BCCI

టీమిండియా స్టార్ పేసర్ మహ్మద్ షమీ తన రెడ్ బాల్ కెరీర్‌కు గుడ్‌ బై చెప్పారు. టెస్ట్ క్రికెట్‌కు ఆయన వీడ్కోలు పలికారు. ఈ విషయాన్ని సోషల్ మీడియా వేదికగా ప్రకటించారు. ఇక రెడ్‌ బాల్‌ క్రికెట్‌లో మహ్మద్ షమీ శకం ముగిసినట్లే.కాగా.. 36 ఏళ్ల మహమ్మద్ షమీ తన కెరీర్‌లో 64 టెస్టుల్లో 229 వికెట్లు పడగొట్టాడు. ఈ సుదీర్ఘ ఫార్మాట్‌లో భారత్ తరఫున అతను చివరిసారిగా 2023 డబ్ల్యూటీసీ ఫైనల్‌లో ఆస్ట్రేలియాతో ఆడాడు. ఈ మ్యాచ్‌ ఓవల్‌ వేదికగా జరిగింది. కాగా.. మహ్మద్ షమీ.. 2013లో వెస్టిండీస్‌తో టెస్టు మ్యాచ్‌తో అరంగేట్రం చేశాడు. తన కెరీర్‌లో ఆరు సార్లు 5 వికెట్ల ఫీట్ సాధించారు. వీడియోలో షమీ మాట్లాడుతూ..'తొలిసారి టెస్టు జెర్సీ ధరించినప్పుడు దేశం కోసం ఏదైనా చేయాలనే తపన ఉండేది. ప్రతి వికెట్‌, తగిలిన గాయం, ఎదురైన ఇబ్బందులు జీవితంలో ఎన్నో విషయాలు నేర్పుకున్నా. నా టెస్ట్ కెరీర్‌లో నాకు మద్దతుగా నిలిచిన సహచర ఆటగాళ్లు, కోచ్‌లు, కుటుంబసభ్యులు, కోట్లాది భారతీయులకు కృతజ్ఞతలు' అంటూ పోస్ట్ చేశాడు. Safed jersey se vida le raha hoon, lekin usse judi yaadon se kabhi nahi… 🇮🇳❤️ Jab pehli baar Bharat ki Test jersey pehni thi, tab sirf ek sapna tha — apne desh ke liye kuch kar dikhane ka.. Uske baad har wicket, har sangharsh, har chot aur har comeback ne mujhe kuch na kuch sikhaya. Test cricket mere liye sirf ek format nahi, meri zindagi ka ek behad khaas hissa raha hai. Aaj bhaari dil aur anginat khoobsurat yaadon ke saath main Test cricket se retirement lene ka faisla kar raha hoon. Is safar mein mera saath dene wale har teammate, coach, family aur un karodon Bharatiyon ka dil se shukriya, jinhone achhe aur mushkil dono waqt mein mujh par bharosa banaye rakha.. BCCI aur Cricket Association of Bengal (CAB) ka bhi dil se shukriya, jinhone mere talent par bharosa kiya, mujhe aage badhne ke mauke diye aur mere cricket ke safar mein ek aham bhoomika nibhayi. Aapka saath aur vishwas mere liye hamesha khaas rahega. Maidan par meri aakhri Test ball bhale hi fenki ja chuki ho, lekin Bharat ke liye khelne ka garv hamesha mere dil mein zinda rahega. Shukriya, Test Cricket. ❤️ Aapka Shami 🇮🇳 #Mdshami11 #Mdshami #TestCricket #Retirement— 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@MdShami11) November 6, 2026

ఇండియన్ ప్రీమియర్ లీగ్ (ఐపీఎల్) చరిత్రలోనే తొలిసారి కొంతమంది స్టార్ ఆటగాళ్లు 2028 మెగా వేలానికి ముందు తమను రిటైన్ చేసుకోవాలంటే రూ.40 కోట్ల ఫీజును డిమాండ్ చేస్తున్నట్లు వార్తలు వస్తున్నాయి. మెగా వేలం జరగడానికి మరో ఏడాది (డిసెంబర్‌ 2027) సమయం ఉన్నప్పటికీ, ఆటగాళ్ల నుంచి ఈ విధమైన డిమాండ్‌ రావడం ఆయా ఫ్రాంచైజీలను ఉక్కిరిబిక్కిరి చేస్తోంది. ఈ వార్తల్లో నిజమెంత అనేది పక్కనబెడితే, మెగావేలంలోనే ఆటగాళ్లకు ఇంత ధర ఎప్పుడు పెట్టింది లేదు. అలాంటిది రిటెన్షన్ కింద తమను అట్టిపెట్టుకోవడానికి సదరు ఆటగాళ్లు రూ. 40 కోట్లు డిమాండ్ చేయడం హాస్యాస్పదంగా అనిపిస్తోంది. అయితే ఐపీఎల్ 2025 మెగా వేలంలో రిషబ్ పంత్‌ను లక్నో సూపర్‌జెయింట్స్ రూ. 27 కోట్లకు, శ్రేయస్ అయ్యర్‌ను పంజాబ్ కింగ్స్ రూ.26.75 కోట్లకు కొనుగోలు చేశాయి. దీంతో ఈసారి తాము మెగా వేలంలోకి వెళ్తే ఇంతకంటే ఎక్కువ ధర లభిస్తుందనే నమ్మకంతోనే కొందరు స్టార్ ఆటగాళ్లు రిటెన్షన్ కింద రూ. 40 కోట్లు డిమాండ్ చేస్తున్నారని తెలుస్తోంది.ఫ్రాంచైజీల ఆందోళన..ప్రస్తుతం ఒక జట్టుకు అందుబాటులో ఉన్న మొత్తం పర్స్ వాల్యూ రూ. 120 కోట్లు. వచ్చే ఏడాది మెగా వేలం జరిగే సమయానికి ఈ పర్సు విలువ సుమారు రూ. 150 కోట్లకు పెరగవచ్చని నివేదికలు పేర్కొంటున్నాయి. ఇప్పుడు ఒక్క ఆటగాడికే రూ. 40 కోట్లు కేటాయిస్తే, మొత్తం బడ్జెట్‌లో నాలుగో వంతు వారికే వెచ్చించాల్సి వస్తుంది. ఇది జట్టు సమతుల్యతను దెబ్బతీస్తుందని, ఇతర నాణ్యమైన ఆటగాళ్లను కొనుగోలు చేయడం కష్టమవుతుందని ఫ్రాంచైజీలు ఆందోళన చెందుతున్నాయి.ఇక వచ్చే ఏడాది మెగా వేలానికి ముందు వచ్చే నెలలో ఐపీఎల్ 2027 మినీ వేలం జరగనుంది. డిసెంబర్ 16, 2026న గోవాలో ఆటగాళ్లను మినీ వేలంలో ఆయా ఫ్రాంచైజీలు దక్కించుకోనున్నాయి. ఇక ఆటగాళ్ల రిటెన్షన్, రిలీజ్ జాబితాలను సమర్పించే గడువును భీసీసీఐ నవంబర్ 15 నుంచి నవంబర్ 17కు పొడిగించిన సంగతి తెలిసిందే. ఆటగాళ్ల ట్రేడింగ్‌..అయితే మినీ వేలానికి ముందు ఆటగాళ్ల ట్రెడింగ్ కొనసాగుతుంది. ఇప్పటికే ఢిల్లీ క్యాపిటల్స్ రిషబ్ పంత్‌ను తీసుకొని.. ట్రేడింగ్‌లో కుల్దీప్ యాదవ్‌ను లక్నోకు పంపించింది. ఇక ఫాస్ట్ బౌలర్ టి.నటరాజన్ సన్‌రైజర్స్ గూటికి చేరుకోగా, బదులుగా ఢిల్లీ క్యాపిటల్స్ లెగ్ స్పిన్నర్ జీషన్ అన్సారీని ట్రేడింగ్ చేసుకుంది. ఇక సీఎస్‌కే కూడా లివింగ్‌స్టోన్‌, జాక్ ఎడ్‌వర్డ్స్‌లను తీసుకోగా..ఖలీల్ అహ్మద్‌, నాథన్ ఎల్లిస్‌లు సీఎస్‌కే నుంచి ఎస్‌ఆర్‌హెచ్‌కు ట్రేడ్ అయ్యారు.ఇదీ చదవండి: ముగిసిన నిషేధం.. విధ్వంస‌క‌ర వీరుడి రీఎంట్రీ!‘అతడొక సాధారణ ప్లేయర్‌.. సీఎస్‌కే డీల్‌ నచ్చలేదు’

భారత్, శ్రీలంక జట్ల మధ్య డిసెంబర్ 13న జరగాల్సిన తొలి వన్డే మ్యాచ్ వేదిక మారింది. తొలుత ఢిల్లీలోని అరుణ్ జైట్లీ స్టేడియంలో ఈ మ్యాచ్ నిర్వహించాలని నిర్ణయించినప్పటికీ.. తాజాగా విశాఖపట్నానికి మార్చినట్లు బీసీసీఐ ప్రకటించింది. ఢిల్లీ క్రికెట్ సంఘం (DDCA) చేసిన విజ్ఞప్తి మేరకు ఈ నిర్ణయం తీసుకున్నట్లు బీసీసీఐ వెల్లడించింది.ఢిల్లీలో వాతావరణ పరిస్థితుల కారణంగా మ్యాచ్‌కు అంతరాయం కలిగే అవకాశం ఉండటంతో పాటు.. స్టేడియంలో మరమ్మతులు, పునరుద్ధరణ పనులు కొనసాగుతుండటమే వేదిక మార్పునకు కారణమని తెలిపింది.దీంతో డిసెంబర్ 13న జరగనున్న తొలి వన్డేకు విశాఖపట్నంలోని ఏసీఏ-వీడీసీఏ క్రికెట్ స్టేడియం ఆతిథ్యమివ్వనుంది. ఈ సిరీస్‌లో రెండో వన్డే బెంగళూరులో, చివరి మ్యాచ్ అహ్మదాబాద్‌లో జరగనున్నాయి.కోహ్లీకి ఢిల్లీలో వీడ్కోలు మ్యాచ్ లేనట్లేనా..?ఈ వేదిక మార్పుతో విరాట్ కోహ్లీ అభిమానుల్లో మరో చర్చ మొదలైంది. 2027 వన్డే ప్రపంచకప్ తర్వాత కోహ్లీ అంతర్జాతీయ క్రికెట్‌కు వీడ్కోలు పలికే అవకాశం ఉందన్న అంచనాల నేపథ్యంలో.. శ్రీలంకతో ఢిల్లీలో జరిగే మ్యాచ్ అతడికి సొంతగడ్డపై చివరి అంతర్జాతీయ మ్యాచ్ అయ్యే అవకాశం ఉందని భావించారు.ఇప్పుడు మ్యాచ్ విశాఖకు మారడంతో ఢిల్లీలో కోహ్లీకి చివరి మ్యాచ్ ఆడే అవకాశం కనిపించడం లేదు. 2027లో ఢిల్లీకి మరో వన్డే మ్యాచ్ కేటాయిస్తుందా లేదా అన్నది బీసీసీఐ నిర్ణయంపై ఆధారపడి ఉంటుంది.టీ20 సిరీస్ షెడ్యూల్వన్డే సిరీస్ అనంతరం భారత్, శ్రీలంక మధ్య మూడు టీ20 మ్యాచ్‌లు జరగనున్నాయి. డిసెంబర్ 22, 24, 27 తేదీల్లో ఈ మ్యాచ్‌లు నిర్వహించనున్నారు. రాజ్‌కోట్, కటక్, పుణే నగరాలు ఈ మ్యాచ్‌లకు ఆతిథ్యమివ్వనున్నాయి.ఇదీ చదవండి: పాక్‌పై భారత్ విజయం.. చివర్లో ఉత్కంఠ

న్యూజిలాండ్‌తో టెస్టు సిరీస్‌కు ముందు టీమిండియాకు ఒక శుభ‌వార్త అందింది. భార‌త స్టార్ పేస‌ర్ ప్ర‌సిధ్ క్రిష్ణ కివీస్‌తో టెస్టు సిరీస్‌లో ఆడేందుకు లైన్ క్లియ‌ర్ అయిన‌ట్లు తెలుస్తోంది. ఈ మేర‌కు అత‌డు ఫిట్‌నెస్ నిరూపించుకున్న‌ట్లు బీసీసీఐ సెంట‌ర్ ఆఫ్ ఎక్స‌లెన్స్ (సీవోఈ) ప్ర‌క‌టించింది. బెంగ‌ళూరులోని సీవోఈ కేంద్రంలోనే ప్ర‌సిధ్ క్రిష్ణకు రెండురోజుల పాటు సిమ్యులేష‌న్ ప‌రీక్ష‌లు నిర్వ‌హించారు. ఈ రెండు ప‌రీక్ష‌ల్లోనూ ప్ర‌సిధ్ క్రిష్ణ పాస‌వ్వ‌డంతో సీవోఈ వైద్య బృందం నుంచి ఫిట్‌నెస్ క్లియ‌రెన్స్ ల‌భించిన‌ట్లు స‌మాచారం. దీంతో న్యూజిలాండ్‌తో జ‌ర‌గ‌బోయే రెడ్‌బాల్ (టెస్టు) సిరీస్‌కు ప్ర‌సిధ్ క్రిష్ణ అందుబాటులోకి రానున్నాడు. మ‌రో రెండు రోజుల్లో న్యూజిలాండ్‌కు బ‌య‌ల్దేరి వెళ్ల‌నున్నాడు. న‌వంబ‌ర్ 7 నుంచి 10 మ‌ధ్య లింక‌న్ వేదిక‌గా న్యూజిలాండ్‌-ఏ జ‌ట్టుతో జ‌రగ‌నున్న మూడో అన‌ధికారిక టెస్టులో ప్ర‌సిధ్ క్రిష్ణ ఆడే అవ‌కాశ‌ముంది. వ‌న్డే సిరీస్‌కు అత‌డిని ప‌క్క‌న‌బెట్టిన‌ప్ప‌టికీ, టెస్టుల్లో బుమ్రాతో క‌లిసి ప్ర‌సిధ్ క్రిష్ణ బంతిని పంచుకోనున్న నేప‌థ్యంలో అత‌డి ఎంపిక ఫిట్‌నెస్ క్లియ‌రెన్స్‌పైనే ఆధార‌ప‌డి ఉంటుంద‌ని బీసీసీఐ గ‌తంలోనే తెలిపింది. తాజాగా ప్ర‌సిధ్ క్రిష్ణ ఫిట్‌నెస్ క్లియ‌రెన్స్ సాధించ‌డంతో కివీస్‌తో టెస్టు సిరీస్ ఆడేందుకు స‌మాయ‌త్త‌మ‌వుతున్నాడు. ఈ ఫాస్ట్ బౌల‌ర్ చివ‌రిసారిగా ఆగ‌స్టులో లంక‌తో జ‌రిగిన రెండు టెస్టు మ్యాచ్‌ల సిరీస్‌లో ఆడాడు. ఆ సిరీస్‌లో నాలుగు ఇన్నింగ్స్‌లు క‌లిపి ఏడు వికెట్లు ప‌డ‌గొట్టాడు. అంత‌క‌ముందు ఏడాది ఇంగ్లండ్‌లో జ‌రిగిన మూడు టెస్టుల సిరీస్‌లో ఆరు ఇన్నింగ్స్‌లు క‌లిపి 14 వికెట్లు ప‌డ‌గొట్టి భార‌త్ సిరీస్‌ను డ్రా చేసుకోవ‌డంలో ప్ర‌సిధ్ క్రిష్ణ కీల‌క‌పాత్ర పోషించాడు. కొత్త బంతితో బౌన్స్ రాబ‌ట్ట‌డం, సీమ్ బౌలింగ్‌కు అనుకూలంగా ఉండే కివీస్ పిచ్‌లు ఉండ‌డం ప్ర‌సిధ్‌కు క‌లిసిరానుంది. టీమిండియాకు అత‌డు ఒక ఆయుధంగా మారినా ఆశ్చ‌ర్య‌పోన‌వ‌స‌రం లేదు.🚨 𝗕𝗥𝗘𝗔𝗞𝗜𝗡𝗚 𝗡𝗘𝗪𝗦 🚨 Prasidh Krishna declared fit by BCCI's COE 🔥 ☑️ Fit to play all formats ☑️ He is expected to fly to New Zealand shortly, in a bid to be available for the final unofficial Test between India A and New Zealand A https://t.co/5yXBDKAIhw— Cricbuzz (@cricbuzz) November 3, 2026ఇదీ చ‌ద‌వండి: IND Vs NZ: టాస్‌ గెలిచి బౌలింగ్‌ ఎంచుకున్న టీమిండియాగోల్‌కీపర్‌ ఢీకొని... ఫుట్‌బాల్‌ ప్లేయర్‌ మృతి

ప్రపంచ క్రికెట్‌లో అత్యుత్తమ ఆటగాళ్లలో టీమిండియా దిగ్గజం సచిన్‌ టెండుల్కర్‌ ముందు వరుసలో ఉంటాడు. సుమారు రెండున్నర దశాబ్దాల అంతర్జాతీయ కెరీర్‌లో లెక్కకు మిక్కిలి రికార్డులు నెలకొల్పిన ఘనత ‘మాస్టర్‌ బ్లాస్టర్‌’కు ఉంది.అంతర్జాతీయ క్రికెట్‌లో అత్యధికంగా శతక శతకాలు బాదిన వీరుడిగా చెక్కుచెదరని ప్రపంచ రికార్డును తన ఖాతాలో వేసుకున్నాడు సచిన్‌ టెండుల్కర్‌. అయితే, టీమిండియా కెప్టెన్‌గా మాత్రం ఈ ముంబైకర్‌ విఫలమయ్యాడు. సారథిగా 1996-97, 1999-2000 సంవత్సరాల్లో సచిన్‌ జట్టును ముందుకు నడిపించాడు.సచిన్‌ కెప్టెన్సీలో 25 టెస్టు మ్యాచ్‌లు ఆడిన భారత జట్టు కైవలం నాలుగు గెలిచి.. తొమ్మిది ఓడిపోయింది. మిగిలిన 12 మ్యాచ్‌లు డ్రా అయ్యాయి. ఇక వన్డేల్లో 73 మ్యాచ్‌లకు సచిన్‌ సారథ్యం వహించగా.. కేవలం 23 గెలిచిన టీమిండియా.. 43 మ్యాచ్‌లు ఓడిపోయింది.తాజాగా తన కెప్టెన్సీ రోజులను సచిన్‌ టెండుల్కర్‌ గుర్తు చేసుకున్నాడు. రెడిట్‌లో 'Ask me Anything' సెషన్‌లో భాగంగా ఓ అభిమాని సచిన్‌కు కెప్టెన్సీకి సంబంధించిన ప్రశ్న వేశాడు. ఇందుకు బదులిస్తూ.. ‘‘టీమిండియా సారథిగా వ్యవహరించడం గొప్ప గౌరవం.అయితే, అప్పట్లో జట్టును ఎంచుకునేందుకు బీసీసీఐ నాకు పూర్తి స్వేచ్ఛను ఇచ్చేది కాదు. నా సొంతంగా ఆటగాళ్లను ఎంపిక చేసుకునే వీలు ఉండకపోయేది. 1990వ దశకంతో పోలిస్తే బీసీసీఐ ఇప్పుడు మరింత ప్రొఫెషనల్‌గా మారింది. ఆ సమయంలోనే భారత క్రికెట్‌ గడ్డు పరిస్థితులు ఎదుర్కొంది. అదొక చీకటి దశ (మ్యాచ్‌ ఫిక్సింగ్‌ ఆరోపణలను ఉద్దేశించి)’’ అని సచిన్‌ పేర్కొన్నాడు.ఇదీ చదవండి: భారత బ్యాటర్‌ ప్రపంచ రికార్డు.. సరికొత్త చరిత్ర

భార‌త మ‌హిళ‌ల జ‌ట్టు సీనియ‌ర్ క్రికెట‌ర్ రాజేశ్వ‌రి గైక్వాడ్ త‌న‌ను జాతీయ జ‌ట్టుకు ఎంపిక చేయ‌క‌పోవ‌డంపై సంచ‌ల‌న వ్యాఖ్య‌లు చేసింది. గాయం నుంచి కోలుకొని మంచి ఫామ్ ప్ర‌ద‌ర్శించిన‌ప్ప‌టికీ, త‌న‌ను ఎందుకు మిన‌హాయించారో కార‌ణం చెప్పాల‌ని డిమాండ్ చేసింది. క‌ర్నాట‌క‌కు చెందిన 35 ఏళ్ల రాజేశ్వ‌రి గైక్వాడ్ 2024లో ద‌క్షిణాఫ్రికాతో స్వ‌దేశంలో జ‌రిగిన టెస్టు మ్యాచ్‌లో భార‌త్ త‌ర‌ఫున చివ‌రిసారిగా ఆడింది. ఆ మ్యాచ్ సమయంలో, ఈ లెఫ్ట్-ఆర్మ్ స్పిన్నర్ తీవ్రమైన మోకాలి గాయానికి గురవడంతో ఆరు నెలల పాటు ఆటకు దూరమైంది. ప్ర‌స్తుతం వ‌న్డేల్లో ఆమె ఖాతాలో 99 వికెట్లు ఉన్నాయి. మ‌రో వికెట్ సాధిస్తే వంద వికెట్ల మార్క్ చేరుకోనుంది. యూట్యూబ‌ర్ దీప‌క్ ప‌రేఖ్ చాన‌ల్‌కు ఇంట‌ర్య్వూ ఇచ్చిన రాజేశ్వ‌రి ఆస‌క్తిక‌ర వ్యాఖ్య‌లు చేసింది. "వన్డే ప్రపంచ కప్ గెలిచిన త‌ర్వాత జ‌ట్టులో చాలా మంది గాయ‌ప‌డ్డారు. వారిలో కొంద‌రు కోలుకొని తిరిగి జ‌ట్టులోకి కూడా వ‌చ్చారు. ఇదెలా సాధ్య‌మైంది? ఈ రోజుల్లో, ఒక ఆటగాడికి గాయమైనా, వారు తర్వాతి సిరీస్‌లోనే జట్టులో చోటు సంపాదించుకుంటున్నారు. కానీ నా విష‌యంలో మాత్రం అంతా రివ‌ర్స్‌గా ఉంది. నా గాయాల చ‌రిత్ర‌ను చూస్తే.. మోకాలి శ‌స్త్ర‌చికిత్స మాత్ర‌మే కెరీర్‌లో నాకు పెద్ద గాయం. అది మిన‌హాయిస్తే నేను పెద్ద‌గా గాయ‌ప‌డింది లేదు. మోకాలి గాయం నుంచి కోలుకొని జాతీయ జ‌ట్టులోకి రావ‌డానికి దేశ‌వాళీ టోర్నీల్లోనూ పాల్గొన్నాను.. ఫామ్‌లోకి వ‌చ్చాను. కానీ నాకు జ‌ట్టులో అవ‌కాశం మాత్రం ఇవ్వలేదు. 99 వికెట్ల దగ్గరే ఆగిపోయా..ప్ర‌స్తుతం వ‌న్డేల్లో నా ఖాతాలో 99 వికెట్లు ఉన్నాయి. వంద వికెట్ల మార్క్ అనేది ఏ బౌల‌ర్‌కైనా ఒక ట్రేడ్‌మార్క్‌. ఈ మార్క్‌ను చేరుకునేందుకు చాలా మంది ప్ర‌య‌త్నిస్తుంటారు. కానీ నేను ప్ర‌య‌త్నిస్తున్న‌ప్ప‌టికీ, జ‌ట్టులో చోటు ద‌క్క‌క‌పోవ‌డంతో ఆ ఫీట్‌ను అందుకోలేక‌పోయాను. నన్ను ఎంపిక చేయ‌క‌పోవ‌డంపై చాలా ప్రశ్నలు ఉన్నాయి, కానీ వాటికి ఎవరు సమాధానం చెబుతారు? నన్ను ఎంపిక చేయకపోవడానికి గల కారణం ఏమిటో నేను తెలుసుకోవాలనుకుంటున్నాను. నేను జట్టులో లేనప్పుడు కెప్టెన్ హ‌ర్మ‌న్‌ప్రీత్‌, కోచ్‌తో మాట్లాడటానికి ప్రయత్నించాను, కానీ నా కాల్స్‌కు వారి నుంచి ఎలాంటి సమాధానం రాలేదు." అని ఆవేద‌న వ్య‌క్తం చేసింది.ఈ తరానికి రూల్స్‌ వర్తించవా?ఇక ఫిట్‌నెస్ నిరూపించుకోవడానికి తనను దేశీయ, ఇండియా 'ఎ' మ్యాచ్‌లు ఆడమని అడిగిన సందర్భాలను కూడా రాజేశ్వరి గుర్తుచేసుకుంది. ఇదే విధానాన్ని ప్రస్తుత తరం ఆటగాళ్లకు ఎందుకు వర్తింపజేయడం లేదని ఆమె ప్రశ్నించింది. ప్రస్తుతం సీనియర్ మహిళల టీ20 ట్రోఫీ ఎలైట్‌లో కర్ణాటకకు ప్రాతినిధ్యం వహిస్తున్న రాజేశ్వరి గైక్వాడ్‌, మహిళల ప్రీమియర్ లీగ్‌లో గుజరాత్ జెయింట్స్ త‌ర‌ఫున ఆడుతోంది. ఇక 2014లో భార‌త్ త‌ర‌ఫున‌ అంత‌ర్జాతీయ మ‌హిళ‌ల క్రికెట్‌లో అరంగేట్రం చేసిన రాజేశ్వ‌రి గైక్వాడ్ 64 వ‌న్డేల్లో 99 వికెట్లు, 58 టీ20ల్లో 61 వికెట్లు, ఐదు టెస్టుల్లో 11 వికెట్లు ప‌డ‌గొట్టింది.ఇదీ చదవండి: శ‌త‌క్కొట్టిన జైస్వాల్‌.. 200 పరుగుల ఆధిక్యంలో భారత్‌రిటైర్మెంట్ ప్ర‌క‌టించిన ఆసీస్‌ స్టార్‌ క్రికెటర్‌

టీమిండియా యువ క్రికెట‌ర్ స‌ర్ఫ‌రాజ్ ఖాన్ సెలెక్ట‌ర్ల‌పై బహిరంగంగానే అస‌హ‌నం వ్య‌క్తం చేయ‌డం ఆస‌క్తి రేపుతుంది. ప్ర‌స్తుతం రంజీ ట్రోఫీలో ముంబై త‌ర‌ఫున ప్రాతినిధ్యం వ‌హిస్తున్న స‌ర్ఫ‌రాజ్ ఖాన్ రైల్వైస్‌తో మ్యాచ్ సంద‌ర్భంగా మొద‌టి రోజు ఆట అనంత‌రం జాతీయ జ‌ట్టుకు ఎంపిక చేయ‌క‌పోవ‌డంపై త‌న ఆకోశ్రాన్ని వెళ్ల‌గ‌క్కాడు. మంచిగా ఆడుతున్న‌ప్ప‌టికీ, త‌నను ఎంపిక చేయ‌క‌పోవ‌డం బాధ‌ను క‌లిగిస్తుంద‌ని స‌ర్ఫ‌రాజ్ చెప్పుకొచ్చాడు. ఇటీవలే న్యూజిలాండ్‌ పర్యటనకు వెళ్లిన ఇండియా-ఏ జట్టులో చోటు దక్కకపోవడంతోనే సర్ఫరాజ్‌ సెలెక్టర్ల తీరుపై ఆవేదన వ్యక్తం చేసినట్లు తెలుస్తోంది.స‌ర్ఫ‌రాజ్ మాట్లాడుతూ.. ''ప్ర‌తిరోజు ఉద‌యం లేవ‌గానే న‌న్ను నేను ఒక ప్ర‌శ్న వేసుకుంటాను. అస‌లు నేనేందుకు క‌ష్ట‌ప‌డాలి? ఎవ‌రి కోసం క‌ష్ట‌ప‌డాలి? ప‌్రాక్టీస్ కోసం ఉద‌యం 5 గంట‌ల‌కు ఎందుకు నిద్ర‌లేవాలి? నేను ఇప్ప‌టికే టీమిండియా త‌ర‌ఫున ఆడాను. ఒక‌ప్పుడు బాగా లావుగా ఉన్నావ‌ని అంతా హేళ‌న చేయ‌డంతో ఆఫ్ సీజ‌న్‌లో ఫిట్‌నెస్‌పై దృష్టి పెట్టి 22 కిలోలు త‌గ్గాను. అయితే నేను లావుగా ఉన్న‌ప్పుడే బాగా ఆడేవాడిన‌ని చాలా మంది ఆట ప‌ట్టించారు. కానీ వీటిన్నింటిని నేను ప‌ట్టించుకోను. కాబ‌ట్టి సాధార‌ణ ప్ర‌యత్నాల‌తోనే ముంబై జ‌ట్టులో కొన‌సాగ‌గ‌ల‌ను. కానీ నా తండ్రి నౌషాద్ క‌ష్టాన్ని చూసిన‌ప్పుడు ఆయ‌న కోసమైనా మైదానంలో రాణించాల‌నిపిస్తుంది. అవ‌కాశాలు కోసం ఎదురుచూడ‌ను. సెలెక్ట‌ర్లు న‌న్ను ఎంపిక చేస్తే జాతీయ జ‌ట్టుకు ఆడుతాను. లేదంటే ఇలాగే ఓపిక ఉన్నంత వ‌ర‌కు దేశ‌వాళీ క్రికెట్ ఆడుకుంటూ పోతాను.'' అని చెప్పుకొచ్చాడు.ఇక స‌ర్ఫ‌రాజ్ ఖాన్ త‌న కెరీర్‌లో టీమిండియా త‌ర‌ఫున ఇప్పటివ‌ర‌కు ఆరు టెస్టులాడి 371 ప‌రుగులు సాధించాడు. ఇందులో ఒక సెంచ‌రీ ఉంది. ఫస్ట్‌క్లాస్ క్రికెట్‌లో 66 మ్యాచ్‌ల్లో స‌ర్ఫ‌రాజ్ 5,354 ప‌రుగులు సాధించాడు. ఇందులో 18 సెంచ‌రీలు ఉన్నాయి.ఇదీ చదవండి: రిటైర్మెంట్ ప్ర‌క‌టించిన ఆసీస్‌ స్టార్‌ క్రికెటర్‌తిలక్ వర్మకు అంత సీన్ లేదు..!

న్యూజిలాండ్‌తో టీ20 సిరీస్‌ను 3-2తో సొంతం చేసుకున్నప్పటికీ, టీమిండియాలో ఇంకా ఏదో వెలితి మాత్రం కనిపిస్తోంది. ఎందుకంటే భారత్ పూర్తిస్థాయిలో న్యూజిలాండ్‌పై ఆధిపత్యాన్ని ప్రదర్శించడంలో విఫలమైందని చెప్పొచ్చు. తొలి నాలుగింటిలో మూడు మ్యాచ్‌ల్లో ఛేదనలో విజయం సాధించిన భారత్ నాలుగో టీ20లోనూ ఛేదనకు దిగినప్పటికీ ఓటమి ఎదురైంది. ఇక చివరి టీ20లో టాస్ ఓడి తొలుత బ్యాటింగ్ చేసిన భారత్‌కు ఓటమి తప్పలేదు. వరుసగా మూడు మ్యాచ్‌లు గెలిచి సిరీస్ మనం సొంతం కావడంతో భారత్ ఆటతీరుపై పెద్దగా విమర్శలు రాలేదు. కానీ ఒకవేళ తొలి మూడింటిలో ఒక్కదానిలో ఓడినా ఇవాళ పరిస్థితి వేరుగా ఉండేదేమో. ఈ నేపథ్యంలో వైభవ్ సూర్యవంశీ ప్రస్తావన మరోసారి తెరమీదకు వచ్చింది.గాయంతో ఇషాన్ కిషన్ దూరమవ్వడంతో వైభవ్ సూర్యవంశీ రెండు, మూడు టీ20 మ్యాచ్‌లు ఆడిన సంగతి తెలిసిందే. రెండో టీ20లో విఫలమైనప్పటికీ, మూడో టీ20లో మాత్రం 19 బంతుల్లో 45 పరుగులతో దనాధన్ ఇన్నింగ్స్‌తో అలరించాడు. మళ్లీ నాలుగో టీ20కి ఇషాన్ కిషన్ అందుబాటులోకి రావడంతో వైభవ్ చివరి రెండు టీ20లకు మరోసారి బెంచ్‌కే పరిమితమయ్యాడు. ఇక్కడే కెప్టెన్ శ్రేయస్ అయ్యర్‌, హెడ్‌కోచ్ గౌతమ్ గంభీర్‌లపై విమర్శలు వచ్చాయి.ఎలాగూ టీ20 సిరీస్ నెగ్గాము కాబట్టి సంజూ సామ్సన్‌కు రెస్ట్ ఇచ్చి వైభవ్ సూర్యవంశీని ఆడిస్తే బాగుండేదని సోషల్ మీడియాలో అభిమానులు కామెంట్లు పెట్టారు. అంతేకాదు, కెప్టెన్‌గా అయ్యర్‌.. కోచ్‌గా గంభీర్ ఉన్నంతకాలం వైభవ్‌కు తుదిజట్టులో అవకాశాలు రావడం కష్టమేనని విమర్శించారు. ఎందుకంటే గంభీర్ ప్రత్యక్షంగానే వైభవ్ గురించి మాట్లాడాడు. వైభవ్ వయసు దృష్ట్యా అతడికి చాలా సమయముందని, జట్టుతో పాటు ఉన్నా అతడు ఎక్కువగా బెంచ్‌కే పరిమితం కావాల్సి ఉంటుందని తెలిపాడు. కెప్టెన్ శ్రేయస్ అయ్యర్ కూడా గంభీర్ బాటలోనే నడుస్తున్నాడు. ఇది కొందరి అభిమానులకు రుచించడం లేదు. వీళ్లిద్దరూ ఉన్నంత కాలం వైభవ్ టీమిండియాకు ఆడలేడని, ఆ ఇద్దరిలో ఒకరు వెళ్లిపోతేనే వైభవ్‌కు జట్టులో ఆడేందుకు మార్గం సుగమమవుతుందని కొందరు బాహంటగానే విమర్శలు చేశారు. అయితే సోషల్ మీడియాలో వచ్చే వార్తలను తాను పట్టించుకోనని, అందరినీ సంతోషపెట్టడం తన పని కాదని గంభీర్ ఐదో టీ20కి ముందు మీడియాతో మాట్లాడుతూ.. పరోక్షంగా అభిమానులనుద్దేశించి ఘాటుగా వ్యాఖ్యానించిన సంగతి తెలిసిందే. ఇదీ చదవండి: తొలి బౌల‌ర్‌గా రికార్డు.. ఆఫ్గన్‌ చేతిలో జింబాబ్వే క్లీన్‌స్వీప్‌NZ Vs IND: వ‌న్డే సిరీస్ ముంగిట‌ న్యూజిలాండ్‌కు భారీ షాక్‌

న్యూజిలాండ్‌తో వ‌న్డే సిరీస్ ఆడేందుకు ఇప్ప‌టికే కివీస్ గడ్డ‌పై అడుగుపెట్టిన టీమిండియా స్టార్ రోహిత్ శ‌ర్మ కీల‌క నిర్ణయం తీసుకున్నాడు. కివీస్‌తో వ‌న్డే సిరీస్ ముగిసిన అనంత‌రం స్వ‌దేశంలో జ‌ర‌గ‌నున్న‌ దేశ‌వాళీ టోర్నీ విజ‌య్ హ‌జారే ట్రోఫీలో ఆడాల‌ని నిర్ణ‌యించుకున్నాడు. ఈ మేర‌కు తాను విజ‌య్ హ‌జారే ట్రోఫీకి అంద‌బాటులో ఉండ‌నున్న‌ట్లు ముంబై క్రికెట్ అసోసియేష‌న్‌కు రోహిత్ వెల్ల‌డించిన‌ట్లు తెలుస్తోంది.వ‌న్డే ప్ర‌పంచ‌క‌ప్ ప్ర‌ణాళిక‌ల్లో భాగంగానే..న‌వంబ‌ర్ 15తో న్యూజిలాండ్‌తో ఐదు మ్యాచ్‌ల వ‌న్డే సిరీస్ ముగియ‌నుంది. ఆ త‌ర్వాత భార‌త్ స్వ‌దేశంలో లంక‌తో వ‌న్డే సిరీస్ ఆడ‌నుంది. డిసెంబ‌ర్ 13 నుంచి 19 మ‌ధ్య టీమిండియా, శ్రీలంకల మ‌ధ్య మూడు వ‌న్డే మ్యాచ్‌లు జ‌ర‌గ‌నున్నాయి. ఇది పూర్త‌యిన వెంట‌నే రోహిత్ విజ‌య్ హ‌జారే ట్రోఫీ ఆడ‌నున్నాడు. డిసెంబ‌ర్ 14 నుంచి 29 వ‌ర‌కు ఈ ప్ర‌తిష్టాత్మ‌క టోర్నీ జ‌ర‌గ‌నుంది. 2027 వ‌న్డే ప్ర‌పంచ‌క‌ప్ ప్ర‌ణాళిక‌ల్లో భాగంగానే విజ‌య్ హ‌జారే ట్రోఫీలో ఆడాల‌ని నిశ్చ‌యించుకున్న‌ట్లు రోహిత్ శ‌ర్మ ఒక ప్ర‌క‌ట‌న‌లో తెలిపాడు.ప‌ది రోజుల గ్యాప్‌..అయితే జ‌న‌వ‌రి 3 నుంచి జింబాబ్వేతో వ‌న్డే సిరీస్ ప్రారంభం కానుండ‌డంతో రోహిత్ మ‌ళ్లీ టీమిండియాతో చేర‌నున్నాడు. డిసెంబ‌ర్ 22 నుంచి ప‌ది రోజుల గ్యాప్‌లో రోహిత్ ముంబై త‌ర‌ఫున విజ‌య్ హాజారే ట్రోఫీలో పాల్గొన‌నున్నాడు. విజ‌య్ హ‌జారే ట్రోఫీలో లీగ్ ద‌శ డిసెంబ‌ర్ 14 నుంచి 29 వ‌ర‌కు, జ‌న‌వ‌రి 2 నుంచి 8 వ‌ర‌కు నాకౌట్ మ్యాచ్‌లు జ‌ర‌గ‌నున్నాయి.ఇక రోహిత్ శ‌ర్మ విజ‌య్ హజారే ట్రోఫీలో పాల్గొన‌డం ఇదేమి తొలిసారి కాదు. 2018లో రెండు మ్యాచ్‌లు ఆడాడు. సిక్కింతో జ‌రిగిన మ్యాచ్‌లో రోహిత్ 94 బంతుల్లోనే 155 ప‌రుగులు సాధించాడు. మొత్తం మీద విజ‌య్ హ‌జారే ట్రోఫీలో రోహిత్ ముంబై త‌ర‌ఫున 18 మ్యాచ్‌లు ఆడాడు. 2024లో టీ20లు, 2025లో టెస్టుల‌కు వీడ్కోలు ప‌లికిన రోహిత్ ప్ర‌స్తుతం వ‌న్డే ఫార్మాట్‌లో మాత్రమే కొన‌సాగుతున్న సంగ‌తి తెలిసిందే.ఇదీ చదవండి: చ‌రిత్ర సృష్టించిన సౌతాఫ్రికా కెప్టెన్‌టీమిండియాకు షాక్‌.. అత‌డు ఆడేది అనుమానమే!

న్యూజిలాండ్‌తో టెస్టు సిరీస్ నేపథ్యంలో టీమిండియాకు ఊహించని షాక్ తగిలింది. గాయం నుంచి కోలుకున్నప్పటికీ రెగ్యూలర్ వికెట్ కీపర్ రిషబ్ పంత్ తొలి టెస్టు ఆడడం అనుమానంగానే ఉంది. ఇప్పటికే న్యూజిలాండ్‌-ఏతో జరుగుతున్న అనధికారిక టెస్టు సిరీస్‌లో తొలి రెండు మ్యాచ్‌లకు దూరంగా ఉన్న పంత్‌.. తాజాగా మూడో మ్యాచ్‌కు కూడా అందుబాటులో ఉండడం లేదని బీసీసీఐ ప్రకటించింది. తొలి రెండు అనధికారిక టెస్టులకు పంత్‌ స్థానంలో ఎంపిక చేసిన కుమార్‌ కుషాగ్ర మూడో మ్యాచ్‌కు కూడా జట్టుతో పాటే కొనసాగుతాడని స్పష్టం చేసింది. పంత్ గాయం నుంచి కోలుకున్నప్పటికీ, పూర్తిస్థాయి ఫిట్‌నెస్ సాధించేందుకు సమయం పడుతుందని పేర్కొంది. అందుకోసం పంత్‌ మూడు నుంచి నాలుగు స్కిల్ (నైపుణ్యం) సెషన్స్ పూర్తి చేయాల్సి ఉందని వెల్లడించింది. ఇవి పూర్తైతేనే పంత్ టీమిండియాలో ఆడేందుకు ఆస్కారం ఉంటుంది. ఈ నేపథ్యంలో స్కిల్ సెషన్స్‌లో అతడి బ్యాటింగ్‌, వికెట్ కీపింగ్‌, ఫిట్‌నెస్‌లను పరీక్షించనున్నారు. ఈ సైకిల్ పూర్తయ్యేందుకు మూడు వారాలు పట్టనుండడంతో పంత్ తొలి టెస్టుకు దూరమయ్యే అవకాశాలే ఎక్కువగా ఉన్నాయి. నవంబర్ 19 నుంచి ఇరుజట్ల మధ్య తొలి టెస్టు మ్యాచ్ జరగనుంది.తుదిజ‌ట్టులో నితీశ్‌రెడ్డిఒకవేళ పంత్ కివీస్‌తో తొలి టెస్టుకు దూరంగా ఉంటే, ధ్రువ్ జురెల్ కీపింగ్ బాధ్య‌త‌లు తీసుకోనున్నాడు. ఇప్ప‌టికే అన‌ధికారిక టెస్టు సిరీస్‌లో కెప్టెన్ క‌మ్ వికెట్ కీప‌ర్‌గా బాధ్య‌త‌లు నిర్వ‌ర్తిస్తున్న ధ్రువ్ జురెల్ తాజాగా రెండో అన‌ధికారిక టెస్టులో సెంచ‌రీతో క‌దం తొక్కాడు. మంచి ఫామ్‌లో ఉండ‌డంతో జురెల్ కివీస్‌తో టెస్టు సిరీస్‌కు పూర్తి స్థాయిలో అందుబాటులో ఉండ‌నున్నాడు. ఇక పంత్ తొలి టెస్టుకు దూరంగా ఉంటే అత‌డి స్థానంలో ఆల్‌రౌండ‌ర్ నితీశ్ కుమార్ రెడ్డి ఆడే అవ‌కాశ‌ముంది. ఎందుకంటే తొలి మ్యాచ్ జ‌ర‌గ‌నున్న వెల్లింగ్ట‌న్ పేస‌ర్ల‌కు అనుకూలంగా ఉంటుంది. దీంతో నితీశ్‌రెడ్డి అటు బ్యాట్‌తోనూ, ఇటు బంతితోనూ రాణించే అవ‌కాశ‌ముంద‌ని బీసీసీఐ భావిస్తుంది.ఇదీ చదవండి: చ‌రిత్ర సృష్టించిన సౌతాఫ్రికా కెప్టెన్‌రెండు విజయాలతో మొత్తం తారుమారు.. డబ్ల్యూటీసీలో మార్పులు!

న్యూజిలాండ్‌తో జ‌ర‌గ‌నున్న వ‌న్డే సిరీస్‌కు సంబంధించి టీమిండియా జ‌ట్టులో బీసీసీఐ కీల‌క మార్పు చేసింది. న‌వంబ‌ర్ 4 నుంచి మొదలుకానున్న వన్డే సిరీస్‌లో భాగంగా తొలి మూడు వ‌న్డేల‌కు అకిబ్ న‌బీని జ‌ట్టులోకి ఎంపిక చేసిన‌ట్లు తెలిపింది. అయితే అకిబ్ న‌బీ ఇప్ప‌టికే చివ‌రి రెండు వ‌న్డేల‌కు జ‌ట్టుకు ఎంపికైన సంగ‌తి తెలిసిందే. గాయ నుంచి పూర్తిగా కోలుకోక‌పోవ‌డంతో ప్ర‌సిధ్ క్రిష్ణ కివీస్‌తో సిరీస్‌కు దూరం కావ‌డంతో అకిబ్ న‌బీ పేరును తొలి మూడు వ‌న్డేల‌కు కూడా ప‌రిగ‌ణ‌లోకి తీసుకుంటున్న‌ట్లు బీసీసీఐ వెల్ల‌డించింది. దీంతో న్యూజిలాండ్‌తో వ‌న్డే సిరీస్‌కు ప్ర‌క‌టించిన రెండు వేర్వేరు జ‌ట్ల‌లో అకిబ్ న‌బీ చోటు సంపాదించాడు. రోహిత్‌, కోహ్లి, శ్రేయ‌స్‌, ఇషాన్ కిష‌న్‌, న‌మ‌న్‌ధీర్‌, అక్ష‌ర్ ప‌టేల్‌, రుతురాజ్ గైక్వాడ్‌, సిరాజ్‌, కుల్దీప్ యాద‌వ్‌ల‌తో పాటు అకిబ్ న‌బీ కూడా కివీస్‌తో వ‌న్డే సిరీస్‌కు అందుబాటులో ఉండ‌నున్నాడు.లంకతో టెస్టు సిరీస్‌కు ఎంపికబారాముల్లాకు చెందిన అకిబ్ న‌బీ ఈ ఏడాది ఆగ‌స్టులో శ్రీలంక‌తో జ‌రిగిన టెస్టు సిరీస్ ద్వారా తొలిసారి టీమిండియాకు ఎంపిక‌య్యాడు. రంజీ ట్రోఫీ 2025-26 సీజ‌న్‌లో జ‌మ్మూ క‌శ్మీర్ త‌ర‌ఫున 60 వికెట్ల‌తో స‌త్తా చాటిన ఈ బారాముల్లా ఎక్స్‌ప్రెస్‌ బుమ్రా స్థానంలో జ‌ట్టులోకి వ‌చ్చాడు. అయితే వెస్టిండీస్‌తో గుహ‌వాటి వేదిక‌గా జ‌రిగిన రెండో వ‌న్డే ద్వారా అకిబ్ న‌బీ అంత‌ర్జాతీయ క్రికెట్‌లో అరంగేట్రం చేశాడు. విండీస్‌తో వన్డేతో అరంగేట్రం..తాను ఆడిన తొలి మ్యాచ్‌లో 8.5 ఓవ‌ర్లు బౌలింగ్ వేసి 84 ప‌రుగులు స‌మ‌ర్పించుకొని ఒక్క వికెట్ కూడా తీయ‌లేక‌పోయాడు. న్యూజిలాండ్‌తో జ‌రుగుతున్న టీ20 సిరీస్‌లో అకిబ్ న‌బీ భాగం కాన‌ప్ప‌టికీ, కివీస్‌-ఏ జ‌ట్టుతో భార‌త్-ఏ త‌ర‌ఫున తొలి అన‌ధికారిక టెస్టు మ్యాచ్ ఆడాడు. అయితే నేడు ప్రారంభ‌మైన రెండో అన‌ధికారిక టెస్టుకు మాత్రం అకిబ్ న‌బీ ఎంపిక‌వ్వ‌లేదు. తాజాగా వ‌న్డే సిరీస్‌కు ఎంపికవ్వ‌డంతో అకిబ్ న‌బీ ఇప్ప‌టికే సీనియ‌ర్ జ‌ట్టుతో క‌లిసి ప్రాక్టీస్ ఆరంభించాడు.🚨 News 🚨 Auqib Nabi added to #TeamIndia squad for first three ODIs vs New Zealand Details 🔽 | #NZvIND https://t.co/32rAdCiiDh— BCCI (@BCCI) October 31, 2026మొదటి మూడు వన్డేలకు భారత జట్టు (అప్‌డేట్‌)శుభ్‌మన్ గిల్ (కెప్టెన్‌), రోహిత్ శర్మ, విరాట్ కోహ్లీ, శ్రేయస్ అయ్యర్ (వైస్‌ కెప్టెన్‌), కేఎల్ రాహుల్ (వికెట్‌ కీపర్‌), అక్షర్ పటేల్, నమన్ ధీర్, అన్షుల్ కాంబోజ్, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, ఇషాన్ కిషన్ (వికెట్‌ కీపర్‌), మహ్మద్ సిరాజ్‌, కుల్దీప్‌ యాదవ్‌, నితీశ్‌ రెడ్డి (మొదటి వన్డేకు మాత్రమే), అకిబ్ న‌బీ.నాలుగు, ఐదో వన్డేలకు భారత జట్టు (అప్‌డేట్‌)శ్రేయస్ అయ్యర్ (కెప్టెన్‌), రోహిత్ శర్మ, విరాట్ కోహ్లీ, తిలక్ వర్మ, ఇషాన్ కిషన్ (వికెట్‌ కీపర్‌, వైస్‌ కెప్టెన్‌), అక్షర్ పటేల్, నమన్ ధీర్, అకిబ్ న‌బీ, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, కుమార్ కుషాగ్రా (వికెట్‌ కీపర్‌), మహ్మద్ సిరాజ్, యశ్‌ ఠాకూర్‌, కుల్దీప్‌ యాదవ్‌ఇదీ చదవండి: న‌ట‌రాజన్ సిక్స‌ర్లు వృథా; టీమిండియాకు షాకిచ్చిన యూఏఈఆసీస్‌ టార్గెట్‌ 288.. చ‌రిత్ర సృష్టించిన సౌతాఫ్రికా బ్యాట‌ర్లు

టీమిండియా సీనియ‌ర్ ఆట‌గాడు రోహిత్ శ‌ర్మ న్యూజిలాండ్‌తో వ‌న్డే సిరీస్ ఆడేందుకు సిద్ధ‌మ‌వుతున్నాడు. 2027 వ‌న్డే వ‌ర‌ల్డ్‌క‌ప్ ప్ర‌యాణం త‌న చివ‌రి మ‌జిలీ అని ఇంత‌క‌ముందే చెప్పిన రోహిత్ అప్ప‌టిదాకా ఫామ్‌లో ఉండేందుకు తెగ క‌ష్ట‌ప‌డుతున్నాడు. ఇప్ప‌టికే వ‌న్డే సిరీస్ కోసం న్యూజిలాండ్ వ‌చ్చిన రోహిత్ ఆక్లాండ్‌లో ప్రాక్టీస్ కూడా షురూ చేశాడు. ఈ విష‌యం ప‌క్క‌న‌బెడితే.. టీమిండియా క్రికెట‌ర్లు ధ‌రించే జెర్సీ నెంబ‌ర్ల‌లో అన్నీ గుర్తుండ‌క‌పోయినా.. స‌చిన్‌, కోహ్లి, ధోని, రోహిత్ లాంటి క్రికెట‌ర్ల జెర్సీ నెంబ‌ర్లు మాత్రం మ‌న నోటిమీదే ఆడుతుంటాయి.ఉదాహ‌ర‌ణ‌కు స‌చిన్ జెర్సీ నెంబ‌ర్ చెప్ప‌మంటే.. '10' అని, అలాగే కోహ్లి జెర్సీ నెంబ‌ర్ '18' అని, ధోని జెర్సీ నెంబ‌ర్ '7' అని.. ఇక రోహిత్ శ‌ర్మ జెర్సీ నెంబ‌ర్ చెప్ప‌మంటే ట‌క్కున వ‌చ్చే స‌మాధానం '45'. ఒక్కొక్క‌రి జెర్సీ నెంబ‌ర్ వెనుక ఒక్కో క‌థ ఉన్న‌ట్లే.. రోహిత్ నెంబ‌ర్ 45 వెనుక కూడా క‌థ దాగుంది. తాజాగా రోహిత్ శ‌ర్మ త‌న జెర్సీ నెంబ‌ర్ 45 వెనుక క‌థ‌ను పంచుకున్నాడు.తాను హోస్ట్‌గా వ్యవహరిస్తున్న 'ఫ్యామిలీ ఫుల్ హౌస్ విత్ రోహిత్ శర్మ' అనే గేమింగ్ రియాలిటీ షోలో ఈ విషయాన్ని వెల్లడించాడు. ఈ జెర్సీ నెంబర్‌ను ఎంచుకోవడం వెనుక తన తల్లి పాత్ర కీలకమని రోహిత్ తెలిపాడు. ఈ షోలో నటుడు రాహుల్ లోహాని.. "సర్, 45 నెంబర్ జెర్సీ చూడగానే హిట్ మ్యాన్ వచ్చాడని అందరికీ అర్థమవుతుంది. కానీ మీరు ఈ నెంబర్‌నే ఎందుకు ఎంచుకున్నారు?" అని ప్రశ్నించారు.దీనిపై రోహిత్ శ‌ర్మ స్పందిస్తూ.. ''తొలినాళ్లలో అండర్-19 ఆడుతున్నప్పుడు నాకు 19వ నెంబర్ జెర్సీ కేటాయించారు. ఆ నెంబ‌ర్‌తో జెర్సీ ధ‌రించి ఎంతో ఇష్టంతో ఆడాను. కానీ ఆ తర్వాత సీనియర్ జట్టులోకి వస్తే ఆ నెంబర్‌ను కొనసాగించలేవని ఒకరు చెప్పిన‌ట్లు గుర్తు. ఎందుకంటే అప్పట్లో టీమిండియా కెప్టెన్‌గా ఉన్న రాహుల్ ద్రవిడ్ జెర్సీ నెంబ‌ర్ 19 కావ‌డం గ‌మ‌నార్హం. అందుకే ఆ నెంబర్‌ను వదులుకోవాల్సి వచ్చింది. జాతీయ జ‌ట్టుకు ఎంపిక‌య్యాకా 19 నెంబ‌ర్‌తో ఆడలేనని తెలియగానే, వెంటనే హోటల్‌కు వెళ్లి మా అమ్మకు ఫోన్ చేశాను. ఏ నెంబర్ తీసుకోవాలో చెప్పమని అడిగాను. అప్పుడు అమ్మ 'న్యూమరాలజీ ప్రకారం 9 వచ్చేలా చూసుకో, నీకు మంచిది' అని సలహా ఇచ్చింది. అయితే 9వ నెంబర్ అప్పటికే వేరొకరు తీసుకున్నారని, 27 (2+7=9) తీసుకోవడం ఇష్టం లేదని చెప్పాను. అయితే అదే సమయంలో 4, 5 అంకెలు పక్కపక్కన ఉంటే బాగుంటుందనిపించింది. ఈ విషయాన్ని అమ్మకు చెప్పి, 4+5 కలిపితే 9 వస్తుంది కదా అని ఒప్పించాను. అలా '45' నెంబర్‌ను ఎంచుకున్నాను" అంటూ రోహిత్ శ‌ర్మ‌ తన జెర్సీ వెనుక ఉన్న మిస్ట‌రీని బ‌య‌ట‌పెట్టాడు.ఇక రోహిత్ శ‌ర్మ టీమిండియా కెప్టెన్‌గా 2024 టీ20 ప్ర‌పంచ‌క‌ప్ సాధించాడు. స‌మ‌కాలీన క్రికెట‌ర్ల‌లో బెస్ట్ ఓపెన‌ర్‌గా పేరు పొందిన రోహిత్ శ‌ర్మ 291 వ‌న్డేల్లో 12,120 ప‌రుగులు, 67 టెస్టుల్లో 4,301 ప‌రుగులు, 159 టీ20ల్లో 4,231 ప‌రుగులు సాధించాడు. ఇందులో వ‌న్డేల్లో 36 సెంచ‌రీలు, టెస్టుల్లో 12 సెంచ‌రీలు, టీ20ల్లో 5 సెంచ‌రీలు ఉన్నాయి.ఇదీ చదవండి: ఆస్ట్రేలియా ఓపెన‌ర్ విధ్వంసం.. 9 బంతుల్లోనే హాఫ్ సెంచ‌రీసెమీఫైనల్లో సింధు, లక్ష్యసేన్, అన్‌మోల్‌

టీమిండియా ప్రస్తుతం న్యూజిలాండ్‌ పర్యటనలో ఉంది. ఇప్పటికే ఐదు టీ20 సిరీస్‌లో మూడు మ్యాచ్‌లు పూర్తి చేసుకున్న భారత్‌.. 3-0తో సిరీస్‌ కైవసం చేసుకుంది. ఆక్లాండ్‌, హామిల్టన్‌లో మిగిలిన రెండు నామమాత్రపు టీ20 మ్యాచ్‌ల తర్వాత కివీస్‌తో నవంబరు 4 నుంచి వన్డే సిరీస్‌ మొదలుపెడుతుంది.ఇంకొన్నాళ్లు విశ్రాంతిఈ నేపథ్యంలో భారత క్రికెట్‌ నియంత్రణ మండలి (BCCI) కీలక ప్రకటన విడుదల చేసింది. పేసర్‌ ప్రసిద్‌ కృష్ణ న్యూజిలాండ్‌తో వన్డే సిరీస్‌కు దూరమైనట్లు ప్రకటించింది. ఈ కర్ణాటక బౌలర్‌ పూర్తిస్థాయి ఫిట్‌నెస్‌ సాధించలేదని.. అందుకే సిరీస్‌ మొత్తానికి అందుబాటులో ఉండడని శుక్రవారం తెలిపింది. ఈ రైటార్మ్‌ పేసర్‌ తొడ కండరాల గాయంతో బాధపడుతున్నాడని.. అతడికి ఇంకొన్నాళ్లు విశ్రాంతి అవసరమని పేర్కొంది.రెండో అనధికారిక టెస్టుకు సిరాజ్‌.. మూడో మ్యాచ్‌కు నితీశ్‌ ఇదిలా ఉంటే.. న్యూజిలాండ్‌- ‘ఎ’ జట్టుతో భారత్‌- ‘ఎ’ జట్టు మూడు మ్యాచ్‌ల అనధికారిక టెస్టు సిరీస్‌లో తలపడుతున్న సంగతి తెలిసిందే. ధ్రువ్‌ జురెల్‌ సారథ్యంలో తొలి అనధికారిక టెస్టును డ్రా చేసుకున్న భారత్‌.. అక్టోబరు 31 నుంచి రెండో మ్యాచ్‌ మొదలుపెట్టనుంది.భారత్‌- ‘ఎ’ జట్టులోకి ప్రసిద్‌ఈ నేపథ్యంలో టీమిండియా సీనియర్‌ పేసర్‌, హైదరాబాదీ మహ్మద్‌ సిరాజ్‌ కివీస్‌- ‘ఎ’ జట్టుతో రెండో అనధికారిక టెస్టులో భాగమవుతాడని బీసీసీఐ ప్రకటించింది. అదే విధంగా.. ఆంధ్ర ఆల్‌రౌండర్‌ నితీశ్‌ కుమార్‌ రెడ్డి మూడో అనధికారిక టెస్టు కోసం భారత్‌- ‘ఎ’ జట్టుతో చేరతాడని తెలిపింది. అంతేకాదు మొదటి వన్డేకు మాత్రమే అతడు అందుబాటులో ఉంటాడని తెలిపింది.ఇక ప్రసిద్‌ కృష్ణ సైతం ఫిట్‌నెస్‌ పరీక్ష తర్వాత పూర్తి స్థాయిలో కోలుకున్నట్లు తేలితే కివీస్‌- ‘ఎ’తో మూడో మ్యాచ్‌ కోసం జట్టులోకి వస్తాడని యాజమాన్యం తెలిపింది.న్యూజిలాండ్‌-‘ఎ’ జట్టుతో రెండో అనధికారిక టెస్టు కోసం భారత్‌- ‘ఎ’ జట్టు (అప్‌డేటెడ్‌)యశస్వి జైస్వాల్, సాయి సుదర్శన్, దేవదత్ పడిక్కల్, యశ్‌ రాథోడ్, ఆర్. స్మరణ్, ధ్రువ్ జురెల్ (కెప్టెన్‌, వికెట్‌ కీపర్‌), వాషింగ్టన్ సుందర్, మహ్మద్‌ సిరాజ్, ఆకాశ్‌ దీప్, శిఖర్ మోహన్, ముకేష్ చౌదరి, ముకేష్ కుమార్, మానవ్ సుతార్, కుమార్ కుషాగ్రా (వికెట్‌ కీపర్‌).న్యూజిలాండ్‌తో మొదటి మూడు వన్డేలకు భారత జట్టు (అప్‌డేటెడ్‌)శుభ్‌మన్ గిల్ (కెప్టెన్‌), రోహిత్ శర్మ, విరాట్ కోహ్లీ, శ్రేయస్ అయ్యర్ (వైస్‌ కెప్టెన్‌), కేఎల్ రాహుల్ (వికెట్‌ కీపర్‌), అక్షర్ పటేల్, నమన్ ధీర్, అన్షుల్ కాంబోజ్, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, ఇషాన్ కిషన్ (వికెట్‌ కీపర్‌), మహ్మద్ సిరాజ్‌, కుల్దీప్‌ యాదవ్‌, నితీశ్‌ రెడ్డి (మొదటి వన్డేకు మాత్రమే)న్యూజిలాండ్‌తో నాలుగు, ఐదో వన్డేలకు భారత జట్టు (అప్‌డేటెడ్‌)శ్రేయస్ అయ్యర్ (కెప్టెన్‌), రోహిత్ శర్మ, విరాట్ కోహ్లీ, తిలక్ వర్మ, ఇషాన్ కిషన్ (వికెట్‌ కీపర్‌, వైస్‌ కెప్టెన్‌), అక్షర్ పటేల్, నమన్ ధీర్,ఘాకిబ్ నబీ, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, కుమార్ కుషాగ్రా (వికెట్‌ కీపర్‌), మహ్మద్ సిరాజ్, యశ్‌ ఠాకూర్‌, కుల్దీప్‌ యాదవ్‌.ఇవీ చదవండి: చ‌రిత్ర సృష్టించిన ర‌షీద్ ఖాన్‌అతడి కోసం త్యాగం చేశాడు.. సంజూ భయ్యా గొప్పోడు: అభిషేక్‌

న్యూజిలాండ్‌తో జరుగుతున్న టీ20 సిరీస్‌ను మరో రెండు మ్యాచ్‌లు మిగిలి ఉండగానే టీమిండియా 3-0తో సొంతం చేసుకున్న సంగతి తెలిసిందే. దీంతో చివరి రెండు టీ20లకు జట్టులో కొన్ని ప్రయోగాలు చేయాలని జట్టు మేనేజ్‌మెంట్ భావిస్తోంది. దీంతో ఇవాళ జరగనున్న నాలుగో టీ20లో జట్టులో మార్పులు ఖాయమని వార్తలు వస్తున్నాయి. సిరీస్‌లో సూపర్‌ఫామ్‌లో ఉన్న ఆల్‌రౌండర్ నమన్ ధీర్‌కు ఈ మ్యాచ్ నుంచి విశ్రాంతినిచ్చే అవకాశముందని వార్తలొస్తున్నాయి. అతడి స్థానంలో శివమ్ దూబేను ఆడించాలని చూస్తున్నట్లు తెలుస్తోంది. అయితే నమన్ ధీర్‌ను బెంచ్‌కు పరిమితం చేయాలనే జట్టు మేనేజ్‌మెంట్ ఆలోచనను మాజీ క్రికెటర్ ఆకాశ్ చోప్రా తప్పుబట్టాడు. సూపర్‌ఫామ్‌లో ఉన్న నమన్ ధీర్‌ను పక్కనబెట్టాలనుకోవడం పెద్ద నేరమవుతుందన్నాడు. ప్రస్తుతం నమన్ ధీర్ ఉన్న అద్భుత ఫామ్ దృష్ట్యా, బెంచ్ బలాన్ని పరీక్షించే నెపంతో అతడిని ప్లేయింగ్ ఎలెవెన్ నుంచి తప్పించడం కరెక్ట​ కాదని అభిప్రాయపడ్డాడు.ఆకాశ్ చోప్రా మాట్లాడుతూ.. ‘‘ప్రస్తుతం ఉన్న ఫామ్ కారణంగా నమన్ ధీర్‌ను బెంచ్‌కు పరిమితం చేయాలనే ఆలోచన నా దృష్టిలో నేరం కిందకే వస్తుంది. ఆల్‌రౌండర్ అయినప్పటికీ అతడికి బౌలింగ్ చేసే అవకాశం ఇవ్వడం లేదు. జట్టు బౌలింగ్ కూర్పు బాగుండడంతో నమన్‌కు బౌలింగ్ వేసే అవకాశం రావడం లేదన్నది వేరే విషయం. కానీ, అతడికి బౌలింగ్ చేయగల సామర్థ్యం ఉంది. ఇక శివమ్ దూబే విషయానికొస్తే, అతనికి తుది 11 మందిలో చోటు దక్కకపోవడం మిస్టరీగా మారిపోయింది. నితీశ్‌కుమార్ రెడ్డి, నమన్ ధీర్ రాకతో జట్టులో అతడి చోటు ప్రశ్నార్థకంగా మారింది. వీరిద్దరి రాకకు ముందు శివమ్ దూబే కొన్ని నెలల క్రితం ఇంగ్లాండ్‌లో వన్డే క్రికెట్ ఆడాడు. మంచి ప్రదర్శన చేసినప్పటికీ, పోటీ కారణంగా ఇప్పుడు టీ20 జట్టులో తుది 11 మందిలో చోటు సంపాదించలేకపోతున్నాడు. వరుసగా రెండు టీ20 ప్రపంచకప్‌లు సాధించిన టీమిండియా జట్టులో సభ్యుడిగా ఉన్నాడు. అంతేకాదు ఆ రెండు ఫైనల్స్‌లోనూ బ్యాటింగ్‌లో మంచి ప్రదర్శన చేశాడు. ఈ కారణం చేతనే దూబేకు ఇంతకాలం అవకాశాలు వచ్చాయేమో. కానీ ఇప్పుడు పోటీ పెరగడంతో అతడు బెంచ్‌కు పరిమితం కావాల్సి వస్తోంది. కానీ శివమ్ దూబే కోసం నమన్ ధీర్‌ను పక్కనబెట్టొద్దన్నది నా వాదన. దూబే ఆడినా అది నితీశ్‌కుమార్ రెడ్డి స్థానంలో ఆడిస్తే బాగుంటుందన్నది నా అభిప్రాయం. అయితే నితీశ్ ఉన్న ఫామ్ దృష్ట్యా అతడికి విశ్రాంతినివ్వడం కూడా తప్పిదమే అవుతుంది. ఇప్పటికే సిరీస్ సొంతం చేసుకోవడంతో ప్రయోగాలపై దృష్టి సారించడం మంచిదే అయినప్పటికీ, క్లీన్‌స్వీప్ దిశగా అడుగులు వేస్తే బాగుంటుంది’’ అని చెప్పుకొచ్చాడు.ఇక నమన్‌ ధీర్‌ న్యూజిలాండ్‌తో టీ20 సిరీస్‌లో తన బ్యాటింగ్‌తో అదరగొడుతున్నాడు. తొలి టీ20లో 15 బంతుల్లోనే 42 పరుగుల అజేయ ఇన్నింగ్స్‌తో జట్టు గెలుపులో కీలకపాత్ర పోషించాడు. రెండో టీ20లోనూ 17 బంతుల్లోనే 31 పరుగులు చేసి తిలక్ వర్మపై ఒత్తిడి తగ్గించడంలో ప్రముఖపాత్ర వహించాడు. ఈ మ్యాచ్‌లో తిలక్ వర్మ, నితీశ్‌రెడ్డిలు అజేయంగా నిలిచిన జట్టును గెలిపించిన సంగతి తెలిసిందే. మూడో టీ20లోనూ విన్నింగ్ షాట్ ఆడిన నమన్ ధీర్ తన ఫామ్‌ను కంటిన్యూ చేశాడు.ఇదీ చదవండి: ప్ర‌పంచ రికార్డుతో మెరిసిన ఆఫ్గన్‌ బ్యాటర్‌జింబాబ్వేను శ‌త‌క్కొట్టిన ఆఫ్గన్‌ బ్యాట‌ర్‌.. టీ20 సిరీస్‌ కైవసం

న్యూజిలాండ్‌తో జరుగుతున్న ఐదు మ్యాచ్‌ల టీ20 సిరీస్‌లో ఇప్ప‌టికే మూడింటిని నెగ్గిన టీమిండియా 3-0తో సిరీస్‌ను సొంతం చేసుకుంది. శుక్ర‌వారం ఆక్లాండ్‌లోని ఈడెన్ పార్క్‌ వేదిక‌గా నాలుగో టీ20 మ్యాచ్ జ‌ర‌గ‌నుంది. ఈ నేప‌థ్యంలో భార‌త జ‌ట్టు బుధ‌వారం ఉద‌యం ఆక్లాండ్‌లో అడుగుపెట్టింది. దీనికి సంబంధించిన వీడియో, ఫొటోలు సోష‌ల్ మీడియాలో వైర‌ల్‌గా మారాయి. PC: X (Twitter)కాగా తొలి టీ20లో గాయ‌ప‌డిన ఇషాన్ కిష‌న్ రెండు, మూడు టీ20ల‌కు దూర‌మైన సంగ‌తి తెలిసిందే. దీంతో అత‌డి స్థానంలో కుమార్ కుశాగ్ర‌ను బ్యాక‌ప్‌గా ఎంపిక చేశారు. అయితే తుది జ‌ట్టులో మాత్రం కుశాగ్ర‌కు చోటు ద‌క్క‌లేదు. తాజాగా ఇషాన్ కిష‌న్ గాయం నుంచి పూర్తిగా కోలుకొని నాలుగో టీ20 ఆడేందుకు సిద్ధ‌మ‌వ్వ‌డంతో కుమార్ కుశాగ్ర టీమిండియాను వీడాడు. మరి నాలుగో టీ20కి జట్టులో మార్పులు ఉంటాయా లేక అదే జట్టును కొనసాగిస్తారా అన్నది చూడాలి.PC: X (Twitter)టీమిండియాను వీడిన కుమార్ కుశాగ్ర వెంటనే ఇండియా-ఏ జ‌ట్టుతో క‌లిశాడు. ఇప్ప‌టికే మూడు మ్యాచ్‌ల‌ అన‌ధికారిక టెస్టు సిరీస్ ఆడేందుకు భార‌త‌-ఏ జ‌ట్టు న్యూజిలాండ్ వ‌చ్చిన సంగ‌తి తెలిసిందే. ఇరుజ‌ట్ల మ‌ధ్య జ‌రిగిన తొలి అన‌ధికారిక టెస్టు డ్రాగా ముగిసింది. కేఎల్ రాహుల్‌, య‌శ‌స్వి జైస్వాల్‌, దేవ‌ద‌త్ ప‌డిక్కల్‌, ధ్రువ్ జురేల్‌, వాషింగ్ట‌న్ సుంద‌ర్ తొలి టెస్టులో పాల్గొన్నారు. PC: X (Twitter)టీమిండియా టెస్టు జ‌ట్టులో భాగ‌మైన వీరింద‌రిలో ప‌డిక్క‌ల్ ఒక్క‌డే ఆక‌ట్టుకున్నాడు. ఇక న్యూజిలాండ్‌-ఏ, భార‌త్‌-ఏల మ‌ధ్య రెండో అన‌ధికారిక టెస్టు అక్టోబ‌ర్ 31 నుంచి క్రైస్ట్‌చ‌ర్చి వేదిక‌గా మొద‌లుకానుంది. 🚨Team India arrives in Auckland for the 4th T20I @CricSubhayan @ThumsUpOfficial #INDvsNZ https://t.co/OfVXHMF8Hx— RevSportz Global (@RevSportzGlobal) October 28, 2026 Indian Team arrived in Auckland a while ago, Fans gather to take selfies with Indian Cricketers. For full visuals, click the link below ⬇️⬇️⬇️ https://t.co/KaY6MZ3vB7 #NZvsIND #TeamIndia— Ray Sportz Cricket (@raysportz_cric) October 28, 2026ఇదీ చదవండి: ఒక్కొక్కడిని ‘షేక్‌’ ఆడించాడు.. ఇప్పుడు చెప్పండ్రా అబ్బాయిలు‘అలా కొడుతుంటే చూస్తూ ఉండిపోవడం తప్ప ఏం చేయగలం’

