సురేష్‌బాబు, ఏఈలు, సర్పంచులు తదితరులు పాల్గొన్నారు.

తాండూరు: తాండూరు కందిపప్పు అంతర్జాతీయ మార్కెట్‌లోకి అగుడు పెట్టింది. తెలంగాణలో భౌగోళిక గుర్తింపు(జీఐ) పొందిన తొలి వ్యవసాయ ఉత్పత్తిగా నిలిచింది. ఈ గుర్తింపు లభించిన నాలుగేళ్ల తర్వాత విదేశీ మార్కెట్‌లో వాణిజ్య పరమైన అవకాశాలు అందివచ్చాయి. తాజాగా ఆస్ట్రేలియాకు 2.5 మెట్రిక్‌ టన్నులు ఎగుమతి అయ్యాయి. దీంతో స్థానిక వ్యవసాయ ఉత్పత్తికి అంతర్జాతీయ స్థాయిలో కీలక ముందడుగు పడింది. హైదరాబాద్‌కు చెందిన దుర్గా ఎక్స్‌పోర్ట్‌ అండ్‌ ఇంపోర్ట్‌ సంస్థ అమ్మాస్‌ బ్రాండ్‌ పేరుతో ఈ సరుకును ఎగుమతి చేస్తోంది. ఆస్ట్రేలియాకు చెందిన భారతమ్మ పీటీపై లిమిటెడ్‌ సంస్థ దిగుమతి చేసుకుంటుండగా, వ్యవసాయ ఉత్పత్తుల ఎగుమతి అభివృద్ధి సాధికార సంస్థ (అపెడా) సహకారం అందిస్తోంది. 2022లో జీఐ గుర్తింపు తాండూరు కంది పప్పునకు 2022 డిసెంబర్‌ 6న భౌగోళిక గుర్తింపు లభించగా, అదే నెల 14న కేంద్ర ప్రభుత్వం అధికారికంగా ప్రకటించింది. తెలంగాణ నుంచి జీఐ హోదా పొందిన తొలి వ్యవసాయ ఉత్పత్తిగా ప్రత్యేకతను సంతరించుకుంది. ఒక నిర్ధిష్ట భోగోళిక ప్రాంతంలో ఉత్పత్తి అయ్యే వస్తువుకు దాని ప్రత్యేక నాణ్యత, ఖ్యాతి, ప్రాంతీయ లక్షణాల ఆధారంగా జీఐ గుర్తింపు ఇస్తారు. ఈ హోదా తాండూరు కంది పప్పునకు ప్రత్యేక గుర్తింపు తెచ్చింది. ఇతర ప్రాంతాల ఉత్పత్తుల నుంచి దీనిని వేరు చేసి మార్కెట్‌ చేసుకునే అవకాశాన్ని అందించింది. సున్నపురాయి నేలలు అనుకూలం తాండూరు, బషీరాబాద్‌, పెద్దేముల్‌, యాలాల మండలాల్లో కంది ప్రధాన పంటగా సాగవుతోంది. కాగ్నా నది పరీవాహక ప్రాంతంలోని వ్యవసాయ భూముల్లో ఈ పంటకు ప్రాధాన్యత ఉంది. ఇక్కడి నల్లరేగడి నేలలు సున్నపు రాయి నిక్షేపాలు, అటాపులైట్‌ ఖనిజంతో కూడిన భౌగోళిక పరిస్థితులు ఈ ప్రాంతానికి ప్రత్యేకతను తీసుకొచ్చాయి. కందుల నాణ్యత నేలలతో పాటు వాతావరణం, సాగు పద్ధతులు కూడా ప్రభావం చూపుతాయి. తాండూరు కంది పప్పులో సుమారు 22 నుంచి 24 శాతం ప్రొటీన్లు, పప్పు రుచికరంగా ఉండటంతో పాటు త్వరగా ఉడికే గుణం, పంటలో అనుకూలత ప్రత్యేక ఆకర్షణగా నిలుస్తాయి. ఈ లక్షణాలే స్థానిక వినియోగదారులతో పాటు ఇతర ప్రాంతాల మార్కెట్లలోనూ దీనికి గుర్తింపు తీసుకొచ్చాయి. వ్యక్తిగత పార్సిళ్ల నుంచి విదేశీ స్థాయికి.. ఇక్కడి కంది పప్పును విదేశాల్లో నివసించే తెలంగాణ ప్రాంత వాసులకు వారి కుటుంబ సభ్యులు పంపుతుంటారు. ఇప్పుడు పెద్ద మొత్తంలో విదేశాలకు ఎగుమతి చేసే అవకాశం లభించింది. ఆస్ట్రేలియాకు తొలి విడతలో 2.5 మెట్రిక్‌ టన్నులు ఎగుమతి కావడం ఈ మార్పునకు నిదర్శనం. అక్కడి మార్కెట్‌లో ఈ ఉత్పత్తికి లభించే ఆదరణను బట్టి భవిష్యత్తులో మరిన్ని ఆర్డర్లు వచ్చే అవకాశం ఉంది. రైతులకు ప్రయోజనం శూన్యమేనా..? తాండూరు కందిపప్పు విదేశాలకు ఎగుమతి కావడం ఈ ప్రాంతానికి గర్వకారణమే అయినప్పటికీ, దాని ద్వారా స్థానిక రైతులకు ఎంత మేర ప్రయోజనం చేకూరుతుందనేది కీలక అంశం. అంతర్జాతీయ మార్కెట్‌లో డిమాండ్‌ పెరిగినా, ఆ ప్రభావం రైతులు విక్రయించే కందుల ధరల్లో ప్రతిఫలించాలి. రైతులకు గిట్టుబాటు ధర, మార్కెట్‌ సమాచారం నాణ్యత ప్రమాణాలపై అవగహన కల్పించడంతో పాటు రైతు ఉత్పత్తిదారుల సంఘాలు, మిల్లర్లు, వ్యాపారులు, ఎగుమతిదారుల మధ్య సమన్వయం ఏర్పరిచేలా ప్రభుత్వం చొరవ చూపాలి. మరోవైపు కందుల శుద్ధి, నాణ్యత పరీక్షలు, నిల్వలు, ప్యాకేజింగ్‌, రవాణా వంటి అంశాల్లో మెరుగైన సదుపాయాలు అందుబాటులోకి వస్తే ఎగుమతులను నిరంతరం కొనసాగించవచ్చు. అంతర్జాతీయ మార్కెట్‌ అవసరాలకు అనుగుణంగా సరఫరా చేయగలిగితే తాండూరు కందిపప్పుకు మరిన్ని దేశాల్లో మార్కెట్‌ అవకాశాలు ఏర్పడతాయి. ప్రత్యేక బ్రాండ్‌గా.. తాండూరు కంది పప్పును అంతర్జాతీయ మార్కెట్‌లో ప్రత్యేక బ్రాండ్‌గా నిలబెట్టేందుకు కృషి చేస్తున్నాం. ఆస్ట్రేలియాతో పాటు మరిన్నీ దేశాలకు ఎగుమతి అయ్యేలా చూస్తాం. స్థానికంగా మార్కెటింగ్‌, ప్రాసెసింగ్‌, ఎగుమతులను ప్రోత్సహిస్తాం. – మనోహర్‌రెడ్డి, ఎమ్మెల్యే, తాండూరు

షాద్‌నగర్‌: కన్న కూతురుని హత్య చేసిన కేసులో పోలీసులు తల్లిని అరెస్టు చేసి రిమాండ్‌కు తరలించారు. పట్టణంలోని డీసీపీ కార్యాలయంలో గురువారం డీసీపీ శిరీష వివరాలు వెల్లడించారు. కొత్తూరు పోలీస్‌స్టేషన్‌ పరిధిలోని హనుమాన్‌ కాలనీకి చెందిన ముయ్యాదిరాజు, విజయలక్ష్మి దంపతులు. వారి కుమార్తె సువర్ణ అలియాస్‌ లవ్లీ స్థానిక ప్రభుత్వ ఉన్నత పాఠశాలలో తొమ్మిదో తరగతి చదువుతోంది. ఫోన్‌లో ఎక్కువ మాట్లాడటం, చెప్పిన మాట వినకపోవడంతో తల్లీకూతుళ్ల మధ్య తరచూ గొడవలు జరుగుతుండేవి. ఈ నేపథ్యంలో ఈనెల 27న సాయంత్రం మరోసారి గొడవ జరిగింది. ఆగ్రహనికి గురైన తల్లి కూతురు గొంతు నులిమి చంపింది. ఆత్మహత్యగా చిత్రీకరించేందుకు చీరతో ఉరి వేసుకున్నట్లు కనిపించేలా మెడకు చీరను బిగించింది. ఏమీ తెలియనట్లు కూరగాయాలకు వెళ్లింది. తిరిగి వచ్చి తన కూతురు ఆత్మహత్య చేసుకుందని కేకలు వస్తూ విలపించింది. కేసు నమోదు చేసిన పోలీసులు తమదైన శైలిలో విచారించగా నేరం అంగీకరించింది. దీంతో విజయలక్ష్మిని అరెస్టుచేసి రిమాండ్‌కు తరలించారు. కేసును ఛేదించడంలో కీలక పాత్ర పోషించిన పోలీసులను డీసీపీ అభినందించారు. నేరాల నియంత్రణకు పటిష్ట చర్యలు కొందుర్గు: నేరాలను నియంత్రించేందుకు పోలీసుశాఖ పటిష్ట చర్యలు చేపట్టిందని డీసీపీ శిరీష అన్నారు. మండల కేంద్రంలోని పోలీస్‌స్టేషన్‌ను గురువారం సందర్శించి పోలీస్‌స్టేషన్‌ పనితీరు, సిబ్బంది విధులు, రికార్డులను పరిశీలించారు. అనంతరం సిబ్బందితో సమావేశమయ్యారు. గంజాయి అక్రమ రవాణా, విక్రయాలు, వినియోగాన్ని అరికట్టడంతో పాటు నేరాలను నియంత్రిచేందుకు చర్యలు తీసుకోవాలని ఆదేశించారు. ఫిర్యాదుదారులతో మర్యాదగా నడుచుకోవాలని సూచించారు. సైబర్‌ మోసాలపై అవగాహన కల్పించాలన్నారు. సమావేశంలో ఎస్‌హెచ్‌ఓ వరప్రసాద్‌, ఏఎస్‌ఐ ఛత్రియా, హెడ్‌కానిస్టేబుల్‌ శ్రీనివాస్‌ తదితరులు పాల్గొన్నారు. వీడిన బాలిక హత్యకేసు మిస్టరీ మాట వినడం లేదని కన్న కూతురిని అంతమొందించిన తల్లి వివరాలు వెల్లడించిన డీసీపీ శిరీష

ఆమనగల్లు: గ్రామీణ ప్రాంతాల్లోని ప్రజలకు మెరుగైన వైద్యసేవలు అందించాలని జిల్లా వైద్యాధికారి డా.కళ్యాణ్‌ చక్రవర్తి అన్నారు. పట్టణంలోని ప్రభుత్వ ఆస్పత్రిని గురువారం ఆకస్మికంగా తనిఖీ చేశారు. ఈ సందర్భంగా హాజరు రిజిస్టర్‌, వివిధ రికార్డులను పరిశీలించారు. మందుల నిల్వలను తనిఖీ చేశారు. ఈ సందర్భంగా ఆయన మాట్లాడుతూ.. వైద్యసిబ్బంది విధి నిర్వహణలో నిర్లక్ష్యం వహిస్తే చర్యలు తీసుకుంటామని హెచ్చరించారు. అనంతరం నూతనంగా నిర్మిస్తున్న ఆస్పత్రి భవనాన్ని పరిశీలించారు. ఈ కార్యక్రమంలో వైద్యులు నాగరాజు, ఊర్మిల, సిబ్బంది తిరుపతిరెడ్డి, వేణు, చంద్రశేఖర్‌రెడ్డి, రాణి, శ్రీను, దేవేందర్‌ తదితరులు పాల్గొన్నారు

షాద్‌నగర్‌రూరల్‌: పట్టణంలోని కమ్యూనిటీ హెల్త్‌ సెంటర్‌ (సీహెచ్‌సీ)కు కాయకల్ప పురస్కారం లభించింది. పరిశుభ్రత, పారిశుద్ధ్య నిర్వహణ, రోగులకు సురక్షితమైన వైద్య సేవలు వంటి అంశాలను పరిగణనలోకి తీసుకుని ప్రభుత్వం పురస్కారాన్ని ప్రకటించింది. ఈ మేరకు గురువారం ఎమ్మెల్యే వీర్లపల్లి శంకర్‌ ఆస్పత్రి సిబ్బందిని అభినందించి పురస్కారాలు అందజేశారు. వైద్యులు, సిబ్బంది సమష్టి కృషితో ఆస్పత్రికి గుర్తింపు రావడం అభినందనీయమని అన్నారు. కార్యక్రమంలో వైద్యులు మాధవి, స్వాతి, మున్సిపల్‌ చైర్మన్‌ అగ్గనూర్‌ బస్వం, అరుంధతి, లక్ష్మణ్‌, మహ్మద్‌ అలీఖాన్‌ పాల్గొన్నారు.

యాచారం: భారత్‌ ఫ్యూచర్‌సిటీని సర్కార్‌ ఎంతో ప్రతిష్టాత్మకంగా నిర్మిస్తోంది. అందులో భాగంగా ఎఫ్‌సీడీఏ (ఫ్యూచర్‌సిటీ డెవలప్‌మెంట్‌ అథారిటీ) ప్రత్యేక మాస్టర్‌ ప్లాన్‌–2047ను రూపొందిస్తోంది. అందు కోసం పక్షం రోజుల పాటు డ్రోన్‌, శాటిలైట్‌ సర్వే చేపట్టింది. ఎఫ్‌సీడీఏ పరిధిలోని ఏడు మండలాలు 71 రెవెన్యూ గ్రామాలు, 873 చదరపు కిలోమీటర్ల పరిధిలో సర్వే చేపట్టారు. పది ప్రత్యేక బృందాలు, రాత్రి, పగలు తేడా లేకుండా డ్రోన్‌, శాటిలైట్‌ సర్వే చేపట్టారు. ప్రతి గ్రామంలో నాలుగు గుర్తులేసి (మార్కింగ్‌) శాటిలైట్‌, డ్రోన్‌ సర్వే పూర్తి చేశారు. మొదట్లో గ్రామాల్లో శాటిలైట్‌, డ్రోన్‌ సర్వే కోసం మార్కింగ్‌లు వేస్తుండగా ప్రజల్లో ఆందోళన మొదలైంది. రోడ్లు నిర్మిస్తున్నారా.. బులెట్‌ రైల్‌ మార్గామా.. లేక మరేదైనా నిర్మిస్తున్నారా అని భయం పట్టుకుంది. సర్వే చేపట్టే సిబ్బంది కూడా సరైన సమాచారం ఇవ్వకపోవడం, గ్రామాల్లో మార్కింగ్‌ ఎప్పుడు వేసి వెళ్తున్నారో తెలియక అయోమయం చెందారు. రెండు హైవేల మధ్య.. సర్కార్‌ శ్రీశైలం–నాగార్జునసాగర్‌ హైవేల మధ్యన శంషాబాద్‌ అంతర్జాతీయ విమానాశ్రయానికి దగ్గరలో భారత్‌ ఫ్యూచర్‌సిటీని నిర్మిస్తోంది. గత బీఆర్‌ఎస్‌ సర్కార్‌ ఫార్మాసిటీ కోసం సేకరించిన 14 వేల ఎకరాల్లో మల్టీ మోడల్‌ కనెక్టివిటీ, ఆధునిక పట్టణ సౌకర్యాలు, రేడియల్‌ రోడ్డు, మెట్రో కనెక్టివిటీ, ఇతర భవిష్యత్తు ప్రాజెక్టుల నిర్మాణం కోసం నిర్ణయించడం తెలిసిందే. 14 వేల ఎకరాల భూముల్లోనే కాకుండా తాజాగా యాచారం మండలంలోని మొండిగౌరెల్లి, కొత్తపల్లి, నందివనపర్తి, నస్దిక్‌సింగారం, చింతపట్ల తదితర గ్రామాల్లోని దాదాపు మరో ఐదు వేల ఎకరాల అసైన్డ్‌, పట్టా భూమిని సేకరించడానికి సర్కార్‌ శరవేగంగా పావులు కదుపుతోంది. మొండిగౌరెల్లి, కొత్తపల్లి గ్రామాల్లో అసైన్డ్‌ భూమి సేకరణకు ఇప్పటికే నోటిఫికేషన్లు వేసిన సర్కార్‌ మిగితా గ్రామాల్లో భూసేకరణ కోసం నోటిఫికేషన్లు వేయడానికి సిద్ధం అవుతున్నట్లు తెలిసింది. నివేదిక ప్రభుత్వానికి అందజేత ఎఫ్‌సీడీఏ పరిధిలో చేపట్టిన డ్రోన్‌, శాటిలైట్‌ సర్వే నివేదికను ఇటీవల సంబంధిత ప్రాజెక్టు ప్రతినిధుల బృందం సర్కార్‌కు అందజేసినట్లు తెలిసింది. ప్రత్యేక మాస్టర్‌ ప్లాన్‌–2047 ప్రకారం ఎఫ్‌సీడీఏలోని గ్రామాల్లో ఎంత జనాభా పెరిగే అవకాశం ఉంటుంది.. ఏ మేర కు అభివృద్ధి పనులు చేపట్టాలి.. భవిష్యత్తు నగరి కోసం ఏ మేరకు సౌకర్యాలు కల్పించాలనే దానిపై నివేదిక అందజేసినట్లు సమాచారం. ఎఫ్‌సీడీఏ సమగ్ర మాస్టర్‌ ప్లాన్‌– 2047తో ఈ ప్రాంతం ఊహించని విధంగా అభివృద్ధి చెందుతుందని ప్రజల్లో విశ్వాసం నెలకొంది. అదే తరహాలో పన్నుల రేట్లు అధికంగా పెరిగే అవకాశం లేకపోలేదని చర్చించుకుంటున్నారు. ఏడు మండలాలు, 71 రెవెన్యూ గ్రామాల్లో డ్రోన్‌, శాటిలైట్‌ సర్వే పక్షం రోజులుగా పది ప్రత్యేక బృందాలతో పూర్తి ప్రభుత్వానికి నివేదించిన ప్రతినిధుల బృందం?

తాండూరు రూరల్‌: ఎల్‌నినోను దృష్టిలో ఉంచుకొని ప్రభుత్వం పశువుల తాగునీటిపై ప్రత్యేక దృష్టి సారించిందని జిల్లా పశువైద్యాధికారి డాక్టర్‌ సదానందం తెలిపారు. గురువారం తాండూరులోని ఏడీఏ కార్యాలయంలో ఆయన మాట్లాడారు. వీబీజీరామ్‌జీ పథకం కింద జిల్లాలో వెయ్యి పశువుల నీటితొట్ల నిర్మించనున్నట్లు తెలిపారు. ఒక్కో నిర్మాణానికి రూ.35 వేలు చెల్లించనున్నట్లు చెప్పారు. మరో 500 నీటి తొట్లకు మరమ్మతులు చేయనున్నట్లు వివరించారు. జిల్లాలో 1.30 లక్షల ఎకరాల్లో వరి, జొన్న, కంది, మొక్క జొన్న పంటలు సాగు చేసినట్లు తెలిపారు. ఎల్‌నినో కారణంగా కేవలం 50 శాతం దిగుబడి మాత్రమే వచ్చిందన్నారు. ఇది పశుగ్రాసంపై తీవ్ర ప్రభావం చూపుతుందని పేర్కొన్నారు. చెరువులు, కుంటల్లో నీరు తగ్గి పశువుల తాగేనీటికి ఇబ్బందులు తలెత్తే అవకాశం ఉందన్నారు. ఈ సమస్య పరిష్కారానికి ప్రభుత్వం చర్యలు చేపట్టిందని తెలిపారు. రైతులు పొలంలో కొంత భూమిని పశుగ్రాసం సాగుకు కేటాయించాలని సూచించారు. త్వరలో ఎకరాకు పది కిలోల గడ్డి విత్తనాలు పంపిణీ చేస్తామని చెప్పారు. అంతేకాకుండా సాగు ఖర్చుల కోసం ప్రభుత్వం రూ.14 వేలు చెల్లిస్తుందని తెలిపారు. రైతులు భయాందోళనకు గురికారాదన్నారు. ఎవ రూ పశువులను అమ్ముకోరాదని సూచించారు. మూగజీవాల తాగునీటిపై ప్రత్యేక శ్రద్ధ

అదనపు కలెక్టర్‌ డాక్టర్‌ కిరణ్మయి ఇబ్రహీంపట్నం రూరల్‌: గ్రామీణ కూలీలు, రైతులకు వీబీజీరామ్‌జీ కింద పనులు కల్పించాలని, పెండింగ్‌ పనులను వేగవంతం చేయాలని అదనపు కలెక్టర్‌ డాక్టర్‌ కిరణ్మయి బుధవారం జిల్లా అధికారులకు సూచించారు. ఎల్‌నినో పరిస్థితులను సమర్థవంతంగా ఎదుర్కొనేందుక అవసరమైన చర్యలు చేపట్టాలన్నారు. అంతకుముందు రాష్ట్ర పంచాయతీరాజ్‌ శాఖ మంత్రి సీతక్క, సెర్ప్‌ సీఈఓ దివ్య దేవరాజన్‌, ప్రభుత్వ ప్రత్యేక ప్రధాన కార్యదర్శి దాన కిషోర్‌తో నిర్వహించిన వీడియో కాన్ఫర్స్‌కు హాజరయ్యారు. జిల్లాలో చేపట్టిన అంగన్‌వాడీ, పంచాయతీ భవనాలను నిర్ణిత కాలంలో పూర్తి చేస్తామని తెలిపారు. వీబీజీరామ్‌జీ పనులను విస్తృతంగా కల్పించేందుకు నలభై మంది కూలీలకు ఒక మేట్‌ను నియమిస్తున్నామని మంత్రికి వివరించారు. పశుగ్రాసం పెంచే విధంగా, నీటి సంరక్షణ కోసం ప్రత్యేక చర్యలు తీసుకుంటున్నామన్నారు. కాన్ఫరెన్స్‌లో డీఆర్‌డీఓ శ్రీలత, జెడ్పీ సీఈఓ కృష్ణారెడ్డి, మిషన్‌ భగీరథ ఏస్‌ఈ రాజేశ్వర్‌రావు, డీపీఓ సురేష్‌ మోహన్‌, వ్యవసాయ శాఖ అధికారి సుజాత తదితరులు పాల్గొన్నారు. రైస్‌ మిల్లర్లకు అడిషనల్‌ కలెక్టర్‌ ఆదేశం ఆమనగల్లు: ఓటు చోరీకి వ్యతిరేకంగా కాంగ్రెస్‌ పార్టీ ఆధ్వర్యంలో నవంబర్‌ 1న ఢిల్లీలోని రామ్‌లీలా మైదానంలో నిర్వహించనున్న ధర్నాకు కేంద్ర ప్రభుత్వం అడ్డంకులు సృష్టిస్తోందని కల్వకుర్తి ఎమ్మెల్యే కసిరెడ్డి నారాయణరెడ్డి ఆరోపించారు. నియోజకవర్గానికి చెందిన పలువురికి బుధవారం నగరంలోని తన నివాసంలో సీఎంఆర్‌ఎఫ్‌ చెక్కులు అందజేశారు. ఈ సందర్భంగా ఆయన మాట్లాడుతూ.. ఎన్ని అడ్డంకులు సృష్టించినా ఢిల్లీకి తరలివెళ్తామని స్పష్టంచేశారు. అనంతరం పలువురు నాయకులతో కలిసివెళ్లి మంత్రి పొంగులేటి శ్రీనివాస్‌రెడ్డిని జన్మదిన శుభాకాంక్షలు తెలిపారు. ఆయన వెంట పీసీసీ సభ్యులు అయిల శ్రీనివాస్‌గౌడ్‌, బ్లాక్‌ కాంగ్రెస్‌ అధ్యక్షుడు యాట నర్సింహ, డీసీసీ ఉపాధ్యక్షుడు గూడురు శ్రీనివాస్‌రెడ్డి, నాయకులు బట్టు కిషన్‌రెడ్డి, కసిరెడ్డి శ్రీనివాస్‌రెడ్డి తదితరులు పాల్గొన్నారు. ఓటరుగా నమోదు చేసుకోండి మాజీ ఎమ్మెల్యే ఆనంద్‌ అనంతగిరి: రాబోయే ఎమ్మెల్సీ ఎన్నికల నేపథ్యంలో అర్హులైన పట్టభద్రులు ఓటరుగా తమ పేర్లను నమోదు చేసుకోవాలని మాజీ ఎమ్మెల్యే డాక్టర్‌ మెతుకు ఆనంద్‌ అన్నారు. బుధవారం వికారాబాద్‌ పట్టణంలోని సాయి డెంటల్‌ ఆస్పత్రి పీజీ విద్యార్థులకు నిర్వహించిన పట్టభద్రుల ఓటరు నమోదు కార్యక్రమంలో ఆయన పాల్గొన్నారు. ప్రతి ఒక్కరూ ఓటరుగా నమోదు చేసుకోవాలని సూచించారు.

ఇబ్రహీంపట్నం రూరల్‌: జిల్లా గెజిటెడ్‌ అధికారుల సంఘం సభ్యత్వ నమోదును విజయవంతం చేయాలని ఆ సంఘం జిల్లా అధ్యక్షుడు రామారావు, కార్యదర్శి శ్రీనేష్‌కుమార్‌ కోరారు. ఈ మేరకు బుధవారం కలెక్టరేట్‌లో టీజీఓఎస్‌ కార్యవర్గ సమావేశం నిర్వహించారు. ఈ సందర్భంగా సభ్యత్వ నమోదు, హౌసింగ్‌ సొసైటీ ఏర్పాటు, నూతన సభ్యుల చేరిక, 2027–డైరీ, క్యాలెండర్‌ సేకరణపై ఏకగ్రీవ తీర్మానం చేశారు. అనంతరం సంఘం కోశాధికారిగా దేదీప్య రేవతి, వైస్‌ ప్రెసిడెంట్లుగా రాకేష్‌, శ్రీనివాస్‌, మహిళా వైస్‌ ప్రెసిడెంట్‌గా సైదమ్మ, జాయింట్‌ సెక్రటరీలుగా మహేశ్వర్‌, సూర్య, కల్చరల్‌ సెక్రటరీగా జ్యోత్స్న, ఆఫీస్‌ సెక్రటరీగా విక్టోరియా రాణి, ఈసీ మెంబర్‌గా దీప్తిని ఎన్నకున్నారు. ఈకార్యక్రమంలో నూతనకంటి వెంకట్‌, నర్సిరెడ్డి, శాంతిశ్రీ, నాగేశ్వర్‌రావు, రాకేష్‌, అనిత తదితరులు పాల్గొన్నారు .

మంచాల: ఆరుట్ల తెలంగాణ పబ్లిక్‌ స్కూల్‌ చాలా బాగుందని మాజీ మంత్రి, తెలంగాణ రాష్ట్ర ప్లానింగ్‌ కమిషన్‌ మాజీ చైర్మన్‌ జి.చిన్నారెడ్డి అన్నారు. బుధవారం ఆరుట్లలోని తెలంగాణ పబ్లిక్‌ స్కూల్‌ను ఆయన సందర్శించారు. పాఠశాల ఆవరణ, తరగతి గదులను పరిశీలించారు. క్రీడా మైదానాలు, డిజిటల్‌ తరగతి గదులు బాగున్నాయని కితాబిచ్చారు. ప్రొఫెసర్‌ జలంధర్‌రెడ్డి, టీపీఎస్‌ హెచ్‌ఎం గిరిధర్‌గౌడ్‌, ఆదర్శ పాఠశాల ప్రిన్సిపాల్‌ రాములు, ప్రాథమిక పాఠశాల ప్రధానోపాధ్యాయుడు మోహన్‌గౌడ్‌, ఉపాధ్యాయులు పాల్గొన్నారు.

ఎల్‌నినోను ఎదుర్కొందాం బడుగు, బలహీన వర్గాల సంక్షేమానికి ప్రభుత్వం కృషి చేస్తోందని పరిగి ఎమ్మెల్యే రామ్మోహన్‌ రెడ్డి అన్నారు.● మహేశ్వరం డీసీపీ నారాయణరెడ్డి, చేవెళ్ల డీసీపీ యోగేష్‌ గౌతమ్‌ ● ఆమనగల్లు, చేవెళ్లలో రక్తదాన శిబిరం చేవెళ్లలో రక్తదానం చేస్తున్న పోలీస్‌ అధికారులు ఆమనగల్లులో ఎస్‌ఐ హన్మంతరెడ్డి విగ్రహం వద్ద నివాళులర్పిస్తున్న డీసీపీ నారాయణరెడ్డిమానవతా విలువలకు ప్రతీక

● సబ్బండ వర్గాల అభ్యున్నతికి ప్రభుత్వం కృషి ● ఎమ్మెల్యే రామ్మోహన్‌ రెడ్డి కుల్కచర్ల: బడుగు, బలహీన వర్గాల సంక్షేమానికి కాంగ్రెస్‌ ప్రభుత్వం కృషి చేస్తోందని పరిగి ఎమ్మెల్యే రామ్మోహన్‌ రెడ్డి అన్నారు. బుధవారం చౌడాపూర్‌ మండలం ఈర్లవాగు తండా, చౌడాపూర్‌ గ్రామాల్లో పలు అభివృద్ధి కార్యక్రమాలను ప్రారంభించారు. మండల కేంద్రంలో జరిగిన సర్వసభ్య సమావేశంలో పాల్గొన్నారు. ఈ సందర్భంగా ఆయన మాట్లాడుతూ.. అన్ని వర్గాల అభివృద్ధికి ప్రభుత్వం కట్టుబడి ఉందన్నారు. ఎల్‌నినో ప్రభావంతో కొంత ఇబ్బందికర పరిస్థితులు ఏర్పడ్డాయని తెలిపారు. సమర్థవంతంగా ఎదుర్కొందామని పిలుపునిచ్చారు. ప్రస్తుతం నీటి లభ్యత తక్కువగా ఉన్నందున ఆరుతడి పంటలు వేసుకోవాలని సూచించారు. అంతకుముందు కుల్కచర్లలో పటేల్‌ చెరువు తండావార్డుసభ్యులు, గ్రామస్తులు కాంగ్రెస్‌ పార్టీలో చేరారు. అనంతరం కుల్కచర్ల గ్రామానికి చెందిన మోత్కూరు వెంకటేష్‌ను పార్టీ మండల స్పోక్స్‌ పర్సన్‌గా, సాల్వీడు గ్రామానికి చెందిన లాలును మండల ప్రధాన కార్యదర్శిగా, కుల్కచర్లకు చెందిన కొమ్ము శ్రీనివాస్‌ను మండల సోషల్‌ మీడియా కన్వీనర్‌గా నియమించారు. కార్యక్రమంలో పీఏసీఎస్‌ చైర్మన్‌ భీంరెడ్డి, వైస్‌ చైర్మన్‌ ఆశోక్‌కుమార్‌, ఏఎంసీ చైర్మన్‌ ఆంజనేయులు, పార్టీ మండల కాంగ్రెస్‌ అధ్యక్షుడు గోపాల్‌ నాయక్‌, చౌడాపూర్‌ మండల అధ్యక్షుడు చంద్రశేఖర్‌, మండల ప్రత్యేకాధికారి ఉమేష్‌, తహసీల్దార్‌ వెంకటేశ్వర్లు, ఇంచార్జి ఎంపీడీఓ వెంకన్న, ఇంచార్జి ఎంపీఓ శ్రీనివాస్‌ రెడ్డి తదితరులు పాల్గొన్నారు.

షాక్‌కు గురై యువకుడి దుర్మరణం చేవెళ్ల: మొబైల్‌ ఫోన్‌కు ఛార్జింగ్‌ పెట్టే క్రమంలో విద్యుత్‌ షాక్‌కు గురై ఓ యువకుడు మృతిచెందాడు. పోలీసులు తెలిపిన వివరాలు ఇలా ఉన్నాయి. మధ్యప్రదేశ్‌ రాష్ట్రానికి చెందిన నాథునాథ్‌ తన భార్యాపిల్లలతో పాటు అల్లుడితో కలిసి బతుకు దెరువు కోసం నిమిత్తం ఐదు నెలల క్రితం హైదరాబాద్‌ వచ్చారు. మహ్మద్‌ షఫీ అనే వ్యక్తి వద్ద పనికి కుదిరి, వివిధ ప్రాంతాల్లో ప్రీకాస్ట్‌ పలకలు వేస్తున్నారు. ఇందులో భాగంగా బుధవారం నాథునాథ్‌ తన భార్య, ఓ కుమారుడు, కుమార్తెతో కలిసి శంకర్‌పల్లిలో పనులకు వెళ్లారు. మరో కుమారుడు రవినాథ్‌(18), అల్లుడు రాకేశ్‌నాథ్‌ చేవెళ్ల సమీపంలోని దామరగిద్ద సమీపంలోని వ్యవయసాయ పొలంలో ప్రీకాస్ట్‌ పనులు చేస్తున్నారు. ఈక్రమంలో రవినాథ్‌ తన మొబైల్‌ ఫోన్‌కు నేరుగా విద్యుత్‌ తీగలకు ఛార్జింగ్‌ పెట్టేందుకు ప్రయత్నిస్తుండగా షాక్‌కు గురై అక్కడికక్కడే మృతిచెందాడు. మృతదేహాన్ని చేవెళ్ల ప్రభుత్వ ఆస్పత్రికి తరలించి పోస్ట్‌మార్టం అనంతరం కుటుంబ సభ్యులకు అప్పగించారు. ఈ మేరకు కేసు నమోదు చేసి దర్యాప్తు చేస్తున్నారు. కుక్కల జనన నియంత్రణకు చర్యలు తాండూరు టౌన్‌: పట్టణ పరిధిలో కుక్కల జనన నియంత్రణకు చర్యలు చేపట్టినట్లు మున్సిపల్‌ చైర్‌పర్సన్‌ పట్లోళ్ల నీరజ తెలిపారు. బుధవారం బ్లూక్రాస్‌ సొసైటీ సౌజన్యంతో, మున్సిపాలిటీ ఆధ్వర్యంలో సాయిపూర్‌, మాణిక్‌నగర్‌, పాత కూరగాయల మార్కెట్‌ ప్రాంతాల్లో సిబ్బంది పలు కుక్కలను పట్టుకున్నారు. కుక్కల బెడద నుంచి ప్రజలను రక్షించుటలో భాగంగా వాటి జనన నియంత్రణ చర్యలు చేపడుతున్నట్లు చెప్పారు.

బంట్వారం: వివాహిత ఉరి వేసుకొని ఆత్మహత్య చేసుకుంది. ఈ ఘటన బుధవారం మండలంలోని సల్బత్తాపూర్‌లో చోటుచేసుకుంది. వివరాలు ఇలా ఉన్నాయి. గ్రామానికి చెందిన బీ నందిని(20)కి ఇదే ఊరికి చెందిన ఏ బసప్పతో ఆరు నెలల క్రితం వివాహం జరిగింది. సాయంత్రం బాత్‌రూంకు వెళ్లిన నందిని చాలా సేపటి వరకు బయటికి రాలేదు. కుటుంబీకులు పైకప్పు తొలగించి చూడగా విగత జీవిగా కనిపించింది. ఈ ఘటనపై తమకు ఎలాంటి అనుమానం లేదని మృతురాలి సోదరుడు శివకుమార్‌ పోలీసులకు తెలిపారు. ఈ మేరకు కేసు నమోదు చేసుకుని దర్యాప్తు చేస్తున్నట్లు ధారూరు సీఐ రఘురాములు తెలిపారు. సాక్షి,సిటీబ్యూరో: ప్రజా ఫిర్యాదుతో తాగునీటి దుర్వినియోగంపై జూబ్లీహిల్స్‌ పరిధిలో ఓ నివాసానికి జలమండలి రూ.5 వేల జరిమానా విధించింది. బుధవారం జూబ్లీహిల్స్‌ వార్డు పరిధిలోని రోడ్‌ నంబర్‌ 57, ప్లాట్‌ నంబర్‌ 1152లో తాగునీటిని ఇంటి ప్రాంగణం శుభ్రపరిచేందుకు వినియోగిస్తున్నట్లు స్థానికులు జలమండలి వాట్సాప్‌ నంబర్‌కు ఫిర్యాదు చేశారు. తక్షణమే జలమండలి అధికారులు క్షేత్రస్థాయిలో తనిఖీలు నిర్వహించి తాగునీటి దుర్వినియోగం జరుగుతున్నట్లు నిర్ధారించుకుని నివాసానికి రూ.5 వేల జరిమానా విధించారు. తాగునీటిని తాగడానికి, గృహ అవసరాలకు మాత్రమే పొదుపుగా వినియోగించాలని సూచించింది. నల్లాకు అక్రమంగా అమర్చిన 13 మోటార్లు స్వాధీనం సాక్షి, సిటీబ్యూరో : తాగునీటి సరఫరా పైపులైన్లకు అక్రమంగా మోటార్లు బిగించి నీటిని తోడుకుంటున్న వినియోగదారులపై జలమండలి విజిలెనన్స్‌ అధికారులు కొరఢా ఝలిపించారు. బుధవారం శంషాబాద్‌ జోన్‌ పరిధిలోని డివిజన్‌న్‌–8, కొత్వాల్‌ గూడ వార్డులోని ఆర్‌బీ నగర్‌లో ప్రత్యేక తనిఖీలు నిర్వహించి 13 అక్రమ మోటార్లను స్వాధీనం చేసుకున్నారు.

కొడంగల్‌ రూరల్‌: విద్యార్థులు చదువుతోపాటు క్రీడల్లో రాణించాలని మున్సిపల్‌ చైర్మన్‌ నందారం ప్రశాంత్‌కుమార్‌ అన్నారు. బుధవారం పట్టణంలోని జిల్లా పరిషత్‌ బాలుర ఉన్నత పాఠశాల ఆవరణలో 70వ స్కూల్‌ గేమ్స్‌ ఫెడరేషన్‌ జిల్లా స్థాయి కబడ్డీ పోటీలను ప్రారంబించారు. ఈ సందర్బంగా ఆయన మాట్లాడుతూ.. క్రీడలతో మానసిక, శారీరక ఉల్లాసం పొందవచ్చని తెలిపారు. నియోజకవర్గ విద్యార్థులు పోటీల్లో రాణించి జిల్లా, రాష్ట్ర, జాతీయ స్థాయిలో ఈ ప్రాంతానికి పేరు తేవాలని ఆకాంక్షించారు. కార్యక్రమంలో ఎంఈఓ రాంరెడ్డి, జిల్లాలోని వివిధ పాఠశాలల ఉపాధ్యాయులు, పీఈటీలు, పీడీలు, ఎన్‌సీసీ బృందం సభ్యులు, క్రీడాకారులు, విద్యార్థులు పాల్గొన్నారు.మున్సిపల్‌ చైర్మన్‌ ప్రశాంత్‌కుమార్‌

● రూ.32 వేల జరిమానా ● తీర్పు వెల్లడించిన ఫాస్ట్‌ ట్రాక్‌ కోర్టు పహాడీషరీఫ్‌: పహాడీషరీఫ్‌ పోలీస్‌ స్టేషన్‌ పరిధిలో నమోదైన పోక్సో కేసులో నిందితుడికి ఎల్బీనగర్‌ పోక్సో కేసుల విచారణ ప్రత్యేక ఫాస్ట్‌ ట్రాక్‌ కోర్టు బుధవారం ఇరవై ఏళ్ల కఠిన కారాగార శిక్ష విధించింది. ఇన్‌స్పెక్టర్‌ బి.లక్ష్మీనారాయణ రెడ్డి తెలిపిన వివరాల ప్రకారం.. మహేశ్వరం మండలం దయ్యాలగూడెం తండాకు చెందిన జర్పుల గణేశ్‌ (25) ఓ మహిళతో సహజీవనం చేస్తూ ఆమె కుమార్తైపె కన్నేసి పలుమార్లు లైంగిక వేధింపులకు పాల్పడ్డాడు. ఎవరికై నా చెబితే తల్లికి సంబంధించిన అసభ్యకరమైన ఫోటోలు, వీడియోలు సోషల్‌ మీడియా లో వైరల్‌ చేస్తానని బెదిరించేవాడు. ఈ క్రమంలోనే 2024 అక్టోబర్‌ 29న బాలికను బలవంతంగా మామి డిపల్లిలోని నిర్మానుష్య ప్రాంతానికి తీసుకెళ్లి లైంగిక దాడికి పాల్పడి పరారయ్యాడు. బాలిక తల్లి ఇచ్చిన ఫిర్యాదు మేరకు నిందితుడిపై పోక్సో కేసు నమోదు చేసిన పోలీసులు కోర్టులో చార్జిషీట్‌ దాఖలు చేశారు. కేసును విచారించిన న్యాయమూర్తి నిందితుడికి ఇరవై ఏళ్ల జైలు శిక్ష, రూ.32 వేల జరిమానా విధిస్తూ తీర్పు వెలువరించారు. బాధితురాలికి రూ.1.50 లక్షల పరిహారం అందించాలని ఆదేశించారు.

ఇబ్రహీంపట్నం రూరల్‌: యువతి అదృశ్యమైన సంఘటన ఆదిభట్ల పోలీస్‌ స్టేషన్‌ పరిధిలో బుధవారం చోటు చేసుకుంది. సీఐ రమేష్‌ కథనం ప్రకారం.. అబ్దుల్లాపూర్‌మెట్‌ మండలం, తుర్కయంజాల్‌ ప్రభుత్వ పాఠశాల సమీపంలో సాజిదాబేగం మహ్మద్‌ అహ్మద్‌ కుటుంబం నివాసం ఉండేవారు. వీరి చిన్న కూతురు షహనాజ్‌బేగం ఇదే గ్రామానికి చెందిన మనీష్‌తో సన్నిహితంగా ఉండేది. గతంలో వీరిద్దరూ ఇంట్లో వాళ్లకు చెప్పకుండా వెళ్లిపోవడంతో వెతికి తీసుకువచ్చి, పెద్దల సమక్షంలో కౌన్సెలింగ్‌ ఇచ్చి పంపించారు. అప్పటి నుంచి ఇద్దరూ దూరంగానే ఉన్నారు. ఇదిలా ఉండగా ఈనెల 27న పనులపై వెళ్లిన తల్లిదండ్రులు రాత్రి ఇంటికి తిరిగివచ్చారు. ఇంట్లో షహనా కనిపించలేదు. దీంతో పోలీసులకు ఫిర్యాదు చేయగా, కేసు నమోదు చేసిన పోలీసులు దర్యాప్తు చేస్తున్నారు. హాస్టల్‌కు వెళ్తున్నానని.. కేశంపేట: ఓ బాలుడి అదృశ్యం ఘటన ఆలస్యంగా వెలుగులోకి వచ్చింది. పోలీసుల వివరాల ప్రకారం కాకునూరు గ్రామానికి చెందిన చాకలి నిఖిల్‌ చటాన్‌పల్లి శివారులోని గురుకుల పాఠశాలలో పదో తరగతి చదువుతూ హాస్టల్‌లో ఉండేవాడు. ఈనెల 5న పరీక్షలు ఉన్నాయంటూ ఇంటి నుంచి వసతిగృహానికి బయల్దేరాడు. ఇదే రోజు సాయంత్రం బాలుడి నానమ్మ బాలమ్మ హాస్టల్‌ సిబ్బందిని ఆరా తీయగా అక్కడికి రాలేదని చెప్పారు. నిఖిల్‌ తల్లిదండ్రులు ఏడేళ్ల క్రితమే చనిపోవడంతో ఇతని సోదరిని స్థానిక పాఠశాలలో చదివిస్తున్న నానమ్మ, నిఖిల్‌ను హాస్టల్‌లో వేసింది. గతంలో కూడా నిఖిల్‌ ఇలాగే వెళ్లి రావడంతో వస్తాడులే అని ఊరుకుంది. ఇరవై ఐదు రోజులు కావస్తున్నా బాలుడి ఆచూకీ తెలియకపోవడంతో బుధవారం పోలీసులకు ఫిర్యాదు చేసింది. కేసు నమోదు చేసి దర్యాప్తు చేస్తున్నట్లు ఎస్‌ఐ పరమేశ్‌ తెలిపారు. క్షవరం చేసుకునేందుకు వెళ్లి.. క్షవరం చేసుకునేందుకు వెళ్లిన వ్యక్తి అదృశ్యమైన సంఘటన మండల పరిధిలోని పాటిగడ్డలో చోటుచేసుకుంది. స్థానికులు, పోలీసులు తెలిపిన వివరాల ప్రకారం.. గ్రామానికి చెందిన ఆదూరి రాజారెడ్డి ఈనెల 25న క్షవరం చేయించుకునేందుకు కొత్తపేట వెళ్తున్నానని చెప్పి బయటకు వెళ్లాడు. రాత్రయినా తిరిగి రాలేదు. ఫోన్‌ చేయగా స్విచ్ఛాఫ్‌ వచ్చింది. బంధువులు, తెలిసిన వారి వద్ద వాకబు చేసిన రాజిరెడ్డి తమ్ముడు సుధాకర్‌రెడ్డి బుధవారం పోలీసులకు ఫిర్యాదు చేశారు. ఈ మేరకు మిస్సింగ్‌ కేసు నమోదైంది.

కొడంగల్‌: కొడంగల్‌లో డాక్టర్‌గా పనిచేసి ఎంతో మందికి ఉచితంగా సేవలు అందించిన డాక్టర్‌ కన్నోజు వెంకటేశ్వర్లు బుధవారం తెల్లవారుజామున మృతి చెందారు. ఆయన కొంత కాలంగా ఆరోగ్య సమస్యలతో బాధపడ్డారు. డాక్టర్‌గా తన వృత్తి ధర్మంతో పాటు మదర్‌ థెరిస్సా సేవా సంఘం స్థాపించి పేదలకు సేవలందించారు. బహుజన రాజ్యం కోసం బహుజన లెప్ట్‌ ఫ్రంట్‌ పార్టీ నుంచి ఎమ్మెల్యేగా పోటీ చేసి ఓడిపోయారు. అనంతరం బీఎస్పీలో చేరి నియోజకవర్గ ఇన్‌ఛార్జీగా పని చేశారు. జీ 6 టీవీ స్థాపించి సమస్యలు వెలుగులోకి తెచ్చారు. హ్యూమన్‌ రైట్స్‌ కమిషన్‌ జిల్లా అధ్యక్షుడిగా పని చేశారు. బీఆర్‌ఎస్‌లో చేరి కొడంగల్‌ నియోజకవర్గ అధికార ప్రతినిధిగా చేశారు.

● రోడ్డెక్కిన పోచారంవాసులు ● గంటల తరబడి రాస్తారోకో ● తహసీల్దార్‌ హామీతో శాంతించిన నిరసనకారులు ఇబ్రహీంపట్నం రూరల్‌: కాలుష్యం నుంచి నుంచి తమను కాపాడాలని డిమాండ్‌ చేస్తూ బుధవారం పోచారం ప్రజలు రోడ్డెక్కారు. గంటల తరబడి రహదారిపై బైఠాయించారు. గ్రామంలోని రైస్‌మిల్లులు బంద్‌ చేసి నిరసన వ్యక్తం చేశారు. ఈ సందర్భంగా వివిధ రాజకీయ పార్టీల నాయకులు, ఆందోళనకారులు మాట్లాడుతూ.. రైస్‌ మిల్లులు, ఫ్లైవుడ్‌ కంపెనీల నుంచి వెలువడుతున్న పొగ, కాలుష్యంతో ఇళ్లలోని ఆహార పదార్థాలు సైతం విషతుల్యమవుతున్నాయని ఆవేదన వ్యక్తంచేశారు. గ్రామం మొత్తం ఎక్కడ చూసినా నల్లటి పొగ ముసురుతోందని తెలిపారు. అనేక మంది శ్వాసకోశ, కేన్సర్‌ తదితర రోగాల బారిన పడుతున్నారని ఆవేదన వ్యక్తంచేశారు. ఇప్పటికే పలువురు కేన్సర్‌తో చనిపోయారన్నారు. ఈ విషయమై స్థానిక ప్రజాప్రతినిధులు, అధికారులకు ఎన్నిసార్లు మొరపెట్టుకున్నా ఫలితం లేకుండా పోయిందని ఆవేదన వ్యక్తంచేశారు. పెట్రోల్‌ బాటిల్‌తో యువకుడి హల్‌చల్‌ రాస్తారోకో జరుగుతున్న క్రమంలో గ్రామానికి చెందిన ఓ యువకుడు పెట్రోల్‌ బాటిల్‌తో హల్‌చల్‌ చేశాడు. సమస్య తీరకుంటే పెట్రోల్‌ పోసుకొని చచ్చిపోతానని బాటిల్‌ మూత విప్పుతుండగా అక్కడే ఉన్న పోలీసులు, సర్పంచ్‌ వెంకటేశ్‌ బాటిల్‌ లాక్కుని దూరంగా పడేశారు. భారీగా పోలీసుల మోహరింపు రాస్తారోకో నేపథ్యంలో ఇబ్రహీంపట్నం పోలీసులు భారీగా మోహరించారు. మంచాల సీఐ మధు ఆధ్వర్యంలో నిరసనకారులకు నచ్చజెప్పే ప్రయత్నంచేశారు. అయితే, కలెక్టర్‌ లేదా, రైస్‌మిల్లుల నిర్వాహకులు వచ్చి సమాధానం చెప్పాలని నిరసనకారులు డిమాండ్‌ చేశారు. తహశీల్దార్‌ సునీతారెడ్డి అక్కడికి చేరుకుని హామీ ఇవ్వడంతో ఆందోళన విరమించారు. ఈ కార్యక్రమంలో ఇబ్రహీంపట్నం మార్కెట్‌ డైరెక్టర్‌ తుమ్మటి శ్రీశైలం యాదవ్‌, సర్పంచ్‌ తాళ్లపల్లి వెంకటేశ్‌, ఉప సర్పంచ్‌ కృష్ణ, నాయకులు గొరిగే రమేష్‌, భగీరథ సాగర్‌, డైరెక్టర్‌ లింగారెడ్డి, మాజీ ఉప సర్పంచ్‌ శ్యాంసుందర్‌రెడ్డి, నాయకులు సంజీవరెడ్డి, శ్రీకూమార్‌రెడ్డి, చిన్నా, శ్రీశైలం, మహేందర్‌, రాజు, భరత్‌, గొరిగే వెంకటేశ్‌, మహేష్‌ తదితరులు పాల్గొన్నారు.

విపరీతమై కాలుష్యం పరిశ్రమ నుంచి విపరీతమైన కాలుష్యం వెలువడుతోంది. దీంతో సమీప గ్రామాల ప్రజలు రోగాల బారిన పడి, ఆస్పత్రుల చుట్టూ తిరుగుతున్నారు. కలుషిత నీరు చెరువుల్లోకి చేరి, చేపలు చనిపోతున్నాయి. వెంటనే పరిశ్రమను మూసేయాలి. – విజయ, ఉప సర్పంచ్‌, కందివనం ఫ్యాక్టరీని తరలించాలి పరిశ్రమ విడుదల చేస్తున్న కాలుష్యం కారణంగా పంటలు పూర్తిగా నాశనమవు తున్నాయి. భూగర్భ జలా లు కూడా విషతుల్యమై పశువులకు రోగాలు వసు ్తన్నాయి. అధికారులు స్పందించి, కాలుష్యం వెదజల్లుతున్న ఫ్యాక్టరీని ఇక్కడి నుంచి తరలించాలి. – బాల్‌నర్సమ్మ, రైతు మూసేసే దాకా ఆందోళన దట్టమైన కాలుష్యం కారణంగా ప్రజలు, రైతులు అవస్థలు పడుతున్నారు. అధికారులు స్పందించి కాలుష్య పరిశ్రమపై చర్యలు తీసుకోవాలి. కాలుష్య పరిశ్రమను మూసి వేసే వరకు ఆందోళన కొనసాగిస్తాం. – అమృనాయక్‌, రైతు, కందినం షాద్‌నగర్‌: ‘పచ్చని పంట పొలాలకు కాలుష్యం చిచ్చు పెడుతోంది. దట్టమైన కాలుష్యపు పొగ చేల ను నాశనం చేస్తోంది. కాలువ ద్వారా పారుతున్న కలుషిత నీరు చెరువులోని చేపల మృతికి కారణమవుతోంది. మూగజీవాలతో పాటు గ్రామస్తులను సైతం వ్యాధుల బారిన పడేస్తోంది. ఇంతటి ప్రమాదకరమైన పరిశ్రుమను వెంటనే రద్దు చేయాలి’ అని కందివనం గ్రామస్తులు డిమాండ్‌ చేశారు. ఈ మేర కు బుధవారం ఫ్యాక్టరీ ఎదుట ధర్నా నిర్వహించా రు. కంపెనీని మూసేసే వరకూ ఆందోళన విరమించేది లేదన్నారు. ఫరూఖ్‌నగర్‌ మండలం మొగిలిగిద్ద పరిధిలో ఏర్పాటు చేసిన మెటల్‌ స్పాంజ్‌ ఐరన్‌ పరిశ్రమ తమకు జీవన్మరణ సమస్యగా మారిందని కందివనం సర్పంచ్‌ జెమిని, ఉప సర్పంచ్‌ విజయయాదగిరి, మాజీ సర్పంచ్‌ శివజ్యోతి, గోపాల్‌గౌడ్‌ తదితరులు ఆవేదన వ్యక్తంచేశారు. పొగబారుతున్న గ్రామాలు స్పాంజ్‌ ఐరన్‌ పరిశ్రమ వెదజల్లుతున్న కాలుష్యంతోం చుట్టు పక్కల ఉన్న కందివనం, చౌలపల్లి, గుండెగానితండా, పిట్టలగడ్డతండాలు పొగబారుతున్నాయని ఆందోళనకారులు ఆరోపించారు. గుట్టుచప్పుడు కాకుండా రాత్రి వేళల్లో విడుదల చేస్తున్న కాలుష్యంతో పంట పొలాలు నాశనమవుతున్నాయన్నారు. కందివనం పాఠశాల భవనం నల్లగా మారిపోతోందని విద్యార్థులు, ఉపాధ్యాయులు ఆవేదన వ్యక్తంచేస్తున్నారు. స్పాంజ్‌ ఐరన్‌ పరిశ్రమను మూసేయాలని కందివనంవాసుల డిమాండ్‌ మొగిలిగిద్ద శివారులోని ఫ్యాక్టరీ ఎదుట ధర్నా అధికారులు స్పందించాలని డిమాండ్‌

తుర్కయంజాల్‌: ఆదిభట్ల సర్కిల్‌ పరిధి రాగన్నగూడలోని తారా చిల్డ్రన్స్‌ అండ్‌ మల్టీస్పెషాలిటీ హాస్పిటల్‌లో డెంగీ లక్షణాలతో చికిత్స పొంది మృతి చెందిన వినూత్‌ మృతిపై విచారణ జరుపుతున్నట్టు జిల్లా వైద్యాధికారి డాక్టర్‌ కళ్యాణ్‌ చక్రవర్తి తెలిపారు. మంగళవారం ఆయన వివాదానికి కారణమైన ఆస్పత్రిని అధికారుల బృందంతో కలిసి పరిశీలించారు. అనంతరం మాట్లాడుతూ.. ఆస్పత్రిలో బాలుడికి అందించిన చికిత్స, వైద్య రికార్డులు, అందుబాటులో ఉన్న సదుపాయాలను పరిశీలిస్తున్నట్టు తెలిపారు. రెండు రోజుల్లో విచారణ పూర్తి చేస్తామని, విచారణలో నిబంధనల ఉల్లంఘన, నిర్లక్ష్యం ఉన్నట్లు తేలితే చట్టప్రకారం చర్యలు తప్పవని హెచ్చరించారు. కార్యక్రమంలో డిప్యూటీ డీఎంహెచ్‌ఓ మంజుల, మండల వైద్యాధికారి ప్రియాంక తదితరులు పాల్గొన్నారు. మొయినాబాద్‌రూరల్‌: అథ్లెటిక్స్‌లో చేవెళ్ల సాంఘిక సంక్షేమ గురుకుల పాఠశాల విద్యార్థిని వైష్ణవి అద్భుత ప్రతిభకనబరిచి రాష్ట్రస్థాయి పోటీలకు ఎంపికై ంది. ఈ సందర్భంగా మంగళవారం గురుకుల పాఠశాలలో ప్రిన్సిపాల్‌ మాలతి విద్యార్థినిని అభినందించారు. 70వ ఎస్‌జీఎఫ్‌ జిల్లా స్థాయి పోటీల్లో వైష్ణవి 100 మీటర్లు, 200 మీటర్లలో బంగారు పతకాలు సాధించిందని తెలిపారు. దీంతో రాష్ట్రస్థాయి పోటీలకు ఎంపికై ందని చెప్పారు. ఆమనగల్లు: తలకొండపల్లి మండలంలోని వివిధ గ్రామాల్లో పలువురు పోగొట్టుకున్న, దొంగిలించబడిన సెల్‌ఫోన్‌లను గుర్తించి పోలీసులు తిరిగి బాధితులకు అప్పగించారు. దొంగిలించబడిన సెల్‌ఫోన్‌లను సీఈఐఆర్‌ పోర్టల్‌ ద్వారా గుర్తించి రికవరీ చేశారు. తలకొండపల్లి పోలీసు స్టేషన్‌లో మంగళవారం జరిగిన కార్యక్రమంలో 11 మంది బాధతులకు సీఐ జానకిరాంరెడ్డి, ఎస్‌ఐ కానుగుల శేఖర్‌ సెల్‌ఫోన్‌లు అప్పగించారు. రికవరీలో చొరవచూపిన క్రైం కానిస్టేబుల్‌ జాషువాను సీఐ అభినందించారు. ● ముగ్గురికి గాయాలు ● ఒకరి పరిస్థితి విషమం ఇబ్రహీంపట్నం రూరల్‌: అతివేగంగా వచ్చిన కారు డ్రైవర్‌ నిద్రమత్తులో ముందుగా వెళ్తున్న లారీని ఢీకొట్టిన సంఘటన ఆదిభట్ల పోలీస్‌స్టేషన్‌ పరిధిలో చోటు చేసుకుంది. సీఐ రమేష్‌ కథనం ప్రకారం.. బోడుప్పల్‌కు చెందిన కొపునమోని సాయికిరణ్‌ కరాటే మాస్టర్‌గా పని చేస్తున్నాడు. కరాటే ఈవెంట్‌ కోసం సహస్ర అనే బాలికను తీసుకొని వెళ్లి సోమవారం రాత్రి తిరిగి బోడుప్పల్‌ వైపు కారులో స్నేహితులు వివేక్‌, నవీన్‌తో కలిసి ప్రయాణిస్తున్నారు. పెద్దంబర్‌పేట్‌ వద్ద ఎగ్జిట్‌ 12 సమీపంలో ముందు సిమెంట్‌ లోడ్‌తో వెళ్తున్న లారీని కారు డ్రైవర్‌ నిద్రమత్తులో వేగంగా ఢీకొట్టాడు. ఈ ప్రమాదంలో వివేక్‌, సహస్ర, సాయికిరణ్‌కు గాయాలయ్యాయి. వివేక్‌ పరిస్థితి విషమంగా ఉన్నట్లు పోలీసులు తెలిపారు. బీఎన్‌రెడ్డి నగర్‌లోని ఓ ప్రైవేటు ఆస్పత్రిలో వారు చికిత్స పొందుతున్నారు. కేశంపేట: రోడ్డు ప్రమాదంలో ఇద్దరికి గాయాలైన సంఘటన మండల పరిధిలోని వేములనర్వ శివారు నంబయ్యగుట్ట సమీపంలో చోటుచేసుకుంది. గ్రామస్తులు తెలిపిన వివరాల ప్రకారం.. పుట్టోనిగూడ పంచాయతీ పరిధిలోని కంకిరాళ్లతండాకు చెందిన బాలునాయక్‌ మంగళవారం రాత్రి బైక్‌ వేముల్‌నర్వ నుంచి తండాకు వెళ్తుండగా నంబయ్యగుట్ట సమీపంలో రోడ్డుపై నడుచుకుంటూ వెళ్తున్న మహిళ కనిపించకపోవడంతో బైక్‌ అదుపు తప్పి ఆమెను ఢీ కొట్టింది. ఈ ప్రమాదంలో బాలునాయక్‌తో పాటు మహిళకు తీవ్ర గాయాలయ్యాయి. గాయపడిన ఇద్దరినీ గ్రామస్తులు చికిత్స నిమిత్తం అంబులెన్స్‌లో ప్రభుత్వ ఆస్పత్రికి తరలించారు.

