NTR district Latest News

కూచిపూడి(మొవ్వ): మొవ్వ మండలంలోని ప్రముఖ నాట్యక్షేత్రం కూచిపూడిలోని శ్రీ సిద్ధేంద్ర యోగి నాట్య కళా పీఠాన్ని ఇస్రో విశ్రాంత డైరెక్టర్‌ పద్మ డాక్టర్‌ ఎంవైఎస్‌ ప్రసాద్‌ తన స్నేహితుడితో కలిసి శుక్రవారం సందర్శించారు. పశ్చిమ గోదావరి జిల్లా మొగల్తూరుకు చెందిన ప్రసాద్‌ తొలిసారిగా కూచిపూడిని సందర్శించి, విద్యార్థుల నాట్యాన్ని తిలకించానని ఈ అనుభూతి తీపి గుర్తుగా ఉంటుందని తన ఆనందాన్ని వెల్లడించారు. ఈ సందర్భంగా కళా పీఠం వైస్‌ ప్రిన్సిపాల్‌ డాక్టర్‌ చింతా రవి బాలకృష్ణ ఆనాటి కళాకారుల విశేషాలను వెల్లడించారు. అసిస్టెంట్‌ ప్రొఫెసర్‌ డాక్టర్‌ ఏలేశ్వరపు శ్రీనివాసులు, టీచింగ్‌ అసిస్టెంట్‌ పసుమర్తి హరినాథశాస్త్రి, గ్రంథాలయ పాలకులు వైవీ ఫణి కుమార్‌ పాల్గొన్నారు.

గాంధీనగర్‌(విజయవాడసెంట్రల్‌): జనగణన (సెన్సస్‌) రెండో ప్రక్రియ అత్యంత కీలకమైందని, ఎలాంటి పొరపాట్లకు తావులేకుండా చార్జ్‌ ఆఫీసర్లు, ఎంపీడీఓలు, తహసీల్దార్లు, టెక్నికల్‌ అసిస్టెంట్లు పూర్తి అవగాహనతో, సమన్వయంతో విధులు నిర్వర్తించాలని ఎన్టీఆర్‌ జిల్లా జాయింట్‌ కలెక్టర్‌ ఎస్‌.ఇలక్కియ ఆదేశించారు. వచ్చే ఏడాది జనవరి 10 నుంచి 24వ తేదీ వరకు సెల్ఫ్‌ ఎన్యూమరేషన్‌కు అవకాశం కల్పించామని, సెల్ఫ్‌ ఎన్యుమరేషన్‌లో పాల్గొనేలా ప్రజలకు అవగాహన కల్పించాలన్నారు. ఎన్టీఆర్‌ జిల్లా కలెక్టరేట్‌లోని పింగళి వెంకయ్య సమావేశ మందిరంలో శుక్రవారం రెండో దశ జనగణనపై సంబంధిత అధికారులకు రెండు రోజుల శిక్షణ కార్యక్రమాన్ని జేసీ ప్రారంభించారు. ఈ సందర్భంగా ఇలక్కియ మాట్లాడుతూ జనాభా గణనలో భాగంగా మొత్తం 40 ప్రశ్నలతో కూడిన వివరాలను మొబైల్‌ యాప్‌ ద్వారా సేకరించాల్సి ఉంటుందని తెలిపారు. జనగణనకు 55 రోజుల వ్యవధి ఉంటుందన్నారు. జనవరి మొదటి వారం నుంచి ప్రారంభమై ఫిబ్రవరి 28 నాటికి ముగుస్తుందన్నారు. జిల్లాలోని 647 బ్లాక్‌ల వారీగా ఎన్యూమరేటర్లకు రోజువారీ లక్ష్యాలను నిర్దేశించి, సమాచారాన్ని కచ్చితత్వంతో నమోదు చేసేలా నిరంతరం పర్యవేక్షించాలన్నారు. షెడ్యూల్‌ ఇలా.. డీఆర్వో ఎం.లక్ష్మీనరసింహం మాట్లాడుతూ జనగణన రెండో దశ షెడ్యూల్‌ను వివరించారు. జనవరి 10 నుంచి 24వ తేదీ వరకు 15 రోజుల పాటు సెల్ఫ్‌ ఎన్యూమరేషన్‌, జనవరి 25 నుంచి ఫిబ్రవరి 28వ తేదీ వరకు 35 రోజుల పాటు ఇంటింటి జనాభా గణన, అనంతరం మార్చి 1 నుంచి 5వ తేదీ వరకు రివిజన్‌ రౌండ్‌ నిర్వహించనున్నట్లు తెలిపారు. రాష్ట్ర జనగణన కార్యకలాపాల శాఖ జాయింట్‌ డైరెక్టర్‌/సీఈఓ జి.ప్రసన్నకుమార్‌ పవర్‌ పాయింట్‌ ప్రజెంటే షన్‌ వివిధ అంశాలపై అవగాహన కల్పించారు. విజయవాడ, తిరువూరు ఆర్డీఓలు వెన్నెల శ్రీను, ఎ. కుమార్‌, విజయవాడ మునిసిపల్‌ కార్పొరేషన్‌ అదనపు కమిషనర్‌ ఎ.రవీంద్రరావు పాల్గొన్నారు. పచ్చదనం పెంపునకు కార్యాచరణ ఎన్టీఆర్‌ జిల్లాలో పచ్చదనాన్ని మరింతగా పెంపొందించి, పర్యావరణ పరిరక్షణకు పటిష్టమైన చర్యలు చేపట్టే దిశగా సమన్వయంతో పనిచేయాలని జాయింట్‌ కలెక్టర్‌ ఎస్‌. ఇలక్కియ అధికారులను ఆదేశించారు. జిల్లాలో గ్రీన్‌ కవర్‌ను విస్తరించడంతో పాటు మొక్కల పెంపకం, సంరక్షణ కార్యక్రమాలను సమర్థంగా అమలు చేయాలని సూచించారు. ప్రభుత్వ ఉత్తర్వుల మేరకు జిల్లాలో పచ్చదనం అభివృద్ధి కార్యక్రమాలను ప్రణాళికాబద్ధంగా అమలు చేసేందుకు ఏర్పాటు చేస్తున్న ‘డిస్ట్రిక్ట్‌ గ్రీనింగ్‌ డెవలప్‌మెంట్‌ ఏజెన్సీ’ సొసైటీ రిజిస్ట్రేషన్‌, భవిష్యత్‌ కార్యాచరణపై శుక్రవారం కలెక్టరేట్‌ ఏవీఎస్‌ రెడ్డి సమావేశ మందిరం నందు జాయింట్‌ కలెక్టర్‌ ఎస్‌.ఇలక్కియ అధ్యక్షతన సంబంధిత శాఖల అధికారులతో కమిటీ సమావేశం జరిగింది. జేసీ ఎస్‌.ఇలక్కియ మాట్లాడుతూ ప్రభుత్వ మార్గదర్శకాలకు అనుగుణంగా ఏజెన్సీ సొసైటీ రిజిస్ట్రేషన్‌ ప్రక్రియను ఎటువంటి జాప్యం లేకుండా తక్షణమే పూర్తి చేయాలని సంబంధిత అధికారులను ఆదేశించారు. డిస్ట్రిక్ట్‌ గ్రీనింగ్‌ డెవలప్‌మెంట్‌ ఏజెన్సీ ప్రాజెక్ట్‌ డైరెక్టర్‌ కె.వి.సుబ్రహ్మణ్యం రాఘవరావు, జిల్లా అటవీ శాఖ అధికారి జి.సతీష్‌, జెడ్పీ సీఈఓ పి.సుశీల, జిల్లా ఉద్యానవన శాఖ అధికారి పి.బాలాజీ కుమార్‌ తదితరులు పాల్గొన్నారు. ఎన్టీఆర్‌ జిల్లా జాయింట్‌ కలెక్టర్‌ ఇలక్కియ

సాక్షి ప్రతినిధి, విజయవాడ: విజయవాడలో ఒకే రోజు మూడు డిజిటల్‌ అరెస్టు కేసులు నమోదు కావడం కలకలం రేపింది. డిజిటల్‌ అరెస్టుపై ఎంత అవగాహన కల్పించినా ప్రజలు ఇంకా వాటి బారిన పడుతూనే ఉన్నారు. మూడు సంఘటనలలో డిజిటల్‌ అరెస్టు పేరుతో వీడియో కాల్స్‌ చేసి రూ.48.57 లక్షలను సైబర్‌ కేటుగాళ్లు కొట్టేశారు. దీనిపై సైబర్‌ క్రైం, భవానీపురం, మాచవరం పోలీస్‌ స్టేషన్లలో కేసులు నమోదు అయ్యాయి. మరో కేసులో టెలిగ్రామ్‌ ట్రేడింగ్‌ పేరుతో రూ.58.67లక్షలు టోకరా వేయడంపై మరో కేసు నమోదు అయ్యింది. పూర్తి వివరాలు ఇవి.. సీనియర్‌ న్యాయవాది నుంచి రూ. 12 లక్షలు.. మొఘల్‌రాజపురానికి చెందిన త్రివిక్రమ వ్యాస్‌ 46 ఏళ్లుగా న్యాయవాదిగా ప్రాక్టీస్‌ చేస్తున్నారు. ఆయనకు గత నెల ఒకటిన మధ్యాహ్నం ఒంటిగంట సమయంలో వీడియోకాల్‌ వచ్చింది. ఆ కాల్‌ చేసిన వ్యక్తి తాను బెంగళూరు డీసీపీగా పరిచయం చేసుకున్నారు. మహిళలతో దురుసుగా ప్రవర్తించినట్లు ఫిర్యాదు వచ్చిందని, అరెస్టు నుంచి తప్పించుకోవాలంటే రూ. 30లక్షలు చెల్లించాలని డిమాండ్‌ చేశారు. దీంతో తొలుత పది లక్షలు బదిలీ చేయగా, నాలుగు రోజుల తర్వాత మరో పది లక్షల రూపాయలు కావాలని డిమాండ్‌ చేయగా అంత తన వద్ద లేదంటూ రెండు లక్షలు పంపించారు. తర్వాత తాను సైబర్‌మోసానికి గురి అయినట్లు గుర్తించి సైబర్‌ క్రైం స్టేషన్‌లో ఫిర్యాదు చేశారు. ఉద్యోగ విరమణ చేసిన క్లర్క్‌ నుంచి రూ.4.57లక్షలు.. లబ్బీపేటలో నివసించే పరాస డేవిడ్‌ ఆనంద్‌ నగరపాలక సంస్థలో క్లర్క్‌గా పనిచేసి ఉద్యోగ విరమణ చేశారు. అతనికి జూలై 25న ఉదయం రెండు నంబర్ల నుంచి వీడియో కాల్స్‌ వచ్చాయి. ఆ కాల్స్‌లో పోలీసు యూనిఫారంలో ఉన్న మహిళ మాట్లాడుతూ మీ పేరుతో ఉన్న మొబైల్‌ నంబర్‌ నుంచి ఒక యువతి అసభ్య ఫొటోలను ప్రచారం చేశారని, ఇది చూసి ఆ యువతి ఆత్మహత్య చేసుకుందని బెదిరించింది. తర్వాత కొంతసేపటికి మళ్లీ ఫోన్‌ చేసి మీ వద్ద డబ్బులు ఎంత ఉన్నాయంటూ ఆరా తీసింది. తన వద్ద డబ్బులు లేవని, ఫిక్స్‌డ్‌ డిపాజిట్‌లో ఉన్నాయని చెప్పగా, బ్యాంకుకు పంపించి, సత్యనారాయణపురంలోని కెనరాబ్యాంక్‌ నుంచి ఆర్‌టీజీఎస్‌ ద్వారా రూ.4,57,000 బదిలీ చేయించుకుంది. తర్వాత తన కుమార్తెలతో ఈ విషయాన్ని చర్చించిన తర్వాత సైబర్‌ మోసానికి గురి అయినట్లు గుర్తించి ఫిర్యాదు చేశాడు. దీనిపై మాచవరం పోలీసు స్టేషన్‌లో కేసు నమోదు అయ్యింది. రిటైర్డ్‌ హెచ్‌ఎం నుంచి రూ.32లక్షలు.. భవానీపురానికి చెందిన ఒక ఉద్యోగ విరమణ చేసిన ప్రధానోపాధ్యాయురాలు తన భర్తతో కలిసి జీవిస్తోంది. ఆమె భర్త గతంలో ఆటో నగర్‌లో ఇనుప వ్యాపారం చేసేవారు. ఆమెకు సెప్టెంబర్‌ పదో తేదీన మధ్యాహ్నం సమయంలో వై. భావశర్మ అనే వ్యక్తి నుంచి ఫోన్‌ కాల్‌ వచ్చింది. అతను మదన్‌ కుమార్‌ అనే మరో వ్యక్తిని పరిచయం చేశాడు.సదరు వ్యక్తి, ఆమె సుభాత్‌ ఖాన్‌ అనే నేరస్తుడితో లావాదేవీల ద్వారా మనీలాండరింగ్‌, మానవ అక్రమ రవాణాలో పాలుపంచుకుందని, కెనరా బ్యాంక్‌ నుంచి కమీషన్లు అందుకుందని తప్పుడు ఆరోపణలు చేసి, ఆమె బ్యాంక్‌ ఖాతా, ఫిక్స్‌డ్‌ డిపాజిట్‌ వివరాలు ఇవ్వమని బెదిరించాడు. మళ్లీ తర్వాత రోజు వాట్సాప్‌ ద్వారా ఆమెను మళ్లి సంప్రదించి ఆర్‌టీజీఎస్‌ ద్వారా రూ. 20లక్షలు బదిలీ చేయాలని బెదిరించారు. అలా చేయని పక్షంలో, ఆమె పిల్లల వైద్య లైసెన్సులు, పాస్‌పోర్టులు, వీసాలను నిలిపివేస్తామని, అలాగే మీడియాకు చెప్పడంతో పాటు సుప్రీం కోర్టు నుంచి అరెస్టు వారెంట్‌ తెచ్చి ఆమెను అరెస్టు చేస్తామని హెచ్చరించారు. దీంతో ఆమె భయపడి తన ఎస్‌బీఐ ఖాతా నుంచి రూ. 20లక్షలు బదిలీ చేసింది. తర్వాత రోజు మరో రూ.12 లక్షలు బదిలీ చేసింది. ఇంకా బెదిరింపులు ఆగకపోవడంతో ఆమె పోలీసులను ఆశ్రయించింది. టెలిగ్రామ్‌ ద్వారా ఆన్‌లైన్‌ ట్రేడింగ్‌లో అధిక లాభాలు వస్తాయంటూ నమ్మించి ఓ వ్యక్తి నుంచి సైబర్‌ నేరగాళ్లు ఏకంగా రూ.58.67లక్షలు కాజేశారు. తొలుత చిన్న మొత్తాలతో పెట్టుబడులు పెట్టించి లాభాలు వచ్చినట్లు నమ్మించి, ఆ తర్వాత భారీ మొత్తాలు పెట్టుబడిగా పెట్టించుకుని నగదుతో ఉడాయించారు. ఈ ఘటనపై బాధితుడి ఫిర్యాదు మేరకు విజయవాడ సైబర్‌ క్రైం పోలీసులు కేసు నమోదు చేసి దర్యాప్తు చేపట్టారు. ఏం జరిగిందంటే.. విజయవాడ భవానీపురం ప్రాంతానికి చెందిన నల్లూరు వెంకట సుబ్బారావు(56) గతంలో కృష్ణ వేణి క్లాత్‌ మార్కెట్‌లోని కరిష్మా అపారెల్స్‌లో బ్రాంచ్‌ మేనేజర్‌గా పనిచేశారు. ఈ ఏడాది మార్చి 27న గుర్తుతెలియని నంబర్‌ నుంచి ఆయనకు వాట్సాప్‌ సందేశం వచ్చింది. ఆ వ్యక్తి కొన్ని పనులు చేయాలని కోరగా, తొలుత గూగుల్‌లో రేటింగ్స్‌ ఇవ్వడం వంటి చిన్న పనులు అప్పగించారు. వాటిని పూర్తి చేసినందుకు కొంత మొత్తం చెల్లించారు. తర్వాత టెలిగ్రామ్‌ ద్వారా స్నేహ సాల్వి అనే వ్యక్తిని సంప్రదించాలని సూచించారు. ఆమె ద్వారా ఆన్‌లైన్‌ టాస్కులు, ట్రేడింగ్‌ పెట్టుబడుల పేరుతో కొత్త వ్యవహారం ప్రారంభమైంది. మొదట రూ.5వేలతో పెట్టుబడి పెట్టించిన సైబర్‌ నేరగాళ్లు, లాభాలు వచ్చినట్లు నకిలీ వివరాలు చూపించి బాధితుడి నమ్మకాన్ని పొందారు. దీంతో మరింత ఎక్కువ మొత్తంలో పెట్టుబడులు పెడితే అధిక లాభాలు వస్తాయని నమ్మించి విడతలవారీగా నగదు బదిలీ చేయించుకున్నారు. అయితే ఎంత డబ్బు పెట్టినా ఉపసంహరణ సాధ్యం కాలేదు. మరింత నగదు పెట్టుబడిగా పెట్టాలని ఒత్తిడి చేయడంతో మోస పోయినట్లు బాధితుడు గుర్తించారు. 2026 మార్చి 28 నుంచి ఏప్రిల్‌ 29 వరకు బాధితుడు మొత్తం రూ.58,67,800ను మూడు బ్యాంకు ఖాతాలకు బదిలీ చేసినట్లు ఫిర్యాదులో పేర్కొన్నారు. చివరిగా భారీ మొత్తాన్ని బదిలీ చేసిన తర్వాత అవతలి వ్యక్తులు స్పందించడం మానేశారు. పెట్టిన పెట్టుబడులు, వచ్చినట్లు చూపించిన లాభాలు ఏవీ తిరిగి అందకపోవడంతో బాధితుడు సైబర్‌ క్రైమ్‌ పోలీసులను ఆశ్రయించారు.

మొగల్రాజపురం(విజయవాడ తూర్పు): హైదరాబాద్‌లోని వోక్సేన్‌ యూనివర్సిటీలో ఈ నెల 9 నుంచి 12వ తేదీ వరకు జరిగిన సౌత్‌ జోన్‌ ఇంటర్‌ యూనివర్సిటీ చెస్‌(మహిళల) టోర్నమెంట్‌లో డాక్టర్‌ ఎన్టీఆర్‌ ఆరోగ్య విశ్వవిద్యాలయం మహిళల చెస్‌ జట్టు ఆరో స్థానం సాధించింది. ఈ టోర్నమెంట్‌లో పతకాలు పొందిన విద్యార్థులను నగరంలోని యూనివర్సిటీ ఆవరణలో వీసీ పి.చంద్రశేఖర్‌, రిజిస్ట్రార్‌ డాక్టర్‌ టి.సాయి సుధీర్‌, పరీక్షల నియంత్రణాధికారి డాక్టర్‌ సీహెచ్‌ శ్రీకాంత్‌, స్పోర్ట్స్‌ బోర్డ్‌ సెక్రటరీ ఈ.త్రిమూర్తి శుక్రవారం అభినందించారు. ఆయన మాట్లాడుతూ దక్షిణ భారతదేశం అంతటా ఉన్న మొత్తం 56 వర్సిటీలకు చెందిన జట్లు ఈ పోటీల్లో పాల్గొన్నాయన్నారు. తమ యూనివర్సిటీ జట్టులో ఎం.సాయి దివ్య, డి.అమూల్య, నివేదితా బాయ్‌, డి.అనన్య, ఎన్‌.సాత్విక, ఎ. శ్రీనిధి సభ్యులుగా ఉన్నారన్నారు. కాగా పోటీల్లోని 3వ బోర్డులో ఎం.సాయి దివ్య మొదటి బహుమతిని గెలుచుకుందని తెలిపారు.

లబ్బీపేట(విజయవాడతూర్పు): విజయవాడ ప్రభుత్వాస్పత్రిలో పాలన గాడితప్పంది. ఇక్కడ పనిచేసే ఉద్యోగులు ఎవరి ఇష్టం వారిదే అన్నట్లు సాగుతున్నారు. ఎవరు ఎప్పడు వస్తారో.. ఎప్పుడు వెళతారో తెలియని దయనీయ స్థితి నెలకొంది. ప్రతి ఉద్యోగికి ఫేషియల్‌ రికగ్నైజ్డ్‌ సిస్టమ్‌(ఎఫ్‌ఆర్‌ఎస్‌) ఉన్నా, అధికారులు దానిని పట్టించుకోక పోవడంతో సిబ్బంది సమయ పాలన పాటించడం లేదు. దీంతో ఆ ప్రభావం రోగులపై తీవ్రంగా చూపుతోంది. రోగికి ఏమైనా సీరియస్‌ అయితే ఎవరికి చెప్పాలో కూడా తెలియడం లేదంటూ పలువురు రోగుల బంధువులు ఆందోళన వ్యక్తం చేస్తున్నారు. ఇదే విషయమై ఇటీవల వివాదం కూడా జరిగింది. ఉద్యోగులపై పర్యవేక్షణ, అజమాయిషీ పూర్తిగా లోపించింది. తప్పు చేస్తే పనిష్‌మెంట్‌ ఉంటుందనే భయం లేకపోవడంతో ఎవరి దారి వారిదే అన్నట్లు వ్యవహరిస్తున్నారు. 2వేల మందికిపైగా ఉద్యోగులు, సిబ్బంది.. విజయవాడ జీజీహెచ్‌లో రెండు వేల మందికి పైగా ఉద్యోగులు, సిబ్బంది ఉన్నారు. వారిలో దాదాపు 500 మంది స్టాఫ్‌నర్సులు ఉండగా, మరో 450 మంది వరకూ ఫార్మసిస్టులు, ల్యాబ్‌ టెక్నీషియన్స్‌, ఇతర పారామెడికల్‌ ఉద్యోగులు, ఎఫ్‌ఎన్‌ఓ, ఎంఎన్‌ఓలు థియేటర్‌ అసిస్టెంట్‌లు ఉన్నారు. వారితో పాటు మరో 300 మంది వరకూ వైద్యులు, 50 మంది వరకూ కార్యాలయంలో వివిధ కేడర్‌లలో పనిచేసే సిబ్బంది ఉంటారు. వీరందరికీ ఎఫ్‌ఆర్‌ఎస్‌ అటెండెన్స్‌ ఉంటుంది. వీరితోపాటు పారిశుద్ధ్య సిబ్బంది, సెక్యురిటీ, ఇతర కాంట్రాక్టుల్లో పనిచేసే వారు 700 మంది వరకూ ఉంటారు. షిఫ్ట్‌ మారే సమయంలో అవస్థలు.. ప్రభుత్వాస్పత్రిలో పనిచేసే సిబ్బంది, ఉద్యోగుల్లో జవాబుదారీతనం లోపించింది. దీంతో విధులకు ఆలస్యంగా రావడం, సమయానికంటే ముందు గానే వెళ్లిపోవడం జరుగుతోంది. జనరల్‌ షిఫ్ట్‌తో పాటు, ఇతర షిఫ్ట్‌ డ్యూటీల్లో చేసే వాళ్లు సమయానికి రావడం లేదు. తాము రావాల్సిన సమయానికి అరగంట ఆలస్యంగా రావడం.. వెళ్లాల్సిన సమయానికి అరగంట ముందుగానే వెళ్లిపోవడం చేస్తున్నారు. వాస్తవంగా షిఫ్ట్‌ డ్యూటీ చేసే వాళ్లు ఆ తర్వాత షిఫ్ట్‌ వాళ్లు వచ్చిన తర్వాత వారికి పని అప్పగించి వెళ్లాల్సి ఉంటుంది. కానీ చాలా తక్కువ మంది మాత్రమే అలా చేస్తున్నారు. దీంతో షిఫ్ట్‌లు మారే సమయంలో గంట పాటు వార్డులో ఏ ఒక్కరూ ఉండక పోవడంతో రోగులపై తీవ్ర ప్రభావం చూపుతోంది. రోగికి ఏమైనా జరిగితే ఎవరికి చెప్పాలో తెలియని పరిస్థితి నెలకొంది. ఎఫ్‌ఆర్‌ఎస్‌ పరిశీలించరా? వాస్తవంగా ప్రతినెలా ఉద్యోగుల ఎఫ్‌ఆర్‌ఎస్‌ పరిశీలించాల్సి ఉంది. ప్రతిరోజూ డ్యూటీ సమయానికి వస్తున్నారా లేదా అనే అంశాన్ని సంబంధిత అధికారి పరిశీలించాలి. ఒకవేళ ఆలస్యంగా వస్తే, ప్రతి మూడు రోజులకు ఒక సీఎల్‌ కట్‌ చేయాల్సి ఉంది. ఇది కొన్ని చోట్ల అమలు జరుగుతున్నా, ప్రభుత్వాస్పత్రిలో మాత్రం పట్టించుకోవడం లేదు. అసలు అధికారుల్లోనే సమయ పాలన లోపించినట్లు ఉద్యోగులు ఆరోపిస్తున్నారు. వార్డుల్లో ఏదైనా జరిగినప్పుడు మీది తప్పంటే.. మీది తప్పని ఒకరిపై ఒకరు నెట్టుకునే స్థితి నెలకొంది. విజయవాడ జీజీహెచ్‌ అత్యవసర విభాగం(ఫైల్‌) ప్రభుత్వాస్పత్రిలో గాడితప్పిన పాలనను మళ్లీ సరిచేసేందుకు ఉన్నతాధికారులు జోక్యం చేసుకోవాల్సి ఉంది. అలాగే వదిలేస్తే పరిస్థితి రోజురోజుకు మరింత దిగజారే అవకాశాలు ఉన్నట్లు చెబుతున్నారు. కాగా ఈ విషయమై సూపరింటెండెంట్‌ను వివరణ కోరేందుకు ప్రయత్నించగా, మూడు రోజుల పాటు సెలవులో ఉన్నట్లు కార్యాలయ సిబ్బంది తెలిపారు.

● 40 మంది నిరుపేదల నుంచి రూ.కోటికి పైగా వసూలు ● విజయవాడ, ఏలూరుకు చెందిన ఇద్దరి అరెస్ట్‌ అజిత్‌సింగ్‌నగర్‌(విజయవాడసెంట్రల్‌): సొంతింటి కల నెరవేరుస్తామని 40 మంది నుంచి కోటి పైగా వసూలు చేసి నిలువునా ముంచిన ఘటన ఆలస్యంగా వెలుగులోకి వచ్చింది. అజిత్‌సింగ్‌నగర్‌ డంపింగ్‌ యార్డ్‌ వెంటఉన్న జేఎన్‌ఎన్యూఆర్‌ఎం అపార్ట్‌మెంట్స్‌లో బ్లాక్‌ నంబర్‌ 44 ఎఫ్‌ఎఫ్‌ వన్‌లో కొల్లూరు నాగూర్‌బీ తన భర్త, ఇద్దరు కుమార్తెలతో ఎనిమిదేళ్ల నుంచి నివసిస్తోంది. అదే ప్రాంతానికి చెందిన దివ్యాంగుడు పుట్టపు సత్యనారాయణ అలియాస్‌ సతీష్‌ సీఆర్డీఏలో పని చేస్తున్నానని, డంపింగ్‌ యార్డ్‌లో ఖాళీగా ఉన్న అపార్ట్‌మెంట్లలో తక్కువ ధరకే ఫ్లాట్‌ ఇప్పిస్తానని నమ్మించాడు. మాటలు నమ్మిన నాగూర్‌బీ 2019లో సత్యనారాయణకు రూ.3.20 లక్షలు, అతని మేనల్లుడు అల్లంపల్లి సాయిదుర్గామహేష్‌ అలియాస్‌ సాయికు మరో రూ.4.60 లక్షలు చొప్పున రూ.7.80 లక్షలు చెల్లించింది. 15 రోజుల తర్వాత సత్యనారాయణ పీఎంఏవై ఇల్లు పేరుతో దొంగ పట్టా కాగితాలను నాగూర్‌బీకి ఇచ్చాడు. నకిలీవని తెలియక నాగూర్‌బీ కుటుంబ సభ్యులు తమ స్నేహితులు, బంధువులకు చెప్పడంతో మరి కొందరు ఫ్లాట్ల కోసం రూ.కోటికి పైగా చెల్లించారు. వారికి అనుమానం రాకుండా సత్యనారాయణ ఈకేవైసీ చేయాలని రెండుసార్లు వారి ఫింగర్‌ ప్రింట్లు తీసుకుని మభ్యపెడుతున్నాడు. ఈ ఏడాది ఆగస్టులో నాగూర్‌బీ, మరి కొందరు తమకు ఇచ్చిన డాక్యుమెంట్‌లో నంబరు ఫ్లాట్‌ వద్దకు వెళ్లగా వేరే ఎవరో ఉంటున్నారని, వారికి గతంలోనే ప్రభుత్వం మంజూరు చేసినట్లు తెలుసుకున్నారు. సత్యనారాయణ అతని మేనల్లుడు సాయిదుర్గ మహేష్‌ మోసం చేసినట్లు గ్రహించి అజిత్‌సింగ్‌నగర్‌ పోలీసులకు ఫిర్యాదు చేశారు. సీఐ దాడి చంద్రశేఖర్‌ దర్యాప్తు చేసి, 40 మందికి పైగా బాధితులు మోస పోయినట్లుగా పోలీసులు గుర్తించారు. పుట్టపు సత్యనారాయణ, సాయిదుర్గామహేష్‌ను గురువారం రాత్రి ఎస్‌ఐ శోభనాద్రి అరెస్ట్‌ చేసి వారి వద్ద మూడు సెల్‌ ఫోన్లు, కారును స్వాధీనం చేసుకున్నారు. నిందితులను జ్యుడీషియల్‌ ఫస్ట్‌ క్లాస్‌ మేజిస్ట్రేట్‌ కోర్టులో హాజరుపరచగా 14 రోజుల రిమాండ్‌ విధించింది. నిందితుడు పుట్టపు సత్యనారాయణ నిందితుడు అల్లంపల్లి సాయి దుర్గా మహేష్‌

విజయవాడలీగల్‌: తాను లాయర్‌నని పలువురిని నమ్మించి లక్షల్లో డబ్బులు వసూలు చేసిన వ్యక్తిపై సూర్యారావుపేట పోలీసుస్టేషన్‌లో కేసు నమోదైంది. వివరాల్లోకి వెళితే విజయవాడ రూరల్‌ రామవరప్పాడుకు చెందిన పోలుకొండ వెంకటేశ్వరరావు విద్యుత్‌ శాఖలో జేఈ. ఆయనకు.. భార్యతో మనస్పర్థల కారణంగా సంధ్యారాణి 2024లో గుడివాడ పోలీసుస్టేషన్‌లో 498ఎ కేసు పెట్టారు. దీనిపై విజయవాడ కోర్టు వద్ద కప్పారెడ్డి ప్రవీణ్‌కుమార్‌ అలియాస్‌ ప్రవీణ్‌ అనే వ్యక్తి తను లాయర్‌నని వెంకటేశ్వరరావుతో పరిచయం చేసుకున్నారు. గత 25 ఏళ్లుగా న్యాయవాద వృత్తిలో ఉంటూ, అనేక కేసులను పరిష్కరించానని నమ్మబలికాడు. ఇతనితోపాటు మరో ఇద్దరు లాయర్లమని చెప్పి గుడివాడ పోలీసుస్టేషన్‌లో ఆ కేసు విషయమై 41ఏ నోటీసు యిప్పించారు. కేసు పరిష్కారం నిమిత్తం హైకోర్టులో పిటిషన్‌ దాఖలు చేయాలని చెప్పి వెంకటేశ్వరరావు వద్ద పలు దఫాలుగా రూ.13 లక్షలు, వ్యక్తిగత అవసరాలకంటూ మరో రూ.6 లక్షలు కలిపి మొత్తం రూ.19 లక్షలు వసూలుచేశాడు. సెల్‌ఫోన్‌ కూడా గిఫ్టుగా తీసుకొని కేసును మాత్రం పరిష్కరించకుండా తప్పించుకు తిరుగుతున్నాడు. దీంతో అనుమానం వచ్చిన వెంకటేశ్వరరావు బెజవాడ బార్‌ అసోసియేషన్‌ను సంప్రదించి కప్పారెడ్డి ప్రవీణ్‌కుమార్‌ అస లు లాయర్‌ కాదని తెలుసుకుని సూర్యారావుపేట పోలీసులకు ఫిర్యా దు చేయగా కేసు నమోదు చేశారు. ఈ విషయమై బీబీఏ అధ్యక్షుడు లక్ష్మీనారాయణ ఇటువంటి నకిలీ లాయర్‌ను నమ్మి ఎవరైనా మోసపోతే బీబీఏ నుగానీ, పోలీసులనుగానీ సంప్రదించాలని సూచించారు. ప్రవీణ్‌కుమార్‌పై పలు క్రిమినల్‌ కేసులు కూడా ఉన్నట్లు తెలియవచ్చింది.

● మూడు రోజుల క్రితం మహిళ అదృశ్యం ● సూర్యారావుపేట పీఎస్‌లో కేసు నమోదు ● సీసీ కెమెరాల ఆధారంగా కృష్ణలంక లాడ్జిలో శవం గుర్తింపు కృష్ణలంక (విజయవాడతూర్పు): విజయవాడ కృష్ణలంక లాడ్జిలో శవంగా మారిన మహిళది హత్యా? లేక ఆత్మహత్యా? అనే అనుమానాలు రేకెత్తిస్తున్నాయి. కృష్ణా జిల్లా పెనమలూరు మండలం పెదపులిపాకకు చెందిన పైడిశెట్టి ఎర్నమ్మ (37) విజయవాడ ఎంజీ రోడ్డులోని ఓ వస్త్ర దుకాణంలో సేల్స్‌ ఉమెన్‌గా, ఆమె భర్త సాంబయ్య గ్యాస్‌ డెలివరీ బాయ్‌. ఎర్నమ్మకు శ్రీకాకుళానికి చెందిన రాముతో పరిచయం ఉంది. బుధవారం షాపింగ్‌ మాల్‌కు డ్యూటీకి వచ్చిన ఆమె మధ్యాహ్నం బయటకు వెళ్లి తిరిగి రాలేదు. మాల్‌ నిర్వాహకులు ఆమె భర్త సాంబయ్యకు సమాచారం ఇచ్చారు. ఆమె ఆచూకీ లభించక పోవడంతో సూర్యారావుపేట స్టేషన్‌లో ఫిర్యాదు చేయగా, మిస్సింగ్‌ కేసు నమోదు చేశారు. రాము ఉన్న లాడ్జికి వెళ్లి.. ఎర్నమ్మకు పరిచయస్తుడైన రాము కృష్ణలంక బస్టాండ్‌ సమీపంలో మంగళవారం సాయంత్రం లాడ్జిలో గది అద్దెకు తీసుకున్నాడు. బుధవారం మధ్యాహ్నం ఎర్నమ్మ తన ద్విచక్ర వాహనంపై ఆ గదికి వెళ్లింది. ఎర్నమ్మ లోపలే ఉండగా అర్ధగంట తర్వాత రాము గదికి తాళాలు వేసి ఆమె ద్వి చక్ర వాహనంపై వెళ్లి తిరిగి రాలేదు. వెలుగు చూసిందిలా? సూర్యారావుపేట పోలీసులు నగరంలోని సీసీ కెమెరాల పుటేజీలను పరిశీలించారు. ఎంజీ రోడ్డు నుంచి కృష్ణలంక సర్వీసు రోడ్డులో ఓ లాడ్జి వద్దకు వెళ్లి ఆమె బండి పార్కింగ్‌ చేసి లోపలికి వెళ్లినట్లు పోలీసులు గుర్తించారు. అక్కడ లాడ్జిలో ఆ గదికి వెళ్లి చూడగా దుర్వాసన వచ్చింది. ఆ గది తలుపులు తీయగా, అచేతనంగా ఎర్నమ్మ పడి ఉంది. ఆమె మృతదేహాన్ని ప్రభుత్వాస్పత్రి మార్చురీకి తరలించారు. బుధవారం మధ్యాహ్నం వెళ్లి మరణిస్తే శుక్రవారం మధ్యాహ్నం సూర్యారావుపేట పోలీసులు వచ్చే వరకూ లాడ్జి సిబ్బంది గుర్తించక పోవడం నిర్వహణ లోపాన్ని వెల్లడిస్తోంది. అన్ని కోణాల్లో దర్యాప్తు ఎర్నమ్మ మృతిపై అన్ని కోణాల్లో దర్యాప్తు చేస్తున్నట్లు సూర్యారావుపేట సీఐ చవాన్‌ తెలిపారు. రూమ్‌కు వెళ్లిన తర్వాత హత్య చేసి, తాళం వేసి వెళ్లిపోయాడా? లేదా ఆత్మహత్యా ప్రయత్నం ఏమైనా చేసిందా? అనే కోణాల్లో దర్యాప్తు చేస్తున్నట్లు పేర్కొన్నారు. అనుమానాస్పద మృతిగా కేసు నమోదు చేశామని చెప్పారు. వైఎస్సార్‌ సీపీ వైద్య విభాగం జిల్లా అధ్యక్షుడు డాక్టర్‌ రాధాకృష్ణ లబ్బీపేట(విజయవాడతూర్పు): డాక్టర్‌ ఎన్టీఆర్‌ ఆరోగ్య విజ్ఞాన విశ్వవిద్యాలయం నిర్వహించిన ఎంసీహెచ్‌ సూపర్‌ స్పెషాలిటీ పరీక్షల్లో ఒకే ప్రశ్నపత్రాన్ని యథాతథంగా పునరావృతం చేయడం విశ్వవిద్యాలయ పరీక్షల నిర్వహణ తీరుపై తీవ్ర ఆందోళన కలిగిస్తోందని వైఎస్సార్‌ సీపీ వైద్య విభాగం ఎన్టీఆర్‌ జిల్లా అధ్యక్షుడు డాక్టర్‌ అంబటి నాగ రాధాకృష్ణ యాదవ్‌ పేర్కొన్నారు. ఆయన శుక్రవారం మీడియాతో మాట్లాడుతూ జనవరిలో నిర్వహించిన ప్లాస్టిక్‌ అండ్‌ రీకన్‌స్ట్రక్టివ్‌ సర్జరీ పేపర్‌–2లో ఇచ్చిన ప్రశ్నలనే నవంబర్‌ పరీక్షలోనూ యథాతథంగా ఇవ్వడం, విశాఖపట్నం, గుంటూరు, తిరుపతి వైద్య కళాశాలల్లో ఈ విషయం వెలుగులోకి రావడం పరీక్షల నిర్వహణ లోపాలను స్పష్టం చేస్తోందన్నారు. సూపర్‌ స్పెషాలిటీ వైద్య విద్యలో అత్యున్నత స్థాయి అర్హతలను నిర్ణయించే పరీక్షల విశ్వసనీయతకే ఇటువంటి ఘటనలు మచ్చ తెస్తాయన్నారు. ఘటనపై తక్షణమే ఉన్నతస్థాయి, నిష్పక్షపాత విచారణ చేపట్టాలని డిమాండ్‌ చేశారు. ప్రశ్నపత్రాల రూపకల్పన, పరిశీలన, ఆమోదం, పరీక్షల నిర్వహణలో బాధ్యత వహించిన అధికారులను గుర్తించాలన్నారు. ప్రాథమికంగా బాధ్యత ఉన్న వారిని విచారణ పూర్తయ్యే వరకు తక్షణమే సస్పెండ్‌ చేయాలని డిమాండ్‌ చేశారు. దీనిపై సమగ్రంగా దర్యాప్తు చేయాలన్నారు.

విజయవాడలీగల్‌: సోనాలి రకం కోడిపిల్లలను సప్లయిచేసి, మళ్లీ వాటిని తానే కొనుగోలుచేసి డబ్బులు ఇస్తానని పలువురిని మోసం చేసిన కేసులో పసుపులేటి అంకుశం మూడు రోజుల కస్టడీ శుక్రవారం పూర్తైంది. దీంతో పోలీసులు ప్రభుత్వ జనరల్‌ ఆసుపత్రిలో వైద్యపరీక్షల అనంతరం 2వ అదనపు జిల్లా కోర్టులో న్యాయమూర్తి ముందు హాజరుపరిచారు. ఇదే కేసులో పసుపులేటి అంకుశం ప్రస్తుతం విజయవాడ జిల్లా జైలులో జ్యుడీషియల్‌ రిమాండ్‌లో ఉన్నారు. రిమాండ్‌ పూర్తవ్వడంతో న్యాయమూర్తి ఈనెల 27వ తేదీ వరకు రిమాండ్‌ పొడిగిస్తూ ఆదేశాలు ఇచ్చారు. విజయవాడ కల్చరల్‌: నగరానికి చెందిన సాహితీవేత్త డాక్టర్‌ జీవీ పూర్ణచందును 2026 సంవత్సరానికి జ్ఞాన జ్యోతి విశిష్ట సేవా పురస్కారానికి ఎంపిక చేసినట్లు రచయితల సంఘం అధ్యక్షురాలు చిల్లర భవానీదేవి, ప్రధాన కార్యదర్శి చలపాక ప్రకాష్‌ శుక్రవారం ఒక ప్రకటనలో తెలిపారు. వృత్తిరీత్యా వైద్యుడైనా సాహిత్య రంగంలో తనదైన ముద్రవేసుకున్నారు. 56వ జాతీయ గ్రంథాలయ వారోత్సవాల సందర్భంగా ఎంజీ రోడ్డులోని ఠాగూర్‌ గ్రంథాలయంలో 19వ తేదీ నిర్వహించే సభలో నగదు, జ్ఞాపిక అందజేయనున్నారని పేర్కొన్నారు.

పటమట(విజయవాడతూర్పు): రైల్వే ఉద్యోగులకు మెరుగైన బ్యాంకింగ్‌ సదుపాయాలు, ఆర్థిక ప్రయోజనాలను అందించడానికి సెంట్రల్‌ బ్యాంక్‌ ఆఫ్‌ ఇండియా, దక్షిణ కోస్తా రైల్వే విజయవాడ డివిజన్‌తో అవగాహన ఒప్పందం (ఎంవోయూ) పై సంతకం చేసింది. రైల్వే ఉద్యోగులకు సౌకర్యవంతమైన బ్యాంకింగ్‌ సేవలు, శాలరీ ఖాతాలు, రుణ సదుపాయాలు, ఇతర విలువ ఆధారిత ప్రయోజనాలను అందించడం ఈ ఒప్పందం ప్రధాన ఉద్దేశం. శుక్రవారం సెంట్రల్‌ బ్యాంక్‌ ఆఫ్‌ ఇండియా తరఫున జోనల్‌ హెడ్‌ ఎం.పిచ్చయ్య. విజయవాడ రీజినల్‌ హెడ్‌ ఇ.వెంకటేశ్వరరావు, గుంటూరు రీజినల్‌ హెడ్‌ జి.వి.రమణారావు సమక్షంలో అవగాహన ఒప్పంద కార్యక్రమం జరిగింది. దక్షిణ కోస్తా రైల్వే విజయవాడ డివిజన్‌ తరఫున ఏడీఆర్‌ఎం (ఏడీఆర్‌ఎం)పాల్‌ ఎనోక్‌ ఎడ్విన్‌, సీనియర్‌ డివిజనల్‌ పర్సనల్‌ ఆఫీసర్‌ ప్రేమ్‌ కుమార్‌ లకావత్‌ (ఐఆర్‌పీ) పాల్గొన్నారు.

గాంధీనగర్‌(విజయవాడసెంట్రల్‌): గ్రంథాలయాల వైపు అడుగులు వేసే సమయమొచ్చింది. ఈ నెల 14వ తేదీ నుంచి ప్రారంభం కానున్న 59వ జాతీయ గ్రంథాలయ వారోత్సవాల బ్రోచర్‌ను గురువారం కలెక్టరేట్‌లోని జేసీ చాంబర్‌లో జాయింట్‌ కలెక్టర్‌ ఎస్‌.ఇలక్కియ, గ్రంథాలయాధికారి రమాదేవితో కలిసి ఆవిష్కరించారు. ఈ సందర్భంగా జేసీ మాట్లాడుతూ ఈనెల 14నుంచి 20వ తేదీ వరకు ఠాగూర్‌ గ్రంథాలయంలో వారోత్సవాలు జరుగుతాయన్నారు. గ్రంథాలయాధికారి రమాదేవి మాట్లాడుతూ 14వ తేదీ విద్యార్థులకు వివిధ రకాల పోటీలు, విచిత్ర వేషధారణ, క్రాఫ్ట్‌ పోటీలు నిర్వహిస్తామన్నారు. 15న పుస్తక ప్రదర్శన, చదరంగం పోటీలు, కవిసమ్మేళనం, 16న విద్యార్థులకు వ్యాసరచన, వక్తృత్వ పోటీలు, రచయితల సంఘం తో మహిళా కవి సమ్మేళనం, 17న గ్రంథాలయ ఉద్యమకారులపై ఉపన్యాసం, నేర్చుకోవడానికి చదవండి–నాయకత్వం వహించడానికి నేర్చు కోండిపై సదస్సు, రస భారతి నిర్వహణలో ప్రత్యేక సాహిత్య కార్యక్రమం, 18న మ్యూజికల్‌ చైర్స్‌, దేశభక్తి గీతాలు పోటీలు, గోల్కొండ మంగతాయారు స్మారక సాహిత్య సేవా సంస్థ ఆధ్వర్యంలో బాల– యువ కవి సమ్మేళనం. జ్ఞాన జ్యోతి పురస్కార కార్యక్రమం, 19న మహిళలకు ప్రత్యేకంగా పోటీలు, 20న వారోత్సవాల ముగింపు జరుగుతుందన్నారు.

మొగల్రాజపురం(విజయవాడ తూర్పు): కృష్ణా జిల్లా ఫెన్సింగ్‌ సంఘం ఆధ్వర్యంలో నగరంలోని పైపుల రోడ్డులో ఉన్న ఎస్‌. కన్వెన్షన్‌ హాల్‌లో కృష్ణా జిల్లా పురుషులు, మహిళల ఫెన్సింగ్‌ జట్ల ఎంపికలు గురువారం జరిగాయి. జిల్లాలోని వివిధ ప్రాంతాల నుంచి క్రీడాకారులు పాల్గొన్నారు. ఎంపికలను ఎస్‌ఆర్‌ డెవలపర్స్‌ అధినేత వలివర్తి సంజీవ రాజు ప్రారంభించారు. జిల్లా ఫెన్సింగ్‌ అసోసియేషన్‌ కార్యదర్శి నాగం సతీష్‌ మాట్లాడుతూ ఎంపికల్లో ప్రతిభ కనబరిచిన కృష్ణా జిల్లా పురుషులు, మహిళల ఫెన్సింగ్‌ జట్లు ఈ నెల 15న కాకినాడలో జరగబోయే రాష్ట్ర స్థాయి సీనియర్‌ ఫెన్సింగ్‌ చాంపియన్‌షిప్‌లో పాల్గొంటారని తెలిపారు. జిల్లా తరఫున ప్రాతినిధ్యం వహిస్తున్న క్రీడాకారులు రాష్ట్ర స్థాయిలోనూ సత్తా చాటాలని ఆయన ఆకాంక్షించారు. పీడీలు వీర బాబు, ఎన్‌.రాజు, సీతయ్య తదితరులు పాల్గొన్నారు.

హనుమాన్‌జంక్షన్‌రూరల్‌: రాష్ట్రంలో స్థానిక సంస్థల ఎన్నికలు జరుగుతున్న తరుణంలో పోలీసులు అధికార పక్షానికి కొమ్ముకాస్తూ, ప్రతిపక్ష పార్టీ గొంతు నొక్కే ప్రయత్నం చేస్తున్నారని గన్నవరం మాజీ ఎమ్మెల్యే, వైఎస్సార్‌ సీపీ నియోజకవర్గ ఇన్‌చార్జి వల్లభనేని వంశీ ఆగ్రహం వ్యక్తం చేశారు. కూటమి ప్రభుత్వంపై ప్రజావ్యతిరేకత అధికమవుతుండటంతో పోలీసు యంత్రాంగాన్ని అడ్డుపెట్టుకుని ప్రజాస్వామ్యబద్ధంగా ఎన్నికలు జరగకూడదనే కుట్ర సాగుతోందని వంశీ దుయ్యబట్టారు. గ్రామ పంచాయతీ ఎన్నికల నేపథ్యంలో వైఎస్సార్‌ సీపీ ప్రచార విభాగం రాష్ట్ర కార్యదర్శి నక్కా గాంధీ సహా పలువురి కార్యకర్తలపై హనుమాన్‌జంక్షన్‌ పోలీసులు బైండోవర్‌ కేసులు నమోదు చేసేందుకు యత్నించడం గురువారం తీవ్ర ఉద్రిక్తతకు దారితీసింది. వైఎస్సార్‌ సీపీ నేతలను పోలీస్‌స్టేషన్‌కు రావాలంటూ కానిస్టేబుళ్లు ఇంటింటికీ వెళ్లి చెప్పటంతో సాయంత్రం హనుమాన్‌జంక్షన్‌ పోలీస్‌స్టేషన్‌కు అధికసంఖ్యలో తరలివచ్చారు. వీరికి మద్దతుగా మాజీ ఎమ్మెల్యే వల్లభనేని వంశీ కూడా ఇక్కడకు చేరుకున్నారు. భయభ్రాంతులకు గురి చేస్తున్నారు ఇప్పుడు జరగబోయే పంచాయతీ ఎన్నికలకు గ్రామాల్లో వైఎస్సార్‌ సీపీ నేతలను ప్రచారం చేయనివ్వకుండా, ప్రజలు స్వచ్ఛందంగా ఓట్లు వేయకుండా భయభ్రాంతులకు గురిచేసే కుట్ర జరుగుతోదని వల్లభనేని వంశీ ఆరోపించారు. ప్రజాస్వామ్యంలో పోటీ చేసే అన్ని రాజకీయ పార్టీలకు సమాన హక్కులు ఉంటాయని, పోలీసులు, అధికారులు పక్షపాత ధోరణి ప్రదర్శించడం తగదని హితవు పలికారు. వైఎస్సార్‌ సీపీ కార్యకర్తలు, సామాన్యులు.. పోలీసుల వేధింపులకు గురి కాకుండా అండగా ఉంటామని భరోసా ఇచ్చారు. హనుమాన్‌జంక్షన్‌ పోలీసుల వివాదాస్పద తీరు, ఒంటెత్తు పోకడలపై ఎస్పీకి ఫిర్యాదు చేస్తామని చెప్పారు. ఆయనతో పాటు వైఎస్సార్‌ సీపీ ప్రచార విభాగం రాష్ట్ర కార్యదర్శి నక్కా గాంధీ, గన్నవరం జెడ్పీటీసీ సభ్యుడు అనగాని రవి, మాజీ ఎంపీపీ యర్రగొర్ల నగేష్‌, వైఎస్సార్‌ సీపీ మండల అధ్యక్షుడు ఆవిర్నేని శేషగిరిరావు, పార్టీ నాయకులు చిన్నాల సత్యగణేష్‌బాబు, కొమరవల్లి కిరణ్‌మూర్తి, మూల్పూరు ప్రభుకాంత్‌, పండు నాగార్జున, పత్తిపాటి ఏసుపాదం, తోకల నాగరాజు పాల్గొన్నారు. వంశీ స్టేషన్‌కు వెళ్లేసరికి సీఐ, ఎస్‌ఐలు అక్కడ లేకపోవడంతో రోడ్డు పక్కనే ఫుట్‌పాత్‌పై కూర్చుని నిరసన తెలిపారు. ఆ తర్వాత కొద్దిసేపటికి సీఐ ఎల్‌.రమేష్‌, ఎస్‌ఐ ఎం.శ్రీనివాస్‌ రావడంతో వైఎస్సార్‌ సీపీ నేతలపై బైండోవర్‌ కేసులు నమోదు చేయడంపై మాజీ ఎమ్మెల్యే వంశీ ప్రశ్నించారు. ఎంపీటీసీ, జెడ్పీటీసీ ఎన్నికల పోలింగ్‌ సమయంలోనూ పలువురు వైఎస్సార్‌ సీపీ ఏజెంట్లపై ఎస్‌ఐ ఎం.శ్రీనివాస్‌ తీవ్ర దుర్భాషలాడారని నిల దీశారు. బాపులపాడు మండలంలో దాదాపు 50 మంది వైఎస్సార్‌ సీపీ నేతలకు బైండోవర్‌ కేసుల పేరుతో పోలీసులు బెదిరింపులకు పాల్పడుతున్నారని మండిపడ్డారు.

ఇంద్రకీలాద్రి(విజయవాడపశ్చిమ): ఇంద్ర కీలాద్రిపై దుర్గమ్మను దేవదాయ శాఖ మంత్రి ఆనం రామనారాయణరెడ్డి గురువారం దర్శించుకున్నారు. అమ్మవారి దర్శనానికి విచ్చేసిన మంత్రి రామనారాయణరెడ్డికి ఆలయ ఈవో శీనానాయక్‌ సాదరంగా స్వాగతం పలికారు. అమ్మవారిని దర్శించుకుని ప్రత్యేక పూజలు జరిపించుకున్న అనంతరం వేద పండితులు ఆశీర్వచనం అందజేశారు. అనంతరం ఈవో శీనానాయక్‌ మంత్రికి అమ్మవారి చిత్రపటం, ప్రసాదాలను ఇచ్చారు. దసరా ఉత్సవాలు విజయవంతంగా నిర్వహించడం, అమ్మవారి గాజుల ఉత్సవం, కార్తిక విశేష పూజలను ఈవో శీనానాయక్‌ మంత్రికి వివరించారు. భవానీ దీక్షలకు అవసరమైన అన్ని ఏర్పాట్లు చేయాలని మంత్రి.. ఆలయ అధికారులకు సూచించారు. అనంతరం ఆలయ ప్రాంగణంలోని డోనర్‌ సెల్‌లో దుర్గగుడి చైర్మన్‌ రాధాకృష్ణ, మంత్రి ఆనం కలిసి చర్చించారు. పెనమలూరు: కానూరు సిద్ధార్థ డీమ్డ్‌ టుబీ యూనివర్సిటీ హైదరాబాద్‌కు చెందిన భారత ప్రభుత్వ రక్షణ పరిశోధన సంస్థ డిఫెన్స్‌ రీసెర్చ్‌ అండ్‌ డెవలప్‌మెంట్‌ లేబొరేటరీ (డీఆర్‌డీఎల్‌)తో ఎంఓయూ చేసుకుంది. ఈ మేరకు గురువారం శాస్త్రవేత్త డాక్టర్‌ అంకతిరాజు ఒప్పంద పత్రాలపై సంతకం చేశారు. ఆయన మాట్లాడుతూ కీలక పరిశోధనలు, క్షిపణి వ్యవస్థ రూపకల్పన, ఎరోడైనమాక్స్‌, నేవి గేషన్‌, గైడెన్స్‌, కంట్రోల్‌ సిస్టమ్స్‌ వంటి అత్యాధునిక సాంకేతిక రంగాల్లో డీఆర్‌డీఎల్‌ విశేష కృషి చేస్తోందన్నారు. దేశ రక్షణ సామర్థ్యాన్ని పెంచడంలో, స్వదేశీ సాంకేతిక పరిజ్ఞానాన్ని అభివృద్ధి చేయడంలో డీఆర్‌డీల్‌ కీలక పాత్ర పోషిస్తోందన్నారు. పీఎం నరేంద్రమోదీ ఆశయాలకనుగుణంగా వికసిత్‌ భారత్‌–2047 సాధనకు కృషి చేస్తున్నామని వివరించారు. ఉపకులపతి ప్రొఫెసర్‌ పి.వెంకటేశ్వరరావు మాట్లాడుతూ డీఆర్‌డీఎల్‌ ఎంఓయూ చేసు కోవడంతో పరస్పర సహకారానికి నూతన ఆవిష్కరణలకు అవకాశాలు ఏర్పడతాయన్నారు. కార్యక్రమంలో డీఆర్‌డీఎల్‌ టెక్నాలజీ హెడ్‌ డాక్టర్‌ కృష్ణమోహన్‌, ప్రో ఉపకులపతి డాక్టర్‌ రత్నప్రసాద్‌, డీన్‌లు పాల్గొన్నారు. ఇంద్రకీలాద్రి(విజయవాడపశ్చిమ): ఇంద్ర కీలాద్రిపై దుర్గమ్మ సన్నిధిలో జరుగుతున్న నిత్యాన్నదానానికి విజయవాడకు చెందిన భక్తులు రూ.3.80 లక్షల విరాళాన్ని అందజేశారు. కానూరుకు చెందిన దాసరి రవికుమార్‌ కుటుంబం అమ్మవారిని దర్శించుకునేందుకు ఇంద్రకీలాద్రికి విచ్చేసింది. ఆలయ అధికారులను కలిసి నిత్యాన్నదానం నిమిత్తం రూ. 3,80,111 విరాళాన్ని అందజేశారు. అనంతరం దాతలకు ఆలయ మర్యాదలతో అమ్మవారి దర్శనం కల్పించారు. వేద పండితుల ఆశీర్వచనం అందజేయగా, కమిటీ చైర్మన్‌ రాధాకృష్ణ దాతలకు అమ్మవారి చిత్రపటం, ప్రసాదాలు, శేషవస్త్రాలను ఇచ్చారు.మొగల్రాజపురం(విజయవాడ తూర్పు): కృష్ణా విశ్వవిద్యాలయ అంతర కళాశాలల ఆక్వాటిక్స్‌ (పురుషుల – మహిళల) చాంపియన్‌షిప్‌, యూనివర్సిటీ జట్టు ఎంపిక పోటీలు ఈ నెల 19 తేదీ ఈడుపుగల్లులోని డీఎస్‌ఏ స్విమ్మింగ్‌పూల్‌లో నిర్వహిస్తున్నామని ఎస్‌ఆర్‌ఆర్‌ అండ్‌ సీవీఆర్‌ కళాశాల ప్రిన్సిపాల్‌, చాంపియన్‌షిప్‌ చైర్‌పర్సన్‌ కె.భాగ్యలక్ష్మి గురువారం ఒక ప్రకటనలో తెలిపారు. పోటీల్లో పాల్గొనే వారు ఎస్‌ఎస్‌సీ మార్కుల జాబితా, ఇంటర్మీడియెట్‌, డిగ్రీ పాస్‌ సర్టిఫికెట్ల జిరాక్స్‌ కాపీలను చదువుతున్న కళాశాల ప్రిన్సిపాల్‌తో అటెస్ట్‌ చేయించి ఆ పత్రాలతో హాజరుకావాలని పేర్కొన్నారు. ఆసక్తిగల అభ్యర్థులు నవంబర్‌ 19వ తేదీ గురువారం ఉదయం 9 గంటలకు పోటీలు జరిగే ప్రాంతానికి నేరుగా హాజరుకావాల్సిందిగా కోరారు.

గుణదల(విజయవాడ తూర్పు): దక్షిణ భారత దేశంలో అతి పెద్ద రెండవ క్రైస్తవ పుణ్యక్షేత్రంగా విరాజిల్లుతున్న గుణదల మేరీమాత ఉత్సవాలు వచ్చే ఏడాది ఫిబ్రవరి 9,10,11 తేదీల్లో వైభవంగా నిర్వహించనున్నట్లు విజయవాడ కతోలిక పీఠం బిషప్‌ తెలగతోటి రాజారావు ప్రకటించారు. పుణ్యక్షేత్ర ప్రధానాలయ ఆవరణలో గురువారం గుణదల మాత మహోత్సవాల కమిటీ సమావేశం జరిగింది. ఆయన మాట్లాడుతూ గుణదల మేరీమాత ఉత్సవాలను వచ్చే ఏడాది ఫిబ్రవరిలో ఘనంగా నిర్వహించనున్నట్లు పేర్కొన్నారు. ఉత్సవ ఏర్పాట్లపై సమీక్ష సమావేశం నిర్వహించామన్నారు. పోలీసు, వీఎంసీ, విద్యుత్‌ శాఖల అధికారులతో సమన్వయంగా ఉంటూ ఉత్సవాలను వైభవంగా నిర్వహించాలని కమిటీకి దిశా నిర్దేశం చేశారు. శతాబ్ది ఆలయ ప్రతిష్ఠ మహోత్సవం కథోలిక క్రైస్తవులు ఎదురు చూస్తున్న శతాబ్ది నూతన ఆలయ ప్రతిష్ఠాపన కార్యక్రమాన్ని.. ఉత్సవాల సందర్భంగా నిర్వహించనున్నట్లు తెలిపారు. గుణదల మాత పుణ్యక్షేత్ర ప్రాంగణంలో ఆరేళ్లుగా నిర్మాణంలో ఉన్న నూతన చర్చిని ప్రారంభిస్తున్నట్లు పేర్కొన్నారు. మేరిమాత ఉత్సవాల నవదిన ప్రార్థనల్లో భాగంగా ఫిబ్రవరి 2న వైభవోపేతంగా నూతన ఆలయాన్ని ప్రారంభించబోతున్నట్లు స్పష్టం చేశారు. ఆంధ్ర, తెలంగాణ రాష్ట్రాల బిషప్‌లతో పాటు దేశ విదేశాల నుంచి కార్డినల్స్‌, ఆర్చ్‌ బిషప్‌లు, వేలాది మంది కతోలిక క్రైస్తవులు హాజరవుతారని తెలిపారు. రేడియో ప్రసారాలు ప్రారంభం మేరీమాత పుణ్యక్షేత్ర ఆవరణలో జరుగుతున్న ఆధ్యాత్మిక కార్యక్రమాలు, నూతన ఆలయ ప్రతిష్ఠాపన వంటి విశేషాలను శ్రోతలకు చేరవేసే దిశగా నూతనంగా రేడియో, వెబ్‌ సైట్‌ ప్రసారాలు ఏర్పాటు చేశామని రెక్టర్‌ ఫాదర్‌ యేలేటి విలియం జయరాజు తెలిపారు. ఇప్పటికే ఐరోపా ఖండంలోని 86 దేశాల్లో 131 భాషల్లో రేడియో ప్రసారాల ద్వారా కథోలిక ఆధ్యాత్మిక కార్యక్రమాలు క్రైస్తవులకు చేరుతున్నాయని వివరించారు. కార్యక్రమంలో మోన్సిగ్నోర్‌ ఫాదర్‌ మువ్వల ప్రసాద్‌, వికార్‌ జనరల్‌ ఫాదర్‌ గాబ్రియేలు, ఫాదర్‌ కె.మరియన్న, ఫాదర్‌ చిన్నప్ప, ఫాదర్‌ మైఖేల్‌, తదితరులు పాల్గొన్నారు.

గన్నవరం: వైఎస్సార్‌ సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డిని గురువారం గుంటూరు జిల్లా తాడేపల్లిలోని పార్టీ కేంద్ర కార్యాలయంలో ఆ పార్టీ కృష్ణా జిల్లా అధ్యక్షుడు పేర్ని నాని, మాజీ ఎమ్మెల్యే వల్లభనేని వంశీమోహన్‌తో కలిసి గన్నవరం జెడ్పీటీసీ సభ్యుడిగా ఎన్నికై న అనగాని రవి మర్యాద పూర్వకంగా కలిశారు. ఈ సందర్భంగా జగన్‌మోహన్‌రెడ్డికి శాలువా కప్పి సత్కరించారు. కూటమి కుట్రలను ఎదుర్కొని జెడ్పీటీసీగా గెలుపొందిన రవిని జగన్‌ ప్రత్యేకంగా అభినందించారు. పార్టీ రాష్ట్ర కార్యదర్శి కాట్రు శేషుకుమార్‌, విద్యార్థి విభాగం కృష్ణా జిల్లా అధ్యక్షుడు అనగాని సుందర చైతన్య పాల్గొన్నారు.

సాక్షి ప్రతినిధి, విజయవాడ: పరిషత్‌ ఎన్నికల్లో జనసేన అభ్యర్థుల ఓటమితో ఆ పార్టీ నేతలు, కార్యకర్తలు రగిలిపోతున్నారు. ఎన్టీఆర్‌ జిల్లాలో ఇచ్చిన రెండు సీట్లలోనూ ఓటమి పాలుకావడం, దానికి టీడీపీ నేతల తీరే కారణం కావడంతో వారు ఆగ్రహంగా ఉన్నారు. పొత్తు ధర్మాన్ని పక్కన పెట్టి జనసేన, బీజేపీ అభ్యర్థులు పోటీ చేసిన చోట్ల వారిని ఓడించడంలో టీడీపీ స్థానిక నేతలు కీలకంగా పనిచేశారన్న అనుమానాలు ఆ రెండు పార్టీల్లో వ్యక్తమవుతున్నాయి. ఒకసారి మిత్రపక్షాలు గెలిస్తే భవిష్యత్‌లో ఆ సీట్లు తమకు దక్కకుండా పోతాయన్న దుగ్ధతో ఈ పని చేశారని జనసేన కార్యకర్తలు భావిస్తున్నారు. తమకు తక్కువ స్థానాలు కేటాయించినా ఆ అసంతృప్తిని బయట పెట్టకుండా కూటమి గెలుపు కోసం పనిచేస్తే, టీడీపీ మాత్రం తమ ఓటమిలో పెద్దన్న పాత్ర వహించిందన్న భావన వారిలో వ్యక్తం అవుతోంది. కావాలనే ఓడించారని.. ఎన్టీఆర్‌ జిల్లాలో రెండు జెడ్పీటీసీ స్థానాలను కేటాయించగా రెండింటిలో జనసేన ఓటమి చవి చూసింది. కృష్ణా జిల్లాలో మొవ్వ స్థానం జనసేనకు కేటాయించగా అక్కడ టీడీపీ నేత రెబల్‌గా పోటీ చేసి గెలుపొందాడు. దీంతో జనసేనకు ఇచ్చిన సీట్లను టీడీపీ నేతలే కావాలని ఓడించారన్న భావనలో జనసేన ఉంది. పామర్రు నియోజకవర్గంలో ఐదు జెడ్పీటీసీలు, ఐదు ఎంపీపీలు ఉండగా మొవ్వ ఒక్కటే జనసేనకు కేటాయించారు. అక్కడ కూడా టీడీపీ రెబల్‌గా నన్నపనేని వీరేంద్ర పోటీలో నిలుచున్నారు. టీడీపీ నేతలు కావాలని జనసేనకు వెన్నుపోటు పొడిచి తమ పార్టీ అభ్యర్థిని గెలిపించారన్న భావనలో వారు ఉన్నారు. టీడీపీ రెబల్‌ 6,668 ఓట్ల భారీ మెజార్టీతో గెలిచారు. బీజేపీలోనూ ఇదే అసంతృప్తి బీజేపీ అభ్యర్థి బరిలోకి దిగిన గన్నవరం కూడా ఓడిపోవడంతో స్థానిక ఎమ్మెల్యేపై అనుమానాలను ఆ పార్టీ నేతలు వ్యక్తం చేస్తున్నారు. విజయవాడ పశ్చిమలో ఇద్దరు బీజేపీ అభ్యర్థులు ఓటమి చవిచూశారు. 53, 58 డివిజన్లలో బీజేపీ కార్పొరేటర్‌ అభ్యర్థులు భారీ తేడాతో ఓటమి చవిచూశారు. ఈ పరిణామాలు కూటమి స్థానిక సమన్వయంపై ప్రశ్నలు లేవనెత్తింది. పొత్తులో భాగంగా ఒక పార్టీకి కేటాయించిన స్థానంలో, మరో పార్టీకి చెందిన రెబల్‌ అభ్యర్థులు పోటీ చేయడం, పోటీ లేనిచోట కూడా సహకరించకుండా ఓడించడంతో చర్చ జరుగుతోంది. స్థానిక సంస్థల ఎన్నికల్లో తమకు అవకాశం ఉన్న చోట్ల తాము కూడా సహాయ నిరాకరణ చేస్తామంటూ జనసేన నేతలు నేరుగా టీడీపీ ఎమ్మెల్యేల వద్ద స్పష్టం చేస్తుండటంతో వారు నష్ట నివారణ కోసం ప్రయత్నాలు మొదలుపెట్టారు. ఇప్పుడు పమిడిముక్కల ఎంపీపీ కోసం జనసేన పట్టుపడుతోంది. ఆ సీటు అయినా ఇస్తారా లేదా అన్న అనుమానాలను జనసేన కార్యకర్తలు వ్యక్తం చేస్తున్నారు. పొత్తులో తక్కువ సీట్లు ఇవ్వడమే కాకుండా ఇచ్చిన చోట్ల కూడా వెన్నుపోటు పొడవడాన్ని వారు జీర్ణించుకోలేకపోతున్నారు. జగ్గయ్యపేట జెడ్పీటీసీ కేటాయించినా అక్కడ కూడా టీడీపీ నేతలు సహకరించలేదని సమాచారం. జనసేనలో కీలకంగా ఉన్న ఉదయభాను సొంత మండలంలో జనసేన అభ్యర్థికి సహాయ నిరాకరణ చేశారని ఆ పార్టీ నేతలు భావిస్తున్నారు. మరోవైపు నందిగామ నియోజకవర్గంలో కూడా వీరులపాడు జెడ్పీటీసీలో జనసేనకు ఓటమి ఎదురైంది. పలు ఎంపీటీసీ స్థానాల్లో కూడా స్థానిక టీడీపీ నేతల సహాయ నిరాకరణ కారణంగా ఓటమి ఎదురవ్వడంతో అసంతృప్తిగా ఉన్నారు. విజయవాడలో 26వ డివిజన్‌లో కూడా జనసేన అభ్యర్థి ఓటమి పాలయ్యారు.

గాంధీనగర్‌(విజయవాడసెంట్రల్‌): ఎన్టీఆర్‌ జిల్లాలో మండల ప్రజా పరిషత్‌లకు సంబంధించి కో–ఆప్టెడ్‌ సభ్యుల ఎన్నికతో పాటు మండల ప్రజా పరిషత్‌ అధ్యక్షులు, ఉపాధ్యక్షుల ఎన్నికలను నిబంధనలకు అనుగుణంగా పారదర్శకంగా, నిష్పక్షపాతంగా నిర్వహించాలని జెడ్పీ ముఖ్య కార్యనిర్వహణ అధికారి (సీఈఓ) పి. సుశీల ప్రిసైడింగ్‌ అధికారులకు సూచించారు. గురువారం విజయవాడలోని ఎన్టీఆర్‌ జిల్లా పరిషత్‌ సమావేశ మందిరంలో ప్రిసైడింగ్‌ అధికారులు, ఎంపీడీవోలకు ఎన్నికల నిర్వహణపై శిక్షణ కార్యక్రమం జరిగింది. ఈ సందర్భంగా సుశీల మాట్లాడుతూ ఎన్నికల నిర్వహణలో ప్రిసైడింగ్‌ అధికారులు బాధ్యతలను పూర్తి అవగాహనతో నిర్వర్తించాలని తెలిపారు. ఎన్నిక విధివిధానాలపై అధికారులు అవగాహన కలిగి ఉండాలన్నారు. ఎన్నికల నోటీసుల జారీ, సమావేశాలకు అవసరమైన కోరం నిర్ధారణ, నామినేషన్ల స్వీకరణ, పరిశీలన, ఉపసంహరణ,ఓటింగ్‌ ప్రక్రియ, ఓట్ల లెక్కింపు తదితర అంశాలపై అవగాహన కలిగి ఉండాలని సూచించారు. సమాన ఓట్లు వస్తే లాటరీ ద్వారా విజేతలను నిర్ణయించే విధానం, రాజకీయ పార్టీల అభ్యర్థుల అధికారిక గుర్తింపు పత్రాలు, పార్టీ విప్‌ జారీ, విప్‌ అమలు, ఎన్నికల సమావేశాల నిర్వహణ, ఫలితాల ప్రకటన, సంబంధిత రికార్డుల నిర్వహణపై కూడా అధికారులకు వివరించారు. ఎన్నికల ప్రక్రియలో ఎటువంటి పొరపాట్లకు తావులేకుండా, నిర్దేశించిన షెడ్యూల్‌ ప్రకారం ఎన్నికలను పూర్తి చేసేందుకు చర్యలు తీసుకోవాలని ఆమె స్పష్టం చేశారు. శిక్షణలో ఆయా మండలాల ఎంపీడీవోలు, ప్రిసైడింగ్‌ అధికారులు పాల్గొన్నారు. ఎన్టీఆర్‌ జెడ్పీ సీఈఓ సుశీల

పటమట(విజయవాడతూర్పు): విజయవాడ నగరపాలక సంస్థకు స్వచ్ఛ సర్వేక్షణ్‌ 2025–26లో మరోసారి జాతీయ స్థాయి గుర్తింపు లభించింది. బుధవారం సాయంత్రం న్యూఢిల్లీలోని విజ్ఞాన్‌ భవన్‌లో నిర్వహించిన స్వచ్ఛ సర్వేక్షణ్‌ అవార్డుల ప్రదానోత్సవ కార్యక్రమంలో భారత రాష్ట్రపతి ద్రౌపది ముర్ము చేతుల మీదుగా రాష్ట్ర మునిసిపల్‌ అడ్మినిస్ట్రేషన్‌ అండ్‌ అర్బన్‌ డెవలప్‌మెంట్‌ శాఖ మంత్రి డాక్టర్‌ పొంగూరు నారాయణ, ప్రిన్సిపల్‌ సెక్రటరీ ఎస్‌. సురేష్‌ కుమార్‌, స్వచ్ఛాంద్ర కార్పొరేషన్‌ చైర్మన్‌ కొమ్మారెడ్డి పట్టాభిరాం, విజయవాడ నగరపాలక సంస్థ కమిషనర్‌ ధ్యానచంద్ర ఈ పురస్కారాన్ని అందుకున్నారు. అవార్డుల వివరాలు.. మునిసిపల్‌ అడ్మినిస్ట్రేషన్‌ అండ్‌ అర్బన్‌ డెవలప్‌మెంట్‌ శాఖ మంత్రి డాక్టర్‌ పొంగూరు నారాయణ మాట్లాడుతూ స్వచ్ఛ సర్వేక్షణ్‌ 2025–26 పురస్కారాల్లో ఆంధ్రప్రదేశ్‌ రాష్ట్రానికి చెందిన ఆరు నగరాలు, పట్టణాలు వివిధ కేటగిరీల్లో అవార్డులు సాధించడం గర్వకారణమని తెలిపారు. ఇందులో విజయవాడకు జాతీయస్థాయిలో నేషనల్‌ క్లీన్‌ సిటీగా మూడో ర్యాంకు వచ్చిందని, విశాఖపట్నంకు 10 లక్షలు అంతకంటే ఎక్కువగా ఉన్న జనాభా కేటగిరీలో మొదటి ర్యాంకు వచ్చిందని, గుంటూరు 3 లక్షల నుంచి 10లక్షలు జనాభా కేటగిరిలో మూడో ర్యాంకు వచ్చిందన్నారు. తిరుపతి – కుప్పం నగరపాలక సంస్థలు స్వచ్ఛ షెహర్‌ జోడి కేటగిరీలో అవార్డులు సాధించగా, రాజమండ్రి నగరపాలక సంస్థ ఆంధ్రప్రదేశ్లో స్టేట్‌ ఫస్ట్‌ క్లీన్‌ సిటీ కేటగిరీలో పురస్కారం అందుకుందని పేర్కొన్నారు. ప్రజా భాగస్వామ్యంతోనే.. మునిసిపల్‌ అడ్మినిస్ట్రేషన్‌ అండ్‌ అర్బన్‌ డెవలప్‌మెంట్‌ శాఖ ప్రిన్సిపల్‌ సెక్రటరీ ఎస్‌. సురేష్‌ కుమార్‌ మాట్లాడుతూ స్వచ్ఛత, పారిశుద్ధ్య నిర్వహణ, వ్యర్థాల సమర్థ నిర్వహణ, ప్రజల భాగస్వామ్యం వంటి అంశాల్లో రాష్ట్రవ్యాప్తంగా చేపడుతున్న నిరంతర కార్యక్రమాలకు ఈ పురస్కారాలు నిదర్శనమని తెలిపారు. నేషనల్‌ క్లీన్‌ సిటీ విభాగంలో అవార్డు విజయవాడ నగరపాలక సంస్థ కమిషనర్‌ ధ్యానచంద్ర హెచ్‌ఎం మాట్లాడుతూ విజయవాడ నేషనల్‌ క్లీన్‌ సిటీలో మూడో ర్యాంకు సాధించటం ఎంతో గర్వకారణమన్నారు. అదనపు కమిషనర్‌ (ప్రాజెక్ట్‌) డాక్టర్‌ డి.చంద్రశేఖర్‌, చీఫ్‌ మెడికల్‌ హెల్త్‌ ఆఫీసర్‌ డాక్టర్‌ సీహెచ్‌ నిర్మల గ్లోరీ తదితరులు పాల్గొన్నారు.

