East Godavari District Latest News

ప్రముఖ పండగలు ఈ నెల 13 న నాగుల చవితి, 16న మొదటి కార్తిక సోమవారం, 21న క్షీరాబ్ది ద్వాదశి, 23న రెండో కార్తిక సోమవారం, 24న కార్తిక పౌర్ణమి, 30న మూడో సోమవారం, డిసెంబర్‌ 7న నాలుగో సోమవారం (మాస శివరాత్రి) పర్వదినాలు ఈ మాసంలో రానున్నాయి. ఫ పవిత్ర కార్తిక మాసం ప్రారంభం ఫ ఉమ్మడి జిల్లాలో ఆధ్యాత్మిక సందడి ఫ ఆలయాల్లో పూర్తయిన ఏర్పాట్లు కొత్తపేట: పవిత్ర కార్తిక మాసం మంగళవారం నుంచి ప్రారంభమైన నేపథ్యంలో ఉమ్మడి జిల్లాలో ఆధ్యాత్మిక శోభ నెలకొంది. ఏడాదిలో ఈ మాసానికి ఎంతో ప్రత్యేకత ఉంది. శివకేశవులిద్దరికీ ప్రీతికరమైనది కావడంతో ఆలయాల్లో సందడి ఏర్పడింది. సోమవారం మధ్యాహ్నం అనంతరం పాడ్యమి తిథి ప్రవేశంతో శివాలయాల్లో రాత్రి ఆకాశ దీపాలు వెలిగించారు. మంగళవారం నుంచి కార్తీక స్నానాలు ప్రారంభమయ్యాయి. ఈ విధంగా మొదలైన కార్తిక మాసం డిసెంబర్‌ 8వ తేదీ మంగళవారంతో ముగియనుంది. ఆలయాల్లో సందడి ఈ మాసంలో శైవ క్షేత్రాలతో పాటు విష్ణాలయాలను భక్తులు దర్శించుకుంటారు. ప్రధానంగా పంచారామాలైన అమరారామం (పల్నాడు జిల్లా అమరావతి)లో కొలువైన అమరేశ్వరుడు, సోమారామం (పశ్చిమగోదావరి జిల్లా భీమవరం గునిపూడి)లో సోమేశ్వరుడు, క్షీరారామం (పశ్చిమగోదావరి జిల్లా పాలకొల్లు)లో రామలింగేశ్వరుడు, ద్రాక్షారామం (డాక్టర్‌ బీఆర్‌ అంబేడ్కర్‌ కోనసీమ జిల్లా)లో భీమేశ్వరుడు, కుమార భీమారామం (కాకినాడ జిల్లా సామర్లకోట)లో భీమేశ్వరుడు ఆలయాలను భక్తులు దర్శిస్తారు. అలాగే ఉమ్మడి తూర్పుగోదావరి జిల్లా కొత్తపేట మండలం మందపల్లి ఉమా మందేశ్వరస్వామి క్షేత్రం, పలివెల ఉమా కొప్పేశ్వర క్షేత్రం, ఐ.పోలవరం మండలం మురమళ్ల భద్రకాళీ సమేత వీరేశ్వరస్వామి, అయినవిల్లి ముక్తేశ్వరం క్షణముక్తేశ్వరస్వామి, రాజోలు మండలం కడలి కపోతేశ్వరస్వామి, కుండలేశ్వరం కుండలేశ్వరస్వామి, కోటిపల్లి కోటిలింగేశ్వరస్వామి, పిఠాపురం పాదగయ కుక్కుటేశ్వరస్వామి తదితర ఆలయాలకు పోటెత్తుతారు. ఆ రోజుల్లో రాత్రి ఒంటి గంట నుంచే వ్రతాలు కార్తిక మాసంలో శని, ఆది, సోమవారాలతో పాటు, దశమి, ఏకాదశి, క్షీరాబ్ది ద్వాదశి, కార్తిక పౌర్ణమి తదితర 17 పర్వదినాల్లో స్వామివారి సన్నిధికి భారీ సంఖ్యలో భక్తులు విచ్చేసే అవకాశం ఉన్నందున వారి సౌకర్యార్థం తెల్లవారుజామున ఒంటి గంట నుంచే స్వామివారి వ్రతాలు ప్రారంభించనున్నారు. తెల్లవారుజామున రెండు గంటల నుంచి స్వామి వారి దర్శనానికి భక్తులను అనుమతిస్తారు. నవంబర్‌ 21న కార్తిక శుద్ద ద్వాదశి (క్షీరాబ్ది ద్వాదశి) సందర్భంగా రాత్రి 6.30 నుంచి సత్యదేవుని తెప్పోత్సవాన్ని పంపా సరోవరంలో నిర్వహించేందుకు ఏర్పాట్లు చేస్తున్నారు. 24న కార్తిక పౌర్ణమి సందర్భంగా సత్యదేవుని గిరి ప్రదక్షిణకు ఏర్పాట్లు చేస్తున్నారు. మధ్యాహ్నం 1.30కి ప్రారంభమై సాయంత్రం 6.30 గంటలకు గిరి ప్రదక్షిణ ముగుస్తుంది. భక్తుల రద్దీని తట్టుకునేందుకు వీలుగా కార్తికమాసంలో అన్నదానానికి బదులు భక్తులకు సర్క్యులర్‌ మండపం వద్ద ఉదయం నుంచి సాయంత్రం వరకు పులిహోర, దద్దోజనం పంపిణీ చేస్తారు. చిన్నారులకు పాలు, బిస్కెట్లు కూడా అందిస్తారు. అన్నదాన పథకంలో సెక్యూరిటీ సిబ్బందికి, కళాకారులకు, ప్రత్యేక విధుల్లో పాల్గొనేవారికి మాత్రమే భోజన సౌకర్యం ఉంటుందని తెలిపారు. కార్తికమాసం ఏర్పాట్లపై దేవస్థానం చైర్మన్‌ ఐవీ రోహిత్‌, ఈఓ నల్లం సూర్యచక్రధరరావు వివిధ శాఖల సిబ్బందితో సోమవారం సమీక్షించారు.

నిడదవోలు: క్రెడిట్‌ కార్డు పేరుతో మహిళ బ్యాంకు ఖాతాలోని రూ.40 వేలను ఓ యువకుడు కాజేశాడు. ఉండ్రాజవరం మండలం కాల్దారి గ్రామంలో ఆదివారం ఈ ఘటన జరిగింది. వివరాల్లోకి వెళితే.. నిడదవోలులోని బసివిరెడ్డిపేటకు చెందిన గెడ్డం నవీన్‌ వంశీ స్టేట్‌ బ్యాంక్‌ ఆఫ్‌ ఇండియా వేలివెన్ను శాఖలో ఓ ఏజెన్సీ ద్వారా క్రెడిట్‌ కార్డు రిప్రజెంటేటివ్‌గా పనిచేసేవాడు. అయితే అతడి ప్రవర్తన నచ్చక ఉద్యోగంలోంచి తీసేశారు. ఉండ్రాజవరం మండలంలోని ఖాతాదారులతో పరిచయాలు ఉండటంతో అతడు ఆదివారం కాల్దారి గ్రామంలో ఆశ కార్యకర్త దోయ్యాల సంధ్యారాణి ఇంటికి వెళ్లాడు. ఆమెకు వేలివెన్ను ఎస్‌బీఐలో బ్యాంకు ఖాతా ఉంది. బ్యాంకు నిబంధనల మేరకు తప్పనిసరిగా క్రెడిట్‌ కార్డు తీసుకోవాలని, ఎస్‌బీఐ యోనో యాప్‌ ద్వారా ఆ ప్రక్రియ పూర్తి చేయాలని చెప్పాడు. దీంతో సంధ్యారాణి తన మొబైల్‌లో యోనో యాప్‌ ఓపెన్‌ చేసి వంశీకి ఇచ్చింది. ఫోన్‌కు ఇంటర్నెట్‌ సిగ్నల్‌ సరిగ్గా రావడం లేదంటూ బయటకు వచ్చిన వంశీ..ఆమె ఖాతాలోని రూ.40 వేలు తన ఖాతాకు ట్రాన్స్‌ఫర్‌ చేసుకుని వెళ్లిపోయాడు. కొంతసేపటికి ఈ విషయం గమనించిన సంధ్యారాణి వెంటనే ఫోన్‌లో తన బంధువులకు సమాచారం ఇవ్వగా, కాల్దారిలోని పెట్రోల్‌ బంక్‌ వద్ద వంశీని పట్టుకుని పోలీసులకు అప్పగించారు. ఎస్సై రవికుమార్‌ కేసు నమోదు చేసి దర్యాప్తు చేస్తున్నారు.

రాజమహేంద్రవరం సిటీ: రాజమహేంద్రవరంలోని ఏ రోడ్డును చూసినా తవ్విన గుంతలే కనిపిస్తున్నాయని, కూటమి పాలనలో నగరంలో పరిస్థితులు అధ్వానంగా మారాయని వైఎస్సార్‌ సీపీ జాతీయ అధికార ప్రతినిధి, మాజీ ఎంపీ మార్గాని భరత్‌ రామ్‌ అన్నారు. రాజమహేంద్రవరం కార్పొరేషన్‌లో నూతనంగా విలీనమైన 71వ డివిజన్‌లో సోమవారం ఆయన క్షేత్రస్థాయి పర్యటన చేశారు. భరత్‌రామ్‌ మాట్లాడుతూ 50వ డివిజన్‌కు కార్పొరేటర్‌గా, డిప్యూటీ ఫ్లోర్‌ లీడర్‌గా స్వర్గీయ గుత్తుల మురళీధర్‌ ఎన్నో సేవలందించారని గుర్తు చేశారు. ఆయన అకాల మరణం తర్వాత ఆ కుటుంబం నుంచి ఆయన సతీమణి గుత్తుల కోటేశ్వరి ఇప్పుడు 71 (50వ డివిజన్‌)వ డివిజన్‌ నుంచి వైఎస్సార్‌ సీపీ తరపున కార్పొరేటర్‌ అభ్యర్థిగా పోటీచేస్తున్నారన్నారు. ప్రజలందరూ ఆమె ఆశీర్వదించాలని కోరుతూ విస్తృతంగా ప్రచారం నిర్వహించారు. ఇంటింటికి వెళ్లి వైఎస్సార్‌ సీపీ పోస్టర్లు పంచి, కోటేశ్వరికి ఓటేసి గెలిపించాలని కోరారు. విధ్వంసాన్ని జరగనివ్వం భరత్‌రామ్‌ మాట్లాడుతూ సరైన కార్యాచరణ ప్రణాళిక లేకుండా పైపులైన్‌, కేబుల్‌, అండర్‌ గ్రౌండ్‌ పేరుతో నగరంలో తవ్వకాలు జరుపుతూ, నాశనం చేస్తున్నారని ఆగ్రహం వ్యక్తం చేశారు. అభివృద్ధిని తాము స్వాగతిస్తామని, అయితే ఆ పేరుతో జరుగుతున్న విధ్వంసాన్ని మాత్రం ఎట్టి పరిస్థితుల్లోనూ జరగనిచ్చేది లేదని స్పష్టం చేశారు. తాను ఎంపీగా ఐదేళ్ల పాటు ప్రజలకు అందుబాటులో ఉండి, సిటీని ఎంతో సర్వాంగ సుందరంగా తీర్చిదిద్దానన్నారు. చంద్రబాబు కూటమి అధికారంలోకి వచ్చిన రెండున్నరేళ్లలో ఇక్కడ ఎంపీ, సిటీ ఎమ్మెల్యే ఒక్క కొత్త అభివృద్ధి పనైనా చేపట్టారా అని ప్రశ్నించారు. తాను చేసిన అభివృద్ధిని, తెచ్చిన నిధులతో చేపడుతున్న పనులే తప్ప.. వారు నగరానికి చేసింది శూన్యమని విమర్శించారు. ఎమ్మెల్యే ఆదిరెడ్డి శ్రీనివాస్‌ ఇప్పుడు ఏ ముఖం పెట్టుకుని ప్రజలను ఓట్లు అడగడానికి వస్తారని ప్రశ్నించారు. ఒకవైపు కూటమి ప్రభుత్వ నిర్లక్ష్యం కారణంగా పెరిగిన బియ్యం, నూనె, పప్పులు, ఇతర వస్తువుల నిత్యావసరాల ధరలతో సామాన్య, మధ్య తరగతి ప్రజల జీవనం అస్తవ్యస్తమైందని ఆవేదన వ్యక్తం చేశారు. ఈ డివిజన్‌లో అప్పటి ముఖ్యమంత్రి జగన్‌మోహన్‌ రెడ్డి సహకారంతో మెడికల్‌ కళాశాల తెచ్చామని, అది ఇంతవరకు పూర్తి చేయలేకపోయారని ఆగ్రహం వ్యక్తం చేశారు. ప్రశ్నించే గొంతుక లేకపోతే డాక్టర్‌ ప్రియాంక దారుణ హత్య బయటకు వచ్చేది కాదన్నారు. ఆయన వెంట వైఎస్సార్‌ సీపీ డివిజన్‌ ఇన్‌చార్జి గుత్తుల కోటేశ్వరి, గుత్తుల మురళీధర్‌ కుమారుడు గుత్తుల హర్ష, వైఎస్సార్‌ సీపీ నాయకులు ఉన్నారు. ·˘ MýS*rÑ$ ´ëÌS-¯]lÌZ ˘ అధ్వానంగా రాజమహేంద్రవరం ·˘ {ç³×ê-ãMýS Ìôæ° AÀ-Ð]l–-¨®™ø ప్రజలకు తప్పని పాట్లు ·˘ Ð]l*i G…ï³ ¿ýæÆý‡™Œæ Æ>ÐŒl$

● ఎదురెదురుగా బైకుల ఢీ ● వ్యక్తి మృతి, మరొకరికి తీవ్ర గాయాలు ద్వారకాతిరుమల: దీపావళి పండగ రోజు జరిగిన రోడ్డు ప్రమాదం ఓ కుటుంబంలో విషాదం నింపింది. ఎదురెదురుగా రెండు ద్విచక్ర వాహనాలు ఢీకొన్న ఘటనలో ఓ వ్యక్తి మృతి చెందగా, మరొకరు తీవ్రంగా గాయపడ్డారు. ఈ ఘటన దొరసానిపాడు గ్రామ శివారులో ఆదివారం మధ్యాహ్నం చోటుచేసుకుంది. వివరాలు ప్రకారం. తాడేపల్లిగూడేనికి చెందిన పాతల అశోక్‌, అదే గ్రామానికి చెందిన స్నేహితుడు గొర్రెల కృష్ణప్రసాద్‌ (47)తో కలిసి ఆదివారం మధ్యాహ్నం 2.50 గంటలకు మోటారు సైకిల్‌పై కామవరపుకోట నుంచి ద్వారకాతిరుమల వైపునకు వెళుతున్నారు. కృష్ణప్రసాద్‌ బైక్‌ నడుపుతుండగా అశోక్‌ వెనుక కూర్చున్నాడు. ఈ క్రమంలో దొరసానిపాడు గ్రామ శివారుకు చేరుకోగానే ద్వారకాతిరుమల నుంచి కామవరపుకోట వైపునకు మరో బైక్‌పై వెళుతున్న జువ్వా నాగేంద్ర అతి వేగంగా వచ్చి వీరిని ఎదురుగా ఢీకొట్టాడు. ఈ ప్రమాదంలో రోడ్డుపై పడినోయిన కృష్ణ ప్రసాద్‌, నాగేంద్రలకు తీవ్రంగా, అశోక్‌కు స్వల్ప గాయాలయ్యాయి. క్షతగాత్రులను 108లో ఏలూరు ఆశ్రం ఆస్పత్రికి తరలించగా, చికిత్స పొందుతూ కృష్ణప్రసాద్‌ అదే రోజు సాయంత్రం 4.26 గంటలకు మృతి చెందాడు. నాగేంద్ర ఏలూరు ప్రభుత్వాస్పత్రిలో చికిత్స పొందుతున్నాడు. అశోక్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఏఎస్సై ఎస్‌కే అమీర్‌ తెలిపారు.

వెలుగుల పండగ దీపావళిని ఆదివారం రాత్రి జిల్లా ప్రజలు భక్తిశ్రద్ధలతో, ఆనందోత్సాహాలతో జరుపుకొన్నారు. ఆకాశంలో తారలు నేలకు దిగివచ్చినట్టుగా ప్రతి ఇంటా దీపాల తోరణాలు కనువిందు చేశాయి. ప్రత్యేక పూజలనంతరం కుటుంబ సభ్యులతో కలిసి బాణసంచా కాల్చి సందడి చేశారు. ప్రముఖ పుణ్యక్షేత్రమైన ద్వారకాతిరుమలలో శ్రీవారు క్షేత్ర పురవీధుల్లో విహరించి భక్తులకు కనువిందు చేశారు. ప్రధాన మెట్ల మార్గంలో దేవస్థానం సిబ్బంది బాణసంచా కాల్చి వేడుకకు మరింత శోభను చేకూర్చారు. అనంతరం పాదుకా మండపం వద్ద దేవస్థానం ఈఓ వేండ్ర త్రినాథరావు దంపతులు స్వామి, అమ్మవార్లకు ప్రత్యేక పూజలు నిర్వహించారు. అలాగే రాజమహేంద్రవరంలోని దేవీచౌక్‌లో దీపావళి సంబరాలు అంబరాన్ని అంటాయి. – సాక్షి, నెట్‌వర్క్‌

అంబాజీపేట: ఎపుంగనూరు ఆవుకు రికార్డు స్థాయిలో ధర పలికింది. తమిళనాడుకు చెందిన ఒక వ్యాపార వేత్త ఏకంగా రూ. 5.30 లక్షలకు దాన్ని కొనుగోలు చేశాడు. వివరాలు.. మాచవరానికి చెందిన ఆద్యశ్రీ డెయిరీ ఫాం యజమాని అడబాల ప్రేమకుమార్‌ వద్ద పుంగనూరు ఆవు ఉంది. కార్తిక మాసంలో పరమేశ్వరునికి స్వచ్ఛమైన ఆవుపాలతో అభిషేకం చేసుకోవడం, గోఆధారిత వస్తువులను తయారు చేసుకోవాలనే ఉద్దేశంతో ఆ ఆవును తమిళనాడుకు చెందిన బీవీడీ లిమిటెడ్‌ సంస్థ అధినేత ప్రసాద్‌ రూ.5.30 లక్షలకు కొనుగోలు చేశారు. ప్రేమ్‌కుమార్‌ మాట్లాడుతూ ఆ ఆవు పూటకు మూడు లీటర్ల వంతున పాలు ఇస్తుందని, ఎత్తు కేవలం 36అంగుళాలు (3 అడుగులు)మాత్రమే ఉంటుందన్నారు. తన డెయిరీ ఫాం నుంచి గడిచిన ఆగస్టులో జాతీయ డెయిరీ డెవలప్‌మెంట్‌ బోర్డుకు పుంగనూరు గిత్తను రూ.3.75 లక్షలకు విక్రయించానని తెలిపారు. ఉభయ గోదావరి జిల్లాల్లోనే పుంగనూరు ఆవుకు రూ.5.30 లక్షలకు విక్రయించడం ఇదే ప్రథమమన్నారు.

దేవరపల్లి: గోపాలపురం మండలం చిట్యాల సమీపంలోని కొవ్వాడ కాలువలో కొట్టుకుపోయిన తాళ్లపూడి మండలం అన్నదేవరపేటకు చెందిన బ్యాంక్‌ ఆఫ్‌ బరోడా బ్రాంచ్‌ అప్రెజర్‌ విజయకుమార్‌ మృతదేహం శనివారం రాత్రి లభించింది. ఈ నెల 6వ తేదీ సాయంత్రం విజయకుమార్‌, మేనకోడలు పద్య బైక్‌పై దేవరపల్లి వస్తుండగా, వాగు ఉధృతికి కొవ్వాడ కాలువలో కొట్టుకుపోయారు. ఈ ప్రమాదంలో విజయకుమార్‌ బైక్‌తో పాటు కాలువలో గల్లంతు కాగా, పద్మ చెట్టు కొమ్మలను పట్టుకుని ప్రాణాలను దక్కించుకున్న సంగతి తెలిసిందే. అదే రాత్రి ఎన్‌డీఆర్‌ఎఫ్‌ బృందం, గ్రామస్తులు విజయకుమార్‌ కోసం గాలించగా, వాతావరణం సహకరించకపోవడంతో తిరిగి వెళ్లిపోయారు. పద్మకు చిట్యాలకు చెందిన వైఎస్సార్‌ సీపీ నాయకుడు, విశ్రాంత ఐఎఫ్‌ఎస్‌ అధికారి పీతల ప్రసాద్‌బాబు ఆశ్రయం కల్పించారు. శనివారం తిరిగి ఎన్‌డీఆర్‌ఎఫ్‌ బృందం, గ్రామస్తులు కాలువలో గాలింపు చర్యలు చేపట్టగా, కొట్టుకుపోయిన కొద్ది దూరంలో విజయకుమార్‌ మృతదేహం, బైక్‌ లభ్యమైయింది. మృతదేహాన్ని పోస్టుమార్టం కోసం గోపాలపురం ప్రభుత్వ ఆసుపత్రికి తరలించి, కేసు నమోదు చేసి పోలీసులు దర్యాప్తు చేస్తున్నారు.

నాగమల్లితోట జంక్షన్‌(కాకినాడ సిటీ): పాఠశాల క్రీడా సమాఖ్య అండర్‌–19 ఆధ్వర్యంలో సోమవారం కాకినాడ జిల్లా క్రీడా మైదానంలో రైఫిల్‌ షూటింగ్‌ ఎంపికలు ఉత్సాహంగా నిర్వహించారు. ఎస్‌జీఎఫ్‌ఐ జిల్లా కార్యదర్శి వెంకటరెడ్డి ఆధ్వర్యంలో నిర్వహించిన ఈ ఎంపికలను డీఎస్‌ఏ రైఫిల్‌ షూటింగ్‌ కోచ్‌ సమీర్‌, కమిటీ సభ్యులు శ్రీహరి, సురేష్‌ రాజు, కొత్తూరు, పీడీ వి.సతీష్‌రాజు, వీటీ కళాశాల పీడీ, రమణరావు పర్యవేక్షించారు. ఉమ్మడి తూర్పుగోదావరి జిల్లా పరిధిలో క్రీడాకారులు హాజరుకాగా పిస్టల్‌, పీప్‌, ఓపెన్‌సైట్‌లో 9 మంది బాలురు, 9 మంది బాలికలను రాష్ట్ర స్థాయికి ఎంపిక చేశారు. ఫ అండర్‌ – 14 బాల బాలికల ఖోఖో, అండర్‌ 14, 17 బాల బాలికల సాఫ్ట్‌ టెన్నిస్‌ ఎంపికలను జిల్లా కార్యదర్శి, పీడీ పి.శ్రీనివాస్‌ ప్రారంభించారు. అనపర్తి బాలుర హైస్కూల్లో వాలీబాల్‌ అండర్‌ – 14, 17 బాల బాలికల ఎంపికలు జరిగాయి. ఉమ్మడి తూర్పుగోదావరి జిల్లా పరిధిలో జరిగిన ఈ పోటీలకు 450 మంది హాజరయ్యారు. ఎంపికల నిర్వహణలో అడ్మిన్‌ కార్యదర్శి శేషుకుమారి, పీఈటీ సంఘ కార్యదర్శి మాచరరావు, ఖోఖో సంఘ అధ్యక్షుడు పట్టాభి, కార్యదర్శి ఎం.శ్రీనివాస్‌ పాల్గొన్నారు. రైఫిల్‌ షూటింగ్‌లో సత్తా ప్రకాశం నగర్‌(రాజమహేంద్రవరం): స్కూల్‌ గేమ్స్‌ ఫెడరేషన్‌ జిల్లా స్థాయి రైఫిల్‌ షూటింగ్‌ పది మీటర్ల విభాగంలో కార్తిక్‌ రామచంద్రరెడ్డి అత్యంత ప్రతిభ కనబరిచి ప్రథమస్థానం సాధించాడు. కాకినాడ డీఎస్‌ ఏ మైదానంలో ఈ పోటీలు జరిగాయి. నగరంలోని గోదావరి పుష్కరాలు ఇండోర్‌ స్టేడియంలో కార్తిక్‌ శిక్షణ పొందుతున్నారు. అండర్‌ 14 బాలుర విభాగంలో ధీర్‌ సాత్విక్‌, బాలికల విభాగంలో ఆకృతి ప్రథమ స్థానాల్లో నిలిచారు. పది మీటర్ల పిస్టల్‌ విభాగంలో జి.నిశాంత్‌ ద్వితీయ, పది మీటర్ల రైఫిల్‌ ఓపెన్‌ సైట్‌ విభాగంలో ఎం. శ్రీరామ్‌ ప్రథమ స్థానంలో నిలిచారు.

ఎన్నికల షెడ్యూల్‌ విడుదలైన నేపథ్యంలో అధికారులు అప్రమత్తంగా వ్యవహరించాలని కలెక్టర్‌ కీర్తి చేకూరి స్పష్టం చేశారు. నామినేషన్ల స్వీకరణ, పరిశీలన, అప్పీళ్ల పరిష్కారం, అభ్యర్థుల ఉపసంహరణ, తుది జాబితా ప్రకటన, పోలింగ్‌, ఓట్ల లెక్కింపు.. ఇలా ప్రతి దశను నిర్ణీత గడువులోగా పూర్తి చేయాలని ఆదేశించారు. ఎన్నికల విధుల్లో పాల్గొనే సిబ్బందికి ముందస్తు శిక్షణ ఇవ్వాలని, పోలింగ్‌ కేంద్రాల్లో అవసరమైన మౌలిక సదుపాయాలు కల్పించాలని సూచించారు. ఎన్నికల సామగ్రి పంపిణీ, సిబ్బంది తరలింపు, భద్రతా ఏర్పాట్లలో లోటుపాట్లకు తావులేకుండా చూడాలని తెలిపారు. జిల్లా, మండల స్థాయి అధికారుల మధ్య సమన్వయం కీలకమని, ఎన్నికల ప్రక్రియ ప్రశాంతంగా, పారదర్శకంగా నిర్వహించేందుకు అందరూ సమష్టిగా పనిచేయాలని స్పష్టం చేశారు. ఈ మేరకు కలెక్టరేట్‌లో ఆమె సమీక్ష నిర్వహించారు.

ద్వారకాతిరుమల: చిన్న వెంకన్న దర్శనార్థం స్కూటీపై వెళుతున్న ఇద్దరు మహిళలు సోమవారం రాత్రి స్థానిక నిమ్మకాయల మార్కెట్‌ యార్డు వద్ద రోడ్డుపై ఉన్న గుంతలోపడి తీవ్ర గాయాల పాలయ్యారు. ఏలూరుకు చెందిన ఎం.పద్మ, ఎం.రాజేశ్వరి స్కూటీపై ద్వారకాతిరుమల క్షేత్రానికి వెళుతున్నారు. ఘటనా స్థలం వద్దకు వచ్చేసరికి స్కూటీ గుంతలో పడటంతో అదుపు తప్పి రోడ్డుపై పడిపోయారు. వారిని కామవరపుకోట అంబులెన్స్‌లో భీమడోలు ప్రభుత్వ ఆస్పత్రికి తరలించారు. పాపికొండలకు 39 మంది పర్యాటకులు దేవీపట్నం: గోదావరిపై బోటు ప్రయాణం చేస్తూ పాపికొండల అందాలను వీక్షించేందుకు సోమవారం 39 మంది పర్యాటకులు తరలివెళ్లారు. ఆన్‌లైన్‌లో టిక్కెట్లు బుక్‌ చేసుకున్న వీరందరూ రాజమహేంద్రవరం నుంచి పోలవరం ప్రాజెక్టు స్పిల్‌వే మీదుగా వాహనాల్లో పోశమ్మగండికి తరలివచ్చారు. తనిఖీల అనంతరం ఒక బోటులో 39 మంది పర్యాటకులు పేరంటపల్లికి వెళ్లారు. నిర్దేశించిన సమయానికి సాయంత్రం తిరిగి పోశమ్మగండికి చేరుకున్నారు. కడుపునొప్పితో వ్యక్తి మృతి రౌతులపూడి: మల్లంపేట సమీపంలోని ఒక స్టోన్‌ క్రషర్‌ వద్ద ఉంటున్న మహమ్మద్‌ అక్రమ్‌ (21) సోమవారం మృతి చెందాడు. అతడు రెండు రోజులుగా క్రితం కడుపు నొప్పితో బాధపడుతూ అపస్మారక స్థితికి చేరాడు. స్థానికులు వెంటనే చికిత్స కోసం రౌతులపూడి సీహెచ్‌సీకి తరలించారు. అక్కడి వైద్యులు పరీక్షించి, అప్పటికే మృతి చెందినట్లు నిర్ధారించారు. రోడ్డు ప్రమాదంలో వడిశలేరు యువకుడు.. బాన్సువాడ రూరల్‌(తెలంగాణ): కామారెడ్డి జిల్లా బాన్సువాడ మండలం సోమేశ్వర్‌ గ్రామ శివారులో నిర్మాణంలో ఉన్న జాతీయ రహదారిపై జరిగిన రోడ్డు ప్రమాదంలో ఓ యువకుడు మృతి చెందాడు. సీఐ తుల శ్రీధర్‌ తెలిపిన వివరాలిలా ఉన్నాయి. తూర్పు గోదావరి జిల్లా రంగంపేట మండలం వడిశలేరు గ్రామానికి చెందిన చల్లా డేవిడ్‌రాజు (26) ఆదివారం సాయంత్రం తన బంధువు మూర్తిరామ్‌తో కలిసి బైక్‌పై కామారెడ్డి జిల్లా మహ్మద్‌నగర్‌ నుంచి బోధన్‌ వైపు వెళ్తున్నాడు. సోమేశ్వర్‌ గ్రామానికి చెందిన వినోద్‌ అనే వ్యక్తి బైక్‌పై అతివేగంగా వచ్చి వీరి బైక్‌ను ఢీకొట్టాడు. ఈ ఘటనలో డేవిడ్‌రాజుకు తీవ్రగాయా లు కాగా, మూర్తిరామ్‌కు స్వల్పగాయాలయ్యా యి. వెంటనే స్థానికులు డేవిడ్‌రాజును బాన్సువా డ ఆస్పత్రికి, అక్కడి నుంచి మెరుగైన వైద్యం కోసం నిజామాబాద్‌ జిల్లా ప్రభుత్వ ఆస్పత్రికి తరలించారు. అక్కడ చికిత్స పొందుతూ అదే రోజు రాత్రి మరణించాడు. మృతుడి మేనమామ పాఠంశెట్టి శ్రీనివాస్‌ ఇచ్చిన ఫిర్యాదు మేరకు కేసు నమోదు చేసుకున్నట్లు సీఐ తెలిపారు. మొండెపులంకలో కారు దగ్ధం పి.గన్నవరం: రాజవరం – పొదలాడ ప్రధాన రహదారిపై పి.గన్నవరం మండలం మొండెపులంక వద్ద సోమవారం రాత్రి కారు దగ్ధమైంది. సకాలంలో స్పందించిన స్థానికులు కారులోని భార్యాభర్తలను రక్షించారు. వివరాల్లోకి వెళితే.. మామిడికుదురు మండలం అప్పనపల్లి గ్రామానికి చెందిన ఎ.వెంకటపతిరాజు దంపతులు సోమవారం ఉదయం భీమవరం, అజ్జరం మీదుగా రాజమహేంద్రవరం వెళ్లి అక్కడ దుస్తులు కొనుగోలు చేశారు. అనంతరం పి.గన్నవరం మీదుగా ఇంటికి తిరిగి వెళుతుండగా మొండెపులంక వద్ద వారు ప్రయాణిస్తున్న కారు ఇంజిన్‌లో మంటలు చెలరేగాయి. స్థానికులు వెంటనే స్పందించి కారులోని దంపతులను బయటకు లాగి రక్షించి, మంటలను అదుపు చేశారు. ఈ ప్రమాదంలో కారు ఇంజిన్‌ భాగం దగ్ధమైంది. నేడు ఖోలో ఇండియా యూత్‌ గేమ్స్‌ ఎంపికలు ప్రకాశం నగర్‌(రాజమహేంద్రవరం): తెలంగాణలో డిసెంబర్‌ 11 నుంచి 22 వరకు జరిగే ఖేలో ఇండియా యూత్‌ గేమ్స్‌ జాతీయ స్థాయి పోటీల్లో పాల్గొనే క్రీడాకారుల ఎంపిక మంగళవారం నిర్వహించనున్నారు. జిల్లా క్రీడా అభివృద్ధి అధికారి డీఎంఎం శేషగిరి సోమవారం సాయంత్రం ప్రకటనలో ఈ విషయం తెలిపారు. కాకినాడలో ఖోఖో (బాల బాలికలు), గుంటూరులో కబడ్డీ (మెన్స్‌) (70 కేజీల) విభాగంలో, భీమవరంలో మల్లకంబ్‌ (బాలబాలికలు) పోటీలు జరుగుతాయన్నారు. ఆసక్తి కల జిల్లా క్రీడాకారులు సంబంధిత జిల్లాల్లో ఉదయం 8.30 గంటలకు పదో తరగతి మార్కులు సర్టిఫికెట్‌, పాస్‌పోర్ట్‌ సైజ్‌ ఫొటో, ఆధార్‌ కార్డు, జనన ధ్రువీపత్రాలతో హాజరుకావాలన్నారు. 1–1–2009 తర్వాత జన్మించిన వారు ఈ పోటీలకు అర్హులన్నారు. మరిన్ని వివరాలకు 87126 22568 (కాకినాడ), 81431 43222 (గుంటూరు), 96405 03679 (భీమవరం) ఫోన్‌ నంబర్లను సంప్రదించాలన్నారు.

అనపర్తి: ఇళ్ల మధ్యలో బెల్ట్‌ షాపు, లూజు పెట్రోల్‌ విక్రయాలు చేస్తూ స్థానికులకు ఇబ్బందులు కలిగిస్తున్నారనే ఆరోపణలతో పాటు, షాపును తొలగించాలని కోరిన వారిపై తప్పుడు ఫిర్యాదులు చేస్తున్నారంటూ బిక్కవోలు మండలం ఊలపల్లి వేలంపేటకు చెందిన మహిళలు సోమవారం రాత్రి ఆందోళనకు దిగారు. అక్కడి వినాయక ఆలయం సమీపంలో కొంతకాలంగా చినబాబు అనే వ్యక్తి మ ద్యం బెల్ట్‌ షాపు, లూజు పెట్రోలు విక్రయిస్తు న్నాడని ఆరోపిస్తున్నారు. బెల్ట్‌ షాపును అక్కడి నుంచి తొలగించాలని అతడిని పలుమార్లు స్థానికులు కోరారు. ఈ క్రమంలో ఆదివారం రాత్రి తన దుకాణంపై దాడి చేశారంటూ వేలంపేటకు చెందిన నలుగురిపై అతడు సోమ వారం సాయంత్రం బిక్కవోలు పోలీసులకు ఫిర్యాదు చేశాడు. ఈ నేపథ్యంలో మహిళలు ఆందోళన చేసి, బెల్ట్‌ షాపు నిర్వహణపై సమగ్ర విచారణ చేపట్టాలని, స్థానిక మహిళల భద్రతకు ప్రాధాన్యత ఇవ్వాలని కోరారు. ఎస్‌ఎల్‌ఓ విధానాన్ని వ్యతిరేకిస్తున్నాం రాయవరం: పాఠశాల వి ద్యాశాఖ నూతనంగా ప్రవే శ పెడుతున్న స్కూల్‌ లెవల్‌ అబ్జర్వర్‌ (ఎస్‌ఎల్‌ఓ) విధానాన్ని యూటీఎఫ్‌ జిల్లా శాఖ తీవ్రంగా వ్యతిరేకిస్తోందని జిల్లా అధ్యక్షుడు ఈవీవీఎస్‌ఎస్‌ఆర్‌ ప్రసాద్‌ అ న్నారు. పసలపూడి మోడల్‌ ప్రైమరీ స్కూల్లో సోమవారం సాయంత్రం జిల్లాల వారీగా ఉద్యోగ, ఉపాధ్యాయ విభజనపై ఉపాధ్యాయులకు అవగాహన కల్పించారు. ఈ సందర్భంగా ఆయన మాట్లాడుతూ పదో తరగతి మిషన్‌–2027లో భాగంగా ప్రవేశ పెట్టిన ఎస్‌ఎల్‌ఓ వ్యవస్థ విద్యార్థులకు మేలు చేయక పోగా నష్టం చేకూర్చుతుందన్నారు. ఉపాధ్యాయులను దూర మండలాల పాఠశాలలకు కేటాయించడం ద్వారా బోధనకు ఆటంకం కలిగే పరిస్థితులు తలెత్తుతాయన్నారు. . నేటి నుంచి కౌశల్‌ పరీక్షలు కంబాలచెరువు(రాజమహేంద్రవరం): జిల్లాలోని అన్ని ప్రభుత్వ, ప్రైవేటు పాఠశాలల్లో 8, 9, 10వ తరగతులు చదువుతున్న విద్యార్థులకు కౌశల్‌ 2026 స్కూల్‌ లెవెల్‌ ఆన్‌లైన్‌ పరీక్ష రాసే అవకాశం కల్పించినట్లు కౌశల్‌ స్టేట్‌ కో ఆర్డినేటర్‌ మేకా సుసత్య రేఖ తెలిపారు. ఈ నెల 10న 8వ తరగతి విద్యార్థులకు, 11న 9వ తరగతి, 12న 10వ తరగతి విద్యార్థులకు పరీక్షలు పాఠశాల స్థాయిలో ఆన్‌లైన్‌లో నిర్వహిస్తామన్నారు. ప్రతిరోజూ మధ్యాహ్నం 1.30 నుంచి 3 గంటల మధ్య విద్యార్థులు తమ తమ పాఠశాలల్లోనే ఆన్‌లైన్‌లో 60 నిమిషాల పాటు పరీక్ష రాయాల్సి ఉంటుందన్నారు. హాల్‌ టిక్కెట్‌ నంబర్లను పాఠశాల డైస్‌ కోడ్‌ ఆధారంగా కేటాయించాలని, కౌశల్‌ఎగ్జామ్‌.బీవీఎమ్‌ఏపీ.ఆర్గ్‌/స్టూడెంట్‌–ఎగ్జామ్‌ అనే లింక్‌తో లాగిన్‌ పాస్‌వర్డ్‌గా కౌశల్‌ 2026 నమోదు చేయాలన్నారు. వివరాలకు 94408 54489 నంబర్‌ను సంప్రదించాలన్నారు.

