TV
పట్టుదలతో సాధించిన ఆ నందం
అంధత్వాన్ని అధిగమించి ఆకాంక్షను నెరవేర్చుకున్నాడు అతని దీక్ష ముందు చిన్నబోయిన వైకల్యం గ్రూప్–2లో ఉద్యోగం సాధించిన అంధ యువకుడు నలుగురికీ స్ఫూర్తిగా నిలుస్తున్న నందం నాగరాజు
గజిటెడ్ హోదా ఉద్యోగం సాధించాలని కోరిక
ఎప్పటికై నా గజిటెడ్ హోదా గల ఉద్యోగం సాధించాలని కోరిక. ఒంగోలులోని దివ్యాంగుల వసతి గృహంలో వారికి ఎంతో రుణపడి ఉంటా. విజయవాడకు చెందిన దుర్గాప్రసాద్, ఒంగోలుకు చెందిన గాలి నారాయణరావు, లక్ష్మీ దంపతులు నాకు పాఠాలు అన్ని రికార్డు చేసి ఇచ్చేవారు. వారి సహాయాన్ని మరువలేను. పరీక్షలకు హాజరయ్యే సమయంలో స్రైబ్(సహాయకులు)తో భాషాపరమైన ఇబ్బందులు కలుగుతున్నాయి. వాటిని అధిగమించేందుకు ప్రభుత్వం సహాయంచేయాలి.
–నందం నాగరాజు, గ్రూప్–2 విజేత
అసలే నిరుపేద కుటుంబం. దానికి తోడు విధి ప్రమాదం రూపంలో వచ్చి కంటి చూపును తీసుకుపోయింది. కరెంటు షాక్ తగిలి తండ్రి మరణించాడు. వంట పని చేసే తల్లే కుటుంబం మొత్తానికి జీవనాధారం. ఓపక్క ఆర్థిక ఇబ్బందులు, మరోపక్క అంధత్వం ఇన్ని సమస్యలు చుట్టుముట్టి వెంటాడుతున్నా... ఎక్కడా ధైర్యం కోల్పోలేదు. పట్టు విడువలేదు. తన లక్ష్యాన్ని చేజార్చుకోలేదు. తన చెవులనే నయనాలుగా మార్చుకుని కఠోర శ్రమ చేశాడు. చివరకు ఎలాగైతేనేం గ్రూప్–2లో ఉద్యోగానికి ఎంపికై అనుకున్నది సాధించాడు. ఇదీ...చల్లపల్లి మండలం
లక్ష్మీపురానికి చెందిన నందం నాగరాజు విజయగాథ.
పట్టుదలతో సాధించిన ఆ నందం
