breaking news
Local bodies elections
-
అలా అయితే పొత్తుకు టాటా..!
జిల్లా పరిషత్ చైర్మన్ అంశం ఉత్కంఠ రేపుతోంది. ఓ వైపు టీడీపీ నుంచి పరిటాల శ్రీరామ్.. మరోవైపు జనసేన నుంచి చిలకం మధుసూదన్రెడ్డి జిల్లా పరిషత్ చైర్మన్ పీఠం కోసం నానా తంటాలు పడుతున్నారు. కూటమి పార్టీలకు సంబంధించి ఏ జిల్లా నుంచి ఏ పార్టీ చైర్మన్ పీఠం అధిరోహించాలనే విషయం ఇంకా పూర్తి స్థాయిలో కొలిక్కి రాకపోయినా ఎవరికి వారు గంపెడాశలు పెట్టుకున్నారు. అందులో భాగంగానే ఒకప్పుడు ఎమ్మెల్యే స్థానానికి పోటీ చేసిన పరిటాల శ్రీరామ్ జెడ్పీటీసీ స్థానానికి దిగొచ్చినట్లు ఆయన అభిమానులు ప్రచారం చేస్తుండడం చర్చనీయాంశంగా మారింది.సాక్షి, పుట్టపర్తి: మరో మూడు రోజుల్లో జెడ్పీటీసీల ప్రమాణం స్వీకారానికి ముహూర్తం ఖరారు చేశారు. అయినా, జిల్లా పరిషత్ చైర్మన్ గిరి ఏ పార్టీని వరిస్తుందనే అంశం ఇప్పటికీ కొలిక్కి రాలేదు. జనసేన, టీడీపీ మధ్య సస్పెన్స్ కొనసాగుతూనే ఉంది. అధిష్టానం వద్ద జనసేన సభ్యుడు చిలకం మధుసూదన్రెడ్డి లాబీయింగ్ చేస్తున్నారు. మరోవైపు జిల్లాలోని జెడ్పీటీసీ సభ్యులతో పరిటాల శ్రీరామ్ రెండు రోజుల క్రితం సమావేశమయ్యారు. ఈ క్రమంలో చైర్మన్ పీఠం తమ పార్టీనే వరిస్తుందంటూ రెండు పార్టీల కార్యకర్తలు సామాజిక మాధ్యమాల వేదికగా విపరీతంగా ప్రచారం చేస్తుండడంతో రాజకీయం రసవత్తరంగా మారింది. ఓట్లు.. సీట్లు చూడాలంటూ.. మిత్రపక్షమైనప్పటికీ జనసేన కార్యకర్తలు ఓట్లు, సీట్లు చూసి చైర్మన్ పీఠం ఆశిస్తే బాగుంటుందని ‘తెలుగు తమ్ముళ్లు’ బాహాటంగానే విమర్శలు చేస్తున్నారు. ఒంటరిగా పోటీ చేస్తే బోణీ కూడా చేయలేని పార్టీ జిల్లా పరిషత్ చైర్మన్ పీఠం ఆశించడం సబబు కాదని టీడీపీ కార్యకర్తలు ఆగ్రహం వ్యక్తం చేస్తున్నారు. పొత్తులో భాగంగా టీడీపీకి జిల్లా పరిషత్ కేటాయిస్తారనే ఉద్దేశంతోనే పరిటాల శ్రీరామ్ నల్లచెరువు నుంచి జెడ్పీటీసీగా పోటీ చేశారని గుర్తు చేస్తున్నారు. రానున్న రోజుల్లో జనసేనకు మరిన్ని అవకాశాలు రావాలంటే జెడ్పీ చైర్మన్ టీడీపీకి కేటాయించాలని పట్టుబట్టినట్లు చెబుతున్నారు. కూటమి ధర్మం పాటించాలంటూ.. ఎన్నికల్లో మెజారిటీ సీట్లు సాధించామంటే జనసేనతో కలవడంతోనే అంటూ జనసైనికులు ప్రచారం చేస్తున్నారు. ఎన్నికల తర్వాత ఇచ్చిన మాట తప్పితే రానున్న రోజుల్లో తమ సత్తా చాటుతామని హెచ్చరిస్తున్నారు. చిలకం మధుసూదన్రెడ్డి కూడా ఎమ్మెల్యే స్థానానికి పోటీ చేసే స్థాయి ఉన్న నాయకుడేనని, జెడ్పీ చైర్మన్ ఆశతోనే పుట్టపర్తి రూరల్ నుంచి జెడ్పీటీసీగా పోటీ చేశారని చెబుతున్నారు. మరోవైపు పొత్తు నేపథ్యంలో ‘జెడ్పీ’ గిరి తొలుత రెండున్నరేళ్లు జనసేనకు, సాధారణ ఎన్నికల తర్వాత టీడీపీకి అంటూ చర్చలు మొదలు కావడం ఆసక్తికరంగా మారింది. అలా అయితే టాటా..! కూటమి పార్టీల మధ్య పోటీ తలెత్తడంతో ఎవరిని బుజ్జగిస్తారు.. ఎవరికి పీఠం కట్టబెడుతారనేది సస్పెన్స్గా మారింది. ఒకవేళ టీడీపీకి చైర్మన్ గిరి ఇస్తే.. ఇక నుంచి జనసేన పొత్తుకు బైబై చెబుతుందని సమాచారం. తెలుగు తమ్ముళ్లు కోరుకున్నట్లుగా పరిటాల శ్రీరామ్కు కట్టబెడితే చిలకం మధుసూదన్రెడ్డితో సహా జనసేన కార్యకర్తలు టీడీపీకి సహకరించకుండా.. రానున్న రోజుల్లో ఒంటరిగా బరిలో దిగడం ఖాయమని తెలుస్తోంది. ఇప్పటికే బీజేపీతో కటీఫ్.. కూటమిలో భాగమైన బీజేపీని టీడీపీ, జనసేన ఇప్పటికే పక్కన పెట్టినట్లు సమాచారం. కౌన్సిలర్లు, జెడ్పీటీసీ, ఎంపీటీసీల విషయంలో టీడీపీ, జనసేన సహకరించలేదని కమలనాథులు బహిరంగ విమర్శలకు దిగారు. జిల్లా పరిషత్ పీఠం ఖరారు కాగానే.. టీడీపీ– జనసేన మధ్య కూడా విభేదాలు రావడం ఖాయంగా కనిపిస్తోంది. ఇదీ చదవండి: మీ వెయ్యి రూపాయలు మీరే తీసుకోండి -
మీ వెయ్యి రూపాయలు మీరే తీసుకోండి
పలమనేరు(చిత్తూరు): తమ విలువైన ఓట్లను అమ్ముకుంటున్న నేటి సమాజంలో ఓ ఓటరు మాత్రం తన ఓటు డబ్బుకు అమ్ముకోనంటూ అభ్యర్థి పంచిన రూ.500 రెండు నోట్లను తన బ్యాలెట్ పేపర్లో పెట్టి ‘‘అయ్యా మీర్చిన డబ్బులు రూ.1,000 మీరే తీసుకోండి. మేం డబ్బులు తీసుకుని ఓటు వేసేవారం కాదు సుమా. ధన్యవాదాలు’’ అంటూ ఓ కాగితం రాసి బ్యాలెట్ బాక్సులో వేసిన ఘటన ఆలస్యంగా వెలుగుచూసింది. పలమనేరు మండలం మొరం సెగ్మెంట్లో ఇటీవల జరిగిన ఎంపీటీసీ, జెడ్పీటీసీ ఎన్నికల ఓట్ల లెక్కింపులో దీన్ని గమనించిన అధికారులు ఈ విషయాన్ని ఉన్నతాధికారులకు తెలిపారు. ఈ విషయంపై జిల్లా కలెక్టర్ సుమిత్కుమార్ గాంధీ ఇది ప్రజాసామ్యంలో చాలా స్ఫూర్తిదాయక చర్యగా సోమవారం ఒక ప్రకటనలో తెలిపారు. నోటుకు తన ఓటును తాకట్టు పెట్టనని ఆ ఓటరు తీసుకున్న నిర్ణయం ప్రజాస్వామ్యంలో ఓటుకు ఉన్న విలువకు నిదర్శనంగా మారింది. ఓటుకు డబ్బు తీసుకుంటే ఐదేళ్లు ప్రజాప్రతినిధిని తాము ప్రశ్నించే హక్కును కోల్పోతామని ఆ ఓటరు భావించి తీసుకున్న నిర్ణయం ఇప్పుడు ప్రతి ఓటరును ఆలోచింపజేస్తోంది. -
ఆశపెట్టి.. పక్కనబెట్టి
సాక్షి ప్రతినిధి, కాకినాడ: కాకినాడ మేయర్ స్థానం కేటాయింపులో టీడీపీకి భంగపాటు ఎదురైంది. జిల్లా పరిషత్ చైర్మన్ జనసేనకు, మేయర్ టీడీపీకి కేటాయిస్తున్నట్లు విస్తృత చర్చ జరిగింది. ఇందుకు కూటమి అధిష్టానం సైతం సుముఖంగా ఉన్నట్లు ప్రచారం నడిచింది. కాకినాడ మేయర్ పీఠానికి జనసేన అభ్యర్థిగా కడలి ఆకుల భవానీ పేరు ప్రకటిస్తూ పవన్ నిర్ణయం తీసుకోవడంతో టీడీపీ నేతలు ఒక్కసారిగా అవాక్కయ్యారు. ఒక్కసారిగా రాజకీయ సమీకరణలు మారడంతో టీడీపీ నేతల ఆశలు గల్లంతయ్యాయి. ఈ పరిణామం పచ్చ నేతల్లో ఆగ్రహావేశాలు నింపాయి. కాకినాడ జిల్లాలో అన్ని ప్రాధాన్యం కలిగిన పదవులు జనసేనకే కట్టబెడితే టీడీపీ మనుగడ ప్రశ్నార్థకంగా మారుతుందన్న అభిప్రాయం వ్యక్తమవుతోంది. కాకినాడ మేయర్ స్థానానికి ఎవరు పోటీ చేయాలన్న మీమాంస కొన్ని రోజులుగా కొనసాగింది. ఎట్టకేలకు జనసేన అధిష్టానం పార్టీ శ్రేణులకు శనివారం రాత్రికి ఓ స్పష్టత ఇచ్చినట్లు తెలిసింది. కాకినాడ మేయర్ పీఠానికి జనసేన అభ్యర్థే బరిలోకి దిగుతారని, ఆశావహులు ఆదివారం నామినేషన్లు దాఖలు చేయాలని ఆ పార్టీ నేతలకు అంతర్గత ఆదేశాలు ఇచ్చినట్లు సమాచారం. అధిష్టానం భరోసాతో ఆదివారం ఉదయానికే ముగ్గురు (ఆకుల భవాని, కడలి ఈశ్వరి, లక్ష్మీప్రసన్న) జనసేన మహిళా నేతలు మేయర్ స్థానానికి పోటాపోటీగా నామినేషన్లు దాఖలు చేశారు. అయితే కాకినాడ నగరపాలక సంస్థ మేయర్ అభ్యర్థిగా జనసేన పార్టీ తరఫున ఆకుల భవాని పేరును ఖరారు చేశారు. జనసేన పార్టీ అధ్యక్షుడు పవన్ కళ్యాణ్ ఆదివారం సాయంత్రం ఈ నిర్ణయం తీసుకున్నారు. టీడీపీకి ఎదురుదెబ్బ మేయర్ అభ్యర్థి ఎంపికలో టీడీపీకి ఎదురుదెబ్బ తలిగింది. జెడ్పీ చైర్మన్ పదవి జనసేన నేత బుర్రా దివ్యరాజ్కు వరిస్తున్నట్లు చర్చ నడిచింది. అందుకు బదులుగా టీడీపీకి మేయర్ దాదాపు ఖరారైనట్లు ఆ పార్టీ శ్రేణులు సైతం వెల్లడించారు. కాకినాడ సిటీ ఎమ్మెల్యే సొదరుడి కోడలు వనమాడి సుస్మితతో పాటు, ఎమ్మెల్సీ కర్రి పద్మశ్రీ పేర్లను పరిశీలనలోకి తీసుకున్న టీడీపీ అధిష్టానం మేయర్ ఎవరైతే బాగుంటుందన్న విషయమై ఐవీఆర్ఎస్ సర్వే ద్వారా ప్రజల అభిప్రాయాలను సైతం సేకరించింది. దీంతో మేయర్ స్థానం ఇక టీడీపీకే దక్కుతుందని టీడీపీ నేతలు భావించారు. తాజాగా జనసేనకు కేటాయించడంతో ఒక్కసారిగా భంగపాటుకు గురయ్యారు. తమకు వరిస్తుందనుకున్న మేయర్ సీటు జనసేనకు కట్టబెట్టడంపై కారాలుమిరియాలు నూరుతున్నారు. తేలని డివిజన్ల సర్దుబాట్లు మేయర్ స్థానానికి హడావుడిగా అభ్యర్థిని ప్రకటించిన జనసేన అధిష్టానం డివిజన్ల పంపకాల్లో ఎలాంటి స్పష్టత ఇవ్వలేదు. పార్టీ నిర్ణయం కోసం వేచిచూస్తే పోటీ చేసే అవకాశాన్ని కోల్పోతామన్న ఉద్దేశంతో ఎవరికి వారు నామినేషన్లు వేస్తున్నారు. దీంతో రెండు రోజుల్లో కార్పొరేటర్ స్థానాలకు 211 మంది నామినేషన్లు దాఖలు చేశారు.ఇక్కడ మొండిచెయ్యేనా? మేయర్ జనసేనకు దక్కడంతో జిల్లా పరిషత్ పీఠంపై ఉత్కంఠ నెలకొంది. చైర్మన్ పీఠం జనసేనకు దక్కుతుందా..? అవకాశం టీడీపీకి వరిస్తుందా..? అనే మీమాంస నెలకొంది. ఈ పరిణామం ఇప్పటికే జెడ్పీ పీఠం ఆశిస్తున్న జనసేన నేత బుర్రా దివ్యరాజ్ వర్గంలో ఆందోళన నింపుతోంది. ఇప్పటికే టీడీపీ నుంచి మాజీ ఎమ్మెల్యే పిల్లి అనంతలక్ష్మి రేసులో ఉన్నారు. ఆ పార్టీ అధిష్టానం సైతం ఆమె వైపే మొగ్గు చూపుతున్నట్లు తెలిసింది. తాజాగా మారిన రాజకీయ పరిణామాల దృష్ట్యా టీడీపీకి చైర్మన్ పదవిని కేటాయిస్తే.. జనసేన నేత దివ్యరాజ్కు నిరాశ తప్పదన్న భావన ఆ పార్టీ నేతల నుంచి వ్యక్తమవుతోంది. దివ్యరాజ్ చైర్మన్ పదవిని ఎలాగైనా దక్కించుకోవాలన్న తలంపుతో ప్రయత్నాలు ముమ్మరం చేస్తున్నట్లు తెలిసింది. తనకు వరించకపోతే జెడ్పీటీసీ స్థానానికి రాజీనామా చేసేందుకు సైతం వెనుకాడనని ఇప్పటికే అల్టిమేటం జారీ చేసినట్లు తెలిసింది. -
రూ.కోటి ఖర్చు చేస్తేనే గెలుపు.. ఆ పంచాయతీపై నేతల కన్ను!
నెల్లూరు: కృష్ణపట్నం పోర్టు తదితరాలున్న పంచాయతీ రాజకీయంగా కాక పుట్టిస్తోంది. ముత్తుకూరు మండలంలో 20 పంచాయతీలు ఉండగా, దేనికీ ఇంతటి డిమాండ్ ఏర్పడటం లేదు. 4460 ఓట్లతో మేజర్ పంచాయతీగా ఉన్న కృష్ణపట్నంపై అన్ని రాజకీయ పార్టీలు దృష్టి సారిస్తున్నాయి. ఫలితంగా ఇక్కడి రాజకీయ పరిణామాలు ఆసక్తిని రేపుతున్నాయి. రానున్న సర్పంచ్ ఎన్నికల్లో దీన్ని ఎలాగైనా దక్కించుకోవాలనే పట్టుదలతో ప్రధాన పార్టీల నేతలు వ్యూహాలు రచిస్తున్నారనే చర్చ సాగుతోంది. అయితే ఎవరు బరిలో దిగి గెలవాలన్నా, రూ.కోటి ఖర్చు చేయాల్సి ఉంటుందనే అంశం హాట్టాపిక్గా మారింది. రెబల్స్ దెబ్బ ఇటీవల నిర్వహించిన ఎంపీటీసీ ఎన్నికల్లో అధికార పారీ్టలో రెబల్ అభ్యర్థి బరిలోకి దిగడం రాజకీయంగా కలకలం రేపింది. భారీగా ఓట్లు రావడంతో టీడీపీలో చీలిక ఏర్పడింది. దీంతో పార్టీ నాయకత్వానికి ఈ పరిణామం గట్టి హెచ్చరికగా మారింది. పంచాయతీ ఎన్నికల్లో ఇలాంటి పరిస్థితి తలెత్తకుండా ముందుగానే జాగ్రత్తలు తీసుకోవాలని భావిస్తోందని సమాచారం. అయితే ఈసారి కూడా తగ్గేది లేదు.. అధికార పార్టీని గెలవనివ్వమంటూ రెబల్ వర్గాలు వ్యూహాలు రచిస్తున్నాయనే ప్రచారం స్థానికంగా మరింత వేడిని పెంచుతోంది. గ్రూపుల పోరు మరోవైపు రెండు, మూడు గ్రూపులుండటం టీడీపీకి మరో తలనొప్పిలా మారింది. అభ్యర్థి ఎంపిక దగ్గర్నుంచి ప్రచారం వరకు అంతర్గత విభేదాలు ప్రభావం చూపే అవకాశం ఉందనే చర్చ జరుగుతోంది. మరోవైపు కృష్ణపట్నంలో వైఎస్సార్ కాంగ్రెస్ పార్టీ బలంగా ఉండటంతో పోరు మరింత రసవత్తరంగా మారనుంది. -
పారదర్శకతకు తిలోదకాలు.. ప్రజాస్వామ్యానికి తూట్లు!
సాక్షి ప్రతినిధి, కడప: స్థానిక సంస్థల ఎన్నికల నిర్వహణలో అధికార యంత్రాంగం వ్యవహరిస్తున్న తీరు ప్రజాస్వామ్య స్ఫూర్తిని అపహాస్యం చేస్తోంది. రాష్ట్ర ఎన్నికల సంఘం (ఎస్ఈసీ) , జిల్లా ఎన్నికల అధికారి (డీఈఓ) తీరు తీవ్ర వివాదాస్పదమవుతోంది. నోటిఫికేషన్ వెలువడిన నాటి నుంచి రాజ్యాంగ విలువలను తిలోదకాలు ఇస్తూ విధి నిర్వహణలో పారదర్శకతకు పాతరేశారు. ఇందుకు పులివెందుల ఎంపీపీ పీఠం కేటాయింపే ప్రత్యక్ష నిదర్శనంగా నిలుస్తోంది. అధికారుల ఏమరపాటు.. ఎంపీపీ ఎన్నిక అగమ్యగోచరం! పులివెందుల మండల పరిషత్ అధ్యక్ష (ఎంపీపీ) స్థానాన్ని ఎస్టీ జనరల్కు కేటాయిస్తూ ఎస్ఈసీ నోటిఫికేషన్ జారీ చేసింది. అయితే, ఆ మండల పరిధిలో కనీసం ఒక్క ఎంపీటీసీ స్థానాన్ని అయినా ఎస్టీ జనరల్కు కేటాయించడంలో జిల్లా ఎన్నికల అధికారి (డీఈఓ) తీవ్ర నిర్లక్ష్యం, ఏమరపాటు ప్రదర్శించారు. మండలంలో మొత్తం 5 ఎంపీటీసీ స్థానాలు ఉండగా, వాటిలో రెండింటిని ఓసీ మహిళలకు, ఒక్కొక్కటి చొప్పున ఓసీ జనరల్, బీసీ జనరల్, ఎస్సీ మహిళలకు రిజర్వ్ చేశారు. ఈ లెక్కన ఆయా కేటగిరీలకు చెందిన అభ్యర్థులు ఎన్నికయ్యారు. తీరా ఇప్పుడు ఎంపీపీ ఎన్నిక సమయానికి, మండల పరిధిలో ఒక్క ఎస్టీ జనరల్ ఎంపీటీసీ కూడా లేని విచిత్ర పరిస్థితి నెలకొంది. అసలు ఎస్టీ అభ్యర్థి లేకుండానే ఎంపీపీ పీఠాన్ని ఎలా భర్తీ చేస్తారన్న ప్రశ్న తలెత్తుతోంది. ప్రశ్నార్థకంగా మారిన రిజర్వేషన్ల పారదర్శకత.. స్థానిక సంస్థల ఎన్నికల్లో రిజర్వేషన్ల కేటాయింపు ప్రక్రియ పారదర్శకతపై ఇప్పుడు తీవ్ర స్థాయిలో ప్రశ్నలు తలెత్తుతున్నాయి. నిబంధనలను పక్కనపెట్టి, అధికార పార్టీ నేతలకు కావాల్సిన రీతిలో రిజర్వేషన్లు కేటాయిస్తూ వెళ్లారనే ఆరోపణలకు ఈ ఘటన మరింత బలం చేకూరుస్తోంది. జనాభా ప్రాతిపదికన, రోటేషన్ పద్ధతి నిబంధనలకు లోబడి రిజర్వేషన్లు ఖరారు చేసి ఉంటే, నేడు పులివెందుల ఎంపీపీ ఎంపిక విషయంలో యంత్రాంగం తలదించుకునే దుస్థితి దాపురించేది కాదని పలువురు సీనియర్ అధికారులే అభిప్రాయపడుతున్నారు. సాధారణంగా జిల్లాల నుంచి వెళ్లే నివేదికల ఆధారంగానే ఎస్ఈసీ నోటిఫికేషన్ జారీ చేస్తుంది. ఆ నివేదికల ప్రకారమే ఎంపీపీ పీఠం ఎస్టీ జనరల్కు రిజర్వ్ అయింది. కానీ, క్షేత్రస్థాయిలో ఎంపీటీసీల రిజర్వేషన్ల కేటాయింపులో జరిగిన ‘మతలబు’ వల్లే ఎస్టీ జనరల్ స్థానం గల్లంతైందనే విమర్శలు వెల్లువెత్తుతున్నాయి. అధికారుల ఇష్టారాజ్యపు వ్యవహారశైలి కారణంగా నేడు జిల్లా యంత్రాంగం పరువు బజారున పడిందని పలువురు వాపోతున్నారు. టీడీపీలో అంతర్మథనం పులివెందుల మండల పరిధిలోని మొత్తం 5 ఎంపీటీసీ స్థానాల్లో ప్రతిపక్ష వైఎస్సార్సీపీ అభ్యర్థులు కనీసం ఒక్క నామినేషన్ కూడా దాఖలు చేయకుండా టీడీపీ నేతలు అడ్డుకున్నారు. ఫలితంగా ప్రత్యర్థులెవరూ లేకపోవడంతో ఐదు స్థానాల్లోనూ టీడీపీ అభ్యర్థులే ఏకగ్రీవమయ్యారు. తీరా ఇప్పుడు ఎంపీపీ ఎన్నిక సమయానికి అసలు పీఠాన్ని దక్కించుకోవాల్సిన ఎస్టీ అభ్యర్థే లేకపోవడం గమనార్హం. రిజర్వేషన్ల ప్రక్రియపై కనీస అవగాహన లేకుండా, అధికారుల అండతో అత్యుత్సాహం ప్రదర్శించి ఏకపక్షంగా వ్యవహరించడం వల్లే నేడు టీడీపీ నేతలు నాలుక కరుచుకోవాల్సిన పరిస్థితి తలెత్తిందని రాజకీయ పరిశీలకులు అభిప్రాయపడుతున్నారు. ‘పులివెందుల’ చిక్కుముడి వీడేదెలా?పులివెందుల మండల పరిషత్ అధ్యక్ష (ఎంపీపీ) స్థానాన్ని ఎస్టీలకు రిజర్వ్ చేసి, మండలంలోని 5 ఎంపీటీసీ స్థానాల్లో ఏ ఒక్కటీ ఎస్టీలకు కేటాయించకపోవడంతో ఏర్పడిన సాంకేతిక చిక్కుముడి ఇప్పుడు చర్చనీయాంశమైంది. 5 ఎంపీటీసీ స్థానాలను టీడీపీ ఏకగ్రీవం చేసుకున్నప్పటికీ, ఎస్టీ అభ్యర్థి లేకపోవడంతో ఎంపీపీ పీఠం ఎవరికీ దక్కని పరిస్థితి నెలకొంది. ఈ నేపథ్యంలో, ఆంధ్రప్రదేశ్ పంచాయతీరాజ్ చట్టం, ఎన్నికల సంఘం నిబంధనల ప్రకారం ఈ సమస్యకు ఉన్న పరిష్కార మార్గాలపై న్యాయ, పరిపాలన నిపుణులు స్పష్టతనిస్తున్నారు. 1. ఎన్నిక వాయిదా.. ఎస్ఈసీకి నివేదిక: నిబంధనల ప్రకారం, ఎంపీపీ ఎన్నికల రోజున జరిగే ప్రత్యేక సమావేశంలో ఎస్టీ కేటగిరీ నుంచి నామినేషన్ వేయడానికి అర్హులైన అభ్యర్థులు ఎవరూ లేకపోతే, ప్రిసైడింగ్ అధికారి ఎన్నికను వాయిదా వేస్తారు. అనంతరం జిల్లా ఎన్నికల అధికారి (కలెక్టర్) ఈ తప్పిదాన్ని వివరిస్తూ రాష్ట్ర పంచాయతీరాజ్ శాఖకు, ఎన్నికల సంఘానికి నివేదిక పంపుతారు. 2. ఎంపీపీ రిజర్వేషన్ గెజిట్ సవరణఎంపీటీసీ ఎన్నికల ప్రక్రియ ఇప్పటికే పూర్తయినందున, మళ్లీ ఎంపీటీసీ స్థానాలకు రిజర్వేషన్లు మార్చి ఎన్నికలు నిర్వహించడం దాదాపు అసాధ్యం. కాబట్టి, ప్రభుత్వం ప్రత్యేక అధికారాలను ఉపయోగించి పులివెందుల ఎంపీపీ స్థానానికి గతంలో ఇచ్చిన ‘ఎస్టీ రిజర్వేషన్’ గెజిట్ను రద్దు చేయాల్సి ఉంటుంది. ౖ జిల్లా రోస్టర్ ప్రకారం ఎస్టీ ఎంపీపీ స్థానాన్ని భర్తీ చేయాల్సి ఉంటే, ఎస్టీ ఎంపీటీసీ సభ్యులు ఉన్న మరో మండల ఎంపీపీ స్థానాన్ని ఎస్టీకి మార్చి, పులివెందుల ఎంపీపీ పీఠాన్ని జనరల్ లేదా ఇతర అందుబాటులో ఉన్న కేటగిరీకి మారుస్తూ కొత్త నోటిఫికేషన్ జారీ చేయాలి. 3. తాత్కాలికంగా వైస్ ఎంపీపీకి బాధ్యతలు రిజర్వేషన్ సవరణ, గెజిట్ మార్పు ప్రక్రియకు సమయం పట్టే అవకాశం ఉంది. అంతేకాకుండా, ఈ మార్పులపై ఎవరైనా న్యాయస్థానాన్ని ఆశ్రయిస్తే మరింత జాప్యం జరగవచ్చు. మొత్తం మీద, రాష్ట్ర ఎన్నికల సంఘం మరియు పంచాయతీరాజ్ శాఖ తీసుకునే తదుపరి నిర్ణయంపైనే పులివెందుల ఎంపీపీ పీఠం భవితవ్యం ఆధారపడి ఉంది. -
తొలి ఎన్నికలకు సున్నిపెంట సిద్ధం
కర్నూలు: తొలిసారిగా పంచాయతీ ఎన్నికలకు శ్రీశైలానికి ఐదు కిలోమీటర్ల దూరంలో ఉన్న సున్నిపెంట గ్రామం సిద్ధమైంది. ఈ నెల చివరి వారంలో ఎన్నికలు నిర్వహించేందుకు ఆత్మకూరు ఎంపీడీఓ కార్యాలయ అధికారులు జిల్లా కలెక్టర్కు నివేదిక పంపారు. శ్రీశైలం ప్రాజెక్టు నిర్మాణ సమయంలో ఉమ్మడి కర్నూలు, ప్రకాశం, మహబూబ్నగర్ జిల్లాల నుంచి పెద్ద సంఖ్యలో ప్రజలు సున్నిపెంటకు చేరుకున్నారు. వేలాది మంది వలస కూలీలు ఇక్కడే స్థిర నివాసం ఏర్పరచుకున్నారు. మేజర్ గ్రామ పంచాయతీ తలపించేలా సున్నిపెంట విస్తరించింది. గ్రామ పంచాయతీగా గుర్తింపు లేకపోవడంతో ఇప్పటి వరకు ఎన్నికలు ఎప్పుడూ జరగలేదు. కేవలం అసెంబ్లీ ఎన్నికలకు మాత్రమే పరిమితమైంది. తొలి సర్పంచ్ కిరీటం ఎవరిని వరించునో.. సున్నిపెంటలో మొత్తం 21,452 మంది నివాసం ఉంటున్నారు. ఇందులో ఎస్సీలు 6,226 మంది, ఎస్టీలు 1,982, ఇతర అన్ని కులాలు 13,244 మంది ఉన్నారు. ప్రస్తుతం గ్రామాన్ని 14 వార్డులుగా విభజించారు. మొత్తం ఓటర్లు 14,660 మందిగా గుర్తించారు. ఇందులో పురుషులు 7,113, మహిళలు 7,554, ఇతరులు ఒకరుగా ఉన్నారు. ఓటర్లు తమ ఓటుహక్కును వినియోగించుకునేందుకు వివిధ పాఠశాలల్లో 28 పోలింగ్ కేంద్రాలను ఏర్పాటు చేశారు. తొలిసారిగా ఈ గ్రామంలో సర్పంచ్గా ఎవరెవరు పోటీ చేస్తారో, ఆ పదవి ఎవరిని వరిస్తుందో అన్నది తేలాల్సి ఉంది. గ్రామంలో వైఎస్సార్సీపీ, టీడీపీ, సీపీఎం, సీపీఐతో పాటు పలు పార్టీలకు చెందిన నాయకులు, కార్యకర్తలు ఉన్నారు. వైఎస్సార్సీపీ, టీడీపీ మద్దతుదారుల మధ్యే పోటీ ఉండనుంది. గెజిట్ తర్వాత రిజర్వేషన్లు ఖరారు చేస్తాం సున్నిపెంట గ్రామ పంచాయతీకి నవంబర్ చివరి వారంలో ఎన్నికలు నిర్వహించనున్నాం. ఇప్పటికే జిల్లా కలెక్టర్కు అన్ని నివేదికలు పంపాం. జిల్లా కలెక్టర్ గెజిట్ విడుదల చేసిన తర్వాత సర్పంచ్కు రిజర్వేషన్లు ఖరారు చేస్తాం. – రమణ, ఎంపీడీఓ వైఎస్సార్ చలువతో... సున్నిపెంటను గ్రామ పంచాయతీగా గుర్తిస్తూ 2006లో అప్పటి ముఖ్యమంత్రి డాక్టర్ వైఎస్ రాజశేఖర్రెడ్డి జీవో నంబర్ 2 జారీ చేశారు. గత వైఎస్సార్సీపీ ప్రభుత్వంలో శ్రీశైలం ఎమ్మెల్యే గా ఉన్న శిల్పా చక్రపాణిరెడ్డి ప్రత్యేక చొరవ తీసుకుని వివిధ శాఖల మంత్రులు, అటవీశాఖ అధికారులతో చర్చించారు. గ్రామ పంచాయతీగా సున్నిపెంటను రికార్డులో నమోదు చేసేందుకు కృషి చేశారు. దీంతో ఈ గ్రామంలో తొలిసారిగా పంచాయతీ ఎన్నికల శంఖారావానికి అధికారులు శ్రీకారం చుట్టారు. -
సర్పంచ్ పదవికి టీడీపీ నాయకుల వేలం
నరసరావుపేట రూరల్(పల్నాడు): మండలంలోని జొన్నలగడ్డ గ్రామంలో సర్పంచ్ పదవికి గురువారం రాత్రి టీడీపీ నాయకులు వేలం నిర్వహించారు. పోటాపోటీగా జరిగిన వేలంలో యర్రా శ్రీనివాసరావు రూ.81 లక్షలకు పాట దక్కించుకున్నారు. సర్పంచ్ పదవి కోసం మొత్తం ముగ్గురు పోటీ పడ్డారు. కొరిటాల గోపాలరావు రూ.77 లక్షలు చెల్లించేందుకు సిద్ధపడ్డారు. చివరకు శ్రీనివాసరావు పాట దక్కించుకున్నారు. ఆయనను సర్పంచ్ అభ్యర్థిగా పోటీలో నిలపాలని గ్రామ పెద్దలు నిర్ణయించారు. ఇదీ చదవండి: డిపాజిట్ అంటే ఏమిటి? ఎన్నికల్లో ఎంత చెల్లించాలి? -
డిపాజిట్ అంటే ఏమిటి? ఎన్నికల్లో ఎంత చెల్లించాలి?
సత్తెనపల్లి(పల్నాడు): ఎన్నికల సమయంలో ‘డిపాజిట్ కూడా దక్కలేదు.. డిపాజిట్ కూడా దక్కనీయలేదు’ అనే పదాలను మనం తరచూ వింటుంటాం. ఇంతకీ ఈ డిపాజిట్ కథ ఏమిటంటే.. ఎన్నికల్లో పోటీ చేసే అభ్యర్థులు రిటర్నింగ్ అధికారికి నగదు రూపంలో కొంత మొత్తాన్ని డిపాజిట్ చేసి రశీదు పొందాల్సి ఉంటుంది. ఈ రశీదును నామినేషన్ పత్రానికి జతచేయాలి. లేని పక్షంలో నామినేషన్ తిరస్కరిస్తారు. నామినేషన్ ఫారంతో పాటు డిపాజిట్ కింద సర్పంచ్ స్థానానికి పోటీ చేసే జనరల్ అభ్యర్థులు రూ.3 వేలు చెల్లించాలి. ఎస్సీ, ఎస్టీ, బీసీ అభ్యర్థులైతే రూ.1,500 చెల్లించాల్సి ఉంటుంది. వార్డు సభ్యుల స్థానాలకు పోటీ చేసే జనరల్ అభ్యర్థులు రూ.వెయ్యి కట్టాలి. ఎస్సీ, ఎస్టీ, బీసీ అభ్యర్థులైతే రూ.500 చెల్లించాలి. పది వేల కంటే తక్కువ జనాభా కలిగిన పంచాయతీకి పోటీ చేసే సర్పంచ్ అభ్యర్థి రూ.2.50 లక్షలు, వార్డు సభ్యుడైతే రూ. 60 వేలు... పది వేలకు మించి జనాభా కలిగిన పంచాయతీకి సర్పంచ్ అభ్యర్థి రూ.4 లక్షల వరకు, వార్డు సభ్యుడైతే రూ.లక్ష వ్యయ పరిమితిని విధించారు. వ్యయ పరిశీలకులు సూచించే విధంగా పోటీలో ఉన్న అభ్యర్థులు తాము చేసిన ఖర్చుల వివరాలను నిబంధనల మేరకు లెక్కలతో సహా ఆడిటర్లకు అందించాలని స్పష్టమైన ఆదేశాలు ఉన్నాయి. డిపాజిట్ కోల్పోవడం అంటే... పంచాయతీ ఎన్నికలు జరిగిన తర్వాత అభ్యర్థులకు వచ్చిన చెల్లుబాటైన ఓట్లలో 1/6 వంతు ఓట్లు రావాలి. అంతకంటే తక్కువ ఓట్లు వస్తే, ఆ అభ్యర్థి డిపాజిట్ కోల్పోయినట్లు చెబుతారు. ఉదాహరణకు వెయ్యి ఓట్లు పోలై, అన్నీ చెల్లుబాటు అయ్యాయని అనుకుందాం. పోటీ చేసిన అభ్యరి్థకి 1/6 వంతు అంటే సుమారు 167 ఓట్లు రావాల్సి ఉంటుంది. అప్పుడే అతడికి డిపాజిట్ దక్కినట్లు. లేకపోతే దక్కనట్లు అర్థం. 1/6 వంతు లేదా అంతకంటే ఎక్కువ ఓట్లు వచ్చిన వారికి ఎన్నికల రిటర్నింగ్ అధికారి పోటీ సమయంలో డిపాజిట్ చేసిన నగదును తిరిగి ఇస్తారు. లేదంటే డిపాజిట్ నగదును తిరిగి ఇవ్వకుండా, ఆ మొత్తాన్ని పంచాయతీ డెవలప్మెంట్ ఫండ్లో జమ చేస్తారు. ఇదీ చదవండి: సర్పంచ్ పదవికి టీడీపీ నాయకుల వేలం -
రూ.50 లక్షలు ఇస్తా.. ఎకరా భూమి రాస్తా.. సర్పంచ్ పదవికి వేలం!
నరసాపురం రూరల్: పంచాయతీ ఎన్నికలకు నోటిఫికేషన్ విడుదలవడంతో గ్రామాల్లో సందడి నెలకొంది. మండలంలోని తూర్పుతాళ్లు సర్పంచ్ పదవి జనరల్ కావడంతో పోటీ పెరిగింది. రాత్రి వేళ గ్రామ దేవత సమక్షంలో గ్రామంలోని అన్ని రాజకీయ పార్టీ పెద్దల ఆధ్వర్యంలో సర్పంచ్ పదవికి వేలం పాట నిర్వహించారు. ఓ అభ్యర్థి రూ.50 లక్షలు ఇస్తానని.. మరో అభ్యర్థి ఎకరా భూమి గ్రామ దేవత పేరున రాస్తానని.. ఇంకొకరు గుడి కట్టిస్తానంటూ చెప్పారు. అయితే నిబంధనల మేరకు అభ్యర్థులు నడుచుకోవాలని, షరతులు వర్తిస్తాయని గ్రామ పెద్దలు చెప్ప డం గమనార్హం. నామినేషన్ల ఉపసంహరణ చివరి తేదీన మరోసారి సమావేశం నిర్వహించుకుని వేలం ఖరారు చేద్దామని నిర్ణయించడం కొసమెరుపు. ఏ కగ్రీవాల పేరుతో ఇలా బలవంతపు వేలం పాటలు నిర్వహించడం తగదని ప్రజాస్వామ్యవాదులు అభిప్రాయ పడుతున్నారు. ఎన్నికలు స్వేచ్ఛగా శాంతియుత వాతావరణంలో నిర్వహించేలా చూడాలని పలువురు గ్రామస్తులు కోరుతున్నారు. -పశ్చిమగోదావరి ఇదీ చదవండి: రెండు శాతం ఓట్ల పార్టీకి చైర్పర్సన్ పీఠమా? -
రెండు శాతం ఓట్ల పార్టీకి చైర్పర్సన్ పీఠమా?
సాక్షి, పార్వతీపురం మన్యం: సాలూరు మున్సిపల్ ఎన్నికల వేడి చల్లారినా.. కూటమిలో రాజకీయ సెగలు మాత్రం తగ్గడం లేదు. ఎన్నికల సమయంలో తెలుగుదేశం, జనసేన నాయకుల మధ్య రాజుకున్న విభేదాలు ఇప్పుడు మరోసారి బహిరంగ యుద్ధానికి దారితీస్తున్నాయి. మున్సిపల్ చైర్పర్సన్ పీఠాన్ని జనసేన దక్కించుకున్నప్పటికీ.. ఆ విజయానికి ముందు జరిగిన రాజకీయ పరిణామాలు మాత్రం ఇంకా ఆ పార్టీ నేతలను వెంటాడుతున్నాయి. తాజాగా చైర్పర్సన్గా ఎన్నికైన గొర్లె విజయకుమారితో పాటు జనసేన నాయకులు మంత్రి గుమ్మిడి సంధ్యారాణిని లక్ష్యంగా చేసుకుని చేసిన వ్యాఖ్యలు సాలూరు రాజకీయా ల్లో మరోసారి కలకలం రేపుతున్నాయి. కూటమి ధర్మానికి తూట్లు పొడిచారా? మున్సిపల్ ఎన్నికల్లో కూటమి ధర్మాన్ని మంత్రి సంధ్యారాణి విస్మరించారని జనసేన నేతలు ఆరోపిస్తున్నారు. స్వతంత్ర అభ్యర్థులను బరిలోకి దింపి వారికి మద్దతు పలికారని, తద్వారా జనసేన అభ్యర్థుల విజయావకాశాలను దెబ్బతీసేందుకు ప్రయత్నించరని మండిపడుతున్నారు. స్వతంత్ర అభ్యర్థులందరికీ ఒకే విధంగా బీరువా గుర్తు వచ్చేలా చేయ డం వెనుక కూడా అనుమానాలున్నాయని చెబుతున్నారు. ఎన్నికల ప్రచారంలో మంత్రి ఒక్కసారి కూడా జనసేన అభ్యర్థుల తరఫున ప్రచారం చేయలేదని విమర్శిస్తున్నారు. ఈ ఆరోపణలను జనసేన తరఫున మున్సిపల్ చైర్పర్సన్గా ఎన్నికైన గొర్లె విజయకుమారి, ఆ పార్టీ నాయకులు గొర్లె తిరుపతినాయుడు, జరజాపు సూరిబాబు బహిరంగంగా వెల్లడించడం రాజకీయ ప్రాధాన్యం సంతరించుకుంది. మంత్రి తీరుపై కూటమి పెద్దలకు ఫిర్యాదు చేస్తామ ని వారు స్పష్టం చేస్తున్నారు. రెండు శాతం ఓట్ల పార్టీకి చైర్పర్సన్ పీఠమా? ఈ వివాదానికి ఎన్నికలకు ముందే బీజం పడింది. సాలూరు మున్సిపల్ చైర్పర్సన్ స్థానం పొత్తులో భాగంగా జనసేనకు కేటాయించడంపై మంత్రి సంధ్యారాణి అసంతృప్తి వ్యక్తం చేసినట్లు అప్పట్లో ప్రచారం జరిగింది. రెండు శాతం ఓటు బ్యాంకు ఉన్న జనసేనకు చైర్పర్సన్ టికెట్ కేటాయించడ మేంటంటూ ఆమె బహిరంగంగా వ్యాఖ్యానించిన ట్లు జనసేన నాయకులు గుర్తుచేస్తున్నారు. ఈ వ్యాఖ్యలపై అప్పట్లోనే ఆ పార్టీ నేతలు తీవ్ర అభ్యంతరం వ్యక్తం చేశారు. మరోవైపు, వైఎస్సార్సీపీ నుంచి జనసేనలోకి వచ్చిన వారికి టికెట్లు కేటాయించడంపైనా మంత్రి అసహనం వ్యక్తం చేసినట్లు రాజకీయ వర్గా ల్లో చర్చ సాగింది. జనసేనకు అధికారికంగా బీఫా రాలు అందించినప్పటికీ, గతంలో హామీ ఇచ్చిన కొందరిని స్వతంత్ర అభ్యర్థులుగా బరిలోకి దింపేందుకు ప్రోత్సహించారనే ఆరోపణ లు కూడా వినిపించాయి. వీటన్నింటినీ ప్రస్తావిస్తు న్న జనసేన నేతలు.. ఎన్నికల్లోనూ తమ పార్టీ అభ్యర్థుల ఓటమికి ప్రయత్నాలు జరిగాయని ఆరోపిస్తున్నారు. ఓటముల సెగ.. కొత్త వివాదాల తలపోటు! ఇప్పటికే సాలూరు మున్సిపల్ పీఠంతో పాటు సాలూరు, మక్కువ మండలాల జెడ్పీటీసీ స్థానాల ను కోల్పోయిన మంత్రి సంధ్యారాణికి తాజా పరి ణామాలు మరో రాజకీయ చిక్కుగా మారాయి. కూటమి భాగస్వామ్య పక్షాల మధ్య పైస్థాయిలో సఖ్యత కనిపిస్తున్నా.. క్షేత్రస్థాయిలో మాత్రం పరిస్థి తి అందుకు భిన్నంగా ఉంది. ఎన్నికల సమయంలో మొదలైన ఆధిపత్య పోరు ఇప్పుడు బహిరంగ విమర్శల స్థాయికి చేరింది. ఒకవైపు కూటమి ఐక్యతను చాటుకోవాల్సిన సమయంలో.. మరోవైపు భాగస్వామ్య పార్టీల నేతలే పరస్పరం ఆరోపణలు చేసు కోవడం రాజకీయంగా చర్చనీయాంశమవుతోంది. జనసేన నేతలు మంత్రి తీరుపై గళమెత్తుతుంటే.. మరోవైపు మంత్రి సంధ్యారాణి మాత్రం ఇప్పటివరకు ఈ ఆరోపణలపై బహిరంగంగా స్పందించలేదు. దీంతో సాలూరు కూటమిలో నెలకొన్న విభే దాలకు అధిష్ఠానం ఎలా ముగింపు పలుకుతుంద న్నది ఆసక్తికరంగా మారింది. మున్సిపల్ ఎన్నికల ఫలితాలతో ముగిసిందనుకున్న పోరు.. ఇప్పుడు కొత్త మలుపు తిరిగింది. గ్లాసు పార్టీలో రగులుతు న్న అసంతృప్తి కూటమికి ఎలాంటి ఇబ్బందులు తెచ్చిపెడుతుందో చూడాలి! ఇదీ చదవండి: ‘నీ ఇష్టం వచ్చింది చేసుకో’..! -
‘నీ ఇష్టం వచ్చింది చేసుకో’..!
పట్నంబజారు: గుంటూరు తూర్పు నియోజకవర్గ తెలుగుదేశం పార్టీలో అసమ్మతి సెగలు భగ్గుమంటున్నాయి. కార్పొరేషన్ ఎన్నికల పరిణామాలు ఇప్పుడు ఎమ్మెల్యేకు రాజకీయ తలనొప్పిగా మారాయి. పార్టీ కోసం పనిచేసిన వారిని కాదని, ఇష్టారాజ్యంగా సీట్లు కేటాయించారన్న వివాదం ఒకవైపు.. ఎన్నికల్లో పార్టీకి సహకరించలేదంటూ ఇప్పుడు షోకాజ్ నోటీసులు, సస్పెన్షన్లకు దిగడం మరోవైపు తీవ్ర దుమారం రేపుతోంది. ‘ఎన్నికల ముందు మా మాట వినలేదు.. ఇప్పుడు మాత్రం క్రమశిక్షణ గుర్తుకొచ్చిందా? మీ ఇష్టం వచ్చింది చేసుకోండి’ అంటూ సొంత పార్టీ నాయకులు, కార్యకర్తలే ఎదురు తిరుగుతుండటంతో ఎమ్మెల్యేకు నిరసన సెగ తగులుతోంది. ఇష్టారాజ్యంగా సీట్ల కేటాయింపుపై గుర్రు టీడీపీ ఆవిర్భావం నుంచి కొనసాగుతున్న సంప్రదాయం ప్రకారం స్థానిక సంస్థల ఎన్నికల్లో అభ్యర్థుల ఎంపిక, సీట్ల కేటాయింపులో జిల్లా అధ్యక్షుడికి కీలక బాధ్యత ఉంటుంది. జిల్లా పార్టీ నాయకత్వం, సీనియర్ నేతల అభిప్రాయాలను పరిగణనలోకి తీసుకొని అభ్యర్థులను ఖరారు చేసేవారు. అయితే ప్రస్తుత కార్పొరేషన్ ఎన్నికల్లో ఈ సంప్రదాయానికి భిన్నంగా వ్యవహరించారు. ఆ పార్టీ జిల్లా అధ్యక్షుడికి పెద్దగా ప్రాధాన్యత ఇవ్వకుండా ఎమ్మెల్యేలే అభ్యర్థుల ఎంపిక, సీట్ల కేటాయింపులో కీలకంగా వ్యవహరించారని ఆ పార్టీనేతలు ఆరోపిస్తున్నారు. ఎమ్మెల్యేలు చెప్పిన విధంగా జిల్లా అధ్యక్షుడు సైతం డూడూ బసవన్నలా తలాడించారని మండిపడుతున్నారు. ఈ క్రమంలో పార్టీని నమ్ముకొని ఏళ్ల తరబడి పనిచేసిన వారిని పక్కనపెట్టి, ఎవరికిపడితే వారికి టికెట్లు కేటాయించారనే వివాదం తెరపైకి వచ్చింది. దీంతో టికెట్లు ఆశించిన నాయకులు, సీనియర్ కార్యకర్తల్లో తీవ్ర అసంతృప్తి నెలకొంది. దీంతో కొందరు రెబల్స్గా బరిలోకి దిగగా, మరికొందరు పార్టీ కార్యకలాపాలకు దూరంగా ఉండిపోయారు. ఎన్నికల ముందు కనీసం సీనియర్ నాయకులందరినీ ఒకచోట కూర్చోబెట్టి అభిప్రాయాలు తీసుకోలేదని పార్టీ అగ్రశ్రేణి నాయకులు ప్రశ్నిస్తున్నట్లు సమాచారం. తమను సంప్రదించకుండా నిర్ణయాలు తీసుకొని, ఇప్పుడు పార్టీకి సహకరించలేదని నిందించడం ఎంతవరకు సమంజసమని నిలదీస్తున్నట్లు తెలుస్తోంది.తూర్పు ఎమ్మెల్యే ఒంటెత్తు పోకడలతోనే..! మరోవైపు నోటీసులు అందుకున్న నాయకులు వివరణ ఇచ్చేందుకు పెద్దగా ఆసక్తి చూపడం లేదని తెలుస్తోంది. ‘మాకు అన్యాయం జరిగినప్పుడు పట్టించుకోలేదు.. ఇప్పుడు మీకు నచ్చినట్లు నోటీసులు పంపిస్తున్నారు. ఏం చేసుకుంటారో చేసుకోండి’ అంటూ ఎదురు తిరుగుతున్నట్లు ఆ పార్టీ వర్గాల్లో చర్చ సాగుతోంది. ఎన్నికల ముందు అసంతృప్తిని చల్లార్చకుండా, ఇప్పుడు చర్యలతో కేడర్ను కట్టడి చేయాలన్న దురాలోచేన బెడిసికొడుతోందన్న అభిప్రాయాలు వ్యక్తమవుతున్నాయి. సీట్ల కేటాయింపు నుంచి మొదలైన వివాదం ఇప్పుడు క్రమశిక్షణ చర్యల వరకు చేరడంతో తూర్పు నియోజకవర్గ టీడీపీలో వర్గ విభేదాలు మరింత బహిర్గతమవుతున్నాయి. సొంత పార్టీ నేతలే ప్రశ్నిస్తుండటం ఎమ్మెల్యే నాయకత్వానికి సవాలుగా మారింది. దీనికి తగ్గట్లు కార్యాలయానికి పిలిచినప్పటీకీ.. పార్టీ ద్వితీయ శ్రేణి నేతలు రాకపోవటం ఎమ్మెల్యే, ఆ పార్టీ నేతలకు మింగుడు పడని అంశంగా మారింది. కనీసం లెక్క కూడా చేయని పరిస్థితులు దాపురించాలయని చెప్పుకొంటున్నారు. దీనికి ఎమ్మెల్యే ఒంటెత్తు పోకడలే కారణమే అభిప్రాయాలు వ్యక్తమవుతున్నాయి. కార్పొరేషన్ ఎన్నికలు తూర్పు ఎమ్మెల్యేకు కంటి మీద కునుకు లేకుండా చేస్తున్నాయి. కనీసం క్యాడర్ కూడా పట్టించుకోకుండా.. వ్యవహరిస్తుంటంతో.. కూటమి కోటలకు బీటలు వారుతున్నాయని తెలుస్తోంది. -
ముక్కా శ్రావణిని డమ్మీ చేసే వ్యూహం?
విశాఖపట్నం: గ్రేటర్ విశాఖ మున్సిపల్ కార్పొరేషన్ రెండో సాధారణ ఎన్నికలు ముగిశాయి. ఎన్నికల ఫలితాల్లో టీడీపీ, జనసేన, బీజేపీ కూటమి 98 స్థానాలను కైవసం చేసుకుంది. మేయర్ పీఠాన్ని తెలుగుదేశం పార్టీ దక్కించుకుంది. అయితే ఇప్పుడు కూటమిలో అసలు రాజకీయ పోరు మొదలైంది. మేయర్ పదవి టీడీపీకి దక్కిన నేపథ్యంలో డిప్యూటీ మేయర్ పదవిపై జనసేన, బీజేపీ ఆశలు పెట్టుకున్నాయి. పొత్తులో భాగస్వాములుగా తాము కూడా మేయర్ అభ్యర్థి విజయానికి సహకరించామని, తమకు కూడా సముచిత ప్రాధాన్యం ఇవ్వాలని రెండు పార్టీల కార్పొరేటర్లు పట్టుబడుతున్నారు. అయితే ఈ రెండు పార్టీల ఆశలపై నీళ్లు చల్లుతూ.. డిప్యూటీ మేయర్ పదవిని కూడా టీడీపీ ఖాతాలో వేసుకునేందుకు తెరవెనుక ప్రయత్నాలు జరుగుతున్నాయనే ప్రచారం ఇప్పుడు కూటమిలో ఆసక్తికర చర్చకు దారితీస్తోంది. డిప్యూటీ మేయర్పై పల్లా పట్టు మేయర్ పీఠం టీడీపీకి దక్కినప్పటికీ డిప్యూటీ మేయర్ పదవిని జనసేన లేదా బీజేపీకి కేటాయిస్తారన్న అంచనాలు మొదటి నుంచీ ఉన్నాయి. కానీ టీడీపీ రాష్ట్ర అధ్యక్షుడు, గాజువాక ఎమ్మెల్యే పల్లా శ్రీనివాసరావు మాత్రం డిప్యూటీ మేయర్ పదవిని కూడా తమ పార్టీలో యాదవ సామాజిక వర్గ సీనియర్ కార్పొరేటర్కు దక్కేలా ప్రయత్నాలు చేస్తున్నట్లు గుసగుసలు వినిపిస్తున్నాయి. మేయర్గా ఎన్నిౖకన ముక్కా శ్రావణికి సమాంతరంగా మరో అధికార కేంద్రాన్ని ఏర్పాటు చేయాలనే వ్యూహం ఉందన్న విమర్శలు వినిపిస్తున్నాయి. దీనిపై జనసేన ఎమ్మెల్యే వంశీకృష్ణ శ్రీనివాస్తోనూ మంతనాలు సాగుతున్నట్లు ప్రచారం జరుగుతోంది. ఎంపీకి చెక్ పెట్టాలనే వ్యూహం! మేయర్ పదవి ఎంపీ శ్రీభరత్ ప్రతిపాదించిన ముక్కాశ్రావణికి దక్కడంతో టీడీపీలో మరో వర్గం గుర్రుగా ఉంది. దీంతో ఎంపీకి చెక్ పెట్టాలన్న ఆలోచనతోనే జీవీఎంసీలో మరో పవర్ సెంటర్ను తయారు చేయాలన్న వ్యూహాలు పన్నుతున్నట్లు పార్టీలో చర్చ జరుగుతోంది. మొత్తానికి 98 స్థానాలతో కూటమి అధికార పీఠాన్ని దక్కించుకున్నా.. ఇప్పుడు మేయర్, డిప్యూటీ మేయర్ పదవుల పంపకం కూటమి పార్టీల మధ్య కొత్త వివాదానికి కేంద్రంగా మారింది. మిత్రపక్షాల మధ్య సాగుతున్న ఈ పదవుల పంచాయితీ చివరకు ఎటు దారితీస్తుందో వేచి చూడాలి. జనసేనలో ఉండి.. టీడీపీకి మద్దతా? డిప్యూటీ మేయర్ పదవిని జనసేనకు కేటాయించాలని ఆ పార్టీ కార్పొరేటర్లు ఆశిస్తున్న తరుణంలో ఎమ్మెల్యే వంశీకృష్ణ శ్రీనివాస్ వైఖరిపై పార్టీలోనే చర్చ జరుగుతున్నట్లు తెలుస్తోంది. యాదవ సామాజిక వర్గానికి చెందిన వ్యక్తికి డిప్యూటీ మేయర్ పదవి ఇవ్వాలన్న వాదనను ఆయన తెరపైకి తెస్తున్నట్లు సమాచారం. అయితే అదే సామాజిక వర్గానికి చెందిన టీడీపీ సీనియర్ కార్పొరేటర్ పల్లా శ్రీనివాసరావుకు ఈ పదవి కట్టబెట్టే దిశగా ఆయన మొగ్గు చూపుతున్నారనే ప్రచారం జనసేన వర్గాల్లో అసంతృప్తికి కారణమవుతోంది. తమ పార్టీ ఎమ్మెల్యేనే టీడీపీ అభ్యర్థికి మద్దతుగా వ్యవహరిస్తున్నారనే వార్తలు ఆ పార్టీ నేతలను కలవరానికి గురిచేస్తున్నాయి. -
కూటమి నుంచి బయట కొచ్చేస్తాం
పశ్చిమగోదావరి: తాడేపల్లిగూడెం కూటమిలో విభేదాలు తారాస్థాయికి చేరాయి. రానున్న మున్సిపల్ ఎన్నికల్లో కూటమి నుంచి జనసేన ఇక్కడ బయటకొచ్చి పట్టణంలోని 48 వార్డుల్లో పోటీ చేసి గెలుస్తామని టీడీపీ నాయకులకు బుధవారం జరిగిన జనసేన పార్టీ సమావేశంలో నాయకులు బహిరంగ హెచ్చరికలు చేశారు. దీంతో కొంత కాలంగా ప్రచ్చన్న యుద్ధంలా సాగుతున్న కూటమి రభస నేరుగా రోడ్డు మీదకు వచ్చి బహిరంగ సవాళ్ల స్థాయికి చేరింది. ఎమ్మెల్యే బొలిశెట్టి శ్రీనివాస్కు జెడ్పీ మాజీ చైర్మన్ ముళ్లపూడి బాపిరాజు, టీడీపీ నియోజకవర్గ కన్వీనర్ వలవల బాబ్జీలు క్షమాపణలు చెప్పాలని, లేదంటే జనసేన బలం ఏంటో చూపిస్తామని పరోక్ష హెచ్చరికలు చేశారు.వెంకట్రామన్నగూడెం టీడీపీ ఎంపీటీసీ పరిమి రవికుమార్ ఓడిపోతే ఎమ్మెల్యేది బాధ్యతా అని ప్రశ్నించారు. టీడీపీ నియోజకవర్గ కన్వీనర్ బాబ్జీకి కేడర్ను నడిపే దమ్ముందా.. కేడర్ను కూర్చోపెట్టి రవి విజయం గురించి చర్చించారా.. రవికి మద్దతుగా ప్రచారానికి వెళ్లారా.. ఆయన కూడా ఎమ్మెల్యే గురించి మాట్లాడతారా అని మండిపడ్డారు. ముళ్లపూడి బాపిరాజుకు తాడేపల్లిగూడెంతో సంబంధం ఏంటని ప్రశ్నించారు. పరిమి ఓటమికి ఏఆర్ఓ స్థాయిలో దళిత తహసీల్దార్ కారణమంటూ టీడీపీ నాయకులు ఇష్టమొచ్చినట్టు మాట్లాడారని.. పార్టీల కతీతంగా దళితులంతా ఏకమై టీడీపీ నాయకులకు బుద్ధి చెబుతామని హెచ్చరించారు. ఫ్రెండ్లీ కాంటెస్టు అని టీడీపీ నేత బాబ్జీ చెబుతున్నారు.. అదేం కాదు కూటమి నుంచి బయటకు వచ్చి పట్టణంలో మొత్తం వార్డుల్లో జనసేన పోటీ చేసి సత్తా చూపిస్తుందని అల్టిమేటం ఇచ్చారు. ఎంపీటీసీ ఫలితాల తర్వాత కూటమిలో సెగలు ఎగసిపడుతున్నాయి. నాయకులు మిడిసిపడుతున్నారు. మొత్తం మీద బీజేపీ మినహా టీడీపీ, జనసేన బాహాబాహీ అనే స్థాయికి చేరుకోవడం తాడేపల్లి గూడెం నియో జకవర్గంలో హాట్ టాపిక్గా ఉంది. ఇదీ చదవండి: జైల్లో కూడా అప్పిరెడ్డిని కూటమి సర్కార్ వేధిస్తోంది! -
ఎమ్మెల్యే టికెట్ చేజారింది.. జెడ్పీ పీఠమైనా దక్కేనా?
సాక్షి, అమలాపురం(కోనసీమ ): సీనియారిటీ ఒకవైపు.. కొత్తగా వచ్చిన వారు మరోవైపు. ప్రజాప్రతినిధుల మద్దతు ఒకరికి.. పార్టీ ముఖ్య నాయకుల అండదండలు మరొకరికి. వెరసి కోనసీమలో కొత్తగా ఏర్పాటైన తొలి జిల్లా పరిషత్ చైర్పర్సన్ పీఠంపై ఉత్కంఠ నెలకొంది. ఈ నెల 20న ఈ ఎన్నిక నిర్వహించనున్నట్లు రాష్ట్ర ఎన్నికల సంఘం ప్రకటించడంతో టీడీపీలో రాజకీయ సమీకరణాలు వేడెక్కాయి.చైర్పర్సన్ రేసులో ఐ.పోలవరం, మామిడికుదురు జెడ్పీటీసీ సభ్యులు బీర సత్యకుమారి, గొల్లపల్లి అమూల్య పేర్లు ప్రధానంగా తెర పైకి రావడంతో సీనియర్ వర్సెస్ జూనియర్ అనే చర్చ ఆ పార్టీ వర్గాల్లో జోరుగా జరుగుతోంది. సత్యకుమారి.. అమూల్య ఇద్దరూ జెడ్పీ చైర్పర్సన్ పదవి కోసం చేస్తున్న పైరవీలు టీడీపీలో వర్గపోరుకు కారణమవుతున్నాయి. విషయం పార్టీకి చెందిన ఎమ్మెల్యేలు వర్సెస్ నాయకులు అన్నట్టుగా మారింది. సీనియారిటీ కోటాలో.. సత్యకుమారి టీడీపీ ఆవిర్భావం నుంచీ ఆ పార్టీలో పని చేస్తున్నారు. 2004 అసెంబ్లీ ఎన్నికల సమయంలో ఎమ్మెల్యే అభ్యర్థిగా అధిష్టానం తొలుత ఆమె పేరును ప్రకటించి బీ ఫారం కూడా అందించింది. అయితే అనూహ్య పరిణామాల నేపథ్యంలో ఆ బీ ఫారాన్ని మాజీ ఎమ్మెల్యే చెల్లి వివేకానంద భార్య శేషుకుమారికి కేటాయించారు. దీంతో, ఎమ్మెల్యే కావాలన్న సత్యకుమారి ఆశ నెరవేరలేదు. ఆ తర్వాత కూడా ఆమె ఆ పార్టీని వీడలేదు. ఐ.పోలవరం ఎంపీపీగా, 2021లో కేశనకుర్రు సర్పంచ్గా పని చేశారు. ప్రస్తుతం ఐ.పోలవరం జెడ్పీటీసీగా గెలుపొందారు. జెడ్పీ చైర్పర్సన్ స్థానం ఎస్సీ మహిళకు రిజర్వ్ కావడంతో ఈసారి ఆమె ఈ పీఠంపై ఆశలు పెట్టుకున్నారు. ఆమెకు అదే మండలానికి చెందిన ఎమ్మెల్సీ పేరాబత్తుల రాజశేఖర్, ముమ్మిడివరం ఎమ్మెల్యే దాట్ల సుబ్బరాజు, ఎంపీ గంటి హరీష్ మాధుర్తో పాటు మెజార్టీ ఎమ్మెల్యేలు మద్దతు పలుకుతున్నారు. ఇప్పటికే ఐ.పోలవరం మండలానికి కీలక పదవులు రావడంతో సత్యకుమారి కూడా అవకాశం ఇస్తారా, లేదా అనేది చూడాల్సి ఉంది. కీలక నేతల అండతో.. మరోవైపు టీడీపీ రాజోలు నియోజకవర్గ ఇన్చార్జిగా ఉన్న గొల్లపల్లి అమూల్య ఇటీవలే ఆ పార్టీలో చేరారు. ఆమెకు స్థానికంగా ద్వితీయ శ్రేణి నాయకుల మద్దతు ఉంది. కానీ, సత్యకుమారితో పోలిస్తే మాత్రం జిల్లాలోని కీలక ప్రజాప్రతినిధుల మద్దతు పెద్దగా లేదు. అయితే, టీడీపీ జిల్లా అధ్యక్షుడు గుత్తుల సాయి, ప్రధాన కార్యదర్శి గంధం పల్లంరాజులు అమూల్యకు జెడ్పీ పీఠం దక్కేలా ప్రయత్నాలు చేస్తున్నారు. ఇటీవల పి.గన్నవరం, రామచంద్రపురం నియోజకవర్గాల ఎమ్మెల్యేలతోనూ ఈ దిశగా సంప్రదింపులు జరుపుతున్నట్లు సమాచారం. బొబ్బిలి ఎమ్మెల్యే, టీడీపీ రీజినల్ కో ఆర్డినేటర్ ఆర్వీఎస్కేకే రంగారావు (బేబీ నాయన) సమక్షంలో ఈ మేరకు చర్చలు కూడా జరిగినట్లు సమాచారం. అమూల్య జెడ్పీటీసీగా గెలిచిన మామిడికుదురు మండలం రాజోలు, పి.గన్నవరం రెండు నియోజకవర్గాల పరిధిలో ఉంది. ఈ రెండు నియోజకవర్గాల నుంచి జనసేన ఎమ్మెల్యేలు ప్రాతినిధ్యం వహిస్తున్నందున టీడీపీకి చెందిన అమూల్యకు జెడ్పీ చైర్పర్సన్ పదవి కేటాయించాలనే వాదన ఉంది.2014లోనూ ఇదే తరహా పోటీఉమ్మడి తూర్పు గోదావరి జెడ్పీ చైర్మన్ పదవి కోసం 2014లోనూ టీడీపీలో ఇలాంటి పరిస్థితే నెలకొంది. అప్పట్లో జెడ్పీ చైర్మన్ స్థానం జనరల్కు కేటాయించారు. దీంతో, ఐ.పోలవరం నుంచి జెడ్పీటీసీగా గెలిచిన ప్రస్తుత ఎమ్మెల్సీ పేరాబత్తుల రాజశేఖర్, మామిడికుదురు నుంచి జెడ్పీటీసీగా ఎన్నికైన నామన రాంబాబు మధ్య పోటీ నెలకొంది. చివరకు సీనియర్ కోటాలో పీఠం నామన రాంబాబును వరించింది. ఇప్పుడు పన్నెండేళ్ల తర్వాత అదే ఐ.పోలవరం, మామిడికుదురు మండలాల మధ్య మరోసారి జెడ్పీ పీఠం కోసం పోటీ నెలకొనడం విశేషం. అప్పట్లో ఉమ్మడి జిల్లా పరిధిలో చైర్మన్ పదవి జనరల్కు రిజర్వ్ కాగా.. ఇప్పుడు కోనసీమ జిల్లా పరిధిలో ఎస్సీ మహిళకు కేటాయించారు. -
ఒక్క కాగితం ముక్కతో నీ సంగతి తేలుస్తా..
పల్నాడు: నరసరావుపేట మున్సిపల్ చైర్మన్ పదవిని దక్కించుకునేందుకు టీడీపీకి చెందిన కపిలవాయి విజయకుమార్, మాజీ చైర్మన్ నాగసరపు సుబ్బరాయ గుప్తా పోటీ పడుతున్నారు. తొలుత సుబ్బరాయ గుప్తా పేరును ఎమ్మెల్యే డాక్టర్ చదలవాడ అరవిందబాబు ఆర్యవైశ్య సంఘ సమావేశంలో బహిరంగంగా ప్రకటించారు. అయితే, పార్టీలోని ఇతర వర్గాల నుంచి వ్యతిరేకత వ్యక్తమవడంతో అభ్యర్థి ఎంపికపై పునరాలోచనలో పడినట్లు తెలుస్తోంది. చైర్మన్ అభ్యర్థి ఎంపికపై పార్టీ అధిష్ఠానం ఐవీఆర్ఎస్ కాల్స్ ద్వారా సర్వే నిర్వహించి నిర్ణయం తీసుకుంటుందని ప్రకటించింది. దీంతో ఎవరికి అవకాశం దక్కుతుందన్న ఉత్కంఠ కంటే, ఎవరి బలం ఎంత అన్న ఆధిపత్య పోరే ఇప్పుడు ప్రధాన చర్చగా మారింది. నీ కథ అంతా బయటపెడతా.. విజయకుమార్ను లక్ష్యంగా చేసుకుని గుప్తా వర్గం పలు పాత వివాదాలను తెరపైకి తీసుకొస్తోంది. చైతన్య గోదావరి గ్రామీణ బ్యాంకు దోపిడీ కేసులో దొంగ బంగారం కొనుగోలు చేశారనే ఆరోపణలు, సఖ్యత ఎలక్ట్రానిక్స్ నిర్వాహకులు స్కీమ్లు, అధిక వడ్డీల పేరుతో ప్రజల నుంచి భారీగా డబ్బులు వసూలు చేసి దివాలా తీసిన వ్యవహారంలో ఆ భవనాన్ని తక్కువ ధరకు కొనుగోలు చేశారనే విమర్శలను ప్రచారంలోకి తెస్తున్నారు. అంతేకాకుండా, గుంటూరులోని ఆయన అల్లుడి వైద్యశాలకు సంబంధించి గతంలో వెలుగుచూసిన కిడ్నీ రాకెట్ కేసులో విజయకుమార్ పేరు వచ్చిందని, ఈ వ్యవహారంలో జైలుకు కూడా వెళ్లివచ్చారంటూ ఆరోపణలు చేస్తున్నారు. ఈ అంశాలన్నీ ప్రస్తుతం సోషల్ మీడియాలో వైరల్ అవుతున్నాయి. పరువు తీయొద్దంటూ ఆవేదన.. ఒకే సామాజిక వర్గానికి చెందిన ఇద్దరు ప్రముఖులు పదవి కోసం పరస్పరం ఆరోపణలు చేసుకుంటూ బహిరంగంగా విమర్శించుకోవడంపై ఆర్యవైశ్య వర్గంలోని కొందరు ప్రముఖులు అసంతృప్తి వ్యక్తం చేస్తున్నారు. వ్యక్తిగత రాజకీయ ప్రయోజనాల కోసం సామాజిక వర్గ ప్రతిష్ఠను బహిరంగ చర్చకు ఈడ్చవద్దంటూ హితవు పలుకుతున్నారు. సామాజిక వర్గ పెద్దలు జోక్యం చేసుకుని ఇద్దరి మధ్య సఖ్యత కుదిర్చాలని కోరుతున్నారు. తెరవెనుక ప్రజాప్రతినిధులు ఈ ఆధిపత్య పోరులో స్థానిక ప్రజాప్రతినిధుల మద్దతు కూడా చర్చనీయాంశంగా మారింది. ఎమ్మెల్యే డాక్టర్ చదలవాడ అరవిందబాబు మద్దతు సుబ్బరాయ గుప్తాకు ఉండగా, ఎంపీ లావు శ్రీకృష్ణదేవరాయలు మాత్రం విజయకుమార్కు మద్దతు ఇస్తున్నారనే ప్రచారం సాగుతోంది. గుప్తా నిర్వహించిన కార్యక్రమాలకు ఎమ్మెల్యే హాజరవుతుండగా, ఎంపీ దూరంగా ఉంటున్నారనే చర్చ ఉంది. మరోవైపు, విజయకుమార్ నిర్వహించిన కార్యక్రమానికి ఎంపీ హాజరుకావడం ఈ ప్రచారానికి మరింత బలం చేకూర్చింది. పార్టీ పెద్దల మధ్య సమన్వయం లేకపోవడమే ఈ వివాదానికి కారణమా? లేక చైర్మన్ అభ్యర్థి ఎంపికలో ఆధిపత్యం కోసం జరుగుతున్న అంతర్గత రాజకీయమా? అనేది టీడీపీ శ్రేణుల్లో చర్చనీయాంశంగా మారింది. ప్రజాసేవకు ప్రతీకగా ఉండాల్సిన పదవి కోసం వ్యక్తిగత ఆరోపణలు, ప్రత్యారోపణలు సాగుతుండటంపై పట్టణ ప్రజలు విస్మయం వ్యక్తం చేస్తున్నారు. ఇలాంటి వారికి టీడీపీ సీటు ఇవ్వనుందనే ప్రచారంపై అసహనం వ్యక్తం అవుతోంది. ఒక్క కాగితం ముక్కతో నీ సంగతి తేలుస్తా.. ఒక్క కాగితం ముక్క బయటపెడితే ఎదుటివారి జీవితం తలకిందులవుతుందంటూ పరోక్షంగా గుప్తాను ఉద్దేశించి విజయకుమార్ చేసిన వ్యాఖ్యలు రాజకీయ వర్గాల్లో కలకలం రేపాయి. దేవాలయ ఆస్తుల అన్యాక్రాంతం, నరసరావుపేట జమీందారు సేవాదృక్పథంతో అందించిన కళాశాల ఆస్తుల విక్రయాలు, విరాళాలతో నిర్మించిన కల్యాణ మండపం నిధుల లెక్కల్లో అవకతవకలకు పాల్పడ్డారనే ఆరోపణలను ప్రచారంలోకి తెస్తున్నారు. ఆలయ ఆస్తుల అద్దెల గోల్మాల్ వంటి విమర్శలు చేస్తున్నారు. గతంలో పేకాట వ్యవహారంలో పోలీసులకు పట్టుబడ్డారంటూ విమర్శలు గుప్పిస్తున్నారు. ఈ ఆరోపణలన్నీ ఇప్పుడు పట్టణంలో చర్చనీయాంశంగా మారాయి. -
వైఎస్సార్ సీపీకి ఓటు వేస్తారా!
కోనసీమ: జెడ్పీటీసీ, ఎంపీటీసీ ఎన్నికల్లో వైఎస్సార్ సీపీకి ఓటు వేశారనే కక్షతో ఆ పార్టీ కార్యకర్త కుటుంబంపై టీడీపీ నాయకుడు, అతడి బంధువులు దాడికి పాల్పడ్డారు. కాట్రేనికోన మండలం గెద్దనపల్లి గ్రామంలో మంగళవారం ఈ దారుణం చోటుచేసుకుంది. బాధితులు తెలిపిన వివరాల ప్రకారం.. వైఎస్సార్ సీపీకి చెందిన మల్లాడి శ్రీలక్ష్మి, ఆమె భర్త మల్లాడి శ్రీనుపై తెలుగుదేశం పార్టీ గ్రామ నాయకుడు మల్లాడి లోవరాజు, అతని బంధువులైన బలుసుతిప్పకు చెందిన సుమారు 30 మంది దాడికి పాల్పడ్డారు. శ్రీను ఇంటిపైకి వెళ్లి ఇనుప రాడ్లతో దాడి చేశారు. ఇంటి ఆవరణలోని మోటార్ సైకిళ్లను, సీసీ కెమెరాను ధ్వంసం చేశారు. ఇంట్లోకి కూడా చొరబడి టీవీ, ఫర్నిచర్, వంట సామగ్రి, బీరువా పగులగొట్టి సామగ్రి ధ్వంసం చేశారు. శ్రీలక్ష్మిని జుట్టు పట్టుకొని ఈడ్చేసి, పిడిగుద్దులు గుద్దారు. దుస్తులు పూర్తిగా చిరిగిపోయినా వదల్లేదని ఆమె ఆవేదన వ్యక్తం చేశారు. ఈ దాడి సమయంలో చుట్టుపక్కల మహిళలు అడ్డుకున్నా లెక్క చేయలేదు. కాగా.. దాడిలో తీవ్రంగా గాయపడిన మల్లాడి శ్రీనును స్థానికులు ముమ్మిడివరం ప్రభుత్వ ఆసుపత్రికి తరలించారు. ఎంపీటీసీ, జెడ్పీటీసీ ఎన్నికల పోలింగ్ సందర్భంగా పోలింగ్ కేంద్రం వద్ద తనను టీడీపీ నేతలు బెదిరించారని, వైఎస్సార్ సీపీకి ఓటేయడంపై ఆగ్రహం వ్యక్తం చేశారని శ్రీను చెప్పారు. ఈ క్రమంలోనే తమ ఇంటిపై దాడికి తెగబడ్డారన్నారు. -
కాకినాడ జెడ్పీ పీఠంపై టీడీపీ కన్ను.. జనసేనకు షాక్!