బుధవారం శ్రీ 28 శ్రీ అక్టోబర్‌ శ్రీ 2026సాక్షి, రంగారెడ్డిజిల్లా: వర్షాభావ పరిస్థితుల నేపథ్యంలో ఉమ్మడి జిల్లాలో కరువు ప్రభావిత మండలాలను ప్రభుత్వం ప్రకటించింది. ఈ మేరకు మంగళవారం ఉత్తర్వులు జారీ చేసింది. లోటు వర్షపాతం నమోదైన మండలాలు సహా భూగర్భ జలాలు వేగంగా పడిపోతున్న మండలాలను ఈ జాబితాలో చేర్చింది. ఉమ్మడి జిల్లాలో మొత్తం 38 మండలాలను కరువు ప్రభావిత ప్రాంతాలుగా నిర్ధారించింది. వీటిలో 16 మండలాలను తీవ్ర కరువు ప్రభావిత మండలాలుగా, మిగిలిన మండలాలను సాధారణ కరువు ప్రభావిత మండలాలుగా గుర్తించింది. ఆయా మండలాల్లో తాగునీటి సరఫరా, నిత్యావసరాల పంపిణీ, యాసంగిలో వరికి ప్రత్యామ్నాయంగా చేపట్టాల్సిన పంటల సాగుపై దృష్టి సారించాల్సిందిగా సంబంధిత జిల్లాల అధికారులకు ఆదేశాలు జారీ చేసింది. జిల్లాల వారీగా.. రంగారెడ్డి జిల్లాలో 27 మండలాలు ఉండగా, వీటిలో 18 కరువు మండలాలుగా నిర్ధారించింది. వీటిలో గండిపేట్‌, రాజేంద్రనగర్‌, హయత్‌నగర్‌, అబ్దుల్లాపూర్‌మెట్‌, కొత్తూరు మండలాలను అతి తీవ్ర కరువు ప్రభావిత ప్రాంతాలుగా, బాలాపూర్‌, సరూర్‌నగర్‌, ఇబ్రహీంపట్నం, యాచారం, ఆమనగల్లు, కేశంపేట, కందుకూరు, మహేశ్వరం, శంషాబాద్‌, చేవెళ్ల, షాబాద్‌, ఫరూఖ్‌నగర్‌, జిల్లేడు చౌదరిగూడను సాధారణ కరువు ప్రభావిత ప్రాంతాలుగా ప్రకటించింది. వికారాబాద్‌ జిల్లాలోని మొత్తం మండలాలను కరువు ప్రభావిత మండలాలుగా ప్రకటించింది. వీటిలో మర్పల్లి, నవాబ్‌పేట, కుల్క చర్ల, దోమ, బంట్వారం, పెద్దేముల్‌, తాండూరు, బషీరాబాద్‌, యాలాల, కొడంగల్‌, దౌల్తాబాద్‌ మండలాలను తీవ్ర కరువు ప్రభావిత ప్రాంతాలుగా గుర్తించింది. ఇక మోమిన్‌పేట, వికారాబాద్‌, పరిగి, ధారూరు, బొంరాస్‌పేట, దుద్యాల, కొట్‌పల్లి, పూడూరు, చౌడాపూర్‌ మండలాలను సాధారణ కరువు ప్రభావిత ప్రాంతాలుగా ప్రకటించింది. తాగునీటి సరఫరాపై దృష్టి ఆయా మండలాల పరిధిలో వరికి ప్రత్యామ్నాయంగా ఆరు తడిపంటలను సాగు చేయించేలా రైతులకు అవగాహన కల్పించాల్సిందిగా ఆదేశాలు జారీ చేసింది. వచ్చే వేసవిని దృష్టిలో పెట్టుకుని తాగునీటి సరఫరాకు ఇబ్బందులు తలెత్తకుండా ఇప్పటి నుంచే ప్రత్యామ్నాయ చర్యలు చేపట్టాల్సిందిగా సూచించింది. అంతేకాకుండా పౌరసరఫరాల శాఖ నుంచి ప్రతి నెలా పేదలకు సరఫరా చేసే బియ్యం, ఇతర నిత్యావసరాలు సహా పశువుల మేత వంటి అంశాలపై కూడా దృష్టి సారించాల్సిందిగా పేర్కొంది. ఈ మేరకు మండలాల వారీగా సమగ్ర నివేదిక సిద్ధం చేయాల్సిందిగా స్పష్టం చేసింది. రంగారెడ్డి జిల్లాలో 18 వికారాబాద్‌ జిల్లాలో 20 ప్రకటించిన ప్రభుత్వం ప్రత్యామ్నాయ చర్యలు చేపట్టాలని అధికార యంత్రాంగానికి ఆదేశాలు

హుడా కాంప్లెక్స్‌: భద్రాద్రి కొత్తగూడెం జిల్లా అశ్వాపురం మండలం మిట్టగూడెం వద్ద ఇటీవల జరిగిన ఘటనలో తీవ్రంగా గాయపడిన ఆర్టీసీ కండక్టర్‌ ప్రవళికను రవాణా శాఖ మంత్రి పొన్నం ప్రభాకర్‌ పరామర్శించారు. కొత్తపేట సాయి సంజీవని ఆస్పత్రిలో చికిత్స పొందుతున్న ఆమెను మంగళవారం రాత్రి పరామర్శించి ఆరోగ్య పరిస్థితిని అడిగి తెలుసుకున్నారు. మణుగూరు ఆర్టీసీ బస్సులో చిల్లర విషయంలో ప్రయాణికురాలితో జరిగిన వాగ్వాదం సందర్భంగా ప్రయాణికురాలు కండక్టర్‌ ప్రవళికను తోసేయడంతో కిందపడింది. ఈ క్రమంలో బస్సు టైర్లు ఆమె కాళ్లపై నుంచి వెళ్లడంతో తీవ్రంగా గాయపడింది. భద్రాద్రి ఆస్పత్రిలో ప్రాథమిక చికిత్స అందించిన అనంతరం మెరుగైన వైద్యం కోసం హైదరాబాద్‌కు తరలించారు. ప్రవళికకు అందుతున్న వైద్య సేవలను పొన్నం వైద్యులను అడిగి తెలుసుకున్నారు. మెరుగైన వైద్యం అందించాలని సూచించారు. ఈ సందర్భంగా మాట్లాడుతూ.. ఇలాంటి ఘటనలు జరగడం బాధాకరమన్నారు. ప్రయాణికులకు ఏదైనా ఇబ్బంది ఎదురైనప్పుడు ఉన్నతాధికారులకు ఫిర్యాదు చేయాలిగానీ, ఇలా భౌతిక దాడులకు పాల్పడటం సరికాదన్నారు. అలాంటి వారిపై కఠిన చర్యలు తీసుకుంటామని హెచ్చరించారు. కార్యక్రమంలో యూత్‌ కాంగ్రెస్‌ అధ్యక్షుడు జక్కిడి శివచరణ్‌రెడ్డి, నాయకులు కేఎల్లార్‌, దేప భాస్కర్‌రెడ్డి, చిలుక ఉపేందర్‌రెడ్డి పాల్గొన్నారు.

ఇబ్రహీంపట్నం: పట్టభద్రుల ఎమ్మెల్సీ ఎన్నికల్లో బీఆర్‌ఎస్‌ విజయమే లక్ష్యంగా పనిచేయాలని ఎన్నికల ఇన్‌చార్జి, శాసనమండలి మాజీ చైర్మన్‌ స్వామిగౌడ్‌, ఆ పార్టీ జిల్లా ఽఅధ్యక్షుడు మంచిరెడ్డి కిషన్‌రెడ్డి పిలుపునిచ్చారు. నియోజకవర్గ బీఆర్‌ఎస్‌ సమన్వయ కమిటీ సమావేశం మంగళవారం ఇబ్రహీంపట్నంలోని పార్టీ కార్యాలయంలో నిర్వహించారు. ఈ సందర్భంగా వారు మాట్లాడుతూ.. పట్టభద్రులను కలుసుకొని, బీఆర్‌ఎస్‌ హయాంలో జరిగిన అభివృద్ధి, సంక్షేమాన్ని వివరించాలన్నారు. నిరుద్యోగులకు కాంగ్రెస్‌ ప్రభుత్వం ఇచ్చిన హామీలను అమలు చేయడంలో విఫలమైందని విమర్శించారు. పట్టభద్రుల సమస్యలను విస్మరించిన ప్రభుత్వ వైఖరిని ఎండగట్టాలన్నారు. కార్యక్రమంలో భువనగిరి పార్లమెంట్‌ బీఆర్‌ఎస్‌ ఇన్‌చార్జి క్యామ మల్లేష్‌, జిల్లా గ్రంథాలయ సంస్థ మాజీ చైర్మన్‌ సత్తు వెంకటరమణారెడ్డి, నాయకులు దండెం రాంరెడ్డి, బీఆర్‌ఎస్‌ సర్పంచ్‌లు, కౌన్సిలర్లు పాల్గొన్నారు.శాసనమండలి మాజీ చైర్మన్‌ స్వామిగౌడ్‌

షాద్‌నగర్‌రూరల్‌: ఉమ్రాయాత్రకు కుటుంబంతో కలిసి వెళ్లారు.. యాత్ర ముగించుకొని తిరిగి వస్తుండగా అబుదాబి ఎయిర్‌పోర్ట్‌లో గుండెపోటుతో మహిళ మృతి చెందింది. ఈ విషాదకర ఘటన భారత కాలమానం ప్రకారం సోమవారం అర్థరాత్రి చోటు చేసుకుంది. కుటుంబ సభ్యులు, బంధువులు తెలిపిన వివరాల ప్రకారం.. జిల్లేడ్‌చౌదరిగూడ మండలం పెద్ద ఎల్కిచర్ల గ్రామానికి చెందిన మహమూద్‌, రజియాబేగం కొన్నేళ్ల క్రితం షాద్‌నగర్‌ పట్టణానికి వచ్చి ప్యారడైజ్‌కాలనీలో స్థిరపడ్డారు. ఇటీవల రజియాబేగం(56)కు గుండె సంబంధిత సమస్య రావడంతో చికిత్స తీసుకున్నారు. ఆరోగ్యం కుదుటపడిన తరువాత భర్త మహమూద్‌, బంధువు ఇబ్రహీంతో కలిసి ఈ నెల 11న ఉమ్రాయాత్రకు బయలుదేరారు. సౌదీలో ముస్లిం తెగలమధ్య యుద్ధం జరుగుతుండటంతో అక్కడి ప్రభుత్వం విమానాలను రద్దు చేసింది. దీంతో ఈ నెల 24న తిరిగి రావాల్సిన వారి కుటుంబం అక్కడే చిక్కుకుపోయింది. ఈ నెల 26న ప్రైవేట్‌ ఎయిర్‌లైన్స్‌లో టికెట్‌ బుక్‌ చేసుకున్న వారు సౌదీ నుంచి దుబాయ్‌ చేరుకున్నారు. హైదరాబాద్‌కు వచ్చేందుకు అబుదాబి ఎయిర్‌పోర్ట్‌లో విమానం ఎక్కగానే మరోసారి రజియాబేగం గుండెపోటుకు గురై అక్కడికక్కడే మృతి చెందింది. మృతదేహాన్ని హైదరాబాద్‌కు రప్పించేందుకు భారత రాయబార కార్యాలయం స్పందించాలని, విదేశాంగ మంత్రి జోక్యం చేసుకోవాలని కుటుంబ సభ్యులు కోరారు. అబుదాబి ఎయిర్‌పోర్ట్‌లో గుండెపోటుతో మహిళ మృతి

మంచాల: ఎల్‌నినో ప్రభావాన్ని దృష్టిలో ఉంచుకొని రైతులు ఆరుతడి పంటలు సాగు చేయాలని జిల్లా వ్యవసాయాధికారి సుజాత అన్నారు. మండల కేంద్రంలోని రైతు వేదిక భవనంలో మంగళవారం అవగాహన సదస్సు నిర్వహించారు. ఈ సందర్భంగా ఆమె మాట్లాడుతూ.. ఇప్పటికే 15శాతం బోరు బావులు ఎండిపోయాయని, భవిష్యత్‌లో మరో 40 శాతం ఎండిపోయే ప్రమాదం ఉందన్నారు. భూగర్భ జలాలు తగ్గిపోయి సాగు నీరే కాదు, తాగు నీటి సమస్య కూడా తీవ్రరూపం దాల్చనుందన్నారు. రైతులు పరిస్థితులకు అనుగుణంగా పంటలు సాగు చేయాలని సూచించారు. ఉద్యాన శాఖ ద్వారా డ్రిప్‌లు, స్ప్రింక్లర్లు సబ్సిడీపై అందించడం జరుగుతుందన్నారు. తక్కువ నీటితో ఎక్కువ విస్తీర్ణంలో పంటలు సాగు చేసుకోవడానికి అవకాశం ఉందన్నారు. కార్యక్రమంలో పీఏసీఎస్‌ చైర్మన్‌ వెదెరె హన్మంత్‌ రెడ్డి, కృషి విజ్ఞాన కేంద్రం శాస్త్రవేత్త శ్రీకృష్ణ, ఉద్యాన శాఖ జిల్లా అధికారి సురేష్‌, ఏడీఏలు పద్మజ, శశిధర్‌రెడ్డి, ఏఓ వెంకటేశ్‌ తదితరులు పాల్గొన్నారు. హుడాకాంప్లెక్స్‌: ఇటీవల జిల్లా వైద్యాధికారిగా బాధ్యతలు చేపట్టిన డాక్టర్‌ కళ్యాణ్‌ చక్రవర్తికి మంగళవారం తెలంగాణ మెడికల్‌ అండ్‌ హెల్త్‌ అసోసియేషన్‌ తరఫున జిల్లా కమ్యూనిటీ హెల్త్‌ ఆఫీసర్స్‌ శుభాకాంక్షలు తెలిపి సన్మానించారు. ఈ సందర్భంగా ఉద్యోగుల సమస్యలు ఎప్పటికప్పుడు పరిష్కరించాలని కోరారు. కార్యక్రమంలో కమ్యూనిటీ హెల్త్‌ ఆఫీసర్స్‌ బి.పరాంకుశం, పి.శ్రీనివాసులు, ఎండీ షాయాద్‌, చిట్టిబాబు, ఎండీ రఫీక్‌, కళమ్మ పాల్గొన్నారు. ఆమనగల్లు: రోడ్డు ప్రమాదాల నివారణకు చర్యలు తీసుకుంటున్నట్లు ఫ్యూచర్‌సిటీ ట్రాఫిక్‌ డీసీపీ శివం ఉపాధ్యయ తెలిపారు. మండలంలో ఉన్న హైదరాబాద్‌–శ్రీశైలం జాతీయ రహదారిపై ప్రమాదకర బ్లాక్‌ స్పాట్లను మంగళవారం స్థానిక పోలీసు, మున్సిపల్‌ అధికారులతో కలిసి పరిశీలించారు. ఈ సందర్భంగా ఆయన మాట్లాడుతూ.. ప్రమాదాల నివారణకు హెచ్చరిక బోర్డులు ఏర్పాటు చేయనున్నట్టు చెప్పారు. ట్రాఫిక్‌కు అంతరాయం కలిగిస్తున్న ఆక్రమణలను తొలగిస్తామన్నారు. పట్టణంలో ప్రమాదకరంగా ఉన్న దుకాణాలు, ఆక్రమణలను తొలగించి వాహనాల రాకపోకలు సజావుగా సాగేలా చూస్తామని వివరించారు. కార్యక్రమంలో సీఐ వెంకటేశ్వర్లు, ఆమనగల్లు ట్రాఫిక్‌ సీఐ శంకరయ్య, మహేశ్వరం ట్రాఫిక్‌ సీఐ అశోక్‌, మున్సిపల్‌ కమిషనర్‌ రాఘవేందర్‌రెడ్డి తదితరులు పాల్గొన్నారు. మంచాల: మండలంలోని ఆరుట్లలో బెల్ట్‌ దుకాణాలు బంద్‌ చేయాలని పంచాయతీ పాలక వర్గం తీర్మానం చేసింది. ఈ మేరకు మంగళవారం మంచాల ఎస్‌ఐ నాగేశ్వర్‌ రావుకు తీర్మాన పత్రాన్ని అందజేశారు. ఈ సందర్భంగా సర్పంచ్‌ మానుపాటి శోభ కుమార్‌, ఉప సర్పంచ్‌ విజయ్‌ కుమార్‌ మాట్లాడుతూ.. గ్రామంలో విచ్చిలవిడిగా మద్యం దుకాణాలు వెలిశాయన్నారు. యువత మద్యానికి అలవాటుపడి బంగారు భవిష్యత్‌ను పాడు చేసుకోకూడదని, గ్రామంలో ప్రశాంత వాతావరణం ఉండాలంటే కచ్చితంగా మద్యం విక్రయాలను నిలిపి వేయాలని ఈ నిర్ణయం తీసుకున్నట్టు స్పష్టం చేశారు. కార్యక్రమంలో వార్డు సభ్యులు పున్నం రాము, పద్మ, శ్రావణ్‌, శేఖర్‌, బాను, మణెమ్మ తదితరులు పాల్గొన్నారు.

ఇబ్రహీంపట్నం రూరల్‌: జీహెచ్‌ఎంసీ పరిధి నుంచి ఎనిమిది కిలోమీటర్ల పరిధి లోపల కార్యాలయాల్లో పని చేస్తున్న ఉద్యోగులకు 24 శాతం హెచ్‌ఆర్‌ఏ మంజూరు చేయాలని ఉద్యోగ జేఏసీ నాయకులు డిమాండ్‌ చేశారు. ఈ మేరకు మంగళవారం ఉద్యోగుల జేఏసీ ఆధ్వర్యంలో అదనపు కలెక్టర్‌ కిరణ్మయికి వినతిపత్రం అందజేశారు. ఈ సందర్భంగా జిల్లా అధ్యక్షుడు ఊటు యశ్వంత్‌, కన్వీనర్‌ డాక్టర్‌ రామారావు మాట్లాడుతూ.. గ్రేటర్‌ హైదరాబాద్‌ మున్సిపల్‌ కార్పొరేషన్‌ నుంచి ఎనిమిది కిలోమీటర్ల పరిధిలో పని చేస్తున్న ఉద్యోగులకు 24 శాతం ఇంటి అద్దె భత్యం మంజూరు చేసే అంశాన్ని పరిశీలించి, ఆర్థిక శాఖ అనుమతి కోసం ప్రభుత్వానికి ప్రతిపాదనలు పంపించాలని కోరారు. గతంలో జీహెచ్‌ఎంసీ నుంచి 8 కిమీ పరిధిలో పని చేస్తున్న ఉద్యోగులకు 24 శాతం హెచ్‌ఆర్‌ఏ వర్తింపజేసేందుకు కలెక్టర్‌ అనుమతి ఇచ్చినట్లు సమాచారం ఉందన్నారు. ఉద్యోగుల ప్రయోజనాలను దృష్టిలో పెట్టుకొని సానుకూలంగా స్పందించాలని విజ్ఞప్తి చేశారు. కార్యక్రమంలో జేఏసీ నాయకులు మహేందర్‌రెడ్డి, రమేష్‌గౌడ్‌, శ్రీనేష్‌కుమార్‌ నోరీ, నూతనకంటి వెంకట్‌, శాంతిశ్రీ, రేవతి, నర్సిరెడ్డి, రాకేష్‌, శ్రీనివాస్‌, సైదమ్మ, అనిత, నాగేశ్వర్‌రావు, మహేశ్‌, బాలేశ్వరి, జ్యోత్స్న, రాణి, ప్రమీల, రంగయ్య, గోపాల్‌ నాయక్‌, శ్రీధర్‌రెడ్డి, శేఖర్‌, వాణి, గౌస్‌, తేజ, రాములు, మోహన్‌ తదితరులు పాల్గొన్నారు.అదనపు కలెక్టర్‌కు ఉద్యోగుల జేఏసీ నేతల వినతి

పహాడీషరీఫ్‌: ఫ్యూచర్‌ సిటీకి ముఖద్వారంగా ఉన్న పహాడీషరీఫ్‌ ప్రాంతాన్ని నేరరహిత ప్రాంతంగా ఉంచడం ద్వారా గణనీయమైన అభివృద్ధి సాధ్యమవుతుందని శంషాబాద్‌ జోన్‌ డీసీపీ బి.రాజేష్‌ పేర్కొన్నారు. ఇందులో భాగంగా ఈ ప్రాంతంలో పెద్ద ఎత్తున సీసీ కెమెరాలను ఏర్పాటు చేయడం అభినందనీయమన్నారు. ప్రీమియర్‌ ఎనర్జీస్‌, రేడియంట్‌ టెక్నాలజీస్‌ సంస్థల సహకారంతో ఏర్పాటు చేసిన 60 సీసీ కెమెరాలను పహాడీషరీఫ్‌ దర్గా వద్ద మంగళవారం ఆయన ప్రారంభించారు. ఈ సంద్భంగా మాట్లాడుతూ.. సున్నితమైన పహాడీషరీఫ్‌ ప్రాంతంలో ఇరువర్గాల ప్రజలు పరస్పర సహకారంతో పండుగలను ప్రశాంత వాతావరణంలో జరుపుకోవడం శుభసూచకమన్నారు. శాంతి భద్రతలను పరిరక్షించడమనేది పోలీస్‌ శాఖతో పాటు ప్రజల ఉమ్మడి బాధ్యత అని తెలిపారు. ముఖ్యంగా ఈ ప్రాంతంలో పెద్ద ఎత్తున ఏర్పాటు చేసిన సీసీ కెమెరాలతో నేరాలను నియంత్రించడంతో పాటు ఏదైనా నేరం జరిగినా కచ్చితమైన నిందితులను గుర్తించేందుకు వీలుంటుందన్నారు. సామాజిక బాధ్యతలో భాగంగా సీసీ కెమెరాల ఏర్పాటుకు ముందుకు వచ్చిన రెండు సంస్థలను ఆయన అభినందించారు. వీటి ఏర్పాటు ద్వారా నిఘా వ్యవస్థ మరింత పటిష్టమవుతుందన్నారు. గతంలో శంషాబాద్‌ జోన్‌ పరిధిలోకి వచ్చే జహంగీర్‌ పీర్‌ దర్గా పునర్విభజనలో పక్క కమిషనరేట్‌లోకి వెళ్లగా, ప్రస్తుతం పహాడీషరీఫ్‌ దర్గా హైదరాబాద్‌ కమిషరేట్‌ పరిధిలోకి రావడం హర్షణీయమన్నారు. అనంతరం ఆయన దర్గా పైకి ఎక్కి పూలు, ఛాదర్‌ సమర్పించారు. కార్యక్రమంలో శంషాబాద్‌ డివిజన్‌ ఏసీపీ వి.శ్రీకాంత్‌ గౌడ్‌, పహాడీషరీఫ్‌ ఇన్‌స్పెక్టర్‌ బి.లక్ష్మీనారాయణ రెడ్డి, డీఐ డెబోరా, ఎస్‌ఐలు ఫైజల్‌ అహ్మద్‌, దయాకర్‌ రెడ్డి, వినోద్‌ కుమార్‌, స్థానిక నాయకులు అబ్దుల్లా బిన్‌ అవద్‌, పందెం కొండల్‌ యాదవ్‌, షేక్‌ అఫ్జల్‌, దస్తగిర్‌, సూర్యగౌడ్‌, మక్దూం పటేల్‌, హాజీ తదితరులు పాల్గొన్నారు. శంషాబాద్‌ డీసీపీ రాజేష్‌

లక్డీకాపూల్‌: ఆలూరులో డేటా సెంటర్‌ ఏర్పాటుతో ఆ ప్రాంత ప్రజలకు నష్టమేనని, జీవితాలు నాశనమవుతాయంటూ చేవెళ్ల ఎంపీ కొండా విశ్వేశ్వర్‌రెడ్డి ఆందోళన వ్యక్తం చేశారు. డేటా సెంటర్‌తో 3, 4 డిగ్రీల మేర ఎండ పెరిగే ప్రమాదం లేకపోలేదన్నారు. హైదరాబాద్‌ ప్రెస్‌క్లబ్‌లో మంగళవారం అలూరు రైతుల అరిగోస పేరిట ఏర్పాటు చేసిన సమావేశంలో మాజీ ఎమ్మెల్యే రత్నంతో కలిసి మాట్లాడారు. ప్రభుత్వ భూములు చాలా ఉండగా రైతుల భూములను గుంజుకుంటామంటే సహించేది లేదన్నారు. తాతల నుంచి పండించుకున్న 1,248 ఎకరాల పట్టభూములపై ప్రభుత్వం సైలెంట్‌ స్కెచ్‌ వేసిందని ఆరోపించారు. ఇనామ్‌ భూములుగా పహాణి పొందిన వ్యవసాయ భూములను వక్ఫ్‌ భూముల పేరిట అధికారులు రైతుల నోట్లో మట్టికొట్టే ప్రయత్నం చేస్తోందని మండిపడ్డారు. అదేమంటే పాన్‌ మక్త భూములుగా పేర్కొంటూ.. బలవంతంగా లాక్కోవాలని చూస్తున్నారన్నారు. ఆ భూములే కావాలంటే మార్కెట్‌ విలువకు మూడింతలు అదనంగా రైతులకు ఇచ్చి స్వాధీనం చేసుకోవాలన్నారు. అలూరు రైతులు అంజయ్య, కృష్ణ, రాజు, కసిర్రే వెంకటేశ్‌, బర్ల బుచ్చయ్య, రమేష్‌, మాణిక్యం, పుప్పాల సాయన్న మాట్లాడుతూ.. తమ భూములు తమకే కావాలని స్పష్టం చేశారు. ఈ విషయంలో హైకోర్ట్‌ ఆర్డర్‌ను వెంటనే అమలు చేయాలని డిమాండ్‌ చేశారు. చేవెళ్ల ఎంపీ కొండా విశ్వేశ్వరరెడ్డి

అబ్దుల్లాపూర్‌మెట్‌ : పెద్ద అంబర్‌పేటలోని రాజశ్రీ విద్యామందిర్‌ పాఠశాలకు చెందిన విద్యార్థులు జాతీయ స్థాయి త్రోబాల్‌ పోటీలకు ఎంపికయ్యారు. శ్యామ్‌, తరుణ్‌, వైష్ణవి సెప్టెంబర్‌ 27న బాచుపల్లిలో జరిగిన రాష్ట్రస్థాయి సెలక్షన్‌ ట్రైల్స్‌లో అద్భుత ప్రతిభ కనబరిచి జాతీయస్థాయి పోటీల్లో పాల్గొనేందుకు అర్హత సాధించారు. ఈ పోటీలు పశ్చిమ బెంగాల్‌లోని కోల్‌కతా నగరంలో ఈనెల 29 నుంచి నవంబర్‌ 2 వరకు జరగనున్నాయి. జాతీయ స్థాయికి ఎంపికై న విద్యార్థులను పాఠశాల కరస్పాండెంట్‌ సిద్దెంకి జగన్‌ మోహన్‌ రెడ్డి, ప్రిన్సిపాల్‌ రాజరాజేశ్వరి, పాఠశాల కోచ్‌ గోపి, యాజమాన్యం, ఉపాధ్యాయ బృందం ప్రత్యేకంగా అభినందించారు. శ్రీ సాయినికేతన్‌ విద్యార్థి ఎంపిక మండల కేంద్రంలోని శ్రీ సాయినికేతన్‌ హైస్కూల్‌ విద్యార్థి సల్మాన్‌ ఖాన్‌ జాతీయ స్థాయి త్రోబాల్‌ పోటీలకు ఎంపికయ్యాడు. కోల్‌కతాలో జరగనున్న పోటీల్లో పాల్గొననున్నట్లు పాఠశాల కరస్పాండెంట్‌ కోటా భాస్కర్‌ తెలిపారు. ఈ సందర్భంగా సల్మాన్‌ ఖాన్‌ను కరస్పాండెంట్‌తోపాటు ప్రిన్సిపాల్‌ గీత, కోచ్‌ నీలేష్‌, పాఠశాల యాజమాన్యం, ఉపాధ్యాయ బృందం అభినందించారు.

కందుకూరు: గత ప్రభుత్వ హయాంలో ఫార్మాసిటీ కోసం సేకరించిన భూములకు సంబంధించి ఏళ్లు గడుస్తున్నా అభివృద్ధి చేసిన ప్లాట్లు అందక చాలా మంది రైతులు ఆందోళన చెందుతున్నారు. ఈ నెల మరో నెల అంటూ అధికారులు దాటవేస్తుండటంతో లబ్ధిదారులు ఇబ్బందులు పడుతున్నారు. ఫ్యూచర్‌సిటీ పరిధిలో భూములు కోల్పోయిన చాలా మంది రైతులు ప్రస్తుతం ఇలాంటి పరిస్థితే ఎదుర్కొంటున్నారు. ఎకరాకు 121 గజాలు గత ప్రభుత్వం ఫార్మాసిటీ పేరుతో కందుకూరు, యాచారం, కడ్తాల్‌ మండలాల్లో 19,333 ఎకరాల భూమిని సేకరించడానికి నిర్ణయించి దాదాపు 14 వేల ఎకరాల వరకు సమీకరించింది. పరిహారంతో పాటు అదనంగా ఎకరాకు 121 గజాల చొప్పున ప్లాటుకు సంబంధించి సర్టిఫికెట్లు జారీ చేసింది. అప్పట్లో మీర్‌ఖాన్‌పేట, పంజగూడ రెవెన్యూలో సుమారు 622 ఎకరాల విస్తీర్ణంలో టీజీఐఐసీ ఆధ్వర్యంలో మెగా లేఅవుట్‌ నిర్మించారు. ఏడాది దాటినా.. మొదట్లో ఏర్పాటు చేసిన ఆ లేవుట్‌లో కొంత భాగాన్ని మళ్లీ అమేజాన్‌ సంస్థకు ప్రస్తుత ప్రభుత్వం కేటాయించింది. దీంతో లబ్ధిదారులందరికీ సరిపడా ప్లాట్లు లేక కొంతమంది వరకే డ్రా ద్వారా అధికారులు కేటాయించారు. ఆ మెగా వెంచర్‌లో జూలై 2025 7వ తేదీ నుంచి 11వ తేదీ మధ్య లబ్ధిదారులకు లాటరీ ద్వారా ప్లాట్లను పంపిణీ చేశారు. కలెక్టర్‌ నారాయణరెడ్డి, ఎఫ్‌సీడీఏ కమిషనర్‌ శశాంక, ఇబ్రహీంపట్నం ఎమ్మెల్యే మల్‌రెడ్డి రంగారెడ్డి చేతుల మీదుగా డ్రా ప్రక్రియ ప్రారంభించారు. అప్పట్లో ఏర్పాటు చేసిన లేఅవుట్‌లో కందుకూరు, యాచారం మండలాల పరిధిలో రైతుల నుంచి సేకరించిన భూములకు ఎకరాకు 121 గజాల చొప్పున కేటాయించారు. అందులో అర ఎకరం నుంచి 5 ఎకరాల్లోపు రైతులకు మాత్రమే ప్లాట్లు కేటాయించారు. దీంతో వారి అవసరాన్ని బట్టి విక్రయాలు చేపట్టారు. ఒక్క కందుకూరు మండలంలో భూములు కోల్పోయిన రైతులకు 605 నుంచి 2,420 గజాల వరకు దాదాపు 199 మందికి ప్లాట్లు అందాల్సి ఉంది. వీటికి తోడు యాచారం మండలంలోని లబ్ధిదారులు అదనంగా ఉన్నారు. ఐదు ఎకరాల పైబడి భూములు కోల్పోయిన రైతుల పరిస్థితి అగమ్యగోచరంగా తయారైంది. ఎప్పుడు కొత్తగా లేఅవుట్‌ నిర్మిస్తారో.. మళ్లీ తమకు ఎప్పుడు ప్లాట్లు కేటాయిస్తారో తెలియక వారు ఆందోళన చెందుతున్నారు. అవసరానికి అమ్ముకోవడానికి సర్టిఫికెట్‌ మినహా మరేమీ లేక అవస్థలు పడుతున్నారు. ఇప్పటికైనా ఉన్నతాధికారులు స్పందించి సమస్యను పరిష్కరించాలని కోరుతున్నారు. గత ప్రభుత్వ హయాంలో ఫార్మాసిటీకి భూ సేకరణ పరిహారంతో పాటు ఎకరాకు 121 గజాల చొప్పున ప్లాటు ప్రకటన టీజీఐఐసీ ఆధ్వర్యంలో మెగా లేఅవుట్‌ నిర్మాణం సర్టిఫికెట్లతో సరిపెట్టిన అధికారులు వెంచర్‌లో సరిపడా స్థలం లేక అందరికీ జరగని కేటాయింపులు ఏడాదికి పైగా నిరీక్షిస్తున్న లబ్ధిదారులు

కడ్తాల్‌: రాష్ట్రంలో బీజేపీ అధికారంలోకి రావడమే లక్ష్యంగా పార్టీ శ్రేణులు సమన్వయంతో పనిచేయాలని గిరిజన మోర్చా రాష్ట్ర అధ్యక్షుడు రవినాయక్‌ అన్నారు. ఈ నెల 31న మైసిగండిలోని ఎంజీఆర్‌ కన్వెన్షన్‌ హాలులో నిర్వహించనున్న గిరిజన మోర్చా రాష్ట్ర కార్యవర్గ సమావేశాలను పార్టీ శ్రేణులు జయప్రదం చేయాలని సూచించారు. ఈ మేరకు మంగళవారం మైసిగండిలోని కన్వెన్షన్‌ హాలులో గిరిజన మోర్చా రాష్ట్ర ప్రధాన కార్యదర్శి సాయిలాల్‌నాయక్‌ అధ్యక్షతన సన్నాహక సమావేశం నిర్వహించారు. ఈ సందర్భంగా రవినాయక్‌ మాట్లాడుతూ.. తెలంగాణలో బీజేపీని అధికారంలోకి తేవడమే లక్ష్యంగా రాష్ట్ర కార్యవర్గ సమావేశాలు నిర్వహించనున్నట్లు తెలిపారు. సమావేశాలకు బీజేపీ రాష్ట్ర అధ్యక్షుడు రాంచందర్‌రావు, జాతీయ ఎస్టీ మోర్చా అధ్యక్షుడు మన్నాలాల్‌ రావత్‌, ఎంపీలు ఈటల రాజేందర్‌, గోడం నగేశ్‌, డీకే అరుణ, బీజేపీ ఫ్లోర్‌ లీడర్‌ మహేశ్వర్‌రెడ్డి తదితరులు హాజరుకానున్నట్లు తెలిపారు. అత్యధిక సంఖ్యలో గిరిజన నాయకులు తరలిరావాలని పిలుపునిచ్చారు. అంతకు ముందు కొమురం భీం వర్ధంతిని పురస్కరించుకుని ఆయన చిత్రపటానికి పూలమాలలు వేసి నివాళులర్పించారు. కార్యక్రమంలో బీజేపీ రాష్ట్ర నాయకుడు భగీరథ్‌, మండల అధ్యక్షుడు మహేశ్‌, నాయకులు ప్రేమ్‌రాజ్‌, మునేశ్‌నాయక్‌, రాజునాయక్‌, సురేశ్‌, కల్యాణ్‌, జంగం వెంకటేశ్‌, అంజయ్య, శ్రీకాంత్‌, దస్రు తదితరులు పాల్గొన్నారు. గిరిజన మోర్చా రాష్ట్ర అధ్యక్షుడు రవినాయక్‌

ఇబ్రహీంపట్నం: కార్తీక మాసంలో నిర్వహించే ఆరుట్లలోని శ్రీ బుగ్గ రామలింగేశ్వర జాతరకు ఘనంగా ఏర్పాట్లు చేయాలని ఎమ్మెల్యే మల్‌రెడ్డి రంగారెడ్డి అధికార యంత్రాంగాన్ని ఆదేశించారు. ఇబ్రహీంపట్నం మండల పరిషత్‌ కార్యాలయంలో మంచాల మండలానికి చెందిన వివిధ శాఖల అధికారులతో మంగళవారం ఆయన సమన్వయ సమావేశం నిర్వహించారు. ఈ సందర్భంగా ఎమ్మెల్యే మాట్లాడుతూ.. నవంబర్‌ 24 నుంచి డిసెంబర్‌ 8వ వరకు (15 రోజులు) నిర్వహించే బుగ్గ జాతరకు లక్షలాది మంది భక్తులు వస్తారని, వారికి ఇబ్బందులు కలగకుండా సరైన సౌకర్యాలు కల్పించాల్సిన బాధ్యత మనందరిపై ఉందన్నారు. జాతర పరిసరాల్లోనే కాకుండా సమీప గ్రామాల్లో పారిశుద్ధ్యం, మంచినీరు, విద్యుత్‌, రోడ్లు, భద్రత తదితర సౌకర్యాల కల్పనపై అధికారులు దృష్టి సారించాలన్నారు. అవసరమైన చోట్ల అదనపు పోల్స్‌, ట్రాన్స్‌ఫార్మర్లు, వీధి లైట్లను ఏర్పాటు చేయాలన్నారు. అదనపు బలగాలను మోహరించి ముందస్తు భద్రతను పోలీసు శాఖ ఏర్పాటు చేసి ప్రశాంతంగా ఉత్సవాలు జరిగేలా పర్యవేక్షించాలని సూచించారు. జాతరకు వచ్చే మార్గాల్లో అదనపు బస్సు సౌకర్యాలు కల్పించాలని ఆర్టీసీ డిపో మేనేజర్‌ సుజాతకు సూచించారు. భక్తులకు ఉచిత ప్రసాదాన్ని అందిచాలని దేవాదాయ శాఖ అధికారులకు ఆదేశించారు. ఏర్పాట్లకు కోటి రూపాయలు కేటాయించాలని కలెక్టర్‌ను కోరారు. ఈ మేరకు ఫోన్‌లో కలెక్టర్‌ను సంప్రదించగా.. అందుకు ఆయన సానుకూలంగా స్పందించారు. ఆధ్యాత్మిక వైభవం, ప్రశాంత వాతావరణంలో భక్తిశ్రద్ధలతో ఉత్సవాలను జరుపుకోవాలని, అందుకు భక్తులు సహకరించాలని, ఆయా శాఖల అధికారులు సమన్వయంతో పనిచేయాలని సూచించారు. కార్యక్రమంలో ఆర్డీఓ శ్రీనివాస్‌రెడ్డి, స్పెషల్‌ ఆఫీసర్‌ సుదర్శన్‌రెడ్డి, పీఏసీఎస్‌ చైర్మన్‌ హనుమంతురెడ్డి, ఎంపీడీఓ వసంతలక్ష్మి, గ్రామ కార్యదర్శులు, వివిధ శాఖల అధికారులు పాల్గొన్నారు. అధికారులు సమన్వయంతో ఏర్పాట్లు చేయాలి ఎమ్మెల్యే మల్‌రెడ్డి రంగారెడ్డి ఉత్సవాలకు కోటి రూపాయలు కేటాయించాలని కలెక్టర్‌కు వినతి

ఇబ్రహీంపట్నం రూరల్‌: ప్రజా సమస్యల పరిష్కారానికి ప్రభుత్వం అత్యంత ప్రాధాన్యత ఇస్తోందని, ప్రజావాణి ద్వారా స్వీకరించిన ప్రతి అర్జీపై సంబంధిత అధికారులు తక్షణమే స్పందించాలని కలెక్టర్‌ సి.నారాయణరెడ్డి అన్నారు. కలెక్టరేట్‌లో సోమవారం జరిగిన ప్రజావాణిలో నేరుగా అర్జీలు స్వీకరించారు. మొత్తం 76 ఫిర్యాదులు అందినట్టు తెలిపారు. ప్రతి దరఖాస్తును క్షుణ్ణంగా పరిశీలించి, ఫిర్యాదుదారులకు న్యాయం జరిగేలా చూడాలని అధికారులకు సూచించారు. ఎల్‌నినో ప్రభావాన్ని దృష్టిలో పెట్టుకొని తాగునీటి సరఫరా, పశువుల సంరక్షణ, వైద్య శిబిరాల నిర్వహణ, వ్యవసాయ ప్రణాళిక, విద్యుత్‌ సరఫరా అంశాలపై సంబంధిత శాఖల అధికారులు ముందస్తు కార్యాచరణ రూపొందించాలని ఆదేశించారు. గ్రామాలు, మున్సిపాలిటీల వారీగా తాగునీటి సమస్యలను గుర్తించి, ప్రజలకు ఇబ్బందులు కలగకుండా చర్యలు చేపట్టాలన్నారు. పశువులకు తాగునీరు అందుబాటులో ఉంచడంతో పాటు అవసరమైన ప్రాంతాల్లో వైద్య శిబిరాలు ఏర్పాటు చేయాలన్నారు. రానున్న రబీ సీజన్‌లో వేరుశనగ సాగుపై రైతులకు అవగాహన కల్పించాలని చెప్పారు. కరపత్రాలు, పోస్టర్లు, ఆడియో, వీడియో మాధ్యమాల ద్వారా వాతావరణ పరిస్థితులు, నీటి లభ్యతకు అనుగుణంగా పంటల ఎంపికపై సూచనలు చేయాన్నారు. గ్రామీణ ప్రాంతాల్లో విద్యుత్‌ సరఫరా, ఓవర్‌లోడ్‌ సమస్యలను గుర్తించి పరిష్కరించాలని, అవసరమైన మరమ్మతులు చేపట్టాలని సూచించారు. కార్యక్రమంలో అదనపు కలెక్టర్లు కిరణ్మయి, చంద్రారెడ్డి, వివిధ శాఖల అధికారులు పాల్గొన్నారు. పెండింగ్‌ దరఖాస్తులు పరిష్కరిస్తాం పెండింగ్‌ దరఖాస్తులను నిర్దేశిత గడువులోగా పరిష్కరిస్తామని కలెక్టర్‌ నారాయణరెడ్డి పేర్కొన్నారు. ప్రత్యేక ఓటరు జాబితా సవరణ పెండింగ్‌ దరఖాస్తులపై, పట్టభద్రుల ఎమ్మెల్సీ ఓటరు నమోదుపై రాష్ట్ర ప్రధాన ఎన్నికల అధికారి సుదర్శన్‌రెడ్డి సోమవారం కలెక్టర్లతో నిర్వహించిన వీడియో కాన్ఫరెన్స్‌లో జిల్లా నుంచి కలెక్టర్‌ నారాయణరెడ్డి మాట్లాడారు. ప్రతి దరఖాస్తును క్షుణ్ణంగా పరిశీలించి, స్పష్టమైన కారణాలతో కూడిన స్పీకింగ్‌ ఆర్డర్లు జారీ చేస్తామని తెలిపారు. అనవసర జాప్యాన్ని నివారిస్తూ, నిరంతరం పర్యవేక్షణ చేపడతామని, సమన్వయంతో పని చేసి నిర్దేశిత లక్ష్యాలను సకాలంలో పూర్తి చేసేలా చర్యలు తీసుకుంటామన్నారు. వీడియో కాన్ఫరెన్స్‌లో ఎన్నికల విభాగం అధికార రవీంద్రగుప్తా, సంబంధిత శాఖల అధికారులు పాల్గొన్నారు.కలెక్టర్‌ నారాయణరెడ్డి

తుర్కయంజాల్‌: అబ్దుల్లాపూర్‌మెట్‌ మండలం మన్నెగూడ రెవెన్యూ సర్వే నంబర్‌ 40, 41లోని భూమిలో ప్రహరీ కూల్చివేత వివాదానికి దారితీసింది. ఇరువర్గాల వారు సోమవారం అక్కడికి చేరుకోవడం ఉద్రిక్తతకు కారణమైంది. దీనిపై ప్రముఖ్‌ టౌన్‌షిప్‌ కాలనీ వాసులతో పాటు, జీవీఆర్‌ ఫంక్షన్‌ హాల్‌ నిర్వాహకులు ఒకరిపై మరొకరు ఆదిభట్ల పోలీసులకు ఫిర్యా దు చేసుకున్నారు. విచారణ అనంతరం చర్య లు తీసుకుంటామని పోలీసులు తెలిపారు. గంజాయి పట్టివేత అబ్దుల్లాపూర్‌మెట్‌ : గంజాయి విక్రయించేందుకు యత్నిస్తున్న ఇద్దరిని అదపులోకి తీసుకున్న పోలీసులు వారి నుంచి 168 గ్రాముల గంజాయి స్వాధీనం చేసుకుని రిమాండ్‌కు తరలించారు. ఈ సంఘటన అబ్దుల్లాపూర్‌మెట్‌ పోలీస్‌స్టేషన్‌ పరిధిలో చోటుచేసుకుంది. పోలీసులు తెలిపిన వివరాల ప్రకారం.. అబ్దుల్లాపూర్‌మెట్‌ మండల కేంద్రంలోని బాలాజీ దాబా వద్ద విజయవాడ జాతీయ రహదారిపై ఆదివారం రాత్రి ఇద్దరు వ్యక్తులు అనుమానాస్పదంగా తిరుగుతుండడాన్ని గమనించిన పోలీసులు వారిని అదుపులోకి తీసుకుని విచారించారు. వారు హయత్‌నగర్‌ శారదానగర్‌కు చెందిన మణికంఠ, అబ్దుల్లాపూర్‌మెట్‌ బీసీకాలనీకి చెందిన ప్రతాప్‌గా తేలింది. వారి నుంచి 168 గ్రాముల గంజాయితో పాటు రెండు సెల్‌ఫోన్లు స్వాధీనం చేసుకుని ఇద్దరినీ రిమాండ్‌కు తరలించారు. బైక్‌ దొంగకు రిమాండ్‌ యాచారం: బైక్‌ దొంగను యాచారం పోలీసులు సోమవారం రిమాండ్‌కు తరలించారు. వివరాలివీ.. నల్లగొండ జిల్లా డిండి మండలం ఖానాపూర్‌ గ్రామానికి చెందిన కె.నవీన్‌ నగరంలోని సరూర్‌నగర్‌లో నివాసం ఉంటున్నాడు. జల్సాల కోసం పలు చోట్ల బైక్‌ల దొంగతనాలకు పాల్పడుతున్నాడు. ఆదివారం మాల్‌ మార్కెట్‌లో ఒక బైక్‌ను దొంగతనం చేస్తుండగా పోలీసులు పట్టుకున్నారు. తమదైన శైలిలో విచారించగా గతంలో సరూర్‌నగర్‌, నాగోల్‌ తదితర పోలీస్‌స్టేషన్ల పరిధిలో పలు బైక్‌లను చోరీ చేయగా ఆరు కేసులు నమోదైనట్లు గుర్తించారు. కేసు నమోదు చేసిన యాచారం పోలీసులు సోమవారం నవీన్‌ను రిమాండ్‌కు తరలించారు.

మొయినాబాద్‌/మొయినాబాద్‌రూరల్‌: మొయినాబాద్‌లో కొత్తగా ఏర్పాటు చేయనున్న అజీజ్‌నగర్‌ పోలీస్‌ష్టేషన్‌, మొయినాబాద్‌ ట్రాఫిక్‌ పోలీస్‌స్టేషన్‌, మొయినాబాద్‌ డివిజన్‌ ఏసీపీ కార్యాలయం ఏర్పాటుకోసం ఫ్యూచర్‌ సిటీ కమిషనర్‌ తరుణ్‌ జోషి పలు భవనాలను పరిశీలించారు. సోమవారం అజీజ్‌నగర్‌లో బీఎస్‌ఎన్‌ఎల్‌ భవనం, పీహెచ్‌సీ, అంగన్‌వాడీ భవనం, నాగిరెడ్డిగూడలో పంచాయతీ కార్యాలయం, హిమాయత్‌నగర్‌లోని వార్డు కార్యాలయాన్ని అజీజ్‌నగర్‌ పోలీస్‌స్టేషన్‌ ఏర్పాటుకోసం పరిశీలించారు. మండల తహసీల్దార్‌ కార్యాలయం వెనకాల ఉన్న సోషల్‌ వెల్ఫేర్‌ హాస్టల్‌ భవనాన్ని, చిలుకూరు మహిళా ప్రాంగణంలోని భవనాలను ఏసీపీ కార్యాలయం, ట్రాఫిక్‌ పోలీస్‌స్టేషన్లకోసం పరిశీలించారు. వీటిలో మౌలిక సదుపాయాలు, ప్రజలకు అందుబాటులో ఉండే భవనాలు, అనుకూలమైన అంశాలను సమీక్షించారు. ఆయన వెంట చేవెళ్ల డీసీపీ యోగేష్‌గౌతమ్‌, ట్రాఫిక్‌ డీసీపీ శివం ఉపాధ్యాయ, చేవెళ్ల ఏసీపీ కిషన్‌, మొయినాబాద్‌ ఇన్‌స్పెక్టర్‌ మల్లికార్జున్‌రెడ్డి, ఎస్‌ఐలు వెంకన్న తదితరులు ఉన్నారు. క్రికెట్‌ మైదానాల పరిశీలన ఆల్‌ ఇండియా పోలీస్‌ క్రికెట్‌ టోర్నమెంట్‌ నిర్వహణ కోసం పలు క్రికెట్‌ మైదానాలను ఫ్యూచర్‌సిటీ కమిషనర్‌ తరుణ్‌ జోషి పరిశీలించారు. మొయినాబాద్‌లోని క్రికెట్‌ గ్రౌండ్‌లను పరిశీలించి టోర్నమెంట్‌లో భాగంగా రాష్ట్రాల వారీగా నిర్వహించే మ్యాచ్‌లు, క్రీడాకారులకు అవసరమైన మౌలిక సదుపాయాలను అడిగి తెలుసుకున్నారు. టోర్నమెంట్‌ను విజయవంతంగా నిర్వహించేందుకు అవసరమైన ఏర్పాటు చేయాలని సంబంధిత అధికారులకు తగిన సూచనలు చేశారు. ఆయన వెంట స్పోర్ట్స్‌ అండ్‌ వెల్ఫేర్‌ ఐజీపీ గజరావు భూపాల్‌ తదితరులు ఉన్నారు.

వికారాబాద్‌: ప్రభుత్వ శాఖలు, ప్రజలు కలిసికట్టుగా ఎల్‌నినోను ఎదుర్కోవాల్సిన అవసరం ఉందని ప్రభుత్వ ప్రత్యేక ప్రధాన కార్యదర్శి దాన కిషోర్‌ అన్నారు. వికారాబాద్‌ కలెక్టరేట్‌లో సోమవారం కలెక్టర్‌ దీపక్‌ తివారితో కలిసి జిల్లా స్థాయి అధికారులతో సమీక్ష నిర్వహించారు. జిల్లాలో ఎల్‌నినో ప్రభావం ఎలా ఉంది..? శాఖల వారీగా తీసుకుంటున్న చర్యలు ఏమిటి..? ఎన్ని గ్రామ పంచాయతీలు, ఎన్ని ఆవాసాలు, ఆయా గ్రామాల్లో నెలకొన్న సమస్యలు, ఎల్‌నినోను ఎదుర్కొనేందుకు చేపడుతున్న సంసిద్ధతా కార్యక్రమాలపై చర్చించారు. జిల్లాలో ఎన్ని చెరువులు ఉన్నాయి..? వీటి నీటి నిల్వ సామర్థ్యం ఎంత.. ప్రస్తుతం ఎంతశాతం నీరు నిల్వ ఉంది..? తదితర అంశాలను అడిగి తెలుసుకున్నారు. వీబీజీరామ్‌జీ పథకంలో కల్పిస్తున్న పనులు, వస్తున్న కూలీలు, జిల్లాకు అనుగుణంగా చేస్తున్న ప్రణాళికలు తదితర అంశాలపై క్షుణ్ణంగా సమీక్షించారు. అర్హత కలిగిన ప్రతీ కుటుంబానికి అడిగిన వెంటనే పనులు కల్పించాలని డీఆర్డీఏ అధికారులను ఆదేశించారు. ఎల్‌నినోను దృష్టిలో ఉంచుకుని పనులు ప్లాన్‌ చేసుకోవాలన్నారు. పశుపోషణ విషయంలో తీసుకుంటున్న చర్యలను తెలుసుకున్నారు. గ్రాసం కొరత రాకుండా తగిన జాగ్రత్తలు తీసుకోవాలన్నారు. పంటల సాగు విధానం మారేలా రైతులకు అవగాహన కల్పించాలని వ్యవసాయ, ఉద్యాన శాఖల అధికారులకు సూచించారు. నీటి ఎద్దడిని దృష్టిలో ఉంచుకుని అవసరమైన చర్యలు తీసుకోవాలన్నారు. నీటిని పొదుపుగా వాడేలా చూడాలని తెలిపారు. తక్కువ నీటితో పండే స్వల్పకాలిక పంటలు సాగు చేసేలా అవగాహన కల్పించాలన్నారు. ఎల్‌నినో ప్రణాళిక తప్పనిసరి అడిగిన ప్రతిఒక్కరికీ పని కల్పించాలి నీటి సంరక్షణకు ప్రాధాన్యం ఇవ్వాలి ప్రభుత్వ ప్రత్యేక ప్రధాన కార్యదర్శి దాన కిషోర్‌ వికారాబాద్‌లో జిల్లా స్థాయి అధికారుల సమీక్ష కలెక్టర్‌ దీపక్‌ తివారి మాట్లాడుతూ.. ఎల్‌నినో ప్రభావం నేపథ్యంలో జిల్లాలో తీసుకుంటున్న చర్యలను వివరించారు. వీబీజీరామ్‌జీలో నీటి నిల్వకు అవసరమైన పనులు చేపట్టేలా ప్రణాళిక సిద్ధం చేశామని తెలిపారు. నేలపై రాలిన ప్రతీ నీటి చుక్క లోనికి ఇంకేలా గుంతలు తవ్విస్తున్నామని స్పష్టంచేశారు. సాగు పద్ధతులపై ఎప్పటికప్పుడు రైతులకు సూచనలు చేస్తున్నామన్నారు. అనంతరం మండల పరిధిలోని పీలారం గ్రామాన్ని సందర్శించి బీవీజీరామ్‌జీ పనులను పరిశీలించారు. ఈ కార్యక్రమంలో అడిషనల్‌ కలెక్టర్లు వెంకటాచారి, ఉమాశంకర్‌ప్రసాద్‌, అడిషనల్‌ కమిషనర్లు రవిందర్‌, శ్రీనివాస్‌, జెడ్పీ సీఈఓ సుధీర్‌, డీఆర్డీఓ శ్రీనివాస్‌, డీపీఓ జయసుధ, డీఏఓ కవిత తదితరులు పాల్గొన్నారు.