నాగ్‌పూర్‌లో జరిగిన మహిళల అండర్ 19 టోర్నమెంట్‌లో ఉత్తరాఖండ్‌తో జరిగిన మ్యాచ్‌లో స్కోరింగ్ లోపం కారణంగా జార్ఖండ్ జట్టు పరుగు తేడాతో ఓటమి పాల‌య్యింది. స్కోర్‌బోర్డ్ ఆప‌రేట‌ర్ చేసిన పొర‌పాటు కార‌ణంగా తాము విజ‌యానికి దూరం కావాల్సి వ‌చ్చిందంటూ జార్ఖండ్ రాష్ట్ర క్రికెట్ సంఘం (JSCA) ఆరోప‌ణ‌లు చేసింది. దీనిపై వెంట‌నే చ‌ర్య‌లు తీసుకొని త‌మ‌కు న్యాయం చేయాల‌ని భారత క్రికెట్ నియంత్రణ మండలి (BCCI)కి అధికారికంగా ఫిర్యాదు చేయ‌డం చ‌ర్చ‌నీయాంశ‌మైంది.విష‌యంలోకి వెళితే.. మ‌హిళ‌ల అండ‌ర్‌-19 టోర్నీలో భాగంగా ఈ నెల 20న జార్ఖండ్, ఉత్తరాఖండ్ జట్ల మధ్య జరిగింది. ఉత్త‌రాఖండ్ విధించిన 134 టార్గెట్‌ను జార్ఖండ్ ఛేదించే ప‌నిలో ప‌డింది. క్రీజులో లక్ష్మీ కుమారి, ఇషికా భగత్ ఉన్నారు. చివరి ఓవర్‌లో 8 పరుగులు అవసరం కాగా, మొదటి మూడు బంతుల్లో మూడు పరుగులు తీసిన తర్వాత, కుమారి రనౌటయ్యింది. అయితే ర‌నౌట్‌కు ముందే సింగిల్ తీసిన‌ప్ప‌టికీ, దానిని స్కోరుబోర్డు ఆప‌రేట‌ర్ పెద్ద‌స్క్రీన్‌పై జ‌త చేయ‌లేదు. అయితే చివ‌రి మూడు బంతుల్లో మూడు ప‌రుగులు చేసిన‌ప్ప‌టికీ, జార్ఖండ్ ప‌రుగు తేడాతో ఓట‌మి చ‌విచూడాల్సి వ‌చ్చింది. అయితే స్కోర్ ఆప‌రేట‌ర్ చేసిన‌ త‌ప్పిదం వ‌ల్ల ప‌రుగు తేడాతో తాము ఓట‌మిపాలైన‌ట్లు జార్ఖండ్ క్రికెట్ బోర్డు గ‌మ‌నించింది.ఆ వెంట‌నే ఈ విషయాన్ని పరిశీలించాలని కోరుతూ జార్ఖండ్ క్రికెట్ అసోసియేషన్ బీసీసీఐకి లేఖ రాసింది. తప్పును సరిదిద్దమని జట్టు ప్రధాన స్కోరర్‌ను కోరిన‌ప్ప‌టికీ, నాగ్‌పూర్ స్టేడియం మ్యాచ్ అధికారి మాత్రం త‌న నిర్ణ‌యంపై వెనక్కి తగ్గలేద‌ని జేసీఏ అధికారి ఒకరు పేర్కొన్నారు. స్కోర్‌బోర్డ్‌ను భౌతికంగా ఆపరేట్ చేసే వ్యక్తిపై ఆధారపడకుండా, అధికారిక స్కోరర్ అందించిన సమాచారాన్ని అంపైర్లు తప్పనిసరిగా పాటించాల్సిన అవ‌స‌రముంద‌ని స‌ద‌రు అధికారి బీసీసీఐ ఎదుట వాపోయారు. మ‌రి దీనిపై బీసీసీఐ ఎలాంటి నిర్ణ‌యం తీసుకుంటుందో చూడాలి.ఇదీ చదవండి: ఇషాన్‌కు గాయం నిజ‌మేనా? అడ్డంగా దొరికిన బీసీసీఐ!'అదేంటో అతనొక్కడే నాకు ఇద్దరిలా కనిపిస్తున్నాడు'

న్యూజిలాండ్‌తో జ‌రుగుతున్న టీ20 సిరీస్‌లో తొలి రెండు మ్యాచ్‌లు నెగ్గి సిరీస్‌లో ఆధిక్యంలో ఉన్న టీమిండియా మ‌రో రెండు గంట‌ల్లో మూడో టీ20 మ్యాచ్ ఆడ‌నుంది. ఈ మ్యాచ్‌లోనూ గెలిచి సిరీస్‌ను కైవ‌సం చేసుకోవాల‌ని భార‌త్ భావిస్తోంది. ఈ విష‌యం ప‌క్క‌న‌బెడితే, ఇషాన్ కిష‌న్‌కు సంబంధించిన ఒక వార్త ప్ర‌స్తుతం సోష‌ల్‌మీడియాలో వైర‌ల్‌గా మారింది. గ‌జ్జ‌ల్లో గాయం కార‌ణంగా రెండో టీ20కి దూర‌మైన ఇషాన్ ఇంకా కోలుకుంటుండ‌డంతో నేటి మ్యాచ్‌కు కూడా అందుబాటులో ఉండ‌డం లేద‌ని బీసీసీఐ సోమ‌వారం అధికారిక ప్ర‌క‌ట‌న విడుద‌ల చేసింది. అతను ఇంకా పూర్తిస్థాయి ఫిట్‌నెస్ సాధించ‌క‌పోవ‌డంతో రేపు వెల్లింగ్‌టన్‌లో జరగనున్న మూడవ టీ20ఐకి దూరమయ్యాడ‌ని, బీసీసీఐ వైద్య బృందం ఇషాన్ పురోగతిని పర్యవేక్షిస్తోంద‌ని చెప్పుకొచ్చింది.క‌ట్‌చేస్తే.. మంగ‌ళ‌వారం ఉద‌యం సోష‌ల్ మీడియాలో ఇషాన్ కిష‌న్ ఎలాంటి ఇబ్బంది లేకుండా మైదానంలో బ్యాటింగ్ ప్రాక్టీస్ చేస్తున్న ఫొటోలు బ‌య‌టికి వ‌చ్చాయి. ఫొటోల్లో ఇషాన్‌ను గ‌మ‌నిస్తే.. అస‌లు అత‌డికి నిజంగానే గాయ‌మైందా అనే అనుమానం వ‌స్తోంది. అంతేకాదు రెండో టీ20కి దూరంగా ఉన్న ఇషాన్‌.. తిల‌క్‌, నితీశ్ వీరోచిత పోరాటంతో టీమిండియాను గెలిపించిన స‌మ‌యంలో డగౌట్‌లో ఇషాన్ ఎలాంటి ఇబ్బంది లేకుండా సామ్స‌న్‌ను ఎత్తుకోవ‌డం క‌నిపించింది. గాయ‌మైతే మంచిగా రెస్ట్ తీసుకోవాలి కానీ, సామ్స‌న్‌ను ఎత్తుకోవ‌డం, మైదానంలో బ్యాటింగ్ ప్రాక్టీస్ చేయ‌డం లాంటివి చూసుకుంటే, అసలు ఇషాన్‌కు నిజంగా గాయ‌మైందా? లేదంటే వైభ‌వ్‌ను ఆడించ‌డం కోసం అత‌డికి గాయ‌మైన‌ట్లు నాట‌కం ఆడుతున్నారా అంటూ క్రికెట్ అభిమానులు సోష‌ల్ మీడియాలో కామెంట్లు పెడుతున్నారు. ఇషాన్‌ ప్రాక్టీస్‌ చేస్తున్న ఫొటోలను బీసీసీఐ తన ‘ఎక్స్‌’లో స్వయంగా పంచుకోవడంతో ఆ వార్తలకు మరింత బలం చేకూరినట్లయింది. ఇషాన్‌కు నిజంగానే గాయ‌మైతే పర్వాలేదు, కానీ వైభ‌వ్ సూర్య‌వంశీకి అవ‌కాశ‌మివ్వ‌డం కోస‌మే ఇషాన్‌ను ప‌క్క‌న‌బెడితే మాత్రం అది మేనేజ్‌మెంట్ మూర్క‌త్వ‌మే అవుతుంద‌ని విమ‌ర్శించారు. ఎందుకంటే ప్ర‌స్తుతం టీ20ల్లో నంబ‌ర్‌వ‌న్ బ్యాట‌ర్‌గా ఉన్న ఇషాన్ కిష‌న్ మంచి ఫామ్‌లో ఉన్నాడు. రీఎంట్రీ త‌ర్వాత అద్భుత ప్ర‌ద‌ర్శ‌న క‌న‌బ‌రుస్తున్న ఇషాన్‌ను ఇలా వైభ‌వ్ కోసం ప‌క్క‌న‌బెట్ట‌డం ఎంత‌మాత్రం స‌రికాద‌ని వాపోతున్నారు. పోనీ వైభ‌వ్ ఏమైనా ఆడుతున్నాడా అంటే అదీ లేదు. ఇషాన్ దూరమ‌వ్వ‌డంతో రెండో టీ20లో వైభ‌వ్‌కు అవ‌కాశ‌మిచ్చిన‌ప్ప‌టికీ, తాను నిరూపించుకోలేక‌పోయాడు. ఓపెనింగ్‌కు బదులు వ‌న్‌డౌన్‌లో వ‌చ్చిన సూర్య‌వంశీ 8 బంతుల్లో 4 ప‌రుగులు మాత్ర‌మే చేసి నిరాశ‌ప‌రిచాడు.ఇక మూడో టీ20కి కూడా ఇషాన్ కిష‌న్ దూరంగా ఉండ‌డంతో, వైభ‌వ్ మ్యాచ్‌లో ఆడ‌డం ఖాయంగా క‌నిపిస్తోంది. ఎందుకంటే ఇప్ప‌టికే కోచ్ గంభీర్‌తో పాటు కెప్టెన్ అయ్య‌ర్ ఎలాంటి మార్పు లేకుండానే టీమిండియా బ‌రిలోకి దిగుతుంద‌ని క్లారిటీ ఇచ్చారు. అయితే వైభ‌వ్ ఓపెన‌ర్‌గా వ‌స్తాడా లేదా మ‌రోసారి వ‌న్‌డౌన్‌కే ప‌రిమిత‌మ‌వుతాడా అన్న‌ది మ్యాచ్ ప్రారంభ‌మైన త‌ర్వాతే తెలుస్తుంది.𝗪𝗵𝗮𝘁'𝘀 𝗴𝗼𝗶𝗻𝗴 𝗼𝗻, 𝗯𝗿𝗼? 😭 After winning the 2nd T20I, Ishan Kishan literally picked up Sanju Samson while he was injured. Before the 3rd T20I, BCCI announced that Ishan would miss the match as he was recovering from a strain. But bro showed up at practice and batted perfectly fine in the nets! 😅 And the funniest part? BCCI itself posted his batting pics from the practice session. 😂 WHAT'S COOKING, BRO? 🙄— Mukku (@Cric_Mukku) October 26, 2026https://t.co/IMPXW2Bk4r— BCCI (@BCCI) October 26, 2026ఇదీ చదవండి: 'అదేంటో అతనొక్కడే నాకు ఇద్దరిలా కనిపిస్తున్నాడు'‘ఇలా చేస్తే మూడో టీ20లో పాత భువీని చూడొచ్చు’

టీమిండియా టీ20 కెప్టెన్‌గా సూర్యకుమార్‌ యాదవ్‌కు గొప్ప రికార్డు ఉంది. అతడి సారథ్యంలో భారత్‌ ఒక్క టీ20 సిరీస్‌ కూడా కోల్పోలేదు. మొత్తంగా అంతర్జాతీయ క్రికెట్‌లో 52 మ్యాచ్‌లలో భారత జట్టు కెప్టెన్‌గా వ్యవహరించిన సూర్య.. 40 టీ20లు గెలిచాడు.వరల్డ్‌కప్‌ అందించిన సారథి.. జట్టులో చోటే లేదుఅంతేకాదు.. స్వదేశంలో టీ20 ప్రపంచకప్‌-2026 టోర్నీలో కెప్టెన్‌గా టీమిండియాను చాంపియన్‌గా నిలిపిన ఘనత సూర్యకుమార్‌కు ఉంది. అయితే, అనూహ్య రీతిలో ఈ మెగా ఈవెంట్‌ తర్వాత భారత క్రికెట్‌ నియంత్రణ మండలి (BCCI) అతడిని కెప్టెన్సీ నుంచి తొలగించడమే కాకుండా.. జట్టు నుంచి కూడా తీసేసింది. బ్యాటర్‌గా వరుస వైఫల్యాలే ఇందుకు కారణం.అయితే, సూర్య కెప్టెన్‌గా రావడం కూడా ఆశ్చకరంగానే జరిగింది. టీ20 ప్రపంచకప్‌-2024 టైటిల్‌ను టీమిండియా గెలుచుకున్న తర్వాత అప్పటి సారథి రోహిత్‌ శర్మ అంతర్జాతీయ పొట్టి ఫార్మాట్‌కు వీడ్కోలు పలికాడు. ఈ నేపథ్యంలో వైస్‌ కెప్టెన్‌, స్టార్‌ ఆల్‌రౌండర్‌ హార్దిక్‌ పాండ్యాకే టీ20 పగ్గాలు ఇస్తారని అంతా భావించారు.హార్దిక్‌ను కాదనికానీ అనూహ్య రీతిలో యాజమాన్యం హార్దిక్‌ను కాదని సూర్యను కెప్టెన్‌గా నియమించింది. మేనేజ్‌మెంట్‌ నమ్మకాన్ని నిలబెట్టుకున్న సూర్య విజయవంతమైన సారథిగా పేరు సంపాదించాడు. ఈ విషయం గురించి టీమిండియా మాజీ సెలక్టర్‌ శ్రీధరన్‌ శరత్‌ తాజాగా ఇండియన్‌ ఎక్స్‌ప్రెస్‌తో మాట్లాడాడు.క్రెడిట్‌ మొత్తం అగార్కర్‌కే ఇవ్వాలి‘‘భారత క్రికెట్‌ జట్టులో నాయకులకు కొదవలేదు. రోహిత్‌ శర్మ, విరాట్‌ కోహ్లిలతో పాటు జస్‌ప్రీత్‌ బుమ్రా, హార్దిక్‌ పాండ్యా, రవిచంద్రన్‌ అశ్విన్‌, రవీంద్ర జడేజా వంటి సీనియర్లు ఉన్నారు. అయితే, సూర్యకుమార్‌ పట్టుదల కలిగినవాడు. అతడు టీమ్‌ మ్యాన్‌.కాబట్టి రోహిత్‌ తర్వాత అతడే సరైన కెప్టెన్‌ అని మేము భావించాము. మా నమ్మకాన్ని అతడు నిజం చేశాడు. అతడి కెప్టెన్సీలో టీమిండియా ఒక్క టీ20 సిరీస్‌ కూడా ఓడిపోలేదు. ఏదేమైనా సూర్యను సారథిగా ఎంపిక చేయడంలో క్రెడిట్‌ మొత్తం అజిత్‌ అగార్కర్‌కే ఇవ్వాలి.అతడే ఇంతటి సంచలన నిర్ణయం తీసుకున్నాడు. హార్దిక్‌ పాండ్యాను కాదని సూర్యను కెప్టెన్‌గా ఎంపిక చేయడం అంతతేలికగా ఏమీ జరగలేదు’’ అని శరత్‌ పేర్కొన్నాడు. కాగా అరుదైన పేస్‌ బౌలింగ్‌ నైపుణ్యాలున్న హార్దిక్‌ పాండ్యాను కాపాడుకోవాల్సి ఉందని.. ఫిట్‌నెస్‌ సమస్యల వల్లే అతడిని కెప్టెన్‌గా ఎంపిక చేయలేదని అప్పటి చీఫ్‌ సెలక్టర్‌ అగార్కర్‌ వెల్లడించిన సంగతి తెలిసిందే. ఇటీవలే అతడు పదవి నుంచి తప్పుకోగా.. ప్రజ్ఞాన్‌ ఓజా తాత్కాలిక చీఫ్‌ సెలక్టర్‌గా బాధ్యతలు చేపట్టాడు. చదవండి: AUS vs SA: క్రికెట్‌ ఆస్ట్రేలియా సంచలన నిర్ణయం

టీమిండియా స్టార్‌ బ్యాటర్‌ ఇషాన్‌ కిషన్‌ గాయం విషయంలో బీసీసీఐ కీలక ప్రకటన చేసింది. వెల్లింగ్‌టన్‌ వేదిక‌గా న్యూజిలాండ్‌తో రేపు జ‌ర‌గ‌నున్న మూడో టీ20కి కూడా ఇషాన్ కిష‌న్ అందుబాటులో ఉండ‌డ‌ని బీసీసీఐ సోమ‌వారం ‘ఎక్స్‌’ వేదిక‌గా అధికారిక ప్ర‌క‌ట‌న విడుద‌ల చేసింది. మూడో టీ20కి ఇషాన్ దూర‌మ‌వ్వ‌డంతో అత‌డి స్థానంలో ఎంపికైన కుమార్ కుషాగ్ర జ‌ట్టుతో పాటే ఉంటాడ‌ని పేర్కొంది.‘‘గ‌జ్జ‌ల్లో గాయంతో బాధ‌ప‌డుతున్న ఇషాన్ కిష‌న్ వేగంగానే కోలుకుంటున్నాడు. అతను ఇంకా పూర్తిస్థాయి ఫిట్‌నెస్ సాధించ‌క‌పోవ‌డంతో రేపు వెల్లింగ్‌టన్‌లో జరగనున్న మూడవ టీ20ఐకి దూరమయ్యాడు. బీసీసీఐ వైద్య బృందం ఇషాన్ పురోగతిని పర్యవేక్షిస్తోంది. దీంతో కుమార్ కుశాగ్ర జట్టుతోనే ఉంటాడు’’ అని బీసీసీఐ తెలిపింది.ఇక మూడో టీ20కి కూడా ఇషాన్ కిష‌న్ దూర‌మ‌వ్వ‌డంతో వైభ‌వ్ సూర్య‌వంశీకి మ‌రో అవకాశ‌మిస్తారా లేక శివమ్ దూబేను ఆడిస్తారా అనేది ప్ర‌శ్నార్థ‌కంగా మారింది. ఎందుకంటే రెండో టీ20లో ఇషాన్ కిష‌న్ స్థానమైన మూడో నంబ‌ర్‌లో బ్యాటింగ్‌కు వ‌చ్చిన వైభ‌వ్ సూర్య‌వంశీ 8 బంతులాడి కేవ‌లం 4 ప‌రుగులు మాత్ర‌మే చేసి ఔట‌య్యాడు. దీంతో వైభ‌వ్ ఆట‌పై విమ‌ర్శ‌లు వ‌స్తున్న‌ప్ప‌టికీ, అత‌డికి మ‌రో చాన్స్ ఇచ్చే యోచ‌న‌లో జ‌ట్టు మేనేజ్‌మెంట్ ఉన్న‌ట్లు తెలుస్తోంది.తొలి టీ20లో ఆడిన ఇషాన్ కిష‌న్‌ గజ్జ‌ల్లో గాయం కార‌ణంగా బ్యాటింగ్ ఆర్డ‌ర్‌లో ఐదో స్థానంలో వ‌చ్చిన‌ప్ప‌టికీ ఒక్క ప‌రుగు మాత్ర‌మే చేసి ఔట‌య్యాడు. రీఎంట్రీ త‌ర్వాత మంచి ఫామ్ క‌న‌బ‌రుస్తున్న ఇషాన్ కిష‌న్ ఒక క్యాలెండ‌ర్ ఇయ‌ర్‌లో వెయ్యి ప‌రుగులు పూర్తి చేసుకున్నాడు. ఇషాన్ 67 టీ20ల్లో 1,955 ప‌రుగులు సాధించాడు. ఇందులో ఒక సెంచ‌రీ, 13 అర్థ‌సెంచ‌రీలున్నాయి.Update Ishan Kishan is recovering well from his low grade right adductor strain, which he sustained during the first T20I of the series against New Zealand. He is yet to regain match fitness and is ruled out of the third T20I to be played on October 27, 2026 in Wellington. The BCCI Medical Team is monitoring Ishan's progress. Kumar Kushagra will continue to be with the team for the third T20I. #TeamIndia | #NZvIND— BCCI (@BCCI) October 26, 2026ఇదీ చదవండి: ‘వాళ్లిద్దరితో పోల్చడం అతడు చేసుకున్న పుణ్యం’పాపం పడిక్కల్‌.. పరుగు తేడాతో డబుల్ సెంచరీ మిస్

టీమిండియా మాజీ కెప్టెన్ ఎంఎస్ ధోని ఐపీఎల్ 2027 సీజ‌న్‌లో ఆడుతాడా లేదా అన్న చ‌ర్చ మ‌రోసారి తెర‌పైకి వ‌చ్చింది. డిసెంబ‌ర్‌లో ఐపీఎల్ ఫ్రాంచైజీలు రిటెన్ష‌న్ లిస్ట్ విడుద‌ల చేయ‌డంతో పాటు మినీ వేలం జ‌ర‌గ‌నుంది. ఈ నేప‌థ్యంలో ధోని వ‌చ్చే సీజ‌న్‌లో సీఎస్‌కేకు ఆడ‌తాడా లేదా అన్న‌ది ఆస‌క్తిగా మారింది. 2023 త‌ర్వాత కెప్టెన్సీ నుంచి త‌ప్పుకున్న ధోని అప్ప‌టి నుంచి ఆట‌గాడిగా కొన‌సాగుతూ వ‌స్తున్నాడు. ప్ర‌తీ ఏడాది ఐపీఎల్ ప్రారంభ‌మైన మొద‌ట్లో ఇదే చివ‌రి సీజ‌న్ అని ప్ర‌చారం జ‌రుగుతూ వ‌స్తున్న‌ప్ప‌టికీ ధోని మాత్రం గ‌త మూడు సీజ‌న్లుగా సీఎస్‌కేకు ఆడుతూ వ‌చ్చాడు. అయితే ఈసారి మాత్రం తాను ఆడతానా లేదా అన్న దానిపై డిసెంబ‌ర్‌లోగా క్లారిటీ ఇస్తాన‌ని ధోని స్వ‌యంగా చెప్ప‌డం గ‌మ‌నార్హం.బెంగళూరులో జరిగిన ఓ కార్యక్రమానికి హాజరైన ధోనిని తన క్రికెట్‌ భవిష్యత్తు గురించి ప్రశ్నించగా.. తన ఫిట్‌నెస్‌ను బట్టి నిర్ణయం తీసుకుంటానని చెప్పాడు. ‘ఫిట్‌నెస్ పరంగా నేను కొన్ని ఆరోగ్య పరీక్షలు చేయించుకోవాలి. డాక్టర్లు దానిపై తుది నివేదిక ఇవ్వాలి. ఆ తర్వాత డిసెంబర్‌లోపు నేను ఎంత ఫిట్‌గా ఉన్నానో చూసుకుని, మరో సీజన్‌ ఆడగలనా లేదా అనేది నిర్ణయించుకుంటా. నేను ఆడలేని పరిస్థితిలో ఉంటే.. ఈ పాతకాలపు వాహనం రోడ్డుపై సజావుగా నడిచేలా వైద్యులే అన్నీ సరిచేయాలి. మొత్తం ఒత్తిడి మీపైనే ఉంది’ అంటూ ధోని చ‌మ‌త్క‌రించాడు.ఇక గ‌త రెండేళ్లుగా ఆర్సీబీ అద్భుతంగా రాణిస్తూ వ‌రుస టైటిల్స్ సాధిస్తుంటే, సీఎస్‌కే ఎందుకు త‌డ‌బ‌డుతుందో చెప్పాల‌ని ధోనికి ప్ర‌శ్న ఎదుర‌య్యింది. దీనిపై ధోని స్పందిస్తూ.. "నిజం చెప్పాలంటే, గత కొన్నేళ్లుగా ఆర్సీబీ అసాధారణంగా రాణిస్తూ, అద్భుతమైన క్రికెట్ ఆడుతోంది. అందుకే వారు విజయం సాధిస్తూ, ఛాంపియన్‌షిప్‌లు గెలుస్తున్నారు. ఆర్సీబీ జట్టు మొత్తం అద్భుతంగా రాణిస్తుండగా, మేము అదే స్థాయిలో రాణించలేకపోతున్నాము. పరిస్థితులు కూడా మాకు అనుకూలించడం లేదు. ఐపీఎల్ 2027లో మాకు అన్నీ కుదురుతాయని ఆశిస్తున్నాము’’ అని చెప్పుకొచ్చాడు.#WATCH | Bengaluru, Karnataka | On his IPL future, Former Indian Cricket Team Captain Mahendra Singh Dhoni says, "I'll have to go through the tests. You'll have to give me the report, and before December, I'll need to assess how strong I am and whether I can play one more season. If I'm not fit enough, then you'll have to make sure you do everything right to get this old vintage vehicle running smoothly on the road..." (24.10)— ANI (@ANI) October 24, 2026🚨 MS Dhoni explains why CSK have been struggling over the last two years while RCB have been performing brilliantly and winning championships. 🚨 Question: Why have CSK been struggling to beat RCB over the last two years? Ms Dhoni Said 🗣️: "To be honest, RCB have been performing exceptionally well and playing some outstanding cricket over the last few years. That is why they are achieving success and winning championships. The entire RCB team has been doing a fantastic job, while we haven't been able to perform at the same level and things haven't gone our way. Hopefully, everything will fall into place for us in IPL 2027." https://t.co/uTAU2vQ7PK— lndian Sports Network (@IS_Netwrk29) October 25, 2026ఇదీ చదవండి: వరుస ఓటములతో సతమతమవుతున్న న్యూజిలాండ్‌కు మరిన్ని భారీ షాక్‌లుచేజింగ్ అంటేనే పూనకం.. కోహ్లి బాట‌లో తిల‌క్ వ‌ర్మ‌!

బీసీసీఐ జూనియర్ సెలక్షన్ కమిటీ ఛైర్మన్‌గా భారత మాజీ ఫాస్ట్ బౌలర్ పర్విందర్ అవానా నియమితుడయ్యాడు. ఈ విషయాన్ని భారత క్రికెట్ శుక్రవారం అధికారికంగా ప్రకటించింది. అశోక్ మల్హోత్రా, జతిన్ పరాంజపేలతో కూడిన క్రికెట్ అడ్వైజరీ కమిటీ.. ఇంటర్వ్యూ ప్రక్రియ అనంతరం అవానా పేరును ఈ చీఫ్ సెలక్టర్ పదవికి సిఫార్సు చేసింది. పర్విందర్ అవానాతో పాటు క్రిష్ణ దాస్, రాకేష్ పటేల్, అర్జున్ యాదవ్‌లను ఈ కమిటీలో సభ్యులుగా బీసీసీఐ నియమించింది. త్వరలోనే ఐదో సభ్యుడిని కూడా ఎంపిక చేయనున్నట్లు క్రికెట్ బోర్డు స్పష్టం చేసింది.అవనా ట్రాక్ రికార్డు ఇదేపర్విందర్ అవనా భారత తరపున కేవలం 2 టీ20 అంతర్జాతీయ మ్యాచ్‌లు ఆడినప్పటికి.. ఫస్ట్‌క్లాస్ క్రికెట్‌లో మాత్రం అతడికి అద్భుతమైన ట్రాక్ రికార్డు ఉంది. ఢిల్లీ తరపున 62 ఫస్ట్-క్లాస్ మ్యాచ్‌ల్లో 191 వికెట్లు తీశాడు. ఇండియా-ఎ, రెస్ట్ ఆఫ్ ఇండియా జట్లకు ప్రాతినిధ్యం వహించడమే కాకుండా.. ఐపీఎల్‌లో కింగ్స్ ఎలెవన్ పంజాబ్ తరపున కూడా ఆడాడు.రిటైర్మెంట్ తర్వాత కోచింగ్ వైపు మళ్లిన అవానా.. ఢిల్లీ అండర్-16, అండర్-19, అండర్-23 జట్లకు హెడ్‌కోచ్‌గా తన సేవలు అందించాడు. అలాగే ఇండియా అండర్-19 జట్టుతో పాటు బీసీసీఐ/సెంటర్ ఆఫ్ ఎక్సలెన్స్ (COE) హై-పెర్ఫార్మెన్స్ ప్రోగ్రామ్‌లలోనూ బాధ్యతలు నిర్వహించాడు.చదవండి: గంభీర్‌పై విమర్శలు సరికావు.. వ్యూస్ కోసం అలా చేయొద్దు: పఠాన్

జింబాబ్వేతో జరగనున్న మూడు వన్డేల సిరీస్‌కు ముందు భారత మహిళా క్రికెట్ జట్టుకు గట్టి ఎదురుదెబ్బ తగిలింది. జట్టు స్టార్ ఫాస్ట్ బౌలర్ రేణుకా సింగ్ ఠాకూర్ గాయం కారణంగా ఈ సిరీస్ మొత్తానికి దూరమైంది. గత కొంతకాలంగా వెన్నునొప్పి సమస్యలతో బాధపడుతున్న రేణుకా ఇంకా పూర్తి ఫిట్‌నెస్ సాధించలేదు.ఆమె ప్రస్తుతం బెంగళూరులోని బీసీసీఐ సెంటర్ ఆఫ్ ఎక్సలెన్స్ (CoE) లో కోలుకుంటుంది. ఆమె ప్రాక్టీస్‌ను మొదలు పెట్టనప్పటికి పూర్తి స్దాయిలో బౌలింగ్ చేసేందుకు మాత్రం ఇంకా ఇబ్బంది పడుతోంది. ఈ క్రమంలోనే ఆమెను జింబాబ్వే సిరీస్ నుంచి తప్పించారు.జట్టులోకి 22 ఏళ్ల పేసర్‌ఇక రేణుకా సింగ్ స్ధానంలో బీసీసీఐ మహిళల సెలక్షన్ కమిటీ అస్సాంకు చెందిన 22 ఏళ్ల పేసర్ జింటిమని కలితాను ఎంపిక చేసింది. ఇటీవల ముగిసిన టీ20 సిరీస్‌లో భారత జట్టుతో ఉన్న జింటిమని, ఇప్పటికే జట్టుతో కలిసి వడోదర చేరుకుంది. నందిని శర్మ, క్రాంతి గౌడ్, సాయలీ సత్ఘరేలతో కూడిన భారత పేస్ విభాగానికి జింటిమని కలయిక అదనపు బలాన్ని చేకూర్చనుంది. కాగా ఈ సిరీస్ అక్టోబర్ 23 (శుక్రవారం) నుంచి వడోదర వేదికగా ప్రారంభం కానుంది.జింబాబ్వేతో వ‌న్డేల‌కు భార‌త మ‌హిళ‌ల జ‌ట్టు: స్మృతి మంధాన (కెప్టెన్‌), షఫాలీ వర్మ, ప్రతీకా రావల్, హర్మన్‌ప్రీత్ కౌర్, హర్లీన్ డియోల్, తేజల్ హసబ్నిస్, దీప్తి శర్మ, రిచా ఘోష్, యస్తికా భాటియా, వైష్ణవి శర్మ, నందిని శర్మ, శ్రీ చరణి, క్రాంతి గౌడ్, సయాలీ సత్ఘరే, జింటిమణి కలిత.చదవండి: IND vs NZ: చరిత్ర సృష్టించిన టీమిండియా.. టీ20 క్రికెట్‌ హిస్టరీలోనే?

భారత పురుషుల క్రికెట్ జట్టు సెలక్షన్ కమిటీలో కీలక మార్పులు చోటుచేసుకున్నాయి. మాజీ క్రికెటర్ రమేశ్ పవార్‌కు సెలక్షన్ కమిటీలో చోటు దక్కింది. అజిత్ అగార్కర్ స్థానంలో పవార్ నియామకం జరిగింది. మాజీ స్పిన్నర్ ప్రజ్ఞాన్ ఓజా కమిటీ చైర్మన్‌గా వ్యవహరించనున్నాడు.బీసీసీఐ క్రికెట్ అడ్వైజరీ కమిటీ (సీఏసీ) సభ్యులు అశోక్ మల్హోత్రా, జతిన్ పరాంజపే అభ్యర్థుల ఎంపిక ప్రక్రియను పర్యవేక్షించారు. ముంబైలోని బీసీసీఐ ప్రధాన కార్యాలయంలో నిర్వహించిన ఇంటర్వ్యూల అనంతరం పవార్‌ను ఏకగ్రీవం చేశారు. టీమిండియాకు ఆడిన అనుభవం.. కోచ్‌గా సేవలురమేశ్ పవార్ 2004 నుంచి 2007 మధ్య భారత జట్టు తరఫున రెండు టెస్టులు, 31 వన్డేలు ఆడాడు. ఆటకు వీడ్కోలు పలికిన తర్వాత కోచ్‌గా పలు బాధ్యతలు నిర్వర్తించాడు. భారత మహిళల జట్టుకు ప్రధాన కోచ్‌గా కూడా పనిచేశాడు.ప్రజ్ఞాన్ ఓజా టెస్టుల్లో ఆడిన మ్యాచ్‌ల సంఖ్య ఆధారంగా సీనియారిటీతో కమిటీకి అధ్యక్షత వహించనున్నాడు. గతంలో అతడు తాత్కాలిక చైర్మన్‌గా వ్యవహరించాడు.సెలక్షన్ కమిటీలో ఇతర సభ్యులు వీరేప్రజ్ఞాన్ ఓజా, రమేశ్ పవార్‌తో పాటు శివసుందర్ దాస్, ఆర్పీ సింగ్, అజయ్ రాత్రా సెలక్షన్ కమిటీలో సభ్యులుగా కొనసాగనున్నారు.మరోవైపు, అజిత్ అగార్కర్ తన పదవీకాలంలో అందించిన సేవలను బీసీసీఐ ప్రశంసించింది. ఆయన నాయకత్వంలో భారత్ మూడు ఐసీసీ టైటిళ్లు, రెండు ఆసియా కప్‌లు, రెండు ఆసియా క్రీడల స్వర్ణ పతకాలు సాధించినట్లు పేర్కొంది.ఇదీ చదవండి: రంజీ ట్రోఫీలో సంచలనం.. 400 పరుగులు చేసిన అనామక ప్లేయర్‌

ఐపీఎల్ 2027 సీజ‌న్ ప్రారంభానికి ముందు జ‌ర‌గ‌బోయే మినీ వేలం తేదీని బీసీసీఐ ఖ‌రారు చేసిన‌ట్లు తెలుస్తోంది. డిసెంబ‌ర్ 16న గోవా వేదిక‌గా మినీ వేలం నిర్వ‌హించ‌నున్న‌ట్లు బీసీసీఐ ఇప్ప‌టికే అన్ని ఫ్రాంచైజీల‌కు స‌మాచారం అందించింది. వేలానికి ఒక‌రోజు ముందుగా డిసెంబ‌ర్ 15న ఫ్రాంచైజీల యాజ‌మానులు, ప్ర‌తినిధుల‌తో ముఖ్య స‌మావేశం నిర్వ‌హించ‌నుంది. ఇక న‌వంబ‌ర్ 15 నాటికి జ‌ట్లు త‌మ ఆట‌గాళ్ల రిటెన్ష‌న్ జాబితాను బీసీసీఐకి సమ‌ర్పించాల్సి ఉంటుంది. గ‌డిచిన మూడు సీజ‌న్లుగా ఐపీఎల్ వేలం విదేశాల్లోనే జ‌రిగింది. కానీ ఈసారి మాత్రం వేలం భార‌త్‌లో జ‌ర‌గ‌నుండ‌డం ప్రాముఖ్య‌త‌ను సంత‌రించుకుంది. కాగా ఐపీఎల్ వేలం తేదీ రోజునే బెంగళూరులో శ్రీలంకతో టీమిండియా వన్డే మ్యాచ్ ఆడాల్సి ఉంది. అదే రోజున ఐపీఎల్ వేలం నిర్వహిస్తే, ఆటగాళ్లు, జట్టు యాజమాన్యాలు, ఇతర సంబంధిత వర్గాల ప్రణాళికలపై ప్రభావం పడే అవకాశం ఉంది. దీంతో వేలం తేదీలో మార్పు ఉంటుందా? లేదా వన్డే మ్యాచ్ షెడ్యూల్‌లో ఏదైనా మార్పు చేస్తారా? అన్నది ఇంట్రెస్టింగ్ గా మారింది. వేలం తేదీ, వేదికపై బీసీసీఐ అధికారిక ప్రకటన వచ్చిన తర్వాత మరిన్ని వివరాలు వెల్లడయ్యే అవకాశం ఉంది.ఇదీ చదవండి: విండీస్ కెప్టెన్‌కు జాక్‌పాట్‌? రేసులో ఆ మూడు జ‌ట్లు!'శ్రేయ‌స్‌ను చంపి.. అభిషేక్‌ను పెళ్లి చేసుకొని; గిల్‌తో జ‌త‌క‌డ‌తా'

వెస్టిండీస్‌తో ఐదు మ్యాచ్‌ల టీ20 సిరీస్ ముగించుకున్న టీమిండియా ఐదు రోజుల గ్యాప్‌లోనే న్యూజిలాండ్ టూర్‌కు బ‌య‌ల్దేరి వెళ్ల‌నుంది. ఈ సుదీర్ఘ ప‌ర్య‌ట‌న‌లో టీమిండియా మొద‌ట ఐదు టీ20లు, ఆ త‌ర్వాత ఐదు వ‌న్డేలు, రెండు టెస్టు మ్యాచ్‌లు ఆడ‌నుంది. దాదాపు రెండు నెల‌ల పాటు భార‌త జ‌ట్టు న్యూజిలాండ్‌లోనే ఉండ‌నుంది. ఈ నేప‌థ్యంలో భార‌త స్టార్ ఓపెన‌ర్ సంజూ సామ్స‌న్‌.. టీమిండియా బిజీ షెడ్యూల్‌పై కాస్త అసంతృప్తి వ్య‌క్తం చేశాడు. టైట్ షెడ్యూల్ కార‌ణంగా స‌రైన నిద్ర కూడా పోవ‌డం లేద‌ని వాపోయాడు. ఆసియా గేమ్స్ నుంచి రాగానే విండీస్‌తో టీ20 సిరీస్, అది ముగియ‌గానే మ‌ళ్లీ న్యూజిలాండ్‌తో టీ20 సిరీస్ ఆడాల్సి వ‌స్తోంద‌ని, వారి గ‌డ్డ‌పై అడుగుపెట్టాకా కేవ‌లం ఒక్క‌రోజు మాత్ర‌మే త‌మ‌కు ప్రాక్టీస్‌కు అవ‌కాశం ఉండ‌డం ఇబ్బంది క‌లిగించే అంశ‌మ‌ని సామ్స‌న్ తెలిపాడు. ఐదో టీ20 మ్యాచ్ అనంత‌రం సంజూ సామ్స‌న్ మాట్లాడుతూ.. ''నిజం చెప్పాలంటే ఇటీవ‌లే మా షెడ్యూల్ తీరు చూస్తుంటే, ప్రాక్టీస్ చేయ‌డానికి స‌రైన స‌మ‌య‌మే దొర‌క‌డం లేదనిపిస్తోంది. జ‌పాన్‌లో జ‌రిగిన‌ ఆసియా గేమ్స్‌లో స్వ‌ర్ణం గెలిచి భార‌త్‌లో అడుగుపెట్టిన మూడు రోజుల‌కే వెస్టిండీస్‌తో టీ20 సిరీస్ ఆడాల్సి వ‌చ్చింది. ఇప్పుడు న్యూజిలాండ్‌కు బ‌య‌ల్దేరి వెళ్తున్నాం. మేము 20వ తేదీన న్యూజిలాండ్‌కు చేరుకుంటాము, 21వ తేదీన ప్రాక్టీస్ చేస్తాము.. 22వ తేదీన తొలి టీ20 మ్యాచ్ ఆడ‌నున్నాం. కాబట్టి, మాకు అక్క‌డి ప‌రిస్థితుల‌పై అవ‌గాహ‌న తెచ్చుకునేందుకు స‌మ‌యం లేదు. ప్రాక్టీస్‌కు ఒకేరోజు స‌మయం మాత్ర‌మే ఉండ‌డంతో, విండీస్‌తో సిరీస్‌లో నేర్చుకున్న పాఠాల‌ను కివీస్ గ‌డ్డ‌పై కొన‌సాగించాల‌నుకుంటున్నాం. అక్కడి పరిస్థితులకు అలవాటు పడటానికి కొంచెం సమయం పడుతుంది. అయితే విండీస్‌తో జ‌రిగిన చివ‌రి టీ20 మ్యాచ్ ర‌ద్దు కావ‌డంతో మాకు కాస్త విశ్రాంతి దొరికిన‌ట్ల‌యింది.’’ అని చెప్పుకొచ్చాడు. భార‌త్‌, వెస్టిండీస్ మ‌ధ్య జ‌రిగిన‌ ఐదు మ్యాచ్‌ల టీ20 సిరీస్ 2-2తో డ్రాగా ముగిసింది. శ‌నివారం చిన్న‌స్వామి స్టేడియం వేదిక‌గా జ‌రిగిన ఐదో టీ20 వ‌ర్షంతో ర‌ద్దు కావ‌డం వ‌ల్ల ఇరుజ‌ట్లు సంయుక్త విజేత‌లుగా నిలిచాయి. ఇక సంజూ సామ్స‌న్ టీ20 సిరీస్‌లో త‌న స్థాయికి త‌గ్గ ప్ర‌ద‌ర్శ‌న చేయ‌డంలో విఫ‌ల‌మ‌య్యాడు. సిరీస్‌లో రెండు అర్థ‌సెంచరీలు సాధించిన సామ్స‌న్ 5 ఇన్నింగ్స్‌లు క‌లిపి 168 ప‌రుగులు సాధించాడు. తొలి టీ20లో విఫ‌లం కావ‌డంతో సంజూను ప‌క్క‌న‌బెట్టి వైభ‌వ్‌ను ఆడించాల‌ని డిమాండ్లు వ‌చ్చాయి. అయితే జ‌ట్టు మేనేజ్‌మెంట్ మాత్రం సామ్స‌న్‌పై న‌మ్మ‌కంతో అత‌డికే ఓటు వేసింది. రెండో టీ20లో 82 ప‌రుగుల తుఫాన్ ఇన్నింగ్స్‌తో అల‌రించిన సామ్స‌న్.. ఉప్ప‌ల్‌లో జ‌రిగిన నాలుగో టీ20లో 23 బంతుల్లోనే 56 ప‌రుగుల మెరుపు ఇన్నింగ్స్‌తో అల‌రించాడు. అయితే సామ్స‌న్ రాణించిన రెండు మ్యాచ్‌ల్లోనూ టీమిండియా ఓటమిపాల‌వ్వ‌డం గ‌మ‌నార్హం.🔴NO TIME TO PREPARE, JUST PLAY - SANJU UNHAPPY ON BCCI HECTIC SCHEDULE 🤦 🎙️: Sanju Samson says that nowadays, the busy cricket schedule leaves very little time for practice & preparation. - India will arrive on the 20th, practise on the 21st and play on the 22nd. With changing weather and pitch conditions in NZ, players have to rely on their experience, adapt quickly & make the most of the limited practice time.— Sam (@cricsam02) October 17, 2026ఇదీ చదవండి: ప్ర‌పంచ రికార్డు బ‌ద్ద‌లుకొట్టిన‌ భార‌త్‌, విండీస్ టీ20 సిరీస్‌పాపం వెస్టిండీస్.. రిక్త హస్తాలతోనే స్వదేశానికి!

వెస్టిండీస్‌తో ఐదో టీ20 మ్యాచ్‌కు ముందు భారత క్రికెట్‌ నియంత్రణ మండలి (బీసీసీఐ) కీలక ప్రకటన చేసింది. హైదరాబాద్‌లో జరిగిన నాలుగో టీ20 సందర్భంగా గాయపడ్డ పేసర్‌ అర్ష్‌దీప్‌ సింగ్‌.. ఆఖరి టీ20కి అందుబాటులో ఉండే విషయంపై స్పష్టత లేదని పేర్కొంది.భుజానికి గాయమైన కారణంగా అర్ష్‌ విశ్రాంతి తీసుకునే అవకాశం ఉందన్న యాజమాన్యం.. ముందు జాగ్రత్తగా వెటరన్‌ పేసర్‌ భువనేశ్వర్‌ కుమార్‌ను ఐదో టీ20కి ఎంపిక చేసినట్లు వెల్లడించింది. ఇందుకు సంబంధించి బీసీసీఐ శుక్రవారం అధికారిక ప్రకటన విడుదల చేసింది.ముందుగానే రీఎంట్రీకాగా నాలుగేళ్ల తర్వాత భువీ అంతర్జాతీయ క్రికెట్‌లో పునరాగమనం చేసేందుకు సిద్ధమైన సంగతి తెలిసిందే. న్యూజిలాండ్‌తో టీ20 సిరీస్‌కు ఎంపిక చేసిన జట్టులో బీసీసీఐ ఈ యూపీ బౌలర్‌కు చోటు ఇచ్చింది. అయితే, తాజాగా అర్ష్‌దీప్‌ గాయం వల్ల ముందుగానే భువీ రీఎంట్రీ ఇచ్చే అవకాశం ఉంది.ఐపీఎల్‌లో ఆర్సీబీ తరఫున గత రెండు సీజన్లలో అదరగొట్టిన భువీ.. జట్టు వరుసగా రెండుసార్లు చాంపియన్‌గా నిలవడంలో కీలక పాత్ర పోషించాడు. తద్వారా టీమిండియా సెలక్టర్ల దృష్టిని ఆకర్షించిన 36 ఏళ్ల ఈ రైటార్మ్‌ పేసర్‌.. ఎట్టకేలకు పునరాగమనం చేయాలన్న కోరికను నెరవేర్చుకుంటున్నాడు.ఆర్సీబీ సొంత మైదానంలోఇక విండీస్‌తో ఆఖరిదైన నిర్ణయాత్మక ఐదో టీ20కి బెంగళూరులోని చిన్నస్వామి స్టేడియం వేదిక. ఇది ఆర్సీబీ సొంత మైదానం.. ఇక్కడ భువీ గత రెండేళ్లుగా ఆకట్టుకుంటున్న సంగతి తెలిసిందే. ఈ నేపథ్యంలో వెస్టిండీస్‌తో ఐదో టీ20లో భువీ తుదిజట్టులోకి రావడం ఖాయంగానే కనిపిస్తోంది.మరోవైపు.. హైదరాబాద్‌లో బ్యాటింగ్‌ చేస్తున్న సమయంలో టీమిండియా ఇన్నింగ్స్‌ ఆఖరి ఓవర్లో అర్ష్‌దీప్‌ సింగ్‌.. షమార్‌ జోసెఫ్‌ బౌలింగ్‌లో గాయపడిన సంగతి తెలిసిందే. ఈ క్రమంలో అతడు రిటైర్డ్‌ హర్ట్‌గా వెనుదిరిగాడు. దీంతో ఐదో టీ20 ఆడే విషయంలో సందిగ్దం నెలకొనగా.. భువీకి సువర్ణావకాశం దక్కింది. అర్ష్‌ను కొనసాగిస్తూనే.. భువీకి కూడా బీసీసీఐ అవకాశం ఇవ్వడం విశేషం. కాగా ఐదు మ్యాచ్‌ల సిరీస్‌లో భారత్‌- విండీస్‌ 2-2తో సమంగా ఉన్నాయి.వెస్టిండీస్‌తో ఐదో టీ20కి భారత జట్టు (అప్‌డేటెడ్‌)శ్రేయస్ అయ్యర్ (కెప్టెన్‌), అభిషేక్ శర్మ, వైభవ్ సూర్యవంశీ, ఇషాన్ కిషన్ (వికెట్‌ కీపర్‌), సంజు శాంసన్ (వికెట్‌ కీపర్‌), తిలక్ వర్మ (వైస్‌ కెప్టెన్‌) శివమ్ దూబే, కుల్దీప్ యాదవ్, అక్షర్ పటేల్, రవి బిష్ణోయ్, నితీశ్‌ కుమార్ రెడ్డి, అర్ష్‌దీప్‌ సింగ్, ప్రిన్స్‌ యాదవ్‌, మయాంక్‌ యాదవ్‌, నమర్‌ ధిర్‌, భువనేశ్వర్‌ కుమార్‌.ఇవీ చదవండి: IND vs WI: నీకసలు మానవత్వం, క్రీడాస్ఫూర్తి లేవా?: అర్ష్‌దీప్‌ భుజానికి గాయం.. టీమిండియా దిగ్గజం ఫైర్‌వన్డేలో సెహ్వాగ్‌ కుమారుడి విధ్వంసం.. డబుల్‌ సెంచరీ మిస్‌!

భారత‌ స్టార్‌ పేసర్‌ జస్‌ప్రీత్‌ బుమ్రా విష‌యంలో బీసీసీఐ మ‌రో కీల‌క నిర్ణ‌యం తీసుకుంది. మూడు ఫార్మాట్ల‌లో కీల‌క బౌల‌ర్‌గా వ్య‌వ‌హ‌రిస్తున్న బుమ్రాపై వ‌ర్క్‌లోడ్ పెరిగిపోతున్న నేప‌థ్యంలో బీసీసీఐ ఆచితూచి అడుగులు వేస్తోంది. అక్టోబ‌ర్‌లో మొద‌లుకానున్న న్యూజిలాండ్ టూర్ డిసెంబ‌ర్ వ‌ర‌కు కొన‌సాగ‌నుంది. ఈ టూర్‌లో భార‌త్ ఐదు టీ20లు, ఐదు వ‌న్డేలు, రెండు టెస్టు మ్యాచ్‌లు ఆడ‌నుంది. ఈ సుదీర్ఘ ప‌ర్య‌ట‌న‌లో బుమ్రా కీల‌కం కానున్నాడు. దీంతో అత‌డిని వ‌న్డేల‌కు దూరంగా ఉంచాల‌ని బీసీసీఐ నిర్ణ‌యం తీసుకున్న‌ట్లు తెలుస్తోంది. ఈ టూర్‌లో మొదట ఇరుజట్ల మధ్య ఈ నెల 22-నవంబర్‌ 1 మధ్య ఐదు టీ20లు జరుగనుంది. మూడు రోజుల విరామం తర్వాత వన్డే సిరీస్‌ అవుతుంది. నవంబర్‌ 15న వన్డే సిరీస్‌ ముగియనుండగా 19 నుంచి టెస్టులు మొదలవ్వాల్సి ఉంది. అయితే వన్డేలు ముగిసిన వెంటనే టెస్టులకు సిద్ధమవడం వ‌ల్ల‌ బుమ్రాపై పడే వర్క్‌లోడ్‌ అతడిపై తీవ్ర ప్ర‌భావం చూపే అవ‌కాశ‌ముంది. అందుకే భార‌త స్పీడ‌స్ట‌ర్‌కు వన్డేలకు విశ్రాంతినిచ్చి టెస్టులకు సన్నాహకంగా భారత్‌-ఏ జట్టు ఆడబోయే ఒక మ్యాచ్‌లో ఆడించాలని బీసీసీఐ ప్లాన్ చేస్తోంది.దీనిపై బోర్డు ప్రతినిధి ఒకరు స్పందిస్తూ.. ‘బుమ్రా ప్రస్తుతం పూర్తి ఫిట్‌గా ఉన్నాడు. రాబోయే కివీస్‌ టూర్‌లో అతడిని ఏ ఫార్మాట్‌లో ఆడించాలనేది అత్యంత కీలకం. అయితే వన్డేలు ఆడిన వెంటనే టెస్టులకు తీసుకురావడం బుమ్రాకు పనిభారం పెంచడమే. న్యూజిలాండ్‌తో టెస్టు సిరీస్‌ కీలకం. అది ముగిశాక వచ్చే ఏడాది బోర్డర్‌ గావస్కర్‌ ట్రోఫీ కూడా ఉంది. ఇటువంటి కీలక సిరీస్‌ల దృష్ట్యా బుమ్రాను ముఖ్యమైన మ్యాచ్‌లలోనే బరిలోకి దింపాలని టీమ్‌ మేనేజ్‌మెంట్‌ భావిస్తున్నది’ అని తెలిపాడు. కాగా జ‌పాన్‌లో జ‌రిగిన ఆసియా గేమ్స్‌లో స్వ‌ర్ణం గెలిచిన టీమిండియా జ‌ట్టులో స‌భ్యుడిగా ఉన్న బుమ్రాకు బీసీసీఐ ప్ర‌స్తుతం స్వ‌దేశంలో వెస్టిండీస్‌తో జ‌రుగుతున్న టీ20 సిరీస్‌కు విశ్రాంతినిచ్చింది.ఇదీ చదవండి: భారత్‌ను వీడనున్న సూర్యకుమార్‌.. త్వరలో దుబాయ్‌కు మకాం!విండీస్ స్టార్‌ కవ్వింపు చర్యలు.. అభిషేక్ మాస్ వార్నింగ్‌!

భారత క్రికెట్‌ నియంత్రణ మండలి (బీసీసీఐ) సీనియర్‌ సెలక్షన్‌ కమిటీ చైర్మన్‌ రేసు రంజుగా మారింది. ఈ పదవి నుంచి అజిత్‌ అగార్కర్‌ వైదొలగడంతో తాత్కాలిక చైర్మన్‌గా ప్రజ్ఞాన్‌ ఓజా కొనసాగుతున్నాడు. నిన్నటి వరకు ఓజానే రెగ్యులర్‌ చైర్మన్‌గా నియమిస్తారని ప్రచారం జరిగింది.అయితే ఉన్నట్టుండి ఇవాళ రేసులోకి కొత్త వ్యక్తి వచ్చాడు. అతడి పేరు రమేశ్‌ పవార్‌. ఇతను 2004 నుంచి 2007 మధ్య భారత జట్టు తరఫున రెండు టెస్టులు, 31 వన్డేలు ఆడి 40 వికెట్లు పడగొట్టాడు. రిటైర్ అయిన తర్వాత పవార్‌ కోచ్‌గా సేవలందించాడు.భారత మహిళల జట్టుకు రెండు విడతల్లో కోచ్‌గా పనిచేయడంతో పాటు జాతీయ క్రికెట్ అకాడమీలో పురుషుల క్రికెట్ విభాగంతో కలిసి పనిచేశాడు. ఆటగాడిగా, కోచ్‌గా ఉన్న అనుభవం పవార్‌కు కలిసొచ్చే అవకాశం ఉంది. పైగా ఇతని వెనుక భారీ లాబీయింగ్‌ జరుగుతుందని సమాచారం.ముందుగా రమేశ్‌ పవార్‌ పేరు జూనియర్ సెలక్షన్ కమిటీ చైర్మన్‌ రేసులో ఉండింది. ఉన్నట్టుండి అతడి పేరు సీనియర్‌ చీఫ్‌ సెలెక్టర్‌ రేసులోకి వచ్చింది.జూనియర్ సెలక్షన్ కమిటీ చైర్మన్‌ రేసులో దొడ్డ గణేశ్‌..?జూనియర్ సెలక్షన్ కమిటీ చైర్మన్‌ పదవి రేసులో కర్ణాటకకు చెందిన టీమిండియా మాజీ క్రికెటర్‌ దొడ్డ గణేశ్‌ పేరు బలంగా వినిపిస్తుంది. తొలుత ఈ పదవి రేసులో రమేశ్‌ పవార్‌ పేరు వినిపించింది. అయితే ఉన్నపళంగా సమీకరణలు మారిపోవడంతో పవార్‌ సీనియర్‌ చీఫ్‌ సెలెక్టర్‌ పదవి రేసులో ఉన్నాడు. ఎస్. శరత్ ఇటీవలే తన పదవీకాలం ముగియడంతో జూనియర్ సెలక్షన్ కమిటీ చైర్మన్‌ పదవికి రాజీనామా చేశారు.ఇదీ చదవండి: జింబాబ్వే కెప్టెన్ సికందర్‌ రజా కీల‌క నిర్ణ‌యం

న్యూఢిల్లీ: భారత క్రికెట్‌ నియంత్రణ మండలి (బీసీసీఐ) సీనియర్‌ పురుషుల సెలక్షన్‌ కమిటీ చైర్మన్‌గా ప్రజ్ఞాన్‌ ఓజా నియామకం దాదాపు ఖాయమైంది. ప్రస్తుతం చీఫ్‌ సెలక్టర్‌గా ఉన్న అజిత్‌ అగార్కర్‌ స్థానాన్ని అతడు భర్తీ చేయనున్నాడు. వెస్ట్‌ జోన్‌కు ప్రాతినిధ్యం వహిస్తున్న భారత మాజీ వికెట్‌ కీపర్‌ పార్థివ్‌ పటేల్‌ చీఫ్‌ సెలెక్టర్‌ పదవికి దరఖాస్తు చేసుకోలేదు. దీంతో ప్రస్తుతం ఉన్న సెలక్టర్‌లలో ఎక్కువ టెస్టు మ్యాచ్‌లు ఆడిన అనుభవం ఉన్న ప్రజ్ఞాన్‌ ఓజా చీఫ్‌ సెలక్టర్‌గా బాధ్యతలు అందుకోనున్నాడు. వెస్ట్‌ జోన్‌ ఖాళీని భర్తీ చేసేందుకు బుధవారంతో గడువు ముగియగా... పార్థివ్‌ ఈ ప్రక్రియకు దూరంగా ఉండాలని నిర్ణయించుకున్నాడు. ‘బోర్డు దరఖాస్తు గడువు పొడిగిస్తుందో లేదో తెలియదు. అక్టోబర్‌ 14 నాటికి పార్థివ్‌ దరఖాస్తు చేసుకోలేదు’ అని బీసీసీఐ అధికారి తెలిపారు. దీంతో ప్రస్తుతం సెలక్షన్‌ కమిటీలో సౌత్‌ జోన్‌కు ప్రాతినిధ్యం వహిస్తున్న ప్రజ్ఞాన్‌... తన పదవీకాలంలో మిగిలిన సమయానికి చైర్మన్‌గా కొనసాగనున్నాడు. జూనియర్‌ పురుషుల సెలక్షన్‌ కమిటీ చైర్మన్‌ అవుతారని భావించిన రమేశ్‌ పొవార్‌... ఇప్పుడు వెస్ట్‌ జోన్‌ నుంచి సీనియర్‌ సెలక్టర్‌ పదవికి పోటీపడే అవకాశాలున్నాయి. అతడితో పాటు భారత మాజీ వికెట్‌ కీపర్‌ సమీర్‌ దిఘే గతంలో సెలక్టర్ల పదవుల ప్రకటన సమయంలో దరఖాస్తు చేసుకున్నారు.

భారత సీనియర్‌ పురుషుల క్రికెట్‌ జట్టు చీఫ్‌ సెలక్టర్‌గా అజిత్‌ అగార్కర్‌ పదవీ కాలం ముగిసిన సంగతి తెలిసిందే. అతడి స్థానంలో ప్రజ్ఞాన్‌ ఓజా సెలక్షన్‌ కమిటీ తాత్కాలిక చైర్మన్‌గా వ్యవహరిస్తున్నాడు.ప్రజ్ఞాన్‌ ఓజాతో పాటుఈ నేపథ్యంలో టీమిండియా చీఫ్‌ సెలక్టర్‌ రేసులో ప్రజ్ఞాన్‌ ఓజాతో పాటు మరో భారత మాజీ క్రికెటర్‌ పార్థివ్‌ పటేల్‌ కూడా ఉన్నాడనే వార్తలు వచ్చాయి. వీరిద్దరిలో ఒకరు సెలక్షన్‌ కమిటీ చైర్మన్‌ కావడం ఖాయమని బీసీసీఐ సన్నిహిత వర్గాలు గతంలో జాతీయ మీడియాకు వెల్లడించాయి.దరఖాస్తు చేయనేలేదుఅయితే, PTI అందించిన తాజా సమాచారం ప్రకారం.. పార్థివ్‌ పటేల్‌ ఈ పోటీ నుంచి తప్పుకొన్నట్లు తెలుస్తోంది. అతడు అసలు సెలక్టర్‌ పోస్టు కోసం కూడా దరఖాస్తు చేయలేదని సమాచారం. ఈ విషయం గురించి బీసీసీఐ వర్గాలు మాట్లాడుతూ..‘‘వెస్ట్‌ జోన్‌ నుంచి అగార్కర్‌ నిష్క్రమణతో ఖాళీ అయిన స్థానానికి పార్థివ్‌ పటేల్‌ దరఖాస్తు చేయలేదు. బీసీసీఐ ఇచ్చిన గడువు ఈరోజు (అక్టోబరు 14) సాయంత్రం ఐదు గంటలకు ముగిసిపోయింది. ఒకవేళ బీసీసీఐ గడువు పొడిగిస్తే మాత్రమే పార్థివ్‌కు అప్లై చేసే అవకాశం ఉంటుంది’’ అని పేర్కొన్నాయి.కాగా సౌత్‌ జోన్‌ నుంచి ప్రజ్ఞాన్‌ ఓజా టీమిండియా సెలక్టర్‌గా ఉన్న విషయం తెలిసిందే. పార్థివ్‌ రేసు నుంచి తప్పుకోవడంతో ఓజానే పూర్తి స్థాయి చీఫ్‌ సెలక్టర్‌ అయ్యే అవకాశం ఉన్నట్లు తెలుస్తోంది. మరోవైపు.. పార్థివ్‌ పటేల్‌ ఐపీఎల్‌ ఫ్రాంఛైజీ గుజరాత్‌ టైటాన్స్‌ కోచ్‌గా కొనసాగనున్నట్లు సమాచారం.వెస్ట్‌ జోన్‌ నుంచి అతడే!ఇదిలా ఉంటే.. వెస్ట్‌ జోన్‌ నుంచి మరో మాజీ క్రికెటర్‌ రమేశ్‌ పవార్‌ టీమిండియా సెలక్టర్‌గా వచ్చే అవకాశం ఉన్నట్లు తెలుస్తోంది. నిజానికి పవార్‌ జూనియర్‌ మెన్స్‌ సెలక్షన్‌ కమిటీ చైర్మన్‌ కానున్నాడనే వార్తలు రాగా.. ఇప్పుడు అతడు సీనియర్‌ జట్టు సెలక్టర్‌గా రేసులోకి వచ్చినట్లు జాతీయ మీడియా వెల్లడించింది.చదవండి: పాకిస్తాన్‌ కెప్టెన్‌ ప్రపంచ రికార్డు

టీమిండియా మాజీ చీఫ్‌ సెలక్టర్‌ సందీప్‌ పాటిల్‌ ఆసక్తికర వ్యాఖ్యలు చేశాడు. సెలక్షన్‌ కమిటీ చైర్మన్‌గా తానున్న సమయంలో సచిన్‌ టెండుల్కర్‌, యువరాజ్‌ సింగ్‌ వంటి దిగ్గజ క్రికెటర్లు బలవంతంగా జట్టుకు దూరమయ్యే పరిస్థితి నెలకొందని తెలిపాడు. అయితే, ఆ సమయంలో తానొక్కడినే ఏ నిర్ణయం తీసుకోలేదని.. కమిటీ ఏకాభిప్రాయంతోనే నాడు చర్యలకు ఉపక్రమించిందని పేర్కొన్నాడు.సంధి దశలో ఉన్న వేళకాగా 1983 వన్డే వరల్డ్‌కప్‌ గెలిచిన భారత జట్టులో సభ్యుడైన సందీప్‌ పాటిల్‌.. 2012-2016 మధ్య టీమిండియా చీఫ్‌ సెలక్టర్‌గా పనిచేశాడు. భారత జట్టు సంధి దశలో ఉన్న వేళ పాటిల్‌ నేతృత్వంలోని సెలక్షన్‌ కమిటీ కొన్ని కఠిన నిర్ణయాలు తీసుకుంది.ఆ సమయంలోనే దిగ్గజ బ్యాటర్‌ సచిన్‌ టెండుల్కర్‌ (2013), పేసర్‌ జహీర్‌ ఖాన్ (2015) రిటైర్‌ కాగా.. లెజెండరీ ఆల్‌రౌండర్‌ యువరాజ్‌ సింగ్‌, స్టార్‌ ఓపెనర్‌ గౌతం గంభీర్‌‌ జట్టుకు దూరమైపోయారు. గత జ్ఞాపకాలను తాజాగా గుర్తుచేసుకున్న సందీప్‌ పాటిల్‌ దూరదర్శన్‌ షోలో మాట్లాడుతూ కీలక వ్యాఖ్యలు చేశాడు.అవేమీ నా సొంత నిర్ణయాలు కావు‘‘ముందుగా ఓ విషయం స్పష్టం చేయాలనుకుంటున్నా. అప్పటి సెలక్షన్‌ ప్యానెల్‌లోని ఐదుగురు సభ్యులు కలిసే నిర్ణయాలు తీసుకున్నారు. అప్పుడు నేను సెలక్షన్‌ కమిటీ చైర్మన్‌గా ఉన్నానంతే. అంతేతప్ప అవేమీ నా సొంత నిర్ణయాలు కావు.జట్టును వీడటం లేదంటే రిటైర్‌ అవ్వడం ఏదేమైనా... భారత క్రికెట్‌ భవిష్యత్తును దృష్టిలో పెట్టుకునే మేము అప్పుడు నిర్ణయాలు తీసుకున్నాము. అయితే, నాటి నిర్ణయాల గురించి ఈరోజు మాట్లాడాల్సి రావడం కాస్త ఇబ్బందిగానే ఉంది. అయితే, సచిన్‌ టెండుల్కర్‌, గౌతం గంభీర్‌, యువరాజ్‌ సింగ్‌, జహీర్‌ ఖాన్‌ వంటి దిగ్గజాలకు నాడు జట్టును వీడటం లేదంటే రిటైర్‌ అవ్వడం అనే రెండు ఆప్షన్లు మాత్రమే ఉన్నాయి.ఇందుకు గల కారణాలు ఏమిటో వారికి కూడా బాగా తెలుసు. సెలక్టర్లుగా దేశం తరఫున ఆడే జట్టు, బీసీసీఐ, భారత క్రికెట్‌ ప్రయోజనాలే మాకు అత్యంత ముఖ్యం. ఆటగాళ్లతో మనకు స్నేహం ఉండొచ్చు. అయితే, స్నేహానికి, విధులకు మధ్య సన్నని గీత ఉంటుంది.ఫ్రెండ్‌ కాబట్టి టీమిండియాకు సెలక్ట్‌ చేయలేం‘నా స్నేహితుడు కాబట్టి ఇతడిని జట్టులోకి తీసుకుంటా’ అనే పరిస్థితి ఉండదు. మనకు ఇచ్చిన బాధ్యతను వంద శాతం నిబద్ధతతో పూర్తి చేయాల్సి ఉంటుంది. జట్టు విషయంలో సొంత నిర్ణయాలకు తావు ఉండదు. జట్టు ప్రయోజనాలకు అనుగుణంగానే నడుచుకుంటాము.అయితే, ఒక్కోసారి మన నిర్ణయాలు అందరికీ నచ్చకపోవచ్చు. అయినంత మాత్రాన జట్టు ప్రయోజనాలను పణంగా పెట్టలేము’’ అని సందీప్‌ పాటిల్‌ చెప్పుకొచ్చాడు. కాగా భారత బ్యాటింగ్‌ దిగ్గజాలు రోహిత్‌ శర్మ, విరాట్‌ కోహ్లి విషయంలో చీఫ్‌ సెలక్టర్‌గా అజిత్‌ అగార్కర్‌ కఠిన వైఖరి ప్రదర్శించాడనే విమర్శలు వచ్చిన సంగతి తెలిసిందే.ఈ క్రమంలో ఇటీవలే అగార్కర్‌ చీఫ్‌ సెలక్టర్‌ పదవికి దూరం కాగా.. అతడి స్థానంలో ప్రజ్ఞాన్‌ ఓజా సెలక్షన్‌ కమిటీ తాత్కాలిక చైర్మన్‌గా బాధ్యతలు చేపట్టాడు. ఇలాంటి తరుణంలో సందీప్‌ పాటిల్‌ తాను చీఫ్‌ సెలక్టర్‌గా ఉన్న సమయంలోనూ దిగ్గజాలు జట్టుకు దూరమయ్యారని.. అయితే, జట్టు ప్రయోజనాల కోసమే తాము కఠిన నిర్ణయాలు తీసుకున్నామని చెప్పడం గమనార్హం.చదవండి: చ‌రిత్ర సృష్టించిన గిల్‌.. ఏకైక క్రికెటర్‌గా రికార్డు

నవంబర్‌లో న్యూజిలాండ్‌తో జరగనున్న వన్డే సిరీస్‌కు సంబంధించి భారత జట్టును ఇంకా ప్రకటించాల్సి ఉంది. జట్టు కూర్పుపై కసరత్తులు చేస్తున్న బీసీసీఐ సెలెక్షన్ కమిటీ ఈ వారంలో జట్టును ప్రకటించే అవకాశముంది. ఈ నేపథ్యంలో రెగ్యులర్ కెప్టెన్ శుబ్‌మన్ గిల్ తొలి మూడు వన్డేలకు మాత్రమే సారథ్యం వహిస్తాడని, చివరి రెండు వన్డేలకు శ్రేయస్ అయ్యర్ కెప్టెన్‌గా ఉంటాడని సోషల్ మీడియాలో వార్తలు వస్తున్నాయి. ఇందులో నిజమెంత అనేది తెలియాలంటే అధికారిక జట్టు ప్రకటన విడుదలయ్యేంతవరకు వేచి చూడాల్సిందే. అయితే రవీంద్ర జడేజా, వాషింగ్టన్ సుందర్‌లు వన్డే సిరీస్‌కు ఎంపికయ్యే దాఖలాలు కనిపించడం లేదనిపిస్తోంది. ఇక భారత స్టార్ బౌలర్ జస్‌ప్రీత్ బుమ్రాను కూడా ఐదు వన్డే మ్యాచ్‌లు ఆడించకుండా రెండు లేదా మూడు వన్డేలకు పరిమితం చేయాలని బీసీసీఐ భావిస్తున్నట్లు సమాచారం. విండీస్‌తో టీ20 సిరీస్‌లో ఆడుతున్న అర్షదీప్ సింగ్‌, ప్రిన్స్ యాదవ్‌లను కివీస్‌తో వన్డే సిరీస్‌కు ఎంపిక చేసే అవకాశాలున్నట్లు తెలుస్తోంది. ఇక ప్రసిధ్ క్రిష్ణ తొలి రెండు వన్డేలకు అందుబాటులో ఉండకపోవచ్చు. మరో విషయమేంటంటే తొలుత మూడు వన్డేలకు మాత్రమే జట్టును ప్రకటించి, ఆ తర్వాత నాలుగు, ఐదు వన్డేలకు జట్టును వేరుగా ఎంపిక చేయాలని బీసీసీఐ చూస్తోందట.తొలి మూడు వన్డేలకు భారత జట్టు అంచనా:రోహిత్, గిల్ (కెప్టెన్‌), విరాట్ కోహ్లి, శ్రేయాస్ అయ్యర్‌, అక్షర్ పటేల్‌, కేఎల​ రాహుల్, నమన్ ధీర్, నితీష్ రెడ్డి, కుల్దీప్, బుమ్రా, సిరాజ్, ప్రిన్స్ యాదవ్‌, గుర్నూర్ బ్రార్‌, ఇషాన్ కిషన్‌, యశస్వి జైస్వాల్, అర్ష్‌దీప్ సింగ్‌.🚨 UPDATE ON INDIAN 1st 3 ODI MATCH SQUAD Vs NEW ZEALAND 🚨 - Shubman Gill leading team India's only 3 ODIs matches - Shreyas Iyer lead India 4th & 5th ODIs - Prasidh Krishna is unlikely 1 or 2 ODIs - Jasprit Bumrah is set to play 1st & 3rd ODI - Doubtful for Hardik Pandya & Harshit Rana in 1st 3 ODIs - No Washington Sundar in ODI - Arshdeep Singh & Prince is likely back in ODI - No Ravindra Jadeja in ODI setup - Selectors are picks ODI squad for team India's in this week tour of New Zealand's Likely Team India's 1st 3 ODI squad: Rohit, Gill (c), Virat, Shreyas, Axar, kl Rahul, Naman Dhir, Nitish Reddy, Kuldeep, Bumrah & Siraj, Prince, Gurnoor, Ishan, Jaiswal, Arshdeep.— MANU (@IMManu_14) October 12, 2026ఇదీ చ‌ద‌వండి:‘స్కూల్‌ పిల్లాడిలా ప్రవర్తించావు’.. తిల‌క్ వ‌ర్మ‌కు చుర‌క‌లురంజీ ట్రోఫీలో సెంచ‌రీ.. కంటతడి పెట్టిన బెంగాల్‌ బ్యాటర్‌

సాక్షి, హైదరాబాద్‌: బీసీసీఐ సీనియర్‌ మహిళల టి20 ఎలీట్‌ టోర్నీలో పాల్గొనే హైదరాబాద్‌ జట్టును సెలక్టర్లు ప్రకటించారు. ఈ టీమ్‌కు వెలగపూడి ప్రణవి చంద్ర కెప్టెన్‌గా వ్యవహరించనుండగా, వైస్‌ కెప్టెన్‌గా వికెట్‌ కీపర్‌ ఎం.మమతను ఎంపిక చేశారు. మహారాష్ట్రలోని పుణేలో ఈ నెల 26 నుంచి టోర్నమెంట్‌ జరుగుతుంది. గతంలో హైదరాబాద్‌ టీమ్‌కు మూడేళ్లు ఆడిన తర్వాత సౌత్‌జోన్‌ టీమ్‌కు ఎంపికైన ప్రణవి కేరళ జట్టుకు కూడా ప్రాతినిధ్యం వహించింది. మహిళల కరీబియన్‌ ప్రీమియర్‌ లీగ్‌తో పాటు ఇంగ్లండ్‌లో ఈలింగ్, బిషప్‌ స్ట్రాట్‌ఫోర్ట్‌ జట్ల తరఫున ప్రణవి క్లబ్‌ క్రికెట్‌ కూడా ఆడింది. హైదరాబాద్‌ జట్టు: ప్రణవి చంద్ర (కెప్టెన్‌), ఎం.మమత (వైస్‌ కెప్టెన్‌), గొంగడి త్రిష, ధ్రుతి కేసరి, ఎస్‌. యషశ్రీ, వంకా పూజ, సంధ్య గోరా, కుంచల నితీశ, ఎం.సాక్షి రావు, కావ్యశ్రీ, ఎడ్ల సృజన, నల్లా క్రాంతి రెడ్డి, కె.నిధి, పి.పార్వతి, తాటి కృష్ణవేణి.