అనపర్తి: స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) ఆధ్వర్యంలో అండర్‌–14 బాల బాలికల ఉమ్మడి జిల్లా స్థాయి వాలీబాల్‌ జట్ల ఎంపిక పోటీలు సోమవారం అనపర్తిలోని రామారెడ్డి జిల్లా పరిషత్‌ బాలుర ఉన్నత పాఠశాలలో నిర్వహించారు. ఈ పోటీల్లో సుమారు 280 మంది బాలబాలికలు, 60 మంది వ్యాయామ ఉపాధ్యాయులు పాల్గొన్నారు. ఈ ఎంపికల్లో ప్రతిభ కనబరిచిన క్రీడాకారులతో బాలబాలికల జట్లను ఎంపిక చేశారు. ఈ జట్లు ఈ నెల 11 నుంచి 13 వరకు పాడేరులో నిర్వహించే రాష్ట్రస్థాయి వాలీబాల్‌ పోటీల్లో ఉమ్మడి తూర్పుగోదావరి జిల్లా తరఫున పాల్గొంటాయని సెలెక్షన్స్‌ ఆర్గనైజింగ్‌ సెక్రటరీ, బాలుర ఉన్నత పాఠశాల పీడీ టీవీవీఎస్‌ రాఘవరెడ్డి తెలిపారు.

రాయవరం/కంబాలచెరువు: పదో తరగతి పరీక్షల ప్రక్రియలో తొలి అంకానికి విద్యాశాఖ శ్రీకారం చుట్టింది. 2027 మార్చిలో జరిగే పరీక్షలకు బుధవారం నుంచి పరీక్ష ఫీజు చెల్లించేందుకు ప్రభుత్వ పరీక్షల విభాగం ఇటీవల షెడ్యూల్‌ విడుదల చేసింది. ఈ నెల 25వ తేదీ లోపు ఎటువంటి అపరాధ రుసుం లేకుండా చెల్లించవచ్చని ప్రకటించింది. ఈ మేరకు ఏపీ ప్రభుత్వ పరీక్షల విభాగం డైరెక్టర్‌ ఇప్పటికే ఉత్తర్వులు జారీ చేసింది. రాష్ట్ర ప్రభుత్వ గుర్తింపు పొందిన జిల్లాలోని ఉన్నత పాఠశాల్లో విద్యాభ్యాసం చేస్తున్న రెగ్యులర్‌, ఫెయిల్‌ అయిన అభ్యర్థులు పరీక్ష ఫీజును చెల్లించాల్సి ఉంది. అపరాధ రుసుంతో.. 10వ తరగతి ఫీజు చెల్లించే అభ్యర్థులు ఈ నెల 25వ తేదీలోగా ఎటువంటి అపరాధ రుసుం లేకుండా చెల్లించుకోవచ్చు. ఉన్నత పాఠశాలల ప్రధానోపాధ్యాయులు అదే తేదీ లోగా నామినల్‌ రోల్స్‌ పూర్తి చేసి ఆ తరువాత పాఠశాల లాగిన్‌ లోని లింక్‌ ద్వారా మాత్రమే పరీక్ష ఫీజు చెల్లించాల్సి ఉంటుంది. రూ.50 అపరాధ రుసుంతో ఈ నెల 26 నుంచి డిసెంబర్‌ 2వ తేదీ వరకూ, రూ.200 అపరాధ రుసుంతో డిసెంబర్‌ 3 నుంచి 9వ తేదీ వరకూ, రూ.500 అపరాధ రుసుముతో డిసెంబర్‌ 10 నుంచి 15వ తేదీ వరకూ చెల్లించే వీలుంటుంది. జిల్లాలో పాఠశాలలు జిల్లాలో ప్రభుత్వ, ప్రభుత్వ యాజమాన్య పరిధిలో 253 ఉన్నత పాఠశాలలు ఉండగా వాటి పరిధిలో 15,100 విద్యార్థులు విద్యాభాస్యం చేస్తున్నారు. 260 ప్రైవేట్‌ ఉన్నత పాఠశాలల పరిధిలో 15,900 మంది విద్యార్థులు చదువుతున్నట్టు అధికార వర్గాల గణాంకాలు చెబుతున్నాయి. ఫీజు వివరాలు ఫ పాఠశాలల్లో చదువుతున్న రెగ్యులర్‌ విద్యార్థులు అన్ని సబ్జెక్టులకు కలిపి పరీక్ష ఫీజుగా రూ.125 చెల్లించాలి. ఫ ఫెయిలైన విద్యార్థులు మూడు లేదా అంతకన్నా తక్కువ సబ్జెక్టులకు రూ.110, మూడు లేదా అంతకన్నా అధికంగా ఎక్కువవారు రూ.125 చెల్లించాలి. ఫ వృత్తి విద్యా కోర్సులు అభ్యసించే విద్యార్థులు ఎస్‌ఎస్‌సీ పరీక్ష ఫీజుకు అదనంగా మరో రూ.60 కట్టాలి. ఫ తక్కువ వయసున్న విద్యార్థులు (అండర్‌ ఏజ్‌ స్టూడెంట్స్‌) ఫీజుగా రూ.300 చెల్లించాలి. ఫ చైల్డ్‌ విత్‌ స్పెషల్‌ నీడ్‌ విద్యార్థులు పరీక్ష ఫీజు చెల్లించనవసరం లేదు. సదరం సర్టిఫికెట్‌ లేనివారు సంబంధిత పాఠశాల హెచ్‌ఎం ద్వారా ప్రభుత్వ పరీక్షల విభాగం పంపించిన ఫార్మాట్లో సివిల్‌ సర్జన్‌ ధ్రువీకరించిన పత్రాన్ని సబ్మిట్‌ చేసే వీలును ప్రభుత్వం కల్పించింది. ఫ రేపటి నుంచి ఫీజు చెల్లింపు ప్రక్రియ ఫ అపరాధ రుసుం లేకుండా ఈ నెల 25 వరకు గడువు ఫ జిల్లాలో 31 వేల మంది విద్యార్థులు షెడ్యూల్‌ విడుదల ప్రభుత్వ పరీక్షల విభాగం పదో తరగతి పరీక్ష ఫీజు చెల్లింపునకు సంబంధించిన షెడ్యూల్‌ను ప్రభుత్వ పరీక్షల విభాగం ప్రకటించింది. ప్రధానోపాధ్యాయులకు పది పరీక్ష ఫీజుల చెల్లింపుపై అవగాహన కల్పిస్తాం. ప్రభుత్వం నిర్ణయించిన ఫీజులు మాత్రమే చెల్లించాలి. – కేవీ రమణారావు, డీసీఈబీ సెక్రటరీ, తూర్పుగోదావరి ఆన్‌లైన్‌లో చెల్లించాలి పరీక్ష ఫీజును సంబంధిత పాఠశాలల ప్రధానోపాధ్యాయుల ద్వారా ఆన్‌లైన్‌లో చెల్లించాలి. దీనికోసం బోర్డ్‌ ఆఫ్‌ సెకండరీ ఎడ్యుకేషన్‌ అధికారిక వెబ్‌సైట్‌ బీఎస్‌పీ.ఏపీ.గవ్‌.ఇన్‌ను చూడాలి. విద్యార్థుల వివరాలు, ఆధార్‌, యూ డైస్‌, అపార్‌ ఐడీ తదితర రికార్డులను సరిచూసుకుని హెచ్‌ఎంలు ఫీజు ప్రక్రియను పూర్తి చేయాలి. – కంది వాసుదేవరావు, జిల్లా విద్యాశాఖాధికారి

సాక్షి, రాజమహేంద్రవరం : జిల్లాలోని ప్రాథమిక వ్యవసాయ సహకార సంఘాల (పీఏసీఎస్‌) ఎన్నికల నిర్వహణకు కసరత్తు ప్రారంభమైంది. ఇప్పటికే మున్సిపల్‌, పరిషత్‌ పోరు ముగియగా త్వరలో పంచాయతీ ఎన్నికలు నిర్వహించనున్నారు. అవి పూర్తికాగానే పీఏసీఎస్‌ల ఎన్నిక నిర్వహణకు సహకార శాఖ కసరత్తు ప్రారంభించింది. గతంలో 2013లో పీఏసీఎస్‌లకు చివరిసారిగా ఎన్నికలు నిర్వహించారు. అనంతరం రాష్ట్ర విభజన తర్వాత ఇప్పటి వరకూ ఎన్నికలు నిర్వహించలేదు. ఈ క్రమంలో తొలిసారి నిర్వహించనున్న ఈ ఎన్నికల కోసం అవసరమైన ఏర్పాట్లు చేయాలంటూ సహకార సంఘాల రిజిస్ట్రార్‌ (ఆర్‌సీఎస్‌) అహ్మద్‌బాబు జిల్లా సహకార శాఖ అధికారులను ఆదేశిస్తూ శనివారం ఉత్తర్వులు జారీ చేశారు. ఈ మేరకు జిల్లాలోని 128 పీఏఎస్‌ల సిబ్బందిని జిల్లా ఉన్నతాధికారులు అప్రమత్తం చేశారు. ఓటర్ల జాబితాలకు తుది రూపు వాస్తవానికి ప్రాథమిక వ్యవసాయ సహకార సంఘాల్లోని సభ్యులందరికీ ఓట్లు ఉండవు. రూ.300 సభ్యత్వ రుసుము చెల్లించి, లావాదేవీలు నిర్వహించే వారికే ఓట్లు హక్కు ఉంటుంది. అన్ని పీఏసీఎస్‌లను డిజిటలైజ్‌ చేసినందున ప్రతి సభ్యుడు ఆధార్‌ కార్డుతో ఈకేవైసీ చేయించాల్సి ఉంటుంది. రుణాలు చెల్లించక డీఫాల్టర్‌ అయిన వారికి ఓటు హక్కు నిరాకరిస్తారు. మొత్తంగా చూస్తే ఆంధ్రప్రదేశ్‌ సహకార సంఘాల చట్టం 1964 ప్రకారం సభ్యత్వ నమోదు, ఓటర్ల అర్హతలు, అనర్హతలను నిర్దేశిస్తారు. పీఏసీఎస్‌ల వారీగా సభ్యత్వ వివరాలు ధ్రువీకరించి అర్హులైన ఓటర్ల తుది జాబితా సిద్ధం చేయాల్సి ఉంది. సభ్యత్వం ఉన్నప్పటికీ పూర్తి వివరాలు లేకుంటే ఈ కేవైసీ డ్రైవ్‌ నిర్వహించాల్సి ఉంటుంది. ప్రాథమిక ఏర్పాట్లు, జాబితాలపై పది రోజుల్లో నివేదికలు ఇవ్వాలని ఉన్నతాధికారులు కోరారు. ఒకే విడతలో ఎన్నికల నిర్వహణ జిల్లాలోని 128 పీఏసీఎస్‌లకు ఒకే విడతలో ఎన్నికల నిర్వహణకు వీలుగా అధికారులు కసరత్తు చేస్తున్నారు. అందుకోసం పోలింగ్‌ కేంద్రాల గుర్తింపుతోపాటు ఎన్నికల సామగ్రి, బ్యాలెట్‌ పెట్టెలు లభ్యతను అంచనా వేయాలని, స్ట్రాంగ్‌ రూమ్‌లను గుర్తించడంతోపాటు ఎన్నికల నిర్వహణలో అనుభవం ఉన్న సిబ్బందికి ముందుగానే శిక్షణ ఇవ్వాలని ఆర్‌సీఎస్‌ ఆదేశాలు జారీ చేశారు. అయితే ఇప్పటికీ ఉమ్మడి తూర్పు గోదావరి జిల్లాకు సంబంధించి డీసీసీబీ, డీసీఎంస్‌ సంయుక్తంగానే ఉన్నాయి. జిల్లాల విభజన జరిగినప్పటికీ వాటిని నేటికీ విభజించలేదు. ఈ క్రమంలో కొత్త జిల్లాల ప్రాతిపదికన డీసీసీబీ, డీసీఎంస్‌లను విభజించాల్సి ఉంది. అదే జరిగితే అవసరమైనచోట కొత్త సొసైటీలను కూడా ఏర్పాటు చేసే అవకాశం ఉంది. అయితే ప్రభుత్వం పాత జిల్లాల ప్రాతిపదికనే ఎన్నికలు నిర్వహిస్తుందా, జిల్లా పరిషత్‌ల విభజన మాది రిగానే ఆయా జిల్లాలకు ఎన్నికలు నిర్వహిస్తుందా అన్నది తేలాల్సి ఉంది. మొత్తంగా డిసెంబర్‌ చివరిలో లేదా జనవరి ప్రారంభంలో సహకార సంఘాల ఎన్నికలు పూర్తయ్యే అవకాశం కనిపిస్తోంది.ఫ పంచాయతీ ఎన్నికల తర్వాత నిర్వహణకు సన్నాహాలు? ఫ ఏర్పాట్లు చేయాలని సహకార సంఘాల రిజిస్ట్రార్‌ ఆదేశాలు ఫ జిల్లాలో 128 ప్రాథమిక సహకార సంఘాలు

అన్నవరం: ప్రముఖ పుణ్యక్షేత్రమైన అన్నవరంలోని వీర వేంకట సత్యనారాయణస్వామి దేవస్థానంలో కార్తిక మాసోత్సవాలు సోమవారం రాత్రి ఆకాశ దీపం ఏర్పాటుతో ప్రారంభమయ్యాయి. డిసెంబర్‌ ఎనిమిదో తేదీ వరకు ఉత్సవాలు కొనసాగనున్నాయి. గతేడాది సుమారు 20 లక్షల మంది భక్తులు రాగా, 1,34,500 వ్రతాలు నిర్వహించారు. 22 లక్షల ప్రసాదం ప్యాకెట్లు విక్రయించగా రూ.22.5 కోట్ల ఆదాయం సమకూరింది. ఈ ఏడాది 22 లక్షల మంది భక్తులు వస్తారని అంచనాతో ఏర్పాట్లు చేశారు. కార్తిక మాసంలో ప్రతిరోజూ ధ్వజస్తంభం వద్ద ఈ ఆకాశ దీపం ఏర్పాటు చేస్తామని ప్రధాన అర్చకుడు కోట సుబ్రహ్మణ్యం తెలిపారు. కార్తిక మాసం ప్రారంభం సందర్భంగా అన్నవరంలో సోమవారం రాత్రి ఏర్పాటు చేసిన ఆకాశ దీపం

ఫ రూ. 20 లక్షల నష్టం ఫ తడిసిన పొగాకును క్యూరింగ్‌ చేస్తుండగా ఘటన దేవరపల్లి: తుపాను వర్షాలకు తడిసిపోయిన పొగాకును బ్యారన్‌లో క్యూరింగ్‌ చేస్తుండగా, మంటలు వ్యాపించి సుమారు రూ.10 లక్షల విలువ గల పొగాకుతో పాటు, మరో రూ.10 లక్షలు విలువ గల బ్యారన్‌ దగ్ధమైంది. నల్లజర్ల మండలం పోతవరంలో సోమవారం ఈ ఘటన జరిగింది. వివరాల్లోకి వెళితే.. గ్రామానికి చెందిన రైతు గద్దే తాతారావుకు చెందిన 30 పొగాకు బేళ్లు (సుమారు 40 క్వింటాళ్లు) ఇటీవల కురిసిన వరీ వర్షాలకు తడిచిపోయాయి. వాటిని ఆరబెట్టినప్పటికీ ప్రయోజనం లేకపోవడంతో తిరిగి బ్యారన్‌లో పెట్టి క్యూరింగ్‌ చేసేందుకు ప్రయత్నించారు. ఈ క్రమంలో సోమవారం ఉదయం పొగాకు క్యూరింగ్‌ చేస్తుండగా ప్రమాదవశాస్తూ ఆకులు రాలిపడటంతో అగ్ని ప్రమాదం జరిగి బేళ్లన్నీ పూర్తిగా కాలిబూడిదయ్యాయి. దీంతో పాటు బ్యారన్‌ కూడా కాలిపోయింది. సమాచారం అందుకున్న అగ్నిమాపక అధికారులు ఘటనా స్థలానికి వచ్చి మంటలను అదుపు చేశారు.

ఫ రాజకీయ పార్టీల కార్యకర్తల సంబరాలు ఫ ‘నన్నయ’ వద్ద ఉత్కంఠ వాతావరణం ఫ హైవేపై గుంపులుగా చేరి సందడి రాజానగరం: జిల్లాలోని 12 మండలాలకు సంబంధించిన జెడ్పీటీసీ, ఎంపీటీసీ ఓట్ల లెక్కింపు ప్రక్రియ ఆదికవి నన్న యూనివర్సిటీ ప్రాంగణంలో శనివారం ఉదయం 8 గంటల నుంచి ప్రారంభమై రాత్రి 6.30 గంటల వరకు కొనసాగింది. దీంతో ఫలితాలను ఎప్పటికప్పుడు తెలుసుకోవాలనే ఉత్సుకతతో 12 మండలాలకు చెందిన ప్రధాన పార్టీల నాయకులు, కార్యకర్తలు, అభిమానులు భారీ ఎత్తున తరలి వచ్చారు. వారిలో పాస్‌లు ఉన్న వారిని యూనివర్సిటీ ప్రాంగణంలోకి అనుమతించారు. దీంతో మిగిలిన వారంతా యూనివర్సిటీ ఎదురుగా ఉన్న జాతీయ రహదారిపై గుంపులు గుంపులుగా వేచి ఉన్నారు. రౌండ్ల వారీగా జరిగిన ఓట్ల లెక్కింపుకు సంబంధించిన సమాచారం తెలుసుకుని, తదనుగుణంగా కేరింతలు కొడుతూ రహదారి అంతటా విస్తరించడంతో ఉదయం నుంచి సాయంత్రం వరకు ఉత్కంఠ వాతావరణం నెలకొంది. ఆ సమయంలో వారిని కట్టడి చేసేందుకు పోలీసులు తమ ప్రతాపాన్ని చూపే ప్రయత్నం చేసినా ఫలితం లేకపోయింది. చివరకు ఓట్ల లెక్కింపు తుది దశలకు చేరుకునే సమయంలో చాలామంది కార్యకర్తలు యూనివర్సిటీలో లెక్కింపు జరిగే ప్రాంతానికి చేరుకోవడంతో అక్కడ కూడా రద్దీ ఏర్పడింది. మీడియా ప్రతినిధుల పడిగాపులు ఓట్ల లెక్కింపు జరిగే ప్రాంతానికి మీడియాను కూడా అనుమతించలేదు. అయితే ఆ ప్రాంతానికి చేరువగా కాకుండా సుదూరంగా ఒక టెంట్‌ వేసి, దానికి ఎలక్ట్రానిక్‌ అండ్‌ ప్రింట్‌ మీడియా అంటూ బోర్డు తగిలించి, చేతులు దులిపేసుకున్నారు. నిన్నటి వరకు ఓట్ల లెక్కింపుకు సంబంధించిన సమాచారాన్ని ప్రతి గంటకు ప్రకటిస్తామని, మీడియా పాయింట్‌లో డిస్‌ప్లే చేస్తామని జిల్లా ఉన్నతాధికారులు సైతం తెలిపారు. అయితే ఈ రోజు ఆ విధమైన సదుపాయాలు ఎక్కడా కానలేదు సరి కదా, మీడియా పాయింట్‌ వద్ద కూడా కూర్చునేందుకు వీలు లేకుండా ఎన్నికలలో పోటీ చేసిన అభ్యర్థుల అనుయాయులు ఆ ప్రాంతాన్ని ఆక్రమించేశారు. దీంతో లెక్కింపు కేంద్రం సమీపంలోకి వెళ్లి డివైడర్‌పై కూర్చుని, బయటకు వచ్చే వారిని నుంచి లెక్కింపు ఫలితాలను తెలుసుకునే ప్రయత్నం చేసిన మీడియా ప్రతినిధులను కూడా పోలీసులు ‘ మీడియా అయినా సరే, ఇక్కడ ఉండటానికి వీలు లేదు, వెళ్లిపోండి’ అంటూ దురుసుగా పంపించి వేశారు. ఈ నేపథ్యంలో ఇటువంటి వాతావరణం ఏ ఎన్నికలలోనూ చూడలేదంటూ సీనియర్‌ పాత్రికేయులు సైతం ఆవేదన వ్యక్తం చేసి, అక్కడ నుంచి బయటకు వచ్చేశారు. ఫలితాలను ఎందుకు ప్రకటించలేదు ఓట్ల లెక్కింపు అనంతరం ప్రతి రౌండ్‌కి అభ్యర్థులకు లభించిన ఓట్ల వివరాలను, మెజార్టీని మైకు ద్వారా బయట వారికి తెలిసేలా అనౌస్‌మెంట్‌ (ప్రకటన) చేయాల్సి ఉంది. అలాగే బయట బోర్డులో డిస్‌ ప్లే చేయాలి. ఇక్కడ అవేమీ జరుగలేదు. గెలుపొందిన అభ్యర్థులుగానీ, వారి సంబంధీకులుగానీ బయటకు వెళ్లిపోతూ చెబితేనే ఫలితాల వివరాలు తెలిసే పరిస్థితి ఈసారి ఎదురైంది.

ఫ వైఎస్సార్‌ సీపీ కార్యకర్తపై దాడి ఫ కౌంటింగ్‌ కేంద్రం నుంచి వెళుతుండగా ఘటన సీతానగరం: అధికార బలంలో విర్రవీగుతున్న టీడీపీ, జనసేన కార్యకర్తలు విచక్షణారహితంగా వైఎస్సార్‌ సీపీ శ్రేణులపై దాడి చేశారు. మండలంలోని ఉండేశ్వరపురంలో శనివారం జరిగిన ఈ ఘటనలో వేమగిరి విజయ్‌ ప్రకాష్‌ తీవ్రంగా గాయపడ్డాడు. వివరాల్లోకి వెళితే.. ఉండేశ్వరపురం ఎంపీటీసీ స్థానంలో వైఎస్సార్‌ సీపీ ఓటమి చెందింది. దీంతో రాత్రి 7.30 గంటల సమయంలో రాజానగరంలోని కౌటింగ్‌ కేంద్రం నుంచి ఉండేశ్వరపురం సెంటర్‌ మీదుగా వేమగిరి విజయ్‌ ప్రకాష్‌ తదితరులు తమ ఇళ్లకు వెళుతున్నారు. ఈ క్రమంలో సెంటర్‌లో ఉన్న టీడీపీ, జనసేన చెందిన పలువురు వీరిని రెచ్చకొట్టేలా పరుష పదజాలంలో దూషించారు. దీనితో వైఎస్సార్‌ సీపీ కార్యకర్తలు అభ్యంతరం తెలపడంతో కూటమి కార్యకర్తలు దాడి చేశారు. ఈ ఘటనలో విజయ్‌ ప్రకాష్‌కు తీవ్ర గాయాలయ్యాయి. దీంతో వైఎస్సార్‌ సీపీకి చెందిన వేమగిరి నాగ మునేశ్వరరావు, వేమగిరి పెద రాంబాబు, వేమగిరి డేవిడ్‌తో పాటు సుమారు 50 మంది రోడ్డుపై బైఠా యించి నినాదాలు చేశా రు. సమాచారం అందుకున్న ఎస్సై ఎల్‌. శ్రీను నాయక్‌ తన సిబ్బందితో సంఘటనా స్థలానికి చేరుకున్నారు. వైఎస్సార్‌ సీపీ వారితో మాట్లాడి, గాయమైన విజయ్‌ ప్రకాష్‌ను రాజమహేంద్రవరం ప్రభుత్వ ఆసుపత్రికి తీసుకువెళ్లాని సూచించారు.

కొత్తపేట: ఎంపీటీసీ ఎన్నికల్లో వైఎస్సార్‌ సీపీ, తెలుగుదేశం పార్టీల తరఫున తండ్రి, తనయ విజయం సాధించారు. కొత్తపేట మండల పరిధి పలివెల శివారు పూజారిపాలెం గ్రామానికి చెందిన వైఎస్సార్‌ సీపీ నాయకుడు పొనుగుపాటి సత్యనారాయణ తన కుమార్తె చాందినీకి కొత్తపేటలో టీడీపీ కుటుంబానికి చెందిన బూసి చరణ్‌తో వివాహం చేశారు. ప్రస్తుత స్థానిక సంస్థల ఎన్నికల్లో సత్యనారాయణ పలివెల – 2 ఎంపీటీసీ స్థానం నుంచి వైఎస్సార్‌ అభ్యర్థిగా పోటీ చేశారు. ఆయన కుమార్తె చాందిని కొత్తపేట – 2 ఎంపీటీసీ స్థానం నుంచి టీడీపీ తరఫున బరిలో నిలిచారు. వీరిద్దరూ ఈ ఎన్నికల్లో విజయం సాధించారు. మండల పరిషత్‌లో తండ్రీ తనయలు అధికార, ప్రతిపక్ష సభ్యులుగా వ్యవహరించనున్నారు. క్షేత్రపాలకుని ఆలయానికి కార్తిక శోభ ద్వారకాతిరుమల: ప్రముఖ పుణ్యక్షేత్రం ద్వారకాతిరుమల చిన వెంకన్న ఆలయానికి ఉపాలయమైన భ్రమరాంబా సమేత క్షేత్రపాలకుని ఆలయం కార్తిక మాసోత్సవాలు ముస్తాబవుతోంది. ఈ నెల 10 నుంచి డిసెంబర్‌ 8 వరకు నెల రోజుల పాటు ఉత్సవాలు నిర్వహించనున్నట్లు ఆలయ ఈఓ వేండ్ర త్రినాథరావు తెలిపారు. ఈ నెల 9వ తేదీ సోమవారం సాయంత్రం ఆకాశ దీపోత్సవంతో కార్యక్రమాలు ప్రారంభం కాను న్నాయి. 16, 23, 30 తేదీల్లో కార్తిక సోమవారా లను పురస్కరించుకుని ఉదయం ప్రత్యేక అభిషేకాలు, సాయంత్రం ఆకాశ దీపం, గ్రామోత్సవాలు నిర్వహిస్తారు. 24న కార్తిక పౌర్ణమి సందర్భంగా అభిషేకాలు, ఆకాశ దీపం, జ్వాలాతోరణం, గ్రామోత్సవం జరగనున్నాయి. 27న ఆ రుద్ర నక్షత్రాన్ని పురస్కరించుకుని అభిషేకాలు, స్వామివారి కల్యాణం, సాయంత్రం ఆకాశదీపం నిర్వహించనున్నారు. ఈ నెల 30న ఆకాశ దీపంతో పాటు ప్రభోత్సవం జరగనుంది. డిసెంబర్‌ 7న ఉదయం 9 గంటలకు మహన్యాస పూర్వక ఏకాదశ రుద్రాభిషేకం, లక్ష బిల్వార్చన, సహస్ర జ్యోతిర్లింగార్చన నిర్వహిస్తారు. ఆరోజు సాధారణ అభిషేకాలు, రుద్రహోమం, గ్రామోత్సవాలు ఉండవని ఈఓ తెలిపారు. డిసెంబర్‌ 8తో ఉత్సవాలు ముగియనున్న నేపథ్యంలో భక్తులు అధిక సంఖ్యలో తరలివచ్చి స్వామివారిని దర్శించుకుని ప్రత్యేక పూజల్లో పాల్గొనాలని ఆయన కోరారు. చిన్న అన్నవరంలో.. రెండో అన్నవరం (చిన్న అన్నవరం)గా ప్రసిద్ధి చెందిన లింగపాలెం మండలం రంగాపురంలోని భూనీళా సమేత సత్యనారాయణస్వామి దేవస్థానంలో కార్తిక మాసోత్సవాలకు ఏర్పాట్లు చేస్తున్నారు. ఈ నెల 10 నుంచి డిసెంబర్‌ 8వ తేదీ వరకు ప్రత్యేక పూజా కార్యక్రమాలు నిర్వహించనున్నట్లు ఆలయ ఈఓ వేండ్ర త్రినాథరావు తెలిపారు. ఈ క్షేత్రంలో ప్రతి రోజూ సత్యనారాయణస్వామివారి వ్రతాలు భక్తిశ్రద్ధలతో నిర్వహిస్తారని, భక్తులు అధిక సంఖ్యలో తరలివచ్చి స్వామివారిని దర్శించుకోవాలని ఆయన కోరారు.

ఫ ఈ నెల 10 నుంచి కార్తిక మాసం ప్రారంభం ఫ హరిహరులకు ప్రీతికరం ఫ భక్తుల పుణ్యస్నానాలతో రేవుల్లో సందడి ఫ కన్నుల పండువగా దీపారాధనలు సీటీఆర్‌ఐ(రాజమహేంద్రవరం): హరిహరులకు ఎంతో ప్రీతికరమైన కార్తిక మాసం ఈ నెల 10వ తేదీ నుంచి ప్రారంభం కానుంది. ఈ మాసంలో దీపారాధనకు విశేష ప్రాధాన్యం ఉంది. అన్ని ఆలయాలు, నదీ తీరాలు, ఇళ్లల్లో దీపాలను వెలిగించడం పుణ్యప్రదమని కార్తిక పురాణం చెబుతోంది. దీప దర్శనం, దీప దానం, దీప ప్రకాశనం అనే మూడు అంశాలు ఈ మాసంలో ఎంతో పుణ్యాన్నిస్తాయని భక్తులు విశ్వసిస్తారు. ఒక్క మనుషులే కాకుండా పశుపక్షాదులు, క్రిమికీటకాలు, సమస్త జీవరాశీ ఈ మాసంలో దీపదర్శనంతో తరిస్తాయని నానుడి. ఆవు నెయ్యి, నువ్వుల నూనె, ఆముదం, విప్ప నూనె వంటి వాటితో కూడా దీపారాధనలు చేస్తారు. అలాగే నదీ స్నానం, దానధర్మాలు, ఉపవాసాలు, పూజలు, వ్రతాలు, నోములకు కూడా ఈ మాసంలో ఎంతో ప్రాధాన్యం ఉంది. ఆలయాల విశిష్టత ● రాజమహేంద్రవరంలోని పవిత్ర గోదావరి తీరం మంగళవారం నుంచి శివనామ స్మరణతో మార్మోగనుంది. మార్కండేయ మహర్షి ప్రతిష్ఠించిన శివ లింగాన్ని గోదావరి గట్టున ఉన్న ఉమా మార్కండేయేశ్వరస్వామి ఆలయంలో చూడవచ్చు. ● భువనేశ్వరీ సహిత ఉమా కోటిలింగేశ్వర స్వామి ఆలయం గోదావరి తీరాన కోటిలింగాల పేటలో ఉంది. ఇది అతి ప్రాచీనమైన, పురాతన ఆలయం. బ్రహ్మదేవుడే విప్రుని వేషంలో వచ్చి ఇక్కడ కోటిలింగాలు ప్రతిష్ఠించాడని, అందులో ఒక లింగం మాయం కావడంతో మహర్షులు కాశీ క్షేత్రం నుంచి ఒక లింగాన్ని తెచ్చి ప్రతిష్ఠించారని తెలుస్తోంది. అదే ప్రస్తుతం ఆలయంలో పూజలందుకుంటున్న కోటిలింగేశ్వరస్వామి లింగమని చెబుతారు. కోటిలింగాల క్షేత్రానికి అభినవ విరూపాక్ష పీఠమనే పేరు కూడా ప్రాచుర్యంలో ఉంది. ● గాడాలలోని మహాలక్ష్మీ సమేత వేంకటేశ్వరస్వామివారి పీఠంలో కార్తిక మాసం సందర్భంగా రుద్రకాళీ సమేత వీరేశ్వరస్వామివారికి 1.20 వేల రుద్రాక్షలతో అర్చన చేస్తారు. ● కార్తిక మాసంలో సోమవారానికి ప్రత్యేక విశిష్టత ఉంది. పరమ శివునికి ప్రీతికరమైన రోజు అందులో కార్తిక మాసంలో వచ్చే సోమవారాలకు అత్యంత ప్రాధాన్యమిస్తారు. ఈ ఏడాది కార్తిక సోమవారాలు నవంబర్‌ 16, 23, 30, డిసెంబర్‌ 7వ తేదీల్లో రానున్నాయి. ప్రతి రోజూ పుణ్యదినమే కార్తిక మాసంలో ప్రతి రోజూ పుణ్యదినమే. ప్రతి రోజూ నదీ స్నానం చేసి దీప దర్శనం చేసుకోవడం వల్ల పాపభీతి తొలగి, ఆ హరిహరుల కృపకు పాత్రులవుతాం. అంతే కాకుండా ఈ మాసంలో పుణ్యదానాలు చేయడం శుభాన్ని కలిగిస్తుంది. ఈ మాసంలో దీపం వెలిగించడం వల్ల జ్ఞానం లభిస్తుంది. – చిన్న వెంకన్న బాబు, మహాలక్ష్మి సమేత వేంకటేశ్వరస్వామి పీఠాధిపతి శివకేశవులకు ప్రీతికరం కార్తిక మాసం శివకేశవులిద్దరికీ ప్రీతికరమైనది. ఇటు శివుని పరంగా కార్తిక సోమవారాలు, నాగుల చవితి వంటి పర్వదినాలు, అటు విష్ణువు పరంగా ఏకాదశి, క్షీరాబ్ది ద్వాదశి వంటి పర్వదినాలు ఈ మాసంలోనే వస్తాయి. వన సమారాధనల్లో ఉసిరి చెట్టు నీడన సాలగ్రామ పూజలు చేయడం, కార్తిక దామోదర ప్రీత్యర్థం పూజలు చేయడం వల్ల శివకేశవులిద్దరినీ ఈ మాసంలో పూజించడం సంప్రదాయం. – పెద్దింటి నీలకంఠశర్మ, ఉమామార్కండేయేశ్వరస్వామి ఆలయ ప్రధాన అర్చకుడు ఉమా మార్కండేయేశ్వర స్వామి దేవాలయం (ఫైల్‌) కార్తిక మాసంలో పండగలు ఇవే.. కార్తిక మాసంలో నవంబర్‌ 13న నాగుల చవితి, 20న శుద్ధ ఏకాదశి, 21న క్షీరాబ్ధి ద్వాదశి, 24న జ్వాలా తోరణం, డిసెంబర్‌ 9న పోలి స్వర్గం, డిసెంబర్‌ 15న సుబ్రహ్మణ్యేశ్మర షష్టి పండగలు రానున్నాయి.

● కూటమి కుట్రకు చెక్‌ పెట్టిన ఓటర్లు ● బుచ్చింపేటలో వైఎస్సార్‌ సీపీకి పట్టంరాజానగరం: ఎన్నికల్లో పోటీ పడలేక దొడ్డి దారిలో గెలవాలనుకున్న కూటమి నాయకులకు ప్రజలు గుణపాఠం చెప్పారు. ఓ ఎంపీటీసీ స్థానాన్ని వేలం పేరుతో దక్కించుకునేందుకు చేసిన ప్రయత్నాన్ని విఫలం చేశారు. డబ్బుతో విజయం సాధించాలనుకున్న వారి కుట్రను ఓటుతో తిప్పికొట్టారు. కోరుకొండ మండలం బుచ్చింపేట ఎంపీటీసీ స్థానం నుంచి వైఎస్సార్‌ సీపీ అభ్యర్థిగా పోటీ చేసిన అనపర్తి మణికంఠను 500 ఓట్ల మెజార్టీతో గెలిపించి, ప్రజాస్వామ్యాన్ని కాపాడారు. తద్వారా ప్రజలందరికీ ఆదర్శంగా నిలిచారు. వివరాలు ఇవీ.. సార్వత్రిక ఎన్నికల సమయంలో ఇచ్చిన హామీలను అమలు చేయక, పెరిగిన ధరలను నియంత్రించలేక, అన్ని వర్గాల ప్రజలను చంద్రబాబు కూటమి ప్రభుత్వం మోసం చేసింది. ఈ నేపథ్యంలో ప్రజల నుంచి తీవ్ర వ్యతిరేకత రావడంతో స్థానిక ఎన్నికల్లో ఎలాగైనా గెలవాలని ఆ పార్టీల నాయకులు కుయుక్తులు పన్నారు. ఈ క్రమంలో ఆ పార్టీలకు చెందిన ప్రజాప్రతినిధి, మరో నాయకుడు కలిసి కోరుకొండ మండలం బుచ్చింపేట ఎంపీటీసీ స్థానాన్ని దక్కించుకోవడానికి కుట్ర పన్నారు. ఆ స్థానం నుంచి వైఎస్సార్‌ సీపీ అభ్యర్థిగా నామినేషన్‌ వేసిన అతడిని పోటీ నుంచి తప్పించే ప్రయత్నం చేశారు. గ్రామంలోని దేవాలయం అభివృద్ధి నెపంతో కొందరు వేలం పాట నిర్వహించారు. ఎక్కువకు పాడుకున్న వారిని ఏకగ్రీవం చేయాలని భావించారు. తద్వారా కూటమి అభ్యర్థిని గెలిపించడానికి పథకం రచించారు. విషయం తెలుసుకున్న వైఎస్సార్‌ సీపీ యువజన విభాగం రాష్ట్ర అధ్యక్షుడు, మాజీ ఎమ్మెల్యే జక్కంపూడి రాజా వెంటనే ఆ గ్రామానికి చేరుకున్నారు. వైఎస్సార్‌ సీపీ అభ్యర్థిగా నామినేషన్‌ వేసిన మణికంఠకు అండగా నిలిచారు. కూటమి కుట్రను గమనించి గ్రామస్తులు కూడా ఫ్యాన్‌ గుర్తుకు ఓట్లు వేసి మణికంఠను గెలిపించుకున్నారు.