సాక్షి ప్రతినిధి, కాకినాడ: జిల్లా పరిషత్ చైర్పర్సన్ పీఠంపై కూటమిలో వార్ కొనసాగుతోంది. ఇప్పటి వరకూ ఈ పీఠాన్ని జనసేనకు కేటాయిస్తున్నట్లు ప్రచారం నడిచింది. చైర్పర్సన్ అభ్యర్థిగా జనసేన నుంచి పిఠాపురానికి చెందిన డాక్టర్ బొర్రా దివ్య సునీతా రాజ్ పేరు ప్రముఖంగా వినిపించింది. ఆమె పెద్దాపురం జెడ్పీటీసీగా బరిలోకి దిగి విజయం సాధించారు. ఇంకేముంది జెడ్పీ చైర్పర్సన్గా ఆమె ప్రమాణ స్వీకారం చేయడమే తరువాయి అని అందరూ అనుకున్నారు. ఇక్కడే టీడీపీ అసలు రాజకీయం మొదలు పెట్టింది. చైర్పర్సన్ సీటుపై తమ అభ్యర్థిని కూర్చోబెట్టేందుకు సైకిల్ పార్టీ సన్నాహాలు చేస్తున్నట్లు తెలిసింది. ఈ మేరకు కాకినాడ రూరల్ జెడ్పీటీసీగా గెలిచిన మాజీ ఎమ్మెల్యే పిల్లి అనంతలక్ష్మి పేరు చైర్పర్సన్ పదవికి దాదాపు ఖరారైనట్లు తెలిసింది. దీనికి కూటమి అధిష్టానం సైతం గ్రీన్ సిగ్నల్ ఇచ్చినట్లు సమాచారం. దీనికి తగినట్టుగానే పిల్లి అనంతలక్ష్మి దంపతులు సో మవారం విలేకర్ల సమావేశం నిర్వహించారు. అందు లో చైర్పర్సన్ పదవి తమదేననే స్పష్టత ఇవ్వకపోయినా.. అధిష్టానం నిర్ణయం మేరకు వ్యవహరిస్తామని ప్రకటించారు. తద్వారా చైర్పర్సన్ పీఠం తమదేనంటూ చెప్పకనే చెప్పారనే వాదన వినిపిస్తోంది.దివ్యరాజ్ మనస్తాపం ఈ పరిణామాలతో జనసేన నాయకులు కంగు తిన్నారు. జెడ్పీ చైర్పర్సన్ సీటు తమకే ఖాయమని వారు వేసుకున్న అంచనాలు తాజాగా తారుమారయ్యాయి. ఈ పదవిపై బుర్రా సునీత దివ్యరాజ్ పెట్టుకున్న ఆశలు నీరుగారిపోయాయి. ఈ నేపథ్యంలో మనస్తాపానికి గురైన ఆమె.. జెడ్పీటీసీగా విజయం సాధించిన అనంతరం, డిక్లరేషన్ ఫారం తీసుకోకుండానే వెళ్లిపోయినట్లు సమాచారం. అక్కడ మీకు.. ఇక్కడ మాకు మరోవైపు తూర్పు గోదావరి జిల్లా పరిషత్ పీఠాన్ని జనసేన ఆశించింది. అక్కడ చైర్పర్సన్ అభ్యర్థిగా పోటీలోకి దిగిన రాజానగరం ఎమ్మెల్యే బత్తుల బలరామకృష్ణ భార్య వెంకటలక్ష్మి అనూహ్యంగా ఓటమి పాలయ్యారు. దీంతో, రాజకీయ పరిణామాలు మారాయి. తూర్పు గోదావరి చైర్పర్సన్ పీఠాన్ని టీడీపీకి వదిలేసి.. కాకినాడ జెడ్పీ చైర్పర్సన్ పదవి తమకే ఇవ్వాలని జనసేన పట్టుబడుతున్నట్లు సమాచారం. ఈ పంచాయితీ కూటమి అధిష్టానం దృష్టికి కూడా వెళ్లినట్లు తెలిసింది. చైర్పర్సన్గా దివ్యరాజ్ను ఎంపిక చేయాలని ప్రతిపాదించినట్లు సమాచారం. దీనికి డిప్యూటీ సీఎం పవన్ కల్యాణ్ సైతం మద్దతు పలుకుతున్నట్లు చెబుతున్నారు. దీనిపై టీడీపీ శ్రేణుల స్పందన వేరే విధంగా ఉంది. ఇప్పటికే కీలకమైన కాకినాడ మేయర్ స్థానంతో పాటు జిల్లా సహకార కేంద్ర బ్యాంకు (డీసీసీబీ) చైర్మన్, కాకినాడ నగరాభివృద్ధి సంస్థ (కౌడా) చైర్మన్ వంటి కీలక పదవులన్నీ జనసేనకే కట్టబెట్టారని వారు గుర్తు చేస్తున్నారు. అలాగే, జిల్లాలోని ఆరు పురపాలక సంఘాలకు గాను ఏకంగా నాలుగు (పిఠాపురం, గొల్లప్రోలు, తుని, సామర్లకోట) చైర్పర్సన్ స్థానాలను సైతం గ్లాసుకే ఇచ్చేశారని, ఇప్పుడు జెడ్పీ చైర్పర్సన్ సీటును కూడా ఆ పార్టీకే కట్టబెట్టడమేమిటని తెలుగు తమ్ముళ్లు నిలదీస్తున్నారు. పట్టు వీడని టీడీపీ జెడ్పీ పీఠంపై టీడీపీ పట్టు వీడటం లేదు. కాకినాడ మేయర్ పదవిని జనసేనకు కేటాయించిన నేపథ్యంలో.. జెడ్పీ పీఠంపై తామే కూర్చోవాలనే పట్టుదలతో ముమ్మర ప్రయత్నాలు చేస్తున్నారు. విషయాన్ని సీఎం చంద్రబాబు దృష్టికి కూడా తీసుకెళ్లారని, ఆయన కూడా సుముఖత వ్యక్తం చేశారనే ప్రచారం జరుగుతోంది. దీనిపై నేడో రేపో అధికారిక ప్రకటన రావచ్చని సమాచారం. చైర్పర్సన్గా పిల్లి అనంతలక్ష్మి పేరు ఖరారు చేసినట్లు, ఆమె ప్రమాణ స్వీకారానికి సిద్ధమవుతున్నట్లు టీడీపీ వర్గాలు చెబుతున్నాయి. -
విజయం సాధించి.. చరిత్ర సృష్టించి..
నెల్లూరు జిల్లా: సైదాపురం మండల జెడ్పీటీసీ స్థానానికి వైఎస్సార్సీపీ తరఫున వెందోటి సునీత పోటీ చేసి గెలుపొందారు. ఈమె ఉన్నత విద్యావంతురాలు. ఎంఏ బీఈడీ చేశారు. సైదాపురానికి చెందిన రాజేష్తో సునీతకు వివాహమైంది. రాజేష్ మొదటి నుంచి సైదాపురం వైఎస్సార్సీపీ కన్వీనర్ మన్నారపు రవికుమార్ యాదవ్ అనుచరుడిగా ఉన్నారు. జెడ్పీటీసీ స్థానం ఎస్టీ మహిళకు రిజర్వ్ అయింది. దీంతో వెంకటగిరి నియోజకవర్గ సమన్వయకర్త నేదురుమల్లి రామ్కుమార్రెడ్డి ఆశీస్సులతో సునీత పోటీ చేశారు. అధికార పార్టీ ఎన్ని కుట్రలు పన్నినా అత్యధిక మెజార్టీతో విజయం సాధించారు. రామ్కుమార్రెడ్డి మాట్లాడుతూ సైదాపురం జెడ్పీటీసీ స్థానాన్ని కైవసం చేసుకోవడం అందరి సమష్టి పోరాటానికి నిదర్శనమన్నారు. ఈ విజయాన్ని అధినేత వైఎస్ జగన్మోహన్రెడ్డికి కానుకగా ఇస్తామన్నారు. -
ఏజెంట్ వైఎస్.. ఓటర్ ఓఎస్ !
సాక్షి కడప: పులివెందుల గడ్డపై ఎన్నిక ఏదైనా... ఫలితం ఎప్పుడూ ఏకపక్షమే! అధికార మదంతో ప్రతిపక్షాన్ని అణచివేయాలని చూసినా, టీడీపీ నాయకులు రౌడీ మూకలు, ముఠా నాయకులను ప్రయోగించి భయోత్పాతం సృష్టించినా, ఆ బెదిరింపులకు పులివెందుల ప్రజానీకం ఎన్నడూ తలొగ్గలేదు. కొండంత గుండెధైర్యంతో వైఎస్సార్సీపీ వెంటే నిలబడ్డారు. ఒకపక్క టీడీపీ మూకలు కట్టెలు, రాడ్లు, రాళ్లతో తెగబడి పోలింగ్ బూత్ల బయట యుద్ధ వాతావరణాన్ని సృష్టించినా.. లోపలికి వెళ్లిన ఓటరు మాత్రం వైఎస్సార్ కుటుంబం పట్ల తమకున్న అచంచలమైన విధేయతను చాటుకుంటూ ఫ్యాన్ గుర్తుకే ఓటు వేసి అండగా నిలిచారు. ఇటీవల జరిగిన పులివెందుల మున్సిపాలిటీతో పాటు జెడ్పీటీసీ, ఎంపీటీసీ ఎన్నికల ఫలితాలే ఇందుకు సజీవ సాక్ష్యం. దశాబ్దాల చరిత్ర.. పెట్టని కోట! పులివెందుల నియోజకవర్గంలో ఎన్నిక ఏదైనా, ప్రతిసారి వైఎస్ కుటుంబం నిలబెట్టిన అభ్యర్థికి ప్రజలు బ్రహ్మరథం పడుతూనే ఉన్నారు. ఇది ఇప్పటికిప్పుడు వచ్చిన ఆదరణ కాదు.. 1978 నుంచి దశాబ్దాల సుదీర్ఘ రాజకీయ చరిత్రలో వైఎస్ కుటుంబానికి పులివెందుల గడ్డ పెట్టని కోట గోడగా నిలిచింది. లోక్సభ, అసెంబ్లీ, ఎమ్మెల్సీ ఎన్నికల నుంచి నిన్నమొన్నటి మున్సిపల్, జెడ్పీటీసీ, ఎంపీటీసీ ఎన్నికల వరకు ఏది వచ్చినా ఆ కుటుంబం పట్ల తమకున్న అచంచలమైన అభిమానాన్ని ఓటర్లు చాటుకుంటూనే ఉన్నారు. ఎన్ని రాజకీయ ముసుర్లు కమ్ముకున్నా, పులివెందుల ఎప్పటికీ వైఎస్ కుటుంబానికి తిరుగులేని కంచుకోట అని ప్రజలు ప్రతి ఎన్నికలోనూ నిరూపిస్తున్నారు. 70 బూత్లలో ఏజెంట్లు లేకున్నా.. పులివెందుల మున్సిపాలిటీ చైర్పర్సన్ స్థానానికి సంబంధించి మొత్తం 80 పోలింగ్ బూత్లు ఉండగా, అందులో ఏకంగా 70 బూత్లలో వైఎస్సార్సీపీ తరపున కనీసం ఏజెంట్లు, పార్టీ శ్రేణులు రాకుండా టీడీపీ గూండాలు, రౌడీలు అడ్డుకున్నారు. పదుల సంఖ్యలో బూతులను టీడీపీ మూకలు ముఠాగా ఏర్పడి ఆక్రమించి, దొంగ ఓట్లు, రిగ్గింగ్లతో చెలరేగిపోయాయి. నామినేషన్ల ఘట్టం నుంచి ఎన్నికల పోలింగ్ ముగిసే వరకు జరిగిన ప్రతి పరిణామాన్ని నిశితంగా గమనిస్తూ వచ్చిన విజ్ఞులైన ఓటర్లు, పోలింగ్ రోజున తమ విజ్ఞతతో ఆందోళనల నడుమే ఓటేశారు. కనీసం ఏజెంట్లు కూడా లేని ఆ 70 బూత్లలో వైఎస్సార్సీపీకి ఏకంగా 11,559 ఓట్లు వచ్చాయంటే అక్కడ వైఎస్సార్ కుటుంబంపై ప్రజలకున్న అచంచలమైన నమ్మకం ఎలాంటిదో అర్థం చేసుకోవచ్చు. అక్కడో ఇక్కడో సాధారణంగా జరిగిన ఓటింగ్ సరళిని పరిశీలిస్తే, ఓటర్లంతా పూర్తిగా వైఎస్సార్ సీపీకే ఏకపక్షంగా ఓట్లు వేసినట్లు స్పష్టమవుతోంది. లింగాల అరాచకాలను దాటుకుని.. మున్సిపల్ ఎన్నికల్లోనే కాకుండా, జెడ్పీటీసీ, ఎంపీటీసీ స్థానిక సంస్థల ఎన్నికల్లోనూ ఓటర్లు పూర్తి స్థాయిలో వైఎస్సార్ సీపీ వైపే ఉన్నట్లు స్పష్టంగా రూఢీ అయింది. వైఎస్ కుటుంబానికి కంచుకోట లాంటి లింగాల మండలంలోని ఇప్పట్ల, పార్నపల్లి, కోమన్నూతల, కామసముద్రం తదితర ప్రాంతాల్లో టీడీపీ రౌడీలు వైఎస్సార్ సీపీ ఏజెంట్లను బూత్ల వద్దకు రాకుండా అడ్డుకుని రిగ్గింగ్కు పాల్పడ్డారు. అయినప్పటికీ ఈ మండలంలో వైఎస్సార్ సీపీ జెడ్పీటీసీ అభ్యర్థికి 3,304 ఓట్ల ఆధిక్యత లభించింది. టీడీపీ శ్రేణులు తీవ్రస్థాయిలో రిగ్గింగ్కు పాల్పడి 10,147 ఓట్లు సాధించినా, ప్రజలు స్వచ్ఛందంగా వైఎస్సార్ సీపీకి 8,598 ఓట్లు వేసి తమ అఖండ మద్దతును చాటారు. సాధారణంగా, ప్రశాంతంగా ఓటింగ్ జరిగిన ప్రతిచోటా ఓటర్లు ఏకపక్షంగా వైఎస్సార్ సీపీకే జైకొట్టారు. వేములలో గుండాల రచ్చ.. ఇక వేముల మండలంలోనూ టీడీపీ గుండాలు ఇదే రీతిలో రచ్చ లేపారు. వైఎస్సార్ సీపీ ఏజెంట్లను అడ్డుకోవడం, బూత్ల వద్ద దౌర్జన్యాలకు తెగబడటమే కాకుండా, మండల కేంద్రమైన వేములలో పోలింగ్ కేంద్రం వైపు వైఎస్సార్ సీపీ మద్దతుదారులు రాకుండా రోడ్లపైనే అరాచకాలు సృష్టించారు. ఒక్క వేములలోనే కాకుండా కొత్తపల్లి, చాగలేరు వంటి పలు గ్రామాల్లో అరాచకాలు సాగించినా ఓటర్లు మాత్రం వైఎస్సార్ సీపీకి తిరుగులేని ఆధిక్యతను అందించారు. ఈ మండలంలో వైఎస్సార్ సీపీ జెడ్పీటీసీ అభ్యరి్థకి 9,047 ఓట్లు రాగా, టీడీపీ అభ్యర్థి దౌర్జన్యాలు, రిగ్గింగ్లు చేసుకున్నా కేవలం 7,478 ఓట్లకే పరిమితం కావడం ప్రత్యర్థుల నైతిక ఓటమికి నిదర్శనం. వేంపల్లెలో క్లీన్ స్వీప్.. ఎలాంటి అరాచకాలు లేకుండా సాధారణంగా, ప్రశాంత వాతావరణంలో జరిగిన వేంపల్లె ఎన్నికల్లో వైఎస్సార్ సీపీ అభ్యర్థికి ఓటర్లు తిరుగులేని, చరిత్రాత్మక మెజార్టీని అందించారు. ఇక్కడ జనసేన, వైఎస్సార్ సీపీ అభ్యర్థుల మధ్య జరిగిన పోటీని, వచ్చిన మెజార్టీలను పరిశీలిస్తే ఇరు పార్టీల బలాబలాలకు నక్కకు, నాగలోకానికి ఉన్నంత తేడా స్పష్టంగా కనిపిస్తోందని రాజకీయ విశ్లేషకులు చెప్తున్నారు. తాము స్వచ్ఛందంగా గెలవలేమనే ముందస్తు భయంతోనే టీడీపీ మూకలు ఈ స్థాయి అరాచకాలకు ఒడిగట్టాయని ఇక్కడి పరిస్థితులు స్పష్టం చేస్తున్నాయి. ఇంత దౌర్జన్యాలు చేసినా క్షేత్రస్థాయిలో ప్రజాదరణను సాధించలేకపోవడం, నైతికంగా ఓడిపోవడంపై ప్రస్తుతం టీడీపీ శ్రేణుల్లో తీవ్ర అంతర్మథనం మొదలైంది. ప్రత్యర్థుల కుట్రలు, కుతంత్రాలన్నింటినీ పులివెందుల ఓటరు మహాశయులు తమ ఓటు అనే ఆయుధంతో నిలువునా తిప్పికొట్టారు. -
డిప్యూటీ మేయర్ పీఠంపై కూటమిలో కుంపట్లు!
విశాఖపట్నం: జీవీఎంసీ ఎన్నికల్లో ఘన విజయం సాధించిన కూటమికి ఇప్పుడు డిప్యూటీ మేయర్ పదవి ఎంపిక తలనొప్పిగా మారింది. మేయర్ పీఠాన్ని టీడీపీ దక్కించుకున్న నేపథ్యంలో.. డిప్యూటీ మేయర్ పదవి తమకంటే తమకంటూ జనసేన, బీజేపీ నేతలు పట్టుబడుతున్నట్లు సమాచారం. మరోవైపు సామాజిక సమీకరణాలు కూడా తెరపైకి రావడంతో కూటమిలో పదవుల పంచాయితీ రసవత్తరంగా మారింది. జనసేన, బీజేపీ పోటాపోటీ! జీవీఎంసీలో కూటమి 98 స్థానాలను కైవసం చేసుకుంది. టీడీపీ మేయర్ పీఠాన్ని దక్కించుకోవడంలో జనసేన, బీజేపీ కీలక పాత్ర పోషించాయి. దీంతో అధికారంలో భాగస్వాములైన తమకు కూడా కీలక పదవి ఇవ్వాలని జనసేన కార్పొరేటర్లు కోరుతున్నారు. కూటమిలో తామూ భాగస్వాములమేనని, డిప్యూటీ మేయర్ పదవి తమకు కేటాయించాలని బీజేపీ కార్పొరేటర్లు సైతం పట్టుబడుతున్నట్లు తెలుస్తోంది. దీంతో ఎవరికి అవకాశం కల్పించాలన్న అంశంపై కూటమి నేతల్లో చర్చ మొదలైంది. యాదవులకే ఇవ్వాలంటూ డిమాండ్ జనసేనకు డిప్యూటీ మేయర్ పదవి కేటాయిస్తే యాదవ సామాజికవర్గానికి అవకాశం కల్పించాలనే డిమాండ్ ఆ పార్టీలో బలంగా వినిపిస్తోంది. మరోవైపు ఎస్సీ సామాజికవర్గానికి పదవి ఇవ్వాలని దళిత సంఘాలు కోరుతున్నాయి. దీంతో రాజకీయ సమీకరణాలతోపాటు సామాజికవర్గాల డిమాండ్లూ ఎంపికపై ప్రభావం చూపే అవకాశముంది. జనసేనలో ముగ్గురు ఆశావహులు జీవీఎంసీలో జనసేనకు 26 మంది కార్పొరేటర్లు ఉండగా.. వారిలో ముగ్గురు యాదవ సామాజికవర్గానికి చెందిన వారు డిప్యూటీ మేయర్ పదవిని ఆశిస్తున్నట్లు సమాచారం. 26వ వార్డు కార్పొరేటర్ ముగడ వెంకటలక్ష్మి, 31వ వార్డు కార్పొరేటర్ మన్యాల శ్రీనివాస్, 95వ వార్డు కార్పొరేటర్ కోన రాధిక పేర్లు పరిశీలనలో ఉన్నట్లు తెలుస్తోంది. మేయర్ పదవి మహిళకు దక్కిన నేపథ్యంలో డిప్యూటీ మేయర్గా మన్యాల శ్రీనివాస్కు అవకాశం కల్పించాలని కొందరు కార్పొరేటర్లు కోరుతున్నట్లు సమాచారం. ఇక బీజేపీ నుంచి గంకల అప్పారావు ఈ పదవిని ఆశిస్తున్నట్లు ప్రచారం జరుగుతోంది. మేయర్ పదవి టీడీపీకి దక్కడంతో మిత్రపక్షాలకు ప్రాధాన్యమివ్వాల్సిన పరిస్థితి ఏర్పడింది. జనసేన, బీజేపీల్లో ఎవరికి అవకాశం కల్పిస్తారు? సామాజిక సమీకరణాలకు పెద్దపీట వేస్తారా? లేక రాజకీయ సమతూకానికే మొగ్గుచూపుతారా? అన్నది ఇప్పుడు కూటమిలో ఆసక్తికర చర్చగా మారింది. ఇదీ చదవండి: విడాకులు తీసుకున్న పవన్ కల్యాణ్, ఆయన భార్య అన్నాలెజినోవా -
జనం నాకు ఓట్లేశారు.. అధికారులు టీడీపీ ఖాతాలో వేశారు
సాక్షి ప్రతినిధి, శ్రీకాకుళం: సానివాడ పరిషత్ ప్రాదేశిక స్థానం పరిధిలో ఓటర్లు తనకు ఓటేసి గెలిపించినా.. టీడీపీ నేతల ఒత్తిళ్లతో అధికారులు ఆ ఓట్లను టీడీపీ ఖాతాలో వేసి, ఆ పార్టీ అభ్యర్థిని గెలిపించారని సానివాడ ఎంపీటీసీ వైఎస్సార్ సీపీ అభ్యర్థి ఎచ్చెర్ల దివ్య అన్నారు. ఎమ్మెల్యే గొండు శంకర్ తాను గెలిచిన స్థానాన్ని టీడీపీ ఖాతాలో వేసేంతవరకు నిద్ర పోలేదని, సొంత ఎంపీటీసీ కూడా గెలినిపించుకోలేని ఎమ్మెల్యేగా మిగిలిపోతాననే భయంతో అధికారులతో అక్రమాలు చేయించారని ఆరోపించారు. తాను గెలిచిన ఎంపీటీసీ స్థానం ఎట్టి పరిస్థితుల్లో టీడీపీ పరం కా వాలని ఎమ్మెల్యే, మంత్రులు కుట్రలు పన్నారన్నారు. అధికారుల పీకపై కత్తి పెట్టి, తన విజయా న్ని హైజాక్ చేశారని ఆవేదన వ్యక్తం చేశారు. కష్టకాలంలో తనకు ఓటేసిన ప్రజలందరికీ ధన్యవాదాలు తెలిపారు. దౌర్జన్యాలు, దాడులు, బెదిరింపులు ఎదుర్కొని నిలబడిన తోటి ఎంపీటీసీ అభ్యర్థులు, నాయకులు, కార్యకర్తలకు కృతజ్ఞతలు తెలిపారు. ఇదీ చదవండి: సొంత పార్టీ నేతలే వెన్నుపోటు పొడిచారు! -
సొంత పార్టీ నేతలే వెన్నుపోటు పొడిచారు!
తాడేపల్లిగూడెం: కూటమిలో తెలుగుదేశం, జనసేన పార్టీల మధ్య అంతర్గత విభేదాలతో తాడేపల్లిగూడెం మండలం వెంకట్రామన్నగూడెం ఎంపీటీసీ ఫలితం బొప్పి కట్టడంతో తమ్ముళ్ల మధ్య విభేదాలు మరోసారి బయటపడ్డాయి. సోమవారం జరిగిన నియోజకవర్గ టీడీపీ సమావేశంలో ఎంపీటీసీ అభ్యర్థిగా పోటీ చేసిన పరిమి రవికుమార్ కన్నీళ్లు పర్యంతరం కాగా.. ఇద్దరు కార్యకర్తలు శరీరంపై డీజిల్ పోసుకొని ఆత్మహత్యాయత్నం చేశారు. రెవెన్యూ, పోలీసు అధికారులపై ఆరోపణలు చేయడంతో పాటు కూటమికి వెన్నుపోటు పొడిచే వారిని ఎమ్మెల్యే పెంచి పోషిస్తున్నారని జిల్లాపరిషత్ మాజీ చైర్మన్ ముళ్లపూడి బాపిరాజు విమర్శలు చేయడం చర్చనీయాంశమైంది.సమావేశంలో మాట్లాడుతున్న వెంకట్రామన్నగూడెం ఎంపీటీసీ అభ్యర్థి పరిమి రవికుమార్ మండలంలోని కడియద్ద ఎంపీటీసీ స్థానంలో వైఎస్సార్సీపీ గెలిచినా.. జనసేనకు ఎలా ప్రకటించారో, అలాగే వెంకట్రామన్నగూడెం ఫలితాన్ని టీడీపీకి ఎందుకు ప్రకటించలేదని ప్రశ్నించారు. బాపిరాజు మాట్లాడుతూ కడియద్దలో జనసేన ఒక ఓటుతో ఓడిపోయింది.. వెంకట్రామన్నగూడెంలో టీడీపీ ఏడు ఓట్లతో గెలిచిందని, కడియద్దలో రీ కౌంటింగ్ పెట్టించనని, పెట్టిస్తే వెంకట్రామన్నగూడెం కూడా రీ కౌంటింగ్ అడుగుతారని ఎమ్మెల్యే బొలిశెట్టి తనతో అన్నారన్నారన్నారు. అయితే కడియద్దలో రీకౌంటింగ్ పెట్టించి ఒక ఓటుతో జనసేన అభ్యర్థిని గెలిపించారని విమర్శించారు. ఎమ్మెల్యేకు అనుంగ శిష్యులుగా ఉన్న ఇద్దరు చోటా నేతలు వెంకట్రామన్నగూడెంలో ఇండిపెండెంటుగా నామినేషన్ వేస్తే ఎమెల్యే బాధ్యత తీసుకోవాల్సిన అవసరం లేదా అని బాపిరాజు ప్రశ్నించారు.బాధ్యత తీసుకోకపోతే ఇది మీరే చేశారనుకుంటారు కదా అని తాను అడిగానన్నారు. అలాగే టీడీపీ నాయకుడు గంధం సతీష్ బంధువు కౌంటింగ్ హాలులో ఉన్న అధికారికి ఫోన్ చేసి తేడా వస్తే పీకలు కోసేస్తాం అని బెదిరించారని, డైరెక్ట్గా రొమ్ము విరిచి ఓడించే దమ్ము లేక, దొంగల మాదిరిగా చేతకాని దద్దమ్మలు కాబట్టి ఇలా చేస్తున్నారని బాపిరాజు మండిపడ్డారు. శనివారం అర్ధరాత్రి తాడేపల్లిగూడెం నన్నయ వర్సిటీలోని కౌంటింగ్ హాలు వద్ద వెంకట్రామన్నగూడెం ఫలితం ప్రకటించిన తర్వాత టీడీపీ శ్రే ణులు ఎమ్మెల్యే డౌన్డౌన్ అంటూ నినాదాలు చే శారు. దీంతో కూటమిలో చిచ్చు మరింత ఎలా రాజుకుందో సోమవారం సమావేశంతో పూర్తిగా బహిర్గతమైంది.ఇదీ చదవండి: మంత్రి పదవి ఉంటుందా.. ఊడుతుందా? -
నా ఓటమి సత్తెనపల్లి రూరల్ సీఐకి అంకితం
పల్నాడు: ‘నా ఓటమి సత్తెనపల్లి రూరల్ సీఐకు అంకితం’ ఇస్తున్నట్లు వైఎస్సార్ సీపీ జెడ్పీటీసీ అభ్యర్థి మధిర శ్రీనివాసరెడ్డి పేర్కొన్నారు. సోమవారం విలేకరుల సమావేశం నిర్వహించారు. ‘నాకు ఇంత వరకు సొంత ఇల్లు లేదు.. మీరు సహకరించి పోటీ నుంచి తప్పుకుంటే.. పోటీ ఉండదు.. వచ్చిన డబ్బులతో నేను గుంటూరులో ఒక ఇల్లు కట్టుకొని సొంత ఇంటి వాడిని అవుతానంటూ’ సత్తెనపల్లి రూరల్ సీఐ కిరణ్ జనసేన అభ్యర్థి పెట్టిన ఆశలకు ప్రలోభపడ్డారని చెప్పారు. స్టేషన్కు పిలిపించి రాజీ ప్రయత్నం చేశాడని పేర్కొన్నారు. మండలంలో 12 ఎంపీటీసీ స్థానాలకుగాను కూటమి నాయకుల దాడులతో కేవలం ఐదు చోట్ల మాత్రమే వైఎస్సార్ సీపీ పోటీలో ఉండాల్సి వచ్చిందని చెప్పారు. ఎన్నికల్లో ఎక్కడా ప్రశాంతంగా ప్రజలు ఓటు హక్కు వినియోగించుకోలేదని పేర్కొన్నారు. రూట్ ఆఫీసర్ అయినప్పటికీ చాగంటివారిపాలెం పోలింగ్ కేంద్రం వద్దే ఉంటూ పోలీసులు, అధికారుల సహకారంతో అధికార టీడీపీ నాయకులు యథేచ్ఛగా రిగ్గింగ్, రీసైక్లింగ్ చేసుకున్నారని ఆరోపించారు. రూరల్ సీఐ, ఎస్ఐ అనిల్ కుమార్ ఎన్నికల రోజు వైఎస్సార్ సీపీ ఏజెంట్లు లేకుండా ముందు రోజు రాత్రే అదుపులోకి తీసుకుని పోలీస్ స్టేషన్కు తరలించి కూటమి నాయకులకు అండగా నిలిచారన్నారు. ప్రధానంగా సీఐ కిరణ్ ఎన్నికల్లో పూర్తిగా టీడీపీకి వారికి సహకరించి రిగ్గింగ్ చేసుకునేందుకు కారణమయ్యారన్నారు. తన ఓటమితో పాటు మండలంలోని వైఎస్సార్ సీపీ ఎంపీటీసీ స్థానాల్లో వైఎస్సార్ సీపీ అభ్యర్థుల ఓటమికి సీఐ కారణమన్నారు. నామినేషన్ దాఖలు సమయంలోనూ అభ్యర్థులపై దాడి చేస్తున్నా పట్టించుకోలేదని చెప్పారు. ఎన్నికల ప్రచారం కోసం దరఖాస్తు చేసుకున్న అనుమతి ఇవ్వకుండా ఇబ్బందులు పెట్టాడని వివరించారు. ఎన్నికల రోజు అభ్యర్థులను కేంద్రంలోకి వెళ్లనివ్వలేదని, జిల్లా ఎస్పీని కలిసి చెప్పినా కూడా ఇష్టానుసారంగా వ్యవహరించాడని, రక్షణగా ఉండాల్సిన పోలీసులే ఇలా పనిచేస్తే ఎవరికి చెప్పుకోవాలో తెలియలేదని పేర్కొన్నారు. పోలింగ్ బూత్లో ఉన్న ఏజెంట్లను కూడా భయపెట్టాడని, పోలింగ్ కేంద్రానికి ఎదురుగా ఉన్న పెళ్లి మండపంలోనూ చొరబడి పెళ్లికి వచ్చిన వారి పైన లాఠీచార్జి చేశాడని, ఒక మహిళను బలవంతంగా పోలీస్ స్టేషన్కు తరలించే ప్రయత్నం చేశాడని ఆరోపించారు. ఇదీ చదవండి: టీడీపీ గూండాల బరితెగింపు.. వైఎస్సార్సీపీ ఎంపీటీసీ కిడ్నాప్ -
మంత్రి పదవి ఉంటుందా.. ఊడుతుందా?
సాక్షి, పార్వతీపురం మన్యం: ప్రాదేశిక ఎన్నికల్లో ప్రతిపక్ష వైఎస్సార్సీపీ తన ఉనికిని చాటుకుంది. గ్రామీణ ప్రాంతాల్లో పట్టును నిలుపుకొంది. ముఖ్యంగా ఈ ఎన్నికలు అధికార పార్టీకి గొప్ప గుణపాఠం నేర్పాయి. ప్రధానంగా జిల్లాకు చెందిన రాష్ట్ర గిరిజన సంక్షేమ శాఖ మంత్రి గుమ్మిడి సంధ్యారాణికి గట్టి షాక్ ఇచ్చాయి. తన సొంత నియోజకవర్గంలోనే ఆమెకు కోలుకోలేని ఎదురుదెబ్బ తగిలింది. ఇప్పటికే మున్సిపల్ ఎన్నికల్లో.. సీట్ల సర్దుబాటు విషయంలో మంత్రిమాట చెల్లుబాటు కాలేదు. జనసేనకు కేటాయించడంపై బహిరంగంగానే ఆమె అసంతృప్తి వ్యక్తం చేశారు. తీరా ఎన్నికల సమయంలో తెలుగుదేశం పార్టీ నుంచే ఇండిపెండెంట్గా మంజీరా బరిలో దిగారు. ఆమె వెనుక మంత్రి సంధ్యారాణి ఉన్నారన్నది ఆ పార్టీ వర్గాల నుంచే వినిపించిన మాట. ఇంత చేసినా.. చైర్పర్సన్ కుర్చీ జనసేన ఎగరేసుకుపోయింది. సొంత మున్సిపాలిటీలోనే మంత్రికి ఘోర పరాభవం అనుకుంటే.. ప్రాదేశిక ఎన్నికల్లో సాలూరు మండలంతో పాటు.. ఆమె స్వప్రాంతమైన మక్కువ మండలం జెడ్పీటీసీ స్థానాన్ని వైఎస్సార్ సీపీ కైవసం చేసుకుంది. మక్కువ మండలం ఎంపీపీ స్థానం సైతం వైఎస్సార్ సీపీ ఖాతాలో పడింది. ఇది మంత్రికి కోలుకోలేని దెబ్బ. ఆమె ప్రజా, గిరిజన వ్యతిరేక పనితీరుకు నిలువెత్తు సాక్ష్యం అన్నది రాజకీయ విశ్లేషకుల మాట. ఈ ప్రాంతానికి చెందిన మంత్రి అయినా గిరిజనులకు చేసిన మేలు, ఈ ప్రాంతంలో చేసిన అభివృద్ధి శూన్యమన్న మాట అధికమంది నుంచి వినిపిస్తోంది. మంత్రి పదవి ఉంటుందా.. ఊడుతుందా? ఇప్పుడు సాలూరు నియోజకవర్గంతో పాటు.. జిల్లా రాజకీయాల్లో ఇదే చర్చ. గతంలో దివగంత ముఖ్యమంత్రి రాజశేఖరరెడ్డి హయాంలో అప్పటి ఉమ్మడి ఆంధ్రప్రదేశ్ ప్రాదేశిక ఎన్నికల్లో ఓ ఇద్దరు మంత్రులు ప్రాతినిధ్యం వహిస్తున్న చోట్ల రెండు జెడ్పీటీసీ స్థానాలను కోల్పోవాల్సి వచ్చింది. అధికార పార్టీలో ఉండి.. ఈ ఓటమి జీర్ణించుకోలేక, నైతిక బాధ్యత వహిస్తూ.. ఇద్దరు మంత్రులూ.. మంత్రి వర్గం నుంచి తప్పుకున్నారు. నాటి సంఘటనలను జిల్లాలోని సీనియర్ నాయకులు గుర్తు చేస్తున్నారు. ఇప్పటికే గిరిజన సంక్షేమం, ఆరోగ్యం, జిల్లాకు సంబంధించిన ఇతర అంశాలలో మంత్రి అపఖ్యాతి పొందారు. ఈ క్రమంలో విస్తరణ సమయానికి మంత్రి పదవి ఊడుతుందన్న ప్రచారం ఎప్పటినుంచో నడుస్తోంది. సొంత నియోజకవర్గంలో పార్టీ ఓటమికి నైతిక బాధ్యత వహించి మంత్రి పదవికి సంధ్యారాణి స్వచ్ఛందంగా తప్పుకుంటారా.. లేక అధిష్టానం చర్యలు తీసుకుంటుందా.. అన్న చర్చ జిల్లా రాజకీయాల్లో హాట్టాపిక్గా మారింది. గ్రామీణ ప్రాంతాల్లో సత్తా చూపిన వైఎస్సార్ సీపీ సాధారణంగా స్థానిక సంస్థల ఎన్నికలు అధికార పార్టీకి అనుకూలంగా వస్తాయి. అందునా చంద్రబాబు ప్రభుత్వం అన్ని దారులనూ ప్రతిపక్ష నాయకులకు మూసివేసింది. నామినేషన్లు వేసినప్పుడు బెదిరింపులు దగ్గర నుంచి ఎన్నికల్లో రిగ్గింగు.. లెక్కింపు సమయంలో ఆర్వోలను బెదిరించడం.. ఓటర్లను నయానో, భయానో తమ దారికి తెచ్చుకోవడం వంటి సకల కళలూ ఉపయోగించింది. ప్రాదేశిక ఎన్నికల్లో ఎన్ని జిమ్మిక్కులు చేసినా గ్రామీణ ప్రాంతాల్లో తమ ఓటు బ్యాంకు చెక్కుచెదరలేదని వైఎస్సార్సీపీ నిరూపించింది. అధికారం లేకపోయినప్పటికీ.. చంద్రబాబు ప్రభుత్వ కుట్రలను ఛేదించి.. 15 జెడ్పీటీసీ స్థానాల్లో ఐదు దక్కించుకుంది. 226 ఎంపీటీసీ స్థానాల్లో సింగిల్గా పోటీ చేస్తూ 62 దక్కించుకుంది. ఓట్ల శాతంలోనూ గతం కంటే మెరుగవ్వడం.. రెండున్నరేళ్లలోనే చంద్రబాబు ప్రభుత్వ పాలనపై ప్రజా వ్యతిరేకతకు అద్దం పడుతోంది. ఇదీ చదవండి: పరిటాల శ్రీరామ్కు పరాభవమేనా! -
పరిటాల శ్రీరామ్కు పరాభవమేనా!
సాక్షి, పుట్టపర్తి: సార్వత్రిక ఎన్నికల్లో పోటీచేసి ఓటమి చవిచూసిన టీడీపీ యువనాయకుడు పరిటాల శ్రీరామ్కు ‘ప్రాదేశిక’ంలోనూ పరాభవం తప్పదా? సార్వత్రిక ఎన్నికల్లో ఓడిపోయిన ఆయన.. ప్రాదేశిక ఎన్నికల్లో గెలిచి జెడ్పీ చైర్మన్ పీఠం అధిరోహించాలని ఆశించినప్పటికీ అంతిమ లక్ష్యం నెరవేరడం కష్టమేనా? జెడ్పీటీసీగా గెలిచినా చైర్మన్ పీఠం మాత్రం దక్కే అవకాశాలు లేవా?...ఈ ప్రశ్నలకు అవుననే సమాధానం రాజకీయ వర్గాల నుంచి వినిపిస్తోంది. కూటమి పార్టీల పొత్తులో భాగంగా జనసేనకు జెడ్పీ చైర్మన్ స్థానం కేటాయించే అవకాశం ఉందని, ఆ పార్టీ తరఫున పుట్టపర్తి జెడ్పీటీసీగా గెలిచిన చిలకం మధుసూదన్రెడ్డి చైర్మన్ అయ్యే సూచనలు ఉన్నాయన్న చర్చ జోరుగా నడుస్తోంది. పరిటాల శ్రీరామ్ రాజకీయ అరంగేట్రంలోనే రాప్తాడు నియోజకవర్గం నుంచి 2019లో పోటీ చేసి ఘోరంగా ఓడిపోయారు. ఆ తర్వాత ధర్మవరం టీడీపీ ఇన్చార్జ్గా మకాం మార్చారు. 2024 ఎన్నికల్లో కూటమి పొత్తులో భాగంగా ధర్మవరం సీటును బీజేపీకి కేటాయించారు. బీజేపీ తరఫున ఎమ్మెల్యేగా గెలిచిన సత్యకుమార్.. మంత్రివర్గంలో చేరిన తర్వాత పరిటాల శ్రీరామ్కు అడుగడుగునా అవమానాలు ఎదురవుతూనే ఉన్నాయి. జెడ్పీ చైర్మన్ స్థానం ఆశించిన ఆయన..ధర్మవరం నియోజకవర్గ పరిధిలో రెండు జనరల్ సీట్లు ఉన్నా.. జెడ్పీటీసీ అభ్యర్థిగా పోటీ చేయడానికి కదిరి నియోజకవర్గం నల్లచెరువు మండలాన్ని ఎంచుకున్నారు. ధర్మవరం నియోజకవర్గ పరిధిలో పోటీ చేస్తే సత్యకుమార్ అనుచరుల నుంచి వ్యతిరేకత ఎదురవుతుందని పరిటాల శ్రీరామ్ నల్లచెరువుకు వెళ్లినట్లు తెలుస్తోంది. అక్కడి నుంచి అతికష్టమ్మీద గట్టెక్కినా ఆయన మండల స్థాయి నాయకుడి (జెడ్పీటీసీ)గానే మిగిలిపోతారని కూటమి నేతల్లో చర్చ సాగుతోంది. జనసేన పార్టీకి జెడ్పీ పీఠం? కూటమి పొత్తులో భాగంగా శ్రీ సత్యసాయి జిల్లా పరిషత్ చైర్మన్ సీటును జనసేనకు కేటాయించనున్నట్లు తెలుస్తోంది. నామినేషన్ల ఆరంభం నుంచి టీడీపీ తరఫున పరిటాల శ్రీరామ్ జెడ్పీ చైర్మన్ రేసులో ఉన్నారంటూ ప్రచారం చేశారు. అదే సమయంలో జనసేనకే చైర్మన్ పీఠం అప్పజెబుతారని, తనకే పట్టం కడతారని ఆ పార్టీ నేత చిలకం మధుసూదన్రెడ్డి జనంలోకి వెళ్లారు. నల్లచెరువు నుంచి పరిటాల శ్రీరామ్, పుట్టపర్తి నుంచి చిలకం మధుసూదన్రెడ్డి విజయం సాధించడంతో ఎవరికి పీఠం దక్కుతుందనే దానిపై కూటమి నేతల్లో భారీ చర్చ నడుస్తోంది. అత్యధికులు మాత్రం చిలకం పేరునే చెబుతున్నారు. జెడ్పీటీసీగానే పరిటాల శ్రీరామ్! కూటమి పొత్తులో భాగంగా జనసేన పార్టీకి చెందిన అభ్యర్థికి జెడ్పీచైర్మన్ సీటు కేటాయిస్తే.. టీడీపీ నేత పరిటాల శ్రీరామ్ జెడ్పీటీసీగానే మిగిలిపోతారు. పరిటాల శ్రీరామ్ అరాచకాలు చూడలేక సార్వత్రిక ఎన్నికల్లో అసెంబ్లీ స్థానానికి పోటీ చేసినా జనం ఘోరంగా ఓడించారు. ఆ తర్వాత టీడీపీ ఇన్చార్జ్గా ధర్మవరం మకాం మార్చినా ఆయన గ్రాఫ్ పెంచుకోలేకపోయారు. ప్రస్తుతం ప్రాదేశిక ఎన్నికల నోటిఫికేషన్ విడుదలైన తర్వాత జెడ్పీ చైర్మన్ పదవిపై ఆశతో నల్లచెరువుకు వెళ్లినా.. ఆ లక్ష్యం నెరవేరే సూచనలు మాత్రం కనిపించడంలేదు. ఇదీ చదవండి: విడాకులు తీసుకున్న పవన్ కల్యాణ్, ఆయన భార్య అన్నాలెజినోవా -
పచ్చమూకల దాష్టీకాలకు ఎదురొడ్డి గెలుపు
మార్కాపురం జిల్లా: టీడీపీ గూండాలు ఐదు సార్లు దాడి చేసి నామినేషన్ పత్రాలు చించేసినా.. ఏ మాత్రం వెనక్కితగ్గకుండా నామినేషన్ వేసిన ప్రకాశం జిల్లా సూదనగుంట వైఎస్సార్సీపీ అభ్యర్థిని ఘన విజయం సాధించారు. మార్కాపురం జిల్లా పొదిలి మండలం సూదనగుంట ఎంపీటీసీ వైఎస్సార్సీపీ అభ్యర్థిని దొనపాటి శ్రావణి నామినేషన్ వేసేందుకు వెళ్లిన ప్రతిసారీ పోలీసుల అండతో టీడీపీ గూండాలు చీర పట్టుకొనిలాగి, దాడి చేసి.. నామినేషన్ పత్రాలను లాక్కొని చించేశారు. టీడీపీ గూండాల దాడిలో శ్రావణి చేతికి గాయమైంది. ఇంత జరుగుతున్నా పోలీసులు చూస్తూ ఉండి పోయారే తప్ప.. టీడీపీ రౌడీలపై చర్యలు తీసుకోలేదు. దీంతో మరింత రెచ్చిపోయిన టీడీపీ గూండాలు ఐదుసార్లు ఆమె నామినేషన్ పత్రాలను చించేశారు. అయినా పట్టువదలకుండా అతికష్టం మీద శ్రావణి నామినేషన్ దాఖలు చేశారు. ఎన్ని ఒత్తిళ్లు, బెదిరింపులు వచి్చనా నామినేషన్ ఉపసంహరించుకోలేదు. టీడీపీ గూండాలు ఎన్ని అక్రమాలకు పాల్పడినా చివరకు టీడీపీ అభ్యర్థిని బీరం ధనలక్ష్మిపై వైఎస్సార్సీపీ అభ్యర్థిని శ్రావణి 44 ఓట్ల మెజార్టీతో విజయం సాధించారు. ఆమెను వైఎస్సార్సీపీ మాజీ ఎమ్మెల్యే, మార్కాపురం ఇన్చార్జ్ అన్నా రాంబాబు, నియోజకవర్గ పరిశీలకుడు కేవీ రమణారెడ్డి అభినందించారు. -
వెయ్యి ఓట్ల మెజార్టీతో గెలిస్తే.. 979 ఓట్లు చెల్లనివట..!
ప్రజలు గెలిపించిన అభ్యర్థిని.. టీడీపీ నేతలు, అధికారులు ఒక్కటై ఓడించేసిన వైనమిది. శ్రీ పొట్టి శ్రీరాములు నెల్లూరు జిల్లా ఆత్మకూరు నియోజకవర్గంలో అనంతసాగరం మండలం జెడ్పీటీసీ ఎన్నికల్లో వైఎస్సార్సీపీ అభ్యర్థిని అమరావతి 1,000 ఓట్లకుపైగా మెజార్టీతో గెలిచారు. వెంటనే టీడీపీ నేతలు కౌంటింగ్ నిలిపివేయించారు. పలుమార్లు కౌంటింగ్కు అడ్డుపడ్డారు. చివరకు ఏఆర్ఓగా విధులు నిర్వహిస్తున్న తహసీల్దారు వీర వసంతరావు 979 ఓట్లు చెల్లనివని చెప్పి, టీడీపీ అభ్యర్థి శిరీష గెలుపొందినట్లు రాత్రి 9 గంటలకు ప్రకటించారు. ఈ అన్యాయాన్ని నిరసిస్తూ వైఎస్సార్సీపీ ఏజెంట్లు, నాయకులు కౌంటింగ్ కేంద్రం వద్ద తీవ్ర నిరసన వ్యక్తం చేశారు. 979 ఓట్లను ఏ కారణంతో తిరస్కరించారో తహసీల్దారు వీర వసంతరావు సమాధానం చెప్పాలని డిమాండ్ చేసినా, వారిని పోలీసులు అక్కడి నుంచి బలవంతంగా పంపించేశారు. గెలిచిన వైఎస్సార్సీపీ అభ్యర్థిని కాదని అన్యాయంగా టీడీపీ అభ్యర్థి గెలిచినట్లు ప్రకటించడం దారుణమని వైఎస్సార్సీపీ నేతలు మండిపడ్డారు. -శ్రీ పొట్టి శ్రీరాములు నెల్లూరు జిల్లాఇదీ చదవండి: గెలిచావు రమ్మన్నారు.. తర్వాత ఓడిపోయావన్నారు -
పరిషత్ ఎన్నికల్లో మంత్రికి షాక్
సాక్షి, పార్వతీపురం మన్యం: అధికార పార్టీ ఎన్ని ప్రలోభాలకు తెర తీసినా.. ఎంత దౌర్జన్యాలకు తెగించినా.. పరిషత్తు ఎన్నికల్లో వైఎస్సార్సీపీ తన పట్టును నిలుపుకొంది. ఎన్నికల సమయంలో యథేచ్ఛగా రిగ్గింగుకు అధికార పార్టీ నాయకులు తెర తీసిన విషయం విదితమే. ఎన్నికలను ఏకపక్షంగా మార్చేస్తామంటూ బహిరంగంగానే ఆ పార్టీ నాయకులు ప్రకటనలు గుప్పించారు. ఎన్ని అక్రమాలకు తెర తీసినా.. కుట్రలకు పాల్పడినా ప్రజల మద్దతుతో వైఎస్సార్సీపీ పలు జెడ్పీటీసీ, ఎంపీటీసీ స్థానాలను కైవసం చేసుకుంది. ప్రధానంగా గిరిజన సంక్షేమ శాఖ మంత్రి గుమ్మిడి సంధ్యారాణి నియోజకవర్గంలో అధికార పార్టీకి ఓటర్లు గట్టి షాక్ ఇచ్చారు. ఇక్కడ సాలూరు, మక్కువ జెడ్పీటీసీ స్థానాలను వైఎస్సార్సీపీ గెలుచుకుంది. దీంతో పాటు మక్కువ ఎంపీపీ స్థానం కూడా వైఎస్సార్సీపీ ఖాతాలో చేరింది. పార్వతీపురం, సీతంపేట, గుమ్మలక్ష్మీపురం జెడ్పీటీసీ స్థానాల్లోనూ వైఎస్సార్సీపీ అభ్యర్థులు గెలుపొందారు. ఈ నెల 5న జిల్లాలోని 15 జెడ్పీటీసీ, 226 ఎంపీటీసీ స్థానాలకు ఎన్నికల ప్రక్రియ జరిగిన విషయం విదితమే. ప్రాదేశిక ఓట్ల లెక్కింపు శనివారం చేపట్టారు. తొలుత పోస్టల్ బ్యాలెట్, అనంతరం ఎంపీటీసీ, జెడ్పీటీసీ ఓట్ల లెక్కింపు చేపట్టారు. అర్ధరాత్రి వరకూ కౌంటింగ్ కొనసాగింది. దీంతో అభ్యర్థుల్లో తీవ్ర ఉత్కంఠ నెలకొంది. -
గెలిచావు రమ్మన్నారు.. తర్వాత ఓడిపోయావన్నారు
‘అమ్మా నువ్వే 42 ఓట్లతో గెలిచావు.. ధ్రువీకరణ పత్రంపై సంతకం చేద్దువు రా’ అని వైఎస్సార్సీపీ ఎంపీటీసీ అభ్యర్థిని అధికారులు పిలిచారు. అంతలోనే పచ్చ నేతలు అడ్డుపడటంతో టీడీపీ అభ్యర్థే గెలిచారు, నువ్వు 6 ఓట్ల తేడాతో ఓడిపోయావు అని చెప్పారు. శ్రీకాకుళం జిల్లా సానివాడ ఎంపీటీసీ స్థానంలో జరిగిన అన్యాయమిది. కౌంటింగ్లో వైఎస్సార్సీపీ అభ్యర్థి ఎచ్చెర్ల దివ్య శ్రీధర్కు ముందుగా 319 ఓట్ల మెజారిటీ లభించింది. దీంతో టీడీపీ రీకౌంటింగ్ కోరింది. రీకౌంటింగ్ తర్వాత దివ్యకు 42 ఓట్లు మెజార్టీ వచ్చినట్లు అధికారులు ప్రకటించారు. ధ్రువపత్రంపై సంతకం చేయాలని పిలిచారు. అయితే ఈ ప్రాదేశికంలో స్థానిక ఎమ్మెల్యే గొండు శంకర్ ఊరు ఉండటంతో ఎలాగైనా గెలవాలని టీడీపీ అభ్యర్థి అరసవల్లి లక్ష్మీదేవి రీకౌంటింగ్ పెట్టించారు. దీనికి ఎన్నికల అధికారులు, ఆర్ఓ బొడ్డేపల్లి శైలజ సహకారం తోడవ్వడంతో అంకెలను మార్చేసి, ఆరు ఓట్ల తేడాతో దివ్య ఓడిపోయారని, లక్ష్మీదేవి గెలిచారని ఆర్ఓ శైలజ ప్రకటించేశారు. దీంతో దివ్య, ఆమె అనుచరులు నిశ్చేషు్టలయ్యారు. రీకౌంటింగ్ పెట్టాలని దివ్య కోరినప్పటికీ ఆర్ఓ నిరాకరించారు.అన్యాయం చేశారు..ఎమ్మెల్యే గొండు శంకర్ బెదిరింపులతో తన భర్త శ్రీధర్ను పోలీసులు హౌస్ అరెస్ట్ చేశారని, ఇక్కడ ఎన్నికల అధికారుల సాయంతో తనకు అన్యాయం చేశారని దివ్య కన్నీటి పర్యంతమయ్యారు. తనకు జరిగిన అన్యాయంపై ఫిర్యాదు చేసేందుకు కలెక్టర్కు ఫోన్ చేసినా స్పందించలేదన్నారు. అక్కడే ఉన్న ఆర్డీఓ సాయి శిరీష, జెడ్పీ సీఈఓ వెంకట్రామన్లు వారికేం సంబంధం లేదని చెబుతున్నారన్నారు. – అరసవల్లి (శ్రీకాకుళం ) -
నా ఓటమి చీమకుర్తి సీఐకి అంకితం
చీమకుర్తి రూరల్(ఒంగోలు) : నా ఓటమి చీమకుర్తి సీఐకి అంకితమంటూ చీమకుర్తి మండలంలోని బండ్లమూడి ఎంపీటీసీ స్థానానికి పోటీచేసిన వైఎస్సార్ సీపీ అభ్యర్థి వేమా ఝాన్సీరాణి అన్నారు. చీమకుర్తి మండలంలో 14 ఎంపీటీసీ స్థానాలకు ఎన్నికలు జరగ్గా.. ఎక్కడా ప్రశాంతంగా ప్రజలు ఓటు హక్కు వినియోగించుకోలేదన్నారు. పోలీసులు, అధికారుల సహకారంతో అధికార టీడీపీ నాయకులు యథేచ్ఛగా రిగ్గింగ్ చేసుకున్నారని ఆరోపించారు. ప్రధానంగా చీమకుర్తి సీఐ దుర్గాప్రసాద్ ఎన్నికల్లో పూర్తిగా టీడీపీకి వారికి సహకరించి రిగ్గింగ్ చేసుకునేందుకు కారణమయ్యారన్నారు. తన ఓటమితో పాటు మండలంలోని 13 ఎంపీటీసీ స్థానాల్లో వైఎస్సార్ సీపీ అభ్యర్థుల ఓటమికి సీఐ దుర్గాప్రసాద్ కారణమంటూ ఝాన్సీరాణి మండిపడ్డారు. శనివారం కౌంటింగ్ అనంతరం మీడియాతో ఆమె మాట్లాడారు. తన భర్త అయిన చీమకుర్తి మాజీ జెడ్పీటీసీ సభ్యుడు వేమా శ్రీనివాసరావును అక్రమంగా అరెస్టు చేయడమే కాకుండా పోలింగ్ బూత్లో ఉన్న ఏజెంట్లను స్వయంగా చీమకుర్తి సీఐ బయటకు లాగి రిగ్గింగ్కు పూర్తి సహకారం అందించి తన ఓటమికి కారణమయ్యాడని వివరించారు. కూటమి ప్రభుత్వం పూర్తిస్థాయిలో పోలీసులను అడ్డం పెట్టుకుని ఎన్నికలు నిర్వహించిందని, అందులో చీమకుర్తి మండలంలో ప్రధాన పాత్రధారుడిగా చీమకుర్తి సీఐ పనిచేశారని ఆరోపించారు. తన భర్త వేమా శ్రీనివాసరావును అక్రమంగా అరెస్టు చేసి పోలీస్ స్టేషన్లో నిర్బంధించి అగ్రహారం పోలింగ్ బూత్లో చీమకుర్తి నుంచి వచ్చిన రౌడీ మూకలతో రిగ్గింగ్కు పాల్పడ్డారని, ఇది పోలీస్ వ్యవస్థకు సంబంధించిన అంశం కాదని, కేవలం చీమకుర్తి సీఐ దుర్గాప్రసాద్ చర్యలే కారణమని దుయ్యబట్టారు. సుమారు 200 ఓట్లపైచిలుకు మెజారిటీతో గెలవాల్సిన తనను ఓడిపోయేలా చేయడంలో సీఐ కీలకపాత్ర పోషించడం పోలీసు వ్యవస్థకే సిగ్గుచేటని అన్నారు. ఇదీ చదవండి: ఇన్వ్యాలీడ్ ఓటూ టీడీపీ ఖాతాలో.. -
‘టార్చ్లైట్’ ఎలా వచ్చింది...
అనకాపల్లి: పెదరొడ్డేపల్లిలో శనివారం జరిగిన ఓట్ట లెక్కింపుల్లో సంబంధం లేని టార్చిలైట్ గుర్తు బ్యాలెట్ పత్రంలో ప్రత్యక్షమయింది. వివరాలిలా ఉన్నాయి. మండలంలో నలుగురు జెడ్పీటీసీ అభ్యర్థులు పోటీ చేశారు. ఈ నెల 5న పోలింగ్ కూడా జరిగింది. ఓట్ల లెక్కింపు కేంద్రం అయిన పెదబొడ్డేపల్లి డాన్బాస్కో డిగ్రీ కళాశాలలో గల స్ట్రాంగ్రూముకి పోలీసు బందోబస్తుతో బ్యాలెట్ బాక్సులు అదే రోజు చేరాయి. స్ట్రాంగ్రూంకు సీల్ వేయడం జరిగింది. శనివారం ఓట్ల లెక్కింపు కోసం బ్యాలెట్ బాక్సులను లెక్కింపు కేంద్రానికి తీసుకొచ్చి కౌంటింగ్ చేపట్టినపుడు బ్యాలెట్ పత్రాల్లో టార్చ్లైట్ గుర్తు ఉన్న పత్రాలు బయటపడ్డాయి. ఏజెంట్ ద్వారా విషయం తెలుసుకున్న వైఎస్సార్సీపీ జెడ్పీటీసీ అభ్యర్థి కౌటింగ్ అధికారుల వద్దకు వచ్చి సంబంధం లేని టార్చిలైటు గుర్తు బ్యాలెట్లు ఎలా వచ్చాయో చెప్పాలని నిలదీశారు. ఈ తప్పిదం ఎలా జరిగిందో చెప్పాలని డిమాండ్ చేశారు. దీంతో అక్కడ కౌంటింగు అధికారులు ఆర్వో దృష్టికి తీసుకెళతామని సమాధానపరిచారు. జెడ్పీటీసీ అభ్యర్థి మాత్రం దీనిపై ఉన్నతాధికారులకు ఫిర్యాదు చేస్తానని, ఇది అధికార పార్టీ నాయకులు, వారికి తొత్తులుగా పని చేస్తున్న అధికారుల తప్పిదమేనన్నారు. ఇదీ చదవండి: కూటమికి భారీ షాక్.. పరిషత్ పోరులో వైఎస్సార్సీపీ జోరు -
ఇన్వ్యాలీడ్ ఓటూ టీడీపీ ఖాతాలో..
అనకాపల్లి: కె.సంతపాలెం ఎంపీటీసీ సెగ్మెంట్కు చెందిన పలితంపై వైఎస్సార్సీపీ ఎంపీటీసీ అభ్యర్థి సబ్బవరపు వెంకటలక్ష్మితో పాటు ఆమె భర్త అవతారం, వెఎస్సార్సీపీ నాయకులు శనివారం రాత్రి నిరసనకు దిగారు. కె.సంతపాలెం సెగ్మెంట్లో పోలైన 3141 ఓట్లులో వైఎస్సార్సీపీ అభ్యర్థి సబ్బవరపు వెంకటలక్ష్మి 1522, టీడీపీ అభ్యర్థి సబ్బవరపు పుష్పావతికి 1522 ఓట్లు వచ్చినట్టు అవతారం తెలిపారు. ఇద్దరికీ చెరి సమానంగా ఓట్లు వచ్చాయని, టీడీపీ అభ్యర్థి సబ్బవరపు పుష్పావతికి కౌంటింగ్ అధికారులు ఇన్వాలీడ్లో ఉన్న ఓటును టీడీపీ అభ్యర్థికి వేసి 1523 ఓట్లుతో గెలుపొందినట్లు ప్రకటించారని అన్నా రు. కౌంటింగ్ ఏజెంట్గా ఉన్న తన అంగీకారం లేకుండా ఇన్వాలీడ్లో ఉన్న ఓటును టీడీపీ అభ్యర్థికి వేసి గెలిచారని ప్రకటించడం దారుణమన్నారు. రీకౌంటింగ్ను నిర్వహించాలని కోరినా అధికారులు పట్టించుకోలేదని వైఎస్సార్సీపీ నాయకులు నిరసనకు దిగారు. -
కిమిడి కోడలిపై బొత్స కోడలు ఘన విజయం
చీపురుపల్లిరూరల్ (గరివిడి): విజయనగరం జిల్లా రాజకీయాల్లో ఆసక్తికర పరిణామానికి గరివిడి జెడ్పీటీసీ ఎన్నికలు వేదికగా నిలిచాయి. ఇద్దరు రాజకీయ ప్రముఖుల కుటుంబాలకు చెందిన కోడళ్ల మధ్య జరిగిన పోరులో వైఎస్సార్సీపీ సీనియర్ నాయ కుడు, శాసనమండలి విపక్షనేత బొత్స సత్యనారాయణ కోడలు బొత్స పూజిత విజయం సాధించారు. మాజీ మంత్రి, ఎమ్మెల్యే కిమిడి కళా వెంకటరావు కోడలు కిమిడి సంధ్యపై 1599 ఓట్ల మెజార్టీతో గెలుపొందారు. రాజకీయ కుటుంబాల మద్య పోటీ... గరివిడి జెడ్పీటీసీ స్థానానికి జరిగిన ఎన్నికలు జిల్లా వ్యాప్తంగా ప్రత్యేక ఆసక్తిని రేకెత్తించాయి. ఓ వైపు బొత్స సత్యనారాయణ కుటుంబం నుంచి పూజిత, మరోవైపు కళా వెంకటరావు కుటుంబం నుంచి సంధ్య బరిలో నిలవడంతో ఎన్నికల పోరు ప్రతిష్టాత్మకంగా మారింది. రెండు కుటుంబాల ప్రతిష్టకు సంబంధించిన పోరుగా రాజకీయ పరిశీలకులు చూశారు. పూజిత విజయం సాధించడం, కళా కుటుంబానికి చెందిన సంధ్య ఓటమి పాలవ్వడం గరివిడి రాజకీయాల్లో చర్చకు దారితీసింది. తన కోడలు సంధ్యను గరివిడి నుంచి జెడ్పీటీసీగా గెలిపించి, జిల్లా పరిషత్ చైర్మన్ పదవి కట్టబెట్టాలన్న కళా వెంకటరావు ఆశలపై ఓటమి నీళ్లుచల్లిందని రాజకీయ విశ్లేషకులు చెబుతున్నారు. -
టీడీపీ కంచుకోటలో వైఎస్సార్సీపీ పాగా
అల్లూరి సీతారామరాజు జిల్లా: టీడీపీ కంచుకోటలో ఈ దఫా పరిషత్ ఎన్నికల్లో వైఎస్సార్సీపీ పాగా వేసింది. మూడు దశాబ్దాల తర్వాత మత్స్యకార గ్రామాల్లో టీడీపీకి ఎదురుదెబ్బ తగిలింది. మండలంలో గత సార్వత్రిక ఎన్నికల్లో హోంమంత్రి వంగలపూడి అనితకు 1500 ఓట్ల మెజార్టీ ఇచ్చిన రాజయ్యపేటలో ఈ దఫా ఎంపీటీసీ స్థానాన్ని వైఎస్సార్సీపీ కైవసం చేసుకుంది. ఇక్కడ ఎంపీటీసీ అభ్యర్థిగా పిక్కి కాశీ తన ప్రత్యర్థి పిక్కి రమణ(కూటమి)పై 664 ఓట్ల మెజారీ్టతో విజయం సాధించారు. పెదతీనార్ల మత్స్యకార గ్రామంలో వైఎస్సార్సీపీ అభ్యర్థి మైలపల్లి సరోనా తన సమీప ప్రత్యర్థి మైలపల్లి రమాదేవిపై 85 ఓట్ల మెజార్టీతో గెలుపొందారు. మరో మత్స్యకార గ్రామం బంగారయ్యపేట సెగ్మెంట్లో వైఎస్సార్సీపీ అభ్యర్థి కొవిరి రమణ తన సమీప టీడీపీ అభ్యర్థి ఏవీఎస్ రాజుపై 161 ఓట్ల మెజారిటీతో విజయం సాధించారు. ఈ సెగ్మెంట్లన్నీ గతంలో టీడీపీకి కంచుకోటగా ఉన్నాయి. మత్స్యకారులంతా 40 ఏళ్లనుంచి టీడీపీకే ఓటేస్తూ వస్తున్నారు. ప్రధానంగా రాజయ్యపేటలో 6,500 పైచిలుకు ఓటర్లు ఉన్నారు. స్థానిక ఎన్నికలు, సార్వత్రిక ఎన్నికల్లో ఈ గ్రా మం నుంచి టీడీపీకి 80 శాతం ఓట్లు లభిస్తాయి. ప్రతి ఎన్నికల్లోనూ టీడీపీకి 2 నుంచి 3 వేల ఆధిక్యత లభించేది. అటువంటిది ఈ ఎన్నికల్లో రాజయ్యపేటలో ఫ్యాన్ గాలి బలంగా వీచింది. మత్స్యకారులంతా వైఎస్సార్సీపీనే ఆదరించారు. ఎక్కువ ఓట్లు కలిగిన రాజయ్యపేట, పెదతీనార్ల, బంగారయ్యపేట గ్రామాల్లో వైఎస్సార్సీపీని ఆదరించడం చర్చనీయాంశమైంది. రాజయ్యపేటలో వైఎస్సార్సీపీ అభ్యర్థికి మండలంలోనే అత్యధికంగా 664 ఓట్ల మెజార్టీ రావడాన్ని అధికార పారీ్టకి పెద్ద దెబ్బ అని పలువురు అంటున్నారు. -
21 ఏళ్లకే ఎంపీటీసీగా లెక్కల శ్రావణి
అల్లూరి సీతారామరాజు జిల్లా : 21 ఏళ్లకే గొరపూడి ఎంపీటీసీగా స్వతంత్ర అభ్యర్థి లెక్కల శ్రావణి విజయం సాధించారు. గొరపూడి శివారు అప్పన్నపాలేనికి చెందిన శ్రావణి గ్రాడ్యుయేషన్ పూర్తి చేశారు. ఇటీవలే ఆమెకు వివాహమైంది. టీడీపీ తరపున పోటీ చేసేందుకు ప్రయత్నించినప్పటికీ ఫలితం లేకపోవడంతో స్వతంత్ర అభ్యర్థిగా బరిలోకి దిగారు. బీజేపీ అభ్యర్థి లాలం అరుణపై 290 ఓట్ల మెజారిటీతో గెలుపొందారు. ప్రజా సేవ చేయాలన్న ఆకాంక్షతో తాను రాజకీయాల్లోకి వచ్చి ఎన్నికల్లో పోటీ చేసి గెలుపొందానని శ్రావణి పేర్కొన్నారు. ఇదీ చదవండి: ఈ కన్నీటికి కారణమెవరు..? -
రసకందాయంలో ఎంపీపీ పీఠం
అల్లూరి సీతారామరాజు జిల్లా: మునగపాకలో జరిగిన స్థానిక సంస్థల ఎన్నికల ఫలితాలు రసకందాయంలో పడ్డాయి. ప్రతిష్టాత్మకమైన ఎంపీపీ పీఠం ఎవరిని వరిస్తుందోనన్న చర్చనీయాంశమైంది. వివరాలు పరిశీలిస్తే మండలంలోని 16 ఎంపీటీసీ స్థానాలకు ఈ నెల 5వ తేదీన ఎన్నికలు జరిగిన విషయం తెలిసిందే.కౌంటింగ్ శనివారం నిర్వహించారు. ఈ ఫలితాలు అందరినీ ఆశ్చర్యానికి గురి చేశాయి. వైఎస్సార్సీపీకి 8 స్థానాలు రాగా కూటమికి మరో 8 స్థానాలు దక్కాయి. అయితే ఎంపీపీ పీఠం దక్కాలంటే కనీసం 9 ఎంపీటీసీ స్థానాలు గెలుపొందాల్సి ఉంది. ఇరు పార్టీకు చెరి సగం ఓట్లు రావడంతో అందరి దృష్టి మునగపాక మండలంపై పడింది. ఎంపీపీ పీఠం దక్కాలంటే ఏదో పార్టీకి చెందిన వ్యక్తి అవతల పార్టీలోకి వెళ్లాలి. అటువంటి పరిస్థితులు వైఎస్సార్సీపీలో కనిపించడం లేదు. మండలంలో వైఎస్సార్సీపీకి బలమైన క్యాడర్తో పాటు నమ్మకమైన పెద్దలు ఉండడంతో వైఎస్సార్సీపీ నుంచి అధికార పార్టీలోకి వెళ్లే పరిస్థితులు లేవనే చెప్పాలి. అలాగే కూటమి నాయకత్వంపై మొదటి నుంచి పెద్దగా క్యాడర్లో విశ్వాసం కూడా లేదు. ఇటువంటి పరిస్థితుల్లో ఎంపీపీ పీఠం ఎవరికి దక్కుతుందన్న ఉత్కంఠ అందరిలోనూ నెలకొంది. ఇదిలా ఉండగా వైఎస్సార్సీపీ నుంచి ఎవరూ కూడా చేజారకుండా ఉండేలా వైఎస్సార్సీపీ పెద్దలు తగు చర్యలు చేపడుతున్నారు. మున్ముందు మునగపాక ఎంపీపీ పీఠానికి సంబంధించి ఏం జరుగుతుందో వేచి చూడాల్సిందే. నాడు...నేడు ఒకటే ఫలితం మండలంలో స్థానిక సంస్థల ఎన్నికల ఫలితాలు 2014లో జరిగిన ఫలితాలు పునరావృతమయ్యాయి. మొత్తం 16 ఎంపీటీసీ స్థానాలకు గాను గత 2014లో జరిగిన ఎంపీటీసీ ఎన్నికల్లో వైఎస్సార్సీపీకి 8 స్థానాలు, అలాగే అప్పటి టీడీపీకి మరో 8 స్థానాలు వచ్చాయి. అప్పటి ఎమ్మెల్యే పంచకర్ల రమేష్బాబు, వైఎస్సార్సీపీ నేత బొడ్డేడ ప్రసాద్లు ఒక ఒడంబడికకు వచ్చారు. ముందు రెండున్నరేళ్ల పాటు టీడీపీకి మొదటిసారిగా ఎంపీపీ అవకాశం కల్పించారు. తరువాత రెండున్నరేళ్ల కాలం వైఎస్సార్సీపీకి ఎంపీపీ అవకాశం కల్పించారు. నేడు అటువంటి ఫలితమే మరోసారి పునరావృతం కావడం విశేషం. 2026లో జరిగిన స్థానిక సంస్థల ఎన్నికల్లో భాగంగా మొత్తం 16 ఎంపీటీసీ స్థానాలకు గాను వైఎస్సార్సీపీకి 8 స్థానాలు రాగా కూటమి ప్రభుత్వానికి 8 స్థానాలు వచ్చాయి. ఈ పర్యాయం ఎంపీపీ పీఠం ఎవరిని వరిస్తుందో మరి? -
ఎమ్మెల్యే భార్య ఓటమి.. జనసేనకు గట్టి ఎదురుదెబ్బ
సాక్షి, రాజమహేంద్రవరం: సొంత నియోజకవర్గంలో జనసేనకు గట్టి ఎదురుదెబ్బ తగిలింది. రాజానగరం ఎమ్మెల్యే బత్తుల బలరామకృష్ణకు పరిషత్ ఎన్నికల ఫలితాలు రాజకీయంగా ఇబ్బందికర పరిస్థితిని తెచ్చిపెట్టాయి. ఎమ్మెల్యేగా ఆయన ప్రాతినిధ్యం వహిస్తున్న నియోజకవర్గంలోనే భార్య బత్తుల వెంకటలక్ష్మి జెడ్పీటీసీ అభ్యర్థి ఓటమి పాలవడం ఒక ఎత్తయితే, ఆయన సొంత గ్రామమైన గాదరాడలోనూ జనసేనకు ఆశించిన ఫలితాలు దక్కకపోవడం మరో ఎత్తు. ఇక నియోజకవర్గంలోని సీతానగరం, కోరుకొండ మండలాల్లోనూ వైఎస్సార్ సీపీ అద్భుత ఫలితాలు సాధించడంతో జనసేన రాజకీయ బలంపై చర్చ మొదలైంది. ఎమ్మెల్యే కుటుంబానికి సొంత నియోజకవర్గంలోనే ఓటర్లు గట్టి సందేశం ఇచ్చారనే అభిప్రాయాలు వ్యక్తమవుతున్నాయి. ఎమ్మెల్యే భార్యకూ తప్పని ఓటమి రాజానగరం నియోజకవర్గ పరిధిలోని సీతానగరం జెడ్పీటీసీ స్థానానికి జనసేన తరఫున బత్తుల బలరామకృష్ణ సతీమణి బత్తుల వెంకటలక్ష్మి పోటీ చేశారు. అయితే వైఎస్సార్ సీపీ అభ్యర్థి కరుటూరి శ్రీహరిబాబు చేతిలో ఆమె 2,600 ఓట్ల భారీ తేడాతో ఓటమి పాలయ్యారు. ఎమ్మెల్యే భార్య స్వయంగా బరిలో నిలిచినా ఓటర్లు వైఎస్సార్ సీపీ అభ్యరి్థకి పట్టం కట్టడం రాజకీయంగా ప్రాధాన్యం సంతరించుకుంది. నియోజకవర్గంలో అధికార పార్టీకి ఉన్న బలాన్ని, స్థానికంగా నెలకొన్న రాజకీయ పరిస్థితులను ఈ ఫలితం ప్రతిబింబిస్తోందనే విశ్లేషణలు వినిపిస్తున్నాయి. ఈ ఓటమిని ఎమ్మెల్యే బత్తుల ఓటమిగానే చూడాలనే వాదన వినిపిస్తోంది. స్వగ్రామంలోనూ షాక్ ఎమ్మెల్యే బత్తుల బలరామకృష్ణ స్వగ్రామం కోరుకొండ మండలంలోని గాదరాడ. ఈ గ్రామంలో రెండు ఎంపీటీసీ స్థానాలుండగా ఒక స్థానంలో జనసేన, మరోచోట టీడీపీ పోటీ చేశాయి. అయితే జనసేనపై వైఎస్సా ర్సీపీ అభ్యర్థి గెలుపొందారు. టీడీపీ పోటీ చేసిన స్థానంలోనూ వైఎస్సార్ సీపీ అభ్యరి్థకి విజయావకాశాలు ఉన్నప్పటికీ రీకౌంటింగ్కు అధికారులు అంగీకరించలేదు. అందువల్ల ఆ స్థానం టీడీపీ గెలిచినట్టయింది. మొత్తంగా స్వగ్రామంలో రెండు స్థానాలనూ గెలుచుకోవాలన్న బత్తుల ఆశలకు గండిపడినట్లయింది. ముఖ్యంగా ఆ గ్రామంలో జనసేన ఓడిపోవడం ఎమ్మెల్యేకు భారీ షాక్గానే భావించాలి. ఎమ్మెల్యే సొంత ఊరిలోనే ఒక ఎంపీటీసీ స్థానాన్ని వైఎస్సార్ సీపీ కైవసం చేసుకోవడం ప్రస్తుతం జిల్లా వ్యాప్తంగా చర్చనీయాంశంగా మారింది. వైఎస్సార్ సీపీ జోరు సీతానగరం మండలంలో 20 ఎంపీటీసీ స్థానాలుండగా వైఎస్సార్ సీపీ అభ్యర్థులు 12 చోట్ల విజయం సాధించారు. కూటమి అభ్యర్థులు ఎనిమిది స్థానాలకే పరిమితమయ్యారు. ఇందులో జనసేన పరిస్థితి మరింత దయనీయంగా మారింది. ఆ పార్టీ ఆరు స్థానాల్లో పోటీ చేయగా ఒక్క స్థానంలో మాత్రమే గెలుపొందింది. మిగిలిన స్థానాల్లో ఓటమి చవిచూసింది. ఎమ్మెల్యే భార్య పోటీ చేసిన మండలంలోనే జనసేనకు ఇలాంటి ఫలితం రావడం ఆ పార్టీ నాయకత్వానికి ఆత్మపరిశీలన అవసరమనే సంకేతాలిస్తోంది. కోరుకొండ మండలంలో మొత్తం 23 ఎంపీటీసీ స్థానాలుండగా వైఎస్సార్ సీపీ 12 స్థానాలను కైవసం చేసుకుంది. కూటమి అభ్యర్థులు 11 స్థానాల్లో విజయం సాధించారు. ఇక్కడ కూడా జనసేనకు ఆశించిన స్థాయిలో ఫలితాలు దక్కలేదు. ఆ పార్టీ 12 స్థానాల్లో పోటీ చేయగా ఏడు స్థానాల్లో మాత్రమే గెలుపొందింది. మిగిలిన ఐదు స్థానాల్లో ఓటమి ఎదురైంది. ఎమ్మెల్యే స్వగ్రామం ఉన్న మండలంలోనే వైఎస్సార్ సీపీ ఆధిక్యం సాధించడం జనసేనకు రాజకీయంగా ఇబ్బందికర పరిణామంగా మారింది. -
బలిపీఠంపై ఎన్నికల అధికారులు
సాక్షి, అమరావతి : రాష్ట్ర ముఖ్యమంత్రి చంద్రబాబు అధికార దాహానికి అధికారులు, ఉద్యోగులు సమిధలవుతున్నారు. ప్రజాబలం లేకుండా స్థానిక ఎన్నికల్లో గెలుపు కోసం అధికార పార్టీ చేస్తున్న దాష్టీకాలతో ఒకవైపు అధికారులు, మరో వైపు సామాన్య ఉద్యోగులు బెంబేలెత్తుతున్నారు. ఇప్పటి వరకు జరిగిన మున్సిపల్, పరిషత్ ఎన్నికల్లో ఇది ప్రస్ఫుటమవుతోంది. ప్రతిదశలోనూ, ప్రతి అంకంలోనూ అధికారగణం చంద్రబాబు ఆదేశాలకు దాసోహమై విధులు నిర్వర్తించాల్సివస్తోంది. అధికారులు, ఉద్యోగుల బలహీనతలను ఆసరా చేసుకున్న రాష్ట్ర ప్రభుత్వం వారిని భయపెట్టి పెత్తనం చెలాయిస్తోంది. ఎన్నికల్లో తమకు అనుకూలంగా పనిచేయని ఉద్యోగులు, అధికారులపై బదిలీ వేటు, కేసులు నమోదు తప్పదనే ముందస్తు హెచ్చరికలు చేసినట్టు తెలుస్తోంది. ఎన్నికల ఉద్యోగుల ప్రైవేట్ సంభాషణల్లో ఇది స్పష్టంగా వినవస్తోంది.చివరకు రిటర్నింగ్ అధికారులను ప్రభుత్వం తమ చెప్పుచేతల్లో ఉంచుకుని చెప్పినట్టు పని చేయించుకుంటోంది. వారికున్న అధికారాలను సైతం లాక్కుని కట్టుబానిసల్లా మార్చేసింది. చిత్తూరు జిల్లాలో ఓ రిటర్నింగ్ అధికారి తనపై ఉన్న పైస్థాయి ఒత్తిడి కారణంగా ప్రతిపక్ష పార్టీ అభ్యర్థుల నామినేషన్లు తీసుకోలేనని తన నిస్సహాయతను వ్యక్తం చేయడమే ఇందుకు నిదర్శనం. తమ కళ్లెదుటే ప్రతిపక్ష పార్టీ అభ్యర్థుల నామినేషన్ పత్రాలను అధికార పార్టీ నాయకులు చింపేసినా చర్యలు తీసుకోవడం కాదుకదా కనీసం నోరు మెదపలేని దుస్థితిలో ఎన్నికల అధికారులు ఉండడం చంద్రబాబు దాషీ్టకాలకు మరో ప్రబల ఉదాహరణగా నిలుస్తోంది. అనంతపురం జిల్లా చిత్రచేడులో ఎన్నికల సిబ్బందిని బెదిరించి 984 బ్యాలెట్ల పేపర్లపై ముద్రలు వేసుకున్నారని ఎన్నికల కమిషన్ తన ఉత్తర్వుల్లో పేర్కొంది. ప్రాణం తీసిన ఒత్తిడి ఎన్నికల సిబ్బందిపై చంద్రబాబు ప్రభుత్వం మోపుతున్న ఒత్తిడి ఓ ఉద్యోగిని బలి తీసుకుంది. అనంతపురం జిల్లా డి.హీరేహాళ్ మండలానికి చెందిన ఉపాధ్యాయురాలు హరిత గౌడ్ (57) గురువారం కూడేరు మండలం కడదరకుంట పోలింగ్ కేంద్రంలో ఏపీవోగా విధుల్లో ఉన్నారు. పోలింగ్ జరుగుతుండగానే ఆమె గుండెపోటుతో కుప్పకూలి మృతి చెందారు. ఉద్రిక్తతకు కేంద్రంగా మారిన మండలం అది. మరుట్లలో పట్టపగలే బ్యాలెట్ బాక్స్ ఎత్తుకెళ్లడం వంటి సంఘటనలు చోటుచేసుకున్నాయి. అలాంటి ఉద్రిక్త పరిస్థితుల్లో విధులు నిర్వహించాల్సి రావడంతో ఆమె తీవ్ర ఒత్తిడికి లోనై మృతి చెందినట్టు తెలుస్తోంది. తుఫాన్ హెచ్చరికలు ఉన్నా ఎన్నికల తేదీ మార్చకపోవడంతో యాదవోలులో సిబ్బంది నీళ్లలో నిలబడి విధులు నిర్వహించాల్సి వచ్చింది. అన్నిచోట్లా పోలింగ్ విధులు నిర్వహించడం ఉద్యోగులకు కత్తిమీద సాములా మారింది. ఎన్నికల విధిని ఒకప్పుడు బాధ్యతగా భావించిన ఉద్యోగులు, ఇప్పుడు ఆ డ్యూటీ అంటేనే వణికిపోయే పరిస్థితి వచ్చింది. కోర్టు బోనులో నిలబడాల్సిందే.. అసలు సమస్య ఎన్నికల తర్వాతే మొదలవుతుంది. నామినేషన్ల తిరస్కరణలు, ఉపసంహరణలు, ఏకగ్రీవాలపై పలువురు అభ్యర్థులు ఇప్పటికే న్యాయస్థానం తలుపు తట్టారు. ఆ కేసుల్లో బోనులో నిలబడేది ఎన్నికల విధుల్లో సంతకాలు చేసిన ఉద్యోగులే. ఆదేశాలిచి్చన మంత్రులు, ఎమ్మెల్యేలు కాదనే విషయం వారికి తెలిసినా నోరు విప్పలేని పరిస్థితి.. చంద్రబాబు సార్వత్రిక ఎన్నికల ప్రచారంలో ఉద్యోగులకు పీఆర్సీ, డీఏలు, ఐఆర్ సహా అన్నీ ఇచ్చేస్తామని చెప్పి అధికారం చేజిక్కించుకున్న తరువాత అవేమీ నెరవేర్చకపోగా, వారిని రాజకీయ చదరంగంలో పావులుగా మార్చేశారు. ఈ ఎన్నికల్లో అవకతవకలపై కోర్టు మెట్లు ఎక్కే సమయంలో తమకు అండగా నిలిచేదెవరనే ప్రశ్న ఇప్పుడు ఉద్యోగ వర్గాలను కలవరపాటుకు గురిచేస్తోంది. -
అప్పట్లో ప్రతిపక్షానికి ఒక్కటే.. ఇప్పుడు 16..!