వికారాబాద్‌: జిల్లా రైతుల నుంచి సేకరించిన సన్న వడ్లకు సంబంధించి బోనస్‌ డబ్బులు ఇప్పటికీ చెల్లించలేదు. గత రెండు సీజన్లలో మద్దతు ధరకు సన్న, దొడ్డు రకాల ధాన్యాన్ని కొనుగోలు చేసిన ప్రభుత్వం వెంటవెంటనే డబ్బులు చెల్లించింది. కానీ, సన్న వడ్లకు ఇస్తామన్న రూ.500 బోనస్‌ పెండింగ్‌లో పెట్టింది. ఈ డబ్బుల కోసం రైతులు ఆశగా ఎదురు చూస్తున్నారు. అంచనాలకు మించి గత మూడు సీజన్లతో పోలిస్తే 2025 రబీ సీజన్‌లో భారీగా ధాన్యం కొనుగోలు చేశారు. 92 వేల ఎకరాల్లో వరి సాగు చేయగా, రెండు లక్షల మెట్రిక్‌ దిగుబడి వస్తుందని వ్యవసాయ శాఖ అధికారులు అంచనా వేశారు. ఇందులో 90 వేల మెట్రిక్‌ టన్నుల ధాన్యాన్ని కొనుగోలు చేయాలని లక్ష్యంగా పెట్టుకున్నారు. కానీ, అంచనాలకు మించి లక్ష మెట్రిక్‌ టన్నుల దొడ్డు రకం ధాన్యం సేకరించారు. వీటితో పాటు 3,900 మెట్రిక్‌ టన్నుల సన్నరకం ధాన్యానిసేకరించారు. ఇందుకు గానూ క్వింటాలుకు రూ.500 చొప్పున రైతులకు రూ.1.95 కోట్ల బోనస్‌ డబ్బులు చెల్లించాల్సి ఉండగా, ఇప్పటికీ ఖాతాల్లో జమకాలేదు. 2026 యాసంగి సీజన్‌కు సంబంధించి మొత్తం 90 వేల ఎకరాల్లో వరి సాగు చేయగా 1.10 లక్షల మెట్రిక్‌ టన్నుల ధాన్యాన్ని ప్రభుత్వం కొనుగోలు చేసింది. వీటితో పాటు 8,421 మెట్రిక్‌ టన్నుల సన్నరకం వడ్లను సేకరించింది. ఇందుకు సంబంధించిన బోనస్‌ రూ.4.46 కోట్లు రైతులకు చెల్లించాల్సి ఉన్నా, ఇప్పటికీ ఎదురు చూపులు తప్పడం లేదు. ప్రైవేటు వైపు రైతన్న చూపు జిల్లాలో సాధారణ వరి సాగు విస్తీర్ణం 93 వేల ఎకరాలు కాగా, గత మూడు సీజన్లుగా అంతకు మించి నమోదైంది. గత వానాకాలం సీజన్‌లో 1.30 లక్షల ఎకరాల్లో వరి సాగు చేయగా, యాసంగిలో 90 వేలకుపైగా ఎకరాల్లో సాగైంది. ఇందులో అత్యధికంగా పరిగి వ్యవసాయ డివిజన్‌లో 46,876 ఎకరాలు, కొడంగల్‌ డివిజన్‌లో 45,137, తాండూరు 29,964, వికారాబాద్‌ డివిజన్‌లో 8,023 ఎకరాల్లో వరి సాగైంది. జిల్లాలో మొత్తం 20 మండలాలు ఉండగా ఇందులో 12 మండలాల్లో వెయ్యి నుంచి ఐదు వేల ఎకరాల్లో వరి సాగు నమోదైంది. 2023 మరియు 2024 సీజన్లతో పోలిస్తే 2025 యాసంగిలో సన్నరకం వడ్ల సాగు విస్తీర్ణం గననీయంగా పెరిగింది. రెండు మూడు వేల ఎకరాలు దాటని సన్నరకం సాగు 2025 యాసంగిలో 14 వేల ఎకరాల్లో సాగైంది. 8,421 మెట్రిక్‌ టన్నుల సన్నరకం ధాన్యాన్ని రైతులు ప్రభుత్వ కొనుగోలు కేంద్రాల్లో విక్రయించారు. బోనస్‌ డబ్బులు చెల్లించకపోవడంతో 2026 యాసంగి సీజన్‌లో కేవలం 3,900 మెట్రిక్‌ టన్నులు మాత్రమే ప్రభుత్వానికి అమ్మారు. మిగిలినవారు ప్రైవేటు వ్యాపారులకు విక్రయించారు. ఇప్పటికీ దిగుమతే.. జిల్లాలోని ప్రైవేటు వ్యాపారులు కర్నూలుతో పాటు తెలంగాణలోని మిర్యాలగూడ ప్రాంతంలో పండించిన సన్నరకం బియ్యాన్ని దిగుమతి చేసుకుంటున్నారు. ఈ తరుణంలో సన్నవడ్ల సాగు పెరగడం శుభపరిణామంగా కనిపించింది. అయితే, బోనస్‌ చెల్లించే విషయంలో ప్రభుత్వం చేస్తున్న జాప్యం ప్రభావం గత సీజన్‌తో పాటు ప్రస్తుత సీజన్‌పై కూ డా పడనుంది. ప్రభుత్వం ఇప్పటికై నా బోనస్‌ డబ్బు లు చెల్లిస్తే కొనుగోలు కేంద్రాల్లో విక్రయించే అవకాశం ఉంది. ప్రస్తుతం బహిరంగ మార్కెట్లో సన్న బియ్యం ధరలు ఆకాశన్నంటడంతో సాధ్యమైనంత త్వరగా బకాయిలు విడుదల చేయాలి. లేదంటే ఈసారి కూడా ప్రైవేటుకే మొగ్గు చూపే ఛాన్స్‌ ఉంది. దోమ మండలం బొంపల్లి గ్రామానికి చెందిన రైతు జంగయ్య ప్రభుత్వానికి సన్న రకం వడ్లు విక్రయించారు. ఏడాదిగా ఎదురు చూస్తున్నా బోనస్‌ అందడం లేదని ఆందోళన వ్యక్తంచేస్తున్నారు. ప్రభుత్వం ఇచ్చే బోనస్‌కు ఆశపడి సన్నరకం ధాన్యం పండించినా ఫలితం లేకుండాపోతోందని ఆవేదన వ్యక్తంచేశారు. బొంపల్లితండాకు చెందిన మాన్యనాయక్‌ సైతం గత రెండు సీజన్లలో సన్న రకం వడ్లు పండించి కొనుగోలు కేంద్రాల్లో విక్రయించారు. ప్రభుత్వం స్పందించి వెంటనే బోనస్‌ డబ్బులు ఇవ్వాలని డిమాండ్‌ చేస్తున్నారు. ప్రోత్సాహక నగదు చెల్లింపులో తీవ్ర జాప్యం రెండు సీజన్లుగా అందని బకాయిలు క్వింటాలుకు రూ.500 చొప్పున రూ.6.41 కోట్లు పెండింగ్‌

ఇబ్రహీంపట్నం రూరల్‌: గ్రామకంఠం భూమిని స్వాధీనం చేసుకొని ప్రజలకు పంచాలని డీఎస్‌పీ రాష్ట్ర అధ్యక్షుడు డాక్టర్‌ విశారదన్‌ మహారాజ్‌ డిమాండ్‌ చేశారు. గ్రామకంఠం భూమి కబ్జాకు గురైందని, కాపాడాలని కోరుతూ మండలంలోని దండుమైలారం గ్రామస్తులు సోమవారం కలెక్టరేట్‌ ఎదుట ధర్నా చేపట్టారు. కార్యక్రమానికి డాక్టర్‌ విశారదన్‌ మహారాజ్‌ సంఘీభావం తెలిపి మాట్లాడారు. దండుమైలారంలో ఓ భూస్వామి ఆక్రమించిన 4.20 ఎకరాల భూమిని కబ్జా నుంచి విడిపించాలని అన్నారు. పంచాయతీ రికార్డులు తారుమారు చేయడంపై సమగ్ర విచారణ చేపట్టాలన్నారు. 32 రోజులుగా ఆందోళనలు చేపడుతుంటే స్పందించకపోవడం సిగ్గు చేటన్నారు. గ్రామానికి చెందిన మరి కొందరు ఆరు ఎకరాల గ్రామకంఠం భూమి అక్రమించారని వారిపై కూడా చర్యలు తీసుకోవాలన్నారు. కార్యక్రమంలో బీసీ, ఎస్సీ, ఎస్టీ జేఎసీ నాయకులు పాల్గొన్నారు. డీఎస్‌పీ రాష్ట్ర అధ్యక్షుడు డాక్టర్‌ విశారదన్‌ మహారాజ్‌

తుర్కయంజాల్‌: డెంగీతో బాలుడు మృతి చెందిన సంఘటన ఆదిభట్ల పోలీస్‌ స్టేషన్‌ పరిధిలోని రాగన్నగూడలో చోటు చేసుకుంది. బాధితులు తెలిపిన వివరాల ప్రకారం.. నల్లగొండ జిల్లా ముదిగొండకు చెందిన జర్పుల కిషన్‌, జ్యోతి దంపతులు రాగన్నగూడలో నివాసం ఉంటున్నారు. వీరి కుమారుడు వినూత్‌ (13)కు రెండు రోజుల క్రితం జ్వరం రావడంతో స్థానిక తార చిల్డ్రన్స్‌ అండ్‌ మల్టిస్పెషాలిటీ హాస్పిటల్‌లో చేర్పించారు. పరీక్షల్లో డెంగీ ఫీవర్‌ ఉన్నట్లు తేలిందని, చికిత్స అందిస్తున్నట్లు వైద్యులు తెలిపారు. సోమవారం ఉదయం ఒక్కసారిగా బాలుడి పరిస్థితి విషమంగా ఉందని, మరో ఆస్పత్రికి తీసుకెళ్లాలని సూచించారు. అక్కడి నుంచి నగరంలోని మరో ఆస్పత్రికి వెళ్లే సరికి బాబు మృతి చెందాడు. దీంతో వారు తిరిగి తారా హాస్పిటల్‌ వద్దకు బాలుడి మృతదేహాన్ని తీసుకుని వచ్చి ఆందోళనకు దిగారు. పెద్ద ఎత్తున అక్కడికి చేరుకున్న బంధువులు ఒక్కసారిగా హాస్పిటల్‌ లోపలికి ప్రవేశించి పూల కుండీలతో పాటు, పలు వస్తువులను ధ్వంసం చేశారు. సిబ్బందిపై దాడికి యత్నించారు. బాలుడి మృతికి కారణమైన ఆస్పత్రి యాజమాన్యంతో పాటు, వైద్యులపై చర్యలు తీసుకోవాలని బాలుడి కుటుంబ సభ్యులు డిమాండ్‌ చేశారు. విషయం తెలుసుకున్న ఏసీపీ ప్రదీప్‌ రెడ్డితో పాటు పలువురు సీఐలు, ఎస్‌ఐలు అక్కడికి చేరుకుని పరిస్థితిని చక్కదిద్దారు. ● వైదుల్య నిర్లక్ష్యమే కారణమని బంధువుల ఆరోపణ ● మృతదేహంతో ఆస్పత్రి ఎదుట ఆందోళన

మొయినాబాద్‌: ప్రజాస్వామ్య వ్యవస్థలో అత్యంత కీలకమైన ఓటు హక్కును కాపాడుకోవాల్సిన బాధ్యత ప్రతి పౌరుడిపై ఉందని.. ఓటు హక్కు పరిరక్షణే దేశ పరిరక్షణ అని ఏఐసీసీ పరిశీలకుడు మోహన్‌ కుమారన్‌ మంగళం అన్నారు. ‘ఓట్‌ బచావో – దేశ్‌ బచావో’లో భాగంగా మొయినాబాద్‌లోని పార్టీ కార్యాలయంలో డీసీసీ అధ్యక్షురాలు చిగురింత పారిజాత, ఇతర నాయకులతో కలిసి సోమవారం విలేకరుల సమావేశంలో మాట్లాడారు. ప్రజాస్వామ్యాన్ని సజీవంగా ఉంచాలంటే ఓటు హక్కును కాపాడుకోవడం అవసరమన్నారు. ఎలక్షన్‌ కమిషన్‌ కేంద్ర ప్రభుత్వం చేతుల్లో కీలుబొమ్మగా మారిందని.. ఎస్‌ఐఆర్‌ పేరుతో ప్రతి నియోజకవర్గంలో లక్షల మంది ఓట్లు తొలగించారని మండిపడ్డారు. దేశంలో మారుతున్న రాజకీయ పరిణామాల దృష్ట్యా ప్రజలను చైతన్యవంతం చేయడానికి కాంగ్రెస్‌ పార్టీ ‘ఓట్‌ బచావో – దేశ్‌ బచావో’ కార్యక్రమాన్ని చేపట్టినట్టు చెప్పారు. ఇందులో భాగంగా నవంబర్‌ 1న ఢిల్లీలోని రామ్‌లీలా మైదానంలో అత్యంత ప్రతిష్టాత్మకంగా నిర్వహించనున్న భారీ బహిరంగ సభకు రాష్ట్రం నుంచి భారీగా తరలివచ్చి విజయవంతం చేయాలని పిలుపునిచ్చారు. సమావేశంలో రాష్ట్ర కార్పొరేషన్‌ చైర్మన్లు చల్లా నర్సింహారెడ్డి, జ్ఞానేశ్వర్‌ ముదిరాజ్‌, రఘునాథ్‌ యాదవ్‌, చేవెళ్ల, శేరిలింగంపల్లి నియోజకవర్గాల ఇన్‌చార్జులు భీమ్‌ భరత్‌, జగదీశ్వర్‌ గౌడ్‌, రాష్ట్ర యూత్‌ కాంగ్రెస్‌ అధ్యక్షుడు జక్కిడి శివ చరణ్‌ రెడ్డి, జెడ్పీ మాజీ చైర్‌పర్సన్‌ తీగల అనితా రెడ్డి, పీసీసీ అధికార ప్రతినిధి గౌరీ సతీష్‌, రాష్ట్ర నాయకులు ఏనుగు జంగారెడ్డి, షాబాద్‌ దర్శన్‌, రాంరెడ్డి, జిల్లా యూత్‌ కాంగ్రెస్‌ అధ్యక్షుడు నాగేందర్‌ రెడ్డి, జిల్లా మహిళా కాంగ్రెస్‌ అధ్యక్షురాలు జ్యోతి భీమ్‌ భరత్‌, జిల్లా మైనారిటీ సెల్‌ చైర్మన్‌ ఖాజా సలావుద్దీన్‌ అమీర్‌, మొయినాబాద్‌, చేవెళ్ల మున్సిపాలిటీల చైర్‌పర్సన్‌లు సోనియాదర్శన్‌, సమత వెంకట్‌ రెడ్డి, పార్టీ మండల అధ్యక్షుడు సత్యనారాయణ, మాజీ అధ్యక్షుడు మాణయ్య తదితరులు పాల్గొన్నారు. ఏఐసీసీ పరిశీలకుడు మోహన్‌ కుమారన్‌ మంగళం

ఇబ్రహీంపట్నం రూరల్‌: మహర్షి వాల్మీకి బోధనలు సమాజానికి మార్గదర్శకం అని అదనపు కలెక్టర్‌ డాక్టర్‌ కె.కిరణ్మయి పేర్కొన్నారు. కలెక్టరేట్‌లోని జిల్లా వెనుకబడిన తరగతుల సంక్షేమ శాఖ ఆధ్వర్యంలో సోమవారం మహర్షి వాల్మీకి జయంతి వేడుకలను ఘనంగా నిర్వహించారు. ఈ సందర్భంగా అదనపు కలెక్టర్‌ మహర్షి వాల్మీకి చిత్రపటానికి పూలమాల వేసి నివాళి అర్పించారు. అనంతరం మాట్లాడుతూ.. మహర్షి వాల్మీకి జీవితం, ఆయన రచనలు నేటి తరానికి స్ఫూర్తిదాయకమని తెలిపారు. వాల్మీకి బోధించిన విలువలను ప్రతి ఒక్కరూ ఆచరిస్తూ, సమాజంలో ఐక్యత సోదరభావం, నైతిక విలువలను పెంపొందించుకోవాలని సూచించారు. కార్యక్రమంలో జిల్లా వెనకబడిన తరగతుల సంక్షేమ శాఖ అధికారి కేశురాం, వాల్మీకి సంఘం ప్రతినిధులు పాల్గొన్నారు. ఇర్విన్‌ రిజర్వాయర్‌ రద్దు చేయాలి ఆమనగల్లు: మాడ్గుల మండలం ఇర్విన్‌ గ్రామంలో డిండి లిఫ్ట్‌ ఇరిగేషన్‌ ప్రాజెక్టులో భాగంగా నిర్మించ తలపెట్టిన రిజర్వాయర్‌ను రద్దు చేయాలని గ్రామస్తులు డిమాండ్‌ చేశారు. ఈ మేరకు సోమవారం జేఏసీ ఆధ్వర్యంలో ఇర్విన్‌ నుంచి రైతులు, ప్రజలు ర్యాలీగా తహసీల్దార్‌ కార్యాలయానికి చేరుకున్నారు. తహసీల్దార్‌ కార్యాలయం ఎదుట ధర్నా నిర్వహించారు. అక్కడే వంటావార్పు చేసుకుని నిరసన వ్యక్తం చేశారు. ఈ సందర్భంగా జేఏసీ నాయకులు మాట్లాడుతూ.. డిండి లిఫ్ట్‌ ఇరిగేషన్‌ ప్రాజెక్టు కోసం ఇర్విన్‌లో రిజర్వాయర్‌ నిర్మాణం చేపడితే దాదాపు 1,200 ఎకరాల భూమిని కోల్పోతామని, చిన్న, సన్నకారు రైతులు నష్టపోతారని అన్నారు. నల్లగొండ జిల్లా కోసం ఉమ్మడి మహబూబ్‌నగర్‌ జిల్లా రైతులకు అన్యాయం చేస్తారా అని ప్రశ్నించారు. వెంటనే రిజర్వాయర్‌ నిర్మాణాన్ని రద్దు చేయాలని డిమాండ్‌ చేశారు. అనంతరం తహసీల్దార్‌ వినయ్‌సాగర్‌కు వినతిపత్రం అందించారు.

● అంగన్‌వాడీ టీచర్‌, ఆయా పోస్టులకు పోటాపోటీ ● మెరిట్‌, స్థానికతకు ప్రాధాన్యమంటున్న అధికారులు 548 దరఖాస్తులు తాండూరు రూరల్‌: అంగన్‌వాడీ పోస్టుల భర్తీకి అభ్యర్థుల నుంచి విశేష స్పందన లభించింది. తాండూరు క్లస్టర్‌ పరిధిలోని నాలుగు మండలాలు, ఓ మున్సిపాల్టీలో అంగన్‌వాడీ టీచర్‌, ఆయా పోస్టులకు ప్రభుత్వం నోటిఫికేషన్‌ జారీ చేసింది. ఇందులో టీచర్‌ పోస్టులు 23, ఆయా పోస్టులు 28 ఉన్నాయి. ఈనెల 10నుంచి ఆన్‌లైన్‌లో దరఖాస్తులు స్వీకరించగా, 24తో గడువు ముగిసింది. టీచర్‌ పోస్టులతో పాటు ఆయా పోస్టులను కూడా స్థానికంగా ఉండేవారికే ప్రాధాన్యం ఇస్తామని ఐసీడీఎస్‌ అధికారులు చెబుతున్నారు. దరఖాస్తులు ఇలా.. తాండూరు ఐసీడీఎస్‌ క్లస్టర్‌ పరిధిలో తాండూరు, పెద్దేముల్‌, యాలాల, బషీరాబాద్‌ మండలాలతో పాటు తాండూరు మున్సిపాలిటీ ఉంది. వీటి పరిధిలో ఖాళీగా ఉన్న 23 టీచర్‌ పోస్టులకు 548 దరఖాస్తులు వచ్చాయి. ఇందులో తాండూరు మున్సిపాల్టీలోని 6 టీచర్‌ పోస్టులకు 367 అప్లికేషన్లు రావడం అధికారులను ఆశ్చర్యానికి గురిచేసింది. 28 ఆయా పోస్టులకు 65 దరఖాస్తులు వచ్చాయి. తాండూరు మండలంలో.. తాండూరు మండలంలోని ఓగిపూర్‌ అంగన్‌వాడీ టీచర్‌ పోస్టుకు 1 దరఖాస్తు, సంగెంకలాన్‌– 6, సంకిరెడ్డిపల్లితండా– 6 దరఖాస్తులు వచ్చాయి. యాలాల మండలం నాగసముందర్‌ అంగన్‌వాడీ టీచర్‌ పోస్టుకు– 3, అగ్గనూర్‌– 27, అక్కంపల్లి– 14, మల్‌రెడ్డిపల్లి– 13, కోకట్‌– 18, తుప్పెర్లగడ్డతండా– 9 దరఖాస్తులు అందాయి. బషీరాబాద్‌ మండలంలోని కొర్విచెడ్‌లో– 11, బద్లాపూర్‌తండా– 13, జీవన్గి గ్రామంలోని మూడు టీచర్‌ పోస్టులకు– 23 దరఖాస్తులు వచ్చాయి. పెద్దేముల్‌ మండలంలోని కొండాపూర్‌లో టీచర్‌ పోస్టుకు– 9, ఉషానాయక్‌తండా–15, నెల్లిగడ్డతండా– 13 అప్లికేషన్లు అందాయి. తాండూరు మున్సిపాల్టీలో.. తాండూరు ఐసీడీఎస్‌ క్లస్టర్‌ పరిధిలోని తాండూరు మున్సిపాల్టీలో 6 అంగన్‌వాడీ టీచర్‌ పోస్టులు ఖాళీగా ఉన్నాయి. వీటికోసం ఏకంగా 367 దరఖాస్తులు వచ్చాయి. ఇందులో వడ్డెరగల్లి– 64, గడి– 60, గుమస్తానగర్‌– 118, పుటన్‌గల్లి– 62, రాజీవ్‌ గృహకల్ప– 31, మాణిక్‌నగర్‌– 32 దరఖాస్తులు వచ్చినట్లు అధికారులు తెలిపారు. 28 ఆయా పోస్టులకు 65 అప్లికేషన్లు తాండూరు ఐసీడీఎస్‌ క్లస్టర్‌ పరిధిలోని పలు అంగన్‌వాడీ కేంద్రాల్లో ఖాళీగా ఉన్న 28 ఆయా పోస్టులకు గాను 65 దరఖాస్తులు వచ్చినట్లు అధికారులు తెలిపారు. గిరిజన తండాల్లోని సెంటర్లలో ఉన్న ఆయా పోస్టులను మాత్రమే భర్తీ చేస్తున్నారు. పైరవీలకు తావులేదు తాండూరు ఐసీడీఎస్‌ క్లస్టర్‌ పరిధిలోని టీచర్‌, ఆయా పోస్టుల ఎంపిక విషయంలో ఎలాంటి పైరవీలకు తావు లేదు. అభ్యర్థుల స్థానికతతో పాటు మార్కుల ఆధారంగా ఎంపిక చేస్తాం. క్షేత్రస్థాయిలో అడిషనల్‌ సీడీపీఓతో పాటు సూపర్‌వైజర్‌ వెళ్లి దరఖాస్తులను క్షుణంగా పరిశీలిస్తారు. అనంతరం అప్లికేషన్లను కలెక్టర్‌కు పంపిస్తాం. ఎంపిక అంశం కలెక్టర్‌ పరిధిలోనే ఉంటుంది. – కాంతారావు, సీడీపీఓ, తాండూరు క్లస్టర్‌

మంగళవారం శ్రీ 27 శ్రీ అక్టోబర్‌ శ్రీ 2026వరి బదులు.. సాక్షి, రంగారెడ్డిజిల్లా: వర్షాభావ పరిస్థితుల నేపథ్యంలో యాసంగిలో రైతుల దృష్టిని వరిసాగు నుంచి ఆరుతడి పంటల వైపు మళ్లించాలని ప్రభుత్వం నిర్ణయించింది. ఈ మేరకు జిల్లా వ్యవసాయ, విద్యుత్‌, ఉద్యానవన, గ్రామీణాభి వృద్ధిశాఖలు సంయుక్తంగా పొలం బాటపట్టాయి. ‘వరి వద్దు.. ఆరుతడి పంటలే ముద్దు’ అంటూ ఆయా విభాగాల అధికారులు అవగాహన కల్పిస్తున్నారు. ఒక్కోరోజు ఒక్కో మండలంలోని వ్యవసాయ క్షేత్రాలకు చేరుకుని రైతులతో ముఖాముఖి సమావేశం అవుతున్నారు. గ్రామీణ ప్రాంతాల్లోని నీటి వనరులు (చెరువులు, కుంటలు), ఎల్‌నినో కారణంగా అడుగంటుతున్న భూగర్భ జలాలు, ప్రస్తుతం విద్యుత్‌ డిమాండ్‌, సరఫరా సహా రైతులు పంటలను కాపాడుకునేందుకు పడుతున్న ఇబ్బందులపై చర్చిస్తున్నారు. సోమవారం మహేశ్వరం మండలం దుబ్బచర్ల రెవెన్యూ పరిధిలో జిల్లా వ్యవసాయశాఖ అధికారులు పర్యటించి, ప్రత్యామ్నాయ పంటలపై దృష్టి సారించాల్సిందిగా రైతులకు సూచించారు. జలాల పెంపునకు ప్రణాళికలు జిల్లా గ్రామీణాభివృద్ధిశాఖ ఆధ్వర్యంలో ఇప్పటికే ప్రత్యేక ప్రణాళిక సిద్ధం చేశారు. భూగర్భజల మట్టం పెంపు కోసం వీబీజీ రామ్‌జీ జాతీయ గ్రామీణ ఉపాధి హామీ పథకం నిధులతో 526 పంచాయతీల పరిధిలో 1,748 పంట కుంటలు, 450 ఊటకుంటలు, 90,472 వ్యక్తిగత ఇంకుడు గుంతలు, 450 కమ్యూనిటీ ఇంకుడుగుంతలు సహా ఎండిపోయిన బోర్లు రీఛార్జింగ్‌ కోసం మరో 450 గుంతలు తవ్వించాలని నిర్ణయించారు. జూలై చివరి నాటికే 60 శాతం పనులు పూర్తి చేయాలని లక్ష్యంగా నిర్ణయించుకున్నారు. ఇంటికో ఇంకుడుగుంత నిర్మాణానికి రూ.6,689, కమ్యూనిటీ ఇంకుడు గుంతకు రూ.16,400, కమ్యూనిటీ ఫాంపాండ్‌కు రూ.5.80 లక్షలు, కమ్యూనిటీ/వ్యక్తిగత ఫాంపాండ్‌కు రూ.1.88 లక్షలు, కమ్యూనిటీ/ వ్యక్తిగత ఫాంపాండ్‌కు రూ.1.20 లక్షలు, ఊటకుంట నిర్మాణానికి (850 పని దినాలు) రూ.3 లక్షలు, ఊటకుంట నిర్మాణం(600 పని దినాలు) రూ.1.90 లక్షల చొప్పున కూలీ ఖర్చులు చెల్లించాలని నిర్ణయించింది. క్షేత్రస్థాయిలో ఆశించిన స్థాయిలో పనులు ముందుకు సాగడం లేదనే విమర్శ లేకపోలేదు. సబ్సిడీపై డ్రిప్‌, స్ప్రింక్లర్ల పంపిణీ తక్కువ నీటితో ఎక్కువ పంటను సాగు చేసే విధానంపై జిల్లా ఉద్యానవనశాఖ ప్రచారం చేస్తోంది. నగరవాసులకు అవసరమైన కూరగాయలు, ఆకుకూరలు, పండ్ల సాగును ప్రోత్సహిస్తోంది. రైతులకు సబ్సిడీపై డ్రిప్‌, స్ప్రింక్లర్లను పంపిణీ చేస్తోంది. సాధారణంగా జిల్లాలో 80,612 ఎకరాల్లో ఉద్యాన పంటలు సాగవుతుండగా, వీటిలో 31,774 ఎకరాల్లో కూరగాయలు, ఆకుకూరలు పండిస్తున్నారు. 2,77,942 మెట్రిక్‌ టన్నుల దిగుబడి వస్తోంది. రబీ సీజన్‌లో 15,273 ఎకరాల్లో కూరగాయల పంటలను సాగు చేయాలని ఉద్యానశాఖ లక్ష్యంగా నిర్ణయించి, ఆ మేరకు రైతులకు అవగాహన కల్పిస్తోంది. దీనిలో భాగంగా 5,917 ఎకరాల్లో టమాటా, 46 ఎకరాల్లో బీన్స్‌, 587 ఎకరాల్లో బీట్‌రూట్‌, 326 ఎకరాల్లో బెండ, 194 ఎకరాల్లో కాకర, 119 ఎకరాల్లో సోరకాయ, 1,812 ఎకరాల్లో క్యారెట్‌, 366 ఎకరాల్లో వంకాయ, 213 ఎకరాల్లో క్యాబేజీ, 10 ఎకరాల్లో క్యాప్సికం, 177 ఎకరాల్లో కాలిఫ్లవర్‌, 86 ఎకరాల్లో చిక్కుడు, 96 ఎకరాల్లో కొత్తిమీర, 203 ఎకరాల్లో దోస, 347 ఎకరాల్లో గోకరకాయ, 194 ఎకరాల్లో మునగ, 380 ఎకరాల్లో పచ్చిమిర్చి, 3,607 ఎకరాల్లో ఆకుకూరల పంటలు, 95 ఎకరాల్లో దొండ, 72 ఎకరాల్లో ఉల్లి, 238 ఎకరాల్లో బీర, 182 ఎకరాల్లో పాలకూర పంటను సాగు చేయాలని నిర్ణయించింది. తక్కువ నీటితో ఎక్కువ విస్తీర్ణంలో పంటసాగును ప్రోత్సహించేందుకు స్ప్రింకర్లు, డ్రిప్స్‌పైపులను రైతులకు సబ్సిడీపై అందజేస్తోంది. డిస్కం సీఎండీ పర్యటనలు హెచ్చుతగ్గుల సమస్యతో పాటు సాంకేతిక లోపాల కారణంగా తరచూ విద్యుత్‌ సరఫరా నిలిచిపోంతోంది. రైతులు సబ్‌స్టేషన్లను ముట్టడిస్తుండటంతో దక్షిణ తెలంగాణ విద్యుత్‌ పంపిణీ సంస్థ అప్రమత్తమైంది. సీఎండీ జితేష్‌ వి.పాటిల్‌ స్వయంగా రంగంలోకి దిగి పొలంబాట పట్టారు. రెండు వారాల క్రితం చేవెళ్ల మండలం ఆలూరులో పర్యటించారు. తాజాగా రెండు రోజుల క్రితం షాద్‌నగర్‌ డివిజన్‌ పరిధిలోని రాయికల్‌, విట్యాల, రామేశ్వరం గ్రామాల్లో పర్యటించారు. మారుతున్న వాతావరణ పరిస్థితులు, విద్యుత్‌ సరఫరా, తలెత్తుతున్న సాంకేతిక సమస్యలను ఆయా గ్రామాల్లోని రైతులకు వివరించే ప్రయత్నం చేశారు. పాష, నరహరికి ఘన నివాళిజిల్లాలో వర్షాభావ పరిస్థితులు రంగంలోకి వ్యవసాయ, ఉద్యాన, విద్యుత్‌ శాఖలు పొలంబాట పట్టిన అధికారులు ప్రత్యామ్నాయ పంటలపై రైతులకు సూచనలు గ్రామాల్లో విస్తృతంగా అవగాహన కార్యక్రమాలు సాధారణంగా జిల్లాలో ఐదు లక్షల ఎకరాలకుపైగా పంట సాగు కావాల్సి ఉంది. ఈ ఏడాది మూడు లక్షల ఎకరాలకు మించలేదు. ఇందులో 1.30 లక్షల ఎకరాల్లో వరి సాగు చేశారు. ఇబ్రహీంపట్నం డివిజన్‌లో 1,277 ఎకరాల్లో జొన్న, 251 ఎకరాల్లో మొక్కజొన్న, 1,152 ఎకరాల్లో కంది, 14,294 ఎకరాల్లో పత్తి సహా 28,215 ఎకరాల్లో వరి సాగు చేశారు. ఇప్పటికే మెజార్టీ పంట దెబ్బతింది. మహేశ్వరం డివిజన్‌లో 12,898 ఎకరాల్లో పంట సాగు చేశారు. వీటిలో 3,449 ఎకరాల్లో పత్తి, 50 ఎకరాల్లో జొన్న, 6,692 ఎకరాల్లో మొక్కజొన్న, 2,545 ఎకరాల్లో కూరగాయల సాగు చేశారు. పదిహేను రోజులుగా వర్షాలు లేకపోవడంతో ఇప్పటికే 1,337 ఎకరాల్లో పంట దెబ్బతిన్నట్లు అంచనా. ఆమనగల్లు డివిజన్‌లో 1,15,868 ఎకరాల్లో పంటసాగైనట్లు అంచనా. వీటిలో 13,214 ఎకరాలు ఇప్పటికే వాడిపోయినట్లు సమాచారం. చేవెళ్ల డివిజన్‌లో సాధారణంగా 1.20 లక్షల ఎకరాల్లో పంట సాగు కావాల్సి ఉండగా 80 వేల ఎకరాలకు మించలేదు. నీరు లేక ఇప్పటికే మెజార్టీ పూల తోటలు వాడిపోయాయి. తక్కువ నీటితో ఎక్కువ పంటలకు అవకాశం ఉన్న కాయగూరలు సహా పాడి, పశువుల పెంపకంపై దృష్టి సారించాల్సిందిగా అధికారులు సూచిస్తున్నారు.

కొత్తూరు: పట్టణంలో ఉన్న ఓ పైపుల పరిశ్రమ నుంచి సోమవారం పెద్ద ఎత్తున మంటలు, నల్లటి పొగ వెలువడ్డాయి. దీంతో స్థానికులు భయాందోళనకు గురయ్యారు. కొందరు మంటల సమీపంలోకి వెళ్లి పరిశీలించారు. వ్యర్థాలకు నిప్పు అంటుకోవడంతో మంటలు, పొగ వ్యాపించినట్లు గుర్తించారు. ఇళ్లకు సమీపంలో ఉన్న పరిశ్రమల్లో ఇలాంటి వాటితో ప్రమాదాలు సంభవించే అవకాశం ఉందని ఆందోళన వ్యక్తం చేశారు. సంబంధిత శాఖల అధికారులు స్పందించాలని కోరారు. అత్తారింటికి వచ్చి తిరిగి వెళ్తూ .. ● రోడ్డు ప్రమాదంలో వ్యక్తి మృతి ● బాలుడికి తీవ్ర గాయాలు జడ్చర్ల: అత్తగారి ఊరిలో గృహప్రవేశ విందుకు హాజరై తిరిగి వెళ్తుండగా జరిగిన రోడ్డు ప్రమాదంలో ఓ వ్యక్తి మృతిచెందగా, మరో బాలుడు తీవ్రంగా గాయపడ్డాడు. ఈ సంఘటన జడ్చర్ల మండలం చిన్న ఆదిరాల గ్రామ సమీపంలో సోమవారం చోటుచేసుకుంది. ఆమనగల్లు మండలానికి చెందిన దేవ (38) తన అత్తగారి ఊరైన తుపుడుగడ్డతండాలో బంధువుల ఇందిరమ్మ ఇంటి గృహప్రవేశ విందుకు హాజరయ్యాడు. అనంతరం మోటార్‌బైక్‌పై తిరిగి వెళ్తుండగా చిన్న ఆదిరాల సమీపంలో బొలెరో వాహనం ఢీకొట్టింది. దీంతో దేవ అక్కడికక్కడే మృతిచెందాడు. బైక్‌పై వెనుక కూర్చున్న తుపుడుగడ్డతండాకు చెందిన శివ (15) తీవ్రంగా గాయపడటంతో చికిత్స నిమిత్తం జిల్లా ప్రభుత్వ ఆస్పత్రికి తరలించారు. మృతుడు హైదరాబాద్‌లో ఆటో డ్రైవర్‌గా పనిచేస్తున్నాడు. భార్య మౌనిక, కుమార్తె ఉన్నారు. ప్రస్తుతం భార్య గర్భిణి అని బంధువులు తెలిపారు. దేవ మృతదేహాన్ని పోస్టుమార్టం నిమిత్తం జడ్చర్ల ఏరియా ఆస్పత్రికి తరలించారు. కేసు నమోదు చేసి దర్యాప్తు చేస్తున్నట్లు పోలీసులు తెలిపారు. దాడి కేసులో ముగ్గురికి రిమాండ్‌ షాబాద్‌: సెల్‌ఫోన్‌ విషయమై జరిగిన గొడవలో భాగంగా ఓ వ్యక్తిని చితకబాదిన ముగ్గురిపై కేసు నమోదు చేసి రిమాండ్‌కు తరలించారు. ఈ సంఘటన షాబాద్‌ పోలీస్‌ స్టేషన్‌ పరిధిలో చోటుచేసుకుంది. సీఐ లక్ష్మిరెడ్డి తెలిపిన వివరాల ప్రకారం.. రేగడిదోస్వాడ గ్రామానికి చెందిన శ్రీనివాస్‌రెడ్డికి అతని వద్ద డ్రైవర్‌గా ఉండే ఖలీల్‌కు ఈనెల 22న సెల్‌ఫోన్‌ విషయమై గొడవ జరిగింది. ఖలీల్‌ తన బావమరుదులు అయిన ఆదిల్‌, అద్నాన్‌తో కలిసి కర్రలతో దాడి చేసి శ్రీనివాస్‌రెడ్డిని గాయపరిచారు. బాధితుడి ఫిర్యాదు మేరకు కేసు నమోదు చేసిన పోలీసులు ముగ్గురిని సోమవారం కోర్టులో హాజరు పర్చారు. అనంతరం నిందితులను రిమాండ్‌కు తరలించారు. అనుమానాస్పదస్థితిలో యువకుడి మృతి శ్రీనగర్‌కాలనీ: అనుమానాస్పదస్థితిలో ఓ యువకుడు మృతిచెందిన ఘటన మధురానగర్‌ పోలీస్‌స్టేషన్‌ పరిధిలో చోటుచేసుకుంది. పోలీసుల వివరాల ప్రకారం..విజయవాడకు చెందిన రమేష్‌ గుప్తా(35) ఆదిలాబాద్‌కు చెందిన ఇద్దరు, నర్సరావుపేటకు చెందిన యువకుడితో కలిసి సినీ కార్మికుడిగా పనిచేస్తూ యూసుఫ్‌గూడ ఎల్‌ఎన్‌నగర్‌లో నివాసముంటున్నాడు. సోమవారం పెంట్‌హౌస్‌ నుంచి దుర్వాసన రావడంతో ఓనర్‌ మధురానగర్‌ పోలీసులకు సమాచారం ఇచ్చాడు. తలుపు తెరిచిచూసే సరికి రమేష్‌ మృతదేహం కుళ్లిపోయి కనిపించింది. రమేష్‌ స్నేహితులు ముగ్గురూ కొన్ని రోజులుగా కనిపించకుండా పరారీలో ఉన్నారు. హత్య చేసి పారిపోయారా లేక ఆత్మహత్య చేసుకున్నాడా అనే అంశాలపై క్లూస్‌టీంతో విచారణ చేపడుతున్నారు. ఘటనా స్థలాన్ని జూబ్లీహిల్స్‌ జోన్‌ డీసీపీ రమణారెడ్డి, ఏసీపీ వెంకటరెడ్డి, ఇన్‌స్పెక్టర్‌ ప్రభాకర్‌ పరిశీలించారు. మృతదేహాన్ని పోస్ట్‌మార్టం నిమిత్తం గాంధీ ఆసుపత్రికి తరలించారు. ఈ మేరకు పోలీసులు కేసు నమోదుచేసి దర్యాప్తు చేస్తున్నారు.

● బెంగాల్‌కు చెందిన తల్లీకూతుళ్ల అరెస్టు ● 70 గ్రాముల బంగారం, రూ.10 వేలు స్వాధీనంసికింద్రాబాద్‌: భర్త ఆసుపత్రి ఖర్చుల నిమిత్తం నగరానికి వచ్చి చోరీల బాట పట్టిన తల్లీకూతుళ్లు కటకటాలపాలయ్యారు. ఈ ఇద్దరినీ సోమవారం సికింద్రాబాద్‌ రైల్వే పోలీసులు అదుపులోకి తీసుకుని, వారి వద్ద నుంచి 70 గ్రాముల బంగారు ఆభరణాలు, రూ.10 వేల నగదును స్వాధీనం చేసుకున్నారు. జీఆర్‌పీ డీఎస్‌పీ ఎస్‌.ఎన్‌. జావెద్‌ తెలిపిన వివరాల ప్రకారం.. పశ్చిమ బెంగాల్‌ రాష్ట్రం బార్ధమాన్‌ జిల్లాకు చెందిన జమునా బైద్య (38), మాలతి బైద్య (20)లు తల్లీకూతుళ్లు. జమునా బైద్య భర్తకు వైద్యం చేయించేందుకు తన కుమార్తె మాలతి, మనవడితో కలిసి నగరానికి వచ్చింది. గచ్చిబౌలిలో అద్దెకు గది తీసుకుని ఏఐజీ ఆసుపత్రిలో భర్తకు చికిత్స చేయిస్తున్నారు. వైద్యం కోసం డబ్బు అవసరం కావడంతో, పాత నేరస్తులైన వీరు తిరిగి చోరీలకు పాల్పడాలని నిర్ణయించుకున్నారు.సికింద్రాబాద్‌ రైల్వేస్టేషన్‌ను వేదికగా చేసుకున్న ఈ తల్లీకూతుళ్లు, ప్రయాణికుల రద్దీ ఎక్కువగా ఉన్న రైళ్లలోకి ఎక్కే మహిళలను లక్ష్యంగా చేసుకునేవారు. ఒకరు హ్యాండ్‌ బ్యాగుల్లోని విలువైన వస్తువులు, డబ్బు దొంగిలిస్తుండగా, మరొకరు ప్రయాణికుల కదలికలను గమనిస్తూ సహకరించేవారని పోలీసులు తెలిపారు. రైల్వేస్టేషన్‌లో అనుమానాస్పదంగా తిరుగుతుండగా పోలీసులకు పట్టుబడ్డ వీరిని అదుపులోకి తీసుకుని విచారించారు. గతంలో బెంగాల్‌ రాష్ట్రంలోనూ పలు నేరాలకు పాల్పడి జైలుకు వెళ్లొచ్చినట్లు తెలిసింది. నిందితులను అదుపులోకి తీసుకుని ఆభరణాలను స్వాధీ నం చేసుకున్న జీఆర్‌పీ ఎస్‌ఐలు సుబ్బారెడ్డి, టి. మాధవ్‌ బృందానికి అధికారులు రివార్డులను ప్రకటించారు.

షాద్‌నగర్‌: మాతృభూమి పట్టణ మహిళా స్వశక్తి సమాఖ్య ఆధ్వర్యంలో ఆరోగ్యమిత్ర పోస్టుల భర్తీకి నోటిఫికేషన్‌ జారీ చేసినట్లు షాద్‌నగర్‌ సమాఖ్య అధ్యక్షురాలు జయమ్మ సోమవారం ఒక ప్రకటనలో పేర్కొన్నారు. ఆరోగ్యశ్రీ హెల్త్‌కేర్‌ ట్రస్టు అనుబంధ నెట్‌వర్క్‌ ఆస్పత్రుల్లో హెల్త్‌నెట్‌ పరిధిలో పని చేసేందుకు మొత్తం పది ఆరోగ్యమిత్ర పోస్టులకు అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు తెలిపారు. ఏదైనా గుర్తింపు పొందిన విశ్వవిద్యాలయం నుంచి డిగ్రీ ఉత్తీర్ణతతో పాటు కంప్యూటర్‌ పరిజ్ఞానం కలిగిన వారు పోస్టులకు దరఖాస్తు చేసుకోవచ్చని చెప్పారు. కంప్యూటర్‌లో పీజీడీసీఏతో పూర్తి చేసిన వారితో పాటు ప్రభుత్వ లేదా ప్రైవేటు ఆరోగ్య సంస్థల్లో విధులు నిర్వహించిన వారికి ప్రాధాన్యత ఉంటుందన్నారు. పోస్టులకు ఎంపికై న వారు హైదరాబాద్‌లోని హైటెక్‌సిటీ, గచ్చిబౌలి, కొండాపూర్‌, నానక్‌రాంగూడలోని ఆస్పత్రుల్లో ఔట్‌ సోర్సింగ్‌ విధానం కింద షిఫ్టుల వారీగా పని చేయాల్సి ఉంటుందని తెలిపారు. ఆసక్తి గల అభ్యర్థులు ఈనెల 31 సాయంత్రం 5గంటల వరకు షాద్‌నగర్‌ మున్సిపల్‌ కార్యాలయంలో దరఖాస్తులు అందజేయాలని పేర్కొన్నారు. విద్యార్హత ధ్రువపత్రాలు, పని అనుభవం పత్రాలు అందజేయాల్సి ఉంటుందన్నారు. వివరాలకు 96400 94832 నంబర్‌లో సంప్రదించాలని సూచించారు. దరఖాస్తులు పరిశీలించిన వ్యక్తిగత ఇంటర్వ్యూకు పిలవనున్నట్లు తెలిపారు. తుర్కయంజాల్‌: చెరువులు, కాలువలను కబ్జా చేసి నిర్మాణాలు చేపడితే చట్టరీత్యా చర్యలు తప్పవని ఇరిగేషన్‌ డీఈ విజయేందర్‌ రెడ్డి హెచ్చరించారు. సోమవారం ఆయన ఏఈలతో కలిసి తుర్కయంజాల్‌లోని మాసబ్‌ చెరువు కాలువలు, దిలావర్‌ ఖాన్‌ చెరువు కాలువలను పరిశీలించారు. ఈ రెండు చెరువుల కాలువలు పలుచోట్ల అన్యాక్రాంతం అయినట్లు గుర్తించినట్టు తెలిపారు. అదేవిధంగా అపిల్‌ అవెన్యూ కాలనీలో వాగుపై నిర్మించిన కాలువ, డబుల్‌ బెడ్‌ రూమ్‌ ఇళ్లను పరిశీలించారు. షాద్‌నగర్‌: తెలంగాణ రాష్ట్ర గ్రాడ్యుయేషన్‌ అసోసియేషన్‌ వర్కింగ్‌ ప్రెసిడెంట్‌గా షాద్‌నగర్‌ మార్కెట్‌ కమిటీ డైరెక్టర్‌ కరుణాకర్‌ ఎన్నికయ్యారు. హైదరాబాద్‌లో సోమవారం తెలంగాణ లెక్చరర్ల ఫోరం చైర్మన్‌ ప్రొఫెసర్‌ డాక్టర్‌ కత్తి వెంకటస్వామి, ఫోరం అధ్యక్షుడు రామకృష్ణ ఆధ్వర్యంలో నూతన అసోసియేషన్‌ సభ్యులను ఎన్నుకున్నారు. కరుణాకర్‌ను గ్రాడ్యుయేషన్‌ అసోసియేషన్‌ రాష్ట్ర వర్కింగ్‌ ప్రెసిడెంట్‌గా నియమిస్తూ ఉత్తర్వులు జారీ చేశారు. ఈ సందర్భంగా కరుణాకర్‌ మాట్లాడుతూ.. పట్టభద్రుల సమస్యల పరిష్కారానికి కృషి చేస్తానని అన్నారు. ఎమ్మెల్సీ ఎన్నికల నేపథ్యలో అర్హులైన పట్టభద్రులు ఓటు హక్కు నమోదు చేసుకోవాలని సూచించారు. ఈ సందర్భంగా ఆయనను అసోసియేషన్‌ సభ్యులు, ఎమ్మెల్యే వీర్లపల్లి శంకర్‌ ఘనంగా సన్మానించారు. ఇబ్రహీంపట్నం రూరల్‌: వృత్తి నైపుణ్య శిక్షణ కోర్సులకు దరఖాస్తులు ఆహ్వానిస్తున్నట్లు జిల్లా యువజన క్రీడల అఽధికారి ఎస్‌.స్వర్ణలత సోమవారం ఒక ప్రకటనలో పేర్కొన్నారు. నవంబర్‌ 1 నుంచి తరగతులు ప్రారంభం అవుతాయని తెలిపారు. శంషాబాద్‌ మినీ స్టేయంలో నిర్వహిస్తున్న వృత్తి నైపుణ్య శిక్షణ కేంద్రంలో నిరుద్యోగ యువతీయువకులకు వివిధ స్వయం ఉపాధి కోర్సుల్లో తక్కువ ఫీజుతో శిక్షణ అందించనున్నట్లు చెప్పారు. ఇప్పటికే 12 బ్యాచ్‌ల శిక్షణ విజయవంతంగా పూర్తయిందన్నారు. బ్యూటీషియన్‌, ఫ్యాషన్‌ డిజైనింగ్‌, టైలరింగ్‌, ఎంఎస్‌ ఆఫీస్‌ కోర్సుల్లో శిక్షణ ఉంటుందని తెలిపారు. ఆసక్తిగల నిరుద్యోగ యువతీ యువకులు దరఖాస్తు చేసుకోవాలని సూచించారు.

ఇసుక అక్రమ రవాణా ఈసీ వాగు నుంచి ఇసుక దందా జోరుగా సాగుతోంది. అక్రమంగా రవాణా చేస్తున్నా అడిగే నాథుడే కరువయ్యాడు. జలం..సాక్షి, రంగారెడ్డిజిల్లా: భూగర్భ జలాలు పాతాళానికి వేగంగా పడిపోతున్న జిల్లాల జాబితాలో ఉమ్మడి రంగారెడ్డి తెలంగాణలోనే ముందు వరుసలో నిలిచింది. గత ఏడాది సెప్టెంబర్‌తో పోలిస్తే ఈ ఏడాది 5.43 మీటర్ల లోతుకు పడిపోయాయి. ఆశించినస్థాయిలో వర్షపాతం నమోదు కాకపోవడానికి తోడు శివారు ప్రాంతాలు పూర్తిగా కాంక్రీట్‌ జంగిల్స్‌గా మారడం, భారీ బహుళ అంతస్తుల నిర్మాణాలు వెలుస్తుండటం, గృహ, వాణిజ్య, పారిశ్రామిక, వ్యవసాయ అవసరాల కోసం నీటిని తోడేస్తుండటంతో వేగంగా పాతాళానికి పడిపోతున్నాయి. ఇళ్లు, వ్యాపార, వాణిజ్య సముదాయాల్లోని బోరుమోటార్లు ఎండిపోతున్నాయి. గేటెడ్‌ కమ్యూనిటీలు, అపార్ట్‌మెంట్లు, ప్రభుత్వ, ప్రైవేటు కార్యాలయాలు, గురుకులాలు, హాస్టళ్లు, హోటళ్లు, ఆస్పత్రులు, వ్యాపార, వాణిజ్య సముదాయాల్లో నీటి కటకట తప్పడం లేదు. పైపులైన్ల ద్వారా కృష్ణా, గోదావరి జలాలను జలమండలి సరఫరా చేస్తున్నా అవసరాలు తీరడం లేదు. విధిలేని పరిస్థితుల్లో ప్రైవేటు ట్యాంకర్లను ఆశ్రయించాల్సి వస్తోంది. 13 మండలాల్లో లోటు వర్షపాతమే.. సాధారణంగా జిల్లాలో సెప్టెంబర్‌ చివరి నాటికి 547.8 మిల్లీమీటర్ల వర్షపాతం నమోదు కావాల్సి ఉంది. ఈ ఏడాది ఇప్పటి వరకు 468 మిల్లీ మీటర్లకు మించలేదు. మైనస్‌ 14.6 శాతం లోటు నమోదైంది. 27 మండలాల్లో కేవలం ఒక మండలంలో (షాబాద్‌లో 26.2 శాతం) అధిక వర్షపాతం నమోదైంది. 13 మండలాల్లో సాధారణ వర్షపాతం నమోదైంది. వీటిలో కొందుర్గులో 18.9 శాతం, కేశంపేటలో 16.3, నందిగామలో 12.6, మొయినాబాద్‌లో 5.9, చేవెళ్లలో 3.8, మాడ్గులలో మైనస్‌ 5.0, శంకర్‌పల్లిలో మైనస్‌ 6.7, శేరిలింగంపల్లిలో మైనస్‌ 7.1, రాజేంద్రనగర్‌లో మైనస్‌ 8.0, ఫరూఖ్‌నగర్‌లో మైనస్‌ 8.6, చౌదరిగూడలో మైనస్‌ 14.5 శాతం వర్షపాతం నమోదైంది. కందుకూరు, ఆమనగల్లు, కడ్తాల్‌, గండిపేట్‌, శంషాబాద్‌, బాలాపూర్‌, హయత్‌నగర్‌, సరూర్‌నగర్‌, మంచాల, తలకొండపల్లి, యాచారం, అబ్దుల్లాపూర్‌మెట్‌, ఇబ్రహీంపట్నం మండలాల్లో సాధారణం కంటే అతి తక్కువై లోటు వర్షపాతం నమోదైంది. మరింత లోతుకు భూగర్భ జలమట్టం ఎండిపోతున్న పొలాలు, ఆందోళనలో రైతులు పంటలను కాపాడుకునేందుకు ట్యాంకర్లతో నీటి సరఫరా కరెంట్‌ కోతలపై కన్నెర్ర.. సబ్‌స్టేషన్ల ముట్టడి చేవెళ్ల, షాద్‌నగర్‌, కందుకూరు, ఇబ్రహీంపట్నం రెవెన్యూ డివిజన్ల పరిధిలో పంటలు వాడిపోతున్నాయి. మెజార్టీ బోర్లు ఇప్పటికే ఎండిపోయాయి. చెరువులు, కుంటల కింద ఉన్న బోరు బావుల్లో నీరు ఉన్నప్పటికీ.. కరెంట్‌ కోతలతో ఇబ్బందులు తలెత్తుతున్నాయి. సరఫరాలో హెచ్చుతగ్గుల సమస్యతో డిస్ట్రిబ్యూషన్‌ ట్రాన్స్‌ఫార్మర్లు సహా మోటార్లు కాలిపోతున్నాయి. జిల్లాలోని మూడు సర్కిళ్ల పరిధిలో 3,298 ట్రాన్స్‌ఫార్మర్లు కాలిపోయాయంటే క్షేత్రస్థాయిలో విద్యుత్‌ డిమాండ్‌, సరఫరా తీరు ఎంత దారుణంగా ఉందో అర్థం చేసుకోవచ్చు. కరెంట్‌ లేక పంటలు ఎండిపోతుండటంతో రైతులు సబ్‌స్టేషన్లను ముట్టడిస్తున్నారు. మహేశ్వరం, కందుకూరు, తలకొండపల్లి, కేశంపేట, కొందుర్గు, మంచాల, మాడ్గుల మండలాల్లోని రైతులు ఇప్పటికే రోడ్డెక్కి ఆందోళన చేశారు. ఎండిపోయిన పంటల వివరాలు సేకరించి, ప్రభుత్వానికి నివేదించడంలో సంబంధిత శాఖలు మొద్దునిద్ర వీడటం లేదు.

సాక్షి, రంగారెడ్డి జిల్లా: అనుమతి లేకుండా పార్టీలు నిర్వహిస్తున్న ఫామ్‌హౌస్‌లపై చేవెళ్ల డీసీపీ యోగేశ్‌ గౌతమ్‌ ఆధ్వర్యంలో పోలీసులు శనివారం రాత్రి దాడులు నిర్వహించారు. అక్రమంగా నిల్వ చేసిన 26 లీటర్ల మద్యం, నాలుగు హుక్కా పాట్స్‌ని స్వాధీనం చేసుకున్నారు. ఈ సందర్భంగా డీసీపీ మాట్లాడుతూ.. సురంగల్‌, తోలుకట్టలోని వన్‌ వ్యూ, వనం, ప్రణవిల్లా, జెడ్‌, రాయల్‌ వుడ్‌ ఫామ్‌హౌస్‌ల్లో అనుమతి లేకుండా పార్టీలు నిర్వహిస్తున్నట్లు సమాచారం అందిందని తెలిపారు. వాటిపై దాడులు చేసి, అక్రమంగా నిల్వ చేసిన మద్యం, హుక్కా పాట్స్‌ని స్వాధీనం చేసుకొని, యజమానులపై కేసు నమోదు చేసినట్టు చెప్పారు. ప్రభుత్వ నిబంధనలకు అనుగుణంగా ఫామ్‌హౌస్‌ నిర్వాహకులు నడుచుకోవాలని, చట్టవిరుద్ధ కార్యకలాపాలకు పాల్పడితే కఠిన చర్యలు తప్పవని హెచ్చరించారు. దాడుల్లో చేవెళ్ల ఏసీపీ కిషన్‌, మొయినాబాద్‌ సీఐ మల్లికార్జున్‌ రెడ్డి, డీఐ ఉపేందర్‌, సిబ్బంది పాల్గొన్నారు. చేవెళ్ల పరిధిలో ఆకస్మిక తనిఖీలు చేవెళ్ల: మండలంలోని పలు ఫామ్‌హౌస్‌ల్లో ఐదు ప్రత్యేక బృందాలతో శనివారం అర్ధరాత్రి పోలీసులు తనిఖీలు చేపట్టారు. ఈ సందర్భంగా ఎలైట్‌ ఫామ్‌హౌస్‌లో అనుమతులు లేకుండా హుక్కా వినియోగిస్తున్న ముగ్గురిని పట్టుకున్నారు. రెండు హుక్కాపాట్స్‌, వాటి పైపులను స్వాధీనం చేసుకున్నారు. ఈ మేరకు కేసు నమోదు చేశారు. ఈ సందర్భంగా చేవెళ్ల సీఐ నరేందర్‌రెడ్డి మాట్లాడుతూ.. అక్రమ కార్యకలాపాలను అరికట్టడం, శాంతిభద్రతలను పరిరక్షించడం లక్ష్యంగా చేవెళ్ల డీసీపీ యోగేష్‌ గౌతమ్‌ ఆదేశాల మేరకు ఫామ్‌హౌస్‌ల్లో ప్రత్యేక తనిఖీలు చేపట్టినట్లు తెలిపారు. ఫామ్‌హౌస్‌ యజమానులు, నిర్వాహకులు ఎలాంటి చట్ట విరుద్ధమైన కార్యకలాపాలకు పాల్పడినా చట్టరీత్య చర్యలు తప్పవని హెచ్చరించారు.