పవిత్ర కార్తిక మాసంలో నదీ స్నానాలకు విశేష ప్రాధాన్యం ఉంది. భక్తులు వేకువజామునే నదీలో పుణ్యస్నానాలు ఆచరించి, సమీపంలో ఆలయాలను సందర్శిస్తారు. అయితే కార్తిక మాసం ప్రారంభం అవుతున్నా యంత్రాంగం నిర్లక్ష్యంగా వ్యవహరిస్తోంది. భక్తులు పుణ్యస్నానాలు ఆచరించే పుష్కర, కోటిలింగాల, సరస్వతి, వీఐపీ, గౌతమి ఘాటలలో ఇప్పటి వరకు ఎలాంటి ఏర్పాట్లు చేయలేదు. దక్షిణ కాశీగా పేరొందిన కోటిలింగాల క్షేత్రంలో అయితే స్నానమాచరించలేని పరిస్థితి ఉంది. ఆ ఘాట్‌ బురదతో నిండిపోయి అపరిశుభ్రంగా మారింది. అక్కడి బురదను తొలగించి, స్నానమాచరించడానికి వీలుగా మార్చాలని భక్తులు వేడుకొంటున్నారు. కోటిలింగాల ఘాట్‌లో పేరుకుపోయిన చెత్త

నా చేలో పంటను ఈ వారంలో కోయాల్సి ఉంది. సమయానికి తుపాన్లు వచ్చి నష్టాన్ని మిగిల్చాయి. ఎకరాను రూ. 40 వేలకు కౌలుకు తీసుకుని, మరో రూ. 40 వేలు పెట్టుబడి పెట్టి వరి పండించాను. గతేడాది ఖరీఫ్‌లో మొంథా తుపాను సమయంలో 10 ఎకరాల్లో పంట పూర్తిగా పాడైపోయింది. అధికారులు వచ్చి నమోదు చేశారు గానీ ఇప్పటి వరకు రూపాయి కూడా ఇవ్వలేదు. వైఎస్సార్‌ సీపీ ప్రభుత్వంలో ఎప్పటి పంట నష్ట పరిహారం అప్పుడే ఇచ్చేది. టీడీపీ ప్రభుత్వం పట్టించుకోవడంలేదు. – జగతా సత్యనారాయణ, కౌలు రైతు, చిట్యాల, గోపాలపురం మండలం

● కొవ్వాడ ముంపులో కుళ్లిపోతున్న వరి చేలు ● తీవ్రంగా నష్టపోయిన అన్నదాతలు ● చేతికొచ్చిన పంట వరద పాలు ● జాడలేని ప్రజాప్రతినిధులు దేవరపల్లి: పంట చేతికందే దశలో విరుచుకుపడిన అర్నబ్‌, మురసు తుపాన్లు అన్నదాతల ఆశలను నిలువునా ముంచేశాయి. భారీ వర్షాల కారణంగా పొలాలు ముంపు బారిన పడ్డాయి. సాధారణంగా తుపాన్ల సమయంలో డెల్టా ప్రాంతాలు ముంపునకు గురవుతాయి. కానీ అర్నబ్‌, మురసు తుపానులతో మెట్ట ప్రాంతంలోని అనేక గ్రామాలు జలదిగ్భందంలో చిక్కున్నాయి. ప్రధాన రహదారులపై ఐదు నుంచి పది అడుగుల ఎత్తున నీరు ప్రవహించింది. ఆ ప్రవాహానికి రోడ్లపై ఉన్న కార్లు, ఆటోలు, ద్విచక్ర వాహనాలు కొట్టుకుపోయాయి. ముంపులోనే చేలు వర్షాలు తగ్గినప్పటికీ వరి చేలు నేటికి ముంపులోనే నానుతున్నాయి. పంటపై 2 నుంచి 4 అడుగుల ఎత్తున వరద నీరు ఉండడంతో చేలు చెరువుల్లా మారాయి. వరి, మినుము చేలు పూర్తిగా నీటిలో ఉండడంతో రైతులు కన్నీరు మున్నీరు అవుతున్నారు. దేవరపల్లి మండలం గౌరీపట్నం, కొండగూడెం, యర్నగూడెం, త్యాజంపూడి, గోపాలపురం మండలం చిట్యాల, వెంకటాయపాలెం, చెరుకుమిల్లి, భీమోలు గ్రామాల్లో వేల ఎకరాల వరి చేలు మునిగిపోయాయి. గోపాలపురం మండలంలో కొవ్వాడ కాలువ ముంపునకు సుమారు 4 వేల ఎకరాలు నీట మునిగినట్టు రైతులు తెలిపారు. గోపాలపురం మండలానికి ఎగువనున్న కన్నాపురం, దిప్పకాయలపాడు, కొయ్యలగూడెం, ప్రాంతాల నుంచి వచ్చిన వరద నీటికి మండలంలోని భీమోలు, గోపాలపురం, చిట్యాల చెరువులు తెగిపోయి నీరు కొవ్వాడ కాలువలో కలవడంతో నీటి ప్రవాహం పంట చేలను ముంచెత్తినట్టు రైతులు తెలిపారు.

సాక్షి, రాజమహేంద్రవరం: సొంత నియోజకవర్గంలో జనసేనకు గట్టి ఎదురుదెబ్బ తగిలింది. రాజానగరం ఎమ్మెల్యే బత్తుల బలరామకృష్ణకు పరిషత్‌ ఎన్నికల ఫలితాలు రాజకీయంగా ఇబ్బందికర పరిస్థితిని తెచ్చిపెట్టాయి. ఎమ్మెల్యేగా ఆయన ప్రాతినిధ్యం వహిస్తున్న నియోజకవర్గంలోనే భార్య బత్తుల వెంకటలక్ష్మి జెడ్పీటీసీ అభ్యర్థిగా ఓటమి పాలవడం ఒక ఎత్తయితే, ఆయన సొంత గ్రామమైన గాదరాడలోనూ జనసేనకు ఆశించిన ఫలితాలు దక్కకపోవడం మరో ఎత్తు. ఇక నియోజకవర్గంలోని సీతానగరం, కోరుకొండ మండలాల్లోనూ వైఎస్సార్‌ సీపీ అద్భుత ఫలితాలు సాధించడంతో జనసేన రాజకీయ బలంపై చర్చ మొదలైంది. ఎమ్మెల్యే కుటుంబానికి సొంత నియోజకవర్గంలోనే ఓటర్లు గట్టి సందేశం ఇచ్చారనే అభిప్రాయాలు వ్యక్తమవుతున్నాయి. ఎమ్మెల్యే భార్యకూ తప్పని ఓటమి రాజానగరం నియోజకవర్గ పరిధిలోని సీతానగరం జెడ్పీటీసీ స్థానానికి జనసేన తరఫున బత్తుల బలరామకృష్ణ సతీమణి బత్తుల వెంకటలక్ష్మి పోటీ చేశారు. అయితే వైఎస్సార్‌ సీపీ అభ్యర్థి కరుటూరి శ్రీహరిబాబు చేతిలో ఆమె 2,600 ఓట్ల భారీ తేడాతో ఓటమి పాలయ్యారు. ఎమ్మెల్యే భార్య స్వయంగా బరిలో నిలిచినా ఓటర్లు వైఎస్సార్‌ సీపీ అభ్యర్థికి పట్టం కట్టడం రాజకీయంగా ప్రాధాన్యం సంతరించుకుంది. నియోజకవర్గంలో అధికార పార్టీకి ఉన్న బలాన్ని, స్థానికంగా నెలకొన్న రాజకీయ పరిస్థితులను ఈ ఫలితం ప్రతిబింబిస్తోందనే విశ్లేషణలు వినిపిస్తున్నాయి. ఈ ఓటమిని ఎమ్మెల్యే బత్తుల ఓటమిగానే చూడాలనే వాదన వినిపిస్తోంది. స్వగ్రామంలోనూ షాక్‌ ఎమ్మెల్యే బత్తుల బలరామకృష్ణ స్వగ్రామం కోరుకొండ మండలంలోని గాదరాడ. ఈ గ్రామంలో రెండు ఎంపీటీసీ స్థానాలుండగా ఒక స్థానంలో జనసేన, మరోచోట టీడీపీ పోటీ చేశాయి. అయితే జనసేనపై వైఎస్సా ర్‌సీపీ అభ్యర్థి గెలుపొందారు. టీడీపీ పోటీ చేసిన స్థానంలోనూ వైఎస్సార్‌ సీపీ అభ్యర్థికి విజయావకాశాలు ఉన్నప్పటికీ రీకౌంటింగ్‌కు అధికారులు అంగీకరించలేదు. అందువల్ల ఆ స్థానం టీడీపీ గెలిచినట్టయింది. మొత్తంగా స్వగ్రామంలో రెండు స్థానాలనూ గెలుచుకోవాలన్న బత్తుల ఆశలకు గండిపడినట్లయింది. ముఖ్యంగా ఆ గ్రామంలో జనసేన ఓడిపోవడం ఎమ్మెల్యేకు భారీ షాక్‌గానే భావించాలి. ఎమ్మెల్యే సొంత ఊరిలోనే ఒక ఎంపీటీసీ స్థానాన్ని వైఎస్సార్‌ సీపీ కై వసం చేసుకోవడం ప్రస్తుతం జిల్లా వ్యాప్తంగా చర్చనీయాంశంగా మారింది. వైఎస్సార్‌ సీపీ జోరు ● సీతానగరం మండలంలో 20 ఎంపీటీసీ స్థానాలుండగా వైఎస్సార్‌ సీపీ అభ్యర్థులు 12 చోట్ల విజయం సాధించారు. కూటమి అభ్యర్థులు ఎనిమిది స్థానాలకే పరిమితమయ్యారు. ఇందులో జనసేన పరిస్థితి మరింత దయనీయంగా మారింది. ఆ పార్టీ ఆరు స్థానాల్లో పోటీ చేయగా ఒక్క స్థానంలో మాత్రమే గెలుపొందింది. మిగిలిన స్థానాల్లో ఓటమి చవిచూసింది. ఎమ్మెల్యే భార్య పోటీ చేసిన మండలంలోనే జనసేనకు ఇలాంటి ఫలితం రావడం ఆ పార్టీ నాయకత్వానికి ఆత్మపరిశీలన అవసరమనే సంకేతాలిస్తోంది. ● కోరుకొండ మండలంలో మొత్తం 23 ఎంపీటీసీ స్థానాలుండగా వైఎస్సార్‌ సీపీ 12 స్థానాలను కై వసం చేసుకుంది. కూటమి అభ్యర్థులు 11 స్థానాల్లో విజయం సాధించారు. ఇక్కడ కూడా జనసేనకు ఆశించిన స్థాయిలో ఫలితాలు దక్కలేదు. ఆ పార్టీ 12 స్థానాల్లో పోటీ చేయగా ఏడు స్థానాల్లో మాత్రమే గెలుపొందింది. మిగిలిన ఐదు స్థానాల్లో ఓటమి ఎదురైంది. ఎమ్మెల్యే స్వగ్రామం ఉన్న మండలంలోనే వైఎస్సార్‌ సీపీ ఆధిక్యం సాధించడం జనసేనకు రాజకీయంగా ఇబ్బందికర పరిణామంగా మారింది. పెల్లుబికిన అసంతృప్తి పరిషత్‌ ఫలితాల్లో జనసేనకు గట్టి షాక్‌ తగలడం వెనుక ప్రభుత్వ వ్యతిరేకతతో పాటు ఎమ్మెల్యే బత్తుల బలరామకృష్ణపై స్థానికంగా పెరిగిన అసంతృప్తి కూడా కారణమని రాజకీయ పరిశీలకులు విశ్లేషిస్తున్నారు. గత రెండున్నరేళ్లలో నియోజకవర్గంలో అవినీతి, అక్రమాలు, మట్టి, ఇసుక తవ్వకాలు పెరిగిపోవడంతో ప్రజల్లో తీవ్ర అసంతృప్తి పేరుకుపోయింది. స్థానిక సమస్యల పరిష్కారంలో నిర్లక్ష్యం, అధికార పార్టీ నేతల వ్యవహారశైలిపై ఆగ్రహంతో ఉన్న ఓటర్లు సరైన సమయంలో ఓటుతో బత్తుల బలరామకృష్ణకు, జనసేనకు బుద్ధి చెప్పారనే అభిప్రాయాలు వ్యక్తమవుతున్నాయి. ఎన్నికల్లో స్థానిక అభ్యర్థుల ప్రభావం, గ్రామస్థాయి సమీకరణాలు, పార్టీల మధ్య పొత్తులు కూడా ఫలితాలను ప్రభావితం చేస్తాయి. అయినప్పటికీ ఎమ్మెల్యే భార్యకు ఓటమి, స్వగ్రామంలో జనసేనకు ఎదురుదెబ్బ, సీతానగరం–కోరుకొండ మండలాల్లో వైఎస్సార్‌ సీపీ ఆధిక్యం.. ఇవన్నీ కలిపి చూస్తే బత్తుల బలరామకృష్ణకు రాజానగరం నియోజకవర్గంలో కథ ముగిసినట్టేననే సంకేతాలు కనిపిస్తున్నాయి. రాజానగరంలో జనసేనకు గట్టి ఎదురుదెబ్బ 2,600 ఓట్ల తేడాతో ఎమ్మెల్యే భార్య ఓటమి స్వగ్రామం గాదరాడలోనూ బత్తులకు పరాభవం సీతానగరం, కోరుకొండలో వైఎస్సార్‌ సీపీ ఆధిపత్యం

● ఏకపక్షంగా అధికారుల వ్యవహారశైలి ● వైఎస్సార్‌ సీపీ అభ్యర్థికి అన్యాయం ● మాజీ ఎమ్మెల్యే తలారి వెంకట్రావు చాగల్లు: చంద్రవరం ఎంపీటీసీ స్థానానికి జరిగిన ఓట్ల లెక్కింపులో ఎన్నికల అధికారులు ఏకపక్షంగా వ్యవహరించి వైఎస్సార్‌ సీపీ అభ్యర్థికి అన్యాయం చేశారని, వివాదాస్పదంగా మారిన ఓట్లను పునఃపరిశీలించి రీకౌంటింగ్‌ నిర్వహించాలని వైఎస్సార్‌ సీపీ కొవ్వూరు కో ఆర్డినేటర్‌, మాజీ ఎమ్మెల్యే తలారి వెంకట్రావు డిమాండ్‌ చేశారు. ఆయన శనివారం మాట్లాడుతూ ఎంపీటీసీ ఎన్నికల ఫలితాల్లో చంద్రవరం వైఎస్సార్‌ సీపీ అభ్యర్థి తలారి సత్యనారాయణకు అన్యాయం జరిగిందని, ఈ వ్యవహారంలో ఎన్నికల అధికారుల తీరుపై న్యాయ పోరాటం చేస్తామన్నారు. కౌంటింగ్‌లో ఎన్నికల అధికారులు వ్యవహరించిన తీరు ప్రజాస్వామ్యానికి విరుద్ధమన్నారు. అధికారులను కూటమి నాయకులు బెదిరించి, ప్రలోభాలకు గురి చేసి తమకు అనుకూలంగా వ్యవహరించేలా చేశారని ఆరోపించారు. చెల్లని ఓట్లుగా గుర్తించిన 18 ఓట్లలో రెండింటిని టీడీపీ అభ్యర్థికి అనుకూలంగా పరిగణించి, వాటిని కలిపి గెలుపును ప్రకటించారన్నారు. కొవ్వూరు ఏఎంసీ చైర్మన్‌ నాదెళ్ల శ్రీరామ్‌, ఎన్నికల అధికారులు సీహెచ్‌ శ్రీనివాస్‌, రామకృష్ణ వ్యవహరించిన తీరు ప్రజాస్వామ్య ఎన్నికల విధానాలకు విరుద్ధంగా ఉందని ఆగ్రహం వ్యక్తం చేశారు. రీకౌంటింగ్‌ నిర్వహించి వాస్తవ ఫలితాన్ని వెల్లడించే వరకు పోరాటం కొనసాగిస్తామని స్పష్టం చేశారు.

కోరుకొండ జెడ్పీటీసీ కౌంటింగ్‌పై వివాదం సాక్షి, రాజమహేంద్రవరం: పరిషత్‌ ఎన్నికల ఓట్ల లెక్కింపులో అధికారుల తీరు వివాదాస్పదంగా మారింది. ప్రజాస్వామ్యబద్ధంగా, పారదర్శకంగా జరగాల్సిన కౌంటింగ్‌ ప్రక్రియలో పక్షపాత ధోరణి ప్రదర్శించారనే ఆరోపణలు వెల్లువెత్తుతున్నాయి. కూటమి పార్టీల నాయకులు, అభ్యర్థులు అడిగిందే తడవుగా రీకౌంటింగ్‌కు అనుమతించిన అధికారులు.. వైఎస్సార్‌ సీపీ అభ్యర్థులు అభ్యర్థించిన చోట మాత్రం కనీసం పట్టించుకోలేదనే విమర్శలు వినిపిస్తున్నాయి. ఫలితాలు వెలువడిన తర్వాత కూడా స్వల్ప ఓట్ల తేడాతో ఓటమి పాలైన అభ్యర్థులు రీకౌంటింగ్‌ కోరడం సహజం. అలాంటి సందర్భాల్లో నిబంధనల ప్రకారం అభ్యర్థనను పరిశీలించి, న్యాయబద్ధంగా నిర్ణయం తీసుకోవాల్సిన అధికారులు.. ఏకపక్షంగా వ్యవహరించారన్న ఆరోపణలు ఇప్పుడు చర్చనీయాంశమయ్యాయి. కొన్ని చోట్ల రీకౌంటింగ్‌ పేరుతో ఫలితాలు తారుమారయ్యాయని వైఎస్సార్‌ సీపీ నేతలు ఆరోపిస్తుండగా, మరికొన్ని చోట్ల తమ అభ్యర్థనలను తిరస్కరించి కూటమి అభ్యర్థుల విజయానికి అధికారులు సహకరించారని మండిపడుతున్నారు. చెల్లని ఓట్లతో అధికారుల చెలగాటం చాగల్లు మండలం చంద్రవరం ఎంపీటీసీ స్థానం ఓట్ల లెక్కింపులో అధికారుల తీరు, ముఖ్యంగా ఆర్‌వో సీహెచ్‌ శ్రీనివాస్‌ తీరు తీవ్ర వివాదాస్పదమైంది. ఇక్కడ వైఎస్సార్‌ సీపీ అభ్యర్థి తలారి సత్యనారాయణ తొలుత రెండు ఓట్ల స్వల్ప మెజార్టీతో విజయం సాధించారు. అయితే ఫలితం వెలువడిన వెంటనే ఏఎంసీ చైర్మనన్‌ నాదెళ్ల శ్రీరామ్‌ కౌంటింగ్‌ కేంద్రంలోకి వెళ్లి ఆర్‌వోపై ఒత్తిడి తెచ్చారన్న ఆరోపణలు వెల్లువెత్తాయి. పక్కన పెట్టిన 18 చెల్లని ఓట్లలో మూడు ఓట్లను తీసుకొచ్చి టీడీపీ అభ్యర్థికి కలిపి, ఆ అభ్యర్థి గెలిచినట్లు ప్రకటించారని వైఎస్సార్‌ సీపీ వర్గాలు ఆరోపిస్తున్నాయి. అంతే కాకుండా తమ అభ్యర్థిపై దురుసుగా ప్రవర్తించి, కౌంటింగ్‌ కేంద్రం నుంచి బయటకు వెళ్లాలని ఆర్‌వో బెదిరించారని పేర్కొంటున్నారు. ఈ పరిణామాలపై తీవ్ర అభ్యంతరం వ్యక్తం చేసిన వైఎస్సార్‌ సీపీ అభ్యర్థి తలారి సత్యనారాయణ.. తనకు జరిగిన అన్యాయంపై కోర్టును ఆశ్రయిస్తానని మీడియా ఎదుట ప్రకటించారు. రెండు ఓట్లతో గెలిచిన అభ్యర్థి ఫలితం... చెల్లని ఓట్ల వ్యవహారంతో మారిపోయిందన్న ఆరోపణలు కౌంటింగ్‌ పారదర్శకతపై ప్రశ్నలు రేకెత్తిస్తున్నాయి. మిగిలిన చోట్లా రీకౌంటింగ్‌కు నో.. కోరుకొండ మండలం పశ్చిమగోనగూడెంలోనూ ఇదే తరహా వివాదం నెలకొంది. ఇక్కడ వైఎస్సార్‌ సీపీ అభ్యర్థి కేవలం ఏడు ఓట్ల తేడాతో ఓటమి పాలయ్యారు. ఇంత స్వల్ప తేడా ఉండటంతో ఓట్లను మరోసారి లెక్కించాలని ఆయన అధికారులను కోరారు. అయినప్పటికీ అధికారులు రీకౌంటింగ్‌కు అంగీకరించలేదని ఆ పార్టీ నేతలు ఆరోపిస్తున్నారు. మరోవైపు కూటమి అభ్యర్థి విజయాన్ని ప్రకటించడంలో మాత్రం అధికారులు ఆత్రుత చూపారని విమర్శిస్తున్నారు. రెండు ఓట్ల తేడాతో గెలిచిన చోట కౌంటింగ్‌ తీరుపై ప్రశ్నలు తలెత్తగా, ఎనిమిది ఓట్ల తేడాతో ఓడిన చోట రీకౌంటింగ్‌ అభ్యర్థనను తిరస్కరించడం వెనుక ఆంతర్యమేమిటని ప్రశ్నిస్తున్నారు. ● సీతానగరం మండలం కాటవరం గ్రామంలోనూ ఇదే పరిస్థితి ఎదురైందని వైఎస్సార్‌ సీపీ వర్గాలు చెబుతున్నాయి. ఇక్కడ ఆ పార్టీ అభ్యర్థి 40 ఓట్ల తేడాతో ఓడిపోయారు. ఓట్ల లెక్కింపుపై అనుమానాలు వ్యక్తం చేస్తూ రీ కౌంటింగ్‌ నిర్వహించాలని కోరినా అధికారులు అంగీకరించలేదని ఆరోపిస్తున్నారు. ఈ గ్రామానికి చెందిన కరుటూరి శ్రీహరిబాబు సీతానగరం జెడ్పీటీసీ స్థానంలో వైఎస్సార్‌ సీపీ తరఫున పోటీ చేసి జనసేన అభ్యర్థి, ఎమ్మెల్యే బత్తుల బలరామకృష్ణ సతీమణి బత్తుల వెంకటలక్ష్మిని 2,600 ఓట్ల భారీ తేడాతో ఓడించారు. అలాంటి శ్రీహరిబాబు సొంత గ్రామంలోనే వైఎస్సార్‌ సీపీ అభ్యర్థి స్వల్ప ఓట్ల తేడాతో ఓటమి పాలైనా రీకౌంటింగ్‌కు అధికారులు అంగీకరించకపోవడం చర్చనీయాంశంగా మారింది. ● మరోవైపు రాజానగరం మండలం పల్ల కడియంలోనూ ఇదే తరహా వివాదం చోటుచేసుకుంది. ఇక్కడ వైఎస్సార్‌ సీపీ అభ్యర్థి 51 ఓట్ల తేడాతో ఓడిపోయారు. ఓట్ల లెక్కింపుపై అనుమానాలు వ్యక్తం చేస్తూ రీకౌంటింగ్‌ నిర్వహించాలని ఎంతగా కోరినా అధికారులు అంగీకరించ లేదని వైఎస్సార్‌ సీపీ నేతలు ఆరోపిస్తున్నారు. కూటమి అభ్యర్థి గెలుపును ప్రకటించి చేతులు దులుపుకొన్నారని మండి పడుతున్నారు. ఇలా చంద్రవరం, పశ్చిమగోనగూడెం, కాటవరం, పల్ల కడియం.. ఈ నాలుగు చోట్లా రీకౌంటింగ్‌ విషయంలో భిన్నమైన వైఖరి ప్రదర్శించారనే ఆరోపణలు అధికారుల నిష్పక్షపాతంపై సందేహాలు రేకెత్తిస్తున్నాయి. కౌంటింగ్‌లో అవకతవకలపై ధర్నా చేస్తున్న మాజీ ఎమ్మెల్యే జక్కంపూడి రాజాజక్కంపూడి రాజాతో మాట్లాడుతున్న రాజానగరం సీఐ వీరయ్య గౌడ్‌ ఒక్కొక్కరికి ఒక్కోలా నిబంధనలు ఓట్ల లెక్కింపులో స్వల్ప తేడాలు వచ్చినప్పుడు అభ్యర్థులు రీకౌంటింగ్‌ కోరడం ప్రజాస్వామ్య ప్రక్రియలో భాగమే. అయితే ఆ అభ్యర్థనలను నిబంధనల ప్రకారం, అందుబాటులో ఉన్న ఆధారాలను పరిశీలించి అధికారులు నిర్ణయించాలి. ఏ పార్టీ అభ్యర్థి కోరారన్నది కాకుండా, కౌంటింగ్‌లో జరిగిన పొరపాట్లు లేదా సందేహాలకు ఉన్న ఆధారాలే ప్రామాణికంగా ఉండాలి. కానీ జిల్లాలోని పలు కౌంటింగ్‌ కేంద్రాల్లో అందుకు భిన్నమైన పరిస్థితులు కనిపించాయని వైఎస్సార్‌ సీపీ ఆరోపిస్తోంది. కూటమి నేతలు అడిగితే రీకౌంటింగ్‌కు మార్గం సుగమం చేసి, తమ అభ్యర్థులు కోరితే మాత్రం నిరాకరించారని విమర్శిస్తోంది. ఆ ఆరోపణలపై ఎన్నికల అధికారులు సమగ్ర విచారణ జరిపి వాస్తవాలను వెల్లడించాల్సిన అవసరం ఉంది. కౌంటింగ్‌ అధికారుల తీరు అనుమానాస్పదం కూటమి నేతలు అడిగితే వెంటనే రీకౌంటింగ్‌ వైఎస్సార్‌ సీపీ అభ్యర్థులు కోరితే నిరాకరణ చంద్రవరం, పశ్చిమగోనగూడెం, కాటవరం, పల్ల కడియంలో వివాదాలు కోరుకొండ జెడ్పీటీసీ కౌంటింగ్‌లోనూ అదే తీరు రీకౌంటింగ్‌ కోరుతూ మాజీ ఎమ్మెల్యే జక్కంపూడి రాజా ధర్నా కోరుకొండ జెడ్పీటీసీ స్థానం ఓట్ల లెక్కింపు కూడా తీవ్ర వివాదానికి దారితీసింది. తొలుత వైఎస్సార్‌ సీపీ అభ్యర్థికి 800కు పైగా ఓట్ల మెజార్టీ ఉన్నట్లు లెక్కల్లో వెల్లడైందని, చివరి నిమిషంలో ఫలితం మారిపోయి టీడీపీ అభ్యర్థి విజయం సాధించినట్లు ప్రకటించారని ఆ పార్టీ నేతలు ఆరోపిస్తున్నారు. ఈ పరిణామాలపై మాజీ ఎమ్మెల్యే, వైఎస్సార్‌ సీపీ యువజన విభాగం రాష్ట్ర అధ్యక్షుడు జక్కంపూడి రాజా తీవ్ర అభ్యంతరం వ్యక్తం చేశారు. నన్నయ వర్సిటీలోని కౌంటింగ్‌ కేంద్రం వద్ద రీకౌంటింగ్‌ నిర్వహించాలని డిమాండ్‌ చేస్తూ రోడ్డుపై బైఠాయించి ధర్నాకు దిగారు. పూర్తి స్థాయిలో రీకౌంటింగ్‌ నిర్వహించి న్యాయం జరిగే వరకు అక్కడి నుంచి కదిలేది లేదని స్పష్టం చేశారు. దీంతో కౌంటింగ్‌ కేంద్రం వద్ద ఉద్రిక్త పరిస్థితులు నెలకొన్నాయి. పరిస్థితిని అదుపులో ఉంచేందుకు పోలీసులు భారీగా మోహరించారు. రాత్రి 9 గంటల సమయంలో జక్కంపూడి రాజాను పోలీసులు అదుపులోకి తీసుకుని ఆయన ఇంటి వద్ద విడిచి పెట్టేశారు.

● అతని ఆచూకీ కోసం కుటుంబ సభ్యుల ఆందోళన ● చెట్టు కొమ్మ ఆసరాగా ప్రాణాలు దక్కించుకున్న మహిళ ● పట్టించుకోని పోలీసులు, అధికారులు దేవరపల్లి: గోపాలపురం మండలం చిట్యాల సమీపంలోని కొవ్వాడ కాలువ లో గల్లంతైన బ్యాంకు అప్రైజర్‌ విజయకుమార్‌ ఆచూకీ ఇంత వరకు లభించలేదు. దీంతో కు టుంబ సభ్యులు ఆందోళ న చెందుతున్నారు. అతడితో పాటు బైక్‌పై వెళ్తు న్న మహిళ పద్మ సురక్షితంగా ప్రమాదం నుంచి బయటపడ్డారు. ప్రస్తుతం ఆమె చిట్యాలలోని మాజీ సర్పంచ్‌, వైఎస్సార్‌ సీపీ నాయకుడు పీతల ప్రసాద్‌ బాబు ఇంటి వద్ద విశ్రాంతి తీసుకుంటున్నారు. స్థానికులు తెలిపిన వివరాల మేరకు కర్నూలుకు చెందిన పద్మ పది రోజుల క్రితం తాళ్లపూడి మండలం అన్నదేవరపేటలో ని తన బంధువుల ఇంటికి వచ్చింది. గురువారం రాత్రి కర్నూలుకు వెళ్లడానికి బస్సు టికెట్‌ బుక్‌ చేసుకుంది. అయితే ఆమెను దిగబెట్టాలనుకున్న బంధువులు అత్యవసర పనిపై వేరే ప్రాంతానికి వెళ్లడంతో పక్కనే ఉన్న బ్యాంక్‌ ఆఫ్‌ బరోడాలో అప్రైజర్‌గా పనిచేస్తున్న విజయకుమార్‌కు పద్మను దేవరపల్లి తీసుకువెళ్లి బస్సు ఎక్కించాలని పురమాయించారు. సాయంత్రం 5.30 గంటల సమయంలో అతడు పద్మను బైక్‌పై ఎక్కించుకుని దేవరపల్లి బయలు దేరారు. 6.45 గంటల సమయంలో వీరు చిట్యాల–అన్నదేవరపేట మధ్య రోడ్డుపై ప్ర వహిస్తున్న వరద నీటిలో వెళ్తుండగా ఎదురుగా వస్తు న్న లారీ లైట్ల వల్ల దారి కనపడక కొద్దిగా పక్కకు వెళ్లడంతో బండి అదుపుతప్పి కొవ్వాడ కాలువలో పడిపో యి కొట్టుకుపోయారు. కాలువ గట్టున ఉన్న చెట్టుకొమ్మలను పట్టుకుని పద్మ తనను రక్షించాలని కేకలు వేయడంతో అడుగా వెళ్తున్న వారు ఆమెను రక్షించారు. కాగా విజయకుమార్‌ బైక్‌తో పాటు కాలువలో కొట్టుకుపోయాడు. చిట్యాలకు చెందిన పీతల ప్రసాద్‌ బాబు, మరి కొందరు ఘటనా స్థలానికి చేరుకుని అపస్మారక స్థితిలో ఉన్న పద్మను ఇంటికి తీసుకువెళ్లి వైద్యం చేయించారు. ప్రమాద సంఘటనపై ప్రసాద్‌బాబు ఎన్‌డీఆర్‌ఎఫ్‌ బృందానికి సమాచారం ఇవ్వగా, వారు రాత్రి వచ్చి కాలువలో గాలించారు. అయితే ఈ ప్రాంతం చీకటిగా ఉండడంతో ఎన్‌డీఆర్‌ఎఫ్‌ సిబ్బంది వెళ్లిపోయారు. శుక్రవారం సాయంత్రం వరకు విజయకుమార్‌ ఆచూకీ తెలియకపోవడంతో కుటుంబ సభ్యులు ఆందోళన చెందుతున్నారు. జాడలేని పోలీసులు, ఎన్‌డీఆర్‌ఎఫ్‌ బృందాలు విజయ్‌కుమార్‌ గల్లంతైన ఘటనపై పోలీసులకు ఫిర్యాదు చేయగా సిబ్బంది అందరూ ఎన్నికల విధుల్లో ఉన్నారని చెప్పినట్టు స్థానికులు చెప్తున్నారు. ఘటన గురువారం రాత్రి జరగ్గా శుక్రవారం సైతం ఎవరూ స్పందించకపోవడం శోచనీయం. కాగా వైఎస్సార్‌ సీపీ నేత ప్రసాద్‌ బాబు సమాచారంతో గురువారం రాత్రి వచ్చిన ఎన్‌డీఆర్‌ఎఫ్‌ బృందాలు ఘటనా స్థలం చీకటిగా ఉన్నందున చేసేది లేక వెళ్లిపోయారు. కాగా శుక్రవారం ఫోన్‌ పదే పదే ఫోన్‌ చేస్తున్నా ఎవరూ స్పందించడం లేదని స్థానికులు తెలిపారు.

● తాడు బంధం ఉండడంతో ప్రాణాలు కోల్పోయిన గేదె ● మేత మేస్తూ చెరువులో దిగబడి ఊపిరాడక మృతి కోరుకొండ: పల్లెల్లో పశువుల పెంపకంతో పాటు, వాటి పట్ల బంధం కూడా పెనవేసుకుని ఉంటుందనడానికి ఈ ఘటనే నిదర్శనం. మండలం కోటి గ్రామంలోని ముత్తయ్య చెరువులోకి దిగిన గేదెను కాపాడబోయి పాడిరైతు బందెల పోసేశ్వరరావు (53)మృతి చెందాడు. స్థానిక ఎస్సై ఆర్‌.శివాజీ తెలిపిన వివరాల మేరకు మెడకు, కాలికి తాడుతో బంధం వేసి ఉన్న గేదె మేతకు వెళ్లింది. మేత మేస్తూ స్థాని ముత్తయ్య చెరువులోకి దిగింది. అయితే తాడు ఉందన్న విషయాన్ని గుర్తించలేని పాడిగేదె చెరువులో దిగబడిపోయింది. దానికి ఉన్న తాడును తప్పించే క్రమంలో పోసేశ్వరరావు చెరువులో చిక్కుకుని ఊపిరాడక మృతి చెందాడు. అనంతరం పాడి గేదె సైతం మృతి చెందింది. ఈ పాడిగేదె ఖరీదు రూ.1 లక్ష ఉంటుందని యజమానులు తెలిపారు. పోసేశ్వరరావుకు భార్య, కుమారుడు, కుమార్తె ఉన్నారు. అతడి మృతితో గ్రామంలో విషాద ఛాయలు అలముకున్నాయి. ఎస్సై ఆర్‌.శివాజీ సంఘటనా స్థలాన్ని పరిశీలించి, కేసు నమోదు చేసి దర్యాప్తు చేస్తున్నారు.

బాలాజీచెరువు (కాకినాడ సిటీ): ఇండోనేషియా టాంగెరాంగ్‌, లిప్పోలో ఉన్న యూపీహెచ్‌ యూనివర్సిటీ రోబోరోజ్‌–26 అంతర్జాతీయ రోబోటిక్స్‌ పోటీల్లో ఆదిత్య డిగ్రీ కళాశాల విద్యార్థులు ప్రతిభ చూపారు. దేశం నుంచి ప్రాతినిధ్యం వహించిన విద్యార్థుల బృందం పైలట్‌ విభాగంలో ప్రధమ స్థానం సాధించారు. అడ్డగళ్ల తులసి, దొడ్డి దత్త శ్రీకరి, జనపాల వైష్ణవీరావు, గాజువాక బ్రాంచ్‌ విద్యార్థులు ఘరాబిడి సతీష్‌, మహ్మద్‌ ఫైజాన్‌ ఈ పోటీల్లో ప్రతిభ చాటారు. శుక్రవారం ఆ విద్యాసంస్థల చైర్మన్‌ శేషారెడ్డి, కళాశాల కార్యదర్శి సుగుణారెడ్డి, అకడమిక్‌ డైరెక్టర్‌ డాక్టర్‌ బీఇవీఎల్‌ నాయుడు, ప్రిన్సిపాల్‌ బ్యులా, మహిళ కళాశాల ప్రిన్సిపాల్‌ కరుణ వారిని అభినందించారు.