గాంధీనగర్‌(విజయవాడసెంట్రల్‌): ఎన్టీఆర్‌ జిల్లాలో గ్రామ పంచాయతీ ఎన్నికలకు స్వల్ప మార్పులతో షెడ్యూల్‌ దాదాపు ఖరారైంది. తొలుత జిల్లాలోని మూడు డివిజన్లలోని గ్రామ పంచాయతీలకు మూడు దశల్లో ఎన్నికల నిర్వహణకు షెడ్యూల్‌ రూపొందించారు. తొలి దశలో విజయవాడ, రెండో దశలో తిరువూరు, మూడో దశలో నందిగామ డివిజన్‌లోని పంచాయతీలకు ఎన్నికలు నిర్వహించాలని నిర్ణయించారు. అయితే నందిగామ డివిజన్‌లో పంచాయతీల సంఖ్య ఎక్కువగా ఉండడంతో ఎన్నికలకు ఏర్పాట్లు, పోలీసు సిబ్బంది, తదితర ఇబ్బందులను దృష్టిలో ఉంచుకుని కలెక్టర్‌ స్వల్పమార్పులు సూచించారు. మూడో దశలో ఎన్నికల జరగాల్సిన నందిగామ డివిజన్‌లోని కంచికచర్ల, వీరులపాడు మండలాల్లోని గ్రామ పంచాయతీలకు తొలి దశలో ఎన్నికలు నిర్వహించాలని ప్రతిపాదించారు. దీనికి పంచాయతీరాజ్‌ గ్రామీణాభివృద్ధి శాఖ కమిషనర్‌ నుంచి ఆమోదం లభించినట్లు తెలిసింది. మూడు దశల్లో.. జిల్లాలో తొలి దశ గ్రామ పంచాయతీ ఎన్నికలకు మరో రెండు రోజుల్లో నోటిఫికేషన్‌ వెలువడనుంది. దీంతో గ్రామాల్లో ఎన్నికల వేడి రాజుకుంది. నగరపాలక సంస్థలు, ఎంపీటీసీ, జెడ్పీటీసీ ఎన్నికల కంటే ఈ ఎన్నికలను గ్రామాల్లో ప్రతిష్టాత్మకంగా తీసుకుంటున్నారు. గ్రామ పంచాయతీలు, వార్డులకు రిజర్వేషన్లు ఖరారవడంతో తొలి దశ ఎన్నికలు జరిగే గ్రామ పంచాయతీల్లో అక్కడక్కడ అభ్యర్థులు ప్రచారం నిర్వహిస్తున్నారు.

ఇంద్రకీలాద్రి(విజయవాడపశ్చిమ): కార్తిక శుద్ధ విదియ (భగిని హస్త భోజనం), యమ ద్వితీయను పురస్కరించుకుని ఇంద్రకీలాద్రిపై దుర్గమ్మ వారికి గాజుల ఉత్సవాన్ని నిర్వహించారు. అమ్మవారి మూల విరాట్‌తో పాటు ఆలయ ప్రాంగణం, ఉపాలయాలు, నూతన పూజా మండపంలోని ఉత్సవమూర్తిని గాజులతో విశేషంగా అలంకరించారు. ఘాట్‌ రోడ్డులోని కామథేను అమ్మవారికి సప్త వర్ణాలతో మెరిసిపోతున్న గాజులతో సర్వాంగ సుందరంగా అలంకరించగా వాహనాల్లో ప్రయాణిస్తున్న యాత్రికులు సైతం అమ్మవారి ఆలయం ఎదుట తమ వాహనాలను నిలిపి అమ్మవారిని దర్శించుకోవడం కనిపించింది. పెద్ద, మీడియం, చిన్న సైజు గాజులతో చేసిన అలంకారంలో అమ్మవారి రూపం ముగ్ధ మనోహరంగా ఉందని భక్తులు పేర్కొన్నారు. తెల్లవారుజామున అమ్మవారికి సుప్రభాత సేవ, వస్త్రాలంకరణ సేవ, ఖడ్గమాలార్చన అనంతరం భక్తులను దర్శనానికి అనుమతించారు. అమ్మవారిని ఆలయ ఈవో శీనానాయక్‌ దంపతులు, ఆలయ అధికారులు దర్శించుకొని ప్రత్యేక పూజలు జరిపించుకున్నారు. ఉత్సవానికి సుమారు 8 లక్షల మేర గాజులను వినియోగించినట్లు ఆలయ అధికారులు పేర్కొన్నారు. దాతలు, భక్తులు, ట్రస్ట్‌ బోర్డు సభ్యుల ద్వారా గాజులను సేకరించినట్లు అధికారులు పేర్కొన్నారు. అమ్మవారిని దర్శించుకున్న భక్తులు పూజా సామగ్రితో పాటు గాజులను సమర్పించడం కనిపించింది. ఆలయ ప్రాంగణంలో ముత్తయిదువులు గాజు లు, పసుపు, కుంకుమను ఇచ్చి పుచ్చుకున్నారు. రద్దీ సాధారణం.. దుర్గమ్మకు గాజుల ఉత్సవం నేపథ్యంలో పెద్ద ఎత్తున భక్తులు ఆలయానికి విచ్చేస్తారని ఆలయ అధికారులు అంచనా వేశారు. అయితే ఉదయం నుంచి భక్తుల రద్దీ సాధారణంగానే కొనసాగింది. అమ్మవారి మహా నివేదన సమయంలో సుమారు అరగంట పాటు అన్ని దర్శనాలు నిలిపివేశారు. అయినా సరే ఆలయ ప్రాంగణంలో రద్దీ సాధారణంగానే కొనసాగింది. సాయంత్రం ఆరు గంటలకు అమ్మవారి పంచహారతుల సేవ అనంతరం కొద్దిగా రద్దీ కనిపించింది.

జాయింట్‌ కలెక్టర్‌ ఇలక్కియ గాంధీనగర్‌(విజయవాడసెంట్రల్‌): భారత రత్న మౌలానా అబుల్‌ కలాం ఆజాద్‌ ఆశయాలు, విద్యా సేవలు చిరస్మరణీయమని ఎన్టీఆర్‌ జిల్లా జాయింట్‌ కలెక్టర్‌ ఎస్‌. ఇలక్కియ అన్నారు. బుధవారం కలెక్టరేట్‌లోని సమావేశ మందిరంలో భారతరత్న మౌలానా అబుల్‌ కలాం ఆజాద్‌ జయంతి వేడుకలను ఘనంగా నిర్వహించారు. ఆజాద్‌ చిత్రపటానికి పూలమాల వేసి ఘనంగా నివాళులర్పించారు. జేసీ మాట్లాడుతూ భారత స్వాతంత్య్ర సమరయోధుడిగా, స్వతంత్ర భారతదేశ తొలి విద్యాశాఖ మంత్రిగా మౌలానా అబుల్‌ కలాం ఆజాద్‌ దేశానికి విశేష సేవలందించారని కొనియాడారు. జిల్లా రెవెన్యూ అధికారి మన్నం లక్ష్మీనరసింహం, జిల్లా మైనారిటీ సంక్షేమ శాఖ కార్యాలయ సూపరింటెండెంట్‌ ఎన్‌.అరవింద్‌ పాల్గొన్నారు. పీహెచ్‌సీల్లో సేవల పరిశీలన లబ్బీపేట(విజయవాడతూర్పు): జిల్లాలోని ప్రాథమిక ఆరోగ్య కేంద్రాల్లో రోగులకు అందుతున్న వైద్య సేవలను జిల్లా వైద్య ఆరోగ్యశాఖాధికారి డాక్టర్‌ ఎ. శ్రావణ్‌బాబు బుధవారం క్షేత్రస్థాయిలో పరిశీలించారు. అందులో భాగంగా కంచికచర్ల, అల్లూరు, వీరులపాడు పీహెచ్‌సీలతో పాటు పెద్దాపురం ఆయుష్మాన్‌ ఆరోగ్య మందిర్‌ను ఆయన పరిశీలించారు. ఈ సందర్భంగా ఓపీ సేవలు, ఎఫ్‌ఆర్‌ఎస్‌ విధానం, ఓపీ రిజిస్టర్ల నిర్వహణను పరిశీలించి తగు సూచనలు చేశారు. ప్రతి వైద్యాధికారి స్వయంగా ఓపీ రిజిస్టర్‌లో రోగుల వివరాలను, ఉదయం, సాయంత్రం తప్పనిసరిగా నమోదు చేయాలన్నారు. లేబొరేటరీని పరిశీలించి, ప్రతిరోజు సాధ్యమైనన్ని ఎక్కువ పరీక్షలు చేయాలని, రోగులకు సత్వరం రిపోర్టులు అందించాలన్నారు. ఫార్మసీలో మందుల లభ్యత, పంపిణీ విధానం, అత్యవసర మందుల నిల్వలను, వాచ్‌ రిజిస్టర్‌ నందు నమోదు చేస్తున్నదీ లేనిదీ పరిశీలించారు. ముగిసిన రీసెర్చ్‌ కమిటీ సమావేశం లబ్బీపేట(విజయవాడతూర్పు): డాక్టర్‌ ఎన్టీఆర్‌ ఆరోగ్య విజ్ఞాన విశ్వ విద్యాలయంలో మూడు రోజుల పాటు నిర్వహించిన రీసెర్చ్‌ కమిటీ సమావేశం బుధవారం ముగిసింది. యూనివర్సిటీ ఉపకులపతి డాక్టర్‌ పి. చంద్రశేఖర్‌ నేతృత్వంలో జరిగిన ఈ సమావేశంలో అండర్‌ గ్రాడ్యుయేషన్‌ విద్యార్థులు రీసెర్చ్‌ స్కాలర్‌షిప్స్‌ కోసం చేసుకున్న 1622 దరఖాస్తులను కమిటీ సభ్యులు పరిశీలించారు. వీటితోపాటు ఫ్యాకల్టీ రీసెర్చ్‌ గ్రాంట్ల కింద చేపట్టిన పరిశోధన ప్రాజెక్టులు, పీహెచ్‌డీ పరిశోధకులు సమర్పించిన ఆరు నెలల పురోగతి నివేదికలను సమీక్షించారు. పరిశోధనల పురోగతి, విద్యా ప్రాధాన్యం, పరిశోధన నాణ్యత, అనుబంధ కళాశాలల్లో పరిశోధన కార్యకలాపాల విస్తరణ తదితర అంశాలపై చర్చించారు. యూనివర్సిటీ రిజిస్ట్రార్‌ డాక్టర్‌ టి. సాయిసుధీర్‌, రీసెర్చ్‌ విభాగం డైరెక్టర్‌ డాక్టర్‌ లక్ష్మీసూర్యప్రభ, పబ్లికేషన్స్‌ డైరెక్టర్‌ డాక్టర్‌ సుధ, పరిశోధనా కమిటీ సభ్యులు పాల్గొన్నారు. ఏపీ, తెలంగాణ రాష్ట్రాల సరిహద్దుల గుర్తింపు ఎర్రుపాలెం: భూముల రీసర్వేలో భాగంగా రెండు రాష్ట్రాల మధ్య సరిహద్దులను గుర్తించడంలో అధికారులు నిమగ్నమయ్యారు. ఈ మేరకు తెలంగాణలోని ఖమ్మం జిల్లా ఎర్రుపాలెం మండలంలోని కేశిరెడ్డిపల్లి, ఏపీలోని ఎన్టీఆర్‌ జిల్లా వీరులపాడు మండలం గూడెం మాధవరం, పెద్దాపురం గ్రామాల సమీపాన రెండు రాష్ట్రాల అధికారులు సర్వే చేశారు. ఖమ్మం, ఎన్టీఆర్‌ జిల్లాల అధికారులు ధర్మారావు, సాంబశివరావు రికార్డుల ఆధారంగా సరిహద్దులు నిర్ణయించారు. కార్యక్రమంలో తహసీల్దార్‌ కె. సునీత ఎలిజబెత్‌, రెండు మండలాల ఉద్యోగులు రవికుమార్‌, రాజశేఖర్‌, బాలయ్య పాల్గొన్నారు.

● మరో నిందితుడి కోసం గాలింపు ● హత్యకు వినియోగించిన కోడి కత్తులు స్వాధీనం ● వివరాలు వెల్లడించిన గన్నవరం డీఎస్పీ జయకృష్ణ కంకిపాడు: డెయిరీ ఫామ్‌లో జరిగిన యువకుడి హత్య కేసులో పోలీసులు ఇద్దరు నిందితులను అరెస్టు చేశారు. హత్యకు సహకరించిన మరో నిందితుడి కోసం గాలిస్తున్నారు. స్థానిక పోలీసుస్టేషన్‌లో బుధవారం గన్నవరం డీఎస్పీ జయకృష్ణ ఈ కేసు వివరాలు వెల్లడించారు. ఆయన కథనం మేరకు.. కంకిపాడు పోలీసుస్టేషన్‌ పరిధిలోని పునాదిపాడు ఫ్లై ఓవర్‌ అండర్‌పాస్‌ సమీపంలో శ్రీ రాజ్యలక్ష్మి డెయిరీ ఫామ్‌లో పని చేస్తున్న బిహార్‌ వాసి అనిల్‌కుమార్‌యాదవ్‌ (26) ఈనెల తొమ్మిదో తేదీ తెల్లవారుజామున దారుణ హత్యకు గురయ్యాడు. ఈ ఘటనపై డెయిరీ ఫామ్‌ యజమాని పువ్వాడ శ్రీనివాస్‌ ఇచ్చిన ఫిర్యాదుపై పోలీసులు మూడు సెక్షన్‌ల కింద కేసులు నమోదు చేశారు. కక్షతోనే హత్య బిహార్‌ రాష్ట్రం ముజాఫర్‌పూర్‌ చందన్‌పట్టి పోస్టు రసుపుల్‌మైయిరి ప్రాంతానికి చెందిన రాకేష్‌కుమార్‌ శ్రీరాజ్యలక్ష్మి డెయిరీఫామ్‌లో కార్మికుడిగా పనిచేసేవాడు. విధుల్లో నిర్లక్ష్యంగా ఉండటంతో డెయిరీ యజ మాని అతడిని పని నుంచి తొలగించాడు. అతని స్థానంలో బిహార్‌కు చెందిన అనిల్‌ కుమార్‌ యాదవ్‌ను పనిలోపెట్టుకున్నాడు. అనిల్‌కుమార్‌ పనిచేస్తుండగా రాకేష్‌కుమార్‌ కూడా కొన్ని రోజులు అక్కడే ఉన్నాడు. తనను పనిలో నుంచి తొలగించి అనిల్‌కుమార్‌ను పనిలో పెట్టుకోవ టంతో అతనిపై రాకేష్‌కుమార్‌ కక్షపెంచుకున్నాడు. అనిల్‌కుమార్‌యాదవ్‌ను పని మానుకోవాలని పలు మార్లు హెచ్చరించాడు. ఈ విషయమై తన బంధువైన మనీష్‌కుమార్‌కు చెప్పి రాకేష్‌కుమార్‌ బాధపడ్డాడు. ఇద్దరూ కలిసి అనిల్‌కుమార్‌ యాదవ్‌ను హత్య చేయాలని నిర్ణయించుకున్నారు. పెడన, మచిలీపట్నం ప్రాంతాల్లో పనిచేస్తున్న రాకేష్‌కుమార్‌, మనీష్‌కుమార్‌ పెడనలోని ఓ ఫామ్‌లో కోడికత్తులను తీసుకున్నారు. ఈ నెల ఎనిమిదో తేదీ రాత్రి మచిలీపట్నం నుంచి ద్విచక్రవాహనంపై మనీష్‌కుమార్‌ సోదరుడు అనీష్‌కుమార్‌తో కలిసి బయలుదేరి కంకిపాడు చేరుకున్నారు. అర్ధరాత్రి దాటిన తరువాత డెయిరీ ఫామ్‌ వద్దకు చేరుకుని గాఢ నిద్రలో ఉన్న అనిల్‌కుమార్‌యాదవ్‌పై రాకేష్‌కుమార్‌, మనీష్‌కుమార్‌ కోడికత్తులతో దాడి చేశారు. అనంతరం అక్కడి నుంచి పరారయ్యారు. తీవ్ర గాయాలపాలైన అనిల్‌కుమార్‌ను స్థానికంగా మరో పాకలో నివాసం ఉంటున్న బిహార్‌ కార్మికులు విజయవాడ ప్రభుత్వాస్పత్రికి తరలించారు. అయితే పరిస్థితి విషమించి ఆస్పత్రిలో చికిత్స పొందుతూ అనిల్‌కుమార్‌ మృతి చెందాడు. ఈ నెల 10వ తేదీన చలివేంద్రపాలెం సమీపంలోని ఐస్‌ క్రీమ్‌ కంపెనీ వద్ద అనుమానాస్పదంగా సంచరిస్తున్న ఇద్దరిని పోలీసులు అదుపులోకి తీసుకుని విచారించారు. విచారణలో వారు పునాదిపాడు డెయిరీఫామ్‌లో హత్యకు పాల్పడిన రాకేష్‌కుమార్‌, మనీష్‌కుమార్‌గా గుర్తించారు. వారు నేరాన్ని అంగీకరించటంతో నిందితులను అరెస్టు చేసి కోర్టుకు తరలించారు. నేరంతో సంబంధం ఉన్న అనీష్‌కుమార్‌ కోసం పోలీసులు గాలింపు జరుపుతున్నారు. హత్యకు వినియోగించిన రెండు కోడికత్తులు, పరారయ్యేందుకు వాడిన ద్విచక్రవాహనం, రెండు మొబైల్‌ ఫోన్‌లను స్వాధీనం చేసుకున్నారు. మూడో నిందితుడి కోసం గాలింపు ముమ్మరం చేశామని డీఎస్పీ జయకృష్ణ వెల్లడించారు. ఈ సమావేశంలో సీఐ రవికుమార్‌, ఎస్‌ఐ కె.వై.దాసు తదితరులు పాల్గొన్నారు.

ఇంద్రకీలాద్రి(విజయవాడపశ్చిమ): కార్తిక మాసాన్ని పురస్కరించుకుని ఇంద్రకీలాద్రిపై మల్లేశ్వరాలయంలో బుధవారం స్వామి వారికి విశేష పూజలను నిర్వహించారు. సాయంత్రం నాలుగు గంటలకు స్వామి వారి ఆలయ ప్రాంగణంలో ఆలయ అర్చకులు సహస్ర లింగార్చన నిర్వహించారు. పుట్టమన్నుతో లింగాలను సిద్ధం చేసి వాటికి పంచామృతాలతో అభిషేకాలు నిర్వహించారు. అనంతరం విభూది, గంధంతో విశేషంగా అలంకరించారు. స్వామి వారిని ఆలయ ఈవో శీనానాయక్‌, చైర్మన్‌ రాధాకృష్ణ దంపతులు దర్శించుకుని ప్రత్యేక పూజలు జరిపించుకున్నారు. సాయం సంధ్య వేళ మల్లేశ్వర స్వామి వారికి మహా నివేదన, పంచహారతుల సేవ నిర్వహించారు. ఆ ఆలయ ప్రాంగణంలో సహస్ర దీపాలంకరణ సేవ నిర్వహించారు. తొలుత అద్దాల మండపం నుంచి శ్రీగంగా పార్వతీ(దుర్గ) సమేత మల్లేశ్వర స్వామి వార్ల ఉత్సవమూర్తులకు మేళతాళాలు, మంగళ వాయిద్యాల నడుమ ఆలయానికి ఊరేగింపుగా తీసుకువచ్చారు. దీపాలంకరణ సేవలో భాగంగా స్వామి వారికి ప్రత్యేక పూజలు నిర్వహించి దీపాలను వెలగించారు. సేవలో ట్రస్ట్‌ బోర్డు సభ్యులు హరికృష్ణ, సుబ్రహ్మణ్యకుమార్‌, సరిత, పద్మావతి ఠాగూర్‌లతో పాటు పలువురు ఉభయదాతలు, భక్తులు పాల్గొని తరలించారు.

లబ్బీపేట(విజయవాడతూర్పు): ప్రజల బలహీనతను ఆసరాగా చేసుకుని సైబర్‌ నేరగాళ్లు రెచ్చిపోతున్నారు. ఉద్యోగాలు ఇప్పిస్తామంటూ.. పెట్టుబడులతో అధిక లాభాలు వస్తాయంటూ రోజుకో కొత్త వేషంతో ప్రజలను నమ్మిస్తూ రూ.లక్షలు కొల్లగొడుతున్నారు. ప్రస్తుతం జరుగుతున్న సైబర్‌ నేరాల్లో 80 శాతం సోషల్‌ మీడియా వేదికగానే జరుగుతుండగా, అనధికారిక యాప్స్‌ డౌన్‌లోడ్‌ వంటి వాటితో మరికొన్ని నేరాలు జరుగుతున్నాయి. టెక్నాలజీల్లో నైపుణ్యం కలిగిన సైబర్‌ నేరగాళ్లు మనకు తెలియకుండానే మన ఫోన్‌ నంబర్‌తో ఆపరేట్‌ అయ్యే బ్యాంకు ఖాతాలు, డెబిట్‌, క్రెడిట్‌ కార్డులోని సొమ్మును దోచేస్తున్నారు. ఇప్పుడు సైబర్‌ నేరాలు పోలీసులకు సైతం పెనుసవాల్‌గా మారాయి. ప్రజల్లో అవగాహన కల్పిస్తున్నా, ఏదో రూపంలో నేరగాళ్లు దోచేస్తూనే ఉన్నారు. ఇవే నిదర్శనం.. ఇలా ముగ్గురే కాదు ఇటీవల కాలంలో ప్రముఖ సాఫ్ట్‌వేర్‌ కంపెనీల్లో ఉద్యోగావకాశాలు ఉంటూ సోషల్‌ మీడియాలో పోస్టులు పెడుతున్నారు. వాటి పట్ల ఆసక్తి చూపిన వారిని అడ్డంగా దోచేస్తున్నారు. పోలీసులకు సైతం సైబర్‌ నేరగాళ్లు సవాల్‌గా మారారు. ప్రజలు గుర్తుతెలియని నంబర్ల నుంచి వచ్చిన లింక్‌లు, ఏపీకే ఫైల్స్‌ను ఓపెన్‌ చేయకుండా డిలీట్‌ చేయాలి. సోషల్‌ మీడియాతోనే 80శాతం సైబర్‌ నేరాలు జరుగుతున్నాయి. సోషల్‌ మీడియాను అవసరం మేరకు మాత్రం వాడాలి. జాబ్స్‌ ఇప్పిస్తామని, తక్కువ పెట్టుబడితో అధిక లాభాల అంటూ వచ్చే ప్రకటనలు నమ్మటం సరికాదు. అనధికారిక యాప్స్‌ డౌన్‌లోడ్‌ చేసే సమయంలో అప్రమత్తంగా లేకుంటే ఫోన్‌లోని సమాచారం అంతా సైబర్‌ నేరగాళ్ల చేతికి వెళుతుంది. ఓటీపీలు కూడా వారికి చేరతాయి. ఏదైనా సైబర్‌నేరం జరిగితే వెంటనే 1930కి కాల్‌ చేయడం ద్వారా మీ డబ్బులు ఏ అకౌంట్‌కు వెళ్లాయో గుర్తించి, అకౌంట్‌ లావాదేవీలు నిలిపివేయవచ్చు. – కె. కృష్ణప్రసన్న, డీసీపీ, సైబర్‌ క్రైమ్‌, విజయవాడ ఇటీవల కాలంలో సోషల్‌ మీడియా వేదికగా 80శాతం సైబర్‌ నేరాలు జరుగుతున్నట్లు పోలీసులు చెబుతున్నారు. సోషల్‌ మీడియాలో వచ్చే ఆసక్తికరమైన ప్రకటనలతో ప్రజలు మోసం చేస్తున్నట్లు చెబుతున్నారు. ఉద్యోగ అవకాశాలు అంటూ ప్రముఖ సాఫ్ట్‌వేర్‌ కంపెనీల పేర్లతో పోస్టులు వస్తున్నాయని, ఇంటి వద్దే ఉంటూ ఆదాయం పొంద వచ్చని, తక్కువ మొత్తంలో పెట్టుబడి పెడితే అధిక లాభం పొందవచ్చంటూ వచ్చే ప్రకటనలను నమ్మవద్దని పోలీసులు చెబుతున్నారు. అంతేకాకుండా అనాథరైజ్డ్‌ యాప్స్‌ను డౌన్‌లోడ్‌ చేసేటప్పుడు అప్రమత్తంగా ఉండాలంటున్నారు. వారి నుంచి వచ్చే మెసేజ్‌లను సమగ్రంగా చదివిన తర్వాత సబ్‌మిట్‌ కొట్టాలంటున్నారు. లేకుండా మీకు వచ్చే ఓటీపీలు, సైబర్‌ నేరగాళ్లకు వెళ్లే ప్రమాదం ఉందంటున్నారు.

హనుమాన్‌జంక్షన్‌రూరల్‌: తాళం వేసి ఉన్న ఇంట్లో చోరికి పాల్పడిన దొంగకు నూజివీడు న్యాయస్థానం ఆరు నెలల జైలు శిక్ష విధించింది. బాపులపాడు మండలం వీరవల్లికి చెందిన వేల్పూరు వెంకటేశ్వరరావు తన ఇంటికి తాళం వేసి కుటుంబ సభ్యులతో ఊరు వెళ్లాడు. ఈ నేపథ్యంలో వెంకటేశ్వరరావు ఇంటి తాళం పగలుకొట్టిన దుండగులు లోనికి చొరబడ్డారు. బీరువా తెరిచి బంగారు ఆభరణాలు చోరీ చేశారు. వీరవల్లి ఎస్‌ఐ సత్యం సురేష్‌ కేసు నమోదు చేసి దర్యాప్తు చేపట్టారు. అంపాపురానికి చెందిన తాతనబోయిన సాయి తేజ ఈ చోరీకి పాల్పడినట్లుగా గుర్తించి అరెస్ట్‌ చేశారు. అతని వద్ద బంగారు ఆభరణాలను రికవరీ చేశారు. ఈ కేసులో నూజివీడు న్యాయస్థానంలో ఏపీపీ వి.ప్రసన్న వాదనలతో ఏకీభవించిన జడ్జి ఎం.శివ పార్వతి నింది తుడు తాతనబోయిన సాయితేజకు ఆరు నెలల జైలు శిక్ష విధించారు. మైలవరం: రోడ్డు ప్రమాదంలో యువకుడు మృతి చెందిన ఘటన మైలవరం మండలం వెల్వడం వద్ద బుధవారం జరిగింది. మైలవరం మండలం చంద్రాల గ్రామానికి చెందిన బింగి శంతను (25) కర్ణాటక రాష్ట్రంలో ఉద్యోగం చేస్తున్నాడు. వినాయక చవితి పండగకు ఇంటికి వచ్చాడు. అప్పటి నుంచి భార్య కీర్తన, మూడేళ్ల కుమార్తెతో చంద్రాలలో తల్లిదండ్రుల వద్దే ఉంటున్నాడు. బుధవారం ఉదయం ద్విచక్ర వాహనంపై స్నేహితునితో కలిసి మైలవరం వచ్చాడు. పనులు ముగించుకుని తిరిగి ఇంటికి వెళ్లేందుకు శంతను స్నేహితుడు వాహనం నడుపుతున్నాడు. మినీ వ్యానును ఓవర్‌ టేక్‌ చేసే క్రమంలో ఎదురుగా వస్తున్న టిప్పర్‌ను చూసి సడన్‌ బ్రేక్‌ వేయడంతో వెనుక కూర్చున్న శంతను కిందపడగా, అతని పై నుంచి టిప్పర్‌ వెళ్లడంతో అక్కడికక్కడే మృతి చెందాడు. శంతను స్నేహితుడు ప్రమాదం నుంచి క్షేమంగా బయటపడ్డాడు. పోలీసులు ఘటనా స్థలానికి చేరుకుని శంతను మృతదేహాన్ని పోస్టుమార్టమ్‌ నిమిత్తం ప్రభుత్వాస్పత్రికి తరలించారు. ఈ ప్రమాదంపై కేసు నమోదు చేసి దర్యాప్తు చేస్తున్నట్లు పోలీసులు తెలిపారు.

కోనేరుసెంటర్‌: భారత ప్రభుత్వ యువజన వ్యవహారాలు, క్రీడల మంత్రిత్వ శాఖ ఆధ్వర్యంలో నిర్వహిస్తున్న వికసిత్‌ భారత్‌ యంగ్‌ లీడర్స్‌ డైలాగ్‌–2027 కార్యక్రమంలో భాగంగా యూత్‌ పార్లమెంట్‌ పోటీలు–2027 నిర్వహణకు కృష్ణాజిల్లాలో ఏర్పాట్లు చేపట్టారు. ఈ పోటీల్లో భాగంగా జిల్లాలోని వివిధ కళాశాలలకు చెందిన 18 నుంచి 25 ఏళ్ల వయస్సు గల దాదాపు 50 మంది విద్యార్థులు పాల్గొననున్నారు. ఈ సందర్భంగా పోటీలకు ముందు విద్యార్థులను ఉద్దేశించి నిర్వహించిన సమావేశంలో కలెక్టర్‌ డీకే బాలాజీ మాట్లాడుతూ ఇలాంటి పోటీల్లో పాల్గొనడమే విద్యార్థి దశలో ఒక గొప్ప అభ్యాస అనుభవమన్నారు. పుస్తకాలు, విద్యా సంబంధిత అంశాల ద్వారా పొందే అకడమిక్‌ పరిజ్ఞానం మాత్రమే నేటి పోటీ ప్రపంచంలో ఉద్యోగ అవకాశాలను సాధించేందుకు సరిపోదని, దానికి అనుబంధంగా క్షేత్రస్థాయి అనుభవం, ఆచరణాత్మక పరిజ్ఞానం, వివిధ అంశాలపై అవగాహన ఎంతో అవసరమని తెలిపారు. యూత్‌ పార్లమెంట్‌ పోటీల్లో పాల్గొనే దాదాపు 50 మంది విద్యార్థుల్లో ప్రతిభ కనబరిచిన ముగ్గురిని ఎంపిక చేసి రాష్ట్రస్థాయి పోటీలకు పంపించనున్నట్లు నిర్వాహకులు తెలిపారు. కృష్ణా విశ్వవిద్యాలయం వైస్‌ చాన్స్‌లర్‌ కె. రాంజీ, రిజిస్ట్రార్‌ డాక్టర్‌ ఉషా, ప్రిన్సిపాల్‌ డాక్టర్‌ శ్రావణి తదితరులు పాల్గొన్నారు.

కృష్ణలంక(విజయవాడతూర్పు): ఏఎన్‌ఎం/జీఎన్‌ఎం, బీఎస్‌సీ నర్సింగ్‌ పూర్తి చేసిన ఎస్సీ మహిళలకు 3 నెలల పాటు ఉచిత రెసిడెన్షియల్‌ నైపుణ్య శిక్షణ ఇస్తున్నట్లు రాష్ట్ర సాంఘిక సంక్షేమ శాఖ మంత్రి డాక్టర్‌ డోలా బాల వీరాంజనేయస్వామి తెలిపారు. గవర్నర్‌పేటలోని ఎం.బి.విజ్ఞాన కేంద్రంలో మంగళవారం ఇజ్రాయేల్‌ నర్సింగ్‌ ట్రైనింగ్‌ వర్క్‌ షాప్‌ నిర్వహించారు. ముఖ్య అతిథిగా పాల్గొన్న మంత్రి వీరాంజనేయస్వామి మాట్లాడుతూ పీఎం ఏజెఏవై కార్యక్రమంలో భాగంగా ఈ నైపుణ్య శిక్షణను ఏర్పాటు చేశామన్నారు. విశాఖ, రాజమండ్రి, గుంటూరు, నెల్లూరు, తిరుపతి, కర్నూలు కేంద్రాలుగా తొలి విడతగా 1100 మందికి శిక్షణ ఇస్తున్నామని, శిక్షణ అనంతరం ఇజ్రాయేల్‌లో నెలకు రూ.2లక్షల వేతనంతో ఉపాధి కల్పిస్తామన్నారు. ఇప్పటికే జర్మన్‌ లాంగ్వేజ్‌లో 300మందికి శిక్షణ ఇచ్చామని, వారికి జర్మనీలో ఉపాధి కల్పనకు కృషి చేస్తున్నామన్నారు. కార్యక్రమంలో మాల కార్పొరేషన్‌ చైర్మన్‌ పి.విజయ్‌కుమార్‌, సాంఘిక సంక్షేమ శాఖ కార్యదర్శి ఎం.ఎం.నాయక్‌, ఏపీఎస్‌డబ్ల్యూర్‌ఈఐఎస్‌ కార్యదర్శి తేజ్‌ భరత్‌ తదితరులు పాల్గొన్నారు. ఖాతాలోని రూ.8.50 లక్షలు మాయం లబ్బీపేట(విజయవాడతూర్పు): కృష్ణలంక ప్రాంతంలో నివసిస్తూ ప్రభాస్‌ కళాశాల వద్ద రైతు బజారులో కూరగాయలు వ్యాపారం చేసుకునే వ్యక్తికి రుణం ఇప్పించి, తన ఖాతాలో సొమ్ము ఇతర అకౌంట్స్‌కు బదిలీ చేసిన ఘటనపై సైబర్‌ క్రైం పోలీసులు కేసు నమోదు చేశారు. వివరాలు ఇవి.. కృష్ణలంకకు చెందిన కూరగాయల వ్యాపారి ఇంటి పక్కనే మేకల విజయలక్ష్మి నివాసం ఉంటుంది. ఒక రోజు ఆ వ్యాపారి సిబిల్‌ చూసిన విజయలక్ష్మి, మీ సిబిల్‌ బాగుంది లోన్‌ వస్తుంది అని నమ్మబలికింది. ‘ఒక ఆమెకు డబ్బులు కావాలి, ఆమె పేరుతో ఉన్న ఇంటిని మీ పేరుతో రిజిస్ట్రేషన్‌ చేస్తారు.. మీ పేరుతో రుణం తీసుకుంటారు’ అని నమ్మబలికారు. అందులో భాగంగా ఇంటి స్థలం వ్యాపారి పేరుతో రిజిస్ట్రేషన్‌ చేసి, మళ్లీ దానిని తనఖా పెట్టించారు. అనంతరం వ్యాపారి పేరుతో యాక్సెస్‌ బ్యాంకులో అకౌంట్‌ ఓపెన్‌ చేయించిన విజయలక్ష్మి, లోకేష్‌, సంపత్‌ అనే వాళ్లు రుణం కోసం అప్‌లై చేయించి, రూ.8.50 లక్షలు వ్యాపారి ఖాతాలో జమచేశారు. కాగా ఆ ఖాతా ఫోన్‌ నంబరు వ్యాపారిది కాకుండా వాళ్లది ఇచ్చి, డబ్బులు పడిన తర్వాత విడతల వారీగా విత్‌డ్రా చేశారు. కొంత కాలం తర్వాత వ్యాపారి ఈఎంఐలు చెల్లించడం లేదని బ్యాంకు నుంచి ఒత్తిడి చేస్తుండగా, వెళ్లి ఖాతా చెక్‌ చేయగా, ఆన్‌లైన్‌లో నగదు బదిలీ చేసినట్లు గుర్తించారు. దీంతో మోసపోయినట్లు గుర్తించి సైబర్‌ క్రైం పోలీసులకు ఫిర్యాదు చేశారు. గుణదల(విజయవాడ తూర్పు): తాళం వేసి ఉన్న తన ఇంట్లో గుర్తు తెలియని వ్యక్తులు చొరబడి బంగారు నగలు చోరీ చేశారంటూ ఓ మహిళ మాచవరం పోలీసులను ఆశ్రయించిన సంఘటన మంగళవారం వెలుగు చూసింది. పోలీసులు తెలిపిన వివరాల ప్రకారం.. ఎల్‌ఐసీ కాలనీకి చెందిన చిరువెళ్ల స్వాతి ప్రకాష్‌(41) పుష్ప హోటల్‌ సెంటర్‌లో ఓ జాతీయ బ్యాంక్‌ మేనేజర్‌గా పని చేస్తోంది. గత నెల 19న ఓ శుభ కార్యక్రమానికి వెళ్లేందుకు సిద్ధమైంది. ఈ క్రమంలో తన బీరువవాలో ఉన్న నగలు తీసుకునే ప్రయత్నం చేయగా ఆభరణాలు కన్పించలేదు. ఇల్లంతా వెతికినా, ఇరుగు పొరుగు వారిని విచారించినా ఫలితం లేకపోయింది. తన నగలు చోరీకి గురైనట్లు నిర్ధారించుకున్న ఆమె మాచవరం పోలీసులకు ఫిర్యాదు చేసింది. సుమారు రూ.4 లక్షల విలువైన 37 గ్రాముల ఆభరణాలు పోయినట్లు ఫిర్యాదులో పేర్కొంది. వివరాలు సేకరించిన పోలీసులు కేసు నమోదు చేశారు.

ఇంద్రకీలాద్రి(విజయవాడపశ్చిమ): దుర్గమ్మ సన్నిధిలో జరుగుతున్న నిత్యాన్నదానానికి మంగళవారం పలువురు భక్తులు విరాళాలు సమర్పించారు. విజయవాడ గొల్లపూడికి చెందిన పాలడుగు జీవన్‌ మిత్ర కుటుంబం అమ్మవారిని దర్శించుకునేందుకు ఇంద్రకీలాద్రికి విచ్చేసింది. ఆలయ అధికారులను కలిసి నిత్యాన్నదానానికి రూ. లక్ష విరాళాన్ని అందజేసింది. అలాగే విజయవాడ ప్రశాంతినగర్‌కు చెందిన కాలకోట కోమలి కుటుంబం దుర్గమ్మ అన్నదానానికి, గోసంరక్షణ పథకానికి రూ. 1,01,116 విరాళాన్ని అందజేశారు. అనంతరం దాతలకు ఆలయ మర్యాదలతో అమ్మవారి దర్శనం కల్పించారు. వేద పండితుల ఆశీర్వచనం అనంతరం ఆలయ అధికారులు, ట్రస్ట్‌ బోర్డు సభ్యులు రామబ్రహ్మం అమ్మవారి చిత్రపటం, ప్రసాదాలు, శేషవస్త్రాలను బహూకరించారు.

లబ్బీపేట(విజయవాడతూర్పు): జిల్లాలోని వైద్యులు, వైద్య సిబ్బంది కచ్చితంగా సమయపాలన పాటించాలని ఎన్టీఆర్‌ జిల్లా డీఎంహెచ్‌ఓ డాక్టర్‌ శ్రావణ్‌బాబు అన్నారు. ప్రతి రోగితో మర్యాదపూర్వకంగా వ్యవహరించాలని ఆయన సూచించారు. జిల్లాలోని ప్రాథమిక ఆరోగ్య కేంద్రాలు, పట్టణ ప్రాథమిక ఆరోగ్య కేంద్రాల్లో పనిచేసే వైద్యులతో మంగళవారం సమీక్ష సమావేశం నిర్వహించారు. గవర్నర్‌పేటలోని ఐఎంఏ హాలులో జరిగిన సమావేశంలో డాక్టర్‌ శ్రావణ్‌బాబు మాట్లాడుతూ ప్రజలకు నాణ్యమైన వైద్య సేవలు అందిస్తూ, ఐవీఆర్‌ఎస్‌ కాల్స్‌లో 100 శాతం ప్రగతి సాధించాలని పేర్కొన్నారు. ఆస్పత్రిలను పరిశుభ్రంగా ఉంచడంతో పాటు, అవసరమైన వైద్య పరీక్షలు, చికిత్సలు ఉచితంగా అందించాలని తెలిపారు. ప్రతి మండల పరిధిలోని, సాంఘిక సంక్షేమ హాస్టళ్లను, బీసీ హాస్టళ్లను, నెలకు రెండుసార్లు తప్పనిసరిగా సందర్శించి విద్యార్థుల ఆరోగ్య పరిస్థితిని సమగ్రంగా పరిశీలించాలన్నారు. కార్యక్రమంలో జిల్లా టీబీ ప్రోగ్రామ్‌ ఆఫీసర్‌ డాక్టర్‌ భానూనాయక్‌, డెప్యూటీ డీఎంహెచ్‌ఓ డాక్టర్‌ ఇందుమతీదేవి, డీఐఓ డాక్టర్‌ శరత్‌బాబు, డీపీఎంఓ డాక్టర్‌ నవీన్‌, రేణుక తదితరులు పాల్గొన్నారు.

వాహనాల ఫిట్‌నెస్‌ సర్టిఫికెట్‌ అనేది కేవలం ఆదాయం సమకూర్చే ప్రక్రియ కాదు. అది ప్రజల ప్రాణాలకు, రహదారి భద్రతకు సంబంధించిన అత్యంత ముఖ్యమైన బాధ్యత. ప్రైవేట్‌ కేంద్రాలకు అనుమతులు ఇచ్చినంత మాత్రాన వాటి పనితీరుపై ప్రభుత్వ పర్యవేక్షణ తగ్గకూడదు. ఇవి వాహన భద్రతను పెంచడానికే పనిచేయాలి తప్ప, అవి అక్రమ వసూళ్ల కోసం నిబంధనలను పక్కనపెట్టి సర్టిఫికెట్లు జారీ చేసే కేంద్రాలుగా మారకూడదు. ఇక్కడ అవినీతి, అక్రమాలపై ప్రభుత్వం విచారణ చేయాలి. వాటిపై రవాణాశాఖ ఉన్నతాధికారుల అజమాయిషీ ఉండేలా చర్యలు తీసుకోవాలి. –బి.శేషగిరి, రాష్ట్ర ప్రధాన కార్యదర్శి, న్యూ ఆంధ్రా మోటార్‌ ట్రక్కర్స్‌ అసోసియేషన్‌

వాహన సంఘాల డిమాండ్‌లు ఇవేభద్రత మాటున బాదుడు ఫిట్‌నెస్‌ పరీక్షలా.. లబ్బీపేట(విజయవాడతూర్పు): వాహనాల ఫిట్‌నెస్‌ పరీక్షలు వాహనదారులకు ఆర్థిక భారమవుతున్నాయనే ఆరోపణలు వెల్లువెత్తుతున్నాయి. వాహనాల భద్రత, రోడ్డు ప్రమాదాల నివారణే లక్ష్యంగా తీసుకొచ్చిన ఏటీఎస్‌ (ఆటోమేటెడ్‌ టెస్టింగ్‌ స్టేషన్‌) విధానం ఇప్పుడు అదనపు వసూళ్లకు వేదికగా మారిందని వాహనాల యజమానులు ఆవేదన వ్యక్తం చేస్తున్నారు. ఒక్కో వాహనానికి రూ.10 వేల నుంచి రూ.30 వేల వరకు ఖర్చవుతోందని ఆరోపిస్తున్నారు. దీంతో కార్పొరేట్‌లు దోపిడీ చేయడం మినహా ప్రయోజనం ఏమీ లేదని వాహనదారులు ఆరోపిస్తున్నారు. ఈ టెస్టింగ్‌తో కచ్చితమైన ఫిట్‌నెస్‌ పరీక్షలు చేస్తామని చెబుతున్నా, గతంలో కంటే ఏటీఎస్‌ కేంద్రాలు వచ్చిన తర్వాతే రోడ్డు ప్రమాదాలు పెరిగాయంటున్నారు. జిల్లాలోని వాహనాలన్నీ ఒకే చోటకు రావడం వాహనదారులకు ఇబ్బందిగా మారుతుందంటున్నారు. ఏటీఎస్‌ కేంద్రాల అవినీతిపై కోర్టును సైతం ఆశ్రయించేందుకు వాహన సంఘాల ప్రతినిధులు సిద్ధమవుతున్నట్లు తెలిసింది. ప్రభుత్వం చర్యలు తీసుకోవాలని వాహన యజమానులు కోరుతున్నారు. జిల్లా అంతా ఒకేచోట గతంలో ఉమ్మడి కృష్ణాజిల్లాలో విజయవాడతో పాటు, మచిలీపట్నం, గుడివాడ, నందిగామ, జగ్గయ్యపేట ఇలా ఏడెనిమిది కేంద్రాల్లో వాహనాల ఫిట్‌నెస్‌ పరీక్షలు చేసేవారు. ఇప్పుడు మొత్తం ఒకేచోట నున్నలో ఏటీఎస్‌ ఏర్పాటు చేశారు. దీంతో ఉమ్మడి జిల్లాలోని అన్ని ప్రాంతాల వాహనాలు అక్కడకు వెళ్లాల్సిన పరిస్థితి ఉంది. తిరువూరు వంటి దూర ప్రాంతాల వారు పనులు మానుకుని రావాల్సి వస్తోందని ఆవేదన వ్యక్తం చేస్తున్నారు. పెరిగిన అక్రమ వసూళ్లు గతంలో ఆర్టీఏ అధికారులు ఫిట్‌నెస్‌ ఫరీక్షలు చేసినప్పుడు ప్రభుత్వ చలానా ఇతర ఫీజులు వంటి వాటితో కలిపి రూ. 3 వేల నుంచి రూ.5 వేల మధ్య ఖర్చు అయ్యేదంటున్నారు. ఇప్పుడు రూ.10 వేల నుంచి రూ. 30 వేల వరకూ అవుతుండటంతో భారంగా మారిందని పలువురు వాహనదారులు ఆందోళన వ్యక్తం చేస్తున్నారు. వాహన ఫిట్‌నెస్‌ తనిఖీలకు నిర్ణయించిన ఫీజులకు అదనంగా ఆటోలకు రూ. 900, కార్లుకు రూ. 2 వేల నుంచి రూ. 3వేలు, లారీలు, బస్సులు అయితే రూ. 6 వేల నుంచి రూ. 15 వేల వరకూ వసూళ్లు చేస్తున్నట్లు చెబుతున్నారు. అదేమంటే ఆన్‌లైన్‌ తనిఖీల్లో లోపాలు ఉన్నట్లు గుర్తించామంటూ అక్రమాలకు పాల్పడుతున్నట్లు ఆరోపణలు వెల్లువెత్తుతున్నాయి. గతంలో ఇలా.. గతంలో రవాణా శాఖకు చెందిన అర్హత కలిగిన అధికారులు వాహనాలను స్వయంగా పరిశీలించేవారు. వాటి సాంకేతిక పరిస్థితి, చాసిస్‌, ఇంజిన్‌ నంబర్‌, బ్రేకులు, లైట్లు, టైర్లు, స్టీరింగ్‌, సస్పెన్షన్‌, వాహన నిర్మాణం, భద్రతా పరికరాలు తదితర అంశాలను తనిఖీ చేసేవారు. అనంతరం ఫిట్‌నెస్‌ సర్టిఫికెట్లు ఇచ్చేవారు. ప్రైవేట్‌ నిర్వహణలోని ఏటీఎస్‌ కేంద్రాల్లో వాహనాల తనిఖీలు ఏ విధంగా జరుగుతున్నాయి? అక్కడ పనిచేసే సిబ్బందికి తగిన సాంకేతిక అర్హతలు, శిక్షణ, వాహనాల నిర్మాణంపై పరిజ్ఞానం ఉన్నాయా? అనే ప్రశ్నలు తలెత్తుతున్నాయని వాహన యజమానులు అందున్నారు. కొన్ని కేంద్రాల్లో వాహనాలను కనీస స్థాయిలో కూడా తనిఖీ చేయకుండా, నిబంధనలకు విరుద్ధంగా ఫిట్‌నెస్‌ సర్టిఫికెట్లు జారీ చేస్తున్నారనే ఆరోపణలు వస్తున్నాయి.

వన్‌టౌన్‌(విజయవాడపశ్చిమ): దేశంలో గిరిజన ప్రముఖుల వారసత్వం అమోఘమని విజయవాడ డివిజన్‌ అదనపు డివిజనల్‌ రైల్వే మేనేజర్‌ (మౌలిక సదుపాయాలు) పీఈ ఎడ్విన్‌ అన్నారు. విజయవాడ డివిజన్‌ రైల్వేస్‌ ఆధ్వర్యంలో జనజాతీయ గౌరవ దివాస్‌ వేడుకలను రైల్వే ఇన్‌స్టిట్యూట్‌ ఆడిటోరియంలో మంగళవారం ఘనంగా నిర్వహించారు. పీఈ ఎడ్విన్‌ వేడుకలను ప్రారంభించారు. అనంతరం ఎడ్విన్‌ ప్రసంగిస్తూ గిరిజన స్వాతంత్య్ర సమరయోధులు, భగవాన్‌ బిర్సా ముండా సేవలను ప్రతి ఒక్కరూ స్మరించుకోవాలన్నారు. విజయవాడ డివిజన్‌ సీనియర్‌ డివిజనల్‌ పర్సనల్‌ ఆఫీసర్‌ ప్రేమ్‌కుమార్‌ లఖావత్‌ ప్రసంగించారు. డివిజన్‌కు చెందిన భారత్‌ స్కౌట్స్‌ అండ్‌ గైడ్స్‌ సభ్యులు ప్రదర్శించిన గిరిజన సంప్రదాయ నృత్యాలు ఆకట్టుకున్నాయి.

ఇంద్రకీలాద్రి(విజయవాడపశ్చిమ): కార్తిక శుద్ధ విదియ (భగిని హస్త భోజనం), యమ ద్వితీయను పురస్కరించుకుని ఇంద్రకీలాద్రిపై బుధవారం దుర్గమ్మను గాజులతో విశేషంగా అలంకరించనున్నారు. అమ్మవారి మూలవిరాట్‌తో పాటు అంతరాలయం, ఆలయ ప్రాంగణంతో పాటు మహామండపం ఆరో అంతస్తులో ఉత్సవమూర్తిని అలంకరించడానికి సుమారు 8 లక్షల గాజులను సేకరించారు. అమ్మవారి ఆలయాన్ని అలంకరించేందుకు అవసరమైన గాజుల దండలను వందలాది మంది సేవా సిబ్బంది సిద్ధం చేశారు. అమ్మవారి సన్నిధిలో పూజలు అందుకున్న గాజులను భక్తులకు ప్రసాదంగా పంపిణీ చేస్తారు. భక్తుల రద్దీ నేపఽథ్యంలో బుధవారం ఆలయ ప్రాంగణంలో సిబ్బందికి ప్రత్యేకంగా విధులను కేటాయించారు. భక్తులకు ఇబ్బంది లేకుండా వసతులు ఏర్పాటుచేయాలని ఆలయ ఈవో శీనానాయక్‌, చైర్మన్‌ రాధాకృష్ణ సిబ్బందికి సూచించారు. బుధవారం సుమారు 70 నుంచి 80 వేల మంది భక్తులు ఇంద్రకీలాద్రికి తరలివస్తారని ఆలయ అధికారులు అంచనా వేస్తున్నారు.

ఇంద్రకీలాద్రి(విజయవాడపశ్చిమ): ఇంద్రకీలాద్రిపై మల్లేశ్వర స్వామి వారి ఆలయంలో కార్తిక మాస విశేష పూజలు మంగళవారం నుంచి ప్రారంభమయ్యాయి. ఉదయం మల్లేశ్వర స్వామి వారి ఆలయ ప్రాంగణంలో సంకల్ప దీక్ష, గణపతి పూజలను ఆలయ అర్చకులు నిర్వహించారు. ఆలయ స్థానాచార్య శివప్రసాద్‌ శర్మ ఆలయ అర్చకులు, వైదిక కమిటీ సభ్యుల పర్యవేక్షణలో ఈవో శీనానాయక్‌ నిర్వహించారు. కాఠక పారాయణలు, శివ పంచాక్షరీ, లక్ష్మీగణపతి జపాలను ఆలయ అర్చకులు నిర్వహించగా, ప్రధాన ఆలయంలో మల్లేశ్వరస్వామి వారికి త్రికాల అర్చనలు జరిగాయి. స్వామి వారిని దర్శించుకునేందుకు, అభిషేకాలు జరిపించుకునేందుకు పెద్ద ఎత్తున భక్తులు, ఉభయదాతలు పాల్గొన్నారు. ప్రదోషకాలంలో స్వామి వారికి మహా నివేదన, పంచహారతుల సేవ, చతుర్వేద స్వస్తి జరిగాయి. సాయంత్రం అమ్మవారి ఆలయంతో పాటు నటరాజ స్వామి వారి ఆలయం, మల్లేశ్వర స్వామి వారి ఆలయాల్లో ఆకాశ దీపాలను వెలిగించారు. సహస్ర లింగార్చన.. ఆలయ ప్రాంగణంలోని శాంతి కల్యాణ వేదిక వద్ద ఆలయ అర్చకులు సహస్ర లింగాలకు పంచామృతాలతో అభిషేకాలు నిర్వహించి విశేషంగా అలంకరించారు. సహస్ర లింగార్చన సేవలో ఆలయ చైర్మన్‌ రాధాకృష్ణ పాల్గొన్నారు. అనంతరం సహస్ర దీపాలంకరణ సేవ నిర్వహించారు. ప్రధాన ఆలయం నుంచి శ్రీదుర్గా మల్లేశ్వర స్వామి వార్ల ఉత్సవ మూర్తులను మేళతాళాలు, మంగళవాయిద్యాల నడుమ ఊరేగింపుగా సహస్ర దీపాలంకరణ సేవ జరిగే వేదిక వద్దకు తీసుకువచ్చారు. ఆలయ అర్చకులు వేద మంత్రోచ్ఛారణ మధ్య ఆదిదంపతులకు పూజా కార్యక్రమాలను నిర్వహించి, నేతి దీపాలను వెలిగించారు.

విజయవాడ కల్చరల్‌: సంగీతానికి సరిహద్దులు లేవు. స్వరమే భాషగా, రాగమే భావంగా, లయే ప్రాణంగా సాగిపోయే శాసీ్త్రయ సంగీత ప్రపంచంలో విజయవాడకు ప్రత్యేకమైన స్థానం ఉంది. ఏటా చైన్నెలో మార్గశిర సంగీతోత్సవం (డిసెంబర్‌ మ్యూజిక్‌ ఫెస్టివల్‌) పేరుతో సంగీత ఉత్సవం జరుగుతుంది. ప్రపంచంలోని సంగీత విద్వాంసులందరూ అక్కడకు చేరుకుంటారు. నెలల ముందే టిక్‌ట్స్‌ బుక్‌ ఐపోతాయి. చెన్త్నె తరువాత జాతీయ స్థాయిలో సంగీత ఉత్సవాలను నిర్వహించే ఏకై క సంస్థ నగరానికి చెందిన శ్రీ సద్గురు సంగీత సభ. సంగీత విద్వాంసుల కచేరీలను నగరంలో వారం రోజులపాటు ఏటా ఏర్పాటు చేస్తుంది. ఆ క్రమంలో ఈ ఏడాది దుర్గాపురంలోని సంగీత కళాశాలలో ఈనెల 16వ తేదీ నుంచి 22 వరకు జాతీయ సంగీతోత్సవాలను నిర్వహిస్తోంది. ప్రముఖ విద్వాంసుల రాక.. వివిధ ప్రాంతాలకు చెందిన ప్రతిభావంతులైన విద్వాంసులు సంగీతోత్సవాల్లో తమ ప్రదర్శనలు ఇవ్వనున్నారు. వారిలో ఎస్‌కే మహతి, వివేక్‌ సదాశివం, జేజేఆర్‌ కృష్ణన్‌, సర్వేపల్లి సోదరీమణులు డాక్టర్‌ సర్వేపల్లి శ్రేయ, సర్వేపల్లి రాజ్యలక్ష్మి, పోపూరి గౌరీ నాథ్‌, కల్యాణపురం ఎస్‌. అరవింద్‌, అలవేణుగోపాల్‌ నృత్యం తదితర కార్యక్రమాలు నిర్వహించనున్నారు. సంగీత విద్వన్‌మణి.. ఈ కార్యక్రమంలో భాగంగానే సంగీత రంగంలో విశేషమైన సేవలు చేసిన వారిని గుర్తించి ఏటా సంగీత విద్వన్‌ మణి పురస్కారాలను అందజేస్తున్నారు. గతంలో వయోలిన్‌ విద్వాంసులు అవసరాల కన్యాకుమారి, మృదంగ విద్వాంసురాలు దండమూడి సుమతీ రామ్మోనరావులాంటి వారికెందరికో అందజేశారు. 2026 సంవత్సరానికి గానూ డాక్టర్‌ తాడేపల్లి లోకనాథ శర్మకు సంగీతోత్సవంలో భాగంగా ప్రదానం చేస్తున్నారు. యువ ప్రతిభకు చేయాత.. కేవలం ప్రముఖ విద్వాంసుల కచేరీలో కాకుండా రేపటి సంగీత ప్రపంచానికి వారసులుగా ఎదగాల్సిన యువ కళాకారులను ప్రోత్సహించడంలోనూ శ్రీ సద్గురు సంగీత సభ ప్రత్యేకత చూపుతోంది. యువ ప్రతిభను గుర్తించి వారికి ప్రదర్శన అవకాశాలు కల్పించడంతోపాటు వారికి ఆర్థికంగా సాయం చేస్తోంది.

నందిగామ రూరల్‌: మహిళా క్రీడాకారుల్లో ఆత్మ విశ్వాసం, క్రీడా స్ఫూర్తిని పెంపొందించడానికి ఇంటర్‌ యూనివర్సిటీ మహిళా కబడ్డీ పోటీలు దోహద పడతాయని కృష్ణా యూనివర్సిటీ వైస్‌ చాన్సలర్‌ ప్రొఫెసర్‌ కోన రాంజీ పేర్కొన్నారు. పట్టణంలోని కేవీఆర్‌ కళాశాలలో డిసెంబర్‌లో నిర్వహిస్తున్న సౌత్‌ ఇండియా ఇంటర్‌ యూనివర్సిటీ మహిళా కబడ్డీ పోటీల ఏర్పాట్లను మంగళవారం ఆయన పరిశీలించారు. అనంతరం ఆయా ప్రాంతాల నుంచి వచ్చే క్రీడాకారులకు అందించాల్సిన వసతి, తదితర సదుపాయాలపై స్థానిక కళాశాలల యాజమాన్యాలతో చర్చించారు. కార్యక్రమంలో కళాఽశాల ప్రెసిడెంట్‌ యర్రంరెడ్డి బాబురావు, ప్రిన్సిపాల్‌ రాజప్ప, కమిటీ సభ్యుడు వాసిరెడ్డి ప్రసాద్‌, పీడీ వాసిరెడ్డి నాగేశ్వరరావు, స్థానిక కళాశాలల యాజమానులు అమరనేని రమేష్‌బాబు, గడుపుడి శ్రీరామ్‌, కాసరగడ్డ కిరణ్‌, ఆళ్ల రాంబాబు, జీవీ ప్రసాదరావు, యూనివర్శిటీ స్పోర్ట్స్‌ సెక్రటరీ నల్లూరి శ్రీని వాసరావు పాల్గొన్నారు. మోపిదేవి: శ్రీవల్లీదేవసేన సమేత సుబ్రహ్మణ్యేశ్వరస్వామి దేవస్థానంలో కార్తికమాసం సందర్భంగా మంగళవారం భక్తజన సందోహంతో పోటెత్తారు. ఉదయం క్యూలు భక్తులతో కళకళలాడాయి. సాయంత్రం ఆలయ ప్రాంగణంలో నాగమల్లి వృక్షం వద్ద ముడుపులు కట్టారు. ఆలయ డెప్యూటీ కమిషనర్‌ దాసరి శ్రీరామవరప్రసాదరావు మాట్లాడుతూ కార్తికమాసం తొలిరోజు మంగళవారం వివిధ సేవా టికెట్ల ద్వారా మొత్తం రూ. 9,53,735 ఆదాయం సమకూరినట్లు వెల్లడించారు. ఆలయ సూపరింటెండెంట్‌ అచ్యుత మధుసూదనరావు ఏర్పాట్లను పర్యవేక్షించారు. చిలకలపూడి(మచిలీపట్నం): రేషన్‌ కార్డుదారులకు సరసమైన ధరలకే బీపీటీ, కేఎన్‌ఎం రకం బియ్యం విక్రయాలు జరుపుతున్నట్లు జిల్లా పౌరసరఫరాల అధికారి పి. శివరామప్రసాద్‌ తెలిపారు. మంగళవారం సాయంత్రం ఆయన మచిలీపట్నం, కంకిపాడు రైతుబజార్లలోని కౌంటర్లను పరిశీలించారు. అనంతరం ఆయన మాట్లాడుతూ బీపీటీ రకం బియ్యం కిలో రూ. 48, కేఎన్‌ఎం రకం కిలో రూ. 50కి విక్రయిస్తున్నామన్నారు. ప్రతి ఒక్క కుటుంబానికి ప్రత్యేక ప్యాకింగ్‌ ద్వారా 26 కిలోల వినియోగదారులకు అందిస్తారన్నారు. ఇప్పటి వరకు1959 మంది వినియోగదారులకు కేఎన్‌ఎం రకం బియ్యం 451.10 క్వింటాళ్లు, బీపీటీ రకం బియ్యం 68.90 క్వింటాళ్లు విక్రయిస్తారన్నారు. వన్‌టౌన్‌(విజయవాడపశ్చిమ): విజయవాడ ఎస్‌కేపీవీవీ హిందూ హైస్కూల్స్‌ కమిటీ ఆధ్వర్యంలో డిసెంబర్‌ 10వ తేదీ నుంచి డాక్టర్‌ బులుసు అపర్ణ సహస్రావధానం నిర్వహించనున్నట్లు ఆ సంస్థ ప్రధాన కార్యదర్శి గోపిశెట్టి మల్లయ్య తెలిపారు. మంగళవారం ఆ కమిటీ కార్యాలయంలో నిర్వహించిన విలేకరుల సమావేశంలో పోస్టర్‌ను ఆవిష్కరించారు. కేబీఎన్‌ కళాశాల కార్యదర్శి టి.శ్రీనివాసు మాట్లాడుతూ ఆ రోజు డాక్టర్‌ మాడుగుల నాగఫణిశర్మ సహస్రావధానాన్ని ప్రారంభిస్తారన్నారన్నారు. హిందూ హైస్కూల్స్‌ కమిటీ కోశాధికారి గోళ్ళ బాబా విజయ్‌ కుమార్‌, పీఎస్‌ సీఎంఆర్‌ ఇంజినీరింగ్‌ కళాశాల కార్యదర్శి చిట్టా అమర్‌ సుధీర్‌, కోశాధికారి కాజ రాఘవయ్య మాట్లాడారు అవధాని బులుసు అపర్ణ మాట్లాడుతూ ఆశుపద్యాలు, ఘంటావధానంతో కలిపి మొత్తం 1000 పద్యాలు పూర్తవుతాయన్నారు. సమావేశంలో డాక్టర్‌ కప్పగంతు రామకృష్ణ తదితరులు పాల్గొన్నారు.

కట్టలేరు వంతెన.. 20 గ్రామాల ప్రజలకు ప్రయోజనకరం. సుమారు ఎనిమిదేళ్ల క్రితం అధిక వర్షాలకు అది ధ్వంసమైంది. నాటి నుంచి నేటి వరకూ దానికి మరమ్మతులు చేయలేదు.. కొత్తదీ నిర్మించలేదు. ఫలితంగా ఆయా గ్రామాల ప్రజలు కేవలం ఫర్లాంగు దూరానికి 25కిలోమీటర్లు దూరం ప్రయాణం చేయాల్సిన పరిస్థితి ఏర్పడింది. గత పాలకులు దెబ్బతిన్న వంతెన పక్కనే తాత్కాలిక రహదారి ఏర్పాటు చేశారు. అప్పటి నుంచి ఇప్పటివరకు అనేకసార్లు వర్షాలకు ఆ రహదారి కూడా కొట్టుకుపోవడంతో వారాల తరబడి ప్రజలు తీవ్ర ఇబ్బందులకు గురవుతున్నారు. ఇటీవల వచ్చిన తుపాను నేపథ్యంలో మళ్లీ తాత్కాలిక రహదారిపై మట్టి కొట్టుకుపోయి సూదంటి రాళ్లు తేలి, కాలినడకకు సైతం కష్టతరంగా ఉందని ప్రజలు వాపోతున్నారు. ఇప్పటికై నా పాలకులు దీనిపై స్పందించి, కనీసం తాత్కాలిక రోడ్డు మార్గాన్నైనా పునరుద్ధరించాలని స్థానికులు కోరుతున్నారు. – గంపలగూడెం

జి.కొండూరు: పట్టాదారు పాసుపుస్తకం జారీ చేసేందుకు రైతు నుంచి రూ.10 వేల లంచం తీసుకుంటూ ఎన్టీఆర్‌ జిల్లా జి.కొండూరు డెప్యూటీ తహసీల్దార్‌ పెండెం విజయ్‌కుమార్‌ ఏసీబీ అధికారులకు మంగళవారం పట్టు బడ్డారు. ఏసీబీ అడిషనల్‌ ఎస్పీ స్రవంతిరాయ్‌ తెలిపిన వివరాల ప్రకారం విజయవాడలోని అజిత్‌సింగ్‌నగర్‌కు చెందిన చిన్ని నజరేన్‌రావు ఇటీవల జి.కొండూరు మండలంలోని వెల్లటూరు గ్రామ రెవెన్యూ పరిధిలో 98 సెంట్ల వ్యవసాయ భూమి కొనుగోలు చేశారు. ఆ తర్వాత పట్టాదారు పాసుపుస్తకం కోసం గత నెల 15న మీ–సేవ కేంద్రంలోలో దరఖాస్తు చేశారు. అనంతరం 24వ తేదీ జి.కొండూరు తహసీల్దార్‌ కార్యాలయానికి వెళ్లి దరఖాస్తును డెప్యూటీ తహసీల్దార్‌ విజయ్‌కుమార్‌కు అందజేశారు. దీనిలో భాగంగా పాసుపుస్తకం జారీ చేసేందుకు డెప్యూటీ తహసీల్దార్‌ రూ.10 వేల లంచం డిమాండ్‌ చేశారు. దీంతో బాధితుడు నజరేన్‌రావు సోమవారం ఏసీబీ అధికారులను ఆశ్రయించారు. బాధితుడి ఫిర్యాదు మేరకు కేసు నమోదు చేసిన ఏసీబీ అధికారులు వల పన్నారు. జి.కొండూరు తహసీల్దార్‌ కార్యాలయంలో నజరేన్‌రావు నుంచి రూ.10 వేలు లంచం తీసుకుంటుండగా డెప్యూటీ తహసీల్దార్‌ విజయ్‌కుమార్‌ను ఏసీబీ అధికారులు మంగళవారం మధ్యాహ్నం 2.05 గంటల సమయంలో రెడ్‌హ్యాండెడ్‌గా పట్టుకొని అరెస్ట్‌ చేశారు. ప్రభుత్వ అధికారులెవరైనా లంచం డిమాండ్‌ చేసినప్పుడు 1064కి ఫోన్‌ చేస్తే ఏసీబీ చర్యలు తీసుకుంటుందని అడిషనల్‌ ఎస్పీ స్రవంతిరాయ్‌ తెలిపారు. ఈ దాడిలో ఏసీబీ డీఎస్పీలు బి.వెంకటసుబ్బారావు, జగదీష్‌, సిబ్బంది పాల్గొన్నారు.

లబ్బీపేట(విజయవాడతూర్పు): ప్రభుత్వాస్పత్రిలో చికిత్స పొందుతున్న రోగులకు పెట్టే ఆహారం తయారు చేసే కిచెన్‌ అపరిశుభ్రంగా ఉండటంపై ఆహార తనిఖీ అధికారులు మండిపడ్డారు. నాసిరకం కూర గాయలు వినియోగిస్తున్నట్లు వారు గుర్తించారు. మరిన్ని లోపాలు వారి తనిఖీల్లో బయట పడ్డాయి. వాటిని సరిదిద్దుకోవాలంటూ నోటీసులు జారీ చేసినట్లు జిల్లా అసిస్టెంట్‌ ఫుడ్‌కంట్రోలర్‌ శ్రీనివాసరావు తెలిపారు. లోపాల పుట్ట జీజీహెచ్‌లో రోగులకు పెట్టే ఆహారం నాణ్యతగా ఉండటం లేదని పెద్ద ఎత్తున ఆరోపణలు వస్తున్నారు. దీనిపై ‘సాక్షి’లో గత నెల 7న ‘పెట్టింది తిను.. అడగొద్దు మెనూ’ కథనం కూడా ప్రచురితౖమైంది. ప్రభుత్వాస్పత్రిలో రోగులకు పెడుతున్న ఆహార నాణ్యతను జిల్లా ఫుడ్‌ కంట్రోల్‌ అధికారులు ఇటీవల తనిఖీ చేశారు. కిచెన్‌లో అపరిశుభ్ర వాతావరణం ఉండటంపై మండిపడ్దారు. కూరగాయలు ఎండిపోయి ఉండటాన్ని గుర్తించారు. కాంట్రాక్టర్‌కు నోటీసులు తనిఖీల్లో గుర్తించిన లోపాలను సరిదిద్దుకోవాలంటూ డైట్‌ కాంట్రాక్టర్‌కు ఫుడ్‌ కంట్రోల్‌ అధికారులు నోటీసులు జారీ చేశారు. వారం రోజుల్లో సరిదిద్దుకోకుంటే కాంట్రాక్టు రద్దుకు సిఫార్సు చేస్తామంటూ పేర్కొన్నారు. కిచెన్‌ పరిశుభ్రంగా ఉంచాలని, ఆహారం తయారు చేసేందుకు నాణ్యమైన కూరగాయలు సరుకులు వినియోగించాలని నోటీసుల్లో తెలిపారు.

వైఎస్సార్‌సీపీ కృష్ణా జిల్లా అధ్యక్షుడు పేర్ని నాని చిలకలపూడి(మచిలీపట్నం): వైఎస్సార్‌ కాంగ్రెస్‌ పార్టీ జిల్లా అధ్యక్షుడు, మాజీ మంత్రి పేర్ని వెంకట్రామయ్య (నాని)ని గన్నవరం జెడ్పీటీసీ సభ్యుడు అనగాని రవికుమార్‌ మంగళవారం మర్యాదపూర్వకంగా కలిశారు. జిల్లాలో గన్నవరం జెడ్పీటీసీగా పోటీ చేసిన రవికుమార్‌ ఓట్ల లెక్కింపులో 63 ఓట్ల మెజార్టీతో గెలుపొందారు. అయితే రీకౌంటింగ్‌ చేపట్టాలని కూటమి నాయకులు చేసిన పన్నాగాలను కూడా ఛేదించుకుని ఆయన విజయం సాధించారు. ఈ నేపథ్యంలో రవికుమార్‌ గెలుపు చారిత్రాత్మకమని మాజీ మంత్రి పేర్ని నాని అన్నారు. రవికుమార్‌ వెంట పార్టీ సీనియర్‌ నాయకులు తోట వెంకయ్య, గోపిశెట్టి వీరాస్వామిలు ఉన్నారు. అనంతరం జిల్లా పరిషత్‌ కార్యాలయంలో జెడ్పీ డెప్యూటీ సీఈవో ఆర్‌సీ ఆనంద్‌కుమార్‌ చేతుల మీదుగా జెడ్పీటీసీగా గెలుపొందిన ధ్రువీకరణ పత్రాన్ని అందుకున్నారు. గన్నవరం: బ్లేడ్‌తో చంపుతానని బెదిరించి విద్యార్థి వద్ద రూ. 200 నగదును బలవంతంగా లాక్కున్న ఇరువురిపై గన్నవరం పోలీసులు కేసు నమోదు చేశారు. పోలీసుల సమాచారం ప్రకారం.. మండలంలోని కట్టుబడిపాలెం గ్రామానికి చెందిన కూచిపూడి కార్తీక్‌ గొల్లనపల్లి జెడ్పీ హైస్కూల్‌లో 10వ తరగతి చదువుతున్నాడు. ఈ నేపథ్యంలో సోమవారం సాయంత్రం స్నేహితులు శుభోద్‌, సాత్విక్‌తో కలిసి పాఠశాల బయట ఉన్న సోడా బండి వద్దకు వెళ్లారు. అక్కడ గొల్లనపల్లికి చెందిన మహేష్‌తో పాటు మరో వ్యక్తి మద్యం మత్తులో కార్తీక్‌ను డబ్బులు కోసం బెదిరించారు. తన వద్ద డబ్బులు లేవని కార్తీక్‌ చెప్పడంతో అతని మెడపై బ్లేడ్‌తో గాయపరచడంతో పాటు చంపు తామని బెదిరించి జేబులోని రూ. 200ను బలవంతంగా లాక్కున్నారు. దీంతో కార్తీక్‌ గట్టిగా కేకలు వేయడంతో సమీపంలోని వ్యక్తులు రావడంతో ఇరువురు పరారయ్యారు. గాయపడిన కార్తీక్‌ను చికిత్స నిమిత్తం గన్నవరం ప్రభుత్వ ఆస్పత్రికి తరలించారు. బాధితుడి ఫిర్యాదు మేరకు పోలీసులు సోమవారం ఇరువురిపై కేసు నమోదు చేసి దర్యాప్తు చేపట్టారు.