తుర్కయంజాల్‌: రోడ్డు ప్రమాదాల నివారణకు అధికారులు ఆలస్యంగానైనా చర్యలకు ఉపక్రమించారు. ప్రమాదాలను తగ్గించడానికి ప్రజలు సమష్టిగా కృషి చేయాలని కోరుతూ అదనపు కలెక్టర్‌ కిరణ్మయి ఇటీవల సమీక్ష సమావేశం నిర్వహించడంతో పాటు, పలు రోడ్లను పరిశీలించిన విషయం తెలిసిందే. జిల్లాలో ప్రమాదాలకు కారణం అవుతున్న రహదారుల్లో విజయవాడ నేషనల్‌ హైవేతో పాటు, సాగర్‌ రహదారి మరొకటి. వీటికి తోడు ఔటర్‌ రింగ్‌ రోడ్డు, ఎన్‌హెచ్‌ 44, శ్రీశైలం హైవే, చేవెళ్ల– మన్నెగూడ రహదారి (ఎన్‌హెచ్‌–163), చేవెళ్ల –షాబాద్‌ రహదారిపై తరచూ ప్రమాదాలు చోటుచేసుకుంటున్నాయి. ప్రమాదాలకు కారణం అవుతున్న రహదారులు.. ● హైదరాబాద్‌ నుంచి నాగార్జున సాగర్‌ ప్రధాన రహదారిపై రోజు రోజకూ రద్దీ పెరగడంతో పాటు ప్రమాదాల సంఖ్య పెరుగుతూనే ఉంది. ప్రధానంగా సాగర్‌ కాంప్లెక్స్‌, ఫ్లైటెక్‌ ఏవియేషన్‌ అకాడమీ, గుర్రంగూడ అటవీ ప్రాంతం, ఇంజాపూర్‌ చౌరస్తా, మాసబ్‌ చెరువు కట్టపై, తుర్కయంజాల్‌ చౌరస్తా, బ్రాహ్మణపల్లి చౌరస్తా, మన్నెగూడ, బొంగుళూరు చౌరస్తాలు ప్రమాదాలకు అడ్డాగా మారాయి. ఇవే కాకుండా గున్‌గల్‌ గేట్‌, తక్కళ్లపల్లి గేట్‌, తుమ్మలోనిగూడ గేట్‌, మాల్‌ మైసమ్మ ఆలయం పరిసర ప్రాంతాలు, గురునానక్‌ కళాశాల సమీపంలో ఎక్కువగా జరుగుతుంటాయి. ● విజయవాడ జాతీయ రహదారి విస్తరణ పనులు ఎల్‌బీనగర్‌ నుంచి యాదాద్రి భువనగిరి జిల్లా సరిహద్దు వరకు కొన్ని నెలలుగా కొనసాగుతూనే ఉన్నాయి. ఈ పనులు పూర్తయితే కొద్ది మేర ప్రమాదాలను నివారించవచ్చు. అధికారులు, కాంట్రాక్టర్‌ల నిర్లక్ష్యంతో పనులు పూర్తి చేయకపోవడంతో పనామా చౌరస్తా, ఆటోనగర్‌, హయత్‌నగర్‌, పెద్ద అంబర్‌పేట, ఔటర్‌ రింగ్‌ రోడ్డు, అబ్దుల్లాపూర్‌ మెట్‌, ఇనాంగూడ, కొత్తగూడెం వద్ద తరచూ ప్రమాదాలు చోటుచేసుకుంటున్నాయి. ● జిల్లాలో అధిక శాతం రోడ్డు ప్రమాదాలు జరిగే వాటిల్లో ఔటర్‌ రింగ్‌ రోడ్డు ముందు వరుసలో ఉంటుంది. ఓఆర్‌ఆర్‌పై వాహనాలను ఇష్టానుసారంగా నిలిపివేయడంతోనే అధిక శాతం ప్రమాదాలు జరుగుతున్నాయి. వేగంగా వచ్చే వాహనాలు కంట్రోల్‌ తప్పి నిలిపి ఉన్న వాహనాలను ఢీకొట్టిన సంఘటనల్లో అనేక మంది ప్రాణాలు కోల్పోయారు. ఇదే కాకుండా ఎగ్జిట్‌ పాయింట్‌ల వద్ద ముందే గమనించకుండా సడెన్‌గా వాహనాలను తిప్పడం కూడా మరో కారణం. ● జిల్లాలో అత్యంత ప్రమాదకర మార్గాల్లో మరొకటి చేవెళ్ల–మన్నెగూడ రహదారి. బీజాపూర్‌ జాతీయ రహదారి విస్తరణ పనులు ఏళ్లుగా పెండింగ్‌లో ఉండడంతో ఈ మార్గంలోని అప్పా జంక్షన్‌, మొయినాబాద్‌, చేవెళ్ల, మీర్జాగూడ, మన్నెగూడ తదితర ప్రాంతాల్లో ఉన్న ప్రమాదకరమైన మలుపులు, డివైడర్‌ లేకపోవడం, రోడ్డు ఇరుగ్గా ఉండడం, గుంతలతో తరచూ భారీ ప్రమాదాలు జరిగేవి. ప్రస్తుతం రోడ్డు విస్తరణ పనులు వేగంగా కొనసాగుతున్నాయి. పూర్తయితే ప్రమాదాలు తగ్గే అవకాశం ఉంది. ప్రధాన కారణాలు అధిక శాతం రోడ్డు ప్రమాదాలకు కారణం మితిమీరిన వేగం. వేగ నియంత్రణ లేకపోవడం, డ్రైవర్‌ల నిద్ర మత్తు, మద్యం మత్తులో వాహనాలు నడపడం, ప్రమాదకర మలుపులు, హెచ్చరిక బోర్డులు లేకపోవడం, రిఫ్లెక్టర్‌లు లేకపోవడం, ఓవర్‌టేక్‌, హెల్మెట్‌, సీట్‌ బెల్ట్‌ ధరించకపోవడం, వీధి దీపాలు వెలగకపోవడం, రాత్రి పూట వెలుతురు తక్కువగా ఉండటం, ట్రాఫిక్‌ నిబంధనల ఉల్లంఘన, పాదచారులకు పుట్‌పాత్‌లు, జీబ్రా క్రాసింగ్‌లు, సురక్షితంగా రోడ్డు దాటే ఏర్పాట్లు లేకపోవడంతో అధిక శాతం ప్రమాదాలు జరుగుతున్నాయని రవాణ శాఖ అధికారులు చెబుతున్నారు. జిల్లాలో ప్రమాదాలకు కారణం అవుతున్న ప్రాంతాలు 98, ట్రాఫిక్‌ నిబంధనలు పాటించనవి 99, పాదచారులు రోడ్డు దాటుతూ ప్రమాదాల బారిన పడుతున్నవి 66 గుర్తించినట్లు ఇటీవల జరిగిన సమావేశాల్లో అధికారులు వెల్లడించారు. నిబంధనలు పాటిస్తేనే.. పోలీసులు, రోడ్లు భవనాల శాఖ, జాతీయ రహదారుల శాఖ అధికారులతో పాటు మున్సిపాలిటీలు, కార్పొరేషన్‌లు, రవాణ శాఖల అధికారులు సమన్వయంతో పనిచేసి ప్రమాదాలు ఎక్కువగా జరిగే వాటిని బ్లాక్‌ స్పాట్‌లుగా గుర్తించడం, స్పీడ్‌ బ్రేకర్‌ల ఏర్పాటు, రేడియం సూచికలు, ఎప్పటికప్పుడు గుంతలను పూడ్చడం, వీధి దీపాల ఏర్పాటు, మద్యం తాగి వాహనాలు నడపడం, రాంగ్‌రూట్‌ ప్రయాణంపై కఠిన చర్యలు తీసుకోవడం ద్వారానే ప్రమాదాలను తగ్గించవచ్చని విశ్లేషకుల వాదన. ప్రజలు కూడా నిబంధనలు పాటించినప్పుడే ప్రమాదాల బారిన పడకుండా కాపాడుకోవచ్చని అధికారులు చెబుతున్నారు. ప్రమాదాలు తగ్గుముఖం పట్టేనా.. నివారణకు అధికారుల కార్యాచరణ ప్రమాదాలకు కారణం అవుతున్న ప్రాంతాల గుర్తింపు చర్యలకు ఇటీవల అదనపు కలెక్టర్‌ ఆదేశాలు

షాద్‌నగర్‌: రాజ్యాంగ సంస్థలపై కాంగ్రెస్‌ పార్టీ నాయకులు చేస్తున్న ఆరోపణలు సరికావని బీజేపీ జిల్లా అధ్యక్షుడు రాజభూపాల్‌గౌడ్‌ అన్నారు. ఎమ్మెల్సీ ఎన్నికల నేపథ్యంలో ఆదివారం పట్టణంలోని ఏబీ ఫంక్షన్‌ హాల్‌లో నియోజకవర్గస్థాయి పార్టీ నాయకులతో సమీక్ష సమావేశం నిర్వహించారు. ఈ సందర్భంగా ఆయన మాట్లాడుతూ.. రాబోయే ఎమ్మెల్సీ ఎన్నికల్లో అర్హులైన పట్టభద్రులు తమ ఓటు హక్కును నమోదు చేసుకోవాలని కోరారు. పార్టీ నాయకులు పట్టభద్రులకు అవగాహన కల్పించి, ఓటరు నమోదు ప్రక్రియను వేగవంతం చేయాలని సూచించారు. ఎన్నికల్లో పార్టీ అభ్యర్థి గెలుపే లక్ష్యంగా ముందుకు సాగాలన్నారు. కాంగ్రెస్‌ పార్టీ నాయకులు రాజకీయ ప్రయోజనాల కోసం ఎన్నికల సంఘం, సుప్రీంకోర్టు వంటి రాజ్యాంగ సంస్థలపై ఆరోపణలు చేయడం సరికాదని హితవు పలికారు. తప్పుడు ప్రచారాలను తిప్పికొట్టాలని పిలుపునిచ్చారు. ఓటరు జాబితా సవరణ ప్రక్రియను కేంద్ర ప్రభుత్వం పారదర్శకంగా నిర్వహిస్తోందని తెలిపారు. దేశాన్ని అన్ని రంగాల్లో అభివృద్ధి చేసేందుకు ప్రధాని మోదీ ఎంతో కృషి చేస్తున్నారని చెప్పారు. దేశం అభివృద్ధి పథంలో ముందుకు సాగుతుంటే కాంగ్రెస్‌ పార్టీ నాయకులు ఓర్వలేకపోతున్నారని దుయ్యబట్టారు. సమావేశంలో నాయకులు శ్రీవర్ధన్‌రెడ్డి, దేపల్లి అశోక్‌గౌడ్‌, కక్కునూరి వెంకటేశ్‌గుప్తా, మనోహర్‌రెడ్డి, కమ్మరి భూపాల్‌చారి, ఇస్నాతి శ్రీనివాస్‌, నర్సింహ, మోహన్‌సింగ్‌, వంశీకృష్ణ, చెట్ల వెంకటేశ్‌, ఉమా మహేశ్వరి, శ్యాంసుందర్‌, బోయ అశోక్‌, రాజ్‌నాయక్‌ తదితరులు పాల్గొన్నారు. బీజేపీ జిల్లా అధ్యక్షుడు రాజభూపాల్‌గౌడ్‌

బషీరాబాద్‌: సొంతింటి కల నెరవేర్చుకునేందుకు ఎదురుచూస్తున్న పేదలకు ప్రభుత్వం మరో అవకాశం కల్పించనుంది. ఇందిరమ్మ ఇళ్ల పథకంలో భాగంగా జిల్లాకు కొత్తగా 6,669 ఇళ్లను కేటాయించింది. ఎల్‌–1 జాబితాలోని అర్హుల నుంచే లబ్ధిదారులను ఎంపిక చేయనున్నారు. గతంలో మంజూరై నిర్మాణాలు ప్రారంభం కాని సుమారు 3వేల ఇళ్లను కొత్త లబ్ధిదారులకు కేటాయించనున్నారు. శిథిలావస్థకు చేరిన ఇళ్ల మరమ్మతులు చేపట్టి కొత్తగా స్లాబ్‌ వేసుకోవాలనుకునే అర్హులకు ప్రభుత్వం రూ.2 లక్షల ఆర్థిక సాయం అందించనుంది. ఇంటికి నాలుగు గోడలు ఉండటంతోపాటు ప్లింత్‌ ఏరియా 600 చదరపు అడుగులు ఉండాలనే నిబంధన వర్తిస్తుందని అధికారులు చెబుతున్నారు. స్లాబ్‌ వేసి నిర్మాణం పూర్తి చేసిన తర్వాత నిబంధనల ప్రకారం సాయం అందించనున్నారు. రూఫ్‌ రీప్లేస్‌మెంట్‌ పథకం కింద ప్రతి నియోజకవర్గానికి 500 ఇళ్ల చొప్పున కేటాయించనున్నారు. జిల్లాకు ఈ విభాగంలో కొత్తగా 2 వేల ఇళ్లు కేటాయించినట్లు అధికారులు తెలిపారు. కమిటీల ద్వారా ఎంపిక గ్రామాల్లోని ఇందిరమ్మ కమిటీలు అర్హులైన లబ్ధిదారులను ఎంపిక చేసి జాబితాలను ఎమ్మెల్యేల ద్వారా జిల్లా కలెక్టర్‌కు అందజేస్తాయి. తర్వాత అర్హులకు మంజూరు పత్రాలు జారీ చేసి, నిర్మాణాలకు మార్కింగ్‌ ఇస్తారు. కొత్తవారికి అవకాశం జిల్లాలో కొత్తగా వచ్చిన 6,669 ఇళ్లలో ఒక్కో నియోజవర్గానికి 2 వేలు కేటాయించారు. వీటితో పాటు మొదటి విడతలో మంజూరై ఇప్పటికీ ఇంటి నిర్మాణాలు ప్రారంబించని మరో 3వేల ఇళ్లు కూడా ఎల్‌–1 జాబితాలోని అర్హులైన కొత్తవారికి కేటాయించనున్నారు. ఈ నిర్ణయంతో మరిన్ని పేద కుటుంబాలకు సొంతింటి కల నెరవేరే అవకాశం ఉంది. ఎల్‌ –1 జాబితా నుంచే లబ్ధిదారుల ఎంపిక రూఫ్‌ రీప్లేస్‌మెంట్‌కూ రూ.2 లక్షల సాయం ప్రతి నియోజకవర్గానికి 500 ఇళ్ల కేటాయింపు ప్లింత్‌ ఏరియా 600 చ.అడుగులు తప్పనిసరి ప్రారంభం కాని 3వేల ఇళ్లు కొత్తవారికి నియోజకవర్గాల వారీగా.. నియోజకవర్గాల వారీగా ఇందిరమ్మ ఇళ్లను పంపిణీ చేశాం. గ్రామాల్లోని కమిటీలు లబ్ధిదారులను ఎంపిక చేసి జాబి తాను ఎమ్మెల్యేల ద్వా రా అందజేయాలి. వాటి ఆధారంగా అర్హులకు మంజూరు పత్రాలు జారీ చేస్తాం. ఇళ్ల నిర్మాణాలకు మార్కింగ్‌ ఇస్తాం. వీటిలోనే రూఫ్‌ రీప్లేస్‌మెంట్‌ కింద కొత్తగా 2 వేల ఇళ్లు కూడా కేటాయించాం. అర్హులు స్లాబ్‌ వేసి నిర్మాణం పూర్తి చేస్తే రూ.2 లక్షల సాయం అందుతుంది. – మత్రునాయక్‌, పీడీ హౌసింగ్‌

డీసీఎం ఢీకొని మహిళ మృతి మొయినాబాద్‌: రోడ్డుపై బస్సు కోసం ఎదురుచూ స్తున్న మహిళను అతివేగం, అజాగ్రత్తగా వస్తున్న ఓ డీసీఎం ఢీ కొట్టింది. ఈ ఘటనలో మహిళ అక్కడికక్కడే మృతి చెందింది. పోలీసులు తెలిపిన వివరాల ప్రకారం.. చిలుకూరుకు చెందిన మల్లేశ్‌, చిన్న నాగమణి (50) దంపతులు. ఆదివారం ఉదయం చిన్న నాగమణి తన కూతురు దగ్గరకు వెళ్లేందు కోసం అజీజ్‌నగర్‌ చౌరస్తాలో బస్సు కోసం నిలబడి ఉంది. అదే సమయంలో హైదరాబాద్‌ నుంచి మొయినాబాద్‌ వైపు అతివేగం, అజాగ్రత్తగా వస్తున్న ఓ డీసీఎం డ్రైవర్‌ ఆమెను బలంగా ఢీ కొట్టాడు. దీంతో తీవ్ర గాయాలతో చిన్న నాగమణి అక్కడికక్కడే మృతి చెందింది. భర్త ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నారు. ఎలక్ట్రీషియన్‌ అదృశ్యం చేవెళ్ల: ఇంట్లో రాత్రి నిద్రించిన వ్యక్తి ఉదయం లేచే సరికి కనిపించకుండా పోయాడు. ఈ సంఘటన చేవెళ్ల పోలీస్‌ స్టేషన్‌ పరిధిలో చోటు చేసుకుంది. పోలీసులు తెలిపిన వివరాల ప్రకారం.. రాజేంద్రనగర్‌ మండలం పద్మాశాలిపురానికి చెందిన వరకాల నరేశ్‌ (35) ఎలక్ట్రీషియన్‌గా పనిచేస్తున్నాడు. నాలుగేళ్ల కిత్రం చేవెళ్ల మండలం కౌకుంట్ల గ్రామానికి చెందిన బాలమణితో వివాహం జరిగింది. వివాహానంతరం చేవెళ్లలో కొన్నాళ్లు అద్దె ఇంట్లో ఉన్నారు. ఆర్థిక ఇబ్బందులతో ఇల్లు ఖాళీ చేసి కౌకుంట్ల గ్రామానికి వచ్చి ఉంటున్నారు. ఈ క్రమంలో ఈనెల 23న రాత్రి ఇంట్లో పడుకున్న నరేశ్‌ శనివారం తెల్లవారి లేచి చూసే సరికి కనిపించలేదు. చుట్టుపక్కల, బంధువుల వద్ద వెతికినా ప్రయోజనం లేకపోయింది. దీంతో అతని భార్య ఆదివారం పోలీసులకు ఫిర్యాదు చేసింది. ఈ మేరకు కేసు నమోదు చేసుకొని దర్యాప్తు చేస్తున్నారు. కులం పేరుతో దూషణ: కేసు నమోదు ఇబ్రహీంపట్నం రూరల్‌: కులం పేరుతో దూషించిన వ్యక్తులపై పోలీసులు ఎస్సీ, ఎస్టీ అట్రాసిటీ కేసు నమోదు చేశారు. ఆదిభట్ల ఎస్‌ఐ సుందరయ్య కథనం ప్రకారం.. సాహేబ్‌గూడకు చెందిన సాతూరి శ్రీనివాస్‌ ఈ నెల 20న దుర్గమాత నవరాత్రి ఉత్సవాల్లో భాగంగా నిర్వహించిన వేలంపాటలో బంగారు ముక్కుపుడక, చీర దక్కించుకున్నారు. అదే గ్రామానికి చెందిన జూకంటి సురేష్‌గౌడ్‌, జూకంటి మధుసూదన్‌గౌడ్‌ వారిని కులం పేరుతో దూషించారు. బాధితుడి ఫిర్యాదు మేరకు ఆదివారం ఆదిభట్ల పోలీసులు ఎస్సీ, ఎస్టీ కేసు నమోదు చేసి దర్యాప్తు చేస్తున్నారు.

మొయినాబాద్‌ రూరల్‌: ఆరోగ్యంపై అవగాహన ఎంతో అవసరమని హైడ్రా కమిషనర్‌ రంగనాథ్‌ అన్నారు. నాగిరెడ్డిగూడ రెవెన్యూ పరిధిలోని ఆరోగ్య గ్రామంలో ఆదివారం వార్షికోత్సవాన్ని ఘనంగా నిర్వహించారు. కార్యక్రమానికి హైడ్రా కమిషనర్‌ రంగనాథ్‌తోపాటు చేవెళ్ల ఎమ్మెల్యే కాలె యాదయ్య, సినీ, వినోద రంగానికి చెందిన ప్రముఖులు సప్తగిరి, కిరాక్‌ ఆర్పీ, ఫైట్‌ మాస్టర్స్‌ రామ్‌లక్ష్మణ్‌, సంగీత దర్శకుడు వందేమాతరం శ్రీనివాస్‌ తదితరులు హాజరయ్యారు. ఈ సందర్భంగా రంగనాథ్‌ మాట్లాడుతూ.. ప్రస్తుతం ఆహారం అంతా కల్తీ అయిపోతోందని, చాలా హోటళ్లు.. రెస్టారెంట్లలో ఫుడ్‌ సేఫ్టీ పాటించడం లేదని ఆందోళన వ్యక్తం చేశారు. అలాంటి ఆహారం భుజించడం ఆరోగ్యానికి హానికరమని పేర్కొన్నారు. సంపూర్ణ జీవన విధానాన్ని అలవర్చుకోవాలని సూచించారు. ఎమ్మెల్యే కాలె యాదయ్య మాట్లాడుతూ.. మారుతున్న కాలానికి అనుగుణంగా ప్రజలు ఆరోగ్యపు అలవాట్లను మార్చుకోవాలని అన్నారు. నాణ్యతతో కూడిన ఆహారం తీసుకుంటే ఆరోగ్యంగా జీవిస్తారన్నారు. అనంతరం కార్యక్రమానికి హాజరైన ప్రముఖులను ఆరోగ్య గ్రామ నిర్వాహకుడు లక్ష్మణ్‌ సన్మానించారు. హైడ్రా కమిషనర్‌ రంగనాథ్‌

సుభాష్‌నగర్‌: ఇంట్లో వంట చేస్తుండగా గ్యాస్‌ సిలిండర్‌ పేలి ఓ వ్యక్తి తీవ్రంగా గాయపడిన ఘటన సూరారం పోలీస్‌స్టేషన్‌ పరిధి భగత్‌సింగ్‌నగర్‌లో చోటుచేసుకుంది. పోలీసుల కథనం ప్రకారం నేపాల్‌కు చెందిన దార్‌ బహదూర్‌ (60)కు భార్య, ముగ్గురు కొడుకులు ఉన్నారు. భార్య నేపాల్‌లో ఉంటుండగా ముగ్గురు కుమారులతో కలిసి భగత్‌సింగ్‌నగర్‌లో నివాసముంటూ దూలపల్లి, జీడిమెట్ల పారిశ్రామికవాడలో లేబర్‌గా పనిచేస్తుంటారు. నెలరోజుల క్రితం బహదూర్‌ పెద్ద కుమారుడు చనిపోగా వీరందరూ నేపాల్‌కు వెళ్లి ఆదివారం సూరారం భగత్‌సింగ్‌నగర్‌కు వచ్చారు. మధ్యాహ్నం 3.30 గంటల సమయంలో ఇంట్లో బహదూర్‌ వంట చేస్తుండగా, అప్పటికే గ్యాస్‌ లీకై ఉండడంతో ఒక్కసారిగా సిలిండర్‌ పేలింది. దీంతో బహదూర్‌ తీవ్రంగా గాయపడడంతో పోలీసులు అతన్ని 108 ద్వారా గాంధీ ఆసుపత్రికి తరలించారు. క్షతగాత్రుడి కుమారుడు కృష్ణ ఇచ్చిన ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు. గంట వ్యవధిలో పట్టబడ్డ దొంగబంజారాహిల్స్‌: మద్యానికి అలవాటుపడ్డ ఓ ఆటోడ్రైవర్‌ తాను అద్దెకు తీసుకున్న ఆటోలోనే స్నాచింగ్‌లకు పాల్పడుతూ బంజారాహిల్స్‌ పోలీసులకు చిక్కాడు. నిందితుడిని పోలీసులు ఆదివారం అరెస్టు చేసి రిమాండ్‌కు తరలించారు. వివరాల్లోకి వెళితే.. భోజగుట్టలో నివసించే గువ్వా శ్రీను (31) ఆటోను అద్దెకు తీసుకుని బతుకుతున్నాడు. మద్యానికి అలవాటుపడి ఈజీ మనీ కోసం దొంగతనాలు ప్రారంభించాడు. ఈ నేపథ్యంలోనే బంజారాహిల్స్‌ రోడ్డునెంబర్‌–2లోని సాగర్‌ సొసైటీ ముగ్ధా భవన్‌ సెల్లార్‌లో అక్కడి సెక్యూరిటీగార్డ్‌ గోపాల్‌ కళ్లుగప్పి సెల్‌ఫోన్‌ దొంగిలించి ఉడాయించాడు. గంట వ్యవధిలోనే మళ్లీ బంజారాహిల్స్‌ రోడ్డునెంబర్‌–10లోని ఓ ఇంట్లోకి ప్రవేశించి దొంగతనానికి యత్నించగా భవన యజమాని గుర్తించి 100కు డయల్‌ చేశాడు. వెంటనే అక్కడికి చేరుకున్న బంజారాహిల్స్‌ పోలీసులు నిందితుడిని అదుపులోకి తీసుకుని విచారించగా, అంతకముందే సెక్యూరిటీగార్డ్‌ సెల్‌ఫోన్‌ దొంగతనం చేసిన మిస్టరీ వీడింది. సెక్యూరిటీగార్డ్‌ సెల్‌ఫోన్‌ దొంగతనం చేసి మరో ఇంట్లో దొంగతనానికి పాల్పడేందుకు స్కెచ్‌ వేసి పోలీసులకు చిక్కాడు. బంజారాహిల్స్‌ పోలీసులు కేసు దర్యాప్తు చేస్తున్నారు. మణికొండ: ప్రజల్లో రొమ్ము క్యాన్సర్‌పై అవగాహన పెంపొందించటంతో పాటు వ్యాధిని ముందస్తుగా గుర్తించే ప్రాముఖ్యతను తెలిపే లక్ష్యంతో ఫైనాన్షియల్‌ జిల్లాలోని మెడికవర్‌ క్యాన్సర్‌ ఇనిస్టిట్యూట్‌, బైక్‌–ఓ హోలిక్స్‌ సైక్లింగ్‌ కమ్యూనిటీ వారు సైక్లోథాన్‌ నిర్వహించారు. ఆదివారం ఉదయం ఆసుపత్రి ఆవరణ నుంచి జీటీ రెడ్డి సర్కిల్‌, నానక్‌రాంగూడ సర్కిల్‌, నార్సింగి సర్వీసు రోడ్డు, ఓఆర్‌ఆర్‌ సర్వీసు రోడ్డు, విప్రో సర్కిల్‌ మీదుగా 10 కిలోమీటర్ల వరకు కొనసాగింది. పింక్‌ అక్టోబర్‌లో భాగంగా పెడల్‌ ఎగైనెస్ట్‌ క్యాన్సర్‌ నినాదంతో ఈ కార్యక్రమాన్ని నిర్వహించారు. ఆంకాలజిస్టులు డాక్టర్‌ పృథ్వీరాజ్‌, డాక్టర్‌ కవిత, డాక్టర్‌ రవికృష్ణ, మెడికవర్‌ సెంటర్‌ హెడ్స్‌ డాక్టర్‌ సర్వరూప్‌, శరత్‌చంద్రలతో పాటు వైద్యులు, సైక్లింగ్‌ కమ్యూనిటీ సభ్యులు పాల్గొన్నారు.

బషీరాబాద్‌: చిట్టీ పాట పాడిన తర్వాత సొమ్ము చెల్లించకుండా దుర్భాషలాడుతూ వేధిస్తున్నారని ఆరోపిస్తూ మంథట్టి గ్రామానికి చెందిన విభూతి పరమేశ్వర్‌ (30) ఆదివారం బషీరాబాద్‌ పోలీసులకు ఫిర్యాదు చేశారు. వివరాలు ఇలా ఉన్నాయి.. గ్రామానికి చెందిన సంకు మహిపాల్‌ వద్ద పరమేశ్వర్‌ రూ.5.10 లక్షల చిట్టీ వేశారు. అవసరం నిమిత్తం సెప్టెంబరు 15న పాట పాడి రూ.4.84 లక్షలకు డిక్లేర్‌ చేసుకున్నారు. అయితే సొమ్ము చెల్లించకుండా నిర్వాహకుడు తిప్పుతున్నాడని బాధితుడు ఆరోపించారు. అక్టోబరు 16న డబ్బుల కోసం వెళ్లగా.. ఇవ్వనని దూషిస్తూ ఇంటి నుంచి గెంటేశాడని ఫిర్యాదులో పేర్కొన్నారు. ఇదే తరహాలో మరికొందరు చిట్టీ సభ్యులను మోసం చేసినట్లు, మహిపాల్‌పై ఇప్పటికే ధారూరు పీఎస్‌లోనూ కేసు నమోదైనట్లు తెలిపారు. తన సొమ్ము ఇప్పించి న్యాయం చేయాలని కోరారు. ఫిర్యాదుపై దర్యాప్తు చేస్తున్నట్లు ఎస్‌ఐ విఠల్‌ తెలిపారు.

పారబోసిన వాటిని పశువులకు మేతకోసం తీసుకెళ్తున్న దృశ్యంచేవెళ్ల వ్యవసాయ మార్కెట్‌ యార్డులో అమ్ముడుపోని కూరగాయలు చేవెళ్ల: ఆరుగాలం కష్టపడి పంటలు పండించడం ఒకెత్తయితే.. పండించిన ఉత్పత్తులను అమ్ముకోవడం రైతన్నకు అంతకన్నా భారంగా మారింది. చేవెళ్ల వ్యవసాయ మార్కెట్‌కు కూరగాయల దిగుబడులు అధికంగా వస్తుండడంతో ఆశించిన ధర లభించడం లేదు. మార్కెట్‌కు తీసుకు వచ్చిన కూరగాయలు అమ్ముడుపోక మిగిలిపోతుండడంతో ఆందోళనకు గురవుతున్నారు. శ్రమించి పండించిన పంటను చివరికి పశువులకు మేతగా వేయాల్సిన దుస్థితి ఏర్పడుతోంది. ఒకవైపు ఎల్‌నినో ప్రభావంతో వర్షాలు సకాలంలో లేక నీటికొరత ఏర్పడిన పరిస్థితుల్లో పంటలను కాపాడుకుంటూ తీరా మార్కెట్‌కు తెస్తే ధర లేకపోవడంతో రైతులు తీవ్ర ఆవేదన చెందుతున్నారు. పెట్టుబడులు నష్టపోతున్నామని వాపోతున్నారు. మిగిలిపోతున్న కూరగాయల గుట్టలు వంకాయి, కాకర, మిర్చి, క్యాబేజీ, బీరకాయి, గోకర, ఇతర కూరగాయల దిగుబడులు ఎక్కువగా వస్తుండటంతో రైతులు చేవెళ్ల మార్కెట్‌కు తీసుకు వస్తున్నారు. ఆశించిన ధర లేక.. మొత్తం సరుకు విక్రయం కాక మిగిలిపోతున్నాయి. వాటిని తిరిగి తీసుకెళ్లడం కూడా భారంగా మారడంతో కొందరు రైతులు అక్కడే వదిలి వెళ్తున్నారు. దీంతో మిగిలిపోయిన కూరగాయలను పశువులు ఉన్న వారు వచ్చి మేత కోసం తమ వాహనాల్లో తీసుకెళ్తున్నారు. మార్కెట్‌లో నిత్యం విక్రయించే సరుకులకంటే ఎక్కువ దిగుబడులు రావడంతో అమ్ముడు పోవడం లేదని కమీషన్‌ ఏజెంట్లు చెబుతున్నారు. ఇక్కడ మార్కెట్‌లో అన్ని కూరగాయలు కలిపి రోజుకు 3 క్వింటాళ్ల వరకు డిమాండ్‌ ఉండగా దాదాపు 6 క్వింటాళ్ల వరకు దిగుబడులు వస్తున్నాయని తెలిపారు. ఏది ఏమైనా పండించిన రైతు మాత్రం ఇది తీరని నష్టం అని వాపోతున్నారు. చేవెళ్ల మార్కెట్‌కు అధికంగా కూరగాయల దిగుబడులు ఆశించిన ధర రాక.. తెచ్చినవి విక్రయం కాక వదిలి వెళ్తున్న రైతులు పశువులకు మేతగా మారుతున్న వైనం

అలంకారప్రాయం.. క్రీడా ప్రాంగణాలు అలంకారప్రాయంగా మారాయి. గ్రామీణ యువకులు క్రీడలకు దూరం అవుతున్నారు. ● పంటలు ఎండిపోకుండా జాగ్రత్తలు ● విద్యుత్‌ శాఖ సీఎండీ జితేష్‌ వి.పాటిల్‌ షాద్‌నగర్‌: ఎల్‌నినో ప్రభావంతో విద్యుత్‌కు విపరీతమైన డిమాండ్‌ పెరిగిందని, రైతులకు నాణ్యమైన విద్యుత్‌ సరఫరా చేయడమే లక్ష్యంగా ముందుకు సాగుతున్నామని విద్యుత్‌ శాఖ సీఎండీ జితేష్‌ వి.పాటిల్‌ అన్నారు. ఆదివారం నియోజకవర్గ పరిధిలోని రాయికల్‌, రామే శ్వరం గ్రామాల్లో క్షేత్రస్థాయిలో పర్యటించారు. రైతులు ఎదుర్కొంటున్న సమస్యలను స్వయంగా అడిగి తెలుసుకున్నారు. ఈ సందర్భంగా ఆయన మాట్లాడుతూ.. రైతులకు నాణ్యమైన, స్థిరమైన విద్యుత్‌ సరఫరా చేయడమే లక్ష్యంగా ప్రభుత్వం ప్రత్యేక చర్యలు చేపట్టిందని తెలిపారు. ఎన్‌ల్‌నినో ప్రభావం, వర్షాభావ పరిస్థితుల నేపథ్యంలో రైతులు విద్యుత్‌, వ్యవసాయశాఖ అధికారుల సూచనలు, సలహాలు విధిగా పాటించాలని చెప్పారు. భూగర్భ జలాలు వేగంగా తగ్గిపోతున్నాయని, ఈ నేప థ్యంలో తక్కువ నీటితో సాగు చేసే ప్రత్యామ్నాయ పంటలపై దృష్టి సారించాలన్నారు. నీటి లభ్యతను దృష్టిలో ఉంచుఒకని పంటల ఎంపికలో జాగ్రత్తలు తీసుకోవాలని సూచించారు. ఆరుతడి పంటలు సాగు చేస్తే లాభాలు పొందుతారని అన్నారు. నీటి అవసరం ఎక్కువగా ఉండే పంటలపైనే ఆధారపడకుండా, స్థానిక వాతావరణ పరిస్థితులు, భూసారం, నీటి లభ్యత, మార్కెట్‌లో డిమాండ్‌ను పరిగణలోకి తీసుకొని పంటలు సాగు చేయాలన్నారు. సజ్జ, జొన్న, రాగి, కంది, పెసర, మినుము, వేరుశనగ తదితర పంటలతో పాటు కూరగాయల పంటలు, పూలు సాగు చేయాలన్నారు. కరువు ప్రభావిత ప్రాంతాల్లో పంటల సాగుపై అవగాహన కల్పించేందుకు ప్రభుత్వం ప్రత్యేక చర్యలు చేపట్టిందని వివరించారు. వాతావరణంలో మార్పుల కారణంగా వేడిమి అధికమైందని, దీంతో విద్యుత్‌ డిమాండ్‌ పెరిగిందన్నారు. సరఫరాలో ఇబ్బందులు రాకుండా, పంటలు ఎండిపోకుండా జాగ్రత్తలు తీసుకుంటున్నట్టు ఆయన వెల్లడించారు. కార్యక్రమంలో విద్యుత్‌ శాఖ డైరెక్టర్‌ శివాజీ, షాద్‌నగర్‌ డీఈ శ్యాంసుందర్‌రెడ్డి, ఏఈ వినోద్‌కుమార్‌ తదితరులు పాల్గొన్నారు.

అలంకారప్రాయం.. వికారాబాద్‌: జిల్లాలోని తెలంగాణ క్రీడా ప్రాంగణాలు అలంకారప్రాయంగా మారాయి. ఐదేళ్ల క్రితం అప్పటి ప్రభుత్వం గ్రామీణ క్రీడాకారులను ప్రోత్సహించేందుకు ప్రతి పంచాయతీలో మైదానాలు ఏర్పాటు చేసింది. భూమి కేటాయించి బోర్డులు పాతింది. క్రీడా పరికరాలు పంపిణీ మరిచింది. ఎంపిక చేసిన స్థలాలను అభివృద్ధి చేయకపోవడం, నిర్వహణను గాలికి వదిలేయడంతో అవి నిరుపయోగంగా మారాయి. ప్రస్తుతం పిచ్చి మొక్కలతో నిండిపోయాయి. అప్పట్లో పలువురు తహసీల్దార్లు ఎంతో శ్రమించి క్రీడా ప్రాంగణాలకు స్థలాలు కేటాయించారు. గత, ప్రస్తుత ప్రభుత్వాలు ఆట వస్తువులు పంపిణీ చేయకపోవడంతో యువకులు క్రీడలకు దూరమవుతున్నారు. మూడెకరాలు అవసరం గత ప్రభుత్వం క్రీడా ప్రాంగణాలకు భూములు కేటాయించి సదుపాయాలు కల్పించడం మరిచిపోయింది. ప్రతి జీపీలో అర ఎకరం మాత్రమే భూమి కేటాయించింది. ఈ స్థలం కొన్ని క్రీడలకు మాత్రమే సరిపోతుంది. క్రికెట్‌కు కనీసం మూడెకరాల స్థలం ఉండాలి. ప్రస్తుతం గ్రామీణ ప్రాంతాల్లో ఎక్కువ మంది యువకులు క్రికెట్‌కే ప్రాధాన్యత ఇస్తున్నారు. ప్రస్తుతం కేటాయించిన భూమి ఏ మాత్రం సరి పోదని రెండు మూడు గ్రామాలకు కలిపి ఒకేచోట క్రికెట్‌ గ్రౌండ్‌ ఏర్పాటు చేస్తే బాగుంటుందని పలువురు అభిప్రాయ పడుతున్నారు. క్రీడాప్రాంగణాల నిర్వహణకు ఏడాదికి ఒక్కసారైనా నిధులు కేటాయించాలని విజ్ఞప్తి చేస్తున్నారు. నిర్వహణ బాధ్యతలు గ్రామ పంచాయతీలకు అప్పగించి ఉన్నతాధికారులు పర్యవేక్షించాలని కోరుతున్నారు. వికారాబాద్‌, పరిగి, తాండూరు మున్సిపాలిటీల్లో ఇటీవల ప్రైవేటు క్రికెట్‌ మైదానాలు అందుబాటులోకి వచ్చాయి. ఇక్కడ రోజుకు వేలకు వేలు చెల్లించి ఆటలు ఆడాల్సి వస్తోంది. పేద విద్యార్థులు, చిన్నారులు ఈ స్థాయిలో డబ్బు చెల్లించే స్థోమత లేక గల్లీల్లో క్రికెట్‌ ఆడుకోవాల్సి వస్తోంది. వికారాబాద్‌ జిల్లాలో ఏర్పాటు చేసిన మైదానాలు 585 బోర్డులతో సరి.. నిర్వహణ గాలికి పిచ్చి మొక్కలతో నిండిన ఆట స్థలాలు క్రీడా పరికరాలు పంపిణీ చేయని ప్రభుత్వాలు ఆటలకు దూరమవుతున్న గ్రామీణ క్రీడాకారులు 585 గ్రామ పంచాయతీల్లో .. జిల్లాలో 585 గ్రామ పంచాయతీలు ఉండగా ప్రతిచోట క్రీడా ప్రాంగణం ఏర్పాటు చేయాలని గత ప్రభుత్వం నిర్ణయించింది. ఆ దశగా చర్యలు తీసుకుంది. ప్రతి ప్రాంగణానికి 2వేల చదరపు గజాలు లేదా 20 గుంటలకు తగ్గకుండా భూమిని కేటాయించింది. ఇందుకోసం గ్రామ సమీపంలో గల ప్రభుత్వ భూమి లేదా అటవీ భూములను సేకరించారు. ప్రభుత్వ స్థలం లేని చోట జీపీల్లో లేఅవుట్లు చేస్తే వాటి ద్వారా సామాజిక అవసరాల కింద ఇచ్చే 10శాతం భూమిని క్రీడా ప్రాంగణాల కోసం కేటాయించేలా నిర్ణయించారు. ఇలా అన్ని జీపీల్లో స్థలాలు కేటాయించారు. కొన్ని చోట్ల చిన్న చిన్న ఆట, వ్యాయామ పరికరాలు ఏర్పాటు చేయగా మెజార్టీ గ్రామాల్లో ప్రాంగణాలు బోర్డులకే పరిమితమయ్యాయి. ఎంతో ఉన్నత లక్ష్యం ఏర్పాటు చేసిన తెలంగాణ క్రీడా ప్రాంగణాలు నేడు అలంకారప్రాయంగా మారాయి. ఇప్పటికై నా అధికారులు సమస్యను ప్రభుత్వం దృష్టికి తీసుకెళ్లి గ్రామీణ క్రీడాకారులను ప్రోత్సహించేందుకు చర్యలు తీసుకోవాలని యువకులు కోరుతున్నారు.

● ఈసీ వాగు నుంచి యథేచ్ఛగా తరలింపు ● ట్రాక్టర్‌కు రూ.4వేల నుంచి రూ.6వేల వరకు విక్రయం ● దర్జాగా సొమ్ము చేసుకుంటున్న అక్రమార్కులు ● చూసీచూడనట్టు వ్యవహరిస్తున్న అధికారులు షాబాద్‌: ఈసీ వాగు నుంచి ఇసుక దందా జోరుగా సాగుతున్నా అడిగే నాథుడే కరువయ్యాడు. రాత్రిపూట అక్రమంగా రవాణా చేస్తున్నా ఎవరూ పట్టించుకోవడం లేదు. మండలంలోని నాగర్‌గూడ, తిమ్మారెడ్డిగూడ, ఏట్ల ఎర్రవల్లి, తాళ్లపల్లి, చందనవెల్లి, రుద్రారం, హైతాబాద్‌, సోలీపేట్‌ తదితర గ్రామాల మీదుగా ఈసీ వాగు ప్రవహిస్తోంది. అక్రమార్కులు అనుమతి లేకుండా వాగు నుంచి యథేచ్ఛగా ఇసుకను తరలిస్తున్నారు. ట్రాక్టర్లు, టిప్పర్లు, జేసీబీల సాయంతో ట్రాక్టర్‌ ఇసుక రూ.4వేల నుంచి రూ.6వేల వరకు విక్రయిస్తూ సొమ్ము చేసుకుంటున్నారు. అధికారులు చూసీ చూడనట్లు వ్యవహరిస్తుడండంతో వాగులో పెద్దపెద్ద గోతులు ఏర్పడ్డాయి. చుట్టు పక్కల మండలాలకు సైతం వ్యాపారులు ట్రాక్టర్ల ద్వారా ఇసుక చేరవేస్తూ క్యాష్‌ చేసుకుంటున్నారు. అభివృద్ధి పనులకు సైతం ఇసుక, మట్టిని తరలించేందుకు ఎలాంటి అనుమతులు ఇవ్వకున్నా వ్యాపారులు మాత్రం ఇష్టారాజ్యంగా తోడేస్తున్నారు. దీంతో బోరుబావులు ఎండిపోయే దశకు చేరుకున్నాయి. అధికారులు వెంటనే స్పందించి ఇసుక అక్రమ రవాణాకు అడ్డుకట్ట వేయాలని ప్రజలు కోరుతున్నారు. కళ్లముందే తరలిస్తున్నా.. ఇసుక రవాణా జోరుగా సాగుతున్నా.. కళ్ల ముందు నుంచే ట్రాక్టర్లు, టిప్పర్లలో తరలిస్తున్నా అధికారులు ఏ మాత్రం పట్టించుకోవడం లేదన్న విమర్శలు ఉన్నాయి. ఎవరైనా అధికారులను ప్రశ్నిస్తే లిఖిత పూర్వకంగా ఫిర్యాదు చేస్తే చర్యలు తీసుకుంటామని, తమ దృష్టికి రానప్పుడు ఏం చేస్తామని నిర్లక్ష్యంగా సమాధానమిస్తున్నారు. చర్యలు తీసుకుంటాం ఈసీ వాగు నుంచి ఇసుక అక్రమంగా రవాణా చేస్తున్నారని మా దృష్టికి వచ్చింది. అలాంటి వారిపై నిఘూ ఉంచి కేసులు నమోదు చేస్తాం. ఏ గ్రామంలోనైనా వాగుల్లో నుంచి తరలిస్తే సమాచారం అందించండి. వాహనాలను సీజ్‌ చేసి, వ్యాపారులపై చట్టరీత్యా చర్యలు తీసుకుంటాం. – లక్ష్మిరెడ్డి, సీఐ షాబాద్‌

షాబాద్‌: డాక్టర్‌ బీఆర్‌ అంబేడ్కర్‌ జాతీయ అవార్డుకు మండలంలోని తాళ్లపల్లి గ్రామానికి చెందిన అప్పలి శ్రీనివాసులు ఎంపికయ్యారు. ఈ మేరకు ఆదివారం నగరంలోని బహుజన సాహిత్య అకాడమీ రాష్ట్ర కార్యాలయంలో జాతీయ అధ్యక్షుడు నల్లా రాధాకృష్ణ చేతుల మీదుగా ఎంపిక పత్రం అందుకున్నారు. ఈ సందర్భంగా అప్పలి శ్రీనివాసులు మాట్లాడుతూ.. అవార్డుకు ఎంపికవడం ఆనందంగా ఉందన్నారు. నవంబర్‌ 15న న్యూ ఢిల్లీలో జరిగే 20వ జాతీయ సదస్సులో ప్రదానం చేయనున్నట్లు తెలిపారు. కార్యక్రమంలో బీఎస్‌ఏ రాష్ట్ర నాయకులు మల్లగళ్ల మల్లేష్‌, కోటేశ్వరరావు, విజయ్‌కుమార్‌, విష్ణవర్ధన్‌, అవార్డుల ఎంపిక కమిటీ సభ్యులు, ప్రజా సంక్షేమ సంఘం వ్యవస్థాపక అధ్యక్షుడు చొక్కంపేట ఆంజనేయులు, సామాజిక ఉద్యమకారులు పాల్గొన్నారు. తుర్కయంజాల్‌: శ్రీరాముడు, రావణాసురుడి మీద విజయం సాధించడానికి గుర్తుగా.. మహాభారతంలో పాండవులు 12 ఏళ్లు అరణ్యవాసం గడిపి విజయం సాధించడానికి గుర్తుగా ఏటా విజయ దశమిని జరుపుకొంటున్నామని విశ్రాంత యువసేన అధికారి, ప్రముఖ సంఘ సేవకుడు సీబీఆర్‌ ప్రసాద్‌ తెలిపారు. ఆర్‌ఎస్‌ఎస్‌ ఆధ్వర్యంలో ఆదివారం తొర్రూర్‌ డివిజన్‌ న్యూ సూభాష్‌ నగర్‌లో నిర్వహించిన విజయదశమి పదసంచాలన్‌ కార్యాక్రమానికి ఆయన ముఖ్య అతిథిగా హాజరయ్యారు. ఈ సందర్భంగా మాట్లాడుతూ.. దేశ నిర్మాణంలో ప్రతి ఒక్క స్వయం సేవక్‌ నిమగ్నమై ఉండాలని, దేశ భవిష్యత్తు యువత చేతిలోనే ఉందని అన్నారు. కొంతమంది యువత చెడు వ్యసనాలకు అలవాటు పడి జీవితాలను నాశనం చేసుకుంటున్నారని, లవ్‌ జిహాద్‌, మత మార్పిడులను తరిమికొట్టాలని పిలుపునిచ్చారు. కార్యక్రమంలో తెలంగాణ ప్రాంత సేవ ప్రముఖ్‌ గాజుల శివ శంకర్‌ తదితరులు పాల్గొన్నారు. చేవెళ్ల: మండలంలోని రేగడిఘనాపూర్‌లో దళితుడిపై జరిగిన దాడికి కారణమైన వారిని వెంటనే అరెస్ట్‌ చేసి, కఠిన చర్యలు తీసుకోవాలని కుల అసమానతల నిర్మూలన పోరాట సమితి రాష్ట్ర అధ్యక్షురాలు గన్నారపు సరోజన, కోశాధికారి ఎర్ర మోహనకృష్ణ, నాయకులు కిష్టప్ప అన్నారు. ఆదివారం గ్రామాన్ని సందర్శించి, దాడి జరిగిన బాధితుడు భాస్కర్‌ను పరామర్శించారు. వివరాలు అడిగి తెలుసుకున్నారు. ఈ సందర్భంగా వారు మాట్లాడుతూ.. దసరా వేడుకల్లో దళితుడైన భాస్కర్‌పై దాడికి పాల్పడిన అగ్రకులానికి చెందిన వారిపై ఫిర్యాదు చేసినప్పటికీ ఇప్పటి వరకు ఎందుకు చర్యలు తీసుకోలేదని ప్రశ్నించారు. వారిని కాపాడే ప్రయత్నం జరుగుతోన్నట్లు తెలుస్తోందన్నారు. ఇప్పటికై నా పోలీసులు చర్యలు తీసుకోవాలని, లేదంటే బాధితుడి పక్షాన పోరాడతామని హెచ్చరించారు. కార్యక్రమంలో సంఘం నాయకులు భాస్కర్‌, అంతయ్య, బుచ్చమ్మ, మెగులమ్మ తదితరులు పాల్గొన్నారు. సాక్షి, రంగారెడ్డిజిల్లా: ఓ ఫామ్‌హౌస్‌లో బర్త్‌డే వేడుకలు నిర్వహించగా.. మొయినాబాద్‌ పోలీసులు ఆకస్మికంగా దాడులు చేసి ఆరుగురిని అదుపులోకి తీసుకొన్నారు. డ్రగ్‌ టెస్టు చేయగా.. ఒకరికి పాజిటివ్‌గా నిర్ధారణ అయ్యింది. పోలీసుల కథనం ప్రకారం.. ఆదివారం రాత్రి కనకమామిడి గ్రామ శివారులోని మ్యాంగో వుడ్‌ ఫామ్‌హౌస్‌, విల్లా నంబర్‌ 13లో కొంత మంది యువకులు గంజాయి వాడుతున్నట్లు పోలీసులకు పక్కా సమాచారం అందింది. వెంటనే దాడులు జరిపి, ఆరుగురిని అదుపులోకి తీసుకున్నారు. వారిలో బీహార్‌ రాష్ట్రానికి చెందిన బిషు కుమార్‌(25)కి పాజిటివ్‌ వచ్చినట్లు ప్రాథమిక టెస్టులో నిర్ధారణ అయ్యింది. అతడిని ఠాణాకు తరలించి విచారించగా ఐదు నెలల క్రితం మనీష్‌ మొమోస్‌ అనే వ్యక్తి ద్వారా గంజాయి కొనుగోలు చేసి, వాడినట్లు వెల్లడించాడు. ఈ మేరకు కేసు నమోదు చేసి దర్యాప్తు చేస్తున్నారు.

షాద్‌నగర్‌రూరల్‌: మహిళల్లో అక్షరాస్యతను పెంపొందించి, వారిని విద్యావంతులుగా తీర్చిదిద్దడమే లక్ష్యమని రాష్ట్ర వయోజన విద్యాశాఖ డైరెక్టర్‌ శ్రీనివాస్‌రెడ్డి అన్నారు. రాష్ట్రంలో తొలిసారిగా ప్రభు త్వం ఫరూఖ్‌నగర్‌ మండలంలో ఉర్దూభాష అభ్యసన (ఉల్లాస్‌) కార్యక్రమాన్ని చేపట్టింది. పట్టణంలో ని మండల పరిషత్‌ సమావేశ మందిరంలో శనివా రం ఏర్పాటు చేసిన సమావేశానికి ముఖ్యఅతిథిగా హాజరైన శ్రీనివాస్‌రెడ్డి మాట్లాడుతూ.. మహిళలు విద్యావంతులుగా ఎదిగినప్పుడే ఆ కుటుంబం, సమాజం అభివృద్ధి చెందుతుందని అన్నారు. రాను న్న మార్చి నెలాఖరు వరకు జిల్లాలో 5,500 మంది మహిళలకు విద్యను అందించి ప్రభుత్వ లక్ష్యాన్ని చేరుకోవాలని సూచించారు. మహిళల్లో అక్షరాస్యతను పెంచేందుకు అధికారులు, స్వచ్ఛంద సంస్థలు సమన్వయంతో పని చేయాలని సూచించారు. అనంతరం ఉర్దూ అభ్యసన పుస్తకాన్ని ఆవిష్కరించారు. కార్యక్రమంలో వయోజన విద్యాశాఖ డిప్యూటీ డైరెక్టర్‌ అనిత, తహసీల్దార్‌ నాగయ్య, మున్సిపల్‌ చైర్మన్‌ అగ్గనూర్‌ బస్వం, మార్కెట్‌ కమిటీ వైస్‌ చైర్మన్‌ మహ్మద్‌ అలీఖాన్‌బాబర్‌, కాంగ్రెస్‌ పార్టీ జిల్లా ప్రధానకార్యదర్శి ఎం.డి.ఇబ్రహీం తదితరులు పాల్గొన్నారు.

అనంతగిరి: వర్షాభావ పరిస్థితులతో పంటలు ఎండిపోయి తీవ్రంగా నష్టపోయిన రైతులను ప్రభుత్వం వెంటనే ఆదుకోవాలని తెలంగాణ రైతు సంఘం జిల్లా కార్యదర్శి మహిపాల్‌ డిమాండ్‌ చేశారు. ఈ మేరకు శనివారం వికారాబాద్‌ మండల పరిధిలోని పీరంపల్లి, పులుసుమామిడి, సిద్ధులూరు గ్రామాల్లో పర్యటించిన జిల్లా బృందం, పంట నష్టాన్ని పరిశీలించింది. ఈ సందర్భంగా ఆయన మాట్లాడుతూ.. ఎల్‌నినో ప్రభావం, బోర్లలో నీటి కొరత, విద్యుత్‌ సరఫరాలో అంతరాయాల కారణంగా పత్తి, వరి, కంది పంటలతో పాటు క్యారెట్‌, బీట్‌రూట్‌, క్యాబేజీ తదితర కూరగాయల పంటలు, పూల తోటలు తీవ్రంగా దెబ్బతిన్నాయని ఆవేదన వ్యక్తం చేశారు. పెట్టుబడులు పెట్టి పంటలు సాగు చేసిన రైతులు దిగుబడులు లేక ఆర్థిక ఇబ్బందులు ఎదుర్కొంటున్నారని పేర్కొన్నారు. సీఎం రేవంత్‌రెడ్డి, స్పీకర్‌ ప్రసాద్‌కుమార్‌ స్పందించి వెంటనే వికారాబాద్‌ను కరువు జిల్లాగా ప్రకటించాలని కోరారు. రైతులను ఆదుకునేందుకు రూ.2 వేల కోట్లు కేటాయించాలని డిమాండ్‌ చేశారు. ఈ కార్యక్రమంలో తెలంగాణ రైతు సంఘం జిల్లా ఉపాధ్యక్షుడు ఇందురూపాటి గోపాల్‌రెడ్డి, తేజ, శ్రీనివాస్‌, రైతులు తదితరులు పాల్గొన్నారు.