భారత మహిళల క్రికెట్‌ జట్టుకు కొత్త కెప్టెన్‌ వచ్చింది. స్టార్‌ ఓపెనర్‌ స్మృతి మంధాన వన్డే, టీ20 జట్ల సారథిగా అధికారికంగా పగ్గాలు చేపట్టేందుకు సిద్ధమైంది. జింబాబ్వేతో జరిగే సిరీస్‌ ద్వారా పూర్తిస్థాయి కెప్టెన్‌గా స్మృతి తన ప్రయాణం మొదలుపెట్టనుంది.ఆఫర్‌ తిరస్కరించికాగా పదేళ్లకు పైగా భారత జట్టును ముందుకు నడిపించిన హర్మన్‌ప్రీత్‌ కౌర్‌ మంగళవారం కెప్టెన్సీకి వీడ్కోలు పలికిన సంగతి తెలిసిందే. అయితే, కేవలం టీ20 సారథ్య బాధ్యతల నుంచి మాత్రమే తప్పుకొని.. వన్డే, టెస్టుల్లో కెప్టెన్‌గా కొనసాగవచ్చని బీసీసీఐ ఆమెకు ఆఫర్‌ ఇవ్వగా.. తిరస్కరించినట్లు వార్తలు వచ్చాయి.అంతేకాదు.. నాయకత్వ మార్పు గురించి చర్చ సమయంలోనూ హర్మన్‌- స్మృతి ఎడమొహం, పెడమొహంగా ఉన్నారని.. వారి మధ్య చాన్నాళ్ల నుంచే విభేదాలు ఉన్నాయనే ప్రచారం జరిగింది. ఈ నేపథ్యంలో తాజాగా స్మృతి మంధాన ఈ వదంతులపై పరోక్షంగా స్పందించింది.ఒక అద్భుతమైన అనుభవంఇన్‌స్టా వేదికగా హర్మన్‌ప్రీత్‌ కౌర్‌ ఫొటో షేర్‌ చేస్తూ.. ‘‘చాలా ఏళ్లుగా నీతో కలిసి ఆడినందుకు ఎంతో సంతోషంగా ఉంది. పదేళ్లు నీ నాయకత్వంలో ఆడటం ఒక అద్భుతమైన అనుభవం. ఇప్పుడు కూడా మనిద్దరం కలిసి దేశానికి మరిన్ని విజయాలు అందిద్దాము’’ అని స్మృతి స్టోరీ పెట్టింది. తద్వారా హర్మన్‌తో కలిసి ఆడటంలో తనకు ఎలాంటి అభ్యంతరం లేదని చెప్పకనే చెప్పింది. కాగా సారథ్య బాధ్యతల నుంచి తప్పుకొన్నప్పటికీ ప్లేయర్‌గా కొనసాగుతానని హర్మన్‌ ఇప్పటికే స్పష్టం చేసిన సంగతి తెలిసిందే. స్మృతి కెప్టెన్సీలో జింబాబ్వే పర్యటనకు వెళ్లే వన్డే, టీ20 జట్లలో 37 ఏళ్ల హర్మన్‌కు చోటు దక్కింది.చదవండి: ‘అనుకోకుండా వచ్చాడు.. అతడి కెరీర్‌ క్లోజ్‌ చేశాడు’

టీమిండియా చీఫ్‌ సెలక్టర్‌గా అజిత్‌ అగార్కర్‌ ప్రయాణం ముగిసిపోయింది. సెలక్షన్‌ కమిటీలో అతడి స్థానం ఖాళీ అయిన విషయాన్ని భారత క్రికెట్‌ నియంత్రణ మండలి (BCCI) మంగళవారం అధికారికంగా ధ్రువీకరించింది. అగార్కర్‌ స్థానంలో కొత్త సెలక్టర్‌ కోసం దరఖాస్తులను ఆహ్వానిస్తూ ప్రకటన విడుదల చేసింది.జట్టు ముఖ్యం.. ఈ నేపథ్యంలో హెడ్‌కోచ్‌ గౌతం గంభీర్‌ అగార్కర్‌ను ఉద్దేశించి సోషల్‌ మీడియాలో చేసిన పోస్టు వైరల్‌గా మారింది. ‘‘ప్రియమైన అజిత్‌ భాయ్‌.. నీతో కలిసి పని చేయడం నాకు దక్కిన గొప్ప గౌరవం. ఆ మూడు ఐసీసీ ట్రోఫీలు గెలవడం నీ నిర్ణయాలకు దక్కిన ఫలితం.జట్టు ముఖ్యం.. అన్నింటికంటే ఎల్లప్పుడూ జట్టు ప్రయోజనాలే అంతిమ లక్ష్యం. ఈ చరిత్ర నీ పట్ల దయ కలిగి ఉంటుందని నేను కచ్చితంగా నమ్ముతున్నాను. నీ సేవలకు ధన్యవాదాలు. నీ భవిష్యత్తు బంగారంలా ఉండాలని నేను మనస్ఫూర్తిగా కోరుకుంటున్నాను’’ అని గంభీర్‌ ఉద్వేగపూరిత పోస్టు పెట్టాడు.ఆ మూడు ఐసీసీ ట్రోఫీలుకాగా 2023లో అజిత్‌ అగార్కర్‌ టీమిండియా చీఫ్‌ సెలక్టర్‌గా బాధ్యతలు చేపట్టాడు. అగార్కర్‌ హయాంలో.. భారత జట్టు తొలుత 2024 టీ20 ప్రపంచకప్‌ ట్రోఫీ గెలిచింది. ఇక అగార్కర్‌- గంభీర్‌ కాంబినేషన్‌లో ఐసీసీ చాంపియన్స్‌ ట్రోఫీ-2025, టీ20 ప్రపంచకప్‌-2026 టైటిళ్లు గెలిచింది. అయితే, వీరిద్దరు భారత బ్యాటింగ్‌ దిగ్గజాలు విరాట్‌ కోహ్లి, రోహిత్‌ శర్మ విషయంలో కఠినంగా వ్యవహరించారనే వార్తలు వచ్చాయి.రో-కో పట్ల కఠిన వైఖరిముఖ్యంగా రో-కో టెస్టుల నుంచి తప్పుకోవడంలో అగార్కర్‌ కీలక పాత్ర పోషించాడని.. వారు రిటైర్మెంట్‌ ప్రకటించేలా కఠిన పరిస్థితులు కల్పించాడనే ఆరోపణలు వచ్చాయి. వన్డేల్లో వీరిద్దరు కొనసాగుతామని స్పష్టం చేసినప్పటికీ.. వన్డే వరల్డ్‌కప్‌-2027లో ఆడతామని రో-కో స్పష్టత ఇవ్వలేదంటూ అగార్కర్‌ బహిరంగంగా ప్రకటించడం ఇందుకు ప్రధాన కారణం. అదే విధంగా.. ఐసీసీ చాంపియన్స్‌ ట్రోఫీ గెలిచిన వెంటనే రోహిత్‌ను వన్డే కెప్టెన్సీ నుంచి తప్పించి.. శుబ్‌మన్‌ గిల్‌కు పగ్గాలు ఇవ్వడంలోనూ అగార్కర్‌దే కీలక పాత్ర అని సమాచారం. ఇందుకు గంభీర్‌ కూడా సహకరించాడనే వదంతులు వచ్చాయి.ఈ పరిణామాల నేపథ్యంలో బీసీసీఐ అగార్కర్‌ పదవీ కాలాన్ని పొడిగించకుండా అతడికి ఉద్వాసన పలికినట్లు తెలుస్తోంది. అదే సమయంలో గంభీర్‌ మాత్రం ఇటీవల రో-కోలను ప్రశంసిస్తూ ఇద్దరినీ ఆకాశానికెత్తాడు. నన్ను ఇరికించి.. నువ్వు పొగుడుతావా?ఈ క్రమంలో మాజీ క్రికెటర్‌ సదగోపన్‌ రమేశ్‌.. గంభీర్‌ను ఉద్దేశించి వ్యంగ్యాస్త్రాలు సంధించాడు. ‘‘రోహిత్‌- కోహ్లిలను గంభీర్‌ పొగడటం చూసి.. అగార్కర్‌ కచ్చితంగా ఆశ్చర్యపోయి ఉంటాడు.‘ఇద్దరం కలిసే కదా.. ఆ ఇద్దరిని తప్పించాలని చూశాము. ఆ ప్రయత్నంలో నేను నా పదవిని పోగొట్టుకున్నాను. నువ్వు మాత్రం నన్ను ఇరికించి ఇప్పుడిలా వాళ్లను ప్రశంసిస్తావా?’ అని అగార్కర్‌ గంభీర్‌ను మనసులో బాగా తిట్టుకుని ఉంటాడు’’ అని సదోగపన్‌ రమేశ్‌ సెటైర్లు వేశాడు. ఈ క్రమంలో గంభీర్‌ తాజాగా అగార్కర్‌ తీసుకున్న కఠిన నిర్ణయాల వల్లే భారత్‌ ఏకంగా మూడు ఐసీసీ ట్రోఫీలు గెలిచిందని పోస్ట్‌ పెట్టడం గమనార్హం. తద్వారా అగార్కర్‌ నిర్ణయాలతో తాను ఏకీభవిస్తానని.. రో-కో విషయంలో గంభీర్‌ నిర్ణయం మారదని.. కేవలం బీసీసీఐ పెద్దల భయానికే వారి విషయంలో కఠినంగా వ్యవహరించలేకపోతున్నాడని నెటిజన్లు కామెంట్లు చేస్తున్నారు.చదవండి: నా కల నెరవేరింది.. అతడొక అద్భుతంDear Ajit Bhai, an absolute honour to work with you. Those 3 ICC trophies are testimony of your conviction: Team first & Team ahead, always.. I must say, History will be kinder to you. Thank you for everything. My heartfelt wishes for your future endeavours !! https://t.co/gYQN0fea8X— Gautam Gambhir (@GautamGambhir) October 7, 2026

భారత మహిళల క్రికెట్‌లో సరికొత్త వివాదం తెరమీదకు వచ్చింది. మంగళవారం హర్మన్‌ప్రీత్ కౌర్ అన్ని ఫార్మాట్ల నుంచి కెప్టెన్‌గా తప్పుకుంటున్నట్లు సంచలన ప్రకటన చేసి ఆశ్చర్యపరిచింది. ఆ వెంటనే బీసీసీఐ హర్మన్ స్థానంలో స్మృతి మంధానను కెప్టెన్‌గా , వైస్ కెప్టెన్‌గా సీనియర్ ఆల్‌రౌండర్‌ దీప్తి శర్మను నియమించడమే గాక జింబాబ్వేతో టీ20 సిరీస్‌కు జట్టును కూడా చకాచకా ప్రకటించేసింది. ఇటీవలే ఆసియా గేమ్స్‌లో హర్మన్‌ప్రీత్ కౌర్ సారథ్యంలోనే మన అమ్మాయిలు స్వర్ణం గెలిచారు. అంతా సవ్యంగా సాగుతుం దనుకుంటున్న దశలో హర్మన్ కెప్టెన్సీ పదవికి రాజీనామా చేస్తున్నట్లు ప్రకటించి ప్రకంపనలు సృష్టించింది. రాజీనామా విషయం పక్కనబెడితే.. హర్మన్‌, మంధాన మధ్య అభిప్రాయ విభేదాలు వచ్చినట్లు తెలుస్తోంది. అంతేకాదు డ్రెస్సింగ్‌ రూమ్‌లోనూ ఈ ఇద్దరు ఎడమొహం, పెడమొహంగా ఉంటున్నారని, జట్టు కూడా రెండుగా చీలిపోయిందంటూ సోషల్ మీడియాలో వార్తలు చక్కర్లు కొడుతున్నాయి.అంతర్గత నివేదికల ప్రకారం, వీరిద్దరి మధ్య భేదాభిప్రాయాలు రావడానికి ప్రధాన కారణం కెప్టెన్సీ ఫ్లాష్ పాయింట్‌గా నిలిచిందట. గత కొంతకాలంగా జట్టు కెప్టెన్సీకి సంబంధించి ఇద్దరు సీనియర్ ఆటగాళ్ల మధ్య పొసగడం లేదు. అంతేకాదు డ్రెస్సింగ్ రూమ్‌లో ఈ ఇద్దరు సీనియర్లు జట్టను రెండుగా చీల్చినట్లు సమాచారం.జట్టు కెప్టెన్‌గా హర్మన్‌ప్రీత్ దూకుడుగా ఉండే మైండ్‌సెట్‌తో నిర్ణయాలు తీసుకుంటుండగా, వైస్ కెప్టెన్‌గా ఉన్న మంధాన శైలి భిన్నంగా ఉండేది. ముఖ్యంగా జట్టు వ్యూహాలు, కమ్యూనికేషన్ విషయంలో ఇద్దరి మధ్య సయోధ్య లోపించినట్లు తెలుస్తోంది. ఇటీవలే గువాహటిలో బీసీసీఐ సెక్రటరీ దేవజిత్ సైకియా అధ్యక్షతన జరిగిన రివ్యూ మీటింగ్‌లో హర్మన్‌ప్రీత్ కౌర్, స్మృతి మంధాన, హెడ్ కోచ్ అమోల్ ముజుందార్ పాల్గొన్నారు. జట్టు భవిష్యత్తు ప్రణాళికలపై చర్చించిన ఈ సమావేశంలో నాయకత్వ మార్పు అనివార్యమని స్పష్టం చేసింది. అయితే హర్మన్‌ను కేవలం టీ20 కెప్టెన్‌గా మాత్రమే తప్పుకోవాలని, వన్డే, టెస్టుల్లో కొనసాగాలని బీసీసీఐ ఆఫర్ ఇచ్చినప్పటికీ, హర్మన్ ఉంటే అన్ని ఫార్మాట్లలో కెప్టెన్‌గా ఉంటానని పేర్కొన్నట్లు తెలుస్తోంది. దీనికి బీసీసీఐ ఒప్పుకోకపోవడంతో హర్మన్ తన కెప్టెన్సీ పదవికి గుడ్‌బై చెప్పింది.ఇన్నాళ్లు కెప్టెన్‌గా జట్టును నడిపించిన హర్మన్ ప్రీత్.. ఇక నుంచి జట్టులో సీనియర్ ప్లేయర్‌గా మాత్రమే కొనసాగనుంది. తన సహచర ప్లేయర్ మంధాన నేతృత్వంలో పూర్తిస్థాయి బ్యాటర్‌గా ఆడనుంది. ఇన్నాళ్లు కెప్టెన్ హోదాలో ఆమె ఆడినా, ఆడకపోయినా పెద్దగా పట్టించుకోలేదు. కానీ ఇకపై పరిస్థితులు వేరు కావడంతో బ్యాటర్‌గా హర్మన్‌ప్రీత్‌పై భారీ అంచనాలుంటాయి. జట్టులో నిలదొక్కుకోవాలంటే హర్మన్ తన స్థాయికి మించి ఆటను ప్రదర్శించాల్సి ఉంటుంది. లేదంటే జట్టులో చోటు కోల్పోవడం ఖాయం.ఇదీ చదవండి: ‘నా కల నెరవేరింది.. అతడొక అద్భుతం

బీసీసీఐ సీనియర్ మహిళల టీ20 ట్రోఫీ ఎలైట్ 2026-27 సీజన్‌ కోసం​ హైదరాబాద్‌ జట్టును ఇవాళ ప్రకటించారు. ఈ జట్టుకు కెప్టెన్‌గా ప్రణవి చంద్ర వెలగపూడి వ్యవహరించనుండగా.. వికెట్ కీపర్ ఎం.మమత వైస్ కెప్టెన్‌గా బాధ్యతలు చేపట్టనుంది. ఈ టోర్నీ అక్టోబర్ 26 నుంచి మహారాష్ట్రలోని పుణేలో జరుగనుంది.సీనియర్ మహిళల టీ20 ట్రోఫీ కోసం​ హైదరాబాద్‌ జట్టు..ప్రణవి చంద్ర వెలగపూడి (కెప్టెన్), ఎం మమత (వికెట్ కీపర్, వైస్ కెప్టెన్), గొంగడి త్రిష, దృతి కేసరి, ఎస్ యశశ్రీ, పూజా వంక, సంధ్యా గోరా, కుంచాల నితీషా, ఎం సాక్షి రావు, కావ్య శ్రీ, ఎడ్ల సృజన, క్రాంతి రెడ్డి నల్లా, కె నిధి, ఆ పల్లయ్య కృష్ణ, పల్లకీ నిధి.స్టాండ్ బైస్: వై త్రిష పూజిత, కట్టా శ్రీవల్లి, శ్రీ బిల్వికా రెడ్డి, ఎం శివాని గౌడ్ మరియు మేహా లక్ష్మి ఈడిగ.ఇదీ చదవండి: న్యూజిలాండ్‌ టీ20 సిరీస్‌కు భారత జట్టు ప్రకటన

భారత క్రికెట్‌ నియంత్రణ మండలి (బీసీసీఐ) టీమిండియా సెలక్షన్‌ కమిటీలో ఖాళీ అయిన స్థానాన్ని భర్తీ చేసేందుకు దరఖాస్తులు ఆహ్వానించింది. ఈ పదవిలో భాగంగా పురుషుల సీనియర్‌ సెలక్షన్‌ కమిటీ సభ్యుడిగా.. టెస్టు, వన్డే, టీ20లు.. ఇతర ఫార్మాట్లకు జట్లను ఎంపిక చేయాల్సి ఉంటుందని తెలిపింది.అంతేగాక.. సీనియర్‌ టీమ్‌ కోసం మెరికల్లాంటి, ప్రతిభ గల యువ ఆటగాళ్ల వెదుకులాటలోనూ సమర్థవంతంగా పనిచేసే సభ్యుడి కోసం ఎదురుచూస్తున్నట్లు బీసీసీఐ తెలిపింది. తద్వారా చీఫ్‌ సెలక్టర్‌గా అజిత్‌ అగార్కర్‌ పదవీ కాలం అధికారికంగా ముగిసిందని బీసీసీఐ పరోక్షంగా స్పష్టం చేసింది.కాగా 2023లో టీమిండియా సెలక్షన్‌ కమిటీ చైర్మన్‌గా మాజీ క్రికెటర్‌ అజిత్‌ అగార్కర్‌ బాధ్యతలు చేపట్టాడు. అతడి హయాంలో భారత్‌ రెండు టీ20 ప్రపంచకప్‌ ట్రోఫీలు, ఒక ఐసీసీ చాంపియన్స్‌ ట్రోఫీ, ఆసియా కప్‌ ట్రోఫీ.. తాజాగా ఆసియా క్రీడల్లో స్వర్ణ పతకం గెలిచింది.అయితే, సీనియర్లు, మాజీ కెప్టెన్లు విరాట్‌ కోహ్లి, రోహిత్‌ శర్మ విషయంలో అగార్కర్‌ వ్యవహార శైలి బీసీసీఐ పెద్దలకు నచ్చలేదని.. అందుకే అతడికి ఉద్వాసన పలకాలనే నిర్ణయానికి వచ్చినట్లు వార్తలు వచ్చాయి. అందుకు తగినట్లుగానే అగార్కర్‌ పదవీ కాలాన్ని మరింత పొడిగించకుండానే బోర్డు అతడికి వీడ్కోలు పలికింది.ఇక అగార్కర్‌ స్థానంలో ప్రస్తుతం.. మరో మాజీ క్రికెటర్‌ ప్రజ్ఞాన్‌ ఓజా తాత్కాలిక చీఫ్‌ సెలక్టర్‌గా వ్యవహరిస్తున్నాడు. అతడే పూర్తి స్థాయిలో సెలక్షన్‌ కమిటీ చైర్మన్‌గా నియమితుడయ్యే అవకాశం కూడా ఉంది.మెన్స్‌ సెలక్షన్‌ కమిటీ సభ్యుడి బాధ్యతలు ఇవే👉న్యాయబద్ధంగా.. పారదర్శక పద్ధతిలో సీనియర్‌ జాతీయ పురుషుల జట్టుకు అత్యుత్తమ ఆటగాళ్లను ఎంపిక చేయాలి. ప్రతిభ ఉన్న ఆటగాళ్లతో పాటు బెంచ్‌ బలాన్ని పటిష్టం చేసే విధంగా ఎంపికలు ఉండాలి.👉అన్ని ఫార్మాట్లకు తగినట్లుగా స్కౌటింగ్‌ చేయాలి.👉టీమ్‌ సమావేశాలకు హాజరు కావాలి. అవసరమైతే దేశీ, అంతర్జాతీయ మ్యాచ్‌లు ప్రత్యక్షంగా వీక్షించేందుకు ప్రయాణాలు చేయాల్సి ఉంటుంది. 👉త్రైమాసిక సమీక్షలో భాగంగా నివేదికలను అపెక్స్‌ కౌన్సిల్‌కు సమర్పించాలి.👉జట్టు ఎంపికకు సంబంధించి మీడియాతో మాట్లాడాల్సి ఉంటుంది.👉ప్రతీ ఫార్మాట్‌కు సంబంధించిన కెప్టెన్‌ నియామకంలోనూ కీలక పాత్ర పోషించాల్సి ఉంటుంది.అర్హతలు ఇవే.. అనుభవం ఉండాలిటీమిండియా తరఫున కనీసం ఏడు టెస్టు మ్యాచ్‌లు ఆడాలి. లేదంటే కనీసం 30 ఫస్ట్‌ క్లాస్‌ మ్యాచ్‌లు ఆడాలి. అదీ కాకుంటే పది వన్డే ఇంటర్నేషనల్స్‌తో పాటు 20 ఫస్ట్‌క్లాస్‌ మ్యాచ్‌లు ఆడి ఉండాలి. అదే విధంగా.. అన్ని ఫార్మాట్ల ఆటకు రిటైర్మెంట్‌ ప్రకటించి కనీసం ఐదేళ్ల కాలం గడిచి ఉండాలి. ప్రస్తుతం ఖాళీ ఉన్న సెలక్టర్‌ పదవి కోసం అక్టోబరు 14, 2026 సాయంత్రం ఐదు గంటల్లోపు దరఖాస్తు సమర్పించాలి.చదవండి: నాశనం చేస్తున్నారు: గంభీర్‌, గిల్‌పై మాజీ క్రికెటర్‌ ఫైర్‌

భారత మహిళల క్రికెట్‌లో ఓ శకం ముగిసింది. పదేళ్లకు పైగా జట్టును ముందుకు నడిపించి.. మొట్టమొదటి ప్రపంచకప్‌ ట్రోఫీ అందించిన హర్మన్‌ప్రీత్‌ కౌర్‌ కెప్టెన్సీకి వీడ్కోలు పలికింది. భారత మహిళా క్రికెట్‌ జట్టు సారథ్య బాధ్యతల నుంచి తప్పుకొంటున్నట్లు మంగళవారం అధికారిక ప్రకటన విడుదల చేసింది.అయితే, ప్లేయర్‌గా మాత్రం జట్టులో కొనసాగుతానని స్పష్టం చేసింది. ఈ నేపథ్యంలో భారత క్రికెట్‌కు హర్మన్‌ప్రీత్‌ చేసిన సేవల్ని తలచుకుంటూ సోషల్‌ మీడియా వేదికగా అభిమానులు ఆమెపై ప్రశంసలు కురిపిస్తున్నారు. అదే సమయంలో.. హర్మన్‌ మరికొన్నాళ్లు కెప్టెన్‌గా ఉండాలని భావించినా.. యాజమాన్యం మాత్రం ఇందుకు అంగీకరించలేదనే ఆరోపణలు చేస్తున్నారు.బీసీసీఐ ఆఫర్‌ఈ నేపథ్యంలో క్రిక్‌బజ్‌ ఓ ఆసక్తికర కథనాన్ని తెరమీదకు తెచ్చింది. కాగా కెప్టెన్‌గా హర్మన్‌ప్రీత్‌ కౌర్‌, హెడ్‌కోచ్‌గా అమోల్‌ మజుందార్‌ భవితవ్యాన్ని తేల్చేందుకు బీసీసీఐ ఇటీవల సమావేశం ఏర్పాటు చేసింది. హర్మన్‌తో పాటు వైస్‌ కెప్టెన్‌ స్మృతి మంధాన, అమోల్‌ మజుందార్‌లతో పాటు బోర్డు పెద్దలు పాల్గొన్నారు.తిరస్కరించిన హర్మన్‌!చర్చల్లో భాగంగా హర్మన్‌ను ఏదో ఒక ఫార్మాట్‌కు సారథిగా కొనసాగమని బీసీసీఐ ఆఫర్‌ ఇచ్చినట్లు సమాచారం. వన్డేల్లో ఆమె మరికొంతకాలం కెప్టెన్‌గా ఉంటే బాగుంటుందని బోర్డు భావించినట్లు తెలుస్తోంది. అయితే, హర్మన్‌ మాత్రం తాను ఆల్‌ ఫార్మాట్‌ కెప్టెన్‌గా ఉంటానని.. ఏ ఒక్క ఫార్మాట్‌కో పరిమితం కానని స్పష్టంగా చెప్పినట్లు సమాచారం.ఈ క్రమంలో ఆఖరికి బీసీసీఐ ఆఫర్‌ కాదనుకున్న హర్మన్‌.. మూడు ఫార్మాట్ల కెప్టెన్‌గా వైదొలిగినట్లు ప్రకటించడం గమనార్హం. ఈ నేపథ్యంలో వైస్‌ కెప్టెన్‌ స్మృతి మంధాన భారత మహిళల జట్టు పగ్గాలు చేపట్టడం లాంఛనమే కానుంది.మేటి సారథికెప్టెన్‌గా, ప్లేయర్‌గా హర్మన్‌కు మంచి రికార్డు ఉంది. ఇంత వరకు ఆమె అంతర్జాతీయ క్రికెట్‌లో 211 మ్యాచ్‌లు ఆడింది. 155 అంతర్జాతీయ టీ20 మ్యాచ్‌లలో సారథ్యం వహించింది. హర్మన్‌ కెప్టెన్సీలో భారత్‌ టీ20 ప్రపంచకప్‌-2020 ఫైనల్‌కు చేరుకుంది. కామన్‌వెల్త్‌ గేమ్స్‌-2022లో రజతం గెలిచింది.అదే విధంగా.. 37 ఏళ్ల హర్మన్‌ నాయకత్వంలోనే ఆసియా టీ20 కప్‌ 2016, 2022, 2026 ఎడిషన్లలో టైటిళ్లు గెలిచింది. ఆసియా క్రీడలు-2023, ఆసియా క్రీడలు-2026 టోర్నీలో స్వర్ణ పతకాలు కైవసం చేసుకుంది. ఇక గతేడాది సొంతడ్డపై తొలిసారి మహిళల ప్రపంచకప్‌ ట్రోఫీని భారత్‌ ముద్దాడింది.చదవండి: నాశనం చేస్తున్నారు: గంభీర్‌, గిల్‌పై మాజీ క్రికెటర్‌ ఫైర్‌

ఇరానీ క‌ప్-2026ను రెస్టాఫ్ ఇండియా ద‌క్కించుకోవ‌డంలో ఆ జ‌ట్టు బౌల‌ర్లు ముకేశ్ కుమార్‌, ఆకాశ్ దీప్ కీల‌క‌పాత్ర పోషించారు. రంజీ చాంపియ‌న్ జ‌మ్మూ క‌శ్మీర్‌తో జ‌రిగిన మ్యాచ్‌లో రెస్టాఫ్ ఇండియా 167 ప‌రుగుల భారీ తేడాతో విజ‌యం సాధించి ఇరానీ క‌ప్‌ను సొంతం చేసుకుంది. ముకేశ్ కుమార్‌ తొలి ఇన్నింగ్స్‌లో రెండు, రెండో ఇన్నింగ్స్‌లో ఐదు వికెట్ల హాల్ (6/33) చెల‌రేగి మొత్తం 8 వికెట్లు ఖాతాలో వేసుకోగా, మ‌రో పేస‌ర్ ఆకాశ్ దీప్ సైతం త‌న బౌలింగ్‌తో ఆక‌ట్టుకున్నాడు. మ్యాచ్‌లో రెండు ఇన్నింగ్స్‌లు క‌లిపి ఆరు వికెట్లు తీసిన‌ప్ప‌టికీ త‌క్కువ ఎకానమీతో వికెట్లు తీయ‌డం విశేషం. ఈ నేప‌థ్యంలో ఈ ఇద్ద‌రు బెంగాల్ బౌల‌ర్ల‌కు న్యూజిలాండ్‌తో జ‌ర‌గ‌బోయే టెస్టు సిరీస్‌కు ఎంపిక చేయాల‌ని బీసీసీఐ భావిస్తోంది. Photo Credit: Twitterకివీస్‌ పిచ్‌లు పేసర్లకు అనుకూలం..టీమిండియా హెడ్‌కోచ్ గౌత‌మ్ గంభీర్ కూడా వీరిద్ద‌రి విష‌యంలో పాజిటివ్ దృక్ప‌థంతోనే ఉన్న‌ట్లు తెలుస్తోంది. కివీస్ పిచ్‌లు పేస‌ర్ల‌కు అనుకూలంగా ఉండ‌డంతో వీలైనంత ఎక్కువ పేస్‌ బౌల‌ర్ల‌ను బెంచ్‌పై ఉంచుకుంటేనే మంచిద‌ని టీమిండియా మేనేజ్‌మెంట్ భావిస్తోంది. ఆకాశ్ దీప్ న్యూజిలాండ్‌తో టెస్టు సిరీస్‌కు ఎంపిక‌వుతాడ‌ని ముందే ఊహించిన‌ప్ప‌టికీ, ఇరానీ క‌ప్‌లో సంచ‌ల‌న ప్ర‌ద‌ర్శ‌న ద్వారా ఇప్పుడు ముకేశ్ కుమార్ కూడా జ‌ట్టులో చోటు ద‌క్కించుకునే అవ‌కాశ‌ముంది. న‌వంబ‌ర్ 19 నుంచి టెస్టు సిరీస్ ప్రారంభం కానున్న నేప‌థ్యంలో వ‌చ్చే వారంలో బీసీసీఐ సెలెక్ష‌న్ క‌మిటీ న్యూజిలాండ్ టూర్‌కు 16 నుంచి 17 మందితో కూడిన‌ భార‌త జ‌ట్టును ప్ర‌క‌టించే అవ‌కాశ‌ముంది. భార‌త ఫ్రంట్‌లైన్ పేస‌ర్లుగా బుమ్రా, సిరాజ్ ఉండ‌డంతో వీరికి బ్యాక‌ప్‌గా ముకేశ్ కుమార్‌, ఆకాశ్‌దీప్‌లను ఎంపిక చేయాల‌ని భావిస్తోంది. అయితే సెప్టెంబ‌ర్‌లో కండ‌రాల గాయంతో బాధ‌ప‌డిన ముకేశ్ కుమార్ ఇరానీ క‌ప్‌లో ఫిట్‌గా కనిపించిన‌ప్ప‌టికీ, కివీస్‌తో టెస్టు సిరీస్‌కు మాత్రం ముకేశ్ ఫిట్‌నెస్ టెస్టు నిరూపించుకోవాల్సి ఉంటుంది. ఇక న్యూజిలాండ్‌తో రెండు మ్యాచ్‌ల టెస్టు సిరీస్ టీమిండియాకు చాలా కీల‌కం. వ‌చ్చే ఏడాది టెస్టు చాంపియ‌న్‌షిప్ ఫైన‌ల్ ఆడాలంటే భార‌త్.. కివీస్‌తో రెండు టెస్టులు క‌చ్చితంగా గెల‌వాల్సి ఉంటుంది. ప్ర‌స్తుతం భారత్ 51.52 పీసీటీతో ప‌ట్టిక‌లో ఐదో స్థానంలో కొన‌సాగుతోంది. ఇటీవ‌లే శ్రీలంక‌తో జ‌రిగిన రెండు మ్యాచ్‌ల టెస్టు సిరీస్‌ను గిల్ సేన 1-0తో కైవ‌సం చేసుకుంది. తొలి టెస్టులో భారీ విజ‌యం సాధించిన‌ప్ప‌టికీ, రెండో టెస్టును డ్రా చేసుకోవ‌డం వ‌ల్ల భార‌త్ స్థానంలో ఎలాంటి మార్పు లేదు.ఐదు టీ20లు, ఐదు వన్డేలు, రెండు టెస్టులుఇక న్యూజిలాండ్‌ పర్యటనలో టీమిండియా రెండు టెస్టు మ్యాచ్‌లతో పాటు ఐదు మ్యాచ్‌ల టీ20 సిరీస్‌, ఐదు మ్యాచ్‌ల వ‌న్డే సిరీస్ ఆడ‌నుంది. మొద‌ట అక్టోబ‌ర్ 22 నుంచి న‌వంబ‌ర్ ఒక‌టి వ‌ర‌కు ఐదు టీ20 మ్యాచ్‌లు, న‌వంబ‌ర్ 4 నుంచి 15 మ‌ధ్య ఐదు వ‌న్డేలు, ఆ త‌ర్వాత న‌వంబ‌ర్ 19 నుంచి తొలి టెస్టు, నవంబర్ 27 నుంచి రెండో టెస్టు ఆడ‌నుంది.ఇదీ చ‌ద‌వండి: టీమిండియాకు భారీ షాక్‌.. విండీస్ జట్టులోకి విధ్వంసకర వీరుడు

ఏషియన్‌ గేమ్స్ 2026లో భారత క్రికెట్ జట్లు అదరగొట్టాయి. పురుషుల, మహిళల విభాగాల్లో స్వర్ణ పతకాలు సాధించాయి. మహిళల జట్టు ఫైనల్లో శ్రీలంకను ఓడించి స్వర్ణ పతకం నిలబెట్టుకోగా.. పురుషుల జట్లు ఫైనల్లో చిరకాల ప్రత్యర్థి పాకిస్తాన్‌ను చిత్తు చేసి గోల్డ్ మెడల్‌ను డిఫెండ్‌ చేసుకుంది.పురుషుల జట్టు ఫైనల్లో పాక్‌ను ఓడించి స్వర్ణం సాధించిన అనంతరం బీసీసీఐ అధ్యక్షుడు మిథున్ మన్హాస్ ఘాటు వ్యాఖ్యలు చేశాడు. అంతర్జాతీయ క్రికెట్‌లో భారత్‌కు, పాకిస్తాన్‌కు మధ్య అంతరం స్పష్టంగా కనిపిస్తోందని అన్నాడు.“పాకిస్తాన్ మన చిరకాల ప్రత్యర్థి. కానీ ప్రస్తుతం వాళ్లు పెద్దగా పోటీ ఇవ్వడం లేదు. ఒత్తిడితో కూడిన పరిస్థితులను మా జట్టు ఎదుర్కొన్న తీరు అద్భుతం. ప్రపంచంలోని మరే జట్టు కూడా ఇంత సమర్థంగా ఒత్తిడిని ఎదుర్కోలేదని అనిపిస్తోంది. ఏషియన్‌ గేమ్స్‌లో భారత జట్టే అత్యుత్తమం. మా ఆటగాళ్ల ప్రదర్శన అభినందనీయం” అని మన్హాస్ వ్యాఖ్యానించాడు.తిలక్, అభిషేక్‌పై ప్రశంసలుఫైనల్లో పాక్‌పై అద్భుతంగా బ్యాటింగ్‌ చేసిన అభిషేక్‌ శర్మ, తిలక్‌ వర్మపై మన్హాస్‌ ప్రశంసల వర్షం కురిపించాడు. “ఇది జట్టు ఆట. తిలక్ వర్మ అద్భుతంగా బ్యాటింగ్ చేశాడు. అభిషేక్ శర్మ మ్యాచ్‌కు మంచి పునాది వేశాడు. ఓపెనర్ల పని ఇన్నింగ్స్‌కు మంచి ఆరంభం ఇవ్వడం. ఆ తర్వాత మిడిల్ ఆర్డర్ దాన్ని పూర్తి చేయాలి” అని మన్హాస్ వివరించాడు.కాగా, నిన్న జరిగిన ఏషియన్‌ గేమ్స్‌ పురుషుల క్రికెట్‌ ఫైనల్స్‌లో భారత్‌ పాక్‌పై విజయం సాధించి స్వర్ణ పతకం నిలబెట్టుకుంది. ఈ మ్యాచ్‌లో తొలుత బ్యాటింగ్‌ చేసిన టీమిండియా 211 పరుగుల భారీ స్కోరు చేసింది. అనంతరం పాకిస్తాన్‌ను 192/6కే పరిమితం చేసి 19 పరుగుల తేడాతో విజయం సాధించింది.ఇదీ చదవండి: 21 స్వర్ణాలు... 27 రజతాలు... 37 కాంస్యాలు

గువాహటి వేదికగా వెస్టిండీస్‌తో జరిగిన రెండో వన్డేలో ఘన విజయం సాధించిన భారత జట్టుకు 24 గంటలు తిరగకముందే భారీ షాక్ తగిలింది. శనివారం చండీగఢ్‌లో జరగనున్న మూడో వన్డేకు స్టార్ ఫాస్ట్ బౌలర్ ప్రసిద్ధ్ కృష్ణ గాయం కారణంగా దూరమయ్యాడు.గువాహటి వన్డేలో ప్రసిద్ధ్ కృష్ణ తొడ కండరాల గాయం (హ్యామ్‌స్ట్రింగ్) బారిన పడ్డాడు. దీంతో కేవలం ఐదు ఓవర్లు మాత్రమే బౌలింగ్ చేసి మైదానాన్ని వీడాడు. అనంతరం అతడికి స్కానింగ్ నిర్వహించగా, గాయం తీవ్రమైనదిగా తేలినట్లు సమాచారం. దీంతో అతడు మూడో వన్డే కోసం భారత జట్టుతో ప్రయాణించకుండా నేరుగా బెంగళూరులోని 'సెంటర్ ఆఫ్ ఎక్సలెన్స్'లో రిపోర్ట్ చేయనున్నాడు. అక్కడ అతడు తన రీహాబ్ ప్రక్రియను ప్రారంభించనున్నాడు. ఈ గాయం కారణంగా అతడు రాబోయే న్యూజిలాండ్ పర్యటనకు కూడా దూరమయ్యే అవకాశముంది.ఇక ప్రసిద్ధ్ స్థానంలో చివరి వన్డే కోసం అన్షుల్ కాంబోజ్ను సెలక్టర్లు జట్టులోకి తీసుకున్నట్లు తెలుస్తోంది. కాంబోజ్ ప్రస్తుతం ఆస్ట్రేలియా-ఎతో జరుగుతున్న రెండో అనధికారిక టెస్టులో భారత్-ఎ జట్టుకు ప్రాతినిధ్యం వహిస్తున్నాడు. అయితే భారత సీనియర్ జట్టుతో కలిసేందుకు కాంబోజ్ ఉన్నపళంగా ఇండియా-ఎ జట్టు నుంచి వైదొలిగినట్లు 'స్పోర్ట్‌స్టార్' తన కథనంలో పేర్కొంది.చదవండి: ENG vs PAK: ఇంగ్లండ్‌ జట్టు ప్రకటన.. 8 ఏళ్ల తర్వాత అతడికి పిలుపు

టీమిండియా పేస్ బౌలర్ దీపక్ చాహర్‌కు చేదు అనుభవం ఎదురైంది. అతడికి ఎంతో ఇష్టమైన ఖరీదైన క్రికెట్ బ్యాట్లు చోరీకి గురయ్యాయి. ఈ విషయాన్ని స్వయంగా చాహర్ సోషల్ మీడియా వేదికగా పంచుకోగా, ప్రస్తుతం ఆ వీడియో నెట్టింట వైరల్‌గా మారింది. బ్యాట్లు పోయాయనే బాధలో ఉన్నప్పటికీ, ఆ విషయాన్ని అతడు వ్యంగ్యంగా వెల్ల‌డించిన‌ తీరు నెటిజన్లను ఆకట్టుకుంటోంది.వివరాల్లోకి వెళితే, ప్రాక్టీస్ గ్రౌండ్‌లో ఉంచిన దీపక్ చాహర్ బ్యాట్లు అపహరణకు గురయ్యాయి. సుమారు రూ.1.5 లక్షల విలువైన మూడు ప్లేయర్-ఎడిషన్ బ్యాట్లు కనిపించకుండా పోయాయని అతడె వెల్లడించాడు. తన ఇన్‌స్టాగ్రామ్ ఖాతాలో పోస్ట్ చేసిన వీడియోలో ఈ ఘటన గురించి వివరిస్తూనే సదరు దొంగకు తనదైన శైలిలో విజ్ఞ‌ప్తి చేశాడు."ఆ బ్యాట్లను దొంగిలించిన వ్యక్తికి బహుశా వాటి అసలు విలువ తెలియకపోవచ్చు. వాటితో అతను టెన్నిస్ బాల్ క్రికెట్ ఆడతాడో లేక మరెవరికైనా విక్రయిస్తాడో తెలీదు. అదేదో నేరుగా నా దగ్గరికే వచ్చి డబ్బులు అడిగి ఉంటే ఇచ్చేవాడిని కదా. ఇప్పుడు నేను ఏం చేయాలి? పోలీసులకు ఫిర్యాదు చేయాలా? లేక యోగి గారి దగ్గరికో, మోదీ గారి దగ్గరికో వెళ్లాలా? లేదంటే ఆ దేవుడిని వేడుకోవాలా? అదీ కాదంటే మరో రెండు, మూడు బ్యాట్లు పంపమని తయారీ కంపెనీని అడగాలా?" అంటూ వ్యంగ్యంగా ట్వీట్ చేశాడు. ప్ర‌స్తుతం అత‌డి వీడియో సోష‌ల్ మీడియాలో వైరల్‌గా మారింది. Three player-edition bats belonging to cricketer Deepak Chahar have reportedly been stolen from the Chahar Academy Ground in Shastripuram, Agra.The three bats are worth around ₹1.5 lakh.@deepak_chahar9 shared a video informing fans about the incident.Requesting… pic.twitter.com/z5LR8XfX5p— Abhishek Arjun Singh (@AbhishekArjun05) September 29, 2026ఇదీ చదవండి: స‌చిన్‌కు సాధ్యం కాలేదు.. దిగ్గ‌జం రికార్డుపై కన్నేసిన కోహ్లి

టీమిండియా సీనియర్‌ ఆల్‌రౌండర్‌ హార్దిక్‌ పాండ్యాను దురదృష్టం వెంటాడుతోంది. ఇప్పటికే వివిధ గాయాల కారణంగా వరుస సిరీస్‌లకు దూరమైన అతడు.. ప్రస్తుతం బీసీసీఐ సెంటర్‌ ఆఫ్‌ ఎక్సలెన్స్‌లో పునరావాసం పొందుతున్నాడు.ఈ క్రమంలో కోలుకుంటున్న హార్దిక్‌ పాండ్యాను ఆస్ట్రేలియా- ‘ఎ’ జట్టుతో జరిగే అనధికారిక వన్డే సిరీస్‌కు సెలక్టర్లు ఎంపిక చేశారు. ఈ పేస్‌ బౌలింగ్‌ ఆల్‌రౌండర్‌ విషయంలో తొందరపాటు తగదని భావించి స్వదేశంలో వెస్టిండీస్‌తో జరిగే సిరీస్‌ల నుంచి మాత్రం పక్కనపెట్టారు. ఆసీస్‌తో సిరీస్‌కు ఎంపికఇదిలా ఉంటే.. అక్టోబరు 6- 11 మధ్య భారత్‌- ‘ఎ’- ఆసీస్‌- ‘ఎ’ జట్ల మధ్య అనధికారిక వన్డే సిరీస్‌కు షెడ్యూల్‌ ఖరారైంది. ఈ నేపథ్యంలో హార్దిక్‌ పాండ్యా తాజాగా మరోసారి గాయపడటం ఆందోళన రేకెత్తించింది. ప్రస్తుతం అతడు కుడికాలి మోకాలి కింది భాగంలో నొప్పితో బాధపడుతున్నట్లు సమాచారం.మూడు వారాల విశ్రాంతిఈ నేపథ్యంలో హార్దిక్‌ పాండ్యాకు సుమారు మూడు వారాల విశ్రాంతి అవసరమని వైద్యులు సూచించినట్లు తెలుస్తోంది. ఈ విషయం గురించి బీసీసీఐ సన్నిహిత వర్గాలు పీటీఐతో మాట్లాడుతూ.. ‘‘ఇది చాలా దురదృష్టకరం. హార్దిక్‌ పాండ్యా కుడికాలి మోకాలి కింది భాగంలో గాయం తీవ్రమైనట్లు స్కాన్‌ రిపోర్టుల్లో తేలింది.అతడికి రెండు- మూడు వారాల పాటు విశ్రాంతి ఇవ్వాలని డాక్టర్లు చెప్పారు. బీసీసీఐ వైద్య బృందానికి నాయకుడైన డాక్టర్‌ దిన్షా పార్దీవాలా జపాన్‌ నుంచి తిరిగి రాగానే హార్దిక్‌ రిపోర్టులు పరిశీలించి.. అతడు ఎప్పుడు బరిలోకి దిగాలనే అంశంపై స్పష్టతనిస్తారు’’ అని తెలిపాయి.హార్దిక్‌ స్థానంలో అతడే!కాగా వివిధ రకాల గాయాల కారణంగా హార్దిక్‌ పాండ్యా ఇప్పటికే స్వదేశంలో అఫ్గానిస్తాన్‌తో వన్డే సిరీస్‌కు, ఐర్లాండ్‌, ఇంగ్లండ్‌ పర్యటనలకు దూరమయ్యాడు. తాజాగా స్వదేశంలో అఫ్గాన్‌తో టీ20 సిరీస్‌, ఆసియా క్రీడలు-2026 టోర్నీకి అందుబాటులో లేకుండా పోయాడు.తాజాగా భారత్‌- ‘ఎ’ జట్టుకు కూడా హార్దిక్‌ పాండ్యా దూరమయ్యే పరిస్థితి తలెత్తింది. ఈ నేపథ్యంలో యువ పేస్‌ బౌలింగ్‌ ఆల్‌రౌండర్‌ సూర్యాంశ్‌ షెడ్గే హార్దిక్‌ స్థానంలో భారత్‌- ‘ఎ’ జట్టులో చేరనున్నట్లు సమాచారం. ప్రస్తుతం సూర్యాంశ్‌ సెంటర్‌ ఆఫ్‌ ఎక్సలెన్స్‌లో ఉన్నాడు. అక్కడ నెట్స్‌లో చెమటోడుస్తూ ప్రాక్టీస్‌ చేస్తున్నాడు. ఇటీవల సూర్యాంశ్‌ జింబాబ్వే పర్యటన సందర్భంగా తొలిసారి జాతీయ జట్టుకు ఎంపికైన సంగతి తెలిసిందే.చదవండి: ‘నా వికెట్‌ తాశావు.. సంబరాలు చేసుకో.. కానీ దూషిస్తే సహించను’

ఇండియన్‌ ప్రీమియర్‌ లీగ్‌ (ఐపీఎల్‌)-2027 వేలానికి సంబంధించి భారత క్రికెట్‌ నియంత్రణ మండలి (BCCI) బుధవారం కీలక ప్రకటన చేసింది. ఈ ఏడాది స్వదేశంలోనే వేలం పాట నిర్వహించనున్నట్లు స్పష్టం చేసింది. బీసీసీఐ కార్యదర్శి దేవజిత్‌ సైకియా ఈ విషయాన్ని తాజాగా ధ్రువీకరించారు.ఈ ఏడాది డిసెంబరులో గోవాలో ఐపీఎల్‌-2027 వేలం నిర్వహించనున్నట్లు సైకియా ప్రకటించారు. ఈ మేరకు ANIతో మాట్లాడుతూ.. ‘‘గత మూడేళ్లుగా విదేశాల్లోనే ఐపీఎల్‌ వేలం జరిగింది. సౌదీ అరేబియా, దుబాయ్‌, అబుదాబి వంటి అంతర్జాతీయ వేదికల మీద ఆక్షన్‌ నిర్వహించాము. ఏడాది మాత్రం గోవాలో డిసెంబరు నెలలో వేలం జరుగుతుంది’’ అని దేవజిత్‌ సైకియా తెలిపారు.అందుకే వేదికను మార్చాముఇదిలా ఉంటే.. భారత్‌- ‘ఎ’- ఆస్ట్రేలియా- ‘ఎ’ మహిళల జట్ల మధ్య సెప్టెంబరు 29- అక్టోబరు 2 మధ్య జరగాల్సిన మల్టీ డే మ్యాచ్‌ వేదికను ధర్మశాల నుంచి మొహాలికి మార్చిన సంగతి తెలిసిందే. ఈ విషయం గురించి సైకియా స్పందిస్తూ..‘‘వాతావరణ పరిస్థితుల కారణంగా ధర్మశాల నుంచి వేదికను మొహాలికి తరలించాము. ధర్మశాలలో వర్షపాతం ఎక్కువగా ఉంది. అక్కడ మ్యాచ్‌ ఆడే పరిస్థితి లేదు. అందుకే మొహాలీ వేదికగా మ్యాచ్‌లను నిర్వహించాలని నిర్ణయించాము’’ అని తెలిపారు. చదవండి: చెలరేగిన భారత బౌలర్లు.. ఆసీస్‌ 171 ఆలౌట్‌

కోల్‌కతా నైట్‌ రైడర్స్‌ యువ ఆటగాడు అంగ్‌క్రిష్‌ రఘువంశీకి ప్రమోషన్‌ వచ్చింది. రెస్టాఫ్‌ అండర్‌-23 క్రికెట్‌ జట్టుకు అతడు వైస్‌ కెప్టెన్‌గా ఎంపికయ్యాడు. కాగా కల్నల్‌ సీకే నాయుడు ట్రోఫీ రెడ్‌ బాల్‌ టోర్నీ-2026లో తమిళనాడు జట్టు విజేతగా నిలిచింది.వేదిక ఇదేఈ నేపథ్యంలో కల్నల్‌ సీకే నాయుడు ట్రోఫీ విన్నర్స్‌ మ్యాచ్‌లో తమిళనాడుతో తలపడే రెస్టాఫ్‌ ఇండియా అండర్‌-19 జట్టును భారత క్రికెట్‌ నియంత్రణ మండలి (BCCI) తాజాగా ప్రకటించింది. చెన్నైలోని ఎంఏ చిదంబరం స్టేడియం (చెపాక్‌) వేదికగా గురువారం నుంచి ఆదివారం (అక్టోబరు 1-4) మధ్య ఈ మ్యాచ్‌ నిర్వహణకు షెడ్యూల్‌ ఖరారైనట్లు తెలిపింది.హైదరాబాదీకి చోటుఇక ఈ జట్టుకు బరోడా బ్యాటర్‌ ప్రియాన్షు మోలియా కెప్టెన్‌గా ఎంపిక కాగా.. అతడికి డిప్యూటీగా అంగ్‌క్రిష్‌ రఘువంశీకి అవకాశం ఇచ్చింది జూనియర్‌ క్రికెట్‌ సెలక్షన్‌ కమిటీ. ఇక ఈ జట్టులో హైదరాబాద్‌ వికెట్‌ కీపర్‌ బ్యాటర్‌ అరవెల్లి అవినాశ్‌ రావుకు కూడా చోటు దక్కింది.కాగా ఢిల్లీకి చెందిన 22 ఏళ్ల రఘువంశీ.. ఐపీఎల్‌లో కోల్‌కతా నైట్‌ రైడర్స్‌కు ప్రాతినిథ్యం వహిస్తున్నాడు. ఇప్పటికి ఐపీఎల్‌లో 35 మ్యాచ్‌లు పూర్తి చేసుకున్న రఘువంశీ ఖాతాలో 885 పరుగులు ఉన్నాయి. ఇందులో ఏడు హాఫ్‌ సెంచరీలు ఉండటం విశేషం.కల్నల్‌ సీకే నాయుడు ట్రోఫీ విన్నర్స్‌ మ్యాచ్‌కు రెస్టాఫ్‌ ఇండియా అండర్‌-23 జట్టు ఇదేప్రియాన్షు మోలియా (కెప్టెన్‌), అంగ్‌క్రిష్‌ రఘువంశీ (వైస్‌ కెప్టెన్‌), ఆయుశ్‌ జత్వా, మనన్‌ భట్‌, దిగ్విజయ్‌ పాటిల్‌, రక్షిత్‌ మెహతా, అరవెల్లి అవినాశ్‌ రావు (వికెట్‌ కీపర్‌), మయాంక్‌ వర్మ (వికెట్‌ కీపర్‌), ఇమన్‌జోత్‌ సింగ్‌ చాహల్‌, చంద్రరాజ్‌ రాథోడ్‌, వరుణ్‌ సింగ్‌ భుయ్‌, గణేశ్‌ సుతార్‌, నిఖిల్‌ గిరి, చేతన్‌ శర్మ, జి.సుమిత్‌.చదవండి: సెంచరీతో చెలరేగిన భారత క్రికెటర్‌

భారత క్రికెట్‌లో మ్యాచ్‌ ఫిక్సింగ్‌ ఆరోపణలపై బీసీసీఐ అవినీతి నిరోధక విభాగం (ఏసీయూ) కొరడా ఝులిపించింది. ఉత్తరప్రదేశ్‌ టీ20 లీగ్‌ (UPT20)లో ఫిక్సింగ్‌ ఆరోపణలు ఎదుర్కొంటున్న మీరట్‌ మావెరిక్స్‌ మాజీ ఆటగాడు రితిక్‌ వాత్స్‌ను లీగ్‌ నుంచి తొలగించాల్సిందిగా ఉత్తరప్రదేశ్‌ క్రికెట్‌ అసోసియేషన్‌ (UPCA)ను అదేశించింది. ఈ మేరకు UPCA వాత్స్‌ను లీగ్‌ నుంచి తప్పించింది. వాత్స్‌ ప్రాతినిథ్యం వహించిన మీరట్‌ మావెరిక్స్‌కు టీమిండియా విధ్వంసకర బ్యాటర్‌ రింకూ సింగ్‌ సారధిగా వ్యవహరిస్తున్నాడు.మరోవైపు ఢిల్లీ ప్రీమియర్‌ లీగ్‌ (DPL)లోనూ ఫిక్సింగ్ కలకలం రేగింది. సెంట్రల్ ఢిల్లీ కింగ్స్ ఆటగాడు వంశ్ బేడీ స్పాట్ ఫిక్సింగ్ ఉచ్చులో చిక్కుకున్న‌ట్లు సమాచారం. అయితే, తనపై వచ్చిన ఫిక్సింగ్‌ ఆరోపణలను వంశ్ బేడీ ఇన్‌స్టాగ్రామ్ వేదిక‌గా ఖండించాడు. తనపై సోష‌ల్ మీడియాతో పాటు కొన్ని వెబ్‌సైట్లు త‌ప్పుడు క‌థ‌నాలు రాశారంటూ ఫైరయ్యాడు.కాగా, ఇటీవల మాజీ రంజీ క్రికెటర్‌ రచిత్‌ భాటియా భారత దేశవాళీ, ఫ్రాంచైజీ క్రికెట్‌లో అవినీతి జరుగుతోందంటూ సంచలన ఆరోపణలు చేశాడు. ఐపీఎల్‌ 2025 సమయంలో చెన్నై సూపర్‌ కింగ్స్‌ (CSK)కు సంబంధించిన కీలక సమాచారం బుకీలకు చేరిందని బాంబు పేల్చాడు. ఢిల్లీకి చెందిన ఓ యువ ఆటగాడు తనకు ఈ సమాచారం ఇచ్చినట్లు తెలిపాడు. ఇదీ చదవండి: స్పాట్‌ ఫిక్సింగ్ ఆరోపణలు.. ‘నన్ను ఇరికించే ప్రయత్నం’

టీమిండియా సీనియ‌ర్లు రోహిత్ శ‌ర్మ‌, విరాట్ కోహ్లి ఇవాళ కేర‌ళంలో అడుగుపెట్ట‌నున్నారు. వెస్టిండీస్‌తో వ‌న్డే సిరీస్‌లో భాగంగా తొలి వ‌న్డే సెప్టెంబ‌ర్ 27న తిరువ‌నంత‌పురం వేదికగా జ‌ర‌గ‌నుంది. ఈ నేప‌థ్యంలో గిల్ సార‌థ్యంలోని టీమిండియా బృందం ఇప్పటికే కేర‌ళ‌కు చేరుకోగా.. ఇవాళ కోహ్లి, రోహిత్‌లు జట్టుతో జాయిన్‌ అవనున్నారు. టెస్టులు, టీ20లకు రిటైర్మెంట్ ప్ర‌క‌టించిన రో-కో ద్వ‌యం 2027 వ‌న్డే ప్ర‌పంచ‌క‌ప్ నేప‌థ్యంలో కేవ‌లం వ‌న్డే ఫార్మాట్‌లో మాత్ర‌మే కొన‌సాగుతున్నారు. ఇటీవ‌లే ఇంగ్లండ్‌కు వ‌న్డే సిరీస్ కోల్పోయిన‌ప్ప‌టికీ రో-కో మాత్రం త‌మ ప్ర‌ద‌ర్శ‌నతో ఆక‌ట్టుకున్నారు. ముఖ్యంగా హిట్‌మ్యాన్ ఇంగ్లండ్‌తో మూడో వ‌న్డేలో చారిత్ర‌క సెంచ‌రీతో మెరిశాడు. ఇక వ‌న్డే ప్ర‌పంచ‌క‌ప్‌కు స‌రిగ్గా ఏడాది స‌మ‌యం మాత్ర‌మే ఉండ‌డంతో రో-కో ద్వ‌యంపై అంద‌రి దృష్టి నెల‌కొని ఉంది. ఆసియా క్రీడ‌ల కోసం శ్రేయ‌స్ అయ్య‌ర్ నేతృత్వంలో ఒక బృందం ఇప్ప‌టికే జ‌పాన్‌కు చేరుకోవ‌డంతో జ‌ట్టులో మార్పులు అనివార్య‌మ‌య్యాయి. అకిబ్ న‌బీ, న‌మ‌న్ ధిర్‌ల‌ను విండీస్‌తో వ‌న్డే సిరీస్‌కు ఎంపిక చేశారు. ఇక మరో సీనియ‌ర్ ఆల్‌రౌండ‌ర్ ర‌వీంద్ర జ‌డేజా కూడా ఆరు నెల‌ల త‌ర్వాత మ‌ళ్లీ వ‌న్డే మ్యాచ్ ఆడ‌నుండ‌డం విశేషం.మ‌రోవైపు ఆసియా క్రీడ‌ల్లో ఆడేందుకు ఇప్ప‌టికే శ్రేయ‌స్ అయ్య‌ర్ టీం జ‌పాన్‌లో అడుగుపెట్టింది. జ‌పాన్‌తో ఏకైక టీ20 మ్యాచ్ ఆడి అతిక‌ష్టం మీద గెలిచిన టీమిండియా ఇప్పుడు ఆసియా క్రీడ‌ల్లో వ‌రుస‌గా రెండో స్వ‌ర్ణం గెల‌వాల‌ని ఆశిస్తోంది. కానీ జ‌పాన్‌తో ఆడిన మ్యాచ్‌లో 5 ఓవ‌ర్ల ఆట మాత్ర‌మే సాధ్య‌మైన‌ప్ప‌టికీ, పిచ్ మాత్రం భార‌త్‌కు అనుకూలంగా లేద‌న్న విష‌యం స్ప‌ష్ట‌మైంది. దీంతో ఈసారి భార‌త్‌కు స్వ‌ర్ణం సాధిస్తుందా లేదా అనేది చూడాలి.ఇదీ చదవండి: ‘అంతా తొండి.. అందుకే కరచాలనం చేయలేదు’

ఢిల్లీ ప్రీమియర్ లీగ్ (డీపీఎల్‌-2026)లో ఫిక్సింగ్ కలకలం రేగింది. సెంట్రల్ ఢిల్లీ కింగ్స్ ఆటగాడు వంశ్ బేడీ స్పాట్ ఫిక్సింగ్ ఉచ్చులో చిక్కుకున్న‌ట్లు సమాచారం. అయితే బేడీ ఈ విషయాన్ని వెంటనే యాంటీ కరప్షన్ వింగ్ దృష్టికి తీసుకెళ్ల‌డంతో విష‌యంలో వెలుగులోకి వ‌చ్చింది.తనపై వచ్చిన ఫిక్సింగ్‌ ఆరోపణలను వంశ్ బేడీ ఇన్‌స్టాగ్రామ్ వేదిక‌గా ఖండించాడు. ‘‘నేను స్పాట్ ఫిక్సింగ్‌కు పాల్ప‌డిన‌ట్లు సోష‌ల్ మీడియాతో పాటు కొన్ని వెబ్‌సైట్లు నా ప‌రువుకు భంగం క‌లిగించే విధంగా త‌ప్పుడు క‌థ‌నాలు రాశాయి. సీఎస్‌కే ఆట‌గాడికి సంబంధించిన మ్యాచ్ ఫిక్సింగ్ ఆరోప‌ణ‌ల‌పై తెహెల్కా స్టింగ్ ఆప‌రేష‌న్‌లో మాజీ రంజీ క్రికెట‌ర్ ర‌చిత్ భాటియా ప్ర‌స్తావించిన వ్య‌క్తి నేను కాద‌ని, ఆ ఫిక్సింగ్ కుంభ‌కోణంతో నాకు ఎలాంటి సంబంధం లేదు. అన‌వ‌స‌రంగా నాపై ఫిక్సింగ్ ఆరోప‌ణ‌లు చేసిన వారిపై చ‌ట్ట‌ప‌ర‌మైన చ‌ర్య‌లు తీసుకోవాల‌నుకుంటున్నా. దీనికి బాధ్యులైన వారిపై నా న్యాయ బృందం తగిన సివిల్, క్రిమినల్ చర్యలు తీసుకోనుంది. అటువంటి తప్పుడు, పరువు నష్టం కలిగించే కంటెంట్‌ను సృష్టించడం లేదా పంచుకోవడం మానుకోవాలని ప్రతి ఒక్కరినీ విజ్ఞ‌ప్తి చేస్తున్నా’’ అని చెప్పుకొచ్చాడు.ఇదే విష‌య‌మై డీడీసీఏ కార్యదర్శి అశోక్ శర్మ మాట్లాడుతూ.. ఉత్తరప్రదేశ్‌కు చెందిన ఓ ఆటగాడు బేడీని సంప్రదించినట్లు సమాచారం. ఆ ఆటగాడు అక్కడే ఓ టీ20 లీగ్ లో కూడా ఆడుతున్నట్లు ఆయన తెలిపారు. ఈ వ్యవహారంపై డీడీసీఏ ఇప్పుడు బీసీసీఐని ఆశ్రయించింది. తదుపరి ఎలా ముందుకు వెళ్లాలనే దానిపై బీసీసీఐ సలహా కోరింది. ఇటీవల వెలుగులోకి వచ్చిన ఓ స్టింగ్ ఆపరేషన్‌లో వచ్చిన ఫిక్సింగ్ ఆరోపణల నేపథ్యంలో ఈ లేఖ రాసినట్లు డీడీసీఏ తెలిపింది. బీసీసీఐ మార్గదర్శకత్వం కోసం వేచి చూస్తున్నట్లు అశోక్ శర్మ వెల్లడించారు.ఇక ఢిల్లీ ప్రీమియర్‌ లీగ్‌ 2026 సీజన్‌లో సెంట్రల్ ఢిల్లీ కింగ్స్ ర‌న్న‌ర‌ప్‌గా నిలిచింది. ఫైనల్లో సౌత్ ఢిల్లీ సూపర్ స్టార్స్‌ చేతిలో ఓడింది. వంశ్ బేడీ గతంలో పురాణి ఢిల్లీ 6 తరఫున కూడా ఆడాడు. అతనికి ఐపీఎల్లో చెన్నె సూపర్ కింగ్స్ కూడా అవకాశం లభించింది.ఇదీ చదవండి: టీమిండియాతో టీ20 సిరీస్‌.. న్యూజిలాండ్ జ‌ట్టు ప్ర‌క‌ట‌న‌

భారత క్రికెట్‌లో ప్రధాన సెలెక్టర్ అజిత్ అగార్కర్ పదవీకాలం ముగింపు దశకు చేరుకున్న నేపథ్యంలో బీసీసీఐ నిర్ణయాలపై మరోసారి చర్చ మొదలైంది. అగార్కర్ సెలెక్షన్ కమిటీ చైర్మన్‌గా వచ్చిన తర్వాత వైట్‌బాల్ క్రికెట్‌లో టీమిండియా వరుసగా మూడు ఐసీసీ ట్రోఫీలు సొంతం చేసుకుంది. ఆయన హయాంలో సానుకూల అంశాలు చాలానే ఉన్నప్పటికీ, రోహిత్ శర్మ కెప్టెన్సీ తొలగింపు మొదలు అనేక వివాదాలతో అగర్కార్ పదవికి మచ్చను తెచ్చిపెట్టేలా చేశాయి. 2027 ప్రపంచ కప్ కోసం రోహిత్‌ను జట్టులో ఉంచడానికి అతను సుముఖంగా లేనప్పటికీ, బోర్డు మాత్రం ఆ ఆటగాడికి మద్దతు ఇచ్చింది. అయితే నిజానికి అగార్కర్ పదవీకాలం ప్రారంభమైన నాటి నుంచే బీసీసీఐతో సమస్యలు మొదలయ్యాయని ‘ది టెలిగ్రాఫ్’ తమ నివేదికలో పేర్కొంది.‘ది టెలిగ్రాఫ్’ కథనం ప్రకారం.. 2023లో అజిత్ అగార్కర్ చీఫ్ సెలెక్టర్‌గా బాధ్యతలు స్వీకరించిన తర్వాత జరిగిన రెండో సమావేశంలోనే ఓ కీలక నిర్ణయం విషయంలో భిన్నాభిప్రాయాలు వ్యక్తమయ్యాయి. అదే ఏడాది ఆగస్టులో ఐర్లాండ్‌తో జరగాల్సిన టీ20 సిరీస్ కోసం భారత జట్టును ఎంపిక చేసే సమయంలో కెప్టెన్సీ అంశం చర్చకు వచ్చినట్లు ఆ నివేదిక పేర్కొంది. ఆ సమయంలో రుతురాజ్ గైక్వాడ్‌ను భారత టీ20 జట్టుకు కెప్టెన్‌గా నియమించాలని అగార్కర్ భావించినట్లు కథనం తెలిపింది. అనంతరం జరిగిన 2023 ఆసియా క్రీడల్లో భారత జట్టుకు గైక్వాడ్ కెప్టెన్‌గా వ్యవహరించాడు. యువ ఆటగాడికి నాయకత్వ అనుభవం అందించాలనే ఉద్దేశంతో ఈ నిర్ణయం ఉపయోగపడేదనే అభిప్రాయం కూడా వ్యక్తమైంది.అయితే బీసీసీఐ మాత్రం జస్‌ప్రీత్‌ బుమ్రాను కెప్టెన్‌గా ఎంపిక చేయాలని భావించినట్లు నివేదిక పేర్కొంది. గాయం కారణంగా కొంతకాలం క్రికెట్‌కు దూరంగా ఉన్న బుమ్రా.. ఐర్లాండ్ సిరీస్‌తో తిరిగి అంతర్జాతీయ క్రికెట్‌లోకి వచ్చాడు. అతడికి ఇది పునరాగమన సిరీస్ కావడంతో బోర్డు నిర్ణయం ఆసక్తికరంగా మారింది. బుమ్రా పనిభారాన్ని దృష్టిలో ఉంచుకుని రుతురాజ్‌కు కెప్టెన్సీ ఇవ్వాలని అగార్కర్ కోరుకున్నట్లు నివేదికలో పేర్కొన్నప్పటికీ.. బుమ్రాకు నాయకత్వం వహించాలనే ఆసక్తి ఉండటంతో బీసీసీఐ అతడినే కెప్టెన్‌గా ఎంపిక చేసిందని కథనం తెలిపింది. ఇక అగార్కర్ చీఫ్ సెలెక్టర్ పదవి నుంచి వైదొలిగిన తర్వాత అతడి స్థానంలో ఎవరు రానున్నారనేది బీసీసీఐ ఇంకా చెప్పనప్పటికీ, భారత మాజీ క్రికెటర్ పార్థివ్ పటేల్ పేరు ప్రముఖంగా వినిపిస్తోంది.ఇదీ చదవండి: లంక‌తో తొలి వ‌న్డే.. ఇంగ్లండ్‌ తుది జట్టులో విధ్వంస వీరుడు!