చిలకలపూడి(మచిలీపట్నం): రైతులకు అండగా కేడీసీసీ బ్యాంకు మంగళవారం కోటి రూపాయల చెక్కును సీఎం చంద్రబాబునాయుడుకు విరాళంగా అందజేసింది. అమరావతిలోని సచివాలయంలో సీఎం చంద్రబాబును మంత్రి కొల్లు రవీంద్ర, ఆప్కాబ్‌ చైర్మన్‌ గన్ని వీరాంజనేయులుతో కలిసి చైర్మన్‌ రఘురాం ఈ చెక్కును అందజేశారు. అనంతరం చైర్మన్‌ రఘురాం మాట్లాడుతూ రైతు సంక్షేమమే కేడీసీసీబీ ప్రధాన ధ్యేయమని, ప్రకృతి వైపరీత్యాల సమయంలో రైతులకు అండగా నిలవడం సహకార బ్యాంకు సామాజిక బాధ్యతగా తీసుకున్నామన్నారు. రైతులు కష్టాల్లో ఉన్నప్పుడు ప్రభుత్వంతో పాటు సహకార రంగం బాధ్యతగా ముందుకు రావాలనే నిర్ణయంతో చెక్కును అందజేశామన్నారు. ఈ సందర్భంగా సీఎం చంద్రబాబు కేడీసీసీ బ్యాంకు చైర్మన్‌ నెట్టెం రఘురాం, బ్యాంకు అధికారులు, సిబ్బందిని ప్రత్యేకంగా అభినందించారు.

మంగళవారం శ్రీ 10 శ్రీ నవంబర్‌ శ్రీ 2026దుర్గమ్మ సన్నిధిలో నిత్యాన్నదానానికి విజయవాడకు చెందిన పులగం లీలరాజీవ్‌ కుటుంబం రూ. 1,01,116 విరాళాన్ని ఆలయ కమిటీ చైర్మన్‌ బొర్రా రాధాకృష్ణకు అందజేసింది. బెంజిసర్కిల్‌ ప్రాంతంలో ఏర్పాటు చేసిన దుకాణాల వద్ద పండుగ ముందు రోజు కనిపించని సందడిదీపావళి వ్యాపారంలో బాణసంచా విక్రయాలకు ప్రత్యేక స్థానం ఉంటుంది. పండగకు ముందు వారం రోజుల నుంచే తాత్కాలిక దుకాణాలు ఏర్పాటు చేసి విక్రయాలు ప్రారంభిస్తారు. ఈసారి మాత్రం వ్యాపారుల అంచనాలకు అనుగుణంగా కొనుగోళ్లు సాగలేదని వ్యాపారులు ఆవేదన చేస్తున్నారు. ఉమ్మడి జిల్లాలో సుమారు రూ.150కోట్ల మేర వ్యాపారం జరుగుతుందనే అంచనా. కానీ ఈ ఏడాది కనీసం రూ.80కోట్ల నుంచి రూ.90 కోట్లు మాత్రమే జరిగిందని ఆ వ్యాపార వర్గాలు చెబుతున్నాయి. అచ్చంపేట: పులిచింతల ప్రాజెక్టులో ప్రస్తుత నిల్వ 28.2730 టీఎంసీలు. ప్రాజెక్టు దిగువకు 400 క్యూసెక్కులు లీకేజీల ద్వారా వెళుతుంది.

వన్‌టౌన్‌(విజయవాడపశ్చిమ): ఏడాదంతా ఎలా ఉన్నా.. కార్తికమాసంలో మాత్రం అంతటా ఆధ్యాత్మిక వాతావరణం వెల్లివిరుస్తుంది. ఈ మాసం వచ్చిందంటే ఆ సందడే వేరు.. శివయ్యకు ప్రతీపాత్రమైన మాసం కావడంతో ఆ యనను ప్రసన్నం చేసుకునేందుకు భక్తులు స్నాన, జప, తప, దాన వ్రతాలు చేస్తూ భక్తిపారవశ్యంలో మునిగితేలుతారు. మంగళవారం నుంచి పవిత్ర కార్తిక మాసం ఆరంభం కానుండటంతో ఆ స్వామిని కనులారా వీక్షించి, పూజించి తరించాలని భక్తలోకం పరితపిస్తోంది. దీనికి ఎక్కడికో వెళ్లాల్సిన పనిలేదు.. మన ఎన్టీఆర్‌ జిల్లా విజయవాడ పరిసరాల్లోనే ఎక్కడా లేనన్ని శైవ క్షేత్రాలు ఉన్నాయి. అనేక చారిత్రక అంశాలతో పాటుగా పురాణ ఇతిహాసాలతో ముడి పడిన ఆయా శైవాలయాల్లో కార్తిక పూజల కోసం ప్రత్యేక ఏర్పాట్లు చేశారు. ఇంద్రిగిరిపై మల్లేశ్వరస్వామి ఆలయం.. విశేష తేజస్సుతో కనకవర్ణంతో దుర్గమ్మ కొలువైన ఇంద్రకీలాద్రి పర్వతంపైనే ఈశ్వరుణ్ణి కూడా కొలువుండేలా చేయాలని భావించిన బ్రహ్మ అత్యంత భక్తిప్రపత్తులతో శతాశ్వమేథ యాగాల్ని చేశాడని.. బ్రహ్మ విశేష భక్తిశ్రద్ధలకు సంతసించిన పరమేశ్వరుడు జ్యోతిర్లింగ స్వరూపంతో దర్శనమిచ్చినట్లు స్కంధ పురాణంలో పేర్కొన్నట్లు పండితులు చెబుతారు. కాలక్రమంలో కలిప్రభావం వల్ల ఈ జ్యోతిర్లింగం అదృశ్యంగా ఉండటాన్ని చూసిన శ్రీ శంకరాచార్యులు కనకదుర్గాదేవికి ఉత్తర భాగంలో ఈశాన్య దిశగా మల్లేశ్వర లింగాన్ని పునఃప్రతిష్ట చేశారు. ఏటా కార్తిక మాసంలో ఇక్కడ విశేష కార్యక్రమాలను నిర్వహిస్తున్నారు. గాజుల అలంకారంతో పాటుగా భవానీదీక్షలను సైతం ఈ మాసంలో నిర్వహిస్తారు. విజయేశ్వరస్వామి వారి ఆలయం దుర్గగుడి దిగువన కనకదుర్గనగర్‌ సమీపంలో ఉందీ విజయేశ్వరస్వామి ఆలయం. పాశుపతాస్త్రం కోసం తపస్సు చేస్తున్న అర్జునిడికి పరమేశ్వరుడు నిజరూపంలో దర్శనమిచ్చి పాశుపతాస్త్రాన్ని బహూకరించాడని.. అర్జునుడు పరమేశ్వరుణ్ణి అనేక విధాలుగా స్తుతించి ఇంద్రకీలాద్రిపైనే దక్షిణ భాగాన ఒక శివలింగాన్ని ప్రతిష్టించాడని ప్రతీక. కాలక్రమంలో ఇదే విజయేశ్వరస్వామి ఆలయంగా ప్రసిద్ధికెక్కింది. కార్తిక మాసాన్ని పురస్కరించుకొని స్వామివారికి ఇక్కడ బిళ్వార్చన, రుద్రాభిషేకం తదితర కార్యక్రమాలను నిర్వహించేందుకు నిర్వాహకులు ఏర్పాట్లు చేస్తున్నారు. వన్‌టౌన్‌లోని బుద్ధు వారి గుడి.. వన్‌టౌన్‌ బ్రాహ్మణవీధిలో వేంచేసి ఉన్న శ్రీ వసంత మల్లికార్జునస్వామి ఆలయం చాలా ప్రసిద్ధి చెందిన శివాలయం. బుద్ధు వంశీయులు ఈ ఆలయాన్ని నిర్మించారని చెబుతారు. ఇక్కడ స్వామివారికి కార్తికమాసాన్ని పురస్కరించుకొని పలు ప్రత్యేక పూజా కార్యక్రమాలను నిర్వహిస్తున్నట్లు ఆలయ అధికారులు తెలిపారు. గవర్నరుపేటలోని కాశీ విశ్వేశ్వరుని ఆలయం.. గవర్నరుపేట చల్లపల్లి బంగ్లా సమీపంలో ఉన్న శ్రీ కాశీ విశ్వేశ్వర అన్నపూర్ణాదేవి దేవస్థానంలో కార్తికమాసాన్ని పురస్కరించుకొని నిత్యం రుద్రాభిషేకం, రుద్రహోమాలను నిర్వహించేందుకు దేవస్థాన నిర్వాహకులు ఏర్పాట్లు చేశారు. వన్‌టౌన్‌లోని దర్భేశ్వరస్వామి ఆలయం.. వన్‌టౌన్‌ సైకంవారి వీధిలోని శ్రీ గంగా సమేత దర్భేశ్వరస్వామి వారి ఆలయంలో కార్తిక మాసంలో పలు విశేష పూజలను నిర్వహించేందుకు ఏర్పాట్లు చేస్తున్నారు. ప్రతి రోజూ స్వామివారికి రుద్రాభిషేకం, మహాలింగార్చన తదితర కార్యక్రమాలను నిర్వహిస్తారు. పాతశివాలయంగా పేరుగాంచిన విజయవాడలోని శ్రీ భ్రమరాంబ మల్లేశ్వరస్వామి వార్ల దేవస్థానానికి శ్రీశైల దేవస్థానం తర్వాత అంతటి ప్రాచీనత ఉందని పండితులు చెబుతారు. ఈ ఆలయాన్ని ధర్మరాజు ప్రతిష్టించాడని, అలాగే పశ్చిమ చాళుక్య రాజైన త్రిభువనమల్లుడు క్రీ.శ. పదో శతాబ్దంలో తన పేరుమీదుగా త్రిభువన మల్లేశ్వరాలయాన్ని నిర్మించారని చెబుతుంటారు. కార్తికమాసంలో ఈ ఆలయంలో ‘కార్త్తిక నక్త దీక్షా అభిషేక మహోత్సవం’ పేరుతో ప్రత్యేక కార్యక్రమాలను నిర్వహిస్తున్నారు. ఆలయంలోని శ్రీ భ్రమరాంబ అమ్మవారు ఈ నెల రోజులూ రోజుకొక అలంకారంలో దర్శనమిస్తారు.

లబ్బీపేట(విజయవాడతూర్పు): మహిళా న్యాయవాదిపై హత్యాయత్నం కేసులో నిందితుడికి ఐదేళ్ల కఠిన కారాగార శిక్ష, రూ.5 వేలు జరిమానా విఽధిస్తూ సోమవారం అడిషనల్‌ డిస్ట్రిక్ట్‌ సెషన్స్‌ జడ్జి జి.సుబ్రహ్మణ్యం తీర్పు చెప్పారు. వివరాల ప్రకారం 2017 అక్టోబరు 10న కొత్తపేట బంకా కామరాజు వారి వీధిలో నివసించే మహిళా న్యాయవాది ఇంటికి వెళ్లిన నిందితుడు బంకా శివ ఆమైపె దాడి చేశాడు. కేసు నమోదు చేసిన కొత్తపేట పోలీసులు నిందితుడిని అరెస్టు చేశారు. కేసు విచారణలో పలువురు సాక్ష్యులను కోర్టులో ప్రవేశ పెట్టగా, నేరం రుజువు కావడంతో న్యాయమూర్తి నిందితుడికి జైలుశిక్ష, జరిమానా విధించారు. రైలు ఢీకొని గుర్తు తెలియని వ్యక్తి మృతి రైల్వేస్టేషన్‌(విజయవాడపశ్చిమ): రైలు ఢీకొని గుర్తు తెలియని వ్యక్తి మృతి చెందిన ఘటనపై విజయవాడ రైల్వే పోలీసులు (జీఆర్‌పీ) కేసు నమోదు చేశారు. సోమవారం తెల్లవారుజామున విజయవాడ రైల్వేస్టేషన్‌ సమీపంలోని సౌత్‌యార్డ్‌లో గుర్తు తెలియని వ్యక్తి గాయాలతో ట్రాక్‌ పక్కన మృతిచెంది ఉండ టాన్ని గుర్తించిన సిబ్బంది జీఆర్‌పీ పోలీసులకు సమాచారం అందించారు. వారు కేసు నమోదు చేశారు. మృతుని వయస్సు సుమారు 25 నుంచి 30 సంవత్సరాల మధ్య ఉంటుందని, లైట్‌ గ్రీన్‌ కలర్‌ ఫుల్‌ హ్యాండ్స్‌ షర్ట్‌, బ్లాక్‌ కలర్‌ జీన్స్‌ ప్యాంటు ధరించి ఉన్నాడు. ఎడమ ఛాతిపై, ఎడమ మోచేతి కింద భాగంలో, కుడి అరచెయ్యి వెనుక భాగంలో ‘కరిమున్‌’ పచ్చబొట్లు ఉన్నాయని, ఎటువంటి ఆధారాలు లభించలేదని తెలిపారు. మృతుని ఆచూకి తెలిసిన వారు విజయవాడ జీఆర్‌పీ పోలీస్‌ స్టేషన్‌లో గాని, లేదా 8897156153, 9247585710 నంబర్ల ద్వారా సమాచారం అందించాల్సిందిగా కోరారు. బాధితురాలికి బంగారు వస్తువులు అప్పగింత కంకిపాడు: ఆటోలో మాయమైన బంగారు వస్తువులను ఎట్టకేలకు బాధితురాలికి అప్పగించారు. కంకిపాడు ఎస్‌ఐ కేవై దాసు తెలిపిన వివరాల ప్రకారం విశాఖపట్నంకు చెందిన అద్దంకి భాగ్యలక్ష్మి ఈనెల 6వ తేదీ 12 గంటల సమయంలో విజయవాడ రైల్వేస్టేషన్‌లో దిగి అక్కడి నుంచి దుర్గమ్మ దర్శనానికి వెళ్లారు. అక్కడి నుంచి ఈడుపుగల్లులోని అత్తగారింటికి వెళ్లి తిరిగి సొంత ఊరుకి బయలుదేరేందుకు గోసాల సెంటరులో ఆటో ఎక్కారు. తన వెంట ఉన్న బ్యాగులో ఒక తులం బంగారు గాజులు, ఒక తులం బంగారు మాల, రెండు మురుగులు భద్రపరుచుకున్నారు. విజయవాడ రైల్వేస్టేషన్‌ వద్ద ఆటో దిగే సమయంలో బంగారు ఆభరణాలు ఉన్న బ్యాగును ఆటోలో మర్చిపోయారు. ఆభరణాలు కనిపించకపోవడంతో బాధితురాలు పోలీసులను ఆశ్రయించారు. ఘటనపై కేసు నమోదు చేసిన పోలీసులు ప్రత్యేకంగా విచారణ చేశారు. ఆటోలోనే బంగారు ఆభరణాలను మర్చిపోయినట్లు గుర్తించి వాటిని స్వాధీనం చేసుకున్నారు. అనంతరం బాధితురాలు భాగ్యలక్ష్మికి అప్పగించారు. సామాజిక మాధ్యమాల ద్వారా మహిళలకు వేధింపులు ఏపీకి చెందిన నిందితుడి అరెస్ట్‌ చింతకాని: సామాజిక మాధ్యమాల ద్వారా మహిళలు, బాలికలను వేధిస్తున్న ఏపీలోని ఎన్టీఆర్‌ జిల్లా కంచికచర్ల మండలం కొత్తపేట గ్రామానికి చెందిన మందా యశ్వంత్‌కుమార్‌ను పోలీసులు అరెస్ట్‌ చేశారు. నిందితుడిని ఆదివారం అరెస్ట్‌ చేయగా తెలంగాణలోని ఖమ్మం జిల్లా వైరా సీఐ వెంకటప్రసాద్‌ వివరాలు వెల్లడించారు. వాట్సాప్‌, ఇన్‌స్టాగ్రామ్‌, ఫేస్‌బుక్‌ ద్వారా మహిళలు, బాలికలను యశ్వంత్‌ వేధిస్తుండగా చింతకాని పోలీస్‌స్టేషన్‌లో కేసు నమోదైందని తెలిపారు. మహిళలు, బాలికల ఫొటోలను పోస్ట్‌ చేస్తూ అసభ్యకర వ్యాఖ్యలు జోడిస్తుండగా అరెస్ట్‌ చేశామని పేర్కొన్నారు. సమావేశంలో చింతకాని ఎస్సై నరేష్‌, సిబ్బంది, పాల్గొన్నారు. ఆన్‌లైన్‌ డేటింగ్‌ పేరుతో మోసం రూ. 15 లక్షలకు సైబర్‌ నేరగాళ్లు టోకరా లబ్బీపేట(విజయవాడతూర్పు): ఆన్‌లైన్‌ డేటింగ్‌పై ఆసక్తి చూపిన ఓ యువకుడి నుంచి రూ. 15 లక్షలకు సైబర్‌ నేరగాళ్లు టోకరా వేశారు. వివరాల ప్రకారం సిద్ధార్థ నగర్‌లో నివసించే యువకుడి ఫోన్‌ వాట్సాప్‌కు కొంతకాలం కిందట ఆన్‌లైన్‌డేటింగ్‌ పేరుతో ఒక లింక్‌ వచ్చింది. దాన్ని క్లిక్‌ చేయగా పలువురితో చాట్‌ చేసేందుకు, కలిసేందుకు ఈ ఫ్లాట్‌ఫామ్‌లో కొంత మొత్తం చెల్లించి నమోదు కావాలని ఉంది. దీంతో తొలుత రూ.1,999 చెల్లించి నమోదైన తర్వాత, సైబర్‌ నేరగాళ్లు ఇచ్చిన వివరాలు అన్నీ ఆన్‌లైన్‌లో నమోదు చేశారు. ముగ్గులోకి దింపిన నేరగాళ్లు అతని మూడు బ్యాంకు ఖాతాల నుంచి రూ. 15 లక్షలు దోచేశారు. దీంతో మోసపోయానని గ్రహించిన యువకుడు సైబర్‌ క్రైమ్‌ పోలీసులకు ఫిర్యాదు చేశారు. వారు దర్యాప్తు చేస్తున్నారు.

పెనమలూరు: యనమలకుదురు కొండ పై వేంచేసి ఉన్న శ్రీపార్వతీ సమేత శ్రీరామలింగేశ్వరస్వామివారి దేవస్థానంలో కార్తికమాసం సందర్భంగా ప్రత్యేక పూజలు నిర్వహించనున్నారు. ఈ మేరకు దేవస్థానంలో భక్తులకు ఏర్పాట్లు చేశారు. కార్తికమాసం సందర్భంగా ప్రత్యేక అభిషేకాలు నిర్వహించనున్నారు. సర్వదోశ నివారణకు శ్రీరామలింగేశ్వరస్వామి వారికి నెల రోజుల పాటు పరోక్ష గోత్రనామాలతో పూజలు చేస్తారు. వచ్చే నెల 8వ తేదీ వరకు ఈ పూజలు కొనసాగుతాయి. కార్తికమాసంలో విశేష రోజులివే.. కార్తికమాసం విశేష రోజుల్లో ప్రత్యేక పూజలు నిర్వహించనున్నారు. ఆలయంలో 13వ తేదీ నాగులచవితి పండుగ చేస్తారు. ఈ నెల 16వ తేదీన మొదటి సోమవారం స్వామివారికి శాంతికల్యాణం చేస్తారు. 20వ తేదీన ఉదయం భాస్మాభిషేకం, 22వ తేదీ సాయంత్రం నందీశ్వర అభిషేకం, 23వ తేదీ రెండో సోమవారం స్వామివారికి శాంతికల్యాణం చేస్తారు. 24వ తేదీన ఆలయంలో కార్తిక పౌర్ణమి సందర్భంగా సాయంత్రం భక్తుల గిరి ప్రదక్షిణ అనంతరం దీపోత్సవం చేస్తారు. 27వ తేదీన శ్రీపార్వతీదేవిని అన్నపూర్ణదేవి అలంకరణ, శ్రీస్వామివారి జన్మనక్షత్రం ఆరుద్ర నక్షత్రం సందర్భంగా ఉదయం 8 గంటలకు అన్నాభిషేకం, 11 గంటలకు అన్న సంతర్పణ చేస్తారు. 30వ తేదీ 3వ సోమవారం స్వామివారికి శాంతికల్యాణం, డిసెంబర్‌ 4వ తేదీన స్వామివారికి బిల్వార్చన, 6వ తేదీ సాయంత్రం 5 గంటలకు నందీశ్వరస్వామివారికి అభిషేకం, 7వ తేదీ 4వ సోమవారం మాసశివరాత్రి సందర్భంగా స్వామివారికి శాంతికల్యాణం చేస్తారు. 9వ తేదీన ఉద్వాసన, స్వామివారికి ప్రత్యేక అలంకరణ విశేష పూజలు నిర్వహిస్తారు. ప్రతి రోజు ఉదయం 5 గంటలకు, 6.30 గంటలకు, 8 గంటలకు, 9.30 గంటలకు, 11 గంటలకు స్వామివారికి అభిషేకం చేస్తారు.

మొగల్రాజపురం(విజయవాడ తూర్పు): ఖేలో ఇండియా యూత్‌ గేమ్స్‌కు మంగళవారం ఎంపికలు జరుగుతాయని ఏపీ క్రీడా ప్రాథికార సంస్థ ఎండీ ఎస్‌.భరణి సోమవారం ఒక ప్రకటనలో తెలిపారు. డిసెంబర్‌ 11 నుంచి 22వ తేదీ వరకు తెలంగాణ రాష్ట్రంలో జరుగునున్న 8వ ఖేలో ఇండియా యూత్‌ గేమ్స్‌ జరుగుతాయని పేర్కొన్నారు. గుంటూరులోని బీఆర్‌ స్టేడియంలో కబడ్డీ పురుషులు, కాకినాడలోని జిల్లా క్రీడా మైదానంలో ఖో ఖో పురుషులు, పశ్చిమ గోదావరి జిల్లా భీమవరంలోని ఎస్‌సీహెచ్‌బీఆర్‌ఎం హైస్కూల్‌ ఆవరణలోని మైదానంలో బాలబాలికలకు మల్లంబ్‌ పోటీలను నిర్వహించి రాష్ట్రస్థాయి జట్టులో క్రీడాకారులను ఎంపిక చేస్తామని పేర్కొన్నారు. ఈ జట్ల ఎంపిక బాధ్యతలను కృష్ణాజిల్లా ప్రాథికార సంస్థకు చెందిన కబడ్డీ కోచ్‌ కె.జగదీష్‌ను డిప్యూటేషన్‌పై నియమించామని తెలిపారు. ఫొటో స్టూడియోలో అగ్నిప్రమాదం రూ.20 లక్షల ఆస్తి నష్టం తిరువూరు: స్థానిక బోస్‌ సెంటర్‌ సమీపంలోని ఒక ఫొటో స్టూడియోలో సోమవారం ఉదయం అగ్నిప్రమాదం జరిగి రూ.20 లక్షల ఆస్తి నష్టం కలిగింది. స్టూడియో యజమాని నరేష్‌ తెలిపిన వివరాల మేరకు విద్యుత్‌ షార్ట్‌ సర్క్యూట్‌ కారణంగా మంటలు వ్యాపించి కంప్యూటర్లు, ఫొటోగ్రఫీ పరికరాలు, ఫొటోఫ్రేమ్‌ సామగ్రి పూర్తిగా కాలిపోయాయి. హార్డుడిస్కుల్లో భద్రపరచిన విలువైన ఫొటోలు, డేటా కూడా మంటల్లో కాలిపోయింది.అగ్నిమాపక సిబ్బంది మంటలు అదుపు చేశారు.

ఇంద్రకీలాద్రి(విజయవాడపశ్చిమ): ఇంద్రకీలాద్రిపై ఆదివారం దీపావళి వేడుకలను నిర్వహించారు. సాయంత్రం ఆరు గంటలకు శ్రీదుర్గా మల్లేశ్వర స్వామి వార్లకు పంచహారతుల సేవ చేశారు. అనంతరం అమ్మవారి ప్రధాన ఆలయంలో మూలవిరాట్‌ వద్ద ఆలయ అర్చకులు లక్ష్మీపూజను జరిపించారు. అమ్మవారి ఆలయం చుట్టూ ఉన్న అష్టలక్ష్మీ విగ్రహాల వద్ద ఆలయ ఈవో శీనానాయక్‌ దంపతులు, చైర్మన్‌ బొర్రా రాధాకృష్ణ దంపతులతో పాటు ఆలయ అర్చకులు, వేద పండితులు, ఆలయ సిబ్బంది నేతి దీపాలను వెలిగించారు. అమ్మవారి ఆలయం, రాజగోపురం ఎదుట ఈవో, చైర్మన్‌ కుటుంబ సభ్యులు బాణసంచా కాల్చి వేడుకలలో పాల్గొన్నారు. దీపావళి ఉత్సవాల అనంతరం రాత్రి 7 గంటలకు ఆలయ ద్వారాలను మూసివేశారు. వన్‌టౌన్‌(విజయవాడపశ్చిమ): పదో తరగతి 2027 మార్చిలో జరిగే పరీక్షలకు రెగ్యులర్‌, ఒకసారి తప్పిన విద్యార్థులు ఈ నెల 11 నుంచి 25వ తేదీ లోపు ఎటువంటి అపరాధ రుసుం లేకుండా పరీక్ష ఫీజు చెల్లించాలని ఎన్టీఆర్‌ జిల్లా విద్యాశాఖాధికారి ఎల్‌. చంద్రకళ తెలిపారు. ఈ నెల 26 నుంచి డిసెంబర్‌ రెండో తేదీ వరకూ రూ.50 అపరాధ రుసుంతో చెల్లించవచ్చని పేర్కొన్నారు. అలాగే డిసెంబర్‌ మూడు నుంచి తొమ్మిదో తేదీ వరకూ రూ.200, డిసెంబర్‌ 10 నుంచి 15వ తేదీ వరకూ రూ.500 అపరాధ రుసుంతో చెల్లించవచ్చని పేర్కొన్నారు. ప్రధానోపాధ్యాయులు తమ పాఠశాల లాగిన్‌ ద్వారా పైన పేర్కొన్న విధంగా ఫీజులు చెల్లించాలని ఆయన తెలిపారు. రెగ్యులర్‌ విద్యార్థులు రూ.125, మూడు కన్న అధికంగా ఉన్న విద్యార్థులు సైతం రూ.125, మూడు సబ్జెక్ట్‌ల వరకూ రూ.110, వోకేషనల్‌ విద్యార్థులు అదనంగా రూ.60, యాజ్‌ కాండేషన్‌ రూ.300 చెల్లించాల్సి ఉంటుందని ఆ ప్రకటనలో పేర్కొన్నారు. చిలకలపూడి(మచిలీపట్నం): దత్తత తీసుకున్న చిన్నారులను ప్రేమాభిమానాలతో కూడిన కుటుంబ వాతావరణం కల్పిస్తూ వారి భవిష్యత్తుకు బంగారుబాటలు వేయాలని కలెక్టర్‌ డీకే బాలాజీ దంపతులకు సూచించారు. కలెక్టరేట్‌లోని ఆయన చాంబర్‌లో గన్నవరం మండలంలోని బుద్ధవరం కేర్‌ అండ్‌ షేర్‌ హోమ్‌లో సంరక్షణ పొందుతున్న ఇద్దరు చిన్నారులను సోమవారం దత్తత తల్లిదండ్రులకు అప్పగించారు. హైదరాబాద్‌, కేరళకు చెందిన ఇరువురు దంపతులకు చట్టబద్ధమైన దత్తత ప్రక్రియ ద్వారా చిన్నారులను అప్పగించారు. 2021లో ఈ దంపతులు ‘కారా’ పోర్టల్‌ ద్వారా పిల్లల దత్తత కోసం నమోదు చేసుకున్నారని దాని ద్వారా ఈ రోజు చిన్నారులను వారికి అప్పగించామని కలెక్టర్‌ చెప్పారు. అనంతరం ఏటా నవంబర్‌ నెలలో నిర్వహించే జాతీయ దత్తత మాసోత్సవాల్లో పోస్టర్‌ను కలెక్టర్‌ డీకే బాలాజీ, జాయింట్‌ కలెక్టర్‌ ఎం. నవీన్‌ ఆవిష్కరించారు. ఐసీడీఎస్‌ పీడీ ఐ. విమల తదితరులు పాల్గొన్నారు. ఇంద్రకీలాద్రి(విజయవాడపశ్చిమ): ఇంద్రకీలాద్రిపై మల్లేశ్వరాలయంలో సోమవారం సాయంత్రం నుంచి కార్తిక మాసోత్సవాలు ఆరంభమయ్యాయి. మల్లేశ్వరాలయం, నటరాజస్వామి వారి ఆలయాల్లో ఆకాశదీపాలను వెలిగించారు. తొలుత మల్లేశ్వరాలయం ధ్వజస్తంభం వద్ద ఆకాశ దీపానికి ఆలయ చైర్మన్‌ రాధాకృష్ణ, ఈవో శీనానాయక్‌లచే ఆలయ స్థానాచార్య శివప్రసాద్‌ శర్మ పూజా కార్యక్రమాలను జరిపించారు. అనంతరం ఆలయ అర్చకులు శాస్త్రోక్తంగా ఆకాశ దీపాన్ని వెలిగించడంతో కార్తిక మాసోత్సవాలు ప్రారంభమయ్యాయి. నెల రోజుల పాటు ఇంద్రకీలాద్రిపై మల్లేశ్వర స్వామి వారి ఆలయంలో విశేష అభిషేకాలు, అర్చనలు, సహస్ర లింగార్చనలు నిర్వహిస్తామని అధికారులు పేర్కొన్నారు. మల్లేశ్వర స్వామి వారి ఆలయాన్ని విద్యుత్‌ దీపాలతో సుందరంగా అలంకరించారు.

యనమలకుదురు శ్రీ రామలింగేశ్వరస్వామి వార్ల దేవస్థానం జిల్లాలో అత్యంత ప్రాముఖ్యత కలిగిన శివాలయం. పరశురాముడు ఇక్కడి స్వామి వారి లింగస్వరూపాన్ని ప్రతిష్ట చేశారని ప్రతీతి. పూర్వం వెయ్యి మంది మునులు ఇక్కడ తపస్సు చేశారని, అందువల్ల దీనిని వెయ్యి మునుల కుదురుగా.. కాలక్రమంలో యనమలకుదురుగా రూపాంతరం చెందిందని చెబుతారు. కొద్ది సంవత్సరాల క్రితం నూతనంగా నిర్మాణం చేసిన ఆలయ ప్రాంగణం మరింత కనువిందు చేస్తోంది. అలాగే ఇక్కడ ప్రభల ఊరేగింపు ఆకట్టుకుంటుంది. కార్తికమసంలో స్వామివారికి పలు విశేషమైన కార్యక్రమాలను నిర్వహించేందుకు దేవస్థాన అధికారులు ఏర్పాట్లు చేశారు.

జిల్లా ప్రధాన న్యాయమూర్తి యామిని చిలకలపూడి(మచిలీపట్నం): ఉచిత న్యాయ సహాయ సేవలను ప్రజలందరూ సద్వినియోగం చేసుకోవాలని జిల్లా ప్రధాన న్యాయమూర్తి డాక్టర్‌ సి. యామిని సూచించారు. న్యాయ సేవల దినోత్సవం సందర్భంగా సోమవారం జిల్లా న్యాయ సేవాధికార సంస్థ ఆధ్వర్యంలో మచిలీపట్నంలోని జిల్లా కోర్టు ప్రాంగణంలో గల న్యాయ సేవా సదన్‌ నుంచి జిల్లా కోర్టు సెంటర్‌ వరకు అవగాహన ర్యాలీ నిర్వహించారు. జిల్లా ప్రధాన న్యాయమూర్తి మాట్లాడుతూ జాతీయ న్యాయ సేవాధికార సంస్థ ఆధ్వర్యంలో అమలవుతున్న వివిధ పథకాల ద్వారా వృద్ధులు, చిన్నారులు, దివ్యాంగులు, యాసిడ్‌ దాడుల బాధితులు, అసంఘటిత రంగ కార్మికులు తదితర వర్గాలకు న్యాయ సహాయంతో పాటు ప్రభుత్వ సంక్షేమ పథకాల ప్రయోజనాలు అందించేందుకు కృషి చేస్తున్నట్లు తెలిపారు. డిసెంబర్‌ 12న లోక్‌ అదాలత్‌.. ప్రతి మూడు నెలలకోసారి నిర్వహించే జాతీయ లోక్‌ అదాలత్‌ల ద్వారా పెద్ద సంఖ్యలో కేసులను పరిష్కరిస్తున్నట్లు జడ్జి పేర్కొన్నారు. డిసెంబర్‌ 12వ తేదీన నిర్వహించనున్న జాతీయ లోక్‌ అదాలత్‌ను ప్రజలు సద్వినియోగం చేసుకోవాలన్నారు. జిల్లాలో అమలవుతున్న మధ్యవర్తిత్వం 3.0 కార్యక్రమం ద్వారా ఇప్పటివరకు 140కి పైగా కేసులను పరిష్కరించినట్లు వెల్లడించారు. పోక్సో కోర్టు న్యాయమూర్తి జి. వెంకటేశ్వర్లు, జిల్లా న్యాయ సేవాధికార సంస్థ కార్యదర్శి ఎస్‌. వరలక్ష్మి, అదనపు సీనియర్‌ సివిల్‌ జడ్జి సి. యుగంధర్‌, ప్రిన్సిపల్‌ జూనియర్‌ సివిల్‌ జడ్జి ఎం. రహమతుల్లా, మొదటి అదనపు జూనియర్‌ సివిల్‌ జడ్జి పి. సాయి సుధ, జేఎఫ్‌సీఎం స్పెషల్‌ మొబైల్‌ కోర్టు న్యాయమూర్తి జె.బి.టి.ఎస్‌. దేవి, ప్రిన్సిపల్‌ సీనియర్‌ సివిల్‌ జడ్జి కె.వి.ఎల్‌. హిమబిందు తదితర న్యాయాధికారులు పాల్గొన్నారు.

ఎన్టీఆర్‌ జిల్లా జేసీ ఇలక్కియ గాంధీనగర్‌(విజయవాడసెంట్రల్‌): రైతు బజార్లలో చేసిన బియ్యం విక్రయ కేంద్రాలు ఏర్పాటు చేసినట్లు జిల్లా జాయింట్‌ కలెక్టర్‌ డాక్టర్‌ ఎస్‌. ఇలక్కియ తెలిపారు. సోమవారం జిల్లా కలెక్టర్‌ కార్యాలయంలో జాయింట్‌ కలెక్టర్‌ ఇలక్కియ రైస్‌ మిల్లర్స్‌, హోల్‌ సేల్‌ అండ్‌ రిటైలర్‌ ట్రేడర్స్‌ అసోసియేషన్‌, లీగల్‌ మెట్రాలజీ, పౌరసరఫరాల అధికారులతో సమావేశం నిర్వహించారు. సమావేశంలో జేసీ మాట్లాడుతూ బియ్యం ధరలు తగ్గించేందుకు చేపట్టిన చర్యలను వివరించారు. జిల్లాలోని 14 రైతు బజార్లలో ధరణి బియ్యం బ్రాండ్‌ పేరుతో నాణ్యమైన కేఎన్‌ఎం, బీపీటీ బియ్యం అమ్మకాలు ప్రారంభించామన్నారు. కేఎన్‌ఎం కిలో రూ. 50, బీపీటీ బియ్యం కిలో రూ. 49కు వినియోగదారులకు అందజేస్తామన్నారు. ఈ బియ్యాన్ని 26 కేజీల బ్రాండెడ్‌ సంచులలో ఒక కుటుంబానికి నెలకు ఒక సంచి మాత్రమే అనే పరిమితితో అమలు చేస్తున్నామన్నారు. రైతు బజార్లు లేని చోట.. రైతు బజార్లు అందుబాటులో లేని వత్సవాయి, పెనుగంచిప్రోలు, చందర్లపాడు, వీరులపాడు, ఎ.కొండూరు, గంపలగూడెం, రెడ్డిగూడెం, విస్సన్నపేట, జి.కొండూరు మండల కేంద్రాల్లో త్వరలో ధరణి రైస్‌ కౌంటర్లు ఏర్పాటు చేస్తామని జేసీ ప్రకటించారు. అదనపు ధరణి రైస్‌ కౌంటర్లు గుర్తించి, ఏర్పాటు చేయడంలో రైస్‌ మిల్లర్లు సహకరించాలని కోరారు. ప్రతి విక్రయ కేంద్రంలోనూ నిర్దేశించిన ధరలు, రకం, బస్తా బరువు, నెలవారీ కొనుగోలు పరిమితిని స్పష్టంగా ప్రదర్శించాలని ఆదేశించారు. పౌరసరఫరాల శాఖ, లీగల్‌ మెట్రాలజీ విజిలెన్స్‌, బృందాలు ఇప్పటికే 36 చోట్ల తనిఖీలు నిర్వహించి నిబంధనలు ఉల్లంఘించిన వారిపై 13 కేసులు నమోదు చేశామన్నారు. జిల్లా పౌరసరఫరాల మేనేజర్‌ టి.వి సతీష్‌, జిల్లా పౌరసరఫరాల అధికారి పి. వాణి, ఎన్టీఆర్‌ జిల్లా రైస్‌ మిల్లర్స్‌ అసోసియేషన్‌ ప్రెసిడెంట్‌ శ్రీనివాసరావు తదితరులు పాల్గొన్నారు.

జగ్గయ్యపేట అర్బన్‌: మండలంలోని వైఎస్సార్‌ సీపీ జెడ్పీటీసీ అభ్యర్థిగా 1108 ఓట్ల మెజార్టీతో ఘన విజయం సాధించిన మండవ శ్రీనివాసగౌడ్‌ను ఆ పార్టీ జిల్లా అధ్యక్షుడు దేవినేని అవినాష్‌తో పాటు పలువురు నేతలు అభినందించారు. ఈ సందర్భంగా సోమవారం జిల్లా పార్టీ కార్యాలయంలో నిర్వహించిన ప్రత్యేక అభినందన కార్యక్రమంలో పార్టీ జగ్గయ్యపేట నియోజకవర్గ ఇన్‌చార్జ్‌ తన్నీరు నాగేశ్వరరావు సమక్షంలో జిల్లా అధ్యక్షుడు దేవినేని అవినాష్‌.. శ్రీనివాసగౌడ్‌ను శాలువా కప్పి సత్కరించినట్లు గౌడ్‌ తెలిపారు. కార్యక్రమంలో పార్టీ జిల్లా రైతువిభాగం అధ్యక్షుడు ఏలూరి శివాజి, జిల్లా ప్రధాన కార్యదర్శి చల్లా వైకుంఠరావు, జిల్లా కార్యదర్శి మాతంగి నాగబాబు, నియోజకవర్గ యువజన విభాగం అధ్యక్షుడు నర్మనేని వెంకటేష్‌ తదితరులు పాల్గొన్నారు. –మండవ శ్రీనివాసగౌడ్‌ను మాజీ మంత్రులు జోగి రమేష్‌, వెలంపల్లి శ్రీనివాసరావు అభినందించారు. ఈ సందర్భంగా శ్రీనివాసగౌడ్‌ వారివారి నివాసాల్లో తన్నీరు నాగేశ్వరరావు సమక్షంలో మర్యాదపూర్వకంగా కలవగా సత్కరిచారు. గుంటూరులో పార్టీ విజయవాడ పార్లమెంట్‌ పరిశీలకులు మోదుగుల వేణుగోపాలరెడ్డిని వారి నివాసంలో, ఎమ్మెల్సీ అరుణ్‌కుమార్‌ను నందిగామలోని వారి నివాసంలో మర్యాదపూర్వకంగా కలవగా శ్రీనివాసగౌడ్‌ను సత్కరించారు.

పెదకాకాని/కాచవరం: కలిసి పని చేశారు.. స్నేహంగా మెలిగారు.. బంధువుల ఇంటికి కలిసి బయలుదేరారు. కానీ విధి వక్రించి వారి ప్రయాణం విషాదాంతమైంది. ఎంతో భవిష్యత్తు ఉన్న ఇద్దరు యు వకులు రోడ్డు ప్రమాదంలో ప్రాణాలు కోల్పోయి రెండు కుటుంబాలకు తీరాని శోకాన్ని మిగిల్చారు. స్థాని కులు, పోలీసులు తెలిపిన వివరాల ప్రకారం ఎన్టీఆర్‌ జిల్లా ఇబ్రహీంపట్నం మండలం దొనబండకు చెందిన వేముల సర్వేంద్ర(22), దావులి వెంకటేష్‌(23) ఇద్ద రూ స్నేహితులు. సమీపంలోని స్టీల్‌ కంపెనీలో పని చేస్తూ జీవనం సాగిస్తున్నారు. సోమవారం వారిద్దరూ గుంటూరు జిల్లా పేరేచర్లలోని బంధువుల ఇంటికి బైక్‌పై బయలుదేరారు. ఈ క్రమంలో పెదకాకాని గ్రా మ శివారులోని పల్లాలమ్మ చెరువు వద్దకు చేరుకోగానే బైక్‌ అదుపు తప్పి డివైడర్‌ను బలంగా ఢీకొట్టింది. ఘటనా స్థలిలో మృతి ఈ ప్రమాదంలో ఇద్దరు తీవ్రగాయాలతో ఘటనా స్థలంలోనే మృతి చెందారు. సమాచారం అందుకున్న పోలీసులు ఘటనా స్థలానికి చేరుకుని ట్రాఫిక్‌ను క్రమబద్ధీకరించారు. మృతదేహాలను పోస్టుమార్టం నిమిత్తం గుంటూరు ప్రభుత్వాస్పత్రికి తరలించారు. బంధువులు కన్నీరుమున్నీరు వెంకటేష్‌ తండ్రి ఏడాది క్రితమే మరణించగా, తల్లి, అన్న, ముగ్గురు అక్కచెల్లెళ్లు ఉన్నారు. సరేంద్రకు తల్లిదండ్రులతోపాటు ఓ సోదరుడు ఉన్నారు. ఇద్దరు యువకుల మరణవార్తతో కుటుంబ సభ్యులు బంధువులు ఘటనాస్థలికి చేరుకుని కన్నీరుమున్నీరయ్యారు. సరేంద్ర తండ్రి రాజగోపాల్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పెదకాకాని సీఐ టి.పి.నారాయణస్వామి తెలిపారు.

గన్నవరం: కూటమి ఎత్తులను చిత్తుచేసి గన్నవరం జెడ్పీటీసీ స్థానంలో వైఎస్సార్‌ సీపీ విజయ కేతనం ఎగరేసింది. టీడీపీ, బీజేపీ, జనసేన మూడుపార్టీలు ఓటర్లను ఎన్నో ప్రలోభాలకు గురి చేసినా.. ఎన్నో నాటకీయ పరిణామాలు, హైడ్రామా మధ్య సాగిన కౌంటింగ్‌ ప్రక్రియలో వైఎస్సార్‌ సీపీ జెడ్పీటీసీ అభ్యర్థి అనగాని రవి 63 ఓట్ల అధిక్యతతో బీజేపీ అభ్యర్థి చిగురుపాటి కుమారస్వామిపై గెలుపొంది సత్తాచాటారు. విజయం వైఎస్సార్‌ సీపీ శ్రేణుల్లో నూతన ఉత్సాహాన్ని నింపాగా, కూటమి పార్టీ శ్రేణులను మాత్రం తీవ్ర నిరుత్సాహానికి గురిచేసింది. బీజేపీ అభ్యర్థికి మద్దతుగా ప్రభుత్వ విప్‌, ఎమ్మెల్యే యార్లగడ్డ వెంకట్రావు సైతం రెండు రోజులు ఎన్నికల ప్రచారం చేసినా, లక్షలాది రూపాయిలు వెచ్చించిన ఓటమి ఎదురవడాన్ని కూటమి నేతలు జీర్ణించుకోలేకపోతున్నారు. కౌంటింగ్‌ సెంటర్‌ వద్ద హైడ్రామా ఈ నెల 7వ తేదీ స్థానిక సెయింట్‌జాన్స్‌ హైస్కూల్‌లో ఏర్పాటు చేసిన కౌంటింగ్‌ సెంటర్‌ వద్ద జెడ్పీటీసీ ఫలితాల వెల్లడిలో హైడ్రామా నడిచింది. మధ్యాహ్నం 2 గంటలకే జెడ్పీటీసీ ఓట్ల కౌంటింగ్‌ ప్రకియ ముగిసి వైఎస్సార్‌ సీపీ అభ్యర్థి అనగాని రవి 63 ఓట్లు అధిక్యంలో ఉన్నా ఫలితాలు వెల్లడించకుండా ఎన్నికల అధికారులు తాత్సారం చేశారు. బీజేపీ అభ్యర్థి కుమారస్వామితో పాటు కూటమి నేతలు ఫలితాలను తారుమారు చేసేందుకు కుట్రలు, కుతంత్రాలకు తెరతీశారు. నియోజకవర్గ ప్రజాప్రతినిధితో పాటు పలువురు కూటమి పార్టీల ముఖ్య నేతలతో అధికారులపై తీవ్రస్థాయిలో ఒత్తిడి తీసుకువచ్చారు. చెల్లుబాటు కాని 1,450 ఓట్లను తిరిగి పునఃపరిశీలన చేయాలని కూటమి నేతలు పట్టుబట్టారు. విషయం తెలుసుకుని మాజీ ఎమ్మెల్యే వల్లభనేని వంశీమోహన్‌తో పాటు పార్టీ శ్రేణులు పెద్ద ఎత్తున్న కౌంటింగ్‌ సెంటర్‌ సమీపంలోకి చేరుకున్నారు. దీంతో ఆ ప్రాంతంలో ఉద్రికత్త పరిస్థితులు నెలకొనడంతో పోలీస్‌ బలగాలను రంగంలోకి దింపారు. సాయంత్రం కౌంటింగ్‌ సెంటర్‌కు చేరుకున్న జిల్లా జాయింట్‌ కలెక్టర్‌ చెల్లుబాటు కాని ఓట్లను పునఃపరిశీలన చేయగా వైఎస్సార్‌ సీపీకి, బీజేపీకి సమానంగా 54 చొప్పున ఓట్లు వచ్చాయి. దీంతో ముందుగా 63 ఓట్లు అధిక్యంలో ఉన్న వైఎస్సార్‌ సీపీ అభ్యర్థి అనగాని రవి విజయం సాధించినట్లుగా రాత్రి 10 గంటల సమయంలో ఎన్నికల అధికారులు ప్రకటించారు. భారీగా క్రాస్‌ ఓటింగ్‌ మండలంలో జరిగిన జెడ్పీటీసీ ఎన్నికల్లో భారీగా క్రాస్‌ ఓటింగ్‌ జరిగినట్లుగా ఎన్నికల ఫలితాలు నిరూపిస్తున్నాయి. ఎంపీటీసీ స్థానాల్లో విజయం సాధించిన 16 మంది టీడీపీ, జనసేన, బీజేపీ అభ్యర్థులు ఏకంగా 6,879 ఓట్ల మెజార్టీ సాధించగా, జెడ్పీటీసీ ఫలితాలకు వచ్చేటప్పటికి బీజేపీ అభ్యర్థి కుమారస్వామి 63 ఓట్లతో ఓటమి చెందారు. దీంతో వైఎస్సార్‌ సీపీ జెడ్పీటీసీ అభ్యర్థి అనగాని రవికి భారీగా క్రాస్‌ ఓటింగ్‌ జరిగినట్లుగా రాజకీయ విశ్లేషకులు పేర్కొంటున్నారు. జనరల్‌కు కేటాయించిన జెడ్పీటీసీ స్థానంలో బీసీ వర్గానికి చెందిన మాజీ ఎంపీపీ అనగాని రవి అభ్యర్థిగా నిలబెట్టడం, బీసీ, ఎస్సీ, మైనార్టీ, ఇతర సామాజిక వర్గాలు అండగా నిలవడం, వైఎస్సార్‌ సీపీ శ్రేణులు సమష్టిగా పనిచేయడంతో విజయం వరించిందని విశ్లేషిస్తున్నారు.

జి.కొండూరు: మైలవరం మండలంలోని పుల్లూరు–1 ఎంపీటీసీ సెగ్మెంట్‌ ఓట్ల లెక్కింపులో అవకతవకలు జరిగాయని మళ్లీ రీకౌంటింగ్‌ పెట్టాలంటూ వైఎస్సార్‌ సీపీ రాష్ట్ర గ్రీవెన్స్‌ సెల్‌ అధ్యక్షుడు ఎ.నారాయణమూర్తి రాష్ట్ర ఎన్నికల కమిషనర్‌ అనిల్‌చంద్రపునేఠాకు సోమవారం ఫిర్యాదు చేశారు. ఈ సందర్భంగా నారాయణమూర్తి మాట్లాడుతూ లక్కిరెడ్డి హనిమిరెడ్డి ఇండోర్‌ స్టేడియంలో జరిగిన ఎంపీటీసీ, జెడ్పీటీసీ ఎన్నికల ఓట్ల కౌంటింగ్‌లో భాగంగా పుల్లూరు–1 ఎంపీటీసీ సెగ్మెంట్‌లో కౌంటింగ్‌ ప్రక్రియ ఏకపక్షంగా సాగిందన్నారు. ఇక్కడ వైఎస్సార్‌ సీపీ అభ్యర్థి మరీదు వినోద్‌గౌడ్‌ కౌంటింగ్‌పై అభ్యంతరం తెలిపినా అధికారులు పట్టించుకోలేదన్నారు. కౌంటింగ్‌ జరుగుతున్న సమయంలో వైఎస్సార్‌ సీపీకి పోలైన ఓట్లలో అధికంగా ఇన్‌వ్యాలిడ్‌ చూపిస్తూ టీడీపీకి పోలైన ఓట్లలో ఇన్‌వ్యాలిడ్‌ ఓట్లను సైతం కలిపి లెక్కించారన్నారు. దీనిపై రీకౌంటింగ్‌ చేయాలని ఆర్‌ఓ జ్యోతిలక్ష్మీదేవికి వైఎస్సార్‌ సీపీ అభ్యర్థి వినోద్‌ గౌడ్‌ ఫిర్యాదు చేశారని గుర్తు చేశారు. రీకౌంటింగ్‌ చేస్తామని చెప్పిన ఆర్వో జ్యోతిలక్ష్మీదేవి ఎమ్మెల్యే వసంత వెంకట కృష్ణప్రసాద్‌ మాటలకు తలొగ్గి టీడీపీ అభ్యర్థి గువ్వల పుల్లారెడ్డి 15 ఓట్ల మెజార్టీతో గెలుపొందారని ప్రకటించారన్నారు. రీకౌంటింగ్‌ చేయాలని మొరపెట్టుకున్నా వినకుండా పుల్లారెడ్డికి డిక్లరేషన్‌పారాలు సైతం అందజేశారన్నారు. ఈ సెగ్మెంట్‌లో పోలైన ఓట్లను భద్ర పరచి రీకౌంటింగ్‌ చేయాలని కోరుతూ ఎన్నికల కమిషనర్‌కు వినతి పత్రాన్ని అందజేసినట్లు నారాయణమూర్తి వివరించారు.

కంకిపాడు: కంకిపాడు పోలీస్‌స్టేషన్‌ పరిధిలో ఆదివారం అర్ధ రాత్రి దాటిన తర్వాత దారుణ హత్య చోటు చేసుకుంది. పునాదిపాడు గ్రామ పరిధిలోని ఓ డెయిరీ ఫాంలో ఒంటరిగా నిద్రిస్తున్న బిహార్‌కు చెందిన 26 ఏళ్ల యువకుడిని పాత కక్షల నేపథ్యంలో కత్తులతో పొడిచి హతమార్చారు. గతంలో అతనితో కలిసి పని చేసిన కార్మికుడు మరికొందరితో కలిసి ఈ ఘాతకానికి పాల్పడినట్లు పోలీసులు కేసు నమో దు చేశారు. పోలీసులు తెలిపిన వివరాల ప్రకారం విజయవాడకు చెందిన పువ్వాడ శ్రీనివాసరావు నాలుగు నెలల క్రితం కంకిపాడు బైపాస్‌ వెంబడి పునాదిపాడు గ్రామ పరిధిలో శ్రీరాజ్యలక్ష్మి డెయిరీ ఫామ్‌ను ఏర్పాటు చేసుకున్నాడు. ఇందులో బిహార్‌ రాష్ట్రానికి చెందిన అనిల్‌కుమార్‌ యాదవ్‌ (26), రాకేష్‌ పనిచేస్తున్నారు. అయితే ఫామ్‌ యజమాని రాకేష్‌ను పనిలో నుంచి తొలగించాడు. ఈ విషయమై రాకేష్‌, అనిల్‌కుమార్‌ యాదవ్‌కు మధ్య వివాదం నెలకొంది. కత్తులతో పొడిచి.. ఈ నెల 8వ తేదీ అర్ధరాత్రి తరువాత ఫామ్‌లో ఒంటరిగా నిద్రిస్తున్న అనిల్‌కుమార్‌ యాదవ్‌ను రాకేష్‌, మరికొందరు కలిసి కత్తులతో విచక్షణారహితంగా పొడిచారు. రక్తపు మడుగులో కొట్టుకులాడుతున్న అనిల్‌కుమార్‌ యాదవ్‌ను చూసి పరారయ్యారు. గాయాలతో ఉన్న అనిల్‌కుమార్‌ యాదవ్‌ సమీపంలోని ఓ పాకలో పనిచేస్తున్న బిహార్‌ ప్రాంతానికి చెందిన వ్యక్తుల వద్దకు గాయాలతోనే వెళ్లి జరిగిన విషయాన్ని చెప్పి ఆసుపత్రికి తీసుకెళ్లాలని కోరాడు. దీంతో వారు విజయవాడ ప్రభుత్వాసుపత్రికి తరలించారు. అక్కడ చికిత్స పొందుతూ సోమవారం తెల్లవారుజామున మృతి చెందాడు. హత్యకు కారణాలపై.. విషయం తెలుసుకున్న కంకిపాడు పోలీసులు ఘట నా స్థలానికి చేరుకున్నారు. గన్నవరం డీఎస్పీ జయకృష్ణ, సీఐ రవికుమార్‌, క్లూస్‌టీం ఎస్‌ఐ త్రివర్ణ, సిబ్బందితో ఘటనాస్థలంలో వివరాలు సేకరించా రు. కత్తులతో దాడి చేసిన అనంతరం పరారయ్యేందుకు నిందితులకు సహకరించిన వ్యక్తులు ఎవరు?, ఎంత మందికి పాత్ర ఉంది? అన్న కోణంలో పోలీసులు కేసు నమోదు చేసి దర్యాప్తు చేస్తున్నారు. అనిల్‌కుమార్‌ యాదవ్‌ హత్యకు గల కారణాలపై వివరాలు సేకరించే పనిలో నిమగ్నమయ్యారు.

గాంధీనగర్‌(విజయవాడసెంట్రల్‌): ప్రజల ప్రాణ భద్రతకు అత్యంత ప్రాధాన్యమివ్వాలని ఎన్టీఆర్‌ జిల్లా కలెక్టర్‌ డాక్టర్‌ జి.లక్ష్మీశ చెప్పారు. దీపావళి పండుగను ప్రజలందరూ ఆనందోత్సాహాల మధ్య సురక్షితంగా జరుపు కొనేలా టపాసుల దుకాణాల ఏర్పాట్లు, భద్రతా నిబంధనల అమలులో ఎలాంటి నిర్లక్ష్యానికి తావులేకుండా పటిష్ట చర్యలు తీసుకోవాలని అధికారులను ఆదేశించారు. విజయవాడ కలెక్టరేట్‌లోని ఏవీఎస్‌ రెడ్డి సమావేశ మందిరంలో శనివారం రెవెన్యూ, పోలీస్‌, అగ్నిమాపక తదితర శాఖల అధికారులతో దీపావళి టపాసుల దుకాణాల ఏర్పాట్లు, భద్రతా చర్యలపై కలెక్టర్‌ సమీక్షించారు. ఈ సందర్భంగా కలెక్టర్‌ మాట్లాడుతూ ఒకే ప్రాంగణంలో గరిష్టంగా 50 దుకాణాలకు మాత్రమే అనుమతి ఇవ్వాలని, ప్రతి దుకాణం మధ్య కనీసం మూడు మీటర్ల ఖాళీ స్థలం ఉండేలా చూడాలన్నారు. దుకాణాలను నివాస ప్రాంతాలు, అధిక జనసంచారం ఉండే ప్రాంతాలకు దూరంగా ఏర్పాటు చేయాలని సూచించారు. అగ్నినిరోధక నిర్మాణ సామగ్రితో షెడ్లు నిర్మించాలని, నాణ్యమైన విద్యుత్‌ వైరింగ్‌ ఏర్పాటు చేయాలని, దుకాణాల వద్ద దీపాలు, లాంతర్లు ఉపయోగించరాదని, టపాసుల డెమో లేదా టెస్ట్‌ నిర్వహించరాదని స్పష్టం చేశారు. ప్రతి దుకాణం వద్ద నీరు, ఇసుక బకెట్లు, అగ్నిమాపక యంత్రాలు అందుబాటులో ఉంచాలన్నారు. సిబ్బందిని సిద్ధంగా ఉంచాలి అత్యవసర పరిస్థితుల్లో 30 సెకన్లలోపు స్పందించేలా సిబ్బందిని సిద్ధంగా ఉంచాలన్నారు. సమీపంలో అంబులెన్సులు, ఫైర్‌ ఇంజిన్లు అందుబాటులో ఉండాలని, దుకాణాలకు కనీసం 50 మీటర్ల దూరంలో టపాసులు కాల్చే ప్రత్యేక ప్రాంతాన్ని ఏర్పాటు చేయాలని సూచించారు. టపాసుల విక్రయ ప్రాంగణాల్లో 24 గంటల కంట్రోల్‌ రూమ్‌ ఏర్పాటు చేసి పోలీస్‌, రెవెన్యూ, అగ్నిమాపక శాఖల సిబ్బందిని అందుబాటులో ఉంచాలన్నారు. ప్రతి 10 నిమిషాలకు మైక్‌ ద్వారా భద్రతా సూచనలు ప్రసారం చేయాలన్నారు. సమావేశంలో డీఆర్వో ఎం.లక్ష్మీనర సింహం, డీసీపీ అడ్మిన్‌ కేజీవీ సరిత, జిల్లా అగ్నిమాపక శాఖ అధికారి ఏవీ శంకరరావు, వీఎంసీ అడిషనల్‌ కమిషనర్‌ ఎ.రవీందర్‌రావు, వీఎంసీ డివిజనల్‌ ఫైర్‌ ఆఫీసర్‌ సీహెచ్‌ రత్నబాబు, ఆర్డీవోలు, రెవెన్యూ అధికారులు తదితరులు పాల్గొన్నారు. ఎన్టీఆర్‌ జిల్లా కలెక్టర్‌ లక్ష్మీశ

విజయవాడలీగల్‌: నగరంలోని రాష్ట్ర మానవ హక్కుల కమిషన్‌ క్యాంపు కోర్టు ఏర్పాటు చేసినట్లు బెజవాడ బార్‌ అసోసియేషన్‌ అధ్యక్షుడు విష్ణుభొట్ల లక్ష్మీనారాయణ తెలియజేశారు. నగరంలో క్యాంపు కోర్టు/క్యాంప్‌ సిట్టింగ్‌లు ఏర్పాటు చేయాలని కోరుతూ బెజవాడ బార్‌ అసోసియేషన్‌ రాష్ట్ర మానవహక్కుల కమిషన్‌కు రిప్రజెంటేషన్‌ అందజేసింది. దీనికి స్పందించిన మానవహక్కుల కమిషన్‌ ఇకపై ప్రతి నెలా రెండవ వారం విజయవాడ కేంద్రంగా విజయవాడ, కృష్ణా, ఏలూరు, భీమవరం జిల్లాల వారికి క్యాంప్‌ కోర్టులు నిర్వహించనున్నట్లు ఆయన తెలిపారు. నవంబరులో 10వ తేదీ నుంచి 13వ తేదీవరకు 4 రోజులపాటు నిర్వహించనున్నట్లు ఒక ప్రకటనలో తెలిపారు. మానవహక్కుల కమిషన్‌ చైర్మన్‌ జస్టిస్‌ సత్యనారాయణమూర్తి ఆధ్వర్యంలో విజయవాడ సబ్‌ కలెక్టర్‌ కార్యాలయలో పెండింగ్‌ కేసుల విచారణతో పాటు కొత్త ఫిర్యాదులు కూడా స్వీకరిస్తారని తెలియజేశారు. ఇంద్రకీలాద్రి(విజయవాడపశ్చిమ): ఽదన త్రయోదశిని పురస్కరించుకుని ఇంద్ర కీలాద్రిపై దుర్గమ్మ సన్నిధిలో శనివారం మహాలక్ష్మి యాగాన్ని నిర్వహించారు. అమ్మవారి ఆలయ ప్రాంగణంలోని పాత యాగశాలలో వైదిక కమిటీ పర్యవేక్షణలో అర్చకులు యాగాన్ని చేశారు. లోక క్షేమాన్ని, సర్వజనుల ఆయురారోగ్య, ఐశ్వర్యాలను కాంక్షిస్తూ యాగాన్ని నిర్వహించారు. ఉదయం 8 గంటలకు ప్రారంభమైన యాగం సుమారు రెండు గంటల పాటు సాగింది. యాగం అనంతరం మహా పూర్ణాహుతిలో ఆలయ ఈవో శీనానాయక్‌, కమిటీ చైర్మన్‌ రాధాకృష్ణ, ట్రస్ట్‌ బోర్డు సభ్యులు అవ్వారు శ్రీనివాసరావు, రాఘవ రాజు, కళావతి, ప్రత్యేక ఆహ్వానితులు రామబ్రహ్మం పాల్గొన్నారు. పటమట(విజయవాడతూర్పు): స్వచ్ఛ సర్వేక్షణ్‌ అవార్డులు 2025– 26లో విజయవాడ నగరపాలక సంస్థ మరోసారి జాతీయ స్థాయి పురస్కారాన్ని సాధించింది. గతంలో 2024– 25 సంవత్సరానికి ‘సూపర్‌ స్వచ్ఛ లీగ్‌ సిటీ’గా జాతీయ స్థాయిలో గుర్తింపు పొందిన విజయవాడ, తాజాగా స్వచ్ఛ సర్వేక్షణ్‌ 2025–26లో మరోసారి అవార్డును సొంతం చేసుకుంది. ఈ నెల 11వ తేదీ న్యూఢిల్లీలో నిర్వహించనున్న స్వచ్ఛ సర్వేక్షణ్‌ జాతీయ పురస్కారాల ప్రదానోత్సవ కార్యక్రమంలో విజయవాడ నగరపాలక సంస్థకు ఈ అవార్డును ప్రదానం చేయనున్నారు.

మొగల్రాజపురం(విజయవాడ తూర్పు): ఈ నెల 9 నుంచి 12వ తేదీ వరకు హైదరాబాద్‌లో జరగనున్న సౌత్‌ జోన్‌ ఇంటర్‌ యూనివర్సిటీ చెస్‌ (మహిళల) టోర్నమెంట్‌లో పాల్గొనడానికి తమ యూనివర్సిటీ నుంచి ప్రాతినిధ్యం వహించే జట్టును శనివారం ఎంపిక చేశామని డాక్టర్‌ ఎన్టీఆర్‌ ఆరోగ్య విశ్వవిద్యాలయం స్పోర్ట్స్‌ బోర్డ్‌ సెక్రటరీ ఇ.త్రిమూర్తి తెలిపారు. నగరంలోని యూనివర్సిటీ ఆవరణలో జట్టులోని సభ్యులను వైస్‌చాన్సలర్‌ చంద్రశేఖర్‌ శనివారం అభినందించారు. విజయవాడ సిద్ధార్థ మెడికల్‌ కళాశాలకు చెందిన ఎం.సాయి దివ్య, కాకినాడలోని రంగరాయ మెడికల్‌ కళాశాలకు చెందిన డి.అమూల్య, డి.అనయ్య,ఒంగోలులోని గవర్నమెంట్‌ మెడికల్‌ కళాశాలకు చెందిన నివేదితా భాయ్‌, చినకొండ్రపాడులోని కాటూరి మెడికల్‌ కళాశాలకు చెందిన ఎన్‌.సాత్విక, చిన్న అవుటుపల్లిలోని డాక్టర్‌ పిన్నమనేని సిద్ధార్థ ఇన్‌స్టిట్యూట్‌ ఆఫ్‌ మెడికల్‌ కళాశాలకు చెందిన ఎ.శ్రీనిధిలను క్రీడాకారులుగా, ఏలూరులోని సెయింట్‌ జోసెఫ్‌ డెంటల్‌ కళాశాలకు చెందిన ఫిజికల్‌ డైరెక్టర్‌ ఎన్‌.నల్లయ్యను జట్టు మేనేజర్‌గా ఎంపిక చేశామని వివరించారు. జట్టు సభ్యులను వైస్‌చాన్సలర్‌ పి.చంద్రశేఖర్‌, రిజిస్ట్రార్‌ టి.సాయి సుధీర్‌ అభినందించారు.

ఇంద్రకీలాద్రి(విజయవాడపశ్చిమ): ఇంద్రకీలాద్రిపై దుర్గమ్మ సన్నిధిలో జరుగుతున్న నిత్యాన్నదానానికి విజయవాడకు చెందిన భక్తులు శనివారం రూ. లక్ష విరాళాన్ని అందజేశారు. విజయవాడ అయోధ్యనగర్‌కు చెందిన శనగపల్లి ధాన్య రత్నమాధురి కుటుంబంతో అమ్మవారి దర్శనానికి ఇంద్రకీలాద్రికి విచ్చేశారు. ఆలయ అధికారులను కలిసి నిత్యాన్నదానం నిమిత్తం రూ. 1,01,116 విరాళాన్ని అందజేశారు. అనంతరం దాతలకు ఆలయ మర్యాదలతో అమ్మవారి దర్శనం కల్పించారు. వేద పండితుల ఆశీర్వచనం అనంతరం దాతలకు ఆలయ ఏఈవో ఎన్‌.రమేష్‌బాబు అమ్మవారి చిత్రపటంప్రసాదాలు, శేషవస్త్రాలను అందజేశారు.

● వైఎస్సార్‌ సీపీ గెలిచిన చోట్ల రీ పోలింగ్‌ అంటూ గందరగోళం ● తమ ఖాతాలో వేసుకునేందుకు కుట్రలు ● కొన్నిచోట్ల వైఎస్సార్‌ సీపీ ఏజెంట్లను అనుమతించకుండా ఇబ్బందులు ● బ్యాలెట్‌ సరిగా చూపడం లేదని వివాదం ● గన్నవరం, జగ్గయ్యపేట, వీరులపాడు జెడ్పీటీసీ స్థానాల్లో రీ కౌంటింగ్‌ కోసం కూటమి పట్టు ● కూటమి కుట్రలు చేసినా ఆ స్థానాల్లో వైఎస్సార్‌ సీపీ విజయం కొండపల్లి జెడ్పీ బాలికల పాఠశాలలో ఓట్లను లెక్కిస్తున్న పోలింగ్‌ సిబ్బంది ఎన్టీఆర్‌ జిల్లాలో 16 జెడ్పీటీసీలు ఉండగా అందులో జగ్గయ్యపేట, వీరులపాడు జెడ్పీటీసీలో వైఎస్సార్‌ సీపీ విజయకేతనం ఎగురవేసింది. 13 స్థానాల్లో టీడీపీ, ఒక స్థానంలో బీజేపీ గెలవగా, జనసేనకు కేటాయించిన రెండు సీట్లలో ఒక్క జెడ్పీటీసీ కూడా దక్కలేదు. 276 ఎంపీటీసీల్లో ఎన్నికలు జరగగా 50 స్థానాల్లో వైఎస్సార్‌ సీపీ గెలుపొందగా, 201 స్థానాల్లో టీడీపీ, 22 స్థానాల్లో జనసేన, సీపీఎం ఒక స్థానంలో బీఎస్‌పీ ఒక స్థానంలో, బీజేపీ ఒక స్థానంలో గెలుపొందాయి. పెనమలూరు మండలం గంగూరు–2 ఎంపీటీసీ సెగ్మెంట్‌లో వైఎస్సార్‌ సీపీ అభ్యర్థి గొల్లపల్లి భారతి 20 ఓట్ల మెజార్టీతో గెలుపొందారు. ఇది ఓర్వలేని టీడీపీ నాయకులు రీ కౌంటింగ్‌ చేసేలా అధికారులపై ఒత్తిడి తెచ్చారు. అక్కడ రీ కౌంటింగ్‌ చేయటంతో వైఎస్సార్‌ సీపీ అభ్యర్థికి ఏడు ఓట్లు పెరిగాయి. మళ్లీ రీ కౌంటింగ్‌కు టీడీపీ నాయకులు పట్టుపట్టారు. ఈసారి మరో రెండు ఓట్లు పెరిగి మొత్తం 29 ఓట్ల మెజార్టీతో వైఎస్సార్‌ సీపీ అభ్యర్థి గెలు పొందారు. మైలవరం మండలం ఎంపీటీసీ, జెడ్పీటీసీ ఎన్నికల కౌంటింగ్‌లో టీడీపీ కుట్ర రాజకీయాలకు తెరలేపింది. మండలంలోని వెల్వడం–1 సెగ్మెంట్‌ నుంచి వైఎస్సార్‌ సీపీ అభ్యర్థి పత్తిపాటి దాసు 123 ఓట్ల మెజార్టీతో గెలుపొందారు. పుల్లూరు–2సెగ్మెంట్‌ నుంచి వైఎస్సార్‌ సీపీ అభ్యర్థి కుప్పాల రత్నకుమారి 22 ఓట్ల మెజార్టీతో గెలుపొందారు. ఈ రెండు సెగ్మెంట్‌లను రీ కౌంటింగ్‌ చేయాలంటూ టీడీపీ, జనసేన నాయకులు పట్టుబట్టారు. దీనికి ముందు పుల్లూరు–1 సెగ్మెంట్‌లో టీడీపీ 14 ఓట్లతో గెలుపొందగా ఇన్‌వ్యాలీడ్‌ ఓట్లు కలిపి లెక్కించారంటూ మళ్లీ రీకౌంటింగ్‌ చేయాలని వైఎస్సార్‌ సీపీ కోరినా.. ఎమ్మెల్యే వసంత ప్రోద్బలంతో అధికారులు టీడీపీ అభ్యర్థి గెలిచినట్లుగా డిక్లరేషన్‌ ఇచ్చి పంపారు. వైఎస్సార్‌ సీపీ రీ కౌంటింగ్‌ కోరితే పట్టించుకోని అధికారులు ఇద్దరు వైఎస్సార్‌ సీపీ అభ్యర్థులు గెలుపొందితే ఎలా రీ కౌంటింగ్‌ పెడతారంటూ ఆ పార్టీ నాయకులు ధర్నాకు దిగారు. దీంతో రాత్రి 9.30 గంటల ప్రాంతంలో వైఎస్సార్‌ సీపీ అభ్యర్థులు గెలిచినట్లు ప్రకటించారు. సాక్షి ప్రతినిధి, విజయవాడ: మున్సిపల్‌ ఎన్నికల ఓట్ల లెక్కింపు తరహాలోనే కూటమి నేతలు ‘ప్రాదేశిక’ ఓట్ల లెక్కింపులోనూ రీ కౌంటింగ్‌ పేరుతో కుట్రలకు తెరతీశారు. వైఎస్సార్‌ సీపీ అభ్యర్థులు విజయం సాధించిన ప్రతిచోటా రీ కౌంటింగ్‌ పేరుతో హడావుడి చేశారు. అధికారులపై ఒత్తిడి తెచ్చి ఫలితాలు తారుమారు చేయాలనే ప్రయత్నాలకు తెరతీశారు. ఉమ్మడి కృష్ణా జిల్లాలో వైఎస్సార్‌ సీపీ గెలిచిన గన్నవరం, జగ్గయ్యపేట, వీరులపాడు జెడ్పీటీసీల్లో కూటమి నేతలు రీకౌంటింగ్‌కు పట్టు పట్టారు. ఎన్ని కుట్రలు చేసినా ఈ మూడింటిలో వైఎస్సార్‌ సీపీనే విజయం సాధించింది. అంతిమంగా ఓటరు తీర్పే నిలిచింది. గన్నవరంలో వైఎస్సార్‌ సీపీ జెడ్పీటీసీ అభ్యర్థి అనగాని రవి విజయం సాధించారు. తొలుత ఆయనకు 63 ఓట్ల మెజార్టీ వచ్చింది. అక్కడ బీజేపీ అఽభ్యర్థిగా పోటీ చేసిన చిగురుపాటి కుమారస్వామి రీ కౌంటింగ్‌కు పట్టుపట్టారు. టీడీపీ ఎమ్మెల్యే కూడా అధికారులపై ఒత్తిడి తెచ్చారు. విషయం తెలిసిన వైఎస్సార్‌ సీపీ నేత వల్లభనేని వంశీ కౌంటింగ్‌ సెంటర్‌కు చేరుకోవడంతో ఉద్రిక్త వాతావరణం ఏర్పడింది. ఆయన ఎన్నికల సంఘానికి, కలెక్టర్‌కు ఫిర్యాదు చేశారు. కృష్ణా జిల్లా జేసీ నవీన్‌ అక్కడికి చేరుకుని ఇద్దరు అభ్యర్థులతో మాట్లాడి చెల్లని 1810 ఓట్లను మళ్లీ లెక్కించ డానికి అంగీకరించారు. వీటిని లెక్కించగా ఇందులో 108 ఓట్లు చెల్లుబాటవుతాయని నిర్ధారించారు. ఇవి కూడా చెరి సమానంగా రావడంతో అనగాని రవి 63 ఓట్లతో గెలిచినట్లు ప్రకటించి డిక్లరేషన్‌ ఇచ్చేశారు. అయితే అప్పటికే పెద్ద ఎత్తున అక్కడికి చేరుకున్న టీడీపీ కార్యకర్తలు హంగామా చేసే ప్రయత్నం చేశారు. జగ్గయ్యపేటలో వైఎస్సార్‌ సీపీ తరఫున జెడ్పీటీసీ అభ్యర్థిగా పోటీ చేసిన మండవ శ్రీనివాస గౌడ్‌ 1,186 ఓట్ల మెజార్టీతో విజయం సాధించినా కూటమి నేతలు రీ కౌంటింగ్‌కు పట్టుబట్టారు. తర్వాత కూడా 1108 ఓట్లు మెజార్టీ రావడంతో శ్రీనివాస్‌గౌడ్‌కు డిక్లరేషన్‌ ఇచ్చారు. నందిగామ నియోజకవర్గం వీరులపాడులో వైఎస్సార్‌ సీపీ అభ్యర్థి ఇప్పల కృష్ణారెడ్డి 496 ఓట్ల మెజార్టీతో జెడ్పీటీసీగా గెలుపొందగా కూటమి నేతలు రీ కౌంటింగ్‌కు కుట్రలు చేశారు. అయితే రిటర్నింగ్‌ అధికారి అంగీకరించలేదు. తెన్నేరు ఎంపీటీసీ వైఎస్సార్‌ సీపీ అభ్యర్థి మేకల శ్రీనివాసరావు, తన ప్రత్యర్థి టీడీపీ అభ్యర్థి మేకల చిన్నబాబుపై ఆరు ఓట్ల మెజార్టీతో గెలుపొందారు. డిక్లరేషన్‌ ఫారాలపై సంతకాలు చేసిన తర్వాత టీడీపీ దొంగ నాటకానికి తెరతీసింది. కౌంటింగ్‌ కేంద్రం వెలుపల ఉన్న ఆ పార్టీ ఏజెంట్లు, అభ్యర్థులు ఇచ్చిన సలహాలతో వెంటనే రీ కౌంటింగ్‌ చేయాలంటూ అడ్డం తిరిగారు. అధికారుల వద్దకు పంచాయితీ వెళ్లింది. కౌంటింగ్‌ వివరాలను అధికారులు రౌండ్ల వారీగా స్పష్టం చేయడంతో చేసేది లేక టీడీపీ వెనక్కి తగ్గింది. పలుచోట్ల కౌంటింగ్‌ ఏజెంట్లనూ కూటమి నేతలు అడ్డుకున్నారు. చల్లపల్లి మండలం మంగళాపురం ఎంపీటీసీ స్థానానికి వైఎస్సార్‌ సీపీ అభ్యర్థి డొక్కు నాగేశ్వరరావు 350 ఓట్ల మెజార్టీతో గెలుపొందారు. అక్కడ కూడా టీడీపీ నేతలు రీ కౌంటింగ్‌కు పట్టుపట్టారు. 350 మెజార్టీ ఉండగా రీ కౌంటింగ్‌ ఏమిటని అధికారులు తిరస్కరించారు. ఉంగుటూరు మండలం తేలప్రోలు ఎంపీటీసీ స్థానానికి వైఎస్సార్‌ సీపీ అభ్యర్థి 39 ఓట్ల మెజార్టీతో గెలుపొందారు. ఇక్కడ కూడా రీ కౌంటింగ్‌ చేయగా 39 ఓట్లు వైఎస్సార్‌ సీపీ అభ్యర్థి మెజార్టీ రావటంతో టీడీపీ నాయకులు ఓటమి చవిచూశారు. పమిడిముక్కల మండలం లంకపల్లి ఎంపీటీసీ స్థానంలో వైఎస్సార్‌ సీపీ అభ్యర్థి గండ్రపు సౌజన్య 26 ఓట్ల మెజార్టీతో గెలుపొందారు. ఇక్కడ కూడా టీడీపీ నాయకులు రీ కౌంటింగ్‌ కోరడంతో అధికారులు రీ కౌంటింగ్‌ నిర్వహించారు. అయినా వైఎస్సార్‌ సీపీ అభ్యర్థినే విజయం వరించింది. జగ్గయ్యపేట పట్టణం ఏజీఎస్‌ కాలేజీలో ఎంపీటీసీ, జెడ్పీటీసీ ఎన్నికల కౌంటింగ్‌ జరుగుతున్న నేపథ్యంలో వైఎస్సార్‌ సీపీ కౌంటింగ్‌ ఏజెంట్లను పోలీసులు అడ్డుకున్నారు. రిటర్నింగ్‌ అధికారి (ఆర్వో) పరిశీలించి కౌంటింగ్‌ ఏజెంట్లుగా అనుమతి పత్రాలు జారీ చేసిన తర్వాత కూడా, వారిపై కేసులు ఉన్నాయనే కారణంతో పోలీసులు కౌంటింగ్‌ కేంద్రం వెలుపలే అడ్డుకోవడంపై ఆ పార్టీ సమన్వయకర్త తన్నీరు నాగేశ్వరరావు అభ్యంతరం వ్యక్తం చేశారు. విజయవాడ మాంటిస్సోరి కౌంటింగ్‌ కేంద్రంలో టీడీపీ ఏజెంట్లను ఎక్కువమందిని అనుమతించి వైఎస్సార్‌ సీపీ ఏజెంట్లను అనుమతించకపోవడంపై వివాదం చెలరేగింది. ఇబ్రహీంపట్నం కొటికలపూడి సెగ్మెంట్‌కు జరిగిన పోలింగ్‌లో ఐదు ఓట్లు గల్లంతు కావడంపై అభ్యర్థితో పాటు వైఎస్సార్‌ సీపీ నాయకులు అభ్యంతరం తెలిపారు. బ్యాలెట్‌ పేపర్లు కట్టలు కట్టే సమయంలో పోలింగ్‌ అయిన ఓట్లు కంటే ఐదు ఓట్లు తక్కువ రావడాన్ని ఏజెంట్లు గుర్తించి అధికారులను ప్రశ్నించారు.