సాక్షి, రాజమహేంద్రవరం: పరిషత్‌ పాలకులు ఎవరో కొద్ది సేపటిలో తేలిపోనుంది. కొత్తగా ఏర్పాటైన జిల్లా పరిషత్‌ తొలి పాలకవర్గంలో ఎవరు భాగస్వాములవుతారో, ఎంపీటీసీలుగా ఎవరు ఎన్నిక కానున్నారో ఇప్పటికే ఓటర్లు అభిప్రాయం ఓటు ద్వారా బ్యాలెట్‌ బాక్సుల్లో నిక్షిప్తం చేశారు. ఆ ఓట్ల కౌంటింగ్‌ చేపట్టి విజేతలను ప్రకటించేందుకు అధికారులు సిద్ధమవుతున్నారు. ఇందుకోసం జిల్లా వ్యాప్తంగా మూడు ప్రాంతాల్లో 21 స్ట్రాంగ్‌ రూమ్‌లు, 21 కౌంటింగ్‌ కేంద్రాలను ఏర్పాటు చేశారు. వీటి పరిధిలో 71 కౌంటింగ్‌ హాళ్లు, 824 కౌంటింగ్‌ టేబుళ్లను సిద్ధం చేశారు. లెక్కింపులో 907 మంది పాల్గొనగా, 1,730 మంది వారికి సహాయపడుతున్నారు. తేలనున్న అభ్యర్థుల భవితవ్యం జిల్లాలోని 21 జెడ్పీటీసీ స్థానాలకు 73 మంది అభ్యర్థులు పోటీ చేశారు. అలాగే 412 ఎంపీటీసీ స్థానాలకు 7 ఏకగ్రీవం కావడంతో మిగిలిన 405 స్థానాలకు 901 మంది పోటీలో నిలిచారు. గోపాలపురం మండలంలో ఎన్నిక వాయిదా వేయడంతో 20 జెడ్పీటీసీలు, 389 ఎంపీటీసీలకు గురువారం పోలింగ్‌ నిర్వహించారు. గోపాలపురం జెడ్పీటీసీ, ఆ మండలంలోని 16 ఎంపీటీసీలకు శుక్రవారం ఓటింగ్‌ నిర్వహించారు. జిల్లా వ్యాప్తంగా 12,02,638 ఓటర్లు ఉండగా మొత్తం 8,61,653 మంది తమ తీర్పును బ్యాలెట్‌ బాక్సుల్లోకి చేర్చారు. విజేతలు ఎవరన్నది శనివారం సాయంత్రానికి తేలనుంది. మూడు ప్రాంతాల్లో కౌంటింగ్‌ రాజమహేంద్రవరం రెవెన్యూ డివిజన్‌ పరిధిలోని మండపేట, రాయవరం, రాజమహేంద్రవరం రూరల్‌, కడియం, అనపర్తి, బిక్కవోలు, రంగంపేట, సీతానగరం, కోరుకొండ, రాజానగరం, గోకవరం, కపిలేశ్వరపురం మండలాల కౌంటింగ్‌ రాజానగరంలోని ఆదికవి నన్నయ విశ్వవిద్యాలయంలో నిర్వహించనున్నారు. ఇక్కడి ఇంజినీరింగ్‌, సైన్స్‌ బ్లాక్‌లలో కౌంటింగ్‌కు ప్రత్యేక గదులు కేటాయించారు. 12 మండలాల ఎంపీటీసీలకు 233, జెడ్పీటీసీలకు 233 కలిపి మొత్తం 466 టేబుళ్లు ఏర్పాట్లు చేశారు. ● కొవ్వూరు రెవెన్యూ డివిజన్‌ పరిధిలోని నల్లజర్ల, దేవరపల్లి, గోపాలపురం, ఉండ్రాజవరం, పెరవలి, నిడదవోలు మండలాలకు సంబంధించి నిడదవోలులోని ఎస్‌వీడీ ప్రభుత్వ మహిళా డిగ్రీ కళాశాలలో కౌంటింగ్‌ చేపట్టనున్నారు. ఈ ఆరు మండలాలకు సంబంధించి ఎంపీటీసీలకు 125, జెడ్పీటీసీలకు 125 కలిపి మొత్తం 250 టేబుళ్లు ఏర్పాటు చేశారు. ● తాళ్లపూడి, చాగల్లు, కొవ్వూరు మండలాలకు కొవ్వూరులోని దీప్తి ఇంగ్లిష్‌ మీడియం హైస్కూల్‌లో కేటాయించిన కౌంటింగ్‌ కేంద్రాల్లోనే ప్రత్యేకంగా స్ట్రాంగ్‌ రూమ్‌లు ఏర్పాటు చేసి, కౌంటింగ్‌కు అవసరమైన గదులు ఏర్పాటు చేసి ఎంపీటీసీలకు 54, జెడ్పీటీసీలకు 54 కలిపి మొత్తం 108 టేబుళ్లు సిద్ధం చేశారు. కౌంటింగ్‌కు పటిష్ట బందోబస్తుకౌంటింగ్‌ టేబుళ్ల ఏర్పాటు ఇలా..మండలం జెడ్పీటీసీ ఎంపీటీసీ అనపర్తి 20 20 బిక్కవోలు 20 20 గోకవరం 20 20 కడియం 22 22 కపిలేశ్వరపురం 19 19 కోరుకొండ 23 23 మండపేట 22 22 రాజమండ్రి రూరల్‌ 4 4 రాజానగరం 28 28 రంగంపేట 16 16 రాయవరం 19 19 సీతానగరం 20 20 చాగల్లు 19 19 కొవ్వూరు 20 20 తాళ్లపూడి 15 15 గోపాలపురం 18 18 నల్లజర్ల 23 23 నిడదవోలు 20 20 పెరవలి 20 20 ఉండ్రాజవరం 22 22 దేవరపల్లి 22 22 మొత్తం 412 412 నేటి ఉదయం 8 గంటల నుంచి ఓట్ల లెక్కింపు రాజానగరం, నిడదవోలు, కొవ్వూరుల్లో ఏర్పాట్లు మూడు చోట్లా 21 చొప్పున స్ట్రాంగ్‌ రూమ్‌లు, కౌంటింగ్‌ కేంద్రాలు 71 కౌంటింగ్‌ హాళ్లలో 824 టేబుళ్ల ఏర్పాటు ముందుగా ఎంపీటీసీలు.. తర్వాత జెడ్పీటీసీల ఫలితాలు కంబాలచెరువు (రాజమహేంద్రవరం): జిల్లాలోని రాజానగరం, కొవ్వూరు, నిడదవోలు నియోజకవర్గాల్లో నిర్వహించిన ఎన్నికల ఓట్ల లెక్కింపునకు పోలీసు శాఖ పటిష్ట భద్రతా ఏర్పాట్లు చేపట్టింది. శనివారం జరగనున్న ఓట్ల లెక్కింపు ప్రశాంతంగా, పారదర్శకంగా నిర్వహించేందుకు కౌంటింగ్‌ కేంద్రాల వద్ద కట్టుదిట్టమైన బందోబస్తు ఏర్పాటు చేసినట్లు ఎస్పీ డి.నరసింహకిశోర్‌ శుక్రవారం తెలిపారు. ఆయా కేంద్రాల వద్ద ఫ్రిస్కింగ్‌, గుర్తింపు కార్డుల తనిఖీలు చేపట్టడంతో పాటు నిరంతర పోలీసు నిఘా ఏర్పాటు చేశామన్నారు. అనుమతి ఉన్నవారు, కౌంటింగ్‌ ఏజెంట్లు తమ గుర్తింపు కార్డులను వెంట ఉంచుకోవాలన్నారు. మూడు ప్రాంతాల్లో ట్రాఫిక్‌ ఆంక్షలు రాజానగరంలో ట్రాఫిక్‌ ఆంక్షలు లేనప్పటికీ కౌంటింగ్‌ కేంద్రం పరిసరాల్లో పోలీసుల సూచనలు పాటించాలన్నారు. కొవ్వూరు మండలం వేములూరులోని దీప్తి ఇంగ్లిష్‌ మీడియం పాఠశాల కౌంటింగ్‌ కేంద్రం వద్ద ఉదయం 5 నుంచి సాయంత్రం 5 గంటల వరకు ట్రాఫిక్‌ ఆంక్షలు అమల్లో ఉంటాయన్నారు. కొవ్వూరు నుంచి పసివేదల, వేములూరు, తోగుమ్మి వెళ్లే వాహనాలు ఔరంగాబాద్‌ మీదుగా వెళ్లాలన్నారు. నిడదవోలులోని ఎస్‌వీడీ ప్రభుత్వ మహిళా డిగ్రీ కళాశాలలో ఉదయం 5 నుంచి సాయంత్రం 5 గంటల వరకు కౌంటింగ్‌ కేంద్రానికి వెళ్లే అన్ని మార్గాల్లో ట్రాఫిక్‌ ఆంక్షలు అమలులో ఉంటాయన్నారు. కళాశాలకు వెళ్లే రహదారుల్లో సాధారణ ప్రజలు, వాహనాలకు అనుమతి ఉండదని, ఎన్నికల సిబ్బంది, అభ్యర్థులు, కౌంటింగ్‌ ఏజెంట్లకు మాత్రమే నిబంధనల ప్రకారం అనుమతి ఉంటుందన్నారు. నిషేధాజ్ఞలు ఉల్లంఘిస్తే చర్యలు బీఎన్‌ఎస్‌ఎస్‌ సెక్షన్‌ 163 ప్రకారం ఐదుగురికి మించి ఒకచోట గుమిగూడరాదన్నారు. అనుమతి లేకుండా సమావేశాలు, ఊరేగింపులు, విజయోత్సవ ర్యాలీలు నిర్వహించరాదన్నారు. సోషల్‌ మీడియా పోస్టులపై ప్రత్యేక నిఘా ఎన్నికల ఫలితాలకు సంబంధించి అసత్య ప్రచారాలు, విద్వేషపూరిత పోస్టులు, రెచ్చగొట్టే వ్యాఖ్యలు, వీడియోలను సోషల్‌ మీడియాలో ప్రచారం చేయడం, షేర్‌ చేస్తే సంబంధిత వ్యక్తులతో పాటు గ్రూప్‌ అడ్మిన్లపై చర్యలు తప్పవన్నారు.

● ముస్తాబవుతున్న నృసింహ సాగరం ● క్షీరాబ్ధి ద్వాదశి వేడుకలకు ఏర్పాట్లు ద్వారకాతిరుమల: జల విహారానికి చినవెంకన్న సిద్ధమవుతున్నారు. క్షీరాబ్ధి ద్వాదశి పర్వదినాన్ని పురస్కరించుకుని ఈ నెల 21వ తేదీ రాత్రి స్వామివారి తెప్పోత్సవానికి అధికారులు సన్నాహాలు చేస్తున్నారు. శ్రీవారి పుష్కరణి (నృసింహ సాగరం)లోని తెప్పకు శుక్రవారం మరమ్మతులు చేపట్టారు. గట్లపై పరిసరాలను శుభ్రం చేస్తున్నారు. మరో వారం రోజుల్లో విద్యుద్దీపాలంకరణ పనులు ప్రారంభించనున్నారు. తొళక్క వాహనంపై ఊరేగింపుగా ఉత్సవం జరిగే రోజు రాత్రి స్వామివారు ఉభయ దేవేరులతో కలసి తొళక్క వాహనంపై ఊరేగి, 8 గంటల సమయంలో పుష్కరణికి చేరుకుని విహరించనున్నారు. భక్తులు అధిక సంఖ్యలో తరలిరావాలని ఈఓ వేండ్ర త్రినాథరావు కోరారు.

ఆత్రేయపురం: అఖిలాండ కోటి బ్రహ్మాండ నాయకుని వేడుకను చూసి ముల్లోకాలు మురిశాయి.. వేంకటేశుని బ్రహ్మోత్సవాల వేళ భక్తి పారవశ్యం ప్రతిబింబించింది. కనుల పండువగా సాగిన వేడుకలో గోవింద నామస్మరణ మార్మోగింది. కోనసీమ తిరుమల వాడపల్లి శ్రీదేవి, భూదేవి సమేత వేంకటేశ్వరస్వామి దేవస్థానంలో శుక్రవారంతో బ్రహ్మాండనాయకుని 14వ వార్షిక బ్రహ్మోత్సవాలు అట్టహాసంగా ముగిశారు. ఆలయాన్ని సహజ సిద్ధమైన పూలతో సర్వాంగ సుందరంగా అలంకరించారు. రంగు రంగుల విద్యుత్‌ దీప కాంతులతో ఇల వైకుంఠంగా తీర్చిదిద్దారు. వివిధ రకాల సాంస్కృతిక బృందాల ప్రదర్శనలు భక్తులను అలరించాయి. భారీ సంఖ్యలో భక్తులు ఊరేగింపుగా గౌతమీ గోదావరి నదికి స్వామివారి సుదర్శన చక్రాన్ని తోడ్కొని వెళ్లారు. గౌతమి నదీ తీరం జనసంద్రంగా మారింది. ప్రత్యేకంగా పూలతో అలంకరించిన వేదికపై స్వామివారితో సుదర్శన చక్రానికి ప్రత్యేక పూజలు నిర్వహించి, అనంతరం గోదావరి జలాలతో అభిషేకం చేశారు. వేదిక కింద వేలాది మంది భక్తులు నదీ జలంతో పునీతులయ్యారు. తెల్లవారు జామున టీటీడీ వేద పండితుడు ఖండవల్లి రాజేశ్వర వరప్రసాదాచార్యులు పర్యవేక్షణలో అర్చక బృందం సభ్యులు, వేద పండితులు ఆగమ శాస్త్రానుసారం స్వామివారికి విశ్వక్సేన పూజ, పుణ్యాహవాచనం, మహాశాంతి హోమం, పూర్ణాహుతి నిర్వహించారు. అలాగే సాయంత్రం మహదాశీర్వచనం, ఏకాంత సేవ, నీరాజనం మంత్రపుష్పాలు, తీర్థ ప్రసాద వితరణ జరిగాయి. ఈ సందర్భంగా ఆలయంలో మేళ తాళాలు, బ్యాండ్‌ వాయిద్యాలు, బాణసంచా కాల్పుల నడుమ వివిధ కళారూపాలు, నృత్య బృందాల ప్రదర్శనలు జరిగాయి. బ్రహ్మోత్సవాల ముగింపు కార్యక్రమాల్లో పూజలు, కై ంకర్యాలలో దేవదాయ శాఖ ఉప కమిషనర్‌ నల్లం సూర్యచక్రధరరావు దంపతులు పాల్గొని స్వామివారికి పట్టువస్త్రాలు సమర్పించారు. ఈ ఉత్సవాల్లో భారీ సంఖ్యలో మహిళలు, భక్తులు పాల్గొని తీర్థ ప్రసాదాలు స్వీకరించారు. స్వామివారిని పల్లకిపై తోడ్కొని వెళ్తున్న భక్తులు నాట్యం చేస్తున్న బృందంఆలయంలో డోలు వాయిద్య బృందంఫ వైభవంగా ముగిసిన బహ్మాండనాయకుని బ్రహ్మోత్సవాలు ఫ గౌతమి నదీ తీరంలో వేడుకగా చక్రస్నానం

సీటీఆర్‌ఐ (రాజమహేంద్రవరం): గోదావరి పుష్కరాలకు జిల్లాలో చేపడుతున్న కార్యాచరణను కలెక్టర్‌ కీర్తి చేకూరి పుష్కరాల ప్రత్యేక అధికారి, పుర పాలన, పట్టణాభివృద్ధి శాఖ ముఖ్య కార్యదర్శి ఎస్‌.సురేష్‌కుమార్‌కు వివరించారు. శుక్రవారం అమరావతి నుంచి ఆయన నిర్వహించిన వీడియో కాన్ఫరెన్స్‌లో కలెక్టరేట్‌ నుంచి కలెక్టర్‌తో పాటు మున్సిపల్‌ కమిషనర్‌ రాహుల్‌ మీనా, వివిధ శాఖల అధికారులు పాల్గొని వారు చేపడుతున్న వసతులు, సదుపాయాలు, ఘాట్ల అభివృద్ధి, పారిశుధ్యం, రవాణా తదితర అంశాలను ముఖ్య కార్యదర్శికి వివరించారు. 80 లక్షల మంది భక్తులు వస్తారన్న అంచనాతో మరుగుదొడ్లు, పారిశుధ్య సిబ్బందిని ఏర్పాటు చేస్తున్నామని, రోజుకు గరిష్టంగా 2,800 టన్నుల ఘన వ్యర్థాలు వెలువడే అవకాశం ఉన్నందున వాటి నిర్వహణకు ప్రత్యేక ఏర్పాట్లు చేస్తున్నట్టు తెలిపారు. అలాగే జాతీయ రహదారులు, గ్రీన్‌ ఫీల్డ్‌ హైవేలతో పాటు స్థానిక రోడ్లను అనుసంధానిస్తూ సమగ్ర రవాణా ప్రణాళిక రూపొందిస్తున్నట్టు తెలిపారు. ఈ పుష్కరాలకు గిన్నిస్‌ రికార్డు వచ్చేలా నదీ హారతి, సాంస్కృతిక ప్రదర్శనలు తదితర ఏర్పాట్లు చేస్తున్నట్టు కలెక్టర్‌ తెలిపారు. జిల్లాలో 5100 మీటర్ల మేర తాత్కాలిక ఘాట్ల నిర్మాణానికి చర్యలు చేపడుతున్నామని, ఆధునిక సాంకేతిక పరిజ్ఞానాన్ని వినియోగించేందుకు డిజిటల్‌ ట్విన్‌ టెక్నాలజీ అమలు చేస్తున్నట్టు తెలిపారు.ప్రత్యేక అధికారికి ప్రణాళికను వివరించిన కలెక్టర్‌ కీర్తి

దేవీపట్నం: గోదావరి నదిలో బోట్‌ ప్రయాణం చేస్తూ పాపికొండల అందాలను వీక్షించే విహార యాత్ర నేటి నుంచి పునఃప్రారంభం కానుంది. పది రోజుల క్రితం ఏర్పడిన ఆర్నబ్‌, మురసు తుపాన్ల నేపథ్యంలో ముందస్తు జాగ్రత్త చర్యల్లో భాగంగా ఈ పాపికొండల విహార యాత్ర నిలిపివేశారు. గోదావరిపై విహారానికి పరిస్థితులు అనుకూలంగా ఉండడంతో అధికారులు మళ్లీ అనుమతులు ఇచ్చారు. పెట్రోల్‌ పోసుకుని యువకుడి హల్‌చల్‌ చీపురుపల్లి రూరల్‌ (గరివిడి): ఒంటిపై పెట్రోల్‌ పోసుకుంటూ ఓ యువకుడు విజయనగరం జిల్లా గరివిడి పోలీస్‌స్టేషన్‌ ఎదురుగా శుక్రవారం ఉదయం హల్‌చల్‌ చేశాడు. వివరాల్లోకి వెళ్తే.. కాకినాడలోని జగన్నాథపురానికి చెందిన ఎండీ గౌస్‌ అదే ప్రాంతానికి చెందిన అమ్మాయిని ప్రేమించి పెళ్లి చేసుకున్నాడు. అయితే, ఈ యువకుడి ప్రవర్తనతో విసిగిపోయిన భార్య తన ఏడేళ్ల పాప, తల్లిదండ్రులతో కలిసి కొద్ది రోజుల కిందట గరివిడి సమీపంలోని శివరాం గ్రామానికి వచ్చేసింది. భార్య ఉంటున్న చిరునామా తెలుసుకున్న గౌస్‌ ఆ గ్రామానికి వచ్చి తన ఏడేళ్ల పాపను తనకు అప్పగించాలని కుటుంబ సభ్యులను బెదిరించాడు. వారు పట్టించుకోకపోవడంతో గరివిడి పోలీస్‌స్టేషన్‌ ఎదురుగా ఒంటిపై పెట్రోల్‌ పోసుకుంటూ హల్‌చల్‌ చేసి, కొద్ది సేపటి తర్వాత వెళ్లిపోయాడు.

ఏ అందాన్నైనా.. దృశ్యాన్నైనా వాటిపై వెలుగు ప్రసరిస్తేనే చూడగలం. ఆ వెలుగులనిచ్చే దీపానికి శోభనిస్తున్నాయి ప్రమిదలు. వెలుగుల పండగ దీపావళి వస్తోందంటే ప్రతి ఇల్లూ ప్రమిదావనమై దీప కాంతులతో అలరారుతుంది. ఈ ఏటి పండగను మరింత ద్విగుణీకృతం చేసేలా మార్కెట్‌ను ముంచెత్తుతున్నాయి ప్రమిదలు. సంప్రదాయ ఎర్రమట్టి ప్రమిద స్థానే నేడు టెర్రాకోటా ప్రమిదలు ఎంతో ఆకట్టుకుంటున్నాయి. రాజమహేంద్రవరం నగరంలోని మార్కెట్లలో ఇటువంటి ప్రమిదలను ప్రజలు విశేషంగా కొనుగోలు చేస్తున్నారు. – సాక్షి ఫొటోగ్రాఫర్‌, రాజమహేంద్రవరం

కొబ్బరి రకం ధర (రూ.) కొత్త కొబ్బరి (క్వింటాల్‌) 16,000 – 17,000 కొత్త కొబ్బరి (రెండో రకం) 15,000 – 16,000 కురిడీ కొబ్బరి (పాతవి) గండేరా (వెయ్యి) 23,500 గటగట (వెయ్యి) 21,000 కురిడీ కొబ్బరి (కొత్తవి) గండేరా (వెయ్యి) 22,500 గటగట (వెయ్యి) 20,000 నీటికాయ పాత (ముక్కుడు)కాయ (వెయ్యి) 17,000 – 18,000 కొత్త (పచ్చి)కాయ (వెయ్యి)17,000 – 18,000 కొబ్బరి నూనె (15 కిలోలు) 5,000 కిలో 350

సఖినేటిపల్లి: స్థానిక బోను సెంటర్‌కు సమీపంలో గోదావరి నది ఒడ్డుకు గుర్తు తెలియని పురుషుడి మృతదేహం కొట్టుకువచ్చినట్టు ఎస్సై హరికోటి శాస్త్రి శుక్రవారం తెలిపారు. మృతుడి వయసు సుమారు 40 నుంచి 50 ఏళ్ల మధ్య ఉండవచ్చునని, ఒంటిపై దుస్తులు లేవని, మృతదేహం పొడవు 5.8 అడుగులు ఉంటుందని తెలిపారు. కేసు దర్యాప్తు చేస్తున్నట్టు ఆయన తెలిపారు. గుర్తుతెలియని వ్యక్తి మృతి కంబాలచెరువు: స్థానిక జాంపేట సిరి డైరీ వద్ద గుర్తు తెలియని వ్యక్తి మృతదేహాన్ని శుక్రవారం స్థానికులు గుర్తించారు. వారి సమాచారం మేరకు ఘటనా స్థలానికి చేరుకున్న మూడో పట్టణ పోలీసులు మృతదేహాన్ని పరిశీలించగా ఎటువంటి ఆధారం లభించలేదు. మృతుని చేయిపై శంకర్‌ అని పచ్చబొట్టు ఉంది. ఆచూకీ తెలిసిన వారు మూడో పట్టణ పోలీస్‌ స్టేషన్‌లో సంప్రదించాలని పోలీసులు తెలిపారు. మృతదేహాన్ని రాజమహేంద్రవరం ప్రభుత్వాసుపత్రి మార్చురీలో భద్రపరిచారు. వ్యాన్‌ ఢీ కొని.. రాజానగరం: స్థానిక పాత ఎన్‌హెచ్‌పై టెలిఫోన్‌ ఎక్ఛేంజ్‌ సమీపంలో శుక్రవారం జరిగిన ప్రమాదంలో చక్రద్వారబంధానికి చెందిన పితాని రామకృష్ణ (52) మృతి చెందారు. స్థానికులు తెలిపిన వివరాల మేరకు చక్రద్వారబంధం నుంచి బైకుపై రాజానగరం వచ్చి తిరిగి వెళ్తుండగా రోడ్డు పై పడిన గుంతను తప్పించే క్రమంలో ప్రమాదవశాత్తు పక్క నుంచి వెళ్తున్న వ్యాన్‌ కింద పడడంతో అతను అక్కడికక్కడే మృతి చెందాడు. మృతునికి భార్య, కుమార్తె, కుమారుడు ఉన్నారు. కుమారుడికి ఇటీవలే వివాహం చేశారు. పోలీసులు కేసు దర్యాప్తు చేస్తున్నారు. అనారోగ్యంతో ఎంపీటీసీ అభ్యర్థి .. దేవరపల్లి: మండలంలోని జనసేన పార్టీ ఎంపీటీసీ అభ్యర్థి గారపాటి దివ్య (23) అనారోగ్యంతో రాజమహేంద్రవరం ఆసుపత్రిలో చికిత్స పొందుతూ శుక్రవారం మృతి చెందారు. కుటుంబ సభ్యుల వివరాల ప్రకారం గారపాటి దివ్య జనసేన పార్టీ ఎంపీటీసీ అభ్యర్థిగా పోటీ చేసింది. గురువారం పోలింగ్‌ అనంతరం మధ్యాహ్నం ఆమె అస్వస్థతకు గురికావడంతో చికిత్స నిమిత్తం రాజమహేంద్రవరం ప్రభుత్వాస్పత్రికి తరలించారు. చికిత్స అంనంతరం రాత్రి ఇంటికి తీసుకువచ్చారు. శుక్రవారం ఉదయం ఆమె అనారోగ్యానికి గురికాగా, చికిత్స కోసం మళ్లీ రాజమహేంద్రవరం ఆస్పత్రికి తరలించగా అక్కడ చికిత్స పొందుతూ మృతి చెందినట్టు కుటుంబ సభ్యులు తెలిపారు. దివ్యకు నాలుగు నెలల క్రితం బాబు పుట్టగా, అంతకు ముందు ఒక కుమారుడు ఉన్నాడు. ఆమె మృతితో గ్రామంలో విషాద ఛాయలు అలుముకున్నాయి. అపార్ట్‌మెంట్‌లో చోరీ ● తాళాలు పగలగొట్టి ఆభరణాల అపహరణ ● సొత్తు విలువ రూ.15 లక్షలు కపిలేశ్వరపురం (మండపేట): పట్టణంలో గుర్తు తెలియని వ్యక్తి అపార్ట్‌మెంట్‌ గది తాళాలు పగలగొట్టి చోరీకి పాల్పడ్డాడు. ఊరి నుంచి తిరిగి వచ్చిన ఫ్లాట్‌ యజమాని ఫిర్యాదు మేరకు పట్టణ పోలీసులు కేసు నమోదు చేసి దర్యాప్తు చేస్తున్నారు. పోలీసుల కథనం ప్రకారం... పట్టణ పరిధిలోని విజయలక్ష్మి నగర్‌లో బిస్మిల్లా అపార్ట్‌మెంట్‌లోని పుట్టా ప్రసాద్‌ చౌదరి ఈ నెల రెండో తేదీన తిరుపతి వెళ్లారు. తిరుగు ప్రయాణంలో ఉండగా అపార్ట్‌మెంట్‌ వాచ్‌మెన్‌ ఫోన్‌ చేసి ప్లాట్‌ తలుపులు తీసి ఉన్నాయని సమాచారం ఇచ్చాడు. శుక్రవారం వచ్చి చూడగా ఫ్లాట్‌ తాళాలు, దేవుని గది, బెడ్‌ రూమ్‌ తాళాలు పగలగొట్టి ఉన్నాయి. 120 గ్రాముల బంగారం, 750 గ్రాముల వెండి ఆభరణాలు, 2.5 లక్షల నగదు, హెచ్‌డీఎఫ్‌సీ లాకర్‌ కీ, స్మార్ట్‌ వాచ్‌ చోరీకి గురయ్యాయి. మొత్తం చోరీ సొత్తు రూ.15 లక్షలు ఉంటుందని బాధితుడు పుట్టా ప్రసాద్‌ తెలిపారు. క్రైమ్‌ బ్రాంచి డీఎస్పీ పట్నాయక్‌ పర్యవేక్షణలో, పట్టణ సీఐ వాసంశెట్టి శ్రీనివాస్‌ ఆధ్వర్యంలో క్లూస్‌ టీం ఆధారాలు సేకరించే ప్రయత్నం చేసింది. కేసు దర్యాప్తు చేస్తున్నట్టు సీఐ శ్రీనివాస్‌ తెలిపారు.

● కొవ్వూరు, చాగల్లు మండలాల్లో జలదిగ్బంధం! ● నీట మునిగిన వేలాది ఎకరాల పంట పొలాలు.. ● వరద నీటిలో కాలనీలు.. నిలిచిన రాకపోకలు ● చేతికొచ్చిన పంట నీటిపాలు.. ● కన్నీరుమున్నీరవుతున్న అన్నదాతలు చాగల్లు: వరుస తుపాన్లు, ఎడతెరిపి లేని వర్షాలకు తోడు ఎగువ ప్రాంతాల నుంచి భారీగా వరద నీటితో కొవ్వాడ కాలువ ఉగ్రరూపం దాల్చింది. దీంతో కొవ్వూరు, చాగల్లు మండలాల్లోని పలు గ్రామాలు జల దిగ్బంధంలో చిక్కుకున్నాయి. వేలాది ఎకరాల పొలాలు నీట మునగగా, లోతట్టు కాలనీలు ముంపునకు గురయ్యాయి. రహదారులు, వంతెనలపై ప్రమాదకర స్థాయిలో నీరు ప్రవహించడంతో అధికారులు రాకపోకలను నిలిపివేశారు. వరద ప్రభావిత ప్రాంతాల్లో విద్యుత్‌ సరఫరా నిలిచిపోవడంతో ప్రజలు ఇబ్బందులు ఎదుర్కొంటున్నారు. జలదిగ్బంధంలో రహదారులు కొవ్వూరు, చాగల్లు మండలాల్లోని ప్రధాన రహదారులపై కొవ్వాడ వరద నీరు ఉధృతంగా ప్రవహిస్తుండటంతో అధికారులు రాకపోకలను నిలిపివేశారు. కాపవరం–ధర్మవరం రహదారి, చాగల్లు నుంచి నందమూరు మీదుగా కొవ్వూరు వెళ్లే మార్గం, చాగల్లు నుంచి పసివేదల మీదుగా కొవ్వూరు వెళ్లే మార్గం, చాగల్లు–కాపవరం రహదారిపై రాకపోకలు నిలిచిపోయాయి. అలాగే చాగల్లు–మార్కొండపాడు మార్గం, ఉనగట్ల–చాగల్లు రైల్వే స్టేషన్‌ రహదారి, దారవరం రైల్వే గేట్‌ నుంచి వెళ్లే మార్గాల్లోనూ వరద ఉధృతి అధికంగా ఉండడంతో అధికారులు రాకపోకలను నిలిపివేశారు. పునరావాస కేంద్రాల ఏర్పాటు.. ముంపు ప్రాంతాల్లో ప్రజలను సురక్షిత ప్రాంతాలకు తరలించేందుకు అధికారులు పునరావాస కేంద్రాలను ఏర్పాటు చేశారు. లోతట్టు ప్రాంతాల ప్రజలు అప్రమత్తంగా ఉండాలని, వరద నీరు ప్రవహిస్తున్న రహదారులు, వంతెనలపై నుంచి ప్రయాణించవద్దని సూచిస్తున్నారు. ప్రభుత్వం తక్షణమే స్పందించి వరద బాధితులకు అవసరమైన సహాయక చర్యలు చేపట్టాలని, పంట నష్టాన్ని అంచనా వేసి రైతులకు తగిన పరిహారం అందించాలని బాధితులు కోరుతున్నారు. జగనన్న కాలనీ మునక కొవ్వాడ నీటి ఉధృతికి కొవ్వూరు మండలం కాపవరంలోని జగనన్న కాలనీ నీట మునిగి, విద్యుత్‌ సరఫరా నిలచిపోయి తీవ్ర ఇబ్బందులు పడుతున్నారు. అలాగే చాగల్లు మండలం బ్రాహ్మణగూడెంలో శుక్రవారం వీధులు జలమయమయ్యాయి. 40 ఏళ్ల క్రితం వచ్చిన వరదను స్థానికులు గుర్తుచేసుకుంటున్నారు. కనుచూపు మేరంతా నీరే.. వరుస తుపానులు, వర్షాలు, ఈదురుగాలులతో చేతికొచ్చిన పంపలు నేలకు ఒరిగిపోయాయి. ఈ పరిస్థితుల్లో ఎగువ ప్రాంతాల నుంచి కొవ్వాడ కాలువకు వస్తున్న వరద నీటితో పరిస్థితి మరింత దయనీయంగా మారింది. కొవ్వూరు మండలంలోని కాపవరం, పసివేదల, వేములూరు, నందమూరు గ్రామాలతో పాటు చాగల్లు మండలంలోని చాగల్లు, నెలటూరు, గౌరిపల్లి మార్కొండపాడు, చంద్రవరం, మల్లవరం, దారవరం, నందిగంపాడు తదితర గ్రామాల్లో పంటలు మునిగిపోగా, అరటి, ఉద్యాన పంటలు తీవ్రంగా దెబ్బ తిన్నాయి.

ఈ చిత్రంలో యథేచ్ఛగా సంచరిస్తున్న కుక్కలు ఎక్కడివో తెలుసా? రాజమహేంద్రవరంలోని సర్వజనాస్పత్రిలో నిత్యం తారసపడే దృశ్యాలివి. ఈ ఆస్పత్రిలోని ప్రతి వార్డులోనూ వాటి సంచారం సర్వ సాధారణమైపోయింది. వాటిని అదిలించేవారు.. తరిమే వారూ ఎవరూ లేకపోవడం శోచనీయం. ఎప్పుడు.. ఎక్కడ.. ఏ వార్డులో రోగులు లేదా వారి బంధువులపై దాడి చేస్తాయోనని వారు భీతిల్లుతున్నారు. ఆస్పత్రిలో సుమారు 30 మంది సెక్యూరిటీ గార్డులు, సిబ్బందీ ఉన్నా వాటి సంచారాన్ని కనీసం నియంత్రించలేకపోవడంపై రోగులు పెదవి విరుస్తున్నారు. శుక్రవారం ఆస్పత్రిలో పరిస్థితిని ‘సాక్షి’ క్లిక్‌మనిపించింది. – సాక్షి ఫొటోగ్రాఫర్‌, రాజమహేంద్రవరం

దేవరపల్లి: గోపాలపురం మండలంలోని స్థానిక సంస్థల జెడ్పీటీసీ, ఎంపీటీసీ ఎన్నికల పోలింగ్‌ శుక్రవారం జరిగింది. గురువారం జరగాల్సిన పోలింగ్‌, భారీ వర్షాల వల్ల శుక్రవారం నిర్వహించారు. మండలంలో 64 పోలింగ్‌ కేంద్రాల్లో పోలింగ్‌ జరిగింది. 51,211 మంది ఓటర్లకు గాను 37,981 మంది ఓటు హక్కు వినియోగించుకున్నట్టు ఆర్వో పి.భాగ్యవతి తెలిపారు. చిట్యాల పోలింగ్‌ కేంద్రంలో జెడ్పీటీసీ వైఎస్సార్‌ సీపీ అభ్యర్థి ముచ్చికర్ల వరలక్ష్మి ఓటు హక్కు వినియోగించుకున్నారు. మండల పరిషత్‌ ప్రాథమిక పాఠశాలలో ఏర్పాటు చేసిన పోలింగ్‌ కేంద్రం బురదతో అధ్వానంగా ఉండడంతో సిబ్బంది, ఓటర్లు ఇబ్బంది పడ్డారు. జగన్నాథపురం జెడ్పీ హైస్కూల్లోని పోలింగ్‌ కేంద్రాలను జిల్లా ఎన్నికల పరిశీలకులు ఎం.గౌతమి సందర్శించారు. జెడ్పీటీసీ అభ్యర్థి వరలక్ష్మి, వైఎస్సార్‌ సీపీ మండల అధ్యక్షులు వెలగా శ్రీరామమూర్తి పోలింగ్‌ కేంద్రాలను సందర్శించారు. విజయావకాశాలపై అభ్యర్థులు, నాయకులు ధీమాతో ఉన్నారు. 4,300 ఎకరాల్లో దెబ్బతిన్న పొగాకుబోర్డు రీజనల్‌ మేనేజరు సురేంద్రకుమార్‌దేవరపల్లి: మురసు తుపాను ప్రభావంతో టుబాకో రీజియన్‌ పరిధిలో 4,300 ఎకరాల్లో పొగాకు తోటలు దెబ్బ తిన్నట్టు రీజినల్‌ మేనేజర్‌ జె.సురేంద్రకుమార్‌ తెలిపారు. శుక్రవారం స్థానిక వేలం కేంద్రం పరిధిలోని చిన్నాయగూడెం, సంగాయగూడెం గ్రామాల్లో దెబ్బతిన్న పొగాకు తోటలను ఆయన పరిశీలించారు. రీజియన్‌ పరిధిలో 6,400 ఎకరాల్లో పొగాకు నాట్లు వేశారని, వాటిలో దెబ్బతిన్న సుమారు 4,300 ఎకరాల్లోని తోటలు పనిచేయవని తెలిపారు. గ్రామంలో తడిసిన సుమారు 600 పొగాకు బేళ్లను వేలం కేంద్రంలో త్వరగా కొనుగోలు చేసేలా చర్యలు తీసుకుంటామని రైతులకు వివరించారు. వేలం కేంద్రం రైతు సంఘం అధ్యక్షులు కరుటూరి శ్రీనివాస్‌ మాట్లాడుతూ ఎకరాకు రూ.లక్ష నష్టం వస్తుందని తెలిపారు. నారుమడులకు విత్తనాలు సరఫరా చేయాలని, బ్యాంకు రుణాలను రీషెడ్యూల్‌ చేయాలని, నష్టపోయిన తోటలకు పరిహారం ఇవ్వాలని కోరారు. కార్యక్రమంలో వేలం కేంద్రం నిర్వహణాధికారి పి.హేమస్మిత, క్షేత్రస్థాయి అధికారి వినోధ్‌ కుమార్‌, బోర్డు మాజీ వైస్‌ ఛైర్మన్‌ కె. వాసుదేవరరావు, రైతులు పాల్గొన్నారు. వలలో చిక్కుకున్న కింగ్‌ కోబ్రా గంగవరం: రైతు పొలంలో ఏర్పాటు చేసిన వలలో అరుదైన, విషపూరితమైన కింగ్‌ కోబ్రా చిక్కుకుంది. దీనిని అటవీ శాఖ సిబ్బంది సురక్షితంగా అడవిలో విడిచిపెట్టారు. మొల్లేరు గ్రామానికి సమీపంలోని అటవీ ప్రాంతం వద్ద రైతు జగదీష్‌కు చెందిన పొలంలో కోతుల నివారణ కోసం ఏర్పాటు చేసిన వలలో కింగ్‌ కోబ్రా చిక్కింది. గమనించిన రైతు అటవీ శాఖ అధికారులకు సమాచారం అందించాడు. దీంతో ఫోక్స్‌పేట అటవీ రేంజ్‌ అధికారి పి.శ్రీనివాస్‌ సిబ్బందితో సంఘటనా స్థలానికి చేరుకున్నారు. స్నేక్‌ క్యాచర్‌ ఈశ్వర్‌ సహాయంతో వలలో చిక్కుకున్న కింగ్‌ కోబ్రాను పట్టుకున్నారు. పామును పరిశీలించి ఎటువంటి గాయాలు కాలేదని నిర్ధారించుకున్న అనంతరం దానిని అడ్డతీగల రిజర్వ్‌ ఫారెస్ట్‌లో విడిచిపెట్టినట్టు శ్రీనివాస్‌ తెలిపారు.