విజయనగరం అర్బన్: అధికారంలో ఉన్న ప్రభుత్వంపై ప్రజల్లో ఎంత వ్యతిరేకత ఉంది? ప్రతిపక్షానికి క్షేత్రస్థాయిలో ఎంత ఆదరణ లభిస్తోంది? ఈ ప్రశ్రలకు విజయగనరం మున్సిపల్ కార్పొరేషన్ ఎన్నికల ఫలితాలు ఆసక్తికరమైన పోలికను ముందుకు తెస్తున్నాయి. ఐదేళ్ల కిందట వైఎస్సార్సీపీ ప్రభుత్వ పాలన మధ్యలో జరిగిన ఎన్నికల్లో అప్పటి ప్రతిపక్ష టీడీపీకి కేవలం ఒక్క డివిజన్ మాత్రమే దక్కింది. తాజాగా కూటమి ప్రభుత్వ పాలన మధ్యలో జరిగిన ఎన్నికల్లో ప్రతిపక్ష వైఎస్సార్సీపీ 16 స్థానాలను గెలుచుకుంది. ఈ రెండు ఫలితాల మధ్య వ్యత్యాసం ఇప్పుడు రాకీయ వర్గాల్లో చర్చనీయాంశంగా మారింది. ఒక స్థానానికే పరిమితం... 2021లో వైఎస్సార్సీపీ ప్రభుత్వం అధికారంలో ఉండగా జరిగిన మున్సిపల్ కార్పొరేషన్ ఎన్నకల్లో మొత్తం 50 డివిజన్లకు ఆ పార్టీ ఏకంగా 48 స్థానాలను గెలుచుకుంది. అప్పటి ప్రతిపక్ష టీడీపీకి ఒక్క స్థానం మాత్రమే దక్కగా, మరో స్థానాన్ని స్వతంత్ర అభ్యర్థి కైవసం చేసుకున్నారు. అంటే ప్రతిపక్షానికి కనీస స్థాయిలో కూడా గట్టి పోటీ ఇచ్చే అవకాశం లేకుండా పోయింది. ఈ ఫలితాలు అప్పటి ప్రభుత్వ పాలనపై పట్టణ ప్రజల్లో పెద్దగా వ్యతిరేకత లేదనే అభిప్రాయానికి బలాన్నిచ్చాయి. అధికార పార్టీకి ప్రజల్లో ఉన్న ఆదరణ, ప్రతిపక్ష బలహీనత అప్పటి ఎన్నికల్లో స్పష్టంగా కనిపించాయి. ప్రజల తిరుగుబాటు... రెండున్నరేళ్ల చంద్రబాబు ప్రభుత్వ పాలనలో కొత్తగా ఒక్కరికి కూడా పింఛన్లు మంజూరు చేయకపోవడం, నిరుద్యోగ భృతి ఎగ్గొట్టడం, ఆడబిడ్డ నిధి అందకపోవడం, నగరాభివృద్ధి పట్టించుకోకపోవడం, ప్రజా సంక్షేమ పథకాలను అమలుచేయకపోవడం, హామీలు నెరవేర్చకపోవం, ప్రజా, ఉద్యోగ వ్యతిరేక విధానాలు అమలుచేయడంతో జనం తిరుగుబాటు ఆరంభించారు. దీనికి కార్పొరేషన్ ఎన్నికలే నిలువెత్తు నిదర్శనం. మొత్తం 62 డివజన్లలో వైఎస్సార్సీపీ 16 స్థానాలను గెలుచుకుంది. టీడీపీ, జనసేన, బీజేసీ కలిపి 44 స్థానాలు సాధించగా మరో రెండు స్థానాలను స్వతంత్ర అభ్యర్థి దక్కించుకున్నారు. అధికార కూటమికి మెజారిటీ వచ్చినప్పటికీ, ప్రతిపక్ష వైఎస్సార్సీపీ 16 స్థానాలు గెలుగుకోవడం గమనార్హం. ఐదేళ్ల కిందట ఇవే ఎన్నికల్లో ప్రతిపక్షానికి ఒక్క స్థానమే వచ్చిన పరిస్థితితో పోలిస్తే ప్రభుత్వంపై ప్రజావ్యతిరేకత ప్రస్పుటమైందన్న వాదన వినిపిస్తోంది. ఇదీ చదవండి: ఖాకీ చొక్కా తీసేసి రా చూసుకుందాం.. టీడీపీ ఎమ్మెల్యే.. -
ఖాకీ చొక్కా తీసేసి రా చూసుకుందాం.. టీడీపీ ఎమ్మెల్యే..
శ్రీ పొట్టి శ్రీరాములు నెల్లూరు: తమకు అడ్డొచ్చిన పోలీసులపై గూడూరు ఎమ్మెల్యే సునీల్కుమార్ ఊగి పోయారు. ఖాకీ చొక్కాలిప్పి వస్తే కొట్టుకుందామని కవ్వింపు చర్యలకు పాల్పడ్డాడు. టీడీపీ నాయకులు, కార్యకర్తలు కేకలు వేస్తూ మరింత రెచ్చగొట్టేలా వ్యవహరించిన ఘటన వాకాడు మండలంలోని ఎస్ఏఎల్సీ పాఠశాల వద్ద గురువారం జరిగింది. ఈ వీడియో సోషల్ మీడియాలో హల్చల్ చేస్తోంది. దీంతో పోలీసులు తాము ఎంత చేసినా చివరికి ఇలా మాటలు పడాల్సి రావడంపై ఏమిటని మదన పడుతున్నారు. పరిషత్ ఎన్నికల సందర్భంగా పాఠశాలలో ఏర్పాటు చేసిన పోలింగ్ కేంద్రంలోకి అదికార పార్టీ నాయకులు వెళ్లేందుకు ప్రయత్నించగా పోలీసులు అడ్డుకున్నారు. దీంతో విషయం తెలుసుకున్న ఎమ్మెల్యే స్థానిక నాయకులతో కలిసి కేంద్రం వద్దకు చేరుకుని పోలీసులపై ఊగి పోయారు. దీంతో అక్కడికి చేరుకున్న సీఐతో ఎమ్మెల్యే వాగ్వాదానికి దిగి ఓటర్లు, అభ్యర్థులు, కేంద్రంలోకి వెళ్లకుండా ఎలా అడ్డుకుంటారని ప్రశ్నించారు. రౌడీయిజం చేస్తున్నారా? నాయకులను ఎస్సై ఎలా అడ్డుకుంటారు.. రమ్మనండి తేల్చుకుందాం. చొక్కాలు విప్పి వస్తే కొట్టుకుందాం అంటూ సవాల్ విసిరారు. మీ ఇష్టమా, మేము కూలీలమా అంటూ రచ్చ చేశారు. ఇదీ చదవండి: వారెవ్వా.. 104.27 శాతం పోలింగ్ -
వారెవ్వా.. 104.27 శాతం పోలింగ్
సాక్షి,నెల్లూరు: మండలంలోని తూర్పుపల్లి పోలింగ్ స్టేషన్ 25లో పోలింగ్ శాతం రికార్డు బద్దలు కొట్టింది. రాష్ట్ర దేవదాయశాఖ మంత్రి ఆనం రామనారాయణరెడ్డి ఆదేశాలతో కూటమి నేతలు, పోలింగ్ అధికారులు ఏకంగా 104.27 శాతం పోలింగ్ నిర్వహించి చరిత్ర సృష్టించారు. గురువారం పోలింగ్కు ముందు మంత్రి ఆనం తన అనుచరులకు ఫోన్ చేసి వైఎస్సార్సీపీ ఏజెంట్లను బయటకు నెట్టేసి రిగ్గింగ్ చేయాలని ఆదేశించారు. దీంతో రెచ్చిపోయిన టీడీపీ నేతలు బరితెగించి చేసిన రిగ్గింగ్ బట్టబయలైంది. తూర్పుపల్లిలోని పోలింగ్ స్టేషన్ 25లో మొత్తం ఓటర్లు 586 మంది ఉన్నాయి. ఇక్కడ వైఎస్సార్సీపీ తరఫున కూర్చున్న ఎన్నికల ఏజెంట్లను తొలి గంటలోనే బయటకు తరిమేశారు. ఆ తరువాత కూటమి నేతలు ఓటరు జాబితాలో ఉన్న అందరి ఓట్లను చనిపోయిన ఓటర్లతో సహా ఓటు వేసినట్లు బ్యాలెట్ బాక్స్లో నింపారు. కూటమి నేతలు అంతటితో తృప్తి తీరక అదనంగా మరో 25 బ్యాలెట్లను కూడా బాక్స్లో వేశారు. ఎన్నికల అధికారులు మొత్తం బ్యాలెట్లను లెక్క పెట్టి పోలైన ఓట్ల బ్యాలెట్లను చివరిలో సరి చూడగా 611 ఓట్లు పోలైనట్లు 104.27 శాతం నమోదైనట్లు పోలింగ్ అధికారి మండల అధికారులకు సమాచారం ఇచ్చారు. ఇదే సమాచారాన్ని జిల్లా అధికారులు కూడా పంపారు. అధికారులు అధికారికంగా వెల్లడించిన పోలింగ్ శాతం బయటకు పొక్కడంతో నేతలు చేసిన ఓట్ల దొంగతనం బయటపడి ఏమి చేయాలో అర్థం కాక తలలు పట్టుకుంటున్నారు. అధికారులు ఇచ్చిన పట్టికలోనే నిర్ధారించిన పోలింగ్ శాతం ఇదీ చదవండి: మేము కూటమిలో ఉన్నామా?, లేదా? -
మేము కూటమిలో ఉన్నామా?, లేదా?
ప్రొద్దుటూరు రూరల్(వైఎస్ఆర్ జిల్లా ): కూటమిలో జనసేన భాగస్వామిగా ఉందా లేదా? పవన్కళ్యాణ్ను టీడీపీ నాయకులు తమ నేతగా భావిస్తున్నారా? అని జనసేన నాయకుడు మంచి శివకుమార్ ప్రశించారు. తాళ్లమాపురం ఎంపీటీసీ స్థానాన్ని జనసేనకు కేటాయించి, బీరం మౌనికను అధికారిక అభ్యర్థిగా నిలబెడితే.. టీడీపీ నాయకులు మాత్రం స్వతంత్ర అభ్యర్థి సిగినేని సుబ్బమ్మకు పసుపు కండువాలు వేసి మరీ ప్రచారం చేయడం దారుణమన్నారు. గత ఎన్నికల్లో టీడీపీ అభ్యర్థి విజయానికి జనసేన సైనికులు కష్టపడి 230 ఓట్ల మెజారిటీ తెచ్చారని గుర్తుచేశారు. ఉప ముఖ్యమంత్రి పవన్ కళ్యాణ్ గ్రామానికి రూ.3.50 కోట్లు కేటాయించారని, దానికి కృతజ్ఞతగా ఈ సీటు గెలవాలని తాము భావిస్తే.. టీడీపీ నాయకులు మూలవారిపల్లెలో కొత్త వ్యక్తులతో రిగ్గింగ్కు పాల్పడ్డారని ఆరోపించారు. జనసేన బూత్ ఏజెంట్ను పోలీసులు బయటకు పంపారని, మహిళా ఓటర్లను అధికారులు బెదిరించారని మండిపడ్డారు. దీనిపై పోలీసు అధికారులకు, జిల్లా ఎస్పీకి ఫిర్యాదు చేసినా స్పందించలేదని ఆవేదన వ్యక్తం చేశారు. మూలవారిపల్లె బూత్లో రీపోలింగ్ జరపాలని డిమాండ్ చేస్తూ, ఈ అక్రమాలను పవన్ కళ్యాణ్ దృష్టికి తీసుకెళ్తామని శివకుమార్ స్పష్టం చేశారు. ఇదీ చదవండి: ఒకే వ్యక్తి.. రెండుసార్లు ఓటు -
ఒకే వ్యక్తి.. రెండుసార్లు ఓటు
విశాఖపట్నం: ఎన్నికల నిర్వహణలో అధికారుల పర్యవేక్షణ లోపాలు, ఓటరు జాబితాలోని తప్పిదాలు చర్చకు దారితీస్తున్నాయి. సబ్బవరం మండలం ఇరువాడ పోలింగ్ కేంద్రంలో ఒకే వ్యక్తి రెండుసార్లు ఓటు వేసిన ఘటన కలకలం రేపింది. ఓటరు జాబితాలో రెండు చోట్ల పేరు ఉండటాన్ని ఆసరాగా చేసుకుని పొట్ల కృష్ణ అనే వ్యక్తి ఉదయం 7 గంటల సమయంలో ఒకసారి, మధ్యాహ్నం ఒంటిగంట ప్రాంతంలో మరోసారి ఓటు వేసినట్లు ఆరోపణలు వచ్చాయి. రెండుసార్లు ఓటు వేసిన వ్యక్తి టీడీపీ మండల ఎస్సీ సెల్ అధ్యక్షుడిగా ఉండటం చర్చనీయాంశమైంది. ఇరువాడలోని 59వ పోలింగ్ బూత్ ఓటర్ల జాబితాలో పొట్ల కృష్ణ పేరు 654, 1159 సీరియల్ నంబర్లతో రెండుసార్లు నమోదైనట్లు సమాచారం. ఉదయం ఓటు వేసిన ఆయన, మధ్యాహ్నం మరోసారి వచ్చి ఓటు వేయడాన్ని వైఎస్సార్సీపీ పోలింగ్ ఏజెంట్ గొంతున అచ్చంనాయుడు గుర్తించి అభ్యంతరం వ్యక్తం చేసినట్లు తెలిసింది. అయినప్పటికీ పోలింగ్ సిబ్బంది సమక్షంలోనే రెండోసారి ఓటు వేసి వెళ్లిపోయారనే ఆరోపణలు ఉన్నాయి. ఈ విషయంపై వైఎస్సార్సీపీ నాయకులు బలిరెడ్డి కనకరాజు, సండ్రాన అప్పారావు, ధూళి నరేష్, మొల్లి చిన్నారావు, బంగారునాయుడు అభ్యంతరం వ్యక్తం చేయడంతో ఇరువర్గాల మధ్య వాగ్వాదం చోటుచేసుకుంది. సమాచారం అందుకున్న మండల పార్టీ అధ్యక్షుడు కర్రి బాబు అక్కడికి చేరుకున్నారు. పరిస్థితి ఉద్రిక్తంగా మారడంతో పోలీసులు జోక్యం చేసుకుని ఇరువర్గాలను శాంతింపజేశారు. ఈ ఘటనపై రిటరి్నంగ్ అధికారికి సమాచారం అందించి, విచారణ అనంతరం తగిన చర్యలు తీసుకుంటామని పోలీసులు తెలిపారు. ఓటరు జాబితాలో ఒకే వ్యక్తి పేరు రెండుసార్లు నమోదవడం, అభ్యంతరం వ్యక్తమైనప్పటికీ రెండోసారి ఓటు వేయడం ఎలా సాధ్యమైందన్న అంశం చర్చనీయాంశంగా మారింది. పోలింగ్ కేంద్రంలో విధులు నిర్వహిస్తున్న సిబ్బంది అప్రమత్తతపై ప్రశ్నలు తలెత్తుతున్నాయి. ఘటనపై సమగ్ర విచారణ జరిపి, నిబంధనలు ఉల్లంఘించినట్లు తేలితే బాధ్యులపై ఎన్నికల నిబంధనల ప్రకారం చర్యలు తీసుకోవాలని డిమాండ్ చేశారు. -
చెక్కు చెదరని అభిమానం
అడుగడుగునా ఆంక్షలున్నా... ‘ఓటర్లు’ వెనకడుగు వేయలేదు.. పోలింగ్ కేంద్రాల్లో ఆ పార్టీ ఏజెంట్లే లేకున్నా.. పక్క పార్టీ వైపు చూసింది లేదు.. వీధుల ముంగిట పచ్చ గూండాలు మోహరించినా.. ‘ఫ్యాను’ ముందు ఆ పప్పులేం ఉడకలేదు.. దౌర్జన్యాన్ని ఛేదిస్తూ.. పచ్చ మూకల అష్ట దిగ్బంధనాన్ని దాటుకుంటూ మరీ ఓటేశారు.. ఒక్క రూపాయి డబ్బు పంచకున్నా.. పోల్ మేనేజ్మెంట్ అస్సలే లేకున్నా ‘ఓటేసి’ ‘అభిమానం’ ఇంచుకూడా తగ్గలేదని నిరూపించారు. కడప కార్పొరేషన్ ఎన్నికల్లో వైఎస్సార్ సీపీ మేయర్ అభ్యర్థి దీప్తిరెడ్డికి పోలైన ఓట్లను చూసి రాజకీయ విశ్లేషకులు సైతం ఆశ్చర్యపోయారు. సాక్షి ప్రతినిధి, కడప: కడప వైఎస్సార్సీపీకి కంచుకోట అని మరోసారి రుజువైంది. కడప కార్పొరేషన్ మేయర్ స్థానాన్ని టీడీపీ గెలిచిందనే దానికంటే వైఎస్సార్సీపీ అభ్యర్థి బండి దీప్తిరెడ్డికి 66,027ఓట్లు లభించడమే జిల్లాలో పెద్దగా చర్చనీయాంశమైంది. ఎన్నికల షెడ్యూల్ విడుదలైనప్పటి నుంచి కూటమి నేతలు సాగించిన అరాచకం నభూతో నభవిష్యతి అన్న విధంగా తయారైంది. దీనికితోడు అధికార యంత్రాంగం మొత్తం కూటమి ఎదుట సాగిలపడిన తీరు లోకమంతా చూసింది. ఈ నేపథ్యంలో ఎన్నికల రోజు ఓటర్లు స్వచ్ఛందంగా తరలివచ్చి వైఎస్సార్సీపికి మద్దతు పలకడం చర్చకు కారణమైంది. అర్ధరూపాయి డబ్బు పంపిణీ చేయకుండా ఆస్థాయి ఓట్లు సాధించడం ‘గొప్ప విషయమం’ అనే మాట విశ్లేషకుల నోట వినిపిస్తోంది. ∙కడప కార్పొరేషన్ పరిధిలో 66డివిజన్లలో పోటీ చేసేందుకు వైఎస్సార్సీపీ సిద్ధం కాగా వ్యవస్థల్ని అడ్డుపెట్టుకుని నామినేషన్ల దశలోనే టీడీపీ నరమేధం సాగించింది. పోలీసు అధికారుల సాక్షిగా వైఎస్సార్సీపీ శ్రేణులపై నడివీధుల్లో ప్రత్యక్షదాడికి తెగబడింది. శాంతిభద్రతల పరిరక్షణకు రెండు కళ్లులాంటి కలెక్టర్ శ్రీధర్, ఎస్పీ నచికేత్ విశ్వనాథ్ నివాసాలున్న ప్రాంతాలల్లో ఈ ఘటనలు చోటు చేసుకున్నాయి. ఇక్కడే ఎన్నికలపై ప్రజల్లో భయం కలిగింది. ఇలా ఉంటే ప్రజలు ఓటు ఎలా వేస్తారంటూ ప్రజాస్వామ్యవాదుల్లోనూ ఆందోళన మొదలైంది. అప్పటికే 52 డివిజన్లు ఏకగ్రీవమయ్యాయి. ఆపై సుప్రీం తీర్పుతో 11 మంది వైఎస్సార్సీపీ అభ్యర్థులు కార్పొరేటర్లుగా నామినేషన్ వేశారు. అంతటితో ఆగలేదు..నామినేషన్ల పరిశీలన.. ఆపై ఉపసంహరణలో పచ్చ నేతలు బీభత్సం సృష్టించారు. వైఎస్సార్సీపీ నేతలు ధైర్యంగా నిలబడ్డారు. ముగ్గురూ ముగ్గురే..... కార్పొరేషన్ ఎన్నికల్లో మేయర్ అభ్యర్థి బండిదీప్తిరెడ్డి, 33వ డివిజన్ కార్పోరేటర్ సంద్యారాణి(దేవిరెడ్డి ఆదిత్య), 46వ డివిజన్ కార్పోరేటర్ జమీల్ ముగ్గురు ముగ్గురే అన్నట్లుగా కీర్తి గడించారు. దీప్తిరెడ్డి వైఎస్సార్సీపీ ప్రభుత్వం చేపట్టిన అభివృద్ధి అనర్గళంగా ప్రజలకు వివరించింది. టీడీపీ నేతల దౌర్జన్యానికి ధీటుగా జవాబు చెబుతూ ప్రజల ముంగిటకు వెళ్లింది. ఆమెకు అండగా జిల్లా అధ్యక్షుడు పోచంరెడ్డి రవీంద్రనాథరెడ్డి, మాజీ మంత్రి ఎస్బీ అంజద్బాషా, మాజీ మేయర్ సురేష్ బాబు, కమలాపురం ఇన్ఛార్జి నరేన్ రామాంజులరెడ్డి ప్రచారపర్వం కొనసాగించారు. 33,46వ డివిజన్ల్లలో వైఎస్సార్సీపీ పోలింగ్ ఏజెంట్లు లేకపోయినా, వందలాది ఓట్లు రిగ్గింగ్ చేసుకున్నా జమీల్ 344ఓట్లు, దేవిరెడ్డి ఆదిత్య సతీమణీ సంధ్యారాణి 139 ఓట్లుతో విజయం సాధించడాన్ని పలువురు కొనియాడుతున్నారు. కూటమి చేసింది ఏమీలేక.. జిల్లా కేంద్రంలో టీడీపీ ప్రభుత్వం చేసిన అభివృద్ధి చెప్పుకునే అవకాశం లేకే ఇలాంటి దాడులు.. దౌర్జన్యాలు తెరపైకి తీసుకొచ్చాని విశ్లేషకులు వివరిస్తున్నారు. వైఎస్సార్సీపీ నేతలపై ప్రత్యక్ష దాడులకు దిగడం.. తిరగబడితే ఏకపక్షంగా హత్యయత్నం కేసులు నమోదు చేయడం ఇందులో భాగమేనని చెబుతున్నారు. బయట కన్పిస్తే అరెస్టు లు చేస్తారనే భయంతో వైఎస్సార్సీపీ నేతలు అజ్ఞాతవాసం గడపాల్సిన పరిస్థితి ఉత్పన్నమైందని విశ్లేషకులు వెల్లడిస్తున్నారు. ఎమ్మెల్యే మాధవి రెడ్డి దంపతులు వైఎస్సార్సీపీ నేతల్ని టార్గెట్ చేసినప్పటికీ ప్రజలు ఆశీర్వదించడం వారికి జీరి్ణంచుకోలేని అంశంగా పరిగణించిందని విశ్లేషకులు భావిస్తున్నారు. ఈ పరిస్థితులల్లో టీడీపీ నేతలకు భవిష్యత్పై బెంగపట్టుకుందని పరిశీలకులు వెల్లడిస్తున్నారు. ప్రజల ఆదరణ అపూర్వం... పోలింగ్ తేదీ రానే వచ్చింది. తెల్లవారుజాము నుంచే పచ్చమూక కేంద్రాల చుట్టూ మోహరించింది. వైఎస్సార్సీపీ ఏజెంట్లు రాకుండానే ఎక్కడికక్కడ దౌర్జన్యకాండ చేసింది. ఎదిరించిన వారిపై దాడులకు దిగింది. అంతకుముందు పోలీసు యంత్రాంగమూ తమ వంతు సాయంగా ముఖ్యనేతలందరినీ ఎక్కడికక్కడ హౌస్ అరెస్ట్ చేసి స్వామి భక్తిని ప్రదర్శించింది.ఇన్ని ఆటంకాల నడుమ పోలింగ్ ప్రారంభమైంది... ‘ఒకటో తేదీ వస్తే చాలు... తన మనవడు వైఎస్ జగన్ ఇంటికి పింఛన్ పంపించిన సాయం గుర్తొచ్చిన ‘అవ్వ’ ఓటరు స్లిప్తో అడుగేసింది... ‘తన బిడ్డల చదువులకు అన్నగా వైఎస్జగన్ అందించిన ‘అమ్మ ఒడిని’ తలచుకుని ఓ చెల్లి పోలింగ్ బూత్ వైపు నడిచింది.. ‘చేయూత’నిచ్చిన తమ్ముడు జగన్ మేలును గుర్తుంచుకుని ఓ అక్క ధైర్యంగా ఓటేయడానికి వచ్చింది.. జగనన్న ‘ఫ్యాన్’గా ఓ యువకుడు.. ‘ఆరోగ్య శ్రీ’ ఆసరా సాయం పొందిన ఓ మధ్య వయస్కుడు.. ఇలా ఒక్కొక్కరుగా ఆంక్షల సంకెళ్లను తెంచుకుంటూ అడుగేశారు. ‘ఒక్క రూపాయి డబ్బు ఇవ్వకుంటేనేమి సారూ.. ఆయన చేసిన సాయం మా గుండెల్లో నిలిచే ఉంది ’ అంటూ ఓటేశారు.. అంతే.. ఒక్కొక్కరుగా ఓటర్లు వస్తుండడంతో దిమ్మ తిరిగిన కూటమి నేతలు మధ్యాహ్నానికే ‘బరి’ తెగించారు. అప్పటివరకు విపక్ష ఏజెంట్లే లేరు..ఇక తమకు అడ్డెవరులే అనుకుంటే ఈ ఓటర్లు కొంప ముంచేలా ఉన్నారనుకుని.. ఓటర్లనూ అడ్డుకున్నారు. ఆపై విచ్చలవిడిగా రిగ్గింగ్.. సైక్లింగ్ చేసుకున్నారు. మధ్యాహ్నం ఓటేద్దామని వెళ్లిన వారి చేతిలోంచి ‘స్లిప్పు’ తీసుకుని ‘మీ ఓటు వేసేశాం ..మీరు వెళ్లిపోండి’ అంటూ దౌర్జన్యం చేశారు. అంతకుముందు స్వచ్ఛందంగా ప్రజలు వేసిన ఓట్లన్నీ వైఎస్సార్సీపీ మేయర్ అభ్యర్థి బండిదీప్తిరెడ్డికే లభించాయి. పోలింగ్కేంద్రాల్లో వైఎస్సార్సీపీ ఏజెంట్లు లేకున్నా.. పోలీసుల సమక్షంలో పచ్చమూకలు దాడులు చేస్తున్నా 66,027 ఓట్లు రావడంపై రాజకీయ విశ్లేషకులు ఆశ్చర్యపోతున్నారు. ప్రశాంత ఎన్నికలు తెరపైకి వచ్చింటే ‘ఫ్యాను గాలికి’ టీడీపీ కొట్టుకుపోయేవారని స్పష్టం చేస్తున్నారు. ఇదీ చదవండి: AP MPTC ZPTC Elections: టీడీపీ ఏజెంట్లుగా పోలీసులు.. షాకిచ్చిన ఓటర్లు -
ప్రజాక్షేత్రంలోనే ఉంటా.. సమస్యలపై పోరాడతా!
సాక్షి, విశాఖపట్నం: జీవీఎంసీ మేయర్ ఎన్నికల్లో తన గెలుపు కోసం, వైఎస్సార్సీపీ విజయానికి శ్రమించిన ప్రతి ఒక్కరికీ పార్టీ మేయర్ అభ్యర్థి, ఎమ్మెల్సీ వరుదు కల్యాణి ఒక ప్రకటనలో ధన్యవాదాలు తెలిపారు. అధికార, డబ్బు, మూడు పార్టీల కూటమి బలాన్ని తట్టుకొని వైఎస్సార్సీపీ నాయకులు, కార్యకర్తలు వీరోచితంగా పోరాడారని, వారి త్యాగాలకు ఎప్పటికీ రుణపడి ఉంటానని పేర్కొన్నారు. తనను మేయర్ అభ్యర్థిగా ప్రకటించిన నాటి నుంచి కౌంటింగ్ వరకు పార్టీ పెద్దలు, నియోజకవర్గ సమన్వయకర్తలు, కార్యకర్తలు అత్యంత ప్రతిష్టాత్మకంగా భావించి అహర్నిశలు శ్రమించారని కొనియాడారు. ఎన్నికల ప్రచారంలో ప్రజలు, ఉద్యోగులు, రిటైర్డ్ ఉద్యోగులు, కాంట్రాక్ట్ కార్మికులు, మద్దతుదారులు చూపిన ఆదరణ, ప్రేమ తనకు ఎంతో స్ఫూర్తినిచ్చాయన్నారు. ఎన్నికల్లో విజయం సాధించలేకపోయినా, విశాఖ ప్రజల మనసుల్లో ప్రత్యేక స్థానాన్ని సంపాదించుకున్నామని గర్వంగా చెబుతున్నానన్నారు. తమపై నమ్మకంతో ఓటేసిన సుమారు 3.40 లక్షల మంది ప్రజలకు కృతజ్ఞతలు తెలిపారు. 2029లో వైఎస్సార్సీపీ జెండా ఎగరేయడమే లక్ష్యం ఎమ్మెల్సీగా, మహిళా విభాగం అధ్యక్షురాలిగా నిరంతరం ప్రజాక్షేత్రంలోనే ఉంటానని, గెలుపోటములతో సంబంధం లేకుండా ఎప్పుడూ ప్రజల్లోనే ఉంటూ ప్రజా సమస్యలపై పోరాడతానని స్పష్టం చేశారు. ఎమ్మెల్సీగా, వైఎస్సార్సీపీ మహిళా విభాగం అధ్యక్షురాలిగా ప్రజల హక్కుల కోసం, ముఖ్యంగా మహిళలపై జరిగే అఘాయిత్యాలు, అరాచకాలపై ప్రభుత్వాన్ని ఎప్పటికప్పుడు నిలదీస్తానని వెల్లడించారు. 2029 ఎన్నికల్లో విశాఖపట్నంలో వైఎస్సార్సీపీ జెండా ఎగరేయడమే లక్ష్యంగా ఈ క్షణం నుంచే అందరం కలిసికట్టుగా పనిచేయాలని పిలుపునిచ్చారు. నూతన మేయర్కు అభినందనలు మేయర్గా విజయం సాధించిన కూటమి అభ్యర్థి ముక్కా శ్రావణికి అభినందనలు తెలిపారు. ప్రజలు ఉంచిన నమ్మకాన్ని వమ్ము చేయకుండా ఇచ్చిన హామీలన్నీ నెరవేర్చాలన్నారు. ముఖ్యంగా విశాఖ ప్రజల కష్టార్జితమైన రూ.1,700 కోట్ల జీవీఎంసీ నిధులను డైవర్ట్ చేశారని, నూతన పాలకవర్గం తమ అధికారాన్ని ఉపయోగించి ఆ నిధులను తిరిగి జీవీఎంసీకి రప్పించి నగరంలో మౌలిక వసతులు కల్పించాలని సూచించారు. ఇదీ చదవండి: చంద్రగిరిలో రిగ్గింగ్కు ఎమ్మెల్యే పులివర్తి నాని కుట్ర -
జనసేనకు ఘోర పరాభవం
నంద్యాల(అర్బన్): నంద్యాల మునిసిపల్ ఎన్నికల్లో జనసేన పార్టీకి ఘోర పరాభవం ఎదురైంది. బలిజ సామాజిక వర్గంతో పాటు ఇతర వర్గాలు తమ పార్టీ వెంట ఉన్నాయంటూ పార్టీ అధ్యక్షుడు పవన్కళ్యాణ్ చెబుతున్న గొప్పలు నంద్యాల మునిసిపాలిటీలో పారలేదు. మొత్తం 52 వార్డుల్లో ఏడు వార్డుల్లో జనసేన అభ్యర్థులు కేటాయించాలని కోరగా కేవలం రెండు స్థానాలు ఇచ్చారు. పోటీ చేసి 17వ వార్డులో రాచమడుగు లక్ష్మిదేవి, 41వ వార్డులో పిడతల సుధాకర్ ఓటమి పాలయ్యారు.వైఎస్సార్సీపీ అభ్యర్థి గెలిస్తే టీడీపీకి అనుకూలంగా ప్రకటన డోన్: పట్టణంలోని 7వ వార్డు వైఎస్సార్సీపీ అభ్యర్థి రుక్సానా టీడీపీకి చెందిన సమీప ప్రత్యర్థి పఠాన్ ఖైరున్నీసాపై మూడు ఓట్లతో గెలిచినట్లు మొదట రిటర్నింగ్ అధికారులు ప్రకటించారు. తిరిగి గంట తర్వాత రీకౌంటింగ్ జరిపి ఇదే ప్రకటన చేశారు. ఈ మేరకు ఎన్నికల కౌంటింగ్ అధికారి సంతకం కూడా చేశారు. అయితే గంట తర్వాత బయట ఉన్న డిస్ప్లేపై టీడీపీ అభ్యర్థి విజయం సాధించినట్లు ప్రకటించారు. ఈ విషయమై బుధవారం వైఎస్సార్సీపీ అభ్యర్థి రుక్సానా విలేకరులతో మాట్లాడారు. తనకు 451 ఓట్లు రాగా తన ప్రత్యర్థికి 448 ఓట్లు మాత్రమే వచ్చాయన్నారు. ఈ విషయంపై తాను న్యాయవాదులతో రిటర్నింగ్ అధికారిని కలిసేందుకు ప్రయతి్నస్తే ఆయన మొత్తం ఎన్నికల ఫలితాలు వెల్లడైన అనంతరమే రీకౌంటింగ్ చేస్తామని చెప్పారన్నారు. అధికార పార్టీ ఒత్తిళ్లకు తలొగ్గి రీకౌంటింగ్ నిర్వహించకుండా తనకు అన్యాయం చేశారని ఆమె విలపించారు. ఈ ఫలితంపై న్యాయం కోసం హైకోర్టును ఆశ్రయిస్తునట్లు తెలిపారు.ఇదీ చదవండి: పులివెందులలో టీడీపీ నేతల గూండాగిరి -
అంతులేని పరిటాల అరాచకాలు
శ్రీసత్యసాయి జిల్లా: రాప్తాడు నియోజకవర్గంలో జరుగుతున్న వరుస సంఘటనలు పచ్చ గూండాల వికృత చేష్టలకు ఉదాహరణగా నిలుస్తున్నాయి. తమకెవరూ పోటీ ఉండకూడదు.. తమకెవరూ పోటీరాకూడదు.. తమకెవరూ పోటీ కాదు అనే దృఢ నిశ్చయంతో పరిటాల అండ చూసుకొని పచ్చ నేతలు రెచ్చిపోతున్నారు. ప్రజాస్వామ్యంలో ఉన్నామా లేక నియంతృత్వ పాలనలో ఉన్నామా అనే భావనను కలిగించే విధంగా ప్రజలను భయభ్రాంతులకు గురిచేస్తున్నారు. రాష్ట్రంలో చంద్రబాబు ప్రభుత్వం కొలువుదీరిన మరుక్షణం నుంచి రాప్తాడు రక్తమోడుతూనే ఉంది. నియోజకవర్గ వ్యాప్తంగా ఏదో ఒక ప్రాంతంలో వైఎస్సార్సీపీ వర్గీయులపై భౌతిక దాడులు, ఇళ్లు, వాహనాలపై రాళ్ల దాడులు, పొలాలను లాక్కోవడం వంటి పరిణామాలను చూస్తుంటే ఇక్కడ ఎప్పుడు ఏం జరుగుతుందో తెలియక ప్రజలు ఆందోళన చెందుతున్నారు. ఉమ్మడిజిల్లాలో ఎక్కడాలేని విధంగా ఒక్క రాప్తాడులో వరుస సంఘటనలు జరుగుతున్నా కేసులు మాత్రం నామమాత్రంగా ఉండడంతో పోలీస్ అధికారులు ఏం చేస్తున్నారనే విమర్శలున్నాయి. ఈ క్రమంలో స్థానిక సంస్థల ఎన్నికలు సజావుగా జరుగుతాయా అనే అనుమానాలు వ్యక్తమవుతున్నాయి. ఓటింగ్ సక్రమంగా జరిగేనా? పరిషత్ ఎన్నికల్లో భాగంగా గురువారం జరిగే ఎంపీటీసీ, జెడ్పీటీసీల ఓటింగ్ ప్రక్రియ సజావుగా జరిగేనా అన్న అనుమానాలు వ్యక్తమవుతున్నాయి. ప్రజాస్వామ్యంలో ఎవరి పారీ్టకి వారు మద్దతు పలుకుతూ, ఓటు వేసుకోవచ్చని అయితే గురువారం జరిగే ఈ ప్రక్రియలో ఎలాంటి అవాంఛనీయ సంఘటనలు జరగకుండా చూడాలని ప్రజలు దేవున్ని ప్రారి్థస్తున్నారు.నామినేషన్లలో అరాచకం.. ఎంపీటీసీ, జెడ్పీటీసీ ఎన్నికల వేళ నామినేషన్లు వేయడానికి వస్తున్న వైఎస్సార్సీపీ వర్గీయులను రెండు రోజులు నామినేషన్లు వేయనీకుండా రాప్తాడు, రామగిరి, కనగానపల్లి, ఆత్మకూరు, చెన్నేకొత్తపల్లి, అనంతపురం రూరల్ మండలాల్లో పచ్చనేతలు అడ్డుకొన్న సంగతి తెలిసిందే. నామినేషన్ వేయడానికి వస్తున్న అభ్యర్థులపై రాళ్ల దాడులు చేయడం, అలాగే మహిళలు అని కూడా చూడకుండా నామినేషన్ పత్రాలను వారి వద్ద నుంచి బలవంతంగా లాక్కోవడం వంటి సంఘటనలు చోటు చేసుకున్నాయి. నియోజకవర్గ వ్యాప్తంగా ఒక్క నామినేషన్ పడకూడదనే పరిటాల ఆదేశాలతో అన్ని స్థానాలను ఏకగ్రీవం చేయాలని పచ్చనేతలు కుట్రలు పన్నారు. చివరకు ఎన్నికల కమిషన్ దృష్టికి వైఎస్సార్సీపీ నేతలు తీసుకెళ్లడంతో మూడోరోజున పోలీసుల భద్రతతో వైఎస్సార్సీపీ నేతలు అడపాదడపా నామినేషన్ పత్రాలను దాఖలు చేయాల్సి వచ్చింది. గతంలో రామగిరిలో పది ఎంపీటీసీ స్థానాలకు గాను తొమ్మిది స్థానాలను వైఎస్సార్సీపీ కైవసం చేసుకుంది. కానీ రాష్ట్రంలో చంద్రబాబు ప్రభుత్వం అధికారంలోకి వచ్చాక ఎంపీటీసీలను కిడ్నాప్ చేసి చివరకు వారిని ప్రలోభాలు, భయభ్రాంతులకు గురిచేస్తూ ఒక్క ఎంపీటీసీతోనే ఎంపీపీ పీఠాన్ని టీడీపీ కైవసం చేసుకుంది. ప్రస్తుతం గ్రామాల్లో ప్రజలు తీవ్ర ఇబ్బందులు పడుతూ చివరకు సొంత గ్రామాలను సైతం వదలి ఇతర ప్రాంతాలకు వలసలు వెళ్తున్నారు. రక్తపాతం వదలి నియోజకవర్గంలోని అన్ని చెరువులకు సాగు నీరందిస్తే తాము పంటలను సాగుచేసుకుంటూ కుటుంబపోషణ చేసుకుంటామని ప్రజలు కోరుతున్నారు. కానీ పరిటాల అరాచకాలతో ఆ పరిస్థితులు మచ్చుకైనా కనిపించడం లేదు. -
నాణ్యతలేని ఆహారం పెడతారా?
శ్రీసత్యసాయి జిల్లా: ఎన్నికల విధులకు వచ్చిన మండలానికి అధికారులకు నాణ్యత లేని ఆహారం వడ్డించడంతో వారు ఆగ్రహం వ్యక్తం చేశారు. గురువారం మండలంలో జరిగే ప్రాదేశిక ఎన్నికల పోలింగ్కు సంబంధించి వివిధ నియోజకవర్గాల నుంచి అధికారులు వచ్చారు. ఈ సందర్భంగా వారికి బుధవారం మండలాధికారులు మధ్యాహ్నం రెండు గంటలైనా భోజనం వడ్డించలేదు. అనంతరం ఎన్నికల సిబ్బంది కోసం తెచ్చిన భోజనంలో అన్నం సరిగా ఉడకలేదని, సాంబారు నీళ్లగా ఉందని తాము ఇలాంటి ఆహారం ఎలా తినాలని ఎన్నికల అధికారులను నిలదీశారు. ఎన్నికల సిబ్బంది భోజనం సౌకర్యం కోసం ప్రభుత్వం నుంచి వచ్చిన నిధులతో ఇలాంటి ఆహారం వడ్డిస్తారా? ఇది తింటే తమ ఆరోగ్యం ఏమికాను అని అధికారులను సిబ్బంది ప్రశ్నించారు. అదే విధంగా కడుపు నింపుకోవడానికి ప్లేట్లు పట్టుకొని క్యూలో నిల్చోవాల్సిన దుస్థితి ఉండడంపై ఆవేదన వ్యక్తం చేశారు. కాగా ఎన్నికల కోసం వచ్చిన సిబ్బందికి సరిపడా ఆహారం పెట్టకపోవడంతో కొందరు బయట హోటళ్లకు వెళ్లినట్టు తెలుస్తోంది. ఇలాంటి పరిస్థితి పునరావృతం కాకుండా చూడాలని మండల ఎన్నికల అధికారులను ఉపాధ్యాయ సిబ్బంది కోరారు. ఈ సందర్భంగా ఎంపీడీఓ మాట్లాడుతూ ప్రతి ఒక్కరికీ భోజనం ఖర్చులకు డబ్బులను అందిస్తామని హామీ ఇవ్వడ్డంతో గొడవ సద్దుమణిగింది. అన్నం సరిగా లేదని అధికారులతో వాగ్వాదం చేస్తున్న సిబ్బంది -
ఓటు వేయకుండా విధులు
అనంతపురం ఎడ్యుకేషన్/కళ్యాణదుర్గం రూరల్: ఎన్నికల విధుల పేరుతో సచివాలయ ఉద్యోగులు తమ ఓటు హక్కును వినియోగించుకోలేని పరిస్థితి కల్పిస్తున్నారనే విమర్శలు వ్యక్తమవుతున్నాయి. ఎంపీటీసీ, జెడ్పీటీసీ ఎన్నికల పోలింగ్కు ముందు రోజు రాత్రి హడావుడిగా ‘ఎన్నికల విధుల’ ఉత్తర్వులు జారీ చేయడం ఉద్యోగుల్లో అసంతృప్తికి కారణమవుతోంది. పోలింగ్ జరిగే ప్రతి కేంద్రంలో క్యూలైన్ నిర్వహణ కోసం ఒక్కో సచివాలయ ఉద్యోగిని నియమిస్తూ అనంతపురం రూరల్ ఎంపీడీఓ దివాకర్ బుధవారం రాత్రి ఆదేశాలు జారీ చేశారు. మరుసటి రోజు ఉదయం 6 గంటలకే కేటాయించిన పోలింగ్ కేంద్రాలకు చేరుకుని విధులు నిర్వహించాలని సూచించారు. జిల్లా వ్యాప్తంగా ఇదే పరిస్థితి నెలకొంది. మున్సిపల్ కార్పొరేషన్ ఎన్నికల సమయంలోనూ పోలింగ్కు ముందు రోజు సాయంత్రం వాట్సాప్ గ్రూపుల్లో విధుల ఉత్తర్వులు పంపారని ఉద్యోగులు గుర్తుచేస్తున్నారు. ఇటీవల నిర్వహించిన సమ్మెలో పాల్గొన్నారనే ఉద్దేశంతోనే తమపై ఇలా కక్ష కట్టి వ్యవహరిస్తున్నారనే అనుమానాలను కొందరు ఉద్యోగులు వ్యక్తం చేస్తున్నారు. ఎన్నికల నిర్వహణలో సిబ్బంది సేవలు అవసరమే అయినప్పటికీ, విధుల కేటాయింపులో ముందస్తు సమాచారం ఇవ్వడం, ఉద్యోగులు తమ ఓటు హక్కును వినియోగించుకునేలా ప్రత్యామ్నాయ ఏర్పాట్లు చేయడం అధికారుల బాధ్యత అని ఉద్యోగులు గుర్తు చేస్తున్నారు. -
జీవీఎంసీ ఎన్నికల్లో మొల్లి లక్ష్మి హ్యాట్రిక్ విజయం..
విశాఖపట్నం: జీవీఎంసీ ఎన్నికల్లో వైఎస్సార్సీపీ 19వ వార్డు అభ్యర్థి మొల్లి లక్ష్మి హ్యాట్రిక్ విజయం సాధించారు. 2007, 2023, 2026లో జరిగిన జీవీఎంసీ ఎన్నికల్లో వరుసగా మూడుసార్లు గెలిచి ఈ రికార్డును సొంతం చేసుకున్నారు. తాజాగా జరిగిన ఎన్నికల్లో సమీప టీడీపీ అభ్యర్థి గుడ్ల విజయసాయిపై 98 ఓట్ల మెజారిటీతో విజయం సాధించారు. దీంతో వరుసగా మూడోసారి విజయం సాధించిన ఘనత దక్కించుకున్నారు. మొల్లి లక్ష్మి తొలిసారిగా 2007 జీవీఎంసీ ఎన్నికల్లో టీడీపీ అభ్యర్థిగా పోటీ చేశారు. ఆ ఎన్నికల్లో సమీప కాంగ్రెస్ అభ్యర్థిపై 850 ఓట్ల మెజారిటీతో విజయం సాధించారు. అనంతరం 2023లో జరిగిన జీవీఎంసీ ఎన్నికల్లో వైఎస్సార్సీపీ అభ్యర్థిగా బరిలోకి దిగి టీడీపీ అభ్యర్థిపై 1,250 ఓట్ల ఆధిక్యంతో గెలుపొందారు. తాజాగా 2026 ఎన్నికల్లోనూ విజయం సాధించి వరుసగా మూడు జీవీఎంసీ ఎన్నికల్లో గెలిచిన రికార్డును నమోదు చేశారు. మొల్లి లక్ష్మికి అభినందనలు జీవీఎంసీ ఎన్నికల్లో 19వ వార్డు నుంచి మొల్లి లక్ష్మి అప్పారావు విజయం సాధించిన సందర్భంగా వైఎస్సార్సీపీ నాయకులు, కార్యకర్తలు ఆమెకు పూలమాలలు వేసి శుభాకాంక్షలు తెలిపారు. వరుసగా మూడు సార్లు విజయం సాధించి హ్యాట్రిక్ సాధించడంపై అభినందనలు వ్యక్తం చేశారు. కార్యక్రమంలో 18వ వార్డు అధ్యక్షుడు కణితి మరియుదాస్, ఉపాధ్యక్షుడు బుగత యేసురత్నం, మహిళా అధ్యక్షురాలు అర్జీ వెంకట్ లక్ష్మి, బీసీ సెల్ అధ్యక్షుడు వేగి వెంకట్రావు, ముస్లిం మైనారిటీ అధ్యక్షుడు మహమ్మద్ కరిముల్లా, వార్డు స్టూడెంట్ వింగ్ అర్జీ తరుణ్, వార్డు కార్యదర్శి కాళ్లపులి రాజు, వార్డు సీనియర్ నాయకులు గొటివాడ నారాయణరావు తదితరులు పాల్గొన్నారు. -
పెళ్లిరోజే విజయం.. భర్తకు అంకితం
సింహాచలం(విశాఖపట్నం): జీవీఎంసీ 119వ వార్డు నుంచి వైఎస్సార్సీపీ తరఫున కార్పొరేటర్గా దాసరి అన్నపూర్ణ తన పెళ్లి రోజునాడే ఘన విజయం సాధించి, తన భర్త దివంగత దాసరి రాజుకు ఈ విజయాన్ని అంకితం చేశారు. మంగళవారం వెల్లడైన ఫలితాల్లో దాసరి అన్నపూర్ణ తన సమీప ప్రత్యర్థి, స్వతంత్ర అభ్యర్థి రాపర్తి త్రివేణి వరప్రసాదరావుపై 586 ఓట్లమెజార్టీతో గెలుపొందారు. వార్డులో మొత్తం 8,353 ఓట్లు పోలవగా, 8,088 ఓట్లు చెల్లుబాటయ్యాయి. 216 చెల్లని ఓట్లు, 49 నోటాకు వచ్చాయి. ఇందులో అన్నపూర్ణకు అన్నపూర్ణకు 2,918 ఓట్లు రాగా, రాపర్తికి 2,332 ఓట్లు వచ్చాయి. మూడో స్థానంలో కూటమి తరఫున బీజేపీ అభ్యర్థి గొర్లె రామునాయుడుకు 2,270 ఓట్లు వచ్చాయి. పెళ్లిరోజు నాడే కార్పొరేటర్గా గెలుపు దాసరి అన్నపూర్ణ పెళ్లిరోజు మంగళవారమే కావడం... ఇదేరోజు కార్పొరేటర్గా గెలుపొందడం విశేషం. అన్నపూర్ణ భర్త దివంగత దాసరి రాజు ఆది నుంచీ వైఎస్సార్సీపీ అభిమాని. అప్పటి 93వ వార్డు(ప్రస్తుత 119 వార్డు) నుంచి వైఎస్సార్సీపీ అధ్యక్షుడిగా పనిచేశారు. 2021 జీవీఎంసీ ఎన్నికల్లో వైఎస్సార్సీపీ నుంచి పోటీ చేసి స్వల్ప ఓట్ల తేడాతో ఓటమిపాలయ్యారు. 2023లో గుండెపోటుతో అకాల మరణం చెందారు. వార్డుల పునర్విభజనలో అప్పటి 93వ వార్డు ఇప్పుడు 119గా ఆవిర్భవించింది. దివంగత దాసరి రాజు భార్య దాసరి అన్నపూర్ణకే వైఎస్సార్సీపీ కార్పొరేటర్ అభ్యర్థిగా పార్టీ అధిష్టానం నిలబెట్టింది. పార్టీ ఇచ్చిన ఈ అవకాశాన్ని వమ్ము చేయకుండా అందరి మన్ననలతో దాసరి అన్నపూర్ణ విజేతగా నిలిచారు. -
కేంద్ర మంత్రికి మార్కండేయులు షాక్
నరసాపురం(ఏలూరు): ప్రజల్లో ఆదరణ, ప్రజాసేవలో నిబద్ధత ఉంటే.. అధికారం, ధన ప్రవాహం ఏమీ పనిచేయవని నిరూపించారు నరసాపురం మున్సిపాలిటీలో 6వ వార్డు నుంచి వైఎస్సార్సీపీ తరఫున పోటీ చేసిన పతివాడ మార్కండేయులు. బీజేపీ అభ్యర్థి, న్యాయవాది మోచర్ల సత్యకృష్ణపై 222 ఓట్ల మెజార్టీతో గెలుపొందారు.గతంలో 2005లో నరసాపురం మున్సిపల్ చైర్మన్ స్థానాన్ని పొత్తుల్లో భాగంగా బీజేపీ చేజిక్కుంచుకుని గెలుపొందింది. ఆ తర్వాత పట్టణంలో కనీసం వార్డు కౌన్సిలర్గా కూడా ఆ పార్టీ నుంచి ప్రాతినిధ్యం లేదు. అయితే ఈసారి ఎలాగైనా బీజేపీ అభ్యర్థిని కౌన్సిల్కు పంపాలని కేంద్రమంత్రి శ్రీనివాసవర్మ కంకణం కట్టుకున్నారు. దీంతో మార్కండేయులను ఓడించి బీజేపీకి పట్టం కట్టాలని స్వయంగా కేంద్రమంత్రి వర్మ వార్డులో ఇంటింటా ప్రచారం చేశారు. అయితే మార్కండేయులకు వార్డు ప్రజలతో ఉన్న సంబంధాలు, చేసిన సేవల ముందు కేంద్ర మంత్రి ప్రయత్నాలు ఫలించలేదు. అండ బలం, అర్థ బలం ఆయన గెలుపును ఆపలేకపోయాయి. గత కౌన్సిల్లో మార్కండేయులు సతీమణి పద్మ వైఎస్సార్సీపీ కౌన్సిలర్గా పనిచేశారు. ఇప్పుడు మార్కండేయులు గెలుపు పట్టణంలో హాట్ టాఫిక్గా మారింది. ఇదీ చదవండి: ‘వరద’ లేఖపై రాజకీయ దుమారం -
ఆ ఇద్దరు.. పోరాటయోధులు
సాక్షి ప్రతినిధి, కడప: కూటమి కుట్రలను చీల్చుకుంటూ.... అధికారుల ఆంక్షల సంకెళ్లను తెంచుకుంటూ ఆ ఇద్దరు బరిలో నిలిచారు.. పచ్చ నేతలు సాగిస్తున్న అరాచకాలను.. తమపై కక్షగట్టిన తీరును ప్రజల ముందుంచారు.. ఆశీర్వదించాలని ఓటరు దేవుళ్లను అభ్యర్థించారు. అంతకుముందు నిత్యం ప్రజా సేవలో తరించారు..ఇంకేముంది ప్రజా తీర్పు ముందు కూటమి కుట్ర ఓడిపోయింది. నిజమైన ప్రజా విజయం వారి ముంగిటకొచ్చి వాలింది. కడప కార్పొరేషన్ఎన్నికల్లో అన్ని అడ్డంకులు ఎదుర్కొని విజయం సాధించి పోరాటయోధులుగా నిలిచారు. వారే దేవి రెడ్డి ఆదిత్య, జమీల్. 33వ డివిజన్లో దేవిరెడ్డి ఆదిత్య భార్య సంధ్యారాణి, 46వ డివిజన్లో జమీల్ను స్థానిక డివిజన్ ప్రజలు కార్పొరేటర్లుగా ఆశీర్వదించారు. కాగా వీరి విజయం బాక్స్లో నిశ్చయమై ఉండగా, దాని సైతం తొక్కి పెట్టాలని టీడీపీ నేతలు కుయుక్తులు పన్నారు. కౌంటింగ్ ప్రక్రియను ఏకంగా మూడు గంటల పాటు నిలిపేయడం గమనార్హం. ఎమ్మెల్యే ప్రత్యేక శ్రద్ధ పెట్టినా.. వైఎస్సార్సీపీ నేతలైన జమీల్, ఆదిత్య ఎదుగుదలకు కడప ఎమ్మెల్యే మాధవి రెడ్డి అడుగడుగునా అడ్డుగా నిలిచింది. కూటమి అధికారంలోకి రాగానే కక్షగట్టి ఆదిత్య వాటర్ ప్లాంట్ను మూసే యించింది. అలాగే ఇటీవల నామినేషన్ల సందర్భంగా ఓ ఫోన్ సంభాషణలో ‘జమీల్ను వదిలిపెట్టొద్దు.., నేనున్నా టార్గెట్ చేయండి’ అంటూ నేరుగా మాట్లాడుతున్న విషయం బహిర్గతమైంది. ఆ ఇద్దరిని ఓడించేందుకు విశ్వప్రయత్నం చేశారు. పోలీస్ పవర్ ఉపయోగించుకున్నారు. ప్రజా తీర్పులో అవన్నీ దిగదుడుపేనని స్పష్టమైంది. రెండు డివిజన్లలో.. కడప కార్పొరేషన్ : కడప నగర పాలక సంస్థలోని 66 వార్డులకు ఇదివరకు 52 స్థానాలను కూటమి దౌర్జన్యాలతో ఏకగ్రీవం చేసుకున్న విషయం విది తమే. ఆపై 14 వార్డులకు ఎన్నికలు జరగ్గా 33, 46 డివిజన్లలో పోటీ చేసిన వైఎస్సార్సీపీ అభ్యర్థులు సంధ్యారాణి, జమీల్ విజయం సాధించారు. ఇదీ చదవండి: ఇద్దరు ప్రత్యర్థులను ఢీకొట్టి.. 22 ఏళ్లకే కౌన్సిలర్! -
ఇద్దరు ప్రత్యర్థులను ఢీకొట్టి.. 22 ఏళ్లకే కౌన్సిలర్!