కూచిపూడి(మొవ్వ): పొట్టి శ్రీరాములు తెలుగు విశ్వవిద్యాలయం పరిధిలో గల కూచిపూడి శ్రీ సిద్ధేంద్ర యోగి నాట్య కళాపీఠం ప్రాంగణంలో శుక్రవారం కూచిపూడి నాట్యంలోని పలు కోర్సుల ప్రవేశాలకు ఇంటర్వ్యూలు నిర్వహించారు. నాట్య కోర్సుల్లో ప్రవేశానికి దరఖాస్తులు దాఖలు చేసుకున్న విద్యార్థులను వైస్‌ ప్రిన్సిపాల్‌ డాక్టర్‌ చింతా రవి బాలకృష్ణ ఆధ్వర్యంలో డాక్టర్‌ వేదాంతం రాధేశ్యామ్‌, డాక్టర్‌ ఏలేశ్వరపు శ్రీని వాసులు(అసిస్టెంట్‌ ప్రొఫెసర్‌), పసుమర్తి హరినాథశాస్త్రి (టీచింగ్‌ అసిస్టెంట్‌) ఇంటర్వ్యూలు నిర్వహించారు. సర్టిఫికెట్‌ కోర్సుకు 44, డిప్లొమాకు 22, యక్షగానంకు 6, సాత్విక అభినయానికి 8, ఎంపీఏకు 17 మంది దరఖాస్తులు అందినట్లు వైస్‌ ప్రిన్సిపాల్‌ వెల్లడించారు. మొగల్రాజపురం(విజయవాడ తూర్పు): యువ క్రీడాకారులను ప్రోత్సహించేందుకు ఆంధ్రప్రదేశ్‌ క్రీడా ప్రాధికార సంస్థ(శాప్‌), స్టేట్‌బ్యాంక్‌ ఆఫ్‌ ఇండియా (ఎస్‌బీఐ)సంయుక్తంగా జూనియర్‌ అథ్లెట్లకు అందిస్తున్న ఉపకార వేతనాలకు అర్హులైన క్రీడాకారుల నుంచి దరఖాస్తులు కోరుతున్నామని శాప్‌ కార్యాలయం ప్రతినిధులు ప్రకటనలో తెలిపారు. 15 నుంచి 19 ఏళ్ల లోపు వయస్సు ఉన్న క్రీడాకారులకు ఈ ఉపకార వేతనాలను అందజేస్తారని పేర్కొన్నారు. అథ్లె టిక్స్‌, స్విమ్మింగ్‌, షూటింగ్‌, ఆర్చరీ, రెజ్లింగ్‌, బాక్సింగ్‌, బ్యాడ్మింటన్‌ క్రీడా విభాగాలకు చెందిన క్రీడాకారులు అర్హులన్నారు. శిక్షణ, క్రీడా పరికరాలు, మెంటార్‌షిప్‌ (మార్గదర్శకత్వం) కోసం ఒక సంవత్సరం పాటు నెలకు రూ.40 వేలు చొప్పున ఆర్థిక సహాయం అందజేస్తారని, దరఖాస్తులను ఈనెల 16లోగా https://junior.sbifsportsscholarship.org వెబ్‌సైట్లో సమర్పించాలన్నారు. వివరాలకు 99631 77814లో సంప్రదించాలని కోరారు.

రోగుల ప్రాణాలతో బిజినెస్‌ చేస్తున్న వ్యాపారులులబ్బీపేట(విజయవాడతూర్పు): మందుల విక్రయాల్లో కంపెనీలు, వ్యాపారులు ప్రజలను దగా చేస్తున్నారు. ఒక మందు వాస్తవ ధర కంటే ఐదారు రెట్లు అధికంగా ఎంఆర్‌పీ ముద్రిస్తూ ప్రజలను నిలువు దోపిడీ చేస్తున్నారు. అందుకు ఇన్వాయిస్‌ ధరకు, ఎంఆర్‌పీకి మధ్య ఉన్న వ్యత్యాసమే నిదర్శనంగా చెప్పవచ్చు. సాధారణ వ్యాధులకు వాడే మందులతో పాటు, ప్రాణాంతక వ్యాధులైన క్యాన్సర్‌కు వాడే మందుల విషయంలో సైతం ఎంఆర్‌పీ నియంత్రణ ఉండటం లేదు. దీంతో మందులు కొనుగోలు చేసే వారు దగా పడుతున్నారు. ఈ విషయంలో ఇటీవల సుప్రీం కోర్టు సీరియస్‌ అయింది. ఇన్‌వాయిస్‌ రేట్లకు, ఎంఆర్‌పీకి 5 నుంచి 10 రెట్లు అధికంగా ఉండటంపై కోర్టు ప్రభుత్వాన్ని ప్రశ్నించింది. అయినప్పటికీ ప్రైస్‌ కంట్రోల్‌ బోర్డు నుంచి ఎలాంటి స్పందన లేక పోవడంతో ప్రజలను నిలువు దోపిడీ చేస్తున్నారు. పెరిగిన మందుల వాడకం.. ఆధునిక జీవన శైలిలో చిన్న వయస్సులోనే వ్యాధుల బారిన పడుతున్నారు. మధ్య వయస్సు 40 ఏళ్లు దాటే నాటికి సుగర్‌, బీపీ వంటి వ్యాధులతో పాటు, గుండె జబ్బులు, బ్రెయిన్‌ స్ట్రోక్‌, క్యాన్సర్‌ వంటి వ్యాధుల బారిన పడుతున్నారు. అలాంటి వారంతా జీవితాంతం మందులు వాడాల్సిన పరిస్థితి ఉంటుంది. మందుల ధరల్లో నియంత్రణ లేకపోవడంతో దీర్ఘకాలిక వ్యాధులతో బాధపడే వారు నెలకు రూ.2 వేల నుంచి రూ .5 వేల వరకూ ఖర్చు చేయాల్సి వస్తుంది. అదే ధరలపై నియంత్రణ, వాస్తవ ధరకు మందులను అమ్మితే అంత ఖర్చు అయ్యే అవకాశం ఉండదు. మందుల షాపుల నుంచి ఆస్పత్రి వరకూ.. రోగి నుంచి వసూలు చేసే కన్సల్టేషన్‌ ఫీజు, ఇన్వెస్టిగేషన్స్‌తో పాటు మందుల అమ్మకాన్ని సైతం లాభార్జనగా చేసుకున్నారు. కంపెనీల నుంచి నేరుగా మందులు కొనుగోలు చేస్తూ, ఎంఆర్‌పీ ధరలకు విక్రయించడం ద్వారా లాభాలు పొందుతున్నారు. ఇలా మందులపై 40 శాతం నుంచి 70 శాతం వరకూ మార్జిన్‌ ఉంటున్నట్లు చెబుతున్నారు. రోజుకు రూ.20 కోట్లకు పైగా వ్యాపారం.. నగరంలోని ఆస్పత్రులు, రిటైల్‌మందుల షాపుల ద్వారా రోజుకు రూ.20కోట్లకు పైగానే వ్యాపారం జరుగుతుంది. మందులపై యావరేజ్‌ 50 శాతం మార్జిన్‌ లెక్కిస్తే దాదాపు రూ.10 కోట్లు దోపిడీ జరుగుతున్నట్లు తెలుస్తోంది. ప్రాణాపాయ పరిస్థితుల్లో ఉన్న రోగుల నుంచి దోపిడీ జరుగుతున్నా ప్రభుత్వాలకు పట్టడం లేదు. చివరికి సుప్రీం కోర్టు ఇన్‌వాయిస్‌, ఎంఆర్‌పీ ధరలపై ఇటీవల సీరియస్‌ అయింది. తక్షణమే మార్పు చేయాలని ఆదేశాలు ఇచ్చింది. అయినప్పటికీ మార్పు వస్తుందో రాదో చూడాల్సి ఉంది. ఇలా కంపెనీని బట్టి ఇన్‌వాయిస్‌, ఎంఆర్‌పీ రేట్లు మారుతూ ఉంటాయి. కానీ మార్జిన్‌ మాత్రం అంతే ఉంటుంది.

విజయవాడరూరల్‌: కృష్ణా విశ్వవిద్యాలయం ఆధ్వర్యంలో నిర్వహించిన అంతర్‌ కళాశాలల వెయిట్‌ లిఫ్టింగ్‌ పోటీలు నున్న గ్రామం విజయ కాలేజ్‌ ఆఫ్‌ ఫిజికల్‌ ఎడ్యుకేషన్లో శుక్రవారం ముగిశాయి. పురుషులు, మహిళల విభాగాలలో వివిధ బరువు విభాగాల్లో క్రీడాకారులు ఉత్సాహంగా పాల్గొని తమ ప్రతిభను ప్రదర్శించారు. ఈ సందర్భంగా విజయ కాలేజ్‌ ఆఫ్‌ ఫిజికల్‌ ఎడ్యుకేషన్‌ ప్రిన్సిపాల్‌ డాక్టర్‌ బి.ఉదయ్‌ కుమార్‌ మాట్లాడుతూ వెయిట్‌ లిఫ్టింగ్‌ విజేతలకు అభినందనలు తెలిపారు. క్రీడాకారులు భవిష్యత్తులో విశ్వవిద్యాలయ, రాష్ట్ర, జాతీయ స్థాయిలో మరింత ప్రతిభ కనబరచాలని ఆకాంక్షించారు. కృష్ణా విశ్వవిద్యాలయం స్పోర్ట్స్‌ బోర్డు కార్యదర్శి డాక్టర్‌ ఎస్‌.శ్రీనివాసరావు పోటీలను పర్యవేక్షించగా, ఆర్గనైజింగ్‌ సెక్రటరీ డాక్టర్‌ డి.రత్నబాబు సమన్వయ పరిచారు. కార్యక్రమంలో కళాశాల కార్యదర్శి ఎన్‌.సత్యనారాయణ రెడ్డి తదితరులు పాల్గొన్నారు.

పరిషత్‌ పోరులో తీర్పు నేడేగాంధీనగర్‌(విజయవాడసెంట్రల్‌): ఎన్టీఆర్‌ జిల్లాలోని 16 మండలాల జెడ్పీటీసీ, ఎంపీటీసీల ఎన్నికల ఓట్ల లెక్కింపునకు ఏర్పాట్లు పూర్తయ్యాయి. జిల్లాలో 16 జెడ్పీటీసీ, 276 ఎంపీటీసీ స్థానాలకు పోటీ చేసిన అభ్యర్థుల భవితవ్యం కొద్ది గంటల్లో తేలనుంది. ఓట్ల లెక్కింపునకు 9 కౌంటింగ్‌ కేంద్రాలు ఏర్పాటు చేశారు. 18 కౌంటింగ్‌ హాల్స్‌, 281 కౌంటింగ్‌ టేబుల్స్‌ ఏర్పాటు చేశారు. మొత్తం 1500 మంది సూపర్‌వైజర్లు, అసిస్టెంట్లు, సహాయ సిబ్బంది కౌంటింగ్‌లో పాల్గొననున్నారు. తొలుత పోస్టల్‌ బ్యాలెట్లు లెక్కిస్తారు. ఆ తర్వాత ఉదయం 8 గంటల నుంచి పోలైన ఓట్ల లెక్కింపు ప్రారంభమవుతుంది. కౌంటింగ్‌ కేంద్రాలు ఇవే.. ఏ.కొండూరు, విస్సన్నపేట, తిరువూరు, గంపలగూడెం మండలాల సెగ్మెంట్లు తిరువూరులోని శ్రీవాహిని ఇన్‌స్టిట్యూట్‌ ఆఫ్‌ సైన్స్‌ అండ్‌ టెక్నాలజీ కళాశాల కేంద్రం, విజయవాడ రూరల్‌ మండలానికి సంబంధించి విజయవాడ సబ్‌ కలెక్టర్‌ కార్యాలయం, ఓల్డ్‌ మాంటిస్సోరి కళాశాల, జి.కొండూరు మండలం ఓట్లు లకిరెడ్డి హనిమిరెడ్డి ప్రభుత్వ డిగ్రీ కళాశాలలో, మైలవరం, రెడ్డిగూడెం మండలాల ఓట్ల లెక్కింపు లకిరెడ్డి హనిమిరెడ్డి ఇండోర్‌ స్టేడియం(మైలవరం), ఇబ్రహీంపట్నం ఓట్ల లెక్కింపు జెడ్పీ బాలికల హైస్కూల్‌(కొండపల్లి), జగ్గయ్యపేట, పెనుగంచిప్రోలు, వత్సవాయి మండలాల ఓట్ల లెక్కింపు ఎస్‌జీఎస్‌ కళాశాల(జగ్గయ్యపేట), నందిగామ ఓట్లు జిల్లా పరిషత్‌ హై స్కూల్‌(నందిగామ), చందర్లపాడు ఓట్ల లెక్కింపు కేవీఆర్‌ డిగ్రీ కళాశాల(నందిగామ), కంచికచర్ల, వీరులపాడు మండలాల ఓట్ల లెక్కింపు వ్యవసాయ మార్కెట్‌ యార్డ్‌(కంచికచర్ల)లో జరుగుతుంది. పూర్తిస్థాయిలో ఏర్పాట్లు: కలెక్టర్‌ లక్ష్మీశ ఓట్ల లెక్కింపు ప్రక్రియ ప్రశాంతంగా జరిగేందుకు అవసరమైన అన్ని ఏర్పాట్లు చేసినట్లు కలెక్టర్‌ జి. లక్ష్మీశ తెలిపారు. శుక్రవారం కలెక్టర్‌ లక్ష్మీశ, జెడ్పీ సీఈవో పి.సుశీల, విజయవాడ ఆర్‌డీవో వెన్నెల శ్రీను, రిటర్నింగ్‌ అధికారి కేవీఎస్‌ఆర్‌ రవికుమార్‌తో కలిసి విజయవాడ సబ్‌కలెక్టర్‌ కార్యాలయం వద్ద గల మాంటిస్సోరి కళాశాల ఆడిటోరియంలో ఏర్పాటు చేసిన విజయవాడ రూరల్‌ కౌంటింగ్‌ కేంద్రాన్ని తనిఖీ చేశారు. కౌంటింగ్‌ కేంద్రంలోనికి గుర్తింపు కార్డులు ఉన్న వారిని మాత్రమే అనుమతిస్తామన్నారు. రిటర్నింగ్‌ అధికారులు రౌండ్ల వారీగా వివరాలను క్షుణ్ణంగా తనిఖీ చేసి ధ్రువీకరించిన తర్వాత ఎన్నికల ఫలితాలను అధికారికంగా ప్రకటిస్తారని తెలిపారు. కౌంటింగ్‌ కేంద్రాలు, బయట ప్రదేశాల్లో శాంతిభద్రతలకు ఎలాంటి విఘాతం కలగకుండా పటిష్ట పోలీసు భద్రతా ఏర్పాట్లు చేపట్టినట్లు తెలిపారు. ఎన్నికల ప్రక్రియలో భాగస్వాములైన అధికారులు, సిబ్బంది సమన్వయంతో పనిచేస్తూ ఓట్ల లెక్కింపును ప్రశాంతంగా, పారదర్శకంగా పూర్తిచేసేలా దిశానిర్దేశం చేసినట్లు పేర్కొన్నారు. విజయవాడలోని మాంటిస్సోరి కళాశాలలో ఏర్పాటు చేసిన కౌంటింగ్‌ టేబుళ్లుఎస్‌జీఎస్‌ కళాశాలలోని కౌంటింగ్‌ కేంద్రాన్ని పరిశీలిస్తున్న కలెక్టర్‌ లక్ష్మీశ లబ్బీపేట(విజయవాడతూర్పు): జిల్లాలో శనివారం ఎంపీటీసీ, జెడ్పీటీసీ ఎన్నికల ఫలితాలు విడుదల కానున్న నేపథ్యంలో విజేతలు, వారి మద్దతుదారులు ఎలాంటి విజయోత్సవ ర్యాలీలు, ఊరేగింపులు, డప్పు వాయిద్యాలతో కూడిన ప్రదర్శనలు నిర్వహించేందుకు అనుమతి లేదని ఎన్టీఆర్‌ జిల్లా పోలీస్‌ కమిషనర్‌ ఎస్‌వీ రాజశేఖరబాబు శుక్రవారం ఒక ప్రకటనలో తెలిపారు. బహిరంగ ప్రదేశాల్లో ప్రజాశాంతికి భంగం కలిగించేలా బాణసంచా కాల్చడం, అధిక శబ్దంతో కూడిన మైక్‌ సెట్లు, డీజేలను ఉపయోగించడం పూర్తిగా నిషిద్ధమని తెలిపారు. కమిషనరేట్‌ పరిధిలో సెక్షన్‌ 163 బీఎన్‌ఎస్‌ఎస్‌, పోలీసు చట్టం 30 అమలులో ఉన్నందున, అతిక్రమించిన వారిపై చట్ట ప్రకారం చర్యలు తీసుకుంటామని తెలిపారు. జగ్గయ్యపేట: జిల్లాలో నిర్వహించిన జెడ్పీటీసీ, ఎంపీటీసీ ఎన్నికల ఓట్ల లెక్కింపు ప్రక్రియ ప్రశాంత వాతావరణంలో ఎన్నికల నిబంధనలకు అనుగుణంగా పారదర్శకంగా నిర్వహించేందుకు అన్ని ఏర్పాట్లు పూర్తి చేసినట్లు కలెక్టర్‌ డాక్టర్‌ జి.లక్ష్మీశ పేర్కొన్నారు. పట్టణంలోని ఎస్‌జీఎస్‌ కళాశాలలోని జగ్గయ్యపేట, పెనుగంచిప్రోలు, వత్సవాయి మండలాలకు సంబంధించిన కౌంటింగ్‌ కేంద్రాలను శుక్రవారం ఆయన పరిశీలించారు. ఈ సందర్భంగా ఆయన మాట్లాడుతూ శనివారం ఉదయం 8 గంటలకు ఓట్ల లెక్కింపు ప్రారంభమవుతుందన్నారు. జిల్లా వ్యాప్తంగా తొమ్మిది ప్రాంతాల్లో కౌంటింగ్‌ కేంద్రాలు ఏర్పాటు చేశామన్నారు. కౌంటింగ్‌ సిబ్బంది, కౌంటింగ్‌ ఏజెంట్లు ఉదయం 6 గంటల నుంచి 7 గంటల లోపు కేంద్రాలకు చేరుకోవాలన్నారు. ఎన్నికల రిటర్నింగ్‌ అధికారులు ఎన్నికల నిబంధనల ప్రకారం విధులు నిర్వర్తించాలన్నారు. ముందుగా ఆయన చిల్లకల్లు మండల పరిషత్‌ కార్యాలయంలో నిర్వహిస్తున్న పోస్టల్‌ బ్యాలెట్‌ ప్రక్రియను పరిశిలించి అధికారులను పలు వివరాలు అడిగి తెలుసుకున్నారు. కార్యక్రమంలో నందిగామ ఆర్డీవో అనీల్‌కుమార్‌, జగ్గయ్యపేట, పెనుగంచిప్రోలు, వత్సవాయి మండలాల ఎన్నికల రిటర్నింగ్‌ అధికారులు ఆర్‌. రమేష్‌బాబు, వీఎస్‌వీ ఈశ్వరరావు, తిరుమలాదేవి, తహసీల్దార్‌ శిరీష, ఎంపీడీవో అరుణకుమారి, సీఐ వెంకటేశ్వర్లు, పంచాయతీరాజ్‌ జేఈ శ్రీనివాసరావు తదితరులు పాల్గొన్నారు.

ఇబ్రహీంపట్నం: రైతుబజార్ల అభివృద్ధి, రైతులకు మెరుగైన మౌలిక సదుపాయాల కల్పనపై ప్రత్యేక దృష్టి సారించామని రైతుబజార్ల రాష్ట్ర సీఈఓ మాధవీలత పేర్కొన్నారు. మైలవరం, ఇబ్రహీంపట్నం రైతుబజార్లను శుక్రవారం మార్కెటింగ్‌ శాఖ ఉన్నతాధికారులతో కలిసి ఆమె సందర్శించారు. ఈ సందర్భంగా రైతుబజార్లలోని సదుపాయాలు, రైతులు ఎదుర్కొంటున్న సమస్యలు, మౌలిక సదుపాయాల కల్పనపై ఆరా తీశారు. రైతుబజార్లలో రైతులకు, వినియోగదారులకు మరింత సౌకర్యవంతమైన వాతావరణం కల్పించేందుకు అదనపు షెడ్లు, కార్యాలయ గది, మరుగుదొడ్ల నిర్మాణానికి అవసరమైన అనుమతులు మంజూరు చేస్తామన్నారు. ఆమె వెంట మార్కెటింగ్‌ శాఖ జాయింట్‌ డైరెక్టర్‌ దివాకర్‌, మార్కెటింగ్‌ డీఈ ప్రసాద్‌, ఏఈ రామకృష్ణ, రైతుబజార్‌ ఎస్టేట్‌ అధికారి అజయ్‌ కుమార్‌ పాల్గొన్నారు. లబ్బీపేట(విజయవాడతూర్పు): ఉత్తరప్రదేశ్‌లోని అయోధ్యలో ఈ నెల 1 నుంచి మూడు రోజుల పాటు జరిగిన జాతీయ అనాటమీ వైద్యుల సదస్సులో ప్రభుత్వ సిద్ధార్థ వైద్య కళాశాలకు చెందిన డాక్టర్‌ చిత్ర రామస్వామికి అరుదైన గౌరవం దక్కింది. ఆ సదస్సులో విశిష్ట ఆహ్వాన వక్తగా, ప్యానెల్‌ చర్చకు అధ్యక్షురాలిగా వ్యవహరించారు. ఆమె ఆటల ఆధారిత వినూత్న బోధనా పద్ధతుల ద్వారా వైద్య విద్యార్థుల్లో ఆసక్తి, చురుకై న అభ్యాసనం, జ్ఞాపకశక్తి, విశ్లేషణాత్మక ఆలోచనా సామర్థ్యాలను పెంపొందించే విధానాలపై సదస్సులో ప్రసగించారు. జాతీయ సదస్సులో అరుదైన గుర్తింపు దక్కించుకున్న డాక్టర్‌ చిత్ర రామస్వామిని శుక్రవారం కళాశాల ప్రిన్సిపాల్‌ డాక్టర్‌ ఆలపాటి ఏడుకొండలరావు ప్రత్యేకంగా అభినందించారు. అధ్యాపకుల విద్యా, పరిశోధనా వృత్తిపరమైన అభివృద్ధికి కళాశాల తరఫున నిరంతరం ప్రోత్సాహం, సహకారం అందిస్తామని ఆయన తెలిపారు. పెనుగంచిప్రోలు: స్థానిక శ్రీతిరుపతమ్మవారి ఆలయంలో కార్తిక మాసంలో ప్రతి ఆదివారం ప్రత్యేక అలంకరణ చేస్తామని ఆలయ ఈఓ నూతక్కి వెంకట సాంబశివరావు శుక్రవారం ఒక ప్రకటనలో తెలిపారు. ఈనెల 15న అమ్మవారి ప్రధానాలయంలో పూల అలంకరణ, 22న పసుపు కొమ్ములతో విశేష అలంకరణ, 24న దీపాలంకరణ, అలాగే కార్తిక పౌర్ణమి సందర్భంగా సాయంత్రం 6.30 నిమిషాలకు మునేటి తీరంలో నదీ హారతులు, కార్తిక దీపోత్సవం కార్యక్రమం ఉంటుందన్నారు. 29న పండ్లతో అలంకరణ, డిసెంబర్‌ 6న గాజుల అలంకరణ చేస్తారన్నారు. మధురానగర్‌(విజయవాడసెంట్రల్‌): మాచవరం ఎస్‌ఆర్‌ఆర్‌ అండ్‌ సీవీఆర్‌ ప్రభుత్వ డిగ్రీ కళాశాలలో రెండు రోజుల ఐసీ నేచర్‌ 2026 అంతర్జాతీయ సదస్సు శుక్రవారం ముగిసింది. దేశ విదేశాలకు చెందిన ప్రముఖ శాస్త్రవేత్తలు, పరిశోధకులు ఐదు సాంకేతిక సెషన్‌లలో పాల్గొని ఆధునిక పరిశోధనలు, నూతన సాంకేతిక పరిజ్ఞానంపై ప్రసంగించారు. అమెరికాలోని స్ట్రాటజిక్‌ ఫార్మా సొల్యూషన్స్‌ సంస్థ ఔషధ ఉత్పత్తుల అభివృద్ధి నిపుణుడు డాక్టర్‌ మహేంద్ర శ్రీరామోజు ‘శాసీ్త్రయ నైపుణ్యం నుంచి కృత్రిమ మేధస్సు ఆధారిత నిర్ణయాల దిశ’ అనే అంశంపై మాట్లాడారు. ఔషధ పరిశోధన అభివృద్ధిలో ఏఐ ప్రాముఖ్యతను వివరించారు. ఒమన్‌లోని సుల్తాన్‌ ఖాబూస్‌ విశ్వవిద్యాలయం ప్రొఫెసర్‌ రంగరాజ్‌ సెల్వరాజ్‌, హైదరాబాద్‌ సీఎస్‌ఐఆర్‌ ఇండియన్‌ ఇన్‌స్టిట్యూట్‌ ఆఫ్‌ కెమికల్‌ టెక్నాలజీ శాస్త్రవేత్త డాక్టర్‌ టి. విక్రమ్‌సాగర్‌, పోలాండ్‌ సైలేసియన్‌ యూనివర్సిటీ ఆఫ్‌ టెక్నాలజీ ప్రొఫెసర్‌ యాదగిరి బొమ్మరమోని, దక్షిణ కొరియాలోని యోంగ్నామ్‌ విశ్వవిద్యాలయం ప్రొఫెసర్‌ డాక్టర్‌ మధుసూధనరావు మాట్లాడారు. విద్యార్థులు, పరిశోధకులకు మౌఖిక పరిశోధన ప్రదర్శనలు, పోస్టర్‌ ప్రదర్శన పోటీలు నిర్వహించారు. సదస్సులో 224 మంది పాల్గొన్నారు.

7వ తేదీన శ్రీమహాలక్ష్మీయాగం ఇంద్రకీలాద్రి(విజయవాడపశ్చిమ): దీపావళి పర్వదినాన అమ్మవారి ఆలయంలో ప్రత్యేక పూజలు నిర్వహిస్తామని, రాత్రి 7 గంటల వరకే భక్తులను అమ్మవారి దర్శనానికి అనుమతిస్తామని ఆలయ వైదిక కమిటీ గురువారం ఒక ప్రకటనలో పేర్కొంది. ప్రదోషకాలంలో అమ్మవారి ప్రధాన ఆలయంలో మూలవిరాట్‌ వద్ద శ్రీధనలక్ష్మీ పూజ, దీపాలంకరణ సేవ జరుగుతుందన్నారు. సేవ అనంతరం ఆలయ ద్వారాలను మూసివేస్తామని పేర్కొన్నారు. రాత్రి 7 గంటల తర్వాత ఆలయ ప్రాంగణంలో దీపావళి వేడుకలను నిర్వహిస్తారని తెలిపారు. అదేవిధంగా 7వ తేదీ శనివారం ధన త్రయోదశిని పురస్కరించుకుని శ్రీదుర్గా మల్లేశ్వరస్వామి వార్ల దేవస్థానంలో శ్రీమహాలక్ష్మీ యాగం జరుగుతుందని పేర్కొన్నారు. 7వ తేదీ ఉదయం 8 గంటలకు అమ్మవారి ఆలయ ప్రాంగణంలోని పాత యాగశాలలో దేవస్థానం తరఫున ఆలయ అర్చకులు ఈ యాగాన్ని నిర్వహిస్తారని పేర్కొన్నారు.

● కౌంటింగ్‌కు పకడ్బందీ ఏర్పాట్లు ● ఎన్టీఆర్‌ జిల్లా కలెక్టర్‌ డాక్టర్‌ జి.లక్ష్మీశ మైలవరం: జిల్లాలో ఎంపీటీసీ, జెడ్పీటీసీ ఎన్నికల ఓట్ల లెక్కింపు ప్రక్రియను ఈ నెల 7వ తేదీన కట్టు దిట్టంగా నిర్వహించేందుకు అన్ని ఏర్పాట్లు చేపట్టినట్లు ఎన్టీఆర్‌ జిల్లా కలెక్టర్‌ డాక్టర్‌ జి.లక్ష్మీశ తెలిపారు. మైలవరం, రెడ్డిగూడెం, మండలాలకు మైలవరంలోని డాక్టర్‌ లకిరెడ్డి హనిమిరెడ్డి ఇండోర్‌ స్టేడియంలో కౌంటింగ్‌ కేంద్రాన్ని ఏర్పాటు చేశారు. ఈ కేంద్రాన్ని కలెక్టర్‌ లక్ష్మీశ గురువారం తనిఖీ చేశారు. ఎన్నికల సామగ్రి, బ్యాలెట్‌ బాక్స్‌ల భద్రతా ఏర్పాట్లు, కౌంటింగ్‌ కేంద్రాల్లో అవసరమైన మౌలిక సదుపాయాలపై అధికారులతో సమీక్షించారు. అధికారులు అందరూ సమన్వయంతో పనిచేయాలని ఆదేశించారు.

విజయవాడలీగల్‌: ఓ సంస్థకు చెందిన కోట్లాది రూపాయల నిధుల దుర్వినియోగానికి పాల్పడినట్లు ఆరోపణలు ఎదుర్కొంటున్న మహిళా ఉద్యోగి దేవరాజుగట్టు దుర్గాభవానికి విజయవాడ ఏడో అదనపు జిల్లా, సెషన్స్‌ కోర్టు న్యాయమూర్తి బందెల అబ్రహాం ముందస్తు బెయిల్‌ మంజూరుచేశారు. శ్రీహరనాథ్‌ ఆయిల్‌ ట్రేడర్స్‌ సంస్థలో గుమస్తా, వర్కర్‌గా విధులు నిర్వర్తించిన దుర్గాభవాని టాలీ అకౌంటింగ్‌ నమోదుల్లో అవకతవకలకు పాల్పడి రెండేళ్లలో సుమారు రూ.9.60 కోట్లు దుర్వినియోగం చేసినట్లు కేసు నమోదైంది. ఈ కేసులో నిందితురాలి తరఫున న్యాయవాదులు సయ్యద్‌ మౌలా అలీ, యలమంచిలి నవ్యశ్రీ వాదనలు వినిపించారు. కేసులోని వాస్తవ పరిస్థితులు, ఆడిట్‌ నివేదికలు, టాలీ రికార్డులు, బ్యాంకు లావాదేవీలు, దర్యాప్తు పురోగతి తదితర అంశాలను న్యాయస్థానం దృష్టికి తెచ్చారు. కేసుకు సంబంధించిన కీలకమైన ఆర్థిక, ఇతర ఆధారాలు ఇప్పటికే దర్యాప్తు సంస్థ పరిధిలో ఉన్నాయని, వాటిని పరిశీలించడానికి నిందితురాలిని నిర్బంధంలో ఉంచాల్సిన అత్యవసరం లేదని, దర్యాప్తునకు సహకరించేందుకు సిద్ధంగా ఉన్నారని న్యాయవాదులు వాదించారు. చట్టపరమైన అంశాలు, వివిధ న్యాయస్థానాల తీర్పులను ప్రస్తావించారు. ఇరుపక్షాల వాదనలు, కేసు డైరీ, రికార్డులను సమగ్రంగా పరిశీలించిన న్యాయమూర్తి అక్టోబర్‌ 30వ తేదీన ముందస్తు బెయిల్‌ మంజూరు చేశారు. రూ.50 వేల చొప్పున వ్యక్తిగత పూచీకత్తుతోపాటు అంతే మొత్తానికి ఇద్దరు ష్యూరిటీలను సమర్పించాలని, పది రోజుల్లో సంబంధిత కోర్టు ముందు లొంగిపోయి, దర్యాప్తునకు పూర్తిగా సహకరించాలని షరతులు విధించారు. చిలకలపూడి(మచిలీపట్నం): ఉమ్మడి కృష్ణా–గుంటూరు ఉపాధ్యాయ ఎమ్మెల్సీ ఎన్నికలకు ఓటరుగా నమోదుకు కావడానికి శుక్రవారం చివరి రోజని కృష్ణా–గుంటూరు ఉపాధ్యాయ నియోజకవర్గ ఎలక్ట్రోరల్‌ రిజిస్ట్రేషన్‌ అధికారి, గుంటూరు జిల్లా రెవెన్యూ అధికారి ఎన్‌.ఎస్‌.కె.ఖాజావలి గురువారం ఒక ప్రకటనలో తెలిపారు. అర్హులైన ఉపాధ్యాయులు వెంటనే ఫారం–19 ద్వారా దరఖాస్తు చేసుకోవాలని సూచించారు. ప్రతి ఎమ్మెల్సీ ఎన్నికకు సంబంధించి ఓటర్ల జాబితాను కొత్తగా తయారు చేస్తారని, గతంలో ఓటర్లుగా నమోదైన ఉపాధ్యాయులు సైతం ప్రస్తుత ఎన్నికల కోసం కొత్తగా ఫారం–19 ద్వారా దరఖాస్తు చేసుకోవాలని వివరించారు. గత ఎన్నికల సమయంలో 13,505 మంది ఉపాధ్యాయులు ఓటర్లుగా నమోదు, ప్రస్తుతం 10,909 దరఖాస్తులు మాత్రమే అందాయని తెలిపారు. అర్హులైన ప్రభుత్వ, ప్రైవేట్‌ విద్యా సంస్థల్లో పనిచేస్తున్న ఉపాధ్యాయులు అందరూ గడువు తేదీ ఓటర్లుగా నమోదు చేసుకోవాలని విజ్ఞప్తి చేశారు. మొగల్రాజపురం(విజయవాడ తూర్పు): అసోంలోని తేజ్‌పూర్‌లో డిసెంబర్‌ 15 నుంచి 22వ తేదీ వరకు జరిగే అఖిల భారత స్థాయి ఆర్చరీ టోర్నీలో పాల్గొనేందుకు కృష్ణా యూనివర్సిటీ నుంచి క్రీడాకారులను ఎంపిక చేశామని వర్సిటీ స్పోర్ట్స్‌ బోర్డ్‌ సెక్రటరీ శ్రీనివాసరావు తెలిపారు. నగరంలోని గుణదల మహానాడు రోడ్డులోని వోల్గా ఆర్చరీ అకాడమీలో గురువారం ఈ ఎంపికలను నిర్వహించారు. నగరంలోని వివిధ కళాశాలల నుంచి విద్యార్థులు ఈ పోటీల్లో పాల్గొన్నారు. 50 మీటర్ల కాంపౌండ్‌ పురుషుల విభాగంలో శాతవాహన కళాశాల నుంచి కె.భరత్‌కుమార్‌, సిద్ధార్థ మహిళా కళాశాల నుంచి మహిళల విభాగంలో బి.ప్రియ వైష్ణవి ఎంపిక చేశారు. యూనివర్సిటీ తరఫున ప్రాతినిధ్యం వహిస్తున్న క్రీడాకారులను ఓల్గా ఆర్చరీ అకాడమీ చైర్మన్‌ చెరుకూరి సత్యనారాయణ, పీడీలు యుగంథర్‌, సంగీతరావు, శాతవాహన కళాశాల ప్రిన్సిపాల్‌ వి.శ్రీనివాసరావు అభినందించారు. ఇబ్రహీంపట్నం: మురసు తుపాను ప్రభావంతో ఎగువ ప్రాంతాల్లో కురిసి అధిక వర్షాలతో ఏనుగుగడ్డ వాగు పొంగి ప్రవహిస్తోంది. జూపూడి వద్ద చినలంక, పెదలంక గ్రామాలకు వెల్లే చప్టాపై నీరు ప్రవహించడంతో లంక గ్రామాలకు రాకపోకలు నిలిచిపోయాయి. అత్యవసర పరిస్థితుల్లో పడవలను ఆశ్రయించి తమ గమ్యాలకు చేరుతున్నారు. విద్యార్థులు, చిరువ్యాపారులు, పాల వ్యాపారులు, కూరగాయల రైతులు ఇబ్బందులు ఎదుర్కొన్నారు. లంక గ్రామాల్లో సాగులో ఉన్న సుమారు 100 ఎకరాల మినుమ పంట నీటి ముంపుకు గురై రైతులకు నష్టాన్ని మిగిల్చాయి. వ్యవసాయ శాఖ అఽధికారులు పంట నష్టం అంచనాలు రూపొందించి పరిహారం వచ్చేలా చూడాలని రైతులు కోరుతున్నారు.

రైల్వేస్టేషన్‌(విజయవాడపశ్చిమ): దక్షిణ కోస్తా రైల్వే, విజయవాడ డివిజన్‌లోని రైల్వే ఆడిటోరియంలో గురువారం డిజిటల్‌ లైఫ్‌ సర్టిఫికెట్‌ శిబిరం నిర్వహించారు. డీపీఓ విశ్వనాథ్‌ సోపన్‌, అసిస్టెంట్‌ డివిజనల్‌ ఫైనాన్స్‌ మేనేజర్‌ కె.సునిత, సీనియర్‌ డీఎంఓ డాక్టర్‌ ఎస్‌. దుర్గాప్రసాద్‌, డీఎంఓ డాక్టర్‌ కె.వి.ఎన్‌.జ్యోతి సారథ్యంలో జరిగిన ఈ శిబిరంలో పెన్షనర్‌లు, ఫ్యామిలీ పెన్షనర్‌లు పెద్ద సంఖ్యలో పాల్గొని డిజిటల్‌ లైఫ్‌ సర్టిఫికెట్‌లను అప్‌లోడ్‌ చేసుకున్నారు. డీపీఓ విశ్వనాథ్‌ సోపన్‌ మాట్లాడుతూ.. పెన్షనర్‌లు, ఫ్యామిలి పెన్షనర్‌లకు సులబంగా తమ లైఫ్‌ సర్టిఫికెట్‌లను సమర్పించుకోవడంతో పాటు పెన్షన్‌ సంబంధిత విషయాలపై అధికారుల నుంచి సలహాలు పొందేందుకు వీలుగా ఈ శిబిరాన్ని ఏర్పాటు చేసినట్లు తెలిపారు. 156 మంది పెన్షనర్‌లు తమ డిజిటల్‌ లైఫ్‌ సర్టిఫికెట్‌లను పొదుపరిచినట్లు పేర్కొన్నారు. అదే సమయంలో రైల్వే ఆస్పత్రి వైద్య విభాగం ఆధ్వర్యంలో పెన్షనర్లకు ఆరోగ్య పరిక్షల సౌకర్యం కల్పించారు. ఇందులో బీపీ, షుగర్‌, ఈసీజీ వంటి పరిక్షలు నిర్వహించారు. ఈ కార్యక్రమంలో పర్సనల్‌ విభాగం, ఎస్‌అండ్‌డబ్ల్యూ విభాలకు చెందిన సిబ్బంది పాల్గొని పెన్షనర్‌లకు సహాయ సహకారాలు అందజేశారు.

మొగల్రాజపురం(విజయవాడ తూర్పు):మురసు తుపాను ప్రభావిత ప్రాంతాల్లో విద్యుత్‌ సరఫరా పునురుద్ధరణ పనులను తమ సిబ్బంది యుద్ధప్రాతిపదిక చేస్తున్నారని ఆంధ్రప్రదేశ్‌ సెంట్రల్‌ పవర్‌ డిస్ట్రిబ్యూషన్‌ కార్పొరేషన్‌ లిమిటెడ్‌ (ఏపీ సీపీడీసీఎల్‌) పి.పుల్లారెడ్డి తెలిపారు. సర్కిల్‌ పరిధిలోని జిల్లాల్లో తుపాను ప్రభావంతో విద్యుత్‌ సరఫరా దెబ్బతిన్న ప్రాంతాల్లో జరుగుతున్న పునరుద్ధరణ పనులను ఆయన గురువారం పరిశీలించారు. చిలకలూరిపేట, ద్రోణాదుల, ఇడుపులపాడు, మార్టూరు, చీరాల, కారంచేడు ప్రాంతాల్లో జరుగుతున్న పనులను తనిఖీచేశారు. ఈ సందర్భంగా పుల్లారెడ్డి మాట్లాడుతూ.. తుపాను కారణంగా 1,893 గ్రామాల్లో విద్యుత్‌ సరఫరాకు అంతరాయం ఏర్పడగా, ఇప్పటికే 1,584 గ్రామాల్లో పునరుద్ధరించామన్నారు. మిగిలిన 309 గ్రామాల్లో సాధ్యమై నంత త్వరగా విద్యుత్‌ సరఫరాను పునరుద్ధరిస్తామన్నారు. సర్కిల్‌ పరిధిలో జరిగిన తుపాను నష్టాన్ని అంచనా వేస్తున్నామని చెప్పారు.

వన్‌టౌన్‌(విజయవాడపశ్చిమ): రానున్న దీపావళి పర్వదినాన్ని పురస్కరించుకుని ఉమ్మడి జిల్లా వ్యాపితంగా కోట్లాది రూపాయల బాణసంచాను వ్యాపారులను దిగుమతి చేసుకున్నారు. ఉమ్మడి జిల్లాలో ఉన్న బడా వ్యాపారులందరూ ప్రభుత్వానికి కుచ్చుటోపీ పెట్టి అక్రమంగా సరుకును దిగుమతి చేసుకున్నారనే విమర్శలు వెల్లువెత్తుతున్నాయి. దీపావళి పర్వదినాన్ని పురస్కరించుకొని ఉమ్మడి జిల్లా వ్యాపితంగా భారీగా బాణసంచా విక్రయాలు జరుగుతాయి. కోట్లల్లో జరిగే ఈ వ్యాపారంలో ప్రభుత్వానికి చెల్లించే పన్నులు ఎగవేసి అక్రమ పద్ధతుల్లో వ్యాపారాలను నిర్వహిస్తున్నారు. దానికి వివిధ ప్రభుత్వ శాఖల అధికారులు సైతం కొమ్ము కాయటంతో ఇటు వ్యాపారులకు, అటు అధికారులకు ఆదాయం మూడుపువ్వులు ఆరు కాయలుగా ఉంటుందని పలువురు వ్యాఖ్యానిస్తున్నారు. గడిచిన నెల రోజులుగా ఎన్నికల హడావుడి నేపథ్యంలో గుట్టుచప్పుడు కాకుండా భారీగా సరుకును దిగుమతి చేసుకున్నట్లు పలువురు వ్యాపారులు చెబుతున్నారు. ఉమ్మడి జిల్లా కేంద్రంగా భారీ వ్యాపారం ఉమ్మడి కృష్ణాజిల్లా కేంద్రంగా బాణసంచాకు సంబంధించి భారీ వ్యాపారం జరుగుతుందని వ్యాపార వర్గాలు చెబుతున్నాయి. ప్రధానంగా 40 మంది పెద్ద వ్యాపారులు కోట్లాది రూపాయల మేర వ్యాపారాన్ని నిర్వహిస్తుంటారు. వారి నుంచి వందలాది మంది కొనుగోలు చేసి రిటైల్‌ వ్యాపారాన్ని నిర్వహిస్తారు. పెద్ద వ్యాపారులు ఒక్కొక్కరు కనీసం రెండు నుంచి ఐదు కోట్ల మేర వ్యాపార లావాదేవీలు నిర్వహిస్తారని అంచనా. ఈ వ్యాపారమంతా పండుగకు ముందు రెండు మూడు మాసాలుగా జరుగుతుంది. అయితే పండుగకు సరిగా 20 రోజులకు ముందు మొత్తం వ్యాపారాన్ని పూర్తి చేసేస్తారు. వ్యాపారం కోట్లలో... బిల్లుల్లో మాత్రం వేలల్లో... ఉమ్మడి జిల్లాలో సుమారుగా రూ.150 కోట్ల మేర వ్యాపారం జరుగుతుందని అంచనా. కానీ బిల్లుల విషయంలో అదంతా ఎక్కడా కానరాదు. కోట్లలో వ్యాపారం జరిగినా బిల్లుల్లో కేవలం వేలల్లో మాత్రమే దానిని చూపించటం ఇక్కడ విశేషం. కోటి రూపాయల వ్యాపారం చేసినా దానిని లక్ష కన్నా ఎక్కువ చూపించే పరిస్థితి ఎక్కడా లేదు. ఉమ్మడి జిల్లాలో విజయవాడలో అన్ని అనుమతులు ఉన్న పెద్ద వ్యాపారులు పది నుంచి పదిహేను మంది వరకూ ఉన్నట్లు చెబుతారు. జగ్గయ్యపేట, నందిగామ, తిరువూరు, ఇబ్రహీంపట్నం, గన్నవరం, నూజివీడు, గుడివాడ, మచిలీపట్నం ప్రాంతాల్లోనూ పెద్ద వ్యాపారులు తమ వ్యాపారాన్ని కోట్లలో నిర్వహిస్తారు. కానీ బిల్లులు మాత్రం తూతూ మంత్రంగానే చూపిస్తారు. అదే బాటలో మిగిలిన ప్రభుత్వ శాఖలు బాణసంచా విక్రయాలు, నిల్వ చేసుకోవటానికి అనేక రకాల అనుమతులు కావాలి. పదుల సంఖ్యలో అనుమతులు ఉంటే, వందల సంఖ్యలో వ్యాపారులు ఈ వ్యాపారాన్ని నిర్వహిస్తుంటారు. అయితే అధికారుల చెయ్యి తడిపితే ఎంతటి అనధికార అనుమతులైనా ఇట్టే వచ్చేస్తాయంటూ వ్యాపారులే చెబుతున్నారు. విజయవాడ భవానీపురం, గొల్లపూడి, గుడివాడ, నూజివీడు తదితర ప్రాంతాల్లో ఇళ్ల సముదాయాల మధ్యలో భారీగా గోడౌన్‌లు ఉన్నా వాటి గురించి పట్టించుకునే నాథుడు మాత్రం ఎవరూ లేరని పలువురు వ్యాఖ్యానిస్తున్నారు. ఉమ్మడి జిల్లా వ్యాపితంగా విజయవాడ డివిజన్‌–1, విజయవాడ డివిజన్‌–2, విజయవాడ డివిజన్‌–3 పరిధుల్లో సుమారుగా 17 సర్కిల్‌ కార్యాలయాలు కొనసాగుతున్నాయి. వీటిల్లో విజయవాడ డివిజన్‌–2లో రిటైల్‌ వ్యాపారులను మినహాయిస్తే విజయవాడ డివిజన్‌–1, డివిజన్‌–2 పరిధుల్లో హోల్‌సేల్‌ వ్యాపారులు అత్యధికంగా ఉన్నారు. వారి నుంచి లక్షలాదిగా ముడుపులు అధికారులకు అందుతున్నాయి. గత ఏడాది విజయవాడ డివిజన్‌–3 పరిధిలోని వివిధ ప్రాంతాల్లో ముడుపుల విషయంలో అల్లరి జరిగి బయటకు పొక్కింది. దానిపై మీడియాలోనూ పెద్ద ఎత్తున వార్తలు వచ్చాయి. దీనిపై కమిషనర్‌ కార్యాలయం వివరణ అడిగితే అదంతా తూచ్‌... అంటూ నివేదిక ఇచ్చినట్లు తెలిసింది. పండుగ ముందు రోజు కేవలం ఒకటి, రెండు గంటల్లో జరిగే వ్యాపారాన్ని నెలలో నిర్వహించే మొత్తం వ్యాపారంగా జరిగిందని నివేదికలు ఇవ్వటం విస్మయాన్ని కలిగిస్తుంది. దీనిని బట్టి అధికారుల చేతి వాటం ఎంతగా ఉంటుందో అర్ధం చేసుకోవచ్చని పలువురు వ్యాఖ్యానిస్తున్నారు. ప్రభుత్వానికి కోట్లాది రూపాయల కుచ్చుటోపీ ఉమ్మడి జిల్లా వ్యాపితంగా అనధికార బాణసంచా ఎటువంటి బిల్లులు లేకుండా భారీగా దిగుమతి లక్షలాది రూపాయల ముడుపులతో సై అంటున్న జీఎస్‌టీ అధికారులు ఎన్నికల హడావుడిలో గుట్టుచప్పుడు కాకుండా సరుకు దిగుమతి అదే బాటలో మిగిలిన ప్రభుత్వ శాఖలు

రెడ్‌ బుక్‌ రాజ్యాంగం అమలు చేసిన టీడీపీసాక్షి ప్రతినిధి, విజయవాడ: ఎన్టీఆర్‌ జిల్లాలో జెడ్పీటీసీ, ఎంపీటీసీ ఎన్నికలు చెదురుమదురు ఘటనల మధ్య ముగిశాయి. జిల్లాలో 16 జెడ్పీటీసీ, 276 ఎంపీటీసీ స్థానాలకు ఎన్నికలు జరిగాయి. జిల్లా వ్యాప్తంగా 75.30 శాతం పోలింగ్‌ నమోదయింది. మొత్తం 8,35,515 మంది ఓటర్లకు గాను 6,29,122 మంది తమ ఓటు హక్కు వినియోగించుకున్నారు. జగ్గయ్యపేట నియోజకవర్గంలో పలు మండలాల్లో ఎంపీటీసీ, జెడ్పీటీసీ ఎన్నికల్లో పోలీసులు రెడ్‌ బుక్‌ రాజ్యాంగాన్ని అమలు చేశారు. వత్సవాయి మండలంలో వత్సవాయి, తాళ్లూరు, పెంట్యాలవారిగూడెం, దబ్బాకుపల్లి గ్రామాల్లో వైఎస్సార్‌ కాంగ్రెస్‌ పార్టీకి చెందిన నలుగురు చీఫ్‌, బూత్‌ ఏజెంట్లను ఉదయం ఏడు గంటలకే వారిపై కేసులు ఉన్నాయంటూ పోలీసులు వారిని బూత్‌ల్లోకి వెళ్లకుండా అడ్డుకుని స్థానిక పోలీస్‌స్టేషన్‌ తీసుకువెళ్లారు. విషయం తెలుసుకున్న నియోజకవర్గ సమన్వయకర్త తన్నీరు నాగేశ్వరరావు ఉన్నతాధికారులకు ఫిర్యాదు చేశారు. దీంతో పోలీసులు మధ్యాహ్నం 12 గంటలకు వారిని పంపించి వేశారు. అనుమంచిపల్లిలో టీడీపీ కవ్వింపు చర్యలు జగ్గయ్యపేట మండలం అనుమంచిపల్లి గ్రామంలో పోలింగ్‌ కేంద్రం వద్ద టీడీపీ నాయకులు వైఎస్సార్‌ కాంగ్రెస్‌ పార్టీ కార్యకర్తలపై కవ్వింపు చర్యలకు పాల్పడ్డారు. దీంతో ఇరువర్గాల మధ్య ఘర్షణ జరిగింది. టీడీపీ నాయకుడు రాళ్లు రువ్వగా వైఎస్సార్‌ కాంగ్రెస్‌ పార్టీ కార్యకర్త పెద్ద పొంగు నాగరాజు చెవికి తీవ్ర గాయం కావడంతో ఆసుపత్రికి తరలించారు. కంకిపాడులో యథేచ్ఛగా రిగ్గింగ్‌ పెనమలూరు నియోజకవర్గం కంకిపాడు పోలింగ్‌ బూత్‌లో కూడా ఆఖరి గంటలో యథేచ్ఛగా రిగ్గింగ్‌ చేశారు. బయట నుంచి 70 మంది కుర్రాళ్లను తీసుకువచ్చి ఎమ్మెల్యే బోడే ప్రసాద్‌ మనుషులు ఈ రిగ్గింగ్‌కు పాల్పడ్డారు. మైలవరం మండలంలోని వెల్వడం గ్రామంలో పోలింగ్‌ బూత్‌ నంబర్లు 50, 51, 52లకు సమీపంలో జనసేన, టీడీపీ నాయకులు ప్రచారం చేయడాన్ని గమనించిన వైఎస్సార్‌ సీపీ కాపు నాయకుడు తోట తిరుపతిరావు జనసేన, టీడీపీ నాయకులను బయటకు పంపాలని లేదంటే తాము కూడా లోపలకి వస్తామంటూ పోలీసులను హెచ్చరించారు. ఈ క్రమంలో నువ్వెలా లోపలికి వస్తావంటూ పోలీసులు తిరుపతిరావుపై దౌర్జన్యానికి దిగారు. మైలవరం మండలంలోని కీర్తిరాయునిగూడెంలో పోలింగ్‌ బూత్‌ వద్ద భోజన విరామ సమయంలో ఇరువర్గాల ఏజెంట్లు బయటకు వచ్చిన సమయంలో వాగ్వాదం మొదలై ఉద్రిక్త వాతావరణం చోటు చేసుకోగా పోలీసులు ఇరువర్గాలను చెదరగొట్టారు. కంచికచర్లలో తోపులాటకంచికచర్ల విజయరాణి స్కూల్‌లో 4వ సెగ్మెంట్‌ బూత్‌ నంబర్‌ 58లో ఓటు వేసేందుకు రెండు గంటల సమయం పట్టడంతో ఓటర్లు అసహనం వ్యక్తం చేశారు. కంచికచర్ల ఎంపీపీ ఎలిమెంటరీ మెయిన్‌ స్కూల్‌ వద్ద స్వల్ప తోపులాటలు జరగటంతో గ్రామీణ సీఐ వైవీఎల్‌ నాయుడు సిబ్బందితో రంగ ప్రవేశం చేసి బయట వ్యక్తులను బూత్‌ల వద్ద నుంచి బయటకు పంపారు. దీంతో వ్యవహారం సద్దుమణిగింది. ఇబ్రహీంపట్నం మండలం దాములూరులో ఇరువురు వృద్ధులు ఎక్కువసేపు క్యూలైన్‌లో నిల్చోలేక ఓటు వేయడానికి ముందుకు వెళ్లేందుకు వాదులాటకు దిగారు. దీంతో ఇరుపార్టీల నాయకులు ఒకేచోటకు చేరగా కొద్దిసేపు ఉద్రిక్తత నెలకొంది. కిలేశపురం గ్రామంలో 221వ నంబర్‌ పోలింగ్‌ బూత్‌ను సుమారు కిలోమీటరు దూరంలో ఉన్న జూపూడికి మార్చడంతో ఓటర్లు ఇబ్బందులు పడ్డారు. విస్సన్నపేట మండలం కలగర గ్రామంలో జెడ్పీ హైస్కూల్‌లో ఏర్పాటుచేసిన పోలింగ్‌ కేంద్రం వద్ద ఉద్రిక్త వాతావరణం నెలకొంది. టీడీపీ, వైఎస్సార్‌ సీపీ నేతల మధ్య వాగ్వాదం జరగ్గా, పోలీసులు రంగప్రవేశం చేసి ఇరువర్గాల నాయకులను అక్కడి నుంచి చెదరగొట్టారు. 16 జెడ్పీటీసీ, 276 ఎంపీటీసీలకు ముగిసిన ఎన్నికలు జిల్లాలో 75.30 శాతం పోలింగ్‌ నమోదు వత్సవాయిలో వైఎస్సార్‌ సీపీ పోలింగ్‌ ఏజెంట్ల అరెస్ట్‌ మోదుగుపల్లిలో పోలింగ్‌ కేంద్రంలో వ్యక్తిపై దాడి అనుమంచిపల్లిలో వైఎస్సార్‌ సీపీ కార్యకర్తపై దాడి వత్సవాయి మండలం పెద్ద మోదుగుపల్లి గ్రామంలో ఓటు విషయంలో రెండు వర్గాల మధ్య ఘర్షణ జరిగింది. గ్రామానికి చెందిన పుల్లారావు అనే వ్యక్తిపై పోలింగ్‌ కేంద్రంలో ఉన్న కుర్చీతో దాడి చేశారు. దీంతో పుల్లారావు తలకు తీవ్ర గాయం అయింది. అనుమంచిపల్లి, కె.అగ్రహారం, చిల్లకల్లు, మల్కాపురం, గండ్రాయి, జయంతిపురం, షేర్‌మహ్మద్‌పేటలోని పోలింగ్‌ కేంద్రాల వద్ద టీడీపీ నాయకులు ఓటర్లను ప్రలోభపరిచేందుకు ప్రయత్నిస్తుండగా ఆ విషయం తెలుసుకున్న వైఎస్సార్‌ సీపీ నాయకులు ఎన్నికల అధికారులు, పోలీసుల దృష్టికి తీసుకువెళ్లారు. వెంటనే పోలీసులు వచ్చి వారిని మందలించి అక్కడ నుంచి పంపించి వేశారు. ఈ సందర్భంగా స్వల్ప లాఠీచార్జీ కూడా చేశారు.

● ఉయ్యూరు మండలంలో అధికార పార్టీ నేతల రుబాబు ● పెద ఓగిరాలలో ఉద్రిక్తత ● కూటమి వారిని వదిలి వైఎస్సార్‌ సీపీ వారిని పోలీస్‌స్టేషన్‌కు తీసుకెళ్లిన వైనం ● కాటూరు 1 సెగ్మెంట్‌లో విచ్చలవిడిగా డబ్బు పంపిణీ ఉయ్యూరు: జిల్లా పరిషత్‌, మండల ప్రాదేశిక నియోజకవర్గ ఎన్నికల్లో అధికార బలం, డబ్బు ప్రవాహం, పోలీసులతో బెదిరింపుల మధ్య పోలింగ్‌ జరిగింది. ముఖ్యంగా ఉయ్యూరు మండలంలో పోలింగ్‌ జరిగిన తీరు అందుకు నిదర్శనంగా నిలుస్తోంది. కూటమి నేతలు, కార్యకర్తలు పోలింగ్‌ బూత్‌లు, కేంద్రాల సమీపంలో యథేచ్ఛగా ప్రచారం చేస్తున్నా పట్టించుకోని పోలీసులు, వైఎస్సార్‌ సీపీ అభ్యర్థులు ఆ సమీపానికి వస్తేనే దూరంగా వెళ్లిపోవాలని తరిమేశారు. మండలంలోని అన్ని గ్రామాల్లో అదే పరిస్థితి నెలకొంది. మరోవైపు ఇతర ప్రాంతాలకు చెందిన కూటమి పార్టీల నేతలు సైతం యథేచ్ఛగా బూత్‌లలోకి వెళ్లి ఓటర్లను ప్రభావితం చేశారు. పెద ఓగిరాలలో తోపులాట ఉయ్యూరు మండలం పెద ఓగిరాలలో టీడీపీ నేతలు చాగంటి పోతిరెడ్డి, ప్రసాదరెడ్డి, పెరుమాళ్ల ఏసుబాబు పోలింగ్‌ ప్రారంభమైనప్పటి నుంచి బూత్‌ల వద్దే ఉంటూ ఓటర్లను ప్రభావితం చేస్తూ వస్తున్నారు. వారి విషయం పలుమార్లు వైఎస్సార్‌ సీపీ నేతలు పోలీసుల దృష్టికి తీసుకెళ్లినా వారు పట్టీపట్టనట్లు వ్యవహరించారు. మధ్యాహ్నం 3 గంటల ప్రాంతంలో టీడీపీ నేతలు బూత్‌ల వద్దే ఉండటంతో వైఎస్సార్‌ సీపీ నేతలు అక్కడకు వెళ్లి పోలింగ్‌ కేంద్రం లోపలకు ఎందుకు వెళ్తున్నారని వారిని ప్రశ్నించడంతో ఉద్రిక్తత పరిస్థితి నెలకొంది. ఈ సందర్భంగా జరిగిన తోపులాటలో కూటమి నేత ఏసుబాబు కింద పడగా తలకు గాయమై రక్తం వచ్చింది. దీంతో వైఎస్సార్‌ సీపీ నేతలు దాడి చేశారంటూ అసత్య ప్రచారం మొదలు పెట్టారు. కూటమి నేతల ఆదేశాలతో పలువురు వైఎస్సార్‌ సీపీ నేతలను బలవంతంగా పోలీస్‌స్టేషన్‌కు తరలించారు. కాటూరు 1 సెగ్మెంట్‌లో డబ్బు ప్రవాహం మండల పరిషత్‌ ప్రాదేశిక నియోజకవర్గం కాటూరు 1లో డబ్బు ప్రవాహం సాగింది. అక్కడ టీడీపీ తరఫున ఎంపీపీ రేసులో ఉన్న వేమూరి శ్రీనివాసరావు, అదే పార్టీ రెబల్‌గా పోటీలో ఆళ్ల శ్రీకాంత్‌ డబ్బు ప్రవాహం పారించారు. ఒక్కొక్కరు ఓటుకు రూ.2 వేలు చొప్పున ఇవ్వగా, గురువారం మధ్యాహ్నం వరకూ ఓటు వేసేందుకు రాని వారికి మరో రూ.500 చొప్పున ఇచ్చినట్లు తెలిసింది. మండలంలోని ఆకునూరు, చిన ఓగిరాల, కలవపాముల, బోళ్లపాడు గ్రామాల్లో పోలింగ్‌ పేలవంగా సాగింది. పలు చోట్ల కూటమి నేతలు ఇష్టారాజ్యంగా దొంగ ఓట్లు వేసుకున్నారు.

ఇంద్రకీలాద్రి(విజయవాడపశ్చిమ): కార్తిక మాసోత్సవాలు, భవానీ దీక్షల నేపథ్యంలో భక్తులకు ఎటువంటి ఇబ్బందులూ కలుగకుండా అవసరమైన అన్ని ఏర్పాట్ల్లు చేయాలని దుర్గగుడి ఈఓ శీనానాయక్‌ సంబంధిత అధికారులకు సూచించారు. దుర్గగుడి మహా మండపం నాల్గో అంతస్తులోని సమావేశ మందిరంలో ఆలయ వైదిక కమిటీ బాధ్యులు, ఏఈఓలు, సూపరింటెండెంట్లతో ఈఓ గురువారం ప్రత్యే కంగా సమావేశమయ్యారు. ఈ నెల పదో తేదీ నుంచి ప్రారంభమయ్యే కార్తికమాసం, 11వ తేదీన జరిగే గాజుల ఉత్సవం, 20వ తేదీ నుంచి ప్రారంభమయ్యే భవానీ దీక్షలపై డీఈఓ కిషోర్‌కుమార్‌, ఏసీ రంగారావు, స్థానాచార్య శివప్రసాద్‌ శర్మ, వైదిక కమిటీ సభ్యుడు శంకర శాండిల్య, ఏఈఓలు రమేష్‌బాబు, చంద్రశేఖర్‌, సుధారాణి, గంగాధర్‌, తిరుమలేశ్వర రావు, లక్ష్మీప్రసన్న, ఈఈ ఎల్‌.రమా, డీఈఈలతో చర్చించారు. ఉత్సవాలకు విచ్చేసే భక్తులకు మంచి దర్శనం కల్పించడంతో పాటు వారికి అమ్మవారి అన్నప్రసాదం, లడ్డూప్రసాదం, పులిహోర ప్రసాదంను అందించాలని సూచించారు. అదే విధంగా స్నానఘాట్‌లో క్లోక్‌రూమ్‌, చెప్పుల స్టాండ్‌తో పాటు దుస్తులు మార్చుకునేందుకు గదులలో తగిన ఏర్పాట్లు చేయాలన్నారు. దసరా ఉత్సవాల నేపథ్యంలో సోషల్‌ మీడియా ద్వారా దుర్గమ్మ అలంకారాలు, ఇతర పూజా కార్యక్రమాలను 2.29 కోట్ల మంది వీక్షించారని దుర్గగుడి ఈఓ శీనానాయక్‌ పేర్కొన్నారు. 1.18 కోట్ల మంది దేవస్థానం అధికార ఖాతాలతో పాటు ఇతర సోషల్‌ మీడియా ద్వారా మరో 1.11 కోట్ల మంది ఈ ఉత్సవాలను వీక్షించారని పేర్కొన్నారు. దేవస్థానం పరిధిలో లీజుదారులు, లైసెన్సుదారులు ఆలయ నిబంధనలను కచ్చితంగా పాటించాలని ఈఓ శీనానాయక్‌ సృష్టం చేశారు. దేవస్థానం లీజెస్‌ విభాగం ఏసీ రంగారావు, ఏఈఓ రమేష్‌బాబు, లక్ష్మీ ప్రసన్నలతో సమీక్ష సమావేశం నిర్వమించారు. ఆయా దుకా ణాలు, కౌంటర్లలో దేవస్థానం నిర్ణయించిన ధరలకే సేవలను అందించేలా చూడాలన్నారు. దేవస్థానం నిర్వహిస్తున్న క్లోక్‌రూమ్‌, చెప్పుల స్టాండ్‌ల వద్ద ఎటువంటి లోపాలు తలెత్తకుండా అధికారులు నిరంతరం పర్యవేక్షించాలన్నారు.

కోనేరుసెంటర్‌(మచిలీపట్నం): కృష్ణా జిల్లాలో జరిగిన జెడ్పీటీసీ, ఎంపీటీసీ ఎన్నికల సరళిని ఎస్పీ వి.విద్యాసాగర్‌నాయుడు గురువారం స్వయంగా పరిశీలించారు. జిల్లాలోని పోలింగ్‌ కేంద్రాలను సందర్శించి బందోబస్తు ఏర్పాట్లను పరిశీలించారు. మచిలీపట్నంతో పాటు పెడన, పామర్రు, గన్నవరం తదితర నియోజకవర్గాల్లో పర్యటించిన ఎస్పీ అక్కడి పోలింగ్‌ కేంద్రాల్లో ఏర్పాటుచేసిన బందోబస్తును పరిశీలించి, అధికారులు, సిబ్బందికి పలు ఆదేశాలు జారీ చేశారు. ఓటర్లతో మాట్లాడి అక్కడి ఏర్పాట్లపై ఆరా తీశారు. ఎవరైనా ప్రలోభాలకు గురి చేసేందుకు ఒత్తిడి తెస్తే పోలీసుతో పాటు ఎన్నికల సిబ్బందికి తెలపాలని సూచించారు. గన్నవరంలో ఏలూరు రేంజ్‌ ఐజీపీ అశోక్‌కుమార్‌ పోలింగ్‌ కేంద్రాన్ని సందర్శించగా ఎస్పీ జిల్లాలోని బందో బస్తు ఏర్పాట్లను వివరించారు. జిల్లా పోలీసులకు అభినందనలు జిల్లాలో ఎన్నికల విధులు నిర్వహించిన పోలీసు సిబ్బందికి జిల్లా ఎస్పీ విద్యాసాగర్‌నాయుడు అభినందనలు తెలిపారు. మునిసిపల్‌, పరిషత్‌ ఎన్నికల నిర్వహణకు సహకరించిన పోలీసు అధికారులు, సిబ్బందికి ప్రత్యేక అభినందనలు చెప్పారు.

మొగల్రాజపురం(విజయవాడ తూర్పు): దీపావళి పండుగకు మట్టి ప్రమిదలు సిద్ధమయ్యాయి. వెలుగుల పండుగ అయినా దీపావళిని జరుపుకోవడానికి ముఖ్యమైన ప్రమిదలు విజయవాడలోని వివిధ ప్రాంతాల్లో రోడ్ల పక్కన, షాపింగ్‌ మాల్స్‌లో విక్రయానికి సిద్ధంగా ఉన్నాయి. మట్టి ప్రమిదలు వివిధ ఆకృతుల్లో ఆకర్షణీయంగా ఉన్నాయి. రూ.5 నుంచి రూ.1500 వరకు.. మట్టితో చేసిన ఈ ప్రమిదలు ఒక్కొకటి వాటి సైజును బట్టి రూ.5 నుంచి రూ.1500 వరకు అందుబాటులో ఉన్నాయి. వివిధ ఆకృతులు, రంగుల్లో లభిస్తున్నాయి. చిన్న ప్రమిదలు ఒక్కొక్కటి రూ.5 చొప్పున విక్రయిస్తున్నారు. వివిధ ఆకృతుల్లో అందంగా ఉన్న డజను ప్రమిదలు సైజును బట్టి రూ.100 నుంచి రూ.200 చొప్పున విక్రయిస్తున్నారు. ప్రత్యేకంగా ఏనుగు, తాబేలు, పూర్ణకుంభం, తామర పువ్వు మొదలైన ఆకారాల్లో తయారు చేసిన మట్టి ప్రమిదలు ఆకర్షణీయంగా ఉన్నాయి. పిన్నమనేని పాలిక్లినిక్‌ రోడ్డు, గాయత్రినగర్‌, సిద్ధార్థ జంక్షన్‌, సున్నపుబట్టీల సెంటర్‌, విశాలాంధ్ర రోడ్డు, మధుచౌక్‌, నిమ్మతోట సెంటర్‌ల్లో ఈ మట్టి ప్రమిదల విక్రయానికి సిద్ధంగా ఉన్నాయి. మెటల్‌, ఇత్తడి, ఎలక్ట్రికల్‌ ప్రమిదలు సైతం వివిధ ఆకృతుల్లో ఆటకట్టుకుంటున్నాయి. షాపింగ్‌ మాల్స్‌లోనూ సిద్ధం నగరంలోని రహదారుల వెంట మార్జిన్ల లోనే కాకుండా వాణిజ్య సముదాల్లో సైతం (షాపింగ్‌ మాల్స్‌)లో దీపావళి సందర్భంగా దీపాలు, కొవ్వొత్తులకు ప్రత్యేకంగా స్థలం కేటాయించి అందంగా అకరించి విక్రయాలు సాగిస్తున్నారు. ఆకట్టుకునే రంగులు, ఆకృతుల్లో అందంగా ముస్తాబు చేసి విక్రయిస్తున్నారు. ఇంటిని మరింత అందంగా ముస్తాబుచేసేందుకు ఎల్‌ఈడీ లైట్లతో తయారు చేసిన ఎలక్ట్రికల్‌ ప్రమిదలు, లైటింగ్‌, తోరణాలు ఇలా అన్నింటిని వినియోగదారులకు అందుబాటులో ఉంచారు. దీపావళికి వివిధ ఆకృతుల్లో ప్రమిదల తయారీ ఆకర్షణీయంగా మెటల్‌, ఎలక్ట్రిక్‌ ప్రమిదలు రోడ్లపైనే కాకుండా షాపింగ్‌ మాల్స్‌లోనూ విక్రయాలు

నందివాడ: స్థానిక ఎన్నికల నేపథ్యంలో నందివాడ మండలం రుద్రపాక, జనార్దనపురం గ్రామాల్లోని పోలింగ్‌ కేంద్రాలు నీటమునగడంతో ఓటర్లు గురువారం తీవ్ర ఇబ్బందులు ఎదుర్కొన్నారు. పోలింగ్‌ కేంద్రాల ఆవరణలు మొత్తం వర్షం నీటితో నిండిపోయాయి. దీంతో ఓటు వేసేందుకు వచ్చిన ఓటర్లు తీవ్ర అవస్థలు పడ్డారు. నీటిలోనే నడిచి వెళ్లి ఓటు వేయాల్సిన పరిస్థితి ఏర్పడింది. ఎన్నికలు జరుగుతాయని తెలిసినా నీరు బయటకు వెళ్లేందుకు సరైన మార్గం ఏర్పాటు చేయకపోవడం ఏమిటని ఆయా గ్రామాల ఓటర్లు ప్రశ్నించారు. కనీస సౌకర్యాలు కల్పించడంలోనూ నిర్లక్ష్యం వహించారని ఆవేదన వ్యక్తం చేశారు. గతంలో ఎన్నడూ ఇలాంటి పరిస్థితులను ఎదుర్కోలేదని, ఈసారి మాత్రం పోలింగ్‌ కేంద్రం ఆవరణలో భారీగా నీరు నిలిచిపోవడంతో ఓటు వేయడానికి రావడమే కష్టంగా మారిందని పలువురు ఓటర్లు వాపోయారు.