కంబాలచెరువు (రాజమహేంద్రవరం): జిల్లాలో ఎంపీటీసీ, జెడ్పీటీసీ ఎన్నికల పోలింగ్‌ ప్రక్రియను ఎస్పీ డి.నరసింహకిశోర్‌ గురువారం క్షేత్రస్థాయిలో పరిశీలించారు. స్థానిక సంస్థల ఎన్నికల బందోబస్తు పర్యవేక్షణకు ప్రత్యేకంగా రూపొందించిన ట్రాక్‌ అప్లికేషన్‌ పనితీరును సమీక్షిస్తూ, విధుల్లో ఉన్న పోలీసు వాహనాల కదలికలు, వాటి లైవ్‌ లొకేషన్లు, కంట్రోల్‌ రూమ్‌ సమాచార వ్యవస్థ, అత్యవసర పరిస్థితుల్లో క్షేత్రస్థాయి బలగాల స్పందనను చూశారు. సమస్యాత్మక ప్రాంతాల నుంచి అందే సమాచారాన్ని విశ్లేషిస్తూ, అవసరమైన చోట అదనపు బలగాలను తక్షణమే మోహరించేలా ఆదేశాలు జారీ చేశారు.

అనపర్తి నియోజకవర్గంలో రెండున్నరేళ్లుగా సాగిస్తున్న రెడ్‌బుక్‌ పాలనకు కొనసాగింపుగా పోలింగ్‌ రోజున కూడా కూటమి నాయకులు అరాచకాలకు పాల్పడ్డారు. ఎన్నికల ప్రక్రియ ప్రారంభానికి ముందు నుంచే వైఎస్సార్‌ సీపీ కార్యకర్తలు, సానుభూతిపరుల ఓట్లు తొలగించేందుకు స్థానిక ఎమ్మెల్యే ప్రోద్బలంతో టీడీపీ, బీజేపీ నాయకులు అన్నిరకాల ప్రయత్నాలూ సాగించారు. ఎన్నికల నోటిఫికేషన్‌ వచ్చినప్పటి నుంచి ప్రతిపక్ష వైఎస్సార్‌ సీపీ శ్రేణులను కవ్విస్తూ అరాచకపర్వానికి తెరలేపారు. పోలింగ్‌ రోజున కూడా గొడవలకు ప్రయత్నించారు. అనపర్తి బాలికల హైస్కూల్‌లో ఏర్పాటు చేసిన పోలింగ్‌ బూత్‌ వద్ద ప్రశాంతంగా పోలింగ్‌ జరుగుతున్నప్పటికీ అక్కడికి టీడీపీ నాయకులు చేరుకుని అలజడి రేపారు. ఆ బూత్‌ సమీపంలో ప్రచారం చేస్తున్నప్పటికీ పోలీసులు పట్టించుకోలేదు. ఇదేంటని వైఎస్సార్‌ సీపీ నాయకులతో పాటు ఆ పార్టీ ఎంపీటీసీ అభ్యర్థి గొలుగూరి సరోజని కుమారుడు ప్రశ్నించడంతో ఒక్కసారిగా దాడికి పాల్పడ్డారు. టీడీపీ నాయకుడు మల్లిడి కృష్ణారెడ్డితో పాటు ఆ పార్టీ నాయకులు, కార్యకర్తలు విచక్షణా రహితంగా దాడి చేయడంతో వైఎస్సార్‌ సీపీ కార్యకర్తలకు గాయాలయ్యాయి. అనంతరం పోలీసులు చేరుకుని ఇరువర్గాలను చెదరగొట్టారు.

కంబాలచెరువు (రాజమహేంద్రవరం): స్థానిక క్వారీ ప్రాంతంలో అనధికారికంగా నడుపుతున్న అంకిత ఆసుపత్రి బ్రాంచ్‌ను జిల్లా వైద్య, ఆరోగ్యశాఖాధికారులు గుర్తించారు. దీంతో గురువారం యాజమాన్యానికి నోటీసులు జారీ చేశారు. జిల్లా వైద్య ఆరోగ్యశాఖ అధికారి పి.కోమలి ఆధ్వర్యంలో అంకిత ప్రైవేట్‌ ఆసుపత్రిలో తనిఖీలు నిర్వహించారు. ఈ తనిఖీలో ఆ హాస్పిటల్‌ యాజమాన్యం రిజిస్ట్రేషన్‌ లేకుండా ఒక బ్రాంచ్‌ని నిర్వహిస్తున్నట్లు తెలుసుకున్నారు. దీనితో వెంటనే నోటీసులు జారీ చేసి రిజిస్ట్రేషన్‌ పొందే వరకు ఆ బ్రాంచ్‌లో వైద్య సేవలు నిలిపివేయాలని ఆదేశించారు. ఈ మేరకు ఏడు రోజుల్లోగా లిఖితపూర్వకంగా వివరణ ఇవ్వాలని ఆదేశించారు. ఈ సందర్భంగా జిల్లా వైద్య ఆరోగ్యశాఖ అధికారి డాక్టర్‌ పి.కోమల మాట్లాడుతూ రిజిస్ట్రేషన్‌ లేకుండా నడుపుతున్న ఆసుపత్రులపై కఠిన చర్యలు తీసుకుంటామని, రోగులు భద్రత, నాణ్యమైన వైద్య సేవల కోసం జిల్లా వ్యాప్తంగా ఆకస్మిక తనిఖీలు కొనసాగుతాయన్నారు.

సాక్షి, రాజమహేంద్రవరం: ఎక్కడికక్కడ వర్షపు నీరు.. బురదమయమైన రోడ్లు.. అడుగు తీసి అడుగు వేయలేని పరిస్థితులు.. పరిషత్‌ ఎన్నికల పోలింగ్‌ వేళ ఓటర్లు, సిబ్బందికి ఎదురైన తిప్పలివి. బురద, వర్షపు నీటిలో నడుస్తూనే అవస్థల నడుమ పోలింగ్‌ కేంద్రాలకు వెళ్లి ఓటేశారు. అర్నబ్‌ తుపాను నుంచి జిల్లా తేరుకోక ముందే మురసు తుపానుతో వర్షాలు విరుచుకుపడటంతో పరిషత్‌ ఎన్నికల పోలింగ్‌కు ప్రతికూల పరిస్థితులు ఎదురయ్యాయి. గ్రామీణ ప్రాంతాల్లోని పలు పోలింగ్‌ కేంద్రాలకు వెళ్లే మార్గాలు నీటితో నిండిపోయాయి. మరికొన్ని చోట్ల రహదారులు బురదమయంగా మారాయి. దీంతో ఓటర్లు ఆయా కేంద్రాలకు చేరుకోవడానికి తీవ్ర ఇబ్బందులు ఎదుర్కొన్నారు. ముఖ్యంగా లోతట్టు ప్రాంతాలు, గ్రామీణ అంతర్గత రహదారుల్లో పరిస్థితి మరింత ఇబ్బందికరంగా మారింది. మరోవైపు ఎన్నికల విధుల్లో పాల్గొన్న సిబ్బందికీ వర్షం పరీక్ష పెట్టింది. పోలింగ్‌కు అవసరమైన సామగ్రిని తీసుకుని కేంద్రాలకు చేరుకోవడం కష్టంగా మారింది. కొన్ని ప్రాంతాల్లో రహదారులు సరిగా లేకపోవడంతో వాహన రాకపోకలకు ఆటంకాలు ఎదురయ్యాయి. వర్షంలోనే ఎన్నికల సామగ్రిని తరలించాల్సి వచ్చింది. పరిస్థితిని దృష్టిలో ఉంచుకుని మూడు మండలాల్లో ఎన్నికల సామగ్రి పంపిణీ కేంద్రాలను అధికారులు మార్చారు. మరోవైపు గోపాలపురం మండలంలో ఎన్నికలను వాయిదా వేయాల్సి వచ్చింది. ఎక్కడెక్కడ ఎలా అంటే.. ఫ చాగల్లు మండలం ఊనగట్ల జెడ్పీ హైస్కూల్‌ పోలింగ్‌ కేంద్రంలో వర్షపు నీరు నిలిచిపోవడంతో ఓటర్ల కోసం ప్రత్యామ్నాయంగా సమీపంలోని శివాలయం పక్క నుంచి రాకపోకలకు ఏర్పాట్లు చేశారు. అక్కడ కూడా వర్షపునీరు, బురద ఉండడంతో మహిళలు, వృద్ధులు, దివ్యాంగులు ఓటు వేసేందుకు ఇబ్బందులు పడ్డారు. ఫ తాళ్లపూడి జెడ్పీ హైస్కూల్‌లో ఏర్పాటు చేసిన పోలింగ్‌ కేంద్రాలకు వర్షపు నీరు, బురదలో నుంచి వెళ్లేందుకు ఓటర్లు అవస్థలు పడ్డారు. ఫ నిడదవోలు మండలం తిమ్మరాజుపాలెంలో వర్షపు నీటి ప్రవాహాన్ని దాటేందుకు ట్రాక్టర్‌పై పోలింగ్‌ కేంద్రానికి చేరుకోవాల్సి వచ్చింది. ఫ అనపర్తి బాలికోన్నత పాఠశాలలో ఏర్పాటు చేసిన పోలింగ్‌ కేంద్రంలోకి నీరు చేరడంతో ఓటేసేందుకు వచ్చిన ఓటర్లు తీవ్ర ఇబ్బందులు పడ్డారు. ఫ ఉండ్రాజవరం మండలం పాలంగి గ్రామంలోని మండల పరిషత్‌ ప్రాథమిక పాఠశాలలో ఏర్పాటు చేసిన బూత్‌లోకి బురదలో నుంచి వెళ్లేందుకు ఓటర్లు భయపడ్డారు. ఎక్కడ జారిపడతామోనని ఆందోళన చెందారు. ఫ నల్లజర్ల మండలం అనంతపల్లిలో ఓటు వేసేందుకు వచ్చిన ఓటర్లు బురద నీటిలోనే నిరీక్షించాల్సి రావడంతో అసహనానికి గురయ్యారు. బ్యాలెట్‌ బాక్సుల్లో అభ్యర్థుల భవితవ్యం కొత్తగా ఏర్పాటైన తూర్పు గోదావరి జిల్లా పరిషత్‌కు తొలి పాలకవర్గాన్ని ఎన్నుకునేందుకు గురువారం నిర్వహించిన పోలింగ్‌తో ఓటర్లు తీర్పు ఇచ్చేశారు. తీవ్ర వర్షాల కారణంగా గోపాలపురం మినహాయించి 20 జెడ్పీటీసీ స్థానాలకు ఎన్నిక నిర్వహించగా 71 మంది అభ్యర్థులు పోటీ పడ్డారు. జిల్లాలోని 412 ఎంపీటీసీ స్థానాలకు ఏడు స్థానాలు ఏకగ్రీవం కాగా, మిగిలిన 405 స్థానాలకు 901 మంది అభ్యర్థులు పోటీ చేశారు. అయితే గోపాలపురం మండలంలో ఎన్నిక వాయిదా వేయడంతో, మిగతా 389 స్థానాలకు 867 మంది అభ్యర్థులు నిలవగా పోలింగ్‌ నిర్వహించారు. ఈ స్థానాల్లో 11,51,427 లక్షల మంది ఓటర్లు ఓటు హక్కు వినియోగించుకోవాల్సి ఉంది. అయితే 20 మండలాల్లో మొత్తం 8,23,672 మంది మాత్రమే ఓటు వేశారు. మొత్తంగా 71.53 శాతం పోలింగ్‌ నమోదైంది. ఓటర్ల తీర్పు బ్యాలెట్‌ బాక్సుల్లోకి చేరిపోవడంతో ఇక గెలిచేదెవరో... ఓడేదెవరో శనివారం తేలనుంది. కౌటింగ్‌ ప్రక్రియ శనివారం ఉదయం నుంచి చేపట్టనున్నారు. రాజానగరం: సూర్యాపేటలో పార్టీ నాయకులు, కార్యకర్తలతో కలసి ఓటు వేసినట్లు చూపుతున్న మాజీ ఎమ్మెల్యే జక్కంపూడి రాజా నిడదవోలు రూరల్‌ పాలంగి ఎంపీపీ స్కూల్‌ పోలింగ్‌ కేంద్రంలో వరద నీటిలో నిలబడిన ఓటర్లుఫ అవస్థల నడుమ ‘పరిషత్‌’ పోలింగ్‌ ఫ వర్షం నీరు, బురదలో నుంచే కేంద్రాలకు చేరుకున్న ఓటర్లు ఫ 20 జెడ్పీటీసీ, 389 ఎంపీటీసీ స్థానాలకు ఎన్నికలు ఫ రాజానగరంలో అత్యధికంగా 78.68, రాజమహేంద్రవరం రూరల్‌లో అత్యల్పంగా 52.44 శాతం నమోదు ఫ కపిలేశ్వరపురంలో రిగ్గింగ్‌కు పాల్పడిన కూటమి నేతలు ఫ అనపర్తిలో వైఎస్సార్‌ సీపీ కార్యకర్తలపై టీడీపీ దాడి జెడ్పీటీసీ మొత్తం పోలైన పోలింగ్‌ ఓట్లు ఓట్లు శాతం అనపర్తి 60,010 40,127 66.87 బిక్కవోలు 57,909 39,950 68.99 రంగంపేట 48,487 37,398 77.27 గోకవరం 57,553 39,834 69.21 కపిలేశ్వరపురం 54,204 36,215 66.81 మండపేట 64,472 43,300 67.16 రాయవరం 52,877 36,141 68.35 కడియం 62,081 44,436 71.58 రాజమండ్రి రూరల్‌ 23,007 12,064 52.44 కోరుకొండ 64,943 49,901 76.84 రాజానగరం 84,089 66,165 78.68 సీతానగరం 59,382 44,645 75.18 చాగల్లు 52,499 36,439 69.41 కొవ్వూరు 55,640 41,125 73.91 తాళ్లపూడి 41,882 30,138 71.96 దేవరపల్లి 64,755 46,145 71.26 నల్లజర్ల 69,191 52,193 75.43 నిడదవోలు 58,408 42,014 71.93 పెరవలి 57,783 41,468 71.77 ఉండ్రాజవరం 62,255 43,974 70.64 మొత్తం 11,51,427 8,23,672 71.53 నెమ్మదిగా ప్రారంభమై.. జోరందుకుని... ఉదయం 9కి – 12.09 11కి – 28.52 ఒంటి గంటకు – 44.41 3కి – 59.09 ముగింపు – 71.53 దౌర్జన్యంగా చొరబడి.. రిగ్గింగ్‌ కపిలేశ్వరపురం మండలం వల్లూరు గ్రామంలో మధ్యాహ్నం 3.30 గంటల సమయంలో కూటమి నేతలు బరితెగించి రిగ్గింగ్‌కి పాల్పడ్డారు. జనసేన మండపేట నియోజకవర్గ ఇన్‌చార్జి వేగుళ్ల లీలాకృష్ణ స్వగ్రామం కావడంతో ఆయన ప్రోద్బలంతో జనసేన, టీడీపీ నాయకులు రెచ్చిపోయారు. స్థానిక ప్రభుత్వ మోడల్‌ ఎంపీపీ స్కూల్‌లోని బూత్‌ నంబర్‌ 169, 170లోకి కొందరు చొరబడ్డారు. వైఎస్సార్‌ సీపీ ఏజెంట్లను భయభ్రాంతులకు గురిచేసి బయటకు పంపించేశారు. తప్పనిసరి పరిస్థితుల్లో వైఎస్సార్‌ సీపీ ఎంపీటీసీ అభ్యర్థి రోకేష్‌, బూత్‌ ఏజెంట్లు బూత్‌లను వదిలేసి బయటకు వచ్చేశారు. అనంతరం కూటమి పార్టీల నాయకులు ఇష్టారాజ్యంగా రిగ్గింగ్‌కు పాల్పడ్డారు. ఇక్కడ రీపోలింగ్‌ నిర్వహించాలని వైఎస్సార్‌ సీపీ నాయకులు డిమాండ్‌ చేస్తున్నారు. ఈ మేరకు కలెక్టర్‌ కీర్తి చేకూరికి ఫిర్యాదు చేశారు.

సీటీఆర్‌ఐ (రాజమహేంద్రవరం): జిల్లాలో గురువారం ఉదయం 7 గంటల నుంచి ప్రారంభమైన ఎంపీటీసీ, జెడ్పీటీసీ ఎన్నికల పోలింగ్‌ ప్రక్రియను బొమ్మూరులోని కలెక్టరేట్‌ ప్రాంగణంలో ఏర్పాటు చేసిన కమాండ్‌ కంట్రోల్‌ రూమ్‌ నుంచి జాయింట్‌ కలెక్టర్‌ వై.మేఘ స్వరూప్‌ పరిశీలించారు. జిల్లాలోని ఎన్నికలు జరుగుతున్న 20 మండలాల్లో ఉన్న సున్నితమైన, సమస్యాత్మక పోలింగ్‌ కేంద్రాలతో పాటు, ప్రత్యేకంగా గుర్తించిన పలు పోలింగ్‌ కేంద్రాల్లో ఏర్పాటు చేసిన వెబ్‌కాస్టింగ్‌ ద్వారా పోలింగ్‌ సరళిని జేసీ పర్యవేక్షించారు. జిల్లా వ్యాప్తంగా పోలింగ్‌ ప్రక్రియ పూర్తిగా ప్రశాంత వాతావరణంలో కొనసాగిందని ఆయన తెలిపారు. అలాగే, కమాండ్‌ కంట్రోల్‌ రూమ్‌ ద్వారా ప్రతి రెండు గంటలకు ఒకసారి జిల్లాలోని అన్ని మండలాల వారీగా పోలింగ్‌ శాతం, నమోదైన ఓట్ల వివరాలను సేకరిస్తూ, పోలింగ్‌ సరళిని నిరంతరం సమీక్షించామని అన్నారు. కలెక్టరేట్‌ పరిపాలనాధికారి మక్సుద్‌ అలీ తదితరులు పాల్గొన్నారు. నేడు పొగాకు బోర్డు చైర్మన్‌ పర్యటన దేవరపల్లి: మురుసు తుపానుకు నష్టపోయిన పొగాకు తోటలను పొగాకు బోర్డు చైర్మన్‌ సీహెచ్‌ హేమంత్‌ కుమార్‌ శుక్రవారం పరిశీలించనున్నారు. ఈ మేరకు దేవరపల్లి, జంగారెడ్డిగూడెం, కొయ్యలగూడెం, గోపాలపురం, దేవరపల్లి వేలం కేంద్రాల పరిధిలో పర్యటించనున్నట్టు బోర్డు రీజినల్‌ మేనేజరు జె.సురేంద్ర కుమార్‌ తెలిపారు. ఉదయం నుంచి మధ్యాహ్నం వరకు జంగారెడ్డిగూడెం, కొయ్యలగూడెం వేలం కేంద్రాల పరిధిలో, మధ్యాహ్నం 3.30 గంటలకు దేవరపల్లి వేలం కేంద్రం పరిధిలోని సంగాయగూడెంలో చైర్మన్‌ యశ్వంత్‌ కుమార్‌ పర్యటిస్తారని తెలిపారు. ఓటేసి వస్తూ.. వరద నీటిలో ఇద్దరి గల్లంతు మరొకరు సురక్షితం తాళ్లపూడి/ దేవరపల్లి: ఓటెయ్యడానికి వెళ్లి తిరిగి వస్తున్న ముగ్గురిలో ఇద్దరు వరద నీటిలో గల్లంతు కాగా, మరొకరిని స్థానికులు రక్షించారు. గోపాలపురం మండలం చిట్యాల సమీపంలో ఈ ఘటన జరిగింది. స్థానికుల కథనం ప్రకారం.. తాళ్లపూడి మండలం అన్నదేవరపేటకు చెందిన మేడిద విజయ్‌కుమార్‌ బ్యాంకు ఆఫ్‌ ఇండియాలో అప్రైజర్‌గా విధులు నిర్వర్తిస్తున్నారు. ఓటు వేసేందుకు చిట్యాల గ్రామానికి తన మేనకోడలు, మరొకరితో కలసి వెళ్లారు. అక్కడి నుంచి అన్నదేవరపేటకు తిరిగి బైక్‌పై వస్తుండగా, చిట్యాల సమీపంలో కొవ్వాడ వరద నీటిలో బైక్‌ అదుపుతప్పి విజయ్‌కుమార్‌, అతని మేనకోడలు గల్లంతయ్యారు. మూడో వ్యక్తిని స్థానికులు కాపాడినట్టు తెలిసింది. ఈ ఘటనకు సంబంధించి పూర్తి వివరాలు తెలియాల్సి ఉంది. పోలింగ్‌ కేంద్రాల వద్ద ప్రలోభాలుసాక్షి, టాస్క్‌ఫోర్స్‌: పరిషత్‌ ఎన్నికల సందర్భంగా అధికార టీడీపీ నాయకులు కడియం మండలంలో ప్రలోభాల వల వేశారు. రూరల్‌ ఎమ్మెల్యే గోరంట్ల బుచ్చయ్యచౌదరి కడియపులంకలో పలు ప్రాంతాల్లో తన అనుచరులతో పర్యటించి ఓటర్లను ఆకట్టుకునే ప్రయత్నం చేశారు. ఒకపక్క పోలింగ్‌ జరుగుతుండగానే.. వెంకాయమ్మపేటలో వివాదాస్పద రోడ్డుకు సంబంధించి, తాను సమస్యను ఓటర్లకు పరిష్కరిస్తానని చెప్పడం విమర్శలకు తావిచ్చింది. అలాగే మార్కెట్‌ కమిటీ చైర్మన్‌ మార్ని వాసుదేవరావు తన అనుచరులతో కలసి దుళ్ల బోర్డు స్కూల్‌ పోలింగ్‌ బూత్‌ సమీపంలోనే ఉదయం నుంచి ఓటర్లను ప్రలోభపెట్టే ప్రయత్నాలు చేసినట్లు స్థానికులు ఆరోపిస్తున్నారు. గ్రామంలోని దళితవాడలో ఖాళీ స్థలం ఎంపిక చేస్తే అక్కడ కల్యాణ మండపం నిర్మిస్తానని మార్ని వాసు హామీ ఇచ్చి మరీ ఓటర్లను ఆకట్టుకునే ప్రయత్నాలు చేసినట్లు స్థానికులు చెబుతున్నారు. అలాగే మాధవరాయుడుపాలెం మాజీ సర్పంచ్‌, టీడీపీ రైతు నాయకుడు అన్నందేవుల చంటి గ్రామంలోని హైస్కూల్‌లోని పోలింగ్‌ బూత్‌లో స్వయంగా ఏజెంట్‌గా విధులు నిర్వహించారు. అక్కడికి వచ్చే ఓటర్లను తమకు అనుకూలంగా మలుచుకునేందుకే ఈ విధంగా ఏజెంట్‌గా బూత్‌లో కూర్చున్నారని వైఎస్సార్‌ సీపీ నాయకులు ఆందోళనకు దిగారు. దీంతో పోలీసులు కలుగజేసుకుని కొద్దిసేపు చంటిని బూత్‌ నుంచి బయటకు పిలిపించారు. దక్షిణ మండలం డీఎస్పీ శివప్రియ అక్కడికి చేరుకుని ఇరువర్గాలతో చర్చించారు. అయితే ఈ లోపు ఏ ఒత్తిడిలు పనిచేశాయో తెలియదుగానీ తిరిగి మళ్లీ అదే బూత్‌లో చంటిని కూర్చోనిచ్చారు. కాగా మండలంలోని పలు పోలింగ్‌ బూత్‌ల్లోకి అధికార పార్టీ అభ్యర్థులు, వారి మద్దతుదారులు చొరబడి మరీ ప్రచారం చేస్తున్నప్పటికీ అక్కడ బందోబస్తులో ఉన్న సిబ్బంది ఏమాత్రం అడ్డుచెప్పలేదు. అదే సమయంలో వైఎస్సార్‌ సీపీకి చెందిన అభ్యర్థులను పదేపదే అక్కడి నుంచి బయటకు పంపించేందుకు ప్రయత్నించారు. దుళ్ల, మురమండ, మాధవరాయుడుపాలెం, జేగురుపాడు, కడియపుసావరం తదితర గ్రామాల్లో ఇదే తరహా పరిస్థితి ఉండడంతో పదేపదే వైఎస్సార్‌ సీపీ అభ్యర్థులు పోలీసులతో వాగ్వాదాలకు దిగాల్సి వచ్చింది.

సీటీఆర్‌ఐ (రాజమహేంద్రవరం): మురసు తుపాను ప్రభావంతో కురుస్తున్న భారీ వర్షాలు, ఎరక్రాలువకు వరద ప్రవాహం పెరగడం వల్ల గోపాలపురం మండలంలోని పలు గ్రామాలు, పోలింగ్‌ కేంద్రాలు వరద నీటితో ప్రభావితమయ్యాయని జిల్లా కలెక్టర్‌, జిల్లా ఎన్నికల అధికారి కీర్తి చేకూరి తెలిపారు. ఈ నేపథ్యంలో పోలింగ్‌ సిబ్బంది, ఎన్నికల సామగ్రి సురక్షితంగా తరలించడం, ఓటర్లు పోలింగ్‌ కేంద్రాలకు చేరుకోవడంలో ఎదురవుతున్న ఇబ్బందులను దృష్టిలో ఉంచుకుని గోపాలపురం మండలంలో ఎన్నికల తేదీని వాయిదా వేయాలని రాష్ట్ర ఎన్నికల సంఘానికి ప్రతిపాదనలు పంపినట్లు తెలిపారు. జిల్లా యంత్రాంగం నివేదికను పరిశీలించిన రాష్ట్ర ఎన్నికల సంఘం గోపాలపురం మండలంలోని 18 ఎంపీటీసీ స్థానాలు, ఒక జెడ్పీటీసీ స్థానానికి సంబంధించి 64 పోలింగ్‌ కేంద్రాల్లో గురువారం జరగాల్సిన పోలింగ్‌ను ఈ నెల 6వ తేదీకి (శుక్రవారం) మారుస్తూ ఉత్తర్వులు జారీ చేసిందని కలెక్టర్‌ వెల్లడించారు. అదేవిధంగా, గోపాలపురం మండలంలో రీపోలింగ్‌ అవసరం లేని పక్షంలో నవంబర్‌ 7న ఓట్ల లెక్కింపు, ఫలితాల ప్రకటన ఉంటుందని తెలిపారు. జిల్లాలోని మిగిలిన మండలాల్లో ఎంపీటీసీ, జెడ్పీటీసీ ఎన్నికల పోలింగ్‌, ఓట్ల లెక్కింపు షెడ్యూల్‌ యథావిధిగా కొనసాగుతుందని స్పష్టం చేశారు. ఫ 18 ఎంపీటీసీ, ఒక జెడ్పీటీసీ స్థానానికి ఎన్నికలు ఫ నవంబర్‌ 7న కౌంటింగ్‌

ద్వారకాతిరుమల: స్థానిక ఎన్నికల నిర్వహణ ప్రజాస్వామ్యాన్ని ఖూనీ చేసేలా సాగింది. ఎన్నికల్లో పారదర్శకత లోపించింది. గురువారం జరిగిన పరిషత్‌ ఎన్నికల్లో ద్వారకాతిరుమల మండలంలోని పలు గ్రామాల్లో వివాదాలు చోటుచేసుకున్నాయి. ఐఎస్‌ రాఘవాపురం పంచాయతీ తూర్ల లక్ష్మీపురంలో బ్యాలెట్‌ పేపర్లపై ముందే సిరా మరకలు కనిపించగా.. తిరుమలంపాలెంలో వైఎస్సార్‌ సీపీ బూత్‌ ఏజెంట్లను బయటకు పంపేయడం కలకలాన్ని రేపాయి. ఈ ఘటనలపై వైఎస్సార్‌ సీపీ నాయకులు ఆందోళనకు దిగారు. ఫ తూర్ల లక్ష్మీపురంలో ఓటు వేసేందుకు వెళ్లిన వైఎస్సార్‌ సీపీ నాయకుడు దాకారపు అగ్గియ్యకు బ్యాలెట్‌ పేపర్‌పై కమలం గుర్తు వద్ద ముందే సిరా మరక కనిపించింది. దీనిపై పోలింగ్‌ అధికారిని ప్రశ్నించగా పొరపాటున ఇంకు అంటుకుందని సమాధానమిచ్చారు. అనుమానంతో బ్యాలెట్‌ బుక్‌లోని ఇతర పేజీలను పరిశీలించగా, అన్నింటిలోనూ కమలం గుర్తుపై సిరా మరకలు కనిపించాయని అగ్గియ్య తెలిపారు. ముందుగానే కమలం గుర్తుపై ముద్రలు వేసి రిగ్గింగ్‌కు పాల్పడ్డారని, ఓటర్లు ఎలాగో ముద్ర ఉంది కధ అని బ్యాలెట్‌ బాక్స్‌లో వేస్తే ఓటు వారికి పడుతుందని, ఇతర గుర్తులపై ముద్ర వేస్తే బ్యాలెట్లు చెల్లకుండా పోవాలన్న కుట్రతో ఇదంతా చేశారని అగ్గియ్య ఆరోపించారు. ఈ క్రమంలోనే అగ్గియ్యతో పాటు, ఆయన భార్య, వైఎస్సార్‌ సీపీ గోపాలపురం నియోజకవర్గ మహిళా అధ్యక్షురాలు దాకారపు బంగారమ్మ పార్టీ శ్రేణులతో కలిసి లక్ష్మీపురంలోని రహదారిపై ఆందోళనకు దిగారు. వైఎస్సార్‌ సీపీ జెడ్పీటీసీ అభ్యర్థి బుసనబోయిన విజయలక్ష్మి సైతం అక్కడికి చేరుకుని ఇవేం ఎన్నికలని ఆవేదన వ్యక్తం చేశారు. ఇదిలా ఉంటే పొరపాటున ఇంకు అంటిన విషయాన్ని ఆర్వోకు లేఖ ద్వారా తెలియజేస్తానని పోలింగ్‌ అధికారి చెప్పినట్లు ఎస్సై టి.సుధీర్‌ వివరించారు. అయితే ఎన్ని ఓట్లు రిగ్గింగ్‌కు గురయ్యాయో ఎలా గుర్తిస్తారని, రీపోలింగ్‌ నిర్వహించాలని వైఎస్సార్‌ సీపీ నాయకులు పట్టుబట్టారు. ఓటమి భయంతోనే కూటమి నాయకులు ఇలాంటి అక్రమాలకు పాల్పడుతున్నారని ఆరోపించారు. అధికారుల సహకారంతో రిగ్గింగ్‌ చేసి గెలవడం కూడా గెలుపేనా? అని ప్రశ్నించారు. ఆందోళన చేస్తున్న తమను పోలీసులు బయటకు నెట్టేశారని ఆవేదన వ్యక్తం చేశారు. 144 సెక్షన్‌ అమల్లో ఉందని, కేసులు నమోదు చేస్తామని భీమడోలు సీఐ పి.కృష్ణ, ఎస్సై సుధీర్‌ హెచ్చరించి ఆందోళనకారులను అక్కడి నుంచి పంపించేశారు. ఏజెంట్లను బయటకు పంపి.. తిరుమలంపాలెంలో వైఎస్సార్‌ సీపీ బూత్‌ ఏజెంట్ల తొలగింపు వివాదాస్పదమైంది. ముందురోజు ఏజెంట్‌ ఫారాలు సమర్పించలేదనే కారణంతో ఉదయం పోలింగ్‌ ప్రారంభమైన తర్వాత 7.45 గంటలకు వచ్చిన గదుల మహేష్‌బాబు, వెలిగట్ల ఫణికుమార్‌, సయ్యద్‌ యాకోబు, కంతేటి బాబీ, బొప్పన చిన్న, మిడతా చందు, సిరిమల్లి సాయిలను తొలుత పీఓ అనుమతించలేదు. ఆర్వోకు ఫోన్‌ చేసిన అనంతరం వారిని లోపలికి అనుమతించి ఐడీ కార్డులు కూడా జారీ చేశారు. అయితే కొద్దిసేపటికే టీడీపీ నాయకులు అభ్యంతరం తెలపడంతో తిరిగి ఆర్వోకు ఫోన్‌ చేసిన పీఓ.. మూడు బూత్‌లలోని వైఎస్సార్‌ సీపీ ఏజెంట్లను బయటకు పంపించారు. టీడీపీ నేతలు వన్‌సైడ్‌గా పోలింగ్‌ జరుపుకొంటున్న తీరుపై విమర్శలు రావడంతో భీమడోలు సీఐ పి.కృష్ణ, ద్వారకాతిరుమల ఎస్సై సుధీర్‌ అక్కడికి చేరుకుని ఏజెంట్లతో మాట్లాడారు. అనంతరం మీడియా సమక్షంలో పీఓను వివరణ కోరగా, ప్రత్యర్థి పార్టీ అభ్యంతరం తెలపడంతో వారిని లోపలికి అనుమతించలేమని ఆమె స్పష్టం చేశారు. పీఓ నిర్ణయమే తుది నిర్ణయమని పోలీసులు చెప్పడంతో ఏజెంట్లు వెనుదిరిగారు. తమ ఏజెంట్లు లేకుండానే టీడీపీ నాయకులు పోలింగ్‌ నిర్వహించుకున్నారని, ఓటమి భయంతోనే వారు ఇలా చేశారని వైఎస్సార్‌ సీపీ శ్రేణులు ఆరోపించాయి. ఇదే పంచాయతీ పరిధిలోని పావులూరివారిగూడెంలో వైఎస్సార్‌ సీపీ ఏజెంట్లు మోటూరి శ్రీనివాసరావు, బంటుమిల్లి బాలకృష్ణలను సైతం ఇదే కారణంతో బూత్‌ నుంచి బయటకు పంపించినప్పటికీ కొద్దిసేపటికే తిరిగి అనుమతించారు. కూటమి ప్రభుత్వంపై ప్రజల్లో నమ్మకం సన్నగిల్లిందనే భయంతోనే ఆ పార్టీ నాయకులు గెలుపు కోసం దౌర్జన్యాలు, రిగ్గింగ్‌కు పాల్పడ్డారని, తూర్ల లక్ష్మీపురంలో రీపోలింగ్‌ నిర్వహించాలని వైఎస్సార్‌సీపీ నాయకుడు దాకారపు అగ్గియ్య డిమాండ్‌ చేశారు. అన్యాయం చేశారంటూ ఎస్సై సుధీర్‌ వద్ద ఆవేదన వ్యక్తం చేస్తున్న వైఎస్సార్‌ సీపీ నాయకులు బంగారమ్మ, అగ్గియ్య తదితరులుద్వారకాతిరుమల మండలం తూర్ల లక్ష్మీపురంలో రహదారిపై ఆందోళన చేస్తున్న వైఎస్సార్‌ సీపీ శ్రేణులుఫ కమలం గుర్తుపై ముందుగానే ముద్రలు ఫ తూర్ల లక్ష్మీపురంలో అక్రమాలు బహిర్గతం ఫ తిరుమలంపాలెంలో వైఎస్సార్‌ సీపీ ఏజెంట్ల తొలగింపు ఫ రిగ్గింగ్‌ జరిగిందంటూ ఆ పార్టీ ఆందోళన