భారత క్రికెట్ నియంత్రణ మండలి(BCCI).. జూనియర్ నేషనల్ సెలక్షన్ కమిటీ ఛైర్మన్ పదవి కోసం దరఖాస్తులను ఆహ్వానించిన సంగతి తెలిసిందే. ప్రస్తుతం ఈ కీలక బాధ్యతలను చేపట్టే రేసులో భారత మాజీ క్రికెటర్ రమేష్ పవార్ అందరికంటే ముందు వరుసలో ఉన్నట్లు సమాచారం.కాగా 48 ఏళ్ల ప‌వార్‌కు భారత క్రికెట్‌తో సుదీర్ఘ అనుబంధం ఉంది. ఈ వెటరన్ ఆఫ్ స్పిన్నర్ టీమిండియా తరఫున 2 టెస్టులు, 31 వన్డే మ్యాచ్‌లు ఆడారు. ముఖ్యంగా 2004 ప్రారంభంలో పాకిస్తాన్ గడ్డపై చారిత్రాత్మక వన్డే సిరీస్‌ను కైవసం చేసుకున్న భారత జట్టులో అతడు కూడా భాగమయ్యాడు.ఇక కేవలం ఆటగాడిగానే కాకుండా కోచ్‌గానూ అతడికి మంచి అనుభవం ఉంది. భారత మహిళా క్రికెట్ జట్టుకు హెడ్ కోచ్‌గా సేవలు అందించారు. నేషనల్ క్రికెట్ అకాడమీలో యువ ఆటగాళ్లను తాయారు చేయడంలో కూడా అతడు కీలక పాత్ర పోషించాడు. అంతేకాకుండా దేశవాళీ క్రికెట్‌లో ముంబై, గుజరాత్ జట్లకు వివిధ హోదాల్లో కోచ్‌గా వ్యవహరించారు. ఈ సుదీర్ఘ అనుభవం జూనియర్ స్థాయి నుంచి కొత్త ప్రతిభను వెలికితీసేందుకు ఎంతో ఉపయోగపడుతుందని బోర్డు భావిస్తోంది. త్వరలోనే దీనిపై బీసీసీఐ నుంచి అధికారిక ప్రకటన వెలువడే అవకాశముంది. మరోవైపు సీనియర్‌ సెలక్షన్‌ కమిటీ చైర్మెన్‌ పదవి నుంచి అజిత్‌ అగార్కర్‌ తప్పుకోనున్నట్లు తెలుస్తోంది.చదవండి: బీసీసీఐ కీలక నిర్ణయం.. 31 ఏళ్ల తర్వాత స్పెషల్‌ మ్యాచ్‌?

భారత క్రికెట్ నియంత్రణ మండలి తన 100 ఏళ్ల ఘనమైన ప్రయాణాన్ని అత్యంత వైభవంగా సెల్‌బ్రేట్‌ చేసుకోవడానికి సమాయత్తమవుతోంది. ఈ శతాబ్ది ఉత్సవాలను క్రికెట్ చరిత్రలోనే చిరస్మరణీయంగా మార్చేందుకు ఒక ప్రత్యేక మ్యాచ్‌ను నిర్వహించేందుకు బీసీసీఐ ప్రణాళికలు రచిస్తోంది.ఈ ఉత్సవాల సందర్భంగా 'ఇండియా ఎలెవన్ వర్సెస్ రెస్ట్ ఆఫ్ ది వరల్డ్ ఎలెవన్' మధ్య ఒక చారిత్రక మ్యాచ్ జరగనున్నట్లు 'ఆనందబజార్ పత్రిక' తన కథనంలో పేర్కొంది. ఇది గనుక కార్యరూపం దాల్చితే భారత క్రికెట్ దిగ్గజాలతో పాటు ప్రపంచవ్యాప్తంగా ఉన్న వివిధ దేశాల అగ్రశ్రేణి ఆటగాళ్లను ఒకే మైదానంలో చూసే అరుదైన అవకాశం అభిమానులకు దక్కుతుంది. ఈ శతాబ్ది ఉత్సవాల నిర్వహణకు బీసీసీఐ ఏజీఎం ఇప్పటికే ఆమోదం తెలిపింది. కేవలం ఒక మ్యాచ్ మాత్రమే కాకుండా, గత వంద ఏళ్లలో భారత క్రికెట్ ప్రస్థానాన్ని మరియు ప్రపంచ క్రికెట్‌లో భారత్ సాధించిన విజయాలను ప్రతిబింబించేలా పలు విశేష క్రీడా కార్యక్రమాలను సైతం బీసీసీఐ నిర్వహించనుంది.భారత జట్టు 'రెస్ట్ ఆఫ్ ది వరల్డ్ ఎలెవన్‌'తో తలపడటం ఇది మొదటిసారేమీ కాదు. గతంలో 1994-95 సీజన్‌లో ఈ రెండు జట్ల మధ్య పరిమిత ఓవర్ల ప్రదర్శన (ఎగ్జిబిషన్) మ్యాచ్‌లు జరిగాయి. వీటిలో మొదటి మ్యాచ్ 1994 జూన్ 1న కోల్‌కతాలోని ఈడెన్ గార్డెన్స్‌లో 45 ఓవర్ల డే-నైట్ మ్యాచ్‌గా జరిగింది.ఆ మ్యాచ్‌లో ముందుగా బ్యాటింగ్ చేసిన ఇండియా ఎలెవన్ 45 ఓవర్లలో 4 వికెట్ల నష్టానికి 263 పరుగుల భారీ స్కోరు సాధించింది. మాస్టర్ బ్లాస్టర్ సచిన్ టెండూల్కర్ (151) అద్భుత సెంచరీతో విరుచుకుపడగా, వినోద్ కాంబ్లీ (45) కూడా రాణించాడు. అనంతరం 264 పరుగుల లక్ష్యంతో బరిలోకి దిగిన 'రెస్ట్ ఆఫ్ ది వరల్డ్' నిర్ణీత 45 ఓవర్లలో 9 వికెట్ల నష్టానికి 198 పరుగులకే పరిమితమైంది.ఆ తర్వాత రెండో మ్యాచ్ 1995 మార్చి 24న కటక్‌లోని బారాబతి స్టేడియంలో జరిగింది. ఈ మ్యాచ్‌లో కూడా భారత్ 5 వికెట్ల తేడాతో జయకేతనం ఎగురవేసింది. ఇప్పటివరకు ఈ రెండు జట్ల మధ్య జరిగిన చివరి మ్యాచ్ ఇదే. ఇప్పుడు మళ్లీ దాదాపు 31 ఏళ్ల తర్వాత ఇరు జట్లు ముఖాముఖి తలపడటానికి సిద్ధమవుతుండటం విశేషం.చదవండి: 'వైభవ్‌లో ఆ స్కిల్స్ లేవు.. టెస్టు క్రికెట్‌కు సెట్ కాడు'

భారత మహిళా, పురుష క్రికెట్‌ జట్లకు మరోసారి ‘నక్వీ గండం’ ఎదురయ్యే అవకాశం ఉంది. ఆసియా కప్‌ తర్వాత ఆసియా క్రీడలు-2026 టోర్నీలోనూ అతడి చేతుల మీదుగానే ట్రోఫీ అందుకోవాల్సి వస్తే పరిస్థితి ఏమిటనే చర్చ మొదలైంది. కాగా ఆసియా క్రికెట్‌ మండలి (ACC) అధ్యక్షుడిగా పాకిస్తాన్‌ అంతర్గత వ్యవహారాల శాఖా మంత్రి, పాక్‌ క్రికెట్‌ బోర్డు చైర్మన్‌ మోసిన్‌ నక్వీ కొనసాగుతున్న సంగతి తెలిసిందే.రెండుసార్లు నిరాకరణఅయితే, భారత్‌- పాక్‌ మధ్య ఉద్రిక్తతల నేపథ్యంలో ఆసియా టీ20 కప్‌-2025లో విజేతగా నిలిచిన భారత పురుషుల జట్టు, ఇటీవల 2026లో ఆసియా కప్‌ టైటిల్‌ను సొంతం చేసుకున్న భారత మహిళల జట్టు నక్వీ చేతుల మీదుగా ట్రోఫీ అందుకునేందుకు నిరాకరించాయి. దీంతో ఇంతవరకు ట్రోఫీలు భారత్‌కు అందకుండా నక్వీ పావులు కదుపుతున్నాడు.హాట్‌ ఫేవరెట్‌గా భారత జట్లుఈ నేపథ్యంలో ఆసియా క్రీడల్లోనూ ఇదే తరహా పరిస్థితి తలెత్తే అవకాశం ఉంది. జపాన్‌ వేదికగా ఈ టోర్నీ జరుగుతున్న సంగతి తెలిసిందే. క్రికెట్‌ విభాగంలో టీ20 ఫార్మాట్లో మ్యాచ్‌లు నిర్వహిస్తుండగా.. డిఫెండింగ్‌ చాంపియన్లు టీమిండియా, భారత మహిళా జట్టు హాట్‌ ఫేవరెట్‌గా ఉన్నాయి.ఇక్కడా అదే గండం.. నిరాకరిస్తే కష్టమే!ప్రస్తుతం అత్యంత పటిష్టంగా ఉన్న ఇరుజట్లు దాదాపు స్వర్ణం గెలవడం ఖాయమే. ఈ నేపథ్యంలో ఆసియా ఒలింపిక్‌ మండలి (OCA)లో భాగమైన నక్వీకి గనుక పతకాలు ప్రదానం చేసే అవకాశం వస్తే.. భారత జట్లు తప్పక అతడి చేతుల మీదుగానే మెడల్స్‌ స్వీకరించాల్సి ఉంటుంది. లేనిపక్షంలో ఆసియా క్రీడలనే అవమానించినట్లుగా అవుతుంది. తద్వారా పతకాలు నిరాకరించిన జట్లపై క్రమశిక్షణా చర్యలు చేపట్టే అవకాశం ఉంటుంది.స్పందించిన బీసీసీఐఈ విషయంపై భారత క్రికెట్‌ నియంత్రణ మండలి (BCCI) కార్యదర్శి దేవజిత్‌ సైకియా తాజాగా స్పందించారు. ‘‘ముందుగా మ్యాచ్‌లు గెలవడంపైనే మా దృష్టి ఉంది. భారత జట్లు స్వర్ణ పతకం గెలిచి పోడియం వద్దకు వెళ్లాలి. అప్పుడే మేము దీని గురించి నిర్ణయం తీసుకుంటాము.ప్రస్తుతం మా దృష్టి మొత్తం మ్యాచ్‌లు గెలవడం మీదే ఉంది. బోర్డు, ఆటగాళ్లకు ఇదే మొదటి ప్రాధాన్యం. ఇప్పటి వరకు జరగని దాని గురించి పెద్దగా స్పందించాల్సిన అవసరం లేదు’’ అని సైకియా పేర్కొన్నారు.నిబంధనలు ఇవేకాగా ఆసియా ఒలింపిక్‌ మండలి నియావళిలోని ఆర్టికల్‌ 66 ప్రకారం.. ‘విజయాలు, పతకాల ప్రదానోత్సం’లో భాగంగా విజేతలకు OCA అధ్యక్షుడు నేరుగా మెడల్‌ ప్రదానం చేయవచ్చు. లేదంటే.. మండలిలో భాగమైన ఇతర సభ్యులకు ఆ బాధ్యతను అప్పగించవచ్చు. ఇక్కడ ఎలాంటి రాజకీయ, మతపరమైన, వాణిజ్యపరమైన అంశాలకు తావు ఉండదు.చదవండి: నేను ఎదుర్కొన్న కఠినమైన భారత బ్యాటర్‌ అతడే: కమిన్స్‌

భారత క్రికెట్‌ నియంత్రణ మండలి (బీసీసీఐ) 95వ వార్షిక సభ్య సమావేశం శుక్రవారం జరిగింది. ముంబైలోని ప్రధాన కార్యాలయంలో జరిగిన మీటింగ్‌కు బోర్డు అధ్యక్షుడు మిథున్‌ మన్హాస్‌, ఉప్యాధ్యక్షుడు రాజీవ్‌ శుక్లా, కార్యదర్శి దేవజిత్‌ సైకియా తదితరులు హాజరయ్యారు. ఈ సమావేశంలో భాగంగా పది కీలక నిర్ణయాలు తీసుకున్నట్లు బీసీసీఐ వెల్లడించింది. బీసీసీఐ ఏజీఎం తీసుకున్న కీలక నిర్ణయాలు ఇవే1. బీసీసీఐ జనరల్ బాడీలో భాగమైన అరుణ్ సింగ్ ధుమాల్‌ మరోసారి ఐపీఎల్‌ చైర్మన్‌గా ఖరారు కాగా.. ఖైరుల్ జమాల్ మజుందార్‌ సభ్యుడిగా చేరారు.2. 2026-27 ఆర్థిక సంవత్సరానికి సంబంధించిన వార్షిక బడ్జెట్‌కు బీసీసీఐ జనరల్ బాడీ ఆమోదం తెలిపింది.3. 2025-26 ఆర్థిక సంవత్సరానికి సంబంధించిన బీసీసీఐ ఆడిట్ చేయబడిన ఖాతాల నివేదికను జనరల్ బాడీ ఆమోదించింది.4. 2026-27 ఆర్థిక సంవత్సరానికి ఆడిటర్లను నియమించారు.5. అదేవిధంగా 2027లో జరగనున్న ఐపీఎల్‌ 20వ ఎడిషన్‌ను అత్యంత ఘనంగా నిర్వహించాలని జనరల్ బాడీ ఏకగ్రీవంగా నిర్ణయించింది.6. బీసీసీఐ శత వసంత ఉత్సవాలు 2028లో ఘనంగా నిర్వహించాలని జనరల్‌ బాడీ నిర్ణయించింది. ఇందుకు సంబంధించిన ప్రక్రియను మొదలుపెట్టింది. డిసెంబరు 2027 నుంచి 2028 వరకు దాదాపు ఏడాది పాటు వేడుకలు చేయాలని నిర్ణయించింది. భారత క్రికెట్‌ చరిత్రలోని కీలక ఘట్టాన్ని వీలైనంత ఘనంగా నిర్వహించాలని భావిస్తోంది.7.దేశవాళీ క్రికెట్‌లో పని చేస్తున్న అంపైర్లు, రిఫరీల వేతనాలను పెంచాలని బీసీసీఐ నిర్ణయించింది. 2026–27 సీజన్‌ నుంచి ఇది అమల్లోకి వస్తుంది. దేశవాళీ అంపైర్లను ఎ, బి, సీ, డీ అనే నాలుగు గ్రేడ్‌లుగా విభజించేందుకు చర్యలు చేపట్టింది.8.లైంగిక వేధింపుల నిరోధక విధానంలో భాగంగా బీసీసీఐ అంతర్గత కమిటీని ఏర్పాటు చేసింది.9.ఆటగాళ్ల వయసు నిర్దారణకు సంబంధించిన విధానంలో అప్‌డేట్‌ తీసుకువచ్చింది.10. దివ్యాంగ క్రికెటర్లకు మద్దతుగా ఉండేందుకు చేపట్టాల్సిన చర్యలు, వారికి కల్పించాల్సిన వనరులు, సౌకర్యాల గురించి రాష్ట్ర అసోసియేషన్లతో చర్చించింది. దివ్యాంగ క్రికెటర్ల అభివృద్ధికి మరింత తోడ్పాటు అందించే దిశగా అడుగులు వేయాలని నిర్ణయించింది.

దేశవాళీ క్రికెట్‌లో పని చేస్తున్న అంపైర్లు, రిఫరీల వేతనాలను పెంచాలని భారత క్రికెట్‌ నియంత్రణ మండలి (బీసీసీఐ) నిర్ణయించింది. 2026–27 సీజన్‌ నుంచి ఇది అమల్లోకి వస్తుంది. అక్టోబర్‌ 11న రంజీ ట్రోఫీ ప్రారంభం కానుండగా, అప్పటి నుంచి కొత్త వేతనాలు వర్తిస్తాయి. ముంబైలో శుక్రవారం నాటి బీసీసీఐ వార్షిక సర్వసభ్య సమావేశం (ఏజీఎం)లో దీనిపై అధికారికంగా ఆమోద ముద్ర వేస్తారు. దేశవాళీ అంపైర్లను ఎ, బి, సీ, డీ అనే నాలుగు గ్రేడ్‌లుగా విభజిస్తారు.రూ. 40 వేల చొప్పునతొలి రెండు గ్రేడ్‌లలో ఉన్నవారు సీనియర్‌ స్థాయి మ్యాచ్‌లకు, తర్వాతి రెండు గ్రేడ్‌లలో ఉన్నవారు జూనియర్‌ స్థాయి మ్యాచ్‌లకు బాధ్యతలు నిర్వర్తిస్తారు. ప్రస్తుతం దేశంలో బీసీసీఐ గుర్తింపు పొందిన 20 మంది అంపైర్లకు రోజుకు రూ.40 వేల చొప్పున, ఇతర అంపైర్లు రోజుకు రూ.30 వేల చొప్పున ఇస్తున్నారు. టీ20 మ్యాచ్‌లకైతే రోజుకు రూ.20 వేలు లభిస్తాయి. రోజూవారీ భత్యం కింద ఇచ్చే రూ.500– రూ.1500 వరకు ఇచ్చే మొత్తం దీనికి అదనం.

టీమిండియా చీఫ్‌ సెలక్టర్‌ అజిత్‌ అగార్కర్‌ పదవీకాలం ఈ నెల (సెప్టెంబరు)తో ముగియనుంది. ఈ నేపథ్యంలో భారత క్రికెట్‌ నియంత్రణ మండలి (BCCI) అతడి కాంట్రాక్టును పొడిగించేందుకు సుముఖంగానే ఉన్నట్లు వార్తలు వచ్చాయి. వన్డే ప్రపంచకప్‌-2027 వరకు అగార్కర్‌నే సెలక్షన్‌ కమిటీ చైర్మన్‌గా కొనసాగించాలని బోర్డు భావించినట్లు తెలిసింది.అయితే, అగార్కర్‌ మాత్రం చీఫ్‌ సెలక్టర్‌గా కొనసాగేందుకు విముఖత వ్యక్తం చేసినట్లు తాజా సమాచారం. ఇదిలా ఉంటే.. వెస్టిండీస్‌తో పరిమిత ఓవర్ల సిరీస్‌లకు బుధవారం భారత వన్డే, టీ20 జట్లను బీసీసీఐ ప్రకటించిన సంగతి తెలిసిందే. సెలక్షన్‌ కమిటీ చైర్మన్‌గా అగార్కర్‌కు ఇదే ఆఖరి సమావేశం అని సమాచారం.రేసులో వారేఈ నేపథ్యంలో ఎన్డీటీవీ కథనం ఆసక్తికర విషయం వెల్లడించింది. చీఫ్‌ సెలక్టర్‌గా అగార్కర్‌ స్థానాన్ని భారత మాజీ వికెట్‌ కీపర్‌​ బ్యాటర్‌ పార్థివ్‌ పటేల్‌ లేదంటే.. మాజీ స్పిన్నర్‌ ప్రజ్ఞాన్‌ ఓజా భర్తీ చేయనున్నట్లు బీసీసీఐ సన్నిహిత వర్గాలు పేర్కొనట్లు తెలిపింది. కాగా పార్థివ్‌ పటేల్‌ (గుజరాత్‌), ప్రజ్ఞాన్‌ ఓజా ఇద్దరూ టీమిండియా తరఫున సత్తా చాటడంతో పాటు మూడుసార్లు టైటిళ్లు గెలిచిన ఐపీఎల్‌ జట్లలో సభ్యులు కావడం విశేషం. ఇక ఒడిశాకు చెందిన ఓజా ఇప్పటికే సెలక్షన్‌ కమిటీలో సభ్యుడిగా ఉన్నాడు.ఘనమైన విజయాలుకాగా 2023 జూలైలో అగార్కర్‌ టీమిండియా చీఫ్‌ సెలక్టర్‌గా నియమితుడయ్యాడు. అతడి హయాంలో భారత జట్టు 2023 వన్డే వరల్డ్‌కప్‌లో ఫైనల్‌కు చేరింది. ఇక 2024, 2026 టీ20 ప్రపంచకప్‌ టోర్నీల్లో చాంపియన్‌గా నిలిచింది. అదే విధంగా 2025లో ఐసీసీ చాంపియన్స్‌ ట్రోఫీ గెలిచింది. అంతేకాదు గతేడాది ఆసియా కప్‌ టైటిల్‌ను కూడా సొంతం చేసుకుంది.ఈ నేపథ్యంలోనే ఈ ఏడాది జూన్‌లోనే అగార్కర్‌ పదవీకాలం ముగిసినప్పటికీ బీసీసీఐ అతడిపై నమ్మకంతో అక్టోబరు 4 దాకా గడువు పొడిగించింది. అయితే, దిగ్గజ బ్యాటర్లు రోహిత్‌ శర్మ, విరాట్‌ కోహ్లిలను వన్డే ప్రపంచకప్‌-2027 దాకా కొనసాగించే విషయంలో అగార్కర్‌- బీసీసీఐ పెద్దల మధ్య విభేదాలు తలెత్తినట్లు తెలుస్తోంది.అందుకే విభేదాలు!రో-కో ప్రపంచకప్‌ ఆడే విషయంపై స్పష్టత ఇవ్వలేదంటూ అగార్కర్‌ ఇప్పటికే బహిరంగంగా ప్రకటించిన సంగతి తెలిసిందే. అదే సమయంలో రో- కో మాత్రం తాము కచ్చితంగా వన్డే వరల్డ్‌కప్‌ ఆడతామనే సంకేతాలు ఇచ్చారు. ఇక రోహిత్‌- కోహ్లి అర్దంతరంగా టెస్టులకు రిటైర్మెంట్‌ ప్రకటించడానికి కారణం కూడా అగార్కర్‌ వైఖరేనని గతంలో వార్తలు వచ్చాయి.ఈ నేపథ్యంలో తలెత్తిన విభేదాల కారణంగా బీసీసీఐ పెద్దలు, అగార్కర్‌ మధ్య దూరం పెరిగిందని.. అందుకే అగార్కర్‌ ఇక తన పదవి నుంచి దిగిపోకతప్పలేదనే ఊహాగానాలు వినిపిస్తున్నాయి.చదవండి: ఆసియా క్రీడలకు నితీశ్‌ కుమార్‌ రెడ్డి దూరం

న్యూఢిల్లీ: మూడేళ్ల విరామం తర్వాత ఇండియన్‌ ప్రీమియర్‌ లీగ్‌ (ఐపీఎల్‌) వేలం కార్యక్రమం భారత్‌లో జరగనుంది. ఈ విషయాన్ని ఐపీఎల్‌ చైర్మన్‌ అరుణ్‌ ధుమాల్‌ ధ్రువీకరించారు. ‘ప్రతి ఏడాది ఐపీఎల్‌ వేలం కార్యక్రమం భారత్‌లోనే నిర్వహించాలని అనుకుంటాం. కానీ పెళ్లిళ్ల సీజన్‌ కారణంగా వేదిక లభించడం కష్టమవుతోంది. అయితే ఈసారి మాత్రం ఐపీఎల్‌ వేలం భారత్‌లోనే ఉంటుంది. ఈసారి మినీ వేలం కావడంతో వేదిక లభిస్తుందనే ఆశిస్తున్నాం’ అని రేపు జరిగే బీసీసీఐ ఏజీఎంలో మరోసారి ఐపీఎల్‌ చైర్మన్‌గా ఎన్నిక కానున్న అరుణ్‌ ధుమాల్‌ తెలిపారు. ‘ఇంపాక్ట్‌ ప్లేయర్‌’ నిబంధనను కొనసాగించాలా వద్దా అనే అంశంపై ఫ్రాంచైజీలతో చర్చించాకే నిర్ణయం తీసుకుంటామని ఆయన వివరించారు. 2024 ఐపీఎల్‌ వేలం జిద్దాలో... 2025 ఐపీఎల్‌ వేలం దుబాయ్‌లో... 2026 వేలం అబుదాబిలో నిర్వహించారు.

మహిళల ఆసియా కప్‌-2026 ట్రోఫీ నిరాకరణ అంశం గురించి భారత క్రికెట్‌ నియంత్రణ మండలి (బీసీసీఐ) అధికారికంగా స్పందించింది. ఆసియా క్రికెట్‌ మండలి (ఏసీసీ) అధ్యక్షుడు, పాకిస్తాన్‌ అంతర్గత వ్యవహారాల శాఖా మంత్రి మోసిన్‌ నక్వీ చేతుల మీదుగా బహుమతి అందుకోమని ముందుగానే బోర్డుకు సమాచారం ఇచ్చినట్లు తెలిపింది.నక్వీ అందుకు అభ్యంతరం చెప్పలేదుఈ విషయం గురించి బీసీసీఐ ఉపాధ్యక్షుడు రాజీవ్‌ శుక్లా మీడియాతో మాట్లాడుతూ.. ‘‘నక్వీ చేతుల మీదుగా ట్రోఫీ అందుకునే విషయం గురించి మేము ముందుగానే చర్చించుకున్నాము. అతడే ట్రోఫీ ఇస్తానని పట్టుబడితే తీసుకోవద్దనే నిర్ణయానికి వచ్చాము. జట్టుకు ఇదే విషయాన్ని తెలియజేశాము.ఇది బోర్డు సామూహిక నిర్ణయం. ఇందుకు నక్వీ కూడా అభ్యంతరం చెప్పలేదు. అందుకే వేదిక దగ్గరకు వచ్చి ఎవరికి ఏమి ఇవ్వాలో అది ఇచ్చేసి అక్కడి నుంచి వెళ్లిపోయాడు’’ అని తెలిపారు. కాగా మహిళల ఆసియా టీ20 కప్‌-2026 టోర్నీలో భారత జట్టు చాంపియన్‌గా నిలిచిన సంగతి తెలిసిందే.అపుడు కూడా ఇలాగేదుబాయ్‌ వేదికగా ఆదివారం ముగిసిన ఫైనల్లో శ్రీలంకను 72 పరుగుల తేడాతో చిత్తు చేసి హర్మన్‌ సేన టైటిల్‌ గెలుచుకుంది. అయితే, భారత్‌- పాక్‌ మధ్య ఉద్రిక్తతల నేపథ్యంలో గతేడాది ఆసియా కప్‌ గెలిచినప్పటికీ భారత పురుషుల క్రికెట్‌ జట్టు నక్వీ చేతుల మీదుగా ట్రోఫీ తీసుకునేందుకు నిరాకరించింది.తాజాగా 2026లో చాంపియన్‌గా నిలిచిన భారత మహిళా జట్టు సైతం అదే బాటలో నడిచింది. అయితే, ఈసారి తాము ముందుగానే నక్వీ చేతుల మీదుగా ట్రోఫీ తీసుకోమని బీసీసీఐ ఏసీసీకి సమాచారం ఇచ్చింది. అయినప్పటికీ నక్వీ తానే స్వయంగా బహుమతి ప్రదానం చేస్తానని వేదిక వద్దకు రాగా.. భారత జట్టు కిందే ఉండిపోగా.. రన్నరప్‌ శ్రీలంకకు చెక్‌ ఇచ్చి నక్వీ వెళ్లిపోయాడు.ట్రోఫీ ఇంకా చేతికి రాలేదుఇదిలా ఉంటే.. పురుషుల జట్టుకు రావాల్సిన ఆసియా కప్‌ ట్రోఫీ ఇంకా బీసీసీఐ చేతికి అందనేలేదు. తాజాగా మహిళల ట్రోఫీ కూడా ఎప్పుడు చేతికి వస్తుందో తెలియని పరిస్థితి ఏర్పడింది. ఈ నేపథ్యంలో బీసీసీఐ కార్యదర్శి దేవజిత్‌ సైకియా మాట్లాడుతూ.. ఏసీసీతో సంప్రదించి త్వరలోనే రెండు ట్రోఫీలు దేశానికి చేరేలా చూస్తామని వెల్లడించారు. కాగా టీమిండియా గతేడాది ట్రోఫీ తీసుకునేందుకు నిరాకరించగా.. నక్వీ తనతో పాటే ట్రోఫీని ఎత్తుకెళ్లాడనే ప్రచారం జరిగింది. దీంతో తాజాగా మహిళల ఫైనల్‌ ముగిసిన తర్వాత నక్వీ స్టేడియంలోకి రాగా..‘ట్రోఫీ చోర్‌’ అంటూ టీమిండియా అభిమానులు నినాదాలు చేశారు. చదవండి: బాబర్‌ ఆజం సంచలన నిర్ణయం!

ఊహించిందే జరిగింది.. మహిళల ఆసియా టీ20 కప్‌-2026 టోర్నీ విజేతగా నిలిచిన భారత జట్టు.. ఆసియా క్రికెట్‌ మండలి అధ్యక్షుడు, పాకిస్తాన్‌ అంతర్గత వ్యవహారాల శాఖా మంత్రి మోసిన్‌ నక్వీ చేతుల మీదుగా ట్రోఫీ తీసుకునేందుకు నిరాకరించింది.గతేడాది పురుషుల జట్టు మాదిరిగానే ట్రోఫీ లేకుండానే సంబరాలు చేసుకుంది హర్మన్‌ సేన. ఫలితంగా.. ముందే సమాచారం ఇచ్చినప్పటికీ చాంపియన్‌కు తానే ట్రోఫీ ప్రదానం చేస్తానని పట్టుబట్టిన నక్వీకి భంగపాటు ఎదురైంది. ‘ట్రోఫీ దొంగ’ అంటూఅతడి చేతుల మీదుగా ట్రోఫీ అందుకునేందుకు భారత జట్టు నిరాకరించగా.. స్టేడియంలో ఉన్నవాళ్లు ‘ట్రోఫీ దొంగ’ అంటూ నినాదాలతో హోరెత్తించారు. మరోవైపు.. రన్నరప్‌ శ్రీలంక మాత్రం నక్వీ చేతుల మీదుగా చెక్‌ అందుకుంది.ఈ నేపథ్యంలో నక్వీ తీరుపై తీవ్ర స్థాయిలో విమర్శలు వస్తుండగా.. పాకిస్తాన్‌ అభిమానులు మాత్రం అతడిని ప్రశంసిస్తూ అతి చేయడం కెమెరా కంటికి చిక్కింది. కాగా దుబాయ్‌ వేదికగా జరిగిన ఆసియా కప్‌-2026 ఫైనల్లో భారత జట్టు శ్రీలంకను 72 పరుగుల తేడాతో మట్టికరిపించింది.పాత కథ పునరావృతం కాకుండా..తద్వారా ఎనిమిదోసారి ఆసియా కప్‌ టైటిల్‌ను సొంతం చేసుకుంది. అయితే, భారత్‌- పాక్‌ మధ్య ఉద్రిక్త పరిస్థితుల నేపథ్యంలో గతేడాది ఆసియా కప్‌లో భారత పురుషుల జట్టు చాంపియన్‌గా నిలిచినప్పటికీ.. నక్వీ చేతుల మీదుగా ట్రోఫీ తీసుకునేందుకు నిరాకరించింది.దీంతో నక్వీ ట్రోఫీని తనతోపాటే తీసుకువెళ్లడం సహా.. తన అనుమతి లేకుండా భారత్‌కు ట్రోఫీని అందజేయవద్దనే ఆదేశాలు ఇచ్చినట్లు వార్తలు వచ్చాయి. ఈ పరిణామాల నేపథ్యంలో బీసీసీఐ ముందుగానే ఆసియా క్రికెట్‌ మండలికి సమాచారం ఇచ్చింది. తమ జట్టు ఆసియా కప్‌ ఫైనల్లో విజేతగా నిలిస్తే నక్వీ చేతుల మీదుగా ట్రోఫీ తీసుకోదని తేల్చి చెప్పింది.అయినప్పటికీ నక్వీ మొండిగా ముందుకు వెళ్లి.. చేదు అనుభవం ఎదుర్కొన్నాడు. దీంతో దుబాయ్‌ స్టేడియం వీడి కారులో నక్వీ తిరిగి వెళ్తున్న వేళ కొంతమంది పాక్‌ అభిమానులు అతడిని చుట్టుముట్టారు. ఇందుకు సంబంధించిన వీడియో సోషల్‌ మీడియాలో చక్కర్లు కొడుతోంది.సంతోషంగా ఉంది. వాళ్లకు ట్రోఫీ అందుకునే అర్హత లేదు‘మంచి పని చేశారు సర్‌. మిమ్మల్ని చూస్తే సంతోషంగా ఉంది. వాళ్లకు ట్రోఫీ అందుకునే అర్హత లేదు’ అంటూ ఓ అభిమాని మాట్లాడటం రికార్డు అయింది. ఈ నేపథ్యంలో టీమిండియా అభిమానులు పాక్‌ ఫ్యాన్స్‌, నక్వీ తీరుపై మరోసారి విమర్శల బాణాలు ఎక్కుపెట్టారు.55 పరుగులకే ఆలౌట్‌ అయిన వాళ్లకే ఆ అర్హత ఉంది‘‘అవును.. టోర్నీ ఆసాంతం ఒక్క ఓటమి కూడా లేకుండా చాంపియన్‌గా నిలిచిన హర్మన్‌సేనకు.. ఇలాంటి వ్యక్తి చేతుల మీదుగా ట్రోఫీ అందుకునేందుకు అర్హత ఎందుకు ఉంటుంది?.. భారత్‌ చేతిలో 55 పరుగులకే ఆలౌట్‌ అయిన పాక్‌ మహిళా జట్టుకు మాత్రమే ఆ అర్హత ఉంది. నక్వీ, పాక్‌ జట్టు.. వారికి వారే తగినవారు. శునకానందం పొందండి’’ అంటూ వ్యంగ్యాస్త్రాలు సంధిస్తున్నారు.కాగా గ్రూప్‌ దశలో భారత జట్టుతో తలపడ్డ పాకిస్తాన్‌ 18.1 ఓవర్లలో కేవలం 55 పరుగులు చేసి ఆలౌట్‌ అయింది. అనంతరం లక్ష్య ఛేదనకు దిగిన హర్మన్‌సేన 8.4 ఓవర్లలో మూడు వికెట్లు కోల్పోయి పని పూర్తి చేసింది. ఇక సెమీ ఫైనల్లో భారత్‌ బంగ్లాపై గెలిచి టైటిల్‌ పోరుకు అర్హత సాధించగా.. శ్రీలంక చేతిలో ఓడి పాకిస్తాన్‌ ఇంటిబాట పట్టింది. దుబాయ్‌లో ఆదివారం జరిగిన ఫైనల్లో శ్రీలంకపై గెలిచి భారత్‌ విజేతగా అవతరించింది.చదవండి: చరిత్ర సృష్టించిన అభిషేక్‌ శర్మHumiliation for Mohsin Naqvi 🔥😂“Good job, sir. We are happy with you. They don’t deserve the trophy,” a Pakistani fan tells Mohsin Naqvi. pic.twitter.com/6OSfKSNtzV— Anamika (@TheRubric_Medic) September 14, 2026

ఆసియా కప్‌ ట్రోఫీ బహూకరణ విషయంలో మరోసారి నాటకీయ పరిణామాలు చోటు చేసుకున్నాయి. ఆసియా క్రికెట్‌ మండలి అధ్యక్షుడు (ఏసీసీ), పాకిస్తాన్‌ అంతర్గత వ్యవహారాల శాఖా మంత్రి మోసిన్‌ నక్వీ వైఖరి కారణంగా భారత జట్టు ట్రోఫీ లేకుండానే సంబరాలు చేసుకోవాల్సి వచ్చింది.ట్రోఫీ తీసుకునేందుకు నిరాకరణకాగా గతేడాది పురుషుల ఆసియా కప్‌ టీ20 టోర్నీలో టీమిండియా ఫైనల్లో పాక్‌ను ఓడించి విజేతగా నిలిచిన సంగతి తెలిసిందే. అయితే, ఇరుదేశాల మధ్య ఉద్రిక్త పరిస్థితుల నేపథ్యంలో భారత జట్టు నక్వీ నుంచి ట్రోఫీ తీసుకునేందుకు నిరాకరించింది. ఈ క్రమంలో నక్వీ ట్రోఫీని తనతో పాటే తీసుకువెళ్లగా.. సూర్యకుమార్‌ సేన రిక్తహస్తాలతో తిరిగి వచ్చింది.ఇప్పటికీ ట్రోఫీ భారత్‌ చేతికి రాలేదు. ఇదిలా ఉంటే.. తాజాగా మహిళల ఆసియా కప్‌ టీ20 టోర్నీలోనూ భారత జట్టు చాంపియన్‌గా నిలిచింది. దుబాయ్‌ వేదికగా ఫైనల్లో శ్రీలంకను 72 పరుగుల తేడాతో చిత్తు చేసిన టీమిండియా రికార్డు స్థాయిలో ఎనిమిదో సారి టైటిల్‌ గెలిచింది. అయితే, ట్రోఫీ అందించే విషయంలో నక్వీ మొండిపట్టుదల కారణంగా హర్మన్‌సేన విషయంలో పాత కథే పునరావృతమైంది.𝗧𝗛𝗘 𝗪𝗜𝗖𝗞𝗘𝗧. 𝗧𝗛𝗘 𝗥𝗢𝗔𝗥. 𝗧𝗛𝗘 𝗖𝗥𝗢𝗪𝗡! 👑8 titles. One unstoppable dynasty 💙 #SonySportsNetwork #SonyLIV #NotAGentlemansGame #DPWorldWomensAsiaCup2026 pic.twitter.com/NG3DRF52Xd— Sony Sports Network (@SonySportsNetwk) September 13, 2026ముందుగానే సమాచారంనిజానికి గత అనుభవాన్ని దృష్టిలో పెట్టుకుని భారత క్రికెట్‌ నియంత్రణ మండలి (BCCI) ట్రోఫీ బహూకరణ అంశం గురించి ముందుగానే ఏసీసీకి సమాచారం ఇచ్చినట్లు తెలిసింది. ఈ విషయం గురించి బీసీసీఐ కార్యదర్శి దేవజిత్‌ సైకియా హిందుస్తాన్‌ టైమ్స్‌తో మాట్లాడుతూ..‘‘పురుషుల ఆసియా కప్‌ మాదిరే ఈసారి కూడా ట్రోఫీ అందుకునే విషయంలో మా వైఖరి గురించి ముందుగానే స్పష్టంగా చెప్పాము. ఇప్పటికీ గతేడాది ట్రోఫీ ఇంకా మా చేతికి రాలేదు. అయినా సరే కొంతమంది విదేశీ వ్యక్తుల చేతుల మీదుగా ట్రోఫీ అందుకునేందుకు ఈసారి కూడా సుముఖంగా లేమని చెప్పేశాము.ఆయన చేతుల మీదుగా అయితే ఓకేఒకవేళ ఏసీసీ డిప్యూటీ చైర్‌పర్సన్‌ ట్రోఫీని ఖలీద్‌ అల్‌ జరూనీ ప్రదానం చేస్తే తీసుకుంటామని చెప్పాము. కానీ మా అ‍భ్యర్థనను తిరస్కరించారు. కాబట్టి ట్రోఫీని ఆ వ్యక్తి (నక్వీ) చేతుల మీదుగా తీసుకోవద్దమని మేము నిర్ణయించుకున్నాము’’ అని సైకియా తెలిపాడు.‘‘ఏదేమైనా ట్రోఫీ చేతికి రానంత మాత్రాన మా జట్టు సాధించిన విజయం వృథాగా పోదు. దేశం మొత్తాన్ని గర్వపడేలా చేసిన అమ్మాయిలకు అభినందనలు. ఏదో ఒకరోజు రెండు ట్రోఫీలు మన చేతికి వస్తాయి’’ అని సైకియా పేర్కొన్నాడు.వద్దన్నా వినడు.. ఇదేం బుద్ధి?బీసీసీఐ ముందుగానే ఏసీసీకి సమాచారం ఇచ్చినప్పటికీ మోసిన్‌ నక్వీ ట్రోఫీ తానే ఇస్తానని గట్టిగా నిర్ణయించుకున్నట్లు పాక్‌ మీడియా జియో న్యూస్‌ వెల్లడించింది. ఏదేమైనా ట్రోఫీ చాంపియన్‌ చేతికి అందుతుందని.. ఈ విషయంలో ఏసీసీ సుముఖంగానే ఉందని పేర్కొంది.కాగా నక్వీ తీరుపై టీమిండియా అభిమానులు విమర్శల వర్షం కురిపిస్తున్నారు. ‘‘ముందుగా చెప్పినా వినకుండా మొండిపట్టు పట్టడం దేనికి?.. ఇదేం బుద్ధి?.. కావాలనే భారత్‌కు ట్రోఫీలు రాకుండా అల్ప సంతోషం పొందడం పాక్‌ మంత్రికి అలవాటై పోయింది’’ అని సోషల్‌ మీడియా వేదికగా మండిపడుతున్నారు. 🚨 NO TROPHY FROM MOHSIN NAQVI! 🇮🇳India Women chose not to collect the Asia Cup trophy from Pakistan’s Mohsin Naqvi.Smriti Mandhana simply turned around and headed back to the dugout! 🔥WELL DONE GIRLS! 🙌 pic.twitter.com/XwnW5eW8nW— The Khel India (@TheKhelIndia) September 14, 2026

దుబాయ్‌: మహిళల ఆసియా కప్‌ ఫైనల్లో శ్రీలంకపై 72 పరుగుల తేడాతో విజయం సాధించిన భారత మహిళల జట్టు.. ట్రోఫీ అందుకునే సమయంలో మాత్రం వేదిక వద్దకు రాలేదు. ఆసియా క్రికెట్‌ కౌన్సిల్‌ (ఏసీసీ) అధ్యక్షుడు, పాకిస్థాన్‌ క్రికెట్‌ బోర్డు చీఫ్‌ మొహ్సిన్‌ నఖ్వీ చేతుల మీదుగా ట్రోఫీ తీసుకునేందుకు భారత జట్టు నిరాకరించినట్లు సమాచారం. దీంతో గతేడాది పురుషుల ఆసియా కప్‌ ఫైనల్లో చోటుచేసుకున్న పరిస్థితే మరోసారి కనిపించింది.అయితే, హర్మన్‌ప్రీత్‌ కౌర్‌ నేతృత్వంలోని భారత జట్టు మ్యాచ్‌ అనంతరం ఎప్పటిలాగే సంబరాలు చేసుకుంది. ప్రసార సంస్థకు ఇంటర్వ్యూలు కూడా ఇచ్చింది. సాధారణంగా మ్యాచ్‌ ముగిసిన 15–20 నిమిషాల్లో బహుమతుల ప్రదాన కార్యక్రమం ప్రారంభమవుతుంది. అయితే ఈసారి గంటకుపైగా ఆలస్యమైంది. ఈ సమయంలో బీసీసీఐ కార్యదర్శి దేవజిత్‌ సైకియా, ఉపాధ్యక్షుడు రాజీవ్‌ శుక్లా ఆటగాళ్లతో మైదానం పక్కన మాట్లాడారు. డ్రెస్సింగ్‌ రూమ్‌లోనే జట్టు సభ్యులకు పతకాలు అందజేసినట్లు సమాచారం.ఏసీసీ అధ్యక్షుడి హోదాలో మొహ్సిన్‌ నఖ్వీ ట్రోఫీని అందజేసేందుకు స్టేడియానికి వచ్చినట్లు పాకిస్థాన్‌ మీడియా కథనాలు పేర్కొన్నాయి. రన్నరప్‌గా నిలిచిన శ్రీలంక కెప్టెన్‌ చమరి ఆటపత్తుకు ఆయన బహుమతి చెక్కును అందజేశారు. అయితే భారత జట్టు, కోచ్‌, అధికారులు ట్రోఫీ ప్రధాన వేదిక వద్ద కనిపించలేదు. దీంతో భారత జట్టు ట్రోఫీని తీసుకోకపోతే దానిని మరోసారి ఏసీసీ కార్యాలయానికి తీసుకెళ్లే అవకాశం ఉందని పాకిస్థాన్‌ మీడియా పేర్కొంది.గతేడాది పురుషుల ఆసియా కప్‌ ఫైనల్లోనూ ఇదే తరహా పరిణామం చోటుచేసుకుంది. భారత్‌ టైటిల్‌ గెలిచిన తర్వాత మొహ్సిన్‌ నఖ్వీ చేతుల మీదుగా ట్రోఫీ అందుకునేందుకు భారత జట్టు నిరాకరించింది. మరో ఏసీసీ లేదా ఐసీసీ అధికారి చేతుల మీదుగా ట్రోఫీ అందజేయాలని కోరింది. అయితే నఖ్వీ అందుకు అంగీకరించకపోవడంతో అప్పట్లో బహుమతి ప్రదాన కార్యక్రమం వద్ద ప్రతిష్టంభన ఏర్పడింది. చివరకు ఆయన ట్రోఫీని తీసుకుని ఏసీసీ కార్యాలయానికి వెళ్లారు.పహల్గాం ఉగ్రదాడి తర్వాత భారత్‌–పాకిస్థాన్‌ సంబంధాలు ఉద్రిక్తంగా ఉన్న సమయంలో గతేడాది ఆసియా కప్‌లో భారత జట్టు పాకిస్థాన్‌తో మ్యాచ్‌ల సందర్భంగా సంప్రదాయ హ్యాండ్‌షేక్‌కు దూరంగా ఉంది. ఈ నేపథ్యంలోనే నఖ్వీ నుంచి ట్రోఫీ తీసుకోవడాన్ని భారత జట్టు వ్యతిరేకించినట్లు అప్పట్లో వార్తలు వచ్చాయి. నఖ్వీ పాకిస్థాన్‌ అంతర్గత వ్యవహారాల మంత్రిగా చేసిన గత వ్యాఖ్యలు కూడా దీనికి కారణమని కథనాలు పేర్కొన్నాయి. తాజాగా మహిళల ఆసియా కప్‌ ఫైనల్లోనూ దాదాపు అదే పరిస్థితి కనిపించడంతో ట్రోఫీ ప్రదానంపై మరోసారి చర్చ మొదలైంది.ఇదీ చదవండి: పోలాండ్‌ సరిహద్దుకు 2 కి.మీ. దూరంలో రష్యా డ్రోన్‌ దాడి

భార‌త్‌ను ప్ర‌స్తుతం ‘80s’ ట్రెండ్ షేక్ చేస్తోంది. ఇన్‌స్టాగ్రామ్‌, ట్విట‌ర్‌, ఫేస్‌బుక్‌, వాట్సాప్ ఇలా ఏ సోషల్ మీడియా ప్లాట్‌ఫామ్ చూసుకున్నా ‘80s’ ట్రెండ్ పిచ్చ వైర‌ల్‌గా మారిపోయింది. సెలెబ్రిటీల నుంచి సామాన్యుల దాకా త‌మ‌కు న‌చ్చిన ఫొటోను చాట్ జీపీటీకి ఇచ్చి ప్రాంప్ట్ స‌హాయంతో ‘80s’ ట్రెండ్ ఫొటోల‌ను సృష్టించి స్టేట‌స్‌లుగా పెట్టేస్తున్నారు. ఇప్పుడు ఇదే ‘80s’ ట్రెండ్ టీమిండియా క్రికెట్‌కు కూడా పాకింది. తాజాగా బీసీసీఐ త‌న అధికారిక ఎక్స్ ఖాతాలో టీమిండియా క్రికెట‌ర్ల 80s ట్రెండ్ ఫొటోల‌ను పంచుకుంది. అఫ్గానిస్తాన్‌తో టీ20 సిరీస్ నేప‌థ్యంలో రేపటి నుంచి తొలి టీ20 మ్యాచ్ జ‌ర‌గ‌నుంది. ఇప్ప‌టికే ఢిల్లీకి చేరుకున్న టీమిండియా క్రికెట‌ర్ల‌కు వారి ‘80s’ ఫొటోల‌ను చూపించింది. దీనిపై ఒక్కో క్రికెట‌ర్ ఒక్కోలా రియాక్ట్ అవ్వ‌డం క‌నిపించింది. Photo Credit: BCCI Twitterముఖ్యంగా అక్ష‌ర్ ప‌టేల్‌, ఇషాన్ కిష‌న్‌, అభిషేక్ వ‌ర్మ‌, వైభ‌వ్ సూర్య‌వంశీ, అర్ష‌దీప్ సింగ్‌లు త‌మ ‘80s’ ఫొటోలు చూసుకొని తెగ మురిసిపోయారు. అభిషేక్ శ‌ర్మ అయితే అచ్చం హాలీవుడ్ హీరోని త‌ల‌పించే విధంగా ఉన్నాడంటూ ఇషాన్ కిష‌న్ ఆట‌ప‌ట్టించ‌డం విశేషం. కెప్టెన్ శ్రేయ‌స్ అయ్య‌ర్‌. బుమ్రా, సంజూ శాంస‌న్ ఇలా అంద‌రు క్రికెట‌ర్లు త‌మ ఫొటోల‌ను గుర్తుప‌ట్ట‌గా.. ర‌వి బిష్ణోయి, య‌ష్ ఠాకూర్‌లు మాత్రం త‌మ ఫొటోల‌ను పోల్చుకోలేక‌పోయారు. Photo Credit: BCCI Twitterమొద‌ట శివ‌మ్ దూబే త‌న ఫొటో బ‌దులు య‌శ్ ఠాకూర్‌ను చూపించాడు. అయితే వెంట‌నే త‌న ఫొటోను చూపిస్తూ.. ఇందాకా చూపించింది య‌శ్ ఠాకూర్‌ది అని పేర్కొన్నాడు. ఇక బుమ్రా మాత్రం త‌న ఫొటోను చూసుకోవ‌డానికి ఇష్ట‌ప‌డ‌లేదు. 2 నిమిషాల 40 సెకన్ల నిడివి ఉన్న వీడియో ఇప్పుడు సోష‌ల్ మీడియాను తెగ ఊపేస్తోంది. వీలైతే మీరు ఒక లుక్కేయండి.Photo Credit: BCCI Twitterఇక రేపు (ఆదివారం) భార‌త్, అఫ్గానిస్తాన్‌ల మ‌ధ్య తొలి టీ20 మ్యాచ్ జ‌ర‌గ‌నుంది. జ‌ట్టు కూర్పు ఇప్ప‌టికే ఒక అంచ‌నాకు వ‌చ్చిన‌ప్ప‌టికీ, ఓపెనింగ్ విష‌యంలోనే మేనేజ్‌మెంట్ ఎటూ తేల్చుకోలేక‌పోతుంది. ఓపెనింగ్‌లో వైభ‌వ్ లేదా శాంస‌న్‌లలో ఎవ‌రిని ఆడిస్తార‌నేది చూడాలి. విశ్వ‌సనీయ స‌మాచారం మేర‌కు వైభ‌వ్‌ను బెంచ్‌కు ప‌రిమితం చేసి శాంస‌న్‌కు అవ‌కాశ‌మివ్వ‌నున్న‌ట్లు తెలుస్తోంది. మూడు మ్యాచ్‌ల టీ20 సిరీస్‌లో అన్ని మ్యాచ్‌ల‌కు ఢిల్లీలోని అరుణ్ జైట్లీ స్టేడియం వేదిక కానుంది.Vintage vibes. Priceless reactions. 😂🎥 #TeamIndia takes on the 1980s trend 😉 - By @RajalArora #AFGvIND pic.twitter.com/nSaClHHdyn— BCCI (@BCCI) September 12, 2026ఇదీ చదవండి: ఆసియా గేమ్స్‌కు కొత్త రంగు జెర్సీలో టీమిండియా!

హర్షిత్‌ రాణా.. ఐపీఎల్‌లో సత్తా చాటి అనతికాలంలోనే టీమిండియాలో అరంగేట్రం చేసిన ఆటగాళ్లలో ఒకడు. హెడ్‌కోచ్‌ గౌతం గంభీర్‌ ప్రియ శిష్యుడిగా పేరొందిన ఈ ఢిల్లీ పేసర్‌.. ఇప్పటికే అంతర్జాతీయ క్రికెట్‌లో మూడు ఫార్మాట్లలోనూ అడుగుపెట్టాడు.టీమిండియా తరఫున ఇప్పటి వరకు రెండు టెస్టులు, పద్నాలుగు వన్డేలు, పద్నాలుగు టీ20 మ్యాచ్‌లు ఆడిన 24 ఏళ్ల హర్షిత్‌ రాణా.. ఆయా ఫార్మాట్లలో వరుసగా నాలుగు, 26, 16 వికెట్లు కూల్చాడు. ఐసీసీ చాంపియన్స్‌ ట్రోఫీ-2025 గెలిచిన భారత జట్టులోనూ అతడు సభ్యుడు.గాయాలతో సావాసంఅయితే, గత కొంతకాలంగా హర్షిత్‌ రాణా గాయాల వల్ల ఇబ్బందిపడుతున్నాడు. టీ20 ప్రపంచకప్‌-2026 టోర్నీకి ముందు సౌతాఫ్రికాతో వార్మప్‌ మ్యాచ్‌ సందర్భంగా ఈ రైటార్మ్‌ పేసర్‌ గాయపడ్డాడు. మోకాలి నొప్పితో విలవిల్లాడిన అతడు సర్జరీ చేయించుకోవాల్సి వచ్చింది. ఈ క్రమంలో ఐపీఎల్‌-2026 మొత్తానికి ఈ కోల్‌కతా నైట్‌ నైడర్స్‌ ఆటగాడు దూరమయ్యాడు.ఇలా వచ్చి.. అలా వెళ్లాడుఈ క్రమంలో జూన్‌లో ఐర్లాండ్‌ పర్యటన సందర్భంగా భారత టీ20 జట్టులోకి హర్షిత్‌ రాణా పునరాగమనం చేశాడు. అయితే, ఇంగ్లండ్‌తో ట్రెంట్‌ బ్రిడ్జ్‌ వన్డే సందర్భంగా అతడికి తొడ కండరాల గాయమైంది. దీంతో హర్షిత్‌ రాణా మరోసారి జట్టుకు దూరమయ్యాడు.ఈ నేపథ్యంలో గత కొంతకాలంగా బెంగళూరులోని బీసీసీఐ సెంటర్‌ ఫర్‌ ఎక్సలెన్స్‌లో హర్షిత్‌ రాణా పునరావాసం పొందుతున్నాడు. అయితే, అఫ్గానిస్తాన్‌తో స్వదేశంలో సెప్టెంబరు 13న మొదలయ్యే టీ20 సిరీస్‌కు అతడు అందుబాటులో ఉండే అవకాశం ఉన్నట్లు బీసీసీఐ తొలుత ప్రకటించింది.సిరీస్‌ మొత్తానికి దూరంఅయితే, ఫిట్‌నెస్‌ పరీక్ష సమయంలో హర్షిత్‌ రాణా మరోసారి గాయపడటంతో అతడు సిరీస్‌ మొత్తానికి దూరమైనట్లు ప్రకటించింది. అతడి స్థానంలో యశ్‌ ఠాకూర్‌ను ఎంపిక చేసింది. ఈ పరిణామాల నేపథ్యంలో భారత మాజీ క్రికెటర్‌, ఢిల్లీ జట్టు హెడ్‌కోచ్‌ శరణ్‌దీప్‌ సింగ్‌ కీలక వ్యాఖ్యలు చేశాడు.గాయం నుంచి పూర్తిగా కోలుకున్న తర్వాత హర్షిత్‌ను టీమిండియాలో ఆడించాలని శరణ్‌దీప్‌ సింగ్‌ సూచించాడు. ప్రస్తుత పరిస్థితుల్లో యాజమాన్యం తొందరపడి అతడిని తీసుకురాకుండా మంచి పని చేసిందని పేర్కొన్నాడు. ఈ మేరకు ఫ్యాన్‌కోడ్‌తో మాట్లాడుతూ....డిప్రెషన్‌లోకి వెళ్లే అవకాశం ఉంది‘‘ఒక్కసారి టీమిండియాలోకి తిరిగి వస్తే అదనంగా శ్రమించాల్సి ఉంటుంది. కాబట్టి గాయం మళ్లీ తిరగబెట్టే అవకాశం ఉంటుంది. ప్రస్తుతం హర్షిత్‌ రాణాను మరికొంత కాలం పక్కనపెట్టడం సానుకూల విషయమే. లేదంటే వరుస గాయాల వల్ల హర్షిత్‌ డిప్రెషన్‌లో కూరుకుపోయే అవకాశం ఉంటుంది.ఒత్తిడి పెరిగి అతడి మానసిక స్థితిపై ప్రభావం చూపుతుంది. ప్రస్తుతం భారత జట్టులో అతడు కీలక సభ్యుడిగా ఉన్నాడు. అద్భుతంగా బౌలింగ్‌ చేయడంతో పాటు అవసరమైనపుడు బ్యాటింగ్‌ కూడా చేయగలడు. గతేడాది కాలంగా బాగా రాణించాడు. అయితే, గాయాల వల్ల కాస్త వెనుకబడ్డాడు. అతడు త్వరలోనే ఫిట్‌గా మారి తిరిగి వస్తాడని ఆశిస్తున్నా’’ అని శరణ్‌దీప్‌ సింగ్‌ చెప్పుకొచ్చాడు.చదవండి: ఏడెకరాల భూమి.. ఫామ్‌హౌజ్‌.. ఆస్తి విలువ ఎంతంటే?

సెప్టెంబ‌ర్ 19 నుంచి అధికారికంగా మొద‌లుకానున్న‌ ఆసియా క్రీడ‌ల‌కు టీమిండియా కొత్త జెర్సీతో బ‌రిలోకి దిగ‌నున్న‌ట్లు తెలుస్తోంది. సంప్ర‌దాయ నీలం రంగు (Blue) జెర్సీకి బ‌దులు నారింజ‌ రంగు (Orange) జెర్సీ ధ‌రించి టీమిండియా మ్యాచ్‌లు ఆడ‌నున్న‌ట్లు స‌మాచారం. దీనిపై ఇంకా అధికారిక ప్ర‌క‌ట‌న విడుద‌ల కాన‌ప్ప‌టికీ, ఆసియా క్రీడ‌ల‌కు మాత్రం టీమిండియా జెర్సీలో మార్పు ఖాయ‌మన్న విష‌యం స్ప‌ష్టమ‌వుతోంది. అయితే ఇటీవ‌లే భార‌త‌ హాకీ జ‌ట్టు మాత్రం కాషాయ రంగు జెర్సీ నుంచి బ్లూ జెర్సీలోకి మారిన సంగ‌తి తెలిసిందే. రాబోయే ఆసియా క్రీడ‌ల‌కు కూడా మ‌న హాకీ జ‌ట్టు ఆట‌గాళ్లు నీలం రంగు జెర్సీల‌తోనే బ‌రిలోకి దిగ‌నున్న‌ట్లు ఇప్ప‌టికే హాకీ ఇండియా స్ప‌ష్టం చేసింది. ఇప్ప‌టికే వైభ‌వ్ సూర్య‌వంశీ, సంజూ శాంస‌న్‌లు కాషాయ రంగు జెర్సీ ధ‌రించిన ఫొటోలు (ఏఐ) సోష‌ల్ మీడియాలో వైర‌ల్‌గా మారాయి. ఇందులో నిజ‌మెంత అనేది ప‌క్క‌న‌బెడితే.. అభిమానులు మాత్రం నారింజ రంగు వ‌ద్ద‌ని, అచ్చొచ్చిన నీలం రంగు జెర్సీతోనే ఆసియా గేమ్స్‌లో పాల్గొనాల‌ని కామెంట్లు చేశారు. కొంద‌రు మాత్రం నారింజ‌, నీలం రంగులు క‌లిసిన జెర్సీని ధ‌రిస్తే బాగుంటుంద‌ని స‌ల‌హాలు ఇస్తున్నారు.ఇక జ‌పాన్‌లోని న‌గోయా వేదిక‌గా సెప్టెంబ‌ర్ 10 నుంచే ఆసియా గేమ్స్‌ ప్రారంభ‌మైనప్ప‌టికీ అధికారికంగా మాత్రం సెప్టెంబ‌ర్ 19 నుంచి మొద‌లుకానున్నాయి. మొత్తం 43 క్రీడాంశాల్లో పోటీలు నిర్వ‌హించ‌నున్నారు. ఇక పురుషుల క్రికెట్ సెప్టెంబ‌ర్ 24 నుంచి అక్టోబ‌ర్ 3 మ‌ధ్య‌, మ‌హిళ‌ల క్రికెట్ సెప్టెంబ‌ర్ 17 నుంచి 22 వ‌ర‌కు జ‌ర‌గ‌నున్నాయి. టాప్‌-10లో ఉండ‌డంతో భార‌త్‌, శ్రీలంక‌, పాకిస్తాన్‌, బంగ్లాదేశ్‌ నేరుగా క్వార్ట‌ర్ ఫైన‌ల్ మ్యాచ్‌లు ఆడ‌నున్నాయి. భార‌త్ త‌మ తొలి మ్యాచ్‌ను సెప్టెంబ‌ర్ 28న ఆడ‌నుంది. ఇక మ‌హిళ‌ల క్రికెట్‌లో మాత్రం నేరుగా క్వార్ట‌ర్ ఫైన‌ల్ మ్యాచ్‌లు జ‌ర‌గ‌నుండ‌గా, సెప్టెంబ‌ర్ 18న జ‌ర‌గ‌నున్న‌ క్వార్ట‌ర్ ఫైన‌ల్లో జ‌పాన్‌తో భార‌త్ త‌ల‌ప‌డ‌నుంది.🚨 NEW JERSEY FOR TEAM INDIA IN ASIAN GAMES 2026 !🧡🇮🇳- According to reports, Team India are set to move away from their iconic blue jersey and feature a new orange kit at the upcoming Asian Games. [News Arena] pic.twitter.com/3NpG2VXkDT— lndian Sports Network (@IS_Netwrk29) September 12, 2026చదవండి: యూఏఈ క్రికెట‌ర్‌పై నేపాల్ ఆట‌గాళ్ల దౌర్జ‌న్యం!

ప్రపంచంలోనే అత్యంత ధనిక క్రికెట్‌ బోర్డు అయిన బీసీసీఐకి ఓ కీలక పదవి కోసం సరైన వ్యక్తి దొరకడం లేదు. బెంగళూరు సెంటర్ ఆఫ్ ఎక్సలెన్స్‌లో హెడ్-స్పోర్ట్స్ సైన్స్ అండ్ మెడిసిన్ పోస్ట్‌ కోసం భారత క్రికెట్‌ బోర్డు ఏడాదిగా అభ్యర్ది కోసం గాలిస్తూనే ఉంది. తాజాగా బోర్డు మరోసారి సదరు పోస్ట్‌ కోసం దరఖాస్తులు ఆహ్వానించింది.నితిన్ పటేల్ 2025 మార్చిలో రాజీనామా చేసినప్పటికీ నుంచి ఈ పదవి ఖాళీగా ఉంది. అతడు దాదాపు మూడేళ్లు సేవలు అందించిన తర్వాత బాధ్యతల నుంచి తప్పుకున్నాడు.నితిన్ పటేల్ గతంలో జస్ప్రీత్ బుమ్రా, శ్రేయస్ అయ్యర్, కేఎల్ రాహుల్, మహ్మద్ షమీల రిహాబిలిటేషన్‌ను పర్యవేక్షించి 2023 వన్డే ప్రపంచకప్‌కు వారు సిద్ధం కావడంలో కీలక పాత్ర పోషించాడు.అర్హతలుఈ పోస్టుకు దరఖాస్తు చేసుకునే వ్యక్తికి స్పోర్ట్స్ సైన్స్ లేదా సంబంధిత విభాగంలో మాస్టర్స్ డిగ్రీ ఉండాలి. డాక్టరేట్ ఉంటే అదనపు అర్హతగా పరిగణిస్తారు.అలాగే ప్రొఫెషనల్ లేదా ఒలింపిక్ క్రీడల్లో మల్టీ డిసిప్లినరీ పనితీరు బృందాలను నిర్వహించిన కనీసం ఐదేళ్ల వ్యూహాత్మక నాయకత్వ అనుభవం ఉండాలి. అభ్యర్థి వయసు 60 ఏళ్లలోపు ఉండాలి.దరఖాస్తుదారులు సెప్టెంబర్ 30 సాయంత్రం 5 గంటల్లోపు ఆన్‌లైన్‌లో అప్లై చేయాలి. ఎంపికైన అభ్యర్థులను వ్యక్తిగత ఇంటర్వ్యూకు పిలుస్తారు. ఈ అధికారి నేరుగా CoE హెడ్, మాజీ భారత బ్యాటర్ వీవీఎస్ లక్ష్మణ్‌కు రిపోర్ట్ చేయాల్సి ఉంటుంది.చదవండి: మరో 3 రోజుల్లో సిరీస్‌.. అంతలోనే టీమిండియా కీలక సభ్యుడి రాజీనామా!