నేడు 16 జెడ్పీటీసీ, 276 ఎంపీటీసీ స్థానాలకు ఎన్నికలు గాంధీనగర్‌(విజయవాడసెంట్రల్‌): నూతనంగా ఏర్పాటైన ఎన్టీఆర్‌ జిల్లా పరిషత్‌ జెడ్పీటీసీ, ఎంపీటీసీ ఎన్నికలకు సర్వం సిద్ధమైంది. జిల్లాలో మొత్తం 16 జెడ్పీటీసీ, 280 ఎంపీటీసీ స్థానాలు ఉన్నాయి. వీటిలో 16 జెడ్పీటీసీ, 276 ఎంపీటీసీ స్థానాలకు గురువారం ఎన్నికలు జరగనున్నాయి. ఉదయం 7 గంటల నుంచి 5 గంటల వరకు ఎన్నికలు నిర్వహించనున్నారు. మొత్తం 8,35,515 మంది ఓటర్లు తమ ఓటు హక్కు వినియోగించుకోనున్నారు. జిల్లాలో 16 జెడ్పీటీసీ స్థానాలకు గాను 55 మంది అభ్యర్థులు బరిలో నిలిచారు. అలాగే 276 ఎంపీటీసీ స్థానాలకు 631 మంది పోటీ పడుతున్నారు. 280 స్థానాలకు గాను 4 ఎంపీటీసీ స్థానాలు ఏకగ్రీవం కావడంతో 276 స్థానాలకే ఎన్నికలు జరుగుతున్నాయి. ఎన్నికల నిర్వహణకు మొత్తం 16 మండలాల్లో 992 మంది పోలింగ్‌ కేంద్రాలు ఏర్పాటు చేశారు. ఎన్నికల నిర్వాహణకు 1151 మంది పీవోలు, 1,151 మంది ఏపీవోలు, 3842 మంది ఓపీవోలు విధుల్లో పాల్గొంటున్నారు. ప్రధాన పార్టీల మధ్య పోటీ.. జిల్లాలో వైఎస్సార్‌ సీపీ 16 జెడ్పీటీసీ స్థానాల్లో పోటీ చేస్తోంది. కూటమిలోని టీడీపీ 13 జెడ్పీటీసీ, జనసేన రెండు చోట్ల, బీజేపీ ఒక స్థానంలో పోటీ చేస్తోంది. జగ్గయ్యపేట, వీరులపాడు జెడ్పీటీసీ స్థానాలు జనసేనకు కేటాయించగా, విజయవాడ రూరల్‌ మండలాన్ని బీజేపీకి కేటాయించారు. తొలుత నిర్ణయించిన షెడ్యూలు ప్రకారం కాకుండా ఎన్నికలు వాయిదా పడడంతో ప్రధాన రాజకీయ పార్టీల అభ్యర్థులు ముమ్మరంగా ప్రచారం నిర్వహించారు. ఎంపీటీసీ స్థానాల్లోనూ పోటీ తీవ్రంగా ఉంది. అధికార పార్టీ ఓటర్లను పలు రకాలుగా ప్రలోభాలకు గురి చేస్తోంది. సామగ్రి పంపిణీ.. ఎన్నికల సిబ్బందికి ఆయా మండల కేంద్రాల్లో ఎన్నికల సామగ్రిని అందజేశారు. సిబ్బంది వారికి కేటాయించిన పోలింగ్‌ స్టేషన్లకు సామాగ్రితో చేరుకున్నారు. ఇందుకోసం 188 బస్సులను ఏర్పాటు చేశారు. ఉదయం 7 గంటల నుంచి 5 గంటల వరకు నిర్వహించే పోలింగ్‌లో ఎటువంటి ఇబ్బందులు తలెత్తకుండా అన్ని ఏర్పాట్లు చేశారు. జిల్లాలో 495 సమస్యాత్మక కేంద్రాలు జిల్లాలో మొత్తం 495 పోలింగ్‌ కేంద్రాలను సమస్యాత్మకమైనవిగా గుర్తించారు. వీటిలో ఎటువంటి అవాంఛనీయ సంఘటనలు జరగకుండా ఏర్పాట్లు చేసినట్లు అధికారులు చెబుతున్నారు. సమస్యాత్మక కేంద్రాల్లో సీసీ కెమెరాలు ఏర్పాటు చేశారు. అలాగే 291 కేంద్రాల్లో వెబ్‌కాస్టింగ్‌ చేస్తున్నట్లు చెబుతున్నారు. ఎన్నికల ప్రక్రియను నిరంతరం పర్యవేక్షించేందుకు అదనంగా 205 మంది వీడియోగ్రాఫర్లు, 191 మంది సూక్ష్మ పరిశీలకులను (మైక్రో అబ్జర్వర్లు) నియమించారు. మొత్తం 89 రూట్లు, 45 జోన్లు ఏర్పాటు చేశారు. పక్కా ఏర్పాట్లు చేశాం: కలెక్టర్‌ లక్ష్మీశ జిల్లాలో జెడ్పీటీసీ, ఎంపీటీసీ ఎన్నికలు ప్రశాంత వాతావరణంలో నిర్వహించే అవసరమైన అన్ని ఏర్పాట్లు చేసినట్లు కలెక్టర్‌ డాక్టర్‌ జి. లక్ష్మీశ చెప్పారు. ఎంపీటీసీ, జెడ్పీటీసీ ఎన్నికలపై కలెక్టర్‌ డాక్టర్‌ జి.లక్ష్మీశ, జెడ్పీ సీఈవో పి.సుశీలతో కలిసి జెడ్పీ సమావేశ మందిరంలో మీడియా సమావేశం నిర్వహించారు. ఎన్నికల నిర్వహణకు జిల్లా యంత్రాంగం పూర్తి సంసిద్ధతతో ఉందని స్పష్టం చేశారు. ప్రతి పోలింగ్‌ కేంద్రంలో ఓటర్ల సౌకర్యార్థం సహాయ కేంద్రం (హెల్ప్‌ డెస్క్‌) అందుబాటులో ఉంటుందని తెలిపారు. పోలింగ్‌ ప్రక్రియను నిరంతరం పర్యవేక్షించేందుకు ప్రిసైడింగ్‌ అధికారులకు ప్రత్యేక మొబైల్‌ అప్లికేషన్‌ను అందుబాటులో ఉంచినట్లు తెలిపారు. ఈ అప్లికేషన్‌ ద్వారా ఎప్పటికప్పుడు పోలింగ్‌ శాతాన్ని నమోదు చేసి, తక్షణమే తాజా వివరాలను పంపించేలా ఏర్పాట్లు చేశామన్నారు. జిల్లా కలెక్టరేట్‌లోనూ 91549 70454 నంబరుతో కమాండ్‌ కంట్రోల్‌ రూమ్‌ అందుబాటులో ఉందని, అవసరానికి వినియోగించుకోవాలని తెలిపారు.

● దుర్గగుడిలో నిత్యం సహస్ర లింగార్చన ● విశేష పర్వదినాల్లో బిల్వార్చన ● 24న కోటి దీపోత్సవం ఇంద్రకీలాద్రి(విజయవాడపశ్చిమ): ఇంద్రకీలాద్రిపై వేంచేసిన శ్రీదుర్గా మల్లేశ్వర స్వామి వారి ఆలయంలో ఈ నెల పదో తేదీ నుంచి కార్తిక మాసోత్సవాలు ప్రారంభం కానున్నాయని ఆలయ వైదిక కమిటీ బాధ్యులు, ఆలయ ఈఓ శీనానాయక్‌ తెలిపారు. డిసెంబర్‌ ఎనిమిదో తేదీ వరకు నిర్వహించే ఈ మాసోత్సవాల్లో మల్లేశ్వర స్వామి వారికి నిత్య అభిషేకాలు, అర్చనలు, దీపాలంకరణ సేవలు జరుగుతాయని ఈఓ పేర్కొన్నారు. తొమ్మిదో తేదీ సాయంత్రం అమ్మవారికి, మల్లేశ్వర స్వామి వారికి పంచహారతుల సేవ నిర్వహించిన అనంతరం ఆకాశదీపం వెలిగిస్తామని వెల్లడించారు. అమ్మవారి ఆలయం సమీపంలోని శ్రీనటరాజ స్వామి వారి ఆలయం, మల్లేశ్వర స్వామి వారి ఆలయాల వద్ద ప్రతి నిత్యం ప్రదోష కాలంలో దీపాన్ని వెలిగిస్తా మని వివరించారు. ఈ నెల 13వ తేదీన నాగుల చవితిని పురస్కరించుకుని అమ్మ ఆలయ ప్రాంగ ణంలోని నటరాజస్వామి ఆలయంలో తెల్లవారు జాము నాలుగు గంటలకు అభిషేకాలు జరుగుతా యని తెలిపారు. అనంతరం ఆలయ ప్రాంగణంలోని నాగేంద్రస్వామి పుట్టలో పాలు పోసే కార్యక్రమం జరుగుతుందని పేర్కొన్నారు. డిసెంబర్‌ ఏడో తేదీ మాస శివరాత్రిని పురస్కరించుకుని స్వామికి ప్రత్యేక బిల్వార్చన, అన్నాభిషేకం జరిగిన అనంతరం భక్తులకు అన్న ప్రసాద వితరణ జరుగుతుందని పేర్కొన్నారు. అదే నెల ఎనిమిదో తేదీ ఉదయం పది గంటలకు మహా పూర్ణాహుతితో కార్తిక మాసోత్సవాలు పరిసమాప్తం అమవుతాయి. ప్రత్యేక బిల్వార్చనలు కార్తిక మాసం నేపథ్యంలో విశేష పర్వదినాల్లో స్వామి వారికి ప్రత్యేక బిల్వార్చన నిర్వహించేందుకు వైదిక కమిటీ నిర్ణయించింది. 16వ తేదీ సోమవారం, 20వ తేదీ శుక్రవారం ఏకాదశి, 23వ తేదీ సోమవారం, 24వ తేదీ మంగళవారం కార్తిక పౌర్ణమి, 30వ తేదీ కార్తిక సోమవారం షష్ఠి, డిసెంబర్‌ నాలుగో తేదీ శనివారం ఏకాదశి, 7వ తేదీ సోమవారం మాసశివరాత్రిన బిల్వార్చన, అన్న ప్రసాద వితరణలు నిర్వహిస్తారు. నిత్యం సహస్ర లింగార్చన కార్తిక మాసాన్ని పురస్కరించుకుని పంచామృతాలతో సహస్ర లింగాలకు అభిషేకం జరుగుతుందని ఈఓ తెలిపారు. కార్తిక మాసంలో రోజూ మధ్యాహ్నం 3.30 నుంచి సాయంత్రం ఏడు గంటల వరకు మల్లేశ్వర స్వామి వారి ఆలయ ప్రాంగణంలో సహస్ర లింగార్చన జరుగుతుందని పేర్కొన్నారు. దీపోత్సవ సేవ కార్తిక మాసం నెల రోజుల పాటు మల్లేశ్వర స్వామి ఆలయం వద్ద దీపోత్సవ సేవ జరుగుతుందని ఈఓ శీనానాయక్‌ తెలిపారు. శ్రీదుర్గా మల్లేశ్వర స్వామి వారి ఉత్సవ మూర్తులకు ఆలయ అర్చకులు పూజా కార్యక్రమాలు జరిపించిన అనంతరం విశేష పూజలు నిర్వహిస్తారు. 24న కోటి దీపోత్సవం కార్తిక పౌర్ణమిని పురస్కరించుకుని ఇంద్రకీలాద్రిపై కోటి దీపోత్సవాన్ని నవంబర్‌ 24వ తేదీన నిర్వహించేందుకు వైదిక కమిటీ నిర్ణయించింది. మంగళవారం సాయంత్రం అమ్మవారికి పంచహారతుల సేవ అనంతరం ఆలయ ప్రాంగణంలోని రాజగోపురం వద్ద దీపోత్సవాన్ని నిర్వహిస్తారు. ఈమేరకు ఆలయ ప్రాంగణంతో పాటు ఆలయ పరిసరాలు, ఘాట్‌రోడ్డు, కనకదుర్గనగర్‌, మహా మండపం పరిసరాల్లో దీపాలను వెలిగిస్తారు. అనంతరం మల్లేశ్వర స్వామి వారి ఆలయం వద్ద జ్వాలా తోరణం జరుగుతుంది. ఆర్జిత సేవల్లో భక్తుల పాల్గొనే అవకాశం! కార్తిక మాసంలో నిర్వహించే ఆర్జిత సేవల్లో భక్తులు పాల్గొనే అవకాశాన్ని దేవస్థానం కల్పిస్తోంది. కార్తిమాసంలో నెల రోజుల పాటు జరిగే సహస్ర లింగార్చన సేవకు రూ.5,116, ప్రత్యేక బిల్వార్చనకు రోజుకు రూ.2 వేలు, రుద్రహోమం నిత్య ఆర్జిత సేవకు రూ.1000, సహస్ర లింగార్చన ఒక రోజుకు రూ.500, ఊంజల్‌ సేవ(దీపాలంకరణ సేవ) ఒక రోజుకు రూ.50 నిర్ణయించారు. ఆయా సేవలకు టికెట్లను దేవస్థాన కౌంటర్లలో పొందొచ్చు.

తాడేపల్లి రూరల్‌: గుంటూరు జిల్లా తాడేపల్లి పరిధిలోని సీతానగరం పుష్కర ఘాట్ల వద్ద ఈతకు దిగి ఓ విద్యార్థి గల్లంతైన ఘటనపై పోలీసులు బుధవారం కేసు నమోదు చేశారు. తాడేపల్లి ఎస్‌ఐ ఖాజావలి కథనం మేరకు.. విజయవాడ అజిత్‌సింగ్‌నగర్‌కు చెందిన డిగ్రీ విద్యార్థి కె.సాయి హర్షిత్‌ అతని స్నేహితులు ఎన్‌.నేతాజీ, పి.జగదీష్‌, సాయి ఈత కొట్టేందుకు సీతానగరం పుష్కర ఘాట్ల వద్దకు వచ్చి రైల్వే బ్రిడ్జి కింద కృష్ణానది వరద నీటిలోకి దిగారు. అర్ధగంట తరువాత సాయి హర్షిత్‌ నీటిలో మునిగిపోవడాన్ని గుర్తించి మిగిలిన స్నేహితులు పెద్దగా కేకలు వేయడంతో స్థానికంగా ఉన్న మత్స్యకారులు కొంత మంది కాపాడేందుకు ప్రయత్నించారు. అప్పటికే వరద నీటిలో సాయి హర్షిత్‌ గల్లంతవడంతో తాడేపల్లి పోలీస్‌స్టేషన్‌కు సమాచారం ఇచ్చారు. ఘటనా స్థలానికి వెళ్లి గజ ఈతగాళ్లతో వెతికించినా ఎటువంటి ప్రయోజనం లభించలేదు. సాయిహర్షిత్‌ తాత సూర్యనారాయణ ఇచ్చిన ఫిర్యాదు మేరకు పోలీసులు కేసు నమోదు చేశారు.

విజయవాడ ఏపీఐఐసీ కాలనీలో ఇంట్లోకి చేరిన వర్షం నీరుఅనిగండ్లపాడు వద్ద నేలవాలిన వరి పైరు జి.కొండూరు: తుపాను ప్రభావంతో పలు వాగు లు పొంగి పొర్లడంతో మంగళవారం సాయంత్రం నుంచి బుడమేరుకు ప్రారంభమైన వరద ప్రవాహం బుధవారం ఉదయానికి ఉద్ధృతమైంది. ఆ తర్వాత వర్షం తగ్గుముఖం పట్టడంతో వరద ప్రవాహం క్రమేపీ తగ్గుతూ వస్తోంది. వెలగలేరు హెడ్‌ రెగ్యులేటర్‌ వద్ద బుధవారం సాయంత్రానికి 5.3అడుగుల మేర నీటి మట్టం ఉండగా డైవర్షన్‌ కెనాల్‌ ద్వారా 4,300క్యూసెక్కులు కృష్ణానదిలోకి వెళ్తున్నట్లు ఇరిగేషన్‌ ఏఈ వెంకటేష్‌ తెలిపారు. నిరంతర పర్యవేక్షణ.. వర్షాలు పడే అవకాశం ఉన్నందున బుడమేరు హెడ్‌ రెగ్యులేటర్‌ వద్ద వరద ప్రవాహాన్ని ఇరిగేషన్‌ అధికారులు నిరంతరం పర్యవేక్షించాలని ఎన్టీఆర్‌ జిల్లా కలెక్టర్‌ లక్ష్మీశ అన్నారు. వెలగలేరు హెడ్‌ రెగ్యులేటర్‌ను స్థానిక తహసీల్దార్‌ రిబ్కారాణితో కలిసి కలెక్టర్‌ లక్ష్మీశ బుధవారం ఉదయం పరిశీలించారు. అనంతరం హెచ్‌.ముత్యాలంపాడు వద్ద బుడమేరు వరద ప్రవాహాన్ని పరిశీలించారు. కలెక్టర్‌ మాట్లాడుతూ బుడమేరులో వరద కృష్ణా నదిలోకి వెళ్తున్నందున దిగువ ప్రాంతాల ప్రజలు ఆందోళన చెందనవసరం లేదన్నారు. సాక్షి ప్రతినిధి, విజయవాడ: మురసు తుపాను రైతుల ఆశలను ఛిద్రం చేసింది. గత నెల చివరిలో వచ్చిన అర్నబ్‌ నష్టాల నుంచి రైతన్నలు తేరుకోకముందే మళ్లీ కోలుకోలేని దెబ్బ పడింది. ఈ ఏడాది మొదట్లో నీరు లేక పంటను పండించుకోవడం కోసం రైతులు ఆయిల్‌ మోటార్లు పెట్టుకుని మరీ నీరు పెట్టుకోవాల్సి వచ్చింది. ఇప్పు డు పంట చేతికి వస్తుందన్న తరుణంలో వెంట వెంటనే వచ్చిన తుపాన్లు రైతన్న నడ్డి విరిచాయి. కృష్ణా జిల్లాలో.. కృష్ణాజిల్లాలో 325 గ్రామాల్లోని 32,415 మంది రైతులు ఎఫెక్ట్‌ అయ్యారు. 24,523 హెక్టార్లలో పంట దెబ్బతిన్నట్లు ప్రాథమికంగా అంచనా వేశారు. 23,648 హెక్టార్లలో వరి పంట నీట మునిగింది. మినుములు 486హెక్టార్లలో, వేరుశనగ 123హెక్టార్లలో, 2.5హెక్టార్లలో నువ్వులు, 208 హెక్టార్లలో పత్తి, 51 హెక్టార్లలో చెరకు, పెసరపంట నాలుగు హెక్టార్లలో దెబ్బతింది. నందివాడ, గుడ్లవల్లేరు, ఉయ్యూరు, బంటుమిల్లి, చల్లపల్లి, పామర్రు, మచిలీపట్నం సౌత్‌, కంకిపాడు, పెదపారుపూడి, గూడూరు, గన్నవరం, పమిడిముక్కల, ఉంగుటూరు, కోడూరు, మోపిదేవి, మొవ్వ, ఘంటసాల, పెడన మండలాల్లో పంటలు దెబ్బతిన్నాయి. ఎన్టీఆర్‌ జిల్లాలో.. ఎన్టీఆర్‌ జిల్లాలో 8,151హెక్టార్లలో వరి పంట, 76 హెక్టార్లలో జొన్న, 21హెక్టార్లలో మొక్కజొన్న, 136 హెక్టర్లలో కందులు, 496హెక్టార్లలో మినుములు, 631హెక్టార్లలో శనగ పంటలు దెబ్బతిన్నాయి. జిల్లా మొత్తం మీద 9,511 హెక్టార్లలో పంట దెబ్బతిన్నట్లు ప్రాథమికంగా అంచనా వేశారు. ఒకటి తర్వాత మరొకటి.. ఇటీవల సంభవించిన అర్నబ్‌ తుపాను ప్రభావంతో కృష్ణా, ఎన్టీఆర్‌ జిల్లాల్లో వరి, కొబ్బరి, అరటి పంటలతో పాటు ఆక్వా రంగం కూడా తీవ్రంగా దెబ్బతింది. ఆ నష్టాల నుంచి ఇంకా కోలుకోని రైతులకు ఇప్పుడు మురసు తుపాను మరో పెద్ద సవాలుగా మారింది. ఈ తుపానుతో కోత దశలో ఉన్న వరి పంటకు పొలాల్లో నీరు నిలవడం వల్ల తీవ్ర నష్టం వాటిల్లుతోంది. పూత, కాయ దశలో ఉన్న పత్తిపంటకు వర్షాలు, గాలుల వల్ల నష్టం ఏర్పడింది. కంది పంట ఎదుగుదల, కాయ దశలో ఉన్నందున ఈ వర్షం ప్రతికూల ప్రభావం చూపుతోంది. ఈదురు గాలులకు అరటి పంటలు నేలపై పడి పోయి తీవ్ర నష్టం కలిగింది. సర్వే లేదు.. సాయం లేదు.. అర్నబ్‌ తుపాను దెబ్బకు కృష్ణాజిల్లాలో 34,864 హెక్టార్లలో వరి, 358హెక్టార్లలో మినుము, 23 హెక్టార్లలో వేరుశనగ, మూడు హెక్టార్లలో నువ్వులు, 25హెక్టార్లలో చెరుకు పంటలు దెబ్బతిన్నట్లు వ్యవసాయ శాఖ ప్రాథమిక అంచనాలు రూపొందించింది. ఎన్టీఆర్‌ జిల్లాలో మినుము, పెసర పంటలు దెబ్బతిన్నాయి. పెనమలూరు పరిధిలో 300 ఎకరాల్లో అరటిపంట నేలకొరిగింది. కంద పంటకు కూడా నష్టం జరిగిందని రైతులు చెబుతున్నారు. ఇబ్రహీంపట్నం మండలంలో మినుము, పెసర పంటలు నేలకొరిగాయి. ఉద్యాన పంటలు అరటి 640హెక్టార్లు, బొప్పాయి 76హెక్టార్లు, కొబ్బరి 4హెక్టార్లు, ఆయిల్‌పామ్‌ 3 హెక్టార్లు, టమాటా 4 హెక్టార్లు, కూరగాయ పంటలు 299 హెక్టార్లు, పండు మిర్చి 19 హెక్టార్లు, పసుపు 264హెక్టార్లు, పువ్వులు 26 హెక్టార్లు, తమలపాకు 15 హెక్టార్లలో దెబ్బతిన్నట్లు అధికారులు అంచనాలు రూపొందించారు. అయితే ఇప్పటివరకూ ఎన్యూమరేషన్‌ పూర్తి చేయడం గాని రైతులకు నష్టపరిహారం అందించే దిశగా ప్రభుత్వం అడుగులు వేయలేదు. సాయం చేయాలంటూ కేంద్ర ప్రభుత్వానికి లేఖలు రాసి చేతులు దులుపుకొన్నారు. ఇప్పటికై నా తమను ఆదుకోకపోతే రోడ్డున పడాల్సి వస్తోందని రైతులు ఆవేదన వ్యక్తం చేస్తున్నారు.

జి.కొండూరులో కలెక్టర్‌ లక్ష్మీశ జి.కొండూరు: జిల్లాలో ఎంపీటీసీ, జెడ్పీటీసీ ఎన్నికల నిర్వహణ కోసం అన్ని ఏర్పాట్లను పూర్తి చేసినట్లు కలెక్టర్‌ లక్ష్మీశ అన్నారు. జి. కొండూరు కమ్యూనిటీ హాలులో ఎన్నికల నిర్వహణ కోసం ఏర్పాటు చేసిన మెటీరియల్‌ పంపిణీ కార్యక్రమాన్ని కలెక్టర్‌ బుధవారం పరిశీలించారు. ఈ సందర్భంగా కలెక్టర్‌ మాట్లాడుతూ 16మండలాల పరిధిలో 280 ఎంపీటీసీ స్థానాలు, 16 జెడ్పీటీసీ స్థానాలకు ఎన్నికలు నిర్వహించేందుకు 5వేల మంది సిబ్బందిని కేటాయించినట్లు చెప్పారు. తుపాను ప్రభావం వల్ల ఎన్నికల నిర్వహణకు ఎటువంటి ఇబ్బంది లేకుండా అన్ని చర్యలు చేపట్టినట్లు తెలిపారు. ఓటర్లకు ఎటువంటి అసౌక్యరం కలగకుండా అన్ని వసతులు ఏర్పాటు చేశామన్నారు. ఎటువంటి అవాంఛనీయ ఘటనలు జరగకుండా, భద్రతా పరంగా ఎటువంటి సమస్యా తలెత్తకుండా సీసీ కెమెరాల పర్యవేక్షణ, వీడియోగ్రాఫర్ల కేటాయింపుతో పాటు భారీగా పోలీసులతో రక్షణ కల్పిస్తున్నట్లు వివరించారు. కార్యక్రమంలో ఆర్‌ఓ నాగమల్లిక, తహసీల్దార్‌ రిబ్కారాణి పాల్గొన్నారు.

తాడేపల్లి రూరల్‌: తాడేపల్లి రూరల్‌ పరిధిలోని పెనుమాక గ్రామంలో నివసించే ఓ బాలుడు విద్యుత్‌ షాక్‌తో బుధవారం సాయంత్రం మృతి చెందాడు. స్థానికుల కథనం ప్రకారం.. పెనుమాక గ్రామానికి చెందిన కాజా కుమారుడు అమీర్‌(9) స్కూల్‌కు సెలవు కావడంతో ఇంటిపైన డాబాపై దీపావళి టపాసులతో ఆడుకుంటున్నాడు. పక్క బిల్డింగ్‌పై మరి కొంత మంది పిల్లలు ఆడుకుంటుండగా అమీర్‌ చేతిలో ఉన్న అగ్గిపుల్లలను వెలిగించి వారిపైకి సరదాగా విసిరివేస్తున్నాడు. ఆ క్రమంలో డాబాకు పిట్టగోడ మధ్యలో ఉన్న ఐరన్‌ గ్రిల్‌ పట్టుకుని పైకి ఎక్కి అగ్గిపుల్ల వేసే క్రమంలో బిల్డింగ్‌కు ఆనుకుని ఉన్న విద్యుత్‌ స్తంభాల వైర్లు తగిలి విద్యుదాఘాతానికి గురై అమీర్‌ అక్కడికక్కడే మృతి చెందాడు. అయినప్పటికీ తల్లి, బంధువులు హుటాహుటిన వైద్యం నిమిత్తం మణిపాల్‌ ఆసుపత్రికి తీసుకెఎళ్లారు. అయితే అప్పటికే బాలుడు మృతిచెందినట్లు వైద్యులు నిర్ధారించారు. ఈ ఘటనపై తాడేపల్లి పోలీసులు కేసు నమోదు చేసి దర్యాప్తు చేస్తున్నారు.

సత్యనారాయణపురం(విజయవాడసెంట్రల్‌): మురసు తుపాను ప్రభావంతో కురుస్తున్న వర్షాలకు విజయవాడ నగరంలోని 52, 53 డివిజన్లలో రెండు చోట్లు ఇళ్ల ముందు ఉన్న రిటైనింగ్‌ వాల్స్‌ జారిపడ్డాయి. ఈ ప్రమాదాల్లో ఆస్తి నష్టం మినహా ప్రాణ నష్టం జరగకపోవడంతో స్థానికులు ఊపిరి పిల్చుకున్నారు. 53వ డివిజన్‌, కొండ్రువారి కొండప్రాంతంలో మంగళవారం రాత్రి కోపెల విజయ ఇంటి ముందు రిటైనింగ్‌ వాల్‌ జారిపోయింది. పెద్ద శబ్దంతో మట్టిచరియలు, కొండరాళ్లు దొర్లుకుంటూ యరమాల నాగరాజు ఇంటిపై పడ్డాయి. ఈ శబ్దాన్ని గుర్తించిన నాగరాజు ఇంటిలోని వారు పిల్లలను తీసుకుని బయటకు పరుగు తీయడంతో ప్రాణనష్టం తప్పింది. అయితే ఇంట్లోని వస్తువులు పూర్తిగా ధ్వంసమయ్యాయి. ఈ విషయం తెలిసి డివిజన్‌ కార్పొరేటర్‌గా ఎన్నికైన గౌడిపేరు సుధీర్‌ బాబు ఘటనా స్థలానికి చేరుకుని బాధితుల నుంచి వివరాలు అడిగి తెలుసుకున్నారు. అక్కడ నివసించడం ప్రమాదకరమని, వెంటనే సురక్షిత ప్రాంతాలకు వెళ్లాలని రెండు ఇళ్లవారికి సూచించారు. ఈ ప్రమాదంపై రెవెన్యూ అధికారులతో ఫోన్‌లో మాట్లాడారు. బాధితులకు నష్టపరిహారం అందజేసి ఆదుకోవాలని కోరారు. రానున్న కౌన్సిల్‌ సమావేశంలో రిటైనింగ్‌ వాల్స్‌ చర్చించి, ప్రమాదకరంగా ఉన్నవాటికి సంబంధించి శాశ్వత చర్యలు తీసుకునేందుకు కృషిచేస్తానని హామీ ఇచ్చారు. 52వ డివిజన్‌లో.. చిట్టినగర్‌(విజయవాడపశ్చిమ): రెండు రోజుల నుంచి కురుస్తున్న భారీ వర్షాలకు 52వ డివిజన్‌ కొండ ప్రాంతంలో రిటైనింగ్‌ వాల్‌తో పాటు ఇల్లు జారిపడింది. గొల్లపాలెంగట్టు కొండ ప్రాంతంలోని జెండాచెట్టు వద్ద చక్కా వీరమ్మ, ఆమె ఇద్దరు కుమార్తెలు ఒకే ఇంటిలో నివసిస్తున్నారు. ఏడాది క్రితం వీరమ్మ ఇంటి ముందు ఉన్న రిటైనింగ్‌ వాల్‌ జారిపోయింది. అప్పటి కార్పొరేటర్‌ బోయి సత్యబాబు ఈ సమస్యను మునిసిపల్‌ కమిషనర్‌ దృష్టికి తీసుకువెళ్లారు. అనంతరం రిటైనింగ్‌ వాల్‌ పునర్ని ర్మాణానికి భూమి పూజ కూడా చేశారు. అయితే బిల్లులు ఆలస్యం కావడంతో రిటైనింగ్‌ వాల్‌ నిర్మాణం మధ్యలోనే నిలిపిపోయింది. తుపాను ప్రభావంతో రెండు రోజులుగా కురుస్తున్న వర్షాలకు మంగళవారం రాత్రి సమయంలో మిగిలిన రిటైనింగ్‌ వాల్‌తో పాటు ఇంటి ముందు భాగం కూడా కూలిపోయింది. దెబ్బతిన్న ఇంటిని కార్పొరేటర్‌ బోయి సత్యబాబు, సీపీఐ నాయకులు తాడి పైడయ్య పరిశీలించారు.

కృత్తివెన్ను: తీరప్రాంతమైన కృత్తివెన్ను మండలంలో రెండురోజులుగా తుపాను ప్రభావంతో కురుస్తున్న వర్షాలకు లోతట్టు ప్రాంతాలు నీటమునిగాయి. మండలంలోని ఏటిమెండిపల్లెపాలెంలో ఏర్పాటు చేసిన 46వ పోలింగ్‌ కేంద్రం, మాట్లాంలో ఏర్పాటు చేసిన 22, 23, 24 పోలింగ్‌ కేంద్రాలను వర్షపు నీరు చుట్టుముట్టింది. బుధవారం రాత్రి వర్షం కురవకపోతే అంతగా ఇబ్బంది ఉండకపోవచ్చు. ఒకవేళ వర్షం కురిస్తే అక్కడ ఓటర్లకు తిప్పలు తప్పవు. ఇక్కడ సమీపంలో ఏటియలు ఉండటంతో పోటునీరు అధికంగా వచ్చేస్తుంది. దీంతో పోలింగ్‌ కేంద్రాలు నీటమునిగాయి.ఏటిమొండిపల్లెపాలెం పోలింగ్‌ కేంద్రం వద్ద పరిస్థితి మాట్లాం గ్రామంలో పోలింగ్‌ జరిగే హైస్కూల్‌ వద్ద పరిస్థితి

ఇంద్రకీలాద్రి(విజయవాడపశ్చిమ): ఇంద్రకీలాద్రిపై కొలువై ఉన్న దుర్గమ్మకు 11వ తేదీన గాజులతో అలంకరించనున్నారు. భగిని హస్త భోజనం(యమ ద్వితీయ)ను పురస్కరించుకుని ఏటా అమ్మవారిని గాజులతో అలంకరిస్తారు. అమ్మవారి ప్రధాన మూలవిరాట్‌తో పాటు మహా మండపం ఆరో అంతస్తులో ఉత్సవమూర్తిని గాజులతో అలంకరిస్తారు. అమ్మవారి ఆలయాన్ని రంగురంగుల గాజుల దండలతో ముస్తాబు చేస్తారు. అమ్మవారి అలంకరణ నిమిత్తం అవసరమైన గాజులను పలు భక్త బృందా లు, సేవా బృందాలు దేవస్థానానికి విరాళాలుగా సమర్పిస్తున్నాయి. బుధవారం శ్రీకనకదుర్గ లలితా పారాయణ బృందానికి చెందిన పలువురు భక్తులు పెద్ద ఎత్తున గాజులను దేవస్థానానికి సమర్పించారు. అమ్మవారి ఆలయ అలంకరణకు అవసరమైన గాజుల దండలను 9వ తేదీ నుంచి మహామండపం ఆరో అంతస్తులో సిద్ధం చేసేందుకు దేవస్థాన అధికారులు ఏర్పాట్లు చేస్తున్నారు. భక్తులు అమ్మవారి అలంకరణకు అవసరమైన గాజులను విరాళంగా సమర్పించవచ్చని, ఉత్సవం అనంతరం అమ్మవారి ప్రసాదంగా గాజులను భక్తులకు పంపిణీ చేస్తామని ఆలయ అధికారులు పేర్కొంటున్నారు. డిసెంబర్‌ 30 నుంచి జనవరి 3 వరకు దీక్ష విరమణలు ఇంద్రకీలాద్రి(విజయవాడపశ్చిమ): ఇంద్రకీలాద్రిపై కొలువై ఉన్న దుర్గమ్మ వారి భవానీ దీక్షలు నవంబర్‌ 20వ తేదీ నుంచి ప్రారంభం కానున్నాయి. మండలం పాటు దీక్ష స్వీకరించే భక్తులు నవంబర్‌ 20వ తేదీ నుంచి 24వ తేదీ వరకు స్వీకరించవచ్చు. ఇక అర్ధమండల దీక్షలు డిసెంబర్‌ 10వ తేదీ నుంచి 14వ తేదీ వరకు స్వీకరించవచ్చు. అమ్మవారి కలశజ్యోతి మహోత్సవం డిసెంబర్‌ 24వ తేదీ సాయంత్రం 6.30 గంటలకు విజయవాడ సత్యనారాయణపురంలోని శ్రీశివరామకృష్ణ క్షేత్రం నుంచి ప్రారంభమవుతుంది. ఇక దీక్ష విరమణలు ఈ ఏడాది 5 రోజుల పాటు నిర్వహించాలని ఆలయ వైదిక కమిటీ నిర్ణయించింది. డిసెంబర్‌ 30వ తేదీ నుంచి జనవరి 3వ తేదీ వరకు దీక్ష విరమణలు కొనసాగుతాయి. డిసెంబర్‌ 30వ తేదీ ఉదయం 6.30 గంటలకు మహా మండపం దిగువన హోమగుండాలలో అగ్నిప్రతిష్టాపన, శత చండీయాగం, గిరి ప్రదక్షిణలు ప్రారంభమవుతాయి. జనవరి 3వ తేదీ ఉదయం 10 గంటలకు మల్లేశ్వర స్వామి వారి ఆలయం సమీపంలోని యాగశాలలో నిర్వహించే మహా పూర్ణాహుతితో దీక్ష విరమణలు పరిసమాప్తమవుతాయి. గాంధీనగర్‌(విజయవాడసెంట్రల్‌): ఎన్టీఆర్‌ జిల్లాలో జెడ్పీటీసీ, ఎంపీటీసీ ఎన్నికల నేపథ్యంలో 5వ తేదీ గురువారం జిల్లాలోని అన్ని బ్యాంకులకు స్థానిక సెలవు ప్రకటించారు. ఈ మేరకు జిల్లా కలెక్టర్‌ డాక్టర్‌ జి. లక్ష్మీశ బుధవారం ఒక ప్రకటన విడుదల చేశారు. పటమట(విజయవాడతూర్పు): దీపావళి సందర్భంగా వీఎంసీ ఆధ్వర్యంలో రెండు ప్రాంతాల్లో దీపావళి మందుగుండు సామగ్రిని విక్రయ స్టాల్‌ ఏర్పాటు చేసుకునేందుకు విక్రయదారుల నుంచి దరఖాస్తులు ఆహ్వానిస్తున్నామని వీఎంసీ ఏస్టేట్స్‌ అధికారి డాక్టర్‌ శ్రీధర్‌ బుధవారం ఓ ప్రకటనలో పేర్కొన్నారు. బాణసంచా విక్రయ స్టాల్స్‌ ఏర్పాటు చేసుకునేందుకు ఈ నెల 5వ తేదీ నుంచి 6వ తేదీ వరకు రెండు రోజుల పాటు ఉదయం 11గంటల నుంచి మధ్యాహ్నం 2 గంటల వరకు సమయం ఇచ్చామన్నారు. నగరంలోని రెండు ప్రాంతాల్లో ఈ స్టాళ్లు ఏర్పాటు చేస్తున్నామని ఒకటి లేబర్‌కాలనీ, సితార సెంటర్‌ వద్ద, రెండో అజిత్‌సింగ్‌నగర్‌లోని మాకినేని బసవపున్నయ్య స్టేడియంలో ఏర్పాటు చేస్తున్నామన్నారు. ఈ స్టాళ్లకు దరఖాస్తు రుసుము, జీఎస్టీ కలిపి ఒక్కో స్టాలుకు రూ.29,500 చెల్లించాలన్నారు. దరఖాస్తులు సత్యనారాయనపురంలోని సర్కిల్‌–2 కార్యాలయంలోని ఎస్టేట్స్‌ విభాగంలో తీసుకొని, అక్కడే సమర్పించాలన్నారు. పరిశీలన అనంతరం 6వ తేదీన మధ్యాహ్నం దరఖాస్తుదారులకు స్టాల్స్‌ కేటాయిస్తామని ఆయన పేర్కొన్నారు.

గాంధీనగర్‌(విజయవాడసెంట్రల్‌): లీడర్‌ పత్రికపై కూటమి ప్రభుత్వం, విశాఖపట్నం పోలీస్‌ కమిషనర్‌ వ్యక్తిగత కక్షతో వ్యవహరిస్తున్నారని మాజీ మంత్రి వడ్డే శోభనాద్రీశ్వరరావు ఆరోపించారు. పత్రికా స్వేచ్ఛపై దాడిని ఖండించాలన్నారు. ఎన్టీఆర్‌ జిల్లా విజయవాడ గాంధీనగర్‌ ప్రెస్‌క్లబ్‌లో బుధవారం జరిగిన విలేకరుల సమావేశంలో ఆయన మాట్లాడుతూ.. విశాఖపట్నంలో 55 ఎకరాల భూములు, పోలీస్‌ కమిషనర్‌కు సంబంధించిన బిట్‌కాయిన్‌ వ్యవహారాలపై లీడర్‌ పత్రికలో కథనాలు ప్రచురించినందుకే ఆ పత్రిక ఎడిటర్‌ వి.వి.రమణమూర్తిపై నాలుగు కేసులు నమోదు చేసి వేధిస్తున్నారని విమర్శించారు. ప్రభుత్వం స్పందించి నిజ నిర్ధారణ కమిటీ వేసి వాస్తవాలు తెలుసుకొని ఆయన మీద ఉన్న కేసులు ఎత్తివేయాలని డిమాండ్‌ చేశారు. ఈ సమావేశంలో మహదేవ్‌, హరి కృష్ణ పాల్గొన్నారు. విజయవాడలీగల్‌: సోనాలి రకం కోడిపిల్లలను, వాటికి దాణా సప్లయి చేసి, మరలా వాటిని తానే కొనుగోలుచేసి డబ్బులు ఇస్తానని నమ్మబలికి డబ్బులు తీసుకొని పసుపులేటి అంకుశం తమను మోసం చేసినట్లు బాధితులు ఎన్టీఆర్‌ జిల్లా విజయవాడ సత్యనారాయణపురం పోలీసుస్టేషన్‌లో ఫిర్యాదుచేశారు. ఈ కేసులో పసుపులేటి అంకుశం ప్రస్తుతం విజయవాడ జిల్లా జైలులో జ్యుడీషియల్‌ రిమాండ్‌లో ఉన్నారు. ఈ కేసులో మరింత సమాచారం రాబట్టేందుకు వారంరోజులపాటు పోలీసు కస్టడీ కోరుతూ పోలీసులు రెండో అదనపు జిల్లా కోర్టులో పిటీషన్‌ దాఖలు చేశారు. డిఫెన్స్‌ న్యాయవాదులకు నోటీసు నిమిత్తం న్యాయమూర్తి వాయిదా వేశారు.

ఏపీ సీపీడీసీఎల్‌ సీఎండీ పుల్లారెడ్డిమొగల్రాజపురం(విజయవాడ తూర్పు): మురసు తుపాను వల్ల దెబ్బతిన్న విద్యుత్‌ సరఫరా వ్యవస్థను పునరుద్ధరించే పనులను మరింత వేగవంతంగా చేయాలని ఆంధ్రప్రదేశ్‌ సెంట్రల్‌ పవర్‌ డిస్ట్రిబ్యూషన్‌ కార్పొరేషన్‌ లిమిటెడ్‌ (ఏపీ సీపీడీసీఎల్‌) సీఎండీ పి.పుల్లారెడ్డి సిబ్బందిని ఆదేశించారు. సర్కిల్‌ పరిధిలో తుపాను వల్ల దెబ్బతిన్న ప్రాంతాల్లో జరుగుతున్న పనులను సిబ్బందిని అడిగి బుధవారం ఆయన తెలుసుకున్నారు. ఈ సందర్భంగా పుల్లారెడ్డి మాట్లాడుతూ మురసు తుపాను వల్ల సర్కిల్‌ పరిధిలోని జిల్లాల్లో 4,246 విద్యుత్‌ స్తంభాలు దెబ్బతిన్నాయని చెప్పారు. వాటిలో 33 కేవీ సామర్థ్యం–793, 11 కేవీ స్తంభాలు–2198, ఎల్‌టీ–1255 స్తంభాలు ఉన్నాయని వివరించారు. మరమ్మతు పనుల్లో మూడు వేల మంది సిబ్బంది.. తుపాను ప్రభావం వల్ల విద్యుత్‌ సరఫరాలో విద్యుత్‌ లైన్లతో పాటుగా విద్యుత్‌ పరికరాలు కూడా ధ్వంసం అయ్యాయని చెప్పారు. తుపాను కారణంగా బాపట్ల, ప్రకాశం జిల్లా, చిలకలూరి పేట ప్రాంతాల్లో 1862 గ్రామాలకు విద్యుత్‌ సరఫరాలో అంతరాయం కలిగిందని, బుధవారం రాత్రికి 1407 గ్రామాలను విద్యుత్‌ సరఫరాను పునరుద్ధరించామని, ఇంకా 455 గ్రామాలకు విద్యుత్‌ సరఫరాను పునరుద్ధరించే పనులు వేగంగా జరుగుతున్నాయని పుల్లారెడ్డి చెప్పారు. సుమారు మూడు వేల మంది సిబ్బంది విద్యుత్‌ సరఫరా పునరుద్ధరణ పనుల్లో పూర్తిస్థాయిలో నిమగ్నం అయ్యారన్నారు. గురువారం సాయంత్రానికి తుపాను వల్ల జరిగిన నష్టంపై అంచనా వస్తుందని పేర్కొన్నారు. విద్యుత్‌కు సంబంధించిన సమస్యలను 1912కు తెలియజేయాల్సిందిగా పుల్లారెడ్డి కోరారు.

లబ్బీపేట(విజయవాడతూర్పు): అధికార బలం, బెదిరింపులకు భయపడకుండా, దమ్ముగా, ధైర్యంగా నగర పాలక సంస్థ ఎన్నికల్లో నిలిచామని వైఎస్సార్‌ సీపీ ఎన్టీఆర్‌ జిల్లా అధ్యక్షుడు దేవినేని అవినాష్‌ అన్నారు. ఇక మీదట ప్రజల పక్షాన నిలిచి కూటమి ప్రభుత్వ మోసాలు, అన్యాయాలపై మరింతగా పోరాటం చేస్తామని ఆయన పేర్కొన్నారు. విజయవాడ లోని ఎన్టీఆర్‌ జిల్లా పార్టీ కార్యాలయంలో బుధవారం దేవినేని అవినాష్‌ మీడియాతో మాట్లాడుతూ మునిసిపల్‌ ఎన్నికల్లో వైఎస్సార్‌ సీపీ నాయకులు, కార్యకర్తలు అధికారంలో ఉన్న పార్టీలకు భయపడకుండా ముందుకు వెళ్లారన్నారు. బైండోవర్‌ కేసులతో తమ నేతలని ఇబ్బంది పెట్టి.. స్టేషన్లో పెట్టినా ఎక్కడ తగ్గలేదన్నారు. అంతేకాదు కౌంటింగ్‌ సమయంలో కూడా రీకౌంటింగ్‌లు పెట్టి మరీ కూటమి అభ్యర్థులు గెలిచారని మండిపడ్డారు. తమ అభ్యర్థులను ఎంత ఇబ్బంది పెట్టినా దమ్ముగా గెలిచి చూపించారన్నారు. ప్రజలకు అండగా నిలుద్దాం.. రాబోయే రోజుల్లో విజయవాడలో ప్రజలకు అండగా నిలబడి మంచి చేస్తామని ఆవినాష్‌ పేర్కొన్నారు. ప్రజలను ఇబ్బంది పెట్టినా, సమస్యలు పరిష్కరించకపోయిన పోరాటం చేస్తామన్నారు. అధికార పక్షం వారు డబ్బు, పవర్‌ చూపించి ప్రజలను ప్రలోభాలకు గురి చేశారని ఆరోపించారు. అన్నింటినీ ఎదుర్కొని తమ అభ్యర్థులు నైతికంగా గెలిచారన్నారు. లక్ష్యం ఒకటే.. రాష్ట్రంలో రెండున్నరేళ్లలో కూటమి ప్రభుత్వం ప్రజలకు చేసిందేమీ లేదని అవినాష్‌ అన్నారు. ఇప్పటికై నా మాట నిలబెట్టుకునే విధంగా పాలన సాగించాలన్నారు. నగరంలోని 86వ డివిజన్‌లలో వైఎస్సార్‌ సీపీ అభ్యర్థులు సరైన ప్రతిపక్ష పాత్ర పోషించాలని సూచించారు. రానున్న 2029 ఎన్నిల్లో మళ్లీ వైఎస్‌ జగన్‌ ముఖ్యమంత్రి కావడమే లక్ష్యంగా ముందుకు వెళ్దామని పిలుపునిచ్చారు. కార్పొరేటర్‌ అభ్యర్థులకు అండా నిలిచిన ప్రతి ఒక్కరికీ కృతజ్ఞతలు తెలిపారు.

ఇంద్రకీలాద్రి(విజయవాడపశ్చిమ): దుర్గగుడి రూ.25 కోట్ల వ్యయంతో నిర్మించిన లడ్డూ పోటు భవనం సెల్లార్‌ వర్షపు నీటితో నిండిపోయింది. రెండు రోజులుగా కురుస్తున్న వర్షాలతో సెల్లార్‌లోకి సుమారు మూడు అడుగుల మేర వర్షపు నీరు చేరింది. లడ్డూ పోటు భవనంపై కురిసిన వర్షంతో పాటు భవనం వెనుక వైపున కొండ ప్రాంతంలో కురిసిన వర్షం నీరు సైతం బయటకు వెళ్లే మార్గం లేక సెల్లార్‌లోకి చేరినట్లు ఆలయ సిబ్బంది తెలిపారు. మంగళవారం విధులకు హాజరైన ఆలయ సిబ్బంది తమ ద్విచక్ర వాహనాలను సెల్లార్‌లో నిలిపారు. మధ్యాహ్నానికి సెల్లార్‌లోకి పెద్ద ఎత్తున వర్షపు నీరు చేరడంతో కొంత మంది సిబ్బంది ధైర్యం చేసి లోపలకు వెళ్లి తమ వాహనాలను బయటకు తెచ్చుకోగా, మరి కొన్ని వాహనాలను నీటిలో చిక్కుకుపోయాయి. బుధవారం ఉదయం వర్షం తెరిపి ఇవ్వడంతో ఇంజినీరింగ్‌ సిబ్బంది మోటార్లతో నీటిని తోడుతున్నారు. అయితే బుధవారం సాయంత్రం మరో మారు వర్షం పడటంతో పరిస్థితి మళ్లీ మొదటికి వచ్చింది. నూతన లడ్డూ పోటు నిర్మాణ సమయంలోనే దేవదాయ శాఖ కమిషనర్‌ రామ చంద్రమోహన్‌ లడ్డూపోటు భవన పనులను పరిశీలించారు. ఆయన పదే పదే డ్రెయినేజీ వ్యవస్థను కట్టుదిట్టంగా ఏర్పాటు చేయాలని సూచించారు. దసరా ఉత్సవాలకు ముందు హడావుడిగా పనులు చేపట్టడం, ఇంజినీరింగ్‌ విభాగంలో సిబ్బందికి సరైన అవగహన లేకపోవడమే ఇందుకు కారణంగా తెలుస్తోంది. మరో వైపున నూతన లడ్డూపోటు సెల్లార్‌లోకి వర్షం నీరు చేరిన విషయాన్ని దేవదాయ శాఖ కమిషనర్‌కు కొంతమంది సిబ్బంది చేరవేసినట్లు సమాచారం.

మురసు తుపాను ప్రభావంతో కురిసిన భారీ వర్షాలకు పలు వాగులు ఉప్పొంగి ప్రవహిస్తున్నాయి. మైలవరం మండలంలో కొండవాగుకు బుధవారం ఉదయం భారీగా వరద రావడంతో బాలయోగి నగర్‌, సూరిబాబు పేట, శుద్ధిపేట మధ్య రాకపోకలకు ఇబ్బంది తలెత్తింది. జి.కొండూరు మండలంలో పులివాగులో బుధవారం మధ్యాహ్నం వరకు భారీ వరదతో ప్రవహించింది. హెచ్‌.ముత్యాలంపాడు, కందులపాడు గ్రామాల మధ్య బుడమేరు వంతెనపై వరద ప్రవహించడంతో పోలీసులు రాకపోకలను నిలిపివేశారు. కుంటముక్కల, వెల్లటూరు గ్రామాల మధ్యాహ్నం వరకు రాకపోకలు నిలిచిపోయాయి. తుపాను ప్రభావం బుధవారం ఉదయం నుంచి లేకపోవడంతో వాగుల్లో వరద ప్రవాహం క్రమేపీ తగ్గుముఖం పట్టింది. – జి.కొండూరు

నందిగామ రూరల్‌: మురసు తుపాను ప్రభావంతో రెండు రోజులుగా మండలంలో కురుస్తున్న వర్షాలకు తోడు ఎగువ నుంచి వస్తున్న వరదతో దాములూరు కూడలి సమీపంలోని వైరా కట్టలేరు ఉధృతంగా ప్రవహిస్తోంది. కాజ్‌వేపై మూడడుగుల మేర వరద ప్రవహిస్తుండటంతో రెవెన్యూ, పోలీస్‌, పంచాయతీ రాజ్‌ శాఖల అధికారులు నందిగామ, వీరులపాడు మండలాల మధ్య రాకపోకలు నిలిపివేశారు. కాజ్‌వేపై రాకపోకలు సాగించకుండా కాపలా సిబ్బందిని ఏర్పాటు చేసినట్లు తహసీల్దార్‌ సురేష్‌బాబు తెలిపారు. వరద సమాచారాన్ని ఎప్పటికప్పుడు తెలపాలని సూచించారు. రాష్ట్ర గవర్నర్‌కు యూసీపీఐసీ వినతిపత్రం గాంధీనగర్‌(విజయవాడసెంట్రల్‌): రాష్ట్రంలో క్రైస్తవులపై దాడులు, చర్చిల కూల్చివేత, తప్పుడు కేసులను అరికట్టాలని యునైటెడ్‌ క్రిస్టియన్‌ ప్రొటెక్షన్‌ ఇండియా కౌన్సిల్‌ (యూసీపీఐసీ) రాష్ట్ర గవర్నర్‌ అబ్దుల్‌ నజీర్‌కు వినతిపత్రం అందజేసింది. యూసీపీఐసీ ప్రతినిధులు లోక్‌ భవన్‌లో గవర్నర్‌ను బుధవారం కలిశారు. రాష్ట్రంలో క్రైస్తవులపై జరుగుతున్న దాడులు, ప్రార్థనా మందిరాల కూల్చివేత, అక్రమ కేసులు బనాయించి వేధించడం వంటి అంశాలను గవర్నర్‌ దృష్టికి తీసుకెళ్లారు. అనంతరం లోక్‌భవన్‌ వద్ద యూసీపీఐసీ చైర్మన్‌ డాక్టర్‌ కోలా ప్రసాద్‌ మాట్లాడుతూ.. రాష్ట్రంలో క్రైస్తవులు, ప్రార్థనా మందిరాలపై జరుగుతున్న దాడులను గవర్నర్‌కు వివరించామని పేర్కొన్నారు. చర్చిల మరమ్మతులకు రూ.3 లక్షలు, ప్రతి గ్రామంలో క్రైస్తవ శ్మశానవాటికకు స్థలం కేటాయించాలని, పాస్టర్ల గౌరవ వేతనం రూ.10 వేలకు పెంచాలని, దాడులపై నిష్పక్షపాత విచారణ జరిపించి, బాధ్యులపై చట్టపరమైన చర్యలు తీసుకోవాలని, క్రైస్తవ సమాజానికి భద్రత కల్పించాలని వినతి పత్రంలో పేర్కొన్నట్టు వివరించారు. క్రైస్తవులపై తప్పుడు కేసులను నిరోధానికి చర్యలు తీసుకోవాలని కోరినట్లు తెలిపారు. చిట్టినగర్‌(విజయవాడపశ్చిమ): విద్యుదాఘాతంతో వివాహిత మృతి చెందిన ఘటన కొత్తపేట పోలీస్‌ స్టేషన్‌ పరిధిలోని జక్కంపూడి కాలనీలో మంగళవారం రాత్రి జరిగింది. పోలీసుల కథనం మేరకు.. జక్కంపూడి కాలనీ బ్లాక్‌ నంబరు 222లో మర్రి నాగిరెడ్డి, దేవి దంప తులు నివసిస్తున్నారు. వీరికి ఇద్దరు సంతానం. దేవి కూలి పనులు చేస్తుంటుంది. మంగళ వారం ఉదయం నుంచి వర్షం కురుస్తుండ టంతో దేవి ఇంటి వద్దే ఉంది. తుపాను కార ణంగా ఉదయం నుంచి విద్యుత్‌ సరఫరా లేదు. రాత్రి సమయంలో ఫ్లాట్‌లోని సగం మందికి మాత్రమే విద్యుత్‌ సరఫరా వచ్చింది. దీంతో దేవి ప్లాట్‌ కిందకు దిగి మెట్ల వద్ద ఉన్న మీటర్‌ బాక్స్‌ను తెరిచి పరిశీలించే క్రమంలో విద్యుదాఘాగానికి గురైంది. ఆమె పెద్దగా కేక వేయడంతో పక్కనే ఉన్న లక్ష్మి వెంటనే కర్రతో కొట్టి విడిపించింది. అనంతరం దేవిని హుటాహుటిన కొత్త ప్రభుత్వాస్పత్రికి తరలించారు. దేవిని పరిశీలించిన వైద్యులు అప్పటికే మృతి చెందినట్లు నిర్దారించారు. దేవి భర్త నాగిరెడ్డి ఫిర్యాదు మేరకు పోలీసులు కేసు నమోదు చేశారు. పోస్టుమార్టం అనంతరం మృతదేహాన్ని కుటుంబ సభ్యులకు అప్పగించారు. కోనేరుసెంటర్‌(మచిలీపట్నం): కృష్ణా జిల్లాలో జరగనున్న ఎంపీటీసీ, జెడ్పీటీసీ ఎన్నికలను పురస్కరించుకుని జిల్లా పోలీస్‌ యంత్రాంగం పటిష్ట చర్యలు చేపట్టింది. జిల్లాలోని 1,266 పోలింగ్‌ కేంద్రాలకు బందోబస్తు నిమిత్తం 2,500 మంది పోలీస్‌, ఇతర భద్రతా సిబ్బందిని నియమిస్తూ ఎస్పీ వి.విద్యాసాగర్‌ నాయుడు ఆదేశాలు జారీ చేశారు. ఇద్దరు అడిషనల్‌ ఎస్పీలు, ఏడుగురు డీఎస్పీలు, 37 మంది సీఐలు, ఆర్‌ఐలు, 88 మంది ఎస్‌ఐలు, ఆర్‌ఎస్‌ఐలు, 325 మంది ఏఎస్‌ఐలు, హెడ్‌ కానిస్టేబుళ్లుతో పాటు మరో 630 మంది పోలీస్‌ కానిస్టేబుళ్లు, 410 మంది హోంగార్డులు, 123 మంది ఆర్మ్‌డ్‌ రిజర్వ్‌ సిబ్బంది, 282 మంది మహిళా సంరక్షణ కార్యదర్శులు, 380 మంది ఎన్‌ఎస్‌ఎస్‌ సిబ్బందిని రంగంలోకి దింపారు. డ్రోన్‌ కెమెరాల ద్వారా సున్నితమైన ప్రాంతాలు, పోలింగ్‌ కేంద్రాల పరిసర ప్రాంతాలపై నిరంతర నిఘా ఉంచేలా చర్యలు తీసుకున్నారు. ఎన్నికల నియమావళిని ప్రతి ఒక్కరూ తప్పనిసరిగా పాటించాలని ఎస్పీ విద్యాసాగర్‌నాయుడు విజ్ఞప్తి చేశారు.

ఇబ్రహీంపట్నం: కొండపల్లి మునిసిపాలిటీ ఎన్నికల కౌంటింగ్‌ కేంద్రం వద్ద అర్ధరాత్రి చోటుచేసుకున్న పరిణామాలు రాజకీయంగా కలకలం రేపాయి. కౌంటింగ్‌ హాల్‌, స్ట్రాంగ్‌ రూమ్‌ ఉన్న ప్రాంతంలో రాత్రి వేళ కొందరు వ్యక్తులు సంచరించడాన్ని గమనించిన వైఎస్సార్‌ సీపీ నాయకులు బ్యాలెట్‌ బాక్సులను మారుస్తున్నారేమోనన్న సందేహంతో హుటాహుటిన అక్కడికి చేరుకుని అభ్యంతరం వ్యక్తం చేశారు. ఈ క్రమంలో అక్కడ ఉద్రిక్త వాతావరణం నెలకొంది. సమాచారం అందుకున్న పోలీసులు కౌంటింగ్‌ కేంద్రానికి చేరుకుని పరిస్థితిని పరిశీలించారు. కౌంటింగ్‌ కేంద్రంలో కూలర్‌లు బిగించే పనులు జరుగుతున్నట్లు గుర్తించారు. అయితే అర్ధరాత్రి వేళ, అదీ ఎన్నికల బ్యాలెట్‌ బాక్సులు భద్రపరిచిన కౌంటింగ్‌ కేంద్రం పరిసరాల్లో కూలర్‌లు బిగించాల్సిన అవసరం ఏమిటని వైఎస్సార్‌ సీపీ నాయకులు గుంజా శ్రీనివాస్‌ తదితరులు ప్రశ్నించారు. కౌంటింగ్‌ హాల్‌, స్ట్రాంగ్‌ రూమ్‌ ఉన్న ప్రాంతంలోకి అర్ధరాత్రి వ్యక్తులు వెళ్లడం ఎన్నికల భద్రతా నిబంధనలకు విరుద్ధమని అభ్యంతరం తెలిపారు. సీఐ సుబ్రహ్మణ్యం స్ట్రాంగ్‌ రూమ్‌ తాళాలను పరిశీలించారు. బ్యాలెట్‌ బాక్సుల భద్రతపై ఎలాంటి అనుమానాలకు తావులేకుండా అధికారులు తగిన వివరణ ఇవ్వాలని నాయకులు కోరారు. పోలీసులు పరిస్థితిని సమీక్షించి వివాదాన్ని సద్దుమణిగేలా చేశారు. అర్ధ రాత్రి వేళ ఆర్డీఓ శ్రీనివాసరావు కౌంటింగ్‌ కేంద్రానికి చేరుకుని పరిశీలించి అధికారుల తీరుపై మండిపడ్డారు.

లబ్బీపేట(విజయవాడతూర్పు): మునిసిపల్‌ ఎన్నికల కౌంటింగ్‌పై మురుసు తుపాను ప్రభావం తీవ్రంగా చూపింది. విజయవాడ నగరంలో సోమవారం రాత్రి నుంచి ఎడతెరిపి లేకుండా వర్షం కురవడంతో కౌంటింగ్‌ నిర్వహించే ఆంధ్ర లయోల కళాశాల ప్రాంగణం జలమయంగా మారింది. కౌంటింగ్‌ కేంద్రం వద్ద ఏర్పాటు చేసిన పలు టెంట్లు కూలిపోయాయి. మంగళవారం ఉదయం నుంచి రాత్రి వరకూ ఎడతెరిపి లేకుండా జోరు వర్షం కురవడంతో కౌంటింగ్‌ విధులు నిర్వహించే ఉద్యోగులు, పోలీసులతో పాటు, రాజకీయ పార్టీలకు చెందిన ఏజెంట్లు, అభ్య ర్థులు తీవ్ర ఇబ్బందులు ఎదుర్కొన్నారు. ఉదయం జోరు వర్షంలో తడిసి వచ్చిన వారు, కౌంటింగ్‌ జాప్యం కావడంతో సాయంత్రం వరకూ వర్షంలో తడుస్తూ, ఈదురు గాలులతో చలికి వణుకుతూ అలాగే గడిపారు. అడుగులోతు నీళ్లు లయోల కళాశాల ప్రాంగణంలో ఎడతెరిపి లేకుండా కురిసిన వర్షానికి రోడ్లుపై అడుగులోతు నీరు నిలిచింది. ముఖ్యంగా తూర్పు నియోజకవర్గ కౌంటింగ్‌ నిర్వహించిన ఇండోర్‌ స్టేడియానికి వెళ్లేందుకు ఏజెంట్లు, అభ్యర్థులు తీవ్ర ఇబ్బందులు పడ్డారు. దాదాపు 200 మీటర్లు అడుగులోతు నీళ్లలో వెళ్లాల్సి వచ్చింది. ఒకవైపు జోరు వర్షం , మరో వైపు రోడ్లుపై నీరు నిలవడంతో రాకపోకలు సాగించేందుకు ఇబ్బందులు పడ్డారు. కౌంటింగ్‌ కేంద్రాలకు సమీపంలో టాయిలెట్లు లేక మహిళా సిబ్బంది వర్షంలో దూరంగా ఉన్న ప్రాంతాలకు వర్షంలో తడుస్తూ వెళ్లాల్సి వచ్చింది.

కంకిపాడు: రోడ్డు ప్రమాదంలో వ్యక్తి మృతి చెందిన ఘటనపై పెనమలూరు పోలీసులు కేసు నమోదు చేశారు. ఎస్‌ఐ తాతాచార్యులు తెలిపిన కథనం మేరకు...కోనసీమ జిల్లా పి.గన్నవరంనకు చెందిన సీహెచ్‌.రవికుమార్‌ (38) కొంతకాలంగా విజయవాడ కండ్రికలో నివసిస్తున్నాడు. ఆంధ్ర హాస్పిటల్‌లో పనిచేస్తున్నాడు. మంగళవారం సాయంత్రం జోరు వర్షంలో కంకిపాడు నుంచి విజయవాడ వైపు వస్తుండగా కంకిపాడు బైపాస్‌పై జరిగిన ప్రమాదంలో కిందపడి అక్కడికక్కడే మృతి చెందాడు. ఈ సమాచారం అందుకున్న పోలీసులు ఘటనాస్థలానికి చేరుకుని వివరాలు సేకరించారు. కేసు దర్యాప్తు చేస్తున్నట్లు ఎస్‌ఐ తాతాచార్యులు తెలిపారు. ప్రమాదవశాత్తూ వాహనం అదుపుతప్పి కింద పడి మృతి చెందాడా? లేక ఏదైనా వాహనం ఢీకొనటంతో ప్రమాదం జరిగిందా? అన్న కోణంలో పోలీసులు దర్యాప్తు చేస్తున్నారు.

విజయవాడలో అర్ధరాత్రి దాటినా కొనసాగిన కౌంటింగ్‌ ● మేయర్‌ పీఠం కూటమిదే ● కార్పొరేటర్‌ అభ్యర్థుల కన్నా మేయర్‌కు ఎక్కువ ఓట్లు ● 41, 43, 49, 26 డివిజన్లలో ఓట్లలో తేడా ● 51, 52 డివిజన్ల ఓట్ల లెక్కింపులో వివాదం ● జిల్లాలోని మునిసిపాలిటీల్లోనూ అదే తంతు

ఏపీ సీపీడీసీఎల్‌ సీఎండీ పుల్లారెడ్డి మొగల్రాజపురం(విజయవాడ తూర్పు): మురసు తుపాను ప్రభావంతో దెబ్బతిన్న విద్యుత్‌ సరఫరా పునరుద్ధణ పనులను వేగవంతం చేయాలని ఆంధ్రప్రదేశ్‌ సెంట్రల్‌ పవర్‌ డిస్ట్రిబ్యూషన్‌ కార్పొరేషన్‌ లిమిటెడ్‌ (ఏపీ సీపీడీసీఎల్‌) సీఎండీ పి.పుల్లారెడ్డి తెలిపారు. నగరంలోని సంస్థ కార్పొరేట్‌ కార్యాలయంలో తుపాను ప్రభావంపై ఆయన మంగళవారం సమీక్ష నిర్వహించారు. పుల్లారెడ్డి మాట్లాడుతూ.. తుపాను ప్రభావంతో ఏపీ సీపీడీసీఎల్‌ పరిధిలోని పలు జిల్లాల్లో విద్యుత్‌ పంపిణీ వ్యవస్థ తీవ్రంగా దెబ్బతిన్నదన్నారు. ముఖ్యంగా ప్రకాశం, బాపట్ల జిల్లాల్లో విద్యుత్‌ స్తంభాలు, విద్యుత్‌ లైన్లు, సబ్‌స్టేషన్లు, విద్యుత్‌ మౌలిక సదుపాయాలకు భారీ నష్టం వాటిల్లిందని తెలిపారు. 2,750 విద్యుత్‌ స్తంభాలు దెబ్బతిన్నాయని, వాటిలో 33 కేవీ పరి ధిలో 270, 11 కేవీ పరిధిలో 1,530, ఎల్‌టీ పరిధిలో 950 విద్యుత్‌ స్తంభాలు ఉన్నాయని వివరించారు. 1,367 గ్రామాలకు నిలిచిన సరఫరా తుపాను కారణంగా సర్కిల్‌ పరిధిలో 1,367 గ్రామాల్లో విద్యుత్‌ సరఫరాకు అంతరాయం ఏర్పడిందని పుల్లారెడ్డి తెలిపారు. ఇప్పటి వరకు 597 గ్రామాల్లో విద్యుత్‌ సరఫరా పునరుద్ధరించామని, 770 గ్రామాలకు పునరుద్ధరించాల్సి ఉందని పేర్కొన్నారు. బాపట్ల, ప్రకాశం జిల్లాలతో పాటు మంగళవారం మధ్యాహ్నం నుంచి చిలకలూరిపేటలో కూడా బలమైన గాలులు, వర్షం కారణంగా విద్యుత్‌ సరఫరాలో అంతరాయం కలిగిందన్నారు. ఈ ప్రాంతంలో 33/11 కేవీ పరిధిలోని 32 సబ్‌స్టేషన్లలో సమస్యలు తలెత్తగా, 13 సబ్‌స్టేషన్లను తిరిగి అందు బాటులోకి తీసుకువచ్చామని తెలిపారు. మరో 19 సబ్‌స్టేషన్ల పరిధిలో వర్షం కొనసాగుతుండటంతో పునరుద్ధరణ పనులు కొనసాగుతున్నాయని పేర్కొన్నారు. 1,500 మంది విద్యుత్‌ సిబ్బందితో నిరంతరం విధులు నిర్వహిస్తూ పునరుద్ధరణ పనులను వేగవంతం చేస్తున్నామని పుల్లారెడ్డి చెప్పారు. విద్యుత్‌ సరఫరా పునరుద్ధరణ కాని గ్రామాలకు వీలైనంత త్వరగా విద్యుత్‌ సరఫరా అందించాలని అధికారులను పుల్లారెడ్డి ఆదేశించారు. పునరుద్ధరణ పనుల్లో ఎలాంటి జాప్యం జరగకుండా అవసరమైన సిబ్బంది, సామగ్రిని సమన్వయం చేసుకుంటూ పనిచేయాలని చెప్పారు. ప్రజలు విద్యుత్‌ ప్రమాదాల పట్ల అప్రమత్తంగా ఉండాలని, తెగిపడిన విద్యుత్‌ వైర్లు, నేలకొరిగిన విద్యుత్‌ స్తంభాలను ప్రజలు ఎట్టి పరిస్థితుల్లోనూ తాకరాదని, వాటికి దూరంగా ఉండా లని పుల్లారెడ్డి సూచించారు. విద్యుత్‌ ప్రమాదాలు, విద్యుత్‌ సరఫరా అంతరాయాలకు సంబంధించిన సమాచారాన్ని టోల్‌ ఫ్రీ నంబర్‌ 1912కు తెలియజేయాల్సిందిగా ఆయన కోరారు. ఏపీసీపీడీసీఎల్‌ డైరెక్టర్‌ టెక్నికల్‌ మురళీకృష్ణ యాదవ్‌ పాల్గొన్నారు. విజయవాడలో పునరుద్ధరణ పనులు తుపాను ప్రభావం వల్ల వీచిన గాలులకు విజయవాడ నగరంలోని కొత్తపేట సెక్షన్‌ పరిధిలో, బాలాజీ నగర్‌ కొత్త ఆంజనేయ స్వామి ఆలయం సమీ పంలో, భవానీ పురంలో టీచర్స్‌ కాలనీలో విద్యుత్‌ తీగలపై చెట్లు పడటంతో విద్యుత్‌ సరఫరాకు అంతరాయం ఏర్పడింది. వెంటనే సిబ్బంది స్పందించి చెట్లను తొలగించి విద్యుత్‌ సరఫరాను పునరుద్ధరించారు.