అనంతపురం జిల్లా: ఓ వైపు ఐఏఎస్ కావాలన్న ఆశయం.. మరోవైపు ప్రజాసేవ చేయాలన్న లక్ష్యం.. పుస్తకాల ప్రపంచం నుంచి ప్రజాక్షేత్రంలోకి పరిచయం చేసింది.. సివిల్స్ కలల నుంచి కౌన్సిలర్ పీఠంపై కూర్చోబెట్టింది.. ఉన్నతాధికారి కావాలన్న ఆశయం.. ప్రజా ప్రతినిధిగా విజయాన్ని కానుకగా ఇచ్చింది.. కొలువుపై గురి పెట్టిన ఓ యువకుడు.. ఎన్నికల బరిలో నిలిచి 22 ఏళ్లకే కౌన్సిలర్గా గెలుపొందాడు.. గుంతకల్లు పట్టణంలోని 8వ వార్డుకు చెందిన వైఎస్సార్సీపీ సీనియర్ నాయకుడు కురుబ మహదేవ కుమారుడైన సాయిచరణ్ తేజ 22 ఏళ్లకే కౌన్సిలర్గా గెలుపొందాడు. టీడీపీ, బీజేపీ అభ్యర్థులు బరిలో దిగినా.. 261 ఓట్ల మెజార్టీతో విజయం సాధించాడు. డిగ్రీ పూర్తి చేసిన సాయిచరణ్.. ప్రస్తుతం సివిల్స్ కోచింగ్ తీసుకుంటున్నాడు. వైఎస్సార్సీపీ అధినేత వైఎస్ జగన్మోహన్రెడ్డి స్ఫూర్తితో రాజకీయ రంగ ప్రవేశం చేసిన సాయిచరణ్.. ప్రజలకు సేవలందించి మంచి పేరు తెచ్చుకుంటానని చెప్తున్నారు. -
జైలు నుంచే కామిరెడ్డి పోటీ
తిరుపతి: కూటమి నాయకుల దుర్మార్గాలను నిలదీస్తున్నందుకు అక్రమ కేసులు పెట్టి వైఎస్సార్ కాంగ్రెస్ పార్టీ రాష్ట్ర కార్యదర్శి కామిరెడ్డి సత్యనారాయణరెడ్డిని నెల్లూరులోని జిల్లా కేంద్ర కారాగారంలో నిర్బంధించారు. అయినప్పటికీ ఆయన వెనక్కి తగ్గలేదు. అక్కడి నుంచే నామినేషన్ వేసి పెళ్లకూరు జెడ్పీటీసీ ఎన్నికల బరిలో నిలిచారు. దాంతో ఆయన భార్య కామిరెడ్డి ప్రభావతమ్మ, కుమార్తె కామిరెడ్డి రజిని స్థానిక నాయకులతో కలిసి గత మూడు రోజులుగా విస్త్రృతంగా ఎన్నికల ప్రచారం చేశారు. ఒక పక్క వర్షం, మరో పక్క కామిరెడ్డి జైల్లో ఉన్నాడనే దిగులు... ఏదిఏమైనప్పటికీ అధైర్య పడకుండా గెలుపే లక్ష్యంగా ఇంటింటికీ వెళ్లి కరపత్రాలు అందించారు. వైఎస్సార్ కాంగ్రెస్ పార్టీ తరఫున జెడ్పీటీసీగా పోటీ చేస్తున్న సత్యనారాయణరెడ్డితో పాటు పాలచ్చూరు, కలవకూరు ఎంపీటీసీ స్థానాలకు పోటీలో ఉన్న పాలూరు రత్నమ్మ, బండి బాలచంద్రను గెలిపించాలని ఓటర్లకు విజ్ఞప్తి చేశారు. గడిచిన నలభైయేళ్లు రాజకీయ ప్రస్థానంలో ఎన్నడూలేని విధంగా కూటమి ప్రభుత్వంలో నాయకులంతా రౌడీలుగా వ్యవహరిస్తున్నారని ఆరోపించారు. ప్రజాస్వామ్యంలో ఎన్నికల నిబంధనలను అమలు చేయాల్సిన పోలీసులు కూటమి రౌడీలకు వత్తాసుగా పలకడం అన్యాయమన్నారు. అధికారాన్ని అడ్డంపెట్టుకొని కూటమి నాయకులు చేస్తున్న దౌర్జన్యాలకు వైఎస్సార్ కాంగ్రెస్ పార్టీ నాయకులు, కార్యకర్తలు భయపడొద్దని పిలుపునిచ్చారు. ప్రతి ఒక్కరూ ధైర్యంగా ఓటుహక్కు సద్వినియోగం చేసుకోవాలని ఓటర్లు విజ్ఞప్తి చేశారు. ఇదీ చదవండి: ఒక్క ఓటుతో విజయం -
స్వతంత్ర అభ్యర్థికి ఒక్క ఓటు
అనకాపల్లి: యలమంచిలి పురపోరు ఓట్ల లెక్కింపులో పలు విచిత్రాలు చోటుచేసుకున్నాయి. 7వ వార్డులో స్వతంత్ర అభ్యర్థిగా పోటీ చేసిన మళ్ల రామకృష్ణకు ఒకే ఒక్క ఓటు రావడం ఆశ్చర్యాన్ని కలిగించింది.ఇతను ఏసీ గుర్తుతో పోటీ చేశారు. కాగా అతనికి వచ్చిన ఓటు అతను వేసుకున్నదా లేక వేరెవరైనా వేశారా అన్నది చర్చనీయాంశమైంది. ముఖ్యంగా అభ్యర్థి కుటుంబసభ్యులు, బంధువులైనా కనీసం అతనికి ఓట్లు వేయకపోవడం విశేషం. ఈ వార్డులో నోటాకు 6, కాంగ్రెస్ పార్టీ అభ్యర్థికి 6, చెల్లని ఓట్లు 21గా లెక్కతేలాయి. 13వ వార్డులో స్వతంత్ర అభ్యర్థి కోన వరలక్ష్మికి 8 ఓట్లు మాత్రమే పడ్డాయి. 18వ వార్డులో స్వతంత్ర అభ్యర్థికి 13 ఓట్లు, 21వ వార్డులో స్వతంత్ర అభ్యర్థికి 9 ఓట్లు వచ్చాయి. స్వల్ప మెజార్టీలు ఇవే.. మున్సిపల్ ఎన్నికల ఫలితాల్లో నలుగురు అభ్యర్థులు స్వల్ప మెజార్టీతో గట్టెక్కారు. 29వ వార్డులో వైఎస్సార్సీపీ అభ్యర్థి ఒమ్మి జగదీష్ జనసేన అభ్యర్థి పల్లా సత్యనారాయణపై 13 ఓట్ల తేడాతో గెలుపొందారు. 32 వ వార్డులో జనసేన అభ్యర్థి బజవాడ పుష్ప వెంకటమణి 16 ఓట్ల తేడాతో గట్టెక్కారు. 28వ వార్డులో వైఎస్సార్సీపీ అభ్యర్థి కోడిగుడ్డు రాజేశ్వరి 20 ఓట్ల స్వల్ప మెజార్టీతో ఎన్నికయ్యారు.11వ వార్డులో టీడీపీ అభ్యర్థి దేవ నాగమణి 27 ఓట్ల మెజార్టీతో, 20వ వార్డులో కట్టమూరు సుజాత 30 ఓట్ల తేడాతో స్వల్ప మెజార్టీలతో విజయం సాధించారు. స్వల్ప మెజార్టీలతో గెలుపొందిన వారు హమ్మయ్య అనుకున్నారు. ఇదీ చదవండి: ఒక్క ఓటుతో విజయం -
‘వరద’ లేఖపై రాజకీయ దుమారం
ప్రొద్దుటూరు మున్సిపల్ చైర్మన్ పీఠం కేటాయింపు వ్యవహారం.. ఇప్పుడు స్థానిక రాజకీయాల్లో తీవ్ర దుమారం రేపుతోంది. మున్సిపల్ చైర్మన్ సీటును జనరల్ కేటగిరికి కేటాయించే విషయాన్ని సానుకూలంగా పరిశీలించాలంటూ.. అధికార పార్టీ ఎమ్మెల్యే నంద్యాల వరదరాజులరెడ్డి మంత్రికి రాసిన లేఖ క్షేత్రస్థాయిలో తీవ్ర కలకలం సృష్టించింది. ఈ లేఖపై నియోజకవర్గంలోని బీసీ వర్గాలు ఆగ్రహం వ్యక్తం చేస్తున్నాయి. అన్నమయ్య జిల్లా: ప్రొద్దుటూరు మున్సిపల్ చైర్మన్ సీటును జనరల్ కేటగిరికి కేటాయించే విషయాన్ని సానుకూలంగా పరిశీలించాలని అధికార పార్టీ ఎమ్మెల్యే నంద్యాల వరదరాజులరెడ్డి మంత్రికి రాసిన లేఖతో బీసీలు సర్వత్రా విస్మయం వ్యక్తం చేస్తున్నారు. తమకు పరిపాలించే అర్హత లేదా అని బీసీ వర్గాలకు చెందిన వారు మండిపడుతున్నారు. జిల్లాలో కడప తర్వాత ప్రొద్దుటూరు స్పెషల్ గ్రేడ్ మున్సిపాలిటీగా ఉంది. ఇక్కడ ప్రముఖంగా చేనేత వర్గానికి చెందిన పద్మశాలీయులు, తొగటవీరక్షత్రియలు, దేవాంగులు ఉన్నారు. వీరితోపాటు ముస్లిం మైనారిటీలు, యాదవ సామాజిక వర్గంతోపాటు పలు వెనుకబడిన కులాల వారు ఉన్నారు. ఈ ప్రకారం మున్సిపాలిటీ పరిధిలో 1,37,203 ఓట్లు ఉండగా.. వీరిలో దాదాపు సగం మంది బీసీ ఓటర్లు ఉన్నారు. వీరిలోనే అనేక రకాల పదవుల్లో కొనసాగుతున్న నాయకులు ఉన్నారు. మున్సిపల్ ఎన్నికల నోటిఫికేషన్ కంటే ముందుగానే మున్సిపల్ చైర్మన్ పదవి బీసీలకే వస్తుందని కొందరు, బీసీలకే ఇవ్వాలని మరికొందరు డిమాండ్ చేశారు. చైర్మన్ ఎన్నికకు సంబంధించి ప్రత్యక్షంగా ఎన్నికలు జరగడంతో.. రిజర్వేషన్ ప్రక్రియ కొత్తగా మొదలవుతుందని, ఈ ప్రకారం తమ జనాభాను బట్టి బీసీలకే మున్సిపల్ చైర్మన్ పదవి రిజర్వు అవుతుందని ఆశపడ్డారు. అయితే చివరికి టీడీపీ అధిష్టానం ప్రకటించిన జాబితాలో మున్సిపల్ చైర్మన్ పదవిని ఎమ్మెల్యే వరదరాజులరెడ్డి సోదరుడు నంద్యాల రాఘవరెడ్డి ఉండటంతో అందరి ఆశలు పటాపంచలయ్యాయి. దీని వెనుక ఎమ్మెల్యే సిఫారస్సు ఉందనే విషయం సమాజానికి తెలియదు. మున్సిపల్ శాఖ మంత్రి పొంగూరు నారాయణకు ఎమ్మెల్యే వరదరాజులరెడ్డి రాసిన లేఖను మాజీ ఎమ్మెల్యే రాచమల్లు శివప్రసాదరెడ్డి బయట పెట్టడం సంచలనంగా మారింది. పైగా సమర్థవంతమైన నాయకత్వానికి, ఎన్నికల్లో విజయవంతమైన ఫలితాలకు జనరల్ కేటగిరి అభ్యర్థి అయితే అనుకూలంగా ఉంటుందని లేఖలో రాయడం కొసమెరుపు.మంత్రి నారాయణకు ఎమ్మెల్యే నంద్యాల వరదరాజులరెడ్డి రాసిన లేఖ బీసీలకు అర్హత లేదా.. మున్సిపల్ చైర్మన్గా పరిపాలించే అర్హత బీసీలకు లేదా? సీనియర్ ఎమ్మెల్యే అయిన వరదరాజులరెడ్డి ఏ విధంగా లేఖ రాశారు. బీసీలపై ఆయనకు ఉన్న ప్రేమ ఇదేనా? సీఎం చంద్రబాబు సైతం ప్రొద్దుటూరును బీసీలకే కేటాయించకపోవడం దారుణం. – భీమునిపల్లి లక్ష్మీదేవి, మున్సిపల్ మాజీ చైర్మన్, ప్రొద్దుటూరుబీసీలకు అన్యాయం చేశారు ప్రొద్దుటూరు మున్సిపాలిటీలో ప్రధానంగా బీసీ వర్గాలే ఎక్కువగా ఉన్నాయి. రాజకీయంగా చైతన్యవంతులు, మేధావులు ఉన్నారు. ఇవేమి చూడకుండా ఎమ్మెల్యే వరదరాజులరెడ్డి తన సోదరుడి కోసం చైర్మన్ పదవిని తెచ్చుకుని బీసీలకు అన్యాయం చేశారు. వైఎస్సార్సీపీ ప్రభుత్వంలో బీసీలకు పెద్దపీట వేశారు. – శేఖర్యాదవ్, మాజీ ఎంపీపీ, ప్రొద్దుటూరు మండలం. -
ఒక్క ఓటుతో విజయం
శ్రీసత్యసాయి జిల్లా: స్థానిక సంస్థల ఎన్నికల్లో అధికారం అండతో దౌర్జన్యకాండ సాగించిన కూటమి నేతలు...చివరకు ప్రజల మద్దతుతో విజయం సాధించినా...అడ్డుకునే ప్రయత్నం చేశారు. రీకౌంటింగ్ పేరుతో తారుమారు చేయాలనుకున్నారు. అయినా ఒక్క ఓటుతో వైఎస్సార్సీపీ అభ్యర్థి విజయం సాధించారు. తొలుత 10, ఆతర్వాత 6, మూడోసారి ఒక్కఓటు స్థానిక ప్రభుత్వ మహిళా పాలిటెక్నిక్ కళాశాలలో ఏర్పాటు చేసిన కౌంటింగ్ కేంద్రంలో మంగళవారం ఉదయం ఓట్ల లెక్కింపు ప్రారంభమైంది. ఆది నుంచీ ఎమ్మెల్యే బాలకృష్ణ పీఏలు దౌర్జన్యం చేస్తూ అధికారులును గుప్పిట్లో పెట్టుకుని ఏకపక్షంగా వ్యవహరించారు. ఈ క్రమంలోనే 12వ వార్డు నుంచి వైఎస్సార్సీపీ అభ్యర్థిగా పోటి చేసిన బాబా 10 ఓట్లతో విజయం సాధించారు. దీన్ని జీర్ణించుకోలేని టీడీపీ నాయకులు రీకౌంటింగ్కు పట్టుబట్టారు. దీంతో అధికారులు మరోసారి లెక్కించగా 6 ఓట్లతో బాబా విజయం సాధించారు. అయినా మళ్లీ రీ కౌంటింగ్కు ‘పచ్చ’నేతలు డిమాండ్ చేశారు. మనస్థాపం చెందిన బాబా కౌంటింగ్ కేంద్రంపై నుంచి కిందకు దూకే ప్రయత్నం చేశాడు. పోలీసులు, అక్కడున్నవారు అతడికి నచ్చజెప్పి కిందికి తీసుకువచ్చారు. దీంతో బాబా రోదిస్తూ అక్కడే కూర్చుండిపోయాడు. అధికార పార్టీ నేతల ఒత్తిళ్లకు తలొగ్గిన అధికారులు ఆర్డీఓ ఆనంద్కుమార్, మున్సిపల్ కమిషనర్ మల్లికార్జున సమక్షంలో మరోసారి ఓట్లు లెక్కించగా బాబా ఒక్క ఓటుతో విజయం సాధించారు. దీంతో టీడీపీ నేతలు మరోసారి లెక్కించాలని పట్టుబట్టినా అధికారులు అందుకు సమ్మతించలేదు. చివరకు గెలుపొందిన బాబాకు అధికారులు డిక్లరేషన్ అందజేశారు. ఇదీ చదవండి: టికెట్ ఇచ్చి ఓడించారు.. బాబ్జీ, పంచకర్లకు కృతజ్ఞతలు! -
పొత్తు ధర్మానికి టీడీపీ తూట్లు
విశాఖపట్నం: పరిషత్ ఎన్నికల వేళ ఎన్డీఏ కూటమిలో విభేదాలు బహిర్గతమయ్యాయి. సీట్ల సర్దుబాటులో కుదిరిన ఒప్పందాన్ని టీడీపీ నాయకులు ఉల్లంఘించారంటూ పెందుర్తి ఎమ్మెల్యే, జనసేన పార్టీ ఉమ్మడి విశాఖ జిల్లా అధ్యక్షుడు పంచకర్ల రమేష్బాబు తీవ్ర అసంతృప్తి వ్యక్తం చేశారు. సబ్బవరం మండలంలో మొత్తం 19 ఎంపీటీసీ స్థానాలకు గాను టీడీపీ, జనసేనలకు చెరో 9 స్థానాలు, బీజేపీకి ఒక స్థానం కేటాయించగా, టీడీపీ 13 స్థానాల్లో అభ్యర్థులను నిలబెట్టడం ఏ విధమైన పొత్తు ధర్మమని ఆయన ప్రశ్నించారు. సబ్బవరంలోని జనసేన పార్టీ కార్యాలయంలో మంగళవారం నిర్వహించిన విలేకరుల సమావేశంలో ఆయన మాట్లాడారు. సబ్బవరం, పెందుర్తి, పరవాడ మండలాల్లో టీడీపీ, జనసేన చెరో సగం స్థానాల్లో, బీజేపీ ఒక్కో స్థానంలో పోటీ చేయాలని నిర్ణయించినట్లు తెలిపారు. ఈ మేరకు టీడీపీ ఇన్చార్జి గండి బాబ్జీ, ఆయన తనయుడు వంశీతో చర్చించి సీట్ల సర్దుబాటు చేసుకున్నామన్నారు. ఒకసారి ఏకాభిప్రాయానికి వచ్చాక కూడా టీడీపీ 13 స్థానాల్లో పోటీ చేస్తూ, అదనంగా నాలుగు స్థానాల్లో అభ్యర్థులను నిలబెట్టడం దేనికి సంకేతమని ప్రశ్నించారు. ఈ విషయాన్ని సీఎం చంద్రబాబు, మంత్రి లోకేశ్, టీడీపీ రాష్ట్ర అధ్యక్షుడు పల్లా శ్రీనివాసరావు, జిల్లా అధ్యక్షుడు తాతయ్యబాబు తదితరుల దృష్టికి తీసుకెళ్లినా స్పందన లేదన్నారు. పొత్తు ధర్మాన్ని విస్మరించి కూటమి అభ్యర్థుల మధ్య పోటీ పెట్టడం ద్వారా ఎవరికి లబ్ధి చేకూర్చాలనుకుంటున్నారని ప్రశ్నించారు. ఎంపీపీ అభ్యర్థిగా గండి బాబ్జీ తనయుడు వంశీని నిలబెట్టినప్పటికీ, టీడీపీ అదనపు స్థానాల్లో పోటీ చేయడం ఆయన విజయావకాశాలకే నష్టం కలిగిస్తుందని వ్యాఖ్యానించారు. ఇప్పటికైనా టీడీపీ నాయకత్వం స్పందించి, అదనంగా పోటీ చేస్తున్న స్థానాల్లో అభ్యర్థులను ఉపసంహరించుకోవాలని కోరారు. పొత్తు ధర్మాన్ని విస్మరిస్తే భవిష్యత్తులో తలెత్తే పరిణామాలకు బాధ్యత వహించాల్సి ఉంటుందని పరోక్షంగా గండి బాబ్జీని హెచ్చరించారు. సమావేశంలో జనసేన పార్టీ మండల అధ్యక్షుడు కర్రి కనకరాజు, సీనియర్ నాయకులు బలిరెడ్డి అప్పారావు, రోమాల చంద్రశేఖర్, బంతికోళ్ల పద్మ తదితరులు పాల్గొన్నారు. -
6 ఓట్లు మాయం చేసి.. 5 ఓట్లతో గెలుపు డిక్లేర్ చేసి
సాక్షి, విశాఖపట్నం: జీవీఎంసీ ఎన్నికల్లో గాజువాక జోన్ పరిధి లోని 91వ వార్డు కౌంటింగ్ వివాదాస్పదంగా మారింది. గెలుపోటముల మధ్య కేవలం 5 ఓట్ల తేడాతోపాటు, పోలైన ఓట్లలో 6 ఓట్లు ఏమయ్యాయో లెక్క తేల్చకుండానే.. ఎన్నికల సిబ్బంది, రిటర్నింగ్ అధికారి టీడీపీ అభ్యర్థి గెలుపునకు ఏకపక్షంగా సహకరించారనే ఆరోపణలు వెల్లువెత్తాయి. రీకౌంటింగ్ పేరుతో వైఎస్సార్సీపీ అభ్యర్థిని నమ్మించి, బలవంతంగా సంతకాలు చేయించుకుని టీడీపీ అభ్యర్థిని గెలిచినట్లు హడావుడిగా డిక్లరేషన్ ఫారం ఇవ్వడం కలకలం రేపింది. రీకౌంటింగ్కు అవకాశమున్నా.. : గాజువాక జోన్ 91వ వార్డులో మొత్తం 8,443(8,431 ఓట్లు, పోస్టల్ బ్యాలెట్ ఓట్లు 12) పోలయ్యాయి. కౌంటింగ్లో వైఎస్సార్సీపీ అభ్యర్థి మద్దాల అప్పారావుకు 1,975 ఓట్లు, టీడీపీ అభ్యర్థికి 1980 వచ్చాయి. దీంతో టీడీపీ అభ్యర్థికి 5 ఓట్ల మెజార్టీ వచ్చినట్టయింది. వాస్తవంగా 5 లేదా అంతకంటే తక్కువ ఓట్ల మెజార్టీ ఉన్నప్పుడు సమీప ప్రత్యర్థి రీకౌంటింగ్కు కోరితే.. మళ్లీ లెక్కించాలి. పైపెచ్చు ఇక్కడ మొత్తం పోలైన ఓట్లకు, కౌంటింగ్ చేసిన ఓట్లకు మధ్య కూడా 6 ఓట్ల వ్యత్యాసం ఉంది. అయినప్పటికీ వాటిపై స్పష్టత ఇవ్వకపోగా, వైఎస్సార్సీపీ అభ్యర్థిని రీకౌంటింగ్ పేరిట నమ్మించి, మోసపూరితంగా సంతకాలు చేయించి, కూటమి అభ్యర్థి గెలుపును డిక్లేర్ చేయడం వివాదాస్పదంగా మారింది.ఆ 6 ఓట్లు ఏమయ్యాయి? : టీడీపీ(1,980), వైఎస్సార్సీపీ (1,975)కి వచ్చిన ఓట్లతోపాటు ఇండిపెండెంట్ అభ్యర్థుల్లో తిప్పల వంశీరెడ్డికి 1,880, రెయ్యి రత్నకు 1,319, సనపల దిల్లేశ్వరరావుకు 702, కశిరెడ్డి సత్యనారాయణకు 106, మల్లాది హేమలతకు 27, బొట్ట నరసింహారెడ్డికు 19, పెంటకోట సన్యాసిరావుకు 2 ఓట్లు వచ్చాయి. మిగిలిన ఓట్లలో 375 రిజెక్ట్ ఓట్లు, 52 నోటాకు వచ్చాయి. ఇవన్నీ కలిపితే 8,437 ఓట్లు. మొత్తం పోలైన ఓట్లు(8,443)తో పోలిస్తే 6 ఓట్లు తక్కువ. వైఎస్సార్సీపీ అభ్యర్థి మద్దాల అప్పారావు ‘ఆ 6 ఓట్లు ఏమయ్యాయి?’అని నిలదీసి రీకౌంటింగ్ కోరారు. టీడీపీ ప్రజాప్రతినిధుల నుంచి వచ్చిన తీవ్ర ఒత్తిళ్లతో ఆర్వో, ఎన్నికల సిబ్బంది తెరవెనుక నాటకానికి తెరలేపారు. రీకౌంటింగ్కు అంగీకరిస్తున్నట్లు సంతకం పెట్టమని చెప్పి, దాన్ని కాస్తా ‘టీడీపీ అభ్యర్థి గెలుపును అంగీకరిస్తున్నట్లు’చిత్రీకరించి సంతకం చేయించుకున్నారు. ఆ వెంటనే టీడీపీ అభ్యర్థికి డిక్లరేషన్ ఫారం అందజేసేశారు. ఫిర్యాదు చేసినా పట్టించుకోలేదు..: ఈ అక్రమాలపై బాధిత అభ్యర్థి స్పందించి వెంటనే జిల్లా కలెక్టర్ అభిషిక్త్ కిశోర్కు ఫిర్యాదు చేసినా ఎలాంటి ప్రయోజనం లేకపోయింది. చివరకు సాయంత్రం 4:49 గంటలకు రాష్ట్ర ఎన్నికల అధికారికి సైతం ఫిర్యాదు చేసినప్పటికీ, అక్కడి నుంచి కూడా ఎటువంటి స్పందన రాలేదని వైఎస్సార్సీపీ అభ్యర్థి ఆవేదన వ్యక్తం చేశారు. ప్రజాస్వామ్యాన్ని అపహాస్యం చేస్తూ అధికారులు వ్యవహరించిన తీరుపై సర్వత్రా విమర్శలు వ్యక్తమవుతున్నాయి. అంతేకాకుండా 19వ వార్డులో గెలిచిన వైఎస్సార్సీపీ అభ్యర్థి మొల్లి లక్ష్మి, 59వ వార్డులో అల్లు వెంకట సత్యశ్రీ గెలిచినా రీకౌంటింగ్ పేరిట ఇబ్బంది పెట్టి, అప్పటికీ కుదరకపోవడం వల్లే గెలిచినట్లు ప్రకటించారు. ఇక్కడ అవకాశమున్నా.. అధికారులు ఆ దిశగా కనీస ప్రయత్నం చేయకపోవడంపై ఆరోపణలు వెల్లువెత్తుతున్నాయి. ఇదీ చదవండి: టికెట్ ఇచ్చి ఓడించారు.. బాబ్జీ, పంచకర్లకు కృతజ్ఞతలు! -
టికెట్ ఇచ్చి ఓడించారు.. బాబ్జీ, పంచకర్లకు కృతజ్ఞతలు!
పెందుర్తి(విశాఖపట్నం ): ‘నేను టీడీపీలో 36 ఏళ్లుగా కష్టపడి పనిచేశాను. నిత్యం పార్టీ బలోపేతానికి ప్రయత్నం చేశాను. ఈ ఎన్నికల్లో 106వ వార్డు నుంచి కూటమి తరఫున నాకు టీడీపీ టికెట్ కేటాయించి బీఫారం కూడా ఇచ్చారు. కానీ జనసేన నుంచి మరో అభ్యర్థిని పెట్టారు. ఆ అభ్యర్థిని పోటీ నుంచి తప్పుకోవాలని ఇటు ఎమ్మెల్యే పంచకర్ల రమేష్బాబు గానీ, అటు టీడీపీ ఇన్చార్జి గండి బాబ్జీ గానీ చెప్పలేదు. టీడీపీ అధ్యక్షుడు పల్లా శ్రీనివాసరావు దృష్టికి సమస్య తీసుకువెళ్లినా ఫలితం లేకపోయింది. టికెట్ ఇచ్చి నన్ను ఓడించిన గండి బాబ్జీకి, పంచకర్లకు కృతజ్ఞతలు’.. అంటూ 106వ వార్డు టీడీపీ(కూటమి) అభ్యర్థి రౌతు శ్రీనివాసరావు ఆ పార్టీకి మంగళవారం రాజీనామా చేశారు. కూటమి రెబల్(జనసేన) అభ్యర్థి రామునాయుడు చేతిలో ఓడిపోయిన అనంతరం రౌతు ఈ నిర్ణయం తీసుకున్నారు. ఈ సందర్భంగా శ్రీనివాసరావు మీడియాతో మాట్లాడుతూ తనకు టికెట్ ఇచ్చిన తరువాత పంచకర్ల, గండి బాబ్జీ ఒక్క రోజు కూడా ప్రచారానికి రాలేదన్నారు. కనీసం కార్యాలయం ప్రారంభానికి పిలిచినా మొహం చాటేశారని చెప్పారు. టికెట్ ఇవ్వడం ఎందుకు? వెన్నుపోటు పొడవడం ఎందుకు? అని ప్రశ్నించారు. ఇదేనా కూటమి ధర్మం అంటూ ఆవేదన వ్యక్తం చేశారు. జనసేన నాయకుడిని ప్రోత్సహించే ఉద్దేశం ఉంటే తనకు కూటమి నుంచి టికెట్ ఎందుకు కేటాయించారని ధ్వజమెత్తారు. ఇలాంటి వెన్నుపోటు పార్టీలో కొనసాగలేనంటూ అనకాపల్లి జిల్లా టీడీపీ అధ్యక్షుడు బత్తుల తాతయ్యబాబుకు రాజీనామా లేఖ పంపారు. ఇదీ చదవండి: కానరాని గెలుపు కళ! -
నాడు అత్త.. నేడు కోడలు..
అనకాపల్లి: నాడు అత్త జెడ్పీటీసీగా ఈ ప్రాంత ప్రజలకు సేవలందించగా, ఇప్పుడు అదే కుటుంబానికి చెందిన కోడలు జెడ్పీటీసీగా బరిలో నిలిచారు. మునగపాక గ్రామానికి చెందిన ఆడారి సరోజిని 2001లో కాంగ్రెస్ తరఫున పోటీచేసి జెడ్పీటీసీగా విజయం సాధించారు. సరోజిని గెలిచిన తరువాత ఐదేళ్ల కాలంలో మండల ప్రజలకు మెరుగైన సేవలందిస్తూ అందరి మన్ననలు అందుకున్నారు. నేడు అదే కుటుంబం నుంచి పెద్ద కోడలైన ఆడారి కమల ప్రియ మునగపాక మండల జెడ్పీటీసీగా వైఎస్సార్సీపీ తరఫున పోటీలో ఉన్నారు. గత కొద్ది రోజులుగా కమల ప్రియతో పాటు భర్త శ్రీకాంత్, అత్తమామలు సరోజిని, సత్యనారాయణలు విస్తృతంగా ప్రచారం చేస్తున్నారు. ఇంటింటికీ వెళ్లి ఫ్యాన్ గుర్తుకే ఓటు వేయాలంటూ అభ్యర్థిస్తున్నారు. మాజీ సీఎం వైఎస్ జగన్మోహన్రెడ్డి హయాంలో జరిగిన సంక్షేమం, అభివృద్ధిని చూసి ఓటు వేయాలని కోరుతున్నారు. కమల ప్రియ కుటుంబ సభ్యులు కూడా తమకున్న పరిచయాలతో పాటు వైఎస్సార్సీపీకి చెందిన పెద్దలను కలుపుకొంటూ ప్రచారం నిర్వహిస్తున్నారు. వైఎస్సార్సీపీ నియోజకవర్గ సమన్వయకర్త కరణం ధర్మశ్రీ, జిల్లా అధ్యక్షుడు బొడ్డేడ ప్రసాద్ జెడ్పీటీసీ అభ్యర్థి కమలప్రియ విజయానికి కృషి చేస్తున్నారు. గతంలో తన అత్త సరోజిని విజయానికి సహకరించిన ప్రతి ఒక్కరూ తన విజయంలో కూడా భాగస్వాములు కావాలంటూ కమలప్రియ ప్రచారంలో దూసుకుపోతున్నారు. మొత్తం మీద నాడు అత్త జెడ్పీటీసీగా పనిచేయగా, నేడు కోడలు జెడ్పీటీసీగా విజయం సాధించేందుకు కృషి చేస్తున్నారు. ఇదీ చదవండి: కూటమికి షాకిచ్చిన ఉద్యోగులు -
ఓటరుకు షాక్.. చాలెంజ్ ఓటుకు అవకాశం
విశాఖపట్నం: నార్త్ జోన్ 54వ వార్డులో ఓ యువకుడికి వింత అనుభవం ఎదురైంది. తాటిచెట్లపాలెం హైవే, అన్నా కాంటీన్ సమీపంలోని 54/7 పోలింగ్ బూత్లో ఆదివారం సాయంత్రం 4 గంటల సమయంలో బొక్క మారుతి దుర్గాప్రసాద్ ఓటు వేసేందుకు వచ్చాడు. అయితే అతని ఓటును ఇప్పటికే మరొకరు వినియోగించుకున్నట్లు అధికారులు చెప్పడంతో అవాక్కయ్యాడు. దీనిపై అధికారులను ప్రశ్నించగా చివరకు అతనికి చాలెంజ్ ఓటు అవకాశం కల్పించారు. ఇదే బూత్లో ఓటర్ల ఆధారాలను పూర్తిస్థాయిలో పరిశీలించకుండానే కొందరిని అనుమతించారని పలువురు ఓటర్లు తెలిపారు. ఇదే కేంద్రానికి సాయంత్రం 5.02 గంటలకు వచ్చిన మరో ఓటరును అధికారులు లోపలికి అనుమతించలేదు. కనీసం 10 నిమిషాల సమయం ఇవ్వాలని కోరినా అధికారులు పట్టించుకోలేదని సదరు ఓటరు వాపోయారు. -
ప్చ్.. ఏ మాత్రం మారలేదు..!
సాక్షి, విశాఖపట్నం: మహా నగర ఓటరు తీరు మారలేదు. తన వీధి, తన వార్డు, తన నగర అభివృద్ధిని ప్రభావితం చేసే జీవీఎంసీ ఎన్నికల్లోనూ నిర్లిప్తత వీడలేదు. ఆదివారం జరిగిన జీవీఎంసీ ఎన్నికల్లో ప్రాథమికంగా వెల్లడించిన తాత్కాలిక తుది నివేదిక ప్రకారం 51.47 శాతం పోలింగ్ మాత్రమే నమోదైంది. జీవీఎంసీ పరిధిలో మొత్తం 18,37,901 మంది ఓటర్లు ఉండగా, వారిలో 9,45,915 మంది మాత్రమే ఓటు హక్కు వినియోగించుకున్నారు. 120 వార్డుల్లోని 1,990 పోలింగ్ కేంద్రాల్లో ఎన్నికలు నిర్వహించినప్పటికీ, నగరవాసులు గత ఎన్నికల తీరునే పునరావృతం చేశారు. 2021 ఎన్నికల్లో 59.41 శాతం పోలింగ్ నమోదు కాగా, ఈసారి ఏకంగా 7.94 శాతం తగ్గడం ఆందోళన కలిగిస్తోంది. మెట్రో నగరాలతో పోటీ పడుతున్న విశాఖలో ప్రజాస్వామ్య ప్రక్రియలో ప్రజల భాగస్వామ్యం మాత్రం ఆశించిన స్థాయిలో పెరగడం లేదు. వరుసగా ఆరోసారి కూడా పోలింగ్ శాతం 60 దాటకపోవడం నగర ఓటర్ల నిర్లిప్తతకు అద్దం పడుతోంది. 1987లో 56.83 శాతం, 1995లో 49.02 శాతం, 2000లో 49.63 శాతం, 2007లో 52.48 శాతం, 2021లో 59.41 శాతం పోలింగ్ నమోదైంది. ఈసారి గత ఎన్నికలతో పోలిస్తే ఓటింగ్ శాతం మరింత తగ్గడం గమనార్హం. ముఖ్యంగా ఉన్నత వర్గాలు, ఉద్యోగులు, వ్యాపారులు ఓటు వేసేందుకు పెద్దగా ఆసక్తి చూపలేదనే అభిప్రాయం వ్యక్తమైంది. శివారు ప్రాంతాలతో పోలిస్తే నగరం నడిబొడ్డున ఉన్న ప్రాంతాల్లో పోలింగ్ తక్కువగా నమోదైంది. సెలవు దినంగా భావించి పలువురు ఇళ్లకే పరిమితం కాగా, ఓటు వేయాలని రాజకీయ పార్టీల ఏజెంట్లు, కార్యకర్తలు అపార్ట్మెంట్లు, ఇళ్లకు వెళ్లి విజ్ఞప్తి చేసినా ఆశించిన స్పందన కనిపించలేదు.మహిళా ఓటర్లే అత్యధికం ఓటు హక్కు వినియోగంలో పురుషుల కంటే మహిళలే ముందున్నారు. ఉదయం నుంచే పోలింగ్ కేంద్రాల వద్ద మహిళలు బారులు తీరి ఓటు వేశారు. ప్రతి రెండు గంటలకు నమోదైన పోలింగ్ సరళిలోనూ మహిళల భాగస్వామ్యం అధికంగా కనిపించింది. జీవీఎంసీ పరిధిలో 9,06,866 మంది పురుష ఓటర్లు, 9,30,916 మంది మహిళా ఓటర్లు ఉన్నారు. తాత్కాలిక తుది పోలింగ్ నివేదిక ప్రకారం 4,55,395 మంది పురుషులు ఓటు వేయగా, 4,90,519 మంది మహిళలు తమ ఓటు హక్కు వినియోగించుకున్నారు. -
పీవోనా.. జనసేన కార్యకర్తనా?
విశాఖపట్నం: ఎన్నికల విధుల్లో నిష్పక్షపాతంగా వ్యవహరించాల్సిన ప్రిసైడింగ్ అధికారిణి.. జనసేన కార్యకర్తలా వ్యవహరించారన్న ఆరోపణలు జీవీఎంసీ 37వ వార్డులో తీవ్ర కలకలం రేపాయి. ఇందిరా మున్సిపల్ క్రికెట్ స్టేడియంలోని 36/5 పోలింగ్ కేంద్రంలో పీఓగా విధులు నిర్వహిస్తున్న అధికారిణి ఓటర్లకు స్లిప్పులు అందిస్తూ.. జనసేనకు ఓటు వేయాలని సూచించినట్లు ఆరోపణలు వెల్లువెత్తాయి. అంతటితో ఆగకుండా పోలింగ్ సరళిని పరిశీలించేందుకు వచ్చిన వైఎస్సార్సీపీ వార్డు అధ్యక్షురాలు అలుపన లక్ష్మీభవానిని లోపలికి అనుమతించకుండా అడ్డుకోవడం వివాదానికి దారితీసింది. ఎన్నికల విధుల్లో అధికారుల తీరుపై వైఎస్సార్సీపీ శ్రేణులు తీవ్ర అభ్యంతరం వ్యక్తం చేశాయి. మేయర్ అభ్యర్థికీ అడ్డంకులు ఎన్నికల సరళిని పరిశీలించేందుకు వైఎస్సార్సీపీ మేయర్ అభ్యర్థి వరుదు కల్యాణి, దక్షిణ నియోజకవర్గ సమన్వయకర్త వాసుపల్లి గణేష్కుమార్, పార్టీ అధికార ప్రతినిధి కొండా రాజీవ్, 37వ వార్డు అభ్యర్థి అలుపన లక్ష్మీభవాని పోలింగ్ కేంద్రానికి వెళ్లారు. ఎన్నికల నిబంధనల ప్రకారం ఇతర నాయకులు బయటే ఉండగా.. మేయర్, వార్డు అభ్యర్థులు మాత్రమే లోపలికి వెళ్లేందుకు ప్రయత్నించారు. అయితే ప్రిసైడింగ్ అధికారిణి వారిని అడ్డుకున్నారు. మేయర్ అభ్యర్థికి లోపలికి వెళ్లేందుకు అనుమతి ఉందని చెప్పినా పట్టించుకోలేదు. దీంతో వరుదు కల్యాణి ఎన్నికల అధికారికి ఫోన్ చేసి విషయం వివరించడంతో చివరకు ఆమెను లోపలికి అనుమతించారు. జనసేన నేతల మూకుమ్మడి వాగ్వాదం మేయర్ అభ్యర్థి పోలింగ్ కేంద్రంలోకి వెళ్లడాన్ని గమనించిన జనసేన నాయకులు, కార్యకర్తలు ఒక్కసారిగా అక్కడికి చేరుకుని వాగ్వాదానికి దిగారు. మేయర్ అభ్యర్థికి లోపలికి వెళ్లే అవకాశం ఉందని వివరించినా వినిపించుకోకుండా సుమారు గంట పాటు వివాదం కొనసాగించారు. ఈ క్రమంలో పోలీసులు సైతం జనసేన నాయకుల పట్ల ఒకలా, వైఎస్సార్సీపీ నాయకుల పట్ల మరోలా వ్యవహరించారు. జనసేన నాయకులను అక్కడే ఉండనిచ్చి.. వైఎస్సార్సీపీ నాయకులు, కార్యకర్తలను మాత్రమే బయటకు పంపించేందుకు ప్రయత్నించారు.పోలీసుల తీరుపై ఆగ్రహం వైఎస్సార్సీపీ నాయకులను మాత్రమే బయటకు పంపడంపై మాజీ ఎమ్మెల్యే వాసుపల్లి గణేష్కుమార్ పోలీసులను నిలదీశారు. జనసేన నాయకులను ఎందుకు పంపించడం లేదని ప్రశ్నించారు. దీంతో పోలీసులు, జనసేన నాయకులు కలిసి వైఎస్సార్సీపీ నేతలు, కార్యకర్తలతో వాగ్వాదానికి దిగారు. ఎన్నికల కేంద్రం వద్ద అధికారుల తీరు, పోలీసుల వ్యవహారశైలి చూస్తుంటే కూటమి నేతలకు అనుకూలంగా వ్యవహరిస్తున్నారన్న అనుమానాలు కలుగుతున్నాయని ఓటర్లు ఆగ్రహం వ్యక్తం చేశారు. ఎన్నికల విధుల్లో నిష్పక్షపాతంగా ఉండాల్సిన అధికారులు, పోలీసులు ఇలా వ్యవహరించడంపై విమర్శలు వెల్లువెత్తాయి. -
నగర భవిష్యత్తు మార్చేది.. నీ ఒక్క ఓటే!
సాక్షి, విశాఖపట్నం: నగర భవిష్యత్తును నిర్ణయించే ఓటు హక్కు వినియోగంలో విశాఖ ఓటర్లు ఎందుకు వెనుకబడుతున్నారు? ఎన్నికలొచ్చినప్పుడు చర్చలు.. సోషల్ మీడియాలో రాజకీయాలపై విశ్లేషణలు.. నగర సమస్యలపై ఆగ్రహావేశాలు.. కానీ ఓటు వేసే సమయానికి మాత్రం నిర్లక్ష్యం! గ్రేటర్ విశాఖ మున్సిపల్ కార్పొరేషన్ ఎన్నికల చరిత్రను పరిశీలిస్తే కనిపిస్తున్న విరుద్ధ చిత్రమిది. ఆరు ఎన్నికల్లో ఒక్కసారి మాత్రమే 70 శాతం పోలింగ్ నమోదైంది. ఐదు ఎన్నికల్లో ఓటింగ్ శాతం 60 దాటలేదు. నగర పాలనపై అసంతృప్తి వ్యక్తం చేసేవారిలోనూ ఓటు హక్కు వినియోగంపై నిర్లిప్తత కనిపిస్తుండటం ఆందోళన కలిగిస్తోంది. ఈసారైనా ఓటర్లు మౌనం వీడి పోలింగ్ కేంద్రాల బాట పడతారా? నగర భవిష్యత్తును నిర్ణయించే బాధ్యతను భుజానికెత్తుకుంటారా? ఆరు ఎన్నికలు.. మారని ఓటింగ్ తీరు గ్రేటర్ విశాఖలో ఓటింగ్ శాతం పెరగకపోవడం ఒక్క ఎన్నికతో మొదలైన సమస్య కాదు. దశాబ్దాలుగా ఇదే ధోరణి కొనసాగుతోంది. 1981లో జరిగిన ఎన్నికల్లో 70.10 శాతం పోలింగ్ నమోదైంది. అదే అత్యధికం. ఆ తర్వాత జరిగిన ఎన్నికల్లో మాత్రం ఓటర్ల భాగస్వామ్యం ఆశించిన స్థాయికి చేరలేదు. 1987లో 56.83 శాతం, 1995లో 49.02 శాతం, 2000లో 49.63 శాతం, 2007లో 52.48 శాతం పోలింగ్ నమోదైంది. 2021లో కొంత మెరుగుదల కనిపించినా.. ఓటింగ్ శాతం 59.41కే పరిమితమైంది. అంటే, ఆరు ఎన్నికల్లో ఐదుసార్లు 60 శాతం మార్కును కూడా విశాఖ దాటలేకపోయింది. ఏడు లక్షల మంది ఓటుకు దూరం 2021 ఎన్నికల గణాంకాలు నగర ఓటర్ల నిర్లక్ష్యానికి అద్దం పడుతున్నాయి. అప్పట్లో జీవీఎంసీ పరిధిలో 17,26,158 మంది ఓటర్లు ఉండగా.. వారిలో 10,25,442 మంది మాత్రమే ఓటు హక్కు వినియోగించుకున్నారు. మిగిలిన 7,00,716 మంది ఓటు వేయలేదు. అంటే మొత్తం ఓటర్లలో సుమారు 40.59 శాతం మంది పోలింగ్కు దూరంగా ఉన్నారు. మేయర్ పీఠాన్ని ఎవరు దక్కించుకుంటారన్న రాజకీయ పోటీ ఒకవైపు ఉంటే.. ప్రజాస్వామ్య ప్రక్రియలో ఎంతమంది భాగస్వాములవుతారన్న ప్రశ్న మరోవైపు నిలుస్తోంది. ఓటు వేయకపోవడానికి సవాలక్ష సాకులు ‘నా ఒక్క ఓటుతో ఏమవుతుంది?’.. ‘ఒక్కరోజు సెలవు దొరికింది.. ఇంట్లోనే ఉంటా!’.. ‘పోలింగ్ కేంద్రంలో గంటల తరబడి వేచి ఉండాలా?’.. ‘ఓటరు జాబితాలో పేరు ఉందో లేదో తెలియదు!’.. ఎన్నికల సమయంలో వినిపించే సమాధానాలివి. ఓటు హక్కు వినియోగించుకోకపోవడానికి ఒక్కొక్కరు ఒక్కో కారణం చెబుతున్నారు. కానీ ప్రతి ఓటూ విలువైనదే. పోటీ హోరాహోరీగా ఉన్నప్పుడు కొద్దిపాటి ఓట్ల తేడా కూడా ఫలితాన్ని మార్చగలదు. తమ సమస్యలపై పాలకులను ప్రశ్నించాలన్నా, నగర పాలనలో మార్పు కోరాలన్నా పౌరుల చేతిలో ఉన్న అత్యంత కీలకమైన ప్రజాస్వామ్య ఆయుధం ఓటు. ప్రశ్నించేవారు.. ఓటేయడంలోనూ ముందుండాలి రోడ్లు బాగోలేవని.. తాగునీరు రావడం లేదని.. డ్రైనేజీ సమస్యలు పరిష్కారం కావడం లేదని.. పారిశుధ్యం అధ్వానంగా ఉందని నగరవాసులు నిత్యం ఆవేదన వ్యక్తం చేస్తుంటారు. పాలకుల పనితీరుపై అసంతృప్తి ఉన్నా.. తమ అభిప్రాయాన్ని ఓటు రూపంలో వ్యక్తం చేయకపోతే ప్రజాస్వామ్య ప్రక్రియలో భాగస్వామ్యం అసంపూర్తిగానే మిగులుతుంది. ఎన్నికల్లో ఓటు వేయడం అంటే ఒక పారీ్టకి మద్దతివ్వడమే కాదు.. తమ ప్రాంతానికి ఎలాంటి పాలన కావాలో నిర్ణయించుకోవడం. పోటీ చేసే అభ్యర్థుల పనితీరు, విశ్వసనీయత, నగర సమస్యలపై వారి వైఖరిని బేరీజు వేసుకుని ఓటు వేయడం ప్రతి పౌరుడి బాధ్యత.ఈసారైనా గడప దాటుదాం! గత ఎన్నికల గణాంకాలు ఒక హెచ్చరిక. నగర అభివృద్ధిపై ఆసక్తి చూపే పౌరులు ఓటు హక్కు వినియోగంలోనూ అదే చైతన్యం ప్రదర్శించాల్సిన అవసరాన్ని గుర్తుచేస్తున్నాయి. ఓటరు జాబితాలో తమ పేరు ఉందో లేదో ముందుగానే చూసుకోవడం.. పోలింగ్ కేంద్రం వివరాలు తెలుసుకోవడం.. ఎన్నికల రోజున ఓటు వేసేందుకు సమయం కేటాయించడం వంటి చిన్నచిన్న చర్యలతోనే పెద్ద మార్పుకు పునాది పడుతుంది. ఓటు వేయడం సెలవు దినంలో చేసే అదనపు పని కాదు.. పౌరుడిగా నిర్వర్తించాల్సిన కనీస బాధ్యత. నగర భవిష్యత్తును నిర్ణయించే అవకాశం వచ్చినప్పుడు నిర్లక్ష్యానికి తావివ్వకుండా ప్రతి ఒక్కరూ పోలింగ్ కేంద్రానికి వెళ్లాలి. -
నమ్మి మోసపోయా.. ఆలోచించి ఓటేస్తా..
ప్రియమైన నా అంతరాత్మకు.. ● చాలా రోజులుగా నీతో మాట్లాడాలనుకుంటున్నా. కానీ మనసులోని మాటను బయటపెట్టలేకపోతున్నా. ఇప్పుడు సమయం వచ్చింది. ఆదివారం మున్సిపల్ ఎన్నికలు. ఓటు వేయడానికి పోలింగ్ కేంద్రానికి వెళ్లే ముందు ఒక్కసారి నా అంతరాత్మను నేను ప్రశ్నించుకోవాలనుకుంటున్నా. ●2024 ఎన్నికల సమయంలో ఎన్నో ఆశలతో టీడీపీ, జనసేన, బీజేపీ కూటమికి ఓటేశా. అధికారంలోకి కూటమి వచ్చిన తర్వాత నేను చూసింది వేరు, ఎన్నికల ముందు కనిపించిన నాయకులు వేరు. రెడ్బుక్ రాజ్యాంగం పేరిట సృష్టిస్తున్న అరాచకం చూసి భయపడ్డా. సంపద సృష్టిస్తామని చెప్పిన వారే.. సంక్షేమ పథకాలకు డబ్బుల్లేవని, సంపద ఎలా సృష్టించాలో మీరే చెప్పాలని ప్రజలను అడిగినప్పుడు షాక్కు గురయ్యా. ●నా కుటుంబానికి ఎన్నో ఆశలు చూపించారు. నా భార్యకు రూ.1,500, నా తల్లికి రూ.1,500, నా పిన్నికి రూ.1,500, నా తండ్రికి వృద్ధాప్య పింఛన్, తమ్ముడికి నిరుద్యోగ భృతి, చేతివృత్తిని నమ్ముకుని బతుకుతున్న నా బాబాయ్కు 50 ఏళ్లకే పింఛన్, మా ఇంటికి ఏడాదికి మూడు గ్యాస్ సిలిండర్లు, నా భార్య పేరుతో ఉన్న పొలానికి అన్నదాత సుఖీభవ కింద రూ.20 వేలు, నా తల్లి, భార్యకు ఉచిత బస్సు ప్రయాణం.. ఇలా ఎన్నో హామీలు ఇచ్చారు.●ఇప్పుడు రెండున్నరేళ్లు గడిచిపోయాయి. నా భార్య, తల్లి, పిన్నికి ప్రతి నెలా అందుతాయనుకున్న రూ.1,500 జాడేలేదు. నా తండ్రికి వృద్ధాప్య పింఛన్ కోసం 27 నెలల తర్వాత దరఖాస్తు స్వీకరించారు. ఇప్పుడు అది ఎక్కడ ఉందో తెలియదు. నా తమ్ముడి చేతిలో ఇంజినీరింగ్ పట్టా ఉంది. ఉద్యోగం కోసం ఎన్నో చోట్ల తిరిగాడు. ఉద్యోగమూ లేదు.. భృతీ లేదు. ●నా బాబాయ్ 56 ఏళ్ల వయసులోనూ చేతివృత్తి చేసుకుంటూ కుటుంబాన్ని పోషిస్తున్నాడు. 50 ఏళ్లకే బీసీలకు పింఛన్ ఇస్తామని చెప్పిన హామీని నమ్మాడు. రెండున్నరేళ్లు గడిచినా ఒక్క రూపాయి కూడా అందలేదు. మూడు గ్యాస్ సిలిండర్ల ఉచిత పథకం సంగతి సరేసరి. అన్నదాత సుఖీభవ పేరుతో నా భార్య పొలానికి ఏడాదికి రూ.20 వేలు వస్తాయని ఆశించాం. కానీ కేంద్రం ఇచ్చే రూ.6 వేలతో కలిపి రూ.20 వేలు మాత్రమే ఇస్తున్నారు. ఉచిత బస్సు పథకం అమల్లోకి వచ్చినా, సరిపడినన్ని బస్సులు వేయకపోవడంతో ప్రయాణం నరకంగా మారింది. ●అన్నింటికి మించి నిత్యావసరాల ధరలు విపరీతంగా పెరిగిపోయాయి. గతంలో పోలి్చతే నెలకు దాదాపు రూ.5 వేలు అదనంగా ఖర్చవుతున్నాయి. ధరల రెక్కలు విరిచేస్తామని చెప్పిన పాలకులు ఇప్పుడు ఎందుకు మౌనంగా ఉన్నారో అర్థం కావడం లేదు. ●అందుకే ఈసారి కూటమి నాయకుల బూటకపు మాటలను మళ్లీ నమ్మాలనుకోవడం లేదు. గతంలో చేసిన తప్పునే మళ్లీ చేయకుండా గత అనుభవాల నుంచి పాఠం నేర్చుకున్నా. నా ఓటు విలువ నాకు ఇప్పుడు అర్థమవుతోంది. అది కేవలం వేలిపై వేసే సిరా గుర్తు కాదు. ఐదేళ్ల పాలనకు ఇచ్చే తీర్పు.గతంలో నమ్మి ఓటేశా.. ఇప్పుడు ఆలోచించి ఓటేయాలి. ఇట్లు.. ఒక సామాన్య ఓటరు – సాక్షి, రాజమహేంద్రవరం -
రౌడీస్ ఆన్ డ్యూటీ ..!
విశాఖపట్నం: స్థానిక ఎన్నికలలో కూటమి తరఫున రౌడీలు వకాల్తా పుచ్చుకుని రాజకీయ ముసుగులో చేస్తున్న అరాచకాలపై స్పందించని పోలీసుల తీరుపై సర్వత్రా విమర్శలు వెల్లువెత్తుతున్నాయి. అదే సమయంలో ప్రతిపక్ష పార్టీలపై నిబంధనల పేరుతో విరుచుకుపడుతున్న తీరుపైనా అభ్యంతరాలు వ్యక్తమవుతున్నాయి. నగరంలోని పలు వార్డుల్లో బెదిరింపులు, ప్రలోభాలకు రౌడీ గ్యాంగులు పాల్పడుతున్నా పోలీసులు చోద్యం చూస్తున్నారనే విమర్శలు వినిపిస్తున్నాయి. ఎన్నికల అవసరాల కోసం కొందరు నేతలు రౌడీ గ్యాంగులను చేరదీసి, వారికి ఆశ్రయం కల్పించారనే ఆరోపణలు ఉన్నాయి. రోజువారీ జీతభత్యాలతో పాటు మందు, విందు సౌకర్యాలు కూడా కల్పిపిస్తుండటంతో రౌడీషీటర్లు రాజకీయ పార్టీల శిబిరాలను వీడడం లేదు. కూటమి నాయకుల కనుసన్నల్లోనే అక్రమంగా పంపిణీ చేసే డబ్బు, మద్యం ఈ రౌడీ గ్యాంగుల ద్వారానే ఆయా వార్డుల్లో ప్రజలకు చేరుతున్నాయనే ఆరోపణలు ఉన్నాయి. పోలీసుల చర్యలు శూన్యం విశాఖ గ్రేటర్ కార్పొరేషన్ ఎన్నికల నేపథ్యంలో శాంతిభద్రతలకు ఎలాంటి విఘాతం కలగకుండా, అవాంఛనీయ సంఘటనలు చోటుచేసుకోకుండా విశాఖ పోలీసులు ముందస్తు చర్యలు చేపట్టినప్పటికీ, ఫలితం మాత్రం శూన్యమంటూ పలువురు ఎద్దేవా చేస్తున్నారు. కూటమి అభ్యర్థులకు అనుకూలంగా వ్యవహరిస్తూ, ప్రతిపక్ష పార్టీల అభ్యర్థులకు నిబంధనల పేరుతో ఇబ్బందులు కలిగిస్తున్నారనే ఆరోపణలు ప్రస్తుతం చర్చనీయాంశంగా మారాయి. దీనికి తోడు రౌడీïÙటర్ల హడావుడి కూడా పెరిగిందనే విమర్శలు వినిపిస్తున్నాయి. ఓటర్లకు బెదిరింపులు.. తాము పనిచేస్తున్న పార్టీ నేతలకే ఓట్లు వేయాలని రౌడీలు ప్రజలను దమాయించి బెదిరింపులకు పాల్పడుతున్నారనే ఆరోపణలు ఉన్నాయి. ఇవన్నీ పోలీసులు, ప్రభుత్వ ఎన్నికల యంత్రాంగం దృష్టికి రాకుండా చాపకింద నీరులా సాగుతున్నాయని పలువురు పేర్కొంటున్నారు. ఈ క్రమంలో రాజకీయ నాయకుల నుంచి అందినకాడికి వేలల్లో, లక్షల్లో డబ్బులు వసూలు చేస్తున్నారనే ఆరోపణలు కూడా ఉన్నాయి. కొందరు రౌడీషీటర్ల విషయంలో పోలీసులు చూసీచూడనట్లు వ్యవహరిస్తున్నారనే ఆరోపణలు ఉన్నాయి. రాజకీయ నేతల అండదండలు ఉన్న వారిపై చర్యలు తీసుకోవడంలో పోలీసులు వెనుకడుగు వేస్తున్నారనే విమర్శలు వినిపిస్తున్నాయి. రౌడీïÙటర్ల కదలికలపై నిరంతర నిఘా, చట్టపరమైన చర్యలు కొనసాగాల్సిన అవసరం ఉంది. అయితే రాజకీయ నేతలతో సన్నిహితంగా తిరుగుతున్న వారిపై పోలీసులు ఎలాంటి చర్యలు తీసుకుంటున్నారన్నది ప్రస్తుతం చర్చనీయాంశంగా మారింది.రంగంలో 847 మంది రౌడీ షీటర్లు నగరంలో రౌడీïÙటర్ల కదలికలు కలవరపెడుతున్నాయి. విశాఖ పోలీస్ కమిషనరేట్ పరిధిలో మొత్తం 933 మంది రౌడీïÙటర్లు ఉండగా, వారిలో 86 మంది ప్రస్తుతం జైళ్లలో ఉన్నారు. మిగిలిన 847 మంది నగరంలోనే ఉన్నట్లు గణాంకాలు వెల్లడిస్తున్నాయి. స్థానిక సంస్థల ఎన్నికల నేపథ్యంలో వీరి కదలికలు ఇప్పుడు చర్చనీయాంశంగా మారాయి. శాంతిభద్రతలకు విఘాతం కలగకుండా పోలీసులు బైండోవర్ చర్యలు చేపడుతున్నప్పటికీ, కొందరు రాజకీయ నేతల అండదండలతో ఎన్నికల వ్యవహారాల్లో చురుగ్గా పాల్గొంటున్నారనే ఆరోపణలు వినిపిస్తున్నాయి. నేరచరిత్ర ఉన్న వ్యక్తులు ఎన్నికల వేళ రాజకీయ శక్తులుగా మారితే ప్రజాస్వామ్యానికి, ప్రజల భద్రతకు ముప్పు తప్పదనే ఆందోళన వ్యక్తమవుతోంది. -
ఆలోచించండి... విజ్ఞతతో తీర్పు ఇవ్వండి
మున్సిపాలిటీ ఎన్నికల వేళ ఆసక్తికర అంశం వెలుగులోకి వచ్చింది. ‘ఆలోచించండి...విజ్ఞతతో తీర్పు ఇవ్వండి’ అంటూ మేధావుల ఫోరం పేరిట ఓ బహిరంగ లేఖ వైరల్ అయ్యింది. అసలు టీడీపీకి ఓటేందుకు వేయాలంటూనే అనేక అభివృద్ధి అంశాలను అందులో పేర్కొన్నారు. ఆ లేఖలో అంశాలు యథాతథంగా... ట్రిపుల్ఐటీ ప్రజలారా...వైఎస్సార్ కడప జిల్లాలో తెలుగుదేశం పార్టీకి ఎందుకు ఓట్లు వేయాలి. ఏం చేశారు, ఏం చూసి ఓట్లు వేయాలి. కసనూరు సంస్కృతి తెరపైకి తెచ్చి భయానక పరిస్థితులు కల్పిస్తున్నందుకా? ప్రశాంత వాతావరణం ఉన్న పట్టణాల్లో విచ్చలవిడి దౌర్జన్యం చేస్తున్నందుకు ఓటెయ్యాలా? పచ్చటి గ్రామాల్లో రక్తపాతం పారిస్తున్నందుకు ఓటెయ్యాలా? కామధేనువు లాంటి వైఎస్ కుటుంబాన్ని కాదనీ పక్కవారికి ఎందుకు బలపర్చాలి? పులివెందుల, కడప, జమ్మలమడుగు తదితర పట్టణ ఓటర్లు ఒకసారి ఆత్మావలోకనం చేసుకోవాలి. అభివృద్ధికి వైఎస్ కుటుంబం చిరునామా. ఎన్నోఏళ్లు అధికారంలో ఉన్నామని చెప్పుకునేందుకు మాత్రమే సీఎం చంద్రబాబు, తెలుగుదేశం పార్టీ పరిమితం. నిర్దిష్టమైన అభివృద్ధి చేశామని చెప్పుకునేందుకు ఒక్కటంటే ఒక్కటీ లేదు. పులివెందుల, కడప, జమ్మలమడుగులో అభివృద్ధంటూ ఉందంటే దివంగత ముఖ్యమంత్రి డాక్టర్ వైఎస్ రాజశేఖరరెడ్డి, మాజీ సీఎం వైఎస్ జగన్మోహన్రెడ్డి హయాంలో మాత్రమే. ఈ విషయం మీకు తెలియంది కాదు, కళ్లెదుట కని్పస్తోంది. విద్యాపరంగా జేఎన్టీయూ ఇంజనీరింగ్ కళాశాల, ఇడుపులపాయ ట్రిపుల్ ఐటీ, స్కిల్ డెవెలప్మెంట్ సెంటర్, నాడు–నేడు పథకంలో అపురూపంగా మారిన పాఠశాలలు, పుడ్ సైన్స్ కాలేజి ఇట్టే గుర్తు చేస్తున్నాయి.. ఆరోగ్య రంగంలో డాక్టర్ వైఎస్సార్ మెడికల్ కళాశాల, నర్శింగ్ కళాశాల, ఉపాధి రంగంలో యూసీఐల్, ఆదిత్య బిర్లా ఫ్యాషన్స్, గోవిందరాజా టెక్స్టైల్స్, వ్యవసాయ రంగంలో చీనీ మార్కెట్ యార్డ్, బనానా రీసెర్చ్ సెంటర్, ఐజిసీఏఆర్ఎల్ (ఐజీ కార్ల్), డాక్టర్ వైఎస్సార్ హార్టికల్చర్ యూనివర్సిటీ గుర్తుకు వస్తాయి. ఒక ప్రాంతంలో ఇన్నీ సంస్థలు రావడం సాధ్యమా? వైఎస్ కుటుంబం చలువే కదా ఇదంతా! సుందరంగా రూపుదిద్దుకున్న రోడ్లు అభివృద్ధిలో చెరగని ముద్ర వైఎస్ కుటుంబానికే సొంతం... విద్య, వైద్యం, మౌళిక వసతులతో పాటు పారిశ్రామిక ప్రగతి వేగంగా జిల్లా వ్యాప్తంగా రూపుదిద్దుకుందంటే అది వైఎస్ పాలనలోనే. ఆల్డిక్సన్, సెంచురీ ఫ్లైబోర్డ్స్, ఆదిత్యా బిర్లా గార్మెంట్స్ లాంటి సంస్థలు కొలువుదీరాయి. జేఎస్డబ్ల్యూ నేతృత్వంలో స్టీల్ ప్లాంట్ పురుడు పోసుకుంది వైఎస్ జగన్ హయాంలోనే. కడపలో సూపర్ స్పెషాలిటీ వైద్యం అందుబాటులోకి వచ్చింది. మెడికల్ హబ్గా రిమ్స్ రూపుదిద్దుకుంది. 452 పడకల సూపర్ స్పెషాలిటీ వైద్యశాల, 100 పడకల మానసిక వైద్యశాల, 100 పడకల కేన్సర్ హాస్పిటల్ను నెలకొల్పారు. కొప్పర్తి పారిశ్రామిక వాడలో 801ఎకరాలల్లో వైఎస్సార్ ఎల్రక్టానిక్ మ్యానుఫ్యాక్చర్ క్లస్టర్ ఏర్పాటు చేశారు. రూ.10వేల కోట్లు పెట్టుబడులు సమీకరించి లక్ష ఉద్యోగాలు సృష్టించేందుకు ప్రణాళికలు చేశారు. అందులోభాగంగానే వేగంగా పారిశ్రామిక అడుగులు పడ్డాయి. రూ.80 కోట్లతో ఏర్పాటు చేసిన ఆల్డిక్సన్ కంపెనీ (ఎల్రక్టానిక్ ఉత్పత్పుల సంస్థ) ప్రారంభమైంది. బద్వేల్ కేంద్రంగా సెంచురీ ఫ్లైబోర్డ్స్ సంస్థ వచ్చి చేరింది. జిల్లా కేంద్రమైన కడప నగరం సుందరీకరణ కనువిందుగా రూపుదిద్దుకుంది. దశాబ్దాలు తరబడి పెండింగ్లో ఉన్న రహదారులు విస్తరణ వేగంగా చేపట్టారు. రూ.120 కోట్లతో నగరంలోని 12 జంక్షన్లను వృద్ధి చేశారు. రూ.6.85 కోట్లతో రాజీవ్మార్గ్ రోడ్డు, రాజీవ్ ఫార్క్ ఆధునీకరించారు. రూ.69.2 కోట్లుతో పాత బళ్లారి రోడ్డు, రూ.100 కోట్లుతో దేవుని కడప రోడ్డు విస్తరణ చేపట్టారు. రూ.10కోట్లతో ఇండస్ట్రీయల్ ఎస్టేట్ రోడ్డు నిర్మించారు. వైఎస్సార్ –ఏసీఏ క్రికెట్ స్టేడియం మెట్ట ప్రాంతానికి కృష్ణా జలాలుకృష్ణా జలాలు మెట్ట ప్రాంతంలో పారించాలనే తపన డాక్టర్ వైఎస్ రాజశేఖరరెడ్డిది. అందుకే గండికోట రిజర్వాయర్ నుంచి నీరు లిఫ్ట్ చేసి, పైడిపాలెం రిజర్వాయర్ నిల్వ చేసే బృహత్తర ప్రాజెక్టు తీసుకొచ్చారు. మూడు టీఎంసీలకు మాత్రమే పరిమితమైన చిత్రావతి ప్రాజెక్టు 10 టీఎంసీలకు విస్తరించారు. గండికోట నుంచి చిత్రావతి లిఫ్ట్ ద్వారా నీరు తీసుకొచ్చారు. కుడి, ఎడమ కాలువలు తవ్వారు. బ్రహ్మంసాగర్, గండికోట, వామికొండ, సర్వారాయసాగర్ ఆయన హయాంలో రూపుదిద్దుకున్నవే. అద్భుతమైన రోడ్డు కనెక్టవిటీ సౌకర్యం కల్పించారు. క్యాన్సర్ హాస్పిటల్ బెంగళూరు–విజయవాడ ఎక్స్ప్రెస్ హైవే, ఔటర్ రింగ్ రోడ్స్, విలేజ్ కనెక్టివిటీ రోడ్స్, సచివాలయాలు, వరల్డ్ క్లాస్ ఆర్టీసీ బస్టాండ్, క్రికెట్ స్టేడియం, మినీ సెక్రటేరియట్ ఉలిమెల్ల లేక్వ్యూ, రాణి తోపుల ఇవన్నీ వైఎస్ కుటుంబం తీసుకొచ్చినవే కదా! నేషనల్ మెడికల్ కౌన్సిల్ 2024–25 విద్యా సంవత్సరంలోనే పులివెందుల మెడికల్ కళాశాలకు 50 ఎంబీబీఎస్ సీట్లు మంజూరు చేసింది. నిర్దయగా వద్దని చంద్రబాబు సర్కార్ లేఖ రాసింది. రాయలసీమ శాశ్వత కరువు నివారణ కోసం రూపొందించిన జీఎన్ఎస్ఎస్ నుంచి హచ్ఎన్ఎస్ఎస్ అనుసంధానం ప్రాజెక్టును మరుగున పర్చారు. ఎలాంటి పురోగతి లేదు. కొప్పర్తి పారిశ్రామిక వాడ బోర్డు జిల్లా ఓటరు మహాశయా.. ఇప్పుడు చెప్పు తెలుగుదేశం పార్టీకి ఎందుకు ఓట్లు వేయాలి?! ఆలోచించండి...విజ్ఞత ప్రదర్శించండి. నిర్భయంగా మీ ఓటు హక్కును మీరే వినియోగించుకోండి!! కడప పౌరుషం ముందు కుట్రలు, కుయుక్తులు, కుతంత్రాలు దిగదుడుపేనని తెలియజేయండి!! – మేధావుల ఫోరం, వైఎస్సార్ కడప జిల్లా – సాక్షి ప్రతినిధి, కడప -
డిజిటల్ వార్లో వరుదు కల్యాణి జోరు
సాక్షి, విశాఖపట్నం: క్షేత్రస్థాయిలో మైకుల ప్రచార హోరు ముగిసినా, అసలైన సమరం సోషల్ మీడియా వేదికగా డిజిటల్ స్క్రీన్లపై ఇప్పుడు పీక్స్కు చేరింది. జీవీఎంసీ ఎన్నికల సమరం.. క్లైమాక్స్కు చేరుకున్న వేళ.. ప్రచారంలోనే కాదు.. ‘స్మార్ట్’స్క్రీన్ల మీదా వైఎస్సార్సీపీ అభ్యర్థి వరుదు కల్యాణి సెన్సేషన్ క్రియేట్ చేస్తున్నారు. అటు ప్రజలతో మమేకమవ్వడంలోనూ.. ఇటు అన్ని వర్గాల నెటిజన్లను ఆకట్టుకోవడంలోనూ టీడీపీ అభ్యర్థి ముక్కా శ్రావణి కంటే చాలా ముందంజలో ఉన్నారు. ‘ట్రెండ్’సెట్ చేస్తున్నారు జీవీఎంసీ మేయర్ ఎన్నికల బరిలో నిలిచిన వైఎస్సార్సీపీ అభ్యర్థి వరుదు కల్యాణి ప్రచార శైలి నెటిజన్లను విపరీతంగా ఆకట్టుకుంటోంది. క్లిక్మనిపిస్తే చాలు ఆమె ప్రచార దశ్యాలు, ప్రజలతో మమేకమవుతున్న రీల్స్.. మొబైల్ ఫోన్లలో ప్రత్యక్షమవుతున్నాయి. కేవలం ఒక వైపు ప్రచారానికే పరిమితం కాకుండా, ఓటర్లు అడిగే ప్రశ్నలకు సమాధానమిస్తూ, అందరితో కలుపుగోలుగా దూసుకుపోతూ డిజిటల్ వేదికలపై నయా ట్రెండ్ సెట్ చేస్తున్నారు. మేనిఫెస్టో హల్చల్ ఎన్నికల వ్యూహంలో అత్యంత కీలకమైన మేనిఫెస్టో అ్రస్తాన్ని సోషల్ మీడియా ద్వారా ప్రతి ఇంటికీ, ప్రతి వర్గానికి చేర్చడంలో వరుదు కల్యాణి టీమ్ పూర్తి సక్సెస్ అయింది. ఆమెకున్న స్పష్టమైన వాక్చాతుర్యం, స్థానిక సమస్యలపై ఉన్న పట్టు డిజిటల్ ప్రచారానికి భారీ మైలేజ్ తెచ్చిపెట్టాయి. ఇన్స్ట్రాగాం, ఫేస్బుక్, ఎక్స్(ట్విటర్) వేదికలపై ఆమె షేర్ చేస్తున్న పోస్టులు, వీడియోలకు వస్తున్న రెస్పాన్స్ చూస్తుంటే ఓటర్ల నాడి ఎటువైపు ఉందో స్పష్టంగా అర్థమవుతోంది. అన్నింటా ‘కల్యాణి’దే పైచేయి! టీడీపీ అభ్యర్థి ముక్కా శ్రావణితో పోల్చి చూస్తే సోషల్ మీడియా ఫాలోయింగ్లో వరుదు కల్యాణిదే స్పష్టమైన పైచేయి. ఇన్స్ట్రాగాంలో 64 వేలకు పైగా, ఫేస్బుక్లో 78 వేల మందికి పైగా ఫాలోవర్లతో కల్యాణి సుడిగాలి వేగంతో దూసుకుపోతుండగా, శ్రావణి ఫేస్బుక్లో 5,700, ఇన్స్ట్రాగాంలో 6,232 మంది ఫాలోవర్లకే పరిమితమై గట్టి పోటీ ఇవ్వలేకపోతున్నారు. సాంప్రదాయ ప్రచారానికే పరిమితమైన ప్రత్యర్థి క్యాంప్తో పోలిస్తే, సరికొత్త ట్రెండ్కు తగ్గట్టుగా డిజిటల్ వార్లో పూర్తి ఆధిపత్యం ప్రదర్శిస్తూ మేయర్ రేసులో వరుదు కల్యాణి అత్యంత వేగంగా ప్రజల మద్దతుని కూడగట్టుకోవడం విశేషం. ఇదీ చదవండి: ఎన్నికల బరిలో భార్యాభర్తలు -
జనాలు లేకుండా ప్రచారమా? పీఏలపై బాలయ్య ఆగ్రహం!
హిందూపురం (చిలమత్తూరు): మున్సిపల్ ఎన్నికల్లో టీడీపీకి గెలుపు అవకాశాలు లేవని అంతర్గత సర్వేల్లో తేలడంతో షూటింగ్లో జరిగిన ప్రమాదంలో తీవ్రంగా గాయపడిన ఎమ్మెల్యే బాలకృష్ణ విశ్రాంతి తప్పనిసరి అయినా ఎన్నికల ప్రచారానికి పురంలో పర్యటిస్తున్నారు. మున్సిపల్ ఎన్నికల ప్రచారం శుక్రవారం ఆఖరిరోజు కావడంతో ఎమ్మెల్యే బాలకృష్ణ ఎన్టీఆర్ విగ్రహం వద్ద బహిరంగ సభ ఏర్పాటు చేశారు. బాలకృష్ణ సభలో కుర్చీలన్నీ ఖాళీగా కనిపించాయి. బాలకృష్ణ మాట్లాడుతున్న సమయంలో కొందరు లేచి వెళ్లిపోయారు. జనాలు ఆసక్తి చూపించకపోవడంతో బయట నుంచి కూలీ ఖర్చులు చెల్లించి జనాలను రప్పించారు. వారికి కూడా సమయం అయిపోవడంతో ఒక్కొక్కరుగా లేచి వెళ్లిపోయారు. దీంతో ఎమ్మెల్యే బాలకృష్ణ తీవ్ర అసహనంతో కనిపించారు. ఎన్నికల ప్రచారానికి జనాలని తీసుకురావడం కూడా తెలియదా అని పీఏలపై ఆగ్రహం వ్యక్తం చేసినట్లు తెలిసింది. యథేచ్ఛగా కోడ్ ఉల్లంఘన.. శుక్రవారం సాయంత్రం ఐదు గంటలకే ఎన్నికల ప్రచారం ముగియగా, ఎమ్మెల్యే బాలకృష్ణ 5.30 గంటలైనా సభలో ప్రసంగించి ఎన్నికల కోడ్ ఉల్లంఘించారు. కోడ్ ఉల్లంఘన జరుగుతున్నా అధికార యంత్రాంగం కనీసం చెప్పే ప్రయత్నం కూడా చేయలేదు. ఇదీ చదవండి: టీడీపీ జెడ్పీటీసీ అభ్యర్థి ఆస్తులు రూ.172.27 కోట్లు -
పెనమలూరు ఎంపీపీ బాదావత్ వెంకటేశ్వరరావు!
కృష్ణా జిల్లా: ఇదేమిటీ ఎన్నిక జరగకుండానే ఫలానా వ్యక్తి ఎంపీపీ అని ఎలా చెబుతున్నారని ఆశ్చర్యపోతున్నారా... అక్కడ ఎంపీపీ పదవికి అర్హత ఉన్న వ్యక్తులు పెనమలూరు–1 సెగ్మెంట్లో మాత్రమే పోటీ చేస్తున్నారు. పైగా వారిద్దరి పేర్లు బాదావత్ వెంకటేశ్వరరావే... పార్టీలు మార్పు అంతే... అందుకే ఎవరు గెలిచినా ఎంపీపీ నేమ్బోర్డు బాదావత్ వెంకటేశ్వరరావు అనే ఉంటుంది. అలాంటి విచిత్ర పరిస్థితిలో కృష్ణాజిల్లా పెనమలూరు మండల పరిషత్ ఎన్నికలు జరుగుతున్నాయి. వివరాల్లోకి వెళితే... పెనమలూరు మండలం నుంచి తాడిగడప మున్సిపాలిటీ విడిపోయిన తరువాత మొదటిసారిగా మండల పరిషత్ ఎన్నికలు జరుగుతున్నాయి. పెనమలూరు మండలంలో మొత్తం 12 ఎంపీటీసీ స్థానాలు ఉన్నాయి. 2011 జనాభా లెక్కల ప్రకారం మండల జనాభా 41,832 మంది ఉన్నారు. ఇందులో ఎస్టీలు కేవలం 1294 మందే ఉన్నారు. ఎస్టీల జనాభా తక్కువగా ఉన్నా అధికారులు ఎంపీపీ స్థానం ఎస్టీలకు రిజర్వు చేశారు. ఇక్కడివరకు వ్యవహారం బాగానే ఉన్న ఎస్టీ అభ్యర్థి పోటీ చేయటానికి అధికారులు ఎస్టీ ఎంపీటీసీ స్థానం 12 ఎంపీటీసీ స్థానాల్లో కేటాయించలేదు. దీంతో జనరల్ స్థానంలో ఎస్టీ అభ్యర్థులు పోటీ చేయాల్సిన పరిస్థితి ఏర్పడింది. ఇద్దరూ ఒకే చోట పోటీ పెనమలూరు–1 సెగ్మెంట్ జనరల్ కావటంతో ఎంపీటీసీ స్థానానికి ఇరు పార్టీలకు చెందిన ఇద్దరు ఎస్టీ అభ్యర్థులు ఒకే చోట పోటీ పడుతున్నారు. వీరిలో గెలిచిన వ్యక్తే ఎంపీపీ అవుతారు. ఎంపీపీకి మెజారిటీ ఎంపీటీసీలతో పనిలేకుండా పోయింది. ఒకే స్థానం నుంచి పోటీ చేస్తున్న ఇద్దరిలో ఒకరే గెలిచే అవకాశం ఉన్నందున గెలిచిన వ్యక్తికి ఎంపీపీ కిరీటం దక్కుతుంది. ఇద్దరి పేర్లు కూడా ఒకటే మరో విచిత్రం ఏమిటంటే పెనమలూరు–1 సెగ్మెంట్లో వైఎస్సార్ సీపీ అభ్యర్థి బాదావత్ వెంకటేశ్వరరావు, టీడీపీ అభ్యర్థి బాదావత్ వెంటేశ్వరరావు పేర్లు ఒకటే. బ్యాలెట్æపత్రంలో ఇద్దరి పేర్లు ఒక పేరుతోనే వచ్చే పరిస్థితి ఉంది. దీంతో ఓటర్లు అయోమయానికి గురయ్యే అవకాశం ఉంది. ఓటర్లు పార్టీ సింబల్ను చూసి మాత్రమే ఓటు వేయాల్సి ఉంటుంది. మరి ఎంపీపీ పదవి వీరిద్దరిలో ఎవరికి దక్కుతుందనేది స్థానికంగా ఆసక్తి కలిగిస్తోంది. -
ఎన్నికల బరిలో భార్యాభర్తలు
ఎన్టీఆర్ జిల్లా: స్థానిక సంస్థల ఎన్నికల సమరంలో వైఎస్సార్ కాంగ్రెస్ పార్టీ తరఫున భార్యాభర్తలు జెడ్పీటీసీ, ఎంపీటీసీ స్థానాలకు పోటీ చేస్తున్నారు. గతంలో కంచికచర్ల ఉపసర్పంచిగా పనిచేసిన వేమా సురేష్ బాబు ప్రస్తుతం జెడ్పీటీసీ అభ్యర్థిగా బరిలో ఉన్నారు. గతంలో ఎంపీటీసీ సభ్యురాలిగా పనిచేసిన ఆయన భార్య వేమా రోజారమణి తిరిగి అదే స్థానంలో పోటీలో ఉన్నారు. రాజకీయ నేపథ్యం ఉన్న కుటుంబం రాజకీయ నేపథ్యం ఉన్న కుటుంబం నుంచి వచ్చిన ఈ దంపతులకు స్థానిక రాజకీయాలతో పాటు ప్రజా సేవలో అనుభవం ఉంది. సురేష్ బాబు తాత వేమా నరసింహారావు 20 ఏళ్లపాటు కంచికచర్ల మేజర్ గ్రామ పంచాయతీ సర్పంచిగా పనిచేసి గ్రామ రాజకీయాల్లో తనదైన గుర్తింపు పొందారు. అదే రాజకీయ వారసత్వాన్ని కొనసాగిస్తూ వేమా సురేష్బాబు గత గ్రామ పంచాయతీ ఎన్నికల్లో వైఎస్సార్ కాంగ్రెస్ పార్టీ తరఫున పోటీ చేసి ఉపసర్పంచిగా ఎన్నికై ఐదేళ్ల పాటు గ్రామ అభివృద్ధి కార్యక్రమాల్లో తన వంతు పాత్ర పోషించారు. మరో వైపు వేమా రోజారమణి గతంలో ఎంపీటీసీగా పోటీచేసి విజయం సాధించారు. తన సెగ్మెంట్ పరిధిలో పలు అభివృద్ది కార్యక్రమాలతో పాటు ప్రజలకు ప్రభుత్వ సంక్షేమ పథకాలు అందేలా కృషి చేశారు. తిరిగి ప్రజా క్ష్రేత్రంలోకి ... ఇప్పుడు మరోసారి ప్రజాక్షేత్రంలోకి వచ్చిన ఈ దంపతులు వేర్వేరు స్ధానాల్లో తమ అదృష్టాన్ని పరీక్షించుకుంటున్నారు. గత వైఎస్సార్ కాంగ్రెస్ పార్టీ ప్రభుత్వ హయాంలో అమలైన సంక్షేమ పథకాలు, చేపట్టిన అభివృద్ధి కార్యక్రమాలను ప్రజలకు వివరిస్తూ ఇంటింటి ప్రచారం సాగిస్తున్నారు. గతంలో తాము చేసిన అభివృద్ధి పనులను వివరిస్తూ ఓటర్లను కలిసి మద్దతు కోరుతున్నారు. మరి ఈ ఎన్నికల్లో భార్యాభర్తల రాజకీయ ప్రయాణానికి ఓటర్లు ఎలాంటి తీర్పు ఇస్తారో... జెడ్పీటీసీ, ఎంపీటీసీ స్థానాల్లో ప్రజల మద్దతు ఎవరికి లభిస్తుందో... ఎన్నికల ఫలితాల వరకు వేచి చూడాల్సిందే. -
బందరు లడ్డూ ఎవరికో?