అఫ్గానిస్తాన్‌తో టీ20 సిరీస్‌కు ముందు టీమిండియాకు భారీ శుభ‌వార్త అందింది. పేస్ గుర్రం, స్టార్ ఫాస్ట్ బౌల‌ర్ జ‌స్ప్రీత్ బుమ్రా పూర్తి ఫిట్‌నెస్ సాధించి తిరిగి జ‌ట్టులో చేరేందుకు సిద్ద‌మ‌య్యాడు. తాజాగా బెంగ‌ళూరులోని బీసీసీఐ ఎక్స‌లెన్స్‌లో నిర్వ‌హించిన ఫిట్‌నెస్ ప‌రీక్ష‌ల్లో అత‌డి ఉత్తీర్ణత సాధించిన‌ట్లు దైనిక్ జాగరణ్ త‌మ క‌థ‌నంలో పేర్కొంది. కాగా ఈ ఏడాది జూలైలో ఇంగ్లండ్‌తో జరిగిన రెండో వన్డేలో బుమ్రా మోకాలి గాయానికి గుర‌య్యాడు. దీంతో అత‌డు ఇంగ్లండ్ నుంచి వ‌చ్చాక బీసీసీఐ సెంట‌ర్ ఆఫ్ ఎక్స‌లెన్స్‌లో చేరాడు. ఈ క్ర‌మంలో శ్రీలంకతో జ‌రిగిన రెండు మ్యాచ్‌ల టెస్టు సిరీస్ స‌మ‌యానికి అతడు కోలుకుంటాడ‌ని సెల‌క్ట‌ర్లు భావించారు. కానీ బుమ్రా పూర్తి ఫిట్‌నెస్ సాధించ‌క‌పోవ‌డంతో లంక టూర్‌కు దూర‌మ‌య్యాడు. ఆ త‌ర్వాత అఫ్గానిస్తాన్ సిరీస్‌తో పాటు ఆసియా క్రీడ‌ల‌కు ఎంపిక చేసిన జ‌ట్టులో కూడా చోటు ద‌క్కింది. కానీ బుమ్రా త‌న ఫిట్‌నెస్‌ను నిరూపించుకుంటానే మైదానంలోకి అడుగుపెడతాడని సెలక్లర్లు స్పష్టత చేశారు. ఇప్పుడు బుమ్రా ఫిట్‌నెస్ టెస్టుల్లో పాస్ కావడంతో బీసీసీఐ వైద్య బృందం నుంచి అతడికి గ్రీన్ సిగ్నల్ లభించింది. అదేవిధంగా ఆల్‌రౌండర్లు వాషింగ్టన్ సుందర్‌, నితీశ్ కుమార్ రెడ్డిలు సైతం ఫిట్‌నెస్ క్లియరెన్స్‌లు పొందారు. అయితే ఫిట్‌నెస్ టెస్టులో విఫలమైన పేసర్ హర్షిత్ రాణా.. అఫ్గానిస్తాన్‌తో సిరీస్‌తో పాటు ఆసియాక్రీడలకు దూరమయ్యాడు. అతడి స్ధానంలో యువ పేసర్ యశ్ ఠాకూర్‌కు సెలక్టర్లు అవకాశమిచ్చారు.అఫ్గానిస్తాన్‌తో టీ20 సిరీస్‌కు భారత జట్టు (అప్‌డేటెడ్‌)శ్రేయస్ అయ్యర్ (కెప్టెన్‌), అభిషేక్ శర్మ, వైభవ్ సూర్యవంశీ, సంజు శాంసన్ (వికెట్‌ కీపర్‌), ఇషాన్ కిషన్ (వికెట్‌ కీపర్‌), తిలక్ వర్మ (వైస్‌ కెప్టెన్‌), శివమ్ దూబే, నితీశ్‌ కుమార్ రెడ్డి, అక్షర్ పటేల్, వాషింగ్టన్ సింగ్ సుందర్, వరుణ్ చక్రవర్తి, రవి బిష్ణోయ్, అర్ష్‌దీప్ సింగ్‌, జస్‌ప్రీత్‌ బుమ్రా, యశ్‌ ఠాకూర్‌.ఆసియా క్రీడలు-2026 టోర్నీకి భారత జట్టు (అప్‌డేటెడ్‌)శ్రేయస్ అయ్యర్ (కెప్టెన్‌), అభిషేక్ శర్మ, వైభవ్ సూర్యవంశీ, సంజు శాంసన్ (వికెట్‌ కీపర్‌), ఇషాన్ కిషన్ (వికెట్‌ కీపర్‌), తిలక్ వర్మ (వైస్‌ కెప్టెన్‌), శివమ్ దూబే, నితీశ్‌ కుమార్ రెడ్డి, అక్షర్ పటేల్, వాషింగ్టన్ సింగ్ సుందర్, వరుణ్ చక్రవర్తి, రవి బిష్ణోయ్, అర్ష్‌దీప్ సింగ్‌, జస్‌ప్రీత్‌ బుమ్రా, యశ్‌ ఠాకూర్‌.చదవండి: గంభీర్‌ ఫేవరెట్‌ ప్లేయర్‌ అవుట్‌.. రీప్లేస్‌మెంట్‌ ప్రకటించిన బీసీసీఐ

అఫ్గానిస్తాన్‌తో టీ20 సిరీస్‌కు ముందు టీమిండియాకు ఎదురుదెబ్బ తగిలింది. హెడ్‌కోచ్‌ గౌతం గంభీర్‌ ప్రియ శిష్యుడిగా పేరొందిన యువ పేసర్‌ హర్షిత్‌ రాణా ఈ సిరీస్‌ మొత్తానికి దూరమయ్యాడు. ఇంగ్లండ్‌ పర్యటన సందర్భంగా గాయపడిన ఈ ఢిల్లీ బౌలర్‌.. ప్రస్తుతం బెంగళూరులోని సెంటర్‌ ఆఫ్‌ ఎక్సలెన్స్‌ (CoE)లో పునరావాసం పొందుతున్నాడు.మరోసారి గాయంఈ క్రమంలో హర్షిత్‌ రాణా గాయం నుంచి కోలుకోవడంతో అఫ్గాన్‌తో సిరీస్‌కు టీమిండియా సెలక్టర్లు ఎంపిక చేశారు. ఫిట్‌నెస్‌ ఆధారంగా టీ20 సిరీస్‌ ఆడతాడని పేర్కొన్నారు. కానీ హర్షిత్‌ రాణా మరోసారి గాయపడ్డాడు. మ్యాచ్‌ ఫిట్‌నెస్‌ నిరూపించుకునే క్రమంలో సోమవారం బౌలింగ్‌ చేస్తున్న సందర్భంగా హర్షిత్‌కు మరోసారి తొడ కండరాలు పట్టేసినట్లు సమాచారం. దీంతో అఫ్గానిస్తాన్‌తో సిరీస్‌తో పాటు ఆసియా క్రీడలు-2026 టోర్నీకి కూడా దూరమయ్యాడు.హర్షిత్‌ స్థానంలో అతడేఈ విషయాన్ని భారత క్రికెట్‌ నియంత్రణ మండలి (BCCI) తాజాగా ధ్రువీకరించింది. హర్షిత్‌ రాణా స్థానంలో యశ్‌ ఠాకూర్‌ను అఫ్గాన్‌తో టీ20 సిరీస్‌తో పాటు.. ఆసియా క్రీడల జట్టుకు ఎంపిక చేసినట్లు గురువారం ప్రకటన విడుదల చేసింది.ఇరవై ఏడేళ్ల యశ్‌ ఠాకూర్‌ కుడిచేతి వాటం ఫాస్ట్‌ మీడియం పేసర్‌. విదర్భకు చెందిన ఈ యువ బౌలర్‌ ఇటీవలే టీమిండియా తరఫున అంతర్జాతీయ క్రికెట్‌లో అడుగుపెట్టాడు. జింబాబ్వే పర్యటన సందర్భంగా అరంగేట్రం చేసిన యశ్‌ ఠాకూర్‌,, ఇప్పటికి రెండు మ్యాచ్‌లు ఆడి నాలుగు వికెట్లు పడగొట్టాడు.దేశీ టీ20 టోర్నీ సయ్యద్‌ ముస్తాక్‌ అలీ ట్రోఫీలో 50 మ్యాచ్‌లు ఆడిన యశ్‌ ఠాకూర్‌.. మొత్తంగా 81 వికెట్లు కూల్చి సత్తా చాటాడు. ఐపీఎల్‌లో ఇప్పటికి 22 మ్యాచ్‌లు ఆడిన యశ్‌ ఠాకూర్‌ 27 వికెట్లు కూల్చాడు. ఈ ఏడాది పంజాబ్‌ కింగ్స్‌కు ఆడాడు యశ్‌. గోల్డెన్‌ ఛాన్స్‌ఇక పంజాబ్‌ కెప్టెన్‌ శ్రేయస్‌ అయ్యర్‌ ఇటీవలే భారత టీ20 జట్టు సారథిగా పగ్గాలు చేపట్టిన సంగతి తెలిసిందే. ఈ నేపథ్యంలోనే యశ్‌ ఠాకూర్‌ అరంగేట్రం చేశాడు. తాజాగా హర్షిత్‌ రాణా దూరం కావడంతో అఫ్గాన్‌తో టీ20 సిరీస్‌తో పాటు.. ఆసియా క్రీడలు-2026లో పాల్గొనే జట్టుకు ఆడే గోల్డెన్‌ ఛాన్స్‌ కొట్టేశాడు. అఫ్గానిస్తాన్‌తో టీ20 సిరీస్‌కు భారత జట్టు (అప్‌డేటెడ్‌)శ్రేయస్ అయ్యర్ (కెప్టెన్‌), అభిషేక్ శర్మ, వైభవ్ సూర్యవంశీ, సంజు శాంసన్ (వికెట్‌ కీపర్‌), ఇషాన్ కిషన్ (వికెట్‌ కీపర్‌), తిలక్ వర్మ (వైస్‌ కెప్టెన్‌), శివమ్ దూబే, నితీశ్‌ కుమార్ రెడ్డి, అక్షర్ పటేల్, వాషింగ్టన్ సింగ్ సుందర్, వరుణ్ చక్రవర్తి, రవి బిష్ణోయ్, అర్ష్‌దీప్ సింగ్‌, జస్‌ప్రీత్‌ బుమ్రా, యశ్‌ ఠాకూర్‌.ఆసియా క్రీడలు-2026 టోర్నీకి భారత జట్టు (అప్‌డేటెడ్‌)శ్రేయస్ అయ్యర్ (కెప్టెన్‌), అభిషేక్ శర్మ, వైభవ్ సూర్యవంశీ, సంజు శాంసన్ (వికెట్‌ కీపర్‌), ఇషాన్ కిషన్ (వికెట్‌ కీపర్‌), తిలక్ వర్మ (వైస్‌ కెప్టెన్‌), శివమ్ దూబే, నితీశ్‌ కుమార్ రెడ్డి, అక్షర్ పటేల్, వాషింగ్టన్ సింగ్ సుందర్, వరుణ్ చక్రవర్తి, రవి బిష్ణోయ్, అర్ష్‌దీప్ సింగ్‌, జస్‌ప్రీత్‌ బుమ్రా, యశ్‌ ఠాకూర్‌.చదవండి: ‘జింబాబ్వేతో మ్యాచ్‌ పెట్టండి.. మా కింగ్‌ ఆడతాడు’

న్యూఢిల్లీ: వచ్చే ఏడాది ఆరంభంలో ఆ్రస్టేలియా జట్టు... భారత్‌లో పర్యటించనున్న నేపథ్యంలో... త్వరలో ఇరు దేశాల ‘ఎ’ జట్ల మధ్య అనధికారిక టెస్టు, వన్డే సిరీస్‌లు జరగనున్నాయి. వీటి కోసం భారత క్రికెట్‌ నియంత్రణ మండలి (బీసీసీఐ) బుధవారం వేర్వేరుగా జట్లను ప్రకటించింది. సుదీర్ఘ ఫార్మాట్‌ కోసం ప్రకటించిన భారత ‘ఎ’ జట్టులో ఆంధ్ర ఆటగాడు షేక్‌ రషీద్‌కు చోటు దక్కింది. ప్రస్తుతం చెన్నై వేదికగా జరుగుతున్న దులీప్‌ ట్రోఫీ ఫైనల్లో రషీద్‌ సౌత్‌ జోన్‌ జట్టుకు ప్రాతినిధ్యం వహిస్తున్నాడు. ఇక గాయం కారణంగా చాన్నాళ్లుగా మైదానానికి దూరంగా ఉన్న సీనియర్‌ పేస్‌ ఆల్‌రౌండర్‌ హార్దిక్‌ పాండ్యాను ఆస్ట్రేలియా ‘ఎ’తో అనధికారిక వన్డేలకు ఎంపిక చేశారు. 32 ఏళ్ల పాండ్యా ఐపీఎల్‌ అనంతరం గ్రౌండ్‌లో అడుగు పెట్టలేదు. ఇటీవలే ఫిట్‌నెస్‌ సాధించిన పాండ్యా... ఈ సిరీస్‌ ద్వారా తిరిగి పోటీ క్రికెట్‌ ప్రారంభించనున్నాడు. భారత్‌ ‘ఎ’, ఆ్రస్టేలియా ‘ఎ’ జట్ల మధ్య ఈ నెల 22 నుంచి పాండిచ్చేరి వేదికగా తొలి అనధికారిక టెస్టు జరగనుంది. అనంతరం సెప్టెంబర్‌ 29 నుంచి అక్కడే రెండో మ్యాచ్‌ ప్రారంభమవుతుంది. సుదీర్ఘ ఫార్మాట్‌ మ్యాచ్‌లు ముగిసిన అనంతరం పాండిచ్చేరిలోనే అక్టోబర్‌ 6, 9, 11న వరుసగా మూడు అనధికారిక వన్డేలు నిర్వహించానున్నారు. దాదాపు అదే సమయంలో భారత సీనియర్‌ జట్టు వెస్టిండీస్‌తో మూడు మ్యాచ్‌ల వన్డే సిరీస్‌ ఆడుతుంది. సుదీర్ఘ ఫార్మాట్‌లో భారత ‘ఎ’ జట్టుకు దేవదత్‌ పడిక్కల్‌ సారథ్యం వహించనున్నాడు. ఇటీవల శ్రీలంక పర్యటనలో అనూహ్యంగా తుది జట్టులో చోటు దక్కించుకున్న పడిక్కల్‌ నిలకడైన ప్రదర్శనతో మూడో స్థానాన్ని పటిష్టం చేసుకునే దిశగా అడుగులు వేస్తున్నాడు. గాయం కారణంగా లంక పర్యటనకు దూరమైన సాయి సుదర్శన్‌... ఈ సిరీస్‌కు వైస్‌ కెప్టెన్‌గా వ్యవహరించనున్నాడు. లంక సిరీస్‌లో అద్వితీయ ప్రదర్శనతో ‘ప్లేయర్‌ ఆఫ్‌ ద సిరీస్‌’గా నిలిచిన పడిక్కల్‌... ఆస్ట్రేలియా ‘ఎ’పై ఎలా ఆడతాడనేది కీలకం. ఇక వన్డే ఫార్మాట్‌లో భారత ‘ఎ’ జట్టుకు రుతురాజ్‌ గైక్వాడ్‌ కెప్టెన్‌గా వ్యవహరించనుండగా... పడిక్కల్‌ అతడి డిప్యూటీగా ఎంపికయ్యాడు.సుదీర్ఘ ఫార్మాట్‌కు భారత ‘ఎ’ జట్టు: దేవదత్‌ పడిక్కల్‌ (కెప్టెన్‌), సాయి సుదర్శన్‌ (వైస్‌ కెప్టెన్‌), అమన్‌ మోఖడే, ఆయుశ్‌ పాండే, యశ్‌ రాథోడ్, షేక్‌ రషీద్, కుమార్‌ కుషాగ్ర, షమ్స్‌ ములానీ, తనుశ్‌ కొటియాన్, తుశార్‌ దేశ్‌పాండే, అన్షుల్‌ కంబోజ్, ప్రఫుల్‌ హింగే, ఎన్‌ జగదీశన్, నచికేత్‌ భుటే, వైశాక్‌. వన్డే ఫార్మాట్‌కు భారత ‘ఎ’ జట్టు: రుతురాజ్‌ గైక్వాడ్‌ (కెప్టెన్‌), దేవదత్‌ పడిక్కల్‌ (వైస్‌ కెప్టెన్‌), ప్రియాన్ష్ ఆర్య, సాయి సుదర్శన్, రజత్‌ పాటీదార్, కుమార్‌ కుషాగ్ర, నిశాంత్‌ సింధు, విప్రాజ్‌ నిగమ్, అర్షిన్‌ కులకర్ణి, అర్షద్‌ ఖాన్, నమన్‌ ధీర్, హార్దిక్‌ పాండ్యా, ప్రభ్‌సిమ్రన్‌సింగ్, గుర్‌జపనీత్‌ సింగ్, యశ్‌ ఠాకూర్‌.

స్వ‌దేశంలో అఫ్గానిస్తాన్‌తో జ‌రగ‌నున్న మూడు మ్యాచ్‌ల టీ20 సిరీస్ కోసం బీసీసీఐ ఇప్పటికే టీమిండియా జ‌ట్టును ప్ర‌క‌టించింది. 16 మందితో కూడిన జ‌ట్టులో స్టార్ పేస‌ర్ జ‌స్‌ప్రీత్ బుమ్రా, నితీశ్ కుమార్ రెడ్డి, హ‌ర్షిత్ రానా, వాషింగ్ట‌న్ సుంద‌ర్‌ల‌ను కూడా ప‌రిగ‌ణ‌లోకి తీసుకున్నారు. అయితే వారు ఫిట్‌నెస్ క్లియ‌రెన్స్ ఇస్తేనే మ్యాచ్‌లు ఆడే అవ‌కాశం ఉంటుందన్న విష‌యం తెలిసిందే.సుందర్‌ ఒక్కడే.. హర్షిత్‌ డౌట్‌!ఆఫ్గ‌న్‌తో టీ20 సిరీస్‌కు మ‌రో మూడు రోజులు స‌మ‌యం ఉన్న నేప‌థ్యంలో ఈ న‌లుగురి ఆట‌గాళ్ల‌కు సంబంధించి ఫిట్‌నెస్‌పై కీల‌క అప్‌డేట్ వ‌చ్చింది. వాషింగ్ట‌న్ సుంద‌ర్ ఫిట్‌నెస్ క్లియ‌రెన్స్ తీసుకొని టీ20 సిరీస్‌కు సిద్ధ‌మ‌వుతున్న‌ట్లు సమాచారం. హ‌ర్షిత్ రానా ఫిట్‌గా ఉన్న‌ట్లు స‌మాచార‌మున్న‌ప్ప‌టికీ అత‌డికి ఇంకా ఫిట్‌నెస్‌ క్లియ‌రెన్స్ ఇవ్వ‌లేద‌ని తెలుస్తోంది. మ‌రోవైపు బుమ్రా, నితీశ్‌రెడ్డిలు మాత్రం బీసీసీఐ సెంట‌ర్ ఆఫ్ ఎక్స‌లెన్స్ (సీవోఈ) మెడిక‌ల్ టీం నుంచి ఫిట్‌నెస్ క్లియ‌రెన్స్ పొందాల్సి ఉంది."సుంద‌ర్ ఇప్ప‌టికే బీసీసీఐ మెడిక‌ల్ టీం నుంచి క్లియ‌రెన్స్ పొందాడు. సెప్టెంబ‌ర్ 4న నిర్వ‌హించిన సిములేష‌న్ ఎక్స‌ర్‌సైజ్‌లో సుంద‌ర్ క్లియ‌రెన్స్ పొందాడు. ఆ త‌ర్వాత సెప్టెంబ‌ర్ 7న‌ బుమ్రా, నితీశ్‌రెడ్డి, హ‌ర్షిత్ రానాలు మ్యాచ్ సిములేష‌న్‌కు పంపించాము. అయితే సిములేష‌న్‌లో ఈ ముగ్గురికి సంబంధించిన రిజ‌ల్ట్‌లో తేడాలు ఉన్న‌ట్లు గుర్తించాం. అందుకే ఇవాళ మ‌రోసారి ఈ ముగ్గురిని సిములేష‌న్ ఎక్స‌ర్‌సైజ్‌కు పంపాల‌ని నిర్ణ‌యించాం. ఆ త‌ర్వాత ఈ ముగ్గురి ఫిట్‌నెస్ క్లియ‌రెన్స్‌కు సంబంధించిన రిపోర్ట్ వివ‌రాల‌ను వెల్ల‌డిస్తాం" అని సెంట‌ర్ ఆఫ్ ఎక్స‌లెన్స్ ప్ర‌తినిధుల బృందం తెలిపింది.బుమ్రా దూరం.. నితీశ్‌ కూడా!ఇప్ప‌టివ‌ర‌కు ఉన్న‌ స‌మాచారం మేర‌కు బుమ్రా అఫ్గానిస్తాన్‌తో టీ20 సిరీస్‌కు దూరంగా ఉండనున్న‌ట్లు తెలుస్తోంది. హ‌ర్షిత్ రానా మాత్రం ఫిట్‌నెస్ క్లియ‌రెన్స్ సాధించ‌డంతో ఆఫ్గ‌న్‌తో టీ20 సిరీస్‌కు రెడీ అవుతున్నాడు. ఇక ఆల్‌రౌండ‌ర్ నితీశ్ కుమార్‌రెడ్డి మాత్రం ఆఫ్గ‌న్‌తో టీ20 సిరీస్ ఆడ‌డ‌ని, అత‌డిని నేరుగా ఆసియా గేమ్స్‌లో ఆడేందుకు పంపించ‌నున్న‌ట్లు సీవోఈ మ‌రో ప్ర‌క‌ట‌న‌లో తెలిపింది.ఇంగ్లండ్‌తో మూడో వ‌న్డే సంద‌ర్భంగా మోకాలి గాయానికి గురైన బుమ్రా లంక‌తో టెస్టు సిరీస్‌కు దూర‌మ‌య్యాడు. ఇంగ్లండ్ సిరీస్‌కు ముందే హ‌ర్షిత్ రానా కూడా కండ‌రాల గాయంతో రీహాబిలిటేష‌న్ సెంట‌ర్‌కు వ‌చ్చేశాడు. నితీశ్‌రెడ్డి కూడా కండ‌రాల గాయంతోనే ఇంగ్లండ్‌తో పాటు లంక సిరీస్‌కు దూర‌మ‌య్యాడు. ఈ ముగ్గురితో పాటు పాండ్యా, వ‌రుణ్ చ‌క్ర‌వ‌ర్తి కూడా గాయాల నుంచి కోలుకుంటున్నారు.🚨 UPDATE ON BUMRAH, NITISH & HARSHIT 🚨- Harshit Rana is fully fit and should be play in T20I series against Afghanistan.- Jasprit Bumrah is unlikely for T20i series against Afghanistan.- Nitish Kumar Reddy is doubtful for T20i series against Afghanistan & he is most… pic.twitter.com/pisBr2amZL— M A N U. (@Manu_1845) September 9, 2026చదవండి: IPL 2027: రూ.20 కోట్లు ఇస్తే హెడ్‌కోచ్‌గా వస్తా?

భారత క్రికెట్‌ నియంత్రణ మండలి (బీసీసీఐ) వచ్చే రెండేళ్ల పాటు స్వదేశంలో జరిగే అంతర్జాతీయ మ్యాచ్‌లకు సంబంధించి మూడు సంస్థలను అసోసియేట్‌ స్పాన్సర్లుగా ఎంచుకుంది.క్యాంపా కోలా, ఎస్‌బీఐ లైఫ్‌తో పాటు చాట్‌ జీపీటీతో బోర్డు ఒప్పందం కుదుర్చుకుంది. ఈ నెలలో ప్రారంభమయ్యే వెస్టిండీస్‌తో సిరీస్‌ మొదలు 2028 మార్చి కొనసాగే ఈ కాంట్రాక్ట్‌లో భారత్‌ 35 అంతర్జాతీయ మ్యాచ్‌లు ఆడే అవకాశం ఉంది.ఈ స్పాన్సర్‌షిప్‌ విలువ సుమారు రూ.130 కోట్లుగా ఉందని ప్రకటించిన బీసీసీఐ... గతంతో పోలిస్తే ఇది దాదాపు 44 శాతం ఎక్కువ అని ప్రకటించింది. విడివిడిగా బోర్డు వివరాలు వెల్లడించలేదు. అయితే మార్కెట్‌ వర్గాల సమాచారం ప్రకారం ఒక్కో మ్యాచ్‌కు క్యాంపా కోలా రూ.1.31 కోట్లను చెల్లించనుండగా... ఎస్‌బీఐ లైఫ్, చాట్‌ జీపీటీ మ్యాచ్‌కు రూ.1.20 కోట్లు చొప్పున చెల్లిస్తాయి.ఇదీ చదవండిమెల్‌బోర్న్‌: ఆస్ట్రేలియా క్రికెట్‌ బోర్డు (సీఏ) తమ టీ20 లీగ్‌ టోర్నీ ‘బిగ్‌బాష్‌‘ను 15 సీజన్ల పాటు నిర్వహించింది. ఇప్పటి వరకు టోరీ్నకి సొంతదారుగా సీఏనే వ్యవహరించింది. జట్లతో పాటు టోర్నీల నిర్వహణ, ఆటగాళ్ల ఎంపికవంటి అంశాలన్నీ స్వయంగా బోర్డు పర్యవేక్షణలోనే జరిగాయి. అయితే ఇప్పుడు లీగ్‌లో ప్రైవేట్‌ సంస్థలను భాగస్వాములను చేయాలని సీఏ నిర్ణయించింది. లీగ్‌లో ప్రైవేట్‌ పెట్టుబడుల అనుమతికి అధికారికంగా ఆమోద ముద్ర వేసింది. ఈ క్రమంలో ముందుగా మెల్‌బోర్న్‌ రెనెగేడ్స్‌ జట్టులో 100 శాతం వాటా అమ్మకానికి పచ్చ జెండా ఊపింది. ఆటగాళ్ల చెల్లింపులు, టీమ్‌ విలువ, క్రికెటర్స్‌ అసోసియేషన్‌తో సంప్రదింపులు వంటి అంశాలపై ఇంకా పూర్తి స్పష్టత రాకపోయినా సీఏ ముందుకు వెళ్లడం ఆసీస్‌ వర్గాల్లో చర్చకు దారి తీసింది. ఇవన్నీ తేలిన తర్వాతే బిగ్‌ బాష్‌కు సంబంధించిన ఎంఓయూలపై ఒప్పందం కుదరవచ్చని తెలుస్తోంది.

ఆసియా క్రీడల్లో ఆటగాళ్లకు కల్పించే వసతి సౌకర్యాలు బాగా లేవని, భారత క్రికెటర్లు అలాంటి చోట ఉండటానికి ఇష్టపడటం లేదని ఇటీవల వార్తలు వచ్చాయి. దీనిపై క్రీడల నిర్వాహక కమిటీ అవసరమైతే ప్లేయర్లు తమకు నచి్చన హోటళ్లలో ఉండవచ్చంటూ వెసులుబాటు కూడా కల్పించింది.అయితే ఈ అంశంపై భారత క్రికెట్‌ నియంత్రణ మండలి (బీసీసీఐ) ఇప్పుడు స్పష్టతనిచ్చింది. టీమిండియా ఆటగాళ్లు నిర్వాహకులు కలి్పంచిన వసతి సౌకర్యాలనే వాడుకుంటారని, ఎలాంటి ప్రత్యేక ఏర్పాట్లు చేయడం లేదని బీసీసీఐ ఉపాధ్యక్షుడు రాజీవ్‌ శుక్లా వెల్లడించారు. జపాన్‌లోని నగోయాలో నిర్వాహకులు మెరుగైన సౌకర్యాలే కల్పిస్తారని నమ్ముతున్నట్లు ఆయన చెప్పారు. "విదేశీ పర్యటనల్లో మనకు లభించే ఫైవ్‌ స్టార్‌ హోటల్‌ సౌకర్యాలు ఇప్పుడు ఉండకపోవచ్చనేది వాస్తవం. అయితే నిర్వాహకులు ఎలాంటి వసతి కల్పించినా మన ఆటగాళ్లు అక్కడే ఉంటారు. అద్భుతంగా కాకపోయినా అవి సౌకర్యంగానే ఉంటాయని నమ్ముతున్నాం. నగోయాలో ఉండే వసతి, వారు ఎంచుకున్న చిన్న తరహా హోటల్‌ గదులకు సంబంధించిన ఫోటోలు, వీడియోలు చూశాం. అవి బాగానే ఉన్నాయి. కాబట్టి టీమిండియా ఆటగాళ్లు వాటినే వాడుకుంటారు. ఇక్కడ మేం ప్రత్యేకంగా తీసుకోవాలనుకున్నా ఎలాంటి పెద్ద హోటల్స్‌ లేవు. ఈవెంట్‌కు చాలా దూరంలో ఉండే ఒసాకా లేదా టోక్యోలలో బస చేయడానికి అవకాశం లేదు" అని శుక్లా పేర్కొన్నారు. అయితే వసతికంటే పిచ్, గ్రౌండ్, డ్రెస్సింగ్‌ రూమ్‌వంటి అంశాల విషయంలోనే తమకు కొంత సమస్య అనిపించిందని, దీనిని సమావేశంలో నిర్వాహకుల దృష్టికి తీసుకొచ్చామని శుక్లా అన్నారు. చదవండి: Asia Cup: టీమిండియా సెమీస్ ప్రత్యర్థి ఖరారు

ఆస్ట్రేలియాతో తలపడే అండర్‌-19 జట్లలో భారత క్రికెట్‌ నియంత్రణ మండలి (బీసీసీఐ) మార్పులు చేసింది. రోహిత్‌ యాదవ్‌ను తప్పించి.. అతడి స్థానంలో యూత్‌ వన్డే, యూత్‌ టెస్టులకు ఇద్దరు వేర్వేరు ఆటగాళ్లను ఎంపిక చేసినట్లు తెలిపింది. ఇందుకు సంబంధించి బీసీసీఐ మంగళవారం అధికారిక ప్రకటన విడుదల చేసింది.అవును.. అది నిజమేకాగా దేశీ క్రికెట్‌లో బెంగాల్‌కు ఆడుతున్న లెగ్‌ స్పిన్నర్‌ రోహిత్‌ యాదవ్‌. వయసుకు సంబంధించి అతడు పత్రాలు సమర్పించాడనే ఆరోపణలు వెల్లువెత్తాయి. ఈ నేపథ్యంలో బీసీసీఐ తాజాగా ఈ విషయాన్ని ధ్రువీకరించింది.‘‘ఆస్ట్రేలియా అండర్‌ 19 జట్టుతో రాజ్‌కోట్‌, అహ్మాదాబాద్‌ వేదికలుగా జరిగే మ్యాచ్‌లకు సంబంధించి భారత అండర్‌-19 జట్టు నుంచి రోహిత్‌ వైదొలిగాడు. తన వయసుకు సంబంధించిన సరైన సమాచారం ఇవ్వలేకపోయినందున జట్టు నుంచి తప్పుకొన్నాడు’’ అని బీసీసీఐ తన ప్రకటనలో పేర్కొంది.ఇద్దరికి అవకాశంఇక రోహిత్‌ యాదవ్‌ నిష్క్రమణ నేపథ్యంలో జూనియర్‌ క్రికెట్‌ కమిటీ ఇద్దరు కొత్త ఆటగాళ్లను ఆసీస్‌తో సిరీస్‌కు ఎంపిక చేసినట్లు బీసీసీఐ వెల్లడించింది. ఆసీస్‌తో యూత్‌ వన్డేలకు సౌరాష్ట్ర ఆటగాడు ఆర్యన్‌ సావ్‌సానీ, యూత్‌ టెస్టులకు హర్యానా ప్లేయర్‌ తన్మయ్‌ బలోడాను ఎంపిక చేసినట్లు పేర్కొంది. కాగా సెప్టెంబరు 18- అక్టోబరు 8 మధ్య భారత్‌- ఆసీస్‌ మధ్య మూడు యూత్‌ వన్డేలు, రెండు యూత్‌ టెస్టులు జరుగుతాయి.ఆస్ట్రేలియా అండర్‌-19 జట్టుతో యూత్‌ వన్డేలకు భారత అండర్‌-19 జట్టు (అప్‌డేటెడ్‌)లక్ష్యా రాయ్‌చందాని (కెప్టెన్‌), యశ్‌వర్దన్‌ చౌహాన్‌ (వైస్‌ కెప్టెన్‌), రజత్‌ భగేల్‌ (వికెట్‌ కీపర్‌),ఆర్యవీర్‌ సెహ్వాగ్‌, వీకే వినీత్‌, కుశాగ్రా ఓజా, అర్జున్‌ రాజ్‌పుత్‌, మనాల్‌ చౌహాన్‌, అన్వయ్‌ ద్రవిడ్‌ (వికెట్‌ కీపర్‌), వి.యశ్‌వీర్‌, శవిన్‌ వినోద్‌, మోహిత్‌ ఉల్వా, చిగురుపాటి వెంకట, కావ్యా పటేల్‌, ఆర్యన్‌ సావ్‌సానీ.యూత్‌ టెస్టులకు భారత అండర్‌-19 జట్టు (అప్‌డేటెడ్‌)యశ్‌వర్దన్‌ చౌహాన్‌ (కెప్టెన్‌), లక్ష్యా రాయ్‌చందాని (వైస్‌ కెప్టెన్‌), సాగర్‌ విర్క్‌, కుశాగ్రా ఓజా, మనాల్‌ చౌహాన్‌, కుశ్‌ పటేల్‌, మానవ్‌ కృష్ణ (వికెట్‌ కీపర్‌), అభిప్రాయ్‌ బిస్వాస్‌ (వికెట్‌ కీపర్‌), ఇషాన్‌ ఓమ్‌, అయాన్‌ అక్రం, ప్రణవ్‌ రాఘవేంద్ర, ప్రియాన్షు సింగ్‌, మోహిత్‌ ఉల్వా, ఆర్యన్‌ యాదవ్‌, తన్మయ్‌ బలోడా.చదవండి: టీమిండియాతో ఏకైక టీ20.. జట్టును ప్రకటించిన జపాన్‌

పాకిస్తాన్‌ క్రికెట్‌ బోర్డు (పీసీబీ) తీరుపై మాజీ కెప్టెన్‌ మిస్బా ఉల్‌ తీవ్ర అసంతృప్తి వ్యక్తం చేశాడు. పీసీబీ పెద్దలు విదేశీ కోచ్‌ల విషయంలో ఒకలా.. దేశీ కోచ్‌ల విషయంలో మరోలా వ్యవహరిస్తారని ఆరోపించాడు. ఆటగాళ్లు, కోచ్‌లు మార్పు విషయంలో పీసీబీ తొందరపాటు చర్యలు తీసుకుంటోందని మండిపడ్డాడు.పాకిస్తాన్‌ క్రికెట్‌లో మరోసారి సంక్షోభంఅదే సమయంలో భారత క్రికెట్‌ నియంత్రణ మండలి (బీసీసీఐ) మాత్రం క్రమపద్ధతిలో ముందుకు వెళ్తూ రోజురోజుకీ తమ జట్టును మరింతగా అభివృద్ధి చేసుకుంటోందని మిస్బా ప్రశంసించాడు. కాగా పాకిస్తాన్‌ క్రికెట్‌లో మరోసారి సంక్షోభం తలెత్తిన సంగతి తెలిసిందే. ఇంగ్లండ్‌ పర్యటనలో భాగంగా తొలి రెండు టెస్టుల్లో ఓడిపోగానే.. ఏడుగురు ఆటగాళ్లపై వేటు వేసింది యాజమాన్యం.అంతేకాదు.. టెస్టు జట్టు హెడ్‌కోచ్‌ సర్ఫరాజ్‌ అహ్మద్‌, బౌలింగ్‌ కోచ్‌ ఉమర్‌ గుల్‌లను పదవుల నుంచి తప్పించింది. ఆ బాధ్యతలను వైట్‌బాల్‌ కోచ్‌ మైక్‌ హసన్‌ చేపట్టాడు. ఈ పరిణామాల నేపథ్యంలో మనస్తాపం చెందిన మిస్బా ఉల్‌ హక్‌ పాక్‌ సెలక్షన్‌ కమిటీ నుంచి తప్పుకొన్నాడు.వారి విషయంలో మాత్రం ఉదారంగా ఉంటారుఈ క్రమంలో స్థానిక టెలివిజన్‌ షోలో మాట్లాడుతూ.. ‘‘పాకిస్తాన్‌ క్రికెట్‌లో విదేశీ కోచ్‌లు, దేశీ కోచ్‌లను వేర్వేరుగా చూస్తారు. విదేశీ కోచ్‌ల పట్ల యాజమాన్యం ఎంతో ఉదారంగా వ్యవహరిస్తుంది. అదే దేశీ కోచ్‌ల విషయంలో మాత్రం ప్రతీ దానికి విమర్శలు వస్తాయి.విదేశీ కోచ్‌లకు అధికారాలు ఎక్కువే ఇస్తారు. కానీ జవాబుదారీతనంలో మాత్రం వారు వెనుకే ఉంటారు. అదే స్థానిక కోచ్‌లు సొంతంగా నిర్ణయాలు తీసుకునే పరిస్థితి ఉండదు. కానీ ప్రతికూల ఫలితాలు వస్తే ఇక తిట్ల వర్షమే. నిర్దాక్షిణ్యంగా వేటు వేస్తారు కూడా!ఇక ఒకటీ రెండు మ్యాచ్‌ల తర్వాత ఆటగాళ్లను తొలగించడం ఈ మధ్య ఎక్కువగా జరుగుతోంది. దీని వల్ల ఆటగాళ్లు ఆత్మవిశ్వాసం కోల్పోతారు. ఒత్తిడిలోనూ రాణించేలా వారికి ఊతం ఇవ్వాలి. కానీ దురదృష్టవశాత్తూ మనవాళ్లకు తొందర, హడావుడి ఎక్కువ.టీమిండియాపై ప్రశంసలునిజానికి పాక్‌ యువ క్రికెటర్లు చాలా మంది ఎక్కువగా వైట్‌బాల్‌ క్రికెట్‌ మాత్రమే ఆడుతున్నారు. రెడ్‌బాల్‌ క్రికెట్‌ ఆడేలా వారిని ప్రోత్సహించాలి. ఫోర్‌-డే మ్యాచ్‌లు మాత్రమే ఉంటే సరిపోదు. దేశీ క్రికెట్‌లో మరిన్ని సంస్కరణలు తీసుకురావాలి.90వ దశకం తర్వాత బీసీసీఐ క్రమక్రమంగా జట్టులో మార్పులు చేస్తూ వస్తోంది. లోపాలు సరిచేసుకుంటూ వ్యవస్థను అభివృద్ధి చేసుకుంటోంది. అంతేతప్ప తొందరపాటు నిర్ణయాలు మాత్రం తీసుకోవడం లేదు’’ అని మిస్బా ఉల్‌ హక్‌ చెప్పుకొచ్చాడు.చదవండి: శుబ్‌మన్‌ గిల్‌ మెరుపులు

కౌంటీ క్రికెట్‌లో తమిళనాడు క్రికెటర్‌ సాయి కిషోర్‌ తన ‍ప్రదర్శనతో అదరగొడుతున్నాడు. గ్లౌసెష్టర్‌షైర్‌ తరఫున ప్రాతినిధ్యం వహిస్తున్న చెన్నై స్పిన్నర్‌ సాయి కిషోర్‌ అద్భుత బౌలింగ్‌తో తన జట్టును గెలిపించడంలో కీలక పాత్ర పోషించాడు. డెర్బీషైర్‌తో జరిగిన మ్యాచ్‌లో సాయి కిషోర్‌ 20 పరుగులకే ఐదు వికెట్లు పడగొట్టడంతో గ్లౌసెష్టర్‌షైర్‌ 213 పరుగుల తేడాతో ఘన విజయం సాధించింది.ఓవరాల్‌గా ఏడు వికెట్లు తీసిన సాయి కిషోర్‌ (తొలి ఇన్నింగ్స్‌లో రెండు, రెండో ఇన్నింగ్స్‌లో ఐదు వికెట్లు) డెర్బీషైర్‌ పాలిట సింహస్వప్నమయ్యాడు. అతడి ధాటికి 319 పరుగుల ఛేదనలో తడబడిన డెర్బీషైర్‌ 105 పరుగులకే కుప్పకూలింది. రెండో ఇన్నిం‍గ్స్‌లో సాయి కిషోర్‌ 18 ఓవర్లు వేస్తే అందులో 12 మెయిడెన్‌ ఓవర్లు కావడం విశేషం.దేశవాళీలో ఇటీవలీ రంజీ ట్రోఫీలో నిలకడను ప్రదర్శించిన సాయి కిషోర్ కౌంటీ క్రికెట్లోనూ అదే జోరును చూపిస్తున్నాడు. తాజాగా తన ప్రదర్శనతో సాయి కిషోర్ బీసీసీఐ సెలెక్టర్లకు తన ఎంపిక గురించి హెచ్చరికలు పంపాడు. దేశవాళీ క్రికెట్‌లో అద్భుతమైన రికార్డు, ఎడమచేతి వాటం స్పిన్నర్‌గా ఉండటం, ఇంగ్లండ్‌ పరిస్థితుల్లోనూ రాణించే సామర్థ్యం.. ఇవన్నీ అతడికి కలిసొచ్చే అంశాలని చెప్పొచ్చు. సీనియర్ల వీడ్కోలుతో భారత టెస్టు జట్టు ప్రస్తుతం మార్పుల దశలో ఉంది. సీనియర్‌ ఆటగాళ్ల స్థానాలను భర్తీ చేసేందుకు యువ ప్లేయర్ల కోసం టీమ్‌ మేనేజ్‌మెంట్‌ చూస్తోంది. ఈ నేపథ్యంలో కోచ్‌ గౌతమ్‌ గంభీర్‌ ఆధ్వర్యంలో భారత టెస్టు జట్టు భవిష్యత్తు ప్రణాళికల్లో సాయి కిశోర్‌ కీలక ఎంపికగా మారే అవకాశం ఉంది. అతడి బౌలింగ్ శైలి కూడా గంభీర్ విధానాలకు తగినట్లుగా ఉండడం ఆసక్తికర విషయం. రాబోయే రోజుల్లో టీమిండియా న్యూజిలాండ్‌, ఆస్ట్రేలియాలతో టెస్టు సిరీస్‌లు ఆడనుంది. మరి కౌంటీల్లో అద్భుత ప్రదర్శన చేస్తున్న సాయి కిషోర్ టీమిండియాకు ఎంపికవుతాడా లేదా అనేది చూడాలి.SAI KISHORE: 18-12-20-5 🤯🔥- One of the best spells in this County Championship, he is bowling his heart out. pic.twitter.com/qpY6gqe1IJ— Johns. (@CricCrazyJohns) September 6, 2026చదవండి: ‘మా అక్కలు ప్లాన్ చేస్తే మేము ఆచరిస్తాం’

టీమిండియా మాజీ కెప్టెన్ రోహిత్ శ‌ర్మ కొత్త అవ‌తారం ఎత్తాడు. సెప్టెంబ‌ర్ 19 నుంచి సోనీ ఎంట‌ర్‌టైన్‌మెంట్‌, సోనీ లివ్‌లో ప్ర‌త్య‌క్ష ప్ర‌సారం కానున్న కార్య‌క్ర‌మానికి వ్యాఖ్యాత‌గా వ్య‌వ‌హ‌రించనున్నాడు. రోహిత్ శ‌ర్మ హోస్ట్‌గా వ్య‌వ‌హ‌రించ‌నున్న షో పేరు "ఫ్యామిలీ ఫుల్‌హౌస్ విత్‌ రోహిత్ శ‌ర్మ‌". ఈ షోలో మ‌ల్టీ జ‌న‌రేష‌న్ టీమ్స్ పాల్గొన‌నున్నాయి. ఇప్ప‌టిదాకా మైదానంలో బ్యాట్ ప‌ట్టి అభిమానుల‌ను అల‌రించిన హిట్‌మ్యాన్ ఇక‌పై గ్రీన్ మ్యాట్‌పై షోకు విచ్చేసే కుటుంబాలు చెప్పే క‌థ‌ల‌ను కెమెరా, లైటింగ్‌ మధ్య విననున్నాడు. స్వ‌త‌హాగా మంచి మాట‌కారి అయిన రోహిత్‌ను షోకు హోస్ట్‌గా ఎంపిక చేయ‌డంతోనే సోనీ ఎంటర్‌టైన్‌మెంట్ స‌గం విజ‌యం సాధించేసింది. ఇక రోహిత్ త‌న కామెడీ టైమింగ్‌తో షోను ఎంత మేర నడిపిస్తాడ‌నేది చూడాలి. ఇప్ప‌టికే ప్రోగ్రామ్‌కు సంబంధించిన ప్రోమో క‌ట్స్‌, అందులో రోహిత్ చేస్తున్న అల్ల‌రి అభిమానుల‌ను పూర్తిగా ఆక‌ట్టుకుంది. ఈ నేప‌థ్యంలో రోహిత్ శ‌ర్మ ఆట‌కు పూర్తిగా రిటైర్మెంట్ ప్ర‌క‌టించిన త‌ర్వాత చేయ‌బోయే ప‌ని కూడా ఇదేన‌ని అభిమానులు స‌ర‌దాగా కామెంట్లు పెడుతున్నారు.ఇప్ప‌టికే టెస్టుల‌కు, టీ20ల‌కు వీడ్కోలు ప‌లికిన రోహిత్ శ‌ర్మ ప్ర‌స్తుతం వ‌న్డే ఫార్మాట్‌లో మాత్ర‌మే కొన‌సాగుతున్నాడు. 2027 వ‌న్డే వర‌ల్డ్‌క‌ప్ రోహిత్ శ‌ర్మ‌కు చివ‌రి టోర్నీ అయ్యే అవ‌కాశం లేక‌పోలేదు. కాగా రోహిత్ రిటైర్మెంట్‌పై ఊహాగానాలు వ‌స్తున్న నేప‌థ్యంలో బీసీసీఐ కార్య‌ద‌ర్శి దేవ‌జిత్ సైకియా రోహిత్ జ‌ట్టులో ఉంటాడ‌ని, అత‌డి గురించి అన‌వ‌స‌ర ఊహాగానాలు చేయ‌డం ఆపేయాల‌ని హిత‌వు ప‌లికాడు. ఇక రోహిత్ శ‌ర్మ టీమిండియా త‌ర‌ఫున త‌న చివ‌రి వ‌న్డే మ్యాచ్‌ను ఇంగ్లండ్‌తో ఆడాడు. లార్డ్స్ వేదికగా జ‌రిగిన చివ‌రి వ‌న్డేలో రోహిత్ సెంచ‌రీతో మెరిశాడు. ఓవ‌రాల్‌గా ఇంగ్లండ్‌తో సిరీస్‌లో మూడు వ‌న్డేలు క‌లిపి 175 ప‌రుగులు చేశాడు.Garden Se Reporting Live, Jersey No. 45 😉Family Full House With Rohit Sharma!Shuru ho raha hai 19th September se, sirf #SonyEntertainmentTelevision aur Sony LIV par.#RohitSharma#FamilyFullHouse#ComingSoon #SonyTV@ImRo45 pic.twitter.com/DGWRp6Epzv— sonytv (@SonyTV) September 5, 2026చదవండి: భారత్‌తో మ్యాచ్‌.. విజయం మాదే! పాక్‌ ప్లేయర్‌ సంచలన కామెంట్స్‌

జపాన్‌లో జరగనున్న ఏషియన్‌ గేమ్స్-2026కు కౌంట్‌డౌన్ ప్రారంభమైంది. సెప్టెంబర్ 19 నుంచి ఈ ప్రతిష్టాత్మక క్రీడలు ప్రారంభం కానుండ‌గా.. మెన్స్‌ క్రికెట్ పోటీలు సెప్టెంబర్ 24 నుంచి షెడ్యూల్ అయ్యాయి. అయితే మ్యాచ్‌లు జ‌ర‌గ‌నున్న ఐచి-నగోయాలోని వసతులపై తీవ్ర విమర్శలు వ్యక్తమవుతున్నాయి.ప్రధానంగా క్రికెట్ జట్లకు సరైన 5-స్టార్ హోటల్ వసతి లేకపోవడం, తాత్కాలిక టెంట్లను డ్రెస్సింగ్ రూమ్‌లుగా కేటాయించడంపై వివాదం రేగింది. ఇటీవల జరిగిన ఆసియా క్రికెట్‌ కౌన్సిల్‌ మీటింగ్‌లోనూ ఈ ఏర్పాట్లపై బీసీసీఐతో పాటు శ్రీలంక, బంగ్లాదేశ్, పాకిస్తాన్ క్రికెట్ బోర్డులు కూడా తమ నిరసనను వ్యక్తం చేశాయి. క్రికెటర్లకు ప్రత్యేక ప్రత్యేక వసతి కల్పించాలని ఒలింపిక్ కౌన్సిల్ ఆఫ్ ఆసియాను డిమాండ్ చేశాయి. కానీ ఓసీఎ మాత్రం క్రికెటర్లకు ప్రత్యేక వసతి కల్పించబడదని స్పష్టం చేసింది. ఇదే విషయాన్ని ఇండియన్‌ ఒలింపిక్ అసోయేషిన్ కూడా (ఐఓఏ) ధ్రువీకరించింది.ఈ క్రమంలో భారత క్రికెట్ బోర్డు ఓ కీలక నిర్ణయం దిశగా అడుగులు వేస్తున్నట్లు తెలుస్తోంది. బీసీసీఐ తమ పురుష, మహిళల జట్ల వసతి, ఫుడ్‌, రవాణా ఏర్పాట్లను స్వయంగా చేసుకోవాలని ఆలోచిస్తున్నట్లు సమాచారం. కాగా ఏషియన్ గేమ్స్ నిర్వాహకులు భారత పురుషుల క్రికెట్ జట్టుకు త్రీ-స్టార్ హోటల్, ఉమెన్స్‌ టీమ్‌కు ఫోర్-స్టార్ హోటల్‌ను కేటాయించారు.అయితే ఒకే గదిని ఇద్దరు ప్లేయర్‌ షేర్‌ చేసుకోవాల్సి ఉండడతో బీసీసీఐ అభ్యంతరం వ్యక్తం చేస్తోంది. ఎందుకంటే సాధారణంగా భారత క్రికెటర్లకు అంతర్జాతీయ టోర్నీల్లో విడిగా సింగిల్-ఆక్యుపెన్సీ 5-స్టార్ రూమ్‌లు ఇస్తుంటారు. అదేవిధంగా ఆటగాళ్ల భారీ కిట్‌బ్యాగ్‌లు, ఇతర క్రీడా పరికరాలు ఉంచుకోవడానికి ఈ చిన్న గదులు సరిపోవని బీసీసీఐ వర్గాలు అసంతృప్తి వ్యక్తం చేస్తున్నాయి. అయితే సౌకర్యాలను పరిశీలించడానికి జపాన్‌కు ఓ బృందాన్ని బీసీసీఐ పంపనుంది. వారి రిపోర్ట్ మేరకు తమ ఆటగాళ్ల వసతుల విషయంలో బీసీసీఐ తుది నిర్ణయం తీసుకోనుంది.చదవండి: సౌతాఫ్రికా ఓపెనర్‌ ప్రపంచ రికార్డు.. వైభవ్ సూర్యవంశీకి ఛాలెంజ్!

షేర్-ఎ-పంజాబ్ టీ20 లీగ్‌లో జలంధర్‌ వారియర్స్‌ కెప్టెన్‌, స్టార్‌ వికెట్‌ కీపర్‌ బ్యాటర్‌ ప్రభ్‌సిమ్రాన్‌ సింగ్‌ తన సూపర్‌ ఫామ్‌ను కొనసాగిస్తున్నాడు. శుక్రవారం మెహాలీ వేదికగా లూధియానా లయన్స్‌తో జరిగిన మ్యాచ్‌లో ప్రభ్‌సిమ్రాన్‌ సింగ్‌ విధ్వంసం సృష్టించాడు. 168 పరుగుల లక్ష్య చేధనలో అతడు ఆకాశమే హద్దుగా చెలరేగాడు.కేవలం 39 బంతుల్లో 7 ఫోర్లు, 6 సిక్స్‌లతో 90 పరుగులు చేసి అజేయంగా నిలిచాడు. అతడితో పాటు ఆర్యన్‌ యాదవ్‌(32) కూడా దూకుడుగా ఆడాడు. ఫలితంగా జలంధర్‌ లక్ష్యాన్ని కేవలం మూడు వికెట్లు మాత్రమే కోల్పోయి 15.5 ఓవర్లలో ఊదిపడేసింది. అంతకుముందు బ్యాటింగ్‌ చేసిన లుథియానా నిర్ణీత 20 ఓవర్లలో 7 వికెట్ల నష్టానికి 167 పరుగులు చేసింది. లుథియానా ఇన్నింగ్స్‌లో మాధవ్‌ సింగ్‌(32 బంతుల్లో 5 ఫోర్లు, 6 సిక్స్‌లతో 72) టాప్‌ స్కోరర్‌గా నిలిచాడు. జలంధర్‌ బౌలర్లలో ఆర్యన్‌ యాదవ్‌ మూడు, రణ్‌దీప్‌ సింగ్‌, గుర్వీందర్‌ సింగ్‌ తలా రెండు వికెట్లు పడగొట్టారు.కొనసాగుతున్న ప్రభ్‌సిమ్రాన్‌ నిరీక్షణ?కాగా 26 ఏళ్ల ప్రభ్‌సిమ్రాన్‌ సింగ్‌ గత కొన్నాళ్లగా వైట్‌బాల్‌ క్రికెట్‌లో అద్భుతంగా రాణిస్తున్నాడు. సయ్యద్‌ ముస్తాక్‌ అలీ ట్రోఫీ, విజయ్‌ హాజారే వంటి దేశవాళీ టోర్నీలతో ఐపీఎల్‌ వంటి మెగా లీగ్‌లో కూడా అతడు దుమ్ములేపుతున్నాడు. ఇండియా-ఎ జట్టు తరపున కూడా తన మార్క్‌ చూపించాడు. కానీ సీనియర్‌ జట్టు తరపున మాత్రం అరంగేట్రం చేసే అవకాశం అతడికి లభించడం లేదు. జింబాబ్వే పర్యటనకు సంజూ శాంసన్‌ గైర్హజరీ కారణంగా ప్రబ్‌సిమ్రాన్‌కు సెలక్టర్లు పిలుపునిచ్చారు. కానీ అరంగేట్రం చేసే అవకాశం రాలేదు. మొత్తం మూడు మ్యాచ్‌లకు బెంచ్‌కే పరిమితం చేశారు. ఇప్పుడు అఫ్గానిస్తాన్‌తో సిరీస్‌కు సంజూ తిరిగి రావడంతో ప్రభ్‌సిమ్రాన్‌ను పక్కన పెట్టేశారు.అయినప్పటికి అతడు ఏ మాత్రం నిరాశ చెందకుండా తన అద్భుత ప్రదర్శనలతో సెలక్టర్లకు సవాల్‌ విసురుతున్నాడు. ఇప్పటివరకు ఈ పంజాబ్‌ టీ20 లీగ్‌లో కేవలం 4 మ్యాచ్‌లు ఆడిన ప్రభ్‌సిమ్రాన్‌ 401 పరుగులు చేసి లీడింగ్‌ రన్‌స్కోరర్‌గా కొనసాగుతున్నాడు.చదవండి: సౌతాఫ్రికా ఓపెనర్‌ ప్రపంచ రికార్డు.. వైభవ్ సూర్యవంశీకి ఛాలెంజ్!

అఫ్గానిస్తాన్‌తో టీ20 సిరీస్‌కు టీమిండియా స్టార్ పేస‌ర్ జ‌స్ప్రీత్ బుమ్రా దూరం కానున్నాడా? అంటే 'అవును' అనే అంటున్నాయి బీసీసీఐ వ‌ర్గాలు. అఫ్గాన్‌తో టీ20 సిరీస్‌తో పాటు ఆసియా క్రీడ‌ల కోసం ఎంపిక చేసిన జ‌ట్లలో బుమ్రా పేరు ఉన్న‌ప్ప‌టికీ, అత‌డికి ఇంకా బీసీసీఐ వైద్య బృందం నుంచి ఫిట్‌నెస్ క్లియరెన్స్ రాలేదు.బుమ్రా ప్రస్తుతం బెంగళూరులోని 'బీసీసీఐ సెంటర్ ఆఫ్ ఎక్సలెన్స్‌'లో పునరావాసం పొందుతున్నాడు. అతడు తన మోకాలి గాయం నుంచి కోలుకునే క్రమంలో ఉన్నాడు. అయితే బుమ్రా పూర్తి ఫిట్‌నెస్ సాధించకుండా మైదానంలోకి దించి రిస్క్ తీసుకోకూడదని బీసీసీఐ భావిస్తోంది. ఈ సిరీస్ కోసం శ్రేయస్ అయ్యర్ నేతృత్వంలోని భారత జట్టు సెప్టెంబర్ 10 నుంచి ఢిల్లీలో ప్రాక్టీస్ మొదలుపెట్టనుంది.అంతకంటే ముందే బుమ్రాతో పాటు నితీష్ కుమార్ రెడ్డి, వాషింగ్టన్ సుందర్, హర్షిత్ రాణాలకు ఫిట్‌నెస్ పరీక్షలు నిర్వహించనున్నారు. ఇందులో ఉత్తీర్ణత సాధిస్తేనే వారు జట్టుతో కలిసే అవకాశముంది. అయితే బుమ్రా ఫిట్‌నెస్‌పై ఇంకా స్పష్టత లేకపోవడంతో అతడికి ప్రత్యామ్నాయంగా ప్రిన్స్ యాదవ్‌ను జట్టులోకి తీసుకోవాలని సెలక్టర్లు భావిస్తున్నట్లు సమాచారం.ఇప్పటికే టీమిండియా తరఫున ఆరు టీ20లు ఆడిన ప్రిన్స్‌.. 9 వికెట్లు ప‌డ‌గొట్టి ఆక‌ట్టుకున్నాడు. అయితే బుమ్రా, హ‌ర్షిత్ రాణా వంటి ప్లేయ‌ర్లు రీఎంట్రీ ఇవ్వ‌డంతో ప్రిన్స్ టీ20 జ‌ట్టులో చోటు కోల్పోయాడు. ఇప్పుడు బుమ్రా ఇంకా కోలుకోక‌పోవ‌డంతో ప్రిన్స్ మ‌ళ్లీ తిరిగి జ‌ట్టులోకి వ‌చ్చే అవ‌కాశ‌ముంది.ప్రిన్స్‌కు అద్భుత‌మైన బౌలింగ్ స్కిల్స్ ఉన్నాయి. ప‌వ‌ర్ ప్లేతో పాటు డెత్ ఓవ‌ర్ల‌లోనూ ప‌రుగులను క‌ట్ట‌డి చేసే స‌త్తా అత‌డికి ఉంది. అంతేకాకుండా పిన్ పాయింట్ యార్క‌ర్లు వేయ‌డంలో అత‌డు దిట్ట‌. ఇక అఫ్గాన్‌-భార‌త్ మ‌ధ్య మూడు మ్యాచ్‌ల సిరీస్ సెప్టెంబ‌ర్ 13 నుంచి ప్రారంభం కానుంది.ఆసియా క్రీడల కోసం భారత పురుషుల జట్టు:శ్రేయస్ అయ్యర్ (కెప్టెన్), వైభవ్ సూర్యవంశీ, సంజు శాంసన్ (వికెట్ కీపర్), అభిషేక్ శర్మ, ఇషాన్ కిషన్ (వికెట్ కీపర్), శివమ్ దూబే, తిలక్ వర్మ (వైస్ కెప్టెన్), అక్షర్ పటేల్, వాషింగ్టన్ సుందర్, వరుణ్ చక్రవర్తి, నితీశ్ కుమార్ రెడ్డి, రవి బిష్ణోయ్, హర్షిత్ రానా, అర్ష్‌దీప్ సింగ్, జస్ప్రీత్ బుమ్రా.

ఆస్ట్రేలియాతో జరగబోయే సిరీస్ కోసం భార‌త అండర్-19 జట్టుకు ఎంపికైన కొన్ని వారాలకే, తన వయసును తప్పుగా చెప్పాడనే ఆరోపణలపై బెంగాల్ లెగ్ స్పిన్నర్ రోహిత్ యాదవ్‌పై బీసీసీఐ రెండేళ్ల నిషేధం విధించింది. అయితే ఇక్క‌డే ఊహించ‌ని ట్విస్ట్ బ‌య‌ట‌ప‌డింది. రోహిత్ యాద‌వ్ ఒక్క‌డే కాదు దాదాపు 62 మంది యువ‌ క్రికెటర్లు వయసుకు సంబంధించి తప్పుడు ధ్రువపత్రాలు సమర్పించినట్లు తేలింది. ఈ 62 మంది క్రికెటర్ల వయ‌సులో వ్య‌త్యాసాలున్న‌ట్లు బ‌య‌ట‌ప‌డ‌డం సంచ‌ల‌నం క‌లిగిస్తోంది. పత్రాలు, వయస్సు సంబంధిత వ్యత్యాసాల కారణంగా, 2026-27, 2027-28 సీజన్‌లలో ఏ టోర్నమెంట్‌కైనా నమోదు లేదా బదిలీ చేసిన 62 మంది క్రికెట‌ర్ల‌ను బెంగాల్ క్రికెట్ అసోసియేష‌న్‌ అనర్హులుగా ప్రకటించింది. వీరిలోనే ప్ర‌స్తుతం రెండేళ్ల నిషేధం ప‌డిన రోహిత్ యాద‌వ్ కూడా ఉన్నాడు.దీంతో బెంగాల్ క్రికెట్ అసోసియేష‌న్ (క్యాబ్‌) ఆ 62 మంది క్రికెట‌ర్ల‌పై క‌ఠిన చ‌ర్య‌లు తీసుకోవాలని బీసీసీఐకి ఫిర్యాదు చేయడంతో పాటు తాను కఠిన చర్యలకు సిద్ధ‌మ‌వుతోంది. ఇక జాబితాలో రోహిత్ యాద‌వ్‌తో పాటు 2022 అండర్‌-19 ప్ర‌పంచ‌క‌ప్ గెలిచిన భార‌త జ‌ట్టులో సభ్యుడైన ర‌వికుమార్‌తో పాటు స్పిన్ ఆల్‌రౌండ‌ర్ విశాల్ భ‌ట్టి కూడా ఉన్నారు. అయితే బెంగాల్ అసోసియేష‌న్ రికార్డుల్లో ర‌వి వ‌య‌సు అస‌లుతో పోలిస్తే 45 నెల‌ల వ్య‌త్యాసం ఉన్న‌ట్లు గుర్తించింది.ర‌వితో పాటు ఇత‌ర ఆట‌గాళ్లు కూడా వ‌య‌సుకు సంబంధించి గ‌ణ‌నీయ‌మైన వ్యత్యాసం ఉన్న‌ట్లు గుర్తించిన‌ట్లు క్యాబ్ స్ప‌ష్టం చేసింది. ఇప్ప‌టికే ఆ 62 మంది ఆట‌గాళ్ల‌కు సంబంధించిన అన్ని వివ‌రాల‌ను బీసీసీఐకి అంద‌జేసిన‌ట్లు క్యాబ్ తెలిపింది. ఈ మేరకు బీసీసీఐ త‌ప్పుడు వ‌య‌సు ప‌త్రాలను చూపించిన‌ 62 మంది యువ ఆట‌గాళ్ల‌పై ఎలాంటి చ‌ర్య‌లు తీసుకోనుంద‌నేది ఆస‌క్తిగా మారింది.ఇక ఉత్తర ప్రదేశ్‌కు చెందిన రోహిత్, జూలైలో జరిగిన అండర్-19 జట్టు శ్రీలంక పర్యటనలో భారత్‌కు ప్రాతినిధ్యం వహించి, ఆరు వికెట్లు తీసి, చివరి టెస్టులో జట్టు విజయంలో కీలక పాత్ర పోషించాడు. గత కొన్నేళ్లుగా తన పుట్టిన సంవత్సరానికి సంబంధించి రోహిత్‌ వేర్వేరు పత్రాల్లో వేర్వేరు వివరాలు సమర్పించినట్లు సమాచారం. బెంగాల్‌ అసోసియేషన్‌కు 2014లో ఇచ్చిన వివరాల్లో తాను జూలై 7, 2007లో జన్మించినట్లు అతడు పేర్కొన్నాడు. అందులో తన చిరునామాను ఉత్తరప్రదేశ్‌గా పేర్కొన్నాడు. అయితే, 2017లో ఆధార్‌ అప్‌డేట్‌ సందర్భంగా తాను 2006లో జన్మించినట్లు రోహిత్‌ యాదవ్‌ తెలిపాడు. ఆ తర్వాత 2020, 2021లో మరోసారి అప్‌డేట్‌ చేసుకోగా.. ఈసారి తాను 2009లో జన్మించినట్లు పేర్కొన్నాడు.చదవండి: కౌంటీల్లో తొలి వికెట్ సాధించిన‌ క‌శ్మీర్ సంచ‌ల‌నం

టీమిండియా యువ సంచలనం వైభవ్ సూర్యవంశీపై బీసీసీఐ ప్రత్యేక దృష్టి సారించనుంది. పిన్న వయసులోనే అంతర్జాతీయ క్రికెట్‌లో అరేంగట్రం చేసిన వైభవ్ సూర్యవంశీ కెరీర్ తొందరగా ముగియకూడదనే ఉద్దేశంతో ప్రత్యేక ప్రణాళికలు చేపట్టనుంది. వైభవ్‌ను చూస్తుంటే భవిష్యత్తు సచిన్‌లా కనిపిస్తున్న తరుణంలోనే అతడి కెరీర్ ఒక్క సిరీస్, ఏడాది లేదా రెండేళ్లకే పరిమితం కాకూడదని, అతడి కెరీర్ సుదీర్ఘంగా సాగాలని బీసీసీఐ భావిస్తోంది. వైభవ్‌తో పాటు ప్రతిభ చూపుతున్న యువ ఆటగాళ్లకు సరైన మార్గదర్శకత్వం, సహకారం అందించాలని ముంబైలో గురువారం నిర్వహించిన బీసీసీఐ కీలక సమావేశంలో నిర్ణయం తీసుకుంది. బీసీసీఐ సెక్రటరీ దేవజిత్ సైకియా మాట్లాడుతూ.. 15 ఏళ్ల వయసులోనే అంతర్జాతీయ స్థాయిలో రాణిస్తున్న ఆటగాడిని ఎంతో జాగ్రత్తగా తీర్చిదిద్దాల్సిన అవసరం ఉందన్నారు. సచిన్‌ టెండూల్కర్‌లా వైభవ్ సూర్యవంశీ దేశానికి సుదీర్ఘకాలం సేవలందించే ఆటగాడిగా ఎదగాలని బీసీసీఐ కోరుకుంటోందని చెప్పారు. అతడి కెరీర్‌ను ప్రతి దశలోనూ నిశితంగా గమనిస్తున్నట్లు తెలిపారు. కార్యక్రమంలో బీసీసీఐ కార్యదర్శి దేవజిత్ సైకియా, టెస్టు, వన్డే కెప్టెన్ శుబ్‌మన్‌ గిల్‌, టీ20 కెప్టెన్‌ శ్రేయస్ అయ్యర్‌, హెడ్‌ కోచ్‌ గౌతమ్‌ గంభీర్‌, సీవోఈ చీఫ్‌ వీవీఎస్‌ లక్ష్మణ్ సహా పలువురు ఉన్నతాధికారులు హాజరయ్యారు.ఇటీవలే వైభవ్‌ 15 ఏళ్ల 157 రోజుల వయసులో దులీప్‌ ట్రోఫీ చరిత్రలో అత్యంత పిన్న వయసులో అర్ధశతకం చేసిన ఆటగాడిగా రికార్డు సృష్టించాడు. 57 ఏళ్ల రికార్డును బద్దలు కొట్టాడు. జింబాబ్వేతో మూడు మ్యాచ్‌ల సిరీస్‌లో 151 పరుగులు చేసి ప్లేయర్‌ ఆఫ్‌ ద సిరీస్‌గా నిలిచాడు. భారత్‌ ఆ సిరీస్‌ను 3-0తో క్లీన్‌స్వీప్‌ చేసింది.ఇంగ్లండ్‌తో టీ20 సిరీస్ ద్వారా భారత్‌ తరఫున అత్యంత పిన్న వయసులో అంతర్జాతీయ అరంగేట్రం చేసిన ఆటగాడిగా వైభవ్‌ నిలిచాడు. ఐపీఎల్‌ 2026లో రాజస్థాన్‌ రాయల్స్‌ తరఫున అతడు 776 పరుగులు చేశాడు. 237.30 స్ట్రైక్‌రేట్‌తో ఆడాడు. ఒక సెంచరీ, ఐదు అర్ధశతకాలు బాదాడు. 72 సిక్సర్లతో టోర్నీలో అత్యధిక పరుగులు చేసిన ఆటగాడిగా నిలిచాడు.చదవండి: హాంకాంగ్‌పై విజయం.. స్మృతి మంధాన కన్నీటిపర్యంతం!

ముంబై: భారత క్రికెట్‌ జట్టు ఇటీవలి ప్రదర్శనకు సంబంధించి బీసీసీఐ గురువారం నిర్వహించిన సమీక్షా సమావేశం ఎలాంటి హడావిడి, కొత్త నిర్ణయాలేమీ లేకుండానే ముగిసింది. అజెండాలో చర్చించే పలు అంశాల గురించి ఈ సమావేశానికి ముందు బయట చర్చ జరిగినా... చివరకు సాధారణ సమీక్షగానే ఇది ముగిసింది. బోర్డు కార్యదర్శి దేవజిత్‌ సైకియా నేతృత్వంలో జరిగిన ఈ మీటింగ్‌లో వన్డే, టి20 జట్ల కెప్టెన్లు శుబ్‌మన్‌ గిల్, శ్రేయస్‌ అయ్యర్, హెడ్‌ కోచ్‌ గౌతమ్‌ గంభీర్, సీఓఈ డైరెక్టర్‌ వీవీఎస్‌ లక్ష్మణ్‌ పాల్గొన్నారు. వ్యక్తిగత కారణాలతో చీఫ్‌ సెలక్టర్‌ అజిత్‌ అగార్కర్‌ దీనికి హాజరు కాలేదు. టీమ్‌ మేనేజ్‌మెంట్, సెలక్టర్లు, సీఓఈ మధ్య మంచి సమన్వయం ఉందని, సమాచారం విషయంలో ఎలాంటి సమస్యా లేదని దేవజిత్‌ సైకియా వెల్లడించారు. అయితే ఏడాదిలో ఎక్కువ మ్యాచ్‌లు ఆడటం కారణంగానే మన ఆటగాళ్లు తరచుగా గాయపడుతున్నారని, ఈ విషయంలో జాగ్రత్తలు తీసుకుంటూ షెడ్యూల్‌ రూపొందిస్తామని ఆయన వ్యాఖ్యానించారు. ‘బీసీసీఐలో అంతా కలిసి బాగా పని చేస్తున్నారు. అందరి ఆలోచననలు ఒకే తరహాలో ఉన్నాయి. కోచ్‌లు, సహాయక సిబ్బంది, మహిళల జట్టు కమిటీలు, సీఓఈ... ఇలా అన్నింటి మధ్య సమన్వయం బాగుంది. కాబట్టి అంతా సరైన దిశలోనే నడుస్తోంది. అయితే ఏడాదిలో చాలా ఎక్కువ మ్యాచ్‌లు ఉండటమే ప్రస్తుతం కొంత ఇబ్బందిగా మారింది. దీనిపై తగిన విధంగా ఆలోచించి నిర్ణయం తీసుకోవాలని షెడ్యూల్‌ తయారు చేసే ఎఫ్‌టీపీ బృందానికి చెప్పాం. మ్యాచ్‌ల మధ్య తగినంత విరామం ఉండేలా చూడమని వారికి సూచించాం. పైగా ప్రతీ విదేశీ సిరీస్‌కు ముందు అక్కడి వాతావరణానికి అలవాటు పడే విధంగా కొన్ని ఫ్రెండ్లీ మ్యాచ్‌లు ఉండేలా చూడామని కూడా వివరించాం’ అని సైకియా చెప్పారు. ఇటీవలి ఐర్లాండ్, ఇంగ్లండ్, శ్రీలంక పర్యటనల్లో భారత జట్టు ప్రదర్శన గురించి చర్చించామని, 2027 వరల్డ్‌ కప్‌ సహా వచ్చే ఏడాది మ్యాచ్‌లపై తగిన ప్రణాళికలు రూపొందిస్తున్నామని ఆయన అన్నారు. రోహిత్ భ‌విత‌వ్యంపై కీల‌క వ్యాఖ్య‌లుభారత జట్టు రోహిత్‌ శర్మ స్థానం, అతని భవిష్యత్తు గురించి కూడా సమావేశంలో చర్చి జరిగిందంటూ వచ్చిన వార్తలను సైకియా కొట్టిపారేశారు. ‘రోహిత్‌ శర్మ అన్ని మ్యాచ్‌లలో చాలా బాగా ఆడుతున్నాడు. ఇంగ్లండ్‌తో జరిగిన చివరి వన్డేలో 138 పరుగులు చేశాడు. అతడి నుంచి ఇంకా ఏం ఆశిస్తున్నారు. అసలు ఈ సమయంలో అలాంటి ఊహాగానాలు ఎందుకు. వాటికి నేను మరింత ఊతం ఇవ్వను’ అని సైకియా స్పష్టం చేశారు.సెలక్టర్‌గా అజిత్‌ అగార్కర్‌ పదవీకాలం అక్టోబర్‌ 4న ముగియనుండగా... అతని కాంట్రాక్ట్‌ కొనసాగింపు విషయంపై అసలు చర్చించనే లేదని ఆయన పేర్కొన్నారు. మరోవైపు భారత క్రికెట్‌కు డైరెక్టర్‌ హోదాలో వీవీఎస్‌ లక్ష్మణ్‌ను ఎంపిక చేయవచ్చంటూ వినిపిస్తున్న మాటలు కూడా ఉత్త పుకార్లేనని సైకియా చెప్పారు. దీనిపై కూడా చర్చించలేదని, డైరెక్టర్‌ పదవి గురించే బోర్డు ఆలోచన లేదని ఆయన పునరుద్ఘాటించారు. సీఓఈలో కొత్తగా హెడ్‌ ఆఫ్‌ స్పోర్ట్స్‌ సైన్స్‌ అండ్‌ మెడిసిన్‌ను త్వరలోనే నియమిస్తామన్న కార్యదర్శి...ప్రస్తుతం ఆ పదవిలో ఎవరూ లేకపోయినా సీఓఈ సమర్థంగానే పని చేస్తోందని స్పష్టం చేశారు. గంభీర్‌దే తుది నిర్ణయం... ఆదివారం నుంచి చెన్నైలో జరిగే దులీప్‌ ట్రోఫీ ఫైనల్లో సౌత్‌జోన్‌ తరఫున కేఎల్‌ రాహుల్, దేవదత్‌ పడిక్కల్, మొహమ్మద్‌ సిరాజ్‌ బరిలోకి దిగుతారు. ఈ మ్యాచ్‌లో ఆడాల్సిందిగా ఇప్పటికే వారికి బోర్డు సూచించింది. అయితే 13 నుంచి అఫ్గానిస్తాన్‌తో టి20 సిరీస్‌ ప్రారంభం కానున్న నేపథ్యంలో తిలక్‌ వర్మ, వైభవ్‌ సూర్యవంశీ, ఇషాన్‌ కిషన్‌ ఈ మ్యాచ్‌ ఆడటంపై సందేహాలు ఉన్నాయి. వీరు ఆడాలా లేదా అనే అంశంపై హెడ్‌ కోచ్‌ గౌతమ్‌ గంభీర్‌ తుది నిర్ణయం తీసుకుంటారని సైకియా చెప్పారు. దులీప్‌ ట్రోఫీ ఫైనల్‌ను చీఫ్‌ సెలక్టర్‌ అజిత్‌ అగార్కర్‌ కూడా చూస్తారని ఆయన వెల్లడించారు. జపాన్‌కు నెట్‌ బౌలర్లు... జపాన్‌లో జరిగే ఆసియా క్రీడల్లో పాల్గొనే భారత జట్టు ప్రాక్టీస్‌లో సహకరించేందుకు ముగ్గురు పేస్‌ బౌలర్లను బోర్డు ఎంపిక చేసింది. మయాంక్‌ యాదవ్, కార్తీక్‌ త్యాగి, మొహసిన్‌ ఖాన్‌లు టీమ్‌తో వెళ్లనున్నారు. వీరి వీసాల కోసం ప్రయత్నిస్తున్న బోర్డు... కేంద్ర ప్రభుత్వంతో సంబంధం లేకుండా తమ సొంత ఖర్చులతో ఈ ముగ్గురిని పంపనుంది.

