లేబర్‌ కోడ్‌లు రద్దు కోరుతూ 12న సమ్మె

లేబర్‌ కోడ్‌లు రద్దు కోరుతూ 12న సమ్మె సొసైటీ నియమావళిపై పాడి రైతుకు అవగాహన చిట్టినగర్‌(విజయవాడపశ్చిమ): సొసైటీ నియమావళి(బైలా)పై ప్రతి పాడి రైతు అవగాహన కలిగి ఉండాలని కృష్ణా మిల్క్‌ యూనియన్‌ చైర్మన్‌ చలసాని ఆంజనేయులు అన్నారు. పాలప్రాజెక్టు ఆవరణలోని క్షీరదర్శిని సమావేశ మందిరంలో గురువారం గన్నవరం క్లస్టర్‌ పరిధిలోని సంఘ అధ్యక్షుల సమావేశం జరిగింది. సమావేశంలో సొసైటీ నియమావళిపై అవగాహన కార్యక్రమాన్ని నిర్వహించారు. కార్యక్రమానికి హాజరైన చైర్మన్‌ చలసాని ఆంజనేయులు సంఘ అధ్యక్షులకు సంఘ నిర్వహణ, వారి అధికారాలు, బాధ్యతలపై పలు సూచనలు ఇచ్చారు. రెజీ వెట్‌ కేర్‌ యాప్‌ ద్వారా పశువుల ఆరోగ్యంపై పూర్తి స్థాయి నిఘా, సరైన సమయంలో చూడి కట్టే విధానం, పశు ఆరోగ్య పరిరక్షణ కోసం కృష్ణా మిల్క్‌ యూనియన్‌ తీసుకుంటున్న ప్రత్యేక చర్యల గురించి వివరించారు. శాసీ్త్రయ పశుపోషణ చేపట్టడం ద్వారా నిర్వహణ ఖర్చులు ఏ విధంగా తగ్గించుకోవచ్చు, అధిక పాల ఉత్పత్తికి తీసుకోవాల్సిన జాగ్రత్తల గురించి వివరించారు. అధిక పాల ఉత్పత్తితో పాడి పరిశ్రమ మరింత లాభసాటిగా మారుతుందన్నారు. ఇందు కోసం మేలు జాతి పశుగ్రాసాల గురించి వివరించి వాటి ప్రాముఖ్యతను తెలిపారు. సమావేశంలో సమితి ఎండీ కొల్లి ఈశ్వరబాబు, గన్నవరం క్లస్టర్‌ సమితి బోర్డు డైరెక్టర్లు, ట్రస్ట్‌ డైరెక్టర్లు, ఫీడ్‌ కమిటీ సభ్యులు, అధ్యక్షులు, సమితి అధికారులు పాల్గొన్నారు. 14, 15 తేదీల్లో హెడ్‌మాస్టర్స్‌ అకౌంట్‌ టెస్ట్‌ పరీక్షలు మచిలీపట్నంఅర్బన్‌: హెడ్‌మాస్టర్స్‌ అకౌంట్‌ టెస్ట్‌ 2026 పరీక్షలు ఈ నెల 14,15 తేదీలలో నిర్వహించనున్నట్లు జిల్లా విద్యాశాఖాధికారి యువి. సుబ్బారావు గురువారం ఒక ప్రకటనలో తెలిపారు. ఫిబ్రవరి 14న ఉదయం 10 గంటల నుంచి మధ్యాహ్నం 1.00 గంట వరకు పేపర్‌–1 (పుస్తకాలు లేకుండా), ఫిబ్రవరి 15న అదే సమయాల్లో పేపర్‌–2 (పుస్తకాలతో) పరీక్షలు జరుగుతాయన్నారు. అభ్యర్థులు గమనించి సకాలంలో పరీక్ష కేంద్రాలకు హాజరుకావాలని డీఈఓ కోరారు.