చిలకలపూడి(మచిలీపట్నం): మచిలీపట్నం నగరపాలక సంస్థ అభివృద్ధే ప్రధాన లక్ష్యమన్న నినాదంతో మేయర్ అభ్యర్థులు తమ ప్రచారాన్ని పూర్తి చేశారు. మేయర్ ఎన్నికల్లో ప్రధానంగా వైఎస్సార్ సీపీ, తెలుగుదేశం పార్టీ అభ్యర్థులు తలపడుతున్నారు. వీరిరువురి కుటుంబాలు ఎప్పటి నుంచో రాజకీయాల్లో ఉన్నాయి. మునిసిపల్ కార్పొరేషన్ మేయర్ పదవి బీసీ మహిళకు కేటాయించారు. వైఎస్సార్ సీపీ అభ్యర్థిగా లంకా జ్యోతి, తెలుగుదేశం పార్టీ అభ్యర్థిగా అబ్దుల్ అబీదా బరిలో ఉన్నారు. ఈ పోటీలో వైఎస్సార్ సీపీ అభ్యర్థి లంకా జ్యోతికే విజయావకాశాలు ఉన్నాయని రాజకీయ విశ్లేషకులు భావిస్తున్నారు. సహజంగానే వైఎస్సార్ సీపీకి ఎస్సీ, ఎస్టీ, బీసీ, మైనార్టీల మద్దతు ఉంటుంది. లంకా జ్యోతి తూర్పుకాపు సామాజికవర్గానికి చెందటంతో నగరంలో ఉన్న ఆ సామాజికవర్గం వారితో పాటు కాపు సామాజికవర్గం మొగ్గు చూపే అవకాశం మెండుగా ఉంది. ఎన్నో ఏళ్ల నుంచి మేయర్ పదవిలో కాపు సామాజికవర్గానికి చెందిన వ్యక్తి ఉండాలనేది ఇక్కడ అధికంగా ఉన్న కాపు సామాజికవర్గ అభీష్టంగా ఉంది. అయితే రిజర్వేషన్ బీసీ మహిళకు రావటంతో కాపు సామాజికవర్గంలోని తూర్పు కాపునకు చెందిన జ్యోతికి సీటు దక్కింది. టీడీపీలో నగరంలోని ప్రథమ శ్రేణి నాయకులే సీటు కోసం ప్రయత్నాలు చేసినా హసీమ్ బేగ్ భార్య అబ్దుల్ అబీదాకు అధిష్టానం సీటు కేటాయించింది. దీంతో తొలినాళ్ల నుంచీ సీటు దక్కని నాయకులు కొంత ఎడముఖం, పెడ ముఖంగా ఉంటున్నారు. పొత్తుల పంచాయతీ టీడీపీలో అసంతృప్తి పలు డివిజన్లలో టీడీపీ, జనసేన అభ్యర్థుల మధ్య సఖ్యత లేకపోవటంతో ఆయా డివిజన్లలో రెబల్ అభ్యర్థులు బరిలో ఉండటం కూటమి విజయంపై తీవ్ర ప్రభావం చూపనుంది. కూటమి పార్టీల మధ్య కుదిరిన పొత్తులో భాగంగా 60 డివిజన్లలో టీడీపీకి 40, జనసేనకు 18, బీజేపీకి రెండు డివిజన్లు కేటాయించారు. పార్టీ కోసం ఏళ్ల తరబడి పనిచేసిన తమను పక్కనపెట్టి పొత్తుల పేరుతో బీజేపీ, జనసేనకు సీట్లు కేటాయించటంపై అసంతృప్తితో టీడీపీ ఆశావహులు రగిలిపోతున్నారు. వైఎస్సార్ సీపీ పాలనలో నగరం అభివృద్ధి వైఎస్సార్ సీపీ కార్పొరేషన్ మొదటి సాధారణ ఎన్నికల్లో అత్యధిక స్థానాలను సాధించి పాలన సాగించింది. 50 డివిజన్లకు గానూ 44 డివిజన్లలో వైఎస్సార్ సీపీ అభ్యర్థులు నాడు విజయబావుటా ఎగురవేశారు. టీడీపీ 5, జనసేన 1 స్థానంతో సరిపెట్టుకున్నాయి. వైఎస్సార్ సీపీ హయాంలో నగరంలో ప్రజలకు అవసరమైన తాగునీటి పైప్లైన్లు, సిమెంటు రోడ్లు, కల్వర్టులు, డ్రెయిన్లు, పార్కులు తదితర మౌలిక వసతుల అభివృద్ధి జరిగింది. నగరంలోని దాదాపు 25 వేల మందికి ఇంటి స్థలాలను ఇవ్వటంతో పాటు వేలాది మందికి పక్కా గృహాలు నిర్మించి ఇచ్చారు. వీటికి తోడు నాటి వైఎస్సార్ సీపీ ప్రభుత్వం అమలు చేసిన సంక్షేమ పథకాలను అర్హులైన ప్రతి ఒక్కరికీ అందేలా చర్యలు తీసుకున్నారు. లంకా జ్యోతి, వైఎస్సార్ సీపీ అభ్యర్ధి వైఎస్సార్ సీపీ అభ్యర్ధి లంకా జ్యోతి మామ లంకా అచ్చెయ్యనాయుడు 1981 లో మాజీ మంత్రి పేర్ని కృష్ణమూర్తి తో కలిసి కౌన్సిలర్గా పనిచేశారు. ఆయన కుమారుడు సూరిబాబు గతంలో కాంగ్రెస్ పార్టీ నగర అధ్యక్షునిగా, అరిసేపల్లి పీఏసీఎస్ అధ్యక్షునిగా, కౌన్సిలర్, కో–ఆప్షన్ సభ్యుడు, కార్పొరేటర్, డెప్యూటీ మేయర్గా పనిచేశారు.ఇదీ చదవండి: ‘రుణం తీర్చుకునే సమయం వచ్చిందిరా రామచంద్రా!’ ఈమె తమ సామాజికవర్గంతో పాటు కాపు సామాజికవర్గం మద్దతు లభిస్తుందనే నమ్మకంతో పాటు వైఎస్సార్ సీపీ సంప్రదాయ ఓట్లతో అత్యధిక మెజార్టీతో విజయం సాధిస్తానని ధీమా వ్యక్తం చేస్తున్నారు. అబ్దుల్ అబీదా, టీడీపీ అభ్యర్థి అబీదా మామ కలీం బేగ్, అత్త మొవ్వ పార్వతి మచిలీపట్నం మునిసిపల్ కౌన్సిలర్లుగా పనిచేశారు. భర్త హసీం బేగ్ ప్రస్తుతం 16వ డివిజన్లో టీడీపీ అభ్యర్థిగా పోటీ చేస్తున్నారు. మైనార్టీ ఓట్లతో పాటు ఇతర సామాజికవర్గాల ఓట్ల కోసం ప్రయత్నాలు చేస్తున్నారు. -
వైఎస్ జగన్ హయాంలో పట్టాలెక్కిన ప్రగతి
వైఎస్సార్సీపీ ప్రభుత్వ హయాంలో కడప గడపలో అభివృద్ధి పరుగులు తీసింది. విద్య, వైద్యం, మౌలిక వసతులతో పాటు పారిశ్రామిక ప్రగతి వేగంగా రూపుదిద్దుకుంది. ఆల్డిక్సన్, సెంచురీ ప్లైౖబోర్డ్స్, ఆదిత్యా బిర్లా గార్మెంట్స్ లాంటి ప్రముఖ సంస్థలు వచ్చి చేరాయి. రాయలసీమ నిరుద్యోగ సమస్యకు పుల్స్టాప్ పడేలా జేఎస్డబ్ల్యూ నేతృత్వంలో స్టీల్ ప్లాంట్ పురుడు పోసుకుంది. సూపర్ స్పెషాలిటీ వైద్యం అందుబాటులోకి వచ్చింది. పదేళ్లు నిరాదరణకు గురైన జిల్లాలో వైఎస్ జగన్మోహన్రెడ్డి హాయాంలో నలుదిశలా వృద్ధి చెందింది. – సాక్షి ప్రతినిధి, కడపఅభివృద్ధికి అడుగుజాడ..టీడీపీ హయాంలో (2014–19)లో నిరా దరణకు గురైన కొప్పర్తి పారిశ్రామికవాడపై వైఎస్సార్ సీపీ హయాంలో అప్పటి సీఎం వైఎస్ జగన్ ప్రత్యేక చొరవ పెట్టారు. 801 ఎకరాల్లో వైఎస్సార్ ఎల్రక్టానిక్ మ్యానుఫ్యాక్షర్ క్లస్టర్ ఏర్పాటు చేశారు. రూ.10వేల కోట్లు పెట్టుబడులు సమీకరించి లక్ష ఉద్యోగాలు సృష్టించేందుకు ప్రణాళికలు చేశారు. అందులోభాగంగా వేగంగా పారిశ్రామిక అడుగులు పడ్డాయి. రూ.80 కోట్లతో ఏర్పాటు చేసిన ఆల్డిక్సన్ కంపెనీ ప్రారంభమైంది. ఈసంస్థలో 1100 మందికి యువతకు ప్రత్యక్ష ఉద్యోగాలు లభించాయి. మరో రూ.127 కోట్లతో 1800 మందికి ఉపాధి లభించేలా విస్తరణ చేపట్టింది.రెండేళ్లలోనే ఉత్పత్తిబద్వేల్ నియోజకవర్గం గోపవరం సమీపంలో ఏర్పాటు చేసిన సెంచురీ ఫ్లైబోర్డ్స్ పరిశ్రమకు శ్రీకారం చుట్టిన రెండేళ్లలోనే ప్రారంభించారు. 589.23 ఎకరాల్లో రూ.956 కోట్లు అంచనాతో శ్రీకారం చుట్టిన ఆ సంస్థ పెట్టుబడులు రూ.1600 కోట్లకు చేరాయి. 2024 డిసెంబర్ నాటికి ఉత్పత్తి లక్ష్యం కాగా, 2023 డిసెంబర్ నాటి రెండు దశల పనులు కూడా పూర్తి చేశారు. 2021 డిసెంబర్ 23న అప్పటి సీఎం వైఎస్ జగన్ శంకుస్థాపన చేయగా, 2023 డిసెంబర్ 23న ప్రారంభించారు. ఈపరిశ్రమ ద్వారా 2076 మంది స్థానికులకు ప్రత్యక్ష ఉద్యోగ అవకాశాలు లభించాయి. ప్రభుత్వ నిబంధనల ప్రకారం 75 శాతం స్థానికులకు ఇవ్వాల్సి ఉండగా 78 శాతం ఉద్యోగాలు స్థానికులకు లభించాయి. మెడికల్ హబ్గా రిమ్స్... రిమ్స్ వైద్యశాల ప్రాంగణం మెడికల్ హబ్గా తీర్చిదిద్దారు. రూ.322.82 కోట్లతో మూడు ఆధునాతన వైద్యశాలలను నిర్మించా రు. 452 పడకల సూపర్ స్పెషాలిటీ వైద్యశాల, 100 పడకల మానసిక వైద్యశాల, 100 పడకల కేన్సర్ హాస్పిటల్ను నెలకొల్పారు. మహానేత వైఎస్ఆర్ 180ఎకరాల విస్తీర్ణంలో రూ.220 కోట్లు వ్యయంతో ‘రిమ్స్’వైద్య కళాశాల, దంత వైద్య కళాశాల, నర్శింగ్ కళాశాలలను ఏర్పాటు చేశారు. మాజీ సీఎం వైఎస్ జగన్ మరో రూ.322.82 కోట్లు వెచ్చించి, సూపర్ స్పెషాలిటీ సేవలు అందుబాటులోకి తీసుకొచ్చారు. కార్డియాలజీ, పిడియాట్రిక్, న్యూరాలజీ, ప్లాస్టిక్ సర్జరీ, గ్యాస్ట్రో ఎంట్రాలజీ, నెఫ్రాలజీ లాంటి సూపర్ స్పెషాలిటీ వైద్య సేవలు రిమ్స్లో లభించనున్నాయి.కనువిందుగా కడప కడప నగరం సుందరీకరణ కనువిందుగా రూపుదిద్దుకుంది. దశాబ్దాలు తరబడి పెండింగ్లో ఉన్న రహదారులు విస్తరణ వేగంగా చేపట్టారు. రూ.120 కోట్లతో నగరంలోని 12 జంక్షన్లును వృద్ధి చేశారు. రూ.6.85 కోట్లతో రాజీవ్మార్గ్ రోడ్డు, రాజీవ్ పార్క్ ఆధునికీకరించారు. రూ.69.2 కోట్లుతో పాత బళ్లారి రోడ్డు, రూ.100 కోట్లుతో దేవుని కడప రోడ్డు విస్తరణ చేపట్టారు. రూ.10కోట్లతో ఇండస్ట్రీయల్ ఎస్టేట్ రోడ్డు నిర్మించారు. వైఎస్ రాజారెడ్డి–ఏసీఏ క్రికెట్ మైదానంలో రంజీ, దేశవాళీ క్రికెట్ మ్యాచ్లకు వేదికగా తీర్చిదిద్దారు. కడపసిగలో మణిహారం... జమ్మలమడుగు సమీపంలో జెఎస్డబ్ల్యూ సంస్థచే నిర్మించతలపెట్టిన స్టీల్ప్లాంట్ కడపసిగలో మణిహారంగా నిలవనుంది. తొలివిడతగా రూ.3,300 కోట్లు వ్యయంతో 10లక్షల టన్నుల ఉత్పత్తి సామర్థ్యంతో నిర్మాణ పనులు కొనసాగుతోన్నాయి. 2023 ఫిబ్రవరి 15న అప్పటి సీఎం వైఎస్ జగన్మోహన్రెడ్డి భూమిపూజ చేశారు. ఈ ప్రాజెక్టు నిర్మాణం కోసం వైఎస్ జగన్ సర్కార్ రూ.720 కోట్లు వెచ్చించి మౌళిక వసతులను సమకూర్చింది. విస్తరణ అనంతరం రూ.8800 కోట్లు పెట్టుబడి, 3మిలియన్ టన్నుల సామర్థ్యంతో 25వేల మందికి ప్రత్యక్ష ఉద్యోగ అవకాశాలు లభించేలా రూపకల్పన చేశారు.పచ్చ పాలనలో పాతాళానికి అభివృద్ధి! జిల్లాలో రెండున్నరేళ్లుగా సీఎం చంద్రబాబు సర్కార్లో అభివృద్ధి పడకేసింది. అప్పట్లో మంజూరైన నిధులు కూడా ఖర్చు చేయలేని దుస్థితిలో కూటమి సర్కార్ ఉండిపోయింది. జిల్లా కేంద్రంలో ఏడాదిన్నర నుంచి వైఎస్ జార్జిరెడ్డి వీధిలో నిర్మాణంలో ఉన్న డ్రైనేజీ వరద కాలువ పూర్తి చేయలేని దుస్థితి స్పష్టంగా కని్పస్తోంది. ఎమ్మెల్యే మాధవిరెడ్డి ఇంటికి కూతవేటు దూరంలో ఉన్న కాలువ నిర్మాణం కొనసాగుతూ....నే ఉంది. పైగా మూడు దశాబ్దాలుగా ప్రశాంతతకు నెలవుగా, భిన్నత్వంలో ఏకత్వంగా ఉన్న జిల్లా కేంద్రంలో దుష్ట సంస్కృతి తెరపైకి వచ్చింది. ఆస్తులు స్వా«దీనం చేసుకునే ఎన్నడు లేని సంస్కృతి వచ్చి చేరింది. -
‘రుణం తీర్చుకునే సమయం వచ్చిందిరా రామచంద్రా!’
ఆ సాయంత్రం కలసపాడు పీర్ల చావిడి రచ్చబండ వద్ద ఊరి పెద్దమనిషి రామకృష్ణారెడ్డి చేతిలోని పేపర్ మడతపెట్టి తీవ్ర ఆలోచనలో పడ్డాడు. పక్కనే ఉన్న యువకుడు రామచంద్ర కారణం అడగ్గా.. ‘కాలం ఎప్పుడూ ఒకేలా ఉండదురా! కష్టకాలంలో కొండంత అండగా ఉన్న జగనన్నను గత ఎన్నికల్లో పొరపాటున దూరం చేసుకున్నాం. తోడు నిలిచినోడిని మరిచిపోతే మనుషులం కాము. ఇప్పుడు జరిగే ఎన్నికల్లోనైనా ఆయన రుణం తీర్చుకుందామనుకుంటే.. కూటమి వాళ్లు పోలీసులతో భయపెట్టి చాలా చోట్ల దౌర్జన్యంగా ఏకగ్రీవాలు చేసుకున్నారు. అయినా సరే, మిగిలిన 1 కార్పోరేషన్, 2 మున్సిపాలిటీలు, 16 జడ్పీటీసీలు, 63 ఎంపీటీసీ స్థానాల్లో మన వైఎస్సార్సీపీ అభ్యర్థులు కూటమి రౌడీ మూకల దెబ్బలకు ఎదురొడ్డి నామినేషన్లు వేశారు. నవంబర్ 5న వీరందరినీ గెలిపించి జగనన్న పరువు కాపాడుకోవాల్ఙి అని పిలుపునిచ్చాడు. పక్కనే ఉన్న కుర్రాడు శ్రీకాంత్ కొంచెం వెటకారంగా.. ‘రాజకీయ నాయకులకు రుణపడడం ఏంటి మామా? వాళ్లు పథకాలిస్తారు, మనం ఓట్లేస్తాం’అనడంతో రామకృష్ణారెడ్డి అతడి భుజం తట్టి.. ‘నువ్వు కుర్రాడివిరా, నీకు గతం తెలీదు. ఒకప్పుడు మీ చెల్లెలి చదువుకు ఫీజుల్లేక మీ నాన్న పడ్డ ఇబ్బంది గుర్తుందా? ఆనాడు ‘అమ్మఒడి’ రాబట్టే కదా తను కాలేజీ చదువు చదువుతోంది. పేదవాడి పిల్లవాడు కూడా చదువుకోవాలనే ఆ ఆలోచన జగనన్నది కాదా?’ అని నిలదీశాడు. అంతటితో ఆగక రామచంద్ర వైపు తిరిగి.. ‘నీ విషయానికే వస్తే, మీ అమ్మగారి ఆపరేషన్కు కడప పెద్దాసుపత్రిలో ‘ఆరోగ్యశ్రీ’ లేకపోతే లక్షలు ఎక్కడి నుండి తెచ్చేవాడివిరా? ఉన్న ఆ కాస్త పొలం ముక్క కూడా అమ్ముకునేవాడివి కదా! రైతు భరోసా పెట్టుబడి సాయం, ఒకటో తారీఖునే తలుపు తట్టే అవ్వాతాతల పింఛన్లు ఎందరి ఇళ్లల్లో ధీమా నింపాయో ఆలోచించు’ అని విడమరిచి చెప్పాడు. అదే సమయంలో అక్కడికి వచ్చిన స్కూల్ హెడ్మాస్టర్ రామారెడ్డి కూడా మాట కలిపారు.. ‘కేవలం ఓటు–సీటు లెక్కలతో చూస్తే కృతజ్ఞతకు అర్థమే ఉండదు శ్రీకాంత్. వర్షం వస్తే కారే కప్పులు, విరిగిన బల్లలతో ఉన్న మన ఊరి బడి ఇవాళ ‘నాడు–నేడు’తో కార్పోరేట్ స్కూళ్లకు దీటుగా మారింది. ఇంగ్లీష్ మీడియం చదువులు, విద్యా కానుక కిట్లు, రుచికరమైన గోరుముద్ద భోజనం అందుతున్నాయి. ఈ మార్పు తెచ్చిన నాయకుడికి మనం కృతజ్ఞత చూపించకపోతే ఎలా? అని ప్రశ్నించారు. డ్వాక్రా సంఘం లీడర్ మల్లేశ్వరమ్మ కూడా తన పొదుపు పుస్తకం సర్దుకుంటూ రచ్చబండ వద్దకు చేరి.. ‘ఈ శ్రీకాంత్ గాడికేం తెలుసు మామాయ్యా! వైఎస్సార్ ఆసరా, చేయూత, ఈబీసీ, కాపు నేస్తం, ఇళ్ల స్థలాలతో మా మహిళల బతుకులు ఎలా మారాయో మాకు తెలుసు. వడ్డీ వ్యాపారుల చుట్టూ తిరిగే మేము ఇవాళ సొంత కాళ్లపై నిలబడ్డాం. తండ్రీకొడుకులిద్దరూ మమ్మల్ని సమాజంలో తలెత్తుకునేలా చేశారు. రెండేళ్ల నాడు జరిగిన అసెంబ్లీ ఎన్నికల్లో మోసపోయాం, మళ్లీ ఆ తప్పు చేయొద్దు. కూటమి దౌర్జన్యాలకు భయపడకుండా ఫ్యాను గుర్తుకే ఓట్లు వేసి గెలిపించుకుందాం’ అని భావోద్వేగంతో పిలుపునిచ్చింది. చివరగా పెద్దాయన రామకృష్ణారెడ్డి.. ‘నాయకులు, ప్రభుత్వాలు మారవచ్చు కానీ కష్టకాలంలో సంక్షేమ పథకాలతో మన ఇళ్లను నిలబెట్టిన ఆ నమ్మకాన్ని, ఆ మనిషిని మనం గుర్తుపెట్టుకోవాలి. అదే మనం తీర్చుకునే రుణం’ అనడంతో, వెటకారం చేసిన శ్రీకాంత్ కూడా తప్పు తెలుసుకుని.. ‘నిజం చెప్పావు మామా.. సాయం చేసిన వాణ్ణి మరిచిపోవడం నమ్మకద్రోహమే అవుతుంది. మన మద్దతు ఎప్పుడూ జగనన్నకే’ అన్నాడు. రచ్చబండ వద్ద ఉన్న గ్రామస్తులంతా అవునంటూ తలూపారు. చీకటి పడుతున్నా ఆ పల్లెటూరి మనుషుల మనసుల్లో మాత్రం జగనన్న పట్ల ‘కృతజ్ఞత’అనే వెలుగు స్పష్టంగా కనిపించింది. – కాతా వెంకట నరసింహారెడ్డి, బద్వేలు -
స్థానిక ఎన్నికల్లో ధనుష్ అభిమానుల పోటీ
సాక్షి, చెన్నై : నటుడు విజయ్ రాజకీయ ప్రస్థానం తరహాలోనే నటుడు ధనుష్కి చెందిన సంక్షేమ సంఘం (ధనుష్ నర్పణి ఇయక్కమ్) రాబోయే తమిళనాడు స్థానిక సంస్థల ఎన్నికల్లో పోటీ చేయడానికి సిద్ధమవుతోంది. ఈ ఎన్నికల్లో సంఘం సభ్యులు స్వతంత్ర అభ్యర్థులుగా పోటీ చేసి క్షేత్రస్థాయిలో తమకున్న ప్రజల మద్దతును, పలుకుబడిని పరీక్షించుకోవాలని భావిస్తున్నారు. ఈ ప్రయత్నాన్ని ధనుష్ భవిష్యత్తు రాజకీయ ప్రవేశానికి నాందిగా భావిస్తున్నారు. ఇందులో మహిళలను పెద్ద ఎత్తున భాగస్వామ్యులను చేయడమే ప్రధాన లక్ష్యంగా పెట్టుకున్నారు. చెన్నైలో ఇటీవల జరిగిన మహిళా సమావేశం తరహాలోనే రాష్ట్ర వ్యాప్తంగా వివిధ ప్రాంతాల్లో వరుస సమావేశాలు నిర్వహించి మహిళా సంఘాన్ని బలోపేతం చేయడానికి ప్రణాళికలు రూపొందించారు. ప్రస్తుతం అధికారికంగా పార్టీ పేరును ప్రకటించకుండానే, ప్రజలతో నిరంతరం అనుసంధానమై ఉండడానికి సంక్షేమ కార్యక్రమాలు, బాలల అభివృద్ధి ప్రాజెక్టులను నిర్వహిస్తున్నారు. విజయ్ ‘టీవీకే’ మోడల్ అనుసరణ నటుడు విజయ్ తన తమిళగ వెట్రి కళగం పార్టీని ప్రారంభించడానికి ముందు విజయ్ మక్కల్ ఇయక్కమ్ ద్వారా స్థానిక ఎన్నికల్లో పోటీ చేసి విజయం సాధించారు. ఈ విధానాన్నే ధనుష్ అభిమాన సంఘం కూడా అనుసరిస్తోంది. ఇప్పటి వరకు నటుడు ధనుష్ కానీ, ఆయన టీమ్ కానీ రాజకీయ ప్రవేశంపై ఎలాంటి అధికారిక ప్రకటన చేయనప్పటికీ, ఈ వ్యూహాత్మక అడుగులు తమిళనాడు రాజకీయ వర్గాల్లో ఆసక్తిని రేకెత్తిస్తున్నాయి. -
టీడీపీ జెడ్పీటీసీ అభ్యర్థి ఆస్తులు రూ.172.27 కోట్లు
చిత్తూరు కార్పొరేషన్: చిత్తూరు జిల్లా గుడిపాల మండలం జెడ్పీటీసీ టీడీపీ అభ్యర్థిగా నామినేషన్ వేసిన మమత శ్రీ, ఆమె కుటుంబ సభ్యుల పేరిట మొత్తం రూ.172.27 కోట్లు ఆస్తి ఉంది. ఈ మేరకు వివరాలను ఎన్నికల అఫిడవిట్లో పొందుపరిచారు. ఇందులో రూ.9.28 కోట్లు చరాస్తి కాగా, రూ.162.99 కోట్లు స్థిరాస్తులు. మమత శ్రీ పేరిట 2 స్కూటీలు, ఆమెకు 1.10 కిలోల బంగారం, 15 కిలోల వెండి ఉన్నాయి. ఆమె భర్త మొగిలీశ్వరనాయుడు(ఈశ్వరనాయుడు) పేరిట 3 ట్రాన్స్పోర్ట్ వాహనాలు, 3 కాంక్రీట్ మిక్సర్ ట్రక్కులు ఉన్నాయి. ఆయన పేరు మీద రూ.119.80 కోట్లు, మమత శ్రీకి రూ.43.64 కోట్ల విలువైన స్థిరాస్తులున్నట్లు అఫిడవిట్లో వెల్లడించారు. ఇందులో 44.62 ఎకరాల వ్యవసాయ భూమి, రూ.24.89 కోట్లు విలువైన ఇళ్లు ఉన్నట్లు పేర్కొన్నారు. చిత్తూరు జిల్లాలోని బంగారుపాళ్యం, కర్ణాటకలో ఈ ఆస్తులున్నట్లు తెలిపారు. కాగా, బంగారుపాళ్యం మండలానికి చెందిన ఆమె.. గుడిపాల నుంచి జెడ్పీటీసీ అభ్యర్థిగా టీడీపీ తరఫున నామినేషన్ వేశారు. ఇదీ చదవండి: అమరావతి కోసం బెజవాడను బలి పెడుతున్న కూటమి -
అభ్యర్థి ఎంపికకు టాస్.. తిరుపతి జిల్లాలో వింత రాజకీయం!
రామచంద్రాపురం(తిరుపతి): ప్రజాస్వామ్యంలో ఎన్నికలు అంటేనే ప్రచార హోరు, వ్యూహాలు, ఓటర్లను ప్రసన్నం చేసుకోవడం వంటివి ఉంటాయి. కానీ, తిరుపతి జిల్లాలో మాత్రం నాయకులు సరికొత్త ట్రెండ్కు తెరతీశారు. గెలుపోటములను ఓటర్ల తీర్పు కంటే.. అదృష్ట దేవత ఎవరిని కరుణిస్తుందనే దానిపై ఆధారపడేలా చేయడం ఇప్పుడు హాట్ టాపిక్గా మారింది. ఓ ఎంపీటీసీ స్థానాన్ని నాణెం నిర్ణయించడంతో కూటమిలో ఇరువర్గాల మధ్య పోటీ లేకుండా, పార్టీ పెద్దల సమక్షంలో విచిత్ర రాజకీయ డ్రామా జరిగింది. వివరాలు.. రామచంద్రాపురం మండలం అనుపల్లె టీడీపీ ఎంపీటీసీ అభ్యర్థి ఎంపిక కోసం పార్టీ నాయకులు తర్జనభర్జన పడ్డారు. మంగళవారం జరిగిన తుది జాబితా ప్రక్రియలో ఇరువురు అభ్యర్థులను ఒప్పించేందుకు నాయకులు తలలు పట్టుకున్నారు. ఈ స్థానం కోసం ఏకంగా ఐదుగురు ఆశావహులు నామినేషన్లు వేయడంతో గందరగోళం ఏర్పడింది. అయితే, పార్టీ పెద్దల జోక్యంతో ముగ్గురు తప్పుకోవడంతో బరిలో కుమ్మర కౌసల్య, జిల్లా సౌందర్య మాత్రమే మిగిలారు. సాధారణంగా కూటమి రాజకీయాల్లో టికెట్ల కేటాయింపుపై సుదీర్ఘ చర్చలు, సర్వేలు జరుగుతాయి. కానీ, ఇక్కడ ఇరువర్గాల మధ్య గట్టి పోటీ ఉండటంతో, పార్టీ పెద్దలు ఒక ప్లాన్ వేశారు. అదే ఓటర్ల వద్దకు వెళ్లకుండానే నేరుగా బొమ్మా బొరుసు ఆట ఆడించారు. ఎవరి బలం, ఏరియా పట్టు వంటి కనీస అర్హతలను పక్కన పెట్టి.. పెద్దల ఆధ్వర్యంలో గాలిలో నాణెం వేశారు. అది కాస్తా బొమ్మ పడడంతో కుమ్మర కౌసల్యను అభ్యర్థిగా ఖరారు చేశారు. ఎమ్మెల్యే పులివర్తి నాని స్వయంగా ఆమెకు బీఫారమ్ అందజేశారు. ఇదీ చదవండి: భర్తకు బీఫామ్.. స్వతంత్రంగా భార్య! -
భర్తకు బీఫామ్.. స్వతంత్రంగా భార్య!
రామచంద్రాపురం(తిరుపతి): టీడీపీలో అంతర్గత విబేధాలు ఏకంగా పార్టీ మండల అధ్యక్షుడి ఇంట్లోనే కుంపటి రాజేశాయి. ఈ ‘ఇంటి పోరు’ జిల్లా రాజకీయాల్లో కలకలం రేపుతోంది. భార్యాభర్తలు జెడ్పీటీసీ అభ్యర్థులుగా పోటీకి దిగడం స్థానికంగా చర్చనీయాంశంగా మారింది. భర్తకు బీఫామ్.. స్వతంత్రంగా భార్య! టీడీపీ మండల అధ్యక్షుడు మేకల తిరుమల రెడ్డి జెడ్పీటీసీ అభ్యర్థిగా అధికారికంగా బీఫామ్ అందుకొని బరిలో నిలిచారు. అయితే ఆయన సతీమణి మేకల మాధవి కూడా అదే స్థానానికి స్వతంత్ర అభ్యర్థిగా నామినేషన్ వేసి పోటీ పడుతున్నారు. మండల స్థాయిలో పార్టీని నడిపించాల్సిన వ్యక్తి ఇంట్లోనే ముసలం పుట్టడంతో కార్యకర్తలు తలలు పట్టుకుంటున్నారు. ఈ పోరు చివరకు పార్టీ పరువును వీధికి ఈడ్చిందని స్థానిక నేతలు, కార్యకర్తలు మండిపడుతున్నారు. ఇదీ చదవండి: శ్రీలంక పౌరురాలికి మున్సిపల్ చైర్పర్సన్ టికెట్టా? -
ఓటమి భయం.. రంగంలోకి బాలకృష్ణ, వసుంధర!
కొళాయిల్లో ఎప్పుడూ రాని నీళ్లు.. మురుగుతో పొంగిపొర్లే కాల్వలు.. కనీస సౌకర్యాలు కనిపించవు.. ప్రజల గోడు ఎవరికీ వినిపించదు. నాలుగు దశాబ్దాలుగా టీడీపీ నాయకులు ప్రాతినిధ్యం వహిస్తున్న హిందూపురంలోని పరిస్థితి ఇది. బాలకృష్ణ మూడు పర్యాయాలు ఇక్కడి నుంచి అసెంబ్లీకి వెళ్లినా ఈ ప్రాంత అభివృద్ధిని మాత్రం పూర్తిగా విస్మరించారు. నిత్యం సినిమాల్లో బిజీగా ఉండే ఆయన.. పీఏలకు పాలన పగ్గాలు అప్పగించడంతో వారు ఇష్టానుసారం వ్యవహరిస్తున్నారు. ఫలితంగా జనం నరకం చూస్తున్నారు. హిందూపురం(చిలమత్తూరు): శ్రీసత్యసాయి జిల్లాలోనే అతిపెద్ద పట్టణంగా పేరుగాంచిన హిందూపురం మున్సిపాలిటీ పరిధి రోజు రోజుకూ విస్తరిస్తోంది. 52 వార్డులు, 2.26 లక్షల జనాభా ఉన్న పట్టణం సమస్యల సుడిగుండంలో చిక్కుకుంది. అవినీతి, అక్రమాలకు నిలయంగా మారింది. స్థానికంగా ఎమ్మెల్యే బాలకృష్ణ ఉండకపోవడం, పీఏలకు అధికారాలు ఇవ్వడంతో దోపిడీలు, దౌర్జన్యాలకు కేంద్ర బిందువుగా మారిపోయింది. ఎమ్మెల్యే బాలకృష్ణ చుట్టపుచూపుగా వచ్చిపోతుండటంతో ఇక్కడి నేతలు, కాంట్రాక్టర్లు, అధికారులు కుమ్మక్కై దోచుకుతింటున్నారని ప్రజలు మండిపడుతున్నారు. కనీసం తాగేందుకు నీళ్లు ఇవ్వలేని పాలకులపై జనం గుర్రుగా ఉండగా.. మున్సిపల్ ఎన్నికల్లో టీడీపీకి ఓటమి భయం పట్టుకుంది. ఈ నేపథ్యంలో బాలకృష్ణ సతీమణి వసుంధర హిందూపురంలో ప్రచారం నిర్వహిస్తుండగా... తాజాగా బాలకృష్ణ కూడా ప్రచారం కోసం రావడం చర్చనీయాంశమైంది. నీరు కరువు.. మురుగు పరుగు.. పట్టణంలో తాగునీటి సమస్య తీవ్రంగా ఉంది. గొల్లపల్లి రిజర్వాయర్ నుంచి 10 రోజులకు ఒక్కసారి తాగునీరు సరఫరా చేస్తున్నారు. దీంతో ప్రజలు తమ అవసరాలకు ట్యాంకర్ల ద్వారా నీటిని కొనుగోలు చేస్తున్నారు. వచ్చే అరకొర నీటికీ ట్యాక్స్లు మాత్రం భారీగా వసూలు చేస్తున్నారని ప్రజలు వాపోతున్నారు. ఇక మురుగు కాల్వలు సరిగా లేకపోవడంతో వర్షాలు వచ్చినప్పుడు మురుగునీరు ఇళ్లలోకి, దుకాణాల్లోకి చేరుతుండటంతో ప్రజలు తీవ్ర అవస్థలు పడుతున్నారు. మురుగునీరు కొట్నూరు, శ్రీకంఠపురం చెరువుల్లో చేరుతుండగా.. ఆ నీరంతా కలుషితమవుతోంది. అభివృద్ధి పనుల్లో భారీ దోపిడీ.. ఇక మున్సిపాలిటీ పరిధిలో రూ.92 కోట్లతో చేపడుతున్న అభివృద్ధి పనుల్లో భారీగా అక్రమాలు జరిగాయి. ముఖ్యంగా ప్రధాన రోడ్లు, సీసీ రోడ్లు వంటివి నాసిరకంగా నిర్మించి భారీగా దోచేశారనే ఆరోపణలున్నాయి. అలాగే హిందూపురం ప్రజల నీటి అవసరాలు తీర్చే రూ.136 కోట్ల గొల్లపల్లి వాటర్ ప్రాజెక్ట్ పనుల్లో అక్రమాలకు పాల్పడుతున్నారు. ఎమ్మెల్యే బాలకృష్ణ నివాసం సమీపంలోనే వాటర్ ట్యాంకు నిర్మాణ పనులు జరుగుతుండగా, నాసిరకం స్టీల్ వాడి ట్యాంకు నిర్మాణం చేస్తున్నారు. ఇక మున్సిపాలిటీ పరిధిలోని కొట్నూరు రెవెన్యూ పొలంలో టీడీపీ నేతలు సర్వే నంబర్ 259–1లో రూ.కోట్లు విలువ చేసే మున్సిపల్ స్థలాన్ని కబ్జా చేసి అక్రమంగా షెడ్లు నిర్మాణం చేపట్టి వాడుకుంటున్నారు. ఇదీ చదవండి: శ్రీలంక పౌరురాలికి మున్సిపల్ చైర్పర్సన్ టికెట్టా?దారితప్పిన శాంతిభద్రతలు.. చంద్రబాబు నేతృత్వంలోని కూటమి ప్రభుత్వం రాష్ట్రంలో కొలువుదీరిన తర్వాత హిందూపురం అత్యాచారాలు, హత్యలు, దోపిడీలు అధికం కాగా, శాంతి భద్రతలు పూర్తిగా అదుపుతప్పాయి. కూటమి నేతల సేవలో పోలీసు యంత్రాంగం తరిస్తుండటంతో సామాన్య ప్రజానీకం నరకం చూస్తున్నారు. నియోజకవర్గంలో వెలుగుచూసిన దొంగ నోట్ల వ్యవహారంలో టీడీపీ ముఖ్యనేత పాత్ర ఉండటం సంచలనం రేపింది. అయితే ఆ నోట్లను కూడా పోలీసులు టాయ్ నోట్లుగా చిత్రీకరించి దేశద్రోహం కేసు బదులు నామమాత్రపు కేసు పెట్టి మమ అనిపించారు. ఇక పట్టణంలో తాళాలు వేసిన ఇళ్లు, దుకాణాలను టార్గెట్ చేసిన దొంగలు.. వరుస చోరీలకు పాల్పడుతున్నారు. అయినా ఇంతవరకూ వారిని పట్టుకున్న దాఖల్లాల్లేవు. నలుగురు.. నాలుగు దిక్కులు.. బాలకృష్ణ చుట్టం చూపుగా వచ్చి శంకుస్థాపనలు, ప్రారంభోత్సవాలు చేసి వెళ్లిపోతుంటారు. ఆయన పీఏలు నలుగురు ఉండగా, నలుగురు నాలుగు దిక్కులు గా ఏర్పడి స్వప్రయోజనాలపైనే దృష్టిపెట్టి పట్టణ అభివృద్ధిని, సౌకర్యాల కల్పనను గాలికి వదిలేశారు. ఇసుక, మట్టి అక్రమ రవాణాతో పాటు భూకబ్జాలు, సెటిల్మెంట్లు చేస్తూ భారీగా దోచేస్తున్నారు. ఎవరైనా ప్రశ్నిస్తే అధికారం అండతో తీవ్ర ఇబ్బందులకు గురిచేస్తున్నారు. అందుకే వారి అవినీతి గురించి నోరు విప్పేందుకు కూడా ‘పురం’వాసులు భయపడిపోతున్నారు. లోటు బడ్జెట్లో మున్సిపాలిటీ.. హిందూపురం మున్సిపాలిటీకి ప్రాపర్టీ ట్యాక్స్ కేవలం రూ.16 కోట్లు మాత్రమే వస్తోంది. వచ్చిన ఆదాయంలో 80 శాతం గొల్లపల్లి నుంచి నీటి సరఫరాకే ఖర్చు చేస్తున్నారు. మిగిలిన మొత్తంతోనే అభివృద్ధి పనులు, సిబ్బందికి జీతాలు ఇవ్వాల్సిన పరిస్థితి. జిల్లా సర్వజనాసుపత్రిలో సమస్యలు.. హిందూపురంలోని జిల్లా ఆస్పత్రికి నిత్యం వేలాది మంది వస్తుంటారు. కానీ ఇక్కడ రోగులకు కనీస సౌకర్యాలు కరువయ్యాయి. 2024 ఫిబ్రవరిలో క్రిటికల్ కేర్ బ్లాక్ నిర్మాణానికి వైఎస్సార్సీపీ హయాంలో శంకుస్థాపన చేశారు. గత నెలలో టీడీపీ ఆర్భాటంగా క్రిటికల్ కేర్ బ్లాక్ ప్రారంభించినప్పటికీ పూర్తి స్థాయిలో పరికరాలు, సిబ్బంది, వైద్యుల నియామకాన్ని చేపట్టలేదు.ఓటమి భయంతోనే ప్రచారానికి బాలకృష్ణ హిందూపురంలో రెండున్నరేళ్లుగా అరాచకశక్తులు రాజ్యమేలుతున్నాయి. ఎమ్మెల్యే బాలకృష్ణ నియోజకవర్గంలో ఉండగానే వైఎస్సార్సీపీ కార్యాలయంపై టీడీపీ గూండాలు దాడి చేశారు. ప్రజాస్వామ్యంలో ఇంత దౌర్జన్యం ఎక్కడైనా ఉంటుందా..? అక్రమ మైనింగ్, ఇసుక, మట్టి మాఫియా పేట్రేగిపోతోంది. అభివృద్ధి మాటున టీడీపీ నేతలు జేబులు నింపుకున్నారు. టీడీపీ నేతలకు ఓట్లు అడిగే అర్హతే లేదు. ప్రజల కనీస అవసరాలు తీర్చలేని టీడీపీ ఎన్నికల్లో ఓటమి చెందడం ఖాయం. అందుకే సినిమాలకే పరిమితమైన ఎమ్మెల్యే బాలకృష్ణ ప్రచారానికి వస్తున్నారు. – టీఎన్ దీపిక, వైఎస్సార్సీపీ నియోజకవర్గ సమన్వయకర్త, హిందూపురం తాగునీటికీ కరువు మా ప్రాంతంలో పది రోజులకు ఒకసారి నీళ్లు వస్తాయి. రోజువారీ అవసరాలకు ఆ నీళ్లు సరిపోవడం లేదు. అందుకే ట్యాంకర్ల ద్వారా నీళ్లు కొంటున్నాం. డ్రైనేజీలు సరిగా లేకపోవడంతో దోమలు వ్యాప్తి అధికంగా ఉంది. వర్షాలు పడితే మరింత ఇబ్బందికరంగా ఉంటుంది. – శారద, హిందూపురం రోడ్లపైనే మురుగు హిందూపురం మున్సిపాలిటీని అధ్వానంగా మార్చారు. అభివృద్ధి పనుల పేరుతో దోచుకుతిన్నారు. డ్రైన్లు లేక మురుగునీరు రోడ్లుపైనే ప్రవహిస్తోంది. మున్సిపల్ వర్కర్లు కొరత ఎక్కువగా ఉంది. ఉన్నవారితోనే ఎక్కువ పని చేయిస్తున్నారు. వర్షాలు వస్తే ఇళ్లలోకి, దుకాణాల్లోకి నీరు చేరుతుండటంతో ప్రజలు అవస్థలు పడుతున్నారు. – సురేష్ కుమార్, రైల్వే రోడ్డు, హిందూపురం -
గిడ్డి ఈశ్వరికి చంద్రబాబు ఝలక్!
సాక్షి, అల్లూరి సీతారామరాజు జిల్లా: పాడేరు జెడ్పీటీసీ స్థానాన్ని తన కుమార్తెకు ఇప్పించి, జడ్పీ చైర్పర్సన్ పదవిని దక్కించుకోవాలనుకున్న మాజీ ఎమ్మెల్యే, పాడేరు టీడీపీ ఇన్చార్జి గిడ్డి ఈశ్వరి ఆశలు నెరవేరలేదు. టీడీపీ అధినేత, సీఎం చంద్రబాబుతో పాటు కూటమి పెద్దల వద్ద చేసిన ప్రయత్నాలు ఫలించకపోవడంతో ఆమెకు నిరాశ ఎదురైంది.తన కుమార్తె కీర్తి మధుమితను పాడేరు జెడ్పీటీసీ స్థానానికి టీడీపీ అభ్యర్థిగా బరిలోకి దింపాలని భావించిన గిడ్డి ఈశ్వరి.. నామినేషన్ కార్యక్రమాన్ని పాడేరులో అట్టహాసంగా నిర్వహించారు. ముందు జాగ్రత్తగా నామినేషన్ల చివరి రోజున తాను కూడా పాడేరు జెడ్పీటీసీ స్థానానికి నామినేషన్ దాఖలు చేశారు.ఎన్నికల ప్రచారం కోసం రూ.లక్షలు వెచ్చించి ప్రచార రథాన్ని సైతం సిద్ధం చేసుకున్నారు.అయితే, ఇదే స్థానానికి కూటమిలోని బీజేపీ, జనసేన పార్టీల నుంచి ఇద్దరేసి అభ్య ర్థులు నామినేషన్లు దాఖలు చేయడంతో పరి స్థితి మారింది. తన కుమార్తె టీడీపీ అభ్యర్థిగా నామినేషన్ వేసిన స్థానంలోనే బీజేపీ, జనసేన అభ్యర్థులు బరిలోకి దిగడంతో ఈశ్వరిలో ఆందోళన మొదలైంది. తన కుమార్తెకు టీడీపీ నుంచి బీ–ఫారం వస్తుందనే ఆశతో సీఎం చంద్రబాబుతో పాటు మంత్రి లోకేష్, ఇతర టీడీపీ ముఖ్య నేతలను ఆమె అభ్యర్థించినా ఫలితం లేకపోయింది. బీజేపీ, జనసేన నేతలను సైతం కలిసి తన కుమార్తెకు న్యాయం చేయాలని కోరినట్లు ప్రచారం జరిగింది. నామినేషన్ దాఖలు చేసిన రోజు నుంచి బీ–ఫారం అందజేయడానికి గడువు ముగిసిన మంగళవారం వరకు గిడ్డి ఈశ్వరి చేసిన ప్రయత్నాలేవీ ఫలించలేదు. నియోజకవర్గ ఇన్చార్జిగా ఉన్నప్పటికీ తన కుమార్తెకు జెడ్పీటీసీ టికెట్ ఇప్పించుకోలేని పరిస్థితి ఆమెకు ఎదురైంది. చివరకు పాడేరు జెడ్పీటీసీ స్థానాన్ని బీజేపీ అభ్యర్థి నందోలి ఉమామహేశ్ దక్కించుకున్నారు. కూటమి నేతలు చంద్రబాబు, పవన్ కల్యాణ్, మాధవ్ పాడేరు జెడ్పీటీసీ స్థానాన్ని బీజేపీకి కేటాయించడంతో గిడ్డి ఈశ్వరి రాజకీయంగా ఇబ్బందికర పరిస్థితిని ఎదుర్కోవాల్సి వచ్చింది. ఇదీ చదవండి: శ్రీలంక పౌరురాలికి మున్సిపల్ చైర్పర్సన్ టికెట్టా? -
పోస్టల్ బ్యాలెట్ల భద్రతలో నిర్లక్ష్యం!
విజయనగరం అర్బన్: ఎన్నికల్లో ప్రతి ఓటూ కీలకమే. అలాంటి పోస్టల్ బ్యాలెట్ ఓట్ల భద్రత విషయంలోనూ అప్రమత్తత అత్యవసరం. కానీ విజయనగరం మున్సిపల్ కార్యాలయంలో బుధవారం నిర్వహించిన పోస్టల్ బ్యాలెట్ ఓటింగ్ అనంతరం బ్యాలెట్ బాక్సులను భద్రపరిచిన తీరుపై అభ్యంతరాలు వ్యక్తమయ్యాయి. మూడు అంతస్తుల్లోని వేర్వేరు గదుల్లోని బాక్సులను ఉంచగా ఆయా గదుల కిటికీల డోర్లు మూయకపోవడంపై వైఎస్సార్సీపీ ఏజెంట్లు అభ్యంతరం తెలిపారు. బ్యాలెట్ బాక్సుల భద్రతపై అనుమానాలు వ్యక్తంచేస్తూ ఎన్నికల అధికారి, మున్సిపల్ కమిషనర్ బాలస్వామికి ఫిర్యాదు చేశారు. బ్యాలెట్బాక్సుల భద్రత, అక్కడ విధులు నిర్వహించే సిబ్బంది వివరాలు తెలియజేయాలని డిమాండ్ చేశారు. ఏజెంట్లు నిరసనకు దిగడంతో రాత్రి 11 గంటలకు ప్రత్యామ్నాయ భద్రతా ఏర్పాట్లను కమిషనర్ చేపట్టారు. ఇదీ చదవండి: నీ భార్యకు రాజకీయం ఎందుకు ? -
శ్రీలంక పౌరురాలికి మున్సిపల్ చైర్పర్సన్ టికెట్టా?
అనంతపురం: మున్సిపల్ ఎన్నికల్లో తెలుగుదేశం పార్టీ చైర్పర్సన్ అభ్యర్థిగా బుట్నా లక్ష్మి అనే శ్రీలంక పౌరురాలిని తీసుకొచ్చి దేశ రాజకీయ భవిష్యత్తును ప్రమాదంలోకి నెట్టేస్తున్నారని వైఎస్సార్సీపీ నాయకులు ఆందోళన వ్యక్తం చేశారు. బుధవారం అనంతపురంలోని వైఎస్సార్సీపీ జిల్లా కార్యాలయంలో పార్టీ రాష్ట్ర సంయుక్త కార్యదర్శి దొడగట్ట నారాయణ, యూత్ విభాగం రాష్ట్ర కార్యదర్శి రామాంజినేయులు, సీపీఐ నియోజకవర్గ కార్యదర్శి గోపాల్ మీడియాతో మాట్లాడారు. ఎన్నికల్లో పోటీ చేయదలచిన వారు భారతీయ పౌరులై ఉండాలన్న నిబంధనను కళ్యాణదుర్గం మున్సిపాలిటీలో టీడీపీ ఉల్లంఘించిందని మండిపడ్డారు. అసలు పట్టణంలో అభ్యర్థే దొరకనట్టు.. ప్రజలకు అందుబాటులో లేని, విదేశీయురాలిని తీసుకురావడం సిగ్గుచేటని అన్నారు. విదేశీయులను చైర్పర్సన్ పీఠంపై కూర్చోబెట్టేందుకు టీడీపీ, బీజేపీ, జనసేన కూటమి కుట్రలు పన్నుతోందని మండిపడ్డారు. అందరికీ అందుబాటులో ఉండే వైఎస్సార్సీపీ చైర్పర్సన్ అభ్యర్థి మౌనికకు ఓటు వేస్తారా.. లేక విదేశీయురాలికి పట్టం కడతారా అన్న విషయంలో కళ్యాణదుర్గం ప్రజలు ఆలోచించి నిర్ణయం తీసుకోవాలని సూచించారు. సమావేశంలో పార్టీ నాయకులు జనార్దన్, మంజు, నాగరాజు తదితరులు పాల్గొన్నారు. ఇదీ చదవండి: ఓటమి భయం.. రంగంలోకి బాలకృష్ణ, వసుంధర! -
నీ భార్యకు రాజకీయం ఎందుకు ?
కర్నూలు జిల్లా: ‘‘నీ భార్యను రాజకీయాలకు దూరంగా ఉండమని చెప్పుకో, లేదా నిన్ను దూర ప్రాంతాలకు బదిలీ చేస్తామని పోలీసు అధికారులు హోంగార్డును బెదిరించిన ఘటన ఆలస్యంగా వెలుగులోకి వచ్చింది. కర్నూలు జిల్లా ఆలూరు పోలీసు సర్కిల్ కార్యాలయంలో వాసు హోంగార్డు(నంబర్ 789)గా పని చేస్తున్నాడు. పట్టణ కేంద్రమైన ఆలూరులో 5వ వార్డు అన్ రిజర్వుడ్ మహిళకు రిజర్వు అయింది. ఇక్కడి నుంచి వైఎస్సార్సీపీ తరపున హోంగార్డు వాసు భార్య వడ్డె శ్రావణి పోటీ చేస్తున్నారు. అయితే ఆమె గెలుపును అడ్డుకునేందుకు టీడీపీ నేతలు తీవ్ర స్థాయిలో ఒత్తిళ్లకు ఒడిగట్టారు. ‘‘నీ భార్యకు రాజకీయాలు ఎందుకు, తప్పుకోవాలని చెప్పు, లేదంటే ఇబ్బందులు ఎదుర్కొంటావు’’ అంటూ పోలీసు అధికారులతో చెప్పించి చూశారు. అయితే ఆమెకు మీరే చెప్పి విత్డ్రా చేయించాలని హోంగార్డు అధికారులతో అనడంతో అధికారులే నేరుగా శ్రావణికి ఫోన్ చేసి ‘‘నీకెందుకమ్మ రాజకీయాలు, విత్డ్రా చేసుకో’ అంటూ చెప్పారు. అయితే శ్రావణి ‘నా భర్త ఉద్యోగం వేరు, నా రాజకీయం వేరు’ అని తేల్చిచెప్పడంతో సదరు అధికారి విషయాన్ని ఉన్నత స్థాయికి తీసుకెళ్లినట్లు తెలుస్తోంది. వెంటనే హోంగార్డును ఎస్పీ కార్యాలయంలో రిపోర్టు చేసుకోవాలని ఉత్తర్వులు రావడంతో ఇదేం రాజకీయమని స్థానికులు మండిపడుతున్నారు. -
వైఎస్సార్సీపీ నేత చింతరెడ్డి లోకేశ్రెడ్డి అరెస్ట్
సాక్షిప్రతినిధి, నెల్లూరు: వైఎస్సార్ కాంగ్రెస్ పార్టీ నేత చింతరెడ్డి లోకేశ్రెడ్డిని పోలీసులు మంగళవారం అరెస్ట్ చేసి ఉదయగిరి కోర్టుకు తరలించారు. ఎంపీటీసీ బరిలో నిలిచిన పార్టీ అభ్యర్థుల బీ ఫారాలను సమర్పించేందుకుగానూ ఎంపీడీఓ కార్యాలయానికి వచ్చిన ఈయన్ను ఖాకీలు అదుపులోకి తీసుకొని స్టేషన్కు తరలించారు. ఎంపీపీ అభ్యర్థయిన ఈయన నామినేషన్ పత్రాన్ని ఉద్దేశపూర్వకంగా తిరస్కరించిన విషయం విదితమే. ఎంపీడీఓ కార్యాలయంలోని నోటీస్ బోర్డులో పేర్ల జాబితాను చూసేందుకు ఆదివారం రాత్రి వచ్చిన లోకేశ్రెడ్డిపై అక్రమ కేసును బనాయించిన సంగతి తెలిసిందే. పోలీస్స్టేషన్లో నిర్బంధించారనే విషయాన్ని తెలుసుకున్న పార్టీ ఉదయగిరి నియోజకవర్గ సమన్వయకర్త మేకపాటి రాజగోపాల్రెడ్డి చేరుకొని ఎస్సై వెంకటరాజేష్తో మాట్లాడారు. లోకేశ్రెడ్డిని పరామర్శించారు. స్టేషన్లో ఉదయం నుంచి సాయంత్రం వరకు ఉంచి ఆ తర్వాత ఉదయగిరి కోర్టుకు తరలించడం మండలంలో చర్చనీయాంశమైంది. ఇదీ చదవండి: నేను రాజకీయం చేస్తే తట్టుకోలేరుఆర్వో వైఖరిని నిరసిస్తూ ఎన్నికల బహిష్కరణచేజర్ల: కూటమి నేతల మాటలు విని ప్రజాస్వామ్యాన్ని ఖూనీ చేసి.. తమ పార్టీ అభ్యర్థుల నామినేషన్లను ఏకపక్షంగా తిరస్కరించినందుకు నిరసనగా మండలంలో మిగిలిన ఇద్దరు ఎంపీటీసీ డమ్మీ అభ్యర్థులతో నామినేషన్లను విత్ డ్రా చేయించి ఎన్నికలను బహిష్కరిస్తున్నామని వైఎస్సార్ కాంగ్రెస్ పార్టీ మండల కనీ్వనర్ బోయిళ్ల మాలకొండారెడ్డి తెలిపారు. ఈ మేరకు చేజర్లలో విలేకరులతో మంగళవారం ఆయన మాట్లాడారు. ఆత్మకూరు మాజీ ఎమ్మెల్యే మేకపాటి విక్రమ్రెడ్డి నిర్ణయం మేరకు ఎంపీటీసీ ఎలక్షన్లను బాయ్కాట్ చేస్తున్నామని వివరించారు. నామినేషన్లను తిరస్కరించినంత మాత్రాన తమ పార్టీ, జగన్మోహన్రెడ్డిపై ప్రజల్లో ఉన్న అభిమానాన్ని ఎవరూ చెరపలేరని, ఎన్నికలెప్పుడు జరిగినా విజయం తమదేనని చెప్పారు. తమ పార్టీ అభ్యర్థులను భయపెట్టి.. ఆర్వోను అడ్డంపెట్టుకొని మోసంతో ఏకగ్రీవంగా ఎన్నికైన పదవులూ ఒక పదవులేనానని ప్రశ్నించారు. పార్టీ జెడ్పీటీసీ అభ్యర్థి బాలిరెడ్డి రమాదేవిని గెలిపించాలని కోరారు. -
ఏపీ మున్సిపల్ ఎన్నికల్లో రాయగడ మహిళ పోటీ
(ఒడిశా )రాయగడ: జిల్లా కేంద్రం రాయగడకు చెందిన మహిళ ఇప్పిలి సాయిశ్రీ పొరుగు రాష్ట్రమైన ఆంధ్రప్రదేశ్ రాజకీయాల్లో తన అదృష్టాన్ని పరీక్షించుకుంటున్నారు. పార్వతీపురం మున్సిపల్ చైర్పర్సన్ పదవికి వైఎస్సార్ కాంగ్రెస్ పార్టీ అభ్యర్థినిగా ఆమె నామినేషన్ దాఖలు చేశారు. ఈ విషయం తెలియడంతో రాయగడ, గుణుపూర్ ప్రాంతాల్లో ఆమె పోటీపై ఆసక్తి నెలకుంది. అధికార తెలుగుదేశం పార్టీ అభ్యర్థినికి ఆమె గట్టి పోటీ ఇస్తున్నట్టు సమాచారం. సాయిశ్రీ కుటుంబం రాయగడ పట్టణంలోని న్యూకాలనీలో నివసిస్తుంది. ఆమె తండ్రి స్వర్గీయ ఇప్పిలి మోహనరావు రాయగడ కళాశాలలొ అధ్యాపకుడిగా పనిచేశారు. తల్లి గృహిణికాగా అక్క ఇప్పిలి కళ్యాణి, సాయిశ్రీకి పట్నాన సాయికిరణ్తో వివాహం జరిగింది. వివాహం అనంతరం ఆమె పార్వతీపురం పట్టణంలొ నివాసం ఉంటున్నారు. ఆ తర్వాత వైఎస్సార్సీపీలో చేరిన ఆమె రాజకీయాల్లో చురుగ్గా వ్యవహరిస్తున్నారు. పార్టీ అ«ధినేత, మాజీ ముఖ్యమంత్రి వైఎస్ జగన్మోహన్రెడ్డితో ఆమెకు సన్నిహిత సంబంధాలు ఉన్నట్లు ప్రచారం జరుగుతోంది. ఇదిలాఉండగా మున్సిపల్ చైర్పర్సన్ వంటి కీలక పదవికి ఆమె పోటీలో ఉండడంతో రాయగడ, గుణుపూర్ ప్రాంతాల్లో ఆమెకు మద్దతుగా చర్చ సాగుతోంది. రాయగడ జిల్లాకు చెందిన పలువురు బంధువులు, అభిమానులు పార్వతీపురం వెళ్లి ఎన్నికల ప్రచారంలో పాల్గొంటున్నారు. అలాగే రాయగడ జిల్లా కళింగవైశ్య సంఘం అధ్యక్షుడు కింతలి అమర్నాథ్, మజ్జిగౌరమ్మ మందిరం ట్రస్టు సభ్యులు ఇప్పిలి సన్యాసిరాజు, కొత్తకొట నరీన్ కుముంధాన్ వంటి ప్రముఖులు ఆమె విజయానికి ఇక్కడి నుంచి కృషి చేస్తున్నారు. పార్వతీపురంలో ఉన్న తమ బంధువులకు ఫోన్లలో సంప్రదిస్తూ ఆమె విజయానికి సహకరించాలని కోరుతున్నారు. ఈ సందర్భంగా నరీన్ కుముంధాన్, ఇప్పిలి సన్యాసిరాజు, కింతలి అమర్నాథ్లు మాట్లాడుతూ.. ఎన్నికల ప్రచారానికి తాము కూడా పార్వతీపురం వెళ్లి ఆమె విజయానికి కృషి చేస్తామన్నారు. ఇదీ చదవండి: గెలిపిస్తే.. గీతం భూములపై తొలి తీర్మానం! -
పొత్తు కుదరక.. పోటీ తప్పక!
విశాఖపట్నం: సబ్బవరం మండలంలో పరిషత్ ఎన్నికల సీట్ల సర్దుబాటు కూటమి నేతలకు నిద్రలేకుండా చేస్తోంది. అధికారంలో కలిసి ఉన్న టీడీపీ, జనసేన మధ్య సయోధ్య కుదరక.. పొత్తు లెక్కలు పూర్తిగా తారుమారయ్యాయి. ఒకవైపు వైఎస్సార్సీపీ అభ్యర్థులు పూర్త జోష్తో బరిలో దిగితే.. కూటమి మిత్రపక్షాలైన టీడీపీ, జనసేన అభ్యర్థులు పరస్పరం తలపడాల్సిన విచిత్ర పరిస్థితి ఏర్పడింది. ప్చ్.. ఏకాభిప్రాయం కుదరలే..! మండలంలో మొత్తం 19 ఎంపీటీసీ స్థానాలు ఉండగా, జనసేన తరఫున తొలుత తొమ్మిది మంది అభ్యర్థులకు ఎమ్మెల్యే పంచకర్ల రమేష్ బాబు బీఫారాలు అందించారు. మిగిలిన తొమ్మిది స్థానాల్లో టీడీపీ, మరో స్థానంలో బీజేపీ అభ్యర్థులు పోటీ చేస్తారని భావించారు. కానీ, టీడీపీ నుంచి ఏకంగా 13 మందికి బీఫారాలు అందడంతో అసలు కథ అడ్డం తిరిగింది. సీట్ల పంపకాలపై కూటమి నేతల మధ్య ఏకాభిప్రాయం కుదరలేదన్న విషయం బహిర్గతమైంది. ఫలితంగా నాలుగు ఎంపీటీసీ స్థానాల్లో టీడీపీ, జనసేన అభ్యర్థులు ముఖాముఖి తలపడుతున్నారు. ‘మిత్ర’పోరుతో.. త్రిముఖ పోటీ! బోదువలస: వైఎస్సార్సీపీ తరఫున కోన గణేష్ బరిలో ఉండగా, జనసేన నుంచి కంచిపాటి రాంబాబు, టీడీపీ నుంచి అమరపిన్ని నరసింగరావు పోటీ చేస్తున్నారు. సబ్బవరం–1: వైఎస్సార్సీపీ అభ్యర్థి పల్ల కృష్ణకు పోటీగా జనసేన నుంచి రోమాల చంద్రశేఖర్, టీడీపీ నుంచి గెడ్డం రమేష్ బరిలో నిలిచారు. మల్లునాయుడుపాలెం: వైఎస్సార్సీపీ నుంచి సబ్బవరపు దివ్య వరలక్ష్మి బరిలో నిలవగా, జనసేన నుంచి నెక్కల యామిని, టీడీపీ నుంచి గండి వెంకట రమణమ్మ ప్రత్యర్థులుగా మారారు. తవ్వవానిపాలెం: వైఎస్సార్సీపీ అభ్యర్థి బోకం లక్ష్మికి పోటీ చేస్తుండగా జనసేన నుంచి ఒనం వరలక్ష్మి, టీడీపీ నుంచి బోకం సూర్యుడమ్మ బరిలో ఉన్నారు. ఇదీ చదవండి: గెలిపిస్తే.. గీతం భూములపై తొలి తీర్మానం! -
గెలిపిస్తే.. గీతం భూములపై తొలి తీర్మానం!
సాక్షి, విశాఖపట్నం: జీవీఎంసీ మేయర్గా వైఎస్సార్సీపీని గెలిపిస్తే గీతం సంస్థ ఆక్రమించినట్లు ఆరోపిస్తున్న రూ.5 వేల కోట్ల విలువైన ప్రభుత్వ భూములను వెనక్కి తీసుకునేలా తొలి తీర్మానం చేస్తామని వైఎస్సార్సీపీ మేయర్ అభ్యరి్థ, ఎమ్మెల్సీ వరుదు కల్యాణి స్పష్టం చేశారు. మంగళవారం నిర్వహించిన మీడియా సమావేశంలో ఆమె మాట్లాడుతూ విశాఖ స్టీల్ప్లాంట్ ప్రైవేటీకరణకు వ్యతిరేకంగా తీర్మానం చేయడంతోపాటు సింహాచలం కొండల పరిరక్షణకు చర్యలు తీసుకుంటామని హామీ ఇచ్చారు. నగర భవిష్యత్తును నిర్ణయించే ఎన్నికలు ఈ ఎన్నికలు కేవలం మేయర్ పదవికి సంబంధించినవి మాత్రమే కావని, విశాఖ ప్రజలకు ఇచ్చిన హామీల అమలు, నగర భవిష్యత్తు, ప్రజా ఆస్తుల పరిరక్షణకు సంబంధించినవని ఆమె పేర్కొన్నారు. బీసీ మహిళగా, విశాఖ ప్రజల ఇంటి ఆడబిడ్డగా నగరానికి సేవ చేయాలన్నదే తన ఆకాంక్ష అని చెప్పారు. ప్రజలు తనకు బాధ్యత అప్పగిస్తే పారదర్శకమైన, అవినీతిరహిత పాలన అందించేందుకు కృషి చేస్తానన్నారు. 120 డివిజన్లలో సమాన అభివృద్ధి విశాఖను దేశంలోని మొదటి ఐదు నగరాల్లో ఒకటిగా అభివృద్ధి చేయడమే లక్ష్యంగా పనిచేస్తానని ఆమె తెలిపారు. జీవీఎంసీ పరిధిలోని 120 డివిజన్ల ప్రజల అవసరాలను గుర్తించి, అన్ని ప్రాంతాలకూ సమానంగా అభివృద్ధి ఫలాలు అందేలా చర్యలు తీసుకుంటానన్నారు. ప్రభుత్వ, ప్రజా ఆస్తులను పరిరక్షించడంతోపాటు భూ ఆక్రమణలపై చర్యలు తీసుకుంటామని స్పష్టం చేశారు. భూముల పరిరక్షణకు తీర్మానాలు విశాఖలో ప్రభుత్వ భూముల ఆక్రమణలు పెరిగిపోయాయని, పేదల ఆస్తులకు కూడా రక్షణ లేకుండా పోతోందని ఆమె ఆరోపించారు. మేయర్గా అవకాశం కల్పిస్తే గీతం భూముల అంశంతోపాటు స్టీల్ప్లాంట్ ప్రైవేటీకరణకు వ్యతిరేకంగా, సింహాచలం అప్పన్న భూములు, కొండల పరిరక్షణకు సంబంధించి జీవీఎంసీ వేదికగా తీర్మానాలు ప్రవేశపెడతానన్నారు. సింహాచలం కొండల పరిరక్షణకు చర్యలు సింహాచలం అప్పన్న కొండలపై తవ్వకాల వల్ల పర్యావరణానికి నష్టం వాటిల్లుతోందని ఆమె ఆందోళన వ్యక్తం చేశారు. కొండలపై జరుగుతున్న తవ్వకాలు, తగ్గుతున్న పచ్చదనంపై సమగ్ర పరిశీలన జరిపి, పర్యావరణాన్ని పరిరక్షించడంతోపాటు ఆ ప్రాంతాన్ని తిరిగి సుందరంగా తీర్చిదిద్దాలని కోరారు. తాగునీటి సమస్యకు శాశ్వత పరిష్కారం పెరుగుతున్న జనాభాకు అనుగుణంగా నగరంలో తాగునీటి నిల్వలు, సరఫరా వ్యవస్థలను బలోపేతం చేయాల్సిన అవసరం ఉందని ఆమె పేర్కొన్నారు. రిజర్వాయర్ల సామర్థ్యం, నీటి లభ్యత, సరఫరా వ్యవస్థలోని లోపాలను సమీక్షించి తాగునీటి సమస్యకు శాశ్వత పరిష్కారం చూపేందుకు కృషి చేస్తానన్నారు. కాలుష్య నియంత్రణ.. పచ్చదనం పెంపు వన్టౌన్, గాజువాక, లంకెలపాలెం తదితర ప్రాంతాల్లో పారిశ్రామిక కాలుష్య నియంత్రణపై ప్రత్యేక దృష్టి సారిస్తానని ఆమె తెలిపారు. సంబంధిత పరిశ్రమలతో సమన్వయం చేసుకుని సీఎస్ఆర్ నిధులతో గ్రీన్బెల్ట్ల అభివృద్ధికి కృషి చేస్తామన్నారు. నగరంలో పచ్చదనం పెంపు, పారిశుద్ధ్య మెరుగుదల, చెరువుల పరిరక్షణకు చర్యలు తీసుకుంటామని చెప్పారు. మురుగునీరు నిలిచిపోయే ప్రాంతాల్లో డ్రైనేజీ వ్యవస్థను మెరుగుపరచడంతోపాటు మురికివాడల్లో మౌలిక వసతుల సమస్యలను పరిష్కరిస్తానన్నారు. పార్కులు, హెల్త్ ఎరీనాల అభివృద్ధి జీవీఎంసీ పరిధిలోని ఖాళీ స్థలాలను ప్రజలకు ఉపయోగపడేలా అభివృద్ధి చేస్తానని ఆమె వెల్లడించారు. కాలనీల్లో పార్కులు, యోగా ప్రదేశాలు, వ్యాయామ సదుపాయాలతో హెల్త్ ఎరీనాల ఏర్పాటుకు ప్రణాళికలు రూపొందిస్తామన్నారు. చెరువుల చుట్టూ వాకింగ్ ట్రాక్ల నిర్మాణానికి చర్యలు తీసుకుంటామని తెలిపారు. బీచ్ల అభివృద్ధి, పర్యాటక రంగ విస్తరణ కోసం జీవీఎంసీ, వీఎంఆర్డీఏ, పర్యాటక శాఖ సమన్వయంతో ప్రణాళికలు రూపొందిస్తామని చెప్పారు. మహిళల భద్రతకు ప్రాధాన్యం కూటమి పాలనలో గంజాయి, డ్రగ్స్, మద్యం వినియోగం విచ్చలవిడిగా పెరిగిపోయిందని, మహిళలు, యువత భద్రత ప్రశ్నార్థకంగా మారిందని ఆమె విమర్శించారు. మహిళలు భయం లేకుండా స్వేచ్ఛగా తిరగగలిగే నగరంగా విశాఖను తీర్చిదిద్దడమే లక్ష్యమన్నారు. గంజాయి, డ్రగ్స్ వంటి మాదకద్రవ్యాల లభ్యతను అరికట్టేందుకు కఠిన చర్యలు తీసుకోవాలని కోరారు. హామీల అమలుపై నిలదీత కూటమి ప్రభుత్వం విశాఖకు ఇచ్చిన హామీలను ముందుగా అమలు చేసిన తర్వాతే ఓట్లు అడగాలని ఆమె డిమాండ్ చేశారు. ఈ సందర్భంగా వైఎస్సార్సీపీ అభివృద్ధి కార్యాచరణను వివరించారు. విశాఖ శ్రేయస్సు, నగర అభివృద్ధి కోసం వైఎస్సార్సీపీని గెలిపించాలని ప్రజలకు విజ్ఞప్తి చేశారు. ఇదీ చదవండి: అదృష్టం ఎవరికో? -
అదృష్టం ఎవరికో?
కాకినాడ: తుని మండల పరిషత్ పీఠం దక్కించుకునేందుకు ప్రాదేశిక పోరులో అత్తా కోడళ్లు తమ అదృష్టాన్ని పరీక్షించుకుంటున్నారు. కేఓ మల్లవరం గ్రామానికి చెందిన వైఎస్సార్ సీపీ సీనియర్ నాయకుడు డొంక వెంకట బెనర్జీ తల్లి సత్యవతి, భార్య వెంకట రామ నాగ భరణి వైఎస్సార్ సీపీ తరఫున ఎంపీటీసీ అభ్యర్థులుగా పోటీలో నిలిచారు. కేఓ మల్లవరం సర్పంచ్గా (2021–26) పని చేసిన అనుభవంతో సత్యవతి అదే గ్రామంలో ఎంపీటీసీగా పోటీ చేస్తుండగా, ఆమె కోడలు పక్కనే ఉన్న రాపాక ఎంపీటీసీ స్థానం నుంచి పోటీలో ఉన్నారు. – తుని రూరల్ మనవరాలి గెలుపు కోసం.. పెదపూడి – 1 ఎంపీటీసీ స్థానానికి వైఎస్సార్ సీపీ తరఫున కొంగర విజయలక్ష్మి పోటీ చేస్తున్నారు. ఆమె విజయం కోసం తాత కొంగర అబ్బులు 96 ఏళ్ల వయసులోనూ విస్తృతంగా ప్రచారం చేస్తున్నారు. ఫ్యాన్ గుర్తుపై ఓటు వేసి తన మనవరాలిని గెలిపించాలంటూ ఓటర్లను అభ్యర్థిస్తున్నారు. ఆ పెద్దాయన ఓట్లు అడుగుతున్న తీరును, ఆయన ఉత్సాహాన్ని చూసి ప్రజలు సంతోషం వ్యక్తం చేస్తున్నారు. – పెదపూడి వాడపాలెం సెంటర్లో కూటమి నేతల ఫొటోలతో.. ఇవి కనబడలేదా? స్థానిక సంస్థల ఎన్నికల నేపథ్యంలో ఎన్నికల కోడ్ అమల్లోకి వచ్చింది. దాని ప్రకారం రాజకీయ నాయకుల విగ్రహాలకు ముసుగులు కప్పాలి. ప్రభుత్వ పథకాలు, రాజకీయ నేతల ఫ్లెక్సీలను తొలగించాలి. కానీ ఈ నిబంధనలు వైఎస్సార్ సీపీకి చెందిన వారికి మాత్రమే అమలవుతున్నాయి. కూటమికి చెందిన ఫ్లెక్సీలు మాత్రం కొందరు అధికారులకు కనిపించడం లేదు. కొత్తపేట మండలంలో వీటిని చూసి ప్రజలు విస్తుపోతున్నారు. – కొత్తపేట కొత్తపేట – వాడపాలెం రోడ్డులో పవన్ కల్యాణ్ ఫ్లెక్సీ -
ప్రియాంక నామినేషన్తో జనసేనలో ముసలం
సాక్షి, అమలాపురం: కోనసీమ జిల్లా పరిషత్ చైర్పర్సన్ పీఠం కూటమి నేతల మధ్య కొత్త రాజకీయ చిచ్చు రేపుతోంది. పదవి ఒక్కటే.. ఆశావహులు మాత్రం ఐదుగురు. వారిలోనూ నలుగురు ఒకే జెడ్పీటీసీ స్థానం నుంచి బరిలోకి దిగారు. దీంతో, ఎవరికి అవకాశం దక్కినా మిగిలిన ముగ్గురి రాజకీయ భవిష్యత్తు ప్రశ్నార్థకంగా మారనుంది. జెడ్పీ చైర్పర్సన్ అభ్యర్థిత్వం కోసం టీడీపీ నుంచి గొల్లపల్లి అమూల్య, బీర సత్యకుమారి, జనసేన నుంచి పెనుమాల లక్ష్మీ, కొండేటి దేవి ప్రియాంక, బీజేపీ నుంచి మానేపల్లి కృష్ణ శ్రీవల్లి పోటీ పడుతున్న విషయం తెలిసిందే. వీరిలో సత్యకుమారి ఐ.పోలవరం జెడ్పీటీసీ నుంచి నామినేషన్ వేయగా, మిగిలిన నలుగురూ మామిడికుదురు నుంచే పోటీ చేస్తున్నారు. కూటమి నాయకత్వం ఈ నలుగురిలో ఒకరిని చైర్పర్సన్ అభ్యర్థిగా ఎంపిక చేస్తే, మిగిలిన ముగ్గురి పరిస్థితి ఏమిటన్నది ప్రశ్నార్థకంగా నిలుస్తోంది. ఒకే స్థానం నుంచి ఇద్దరు లేదా అంతకంటే ఎక్కువ మంది కూటమి అభ్యర్థులు పోటీలో కొనసాగితే ఓట్లు చీలిపోయే ప్రమాదం ఉండటంతో, చివరకు ఒకరి అభ్యర్థిత్వానికే అగ్రనేతలు మొగ్గు చూపే అవకాశముంది. అదే జరిగితే మిగిలిన వారు పోటీ నుంచి తప్పుకోవాల్సి రావచ్చు. ఐ.పోలవరం నుంచి పోటీ చేస్తున్న బీర సత్యకుమారికి చైర్పర్సన్గా అవకాశం కల్పిస్తే మాత్రం మామిడికుదురు నుంచి పోటీ చేస్తున్న నలుగురిలో ఒకరు జెడ్పీటీసీగా మాత్రమే గెలిచే అవకాశం ఉంటుంది. ప్రియాంక నామినేషన్తో జనసేనలో ముసలంపి.గన్నవరం మాజీ ఎమ్మెల్యే కొండేటి చిట్టిబాబు కుమార్తె కొండేటి దేవీ ప్రియాంక మామిడికుదురు జెడ్పీటీసీ స్థానానికి జనసేన తరఫున నామినేషన్ దాఖలు చేయడం ఆ పార్టీలో తీవ్ర అసంతృప్తికి దారి తీసింది. ఆమె గుట్టు చప్పుడు కాకుండా నామినేషన్ వేసి, తరువాత ఆదివారం ఆ పార్టీ సభ్యత్వం తీసుకున్నారు. ఈ విషయం వెలుగులోకి రావడంతో పార్టీ శ్రేణుల్లో వ్యతిరేకత వ్యక్తమవుతోంది. ఇప్పటికే పి.గన్నవరం పరిధిలోని నాలుగు మండలాల జనసేన కమిటీలు ఏకమై ప్రియాంకను పార్టీలో చేర్చుకోవద్దంటూ తీర్మానాలు చేసినట్లు సమాచారం. పి.గన్నవరం జనసేన ఎమ్మెల్యే గిడ్డి సత్యనారాయణ, ఆయన వర్గం కూడా ఆమె అభ్యర్థిత్వంపై అసంతృప్తితో ఉన్నారు. పార్టీ అనుబంధ సామాజిక మాధ్యమాల్లో కార్యకర్తలు తమ నిరసన తెలియజేస్తున్నారు. తొలి నుంచీ పార్టీ కోసం పని చేసిన వారిని పక్కన పెట్టి, చివరి నిమిషంలో నామినేషన్ల సమయంలో పార్టీలోకి వచ్చిన వారికి పదవులు కట్టబెడితే ఎలాగంటూ పవన్ కల్యాణ్ను ప్రశ్నిస్తున్నారు. ప్రియాంకకు చైర్పర్సన్ అభ్యర్థిత్వం దక్కినా, పార్టీలో నెలకొన్న వ్యతిరేకత నేపథ్యంలో జెడ్పీటీసీగా ఆమె గెలుపు అంత సులభం కాదని కొందరు కార్యకర్తలు హెచ్చరిస్తున్నట్లు సమాచారంబీర అభ్యర్థిత్వంపై అభ్యంతరాలుటీడీపీ నుంచి బీర సత్యకుమారి అభ్యర్థిత్వానికి ఆమె వ్యతిరేక వర్గం నుంచి అభ్యంతరాలు వ్యక్తమవుతున్నాయి. ఐ.పోలవరం మండలం నుంచి ఇప్పటికే ముమ్మిడివరం ఎమ్మెల్యే, ప్రభుత్వ విప్ దాట్ల సుబ్బరాజు ఉండగా, ఇదే మండలం నుంచి ఎమ్మెల్సీగా పేరాబత్తుల రాజశేఖర్, అమలాపురం ఎంపీగా గంటి హరీష్ మాధుర్ ఉన్నారు. ఒకే మండలానికి చెందిన వారికి ఇప్పటికే కీలక పదవులు దక్కినప్పుడు, మరో ఉన్నత పదవిని కూడా అదే ప్రాంతానికి కేటాయించడమేమిటని కూటమిలోని కొందరు నేతలు ప్రశ్నిస్తున్నారు. -
తాడిపత్రిలో జేసీ అరాచకం.. నిత్యం భయమే!