భారత అండర్‌-19 క్రికెటర్‌, బెంగాల్‌ లెగ్‌ స్పిన్నర్‌ రోహిత్‌ యాదవ్‌పై భారత క్రికెట్‌ నియంత్రణ మండలి (బీసీసీఐ) కఠిన చర్యలు తీసుకుంది. వయసుకు సంబంధించి తప్పుడు ఆధారాలు సమర్పించాడనే కారణంతో రెండేళ్ల పాటు అతడిపై నిషేధం విధించినట్లు తెలుస్తోంది.స్పోర్ట్స్‌ స్టార్‌ కథనం ప్రకారం.. ఈ నిషేధం తక్షణమే అమల్లోకి వస్తుందని.. బెంగాల్‌ క్రికెట్‌ అసోసియేషన్‌ కూడా ఈ ఆదేశాలను అమలు చేయాలని బీసీసీఐ పేర్కొన్నట్లు సమాచారం. కాగా రోహిత్‌ యాదవ్‌ ఇటీవలి కాలంలో భారత్‌ అండర్‌-19 జట్టు తరఫున మెరుగ్గా రాణిస్తున్నాడు.శ్రీలంక పర్యటనలోశ్రీలంక పర్యటనలో భాగంగా యూత్‌ టెస్టుల్లో రోహిత్‌ యాదవ్‌ ఆరు వికెట్లు పడగొట్టాడు. ఈ నేపథ్యంలో స్వదేశంలో ఆస్ట్రేలియాతో సెప్టెంబరులో జరిగే సిరీస్‌కు కూడా సెలక్టర్లు అతడిని ఎంపిక చేశారు. ఆసీస్‌తో యూత్‌ వన్డే, యూత్‌ టెస్టులు ఆడే జట్టులో అతడికి చోటు దక్కింది.వేర్వేరుగా వివరాలుఅయితే, అనూహ్య రీతిలో రోహిత్‌ యాదవ్‌పై రెండేళ్ల పాటు నిషేధం పడటం గమనార్హం. కాగా గత కొన్నేళ్లుగా తన పుట్టిన సంవత్సరానికి సంబంధించి రోహిత్‌ వేర్వేరు పత్రాల్లో వేర్వేరు వివరాలు సమర్పించినట్లు సమాచారం. బెంగాల్‌ అసోసియేషన్‌కు 2014లో ఇచ్చిన వివరాల్లో తాను జూలై 7, 2007లో జన్మించినట్లు అతడు పేర్కొన్నాడు.అందులో తన చిరునామాను ఉత్తరప్రదేశ్‌గా పేర్కొన్నాడు. అయితే, 2017లో ఆధార్‌ అప్‌డేట్‌ సందర్భంగా తాను 2006లో జన్మించినట్లు రోహిత్‌ యాదవ్‌ తెలిపాడు. ఆ తర్వాత 2020, 2021లో మరోసారి అప్‌డేట్‌ చేసుకోగా.. ఈసారి తాను 2009లో జన్మించినట్లు పేర్కొన్నాడు.ఈ నేపథ్యంలో రోహిత్‌ యాదవ్‌ తీరుపై అనుమానం రాగా బెంగాల్‌ అసోసియేషన్‌ సమీక్షలో భాగంగా.. అతడు మోసానికి పాల్పడినట్లు తేలినట్లు సమాచారం. కాగా రోహిత్‌ యాదవ్‌ స్థానంలో కనిష్క్‌ చౌహాన్‌ లేదంటే మహ్మద్‌ ఎనాన్‌ ఆసీస్‌తో సిరీస్‌ ఆడే జట్టులో చేరే అవకాశం ఉంది.చదవండి: సిరాజ్‌తో పాటు ఇద్దరు టీమిండియా స్టార్లకు పిలుపు!

భారత క్రికెట్‌ నియంత్రణ మండలి (బీసీసీఐ) సమీక్షా సమావేశం గురువారం ముంబైలో జరిగింది. టీమిండియా హెడ్‌కోచ్‌ గౌతం గంభీర్‌, బీసీసీఐ సెంటర్‌ ఆఫ్‌ ఎక్సలెన్స్‌ చీఫ్‌ వీవీఎస్‌ లక్ష్మణ్‌, వన్డే, టెస్టు జట్ల కెప్టెన్‌ శుబ్‌మన్‌ గిల్‌, టీ20 కెప్టెన్‌ శ్రేయస్‌ అయ్యర్‌ ఈ సమావేశానికి హాజరయ్యారు.అయితే, చీఫ్‌ సెలక్టర్‌ అజిత్‌ అగార్కర్‌ మాత్రం మీటింగ్‌కు రాలేదు. కాగా యూకే పర్యటనలో టీమిండియా ఘోర పరాభవాలు చవిచూసిన సంగతి తెలిసిందే. టీ20 సిరీస్‌లలో ఐర్లాండ్‌ చేతిలో 2-0, ఇంగ్లండ్‌ చేతిలో 4-0తో వైట్‌వాష్‌ అయిన భారత జట్టు.. ఇంగ్లండ్‌తో వన్డేల్లోనూ 1-2తో ఓటమిపాలైంది.రోహిత్‌ విషయంలో మరోసారి వదంతులుఈ నేపథ్యంలో జూలైలోనే సమీక్షా సమావేశం నిర్వహించాల్సి ఉండగా.. శ్రీలంక పర్యటన కారణంగా వాయిదా పడింది. అయితే, గురువారం జరిగిన ఈ రివ్యూ మీటింగ్‌లోనే టీమిండియా దిగ్గజం రోహిత్‌ శర్మ భవితవ్యంపై కూడా చర్చ జరుగనుందనే వార్తలు వచ్చాయి. వన్డే వరల్డ్‌కప్‌-2027 టోర్నీకి సెలక్టర్లు అతడి పేరును పరిగణనలోకి తీసుకోవడం లేదనే ఊహాగానాలు వినిపించాయి. రిటై ర్మెంట్‌ తీసుకునేలా అతడిపై ఒత్తిడి పెరిగిందనే రూమర్లు వినిపించాయి.ఆజ్యం పోయాలనుకోవడం లేదుఈ విషయంపై బీసీసీఐ కార్యదర్శి దేవజిత్‌ సైకియా స్పందించారు. సమావేశం అనంతరం మాట్లాడుతూ.. ‘‘రోహిత్‌ శర్మ బాగా ఆడుతున్నాడు. వదంతులకు నేను ఆజ్యం పోయాలనుకోవడం లేదు. అతడు అన్ని మ్యాచ్‌లలోనూ మంచి ప్రదర్శనలు ఇస్తున్నాడు.ఇంతకంటే ఇంకేం కావాలి? చివరగా లార్డ్స్‌లో ఆడిన వన్డేలో అతడు 130-140 పరుగులు సాధించాడు. అయినా ఇంకా ఎందుకీ ప్రచారం? వదంతులు వ్యాప్తి చేసే వారికి నేను ఊతం ఇవ్వాలని అనుకోవడం లేదు’’ అని సైకియా పేర్కొన్నారు. అయితే, వన్డే వరల్డ్‌కప్‌ టోర్నీలో రోహిత్‌ను కచ్చితంగా ఆడిస్తామని మాత్రం సైకియా చెప్పలేకపోయారు. దీంతో యాజమాన్యం తీరుపై అభిమానులలో మరోసారి సందేహాలు రేకెత్తాయి. ఇదిలా ఉంటే.. అజిత్‌ అగార్కర్‌ సమావేశానికి హాజరుకాకపోవడంపై కూడా సైకియా స్పందించారు. మీటింగ్‌ గురించి ముందుగా సమాచారం ఇవ్వలేకపోయామని.. అందుకే అగార్కర్‌ రాలేదని పేర్కొన్నారు. చదవండి: టీమిండియా హెడ్‌కోచ్‌గా వీవీఎస్‌ లక్ష్మణ్‌

సౌతాఫ్రికా వేదికగా జరగనున్న వన్డే ప్రపంచ‌క‌ప్-2027కు ఇంకా చాలా స‌మ‌యం ఉన్న‌ప్ప‌టికి.. బీసీసీఐ ఇప్పటి నుంచే పక్కా ప్రణాళికలు రచిస్తోంది. ఇందులో భాగంగా మెగా టోర్నీకి ముందు ఆటగాళ్లను అక్కడి పరిస్థితులను అలవాటు చేసేందుకు, ఆతిథ్య జట్టు దక్షిణాఫ్రికాతో 4 నుంచి 6 వన్డేల సిరీస్ ఆడేలా బీసీసీఐ ప్లాన్ చేస్తోంది. ఇదే విషయంపై ఇప్పటికే బీసీసీఐ పెద్దలు సౌతాఫ్రికా క్రికెట్ బోర్డుతో చర్చలు జరిపినట్లు తెలుస్తోంది. కాగా భారత జట్టు చివరిసారిగా 2024లో టీ20 సిరీస్ కోసం దక్షిణాఫ్రికా పర్యటనకు వెళ్ళింది. ప్రస్తుత ఎఫ్‌టీపీ (FTP) షెడ్యూల్‌లో భారత్-సౌతాఫ్రికాల మధ్య వన్డే సిరీస్ ఏదీ లేదు. అయితే భారత టీమ్‌ మేనేజ్‌మెంట్ అభ్యర్థన మేరకు ఈ ప్రత్యేక సిరీస్‌ను ఏర్పాటు చేయనున్నట్లు బీసీసీఐ అధికారి ఒకరు తెలిపారు."నూతన ఎఫ్‌టీపీ ఇంకా ఖరారు కాలేదు. కాబట్టి ప్రపంచకప్‌నకు ముందు ఈ వన్డే సిరీస్ నిర్వహించడానికి ఎలాంటి అడ్డంకులు ఉండవు" అని సదరు అధికారి పేర్కొన్నారు. కాగా సవాలుతో కూడుకున్న దక్షిణాఫ్రికా కండిషన్స్‌లో ముందస్తుగా సిరీస్ ఆడటం వరల్డ్ కప్ నాటికి భారత్‌కు ఎంతో ప్రయోజనకరంగా మారనుంది.ఇక గత ప్రపంచకప్‌లో తుది మెట్టుపై బోల్తా పడిన భారత జట్టు.. ఈసారి మాత్రం ఎలాగైనా టైటిల్‌ గెలిచి తమ 15 ఏళ్ల నిరీక్షణకు తెరదించాలని పట్టుదలతో ఉంది. దక్షిణాఫ్రికా వేదికగా వన్డే ప్రపంచకప్ జరగనుండడం 24 ఏళ్ల తర్వాత ఇదే తొలిసారి కావడం​ గమనార్హం. చివరిగా 2003లో పూర్తిస్థాయిలో వన్డే వరల్డ్ కప్‌కు సఫారీలు ఆతిథ్యమిచ్చారు.చదవండి: CPL 2026: పెద్దోడి మెరుపులు.. వణికిపోయిన సీఎస్‌కే బౌలర్‌

న్యూఢిల్లీ: భారత క్రికెట్‌కు సంబంధించి పలు కీలక అంశాలపై చర్చించేందుకు నేడు బీసీసీఐ ప్రత్యేక సమీక్షా సమావేశాన్ని నిర్వహిస్తోంది. బోర్డు కార్యదర్శి దేవజిత్‌ సైకియా, సెంటర్‌ ఆఫ్‌ ఎక్సలెన్స్‌ హెడ్‌ వీవీఎస్‌ లక్ష్మణ్‌లతో పాటు చీఫ్‌ సెలక్టర్‌ అజిత్‌ అగార్కర్, హెడ్‌ కోచ్‌ గౌతమ్‌ గంభీర్‌ దీనికి హాజరు కానున్నారు. ప్రధానంగా మూడు అంశాలు ఇక్కడ చర్చకు రానున్నాయి. గాయాలతో బాధపడుతూ సీఓఈలో రీహాబిలిటేషన్‌లో ఉన్న ఆటగాళ్ల అందుబాటులో విషయంలో సీఓఈ నుంచి అగార్కర్, గంభీర్‌ మరింత స్పష్టత కోరుతున్నారు. ఆయా ఆటగాళ్లంతా ఎప్పటి వరకు పూర్తిగా ఫిట్‌గా మారతారో ఒక తేదీని ప్రకటించాలని, అప్పుడే జట్టును ఎంపిక చేసే విషయంలో నిర్ణయం తీసుకోగలమని వీరు చెబుతున్నారు. నిజానికి గాయాల తీవ్రత, వేర్వేరు వ్యక్తుల ఫిట్‌నెస్‌ స్థాయిని బట్టి చూస్తే ఇలా క చ్చితంగా తేదీని చెప్పడం కష్టమే అయినా... ఇటీవలి పరిణామాలు భారత టీమ్‌ మేనేజ్‌మెంట్‌కు అసహనం కలిగించాయి. శ్రీలంకతో రెండో టెస్టుకు బుమ్రా అందుబాటులో ఉంటాడని చెప్పగా అది సాధ్యం కాలేదు. హార్దిక్‌ పాండ్యా ఎప్పుడు రెడీ అవుతాడో చెప్పలేని పరిస్థితి ఉంది. నెలల తరబడి ఇక్కడ ఉంటున్నా ఆకాశ్‌దీప్‌ కోలుకోలేదు. ఇప్పుడు అఫ్గానిస్తాన్‌తో సిరీస్‌కు కూడా పూర్తిగా ఫిట్‌గా లేకుండానే సందేహాల మధ్య నలుగురు ఆటగాళ్లను ప్రకటించారు. కాబట్టి సమావేశంలో లక్ష్మణ్‌ దీనిపై వివరణ ఇవ్వాల్సి రావచ్చు. రోహిత్‌ శర్మ భవిష్యత్తు విషయంలో కూడా చర్చ జరగవచ్చు. ఇటీవల ఇంగ్లండ్‌తో సిరీస్‌ ముగియగానే అతను రిటైర్‌ అవుతాడని అంతా భావించినా... చివరి వన్డేలో అద్భుత సెంచరీ చేయడంతో ఆ చర్చకు తెర పడింది. అయితే సరే వచ్చే వరల్డ్‌ కప్‌ వరకు రోహిత్‌ను కొనసాగించే అంశంపై ఇంకా గ్యారంటీ లేదు. మరోవైపు అక్టోబర్‌ 4తో సెలక్టర్‌గా అగార్కర్‌ కాంట్రాక్ట్‌ ముగియనుంది. అయితే 2027 వరల్డ్‌ కప్‌ను దృష్టిలో ఉంచుకొని అతని పదవీకాలాన్ని పొడిగిస్తారా అనే విషయంలో ఈ సమావేశంలో నిర్ణయం తీసుకునే అవకాశం ఉంది.

టీమిండియా యాజమాన్యం తీరుపై విమర్శలు వస్తున్నాయి. హెడ్‌ కోచ్‌ గౌతం గంభీర్‌, చీఫ్‌ సెలక్టర్‌ అజిత్‌ అగార్కర్‌ తమకు నచ్చిన క్రికెటర్లను ఆడించేందుకు అర్హులైన వారికి బలి చేస్తున్నారని సోషల్‌ మీడియా వేదికగా ఆరోపణలు వెల్లువెత్తుతున్నాయి. కాగా స్వదేశంలో అఫ్గానిస్తాన్‌తో జరిగే టీ20 సిరీస్‌కు భారత క్రికెట్‌ నియంత్రణ మండలి (BCCI) మంగళవారం తమ జట్టును ప్రకటించిన సంగతి తెలిసిందే. అఫ్గాన్‌ ఢిల్లీ వేదికగా టీమిండియాకు ఈ సిరీస్‌లో ఆతిథ్యం ఇస్తుండగా.. ఇందుకోసం పదిహేను మంది సభ్యులతో కూడిన జట్టును బీసీసీఐ ఎంపిక చేసింది.అదే జట్టుసెప్టెంబరులో జపాన్‌లో జరిగే ఆసియా క్రీడల కోసం ఎంపిక చేసిన జట్టులో ఎలాంటి మార్పూ లేకుండానే ఈ సిరీస్‌ కోసం సెలక్టర్లు జట్టును ఎంచుకున్నారు. కాగా మోకాలి గాయంతో చాలా కాలంగా ఆటకు దూరమైన టీమిండియా ప్రధాన ప్రధాన పేసర్‌ జస్‌ప్రీత్‌ బుమ్రా పునరాగమనం చేసేందుకు సిద్ధమయ్యాడు. ఇంగ్లండ్‌తో మూడో వన్డే సమయంలో గాయపడిన బుమ్రా ఆ తర్వాత శ్రీలంకతో రెండు టెస్టుల సిరీస్‌లో కూడా ఆడలేదు.ఆ నలుగురు...ఇదిలా ఉంటే.. బుమ్రాతో పాటు గాయాల నుంచి కోలుకుంటున్న మరో ముగ్గురు ఆటగాళ్లు నితీశ్‌ కుమార్‌ రెడ్డి, వాషింగ్టన్‌ సుందర్, హర్షిత్‌ రాణాలకు కూడా అఫ్గాన్‌తో ఆడే జట్టులో చోటు దక్కింది. అయితే ఈ నలుగురి ఎంపిక కూడా ఫిట్‌నెస్‌పై ఆధారపడి ఉంటుందని, పూర్తిగా ఫిట్‌గా మారితేనే సిరీస్‌కు అందుబాటులో ఉంటారని బీసీసీఐ స్పష్టం చేసింది. ఈ నేపథ్యంలో బీసీసీఐ తీరుపై టీమిండియా అభిమానులు మండిపడుతున్నారు.అతడు ఎందుకు?.. ముగ్గురిలో ఇద్దరు ఫిట్‌గా లేరు‘‘ముగ్గురు ఫాస్ట్‌ బౌలర్ల (బుమ్రా, హర్షిత్‌, అర్ష్‌దీప్‌)ను ఎంపిక చేశారు. కానీ అందులో ఇద్దరు (బుమ్రా, హర్షిత్‌) ఫిట్‌నెస్‌ సాధిస్తేనే ఆడతారట. వాళ్లు ఒక మ్యాచ్‌ ఆడి మళ్లీ గాయపడితే పరిస్థితి ఏంటి? హర్షిత్‌ ఇంగ్లండ్‌ పర్యటనలో అలాగే గాయపడ్డాడు కదా!..గంభీర్‌ ప్రియ శిష్యుడు కాబట్టే అతడిని మరోసారి ఎంపిక చేశారా?.. హర్షిత్‌కు బదులు ఫామ్‌లో ఉన్న మహ్మద్‌ షమీని పిలిపించవచ్చు కదా!.. లేదంటే భువనేశ్వర్‌ కుమార్‌ను ఎంపిక చేయాల్సింది.ఇక వాషింగ్టన్‌ సుందర్‌.. అతడు ఎప్పుడూ గొప్పగా ఆడిందేమీ లేదు. పూర్తి ఫిట్‌నెస్‌ సాధించలేదు అంటున్నారు. అలాంటపుడు జట్టులో ఎందుకు? వాషీకి బదులు కృనాల్‌ పాండ్యాను జట్టుకు ఎంపిక చేస్తే మెరుగ్గా ఉండేది. కానీ గంభీర్‌కు అది ఇష్టం లేదేమో!..పసికూన ఐర్లాండ్‌ చేతిలో 2-0తో పరాభవం తర్వాత కూడా ఇంకా తమకు నచ్చిన ఆటగాళ్లకు మాత్రమే అవకాశాలు ఇస్తామంటే.. టీమిండియా మున్ముందు మరిన్ని పరాభవాలు ఎదుర్కోవాల్సి వస్తుంది. అర్హులైన ఆటగాళ్లను ఎంపిక చేయండి. జట్టుకు అదే మంచిది’’ అని సోషల్‌ మీడియా వేదికగా టీమిండియా యాజమాన్యానికి నెటిజన్లు చురకలు అంటిస్తున్నారు.ఇదిలా ఉంటే.. ఆల్‌రౌండర్‌ హార్దిక్‌ పాండ్యా ఇంకా కోలుకోకపోవడంతో అతడిని ఈ సిరీస్‌కు ఎంపిక చేయలేదు. మరోవైపు.. ఫిట్‌గా మారిన వరుణ్‌ చక్రవర్తి తిరిగి జట్టులోకి వచ్చాడు. వాళ్లను పక్కన పెట్టేశారుజింబాబ్వేతో సిరీస్‌లో ఆడని సంజు శాంసన్‌, అక్షర్‌ పటేల్, అర్ష్‌దీప్‌ సింగ్‌ మళ్లీ జట్టులోకి రాగా...ఈ పర్యటనలో టీమిండియాలో భాగంగా ఉన్న రింకూ సింగ్, ప్రభ్‌సిమ్రన్‌ సింగ్, హర్ష్‌ దూబే, సూర్యాంశ్‌ షెడ్గే, అశోక్‌ శర్మ, ప్రిన్స్‌ యాదవ్, మయాంక్‌ యాదవ్, యశ్‌ ఠాకూర్‌లను పక్కన పెట్టారు. ఈ నెల 13, 15, 17 తేదీల్లో న్యూఢిల్లీలో భారత్, అఫ్గానిస్తాన్‌ మధ్య మూడు టీ20లు జరుగుతాయి. ఇందుకు ఢిల్లీలోని అరుణ్‌ జైట్లీ స్టేడియం వేదిక.చదవండి: ‘నువ్వెంతగా కష్టపడ్డావో చూశాను.. మన పిల్లలకు నువ్వే హీరో’

అఫ్గానిస్తాన్‌తో టీ20 సిరీస్ కోసం భారత వెట‌ర‌న్ ఆల్‌రౌండ‌ర్ కృనాల్ పాండ్యాను ఎంపిక చేస్తారనే ప్రచారం జరిగిన సంగతి తెలిసిందే. కానీ మంగళవారం బీసీసీఐ సెలక్షన్ కమిటీ ప్రకటించిన 15 మంది సభ్యుల జట్టులో కృనాల్‌కు చోటు దక్కలేదు. స్పిన్ బౌలింగ్ ఆల్‌రౌండర్లుగా అక్షర్ పటేల్, వాషింగ్టన్ సుందర్‌లను ఎంపిక చేయగా.. వరుణ్ చక్రవర్తి, రవి బిష్ణోయ్‌లు స్పెషలిస్ట్ స్పిన్నర్లుగా చోటు సంపాదించుకున్నారు. ఈ క్రమంలో భారత జట్టును ప్రకటించిన అనంతరం కృనాల్ సోషల్ మీడియాలో ఒక క్రిప్టిక్ స్టోరీని షేర్ చేశాడు. భారత జెండా ఎమోజీలను జత చేస్తూ.. "ఆశ ఇంకా సజీవంగానే ఉంది" అని అతడు పోస్ట్ చేశాడు. కృనాల్ పాండ్యా చివరిసారిగా భారత్ తరపున 2021లో ఆడాడు. అత‌డు ఇప్ప‌టివ‌ర‌కు ఐదు వ‌న్డేలు, 19 టీ20ల్లో టీమిండియాకు ప్రాతినిధ్యం వ‌హించాడు. వ‌న్డేల్లో అత‌డి అత్య‌ధిక వ్య‌క్తిగ‌త స్కోర్ 58 కాగా.. టీ20ల్లో 26 ప‌రుగులగా ఉంది. మొత్తంగా అత‌డు రెండు ఫార్మాట్ల‌లో క‌లిపి 17 వికెట్లు ప‌డ‌గొట్టాడు. అయితే ఐపీఎల్-2026లో ఆర్సీబీ తరఫున అద్భుతమైన ప్రదర్శన కనబరచడంతో, ఐదేళ్ల తర్వాత కృనాల్‌ను తిరిగి జాతీయ జట్టుకు ఎంపిక చేయనున్నారని వార్తలు వచ్చాయి. కానీ సెలక్టర్లు మాత్రం అతడివైపు మొగ్గు చూపలేదు. ఒకవేళ వాషింగ్టన్ సుందర్ పూర్తి ఫిట్‌నెస్ సాధించికపోతే అతడి స్ధానంలో కృనాల్ పేరును పరిశీలించే అవకాశముంది.భార‌త జ‌ట్టు: శ్రేయ‌స్ అయ్యర్ (కెప్టెన్‌), అభిషేక్ శర్మ, వైభవ్ సూర్యవంశీ, సంజు శాంసన్ (వికెట్ కీప‌ర్‌), ఇషాన్ కిషన్ (వికెట్ కీప‌ర్‌), తిలక్ వర్మ (వైస్ కెప్టెన్‌), శివమ్ దూబే, నితీశ్‌ కుమార్ రెడ్డి*, అక్షర్ పటేల్, వాషింగ్టన్ సుందర్*, వరుణ్ చక్రవర్తి, రవి బిష్ణోయ్, జ‌స్‌ప్రీత్ బుమ్రా*, అర్ష‌దీప్ సింగ్‌, హ‌ర్షిత్ రానా*చదవండి: ప్రిటోరియస్‌ విధ్వంసం.. జింబాబ్వేపై సౌతాఫ్రికా ఘ‌న విజ‌యం

సాక్షి, హైదరాబాద్‌: రాజధాని నగరం మరో అరుదైన కట్టడానికి వేదిక అవుతోంది. భారత క్రికెట్‌ నియంత్రణ మండలి (బీసీసీఐ) భాగస్వామ్యంతో భారత్‌ ఫ్యూచర్‌ సిటీలో 100 ఎకరాల్లో భారీ క్రికెట్‌ స్టేడియం కొలువుదీరనుంది. సుమారు 1,00,000 సీట్ల సామర్థ్యంతో నిర్మించనున్నారు. ఇది కార్యరూపంలోకి వస్తే దేశంలో రెండో అతిపెద్ద క్రికెట్‌ స్టేడియంగా అవతరించనుంది. గుజరాత్‌ అహ్మ దాబాద్‌లోని నరేంద్ర మోదీ స్టేడియం 1,32,000 సీట్ల సామర్థ్యంతో ప్రపంచంలో అతిపెద్ద క్రికెట్‌ స్టేడియంగా ఉంది. ముఖ్యమంత్రి రేవంత్‌ రెడ్డి ఆదేశాలతో డిసెంబర్‌ 9న ఫ్యూచర్‌ సిటీలో శంకుస్థాపన చేసే అవకాశాలున్నాయి. దీని నిర్మాణ వ్య యం, నిర్వహణ ఖర్చులు బీసీసీఐ భరించనుంది. రాష్ట్ర ప్రభుత్వం భూమిని కేటాయించనుంది. ఔటర్‌ రింగ్‌ రోడ్, ప్రతిపాదిత రీజినల్‌ రింగ్‌ రోడ్, ఫ్యూచర్‌ సిటీకి మెట్రో విస్తరణ ప్రతిపాదన, శంషాబాద్‌ విమానాశ్రయానికి సమీపంలో ఉండటం.. స్టేడియానికి ప్రేక్షకుల రాకపోకలకు అనుకూలించనున్నాయి. ఫ్యూచర్‌ సిటీలో నిర్మిస్తున్న స్పోర్ట్స్‌ సిటీ, టూరిజం, నెట్‌జీరో సిటీ కాన్సెప్ట్ లో భాగంగా ఈ క్రీడా ప్రాంగణం కీలకం కానుంది. ప్రస్తుతం ఉప్పల్‌లో క్రికెట్‌ స్టేడియమున్నా.. రానున్న కాలానికి తగ్గట్టు అధునాతన క్రికెట్‌ స్టేడియం అవసరం ఉందని ప్రభుత్వం భావిస్తోంది. ఈ స్టేడియాన్ని క్రికెట్‌ మ్యాచ్‌లు మాత్రమే కాకుండా ఇతర క్రీడలకు తగ్గట్టుగా సైతం మలుచుకునేలా డిజైన్‌ చేయనున్నారు. అవసరాన్ని బట్టి ఫుట్‌బాల్‌ మ్యాచ్‌లు, భారీ కాన్సర్ట్‌లను నిర్వహించేలా నిర్మించనున్నారు. భారీస్థాయిలో ఈవెంట్స్‌ నిర్వహ ణకు ప్రస్తుతం హైదరాబాద్‌లో హెచ్‌ఐసీసీకి మించిన సముదాయం అందుబాటులో లేదు. దీంతో ఈ స్టేడియంలో అటువంటి సౌకర్యాలకు తగ్గట్టు ఏర్పాట్లు చేయనున్నారు.

జమ్మూ కాశ్మీర్ ఫాస్ట్ బౌలర్ ఆకిబ్ నబీ తొలిసారి ఇంగ్లండ్ కౌంటీల్లో ఆడేందుకు సిద్దమయ్యాడు. ప్రస్తుతం జరుగుతున్న కాంటీ ఛాంపియన్‌షిప్‌లో సర్రే క్రికెట్ క్లబ్‌కు నబీ ప్రాతినిధ్యం వహించనున్నాడు. బీసీసీఐ ప్రత్యేక చొరవతో సర్రే కౌంటీ క్లబ్ ఆకిబ్‌తో ఈ స్వల్పకాలిక ఒప్పందం కుదుర్చుకుంది.సర్రే తరఫున ఆకిబ్ నబీ మొత్తం మూడు కౌంటీ ఛాంపియన్‌షిప్ మ్యాచ్‌లు ఆడనున్నాడు. సెప్టెంబర్‌ 2 నుంచి యార్క్‌షైర్‌తో జరిగే మ్యాచ్ ద్వారా ఆయన కౌంటీల్లో అడుగుపెట్టనున్నాడు. ఇటీవల శ్రీలంక సిరీస్‌కు ఆకిబ్ ఎంపికైనప్పటికీ, అక్కడి పరిస్థితుల కారణంగా తుది జట్టులో ఆడే అవకాశం దక్కలేదు.బీసీసీఐ మాస్టర్‌ ప్లాన్‌కాగా భారత జట్టు రాబోయే న్యూజిలాండ్ పర్యటనను దృష్టిలో ఉంచుకుని బీసీసీఐ ఆకిబ్‌ను కౌంటీలకు పంపాలని నిర్ణయించింది. న్యూజిలాండ్ పిచ్‌లు బౌన్స్, పేస్‌కు అనుకూలంగా ఉంటాయి. ఈ క్రమంలోనే బీసీసీఐ అక్కడి కండీషన్స్‌ తగ్గట్టు సిద్దం చేసేందుకు నబీని ఇంగ్లండ్‌ కౌంటీల్లో ఆడిస్తోంది. ఇంగ్లండ్‌ గడ్డపై డ్యూక్‌ బాల్‌తో సాధన నబీకి ఎంతగానో ఉపయోగపడనుంది.అకిబ్ నబీ ప్రస్తుతం అద్భుతమైన ఫామ్‌లో ఉన్నాడు. గత కొంత కాలంగా రెడ్ బాల్ క్రికెట్‌లో దుమ్ములేపుతున్నాడు. రంజీ ట్రోఫీ 2025-26 సీజన్‌లో 12.57 సగటుతో 60 వికెట్లు పడగొట్టాడు. జమ్మూ అండ్ కాశ్మీర్ తొలి రంజీ టైటిల్‌ను సొంతం చేసుకోవడంలో నబీది కీలక పాత్ర. అయినప్పటికి అతడికి ఇంకా టీమిండియా తరపున అరంగేట్రం చేసే అవకాశం లభించలేదు.చదవండి: అతడి బౌలింగ్‌లో పసలేదు.. ఇలా అయితే కష్టమే: గవాస్క‌ర్

బెంగళూరు: శ్రీలంకతో టెస్టు సిరీస్‌ ముగిసిన రెండు రోజులకే భారత క్రికెటర్లంతా బీసీసీఐ సెంటర్‌ ఆఫ్‌ ఎక్సలెన్స్‌ (సీఓఈ) బాట పట్టారు. సెప్టెంబర్ రెండో వారంతో మొదలు పెట్టి ఐపీఎల్‌ వరకు రాబోయే ఎనిమిది నెలల పాటు టీమిండియా ప్లేయర్లంతా బిజీగా ఉండనున్నారు. దాంతో సుదీర్ఘ సీజన్‌కు ముందు ఆటగాళ్ల ఫిట్‌నెస్‌ స్థాయిని పరీక్షించడంపై బోర్డు దృష్టి పెట్టింది. దాంతో బీసీసీఐ కాంట్రాక్ట్‌ క్రికెటర్లంతా సీఓఈలో వేర్వేరు పరీక్షలకు హాజరయ్యారు. టి20 టీమ్‌ కెప్టెన్‌ శ్రేయస్‌ అయ్యర్, కీపర్‌ రిషభ్‌ పంత్, ఓపెనర్‌ యశస్వి జైస్వాల్, సీనియర్‌ ఆల్‌రౌండర్‌ రవీంద్ర జడేజాలతో పాటు సంజు సామ్సన్, రుతురాజ్‌ గైక్వాడ్, రింకూ కూడా ఈ పరీక్షల్లో పాల్గొన్నారు. ఫిట్‌నెస్‌ మార్కర్ల మధ్య నుంచి పరుగెడుతూ ఐదున్నర నిమిషాల వ్యవధిలో కనీసం 1200 మీటర్లు పూర్తి చేయాల్సిన ‘బ్రాంకో టెస్టు’, 10 నిమిషాల్లో పూర్తి చేస్తే 2 కిలోమీటర్ల పరుగు, మొత్తంగా కనీసం 16.5 పాయింట్లు స్కోర్‌ చేయాల్సిన యో యో టెస్టుల ద్వారా క్రికెటర్లు తమ ఫిట్‌నెస్‌ను నిరూపించుకున్నారు. గాయాలనుంచి ఇంకా పూర్తిగా కోలుకోని బుమ్రా, హార్దిక్‌ పాండ్యా, నితీశ్‌ కుమార్‌ రెడ్డి ఇంకా ఈ ఫిట్‌నెస్‌ పరీక్షల్లో పాల్గొనలేదు. వీరంతా ప్రస్తుతం రీహాబిలిటేషన్‌లో ఉండగా... ప్రిన్స్‌ యాదవ్‌ గాయం నుంచి కోలుకున్నాడు.

భారత్‌కు టీ20 ప్రపంచకప్‌ అందించిన కెప్టెన్లలో సూర్యకుమార్‌ యాదవ్‌ ఒకడు. అంతర్జాతీయ క్రికెట్‌ మండలి (ఐసీసీ) మొట్టమొదటగా 2007లో ప్రవేశపెట్టిన ఈ టోర్నీలో మహేంద్ర సింగ్‌ ధోని టీమిండియాను విజేతగా నిలపగా.. 2024లో రోహిత్‌ శర్మ సారథ్యంలో భారత్‌ మరోసారి పొట్టి ప్రపంచకప్‌ ట్రోఫీని ముద్దాడింది.సూర్యపై వేటుఇక ఈ ఏడాది స్వదేశంలో జరిగిన టీ20 వరల్డ్‌కప్‌ టోర్నీలో సూర్య టీమిండియాను చాంపియన్‌గా నిలిపాడు. అయితే, అనూహ్య రీతిలో సూర్యపై వేటు పడింది. ప్రపంచకప్‌ తర్వాత భారత్‌ ఆడిన తొలి సిరీస్‌ నుంచే యాజమాన్యం అతడిని తప్పించింది. కెప్టెన్సీ నుంచి తొలగించడంతో పాటు.. జట్టులోనూ స్థానం లేకుండా చేసింది.ఈ విషయంపై సూర్యకుమార్‌ యాదవ్‌ తాజాగా స్పందించాడు. తాను కనీసం ఇంకో రెండేళ్ల వరకు టీమిండియాను ముందుకు నడిపిస్తాననే ధీమాతో ఉన్నట్లు తెలిపాడు. కానీ అంతలోనే మేనేజ్‌మెంట్‌ నుంచి ఇలాంటి నిర్ణయం వెలువడిందని పేర్కొన్నాడు. భారత మాజీ క్రికెటర్‌, ప్రముఖ కామెంటేటర్‌ ఆకాశ్‌ చోప్రాకు ఇచ్చిన ఇంటర్వ్యూలో మాట్లాడుతూ..మరో రెండేళ్ల పాటు..‘‘ఆరోజు జట్టులో నా పేరు లేదు. అది చూడగానే నా పెదవులపైకి నవ్వు వచ్చింది. నేను దేశం కోసం ఆడుతున్న సమయంలో ఎప్పుడైనా తీవ్రమైన ఒత్తిడి ఉందనిపించినా.. పరిస్థితులు నా చేయి దాటిపోతున్నాయని అనిపిస్తున్నా.. అప్పుడూ ఇలాగే నవ్వు వస్తుంది. ముందుగా నేను రిలాక్స్‌ అవుతాను.గతంలో నాకు వచ్చిన అవకాశాలు.. వాటిని సద్వినియోగం చేసుకున్న తీరును గుర్తు చేసుకుంటాను. తద్వారా ఒత్తిడిని జయించే ప్రయత్నం చేస్తాను. నాకు దక్కినవాటికి ఎల్లప్పుడూ కృతజ్ఞతతో ఉంటాను. అలాగే.. కెప్టెన్సీ నుంచి తప్పించినప్పుడు కూడా నేను ఇలాగే ఆలోచించాను.2026 వరల్డ్‌కప్‌ గెలిచిన తర్వాత.. మరో రెండేళ్ల పాటు జట్టుకు నాయకుడిగా ఉంటానని అనిపించింది. ఒలింపిక్స్‌-2028లో నేను జట్టును ముందుకు నడిపిస్తాను.. ఆ తర్వాత టీ20 ప్రపంచకప్‌-2028లోనూ ఆడతానని అనిపించింది. అయితే, అందరి ఆలోచనలూ ఒకేలా ఉండవు కదా!ఇది పూర్తిగా వాళ్ల నిర్ణయమేవాళ్లు (సెలక్టర్లు) తమ ఆలోచనలను గౌరవించడంతో పాటు.. వాటిని అమలు చేయడం అత్యంత ముఖ్యం. నన్ను కాదని వాళ్లు ముందుకు వెళ్లాలని అనుకున్నపుడు తమకు నచ్చిన నిర్ణయం తీసుకుంటారు. కానీ నేను అందుకు పెద్దగా స్పందించలేదు.ఎందుకంటే ఇది వాళ్ల నిర్ణయం వాళ్లు ఎప్పుడైనా ఇలాంటి నిర్ణయం తీసుకోవచ్చు. వేరే ఆటగాడి సారథ్యంలో జట్టును నడిపించాలని వాళ్లు అనుకున్నారు. అతడి కెప్టెన్సీలో జట్టు మంచి విజయాలు సాధిస్తే ఎలాంటి సమస్యా రాదు. వాళ్లు శ్రేయస్‌ను ఎంచుకున్నారు.నిరాశకు లోనయ్యాఅతడితో కలిసి నేను దేశీ క్రికెట్‌లో చాలా మ్యాచ్‌లు ఆడాను. అతడొక మంచి క్రికెటర్‌. మంచి మనిషి. మంచి కెప్టెన్‌ కూడా!.. కాబట్టి.. ‘ఇతడిని ఎందుకు కెప్టెన్‌ను చేశారు’ అనే ప్రశ్న నా మదిలోకి రాలేదు. అయితే, నన్ను కెప్టెన్‌గా తొలగించడం పట్ల నిజంగానే నిరాశ చెందాను.రెండేళ్లుగా నేను ఒక్క సిరీస్‌ కూడా ఓడిపోలేదు. ప్రపంచకప్‌, ఆసియా కప్‌ గెలిచాను. ఇదే తరహాలో ముందుకు వెళ్లాలని భావించాను. కానీ అకస్మాత్తుగా ఇలా ఎందుకు చేశారు? కెప్టెన్‌ను మార్చడానికి గల కారణం ఏమిటి? అనే ప్రశ్నలు నా మెదడును తొలచివేశాయి. ఈ ఆలోచనలతో దాదాపు నెలన్నరపాటు ఇంట్లోనే ఉండిపోయాను’’ అని సూర్యకుమార్‌ యాదవ్‌ తన మనసులోని ఆవేదనను బయటపెట్టాడు. అదే విధంగా సారథ్య మార్పు గురించి సెలక్టర్లు తనకు చెప్పినపుడు.. ఈ నిర్ణయంతో తనకు ఎలాంటి సమస్యా లేదని చెప్పినట్లు సూర్య తెలిపాడు. మున్ముందు ఎప్పుడు పిలిచినా వచ్చి ఆడతానని వారితో అన్నట్లు పేర్కొన్నాడు.కెప్టెన్‌గా హిట్‌.. బ్యాటర్‌గా విఫలంకాగా కెప్టెన్‌ అయిన తర్వాత సూర్య బ్యాటర్‌గా విఫలమయ్యాడు. ఒకప్పుడు ప్రపంచ నంబర్‌ వన్‌ ర్యాంకు సాధించిన అతడు.. నాయకత్వంపై దృష్టి పెట్టి.. ఆటగాడిగా విఫలమయ్యాడు. అదే విధంగా వయసు రిత్యా కూడా సూర్య (35 ఏళ్లు)ను ఎక్కువకాలం కొనసాగించలేమని సెలక్టర్లు భావించి ఉండవచ్చు.. అందుకే అతడిపై వేటు వేశారనే అభిప్రాయాలు వ్యక్తమయ్యాయి. ఇక సూర్య స్థానంలో శ్రేయస్‌ అయ్యర్‌ భారత కొత్త టీ20 కెప్టెన్‌గా బాధ్యతలు చేపట్టాడు.కానీ తొలి ప్రయత్నంలోనే అత్యంత చేదు అనుభవం ఎదురైంది. యూకే పర్యటనలో పసికూన ఐరిష్‌ జట్టు చేతిలో భారత్‌ 2-0తో క్లీన్‌స్వీప్‌నకు గురైంది. ఆ తర్వాత ఇంగ్లండ్‌ పర్యటనలోనూ 4-0తో వైట్‌వాష్‌ అయింది. అయితే, చివరగా జింబాబ్వే పర్యటనలో మాత్రం 3-0తో క్లీన్‌స్వీప్‌ చేసింది.చదవండి: నో శ్రేయస్‌.. నో వైభవ్‌?

ఆసియా క్రీడలు-2026 టోర్నమెంట్‌కు పంపే జట్టు విషయంలో భారత క్రికెట్‌ నియంత్రణ మండలి (బీసీసీఐ) సందిగ్దంలో పడినట్లు సమాచారం. జపాన్‌లో జరిగే ఈవెంట్‌కు ద్వితీయ శ్రేణి జట్టును పంపేందుకు సిద్ధమైనట్లు తెలుస్తోంది. కాగా భారత టీ20 జట్టు కెప్టెన్‌గా సూర్యకుమార్‌ యాదవ్‌ను తొలగించిన బీసీసీఐ.. అతడి స్థానంలో శ్రేయస్‌ అయ్యర్‌కు పగ్గాలు అప్పగించిన సంగతి తెలిసిందే.అయ్యర్‌ కెప్టెన్సీలోఈ క్రమంలో జూన్‌లోనే శ్రేయస్‌ అయ్యర్‌ కెప్టెన్సీలో ఆసియా క్రీడల జట్టును బీసీసీఐ ప్రకటించింది. ఈ జట్టుకు తిలక్‌ వర్మను వైస్‌ కెప్టెన్‌గా నియమించిన యాజమాన్యం.. చిచ్చర పిడుగు వైభవ్‌ సూర్యవంశీని కూడా ఎంపిక చేసింది. ఇదిలా ఉంటే.. సెప్టెంబరు 19 నుంచి ఆసియా క్రీడల తాజా ఎడిషన్‌ మొదలుకానుంది.తీవ్ర అసంతృప్తి!జపాన్‌లోని ఐచి నగోయా ఇందుకు వేదిక. అయితే, అక్కడ క్రికెట్‌ మ్యాచ్‌ల నిర్వహణకు సంబంధించి సరైన వసతులు ఇంకా ఏర్పాటు చేయలేదని సమాచారం. ఈ విషయం గురించి బీసీసీఐ వర్గాలు ANIతో మాట్లాడుతూ.. ‘‘బీసీసీఐతో పాటు ఆసియా క్రికెట్‌ మండలి సైతం జపాన్‌లోని క్రీడా వేదిక వద్ద ఉన్న సదుపాయాలతో సంతృప్తిగా లేదు.అందుకే ముందుగా అక్కడికి ఒక అబ్జర్వర్‌ను పంపించాలనకుంటున్నాయి. అబ్జర్వర్‌ నుంచి నివేదిక వచ్చిన తర్వాతే జట్టు మార్పు విషయంలో నిర్ణయం ఉంటుంది. ఒకవేళ సరైన వసతులు అక్కడ లేనట్లయితే.. ద్వితీయ శ్రేణి జట్టును పంపే అవకాశం ఉంది.మరీ టెంట్లలోనా?ఈ విషయం గురించి ఇప్పటికే మేము జపాన్‌ ఒలింపిక్స్‌ అధికారులతో మాట్లాడాము. డ్రెసింగ్‌రూమ్‌లను టెంట్లలో ఏర్పాటు చేశారు. వాష్‌రూమ్‌లు టెంట్లకు 500 మీటర్ల దూరంలో ఉన్నాయి. హోటల్‌ గదులు కూడా చాలా చిన్నవిగా ఉన్నాయి. ఇవన్నీ ఆందోళన కలిగించే విషయాలు. ఆటగాళ్లు కచ్చితంగా అసంతృప్తికి లోనవుతారు’’ అని సదరు వర్గాలు పేర్కొన్నాయి. అందుకే బి- టీమ్‌?ఇక పిచ్‌ కూడా అత్యంత నాసిరకంగా ఉందని బీసీసీఐతో పాటు పాకిస్తాన్‌ బోర్డు ప్రతినిధులు కూడా ఆందోళన వ్యక్తం చేసినట్లు తెలుస్తోంది. నిజానికి ఐసీసీ నిబంధనల ప్రకారం.. మ్యాచ్‌ను కనీసం రెండు వేల మంది ప్రేక్షకులు అయినా వీక్షించేలా స్టేడియం ఉండాలి. కానీ జపాన్‌లో అలాంటి పరిస్థితి లేదని సమాచారం. ఈ పరిణామాల నేపథ్యంలో బీసీసీఐ తమ ద్వితీయ శ్రేణి జట్లను పంపే ఆలోచన చేస్తున్నట్లు తెలుస్తోంది. కాగా గత ఆసియా క్రీడల ఎడిషన్‌లో రుతురాజ్‌ గైక్వాడ్‌ కెప్టెన్సీలో పురుషుల జట్టు.. హర్మన్‌ప్రీత్‌ కౌర్‌ సారథ్యంలో మహిళా జట్టు స్వర్ణ పతకాలు సాధించాయి.ఆసియా క్రీడలకు భారత పురుషుల టీ20 జట్టుశ్రేయస్‌ అయ్యర్‌ (కెప్టెన్‌), సంజూ శాంసన్‌ (వికెట్‌ కీపర్‌), అభిషేక్‌ శర్మ, ఇషాన్‌ కిషన్‌ (వికెట్‌ కీపర్‌), శివం దూబే, తిలక్‌ వర్మ (వైస్‌ కెప్టెన్‌), అక్షర్‌ పటేల్‌, వాషింగ్టన్‌ సుందర్‌, నితీశ్‌ కుమార్‌రెడ్డి, వరుణ్‌ చక్రవర్తి, రవి బిష్ణోయి, హర్షిత్‌ రాణా, అర్ష్‌దీప్‌ సింగ్‌, వైభవ్‌ సూర్యవంశీ, జస్‌ప్రీత్‌ బుమ్రా.మహిళల టీ20 జట్టుహర్మన్‌ప్రీత్‌ కౌర్‌ (కెప్టెన్‌), స్మృతి మంధాన (వైస్‌ కెప్టెన్‌), షఫాలి వర్మ, జెమీమా రోడ్రిగ్స్‌, దీప్తి శర్మ, రిచా ఘోష్‌ (వికెట్‌ కీపర్‌), జి.కమలిని (వికెట్‌ కీపర్‌), భారతి ఫుల్మలి, శ్రీచరణి, రేణుకా ఠాకూర్‌, క్రాంతి గౌడ్‌, అరుంధతి రెడ్డి, శ్రేయాంక పాటిల్‌, రాధా యాదవ్‌, నందిని శర్మ.చదవండి: భారత జట్టులో లేని వైభవ్‌.. కారణం ఇదే!

స్వదేశంలో ఆస్ట్రేలియాతో జరిగే యూత్‌ వన్డే సిరీస్‌ కోసం 15 మంది సభ్యులతో కూడిన భారత జట్టును బీసీసీఐ గురువారం ప్రకటించింది. ఈ జట్టులో భారత దిగ్గజాలు వీరేంద్ర సెహ్వాగ్, రాహుల్‌ ద్రవిడ్‌ల కుమారులు ఆర్యవీర్ సెహ్వాగ్, అన్వయ్‌ ద్రవిడ్‌లకు చోటు దక్కింది. ఇప్పటికే అన్వయ్‌ భారత అండర్‌-19 జట్టు తరఫున ఆడినప్పటికీ, ఆర్యవీర్‌ ఎంపిక కావడం ఇదే తొలిసారి. అయితే ఈ జట్టులో భారత యువ సంచలనం వైభవ్‌ సూర్యవంశీకి చోటు దక్కలేదు. కేవలం 15 ఏళ్ల వయసులోనే అంతర్జాతీయ అరంగేట్రం చేసి సత్తా చాటిన వైభవ్‌కు ఈ జూనియర్‌ జట్టులో చోటు దక్కకపోవడం చర్చనీయాంశంగా మారింది. అయితే సూర్యవంశీని ఆసీస్‌తో సిరీస్‌కు ఎంపిక చేయకపోవడానికి ఒక బలమైన కారణం ఉంది.బీసీసీఐ 2016లో ఒక కీలక నిబంధనను అమల్లోకి తీసుకొచ్చింది. ఈ రూల్‌ ప్రకారం.. వయస్సు పరంగా అర్హత ఉన్నప్పటికీ ఆటగాళ్లు కేవలం ఒక్క అండర్-19 ప్రపంచకప్‌లో మాత్రమే పాల్గొనాలి. సూర్యవంశీ ఇప్పటికే 2026 అండర్-19 ప్రపంచకప్‌లో ఆడాడు. దీంతో అతడు మరో ఎడిషన్‌లో పాల్గొనేందుకు అర్హుడు కాదు. అందుకే అతడిని అండర్‌-19 ప్రణాళికల నుంచి సెలక్టర్లు పక్కన పెట్టారు.ఇకపై సూర్యవంశీ అండర్‌-19 జట్టుకు ప్రాతినిధ్యం వహించడు. గతంలో ఈ నిబంధన కారణంగానే ఆల్‌రౌండర్‌ వాషింగ్టన్‌ సుందర్‌ 2018 అండర్-19 ప్రపంచకప్‌కు దూరమయ్యాడు. అయితే ఈ రూల్‌ అమలులోకి రాకముందు సర్ఫరాజ్ ఖాన్, సందీప్ శర్మ, విజయ్ జోల్ వంటి ఆటగాళ్లు రెండుసార్లు అండర్-19 ప్రపంచకప్‌లు ఆడారు. సూర్యవంశీ ప్రస్తుతం భారత సీనియర్‌ జట్టు తరఫున స్వదేశంలో అఫ్గానిస్తాన్‌తో టీ20 సిరీస్‌లో తలపడేందుకు సిద్ధమవుతున్నాడు.భారత అండర్‌–19 వన్డే జట్టు: లక్ష్య రాయ్‌చందాని (కెప్టెన్‌), యశ్‌వర్ధన్‌ చౌహాన్, రజత్‌ బఘేల్, ఆర్యవీర్‌ సెహ్వాగ్, వీకే వినీత్, కుషాగ్ర ఓజా, అర్జున్‌ రాజ్‌పుత్, మనాల్‌ చౌహాన్, అన్వయ్‌ ద్రవిడ్, యశ్‌వీర్, రోహిత్‌ యాదవ్, షవిన్‌ వినోద్, మోహిత్‌ ఉల్వా, చిగురుపాటి వెంకటనాగ విజయ సుభాశ్, కావ్య పటేల్‌.భారత్‌ అండర్‌–19 టెస్టు జట్టు: యశ్‌వర్ధన్‌ చౌహాన్‌ (కెప్టెన్‌), లక్ష్య రాయ్‌చందాని, సాగర్‌ విర్క్, కుషాగ్ర ఓజా, మనాల్‌ చౌహాన్, కుష్‌ పటేల్, మానవ్‌ కృష్ణ, అభిప్రాయ్‌ విశ్వాస్, రోహిత్‌ యాదవ్, ఇషాన్‌ ఓం, అయాన్‌ అక్రమ్, ప్రణవ్‌ రాఘవేంద్ర, ప్రియాన్షు సింగ్, మోహిత్‌ ఉల్వా, ఆర్యన్‌ యాదవ్‌.

అఫ్గానిస్తాన్‌ క్రికెట్‌ బోర్డు (ఏసీబీ) సంచలన ప్రకటన జారీ చేసింది. భారత్‌లో టీమిండియాతో జరిగే టీ20 సిరీస్‌కు సంబంధించిన ప్రసార హక్కులను పాకిస్తాన్‌కు చెందిన సంస్థకు అప్పగించినట్లు తెలిపింది. ఈ నేపథ్యంలో భారత క్రికెట్‌ నియంత్రణ మండలి (BCCI) సిరీస్‌ నిర్వహణపై ముందుకు సాగుతుందా? లేదంటే నిర్ణయం వెనక్కి తీసుకుంటుందా? అన్న చర్చ మొదలైంది.కాగా తాలిబన్ల పాలనలో ఉన్న అఫ్గానిస్తాన్‌లో సొంతంగా ద్వైపాక్షిక సిరీస్‌లు నిర్వహించే అవకాశం లేదు. దీంతో యునైటెడ్‌ అరబ్‌ ఎమిరేట్స్‌ లేదంటే భారత్‌లో ఇప్పటికే పలు మ్యాచ్‌లకు అఫ్గాన్‌ బోర్డు ఆతిథ్యం ఇచ్చింది. ఈ క్రమంలోనే సెప్టెంబరులో భారత్‌ వేదికగా టీమిండియాకు ఆతిథ్యం ఇచ్చేందుకు సిద్ధమైంది.ఇందులో భాగంగా ఢిల్లీలోని అరుణ్‌ జైట్లీ స్టేడియంలో టీమిండియాతో సెప్టెంబరు 13-17 మధ్య మూడు మ్యాచ్‌ల టీ20 సిరీస్‌ ఆడేందుకు షెడ్యూల్‌ ఖరారైంది. అయితే, ఈ సిరీస్‌కు సంబంధించిన మీడియా హక్కులను పాక్‌కు చెందిన టీజీ (ట్రాన్స్‌ గ్రూప్‌)నకు అప్పగించినట్లు అఫ్గాన్‌ బోర్డు తాజాగా ప్రకటన విడుదల చేసింది.‘‘ఏసీబీ గ్లోబల్‌ మీడియా హక్కుల సిండికేషన్‌ భాగస్వామిగా టీజీ ఉంటుంది. టీపీటీ360 మీడియా ప్రొడక్షన్‌ పార్ట్‌నర్‌గా వ్యవహరిస్తుంది. ఇండియాలో ఫ్యాన్‌ కోడ్‌ ఈ సిరీస్‌ను అధికారికంగా ప్రసారం చేస్తుంది’’ అని అఫ్గాన్‌ బోర్డు తెలిపింది.కాగా ట్రాన్స్‌ గ్రూపునకు పాకిస్తాన్‌ క్రికెట్‌ బోర్డుతో సత్సంబంధాలు ఉన్నాయి. పీసీబీ అంతర్జాతీయ మీడియా హక్కులు కలిగి ఉండటంతో పాటు.. ఆసియా, మధ్యప్రాచ్యంలో ఈ గ్రూపు మేజర్‌ ఈవెంట్లను ప్రసారం చేస్తోంది. పాకిస్తాన్‌ సూపర్‌ లీగ్‌ మ్యాచ్‌ల ప్రసార హక్కులు కూడా ఈ సంస్థవే.ఈ నేపథ్యంలో బీసీసీఐ అఫ్గాన్‌ బోర్డు ప్రకటనపై ఎలా స్పందిస్తుందోనని క్రీడా వర్గాల్లో ఆసక్తి పెరిగింది. కాగా భారత్‌- పాక్‌ మధ్య గత కొంతకాలంగా ఉద్రిక్త పరిస్థితులు కొనసాగుతున్న సంగతి తెలిసిందే. ఈ క్రమంలో ఆసియా కప్‌, టీ20 ప్రపంచకప్‌-2026 మేజర్‌ టోర్నీల్లో ఇరుజట్ల ఆటగాళ్లు కనీసం కరచాలనం చేసుకోలేదు.మరోవైపు.. ఆసియా కప్‌ ఫైనల్లో పాక్‌ను ఓడించి భారత్‌ టైటిల్‌ గెలిచింది. పీసీబీ చైర్మన్‌ మొహ్సిన్‌ నక్వీ చేతుల మీదుగా ట్రోఫీ తీసుకునేందుకు టీమిండియా నిరాకరించగా.. నక్వీ ట్రోఫీని ఇప్పటికీ తన దగ్గరే పెట్టుకున్నాడు. ఇదిలా ఉంటే.. అఫ్గాన్‌ జట్టు ఇటీవల భారత్‌లో పర్యటించింది. శుబ్‌మన్‌ గిల్‌ సేనతో ఒక టెస్టు, మూడు వన్డేలు ఆడి ఓడిపోయి ఇంటిబాటపట్టింది.చదవండి: భారత జట్టు ప్రకటన.. సెహ్వాగ్‌, ద్రవిడ్‌ కుమారులకు చోటు

శ్రీలంక ఆటగాడు సొనాల్‌ దినుషపై భారత క్రికెట్‌ నియంత్రణ మండలి (బీసీసీఐ) ఉపాధ్యక్షడు రాజీవ్‌ శుక్లా ప్రశంసలు కురిపించాడు. సొనాల్‌ అత్యద్భుతమైన ఆటగాడని.. అతడి ఆట టీమిండియా దిగ్గజం సచిన్‌ టెండుల్కర్‌ను గుర్తుకుతెస్తోందని కొనియాడాడు.కాగా టీమిండియా ప్రస్తుతం శ్రీలంక పర్యటనలో ఉన్న సంగతి తెలిసిందే. ప్రపంచ టెస్టు చాంపియన్‌షిప్‌ 2025-27లో భాగంగా ఆతిథ్య జట్టుతో రెండు మ్యాచ్‌లు ఆడుతోంది. ఈ క్రమంలో గాలెలో జరిగిన తొలి టెస్టులో భారత్‌ లంకను 165 పరుగుల భారీ తేడాతో చిత్తు చేసింది.దినుష అద్భుత ప్రదర్శనఅయితే, ఈ మ్యాచ్‌లో శ్రీలంక యువ ఆల్‌రౌండర్‌ సొనాల్‌ దినుష మాత్రం అద్భుత ప్రదర్శనతో ఆకట్టుకున్నాడు. తొలి ఇన్నింగ్స్‌లో సరిగ్గా సెంచరీ (100) చేసి అవుటైన ఈ 25 ఏళ్ల ఈ లెఫ్టాండర్‌ బ్యాటర్‌.. రెండో ఇన్నింగ్స్‌లో 84 పరుగులతో ఆకట్టుకున్నాడు.ఇక కొలంబో వేదికగా ఆదివారం మొదలైన రెండో టెస్టులోనూ సొనాల్‌ దినుష అద్భుత ప్రదర్శన కనబరిచాడు. తొలి ఇన్నింగ్‌స్లో 163 బంతులు ఎదుర్కొన్న సొనాల్‌ దినుష.. 103 పరుగులు సాధించాడు. ఇందులో 8 ఫోర్లు, 3 సిక్సర్లు ఉన్నాయి. పసిందు సూరియబండారా (80)తో కలిసి దినుష జట్టును ఆదుకున్నాడు.పసిందుతో కలిసి..అయితే, మొదటి ఇన్నింగ్స్‌లో శ్రీలంక 290 పరుగులకే ఆలౌట్‌ కావడంతో.. భారత్‌కు 213 పరుగుల భారీ ఆధిక్యం లభించింది. దీంతో టీమిండియా శ్రీలంకను ఫాలో ఆన్‌ ఆడేందుకు ఆహ్వానించింది. ఈ క్రమంలో పసిందు సూరియబండారా (92), కమిందు మెండిస్‌ (55) పట్టుదలగా నిలబడ్డారు. దీంతో బుధవారం నాటి నాలుగోరోజు ఆటలో లంక 16 పరుగుల స్వల్ప ఆధిక్యంలో నిలిచింది.ఇక నాలుగో రోజు ఆట పూర్తయ్యేసరికి దినుష ఏడు పరుగులు చేశాడు. అయితే, కీలకమైన గురువారం నాటి ఆఖరి రోజు ఆటలో మాత్రం దినుష భారత బౌలర్లకు కొరకరాని కొయ్యగా మారి భోజన విరామ సమయానికి ముందే అర్ధ శతకం పూర్తి చేసుకున్నాడు. ఈ పరిణామాల క్రమంలో రాజీవ్‌ శుక్లా సొనాల్‌ దినుషపై ప్రశంసలు కురిపించాడు.సొనాల్‌ అత్యద్భుతమైన ఆటగాడు‘‘శ్రీలంకకు చెందిన సొనాల్‌ అత్యద్భుతమైన ఆటగాడు. టెండుల్కర్‌లా అనిపిస్తున్నాడు. అంతర్జాతీయ క్రికెట్‌లో టెస్టుల్లో గొప్ప ఆటగాడిగా ఎదగగల సత్తా అతడికి ఉంది’’ అని రాజీవ్‌ శుక్లా ఎక్స్‌ వేదికగా కొనియాడాడు. అయితే, నెటిజన్ల నుంచి ఇందుకు మిశ్రమ స్పందన వస్తోంది. దిగ్గజ సచిన్‌తో అప్‌కమింగ్‌ ప్లేయర్‌ను ఎలా పోలుస్తారని పలువురు రాజీవ్‌ శుక్లాను విమర్శిస్తున్నారు.కాగా గతేడాది దినుష బంగ్లాదేశ్‌తో మ్యాచ్‌ సందర్భంగా టెస్టుల్లో అరంగేట్రం చేశాడు. ఇప్పటికి ఐదు మ్యాచ్‌లలో కలిపి 500కు పైగా పరుగులు సాధించాడు. ఇదిలా ఉంటే.. సచిన్‌ టెండుల్కర్‌ తన రెండున్నర దశాబ్దాల కెరీర్‌లో 200 టెస్టులు ఆడి.. 15,921 పరుగులు చేసి అత్యధిక పరుగుల వీరుడిగా చెక్కు చెదరని రికార్డు సొంతం చేసుకున్నాడు. అత్యధికంగా 51 టెస్టు సెంచరీలతో ఎవరికీ అందనంత ఎత్తులో నిలిచాడు.చదవండి: IND vs AUS: భారత జట్టు ప్రకటన.. సెహ్వాగ్‌, ద్రవిడ్‌ కుమారులకు చోటు

భార‌త మాజీ క్రికెట‌ర్ సంజ‌య్ బంగ‌ర్ కుమార్తె అన‌యా బంగ‌ర్ (ట్రాన్స్‌జెండ‌ర్‌) సంచ‌ల‌న ప్ర‌క‌ట‌న విడుద‌ల చేసింది. భార‌త్ త‌ర‌ఫున క్రికెట్ఆ డబోయేది లేదని, ఆస్ట్రేలియా త‌ర‌ఫునే ఫీమేల్ క‌మ్యూనిటీ క్రికెట్ ఆడాల‌నుకుంటున్న‌ట్లు మ‌నసులోని మాట‌ను బ‌య‌ట‌పె ట్టింది. మంగ‌ళ‌వారం ఒక మీడియా చానెల్‌కు ఇచ్చిన ఇంట‌ర్వ్యూలో అన‌యా బంగ‌ర్ మాట్లాడుతూ.. ఒక ద‌శ‌లో తాను క్రికెట్‌లోకి తిరిగి వ‌చ్చే ఆశ‌ల‌ను పూర్తిగా కోల్పోయాన‌ని, ఆ స‌మ‌యంలో క్రికెట్ ఆస్ట్రేలియా త‌న‌కు క్రికెట్ ఆడే అవ‌కాశం క‌ల్పించింద‌ని చెప్పుకొచ్చింది. ఆమె మాట్లాడుతూ.. "నేను క్రికెట్ ఆడగలనని తెలిసిన రోజు నాకు స్పెష‌ల్ డే. నేను మళ్లీ క్రికెట్ ఆడలేనేమో అనుకున్న రోజులున్నాయి. కానీ ఇవాళ ఫీమేల్ క‌మ్యూనిటీ క్రికెట్‌లో ఆడే అవ‌కాశం క‌ల్పించిన‌ క్రికెట్ ఆస్ట్రేలియా (సీఏ) కు కృత‌జ్ఞ‌త‌లు. ఇది నాకు క‌చ్చితంగా మ‌రో అవ‌కాశం లాంటిది” అని చెప్పుకొచ్చింది.ఈ ఏడాది ఫిబ్ర‌వ‌రిలో థాయ్‌లాండ్‌లో అన‌యా బంగ‌ర్ ట్రాన్స్‌జెండ‌ర్ మార్పిడి ఆప‌రేష‌న్ (వెగినోప్లాస్టీ) చేయించుకుని అబ్బాయి నుంచి అమ్మాయిగా మారింది. స‌ర్జ‌రీ పూర్త‌య్యి ఆరు నెల‌ల కావడంతో ఇప్పుడు అన‌యా బంగ‌ర్ క్రికెట్ ఆడేందుకు సిద్ధ‌మైంది. తాజాగా క్రికెట్ ఆస్ట్రేలియా ఒక ష‌ర‌తుతో అన‌యా బంగ‌ర్ తమ దేశం తరఫున ఎలైట్ క్రికెట్ ఆడేందుకు ఒప్పుకుంది.అయితే బీబీఎల్‌ (బిగ్‌బాష్‌ లీగ్‌) వంటి జాతీయ స్థాయి పోటీల్లో పాల్గొనాలంటే మాత్రం టెస్టోసిరాన్ లెవెల్స్ త‌క్కువ ఉన్న‌ట్లు నిరూపించుకోవాల్సిన అవ‌స‌రం ఉంద‌ని పేర్కొంది. క్రికెట్ ఆస్ట్రేలియా ఎలైట్ క్రికెట్‌లో ట్రాన్స్‌జెండర్, లింగ వైవిధ్య ఆటగాళ్ల విధానం ప్రకారం, స‌ద‌రు ప్లేయ‌ర్ అర్హ‌త‌ పొందాలంటే ఒక ఆటగాడి సీరం టెస్టోస్టెరాన్ కనీసం 12 నెలల పాటు 10 nmol/L (నానోమోల్స్ పర్ లీటర్) కంటే తక్కువగా ఉండాలి.ఇప్ప‌టికే అన‌యా బంగ‌ర్‌కు క్రికెట్ ఆస్ట్రేలియా నిబంధ‌న‌ల‌కు సంబంధించిన లేఖ‌ను పంపించిన‌ట్లు తెలుస్తోంది. ఇదే విష‌య‌మై క్రికెట్ ఆస్ట్రేలియా ఇంటిగ్రెటీ హెడ్ జాక్వి పార్టిడ్జ్ మాట్లాడుతూ.. ‘‘క్రికెట్ ఆస్ట్రేలియా త‌ర‌ఫున అన‌యా బంగ‌ర్‌ ఎలైట్ క్రికెట్‌లో ఆడాల‌నుకుంటే, మీ సీరం టెస్టోస్టెరాన్ గాఢ‌త 10 nmol/L (నానోమోల్స్ పర్ లీటర్) త‌క్కువ‌గా ఉన్నట్లు నిరూపిస్తూ వివ‌రాలు అందించాల‌ని కోరుతున్నాం. ఒక‌వేళ ష‌ర‌తుల‌కు లోబ‌డి నివేదిక ఉంటే అర్హ‌త ప్ర‌కారం ఆడేందుకు అనుమ‌తిస్తాం.’’ అని చెప్పుకొచ్చారు. ట్రాన్స్‌జెండ‌ర్ల‌కు అంత‌ర్జాతీయ క్రికెట్‌లో ఆడే అవ‌కాశం లేద‌ని, 2023 వ‌న్డే ప్ర‌పంచ‌క‌ప్ స‌మ‌యంలో వారిపై నిషేధం విధించింది. దీంతో మ‌న దేశంలో ట్రాన్స్‌జెండ‌ర్ల క్రికెట‌ర్ల భ‌విష్య‌త్తుపై బీసీసీఐ ఎలాంటి నిర్ణ‌యం తీసుకోలేదు. అందుకే భార‌త్ త‌ర‌ఫున ఆడే అవ‌కాశం లేనందునే అన‌యా బంగ‌ర్ క్రికెట్ ఆస్ట్రేలియా త‌ర‌ఫున ఆడేందుకు సిద్ధ‌మ‌వుతోంది. అయితే గ‌తంలో అన‌యా బంగ‌ర్‌.. స‌ర్ఫ‌రాజ్ ఖాన్‌, ముషీర్ ఖాన్ వంటి క్రికెటర్ల‌తో క‌లిసి ముంబై క్రికెట్‌కు ప్రాతినిధ్యం వ‌హించారు.🔴ANAYA BANGAR CLEARED TO PLAY WOMEN’S CRICKET IN AUSTRALIA🤯- Anaya Bangar, daughter of former India cricketer Sanjay Bangar, has received clearance from Cricket Australia to play women’s community cricket.- She underwent gender-affirming surgery in March 2026 & had… pic.twitter.com/k9AIDzkLw5— Sam (@cricsam02) August 25, 2026🔴ANAYA BANGAR CLEARED TO PLAY WOMEN’S CRICKET IN AUSTRALIA🤯- Anaya Bangar, daughter of former India cricketer Sanjay Bangar, has received clearance from Cricket Australia to play women’s community cricket.- She underwent gender-affirming surgery in March 2026 & had… pic.twitter.com/k9AIDzkLw5— Sam (@cricsam02) August 25, 2026Read: వైఫల్యాలను దాచిపెట్టడానికి సిగ్గుండాలి: హాకీ దిగ్గజం

క్రికెట్‌లో అత్యంత సంపన్న బోర్డుగా పేరుపొందిన భారత క్రికెట్ నియంత్రణ సంస్థ (బీసీసీఐ)కు కొత్త తలనొప్పి వచ్చి పడింది. కొత్త స్పాన్సర్ వెతుకులాటలో బీసీసీఐకి పెద్ద కష్టమే వచ్చి పడింది. ఏడాది పొడవునా మ్యాచ్‌లుండే టీమిండియా క్యాలెండర్ ద్వారా మరింత డబ్బు సంపాదించాలన్న బీసీసీఐ ప్రయత్నానికి స్పాన్సర్ రూపంలో అడ్డంకులు ఎదురవుతున్నాయి.రాబోయే రెండేళ్లపాటు భారత టైటిల్ స్పాన్సర్‌షిప్ హక్కుల కోసం బోర్డు ఒక్కో మ్యాచ్‌కు కనీస ధరగా రూ. 4.85 కోట్లను నిర్ణయించింది. అయితే, బీసీసీఐ పేర్కొన్న అంనాలకు తగిన విధంగా ఆఫర్ రాలేదు. ఇంతలోనే బిడ్‌లకు సంబంధించిన గడువు ముగిసిపోవడంతో బీసీసీఐ బిడ్ దాఖలు సమయాన్ని పొడిగించాల్సిన అవసరం ఏర్పడింది.అయితే ప్రస్తతం స్పాన్సర్‌గా ఉన్న ఐడీఎఫ్‌సీ ఫస్ట్ బ్యాంక్ మునుపటి ఒప్పందం ప్రకారం టీమిండియా ఆడే ఒక్కో మ్యాచ్‌కు బీసీసీఐకి రూ. 4.2 కోట్లు చొప్పున చెల్లిస్తుంది. అయితే ప్రస్తుతం బీసీసీఐ ఒక్కో మ్యాచ్ ధరను గణనీయంగా పెంచడంతో స్పాన్సర్లు ముందుకు రావడం లేదు. అయితే రాబోయే రెండేళ్ల కాలంలో భారత జట్టు సుమారు 35 మ్యాచ్‌లు ఆడనుంది. ఈ లెక్కన స్పాన్సర్‌షిప్ హక్కులు పొందిన సంస్థ నుంచి పెద్ద మొత్తంలో నగదు అందుతుందని, దీనిద్వారా భారీ వాణిజ్య లాభాన్ని పొందవచ్చని బీసీసీఐ లక్ష్యంగా పెట్టుకుంది.బిడ్ సమర్పణకు గడువు ఆగస్టు 13 అయినప్పటికీ, భారత బోర్డుకు హక్కుల కోసం బిడ్‌లు అందలేదు. బీసీసీఐ జూలై 20న ఆహ్వానాన్ని విడుదల చేసింది. ఐటీటీ పత్రాల కొనుగోలుకు చివరి తేదీ ఆగస్టు 4గా నిర్ణయించింది. వివరణలు కోరడానికి బీసీసీఐ ఆగస్టు 5న చివరి తేదీగా ఉంచింది. అయితే బిడ్‌లకు గడువు ముగియడంతో బీసీసీఐ ఇప్పుడు ప్రత్యామ్నాయాలను అన్వేషించాల్సిన పరిస్థితి ఏర్పడింది. గూగుల్ జెమిని, స్పిన్నీ, ఎస్‌బీఐ లైఫ్ వంటి కంపెనీలతో ఇప్పటికే బీసీసీఐ చర్చలు ప్రారంభించినట్లు పలు నివేదికలు సూచిస్తున్నాయి.అంతేకాకుండా, బీసీసీఐ ఈవెంట్ల కోసం అసోసియేట్ పార్టనర్ హక్కులకై ఇండియన్ బోర్డ్ రిక్వెస్ట్ ఫర్ కొటేషన్ (RFQ)ను కూడా విడుదల చేసింది. టైటిల్ స్పాన్సర్‌షిప్ హక్కులను కొనుగోలు చేసిన బ్రాండ్, అసోసియేట్ పార్టనర్ హక్కులను పొందేందుకు వీలు లేదు. అందుకే టైటిల్ స్పాన్సర్ ఖరారైన తర్వాతే ఈ హక్కులు ఖరారు చేయబడతాయి. RFQను కొనుగోలు చేయడానికి చివరి తేదీ ఆగస్టు 14 కాగా, ఆగస్టు 16లోగా వివరణలు ఇచ్చుకోవాలి. ఇక కొటేషన్ పత్రాలను సమర్పించడానికి ఆగస్టు 25 చివరి తేదీ అని బీసీసీఐ ఒక ప్రకటనలో తెలిపింది.