● నీటితో బాట..సారీజగన్నాథగిరి నుంచి తుని వెళ్లే తాళ్లూరు రోడ్డులో నాసా సమీపంలో వరదనీరు ప్రవహిస్తుంది. వారం రోజులుగా ఇదే పరిస్థితి ఉండడంతో ఆ నీటిలో నాచు పట్టింది. దీంతో తుని ఎల్‌ఐసీ ఆఫీస్‌ సమీపంలో ఉన్న రైల్వే అండర్‌పాస్‌ను తాత్కాలికంగా మూసివేశారు. వాహనాలు వెళ్లకుండా ఇనుప గొలుసులు ఏర్పాటు చేశారు. తాళ్లూరు, వి.కొత్తూరు, లోవకొత్తూరు, తదితర గ్రామాల ప్రజలు తుని వెళ్లేందుకు సుదూర ప్రాంతాలు తిరిగి వెళ్లాల్సి వస్తుంది. అదేవిధంగా కుమ్మరిలోవ గ్రామ సమీపంలో రోడ్డుపై, టి.తిమ్మాపురం సమీపంలో రోడ్డుపై ఇంకా వరదనీరు ప్రవహిస్తుంది. పరివాహక ప్రాంతాల నుంచి వచ్చి చేరుతున్న వరదనీరు తాండవ నదిపై నిర్మించిన రెండు మినీ రిజర్వాయర్ల పైనుంచి ఉధృతంగా ప్రవహిస్తుంది. –తుని రూరల్‌ సామర్లకోట నుంచి కాకినాడ వెళ్లే రోడ్డులో భారీగా నీరు చేరింది. మోకాలు లోతులో నీరు ఉండడంతో ప్రయాణం కష్టంగా మారింది. కీలకమైన ఈ దారిలో గోదావరి కాలువ, మరోవైపు వెస్టు ఏలేరు కాలువ పొంగి ప్రవహించడంతో ముంపు బారిన పడింది. ప్రధానంగా వీకే రాయపురం– మాధవపట్నం మధ్యలో చేరిన నీటితో వాహనదారులు తీవ్ర ఇబ్బందులు పడ్డారు. చాలాచోట్ల ట్రాఫిక్‌ నిలిచిపోవడం కనిపించింది. –సామర్లకోట

తాత్కాలిక రైల్వే కౌంటర్‌ అవసరం రైలు ప్రయాణం ద్వారా చాలా మంది భక్తులు ఆలయానికి వస్తారు. స్వామివారి దర్శనం అనంతరం వారు తిరిగి అన్నవరం రైల్వే స్టేషన్‌కు వెళ్తుంటారు. రైల్వే స్టేషన్‌లో టికెట్‌ కౌంటర్‌ మొదటి ప్లాట్‌ఫామ్‌పై మాత్రమే ఉంది. ఈ కార్తికమాసంలో చాలా మంది భక్తులు వస్తారు. అందువల్ల టిక్కెట్‌ తీసుకోవడానికి చాలా సమయం పడుతుంది. రైల్వే అధికారులతో మాట్లాడి దేవస్థానంలో రైల్వే జనరల్‌ టిక్కెట్లు విక్రయించేందుకు తాత్కాలికంగా కౌంటర్‌ ఏర్పాటు చేయాలి. అదే విధంగా అన్నవరం రైల్వే స్టేషన్‌లో ఆగే వివిధ రైళ్ల సమాచారం తెలిపే బోర్డులు పెట్టాలి. అన్నవరం మెయిన్‌ రోడ్డులో ట్రాఫిక్‌ సమస్య పరిష్కారానికి ఆక్రమణలు తొలగించాలి. ఫ రత్నగిరిపై సమస్యల మోత ఫ ‘ఆన్‌లైన్‌’ పేమెంట్లతో ఇబ్బందులు ఫ సైన్‌బోర్డులు, విద్యుత్‌ దీపాలు లేక అవస్థలు ఫ నేడు దేవదాయ శాఖ కమిషనర్‌ పర్యటన ఫ సమస్యలను పరిష్కరించాలని భక్తుల వినతి అన్నవరం: రాష్ట్రంలోనే అన్నవరం దేవస్థానానికి ప్రాధాన్యం ఉంది. ఎందుకే ఎక్కడెక్కడి నుంచో భక్తులు వస్తుంటారు. సాధారణ రోజుల కంటే కార్తిక మాసంలో మరింత రద్దీ ఉంటోంది. అయితే రత్నగిరిపై భక్తులను పలు సమస్యలు వేధిస్తున్నాయి. కార్తిక మాస ఏర్పాట్లపై చర్చించేందుకు దేవదాయ, ధర్మదాయ శాఖ కమిషనర్‌ కె.రామచంద్రమోహన్‌ శుక్రవారం వస్తున్న నేపథ్యంలో సమస్యలపై దృష్టించాలని భక్తులు విజ్ఞప్తి చేస్తున్నారు. నెట్‌‘వర్క్‌’ లేక.. దేవస్థానంలో వ్రతాలు, దర్శనం, కల్యాణం తదితర సేవల టిక్కెట్లు, ప్రసాదం కొనుగోలు అంతా నగదుతో కాకుండా డిజిటల్‌, యూపీఐ పేమెంట్లు, డెబిట్‌, క్రిడెట్‌ కార్డుల ద్వారానే గత ఏడాదిగా జరుగుతోంది. దీనివల్ల భక్తులు ఇబ్బంది పడుతున్నారు. దేవస్థానంలో ఎయిర్‌టెల్‌ సెల్‌ టవర్‌ తప్ప, మిగిలిన నెట్‌వర్క్‌ టవర్లు లేవు. దీంతో సెల్‌ సిగ్నల్స్‌ సరిగా లేక భక్తులు ఇబ్బంది పడుతున్నారు. దీనిని పరిష్కరించాల్సి ఉంది. సమాచారం.. అగమ్యగోచరం ఆలయం వద్ద ఏ విభాగం ఎక్కడ ఉందో తెలిపే సైన్‌ బోర్డులు ఎక్కడా లేవు. పశ్చిమ రాజగోపురానికి కూతవేటు దూరంలోనే అన్నదానం భవనం ఉన్నా, దీనికి సంబంధించిన సైన్‌ బోర్డు అక్కడ కనిపించదు. దీంతో భక్తులు ఇబ్బంది పడుతున్నారు. దీనికితోడు అన్నదాన భవనంపై కూడా సమాచారం తెలిపే బోర్డు లేదు. ఫ రత్నగిరి, సత్యగిరి జంక్షన్‌లో కాని, ప్రకాష్‌సదన్‌ వెనుక గల మొదటి వై.జంక్షన్‌, పశ్చిమ రాజగోపురం వద్దకు దారి తీసే రెండో వై.జంక్షన్‌, తూర్పు రాజగోపురం వద్దకు దారి తీసే మూడో వై.జంక్షన్‌ వద్ద కాని సరైన సమాచారం తెలిపే బోర్డులు లేవు. అక్కడ సెక్యూరిటీ సిబ్బంది కూడా సరైన సమాచారం తెలపడం లేదనే విమర్శ ఉంది. వెళ్లే దారి చూపాలి ఈ నెల 24న జరిగే సత్యదేవుని గిరిప్రదక్షిణకు లక్షలాదిగా భక్తులు రానున్నారు. అయితే పోలవరం కాలువ పనుల కారణంగా జాతీయ రహదారిపై రెండు వైపులా రెండు ఫైఓవర్లు నిర్మించి ట్రాఫిక్‌ వాటి మీద నుంచి మళ్లించారు. ఆ ఫైఓవర్‌ పక్క నుంచి లేదా దిగువ నుంచి ఈ గిరిప్రదక్షిణ పుష్కర కాలువ రోడ్డులోకి వెళ్లాలి. అయితే ఆ రోడ్డు ఇంకా పూర్తి కాక గిరిప్రదక్షిణలో పాల్గొనే భక్తులు ఇబ్బంది పడాల్సిన పరిస్థితి. దీనిపై కూడా దృష్టి పెట్టాలి. దేవస్థానంలో శానిటరీ విధులు నిర్వహిస్తున్న పద్మావతి కాంట్రాక్ట్‌ సంస్థ పని తీరుపై అనేక విమర్శలున్నాయి. ఈ సమస్యలపై దేవదాయ శాఖ కమిషనర్‌ కె.రామచంద్రమోహన్‌ శుక్రవారం నిర్వహించే సమీక్షలో చర్చించాలని అంతా కోరుతున్నారు. చీకటి.. ఆ మాటేమిటి! కార్తిక మాసంలో దేవస్థానానికి భక్తులు ముందురోజు రాత్రి నుంచే వస్తారు. అయితే అటు అన్నవరం మెయిన్‌ రోడ్డులో మండపం వైపు ఉన్న ఆర్చి నుంచి బెండపూడి వైపు వెళ్లే ఆర్చి వరకు, స్టేషన్‌ రోడ్డులో పూర్తి స్థాయిలో విద్యుత్‌ దీపాలు తెల్లవార్లూ వెలిగేలా చర్యలు తీసుకోవాలి. లేకుంటే చీకటిలో ఇబ్బంది ఎదురవుతోంది.

మణికొండ: ఇప్పుడే తిరిగి వస్తానని చెప్పి ఇంటి నుంచి వెళ్లిన ఓ యువకుడు తిరిగిరాని లోకాలకు వెళ్లాడు. తను నడుపుతున్న ద్విచక్ర వాహనం అదుపుతప్పి రోడ్డు పక్కనున్న జలమండలి గోడను ఢీకొనటంతో తీవ్ర గాయాలపాలై అక్కడికక్కడే మృతి చెందాడు. ఈ సంఘటన నార్సింగి పోలీస్‌ స్టేషన్‌ పరిధి గండిపేటలో బుధవారం రాత్రి జరిగింది. పోలీసుల కథనం ప్రకారం.. కాకినాడ జిల్లా కోటనందూరు మండలం, చిన్నయ్యపాలేనికి చెందిన బొంకు చిన్నబ్బాయి తన కుటుంబంతో కలిసి జీవనోపాధి నిమిత్తం నాలుగేళ్ల క్రితం హైదరాబాద్‌కు వచ్చారు. గండిపేట గ్రామంలో నివాసం ఉంటూ తన భార్యతో కలసి కోకాపేటలోని లెజెండ్‌ చిమ్స్‌ విలేజ్‌లోని ఇళ్లలో పని మనుషులుగా పనిచేస్తున్నారు. వారి చిన్నకుమారుడు బొంకు అజయ్‌(20) డ్రైవర్‌గా పనిచేస్తున్నాడు. బుధవారం రాత్రి 10 గంటల సమయంలో ఇంటికి వచ్చి ఓ ఫోన్‌ రావటంతో ఇప్పుడే వస్తానని అజయ్‌ బయటకు వెళ్లాడు. కొద్ది సేపటికి రోడ్డు ప్రమాదం జరిగిందని, అక్కడే అజయ్‌ మరణించాడని ప్రమాద స్థలం నుంచి పలువురు తెలిపారు. దాంతో వారు సంఘటనా స్థలానికి చేరుకుని పరిశీలించగా, అజయ్‌ తలకు తీవ్ర గాయాలతో మరణించి పడి ఉండటాన్ని గమనించారు. అలాగే బైక్‌పై ఉన్న షేక్‌ నబీ రసూల్‌కు కుడికాలు, కుడి చేతికి గాయాలయ్యాయి. మృతుడి తండ్రి ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నామని పోలీసులు తెలిపారు.

ఊరే ఏరైంది.. ఎక్కడ చూసినా వరద నీరే కనిపిస్తోంది.. ఇళ్లను, పొలాలను నిండా ముంచేసింది.. జనం బిక్కుబిక్కుమంటూ గడపాల్సిన పరిస్థితి వచ్చింది.. జనానికి నరకం కనిపిస్తోంది. రోడ్లపై వరద నీరు చేరడంతో రాకపోకలకు తీవ్ర అంతరాయం కలిగింది. ఉమ్మడి జిల్లా వ్యాప్తంగా పలుచోట్ల ఉన్న సమస్యలు ఇలా.. ఫ కొవ్వాడ కాలువ ఉగ్రరూపం ఫ అన్నదేవరపేటలో వరద నీట ఇళ్లు, పొలాలు తాళ్లపూడి: ఎగువ ప్రాంతాల్లోంచి వరద నీరు వచ్చి చేరడంతో కొవ్వాడ కాలువ ఉగ్రరూపం దాల్చింది. దీంతో తాళ్లపూడి మండలంలోని పలు ప్రాంతాలు ముంపు బారిన పడ్డాయి. ఇప్పటికే తుపాన్ల ప్రభావంతో భారీ వర్షాలకు, కొవ్వాడ వరద ధాటికి మండలంలో రైతులకు కోలుకోలేని దెబ్బతగిలింది. అన్నదేవరపేట గ్రామంలోని జాన్‌పేట, అరుంధతీ పేటల్లో, రాగోలపల్లిలో ఇళ్ల వద్దకు వరద నీరు చేరింది. ప్రజలు ఇబ్బందులు పడుతున్నారు. కొవ్వాడ కాలువ వరద ముంపు ధాటికి వందలాది ఎకరాలు ఇంకా ముంపు బారిన పడ్డాయి. అన్నదేవరపేట, రాగోలపల్లి, తాడి పూడి, బయ్యరం, తిరుగుడుమెట్ట, వేగేశ్వరపురం తదితర గ్రామాల్లో 2 వేల ఎకరాల్లో వరి, కూరగాయ లు, మినుము, పొగాకు తదితర పంటలు నీట మునిగాయి. అన్నదేవరపేట నుంచి వెంకటాయపాలెం వెళ్లే కల్వర్టు, వేగేశ్వరపురం వైపునకు వెళ్లే కల్వర్టు, రాగోలపల్లి తాడిపూడి వైపుకు వెళ్లే కల్వర్టులపై నుంచి వరద నీరు ప్రవహిస్తుండడంతో రాకపోకలు పూర్తిగా స్తంభించాయి. దీంతో తిరుగుడుమెట్టకు సైతం రాకపోకలు నిలిచిపోయాయి. అన్నదేవరపేట గ్రామంలోని జాన్‌పేటలో రెండు వీధులు పూర్తిగా నీట మునిగాయి. మూడు అడుగుల మేర నీరు చేరింది. అరుంధతీపేట వద్ద కూడా వరద నీరు చేరింది. వరద నీటిలో విష సర్పాలు వస్తున్నాయని జనం ఆందోళన చెందుతున్నారు. ముంపు ప్రాంతాలను తహసీల్దార్‌ లక్ష్మీలావణ్య, రెవెన్యూ అధికారులతో కలసి పరిశీలించారు. ముంపు బాధితులకు పునరావాసం కల్పిస్తామరు. దేవరపల్లి: గోపాలపురం మార్కెట్‌ కమిటీ కార్యాలయంలో ఎన్నికల విధులు నిర్వహణకు వచ్చిన సిబ్బంది వరద నీటిలో చిక్కుకుపోవడంతో ఎన్‌డీఆర్‌ఎఫ్‌ సిబ్బంది, పోలీసులు సురక్షితంగా బయటకు తరలించారు. మార్కెట్‌ యార్డులో దాదాపు 10 అడుగుల ఎత్తున వరద నీరు ప్రవహించింది. సుమారు 3 గంటలు ఎన్నికల సిబ్బంది, పాత్రికేయులు వరద నీటిలో బిక్కుబిక్కుమంటూ ఉన్నారు. గ్రామంలోని పంచాయతీ కార్యాలయం సమీపంలో ఓ ఇంట్లో చిక్కుకున్న వృద్ధురాలిని మంచంపై ఎన్‌డీఆర్‌ఎఫ్‌ సిబ్బంది, గ్రామస్తులు బయటకు తీసుకు వచ్చి సురక్షిత ప్రాంతానికి తరలించారు. దేవరపల్లి, గోపాలపురం మండలాల్లో కార్లు, ఆటోలు, బైక్‌లు వరద నీటి ప్రవాహంలో కొట్టుకుపోయాయి.

కాకినాడ క్రైం: కాకినాడలోని ఏటిమొగ ప్రాంతంలో వేటకు బయలు దేరేందుకు సిద్ధమైన ఓ మెకానికల్‌ ఫైబర్‌ బోటులో ఒక్కసారిగా మంటలు చెలరేగి అగ్ని ప్రమాదం సంభవించింది. గురువారం సాయంత్రం పెమ్మాడి నాగేశ్వరరావుకు చెందిన ఈ బోటు విద్యుత్‌ షార్ట్‌ సర్క్యూట్‌ కారణంగా ప్రమాదానికి గురైందని అధికారులు అంచనా వేస్తున్నారు. సమాచారం అందుకోవడంతో డీఎఫ్‌ఓ కృపావరం ఆదేశాలతో ఏడీఎఫ్‌ఓ ఉద్దండురావు సుబ్బారావు, బృందం ఘటనా స్థలికి చేరుకుని ఫైర్‌ ఇంజిన్లు, ఇతర అగ్నిమాపక యంత్రాల సాయంతో మంటలు అదుపు చేశారు. సుమారు రూ.20 లక్షల ఆస్తి నష్టం వాటిల్లి ఉంటుందని అంచనా వేసినట్లు సుబ్బారావు తెలిపారు.

ఫ పది రోజులుగా అంధకారం ఫ పోతుమట్ల ప్రజల ఆందోళన రాజోలు: అర్నబ్‌ తుపాను వచ్చి పది రోజులైంది.. ఎన్నాళ్లీచీకటి రోజులు.. ఎప్పటికి విద్యుత్‌ వ్యవస్థను చక్కదిద్దుతారంటూ విద్యుత్‌ శాఖపై చింతలపల్లి పంచాయతీలోని పోతుమట్ల ఆవాస ప్రాంతం ప్రజలు ఆందోళనకు దిగారు. విద్యుత్‌ సరఫరా పునరుద్ధరించాలంటూ రాజోలు విద్యుత్‌ శాఖ ఏడీఈ కార్యాలయం ఎదుట గురువారం బైఠాయించారు. అధిక సంఖ్యలో మహిళలు, యువకులు ధర్నా చేశారు. విద్యుత్‌ శాఖ తీరు పట్ల ఆగ్రహం వ్యక్తం చేశారు. రాజోలు బార్‌ అసోసియేషన్‌ అధ్యక్షుడు యాలంగి రమేష్‌ ఆందోళనకారులకు మద్దతు తెలుపుతూ, పది రోజులుగా విద్యుత్‌ సరఫరా పునరుద్ధరించకుండా ప్రజలను అంధకారంలో ఉంచడం పట్ల ఆగ్రహం వ్యక్తం చేశారు. సామాన్యుల ఇళ్లకు విద్యుత్‌ ఇవ్వకుండా, రొయ్యల చెరువులకు ఎలా ఇస్తున్నారని ప్రశ్నించారు. విద్యుత్‌ శాఖ ఏడీఈని సస్పెన్షన్‌ చేయాలని డిమాండ్‌ చేశారు. ఏడీఈ డౌన్‌ డౌన్‌ అంటూ నినాదాలు చేసి కార్యాలయంలోకి ఎలాంటి వాహనాలు రాకుండా అడ్డుకొని గేటు మూసివేశారు. తమ గ్రామానికి విద్యుత్‌ సరఫరా ఇచ్చేవరకు కార్యాలయం నుంచి వెళ్లేది లేదంటూ మహిళలు పట్టుపట్టారు. విద్యుత్తు లేకపోవడంతో మహిళలు, బాలింతలు, వృద్ధులు చాలా ఇబ్బందులు పడుతున్నారని, తాగునీరు కూడా రావడంలేదని ఆవేదన వ్యక్తం చేశారు. తక్షణం తమ విద్యుత్తు వ్యవస్థను పునరుద్ధరించాలని డిమాండ్‌ చేశారు.

తుని రూరల్‌: తలుపులమ్మ అమ్మవారి లోవ దేవస్థానంలో ఏర్పాటు చేస్తున్న ఎస్కలేటర్‌ పనులను దేవదాయ ధర్మదాయ శాఖ కమిషనర్‌ కె.రామచంద్రమోహన్‌ పరిశీలించారు. గురువారం లోవ దేవస్థానానికి వచ్చిన ఆయన పనులు పరిశీలించి, వేగంగా అందుబాటులోకి తీసుకురావాలని డిప్యూటీ కమీషనర్‌ పి.విశ్వనాథరాజును ఆదేశించారు. అన్నవరం దేవస్థానం ఈఓ సూర్యచక్రధరరావు, సహాయ ఇంజినీర్‌ ఎస్‌వీ రమణ పాల్గొన్నారు. విద్యుదాఘాతానికి మహిళ మృతి అయినవిల్లి: మండలంలోని శానపల్లిలంక గ్రామంలో విద్యుదాఘాతానికి ఓ మహిళ మృతి చెందింది. స్థానికులు, ఆమె కుటుంబ సభ్యుల కథనం ప్రకారం.. శానపల్లిలంకకు చెందిన కొరుపల్లి శ్రవంతి (35) తన ఇంటి ఆవరణలో తీగపై బట్టలు ఆరబెడుతుండగా విద్యుత్‌ సర్వీస్‌ వైరు తగిలింది. దీంతో ఆమె విద్యుత్‌ షాక్‌కు గురై అక్కడికక్కడే మృతి చెందింది. ఆమెకు భర్త సతీష్‌, ఇద్దరు కుమార్తెలు ఉన్నారు.

ఫ పొగాకుకు వర్షం దెబ్బ ఫ రూ.2.50 కోట్ల మేర నష్టం ఫ తడిచి ముద్దయిన 600 బేళ్లు దేవరపల్లి: మురసు తుపానుకు పొగాకు రైతులు కుదేలయ్యారు. రెండు రోజులు ఎడతెరిపి లేకుండా కురిసిన భారీ వర్షాలకు దేవరపల్లి మండలంలో వర్జీనియా పొగాకు రైతులకు కోలుకోలేని దెబ్బతగిలింది. పొగాకు తోటలపై నుంచి వరద నీరు ప్రవహించడంతో తోటల్లో ఇసుక మేటలు వేశాయి. సాగు భూములా? ఇసుక తెన్నెలా అన్నట్టు ఉంది. ఇలా వేలాది ఎకరాల్లో పొగాకు తోటలు కొట్టుకుపోవడంతో రైతులు ఆందోళన చెందుతున్నారు. ఇప్పటికే ఎకరాకు దాదాపు రూ.50 వేల నుంచి రూ.80 వేలు పెట్టుబడి పెట్టి, పొగాకు తోటలను పెంచారు. ముందుగా వేసిన తోటలు ఆశాజనకంగా ఉండడంతో రైతులు ఆనందంలో ఉండగా, మురుసు తుపాను ముంచేసిందని ఆవేదన చెందుతున్నారు. దేవరపల్లి మండలం సంగాయగూడెం గ్రామాన్ని వరదనీరు చుట్టుముట్టడంతో ఇళ్లల్లోకి 10 అడుగుల నీరు చేరింది. సుమారు 5 గంటలు నీరు ఇళ్లల్లో ఉండిపోవడంతో పొగాకు బేళ్లు తడిచి ముద్ధయినట్టు రైతులు కరుటూరి శ్రీనివాస్‌, సింహద్రి రాము తదితరులు తెలిపారు. గ్రామంలో సుమారు 600 బేళ్లు వరద నీటికి తడిచిపోయినట్టు వాపోయారు. దీని విలువ సుమారు రూ. 2.50 కోట్లు ఉంటుందని చెబుతున్నారు. ఇంత దారుణం ఎప్పుడు చూడలేదని వాపోతున్నారు. ఓ పక్క ఇళ్లలోని పొగాకు బేళ్లు తడిచి నష్టపోగా, మరో పక్క వేసిన తోటలు పూర్తిగా కొట్టుకుపోయి, 4 అడుగుల లోతున పొలాలు కోతకు గురైనట్టు తెలిపారు. నష్టపోయిన తమను కేంద్ర, రాష్ట్ర ప్రభుత్వాలు ఆదుకోవాలని రైతులు కోరుతున్నారు.

ద్వారకాతిరుమల: చిన వెంకన్న ఆలయ హుండీల ఆదాయాన్ని బుధవారం స్థానిక ప్రమోద కల్యాణ మండపంలో ఏలూరు జిల్లా దేవదాయశాఖ అధికారి కె.శ్రీనివాసు, పలువురు దేవస్థానం ట్రస్ట్‌బోర్డు సభ్యులు, పోలీసుల పర్యవేక్షణలో లెక్కించారు. గడచిన 27 రోజులకు గాను నగదు రూపేణా స్వామివారికి రూ.2,52,47,879 వచ్చినట్టు ఈఓ వేండ్ర త్రినాథరావు తెలిపారు. అలాగే 127 గ్రాముల బంగారం, 3.466 కేజీల వెండి, అధికంగా విదేశీ కరెన్సీ లభించిందన్నారు. వీటితో పాటు రద్దయిన పాత రూ.2 వేలు, రూ.1000, రూ.500 నోట్ల రూపంలో మరో రూ.8,500 వచ్చిందన్నారు. హుండీల ఆదాయాన్ని పరిశీలిస్తే సగటున రోజుకు శ్రీవారికి రూ.9,35,107 వచ్చినట్టు ఈఓ తెలిపారు.

జిల్లాలో మూడు రోజులుగా ఎడతెరిపి లేకుండా కురుస్తున్న వర్షాలకు పొలాలన్నీ జలమయమయ్యాయి. ఇప్పటికే నేలకొరిగిన వరి చేలు నీట మునిగాయి. కంకుల్లోని ధాన్యానికి మొలకలొస్తున్నాయి. మరికొన్ని ప్రాంతాల్లో పంట పూర్తిగా నీట మునిగి కుళ్లిపోతోంది. చేతికందాల్సిన పంట కళ్లముందే నాశనమవుతుండటంతో అన్నదాతలు కన్నీరుమున్నీరవుతున్నారు. ముందు అర్నబ్‌, ఆ తర్వాత మురసు తుపానులు కన్నీరు మిగిల్చాయి. సాక్షి, రాజమహేంద్రవరం: ఒక దెబ్బ నుంచి కోలుకోకముందే మరో దెబ్బ. కష్టపడి సాగు చేసిన పంట కళ్లముందే నేలకొరిగితే కనీసం మిగిలిన ధాన్యమైనా దక్కుతుందని అన్నదాతలు ఆశ పడ్డారు. నేలకొరిగిన వరి కంకులను పైకి లేపి కట్టలుగా కట్టుకునేందుకు అవస్థలు పడ్డారు. ఇప్పుడైనా వాతావరణం అనుకూలిస్తే పంటను కాపాడుకోవచ్చని భావించారు. కానీ వారి ఆశలపై మురసు తుపాను నీళ్లు చల్లింది. అర్నబ్‌ తుపాను సృష్టించిన విధ్వంసం నుంచి తేరుకోకముందే మళ్లీ విరుచుకుపడింది. 60 వేల హెక్టార్లలో వరి నీటిపాలు జిల్లా వ్యాప్తంగా ఈ ఖరీఫ్‌లో సుమారు 92 వేల హెక్టార్లలో వరి సాగు చేశారు. పంట చేతికొచ్చే సమయంలో అర్నబ్‌ తుపాను విరుచుకుపడింది. భారీ ఈదురుగాలుల ప్రభావంతో సుమారు 60 వేల హెక్టార్లలో వరి నేలకొరిగింది. పొలాల్లో నీరు చేరడంతో కంకులు తడిసిపోయాయి. రైతులు నేలకొరిగిన వరి కంకులను పైకి లేపి కట్టలుగా కట్టి, మిగిలిన పంటనైనా కాపాడుకునేందుకు ప్రయత్నించారు. వర్షాలు తగ్గితే కొంతమేరైనా ధాన్యం దక్కుతుందని ఆశించారు. కానీ మురసు తుపాను వారి ఆశలను ఆవిరి చేసింది. రైతుకు తీరని నష్టం సాధారణంగా పంట నేలకొరిగినప్పుడు వాతావరణం అనుకూలిస్తే రైతులు కొంతమేర నష్టాన్ని తగ్గించుకునే అవకాశం ఉంటుంది. కానీ ఈసారి పరిస్థితి అందుకు భిన్నంగా మారింది. అర్నబ్‌ తుపాను తర్వాత రైతులు పంటను కాపాడుకునేందుకు చేస్తున్న ప్రయత్నాలకు మురసు తుపాను అడ్డుకట్ట వేసింది. పొలాల్లో నీరు బయటకు వెళ్లే పరిస్థితి లేకపోవడంతో వరి కంకులు రోజుల తరబడి నీటిలోనే ఉండిపోతున్నాయి. ధాన్యం మొలకెత్తి నాణ్యత కోల్పోతోంది. కోతకు సిద్ధంగా ఉన్న పంటను యంత్రాలతో కోయించుకుందామన్నా పొలాల్లోకి వెళ్లేందుకు వీలు లేకుండా పోయింది. ఒకవైపు వరి, మరోవైపు ఇతర పంటలు కూడా వర్షాలకు దెబ్బతిన్నాయి. అర్నబ్‌ తుపానుతో కుదేలైన తమను మురసు తుపాను పూర్తిగా ముంచేసిందని రైతులు వాపోతున్నారు. రూ.12 వేల కోట్లకు పైగా నష్టం జిల్లాలో వరుస తుపానులు, భారీ వర్షాలతో వ్యవసాయ రంగం తీవ్ర సంక్షోభంలో కూరుకుపోయింది. వరి మాత్రమే కాకుండా ఇతర వ్యవసాయ, ఉద్యాన పంటలు సైతం నీటిపాలయ్యాయి. పెట్టుబడులు, ఎరువులు, పురుగుమందులు, కూలీల ఖర్చులు అన్నీ కలిపి అప్పులపాలయ్యామని అన్నదాతలు ఆవేదన వ్యక్తం చేస్తున్నారు. వరుస తుపానుల కారణంగా జిల్లాలో రూ.12 వేల కోట్లకు పైగా నష్టం వాటిల్లిందన్నారు. ప్రభుత్వం వెంటనే క్షేత్రస్థాయిలో పంట నష్టాన్ని అంచనా వేసి, నష్ట పరిహారం అందించాలని డిమాండ్‌ చేస్తున్నారు. మొలకెత్తిన ధాన్యాన్ని కొనుగోలు చేసే విషయంలోనూ ప్రత్యేక చర్యలు తీసుకోవాలని కోరుతున్నారు. అస్తవ్యస్తం ఒకవైపు పంట పొలాల్లో నీరు, మరోవైపు రోడ్లపై వరద, ఇంకోవైపు ఉపాధి లేక ఖాళీగా ఉండాల్సిన పరిస్థితి. అర్నబ్‌ తుపాను దెబ్బ నుంచి తేరుకోకముందే మురసు తుపాను జిల్లా ప్రజల జీవితాలను అతలాకుతలం చేసింది. ముఖ్యంగా అన్నదాతల ఆశలపై నీళ్లు చల్లింది. పంటను కాపాడుకునేందుకు చివరి నిమిషం వరకు పోరాడిన రైతులకు నిరాశే మిగిలింది. చేతికొచ్చే ధాన్యం కళ్లముందే మొలకెత్తుతుండటంతో వారు దిక్కు తోచని స్థితిలో ఉన్నారు. చిరు వ్యాపారులకూ ఉపాధి కరువైంది. ప్రకృతి ప్రకోపానికి రైతులు, కూలీలు, వ్యాపారులు ఇలా అన్ని వర్గాల ప్రజలూ విలవిల్లాడుతున్నారు. జల దిగ్బంధంలో జనజీవనం మురసు తుపాను ప్రభావం వ్యవసాయ రంగానికే పరిమితం కాలేదు. జిల్లాలోని పట్టణాలు, గ్రామాల్లో జనజీవనం అస్తవ్యస్తమైంది. మూడు రోజులుగా కురుస్తున్న వర్షాలకు ప్రధాన రహదారులు, అంతర్గత రహదారులు జలమయమయ్యాయి. లోతట్టు ప్రాంతాల్లో నీరు నిలిచిపోయింది. పలు ప్రాంతాల్లో బస్టాండ్లలోకి సైతం వర్షపు నీరు చేరడంతో ప్రయాణికులు తీవ్ర ఇబ్బందులు ఎదుర్కొన్నారు. బస్సుల కోసం వేచి ఉండే ప్రదేశాలు నీటితో నిండిపోవడంతో ప్రయాణాలు సాగించడమే కష్టంగా మారింది. గ్రామీణ ప్రాంతాల్లో రహదారులపై నీరు నిలవడంతో రాకపోకలకు అంతరాయం ఏర్పడింది. ఎడతెరిపిలేని వర్షాల కారణంగా ప్రజలు అత్యవసరమైతే తప్ప ఇళ్ల నుంచి బయటకు రావడానికి సాహసించలేదు. ఫ నిడదవోలు బస్టాండు, గోపాలపురం జాతీయ రహదారిపై నీరు నిలిచిపోయింది. ఫ గోపాలపురంలో ఎన్నికల సామగ్రి పంపిణీ చేసే కేంద్రం వద్దకు చేరుకున్న సిబ్బంది వరద ప్రవాహంలో చిక్కుకుపోయారు. ఎన్‌డీఆర్‌ఎఫ్‌ సిబ్బంది అక్కడకు చేరుకుని వారిని రక్షించారు. ఫ వర్షాల ప్రభావం చిరు వ్యాపారులపైనా తీవ్రంగా పడింది. రహదారుల పక్కన బడ్డీలు, తోపుడు బండ్లు, చిన్నచిన్న దుకాణాలు ఏర్పాటు చేసుకుని జీవనం సాగించే వ్యాపారులకు మూడు రోజులుగా పని లేకుండా పోయింది. ఫ కొన్ని ప్రాంతాల్లో దుకాణాల వద్దకు నీరు చేరడంతో వ్యాపారాలు నిర్వహించలేని పరిస్థితి నెలకొంది. రోజువారీ సంపాదనపైనే ఆధారపడే చిరు వ్యాపారులు, కూలీలు, ఇతర అసంఘటిత రంగ కార్మికులు ఉపాధి కోల్పోయారు. ఫ అర్నబ్‌ తుపానుతో నేలకొరిగి నీటిపాలైన వరి ఫ ‘మురసు’ వర్షాలతో ధాన్యానికి మొలకలు ఫ జిల్లాలో 92 వేల హెక్టార్లలో వరి సాగు ఫ ఇప్పటికే 60 వేల హెక్టార్లకు తీవ్ర నష్టం ఫ పొలాల్లోనే కుళ్లిపోవడంతో చేతికందని ధాన్యం ఫ వర్షంతో రహదారులు, బస్టాండ్లు జలమయం

నాగమల్లితోట జంక్షన్‌(కాకినాడ సిటీ): హాకీ ఇండియా సహకారంతో కాకినాడ కోస్టల్‌ స్పోర్ట్స్‌ క్లబ్‌ ఆధ్వర్యంలో కాకినాడ జిల్లా క్రీడా మైదానంలో జరుగుతున్న అస్మిత సౌత్‌ జోన్‌ హాకీ పోటీలు బుధవారం ముగిశాయి. ఫైనల్స్‌లో జూనియర్స్‌ విభాగంలో కోకనాడ కోస్టల్‌ స్పోర్ట్స్‌ క్లబ్‌ విజయం సాధించింది. సబ్‌ జూనియర్స్‌ విభాగంలో అర్జీటీ అనంతపురం జట్టు కప్‌ అందుకుంది. కోకనాడ జట్టు కెప్టెన్‌ అంకితకు టోర్నమెంట్‌ బెస్ట్‌ ప్లేయర్‌ అవార్డు లభించింది. జూనియర్స్‌ విభాగంలో కేరళ ద్వితీయ, నైట్‌ రైడర్స్‌ తృతీయ స్థానాలను సాధించాయి. సబ్‌ జూనియర్స్‌ విభాగంలో కేరళ రెండు, కోకనాడ కోస్టల్‌ స్పోర్ట్స్‌ క్లబ్‌ మూడో స్థానంలో నిలిచాయి. టోర్నమెంట్‌ చీఫ్‌ ప్యాట్రన్‌ కర్రి పద్మశ్రీ, గిరిజన క్రీడాభివృద్ధి అఽధికారి ఎస్‌వీ రమణ, లయన్స్‌ జిల్లా గవర్నర్‌ చిట్నీడి శ్రీనివాస్‌ తదితరులు విజేతలకు పతకాలు, సర్టిఫికెట్లు అందజేశారు. కార్యక్రమంలో కోకనాడ కోస్టల్‌ స్పోర్ట్స్‌ క్లబ్‌ వ్యవస్థాపకుడు కె.రవిచంద్ర, టోర్నమెంట్‌ కమిటీ ప్రతినిధులు సుధారాణి, రజిని, దీప్తి ఎస్తేర్‌, బాబ్జీ, సూరిబాబు, సురేష్‌రాజు, హరిబాబు పాల్గొన్నారు.