సాక్షి ప్రతినిధి, అనంతపురం: ప్రతిరోజు దాడులు.. దౌర్జన్యాలు.. బెదిరింపులు నిత్యకృత్యంగా మారాయి. ఫ్యాక్షన్ వద్దంటూ నీతులు చెప్పే జేసీ ప్రభాకర్రెడ్డి.. అదే ఫ్యాక్షన్ను తట్టి మరీ నిద్రలేపుతున్నాడు. తాడిపత్రి నియోజకవర్గాన్ని రాష్ట్రంలోనే అత్యంత సమస్యాత్మక ప్రాంతంగా చిత్రీకరించడంలో జేసీ సఫలీకృతమయ్యాడు. గంజాయి, బ్లేడ్బ్యాచ్, రౌడీ షిటర్లను వెంటేసుకుని తిరుగుతూ ప్రతిపక్ష వైఎస్సార్ సీపీ నేతలే లక్ష్యంగా దాడులకు ఉసిగొల్పుతున్నాడు. నిత్యం ఏదో ఒక ప్రాంతంలో అలజడి రేపుతుండడంతో జేసీ గూండా పాలనను ప్రజలు చీదరించుకుంటున్నారు. అప్రజాస్వామికంగా 30 వార్డుల ఏకగ్రీవం తాడిపత్రి మునిసిపాలిటీలో 48 వార్డులు ఉన్నాయి. నామినేషన్ కేంద్రాన్ని జేసీ ప్రభాకర్రెడ్డి పచ్చ మూకలతో అష్టదిగ్బంధం చేయడంతో 11, 14, 32, 33, 45 వార్డులకు వైఎస్సార్సీపీ తరఫున నామినేషన్ వేయలేకపోయారు. మిగిలిన 43 వార్డుల్లో అభ్యర్థులు నామినేషన్లు వేశారు. అయితే..నామినేషన్ల స్రూ్కటినీలో అధికారులు అప్రజాస్వామికంగా వ్యవహరించారు. పత్రాలన్నీ సక్రమంగానే ఉన్నప్పటికీ కొన్నింటిని చించేసి నామినేషన్లు తిరస్కరించారంటే జేసీ బెదిరింపులు ఏ స్థాయిలో ఉన్నాయో అర్థం చేసుకోవచ్చు. అధికార బలానికి గూండాలు, రౌడీలు తోడవ్వడంతో పాటు అధికారుల సహకారం ఉండడంతో తాడి పత్రిలో 30 వార్డులను టీడీపీ ఏకగ్రీవం చేసుకుంది. తీవ్ర భయాందోళనలో అభ్యర్థులు తాడిపత్రిలో మునిసిపల్ చైర్పర్సన్ స్థానంతో పాటు 18 వార్డుల్లోనే ఎన్నికలు జరగనున్నాయి. ఈ వార్డుల్లోనూ ప్రచారం చేసుకునేందుకు అభ్యర్థులు భయపడాల్సిన పరిస్థితి నెలకొంది. ఎన్నికలు సజావుగా జరిగితే జేసీ ఆగడాలు సాగవన్న ఉద్దేశంతో ప్రతిరోజూ ఎక్కడో ఒకచోట అలజడి సృష్టించడమే లక్ష్యంగా టీడీపీ రౌడీ మూకలు నడుచుకుంటున్నాయి. వందల సంఖ్యలో రౌడీలు రెండున్నరేళ్లుగా తాడిపత్రి నియోజకవర్గంలో శాంతిభద్రతలు పూర్తిస్థాయిలో దిగజారిపోయాయి. తాడిపత్రిలో 27 మంది వైఎస్సార్సీపీ నాయకులు ఏ ఎన్నికల్లో పోటీ చేసినా ఊరుకునేది లేదంటూ జేసీ బహిరంగంగానే హెచ్చరిస్తున్నా పోలీసులు చర్యలు తీసుకోవడం లేదు. జేసీ తన వెంట వందల సంఖ్యలో రౌడీలు, గంజాయి బ్యాచ్ను వెంటేసుకుని తిరుగుతూ ప్రత్యర్థుల ఇళ్లపై దాడులకు ఉసిగొల్పుతున్నాడు. ఆదివారం కూడా ఇదే తంతు ఈ నెల 25న ఆదివారం గన్నేవారిపల్లికాలనీకి చెందిన వైఎస్సార్సీపీ నాయకులను లక్ష్యంగా చేసుకున్నారు. స్థానిక సంస్థల ఎన్నికల్లో ఎలా పాల్గొంట్టార్రా మీరు.. అంటూ జేసీ అనుచరులు రాళ్లదాడి చేశారు. వందల మంది గుంపులుగా వచ్చి వైఎస్సార్ సీపీ నేత ప్రదీప్రెడ్డి ఇంటిపై పడి విచక్షణ రహితంగా దాడి చేయడంతో ఆయనకు తీవ్ర గాయాలయ్యాయి. కుటుంబ సభ్యులు వెంటనే స్పందించి ఆయన్ను ఆస్పత్రికి తరలించారు. ఈ ఘటనకు ముందే మాజీ ఎమ్మెల్యే కేతిరెడ్డి పెద్దారెడ్డి ఇంటిపై రాళ్లతో దాడులకు దిగారు. జేసీ అనుచరుల ఆగడాలపై వైఎస్సార్ సీపీ నేతలు ఎన్ని ఫిర్యాదులు ఇస్తున్నా పోలీసులు మాత్రం నిమ్మకు నీరెత్తినట్లు వ్యవహరిస్తున్నారు. స్థానిక ఎన్నికల నాటి నుంచి దాడులు ఇలా.. = ఈ నెల 15న తాడిపత్రి పట్టణంలోని శాస్త్రి నగర్లో వైఎస్సార్ సీపీ కౌన్సిలర్ అభ్యర్థి వేణుగోపాల్ ఇంటి వద్దకు వచ్చి ఎన్నికల్లో పోటీ చేస్తే చంపేస్తామంటూ బెదిరించారు. = నామినేషన్ల ప్రక్రియ ప్రారంభమైన 17వ తేదీనే నామినేషన్ వేసేందుకు వచ్చిన వైఎస్సార్ సీపీ రాష్ట్ర పబ్లిసిటీ వింగ్ కార్యదర్శి కేశవరెడ్డిని, పార్టీ నేత పేరం అమర్నాథరెడ్డిని రూరల్ సీఐ నారాయణరెడ్డి బలవంతంగా పంపించివేయడంలో జేసీ ఒత్తిళ్లు ఉన్నట్లు తెలుస్తోంది. = 18వ తేదీ వందలాది మంది గూండాలు, వీధి రౌడీలు సీఐ ఆరోహణరావు సమక్షంలోనే రాళ్లు, కర్రలు, రాడ్లతో దాడులు చేసి 14, 32, 33, 45 వార్డులకు వైఎస్సార్ సీపీ తరఫున నామినేషన్ వేయకుండా అడ్డుకున్నారు. = ఈ నెల 18వ తేదీన 24వ వార్డు అభ్యర్థి కొట్ల షఫీ ఇంటిపై దాడి చేసి, ఫరీ్నచర్ను ధ్వంసం చేశారు. ఒకటో వార్డు అభ్యర్థి మహమ్మద్ జాఫర్ సోదరుడు మాబాషాను కిడ్నాప్ చేశారు. = ఈ నెల 25న కేతిరెడ్డి పెద్దారెడ్డి ఇంటిపై రాళ్లదాడి చేశారు. అదే రోజు సాయంత్రం పట్టణంలోని వైఎస్సార్సీపీ కార్యకర్తలు షేక్షావలి, ప్రకాష్ లపై దాడికి దిగి తీవ్రంగా గాయపరిచారు. -
పాతపట్నం జనసేనలో క్షుద్రపూజల కలకలం!
సాక్షి ప్రతినిధి, శ్రీకాకుళం: రెండు వర్గాల మధ్య ఆధిపత్య పోరు.. ఇరు పక్షాల నాయకుల విమర్శల దాడి.. ఆడియో టేపుల లీకులు.. ఆఖరికి క్షుద్ర పూజలు. పాతపట్నంలో జనసేన పరిస్థితి ఇది. పార్టీ నియోజకవర్గ స్థాయి నేతలు కొరికాన రవికుమార్, భవానీ ఫ్యామిలీ, గేదెల చైతన్య వర్గాల మధ్య చాన్నాళ్లుగా సాగుతున్న ఆధిపత్య పోరు ఇప్పుడు రచ్చకెక్కింది. ప్రస్తుత సుడా చైర్మన్ కొరికాన రవికుమార్, ఆయన సతీమణి భవానీ జనసేనలోకి రావడానికి కారణమైన గేదెల చైతన్యతో వారికి కాలక్రమేణా గ్యాప్ వచ్చింది. దీని వెనక ఆర్థిక పరమైన లావాదేవీలే కారణమని వాదనలు ఉన్నాయి. రానురాను రవికుమార్ ప్రాబల్యం పెరగడం కూడా ఈ భేదాలకు ఆజ్యం పోసింది. గ్రూపు రాజకీయాలు.. క్షుద్రపూజలు రాజకీయ విభేదాల నేపథ్యంలో రెండు వర్గాల వారు ఎత్తుకు పై ఎత్తులు వేసుకున్నారు. ఈ క్రమంలో కొరికాన రవికుమార్ ఇటీవల అనారోగ్యం పాలయ్యారు. అయితే రవికుమార్పై జనసేన నేతలే కొందరు క్షుద్ర పూజలు చేశారనే సమాచారం ఆయన కుటుంబ సభ్యుల దృష్టికి వెళ్లింది. రవికుమార్ ఆస్పత్రిలో ఉన్నప్పుడు అర్ధరాత్రి సమయంలో ఆయన సతీమణి భవానీకి కొందరు ఫోన్ చేసి ఇష్టారీతిన మాట్లాడారు. ఇదంతా పార్టీలో ప్రత్యర్థుల పని అని భావించారు. దీంతో వారి మధ్య వివాదం మరింత రాజుకుంది. ఆడియో కాల్స్ లీకుల పర్వం ఇరువర్గాల మధ్య విభేదాలు తారా స్థాయికి చేరుకున్న సమయంలో జనసేన పార్టీ కార్మిక విభాగం నాయకుడు కింతాడ సంతోష్ అనే వ్యక్తి గేదెల చైతన్యకు ఫోన్ చేసి ఎమ్మెల్యేతో కుమ్మక్కయ్యావని, పార్టీ వ్యతిరేక కార్యక్రమాల్లో భాగస్వామ్యమవుతున్నారని ప్రశ్నించారు. ఆ సమయంలో తనను చంపేస్తానని బెదిరించాడని ఆ ఆడియో రికార్డును సంతోష్ లీక్ చేశారు. పవన్ కల్యాణ్కి, నాగబాబుకి ఆ ఆడియో రికార్డును పంపించారు. కానీ, అక్కడ నుంచి స్పందన రాకపోవడంతో గేదెల చైతన్య లక్ష్యంగా సంతోష్ ప్రెస్మీట్ పెట్టి జరిగిందంతా బయటపెట్టారు. దీని వెనక కొరికాన రవికుమార్, భవానీ దంపతులు ఉన్నారని గేదెల చైతన్య వర్గం అభిప్రాయపడుతోంది. మరో ఆడియో.. ఒక ఆడియో వివాదం సద్దుమణగక మునుపే కొరికాన భవానీ ఓ జనసేన కార్యకర్తకు ఫోన్ చేసి, మాట్లాడిన ఆడియో కాల్ రికార్డు బయటకొచ్చింది. అందులో క్షుద్రపూజల ఉదంతం, తమకు వ్యతిరేకంగా చేస్తున్న కుట్రలపై గట్టిగా మాట్లాడారు. ‘ఒక్కొక్కరి సంగతి తేలుస్తా. కౌంట్ డౌన్ స్టార్టయింది నేనేంటే చూపిస్తాన’ంటూ పరుష పదజాలంతో సంభాషించారు. ఈ నియోజకవర్గంలో ప్రస్తుతం చర్చనీయాంశంగా మారాయి. ఇదీ చదవండి: స్థానిక సంస్థల ఎన్నికలు.. ‘జనసేన జెండా మోసి తప్పు చేశాం!’ -
కూటమి కుట్రలు.. నకిలీ నామినేషన్లు..!
తాళ్లూరు(ప్రకాశం జిల్లా): మండలంలో ఎంపీటీసీ నామినేషన్ల ప్రక్రియ వివాదాస్పదంగా మారింది. వైఎస్సార్ సీపీ అభ్యర్థులను నామినేషన్లు దాఖలు చేయనీయకుండా టీడీపీకి చెందిన కొందరు అడ్డుకోవడంపై తీవ్రస్థాయిలో ఆరోపణలు వెల్లువెత్తుతున్నాయి. అంతేగాకుండా టీడీపీకి చెందిన నాయకులే వైఎస్సార్ సీపీ అభ్యర్థులుగా నామినేషన్లు దాఖలు చేసి దిగజారుడు రాజకీయాలకు పాల్పడినట్లు ప్రచారం జరుగుతోంది.ప్రజాస్వామ్య పద్ధతిలో ఎన్నికలు జరగాల్సి ఉండగా, అభ్యర్థులను నామినేషన్లు వేయకుండా అడ్డుకోవడం ఏమిటని పలువురు ప్రశ్నిస్తున్నారు. ఎన్నికల్లో పోటీ చేసే హక్కు ప్రతి అభ్యర్థికి ఉందని, నామినేషన్ వేయకుండా ఎలా అడ్డుకుంటారని మండల ప్రజలు తీవ్రంగా వ్యతిరేకిస్తున్నారు. నామినేషన్ ప్రక్రియలో మహిళలపై దాడి చేస్తున్నప్పటికీ పోలీసులు ప్రేక్షక పాత్ర పోషించారని, అధికారులు సైతం పట్టించుకోలేదని ఆవేదన వ్యక్తం చేస్తున్నారు. లిస్టులో ఉన్న యాడిక గోవిందరెడ్డి పేరు ఫేక్ నామినేషన్లు వేసిన టీడీపీ నేతలు... మండలంలోని తూర్పుగంగవరం గ్రామానికి చెందిన టీడీపీ బొల్లా శివన్నారాయణ వైఎస్సార్ సీపీ అభ్యర్థిగా నామినేషన్ వేసినట్లు ఆరోపణలు వినిపిస్తున్నాయి. అదే గ్రామానికి చెందిన యాడిక గోవిందరెడ్డి టీడీపీ తరఫున గతంలో 13వ వార్డు మెంబర్గా పోటీ చేసి ఓడిపోయాడు. టీడీపీ నేత అయ్యి ఉండి కూడా వైఎస్సార్ సీపీ ఎంపీటీసీ అభ్యర్థిగా నామినేషన్ వేయడంపై మండల ప్రజలు మండిపడుతున్నారు. అలాగే తురకపాలెం గ్రామానికి చెందిన టీడీపీ నేత, మాజీ సర్పంచ్ చంద్రగిరి గురువారెడ్డి భార్య చంద్రగిరి రాజేశ్వరి కూడా వైఎస్సార్ సీపీ ఎంపీటీసీ అభ్యర్థిగా నామినేషన్ వేసినట్లు తెలుస్తోంది. అర్హత ఉన్న వైఎస్సార్ సీపీ అభ్యర్థులను అడ్డుకుని టీడీపీ నేతలే వైఎస్సార్ సీపీ అభ్యర్థులుగా ఫేక్ నామినేషన్లు వేసి కుట్రలకు పాల్పడటంపై మండల ప్రజలు ఆగ్రహం వ్యక్తం చేస్తున్నారు. ఆడవాళ్లని కూడా చూడకుండా టీడీపీ నేతలు దాడికి పాల్పడ్డారు నామినేషన్ల రెండో రోజు బ్యాంకు పనిమీద తాళ్లూరు వెళ్లాం. అక్కడున్న టీడీపీ నేతలు ఎక్కడికి వెళ్లేది మీరు.. బ్యాంకు లేదు ఏమీ లేదంటూ మా సెల్ఫోన్లు లాక్కుని నేలకేసి కొట్టారు. భయంతో వెనక్కి వెళ్లిపోయాం. ఆ తర్వాత తురకపాలెం ఎంపీటీసీ అభ్యర్థిగా నామినేషన్ వేయడానికి వెళితే టీడీపీ గూండాలు అడ్డుకుని మహిళలని కూడా చూడకుండా మాపై దాడి చేశారు. భయభ్రాంతులకు గురి చేశారు. పోలీసులు చూస్తూ ఉన్నారు తప్ప వారిని ఏమీ అనలేదు. – కుమ్మిత రవణమ్మ, కుమ్మిత శివపార్వతి నామినేషన్ కాగితాలు లాక్కున్నారు మల్కాపురం ఎంపీటీసీ అభ్యర్థులుగా నామినేషన్ వేయడానికి వెళ్లాం. హైస్కూల్ వద్దకు వెళ్లేసరికి అక్కడ గుంపుగా ఉన్న టీడీపీ నేతలు చుట్టుముట్టి నామినేషన్ వేయడానికి వీల్లేదని అడ్డుకుని నామినేషన్ కాగితాలు లాక్కున్నారు. ఆ సమయంలో భయమేసింది. దళిత మహిళలపై దాడి చేయడానికి వచ్చిన టీడీపీ నేతలను అడ్డుకోకుండా అక్కడున్న పోలీసులు చోద్యం చూశారు. దీంతో నామినేషన్ వేయకుండానే వెనుదిరిగాం. – అనపర్తి మార్తమ్మ, పులి విజయ, పులి అనూష -
తల్లీ కూతుళ్ల పోటీ
విజయనగరం (రామభద్రపురం): మండలంలోని కోటశిర్లాంలో ఆసక్తికరమైన పోటీ నెలకొంది. కోటశిర్లాం ఎంపీటీసీ స్థానాన్ని అన్ రిజర్వడ్ జనరల్కు కేటాయించారు. ఒకే కుటుంబానికి చెందిన తల్లీ కూతుళ్లను ప్రధాన పారీ్టలు బరిలోకి దించాయి. వైఎస్సార్సీపీ నుంచి తల్లి వెంకటలక్ష్మి నామినేషన్ వేయగా ఆమె ప్రత్యర్థిగా టీడీపీ తరఫున కూతురు బప్పడాల జయలక్ష్మితో నామినేషన్ వేయించారు. వీరి మధ్య ఎన్నికల పోరుపై ఉత్కంఠ నెలకొంది.ఎన్నికల బరిలో మాజీ గ్రామ వలంటీర్ రాజాం : మండలంలో బొద్దాం గ్రామానికి చెందిన మాజీ గ్రామ వలంటీర్ నక్క పార్వతి స్థానిక ఎన్నికల బరిలో నిలిచారు. గత వైఎస్సార్ కాంగ్రెస్ పార్టీ ప్రభుత్వ పాలనలో గ్రామ వాలంటీర్గా ఆమె గ్రామంలో ప్రజలకు విశేష సేవలు అందించారు. సార్వత్రిక ఎన్నికల అనంతరం వలంటీర్ వ్యవస్థ రద్దవ్వడంతో ఇంటికే పరిమితమయ్యారు. ప్రస్తుతం జరుగుతున్న స్థానిక ఎన్నికల్లో బొద్దాం గ్రామ వైఎస్సార్ సీపీ ఎంపీటీసీ సెగ్మెంట్కు బరిలో నిలిచి ప్రచారం చేస్తున్నారు. ఎంపీటీసీగా తాను గెలిచి జగన్మోహన్రెడ్డికి బహుమతిగా ఇవ్వనున్నట్లు ఆమె తెలిపారు. -
ప్రజాసేవలో మేటి.. కౌన్సిలర్గా పోటీ
పెద్దాపురం(తూర్పుగోదావరి): గత వైఎస్సార్సీపీ ప్రభుత్వంలో వలంటీర్గా సేవలందించిన ఆ యువతి నేడు వైఎస్ జగన్మోహన్రెడ్డి నాయకత్వంలో పెద్దాపురం కో ఆర్డినేటర్ దవులూరి దొరబాబు ఆశీసులతో వైఎస్సార్ సీపీ పార్టీ తరఫున కౌన్సిలర్ అభ్యర్థిగా ఎన్నికల బరిలో నిలిచింది. వివరాల్లోకి వెళితే.. పెద్దాపురం పట్టణానికి చెందిన ఐతి సింధుప్రియ గత వైఎస్సార్ సీపీ ప్రభుత్వంలో ఒకటో వార్డులో వలంటీర్గా ప్రజలకు ఎన్నో సేవలందించింది. ఎస్సీలు ఎక్కువగా నివాసం ఉండే ఆ ప్రాంతంలో కరోనా కష్టకాలంలో కూడా ప్రజలకు తోడుగా నిలిచింది. ప్రాణాలకు కూడా లెక్కచేయకుండా సేవలు అందిస్తూ, అప్పటి ముఖ్యమంత్రి వైఎస్ జగన్మోహన్రెడ్డి ఆదేశాలను పాటిస్తూ ప్రజాసేవకు అంకితమైంది. దీంతో పార్టీ పెద్దాపురం కో ఆర్డినేటర్ దవులూరి దొరబాబు ఆమె సేవలను గుర్తించి కౌన్సిలర్గా పోటీ చేసే అవకాశం కల్పించారు. ఒకటో వార్డు కౌన్సిలర్ సీటు కోసం ఎంతో మంది పోటీ పడినా సింధుప్రియకే ఖరారు చేసి, బీఫారం కూడా అందజేశారు. ఈ సందర్భంగా ఆమె మాట్లాడుతూ వైఎస్ జగన్మోహన్రెడ్డి స్ఫూర్తితో ప్రజలకు సేవ చేయాలనే ఉద్దేశంతో ప్రజా క్షేత్రంలోకి వచ్చానన్నారు. పేద వర్గాలకు సేవ చేయడమే తన ప్రధాన లక్ష్యమని, భర్త అబ్బులు ప్రోత్సాహంతో రాజకీయాల్లోకి వచ్చినట్టు తెలిపారు. -
ప్రకాశం జిల్లా పరిషత్ చైర్మన్ పీఠానికి రూ.25 కోట్లు!
సాక్షి ప్రతినిధి, ఒంగోలు: స్థానిక పదవులకు కోట్లలో బేరాలు.. పోటీదారులను నిలువరించేందుకు దౌర్జన్యాలు.. నామినేషన్ల దశలోనే అడ్డగింతలు! ఉమ్మడి ప్రకాశం జిల్లాలో స్థానిక సంస్థల ఎన్నికల వేళ చోటుచేసుకుంటున్న పరిణామాలు ప్రజాస్వామ్యంపై ఆందోళన కలిగిస్తున్నాయి. అధికార తెలుగుదేశం పార్టీ నేతలు పదవులను ఆర్థిక లబ్ధికి మార్గంగా మార్చుకున్నారనే ఆరోపణలు వెల్లువెత్తుతున్నాయి. జిల్లా పరిషత్ చైర్మన్ పదవికి రూ.25 కోట్ల వరకు బేరం సాగిందనే ప్రచారం రాజకీయ వర్గాల్లో కలకలం రేపుతోంది. మేయర్, మున్సిపల్ చైర్మన్ పదవుల నుంచి జెడ్పీటీసీ, ఎంపీపీ, కార్పొరేటర్, కౌన్సిలర్ స్థానాల వరకు రేట్లు నిర్ణయించారనే చర్చ సాగుతోంది. కోట్ల బేరాలకు తెర.. ప్రకాశం జిల్లా పరిషత్ చైర్మన్ పీఠానికి రూ.25 కోట్లు, మార్కాపురం జెడ్పీ స్థానానికి రూ.10 కోట్లు, మేయర్, మున్సిపల్ చైర్మన్ పదవులకు రూ.4 కోట్ల నుంచి రూ.5 కోట్ల వరకు బేరాలు సాగినట్లు ప్రచారం జరుగుతోంది. కార్పొరేటర్, కౌన్సిలర్ స్థానాలకు రూ.20 లక్షల నుంచి రూ.30 లక్షలు, జెడ్పీటీసీ, ఎంపీపీ పదవులకు రూ.కోటి నుంచి రూ.2 కోట్ల వరకు ధరలు నిర్ణయించినట్లు రాజకీయ వర్గాల్లో చర్చ నడుస్తోంది. ఈ వ్యవహారాల వెనుక పార్టీలో పై స్థాయిలో కీలకంగా వ్యవహరిస్తున్నారనే ఆరోపణలూ వినిపిస్తున్నాయి. నామినేషన్లకే అడ్డంకులు.. మరోవైపు ఎన్నికల్లో ప్రత్యర్థులు పోటీ చేయకుండా అడ్డుకోవడమే లక్ష్యంగా పలు ప్రాంతాల్లో దాడులు, బెదిరింపులు, నామినేషన్లకు అడ్డంకులు ఎదురయ్యాయనే ఆరోపణలు వెల్లువెత్తుతున్నాయి. దర్శి, కనిగిరి, మార్కాపురం, గిద్దలూరు, యర్రగొండపాలెం, కొండపి నియోజకవర్గాల్లో వైఎస్సార్ సీపీ అభ్యర్థులను నామినేషన్లు వేయనీయకుండా అడ్డుకున్నారు. బయటి ప్రాంతాల నుంచి వ్యక్తులను తీసుకొచ్చి భయానక వాతావరణం సృష్టించారు. మహిళా అభ్యర్థులపైనా దాడులకు పాల్పడ్డారు. కొన్ని చోట్ల నామినేషన్ కేంద్రాలకు వెళ్తున్న అభ్యర్థులను అడ్డుకోవడం, పత్రాలను చించివేయడం, దాడులకు దిగడం వంటి ఘటనలు చోటుచేసుకున్నాయి. నామినేషన్ల పరిశీలనలోనూ తమ అభ్యర్థులకు అన్యాయం జరిగిందని వైఎస్సార్సీపీ నేతలు ఆవేదన వ్యక్తం చేస్తున్నారు. రక్షణ కల్పించాల్సిన పోలీసులే అడ్డంకులా? ఎన్నికల్లో పోటీ చేసే అభ్యర్థులకు భద్రత కల్పించి, స్వేచ్ఛగా నామినేషన్లు దాఖలు చేసేలా చూడాల్సిన పోలీసులపైనా తీవ్ర విమర్శలు వస్తున్నాయి. అధికార పార్టీ నేతలకు అనుకూలంగా వ్యవహరిస్తూ ప్రతిపక్ష అభ్యర్థులను అడ్డుకున్నారని వైఎస్సార్ సీపీ ఆరోపిస్తోంది. కొన్నిచోట్ల పోలీసుల సమక్షంలోనే ఉద్రిక్తతలు చోటుచేసుకున్నాయని, అభ్యర్థులపై దాడులు జరిగినా తగిన చర్యలు తీసుకోలేదని విమర్శిస్తోంది. ఇదీ చదవండి: గీత దాటితే వేటే! -
గీత దాటితే వేటే!
‘‘ఎన్నికల విధుల్లో నిష్పాక్షితను తుంగలో తొక్కి అధికార పార్టీ అభ్యర్థులకు కొమ్ముకాసే అధికారుల ఉద్యోగాలు ఊడిపోవడం ఖాయం. ఎన్నికల నిబంధనలను బేఖాతరు చేస్తూ పక్షపాతం ప్రదర్శిస్తే ఎంతటి వారినైనా ఉపేక్షించే ప్రసక్తే లేదు. సర్వేస్ నుంచి తొలగించడంతోపాటు క్రిమినల్ చర్యలు తప్పవు. తప్పులు చేస్తే చూసీచూడనట్టు ఉండబోము. ప్రజాస్వామ్య స్ఫూర్తికి విరుద్ధంగా వ్యవహరించే సిబ్బందిపై వేటు తప్పదు’’ అని ఎన్నికల అధికారులు హెచ్చరించారు.చిత్తూరు కలెక్టరేట్ : స్థానిక సంస్థల ఎన్నికల రణరంగంలో నిష్పాక్షికంగా వ్యవహరించాల్సిన రిటర్నింగ్ అధికారులు (ఆర్వోలు) దారి తప్పుతు న్నారా? రాజ్యాంగబద్ధమైన కర్తవ్యాన్ని పక్కనబెట్టి అధికారి పార్టీ అభ్యర్థులకు ఏకపక్షంగా కొమ్ముకాస్తున్నారా? అంటే కొంతమంది ఆర్వోలు వ్యవహరిస్తున్న తీరు అవుననే మాట జిల్లా వ్యాప్తంగా వినిపిస్తోంది. తప్పులు చేస్తే క్షమించేది లేదని, నిబంధలను పాటించాల్సిందేనని జిల్లా ఎన్నికల అధికా రులు ఆదేశాలు జారీచేశారు. ఇటీవల చిత్తూరు నగరపాలక సంస్థ ఎన్నికల ప్రక్రియలో నిబంధనలను అతిక్రమించిన 51 మంది ఆర్వోలకు జిల్లా ఎన్నికల అధికారి, కలెక్టర్ సుమిత్ కుమార్ గాంధీ నోటీసులు జారీచేసిన విషయం విధితమే. దీంతో నిబంధనలను అతిక్రమించే ఆర్వోల గుండెల్లో రైళ్లు పరిగెడుతున్నాయి. రిపీట్ చేస్తే అంతే! ఇటీవల చిత్తూరు నగరపాలక సంస్థ ఎన్నికల్లో 51 మంది రిటరి్నంగ్ అధికారులు ఏకపక్షంగా వ్యవహరించారు. అధికార పారీ్టకి తొత్తులుగా మారి ఎన్నిక ల నిబంధనలను పూర్తిగా హరించారు. నామినేషన్ల పరిశీలన మొదలుకుని అభ్యర్థుల బలవంతపు విత్డ్రాల వరకు అనేక అక్రమాలకు సహకరించారనే ఫిర్యాదులతో జిల్లా ఎన్నికల అధికారి కఠినంగా స్పందించారు. నిబంధనలు పాటించని ఆ 51 మంది ఆర్వోలకు నోటీసులు జారీచేశారు. లిఖితపూర్వకంగా సమాధానం ఇవ్వాలంటూ ఆదేశించారు. ఈ క్రమంలో ఆ ఆర్వోల భవితవ్యం త్రిశంకు స్వర్గంలో పడింది. ఉద్యోగాలా? ప్రజాప్రతినిధుల మన్ననలా? తాత్కాలికంగా రాజకీయ నాయకుల మెప్పు పొందేందుకు తమ భవిష్యత్తును, సరీ్వసును ఫణంగా పెట్టొద్దని పలువురు సీనియర్ అధికారులు తోటి ఆర్వోలకు సూచిస్తున్నారు. ఏకపక్ష నిర్ణయాలు తీసుకుని రేపు నోటీసులు, సస్పెన్షన్లు ఎదుర్కోవడం కంటే.. చట్టం, ఎన్నికల నిబంధనలకు తూచా తప్పకుండా పాటిస్తూ నిష్పక్షపాతంగా విధులు నిర్వహించడమే తమ ఉద్యోగాలకు శ్రీరామరక్ష అని గ్రహించాల్సిన సమయం ఆసన్నమైంది. దశాబ్దాల కష్టంతో కాపాడుకున్న ప్రభుత్వ ఉద్యోగాలను ఊడగొట్టుకుంటారా? లేక చట్టం ప్రకారం నిష్పాక్షికంగా నడుచుకుని తమ పోస్టులను కాపాడుకుంటారా? అనేది ఇప్పుడు ప్రతి ఆర్వో ఆత్మపరిశీలన చేసుకోవాల్సిన అవసరం ఉంది. 51 మంది ఆర్వోలకు నోటీసులు జారీకావడంతో జిల్లా వ్యాప్తంగా కలకలం రేపింది. ఈ నేపథ్యంలో జెడ్పీటీసీ, ఎంపీటీసీ, సర్పంచ్ ఎన్నికల ప్రక్రియలో ఎన్నికల నిబంధనలు పాటించి ఉద్యోగాలను కాపాడుకుంటారా.. లేక అధికార పక్షం చెప్పినట్లు విని సస్పెండ్ అవుతారా అన్నది ఇప్పుడు ప్రతి ఆర్వో ముందున్న పెద్ద ప్రశ్న.ప్రతి ఆర్వోపైనా షాడో నిఘా కార్పొరేషన్ ఎన్నికల ప్రక్రియలో జరిగిన దారు ణాలను దృష్టిలో ఉంచుకుని, ప్రస్తుతం నిర్వహిస్తున్న జెడ్పీటీసీ, ఎంపీటీసీ ఎన్నికల ప్రక్రియ లో విధుల్లో ఉన్న ప్రతి ఒక్క ఆర్వోపైనా ఎన్నికల సంఘం ఉన్నతాధికారులు షాడో నిఘా ఏర్పాటు చేసినట్లు విశ్వసనీయ సమాచారం. అధికార పార్టీ నేతల ఒత్తిళ్లకు తలొగ్గి దొంగ సంతకాలను ప్రోత్సహించినా, పోటీలో ఉన్న అభ్యర్థులను బెదిరించి బలవంతపు విత్డ్రాలకు తావిచ్చినా, చెల్లుబాటు అయ్యే నామినేషన్లను సాకులు చెప్పి తిరస్కరించినా సదరు ఆర్వోల ఉద్యోగాలు పోవడం ఖాయ మని తెలుస్తోంది. నిబంధనలను అతిక్రమించే అధికారులపై బదిలీలతో సరిపెట్టకుండా తక్షణ సస్పెన్షన్ వేటుతో పాటు క్రిమినల్ కేసులు నమోదు చేయనున్నట్లు తెలిసింది. చిత్తూరు కార్పొరేషన్ ఆర్వోలకు జారీచేసిన ఉత్తర్వులు -
పొత్తు ధర్మం ఎక్కడ పాటించారు?
పెనుకొండ(శ్రీసత్యసాయి జిల్లా : ఎన్నికల ప్రచారానికి వెళ్లిన రాష్ట్ర బీసీ సంక్షేమ శాఖ మంత్రి సవితను జనసేన నాయకులు, కార్యకర్తలు అడ్డుకున్నారు. మంత్రి సవిత ఆదివారం పెనుకొండ మున్సిపాలిటీ పరిధిలోని రెండో వార్డు వెంకటరెడ్డిపల్లికి ఎన్నికల ప్రచార నిమిత్తం వెళ్లారు. అక్కడే ప్రచారంలో ఉన్న జనసేన నాయకులు, కార్యకర్తలు పొత్తులో భాగంగా తమ పార్టీకి ఈ వార్డు కేటాయించి...మళ్లీ టీడీపీ అభ్యర్థిని ఎలా బరిలో నిలుపుతారని మంత్రిని నిలదీశారు. పార్టీ పెద్దల నిర్ణయం అంటూ మంత్రి సమర్థించుకునే ప్రయత్నం చేశారు. వార్డు కౌన్సిలర్ స్థానానికి జనసేన అభ్యర్థిగా పోటీలో ఉన్న లోకేష్ మాట్లాడుతూ పార్టీ సీనియర్లు అయిన తమతో చర్చించకుండానే ఏకపక్షంగా 13వ వార్డు జనసేనకు ఎలా కేటాయిస్తారని మంత్రిని ప్రశ్నించారు. తమ పార్టీకి అనుకూలమైన వార్డును.. అది కూడా తమతో చర్చించి ఇవ్వాలే గానీ మీరే ఏకపక్షంగా ఎలా నిర్ణయిస్తారని నిలదీశారు. పార్టీ అభ్యర్థిగా పోటీ చేస్తే బెదిరింపులకు దిగుతారా? పొత్తు ధర్మం ఎక్కడ పాటించారు? అంటూ మండిపడ్డారు. తన కార్యాలయానికి వస్తే మాట్లాడుకుందామంటూ మంత్రి అక్కడి నుంచి వెళ్లిపోయారు. తర్వాత జనసేన కార్యకర్తలు ఆగ్రహంతో ఊగిపోయారు. ‘మీ ఓట్ల కోసమైతే అందరూ కావాలంటూ మా ఇళ్ల వద్దకు వస్తారు. ఇప్పుడు మాత్రం మాతో మాట్లాడకుండా వెళ్లిపోతారా? మేము మీ ఇంటి వద్దకు రావాలా? సీట్ల పంపిణీ మాకు తెలియకుండానే చేపట్టి, మా పార్టీని నమ్ముకుని పనిచేసిన వారికి అన్యాయం చేస్తారా? మా నాయకుడు పవన్ కల్యాణ్ లేకుంటే టీడీపీకి అధికారం వచ్చి ఉండేదే కాదు. పెనుకొండలో జనసేనకు విలువే లేకుండా చేశారు. నియోజకవర్గ వ్యాప్తంగా 240 స్టోర్లు (చౌక డిపోలు) ఉంటే.. జనసేన వారికి ఒక్కటి మాత్రమే కేటాయించారు. మార్కెట్ యార్డు డైరెక్టర్ పదవులు రెండు ఇచ్చి చేతులు దులుపుకొన్నారు. పార్టీ భవిష్యత్తు కోసం పోటీ చేస్తే బెదిరింపులకు దిగుతున్నారు. మా వెంట నడిచే వారి రేషన్ కార్డులు, పింఛన్లు తొలగిస్తామంటూ బెదిరిస్తున్నారు’ అని పెనుకొండ పట్టణ జనసేన కన్వీనర్, 2వ వార్డు అభ్యర్థి లోకేష్ ఆవేదన వెలిబుచ్చారు. ఇదీ చదవండి: అభిమాన ముద్దు.. ఆత్మీయ కౌగిలి -
అభిమాన ముద్దు.. ఆత్మీయ కౌగిలి
ఎన్నికల ప్రచారం అంటే కేవలం ఓట్ల అభ్యర్థనలు, నినాదాలు, మైకుల హోరు మాత్రమే కాదు.. ప్రజలతో నాయకులకు ఉండే ప్రేమానురాగాలకు అద్దం పట్టే వేదిక కూడా.. జీవీఎంసీ మేయర్ అభ్యర్థి వరుదు కల్యాణి చేపట్టిన ప్రచార పర్వంలో సరిగ్గా అలాంటి ఒక అరుదైన, కంటికి ఇంపైన దృశ్యం విశాఖ ఫిషింగ్ హార్బర్ వద్ద ఆవిష్కృతమైంది. ప్రచారంలో భాగంగా మత్స్యకార కుటుంబాలను పలకరిస్తూ ముందుకెళ్తున్న వరుదు కల్యాణికి ఒక వృద్ధురాలు ఎదురైంది. ముడతలు పడిన ఆ చేతులు, అనుభవాల సముద్రమైన ఆ కళ్లు.. ప్రజాప్రతినిధిగా వస్తున్న కల్యాణిని చూడగానే అమితమైన వాత్సల్యంతో నిండిపోయాయి. ఏమాత్రం సంకోచించకుండా ఆ అవ్వ కల్యాణిని దగ్గరకు తీసి, చెంపపై ముద్దుపెడుతూ గుండెలకు హత్తుకుంది. ఆ ఆత్మీయ స్పర్శకు వరుదు కల్యాణి మురిసిపోతూ, చిరునవ్వుతో ఆ వృద్ధురాలిని ఆప్యాయంగా కౌగిలించుకున్నారు. ఓ అమ్మ ఇచ్చిన దివ్యదీవెనగా దీనిని భావిస్తున్నానని వరుదు కల్యాణి స్పందించారు. – ఫొటో : సాక్షి ఫొటోగ్రాఫర్, విశాఖ -
ఎకరం భూమి 99 పైసలు.. కిలో బియ్యం రూ.100
సాక్షి, విశాఖపట్నం: సామాన్యుడి కంచంలోకి వెళ్లే కిలో బియ్యం వంద రూపాయలకు దొరకని పరిస్థితులు తీసుకొచ్చిన చంద్రబాబు ప్రభుత్వ హయాంలో.. బడా సంస్థలకు మాత్రం ఎకరాల ఎకరాల భూములు కేవలం 99 పైసలకే దొరుకుతున్నాయి. పండగ పూట పప్పన్నం తినాలన్నా ఆలోచించాల్సిన పరిస్థితులు వచ్చాయంటే.. సగటు మనిషి భయపడే రోజుల్ని కూటమి ప్రభుత్వం తీసుకొచ్చింది. బియ్యం, ఉప్పు, పప్పు, పంచదార, కూరగాయలు.. ఇవన్నీ నిత్యావసరాలే అయినా.. ఈ ప్రభుత్వం దయవల్ల అవన్నీ ఖరీదైన వస్తువుల జాబితాలో చేరిపోయాయి. ఎప్పుడు మైక్ దొరికినా.. సంపద సృష్టించడం తనకు తెలుసంటూ ఊదరగొట్టే చంద్రబాబు మాటల వెనుక ఆంతర్యం ఏంటనేది విశాఖ ప్రజలకు అవగతమైందని విశాఖ ప్రజలకు అవగతమైంది. ఎన్నికల ముందు అరచేతిలో వైకుంఠం చూపించి.. అధికారంలోకి వచ్చాక ప్రజా సంపదను నచ్చిన సంస్థలకు అప్పనంగా దోచిపెడుతూ, తమకు నచ్చిన విధంగా సంపదను సృష్టించుకోవడమేనా బాబు చెప్పిందంటూ నగర వాసులు మండిపడుతున్నారు. విశాఖ సంపదను దోచేయొద్దు ‘మీరు సంపద సృష్టించొద్దు.. విశాఖ సంపదను దోచేయొద్దు’ అంటూ గ్రేటర్ ఎన్నికల వేళ ఓట్ల కోసం వస్తున్న అధికార పార్టీ నేతలను చూసి నగర ప్రజలు కన్నెర్ర చేస్తున్నారు. ‘సేవ్ వైజాగ్’ నినాదంతో అధికార కూటమి కబంధ హస్తాల నుంచి తమ నగరాన్ని కాపాడుకునేందుకు, బ్యాలెట్నే ఆయుధంగా మలచుకుంటూ తగిన బుద్ధి చెప్పేందుకు విశాఖ ఓటర్లు సన్నద్ధమవుతున్నారు. ఉత్తుత్తి కంపెనీకి రూ.వేల కోట్ల భూములు ఊరూపేరు లేని ఉత్తుత్తి కంపెనీ ఉర్సాకు రూ. వేల కోట్ల విలువైన నగర భూములను 60 ఎకరాల వరకు పళ్లెంలో పెట్టి ఇచ్చేశారు. అన్ని రాష్ట్రాల్లోనూ మార్కెట్ ధరకే భూములు కొనుగోలు చేసుకుంటూ సంస్థలను విస్తరిస్తున్న టీసీఎస్కు 21 ఎకరాలు, కాగ్నిజెంట్కు 21 ఎకరాలు, ఇన్ఫోసిస్కు 20 ఎకరాల చొప్పున.. దొరికిన భూములను దొరికినట్లుగా కేటాయించిన ఘనత చంద్రబాబు ప్రభుత్వానికే దక్కింది. నిలదీస్తున్న ప్రజలు జీవీఎంసీ ఎన్నికల్లో ఓట్ల కోసం వస్తున్న కూటమి నేతలకు అడుగడుగునా పరాభవం ఎదురవుతోంది. ఇంటికి వచ్చి ఓటు అడుగుతున్న టీడీపీ, జనసేన, బీజేపీ నేతలకు ఓటర్ల నుంచి ఎదురవుతున్న ప్రశ్న ఒక్కటేనని పేర్కొంది. ‘అసలు ఏ మొహం పెట్టుకుని ఓటు అడుగుతున్నారు? అంటూ రెండేళ్ల ముందు వరకూ ధరలు ఎలా ఉండేవి.. ఇప్పుడు ఎలా ఉన్నాయనే విషయాలను గుర్తు చేసుకుంటూ ప్రజలు నిలదీస్తున్నారని తెలిపింది. ‘బాబూ.. మీ పాలనకు కోదండం.. ఇక ఇంటికి సాగనంపడమే మా కర్తవ్యం’ అన్నట్లుగా ప్రజలంతా ముక్తకంఠంతో కూటమికి చెక్ పెట్టాలని భావిస్తున్నారు.కూటమికి ఓటుతో బుద్ధి చెబుతాం 2024 ఎన్నికల ముందు ఇచ్చిన హామీలను నెరవేర్చలేదు.. మహిళలకు ప్రతి నెలా రూ.1500 ఇస్తామని చెప్పారు.. ఆ డబ్బులు ఇవ్వకపోగా నిత్యావసర వస్తువుల ధరలు పెంచేశారు. కిలో బియ్యం రూ.100కి చేరింది. పప్పులు, నూనెలు, పంచదార గ్యాస్ ధరలను కూడా అమాంతం పెంచేశారు. మళ్లీ ఇప్పుడు కార్పొరేషన్ ఎన్నికల్లో ఓట్ల కోసం వస్తున్నారు. ఎన్నికలప్పుడు మాత్రమే ప్రజలు గుర్తుస్తున్నారు. ఈ ఎన్నికల్లో కూటమి అభ్యర్థులకు తగిన బుద్ధి చెబుతాం. – పాల నాగలక్ష్మీ, గృహిణి, నెల్లిముక్కు, పెదగంట్యాడకూటమి పాలనలో బతుకు భారం 2024 ఎన్నికల్లో అద్భుతాలు చేస్తామని చెప్పిన చంద్రబాబు, ఇప్పుడు కార్పొరేట్లకు ఎకరం భూమి 99 పైసలకే ఇస్తూ.. సామాన్యుడికి మాత్రం కేజీ బియ్యం ధర రూ. 100 చేశారు. నచ్చిన వారికి భూములు దోచిపెడుతూ పేదల జేబులు గుల్ల చేస్తున్నారు. ఈ కూటమి ప్రభుత్వం వచ్చాక మధ్యతరగతి బతుకులు భారమయ్యాయి. గ్రేటర్ విశాఖ ఎన్నికల్లో వీరికి ఓటుతోనే తగిన బుద్ధి చెప్పాలి. – లక్ష్మీ, గృహిణి, మల్కాపురంధరల అదుపులో ప్రభుత్వం విఫలం కూటమి ప్రభుత్వం అధికారంలోకి వచ్చిన తర్వాత నిత్యావసర ధరలు ఒక్కసారిగా మండిపోతూ సామాన్యుడి బడ్జెట్ను దెబ్బతీస్తున్నాయి. బియ్యం, పప్పులు, నూనెలు, పంచదార ధరలను అదుపు చేయడంలో ప్రభుత్వం పూర్తిగా విఫలమైంది. ఒకవైపు ప్రజా ధనాన్ని అమరావతికి మళ్లిస్తూ, కార్పొరేట్లకు భూములను కారుచౌకగా కట్టబెడుతున్నారు. ఈ ఎన్నికల్లో కూటమి అభ్యర్థులకు ఓటుతోనే తగిన బుద్ధి చెబుతాం. – రమేష్ ఎల్వీ నగర్,సామాన్యులపై ఆర్థిక భారం ప్రస్తుతం నిత్యావసర సరుకుల ధరలు ఒక్కసారిగా భారీగా పెరిగిపోయాయి. ఎన్నడూ లేని విధంగా ఉప్పు నుంచి పప్పు, నూనె, బియ్యం, కూరగాయల వరకు ప్రతి ఒక్కదాని ధర మండిపోతుండటంతో కొనుగోలు చేయాలన్నా, మూడు పూటలా తినాలన్నా భయమేస్తోంది. ఈ ధరల భారంతో పేద, మధ్యతరగతి కుటుంబాలపై ఆర్థిక భారం ఒక్కసారిగా పదింతలు పెరిగింది. – కోన సింహాచలం, తిమ్మాపురం సంపద సృష్టి ఇదేనా.. కూటమి ప్రభుత్వం అధికారంలోకి వచ్చాక ఉన్న వాడికి ఎకరం భూమి 99 పైసలకు ఇచ్చి, పేదవాడు తినే బియ్యాన్ని మాత్రం రూ. 100 చేశారు. చంద్రబాబు చెప్పిన సంపద సృష్టి అంటే ఇదేనేమో..జీవీఎంసీ ఎన్నికల్లో ప్రజలందరూ తమ ఓటుతో ఈ కూటమి ప్రభుత్వానికి తగిన గుణపాఠం చెబుతారు. – ముచ్చు రామారావు, మారికవలన -
రిటైరైనా వదలరు..దివ్యాంగులైనా కనికరించరు!
అనంతపురం ఎడ్యుకేషన్: ఎన్నికల విధుల కేటాయింపులో అధికారుల తీరు ఉపాధ్యాయుల్లో తీవ్ర చర్చకు దారితీస్తోంది. ఉద్యోగ విరమణ చేసినవారు, దివ్యాంగులు, రిటైర్మెంట్కు దగ్గరలో ఉన్నవారికీ జెడ్పీటీసీ, ఎంపీటీసీ ఎన్నికల విధులు కేటాయించడంతో ఉపాధ్యాయులు విస్మయం వ్యక్తం చేస్తున్నారు. మరోవైపు కొన్ని పాఠశాలల్లో పనిచేస్తున్న ఉపాధ్యాయులందరికీ డ్యూటీలు వేయడంతో శిక్షణ రోజుల్లో పాఠశాలలను ఎలా నిర్వహించాలనే ప్రశ్న తలెత్తుతోంది. జిల్లా వ్యాప్తంగా ఎన్నికల విధుల జాబితాలను పరిశీలించిన ఉపాధ్యాయులు, హెచ్ఎంలు అభ్యంతరాలు వ్యక్తం చేస్తున్నారు. ఉద్యోగ విరమణ చేసినా.. విధులా? అనంతపురంలోని అబ్దుల్ కలాం ఆజాద్ మున్సిపల్ కార్పొరేషన్ ఉర్దూ ఉన్నత పాఠశాల హెచ్ఎంగా పనిచేసిన అనంతరాజు శ్రీదేవి సెపె్టంబరు 30న ఉద్యోగ విరమణ చేశారు. అయినప్పటికీ ఆమెకు ఈ నెల 26, 29 తేదీల్లో అనంతపురం జేఎన్టీయూలో నిర్వహించే శిక్షణకు హాజరుకావాలంటూ ఉత్తర్వులు జారీ చేశారు. ఉద్యోగ విరమణ చేసిన వారికి సైతం ఎన్నికల విధులు కేటాయించడం ఎలా జరిగిందన్న ప్రశ్నలు వ్యక్తమవుతున్నాయి. దివ్యాంగులకూ తప్పని డ్యూటీలు అనంతపురం రూరల్ మండలం ఉప్పరపల్లి జెడ్పీహెచ్ఎస్లో తెలుగు పండిట్గా పనిచేస్తున్న నాగార్జునకు వంద శాతం దృష్టి వైకల్యం ఉంది. ఆలమూరు జెడ్పీహెచ్ఎస్ సోషల్ టీచర్ రమాదేవికి 90 శాతం వైకల్యం ఉండగా, రుద్రంపేట జెడ్పీహెచ్ఎస్ సోషల్ టీచర్ తిప్పయ్య కూడా దివ్యాంగుడే. కళ్యాణదుర్గం మండలం తిమ్మసముద్రం ఎంపీయూపీ పాఠశాలలో హిందీ స్కూల్ అసిస్టెంట్గా పనిచేస్తున్న టి.సమీవుల్లాఖాన్కు 55 శాతం శారీరక వైకల్యం ఉంది. వీరందరికీ ఎన్నికల విధులు కేటాయించారు. గతంలో ఎప్పుడూ ఎన్నికల విధులు కేటాయించని దివ్యాంగ టీచర్లకూ ఈసారి కేటాయించడం విశేషం. అనంతపురం నగరంలోని శారదా నగరపాలక ఉన్నత పాఠశాలలోనూ దివ్యాంగ ఉపాధ్యాయులకు విధులు కేటాయించినట్లు తెలిసింది. అందరికీ డ్యూటీలేస్తే బడులు నడిచేదెలా? అనంతపురం నగరంలోని ప్రభుత్వ ఉన్నత పాఠశాల నంబర్–1లో ఉపాధ్యాయులందరికీ ఎన్నికల విధుల ఉత్తర్వులు అందాయి. అనంతపురం రూరల్ మండలం సిండికేట్నగర్ జిల్లా పరిషత్ ఉన్నత పాఠశాలలోనూ ఇదే పరిస్థితి నెలకొంది. ఒకే పాఠశాలలో పనిచేసే ఉపాధ్యాయులందరినీ ఎన్నికల విధులకు కేటాయిస్తే, శిక్షణ జరిగే రోజుల్లో విద్యార్థులకు బోధన ఎలా కొనసాగించాలనే ఆందోళన హెచ్ఎంలను వేధిస్తోంది. పాఠశాలల నిర్వహణకు ప్రత్యామ్నాయ ఏర్పాట్లు చేయాల్సిన అవసరం ఉందని ఉపాధ్యాయులు అభిప్రాయపడుతున్నారు. మినహాయింపులపై స్పష్టత ఏదీ? ప్రత్యేక పరిస్థితులు ఉన్న ఉద్యోగులు, దివ్యాంగులకు ఎన్నికల విధుల నుంచి మినహాయింపు ఉంటుందని అధికారులు ప్రకటించినట్లు ఉపాధ్యాయులు చెబుతున్నారు. అయితే, విడుదలైన జాబితాల్లో దివ్యాంగులు, ఉద్యోగ విరమణ చేసినవారు, ఏడాదిలోపు పదవీ విరమణ చేయనున్నవారి పేర్లు ఉండటంపై అభ్యంతరాలు వ్యక్తమవుతున్నాయి. ప్రిసైడింగ్ ఆఫీసర్లు (పీఓలు), అసిస్టెంట్ ప్రిసైడింగ్ ఆఫీసర్లు (ఏపీఓలు), ఇతర పోలింగ్ ఆఫీసర్లుగా (ఓపీఓలు) విద్యాశాఖతో పాటు ఇతర శాఖల ఉద్యోగులను నియమించినప్పటికీ, ఎక్కువగా హెచ్ఎంలు, ఉపాధ్యాయులకే బాధ్యతలు కేటాయించారు. శనివారం సాయంత్రం విడుదలైన జాబితాలను పరిశీలించిన ఉపాధ్యాయులు ఖంగుతిన్నారు. -
ఓట్లడిగేందుకు ఏ ముఖం పెట్టుకుని వచ్చారు?
ధర్మవరం(శ్రీసత్యసాయి జిల్లా ): ‘‘మీ ప్రభుత్వం వచ్చాక పథకాలన్నీ మీరు, మీ కార్యకర్తలే దక్కించుకున్నారు. అన్ని అర్హతలున్నా మమ్మల్ని విస్మరించారు. నేతన్నల పేరుతోనూ మీరే దోచుకుతిన్నారు. అర్హులకు ‘నేతన్నసేవలో’ పథకం అందకుండా చేశారు. పోనీ పట్టణంలో ఏమైనా అభివృద్ధి చేశారా అంటే అదీ లేదు. ఇప్పుడు ఏ ముఖం పెట్టుకుని మమ్మల్ని ఓట్లు అడిగేందుకు వచ్చారు’’ అంటూ ధర్మవరం ప్రజలు టీడీపీ కౌన్సిలర్ అభ్యర్థులను కడిగిపారేస్తున్నారు.ధర్మవరం మున్సిపల్ ఎన్నికల్లో పోటీ చేస్తున్న కూటమి పార్టీ అభ్యర్థులు ఆయా వార్డుల్లో ప్రచారాలకు వెళ్తుంటే ఓటర్లు తిరగబడి ప్రశ్నిస్తున్నారు. శనివారం 4వ వార్డులో టీడీపీ కౌన్సిలర్ అభ్యర్థి ప్రచారానికి వెళ్లగా కొందరు ఇళ్లలోంచి బయటకు కూడా రాలేదు. మరికొందరు ఓటర్లు ప్రశ్నల వర్షం కురిపిస్తున్నారు. ఏం చేశారని మీకు ఓట్లెయ్యాలో చెప్పాలంటూ నిలదీశారు. మగ్గాలున్న తమకు కాకుండా ఆటో డ్రైవర్లకు, మెకానిక్లకు ‘నేతన్న సేవలో’ పథకం డబ్బులు పడ్డాయంటూ ఆగ్రహం వ్యక్తం చేశారు. గతంలో తాము ఎన్నిసార్లు ఫోన్లు చేసినా కనీసం ఎత్తలేదని, చేనేత పథకం కింద డబ్బులు పడలేదని స్వయంగా వచ్చి విన్నవించినా పట్టించుకోలేదని...ఇప్పుడు మాత్రం ఓట్లు అడిగేందుకు ఎలా వచ్చారంటూ నిలదీశారు. దీంతో వారికి ఏం సమాధానం చెప్పాలో తెలియని కూటమి అభ్యర్థులు అక్కడి నుంచి మెల్లగా జారుకున్నారు. కూటమి అభ్యర్థులను ఓటర్లు ప్రశ్నలతో ఉక్కిరిబిక్కిరి చేసిన వీడియోలు సామాజిక మాధ్యమాల్లో వైరల్ అయ్యాయి. -
కార్పొరేటర్గా ఫెయిల్.. మేయర్గా గెలుపు సాధ్యమా?
సాక్షి, విశాఖపట్నం: ఉట్టికి ఎగరలేనమ్మ స్వర్గానికి ఎగురుతానందంట...కార్పొరేటర్గా ఐదేళ్ల పాలనలో సొంత వార్డును అభివృద్ధి చేయలేనిది, 120 వార్డులను అభివృద్ధి చేస్తానని ఊకదంపుడు ప్రచారాలు చేస్తున్న కూటమి మేయర్ అభ్యర్థి ముక్కా శ్రావణి మాటలకు వార్డు ప్రజలు విస్తుపోతున్నారు. కార్పొరేటర్గా ఫెయిల్ అయిన శ్రావణి మేయర్గా గెలుపు ఎలా సాధ్యమని జనం గుసగుసలాడుతున్నారు. టీడీపీ ఆవిర్భావం నుంచి తన తండ్రి ముక్కా ముత్యాల నాయుడు టీడీపీలో క్రియాశీల నేతగా ఉన్నారు. ముత్యాల నాయుడు 2000లో వార్డు కార్పొరేటర్గా ఎన్నికయ్యారు. 2021 ఎన్నికల్లో శ్రావణి కార్పొరేటర్గా ఎన్నికయ్యారు. ఉత్తర నియోజకవర్గంలో 26వ వార్డు టీడీపీకి కంచుకోటని గొప్పలు చెప్పుకునే శ్రావణి కుటుంబం గడిచిన 30 ఏళ్లల్లో వార్డులో చేసిన అభివృద్ధి కానీ, చెప్పుకోదగిన ల్యాండ్మార్క్ గాని ఎక్కడా కానరాదు. ఎన్నికల ప్రచారంలో తప్ప ఐదేళ్ల పాలనలో ఏనాడు ప్రజల సమస్యలు తెలుసుకోవడానికి, పరిష్కారం చేయడానికి వార్డులో పర్యటించిన దాఖలాలు లేవనే చెప్పాలి. అంతా వార్డు అధ్యక్షుడు, శ్రావణి అన్నయ్య ముక్కా కిషోర్ కనుసన్నల్లోనే పాలన జరిగింది. కార్పొరేటర్గా గెలిచిన తర్వాత ఒక్కరోజు ప్రజల కోసం, వార్డు అభివృద్ధి కోసం సమయం కేటాయించని శ్రావణి 120 వార్డులకు మేయర్గా ఎలా న్యాయం చేస్తారని వార్డు ప్రజలు గుసగుసలాడుతున్నారు. కార్పొరేటర్గా శ్రావణి గెలిచినా ఐదేళ్లూ కుటుంబ పాలనే కొనసాగింది. ఇప్పుడు మేయర్ అయితే 120 వార్డులను అన్నదమ్ములకు పంచిపెట్టి అప్పగించడం తప్ప, ఏమి అనుభవం ఉందని మేయర్ పీఠం శ్రావణికి కట్టబెడతామని జనం ఆలోచనలో పడ్డారు. అభివృద్ధికి దూరంగా.. కార్పొరేటర్గా ఐదేళ్ల పదవీ కాలంలో వైఎస్సార్సీపీ హయాంలో తప్ప, కూటమి ప్రభుత్వం వచ్చిన దాదాపు మూడేళ్లలో వార్డులో ఎటువంటి అభివృద్ధి జరగలేదు. కనీసం గత వైఎస్సార్సీపీ ప్రభుత్వంలో మొదలు పెట్టిన అభివృద్ధి పనులు, కూటమి పాలన వచ్చాక పూర్తిచేయకుండా నిర్లక్ష్యం చేశారు. గత వైఎస్సార్సీపీ ప్రభుత్వంలో రూ.16.30 లక్షల వ్యయంతో 26వ వార్డు శంఖువానిపాలెంలో పార్కును నిర్మించారు. పార్కు చుట్టూ ప్రహరీ నిర్మించి, వాకింగ్ ట్రాక్, సిమెంట్ బెంచీలు ఏర్పాటు చేశారు. ఎన్నికల కోడ్ రావడంతో విద్యుత్ దీపాలు, గ్రీనరీ పనులు నిలిచిపోయాయి. అనంతరం కూటమి ప్రభుత్వం అధికారంలోకి వచ్చినా పెండింగ్ పనులపై దృష్టి పెట్టలేదు. మిగిలిన నిధులు ఏమయ్యాయో తెలియని పరిస్థితి. కార్పొరేటర్ నిర్లక్ష్యంతో పార్కు అధ్వానంగా మారి మందుబాబులకు అడ్డాగా మారింది. ప్రస్తుతం రజకులు తాళ్లు కట్టుకుని బట్టలు ఆరబెట్టుకుంటున్నారు. ఫలితంగా లక్షలాది రూపాయల ప్రజల సొమ్ము దురి్వనియోగం అయ్యిందని జనం మండిపడుతున్నారు. ⇒ మద్దిలపాలెం కూడలి నుంచి ఎన్ఏడీ కూడలి వరకు హైవేకు ఆనుకొని ఉన్న గ్రీన్బెల్ట్ ప్రాంతం పార్కులు, ఆటస్థలాలుగా, వాకింగ్ ట్రాక్లుగా అభివృద్ధి జరిగింది. 26వ వార్డు పరిధిలోని అక్కయ్యపాలెం కూడలిలో గ్రీన్బెల్ట్ ప్రాంతం మాత్రం అభివృద్ధికి దూరంగా ఉండిపోయింది. జీవీఎంసీ చివరి కౌన్సిల్ సమావేశంలో వార్డులో గ్రీన్బెల్ట్ల అభివృద్ధికి ఫిబ్రవరి నెలలో రూ.50 లక్షలు మంజూరయ్యాయి. ఎనిమిది నెలలు గడిచినా కనీసం 20 శాతం పనులు కూడా పూర్తికాలేదు. ⇒ టీడీపీకి కంచుకోటగా చెప్పుకునే 26వ వార్డులో ఏళ్ల తరబడి ఉన్న ప్రధానమైన చిన్నూరు సమస్య పరిష్కారంపై దృష్టి సారించలేదు. ఫలితంగా కనీస మౌలిక సదుపాయాలు లేక చిన్నూరు వాసులు సమస్యలతో సహవాసం చేస్తున్నారు. ⇒ 26వ వార్డులో 80 అడుగుల రోడ్డు అభివృద్ధికి నోచుకోలేదు. గత వైఎస్సార్సీపీ ప్రభుత్వంలో రోడ్డు విస్తరణ చేపట్టి రోడ్డు మధ్యలో వీధి దీపాలు ఏర్పాటు చేశారు. రోడ్డు మధ్యలో డివైడర్ నిర్మించాల్సి ఉన్నా అనంతరం వచ్చిన కూటమి ప్రభుత్వం నిర్లక్ష్యం చేసింది.⇒ జగ్గారావు బ్రిడ్జి వద్ద కూరగాయల బజార్లోని స్టాల్స్ రోడ్డుపైకి కనిపించేలా మార్పు చేస్తామని నాయకులు హామీ ఇచ్చినా కార్యరూపం దాల్చలేదు. ⇒ వార్డులో అడుగడుగునా బడ్డీలతో రహదారులు కుచించుకుపోయి ట్రాఫిక్ ఇబ్బందులు తలెత్తుతున్నా సమస్య పరిష్కారానికి దృష్టి సారించలేదు. ⇒ ఐదేళ్ల పాలనను అన్నదమ్ములకు వదిలేసి, మరల గెలిపిస్తే ఇవి చేస్తా, అవి చేస్తా అని కరపత్రాలు పంచుతున్నారు. 10 పడకల ఆసుపత్రి, స్కిల్ డెవలప్మెంట్ సెంటర్, జగ్గారావు బ్రిడ్జి వద్ద వ్యాపారుల కోసం కమర్షియల్ భవనం, పిల్లల ఆటవిడుపు కోసం బాక్స్ క్రికెట్, వాలీబాల్ కోర్టు, పికిల్ బాల్ కోర్టు, పెళ్లిళ్ల కోసం ఫంక్షన్ హాల్, యోగా సెంటర్, డిజిటల్ గ్రంథాలయం, శారీరక ఆరోగ్యం కోసం జిమ్, వాకింగ్ ట్రాక్, అర్కా ఆసుపత్రి ఎదుట కమ్యూనిటీ హాల్ నిర్మిస్తానని ఎన్నికల ప్రచారంలో కరపత్రాలు పంచడంపై జనం ఇవన్నీ జరిగేనా అని విస్తుపోతున్నారు. ⇒ కార్పొరేటర్గా గడిచిన ఐదేళ్లలో ప్రజల సమస్యలపై గాని, వార్డు అభివృద్ధిపై గాని దృష్టి సారించని ముక్కా శ్రావణి, మేయర్గా గెలిచి 120 వార్డుల అభివృద్ధి తన వార్డు నుంచే జరుగుతుందని ప్రచారంలో గొప్పలు చెప్పడం పట్ల వార్డు ప్రజలు విస్తుపోతున్నారు. కూటమి ప్రభుత్వం వచ్చిన తర్వాత అయినా వార్డు అభివృద్ధిపై దృష్టి సారించి మోడల్ వార్డుగా తీర్చిదిద్ది ఉంటే మేయర్గా 120 వార్డులను అభివృద్ధి చేసేదని జనం నమ్మేవారేమో. కార్పొరేటర్గా ఫెయిల్ అయిన శ్రావణి మేయర్గా గెలుపు ఎలా సాధ్యమని జనం చర్చించుకుంటున్నారు. ఇదీ చదవండి: సిరి సహస్ర బీసీనా..! -
సిరి సహస్ర బీసీనా..!
విజయనగరం రూరల్: ఎస్.కోట నియోజకవర్గం కొత్తవలస మండలం, బొబ్బిలి నియోజకవర్గం తెర్లాం నుంచి జెడ్పీటీసీ అభ్యర్థినిగా నామినేషన్ దాఖలు చేసిన మజ్జి సిరి సహస్ర ఎన్నికల పుణ్యామా అని తెరమీదకు వచ్చింది. వాస్తవంగా కొత్తవలస, తెర్లాం నియోజకవర్గాలు రెండు అన్ రిజర్వుడు కేటాయించినా, సిరి సహస్ర సమర్పించిన నామినేషన్ పత్రాల్లో బీసీ కుల ధ్రువీకరణ పత్రాలు జత చేయడమే చర్చకు దారితీసింది. వాస్తవంగా ఆమె జనన ధ్రువీకరణ పత్రంలో ముస్కాన్ జైన్గా నమోదు కావడంతో పాటు పదో తరగతి మార్కుల జాబితాలోనూ అదే పేరు నమోదై ఉంది. దీంతో జనన ధ్రువీకరణ పత్రంలో తండ్రి రమేష్ జైన్ పేరు ఆధారంగా ఆమె అగ్రకులానికి చెందిన వారవుతారు. అయితే జడ్పీటీసీ అభ్యర్థిగా రెండు నియోజకవర్గాలకు సమర్పించిన నామినేషన్ పత్రాల్లో బీసీ కుల ధ్రువీకరణ పత్రం జత చేశారు. నిబంధనల ప్రకారం జనరల్ కేటగిరీ కింద నామినేషన్ ఫీజు రూ.6 వేలు చెల్లించాల్సి ఉండగా బీసీ కేటగిరీలో డిపాజిట్ ఫీజు రూ.3 వేలు చెల్లించారు. ఇది ఆమె కులానికి సంబంధించి మరింత వివాదాన్ని రాజేసింది. ఎన్నికల సంఘానికి వైఎస్సార్ సీపీ ఫిర్యాదుఈ అంశం వివాదస్పద కావడంతో వైఎస్సార్ సీపీ జిల్లా అధ్యక్షులు బెల్లాన చంద్రశేఖర్ అభ్యంతరం వ్యక్తం చేశారు. ఇదే విషయమై ఎన్నికల రిటర్నింగ్ అధికారి పి.కిరణ్కుమార్ను ప్రశ్నించారు. అగ్రకులాలకు చెందిన వ్యక్తిని ఫేక్ కుల ధ్రువీకరణ పత్రం ఆధారంగా నామినేషన్ పత్రాన్ని ఎలా అంగీకరిస్తారని ప్రశ్నించారు. అనంతరం ఆయన మీడియాతో మాట్లాడుతూ ప్రభుత్వం అప్రజాస్వామికంగా, పక్షపాతధోరణితో స్థానిక సంస్థల ఎన్నికలు నిర్వహిస్తున్నారని మండిపడ్డారు. కొత్తవలస, తెర్లాం జడ్పీటీసీ స్థానాలకు ఓసీ వ్యక్తికి బీసీ సర్టిఫికెట్ ఇచ్చి టీడీపీ నామినేషన్ వేయించిందని ఆరోపించారు. బీసీలకు చెందాల్సిన రిజర్వేషన్ హక్కులను అక్రమ మార్గంలో ఆమెకు కట్టబెట్టాలని టీడీపీ ప్రయత్నిస్తోందని అన్నారు. కోర్టు ఆదేశాలకు విరుద్ధంగా తహసీల్దార్ బీసీ సర్టిఫికెట్ ఎలా ఇస్తారని ప్రశ్నించారు. దీనిపై అభ్యంతరాలు వ్యక్తం చేసినా ఎన్నికల అధికారులు నామినేషన్ను ఎలా అంగీకరిస్తారని ప్రశ్నించారు. ఆమె నామినేషన్ తిరస్కరించకుంటే కోర్టును ఆశ్రయిస్తామని వెల్లడించారు. ఇదీ చదవండి: సైలెంట్గా రెండుచోట్ల సిరిసహస్ర నామినేషన్ముస్కాన్ జైన్ పేరును సిరి సహస్రగా మారుస్తూ జారీ చేసిన గజిట్ నోటిఫికేషన్ -
గరివిడి బరిలో కోడళ్ల సవాల్..!