ఉమ్మడి కృష్ణా జిల్లాలో ఎడతెరిపి లేకుండా వర్షం● ఈదురు గాలుల ధాటికి నేలకూలిన చెట్లు ● వైర్లు తెగి విద్యుత్‌ సరఫరాకు అంతరాయం ● వరుస తుపానుతో రైతన్న అతలాకుతలం ● నేడు విద్యా సంస్థలకు సెలవు విజయవాడలోని ఆటోనగర్‌ వద్ద జలమయమైన రోడ్డుతిరువూరు: స్థానిక మునిసిపల్‌ ఎన్నికల ఓట్ల లెక్కింపు ప్రక్రియను ఎన్టీఆర్‌ జిల్లా కలెక్టర్‌ లక్ష్మీశ మంగళవారం మధ్యాహ్నం పరిశీలించారు. స్థానిక శ్రీవాహినీ ఇంజినీరింగ్‌ కళాశాలలో ఏర్పాటు చేసిన కౌంటింగ్‌ కేంద్రంలో స్ట్రాంగ్‌ రూంను, ఓట్ల లెక్కింపు టేబుళ్లను కలెక్టర్‌ సందర్శించి సిబ్బందికి సూచనలిచ్చారు. తిరువూరు ఆర్డీవో ఎ. కుమార్‌, మునిసిపల్‌ కమిషనర్‌ మనోజ కౌంటింగ్‌ ప్రక్రియను పర్యవేక్షించారు. పాత్రికేయుల ఇక్కట్లు.. లెక్కింపు ప్రక్రియ కవరేజీకి వెళ్లిన ప్రింట్‌, ఎలక్ట్రానిక్‌ మీడియా పాత్రికేయులకు అధికారులు సహకరించలేదు. కౌంటింగ్‌ కేంద్రంలో రౌండ్ల వారీగా ఫలితాలు తెలిపే బోర్డు కూడా ఏర్పాటు చేయకపోగా, తుది ఫలితాలను కూడా అధికారికంగా ప్రకటించడంలో తీవ్ర జాప్యం చేశారు. కౌంటింగ్‌ ఏజెంట్లు ఇచ్చే సమాచారమే ఆధారమైంది. కనీసం కూర్చునే వీలు కూడా లేకుండా వర్షంలోనే తడుస్తూ పాత్రికేయులు ఇబ్బంది పడ్డారు. జిల్లా వ్యాప్తంగా విస్తారంగా వర్షాలు గాంధీనగర్‌(విజయవాడసెంట్రల్‌): ఎన్టీఆర్‌ జిల్లాలో సోమవారం ఉదయం 8.30 గంటల నుంచి మంగళవారం రాత్రి 8 గంటల మధ్య 90.52 మిల్లీమీటర్ల సగటు వర్షపాతం నమోదైంది. వత్సవాయి మండలంలో 26.0 మిల్లీమీటర్లు, జగ్గయ్యపేటలో 31.2, పెనుగంచిప్రోలులో 35.8, నందిగామలో 56.7, వీరులపాడులో 57.6, కంచికచర్లలో 54.6, చందర్లపాడులో 78,0, గంపలగూడెంలో 44.9, తిరువూరులో 49.8, ఏ కొండూరులో 58.3, రెడ్డిగూడెంలో 82.6, విస్సన్నపేటలో 67.2, మైలవరంలో 72.8, జి. కొండూరులో 115.6, ఇబ్రహీంపట్నంలో140.2, విజయవాడ సెంట్రల్‌లో 169.8, విజయవాడ రూరల్‌లో 183.0, విజయవాడ ఈస్ట్‌లో 158.2, విజయవాడ నార్త్‌లో 164.4, విజయవాడ వెస్ట్‌లో 171.6 మిల్లీమీటర్ల వర్షపాతం నమోదైంది. సాక్షి ప్రతినిధి, విజయవాడ: మురసు తుపాను తీరం దాటిన తర్వాత విజయవాడతో పాటు ఉమ్మడి కృష్ణాజిల్లాలో కుండపోత వర్షాలు కురిశాయి. సోమవారం రాత్రి నుంచి మొదలైన వర్షం మంగళవారం అర్ధరాత్రి వరకూ తెరిపి ఇవ్వలేదు. ఈ తుపాను ప్రభావంతో జనజీవనం స్తంభించింది. మునిసిపల్‌ ఎన్నికల కౌంటింగ్‌కు తీవ్ర ఇబ్బందులు ఎదురయ్యాయి. వర్షాలు కొనసాగుతుండటంతో బుధవారం రెండు జిల్లాల వ్యాప్తంగా విద్యాసంస్థలకు సెలవు ప్రకటించారు. ప్రభుత్వ, ప్రైవేటు విద్యాసంస్థలతోపాటు అంగన్‌వాడీ కేంద్రాలకు కూడా సెలవు వర్తిస్తుందని ఆయా జిల్లాల కలెక్టర్లు ప్రకటన విడుదల చేశారు. విజయవాడ నగరంలో పలు రోడ్లు జలమయమయ్యాయి. కొన్ని కాలనీలలో లోతట్టు ప్రాంతా లలో వర్షం నీరు చేరింది. విశాలాంధ్ర రోడ్డు, ఏఎస్‌ రామారావు రోడ్డు, మధుచౌక్‌, జమ్మిచెట్టు సెంటర్‌, సిద్ధార్థ స్కూల్‌ రోడ్డు, మదర్‌థెరీసా జంక్షన్‌, పిన్నమనేని పాలిక్లినిక్‌ రోడ్డు, నిర్మలా కాన్వెంట్‌రోడ్డు, నోవోటెల్‌ రోడ్లు వర్షం నీటితో నిండిపోయాయి. మంగళవారం తెల్లవారుజామున ఈదురు గాలులతో కురిసిన భారీ వర్షాలకు పలు ప్రాంతాలలో చెట్లు నేలకూలాయి. చెట్టుకొమ్మలు విద్యుత్‌ లైన్లపై పడటంతో పలుచోట్ల విద్యుత్‌కు తీవ్ర అంతరాయం ఏర్పడింది. నగరంలో కొండ ప్రాంత ప్రజలు ఆందోళన చెందుతున్నారు. ఏ సమయంలో కొండచరియలు విరిగిపడాతాయోనన్న భయం వారిలో నెలకొంది. తుపాను ప్రభావం కారణంగా గన్నవరం విమానాశ్రయానికి రాకపోకలు సాగించే తొమ్మిది విమానాలను మంగళవారం రద్దు చేశారు. ఇండిగో ఎయిర్‌లైన్స్‌కు చెందిన సింగపూర్‌, న్యూఢిల్లీ, బెంగళూరు, హైదరాబాద్‌, చైన్నె, కడప నుంచి ఇక్కడికి రాకపోకలు సాగించే ఎనిమిది విమానాలు రద్దయ్యాయి. మురసు తుపానుతో రైతులు నష్టపోయారు. వారం రోజుల క్రితమే అర్నబ్‌ తుపానుతో రైతుల పంటలకు నష్టం జరగగా, మురుసు ప్రభావంతో పంటలు తీవ్రంగా దెబ్బతినే పరిస్థితి ఏర్పడింది. మురసు తుపాను వల్ల కురిసిన భారీ వర్షాలకు వేలాది ఎకరాల్లో వరి నేలవాలింది. కోత దశకు వచ్చిన పంట దెబ్బతినడంతో కౌలు రైతులు ఆవేదన చెందుతున్నారు. వరి పంట పొట్టదశ, పాలుపోసుకున్న కంకులు బరువుతో వరి చాలా ప్రాంతాల్లో నేలపై పడ్డాయి. మోపిదేవి మండల పరిధిలోని కొక్కిలిగడ్డ ప్రభుత్వ పాఠశాల ఆవరణలో ఏర్పాటు చేసిన పునరావాస కేంద్రం వద్ద బాధితులు మంగళవారం ఆందోళనకు దిగారు. ప్రభుత్వం తుపాను ప్రభావంతో మండలంలో 13 పునరావాస కేంద్రాలను ఏర్పాటు చేసింది. ఈ సందర్భంగా కొక్కిలిగడ్డ పంచాయతీ పరిధిలోని బండికోళ్లంక, బొబ్బర్లంక నదీ పరివాహక ప్రాంత ప్రజలు పునరావాస కేంద్రానికి తరలివచ్చారు. ఆ సమయంలో కొంత మందిని మాత్రమే పునరావాస కేంద్రంలోనికి అనుమతించడం, మిగతా వారిని బయటికి పంపడంతో బాధితులు ఆందోళనకు దిగారు. తుపాను కారణంగా స్థానిక పరీవాహక ప్రాంతాల నుంచి నీటి ప్రవాహం పెరిగిన నేపథ్యంలో కృష్ణానది దిగువకు సుమారు 5,000 నుంచి 10,000 క్యూసెక్కుల అదనపు నీటిని విడుదల చేసేందుకు ప్రకాశం బ్యారేజీ గేట్లను తెరవాలని నిర్ణయించారు. వాస్తవంగా వచ్చే నీటి ప్రవాహం, వినియోగాన్ని బట్టి విడుదల చేసే నీటి పరిమాణంలో మార్పులు ఉండవచ్చని అధికారులు తెలిపారు. దిగువన ఉన్న తీర ప్రాంతాలలో ఎటువంటి అవాంఛనీయ సంఘటనలు జరగకుండా జాగ్రత్తలు తీసుకోవాలని ప్రజలను, ఇసుక రీచ్‌ నిర్వాహకులను ఇరిగేషన్‌ అధికారులు కోరారు. గన్నవరం ఎస్సీ కాలనీలో ఇళ్లలోకి చేరిన వర్షం నీరు నాగాయలంక మండలం చోడవరం ప్రాంతంలో నీట మునిగిన వరి పొలాలు పెనమలూరులోని చోడవరం వద్ద నేలవాలిన వరి పైరు పెడన మండలం లంకలకలువగుంట ప్రాంతంలో నేలకొరిగిన వరి పంట జి.కొండూరు: మురసు తుపాను ప్రభావంతో సోమవారం రాత్రి నుంచి వర్షం పడుతుండటంతో మంగళవారం సాయంత్రానికి బుడమేరుకు కొద్దిమేర వరద ప్రవాహం ప్రారంభమైంది. ఎగువ ప్రాంతాలైన ఏ.కొండూరు, రెడ్డిగూడెం, మైలవరం, జి.కొండూరు మండలాల నుంచి వరద కొద్దిగా ప్రారంభమై మంగళవారం సాయంత్రానికి 200 క్యూసెక్కుల మేర ప్రవాహం కొనసాగుతూ బుడమేరు డైవర్షన్‌ కెనాల్‌ ద్వారా కృష్ణానదిలో కలుస్తుంది. ఈ తుపాను ప్రభావంతో మంగళవారం రాత్రి కూడా వర్షం కొనసాగితే బుధవారం ఉదయానికి బుడమేరుకు భారీగా వరద ప్రవాహం చేరే అవకాశం ఉందని ఇరిగేషన్‌ అధికారులు అంచనా వేస్తున్నారు. ప్రస్తుతం వెలగలేరు వద్ద బుడమేరుపై ఉన్న హెడ్‌రెగ్యులేటర్‌ వద్ద వరద ప్రవహం డెడ్‌ స్టోరేజీలో ఉన్నందున దిగువ ప్రాంతాల ప్రజలు ఎటువంటి భయాందోళనకు గురికావాల్సిన అవసరం లేదని అధికారులు చెబుతున్నారు. వదంతులతో ఆందోళన.. బుడమేరుకు వరద పోటెత్తిందని, గండ్లు పడ్డాయని భారీ వరద ప్రవాహం అంతా దిగువ ప్రాంతాలైన విజయవాడ రూరల్‌ గ్రామాల మీదుకు వస్తుందని సోషల్‌ మీడియాలో ప్రచారం జరగడంతో లోతట్టు ప్రాంతాల ప్రజలు తీవ్ర భయాందోళనకు గురవుతున్నారు. దీనిపై ఎన్టీఆర్‌ జిల్లా కలెక్టర్‌ లక్ష్మీశ సైతం బుడమేరుతో ఎటువంటి ప్రమాదం లేదని అధికారులు నిరంతరం పర్యవేక్షిస్తున్నట్లు చెప్పారు ఒకవేళ బుడ మేరుకు వరద పోటెత్తితే లోతట్టు ప్రాంతాల ప్రజలను ముందుగానే సురక్షిత ప్రాంతాలకు తరలిస్తామని ఎటువంటి ఉదంతులను నమ్మి, ఎటువంటి ఆందోళన చెందాల్సిన అవసరం లేదని వీడియోను విడుదల చేశారు.

ఎన్టీఆర్‌ జిల్లా అధికారుల దారుణ వైఫల్యం ● వర్షం వస్తుందని తెలిసినా ఏర్పాట్లు లేవు ● అధికారుల మధ్య సమన్వయ లోపం ● సాయంత్రం నాలుగు గంటల వరకూ ప్రారంభం కాని కౌంటింగ్‌ సాక్షి ప్రతినిధి, విజయవాడ/పటమట: మునిసిపల్‌ ఎన్నికల కౌంటింగ్‌ విషయంలో జిల్లా యంత్రాంగం పూర్తిగా విఫలమైంది. మురసు తుపాను కారణంగా వర్షం వస్తుందని తెలిసి, అర్ధరాత్రి వరకూ సమీక్షలు నిర్వహించిన అధికారులకు.. ఎన్నికల కౌంటింగ్‌ జరిగే కేంద్రాల్లో ఏర్పాట్లను పూర్తిగా గాలికి వదిలేశారు. దీంతో కౌంటింగ్‌ సిబ్బందికి, కౌంటింగ్‌ ఏజెంట్లకు చుక్కలు కనపడ్డాయి. కౌంటింగ్‌ విధులు నిర్వర్తించే సిబ్బందికి, ప్రాంగణంలో పారిశుద్ధ్య నిర్వహణ చేసే కార్మికులకు రిపోర్టింగ్‌ కేంద్రం, మీడియా సెంటర్‌ కూడా ఒకటే ఏర్పాటు చేయటంతో ప్రాంగణమంతా గందరగోళ వాతావరణం నెలకొంది. లెక్కింపు విధులు నిర్వహించే పోలీస్‌, రెవెన్యూ, మునిసిపల్‌ అధికారుల మధ్య సమన్వయం లేకపోవడమే దీనికి కారణమనే విమర్శలున్నాయి. విజయవాడలో 8 గంటలు ఆలస్యంగా.. ఉదయం 8 గంటలకు కౌంటింగ్‌కు హాజరయ్యే సిబ్బంది ఉదయం 6 గంటలకు రిపోర్టు చేయాలని వీఎంసీ కమిషనర్‌ ధ్యానచంద్ర ఆదేశించినప్పటికీ వర్షం కారణంగా సిబ్బంది రెండుగంటలు ఆలస్యంగా చేరుకున్నారు. అక్కడికి చేరుకున్న వారు రిపోర్టింగ్‌ చేయడానికి కనీస వసతులు కల్పించలేకపోవటంతో వారికి కేటాయించిన డివిజన్‌ కౌంటింగ్‌ టేబుల్‌ వద్దకు మధ్యాహ్నం 12గంటల వరకు సిబ్బంది రిపోర్టింగ్‌ చేస్తూనే ఉన్నారు. అనంతరం వారికి కేటాయించిన నియోజకవర్గం, డివిజన్‌, టేబుల్‌కు చేరుకునే సరికి మధ్నాహ్నం రెండు గంటలయ్యింది. ఆ తర్వాత భోజన విరామం రావడంతో వారంతా భోజనం చేసిన తర్వాత తీరిగ్గా కౌంటింగ్‌ ప్రారంభించారు. అంతా అస్తవ్యస్తం.. మేయర్‌ అభ్యర్థులకు, 86 డివిజన్ల కార్పొరేటర్‌ అభ్యర్థులకు కౌంటింగ్‌ కేంద్రాలు ఏర్పాటు చేయటంలో అధికారులు పూర్తిగా విఫలమయ్యారు. తూర్పు నియోజకవర్గంలోని 2–30 డివిజన్లకు లయోలా కళాశాల దేవయ్య ఆడిటోరియంలో, సెంట్రల్‌ నియోజకవర్గంలోని 1, 59–86 డివిజన్లకు డిగ్రీ కళాశాల ప్రాంగణంలో, పశ్చిమ నియోజకవర్గ పరిధిలోని 31 నుంచి 58 డివిజన్లకు ఇంటర్మీడియెట్‌ ప్రాంగణంలో ఏర్పాటు చేయటం అసలు గందరగోళానికి కారణంగా మారింది. అక్కడికి బ్యాలెట్‌ బాక్సులు ఉన్న కంటైనర్లను పంపడం ఒక ప్రహసనంగా మారింది. అసలు తప్పు ఎక్కడ జరిగింది? కౌంటింగ్‌ కేంద్రం ఎంపికే తప్పని, నగరం నడిబొడ్డున, అన్ని వసతులు ఉన్న అంబేడ్కర్‌ ఆడిటోరియంను కాదని, శివారులో ఉన్న లయోలా కళాశాలను ఎందుకు ఎంపిక చేశారన్న ప్రశ్న తలెత్తుతోంది. లక్షలు ఖర్చు చేసి పెద్ద ఎత్తున షామియానాలు ఏర్పాటు చేసినా తుపాను వల్ల పడిన కుండపోత వర్షం వల్ల ఫలితం శూన్యంలా మారింది. వర్షం కారణంగా మోకాలు లోతు నీళ్లలో కౌంటింగ్‌ కేంద్రాలకు నడుచుకుంటూ వెళ్లాల్సి వచ్చింది. వరద బాధితుల్లా.. కౌంటింగ్‌ కేంద్రాల్లో పనిచేసేందుకు తీసుకువచ్చిన హమాలి కార్మికులను కనీసం పట్టించుకోలేదు. వారికి టిఫిన్‌ కూడా ఏర్పాటు చేయలేదు. గత రాత్రి పనికి వచ్చామని, ఎవరు పట్టించుకోవట్లేదంటూ హమాలి కార్మికులు ఆవేదన వ్యక్తం చేశారు. బుడమేరు వరదల సమయంలో బాధితులు ఆహారపొట్లాల కోసం ఎలా ఎగబడ్డారో సిబ్బంది కూడా అలానే ఎగబడాల్సిన దుస్థితి అక్కడ కనిపించింది. కొండపల్లిలోనూ గందరగోళం.. కొండపల్లి కౌంటింగ్‌ హాల్‌, స్ట్రాంగ్‌ రూమ్‌ ఉన్న ప్రాంతంలో రాత్రి వేళ కొందరు వ్యక్తులు సంచరించడాన్ని గమనించిన వైఎస్సార్‌ సీపీ నాయకులు బ్యాలెట్‌ బాక్సులను మారుస్తున్నారేమోనన్న సందేహంతో హుటాహుటిన అక్కడికి చేరుకుని అభ్యంతరం వ్యక్తం చేశారు. సమాచారం అందుకున్న పోలీసులు కేంద్రానికి చేరుకుని, కౌంటింగ్‌ కేంద్రంలో కూలర్‌లు బిగించే పనులు జరుగుతున్నట్లు గుర్తించారు. జగ్గయ్యపేటలో ఉదయం 8 గంటలకు కౌంటింగ్‌ ప్రారంభం కావాల్సి ఉండగా తుపాను ప్రభావంతో భారీ వర్షం కురుస్తుండటంతో గంట ఆలస్యంగా కౌంటింగ్‌ నిర్వహించారు. జోరు వర్షంలోనే ఎన్నికల సిబ్బంది, కౌంటింగ్‌ ఏజెంట్లు కౌంటింగ్‌ హాల్‌ వద్దకు వచ్చారు. వారి పాస్‌లను తీసుకోవడంలో ఎన్నికల అధికా రులు కొంత జాప్యం చేయడంతో కొంత ఉద్రిక్త వాతావరణం చోటుచేసుకుంది. అనంతరం ఎన్నికల అదికారి జోక్యంతో కౌంటింగ్‌ ప్రారంభించారు. స్ట్రాంగ్‌ రూము తాళాలు ఎన్నికల అధికారి, సిబ్బంది ఎక్కడో పడవేయడంతో పోలీసులు, ఎన్నికల అధికారులు, ఇరు పార్టీల అభ్యర్థుల సమక్షంలో తాళాలను పగులగొట్టి స్ట్రాంగ్‌ రూమును ఓపెన్‌ చేయాల్సి వచ్చింది.

గంపలగూడెంలో ప్రచారం చేస్తున్న జెడ్పీటీసీ అభ్యర్థి కావూరి శశిరేఖ, ఎంపీటీసీ అభ్యర్థులు కోట శ్రీనివాసరావు, మాగంటి వెంకటకృష్ణ నిడమానూరులో ఎంపీటీసీ అభ్యర్థులతో కలిసిప్రచారం నిర్వహిస్తున్న శీలం రంగారావు, సిందూర కంకిపాడు మండలం పునాదిపాడులో ఎన్నికల ప్రచారం నిర్వహిస్తున్న ఎంపీటీసీ అభ్యర్థి లలిత, దేవభక్తుని చక్రవర్తి ఎంపీటీసీ, జెడ్పీటీసీ ఎన్నికలకు సంబంధించి వైఎస్సార్‌ సీపీ అభ్యర్థులు మంగళవారం ముమ్మరంగా ప్రచారం చేశారు. వర్షంలోనే ఇంటింటికీ వెళ్లి ఫ్యాన్‌ గుర్తుపై ఓటు వేసి గెలిపించాలని అభ్యర్థించారు. వైఎస్సార్‌ సీపీతోనే సంక్షేమం, అభివృద్ధి సాధ్యమని పేర్కొన్నారు. వైఎస్సార్‌ సీపీ అభ్యర్థుల ప్రచారానికి ప్రజల నుంచి విశేష స్పందన లభించింది. – సాక్షి నెట్‌వర్క్‌

సాక్షి ప్రతినిఽధి, విజయవాడ: మున్సిపోల్స్‌లో అభ్యర్థుల భవితవ్యం మరికొన్ని గంటల్లో తేలనుంది. జిల్లాలో జరిగిన విజయవాడ మున్సిపల్‌ కార్పొరేషన్‌తోపాటు జగ్గయ్యపేట, నందిగామ, కొండ పల్లి, తిరువూరు మున్సిపాలిటీల్లో పోలైన ఓట్లను మంగళవారం ఉదయం 8 గంటల నుంచి లెక్కించనున్నారు. తొలుత పోస్టల్‌ బ్యాలెట్లను లెక్కించిన తర్వాత డివిజన్లు, వార్డుల వారీగా ఓట్ల లెక్కింపు మొదలవుతుంది. ఒక డివిజన్‌కు ఎన్ని పోలింగ్‌ కేంద్రాలున్నా వాటిలోని ఓట్లను కలిపి 25 చొప్పున కట్టలు కడతారు. వాటిని గుర్తుల వారీగా విభజించి ఏ గుర్తుకు ఎన్ని ఓట్లు పోలయ్యాయో లెక్కిస్తారు. ఎక్కువ ఓట్లు వచ్చిన అభ్యర్థులను విజేతగా ప్రకటిస్తారు. కౌంటింగ్‌ కేంద్రాల వద్ద 144 సెక్షన్‌ అమలు చేస్తున్నారు. గెలిచిన అభ్యర్థులు విజయోత్సవ ర్యాలీలు, సభలను నిషేధించారు. ప్రతి వార్డుకు 10 టేబుళ్లు ప్రతి వార్డుకు మొత్తం 10 కౌంటింగ్‌ టేబుళ్లను ఏర్పాటు చేశారు. ఐదు టేబుళ్లపై వార్డు కౌన్సిలర్‌ అభ్యర్థులకు సంబంధించిన ఓట్ల లెక్కింపు, మరో ఐదు టేబుళ్లపై మేయర్‌ అభ్యర్థుల ఓట్లను లెక్కిస్తారు. ఒక్కో వార్డు ఫలితాన్ని ప్రకటించేందుకు రెండు రౌండ్ల కౌంటింగ్‌ ప్రక్రియ అవసరమవు తుంది. మొదటి రెండు రౌండ్లలో 44 వార్డులకు సంబంధించిన ఫలితాలు వెలువడనున్నాయి. అనంతరం తదుపరి రెండు రౌండ్లలో మిగిలిన వార్డుల ఫలితాలను ప్రకటించనున్నారు. విజయవాడ 15వ డివిజన్‌లో 8644 ఓట్లకు 3345 ఓట్లు మాత్రమే పోల్‌ అయ్యాయి. అతి తక్కువ ఓట్లు పోల్‌ కావడంతో ఈ ఫలితం ముందుగా వచ్చే అవకాశం ఉంది. తిరువూరు వాహినీ ఇంజినీరింగ్‌ కాలేజీలో తిరువూరులో శ్రీవాహినీ ఇంజినీరింగ్‌ కళాశాలలో ఓట్ల లెక్కింపు జరుగుతుంది. 28 వార్డుల్లో చైర్మన్‌ పదవికి పోలైన ఓట్ల లెక్కింపునకు 7 టేబుళ్లు, వార్డు కౌన్సిలర్ల ఓట్ల లెక్కింపునకు 14 టేబుళ్లు ఏర్పాటు చేశారు. చైర్మన్‌ ఓట్ల లెక్కింపు నాలుగు రౌండ్లలో, కౌన్సిలర్ల ఓట్ల లెక్కింపు రెండు రౌండ్లలో పూర్తి కానుంది. కొండపల్లి మున్సిపాలిటీలో మొత్తం 40 వార్డులకు జెడ్పీ పాఠశాలలో నూతనంగా ఏర్పాటు చేసిన వంట షెడ్డులో లెక్కింపు చేయనున్నారు. 20 వార్డులు ఒక రౌండ్‌, మరో 20 వార్డులు రెండో రౌండ్‌లో కౌంటింగ్‌ పూర్తయ్యేలా ఏర్పాట్లు చేశారు. జగ్గయ్యపేటలో మొత్తం 36 వార్డులకు 12 వార్డులు ఏకగ్రీవంగా కాగా, మిగిలిన 24 వార్డులకు సంబంధించి 72 పోలింగ్‌ బూత్‌ల కోసం 24 టేబుళ్లను ఏర్పాటు చేశారు. రెండు రౌండ్‌లలో అన్ని వార్డుల ఫలితాలు వెలువడతాయి. చైర్‌పర్సన్‌ లెక్కింపు మొదటి రౌండ్‌లో 24 వార్డులు, తర్వాత రౌండ్‌లో 12 వార్డులు లెక్కిస్తారు. నందిగామలోని 32 వార్డులకు.. వార్డు సభ్యుల లెక్కింపునకు 16 టేబుళ్లు, చైర్మన్‌ అభ్యర్థుల ఓట్ల లెక్కింపుకు ఆరు టేబుళ్లు ఏర్పాటు చేశారు. రెండు రౌండ్లలో ఫలితాలు తేలనున్నాయి. విజయవాడ మున్సిపల్‌ ఓట్ల లెక్కింపు ఆంధ్ర లయోల కళాశాలలో జరగనుంది. కౌంటింగ్‌ ప్రక్రియ వేగవంతంగా నిర్వహించేందుకు తూర్పు, పశ్చిమ, సెంట్రల్‌ నియోజకవర్గాలకు ప్రత్యేకంగా మూడు కౌంటింగ్‌ హాళ్లను ఏర్పాటు చేశారు. తూర్పు నియోజకవర్గానికి సంబంధించిన వార్డుల ఓట్ల లెక్కింపు ఇండోర్‌ స్టేడియంలో, ‘పశ్చిమ’ వార్డుల ఓట్ల లెక్కింపు ఇంటర్మీడియెట్‌ బ్లాక్‌లో, ‘సెంట్రల్‌’ వార్డుల ఓట్ల లెక్కింపు ఇంటర్మీడియెట్‌ బ్లాక్‌కు ఎదురుగా ఉన్న మరో బ్లాక్‌లో నిర్వహించనున్నారు.

విజయవాడ లీగల్‌/పెనమలూరు: జ్యుడీషియల్‌ సర్వీసెస్‌లో ప్రవేశించాలంటే ఏకాగ్రత, స్వీయ ఆలోచనా శక్తి ఎంతో అవసరమని హైకోర్టు పూర్వ న్యాయమూర్తి జస్టిస్‌ వీఆర్‌కే కృపాసాగర్‌ అన్నారు. ఎస్‌వీడీ సిద్ధార్థ స్కూల్‌ ఆఫ్‌ లా, ఏపీ లా అకాడమీ సంయుక్తంగా జూనియర్‌ న్యాయవాదులకు ‘న్యాయసేవలోకి ప్రవేశించడం ఎలా’ అనే అంశంపై సోమవారం పెనమలూరు మండలం కానూరులోని సిద్ధార్థ లా కళాశాలలో ప్రత్యేక సదస్సు నిర్వహించాయి. జస్టిస్‌ కృపాసాగర్‌ మాట్లాడుతూ గతంలో విద్యార్థుల్లో స్వతంత్రంగా ఆలోచించే శక్తి, విషయ పరిజ్ఞానాన్ని గుర్తుంచుకునే సామర్థ్యం ఎక్కువగా ఉండేవని, ప్రస్తుతం ప్రతి చిన్న విషయానికీ సెల్‌ఫోన్లపై ఆధారపడే ధోరణి పెరిగిందని ఆవేదన వ్యక్తం చేశారు. పరీక్ష హాల్లో సెల్‌ఫోన్లకు అనుమతి ఉండదు కనుక విద్యార్థులు తమ జ్ఞాపకశక్తి, స్వీయ ఆలోచనా సామర్థ్యం, విషయ పరిజ్ఞానాన్ని పెంపొందించుకోవాలని, అప్పుడే పరీక్షల్లోనూ జీవితంలోనూ విజయం సాధించగలరని హితవు పలికారు. అకాడమీ అధ్యక్షుడు ఏకే బాషా, కార్యదర్శి కోనేరు సీతారామయ్య, కాలేజీ డీన్‌ సీహెచ్‌ దివాకర్‌బాబు, ఆల్‌ ఇండియా బార్‌ కౌన్సిల్‌ సభ్యుడు కె.చిదంబరం, ఏపీ బార్‌ కౌన్సిల్‌ సభ్యుడు చలసాని అజయ్‌కుమార్‌ తదితరులు మాట్లాడారు. మొగల్రాజపురం(విజయవాడ తూర్పు): గత నెల 26 నుంచి 31వ తేదీ వరకు చైనాలోని జింగ్‌షాన్‌లో జరిగిన ప్రపంచ జూనియర్‌ సాఫ్ట్‌ టెన్నిస్‌ చాంపియన్‌షిప్‌– 2026లో పాల్గొని డబుల్స్‌ విభాగంలో కాంస్య పతకాన్ని సాధించిన నగరానికి చెందిన క్రీడాకారిణి ఏఎస్‌ వైశాలిని ఎన్టీఆర్‌ జిల్లా క్రీడాభివృద్ధి అధికారి (డీఎస్‌డీవో) కె.కోటేశ్వరరావు అభినందించారు. ఎంజీ రోడ్డులోని ఇందిరాగాంధీ మున్సిపల్‌ స్టేడియం ఆవరణలో ఏపీ క్రీడా ప్రాధికార సంస్థ (శాప్‌) కార్యాలయంలో వైశాలిని సోమవారం అభినందించారు. ఈ సందర్భంగా కోటేశ్వరరావు మాట్లాడుతూ వైశాలి సాధించిన విజయం యువ క్రీడాకారులకు స్ఫూర్తి దాయకమని, భవిష్యత్‌లో మరిన్ని విజయాలను వైశాలి సాధించాలని ఆకాంక్షించారు. శాప్‌ సిబ్బంది, కోచ్‌లు పాల్గొన్నారు. గాంధీనగర్‌(విజయవాడసెంట్రల్‌): మురసు తుపాను ప్రభావంతో భారీ వర్షాలు కురిసే అవకాశం ఉన్నందున విద్యార్థుల భద్రతను దృష్టిలో పెట్టుకుని ఈ నెల 3వ తేదీ మంగళవారం జిల్లా వ్యాప్తంగా అన్ని ప్రభుత్వ, ప్రైవేటు విద్యాసంస్థలకు సెలవు ప్రకటించినట్లు ఎన్టీఆర్‌ జిల్లా కలెక్టర్‌ డాక్టర్‌ జి.లక్ష్మీశ తెలిపారు. జిల్లాలోని అన్ని ప్రభుత్వ, ప్రైవేటు పాఠశాలలు, జూనియర్‌, డిగ్రీ కళాశాలలు, అంగన్‌వాడీ కేంద్రాలకు ఈ నెల 3వ తేదీ సెలవు వర్తిస్తుందని స్పష్టం చేశారు. జిల్లాలోని అన్ని విద్యాసంస్థలు ఈ ఆదేశాలను తప్పనిసరిగా పాటించాలని, లేకపోతే కఠిన చర్యలు తీసుకుంటామని కలెక్టర్‌ హెచ్చరించారు. మొగల్రాజపురం(విజయవాడ తూర్పు): పర్యావరణ పరిరక్షణతో పాటు సహజ వనరుల సమర్థ వినియోగం కోసం ప్రతి ఒక్కరూ సుస్థిర జీవనశైలి అలవర్చుకోవాలని ఏపీ సీపీడీసీఎల్‌ సీఎండీ పి. పుల్లారెడ్డి చెప్పారు. స్థానిక ఏపీసీపీడీసీఎల్‌ కార్పోరేట్‌ కార్యాలయంలో బ్రిక్స్‌ సుస్థిర జీవనశైలి వారోత్సవాల్లో భాగంగా ప్రచార కార్యక్రమం సోమవారం జరిగింది. ఈ సందర్భంగా పుల్లారెడ్డి మాట్లాడుతూ ఈ నెల 7వ తేదీ వరకు సర్కిల్‌ పరిధిలో పర్యావరణహిత జీవనశైలి, విద్యుత్‌ పొదుపు, నీటి సంరక్షణ, ప్లాస్టిక్‌ వినియోగం తగ్గింపు అంశాలపై అవగాహన కార్యక్రమాలు నిర్వహిస్తున్నామని చెప్పారు. ఇంధన సామర్థ్యం కలిగిన విద్యుత్‌ పరికరాలకు ప్రాధాన్యత ఇవ్వడం ద్వారా విద్యుత్‌ను ఆదా చేయవచ్చని చెప్పారు. ఏపీసీపీడీసీఎల్‌ టెక్నికల్‌ డెరెక్టర్‌ మురళీకృష్ణ యాదవ్‌, ఫైనాన్స్‌ డైరెక్టర్‌ వెంకటేశ్వర్లు, సీజీఎంలు, జీఎం, ఉద్యోగులు హాజరై పర్యావరణహితంగా ఉంటామంటూ ప్రతిజ్ఞ చేశారు.

లబ్బీపేట(విజయవాడతూర్పు): కృష్ణలంలో జనసేన నేతలు దాడులకు తెగబడ్డారు. ఆదివారం అర్ధరాత్రి సమయంలో పది మంది జనసేనకు చెందిన వారు మద్యం మత్తులో వైఎస్సార్‌ సీపీకి చెందిన మాజీ కార్పొరేటర్‌, బీసీ నాయకుడు పల్లెం రవి ఇంటిపై దాడికి వెళ్లారు. ఆయన ఉంటున్న రెండో అంతస్తుకు వెళ్లి తలుపులు బాదుతూ అరాచకం సృష్టించారు. ఆ సమయంలో రవి లేక పోవడంతో బయటకు వచ్చిన అతని భార్య, పిల్లలను దుర్భాషలాడుతూ భయభ్రాంతులకు గురిచేశారు. అడ్డుకు నేందుకు వచ్చిన స్థానిక వ్యక్తిపైన దాడికి యత్నించారు. ఈ దృశ్యాలన్నీ ఆ ఇంటికి అమర్చిన సీసీ కెమెరాల్లో రికార్డయ్యాయి. ఏంట్రా రెచ్చిపోతున్నావ్‌ అంటూ ఫోన్‌లో బెదిరింపులు ఆదివారం పోలింగ్‌ ముగిశాక అర్ధరాత్రి సమయంలో మద్యం మత్తులో ఉన్న 27వ డివిజన్‌ జనసేన నుంచి పోటీ చేసిన అభ్యర్థి తరఫు బంధువులు మాజీ కార్పొరేటర్‌ పల్లెం రవికి ఫోన్‌ చేశారు. ‘బాగా ప్రచారం చేశారు. మీరే గెలుస్తారులే’ అంటూ హేళనగా మాట్లాడుతూ దుర్బాషలాడారు. పల్లెం రవి స్పందించి పోలింగ్‌ ముగిసింది, మరో రోజులో ఫలితాలు వస్తాయిగా అని బదులివ్వగా, ఎంట్రా ఎక్కువగా మాట్లాడుతున్నావ్‌ అంటూ రెచ్చిపోయారు. బెదిరింపులకు భయపడేది లేదని రవి దీటుగా సమాధానం చెప్పడంతో ఆగ్రహించిన జనసేనకు చెందిన 10 మంది మద్యం మత్తులో అర్ధరాత్రి దాడికి తెగబడ్డారు. ఈ విషయం తెలుసుకున్న వైఎస్సార్‌ సీపీ ఎన్టీఆర్‌ జిల్లా అధ్యక్షుడు దేవినేని అవినాష్‌ ఆ కుటుబాన్ని పరామర్శించారు. జనసేన నేతలు దాడులు సీసీ కెమెరాల్లో రికార్డయిన దృశ్యాలను పరిశీలించారు. భయపడ వద్దని, పార్టీ అండగా ఉంటుందని భరోసా ఇచ్చారు. ఈ ఘటనపై పవన్‌ కళ్యాణ్‌ సమాధానం చెప్పాలని, పోలీసులు బాధ్యులపై చర్యలు తీసుకోవాలని డిమాండ్‌ చేశారు. అర్ధరాత్రి వేళ తన భర్త లేని సమయంలో పలువురు మద్యం మత్తులో ఇంటికి వచ్చి తలుపులు బాదుతూ భయభ్రాంతులకు గురి చేశా రని రవి భార్య తేజేశ్వరి వాపోయారు. జనసేన నేత జయ, అతని అనుచరులు దాడికి తెగబడ్డారని పేర్కొన్నారు. జిలానీ అనే వ్యక్తి బూతులు తిట్టా డని, మద్యం మత్తులో ఇంటికి వచ్చి తన భార్య, పిల్లలను భయపెట్టారని మాజీ కార్పొరేటర్‌ రవి పేర్కొన్నారు. బీసీ కులం అని తనను కొట్టడానికి యత్నించారని, దాడికి తెగ బడిన ప్రతి ఒక్కరిపై పోలీసులకు ఫిర్యాదు చేస్తాని స్పష్టంచేశారు.

ఏపీ పొల్యూషన్‌ కంట్రోల్‌ బోర్డ్‌ చైర్మన్‌ పి.కృష్ణయ్య మొగల్రాజపురం(విజయవాడ తూర్పు): సహజ వనరులను విచ్చిలవిడిగా వినియోగించడంతో భవిష్యత్తులో పర్యావరణ సంక్షోభం తీవ్రంగా ఉంటుందని ఏపీ పొల్యూషన్‌ కంట్రోల్‌ బోర్డ్‌ చైర్మన్‌ పి.కృష్ణయ్య చెప్పారు. సహజవనరులను పరిమితంగానే వినియోగించాలని, మన అలవాట్లు, జీవనశైలి మార్చుకోవడంతో శక్తి (ఎనర్జీ) ఆదా జరగాలన్నారు. స్థానిక మొగల్రాజపురంలోని పీబీ సిద్ధార్థ ఆర్ట్స్‌ అండ్‌ సైన్స్‌ కళాశాల భౌతికశాస్త్ర విభాగం, ఏపీ కాలుష్య నియంత్రణ మండలి సంయుక్తంగా సిద్ధార్థ కళాశాల ఆవరణలోని వెబినార్‌ హాలులో సోమవారం సేవ్‌ ఎనర్జీ పేరుతో అవగాహన కార్యక్రమం జరిగింది. ముఖ్యఅతిథి కృష్ణయ్య మాట్లాడుతూ పారిశ్రామిక విప్లవం తర్వాత సహజ వనరుల వినియోగంలో విచ్చలవిడితనం పెరిగిం దని, భూగర్భజలాలు అడుగంటాయని చెప్పారు. 33 శాతం ఉండాల్సిన అడవులు దేశంలో 23 శాతమే ఉన్నాయన్నారు. విద్యుత్‌ పరికరాలను అన్‌ప్లగ్‌ చేయాలి కళాశాల ప్రిన్సిపాల్‌ ఎం.రమేష్‌ మాట్లాడుతూ శక్తి ఆదాలో భాగంగా వాడకంలో లేనప్పుడు విద్యుత్‌ లైట్లు, ఫ్యాన్లు, ఎలక్ట్రానిక్‌ పరికరాలను అన్‌ప్లగ్‌ చేయాలన్నారు. ఎన్విరాన్మెంటల్‌ ఇంజినీర్‌ పి. శ్రీనివాసరావు మాట్లాడుతూ 11 దేశాల బ్రిక్స్‌ కూటమి ప్రపంచ సమస్యలపై ఒక్కటయ్యాయని, అందులో సేవ్‌ ఎనర్జీ, ఎన్విరాన్‌ మెంట్‌ ఒకటన్నారు. సేవ్‌ ఎనర్జీ, సేవ్‌ వాటర్‌, రెడ్యూస్‌ వేస్ట్‌ అంశాలపై ప్రజలకు అవగాహన కల్పించాలన్నారు. జూనియర్‌ రీసెర్చ్‌ స్కాలర్‌ ఫాతిమా మాట్లాడుతూ వరితో పోల్చితే నీటిని తక్కువగా గ్రహించే మిల్లెట్స్‌ వారానికి ఒకసారి రైస్‌కి ప్రత్యామ్నాయ ఆహారంగా తీసుకోవాలన్నారు. కళాశాల ఫిజిక్స్‌ విభాగాధిపతి టి.శ్రీనివాసకృష్ణ, సీనియర్‌ అధ్యాపకులు జె.పాండురంగారావు, అధ్యాపకులు, విద్యార్థులు పాల్గొన్నారు. పర్యావరణహిత సంచులను విద్యార్థులకు అందజే పర్యావరణ హితానికి కృషి చేస్తామంటూ విద్యార్థులు ప్రతిజ్ఞ చేశారు.

మొగల్రాజపురం(విజయవాడ తూర్పు): మురసు తుపాను ప్రభావంతో బలమైన గాలులు, భారీ వర్షాలు కురిసే అవకాశం ఉందని ఆంధ్రప్రదేశ్‌ రాష్ట్ర విపత్తుల నిర్వహణ సంస్థ హెచ్చరికలు జారీ చేసిన నేపథ్యంలో సిబ్బంది పూర్తి స్థాయి అప్రమత్తంగా ఉండాలని ఆంధ్రప్రదేశ్‌ సెంట్రల్‌ పవర్‌ డిస్ట్రిబ్యూషన్‌ కంపెనీ లిమిటెడ్‌ (ఏపీ సీపీడీసీఎల్‌) సీఎండీ పి.పుల్లారెడ్డి తమ శాఖ అధికారులు, సిబ్బందిని ఆదేశించారు. మురసు తుపాను నేపథ్యంలో సంస్థ కార్పొరేట్‌ కార్యాలయంలో సర్కిల్‌ పరిధిలోని జిల్లాల విద్యుత్‌ అధికారులతో ఆయన సోమవారం సమీక్ష సమావేశం నిర్వహించారు. ఈ సందర్భంగా పుల్లారెడ్డి మాట్లాడుతూ.. తుపాను ప్రభావాన్ని దృష్టిలో ఉంచుకొని అధికారులు, సిబ్బంది పూర్తి అప్రమత్తతతో ఉండాలన్నారు. భారీ వర్షాలు, బలమైన గాలుల వల్ల విద్యుత్‌ స్తంభాలు, విద్యుత్‌ లైన్లు దెబ్బతినే అవకాశం ఉన్నందున ముందస్తు జాగ్రత్త చర్యలు చేపట్టాలని సూచించారు. సాధ్యమైనంత త్వరగా సరఫరా పునరుద్ధరణ విద్యుత్‌ సరఫరాలో అంతరాయం ఏర్పడిన సంద ర్భాల్లో సాధ్యమైనంత త్వరగా సరఫరాను పునరుద్ధరించేందుకు అవసరమైన సిబ్బంది, వాహనాలు, మరమ్మతు పరికరాలు, విద్యుత్‌ సామగ్రిని సిద్ధంగా ఉంచాలని పుల్లారెడ్డి సూచించారు. అత్యవసర పరిస్థితులను ఎదుర్కొనేందుకు క్షేత్రస్థాయి సిబ్బంది అందుబాటులో ఉండాలన్నారు. సంబంధిత అధికారులు సమన్వయంతో పనిచేస్తూ పరిస్థితిని నిరంతరం పర్యవేక్షించాలని ఆదేశించారు. తుపాను పరిస్థితులను సమర్థంగా ఎదుర్కొనేందుకు ఏపీ సీపీడీసీఎల్‌ పరిధిలోని అన్ని సర్కిల్‌, డివిజన్‌ స్థాయిలలో కంట్రోల్‌ రూమ్‌లు ఏర్పాటు చేసినట్లు చెప్పారు. తుపాను ప్రభావం పూర్తిగా తగ్గి, పరిస్థితులు సాధారణ స్థితికి చేరుకునే వరకు విద్యుత్‌ ఉద్యోగులు సెలవులు తీసుకోవద్దని సూచించారు. అత్యవసర పరిస్థితుల్లో తక్షణమే స్పందించి విద్యుత్‌ సరఫరా పునరుద్ధరణ పనులు చేపట్టేలా సిబ్బంది అన్ని వేళలా సిద్ధంగా ఉండాలని కోరారు. ప్రజలు కూడా అప్రమత్తంగా ఉండాలని, తెగిపడిన విద్యుత్‌ వైర్లు, స్తంభాలను తాకవద్దని పేర్కొన్నారు. విద్యుత్‌కు సంబంధించిన ఏ సమాచారాన్ని అయినా వెంటనే తమ సిబ్బందికి సమాచారాన్ని తెలపాలని పుల్లారెడ్డి కోరారు. తుపాన్‌ నేపథ్యంలో విద్యుత్‌ సరఫరా అంతరాయాలు, అత్యవసర సమస్యలు, విద్యుత్‌ ప్రమాదాల సమాచారాన్ని తెలియజేసేందుకు జిల్లాల వారీగా కంట్రోల్‌ రూమ్‌ నంబర్ల కృష్ణా జిల్లా 62817 09355 ఎన్టీఆర్‌ జిల్లా 94408 17561 బాపట్ల జిల్లా 92814 13774 గుంటూరు జిల్లా 94408 17526 ప్రకాశం జిల్లా 94408 17491 పల్నాడు జిల్లా 76610 19447 అత్యవసర విద్యుత్‌ సేవల కోసం టోల్‌ ఫ్రీ నంబర్‌: 1912

ఇంద్రకీలాద్రి(విజయవాడపశ్చిమ): విజయవాడలోని ఇంద్రకీలాద్రిపై కొలువైన దుర్గమ్మకు దసరా ఉత్సవాల్లో భక్తులు హుండీల ద్వారా సమర్పించిన కానుకల లెక్కింపు సోమవారంతో పూర్తైంది. మూడో విడత జరిగిన హుండీ కానుకల లెక్కింపులో రూ.2.45 కోట్ల మేర ఆదాయం లభించిందని ఆలయ అధికారులు పేర్కొన్నారు. మూడు విడతల్లో రూ.11.59 కోట్ల మేర ఆదాయం అమ్మవారికి సమకూరింది. మూడో విడతలో రూ.2,45,52,904 నగదు, 115 గ్రాముల బంగారం, 3.590 కిలోల వెండి లభించాయి. విదేశాలకు చెందిన కరెన్సీ సైతం భారీగానే లభించింది. దసరా ఉత్సవాల్లో.. రద్దయిన రూ.2 వేల నోట్లు 17 వచ్చాయి.

సాక్షి ప్రతినిధి, విజయవాడ: ఉమ్మడి కృష్ణావాసులకు ‘మురసు’ ముప్పు ఎదురవుతోంది. బంగాళాఖాతంలో ఏర్పడిన వాయుగుండం తీవ్ర తుపానుగా మారి తీరప్రాంతానికి ‘మురసు’గా దగ్గరవుతున్న తరుణంలో ఎన్టీఆర్‌, కృష్ణా జిల్లాల్లో భారీ వర్షాలు పడే అవకాశం ఉంది. తుపాను ప్రభావంతో రాబోయే 24 నుంచి 48 గంటల్లో ఎన్టీఆర్‌ జిల్లా వ్యాప్తంగా ఈదురుగాలులతో కూడిన భారీ నుంచి అత్యంత భారీ వర్షాలు కురిసే అవకాశం ఉందని వాతావరణ శాఖ హెచ్చరించింది. జిల్లాలో అత్యధిక వర్షపాతం నమోదయ్యే అవకాశం ఉండటంతో వరదలు వచ్చే అవకాశం ఉందని వాతావరణ శాఖ హెచ్చరికలతో జిల్లా యంత్రాంగం అప్రమత్తమైంది. జిల్లాలో పాఠశాలలకు మంగళవారం సెలవు ప్రకటించారు. ఒకవైపు మున్సిపల్‌ ఎన్నికల కౌంటింగ్‌, మరోవైపు భారీ వర్షాలు కురిసే అవకాశం ఉండటంతో అధికార యంత్రాంగం అన్ని విధాల సన్నద్ధం అవుతోంది. జిల్లాపై ప్రభావం సోమవారం అర్ధరాత్రి తర్వాత తుపాను ఒంగోలు సమీపంలో తీరం దాటే అవకాశం ఉందని అధికారులు తెలపడంతో ఆ ప్రభావం జిల్లాపై పడే అవకాశం ఉంది. ఇప్పటికే ఉమ్మడి జిల్లాలో పలుచోట్ల వర్షాలు కురుస్తున్నాయి. అత్యవసరమైతేనే ప్రజలు ఇళ్ల నుంచి బయటకు రావాలని కలెక్టర్‌ పిలుపునిచ్చారు. నీరు నిల్వ ఉండకుండా వెంటనే మోటార్ల ద్వారా తొలగించేలా అధికారులకు ఆదేశాలు ఇచ్చారు. విద్యుత్‌ పునరుద్ధరణ తదితర అంశాలపై సంబంధిత అధికారులకు ఆదేశాలు జారీ చేశారు. ప్రతి మండలంలో ఎంపీడీవో, తహసీల్దార్ల ఆధ్వర్యంలో ప్రత్యేక బృందాలు ఏర్పాటు చేశారు. యంత్రాంగం అప్రమత్తం రాష్ట్రంలో ముంచుకొస్తున్న ‘మురసు’ తుఫాన్‌ హెచ్చరికల నేపథ్యంలో జిల్లా యంత్రాంగం పూర్తిస్థాయిలో అప్రమత్తమైంది. బుడమేరు క్యాచ్‌మెంట్‌ ఏరియాలో విస్తారంగా భారీ వర్షాలు కురిసే అవకాశం ఉండటంతో వాతావరణ శాఖ నివేదికల దృష్ట్యా కలెక్టర్‌ డాక్టర్‌ జి.లక్ష్మీశ సోమవారం సాయంత్రం బుడమేరు పరీవాహక ప్రాంతంలోని గూడవల్లి, ఎనికేపాడు ప్రాంతాల్లో సుడిగాలి పర్యటన చేశారు. ఈ సందర్భంగా బుడమేరు ప్రవాహ తీరును, గట్లను, క్షేత్రస్థాయి పరిస్థితులను కలెక్టర్‌ నిశితంగా పరిశీలించారు. క్షేత్రస్థాయిలో నీటిపారుదల, రెవెన్యూ, మున్సిపల్‌ అధికారులు నిరంతరం అప్రమత్తంగా ఉంటూ సమన్వయంతో పని చేయాలని స్పష్టం చేశారు. బలహీనంగా ఉన్న కరకట్టల వద్ద ఇసుక బస్తాలను సిద్ధం చేసుకోవాలని సూచించారు. తుఫాన్‌ ప్రభావం తగ్గేంతవరకు బుడమేరు లోతట్టు, పరివాహక ప్రాంత ప్రజలు అప్రమత్తంగా ఉండాలని కోరారు. ఎలాంటి ఆందోళన చెందాల్సిన అవసరం లేదని, అధికార యంత్రాంగం రౌండ్‌ ది క్లాక్‌ అందుబాటులో ఉంటుందని భరోసా ఇచ్చారు. ఎగసి పడుతున్న అలలు కోడూరు మండలం పాలకాయ తిప్పవద్ద అలలు ఎగసిపడుతున్నాయి. బందరు తీరం వద్ద అలల ఉధృతి అధికంగానే ఉంది. తుపాను హెచ్చరికల నేపథ్యంలో పాలకాయతిప్ప సింక్‌కు బోట్లు చేరుకున్నాయి. ఎప్పటికప్పుడు ప్రభుత్వ అధికారిక సమాచారాన్ని మాత్రమే గమనించాలని, సోషల్‌ మీడియాలో వచ్చే వదంతులు, అపోహలను ఎట్టిపరిస్థితుల్లోనూ నమ్మవద్దని విజ్ఞప్తి చేశారు. ఏదైనా అత్యవసర సమాచారం ఉంటే కలెక్టరేట్‌ కంట్రోల్‌ రూమ్‌ నంబర్‌ 91549 70454 కు సమాచారం అందించాలని తెలిపారు. ప్రజల ప్రాణ, ఆస్తి నష్టం జరగకుండా ముందస్తు జాగ్రత్త చర్యగా ప్రజలకు ఎలాంటి ఇబ్బందులు తలెత్తకుండా ఉండేందుకు నగర పోలీస్‌ కమిషనర్‌ రాజశేఖరబాబు పోలీసు యంత్రాంగాన్ని అప్రమత్తం చేశారు. ఎక్కడా అవాంఛనీయ సంఘటనలు జరగకుండా సిబ్బంది అందుబాటులో ఉండాలని సూచించారు. తుఫాను అత్యవసర పరిస్థితులను ఎదుర్కొనేందుకు ఎన్టీఆర్‌ జిల్లా పోలీస్‌ కమిషనరేట్‌ పరిధిలోని అన్ని పోలీస్‌ స్టేషన్లు, ప్రత్యేక రెస్క్యూ టీమ్‌లు సిద్ధంగా ఉన్నాయన్నారు.

రైల్వేస్టేషన్‌(విజయవాడపశ్చిమ): దక్షిణ కోస్తా రైల్వే విజయవాడ డివిజన్‌లో విజిలెన్స్‌ అవగాహన వారోత్సవాల ముగింపు వేడుకలు సోమవారం జరిగాయి. ముఖ్యఅతిథిగా పాల్గొన్న డీఆర్‌ఎం మోహిత్‌ సోనాకియా మాట్లాడుతూ.. ప్రజా సేవలో సమగ్రత, పారదర్శకత, జవాబుదారీతనాన్ని ప్రోత్సహించే లక్ష్యంతోనే డివిజన్‌లో విజిలెన్స్‌ వారోత్సవాల ద్వారా అనేక అవగాహన కార్యక్రమాలు నిర్వహిస్తున్నట్లు తెలిపారు. ప్రజా పరిపాలనలో అప్రమత్తత ప్రాముఖ్యత, నైతిక ప్రవర్తన, అవినీతి నివారణలో ఉద్యోగుల సామూహిక బాధ్యతను వివరిస్తూ దక్షిణ కోస్తా రైల్వే డెప్యూటీ చీఫ్‌ విజిలెన్స్‌ ఆఫీసర్‌ వెంకట కారుణ్య పీపీటీ ప్రజెంటేషన్‌ ఇచ్చారు. రైల్వే ఉద్యోగులు, జాక్‌ అండ్‌ జిల్‌ స్కూల్‌, కేంద్రీయ విద్యాలయం, ఐకాన్‌ స్కూల్‌ విద్యార్థులకు వ్యాసరచన, చిత్రలేఖనం పోటీలు నిర్వహించారు. అనంతరం విజేతలకు బహుమతులు ప్రదానం చేశారు.

హనుమాన్‌జంక్షన్‌రూరల్‌: నిరుపేద కుటుంబానికి చెందిన వైద్య విద్య విద్యార్థినికి మానవత స్వచ్ఛంద సేవా సంస్థ అండగా నిలిచింది. ఎంబీబీఎస్‌ పూర్తి చేసేందుకు ఏటా రూ.లక్ష చొప్పున ఆర్థికసాయం అందించనున్నట్లు ప్రకటించింది. తెలంగాణ రాష్ట్రం నాగర్‌ కర్నూల్‌ జిల్లా అచ్చంపేటకు చెందిన మేకల కాపరి మల్లయ్య కుమార్తె గూదేలి ఝాన్సీ నీట్‌ ప్రవేశ పరీక్షలో అత్యుత్తమ ర్యాంకు సాధించి సిరిసిల్ల ప్రభుత్వ వైద్య కళాశాలలో ఎంబీబీఎస్‌ సీటు పొందినట్లు ఇటీవల ‘సాక్షి’ టీవీలో ప్రసారమైన వార్తకు మానవత సభ్యులు స్పందించారు. కనీసం ఉండటానికి కూడా సరైన ఇల్లు లేని పరిస్థితుల్లో సొంతంగా నీట్‌ ప్రవేశ పరీక్షకు ప్రిపేర్‌ అవుతూనే, ఖాళీ సమయాల్లో తండ్రికి సాయంగా మేకలు కాపలా కాస్తూ ర్యాంకు సాధించినట్లు తెలుసుకున్న మానవత సభ్యులు చలించారు. మేకల కాపరి మల్లయ్యను మానవత రాష్ట్ర కన్వీనర్‌, జాతీయ ఉత్తమ ఉపాధ్యాయ అవార్డు గ్రహీత మారుబోయిన కోటేశ్వరరావు ఫోన్‌లో సంప్రదించి, పరిస్థితిని అడిగి తెలుసుకున్నారు. మానవత ద్వారా ఏటా లక్ష రూపాయల చొప్పున ఎంబీబీఎస్‌ చదువుకు ఆర్థిక సాయం అందిస్తామని భరోసా ఇచ్చారు. మొదటి సంవత్సరం ఫీజుకు అవసరమైన రూ.1,07,200 ఝాన్సీ కుటుంబ బ్యాంకు ఖాతాకు జమ చేసినట్లు తెలిపారు. ఏటా ఆమె ఫీజును తామే చెల్లిస్తామని ఈ సందర్భంగా తెలిపారు. మానవత హనుమాన్‌జంక్షన్‌ శాఖ అధ్యక్ష, కార్యదర్శులు గంటా ఇందిరాదేవి, పాబోలు గణేష్‌, కోశాధికారి మరీదు వెంకటస్వామి, సినీయర్‌ సభ్యులు జన్యావుల సత్యనారాయణ, కేతినీడి జయప్రకాష్‌, నారగాని కొండలరావు, గంటా సత్యనారాయణ, నరహరిశెట్టి శ్రీధర్‌, వేగిరెడ్డి సూర్యానారాయణ, పొట్లూరి శేషాచలం పాల్గొన్నారు. పాలకొల్లు సెంట్రల్‌: ఓ మహిళ క్షణికావేశంలో రోకలిబండతో భర్తను కొట్టి చంపిన ఘటన పాలకొల్లు మండలంలో జరిగింది. రూరల్‌ పోలీసులు సోమవారం తెలిపిన వివరాల ప్రకారం.. పాలకొల్లు మండలంలోని దగ్గులూరు గ్రామానికి చెందిన చల్లా సూర్యమల్లేశ్వరరావుకు ముగ్గురు కుమార్తెలు, కుమారుడు చల్లా సూర్యప్రకాష్‌ (45) ఉన్నారు. అందరికీ వివాహాలయ్యాయి. 20 ఏళ్ల క్రితం కృష్ణా జిల్లా బంటుమిల్లికి చెందిన కాసా వాణిత్రిపురతో సూర్యప్రకాష్‌కు పెళ్లయింది. వారికి కుమారుడు, కుమార్తె ఉన్నారు. సూర్యమల్లేశ్వరరావు భార్య మూడేళ్ల క్రితం చనిపోవడంతో కుమారుడు సూర్యప్రకాష్‌ వద్దే ఉంటున్నారు. సూర్యప్రకాష్‌ వస్త్ర వ్యాపారం చేసి ఆర్థికంగా నష్టపోయి మద్యానికి బానిసయ్యాడు. మద్యం మత్తులో భార్యాభర్తలు తరచూ గొడవపడుతుండేవారు. ఏడాది కాలంగా సూర్యప్రకాష్‌ అత్తమామలు వచ్చి ఇక్కడే ఉంటున్నారు. వ్యాపారంలో నష్టపోయి ఆర్థిక భారాన్ని తట్టుకోలేకపోతున్నానని, వెంటనే మీ అమ్మానాన్నలను వాళ్ల ఇంటికి పంపించేయాలని సూర్యప్రకాష్‌ భార్యతో తరచూ గొడవపడుతుండేవాడు. ఈ నేపథ్యంలో సోమవారం ఉదయం సూర్యప్రకాష్‌ బయటకెళ్లి టిఫిన్‌ చేసి ఇంటికి వచ్చాడు. కొద్దిసేపటికే లోపల నుంచి కొడుకు కేకలు వినిపించడంతో.. సూర్యమల్లేశ్వరరావు ఏమిటా అని వెళ్లి చూశాడు. ఆ సమయంలో సూర్యప్రకాష్‌ రెండు చేతులను కోడలు తండ్రి కాసా లోకేశ్వరరావు వెనక్కి విరిచి పట్టుకోగా.. వాణి త్రిపుర రోకలిబండతో భర్త తలపై బలంగా కొట్టింది. సూర్యమల్లేశ్వరరావు అడ్డుకోగా కోడలి తల్లి బసవకోటమ్మ ఆయనను పక్కకు తోసివేసింది. సూర్య ప్రకాష్‌ తలపై మోది హత్య చేసిన అనంతరం ముగ్గురూ అక్కడి నుంచి పరారయ్యారు. సూర్యమల్లేశ్వరరావు కేకలు వేయడంతో చుట్టుపక్కల వారు వచ్చి సూర్యప్రకాష్‌ను ప్రభుత్వాస్పత్రికి తరలించారు. అప్పటికే ఆయన మృతి చెంది నట్లు వైద్యులు నిర్ధారించారు. మృతుడి తండ్రి సూర్యమల్లేశ్వరరావు ఫిర్యాదు మేరకు కేసు నమోదు చేసి దర్యాప్తు చేస్తున్నట్లు రూరల్‌ పోలీసులు తెలిపారు.

మోపిదేవి: స్థానిక శ్రీవల్లీదేవసేన సమేత శ్రీసుబ్రహ్మణ్యేశ్వర స్వామిని ఆదివారం వేలాది మంది భక్తులు దర్శించుకున్నారు. పుట్ట, స్వామి దర్శనం క్యూలైన్లన్నీ భక్తులతో కిటకిటలాడాయి. ఆలయమంతటా ఆధ్యాత్మిక శోభ నెలకొంది. వివిధ సేవా టిక్కెట్ల ద్వారా రూ.6,60,159 ఆదాయం సమకూరిందని ఆలయ అధికారులు తెలిపారు. ఆలయ కార్యనిర్వహణాధికారి దాసరి శ్రీరామవరప్రసాదరావు ఆధ్వర్యంలో సూపరింటెండెంట్‌ అచ్యుత మధుసూదనరావు ఏర్పాట్లను పర్యవేక్షించారు. చిట్టినగర్‌(విజయవాడ పశ్చిమ): విజయవాడ పశ్చిమ నియోజకవర్గంలో పోలింగ్‌ మొదలైన తొలి గంటలోనే దొంగ ఓటు నమోదైంది. 44వ డివిజన్‌ పరిధిలోని కొత్త అమ్మవారి దేవస్థానంలోని పోలింగ్‌ బూత్‌లో ఈ ఘటన జరిగింది. ఈ డివిజన్‌కు చెందిన మజ్జి ఈశ్వరరావు తన ఓటు హక్కు వినియోగించుకునేందుకు ఉదయం 7.30 గంటలకు పోలింగ్‌ బూత్‌కు వెళ్లారు. పావు గంట పాటు క్యూలైన్‌లో నిల్చున్న తర్వాత తన ఓటును ఎవరో గుర్తు తెలియని వ్యక్తి వేసినట్లు పోలింగ్‌ ఏజెంట్‌తో పాటు అధికారి చెప్పడంతో ఒక సారిగా అవాక్కయ్యారు. పోలింగ్‌ ప్రారంభమైన గంటలోనే దొంగ ఓటు పడటంతో ఈశ్వరరావు ఒక సారిగా ఆశ్చర్యానికి గురయ్యారు. పోలింగ్‌ మొదలైన గంటలోనే దొంగ ఓటు పడటంతో ఈశ్వరరావు ఎన్నికల అఽధికారితో పాటు పోలింగ్‌ ఏజెంట్లను ప్రశ్నించారు. చివరకు మజ్జి ఈశ్వరరావు చాలెంజ్‌ ఓటు వేశారు. అయితే ఈ విషయం బయటకు రావడంతో అధికారులు అప్రమత్తమయ్యారు. ఈ ఘటన జరిగిన తర్వాత అన్ని పోలింగ్‌ స్టేషన్లలోనూ ఓటరు గుర్తింపు కార్డును ఒకటికి రెండు సార్లు పరిశీలించారు. పెనుగంచిప్రోలు: గ్రామంలో వేంచేసి ఉన్న శ్రీతిరుపతమ్మ వారి ఆలయ ఈఓగా నూతక్కి వెంకటసాంబశివరావు ఆదివారం బాధ్యతలు స్వీకరించారు. ప్రస్తుత ఆలయ ఈఓ జి.వి.డి.ఎన్‌.లీలాకుమార్‌ వ్యక్తిగత కారణాలతో సెలవుపై వెళ్లటంతో తిరుమలగిరి ఈఓగా పనిచేస్తున్న సాంబశివరావుకు ఎఫ్‌ఏసీ బాధ్యతలు అప్పగించారు. ఆలయ ఏఈఓ జంగం శ్రీనివాసరావు, సిబ్బంది పాల్గొన్నారు. పమిడిముక్కల: మండలంలోని తుపాను ప్రభావిత ప్రాంతాల్లో ఆచార్య ఎన్‌జీ రంగా వ్యవసాయ విశ్వవిద్యాలయ శాస్త్రవేత్తల బృందం ఆదివారం పర్యటించింది. గోపువానిపాలెం, చోరగుడి, కృష్ణాపురం, ఐనపూరు గ్రామాల్లో పర్యటించి నేలవాలిన వరి చేలను పరిశీలించారు. నేలవాలిన, నీటిలో ఉన్న వరి పైరును రక్షించుకునేందుకు రైతులకు శాస్త్రవేత్తలు పలు సూచనలు, సలహాలు అందజేశారు. మురుగునీటి పారుదల, తెగుళ్ల నివారణ, గింజల మొలక నివారణకు తీసుకోవాల్సిన జాగ్రత్తలను వివరించారు. కార్యక్రమంలో శాస్త్రవేత్తలు గోపాలస్వామి, విజయభాస్కరరెడ్డి, లహరి, ఏఓ గణేష్‌రెడ్డి, ఏఈఓ సునీల్‌, వ్యవసాయ సహాయకులు పాల్గొన్నారు. కొండపల్లి(ఇబ్రహీంపట్నం): మునిసిపల్‌ ఎన్నికల విధుల్లో పాల్గొన్న సిబ్బందికి భోజనాలు పంపిణీ చేసిన తీరుపై విమర్శలు వ్యక్తమయ్యాయి. సాధారణంగా పట్టణంలోని వీధుల్లో చెత్త సేకరణకు ఉపయోగించే వాహనంలోనే ఎన్నికల సిబ్బందికి ఆదివారం ఆహారాన్ని సరఫరా చేయడం వివాదాస్పదంగా మారింది. ఎన్నికల విధుల్లో బాధ్యతలు నిర్వర్తిస్తున్న సిబ్బందికి కనీస పరిశుభ్రత ప్రమాణాలు పాటిస్తూ భోజనాలు సరఫరా చేయాల్సి ఉండగా, ఇలా చెత్త సేకరణ వాహనంలో తీసుకురావడంపై పలువురు అభ్యంతరం వ్యక్తం చేశారు.

లబ్బీపేట(విజయవాడతూర్పు): అనంతపురం జిల్లా రాప్తాడులో పదో తరగతి విద్యార్థినిపై జరిగిన దారుణ దాడి ఘటనను ఆంధ్రప్రదేశ్‌ కౌన్సెలింగ్‌ సైకాలజిస్టుల అసోసియేషన్‌ తీవ్రంగా ఖండించింది. విజయవాడలో ఆదివారం సమావేశమైన కౌన్సెలింగ్‌ సైకాలజిస్టులు ఆ ఘటనపై తీవ్ర దిగ్భ్రాంతి వ్యక్తం చేస్తూ, బాధ్యులపై కఠిన చర్యలు తీసుకోవాలని తీర్మానం చేశారు. ఈ తీర్మానాన్ని ముఖ్యమంత్రి, విద్యాశాఖ మంత్రి, హోం మంత్రికి పంపుతున్నట్లు తెలిపారు. ఈ సందర్భంగా అసోసియేషన్‌ రాష్ట్ర అధ్యక్షుడు డాక్టర్‌ టి.ఎస్‌.రావు మాట్లాడుతూ.. ఇలాంటి ఘటనలు పునరావృతం కాకుండా ఉండటానికి పాఠశాల యాజమాన్యాలు, తల్లిదండ్రులు తగిన జాగ్రత్తలు తీసుకోవాలని సూచించారు. పాఠశాలల్లో వాచ్‌మెన్లను నియమించాలని, అపరిచిత వ్యక్తులు ప్రాంగణంలోకి రాకుండా లోపలికి వచ్చే వారిని ప్రశ్నించే వ్యవస్థ ఉండాలని పేర్కొన్నారు. అసోసియేషన్‌ ఉపాధ్యక్షుడు డాక్టర్‌ గర్రే శంకరరావు మాట్లాడుతూ.. విద్యాసంస్థల్లో విద్యార్థుల మానసిక దృఢత్వానికి చర్యలు చేపట్టాలని సూచించారు. అన్ని పాఠశాలలు, కళాశాలల్లో కౌన్సెలింగ్‌ సైకాలజిస్టులను నియమించి విద్యార్థులను చైతన్యవంతం చేయాలన్నారు. కోచ్‌ల ద్వారా విద్యార్థులకు ‘సెల్ఫ్‌ ప్రొటెక్షన్‌’ (స్వయం రక్షణ) శిక్షణ ఇవ్వాలని, ప్రమాదం ఎదురైనప్పుడు ముందుగా తమను తాము ఎలా కాపాడుకోవాలో నేర్పించాలన్నారు. ఈ సమావేశంలో అసోసియేషన్‌ మహిళా అధ్యక్షురాలు శ్రావణి కృష్ణవేణి, జగదీష్‌, ప్రసాద్‌ పాల్గొన్నారు. సైకాలజిస్టుల అసోసియేషన్‌ డిమాండ్‌

● పోలీసుల అనుమతితోనే దొంగ ఓట్లు! ● యథేచ్ఛగా సాగిన కూటమి అరాచకం ● ఓటర్లను భయభ్రాంతులకు గురి చేసిన పోలీసులు లబ్బీపేట/పటమట(విజయవాడతూర్పు): ప్రజాధరణ కోల్పోయిన కూటమి ప్రభుత్వం విజయవాడ నగర పాలక సంస్థ ఎన్నికల్లో ఎలాగైనా విజయం సాధించేందుకు అక్రమ మార్గాన్ని ఎంచుకుంది. దొంగ ఓట్లు, రిగ్గింగ్‌తో విజయం సాధించేందుకు గూండాలను రంగంలోకి దింపింది. తెలంగాణ ప్రాంతానికి చెందిన గూండాలు ఆదివారం లబ్బీపేట శ్రీ దుర్గామల్లేశ్వర సిద్ధార్థ మహిళా కళాశాల వద్ద హడావుడి చేశారు. కూటమికి ఓట్లు వేయాలని ఓటర్లును బెదిరించడంతో పాటు, పోలింగ్‌ బూత్‌ల వద్దకు వెళ్లి దొంగ ఓట్లు, రిగ్గింగ్‌కు యత్నించారు. అయితే వారి ఆగడాలను స్థానికులు అడ్డుకున్నారు. స్థానికేతరులు వచ్చి రుబాబు చేయడం ఏమిటని నిలదీశారు. దీంతో తెలంగాణ గూండాలు అక్కడి నుంచి జారుకున్నారు. ఉదయం నుంచే రుబాబు.. తెలంగాణ నుంచి వచ్చిన గూండాలు 11వ డివిజన్‌ పోలింగ్‌ బూత్‌ వద్ద ఉదయం నుంచి ఓటర్లు, స్థానికులపై రుబాబు చేయడం ప్రారంభించారు. వారు కూటమికి అనుకూలంగా వ్యవహరించడంతో పోలీసులు సైతం చూసీ చూడనట్లు వదిలేశారు. సాయంత్రం వరకూ వారు దొంగ ఓట్లు వేసేందుకు ప్రయత్నిస్తుండగా స్థానికులు అడ్డుకున్నారు. సాయంత్రం ఐదు గంటలకు పోలింగ్‌ ముగిశాక ఒక్కొక్క బూత్‌లో ఓటర్లను క్లియర్‌ చేసి, తలుపులు వేసే సమయంలో తెలంగాణ గూండాలు నలుగురు బూత్‌లోకి చొరబడే ప్రయత్నం చేశారు. దీంతో అక్కడ ఓటు వేసేందుకు వేసి ఉన్న వారు ప్రశ్నించడంతో వారిని తోసి వేసి తలుపులకు అడ్డుగా నిల్చున్నారు. వారు తెలంగాణ నుంచి రింగ్గింగ్‌ కోసం వచ్చినట్లు తెలుసుకున్న స్థానికులు నిలదీశారు. దీంతో వివాదం చెలరేగంతో పోలీసులు చేరుకుని నచ్చచెప్పారు. అనంతరం తెలంగాణ నుంచి వచ్చిన వారు అక్కడి నుంచి జారుకున్నారు. ప్రజలు అడ్డుకోకుంటే రిగ్గింగ్‌ చేసి పెద్ద ఎత్తున దొంగ ఓట్లు వేసేవారని స్థానికులు పేర్కొన్నారు. దొంగ ఓట్లకు పోలీసుల సహకారం! పటమట కేబీసీ ఉన్నత పాఠశాల్లో 17వ డివిజన్‌ నాలుగో బూత్‌కు ఓ యువతి రెండుసార్లు ఓటు వేయటానికి వచ్చింది. ఆమెను గమనించిన వైఎస్సార్‌ సీపీ అభ్యర్థి పర్వతనేని పవన్‌, బూత్‌ ఏజెంట్లు అడ్డుకున్నారు. రెండు గంటల క్రితమే ఓటు వేసి మళ్లీ ఎందుకు వచ్చావని ప్రశ్నించటంతో ఆ యువతి అక్కడి నుంచి ఉడాయించింది. అయితే పోలీసులు ఓటర్లతో దురుసుగా ప్రవర్తించారు. ఈ పోలింగ్‌ స్టేషన్‌లో విధులు నిర్వహించేందుకు వచ్చిన కానిస్టేబుల్‌ వి.వెంకటరమణ ఓటర్లను భయభ్రాంతులకు గురిచేశారు. క్యూలైన్లో ఉన్న వారిని చెదరగొట్టడం, విజిల్‌వేసి విసిగించటం, ఓటరు స్లిప్పు ఉన్నప్పటికీ వారిని బూత్‌ వరకు అనుమతించకపోవటంపై ఓటర్లు అభ్యంతరం తెలిపారు. దొంగ ఓటు వేయటానికి వచ్చిన యువతిని సదరు కానిస్టేబులే బూత్‌లోకి తీసుకెళ్లారని, ఆ విషయం వివాదం కావటంతో ఆయనే ఆమెను బయటకు తీసుకువెళ్లిపోయారని ఓటర్లు ఆరోపించారు. సదరు కానిస్టేబుల్‌ నేమ్‌ ప్లేట్‌పై పీసీ నంబరు లేకపోవటంతో అనుమానం వ్యక్తం చేయటంతో కొద్దిసేపు ఉద్రిక్తత నెలకొంది. ఈ ఘటనపై చర్చ జరుగుతుండగా అక్కడే ఉన్న మరో పోలీసు అధికారి కలగజేసుకుని ఆయన్ను అక్కడి నుంచి పంపించేశారు.