బంగ్లాదేశ్‌, టీమిండియా మధ్య జరగాల్సిన ద్వైపాక్షిక సిరీస్ వాయిదా పడే సూచనలు కనిపిస్తున్నాయి. గురువారం బంగ్లాదేశ్ క్రికెట్ బోర్డు (బీసీబీ) అధ్యక్షుడు తమీమ్ ఇ​క్బాల్ చేసిన వ్యాఖ్యలను బట్టి చూస్తే సిరీస్ నిర్వహణపై నీలినీడలు కమ్ముకున్నాయి. ఈ సిరీస్‌కు సంబంధించి బీసీబీ ప్రస్తుతం భారత క్రికెట్ నియంత్రణ మండలి (బీసీసీఐ)తో చర్చలు జరుపుతుందని తమీమ్ ఇక్బాల్ పేర్కొన్నాడు. వాస్తవానికి గతేడాది ఆగస్టులోనే టీమిండియా.. బంగ్లాదేశ్‌లో పర్యటించాల్సి ఉండగా, ఇరుదేశాల మధ్య ఉద్రిక్తతల కారణంగా సిరీస్‌ను ఈ ఏడాది సెప్టెంబర్‌కు వాయిదా వేశారు. ఢాకా, చట్టోగ్రామ్ వేదికలుగా భారత్ మూడు వన్డేలు, మూడు టీ20లు ఆడుతుందని బీసీబీ ఈ ఏడాది జనవరిలో ఒక ప్రకటన విడుదల చేసింది. అయితే ఈ సిరీస్‌పై బీసీసీఐ మాత్రం అధికారిక ప్రకటన చేయకపోవడం గమనార్హం. మరోవైపు బీసీబీ మాత్రం​ టీమిండియాతో సిరీస్ నిర్వహణకు సిద్దమైనట్లు తెలిపింది. ప‌ర్య‌ట‌న‌లో భాగంగా ఆగ‌స్టు 28న బంగ్లాదేశ్‌లో అడుగుపెట్ట‌నున్న భార‌త్ సెప్టెంబ‌ర్ 1, 3, 6 తేదీల్లో మూడు వ‌న్డేలు, సెప్టెంబ‌ర్ 9, 12, 13 తేదీల్లో మూడు టీ20లు ఆడాల్సి ఉంది.ఈ నేప‌థ్యంలో సిరీస్‌కు మ‌రో రెండు వారాలు మాత్ర‌మే స‌మ‌యం ఉండ‌గా, అస‌లు సిరీస్ జ‌రుగుతుందా? లేదా అనే దానిపై అనిశ్చితి నెల‌కొంది. ఇదే విష‌య‌మై త‌మీమ్ ఇక్బాల్ మాట్లాడుతూ.. "టీమిండియాతో సిరీస్ గురించి ఇరు బోర్డులు ఇంకా చ‌ర్చ‌లు జ‌రుపుతున్నాయి. టోర్నీ జ‌రిగే అవ‌కాశాలే ఎక్కువ‌గా ఉన్నాయ‌ని, అయితే షెడ్యూల్‌లో స్వ‌ల్ప మార్పులు ఉండొచ్చు. టోర్నీ మొత్తం మీర్పూర్ వేదిక‌గా జ‌ర‌గాల‌ని నిర్ణ‌యిస్తే మాత్రం వేదిక‌ను బ‌సుంధ‌ర గ్రౌండ్‌కు మారుస్తాం. సిరీస్ నిర్వ‌హ‌ణ‌పై అధికారిక ప్ర‌క‌ట‌న వ‌స్తే దానికి అనుగుణంగా షెడ్యూల్‌ను ప్లాన్ చేస్తాము’’ అని చెప్పుకొచ్చాడు.ఈ ఏడాది జ‌న‌వ‌రిలో బీసీబీ భార‌త ప‌ర్య‌ట‌న‌ను అధికారికంగా ప్ర‌కటించిన త‌ర్వాత‌, ఇరు దేశాల మ‌ధ్య త‌లెత్తిన వివాదం కార‌ణంగా, కేకేఆర్ బంగ్లా ఆట‌గాడు ముస్తాఫిజుర్‌ను త‌ప్పించడంతో రెండు క్రికెట్ బోర్డుల మ‌ధ్య సంబంధాలు దెబ్బ‌తిన్నాయి. తదనంతరం, అమీనుల్ ఇస్లాం నేతృత్వంలోని బీసీబీ, భారత్ సహ-ఆతిథ్యం ఇచ్చిన టీ20 ప్రపంచ కప్‌కు తమ జట్టును పంపకూడదని నిర్ణయించుకుంది. అయితే, ఇటీవల బీసీబీ అధ్యక్షుడిగా బాధ్యతలు స్వీకరించిన తమీమ్ ఈ నెల ప్రారంభంలో భారత్‌ను సందర్శించిన తర్వాత రెండు బోర్డుల మధ్య సంబంధాలు మ‌ళ్లీ మెరుగ‌య్యాయి.Read: రూట్ ప్ర‌పంచ రికార్డు.. పాక్‌తో టెస్టులో భారీ ఆధిక్యం

భారత క్రికెట్‌ నియంత్రణ మండలి (బీసీసీఐ) అధ్యక్షుడు మిథున్‌ మన్హాస్‌ వివాదంలో చిక్కుకున్నాడు. జూనియర్‌ స్థాయిలో క్రికెట్‌ సెలక్షన్‌ ఎంపిక సమయంలో అతడు పుట్టిన తేదీని మార్చినట్లుగా ఆరోపణలు వచ్చాయి. ఈ మేరకు జమ్మూ కశ్మీర్‌ క్రికెట్‌ అసోసియేషన్‌ మాజీ సంయుక్త కార్యదర్శి, మాజీ డిప్యూటీ ఎస్పీ సుదర్శన్‌ మెహతా స్థానిక కోర్టులో పిటిషన్‌ వేశారు.ఈ క్రమంలో భారత న్యాయ సంహిత 2023లోని సెక్షన్‌ 175 (3) ప్రకారం.. చీటింగ్‌, ఫ్రాడ్‌, పుట్టిన తేదీ ఫోర్జరీ తదితర ప్రొవిజన్లకు అనుగుణంగా మన్హాస్‌పై నౌబాద్‌ పోలీస్‌ స్టేషన్‌లో ఎఫ్‌ఐఆర్‌ నమోదైంది. పిటిషనర్‌ అందించిన వివరాల ప్రకారం.. మిథున్‌ మన్హాస్‌ జూనియర్‌ లెవల్‌, నేషనల్‌ లెవల్‌లో క్రికెట్‌ ఆడే సమయంలో వేర్వేరు పుట్టిన తేదీలను నమోదు చేశారు.పోలీసులకు కోర్టు ఆదేశాలుసబ్‌ జూనియర్‌, జూనియర్‌ కేటగిరీలలో అర్హత పొందేందుకు ఈ మేరకు అక్రమాలకు పాల్పడ్డాడని పిటిషనర్‌ ఆరోపించారు. ఈ నేపథ్యంలో విచారణ చేపట్టిన స్థానిక కోర్టు సెప్టెంబరు 3లోగా ప్రాథమిక విచారణ పూర్తి చేసి.. నివేదిక సమర్పించాలని పోలీసులను ఆదేశించింది.ఢిల్లీ తరఫునకాగా 45 ఏళ్ల మిథున్‌ మన్హాస్‌ సొంత రాష్ట్రం జమ్మూ కశ్మీర్‌. అయితే, దేశవాళీ క్రికెట్‌లో అతడు ఎక్కువగా ఢిల్లీ జట్టుకు ఆడాడు. కెప్టెన్‌గానూ పనిచేశాడు. ఫస్ట్‌ క్లాస్‌ క్రికెట్‌లో మంచి అనుభవం ఉన్న మిథ/న్‌.. 157 మ్యాచ్‌లు ఆడి 9714 పరుగులు చేశాడు. ఇందులో 27 శతకాలు కూడా ఉన్నాయి.ఇక లిస్ట్‌-ఎ క్రికెట్‌లో 130 మ్యాచ్‌లలో కలిపి మిథున్‌ 4126 పరుగులు సాధించాడు. అదే విధంగా 91 టీ20 మ్యాచ్‌లు ఆడి 1179 పరుగులు రాబట్టాడు. ఐపీఎల్‌లోనూ ఢిల్లీ క్యాపిటల్స్‌, పూణే వారియర్స్‌, చెన్నై సూపర్‌ కింగ్స్‌ తదితర జట్లకు ప్రాతినిథ్యం వహించాడు.కెరీర్‌ చరమాంకంలో మిథున్‌ మన్హాస్‌ 2015లో జమ్మూ కశ్మీర్‌ క్రికెట్‌ సబ్‌ కమిటీ మెంటర్‌గా పనిచేశాడు. ఆ మరుసటి ఏడాది కెరీర్‌కు వీడ్కోలు చెప్పిన మిథున్‌.. బంగ్లాదేశ్‌ అండర్‌-19 జట్టుకు బ్యాటింగ్‌ సలహాదారుడిగానూ పనిచేశాడు. అయితే, టీమిండియా తరఫున ఒక్క మ్యాచ్‌ కూడా ఆడని మిథున్‌.. పెద్దల అండతో ఏకంగా బీసీసీఐ బాస్‌ అయ్యాడు.చదవండి: సచిన్‌ కంటే కోహ్లి బెటర్‌: డివిలియర్స్‌

భారత మాజీ క్రికెటర్ సంజయ్ బంగర్ కూతురు (ట్రాన్స్‌జెండర్‌) అనయ బంగర్ మరోసారి వార్తల్లో నిలిచింది. త్వరలో మహిళల క్రికెట్‌లోకి ఎంట్రీ ఇవ్వడం​ ద్వారా కొత్త చాప్టర్‌ను ప్రారంభించనున్నట్లు ‘ఎక్స్‌’ వేదికగా ప్రకటించింది. ‘మీ అందరికీ ఒక శుభవార్త. నేను 2027లో మహిళల ఎలైట్ క్రికెట్‌లోకి రీఎంట్రీ ఇవ్వబోతున్నాను. దీని గురించి చాలా విషయాలు పంచుకోవాలనుకున్నా. కానీ ఇప్పుడు చెప్పలేను. నాకు ఆ సంస్థ నుంచి అనుమతి వచ్చిందన్న విషయం మాత్రం స్పష్టం చేయగలను.’ అని చెప్పుకొచ్చింది.ట్రాన్స్‌జెండర్లను ఉమెన్స్ క్రికెట్‌లోకి అనుమంతించేది లేదంటూ వన్డే వరల్డ్ కప్ 2023 సమయంలోనే ఐసీసీ నిర్ణయం తీసుకుంది. అయితే ఐసీసీ నిర్ణయాన్ని అనయ బంగర్ సవాల్ చేయడం సంచలనంగా మారింది. ట్రాన్స్‌జెండర్లకు మహిళల క్రికెట్‌లో ఆడే హక్కు ఎందుకు ఉండదో చెప్పాలని ఐసీసీని ప్రశ్నించింది. అంతేకాదు లింగమార్పిడి తర్వాత మహిళా క్రికెటర్లతో సమానంగా తన శారీరక స్థితి ఉందని పేర్కొన్న అనన్య బంగర్‌, తన రిపోర్టు‍ల్లో మహిళా క్రికెటర్లకు ఉండే కండబలం, గ్లూకోస్, ఆక్సిజన్ లెవల్స్.. తనకు అలానే ఉన్నాయని నిరూపించుకుంటానని సవాల్‌ చేస్తూ బీసీసీఐ, ఐసీసీకి లేఖలు రాసింది. ఈ నేపథ్యంలోనే అనయ బంగర్ మాంచెస్టర్ యూనివర్సిటీకి చెందిన ఆసుపత్రిలో చేయించుకున్న అదనపు రక్త పరీక్షలు, శస్త్ర చికిత్స వివరాలు సహా వైద్య, శారీరక సమాచారాన్ని ఒక సంస్థ (పేరు చెప్పలేని) పరిశీలించింది. ‘అనయ బంగర్ రిపోర్ట్స్‌ను సుశితంగా పరిశీలించాం. ట్రాన్స్‌జెండర్ అయినప్పటికీ, మహిళలతో సమానంగా శారీరక స్థితి ఉండడంతో అనయకు మహిళల క్రికెట్ ఆడేందుకు అనుమతి ఇవ్వాల్సిందే’ అని సంస్థ ప్రతినిధి ఒకరు తెలిపారు.అయితే అనయ బంగర్ తాను మహిళల ఎలైట్ క్రికెట్‌లో రీఎంట్రీ ఇవ్వనున్నట్లు ప్రకటించినప్పటికీ, భారత మహిళల జట్టుకు ఆడడం మాత్రం క‌ష్టమే. క్రికెట్‌ ఆడేందుకు ట్రాన్స్‌జెండర్లకు అనుమతి లేదనే ఐసీసీ నిబంధనలే ఇందుకు కారణం. పురుష దశ దాటిన తర్వాత లింగ మార్పిడి చేసుకున్న ట్రాన్స్‌జెండర్లు అంతర్జాతీయ మహిళల క్రికెట్‌లో పాల్గొనేందుకు అర్హులు కారు అని ఐసీసీ పేర్కొంది. ఇక అనయ తండ్రి సంజయ్ బంగర్ టీమిండియా తరఫున 12 టెస్టులు, 15 వన్డేలు ఆడాడు. 2014 నుంచి 2019 వరకు సంజయ్‌ బంగర్‌ టీమిండియా బ్యాటింగ్ కోచ్‌గా వ్యవహరించాడు. సంజయ్‌ బంగర్‌ కుమారుడు ఆర్యన్‌ తన కుటుంబం మద్దతుతో లింగ మార్పిడి ఆపరేషన్‌ చేయించుకొని అమ్మాయిగా మారాడు. హార్మోన్ రీప్లేస్‌మెంట్ థెరపీ (HRT), జెండర్-అఫర్మింగ్ సర్జరీ పూర్తి చేసుకుని అనయా బంగర్‌గా గుర్తింపు పొందింది.😇 pic.twitter.com/pDOjd2B5mB— Anaya Bangar (@anayabangarbnxf) August 17, 2026Anaya Bangar gets candid on her upcoming debut in women’s cricket: I had given up on the hope of ever playing againFor Anaya Bangar, life has been a relentless battle of resilience, grit, and unwavering authenticity.Following her post-transition journey and a deeply personal… pic.twitter.com/h1xH292uAZ— Ritam English (@english_ritam) August 18, 2026Read: జ‌డ్డూ చ‌ర్య‌పై గంభీర్ అస‌హ‌నం!

ఐపీఎల్‌ 2027 వేలానికి ఇంకా దాదాపు నాలుగు నెలల సమయం ఉన్నప్పటికీ ఇప్పటికే ఆటగాళ్ల ట్రేడింగ్‌పై ఊహాగానాలు ఊపందుకున్నాయి. ముఖ్యంగా ముంబై ఇండియన్స్‌ కెప్టెన్‌ హార్దిక్‌ పాండ్యా జట్టు మారబోతున్నాడే ప్రచారం జోరుగా సాగుతోంది. సన్‌రైజర్స్‌ హైదరాబాద్‌, రాయల్‌ చాలెంజర్స్‌ బెంగళూరు తప్ప.. మిగిలిన ఫ్రాంఛైజీలన్నీ హార్దిక్‌ కోసం పోటీలో ఉన్నాయని ఆకాశ్‌ చోప్రా వంటి మాజీ క్రికెటర్లు అంటున్నారు.అయితే, ముంబై యాజమాన్యం మాత్రం ఇంతవరకు హార్దిక్‌ ట్రేడింగ్‌ విషయంలో ఎలాంటి చర్చలు జరగలేదని స్పష్టం చేసింది. అయినప్పటికీ చెన్నై సూపర్‌ కింగ్స్‌ లేదంటే కోల్‌కతా నైట్‌ రైడర్స్‌తో ఈ ఆల్‌రౌండర్‌ చేరడం ఖాయమనే వార్తలు వినిపిస్తున్నాయి.ఇలాంటి తరుణంలో టీమిండియా దిగ్గజం సునిల్‌ గావస్కర్‌ భారత క్రికెట్‌ నియంత్రణ మండలి (BCCI)కి కీలక విజ్ఞప్తి చేశాడు. ఐపీఎల్‌ ట్రేడింగ్‌ విషయంలో పారదర్శకత పాటించాలని సూచించాడు. ‘‘వేలానికి ముందు ఆటగాళ్లు ఒక ఫ్రాంఛైజీ నుంచి మరో ఫ్రాంఛైజీకి మారే అంశం గురించి మీడియాలో పెద్ద ఎత్తున వార్తలు వస్తున్నాయి.అయితే, ఈ విండో పూర్తి కావడానికి ఇంకా సమయం ఉంది. సమయం వచ్చినపుడు ఏ ఆటగాడు ఏ జట్టు నుంచి మరే జట్టుకు మారుతున్నాడో ఫ్రాంఛైజీలు అధికారికంగా ప్రకటిస్తున్నాయి. కానీ ఎంతకు ట్రేడింగ్‌ (ధర) జరిగిందన్న విషయం మాత్రం బహిర్గతం కావడం లేదు.సదరు ఆటగాడు, బీసీసీఐ, రెండు ఫ్రాంఛైజీల వద్ద మాత్రమే ఆ సమాచారం ఉంటోంది. అలాంటపుడు ఫ్రాంఛైజీలు తమ సాలరీ క్యాప్‌నకు సంబంధించిన నిబంధనలు పాటిస్తున్నాయా? లేదంటే ఉల్లంఘిస్తున్నాయా? అన్న విషయం ఎలా తెలుస్తుంది. అందుకే ట్రేడింగ్‌ విషయంలో పూర్తి పారదర్శకంగా వ్యవహరించాలి. ఆ నంబర్లను కూడా బహిరంగంగా ప్రకటించాలి.ఫ్రాంఛైజీలు జవాబుదారీతనం పాటించేలా చూడాలి. ప్రపంచంలోనే ఐపీఎల్‌ అత్యంత గొప్ప లీగ్‌గా కొనసాగుతోంది. ఇలాంటి టోర్నీలో పారదర్శకతకు పెద్దపీట వేయకపోతే.. విమర్శలు వచ్చే అవకాశం ఉంది’’ అని సునిల్‌ గావస్కర్‌ మిడ్‌-డేకు రాసిన కాలమ్‌లో తన అభిప్రాయాలు పంచుకున్నాడు.

టీమిండియా చీఫ్ సెల‌క్ట‌ర్‌గా అజిత్ అగార్క‌ర్ ప‌ద‌వీ కాలాన్ని పొడిగించాలా? లేదా వద్దా? అన్న అంశంపై బీసీసీఐ త్వ‌రలోనే ఓ నిర్ణ‌యం తీసుకోనుంది. అత‌డి భవిత‌వ్యం తెల్చేందుకు శ్రీలంక‌తో టెస్టు సిరీస్ ముగిసిన త‌ర్వాత బీసీసీఐ పెద్దలు భేటీ కానున్న‌ట్లు తెలుస్తోంది.ఒక‌వేళ అగ‌ర్కార్ కాంట్రాక్ట్‌ను బీసీసీఐ పొడిగించ‌క‌పోతే అత‌డి స్ధానాన్ని భార‌త మాజీ పేస‌ర్ జ‌హీర్ ఖాన్ భ‌ర్తీ చేసే అవ‌కాశ‌ముంద‌ని 'ది టెలిగ్రాఫ్' తమ కథనంలో వెల్లడించింది. టెలిగ్రాఫ్ రిపోర్ట్‌ ప్రకారం.. తొలుత అగార్కర్ స్థానంలో లక్ష్మణ్‌ను పరిగణనలోకి తీసుకున్నారని, అయితే ప్రయాణాల భారం కారణంగా చీఫ్ సెలక్టర్ పదవిని చేపట్టడానికి అతడు చూపలేదంట. దీంతో లక్ష్మణ్‌కు 'డైరెక్టర్ ఆఫ్ క్రికెట్' (Director of Cricket) అనే నూతన పదవిని కట్టబెట్టేందుకు బీసీసీఐ సిద్దమైనట్లు సమాచారం. వాస్తవానికి అగార్కర్ కాంట్రాక్ట్ ఈ ఏడాది జూన్‌తో ముగియాల్సి ఉంది. కానీ భారత క్రికెట్ బోర్డు అతడికి మూడు నెలల పొడిగింపు ఇచ్చింది. అంతేకాకుండా వన్డే ప్రపంచకప్‌-2027 వరకు అతడినే కొనసాగించాలని బోర్డు పెద్దలు భావించిన‌ట్లు వార్త‌లు వ‌చ్చాయి.కానీ 'ది ఇండియన్ ఎక్స్‌ప్రెస్' కథనం ప్రకారం.. రోహిత్ శ‌ర్మ వ‌న్డే భ‌విష్య‌త్తు విష‌యంలో బీసీసీఐకి అగార్కర్ నేతృత్వంలోని సెలక్షన్ కమిటీ మధ్య అభిప్రాయ భేదాలు వ‌చ్చిన‌ట్లు స‌మాచారం. ఈ క్ర‌మంలోనే బీసీసీఐ అత‌డిని త‌ప్పించే యోచ‌న‌లో ఉంద‌ని ప్ర‌చారం జ‌రుగుతోంది.చదవండి: IND vs SL: టీమిండియాకు ఊహించని షాక్‌!

శ్రీలంకతో టెస్టు సిరీస్ తర్వాత చీఫ్ సెలెక్టర్ అజిత్ అగార్కర్ భవితవ్యంపై బీసీసీఐ కీలక నిర్ణయం తీసుకోనున్నట్లు తెలుస్తోంది. సెప్టెంబర్‌తో అగార్కర్ పదవీకాలం ముగియనున్న నేపథ్యంలోనే అతడిని కొనసాగించాలా లేక వేరేవారికి అవకాశమివ్వాలా అనే దానిపై బీసీసీఐ ఒక నిర్ణయానికి రానుంది. అయితే 2027 వన్డే ప్రపంచకప్ వరకు అగార్కర్‌ను కొనసాగించాలనే అంశం కూడా బీసీసీఐ పరిశీలనలో ఉన్నట్లు తెలుస్తోంది. జూలై 2023లో అగార్కర్ బాధ్యతలు తీసుకున్న తర్వాత కొన్ని కీలక నిర్ణయాలు అతడిని వివాదంలోకి నెట్టేశాయి. ముఖ్యంగా రోహిత్ శర్మ కెప్టెన్సీ నుంచి తొలగించడంలో అగార్కర్ తెర వెనుక ప్రధాన పాత్ర పోషించాడనే వార్త అప్పట్లో బాగా వైరలయ్యింది. అంతేకాదు ఇం‍గ్లండ్‌తో జులైలో జరిగిన వన్డే సిరీస్‌ తర్వాత రోహిత్‌ను జట్టు నుంచి తప్పించే ఆలోచన ఉందని సెలెక్టర్లు అతడికి తెలిపినట్లు నివేదిక పేర్కొంది. అయితే బీసీసీఐ కార్యదర్శి దేవజిత్‌ సైకియా మాత్రం రోహిత్‌ జట్టు ప్రణాళికల్లో ఉన్నంతకాలం దేశానికి ప్రాతినిధ్యం వహిస్తూనే ఉంటాడని వ్యాఖ్యానించారు.2027 వన్డే ప్రపంచకప్‌ను దృష్టిలో పెట్టుకుని రోహిత్‌ భవిష్యత్తును ప్రతి సిరీస్‌ తర్వాత సమీక్షించాలని బీసీసీఐ కోరుకుంటున్నట్లు సమాచారం. అయితే సైకియా చేసిన వ్యాఖ్యలు సెలెక్టర్లకు అసంతృప్తి కలిగించినట్లు నివేదిక వెల్లడించింది. ఈ నేపథ్యంలో అగార్కర్‌తో జరగనున్న సమావేశం ప్రాధాన్యం సంతరించుకుంది. సెలక్షన్‌ కమిటీ పనితీరు, భవిష్యత్‌ ప్రణాళికలతో పాటు రోహిత్‌ అంశం కూడా చర్చకు వచ్చే అవకాశం ఉంది.ఇక బీసీసీఐ చీఫ్ సెలెక్టర్ పదవీకాలం పొడిగింపు సందర్భాలు చాలా తక్కువ. గతంలో శివసుందర్ దాస్‌, ఎస్‌. శరత్‌, సుబ్రోతో బెనర్జీ, అజయ్ రాత్రా సహా మిగిలినవాళ్లంతా తన పదవీ కాలం ముగియగానే బయటికి వెళ్లిపోయారు. కానీ అగర్కార్ సెలెక్టర్‌గా వచ్చిన తర్వాత అతడు మంచి ఫలితాలు సాధించాడు. అతడి సెలెక్షన్ పర్యవేక్షణలో టీమిండియా నాలుగు ఐసీసీ టోర్నమెంట్ ఫైనల్స్ చేరడంతో పాటు వాటిలో మూడు టైటిల్స్‌ను అందుకుంది. జట్టులో మార్పులు కూడా ఫలితాలు ఇవ్వడంతో బీసీసీఐ సెలెక్షన్ కమిటీ అగార్కర్‌కు మద్దతు ఇచ్చింది. మధ్యలో రోహిత్ శర్మ విషయంలో బీసీసీఐతో అభిప్రాయబేధాలు వచ్చినప్పటికీ, ఇవేవీ పట్టించుకోకుండా అగార్కర్ పదవీకాలాన్ని పొడిగించే యోచనలో ఉంది. అంతకముందు 2022 టీ20 ప్రపంచకప్ సమయంలో టీమిండియా చీఫ్ సెలెక్టర్‌గా ఉన్న చేతన్ శర్మపై విమర్శలు వచ్చాయి. ఇక 2019 వన్డే ప్రపంచకప్ సమయంలోనూ భారత్ ఫైనల్ చేరడంలో విఫలం కావడంతో అప్పటి సెలెక్టర్ ఎంఎస్‌కే ప్రసాద్‌పై అటు బీసీసీఐ, ఇటు అభిమానుల నుంచి కూడా పెద్ద ఎత్తున విమర్శలు వచ్చాయి. మరి అగార్కర్‌పై విశ్వాసముంచి బీసీసీఐ అతడి పదవిని పొడిగిస్తుందా? తొలగిస్తుందా అనేది వచ్చే నెలతో తేలిపోనుంది.Read: సైక్లింగ్‌లో విషాదం.. ప్రాణం తీసిన అజాగ్రత్త!

తమిళనాడు ప్రీమియర్ లీగ్ సందర్భంగా ఒక ఆసక్తికర ఘటన చోటుచేసుకుంది. లైవ్ మ్యాచ్ జరుగుతుండగా, తన ప్రియురాలికి ఒక యువ బ్యాటర్‌ ఫోన్‌లో టెక్ట్స్ మెసేజ్ పంపాడు. ఇది నిబంధనలకు విరుద్ధం కావడంతో ప్లేయర్స్ అండ్ మ్యాచ్ అఫీషియల్స్ ఏరియా (PMOA) నిబంధనలను ఉల్లంఘించినందుకు, సదరు యువ బ్యాటర్‌కు బీసీసీఐ అవినీతి నిరోధక, భద్రతా విభాగం (ACSU) రూ. 1 లక్ష జరిమానా విధించింది. ‘‘విచారణ కొనసాగుతున్నందున తమిళనాడు క్రికెట్ అసోసియేషన్ ఆటగాడి పేరును వెల్లడించడానికి ఇష్టపడలేదు. ‘జరిమానా విధించిన ఆటగాడు ఎడమచేతి వాటం బ్యాటర్ అని, గతేడాది రంజీ ట్రోఫీలో తమిళనాడు తరఫున రెండు అర్ధశతకాలు సాధించాడు. మ్యాచ్ జరుగుతున్న సమయంలో అతను తన ప్రియురాలికి టెక్ట్స్‌ మెసేజ్‌లు పంపుతూ కనిపించాడు. ఇది ఎలాంటి అవినీతి ఆరోపణల కిందకు రానప్పటికీ, మ్యాచ్ జరుగుతున్నప్పుడు PMOAలో మొబైల్ ఫోన్ వాడటం నిషేధం. అందువల్ల ఇది నిబంధనల ఉల్లంఘన కిందకు వస్తుంది. అందుకే అతడికి లక్ష జరిమానా విధించాం" అని సీనియర్ అధికారి పేర్కొన్నాడు. మొదట యువ ఆటగాడిపై రెండేళ్ల నిషేధం విధించాలనుకున్నప్పటికీ, నేరం పెద్దది కాకపోవడంతో జరిమానాతో సరిపెట్టారు.ఐపీఎల్ 2026 సీజన్‌లో, రాజస్థాన్ రాయల్స్ మేనేజర్ రోమీ భిందర్ డగౌట్‌లో ఫోన్ వాడడం అప్పట్లో సంచలనం కలిగించింది. రోమీ భిందర్ పక్కనే వైభవ్ సూర్యవంశీ కూడా అతడి ఫోన్ చూస్తుండడం వైరల్‌గా మారింది. దీంతో మ్యాచ్ జరుగున్న సమయంలో ఫోన్ చూడడం పీఎంవోఏ నిబంధనలు ఉల్లంఘించినట్లు అవుతుందని ఐపీఎల్ యాజమాన్యం తెలిపింది. దీంతో బీసీసీఐ పీఎంవోఏ నిబంధనలను మరింత కఠినతరం చేసింది. రోమీ భిందర్‌కు లక్ష జరిమానా విధించిన బీసీసీఐ వైభవ్‌ను మాత్రం హెచ్చరికలతో సరిపెట్టింది.

ఏసీసీ మహిళల ఆసియా కప్‌-2026 టోర్నమెంట్‌ ఆరంభానికి ముందు భారత జట్టుకు భారీ ఎదురుదెబ్బ తగిలింది. స్టార్‌ బ్యాటర్‌ జెమీమా రోడ్రిగ్స్‌ ఈ టోర్నీకి దూరమైంది. ఆసియా కప్‌ ఈవెంట్‌తో పాటు.. ఆసియా క్రీడలకు కూడా ఆమె అందుబాటులో ఉండటం లేదు. భారత క్రికెట్‌ నియంత్రణ మండలి (BCCI) ఇందుకు సంబంధించి తాజాగా అధికారిక ప్రకటన విడుదల చేసింది. కాగా ఇంగ్లండ్‌ వేదికగా ‘ది హండ్రెడ్‌’ మహిళల లీగ్‌-2026లో జెమీమా రోడ్రిగ్స్‌ సదరన్‌ బ్రేవ్‌ జట్టుకు ప్రాతినిథ్యం వహించింది. అయితే, ఇటీవల ఆగష్టు 3 నాటి మ్యాచ్‌ సందర్భంగా తొడ కండరాల నొప్పితో విలవిల్లాడింది.గాయం తీవ్రతరంఫలితంగా హండ్రెడ్‌ టోర్నీలో మిగిలిన మ్యాచ్‌లకు జెమీమా దూరమైంది. ప్రస్తుతం బీసీసీఐ సెంటర్‌ ఆఫ్‌ ఎక్సలెన్స్‌లో పునరావాసం పొందుతున్న ఆమె గాయం తీవ్రమైంది. ఈ నేపథ్యంలో బీసీసీఐ వైద్య బృందం సూచన మేరకు ఆమెకు విశ్రాంతి అవసరమని నిర్ణయించింది.ఈ క్రమంలో ఆసియా కప్‌, ఆసియా క్రీడలకు జెమీమా రోడ్రిగ్స్‌ దూరమైనట్లు బోర్డు ప్రకటించిది. ఇక ఆసియా కప్‌ టోర్నీకి మాత్రం జెమీమా స్థానంలో ప్రతికా రావల్‌ను ఎంపిక చేసినట్లు బీసీసీఐ వెల్లడించింది. కాగా ఆసియా కప్‌ నిర్వహణకు ఆగష్టు 28- సెప్టెంబరు 13 మధ్య షెడ్యూల్‌ ఖరారైంది. ఇందుకు యూఏఈ వేదిక.ఆసియా కప్‌-2026 టోర్నీకి భారత మహిళల జట్టు (అప్‌డేటెడ్‌)హర్మన్‌ప్రీత్‌ కౌర్‌ (కెప్టెన్‌), స్మృతి మంధాన (వైస్‌ కెప్టెన్‌), షఫాలీ వర్మ, భారతి ఫల్మలి, దీప్తి శర్మ, రిచా ఘోష్‌ (వికెట్‌ కీపర్‌), జి.కమలిని (వికెట్‌ కీపర్‌), అరుంధతి రెడ్డి, ప్రేమా రావత్‌, రాధా యాదవ్‌, శ్రీచరణి, రేణుకా ఠాకూర్‌, నందిని శర్మ, క్రాంతి గౌడ్‌, ప్రతికా రావల్‌.చదవండి: ఇదేం బ్యాటింగ్‌.. ముసలోళ్ల జట్టు: ఆసీస్‌పై పాంటింగ్‌ ఫైర్‌

భారత స్పిన్‌ దిగ్గజం హర్భజన్‌ సింగ్‌ కీలక వ్యాఖ్యలు చేశాడు. భారత క్రికెట్‌ నియంత్రణ మండలి (బీసీసీఐ)లో భాగమయ్యేందుకు తాను సిద్ధంగా ఉన్నానన్నాడు. తనకు ఏ పదవి ఇచ్చినా వంద శాతం న్యాయం చేస్తానంటూ మనలోని మాటను వెల్లడించాడు.గంభీర్‌, అగార్కర్‌పై విమర్శలుకాగా టీమిండియా హెడ్‌కోచ్‌ గౌతం గంభీర్‌, చీప్‌ సెలక్టర్‌ అజిత్‌ అగార్కర్‌పై గత కొంతకాలంగా విమర్శలు వస్తున్న సంగతి తెలిసిందే. వీరి నేతృత్వంలో వైట్‌బాల్‌ క్రికెట్‌లో ఐసీసీ టోర్నీలో భారత జట్టు మంచి ఫలితాలు నమోదు చేస్తున్నప్పటికీ.. టెస్టుల్లో మాత్రం ఇటీవల ఘోర పరాభవాలు చవిచూసింది.వరుస పరాభవాలుఎన్నడూలేని విధంగా స్వదేశంలో న్యూజిలాండ్‌ చేతిలో 3-0తో వైట్‌వాష్‌ కావడం.. పాతికేళ్ల తర్వాత సొంతగడ్డపై సౌతాఫ్రికా చేతిలో 2-0తో క్లీన్‌స్వీప్‌ కావడం తీవ్ర విమర్శలకు కారణమైంది. ఇక స్వదేశంలో న్యూజిలాండ్‌కు తొలిసారి వన్డే సిరీస్‌ కోల్పోవడం.. ఐర్లాండ్‌తో టీ20 సిరీస్‌లో 2-0తో క్లీన్‌స్వీప్‌ కావడం.. ఇంగ్లండ్‌ చేతిలో టీ20 సిరీస్‌లో 4-0తో వైట్‌వాష్‌ కావడం, వన్డే సిరీస్‌ను కోల్పోవడం తాజా ఉదాహరణలు.చీఫ్‌ సెలక్టర్‌, హెడ్‌కోచ్‌ అయ్యేందుకు సిద్ధంఈ నేపథ్యంలో శ్రీలంకతో తాజాగా రెండు టెస్టుల సిరీస్‌ తర్వాత వీరి భవితవ్యంపై స్పష్టత రానుందనే వార్తలు వస్తున్నాయి. ఇలాంటి తరుణంలో హర్భజన్‌ సింగ్‌ బీసీసీఐలో ఏ పదవి ఇచ్చినా చేపట్టేందుకు తాను సిద్ధంగా ఉన్నానని ప్రకటించడం గమనార్హం.‘‘బీసీసీఐ అధ్యక్షుడు, చీఫ్‌ సెలక్టర్‌ లేదంటే హెడ్‌కోచ్‌... ఈ మూడింటిలో ఏ బాధ్యత ఇచ్చినా నెరవేర్చేందుకు నేను సిద్ధంగా ఉన్నాను. భారత క్రికెట్‌కు ఏ స్థాయిలోనైనా సేవ చేయడం నాకు ఎల్లప్పుడూ సంతోషమే. భవిష్యత్తులో ఈ మూడింటిలో ప్రతీ పాత్ర పోషించాలని నేను కోరుకోవడం లేదు.గంభీర్‌కు మద్దతుఅయితే, నా తలరాతలో ఏది రాసి ఉంటే అదే జరుగుతుంది. ఒకవేళ నాకే గనుక నిజంగా అవకాశం వస్తే.. అత్యుత్తమంగా రాణించేందుకు శాయశక్తులా కృషి చేస్తా’’ అని భజ్జీ PTI ఇంటర్వ్యూలో పేర్కొన్నాడు. అదే విధంగా ప్రతీ దానికి గంభీర్‌ను విమర్శించడం తగదని.. జట్టు ప్రయోజనాలకు అనుగుణంగానే అతడు ప్రతీ నిర్ణయం తీసుకుంటాడని అండగా నిలిచాడు.చదవండి: వీవీఎస్‌ లక్ష్మణ్‌కు బీసీసీఐ అత్యున్నత పదవి!

టీమిండియా మాజీ క్రికెట‌ర్ వీవీఎస్ ల‌క్ష్మ‌ణ్ త్వరలోనే బీసీసీఐ అత్యున్నత పదవిని అలంకరించనున్నట్లు సమాచారం. గంభీర్ స్థానంలో టీమిండియా హెడ్‌కోచ్‌గా రానున్నాడ‌నే వార్త‌లు వ‌స్తున్న నేప‌థ్యంలో ల‌క్ష్మ‌ణ్‌కు బీసీసీఐ (హెడ్‌కోచ్‌ పదవికి మించి) డైరక్టర్‌ ఆఫ్‌ క్రికెట్‌ పదవిని కట్టబెట్టనున్నట్లు తెలుస్తోంది.కొత్త‌గా రూపొందించ‌నున్న డైర‌క్ట‌ర్ ఆఫ్ క్రికెట్ ప‌ద‌వికి ల‌క్ష్మ‌ణ్ అయితేనే మంచి ఫలితం ఉంటుందని బీసీసీఐ భావించింది. అంతే​కాదు ల‌క్ష్మ‌ణ్ ఆ పదవిలో త‌న బాధ్య‌త‌ల‌ను మ‌రింత స‌మ‌ర్థంగా నిర్వ‌హిస్తాడ‌ని బీసీసీఐ విశ్వాసం వ్య‌క్తం చేసింది. అయితే ల‌క్ష్మ‌ణ్ ప్ర‌స్తుతం బెంగ‌ళూరులోని బీసీసీఐ సెంట‌ర్ ఆఫ్ ఎక్స‌లెన్స్ (సీవోఈ)కు సీఈవోగా వ్య‌వ‌హ‌రిస్తున్న సంగ‌తి తెలిసిందే. సెప్టెంబర్‌లో జరగనున్న బీసీసీఐ వార్షిక సర్వసభ్య సమావేశంలో (ఏజీఎం) దీనిపై అధికారిక ప్రకటన వెలువడే అవకాశాలున్నాయి.ప్రస్తుతం లక్ష్మణ్ సీవోఈ హెడ్‌గా ఆటగాళ్ల పునరావాసం, శిక్షణ వంటి బాధ్యతలు చూస్తున్నాడు. 'డైరెక్టర్ ఆఫ్ క్రికెట్'గా నియమితులైతే, ఆయన పరిధి మరింత విస్తృతం కానుంది. సీనియర్ పురుషుల, మహిళల జట్ల వ్యూహరచన, జాతీయ సెలక్షన్ కమిటీతో సమన్వయం, జూనియర్ స్థాయి నుంచి సీనియర్ స్థాయి వరకు ఆటగాళ్ల ప్రగతిని పర్యవేక్షించడం వంటి కీలక అధికారాలు ఆయన చేతికి రానున్నాయి.ఇదే సమయంలో, చీఫ్ సెలక్టర్ అజిత్ అగార్కర్ పదవీకాలం కూడా సెప్టెంబర్‌తో ముగియనుంది. ఆయన పదవీకాలాన్ని 2027 జూన్ వరకు పొడిగించాలా? లేక కొత్త వారిని నియమించాలా? అనే అంశంపై కూడా బీసీసీఐ చర్చిస్తోంది. గౌతమ్ గంభీర్ నేతృత్వంలోని కొత్త కోచింగ్ బృందంతో సమన్వయం కోసం లక్ష్మణ్ లాంటి అనుభవజ్ఞుడి సేవలు అవసరమని బోర్డు భావిస్తున్నట్లు సమాచారం.గతంలో రాహుల్ ద్రవిడ్ తర్వాత టీమిండియా హెడ్ కోచ్ పదవిని చేపట్టాలని బీసీసీఐ కోరినప్పటికీ, లక్ష్మణ్ సున్నితంగా తిరస్కరించాడు. బెంగళూరులోని నూతన సీవోఈ ప్రాజెక్టుపై దృష్టి సారించేందుకే ఆయన ఆ నిర్ణయం తీసుకున్నాడు. ఇప్పుడు ఆ ప్రాజెక్టు గాడిన పడటంతో, ఆయన అనుభవాన్ని విస్తృత స్థాయిలో ఉపయోగించుకునేందుకు బీసీసీఐ సిద్ధమైంది. Read: ఆసీస్‌ గడ్డపై చ‌రిత్ర సృష్టించిన బంగ్లా ఓపెన‌ర్‌

సెప్టెంబ‌ర్‌లో భార‌త్-అఫ్గానిస్తాన్ మ‌ధ్య మధ్య జరగాల్సిన మూడు టీ20ల సిరీస్‌లో మార్పులు చోటు చేసుకునే అవకాశముంది. ఇటీవల ఖరారైన షెడ్యూల్ ప్రకారం.. ఈ మూడు మ్యాచ్‌లు వ‌చ్చే నెల‌ 13, 15, 17 తేదీల్లో ఢిల్లీలోని అరుణ్ జైట్లీ స్టేడియంలో జరగాల్సి ఉంది. అయితే ఈ షెడ్యూల్‌లో స్వ‌ల్ప‌ మార్పు చేయాలని బీసీసీఐని అఫ్గానిస్తాన్ క్రికెట్ బోర్డు అభ్య‌ర్దించిన‌ట్లు తెలుస్తోంది. సెప్టెంబర్ 14న గణేష్ చతుర్థి పండగను పురస్కరించుకుని, ఆ రోజున ఒక టీ20 మ్యాచ్ నిర్వహించాలని ఏసీబీ కోరుతున్నట్లు వార్త‌లు వ‌స్తున్నాయి. ఆ రోజు పండగ సెలవు దినం కావడంతో మ్యాచ్‌ను వీక్షించడానికి స్టేడియానికి ప్రేక్షకులు పెద్ద సంఖ్యలో వస్తారని అఫ్గాన్ క్రికెట్ బోర్డు ఆశిస్తోంది. ఈ ప్రతిపాదనకు భారత క్రికెట్ బోర్డు అంగీకరిస్తే.. సెప్టెంబర్ 13 లేదా 15న జరగాల్సిన మ్యాచ్‌లలో ఒకదానిని సెప్టెంబర్ 14కి మార్చనుంది. కాగా ఐసీసీ ఫ్యూచ‌ర్ టూర్స్ ప్రోగ్రామ్ (FTP) ప్రకారం ఇది అఫ్గానిస్తాన్‌కు హోమ్ సిరీస్ కావ‌డం విశేషం. గ‌తంలో అఫ్గాన్ జ‌ట్టు త‌న హోమ్ మ్యాచ్‌ల‌ను భార‌త్‌లో ఆడిన‌ప్ప‌టికి, టీమిండియాతో హోమ్ సిరీస్ ఆడ‌డం మాత్రం ఇదే తొలిసారి. ఈ చారిత్ర‌త్మ‌క సిరీస్ ప్రసార హక్కులకు సంబంధించి అఫ్గాన్ క్రికెట్ బోర్డు ఇప్ప‌టికే చర్చలు ప్రారంభించింది. సోనీ స్పోర్ట్స్, స్టార్ స్పోర్ట్స్ వంటి ప్రముఖ ఛానళ్లతో ఏసీబీ చ‌ర్చ‌లు జ‌రుపుతున్న‌ట్లు తెలుస్తోంది.చదవండి: AFG vs IRE: అఫ్గానిస్తాన్ ఓపెనర్‌ వరల్డ్‌ రికార్డ్‌

టీమిండియా స్టార్ పేస‌ర్ జ‌స్ప్రీత్ బుమ్రా ఫిట్‌నెస్ స‌మ‌స్య‌ల‌తో స‌త‌మ‌త‌వుతున్న సంగ‌తి తెలిసిందే. ఇంగ్లండ్ ప‌ర్య‌ట‌న‌లో మెకాలి గాయానికి గురైన బుమ్రా ఇంకా కోలుకోలేదు. దీంతో శ్రీలంక‌తో కీల‌క‌ టెస్టు సిరీస్‌కు కూడా బుమ్రా దూర‌మ‌య్యాడు. తొలుత లంక‌తో సిరీస్ ఆరంభ స‌మ‌యానికి అత‌డు పూర్తి ఫిట్‌నెస్ సాధిస్తాడ‌ని సెల‌క్ట‌ర్లు అంచ‌నా వేశారు. కానీ బీసీసీఐ సెంట‌ర్ ఆఫ్ ఎక్సలెన్స్ నుంచి ఫిట్‌నెస్‌ క్లియరెన్స్‌ రాకపోవడంతో అత‌డిని లంక టూర్‌ను నుంచి సెల‌క్ట‌ర్లు త‌ప్పించారు. ఈ నేప‌థ్యంలో భార‌త మాజీ క్రికెట‌ర్ సుబ్రమణ్యం బద్రీనాథ్ కీల‌క వ్యాఖ్య‌లు చేశాడు. బుమ్రా ఫిట్‌నెస్‌, వర్క్‌లోడ్ నిర్వ‌హ‌ణ‌లో టీమ్ మేనేజ్‌మెంట్ పూర్తిగా విఫ‌ల‌మైంద‌ని అత‌డు మండిప‌డ్డాడు.కాగా గ‌తేడాది ఆరంభంలో వెన్ను గాయం బారిన ప‌డిన‌ప్ప‌టికి నుంచి బుమ్రా వ‌ర్క్‌లోడ్‌ను బీసీసీఐ ప‌ర్య‌వేక్షిస్తునే ఉంది. కీల‌క మ్యాచ్‌ల‌లోనూ అత‌డు ఆడుతూ వ‌స్తున్నాడు. మిగిలిన మ్యాచ్‌ల‌కు సెల‌క్ష‌న్ క‌మిటీ బుమ్రాకు విశ్రాంతి ఇస్తోంది. అయిన‌ప్ప‌టికి ఆశించిన ఫలితాలు రావడం లేదు."బుమ్రా వ‌ర్క్‌లోడ్ విష‌యంలో ఎవ‌రు నిర్ణ‌యం తీసుకుంటున్నారో నాకు అర్థం కావడం లేదు. ఇది సెంటర్ ఆఫ్ ఎక్సలెన్స్‌కు సంబంధం లేని విషయం. సీఓఈ కేవలం ఆటగాడి ఫిట్‌నెస్‌ స్థితిపై సమాచారం మాత్రమే ఇస్తుంది. ఏ మ్యాచ్‌లు ఆడాలి, ఎప్పుడు రెస్ట్ ఇవ్వాలనేది కెప్టెన్, కోచ్, సెలెక్టర్లే నిర్ణయిస్తారు" అని బద్రీనాథ్ తన యూట్యూబ్ ఛానల్‌లో పేర్కొన్నాడు. అదేవిధంగా బుమ్రాతో పాటు జట్టులోని పలువురు కీలక ఆటగాళ్లు గాయాల బారిన పడటంపై కూడా బద్రీనాథ్ ఆందోళన వ్యక్తం చేశాడు. "జట్టులో ఇంతమంది ఆటగాళ్ల గాయాలకు గల స్పష్టమైన కారణాలైతే నాకు తెలియదు. కానీ క్రికెట్ వంటి ప్రొఫెషనల్ క్రీడల్లో గాయాలు తప్పవు. వాటిని పూర్తిగా నియంత్రించలేం. అయితే సరైన మేనేజ్‌మెంట్, నిరంతర పర్యవేక్షణ చాలా అవసరమని " అతడు అన్నాడు.

జ‌మ్మూ అండ్ కాశ్మీర్ మరో కీలక ‍క్రికెట్ మ్యాచ్‌కు ఆతిథ్యమిచ్చేందుకు సిద్దమైంది. శ్రీనగర్‌లోని షేర్-ఇ-కాశ్మీర్ స్టేడియంలో అక్టోబర్ 1 నుంచి 5 వరకు జమ్మూ కాశ్మీర్, రెస్ట్ ఆఫ్ ఇండియా జట్ల మధ్య ఇరానీ కప్ మ్యాచ్ జరగనుంది. ఈ విషయాన్ని బీసీసీఐ ఇంకా అధికారికంగా ప్ర‌క‌టించన‌ప్ప‌టికి.. జమ్మూ హెడ్ కోచ్ అజేయ్ శర్మ మాత్రం ధ్రువీకరించాడు.ఈ ప్రతిష్టాత్మక మ్యాచ్‌ను ఘనంగా నిర్వహించాలని భారత క్రికెట్ బోర్డు భావిస్తున్న‌ట్లు అత‌డు తెలిపాడు. షేర్-ఇ-కాశ్మీర్ స్టేడియంలో చేపట్టాల్సిన మౌలిక వసతుల అభివృద్ధిపై స్ధానిక క్రికెట్ అసోసియేషన్‌కు దిశానిర్దేశం చేసేందుకు బీసీసీఐ ప్రతినిధుల బృందం ఇప్పటికే రెండుసార్లు శ్రీనగర్‌లో పర్యటించినట్లు సమాచారం. ప్రస్తుతం ఈ స్టేడియం కెపాసిటీ 5,000గా ఉంది. కాగా షేర్-ఇ-కాశ్మీర్ స్టేడియం గతంలో అంతర్జాతీయ క్రికెట్‌ మ్యాచ్‌లకు కూడా ఆతిథ్యమిచ్చింది. ఈ మైదానంలో ఇప్పటివరకు రెండు వన్డే మ్యాచ్‌లు జరిగాయి.శ్రీనగర్‌ వేదికగా 1983లో భారత్‌-వెస్టిండీస్‌ మధ్య తొలి మ్యాచ్‌ జరిగింది. ఆ తర్వాత చివరగా 1986లో భారత్ - ఆస్ట్రేలియా మధ్య జరిగిన వన్డే మ్యాచ్‌ను ఈ గ్రౌండ్‌లో నిర్వహించారు. అయితే జమ్మూ-కాశ్మీర్‌లో నెలకొన్న రాజకీయ ఉద్రిక్తల కారణంగా చాన్నాళ్ల పాటు డొమాస్టిక్‌ మ్యాచ్‌లు సైతం నిర్వహించలేదు. అయితే పరిస్థితులు కాస్త సద్దుమణగడంతో గతేడాది అక్టోబర్ 15-18 మధ్య శ్రీనగర్‌లోని ఈ స్టేడియంలో ముంబై, జమ్మూ కాశ్మీర్ మధ్య కీలక రంజీ ట్రోఫీ మ్యాచ్ జరిగింది. ఈ మ్యాచ్‌లో ముంబై ఘన విజయం సాధించింది.మళ్లీ ఏడాది తర్వాత జమ్మూ కాశ్మీర్‌లో ​క్రికెట్‌ సందడి నెలకొంది. కాగా రంజీ ట్రోఫీ 2025-26 విజేతగా జమ్మూ నిలిచిన సంగతి తెలిసిందే. జమ్మూ అండ్‌ కాశ్మీర్‌కు ఇదే తొలి రంజీ టైటిల్‌ కావడం విశేషం. ఈ చారిత్రత్మక విజయంలో పేసర్‌ ఆకిబ్‌ నబీది కీలక పాత్ర. అతడు ప్రస్తుతం భారత జట్టుతో పాటు శ్రీలంక పర్యటనలో ఉన్నాడు.చదవండి: IND vs SL: గిల్‌ కాదు.. అతడితో జాగ్రత్త! శ్రీలంకకు దిగ్గజ క్రికెటర్‌ వార్నింగ్‌

టీమిండియా కీలక సిరీస్‌కు సిద్ధమైంది. ప్రపంచ టెస్టు చాంపియన్‌షిప్‌ (WTC) 2025-27 సీజన్‌లో భాగంగా శ్రీలంకతో రెండు మ్యాచ్‌లు ఆడేందుకు సన్నద్ధమైంది. ఇందుకోసం ఇప్పటికే లంకకు చేరుకున్న టీమిండియాకు.. వార్మప్‌ మ్యాచ్‌తో కావాల్సినంత ప్రాక్టీస్‌ దొరికింది.ముగ్గురు కీలక ఆటగాళ్లు దూరంఈ సిరీస్‌లో 2-0తో గెలిస్తేనే డబ్ల్యూటీసీ తాజా ఎడిషన్‌ ఫైనల్‌ రేసులో టీమిండియా నిలవగలుగుతుంది. అయితే, ఈ కీలక మ్యాచ్‌లకు ప్రధాన పేసర్‌ జస్‌ప్రీత్‌ బుమ్రా, స్పిన్‌ బౌలింగ్‌ ఆల్‌రౌండర్‌ వాషింగ్టన్‌ సుందర్‌, బ్యాటర్‌ సాయి సుదర్శన్‌ దూరమయ్యారు. గాయాల వల్ల ఈ ముగ్గురూ సిరీస్‌కు అందుబాటులో లేకుండా పోయారు.ఈ పరిణామాల నేపథ్యంలో టీమిండియా దిగ్గజ కెప్టెన్‌ కపిల్‌ దేవ్‌ భారత క్రికెట్‌ నియంత్రణ మండలి (BCCI)కి కీలక సూచనలు చేశాడు. ఆటగాళ్లు గాయాల బెడద, టెస్టు క్రికెట్‌లో సవాళ్లను సమర్థవంతంగా ఎదుర్కోవాలంటే తప్పక దేశవాళీ క్రికెట్‌ ఆడాలని సూచించాడు. ఈ మేరకు JITO ప్రీమియర్‌ లీగ్‌ ఆరంభం సందర్భంగా మాట్లాడుతూ..అదే అత్యంత ముఖ్యం‘‘ప్రతి ఆటగాడు దేశవాళీ క్రికెట్‌ ఆడటం అత్యంత ముఖ్యం. ఇటీవలి కాలంలో భారత జట్లు స్పిన్‌ ఆడేందుకు ఇబ్బంది పడటం చూస్తున్నాం. ఇందుకు కారణం వారు దేశీ క్రికెట్‌ ఆడకపోవడమే.బీసీసీఐ ఈ విషయంలో కాస్త కఠినంగానే వ్యవహరించాలి. ప్రతి ఒక్క ఆటగాడు మల్టీ-డే మ్యాచ్‌లు ఆడేలా చూడాలి. సీనియర్లను చూసి యువ ఆటగాళ్లు కూడా ఎంతో నేర్చుకుంటారు. వారితో కలిసి ఆడటం వల్ల యువ ప్లేయర్లలో ఆత్మవిశ్వాసం కూడా పెరుగుతుంది.మనోళ్లు తేలిపోతున్నారుఇటీవల టీమిండియా ఎన్నో టీ20, వన్డే మ్యాచ్‌లు ఆడింది. అయితే, స్పిన్‌ బౌలింగ్‌లో మనోళ్లు అత్యుత్తమంగా రాణించలేకపోయారు. ఇక టెస్టు ఫార్మాట్‌ మరింత భిన్నంగా ఉంటుంది. కాబట్టి ఇంకాస్త జాగ్రత్తగా ఆడాల్సి ఉంటుంది’’ అని కపిల్‌ దేవ్‌ టీమిండియాతో పాటు బీసీసీఐకి సూచించాడు. కాగా శ్రీలంకతో ఆగష్టు 15 నుంచి టీమిండియా తొలి టెస్టు మొదలుకానుంది. ఇందుకు గాలె వేదిక. చదవండి: IND vs AFG: బంగ్లాదేశ్‌కు షాకిచ్చిన బీసీసీఐ

భారత క్రికెట్‌ నియంత్రణ మండలి (బీసీసీఐ) కీలక ప్రకటన చేసింది. అఫ్గానిస్తాన్‌ భారత్‌లో టీమిండియాకు ఆతిథ్యమిస్తుందని ప్రకటించింది. ఈ విషయాన్ని బుధవారం అధికారికంగా వెల్లడించింది.అఫ్గాన్‌ క్రికెట్‌కు అండగా ఉంటాముఈ నేపథ్యంలో బీసీసీఐ కార్యదర్శి దేవజిత్‌ సైకియా మాట్లాడుతూ.. ‘‘అఫ్గానిస్తాన్‌ క్రికెట్‌ బోర్డు భారత్‌లో టీమిండియాతో టీ20 సిరీస్‌కు ఆతిథ్యమివ్వడం పట్ల బీసీసీఐ సంతోషంగా ఉంది. భారత్‌- అఫ్గానిస్తాన్‌ జట్ల మధ్య పోరు చాలా ఏళ్లుగా ప్రేక్షకులకు వినోదం పంచుతోంది. ఇరుజట్లలోనూ మంచి నైపుణ్యాలున్న క్రికెటర్లు ఉన్నారు.అఫ్గానిస్తాన్‌ ఆటగాళ్లలో చాలా మందికి భారత్‌లోనూ అభిమానులు ఉన్నారు. ఇరు దేశాల క్రికెట్‌ సంబంధాలు రోజురోజుకీ మరింత మెరుగుపడుతున్నాయి. 2018లో తొలిసారి బారత్‌ అఫ్గానిస్తాన్‌కు ఇక్కడ ఆతిథ్యం ఇచ్చింది.చిరస్మరణీయంఅప్పటి నుంచి ఇరు దేశాల మధ్య క్రికెట్‌ సంబంధాలు మరింత పటిష్టంగా మారాయి. ఇటీవలే జూన్‌లో అఫ్గాన్‌తో టీమిండియా ఒక టెస్టు, మూడు వన్డేలు ఆడింది. ఇప్పుడు ఇరుజట్లు టీ20 సిరీస్‌లో తలపడబోతున్నాయి. ఢిల్లీలో అఫ్గాన్‌ జట్టు టీమిండియాకు ఆతిథ్యం ఇవ్వడం చిరస్మరణీయంగా మిగిలిపోనుంది’’ అని పేర్కొన్నాడు.కాగా సెప్టెంబరు 13, 15, 17 తేదీల్లో అఫ్గానిస్తాన్‌- టీమిండియా మధ్య మూడు మ్యాచ్‌ల టీ20 సిరీస్‌ జరుగనుంది. ఇందుకు ఢిల్లీలోని అరుణ్‌ జైట్లీ మైదానం వేదిక. అయితే, అఫ్గాన్‌తో టీమిండియా సిరీస్‌ ఖరారైన నేపథ్యంలో బంగ్లాదేశ్‌కు గట్టి ఎదురుదెబ్బ తగిలినట్లయింది.బంగ్లాదేశ్‌కు షాక్‌నిజానికి సెప్టెంబరులో టీమిండియా బంగ్లాదేశ్‌ పర్యటనకు వస్తుందని ఆ దేశ క్రికెట్‌ బోర్డు ఆశలు పెట్టుకుంది. కానీ బీసీసీఐ మాత్రం అఫ్గాన్‌ను రంగంలోకి దింపి బంగ్లాకు చెక్‌ పెట్టింది.కాగా టీ20 ప్రపంచకప్‌-2026 సమయంలో భారత్‌లో తమకు భద్రత లేదంటూ అప్పటి బంగ్లాదేశ్‌ తాత్కాలిక ప్రభుత్వం అంతర్జాతీయ క్రికెట్‌ మండలి (ICC) వద్ద పంచాయితీ పెట్టిన సంగతి తెలిసిందే. ఇరుదేశాల మధ్య అప్పుడున్న ఉద్రిక్త పరిస్థితుల నేపథ్యంలో బంగ్లా బోర్డు తమ జట్టు భారత్‌కు వెళ్లేది లేదంటూ భీష్మించుకుని కూర్చుంది. దీంతో ఐసీసీ రంగంలోకి దిగి ఒప్పించే ప్రయత్నం చేయగా.. బంగ్లా పట్టువీడలేదు. వేదిక మార్చలేదు కాబట్టి ప్రభుత్వ నిర్ణయం ప్రకారం.. టోర్నీ నుంచే తప్పుకొంటున్నట్లు ప్రకటించింది. దీంతో బంగ్లా బోర్డు- బీసీసీఐ మధ్య సంబంధాలు పూర్తిగా దెబ్బతిన్నాయి.ఇక లేనట్లేనా?అయితే, ఆ తర్వాత ఏర్పడిన ప్రభుత్వం బీసీసీఐతో బంధాలు పునరుద్ధరించే దిశగా ప్రయత్నాలు మొదలుపెట్టింది. బంగ్లా బోర్డు అధ్యక్షుడిగా నియమితుడైన మాజీ కెప్టెన్‌ తమీమ్‌ ఇక్బాల్‌.. ఈ బాధ్యతను నెత్తికెత్తుకున్నాడు. బీసీసీఐతో పలుమార్లు సంప్రదింపులు జరిపానని.. అయితే, ద్వైపాక్షిక సిరీస్‌ విషయంలో వారిదే అంతిమ నిర్ణయం అని ఇటీవల పేర్కొన్నాడు. అయితే, బీసీసీఐ మాత్రం బంగ్లాతో సిరీస్‌ విషయంలో ఇప్పటికీ స్పష్టతనివ్వలేదు. అదే సమయంలో అఫ్గాన్‌తో సిరీస్‌ ఖరారు చేసి.. భారత్‌ను ఆతిథ్య దేశంగా ఉపయోగించుకునే బంపరాఫర్‌ ఇచ్చింది.అఫ్గానిస్తాన్‌ వర్సెస్‌ టీమిండియా టీ20 సిరీస్‌ షెడ్యూల్‌తొలి టీ20: సెప్టెంబరు 13- ఆదివారంరెండో టీ20: సెప్టెంబరు 15- మంగళవారంమూడో టీ20: సెప్టెంబరు 17- గురువారంవేదిక: ఢిల్లీ.చదవండి: టెస్టులలో ఎవరికీ సాధ్యం కాని ఘనత.. జైసూ సరికొత్త ఫీట్‌

అఫ్గానిస్తాన్‌ క్రికెట్‌ బోర్డు (ఏసీబీ) టీమిండియాతో టీ20 సిరీస్‌ను ఖరారు చేసింది. ఇందులో భాగంగా భారత జట్టుతో మూడు టీ20 మ్యాచ్‌లు ఆడనుంది. అయితే, అఫ్గాన్‌ భారత్‌లోనే టీమిండియాకు ఆతిథ్యం ఇవ్వనుండటం విశేషం.కాగా అఫ్గానిస్తాన్‌లో మ్యాచ్‌లు నిర్వహించే పరిస్థితి లేదన్న సంగతి తెలిసిందే. ఈ నేపథ్యంలో ఏసీబీ భారత్‌ లేదంటే యూఏఈలలో పలు సిరీస్‌లకు ఆతిథ్యమిస్తోంది. ఈ క్రమంలో తాజాగా టీమిండియాతో భారత్‌లో తలపడేందుకు సిద్ధమైంది.షెడ్యూల్‌ ఖరారుఇందులో భాగంగా ఢిల్లీ వేదికగా టీమిండియా- అఫ్గానిస్తాన్‌ మధ్య సెప్టెంబరు 13, 15, 17 తేదీల్లో మూడు టీ20 మ్యాచ్‌ల నిర్వహణకు షెడ్యూల్‌ ఖరారైనట్లు తెలుస్తోంది. అరుణ్‌ జైట్లీ స్టేడియంలో ఈ మూడు మ్యాచ్‌లు నిర్వహిస్తారని తెలుస్తోంది.ఇదిలా ఉంటే.. గతంలో ఐర్లాండ్‌, వెస్టిండీస్‌ జట్లకు అఫ్గానిస్తాన్‌ భారత్‌లో ఆతిథ్యం ఇచ్చిన సంగతి తెలిసిందే. 2017లో ఐర్లాండ్‌తో వైట్‌బాల్‌ సిరీస్‌ ఆడిన అఫ్గాన్‌ జట్టు.. 2017లో విండీస్‌తో ఆల్‌ ఫార్మాట్‌ సిరీస్‌ ఆడింది.టెస్టు, వన్డేలలో ఓటమిఇక ఇటీవల అఫ్గానిస్తాన్‌ భారత పర్యటనకు వచ్చిన సంగతి తెలిసిందే. ఇందులో భాగంగా ఆతిథ్య జట్టుతో జూన్‌లో ఒక టెస్టు, మూడు వన్డేలు ఆడింది. న్యూ చండీగఢ్‌లోని ముల్లన్‌పూర్‌ స్టేడియంలో జరిగిన టెస్టు మ్యాచ్‌లో భారత్‌.. అఫ్గాన్‌ను ఏకంగా ఇన్నింగ్స్‌ 300 పరుగుల తేడాతో మట్టికరిపించింది.ఇక మూడు వన్డేల సిరీస్‌లోనూ ఆతిథ్య భారత జట్టు.. అఫ్గాన్‌ను 3-0తో క్లీన్‌స్వీప్‌ చేసింది. తాజాగా మరోసారి అఫ్గాన్‌ టీమిండియాతో తలపడేందుకు సిద్ధమైంది. ఈసారి భారత్‌లో ఆతిథ్య దేశంగా అఫ్గాన్‌.. శ్రేయస్‌ అయ్యర్‌ సేనతో టీ20 సిరీస్‌ ఆడుతుంది.పరాభవాల తర్వాత గెలుపు బాట పట్టిన భారత టీ20 జట్టుఇదిలా ఉంటే.. టీ20 ప్రపంచకప్‌-2026లో భారత్‌ను చాంపియన్‌గా నిలిపిన సూర్యకుమార్‌ యాదవ్‌ను కెప్టెన్సీ బాధ్యతల నుంచి తొలగించిన బీసీసీఐ.. శ్రేయస్‌ అయ్యర్‌కు పగ్గాలు అప్పగించింది. అయితే, యూకే టూర్‌లో భాగంగా అతడికి ఆదిలోనే చేదు అనుభవం ఎదురైంది.పసికూన ఐర్లాండ్‌ చేతిలో టీ20 సిరీస్‌లో భారత్‌ 2-0తో వైట్‌వాష్‌ అయింది. ఆ తర్వాత ఇంగ్లండ్‌ చేతిలోనూ 4-0తో క్లీన్‌స్వీప్‌నకు గురై ఘోర పరాభవం ఎదుర్కొంది. అనంతరం జింబాబ్వే పర్యటనకు వెళ్లి.. ఆతిథ్య జట్టును 3-0తో వైట్‌వాష్‌ చేసి తిరిగి విజయాల బాట పట్టింది.శ్రీలంక పర్యటనలోఇక టీమిండియా ప్రస్తుతం శ్రీలంక పర్యటనలో ఉన్న సంగతి తెలిసిందే. ప్రపంచ టెస్టు చాంపియన్‌షిప్‌ 2025-27లో భాగంగా ఆతిథ్య జట్టుతో గిల్‌ సేన రెండు మ్యాచ్‌లు ఆడుతుంది. ఇరుజట్ల మధ్య ఆగష్టు 15న తొలి టెస్టు.. ఆగష్టు 23న రెండో టెస్టు మొదలుకానున్నాయి. ఇందుకు గాలె, కొలంబో వేదికలు. చదవండి: T20 WC 2028: పోర్చుగల్‌ కెప్టెన్‌గా SRH మాజీ ప్లేయర్‌

బెంగ‌ళూరులోని బీసీసీఐ సెంటర్ ఆఫ్ ఎక్స్‌లెన్స్ గురుంచి ప్రస్తుతం క్రికెట్ వ‌ర్గాల్లో తీవ్ర‌మైన చ‌ర్చ‌నడుస్తోంది. సీఓఈ క్లియ‌రెన్స్ ఇచ్చిన కొద్ది రోజుల‌కే ఆట‌గాళ్ల గాయాలు తిరగబెట్టడం పలు అనుమానుల‌కు తావ‌నిస్తోంది. పూర్తి ఫిట్‌నెస్ సాధించ‌కుండానే సీఓఈ క్లియ‌రెన్స్ స‌ర్టిఫికెట్స్ ఇస్తుందనున్న విమ‌ర్శ‌లు వ‌స్తున్నాయి. ప్ర‌స్తుతం భారత జట్టులోని జస్ప్రీత్ బుమ్రా, హర్షిత్ రాణా, నితీశ్ కుమార్ రెడ్డి వంటి అగ్ర‌శ్రేణి క్రికెట‌ర్లు సీఓఈలోనే చికిత్స తీసుకుంటున్నారు. ఈ నేప‌థ్యంలో బీసీసీఐ అధ్యక్షుడు మిథున్ మన్హాస్, కార్యదర్శి దేవజిత్ సైకియా, బోర్డు అధికారులు సీఓఈను సందర్శించారు. వీరంతా సీఓఈ హెడ్ వీవీయ‌స్ ల‌క్ష్మ‌ణ్‌తో భేటీ అయ్యారు. ఈ సంద‌ర్భంగా దేవజిత్ సైకియా కీల‌క విష‌యాల‌ను వెల్ల‌డించారు. ఒకప్పుడు ఏ ఉపయోగం లేకుండా పడివున్న 40 ఎకరాల బంజారు భూమిని సెంటర్ ఆఫ్ ఎక్స్‌లెన్స్‌గా తీర్చిదిద్దడంలో అప్పటి బీసీసీఐ సెక్రెటరీ జై షాది కీలక పాత్ర అని సైకియా తెలిపారు."బీసీసీఐ సెంటర్ ఆఫ్ ఎక్స్‌లెన్స్ ఈరోజు అందుబాటులో ఉందంటే అందుకు ప్రధాన కారణం జై షా. 'సెంటర్ ఆఫ్ ఎక్స్‌లెన్స్' ఏర్పాటు కోసం అతడు బీసీసీఐ అపెక్స్ కౌన్సిల్‌లోని అందరినీ ఒకే తాటిపైకి తీసుకొచ్చాడు.ఎన్నో ఏళ్లుగా తాత్కాలిక ఏర్పాట్లతో సాగిన నేషనల్ క్రికెట్ అకాడమీ స్థానంలో ప్రపంచస్థాయి మౌలిక వసతులు ఉండే ఓ అత్యాధునిక ట్రైనింగ్ సెంటర్‌ను తీసుకురావాలని అతడు బలంగా నిశ్చయించుకున్నాడు. అయితే ఈ ప్రాజెక్టును ప్రారంభించే క్రమంలో అనేక నిబంధనలను పాటించాల్సి వచ్చింది.చట్టపరమైన అడ్డంకులన్నింటినీ తొలగించేందుకు జై షా స్వయంగా పలుమార్లు ఇక్కడికి వచ్చారు. అంతేకాకుండా, 40 ఎకరాల బీడు భూమిని క్రమబద్ధీకరించే క్రమంలో కొన్ని సవాళ్లు ఎదురయ్యాయి. ఆ భూమి నిరుపయోగంగా పడి ఉండటంతో పాటు, చాలామంది దానిని ఆక్రమించేందుకు ప్రయత్నించారు.అందుకే 2022 ఫిబ్రవరి 14న పనులు ప్రారంభించడానికి ముందే దానిని చట్టబద్ధంగా సొంతం చేసుకున్నాం. అడ్డంకులన్నింటినీ దాటుకుని ఈ రోజు అత్యాధునిక సౌకర్యాలతో ఈ సెంటర్ రూపుదిద్దుకుంది" అని సైకియా విలేకరుల సమావేశంలో పేర్కొన్నారు. కాగా ఈ బీసీసీఐ సెంటర్ ఆఫ్ ఎక్సలెన్స్ కార్యకలాపాలు నవంబర్ 2024లో ప్రారంభ‌మ‌య్యాయి.