కంబాలచెరువు (రాజమహేంద్రవరం): రాష్ట్ర సమీక్ష మిషన్‌ పర్యటనలో రాష్ట్ర స్థాయి వైద్యాధికారుల బృందం మంగళవారం జిల్లాలో పర్యటించింది. ఈ బృందంలో ఎన్‌టీఈపీ జాయింట్‌ డైరెక్టర్‌ డాక్టర్‌ టి.రమేష్‌, ఆర్‌కేఎస్‌కే ప్రోగ్రాం ఆఫీసర్‌ డాక్టర్‌ వీవీ సుబ్రహ్మణ్యం, కన్సల్టెంట్‌ క్యూఏ ఎస్‌.వినోద్‌ కుమార్‌, కన్సల్టెంట్‌ ఎన్‌ఎల్‌ఈపీ కుంచ సత్యవతి ఉన్నారు. వీరందరూ జిల్లాలోని ఆయుష్మాన్‌ ఆరోగ్య మందిరాలు, పట్టణ ప్రాథమిక ఆరోగ్య కేంద్రాలు, ప్రాథమిక ఆరోగ్య కేంద్రాలు, సామాజిక ఆరోగ్య కేంద్రాలు, ఏరియా ఆసుపత్రులు, జిల్లా ఆసుపత్రులను సందర్శించారు. అక్కడ ప్రజలకు అందిస్తున్న వైద్య సేవలు, ఆరోగ్య కార్యక్రమాల అమలు తీరు, అందుబాటులో ఉన్న వైద్య సదుపాయాలపై అధికారులను వివరాలు అడిగి తెలుసుకున్నారు. దీనిలో భాగంగా కడియం కమ్యూనిటీ హెల్త్‌ సెంటర్‌, అనపర్తి ఏరియా ఆసుపత్రితో పాటు ధవళేశ్వరం ప్రాథమిక ఆరోగ్య కేంద్రం, భూపాలపట్నం హెల్త్‌ వెల్‌నెస్‌ సెంటర్‌, కంబాలపేట పట్టణ ప్రాథమిక ఆరోగ్య కేంద్రం, డైస్‌ సెంటర్‌, రాజమహేంద్రవరం ప్రభుత్వ సమగ్ర ఆసుపత్రి (జీజీహెచ్‌)లను పరిశీలించారు. ఈ పర్యటనలో జిల్లా వైద్య ఆరోగ్యశాఖ అధికారి డాక్టర్‌ పి.కోమల, డీసీహెచ్‌ఎస్‌ డాక్టర్‌ పద్మావతి, డిప్యూటీ డీఎంహెచ్‌ఓ డాక్టర్‌ టీవీ.చలపతిరావు, ఏ సీడీ ప్రోగ్రామ్‌ ఆఫీసర్‌ డాక్టర్‌ హరిచంద్ర ప్రసాద్‌, డీపీఎంఓ డాక్టర్‌ శ్రీవల్లి తదితరులు పాల్గొన్నారు.

● పోలింగ్‌ సిబ్బంది అవస్థలు ● గోపాలపురం, యెలిశెట్టివారిపాలెంలో ఘటనలు సాక్షి, రాజమహేంద్రవరం/దేవరపల్లి/కొత్తపేట: తుపాను కారణంగా కురిసిన భారీ వర్షాలకు పోలింగ్‌ సిబ్బంది తీవ్ర అవస్థలు పడ్డారు. తూర్పుగోదావరి జిల్లా గోపాలపురంలోని పోలింగ్‌ సామగ్రి డిస్ట్రిబ్యూషన్‌ కేంద్రాన్ని వరద చుట్టుముట్టడంతో నీటిలో చిక్కుకుపోయారు. అలాగే డాక్టర్‌ బీఆర్‌ అంబేడ్కర్‌ కోనసీమ జిల్లా కొత్తపేట మండలం బిళ్లకుర్రు పంచాయతీ యెలిశెట్టివారిపాలెంలో బస్సు రోడ్డు పక్కకు ఒరిగిపోవడంతో ప్రాణాలు అరచేతిలో పెట్టుకుని బయటపడ్డారు. వివరాల్లోకి వెళితే.. గోపాలపురంలోని వ్యవసాయ మార్కెట్‌ కమిటీ కార్యాలయాన్ని జెడ్పీటీసీ, ఎంపీటీసీ ఎన్నికలకు సంబంధించి సామగ్రి పంపిణీ కేంద్రంగా ఏర్పాటు చేశారు. కేంద్రంలో బుధవారం ఎన్నికల సిబ్బందికి సామగ్రి పంపిణీ చేపట్టారు. అయితే మధ్యాహ్నం కురిసిన భారీ వర్షానికి మార్కెట్‌ కమిటీ ఆవరణలోకి నీరు భారీగా చేరింది. దీంతో అక్కడికి చేరుకున్న అధికారులు, సిబ్బంది వరద నీటిలో చిక్కుకుపోయారు. సమాచారం అందిన వెంటనే జిల్లా యంత్రాంగం అప్రమత్తమై యుద్ధప్రతిపదికన సహాయక చర్యలు చేపట్టింది. కలెక్టర్‌ కీర్తి చేకూరి, ఎస్పీ డి.నరసింహ కిషోర్‌, జాయింట్‌ కలెక్టర్‌ వై. మేఘ స్వరూప్‌ స్వయంగా క్షేత్రస్థాయికి చేరుకుని పరిస్థితిని సమీక్షించారు. కలెక్టర్‌ ఆదేశాల మేరకు ఎస్‌డీఆర్‌ఎఫ్‌ అగ్నిమాపక శాఖ, పోలీస్‌ బృందాలు సమన్వయంతో సహాయక చర్యలు చేపట్టి వరద ప్రవాహంలో చిక్కుకున్న ఎన్నికల విధుల అధికారులు, సిబ్బందిని బయటకు తీసుకువచ్చి సురక్షిత ప్రాంతానికి తరలించారు. పోలింగ్‌ సిబ్బందికి తప్పిన ప్రమాదం కొత్తపేట మండల పరిధిలోని బిళ్లకుర్రు రూటు నంబర్‌ 2 పోలింగ్‌ సిబ్బందికి త్రుటిలో ప్రమాదం తప్పింది. గురువారం జరగనున్న ఎంపీటీసీ, జెడ్పీటీసీ ఎన్నికల పోలింగ్‌కు సంబంధించి కొత్తపేటలో డిస్ట్రిబ్యూషన్‌ సెంటర్‌ నుంచి బస్సులో పోలింగ్‌ సామగ్రితో సిబ్బంది పయనమయ్యారు. బిళ్లకుర్రు పంచాయతీ పరిధి యెలిశెట్టివారిపాలెంలో పీఎస్‌ల సిబ్బందిని, సామగ్రిని దించిన ఆ బస్సు కాలువ గట్టున ఇతర పీఎస్‌లకు వెళుతుండగా డేగలవారిపాలెం వంతెన వద్ద అదుపు తప్పి ఒక పక్కకు ఒరిగిపోయింది. అప్రమత్తమైన డ్రైవర్‌ వెంటనే సిబ్బందిని దిగిపోవాలని చెప్పడంతో ఒక్కొక్కరు జాగ్రత్తగా కిందకు దిగారు. వెంటనే సమీపంలో ఉన్న స్థానికులు స్పందించి బస్సు చక్రాలు మరింత కిందకు దిగబడిపోకుండా రాళ్లు, దుంగలు పెట్టారు. అనంతరం మరో బస్సులో సిబ్బందిని, పోలింగ్‌ సామగ్రిని తరలించారు.

రాజానగరం: అల్పపీడనం.. ఆపై అర్నబ్‌.. ఇప్పుడు మురసు.. ఇలా తుపానులు విరుచుకుపడుతున్నాయి. వర్షాలు కుమ్మేస్తున్నాయి. గత పది రోజులుగా వర్షాలు జనానికి నరకం చూపుతున్నాయి. ఇదిలా ఉంటే వర్షం పడిన ప్రతిసారీ రాజానగరం గోదారిని తలపిస్తోంది. రాజానగరంలోని రావుల చెరువు నిండడంతో కళింగల ద్వారా నీరు బయటకు వచ్చే తరుణంలో చెరువు గట్టుకు గండి పడకుండా ముందు జాగ్రత్తగా లాకు గేట్లను ఎత్తి వేశారు. దీంతో ఈ నీరంతా ఊరిలోకి చేరుతోంది. అలాగే ఎగువ ప్రాంతాల నుంచి వస్తున్న వరద నీటితో స్థానిక కొత్త కాలనీ, సుబ్బారావు కాలనీలతో పాటు జాతీయ రహదారి, ఏడీబీ రోడ్డు, ఓల్డ్‌ ఎన్‌హెచ్‌తో పాటు పలు ప్రాంతాలు జలమయమయ్యాయి. ఇక్కడ మోకాలు లోతు నీరు చేరింది. ముంపు వచ్చేదిలా.. రాజానగరంలో మూడు రోజుల్లో 180.1 మిల్లీమీటర్ల వర్షపాతం నమోదైంది. గడిచిన 24 గంటలలోనే 105.6 మిల్లీమీటర్ల వర్షం కురిసింది. దీంతో పాటు కానవరం, ఫరిజల్లిపేట గ్రామాల నుంచి ముంపు నీరు ఫరిజల్లిపేటలోని రంగరాయ చెరువు స్లూయిజ్‌ మీదుగా రాజానగరంలోని రావుల చెరువుకు చేరుకుంది. ఈ చెరువులో పొంగి పొర్లుతున్న నీరు కళింగల ద్వారా బయటకు పోటెత్తుతోంది. ఈ క్రమంలో చెరువు గట్టుకు గండి పడకుండా ముందు జాగ్రత్తగా లాకు గేట్లను ఎత్తివేశారు. మంగళవారం రాత్రి నుంచి వరద నీరు క్రమేపీ పెరుగుతూ దిగువ ప్రాంతాలను ముంచెత్తుతోంది. అధికారులు తాత్కాలిక పనులు చేపట్టినప్పటికీ బుధవారం రాత్రికి కూడా వరద నీటి ఉధృతి తగ్గలేదు. నేతలు పట్టించుకోక.. ఎగువ ప్రాంతాల నుంచి వచ్చే వరద నీరు దిగువకు వెళ్లేందుకు రాజానగరంలో సరైన మార్గాలు లేవు. వర్షాలు వస్తున్న ప్రతి సందర్భంలోనూ ఇదే సమస్య వస్తోంది. రోడ్లు ముంపు బారిన పడుతున్నాయి. జనం నరకం చూస్తున్నారు. ఏటా ఇదే పరిస్థితి నెలకొంటుంది. అయినా సమస్య శాశ్వత పరిష్కారానికి మాత్రం కూటమి ప్రజాప్రతినిధులు చొరవ చూపడం లేదు. ప్రస్తుతం ఎన్నికల వేళ వారికి ఇది చెంపపెట్టులా మారనుంది. ఇలా చేస్తే మేలు దశాబ్దాలుగా వేధిస్తున్న ఈ సమస్యకు శాశ్వత పరిష్కారం చూపాల్సిన ఆవశ్యకత ఉంది. జాతీయ రహదారిపై కలవచర్ల జంక్షన్‌లో ఈ నీటి ప్రవాహానికి తగ్గట్టుగా కల్వర్టును నిర్మించాలి. అయితే రహదారి నిర్మించిన సమయంలో స్థానిక పెద్దలు ఎవరూ శ్రద్ధ తీసుకోకపోవడంతో ఎగువ నుంచి వచ్చే నీరు దిగువకు వెళ్లేందుకు ఒకే 4 అడుగుల వ్యాసంతో ఉన్న ఒకే ఒక తూరను వేశారు. దీంతో పైనుంచి వచ్చే నీటి ప్రవాహం ఇక్కడకు వచ్చేసరికి నిలిచిపోవడంతో వరద నీరు ఎగదన్ని, కాలనీలు, రోడ్లు ముంపునకు గురవుతున్నాయి. ఇక్కడ కనీసం నాలుగు తూరలు వేస్తే సమస్య పరిష్కారం అవుతోంది. కష్టాలు.. క‘న్నీళ్లు’ రాజానగరంలోని జాతీయ రహదారి, ఏడీబీ రోడ్ల జంక్షన్లను వరద నీరు ముంచెత్తడంతో బస్సులు, లారీలు, బైకులు సైతం ముందుకు వెళ్లే పరిస్థితి లేదు. అక్కడ మోకాలు లోతు నీరు వస్తోంది. తీరా సాహసించి వెళ్తే వాహనాలు మొరాయిస్తున్నాయి. మంగళవారం రాత్రి కాకినాడ నుంచి హైదరాబాద్‌ వెళ్తున్న ఓ ప్రైవేట్‌ ట్రావెల్స్‌ బస్సు రోడ్డు పక్కగా వెళ్తూ బురదలో ఇరుక్కుపోయింది. అందులో ప్రయాణికులను వెంటనే మరో బస్సులో ఎక్కించి గమ్యస్థానానికి తరలించారు. అలాగే ఏడీబీ రోడ్డు జంక్షన్‌, నూకాలమ్మ గుడి సెంటర్‌, ఎస్‌బీఐ రోడ్డు, టెలిఫోన్‌ ఎక్స్ఛేంజ్‌, సినిమా థియేటర్‌ ప్రాంతాలు ముంపులో చిక్కుకున్నాయి. ఈ నేపథ్యంలో జగ్గంపేట, రాజమహేంద్రవరం, కాకినాడ వైపు రాకపోకలు సాగించేందుకు ప్రయాణికులు నరకం చూస్తున్నారు. జాతీయ రహదారిపై కలచవర్ల జంక్షన్‌లో గంటల తరబడి ట్రాఫిక్‌ నిలిచిపోతోంది. రాజానగరంలో ముంపునకు గురైన ప్రాంతాలను తహసీల్దార్‌ దివ్యభారతి పరిశీలించారు. జాతీయ రహదారిపై వేసిన తూర సామర్థ్యం సరిపోక తరచూ ఈ సమస్య తలెత్తుతోందని అన్నారు. ఈ సమస్యను శాశ్వతంగా పరిష్కరించేందుకు సంబంధిత అధికారులతో మాట్లాడతామన్నారు. ఊరే నీరైంది.. దారి గోదారైంది.. ఒక పక్క జాతీయ, మరో పక్క రాష్ట్రీయ రహ‘దారి’ జలదిగ్బంధమైంది.. ఎన్నికల వేళ ఓటర్ల వద్దకు వచ్చే నేతలు ఈ వాటర్‌ కోసం పట్టించుకోక ప్రయాణం దినదినగండంలా మారింది.. విద్యాలయాలకు కేంద్రంగా ఉన్న రాజానగరంలో ఈ పరిస్థితిపై ‘బొత్తు’గా పట్టించుకోక విమర్శలకు తావిస్తోంది. ఈ ‘దారి’దాపుల్లోకి వెళ్లలేక, ప్రత్యామ్నాయ దారిలేక జనానికి నరకం కనిపిస్తోంది. ఎమ్మెల్యే బత్తుల బలరామకృష్ణ ఈ సమస్యను పట్టించుకోవడం లేదనే విమర్శలు వస్తున్నాయి. రాజానగరం ఊరంతా నీరే.. జాతీయ, రాష్ట్ర రహదారులు జలమయం గ్రామంలో స్తంభించిన జనజీవనం కూటమి నేతలపై ప్రజల పెదవి విరుపు స్థానిక ఎన్నికల వేళ ప్రభుత్వంపై చీదరింపు

● వానొస్తే వణుకుతున్న రాజమహేంద్రవరం ● భారీ వర్షాలకు లోతట్టు ప్రాంతాలు జలమయం సాక్షి, రాజమహేంద్రవరం: చారిత్రక రాజమహేంద్రవరం నగరం.. నేడు వర్షం కురిస్తే విలవిల్లాడుతోంది. మురసు తుపాను ప్రభావంతో మూడు రోజులుగా కురుస్తున్న వర్షాలకు నగరం జలదిగ్బంధంలో చిక్కుకుంది. కంబాల చెరువు హైటెక్‌ బస్టాండ్‌, కంబాలచెరువు స్వామి వివేకానంద సర్కిల్‌, వీరభద్రపురం నుంచి పేపరుమిల్లు రోడ్‌, దేవీచౌక్‌ నుంచి పేపరుమిల్లు రోడ్‌, రామచంద్రరావుపేట, నటరాజ్‌ థియేటర్‌ రోడ్డు, కోరుకొండ రోడ్డు, శ్యామలా సెంటర్‌, టీనగర్‌, ఆర్టీసీ కాంప్లెక్స్‌ వద్ద తెలుకుల వారి చెరువు రోడ్డు, రైల్వే స్టేషన్‌ రోడ్డు, రాజమహేంద్రవరం అర్బన్‌ ఎమ్మారో ఆఫీసు, ఆల్కాట్‌ గార్డెన్స్‌, దానవాయిపేట, కోటిపల్లి బస్టాండ్‌ పరిసరాలు, గోదావరి బండ్‌ ప్రాంతాలు, లాలాచెరువు, మోరంపూడి జంక్షన్‌, బొమ్మూరు వైపు వెళ్లే మార్గాల్లో రాకపోకలకు ఇబ్బందులు ఎదురయ్యాయి. ఇష్టారాజ్యంగా తవ్వి, వదిలేశారు! నగరంలో అభివృద్ధి పనుల పేరుతో రోడ్లను ఎక్కడికక్కడ తవ్వి వదిలేయడం ఇప్పుడు ప్రజలకు శాపంగా మారింది. రోడ్ల విస్తరణ, డ్రైనేజీ, ఇతర మౌలిక సదుపాయాల పనులంటూ పలుచోట్ల తవ్వకాలు చేపట్టినా వాటిని పూర్తిచేసే విషయంలో సంబంధిత అధికారులు, కాంట్రాక్టర్లు నిర్లక్ష్యంగా వ్యవహరిస్తున్నారనే విమర్శలు వెల్లువెత్తుతున్నాయి. చర్చిపేట నుంచి ఊర్వశి థియేటర్‌ రోడ్డు, వై.జంక్షన్‌, జెండా పంజా రోడ్డు, కందకం రోడ్డులో ఇష్టారాజ్యంగా తవ్వేశారు. ప్రధాన కాలువలు, అంతర్గత డ్రెయిన్లు పూడికతో నిండిపోవడంతో వర్షం కురిసిన ప్రతిసారీ ఇదే సమస్య ఎదురవుతోందని చెబుతున్నారు. రెండున్నరేళ్లుగా ప్రజాప్రతినిధులు ఏం చేసినట్లు? చిన్నపాటి వర్షానికే నగరం నరకాన్ని తలపిస్తోందని, గత రెండున్నరేళ్లుగా స్థానిక ప్రజాప్రతినిధులు ఏం చేశారని నగరవాసులు ప్రశ్నిస్తున్నారు. ఎంతో నమ్మకంతో ఓట్లేసి గెలిపిస్తే నగరాన్ని ఈ దుస్థితికి తీసుకొస్తారా? అని నిలదీస్తున్నారు. గత రెండున్నరేళ్లుగా స్థానిక ఎమ్మెల్యే, ఎంపీ నగరాభివృద్ధికి చేసిన పనులేమిటని ప్రశ్నిస్తున్నారు.

అడ్డతీగల: వేటమామిడి బేస్‌ స్కూల్‌ విద్యార్థి గొల్లోరి జగ్బంధ్‌ అండర్‌–14 విభాగంలో రాష్ట్ర ఫుట్‌బాల్‌ జట్టుకు ఎంపికయ్యాడు. ఈ నెలలో జరగనున్న జాతీయ స్థాయి ఫుట్‌బాల్‌ పోటీల్లో రాష్ట్రం తరఫున ఆడనున్నారు. ఇప్పటికే బేస్‌ స్కూల్‌కు చెందిన పలువురు విద్యార్థులు రాష్ట్ర స్థాయి ఫుట్‌బాల్‌ పోటీలకు ఎంపికై ప్రతిభను చాటారు. అండర్‌–17 బాలుర విభాగంలో వరుణ్‌ విన్సెంట్‌, చెదల విజయ రాష్ట్ర స్థాయికి ఎంపిక కాగా, అండర్‌–14 బాలికల విభాగంలో బిర్మో ఎస్తేరు ఎంపికై ంది. బేస్‌ స్కూల్లో విద్యతో పాటు క్రీడలకు ప్రాధాన్యమిస్తూ విద్యార్థుల శారీరక దృఢత్వం, మానసిక ఉల్లాసం, క్రమశిక్షణ, నాయకత్వ లక్షణాలను పెంపొందించేందుకు ప్రత్యేక ప్రోత్సాహం అందిస్తున్నామని ప్రిన్సిపాల్‌ మృదుహాసిని తెలిపారు. ఫ్లషింగ్‌ ఆపరేషన్‌ విజయవంతం ధవళేశ్వరం: వరదల సీజన్‌ అనంతరం నిర్వహించే ఫ్లషింగ్‌ ఆపరేషన్‌ను బుధవారం ధవళేశ్వరం తూర్పు డెల్టా స్కవర్‌ స్లూయిజ్‌ వద్ద విజయవంతంగా నిర్వహించారు. ఇరిగేషన్‌ డీఈ కె.ఆనందబాబు ఉదయం గేట్ల స్విచ్ఛాన్‌ చేసి ఈ కార్యక్రమాన్ని ప్రారంభించారు. ఒకేసారి స్కవర్‌ స్లూయిజ్‌ గేట్ల ద్వారా నీటిని విడుదల చేయడంతో గేట్ల వద్ద పేరుకుపోయిన మట్టి దిగువకు కొట్టుకుపోయింది. బుధవారం 11,530 క్యూసెక్కుల నీటిని ఫ్లషింగ్‌ ఆపరేషన్‌ ద్వారా దిగువకు విడుదల చేశారు. డీఈ ఆనందబాబు మాట్లాడుతూ రబీ సాగునీటి సరఫరాలో ఇబ్బందులు లేకుండా ఫ్లషింగ్‌ ఆపరేషన్‌ను నిర్వహిస్తున్నామన్నారు. ఇప్పటికే పశ్చిమ, మధ్య డెల్టా స్కవర్‌ స్లూయిజ్‌ల వద్ద నిర్వహించామని, ఇప్పుడు తూర్పు డెల్టా స్కవర్‌ స్లూయిజ్‌ వద్ద నిర్వహించిన ఆపరేషన్‌తో ఈ ప్రక్రియ పూర్తయ్యిందన్నారు. గజ వాహనంపై శ్రీవారు ఆత్రేయపురం: వాడపల్లిలోని శ్రీదేవి, భూదేవి సమేత వేంకటేశ్వరస్వామి ఆలయంలో జరుగుతున్న వార్షిక బ్రహ్మోత్సవాల్లో భాగంగా బుధవారం రాత్రి స్వామివారిని రాజాధిరాజ అలంకరణతో గజవాహనంపై ఊరేగించారు. మేళ తాళాలు, బ్యాండ్‌ వాయిద్యాలు, బాణసంచా కాల్పుల ఎంతో అద్భుతంగా ఈ కార్యక్రమం జరిగింది. బ్రహ్మోత్సవాల పూజలు, కై ంకర్యాలలో దేవదాయశాఖ ఉప కమిషనర్‌ నల్లం సూర్య చక్రధరరావు దంపతులు పాల్గొని స్వామివారికి పట్టువస్త్రాలు సమర్పించారు. డ్రైనేజీలో చిక్కుకున్న ఆవు కాట్రేనికోన: మండల కేంద్రమైన కాట్రేనికోనలో బుధవారం ఓ ఆవు డ్రైనేజీలో పడిపోయింది. సుమారు రెండు గంటల పాటు నరకయాతన అనుభవించింది. దీంతో కొందరు యువకులు సంఘటన స్థలానికి చేరుకొని రక్షణ చర్యలు చేపట్టారు. వంగా దుర్గ బాబు ఆధ్వర్యంలో ఆవును డ్రైనేజీ నుండి బయటకు తీశారు.

పెదపూడిలో ఎన్నికల సామాగ్రి పరిశీలించుకుంటున్న పోలింగ్‌ సిబ్బందికడియంలో ఎన్నికల సామగ్రిని పరిశీలిస్తున్న జాయింట్‌ కలెక్టర్‌ మేఘ స్వరూప్‌సాక్షి, రాజమహేంద్రవరం: జిల్లాలోని 20 జెడ్పీటీసీ, 387 ఎంపీటీసీల స్థానాలకు గురువారం పోలింగ్‌ జరగనుంది. భారీ వర్షం కారణంగా గోపాలపురం మండలంలో ఒక జెడ్పీ, 18 ఎంపీటీసీ స్థానాలకు ఎన్నికను వాయిదా వేశారు. వీటిలో కలిపి జిల్లాలో మొత్తం 21 జెడ్పీటీసీల కోసం 73 మంది అభ్యర్థులు పోటీపడుతున్నారు. వైఎస్సార్‌ సీపీ తరఫున అన్ని స్థానాల్లో అభ్యర్థులు బరిలో నిలిచారు. టీడీపీ నుంచి 13, జనసేన నుంచి 7, బీజేపీ నుంచి ఒకరు, ఇతర పార్టీల నుంచి, స్వతంత్రులుగా 31 మంది పోటీలో ఉన్నారు. జిల్లాలోని మొత్తం 412 ఎంపీటీసీ స్థానాలుండగా ఇప్పటికే 7 స్థానాలు ఏకగ్రీవమైన విషయం తెలిసిందే. మిగిలిన 405 స్థానాల కోసం 901 మంది అభ్యర్థులు పోటీలో ఉన్నారు. వైఎస్సార్‌ సీపీ నుంచి 405 మంది, టీడీపీ నుంచి 266 మంది, జనసేన నుంచి 120 మంది, బీజేపీ నుంచి 21 మంది, ఇతర పార్టీలు, స్వతంత్ర అభ్యర్థులుగా 89 మంది బరిలో నిలిచారు. మహిళలే గెలుపు నిర్ణేతలు పరిషత్‌ పోరులో జిల్లా వ్యాప్తంగా 12,02,548 మంది ఓటర్లు ఓటు హక్కు వినియోగించుకోనున్నారు. వీరిలో 5,89,373 మంది పురుషులు, 6,13,141 మంది మహిళలు, 34 మంది ఇతర ఓటర్లున్నారు. అయితే పురుషుల కంటే మహిళల ఓట్లే 23,768 వరకూ ఎక్కువ ఉన్నాయి. దీంతో మహిళలను ప్రసన్నం చేసుకునేందుకు, వారి ఓట్లు సొంతం చేసు కునేందుకు పోటీలోని అభ్యర్థులు విస్తృతంగా ప్రచా రం చేశారు. అయితే సంక్షేమ పథకాలు అమలులో చంద్రబాబు ప్రభుత్వం ఘోరంగా విఫలమవడంతో మహిళలందరూ తీవ్ర అసంతృప్తితో ఉన్నారు. వారంతా కూటమి అభ్యర్థులకు ఓటుతో బుద్ధి చెబుతారనే ప్రచారం ఉంది. అర్నబ్‌ తుపాను ఇలా వెళ్లిందో లేదో మురసు విరుచుకుపడడంతో గత మూడు రోజులుగా జిల్లా వ్యాప్తంగా ఎడతెరిపి లేకుండా వర్షాలు కురుస్తున్నాయి. భారీ వర్షాల నేపథ్యంలో మూడు మండలాల్లో ఎన్నికల సామగ్రి పంపిణీ కేంద్రాలను కూడా మార్పు చేశారు బిక్కవోలు మండల సిబ్బందికి సామర్లకోట–రాజమహేంద్రవరం కెనాల్‌ రోడ్డులోని శ్రీనివాసం గ్రాండ్‌లో సామగ్రి పంపిణీ చేశారు. కపిలేశ్వరపురం మండలానికి అంగర గ్రామంలోని శ్రీ సిద్ధార్థ జూనియర్‌ కళాశాలలో, రాయవరం మండలానికి మెయిన్‌ రోడ్డులోని ముళ్లపూడి బుజ్జిరాజు సూర్యనారాయణమ్మ ఫంక్షన్‌ హాల్‌లో సామగ్రి పంపిణీ చేశారు. కాగా.. జిల్లాలోని కొన్ని ప్రాంతాల్లో ఓటర్లకు స్లిప్పులు అందకపోవడం చర్చనీయాంశంగా మారింది. గోపాలపురం మండలంలో వాయిదా గోపాలపురం మండల పరిధిలో బుధవారం ఆకస్మిక వరదలు సంభవించడంతో జెడ్పీటీసీ, ఎంపీటీసీ ఎన్నికలను వాయిదా వేస్తున్నట్లు జిల్లా ఎన్నికల అధికారి, కలెక్టర్‌ కీర్తి చేకూరి బుధవారం రాత్రి ప్రకటించారు. ప్రకృతి వైపరీత్యం కారణంగా పోలింగ్‌ నిర్వహణకు ఏర్పడిన ఇబ్బందులను, ఓటర్లు, ఎన్నికల సిబ్బంది భద్రతను దృష్టిలో ఉంచుకుని ఈ నిర్ణయం తీసుకున్నట్లు పేర్కొన్నారు. గోపాలపురం జెడ్పీటీసీ స్థానంతో పాటు మండలంలోని 18 ఎంపీటీసీ స్థానాలకు నవంబర్‌ 5న జరగాల్సిన పోలింగ్‌ను 6కి వాయిదా వేశామన్నారు. ఫ జిల్లాలో 20 జెడ్పీటీసీ, 387 ఎంపీటీసీల స్థానాలకు పోలింగ్‌ ఫ భారీ వర్షం కారణంగా గోపాలపురంలో ఒక జెడ్పీ, 18 ఎంపీటీసీ స్థానాలకు వాయిదా ఫ అక్కడ ఈ నెల 6న నిర్వహణ

గోమాతను హింసించి చంపిన ఇద్దరికి రిమాండ్‌ ఆత్రేయపురం: వాడపల్లి గ్రామంలో గోమాతను హింసించి, చంపారనే ఆరోపణలపై అన్నవరపు వెంకన్న బాబు, చామకూర వెంకట రమణలకు కొత్తపేట జేఎఫ్‌సీఎం కోర్టు మంగళవారం 15 రోజుల రిమాండ్‌ విధించింది. దీంతో నిందితులిద్దరినీ రాజమహేంద్రవరం సెంట్రల్‌ జైలుకు తరలించినట్లు ఆత్రేయపురం ఎస్సై పి.రాము తెలిపారు. వాడపల్లి గ్రామానికి చెందిన ఆవు యజమాని గంధం కేశవరావు ఫిర్యాదు మేరకు ఆవు (గోమాత) మృతిపై సోమవారం కేసు నమోదు చేసి దర్యాప్తు చేపట్టారు. వాడపల్లి గ్రామానికి చెందిన నిందితులిద్దరూ తన తన ఆవును హింసించి, చంపివేసినట్లు ఆయన ఫిర్యాదు చేశారు. ఈ మేరకు కేసు నమోదు చేసి, నిందితులను కొత్తపేట జేఎఫ్‌ సీఎం కోర్టుకు తరలించగా రిమాండ్‌ విధించారు. చినవెంకన్నకు స్వర్ణ, రజత వస్తువుల సమర్పణ ద్వారకాతిరుమల: ప్రముఖ పుణ్యక్షేత్రం ద్వారకాతిరుమల చినవెంకన్నకు గుంటూరుకు చెందిన భక్తురాలు వెలగలేటి సత్యవతి మంగళవారం సుమారు రూ.11.63 లక్షల విలువైన బంగారు, వెండి వస్తువులను సమర్పించారు. వీటిని దివంగత వెలగలేటి దుర్గాదేవి జ్ఞాపకార్థం దాత కుటుంబ సభ్యులు ఆలయ ఈఓ వేండ్ర త్రినాథరావుకు అందజేశారు. లక్ష్మీదేవి రూపులు, ముత్యాలు, ఎరుపు, తెలుపు, పచ్చ రాళ్లతో డిజైన్‌ చేసిన సుమారు రూ. 10.85 లక్షల విలువైన 72 గ్రాముల బరువు గల రెండు పేటల బంగారు లక్ష్మీదేవి మెట్ల హారంతో పాటు, అష్టలక్ష్ముల రూపాలతో సుమారు రూ. 78 వేలు వెచ్చించి తయారు చేయించిన 340 గ్రాముల బరువు గల నగిషీ వెండి చెంబును అందించారు. దాత కుటుంబ సభ్యులను ఈఓ ప్రత్యేకంగా అభినందించారు. అనంతరం వారికి ఆలయ మర్యాదలతో స్వామివారి ప్రత్యేక దర్శనం కల్పించారు. రోడ్డు ప్రమాదంలో ఒకరి మృతి కంకిపాడు: రోడ్డు ప్రమాదంలో వ్యక్తి మృతి చెందిన ఘటనపై పెనమలూరు పోలీసులు కేసు నమోదు చేశారు. ఎస్‌ఐ తాతాచార్యులు తెలిపిన కథనం మేరకు... పి.గన్నవరానికి చెందిన సీహెచ్‌ రవికుమార్‌ (38) కొంతకాలంగా విజయవాడ కండ్రికలో ఉంటూ, ఆంధ్ర హాస్పిటల్‌లో పనిచేస్తున్నాడు. మంగళవారం సాయంత్రం జోరు వర్షంలో కంకిపాడు నుంచి విజయవాడ వైపు వస్తుండగా కంకిపాడు బైపాస్‌పై జరిగిన ప్రమాదంలో అక్కడికక్కడే మృతి చెందాడు. సమాచారం అందుకున్న పోలీసులు ఘటనా స్థలానికి చేరుకుని వివరాలు సేకరించారు. కేసు దర్యాప్తు చేస్తున్నట్లు ఎస్‌ఐ తాతాచార్యులు తెలిపారు. ప్రమాదవశాత్తూ వాహనం అదుపు తప్పి కింద పడి మృతి చెందాడా, లేక ఏదైనా వాహనం ఢీకొనటంతో ప్రమాదం జరిగిందా అన్న కోణంలో పోలీసులు దర్యాప్తు చేస్తున్నారు.