చిట్టినగర్‌(విజయవాడపశ్చిమ): ‘పార్టీకి వెన్నుపోటు పొడుస్తున్నావురా.. నా.. కొ.. నీ అమ్మ..’ అంటూ కూటమి నేతలు ఒకరిపై మరోకరు బూతు పురాణం అందుకున్నారు. ఒకరినొకరు తోసుకున్నారు. విజయవాడ పశ్చిమ నియోజకవర్గంలోని 45వ డివిజన్‌లో ఈ ఘటన ఆదివారం చోటు చేసుకుంది. ఈ డివిజన్‌లో కూటమి తరఫున జనసేన నుంచి అత్తులూరి కల్యాణి కార్పొరేటర్‌ అభ్యర్థ్థిగా పోటీలో నిలిచారు. అయితే జనసేన సీటును స్థానికంగా ఉండే కూర్మారావు ఆశించారు. మాజీ కార్పొరేటర్‌ భర్త అయిన పెద్దబాబు డివిజన్‌లోని ఈద్గామహాల్‌ రోడ్డులోని పోలింగ్‌ కేంద్రం దగ్గర ఉండగా, అక్కడికి దగ్గరలోనే ఇండిపెండెంట్‌ అభ్యర్థి పేరాబత్తుల రాజేశ్వరి కార్యాలయం వద్ద కూర్మారావు ఉన్నట్లు అతనికి తెలిసింది. అక్కడకు చేరుకున్న పెదబాబు, కూర్మారావు మధ్య వాదన మొదలైంది. ఈ క్రమంలోనే జనసేన కార్యకర్త దుక్కా దుర్గారావు, కూర్మారావు ఒకరిని మరోకరు నోటికి వచ్చినట్లు దూషించుకున్నారు. పార్టీకి వెన్నుపోటు పొడుస్తున్నావని కూర్మారావును దుర్గారావు విమర్శించగా, ‘నిన్నటి వరకు మీరు ఏ పార్టీలో ఉన్నారు? అన్ని పార్టీల జెండాలు మోసి ఇప్పుడు జనసేనలోకి వచ్చారు. మేము జనసేనలో తొలి నాటి నుంచి ఉన్నాం’ అంటూ బదులిచ్చారు. వారి తీరును చూసి ఓటర్లు విస్తుపోయారు.

ఇబ్రహీంపట్నం: కొండపల్లిలోని 36, 37 పోలింగ్‌ కేంద్రాలను రాష్ట్ర ఎన్నికల కమిషనర్‌ అనిల్‌ చంద్ర పునేఠ ఆదివారం సందర్శించారు. అక్కడ జరుగుతున్న పోలింగ్‌ సరళిని క్షేత్రస్థాయిలో పరిశీలించారు. ఎన్ని ఓట్లు పోలయ్యాయి, ఓటింగ్‌ శాతం ఎంత అనే వివరాలను అధికారులను అడిగి తెలుసుకున్నారు. ఈ సందర్భంగా పోలింగ్‌ కేంద్రాల్లో చేపట్టిన ఏర్పాట్లు, ఓటర్లకు కల్పించిన సౌకర్యాలు, పోలింగ్‌ ప్రక్రియ నిర్వహణ తీరును సమీక్షించారు. ఈ సందర్భంగా ఆయన మాట్లాడుతూ.. ప్రజాస్వామ్య పరిరక్షణ, పటిష్టతలో ప్రతి ఓటరు భాగస్వామి కావాలన్నారు. ఇప్పటి వరకు తాను అనేక పోలింగ్‌ కేంద్రాలు పరిశీలించానని, అన్ని చోట్లు ఓటింగ్‌ సరళి, ఏర్పాట్లు బాగున్నాయని వెల్లడించారు. లబ్బీపేట(విజయవాడతూర్పు): అగ్రి గోల్డ్‌ బాధితులు, ఏజెంట్ల వద్ద ఉన్న ఒరిజినల్‌ బాండ్లను కానూరులోని ప్రాంతీయ సీఐడీ కార్యాలయంలో పరిశీలించనున్నట్లు పోలీస్‌ కమిషనర్‌ ఎస్‌.వి.రాజశేఖరబాబు ఆదివారం ఒక ప్రకటనలో తెలిపారు. సోమ, మంగళవారాల్లో వీరులపాడు మండలం, ఈనెల 6, 7 తేదీల్లో చందర్లపాడు మండలానికి సంబంధించిన వారి బాండ్లు పరిశీలించనున్నట్లు పేర్కొన్నారు. ఆయా రోజుల్లో ఉదయం పది నుంచి సాయంత్రం ఐదు గంటల్లోపు అగ్రి గోల్డ్‌ డిపాజిటర్లు, లబ్ధిదారులు, ఏజెంట్లు తమ బాండ్ల పరిశీలనకు రావాలని సూచించారు. అమరజీవికి ఘన నివాళి జగ్గయ్యపేటఅర్బన్‌: ఆంధ్రప్రదేశ్‌ రాష్ట్ర అవతరణ దినోత్సవం వేడుకలను జగ్గయ్యపేట పట్టణంలో ఆదివారం ఘనంగా నిర్వహించారు. ఇంటర్నేషనల్‌ వైశ్య ఫెడరేషన్‌(ఐవీఎఫ్‌) జగ్గయ్యపేట కమిటీ ఆధ్వర్యంలో అమరజీవి పొట్టి శ్రీరాములు విగ్రహానికి పూలమాలలు వేసి నివాళులర్పించారు. ఈ సందర్భంగా ఐవీఎఫ్‌ ఆధ్యాత్మిక కమిటీ వైస్‌ చైర్మన్‌ పేరూరి వెంకటలక్ష్మీనరసింహారావు మాట్లాడుతూ పొట్టి శ్రీరాములు త్యాగ ఫలితంగానే నేడు తెలుగు రాష్ట్రం ఏర్పడిందన్నారు. కర్యక్రమంలో పెద్ద శివాలయం స్థానాచార్యులు పిల్లలమర్రి నాగేశ్వరశర్మ, చక్కా సూర్యప్రకాష్‌, పెను గొండ రామకృష్ణ, చౌట రమేష్‌, కంభంపాటి రవికుమార్‌, కర్లపాటి కొండ, రాయపూడి శ్రీనివాసరావు, చిన్నం ప్రసాద్‌, రవికిషోర్‌ తదితరులు పాల్గొన్నారు.రాష్ట్ర ఎన్నికల కమిషనర్‌ అనిల్‌చంద్ర పునేఠ

అజిత్‌సింగ్‌నగర్‌(విజయవాడసెంట్రల్‌): విజయవాడ 73వ డివిజన్‌ న్యూరాజరాజేశ్వరీపేటలోని ఐదు బూత్‌లలో రీపోలింగ్‌ నిర్వహించాలని విజయవాడ మేయర్‌ స్వతంత్ర అభ్యర్థి ఏబీ వెంకటేశ్వరరావు డిమాండ్‌ చేశారు. న్యూఆర్‌ఆర్‌పేటలోని కేర్‌ అండ్‌ షేర్‌ ఎలిమెంటరీ స్కూల్‌లో ఏర్పాటు చేసిన పోలింగ్‌ కేంద్రాన్ని సాయంత్రం 4:40 గంటలకు తాను సందర్శించినప్పుడు టీడీపీ, వైఎస్సార్‌ సీపీ రెండు వర్గాల మధ్య తీవ్ర ఘర్షణ చోటుచేసుకుందని, దీని వల్ల పోలింగ్‌కు ఆటంకం కలిగిందంటూ రాష్ట్ర ఎన్నికల సంఘానికి (ఎస్‌ఈసీ)కి ఆయన ఫిర్యాదు చేశారు. ఈ ఘటనల నేపథ్యంలో డివిజన్లోని ఐదు పోలింగ్‌ బూత్లలో జరిగిన పోలింగ్‌ను రద్దు చేసి తిరిగి పోలింగ్‌ నిర్వహించాలని డిమాండ్‌ చేశారు. అక్కడ విధుల్లో ఉన్న ఇద్దరు కానిస్టేబుళ్లు, హోంగార్డులు పరిస్థితిని అదుపు చేయలేకపోయారని ఆరోపించారు. అదనపు పోలీసు బలగాలు వచ్చి ఘర్షణకు దిగిన వారిని చెదరగొట్టారన్నారు. వైఎస్సార్‌సీపీకి చెందిన ఇద్దరిని అరెస్టు చేసిన పోలీసులు టీడీపీ వర్గానికి చెందిన వారిపై ఎలాంటి చర్యలు తీసుకోలేదని ఆరోపించారు. 73వ డివిజన్లోని 73/1, 73/2, 73/3, 73/4, 73/5 మొత్తం ఐదు పోలింగ్‌ బూత్‌లలో తిరిగి పోలింగ్‌ నిర్వహించాలని ఎన్నికల సంఘాన్ని డిమాండ్‌ చేశారు. అలాగే పోలింగ్‌కు ఆటంకం కలిగించిన వారందరినీ అరెస్ట్‌ చేయాలని, విధి నిర్వహణలో నిర్లక్ష్యం వహించిన పోలీసు అధికారులపై కూడా చర్యలు తీసుకోవాలని కోరారు. అప్పటి వరకు తాను అక్కడే ఉండి ఆందోళన కొనసాగిస్తానంటూ పోలింగ్‌ కేంద్రం ఎదుటే రోడ్డుపై బైఠాయించి నిరసన తెలిపారు. పోలింగ్‌ కేంద్రం వద్ద స్వతంత్ర అభ్యర్థి ఆందోళన

జెడ్పీటీసీ, ఎంపీటీసీ అభ్యర్థుల ప్రచారం గ్రామాల్లో జోరుగా సాగుతోంది. వైఎస్సార్‌ సీపీ అభ్యర్థులు ఆదివారం ఇంటింటికీ వెళ్లి ప్రచారం చేశారు. వైఎస్సార్‌ సీపీతోనే సంక్షేమం, అభివృద్ధి సాధ్యమని పేర్కొన్నారు. ఫ్యాన్‌ గుర్తుపై ఓటువేసి గెలిపిస్తే నిత్యం ప్రజల్లో ఉండి, సమస్యల పరిష్కారానికి కృషిచేస్తామని వైఎస్సార్‌ సీపీ అభ్యర్థులు హామీ ఇచ్చారు. అభ్యర్థుల ప్రచారానికి ప్రజల నుంచి విశేష స్పందన లభించింది. – సాక్షి నెట్‌వర్క్‌

చిట్టినగర్‌(విజయవాడపశ్చిమ): ఓటర్లకు డబ్బులు పంపిణీ చేస్తున్న టీడీపీ నాయకులను వదిలేసి, దీన్ని ప్రశ్నించిన వైఎస్సార్‌సీపీ నేతలను స్టేషన్‌కు తరలించేందుకు పోలీసులు చేసిన ప్రయత్నం బెడిసికొట్టింది. విజయవాడ పశ్చిమ నియోజకవర్గంలో ఆదివారం ఈ సంఘటన చోటు చేసుకుంది. 43వ డివిజన్‌ టీడీపీ నాయకులు కేఎల్‌రావు నగర్‌లోని ఓ అపార్టుమెంట్‌లో ఓటర్లకు డబ్బులు పంపిణీ చేస్తున్నారు. దీనిపై ఫిర్యాదు చేసినా పోలీసులు పట్టించుకోక పోవడంతో వైఎస్సార్‌ సీపీ నేతలు పంపిణీని అడ్డుకునే ప్రయత్నం చేశారు. ఇరు పార్టీలకు సంబంధించి పెద్ద ఎత్తున గుమిగూడటంతో పెట్రోలింగ్‌లో ఉన్న సీఐ, వైఎస్సార్‌సీపీ నాయకులు కర్నాటి రాంబాబు, గంటిగంపు వెంకట్‌లను స్టేషన్‌కు రావాలని బెదిరించారు. డబ్బు పంపిణీ చేస్తున్న వారిని వదిలేసి, వైఎస్సార్‌సీపీ నేతలను బెదిరించడం ఏంటని మహిళలు నిలదీయడంతో పోలీసులు అక్కడ నుంచి జారుకున్నారు.

పోలింగ్‌ను క్షేత్రస్థాయి పరిశీలించిన కలెక్టర్‌ లక్ష్మీశకొండపల్లి(ఇబ్రహీంపట్నం): స్థానిక సంస్థల ఎన్నికల నిర్వహణ ఉద్యోగుల సమన్వయం, అత్యంత అప్రమత్తంగా వ్యవహరించి నిర్వహించామని కలెక్టర్‌ జి.లక్ష్మీశ తెలిపారు. కొండపల్లి మునిసి పాలిటీ ఎన్నికల నేపథ్యంలో కలెక్టర్‌ లక్ష్మీశశ 22వ వార్డు పోలింగ్‌ కేంద్రం, కొండపల్లి జిల్లా పరిషత్‌ ఉన్నత పాఠశాల కేంద్రాన్ని పరిశీలించారు. ఈ సందర్భంగా పోలింగ్‌ ప్రక్రియ, ఎన్నికల సిబ్బంది విధుల నిర్వహణను పరిశీలించారు. ఓటర్లకు కల్పించిన సౌకర్యాలు, పోలింగ్‌ కేంద్రంలో చేపట్టిన ఏర్పాట్లపై ఆరా తీశారు. రిసెప్షన్‌ సెంటర్‌, కౌంటింగ్‌ కేంద్రాల్లో ఏర్పాట్లను తనిఖీ చేశారు. పోలింగ్‌ సామగ్రి స్వీకరణ, భద్రపరిచే విధానం, స్ట్రాంగ్‌ రూమ్‌ల భద్రత, ఓట్ల లెక్కింపు కోసం కల్పిస్తున్న మౌలిక సదుపాయాలు పరిశీలించారు. ఆర్డీఓ, జిల్లా అబ్జర్వర్‌ పరిశీలన.. ఎన్నికల జిల్లా పరిశీలకురాలు, జెన్‌కో ఎండీ నాగ లక్ష్మి, ఆర్డీఓ వెన్నెల శ్రీనివాసరావు స్థానిక 36, 37, 14, 15, 16 వార్డులను సందర్శించారు. ఎలాంటి లోపాలకు తావులేకుండా ఓటర్లు తమ ఓటు హక్కు వినియోగించుకోవాలని సూచించారు. కౌంటింగ్‌ కేంద్రం ఏర్పాటుపై పలు సూచనలు ఇచ్చారు. ఆర్వో రామకృష్ణ, మునిసిపల్‌ కమిషనర్‌ బి. శ్రీనివాసు తదితరులు పాల్గొన్నారు.

వైఎస్సార్‌ సీపీ జిల్లా అధ్యక్షుడు దేవినేని అవినాష్‌పటమట(విజయవాడతూర్పు): స్థానిక సంస్థల ఎన్నికల్లో కూటమి ప్రభుత్వం అరాచకాలకు తెర లేపిందని, ఓడిపోతామనే భయం వారిని వెంటాడి తప్పుడు దారుల్లో ఎన్నికల ప్రక్రియను, ప్రజాస్వామ్యాన్ని అపహాస్యం చేస్తున్నారని వైఎస్సార్‌ సీపీ ఎన్టీఆర్‌ జిల్లా అధ్యక్షుడు, విజయవాడ తూర్పు నియోజకవర్గ ఇన్‌చార్జి దేవినేని అవినాష్‌ అన్నారు. తూర్పు నియోజకవర్గ పరిధిలోని 17వ డివిజన్‌ పటమట హైస్కూల్‌ పోలింగ్‌ స్టేషన్‌లో దొంగ ఓటు వేసేందుకు వచ్చిన మహిళను వైఎస్సార్‌ కాంగ్రెస్‌ పార్టీ నాయకులు గుర్తించి పోలీసులకు అప్పగించటంపై అక్కడిని చేరుకున్న ఆయన ఎన్నికల నిర్వహణ విధానంపై మండిపడ్డారు. దొంగ ఓట్లు వేసే ప్రయత్నం.. కూటమి ప్రభుత్వం, తెలుగుదేశం పార్టీ అభ్యర్థులు ఓడిపోతారనే భయంతో దొంగ ఓట్లకు పాల్పడుతున్నారని విమర్శించారు. పోలీసుల బలం, అధికా రుల సహకారంతో పటమట హైస్కూల్‌, ఎన్‌.ఎస్‌.ఎం, లయోలా–సిద్ధార్థ కళాశాల వంటి పోలింగ్‌ కేంద్రాల్లో యథేచ్ఛగా దొంగ ఓట్లు వేసే ప్రయత్నాలు చేశారని విమర్శించారు. వైఎస్సార్‌ కాంగ్రెస్‌ పార్టీ అభ్యర్థులు, నాయకులు ఈ అక్రమాలను అడ్డుకుని, సంబంధిత వ్యక్తులను పోలీసులకు అప్పగించారని పేర్కొన్నారు. అయినప్పటికీ పోలీసులు తక్షణ చర్యలు తీసుకోకుండా, పట్టుబడిన వారిని వదిలిపెట్టే విధంగా వ్యవహరిస్తున్నారని, ఈ ఘటనలన్నింటినీ రాష్ట్ర ఎన్నికల సంఘం (ఈసీ) దృష్టికి తీసుకెళ్తామని, కూటమి ప్రభుత్వం రౌడీయిజం, గూండాయిజంతో ఎన్నికల్లో గెలవా లని చూస్తోందని విమర్శించారు.

ఎన్టీఆర్‌ జిల్లాసోమవారం శ్రీ 2 శ్రీ నవంబర్‌ శ్రీ 2026ముగిసిన మునిసిపల్‌ ఎన్నికల పోలింగ్‌ 9కొండపల్లి పోలింగ్‌ కేంద్రం నుంచి బ్యాలెట్‌ బాక్స్‌లను స్ట్రాంగ్‌ రూమ్‌కు తరలిస్తున్న ఎన్నికల అధికారులు, సిబ్బంది నందిగామ పట్టణంలో 32 వార్డులకు గాను 72.67 శాతం పోలింగ్‌ నమోదైంది. పట్టణంలోని ఎనిమిది, తొమ్మిదో వార్డులతో పాటు అధికార పార్టీకి అనుకూలంగా ఉండే వార్డుల్లో దొంగ ఓట్లు వేయించేందుకు టీడీపీ నాయకులు, కార్యకర్తలు ప్రయత్నించారు. ఈ సమాచారం తెలుసుకున్న శాసన మండలి సభ్యుడు డాక్టర్‌ మొండితోక అరుణకుమార్‌, వైఎస్సార్‌ సీపీ నాయకులు, కార్యకర్తలతో కలిసి పోలింగ్‌ బూత్‌ల వద్దకు చేరుకోవటంతో ఉద్రిక్త వాతావరణం నెలకొంది. పట్టణంలోని 14, 15 వార్డులకు సంబంధించిన బూత్‌లలో అధికార పార్టీ నాయకులు విచ్చలవిడిగా దొంగ ఓట్లు వేశారు. సాక్షి ప్రతినిధి, విజయవాడ: చెదురు మదురు ఘటనల మధ్య ఎన్టీఆర్‌ జిల్లాలో మునిసిపల్‌ ఎన్నికలు ముగిశాయి. ఆదివారం సెలవు అయినా విజయవాడ నగర ప్రజలు ఓటింగ్‌కు రావడానికి ఇష్టపడలేదు. దీంతో ఓటింగ్‌ శాతం గణనీయంగా తగ్గింది. మొత్తం 8,05,804 మంది ఓటర్లు ఉండగా రాత్రి 9.30 గంటల సమయానికి 55.35 శాతం మంది ఓటు వేశారని అధికారులు నిర్ధారించారు. ఎన్నికలు ప్రారంభయ్యేవరకూ నగదు పంపిణీలో బిజీగా ఉన్న కూటమి నాయకులు, పోలింగ్‌ ప్రారంభం అయిన తర్వాత యథేచ్ఛగా దొంగ ఓట్లు వేయించే ప్రయత్నం చేశారు. అయితే వైఎస్సార్‌ సీపీ నేతలు అడ్డుకునే ప్రయత్నం చేశారు. దీంతో అక్కడక్కడా ఉద్రిక్త వాతావరణం నెలకొంది. 86వ వార్డులో అత్యధికంగా 71.93 శాతం పోలింగ్‌ నమోదైంది. 55వ వార్డులో 60.74 శాతం ఓటింగ్‌ మాత్రమే జరిగింది. 83, 85వ వార్డుల్లో 64.70 శాతం చొప్పున పోలింగ్‌ నమోదైంది. 26వ వార్డు 65.25 శాతం, 46వ వార్డు 62.11 శాతం నమోదైంది. నగరంలోని మొత్తం 86 వార్డులకు 21 వార్డుల్లో 50 శాతం కూడా పోలింగ్‌ నమోదు కాలేదు. మరో 22 వార్డుల్లో మాత్రమే 60 శాతానికి మించి ఓటింగ్‌ జరిగింది. మిగిలిన వార్డుల్లోనూ పోలింగ్‌ 50 నుంచి 60 శాతం మధ్యనే ఉంది. మొత్తం 8,05,797 మంది ఓటర్లలో 4,46,021 మంది మాత్రమే ఓటేశారు. జగ్గయ్యపేటలో 72.99 శాతం పోలింగ్‌ జగ్గయ్యపేటలోని 36 వార్డుల్లో ఆదివారం జరిగిన మునిసిపల్‌ ఎన్నికల్లో పోలింగ్‌ 72.99 శాతంగా నమోదైంది. మొత్తం 43,935 మంది ఓటర్లు ఉండగా 32,038 మంది ఓటు హక్కు వినియోగించుకున్నారు. ఇందులో 22వ వార్డులో అత్యధికంగా 87.05 శాతం, ఐదో వార్డులో అత్యల్పంగా 56.56 శాతం పోలింగ్‌ నమోదైంది. తిరువూరులో 73.81 శాతం పోలింగ్‌ తిరువూరు పట్టణంలో 73.81 శాతం ఓటింగ్‌ నమోదైంది. ఇండిపెండెంట్‌ అభ్యర్థుల ప్రధాన పోలింగ్‌ ఏజెంట్ల పాసులు, మీడియా పేరుతో పాసులు పొందిన పలువురు టీడీపీ నేతలు కీలకమైన పోలింగ్‌ కేంద్రాల వద్ద తిష్టవేసి ఓటర్లను ప్రలోభ పెట్టే ప్రయత్నం చేశారు. పోలీసులు పలుమార్లు హెచ్చరించినా బయటికి వెళ్లకుండా అధికారులకు తల నొప్పిగా మారారు. పోలీసు ఉన్నతాధికారులు పోలింగ్‌ కేంద్రాల్లో కౌన్సిలర్‌ అభ్యర్థులను, సామాన్య ఓటర్లను బలవంతంగా బయటికి పంపి, టీడీపీ నేతలను మాత్రం పట్టించుకోకపోవడం పలు విమర్శలకు తావిచ్చింది. కొండపల్లి మునిసిపాలిటీలో పోలింగ్‌ ముగిసే సమయానికి 72.09 శాతం ఓటింగ్‌ నమోదు అయ్యింది. ఉదయం నుంచి పోలింగ్‌ మందకొడిగా జరిగింది. 11వ వార్డులో పోలింగ్‌ కేంద్రం బయట అభ్యర్థుల పేర్లు పక్కన సింబల్‌ గుర్తులు వేయలేదని ఇండిపెం డెంట్‌ అభ్యర్థి కలకంటి బసవయ్య అధికారులను ప్రశ్నించారు. దీంతో వివాదం ముదరడంతో కొద్దిసేపు పోలింగ్‌ నిలిచిపోయింది. 30వ వార్డులో బ్యాలెట్‌ పేపర్లు వ్యతిరేక దిశలో అధికారులు మడత పెట్టడంతో ఓటర్లు సుమారు 250 మంది వరకు రివర్స్‌లో మడతపెట్టి ఓటు వేశారు. ఒకరు గుర్తించడంతో అధికారుల వైఫల్యం బయట పడింది. 38వ వార్డులో జనసేన నాయకులు ఓటేసేందుకు క్యూలైన్‌లో నిల్చున్న వారికి నగదు పంపిణీ చేసే ప్రయత్నం చేశారు. వారిని స్థానిక వైఎస్సార్‌ సీపీ నాయకులు అడ్డుకుని పోలీసుల దృష్టికి తీసుకెళ్లారు.

● నగరంంలో అడుగడుగునా కూటమి నేతల అక్రమాలు ● పోలింగ్‌ కేంద్రాల వద్ద భారీగా నగదు పంపిణీ ● కూటమి నేతలకు అండగా పోలీసులు వన్‌టౌన్‌(విజయవాడపశ్చిమ): విజయవాడ నగరపాలకసంస్థ ఎన్నికల్లో కూటమి నేతలు అడుగడుగనా అక్రమాలకు పాల్పడ్డారు. ఏంచేసైనా కూటమి అభ్యర్ధులను గెలిపించుకోవాలని అడ్డగోలుగా వ్యవహరించారు. దీంతో వారి తీరుపై సర్వత్రా విమర్శలు వినిపిస్తున్నాయి. తమ అభ్యర్ధుల కోసం ఉదయం నుంచి దాదాపుగా అన్ని డివిజన్‌లలోనూ కూటమి నేతలు బరితెగించి ప్రవర్తిస్తున్నారంటూ అన్ని పక్షాలు మండిపడ్డాయి. పలు డివిజన్‌లలో రిగ్గింగ్‌కు పాల్పడినట్లు ప్రతిపక్షాలు ఆరోపిస్తున్నాయి. మూడు నియోజకవర్గాల్లోనూ ఒకే రీతిలో కూటమి నేతలు వ్యవహరించారు. యథేచ్ఛగా నగదు పంపిణీ.. కూటమి ఏదో విధంగా గెలవాలనే లక్ష్యంతో నగరంలో అన్ని డివిజన్‌లలోనూ కోట్లాది రూపాయాలు పంపిణీ చేసి ఓటర్లను ప్రలోభ పెట్టేందుకు ప్రయత్నించారు. ఒకొక్క ఓటుకు రూ.వెయ్యి నుంచి ఐదు వేల వరకూ పంపిణీ చేశారు. పోలింగ్‌ రోజు ఆదివారం నాడు సైతం నగదు పంపిణీ అడ్డగోలుగా కొనసాగించారు. అంత భారీ మొత్తంలో నగదు పంపిణీ జరుగుతున్నా పోలీసులు ప్రేక్షకపాత్ర పోషించారు. అలాగే కొన్ని చోట్ల హెల్మెట్లు, చీరల పంపిణీ సైతం కూటమి నేతలు చేపట్టారు. బూత్‌లో ఓట్లు లేని వ్యక్తులను ఏజెంట్లుగా పెట్టి... పొలింగ్‌ బూత్‌లో ఓట్లు లేని వ్యక్తులను ఏజెంట్‌లుగా కూర్చోపెట్టి వారి ద్వారా రిగ్గింగ్‌కు పాల్పడేందుకు కూటమి నేతలు ప్రయత్నించారు. నగరంలోని చాలా డివిజన్‌లలో ఇదేరీతిలో వ్యవహరించేందుకు కుట్రలు పన్నారు. దానిపై వైఎస్సార్‌సీపీ గట్టిగా ప్రశ్నించటంతో అధికారులు వారిని బయటకు పంపించి వేశారు. అయితే కొన్ని చోట్ల బయట వ్యక్తులు బూత్‌లో ఏజెంట్లుగా కూర్చోని కూటమికి మద్దతుగా వ్యవహరించారు. అలాగే పశ్చిమంలో బుద్దా వెంకన్న 31వ డివిజన్‌లో రిగ్గింగ్‌ చేయటానికి ప్రయత్నించారు. ఆదివారం సాయంత్రం నాలుగు గంటల సమయంలో ఒక్కసారిగా తన అనుచరులతో రజకపేట స్కూల్‌కు వచ్చి రిగ్గింగ్‌కు యత్నించారు. అదే సమయంలో వైఎస్సార్‌సీపీ నేతలు అక్కడకు రావటంతో ఉద్రిక్తత చోటు చేసుకుంది. అరాచకానికి అండగా పోలీసులు కూటమి నేతలు చేసే ఆరాచకాలకు పోలీసులు అండగా నిలిచారు. అక్రమాలు జరిగిన ప్రాంతాల్లో పలు చోట్ల వివాదాలు చోటు చేసుకున్నాయి. అయితే వివాదానికి కారణమైన వారిపై చర్యలు తీసుకోవాల్సిన పోలీసులు దానిని ప్రశ్నించిన వారిని పోలీసుస్టేషన్లకు తీసుకువెళ్లటం, జీప్‌లు ఎక్కించటం, బెదిరించటం వంటి చర్యలు దాదాపుగా అన్ని డివిజన్‌లలోనూ చోటు చేసుకున్నాయి.

మచిలీపట్నంఅర్బన్‌: రాష్ట్రంలో ప్రజాస్వామ్యాన్ని అణచివేస్తూ, ప్రజల హక్కులను కాలరాస్తూ చంద్రబాబు ప్రభుత్వం ఎన్నికల వ్యవస్థను నిర్వీర్యం చేస్తోందని మాజీ మంత్రి, వైఎస్సార్‌ సీపీ కృష్ణా జిల్లా అధ్యక్షుడు పేర్ని వెంకటరామయ్య (నాని) విమ ర్శించారు. ప్రజాస్వామ్యాన్ని ఖూనీ చేయ డంలో, ప్రజల గొంతు నొక్కేయడంలో ప్రభుత్వం అన్ని హద్దులూ దాటిందని మండిపడ్డారు. ఆదివారం హిందూ కాలేజీలో ఏర్పాటు చేసిన పోలింగ్‌ కేంద్రంలో సతీసమేతంగా ఓటు వేసిన అనంతరం ఆయన మీడియాతో మాట్లాడారు. పోలీసు బలం, రౌడీలు, గూండాల అండ, కొంతమంది అధికారుల సహకారంతో ఎన్నికల వ్యవస్థను తమకు అనుకూలంగా మార్చుకుంటున్నారని ఆరోపించారు. ఎన్నికల్లో వ్యవస్థలను లొంగదీసుకుని గెలిచినంత మాత్రాన అది నిజమైన విజయమవదన్నారు. స్వేచ్ఛగా ఓటు వేసే పరిస్థితి లేదు.. ప్రజల స్వేచ్ఛాయుతమైన ఓటు హక్కును అడ్డు కుంటూ, వారి అభిప్రాయాలను స్వేచ్ఛగా వెల్లడించకుండా నిరోధిస్తున్నారని పేర్ని నాని విమర్శించారు. ఉద్యోగులు వినియోగించుకునే పోస్టల్‌ బ్యాలెట్‌ ఓట్ల విషయంలో కూడా రిగ్గింగ్‌, దౌర్జన్యాలకు పాల్పడుతున్నారని విమర్శించారు. రాష్ట్ర డీజీపీ, రాష్ట్ర ఎన్నికల కమిషనర్‌ ప్రజాస్వామ్యాన్ని కాపాడాల్సిన బాధ్యత ఉన్న రాజ్యాంగ బద్ధమైన పదవుల్లో కొనసాగుతున్న అధికారులు అన్యాయాన్ని అడ్డుకోకుండా మౌనంగా ఉండటం దారుణ మని విమర్శించారు. పదవుల నుంచి దిగిపోయిన తర్వాత సమాజంలో తలెత్తుకుని తిరగగలరా, ప్రజలను ఎదుర్కోగలరా అని ప్రశ్నించారు.

గాంధీనగర్‌(విజయవాడసెంట్రల్‌): విజయవాడ నగరపాలక సంస్థతో పాటు కొండపల్లి, తిరువూరు, నందిగామ, జగ్గయ్యపేట మున్సిపాలిటీల ఎన్నికల నేపథ్యంలో జిల్లా కలెక్టర్‌ డాక్టర్‌ జి.లక్ష్మీశ ఆదివారం కలెక్టరేట్‌లోని కమాండ్‌ కంట్రోల్‌ కేంద్రం నుంచి పోలింగ్‌ సరళిని పరిశీలించారు. విజయవాడలోని కేబీఎన్‌ కళాశాలలో ఏర్పాటు చేసిన పోలింగ్‌ కేంద్రాన్ని పరిశీలించారు. ఇబ్రహీంపట్నం ఆక్ప్‌ఫర్డ్‌ స్కూల్‌లోని పోలింగ్‌ కేంద్రాన్ని, కొండపల్లి జిల్లా పరిషత్‌ ఉన్నత పాఠశాల పోలింగ్‌ కేంద్రాన్ని పరిశీలించారు. ఈ అదేవిధంగా పోలింగ్‌ అనంతరం కీలకపాత్ర పోషించే రిసెప్షన్‌ సెంటర్‌, కౌంటింగ్‌ కేంద్రాల్లో ఏర్పాట్లను తనిఖీ చేశారు. పోలింగ్‌ సామగ్రి స్వీకరణ, భద్రపరిచే విధానం, స్ట్రాంగ్‌ రూమ్‌ల భద్రత, ఓట్ల లెక్కింపు కోసం కల్పిస్తున్న మౌలిక సదుపాయాలు, అవసరమైన మౌలిక ఏర్పాట్లను పరిశీలించారు. ఎన్నికల జనరల్‌ అబ్జర్వర్‌ నాగలక్ష్మి.ఎస్‌ ఆదివారం క్షేత్రస్థాయిలో పరిశీలించారు. నందిగామ పరిధిలోని అనాసాగరం జెడ్పీ హై స్కూల్‌, కొండపల్లి మున్సిపాలిటీ పరిధిలోని 10 పోలింగ్‌ కేంద్రాలను పరిశీలించారు. అదేవిధంగా కొండపల్లి మున్సిపాలిటీ పరిధిలో ఏర్పాటు చేసిన రిసెప్షన్‌ కేంద్రం, ఓట్ల లెక్కింపు హాల్‌ను సందర్శించారు. కౌంటింగ్‌ ప్రక్రియ సజావుగా, పారదర్శకంగా నిర్వహించేందుకు అన్ని ముందస్తు ఏర్పాట్లు పూర్తి చేయాలని అధికారులకు సూచించారు. ఆమె వెంట నందిగా మున్సిపల్‌ కమిషనర్‌ జి.లోవరాజు, కొండపల్లి మున్సిపల్‌ కమిషనర్‌ శ్రీనివాసరావు అధికారులు పాల్గొన్నారు.

హనుమాన్‌జంక్షన్‌రూరల్‌: వైఎస్సార్‌ సీపీ జెడ్పీటీసీ, ఎంపీటీసీ అభ్యర్థుల ప్రచారం బాపులపాడు మండలంలో విస్తృతంగా సాగుతోంది. గ్రామగ్రామాన వైఎస్సార్‌ సీపీ శ్రేణులు శనివారం ముమ్మర ప్రచారం నిర్వహించారు. మండలంలోని దంటగుంట్లలో కాకులపాడు సెగ్మెంట్‌ వైఎస్సార్‌ సీపీ ఎంపీటీసీ అభ్యరి బట్టు ఆనందరావు, బాపులపాడు– 4 సెగ్మెంట్‌లో వైఎస్సార్‌ సీపీ ఎంపీటీసీ అభ్యర్థి ఆదివిష్ణు సుధారాణికి మద్దతుగా పార్టీ మండల అధ్యక్షుడు ఆవిర్నేని శేషగిరిరావు ఎన్నికల ప్రచారం నిర్వహించారు. ఇంటింటికి తిరిగి ఫ్యాను గుర్తుకు ఓటు వేసి వైఎస్సార్‌ సీపీ ఎంపీటీసీ అభ్యర్థులను భారీ మెజార్టీతో గెలిపించాలని అభ్యర్థించారు. మల్లవల్లిలో వైఎస్సార్‌ సీపీ ఎంపీటీసీ అభ్యర్థి అచ్చి శ్రీనివాసరావు గ్రామంలో విస్తృత ప్రచారం నిర్వహించారు. వీరవల్లి– 1 సెగ్మెంట్‌లో వైఎస్సార్‌ సీపీ ఎంపీటీసీ అభ్యర్థి దూసరి నిర్మలకి మద్దతుగా శాలివాహన కాలనీలో కోడెబోయిన బాబి ఎన్నికల ప్రచారం నిర్వహించారు. బాపులపాడు– 3 సెగ్మెంట్‌లో ఎంపీటీసీ అభ్యర్థి యర్రపాటి గోవింద్‌కు ఎన్నికల ప్రచారం చేశారు. రేమల్లేలో వైఎస్సార్‌ సీపీ ఎంపీటీసీ అభ్యర్థి తొమ్మండ్రు శేఖర్‌ బాబు ఎన్నికల ప్రచారం నిర్వహించారు. తాడేపల్లి రూరల్‌: ఆస్ట్రేలియా వెళ్లేందుకు వీసా కోసం అవసరమైన వైద్యపరీక్షలు నిర్వహించేందుకు తాడేపల్లిలోని మణిపాల్‌ హాస్పిటల్‌కు అధికారిక గుర్తింపు లభించినట్లు హాస్పిటల్‌ డైరెక్టర్‌ జె. రామాంజనేయరెడ్డి తెలిపారు. ఈ మేరకు శనివారం ఆయన వివరాలు వెల్లడించారు. ఆంధ్రప్రదేశ్‌తో పాటు ఇతర తెలుగు ప్రాంతాల నుంచి ఆస్ట్రేలియా వీసాకు దరఖాస్తు చేసుకునే వారు ఇకపై తమ వైద్య పరీక్షల కోసం ఇతర నగరాలకు వెళ్లాల్సిన అవసరం లేదని పేర్కొ న్నారు. ఆస్ట్రేలియా ఇమ్మిగ్రేషన్‌ నిబంధనల ప్రకారం నిర్వహించే ఆరోగ్య పరీక్షల్లో 501, 502, 704, 707 కేటగిరీలకు సంబంధించిన పరీక్షలతోపాటు, వీసా మెడికల్‌ అసెస్‌మెంట్‌లో భాగంగా అవసరమైన ఇతర డయాగ్నస్టిక్‌ పరీక్షలను కూడా ఆసుపత్రిలో నిర్వహిస్తారని వివరించారు. ఆస్ట్రేలియాలో స్ధిరపడిన దాదాపు లక్ష మంది దాకా గల తెలుగు ఎన్‌ఆర్‌ఐలకు, వారి కుటుంబాలకు ఈ సదుపాయం ఉపయోగపడుతుందని తెలిపారు. వైద్య పరీక్షలు సోమవారం నుంచి శనివారం వరకు ఉదయం 9నుంచి సాయంత్రం 5 గంటల వరకు అందుబాటు లో ఉంటాయని, ఆదివారాలు, ప్రభుత్వ సెలవు దినాల్లో ఈ సేవలు ఉండవని తెలిపారు.

జి.కొండూరు: ఎన్నికల్లో అవాంఛనీయ ఘటనలు జరగకుండా అధికారులు నిరంతరం పర్య వేక్షించాలని ఎన్టీఆర్‌ జిల్లా ఎలెక్షన్‌ ఎక్స్‌పెండించర్‌ అబ్జర్వర్‌ వి.విజయ్‌కుమార్‌ పేర్కొన్నారు. స్థానిక మండల పరిషత్‌ కార్యాలయాన్ని శనివారం తనిఖీ చేశారు. ఎన్నికల నిర్వహణ తీరుపై మండలం రిటర్నింగ్‌ అధికారి నాగమల్లికను అడిగి వివరాలు తెలుసుకున్నారు. విజయ్‌ కుమార్‌ మాట్లాడుతూ.. పోటీ చేస్తున్న అభ్యర్థుల నుంచి ప్రతిరోజూ రిపోర్టులను సేకరించాలని మండలం ఎక్స్‌పెండించర్‌ అబ్జర్వర్‌ అధికారి స్టాలిన్‌ను ఆదేశించారు. వీడియో సర్వైలెన్స్‌ టీమ్‌ చిత్రీకరించిన వీడియోలను పరిశీలించి షోడో అబ్జర్వేషన్‌, రికార్డు నిర్వహించాలని సూచించారు. కార్యక్రమంలో ఎంపీడీఓ శ్రీనివాసరావు పాల్గొన్నారు. కృష్ణా వర్సిటీ పురుషుల హాకీ జట్టు ఎంపిక నున్న(విజయవాడరూరల్‌): కృష్ణా విశ్వవిద్యాలయ పురుషుల హాకీ జట్టును నున్న విజయా కాలేజ్‌ ఆఫ్‌ ఫిజికల్‌ ఎడ్యుకేషన్‌ ఆధ్వర్యంలో శనివారం ఎంపిక చేశారు. వివిధ కళాశాలలకు చెందిన క్రీడాకారులు హాజరవగా, ప్రతిభ, ఆట తీరు ఆధారంగా 14 మందిని జట్టుకు ఎంపిక చేశారు. వర్సిటీ స్పెర్ట్స్‌ బోర్డు సెక్రటరీ డాక్టర్‌ నల్లూరి శ్రీనివాసరావు, అబ్జర్వర్‌ ఎస్‌.ఆర్‌.కె.పరమహంస, ఆర్‌.రాజశేఖర్‌ సెలక్షన్‌ కమిటీ మెంబర్లుగా వ్యవహరించారు. ఎంపికై న జట్టు ఈ నెల 28వ తేదీ నుంచి చెన్నయ్‌లోని ఎస్‌ఆర్‌ఎం విశ్వవిద్యాలయం ఆధ్వర్యంలో జరిగే సౌత్‌ జోన్‌ అంతర్‌ విశ్వవిద్యాలయాల పురుషుల హాకీ టోర్నీలో ప్రాతినిధ్యం వహిస్తుందని ఆర్గనైజింగ్‌ సెక్రటరీ డాక్టర్‌ డి.రత్నబాబు తెలిపారు. ఎంపికై న క్రీడాకారులను కళాశాల ప్రిన్సిపాల్‌ డాక్టర్‌ బి.ఉదయ్‌ కుమార్‌, కార్యదర్శి ఎన్‌.సత్యనారాయణరెడ్డి అభినందించారు. ఓటరు స్లిప్పుల పంపిణీలో అలసత్వంపై ఆగ్రహం నందిగామ రూరల్‌: మునిసిపల్‌ ఎన్నికలకు సంబంధించి ఓటరు స్లిప్పుల పంపిణీలో ఎన్నికల సిబ్బంది, సచివాలయ ఉద్యోగుల అలసత్వాన్ని నిరసిస్తూ ఓటర్లు ఆందోళనకు దిగారు. నందిగామ డీవీఆర్‌ కాలనీకి చెందిన పలువురు ఓటర్లు శనివారం సచివాలయం ఎదుట ఆందో ళన చేశారు. ఆదివారం ఎన్నికలు జరుగుతున్నా స్లిప్పులు పంపిణీ చేయకపోవటంలో ఆంతర్యమేంటని ఆగ్రహం వ్యక్తం చేశారు. ఓటరు స్లిప్పులు అందజేయకపోవటంతో తమ ఓటు ఏ వార్డులో ఉందో కూడా తెలియని పరిస్థితి నెలకొందని ఆవేదన వ్యక్తం చేశారు. ప్రశాంత వాతావరణంలో ఎన్నికలు జరిగేలా చర్యలు పామర్రు: జెడ్పీటీసీ, ఎంపీటీసీ ఎన్నికలు ప్రశాంతంగా జరిగేలా చర్యలు తీసుకున్నట్టు కృష్ణా జిల్లా ఎంపీటీసీ, జెడ్పీటీసీ ఎన్నికల పరిశీలకుడు వి.అభిషేక్‌ తెలిపారు. పామర్రులో శనివారం ఆయన పోలింగ్‌ స్టేషన్ల వారీగా బ్యాలెట్‌ పత్రాల సర్దుబాటు చేసే ప్రక్రియను పరిశీలించారు. ఈ సందర్భంగా ఆయన మాట్లాడుతూ.. సీలు వేసిన బ్యాలెట్‌ బాక్స్‌లను పెట్టెలలో పెట్టి పోలీస్‌ స్టేషన్‌లో భద్రపరిచి ఎన్ని కల ముందు రోజు పోలింగ్‌ అధికారులకు అందజేయాలని చెప్పారు. పోలింగ్‌ రోజు ఓటర్లకు అందజేసే బ్యాలెట్‌ పత్రాల నమూనాలు పక్కాగా ఉన్నాయా? లేదా? వాటిపై ముద్రించిన అభ్యర్థుల ఎన్నికల గుర్తులు సక్రమంగా ఉన్నాయా అనే అంశాలను నిశితంగా పరిశీలించామన్నారు. బ్యాలెట్‌ పత్రాల వరుస సంఖ్యలో వ్యత్యాసాలు రాకుండా సిబ్బంది తీసుకున్న జాగ్రత్తలను ఆరా తీశామన్నారు. పామర్రు మండలానికి చెందిన 16 ఎంపీటీసీ స్థానాలకు కేటాయించిన బ్యాలెట్‌ పత్రాలను పక్కాగా భద్రపరిచే ప్రక్రియను పర్యవేక్షించామన్నారు. కార్యక్రమంలో పామర్రు ఆర్వో జి.రవికాంత్‌, సహాయ ఎన్నికల అధికారి కాండ్రు జ్యోతి, ఎన్నికల సిబ్బంది పాల్గొన్నారు.

లబ్బీపేట(విజయవాడతూర్పు): నగర పాలక సంస్థ, ఎంపీటీసీ, జెడ్పీటీసీ ఎన్నికల్లో ఎన్‌ఎస్‌ఎస్‌ వాలంటీర్లు సేవలు అందించనున్నట్లు పోలీస్‌ కమిషనర్‌ ఎస్‌వీ రాజశేఖరబాబు తెలిపారు. ఎన్నికలను స్వేచ్ఛగా, ప్రశాంతంగా, పారదర్శకమైన రీతిలో నిర్వహించడానికి పటిష్టమైన బందోబస్తు ఏర్పాట్లు చేసినట్లు ఆయన తెలిపారు. అందులో భాగంగా ఎన్‌ఎస్‌ఎస్‌ వాలంటీర్లను ఎన్నికల విధి నిర్వహణలో క్యూ లైన్స్‌ మేనేజ్‌మెంట్‌లో స్పెషల్‌ పోలీస్‌ ఆఫీసర్లుగా భాగస్వాములను చేస్తున్నట్లు ఆయన తెలిపారు. ఈ సందర్బంగా శనివారం సిటీ ఆర్మ్‌డ్‌ రిజర్వ్‌ పోలీస్‌ గ్రౌండ్‌లో ఎన్నికల విధి నిర్వహణలో పాల్గొనే ఎన్‌ఎస్‌ఎస్‌ వాలంటీర్లకు విధులు ఏవిధంగా నిర్వహించాలనే విషయంపై దిశానిర్దేశం చేశారు. ఎన్‌ఎస్‌ఎస్‌ వాలంటీర్లు 1100 మంది సేవలు అందించడం సంతోషకరమన్నారు. కార్యక్రమంలో సబ్‌ కలెక్టర్‌ వెన్నెల శ్రీను, డీసీపీలు సరిత, సత్యనారాయణ, ప్రేమ్‌కుమార్‌, సీఐ ఎంవీ దుర్గారావు,ఆర్‌ఐ రాజేంద్రప్రసాద్‌, శ్రీకాంత్‌ తదితరులు పాల్గొన్నారు.

వన్‌టౌన్‌(విజయవాడపశ్చిమ): సమాజంలోని భావ కాలుష్యాన్ని రూపుమాపే గొప్ప సాధనం ఉత్తమ సాహిత్యమని సుప్రీం కోర్టు విశ్రాంత న్యాయమూర్తి జస్టిస్‌ ఎన్‌.వి.రమణ అన్నారు. రవీంద్రనాథ్‌ ఠాగూర్‌ రచించిన ‘గీతాంజలి’ పుస్తకాన్ని రిటైర్డ్‌ ఏఐఎస్‌ అధికారి, ఏపీ కాలుష్య నియంత్రణ మండలి చైర్మన్‌ డాక్టర్‌ పి.కృష్ణయ్య తెలుగులోకి అనువదించగా ఆ గ్రంథాన్ని ఎమ్మెస్కో బుక్‌ హౌస్‌ ప్రచురించింది. విజయవాడ బుక్‌ ఫెస్టివల్‌ సొసైటీ ప్రాంగణంలో శనివారం సాయంత్రం జరిగిన కార్యక్రమంలో జస్టిస్‌ ఎన్‌.వి.రమణ ఈ పుస్తకాన్ని ఆవిష్కరించారు. అనంతరం ఆయన మాట్లా డుతూ.. భక్తి, ప్రేమ, ప్రకృతి సౌందర్యం, మానవత్వం, జీవిత విధానం, తత్వాల కలబోతే గీతాంజలి అని పేర్కొన్నారు. ఎమ్మెస్కో అధినేత విజయకుమార్‌ను అభినందించారు. రచయిత పి.కృష్ణయ్య మాట్లాడుతూ.. మాతృభాషపై అందరికీ మక్కువ ఉండాలన్నారు. ఆ మక్కువతోనే తాను పలు గ్రంథాలను తెలుగులోకి అనువదించినట్లు చెప్పారు. ఈ కార్యక్రమాన్ని ఎమ్మెస్కో సంస్థ అధినేత విజయకుమార్‌ నిర్వహించగా ఎమ్మెల్యే మండలి బుద్ధప్రసాద్‌, మాజీ ఎమ్మెల్సీ డొక్కా మాణిక్యవరప్రసాద్‌ ప్రసంగించారు.

వైఎస్సార్‌ సీపీ లీగల్‌ సెల్‌ జిల్లా అధ్యక్షుడు సాయిరామ్‌ గాంధీనగర్‌(విజయవాడసెంట్రల్‌): సుప్రీం కోర్టు తీర్పు ఉత్తర్వుల మేరకు ప్రతి పోలింగ్‌ స్టేషన్‌లో సీసీ కెమెరాలు ఏర్పాటు చేయాలని, వెబ్‌ కాస్టింగ్‌ నిర్వహించాలని వైఎస్సార్‌ సీపీ లీగల్‌ సెల్‌ జిల్లా అధ్యక్షుడు సాయిరామ్‌, తూర్పు నియోజకవర్గ అధ్యక్షుడు పుల్లారెడ్డి కోరారు. ఈ మేరకు శనివారం వారు కలెక్టర్‌ను కలిసి సుప్రీంకోర్టు తీర్పు కాపీని అందజేశారు. అనంతరం మాట్లాడుతూ ఎన్నికలు స్వేచ్ఛాయుత వాతావరణంలో జరిగేందుకు సుప్రీం కోర్టు ఉత్తర్వులు దోహదం చేస్తాయన్నారు. ఓటర్లు స్వేచ్ఛగా తమ ఓటు హక్కును వినియోగించుకోవాలని కోరారు. వార్డుల రిజర్వేషన్‌లు ఇవే.. ఉయ్యూరు(కంకిపాడు): ఉయ్యూరు మండల అభివృద్ధికి కృషి చేస్తానని జెడ్పీటీసీ వైఎస్సార్‌సీపీ అభ్యర్థి పొనుగుమాటి సుబ్రహ్మణ్యేశ్వరరావు (బాలస్వామి) అన్నారు. మండలంలోని పలు గ్రామాల్లో శనివారం విస్తృతంగా పర్యటించారు. ఇంటింటికీ వెళ్లి ఓట్లు అభ్యర్థించారు. బాలస్వామి మాట్లాడుతూ మండలంపై తనకు పూర్తి అవగాహన ఉందన్నారు. గ్రామాల్లో నెలకొన్న సమస్యలను ప్రాధాన్యతా క్రమంలో పరిష్కరించేందుకు కృషి చేస్తానన్నారు. వైఎస్సార్‌ సీపీ ప్రజల మేలు కోసమే పనిచేస్తుందని గుర్తుచేశారు. కార్యక్రమంలో పార్టీ నేతలు పాల్గొన్నారు.

గాంధీనగర్‌(విజయవాడసెంట్రల్‌):ఎన్టీఆర్‌ జిల్లాలో స్థానిక సంస్థల ఎన్నికలను ప్రశాంత వాతావరణంలో, స్వేచ్ఛగా, నిష్పక్షపాతంగా, పారదర్శకంగా నిర్వహించేందుకు జిల్లా యంత్రాంగం అన్ని విధాలా పటిష్టమైన ఏర్పాట్లు చేపట్టిందని జిల్లా కలెక్టర్‌, జిల్లా ఎన్నికల అధికారి డాక్టర్‌ జి.లక్ష్మీశ తెలిపారు. విజయవాడ కలెక్టరేట్‌లోని ఏవీఎస్‌ రెడ్డి సమావేశ మందిరంలో శనివారం వివిధ రాజకీయ పార్టీల ప్రతినిధులతో కలెక్టర్‌ లక్ష్మీశ, ఎన్నికల వ్యయ పరిశీలకుడు బి.విజయకుమార్‌ సమావేశం నిర్వహించారు. ఈ సందర్భంగా ఎన్నికల ప్రవర్తనా నియమావళి, పోలింగ్‌ కేంద్రాల వద్ద పాటించాల్సిన నిబంధనలు, అభ్యర్థుల ఎన్నికల వ్యయ పర్యవేక్షణ తదితర అంశాలపై రాజకీయ పార్టీల ప్రతినిధులకు అవగాహన కల్పించారు. కలెక్టర్‌ లక్ష్మీశ మాట్లాడుతూ ఎన్నికల ప్రవర్తనా నియమావళిని రాజకీయ పార్టీలు, అభ్యర్థులు, వారి ప్రతినిధులు తప్పనిసరిగా పాటించాలని సూచించారు. ఎన్నికల ప్రక్రియ సజావుగా, ఎలాంటి అవాంఛనీయ సంఘటనలకు తావు లేకుండా నిర్వహించేందుకు ప్రజలు, రాజకీయ పార్టీలు, అభ్యర్థులు, ఓటర్లు జిల్లా యంత్రాంగానికి పూర్తి సహకారం అందించాలని కోరారు. పోలింగ్‌ కేంద్రాల పరిధిలో నిబంధనలు పాటించాలి పోలింగ్‌ కేంద్రానికి 200 మీటర్ల పరిధిలో ఎలాంటి టెంట్లు ఏర్పాటు చేయరాదని, 100 మీటర్ల పరిధిలో సెక్షన్‌ 144 అమల్లో ఉంటుందని కలెక్టర్‌ స్పష్టం చేశారు. ఓటర్లకు పంపిణీ చేసే ఓటరు స్లిప్పులపై ఎలాంటి గుర్తులు, పార్టీ చిహ్నాలు ఉండరాదని తెలిపారు. అభ్యర్థులు పోలింగ్‌ బూత్‌లోకి వెళ్లే సమయంలో ప్రిసైడింగ్‌ అధికారి జారీ చేసిన గుర్తింపు కార్డును తప్పనిసరిగా ధరించాలని, పార్టీ కండువాలు ధరించి పోలింగ్‌ కేంద్రాల్లోకి వెళ్లరాదని సూచించారు. పోలింగ్‌ కేంద్రాల్లో శాంతిభద్రతలకు విఘాతం కలిగించే పోలింగ్‌ ఏజెంట్లపై ప్రిసైడింగ్‌ అధికారులు చట్టప్రకారం కఠిన చర్యలు తీసుకునే అధికారం కలిగి ఉంటారని వివరించారు. సమావేశంలో వివిధ రాజకీయ పార్టీల ప్రతినిధులు పాల్గొన్నారు. ఓటు హక్కును తప్పనిసరిగా వినియోగించుకోవాలి గాంధీనగర్‌(విజయవాడసెంట్రల్‌): రాజ్యాంగం ప్రతి పౌరుడికి కల్పించిన అమూల్యమైన ఓటు హక్కును ప్రతి ఓటరు సద్వినియోగం చేసుకోవాలని జిల్లా ఎన్నికల అధికారి, జిల్లా కలెక్టర్‌ డాక్టర్‌ జి.లక్ష్మీశ పిలుపునిచ్చారు. ఈ మేరకు శనివారం ఆయన ఒక ప్రకటన విడుదల చేశారు. ఎన్నికల సంఘం నిర్దేశించిన 12 రకాల ప్రత్యామ్నాయ గుర్తింపు కార్డుల్లో ఏదైనా ఒకదాన్ని తప్పనిసరిగా వెంట తీసుకెళ్లాలని జిల్లా ఎన్నికల అధికారి స్పష్టం చేశారు. ఎన్టీఆర్‌ జిల్లా కలెక్టర్‌ డాక్టర్‌ జి.లక్ష్మీశ

మంగళగిరి రూరల్‌/నగరంపాలెం: పెయింటింగ్‌ పనులు చేస్తూ జీవనం సాగిస్తున్న వ్యక్తి సులభంగా డబ్బు సంపాదించాలనే ఆశతో గంజాయి వ్యాపారంలోకి దిగి చివరకు పోలీసులకు పట్టుబడ్డాడు. ఈ ఘటన మంగళగిరి మండల పరిధిలోని కాజ గ్రామంలో జరిగింది. గుంటూరు జిల్లా ఎస్పీ కార్యాలయంలో శనివారం ఎస్పీ వకుల్‌ జిందాల్‌ విలేకరుల సమావేశం నిర్వహించారు. ఆయన తెలిపిన వివరాల ప్రకారం... మంగళగిరి మండలం కాజ గ్రామానికి చెందిన చదల నందమయ్య విజయవాడకు చెందిన వెనిగళ్ల పద్మ వద్ద నాలుగు కిలోల గంజాయిని రూ.68 వేలకు కొనుగోలు చేశాడు. మంగళగిరి, విజయవాడ, కాజ ప్రాంతాల్లోని యువకులను లక్ష్యంగా చేసుకుని విక్రయాలు సాగిస్తున్నాడు. ఈ క్రమంలో విజయవాడకు చెందిన పప్పు ఉమానాగు, కావర్ల షణ్ముఖ్‌, కట్టా మహేష్‌, మొగిలిశెట్టి లక్ష్మణ్‌ కళ్యాణ్‌, వల్లెపు వెంకటేష్‌ అలియాస్‌ వెంకటేశ్వరరావు, కుప్పాల శ్రీనివాస్‌, కృష్ణాజిల్లా మంటాడకు చెందిన కోడెబోయిన రంజిత్‌, గుంటూరు జిల్లా తాడికొండకు చెందిన తాడిబోయిన కోటేశ్వరరావుతో కలిసి ముఠాగా ఏర్పడి అక్రమ వ్యాపారం చేస్తున్నట్లు పోలీసులు గుర్తించారు. శుక్రవారం రాత్రి కాజ సమీపంలోని వెంకటరెడ్డిపాలెం జాతీయ రహదారి అండర్‌పాస్‌ వద్ద గంజాయి విక్రయాలు జరుగుతున్నట్లు అందిన సమాచారంతో మంగళగిరి రూరల్‌ పోలీసులు దాడులు నిర్వహించారు. తొమ్మిది మందిని అదుపులోకి తీసుకుని వారి వద్ద నుంచి 3.1 కిలోల గంజాయి, కారు, తూకం వేసే కాటా మెషిన్‌, ప్యాకింగ్‌ సామగ్రిని స్వాధీనం చేసుకున్నారు. స్వాధీనం చేసుకున్న గంజాయి విలువ సుమారు రూ.62 వేలు ఉంటుందని పోలీసులు తెలిపారు. ముఠాలో ఆరుగురికి గతంలో నేర చరిత్ర ఉండగా, ముగ్గురు రౌడీషీటర్లుగా ఉన్నట్లు వెల్లడించారు. గంజాయి సరఫరాకు సంబంధించి కీలకంగా వ్యవహరించినట్లు ఆరోపణలు ఎదుర్కొంటున్న విజయవాడకు చెందిన వెనిగళ్ల పద్మ, పిడుగురాళ్లకు చెందిన ఆకాష్‌ పరారీలో ఉన్నారని, వారి కోసం గాలిస్తున్నట్లు తెలిపారు. కేసును ఛేదించిన నార్త్‌ డీఎస్పీ కె.వెంకటేశ్వర్లు, మంగళగిరి రూరల్‌ సీఐ చిరుమామిళ్ల వెంకట్‌, పోలీసు సిబ్బందిని గుంటూరు జిల్లా ఎస్పీ వకుల్‌ జిందాల్‌ అభినందించారు. 3.1 కిలోల గంజాయి, కారు స్వాధీనం

సాక్షి టాస్క్‌ఫోర్స్‌: మునిసిపల్‌ ఎన్నికల్లో అధికార కూటమి అడ్డదారులు తొక్కుతోంది. విజయవాడ మేయర్‌ పదవిని దక్కించుకునేందుకు ఎందాకైనా అంటూ డబ్బు పంపిణీకి పాల్పడుతోంది. విచ్చలవిడిగా ఓట్ల కొనుగోలుకు తెరతీసింది. నియంత్రించాల్సిన పోలీసులు, అడ్డుకోవాల్సిన ఎన్నికల అధికా రులు చేష్టలుడిగి చూస్తున్నారు. నగదు, మద్యం పంపిణీ చేస్తే కఠిన చర్యలు తీసుకుంటామని నిబంధనలు వల్లిస్తున్నారే తప్పా, ఎక్కడా వాటిని అడ్డుకునే ప్రయత్నం చేయడం లేదన్న విమర్శలు ఉన్నాయి. పట్టపగలు బాహాటంగా డబ్బు పంపిణీ చేస్తున్నారు. ఆడియో, వీడియోలో సోషల్‌ మీడియాలో చక్కర్లు కొడుతున్నా అబ్బే.. అదేం లేదన్నట్లు అధికారులు వ్యవహరిస్తున్నారు. అధికార పార్టీ నేతలు ఓటుకు రూ.1000 చొప్పున పంచుతున్నారు. ఇలా రెండు రోజులుగా ప్రతి డివిజన్‌లో జరుగుతున్నప్పటికీ ఎక్కడా డబ్బులు పంపిణీ చేసేవారిని పట్టుకున్న దాఖలాలు లేవు. గాంధీనగర్‌లో ఓ ఇంట్లోకి వెళ్లి కూటమి నేతలు ఓట్లు కొనుగోలు చేస్తున్న వీడియో సామాజిక మాధ్యమాల్లో చక్కర్లు కొడుతోంది. ఏకంగా జనసేన గాజు గ్లాసు, బీజేపీ కమలానికి ఓటు వేయాలని డబ్బులు లెక్కిస్తూ ఓటర్లను ప్రలోభ పెడుతున్నట్లు వీడియో స్పష్టంగా కనిపిస్తోంది. దీనిపై చర్యలు మాత్రం కనిపించడం లేదు. అలాగే పాత రాజరాజేశ్వరిపేటలో డబ్బుల పంపిణీ ఉద్రిక్తంగా మారింది. అధికార కూటమి డబ్బులు పంపిణీ చేస్తోందని తెలియగానే అక్కడికి వెళ్లిన మహిళల మధ్య తోపులాట జరిగింది. విజ యవాడ నగర కార్పొరేషన్‌ ఎన్నికల్లో జనసేన పార్టీ ఓటుకు నోటుకు తెరతీసింది. ఇప్పటికే నగరంలోని డివిజన్లపై పడి ఇష్టారాజ్యంగా డబ్బు పంపిణీ చేశారు. మిగిలిన వారికి, ఇతర ప్రాంతాలకు వలస వెళ్లిన వారు వస్తే ఓటింగ్‌ సమయంలోనూ డబ్బులు పంపిణీకి ఏర్పాట్లు చేసుకున్నారు. అడ్డూ ఆపు లేకుండా డబ్బు పంపిణీ సాగుతుండడంతో ఎన్నికల అధికారులు విఫలమయ్యారన్న విమర్శలు వినిపిస్తున్నాయి.

లబ్బీపేట(విజయవాడతూర్పు): నార్కో టెర్రరిజం, అంతర్జాతీయ డ్రగ్స్‌ నెట్‌వర్క్‌లు, డిజిటల్‌ రాడికలైజేషన్‌ పట్ల అప్రమత్తంగా ఉండాలి ఈగల్‌ ఐజీ ఆకే రవికృష్ణ అన్నారు. విజయవాడలోని ఆంధ్రా లయోలా కళాశాలలో శుక్రవారం వందేమాతరం జాతీయ యువజన శిబిరం జరిగింది. ఈ శిబిరంలో తెలంగాణ, ఉత్తరప్రదేశ్‌, చత్తీస్‌ఘడ్‌, ఒడిశా, తమిళనాడులు ఒక్కో రాష్ట్రం నుంచి 25 మంది చొప్పున విద్యార్థులు పాల్గొన్నారు. ఈ కార్యక్రమంలో ఆకే రవికృష్ణ ‘భారతదేశానికి మాదకద్రవ్యాల రూపంలో పెరుగుతున్న సవాళ్లు‘ అనే అంశంపై ప్రసంగించారు. డ్రగ్స్‌కు ధైర్యంగా ’నో’ చెప్పాలని, ప్రతి విద్యార్థి మాదకద్రవ్యాల వ్యతిరేక యోథుడిగా మారాలని పిలుపునిచ్చారు. ఈగల్‌ డీఎస్పీ వేణు గోపాల్‌ రెడ్డి, సీఐ రవీంద్ర, ఎస్‌–జె సెంటర్‌ వ్యవస్థాపకుడు, డైరెక్టర్‌ ఫాదర్‌ బి. బాలకుమార్‌, మై భారత్‌ రాష్ట్ర డైరెక్టర్‌ ఉజ్వల్‌, ఎస్‌ఐ భవానీ తదితరులు పాల్గొన్నారు. ఇంద్రకీలాద్రి(విజయవాడపశ్చిమ): ఇంద్రకీలాద్రిపై కొలువై ఉన్న దుర్గమ్మకు పల్నాడు జిల్లా నరసరావుపేటకు చెందిన కె.జగన్మోహనరెడ్డి కుమార్తె కె.శ్రీవర్షిణి కుటుంబ సభ్యులు శుక్రవారం రూ.14లక్షల విలువైన బంగారు హారాన్ని కానుకగా సమర్పించారు. ఆలయ అధికారులను కలిసి సుమారు వందగ్రాముల బంగారంతో తయారు చేయించిన హారాన్ని అందజేశారు. అనంతరం దాతలకు ఆలయ మర్యాదలతో అమ్మవారి దర్శనం కల్పించారు. వేద పండితుల ఆశీర్వచనం అనంతరం దాతలకు ఆలయ ఉపప్రధానార్చకులు బి. శంకరశాండిల్య అమ్మవారి చిత్ర పటం, ప్రసాదాలు బహూకరించారు. కోనేరుసెంటర్‌: విద్యార్థులకు ఇంటర్న్‌షిప్‌లు, ఆన్‌లైన్‌ కోర్సులు, నైపుణ్యాభివృద్ధి కార్యక్రమాలను అందించేందుకు కృష్ణా విశ్వవిద్యాలయం, స్కిల్‌డిజైర్‌ టెక్నాలజీస్‌ ప్రైవేట్‌ లిమిటెడ్‌ సంస్థల మధ్య శుక్రవారం అవగాహన ఒప్పందం కుదిరింది. ఈ ఒప్పందంపై ఉపకులపతి కూన రాంజీ సమక్షంలో రిజిష్ట్రార్‌ ఎన్‌.ఉష, స్కిల్‌ డిజైర్‌ టెక్నాలజీస్‌ ప్రైవేట్‌ లిమిటెడ్‌ సంస్థ డైరెక్టర్‌ ముప్పళ్ల శ్రీకాంత్‌ పరస్పరం సంతకాలు చేశారు.

గప్‌చుప్‌! సాక్షి ప్రతినిధి, విజయవాడ: మునిసి ‘పోల్స్‌’కు సర్వం సిద్ధమైంది. గత వారం రోజులుగా విజయవాడ, మచిలీపట్నం మునిసిపల్‌ కార్పొరేషన్లు, పెడన, ఉయ్యూరు, కొండపల్లి, నందిగామ, జగ్గయ్యపేట, తిరువూరు మునిసిపాలిటీలలో కొనసాగిన ప్రచార పర్వం ముగిసింది. శుక్రవారం సాయంత్రం ఐదు గంటలతో మైకుల మూగబోయాయి. ప్రచారానికి చివరిరోజు కావడంతో అన్ని చోట్ల అభ్యర్థులు భారీ ప్రచార ర్యాలీలు నిర్వహించారు. డప్పులు, తీన్మార్‌ వాయిద్యాలతో మోతమోగించారు. ప్రలోభాలు షురూ.. ప్రచారం ముగియడంతో అధికార పార్టీ ప్రలోభాలకు తెరలేపింది. కూటమి అభ్యర్థులు పోటీ చేస్తున్న డివిజన్లలో ఆర్థికంగా బలహీనంగా ఉన్న అభ్యర్థులకు రూ.25లక్షల నుంచి రూ.30 లక్షల వరకూ ఓట్లు కొనేందుకు అధిష్టానం నుంచి డబ్బులు వచ్చినట్లు చెబుతున్నారు. దీంతో ఒక్కో చోట ఓటుకు వెయ్యి నుంచి 15 వందల రూపాయల వరకూ పంచేందుకు కూటమి అభ్యర్థులు సన్నద్ధం అవుతున్నారు. మునిసిపాలిటీలలో కూడా అక్రమాలకు తెరలేపారు. పోలీసులను అడ్డం పెట్టుకుని డబ్బులు పంచేందుకు ప్రణాళికలు సిద్ధం చేశారు. లబ్బీపేట(విజయవాడతూర్పు): నగర పాలక సంస్థ, ఎంపీటీసీ, జెడ్పీటీసీ ఎన్నికల నేపథ్యంలో ఎన్టీఆర్‌ జిల్లా పోలీస్‌ కమిషనరేట్‌ పరిధిలో నవంబరు 1 నుంచి 10 వరకూ బీఎన్‌ఎస్‌ఎస్‌ 2023 కింద నిషేధాజ్ఞలు అమలులో ఉంటాయని పోలీస్‌ కమిషనర్‌ ఎస్‌వీ రాజశేఖరబాబు ఒక ప్రకటనలో తెలిపారు. నిషేధాజ్ఞలు అమలులో ఉన్న సమయంలో పోలీస్‌ కమిషనరేట్‌ పరిధిలోని అన్ని పోలీస్‌ స్టేషన్ల పరిధిలో ఐదుగురు లేదా అంతకుమించి ఎక్కువ మంది జనం బహిరంగ ప్రదేశాలలో గుమిగూడరాదని, కర్రలు, రాళ్లు, ఇతర మారణాయుధాలు పట్టుకుని తిరగరాదని పేర్కొన్నారు. ఈ నిబంధనలను అతిక్రమించిన వారిపై చట్టప్రకారం చర్యలు తీసుకోనున్నట్లు తెలిపారు. ముగిసిన ప్రచారం.. రేపే మున్సిపల్‌ ఎన్నికలు

జిల్లాకు చెందిన పలువురికి పార్టీ పదవులు విజయవాడలీగల్‌: రాష్త్రంలో సంచలనం సృష్టించిన విజయవాడ కృష్ణలంకకు చెందిన కాపు యువకుడు గాదె సాయికృష్ణ కస్టోడియల్‌ టార్చర్‌ మరియు అదృశ్యం కేసు విషయం అందరికీ విదితమే. ఈ కేసులో రాజమండ్రి సెంట్రల్‌ జైలులో జ్యుడీషియల్‌ రిమాండ్‌లో ఉన్న ఎ1 నిందితుడు సీఐ నాగరాజుతోపాటు వివిధ జైళ్లలో ఉన్న ఎ2 పోతర్లంక అశోక్‌కుమార్‌, ఎ3 జంగం నాని, ఎ4 గులివిందల సురేష్‌, ఎ5 కై తేపల్లి బాబూరావు, ఎ6 గొరిపర్తి సాంబయ్యలను వర్చువల్‌గా పోలీసులు న్యాయస్థానంలో హాజరుపరిచారు. విచారణ అనంతరం 2వ అదనపు జ్యుడీషియల్‌ ఫస్టుక్లాస్‌ మేజిస్ట్రేట్‌ న్యాయమూర్తి వచ్చే నెల 12వ తేదీ వరకు రిమాండ్‌ పొడిగిస్తూ ఆదేశాలు జారీచేశారు.