టీమిండియా వెట‌రన్ పేస‌ర్ భువ‌నేశ్వ‌ర్ కుమార్ త‌న అంత‌ర్జాతీయ క్రికెట్ రీఎంట్రీపై మ‌రోసారి కీల‌క వ్యాఖ్య‌లు చేశాడు. వ‌న్డే ప్ర‌పంచ‌క‌ప్-2027 కోసం సెల‌క్ట‌ర్ల నుంచి పిలుపు వ‌స్తే, తిరిగి జాతీయ జ‌ట్టు త‌ర‌పున ఆడేందుకు సిద్దంగా ఉన్నానని భువీ తెలిపాడు. కాగా 36 ఏళ్ల భువ‌నేశ్వ‌ర్ ప్ర‌స్తుతం అద్భుత‌మైన ఫామ్‌లో ఉన్నాడు. రాయ‌ల్ ఛాలెంజ‌ర్స్ బెంగ‌ళూరు వ‌రుస‌గా రెండు టైటిల్స్‌ను సొంతం చేసుకోవ‌డంలో ఈ యూపీ పేస‌ర్‌ది కీల‌క పాత్ర‌. ఈ ఏడాది సీజ‌న్‌లో 16 మ్యాచ్‌లు ఆడి 28 వికెట్ల‌తో భువీ స‌త్తాచాటాడు. దీంతో అత‌డిని తిరిగి జాతీయ జ‌ట్టులోకి తీసుకోవాల‌న్న డిమాండ్లు ఎక్కువ‌య్యాయి. రవిచంద్రన్ అశ్విన్, రవి శాస్త్రి, దినేష్ కార్తీక్ వంటి దిగ్గ‌జ క్రికెట‌ర్లు సైతం భువీని ఎంపిక చేయాల‌ని సెల‌క్ట‌ర్లకు సూచించారు. ఈ క్ర‌మంలోనే భువ‌నేశ్వ‌ర్ కుమార్ కూడా రీఎంట్రీ ఇచ్చేందుకు త‌ను రెడీగా ఉన్నాన‌ని చెప్పుకొచ్చాడు."జాతీయ జట్టు సెలెక్టర్ల నుంచి పిలుపు వస్తే నేను ఎందుకు కాదంటాను? భార‌త్ త‌ర‌పున ఆడేందుకు నేను ఎల్ల‌ప్పుడూ సిద్ద‌మే. కానీ నా చేతుల్లో లేని విష‌యం గురుంచి ఎక్కువ నేను ఆలోచించ‌ను. నన్ను తీసుకోవాలా లేదా అన్నది సెలక్టర్ల నిర్ణయంపై ఆధారపడి ఉటుంది. అయితే నా శ‌రీరం అలిసిపోయేంత‌వ‌ర‌కు క్రికెట్ ఆడుతూనే ఉంటాను. అందుకే యూపీ టీ20 లీగ్ ఆడేందుకు ఇక్క‌డికి వ‌చ్చాను. అంతేత‌ప్ప మెరుగ్గా రాణించి ఎవ‌రినో ఆక‌ట్టుకోవాల‌ని అయితే ఇక్కడికి రాలేదు. ఐపీఎల్‌లో కూడా అంతే. జ‌ట్టు కోసం రాణించి మ్యాచ్‌లు గెల‌వాల‌న్న‌దే నా ల‌క్ష్యం. ఎవరో ఏదో అన్నారని లేదా మరో చోట ఎంపికవ్వాలనే ఆశతో నేను ఆడ‌డం లేదు" అని హిందూస్తాన్‌ టైమ్స్‌కు ఇచ్చిన ఇంటర్వ్యూలో భువీ పేర్కొన్నాడు. కాగా భువనేశ్వర్ చివరిసారిగా 2022లో భారత్ తరపున ఆడాడు.చదవండి: ఆ పేరంటే ద్వేషం: భారత బాక్సర్‌ మాటలకు మోదీ రియాక్షన్‌ వైరల్‌

టీమిండియా సీనియ‌ర్ పేస‌ర్ మ‌హ్మ‌ద్ ష‌మీ భ‌విష్య‌త్తు ఏంట‌నేది బీసీసీఐ చీఫ్ సెలెక్ట‌ర్ అజిత్ అగార్క‌ర్ ముందే చెప్పేశాడు. రాబోయే 2027 వ‌న్డే ప్ర‌పంచ‌క‌ప్ కోసం తాము యువ ఆట‌గాళ్ల‌ను ఎక్కువ‌గా ప్రోత్స‌హించ‌నున్నామ‌ని, ష‌మీ లాంటి సీనియ‌ర్ ఆట‌గాళ్లు గ‌తంలో టీమిండియాకు విలువైన సేవ‌లు అందించిన‌ప్ప‌టికీ ఇప్పుడు అత‌డి సేవ‌లు జ‌ట్టుకు అవ‌స‌రం లేద‌ని భావిస్తున్న‌ట్లు అగార్క‌ర్ ప‌రోక్షంగా పేర్కొన్నాడు. దీంతో ష‌మీ తిరిగి జ‌ట్టులోకి వ‌చ్చే అవ‌కాశాలు దాదాపు మూసుకుపోయిన‌ట్లే అనే వార్త‌లు వ‌స్తున్నాయి. దీంతో అత‌డి రిటైర్మెంట్‌కు స‌మ‌యం ఆస‌న్న‌మైంద‌నే వార్త‌లు వినిపిస్త‌న్నాయి. అయితే బుమ్రా లాంటి టాప్ బౌల‌ర్ త‌ర‌చూ గాయాల బారిన ప‌డుతుండ‌డం ఇప్పుడు టీమిండియాను ఆందోళ‌న‌లోకి నెట్టేస్తుంది. ఇలాంటి గంద‌ర‌గోళ ప‌రిస్థితుల్లో మాజీ క్రికెట‌ర్ జ‌హీర్ ఖాన్.. ష‌మీ రీఎంట్రీపై ఆస‌క్తికర వ్యాఖ్య‌లు చేశాడు. తాను ఎంపిక కావ‌డం లేద‌న్న నిరాశ‌ను ప‌క్క‌న‌బెట్టి జ‌ట్టులోకి ఎంట్రీ ఇచ్చేందుకు శాయాశ‌క్తులా ప్ర‌య‌త్నిస్తూనే ఉండాల‌ని, ష‌మీకి తానిచ్చే స‌ల‌హా అదొక్క‌టేన‌ని జ‌హీర్ పేర్కొన్నాడు.‘‘ముందుకు ఎలా వెళ్లాలో నిర్ణ‌యించుకోవాల్సింది ష‌మీనే. మ్యాచ్‌లు ఆడుతూ బాగా రాణిస్తే జాతీయ జట్టుకు అందుబాటులో ఉన్నట్టే. ప్రస్తుతం జట్టు ఆలోచన మరోలా ఉండొచ్చు. కానీ ఆటగాడిగా మన ఆలోచన, మనం జట్టుకు ఎలా ఉపయోగపడగలమన్నది ముఖ్యం. షమీ ఇప్పుడు చేస్తున్నదే కొనసాగించాలి. మ్యాచ్‌లు ఆడటం, రాణించడమే చాలా ముఖ్యం’’ అని జహీర్‌ చెప్పాడు.ఇక జస్‌ప్రీత్‌ బుమ్రా వరుస సిరీస్‌లకు ఫిట్‌గా ఉండ‌క‌పోవ‌డం, సుందర్‌, సాయి సుదర్శన్‌, రోహిత్‌ శర్మ, హార్దిక్‌ పాండ్య వంటి ఆటగాళ్లు ఫిట్‌నెస్ కాపాడుకోవ‌డంలో ఇబ్బంది పడుతున్నారు. ఈ నేప‌థ్యంలో జ‌హీర్ టీమిండియా ఆట‌గాళ్లు వ‌రుస‌గా గాయాల బారిన ప‌డ‌డంపై స్పందించాడు."గాయాలు ఆటలో సహజం. అవి ప్రతి వ్యక్తి ప్రయాణంలో అంతర్భాగం. ఆటగాళ్ల పని భారం తగ్గించడం అవసరమే అయినా.. పరిస్థితులకు అనుగుణంగా ప్రణాళికలు రూపొందించాలి. ముఖ్యంగా పేసర్‌ గాయపడినప్పుడు లేదా కష్టమైన దశను ఎదుర్కొంటు న్నప్పుడు మన నియంత్రణలో ఉన్న అంశాలపై దృష్టి పెట్టాలి. గాయానికి అసలు కారణం ఏంటో తెలుసుకునే వరకు ముందుకు సాగ‌డం కష్టం" అని జ‌హీర్ ఖాన్ చెప్పుకొచ్చాడు.Read: బాడీ షేమింగ్‌పై ట్రోల్స్‌.. కట్‌చేస్తే టీమిండియాలోకి రీఎంట్రీ!

శ్రీలంక‌తో తొలి టెస్టుకు ముందు భార‌త కెప్టెన్ శుబ్‌మ‌న్ గిల్ ఫిట్‌నెస్‌పై జ‌ట్టు మేనేజ్‌మెంట్ కీల‌క అప్‌డేట్ ఇచ్చింది. తొలి టెస్టుకు ముందు లంక‌తో ఆడిన మూడు రోజుల వార్మ‌ప్ మ్యాచ్‌లో బ‌రిలోకి దిగిన గిల్ చేతి వేలికి చిన్న గాయ‌మైన సంగ‌తి తెలిసిందే. దీంతో తొలి ఇన్నింగ్స్‌లో బ్యాటింగ్‌కు దూరంగా ఉన్న గిల్‌.. రెండో ఇన్నింగ్స్‌లో బ్యాటింగ్‌కు వ‌చ్చి 44 ప‌రుగులు చేసి ఔట‌య్యాడు. అయితే బ్యాటింగ్ చేసే స‌మ‌యంలో గిల్ చేతి వేలి గాయంతో ఏమైనా బాధ‌ప‌డ్డాడా లేక బాగానే ఉన్నాడా అన్న‌దానిపై భార‌త బౌలింగ్ కోచ్ సాయిరాజ్ బ‌హుతులే స్పందించాడు. 'నెట్ ప్రాక్టీస్ సంద‌ర్భంగా స్లిప్‌లో ఫీల్డింగ్ చేస్తున్న గిల్ చేతి వేలికి చిన్న గాయ‌మైంది. అయితే అత‌డికి అయిన గాయం మైన‌ర్‌దే అయిన‌ప్ప‌టికీ ముందు జాగ్ర‌త్త చ‌ర్య‌గానే వార్మ‌ప్ మ్యాచ్‌లో తొలి రెండు రోజులు ఆట‌కు దూరంగానే ఉన్నాడు. అయితే రెండో ఇన్నింగ్స్‌లో బ్యాటింగ్‌కు దిగిన గిల్ ఎలాంటి ఇబ్బంది లేకుండా క‌నిపించాడు. దీంతో అత‌డి చేతివేలి గాయం పూర్తిగా త‌గ్గిపోయిన‌ట్లే. త‌న బ్యాటింగ్‌తో తొలి టెస్టుకు దూర‌మ‌వుతాడ‌న్న సందేహాలను కూడా గిల్ ప‌టాపంచ‌లు చేశాడు. ఇది చాలా సంతోషంగా అనిపించింది. ఎందుకంటే ఇప్ప‌టికే టీమిండియాకు ఎంపికైన 13 మంది ఆట‌గాళ్లు ప్ర‌స్తుతం గాయాల బారిన ప‌డి బీసీసీఐ సెంట‌ర్ ఆఫ్ ఎక్స‌లెన్స్ (సీవోఈ)లో పునరావాస కేంద్రంలో గ‌డుపుతున్నారు. ఇలాంటి స‌మ‌యంలో మ‌రే ఆట‌గాడు గాయ‌ప‌డ్డా టీమిండియాకు ఎదురుదెబ్బ అవుతుంద‌ని భ‌య‌ప‌డుతున్నాం. అందుకే గిల్‌కు చిన్న గాయ‌మే అయిన‌ప్ప‌టికీ, పూర్తిగా కోలుకోవాల‌నే వార్మ‌ప్ మ్యాచ్‌లో తొలి రెండు రోజులు ఆడించ‌లేదు. చేతి వేలి గాయం మానడంతో చివ‌రి రోజు బ్యాటింగ్‌కు దిగిన గిల్ మంచి ఈజ్‌తో బ్యాటింగ్ చేసి తొలి టెస్టుకు పూర్తి స్థాయిలో సిద్ధ‌మైన‌ట్లు ప‌రోక్షంగా సంకేతాలిచ్చాడు.' అని చెప్పుకొచ్చాడు. లంక‌తో జ‌రిగిన వార్మ‌ప్ మ్యాచ్‌లో రెండో ఇన్నింగ్స్‌లో బ్యాటింగ్‌కు వ‌చ్చిన గిల్ 55 బంతుల్లో 44 ప‌రుగులు చేశాడు. 21వ ఓవ‌ర్లో కేషారా నువంతా బౌలింగ్‌లో గిల్ వెనుదిరిగాడు. ఇక గిల్ గాయం మొద‌ట మేనేజ్‌మెంట్‌ను భ‌య‌పెట్టిన‌ప్ప‌టికీ, అత‌డు పూర్తి స్థాయిలో ఫిట్‌నెస్ సాధించ‌డంతో ఊపిరి పీల్చుకుంది. ఇక 2025 నుంచి గిల్ టెస్టుల్లో నాలుగో స్థానంలో వ‌స్తున్నాడు. అంత‌క‌ముందు 2020 నుంచి 2023 వ‌ర‌కు గిల్ టెస్టుల్లో ఓపెన‌ర్‌గా ఆడాడు. అయితే జైస్వాల్‌కు జ‌త‌గా కేఎల్ రాహుల్ ఓపెన‌ర్‌గా అద‌ర‌గొట్ట‌డంతో వీరి జోడినే శ్రీలంక టెస్టు సిరీస్‌లోనూ కంటిన్యూ చేయాల‌ని బీసీసీఐ భావిస్తోంది. ఈ లెక్క‌న గిల్ మ‌రోసారి నాలుగో స్థానంలోనే బ్యాటింగ్‌కు రానున్నాడు. ఇక టెస్టుల్లో గిల్‌కు నాలుగో స్థానంలో మంచి రికార్డు ఉంది. 14 ఇన్నింగ్స్‌ల్లో 88.75 స‌గ‌టుతో గిల్ ఆరు సెంచ‌రీలు సాధించ‌డం విశేషం. లంక‌తో జ‌రిగిన వార్మ‌ప్ మ్యాచ్‌లో ఘ‌న విజ‌యం సాధించిన టీమిండియా తొలి టెస్టును ఆగ‌స్టు 15 నుంచి గాలే వేదిక‌గా ఆడ‌నుంది.Read: ఐదేళ్ల వయసులోనే MMA చాంపియన్‌.. ఎవరీ బుడ్డోడు!

టీమిండియాలో చాలా మంది ఆట‌గాళ్లు గాయాల బారిన ప‌డుతూ బెంగ‌ళూరులోని సెంట‌ర్ ఆఫ్ ఎక్సలెన్స్ (సీవోఈ) కేంద్రంలో చికిత్స తీసుకుంటున్నారు. ఆట‌గాళ్ల రీఫ్రెష్‌మెంట్‌కు రీహాబిలిటేష‌న్ సెంట‌ర్‌లా ఉప‌యోగ‌ప‌డాల్సిన సీవోఈ కేంద్రం ఇప్పుడు ఆసుప‌త్రి వార్డులా మారిపోయింద‌నే విమ‌ర్శ‌లు వ్య‌క్త‌మ‌వుతున్నాయి. సీవోఈలో చికిత్స తీసుకుంటున్న ఆట‌గాళ్ల‌తో ఒక జ‌ట్టునే త‌యారు చేయొచ్చ‌ని సోష‌ల్ మీడియా వేదిక‌గా వ్యంగ్యాస్త్రాలు కూడా సంధిస్తున్నారు. ఈ నేప‌థ్యంలోనే బీసీసీఐ సెంట‌ర్ ఆఫ్ ఎక్స‌లెన్స్ (సీఈవో) హెడ్ వీవీఎస్ ల‌క్ష్మ‌ణ్ ఆస‌క్తిక‌ర వ్యాఖ్య‌లు చేశాడు. సీవోఈ కేంద్రంలోని ఆటగాళ్ల‌ పునరావాసం, ఎంత వేగంగా కోలుకుంటున్నార‌నే దానిపై సమీక్షించేందుకు బీసీసీఐ కార్యదర్శి దేవజిత్ సైకియా ఆదివారం లక్ష్మణ్‌ను కలిశారు. వీవీఎస్ ల‌క్ష్మ‌ణ్ మాట్లాడుతూ.. గాయపడిన క్రీడాకారుడు అనుకున్న సమయానికి వేగంగా కోలుకోవడానికి వారేమీ రోబోలు లేదా యంత్రాలు కాదని స్పష్టం చేశారు. ప్రతీ ఆటగాడి శరీరం స్పందించే తీరు వేరువేరుగా ఉంటుందని, తీవ్రమైన శారీరక శ్రమతో కూడిన ఆధునిక క్రికెట్లో గాయపడిన ప్లేయర్‌కు అవసరమైనంత కోలుకునే సమయం ఇవ్వడం అత్యంత కీలకమని ల‌క్ష్మ‌ణ్ తెలిపాడు. ప్రతి ఒక్కరి నుంచి ఒకే విధమైన రికవరీ సమయాన్ని ఆశించడం సరైన విధానం కాదని ఆయన అభిప్రాయపడ్డాడు.ప్రస్తుతం నేషనల్ క్రికెట్ అకాడమీ స్థానంలో కొత్తగా పునర్నిర్మించిన 'సెంటర్ ఆఫ్ ఎక్సలెన్స్ రీహాబిలిటేష‌న్ సెంట‌ర్‌లో స్టార్ బౌలర్ జ‌స్‌ప్రీత్ బుమ్రాతో పాటు ఆల్‌రౌండ‌ర్ హార్దిక్ పాండ్యా, హర్షిత్ రాణా, వాషింగ్టన్ సుందర్, వికెట్ కీపర్-బ్యాటర్ సాయి సుదర్శన్, నితీశ్ కుమార్‌రెడ్డి, అశోక్ శ‌ర్మ స‌హా మొత్తంగా 13 మంది ఆటగాళ్లు రీహాబిలిటేష‌న్‌లో గడుపుతున్నారు. అయితే వీరంతా వేగంగా కోలుకుంటున్నారని లక్ష్మణ్ వెల్ల‌డించాడు. భారత క్రికెటర్ల ఫిట్‌నెస్‌ను అత్యుత్తమ స్థాయికి తీసుకెళ్లడంలో, వారికి అవసరమైన హై-టెక్ రీహాబిలిటేషన్ సదుపాయాలు అందించడంలో సీవోఈ ఎంతో నిబద్ధతతో పనిచేస్తోందన్నాడు. టీమ్ మేనేజ్‌మెంట్‌, ఫిజియోలు, సీవోఈ వైద్య నిపుణుల మధ్య అత్యుత్తమ సమన్వయం ఉందన్న ఆయన.. ఆటగాళ్ల భవిష్యత్తు, శారీరక దృఢత్వాన్ని దృష్టిలో ఉంచుకుని నిపుణుల పర్యవేక్షణలోనే ప్రతి నిర్ణయం తీసుకుంటున్నట్లు వివరించారు.నితీశ్ రెడ్డి గాయంపై స్పందించిన ల‌క్ష్మ‌ణ్.. ఒక ఆల్‌రౌండ‌ర్‌గా ప‌నిభారాన్ని మ‌రింత మెరుగ్గా నిర్వ‌హించ‌డం కోస‌మే అత‌డిని పూర్తి స్థాయి ఫిట్‌నెస్ సాధించేవ‌ర‌కు శిక్ష‌ణ తీసుకుంటాడ‌ని తెలిపాడు. ఇక యో-యో అనేది ఆటగాడి అనెరోబిక్ సామర్థ్యాన్ని పరీక్షించే ఒక పరీక్ష అని పేర్కొన్నాడు. అయితే ఆటగాళ్లు ఒక సిరీస్‌లో భాగంగా ఉన్నప్పుడు యో-యో చేయడాని వీలు ఉండదు, అంతేకాదు దాని నుంచి కోలుకోవడానికి శరీరానికి చాలా కష్టంగా ఉంటుందన్నాడు.అందుకే బ్రాంకో టెస్ట్ ఒక కండిషనింగ్ సెషన్‌లా పనిచేస్తుంద‌ని, ఇది పరోక్షంగా ఆటగాడి ఫిట్‌నెస్ స్థాయిలను, అనెరోబిక్ ఫిట్‌నెస్ స్థాయిలను కూడా పరీక్షిస్తుంద‌ని తెలిపాడు. దీనిని వివిధ వయసుల వారిలో పరిగణనలోకి తీసుకుంటామ‌ని, సీజన్ పొడవునా దీనిని నిర్వహిస్తామని ల‌క్ష్మ‌ణ్ చెప్పుకొచ్చాడు.చదవండి: నామమాత్రపు మ్యాచ్‌.. లివింగ్‌స్టోన్‌, జూనియర్‌ ఏబీ విధ్వంసం

భారత పురుషల క్రికెట్ జట్టు గతంలో ఎన్నడూ లేనంత విధంగా గాయాల సమస్యను ఎదుర్కొంటుంది. బెంగళూరులోని బీసీసీఐ సెంటర్ ఆఫ్ ఎక్సలెన్స్ ప్రస్తుతం ఆటగాళ్లకు శిక్షణ ఇచ్చే కేంద్రంలా కాకుండా ‘ఆస్పత్రి వార్డు’ను తలపిస్తోంది. జట్టులో చాలా మంది కీలక ఆటగాళ్లు అక్కడే చికిత్స పొం‍దుతున్నారు.మైదానంలో మెరుపులు మెరిపించాల్సిన మన స్టార్ క్రికెటర్లు సీఓఈలో గాయాలతో పోరాడుతున్నారు. ప్రస్తుతం సీఓఈలో ఉన్న ఆటగాళ్లతో ఒక జట్టునే తాయారు చేయొచ్చు. పరిస్థితి చేయి దాటిపోతుండటంతో బీసీసీఐ కార్యదర్శి దేవజిత్ సైకియా, సెంటర్ ఆఫ్ ఎక్సలెన్స్ హెడ్ వీవీఎస్ లక్ష్మణ్‌తో అత్యవసర భేటీకి సిద్ధమయ్యారు.ఈ క్రమంలో సెంటర్ ఆఫ్ ఎక్సలెన్స్‌లో పునరావసం పొందుతున్న ఆటగాళ్లపై ఓ లుక్కేద్దాం. దైనిక్ జాగరణ్ రిపోర్ట్స్ ప్రకారం.. ప్రస్తుతం 13 మంది భారత క్రికెటర్లు సీఓఈలో ఉన్నారు. వారిలో జస్ప్రీత్ బుమ్రా, హార్దిక్ పాండ్యా టాప్ క్రికెటర్లు ఉన్నారు.జస్ప్రీత్ బుమ్రాపేస్ గుర్రం జస్ప్రీత్ బుమ్రా ప్రస్తుతం ఎడమ మోకాలి సమస్యతో బాధపడుతున్నాడు. మోకాలి కీలులో చేరిన వాటర్‌ను తొలగించి జాయింట్ ఇంజెక్షన్లు ఇచ్చి చికిత్స అందిస్తున్నారు. శ్రీలంకతో టెస్టు సిరీస్ సమయానికి అతడు పూర్తి ఫిట్‌నెస్ సాధిస్తాడని సెలక్టర్లు భావించారు. కానీ రన్నింగ్, డ్రిల్స్ చేసే సమయంలో మోకాలిలో అతడికి ఇంకా నొప్పి ఉంది. పూర్తి స్థాయి బౌలింగ్ వర్క్‌లోడ్‌ను తట్టుకునే స్థితిలో అతడు లేడు. దీంతో జస్ప్రీత్ లంక టూర్‌కు దూరమయ్యాడు.హార్దిక్ పాండ్యా ఇక స్టార్ ఆల్‌రౌండర్ హార్దిక్ పాండ్యాకు గాయాలు కొత్తేమి కాదు. ఈ బరోడా క్రికెటర్ జట్టులో కంటే ఎక్కువగా సెంటర్ ఆఫ్ ఎక్సలెన్స్‌లోనే ఎక్కువగా గడుపుతుంటాడు. ఐపీఎల్ తర్వాత ఇప్పటివరకు అతడు ఇంకా జాతీయ జట్టులోకి తిరిగి రాలేదు. ఈ ఏడాది ఐపీఎల్ సీజన్ ముగిసిన వెంటనే అతడు తొడ కండరాల గాయం కారణంగా సీఓఈలో చేరాడు. అయితే అతడు వేగంగా కోలుకోవడంతో అఫ్గాన్‌తో వన్డే సిరీస్‌కు సెలక్టర్లు ఎంపిక చేశారు. కానీ సిరీస్ ఆరంభానికి ముందు మళ్లీ అతడి గాయం తిరగబెట్టింది. దీంతో అతడు అఫ్గాన్‌తో పాటు ఇంగ్లండ్‌తో వన్డేలకు దూరమయ్యాడు. అయితే తాజాగా మళ్లీ అతడు కుడి కాలి పిక్క గాయానికి గురైనట్లు తెలుస్తోంది. ఈ క్రమంలో ముందస్తు జాగ్రత్తగా రన్నింగ్, బౌలింగ్ ఆపేయాలని డాక్టర్లు సూచించారు.వాషింగ్టన్ సుందర్‌తమిళనాడు ఆల్‌రౌండర్ వాషింగ్టన్ సుందర్ భారత జట్టులో ప్రస్తుతం కీలక సభ్యునిగా ఉన్నాడు. ఇంగ్లండ్‌తో జరిగిన వన్డే సిరీస్‌లో అతడి కుడి కాలి తొడ కండరానికి గాయమైంది. దీంతో స్వదేశంలో అఫ్గాన్‌తో జరిగిన టెస్టు, వన్డే సిరీస్‌లకు వాషీ దూరమయ్యాడు.అయితే శ్రీలంకతో టెస్టు సిరీస్ సమయానికి అతడు కోలుకుంటాడని ప్రధాన జట్టులో చోటు కల్పించారు. కానీ అతడు కోలుకోవడానికి మరింత సమయం పట్టనుంది. దీంతో శ్రీలంక టూర్‌కు కూడా సుందర్ దూరమయ్యే సూచనలు కనిపిస్తున్నాయి.సాయిసుదర్శన్ యువ బ్యాటర్ సాయిసుదర్శన్ కూడా సీఓఈలో ఉన్నాడు. కుడి కాలి బొటనవేలి నొప్పి తగ్గకపోవడంతో అతడిని శ్రీలంకతో టెస్టు సిరీస్ నుంచి తప్పించారు.శుబ్‌మన్ గిల్‌భారత కెప్టెన్ శుభ్‌మన్ గిల్ కూడా తాజాగా ఈ జాబితాలోకి చేరాడు. శ్రీలంకతో టెస్టులకు ముందు ప్రాక్టీస్ లో గిల్ కుడిచేతి వేలికి దెబ్బ తగిలింది. దీంతో ముందుస్తు జాగ్రత్త చర్య భాగంగా వార్మాప్ మ్యాచ్‌లో గిల్ బరిలోకి దిగలేదు. రాహుల్ భారత కెప్టెన్‌గా వ్యవహరిస్తున్నాడు.వీరితో పాటు నితీష్ కుమార్ రెడ్డి (ఎడమ తొడ కండరాల గాయం), హర్షిత్ రాణా (కుడి తొడ కండరాల గాయం), ఆకాశ్ దీప్‌(వెన్ను గాయం), వరుణ్ చక్రవర్తి(ఎడమ తొడ కండరాల గాయం), రియాన్ పరాగ్ ( భుజం గాయం), సుయాష్ శర్మ(మోకాలి గాయం), యుధ్‌వీర్ సింగ్(కుడి భుజం గాయం), అశోక్ శర్మ( వెన్ను గాయం)లు కూడా తమ తమ గాయాల నుంచి కోలుకుంటున్నారు.

భారత క్రికెట్‌ నియంత్రణ మండలి (బీసీసీఐ) కార్యదర్శి దేవజిత్‌ సైకియా.. హెడ్‌ ఆఫ్‌ క్రికెట్‌ వీవీఎస్‌ లక్ష్మణ్‌తో ఆదివారం భేటీ కానున్నట్లు తెలుస్తోంది. ఇందుకోసం హుటాహుటిన ఆయన బెంగళూరుకు బయల్దేరినట్లు సమాచారం. కాగా గత కొంతకాలంగా టీమిండియా గాయాల బెడదతో ఇబ్బంది పడుతున్న సంగతి తెలిసిందే.స్టార్‌ ఆటగాళ్లంతా బెంగళూరులోని బీసీసీఐ సెంటర్‌ ఆఫ్‌ ఎక్సలెన్స్‌లో పునరావాసం పొందుతున్నారు. ఆల్‌రౌండర్లు హార్దిక్‌ పాండ్యా, నితీశ్‌ కుమార్‌ రెడ్డి, వాషింగ్టన్‌ సుందర్‌.. అదే విధంగా బౌలర్లు వరుణ్‌ చక్రవర్తి, ప్రిన్స్‌ యాదవ్‌, హర్షిత్‌ రాణా, జస్‌ప్రీత్‌ బుమ్రా, ఆకాశ్‌ దీప్‌.. బ్యాటర్‌ సాయి సుదర్శన్‌ కూడా గాయాల నుంచి కోలుకోలేదు.ఇక తొడకండరాల నొప్పితో బాధపడుతున్న హార్దిక్‌ పాండ్యా పరిస్థితిలో ఏమాత్రం పురోగతి లేదని తెలుస్తోంది. ఈ పరిణామాల నేపథ్యంలో దేవజిత్‌ సైకియా బెంగళూరుకు వెళ్లి లక్ష్మణ్‌తో కలిసి పరిస్థితిని సమీక్షించేందుకు సిద్ధమైనట్లు బీసీసీఐ వర్గాలు తాజాగా పీటీఐకి వెల్లడించాయి.‘‘అవును.. బీసీసీఐ కార్యదర్శి దేవజిత్‌ సైకియా బెంగళూరులో వీవీఎస్‌ లక్ష్మణ్‌తో భేటీ అవుతారు. ఇరువురి మధ్య చర్చ జరుగుతుంది. టీమిండియా హెడ్‌కోచ్‌ గౌతం గంభీర్‌, చీఫ్‌ సెలక్టర్‌ అజిత్‌ అగార్కర్‌ ఆన్‌లైన్‌లో ఈ భేటీలో పాల్గొంటారనే సమాచారం ఉన్నా.. స్పష్టత మాత్రం లేదు.ఆటగాళ్ల ఫిట్‌నెస్‌ సమస్యల గురించి సైకియా- లక్ష్మణ్‌ చర్చిస్తారు. ఇద్దరూ కలిసి మీడియా ఎదుటకు వచ్చి అన్ని ప్రశ్నలకు బదులిస్తారు’’ అని బీసీసీఐ వర్గాలు పీటీఐతో పేర్కొన్నాయి. కాగా సెంటర్‌ ఆఫ్‌ ఎక్సలెన్స్‌ (CoE), టీమిండియా సెలక్టర్ల మధ్య విభేదాలు తలెత్తాయనే ప్రచారం జరుగుతున్న సంగతి తెలిసిందే.ఆటగాళ్ల గాయాలు, ఫిట్‌నెస్‌ గురించి పూర్తి సమాచారం ఇవ్వకుండానే.. వారిని రిలీజ్‌ చేయడం సరికాదని సెలక్టర్లు హితవు పలికినట్లు సమాచారం. ఇటీవల హర్షిత్‌ రాణా.. తాజాగా బుమ్రా, సాయి సుదర్శన్‌ల ఫిట్‌నెస్‌ గురించి స్పష్టమైన సమాచారం ఇవ్వకలేదని తెలుస్తోంది.దీంతో వారిని తొలుత పలు సిరీస్‌లకు ఎంపిక చేసి.. ఆ తర్వాత వారి స్థానాలను వేరే వారితో భర్తీ చేయడంలో ఇబ్బందులు తలెత్తిన విషయాన్ని CoE దృష్టికి తీసుకువెళ్లినట్లు తెలుస్తోంది. బుమ్రా, సుదర్శన్‌ రిలీజ్‌ చేయడం వల్ల జట్టు ఎంపిక సమయంలో క్లారిటీ లేకుండా పోయిందని అసంతృప్తి వ్యక్తం చేసినట్లు సమాచారం.

టీమిండియా కెప్టెన్‌ శుబ్‌మన్‌ గిల్‌ గాయంపై భారత క్రికెట్‌ నియంత్రణ మండలి (బీసీసీఐ) కీలక అప్‌డేట్‌ అందించింది. ప్రస్తుతం అతడు బీసీసీఐ వైద్య బృందం పర్యవేక్షణలో ఉన్నట్లు తెలిపింది. కాగా గిల్‌ ఇటీవల తరచూ ఫిట్‌నెస్‌ సమస్యలు ఎదుర్కొంటున్న సంగతి తెలిసిందే.ఇంగ్లండ్‌తో వన్డే సిరీస్‌ సందర్భంగా కండరాల నొప్పితో గిల్‌ ఇబ్బంది పడ్డాడు. ఆ తర్వాత కొన్నాళ్లపాటు విశ్రాంతి తీసుకున్న గిల్‌.. శ్రీలంకతో టెస్టు సిరీస్‌కు సిద్ధమయ్యాడు. అతడి సారథ్యంలో టీమిండియా లంకతో రెండు మ్యాచ్‌లు ఆడనుంది.ఫైనల్‌ రేసులో ఉండాలంటే గాలె, కొలంబో వేదికలుగా భారత్‌- శ్రీలంక మధ్య ఆగష్టు 15 నుంచి తొలి టెస్టు.. ఆగష్టు 23 నుంచి రెండో టెస్టు మొదలు కానుంది. ప్రపంచ టెస్టు చాంపియన్‌షిప్‌ 2025-27 సైకిల్‌ ఫైనల్‌ రేసులో ఉండాలంటే భారత్‌ ఈ సిరీస్‌లో ఆతిథ్య శ్రీలంకను 2-0తో వైట్‌వాష్‌ చేయాల్సిందే.గిల్‌కు గాయంకాగా టీమిండియా శ్రీలంక గడ్డ మీద చివరగా 2017లో టెస్టు సిరీస్‌ ఆడింది. ఈ నేపథ్యంలో స్థానిక పిచ్‌ పరిస్థితులకు అలవాటు పడే క్రమంలో టీమిండియా శ్రీలంక ఎలెవన్‌తో శుక్రవారం నుంచి మూడు రోజుల పాటు ప్రాక్టీస్‌ మ్యాచ్‌ ఆడుతోంది. అయితే, గురువారం నెట్స్‌లో ఫాస్ట్‌ బౌలర్లను ఎదుర్కొనే క్రమంలో గిల్‌ కుడిచేతి వేలికి గాయమైంది.ఈ క్రమంలో టీమ్‌ డాక్టర్‌ వచ్చి పరిశీలించి బాండ్‌ఎయిడ్‌ వేయగా.. గిల్‌ తిరిగి బ్యాటింగ్‌ చేశాడు. అయితే, శ్రీలంక ఎలెవన్‌తో టాస్‌ సందర్భంగా గిల్‌ మైదానంలోకి రాలేదు. అతడికి బదులు వైస్‌ కెప్టెన్‌ కేఎల్‌ రాహుల్‌ టాస్‌కు వచ్చాడు.బీసీసీఐ అధికారిక ప్రకటనఈ నేపథ్యంలో బీసీసీఐ గిల్‌ గాయం నుంచి అధికారిక ప్రకటన విడుదల చేసింది. ‘‘కెప్టెన్‌ శుబ్‌మన్‌ గిల్‌ గాయపడ్డాడు. గురువారం ప్రాక్టీస్‌ చేస్తున్న సమయంలో అతడి కుడిచేతి ఉంగరం వేలుకు గాయమైంది.ముందు జాగ్రత్త చర్యల్లో భాగంగా శ్రీలంక ఎలెవన్‌తో వామప్‌ మ్యాచ్‌లో తొలిరోజు గిల్‌ మైదానంలోకి రాడు. బీసీసీఐ వైద్యబృందం అతడి పరిస్థితిని పర్యవేక్షిస్తోంది. గిల్‌ గైర్హాజరీలో ఈ మ్యాచ్‌లో కేఎల్‌ జట్టును ముందుకు నడిపిస్తాడు’’ అని బీసీసీఐ తన ప్రకటనలో పేర్కొంది.శ్రీలంకతో టెస్టు సిరీస్‌కు భారత జట్టుశుబ్‌మన్ గిల్ (కెప్టెన్‌), యశస్వి జైస్వాల్, దేవదత్ పడిక్కల్, కేఎల్ రాహుల్ (వైస్‌ కెప్టెన్‌), రిషబ్ పంత్ (వికెట్‌ కీపర్‌), రవీంద్ర జడేజా, ధ్రువ్ జురెల్ (వికెట్‌ కీపర్‌), మహ్మద్‌ సిరాజ్, ప్రసిద్‌ కృష్ణ, కుల్దీప్ యాదవ్, సారాంశ్ జైన్, ఆకిబ్‌ నబీ, మానవ్ సుతార్, గుర్నూర్ బ్రార్‌.చదవండి: వాళ్లిద్దరికి కంగ్రాట్స్‌.. ప్రతీ ప్రశ్నకు సమాధానమిస్తాం: గంభీర్‌

అజింక్య రహానే అంతర్జాతీయ క్రికెట్‌కు రిటైర్మెంట్‌ ప్రకటించడంతో బీసీసీఐ మాజీ క్రికెటర్లకు అందించే పెన్షన్‌ పథకం మరోసారి చర్చలోకి వచ్చింది. 2004లో ప్రారంభమైన ఈ పథకంలో సుమారు 900 మంది మాజీ క్రికెటర్లు, అంపైర్లు, ఇతర అధికారులు ప్రయోజనం పొందుతున్నట్లు సమాచారం.మొదటల్లో కనీసం ఒక టెస్టు మ్యాచ్‌ ఆడిన మాజీ క్రికెటర్లకు నెలకు రూ.5,000 పెన్షన్‌ అందించేవారు. 2022లో బీసీసీఐ పెన్షన్‌ మొత్తాలను భారీగా పెంచింది. దీంతో సుమారు 900 మంది మాజీ క్రికెటర్లు, అంపైర్లు, అధికారులు లబ్ది పొందారు.ప్రస్తుతం క్రికెటర్ల నెల పెన్షన్‌ ఎంత..?25 లేదా అంతకంటే ఎక్కువ టెస్టులు ఆడిన పురుష క్రికెటర్లు- రూ.70,000ఇతర మాజీ పురుష టెస్టు క్రికెటర్లు- రూ.60,000మాజీ మహిళా అంతర్జాతీయ క్రికెటర్లు- రూ.52,5002003కు ముందు రిటైరైన ఫస్ట్‌క్లాస్‌ క్రికెటర్లు- రూ.45,000ఇతర మాజీ ఫస్ట్‌క్లాస్‌ క్రికెటర్లు- రూ.30,000జీవితాంతం వస్తుందా..?అందుబాటులో ఉన్న నివేదికల ప్రకారం, పెన్షన్‌ సాధారణంగా శాశ్వతంగా రద్దు కాదు. అయితే మాజీ క్రికెటర్‌ లేదా అధికారి బీసీసీఐ లేదా రాష్ట్ర క్రికెట్‌ సంఘంలో జీతభత్యాలు తీసుకునే పదవిలో చేరితే, ఉదాహరణకు కోచ్‌, సెలెక్టర్‌, అడ్మినిస్ట్రేటర్‌ వంటి బాధ్యతలు చేపడితే, పెన్షన్‌ చెల్లింపులో తాత్కాలిక విరామం ఉండవచ్చు.పెన్షన్‌ పొందుతున్న ప్రముఖ క్రికెటర్లు..?పెన్షన్‌ పొందుతున్న మాజీ క్రికెటర్ల జాబితాను బీసీసీఐ అధికారికంగా వెల్లడించలేదు. అయితే అందుబాటులో ఉన్న వివరాల ప్రకారం, పెన్షన్‌ అర్హత ఉన్న ప్రముఖ మాజీ క్రికెటర్లలో ప్రస్తుతం సచిన్‌ టెండూల్కర్‌, సౌరవ్‌ గంగూలీ, సునీల్‌ గవాస్కర్‌, కపిల్‌ దేవ్‌ వంటి వారు ఉంటారు.అజింక్య రహానేకు ఎంత..?రహానే భారత్‌ తరఫున 85 టెస్టులు ఆడాడు. కాబట్టి అంతర్జాతీయ క్రికెట్‌ నుంచి రిటైర్‌ అయిన తర్వాత అత్యధిక రూ.70,000 నెలవారీ పెన్షన్‌ బ్రాకెట్‌కు అర్హత పొందుతాడు.

భారత దిగ్గజ బ్యాటర్‌ వీరేందర్‌ సెహ్వాగ్‌ ఆసక్తికర వ్యాఖ్యలు చేశాడు. టీమిండియా హెడ్‌కోచ్‌గా తనకు గతంలో అవకాశం వచ్చిందని.. అయితే, తనకు స్వేచ్ఛనిస్తేనే ఈ పనిచేస్తానని యాజమాన్యంతో కరాఖండిగా చెప్పినట్లు తెలిపాడు.కాగా 2017లో టీమిండియా హెడ్‌కోచ్‌గా ఉన్న అనిల్‌ కుంబ్లే, కెప్టెన్‌గా ఉన్న విరాట్‌ కోహ్లి మధ్య విభేదాలు వచ్చినట్లు ఊహాగానాలు వినిపించిన సంగతి తెలిసిందే. ఆ సమయంలోనే కోచ్‌గా తనకు ఆఫర్‌ వచ్చిందని సెహ్వాగ్‌ తాజాగా గుర్తుచేసుకున్నాడు. క్రికెట్‌నెక్ట్స్‌తో మాట్లాడుతూ..వాళ్లిద్దరికి పడట్లేదు‘‘ఆరోజు బీసీసీఐ కార్యదర్శి అమితాబ్‌ చౌదరి, కెప్టెన్‌ విరాట్‌ కోహ్లి గనుక నన్ను సంప్రదించకపోయి ఉంటే.. నేను అస్సలు కోచ్‌ పదవి కోసం దరఖాస్తు చేసేవాడినే కాదు. అమితాబ్‌ నాతో అధికారికంగా సమావేశం నిర్వహించాడు. అనిల్‌ కుంబ్లే, విరాట్‌ కోహ్లికి పడటం లేదని.. ఇద్దరి మధ్య అభిప్రాయ భేదాలు తలెత్తాయని చెప్పాడు.నువ్వు టీమిండియా కోచ్‌గా రావాలిఅందుకే నేను కోచ్‌గా రావాలని వారు కోరుకుంటున్నట్లు తెలిపాడు. చాంపియన్స్‌ ట్రోఫీ 2017 తర్వాత అనిల్‌ కాంట్రాక్టు ముగిసిపోతుందని.. ఆ వెంటనే వెస్టిండీస్‌ పర్యటన నుంచి నేను బాధ్యతలు చేపట్టాలని సూచించాడు. అయితే, నేను అప్పుడు యస్‌ అని గానీ.. నో అని గానీ చెప్పలేదు. నాకు ఆ ఛాన్స్‌ ఇవ్వలేదుఒకవేళ నేను కోచ్‌గా వస్తే మాత్రం నేను కోరుకున్న సహాయక సిబ్బందినే నియమించాలని చెప్పేవాడిని. అసిస్టెంట్‌ కోచ్‌, బ్యాటింగ్‌ కోచ్‌, బౌలింగ్‌ కోచ్‌, ఫీల్డింగ్‌ కోచ్‌, ఫిజియో, ట్రైనర్‌.. ఇలా ప్రతి ఒక్కరి విషయంలో నా ఛాయిస్‌కు ప్రాధాన్యం ఇవ్వాలని కోరేవాడిని. కానీ నాకు ఆ ఛాన్స్‌ ఇవ్వలేదు. అందుకే నేను వెళ్లలేదు’’ అని సెహ్వాగ్‌ చెప్పుకొచ్చాడు.కాగా 2017 జూన్‌లో కుంబ్లే హెడ్‌కోచ్‌ పదవి నుంచి వైదొలిగిన సంగతి తెలిసిందే. అతడి స్థానంలో సంజయ్‌ బంగర్‌ నాడు తాత్కాలిక కోచ్‌గా వచ్చాడు. ఇక ఆ తర్వాత జూలై 2017 నుంచి 2021 వరకు రవిశాస్త్రి హెడ్‌కోచ్‌గా పనిచేశాడు.ఇక రవిశాస్త్రి- కోహ్లి నేతృత్వంలో టెస్టు ఫార్మాట్లో టీమిండియా మంచి విజయాలు అందుకుంది. ఇదిలా ఉంటే.. భారత విధ్వంసకర ఓపెనర్‌గా పేరొందిన సెహ్వాగ్‌.. టెస్టుల్లో 8586, వన్డేల్లో 8273, టీ20లలో 394 పరుగులు సాధించాడు.చదవండి: గంభీర్‌పై ఫిర్యాదు చేసిన సీనియర్‌ ప్లేయర్లు!

టీమిండియా హెడ్‌కోచ్‌ గౌతం గంభీర్‌ వైఖరి పట్ల సీనియర్‌ ఆటగాళ్లు అసంతృప్తితో ఉన్నట్లు సమాచారం. ఈ నేపథ్యంలో భారత క్రికెట్‌ నియంత్రణ మండలి (బీసీసీఐ) పెద్దలకు వారు ఫిర్యాదు చేసినట్లు తెలుస్తోంది. టీ20 ప్రపంచకప్‌-2024లో టీమిండియా విజేతగా నిలిచిన తర్వాత హెడ్‌కోచ్‌గా రాహుల్‌ ద్రవిడ్‌ వైదొలిగిన సంగతి తెలిసిందే.ఘోర పరాభవాలుఈ క్రమంలో బీసీసీఐ ఏరికోరి గంభీర్‌తో ద్రవిడ్‌ స్థానాన్ని భర్తీ చేసింది. అయితే, అతడి మార్గదర్శనంలో విజయాల మాట పక్కనపెడితే.. టీమిండియా ఇప్పటికే ఎన్నో ఘోర పరాభవాలు చవిచూసింది. ముఖ్యంగా టెస్టుల్లో సొంతగడ్డ మీదే న్యూజిలాండ్‌, సౌతాఫ్రికా జట్ల చేతిలో వైట్‌వాష్‌ అయింది.ఇటీవల టీ20 సిరీస్‌లో పసికూన ఐర్లాండ్‌, ఇంగ్లండ్‌ చేతిలో క్లీన్‌స్వీప్‌ అయింది. అయితే, భారత జట్టు ఇలా అవమానకర రీతిలో పరాజయాల పాలైనప్పుడు గంభీర్‌.. ఆ తప్పును ఆటగాళ్లు లేదంటే సహాయక సిబ్బందిపై నెట్టేస్తున్నాడనే భావన జట్టు అంతర్గత సభ్యుల్లో నిండిపోయినట్లు సమాచారం.తప్పంతా మాపైనే నెట్టేస్తారా?ఏ ఒక్క ఓటమికి కూడా గంభీర్‌ జవాబుదారీగా ఉండకుండా తప్పంతా తమపైనే నెట్టేయడాన్ని కొంతమంది సీనియర్‌ ఆటగాళ్లు కూడా జీర్ణించుకోలేకపోతున్నట్లు తెలుస్తోంది. ఈ విషయం గురించి బీసీసీఐ అపెక్స్‌ సభ్యులకు వీరు అనధికారికంగా ఫిర్యాదు చేసినట్లు క్రిక్‌బ్లాగర్‌ పేర్కొంది.ఈ నేపథ్యంలో బీసీసీఐ పెద్దల్లో కొంతమంది గంభీర్‌ తీరుపై అసంతృప్తి వ్యక్తం చేయగా.. మరికొందరు మాత్రం ఇప్పటికీ అతడికి మద్దతుగా నిలిచినట్లు సమాచారం. టీమిండియా నాయకత్వ బృందం నిర్ణయాల్లో తలదూర్చడం సరైన పద్ధతి కాదనే యోచనలో వాళ్లు ఉన్నట్లు తెలుస్తోంది.అసంతృప్తి, సందేహాలుఈ విషయం గురించి బీసీసీఐ వర్గాలు క్రిక్‌బ్లాగర్‌తో మాట్లాడుతూ.. ‘‘గంభీర్‌ కోచింగ్‌ శైలి, అతడి తీరు పట్ల కొంతమంది సీనియర్‌ క్రికెటర్లు బీసీసీఐ అపెక్స్‌ మండలి వద్ద అసంతృప్తి, సందేహాలు వ్యక్తం చేశారు. అయితే, అనధికారికంగానే వారు ఈ ఫిర్యాదు చేశారు. కాబట్టి శ్రీలంక పర్యటన నేపథ్యంలో గంభీర్‌పై పెద్దలు దృష్టి సారించారు’’ అని పేర్కొన్నాయి.లంక టూర్‌లో రాణిస్తేనే..కాగా ఆగష్టు 15-28 మధ్య టీమిండియా శ్రీలంక పర్యటనకు వెళ్లనుంది. ఇందులో భాగంగా రెండు టెస్టు మ్యాచ్‌లు ఆడనుండగా.. ఇందుకు గాలె, కొలంబో వేదికలు. ప్రపంచ టెస్టు చాంపియన్‌షిప్‌ 2025-27 సైకిల్‌లో టీమిండియా ఫైనల్‌ రేసులో ఉండాలంటే శ్రీలంకను 2-0తో వైట్‌వాష్‌ చేయాల్సిందే. ఒకవేళ ఇక్కడ ప్రతికూల ఫలితం వస్తే గనుక గంభీర్‌ భవితవ్యం (టెస్టు కోచ్‌గా) ప్రశ్నార్థకంగా మారనుంది. గంభీర్‌ కోచ్‌గా వచ్చిన తర్వాతే తొలిసారి భారత్‌ కనీసం డబ్ల్యూటీసీ 2023-25 ఫైనల్‌ కూడా చేరకుండా నిష్క్రమించింది.చదవండి: టీమిండియాను కాపాడిన వరుణుడు.. లేదంటే?

భార‌త ఆట‌గాడు అజింక్య ర‌హానే ఇటీవ‌లే అంత‌ర్జాతీయ క్రికెట్‌కు రిటైర్మెంట్ ప్ర‌క‌టించిన సంగతి తెలిసిందే. అయితే రిటైర్మెంట్ పొందిన ఆట‌గాళ్లకు బీసీసీఐ పెన్ష‌న్ అందిస్తుంది. ర‌హానే సీనియ‌ర్ టెస్టు క్రికెట‌ర్ కావ‌డంతో, అత‌డు నెల‌కు పెన్ష‌న్ కింద రూ. 70వేలు అందుకోనున్నాడు. ఈ సంగ‌తి ప‌క్క‌న‌బెడితే క్రికెట్ చ‌రిత్ర‌లో బీసీసీఐ (భార‌త్‌), ఈసీబీ (ఇంగ్లండ్‌), క్రికెట్‌ ఆస్ట్రేలియా క్రికెట్‌ సంప‌న్న బోర్డులుగా గుర్తింపు పొందాయి. కానీ ఈ మూడు బోర్డుల్లో బీసీసీఐ మాత్ర‌మే రిటైర్మెంట్ ప్ర‌క‌టించిన ఆట‌గాళ్ల‌కు గౌర‌వ వేతనం కింద పెన్ష‌న్ అందిస్తుండ‌డం విశేషం.అటు ఆస్ట్రేలియా కానీ.. ఇటు ఇంగ్లండ్ కానీ త‌మ మాజీ ఆట‌గాళ్ల‌కు ఎలాంటి పెన్ష‌న్ సౌక‌ర్యం క‌ల్పించ‌డం లేదు. దీంతో క్రికెట్ చ‌రిత్ర‌లోనే మాజీ ఆట‌గాళ్ల‌కు పెన్ష‌న్ క‌ల్పిస్తున్న ఏకైక బోర్డుగా బీసీసీఐ చ‌రిత్ర సృష్టించింది. బీసీసీఐ అందిస్తున్న పెన్ష‌న్ విధానాన్ని ఒక‌సారి ప‌రిశీలించి చూద్దాం.బీసీసీఐ కల్పిస్తున్న పెన్షన్‌ వివరాలు👉మాజీ క్రికెట‌ర్లు: నెల‌కు రూ. 58,750👉టెస్టు క్రికెట‌ర్లు: నెల‌కు రూ. 60 వేలు👉సీనియ‌ర్ టెస్టు క్రికెట‌ర్లు: నెల‌కు రూ. 70 వేలు👉ఫ‌స్ట్ క్లాస్ క్రికెట‌ర్లు: నెల‌కు రూ. 30 వేల నుంచి 45వేలు👉అంత‌ర్జాతీయ‌ మ‌హిళా క్రికెట‌ర్లు: నెల‌కు రూ. 52,500👉దేశ‌వాళీ మ‌హిళా క్రికెట‌ర్లు: నెల‌కు రూ. 45వేలుఇక దేశ‌వాళీ క్రికెట్‌లో రాష్ట్రాల వారీగా చూసుకుంటే గుజ‌రాత్ క్రికెట్ అసోసియేష‌న్ త‌మ రాష్ట్రం త‌ర‌ఫున రంజీ ట్రోఫీ ఆడిన 150 మంది మాజీ క్రికెట‌ర్ల‌కు పెన్ష‌న్‌తో పాటు అన్ని సంక్షేమ ప‌థ‌కాలు అందిస్తూ ఆద‌ర్శంగా నిలిచింది. మిగతా రాష్ట్రాల బోర్డులు కూడా త‌మ మాజీ క్రికెట‌ర్ల‌కు త‌మ‌కు తోచినంత‌ పెన్ష‌న్ సౌక‌ర్యాన్ని క‌ల్పిస్తున్నాయి. 🔴 NO AUSTRALIA, NO ENGLAND- ONLY BCCI PAYS CRICKETERS AFTER RETIREMENT 🤯- Cricket Australia: No pension system- England Cricket: No pension systemBCCI: Pays an avg pension of ₹58,750/month to former cricketers.Current BCCI pension structure:- Test cricketers:… pic.twitter.com/HM0Y3aBMqr— Sam (@cricsam02) August 3, 2026Read: ప్రేమకు ఎండ్‌కార్డ్‌.. గర్ల్‌ఫ్రెండ్‌తో రొనాల్డో పెళ్లి ఎప్పుడంటే?

ఇటీవలి కాలంలో టీమిండియాకు గాయాల బెడద ఎక్కువైంది. కీలక ఆటగాళ్లంతా జట్టుకు అవసరమైన సమయంలో అందుబాటులో లేకుండా పోతున్నారు. జట్టు విజయావకాశాలపై ఇది తీవ్ర ప్రభావం చూపుతోంది.పేస్‌ బౌలింగ్‌ ఆల్‌రౌండర్‌ హార్దిక్‌ పాండ్యా ఐపీఎల్‌-2026 తర్వాత ఇంగ్లండ్‌ పర్యటనకు ఎంపికయ్యాడు, అయితే, గాయం వల్ల టూర్‌ మొత్తానికి అతడు దూరమయ్యాడు. పాండ్యా మాదిరే అరుదైన నైపుణ్యాలున్న నితీశ్‌ కుమార్‌ రెడ్డి కూడా గాయపడ్డాడు.యువ పేసర్‌ హర్షిత్‌ రాణాతో పాటు స్పిన్‌ బౌలింగ్‌ ఆల్‌రౌండర్‌ వాషింగ్టన్‌ సుందర్‌, ప్రధాన పేసర్‌ జస్‌ప్రీత్‌ బుమ్రా, యువ పేస్‌ బౌలర్‌ ప్రిన్స్‌ యాదవ్‌ ఇటీవలే ఈ గాయాల జాబితాలో చేరారు. ఈ నేపథ్యంలో భారత క్రికెట్‌ నియంత్రణ మండలి (BCCI) కీలక నిర్ణయం తీసుకోనున్నట్లు సమాచారం.ఫిజియోథెరపీ టీమ్‌లో సమూలంగా మార్పులు చేపట్టేందుకు బోర్డు సిద్ధమైనట్లు తెలుస్తోంది. ఇంజూరీ మేనేజ్‌మెంట్‌, ఫిట్‌నెస్‌ క్లియరెన్స్‌ల విషయంలో స్పష్టత లేదని.. ఇందుకు హెడ్‌ ఫిజియోథెరపిస్ట్‌ నిర్లక్ష్యమే కారణమని యాజమాన్యం తీవ్ర అసంతృప్తితో ఉన్నట్లు సమాచారం.హర్షిత్‌ రాణా, వరుణ్‌ చక్రవర్తి, నితీశ్‌ కుమార్‌ రెడ్డి వంటి ఆటగాళ్లు క్లియరెన్స్‌ సర్టిఫికెట్‌తో తిరిగి వచ్చిన తర్వాత.. ఆ వెంటనే మళ్లీ గాయాల బారిన పడటాన్ని ఇందుకు నిదర్శనంగా భావిస్తున్నట్లు తెలుస్తోంది. ఈ నేపథ్యంలో హెడ్‌ ఫిజియోథెరపిస్ట్‌ కమలేశ్‌ జైన్‌, టీమ్‌ డాక్టర్‌ రిజ్వాన్‌ ఖాన్‌లపై వేటు వేసేందుకు బీసీసీఐ సిద్ధమైనట్లు సమాచారం.ఈ విషయం గురించి బీసీసీఐ సన్నిహిత వర్గాలు టైమ్స్‌ ఆఫ్‌ ఇండియాతో మాట్లాడుతూ.. ‘‘కమలేశ్‌ జైన్‌ విషయంలో మేనేజ్‌మెంట్‌ అసంతృప్తితో ఉంది. ఆటగాళ్లు తరచూ గాయాలబారిన పడటం వల్ల కెప్టెన్‌ శుబ్‌మన్‌ గిల్‌, హెడ్‌కోచ్‌ గౌతం గంభీర్‌ తమ తుదిజట్టు కూర్పులో ఇబ్బంది పడుతున్నారు.పదిహేను మంది సభ్యులు ఉన్నప్పటికీ సరైన కాంబినేషన్‌ని సెట్‌ చేయలేక తీవ్ర అసంతృప్తితో ఉన్నారు. గాయాల విషయంలో సిబ్బంది పూర్తి అవగాహన, స్పష్టతతో ఉండాలి. ఆటగాళ్లను తిరిగి మైదానంలోకి పంపేందుకు తొందరపడకూడదు.వారు పూర్తి ఫిట్‌నెస్‌ సాధించిన తర్వాతే సర్టిఫికెట్‌ జారీచేయాలి. హడావుడిగా రంగంలోకి దించడం వల్ల పరిస్థితి మళ్లీ మొదటికే వస్తుంది. నితీశ్‌ రెడ్డి, హర్షిత్‌ రాణా విషయంలో ఇదే జరిగింది. ఇలాంటి తొందరపాటు చర్యలు కీలక సమయంలో జట్టు విజయావకాశాలను దెబ్బతీస్తాయి. అందుకు సదరు బృందం కచ్చితంగా జవాబుదారీగా ఉండాల్సిందే. వారి నుంచి సరైన వివరణ లభించకపోతే వేటు తప్పకపోవచ్చు’’ అని పేర్కొన్నాయి.కాగా ఆటగాళ్లు తరచూ గాయపడటం పట్ల టెస్టు, వన్డే జట్ల కెప్టెన్‌ శుబ్‌మన్‌ గిల్‌ బహిరంగంగానే అసంతృప్తి వెళ్లగక్కిన సంగతి తెలిసిందే. ఒకటి, రెండు మ్యాచ్‌ల తర్వాత ఆటగాళ్లు గాయపడితే.. వన్డే వరల్డ్‌కప్‌-2027 వంటి మేజర్‌ టోర్నీలో తమకు ఇబ్బందులు తప్పవన్నాడు. ఫిట్‌నెస్‌ సమస్యలు మెరుగుపరచుకుంటేనే అనుకున్న ఫలితాలు రాబట్టగలమని పేర్కొన్నాడు. ఈ నేపథ్యంలోనే అతడు బీసీసీఐ వైద్య బృందాన్ని కాదని.. చికిత్స కోసం బయటి డాక్టర్లను సంప్రదించినట్లు వార్తలు వచ్చాయి. కాగా గిల్‌ తరచూ మెడనొప్పి, కండరాల నొప్పితో బాధపడుతున్న సంగతి తెలిసిందే.చదవండి: బుమ్రా అవుట్‌.. రీప్లేస్‌మెంట్‌ ప్రకటించిన బీసీసీఐ

భారత జట్టు సీనియర్ ఫాస్ట్ బౌలర్ మ‌హ్మ‌ద్ ష‌మీ టీమిండియాలో తిరిగి చోటు దక్కించుకోవడం కష్టమే అనిపిస్తోంది. ప్రస్తుతం జరుగుతున్న పరిణామాలు చూస్తే అలాంటి సంకేతాలే కనిపిస్తున్నాయి. తాజాగా భువనేశ్వర్ కుమార్‌తో పాటు మహమ్మద్ షమీ భవిష్యత్తుపై అజిత్ అగార్కర్ కీలక ప్రకటన చేయ‌డం ఈ వార్త‌ల‌కు బ‌లం చేకూరుస్తుంది. 2027 వన్డే ప్ర‌పంచ‌కప్ కోసం 15 మంది ఫాస్ట్ బౌలర్లను సిద్ధం చేస్తున్నట్లు బీసీసీఐ చీఫ్‌ సెలెక్టర్‌ అజిత్‌ అగార్కర్‌ తెలిపాడు. అయితే ఇందులో అందరూ యంగ్ బౌలర్లే ఉంటార‌ని అగార్కర్ పేర్కొన్నాడు. 30 సంవత్సరాలు దాటిన బౌలర్లను తాము పరిగణలోకి తీసుకోవడం లేదని బాంబు పేల్చాడు.'షమీ టీమిండియా అత్యుత్తమ మ్యాచ్ విన్నర్లలో ఒకడు అనడంలో ఎలాంటి సందేహం లేదు. ముఖ్యంగా ఐసీసీ ఈవెంట్లలో షమీ ఛాంపియన్. కానీ భవిష్యత్తు కోసం మేము యువ పేస్ బౌలింగ్ దళానికి మద్దతు ఇవ్వాలని నిర్ణయించుకున్నాము. భారత క్రికెట్‌కు అతని సేవలు ఎల్లప్పుడూ గుర్తుండిపోతాయి. మేము అతడిని గౌరవిస్తున్నాము.’ అని చెప్పుకొచ్చాడు. అగార్క‌ర్ వ్యాఖ్య‌ల‌ ను బ‌ట్టి చూస్తే మాత్రం షమీ రిటైర్మెంట్‌కు స‌మయం ఆస‌న్న‌మైందంటూ ప‌రోక్షంగా హింట్ ఇచ్చిన‌ట్లు అనిపిస్తోంది.ఒకప్పుడు భారత బౌలింగ్ దళానికి ప్రధాన బలంగా నిలిచిన షమీ.. ఇప్పుడు సెలెక్టర్ల దీర్ఘకాలిక ప్రణాళికల్లో చోటు దక్కించు కోలేకపోతున్నట్లు తెలుస్తోంది. 2023 వన్డే ప్రపంచకప్‌లో భారత జట్టు ఫైనల్ చేరడంలో షమీ కీలక పాత్ర పోషించాడు. టోర్నీలో అత్యధిక వికెట్లు తీసిన బౌలర్లలో ఒకరిగా నిలిచి తన ప్రతిభను చాటుకున్నాడు. అనంతరం 2025 ఛాంపియన్స్ ట్రోఫీలో చివరిసారిగా భారత జట్టు తరఫున వన్డే ఆడగా, అదే ఏడాది ఫిబ్రవరిలో ఇంగ్లాండ్‌తో జరిగిన టీ20 సిరీస్‌లో చివరిసారి కనిపించాడు. ష‌మీతో పాటు భువ‌నేశ్వ‌ర్ కుమార్ కూడా 2027 వన్డే వరల్డ్ కప్ ఆడాలని ఎదురుచూస్తున్నారు. దీనికి త‌గిన‌ట్లుగానే గత రెండేళ్లుగా వీళ్లిద్ద‌రి గణాంకాలు కూడా అద్భుతంగా ఉన్నాయి. దేశవాళీ, రంజీలు అదే సమయంలో ఇండియన్ ప్రీమియర్ లీగ్ టోర్నమెంట్స్‌లో అద్భుతంగా రాణిస్తున్నారు. అయినప్పటికీ బీసీసీఐ మాత్రం ఈ ఇద్దరు స్టార్ క్రికెటర్లను పట్టించుకోవడం లేదు. అవకాశాలు ఇవ్వడం లేదు. ముఖ్యంగా హెడ్‌కోచ్‌గా గంభీర్‌, సెలెక్ట‌ర్‌గా అజిత్ అగార్కర్ వ‌చ్చిన తర్వాత వీళ్ల అడ్రస్ గల్లంత‌య్యింది.🚨 Ajit Agarkar breaks silence on Mohammed Shami .🚨🔹We've picked our group of 15 fast bowlers for the future and want to give young players more opportunities ahead of the World Test Championship and the 2027 ODI World Cup.Shami has been one of India's finest match-winners… pic.twitter.com/p0mEPybruS— Indian cricket (@Cricketpaglu45) August 1, 2026చదవండి: హార్దిక్ మాజీ భార్యపై తీవ్ర‌ విమ‌ర్శ‌లు!