విజయనగరం: అత్తా కోడళ్ళు సవాల్.... మామ అళ్ళుల్లు సవాల్....అంతెందుకు అన్నదమ్ముల సవాల్ కూడా వినే ఉంటాం, చూసి ఉంటాం. కానీ తాజాగా కోడళ్ళు సవాల్ మొదలయ్యింది. అదేంటి కోడళ్ళు సవాల్ అనుకుంటున్నారా.. అవునండీ బాబూ నిజమే.. గరివిడి జెడ్పీటీసీ ఎన్నికలో కోడళ్ళు సవాల్ జరుగుతోంది. తాజాగా జిల్లా అంతా అదే చర్చ జరుగుతోంది. ఇటు శాసనమండలి విపక్ష నేత బొత్స సత్యనారాయణ, అటు మాజీ మంత్రి కిమిడి కళా వెంకటరావు ఇద్దరూ సీనియర్లు, రాష్ట్ర స్థాయి నేతలే. ఆ ఇద్దరి కోడళ్ళు గరివిడి జెడ్పీటీసీ అభ్యర్థులుగా ఢీ అంటే ఢీ అంటూ నామినేషన్లు వేయడంతో జిల్లాలోనే హాట్ టాపిక్గా మారింది. గరివిడి జెడ్పీటీసీ బరిలో బొత్స కోడలు వర్సెస్ కళా కోడలు త్వరలో జరగనున్న ఎన్నికల్లో వారి భవితవ్యం తేల్చుకోనున్నారు. ఎలాగూ మంత్రి పదవి ఇవ్వలేదు కదా కనీసం జిల్లా పరిషత్ చైర్మన్ పదవి అయినా ఇవ్వండి అంటూ అధిష్టానం వద్ద ఎమ్మెల్యే కళా వెంకటరావు మాట తీసుకున్నట్లు చర్చ జరుగుతున్న నేపథ్యంలో ఈ నెల 22న కళా కోడలు కిమిడి సంధ్య గరివిడి జెడ్పీటీసీ అభ్యర్థిగా నామినేషన్ వేశారు. ఈ నెల 23న వైఎస్సార్సీపీ జెడ్పీటీసీ అభ్యర్థిగా స్వయానా శాసనమండలి విపక్ష నేత బొత్స సత్యనారాయణ కోడలు, డా.సందీప్ భార్య పూజిత నామినేషన్ వేయడంతో రాజకీయ వేడి రాజుకుంది. ఇది వైఎస్సార్సీపీ శ్రేణుల్లో సైతం ఎక్కడ లేని ఉత్సాహాన్ని నింపింది. కోడళ్ళు సవాల్తో రాజకీయంగా గరివిడి మాత్రమే కాకుండా జిల్లాలోనే స్థానిక సమరంలో హీటెక్కించాయి. ప్రస్తుతం జిల్లాలో ఎక్కడ విన్నా గరివిడి జెడ్పీటీసీ ఎన్నిక విషయమే హాట్ టాపిక్ నడుస్తోంది. నిరాశలో టీడీపీ శ్రేణులు స్థానిక ఎన్నికల్లో భాగంగా ఎంపీటీసీ, జెడ్పీటీసీ అభ్యర్థులు ఎంపికలో క్యాడర్ అభిప్రాయాలకు విలువ లేకుండా ఎమ్మెల్యే కార్యాలయంలో లాబీయింగ్ చేసుకున్న వారికే కట్టబెట్టారంటూ గరివిడి మండల టీడీపీ శ్రేణుల్లో అసంతృప్తి వినిపిస్తోంది. జెడ్పీటీసీ టిక్కెట్ కూడా చాలా మంది సీనియర్లు ఆశించినప్పటికీ పట్టించుకోకుండా ఎమ్మెల్యే కోడలను నిలబెట్టుకోవడంపై సొంత పార్టీ క్యాడర్లో నిరాశ రాగం వినిపిస్తోంది. ఇంతలో శాసనమండలి విపక్ష నేత బొత్స సత్యనారాయణ కోడలు గరివిడి జెడ్పీటీసీ అభ్యర్థిగా నామినేషన్ వేయడంతో టీడీపీ శ్రేణులు మరింత నైరాశ్యంలోకి వెళ్లినట్లు చర్చ జరుగుతోంది. ఇదీ చదవండి: సిరి సహస్ర బీసీనా..! -
సైలెంట్గా రెండుచోట్ల సిరిసహస్ర నామినేషన్
సాక్షి ప్రతినిధి, విజయనగరం: రాజకీయ తుపాను తీరం దాటేసింది.. గాలులు పెనుగాలులు.. సుడిగాలులు.. వడగళ్ల వానలు మరిలేవు అనుకున్న టీడీపీ శ్రేణులకు ఈసారి సరికొత్త వాయుగుండం రూపంలో ముప్పు పొంచిఉంది. కార్పొరేషన్లో పోటీ చేసేందుకు సాంకేతిక అడ్డంకులు రావడంతో మాజీ జెడ్పీ చైర్మన్ మజ్జి శ్రీనివాసరావు (చిన్నశ్రీను) కుమార్తె సిరిసహస్ర పోటీలో లేకుండా తప్పుకోవాల్సిన పరిస్థితి వచ్చింది. దీంతో టీడీపీ అభ్యర్థి అవనాపు భార్గవి పోటీలో నిలిచారు. ప్రచారం చేస్తున్నారు. దీంతో పోన్లే ఇక పదవులకు సిరిసహస్ర పోటీ రాలేరు.. ఏదైనా పదవి ఉంటే మనకే అని పాత టీడీపీ నేతలు ఆశిస్తూ వచ్చారు. అయితే, జెడ్పీటీసీ నామినేషన్ల చివరి రోజు శుక్రవారం సిరిసహస్ర అకస్మాత్తుగా స్క్రీన్ పై ప్రత్యక్షమై కొత్తవలస, తెర్లాం జెడ్పీటీసీ స్థానాలకు నామినేషన్ వేయడంతో టీడీపీ నాయకుల్లో కలవరం మొదలైంది. ఆమె నామినేషన్ వేయడంతో టీడీపీ జెడ్పీ చైర్మన్ ఆశావహుల్లో ఆందోళన మొదలైనా ఎక్కడా కిక్కురుమనలేని పరిస్థితి. నిన్న మొన్నటివరకు తాము ఎవరి మీదనైతే పోరాటం చేశామో ఇప్పుడు అదే వ్యక్తి కుమార్తె కోసం పనిచేయాల్సి వస్తుందా ఏమిటి అనే సందేహాలు మొదలయ్యాయి. వైఎస్సార్సీపీ అధికారంలో ఉన్నప్పుడు చిన్నశ్రీను ప్రాబల్యాన్ని ప్రశి్నస్తూ విమర్శలు గుప్పించినవాళ్లంతా ఇప్పుడు కుక్కిన పేనుల్లా ఆయన వెంట ..చివరాఖరికి ఆయన కుమార్తె వెంట నడవాల్సి వస్తుందా అనే భయంతో.. గుబులుతో కాలం వెళ్లదీస్తున్నారు కంది పోతానేమో? గతంలో కొద్దిలో ఎంపీ టికెట్ మిస్సయింది అనే ప్రచారంలో ఉన్న మరో టీడీపీ నేత కంది చంద్రశేఖర్ ఈసారి భార్య రమాదేవిని డెంకాడ నుంచి జెడ్పీటీసీ స్థానానికి నామినేషన్ వేయించారు. గెలిస్తే జెడ్పీ చైర్మన్ పదవి మా ఇంట్లోనే అనుకుంటూ ఊహాలోకంలో ఉన్న ఆయన కూడా సిరి సహస్ర నామినేషన్ విషయం తెలియగానే ఉలిక్కిపడుతున్నారు. ప్రభుత్వంపై ప్రజావ్యతిరేకత వ్యక్తమవుతుండడంతో అసలు అధికార పార్టీ అభ్యర్థులు గెలుస్తారో?లేదో తెలియడం లేదు. ఇంతలోనే సిరిసహస్ర రూపంలో వచ్చిన తుఫాన్కు భయపడుతున్నారు. చిత్రవిచిత్రమైన హావభావాలు పలికిస్తున్నారు. త్యాగమూర్తిని గుర్తించరా? మరోవైపు మార్క్ఫెడ్ చైర్మన్ కర్రోతు బంగార్రాజు కూడా 2019 నుంచి నెల్లిమర్ల టికెట్ కోసం ప్రయతి్నస్తూనే ఉన్నారు. సీనియర్ అనే ట్యాగ్లైన్ మీద 2019లో టికెట్ పతివాడ నారాయణస్వామి నాయుడు తన్నుకుపోవడంతో పోన్లే ఇప్పుడు తప్పింది కానీ తర్వాతæ టైం నాదే అనే ధీమాతో బంగార్రాజు పార్టీని మోస్తూ ఉన్నారు. 2024లో టికెట్ వస్తుందనే హామీ ఉన్నప్పటికీ కూటమి కోటాలో టికెట్ జనసేన అభ్యర్థి మాధవి లాక్కున్నారు. దీంతో చేతిలో చాక్లెట్ కాకెత్తుకుపోయిన పిల్లాడిలా చూస్తూ ఊరుకోవడం తప్ప ఏమీ చేయలేకపోయారు. పోన్లే ఈ దెబ్బతో త్యాగరాజు అనే బిరుదైనా వచ్చిందంటూ సంతోషపడ్డారు. మరోవైపు రోజూ ఎమ్మెల్యే మాధవి చేతిలో అవమానాలు భరిస్తూ జెడ్పీ చైర్మన్ పదవికోసం వెయిట్ చేశారు. అనుకున్నట్లుగానే బీసీ మహిళ రిజర్వేషన్ కలిసిరావడంతో కూతురు చంద్ర కళను భోగాపురం నుంచి నామినేషన్ వేయించారు. త్యాగరాజు అనే బిరుదును గుర్తు చేస్తూ ఇప్పటికే లోకేశ్, చంద్రబాబులను కలిసి తన కోరికను చెప్పారు. అది అవుతుందో లేదో కానీ ఈలోపు చిన్నశ్రీను రూపంలో తనకు గండం ఎదురు రావడంతో మళ్లీ బిత్తరచూపులు చూస్తూ నిలబడ్డారు. నిన్నమొన్నటివరకు చిన్నశ్రీనును ఆకాశానికి ఎత్తేసి, కృష్ణుడు,రాముడు అంటూ కీర్తనలు చిడతలు వాయించిన బంగార్రాజు ఇప్పుడు ఆయన వల్లనే తన కుమార్తె పదవికి ముప్పు వస్తుందని ఊహించలేకపోయారు. కళా వరం ఊరకరారు మహానుభావులు అన్నట్లుగా చిన్నశ్రీను కుమార్తె జెడ్పీటీసీగా నామినేషన్ వేశారంటే కేవలం జెడ్పీటీసీగా ఉండేందుకు కాదని, అది తమ అవకాశాలకు గండి కొట్టడం తథ్యమన్న కలవరం సీనియర్ నేత చీపురుపల్లి ఎమ్మెల్యే కళావెంకట్రావులో మొదలైందట. నలభయ్యేళ్లుగా రాజకీయం చేస్తున్న తన కెరీర్ ముగింపు దశకు వచ్చిందని భావిస్తున్న ఆయన ఇక మంత్రి పదవి రాదనుకున్నారో.. దక్కదని అనుకున్నారో కానీ తన రాజకీయ వారసత్వాన్ని కుమారుడు రామ్మల్లిక్కు అప్పగించాలని భావించారు. ఈ నేపథ్యంలోనే బీసీ మహిళకు రిజర్వ్ అయిన జెడ్పీ చైర్మన్ పదవి తన కోడలు సంధ్యకు ఇవ్వాలని అధిష్టానం వద్ద ప్రపోజల్ పెట్టారు. ఆమెను గరివిడి నుంచి బరిలో దించారు. ఇప్పుడు ఆయన ఈ కొత్తమ్మాయి సిరిసహస్ర ఎంట్రీతో హడలిపోతున్నట్లు తెలుస్తోంది. తన కోడలికి రావాల్సిన అవకాశం చిన్నశ్రీను తన కూతురికోసం తన్నుకుపోతారేమో అని ఆందోళన ఆయనలో మొదలైంది. ఇదీ చదవండి: భర్తకు వ్యతిరేకంగా భార్య ప్రచారం! -
భర్తకు వ్యతిరేకంగా భార్య ప్రచారం!
పార్వతీపురం మన్యం: ఈ చిత్రంలో కనిపిస్తున్న మహిళ మున్సిపల్ ఎన్నికల్లో వైఎస్సార్సీపీ అభ్యర్థులను గెలిపించాలని ప్రచారం చేస్తోంది. ఇందులో విచిత్రం ఏముంది అని అనుకోవద్దు. నిజంగా ఇది విచిత్రమే మరి. ఈమె పేరు కోసూరు జయలక్ష్మి. ఈమె ప్రచారం చేస్తున్నది ఆమె భర్తతో పోటీ పడుతున్న అభ్యర్థిని గెలిపించాలని. స్థానికులంతా ఆశ్చర్యపోయిన ఈ ఘటన బొబ్బిలిలోని 17వ వార్డులో సంభవించింది. ఈమె భర్త కోసూరు బ్రహ్మాజీ 17వ వార్డు టీడీపీ అభ్యర్థి. ఇతనికి పోటీగా వైఎస్సార్ సీపీ కొమ్మోజు హరిబాబును అభ్యర్థిగా దింపింది. శుక్రవారం ఈ వార్డులో వైఎస్సార్సీపీ చైర్పర్సన్ అభ్యర్థి తూముల అచ్యుతవల్లి, కౌన్సిలర్ అభ్యర్థి హరిబాబులు ప్రచారం చేశారు. ఈ సమయంలోనే జయలక్ష్మి వచ్చి హరిబాబును, జయలక్ష్మి గెలిపించాలని ప్రజలను కోరింది. వైఎస్సార్సీపీ కండువా వేసుకుని ప్రచారం చేసింది. తన భర్త తనను మోసం చేశాడని చెబుతోంది. చిన్నపిల్లలున్నప్పటినుంచే ఎడంగా ఉండడంతో ఆమె తన కుమారుడు యశ్వంత్తో సహా ప్రచారం చేస్తోంది. మరో విషయం ఏమిటంటే హరిబాబు నామినేషన్ పత్రాలపై యశ్వంత్ సాక్షి సంతకం చేసిన అనంతరం ప్రచారంలో పాల్గొన్నాడు. ఈ వింతను పట్టణంలోని పలువురు ఆశ్చర్యంగా చూస్తున్నారు. -
నీ లెక్క అధిష్టానం దగ్గర తేల్చుకుంటా
సాక్షి, శ్రీకాకుళం : ఎచ్చెర్ల టీడీపీలో స్థానిక ముసలం ముదిరి పాకాన పడింది. రణస్థలం మండల కేంద్రంలోని ఒక బహిరంగ ప్రదేశంలో విజయనగరం ఎంపీ కలిశెట్టి అప్పలనాయుడు, ఎచ్చెర్ల టీడీపీ ఇన్చార్జి లంక శ్యామ్ సమక్షంలో ఎచ్చెర్ల మండల టీడీపీ శ్రేణుల్లో రగిలిన ఆగ్రహ జ్వాలలు నియోజకవర్గ వ్యాప్తంగా సంచలనమయ్యాయి. ఎచ్చెర్ల జెడ్పీటీసీ స్థానం అన్ రిజర్వ్డ్ జనరల్కు కేటాయించారు. దీంతో ఎచ్చెర్ల మండలంలోని ఎస్.ఎం.పురం గ్రామానికి చెందిన చౌదరి నారాయణమూర్తి (బాజ్జి) జెడ్పీటీసీగా పోటీ చేస్తానని, జెడ్పీ చైర్మన్ రేసులో నిలబడతానని ఈ స్థానం మరొకరికి కేటాయించ వద్దని రిజర్వేషన్లు ఖరారైనప్పడే విన్నించారు. కానీ ఎచ్చెర్ల మండలంలో ఒక్క శుక్రవారమే గుంప గుత్తగా నామినేషన్లు పడ్డాయి. తొలి నుంచి జెడ్పీటీసీని ఆశిస్తున్న జనసేన నాయకుడు విశ్వక్సేన్, ఎస్ఎం.పురం మాజీ జెడ్పీ చైర్ పర్సన్ చౌదరి ధనలక్ష్మి భర్త చౌదరి బాజ్జి నామినేషన్ వేశారు. ఈ లోగా ఎంపీపీ రేసులో ఉన్న టీడీపీ నాయకులు కూ డా హుటాహుటిన జెడ్పీటీసీ నామినేషన్లు వేశారు. ఎస్.ఎస్.ఆర్ పురం గ్రామానికి చెందిన గాలి వెంకటరెడ్డి, ఫరీదుపేట గ్రామానికి చెందిన పైడి ముఖలింగం, తమ్మినాయుడుపేట గ్రామానికి చెందిన వావిలిపల్లి రామకృష్ణలు జెడ్పీటీసీగా శుక్రవారం నామినేషన్లు దాఖలు చేశారు.ఒకరు జనసేన, నలుగురు టీడీపీ నాయకులు నామినేషన్లు దాఖలు చేయ డం మండల టీడీపీ శ్రేణుల్లో సంచలనమైంది. జనసేన తరఫున విశ్వక్సేన్ జెడ్పీటీసీ అభ్యర్థిగా నామినేషన్ దాఖలు చేసినా.. అతడి ఓటు శ్రీకాకుళం మున్సిపాలిటీలో కోర్టు పెండింగ్లో ఉన్న తోటపాలెం గ్రామంలో ఉంది. దీంతో తోటపాలెం గ్రామం నుంచి ఓటును ఇటీవల పొన్నాడకు బదిలీ చేశారు. దీనిపై ఓటు అర్హత పొందుతుందా లేదా అనే సందిగ్ధంలో మండల వాసులు ఉన్నారు. ఈ లోగా ఓటు విషయంపై విశ్వక్సేన్ న్యాయ స్థానాన్ని ఆశ్రయించాను, అనుకూలంగా తీర్పు వచ్చిందని ప్రచారం చేసుకుంటున్నారు. ఎంపీ రాజకీయ క్రీడలో బలైన బాజ్జి ఎంపీ కలిశెట్టి అప్పలనాయుడు ఆదేశాలతోనే కొందరు నామినేషన్ వేసిన సంగతి బహిర్గతమైంది. ఈ విషయం ఎచ్చెర్ల టీడీపీ శ్రేణుల్లో దావానంలా పా కింది. దీంతో ఎచ్చెర్ల మండలానికి చెందిన టీడీపీ శ్రేణులంతా రణస్థలంలో ఎంపీని కలిసేందుకు కార్యాలయం వద్దకు వచ్చారు. అక్కడ అంతా బహిర్గతమవుతుందని ఆలోచించిన ఎంపీ అక్కడికి కొంత దూరంలోని బహిరంగ ప్రదేశానికి వెళ్లారు. అక్కడ ఎచ్చెర్ల పార్టీ శ్రేణులంతా చేరుకున్నాక చౌదరి బాజ్జి ఆగ్రహంతో ఎంపీ అప్పలనాయుడుపై చిందులేశారు. ‘మీకు చెప్పినదేమిటి మీరు చేసేందేమిటి..’ అంటూ ఏక పదజాలంతో విరుచుకుపడినట్లు టీడీపీ శ్రేణులు చెబుతున్నారు. ‘మా ఎచ్చెర్ల మండలంలో మా టీడీపీలో మాకు గొడవలు పెడతారా’ అంటూ నిలదీశారు. ‘నేను ఒక్కడినే జెడ్పీటీసీగా పోటీ చేస్తానంటే మరో ముగ్గురు నామినేషన్లు వేశారు. ఇదంతా నీ రాజకీయ కుతంత్రమేనా’ అంటూ చిందులేసి రచ్చరచ్చ చేసినట్లు అక్కడ ఉన్న టీడీపీ శ్రేణులు చెబుతున్నారు. ఒకానొక దశలో నీ స్థాయి, నీ సంగతి అంటూ పైపైకి వెళ్లినట్లు సమాచారం. ‘నీ లెక్క అధిష్టానం దగ్గర తేల్చుకుంటా..’ అంటూ చౌదరి బాజ్జి కారెక్కి వెళ్లిపోయారు. ఈ మధ్యలో ఎచ్చెర్ల మండలంలోని ఎచ్చెర్ల సర్పంచ్కు ఇద్దరు టీడీపీకి చెందిన నాయకులు మెండ రాజారావు, జరుగుళ్ల వెంకట రమణమూర్తి వర్గాల మధ్య పంచాయతీపై పోటీపై కూడా రచ్చ జరిగింది. అలాగే ఎచ్చెర్ల ఎంపీపీ అభ్యర్థిని తేల్చడంలో ఎంపీ తీవ్ర జాప్యం చేపడం పట్ల ఎంపీపీని ఆశించే ఆశావాహుల్లో ఒకరు ఎంపీని నిలదీశారు. ఇదీ చదవండి: కూటమి ఏది.. జన సైనికులను చితక్కొట్టారు: అంబటి -
ఇద్దరు టీడీపీ నేతలపై వేటు
గుణదల(విజయవాడ తూర్పు): పార్టీ నియమాలను ఉల్లంఘిస్తూ కార్పొరేషన్ ఎన్నికల వ్యవహారంలో ఇష్టానుసారంగా ప్రవర్తించిన ఇద్దరు నాయకులను తెలుగుదేశం పార్టీ సస్పెండ్ చేసింది. సేకరించిన వివరాల ప్రకారం, గుణదల 1వ డివిజన్లో టీడీపీకి చెందిన కొమ్మినేని సురేష్ మాదాల సత్యవతి ఎన్నో ఏళ్లుగా తెలుగుదేశంపార్టీకి సేవలందించారు. కార్పొరేషన్ ఎన్నికల నేపథ్యంలో పార్టీ వీరిద్దరికీ సముచిత స్థానం ఇవ్వలేదన్న కారణంగా వారు స్వతంత్ర అభ్యర్థులుగా నామినేషన్ వేశారు. ఈ క్రమంలో తెలుగుదేశం పార్టీ నాయకులను దూషిస్తూ, పార్టీ నియమాలను అతిక్రమించారు. దీంతో విషయం తెలుసుకున్న సెంట్రల్ ఎమ్మెల్యే బొండా ఉమామహేశ్వరరావు వారిద్దరిపై క్రమశిక్షణ చర్యలు తీసుకున్నారు. తెలుగుదేశం పార్టీ నిబంధనలకు వ్యతిరేకంగా నడుచుకున్నారంటూ ఆగ్రహం వ్యక్తం చేశారు. ఇకపై టీడీపీలో వీరిద్దరికీ స్థానం లేదని, పార్టీ కార్యక్రమాల్లో పాలుపంచుకోకూడదని, సస్పెండ్ చేస్తున్నట్లు టీడీపీ సెంట్రల్ కార్యాలయం అధికారికంగా లేఖను విడుదల చేసింది. ఎంతో కాలంగా పార్టీ కోసం అహర్నిశలు కష్టపడి పనిచేసిన తమను సస్పెండ్ చేయడంపై వారిద్దరూ తీవ్ర అసహనానికి గురయ్యారు. తమకు అన్యాయం జరిగిందంటూ సోషల్ మీడియా వేదికగా తమ ఆవేదనను వ్యక్తం చేశారు.ఇదీ చదవండి: టీడీపీ ఎమ్మెల్యేలా.. మజాకా! జెడ్పీ చైర్మన్ సీటు రూ.50 కోట్లు! -
గోడలు దూకి ఫాంహౌస్లోకి పోలీసులు.. సీసీటీవీలో బట్టబయలు!
సాక్షి ప్రతినిధి, నెల్లూరు: చట్టాన్ని కాపాడాల్సిన పోలీసులే.. చడ్డీ గ్యాంగ్ తరహాలో ఓ ఫాంహౌస్లోకి చొరబడ్డారు. వైఎస్సార్సీపీలో కీలక నేతలపై అక్రమ కేసులు బనాయించేందుకు పోలీసులను ఇలా బరితెగించారు. స్థానిక సంస్థల ఎన్నికల్లో ఓటమి భయం పట్టుకున్న టీడీపీ ఖాకీ అస్త్రాన్ని ప్రయోగించింది. గూడూరు నియోజకవర్గ సీనియర్ నేత ఎద్దల నరేందర్రెడ్డిని ఎలాగైనా అక్రమ కేసులో ఇరికించేందుకు ఖాకీలు చేసిన ప్రయత్నాలు సీసీటీవీ ఫుటేజ్ ద్వారా బట్టబయలయ్యాయి. ఎన్నికల్లో ఓటమి తప్పదని గ్రహించిన స్థానిక టీడీపీ ఎమ్మెల్యే సునిల్ కుమార్ అడ్డాదారుల్లో గెలిచేందుకు పోలీసులను వాడుకున్నారు. ఈ క్రమంలో వైఎస్సార్సీపీ సీనియర్ నేత ఎద్దల నరేందర్రెడ్డిని టార్గెట్ చేస్తే పార్టీ కేడర్ భయపడుతుందని భావించి నేరుగా అతడినే టార్గెట్ చేశారు. గూడూరు రూరల్ పరిధిలో ఉన్న ఆయన ఫామ్ హౌస్లో అర్ధరాత్రి వేళ గూడూరు పట్టణ, రూరల్ పోలీసులు చొరబడ్డారు. ఫామ్హౌస్ గోడలు దూకి లోపలికి వెళ్లారు. అక్కడ నరేందర్రెడ్డి ఉండి ఉంటే గంజాయి లేదా విదేశీ మద్యం ఉంచి కేసు నమోదు చేసేందుకు యతి్నంచారు. అయితే ఆ సమయంలో నరేంద్రరెడ్డి ఫామ్ హౌస్లో లేకపోవడంతో పోలీసులు వెనుదిరిగారు. ఈ దృశ్యాలన్నీ సీసీటీవీ ఫుటేజీలో నిక్షిప్తయయ్యాయి. ఆ దృశ్యాలు సోషల్ మీడియాలో వైరల్గా మారాయి. -
టీడీపీలో సీట్ల బేరం.. జెడ్పీ చైర్మన్ 50 కోట్లు.. ఎంపీపీకి ఎంతంటే?
సాక్షి ప్రతినిధి, నెల్లూరు: స్థానిక సంస్థల ఎన్నికలు అధికార పార్టీ ఎమ్మెల్యేలకు నోట్ల కట్టలు కురిపిస్తున్నాయి. గత సార్వత్రిక ఎన్నికల్లో తాము ఎ మ్మెల్యే అభ్యర్థులుగా ఎంపిక కావడం కోసం పారీ్టకి రూ.50 కోట్ల నుంచి రూ.100 కోట్ల ఫండ్ సమరి్పంచుకున్నారు. వాటిని రాబట్టుకునేందుకు పదవిని బట్టి.. రేటు నిర్ణయించి బహిరంగ వేలం వేసినట్లు జిల్లా రాజకీయాల్లో హాట్టాపిక్ చర్చ నడుస్తోంది. అధికారంలో ఉంది.. టీడీపీ కావడంతో.. ఎన్ని అడ్డదారులైన తొక్కి కచ్చితంగా పదవులు కట్టబెట్టుతుందనే ధీమా ఆయా పదవుల ఆశావహులు బలంగా కనిపిస్తోంది. అడ్డదారుల్లోనే టీడీపీ అధికారంలోకి వచ్చిందనే ఆరోపణలు వెల్లువెత్తుతున్న విషయం తెలిసిందే. కార్పొరేటర్ నుంచి ఎంపీపీ, జెడ్పీ చైర్మన్ పదవులకు రేట్లు పెట్టి ఓపెన్ ఆక్షన్ వేశారు. నెల్లూరు నగర పాలక సంస్థ ఎన్నికలకు సంబంధించి ఒక్కొక్క కార్పొరేటర్ రూ.50 లక్షలు ముట్టజెప్పితేనే.. బీఫారం ఇచ్చినట్లు పెద్ద ఎత్తున చర్చ జరుగుతోంది. ఇటీవల జలదంకి ఎంపీపీ సీటుకు బహిరంగ వేలం పెడితే.. రూ.50 లక్షల నుంచి రూ.4 కోట్ల వరకు వేలం నడిచినట్లు ఆ పార్టీ వర్గాలే బాహాటంగా చెబుతున్నాయి. రేటును బట్టి సీటు జిల్లాలో పలు నియోజకవర్గాల్లో టీడీపీ ఎమ్మెల్యేలు తమ పార్టీ లీడర్ కంటే డబ్బు సంచుల మూటలకే ప్రాధాన్యత ఇస్తున్నారు. వచ్చిన అవకాశాన్ని సది్వనియోగం చేసుకునేందుకు సీట్లను అంగడి సరుకులా మార్చేసుకున్నారు. సీటు డిమాండ్ బట్టి తూకం పెరిగే కొద్దీ అభ్యర్థులను మార్చేసుకుంటున్నారనే ప్రచారం జోరుగా సాగుతోంది. ఉదయగిరి నియోజకవర్గం టీడీపీలో సీట్ల అమ్మకాల గోల రగడగా మారింది. అన్ రిజర్వుడ్ వచ్చిన సీట్లకు మరింత డిమాండ్ పెరగడంతో డబ్బు సంచుల మూటల తూకం బట్టి కేటాయింపులు చేశారంటూ ఆ పార్టీ నేతలే ఔరా.. అంటూ ముక్కున వేలేసుకుంటున్నారు. జలదంకి ఎంపీపీ సీటు బహిరంగా వేలం వ్యవహారం విని ఆశ్చర్యం నుంచి తేరుకోక ముందే.. ఉదయగిరి ఎంపీపీ సీటుకు ఓపెన్ ఆక్షన్ పెట్టి.. స్థానిక ఎమ్మెల్యే పాట రూ.50 లక్షలతో ప్రారంభించారంట. మరొకరు రూ.కోటిన్నర ఇస్తానంటూ ముందుకు రావడంతో అక్కడ అభ్యర్థిత్వం మారిపోయింది. వింజమూరు జెడ్పీటీసీ సీటు కూడా భలే హాట్గా మారింది. స్థానికంగా ఉన్న టీడీపీ సీనియర్ నేతకు గతంలో ఏఎంసీ సీటు ఆఫర్ ఇచ్చారు. అందుకుగాను కొంత నగదు బదిలీ జరిగిందని ప్రచారం ఉంది. కానీ అప్పట్లో ఏఎంసీ సీటు బీజేపీకి కేటాయించడంతో స్థానిక సంస్థల ఎన్నికల్లో జెడ్పీటీసీ సీటు ఆఫర్ చేశారని తెలిసింది. ప్రస్తుతం అన్ రిజర్వుడ్ కావడంతో స్థానిక టీడీపీ నేత నామినేషన్ దాఖలు చేశారు. కానీ ఆ సీటుకు డిమాండ్ రావడంతో ఉదయగిరి మండల స్థాయి నేత జెడ్పీ చైర్మన్ ఆశిస్తున్న వ్యక్తితో నామినేషన్ దాఖలు చేయించారు. డిమాండ్ను బట్టి రేటు పెంచుకుంటూ సీటు కేటాయించడంపై స్థానిక నేతలు మండిపడుతున్నారు. వరికుంటపాడు జెడ్పీటీసీకి సంబంధించి బెంగళూరులో బిల్డర్గా ఉన్న వ్యక్తికి సీటు ఇస్తానంటూ ఆశ పెట్టారు. కానీ తీరా బహిరంగ మార్కెట్లో రేటు పెరగడంతో మరో వ్యక్తికి కేటా యించినట్లుగా తెలుస్తోంది. కూటమి పొత్తుల్లో భాగంగా బీజేపీ ఆశించి తూకంలో సరితూగలేక పోయారని ప్రచారంలో ఉంది. జెడ్పీ చైర్మన్ సీట్ భలే హాట్ గురూ జెడ్పీ చైర్మన్ సీటు టీడీపీలో హాట్ కేక్గా మారింది. జెడ్పీ చైర్మన్ పోటీ చేసే అభ్యర్థులు తూకంను బట్టి సీటు కేటాయింపు ఉండడంతో ఎమ్మెల్యేల మధ్య కుంపటి రగిలింది. ఆ పార్టీ అధిష్టానమే ఈ సీటుకు రూ.50 కోట్ల రేటు ఫిక్స్ చేయడంతో పలువురు సీనియర్ నేతలు పోటీ పడుతున్నారు. ఇప్పటికే ఈ రేసులో మాజీ ఎమ్మెల్యేలు పోలంరెడ్డి శ్రీనివాసులు, వంటేరు వేణుగోపాల్రెడ్డి, కంభం విజయరామిరెడ్డితో పాటు మరికొందరు పోటీపడుతున్నారు. ఇదీ చదవండి: ఇద్దరు టీడీపీ నేతలపై వేటు -
రాష్ట్ర ఎన్నికల సంఘానికి కనిపించడం లేదా?
అవే దాడులు... అదే హింస... దునుమాడుతున్న ‘దేశం’ గూండాలు... వారికి అండగా లాఠీలతో దండెత్తుతున్న ఖాకీలు..! రెడ్బుక్ను ఆచరిస్తూ.. రాష్ట్రమంతా రక్తచరిత్రను రాస్తూ... యధేచ్ఛగా రాజ్యాంగ స్వేచ్ఛను హరిస్తూ.. పౌరుల ప్రాథమిక హక్కులను హరిస్తున్న టీడీపీ గూండాల ఆగడాలు రాష్ట్ర ఎన్నికల సంఘానికి కనిపించడం లేదా...? ఎక్కడ చూసినా నామినేషన్ అంటే.. ఎలిమినేషన్ అన్నట్లుగా తెగబడి దాడులు చేస్తున్నారు.. మహిళలు.. గర్భిణులు అనే కనికరం కూడా లేకుండా రక్తం కళ్ల చూస్తున్నారు. అయినా రాష్ట్రంలో ఎన్నికల ప్రక్రియ ప్రశాంతంగా సాగుతోందని ఎలా చెబుతారు? చివరికి దేశ సర్వోన్నత న్యాయస్థానాన్ని సైతం తప్పుదారి పట్టిస్తారా?.. అంటూ నెటిజన్లు సోషల్ మీడియాలో ఏకిపారేస్తున్నారు. ఇటీవల పత్రికల్లో ప్రచురితమైన ఫొటోలను పోస్టు చేస్తూ ఏపీలో జరుగుతున్న అరాచకాలను ప్రపంచానికి తెలియజేస్తున్నారు. పులివెందులలో నామినేషన్ వేసేందుకు వెళ్తున్న వైఎస్సార్సీపీ శ్రేణులపై తుపాకీ ఎక్కుపెట్టిన డీఎస్పీ మురళీనాయక్ రాజంపేట నామినేషన్ కేంద్రం వద్ద వైఎస్సార్సీపీ అభ్యర్ధి సంబందీకులను కట్టెలతో చితకబాదుతున్న టీడీపీ మూకలు కడపలో వైఎస్సార్సీపీ అభ్యర్థుల నామినేషన్ పత్రాలు చించేసిన పచ్చమూకలు మార్కాపురం జిల్లా పీసీపల్లిలో నామినేషన్ కేంద్రం వద్ద వైఎస్సార్సీపీ అభ్యర్థి వరలక్ష్మిపై దాడి చేసి ఈడ్చేస్తున్న టీడీపీ గూండాలు పల్నాడు జిల్లా రొంపిచర్లలో టీడీపీ గూండాల దాడిలో రక్తమోడుతున్న వైఎస్సార్సీపీ నేత పులివెందులలో టీడీపీ మూకలు నిప్పు పెట్టడంతో తగలబడుతున్న వైఎస్సార్సీపీ నేత నిరంజన్రెడ్డి లారీ అనంతపురం రూరల్ ఎంపీడీవో కార్యాలయం వద వైఎస్సార్సీపీ మహిళా అభ్యర్థులను పోలీసుల ఎదుటే అడ్డుకుని చీరలు లాగుతున్న టీడీపీ మూకలు అనంతపురం రూరల్ ఎంపీడీవో కార్యాలయం వద్ద టీడీపీ శ్రేణుల రాళ్ల దాడిలో తీవ్రంగా గాయపడిన రాముడు చిత్తూరులో పెనుమూరు వైఎస్సార్సీపీ జెడ్పీటీసీ అభ్యర్థిని నిరీషారెడ్డి నుంచి నామినేషన్ పత్రాలు లాక్కుంటున్న టీడీపీ గూండాలు రిటర్నింగ్ ఆఫీసర్కు నిరీషారెడ్డి ఇచ్చిన నామినేషన్ పత్రాలను లాక్కుని చింపివేస్తున్న టీడీపీ మహిళా నేత టీడీపీ గూండాల నుంచి తప్పించుకుని రిటర్నింగ్ ఆఫీసర్కు నామినేషన్ పత్రాలు అందించేందుకు పరుగు తీస్తున్న నిరీషారెడ్డి ప్రకాశం జిల్లా పొన్నలూరులో వైఎస్సార్సీపీ అభ్యర్థి నామినేషన్ పత్రాలను చించివేసి గాలిలోకి విసిరిన టీడీపీ అల్లరిమూక అన్నమయ్య జిల్లా పెద్దకొండామర్రిలో టీడీపీ రౌడీల దాడిలో తీవ్రంగా గాయపడిన వైఎస్సార్సీపీ కార్యకర్త గణేష్ వైఎస్సార్ కడప జిల్లా నందలూరు హైవేపై తుపాకీతో కాల్పులు జరుపుతున్న టీడీపీ రాష్ట్ర అధికార ప్రతినిధి బాలసుబ్రమణ్యం పుంగనూరులో ఎంపీ మిథున్రెడ్డి కారుపై కర్రలు, కత్తులతో దాడి చేస్తున్న టీడీపీ గూండాలు కడపలో కత్తి పోటుకు గురై రక్తమోడుతున్న మాజీ కార్పొరేటర్ కుమారుడు మురాద్ రక్తంతో తడిసిన చొక్కాతో ఎంపీ మిథున్రెడ్డి నాలుగు గంటల పాటు నిల్చున్నా నామినేషన్ తీసుకోని ఆర్వో ధర్మవరంలో వైఎస్సార్సీపీ అభ్యర్థి నళినిపై దుర్మార్గంగా దాడి చిలకలూరిపేటలో ఆర్వో, పోలీసుల సమక్షంలోనే వైఎస్సార్సీపీ అభ్యర్థిపై దాడి చేస్తున్న టీడీపీ గూండాలు చిలకలూరిపేటలో ఆర్వో, పోలీసుల సమక్షంలోనే వైఎస్సార్సీపీ అభ్యర్థిపై దాడి చేస్తున్న టీడీపీ గూండాలు -
నారా ఆ'స్థానిక' గూండాల అరాచకం!
నారా వారి ఆస్థానిక గూండాలు చెలరేగిపోతున్నారు. వక్రమార్గంలో ఎన్నికల్లో గెలిచేందుకు చంద్రబాబు సర్కారు పన్నిన కుయుక్తులలో పావులుగా మారి స్థానిక ఎన్నికలను రణరంగంగా మారుస్తున్నారు. విధ్వంసాలకు పాల్పడుతున్నారు. ప్రతిపక్ష అభ్యర్థులపై మారణాయుధాలతో దాడులకు తెగబడుతున్నారు. ప్రజల ఆస్తులకు తీవ్ర నష్టం చేస్తున్నారు. ఖా'కీలూ బొమ్మల్లా' మారి పచ్చమూకలకు సహకరిస్తున్నారు. -
టీడీపీలో తొక్కేస్తున్నారు..!
సాక్షి ప్రతినిధి, విజయనగరం: ఒకప్పుడు గజపతినగరంలో హవా సాగించిన వాళ్లంతా ఇప్పుడు తెరవెనక్కి వెళ్లిపోతున్నారు. గత టీడీపీ హయాంలో హవా సాగించిన కొండపల్లి అప్పలనాయుడు నేడు పూర్తిగా ఉనికిని కోల్పోయారు. నియోజకవర్గంలో, కాపు సామాజికవర్గంలో పట్టున్న నాయుడు ఇప్పుడు తన అన్నకొడుకు హవాను తట్టుకోలేక, తన ఉనికిని కాపాడుకోలేక, తన వెంట నడిచిన వారికి కనీస గుర్తింపు ఇప్పించుకోలేక ఉక్కిరిబిక్కిరవుతున్నారు. నియోజకవర్గంలో తనకంటూ కొంత కేడర్ను మెయింటెయిన్ చేస్తున్న అప్పలనాయుడు అంటే ఆయన అన్న కొండబాబుకు, ఆయన కుమారుడు, మంత్రి శ్రీనివాస్కు అసలు గిట్టడం లేదు. దీంతో ఆయనకు గజపతినగరంలో రాజకీయంగా ఎలాంటి ప్రాధాన్యం దక్కకుండా పావులు కదుపుతూ నియోజకవర్గంలో టీడీపీ అంటే మంత్రి అనేలా పార్టీని అజమాయిషీ చేస్తూ వస్తున్నారు. ఈ సంకెళ్లను తెంచుకోవడానికి .. తనకున్న ప్రాబల్యం చూపడానికి అప్పలనాయుడు ఎన్నోవిధాలా ప్రయత్నిస్తున్నా సాధ్యపడడంలేదన్న చర్చ సాగుతోంది. తనవాళ్లకు కొన్ని అయినా నామినేటెడ్ పదవులు వస్తాయనుకుంటే అవి కూడా దక్కలేదు. ఇక స్థానిక సంస్థల పదవుల్లో సర్పంచ్, ఎంపీటీసీ, జెడ్పీటీసీ, ఎంపీపీ వంటి స్థానాల కేటాయింపులోనూ కనీసం తన మాట వినకపోవడం అప్పలనాయుడిని తీవ్రంగా అవమానపరిచినట్లు అయింది. ఆయన తాలూకా అంటే అంతే... అప్పలనాయుడు తాలూకా.. ఆయన అనుచరుడు అనే ముద్ర, గుర్తింపు పడితే చాలు వారి పొలిటికల్ కెరీర్ ఫసక్ అయిపోతోంది. జెడ్పీటీసీగా ఆశావహుడైన బొండపల్లికి చెందిన మాజీ జెడ్పీటీసీ సభ్యుడు బండారు బాలాజీ, గంట్యాడ మండలానికి చెందిన చెందిన కొండపల్లి భాస్కర్ నాయుడు, ఎంపీపీ ఆశావహులైన దత్తిరాజేరు మండలానికి చెందిన బెజవాడ బంగారు నాయుడు, గంట్యాడ మండలానికి చెందిన గొర్రెపాటి శ్రీనివాసరావు ఇప్పుడు స్థానిక సంస్థల లిస్ట్లో అడ్రస్ లేకుండా పోయారు. వీళ్లంతా కొండపల్లి అప్పలనాయుడి వర్గీయులుగా గుర్తింపు పొందడమే కారణమని అంటున్నారు. కార్పొరేషన్ పదవులు ఇవ్వకపోయినా కనీసం స్థానిక సంస్థలలో అయినా అవకాశం వస్తుందని ఎదురు చూసిన తెలుగుయువత పార్లమెంట్ అధ్యక్షుడు వేమలి చైతన్య బాబు వంటివారు ప్రతిపక్షంలో ఉంటూ పార్టీకోసం పని చేశారు. తీరా అధికారం వచ్చేసరికి అయినవాళ్లు కాదంటూ వీరిని పక్కనపెట్టేశారు.మంత్రిగారు.. మీకిది తగునా.. బొండపల్లి: సుధీర్ఘ కాలంగా టీడీపీ కోసం పనిచేస్తున్నాను.. పార్టీ కష్టకాలంలో ఉన్నప్పుడు అండగా నిలిచాను.. తను జెడ్పీటీసీగా, తన అక్క కృష్ణవేణి ఎంపీపీగా పనిచేశాం... ఇంతకంటే పార్టీ బ్యాక్ గ్రౌండ్ ఏం కావాలి... మీరు రాకముందే నేను రాజకీయాల్లో ఉన్నాను.. ఇప్పుడు పార్టీ కార్యకర్తలు, నాయకులను సంప్రదించకుండా, ఏకపక్షంగా బొండపల్లి జెడ్పీటీసీ టికెట్ ఇవ్వకుండా పక్కకు తన్నేస్తారా... మంత్రిగారూ ఇదేనా మీ నీతి అంటూ జెడ్పీటీసీ మాజీ సభ్యుడు, పార్టీ పార్లమెంటరీ నియోజకవర్గ మాజీ అధ్యక్షుడు బండారు బాలాజీ కన్నీరుపెట్టారు. మంత్రి ఎదుటే గురువారం తనకు జరిగిన ఆవేదనను వ్యక్తంచేశాడు. మంత్రి నుంచి స్పష్టమైన సమాధానం రాకపోవడంతో దశాబ్దాలుగా పార్టీ కోసం పనిచేస్తున్న నాయకులకు ప్రాధాన్యం లేదంటూ తన శ్రేణులతో కలిసి వెనుదిరిగారు. ‘మక్కువ’ను పక్కకు నెట్టేశారుమరోవైపు ఓసారి ఎంపీపీ, రెండుసార్లు జెడ్పీటీసీగా పని చేసిన మక్కువ శ్రీధర్ను కూడా మంత్రి మెల్లగా సైడ్ చేస్తున్నట్లు స్పష్టమవుతోంది. గజపతినగరం ఎంపీపీ బీసీ జనరల్కు రిజర్వ్ అయింది కాబట్టి ఆ స్థానం తనకు ఇవ్వాలని శ్రీధర్ మంత్రిని కోరగా అలా కుదరదని చెప్పినట్లు తెలిసింది. తన బంధువు, టీడీపీ పొలిట్ బ్యూరో సభ్యురాలిగా రాష్ట్రస్థాయి పదవిలో ఉన్న శ్రీదేవికి ఆ పోస్టులో పెట్టేందుకు మంత్రి నిర్ణ యం తీసుకున్నారు. గజపతినగరం జెడ్పీటీసీ స్థానం ఓసీ మహిళకు రిజర్వ్ కావడంతో అక్కడ శ్రీధర్ భార్య ఉషను పోటీలోకి దింపాలని మంత్రి సూచించారు. జనరల్గా ఉన్న ఎంపీపీ స్థానంలో మంత్రి బంధువైన శ్రీదేవిని నిలబెట్టడం ఏమిటి..? మహిళా కోటాగా ఉన్న జెడ్పీటీసీ స్థానం తనకి ఇవ్వడం ఏమిటని శ్రీధర్ లోలోన మదనపడుతున్నారు. గత అసెంబ్లీ ఎన్నికల సమయంలో శ్రీధర్ను పార్టీలో చేర్చుకున్నపుడు ‘నువ్వు నా కొడుకులాంటోడివి.. మా వాడికి అనుభవం లేదు.. నువ్వే కాస్త చూసుకోవాలి.. నీ భవిష్యత్తు నేను చూసుకుంటా ‘ అంటూ శ్రీనివాస్ తండ్రి కొండబాబు చెప్పిన మాటలు చెవుల్లో రీ సౌండ్ వస్తుండగా, భార్య ఉషతో కలిసి నామినేషన్కు బయలుదేరుతున్నారు. ఇదీ చదవండి: బాబు కుట్రలు.. సాక్ష్యాలతో బయటపెట్టిన వైఎస్ జగన్ -
సేవ్ వైజాగ్తో హోరెత్తిన ప్రచారం
బీచ్రోడ్లో వాకర్స్తో ముచ్చట, ఆరిలోవలో చిరు వ్యాపారులు, వృద్ధులతో మాటామంతీ.. నగరంలో తాగునీటి తిప్పలను నేరుగా తెలుసుకుంటూ విశాఖను కాపాడుకోవడమే లక్ష్యంగా వైఎస్సార్సీపీ మేయర్ అభ్యర్థి వరుదు కల్యాణి ప్రచారాన్ని హోరెత్తించారు. కూటమి ప్రభుత్వ వైఫల్యాలను ఎండగడుతూ, ఫ్యాన్ గుర్తుకు ఓటేసి నగర అభివృద్ధిని కొనసాగించాలని కోరుతూ ఆమె సాగిస్తున్న వినూత్న శైలి విశాఖ రాజకీయాల్లో ప్రత్యేక ఆకర్షణగా నిలిచింది. – సాక్షి, విశాఖపట్నం -
నామినేషన్ కేంద్రం వద్ద కీచక పర్వం
గంగాధర నెల్లూరు: గంగాధర నెల్లూరు మండల కేంద్రంలో నామినేషన్ రెండో రోజు గురువారం నామినేషన్ వేయడానికి వచ్చిన వైఎస్సార్సీపీ మహిళా అభ్యర్థులపై టీడీపీ నాయకులు దాడి చేసి, గాజులు పగులగొట్టి చీరలాగి, నామినేషన్ పత్రాలు లాక్కున్నారు. బాలగంగానపల్లి పంచాయతీకి చెందిన మోహన, వింజం పంచాయతీకి చెందిన నాగరత్నమ్మ గురువారం నామినేషన్ వేయడానికి మండల కేంద్రానికి చేరుకున్నారు. ఆర్వో కార్యాలయం ఎదుట వందలాదిగా ఉన్న తెలుగుదేశం పార్టీ నాయకులు, తమిళనాడుకు చెందిన రౌడీలు ఒక్కసారిగా మహిళలపై పడి దాడిచేసి, గాజులు పగులగొట్టి నామినేషన్ పత్రాలను లాక్కోవడానికి ప్రయత్నించారు. పోలీసుల రంగ ప్రవేశంతో అక్కడ నుంచి మహిళ పరుగెత్తుకుని ఆర్వో కార్యాలయానికి చేరుకుని నామినేషన్ దాఖలు చేశారు.నగరి అభ్యర్థులకు అవమానంజెడ్పీటీసీ నామినేషన్లు దాఖలు చేసేందుకు నగరి నుంచి వచ్చిన వైఎస్సార్ సీపీ అభ్యర్థులు రవికుమార్, గురుమూర్తికి అవమానం ఎదురైంది. జెడ్పీటీసీ నామినేషన్ కేంద్రం సమీపంలో ఎంఎస్ఆర్ సర్కిల్ వద్ద టీడీపీ గుండాలు కాపుకాచి భయాందోళనలు సృష్టించారు. ఆ అభ్యర్థుల దుస్తులు తొలగించి నామినేషన్ పత్రాలు ఉన్నాయా అని తనిఖీ చేశారు. అక్కడే ఈ ఘటనను చూస్తున్న పోలీసులు ఏ మాత్రం స్పందించకుండా ప్రేక్షకపాత్ర పోషించారు. చివరికి ఎన్నికల అధికారులు సహాయం కోరాల్సిన దుస్థితి ఏర్పడింది. ఇదీ చదవండి: ‘నామినేషన్ ఎలా వేస్తావో.. చూస్తా’ -
‘నామినేషన్ ఎలా వేస్తావో.. చూస్తా’
నంద్యాల: స్థానిక ఎన్నికలలో టీడీపీ నేతల అరాచకాలు శ్రుతిమించుతున్నాయి. వైఎస్సార్సీపీ అభ్యర్థులకు కనీసం నామినేషన్ వేసేందుకు కూడా అవకాశం ఇవ్వడం లేదు. నామినేషన్ కేంద్రాల వద్ద టీడీపీ గూండాలు మోహరించి దాడులు, బెదిరింపులకు పాల్పడుతున్నారు.మండల కేంద్రంలో బండిఆత్మకూ రులో గురువారం ఉద్రిక్తత పరిస్థితి నెలకొంది. సింగవరం గ్రామానికి చెందిన వైఎస్సార్సీపీ నాయకుడు ఎలగాల బూరుగయ్య తన మద్దతు దారులతో నామినేషన్ దాఖలు చేయడానికి నామినేషన్ కేంద్రానికి చేరుకునే క్రమంలో అదే గ్రామానికి చెందిన టీడీపీ మద్దతుదారులు దారి మధ్యలోనే అడ్డుకున్నారు. ‘నామినేషన్ ఎలా వేస్తావో.. చూస్తా’ అని బెదిరించారు. వారి మధ్య తోపులాట జరిగింది. అక్కడే ఉన్న పోలీసులు వారిని చెదరగొట్టారు. ఎట్టకేలకు గురువారం మధ్యాహ్నం రెండు గంటల నుంచి మండలంలోని 14 ఎంపీటీసీ స్థానాలకు 29 మంది వైఎస్సార్సీపీ అభ్యర్థులు నామినేషన్లు దాఖలు చేశారు. నామినేషన్ పత్రం అపహరణ నంద్యాల(అర్బన్): కొలిమిగుండ్ల మండలం జెడ్పీటీసీ స్థానానికి స్వతంత్య్ర అభ్యర్థిగా నామినేషన్ వేసేందుకు వచ్చిన సుగుణమ్మ చేతిలో నుంచి గుర్తు తెలియని యువకుడు నామినేషన్ పత్రాన్ని లాక్కొని పరిగెత్తాడు. క్షణాల్లో జరిగిన ఈ ఘటనను చూసి నామినేషన్ వేసేందుకు వచ్చిన వారు అంతా అవాక్కయ్యారు. క్షణాల్లో జరిగిపోయిన ఈ సంఘటనకు పోలీసులు సైతం నివ్వెర పోవాల్సి వచ్చింది. వివరాల్లోకి వెళితే కొలిమిగుండ్ల మండల జెడ్పీటీసీగా సుగుణమ్మ నామినేషన్ వేసేందుకు ప్రభుత్వ డిగ్రీ కళాశాల వద్దకు చేరుకున్నారు.పత్రాలు సంబంధిత పోలీసు అధికారికి చూపుతుండగా వెనుక వైపు నుంచి వచ్చిన ఓ యువకుడు పత్రాలు లాక్కొని అమాంతం పరిగెత్తాడు. పోలీసులు యువకుడిని వెంబడిస్తూ వెళ్లారు. ఈ సందర్భంగా సుగుణమ్మ మాట్లాడుతూ.. పోలీసుల సమక్షంలో నామినేషన్ పత్రాన్ని లాక్కొని వెళ్లడం, పోలీసుల వైఫల్యమేనన్నా రు. ‘వారిదే ప్రభుత్వం ఉంది.. వారెందుకు భయపడతారు.. ఇలాంటి చర్యలకు ఎందుకు పాల్పడుతున్నారో అర్థం కావడం లేదన్నారు. -
ఇంట్లో ఇల్లాలు.. బరిలో ప్రత్యర్థి!
సాక్షి, విశాఖపట్నం: రాజకీయాల్లో ఎవరి వ్యూహాలు వారివి. ఒకటికి రెండు అడుగులు ముందుగా ఆలోచించి, ఏ చిన్న రిస్క్ లేకుండా ‘బ్యాకప్’ పెట్టుకోవడం నేతలకు కొత్తేం కాదు. కానీ, ఆ బ్యాకప్ కాస్తా రివర్స్ అయితే? సరిగ్గా ఇదే సీన్ విశాఖ బీజేపీ జిల్లా అధ్యక్షుడు మంతెన మురళి నాగ పరశురామరాజు గారికి ఎదురైంది. ఇప్పుడు ఈ వార్డు పాలిటిక్స్ టాలీవుడ్ సినిమాను తలపిస్తూ.. స్థానికంగా ఫుల్ మీల్స్ ఎంటర్టైన్మెంట్ ఇస్తున్నాయి. అసలేం జరిగిందంటే..? కూటమి పొత్తులో భాగంగా జీవీఎంసీ 54వ వార్డు బీజేపీకి కేటాయించడంతో, ఆ పార్టీ జిల్లా అధ్యక్షుడు పరశురామరాజు బరిలోకి దిగారు. అనుభవం ఉన్న నాయకుడే అయినా, ఎన్నికల్లో ఏమైనా తేడా కొడితే సేఫ్ సైడ్ ఉండాలని భార్య మంతెన అమృత పాలవల్లి దేవి చేత ‘డమ్మీ’ నామినేషన్ వేయించారు. కానీ అసలు క్లైమాక్స్ అక్కడే మొదలైంది. పెళ్లి రోజు, భార్య పుట్టినరోజు మర్చిపోయే సగటు భర్తలాగే.. మన లీడర్గారు నామినేషన్ల ఉపసంహరణ గడువు తేదీని పూర్తిగా మర్చిపోయారు. తీరా గడువు ముగిశాక గుర్తొచ్చి ఎన్నికల అధికారుల చుట్టూ పరుగులు పెట్టినా ఫలితం లేకపోయింది. ‘నో ఛాన్స్.. మీ ఆవిడ కూడా బరిలో ఉన్నారు’ అని అధికారులు తేల్చి చెప్పేసరికి ఆయనకు మైండ్ బ్లాంక్ అయింది. ‘డమ్మీ’ కాస్తా.. డైరెక్ట్ ప్రత్యర్థి! డమ్మీగా వేసిన ఆవిడ ఇప్పుడు తుది బరిలో ‘స్వతంత్ర’ అభ్యర్థిగా భర్తకే పోటీగా నిలిచారు. దీంతో ఆ వార్డులో ఎన్నికల పోరు కాస్తా రసవత్తరమైన ‘ఇంటి పోరు’గా మారిపోయింది. ఇప్పుడు ఈ రివర్స్ సీన్పై సోషల్ మీడియాలో, స్థానికంగా రకరకాల సెటైర్లు పేలుతున్నాయి. ‘పొద్దున్నే లేచి ఒకరి మొహం ఒకరు చూసుకుని ఒకే ఇంట్లోంచి ఇద్దరు అభ్యర్థులు ప్రచారానికి వెళ్తుంటే ఆ సీన్ చూడ్డానికి రెండు కళ్లు చాలవు‘ అని జనాలు నవ్వుకుంటున్నారు.‘డైనింగ్ టేబుల్ దగ్గర ఎవరి ఓట్లు వాళ్లు లెక్కేసుకుంటున్నారా?‘, ‘ఏవండీ.. నా ఓట్లు మీరు లాక్కోకండి అని ఇంట్లోనే వార్నింగ్లు ఇచ్చుకుంటున్నారా?‘ అంటూ కూటమి నేతలు సైతం కడుపుబ్బా నవ్వుకుంటున్నారు. భార్యని డమ్మీ అనుకుంటే పక్కలో బల్లెంలా తయారైందని సెటైర్లు వేస్తున్న స్థానికులు.. ‘సొంత భార్య వేసిన నామినేషనే వెనక్కి తీయించుకోలేని ఈ నాయకులు.. ఇక వార్డును ఏం ఉద్ధరిస్తారబ్బా!’ అంటూ ఘాటైన సెటైర్లు కూడా పేలుస్తున్నారు. ఇదీ చదవండి: మాధవి మళ్లీ బరిలోకి.. -
మాధవి మళ్లీ బరిలోకి..
సాక్షి, పాడేరు(అల్లూరి జిల్లా): అరకు మాజీ ఎంపీ గొడ్డేటి మాధవి రెండున్నరేళ్ల విరామం తర్వాత మళ్లీ ఎన్నికల బరిలో నిలిచారు. కొయ్యూరు జెడ్పీటీసీ అభ్యర్థిగా గురువారం పాడేరు ఐటీడీఏలో నామినేషన్ దాఖలు చేశారు. దివంగత మాజీ ఎమ్మెల్యే, గిరిజన ఉద్యమ నేత గొడ్డేటి దేముడు కుమార్తె అయిన మాధవికి వైఎస్సార్సీపీ అధినేత వైఎస్ జగన్ 2019లో అరకు ఎంపీగా పోటీచేసే అవకాశం కల్పించారు. ఆ ఎన్నికల్లో ఆమె భారీ మెజారిటీతో విజయం సాధించి, 2019 నుంచి 2024 వరకు ఎంపీగా సేవలందించారు. తాజాగా.. కొయ్యూరు జెడ్పీటీసీ అభ్యర్థిగా నామినేషన్ దాఖలు చేయడంతో ఆమె మళ్లీ ప్రత్యక్ష ఎన్నికల రాజకీయాల్లోకి అడుగుపెట్టినట్లయింది. గతంలో ఎంపీగా పనిచేసిన మాధవి ఇప్పుడు స్థానిక ఎన్నికల్లో బరిలో నిలవడం కొయ్యూరు రాజకీయాల్లో చర్చనీయాంశంగా మారింది. ఇదీ చదవండి: కలెక్టర్ నోట... ‘అసత్యాల’ మూట!! -
గర్భిణీ అని కూడా చూడలేదు..
వైఎస్ఆర్ కడప జిల్లా: వెదురూరు ఎంపీటీసీ స్థా నానికి నామినేషన్ వేసేందుకు నా కుటుంబ సభ్యులతో కలసి చాపాడుకు వచ్చాను. 500 మీటర్ల దూరంలోనే మమ్మల్ని అడ్డగించారు. ఎంపీటీసీ స్థానానికి నామినేషన్ వేసేందుకు వచ్చానని, నేను 9 నెలల గర్భిణీని అని చెబుతున్నప్పటికీ టీడీపీ మూకలందరూ గుంపుగా వచ్చి నామినేషన్ పత్రాలను బలవంతంగా లాక్కెళ్లారు. ఒక్కసారిగా టీడీపీ మూకలంతా గుంపుగా రావడంతో ఎలాంటి ప్రమాదం చోటు చేసుకుంటుందోనని భయపడ్డాను. మహిళలనే కనీస గౌరవం టీడీపీ గూండాలకు లేకుండా పోయింది. – ప్రశాంతి, వెదురూరు, చాపాడు మండలం. ప్రజాస్వామ్యాన్ని ఖూనీ చేశారు వైఎస్సార్సీపీ ఎంపీటీసీ అభ్యర్థులు నామినేషన్లు వేయనీయకుండా అడ్డుకుంటూ టీడీపీ మూకలు ప్రజాస్వామ్యాన్ని నడిరోడ్డుపై ఖూనీ చేస్తున్నారు. మా అభ్యర్థులు నామినేషన్ వేయకుండా పోలీసులే అడ్డుకోవడం చాలా వింతగా ఉంది. ఇంత జరుగుతు న్నా ఎన్నికల కమిషన్ ఏం చేస్తోంది. న్యాయం చేయాల్సిన అధికారులు ఈ విధంగా ప్రవర్తించడం చాలా సిగ్గుచేటు. సుప్రీంకోర్టు మొట్టికాయలు వేసినా ఈ ప్రభుత్వంలో ఎటువంటి చలనం లేదు. – దాసరి సుధ, ఎమ్మెల్యే పోలీసులకు చేత కాకపోతే.. మీరు వెళ్లకూడదు... అక్కడ ఎక్కువ మంది బయటి వ్యక్తులు ఉన్నారంటూ నామినేషన్లు వేయనివ్వకుండా పోలీసులు అడ్డుకోవడం సరికాదు. ఆదినారాయణరెడ్డి ఏదో పది మంది రౌడీలకు గుండాలను పంపిస్తే ఇక్కడ భయపడిపోయి నామినేషన్లు వేయకుండపోయే పరిస్థితిలేదు. మీకు చేతకాకపోతే మమ్మల్ని వదిలేయండి.. మా సత్తా ఏంటో చూపిస్తాం. – రామసుబ్బారెడ్డి, ఎమ్మెల్సీ నామినేషన్ పత్రాలు చించేశారుజిల్లా పరిషత్ ఎన్నికల్లో ఒంటిమిట్ట మండల జెడ్పీటీసీ అభ్యరి్థగా వైఎస్సార్ సీపీ తరఫున నామినేషన్ వేసేందుకు వెళ్లిన నన్ను టీడీపీ నాయకులు నామినేషన్ పత్రాలు లాక్కొని చించేశారు. ముందుగా ఏ పార్టీ అని అడిగారు.. వైఎస్సార్సీపీ అని చెప్పగానే ఫైల్ లాక్కొని చించేసి... ‘వెళ్లిపోండి... వెళ్లిపోండి’ అని బెదిరించారు. అక్కడున్న పోలీసులు చూస్తుండి పోయారె తప్ప వారిని అడ్డుకోలేదు. ఇదేం ప్రజాస్వామ్యం. – బాలక్క, ఒంటిమిట్ట జెడ్పీటీసీ అభ్యర్థి -
కలెక్టర్ నోట... ‘అసత్యాల’ మూట!!
జెడ్పీటీసీ ఎన్నికల నామినేషన్ల సందర్భంగా గురువారం కలెక్టర్ శ్రీధర్ ఎస్పీ నచికేత్ విశ్వనాథ్తో కలిసి కడపలోని జెడ్పీని సందర్శించారు. నామినేషన్ల స్వీకరణ తీరును, అభ్యర్థులకు కల్పించిన సౌకర్యాలను పరిశీలించారు. జిల్లా ఎన్నికల అధికారిగా.. కలెక్టర్ హోదాలో ఎన్నికలను పటిష్టంగా.. పారదర్శకంగా నిర్వహిస్తున్నామని చెప్పారు. క్షేత్రస్థాయిలో వాస్తవమేంటో ఓ సారి పరిశీలిద్దాం.. కలెక్టర్: ‘‘నామినేషన్ల స్వీకరణ ప్రశాంత వాతావరణంలో నిర్వహిస్తున్నాం’’.. వాస్తవం: జెడ్పీ కార్యాలయ పరిసరాలు పచ్చ గూండాలతో నిండిపోయాయి.. రాళ్ల దాడులతో భయానకంగా మారాయి. అంతెందుకు జెడ్పీ ఆఫీసులోపల వందలాదిమంది పుత్తా అనుచరులు తిష్ట వేశారు.కలెక్టర్: ‘‘ఎలాంటి అవాంఛనీయ ఘటనలు జరగకూడదు..’’ వాస్తవం: రెండు రోజులుగా పచ్చమూకల దాడులతో జెడ్పీ దద్దరిల్లుతోంది.కలెక్టర్: ‘‘అభ్యర్థులు నిర్భయంగా తమ ఎన్నికల హక్కులను సద్వినియోగం చేసుకోండి’’వాస్తవం: అభ్యర్థులను ఎక్కడికక్కడ నిర్బంధిస్తున్నారు. హక్కును హరించేస్తున్నారు.కలెక్టర్: ‘నామినేషన్ల స్వీకరణలో పటిష్ట భద్రతా చర్యలు చేపట్టాం. నిర్భయంగా నామినేషన్ వేయొచ్చు’వాస్తవం: కూటమి అభ్యర్థులు మినహా నామినేషన్ వేయాలనుకున్న ఇతర అభ్యర్థులను ఆ పరిసరాల్లోకి రాకముందే పచ్చ రౌడీలు అడ్డుకుంటున్నారు. కర్రలు.. రాళ్లతో దాడులకు దిగుతున్నారు. బహుశా భద్రతా చర్యలు ఇవేనేమో! – కడప సెవెన్రోడ్స్ఇదీ చదవండి: టీడీపీతో అంటకాగుతున్న కమిషనర్ -
ప్రా‘దేశం’ దమనకాండ
తెలుగుదేశం దౌర్జన్యకాండ యథేచ్ఛగా సాగుతోంది. ప్రతిపక్ష వైఎస్సార్సీపీ శ్రేణులపై పచ్చమూకలు పైశాచికంగా విరుచుకుపడుతున్నాయి. ప్రాదేశిక ఎన్నికలను హింసాత్మకంగా మారుస్తున్నాయి. వైఎస్సార్సీపీ అభ్యర్థులను నామినేషన్లు వేయనివ్వకుండా దాష్టీకాలకు పాల్పడుతున్నాయి. నామినేషన్ పత్రాలు చించేసి దాడులకు తెగబడుతున్నాయి. ఈ దురాగతాలను అరికట్టాల్సిన రాజ్యాంగ సంస్థలు చేష్టలుడిగి చోద్యం చూస్తున్నాయి. పోలీసు యంత్రాగమూ చంద్రబాబు భజనబృందంలో చేరి ప్రతిపక్షంపై లాఠీ ఝుళిపించి కర్కశత్వం ప్రదర్శిస్తోంది. నేతల గృహ నిర్బంధాలకు పాల్పడుతోంది. -
టీడీపీ అభ్యర్థిని సింపతీ డ్రామా ఫ్లాప్.. వాకర్ డ్రామా అవుట్!
సాక్షి, చిత్తూరు: ఏపీలో స్థానిక ఎన్నికల నామినేషన్ల వేళ చిత్తూరులో ఆసక్తికర ఘటన చోటుచేసుకుంది. నామినేషన్ దాఖలు చేసేందుకు టీడీపీ రాష్ట్ర మహిళా నాయకురాలు అరుణ వాకర్ సాయంతో వచ్చారు. అయితే, వెనుక నుంచి ఓ వ్యక్తి వాకర్ను కొద్దిగా కదిలించగానే ఆమె ఒక్కసారిగా స్పందించారు. వాకర్ను వదిలేసి పరుగెత్తేందుకు సిద్ధమైనట్లు కనిపించారు. ఆ తర్వాత మళ్లీ వాకర్ పట్టుకుని కుంటుతూ ముందుకు వెళ్లారు.ఈ దృశ్యాలు సోషల్ మీడియాలో వైరల్గా మారాయి. వీడియో చూసిన నెటిజన్లు రకరకాలుగా కామెంట్లు చేస్తున్నారు. ‘ఇది నిజంగా మెడికల్ మిరాకిల్’ అంటూ కొందరు వ్యంగ్యంగా స్పందిస్తున్నారు.ఆ వాకర్ లాగినోడికి ఆమె చేసేది యాక్టింగ్ అని అందుకే అంత ధైర్యం చేసి లాగాడు. బండారం బయట పడింది వీళ్ళ 1980 స్క్రిప్ట్ తో ఏం చేసినా వెంటనే బయట పడిపోవడం వీళ్ళ స్పెషలిటీ https://t.co/HZc6vyW8CO— vikas (@Fan_Of_JaGUN) October 22, 2026 కాగా, పెనుమూరుకు చెందిన టీడీపీ రాష్ట్ర మహిళా నాయకురాలు అరుణపై సొంత పార్టీ నాయకులే దాడికి యత్నించి నామినేషన్ పత్రాలు లాక్కునేందుకు ప్రయత్నించే క్రమంలో ఇది చోటు చేసుకుంది. అరుణకు సొంత పార్టీ నేతల నుంచే తిప్పలు తప్పకపోవడంతో ఆమె తీవ్ర ఆగ్రహం వ్యక్తం చేశారు. -
చిక్కుల్లో జనసేన అభ్యర్థి
సాక్షి, పుట్టపర్తి: శ్రీ సత్యసాయి జిల్లా కేంద్రం పుట్టపర్తి మున్సిపల్ చైర్మన్ అభ్యర్థిగా జనసేన తరఫున బరిలో నిలిచిన మేకల ఈశ్వర్ చిక్కుల్లో పడ్డారు. పుట్టపర్తి మున్సిపాలిటీతో పాటు ఓబుల దేవర చెరువు (ఓడీ చెరువు) మండలం మల్లాపల్లిలో కూడా ఓటు ఉండటంతో అధికారుల వద్ద లాబీయింగ్ మొదలుపెట్టాడు. తన ఓటును పుట్టపర్తిలో ఆమోదించి.. మల్లాపల్లిలో రద్దు చేయాలని అభ్యర్థించారు. రెండు చోట్ల ఓటు ఎందుకు నమోదు చేయించుకున్నారనేది చర్చనీయాంశంగా మారింది.సర్ (ఎస్ఐఆర్) స్క్రూటినీలో భాగంగా పుట్టపర్తిలో ఓటు తొలగించి ఓడీ చెరువు మండలం మల్లాపల్లిలో ఓటు యథాతథంగా ఉంచాలని మేకల ఈశ్వర్ అభ్యర్థన చేసుకున్నారు. అయితే ప్రస్తుతం పుట్టపర్తి మున్సిపాలిటీలో ఓటు చూపిస్తూ జనసేన తరఫున చైర్మన్ అభ్యర్థిగా బరిలో దిగారు. నామినేషన్ల ఉపసంహరణ చివరి రోజున కూటమి తరఫున నామినేషన్ వేసిన వారందరూ విత్ డ్రా చేసుకున్న తర్వాత ఈశ్వర్ రెండు ఓట్ల వ్యవహారం వెలుగు చూసింది. దీంతో ఏ నిమిషాన ఏం జరుగుతుందోనని కూటమి నాయకుల్లో గుబులు మొదలైంది. ఇదీ చదవండి: వైఎస్సార్సీపీలో చేరిన గుండా లక్ష్మీదేవి -
మహిళా అభ్యర్థులను వదల్లేదు.. దాడులు చేసి చీర లాగారు!
మార్కాపురం: మున్సిపల్ ఎన్నికల్లో కనిగిరిలో పచ్చమూకలు చెలరేగిపోయాయి. నామినేషన్ల ఘట్టం చివరి రోజున.. వైఎస్సార్ సీపీ మున్సిపల్ అభ్యర్థులకు చెందిన సుమారు 8 మంది నామినేషన్ పత్రాలను కూటమి గూండాలు బరిలోకి దిగి పచ్చ చొక్కా పోలీసుల సహకారంతో దాడులు చేసి పత్రాలను చేతుల్లో నుంచి లాక్కుని మరీ చించేశారు. మహిళా అభ్యర్థులను సైతం వదలకుండా దాడి చేశారు. తన చీరకూడా లాగారంటూ ఓ మహిళా అభ్యర్థి తీవ్ర ఆవేదన వ్యక్తం చేసింది. 18వ వార్డు అభ్యర్థి ఎస్కే సమీరాకు చెందిన నామినేషన్ పత్రాలు లాక్కున్నారు. నామినేషన్ కేంద్రంలోనే సుమారు 200 మంది బైఠాయించి టీడీపీ మహిళా నాయకులు 10 మంది చేత పత్రాలు లాగించేయడం, గట్టిగా నిలబడి, మాట్లాడితే భౌతిక దాడులు చేశారు. 18వ వార్డు అభ్యర్థి ఎస్కే సమీరాను, ప్రపొజల్కు వెళ్లిన అతని భర్త ఫరూక్ను కొట్టి నామినేషన్ కేంద్రం నుంచి లాగి బయటకు గెంటారు. ఈ తంతు అంతా పోలీసుల సమక్షంలో జరిగినా కనీసం స్పందించకుండా ప్రేక్షక పాత్ర పోషించారు. అలాగే 3వ వార్డు చెందిన అభ్యర్థి ఎం.మధు నామినేషన్ పత్రాలు లాక్కుని, నెట్టారు. ఈ క్రమంలో మధు చేతికి గాయమైంది. దీనిపై పోలీసులకు చెప్పినా కనీస స్పందన చూపలేదు.పదో వార్డుకు చెందిన వైఎస్సార్ సీపీ అభ్యర్థి పత్రాన్ని లాక్కుని స్వతంత్ర అభ్యర్థిపై దాడికి దిగారు. చివరి రోజు వైఎస్సార్ సీపీకి చెందిన సుమారు 8 మంది నామినేషన్ పత్రాలను టీడీపీ గూండాలు లాక్కుని చించేశారు. వేరొక పార్టీ చైర్మన్ అభ్యర్థి నామినేషన్ పత్రాలు పచ్చమూకలు లాక్కుని బయటకు నెట్టారు. మహిళ అని కూడా చూడకుండా దౌర్జన్యం చేశారు. ఇలా టీడీపీ గూండాలు పోలీసుల సహకారంతో రెచ్చిపోయి..దమనకాండ సాగించారు. వైఎస్సార్ సీపీతో పాటు ఇతరపార్టీల, స్వతంత్య్ర అభ్యర్థుల నామినేషన్ల లాగి చించేసి హల్చల్ చేశారు.ఇదీ చదవండి: ఎన్నికల కోడ్తో పనేంటి! -
ఎన్నికల కోడ్తో పనేంటి!
సాక్షి ప్రతినిధి, కడప: స్థానిక సంస్థల ఎన్నికల కోడ్ కొనసాగుతోంది. రాజకీయ నేతలందర్నీ అధికారులు సమదృష్టితో చూడాలి. తరతమ భేదం లేకుండా ఎస్ఈసీ ఆధ్వర్యంలో నిబంధనలకు లోబడి విధి నిర్వహణ ఉండాలి. కానీ.. వైఎస్సార్ కడప జిల్లా మైదుకూరు సబ్ డివిజన్ పోలీసులు ఎన్నికల నిబంధనలు భేఖాతర్ చేశారు. నియమావళితో పనేముంది. అధికార పార్టీ ఎమ్మెల్యే చల్లని చూపులు చాలన్నట్టుగా వ్యవహరించారు. ప్రొద్దుటూరులో మంగళవారం మైదుకూరు ఎమ్మెల్యే పుట్టా సుధాకర్యాదవ్ నివాసంలో మైదుకూరు డీఎస్పీ రాజేంద్రప్రసాద్, సీఐలు శివశంకర్యాదవ్, వంశీధర్ ఎస్ఐలు ధనుంజయుడు (దువ్వూరు), చిరంజీవి (మైదుకూరు), చిన్నపెద్దయ్య (చాపాడు) విద్యాసాగర్ (బి.మఠం) తదితర ఎస్ఐలతో కలిసి ప్రత్యేకంగా సమావేశమయ్యారు. ఎన్నికల్లో టీడీపీ అభ్యర్థుల విజయం కోసమే ప్రత్యేక సమావేశం వెనుక రహస్యమని విశ్లేషకులు వెల్లడిస్తున్నారు. ఎన్నికల కోడ్ ఉన్నప్పటికీ నిబంధనలకు విరుద్ధంగా ఎలా ప్రత్యేకంగా భేటీ అవుతారని పలువురు ఘాటుగా విమర్శలు చేస్తున్నారు. జిల్లాలో ఎన్నికల కోడ్ ఏ స్థాయిలో అమలు అవుతోందో దీనిని బట్టే అర్థం చేసుకోవచ్చు. ఇదే విషయం ఫొటోతో సహా సోషల్ మీడియాలో వైరల్గా మారింది. ఇదీ చదవండి: ఎంపీ వైఎస్ అవినాష్రెడ్డి, రవీంద్రనాథ్రెడ్డి అరెస్ట్ -
ప్రజాస్వామ్యంపై పచ్చ లాఠీ
-
స్థానికం.. ఖాకీల వీరంగం
గుంపులు గుంపులుగా పచ్చమూకలు.. అధికార పార్టీ లైసెన్డ్ గూండాల్లా.... కర్రలు, కత్తులు, రాడ్లు పట్టి స్వైరవిహారం. వైఎస్సార్సీపీ నాయకులే లక్ష్యంగా తలలు పగలకొట్టి, చేతులు విరగ్గొట్టి..నెత్తురోడుతున్న నాయకులను చూసి రాక్షసానందం పొంది.. మరోవైపు టీడీపీ నేతలతో అంటకాగుతూ అధికార పార్టీ తొత్తుల్లా... ఖాకీల వీరంగం. కర్తవ్య నిర్వహణను సైతం పక్కన పెట్టి.. లాఠీలు పట్టి వైఎస్సార్సీపీ నాయకులను వెంటాడి వేటాడి వేధించి చితక్కొట్టి వికటాట్టహాసం..వెరసి ప్రజాస్వామ్య మనుగడను అపహాస్యం చేసినట్టుగా ‘స్థానిక’ సమరాంగణాలు రక్తసిక్తం.. -
బాబు మార్కు అరాచకం.. కళ్లెదుటే సాక్ష్యం..
రాజ్యాంగాన్ని, ఎన్నికల ప్రక్రియను అపహాస్యం చేస్తూ.. చంద్రబాబు సర్కారు చేసిన వికటాట్టహాసం సుప్రీంకోర్టు వేదికగా దేశం అంతా చూసింది.. అరాచకం, దౌర్జన్యం, దాడులు, కుట్రలు, కుతంత్రాలు కలగలిపి ఏకపక్షంగా ఆయా మున్సిపాలిటీలనుకైవశం చేసుకోవడానికి బరితెగించిన తీరు దేశవ్యాప్తంగా చర్చనీయాంశమైంది.. ఈ దాష్టీకానికి ఆయా జిల్లాల ఎస్పీలు దన్నుగా నిలవగా, కలెక్టర్లు ప్రేక్షకపాత్ర పోషించడం కలకలం రేపింది.. రాష్ట్రంలో పట్టపగలే ప్రజాస్వామ్యం హత్యకుగురైందనడానికి ఈ 19 మున్సిపాల్టీల్లో చోటుచేసుకున్న అరాచకాలే మచ్చుకు నిదర్శనం.. ఇలాంటి దృశ్యాలు వందలకొద్దీ ఇన్స్టాగ్రామ్, ఎక్స్, వాట్సాప్, ఫేస్బుక్ తదితర సోషల్ మీడియా ప్లాట్ఫామ్స్లో వైరల్ అవ్వడం ప్రత్యక్ష సాక్ష్యం.. -
కార్పొరేటర్ టికెట్ కోసం రూ.50 లక్షలు సిద్ధం చేసుకున్నా..