హుడాకాంప్లెక్స్‌: వృద్ధాశ్రమాల నిర్వహణలో స్వచ్ఛంద సేవా సంస్థలు కీలక పాత్ర పోషిస్తాయని దివ్యాంగులు, వయోవృద్ధుల సంక్షేమ శాఖ అధికారి నారాయణమ్మ అన్నారు. సరూర్‌నగర్‌లోని మారుతీ వృద్ధాశ్రమంలో శనివా రం తనిఖీలు నిర్వహించారు. ఈ సందర్భంగా రికార్డులను పరిశీలించారు. మెనూ ప్రకారం ఆహారం అందిస్తున్నారా అని ఆరా తీశారు. అనంతరం ఆమె మాట్లాడుతూ.. వ్యక్తిగత శుభ్రతతోపాటు పరిసరాల పరిశుభ్రత పాటించాలని సూచించారు. ఆశ్రమం నిర్వహణ బాగుందని తెలిపారు. ప్రశాంతంగా అసిస్టెంట్‌ సైంటిస్ట్‌ పరీక్ష మొయినాబాద్‌: అసిస్టెంట్‌ సైంటిస్ట్‌ (అనలిస్ట్‌ గ్రేడ్‌–2) పరీక్ష శనివారం ప్రశాంతంగా జరిగింది. ఉదయం 10 నుంచి మధ్యాహ్నం 12.30 గంటల వరకు,మధ్యాహ్నం 2.30 నుంచి సాయంత్రం 5 గంటల వరకు రెండు షిఫ్టుల్లో పరీక్ష నిర్వహించారు.సమయానికంటే గంట ముందుగానే అభ్యర్థులు పరీక్ష కేంద్రాలకు చేరుకున్నారు. మున్సిపల్‌ పరిధిలో ఏర్పాటు చేసిన ఐదు కేంద్రాల్లో 46.46 శాతం మంది మాత్రమే హాజరయ్యారు. 665 మంది అభ్యర్థులకుగాను 309 మంది మాత్రమే పరీక్ష రాశారు, 356 మంది హాజరు కాలేదు. గ్లోబల్‌ ఇంజనీరింగ్‌ కళాశాలలో 125 మందికి 65 మంది, చైతన్య డీమ్డ్‌ టూబీ యూనివర్సిటీలో 120 మందికి 53, కేజీరెడ్డి ఇంజనీరింగ్‌ కళాశాలలో 200 మందికి 80, జేబీఐఈటీ కళాశాలలో 120 మందికి 66, వీజేఐటీ కళాశాలలో 100 మందికి 45 మంది హాజరయ్యారు. పరీక్ష కేంద్రాల వద్ద ఎలాంటి అవాంఛనీయ ఘటనలు జరగకుండా పోలీసులు పటిష్ట బందోబస్తు ఏర్పాటు చేశారు. విజయం సాధించేదాకా విశ్రమించొద్దు బడంగ్‌పేట్‌: విజయం సాధించే వరకు విశ్రమించొద్దని అదనపు కలెక్టర్‌ డాక్టర్‌ కిరణ్మయి పోటీపరీక్షలకు సన్నద్ధం అవుతున్న విద్యార్థులకు సూచించారు. బడంగ్‌పేటలోని జిల్లా కేంద్ర గ్రంథాలయాన్ని శనివారం ఆకస్మికంగా తనిఖీ చేశారు. పాఠకులకు అందిస్తున్న సదుపాయాలు, నిర్వహణ తదితర అంశాలను అధికారులను అడిగి తెలుసుకున్నారు. లైబ్రరీకి వచ్చిన పాఠకులతో మాట్లాడారు. విద్యార్థుల పోటీ పరీక్షలకు అవసరమైన మెటీరియల్‌ అందుబాటులో ఉంచాలని గ్రంథ పాలకులకు సూచించారు. అదనపు కలెక్టర్‌ వెంట గ్రంథాలయ సంస్థ కార్యదర్శి పీజీవీ రాణి, గ్రంథాలయ సిబ్బంది ఉన్నారు. పట్టభద్రులను ఓటర్లుగా నమోదు చేయించండి మీర్‌పేట: అర్హులైన పట్టభద్రులంతా ఓటు హక్కు నమోదు చేసుకునేలా నాయకులు, కార్యకర్తలు అవగాహన కల్పించాలని మాజీ మంత్రి, ఎమ్మెల్యే సబితారెడ్డి, ఎమ్మెల్సీ సురభి వాణిదేవి సూచించారు. మీర్‌పేటలోని ఎమ్మెల్యే క్యాంపు కార్యాలయంలో పట్టభద్రుల ఓటర్ల నమోదు అంశంపై శనివారం నిర్వహించిన నియోజకవర్గ స్థాయి ముఖ్య కార్యకర్తల సమావేశానికి వారు హాజరయ్యారు. ఈ సందర్భంగా మాట్లాడుతూ.. నియోజకవర్గంలోని బీఆర్‌ఎస్‌ శ్రేణులంతా సమన్వయంతో పనిచేసి పెద్ద ఎత్తున పట్టభద్రులను ఓటర్లుగా నమోదు చేయాలన్నారు.

మొయినాబాద్‌: ఎదురెదురుగా కారు, బైకు ఢీకొని రోడ్డు నిర్మాణంకోసం తీసిన కాలువలో పడటంతో ఇద్దరికి గాయాలయ్యాయి. ఈ సంఘటన మొయినాబాద్‌ పోలీస్‌స్టేషన్‌ పరిధిలోని కేతిరెడ్డిపల్లి గేటు వద్ద హైదరాబాద్‌–బీజాపూర్‌ జాతీయ రహదారిపై శనివారం ఉదయం చోటుచేసుకుంది. స్థానికులు తెలిపిన వివరాల ప్రకారం.. నగరం నుంచి చేవెళ్ల వైపు బైక్‌పై ఇద్దరు వెళ్తున్నారు. అదే సమయంలో చేవెళ్ల నుంచి నగరం వైపు అతివేగంతో వచ్చిన కారు, బైక్‌ను ఢీకొట్టింది. దీంతో బైక్‌పై ఉన్న ఇద్దరు కింద పడి గాయాలయ్యాయి. ఢీకొన్న రెండు వాహనాలు రోడ్డు నిర్మాణంకోసం తవ్విన కాలువలోకి దూసుకెళ్లి పల్టీ కొట్టాయి. గాయాలైన ఇద్దరిని స్థానికులు చికిత్సకోసం నగరంలోని ఓ ప్రైవేటు ఆస్పత్రికి తరలించారు. ప్రమాదం జరిగినట్లు సమాచారం అందిన వెంటనే పోలీసులు అక్కడికి చేరుకున్నారు. గాయాలైనవారి వివరాలను మాత్రం శనివారం రాత్రి వరకు సేకరించలేదు. మరోవైపు హైదరాబాద్‌–బీజాపూర్‌ జాతీయ రహదారి విస్తరణ పనులు చేపడుతున్న కాంట్రాక్టర్‌ నిర్లక్ష్యం వాహనదారులకు శాపంగా మారింది. రోడ్డు విస్తరణ పనుల్లో కాంట్రాక్టర్‌ నిబంధనలు, జాగ్రత్తలు పాటించడంలేదని స్పష్టమవుతోంది. ప్రస్తుతం ఉన్న రోడ్డు పక్కనుంచి కొత్త రోడ్డు నిర్మాణంకోసం కాలువలు తవ్వారు. వాటికి అడ్డంగా సూచిక బోర్డులు, సిమెంటు దిమ్మెలు పెట్టాల్సి ఉన్నా.. అవేమీ పట్టించుకోవడంలేదు. దీంతోనే ప్రమాదాలు జరుగుతున్నాయని స్థానికులు, వాహనదారులు ఆరోపిస్తున్నారు. కాలువలో పడిన కారు, బైకు రోడ్డు ప్రమాదంలో ఇద్దరికి గాయాలు

షాబాద్‌: భూ వివాదం నేపథ్యంలో కత్తితో దాడి చేసిన కేసులో షాబాద్‌ పోలీసులు తొమ్మిది మంది నిందితులను అరెస్టు చేశారు. సీఐ డీకే లక్ష్మిరెడ్డి తెలిపిన వివరాల ప్రకారం.. మండలంలోని హైతాబాద్‌ సర్వేనంబర్‌ 202లోని భూమికి సంబంధించి దీర్ఘకాలిక వివాదం కొనసాగుతోంది. ఈ నేపథ్యంలో శుక్రవారం సాయంత్రం రెండు వర్గాల మధ్య ఘర్షణ చోటుచేసుకుంది. చాంద్‌పాషా, అతని కుమారులు సోహెల్‌, ఫైజల్‌పై దాడి చేయడానికి నిందితులు ముందస్తు పథకం వేసుకున్నారు. ఈ క్రమంలో రెండు కార్లు, ఒక మోటార్‌ సైకిల్‌పై ఆయుధాలతో అక్కడికి చేరుకుని దాడికి పాల్పడ్డారు. ముజఫర్‌ ఉద్దీన్‌ ఓ వ్యక్తిపై కత్తితో దాడి చేశాడు. అనంతరం జరిగిన ఘర్షణలో వాహనాలు ధ్వంసమయ్యాయి. ఈ కేసులో షాబాద్‌ పోలీసులు శనివారం తొమ్మిది మంది నిందితులను అదుపులోకి తీసుకున్నారు. రెండు కార్లు, ఒక మోటార్‌ సైకిల్‌, రెండు క్రికెట్‌ బ్యాట్‌లు, కత్తి, పలు సెల్‌ఫోన్లు స్వాధీనం చేసుకున్నారు.

సాక్షి, రంగారెడ్డిజిల్లా: భూ భారతి దరఖాస్తుల పరిష్కారంలో నిబంధనలకే ప్రాధాన్యత ఇస్తున్నట్లు తెలంగాణ రెవెన్యూ ఎంప్లాయీస్‌ సర్వీస్‌ అసోసియేషన్‌ జిల్లా శాఖ (టెస్రా యూనియన్‌) పేర్కొంది. భూ భారతి పోర్టల్‌లో దరఖాస్తులు భారీగా పేరుకుపోవడంపై శనివారం ‘సాక్షి’లో ‘ముట్టజెప్పారా సరి.. లేదంటే కొర్రీ’ శీర్షికన ప్రచురితమైన కథనంపై స్పందించింది. ఈ మేరకు శనివారం ఒక ప్రకటన విడుదల చేసింది. అర్హులైన రైతులు, భూ బాధితులకు న్యాయం చేయడంతో పాటు ప్రభుత్వ భూముల పరిరక్షణకు ప్రాధాన్యత ఇస్తున్నట్లు స్పష్టం చేసింది. దరఖాస్తు చేసుకున్నంత మాత్రాన భూమిని నిషేధిత జాబితా నుంచి తొలగించడం సాధ్యం కాదని, ప్రభుత్వ భూములు అన్యాక్రాంతం కాకుండా చూడటంతో పాటు, చట్టబద్ధమైన హక్కులు కలిగిన వారికి న్యాయం జరిగేలా నిబంధనల ప్రకారం పరిష్కరించడం జరుగుతుందని వివరించింది. ప్రస్తుతం తహసీల్దార్‌ స్థాయిలో 9,788 అప్లికేషన్లు, ఆర్డీఓ స్థాయిలో 2,801, అదనపు కలెక్టర్‌ స్థాయిలో 8,228, కలెక్టర్‌ స్థాయిలో 2,190 కలిపి మొత్తం 23,007 పెండింగ్‌లో ఉన్నట్లు స్పష్టం చేసింది. ఇప్పటి వరకు 3,37,439 దరఖాస్తులు పరిష్కరించినట్లు పేర్కొంది. ప్రజలు మధ్యవర్తులను ఆశ్రయించకుండా నేరుగా అధికారులను సంప్రదించాలని సూచించింది. ఇదిలా ఉండగా శనివారం ఇబ్రహీంపట్నం తహసీల్దార్‌ రాందాస్‌పల్లి సర్వే నంబర్‌ 41లోని బాధిత రైతులను స్వయంగా ఆఫీసుకు పిలిపించుకుని మాట్లాడారు. అర్జీలను ఎప్పటిక ప్పుడు క్లియర్‌ చేస్తున్నట్లు ప్రకటించారు. ఇదే సమయంలో ఆర్‌ఐ క్షేత్రస్థాయిలో పర్యటించి పెండింగ్‌ దరఖాస్తులకు నివేదికలు సిద్ధం చేశారు.

తాండూరు రూరల్‌: అక్రమంగా ఇసుక తరలిస్తున్న ట్రాక్టర్‌ను కరన్‌కోట్‌ పోలీసులు పట్టుకున్నారు. ఈ సంఘటన తాండూరు మండలం గోనూర్‌లో శనివారం ఉదయం చోటుచేసుకుంది. ఎస్‌ఐ అన్వేష్‌ రెడ్డి కథనం ప్రకారం.. గ్రామానికి చెందిన మాచనూర్‌ శివకుమార్‌ కాగ్నా వాగు నుంచి ట్రాక్టర్‌లో అక్రమంగా ఇసుక తరలిస్తుండగా పట్టుకున్నారు. వాహనాన్ని పీఎస్‌కు తరలించి, యజమాని శివకుమార్‌తో పాటు డ్రైవర్‌పై కేసు నమోదు చేశామని ఎస్‌ఐ తెలిపారు. ఇదిలా ఉండగా ట్రాక్టర్‌ను వదిలిపెట్టాలని అధికార పార్టీ నేతల నుంచి పోలీసులకు ఒత్తిడి వచ్చినట్లు సమాచారం. అంతకుముందే గోనూర్‌లో ఓ ట్రాక్టర్‌ యజమాని పోలీసుల పట్ల దురుసుగా ప్రవర్తించడాన్ని చూసి, గ్రామస్తులు విస్తుపోయారు. పోలీసులు అతన్ని జీపులో పీఎస్‌కు తరలించారు. యజమాని, డ్రైవర్‌పై కేసు

పరిగి: జాతీయ రహదారిపై కారు టాప్‌పై కూర్చుని విన్యాసాలు చేస్తూ ట్రాఫిక్‌ నిబంధనలను ఉల్లంఘించిన వారిపై శనివారం పరిగి పోలీసులు కేసు నమోదు చేశారు. ఈ వివరాలతో శనివారం సాక్షిలో ప్రచురితమైన వార్తకు స్పందించిన ఎస్‌ఐ మోహనకృష్ణ సదరు కారును గుర్తించి సీజ్‌ చేశారు. కారుతో హల్‌చల్‌ చేసి, ఇతర వాహనదారులకు ఇబ్బంది కలిగించిన నలుగురిపై కేసు నమోదు చేసి దర్యాప్తు చేస్తున్నట్టు తెలిపారు. పరిగి: ప్రజల భద్రతే లక్ష్యంగా పనిచేస్తామని మున్సిపల్‌ కమిషనర్‌ మల్లేశ్‌ అన్నారు. పట్టణం వీధి కుక్కల నియంత్రణ చర్యలు చేపట్టారు. ఈమేరకు శనివారం బ్లూ క్రాస్‌ ఆధ్వర్యంలో 170 శునకాలను పట్టించారు. అనంతరం ఆయన మాట్లాడుతూ.. వీధి కుక్కలను పట్టుకుని, వాటి వ్యాప్తి జరగకుండా శస్త్ర చికిత్సలు చేయించి, ఇతర ప్రాంతాలకు తరలిస్తున్నామని తెలిపారు. మిగిలిన వాటిని కూడా పట్టుకుంటామన్నారు. కార్యక్రమంలో మున్సిపల్‌ సిబ్బంది తదితరులు పాల్గొన్నారు. తాండూరు టౌన్‌: పట్టణంలోని సాయిపూర్‌ ప్రసన్న అభయాంజనేయ స్వామి ఆలయంలో శనివారం ఉత్సవాలు వైభవంగా జరిగాయి. స్థానికులు పెద్ద ఎత్తున తరలివచ్చి స్వామివారికి ప్రత్యేక పూజలు చేశారు. మున్సిపల్‌ చైర్‌పర్సన్‌ పట్లోళ్ల నీరజాబాల్‌రెడ్డి దంపతులు పల్లకీ సేవలో పాల్గొన్నారు. గ్రామ పెద్దల ఆధ్వర్యంలో భక్తులకు మహా అన్నదాన కార్యక్రమం నిర్వహించారు. కౌన్సిలర్లు బంటు వేణుగోపాల్‌, శ్రీకాంత్‌, పురవాసులు పాల్లొన్నారు. మర్పల్లి: అర్హులైన వితంతువులు, ఒంటరి మహిళలకు ప్రభుత్వం త్వరలోనే ఆసరా పింఛన్లు అందించనుందని డీఆర్‌డీఓ శ్రీనివాస్‌ అన్నారు. మండల పరిధిలోని కొంషెట్‌పల్లి, పట్లూర్‌, మర్పల్లి, కొత్లాపూర్‌, సిరిపురంలో ఆన్‌లైన్‌ ద్వారా వచ్చిన దరఖాస్తులపై శనివారం ఎంపీడీఓ శాంత, ఏపీఎం సమ్మయ్యతో కలిసి క్షేత్రస్థాయి విచారణ చేశారు. అనంతరం ఆయా గ్రామాల్లో ఇంకుడు గుంతలు, బోర్‌వెల్‌ స్ట్రక్చర్‌ పనులను పరిశీలించారు. ఆయన వెంట ఏపీఓ అంజిరెడ్డి, ఆయా గ్రామాల సర్పంచ్‌లు రఫియొద్దీన్‌, పరశురామ్‌, లక్ష్మి మాధవరెడ్డి, సంగీతకృష్ణారెడ్డి, వార్డు మెంబర్లు ఉన్నారు. కుల్కచర్ల: మహిళా సమాఖ్య గ్రామ సంఘాల భవనాల నిర్మాణంలో నిర్లక్ష్యం తగదని జిల్లా పంచాయతీ అధికారి జయసుధ అన్నారు. శనివారం ఆమె చౌడాపూర్‌ మండల కేంద్రంతో పాటు మందిపల్‌లో పర్యటించారు. ఆయా గ్రామాల్లో కొనసాగుతున్న అభివృద్ధి పను లను పరిశీలించారు. మందిపల్‌లో చేపట్టిన గ్రామ సంఘం భవన నిర్మాణ పూజలో పాల్గొన్నారు. గ్రామ సంఘాలు, పంచాయతీ భవ నాల నిర్మాణాలు, సామూహిక మరుగుదొడ్లు, ఇంకుడు గుంతలు తదితర అభివృద్ధి పనుల నిర్వహణలో నిర్లక్ష్యం చేయకూడదన్నారు. ఆయా భవనాలకు అవసరమైన స్థలాల కోసం తహసీల్దార్లను సంప్రదించాలని సూచించారు. వీబీరాంజీ ద్వారా గ్రామాల్లో వివిధ పనులు నిర్వహించుకునేందుకు అవ కాశం ఉందని, వీటిపై రైతులకు అవగాహన కల్పించాలని సూచించారు. పంచాయతీ కార్యదర్శులు సమయపాలన పాటించాలని, విధుల్లో నిర్లక్ష్యం వహిస్తే చర్యలు తప్పవని హెచ్చరించారు. కార్యక్రమంలో ఇన్‌ఛార్జి ఎంపీడీఓ వెంకన్న, ఎంపీఓ శ్రీనివాస్‌రెడ్డి, ఏపీఓ చంద్రశేఖర్‌ పాల్గొన్నారు.

అనంతగిరి: వికారాబాద్‌లో చేపట్టిన ఫ్లైఓవర్‌ పనులను వేగవంతం చేయాలని శాసనసభ స్పీకర్‌ జి.ప్రసాద్‌ కుమార్‌ సంబంధిత అధికారులను ఆదేశించారు. ఈ మేరకు శనివారం కలెక్టర్‌ దీపక్‌ తివారి, ప్రజా ప్రతినిధులు, అధికారులతో కలిసి పనులను పరిశీలించారు. ఈ సందర్భంగా స్పీకర్‌ మాట్లాడుతూ.. గడువులోపు అందుబాటులోకి తేవాలన్నారు. నాణ్యత పాటించేలా చూడాలని అధికారులకు సూచించారు. రవాణాపరంగా ప్రజలకు ఇబ్బంది కలగకుండా చూడాలని, ట్రాఫిక్‌కు అంతరాయం ఏర్పడకుండా చర్యలు తీసుకోవాలని తెలిపారు. సంబంధిత శాఖలు సమన్వయంతో పనిచేస్తూ, పనుల పురోగతిపై ఎప్పటికప్పుడు పర్యవేక్షించాలన్నారు. ఫ్లైఓవర్‌ నిర్మాణంలో ఆస్తులు కోల్పోయిన వారికి వారం రోజుల్లో పరిహారం అందేలా చర్యలు తీసుకుంటామని స్పష్టంచేశారు. ఈ కార్యక్రమంలో ఆర్డీఓ వాసుచంద్ర, ఆర్‌అండ్‌బీ ఎగ్జిక్యూటివ్‌ ఇంజనీర్‌ శ్రీధర్‌రెడ్డి, డీసీసీబీ డైరెక్టర్‌ కిషన్‌ నాయక్‌, మున్సిపల్‌ వైస్‌ చైర్మన్‌ సుధాకర్‌రెడ్డి, మార్కెట్‌ కమిటీ చైర్మన్‌ చాపల శ్రీనివాస్‌ ముదిరాజ్‌, మున్సిపల్‌ మాజీ చైర్మన్‌ సత్యనారాయణ, మాజీ వైస్‌ చైర్మన్‌ చిగుళ్లపల్లి రమేష్‌ కుమార్‌, మున్సిపల్‌ కౌన్సిలర్లు, అధికారులు తదితరులు పాల్గొన్నారు. వెల్‌చాల్‌ చర్చిని పరిశీలించిన స్పీకర్‌ మోమిన్‌పేట: విద్యుత్‌ షార్ట్‌ సర్క్యూట్‌ సంభవించిన వెల్‌చాల్‌ చర్చిని శనివారం స్పీకర్‌ గడ్డం ప్రసాద్‌కుమార్‌ సందర్శించారు. ఈ సందర్భంగా చర్చిలో కాలిపోయిన ఫర్నిచర్‌ను పరిశీలించారు. అనంతరం కమిటీ సభ్యులతో మాట్లాడారు. నీటి సమస్య పరిష్కారానికి బోరు మంజూరు చేస్తానని హామీ ఇచ్చారు. ఆయన వెంట సర్పంచ్‌ శ్రీనివాస్‌, మర్పల్లి మార్కెట్‌ కమిటీ చైర్మన్‌ మహేందర్‌రెడ్డి, కాంగ్రెస్‌ మండల అధ్యక్షుడు, పీఏసీఎస్‌ చైర్మన్‌ శంకర్‌, మండల సర్పంచుల సంఘం అధ్యక్షుడు సురేందర్‌ పార్టీ నాయకులు తదితరులు ఉన్నారు. ఫ్లైఓవర్‌ పనులను వేగవంతం చేయాలి స్పీకర్‌ గడ్డం ప్రసాద్‌కుమార్‌ కలెక్టర్‌ దీపక్‌తివారితో కలిసి పనుల పరిశీలన

సాక్షి, రంగారెడ్డి జిల్లా: విధులకు హాజరు కాకుండా, షోకాజ్‌ నోటీసులకు స్పందించని 54 మంది లైసెన్స్‌ సర్వేయర్ల సేవలను తక్షణమే రద్దు చేసినట్లు అదనపు కలెక్టర్‌ (రెవెన్యూ) చంద్రారెడ్డి శనివారం ఒక ప్రకటనలో పేర్కొన్నారు. జిల్లాలో మొత్తం 281 మంది లైసెన్స్‌ సర్వేయర్లను నియమించగా, వారిలో 102 మంది విధులకు హాజరుకాకపోవడంతో షోకాజ్‌ నోటీసులు జారీ చేసినట్లు తెలిపారు. నోటీసులకు స్పందించి 48 మంది తిరిగి విధుల్లో చేరగా, ఎలాంటి స్పందన ఇవ్వని 54 మంది సేవలను రద్దు చేసినట్లు వెల్లడించారు. ప్రభుత్వం ప్రతిష్టాత్మకంగా చేపడుతున్న రీ సర్వేలో లైసెన్స్‌ సర్వేయర్ల పాత్ర కీలకమని చెప్పారు. ప్రభుత్వ ఆదేశాల మేరకు రీ సర్వే పనుల్లో ప్రతి ఒక్కరూ తప్పనిసరిగా పాల్గొని, తమకు అప్పగించిన బాధ్యతలను సమర్థవంతంగా నిర్వర్తించాలని సూచించారు. నిర్లక్ష్యానికి తావులేకుండా, నిర్దేశించిన లక్ష్యా లను నిర్ణీత గడువులోగా పూర్తి చేసేందుకు సర్వేయర్లు సంబంధిత అధికారులతో సమన్వయం చేసుకుంటూ పనిచేయాలని స్పష్టం చేశారు. విధులకు గైర్హాజరు కావడం, అధికారుల ఆదేశాలను పాటించకపోవడం వంటి చర్యలను ఉపేక్షించబోమని హెచ్చరించారు. విధులకు హాజరుకాని సర్వేయర్ల స్థానంలో కొత్తవా రిని నియమించి రీ సర్వే పనులు నిరంతరాయంగా కొనసాగేందుకు చర్యలు తీసుకుంటామని చెప్పారు. అమరవీరుల స్ఫూర్తితో పోరాటాలు ఇబ్రహీంపట్నం: పేద ప్రజల కోసం ప్రాణాలర్పించిన మహబూబ్‌ పాష, నరహరిల స్ఫూర్తితో సీపీఎం ప్రజా పోరాటాలు నిర్వహిస్తోందని ఆ పార్టీ జిల్లా కార్యదర్శి బోడ సామెల్‌ అన్నారు. స్థానిక పాషనరహరి స్మారక కేంద్రంలో శనివారం విలేకరుల సమావేశంలో మాట్లాడారు. కార్మిక, కర్షక, కష్టజీవుల అభ్యున్నతికి నిరంతరం పోరాటం చేసిన పాష, నరహరిలను భూస్వాములు, మతోన్మాదులు కక్షగట్టి దారుణంగా హతమార్చారని గుర్తు చేశారు. వారి వర్ధంతి సభలను గ్రామగ్రామాన నిర్వహించాలని.. ఇబ్రహీంపట్నంలోని అంబేడ్కర్‌ చౌరస్తాలో సోమవారం నిర్వహించే సభకు పెద్ద సంఖ్యలో పార్టీ శ్రేణులు, ప్రజలు హాజరుకావాలని పిలుపునిచ్చారు. సమావేశంలో పార్టీ జిల్లా కార్యదర్శివర్గ సభ్యుడు కె.జగన్‌, జిల్లా కమిటీ సభ్యులు పి.జగన్‌, పి.అంజయ్య, ప్రకాశ్‌ కారత్‌, యాదగిరి, విజయ్‌, కార్తీక్‌, కృష్ణ పాల్గొన్నారు.

● ఇచ్చిన హామీలను నెరవేరుస్తున్నాం ● ఎమ్మెల్యే రామ్మోహన్‌రెడ్డి ● పరిగిలో ధాన్యం కొనుగోలు కేంద్రం ప్రారంభంపరిగి: రైతుల సంక్షేమానికి కాంగ్రెస్‌ ప్రభుత్వం కట్టుబడి ఉందని ఎమ్మెల్యే టి.రామ్మోహన్‌రెడ్డి అన్నారు. డీసీఎంఎస్‌ ఆధ్వర్యాన పట్టణంలో ఏర్పాటు చేసిన వరి ధాన్యం కొనుగోలు కేంద్రాన్ని శనివారం ఈయన ప్రారంభించారు. అనంతరం మాట్లాడుతూ.. రైతులు పండించిన ధాన్యాన్ని కొనుగోలు చేసేందుకు అన్ని ఏర్పాట్లు చేస్తున్నామన్నారు. గిట్టుబాటు ధర కల్పించేందుకు ప్రభుత్వం చర్యలు తీసుకుంటోందని తెలిపారు. ఎన్నికల్లో భాగంగా రైతులకు ఇచ్చిన హామీలను నెరవేరుస్తున్నామన్నారు. అధికారంలోకి వచ్చిన వెంటనే రూ.2 లక్షల వరకు రుణమాఫీ చేశామని, యంత్రాలు, పనిముట్లను సబ్సిడీపై అందజేస్తున్నామని తెలిపారు. వాతావరణ మార్పులు, ఎల్‌నినో వంటి పరిణామాలను రాజకీయాలతో ముడిపెట్టి ప్రజల్లో సృష్టించడం సరికాదన్నారు. ప్రభుత్వంపై ప్రతిపక్షాలు చెబుతున్న లేనిపోని మాటలను ప్రజలు నమ్మే పరిస్థితి లేదని ఎద్దేవాచేశారు. రబీలో వరి సాగు చేయకపోవడమే మంచిదని సూచించారు. తక్కువ నీటితో పండే పంటలే వేయాలన్నారు. ఈ కార్యక్రమంలో మున్సిపల్‌ చైర్మన్‌ రజిత, మార్కెట్‌ కమిటీ చైర్మన్‌ పరశురాంరెడ్డి, వైస్‌ చైర్మన్‌ అయూబ్‌, కాంగ్రెస్‌ మండల అధ్యక్షుడు వెంకట్‌రాములు, పీఏసీఎస్‌ చైర్మన్‌ పార్థసారథిపంతులు, ఆత్మకమిటీ చైర్మన్‌ శ్రీనివాస్‌రెడ్డి, నాయకులు తౌర్యనాయక్‌ పాల్గొన్నారు.

సాక్షి, సిటీబ్యూరో: హెచ్‌ఎండీఏ మరోసారి భూముల వేలానికి శ్రీకారం చుట్టింది. గతంలో బిడ్డింగ్‌ నిర్వహించిన ప్రాంతాల్లో మిగిలిన ప్లాట్‌లకు నవంబర్‌లో దశలవారీగా బిడ్డింగ్‌ నిర్వహించనున్నారు. ఈ మేరకు తాజాగా నోటిఫికేషన్‌ వెలువరించింది. ఇటీవల నిర్వహించిన బిడ్డింగ్‌లో కోకాపేట్‌ నియోపోలిస్‌ లేఅవుట్‌లోని ప్లాట్‌ నంబర్‌ 17లో ఉన్న 4.59 ఎకరాలకు ఒకే ఒక్క బిడ్‌ దాఖలైంది. దాంతో ఆ బిడ్‌ను రద్దు చేశారు. తాజాగా మరోసారి నవంబర్‌ 27న బిడ్డింగ్‌ నిర్వహించనున్నట్లు అధికారులు తెలిపారు. ఈ స్థలానికి ఎకరాకు రూ.120 కోట్ల చొప్పున కనీస ధరగా నిర్ణయించారు. నవంబర్‌ 18వ తేదీన ప్రీబిడ్‌ సమావేశం ఏర్పాటు చేయనున్నారు. గతంలో నియోపోలిస్‌ లే అవుట్‌లో నిర్వహించిన బిడ్డింగ్‌కు అనూహ్యమైన స్పందన లభించింది. గోల్డెన్‌ మైల్‌ సైట్‌–1లోని 0.70 ఎకరాల ప్లాట్‌కు ఎకరాకు రూ.70 కోట్లు కనీస ధరగా నిర్ణయించగా,బిడ్డింగ్‌లో ఎకరాకు రూ.115 కోట్లు లభించాయి. అలాగే అంతకంటే ముందు నియోపోలిస్‌లో ఎకరానికి కనీస ధర రూ.100 కోట్ల చొప్పున ప్రతిపాదించగా అనూహ్యంగా రూ.151.25 కోట్లకు అమ్ముడైంది. నవంబర్‌లో నిర్వహించనున్న బిడ్డింగ్‌లోనూ కోకాపేట్‌పైన అధికారులు మరోసారి పెద్ద ఎత్తున అంచనాలు పెట్టుకున్నారు. మరోవైపు మూసాపేట్‌లోని 3.15 ఎకరాలకు కూడా ఈసారి బిడ్డింగ్‌ జరగనుంది. దీనికి ఎకరానికి రూ.99 కోట్ల చొప్పున కనీస ధర ఉంటుందని పేర్కొన్నారు. ఈ మొత్తం భూముల విక్రయాల ద్వారా రూ.1000 కోట్లకు పైగా ఆదాయం లభించవచ్చని అధికారులు భావిస్తున్నారు. అన్ని వర్గాలకు అందుబాటులో.. కోకాపేట్‌లోని హెచ్‌ఎండీఏ లే అవుట్‌లో ఉన్న మరో 8,591 చ.గజాల స్థలానికి గజానికి రూ.1.50 లక్షల చొప్పున కనీస ధరను నిర్ణయించారు. రాయదుర్గంలోని 1,815 గజాల స్థలానికి రూ.1.75 లక్షలకు గజం చొప్పున, సూరారంలోని హెచ్‌ఎండీఏ లే అవుట్‌లో ఉన్న 4,840 గజాల స్థలానికి రూ.55 వేలకు గజం చొప్పున కనీసధరలను నిర్ణయించారు. అలాగే కాప్రా, బాచుపల్లి, అమీన్‌పూర్‌ సర్వేనంబర్‌ 823, అమీన్‌పూర్‌ కిష్టారెడ్డిపేట్‌, ఇన్ముల్‌ నర్వ హుడాహైట్స్‌లోని ప్లాట్లకు కూడా బిడ్డింగ్‌ నిర్వహించనున్నారు. మరోసారి హెచ్‌ఎండీఏ భూముల వేలం

● హార్వెస్టర్‌ లీజ్‌ పత్రాల పరిశీలన ● ఏపీఎంపై వచ్చిన ఆరోపణలపైనా ఆరా తాండూరు రూరల్‌: తాండూరు మండల మహిళా సమాఖ్య కార్యాలయంలో శనివారం విజిలెన్స్‌ అధికారులు విచారణ చేపట్టారు. వరికోత యంత్రం వినియోగంతో పాటు ఏపీఎం బాలయ్యపై వచ్చిన అభియోగాలపై వివరాలు సేకరించారు. హార్వెస్టర్‌ లీజు పత్రాలు, ఆఫీసు ఖర్చులపై ఆరా తీశారు. అనంతరం డీపీఎం శేఖర్‌, ఏపీఎం బాలయ్యతో పాటు మహిళా సమాఖ్య అధ్యక్ష, కార్యదర్శి, కోశాధికారి భాగ్యలక్ష్మి, భానుప్రియ, నాగమ్మ, అకౌంటెంట్‌ కవితతో విడివిడిగా మాట్లాడి వివరాలు సేకరించారు. ఈ నివేదికను వారం రోజుల్లో డీఆర్‌డీఓకు అందజేస్తామని వీబీజీరామ్‌జీ జిల్లా విజిలెన్స్‌ అధికారి కుసుమ మాధురి, సీబీఓఏ అడిట్‌ అధికారి ప్రవీణ్‌రెడ్డి స్పష్టం చేశారు.

ఒకప్పుడు వినోదం.. ఆహ్లాదం పంచే టూర్లంటే గోవా.. కశ్మీర్‌.. ఊటీ.. కొడైకెనాల్‌ వంటి దేశీయ నగరాలు గుర్తుకువచ్చేవి.. రానురాను ట్రెండ్‌ మారుతోంది.. గ్రామీణ ప్రాంతాలు మొదలు పట్టణ ప్రాంతాల వరకు జనం గేరు మార్చారు.. దేశాన్నే కాదు..విదేశాలను సైతం చుట్టేదాం అంటూ ముందుకు సాగుతున్నారు. విదేశాలకు సంబంధించిన ప్రత్యేక ప్యాకేజీలు.. అందుబాటులో విమానయాన చార్జీలు.. సోషల్‌ మీడియాలో విదేశాల్లో ఉన్న ఆసక్తికరమైన ప్రదేశాల గురించి వీడియోలు ఇటువైపు నడిపిస్తున్నాయి.. దీంతో విదేశాలకు వెళ్లే వారి సంఖ్య రోజురోజుకూ పెరుగుతోంది. షాద్‌నగర్‌: యాత్రల విషయంలో అందరి అభిరుచుల్లో మార్పు కనిపిస్తోంది.. చాలా మంది సకుటుంబ సమేతంగా విదేశాలకు వెళ్తున్నారు. ఇక యువకులు, సాఫ్ట్‌వేర్‌ ఉద్యోగులు, వ్యాపారులు చేసే విదేశీ ప్రయాణాల గురించి చెప్పాల్సిన పని లేదు. ఎక్కువ శాతం మంది థాయిలాండ్‌, వియత్నాం, ఇండోనేషియా, శ్రీలంక, సింగపూర్‌, మలేషియా, దుబాయ్‌ లాంటి దేశాలకు పయనమవుతున్నారు. గతంలో ఆర్థికంగా బలంగా ఉన్న వారు మాత్రమే విదేశాలకు వెళ్లే వారు. ఇప్పుడు పరిస్థితి మారింది. గ్రామీణప్రాంతాల వారు కూడా విదేశాలకు వెళ్లడంపై ఆసక్తి కనబరుస్తున్నారు. సెలవులు వచ్చాయంటే చాలు గ్లోబల్‌ బీచ్‌లకు వెళ్లేందుకు చాలామంది ఆసక్తి కనబరుస్తున్నారు. సోషల్‌ మీడియాలో ప్రచారం విదేశీ యాత్రలపై ఆసక్తి పెరగడానికి ప్రధాన కారణం సోషల్‌ మీడియా. వివిధ దేశాలు, అక్కడ ఉండే సుందరమైన ప్రదేశాలు, అందాలు, అక్కడికి వెళ్లడానికి ఉన్న మార్గాల గురించి సోషల్‌ మీడియాలో విపరీతమైన ప్రచారం జరుగుతోంది. దీంతో ఆయా ప్రాంతాలను చూడాలన్న ఆసక్తి జనంలో పెరుగుతోంది. దీనికి తోడు పర్యాటక సంస్థలు ప్రత్యేక ప్యాకేజీలు అందిస్తున్నాయి. వివిధ సాఫ్ట్‌వేర్‌ సంస్థలు, పరిశ్రమలు, వ్యాపార సంస్థలు, ఇన్సూరెన్స్‌ కంపెనీలు ఆయా సంస్థల్లో పని చేసే ఉద్యోగులకు టార్గెట్లు విధించి పూర్తి చేసిన వారిని విదేశాలకు తీసుకెళ్తున్నాయి. ఎలాంటి ఖర్చు లేకుండా విదేశాలకు వెళ్లి ఎంజాయ్‌ చేసి వస్తున్నారు. కొత్తగా పెళ్లి చేసుకున్న జంటలు హనీమూన్‌ కోసం విదేశీ టూర్లపై ఇంట్రెస్ట్‌ చూపుతున్నాయి. సెలువులు వచ్చాయంటే చాలు చాలా కుటుంబాలు తమకు నచ్చిన స్థలాలను ఎంపిక చేసుకొని వీసాలు తీసుకొని, టికెట్లు బుక్‌ చేసుకొని విదేశాలకు వెళ్తున్నారు. దేశీయ పర్యాటక ప్రాంతాలకు వెళ్లేందుకు అయ్యే ఖర్చుతోనే కొన్ని విదేశీ టూర్‌ ప్యాకేజీలు అందుబాటులో వస్తుండటంతో పర్యాటకులు మొగ్గు చూపుతున్నారు. తక్కువ ప్యాకేజీలో.. ట్రావెల్‌సంస్థల లెక్కల ప్రకారం ఒక మధ్యతరగతి కుటుంబం కశ్మీర్‌, కేరళ, ఊటీ వంటి పర్యటనకు వెళ్లేందుకు విమాన టికెట్లు, హోటల్‌ వసతి, ఇతరు ఖర్చులు కలిపి ఒక్కొక్కరికి రూ.40వేల వరకు ఖర్చవుతుంది. కాస్త అటు ఇటుగా థాయిలాండ్‌, వియత్నాం, ఇండోనేషియా, మలేషియా, దుబాయ్‌ తదితర దేశాలకు వెళ్లేందుకు నాలుగు నుంచి వారం రోజులకు రూ.40 వేల నుంచి రూ.1.20 లక్షల వరకు వివిధ ప్యాకేజీలు అందుబాటులో ఉన్నాయి. పర్యాటక సంస్థలు కొన్ని ప్యాకేజీలను ప్రచారం చేస్తుండడంతో విదేశీ ప్రయాణం చేయాలకునే వారికి కొత్త అవకాశాలు కనిపిస్తున్నాయి. విమాన టికెట్లు, త్రీస్టార్‌ హోటల్‌, ఎయిర్‌పోర్టు నుంచి పికప్‌, డ్రాప్‌, సైట్‌ సీయింగ్‌, గైడ్‌, వీసా, ట్రావెల్‌ ఇన్సూరెన్స్‌ అన్ని ప్యాకేజీలు ఉండటం గమనార్హం. ప్యాకేజీ ధరలు ప్రయాణ తేదీలు, విమాన టికెట్లు, హోటల్‌ వసతి, భోజనం, వీసా ఇతర ఖర్చులపై ఆధారపడి మారుతుంటాయి. ఒకవైపు సముద్రపు అలలు.. మరోవైపు ఆహ్లాదకరమైన బీచ్‌లు.. ఇంకోవైపు క్యాసినోల సందడి.. వెరసి బ్యాంకాక్‌, శ్రీలంక, వియత్నాం, ఇండోనేషియా పర్యాటకులకు సరికొత్త అనుభూతిని పంచుతున్నాయి. ప్రకృతి అందాలు, సముద్రతీరాలు, నైట్‌ లైఫ్‌, వినోద కార్యక్రమాలతో ఆయా ప్రాంతాలు పర్యాటకులను ఆకర్షిస్తున్నాయి. శ్రీలంక, గోవాలో ఉండే క్యాసినోలో సభ్యత్వం తీసుకున్న వారు నెలకోసారి వెళ్లి వస్తున్నారు. అక్కడి నిర్వాహకులు ఎక్కుడ డబ్బులు చెల్లించి సభ్యత్వం తీసుకున్న వారికి విమాన టికెట్లు, రూంలు ప్రత్యేకంగా బుక్‌ చేస్తుండడం విశేషం. యాత్రల విషయంలో మారుతున్న ట్రెండ్‌

ఇబ్రహీంపట్నం రూరల్‌: ప్రమాదాలు లేని జిల్లాగా తీర్చిదిద్దాడానికి అధికారులు, ప్రజలు సమష్టిగా కృషి చేయాలని అదనపు కలెక్టర్‌ డాక్టర్‌ కిరణ్మయి పేర్కొన్నారు. జిల్లా సమీకృత కార్యాలయాల సముదాయ భవనంలోని సమావేశ మందిరంలో శుక్రవారం రోడ్డు ప్రమాదాల నివారణకు తీసుకోవాల్సిన చర్యలు, ప్రమాదాలు అధికంగా జరుగుతున్న ప్రాంతాలు, భద్రతా ఏర్పాట్లపై సంబంధిత అధికారులతో సమీక్షించారు. పవర్‌ పాయింట్‌ ప్రజెంటేషన్‌ ద్వారా ప్రమాదాలు అధికంగా జరుగుతున్న ప్రాంతాల వివరాలు పరిశీలించి నియంత్రణకు చేపట్టాల్సిన చర్యలపై చర్చించారు. ఈ సందర్భంగా అదనపు కలెక్టర్‌ మాట్లాడుతూ.. జిల్లాలో రోడ్డు ప్రమాదాల నివారణకు పోలీస్‌, మున్సిపాలిటీ, జాతీయ రహదారులు, రోడ్లు భవనాల వాఖ, రవాణ, ట్రాఫిక్‌, ఆర్టీసీ శాఖల అధికారులు సమన్వయంతో పని చేయాలని సూచించారు. ప్రమాదాలు అధికంగా జరిగే ప్రాంతాలను గుర్తించి అవసరమైన రహదారి భద్రతా చర్యలు చేపట్టాలని ఆదేశించారు. ట్రాఫిక్‌ సిగ్నల్స్‌ సక్రమంగా పని చేసేలా ఎప్పటికప్పుడు తనిఖీలు నిర్వహించాలని, అవసరమైన చోట అదనపు భద్రతా ఏర్పాట్లు చేయాలన్నారు. రక్షణాత్మక డ్రైవింగ్‌ అలవర్చుకోవాలని, వాహనం నడిపేటప్పుడు పరిసరాలను గమనిస్తూ అప్రమత్తంగా ఉండడం ద్వారా ప్రమాదాలను నివారించవచ్చని తెలిపారు. రోడ్డు భద్రతపై పాఠశాల విద్యార్థులు, కళాశాల యువతకు విస్తృతంగా అవగాహన కల్పించాలన్నారు. సమావేశంలో వివిధ శాఖల అధికారులు పాల్గొన్నారు. రోడ్డు ప్రమాదాలను నివారిద్దాం అదనపు కలెక్టర్‌ కిరణ్మయి

● పది గ్రామాలకు నిలిచిపోయిన విద్యుత్‌ సరఫరా ● మంటలను అదుపులోకి తెచ్చిన అగ్నిమాపక సిబ్బంది కొడంగల్‌: పట్టణంలోని సబ్‌స్టేషన్‌లో శుక్రవారం ఉదయం అగ్ని ప్రమాదం చోటుచేసుకుంది. ఉదయం నుంచి సాయంత్రం వరకు 10 గ్రామాలకు విద్యుత్‌ సరఫరా ఆగిపోయింది. ట్రాన్స్‌ఫార్మర్ల నుంచి ఆయిల్‌ లీక్‌ కావడంతోనే ప్రమాదం జరిగినట్లు తెలిసింది. లీకేజీ విషయం కింది స్థాయి సిబ్బందికి తెలియజేసినా వారు పట్టించుకోలేదని సమాచారం. ఉదయం 8 గంటల సమయంలో సబ్‌స్టేషన్‌లో అకస్మాత్తుగా మంటలు చెలరేగినట్లు పరిసర వాసులు తెలిపారు. పరిస్థితిని గమనించిన సిబ్బంది వెంటనే అగ్నిమాపక సిబ్బందికి సమాచారం ఇచ్చారు. వారు ఘటనా స్థలానికి చేరుకొని మంటలను అదుపులోకి తెచ్చారు. కొడంగల్‌లో సాయంత్రం ఆరుగంటలకు విద్యుత్‌ సరఫరాను పునరుద్ధరించారు. బషీరాబాద్‌: తాండూరు కాంగ్రెస్‌లో రాజకీయ పరిణామాలు ఆసక్తికరంగా మారుతున్నాయి. ఎమ్మెల్యే మనోహర్‌రెడ్డి, ఎమ్మెల్సీ మహేందర్‌రెడ్డి మధ్య విభేదాల నేపథ్యంలో.. ఎమ్మెల్యే వైఖరిపై అసంతృప్తితో ఉన్న పలువురు సీనియర్‌ నేతలు శుక్రవారం రాత్రి బషీరాబాద్‌లో మాజీ ఎమ్మెల్యే నారాయణరావు నివాసంలో మహేందర్‌రెడ్డితో భేటీ అయ్యారు. ఈ సమావేశం స్థానిక రాజకీయ వర్గాల్లో చర్చనీయాంశమైంది. విశ్వసనీయ సమాచారం ప్రకారం.. ఎమ్మెల్యే మనోహర్‌రెడ్డి ఏకపక్ష నిర్ణయాలతో పార్టీకి నష్టం జరుగుతోందని, మొదటి నుంచి కాంగ్రెస్‌ కోసం పనిచేసిన నాయకులు, కార్యకర్తలకు తగిన ప్రాధాన్యం దక్కడం లేదని నారాయణరావు ప్రస్తావించినట్లు తెలిసింది. అవసరమైతే ముఖ్యమంత్రిని కలిసి తాండూరు కాంగ్రెస్‌ ఇన్‌చార్జి బాధ్యతలను మహేందర్‌రెడ్డికి అప్పగించాలని కోరుతామని చెప్పినట్లు సమాచారం. అందరినీ కలుపుకొని వెళ్లే నాయకత్వం అవసరమని, మహేందర్‌రెడ్డి ఎమ్మెల్యేగా పోటీ చేస్తే తామంతా అండగా నిలిచి గెలిపించేందుకు కృషి చేస్తామని నేతలు హామీ ఇచ్చినట్లు తెలిసింది. భవిష్యత్తులో తమకు అండగా ఉండాలని కోరినట్లు సమాచారం. దీనిపై మహేందర్‌రెడ్డి స్పందిస్తూ.. నాయకులందరికీ అన్ని విషయాల్లో అండగా ఉంటానని, ఎవరూ అధైర్యపడవద్దని భరోసా ఇచ్చినట్లు భేటీలో పాల్గొన్న నేతలు తెలిపారు. సమావేశంలో జెడ్పీటీసీ మాజీ సభ్యుడు రాకేశ్‌ మహరాజ్‌, నాయకులు మాధవరెడ్డి, వెంకట్‌రామ్‌రెడ్డి, వెంకటేశ్‌ మహరాజ్‌, రోహివత్‌ మహరాజ్‌, సుధాకర్‌రెడ్డి, శ్రీనివాస్‌రెడ్డి, మాణిక్‌రెడ్డి, రాంనాయక్‌, నర్సిరెడ్డి, పవన్‌ ఠాకూర్‌, సిద్ధార్థ్‌ తదితరులు పాల్గొన్నారు. పరిగి: ట్రాఫిక్‌ నిబంధనలను బేఖాతరు చేస్తూ ఆకతాయిలు ప్రజల ప్రాణాలతో చెలగాటమాడుతున్నారు. గురువారం రాత్రి పరిగి పట్టణంలో ఓ వ్యక్తి వేగంగా వెళ్తున్న కారు టాప్‌పై కూర్చొని ప్రమాదకర విన్యాసాలు చేశాడు. ఈ వీడియో శుక్రవారం సోషల్‌ మీడియలో వైరల్‌గా మారింది. పట్టణ పరిధిలోని బీజాపూర్‌ – హైదరాబాద్‌ జాతీయ రహదారిపై కొందరు వ్యక్తులు వేగంగా కారు నడిపారు. ఓ వ్యక్తి కారు టాప్‌పై కూర్చుని చల్‌చల్‌ చేశారు. తోటి వాహనదారులను భయాందోళనకు గురి చేశారు. ఇలాంటి వ్యక్తుల కారణంగానే ప్రమాదాలు చోటు చేసుకుంటున్నాయని పలువురు అభిప్రాయం వ్యక్తం చేశారు. ఒకరు కారు టాప్‌పై కూర్చొని మరో ముగ్గురు లోపల ఉన్నట్ల తెలిసింది. మద్యం మత్తులో కారు నడిపారని స్థానికులు ఆరోపించారు. ఆకతాయిలపై చట్టపరమైన చర్యలు తీసుకోవాలని కోరారు. ఈ విషయమై ఎస్‌ఐ మోహనకృష్ణను వివరణ కోరగా వాహనాన్ని గుర్తించామని కేసు నమోదు చేస్తామని తెలిపారు.

మొయినాబాద్‌: అసిస్టెంట్‌ సైంటిస్ట్‌ (అనలిస్ట్‌ గ్రేడ్‌–2), అసిస్టెంట్‌ ఎన్విరాన్‌మెంటల్‌ ఇంజనీర్‌ పోస్టులకు నిర్వహించే పరీక్ష కేంద్రాలను శుక్రవారం చేవెళ్ల ఆర్డీఓ పార్థసింహారెడ్డి, మొయినాబాద్‌ ఇన్‌స్పెక్టర్‌ మల్లికార్జున్‌రెడ్డి పరిశీలించారు. మొయినాబాద్‌లోని కేజీరెడ్డి, గ్లోబల్‌, వీజేఐటీ, జేబీఐటీ ఇంజనీరింగ్‌ కళాశాలలు, చైతన్య డీమ్డ్‌ టూబీ యూనివర్సిటీ పరీక్ష కేంద్రాల్లో ఏర్పాట్లను పరిశీలించారు. అసిస్టెంట్‌ సైంటిస్ట్‌ పరీక్ష శనివారం, అసిస్టెంట్‌ ఎన్విరాన్‌మెంట్‌ ఇంజనీర్‌ పరీక్ష సోమవారం ఉదయం 10 నుంచి మధ్యాహ్నం 12.30 గంటల వరకు, మధ్యాహ్నం 2.30 నుంచి సాయంత్రం 5 గంటల వరకు జరుగనున్నాయి. ఆయా కేంద్రాల్లో ఎలాంటి ఇబ్బందులు లేకుండా అధికారులు ఏర్పాట్లు చేశారు. కుల్కచర్ల: వీబీజీరాంజీ పనులను రైతులు సద్వినియోగం చేసుకోవాలని ఆ శాఖ అడిష నల్‌ పీడీ సత్యయ్య అన్నారు. శుక్రవారం మండలంలోని సాల్వీడులో ఫారంపాండ్‌ పనులను పరిశీలించారు. ఈ సందర్భంగా ఆయన మాట్లాడుతూ.. ఇంకుడు గుంతల ద్వారా బోర్లలో నీటి లభ్యతను పెంచుకోవచ్చని తెలిపారు. వీబీజీరాంజీ పథకం కింద పశువుల పాకలు నిర్మించుకోవాలని సూచించారు. కార్యక్రమంలో ఎంపీడీఓ రామకృష్ణ, ఏపీఓ చంద్రశేఖర్‌, టీఏ మహేశ్వరి, ఫీల్డ్‌ అసిస్టెంట్‌ వెంకట్రాములు తదితరులు పాల్గొన్నారు.

మంచాల: ఫుడ్‌ డెలివరీ ముసుగులో గంజాయి సరఫరా చేస్తున్న యువకులను ఎస్‌ఓటీ పోలీసులు పట్టుకున్నారు. వారి నుంచి 1.1 కిలోల గంజాయి స్వాధీనం చేసుకున్నారు. వివరాలు ఇలా ఉన్నాయి. ఆంధ్రప్రదేశ్‌ రాష్ట్రం అరకు ప్రాంతానికి చెందిన ప్రదీప్‌, గద్వాల్‌ జిల్లా అయిజ మండలం ఉప్పల్‌ గ్రామానికి చెందిన గడుమూర్‌ సుకేష్‌ బాబు (28), గద్వాల్‌ జిల్లా రాజోలి మండలం మాన్‌దొడ్డి గ్రామానికి చెందిన గంపటపోగు రవి (29) గంజాయి వంటి మత్తు పదార్థాలను అనుమానం రాకుండా ఫుడ్‌ డెలివరీ మాదిరిగా గ్రామాలకు నేరుగా చేరవేస్తున్నారు. సమాచారం అందుకున్న ఎస్‌ఓటీ పోలీసులు నిఘా పెట్టి శుక్రవారం వారిని మంచాల మండలం ఆగాపల్లి క్రాస్‌రోడ్డు వద్ద పట్టుకున్నారు. వారి నుంచి 1.1 కిలోల ఎండు గంజాయి, మోటార్‌ సైకిల్‌, వేయింగ్‌ మిషన్‌, రెండు సెల్‌ఫోన్లు స్వాధీనం చేసుకున్నట్లు తెలిసింది. గడుమూర్‌ సుకేష్‌ బాబు, గంపటపోగు రవి పోలీసుల అదుపులో ఉండగా, ప్రధాన నిందితుడు ప్రదీప్‌ పరారీలో ఉన్నట్లు సమాచారం. కేసును మంచాల పోలీసులకు అప్పగించినట్లు తెలిసింది. గుట్టు రట్టు చేసిన ఎస్‌ఓటీ పోలీసులు

● మారణాయుధాలతో దాడులు ● ఓ యువకుడి పరిస్థితి విషమం షాబాద్‌: కూర్చొని మాట్లాడుకుందామని.. ఒక ఒప్పందానికి వద్దామని సామరస్యంగా జరుగుతున్న సమావేశం కాస్తా గొడవకు దారితీసింది. కత్తులు దూసుకునేవరకు వెళ్లింది. ఓ యువకుడి పరిస్థితి విషమంగా మారింది. వివరాలు ఇలా ఉన్నాయి.. మండలంలోని హైతాబాద్‌లో ఉన్న ఓ ప్రార్థనామందిరం వెనకాల మహమ్మద్‌ రహీం అనే వ్యక్తి తన పొలంలో ఏళ్ల క్రితం వెంచర్‌ చేశాడు. ప్రమాదవశాత్తు అతడు మృతి చెందాడు. వెంచర్‌లో హైదరాబాద్‌కు చెందిన చాంద్‌పాషా ఇంటి స్థలం కొనుగోలు చేశాడు. రహీం సోదరులు, ఇదే వెంచర్‌లో స్థలం కొనుగోలు చేసిన సాబేర్‌తో పాటు మరికొందరు కలిసి వెంచర్‌ విషయమై కోర్టుకు వెళ్లారు. ఈ క్రమంలో ప్లాట్ల పంచాయితీపై మాట్లాడుకుందామని ఇరువర్గాలు నిర్ణయించుకున్నాయి. శుక్రవారం రాత్రి సాబేర్‌ తన అనుచరులతో హైతాబాద్‌కు వచ్చారు. స్థానిక ప్రార్థనామందిరంలో సమావేశమై మాట్లాడుకుంటుండగా మాటామాటా పెరిగి గొడవకు దారి తీసింది. సాబేర్‌ అనుచరులు మారణాయుధాలతో హల్‌చల్‌ చేశారు. గొడవను ఆపడానికి వెళ్లిన నదీమ్‌ అనే వ్యక్తిని సాబేర్‌ అనుచరుడు పొట్టలో పొడిచాడు. పొట్టలో కత్తి ఇరుక్కుపోవడంతో అక్కడి నుంచి పారిపోయాడు. నదీమ్‌ను వెంటనే చికిత్స నిమిత్తం శంషాబాద్‌లోని ప్రైవేట్‌ ఆస్పత్రికి తరలించారు. పరిస్థితి విషమంగా ఉండడంతో అక్కడి నుంచి నగరంలోని మరో ప్రైవేటు ఆస్పత్రికి తరలించారు. పోలీసులు కేసు నమోదు చేసుకుని దర్యాప్తు చేస్తున్నారు. కాగా, విషయం తెలుసుకున్న జెడ్పీటీసీ మాజీ సభ్యుడు పట్నం అవినాశ్‌రెడ్డి వెంటనే తన అనుచరులతో కలిసి హైతాబాద్‌ చేరుకున్నారు. బాధితులను పరామర్శించారు. పచ్చని పల్లెలో ఇలాంటి దుశ్చర్య జరగడం ఇదే మొదటిసారి అని ఆందోళన వ్యక్తం చేశారు. పోలీసులు నిందితులను ఏమీ అనడం లేదని హైతాబాద్‌ చౌరస్తాలో రాస్తారోకో నిర్వహించారు. సీఐ లక్ష్మిరెడ్డి సంఘటనా స్థలానికి చేరుకుని నిందితులను పట్టుకొని కఠినంగా శిక్షించేలా చర్యలు తీసుకుంటామని హామీ ఇవ్వడంతో రాస్తారోకో విరమించారు.