● నిత్యావసరాల ధరలే వారిని పతనం చేస్తాయి ● ఎన్నికల ప్రచారంలో వైఎస్సార్‌ సీపీ మేయర్‌, చైర్మన్‌ అభ్యర్థులు భవానీపురంలో ఎన్నికల ప్రచారంలో పాల్గొన మేయర్‌ అభ్యర్థి భాగ్యలక్ష్మి, అభ్యర్థులు పప్పుల రమణారెడ్డి, బండారి వసంతకుమారి 71వ డివిజన్‌ ప్రచారంలో పాల్గొన్న మాజీ ఎమ్మెల్యే మల్లాది విష్ణు, అభ్యర్థి వల్లూరి పద్మజ తదితరులు సాక్షి ప్రతినిధి, విజయవాడ:/గాంధీనగర్‌(విజయవాడసెంట్రల్‌): స్థానిక ఎన్నికల్లో కూటమి పార్టీలను పతనం చేసేవి పెరిగిన బియ్యం, పప్పు, నూనెల ధరలేనని వైఎస్సార్‌ సీపీ మేయర్‌, చైర్మన్‌ అభ్యర్థులు అన్నారు. ప్రతిపక్షంలో ఉండగా బాదుడే బాదుడు అంటూ తప్పుడు ప్రచారం చేశారని, కూటమి ప్రభుత్వంలో ధరలు మూడు, నాలుగు రెట్లు పెరిగాయన్నారు. ఎన్టీఆర్‌ జిల్లాలోని విజయవాడ కార్పొరేషన్‌తో పాటు జగ్గయ్యపేట, నందిగామ, తిరువూరు, కొండపల్లి మునిసిపాలిటీల్లో వైఎస్సార్‌ సీపీ అభ్యర్థులు ఎన్నికల ప్రచారం నిర్వహించారు. ప్రచారం ముగింపు కావడంతో పెరిగిన ధరలను వివరిస్తూ ఎన్నికల ప్రచారం చేశారు. రోడ్‌ షోలు నిర్వహించి సుడిగాలి పర్యటనలు చేశారు. విజయవాడ నగర కార్పొరేషన్‌ పరిధిలోని పశ్చిమ నియోజకవర్గంలో మేయర్‌ అభ్యర్థి రాయన భాగ్యలక్ష్మి రోడ్‌ షో నిర్వహించారు. కూటమి పాలనలో నిత్యావసర ధరలు ఏ విధంగా సామాన్యుడికి అందుబాటులో లేకుండాపోయాయో వివరిస్తూ ప్రచారం చేశారు. వైఎస్సార్‌ సీపీని గెలిపిస్తే గతంలో మాదిరి అభివృద్ధి చేసి చూపుతామన్నారు. మేయర్‌తోపాటు నగరంలోని 86 డివిజన్లలో వైఎస్సార్‌ సీపీ అభ్యర్థులను గెలిపించాలని కోరారు. జగ్గయ్యపేట పట్టణంలోని 9వ వార్డులో చైర్‌ పర్సన్‌ అభ్యర్థి హఫీజున్నీసా ఇంటింటికీ వెళ్లి ప్రచారం చేశారు. ఆమె వెంట ఇన్‌చార్జ్‌ తన్నీరు నాగేశ్వరరావు సతీమణి తన్నీరు సుధారాణి, వార్డు కౌన్సిలర్‌ అభ్యర్థి వీర్ల రాంబాబు ప్రచారంలో పాల్గొన్నారు. గత వైఎస్సార్‌ సీపీ ప్రభుత్వ పాలనకు, ప్రస్తుత కూటమి ప్రభుత్వ పాలనకు మధ్య ఉన్న వ్యత్యాసాన్ని గమనించాలని కోరారు. వలంటీర్‌ వ్యవస్థ, సచివాలయాలు, నవరత్నాలు పథకాలు ఇలా ప్రతి ఒక్కరికీ ఇంటి వద్దకే చేర్చిన ఘనత గత వైఎస్సార్‌ పీపీ ప్రభుత్వానిదేనన్నారు. అభివృద్ధి, సంక్షేమం రెండు కళ్లుగా పాలన సాగించిన వైఎస్సార్‌సీపీ అభ్యర్థులను మునిసిపల్‌ ఎన్నికల్లో గెలిపించాలని కోరారు. నందిగామ పట్టణంలో మునిసిపల్‌ ఎన్నికల ప్రచారం చివరి రోజు చైర్మన్‌ అభ్యర్థి చల్లా బ్రహ్మేశ్వరరావు రోడ్‌ షో నిర్వహించారు. రైతు పేట సెంటర్‌లోని లక్ష్మీప్రసన్న థియేటర్‌ సెంటర్‌ నుంచి అనాసాగరం వరకు ర్యాలీ నిర్వహించారు. సీఎం రోడ్డు నుంచి మునిసిపల్‌ కార్యాలయం మీదుగా గాంధీ సెంటర్‌, అక్కడ నుంచి పాత బస్టాండ్‌ వైపుగా ర్యాలీ సాగింది. పార్టీ శ్రేణులు ర్యాలీలో పెద్ద ఎత్తున పాల్గొన్నారు. ఈ కార్యక్రమంలో మాజీ ఎమ్మెల్యే మొండితోక జగన్‌మోహన్‌రావు, ఎమ్మెల్సీ డాక్టర్‌ మొండితోక అరుణకుమార్‌, పార్టీ రాష్ట్ర అధికార ప్రతినిధి శ్యామల, వంగవీటి నరేంద్ర పాల్గొన్నారు. కొండపల్లి మునిసిపాలిటీలో 25వ వార్డులో చైర్‌పర్సన్‌ అభ్యర్థి నల్లమోతు తేజస్వి ఎన్నికల ప్రచారం నిర్వహించారు. వార్డు కౌన్సిలర్‌ అభ్యర్థి వల్లభనేని పార్వతితో కలిసి ఇంటింటికీ తిరిగి కరపత్రాలు పంపిణీ చేశారు. కూటమి ప్రభుత్వంలో కొండపల్లి మునిసిపాలిటీలో జరిగిన అభివృద్ధి శూన్యమన్నారు. ఇచ్చిన హామీలకు అతీగతీ లేదన్నారు. మునిసిపల్‌ ఎన్నికల్లో వైఎస్సార్‌ సీపీ అభ్యర్థులను గెలిపిస్తే అభివృద్ధి జరుగుతుందన్నారు. తిరువూరు పట్టణంలోని 5, 18వ వార్డులలో చైర్మన్‌ అభ్యర్థి పరసా శ్రీనివాసరావు, కౌన్సిలర్‌ అభ్యర్థులు కొలికపోగు కృష్ణ, మోదుగు బేబీ షాలినిలతో కలసి నియోజకవర్గ ఇన్‌చార్జి నలగట్ల స్వామిదాసు ఎన్నికల ప్రచారం నిర్వహించారు. ఈ ఎన్నికల్లో వైఎస్సార్‌ సీపీ అభ్యర్థులను గెలిపించాలని స్వామిదాసు కోరారు.

లబ్బీపేట(విజయవాడతూర్పు): పోలీసు అమరవీరుల సంస్మరణ వారోత్సవాల్లో భాగంగా శుక్రవారం ఓపెన్‌ హౌస్‌ కార్యక్రమం నిర్వహించారు. మహాత్మాగాంధీ రోడ్డులోని కమాండ్‌ కంట్రోల్‌ రూమ్‌లో నిర్వ హించిన ఈ కార్యక్రమాన్ని సీపీ ఎస్‌వీ రాజశేఖరబాబు పావురాలు, బెలూన్లను ఎగరవేసి లాంఛనంగా ప్రారంభించారు. అనంతరం వీక్షించేందుకు వచ్చిన వివిధ పాఠశాలల విద్యార్థులు, యువతకు పోలీసు శాఖ సేవల గురించి అవగాహన కల్పించారు. అనంతరం పోలీసుల వద్ద ఉన్న అత్యాధునిక ఆయుధాలు, వాహనాలు, డ్రోన్‌ కెమెరాలు, సీసీ కెమెరాలు, ఎఫ్‌ఆర్‌ఎస్‌ కెమెరాలు, అత్యాధునిక సాంకేతిక పరిజ్ఞానం ద్వారా సైబర్‌ నేరాలను అరికట్టే పద్ధతులు, డాగ్‌ స్క్వాడ్‌, సిటీ సెక్యూరిటీ వింగ్‌, కమ్యూనికేషన్‌, క్రైమ్‌ స్పాట్‌, ట్రాఫిక్‌, వాటర్‌ కెనాన్‌, వజ్ర, ఫలకాన్‌ తదితర వాహనాల పని తీరును ప్రదర్శించారు. కార్యక్రమంలో డీసీపీలు కృష్ణకాంత్‌ పటేల్‌, తిరుమలేశ్వరరెడ్డి, షిరీన్‌బేగం, కేజీవీ సరిత, ఏబీటీఎస్‌ ఉదయరాణి, కృష్ణప్రసన్న, జి.రామకృష్ణ, బి.సత్యనారాయణ, ఏఆర్‌ ఏడీసీపీ ఎన్‌వి రమణ పాల్గొన్నారు.

ఎన్టీఆర్‌ జిల్లాu8లో శనివారం శ్రీ 31 శ్రీ అక్టోబర్‌ శ్రీ 20267గన్నవరంలోని కేసరపల్లిలో మూడు రోజులుగా జరుగుతున్న ఆసియన్‌, ఇండియన్‌ అసోసియేషన్స్‌ ఆఫ్‌ వెటర్నరీ అనాటమిస్ట్స్‌ల సదస్సు శుక్రవారం ముగిసింది. లబ్బీపేట: పొగాకు రహిత యువత ప్రచార కార్యక్రమం 4.0 ప్రచార పోస్టర్‌ను శుక్రవారం ఎన్టీఆర్‌ జిల్లా వైద్యాధికారి డాక్టర్‌ ఎ.శ్రావణ్‌బాబు ఆవిష్కరించారు. పోలీసు అమరవీరుల సంస్మరణ వారోత్సవాల్లో భాగంగా విజయవాడలో శుక్రవారం ఓపెన్‌ హౌస్‌ కార్యక్రమం నిర్వహించారు. సీపీ రాజశేఖరబాబు ప్రారంభించారు.

సాక్షి ప్రతినిధి, విజయవాడ: 15లక్షల 56వేల జనాభాతో రాష్ట్రంలో రెండో అతిపెద్ద నగరంగా ఉన్న విజయవాడ ముఖ్యమంత్రి చంద్రబాబునాయుడి వివక్ష కారణంగా పురోగమనం నుంచి తిరోగమనం దిశగా పయనిస్తోంది. గ్రేటర్‌ విజయవాడ అని ఊదరగొట్టడమే తప్ప, నగర సమగ్ర అభివృద్ధికి చంద్రబాబు నిధులు కేటాయించడం లేదు. విభజన చట్టంలో స్పష్టంగా పేర్కొన్న మెట్రో రైలు (ప్రజారవాణా) ప్రాజెక్టుకు గత 12 ఏళ్లుగా ఒక్క రూపాయి విదల్చలేదు. దశాబ్దాలుగా వేధిస్తున్న వంతెనల సమస్య పరిష్కారానికి నోచుకోలేదు. ప్రభుత్వ నిర్లక్ష్యం కారణంగా బుడమేరు వరద ముంపుతో లక్షలాది మంది ప్రజలు నిరాశ్రయులైనా పట్టించుకోలేదు. ఆ ముంపు సహాయక చర్యలకు రూ.6,500కోట్లు కావాలని కేంద్రాన్ని కోరినా, నయా పైసా విడుదల కాలేదు. చిన్నపాటి వర్షాలకే నగరం ముంపునకు గురవుతోంది. 2015లోనే వరద కాలువల నిర్మాణానికి రూ. 461 కోట్లు కేటాయించినా ఆ నిధులను దారి మళ్లించేశారు. గన్నవరం(విజయవాడ) విమానాశ్రయాన్ని విస్తరించారు. భూములు ఇచ్చిన రైతులకు ఇప్పటికీ న్యాయం జరగలేదని వారు నిరసన దీక్షలు చేస్తున్నారు. దాన్ని వదిలేసి ఇప్పుడు అమరావతిలో వేలాది ఎకరాల్లో గ్రీన్‌ ఫీల్డ్‌ ఇంటర్నేషనల్‌ ఎయిర్‌పోర్టు కడతామంటున్నారు. నగర ఆస్తులను బడా కంపెనీలకు కట్టబెడుతున్నారు. పాత బస్టాండ్‌ స్థలాన్ని లులూ సంస్థకు కారు చౌకగా లీజుకు ఇస్తూ జీవోలు విడుదల చేశారు. అది తాత్కాలికంగా ఆగినా ప్రమాదం పొంచి ఉంది. భవానీ ఐల్యాండ్‌ ప్రైవేట్‌ సంస్థలకు లీజుకు ఇచ్చారు. విద్యాధరపురం ఆర్టీసీ డిపో విద్యుత్‌ బస్సుల పేరుతో ప్రైవేట్‌ కంపెనీకి కట్టబెట్టారు. డిస్నీ ల్యాండ్‌ 57ఎకరాల స్థలాన్ని ప్రైవేటు సంస్థలకు ఇవ్వడానికి ప్రయత్నిస్తున్నారు. తాజాగా విడుదల చేసిన 673 జీవో ఆధారంగా మునిసిపల్‌ మార్కెట్లు, కాంప్లెక్సు క్రమంగా కూల్చుతున్నారు. ప్రైవేట్‌ సంస్థలకు కట్టబెట్టే కుట్రలు చేస్తున్నారు. న్యూ రాజరాజేశ్వరీపేటలో డయేరియా కారణంగా స్పృహ కోల్పోయిన మహిళను భుజాలపై ఆస్పత్రికి తరలిస్తున్న వ్యక్తి(ఫైల్‌)ప్రజలకు స్థానికంగానే ప్రాథమిక వైద్య సేవలు అందించాలనే లక్ష్యంతో పట్టణ ఆరోగ్య కేంద్రాల ఏర్పాటుకు ప్రాధాన్యమిచ్చారు. నగరంలో 11 కొత్త పట్టణ ప్రాథమిక ఆరోగ్య కేంద్రాల నిర్మాణం పూర్తయింది. యువతకు క్రీడా సదుపాయాలు కల్పించేందుకు నగరంలోని పలు క్రీడా ప్రాంగణాల అభివృద్ధికి నిధు లు కేటాయించారు. చెన్నుపాటి రామకోటయ్య స్టేడియం అభివృద్ధికి రూ.8.9కోట్లు, దండమూడి రామ్మోహనరావు ఇండోర్‌ స్టేడియం అభివృద్ధికి రూ.4కోట్లు కేటాయించారు. మూడు స్విమ్మింగ్‌ పూల్స్‌ ఆధునికీకరణకు సుమారు రూ.4.19 కోట్లతో పనులు ప్రతిపాదించారు. గత ఐదేళ్లపాటు మేయర్‌గా విజయవాడ నగరాభివృద్ధికి కృషి చేసిన బీసీ సామాజికవర్గానికి చెందిన రాయన భాగ్యలక్ష్మిని వైఎస్సార్‌ సీపీ మళ్లీ పోటీలో నిలిపింది. తెలుగుదేశంపార్టీ నుంచి ఆఖరిలో పార్టీ మారి జనసేన తీర్థం పుచ్చుకున్న వంగవీటి రాధాకృష్ణ కూటమి అభ్యర్థిగా బరిలో దిగగా, వామపక్షాలు, కాంగ్రెస్‌ తరపున స్వతంత్ర అభ్యర్థిగా మాజీ పోలీసు అధికారి ఏబీ వెంకటేశ్వరరావు పోటీ లో ఉన్నారు. ఈ త్రిముఖ పోటీలో వైఎస్సార్‌ సీపీ అభ్యర్థికే మెరుగైన అవకాశాలున్నట్లు రాజకీయ విశ్లేషకులు భావిస్తున్నారు.విజయవాడలో గత వైఎస్సార్‌ సీపీ పాలనలో చేపట్టిన వివిధ అభివృద్ధి పనులు పరుగులు పెట్టాయి. రోడ్ల నిర్మాణం నుంచి మురుగునీటి నిర్వహణ వరకు, పార్కుల అభివృద్ధి నుంచి పట్టణ ప్రాథమిక ఆరోగ్య కేంద్రాల ఏర్పాటు వరకు పలు కార్యక్రమాలకు శ్రీకారం చుట్టారు. పారిశుద్ధ్య నిర్వహణను మెరుగుపరచడంతోపాటు క్రీడా మౌలిక వసతుల అభివృద్ధిపైనా దృష్టి సారించారు. కనకదుర్గ గుడి ఫ్లై ఓవర్‌, బెంజిసర్కిల్‌ ఫ్లై ఓవర్‌ను వైఎస్సార్‌ సీపీ ప్రభుత్వ హయాంలోనే పూర్తి చేశారు. రూ.110కోట్లతో బెంజిసర్కిల్‌ వద్ద రెండో వైపు ఫ్లై ఓవర్‌ను ప్రారంభించి, పూర్తి చేశారు. రూ. 370 కోట్లతో కృష్ణానది వరదల నుంచి నగర వాసులను రక్షించేందుకు రిటైనింగ్‌వాల్‌ను పూర్తి చేశారు. దీనివల్ల 2024లో 12 లక్షల క్యూసెక్కుల వరద వచ్చినా నగర ప్రజలకు కొంచెం కూడా ఇబ్బంది కలగని పరిస్థితి వచ్చింది. కృష్ణమ్మ జలవిహారం పార్కు కోసం రూ. 12.5కోట్లు ఖర్చు చేశారు. పేద ప్రజల కోసం మూడు దశల్లో 90 వేల మందికి పట్టాలు ఇవ్వగా, 30వేల మందికి ఇళ్ల నిర్మాణం కూడా పూర్తి చేశారు. రామవరప్పాడు రింగ్‌ నుంచి గన్నవరం ఎయిర్‌పోర్టు వరకూ ఎయిర్‌పోర్టు కారిడార్‌ పనులను కూడా వైఎస్సార్‌ సీపీ హయాంలో పూర్తి చేశారు. నగరం నడిబొడ్డులో 125 అడుగుల ఎత్తయిన అంబేడ్కర్‌ విగ్రహంతో స్మృతి వనం, అంబేడ్కర్‌ కళావేదికను కూడా నిర్మించారు. నైట్‌ఫుడ్‌ అందించే ఈట్‌స్ట్రీట్‌ ఆధునికీకరణ కూడా ప్రభుత్వ హయాంలోనే పూర్తి చేశారు. నగరంలో 47.46కిలోమీటర్ల సీసీ రోడ్ల నిర్మాణానికి రూ.40.90 కోట్లు కేటాయించారు. మరో 4.33కిలోమీటర్ల బీటీ రోడ్ల నిర్మాణానికి రూ.6.80 కోట్లు కేటాయించారు. ఐదేళ్ల వ్యవధిలో నగరంలో వందకుపైగా పార్కులను అభివృద్ధి చేశారు. మినీ పార్కుల ఏర్పాటు, పాత పార్కుల ఆధునికీకరణ తోపాటు రాఘవయ్య పార్కు, గాంధీహిల్‌ వంటి ప్రాంతాల్లోనూ అభివృద్ధి కార్యక్రమాలు చేపట్టారు. 40 పార్కులలో ఓపెన్‌ జిమ్‌లను ఏర్పాటు చేశారు. కృష్ణానది పక్కనే ఉన్నా స్వచ్ఛమైన తాగునీటిని సరఫరా చేయలేకపోవడంతో పదుల సంఖ్యలో డయేరియా మరణాలు, వందలమంది ఆసుపత్రుల పాలు అవ్వడం చంద్రబాబు ముఖ్యమంత్రి అయినప్పుడల్లా జరుగుతూనే ఉంది. క్యాపిటల్‌ రీజియన్లో విజయవాడ భాగమైనప్పటికీ సీఆర్‌డీఏ విజయవాడ అభివృద్ధికి నిర్ధిష్ట ప్రణాళిక రూపొందించలేదు. నిధులు కేటాయించడం లేదు. విజయవాడ పరిధిలో ఒక్క నూతన ప్రాజెక్టు, పరిశ్రమ, సంస్థ ఏర్పాటు కాలేదు. మరోవైపు నగరపాలక సంస్థ అప్పుల ఊబిలో కూరుకుపోతోంది. ఆస్తులు తాకట్టులోకి వెళ్తున్నాయి. ఫైనాన్స్‌ కమిషన్‌ గ్రాంట్లు, వినోదపు పన్ను, వృత్తి పన్ను, మోటార్‌ వాహనాల పన్ను, తలసరి గ్రాంట్లు, స్టాంప్‌ డ్యూటీ, ప్రకటనలు పన్ను ఇలా దాదాపు రూ.1000కోట్లకు పైగా రాష్ట్రం నగర పాలకసంస్థకు బకాయి పడింది. దీంతో అభివృద్ధి పనులు నిలిచిపోవడమే కాకుండా కాంట్రాక్టర్లు బిల్లుల కోసం సమ్మెకు దిగాల్సిన పరిస్థితి నెలకొంది. వైఎస్సార్‌ సీపీ ప్రభుత్వంలో వెస్ట్‌ బైపాస్‌ రాగా ఈ ప్రభుత్వం రాగానే ఈస్ట్‌ బైపాస్‌ను రద్దు చేసింది.

ఎ.కొండూరు: మండలంలోని పోలిశెట్టిపాడు గ్రామంలో అసైన్డ్‌ భూములను ఓ బడా రియల్‌ ఎస్టేట్‌ వ్యాపారి ఆక్రమించి, ప్రశ్నిస్తే బెదిరింపులకు పాల్పడుతున్నారని బాధితులు వాసం రవి కుమార్‌, మురళి ఆరోపిస్తున్నారు. ఆ భూమిని మెరక చేసేందుకు స్థానికి ఎర్ర చెరువు నుంచి ఎలాంటి అనుమతులు లేకుండా 3500 ట్రిప్పుల మట్టిని సైతం తోలారని వివరించారు. దీనిపై సమగ్ర విచారణ జరిపి బాధ్యులపై కఠిన చర్యలు తీసుకోవాలని వారు చేశారు. ఈ మేరకు గురువారం తిరువూరు వచ్చిన ఎన్టీఆర్‌ జిల్లా కలెక్టర్‌ లక్ష్మీశను కలిసి బాధితులు అర్జీ ఇచ్చారు. వివరాలు ఇవి.. నిరుపేదల దళిత రైతులకు పోలిశెట్టిపాడులో 225 సర్వే నంబర్‌లో కేటాయించిన 93 సెంట్ల అసైన్డ్‌ భూములను బడా రియల్‌ ఎస్టేట్‌ వ్యాపారి తక్కువ ధరలకు స్వాధీనం చేసుకున్నారు. పక్కనే ఉన్న ఇతర రైతుల భూముల్లోకి అక్రమంగా ప్రవేశించి వ్యవసాయ భూములకు ప్రహరీ నిర్మిస్తున్నారు. అదేమని ప్రశ్నిస్తే.. తన వద్ద ఉన్న లైసెన్స్‌డ్‌ ఆయుధాన్ని చూపిస్తూ బెదిరింపులకు పాల్పడుతున్నారని బాధితులు పేర్కొంటున్నారు. ఈ అక్రమాలపై రెవెన్యూ, మైనింగ్‌ శాఖల అధికారులు సంయుక్తంగా క్షేత్రస్థాయి విచారణ జరిపి రైతుల భూములకు రక్షణ కల్పించాలని కోరుతున్నారు. కలెక్టర్‌ లక్ష్మీశకు ఫిర్యాదు చేసిన బాధితులు

హనుమాన్‌జంక్షన్‌ రూరల్‌: బైండోవర్‌ ఉల్లంఘనకు పాల్పడిన వ్యక్తికి మండల ఎగ్జిక్యూటివ్‌ మేజిస్ట్రేట్‌ కోర్టు ఆరు నెలల జైలు శిక్ష విధించింది. బాపులపాడు మండలం వీరవల్లికి చెందిన షీటర్‌ ఉప్పలపాటి కృష్ణపై గతంలో కృష్ణాజిల్లాతో పాటుగా ఇతర జిల్లాల్లోనూ నేరాలకు పాల్పడటంతో వీరవల్లి ఎస్‌ఐ సత్యం సురేష్‌ మండల ఎగ్జిక్యూటివ్‌ మేజిస్ట్రేట్‌ బి.మురళీ కృష్ణ ఎదుట హాజరుపర్చగా ఆరు నెలల పాటు ఎలాంటి అసాంఘిక కార్యకలాపాలు, నేరాలకు పాల్పడకుండా సత్ప్రవర్తనతో మెలగాలని బైండోవర్‌ విధించారు. కానీ ఈ నిబంధలను ఉల్లంఘిస్తూ కేడీ షీటర్‌ ఉప్పలపాటి కృష్ణ తన భార్యను శారీరకంగా, మానసికంగా హింసించటంతో ఇటీవల వీరవల్లి పోలీస్‌స్టేషన్‌లో మరో కేసు నమోదు అయింది. దీంతో వీరవల్లి పోలీసులు ఉప్పలపాటి కృష్ణను గురువారం మండల ఎగ్జిక్యూటివ్‌ మేజిస్ట్రేట్‌ కోర్టులో హాజరుపర్చగా బైండోవర్‌ ఉల్లంఘనకు పాల్పడినందుకు ఆరు నెలల జైలుశిక్షను విధించారు. దీంతో ముద్దాయిని నెల్లూరు కేంద్ర కారాగారానికి తరలించారు. పటమట(విజయవాడతూర్పు): విజయవాడ నగరపాలక సంస్థ ఎన్నికల విధుల్లో పాల్గొనే సిబ్బంది పోస్టల్‌ బ్యాలెట్‌ ద్వారా తమ ఓటు హక్కును వినియోగించుకునేందుకు మొగల్రాజపురంలోని పి.బి. సిద్ధార్థ ఆర్ట్స్‌ అండ్‌ సైన్స్‌ కళాశాలలో ఏర్పాటు చేసిన పోస్టల్‌ బ్యాలెట్‌ ఓటింగ్‌ కేంద్రాన్ని గురువారం ఎన్నికల పరిశీలకురాలు ఎస్‌. నాగలక్ష్మి క్షేత్రస్థాయిలో పరిశీలించారు. ఈ సందర్భంగా ఎన్నికల విధుల్లో పాల్గొనే సిబ్బంది కోసం చేపట్టిన ఏర్పాట్లు, ఓటింగ్‌ ప్రక్రియ, వారికి అందుబాటులో ఉన్న సదుపాయాలను పరిశీలించి, సంబంధిత అధికారులను వివరాలు అడిగి తెలుసుకున్నారు. ఈ సందర్భంగా అధికారులు మాట్లాడుతూ శుక్రవారం సాయంత్రం 5 గంటల వరకు పోస్టల్‌ బ్యాలెట్‌ ఓటింగ్‌కు అవకాశం ఉందని అర్హులైన ఎన్నికల సిబ్బంది ఈ అవకాశాన్ని సద్వినియోగం చేసుకోవాలని సూచించారు. డెప్యూటీ కమిషనర్‌ (రెవెన్యూ) జి. సృజన, మేయర్‌ రిటర్నింగ్‌ అధికారి, పీడీ హౌసింగ్‌ రజిని కుమారి పాల్గొన్నారు. గురువారం పోలైన ఓట్లు.. గురువారం జరిగిన పోస్టల్‌ బ్యాలెట్‌ పోలింగ్‌లో మొత్తం 440 మంది ఓటర్లు తమ ఓటు హక్కును వినియోగించుకున్నారు. వారిలో 183 మంది మహిళా ఓటర్లు కాగా 257 మంది పురుష ఓటర్లు ఉన్నారు. సర్కిల్‌ వారీగా.. ● సర్కిల్‌–1 పరిధిలోని 31 నుంచి 58 డివిజన్లకు జరిగిన పోలింగ్‌లో మొత్తం 96 మంది ఓటు హక్కు వినియోగించుకోగా వారిలో 43 మంది మహిళా ఓటర్లు, 53 మంది పురుష ఓటర్లు ఉన్నారు. ● సర్కిల్‌–2 పరిధిలోని 1, 59 నుంచి 86 డివిజన్లకు జరిగిన పోలింగ్‌లో మొత్తం 143 మంది ఓటర్లు పాల్గొనగా వారిలో 60 మంది మహిళా ఓటర్లు, 86 మంది పురుష ఓటర్లు పాల్గొన్నారు. ● సర్కిల్‌–3 పరిధిలో 2 నుంచి 30 డివిజన్లకు మొత్తం 201 మంది ఓటర్లు తమ ఓటు హక్కును వినియోగించుకోగా వారిలో 80 మంది పురుష ఓటర్లు ఉండగా, 121 మంది మహిళలు ఓటు హక్కును వినియోగించుకున్నారు. పెనమలూరు: స్థానిక పేరంటాళ్ల చెరువులో వ్యక్తి ప్రమాదవశాత్తూ పడి గల్లంతయ్యాడు. గ్రామస్తులు తెలిపిన వివరాల ప్రకారం.. గ్రామానికి చెందిన కట్ట శివకృష్ణ(24) ఐదేళ్ల కిందట వివాహం చేసుకున్నాడు. అతనికి పిల్లలు లేరు. కామయ్యతోపులో పూలు అమ్ముకొని జీవిస్తాడు. కాగా అతను గురువారం చెరువు కట్ట పక్కనే ఉన్న ఇంటికి వెళ్లే సమయంలో ప్రమాదవశాత్తూ చెరువులో పడి గల్లంతయ్యాడు. స్థానికులు వెతకగా అతని ఆచూకీ తెలియలేదు. స్థానికుల సమాచారంతో పోలీసులు రంగంలోకి దిగారు. ఎస్‌డీఆర్‌ఎఫ్‌ బృందాన్ని శుక్రవారం రప్పించి చెరువులో గాలింపు చర్యలు చేపడతారు. విజయవాడలీగల్‌: విజయవాడలో సంచలనం సృష్టించిన కూలింగ్‌ వాటర్‌ కెనాల్‌లో లభ్యమైన మహిళ మృతదేహం కేసులో నిందితుల బెయిల్‌ పిటీషన్‌ను డిస్మిస్‌ చేస్తూ 12వ అదనపు జిల్లా కోర్టు న్యాయమూర్తి గురువారం ఉత్తర్వులిచ్చారు. వివరాల్లోకి వెళితే.. సెప్టెంబర్‌ నెల 18వ తేదీన ఇబ్రహీంపట్నం ఎన్టీటీపీఎస్‌ పంప్‌హౌస్‌ వద్ద కూలింగ్‌ కెనాల్‌లో మహిళ మొండెం తేలుతున్నట్లు పోలీసులకు వచ్చిన సమాచారం మేరకు ఘటనా స్థలానికి చేరుకుని కేసు నమోదు చేశారు. ప్రత్యేక బృందాలను ఏర్పాటు చేసి డ్రోన్లు, ఎస్‌డీఆర్‌ఎఫ్‌ సహాయంతో కెనాల్‌లోని శరీర భాగాలను వెలికితీశారు. మృతురాలు ఏలూరు జిల్లా కలిదిండి మండలం చిన్న తాడినాడకు చెందిన కర్రి దుర్గ కల్యాణి (29)గా గుర్తించారు. ఎటువంటి ఆధారాలు లేని ఈ కేసును సాంకేతిక పరిజ్ఞానం, ఆర్టిఫీషియల్‌ ఇంటెలిజెన్స్‌, సోషల్‌ మీడియా సహాయంతో పోలీసులు నిందితులను అరెస్టు చేశారు. కాగా నిందితుల తరఫున న్యాయవాది జగన్నాథం వీఎన్‌ మణీంద్ర బెయిల్‌ పిటీషన్‌ దాఖలు చేయగా.. విచారించిన న్యాయవాది పైవిధంగా తీర్పు చెప్పారు.

విజయవాడ కల్చరల్‌: తిరుమల తిరుపతి దేవస్థానం, లబ్బీపేట శ్రీ వెంకటేశ్వర స్వామి దేవస్థానం సంయుక్త ఆధ్వర్యంలో తయాహ్నిక సంపూర్ణ వేదపారాయణం శ్రీ వెంకటేశ్వర స్వామి ఆలయంలో గురువారం ప్రారంభమైంది. వివిధ ప్రాంతాల వేద పండితులు రుగ్వేదం, యజుర్వేదం, సామవేదం, అథర్వణ వేదాన్ని పారాయణం చేశారు. ఈ కార్యక్రమం పర్యవేక్షకుడు గుళ్లపల్లి చినఆంజనేయులు మాట్లాడుతూ.. వేదాలు భారతీయ సనాతన ధర్మానికి ప్రతీక లని అన్నారు. వేదాలను పరిరక్షించుకోవడం మన ధర్మమని వివరించారు. టెంపుల్‌ ఇన్‌చార్జి డాక్టర్‌ ఆర్‌.రామ్మోనరావు మాట్లాడుతూ టీటీడీ ఆధ్వర్యంలో మూడు రోజులపాటు ఈ వేద పారాయణం జరుగుతుందని తెలిపారు. కొండపల్లి(ఇబ్రహీంపటం): ఎన్టీఆర్‌ జిల్లా స్థానిక సంస్థల ఎన్నికల వ్యయ పరిశీలకుడు బి.విజయ్‌ కుమార్‌ గురువారం కొండపల్లిలో పర్యటించారు. స్థానికంగా ఏర్పాటుచేసిన స్టాటిస్టిక్‌ సర్వైలెన్స్‌ టీమ్‌ (ఎస్‌ఎస్‌టీ)ల కార్యకలాపాలను పరిశీలించారు. దొనబండ చెక్‌ పోస్టును పరిశీలించి వాహనాల్లో నగదు రవాణా, వాహన తనిఖీల వివరాలు తెలుసుకున్నారు. కొండపల్లి మునిసిపల్‌ కార్యాలయంలో వ్యయ పరిశీలన బృందాల పనితీరుపై ఆరా తీశారు. ఎన్నికల సంఘం మార్గదర్శకాలకు అనుగు ణంగా ప్రతి అభ్యర్థి ఎన్నికల వ్యయాన్ని పారదర్శకంగా నిర్వహించాలని సూచించారు. ఎన్నికల సమయంలో ఓటర్లను ప్రలోభ పెట్టేందుకు నగదు, మద్యం, బహుమతులు వంటి ఇతర వస్తువుల పంపిణీ జరగకుండా ఎస్‌ఎస్‌టీ బృందాలు అప్రమత్తంగా ఉండాలని విజయ్‌ కుమార్‌ స్పష్టం చేశారు. మొగల్రాజపురం(విజయవాడ తూర్పు): విశాఖపట్నంలోని గీతమ్‌ డీమ్డ్‌ యూనివర్సిటీ ఆవరణలో ఈ నెల 31 నుంచి నవంబర్‌ రెండో తేదీ వరకు నిర్వహించే సౌత్‌ జోన్‌ ఇంటర్‌ యూనివర్సిటీ టేబుల్‌ టెన్నిస్‌ పురుషుల టోర్నీకి కృష్ణా యూనివర్సిటీ నుంచి ప్రాతినిధ్యం వహించే జట్టును గురువారం ఎంపిక చేశారు. కేవీఎస్‌ఆర్‌ సిద్ధార్థ కాలేజీ ఆఫ్‌ ఫార్మాస్యూటికల్‌ సైన్సెస్‌కు చెందిన వి.జస్వంత్‌రాజ్‌, కె.వి.వి.ఎల్‌.రామ్‌ కుమార్‌, జి.హర్షవర్ధన్‌ (స్టాండ్‌బై), ఎస్‌వీడీ సిద్ధార్థ లా కళాశాలకు చెందిన డి.ఖాసీంను జట్టు సభ్యులుగా, టీమ్‌ మేనేజర్‌గా ఎ.చినబాబును ఎంపిక చేశారు. ఎంపికై న క్రీడాకారులను మొగల్రాజపురంలోని సిద్ధార్థ ఫార్మశీ కళాశాల ఆవరణలో ప్రిన్సిపాల్‌ ఎ.సునీత, అధ్యాపక, అధ్యాపకేతర సిబ్బంది అభినందించారు. రైల్వేస్టేషన్‌(విజయవాడపశ్చిమ): భారతీయ రైల్వేలోని పలు సెక్షన్లలో జరుగుతున్న నిర్వ హణ పనుల కారణంగా పలు రైళ్లను రద్దు చేస్తున్నట్లు రైల్వే శాఖ గురువారం ప్రకటించింది. ఈ నెల 29వ తేదీన సికింద్రాబాద్‌ – హౌరా (12704), సికింద్రాబాద్‌ – భువనేశ్వర్‌ న్యూ (17016), షాలీమార్‌ – చర్లపల్లి (18045) రైళ్లను రద్దు చేశారు. చర్లపల్లి – షాలీమార్‌ (08046) రైలు ఈ నెల 31వ తేదీన రద్దయింది. ఎంజీఆర్‌ చైన్నెసెంట్రల్‌ – హౌరా (12840), ఖరగ్‌పూర్‌ – విల్లుపురం (22603), భువనేశ్వర్‌ న్యూ – సీఎస్‌టీ ముంబై (11020) రైళ్లు ఈ నెల 29న, షాలీమార్‌ – చర్లపల్లి (08045) ఈ నెల 30న, చర్లపల్లి – షాలీమార్‌ (08046) ఈ నెల 31న పూర్తిగా రద్దు చేశారు.

అర్నబ్‌ తుపాను ప్రభావం నుంచి కృష్ణా జిల్లా కేంద్రమైన మచిలీపట్నం ఇంకా తేరుకోలేదు. భారీ వర్షాలతో నగరం తడిసి ముద్దయింది. ప్రధాన రహదారులతో పాటు పలు కాలనీల్లోని అంతర్గత రోడ్లు పూర్తిగా నీటమునిగాయి. ప్రధాన రహదారిలో నిలిచిన నీరు తొలిగినా కాలనీల్లో ప్రజలకు ఇబ్బందులు తప్పడం లేదు. జిల్లా కోర్టు రోడ్డు ఇంకా నీట మునిగే ఉంది. నీటిలో రాకపోకలు సాగించేందుకు ప్రజలు ఇబ్బందులు పడుతున్నారు. ముంపు సమస్య పరిష్కారానికి శాశ్వత చర్యలు తీసుకోవాలని నగర ప్రజలు కోరుతున్నారు. – మచిలీపట్నం టౌన్‌

ఎన్టీఆర్‌ జిల్లా కలెక్టర్‌ లక్ష్మీశ తిరువూరు: పురపాలక సంఘ ఎన్నికలు పారదర్శకంగా, ప్రశాంతంగా జరిగేందుకు ప్రజలు, రాజకీయ పార్టీలు సహకరించాలని ఎన్టీఆర్‌ జిల్లా కలెక్టర్‌ లక్ష్మీశ కోరారు. గురువారం కలెక్టర్‌ తిరువూరు మునిసిపల్‌ కార్యాలయంలో పోస్టల్‌ బ్యాలెట్‌ కౌంటర్లను పరిశీలించారు. ఎన్నికల విధులు నిర్వర్తించే ఉద్యోగులు తమ ఓటు హక్కును వినియోగించుకోవాలని సూచించారు. ఎటువంటి సాంకేతిక సమస్యలు తలెత్తకుండా అధికారులు చర్యలు తీసుకోవాలని ఆదేశించారు. తిరువూరు పట్టణంలో బీఎల్‌వోలు ఇంటింటికీ వెళ్లి ఓటరు స్లిప్పులు జారీచేయాలని, గడువులోగా స్లిప్పుల పంపిణీ జరిగే విధంగా అధికారులు పర్యవేక్షించాలని కలెక్టర్‌ ఆదేశాలిచ్చారు. సెయింట్‌ ఆన్స్‌ స్కూల్లోని పోలింగ్‌ కేంద్రంలో ఎన్నికల నిర్వహణకు జరుగుతున్న ఏర్పాట్లను పరిశీలించారు. తిరువూరు వాహినీ ఇంజినీరింగ్‌ కళాశాల ఆవరణలోని స్ట్రాంగ్‌ రూం, ఓట్ల లెక్కింపు కేంద్రాలలో ఏర్పాట్లను పరిశీలించి అవసరమైన సూచనలిచ్చారు. తిరువూరు రెవెన్యూ డివిజనల్‌ అధికారి ఏ కుమార్‌, తహసీల్దార్‌ చంద్రమౌళి, మునిసిపల్‌ కమిషనర్‌ మనోజ ఆయన వెంట ఉన్నారు. అన్నదాతలకు ప్రభుత్వ చేయూత.. తిరువూరురూరల్‌: అర్నబ్‌ తుపాను కారణంగా జిల్లాలో వ్యవసాయ రంగానికి జరిగిన నష్టాన్ని క్షేత్రస్థాయిలో పరిశీలించి అవసరమైన సహాయ సహకారాలందించేందుకు చర్యలు తీసుకుంటామని ఎన్టీఆర్‌ జిల్లా కలెక్టర్‌ లక్ష్మీశ తెలిపారు. గురువారం తిరువూరు మండలం మల్లేల గ్రామంలో తుపాను కారణంగా పంటలకు కలిగిన నష్టాన్ని స్థానిక అధికారులతో కలసి ఆయన పరిశీలించారు. పొలాల్లో నిలిచిపోయిన నీటిని తొలగించి వెంటనే పంటలను కాపాడుకోడానికి వ్యవసాయశాఖ అధికారులు, శాస్త్రవేత్తల సూచనలను రైతులు పాటించాలని కలెక్టరు కోరారు. రైతులు అడిగిన వెంటనే తగు సలహాలు, సూచనలందించి పంటనష్టం తగ్గించేందుకు కృషిచేయాలని అధికారులకు సూచించారు. ఆర్డీవో కుమార్‌ కూడా కలెక్టర్‌ వెంట ఉన్నారు. లక్ష్మీపురంలో తాగునీటి సరఫరా తీరును పరిశీలించిన కలెక్టర్‌ కలుషితం కాని రక్షిత నీరందించడానికి చర్యలు తీసుకోవాలని గ్రామీణ నీటి సరఫరా విభాగం అధికారులకు ఆదేశాలిచ్చారు.

వన్‌టౌన్‌(విజయవాడపశ్చిమ): మీరు ప్రభుత్వానికి జీఎస్టీ బకాయి పడ్డారా? అయితే మీ ఆస్తులు వేలం వేయటం ఖాయం! కూటమి ప్రభుత్వ పాలనలో వ్యాపారులపై వేధింపులకు పాల్పడటమే కాకుండా వారి ఆస్తులను సైతం లాక్కొని బకాయిలను రాబడుతున్నారు. సాధారణంగా ప్రభుత్వానికి బకాయిలు ఉంటే ముక్కు పిండి వసూలు చేయటం పరిపాటి. కానీ కూటమి ప్రభుత్వం వచ్చాక వారి పేరు మీద ఎటువంటి ఆస్తులు ఉన్నప్పటికీ వాటిని స్వాధీనం చేసుకొని, బహిరంగ వేలం నిర్వహిస్తున్నారు. గడిచిన ఏడాది కాలంగా ఈ తంతును ఉమ్మడి జిల్లా అధికారులు విజయవంతంగా నిర్వహిస్తున్నారు. ఆధార్‌కు లింక్‌ అయితే చాలు.. ప్రభుత్వం నుంచి అన్ని అనుమతులు తీసుకొని, జీఎస్టీ లైసెన్స్‌ కలిగి ఉండి వ్యాపారాలు చేసే వారు దురదృష్టవశాత్తూ బకాయి పడితే వారి పని అయిపోయినట్లేనని పలువురు వ్యాపారులు వాపోతున్నారు. బకాయి పడిన వ్యక్తుల ఆధార్‌ నంబర్‌కు అటాచ్‌ అయినటువంటి ఆస్తులను అధికారులు సీజ్‌ చేస్తున్నారు. వాటినే కాదు ఆ పేరు మీద ఉన్న వాహనాలను సైతం సీజ్‌ చేసి, ఆ తరువాత బహిరంగ వేలం నిర్వహిస్తున్నారు. ఈ తరహా చర్యలను గడిచిన ఏడాది కాలంగా విజయవాడ డివిజన్‌–1, డివిజన్‌–2, డివిజన్‌–3 పరిధు ల్లోని అధికారులు ప్రభుత్వ పెద్దల ఆదేశాలతో చాలా వరకూ చేపడుతున్నారు. వ్యాట్‌ బకాయిలు సైతం వసూళ్లు.. దేశంలో 2017 జూలై ఒకటో తేదీ నుంచి జీఎస్‌టీ పన్నుల విధానం అమలులోకి వచ్చింది. దానికి ముందు వ్యాట్‌ పన్నుల విధానం కొనసాగింది. 2005 నుంచి 2017 వరకూ వ్యాట్‌ అమలులో ఉంది. అయితే వ్యాట్‌లో గందరగోళంతో పాటుగా అధికారుల నిర్లక్ష్యం తదితర కారణాలతో చాలా రంగాలకు చెందిన వ్యాపారులు పన్నుల చెల్లింపులో కొంత ఇబ్బందులు పడ్డారు. ఆ తరువాత జీఎస్టీ అమలులోకి రావటం పాత బకాయిలు చెల్లించకపోవటం, అంతలో వ్యాపారాలు తగ్గి నష్టపోవటంతో చాలా మంది ప్రభుత్వానికి బకాయిలు ఉన్నారు. వారందరి నుంచి కూటమి ప్రభుత్వం అధికారంలోకి వచ్చిన తరువాత బకాయిలు వసూళ్లకు చర్యలు చేపట్టింది. అప్పుడెప్పుడో బకాయిలు ఇప్పులు ఎలా అని అడిగితే తమ ఆస్తులను సీజ్‌ చేస్తున్నారని వ్యాపారులు వాపోతున్నారు. ప్రతి వారం కలెక్టర్‌తో సమావేశం.. వాణిజ్య పన్నుల శాఖకు జీఎస్టీ బకాయిలు ఉన్న వ్యాపారుల ఆస్తులు సీజ్‌ చేయటం, బహిరంగ వేలం పాట నిర్వహించేందుకు ప్రతి వారం వివిధ శాఖలకు చెందిన అధికారులు సమావేశమవుతున్నారు. రిజిస్ట్రేషన్‌, రెవెన్యూ, పోలీసు, ఆర్టీవో శాఖ అధికారులతో వాణిజ్య పన్నుల శాఖ అధికారులు, కలెక్టర్‌ సమక్షంలో ఈ సమావేశాలు నిర్వహిస్తున్నారు. నిర్ణయాలపై క్రమం తప్పకుండా వాణిజ్య పన్నుల శాఖ కమిషనర్‌కు నివేదికలు సమర్పిస్తున్నట్లు ఆ వర్గాలు చెబుతున్నాయి. వెయ్యి కోట్లకు పైగా బకాయిలు.. ఉమ్మడి కృష్ణాజిల్లాలో విజయవాడ డివిజన్‌–1, డివిజన్‌–2, డివిజన్‌–3 మూడు ప్రధాన కార్యాలయాలు 17 సర్కిల్‌ కార్యాలయాలను పర్యవేక్షిస్తున్నాయి. మూడు డివిజన్‌ల పరిధిలో సుమారుగా వెయ్యి నుంచి రూ.1400కోట్ల మేర బకాయిలు ఉన్నట్లు నివేదికలు చెబుతున్నాయి. అందులో చాలా వరకూ వ్యాట్‌ సమయంలో బకాయి పడినవే అధికంగా ఉన్నట్లు అధికార వర్గాలు వివరిస్తున్నాయి. అవన్నీ ఏమైనా వసూళ్లు జరగాల్సిందేనని కూటమి ప్రభుత్వం వాణిజ్య శాఖపై ఒత్తిడి పెడుతుండటంతో మొత్తం మీద ఆస్తుల వేలం కార్యక్రమాలను అధికారులు చేపడుతున్నారు. జిల్లాలో ఒక వ్యాపారి 2012 నుంచి 2015 మధ్య వాణిజ్య పన్నుల శాఖకు బకాయి పడ్డాడు. వ్యాపారం దెబ్బతినటంతో సంస్థను మూసివేశాడు. చాలా కాలం వ్యాపారానికి దూరంగా ఇంట్లోనే ఉంటున్నాడు. అయితే అప్పట్లో వాణిజ్య పన్నుల శాఖ నోటీసులు జారీ చేసింది. కొంతమంది అధికారులు ముడుపులు పుచ్చుకొని దానిని దాటవేసి ‘ఏమి ఫర్వాలేదు’ అంటూ భరోసా ఇచ్చారు. అయితే గతేడాది ఆ వ్యక్తి తండ్రి మరణించారు. తండ్రి పేరు మీద ఉన్న ఆస్తి కుమారుడి పేరు మీదకు మారింది. అలాగే తండ్రి పేరు మీద బ్యాంకులో ఉన్న నగదు సైతం అతని ఖాతాలో చేరింది. ఆ ఆస్తి ఇలా పేరు మారిందో లేదో వెంటనే వాణిజ్య పన్నుల శాఖ దానిని సీజ్‌ చేసింది. అది ఉమ్మడి ఆస్తి ఐదుగురు అన్నదమ్ములు, అక్కచెల్లెళ్లు పంచుకోవాల్సి ఉందని ఆ వ్యాపారి వాపోతున్నాడు. ఇటువంటి సంఘటనలు అనేకం చోటు చేసుకున్నాయి. ఉమ్మడి జిల్లా వ్యాప్తంగా కూటమి ప్రభుత్వ చర్యలతో వ్యాపార వర్గాలు లబోదిబోమంటున్నాయి.

పెనుగంచిప్రోలు: మండల కేంద్రం పెనుగంచిప్రోలులో ఎంపీటీసీ ఎన్నికల్లో వైఎస్సార్‌ సీపీ అభ్యర్థులుగా తల్లీకూతుళ్లు దేరంగుల మహాలక్ష్మి, రేణుక పోటీ చేస్తున్నారు. పెనుగంచిప్రోలు ఎంపీపీ పదవి బీసీ మహిళకు రిజర్వు అయింది. ఈ క్రమంలో పెనుగంచిప్రోలు రెండో సెగ్మెంట్‌ నుంచి మహాలక్ష్మి, నాలుగో సెగ్మెంట్‌ నుంచి రేణుక ఎన్నికల బరిలో ఉన్నారు. జనరల్‌ వార్డుల్లో పోటీలో ఉన్నా.. బడుగు, బలహీన వర్గాల నుంచి వారికి విశేష స్పందన లభిస్తోంది. ఇంద్రకీలాద్రి(విజయవాడపశ్చిమ): సంకట హర చతుర్థిని పురస్కరించుకుని ఇంద్రకీలాద్రిపై దుర్గమ్మ సన్నిధిలో గురువారం గణపతికి విశేష అభిషేకాలు, హోమాలు నిర్వహించారు. మల్లేశ్వర స్వామి వారి ఆలయం సమీపంలోని పాత యాగశాలలో తొలుత గణపతి ఉత్సవమూర్తికి పంచామృతాలతో అభిషేకాలు చేశారు. అనంతరం అలంకరణ, పూజల తర్వాత గణపతి హోమాన్ని శాస్త్రోక్తంగా జరిపించారు. సంకట హర చతుర్థి రోజున స్వామి వారిని పూజించడం వల్ల జాతకంలో దోషాలు తొలగిపోయి, చేపట్టిన పనుల్లో ఇబ్బందులు తొలగి, అన్ని పనులలో విజయం లభిస్తుందని ఆలయ అర్చకులు పేర్కొన్నారు. పలువురు ఉభయదాతలు, భక్తులు పాల్గొనగా, సేవల అనంతరం అమ్మవారి దర్శనానికి ప్రత్యేక క్యూలైన్‌లో అనుమతించారు. మధురానగర్‌(విజయవాడసెంట్రల్‌): మాచవరం ఎస్‌ఆర్‌ఆర్‌ అండ్‌ సీవీఆర్‌ ఫ్రభుత్వ డిగ్రీ కళాశాలలో వచ్చేనెల 5, 6వ తేదీల్లో ఐసీ అండ్‌ నేచర్‌ అనే అంశంపై అంతర్జాతీయ సదస్సు నిర్వహించనున్నట్లు కళాశాల ప్రిన్సిపాల్‌ డాక్టర్‌ కె. భాగ్యలక్ష్మి అన్నారు. గురువారం అంతర్జాతీయ సదస్సు కరపత్రాల ఆవిష్కరణ కార్యక్రమం జరిగింది. ఈ సందర్భంగా ఆమె మాట్లాడుతూ ఈ సదస్సు పర్యావరణ పరిరక్షణ, సుస్థిర అభివృద్ధి, ఆధునిక సాంకేతిక పరిజ్ఞానం, పర్యావరణ సమస్యలకు వినూత్న పరిష్కారాలపై శాసీ్త్రయ చర్చలకు వేదికగా నిలవనుంది అన్నారు. పర్యావరణహిత సాంకేతిక పరిజ్ఞానాల అభివృద్ధి, నూతన ఆవిష్కరణలు, అంతర్‌శాఖా పరిశోధనలు, సుస్థిర భవిష్యత్తు నిర్మాణానికి సంబంధించిన అంశాలపై చర్చ లు జరగనున్నట్లు ప్రిన్సిపాల్‌ వివరించారు. మొగల్రాజపురం(విజయవాడ తూర్పు): చైనా లోని జింగ్‌షాన్‌లో జరుగుతున్న 5వ ప్రపంచ జూనియర్‌ సాఫ్ట్‌ టెన్ని స్‌ చాంపియన్‌షిప్‌–2026లో ఆంధ్రప్రదేశ్‌ నుంచి ప్రాతినిధ్యం వహిస్తున్న విజయవాడకు చెందిన ఏఎస్‌ వైశాలి, తమిళనాడుకు చెందిన తనికా తాయుమానవన్‌ సత్తా చాటారు. బాలికల డబుల్స్‌ విభాగంలో కాంస్య పతకం సాధించారు. అంతర్జాతీయ వేదికపై తమ ప్రతిభను చాటుతూ భారతదేశానికి కీర్తి ప్రతిష్ఠలు తీసుకువచ్చిన వైశాలి, తనికాలను ఆంధ్రప్రదేశ్‌ క్రీడా ప్రాధికార సంస్థ (శాప్‌) చైర్మన్‌ ఏ.రవినాయుడు, ఆంధ్రప్రదేశ్‌ సాఫ్ట్‌ టెన్నిస్‌ అసోసియేషన్‌ చైర్మన్‌ డి.నవీన్‌ కుమార్‌, ప్రధాన కార్యదర్శి డి.దిలీప్‌ కుమార్‌, అధ్యక్షుడు వి.శ్రీనుబాబు, కోశాధికారి బి.నీరజ అభినందించారు. విజయవాడలీగల్‌: విజయవాడలోని ఒక వృద్ధుడిని డిజిటల్‌ అరెస్టు పేరుతో బెదిరించి రూ.10.25కోట్లు దోచుకున్న కేసులో జ్యుడీషియల్‌ రిమాండ్‌లో ఉన్న ముగ్గురు నిందితుల రిమాండ్‌ గురువారం ముగిసింది. నిందితులు అనిష్‌ఖాన్‌, ముజఫర్‌ రెహ్మాన్‌, ఐజర్‌ అలంను పోలీసులు వర్చువల్‌గా విజయవాడ జిల్లా కోర్టు నుంచి 3 ఏసీజేఎం న్యాయస్థానంలో హాజరుపరిచారు. న్యాయమూర్తి వచ్చే నెల 12వ తేదీ వరకు రిమాండ్‌ పొడిగిస్తూ ఆదేశాలు జారీ చేశారు. ఇదే కేసులో ముగ్గురు నిందితులను నాలుగురోజులపాటు పోలీసు కస్టడీకి అనుమతించగా, మూడో రోజు కస్టడీలో పోలీసులు వివరాలు రాబట్టినట్లు సమాచారం. దేరంగుల మహాలక్ష్మి దేరంగుల రేణుక

నున్న(విజయవాడరూరల్‌):అయోడిన్‌ శరీర ఎదుగుదలకు, మెదడు అభివృద్ధికి, మానసిక సామర్థ్యానికి, నేర్చుకునే నైపుణ్యాలకు ఎంతో అవసరమని ఎన్టీఆర్‌ జిల్లా వైద్య ఆరోగ్యశాఖాధికారి డాక్టర్‌ ఎ. శ్రావణ్‌బాబు అన్నారు. జాతీయ అయోడిన్‌ లోప రుగ్మతల నివారణ కార్యక్రమంలో భాగంగా గురువారం నగరంలోని ఓ పాఠశాలలో అవగాహన కార్యక్రమం నిర్వహించారు. డాక్టర్‌ ఎ. శ్రావణ్‌బాబు విద్యార్థులకు అయోడిన్‌ ప్రాముఖ్యతను వివరించి, అయోడిన్‌ కలిగిన ఉప్పు వినియోగంపై అవగాహన కల్పించారు. కార్యక్రమంలో ఆర్బీఎస్‌కే వైద్యాధికారి డాక్టర్‌ మాధవీనాయుడు, ఇతర వైద్య సిబ్బంది పాల్గొన్నారు.

వైఎస్సార్‌ ట్రేడ్‌ యూనియన్‌ రాష్ట్ర అధ్యక్షుడు గౌతంరెడ్డి డిమాండ్‌ మధురానగర్‌(విజయవాడసెంట్రల్‌): రిటైర్డు పోలీసు అధికారి, విజయవాడ మేయర్‌ స్వతంత్య్ర అభ్యర్థి ఏబీ వెంకటేశ్వరరావు తనపై చేసిన నిరాధార ఆరోపణలకు బహిరంగ క్షమాపణ చెప్పాలని.. లేని పక్షంలో తాను తీసుకునే న్యాయపరమైన చర్యలకు సిద్ధంగా ఉండాలని వైఎస్సార్‌ ట్రేడ్‌ యూనియన్‌ రాష్ట్ర అధ్యక్షుడు డాక్టర్‌ పూనూరు గౌతంరెడ్డి హెచ్చరించారు. స్థానిక సత్యనారాయణపురం భగత్‌సింగ్‌ రోడ్డులోని వైఎస్సార్‌ ట్రేడ్‌ యూనియన్‌ కార్యాలయంలో గురువారం ఏబీ వెంకటేశ్వరరావు చేసిన వివాదాస్పద వ్యాఖ్యలపై ఏర్పాటు చేసిన మీడియా సమావేశంలో ఆయన వైఎస్సార్‌ సీపీ లీగల్‌ సెల్‌ నాయకులతో కలిసి మాట్లాడారు. విధి నిర్వహణలో ఆరోపణలతో సస్పెండ్‌ అయ్యిన ఏబీ వెంకటేశ్వరరావు తనపై రౌడీషీట్‌ ఉందని.. తాను ఒక కబ్జాకోరునంటూ నోటికి వచ్చినట్లు మాట్లాడటం విడ్డూరంగా ఉందన్నారు. నాలుగు సార్లు కార్పొరేటర్‌గా, మూడు సార్లు సీపీఐ ఫ్లోర్‌ లీడర్‌గా పనిచేసిన తనపై ఏ విధమైన రౌడీ షీట్‌ లేదనే విషయం విజయవాడ పోలీస్‌ కమిషనర్‌గా పనిచేసిన తనకు తెలియదా అని ప్రశ్నించారు. తాను కొనుగోలు చేసిన స్థలంపై పలువురు ఉన్నతాధికారులు విచారణ నిర్వహించి.. సక్రమమేనని తెలిపినప్పటికీ, కబ్జాకోరు అంటూ నిరాధార ఆరోపణలు చేయటం రాజకీయ ఎత్తుగడలో భాగమేనని విమర్శించారు. ఎన్నికల కమిషన్‌కు ఫిర్యాదు.. ఎన్నికలలో పోటీ చేసే అభ్యర్థులు సెక్షన్‌ 5,7, 8,21 ప్రకారం వ్యక్తిగత దూషణలు చేయకూడదని కానీ ఏబీ వెంకటేశ్వరరావు తనపై నిరాధారంగా వ్యక్తిగత దూషణలు చేశారన్నారు. దీనిపై తాను ఎన్నికల కమిషన్‌కు ఫిర్యాదు చేశానని గౌతం రెడ్డి తెలిపారు. వైఎస్సార్‌ సీపీ లీగల్‌సెల్‌ ఎన్టీఆర్‌ జిల్లా అధ్యక్షుడు సాయిరామ్‌ మాట్లాడుతూ ఏబీ వెంకటేశ్వరరావు గురించి విజయవాడ వాసులందరికీ తెలుసునని ఆయన హయాంలో 49 కిలోల బంగారం చోరీ జరిగితే కేవలం తొమ్మిది కిలోలు మాత్రమే రికవరీ చూపించారని.. తక్కిన బంగారం ఏమైందో ఏబీకే తెలియాలన్నారు. బెజవాడ బార్‌ అసోసియేషన్‌ మహిళా కార్యదర్శి ఇస్సంశెట్టి ఉషాజ్యోతి మాట్లాడుతూ ఒక ఉన్నత పోలీసు అధికారిగా పనిచేసిన ఏబీ వెంకటేశ్వరరావు తన స్థాయిని మరచి మాట్లాడటం సరికాదన్నారు. కార్యక్రమంలో బెజవాడ బార్‌ అసోసియోషన్‌ మాజీ అధ్యక్షుడు చంద్రగిరి విష్ణువర్ధన్‌రావు, లీగల్‌సెల్‌ సభ్యుడు నిర్మల రాజేష్‌ తదితరులు పాల్గొన్నారు.

ఎన్టీఆర్‌ జిల్లాశుక్రవారం శ్రీ 30 శ్రీ అక్టోబర్‌ శ్రీ 20267భవానీపురం: విజయవాడ భవానీపురంలో నిర్వహిస్తున్న జాతీయ సరస్‌ మేళాను గురువారం ఎన్టీఆర్‌ జిల్లా కలెక్టర్‌ జి.లక్ష్మీశ సందర్శించారు. ఈ నెల 31తో మేళా ముగియనుందన్నారు.గుడివాడరూరల్‌: గుడివాడ మార్కెట్‌ యార్డ్‌లోని ఎంఎల్‌ఎస్‌ పాయింట్‌లో విజిలెన్స్‌, ఎన్‌ఫోర్స్‌మెంట్‌ అధికారులు గురువారం రాత్రి తనిఖీ చేశారు. బియ్యం మాయమైనట్టు వారికి ఫిర్యాదు అందింది.ఎన్టీఆర్‌ జిల్లా కలెక్టర్‌ లక్ష్మీశ ఇబ్రహీంపట్నం: మునిసిపల్‌ ఎన్నికల విధుల్లో సంబంధిత అధికారులు అలసత్వం ప్రదర్శిస్తే కఠిన చర్యలు తప్పవని ఎన్టీఆర్‌ జిల్లా కలెక్టర్‌ జి.లక్ష్మీశ పేర్కొన్నారు. మునిసిపల్‌ ఎన్నికల నిర్వహణలో భాగంగా కొండపల్లి మునిసిపాలిటీ పరిధిలోని కీలక పోలింగ్‌ కేంద్రాలను ఆయన గురువారం క్షేత్రస్థాయిలో ఆకస్మికంగా తనిఖీ చేశారు. ఎన్నికల సంఘం నిబంధనల ప్రకారం ఏర్పాట్లు సజావుగా జరుగుతున్నాయా లేదా అని స్వయంగా పరిశీలించారు. సంబంధిత అధికారులకు పలు సూచనలు, ఆదేశాలు జారీ చేశారు. ముందుగా మునిసిపల్‌ కార్యాలయాన్ని సందర్శించి అక్కడ ఏర్పాటు చేసిన బ్యాలెట్‌ పంపిణీ కేంద్రం, బ్యాలెట్‌ ఫెసిలిటేషన్‌ సెంటర్‌ను క్షుణ్ణంగా తనిఖీ చేశారు. ఎన్నికల విధుల్లో పాల్గొనే సిబ్బందికి ఎలాంటి ఇబ్బందులు కలగకుండా సౌకర్యాలు కల్పించాలని, బ్యాలెట్‌ పత్రాల భద్రత విషయంలో అత్యంత అప్రమత్తంగా ఉండాలని ఆదేశించారు. అనంతరం జెడ్పీ బాలికల ఉన్నత పాఠశాలలో ఏర్పాటు చేసిన ఓట్ల లెక్కింపు కేంద్రం, స్ట్రాంగ్‌ రూమ్‌లను కలెక్టర్‌ పరిశీలించారు. స్ట్రాంగ్‌ రూమ్‌ల వద్ద పటిష్ట బందోబస్తు, సీసీ కెమెరాల నిఘా ఏర్పాట్లు, నిరంతర విద్యుత్‌ సరఫరా ఉండేలా చర్యలు తీసుకోవాలని స్పష్టం చేశారు. డీఏవీ పబ్లిక్‌ స్కూల్‌లోని పోలింగ్‌ కేంద్రాలను సందర్శించి ఓటర్లకు ఏర్పాటు చేసిన తాగునీరు, విద్యుత్‌, షామియానాలు, ర్యాంపులను పరిశీలించారు. ఎన్నికల నిబంధనల ప్రకారం పోలింగ్‌ కేంద్రానికి వంద మీటర్ల దూరంలో తప్పనిసరిగా మార్కింగ్‌ చేయాలన్నారు. శుక్రవారం లోపుగా ఎన్నికలకు సంబంధించి పాలనాపరమైన, సాంకేతిక ఏర్పాట్లను నూరు శాతం పూర్తి చేయాలని ఆదేశించారు. మునిసిపల్‌ కమిషనర్‌ బి.శ్రీనివాసు, పలువురు అధికారులు పాల్గొన్నారు.సాక్షి ప్రతినిధి, విజయవాడ: స్థానిక ఎన్నికల ప్రచారం ముగియడానికి ఇంకా కొద్ది గంటల సమయం మాత్రమే ఉండటంతో కూటమి నాయకులు దౌర్జన్య కాండకు తెరతీశారు. పోలీసులను అడ్డం పెట్టుకుని వైఎస్సార్‌ సీపీ నాయకులు, కార్యకర్తలను బెదిరించే ప్రయత్నాలు చేపట్టారు. పోటీ నుంచి తప్పుకోవాలని, ప్రచారానికి వెళ్లొద్దని హుకుం జారీ చేస్తున్నారు. కొన్ని చోట్ల పోలీసులను అడ్డం పెట్టుకుని బెదిరింపులకు దిగుతున్నారు. మరి కొన్ని చోట్ల పోలీసుల సమక్షంలోనే ఏకంగా వైఎస్సార్‌ సీపీ అభ్యర్థులపై దాడులకు తెగబడుతున్నారు. భవానీపురంలో ప్రచారానికి వెళ్తే అరెస్టు, బైండోవర్‌ చేస్తానంటూ వైఎస్సార్‌ సీపీ శ్రేణులను సీఐ సైతం బెదిరించారు. అర్ధరాత్రి 12 గంటలకు.. బుధవారం అర్ధరాత్రి 12 గంటలకు తిరువూరు నియోజకవర్గం విస్సన్నపేట సెగ్మెంట్‌–1 వైఎస్సార్‌ సీపీ ఎంపీటీసీ అభ్యర్థి చెరుకు సుజాత ఇంటి తలుపులను బాదుతూ బెదిరింపులకు దిగారు. ముగ్గురు వ్యక్తులు ఆమె ఇంటి వద్ద హంగామా సృష్టించారు. వారి ఆగడాలు తాళలేక సుజాత కుటుంబ సభ్యులు పోలీసులకు సమాచారం ఇచ్చారు. పోలీసులు వచ్చే సరికి ఇద్దరు పరారవగా, బాత్‌రూంలో దాక్కున్న వ్యక్తిని అదుపులోకి తీసుకున్నారు. సుజాత నామినేషన్‌ వేసినప్పటి నుంచి ప్రత్యర్థులు బెదిరిస్తూనే ఉన్నారు. పోటీ నుంచి తప్పుకోవాలని లేనిపక్షంలో తీవ్ర పరిణామాలు తప్పవంటూ భయపెడుతున్నారు. దీంతో వైఎస్సార్‌ సీపీ నాయకులు పెద్ద ఎత్తున విస్సన్నపేట పోలీసు స్టేషన్‌కు చేరుకుని ఫిర్యాదు చేశారు. ఈ ఘటనపై సమగ్ర విచారణ జరపాలంటూ డిమాండ్‌ చేశారు. అరెస్టు చేస్తానంటూ సీఐ హెచ్చరికలు భవానీపురంలో పోలీసులను అడ్డం పెట్టుకుని వైఎస్సార్‌ సీపీ నేతలను భయపెట్టేందుకు టీడీపీ నాయకులు ప్రయత్నాలు చేశారు. విజయవాడలోని 37వ డివిజన్‌కు చెందిన వైఎస్సార్‌ సీపీ కార్యకర్తలు పెద్ది సత్యసాయిబాబు, వల్లం రవికుమార్‌, అంకాని నాగ రాజు, షేక్‌ రియాజ్‌, సాలి వేణును భవానీపురం సీఐ ఉమామహేశ్వరరావు పోలీస్‌ స్టేషన్‌కు పిలి పించి వారిని గంటల తరబడి స్టేషన్‌లో ఉంచారు. వైఎస్సార్‌ సీపీ తరఫున ఎన్నికల ప్రచారంలో పాల్గొనొద్దని హెచ్చరించారు. తన మాట ధిక్కరించి ఎన్నికల ప్రచారంలో పాల్గొంటే అరెస్టు చేయడంతోపాటు, బైండోవర్‌ కేసుల నమోదు కోసం పశ్చిమ మండల తహసీల్దార్‌ వద్దకు పంపిస్తానని సీఐ బెదిరించారు. వారి ఆధార్‌ కార్డుల జిరాక్స్‌ కాపీలు తీసుకుని, వాటిపై సంతకాలు చేయించేందుకు ప్రయ త్నించారు. దీంతో మేయర్‌ అభ్యర్థి రాయన భాగ్యలక్ష్మి తరపున చీఫ్‌ ఎలెక్షన్‌ ఏజెంట్‌గా ఉన్న గుండె సుందర్‌పాల్‌ రాష్ట్ర ఎన్నికల ప్రధాన అధికారికి సీఐ ఉమామహేశ్వరరావుపై ఫిర్యాదుచేశారు. కార్యకర్తలను పోలీస్‌ స్టేషన్‌లో ఉంచిన వ్యవహారాన్ని మాజీ మంత్రి వెలంపల్లి శ్రీనివాసరావు దృష్టికి తీసుకెళ్లారు. వెలంపల్లి స్పందించి ఈ ఘటనపై పోలీస్‌ కమిషనర్‌ ఎస్‌.వి.రాజశేఖరబాబుతో మాట్లాడిన తర్వాత కార్యకర్తలను విడుదల చేశారు. వైఎస్సార్‌ సీపీకి పట్టం.. అభివృద్ధికి శ్రీకారంవిజయవాడ 43వ డివిజన్‌లో వైఎస్సార్‌ సీపీ అభ్య ర్థిపై తెలుగు తమ్ముళ్లు బెదిరింపులు, దాడులకు దిగారు. ప్రచారంలో పాల్గొన్న మహిళలపై టీడీపీ కార్యకర్తలు బెదిరింపులకు పాల్పడ్డారు. ఆటోలో ప్రచారానికి తీసుకువెళ్లిన పెన్‌ డ్రైవ్‌లను లాక్కున్నారు. పార్టీ కార్యాలయం ఎదుట ఏర్పాటు చేసిన ఫ్లెక్సీలను బ్లేడులతో కోసేయడమే కాకుండా డివిజన్‌లో వైఎస్సార్‌ సీపీ నాయకులు అతికించిన వాల్‌ స్టిక్కర్లను తొలగించి టీడీపీ స్టిక్కర్లు అంటించి రెచ్చగొట్టే ప్రయత్నాలు చేశారు. ఈ డివిజన్‌లో టీడీపీ అభ్యర్థి గుర్రం కనకదుర్గ భర్త కొండ, మరి కొంతమంది అనుచరులు ఇలా కవ్వింపు చర్యలకు పాల్పడుతున్నారు. బుధవారం రాత్రి వైఎస్సార్‌ సీపీ తరఫున ప్రచారం నిర్వహిస్తున్న మహిళలను నాలుగు బైక్‌లపై వచ్చిన గుర్రం కొండ మనుషులు బెదిరింపులకు పాల్పడ్డారు. రిటర్నింగ్‌ అధికారికి ఫిర్యాదు చేసేందుకు వెళ్తున్న నేతలపై రెచ్చిపోయారు. తెలుగుదేశం గెలిచిన తర్వాత నార తీస్తాం, కత్తులతో పొడుస్తాం, మీ పీకలు కోస్తాం అంటూ టీడీపీ నాయకుడు గుర్రం కొండ దౌర్జన్యానికి దిగాడు. పీక కోస్తానంటూ వైఎస్సార్‌ సీపీ కార్యకర్తలను బెదిరిస్తున్న టీడీపీ నాయకుడు గుర్రం కొండ

వివరాలు వెల్లడించిన జిల్లా ఎన్నికల అధికారి లక్ష్మీశ ఇంద్రకీలాద్రి(విజయవాడపశ్చిమ): గత రెండు రోజులుగా కురుస్తున్న వర్షాల నేపథ్యంలో దుర్గగుడి ఘాట్‌రోడ్డును ఆలయ ఈవో శీనానాయక్‌, ఇంజినీరింగ్‌ అధికారులు బుధవారం పరిశీలించారు. తొలుత ఆలయ ప్రాంగణంలోని లక్ష్మీగణపతి ప్రాంగణం, డోనర్‌సెల్‌, ఓం టర్నింగ్‌ కొండ మలుపు ప్రాంతాలను పరిశీలించారు. అనంతరం ఘాట్‌రోడ్డులో దసరా ఉత్సవాలకు ముందు కొండ చరియలు విరిగిపడిన ప్రాంతాన్ని పరిశీలించారు. అక్కడ కొంత మట్టి, కొండ చరియలు విరిగిపడటాన్ని గుర్తించారు. వర్షం తగ్గుముఖం పట్టిన వెంటనే కొండ చరియలను తొలగించాలని ఆదేశించారు. అనంతరం ఘాట్‌రోడ్డు ప్రారంభంలోని కామథేను అమ్మవారి ఆలయాన్ని, గణపతి ఆలయాన్ని సందర్శించారు. వర్షం కురిసిన ప్రతి సారి ఆలయంపై నుంచి నీరు జాలు వారడంతో ఇబ్బందికరంగా ఉందని ఆలయ అర్చకులు ఈవో శీనానాయక్‌ దృష్టికి తీసుకువచ్చారు. సమస్యకు గల కారణాలను పరిశీలించి వెంటనే మరమ్మతులు చేపట్టాలని ఈవో శీనానాయక్‌, ఈఈ ఎల్‌.రమాను ఆదేశించారు. ఈవో వెంట డీఈ అశోక్‌కుమార్‌, ఏఈ సాయి ఉన్నారు. ఏఎన్‌యూ(పెదకాకాని): ఏఎన్‌యూలోని నృత్య విభాగం ఆధ్వర్యంలో నిర్వహించిన శ్రుతి మాతా, లయ, పిత – సంగీతం, లయ, నృత్యాల సమగ్ర అధ్యయనంపై ఒకరోజు అకడమిక్‌ వర్క్‌షాప్‌ ముగిసింది. ఆచార్య నాగా ర్జున విశ్వవిద్యాలయంలో బుధవారం నిర్వ హించిన ఈ కార్యక్రమం ద్వారా సంగీతం, లయ, నృత్యాల మధ్య ఉన్న అంతర్లీన సంబంధాలను వివరించారు. ఈ కార్యక్రమానికి వర్సిటీ ఇన్‌చార్జి వీపీ ఆచార్య కె.గంగాధరరావు ముఖ్య అతిథిగా హాజరయ్యారు. రెక్టార్‌ ఆర్‌.శివరామ్‌ ప్రసాద్‌ ప్రోత్సాహాన్ని అందించారు. వర్క్‌షాప్‌నకు వనరుల వ్యక్తులుగా మధురైలోని శ్రీసద్గురు సంగీత విద్యాలయం వీణ విభాగం అసిస్టెంట్‌ ప్రొఫెసర్‌ డాక్టర్‌ టి.శంకరనారాయణన్‌, అదే సంస్థ గాత్ర విభాగం అసిస్టెంట్‌ ప్రొఫెసర్‌ డాక్టర్‌ పి.కమల కన్నన్‌ హాజరయ్యారు. వీరు శ్రుతి, స్వర, తాళ, లయ అంశాల ప్రాధాన్యతను వివరిస్తూ, శాసీ్త్రయ సంగీతం, భరతనాట్యం వంటి ప్రదర్శన కళల్లో సంగీత పరిజ్ఞానం, లయబద్ధత, భావవ్యక్తీకరణల ప్రాముఖ్యతను తమ అనుభవాల ద్వారా వివరించారు. వర్క్‌షాప్‌ డైరెక్టర్‌, నృత్య విభాగాధిపతి, బోర్డ్‌ ఆఫ్‌ స్టడీస్‌ చైర్‌పర్సన్‌ ప్రొఫెసర్‌ పి.వరప్రసాదమూర్తి కార్యక్రమానికి అధ్యక్షత వహించారు. ప్రోగ్రాం కన్వీనర్‌ ఎంవీ విశ్వనాఽథ్‌, కో–కన్వీనర్‌ ఎం.కాశయ్య కార్యక్రమ నిర్వహణలో కీలక పాత్ర పోషించారు. ఈ వర్క్‌షాప్‌లో విద్యార్థులు, అధ్యాపకులు, పరిశోధక విద్యార్థులు పాల్గొన్నారు.