విశాఖపట్నం: జీవీఎంసీ ఎన్నికల వేళ తెలుగుదేశం పార్టీలో టికెట్ల కేటాయింపు చిచ్చు రేపుతోంది. ఏళ్ల తరబడి పార్టీ కోసం పనిచేసిన వారిని పక్కనపెట్టి.. కొత్తగా వచ్చిన వారికి ప్రాధాన్యం ఇవ్వడంపై పలువురు నాయకులు, కార్యకర్తలు ఆగ్రహం వ్యక్తం చేస్తున్నారు. టికెట్ దక్కకపోవడంతో పార్టీ నేతల తీరును నిరసిస్తూ రోడ్డెక్కారు. మత్స్యకార బిడ్డకు అన్యాయం! పార్టీ కోసం ఎన్నో ఏళ్లుగా కష్టపడి పనిచేసిన తనను టికెట్ కేటాయింపులో పక్కనపెట్టారని టీడీపీకి చెందిన ఓ సీనియర్ కార్యకర్త ఆవేదన వ్యక్తం చేశారు. చంద్రబాబు అరెస్ట్ సమయంలో, నారా లోకేశ్ పాదయాత్ర సందర్భంగా పార్టీ కోసం నిలబడిన కార్యకర్తలపై దాడులు జరిగినా.. కేసులు నమోదైనా వెనుకడుగు వేయని తమను కరివేపాకులా తీసిపారేశారని వాపోయారు. టికెట్ కోసం రూ.50 లక్షల వరకు సిద్ధం చేసుకున్నా.. ఆ వార్డుతో సంబంధం లేని వ్యక్తికి టికెట్ ఇచ్చారని ఆగ్రహం వ్యక్తం చేశారు. గో బ్యాక్ వంశీకృష్ణ! మరోవైపు, వంశీకృష్ణ శ్రీనివాస్కు వ్యతిరేకంగా పలువురు టీడీపీ నాయకులు రోడ్డెక్కి ‘గో బ్యాక్ వంశీకృష్ణ’ అంటూ నినాదాలు చేశారు. పాత 35వ వార్డు మాజీ కార్పొరేటర్ విల్లూరి భాస్కరరావు మాట్లాడుతూ.. తాను 2,500 ఓట్ల మెజారీ్టతో గెలిచానని, వంశీకృష్ణ శ్రీనివాస్ను దక్షిణ నియోజకవర్గానికి తీసుకొచ్చి 65 వేల ఓట్ల మెజారీ్టతో గెలిపించేందుకు కృషి చేశామని పేర్కొన్నారు. అయితే, ఇప్పుడు ఎమ్మెల్యే వంశీకృష్ణ టీడీపీని బలహీనపరిచేలా వ్యవహరిస్తున్నారని, పార్టీ నాయకులను, నాయకత్వాన్ని దెబ్బతీసే విధంగా కపట రాజకీయాలు చేస్తున్నారని ఆరోపించారు. సీతంరాజు ఇంటి ముందు నిరసన టీడీపీ దక్షిణ నియోజకవర్గ ఇన్చార్జి సీతంరాజు సుధాకర్ ఇంటి ముందు పలువురు కార్పొరేటర్ టికెట్ ఆశావహులు బుధవారం నిరసన తెలిపారు. పార్టీ ఇన్చార్జిని నమ్ముకుంటే నడిసంద్రంలో ముంచేశారంటూ ఆవేదన వ్యక్తం చేశారు. ఏళ్ల తరబడి పార్టీ అభివృద్ధికి కృషి చేయడంతో పాటు వార్డుల్లో అనేక సేవా కార్యక్రమాలు నిర్వహించినా తమను గుర్తించకపోవడం దారుణమని మండిపడ్డారు. ఇదీ చదవండి: జనసేనకు భారీ షాక్!.. -
జనసేనకు భారీ షాక్!..
విశాఖపట్నం: జీవీఎంసీ ఎన్నికల వేళ జనసేన పార్టీకి గట్టి షాక్ తగిలింది. మాజీ కార్పొరేటర్లు గుల్లిపల్లి ఆనందరావు, గుల్లిపల్లి లక్ష్మి పార్టీకి రాజీనామా చేశారు. పార్టీ అధినేత, డిప్యూటీ సీఎం పవన్ కల్యాణ్కు ఈ మేరకు లేఖ పంపించారు. రాబోయే జీవీఎంసీ రెండో సాధారణ ఎన్నికల్లో పోటీ చేసే అవకాశం కల్పించకుండా, తూర్పు నియోజకవర్గానికి చెందిన వ్యక్తులను విశాఖ దక్షిణానికి దిగుమతి చేస్తున్నారని విమర్శించారు. స్థానిక నాయకులు, వార్డు ప్రజల ప్రయోజనాలను పక్కనపెట్టి ఎమ్మెల్యే వంశీకృష్ణ శ్రీనివాస్ తన సొంత అజెండాను రుద్దుతున్నారని మండిపడ్డారు. అత్యధిక మెజార్టీతో ఎమ్మెల్యేను గెలిపించిన స్థానిక నాయకులనే విమర్శించడం ఎంతవరకు సమంజసమని ప్రశ్నించారు. ఎమ్మెల్యే నిరంకుశ విధానాలను నిరసిస్తూ పార్టీ సభ్యత్వానికి రాజీనామా చేస్తున్నట్లు ప్రకటించారు. ఎన్నికల వేళ ఇద్దరు మాజీ కార్పొరేటర్లు పార్టీని వీడటం జనసేనలో కలకలం రేపుతోంది. ఇదీ చదవండి: మేయర్ కుర్చీకి.. భరత్ రిమోట్! -
మేయర్ కుర్చీకి.. భరత్ రిమోట్!
సాక్షి, విశాఖపట్నం: గ్రేటర్ విశాఖ మేయర్ పీఠాన్ని తన రాజకీయ ఆధిపత్యానికి పావుగా మార్చుకునేందుకు ఎంపీ భరత్ ప్రయత్నిస్తున్నారా? నగర అభివృద్ధి, ప్రజా ప్రయోజనాల కంటే తన వ్యాపార ప్రయోజనాలకే ప్రాధాన్యమిస్తూ.. తాను చెప్పినట్లు నడుచుకునే వ్యక్తిని మేయర్ అభ్యర్థి ఎంపిక చేయించుకున్నారా? ముక్కా శ్రావణి అభ్యర్థిత్వంపై కూటమి వర్గాల్లో వినిపిస్తున్న విమర్శలివి. సీనియర్లు, స్థానిక ఎమ్మెల్యేల అభిప్రాయాలను పక్కనపెట్టి ఎంపీ తన మాట నెగ్గించుకున్నారనే అసంతృప్తి టీడీపీలో వ్యక్తమవుతోంది. తన ఆధిపత్యం కోసమేనా? టీడీపీలో ఎన్నో ఏళ్లుగా పనిచేస్తున్న సీనియర్ నేతలతోపాటు, తమ కుటుంబాలకు మేయర్ పదవి దక్కాలని ఆశించిన ఎమ్మెల్యేలు కూడా ఉన్నారు. అయితే రాజకీయ అనుభవం, స్వతంత్రంగా నిర్ణయాలు తీసుకునే సామర్థ్యం ఉన్నవారికి పీఠం అప్పగిస్తే తన ఆధిపత్యానికి అడ్డంకులు ఎదురవుతాయనే ఉద్దేశంతోనే ఎంపీ భరత్.. శ్రావణి పేరును తెరపైకి తెచ్చారనే ఆరోపణలు వినిపిస్తున్నాయి. తనకు అనుకూలంగా వ్యవహరించే నాయకత్వం ఉంటే జీవీఎంసీలో కీలక నిర్ణయాలపై పట్టు సాధించవచ్చన్నది ఎంపీ వ్యూహమని పార్టీ వర్గాలు చర్చించుకుంటున్నాయి. గీతం భూముల వ్యవహారంలోనూ ఇదే వ్యూహం? గతంలో మేయర్ గొలగాని హరి వెంకటకుమారిని పదవి నుంచి తప్పించిన పరిణామాలను ప్రస్తుత రాజకీయ పరిణామాలతో కొందరు నేతలు ముడిపెడుతున్నారు. గీతం వర్సిటీ భూముల వ్యవహారంలో తనకు అనుకూల నిర్ణయాలు తీసుకునేందుకే అప్పట్లో మేయర్ మార్పునకు భరత్ పావులు కదిపారన్నది వారి ఆరోపణ. ఆ తర్వాత గీతం భూముల అంశానికి సంబంధించి జీవీఎంసీలో తీర్మానాలు ఆమోదం పొందడాన్ని ఇందుకు ఉదాహరణగా చూపుతున్నారు. తాజా పరిణామాల్లోనూ నగర పాలనపై తన పట్టును పెంచుకోవాలనే ప్రయత్నం కనిపిస్తోందని విమర్శిస్తున్నారు. ఎమ్మెల్యేల అభ్యంతరాలనూ ఖాతరు చేయలేదా? ఎంపీ, ఎమ్మెల్యేల మధ్య విభేదాలు ఇప్పటికే తారస్థాయికి చేరినట్లు పార్టీ వర్గాల్లో చర్చ సాగుతోంది. తమకు స్వతంత్రంగా వ్యవహరించే అవకాశం లేకుండా భరత్ అడ్డుపడుతున్నారని కొందరు ఎమ్మెల్యేలు అధిష్టానం దృష్టికి తీసుకెళ్లినట్లు సమాచారం. ఈ నేపథ్యంలో మేయర్ అభ్యర్థి ఎంపికపై స్థానిక ఎమ్మెల్యేలు, సీనియర్లు అభ్యంతరం వ్యక్తం చేసినా ఎంపీ వెనక్కి తగ్గలేదనే విమర్శలు వినిపిస్తున్నాయి. చంద్రబాబు, లోకేష్ అండతోనే తన నిర్ణయాన్ని అమలు చేయించుకున్నారనే అసంతృప్తి పార్టీ శ్రేణుల్లో ఉందని సమాచారం.నగర ప్రయోజనాల సంగతేంటి? శ్రావణి మేయర్గా ఎన్నికైతే జీవీఎంసీ నిర్ణయాలపై ఎంపీ భరత్ ప్రభావం పెరిగే ప్రమాదం ఉందని కొందరు కూటమి నేతలు ఆందోళన వ్యక్తం చేస్తున్నట్లు తెలుస్తోంది. నగర భూములు, వనరులు, అభివృద్ధి ప్రాజెక్టులకు సంబంధించిన నిర్ణయాల్లో పారదర్శకతకు ప్రాధాన్యం ఇవ్వకపోతే ప్రజాప్రయోజనాలు దెబ్బతింటాయని హెచ్చరిస్తున్నారు. మేయర్ పదవి వ్యక్తిగత లేదా రాజకీయ ప్రయోజనాలకు వేదిక కాకుండా, ప్రజలకు జవాబుదారీగా పనిచేసే వ్యవస్థగా ఉండాలని వారు అభిప్రాయపడుతున్నారు. గ్రేటర్ మేయర్ అభ్యర్థి ఎంపిక వెనుక నిజంగా రాజకీయ ఆధిపత్య వ్యూహమే ఉందా? లేక పార్టీ అంతర్గత విభేదాలే ఈ విమర్శలకు కారణమా? అన్నది తేలాల్సి ఉంది. అయితే, ఈ పరిణామాల మధ్య జీవీఎంసీ పాలనలో పారదర్శకత, నగర ప్రయోజనాల పరిరక్షణ కీలకంగా మారాయి. -
మంత్రి చెబితే ఇలా చేస్తారా?
ఆత్మకూరు(నెల్లూరు జిల్లా): మున్సిపల్ ఎన్నికల్లో జనసేన నామినేషన్లను తీసుకోకుండా అధికారులు కాలయాపన చేశారని ఆ పార్టీ నేత నలిశెట్టి శ్రీధర్ అన్నారు. కమిషనర్తో ఆయన ఫోన్లో వాదులాడిన వీడియో వైరలైంది. మీ ప్రవర్తన సరికాదని, మంత్రి చెబితే ఇలా ప్రవర్తిస్తున్నారా అంటూ నిలదీశారు. వివరాలిలా ఉన్నాయి. కూటమిలో తొలుత జనసేనకు రెండు, బీజేపీకి రెండు వార్డులు టీడీపీ కేటాయించింది. కాగా జనసేన ఆరు వార్డులు, బీజేపీ నాలుగు వార్డులు కోరింది. ఈ క్రమంలో పొత్తులు పొసగక జనసేన 10 వార్డులకు, బీజేపీ 4 వార్డులకు నామినేషన్ దాఖలు చేసింది.బీజేపీ మద్దతుదారుడైన జగదీశ్ 5, 6 వార్డుల్లో తన కోడలిచే నామినేషన్లు వేయించి తెలుగుదేశం అభ్యర్థులకు పోటీగా ఉండనున్నట్లు ప్రకటించారు. ఈ నేపథ్యంలో ఆదివారం మధ్యాహ్నం జనసేన నాయకుడు నలిశెట్టి శ్రీధర్ నామినేషన్లు దాఖలు చేసేందుకు పలువురిని 1.30 నుంచి 2 గంటల సమయంలో పంపించారు. అయితే కొందరివి మాత్రమే తీసుకొని, మరికొందరి నామినేషన్లు తీసుకోలేదని తెలియడంతో శ్రీధర్ ఫోన్లో కమిషనర్తో వాదులాడారు. సరైన సమయానికే అభ్యర్థులొచ్చినా ఎందుకు నామినేషన్లు తీసుకోలేదని ప్రశ్నించారు. తమకు పొత్తు కుదరకపోవడంతో కొందరివి మాత్రమే తీసుకున్నారని వాపోయారు. కాగా స్క్రూటినీలో కోడూరు జయలక్ష్మి అనే జనసేన మహిళ నామినేషన్ తిరస్కరణకు గురైంది. -
అంధ ఉపాధ్యాయులకు ఎన్నికల విధులా?
విశాఖపట్నం: జీవీఎంసీ ఎన్నికల విధులకు సిబ్బంది నియామకంలో అధికారుల వ్యవహారశైలి విమర్శలకు దారితీస్తోంది. అంధులైన ఉపాధ్యాయులకు సైతం పోలింగ్, ఇతర ఎన్నికల విధులు కేటాయిస్తూ ఆదేశాలు జారీ చేయడంపై ఉపాధ్యాయ సంఘాలు ఆశ్చర్యం వ్యక్తం చేస్తున్నాయి. దివ్యాంగుల పరిస్థితులను పరిగణనలోకి తీసుకోకుండా విధులు కేటాయించడం సరికాదని పేర్కొంటున్నాయి. అందిన ఆదేశాలతో అవాక్కు సిబ్బంది నియామకంలో నిశిత పరిశీలన లేకుండా ఆదేశాలు జారీ చేశారనే ఆరోపణలు వస్తున్నాయి. శిక్షణ తరగతులకు హాజరుకావాలని పలువురు ఉపాధ్యాయులకు లేఖలు అందాయి. వాటిని చూసి వారు ఆశ్చర్యానికి గురయ్యారు. గాజువాక పరిధిలో పలువురు ఉపాధ్యాయులకు ఇలాంటి ఆదేశాలు వచ్చినట్లు తెలుస్తోంది. సెకండరీ గ్రేడ్ ఉపాధ్యాయులు పప్పు వరలక్ష్మి, వేపాడ విజయమాధవి, చిరికి సురేష్ పూర్తిగా అంధులైనప్పటికీ వారికి ఎన్నికల విధులకు హాజరుకావాలని ఆదేశాలు అందాయి. గాజువాక ఎంఈవో పేరుతో వచ్చిన ఈ ఆదేశాల మేరకు శిక్షణకు హాజరుకావాలని సూచించారు. తమ పరిస్థితిని అధికారుల దృష్టికి తీసుకెళ్లిన తర్వాతే విషయం పరిశీలనకు వచ్చినట్లు ఉపాధ్యాయులు తెలిపారు. పారదర్శకతపై ప్రశ్నలు ఇప్పటికే విభజన, రిజర్వేషన్ల అంశాలపై విమర్శలు ఎదుర్కొంటున్న ఎన్నికల అధికారులు.. సిబ్బంది నియామకంలోనూ జాగ్రత్తలు తీసుకోవాలని రాజకీయ వర్గాలు డిమాండ్ చేస్తున్నాయి. సమర్థులైన సిబ్బందిని నియమించి ఎన్నికల ప్రక్రియను పారదర్శకంగా నిర్వహించాలని కోరుతున్నారు. -
Visakhapatnam: మళ్లీ ‘రివర్స్’ తీర్పేనా?
సాక్షి, విశాఖపట్నం: రాష్ట్రంలో అధికార పీఠంపై ఏ పార్టీ ఉందన్నదానితో సంబంధం లేకుండా.. విశాఖ ఓటర్లు ఎప్పుడూ విభిన్నమైన తీర్పునిస్తుంటారు. సార్వత్రిక ఎన్నికల్లో ఒక పార్టీకి పట్టం కట్టిన సాగరతీర ప్రజలు.. గ్రేటర్ విశాఖపట్నం మున్సిపల్ కార్పొరేషన్ (జీవీఎంసీ) మేయర్ పీఠాన్ని మాత్రం ప్రతిపక్షానికి కట్టబెట్టడం ఇక్కడ అనవాయితీగా వస్తోంది. సుదీర్ఘమైన 26 ఏళ్ల విరామం తర్వాత మళ్లీ ప్రత్యక్ష ఎన్నికల సమరం ముంచుకొస్తున్న వేళ.. నాటి సంచలన రాజకీయ చరిత్ర మరోసారి తెరపైకి వచ్చింది. రెండుసార్లు అధికారపక్షానికి షాక్ జీవీఎంసీ మేయర్ పదవికి గతంలో కేవలం మూడుసార్లు (1987, 1995, 2000) మాత్రమే ప్రత్యక్ష ఎన్నికలు జరిగాయి. 1987: ఎన్టీఆర్ ప్రభంజనం, ప్రముఖ న్యాయవాది డీవీ సుబ్బారావు అభ్యరి్థత్వంతో టీడీపీ విజయం సాధించింది. 1995 – 2000: రాష్ట్రంలో టీడీపీ అధికారంలో, చంద్రబాబు సీఎంగా బలమైన పాలన సాగిస్తున్నప్పటికీ.. విశాఖ ఓటర్లు మాత్రం ప్రతిపక్ష కాంగ్రెస్కే జై కొట్టారు. 1995లో సబ్బం హరి ఘనవిజయం సాధించగా, 2000 సంవత్సరంలో తొలి మహిళా మేయర్గా రాజాన రమణి భారీ మెజారిటీతో గెలుపొందారు. పార్టీ గుర్తుల కంటే అభ్యర్థి వ్యక్తిగత ఇమేజ్, సామాజిక సమీకరణాలు, స్థానిక అంశాలే ఇక్కడ తీర్పును శాసించాయని ఈ ఫలితాలు నిరూపించాయి. అనుభవం వర్సెస్ రాజకీయ అండదండలు వైఎస్సార్సీపీ అభ్యర్థి వరుదు కల్యాణి ఎమ్మెల్సీగా, పార్టీ రాష్ట్ర మహిళా అధ్యక్షురాలిగా పనిచేసిన అనుభవాన్ని ముందుకు తెస్తున్నారు. నగర సమస్యలు, పరిపాలనపై తనకున్న అవగాహన కలిసొస్తుందని వైఎస్సార్సీపీ శ్రేణులు భావిస్తున్నాయి. మరోవైపు కూటమి అభ్యర్థి డాక్టర్ ముక్కా శ్రావణి గతంలో 26వ వార్డు కార్పొరేటర్గా పనిచేశారు. ఎంపీ భరత్ మద్దతుతో ఆమె బరిలోకి దిగారు. 120 వార్డులు, సుమారు 18.37 లక్షల మంది ఓటర్లున్న విశాఖలో నగరవ్యాప్త సమస్యలపై అవగాహన, ప్రజాదరణ, పార్టీ శ్రేణుల సమన్వయం కీలకం కానున్నాయి. ఈ అంశాల్లో తమ అభ్యర్థికి పైచేయి ఉంటుందని వైఎస్సార్సీపీ ప్రచారం చేస్తోంది. బీసీ ఓట్లపై గురి సామాజిక సమీకరణాలు కూడా ఎన్నికల్లో ప్రాధాన్యం సంతరించుకున్నాయి. 2000లో యాదవ సామాజిక వర్గానికి చెందిన రాజాన రమణి విజయం సాధించగా, 2021లో వైఎస్సార్సీపీకి చెందిన గొలగాని హరి వెంకటకుమారి మేయర్గా ఎన్నికయ్యారు. ఈ నేపథ్యంలో బీసీ సామాజిక వర్గానికి చెందిన వరుదు కల్యాణి తన రాజకీయ అనుభవంతోపాటు సామాజిక నేపథ్యాన్ని కూడా ప్రచారంలో వినియోగించుకుంటున్నారు. మరోవైపు టికెట్ల కేటాయింపులో తగిన ప్రాధాన్యం దక్కలేదన్న అసంతృప్తి కూటమిలోని కొన్ని వర్గాల్లో ఉందన్న చర్చ సాగుతోంది. ఈ పరిణామాలు ఓట్ల సమీకరణాలపై ప్రభావం చూపుతాయన్నది రాజకీయ వర్గాల అంచనా. అయితే తుది నిర్ణయంలో అభ్యర్థుల వ్యక్తిగత ఆదరణ, స్థానిక సమస్యలే కీలకం కానున్నాయి. ‘సేవ్ వైజాగ్’తో ప్రజల్లోకి.. ఎగ్జిక్యూటివ్ క్యాపిటల్ రద్దు, ప్రభుత్వ ఆస్తుల ప్రైవేటీకరణ, ఉక్కు కర్మాగార పోరాటం, అస్తవ్యస్త పారిశుధ్యం, తాగునీటి ఎద్దడి వంటి స్థానిక సమస్యలపై పాలకవర్గం వైఫల్యాలను వైఎస్సార్సీపీ ఎలుగెత్తి చాటుతోంది. నగర వనరులు, అస్తిత్వాన్ని కాపాడుకోవాలంటే ప్రతిపక్ష మేయర్ ఉండాలనే నినాదం ప్రజల్లోకి బలంగా వెళ్తోంది. ఈ పరిణామాలన్నీ పరిశీలిస్తే.. గత రెండు దశాబ్దాల నాటి ‘రివర్స్ ట్రెండ్’ ఈసారి కూడా పునరావృతమై అధికార పార్టీకి గట్టి ఎదురుదెబ్బ తగలడం ఖాయమనే విశ్లేషణలు వ్యక్తమవుతున్నాయి. ఇదీ చదవండి: ‘నామినేషన్లు వెనక్కి తీసుకోండి.. లేదంటే చంపేస్తాం’.. -
‘నామినేషన్లు వెనక్కి తీసుకోండి.. లేదంటే చంపేస్తాం’..
‘నామినేషన్లు వెనక్కి తీసుకోండి.. లేదంటే చంపేస్తాం’.. అంటూ టీడీపీ గూండాలు బెదిరింపులకు దిగుతున్నారు. ముఖ్యంగా తిరుపతిలోని వైఎస్సార్సీపీ అభ్యర్థులకు ఫోన్ చేసి హుకుం జారీచేస్తున్నారు. మూడు రోజులుగా దాడులు, దౌర్జన్యాలు చేసినా భయకుండా వైఎస్సార్సీపీ అభ్యర్థులు నామినేషన్లు దాఖలు చేశారు. దీన్ని టీడీపీ నేతలు జీరి్ణంచుకోలేకపోతున్నారు. ‘చివరిగా.. హచ్చరికలు జారీ చేసి.. నామినేషన్లు వెనక్కు తీసుకునే విధంగా బరితెగిస్తున్నారు. ఇదేమారిదిగా ఎంపీటీసీ, జెడ్పీటీసీ ఎన్నికల్లోనూ వైఎస్సార్సీపీ అభ్యర్థులు పోటీ చేయకుండా ఇప్పటి నుంచే బెదిరింపులకు దిగుతుండడం విమర్శలకు తావిస్తోంది. సాక్షి,తిరుపతి: ఎన్నికల్లో గెలిచే సత్తాలేక టీడీపీ అధికారాన్ని అడ్డంపెట్టుకుని రెచ్చిపోతోంది. మందీమార్బలాన్ని ఉపయోగించి ప్రతిపక్షాన్ని అణగదొక్కేందుకు విశ్వప్రయత్నాలు చేస్తోంది. ఇందులో భాగంగానే మున్సిపల్ ఎన్నికల నామినేషన్లలో మూడు రోజుల నుంచి దాడులు.. దౌర్జన్యాలు అధికం చేసింది. ఇది చాలదన్నట్టు రేపటి నుంచి జరిగే ఎంపీటీసీ, జెడ్పీటీసీ ఎన్నికల్లోనూ అరాచకాలు సృష్టించి భయభ్రాంతులకు గురిచేసేందుకు ప్రణాళిక సిద్ధం చేస్తోంది. దీనిపై ప్రజల నుంచి భయాందోళన వ్యక్తమవుతోంది. అధికారులు నామినేషన్లు వేసే ప్రతి ఒక్కరికీ పూర్తి భద్రత కలి్పంచాలనే డిమాండ్ వినిపిస్తోంది. తిరుపతిలో పరాకాష్టకు చేరిన బెదిరింపులు మూడు రోజులుగా దాడులు, దౌర్జన్యాలు చేసినా వెనక్కి తగ్గని వైఎస్సార్సీపీ నేతలు కార్పొరేషన్ ఎన్నికల బరిలో నిలిచారు. ప్రాణాలు పణంగా పెట్టి ధైర్యంగా నామినేషన్లు దాఖలు చేశారు. దీన్ని టీడీపీ నేతలు జీర్ణించుకోలేకపోతున్నారు. ఎలాగైనా వారి నామినేషన్లు విత్డ్రా చేసుకునేవిధంగా కుయుక్తులు పన్నుతున్నారు. ఇందులో భాగంగానే తిరుపతి 36వ వార్డు వైఎస్సార్సీపీ అభ్యర్థి షేక్ ఇమాంకు టీడీపీ గూండాలు ఫోన్చేసి బెదిరించినట్లు ఆయన తన సెల్ఫీ వీడియోలో ఆందోళన వ్యక్తం చేశారు. నామినేషన్ వెనక్కి తీసుకోకపోతే చంపేస్తామంటూ ఫోన్చేసి బెదిరించినట్లు ఆయన వెల్లడించారు. ఇదేవిధంగా నగరంలోని అనేక మంది వైఎస్సార్సీపీ అభ్యర్థులను బెదిరించి భయాందోళనకు గురిచేస్తున్నట్టు సమాచారం. వాకాడులో వైఎస్సార్సీపీ శ్రేణులపై అక్రమ కేసులు తిరుపతి జిల్లా పరిధిలోని వాకాడు మండలం, నెల్లిపూడి ఎంపీటీసీ అభ్యరి్థగా నామినేషన్ వేసేందుకు సిద్ధమవుతున్న వైఎస్సార్సీపీ నాయకుడు పాపారెడ్డి రాజశేఖరరెడ్డి, అదే మండలానికి చెందిన కొండాపురం ఎంపీటీసీ అభ్యర్థిగా పోటీచేయాలని భావిస్తున్న ఏనుగు పుష్పపై అక్రమ కేసులు నమోదు చేయించినట్లు వారు ఆందోళన వ్యక్తం చేస్తున్నారు. ఎంపీటీసీ ఎన్నికల్లో నామినేషన్లు వేయడానికి వీల్లేదని హెచ్చరించినట్లు చెబుతున్నారు. నామినేషన్ వేయడానికి సిద్ధమైన తమపై టీడీపీ నేతలు అక్రమ కేసులు నమోదు చేయించారని వెల్లడించారు. పోలీస్టేషన్ నుంచి ఫోన్చేసి ‘నువ్వు వాస్తావా? మమ్మల్ని రమ్మంటావా? అంటూ పోలీసుల చేత బెదిరిస్తున్నట్లు ఆవేదన వ్యక్తం చేశారు.శ్రీకాళహస్తిలో బెదిరింపుల పర్వం శ్రీకాళహస్తి నియోజకవర్గంలో వైఎస్ఆర్సీపీని ఎన్నికల్లో ఎదుర్కోవడానికి కష్టమని టీడీపీ నేతలకు అర్థమైనట్టుంది. అందుకే టీడీపీ నాయకులు ‘బెదిరించు.. భయపెట్టు.. అనర్హత వేటు వెయ్’ అనే మూడు పాలసీలతో ఎన్నికల బరిలో ముందుకెళ్లాలని భావిస్తున్నట్టు విశ్వసనీయ సమాచారం. ఇందులో భాగంగా వైఎస్ఆర్సీపీ వారు మొదట ఎవరినైతే ఎన్నికల బరిలో దింపుతారో ఆ అభ్యరి్థని బెదిరించి, వారి బంధువుల ద్వారా చెప్పి చూస్తారు. దానికి లొంగకపోతే ఎన్నికల కేంద్రం వద్ద భయభ్రాంతులకు గురిచేసి వారి దగ్గర నుంచి నామినేషన్ ఫారాలు లాక్కోవడానికి సిద్ధమవుతారు. ఈ మేరకు అన్ని కేంద్రాల వద్ద తమ మనుషులను సిద్ధం చేసుకుంటున్నారు. దాన్ని తప్పించుకుని లోపలికి వెళ్లిన వారికి ఏదో ఒక సరి్టఫికెట్ లేదని చెప్పి వారిపై అనర్హత వేటు వేసే విధంగా ప్లాన్ చేస్తున్నట్టు సమాచారం. మద్యం టెండర్లకు ఎవరినీ నామినేషన్లు వేయకుండా చేసి షాపులు దక్కించుకున్నట్టు ఎన్నికల్లో కూడా అదే పాలసీతో ముందుకు వెళ్లాలనే ఆలోచనలో ఉన్నట్టు తెలుస్తోంది. అవసరమైతే దాడులు చేయండి.. పోలీసులందరూ కూడా మనకు సహకరిస్తారు అని ఆ పార్టీ నేతలు నూరిపోస్తున్నట్టు సమాచారం. ఉన్నతాధికారులు దీనిపైన స్పందించి వైఎస్సార్సీపీ నాయకులు నామినేషన్ వేసే ప్రక్రియను జరగనిస్తారో.. లేక వారు కూడా చేతులెత్తేసి టీడీపీ నాయకులకు సహకరిస్తారో వేచి చూడాల్సిందే. ఇదీ చతవండి: ఎంపీపీ కుర్చీకి రూ.2 కోట్ల బేరమంట! -
రోజుకు రూ.600, బిర్యానీ ప్యాకెట్.. విద్యార్థులకు టీడీపీ నేతల ఎర!
సాక్షి టాస్క్ఫోర్స్: తిరుపతిలో విద్యార్థులను సర్వనాశనం చేసేందుకు టీడీపీ నేతలు కంకణం కట్టుకున్నట్టుంది. వారి స్వార్థ రాజకీయాల కోసం ప్రలోభపెట్టే ప్రయత్నం ముమ్మరం చేస్తుండడం విమర్శలకు తావిస్తోంది. ఈ నెల 21 నుంచి ప్రారంభం కానున్న జెడ్పీటీసీ, ఎంపీటీసీ నామినేషన్ల పర్వానికి టీడీపీ నేతలు సర్వం సిద్ధం చేసుకుంటున్నారు. ప్రతిపక్షాల నామినేషన్ల ప్రక్రియను అడ్డుకునేందుకు ఇప్పటి నుంచే మందిమార్బలాన్ని సన్నద్ధం చేసుకునే పనిలో నిమగ్నమయ్యారు. ఎస్వీయూలో పీజీ చేస్తున్న విద్యార్థులను బలిపుశువులను చేసేందుకు ప్రయత్నాలు ముమ్మరం చేశారు. పారీ్టకి చెందిన చోటా నాయకులు విద్యార్థులకు ఫోన్ చేసి రోజు రూ.600 కూలి ఇస్తాం.. బిర్యాని ప్యాకెట్లు పంపిణీ చేస్తామంటూ ఆశ చూపుతున్నారు. కేవలం నామినేషన్ వేసే కేంద్రాల వద్ద వేచి ఉండడమే పని అని ప్రలోభపెడుతున్నారు. దారుణం అధికార పార్టీకి చెందిన కొందరు నేతలు వర్సిటీలో చదువుతున్న విద్యార్థులకు డబ్బులు ఆశ చూపి నామినేషన్ ప్రక్రియను అడ్డుకోనే ప్రయత్నం చేయడం ఎంతవరకు సమంజమని ఎస్ఎఫ్ఐ జిల్లా ఉపాధ్యక్షుడు అశోక్ మండిపడ్డారు. వర్సిటీలో పలువురు విద్యార్థులకు అధికార పార్టీ కార్యకర్తలు ఫోన్లు చేయడంతో ఎస్ఎఫ్ఐ దృష్టికి వారు తీసుకురావడం జరిగిందన్నారు. చదవండి: ఏపీలో జంగిల్ రాజ్.. అడ్డదారులు.. అరాచకాలు -
ఎంపీపీ కుర్చీకి రూ.2 కోట్ల బేరమంట!
తమ్ముడు: అన్నా.. ఓ విషయం చెబుతా.. విన్నాక నువ్వే ఆశ్చర్యపోతావ్! అన్న: ఏంట్రా తమ్ముడూ.. అంతలా ఉత్కంఠ పెంచుతున్నావ్.. అసలేం జరిగిందో చెప్పు! తమ్ముడు: మన జలదంకి ఎంపీపీ పదవికి రూ.2 కోట్ల డీల్ కుదిరిందంటన్నా! అన్న: ఏంటీ.. రూ.2 కోట్లా.. ఎంపీపీ పదవికి..! తమ్ముడు: అదే కదన్నా.. నాకూ అర్థం కావడం లేదు. ఆదివారం వింజమూరులోని ఎమ్మెల్యే తన కార్యాలయంలో మన జలదంకి నాయకులతో సమావేశం పెట్టారంట. ఎంపీపీ పదవి కావాలంటే ఎవరు ఎంత పెట్టగలరో తేల్చుకోవాలని బేరం పెట్టారంట! అన్న: అయ్యో.. ఇదేం రాజకీయం రా బాబూ! పార్టీ కోసం కష్టపడిన వాళ్లకు పదవులు ఇవ్వడం మానేసి.. ఎవరు ఎక్కువ డబ్బులిస్తారో వాళ్లకే కుర్చీనా? మరి మన పెద్దాయన సంగతేంటి? పార్టీ కోసం ఎంత కష్టపడ్డాడో! తమ్ముడు: తెలుసన్నా.. ఆయన తన వల్ల అయినంతలో రూ.50 లక్షలు ఇస్తానని చెప్పాడంట. కానీ.. మొన్నటి ఎన్ని కల సమ యంలో వైఎస్సా ర్ కాంగ్రెస్ పార్టీ నుంచి టీడీపీలోకి వచ్చిన ఓ నాయకుడు మాత్రం ఏకంగా రూ.2 కోట్లు ఇస్తానని చెప్పేశాడంట! అన్న: అబ్బో.. అంటే పార్టీ కోసం పాతికేళ్లు పనిచేసినా ఓ లెక్క.. ఎన్నికల ముందు పార్టీ మారి కోట్లు కుమ్మరిస్తానంటే మరో లెక్కన్నమాట! తమ్ముడు: అదే కదన్నా! ఆ రూ.2 కోట్ల మాట వినగానే సమావేశంలో ఉన్నవాళ్లంతా ఒక్కసారిగా నివ్వెరపోయారంట. మన పెద్దాయనకేమో అంత పెట్టే స్తోమత లేదు. ‘ఇక నా వల్ల కాదులే బాబూ.. ఈ పోటీలో నేను గెలవలేను’ అనుకున్నాడో ఏమో.. పంచె సర్దుకుని అక్కడి నుంచి బయటకు వచ్చేశాడంట! అన్న: మరి ఆయన ఇన్నాళ్లూ పార్టీ కోసం చేసిన సేవలన్నీ బూడిదలో పోసిన పన్నీరేనా తమ్ముడూ! తమ్ముడు: మరేం చేస్తాం అన్నా! ఎన్నికలొస్తే మనలాంటి కార్యకర్తలు జెండాలు మోయాలి.. గోడలకు పోస్టర్లు అంటించాలి.. ప్రచారంలో గొంతులు చించుకోవాలి.. నాయకుల కోసం నిద్రాహారాలు మానుకోవాలి. తీరా పదవుల దగ్గరకు వచ్చే సరికి జేబులో ఎంత డబ్బుంది.. ఎంత పెట్టగలవు.. అడుగుతున్నారు! అన్న: ఛీ.. ఛీ.. ఇదేం ఖర్మరా బాబూ!పార్టీకి విధేయతతో పనిచేసినోళ్లకు నిరీక్షణ.. డబ్బున్నోళ్లకు ఆహ్వానం. కార్యకర్తలకు హామీలు.. పదవులు ఆశించే వాళ్లకు వేలాలు! ప్రజాస్వామ్యంలో ప్రజాప్రతినిధులను ఎన్నుకోవాలా.. లేక పదవుల కోసం వేలంపాట నిర్వహించాలా? తమ్ముడు: సరే అన్నా.. ఈ రాజకీయాలు మనకెందుకు గానీ! నేను కావలి దాకా వెళ్లాలి. ఉంటా మరి! -సాక్షి ప్రతినిధి, నెల్లూరు -
మున్సిపల్ ఎన్నికల్లో టీడీపీ అభ్యర్థికి ఎదురుదెబ్బ
పశ్చిమ గోదావరి జిల్లా: నరసాపురం మున్సిపల్ ఎన్నికల్లో టీడీపీకి షాక్ తగిలింది. 9వ వార్డు నుంచి టీడీపీ కౌన్సిలర్ అభ్యర్థిగా కొల్లు పెద్దిరాజు నామినేషన్ను అధికారులు తిరస్కరించారు. పెద్దిరాజు రాష్ట్ర మత్స్యకార అభివృద్ది కార్పొరేషన్ చైర్మన్గా ఉన్నారు. కార్పొరేషన్ నుంచి జీతం తీసుకుంటూ మళ్లీ కౌన్సిలర్గా పోటీ చేయడం అర్హత కాని కారణంగా నామినేషన్ తిరస్కరించినట్టు అసిస్టెంట్ ఎన్నికల అధికారి, నరసాపురం మున్సిపల్ కమిషనర్ ఆర్.వెంకటరామరెడ్డి తెలిపారు. ఈ ఒక్క నామినేషన్ తప్ప డమ్మీ అభ్యర్థులతో కలిపి మిగిలిన అన్నింటినీ ఆమోదించారు. మున్సిపల్ కార్యాలయంలో సోమవారం నామినేషన్ల పరిశీలన నిర్వహించారు. చైర్పర్సన్ అభ్యర్థిత్వానికి ఐదు నామినేషన్లు దాఖలు కాగా.. మొత్తం ఆమోదించారు. 36 వార్డుల్లో కౌన్సిలర్ల అభ్యరి్థత్వాలకు 164 నామినేషన్లు రాగా.. 163 ఆమోదించినట్టు వెంకటరామరెడ్డి తెలిపారు. అభ్యర్థులు పార్టీ బీ–ఫామ్లు కూడా అందించారు. మొత్తంగా వైఎస్సార్సీపీ నుంచి కౌన్సిలర్లుగా 73, టీడీపీ నుంచి 36, జనసేన నుంచి 36, స్వతంత్రులు 13, బీజేపీ నుంచి 2, సీపీఎం నుంచి 2, కాంగ్రెస్ నుంచి వచ్చిన ఒక నామినేషన్ను ఆమోదించారు. ఆకివీడులో రెండు నామినేషన్ల తిరస్కరణ ఆకివీడు: ఆకివీడు నగర పంచాయతీ ఎన్నికల్లో భాగంగా నామినేషన్ల పరిశీలన సోమవారం నిర్వహించారు. 28 వార్డులకు 127 నామినేషన్లు దాఖలు కాగా రెండు తిరస్కరించినట్టు కమిషనర్ కృష్ణమోహన్ తెలిపారు. 18వ వార్డులో కంచర్ల సుజాత వైఎస్సార్సీపీ తరఫున రెండు నామినేషన్లు దాఖలు చేయగా వాటిలో ఒకటి కుల ధ్రువీకరణ పత్రం ఇవ్వకుండా తక్కువ ఫీజు చెల్లించడంతో తిరస్కరించామన్నారు. అలాగే 28వ వార్డు ఇండిపెండెంట్ అభ్యర్థి మాసిపోగుల స్వర్ణలత నామినేషన్ పత్రంపై ప్రపోజర్గా ఒకే వ్యక్తి సంతకం చేయడంతో తిరస్కరించినట్టు చెప్పారు. చైర్పర్సన్ అభ్యర్థి కోసం దాఖలైన నాలుగు నామినేషన్లు సక్రమంగా ఉన్నాయ న్నారు. 21న మధ్యాహ్నం 3 గంటల వరకు నామినేషన్ల ఉపసంహరణకు గడువు ఉందన్నారు. ఇదీ చతవండి: జనసేనకు కీలక నేత గుడ్బై -
డోన్ టీడీపీ చైర్పర్సన్ అభ్యర్థి హల్చల్
నంద్యాల: డోన్ మాజీ ఎమ్మెల్యే, నగరపాలక టీడీపీ చైర్పర్సన్ అభ్యర్థి కోట్ల సుజాతమ్మ సోమవారం నామినేషన్ కేంద్రంలో హల్చల్ చేశారు. వైఎస్సార్సీపీ తరఫున పరిశీలకులుగా వెళ్లిన వారి పట్ల దురుసుగా ప్రవర్తించారు. ఉదయం 11 గంటల నుంచి నామినేషన్ల పరిశీలన గదిలో తిష్ట వేసిన సుజాతమ్మ వైఎస్సార్సీపీతో పాటు పలువురు స్వతంత్ర అభ్యర్థుల నామినేషన్లను తిరస్కరించాలని అధికారులను పట్టుబట్టినట్లు తెలిసింది. ఈ తతంగాన్ని వెబ్ కాస్టింగ్ ద్వారా వీక్షిస్తున్న ఎన్నికల సంఘం అధికారులు ఆమెకు ఫోన్ చేసి నచ్చజెప్పినా వినలేదు. సాయంత్రం 3.30 గంటల వరకు అక్కడే తిష్ట వేసి వైఎస్సార్సీపీ నాయకులు, మద్దతుదారులను నానాదుర్భాషలాడారు. సాయం కాలం లోపు నామినేషన్లు వెనక్కి తీసుకోకపోతే తీవ్ర పరిణామాలను ఎదుర్కొవాల్సివస్తుందని తమను సుజాతమ్మ బెదిరించిందని వైఎస్సార్సీపీ నాయకులు వాపోయారు. చిన్న పదవి కోసం తన స్థాయిని మరిచి ఆమె ప్రవర్తించడం సబబుగా లేదన్నారు. నామినేషన్లు వేయక ముందు నుంచి అందరిని బెదిరించి అందులో కొంత మందిని నామినేషన్ వేయకుండా చేయగలిగారని వారు ఆరోపించారు. ఎట్టకేలకు సాయంత్రం 6 గంటలకు నామినేషన్ల పరిశీలన ముగించడంతో అటు అధికారులు, ఇటు వైఎస్సార్సీపీ నాయకులు ఊపిరి పిల్చుకున్నారు. చైర్పర్సన్ అభ్యర్థులుగా వివిధ పారీ్టల నుంచి మొత్తం 13 మంది అభ్యర్థులు నామినేషన్ దాఖలు చేయగా సోమవారం పరిశీలనలో ఇద్దరు అభ్యర్థల నామినేషన్ పత్రాలు సక్రమంగా లేనందున తిరస్కరించగా చైర్సర్సన్ ఎన్నికల బరిలో 11 మంది మిగిలారు.ఇదీ చదవండి: 40 ఏళ్ల రాజకీయ చరిత్రలో ఇలా జరగలేదు -
జనసేనకు కీలక నేత గుడ్బై
సాక్షి, కాకినాడ: స్థానిక సంస్థల ఎన్నికల వేళ రాజోలు నియోజకవర్గంలో జనసేన నుంచి కీలక వికెట్ పడింది. తమ కంచుకోట అని ఆ పార్టీ చెప్పుకొనే ఈ నియోజకవర్గంలో పార్టీ ఆవిర్భావం నుంచీ జనసేన విజయానికి విశేష కృషి చేసిన సీనియర్ నాయకుడు ఆరేటి మురళీకృష్ణ ఆ పార్టీకి గుడ్బై చెప్పారు. జనసేన పార్టీ సభ్యత్వానికి రాజీనామా చేసినట్లు సోమవారం ప్రకటించారు.ఈ మేరకు పార్టీ మలికిపురం మండల అధ్యక్షుడు మల్లిపూడి సత్తిబాబుకు తెలిపానని పేర్కొన్నారు. మలికిపురం మండలం విశ్వేశ్వరాయపురంలోని తన ఇంటి వద్ద సోమవారం ఏర్పాటు చేసిన విలేకర్ల సమావేశంలో మురళి ఈ విషయం తెలిపారు. జనసేన అభివృద్ధికి 2009 నుంచీ అహర్నిశలూ పని చేశామని, ప్రస్తుతం పార్టీలో పరిస్థితులు తనకు నచ్చడం లేదని అన్నారు. జనసేన నిర్ణయాలు కూడా సరైనవి కాకపోవడం వల్ల ఆ పార్టీ నుంచి బయటకు వచ్చానని ఆయన చెప్పారు. ఇదీ చదవండి: డోన్ టీడీపీ చైర్పర్సన్ అభ్యర్థి హల్చల్ -
వేరే వాళ్లను నామినేషన్ వేయనిచ్చే ప్రసక్తే లేదు
కర్నూలు జిల్లా: ఎంపీటీసీ, జెడ్పీటీసీ ఎన్నికల్లో టీడీపీ వాళ్లను కాదని వేరే వాళ్లను నామినేషన్ వేయనిచ్చే ప్రసక్తే లేదని టీడీపీ నేత బొమ్మిరెడ్డిపల్లె సుబ్బరాయుడు వివాదాస్పద వ్యాఖ్యలు చేశారు. సోమవారం కర్నూలు జిల్లా వెల్దుర్తిలో టీడీపీ కార్యాలయం ఆవరణలో నిర్వహించిన సమావేశంలో పత్తికొండ ఎమ్మెల్యే కేఈ శ్యాంబాబు ఎంపీపీ, జెడ్పీటీసీ, కొన్ని ఎంపీటీసీ స్థానాలకు తమ పార్టీ అభ్యర్థుల పేర్లు ఖరారు చేశారు. ఈ సందర్భంగా ఎమ్మెల్యే పక్కన కూర్చుని ఉండగానే బొమ్మిరెడ్డిపల్లె సుబ్బరాయుడు మాట్లాడుతూ.. ఎంపీటీసీ, జెడ్పీటీసీ ఎన్నికల్లో వేరే వాళ్లు నామినేషన్ వేసేందుకు వస్తే అడ్డుకునేందుకు ప్రతి గ్రామం నుంచి వచ్చి ఎంపీడీవో ఆఫీసు వద్ద మూడు రోజుల పాటు ఉదయం 8 గంటల నుంచి సాయంత్రం 6 గంటల వరకు కాపు కాయాలన్నారు. ఇదిలా ఉండగా.. సుబ్బరాయుడు భార్య శైలజ గతంలో ఎంపీపీగా చేశారు. ప్రస్తుత సమావేశంలోనూ ఆమెనే ప్రస్తుత ఎన్నికల్లో జెడ్పీటీసీ మండల అభ్యర్థిగా ఎమ్మెల్యే కేఈ శ్యాంబాబు ప్రకటించారు. -
40 ఏళ్ల రాజకీయ చరిత్రలో ఇలా జరగలేదు
వైఎస్ఆర్ జిల్లా(జమ్మలమడుగు): మున్సిపల్ ఎన్నికల నామినేషన్ల పర్వంలో ప్రజాస్వామ్యం అభాసుపాలైంది. నామినేషన్లు వేయడానికి వెళ్తున్న వైఎస్సార్సీపీ అభ్యర్థులను.. అధికార పార్టీ నేతలు అడ్డుకున్నారు. పోలీసుల సహకారంతోనే ఈ దౌర్జన్యానికి పాల్పడ్డారని అభ్యర్థులు ధ్వజమెత్తారు. ప్రజాస్వామ్య ప్రక్రియను పోలీసుల అండతో ఖూనీ చేయడంపై వారు తీవ్ర ఆగ్రహం వ్యక్తం చేశారు.40 ఏళ్ల రాజకీయ చరిత్రలో ఇలా జరగలేదుమా 40 ఏళ్ల రాజకీయ చరిత్రలో నామినేషన్ వేయలేని పరిస్థితి ఎప్పుడూ లేదు. నేను మున్సిపల్ చైర్పర్సన్ అభ్యర్థిగా నామినేషన్ దాఖలు చేయడానికి ఉదయం వెళ్లాలని నిర్ణయించుకున్నాను. తెల్లవారక ముందే పోలీసులు మా ఇంటిని చుట్టుముట్టారు. ఉదయం నుంచి మధ్యాహ్నం వరకు అడుగుతూ ఉంటే.. నామినేషన్ వేయడానికి పంపిస్తామని చెప్పి.. పంపించలేదు. సమయం మించిపోతుందని నామినేషన్ వేయటానికి వెళ్తున్న నన్ను పోలీసులు అడ్డుకున్నారు. మరో వాహనంలో నామినేషన్ వేయడానికి వెళ్తే.. మమ్మల్ని దారిలోనే లారీ, ట్రాక్టర్లు అడ్డుపెట్టి ఉప్పలపాడు వద్ద అడ్డుకున్నారు. మూడు గంటల లోపు నామినేషన్ వేయకుండా పోలీసులు మమ్మల్ని అడ్డుకుని కూటమి పాలకులకు పూర్తిగా సహకరించారు.– పి.ఇందిర, మున్సిపల్ చైర్పర్సన్ వైఎస్సార్సీపీ అభ్యర్థి, జమ్మలమడుగు View this post on Instagram A post shared by YSR Congress Party - YSRCP (@ysrcongress)ఎన్నికల కమిషన్ ఏం చేస్తోంది? రాష్ట్రంలో ప్రజాస్వామ్యం ఉందా? ఎన్నికల కమిషన్ ఏం చేస్తోంది. క్షేత్ర స్థాయిలో నామినేషన్లు వేయకుండా అడ్డుకుంటున్నా.. ఇటు పోలీసులు, అటు ఎన్నికల కమిషన్ గానీ పట్టించుకున్న పాపాన పోలేదు. నేను కేవలం మరో నలుగురు మహిళలతో కమలాపురం మున్సిపల్ చైర్ పర్సన్ స్థానానికి నామినేషన్ వేసేందుకు వెళ్తే.. అక్కడున్న టీడీపీ గూండాలు మమ్మల్ని మహిళలు అని కూడా విచక్షణ లేకుండా తిట్ల పురాణం అందుకున్నారు. చీరలు లాగుతున్నారు. గోర్లతో రక్తం వచ్చేలా రక్కారు. ఇంత జరుగుతున్నా అక్కడే ఉన్న పోలీసులు ప్రేక్షకపాత్ర వహిస్తున్నారే తప్ప మా వద్దకు రాలేదు. ఇలా నామినేషన్లు అడ్డుకునే బదులు వారు నామినేట్ చేసుకోవచ్చు కదా? అంత దానికి ఇంత ప్రక్రియ ఎందుకు? –మారుజోళ్ల కవిత, మున్సిపల్ చైర్పర్సన్ వైఎస్సార్ సీపీ అభ్యర్థి, కమలాపురం -
‘టీడీపీని నమ్ముకుంటే జీవితం నాశనమైంది’
వైఎస్సార్ జిల్లా(రాజంపేట): సీఎం గారూ..! నాకు న్యాయం చేయండి!! అని రాజీవ్నగర్కు చెందిన నాగూరు నబీరసూల్ వేడుకున్నాడు. 10వ వార్డుకు కౌన్సిలర్గా నామినేషన్ వేసేందుకు ఆదివారం మున్సిపాలిటి కార్యాలయానికి వెళ్లాడు. అక్కడ ఉన్న డా.నవీన్ అనే టీడీపీ నేత తన నామినేషన్ పత్రాలు బలవంతంగా తీసుకొని చించివేసి బయటికి తోసేశారు.అయితే, పోలీసులు పక్కనే ఉన్న కూడా అడ్డురాలేదు. టీడీపీ పార్టీ కార్యకర్తలపై తోటి టీడీపీ నాయకులు దాడులు చేస్తుంటే మేము ఎవరికి చెప్పుకోవాలని ఆవేదన పెడుతూ అక్కడి నుంచి వెళ్లిపోయాడు.. టీడీపీ పార్టీని నమ్ముకున్నందుకు, గతంలో మూడుకేసులు పెట్టారు. నాకు ఉద్యోగం రాక నా జీవితం నాశనమైందని వాపోయాడు. ఇదీ చదవండి: నారా పాలనలో ఆడబిడ్డకు ‘దుర్గ’తి! -
నారా పాలనలో ఆడబిడ్డకు ‘దుర్గ’తి!
చెడుపై మంచి సాధించిన విజయానికి, నారీశక్తికి ప్రతీక విజయదశమి. మహిళలకు రాజకీయాల్లో సముచిత స్థానం కల్పిస్తామంటూ ప్రగల్భాలు పలికిన చంద్రబాబు నారీశక్తి విజయోత్సవ్ అంటూ గతంలో దసరా వేడుకలూ జరిపారు. అయితే ప్రస్తుతం అదే దసరా ముంగింట.. స్థానిక సంస్థల ఎన్నికల వేళ మహిషాసురుడిలా మారి ఎన్నికల్లో అతివలను పోటీ చేయనివ్వకుండా, కనీసం నామినేషన్లూ వేయనివ్వకుండా దమనకాండ సాగిస్తున్నారు. కీచకపర్వానికీ ఒడిగడుతున్నారు. ఖాకీలను ఉసిగొలిపి ఆడబిడ్డల కన్నీటికి కారణమవుతున్నారు. వనితల ఉసురుపోసుకుంటూ మహాపాపం మూటగట్టుకుంటున్నారు. తిరుపతిలో వైఎస్సార్సీపీ కార్పొరేటర్ అభ్యర్థి గీతారెడ్డి దంపతుల నిరసన దర్శిలో పోలీసుల లాఠీచార్జ్లో గాయపడిన మహిళా కార్యకర్త -
ప్రజాభిప్రాయాన్ని కాలరాసి.. విశాఖను కబళించేసి!
సాక్షి, విశాఖపట్నం: ‘కుర్చీలో కూర్చోవడమే మీ అజెండా.. కుర్చీ జనమే ఇవ్వాలన్నది జగన్ అజెండా..’ ఇది వైఎస్సార్సీపీ ఎన్నికల ప్రచారంలో హోరెత్తించిన పాటలోని ఒక లైన్. ఇది అక్షరాలా నిజమని ప్రజలకు చెప్పింది టీడీపీ, జనసేన, బీజేపీ కూటమి ప్రభుత్వం. ప్రజాతీర్పును పాతాళానికి తొక్కి.. ప్రజాస్వామ్య విలువల గొంతు కోసి.. విశాఖను కబళించేసింది. అభివృద్ధి వెలుగులతో విరాజిల్లిన నగరాన్ని పీఠం దక్కించుకోవాలన్న కక్కుర్తితో కారుచీకట్లలోకి నెట్టేసింది. జీవీఎంసీలో కనీస బలం లేకపోయినా.. ప్రలోభాలు, బెదిరింపులు, బ్లాక్మెయిలింగ్తో వైఎస్సార్సీపీ నుంచి మేయర్ పీఠాన్ని దొడ్డిదారిన లాక్కుంది. గ్రేటర్ చరిత్రలో బ్లాక్ డేగా..! 2021 జీవీఎంసీ ఎన్నికల్లో మహా విశాఖ నగర ప్రజలు వైఎస్సార్సీపీకి స్పష్టమైన మెజారిటీ ఇచ్చి మేయర్ పీఠాన్ని అప్పగించారు. అయితే, 2024లో కూటమి ప్రభుత్వం అధికారంలోకి వచ్చాక రాజకీయ కక్షసాధింపులు పరాకాష్టకు చేరాయి. వైఎస్సార్సీపీకి చెందిన సుమారు 20 మంది కార్పొరేటర్లను బెదిరింపులు, వ్యక్తిగత బ్లాక్మెయిలింగ్, ప్రలోభాలతో కూటమిలోకి లాక్కున్నారు. ప్రజాస్వామ్యబద్ధంగా ఎన్నికైన బీసీ మహిళా మేయర్ గొలగాని హరి వెంకట కుమారిపై బలవంతంగా అవిశ్వాస తీర్మానాన్ని నెగ్గించుకున్నారు. ప్రజలు తిరస్కరించిన తెలుగుదేశం పార్టీ అడ్డగోలు ఫిరాయింపులతో మేయర్ పీఠాన్ని లాక్కోవడం విశాఖ నగర చరిత్రలో చీకటి అధ్యాయంగా, మాయని మచ్చగా 2025 ఏప్రిల్ 19న నిలిచిపోయింది. ‘గీతం’ కోసం గూడుపుఠాణీ కూటమి ప్రభుత్వం అడ్డదారిలో మేయర్ పీఠంపై పీలా శ్రీనివాసరావును కూర్చోబెట్టడం వెనుక అసలు కుట్ర 2026 జనవరి 30న జరిగిన జీవీఎంసీ కౌన్సిల్ సమావేశంలో బట్టబయలైంది. లోకేష్ తోడల్లుడు, విశాఖ ఎంపీ మతుకుమిల్లి శ్రీభరత్కు చెందిన ‘గీతం’ విశ్వవిద్యాలయం ఆ«దీనంలోని 54.79 ఎకరాల ప్రభుత్వ భూములను క్రమబదీ్ధకరించే (రెగ్యులరైజ్) తీర్మానాన్ని కౌన్సిల్ ముందుకు తెచ్చారు. మార్కెట్ విలువ ప్రకారం సుమారు రూ.5 వేల కోట్ల విలువైన రుషికొండ, ఎండాడ పరిధిలోని ఈ భూములను నామమాత్రపు ధరలకే కట్టబెట్టేందుకు జీవీఎంసీని వేదికగా మార్చుకున్నారన్న ఆరోపణలు వెల్లువెత్తాయి. మైకులు కట్ చేసి.. సీసీటీవీలు బంద్ చేసి..! గీతం వర్సిటీ భూముల తీర్మానాన్ని ఆమోదించుకునేందుకు కూటమి ప్రభుత్వం ప్రజాస్వామ్యాన్ని అపహాస్యం చేసేలా వ్యవహరించింది. 2026 జనవరి 30నాటి జీవీఎంసీ కౌన్సిల్ సమావేశంలో వైఎస్సార్సీపీ, వామపక్ష కార్పొరేటర్లు భూదోపిడీని వ్యతిరేకిస్తూ నిరసన తెలిపారు. ప్రతిపక్షాల గొంతు నొక్కేందుకు వారి మైకులను కట్ చేయడంతో పాటు, అక్రమాలు బయటకు తెలియకుండా మీడియాను లోపలికి రానివ్వకుండా నిషేధించారు. సీసీటీవీలను కూడా ఆపేశారు. కనీస చర్చ లేకుండా కేవలం 15 నిమిషాల్లోనే అజెండాలోని అన్ని అంశాలను, ముఖ్యంగా 15వ అంశంగా ఉన్న గీతం భూముల క్రమబద్ధీకరణ తీర్మానాన్ని ఏకపక్షంగా ఆమోదించి సభను వాయిదా వేసి అప్రజాస్వామికంగా వ్యవహరించారు. నాడు వెలుగులు.. నేడు చీకట్లు వైఎస్సార్సీపీ ఐదేళ్ల పాలనలో విశాఖ నగరం ప్రగతి పథంలో దూసుకుపోయింది. నగరాన్ని పరిపాలనా రాజధానిగా ప్రకటించడంతో పాటు ప్రపంచస్థాయి హబ్గా తీర్చిదిద్దేందుకు వందల కోట్ల రూపాయలు కేటాయించింది. ప్రధాన జంక్షన్ల సుందరీకరణ, మౌలిక వసతుల కల్పన, రోడ్ల విస్తరణ, రక్షిత మంచినీటి పథకాలు, పేదల గృహనిర్మాణం వంటి బృహత్తర ప్రాజెక్టులకు శ్రీకారం చుట్టింది. ఉత్తరాంధ్ర ఆరోగ్య ప్రదాయని కేజీహెచ్లోనూ రూ.కోట్లతో అభివృద్ధి పనులు చేపట్టింది. చంద్రబాబు ప్రభుత్వం అధికారంలోకి వచ్చాక విశాఖ అభివృద్ధి కుంటుపడింది. వైఎస్సార్సీపీ హయాంలో ప్రారంభించిన ప్రజాపయోగకరమైన ప్రాజెక్టులను రాజకీయ కక్షతో పక్కనబెట్టింది. కొత్తగా నిధులు కేటాయించకపోగా, జీవీఎంసీకి చెందిన రూ.1,700 కోట్ల నిధులను దారి మళ్లించేశారు. మళ్లీ మేయర్ అయితే ఉన్నవీ ఊడ్చేస్తారు..! అక్రమంగా గద్దెనెక్కి ఏడాది పాటు దోపిడీ పర్వాన్ని కొనసాగించిన కూటమి నేతలు.. ఇప్పుడు మళ్లీ కుట్రలు, కుతంత్రాలతో, మాయమాటలు చెప్పి గద్దెనెక్కాలని తీవ్రంగా యతి్నస్తున్నారు. రూ.కోట్లు కుమ్మరించి, ఓటుకు నోటే ఆయుధంగా చేసుకోవాలని కుయుక్తులు పన్నుతున్నారు. కూటమి ప్రభుత్వం చేస్తున్న ఈ శతకోటి దొంగల ముఠా కుట్రలను, విశాఖ సంపద దోపిడీని నగర ప్రజలు గమనిస్తూనే ఉన్నారు. రాబోయే రోజుల్లో ప్రజాస్వామ్యబద్ధంగా వీరికి తగిన బుద్ధి చెప్పడం ఖాయమనే మాట అందరి నోటా వినిపిస్తోంది. -
కూటమి రాజకీయాలకో దండం!
విశాఖపట్నం: ఉత్తర నియోజకవర్గంలో కీలక రాజకీయ పరిణామాలు చోటుచేసుకున్నాయి. తొలి నుంచి వార్డు కార్పొరేటర్గా పోటీ చేయాలని భావించిన ఎమ్మెల్యే విష్ణుకుమార్ రాజు కుమార్తె శ్యామల దీపిక చివరి నిమిషంలో ఎన్నికల బరి నుంచి తప్పుకున్నట్లు తెలుస్తోంది. నామినేషన్ దాఖలు చేయకపోవడంతో ఆమె పోటీ చేయడం లేదని స్పష్టమైంది. తొలి నుంచి పాత 14వ వార్డు, ప్రస్తుత 53వ వార్డులో పోటీ చేసేందుకు శ్యామల దీపిక సన్నాహాలు చేసుకున్నారు. తండ్రి ఆశీస్సులతో రాజకీయ అరంగేట్రానికి సిద్ధమయ్యారు. అయితే టికెట్ల కేటాయింపు సమయంలో ఎంపీ నిర్ణయమే కీలకంగా మారడంతో పరిణామాలు మారినట్లు సమాచారం. ముందుగా 51వ వార్డులో బీజేపీ అభ్యర్థిని మార్చడంతో ఆ పార్టీ శ్రేణుల్లో అసంతృప్తి నెలకొంది. ఈ పరిస్థితుల్లో తాను కూడా పోటీ చేయకూడదని దీపిక నిర్ణయించుకున్నారు. మరోవైపు 53వ వార్డును కూడా టీడీపీకి కేటాయించాలని ఎంపీ పట్టుబట్టడంతో ఆమె వెనక్కి తగ్గారనే చర్చ సాగుతోంది. తన సొంత నియోజకవర్గంలో అభ్యర్థుల ఎంపిక విషయంలోనూ ఎమ్మెల్యేకు స్వేచ్ఛ లేకపోవడంపై అసంతృప్తి వ్యక్తమైనట్లు సమాచారం. ఎమ్మెల్యే కుమార్తెగానే కాకుండా ఓ మహిళగా, విద్యావంతురాలిగా తనకు అవకాశం దక్కలేదా అంటూ ఆమె ఆవేదన వ్యక్తం చేసినట్లు పార్టీ వర్గాల్లో చర్చ జరుగుతోంది. ఈ పరిణామాలపై కుటుంబ సభ్యుల వద్ద కూడా ఆమె అసంతృప్తి వ్యక్తం చేసినట్లు తెలుస్తోంది. ఇదీ చదవండి: విశాఖ కోడలిగా నగర సమస్యలపై పూర్తి అవగాహన ఉంది -
విశాఖ కోడలిగా నగర సమస్యలపై పూర్తి అవగాహన ఉంది
విశాఖ సమగ్ర అభివృద్ధి, ప్రజల సంక్షేమమే లక్ష్యంగా నిజాయతీతో పాలన అందిస్తానని వైఎస్సార్సీపీ ఎమ్మెల్సీ, జీవీఎంసీ మేయర్ అభ్యర్థి వరుదు కల్యాణి తెలిపారు. ఉత్తరాంధ్రలో పుట్టి విశాఖ కోడలిగా 25 ఏళ్లుగా నగరంతో అనుబంధం ఉందని, ప్రజా సమస్యలపై పూర్తి అవగాహన ఉందన్నారు. వైఎస్సార్సీపీ ‘సేవ్ విశాఖ’ నినాదంతో ప్రజల్లోకి వెళ్తుండగా.. కూటమి ప్రభుత్వం ‘సేల్ విశాఖ’ విధానంగా వ్యవహరిస్తోందని విమర్శించారు. జగన్ హయాంలో ఐటీ, పర్యాటకం, మౌలిక వసతుల్లో విశాఖ అభివృద్ధి చెందిందని పేర్కొన్నారు. కూటమి పాలనలో అవినీతి, భూకబ్జాలు పెరిగాయని, తాగునీరు, డ్రైనేజీ సమస్యలు పరిష్కారం కాలేదని ఆరోపించారు. విశాఖ అభివృద్ధికి వైఎస్సార్సీపీని గెలిపించాలని కోరారు. ఆదివారం ‘సాక్షి’కి ఇచ్చిన ఇంటర్వ్యూలో ఆమె మాట్లాడారు.విశాఖ బ్రాండ్ ఇమేజ్ దెబ్బతీసేందుకే నీటి సంక్షోభం అంతర్జాతీయ ప్రమాణాలతో అభివృద్ధి చెందుతున్న విశాఖ ప్రతిష్టను దెబ్బతీసి, పెట్టుబడులను అమరావతికి మళ్లించేందుకే కుట్ర జరుగుతోంది. చంద్రబాబు ప్రభుత్వం ఈ ప్రాంతంపై వివక్ష చూపుతోంది. ఆరు నెలలుగా నగరవాసులు తీవ్ర తాగునీటి ఇబ్బందులు ఎదుర్కొంటున్నారు. విశాఖ చరిత్రలో ఎన్నడూ లేని విధంగా ప్రజలు డబ్బులు పెట్టి నీరు కొనాల్సిన పరిస్థితి వచ్చింది. వర్షాకాలంలోనే రిజర్వాయర్లు ఎండిపోవడం ప్రభుత్వ వైఫల్యానికి నిదర్శనం. ఎల్నినో ప్రభావమంటూ తప్పించుకునే ప్రయత్నం చేస్తున్నారు. విశాఖలో నీటి సమస్య ఉందనే ప్రచారంతో పెట్టుబడులను అమరావతికి తరలించే ప్రయత్నాలు జరుగుతున్నాయి. ‘ఆపరేషన్ లంగ్స్’తో రోడ్డున పడ్డ చిరు వ్యాపారులు కూటమి ప్రభుత్వ వైఫల్యాలతో పేదలు, సామాన్యుల జీవన పరిస్థితులు ప్రశ్నార్థకంగా మారాయి. వైఎస్సార్సీపీ హయాంలో విశాఖ అభివృద్ధి బాటలో సాగితే.. కూటమి పాలనలో తాగునీటి సమస్య నుంచి చిరు వ్యాపారుల వరకు అనేక వర్గాలు ఇబ్బందులు పడుతున్నాయి. ‘ఆపరేషన్ లంగ్స్’ పేరుతో ఫుడ్ కోర్టులు, రోడ్డు పక్కన చిన్న వ్యాపారాలను తొలగించి వేలాది మంది చిరు వ్యాపారుల ఉపాధిని దెబ్బతీశారు. ప్రత్యామ్నాయ ఏర్పాట్లు లేకుండా తొలగింపులతో పేద కుటుంబాలు ఇబ్బందులు పడుతున్నాయి.కూటమి పాలనలో అవినీతి, దోపిడీ కూటమి పాలనలో గ్రేటర్ విశాఖ మున్సిపల్ కార్పొరేషన్ అవినీతి, అక్రమాలు, సమస్యలకు కేంద్రంగా మారింది. అధికారాన్ని అడ్డం పెట్టుకుని వేల కోట్ల విలువైన భూముల దోపిడీకి పాల్పడుతున్నారు. ప్రభుత్వ భూములు, వనరులను రియల్ ఎస్టేట్ సంస్థలు, బినామీలు, అనుకూల వర్గాలకు కారుచౌకగా కట్టబెడుతున్నారు. పంచగ్రామాల భూ సమస్య పరిష్కారంపై ఎన్నికల సమయంలో హామీలు ఇస్తున్నా.. ఆచరణలో ముందడుగు పడడం లేదు. నగర ప్రజలపై పన్నుల భారం పెంచారు. విశాఖ రోడ్ల నిర్వహణను ప్రైవేటు సంస్థలకు అప్పగించడం సరైన విధానం కాదు. మత్తులో ఊగుతున్న నగరం నగరంలో చెత్తాచెదారం, వెలగని వీధిలైట్లు, మురుగునీటి కాలువలు, పొంగిపొర్లుతున్న డ్రైనేజీలు సమస్యలుగా మారాయి. విశాఖ సంపదపై చూపిస్తున్న శ్రద్ధను అభివృద్ధి, ప్రజా సమస్యల పరిష్కారంపై చూపడం లేదు. వీధిలైట్లు సరిగా లేకపోవడంతో చీకటి ప్రాంతాల్లో మద్యం, గంజాయి వినియోగం పెరుగుతోంది. రాత్రివేళల్లో మహిళలు, విద్యార్థుల భద్రతపై తల్లిదండ్రులు ఆందోళన చెందుతున్నారు. మహిళలపై దాడులు, పోక్సో కేసులు పెరుగుతున్నాయి. శాంతిభద్రతల పరిరక్షణలో ప్రభుత్వం ఘోరంగా విఫలమైంది.జగన్ హయాంలో విశాఖ అభివృద్ధి వైఎస్సార్సీపీ ప్రభుత్వ హయాంలో విశాఖ అభివృద్ధికి వేల కోట్ల విలువైన ప్రాజెక్టులు తీసుకొచ్చాం. భోగాపురం ఎయిర్పోర్టు, నగరం నుంచి ఎయిర్పోర్టుకు ఆరు లైన్ల రహదారి, ఆంధ్ర విశ్వవిద్యాలయానికి ఏ ర్యాంకు, రుషికొండ బీచ్కు బ్లూ ఫ్లాగ్ గుర్తింపు వంటి ప్రాజెక్టులు నగర ప్రతిష్టను పెంచాయి. విశాఖలో బీచ్ ఐటీ కాన్సెప్్టకు శ్రీకారం చుట్టి ఇన్ఫోసిస్, టీసీఎస్ వంటి సంస్థల రాకకు చర్యలు తీసుకున్నాం. గ్లోబల్ ఇన్వెస్ట్మెంట్ సదస్సు, జీ20 సన్నాహక సమావేశాలతో విశాఖకు అంతర్జాతీయ గుర్తింపు తీసుకొచ్చాం. నగరంలో రోడ్ల విస్తరణ, ఐకానిక్ జంక్షన్ల అభివృద్ధి, పార్కుల ఆధునీకరణ, ఎన్ఏడీ ఫ్లైఓవర్, బస్బేల నిర్మాణం వంటి పనులు చేపట్టాం. సిరిపురం డెక్ భవనం, మూడో దశ లోవ రిజర్వాయర్ రక్షణ పనులు కూడా మా హయాంలోనే చేపట్టాం.ప్రకృతి సంపద ధ్వంసం విశాఖకు ఊపిరితిత్తుల్లాంటి కొండలు, చెట్లను కాపాడటంలో పాలకులు విఫలమయ్యారు. అభివృద్ధి పేరుతో కొండలను తవ్వడం, చెట్ల నరికివేతతో నగరంలో కాలుష్యం, ఉష్ణోగ్రతలు పెరుగుతున్నాయి. సింహాచలం అప్పన్న కొండతో పాటు ఇతర కొండలను కొల్లగొడుతున్నారు. బీచ్ షాక్స్ పేరుతో విశాఖ సంస్కృతికి నష్టం కలిగిస్తున్నారు. స్టీల్ప్లాంట్ ప్రైవేటీకరణపై గళమెత్తా విశాఖ ప్రజల ఆత్మగౌరవ ప్రతీక, పోరాటాల ఫలితమైన స్టీల్ప్లాంట్ను ప్రైవేటీకరణ చేసే కుట్రలు జరుగుతున్నాయి. కారి్మకులు, ప్రజల త్యాగాలతో ఏర్పాటైన ఉక్కు నగరి ఉనికిని కాపాడేందుకు ప్రభుత్వం చొరవ చూపడం లేదు. తాను శాసనమండలిలో స్టీల్ప్లాంట్ ప్రైవేటీకరణకు వ్యతిరేకంగా ప్రభుత్వాన్ని నిలదీశా. ఇదీ చదవండి: బాబు రాస్తున్న రక్తచరిత్ర! -
విజయనగరం ఆడబిడ్డగా ఆశీర్వదించండి: కోలగట్ల శ్రావణి
విజయనగరం: కార్పొరేషన్ ఎన్నికల్లో మేయర్ అభ్యర్థిగా వైఎస్సార్సీపీ తరఫున పోటీ చేస్తున్న తనను విజయనగరం ఆడబిడ్డగా ఆశీర్వదించి గెలిపిస్తే నగరాన్ని మరింత అభివృద్ధి చేస్తానని మాజీ డిప్యూటీ మేయర్ కోలగట్ల శ్రావణి అన్నా రు. స్థానిక ఎన్నికల ప్రచారంలో భాగంగా ఆదివారం నగరంలో 5, 33, 39, 62, 42 డివిజన్ల లో కార్పొరేట్ అభ్యర్థులు కంటూమహంతి శ్రీనివాసరావు, ఎన్ని లక్ష్మణరావు, కనకల సూరప్ప డు, కిల్ల భవాని యాదవ్, రెడ్ గురుమూర్తిలతో కలసి ఇంటింటి ప్రచారం చేశారు. ప్రచార సమయంలో ఆమెకు ఘన స్వాగతం పలుకుతూ, హారతిలిచ్చి, విజయ తిలకాన్ని దిద్ది ప్రజలు ఆశీర్వదించారు. రానున్న స్థానిక ఎన్నికలలో ప్రజలు తమ అమూల్యమైన రెండు ఓట్లను ఫ్యాన్ గుర్తుపై వేసి వైఎస్సార్ కాంగ్రెస్ పార్టీ అభ్యర్థు లను అత్యధిక మెజారిటీతో గెలిపించాలని విజ్ఞప్తి చేశారు. వైఎస్సార్సీపీ హయాంలో విజయనగరంలో చేసిన అభివృద్ధి పనులను గుర్తు చేశారు. గత రెండున్నర ఏళ్లలో టీడీపీ ఇచ్చిన హామీలను అమలు చేయకుండా ప్రజలను ఇబ్బందులకు గురిచేస్తున్న తీరును వివరించారు. ఎన్నికలకు ముందు నిత్యావసరాల ధరలు నియంత్రిస్తామని హమీ ఇచ్చిన చంద్రబాబు ప్రభుత్వం నేడు అదే నిత్యావసరాల ధరలు ఆకాశన్నంటుతూ పేద, మధ్య తరగతి ప్రజలు ఇబ్బందులు పడుతున్నా పట్టనట్లు వ్యవహరిస్తోందన్నారు. కూటమి మోసాలను గుర్తించి ప్రజల పక్షాన నిలిచే వైఎస్సార్సీపీకి పట్టం కట్టాలన్నారు.