విస్తరణకు సమాయత్తం కొడంగల్‌ పట్టణంలోని ప్రధాన రహదారి విస్తరణకు అధికారులు సమాయత్తం అవుతున్నారు. విద్యుత్‌ సమస్యలకు పరిష్కారం ఫిర్యాదులపై తక్షణం స్పందన క్షేత్రస్థాయికి విద్యుత్‌ సిబ్బంది రైతులకు ఎలాంటి ఇబ్బందులు రానీయం ‘సాక్షి’తో షాద్‌నగర్‌ ట్రాన్స్‌కో డీఈ శ్యాంసుందర్‌రెడ్డిషాద్‌నగర్‌: ‘రైతులకు విద్యుత్‌ సరఫరా విషయంలో ఎలాంటి ఇబ్బందులు వచ్చినా క్షేత్రస్థాయిలో పర్యటిస్తూ పరిశీలిస్తున్నాం. ఒక్క ఫోన్‌ చేస్తే చాలు అంతరాయాలు, ఇతర సాంకేతిక సమస్యలపై ప్రజల నుంచి వచ్చిన ఫిర్యాదులపై వెంటనే స్పందించి పరిష్కరిస్తున్నాం. వర్షాభావ పరిస్థితులతో సతమతమవుతున్న అన్నదాతలకు ప్రభుత్వ ఆదేశాల మేరకు అదనపు విద్యుత్‌ సరఫరా చేస్తున్నాం’ అని షాద్‌నగర్‌ ట్రాన్స్‌కో డీఈ శ్యాంసుందర్‌రెడ్డి తెలిపారు. విద్యుత్‌ సమస్యల పరిష్కారంపై డీఈ వెల్లడించిన అంశాలు ఆయన మాటల్లోనే.. ప్రశ్న: రైతులకు విద్యుత్‌ అందించే విషయంలో ఎలాంటి చర్యలు తీసుకుంటున్నారు? జవాబు: విద్యుత్‌ సమస్యలపై పూర్తి స్థాయిలో దృష్టి సారించాం. గతంలో 9 గంటల విద్యుత్‌ ఇచ్చే వాళ్లం. ఇప్పుడు అదనంగా ప్రభుత్వ ఆదేశాల మేరకు మూడు గంటలు పెంచాం. ప్రశ్న: ౖనియోజకవర్గంలో రైతులకు సంబంధించి ఎన్ని విద్యుత్‌ కనెక్షన్లు ఉన్నాయి. ఎంత విద్యుత్‌ అవసరం ఉంది? జవాబు: 40వేల వ్యవసాయ విద్యుత్‌ కనెక్షన్లు ఉన్నాయి. 112 మెగావాట్ల డిమాండ్‌ ఉంది. ఎల్‌నినో ప్రభావంతో వినియోగం బాగా పెరిగింది. డిమాండ్‌ మేరకు ప్రణాళికాబద్ధంగా సరఫరా చేస్తున్నాం. ప్రశ్న: ౖక్షేత్ర స్థాయిలో మీ దృష్టికి రాకుండా పలుచోట్ల సమస్యలు ఉత్పన్నం అవుతున్నాయి. వీటిని ఏవిధంగా పరిష్కరిస్తున్నారు? జవాబు: ప్రతి రోజు ఏదో ఒక గ్రామానికి వెళ్లి రైతులతో మాట్లాడుతున్నాం. ఇబ్బందులను క్షేత్రస్థాయిలో తెలుసుకొని పరిష్కరిస్తున్నాం. ప్రశ్న: ౖకాలం చెల్లించిన ట్రాన్స్‌ఫార్మర్లు, స్తంభాలు, విద్యుత్‌ తీగలతో సమస్యలు ఏర్పడుతున్నాయి. ఏవిధమైన చర్యలు తీసుకుంటున్నారు? జవాబు: ఇప్పటికే చాలామంది రైతులు ఈ సమస్యలు మా దృష్టికి తెచ్చారు. అవసరమైన ట్రాన్స్‌ఫార్మర్లు ఏర్పాటు చేయడం, స్తంభాలు, వైర్లు మార్చి సమస్యలు ఎప్పటికప్పుడు పరిష్కరిస్తున్నాం. ప్రస్తుతం వ్యవసాయం విషయంలో విద్యుత్‌ చాలా కీలకం. ఎలాంటి సమస్య వచ్చినా వెంటనే స్పందించి సిబ్బందిని అప్రమత్తం చేస్తున్నాం. ప్రశ్న: ౖరైతులకు సమస్యలు వస్తే అధికారులు, సిబ్బంది అందుబాటులో ఉండరనే ఆరోపణలు ఉన్నాయి. వీటిని ఎలా అధిగమిస్తారు? జవాబు: లైన్‌మెన్‌ నుంచి ఉన్నతస్థాయి అధికారుల వరకు అందరం అందుబాటులో ఉంటున్నాం. ఒక్కఫోన్‌ కాల్‌ చేస్తే చాలు సమస్య ఉన్న చోటకు వెళ్లి వెంటనే పరిష్కరిస్తున్నాం. ఈ విషయంలో ఎలాంటి రాజీలేదు. సిబ్బంది స్పందించకపోతే చర్యలు తప్పవు. ప్రశ్న: ౖలో ఓల్టేజీ సమస్యతో ఇబ్బంది పడుతున్నామని మున్సిపాలిటీలోని కొన్ని కాలనీవాసులు చెబుతున్నారు. ఎలాంటి చర్యలు తీసుకుంటున్నారు? జవాబు: గతంలో కొన్ని కాలనీల్లో లోఓల్జేజీ సమస్య ఉన్న మాట వాస్తవం. సమస్యలు ఉన్న కాలనీలను గుర్తించి కొత్త ట్రాన్స్‌ఫార్మర్లు, స్తంభాలు, వైర్లు ఏర్పాటు చేశాం. ఇప్పటికీ ఎక్కడైనా సమస్య ఉంటే మా దృష్టికి తీసుకొస్తే వెంటనే పరిష్కరిస్తాం.

శనివారం శ్రీ 24 శ్రీ అక్టోబర్‌ శ్రీ 2026ముట్టజెప్పారా సరి..సాక్షి, రంగారెడ్డిజిల్లా: భూ బాధితులకు క్షేత్రస్థాయిలోని పలువురు అధికారులు చుక్కలు చూపిస్తున్నారు. నివేదికలను సిద్ధం చేసేందుకు చేతివాటం ప్రదర్శిస్తున్నారు. పట్టా భూములను అసైన్డ్‌గా నమోదు చేయడం, విస్తీర్ణంలో హెచ్చుతగ్గులు, సరిహద్దు, సర్వే నంబర్లలో దొర్లిన తప్పుల సవరణ, భూస్వభావం, కేటగిరీ, యజమానుల పేర్లలో దొర్లిన తప్పులను సరి చేయాలంటే ఎంతో కొంత ముట్టజెప్పాల్సిందే. ఇచ్చేందుకు నిరాకరించిన వారి ఫైళ్లకు కొర్రీలు పెట్టి.. సమస్యను మరింత జఠిలం చేస్తున్నారు. క్షేత్రస్థాయి నుంచి నివేదికలు అందిన వాటిని కూడా పెండింగ్‌లో పెట్టి భేరసారాలకు దిగుతున్నారు. సాధారణ రైతులకు నిరాకరించి.. పైరవీకారులకు పెద్దపీఠ వేస్తున్నారనే విమర్శలు వ్యక్తమవుతున్నాయి. ప్రస్తుతం తహసీల్దార్ల వద్ద 12,369 దరఖాస్తులు పెండింగ్‌లో ఉండగా, 3,211 ఆర్డీఓల వద్ద ఉన్నాయి. అదనపు కలెక్టర్‌ (రెవెన్యూ) వద్ద ఏకంగా 6,932 దరఖాస్తులు పెండింగ్‌లో ఉంటే కలెక్టర్‌ వద్ద 2,041 ఉండటం విశేషం. నివేదికలు పంపడంలో నిర్లక్ష్యం ప్రభుత్వం ప్రతిష్టాత్మకంగా చేపట్టిన రెవెన్యూ సదస్సుల్లో భాగంగా 17 వేలకుపైగా దరఖాస్తులు అందాయి. వీటిలో ఇప్పటి వరకు మెజార్టీ పెండింగ్‌లోనే ఉన్నాయి. ఇక ప్రతి సోమవారం నిర్వహించే శ్రీప్రజావాణిశ్రీకి సగటున 60 నుంచి 100 వరకు అర్జీలు వస్తుంటాయి. అధికారులు వాటిని క్షేత్రస్థాయికి పంపుతుంటారు. రెవెన్యూ ఇన్‌స్పెక్టర్‌ (ఆర్‌ఐ) క్షేత్ర స్థాయిలో పర్యటించి, నిజనిర్ధారణ చేసి తహసీల్దార్‌కు నివేదిక ఇవ్వాల్సి ఉంది. ఆయన తన ఆఫీసులో ఉన్న భూ రికార్డులను క్షుణ్ణంగా పరిశీలించి, అన్నీ సవ్యంగా ఉన్నాయని నిర్ధారించుకున్న తర్వాత నివేదికను ఆర్డీఓకు పంపుతుంటారు. ఆయన తన వద్ద ఉన్న రికార్డులను పరిశీలించి తుది నివేదికను అదనపు కలెక్టర్‌/ కలెక్టర్‌కు పంపుతుంటారు. ఒక్కో దశలో ఒక్కో రేటు క్షేత్రస్థాయి నుంచి అందిన నివేదికల ఆధారంగానే కలెక్టర్లు వాటిని ఆమోదించడమో లేక తిరస్కరించడమో చేస్తుంటారు. అసలు కథ ఇక్కడే మొదలవుతుంది. ప్రభుత్వ పెద్దలు రంగప్రవేశం చేసి అధికారులపై ఒత్తిడి తెస్తున్నారు. అధికారులు దీన్ని అవకాశంగా తీసుకుని అక్రమార్జనకు పాల్పడుతున్నారు. అడిగినంత ముట్టజెప్పిన వారికి ఆశించిన విధంగా నివేదికలు సిద్ధం చేస్తున్నారు. నిరాకరించిన వారి ఫైళ్లను పరిశీలించకుండానే రిజెక్ట్‌ చేస్తున్నారు. ఎక్కడ భూమి తమకు కాకుండా పోతుందోననే భయంతో బాధితులు మధ్యవర్తులను ఆశ్రయించి వారు అడిగినంత ముట్టజెబుతున్నారు. ఆర్‌ఐ నుంచి అదనపు కలెక్టర్‌ వరకు ప్రతి దశలోనూ భారీ మొత్తం చేతులు మారుతున్నట్లు ఆరోపణలు ఉన్నాయి. ఇప్పటికే ఓ అదనపు కలెక్టర్‌ సహా పలువురు తహసీల్దార్లు, ఆర్‌ఐలు ఏసీబీకి పట్టుబడటం తెలిసిందే. ఆర్థిక స్థోమత లేని పేద రైతులు తమ భూములను తక్కువ ధరకు అమ్ముకోవాల్సి వస్తోంది. లక్షల్లో సమస్యలు.. వేలల్లో పరిష్కారాలు భూ సమస్యలకు సంబంధించి ధరణి సహా ప్రస్తుత భూ భారతి పోర్టల్స్‌కు ఇప్పటి వరకు 4,10,269 అప్లికేషన్లు వచ్చాయి. వీటిలో చేవెళ్ల రెవెన్యూ డివిజన్‌ పరిధిలోని మొయినాబాద్‌, చేవెళ్ల, షాద్‌నగర్‌, శంకర్‌పల్లి మండలాల నుంచి 1,12,782 భూ సమస్యలు ఉన్నట్లు తేలింది. వీటిలో 52,925 సమస్యలకు అధికారులు పరిష్కారం చూపించారు, మరో 41,177 అర్జీలను తిరస్కరించారు. ఇబ్రహీపట్నం రెవెన్యూ డివిజన్‌ పరిధిలోని మంచాల, యాచారం, ఇబ్రహీంపట్నం, అబ్దుల్లాపూర్‌మెట్‌ మండలాల నుంచి 94,389 దరఖాస్తులు అందగా, వీటిలో 38,029 అర్జీలను ఆమోదించి మిగిలిన వాటిని తిరస్కరించారు. కందుకూరు రెవెన్యూ డివిజన్‌ పరిధిలోని మహేశ్వరం, కడ్తాల్‌, ఆమనగల్లు, కందుకూరు మండలాల నుంచి 99,657 దరఖాస్తులు అందగా, 42,397 అర్జీలను ఆమోదించారు. రాజేంద్రనగర్‌ రెవెన్యూ డివిజన్‌ పరిధిలోని శంషాబాద్‌, గండిపేట, రాజేంద్రనగర్‌, శేరిలింగంపల్లి మండలాల నుంచి 42,040 దరఖాస్తులు అందగా, వీటిలో 17,707 ఆమోదించి మిగిలినవి తిరస్కరించారు. షాద్‌నగర్‌ రెవెన్యూ డివిజన్‌ పరిధిలోని కేశంపేట, కొందుర్గు, ఫరూఖ్‌నగర్‌, కొత్తూరు, జిల్లేడు చౌదరిగూడ, నందిగామ మండలాల నుంచి 61,401 దరఖాస్తులు అందగా, వీటిలో 28,003 ఆమోదించారు. అధికారులు తిరస్కరించిన వాటిలో మెజార్టీ భూములు ప్రభుత్వ, అసైన్డ్‌, భూదాన్‌, వక్ఫ్‌, దేవాదాయశాఖలకు సంబంధించినవే ఉండటం గమనార్హం. ఇబ్రహీంపట్నం మండలం రాందాస్‌పల్లి రెవెన్యూ సర్వే నంబర్‌ 41లో 1,161 ఎకరాల భూమి ఉంది. దీనిలో 600 ఎకరాలకుపైగా రియల్టర్ల చేతుల్లోకి వెళ్లింది. మరో 400 ఎకరాలు 150 మంది రైతుల చేతిలో ఉంది. బాండెడ్‌ లేబర్‌కు 82 ఎకరాలు సహా కోర్టు కేసులో 11 ఎకరాలు ఉంది. ఇప్పటికే రియల్టర్లు, నేతల చేతుల్లోకి వెళ్లిన 600 ఎకరాలను పట్టాగా మార్చేశారు. ఏళ్లుగా సాగులో ఉన్న 150 మంది రైతుల భూములను మాత్రం నిషేధిత జాబితాలో పెట్టారు. వారంతా భూ భారతి పోర్టల్‌లో దరఖాస్తు చేసుకున్నారు. రైతుల చేతుల్లో ఉన్నవి పూర్తిగా పట్టాభూములేనని, నిషేధిత జాబితా నుంచి విముక్తి కల్పిస్తున్నట్లు అసెంబ్లీ సాక్షిగా మంత్రి పొంగులేటి శ్రీనివాసరెడ్డి ప్రకటించారు. ఈ మేరకు సెప్టెంబర్‌ 11న కలెక్టర్‌ నారాయణరెడ్డి స్పష్టమైన ప్రకటన విడుదల చేశారు. క్షేత్రస్థాయి అధికారులు మాత్రం ఎప్పటికప్పుడు దాటవేత ధోరణి అవలంబించడం అనుమానాలకు తావిస్తోంది.భూ భారతి పోర్టల్‌లో పేరుకుపోయిన దరఖాస్తులు క్షేత్రస్థాయిలో అందని నివేదికలు 24 వేలకుపైగా అర్జీలు పెండింగ్‌ కిందిస్థాయి మొదలు ఉన్నతాధికారుల వరకు ఇదే తంతు.. బాధితులకు తప్పని తిప్పలు కార్యాలయాల చుట్టూ ప్రదక్షిణలుఇదీ భూ భారతి లెక్క.. పోర్టల్‌కు వచ్చిన దరఖాస్తులు: 4,10,269 ఇప్పటి వరకు పరిష్కరించినవి: 1,79,061 తిరస్కరించినవి: 1,56,298 తహసీల్దార్ల వద్ద పెండింగ్‌: 12,369 ఆర్డీఓల వద్ద: 3,211 అదనపు కలెక్టర్‌ వద్ద: 6,932 కలెక్టర్‌ వద్ద: 2,041 మొత్తం పెండింగ్‌: 24,553డివిజన్‌ తహసీల్దార్లు ఆర్‌డీఓ అదనపు కలెక్టర్‌ కలెక్టర్‌ చేవెళ్ల 3,018 630 1,497 603 ఇబ్రహీంపట్నం 3,358 999 1,664 478 కందుకూరు 2,861 736 2,024 427 రాజేంద్రనగర్‌ 1,360 164 710 238 షాద్‌నగర్‌ 1,772 682 1,037 295

కొడంగల్‌: పట్టణంలోని ప్రధాన రహదారి విస్తరణకు అధికారులు రంగం సిద్ధం చేశారు. ముఖ్యమంత్రి రేవంత్‌రెడ్డి గురువారం కొడంగల్‌కు వచ్చిన సందర్భంఆ రోడ్ల పరిస్థితిని గమనించారు. ఏడాది క్రితమే విస్తరణకు అధికారులు సమాయత్తమయ్యారు. గత ఏడాది అక్టోబర్‌ ఒకటిన రహదారికి ఇరువైపులా 60 అడుగులు వరకు విస్తరించడానికి మార్కింగ్‌ వేశారు. స్థానికుల విజ్ఞప్తి మేరకు 10 అడుగులు తగ్గించి 50కి కుదించారు. ఎంత మంది నివాసాలు, స్థలాలు పోతున్నాయో గుర్తించివారికి నోటీసులు ఇచ్చారు. నష్ట పరిహారం విషయంలో బాధితులతో అధికారులు చర్చించారు. కొందరి నుంచి అంగీకార పత్రాలు తీసుకున్నారు. అయితే పనులు ప్రారంభించడంలో జాప్యం జరిగింది. గురువారం సీఎం పర్యటన సందర్భంగా రోడ్లను చూసి వెంటనే పనులు ప్రారంభించాలని అధికారులను ఆదేశించారు. దీంతో మున్సిపల్‌ చైర్మన్‌ నందారం ప్రశాంత్‌, కమిషనర్‌ బలరాం నాయక్‌, తహసీల్దార్‌ రాంబాబు, ఆర్‌అండ్‌బీ అధికారులు శుక్రవారం ప్రధాన రహదారికి ఇరువైపులా స్థలపరిశీలన చేశారు. రోడ్డు మధ్య నుంచి అటు 25 అడుగులు, ఇటు 25 ఫీట్లు మొత్తంగా 50 అడుగులు రోడ్డు వేయనున్నట్లు అధికారులు తెలిపారు. లాహోటీ కాలనీ నుంచి గుడి వరకు.. పట్టణంలోని లాహోటీ కాలనీ నుంచి వినాయక చౌరస్తా మీదుగా మహాలక్ష్మీ వేంకటేశ్వర స్వామి ఆలయం వరకు ప్రధాన రహదారిని విస్తరించనున్నారు. ఈ మేరకు అధికారులు పర్యటించి స్థానికంగా ఉన్న సమస్యలను తెలుసుకున్నారు. స్థలాల యజమానులతో మాట్లాడారు. విస్తరణ పనులు ప్రారంభం అవుతాయని తెలిపారు. బాధితులకు ఇవ్వాల్సిన పరిహారం అధికారులు లెక్క కట్టి ఇస్తారని అన్నారు. పట్టణ ప్రజలకు మెరుగైన రవాణా సౌకర్యం కల్పించడంతో పాటు కొడంగల్‌ను అన్ని రంగాల్లో అభివృద్ధి చేయడమే లక్ష్యంగా పని చేస్తున్నట్లు మున్సిపల్‌ చైర్మన్‌ నందారం ప్రశాంత్‌ తెలిపారు. కార్యక్రమంలో మున్సిపల్‌ కౌన్సిలర్లు, పలు శాఖల అధికారులు పాల్గొన్నారు. వినాయక చౌరస్తా విస్తరణ పట్టణంలోని వినాయక చౌరస్తా ఇరుకుగా ఉండడం వల్ల ట్రాఫిక్‌ సమస్యలు ఎదురవుతున్నాయి. మహబూబ్‌నగర్‌ – చించోలీ జాతీయ రహదారి విస్తరణలో భాగంగా వినాయక చౌరస్తాను విస్తరించాల్సి ఉంది. వినాయక చౌరస్తా సమీపంలో ప్రభుత్వ జూనియర్‌ కళాశాల, జిల్లా పరిషత్‌ ఉన్నత పాఠశాల, ప్రభుత్వ వసతి గృహాలు, ప్రాథమిక, ప్రాథమికోన్నత పాఠశాలలు ఉన్నాయి. నిత్యం వేలాది మంది విద్యార్థులు తిరుగుతుంటారు. రోజా ఈ ప్రాంతం రద్దీగా ఉంటుంది. ప్రయాణికులను ఎక్కించుకోడానికి దించడానికి ఆర్టీసీ బస్సులు కూడా ఇక్కడే ఆగుతాయి. దీంతో ట్రాఫిక్‌ సమస్య ఏర్పడుతోంది. మహబూబ్‌నగర్‌ జిల్లా కేంద్రం నుంచి కొడంగల్‌, తాండూరు మీదుగా కర్ణాటక రాష్ట్రం చించోలీ వరకు జాతీయ రహదారిని నిర్మిస్తున్నారు. బెంగళూరు, ముంబై జాతీయ రహదారులను కలిపే ఈ రహదారిపై నిత్యం వేలాది వాహనాలు తిరుగుతాయి. మహబూబ్‌నగర్‌, కొడంగల్‌, తాండూరు మీదుగా చించోలి, మన్నాకెళ్లి వరకు నాలుగు లేన్ల రహదారి నిర్మిస్తున్నారు. ఈ క్రమంలో వినాయక చౌరస్తాను వెడల్పు చేయాల్సి ఉందని అధికారులు తెలిపారు.

కుల్కచర్ల: సమగ్ర భూసర్వేతో భవిష్యత్తులో భూ సంబంధ సమస్యలు తగ్గుముఖం పడతాయని భూసర్వే ఏడీ మధుసూదన్‌ రావు అన్నారు. శుక్రవారం మండలంలోని సాల్వీడులో గ్రామసభను నిర్వహించారు. ఈ సందర్భంగా ఆయన మాట్లాడుతూ.. సమగ్ర భూసర్వేతో భూముల హద్దులు గుర్తిస్తారని, క్రయవిక్రయాలు చేసే సమయంలో ఇది ఉపయోగ పడుతుందని తెలిపారు. రైతులకు రెవెన్యూ సేవలను సులభతరం చేసేందుకే ప్రభుత్వం సమగ్ర భూసర్వే చేపట్టిందని, ఇందుకు ప్రతి ఒక్కరూ సహకరించాలని కోరారు. కార్యక్రమంలో కాంగ్రెస్‌ పార్టీ మండల అధ్యక్షుడు గోపాల్‌ నాయక్‌, సర్పంచ్‌ లక్ష్మమ్మ, దీప్లానాయక్‌ తండా సర్పంచ్‌ అంజలి, పీరంపల్లి సర్పంచ్‌ వెంకటయ్య తదితరులు పాల్గొన్నారు.

తుర్కయంజాల్‌: కేంద్ర, రాష్ట్ర ప్రభుత్వాలు కార్మికులకు ఇచ్చిన హామీలను అమలు చేయడంతో పాటు నాలుగు లేబర్‌ కోడ్‌లను వెంటనే రద్దు చేయాలని డిమాండ్‌ చేస్తూ ఈ నెల 25,26 తేదీల్లో ఇందిరాపార్క్‌ వద్ద నిర్వహించనున్న ధర్నాను జయప్రదం చేయాలని సీఐటీయూ జిల్లా ఉపాధ్యక్షుడు డి.కిషన్‌ కోరారు. ధర్నాకు సంబంధించిన వాల్‌పోస్టర్‌ను శుక్రవారం రాగన్నగూడలో ఆవిష్కరించారు. ఈ సందర్భంగా ఆయన మాట్లాడుతూ.. కార్మికులకు కనీస వేతనాలు, ఉద్యోగ భద్రత, సామాజిక భద్రత కల్పించాలని, ప్రభుత్వ రంగ సంస్థలను పరిరక్షించాలని, ఉద్యోగులకు పీఆర్‌సీ అమలు చేయాలని డిమాండ్‌ చేశారు. ధర్నాలో కార్మికులు, ఉద్యోగులు, స్కీమ్‌ వర్కర్స్‌, ఔట్‌ సోర్సింగ్‌ ఉద్యోగులు, స్థానిక సంస్థల ఉద్యోగులు, యూనివర్సిటీలు, వైద్య, ఆరోగ్య రంగ సిబ్బంది, పెన్షనర్‌లు, బీడీ కార్మికులు, భవన నిర్మాణ కార్మికులు, ట్రాన్స్‌పోర్ట్‌, హమాలీతో పాటు వివిధ రంగాలకు చెందిన కార్మికులు పెద్ద ఎత్తున పాల్గొనాలని పిలుపునిచ్చారు. కార్యక్రమంలో తుర్కయంజాల్‌ కన్వీనర్‌ మండల సత్యనారాయణ, ట్రాలీ డ్రైవర్స్‌ యూనియన్‌ అధ్యక్షుడు గుడ్ల వినోద్‌, నాయకులు నాగం ధర్మారెడ్డి, రొక్కం శేఖర్‌ రెడ్డి, కుంట వెంకట్‌ రెడ్డి, బద్దం చెన్నారెడ్డి, గుండ బాల్‌రాజ్‌, రాములు, శ్రీశైలం తదితరులు పాల్గొన్నారు.

బంట్వారం: మైనింగ్‌ క్వారీ నీటి గుంతలో పడి కర్ణాటక రాష్టం కుంచారానికి చెందిన ఇద్దరు విద్యార్థులు మృతి చెందారు. ఈ ఘటన శుక్రవారం మండలంలోని తెలంగాణ సరిహద్దు బొప్పునారం శివారులో చోటుచేసుకుంది. వివరాలు ఇలా ఉన్నాయి.. గ్రామానికి చెందిన అజయ్‌(14), సురేందర్‌ (15) ఈత కొట్టేందుకు సమీపంలోని మణికంట మైనింగ్‌ క్వారీకి వెళ్లారు. వీరితో కలిసి వెళ్లిన రాహుల్‌ అనే యువకుడు గట్టుపై ఉన్నాడు. అజయ్‌, సురేందర్‌ నీటి గుంతలోకి దూకారు. అజయ్‌కు ఈత రాకపోవడంతో సురేందర్‌ను గట్టిగా పట్టుకున్నాడు. ఈ క్రమంలో ఇద్దరూ నీట మునిగి ఊపిరాడక మృతి చెందారు. గట్టుపై నిల్చున్న రాహుల్‌ వెంటనే క్వారీ సిబ్బందికి చెప్పడంతో వారు మృతదేహాలను బయటకు తీశారు. మృతులిద్దరూ కుంచారం ప్రభుత్వం పాఠశాలలో చదువుకుంటున్నారు. మైనింగ్‌ యాజమాన్యం క్వారీ గుంతల వద్ద ఎలాంటి భద్రతా చర్యలు చేపట్ట లేదని స్థానికులు ఆగ్రహం వ్యక్తం చేశారు. సమాచారం అందిన వెంటనే ధారూరు సీఐ రఘురాములు, ఎస్‌ఐ పుండ్లిక్‌ ఘటనా స్థలానికి చేరుకుని పంచనామా జరిపించారు. ఈ మేరకు కేసు నమోదు చేసుకుని దర్యాప్తు చేస్తున్నట్లు సీఐ రఘురాములు తెలిపారు. మృతదేహలను పోస్టుమార్టం నిమిత్తం మర్పల్లి ప్రభుత్వ ఆస్పత్రికి తరలించారు.

వికారాబాద్‌: రేడియల్‌ రోడ్డు దిశగా వడివడిగా అడుగులు పడుతున్నాయి. ఇప్పటికే టెండర్‌ ప్రక్రియను పూర్తి చేసిన ప్రభుత్వం త్వరలో పనులు ప్రారంభించేందుకు కసరత్తు చేస్తోంది. నవంబర్‌ మొదటి వారంలో సీఎం చేతుల మీదుగా భూమిపూజ చేసేందుకు అధికారులు ఏర్పాట్లు చేస్తున్నారు. శంషాబాద్‌ సమీపంలోని బుద్వేల్‌ ఔటర్‌ రింగ్‌ రోడ్డు ఎగ్జిట్‌ నంబర్‌ 17 నుంచి శంషాబాద్‌, షాబాద్‌, పరిగి, పూడూరు, దోమ మండలాల మీదుగా కొడంగల్‌ నియోజకవర్గ పరిధిలోని హకీంపేట్‌ వరకు రేడియల్‌ రోడ్డు నిర్మించనున్నారు. ఈ రోడ్డు రాజేంద్రనగర్‌, చేవెళ్ల, పరిగి, కొడంగల్‌ నియోజకవర్గాలను కలపనుంది. ఔటర్‌ రింగు రోడ్డు నుంచి ప్రారంభమై నేషనల్‌ హైవే 167తో అనుసంధానం చేస్తుంది. నాలుగు నెలల క్రితమే సీఎం రేవంత్‌రెడ్డి ఈ విషయాన్ని ప్రకటించగా దీనికి సంబంధించిన ప్రక్రియను అధికారులు ముమ్మరం చేశారు. 81 కిలోమీటర్ల దూరం ఆరు వరుసలుగా నిర్మించనున్నారు. ఇందు కోసం రూ.3,295 కోట్లు ఖర్చు చేయనున్నారు. రింగ్‌రోడ్డును కలుపుతూ రెండో రేడియల్‌ రోడ్డుగా అభివృద్ధి చేస్తారు. వికారాబాద్‌, రంగారెడ్డి జిల్లాల్లో భూ సేకరణ ప్రక్రియ దాదాపు పూర్తయింది. టెండర్‌ ప్రక్రియను పూర్తి చేశారు. 246 అడుగుల వెడ ల్పుతో 81 కిలోమీటర్ల దూరం వరకు నాలుగు వరుసలుగా ఈ గ్రీన్‌ ఫీల్డ్‌ హైవేను నిర్మించనున్నారు. భవిష్యత్తులో మెట్రోను సైతం అనుసంధానించేలా భూసేకరణ, డిజైన్‌ చేశారు. 18 గ్రామాల మీదుగా.. జిల్లాలోని ఆరు మండలాల పరిధిలోని 18 గ్రామాల మీదుగా రేడియల్‌ రోడ్డు వెళ్లనుంది. దోమ మండలంలో తొమ్మిది గ్రామాల మీదుగా వెళ్తుంది. ఆ గ్రామాల్లో భూ సేకరణ పూర్తి చేశారు. కుల్కచర్ల, పూడూరు మండలాల్లో ఒక్కో గ్రామం మీదుగా.. పరిగి మండలంలో ఐదు గ్రామాల మీదుగా, దుద్యాల మండలంలో రెండు గ్రామాల గుండా ఈ రోడ్డు వెళ్లనుంది. పరిగి నియోజకవర్గంలో 400 పైచిలుకు ఎకరాలు, దుద్యాల మండలంలో 99 ఎకరాలు కలిపి మొత్తం 500 ఎకరాలు సేకరించారు. భూమి విలువకు కొంచం అటూ ఇటుగా నాలుగు రెట్లు అధికంగా పరిహారం ఇచ్చారు. కొంతమంది రైతులు మినహా అందరూ స్వచ్ఛందంగా భూములు ఇచ్చారు. రోడ్డు నిర్మాణం పూర్తయితే భూముల విలువ పెరగనుంది. రవాణా సౌకర్యం మెరుగు పడుతుంది. పరిగి మండలం సయ్యద్‌పల్లి, రాపోల్‌ తదితర గ్రామాల్లో ఎకరా భూమి విలువ రూ.8.40 లక్షలు ఉండగా ప్రభుత్వం రూ.32 లక్షల నుంచి రూ.34 లక్షల వరకు పరిహారం రూపంలో చెల్లించింది. దోమ, దుద్యాల మండలాల్లో ఎకరా నికి రూ.24 లక్షల చొప్పున పరిహారం ఇవ్వనున్నారు. రేడియల్‌ నిర్మాణ బాధ్యతలు హెచ్‌ఎండీఏ చేపడుతోంది. 18 నెలల వ్యవధిలో పనులు పూర్తి చేయాల్సి ఉంది. మూడు ప్యాకేజీలుగా విభజించి నిర్మించనున్నారు. మొదటి ప్యాకేజీ బుద్వేల్‌ నుంచి షాబాద్‌ వరకు, రెండో ప్యాకేజీ షాబాద్‌ నుంచి దోమ మండలం గూడూరు వరకు మూడో ప్యాకేజీ గూడూరు నుంచి కొడంగల్‌ సమీపంలోని జాతీయ రహదారి 167 నాచారం వరకు నిర్మించనున్నారు. ఓఆర్‌ఆర్‌ను కలుపుతూ రెండో రోడ్డుగా అభివృద్ధి పారిశ్రామిక అభివృద్ధికి ఊతం ఈ అధునాతన సువిశాల రోడ్డు (రేడియల్‌ రోడ్డు) నిర్మాణం పూర్తయితే రంగారెడ్డి జిల్లా పశ్చిమ ప్రాంతంతో పాటు వికారాబాద్‌ జిల్లా అభివృద్ధి వేగం పుంజుకునేందుకు అవకాశం ఉంది. ఓఆర్‌ఆర్‌ నుంచి నిర్మించబోయే ట్రిపుల్‌ ఆర్‌ను అనుసంధానించనున్నారు. పరిగి మండలం రాపోల్‌, కాండ్లాపూర్‌ గ్రామాల్లో నిర్మించతలపెట్టిన ఇండస్ట్రియల్‌ పార్కు, షాబాద్‌ మండలం సీతారాంపూర్‌, హైతాబాద్‌ సమీపంలో ఏర్పాటైన పారిశ్రామిక కారిడార్‌, భవిష్యత్తులో దోమ మండలంలో ఏర్పాటు చేయనున్న పారిశ్రామికవాడ, కొడంగల్‌ నియోజకవర్గ పరిధిలోని మల్టీపర్పస్‌ ఇండస్ట్రియల్‌ పార్కులకు రేడియల్‌ ద్వారా ప్రయోజనం చేకూరనుంది. యుద్ధ ప్రాతిపదికన పనులు పూర్తి చేయాలని ప్రభుత్వం భావిస్తోంది. రేడియల్‌ రోడ్డు అందుబాటులోకి వస్తే భవిష్యత్తులో ఏర్పాటయ్యే ఐటీ క్లస్టర్లు, పారిశ్రామిక వాడల అభివృద్ధికి ఎంతో ఉపయోగపడనుంది. ఇదే సమయంలో పారిశ్రామిక వాడలకు శంషాబాద్‌ కార్గో టెర్మినల్‌ ద్వారా భారీ యంత్రాలు, ముడి సరుకులను పరిశ్రమలకు తరలించటానికి సులభతరమవుతుంది. దీంతో పాటు ట్రిపుల్‌ ఆర్‌, ఓఆర్‌ఆర్‌లను అనుసంధానించడం ద్వారా అన్ని ప్రధాన జాతీయ రహదారులకు కూడా ఇక్కడి నుంచి వెళ్లడం సలువవుతుంది. శంషాబాద్‌లోని అంతర్జాతీయ విమానాశ్రయం నుంచి పారిశ్రామిక వాడలకు లింక్‌ అవుతుంది.

ఇబ్రహీంపట్నం రూరల్‌: అదృశ్యమైన యువకుడు చెరువులో శవమై తేలాడు. ఈ సంఘటన ఆదిభట్ల పోలీస్‌స్టేషన్‌ పరిధిలో చోటు చేసుకుంది. సీఐ రమేష్‌ కథనం ప్రకారం.. ఇంజాపూర్‌ సుందరయ్య కాలనీకి చెందిన గుర్రం రాము (26) ఆటోడ్రైవర్‌గా పని చేస్తున్నాడు. భార్యతో గొడవ జరగడంతో ఆమె పుట్టింటికి వెళ్లిపోయింది. ఈ నెల 21న తల్లి వద్దకు వచ్చి విషయం చెప్పి వెళ్లిపోయాడు. అదేరోజు మధ్యాహ్నం 3.20 గంటలకు తాను చనిపోతున్నట్లు వాట్సాప్‌ వీడియోకాల్‌ చేసి ఫోన్‌ స్విచ్ఛాఫ్‌ చేశాడు. దీంతో కుటుంబీకులు పోలీసులకు ఫిర్యాదు చేశారు. ఈ క్రమంలో శుక్రవారం రాము మృతదేహం తుర్కయంజాల్‌ చెరువులో లభ్యమైంది. చేతిపై ఉన్న టాటు ఆధారంగా మృతదేహం రాముదిగా గుర్తించారు. వీడియోకాల్‌ చేసిన రోజే ఆత్మహత్య చేసుకొని ఉంటాడని భావిస్తున్నారు. పోస్టుమార్టం నిమిత్తం మృతదేహాన్ని ఉస్మానియా ఆస్పత్రికి తరలించారు. కేసు నమోదు చేసుకొని దర్యాప్తు చేస్తున్నారు. ఆమనగల్లు: రోడ్డు ప్రమాదంలో గ్రామ కార్యదర్శికి గాయాలయ్యాయి. వివరాలివీ.. తలకొండపల్లి మండలం వెల్జాల గ్రామ కార్యదర్శిగా పనిచేస్తున్న వాజిద్‌ ఆమనగల్లులో ఉంటూ విధులు నిర్వర్తిస్తున్నారు. విధి నిర్వహణలో భాగంగా శుక్రవారం ఉదయం బైక్‌పై వెల్జాల వెళ్తుండగా చింతలపల్లి గ్రామం దాటిన తరువాత పలుగుగుట్ట సమీపంలో ఎదురుగా వస్తున్న ఆటో ఢీకొట్టింది. ఈ ప్రమాదంలో వాజిద్‌ తీవ్రంగా గాయపడ్డాడు. వెంటనే 108 అంబులెన్స్‌లో చికిత్స కోసం వెల్దండలోని ఎన్నం ఆస్పత్రికి తరలించారు. పోలీసులు కేసు నమోదు చేసి దర్యాప్తు జరుపుతున్నారు. బషీరాబాద్‌: అధికార పార్టీలో అసంతృప్త జ్వాలను చల్లాచర్చేందుకు తాండూరు ఎమ్మెల్యే బుయ్యని మనోహర్‌రెడ్డి చర్యలు చేపట్టారు. అలకబూనిన మండల సీనియర్లకు శుక్రవారం ఫోన్లు చేసి శనివారం హైదరాబాద్‌ రావాలని సూచించినట్లు తెలిసింది. శుక్రవారం ‘సాక్షి’ దినపత్రికలో అధికార పార్టీలో అసంతృప్త జ్వాల శీర్షికన ప్రచురితమైన కథనం సామాజిక మాద్యమాల్లో కాంగ్రెస్‌ శ్రేణులు వైరల్‌ చేశారు. ఈ నేపథ్యంలో ఎమ్మెల్యే రంగంలోకి దిగి అందరితో మాట్లాడారు. తమకు ఎమ్మెల్యే ఫోన్‌ చేసి ఆహ్వానించింది వాస్తవమేనని అసంతృప్త సీనియర్‌ నేత ఒకరు ధ్రువీకరించారు. అయితే వీరంతా నేడు హైదరాబాద్‌లో జరిగే ఎమ్మెల్యేతో భేటీకి హాజరు అవుతారా..? లేదా..? అనేది ప్రశ్నార్థకంగా మారింది. రాజేంద్రనగర్‌: అక్రమంగా బాణసంచా తయారు చేయడంతో పాటు నిల్వచేసి విక్రయించేందుకు ప్రయత్నిస్తున్న ముగ్గురు నిందితులను రాజేంద్రనగర్‌ టాస్క్‌ఫోర్స్‌ పోలీసులు అదుపులోకి తీసుకున్నారు. పోలీసులు తెలిపిన వివరాల ప్రకారం.. జలాల్‌ బాబానగర్‌కు చెందిన జరీనా సుల్తానా, మొహమ్మద్‌ అజార్‌ ముడి సరుకును నిల్వ చేయడంతో పాటు బాణసంచా తయారు చేస్తున్నారు. శుక్రవారం టాస్క్‌ఫోర్స్‌ పోలీసులు గోదాంపై దాడి చేసి పొటాషియం పొడితో పాటు బాణసంచాకు ఉపయోగించే మసాలా పొడి, లూజ్‌ బాణాసంచులను స్వాధీనం చేసుకున్నారు. తదుపరి విచారణ నిమిత్తం అత్తాపూర్‌ పోలీసులకు అప్పగించారు. మైలార్‌దేవ్‌పల్లి బాబుల్‌ రెడ్డి నగర్‌లోని శక్తి ట్రేడర్స్‌ హోల్‌సేల్‌ బాణాసంచా దుకాణంపైనా దాడి చేశారు. భద్రత ప్రమాణాలు పాటించకుండా అక్రమంగా బాణసంచా నిల్వ ఉంచి విక్రయిస్తున్న నిర్వాహకుడు హఫీజ్‌ను అదుపులోకి తీసుకున్నారు.

షాద్‌నగర్‌: ప్రభుత్వం వెంటనే పీఆర్సీని ప్రకటించాలని పెన్షనర్ల సంఘం రాష్ట్ర అధ్యక్షుడు వెంకట్‌రెడ్డి డిమాండ్‌ చేశారు. పట్టణంలోని పెన్షనర్స్‌ భవనంలో శుక్రవారం సంఘం జిల్లా కార్యవర్గ సమావేశం నిర్వహించారు. సమావేశానికి ముఖ్య అతిథిగా విచ్చేసిన వెంకట్‌రెడ్డి మాట్లాడుతూ.. ప్రభుత్వం ఎమ్మెల్సీ ఎన్నికల కంటే ముందే ఉద్యోగుల పీఆర్సీని ప్రకటించాలని కోరారు. సమస్యలు పరిష్కరించే వారికే తమ మద్దతు ప్రకటిస్తామని స్పష్టం చేశారు. పీఆర్సీని ప్రకటించడంతో పాటు పాత బకాయిలను వెంటనే విడుదల చేయాలన్నారు. సమావేశంలో సంఘం జిల్లా అధ్యక్షుడు సరాపు జగదీశ్వర్‌, రాష్ట్ర ప్రధాన కార్యదర్శి ఉస్మాన్‌, నాయకులు సుధాకర్‌రెడ్డి, జనార్దన్‌, కృష్ణయ్య, నర్సింలు, రమేష్‌, పాండు, అబ్దుల్‌ గఫార్‌, నందిగామ సురేష్‌ పాల్గొన్నారు. కొత్తూరు: సిద్ధాపూర్‌లో డంప్‌యార్డు ఏర్పాటు కోసం ప్రభుత్వం జారీ చేసిన జీవో నంబర్‌ 641ను రద్దు చేసే వరకు దీక్షలు కొనసాగుతాయని జేఏసీ అధ్యక్షుడు రాంబాల్‌నాయక్‌ స్పష్టం చేశారు. గ్రామంలో కొనసాగుతున్న దీక్షలు శుక్రవారంతో 20 రోజులకు చేరాయి. ఈ సందర్భంగా ఆయన మాట్లాడుతూ.. డంప్‌యార్డు ఏర్పాటుతో సమీపంలోని 50 గ్రామాల్లో ప్రజలు అన్ని రకాలుగా నష్టపోతారని ఆందోళనలు చేస్తున్నా ప్రభుత్వం పట్టించుకోకపోవడం దారుణమన్నారు. ఇప్పటికే జవహర్‌నగర్‌ డంప్‌యార్డుతో పెద్ద ఎత్తున జల, వాయు, ఇతర కాలుష్యాలు వెలువడుతున్నట్లు ఇటీవలే ఆరోగ్య సంస్థలు చేసిన పరిశోధనల్లో తేలిందన్నారు. ఇవేవీ పట్టించుకోకుండా సాంకేతికత పేరుతో డంప్‌యార్డు ఏర్పాటుకు ప్రభుత్వం తీసుకున్న నిర్ణయాన్ని ఉపసంహరించుకోవాలన్నారు. కార్యక్రమంలో నాయకులు బాలయ్య, మహేశ్‌, రాజేందర్‌రెడ్డి, శ్రీధర్‌చారి, నరేందర్‌రెడ్డి, ప్రశాంత్‌ పాల్గొన్నారు. తుర్కయంజాల్‌: అక్రమంగా మట్టి తవ్వకం, తరలింపు చేపడితే చట్టరీత్యా చర్యలు తప్పవని మైనింగ్‌ సర్వేయర్‌ సుజాత తెలిపారు. శుక్రవారం ఆమె ఆర్‌ఐలు ఇందిర, వెంకన్నతో కలిసి ఆదిభట్ల సర్కిల్‌ పరిధి రాగన్నగూడ లక్ష్మీ మెగా టౌన్‌షిప్‌లో అనుమతులు లేకుండా చేపడుతున్న మైనింగ్‌ పనులను పరిశీలించారు. అనంతరం కొలతలు తీసుకున్నారు. ఈ సందర్భంగా వారు మాట్లాడుతూ.. మైనింగ్‌ నిర్వాహకులు గతంలో అనుమతలు పొందిన దాని కంటే అదనంగా మట్టిని తవ్వినందుకు జరిమానా విధించినట్టు తెలిపారు. అయినా తీరు మార్చుకోకుండా యథావిధిగా రాత్రి వేళల మైనింగ్‌ చేపడుతున్నట్లు గుర్తించామన్నారు. కొలతల ఆధారంగా మరోసారి జరిమానా విధించడంతో పాటు ఉన్నతాధికారులకు నివేదిక అందజేస్తామని వెల్లడించారు.

● గంజాయి, డ్రగ్స్‌ అనర్థాలపై ● యువతకు అవగాహన మంచాల: యువత చెడు వ్యసనాలకు దూరంగా ఉండాలని ఇబ్రహీంపట్నం ఏసీపీ రాజు అన్నారు. పోలీసు అమరవీరుల సంస్మరణ దినోత్సవం సందర్భంగా గురువారం పీఎస్‌లో ఓపెన్‌ హౌస్‌ నిర్వహించారు. ఏసీపీ మాట్లాడుతూ.. ఆన్‌లైన్‌ గేమ్‌లు, గంజాయి, డ్రగ్స్‌తో కలిగే అనర్థాలపై యువతకు అవగాహన కల్పించాలన్నారు. శాంతిభద్రతల పరిరక్షణలో రాజీపడొద్దని పోలీసులకు సూచించారు. కార్యక్రమంలో మంచాల సీఐ మధు, ఎస్‌ఐలు నాగేశ్వర్‌రావు, వంశీ, సిబ్బంది, యువకులు పాల్గొన్నారు.

సాక్షి, రంగారెడ్డి జిల్లా: విభేదాలను పక్కన పెట్టి పార్టీ అభ్యర్థి గెలుపు కోసం అంతా కలిసికట్టుగా పని చేయాలని ఐటీ, పరిశ్రమలశాఖ మంత్రి దుద్దిళ్ల శ్రీధర్‌బాబు నేతలకు సూచించారు. పాత, కొత్త నాయకులంతా సమన్వయంతో పని చేయాలన్నారు. ఈ మేరకు గురువారం హైదరాబాద్‌– రంగారెడ్డి– మహబూబ్‌నగర్‌ గ్రాడ్యుయేట్‌ ఎమ్మెల్సీ ఎన్నికల ఉమ్మడి రంగారెడ్డి జిల్లా నేతలతో శంషాబాద్‌లో సన్నాహక సమావేశం నిర్వహించారు. ముఖ్య అతిథిగా హాజరైన మంత్రి కాంగ్రెస్‌ శ్రేణులకు దిశానిర్దేశం చేశారు. అంతర్గతంగా ఎన్ని విభేదాలున్నా.. పక్కన పెట్టి, పార్టీ అభ్యర్థి సామ రామ్మోహన్‌రెడ్డి గెలుపు కోసం కృషిచేయాలన్నారు. అందివచ్చిన అవకాశాన్ని ఎట్టిపరిస్థితుల్లోనూ చేజారనివ్వకూడని ఆదేశించారు. పార్టీ వ్యతిరేక చర్యలకు పాల్పడే వారిపట్ల కఠినంగా వ్యవహరిస్తామని హెచ్చరించారు. గ్రాడ్యుయేట్‌ ఎన్నికల్లో గెలిచేది, కాంగ్రెస్‌ అభ్యర్థేనని ధీమా వ్యక్తంచేశారు. అత్యధిక మెజార్టీ కోసం ప్రతిఒక్కరూ కృషిచేయాలన్నారు. గ్రాడ్యుయేట్‌ ఓటర్ల నమోదును పార్టీ శ్రేణులు అత్యంత ప్రతిష్టాత్మకంగా తీసుకోవాలని, అర్హులైన ప్రతి పట్టభద్రుడిని ఓటరుగా నమోదు చేయించే బాధ్యత నాయకులు, కార్యకర్తలదేనని గ్రామాలు, మున్సిపాలిటీలు, వార్డుల వారీగా ప్రత్యేక ఓటర్‌ ఎన్‌రోల్‌మెంట్‌ డ్రైవ్‌ చేపట్టాలని, బూత్‌ స్థాయి నుంచి ప్రతి గ్రాడ్యుయేట్‌ ఓటరును కలిసి ప్రభుత్వం చేపట్టిన సంక్షేమ, అభివృద్ధి వివరించాలని, బీఆర్‌ఎస్‌, బీజేపీ వైఫల్యాలను మరింత బలంగా ప్రజల్లోకి తీసుకెళ్లాలని సూచించారు. ఈ సమావేశంలో ఎంపీ మల్లు రవి, ఎమ్మెల్యేలు మల్‌రెడ్డి రంగారెడ్డి, రామ్మోహన్‌రెడ్డి, మనోహర్‌రెడ్డి, కసిరెడ్డి నారాయణరెడ్డి, ప్రభుత్వ విప్‌, ఎమ్మెల్సీ బల్మూరు వెంకట్‌, ఎమ్మెల్సీ అభ్యర్థి సామ రామ్మోహన్‌రెడ్డి తదితరులు పాల్గొన్నారు. కార్యక్రమంలో రంగారెడ్డి డీసీసీ అధ్యక్షురాలు చిగురింత పారిజాత నర్సింహారెడ్డి, మేడ్చల్‌ జిల్లా అధ్యక్షుడు వజ్రేష్‌ యాదవ్‌, వికారాబాద్‌ జిల్లా అధ్యక్షుడు ధారాసింగ్‌, కేంద్ర మాజీ మంత్రి వేణుగోపాలాచారి, పార్టీ సీనియర్‌ నాయకులు హాజరయ్యారు. అభ్యర్థి మీరే పట్టభద్రుల ఎమ్మెల్సీ ఎన్నికల్లో కాంగ్రెస్‌ పార్టీ విజయానికి ప్రతీ నాయకుడు, కార్యకర్త తానే అభ్యర్థిగా భావించి కష్టపడి పనిచేయాలని ఆలిండియా ప్రొఫెషనల్‌ కాంగ్రెస్‌ చైర్మన్‌ మధుయాస్కిగౌడ్‌ అన్నారు. ముఖ్యమంత్రి రేవంత్‌రెడ్డి ప్రాతినిధ్యం వహిస్తున్న పట్టభద్రుల ఎమ్మెల్సీ స్థానాన్ని గెలిచుకోవడాన్ని ప్రతిష్టాత్మకంగా తీసుకోవాలని సూచించారు. ఉమ్మడి జిల్లా నుంచి అత్యధికంగా పట్టభద్రుల ఓటరు నమోదును చేపట్టి, పార్టీ అభ్యర్థి విజయంపై ముఖ్యమంత్రికి విశ్వాసం కల్పించాల్సిన బాధ్యత నాయకులు, కార్యకర్తలపై ఉందన్నారు. ఎమ్మెల్సీ ఎన్నికల్లో కాంగ్రెస్‌ పార్టీ విజయం సాధిస్తే.. జిల్లాకు మంత్రి పదవి దక్కే అవకాశం ఉందని తెలిపారు. పార్టీ కోసం కష్టపడే నాయకులు, కార్యకర్తలకు నామినేటెడ్‌ పదవుల రూపంలో తగిన గుర్తింపు లభిస్తుంది. కాంగ్రెస్‌ అభ్యర్థి గెలుపే లక్ష్యంగా పనిచేయండి జిల్లా ఇన్‌ఛార్జ్‌ మంత్రి శ్రీధర్‌బాబు ఉమ్మడి రంగారెడ్డి జిల్లా నేతలతో సమావేశం

యాచారం: మొండిగౌరెల్లి గ్రామంలో అసైన్డ్‌ భూములు రీ సర్వేలో తీవ్ర ఉద్రిక్తత చోటుచేసుకుంది. సర్వే చేసే అసైన్డ్‌ భూమి తనదంటే.. తనదేనని ఇరువురూ తీవ్రంగా ఘర్షణ పడ్డారు. వివరాలు.. గ్రామంలోని సర్వేనంబరు 68లో గురువారం రెవెన్యూ, సర్వే అధికారులు పలువురు రైతులు అసైన్డ్‌ భూమిని రీ సర్వే చేస్తున్నారు. ఈ సమయంలో ధర్మానాయక్‌, రాజునాయక్‌లకు చెందిన అసైన్డ్‌ భూమి వద్దకు సర్వే కోసం వెళ్లారు. భూమి తనదంటే.. తనదేనని.. పరిహారం తనకే అందాలని ఇరువురూ వాగ్వాదానికి దిగారు. దీంతో ఉద్రిక్తత నెలకొంది. అధికారులు సర్వే ఆపేసి వెనక్కి వెళ్లిపోయారు. ఈ విషయమై ఇరువర్గాల ఫిర్యాదు మేరకు కేసులు నమోదు చేసి, దర్యాప్తు చేస్తున్నారు. సీఐటీయూ జిల్లా కార్యదర్శి శ్రీనివాస్‌ తాండూరు టౌన్‌: కేంద్ర, రాష్ట్ర ప్రభుత్వాలు కార్మికులకు ఇచ్చిన హామీలను వెంటనే అమలు చేయాలని సీఐటీయూ జిల్లా కార్యదర్శి కె శ్రీనివాస్‌ డిమాండ్‌ చేశారు. ఈ అంశంపై ఈ నెల 25, 26వ తేదీల్లో మల్లిపుల్‌ డేస్‌ ధర్నా కార్యక్రమాన్ని హైదరాబాద్‌లో నిర్వహించనున్నట్లు తెలిపారు. గురువారం పట్టణంలోని అంబేడ్కర్‌ చౌక్‌లో ధర్నా పోస్టర్‌ ఆవిష్కరించారు. ఈ సందర్భంగా ఆయన మాట్లాడుతూ.. కేంద్ర, రాష్ట్ర ప్రభుత్వాలు కార్మికుల హక్కులు, సామాజిక భద్రతను తుంగలో తొక్కాయన్నారు. కేంద్రం తెచ్చిన నాలుగు లేబర్‌ కోడ్‌లను వెంటనే రద్దు చేయాలని డిమాండ్‌ చేశారు. కనీస వేతనం, ఉద్యోగ భద్రత, పీఆర్‌సీ, డీఏల చెల్లింపు, ప్రభుత్వ రంగ సంస్థల పరిరక్షణ కల్పించాలన్నారు. కార్యక్రమంలో కార్మిక సంఘం నాయకులు నరేష్‌, బలరాం, శంకర్‌, వెంకటప్ప, గుండమ్మ, మైసమ్మ, ఎల్లమ్మ తదితరులు పాల్గొన్నారు. పార్టీ పట్టణ అధ్యక్షుడు నాగరాజు తాండూరు టౌన్‌: పట్టభద్రులంతా కాంగ్రెస్‌ పార్టీ వైపే మొగ్గు చూపుతున్నారని ఆ పార్టీ పట్టణ అధ్యక్షుడు బాతుల నాగరాజు అన్నారు. మహబూబ్‌నగర్‌, రంగారెడ్డి, హైదరాబాద్‌ పట్టభద్రుల ఎమ్మెల్సీ ఎన్నికల్లో భాగంగా గురువారం శంషాబాద్‌లో ఏర్పాటు చేసిన ఉమ్మడి రంగారెడ్డి జిల్లా సన్నాహక సమావేశానికి తాండూరు నుంచి పలువురు నాయకులు, కార్యకర్తలు వెళ్లారు. ఈ సందర్భంగా ఆయన మాట్లాడుతూ.. కాంగ్రెస్‌ ప్రభుత్వం వచ్చాక 60వేల ఉద్యోగాలు భర్తీ చేసిందన్నారు. ప్రభుత్వ, ప్రైవేటు రంగాల్లో లక్ష వరకు నియామకాలు జరిగాయన్నారు. గత ప్రభుత్వం పట్టభద్రులను, నిరుద్యోగులను పూర్తిగా విస్మరించిందని ఆరోపించారు. రాబోయే పట్టభద్రుల ఎమ్మెల్సీ ఎన్నికల్లో కాంగ్రెస్‌ పార్టీ అభ్యర్థి ఘన విజయం సాధించడం తథ్యమన్నారు. అనంతగిరి: దసరా పండుగను పురస్కరించుకుని వికారాబాద్‌ మాజీ ఎమ్మెల్యే డాక్టర్‌ మెతుకు ఆనంద్‌, బీసీ కమిషన్‌ మాజీ సభ్యుడు శుభప్రద్‌పటేల్‌, ఇతర ముఖ్య నాయకులు గురువారం బీఆర్‌ఎస్‌ వర్కింగ్‌ ప్రసిడెంట్‌ కేటీఆర్‌, మాజీ మంత్రి సబితారెడ్డిని మర్యాదపూర్వకంగా కలిశారు. ఈ సందర్భంగా జమ్మి ఇచ్చి పండుగ శుభాకాంక్షలు తెలిపారు. బొంరాస్‌పేట: ఎస్సెస్సీ, ఓ ఎస్సెస్సీ, ఒకేషనల్‌ పబ్లిక్‌ పరీక్షలు మార్చి – 2027 వార్షిక పరీక్షల ఫీజు చెల్లింపుల వివరాలను గురువారం విద్యాశాఖ విడుదల చేసినట్లు దుద్యాల, బొంరాస్‌పేట ఎంఈఓలు శంకర్‌, హరిలాల్‌ గురువారం ఒక ప్రకటనలో తెలిపారు. ఈ నెల 30 నుంచి ఎలాంటి ఆలస్య రుసుం లేకుండా ఫీజు చెల్లించే అవకాశం ఉందన్నారు. నవంబరు 18 నుంచి ఆలస్య రుసుం రూ.50, డిసెంబరు 8నుంచి రూ.200 ఆలస్య రుసుం, డిసెంబరు 18 నుంచి రూ.500 ఆలస్య రుసుంతో 30వ తేదీ వరకు ఫీజు చెల్లించవచ్చని తెలిపారు. అన్ని సబ్జెక్టులకు గాను రూ.125, ఫెయిల్‌ అయినవారు మూడు సబ్జెక్టులకు రూ.110, మూడు సబ్జెక్టులకు పైగా ఉంటే రూ.125, ఒకేషనల్‌ విద్యార్థులు రూ.60 చెల్లించాల్సి ఉందని పేర్కొన్నారు. మిగితా వివరాలను సంబంధిత పాఠశాలల్లో సంప్రదించాలన్నారు.

● ఆయన ఆశయ సాధనకు ప్రతిఒక్కరూ కృషిచేయాలి ● అడిషనల్‌ కలెక్టర్‌ కిరణ్మయి ● కలెక్టరేట్‌లో జయంతి వేడుకలు మొయినాబాద్‌: నిజాం, భూస్వాములు, దేశ్‌ముఖ్‌ల అరాచకాలను ఎండగడుతూ బడుగులకోసం పోరాటం చేసిన గొప్ప మానవతావాది పండుగల సాయన్న అని అడిషనల్‌ కలెక్టర్‌ కిరణ్మయి అన్నారు. బీసీ సంక్షేమ శాఖ ఆధ్వర్యంలో గురువారం పండుగ సాయన్న జయంతి వేడుకలను కలెక్టరేట్‌లో ఘనంగా నిర్వహించారు. ఆయన చిత్రపటానికి పూలమాలలు వేసి నివాళులర్పించారు. ఈ సందర్భంగా అడిషనల్‌ కలెక్టర్‌ మాట్లాడుతూ పండుగల సాయన్న అసమానతలు లేని సమాజం కావాలని కోరుకున్నారని.. ప్రతిఒక్కరూ ఆయన ఆశయాల సాధనకు కృషిచేయాలని పిలుపునిచ్చారు. ఈ కార్యక్రమంలో తెలంగాణ రాష్ట్ర బీసీ ఫ్రంట్‌ చైర్మన్‌ జి.మల్లేష్‌యాదవ్‌, జిల్లా పరిపాలనాధికారి సునీల్‌, బీసీ సంక్షేమ శాఖ జిల్లా డిప్యూటీ డైరెక్టర్‌ కేశురాం, ముదిరాజ్‌ మహాసభ జిల్లా యువజన విభాగం అధ్యక్షుడు నారాయణపురం మహేందర్‌ముదిరాజ్‌, నాయకులు వేణుగోపాల్‌, లక్ష్మణ్‌ ముదిరాజ్‌, బంది అనిల్‌, ఆలూరి వెంకట్‌, అధికారులు, సిబ్బంది ఉన్నారు.

కొడంగల్‌ రూరల్‌: ఉపాధిహామీ పథకం ఎఫ్‌టీఈ ఉద్యోగులకు దసరా కానుకగా గ్రాట్యూటీతో ఆర్థిక భరోసాను కల్పిస్తూ ప్రభుత్వం జీవో జారీ చేసిందని ఏఈపీడీ సరళ హర్షం వ్యక్తం చేశారు. ఈ సందర్భంగా గురువారం పట్టణంలోని ఎంపీడీఓ కార్యాలయ ఆవరణలో ఏపీఓ రాములు ఆధ్వర్యంలో ముఖ్యమంత్రి రేవంత్‌రెడ్డి చిత్రపటానికి క్షీరాభిషేకం చేశారు. అనంతరం మాట్లాడారు. 3,874 మంది ఎఫ్‌టీఈ ఉద్యోగులకు ప్రభుత్వం గ్రాట్యూటీ మంజూరు చేసిందని తెలిపారు. మంత్రి సీతక్క చొరవతో 20ఏళ్ల ఉద్యోగుల పోరాటానికి ఫలితం దక్కిందన్నారు. పదేళ్ల సర్వీసు పూర్తి చేసే వారికి కనీసం రూ.10 లక్షల వరకు ప్రయోజనం చేకూరుతుందన్నారు. పదేళ్ల నుంచి 30 ఏళ్ల సర్వీసు పూర్తి చేసుకున్న వారికి రూ.16 లక్షల గ్రాట్యూటీ పొందే అవకాశం ఉందన్నారు. ఈ మొత్తాన్ని ఉద్యోగ విరమణ పొందిన వారికి అందుతుందని చెప్పారు. ఈ సందర్భంగా మంత్రులకు కృతజ్ఞతలు తెలిపారు. ఎంపీడీఓ ఉషశ్రీ, వీబీజీ రాంజీ ఉద్యోగులు, ఈసీలు, టీఏలు, సీఓలు పాల్గొన్నారు.

● ఆరుతడి పంటల సాగుపై దృష్టి పెట్టాలి ● జిల్లా వ్యవసాయాధికారి సుజాత యాచారం: వర్షాభావంతో భూగర్భజలాలు గణనీయంగా తగ్గిపోతున్నాయని, యాసంగిలో వరి సాగు చేయొద్దని జిల్లా వ్యవసాయాధికారి ఎం.సుజాత రైతులకు సూచించారు. యాచారం రైతు వేదికలో గురువారం ఎల్‌నినో ప్రభావం, వర్షాభావ పరిస్థితులు, సాగు భూమి సంరక్షణ తదితర అంశాలపై రైతులకు అవగాహన కల్పించారు. ఈ సందర్భంగా ఆమె మాట్లాడుతూ... రెండేళ్లుగా వర్షాలు సమృద్ధిగా కురవకపోవడంతో నీటి సమస్యలు తలెత్తుతాయన్నారు. యాసంగిలో వరి పంటను పూర్తిగా ఆపేయాలని సూచించారు. స్వల్ప కాలంలో ఆదాయాన్ని తెచ్చి పెట్టే కూరగాయలు, ఆకుకూరల పంటల సాగుపై దృష్టి పెట్టాలని సూచించారు. ప్రస్తుతం వరి పంటను కోసిన తర్వాత గడ్డిని రైతులు తగులబెట్టరాదని తెలిపారు. బోరుబావుల్లో ఉన్న కొద్దిపాటి నీటితో మూగజీవాలకు దాహార్తి తీర్చేందుకు కృషి చేయాలని తెలిపారు. పత్తి తీత పనులు జరుగుతున్న దృష్ట్యా జిల్లాలో పలు చోట్ల సీసీఐ కేంద్రాలు ఏర్పాటు చేశామన్నారు. రైతులు నీటి పొదుపు కోసం డ్రిప్‌ విధానాన్ని వినియోగించాలని సూచించారు. ఈ కార్యక్రమంలో జిల్లా ఉద్యాన శాఖ అధికారి కె.సురేష్‌, జిల్లా మార్కెటింగ్‌ శాఖ అధికారి ఎండీ రియాజ్‌, యాచారం మండల వ్యవసాయాధికారి రవినాథ్‌, ఇబ్రహీంపట్నం డివిజన్‌ ఉద్యాన శాఖ అధికారి నవీన, పలు గ్రామాల రైతులు పాల్గొన్నారు.

● తొలిదశలోనే గుర్తించి చికిత్స అందించాలి ● డీఎంహెచ్‌ఓ కళ్యాణ్‌ చక్రవర్తి ● సరూర్‌నగర్‌లో అవగాహన ర్యాలీ హుడాకాంప్లెక్స్‌: కుష్టు వ్యాధి నిర్మూలనకు వైద్యారోగ్య శాఖ ఆధ్వర్యంలో అవగాహన కార్యక్రమాలు చేపట్టాలని డీఎంహెచ్‌ఓ కళ్యాణ్‌చక్రవర్తి అన్నారు. కుష్టువ్యాధి నివారణ వారోత్సవాల సందర్భంగా గురువారం సరూర్‌నగర్‌ ఆస్పత్రి పరిసర ప్రాంతాల్లో వ్యాధిగ్రస్తుల గుర్తింపు ఉద్యమ అవగాహన ర్యాలీ నిర్వహించారు. ఈ సందర్భంగా ఆయన మాట్లాడుతూ.. వ్యాధి లక్షణాలను తొలిదశలోనే గుర్తించి, సకాలంలో చికిత్స అందేలా చర్యలు తీసుకోవాలన్నారు. వ్యాధిపై ప్రజల్లో ఉన్న అపోహలను తొలగించి, బాధితులకు అండగా నిలవాలని సూచించారు. లక్షణాలు కనిపించిన వెంటనే సమీపంలోని ప్రభుత్వ ఆరోగ్య కేంద్రాన్ని సంప్రదించేలా ప్రజలకు అవగాహన కల్పించాలని సూచించారు. సిబ్బంది క్షేత్రస్థాయిలో పర్యటిస్తూ వ్యాధి లక్షణాల గుర్తింపు, చికిత్స, నివారణను వివరించాలని, వ్యాధిగ్రస్తుల పట్ల వివక్ష చూపకూడదని తెలిపారు. కుష్టు నిర్మూలన లక్ష్యాన్ని సాధించేందుకు వైద్య ఆరోగ్య శాఖ అధికారులు, సిబ్బంది సమన్వయంతో పనిచేయాలని సూచించారు.

● కలెక్టర్‌ నారాయణరెడ్డి ఆదేశం ● సంబంధిత అధికారులకు శిక్షణ ఇబ్రహీంపట్నం రూరల్‌: తెలంగాణ ప్రభుత్వం నిర్వహించబోయే ఫేజ్‌– 2 జనాభా గణన కార్యక్రమాన్ని సమర్థవంతంగా నిర్వహించాలని కలెక్టర్‌ సి.నారాయణరెడ్డి అధికారులను ఆదేశించారు. ఈ మేరకు గురువారం సంబంధిత అధికారులకు శిక్షణ కార్యక్రమం నిర్వహించారు. జనాభా గణనకు సంబంధించిన విధివిధానాలు, సంబంధిత శాఖల మధ్య సమన్వయం, నిర్ణీత సమయంలో గణన పూర్తిచేయడం తదితర అంశాలపై జిల్లా రెవెన్యూ అధికారులు, తహసీల్దార్లు, మున్సిపల్‌ కమిషనర్లు, ఎంపీడీఓలకు అవగాహన కల్పించారు. నిర్దేశిత మార్గదర్శకాలను పాటించాలన్నారు. ఈ కార్యక్రమంలో అదనపు కలెక్టర్‌ కిరణ్మయి, మేడ్చల్‌ అదనపు కలెక్టర్‌ విజయేందర్‌రెడ్డి, డీఆర్‌ఓలు శారదదేవి, మాలతి తదితరులు పాల్గొన్నారు.

కొడంగల్‌: పట్టణంలోని పద్మావతీ సమేత మహాలక్ష్మీ వేంకటేశ్వర స్వామి ఆలయ పునర్నిర్మాణ పనులను ముఖ్యమంత్రి రేవంత్‌రెడ్డి గురువారం పరిశీలించారు. ఈ సందర్భంగా ఆలయ అర్చకులు సీఎంకు పూర్ణ కుంభంతో స్వాగతం పలికారు. శ్రీవారి బాలాలయంలో ప్రత్యేక పూజలు చేశారు. అనంతరం ఆలయ నిర్మాణ పనుల తీరును గమనించారు. నిర్ణీత గడువులోపు పూర్తి కావాలని అధికారులకు సూచించారు. కొత్తగా నిర్మిస్తున్న కట్టడాలను గమనించారు. పనుల్లో పురోగతి సాధించాలని, ఎక్కడా జాప్యం లేకుండా అధికారులు సమన్వయంతో పని చేయాలని ఆదేశించారు. నాణ్యతా ప్రమాణాలు పాటించాలని కలెక్టర్‌ దీపక్‌ తివారికి సూచించారు. పనుల పురోగతిపై నిరంతరం సమీక్ష నిర్వహించాలన్నారు. వైఖానస ఆగమ శాస్త్రోకంగా ప్రధాన ఆలయం, అమ్మవార్ల ఆలయాలు, ఉప ఆలయాలు, మాడ వీధులు, క్యూలైన్‌, కల్యాణ మండపం, కల్యా ణ కట్ట, పూజా మందిరాలు, వసతి గదులు, స్నాన ఘట్టాలు, ప్రత్యేక అవసరాల గదులు, పార్కింగ్‌, పుష్కరిణి, ప్రసాదం కౌంటర్లు తదితర వాటికి ఆధునాతన వసతులతో చేపట్టాలన్నారు. కొడంగల్‌ అభివృద్ధిలో భాగంగా చేపట్టిన పనులను వేగవంతం చేయాలన్నారు. రూ.110 కోట్ల వ్యయంతో చేపట్టిన ఆలయ పునర్నిర్మాణ పనులను ఏడాదిలోపు పూర్తి కావాలన్నారు. దేవాదాయ శాఖ ఉన్నతాధికారులతో పాటు వాస్తు నిపుణులతో కలిసి సమన్వయంతో పని చేయాలని సూచించారు. కార్యక్రమంలో నారాయణ పేట జిల్లా కలెక్టర్‌ ప్రియాంక, వికారాబాద్‌ ఎస్పీ స్నేహ మెహ్ర, అదనపు కలెక్టర్లు ఉమాశంకర ప్రసాద్‌, వెంకటాచారి, ఆర్‌డీఓ అనిత, కడా ప్రత్యేకాధికారి వెంకట్‌రెడ్డి, మున్సిపల్‌ చైర్మన్‌ నందారం ప్రశాంత్‌, పలు శాఖల అధికారులు పాల్గొన్నారు. ముఖ్యమంత్రి రేవంత్‌రెడ్డి క్షేత్రస్థాయిలో పనుల పరిశీలన శ్రీవారిని దర్శించుకున్న సీఎం

వికారాబాద్‌: దసరా, బతుకమ్మ పండుగల నేపథ్యంలో ఆర్‌టీసీకి రెండింతల ఆదాయం సమకూరింది. మహిళలకు ఉచిత ప్రయాణంతో సర్వీసులు కిటకిట లాడుతుండగా పండుగలకు మరింత రద్దీ పెరిగింది. ఈ నెల 17 నుంచి 22వ తేదీ వరకు బస్సులన్నీ ప్రయాణికులతో కిక్కిరిసిపోయాయి. రద్దీని ముందుగానే అంచనా వేసిన ఆర్‌టీసీ అధికారులు ప్రత్యేక బస్సులు నడిపారు. పాఠశాలలు, కళాశాలలకు వారం నుంచి పది రోజుల పాటు సెలవులు ఉండటంతో సొంత ఊర్లకు వెళ్లారు. రోజూ సగటున లక్ష మంది ప్రయాణం జిల్లాలో వికారాబాద్‌, తాండూరు, పరిగిలో డిపోలు ఉన్నాయి. వీటి పరిధిలో 200 పైచిలుకు బస్సులు నడుస్తున్నాయి. మూడు డిపోల ద్వారా రోజుకు సగటున లక్ష మంది ప్రయాణికులు వారి గమ్య స్థానాలకు చేరుకుంటున్నారు. వికారాబాద్‌ డిపో పరిధిలో సాధారణ రోజుల్లో 15వేల నుంచి 20వేల మంది వరకు మహిళలు ఉచిత ప్రయాణం చేస్తున్నారు. పండుగ కావడంతో గడిచిన వారం రోజుల్లో సగటున 60 వేల నుంచి 70వేల మంది ప్రయాణించారు. సాధారణ రోజుల్లో సంస్థకు రోజుకు సగటున రూ.4 లక్షల మేర ఆదాయం వచ్చేది. గడిచిన రెండు రోజుల్లో నిత్యం రూ.7 లక్షల నుంచి రూ.11 లక్షల చొప్పున ఆదాయం సమకూరింది. తాండూరు డిపోలో సాధారణ రోజుల్లో రోజుకు సగటున రూ.10 లక్షల నుంచి రూ.12 లక్షల ఆదాయం వచ్చేది. పండుగ సందర్భంగా రోజుకు రూ.20 లక్షలు దాటి ఆదాయం వచ్చింది. పరిగి డిపోలో రోజుకు సగటున రూ.9 లక్షల నుంచి రూ.11 లక్షల ఆదాయం వచ్చేది.. పండుగల నేపథ్యంలో రోజుకు రూ.18 లక్షల నుంచి రూ.25 లక్షల ఆదాయం సమకూరింది. ప్రైవేటు బాదుడు పండుగ రద్దీ విపరీతంగా పెరగడంతో ప్రైవేటు వాహనదారులు టెకెట్ల రేట్లను భారీగా పెంచేశారు. కొన్ని రూట్లలో సాధారణ రోజులతో పోలిస్తే రెండింతలు వసూలు చేశారు. చాలా మంది విధిలేక ప్రైవేటు వాహనాలను అద్దెకు మాట్లాడుకుని సొంత ఊర్లకు వెళ్లారు. వికారాబాద్‌ బస్టాండులో ప్రయాణికుల రద్దీబతుకమ్మ, దసరా పండుగల నేపథ్యంలో ఆర్‌టీసీకి ఫుల్‌ గిరాకీ సమకూరిన రెండింతల ఆదాయం భారీగా ప్రైవేటు బాదుడు

సాక్షి, సిటీబ్యూరో: దేశవ్యాప్త పరిశుభ్రతా కార్యక్రమం ‘స్పెషల్‌ క్యాంపెయిన్‌ 6.0’లో భాగంగా దక్షిణ మధ్య రైల్వే గురువారం పలు స్టేషన్లలో ‘రైల్‌ జన్‌ సంవాద్‌’ నిర్వహించింది. చర్లపల్లి రైల్వే స్టేషన్‌లో జరిగిన కార్యక్రమంలో జనరల్‌ మేనేజర్‌ సంజయ్‌ కుమార్‌ శ్రీవాస్తవ పాల్గొని ప్రయాణికులతో మాట్లాడారు. ఈ సందర్భంగా భద్రత, పరిశుభ్రత, తాగునీరు, అదనపు రైళ్లపై ప్రయాణికులు ఇచ్చిన సూచనలపై తగిన చర్యలు తీసుకుంటామని జీఎం హామీ ఇచ్చారు. అమృత్‌ భారత్‌ పథకం కింద స్టేషన్ల ఆధునీకరణ జరుగుతోందని, ప్రస్తుత పండుగ సీజన్‌లో 4 లక్షల మందికి పైగా ప్రయాణికుల కోసం 120 ప్రత్యేక రైళ్లు నడిపినట్లు తెలిపారు. దీపావళి, సంక్రాంతి, శబరిమల రద్దీ దృష్ట్యా ఫిబ్రవరి వరకు ప్రత్యేక రైళ్లు, అదనపు కోచ్‌లు కొనసాగుతాయని స్పష్టం చేశారు. అనంతరం ఆయన చర్లపల్లి స్టేషన్‌ వసతులు, అప్రోచ్‌ రోడ్డు పనులను తనిఖీ చేశారు. సికింద్రాబాద్‌ డివిజనల్‌ రైల్వే మేనేజర్‌ డాక్టర్‌ ఆర్‌. గోపాలకృష్ణన్‌, రైల్‌ నిలయం, సికింద్రాబాద్‌ డివిజన్‌ లకు చెందిన ఉన్నతాధికారులు కూడా పాల్గొన్నారు. దక్షిణ మధ్య రైల్వే జీఎం సంజయ్‌ కుమార్‌ శ్రీవాస్తవ

మర్పల్లి: మండలంలో ఆర్‌అండ్‌బీ, పంచాయతీ రాజ్‌ రోడ్లు కంకర తేలి అధ్వానంగా మారాయి. ఏళ్ల తరబడి మరమ్మతులకు నోచుకోవడం లేదు. ఆర్టీసీ అధికారులు గ్రామీణ ప్రాంతాలకు కండీషన్‌లో లేని బస్సులను నడుపుతుండటంతో ప్రయాణికులతో పాటు సిబ్బంది అవస్థలు పడుతున్నారు. దెబ్బతిన్న రోడ్ల కారణంగా తరచూ వాహనాలు పాడవుతున్నాయి. పలు రూట్లలో వాహనాలు నడపాలంటే ఎప్పుడు ఏ ప్రమాదం జరుగుతుందోనని హడలిపోతున్నారు. గురువారం మండల కేంద్రంలోని కల్‌ఖోడ ఆర్‌అండ్‌బీ రోడ్డులో తాండూరు డిపోకు చెందిన బస్సు మర్పల్లికి వస్తున్న క్రమంలో టైర్‌ పంక్చర్‌ అయ్యింది. ప్రయాణికులు రెండు గంటల పాటు బస్సు వద్దే నిరీక్షించారు. మరమ్మతుల అనంతరం బస్సు ఇంజన్‌ ఆన్‌ కాలేదు. చేసేది లేక ప్రయాణికులు కిందకు దిగి బస్సును నెట్టడంతో స్టార్ట్‌ అయ్యింది. కంకర తేలిన రోడ్ల కారణంగా తరచూ వాహనాలు పాడవుతున్నట్లు ప్రయాణికులు తెలిపారు. ఇప్పటికై నా సంబంధిత శాఖల అధికారులు, పాలకులు స్పందించి రోడ్లకు మరమ్మతులు చేయించాలని పలువురు డిమాండ్‌ చేశారు. తరచూ మరమ్మతులకు గురవుతున్న వాహనాలు ఇబ్బందుల్లో ప్రయాణికులు పట్టించుకోని అధికారులు

నవాబుపేట: కాంగ్రెస్‌ ప్రజా ప్రభుత్వంలో పేదవాడి సొంతింటి కల నెరవేరుతోందని చేవెళ్ల ఎమ్మెల్యే కాలె యాదయ్య అన్నారు. గురువారం మండలంలోని గుబ్బడిపత్తేపూర్‌లో మేకల అనూష సుధాకర్‌ పూర్తి చేసుకున్న ఇందిరమ్మ ఇంటిని ప్రారంభించారు. అనంతరం ఆయన మాట్లాడు తూ.. పేదలకు ఇచ్చిన హామీలను కాంగ్రెస్‌ ప్రభు త్వం నెరవేరుస్తోందని తెలిపారు. లబ్ధిదారులు కళ్లల్లో సొంతింటి ఆనందం కనిపిస్తోందన్నారు. అర్హులైన ప్రతి ఒక్కరికీ ఇందిరమ్మ ఇల్లు మంజూరు చేస్తామని చెప్పారు. ఇళ్లు రానివారు ఆందోళన చెందరాదని, రెండో విడతలో వస్తాయని హామీ ఇచ్చారు. కార్యక్రమంలో సర్పంచులు సామెల్‌, జేయయ్య, పంచాయతీ కార్యదర్శి పాండురంగం, నాయకులు, రాములు, ఇసూబ్‌ పాల్గొన్నారు. ఎమ్మెల్యే కాలె యాదయ్య

పేదలను ముంచి పెద్దలకు పంచుతున్నారుసాక్షి, రంగారెడ్డి జిల్లా: ‘నాడు ఇందిరాగాంధీ పేదలకు భూములను పంచితే.. ఆమె పేరు చెప్పుకొని అధికారంలోకి వచ్చిన సీఎం రేవంత్‌రెడ్డి బలవంతపు భూ సేకరణకు పాల్పడుతున్నాడు. పరిశ్రమల పేరుతో పేదల భూములు దోచి.. పెద్దలకు కట్టబెడుతున్నాడు. రెండున్నరేళ్లలో ఒక్క పరిశ్రమ రాలేదు. ఒక్కరికి కూడా ఉద్యోగం దక్కలేదు. అయినా నిత్యం ఏదో ఒక పేరుతో భూసేకరణ నోటిఫికేషన్లు జారీ చేస్తూ ఉమ్మడి జిల్లా రైతులకు కంటిమీద కునుకు లేకుండా చేస్తున్నాడు.’ అని మాజీ మంత్రి మహేశ్వరం ఎమ్మెల్యే పటోళ్ల సబితా ఇంద్రారెడ్డి ఆరోపించారు. ఈ మేరకు సోమవారం ‘సాక్షి ప్రతినిధి’కి ప్రత్యేక ఇంటర్వ్యూ ఇచ్చారు. ఆమె మాటల్లోనే.. ప్రభుత్వం నాపై కత్తికట్టింది సీఎం రేవంత్‌ నేతృత్వంలోని కాంగ్రెస్‌ ప్రభుత్వం నాపై కత్తికట్టి, కక్ష పూరితంగా వ్యవహరిస్తోంది. గత ప్రభుత్వ హయాంలో నేను మహేశ్వరానికి మంజూరు చేయించుకున్న రూ.280 కోట్ల నిధులను రద్దు చేసింది. అరవై శాతం కమీషన్లకు ఆశపడి అవసరం లేకపోయినా మహేశ్వరం, కందుకూరులో హైమాస్ట్‌ లైట్లు ఏర్పాటు చేసింది. వీటి కరెంట్‌ బిల్లులు ఆయా జీపీలకు పెద్ద గుదిబండలా మారాయి. నాపై పోటీ చేసి ఓటమి పాలైన వాళ్లు.. అధికారులపై పెత్తనం చలాయిస్తున్నారు. మహేశ్వరం మెడికల్‌ కాలేజీని మరో చోటికి తరలించారు. 400 పడకల ఆస్పత్రి నిర్మాణానికి నిధులు మంజూరైనా పనులను అడ్డుకున్నారు. కాంగ్రెస్‌ హయాంలో ఉమ్మడి జిల్లాకు తీరని అన్యాయం జరుగుతోంది. రూ.6,478 కోట్లతో ప్రతిపాదించిన హ్యామ్‌ రోడ్లను ఒకే కాంట్రాక్టర్‌కు కట్టబెట్టే కుట్ర చేస్తున్నారు. ప్రభుత్వ వేధింపులు, అక్రమ కేసులకు భయపడే ప్రసక్తే లేదు. అవసరం లేకపోయినా.. యువతకు పెద్ద ఎత్తున ఉపాధి కల్పించాలనే ఉద్దేశంతో నాటి బీఆర్‌ఎస్‌ ప్రభుత్వం ఫార్మాసిటీ పేరుతో కందుకూరు, యాచారం మండలాల్లో 19,330 ఎకరాలు సేకరించింది. ఫార్మా పరిశ్రమలు వస్తే ఈ ప్రాంతం కాలుష్య కోరల్లో చిక్కుకుంటుందని, తాము అధికారంలోకి వస్తే దీన్ని రద్దు చేసి, రైతుల భూములను తిరిగి ఇచ్చేస్తామని కాంగ్రెస్‌ నేతలు హామీ ఇచ్చారు. అధికారం వచ్చిన తర్వాత ఫ్యూచర్‌సిటీ పేరుతో రియల్‌ ఎస్టేట్‌ వ్యాపారానికి తెరతీశారు. అనామక కంపెనీలకు అడ్డగోలుగా భూములు కట్టబెడుతున్నారు. శ్రీశైలం, నాగార్జున సాగర్‌ రహదారులను వదిలేసి, అవసరం లేకపోయినా కొత్తగా రెండు రేడియల్‌ రోడ్లను తెరపైకి తెచ్చారు. వీటి వల్ల సీఎం సోదరులకు మినహా ఎవరికీ ఉపయోగం లేదు. నోటిఫికేషన్లు.. లూటిఫికేషన్లు కాంగ్రెస్‌ సేకరించిన భూముల్లో ఒక్క పరిశ్రమను తీసుకురాలేదు. గత ప్రభుత్వ హయాంలో వికారాబాద్‌ జిల్లా మన్నెగూడ, మోమిన్‌పేటలో 1,200 ఎకరాలు సేకరించి పెట్టింది. ఇందులో కూడా ఒక్క పరిశ్రమను తీసుకురాలేదు. గుడిమల్కాపూర్‌లోని పూలమార్కెట్‌ను అజీజ్‌నగర్‌కు తరలించనున్నట్లు ప్రకటించారు. ఇందుకు 40 ఎకరాలు సరిపోతుంది. కానీ ప్రభుత్వం 250 ఎకరాల సేకరణకు నోటిఫికేషన్‌ ఇచ్చింది. ఎన్కెపల్లిలో గోశాల పేరుతో వంద ఎకరాలకు, మామిడిపల్లిలో మరో ఎకరాలకు ఎసరు పెట్టింది. కేంద్రం నుంచి స్పష్టమైన ప్రకటన లేకుండానే బుల్లెట్‌ రైలు పేరుతో బహదుర్‌గూడలో బలవంతపు భూసేకరణకు దిగింది. పక్కనే ఉన్న పెద్దల భూములను వదిలి కేవలం సాగులో ఉన్న పేదలను టార్గెట్‌ చేసింది. ఇక్కడ 600 ఎకరాలు కొల్లగొట్టేందుకు యత్నిస్తోంది. చేవెళ్ల మండలం ఆలూరులో 1,248 ఎకరాలు, పరిగిలో 1,179 ఎకరాలకు నోటిఫికేషన్‌ ఇచ్చింది. 22–ఏను అడ్డుపెట్టుకుని.. ఓఆర్‌ఆర్‌ లోపల ఉన్న విలువైన భూములను కొట్టేసేందుకు ప్రభుత్వం కుట్రపన్నింది. గతంలో ప్రభుత్వాలు పరిశ్రమల ఏర్పాటు కోసం కేటాయించిన భూముల్లో అపార్ట్‌మెంట్లు కట్టుకునేందుకు కొత్తగా హిల్ట్‌పాలసీని తెరపైకి తీసుకొచ్చి రైతులు, పారిశ్రామికవేత్తలపై బెదిరింపులకు దిగుతోంది. చివరకు యూనివర్సిటీ భూములను సైతం అమ్ముకునేందుకు సిద్ధపడింది. 22– ఏపేరుతో వేలాది ఎకరాల పట్టాభూములను నిషేధిత జాబితాలో చేర్చి, ప్రజల జీవితాలతో ఆడుకుంటోంది. మూసీ రివర్స్‌ ఫ్రంట్‌ పేరుతో వేలాది మంది ఇళ్ల కూల్చివేతకు పాల్పడుతోంది. అడ్డగోలు నోటిఫికేషన్లతో భూములు కొల్లగొడుతున్నారు స్వలాభం కోసమే గ్రీన్‌ఫీల్డ్‌ రోడ్ల నిర్మాణం కాంగ్రెస్‌ పాలనలో ఉమ్మడి జిల్లాకు తీరని అన్యాయం ‘సాక్షి’తో మాజీ మంత్రి, మహేశ్వరం ఎమ్మెల్యే సబితారెడ్డి జీహెచ్‌ఎంసీ విభజన సహా పోలీసు కమిషనరేట్ల ఏర్పాటు కూడా పూర్తి అశాసీ్త్రయంగా జరిగింది. పక్కనే ఉన్న సైబరాబాద్‌ పోలీసు కమిషనరేట్‌ను వదిలి.. మొయినాబాద్‌, చేవెళ్లను 70 కిలోమీటర్ల దూరంలో ఉన్న ఫ్యూచర్‌సిటీ కమిషనరేట్‌లో కలిపారు. కరెంట్‌, సాగు, తాగునీటి సంక్షోభాన్ని ఎల్‌నినోపై నెట్టేసి తప్పించుకునే ప్రయత్నం చేస్తున్నారు.

ధారూరు: ఎల్‌నినో ప్రభావంతో వర్షాభావ పరిస్థితులు నెలకొన్న దృష్యా రైతులు వరి సాగు తగ్గించి సేంద్రియం మొగ్గు చూపాలని వికారాబాద్‌ జిల్లా వ్యవసాయాధికారి కవిత సూచించారు. గురువారం ధారూరు రైతు వేదికలో ఖేత్‌ బచావో అభియాన్‌ కార్యక్రమం నిర్వహించారు. ఈ సందర్భంగా ఆమె మాట్లాడుతూ.. రైతులు విధిగా భూసార పరీక్షలు చేయించాలన్నారు. పంట మార్పిడితో అధిక దిగుబడి పొందవచ్చని తెలిపారు. నీటిని కాపాడుకోవడం ద్వారా ఎల్‌నినో ప్రభావాన్ని ధైర్యంగా ఎదుర్కోవాలని సూచించారు. ప్రతి రైతూ ఫార్మర్‌ రిజిస్ట్రేషన్‌ చేయించుకోవాలని తెలిపారు. పొలాల్లో ఇంకుడు గుంతలు నిర్మించుకోవాలన్నారు. పంట ఉత్పత్తులను దళారులకు కాకుండా వ్యవసాయ మార్కెట్లలో విక్రయించి లబ్ధి పొందాలని తెలిపారు. అనంతరం ఏఎంసీ చైర్మన్‌ విజయభాస్కర్‌రెడ్డి మాట్లాడుతూ.. తక్కువ నీటితో సాగయ్యే పంటలను వేయాలని రైతులకు సూచించారు. వరి పంటను పూర్తిగా తగ్గిస్తే మంచిదన్నారు. అనంతరం ఉద్యాన శాఖ జిల్లా అధికారి సత్తార్‌ మాట్లాడుతూ.. వరికి బదులుగా ప్రత్యామ్నాయ పంటలు వేయాలన్నారు. అంతకుముందు స్పెషల్‌ రైతు నేస్తం వీడియో కాన్ఫరెన్స్‌ జరిగింది. మంత్రి తుమ్మల నాగేశ్వర్‌రావు రైతులకు పలు సూచనలు చేశారు. కార్యక్రమంలో జిల్లా మార్కెంగ్‌ అధికారి స్వరన్‌సింగ్‌, డీపీఓ రవీందర్‌, ఏడీఏ వెంకటేశం, జెడ్పీటీసీ మాజీ సభ్యుడు పీ రాములు, ఏఎంసీ కార్యదర్శి సిద్దమ్మ, ఏఓ సూర్యప్రకాశ్‌, ఉద్యాన శాఖ అధికారి యమున, సర్పంచులు ప్రమీలగౌడ్‌, అనంతయ్య తదితరులు పాల్గొన్నారు. వరి సాగు తగ్గించి సేంద్రియం వైపు మొగ్గు చూపాలి వికారాబాద్‌ డీఏఓ కవిత

● ఒకరి మృతి, ముగ్గురికి తీవ్ర గాయాలు ● చింతలపల్లి సమీపంలో ప్రమాదం ఆమనగల్లు: రెండు ద్విచక్ర వాహనాలు ఎదురెదురుగా ఢీకొన్న ఘటనలో ఓ యువకుడు మృతిచెందగా మరో ముగ్గురు తీవ్రంగా గాయపడ్డారు. ఆమనగల్లు సీఐ వెంకటేశ్వర్లు తెలిపిన వివరాలు ఇలా ఉన్నాయి.. తలకొండపల్లి మండలం వెంకటాపూర్‌ తండాకు చెందిన సబావత్‌ తరుణ్‌ తన మామ ఆర్లకుంటతండాకు చెందిన నేనావత్‌ బిచ్చాతో కలిసి గురువారం రాత్రి మైసిగండి మైసమ్మ దేవస్థానం నుంచి తండాకు వెళ్తున్నాడు. చింతలపల్లి గ్రామ సమీపంలో ఎదురుగా వస్తున్న బైక్‌ వీరిని ఢీకొట్టింది. ఈ ప్రమాదంలో తరుణ్‌ అక్కడికక్కడే మృతిచెందగా బిచ్చాతో పాటు మరో బైక్‌పై ఉన్న తలకొండపల్లి మండలం చౌదర్‌పల్లికి చెందిన శివ, చందు తీవ్రంగా గాయపడ్డారు. వీరిని వెల్దండలోని ఎన్నం ఆస్పత్రికి తరలిచారు. ఈ మేరకు కేసు నమోదు చేసి, దర్యాప్తు చేస్తున్నామని సీఐ తెలిపారు. ఆర్టీసీ అద్దె బస్సు అదుపు తప్పడంతో ప్రమాదం ఇబ్రహీంపట్నం రూరల్‌: ముందు వెళ్తున్న డీసీఎం వాహనాన్ని ఓవర్‌ టేక్‌ చేస్తున్న క్రమంలో అదుపుతప్పిన ఆర్టీసీ అద్దె బస్సు డీసీఎంను ఢీకొట్టింది. ఈ సమయంలో ఆర్టీసీ డ్రైవర్‌ సడెన్‌ బ్రేక్‌ వేయడంతో వెనక నుంచి వస్తున్న మరో రెండు బైక్‌లు బస్సును ఢీకొన్నాయి. చింతపల్లిగూడ గేటు వద్ద ఈ ప్రమాదం చోటుచేసుకుంది. ఈ ఘటనలో బస్సులో ప్రయాణిస్తున్న ఓ మహిళతో పాటు బైక్‌పై ఉన్న మరో మహిళకు గాయాలయ్యాయి. బొంరాస్‌పేట: దుద్యాల మండల వ్యవసాయాధికారిగా సీహెచ్‌ వినోద్‌ గురువారం బాధ్యతలు స్వీకరించారు. ఇదివరకు దౌల్తాబాద్‌ ఏఓ తులసి ఇన్‌చార్జ్‌గా ఉండగా రంగారెడ్డి జిల్లా కార్యాలయంలో ఏఓగా విధులు నిర్వహిస్తున్న వినోద్‌ బదిలీపై ఇక్కడికి వచ్చారు. ఈ సందర్భంగా ఆయన మాట్లాడుతూ.. రైతులకు అందుబాటులో ఉంటూ ప్రభుత్వ పథకాలు అందేలా కృషి చేస్తానని తెలిపారు. సూపరింటెండెంట్‌గా శ్రీనివాసులు దుద్యాల మండల పరిషత్‌ కార్యాలయ సూపరింటెండెంట్‌గా శ్రీనివాసులు గురువారం విధుల్లో చేరారు. ఐదు నెలల క్రితం కుల్కచర్ల మండలానికి బదిలీపై వెళ్లారు. తిరిగి విధుల్లో చేరారు.

ఇబ్రహీంపట్నంరూరల్‌: పుట్టింటికి వెళ్లిన భార్య కాపురానికి రావడం లేదని మనోవేదనకు గురైన భర్త అదృశ్యమయ్యాడు. ఆదిభట్ల సీఐ రమేశ్‌ కథనం ప్రకారం.. ఇంజాపూర్‌ సుందరయ్య కాలనీకి చెందిన గుర్రం రాములు(26) ఆటో డ్రైవర్‌గా పని చేస్తుంటాడు. తరచూ భార్యతో గొడవ పడుతుండటంతో ఇటీవల ఆమె పుట్టింటికి వెళ్లిపోయింది. ఈ నెల 21న ఈ విషయాన్ని తల్లితో చెప్పిన రాములు కనిపించకుండాపోయాడు. అదే రోజు మధ్యాహ్నం 3:20 నిమిషాలకు తాను చనిపోతున్నానంటూ ఫ్యామిలో గ్రూప్‌నకు వాట్సాప్‌ వీడియో కాల్‌ చేసి, ఫోన్‌ స్విచ్‌ ఆఫ్‌ చేశాడు. తుర్కయంజాల్‌ సమీపంలో ఎక్కడ వెతికినా ఆచూకీ లభించలేదు. తల్లి యాదమ్మ ఫిర్యాదు మేరకు కేసు నమోదు చేసుకొని విచారిస్తున్నట్లు తెలిపారు. మీర్‌పేట: పోక్సో కేసులో నిందితుడికి కోర్టు ఏడేళ్ల జైలుశిక్ష విధించింది. మీర్‌పేట ఇన్‌స్పెక్టర్‌ శోభన్‌ కథనం ప్రకారం.. బడంగ్‌పేట సాయినగర్‌ కాలనీ ఫేజ్‌– 2కు చెందిన ముడావత్‌ అనిల్‌ (23) వృత్తిరీత్యా కూలీ. ఇదే ప్రాంతానికి చెందిన బాలికకు మాయమాటలు చెప్పి లైంగిక దాడికి పాల్పడ్డాడు. విషయం తెలుసుకున్న బాలిక తల్లిదండ్రులు పీఎస్‌లో ఫిర్యాదు చేయగా పోలీసులు అతనిపై పోక్సో చట్టం కింద కేసు నమోదు చేశారు. ఈ మేరకు జిల్లా ఫాస్ట్‌ ట్రాక్‌ కోర్టు న్యాయమూర్తి ఎంకే పద్మావతి నిందితుడు అనిల్‌కు ఏడేళ్ల జైలుశిక్ష, రూ.15 వేల జరిమానా విధించడంతో పాటు బాధిత బాలిక కుటుంబానికి రూ.లక్ష పరిహారం అందజేయాలని తీర్పునిచ్చారు. యాచారం: రాత్రి, పగలు తేడా లేకుండా మట్టి టిప్పర్లు నడుస్తున్నాయని, దీంతో రాత్రి పూట నిద్ర పట్టడం లేదని గ్రామస్తులను మండిపడ్డారు. ఈ మేరకు బుధవారం రాత్రి వాహనాలను అడ్డుకున్నారు. గ్రీన్‌ ఫీల్డ్‌ రోడ్డు నిర్మాణం కోసం మర్లకుంట తండా మీదుగా కాంట్రాక్టర్లు టిప్పర్లల్లో మట్టిని తరలిస్తున్నారు. ఈ విషయమై పలుమార్లు గిరిజన రైతులు అధికారులకు ఫిర్యాదు చేశారు. వీరినుంచి స్పందన లేకపోవడంతో టిప్పర్లను అడ్డుకున్నారు. సమాచారం అందుకున్న పోలీసులు అక్కడికి చేరుకుని వాహనాలను అడ్డుకున్న పలువురిపై కేసు నమోదు చేసి, దర్యాప్తు చేస్తున్నారు. యాదగిరిగుట్ట: యాదగిరి లక్ష్మీనరసింహస్వామి క్షేత్రంలోని లక్ష్మీ పుష్కరిణిలో పడి చిన్నారి మృతిచెందిన ఘటనపై కేసు నమోదు చేసినట్లు యాదగిరిగుట్ట పట్టణ సీఐ భాస్కర్‌ గురువారం వెల్లడించారు. రంగారెడ్డి జిల్లా బడంగ్‌పేట్‌కు చెందిన ప్రవీణ్‌కుమార్‌ తన కుటుంబ సభ్యులు, ముగ్గురు కుమార్తెలతో కలిసి బుధవారం సాయంత్రం యాదగిరీశుడి దర్శనానికి వచ్చారు. కొండ కింద లక్ష్మీ పుష్కరిణి వద్ద స్నానాలు చేస్తుండగా.. చిన్న కుమార్తె ఆధ్యంత(4) ఆడుకుంటూ వెళ్లి పుష్కరిణిలో పడిపోయిందని సీఐ తెలిపారు. కుటుంబ సభ్యులు వెంటనే చిన్నారిని స్థానిక పీహెచ్‌సీకి తీసుకెళ్లారు. అక్కడి నుంచి బీబీనగర్‌ ఎయిమ్స్‌కు తరలించగా.. వైద్యులు పరీక్షించి మృతిచెందినట్లు నిర్ధారించారని సీఐ పేర్కొన్నారు. భువనగిరి ఏరియా ఆస్పత్రిలో చిన్నారి మృతదేహానికి పోస్టుమార్టం చేయించి కుటుంబ సభ్యులకు అప్పగించామని, ఈ ఘటనపై కేసు నమోదు చేసి విచారణ చేస్తున్నట్లు సీఐ తెలిపారు.

సాక్షి, సిటీబ్యూరో: తెలంగాణ సంస్కృతికి, చరిత్రకు సజీవ సాక్ష్యాలుగా నిలిచే చారిత్రక కట్టడాలు, ప్రాంతాల పరిరక్షణ, నిర్వహణకు ప్రభుత్వం కీలక నిర్ణయం తీసుకుంది. క్యూర్‌ పరిధిలో ‘హెరిటేజ్‌ కమిటీ’ని ప్రత్యేకంగా ఏర్పాటు చేసేందుకు చర్యలు చేపడుతోంది. ఔటర్‌ వరకూ విస్తరించిన క్యూర్‌లో చారిత్రక సంపదను కాపాడటం, సంరక్షించడం, క్రమబద్ధీకరించడమే ఈ కమిటీ ముఖ్య ఉద్దేశం. అలాగే చారిత్రక సంపద నిర్వహణ, ప్రమోషన్‌ కోసం ప్రభుత్వం సస్టయినబుల్‌ హెరిటేజ్‌ అండ్‌ కల్చరల్‌ ఫండ్‌ను ఏర్పాటు చేయనుంది. దీంతో పాటు చారిత్రక కట్టడాల పరిరక్షణ, పునర్వినియోగ పనులను ప్రోత్సహించేందుకు కేసులను బట్టి పన్నులు, ఫీజులు, చార్జీలలో సబ్సిడీలు లేదా రాయితీలు కల్పిస్తారు. కమిటీ ఏం చేస్తుందంటే.. వివిధ ప్రభుత్వ శాఖలు, కార్పొరేషన్ల మధ్య సమన్వయాన్ని కుదురుస్తూ హెరిటేజ్‌ కమిటీ బాధ్యతలను నిర్వర్తిస్తుంది. చారిత్రక ప్రాంతాలలో జరిగే అభివృద్ధి, పునరాభివృద్ధి పనులపై కమిటీ మార్గదర్శకాలను అందిస్తుంది. వారసత్వ కట్టడాలపై ప్రభావం చూపే ఎలాంటి అభివృద్ధి పనులకై నా హెరిటేజ్‌ ఇంపాక్ట్‌ అసెస్‌మెంట్‌ నిర్వహించడం తప్పనిసరి. కమిటీ తన విధులను నిర్వహించడానికి అవసరమైన రికార్డులు, మ్యాపులు, పత్రాలను ఏ శాఖ నుంచి అయినా సుమోటోగా లేదా ప్రత్యేక ంగా ఆదేశించి నిర్ణీత గడువులోగా సేకరించవచ్చు. అనుమతి లేని ప్లాస్టరింగ్‌, పెయింటింగ్‌ నిషేధం చారిత్రక కట్టడాల రక్షణ విషయంలో కఠినంగా వ్యవహరించనున్నారు. కమిటీ ముందస్తు లిఖితపూర్వక అనుమతి లేకుండా ఎలాంటి చారిత్రక కట్టడాల పరిరక్షణ, కూల్చివేత, సైట్‌ డెవలప్‌మెంట్‌, సివిల్‌ పనులు, మార్పులు చేర్పులు, మరమ్మతులు, పునరుద్ధరణలు చేయకూడదు. ఆఖరికి పెయింటింగ్‌ వేయడం, ప్లాస్టరింగ్‌ చేయడం, ఆర్కిటెక్చరల్‌ ఫీచర్లను మార్చడం వంటివి కూడా కమిటీ అనుమతి లేకుండా చేయడానికి వీల్లేదు. క్యూర్‌ హెరిటేజ్‌ కమిటీ ఏర్పాటుకు నిర్ణయం చారిత్రక కట్టడాల పరిరక్షణకు ప్రభుత్వ అడుగులు చారిత్రక కట్టడాల దీర్ఘకాలిక నిర్వహణ కోసం కమిటీ పబ్లిక్‌, ప్రైవేట్‌ భాగస్వామ్యం (పీపీపీ)లను ప్రోత్సహిస్తుంది. కార్పొరేట్‌ సామాజిక బాధ్యత (సీఎస్‌ఆర్‌) ప్రాజెక్ట్‌లు, అడాప్ట్‌–ఎ–హెరిటేజ్‌ కార్యక్రమాలను అందిస్తుంది. ఈ కమిటీ ద్వారా ప్రైవేట్‌ వ్యక్తులు లేదా సంస్థలతో ఎలాంటి భాగస్వామ్యాలు కుదుర్చుకున్నప్పటికీ.. చారిత్రక కట్టడాలపై లేదా ల్యాండ్‌లపై ఎలాంటి దీర్ఘకాలిక లేదా యాజమాన్య హక్కులు వారికి సంక్రమించవు. సదరు కట్టడాలు పూర్తిగా ప్రభుత్వ అధీనంలోనే ఉంటాయి. హెరిటేజ్‌ కమిటీకి, దాని పరిధిలోని వ్యక్తులకు గానీ చారిత్రక సంపదను అమ్మడానికి, బదిలీ చేయడానికి, లీజుకు ఇవ్వడానికి, తాకట్టు పెట్టడానికి లేదా థర్డ్‌ పార్టీకి ఎలాంటి హక్కులు కల్పించడానికి చట్టబద్ధమైన అధికారం ఉండదు.

కొడంగల్‌: ముఖ్యమంత్రి రేవంత్‌రెడ్డి గురువారం కొడంగల్‌ పర్యటన సందర్భంగా బుధ వారం పట్టణంలోని కడా కార్యాలయంలో అడ్వాన్స్‌ సెక్యూరిటీ లైషన్‌ (ఏఎస్‌ఎల్‌) సమావేశం నిర్వహించారు. ఇంటెలిజెన్స్‌ స్పెషల్‌ ఆఫీసర్‌ శ్రీనివాస్‌, కలెక్టర్‌ దీపక్‌ తివారి, ఎస్పీ స్నేహ మెహ్ర పలు శాఖల అధికారులతో సమీక్ష నిర్వహించారు. ఈ సందర్భంగా వారు మాట్లాడుతూ.. అధికారులందరూ సమన్వయంతో పని చేయాలన్నారు. పటిష్టమైన బందోబస్తు ఏర్పాటుకు చర్యలు తీసుకున్నట్లు చెప్పారు. భద్రత ఏర్పాట్లు, ట్రాఫిక్‌ నియంత్రణ, వైద్యసేవలు, విద్యుత్‌ సరఫరా తదితరల అంశాలపై చర్చించారు. సీఎం పర్యటనకు సంబంధించి చేపట్టాల్సిన ఏర్పాట్లపై వివిధ శాఖల అధికారులకు సూచనలు చేశారు. ఎలాంటి అవాంఛనీయ సంఘటనలు జరగకుండా ముందస్తు జాగ్రత్తలు తీసుకోవాలన్నారు. ఎత్తైన భవనాలపై పోలీసు పహారా ఏర్పాటు చేయాలన్నారు. అగ్నిమాపక వాహనాన్ని అందుబాటులో ఉంచాలన్నారు. రోడ్ల సమస్యలను పరిష్కరించడంతో పాటు ప్టాస్టిక్‌ కవర్లు, ఇతర వ్యర్థాలను తొలగించి పరిసరాలను శుభ్రంగా ఉంచాలన్నారు. వైద్య ఆరోగ్య శాఖ అధికారులు అంబులెన్స్‌లను అందుబాటులో ఉంచాలన్నారు. కొడంగల్‌ ఆస్పత్రిలో ఎమర్జెన్సీ విభాగం వద్ద వైద్యులు, సిబ్బంది అందుబాటులో ఉండేలా చర్యలు తీసుకోవాలన్నారు. విద్యుత్‌ అంతరాయం లేకుండా చూడాలని, అత్యవసర పరిస్థితుల్లో వాడుకోడానికి జనరేటర్లు ఏర్పాటు చేయాలని ఆదేశించారు. ఆహార భద్రత అధికారులు ఆహార పదార్థాలను తనిఖీ చేసి నాణ్యతపై నిర్ధారణ చేసిన తర్వాతనే సంబంధిత వ్యక్తులకు అందించాలని స్పష్టం చేశారు. అటవీశాఖ అధికారులు క్రిమి కీటకల సమస్యలను పరిశీలించి తగిన చర్యలు తీసుకోవాలన్నారు. ముఖ్యమంత్రి పర్యటన విజయవంతంగా జరిగేలా ప్రతి ఒక్కరూ కృషి చేయాలని సూచించారు. ఈ సమావేశంలో కడా ప్రత్యేకాధికారి వెంకట్‌రెడ్డి, అడిషనల్‌ ఎస్పీ రాజేష్‌ మీనా, డీఎస్పీ శ్రీనివాస్‌, మున్సిపల్‌ చైర్మన్‌ నందారం ప్రశాంత్‌, పలు శాఖల అధికారులు తదితరులు పాల్గొన్నారు.

● అక్రమంగా నిల్వ చేసిన రైస్‌ మిల్లుపై దాడులు ● ఓ లారీతో పాటు బియ్యం సంచులు సీజ్‌ ● వ్యాపారులపై కేసు నమోదు ఇబ్రహీంపట్నం రూరల్‌: ఓ రైస్‌ మిల్లుపై దాడి చేసిన సివిల్‌ సప్లయ్‌ ఎన్‌ఫోర్స్‌మెంట్‌ అధికారులు బుధవారం అక్రమంగా నిల్వ చేసిన రేషన్‌ బియ్యాన్ని సీజ్‌ చేశారు. వివరాలు ఇలా ఉన్నాయి... ఆదిభట్ల జీహెచ్‌ఎంసీ పరిధిలోని మంగళ్‌పల్లి రాఘవేంద్ర హోటల్‌ వెనకాల ఉన్న న్యూ బన్సల్‌ రైస్‌ ఇండస్ట్రీస్‌లో భారీగా రేషన్‌ బియ్యం నిల్వ చేశారనే సమాచారంతో ఎన్‌ఫోర్స్‌మెంట్‌, టాస్క్‌ఫోర్స్‌ అధికారులు తనిఖీలు నిర్వహించారు. ఈ దాడిలో టీఎస్‌ 03 యుబీ 3399 నంబరు లారీలో ఉన్న బియ్యంతో పాటు రైస్‌ మిల్లులో నిల్వ చేసిన మొత్తం 36 టన్నుల బియ్యాన్ని గుర్తించారు. వీటిని సిద్దిపేట జిల్లా భూంపల్లి మండలం, మోతే పరిఽధిలోని భారతి ఇండస్ట్రీస్‌ నుంచి కొనుగోలు చేసినట్లు నిర్ధారించారు. అమ్మిన, కొన్న వారిపై విచారణ చేస్తున్నట్లు తెలిపారు. సివిల్‌ సప్లయ్‌ డిప్యూటీ తహసీల్దార్‌ నర్సింహారెడ్డి ఫిర్యాదు మేరకు పలువురిపై కేసులు నమోదు చేసినట్లు తెలిపారు.

శంషాబాద్‌: నాణ్యతలేని, అస్తవ్యస్త ఏర్పాట్లే నాదర్‌గుల్‌ ఎంవీఎస్‌ఆర్‌ ఇంజనీరింగ్‌ కళాశాలలో జరిగిన దుర్ఘటనకు కారణమని తేలింది. ఒక విద్యార్థిని మృతితో పాటు 22 మందికి గాయాలైన సంఘటనకు కారణమైన ముగ్గురిని ఆదిభట్ల పోలీసులు రిమాండ్‌కు తరలించారు. శంషాబాద్‌ డీసీపీ రాజేశ్‌ వివరాలు వెల్లడించారు. కళాశాలలో మల్లెల సాకేత్‌ అనే వ్యక్తికి క్రియా ఆపరేషన్‌ పేరిట కళాశాల కో ఆర్డినేటర్లు బారికేడింగ్‌, ట్రస్‌, స్టేజ్‌, సౌండ్‌ సిస్టమ్‌, జనరేటర్‌, లైటింగ్‌ బాధ్యతలు అప్పగించారు. సాకేత్‌ వద్ద పూర్తి సామగ్రి లేకపోవడంతో అతడు వయోరా ఎక్స్‌పీరియన్స్‌ ఎల్‌ఎల్‌పీ సంస్థకు సంబంధించిన తనుష్‌కు అప్పగించగా, అతడు మహేశ్‌ అనే మరో వ్యక్తికి అప్పగించాడు. మహేశ్‌ చివరికి పీఎస్‌ లైటింగ్‌ అండ్‌ సౌండ్‌ సంస్థకు చెందిన బత్తుల పునీత్‌, సాయం నిశాంత్‌ యాదవ్‌కు అప్పగించగా 16న తాత్కాలిక ట్రస్‌ ఏర్పాటు సమయంలో నాలుగు పిల్లర్లు వేయాల్సిన చోట కేవలం రెండు పిల్లర్లే ఏర్పాటు చేశారు. అంతేకాకుండా భద్రతా ఏర్పాట్ల జాగ్రత్తలను కూడా పాటించలేదు. వాతావరణ మార్పుల పరిస్థితులపై కూడా అంచనాలు లేకుండా నిర్మాణ స్థిరత్వం, భద్రతా అంశాలపై నిర్లక్ష్యం జరిగినట్లు పోలీసులు దర్యాప్తులో గుర్తించారు. దీంతో ఈ నెల 17న రాత్రి దాండియా నృత్యం చేస్తున్నప్పుడు గాలితో కూడిన దుమ్మురావడంతో స్టేజీకి కుడివైపున విద్యార్థులు నృత్యం చేస్తున్న చోట తాత్కాలికంగా ఏర్పాటు చేసిన ఇనుప ట్రస్‌ ఒక్కసారిగా కుప్పకూలింది. ఈ ఘటనలో నారాయణదాస్‌ సోనా అనే విద్యార్థిని తీవ్రంగా గాయపడి చికిత్స పొందుతూ మృతిచెందగా, మరో 22 మంది విద్యార్థులకు గాయాలయ్యాయి. ముగ్గురి అరెస్ట్‌ ఈ ఘటనకు కారణమైన ఈవెంట్‌ ఏర్పాట్లు చేసిన మల్లెల సాకేత్‌, బత్తుల పునీత్‌, సాయం నిశాంత్‌ యాదవ్‌ను పోలీసులు అరెస్ట్‌ చేసి, రిమాండ్‌కు తరలించారు. వీరితో పాటు ఈ ఘటనకు కారణమైన మరో ఇద్దరు నిర్వాహకులు తనుష్‌, మహేశ్‌తో పాటు కళాశాల కో ఆర్డినేటర్‌లు అఖిల్‌ ఖారే, రాజేశ్‌, హన్మంతు కులకర్ణీపై కూడా కేసు నమోదు చేశారు. సమగ్ర దర్యాప్తు కోసం ఆర్‌అండ్‌బీ ఎగ్జిక్యూటివ్‌ ఇంజనీర్‌, ఫైర్‌ డిపార్ట్‌మెంట్‌ వారి నుంచి కూడా నివేదికలను తీసుకుని చట్టపరమైన చర్యలు తీసుకోనున్నట్లు డీసీపీ తెలిపారు. నాలుగుకు బదులు రెండు పిల్లర్లే ఏర్పాటు చేసిన ఈవెంట్‌ నిర్వాహకులు ఎంవీఎస్‌ఆర్‌ కళాశాల ఘటన వివరాలు వెల్లడించిన డీసీపీ రాజేశ్‌ ముగ్గురిని అరెస్ట్‌ చేసిన ఆదిభట్ల పోలీసులు

సాక్షి, సిటీబ్యూరో/రాంగోపాల్‌పేట్‌: దసరా నేపథ్యంలో నగరంలోని వేర్వేరు ప్రాంతాల్లో సుమారు 8 పాలపిట్టలను నగర పోలీసు విభాగంతో పాటు గ్రేటర్‌ హైదరాబాద్‌ సొసైటీ ఫర్‌ ద ప్రివెన్షన్‌ ఆఫ్‌ క్రూయల్టీ టు యానిమల్స్‌ (జీహెచ్‌ఎస్పీసీఏ) ప్రతినిధుల బృందం కాపాడాయి. ప్రజల నుంచి అందిన సమాచారంతో లంగర్‌హౌస్‌ బాపూఘాట్‌ సమీపంలోని ఆలయం వద్ద ఇరుకై న బోనుల్లో నరకయాతన అనుభవిస్తున్న రెండు పాలపిట్టలను విడిపించిన అధికారులు కేబీఆర్‌ పార్క్‌ అటవీ అధికారులకు అప్పగించారు. ఛత్రినాక శ్రీ చిత్రగుప్త స్వామి ఆలయం వద్ద చెట్టుకు బోను వేలాడదీసి నిర్బంధించిన ఒక పాలపిట్టను, మంగళ్‌హాట్‌ బాలాజీనగర్‌ గుడి సమీపంలో బోనులో ఉంచిన మరో పాలపిట్టను రెస్క్యూ చేసి ఫారెస్ట్‌ అధికారు లకు అప్పగించారు. అలాగే.. జీహెచ్‌ఎస్పీసీఏ ప్రతినిధులు.. తాడ్‌బండ్‌ హనుమాన్‌ దేవాలయం ప్రాంతంలో రెండు, నాగోల్‌లో ఒకటి, బేగంబజార్‌లో ఒక పాల పిట్టను రక్షించి వైద్య పరీక్షలకు పంపించినట్లు తెలిపారు. రాష్ట్ర పక్షి పాలపిట్టను హింసిస్తే చట్టప్రకారం కఠిన చర్యలు తప్పవని కొత్వాల్‌ వీసీ సజ్జనర్‌ హెచ్చరించారు. వన్యప్రాణులకు హాని తలపెట్టే ఘటనలు ఎక్కడ కనిపించినా 180042 55364, 9803338666 లేదా డయల్‌ 112కు సమాచారం అందించాలని ఆయన సూచించారు.

కొందుర్గు: కొందుర్గులో గుప్త నిధుల తవ్వకాలు కలకలం రేపాయి. స్థానికులు అందించిన సమాచారం మేరకు గ్రామానికి చెందిన దుర్గని రామయ్య పొలంలో గుంతలు తవ్వారు. పక్కనే చెట్టుకింద కొబ్బరికాయ, కుంకుమ, పసుపు, కుండ, అగర్‌బత్తీలు తదితర పూజాసామగ్రి ఉన్నాయి. దీంతో పరిసర పొలాల రైతులు భయభ్రాంతులకు గురయ్యారు. ఈ విషయమై తగిన విచారణ చేయాలని స్థానికులు కోరుతున్నారు. షాద్‌నగర్‌: ఫరూఖ్‌నగర్‌లోని హజ్రత్‌ సయ్యద్‌ షా అలీ అక్బరుద్దీన్‌ ఖాద్రీ దర్గాలో ఉర్సు ఉత్సవాలను ఘనంగా నిర్వహించారు. బదర్‌ ఉల్‌ మషాయిఖ్‌ ఫౌండేషన్‌ ఆధ్వర్యంలో గంధోత్సవం, చాదర్‌ సమర్పణ, మహ్పిల్‌ ఏ నాత్‌ తదితర ఆధ్యాత్మిక కార్యక్రమాలు నిర్వహించారు. వేడుకల్లో స్థానిక ఎమ్మెల్యే వీర్లపల్లి శంకర్‌, ఎమ్మెల్సీ నాగర్‌కుంట నవీన్‌కుమార్‌రెడ్డి హాజరయ్యారు. షాద్‌నగర్‌: జూనియర్‌ సివిల్‌ జడ్జి పరీక్షా ఫలితాల్లో సత్తాచాటి న్యాయమూర్తిగా ఎంపికై న షాద్‌నగర్‌ పట్టణానికి చెందిన ఆగీరు లక్ష్మీప్రసాద్‌ను బుధవారం ఎమ్మెల్యే వీర్లపల్లి శంకర్‌, మాజీ ఎమ్మెల్యే చౌలపల్లి ప్రతాప్‌రెడ్డి ఘనంగా సన్మానించారు. లక్ష్మీప్రసాద్‌ తల్లిదండ్రులు వెంకటేశ్‌, చంద్రకళను శాలువా, పూల మాలతో సన్మానించారు. ఈ కార్యక్రమంలో మున్సిపల్‌ చైర్మన్‌ బస్వం, వైస్‌ చైర్మన్‌ అందె మోహన్‌, మాజీ ఎంపీపీ శివశంకర్‌గౌడ్‌, నాయకులు రవికుమార్‌గుప్త, కృష్ణ, గుట్ట రాజు, రాజు నాయక్‌, శ్రీశైలంగౌడ్‌ తదితరులు పాల్గొన్నారు. షాద్‌నగర్‌: పండుగ సాయన్న జయంతిని ప్రభుత్వం అధికారంగా నిర్వహించడం గర్వకారణమని ముదిరాజ్‌ మహాసభ రాష్ట్ర ఉపాధ్యక్షుడు అందె బాబయ్య అన్నారు. బుధవారం పట్టణంలో ఏర్పాటు చేసిన సమావేశంలో ఆయన మాట్లాడుతూ.. పండుగ సాయన్న పాలమూరు ప్రాంతంలో జన్మించి నిజాం పాలనలో భూస్వాముల దోపిడికి వ్యతిరేకంగా పోరాటం చేసిన ప్రజావీరుడిగా చరిత్రలో నిలిచిపోయారన్నారు. అన్యాయాన్ని ప్రశ్నిస్తూ, అణగారిన వర్గాలకు అండగా నిలిచిన ఆయన జీవితం ప్రజల్లో ధైర్యాన్ని, ఆత్మగౌరవాన్ని నింపిందని తెలిపారు. పండుగ సాయన్న చరిత్రను భావితరాలకు అందించడంతో పాటు, ఆయన ఆశయాలను నెరవేర్చాల్సిన బాధ్యత ప్రతీ పౌరుడిపై ఉందన్నారు. గురువారం షాద్‌నగర్‌లో నిర్వహించనున్న పండుగ సాయన్న జయంతి వేడుకలకు ముదిరాజ్‌ సంఘం నాయకులతో పాటుగా, పార్టీలకు అతీతంగా నాయకులు, కార్యకర్తలు అధిక సంఖ్యలో విచ్చేసి విజయవంతం చేయాలని కోరారు. రాజేంద్రనగర్‌: గుర్తు తెలియని వాహనం ఢీకొనడంతో గుర్తుతెలియని మహిళ మృతి చెందిన సంఘటన రాజేంద్రనగర్‌ పోలీస్‌ స్టేషన్‌ పరిధిలో చోటు చేసుకుంది.పోలీసులు తెలిపిన మేరకు.. బుధవారం తెల్లవారు జాము న 3.30 గంటలకు హైదర్‌ గూడ వద్ద గుర్తు తెలియని వాహనం ఢీ కొనడంతో గుర్తు తెలియ ని మహిళ మృతి చెందింది. పోలీసులు మృతదేహాన్ని ఉస్మానియా ఆస్పత్రికి తరలించారు.

ఇబ్రహీంపట్నం: దేశ రక్షణ, ప్రజల భద్రత కోసం విధి నిర్వహణలో ప్రాణత్యాగం చేసిన పోలీస్‌ అమరవీరుల ధైర్యసాహసాలు, సేవలు స్ఫూర్తిదాయకమని ఫ్యూచర్‌ సిటీ కమిషనర్‌ తరుణ్‌జోషి అన్నారు. పోలీస్‌ కమిషనరేట్‌లో బుధవారం పోలీసు అమరవీరుల సంస్మరణ దినోత్సవం నిర్వహించి, ఘనంగా నివాళులర్పించారు. ఈ సందర్భంగా పోలీస్‌ పరేడ్‌ నిర్వహించారు. అనంతరం సీపీ మాట్లాడుతూ.. బాధిత కుటుంబాలకు అండగా ఉంటామని భరోసా కల్పించారు. అమరవీరుల కుటుంబ సభ్యుల యోగక్షేమాలను అడిగి తెలుసుకున్నారు. ఈకార్యక్రమంలో జాయింట్‌ పోలీస్‌ కమిషనర్‌ చందనా దీప్తీ, షాద్‌నగర్‌, మహేశ్వరం డీసీపీలు సీహెచ్‌ శిరీష, కె.నారాయణరెడ్డి, ట్రాఫిక్‌ డీసీపీ శివయ్‌ ఉపాధ్యాయ, అడిషనల్‌ డీసీపీ జహంగీర్‌, స్పెషల్‌ బ్రాంచ్‌ ఏసీపీ హుస్సైనినాయుడు, సీఏఆర్‌ హెడ్‌క్వార్టర్స్‌ ఏసీపీ అరుణ్‌కుమార్‌, ఏసీపీలు ఎస్‌ లక్ష్మీనారాయణ, కేవీపీ రాజులు, పోలీసు సిబ్బంది పాల్గొన్నారు. మూడో బెటాలియన్‌ ఆధ్వర్యంలో.. ఇబ్రహీంపట్నం సమీపంలోని ఆక్టోపస్‌లోని టీజీఎస్పీ 3వ బెటాలియన్‌ ఆధ్వర్యంలో అమరులవీరుల సంస్మరణ దినోత్సవాన్ని ఘనంగా నిర్వహించారు. ఈ సందర్భంగా 3వ బెటాలియన్‌ కమాండెంట్‌ సయ్యద్‌ జమీల్‌ బాషా మాట్లాడుతూ.. పోలీసు అమరవీరుల త్యాగస్ఫూర్తిని మర్చిపోలేమన్నారు. అమరవీరుల ఆశయాలను ఆదర్శంగా తీసుకుని, అప్రమత్తంగా విధులు నిర్వర్తించాలని పిలుపునిచ్చారు. రెండు నిమిషాలు మౌనం పాటించి అమరవీరులకు నివాళులర్పించారు. ఈ కార్యక్రమంలో అదనపు కమాండెంట్‌ ఎస్‌.శ్రీనివాసరావు, అసిస్టెంట్‌ కమాండెంట్‌ శ్రీనివాస్‌రావుతోపాటు బెటాలియన్‌ అధికారులు, సిబ్బంది పాల్గొన్నారు.ఫ్యూచర్‌ సిటీ కమిషనరేట్‌లో పరేడ్‌

మొయినాబాద్‌ రూరల్‌: తాళం వేసిన ఇంట్లో చోరీ జరిగిన ఘటన మండల పరిధిలోని అమ్డాపూర్‌లో చోటుచేసుకుంది. మొయినాబాద్‌ సీఐ మల్లికార్జున్‌రెడ్డి తెలిపిన వివరాలు ఇలా ఉన్నాయి.. గ్రామానికి చెందిన కట్కూరి లక్ష్మయ్య కుటుంబ సభ్యులు ఇంటికి తాళం వేసి విహార యాత్రకు వెళ్లారు. ఇది గమనించిన దుండగులు సోమవారం తాళం పగులగొట్టి తులంన్నర బంగారు గొలుసు, వెండి పూజా సామగ్రిని ఎత్తుకెళ్లారు. చోరీ అనంతరం ఇల్లంతా కారంపొడి చల్లినట్లు తెలిపారు. అమ్డాపూర్‌ గ్రామంలో దొంగతనం చేసి, ఇలా మిర్చీ పౌడర్‌ చల్లడం రెండోసారి అని వెల్లడించారు. క్లూస్‌ టీమ్‌, డాగ్‌ స్క్వాడ్‌కు దొరకకుండా దుండగులు గ్లౌజులు ధరించి దొంగతనానికి పాల్పడ్డారని తెలిపారు. బాధితుడు రాజేష్‌ ఇచ్చిన ఫిర్యాదు మేరకు కేసు నమోదు చేసి, దర్యాప్తు చేస్తున్నామని సీఐ తెలిపారు. ఇబ్రహీంపట్నం రూరల్‌: సెల్‌ఫోన్‌ నొనివ్వడం లేదని మద్యం మత్తులో ఓ యువకుడు ఆత్మహత్య చేసుకున్న సంఘటన ఆదిభట్ల పోలీస్‌ స్టేషన్‌ పరిధిలో బుధవారం సాయంత్రం చోటు చేసుకుంది. సీఐ రమేష్‌ కథనం ప్రకారం.. వరంగల్‌ జిల్లా, చింతల్‌, ఆర్‌ఎస్‌ఆర్‌ నగర్‌కు చెందిన గుడెల్లి రవికిరణ్‌ తల్లితో కలిసి మన్నెగూడ సమీపంలోని ఎన్‌ఎస్‌ఆర్‌ నగర్‌లో నివాసం ఉండేవాడు. తనకు సెల్‌ ఫోన్‌ కొనివ్వాలని నెల రోజులుగా తల్లితో గొడవ పడుతున్నాడు. నిత్యం మద్యం తాగి వచ్చి సెల్‌ఫోన్‌ కావాలని ఒత్తిడి చేస్తుండటంతో రెండు రోజుల్లో కొనిస్తానని తల్లి తెలిపింది. ఇదిలా ఉండగా సాయంత్రం ఇంట్లో ఎవరూ లేని సమయంలో రవికిరణ్‌ (27) ఫ్యాన్‌కు ఉరి వేసుకొని ఆత్మహత్య చేసుకున్నాడు. తల్లి ఫిర్యాదు మేరకు పోలీసులు కేసు నమోదు చేసుకున్నారు. మృతదేహాన్ని పోస్టుమార్టం నిమిత్తం ఉస్మానియా అస్పత్రికి తరలించారు . ఇబ్రహీంపట్నం రూరల్‌: బైక్‌ అదుపు తప్పి డివైడర్‌ను ఢీకొట్టిన ఘటనలో ఓ వ్యక్తి మృతి చెందాడు. ఈసంఘటన ఆదిభట్ల పోలీస్‌ స్టేషన్‌ పరిధిలో బుధవారం చోటు చేసుకుంది. సీఐ రమేష్‌ కథనం ప్రకారం.. ఏపీలోని నందిగామ మండలం, ఎన్‌టీఆర్‌ జిల్లాకు చెందిన బిక్కి గోపీకృష్ణ (43), ఆదిభట్ల జీహెచ్‌ఎంసీ పరిధిలోని బొంగ్లూర్‌ గంగానగర్‌ కాలనీలో నివాసం ఉంటూ సెక్యూరిటీ గార్డుగా పని చేస్తున్నాడు. మద్రాస్‌ ఫిల్టర్‌ కాఫీ షాపు వద్ద బైక్‌పై వెళ్తుండగా, అదుపు తప్పి డివైడర్‌ను ఢీకొట్టడంతో తీవ్ర గాయాలై అక్కడికక్కడే మృతిచెందాడు. ఈ మేరకు కేసు నమోదు చేసుకొని, దర్యాప్తు చేస్తున్నామని సీఐ తెలిపారు. మంచాల: ఓ కోళ్ల ఫాంలో పేకాట ఆడుతున్న వ్యక్తులను అరెస్టు చేసిన సంఘటన మంచాల మండలంలోని ఆరుట్ల గ్రామంలో బుధవారం చోటు చేసుకుంది. మంచాల సీఐ మధు కథనం ప్రకారం.. మంద బుచ్చిరెడ్డి వ్యవసాయ పొలం వద్ద ఎనిమిది మంది పేకాట ఆడుతున్నారు. ఈ విషయం తెలిసిన పోలీసులు దాడి చేసి పట్టుకున్నారు. వీరి నుంచి రూ.5,790 స్వాధీనం చేసుకున్నారు. రోడ్డు ప్రమాదంలో యువకుడు మృతి పరిగి: లారీ ఢీకొని యువకుడు మృతి చెందిన ఘటన పరిగి పట్ట ణ పరిధిలోని బీజాపూర్‌ జాతీయ రహదారిపై బుధవారం చో టుచేసుకుంది. ఎస్‌ఐ మోహనకృష్ణ తెలిపిన వివరాల ప్రకారం.. దోమ మండలం బుద్లాపూర్‌తండా(గోన్యనాయక్‌ తండా)కు చెందిన నేనావత్‌ రవికుమార్‌(27) బీటెక్‌ పూర్తి చేసి ఉద్యోగ అన్వేషణలో ఉన్నాడు. ఉదయం ఇంటి నుంచి బైక్‌పై వికారాబాద్‌కు బయలుదేరాడు. మార్గమధ్యలో పరిగి మండలం గోవిందాపూర్‌ తండా గేట్‌ సమీపంలో పరిగి వైపు నుంచి వస్తున్న లారీ వేగంగా ద్విచక్ర వాహనాన్ని ఢీకొంది. ఈ ప్రమాదంలో రవికుమార్‌ తల, ఇతర భాగాల కు బలమైన గాయాలు కావడంతో అక్కడికక్క డే మృతి చెందాడు.

సాక్షి, సిటీబ్యూరో: తీవ్ర వర్షాభావం రీత్యా భూగర్భ జలాలు వేగంగా అడుగంటుతున్నాయి. క్యూర్‌ పరిధిలో అపార్టుమెంట్లలోని బోర్లు మొరాయిస్తున్నాయి. వచ్చే రుతుపవనాల వరకు ఉన్న 8 నెలలు అత్యంత కీలకం. దీంతో అధికార యంత్రాంగం నీటి వృథాపై చర్యలకు దిగింది. కొత్త బోర్ల తవ్వకాలపై నిషేధం విధించింది. విషయంలో క్షేత్రస్థాయి తనిఖీలకూ సిద్ధమైంది. నిర్మాణ రంగానికి శుద్ధి చేసిన నీటి వినియోగాన్ని తప్పనిసరి చేసింది. ఈ ఆంక్షలు తాగునీటికే కాక నిర్మాణాలు, ఇతర అవసరాలకు వర్తిస్తాయి. రోజుకు 200 పైనే కొత్త బోర్లు క్యూర్‌లో సుమారు 13 నుంచి 15 లక్షలకు పైగా బోర్లున్నాయని అంచనా. రికార్డుల్లో మాత్రం 2.43 లక్షల బోర్లే. నిబంధనలకు విరుద్ధంగా రోజుకు సగటున 200పైగా కొత్త బోర్ల తవ్వకాలు జరుగుతున్నాయని సమాచారం. రోజుకు 100 బోర్లు ఎండిపోతున్నాయి. కొండాపూర్‌, బంజారాహిల్స్‌, బండ్లగూడ జాగీర్‌ వంటి ప్రాంతాల్లో అపార్ట్‌మెంట్‌వాసులు 400 అడుగుల పరిమితిని దాటి తవ్వుతున్నారు. కొన్నిచోట్ల వెయ్యి అడుగులకు మించుతున్నారు. ఫలితంగా భూగర్భ జలాల వినియోగం 102 శాతానికి చేరింది. నేలలోకి చేరుతున్న నీటి కంటే ఎక్కువ తోడేస్తుండడంతో భూగర్భ జల లభ్యత ‘క్రిటికల్‌’గా ఉన్నట్లు పలు నివేదికలు స్పష్టం చేస్తున్నాయి. తీవ్ర వర్షాభావ పరిస్థితులతో క్యూర్‌ పరిధిలో భూగర్భ జలమట్టం కిందికి దిగజారుతున్న నేపథ్యంలో నిర్మాణ రంగ పనుల కోసం కొత్త బోర్లకు అనుమతులు ఇవ్వొద్దు. – జిల్లా కలెక్టర్లకు ప్రభుత్వ ప్రధాన కార్యదర్శి సంజయ్‌ జాజు ఆదేశాలు

శంకర్‌పల్లి: ఓ కారు అతివేగం, అజాగ్రత్తగా వెళ్తూ ముందు వెళ్తున్న మరో కారును ఢీ కొట్టిన తర్వాత అదుపుతప్పి రోడ్డుపై వెళ్తున్న గొర్రెల మందపైకి దూసుకెళ్లింది. ఈ సంఘటన బుధవారం బుల్కాపూర్‌ కాళికామాత దేవాలయం వద్ద చోటు చేసుకుంది. పోలీసులు తెలిపిన వివరాల ప్రకారం.. నారాయణపేట్‌ జిల్లా ధన్వాడ మండలం పాతపల్లికి చెందిన చిన్న బాలరాజు తన గొర్రెలతో వెళ్తుండగా స్టేషన్‌ నాగులపల్లి గ్రామానికి చెందిన ప్రకాశ్‌ కారులో శంకర్‌పల్లి వైపు వెళ్తూ కాళికామాత ఆలయం వద్ద ముందు వెళ్తున్న మరో కారును ఢీకొట్టాడు. అనంతరం కారు అదుపుతప్పి రోడ్డుపై వెళ్తున్న గొర్రెలను ఢీకొట్టడంతో ఏడు జీవాలు అక్కడికక్కడే మృతిచెందాయి. ఘటనపై శంకర్‌పల్లి పోలీసులు కేసు నమోదు చేసుకుని, దర్యాప్తు చేస్తున్నారు. తనకు న్యాయం చేయాలని బాధితుడు వేడుకున్నాడు.

సాక్షి సిటీబ్యూరో: నగరంలోని స్నాక్స్‌ తయారీ సంస్థ సాహిల్‌ ఫుడ్స్‌పై తెలంగాణ ఫుడ్‌ సేఫ్టీ (టీజీ సేఫ్‌) అధికారులు కొరడా ఝుళిపించారు. కాటేదాన్‌ సమీపంలోని ప్రేమావతిపేటలో ఉన్న ఐదు తయారీ యూనిట్లపై ఫుడ్‌ సేఫ్టీ అధికారులు, పోలీసులతో కలిసి సంయుక్తంగా దాడులు చేశారు. ఎఫ్‌ఎస్‌ఎస్‌ఏఐ లైసెన్సులో నమోదుకాని ఆహార కేటగిరీల ఉత్పత్తులను కూడా యూనిట్లలో తయారు చేస్తున్నట్లు గుర్తించారు. ఉత్పత్తి, అమ్మకాల రికార్డులు, నీటి నాణ్యత పరీక్ష , పదార్థాల పరీక్ష నివేదికలు లేకపోవడాన్ని గుర్తించారు. ఉత్పత్తులపై ముద్రించిన గడువు తేదీల విషయంలోనూ అక్రమాలు బయటపడ్డాయి. యూనిట్లలో పరిశుభ్రత ప్రమాణాలు పూర్తిగా గాలికి వదిలేసినట్లు అధికారులు గుర్తించారు. ఆహార పదార్థాలను నేరుగా చేతులతో నిర్వహించే కార్మికులు నోట్లో గుట్కా, పాన్‌ మసాలా నములుతూ పని చేస్తున్నట్లు గుర్తించారు. నాలుగు యూనిట్లకు తాళం సాహిల్‌ ఫుడ్స్‌కు చెందిన నాలుగు యూనిట్ల ఎఫ్‌ఎస్‌ఎస్‌ఏఐ లైసెన్సులను టీజీ సేఫ్‌ సస్పెండ్‌ చేసింది. వ్యాపార కార్యకలాపాలను తక్షణమే నిలిపివేయాలని ఆదేశించింది. కల్తీ జరిగిందన్న అనుమానంతో 11 రకాల ఆహార పదార్థాల నమూనాలను సేకరించి ప్రయోగశాలకు పంపామని, వాటి ఫలితాల ఆధారంగా చర్యలు తీసుకుంటామని పేర్కొన్నారు. తప్పుడు లేబులింగ్‌తో ఉన్న 55 టన్నుల ఆహార పదార్థాలను అధికారులు సీజ్‌ చేశారు. వీటి విలువ రూ.33,94,115 ఉంటుందని అంచనా. ప్రజల ఆరోగ్యంతో చెలగాటమాడే సంస్థలపై కఠిన చర్యలు తప్పవని, నాణ్యతలేని ఆహారాన్ని విక్రయిస్తే సహించేది లేదని కమిషనర్‌ హెచ్చరించారు. శ్రీవారి ఆలయానికి గ్రంథం బహూకరణ కొడంగల్‌: పట్టణంలోని శ్రీవారి ఆలయానికి బీజేపీ సీనియర్‌ నాయకుడు కరెంటు రాములు కుటుంబ సభ్యులు బుధవారం దివ్యవేద వాణి గ్రంథాన్ని బహూకరించారు. ఆలయంలో నిత్యం వేద పఠనం జరగాలని.. ఆ వాణిని ప్రజలకు వినించాలనే ఉద్దేశంతో గ్రంథం అందజేసినట్లు రాములు తెలిపారు. ఈ గ్రంథంలో నాలుగు వేదాలు ఉన్నట్లు చెప్పారు. రుగ్వేదం, సామవేదం, యజుర్వేదం, అధర్వణ వేదం తెలుగు అనువాదం ఉన్నట్లు తెలిపారు. భగవంతుని సన్నిధిలో వేద పారాయణం జరగాలనే సంకల్పంతో గ్రంథం ఇచ్చినట్లు చెప్పా రు. కార్యక్రమంలో లయన్స్‌ క్లబ్‌ కోశాధికారి మురహరి వశిష్ట, బాల ప్రకాశ్‌, కేసీ వెంకటేశ్‌, భాగ్యలత, కొంతం సత్యనారాయణ, నందారం రత్నం, మధు, గోపాల్‌ పాల్గొన్నారు. అమ్మవారి ముక్కుపుడక రూ.1,16,116 కుల్కచర్ల: దేవీ నవరాత్రి ఉత్సవాల్లో భాగంగా దుర్గామాతకు అలంకరించిన ముక్కుపుడకను నీరటి సంజీవ్‌ కుటుంబీకులు రూ.1,16,116కు దక్కించుకున్నారు. మండల కేంద్రంలోని అంగడిబజార్‌లో ఏర్పాటు చేసిన అమ్మవారి మండపం వద్ద నిమజ్జన ప్రక్రియలో భాగంగా మంగళవారం వేలం నిర్వహించారు. గ్రామానికి చెందిన సంజీవ్‌ ముక్కుపుడకను దక్కించుకున్నారు. ఆయన్ను ఉత్సవ కమిటీ సభ్యులు సన్మానించారు.

మంచాల: వైద్యం వికటించి వ్యక్తి మృతిచెందాడని ఆరోపిస్తూ బాధిత కుటుంబ సభ్యులు ఆర్‌ఎంపీ క్లినిక్‌ వద్ద శవంతో ఆందోళన నిర్వహించారు. స్థానికుల కథనం ప్రకారం మండల పరిధిలోని పోచారం గ్రామానికి చెందిన ఈర్లపల్లి విజయ్‌కుమార్‌(36) కూలీ పనులు చేస్తూ కుటుంబాన్ని పోషించుకుంటున్నాడు. దసరా పండుగ సందర్భంగా చిత్తాపూర్‌ గ్రామంలోని అత్తగారి ఇంటికి వచ్చాడు. బుధవారం ఛాతిలో మంటగా ఉందని చెప్పడంతో బంధువులు అతన్ని బైక్‌పై మంచాలలోని ఓ ఆర్‌ఎంపీ వైద్యుడి వద్దకు తీసుకెళ్లారు. అక్కడ ఇంజక్షన్‌ తీసుకుని తిరిగి వెళ్తుండగా సమీపంలోని పెట్రోల్‌ బంక్‌ వద్ద విజయ్‌ బైక్‌ పైనుంచి కుప్పకూలిపోయాడు. అక్కడి నుంచి ఇబ్రహీంపట్నంలోని ఓ ప్రైవేట్‌ ఆస్పత్రికి తీసుకెళ్లగా, చికిత్స చేస్తుండగానే ప్రాణం వదిలాడు. ఆర్‌ఎంపీ వైద్యం వికటించడంతోనే విజయ్‌ చనిపోయాడంటూ ఆగ్రహించిన అతని బంధువులు మృతదేహంతో మంచాలకు వచ్చారు. ఆర్‌ఎంపీ క్లినిక్‌ ఎదటు శవంతో ఆందోళన చేశారు. అప్పటికే వైద్యుడు అక్కడి నుంచి వెళ్లిపోయాడు. మృతుడి కుటుంబానికి రూ.10 లక్షలు ఇస్తామని ఒప్పందం చేసుకున్నట్లు తెలిసింది. మృతుడికి భార్య దీక్షిత, కూతుళ్లు శ్రీమహంతి, దేవకి ఉన్నారు. ● ఆర్‌ఎంపీ చికిత్సతో వ్యక్తి చనిపోయాడని బంధువుల ఆరోపణ ● మంచాలలోని క్లినిక్‌ ఎదుట ధర్నా

వికారాబాద్‌: ‘ఇతర జిల్లాలతో పోలీస్తే మనజిల్లాపై ఎల్‌నినో ప్రభావం తీవ్రంగా ఉంది.. వాతావరణ, భూగర్భ జలవనరులు, వ్యవసాయ, ఉద్యానశాఖల నిపుణుల గణాంకాలు ఈ విషయాన్ని స్పష్టం చేస్తున్నాయి.. దీన్ని దృష్టిలో ఉంచుకుని అందరం కలిసికట్టుగా ఎల్‌నినోను ఎదుర్కోవాల్సిన అవసరం ఉంది’ అని కలెక్టర్‌ దీపక్‌ తివారి అన్నారు. జిల్లాలో వర్షపాతం.. భూగర్భ జలాలు.. ఎండల తీవ్రత.. నీటి లభ్యత.. పంటలు.. పశు సంపదను కాపాడుకోవడం కోసం ప్రభుత్వం తీసుకుంటున్న చర్యలు, జిల్లా తరఫున చేసిన సిఫారసులను బుధవారం ఆయన ‘సాక్షి’తో పంచుకున్నారు. వరి పంటపై ఒత్తిడి ప్రస్తుత ఖరీఫ్‌ సీజనలో వేసిన పంటల్లో వరి, కంది తీవ్ర ఒత్తిడిని ఎదుర్కొంటున్నాయి. రాష్ట్రంలో 20 శాతం లోటు వర్షపాతం నమోదైతే జిల్లాలో 35 శా తం లోటు ఉంది. రాష్ట్ర సగటు కంటే మన జిల్లాలో పది శాతం అధిక లోటు ఉంది. ఎల్‌నినో ప్రభావంతో ఎండల తీవ్రత పెరిగి సాధారణం కంటే అధిక ఉష్ణోగ్రతలు నమోదవుతున్నాయి. భూగర్భజలాలు వేసవి తరహాలో పడిపోతున్నాయి. ప్రస్తుతం కొన్ని మండలాల్లో 25 మీటర్ల కంటే ఎక్కువ లోతుకు పడిపోయాయి. ఈ ప్రభావం ప్రజలు, పశుపక్షాదులపై పడింది. వీటితో పాటు వ్యవసాయం, వ్యవసాయ అనుబంధ శాఖలు, రైతులపై ఇంకాస్త ఎక్కువ ఉంది. ఈ పరిస్థితిల్లో మనమందరం రైతులను కాపాడుకోవడం ఎంతో అవసరం. అన్నదాతలు పరిస్థితులకు అనుగుణంగా సాగు విధానం మార్చుకోవాల్సిన అవసరం ఉంది. ప్రస్తుతం జిల్లాలో 2.19 లక్ష ల ఎకరాల్లో పత్తి, 95వేల ఎకరాల్లో కంది, 1.2లక్షల ఎకరాల్లో వరి, 35వేల ఎకరాల్లో మొక్కజొన్న పంటలు సాగు చేశారు. మొక్కజొన్న కోత దశలో ఉన్నందున ఈ పంటపై పెద్ద ప్రభావం ఉండదు. కానీ మిగతా పంటలపై ఎక్కువ ప్రభావం ఉంటుంది. కంది, పత్తి దిగుబడి 25నుంచి 50శాతం వరకు తగ్గే అవకాశం ఉంది. వరి పంట ప్రస్తుతం ఎక్కువ ఒత్తిడిని ఎదుర్కొంటోంది. రైతులను అప్రమత్తం చేయాలని వ్యవసాయ, దాని అనుబంధ శాఖలకు ఆదేశాలు ఇచ్చాం. నిరంతరం సమీక్షలు నిర్వహిస్తున్నాం. ఎల్‌నినో కారణంగా 20 నుంచి 25శాతం వరకు వరి వాడిపోతున్నట్లు తెలుస్తోంది. పంటను కాపాడుకోవడం కోసం రైతులు రెండు శాతం యూ రియా కలుపుకొని పిచికారీ చేస్తే ప్రయోజనం. ప్రభుత్వానికి పలు సిఫారసులు ఎల్‌నినో ప్రభావంతో జిల్లాలో నెలకొన్న పరిస్థితిని ప్రభుత్వానికి ఎప్పటికప్పుడు తెలియజేస్తున్నాం. హర్టీకల్చర్‌ శాఖ ద్వారా ప్రభుత్వం స్ప్రింక్లర్లు, డ్రిప్‌ పరికరాలు, విత్తనాలపై రాయితీలు ఇస్తోంది. వీటిని రైతులు సద్వినియోగం చేసుకోవాలి. జిల్లా తరఫున ప్రభుత్వానికి పలు సిఫారసులు చేశాం. మల్చింగ్‌ షీట్లు, డ్రిప్పు, మినీ స్ప్రింక్లర్లు, విత్తనాలు, షెడ్‌నెట్లు రాయితీపై ఇస్తే బాగుంటుందని కోరాం. గ్రామాల్లో, పట్టణ ప్రాంతాల్లో నీటి వినియోగం, నీటి వృథాను తగ్గించుకోవాలి. వర్షపు నీరు భూమిలోకి ఇంకే కార్యక్రమాలు పెరగాలి. పంటలకు నీటి వినియోగం తగ్గించుకుని పశువులు, మనుషుల తాగునీటి అవసరాలకు తగినంత అందుబాటులో ఉంచుకోవాలి. ఎల్‌నినో ప్రభావం, దాన్ని ఎలా ఎదుర్కోవాలి.. ప్రజలు, రైతులు తీసుకోవాల్సిన జాగ్రత్తలపై అవగాహన కల్పించేందుకు కేంద్ర ప్రభుత్వం కూడా సిద్ధమైంది. నేటి నుంచి నవంబర్‌ 30వ తేదీ వరకు అవగాహన కార్యక్రమాలు నిర్వహించనున్నట్లు కలెక్టర్‌ తెలిపారు. వ్యవసాయం, వ్యవసాయ అనుబంధ శాఖలతో కలిసి కేతీ బచావో పేరుతో ప్రభుత్వం ఈ కార్యక్రమం చేపడుతోంది. ఇందుకు ప్రతి ఒక్కరూ సహకరించాలి. పంట మార్పిడి అవసరంఖరీఫ్‌ పంటల విషయంలో రైతులు జాగ్రత్తలు తీసుకుంటే 20 నుంచి 40 శాతం వరకు దిగుబడి తగ్గినా బయట పడతారు. ప్రస్తుతం రబీ సీజన్‌ ప్రారంభమైనందున పంటలసాగు విషయంలో మరింత జాగ్రత్తలు తీసుకోవాలి. గతేడాది రబిలో 1.85లక్షల ఎకరాల్లో ఆయా పంటలు సాగయ్యాయి. ఇందులో వరి ఒక్కటే 90వేల పైచిలుకు ఎకరాల్లో వేశారు. ఎల్‌నినో పరిస్థితుల నేపథ్యంలో రబిలో వరి వేయకపోవడమే మంచిదని వ్యవసాయ, వాతావరణ శాఖల నిపుణులు సూచిస్తున్నారు. నీటి లభ్యతను దృష్టిలో ఉంచుకుని జిల్లాలో 30వేల ఎకరాలకు తగ్గే అవకాశం ఉంది.వరి స్థానంలో స్వల్పకాలిక ఆరుతడి పంటలువేసుకోవడం మేలు. ప్రధానంగా ఉద్యానపంటలైన కూరగాయలు, ఆకు కూరలు సాగు చేసుకోవాలి. నీరు తక్కువ అవసరమయ్యే శనగ, జొన్న పంటలు మంచిది. వరితో పోలిస్తే ఈ పంటలకు నాలుగింతల నీరు తక్కువగా అవసరం ఉంటుంది.

● రోడ్డు ప్రమాదంలో పెళ్లికుమార్తె అక్క దుర్మరణం ● చెల్లెలి పెళ్లయిన రెండు రోజులకే దారుణంరాజేంద్రనగర్‌: చెల్లెలి పెళ్లయిన రెండు రోజులకే అక్క మరణించడంతో ఆ కుటుంబంలో విషాద ఛాయలు అలుముకున్నాయి. ఈ ప్రమాదంలో పెళ్లి కోసం ఒంగోలు నుంచి వచ్చిన మరో యువకుడు తీవ్ర గాయాలకు గురై ఆసుపత్రిలో చికిత్స పొందుతున్నాడు. రాజేంద్రనగర్‌ ఎస్‌ఐ రాఘవేందర్‌ తెలిపిన వివరాల ప్రకారం బండ్లగూడ కాళీమందిర్‌ అభ్యుదయ నగర్‌లో పరిశుద్ధరావు తన కుటుంబ సభ్యులతో నివసిస్తున్నాడు. పెద్ద కుమార్తె ఐశ్వర్య (25) ప్రైవేటు స్కూల్‌లో టీచర్‌గా పనిచేస్తోంది. రెండవ కుమార్తె వివాహం రెండు రోజుల క్రితం జరిగింది. ఈ క్రమంలో ఒంగోలు నుంచి పెళ్లికి వచ్చిన మాథ్యూస్‌(26) తో కలసి మంగళవారం టిఫిన్‌ చేయడానికి కాళీమందిర్‌ వద్దకు బైక్‌పై వచ్చారు. టిఫిన్‌ చేసి తిరిగి అభ్యుదయ నగర్‌ వైపు వెళుతున్నారు. ఓ లారీకి కాళీమందిర్‌ వద్ద పూజలు చేసుకుని కిస్మత్‌పూర్‌ వైపు వెళుతుండగా బైక్‌ నడుపుతున్న మాథ్యూస్‌ లారీని దాటుకుని వెళ్లాలనుకుని అదుపుతప్పి పడిపోయారు. ఈ సంఘటనలో లారీ కింద పడిన ఐశ్వర్య అక్కడికక్కడే మృతి చెందింది. మాథ్యూస్‌ తీవ్రంగా గాయపడ్డాడు. ఎస్‌ఐ రాఘవేందర్‌ సంఘటన స్థలానికి చేరుకుని లారీని స్వాధీనం చేసుకున్నారు. లారీ నడుపుతున్న యువకుడు పారిపోయాడు. కేసు నమోదు చేసుకున్న పోలీసులు దర్యాప్తు చేస్తున్నారు.

సాక్షి, రంగారెడ్డిజిల్లా: సీఎం రేవంత్‌రెడ్డి జిల్లాలో సోమవారం సుడిగాలి పర్యటన చేశారు. ఒకవైపు ప్రారంభోత్సవాలు.. మరోవైపు శంకుస్థాపనలు.. ఇంకోవైపు సమీక్ష సమావేశాలతో బిజీబిజీగా గడిపారు. సాయంత్రం నాలుగున్నర గంటలకు హెచ్‌ఆర్‌డీ నుంచి హెలీప్యాడ్‌లో బయలుదేరి నేరుగా ఇబ్రహీంపట్నం వినోబానగర్‌లోని ‘అక్టోపస్‌’ క్యాంపస్‌కు చేరుకున్నారు. సాయంత్రం సరిగ్గా ఐదు గంటలకు ఫ్యూచర్‌సిటీ పోలీసు కమిషనరేట్‌ కార్యాలయాన్ని ప్రారంభించారు. ీసీపీ తరుణ్‌జోషిని కుర్చీలో కూర్చొబెట్టారు. శాంతి భద్రతల పరిరక్షణలో ఫ్యూచర్‌సిటీ పోలీసు కమిషనరేట్‌ కీలకంగా వ్యవహరించబోతుందని తెలిపారు. రేడియల్‌ రోడ్డు పరిశీలన సాయంత్రం 5.20 గంటలకు అటు నుంచి నేరుగా హెలీప్యాడ్‌లో బయలుదేరి, రేడియల్‌ రోడ్డు–1 పనులను పరిశీలించారు. సాయంత్రం 6 గంటలకు మీర్‌ఖాన్‌పేటలోని యంగ్‌ ఇండియా స్కిల్‌ వర్సిటీకి చేరుకున్నారు. నిర్మాణాలను పరిశీలించారు. నేషనల్‌ ఇన్‌స్టిట్యూట్‌ ఆఫ్‌ అర్బన్‌ మేనేజ్‌మెంట్‌ (ఎన్‌ఐయూఎం)కు శంకుస్థాపన చేశారు. అక్కడే ఫ్యూచర్‌సిటీ డెవలప్‌మెంట్‌ అథారిటీ అధికారులతో సమీక్ష సమావేశం ఏర్పాటు చేశారు. డిసెంబర్‌లో నిర్వహించనున్న గ్లోబల్‌ సమ్మిట్‌ సహా ఏర్పాట్లు, రేడియల్‌ రోడ్డు నిర్మాణం వంటి పనులపై సమీక్షించారు. రోడ్డు పనుల్లో మరింత వేగం పెంచాలని ఆదేశాలు జారీ చేశారు. భారత్‌ ఫ్యూచర్‌సిటీకి సంబంధించిన సమగ్ర మాస్టర్‌ప్లాన్‌ సిద్ధం చేయాలని సూచించారు. ఎఫ్‌సీడీఏ వద్దే ఎన్‌ఐయూఎంకు శంకుస్థాపన సీఎం పర్యటన షెడ్యూల్‌ ప్రకారం రూ.200 కోట్ల పెట్టుబడితో 20 ఎకరాల విస్తీర్ణంలో నిర్మించతలపెట్టిన ఎన్‌ఐయూఎం నేట్‌ జీరో ప్రాంగణానికి కుర్మిద్దలో శంకుస్థాపన చేయాల్సి ఉంది. రైతుల ఆందోళనలు, క్షేత్రస్థాయి పరిస్థితుల నేపథ్యంలోఎఫ్‌సీడీఏ భవనం వద్దే ఆ భవనానికి శంకుస్థాపన చేశారు. సీఎం రాక సందర్భంగా అటు ఇబ్రహీంపట్నంలోనూ, ఇటు మీర్‌ఖాన్‌పేటలోనూ భారీ పోలీసు బందోబస్తు ఏర్పాటు చేశారు. శిలాఫలకాన్ని ఆవిష్కరించి సీపీని కుర్చీలో కూర్చోబెట్టిన సీఎం నేషనల్‌ ఇన్‌స్టిట్యూట్‌ ఆఫ్‌ అర్బన్‌ మేనేజ్‌మెంట్‌కు శంకుస్థాపన రేడియల్‌రోడ్డు, యంగ్‌ ఇండియా స్కిల్‌ వర్సిటీ పనుల పరిశీలన గ్లోబల్‌ సమ్మిట్‌–2026 ఏర్పాట్లపై అధికారులతో సమీక్ష

పహాడీషరీఫ్‌: బీటెక్‌ విద్యార్థిని అదృశ్యమైన సంఘటన పహాడీషరీఫ్‌ పోలీస్‌స్టేషన్‌ పరిధిలో చోటుచేసుకుంది. ఎస్‌ఐ బి.దయాకర్‌ రెడ్డి కథనం ప్రకారం.. హర్షగూడకు చెందిన లక్ష్మణ్‌ చిన్న కుమార్తె వర్త్య కవిత (19) బీటెక్‌ ద్వితీయ సంవత్సరం చదువుతోంది. సోమవారం మధ్యాహ్నం ఫోన్‌ రావడంతో బయటికి వెళ్లి తిరిగి రాలేదు. ఇంటి గేట్‌ వద్ద ఫోన్‌ పడిపోయి ఉండడం తల్లికి కనిపించింది. స్థానికంగా వెతికినా జాడ తెలియరాలేదు. ఇటీవల ఫోన్‌లో ఎవరితోనే మాట్లాతుండడంతో తల్లిదండ్రులు మందలించారు. తండ్రి ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.

శంకర్‌పల్లి: ఓ గుర్తు తెలియని వాహనం ఢీ కొట్టడంతో ఓ వ్యక్తి మృతి చెందిన సంఘ టన పట్టణ శివారులో చోటు చేసుకుంది. ఎస్‌ఐ సురేశ్‌ కథనం ప్రకారం.. మున్సిపల్‌ పరిధిలోని సింగాపురానికి చెందిన మొగులయ్య (48) ఆదివారం అర్ధరాత్రి ద్విచక్రవాహనంపై సంగారెడ్డి వైపు వెళ్తున్నాడు. బైక్‌ అదుపుతప్పి కింద పడింది. అదే సమయంలో వెనుక నుంచి వస్తున్న గుర్తు తెలియని వాహనం మొగులయ్యపై నుంచి వెళ్లడంతో అక్కడికక్కడే మృతి చెందాడు. కుటుంబసభ్యుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. మరో ప్రమాదంలో.. శంకర్‌పల్లి: ఓ ద్విచక్రవాహనదారుడు కింద పడి మృతి చెందిన సంఘటన పట్టణంలో చోటు చేసుకుంది. ఎస్‌ఐ సురేశ్‌ కథనం ప్రకారం.. మండలంలోని అలంఖాన్‌గూడకు చెందిన భుజంగారెడ్డి (55) ఆదివారం వ్యక్తిగత పనులపై బయటకు వెళ్లాడు. సోమవారం ఉదయం తిరిగి ఇంటికి వస్తుండగా హుస్సేన్‌పూర్‌ వద్ద బైక్‌ అదుపుతప్పి కింద పడిపోయాడు. తలకి బలమైన గాయాలు కావడంతో అక్కడికక్కడే మృతి చెందాడు. పోలీసులు మృతదేహాన్ని పోస్టుమార్టం నిమిత్తం చేవెళ్ల ప్రభుత్వ ఆస్పత్రికి తరలించారు. కేసు నమోదు చేసి దర్యాప్తు చేస్తున్నారు. రెండు బైక్‌లు ఢీ: ఒకరి మృతి చేవెళ్ల: రెండు బైక్‌లు ఎదురెదురుగా ఢీకొన్న ప్రమాదంలో ఓ బైక్‌పై ఉన్న రైతు మృతి చెందాడు. ఈ సంఘటన చేవెళ్ల పోలీస్‌స్టేషన్‌ పరిధిలో చోటు చేసుకుంది. పోలీసుల కథనం ప్రకారం.. మండలంలోని నాంచేరికి చెందిన ఆలూరి కిష్టయ్య(42) పాడిపశువుల నుంచి సేకరించిన పాలను ఆలూరులోని పాల కేంద్రానికి పోస్తుంటాడు. రోజు మాదిరిగానే ఆదివారం రాత్రి పాలు తీసుకొని బైక్‌పై ఆలూరుకు వెళ్తున్నాడు. అదే సమయంలో ఆలూరు గ్రామానికి చెందిన బి.హరి మరో బైక్‌పై ఎదురుగా వచ్చాడు. రెండు బైక్‌లు ఢీకొన్నాయి. ఈ ప్రమాదంలో కిష్టయ్యకు తీవ్ర గాయలు కావడంతో నగరంలోని ప్రైవేటు ఆస్పత్రికి తరలించారు. అక్కడ వైద్యులు పరిశీలించి మృతి చెందినట్లు ధ్రువీకరించారు. హరికి స్వల్ప గాయాలయ్యాయి. మృతుడి భార్య ఫిర్యాదు మేరకు పోలీసుల కేసు నమోదు చేసుకొని దర్యాప్తు చేస్తున్నారు.

కందుకూరు: కారు అదుపు తప్పి దేవాలయం కోనేరులోకి దూసుకెళ్లింది. అందులో ఉన్న డ్రైవర్‌ తేరుకుని అద్దం తీసుకుని బయటికి రావడంతో ప్రాణపాయం నుంచి బయటపడ్డాడు. ఈ సంఘటన మహేశ్వరం పోలీస్‌ స్టేషన్‌ పరిధిలో చోటు చేసుకుంది. స్థానికులు, పోలీసులు తెలిపిన వివరాల ప్రకారం.. ఆమనగల్లు మండలం కోనాపూర్‌కు చెందిన చెందిన బొడ్డుపల్లి కుమార్‌ (32) గ్రామంలో టీ దుకాణం నిర్వహిస్తూ వంట మాస్టర్‌గా పని చేస్తున్నాడు. ఆదివారం పని ముగించుకుని అర్ధరాత్రి సమయంలో కారులో హైదరాబాద్‌కు వెళ్తున్నాడు. మార్గమధ్యలో మహేశ్వరం శివగంగ దేవాలయం వద్ద హైదరాబాద్‌ వైపు మళ్లాల్సి ఉండగా నిద్రమత్తులోకి జారుకున్నాడు. దీంతో కారు నేరుగా శివగంగ కోనేరులోకి బారికేడ్లను ధ్వంసం చేసుకుంటూ వెళ్లి నీటిలో మునిగింది. ఆ సమయంలో అప్రమత్తమైన కుమార్‌ అద్దం దింపి అందులో నుంచి బయటపడ్డాడు. ఓ వైపు ఆలయం, మరోవైపు ట్రాన్స్‌ఫార్మర్‌ ఉన్నాయి. అదృష్టవశాత్తు ఆ రెండింటి మధ్య నుంచి దూసుకుపోవడంతో డ్రైవర్‌ ప్రాణాలతో బయపడ్డాడు. సోమవారం ఉదయం పోలీసులు క్రేన్‌ సాయంతో కారును బయటికి తీశారు. ఈ మేరకు కేసు నమోదు చేసుకుని దర్యాప్తు చేపట్టారు. ప్రాణాపాయం నుంచి బయటపడిన డ్రైవర్‌

షాద్‌నగర్‌: షార్ట్‌సర్క్యూట్‌తో అర్ధరాత్రి పరిశ్రమలో మంటలు చెలగేరి భారీగా ఆస్తినష్టం సంభవించింది. ఈ ఘటన నందిగామ మండలం మేకగూడ శివారులో చోటు చేసుకుంది. వివరాలివీ.. శ్రీనాథ్‌ స్లీప్‌ ప్రొడక్ట్స్‌ పరిశ్రమలో బెడ్స్‌ తయారు చేస్తున్నారు. ఆదివారం అర్ధరాత్రి పరిశ్రమలో షార్ట్‌ సర్క్యూట్‌ కారణంగా మంటలు చెలరేగాయి. పరిశ్రమలో ఉన్న బెడ్స్‌తో పాటు యంత్రాలు అగ్నికి ఆహుతయ్యాయి. సమాచారం అందుకున్న షాద్‌నగర్‌, మహేశ్వరం అగ్నిమాపక సిబ్బంది వెంటనే ఫైర్‌ ఇంజన్లతో ఘటనా స్థలానికి చేరుకొని ఐదుగంటలపాటు శ్రమించి మంటలను అదుపులోకి తీసుకొచ్చారు. సీఐ నాగార్జునరెడ్డి, ఎస్‌ఐ సుశీల సహాయక చర్యలు చేపట్టారు. రూ.కోట్లలో నష్టం జరిగిందని పరిశ్రమ నిర్వాహకులు తెలిపారు.

కడ్తాల్‌: రోడ్డు ప్రమాదంలో ఓ మహిళ మృతి చెందింది. స్థానికులు, పోలీసులు తెలిపిన వివరాల ప్రకారం.. మహారాష్ట్రకు చెందిన ఇస్లావత్‌ అనుసూజ (55) ఇరవై ఏళ్ల క్రితం కుటుంబంతో వలస వచ్చి మండల కేంద్రంలో నివాసం ఉంటోంది. ఓ హోటల్‌లో దినసరి కూలీగా పనిచేస్తూ కుటుంబానికి తోడుగా ఉంటోంది. రోజు మాదిరిగానే అనుసూజ ఆదివారం తెల్లవారుజామున హోటల్‌కు వెళ్లి జాతీయ రహదారిపై నడుచుకుంటూ వెళ్తుండగా బస్టాండ్‌ సమీపంలో కల్వకుర్తి నుంచి హైదరాబాద్‌ వైపు వెళ్తున్న బొలెరో వాహనం వెనుక నుంచి బలంగా ఢీకొట్టింది. దీంతో ఆమెకు తీవ్రగాయాలు కాగా గమనించిన స్థానికులు పోలీసులు, కుటుంబ సభ్యులకు సమాచారం అందించారు. వెంటనే చికిత్స నిమిత్తం కల్వకుర్తి ప్రభుత్వ ఆస్పత్రికి తరలించారు. మెరుగైన చికిత్స కోసం హైదరాబాద్‌లోని ఉస్మానియా ఆస్పత్రికి తరలించారు. చికిత్స పొందుతూ మృతి చెందింది. మృతురాలి కుమారుడు ఇస్లావత్‌ రాజు ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు సీఐ సైదిరెడ్డి తెలిపారు.

ఉప్పల్‌: ఉప్పల్‌ నుంచి నారపల్లి వరకు వరంగల్‌ జాతీయ రహదారిపై చేపట్టిన ఎలివేటెడ్‌ కారిడార్‌ నిర్మాణ పనులను వెంటనే పూర్తి చేయాలని డిమాండ్‌ చేస్తూ సీపీఎం ఆధ్వర్యంలో ఆదివారం ఉప్పల్‌ రింగ్‌రోడ్డులో నిరసన చేపట్టారు. సీపీఎం మేడ్చల్‌ జిల్లా కార్యదర్శి సత్యం మాట్లాడుతూ.. ఎలివేటెడ్‌ కారిడార్‌ పనులను పూర్తి చేసేందుకు గడువులు ప్రకటించడం కాదని, వాస్తవంగా ఎప్పటిలోగా పనులు పూర్తిచేస్తారో ప్రభుత్వం స్పష్టం చేయాలని డిమాండ్‌ చేశారు. గతంలో మంత్రి కోమటిరెడ్డి వెంకట్‌రెడ్డి.. 2026 దసరా నాటికి పూర్తి చేస్తామని ప్రకటించారని గుర్తుచేశారు. ఇప్పుడు మరోసారి మాట మార్చి 2027 జూన్‌ నాటికి పూర్తి చేస్తామని చెప్పడం ప్రజలను నిరాశకు గురిచేస్తోందని విమర్శించారు. సీపీఎం మేడ్చల్‌ జిల్లా కార్యదర్శివర్గ సభ్యులు కోమటి రవి, వినోద్‌, అశోక్‌ పాల్గొన్నారు. ఉప్పల్‌ రింగ్‌రోడ్డులో సీపీఎం నిరసన