తుని రూరల్‌: మండలంలోని తేటగుంట సమీపాన ముందు వెళ్తున్న లారీని ఆర్టీసీ బస్సు ఢీకొన్న ఘటనలో త్రుటిలో పెను ప్రమాదం తప్పింది. స్థానికుల కథనం ప్రకారం.. రావులపాలెం నుంచి పార్వతీపురం వెళ్తున్న ఆర్టీసీ బస్సు మంగళవారం తేటగుంట సమీపాన ముందు వెళ్తున్న లారీని ఢీకొని, అదుపు తప్పి జాతీయ రహదారి పక్కన ఉన్న కాలువలోకి ఒరిగిపోయింది. సాధారణ ద్వారం నుంచి బస్సు దిగే అవకాశం లేకపోవడంతో ప్రయాణికులు అత్యవసర ద్వారం, డ్రైవర్‌ సీటు పక్కన ఉన్న డోర్‌ నుంచి బయట పడ్డారు. ఈ ప్రమాదంలో ఎవరికీ గాయాలు కాలేదు. మురసు తుపాను ప్రభావంతో కురుస్తున్న వర్షంతో రహదారి కనిపించకపోవడం వల్ల ఈ ప్రమాదం జరిగినట్టు తెలుస్తోంది. ప్రయాణికులను కండక్టర్‌, డ్రైవర్లు ఇతర ఆర్టీసీ బస్సుల్లో గమ్యస్థానాలకు పంపించారు. ఈ సంఘటనపై ఫిర్యాదు అందకపోవడంతో కేసు నమోదు చేయలేదని తుని రూరల్‌ పోలీసులు తెలిపారు. ఫ త్రుటిలో తప్పిన పెను ప్రమాదం ఫ అత్యవసర ద్వారం నుంచి బయటపడ్డ ప్రయాణికులు

ఉచిత పంటల బీమాను ఎత్తేసిన చంద్రబాబు ప్రస్తుతం చంద్రబాబు ప్రభుత్వం ఉచిత బీమా చేయించకపోగా కంపెనీలతో భారీ ప్రీమియాలు చెల్లించేలా ఒప్పందం చేసుకుంది. ఈ పరిస్థితుల్లో అరటి రైతులు ఎకరాకు రూ.5 వేలు చెల్లించాల్సి రావడంతో, అంత మొత్తం కట్టలేక మెజార్టీ రైతులు వెనుకడుగు వేశారు. ఈ పరిస్థతుల్లో అర్నబ్‌ కారణంగా నష్టపోయిన పంటకు పరిహారం లభిస్తుందో, లేదోనని ఆందోళన చెందుతున్నారు. గతంలో తమకు అందిన భరోసాతో పోలిస్తే ప్రస్తుత పరిస్థితుల్లో ఏం చేయాలో పాలుపోవడం లేదని వాపోతున్నారు. బీమా చేయించుకున్న కొద్దిమంది రైతులకు నిబంధనల ప్రకారం పరిహారం అందే అవకాశం ఉన్నప్పటికీ, బీమా పరిధిలోకి రాని వేల మంది రైతుల పరిస్థితి ఏమిటన్నది ఆందోళన కలిగిస్తోంది. క్షేత్రస్థాయిలో పంట నష్టాన్ని సమగ్రంగా అంచనా వేసి, నష్టపోయిన రైతులను గుర్తించి, తగిన పరిహారం అందించాలని వారు కోరుతున్నారు. తుపాను ప్రభావంతో వీచిన ఈదురు గాలులకు అరటి తోటలు కూలిపోవడంతో రైతులందరూ దయనీయ పరిస్థితిలో ఉన్నారు. అలాగే పంట నష్టానికి అండగా నిలవాల్సిన బీమా భరోసా కూడా వారిలో చాలామంది లేకపోవడంతో ఏమి చేయాలో తెలియక కొట్టుమిట్టాడుతున్నారు. చంద్రబాబు ప్రభుత్వం ఉచిత పంటల బీమాను ఎత్తి వేయడంతో పాటు బీమా ప్రీమియం రూ.5 వేలు చేయడంతో ఆర్థిక ఇబ్బందులతో చాలామంది తీసుకోలేదు. గత వైఎస్సార్‌ సీపీ ప్రభుత్వంలో అప్పటి ముఖ్యమంత్రి వైఎస్‌ జగన్‌మోహన్‌రెడ్డి ఉచిత పంటల బీమాను అమలు చేసి, రైతులందరికీ ఉచితంగా అందజేసి, కష్టకాలంలో వారికి భరోసా కల్పించారు. ఫ చంద్రబాబు పాలనలో అరటి రైతుల అవస్థలు ఫ అరటి బీమా ప్రీమియాన్ని రూ.5 వేలు చేసిన చంద్రబాబు ఫ అంతకట్టలేక చాలామంది రైతులు దూరం ఫ ఇప్పుడు తుపానుకు 6,500 హెక్టార్లలో నేలనంటిన తోటలు ఫ ఏం చేయాలో తెలియక గగ్గోలు ఫ గతం వైఎస్‌ జగన్‌ ప్రభుత్వంలో ఉచిత పంటల బీమాతో రైతులకు మేలుసాక్షి, రాజమహేంద్రవరం /చాగల్లు /పెరవలి: జిల్లాలో సుమారు 12,500 హెక్టార్లలో 20 వేల మంది రైతులు అరటిని సాగు చేస్తున్నారు. అర్నబ్‌ తుపాను కారణంగా దాదాపు 6,500 హెక్టార్లలో తోటలు నేలనంటాయి. అత్యధికంగా పెరవలి మండలంలో 4,500, ఇతర ప్రాంతాల్లో 2 వేల హెక్టార్లలో నష్టం వాటిల్లింది. ఈ పంటకు బీమా రక్షణ కల్పించేందుకు ఎకరాకు రూ.5 వేల చొప్పున ప్రీమియం చెల్లించాల్సిందేనని చంద్రబాబు ప్రభుత్వం ఒప్పందం చేసుకుంది. ఇప్పటికే విత్తనాలు, ఎరువులు, పురుగు మందులు, కూలీల ఖర్చులతో సతమతమవుతున్న అన్నదాతలకు ఆ మొత్తం చెల్లించడం అదనపు భారంగా మారింది. దీంతో చాలా మంది బీమా చేయించుకోలేకపోయారు. జిల్లా వ్యాప్తంగా కేవలం 800 హెక్టార్లకే బీమా చేయించినట్లు తెలుస్తోంది. అంటే సాగు విస్తీర్ణంతో పోలిస్తే బీమా రక్షణ పొందిన విస్తీర్ణం చాలా స్వల్పం. తుపాను దెబ్బకు నేలపాలైన పంట తుపాను ప్రభావంతో గత మంగళవారం సాయంత్రం నుంచి వీచిన భారీ ఈదురు గాలులు అరటి రైతుల ఆశలపై నీళ్లు చల్లాయి. చేతికొచ్చే దశలో ఉన్న తోటలు గాలుల ధాటికి నేలకొరిగాయి. నెలల తరబడి శ్రమించి పెంచుకున్న తోటలు విరిగిపడటంతో రైతులకు తీవ్ర నష్టం వాటిల్లింది. ఇప్పటికే సాగు కోసం పెట్టిన పెట్టుబడులు చేతికందే పరిస్థితి లేకపోగా, ఇప్పుడు తోటలు నేలకూలడంతో అప్పులు ఎలా తీర్చాలో తెలియక ఆందోళన చెందుతున్నారు. వైఎస్‌ జగన్‌ పాలనలో బీమా ఉచితం ఈ పరిస్థితుల్లో అరటి రైతులు గత వైఎస్సార్‌ సీపీ ప్రభుత్వ కాలాన్ని గుర్తు చేసుకుంటున్నారు. గతంలో వైఎస్‌ జగన్‌మోహన్‌రెడ్డి హయాంలో అమలైన ‘ఉచిత పంటల బీమా’ పథకం కింద రైతుపై పైసా భారం పడకుండా, మొత్తం ప్రీమియం ప్రభుత్వమే భరించేది. ఈ – క్రాప్‌లో నమోదు చేసుకుంటే చాలు. ప్రకృతి విపత్తుల వల్ల పంట నష్టపోతే నేరుగా పరిహారం బ్యాంకు ఖాతాల్లో జమయ్యేది. అటువంటి వెసులుబాటును చంద్రబాబు రద్దు చేసేసి, నేడు ఎకరాకు రూ.5 వేల ప్రీమియం బాదుడు విధించడంతో అరటి రైతులు తీవ్ర ఆవేదన చెందుతున్నారు. జగన్‌ పాలనలో ప్రకృతి వైపరీత్యాల వల్ల పంట దెబ్బతిన్నప్పుడు అర్హతలు, బీమా నిబంధనల మేరకు పరిహారం అందే అవకాశం ఉండేదని రైతులు గుర్తు చేసుకుంటున్నారు.12 ఎకరాల్లో తోట నేలమట్టం 12 ఎకరాలను కౌలుకు తీసుకుని అరటి తోట సాగు చేస్తున్నాను. ఎకరాకు రూ.60 వేల చొప్పున సుమారు రూ.7.20 లక్షలు పెట్టుబడి పెట్టాను. దీనికి అదనంగా ఎకరాకు రూ.40 వేల చొప్పున మొత్తం రూ.4.80 లక్షలు కౌలు చెల్లించాలి. మరో నెల రోజుల్లో పంట చేతికి వస్తుందని, పెట్టిన పెట్టుబడి తిరిగి వస్తుందని ఎన్నో ఆశలు పెట్టుకున్నాను. తుపాను నా పాలిట శాపంలా మారింది. 12 ఎకరాల్లోని అరటి తోట మొత్తం నేలవాలిపోయింది. పెట్టుబడి, కౌలు కలిపి రూ.12 లక్షల భారం ఉంది. – నార్గాన్ని శివరామకృష్ణ, కౌలు రైతు, ఊనగట్ల ఇప్పుడైనా పరిహారం అందించాలి మూడు ఎకరాలు కౌలుకు తీసుకుని అరటి తోట సాగు చేస్తున్నా. ఎకరాకు రూ.60 వేల చొప్పున రూ.1.8 లక్షల పెట్టుబడి పెట్టాను. కౌలు ఎకరాకు రూ.50 వేల చొప్పున రూ.1.5 లక్షలు చెల్లించాలి. ఒక వారం రోజుల్లో అరటి గెలలు అమ్ముకోవచ్చనుకుంటే అర్నబ్‌ తుపాను ఒక్కరాత్రిలో పంటను నేలమట్టం చేసేసింది. గతంలోనూ పంట నష్టపోయినా చంద్రబాబు ప్రభుత్వం ఆదుకోలేదు. ఇప్పుడైనా అధికారులు అరటి తోటలు పరిశీలించి పూర్తిస్థాయిలో పరిహారం అందించాలి. – జుజ్జవరపు శ్రీనివాసు, కౌలు రైతు, చాగల్లు

అనపర్తి: కూటమి ప్రభుత్వం అధికారంలోకి వచ్చిన తర్వాతే గంజాయి సంస్కృతి విచ్చలవిడిగా పెరిగిపోయిందని, దీనికి విద్యార్థులతో సహా అనేక మంది యువకులు బానిసలై ఘోరాలకు పాల్పడుతున్నారని అనపర్తి మాజీ ఎమ్మెల్యే డాక్టర్‌ సత్తి సూర్యనారాయణరెడ్డి ధ్వజమెత్తారు. మంగళవారం అనపర్తి వైఎస్సార్‌ సీపీ కార్యాలయంలో సమావేశం నిర్వహించారు. ఈ సందర్భంగా ఆయన మాట్లాడుతూ గంజాయి బ్యాచ్‌లను ఎమ్మెల్యే రామకృష్ణారెడ్డి, ఆయన కుమారుడు వెంట వేసుకుని తిరుగుతూ నీతి వ్యాఖ్యలు చెప్పడం హాస్యాస్పదంగా ఉందన్నారు. గంజాయి బ్యాచ్‌లను ఆ తండ్రీకొడుకులే ప్రోత్సహిస్తున్నారని అన్నారు. యువతను గంజాయికి బానిసలుగా మార్చి, వారిని తమ రాజకీయ కార్యకర్తలుగా వాడుకుంటున్నారని ఆరోపించారు. దీనివల్ల నిరుపేద తల్లిదండ్రులు ఎంత వేదన అనుభవిస్తున్నారో ఎమ్మెల్యేకు అర్థం కావడం లేదా అని ప్రశ్నించారు. ఇటీవల అనపర్తిలో భారీగా గంజాయితో పట్టుబడిన వ్యక్తి ఎమ్మెల్యేకు, ఆయన కుమారుడికి ముఖ్య అనుచరుడని, అతడిని పోలీసులు స్టేషన్‌కు తీసుకెళ్లి విచారిస్తుంటే, టీడీపీ నాయకులు విడుదల చేయించారో లేదో కాల్‌ డేటా బయటకు తీయాలన్నారు. గంజాయి విక్రేతలకు, తాగేవారికి ప్రత్యక్షంగా మద్దతు ఇస్తూ నేరాలను ప్రోత్సహిస్తున్న అధికార పార్టీ నాయకులు, మైకుల ముందుకొచ్చి శ్రీరంగ నీతులు చెబితే ప్రజలు నవ్వుకుంటారని ఎద్దేవా చేశారు. ఇప్పటికై నా రాజకీయాలకు అతీతంగా గంజాయి మూలాలపై ఉక్కుపాదం మోపేలా పోలీసులకు పూర్తి స్వేచ్ఛనివ్వాలని, అంతేతప్ప ఒకవైపు గంజాయి బ్యాచ్‌లకు కొమ్ముకాస్తూ మరోవైపు నీతులు చెప్పడం మానుకోవాలని ఆయన హితవు పలికారు. ఫ బ్యాచ్‌లను పెంచి పోషిస్తోంది తండ్రీకొడుకులే ఫ మాజీ ఎమ్మెల్యే డాక్టర్‌ సూర్యనారాయణరెడ్డి ధ్వజం

కడియం: మురసు తుపాను ప్రభావంతో కురుస్తున్న భారీ వర్షాలు వేమగిరి జక్కంపూడి నగర్‌లో బీభత్సం సృష్టించాయి. మంగళవారం ఉదయం నుంచి ఎడతెరిపి లేకుండా కురుస్తున్న వర్షానికి కొండచరియ వద్ద నిర్మించిన రిటైనింగ్‌ వాల్‌ ఒక్కసారిగా కుప్పకూలింది. దీంతో దిగువన ఉన్న మూడు ఇళ్లు పాక్షికంగా దెబ్బతిన్నాయి. ఈ ఘటనతో స్థానికులు తీవ్ర భయాందోళనకు గురయ్యారు. భారీ వర్షానికి కొండచరియ వాలు ఒక్కసారిగా కూలిపోవడంతో శెంభాని లక్ష్మణరావు, కరణం అచ్చియ్య, కరణం సత్యవతికి చెందిన ఇళ్లు దెబ్బతిన్నాయి. ఇళ్ల ప్రహరీలు, భవనాలపై ఉన్న పిట్టగోడలు, ఎలివేషన్లు పూర్తిగా దెబ్బతిని ఆస్తినష్టం సంభవించింది. అయితే ప్రమాదానికి కొద్దిసేపటి ముందే రిటైనింగ్‌ వాల్‌ దిగువన ఉన్న వారంతా అక్కడి నుంచి వెళ్లిపోవడంతో పెను ప్రమాదం తప్పింది. అదృష్టవశాత్తూ ఎలాంటి ప్రాణనష్టం జరగకపోవడంతో స్థానికులు ఊపిరి పీల్చుకున్నారు. సమాచారం అందుకున్న రెవెన్యూ, పంచాయతీ, విద్యుత్‌ శాఖ సిబ్బంది ఘటనా స్థలానికి చేరుకుని పరిశీలించారు. స్థానిక నాయకుడు బైరవరుపు మణికంఠ ఆధ్వర్యంలో యువకులు వెంటనే స్పందించి సహాయక చర్యలు చేపట్టారు. భారీ వర్షాల కారణంగా కొండచరియల ప్రాంతాల్లో ప్రమాదకర పరిస్థితులు నెలకొని ఉండడంతో ప్రజలు మరింత అప్రమత్తంగా ఉండాలని అధికారులు కోరారు. దెబ్బతిన్న ఇళ్లను పూర్తిస్థాయిలో అంచనా వేసి బాధిత కుటుంబాలకు ప్రభుత్వ పరిహారం అందించాలని స్థానికులు విజ్ఞప్తి చేస్తున్నారు. ఫ మూడు ఇళ్లకు నష్టం ఫ త్రుటిలో తప్పిన ప్రమాదం

రాజమహేంద్రవరం రూరల్‌: ప్రస్తుతం దగాకోరు ప్రభుత్వ పాలన సాగుతుందని, ఎన్నికల హామీల అమలును చంద్రబాబు పూర్తిగా విస్మరించారని వైఎస్సార్‌ సీపీ జిల్లా అధ్యక్షుడు, మాజీ మంత్రి చెల్లుబోయిన శ్రీనివాస వేణుగోపాలకృష్ణ దుయ్యబట్టారు. కోలమూరు గ్రామంలో ఎన్నికల ప్రచారంలో భాగంగా ఏర్పాటు చేసిన మోటార్‌ సైకిళ్ల ర్యాలీని ఆయన, జెడ్పీటీసీ అభ్యర్థి మెల్లిమి గంగరాజు (గాబ్రియేలు) జెండా ఊపి ప్రారంభించారు. జెడ్పీటీసీ, ఎంపీటీసీ–1 అభ్యర్థి ఉల్లింగి ప్రతిభ, ఎంపీటీసీ–2 అభ్యర్థిని యనమదల రమ్యశ్రీ, ఎంపీటీసీ–3 అభ్యర్థి షేక్‌ కరీముల్లా (నన్నూ), ఎంపీటీసీ–4 అభ్యర్థిని పిల్లా అపర్ణలకు మద్దతుగా కోలమూరు వీధుల్లో వైఎస్సార్‌ సీపీ రాష్ట్ర యువజన విభాగ నాయకుడు జక్కంపూడి గణేష్‌, యువత మోటారు సైకిళ్ల ర్యాలీ నిర్వహించారు. ఈ సందర్భంగా చెల్లుబోయిన వేణుగోపాలకృష్ణ మాట్లాడుతూ గత ప్రభుత్వంలో వైఎస్‌ జగన్‌మోహన్‌రెడ్డి నవరత్నాల పథకాలతో ఇచ్చిన ప్రతి హామీని అమలు చేశారన్నారు. చంద్రబాబు ప్రభుత్వం అబద్ధపు హామీలతో అధికారంలోకి వచ్చి ప్రజలను మోసగించిందన్నారు. ఒకపక్క నిత్యావసర వస్తువుల ధరలు మండిపోతుండడంతో సామాన్యుల పరిస్థితి దయనీయంగా మారిందని అన్నారు. వైఎస్సార్‌ సీపీ అభ్యర్థులను గెలిపించి చంద్రబాబు ప్రభుత్వానికి తగిన గుణపాఠం చెప్పాలని పిలుపునిచ్చారు. నాయకులు పడాల ప్రసాద్‌, తాటికొండ విష్ణు, పరిమి దుర్గారావు, నల్లిమిల్లి సుబ్బారావు, అల్లాడ శ్రీనివాస్‌, జుత్తుక సుదర్శన్‌, చిన్ని, కొడమంచిలి కోటిబాబు, నవీన్‌ పాల్గొన్నారు. కొంతమూరులో జెడ్పీటీసీ అభ్యర్థి మెల్లిమి గంగరాజు (గాబ్రియేలు), ఎంపీటీసీ–2 అభ్యర్థిని యనమదల రమ్యశ్రీ, ఎంపీటీసీ–3 అభ్యర్థి షేక్‌ కరీముల్లాలు మోటార్‌ సైకిళ్ల ర్యాలీ నిర్వహించారు. ప్రతి ఒక్కరూ ఫ్యాన్‌ గుర్తుపై ఓటువేసి గెలిపించాలని అభ్యర్థులు కోరారు. ఈ ర్యాలీలో ఎంఎం అలీ, అత్తిలి భీమశంకరం, చెరుకూరి సత్యనారాయణ, షేక్‌చానా, యామన రామకృష్ణగౌడ్‌ తదితరులు పాల్గొన్నారు. ఎంపీటీసీ–4 అభ్యర్థి పిల్లా అపర్ణ, పార్టీ నాయకులతో కలసి ఇంటింటికి వెళ్లి ఎన్నికల ప్రచారం నిర్వహించారు. వైఎస్సార్‌ సీపీ జిల్లా అధ్యక్షుడు చెల్లుబోయిన వేణు

సాక్షి, రాజమహేంద్రవరం: పరిషత్‌ ఎన్నికల ప్రచారం ముగిసింది. అభ్యర్థుల భవితవ్యం తేలడానికి కొద్ది గంటలే మిగిలింది. కానీ కూటమి పార్టీల్లో మాత్రం అసలు పోరు ఎన్నికలకు ముందే మొదలైంది. ప్రత్యర్థి పార్టీల అభ్యర్థుల కంటే సొంత కూటమి నేతల నుంచే వెన్నుపోటు పొంచి ఉందనే భయం పలువురిని వెంటాడుతోంది. జిల్లా పరిషత్‌ తొలి చైర్‌పర్సన్‌ పీఠం ఎవరికి కేటాయిస్తారన్న దానిపై స్పష్టత లేక టీడీపీ, జనసేనలో పలువురు ఆశావహులు తమకే అవకాశం వస్తుందని ప్రచారం చేసుకుంటున్నారు. ఈ ప్రచారం మరికొందరికి మింగుడుపడటం లేదు. భవిష్యత్తులో తమకు పోటీగా మారతారనే అనుమానంతో కొందరి ఓటమికి తెరవెనుక పావులు కదుపుతున్నారనే ప్రచారం సాగుతోంది. మరోవైపు ఎంపీటీసీ, జెడ్పీటీసీ అభ్యర్థుల మధ్య సమన్వయం కొరవడటంతో ఓట్ల బదిలీపై సందేహాలు వ్యక్తమవుతున్నాయి. తమకంటే తమకంటూ.. కొత్తగా ఏర్పాటైన తూర్పుగోదావరి జిల్లా పరిషత్‌కు తొలిసారిగా జరుగుతున్న ఎన్నికల్లో భాగంగా 21 జెడ్పీటీసీ, 405 ఎంపీటీసీ స్థానాలకు నవంబర్‌ 5న పోలింగ్‌ జరగనుంది. కీలకమైన ప్రచారం మంగళవారం సాయంత్రం 5 గంటలకు ముగిసింది. జిల్లాలోని 21 జెడ్పీటీసీ స్థానాలకు 73 మంది అభ్యర్థులు పోటీలో నిలిచారు. మొత్తం 412 ఎంపీటీసీ స్థానాల్లో ఏడు ఏకగ్రీవం కాగా, మిగిలిన 405 స్థానాలకు 901 మంది అభ్యర్థులు బరిలో ఉన్నారు. ఎన్నికల తర్వాత జెడ్పీ చైర్‌పర్సన్‌ అభ్యర్థిని నిర్ణయిస్తామని కూటమి అధినేతలు ప్రకటించడంతో ఆశావహుల సంఖ్య పెరిగింది. తొలుత టీడీపీ, జనసేన నాయకులు తమ పార్టీకే చైర్‌పర్సన్‌ పీఠం కేటాయిస్తారని ప్రచారం చేసుకున్నారు. అయితే కూటమిలోని అంతర్గత విభేదాలు, ఎన్నికలపై వాటి ప్రభావం వంటి అంశాలను దృష్టిలో పెట్టుకుని ఫలితాల తర్వాతే నిర్ణయం తీసుకోవాలని చంద్రబాబు, పవన్‌ కల్యాణ్‌ నిర్ణయించినట్లు ప్రచారం జరిగింది. జనసేన, టీడీపీలో ఆశావహుల పోటీ జనసేన నుంచి రాజానగరం ఎమ్మెల్యే బత్తుల బలరామకృష్ణ సతీమణి బత్తుల వెంకటలక్ష్మి సీతానగరం జెడ్పీటీసీ స్థానానికి పోటీ చేస్తున్నారు. ఆమె కూడా చైర్‌పర్సన్‌ పీఠంపై ఆశలు పెట్టుకున్నట్లు ప్రచారం జరుగుతోంది. మరోవైపు మంత్రి కందుల దుర్గేష్‌ కడియం నుంచి పోటీ చేస్తున్న మహేశ్వరీదేవికి చైర్‌పర్సన్‌ పదవి విషయంలో హామీ ఇచ్చినట్లు ప్రచారం సాగుతోంది. దీంతో జనసేనలోనే ఇద్దరు ఆశావహులు తెరపైకి వచ్చినట్లయింది. ఇప్పటికే అభ్యర్థుల ఎంపిక విషయంలో అసంతృప్తితో ఉన్న కొందరు నాయకులకు ఈ పరిణామం మరింత ఇబ్బందికరంగా మారింది. ఫ టీడీపీ నుంచి రంగంపేట జెడ్పీటీసీ స్థానానికి పోటీ చేస్తున్న ఆళ్ల శిరీష చైర్‌పర్సన్‌ పీఠంపై ఆశలు పెట్టుకున్నట్లు సమాచారం. తన సామాజికవర్గం మద్దతుతో పార్టీ నాయకత్వం ఆశీస్సులు లభిస్తాయని ప్రయత్నిస్తున్నట్లు తెలుస్తోంది. దేవరపల్లి నుంచి పోటీ చేస్తున్న అండ్రు రాధిక పేరు కూడా ఈ రేసులో వినిపిస్తోంది. సొంతవారే ఓడిస్తారేమోనన్న భయం చైర్‌పర్సన్‌ పీఠంపై ఆశలు పెట్టుకున్న వారిలో కొందరి ప్రచారం ఇతరులకు ఇబ్బందిగా మారుతోందని తెలుస్తోంది. భవిష్యత్తులో తమకు రాజకీయ ప్రత్యర్థులుగా మారతారనే అనుమానంతో కొందరు ఆశావహుల విజయావకాశాలను దెబ్బతీసేందుకు తెరవెనుక ప్రయత్నాలు చేస్తున్నారనే ఆరోపణలు వినిపిస్తున్నాయి. పైకి కూటమి అభ్యర్థుల విజయమే లక్ష్యమని చెబుతున్నప్పటికీ, లోలోపల మాత్రం తమకు అనుకూలమైన వారికే ప్రాధాన్యం దక్కాలనే లెక్కలు వేసుకుంటున్నారని రాజకీయ వర్గాల్లో చర్చ జరుగుతోంది. ఓట్ల బదిలీపై అనుమానాలు కూటమి పార్టీల మధ్య సీట్ల సర్దుబాటులో భాగంగా కొన్ని గ్రామాల్లో ఒక పార్టీ ఎంపీటీసీ అభ్యర్థి పోటీ చేస్తుండగా, మరో పార్టీకి చెందిన నాయకుడు జెడ్పీటీసీ బరిలో ఉన్నారు. టీడీపీ 266, జనసేన 120, బీజేపీ 21 ఎంపీటీసీల్లో పోటీ చేస్తున్నాయి. అయితే ఈ స్థానాలకు సంబంధించి జెడ్పీటీసీ అభ్యర్థులకు ఓట్ల బదిలీపై అనుమానాలు వ్యక్తమవుతున్నాయి. ఇలాంటి చోట్ల మూడు పార్టీల క్యాడర్‌ పరస్పరం సహకరించుకోవడంపై పోటీదారులకు నమ్మకం కుదరడం లేదు. అభ్యర్థుల ఎంపికపై అసంతృప్తితో ఉన్న కొందరు నాయకులు తమ అభ్యర్థి వరకే ఓట్లు అడుగుతూ, కూటమి జెడ్పీటీసీ అభ్యర్థి కోసం ప్రచారం చేయడం లేదనే ఆరోపణలు వస్తున్నాయి. మరికొన్ని చోట్ల జెడ్పీటీసీ అభ్యర్థి ఎంపిక తమకు నచ్చకపోవడంతో ఎంపీటీసీ అభ్యర్థులు దూరంగా ఉంటున్నట్లు సమాచారం. దీంతో ఒకే కూటమిలో ఉన్న ఇద్దరు అభ్యర్థులకు ఓటరు ఓటు వేసే పరిస్థితి కనిపించడం లేదు. ఈ నేపథ్యంలో నవంబర్‌ 5న జరిగే పోలింగ్‌లో కూటమి అభ్యర్థులకు ఎదురుతప్పదని పలువురు అంటున్నారు. ఫ ఆ పార్టీల్లోనే వెన్నుపోట్ల భయం ఫ జెడ్పీ చైర్‌పర్సన్‌ పీఠంపై ఎవరికి వారే ప్రచారం ఫ అభ్యర్థుల మధ్య కొరవడిన సమన్వయం

మాజీ ఎంపీ జీవీ హర్షకుమార్‌ రాజమహేంద్రవరం సిటీ: తుపాను అనంతరం చేపట్టాల్సిన సహాయక, పునరుద్ధరణ చర్యల్లో రాష్ట్ర ప్రభుత్వం పూర్తిగా విఫలమైందని అమలాపురం మాజీ ఎంపీ జీవీ హర్షకుమార్‌ ఆగ్రహం వ్యక్తం చేశారు. మంగళవారం రాజమహేంద్రవరంలోని ఆయన నివాసంలో మాట్లాడుతూ తుపాను సంభవించి రోజులు గడుస్తున్నా, ఇప్పటికీ అనేక గ్రామాల్లో విద్యుత్‌ సరఫరాను పునరుద్ధరించలేకపోయారని, కనీసం తాగునీటిని కూడా అందించలేని దుస్థితి నెలకొందని ధ్వజమెత్తారు. ప్రజలు ఇంకా తీవ్ర ఇబ్బందులు ఎదుర్కొంటూ సాధారణ జీవన పరిస్థితులకు చేరుకోలేకపోతున్నారన్నారు. విద్యుత్‌, తాగునీరు వంటి కనీస మౌలిక సదుపాయాలను పునరుద్ధరించడంలో ప్రభుత్వ నిర్లక్ష్యం స్పష్టంగా కనిపిస్తోందని అన్నారు. ఇంతటి విపత్కర పరిస్థితుల్లో బాధితులకు అండగా నిలిచి సహాయక చర్యలను ముమ్మరం చేయాల్సిన ప్రభుత్వం, స్థానిక సంస్థల ఎన్నికలకే ప్రాధాన్యం ఇవ్వడం విచారకరం, సిగ్గుచేటు అన్నారు. ఎన్నికల సామగ్రి పంపిణీ కేంద్రాల మార్పు సీటీఆర్‌ఐ (రాజమహేంద్రవరం): జిల్లాలో నిర్వహించనున్న రెండో విడత ఎంపీటీసీ, జెడ్పీటీసీ సాధారణ ఎన్నికలకు సంబంధించి భారీ వర్షాలు, మురసు తుపాను ప్రభావం దృష్ట్యా బిక్కవోలు, కపిలేశ్వరపురం, రాయవరం మండలాల్లో ఎన్నికల సామగ్రి పంపిణీ కేంద్రాలను మార్పు చేసినట్లు జిల్లా కలెక్టర్‌, జిల్లా ఎన్నికల అధికారి కీర్తి చేకూరి మంగళవారం ఒక ప్రకటనలో తెలిపారు. భారీ వర్షాల కారణంగా గతంలో కేటాయించిన కేంద్రాల వద్ద నీరు నిలవడం, ఇతర అసౌకర్యాలు నెలకొనడంతో ఎన్నికల సిబ్బందికి ఎలాంటి ఇబ్బందులు కలగకుండా ప్రత్యామ్నాయ కేంద్రాలను ఏర్పాటు చేసినట్లు పేర్కొన్నారు. బిక్కవోలు మండలం ఎంపీపీ ఎలిమెంటరీ పాఠశాల స్థానంలో బిక్కవోలులోని సామర్లకోట – రాజమహేంద్రవరం కెనాల్‌ రోడ్డులో ఉన్న శ్రీనివాసం గ్రాండ్‌ను పంపిణీ కేంద్రంగా మార్చారు. కపిలేశ్వరపురంలోని శ్రీసత్యరాయ జిల్లా పరిషత్‌ ఉన్నత పాఠశాల స్థానంలో అంగర శ్రీసిద్ధార్థ జూనియర్‌ కళాశాలను, రాయవరం మెయిన్‌ రోడ్డులోని శ్రీరామయ్య జెడ్పీపీ ఉన్నత పాఠశాల స్థానంలో అదే మెయిన్‌ రోడ్డులోని శ్రీముళ్లపూడి బుజ్జిరాజు సూర్యనారాయణమ్మ ఫంక్షన్‌ హాల్‌ను పంపిణీ కేంద్రంగా ఏర్పాటు చేశారు. ఎన్నికల సిబ్బందికి పోలింగ్‌ సామగ్రి పంపిణీ సజావుగా జరిగేలా ప్రత్యామ్నాయ కేంద్రాల్లో అవసరమైన ఏర్పాట్లు చేయాలని సంబంధిత అధికారులను ఆదేశించినట్లు కలెక్టర్‌ తెలిపారు. బెంగళూర్‌, చైన్నె విమాన సర్వీసుల రద్దు కోరుకొండ: రాజమహేంద్రవరం విమానాశ్రయానికి బుధవారం రావాల్సిన బెంగళూర్‌, చైన్నె సర్వీసులు రద్దయ్యాయి. ఇండిగో విమానయాన సంస్థకు చెందిన 9 సర్వీసులు రాకపోకలు జరగాల్సి ఉండగా, వాతావరణం అనుకూలించక విమానాశ్రయానికి హైదరాబాద్‌, ముంబయి నుంచి 4 సర్వీసులు మాత్రమే నడిచాయి. ప్రశాంతంగా మున్సిపల్‌ ఎన్నికల కౌంటింగ్‌ సాక్షి, రాజమహేంద్రవరం: మున్సిపల్‌ ఎన్నికల కౌంటింగ్‌ ప్రశాంతంగా ముగిసింది. మంగళవారం ఉదయం ముందుగా పోస్టల్‌ బ్యాలెట్‌ ఓట్లు.. తర్వాత పోలైన ఓట్లు లెక్కించారు. కొవ్వూరు మున్సిపల్‌ చైర్‌పర్సన్‌గా కంఠమని విజయలక్ష్మి (టీడీపీ), మండపేట చైర్మన్‌గా వేగుళ్ల అజయ్‌కుమార్‌ (టీడీపీ), నిడదవోలు చైర్‌పర్సన్‌గా మురాల జ్యోతి (జనసేన) గెలుపొందారు. నిడదవోలు మున్సిపాలిటీలో 32 వార్డులకు జనసేన 14, టీడీపీ 13, వైఎస్సార్‌ సీపీ 3, బీజేపీ 1, ఒక స్వతంత్ర అభ్యర్థి విజయం సాధించారు. మండపేటలో 36 వార్డులకు టీడీపీ 24, జనసేన 10, బీజేపీ 2 వార్డులు, కొవ్వూరులో 28 వార్డులకు 4 ఏకగ్రీవమయ్యాయి. మిగిలిన 24లో టీడీపీ 15, జనసేన 6, బీజేపీ 2, స్వతంత్ర అభ్యర్థి ఒకరు గెలుపొందారు.

ఆత్రేయపురం: వాడపల్లి క్షేత్రంలో కొలువైన వేంకటేశ్వరస్వామివారి వార్షిక బ్రహ్మోత్సవాలను వైభవోపేతంగా నిర్వహిస్తున్నారు. ఈ మేరకు 6వ రోజు మంగళవారం ప్రత్యేక పూజలు, స్వామివారి ఊరేగింపు నిర్వహించారు. భారీ సంఖ్యలో తరలివచ్చిన భక్తులతో ఆలయం జనసంద్రంగా మారింది. స్వామివారిని ఉదయం శ్రీకృష్ణ అలంకరణలో సూర్యప్రభ వాహనంపై, రాత్రి మోహిని అలంకరణలో చంద్రప్రభ వాహ నంపై అంగరంగ వైభవంగా ఊరేగించారు. ఈ సందర్భంగా నిర్వహించిన పూజల్లో దేవదాయశాఖ ఉప కమిషనర్‌ నల్లం సూర్యచక్రధరరావు దంపతులు పా ల్గొని స్వామివారికి పువ్వులు, పట్టు వస్త్రాలు సమర్పించారు. టీటీడీ వేద పండితుడు ఖండవల్లి రాజేశ్వర వరప్రసాదాచార్యులు, ఆలయ కమిటీ సభ్యుడు శిష్టా సూ ర్య కుటుంబరావు, అర్చకుడు వాడపల్లి సుందర శేషావతారం పర్యవేక్షణలో పూజలు, సేవలు జరిపారు. ఫ వైభవంగా వాడపల్లి వెంకన్న బ్రహ్మోత్సవాలు ఫ సూర్యప్రభ, చంద్రప్రభ వాహనాలపై ఊరేగింపు ఫ భారీగా తరలివచ్చిన భక్తులు

సాక్షి, రాజమహేంద్రవరం: పరిషత్‌ ఎన్నికల వేళ కూటమి అభ్యర్థులను ప్రజా వ్యతిరేకత వెంటాడుతోంది. దీంతో వారు ప్రలోభాలకు తెరతీసినట్లు తెలుస్తోంది. చంద్రబాబు ప్రభుత్వం అధికారం చేపట్టి 28 నెలలు గడుస్తున్నా, ఎన్నికల సమయంలో ఇచ్చిన హామీలు అమలు కాకపోవడం.. ధరల పెరుగుదలతో సామాన్యుల జీవనం భారంగా మారడం.. కొత్త పింఛన్ల మంజూరులో జాప్యం.. ఆడబిడ్డ నిధి, నిరుద్యోగ భృతి వంటి హామీలు నెరవేరకపోవడంతో గ్రామీణ ప్రాంతాల్లో ప్రభుత్వంపై తీవ్ర వ్యతిరేకత వచ్చింది. ఈ పరిస్థితుల్లో అర్నబ్‌ తుపాను అన్నదాతలపై మరో పిడుగులా పడింది. జిల్లాలో వరి పంట దెబ్బతిని, 80 వేల మంది రైతులు నష్టపోయినట్లు అంచనాలున్నాయి. రూ.8,750 కోట్ల మేర నష్టం వాటిల్లినప్పటికీ పరిహారంపై ప్రభుత్వం నుంచి స్పష్టమైన ప్రకటన వెలువడకపోవడం రైతుల్లో ఆందోళనకు కారణమవుతోంది. గ్రామీణ ప్రాంతాలకే పరిమితమైన పరిషత్‌ ఎన్నికల్లో రైతుల అసంతృప్తి తమకు ప్రతికూలంగా మారుతుందేమోనని కూటమి అభ్యర్థులు కలవరపడుతున్నారు. మద్యం, డబ్బు పంపిణీకి.. ప్రభుత్వంపై ఉన్న అసంతృప్తిని, ముఖ్యంగా రైతుల ఆగ్రహాన్ని చల్లార్చేందుకు కొందరు కూటమి అభ్యర్థులు ప్రలోభాల మార్గాన్ని ఎంచుకుంటున్నారనే ఆరోపణలు వినిపిస్తున్నాయి. ఓటర్లకు భారీగా మద్యం పంపిణీ చేయడంతో పాటు నగదు వెదజల్లేందుకు ఏర్పాట్లు చేస్తున్నట్లు ప్రత్యర్థి వర్గాలు ఆరోపిస్తున్నాయి. గురువారం పోలింగ్‌ ప్రారంభమయ్యేలోగా వీలైనంత ఎక్కువ మంది ఓటర్లను ప్రలోభ పెట్టేందుకు అవసరమైన ఏర్పాట్లు చేసుకున్నారు. గడిచిన రెండున్నరేళ్లుగా అధికారం అండతో దోచుకున్న రూ.కోట్లను ప్రస్తుత ఎన్నికల్లో ఖర్చు చేసేందుకు కొందరు కూటమి అభ్యర్థులు ప్రయత్నిస్తున్నారని తెలుస్తోంది. ముఖ్యంగా మద్యం అధిక ధరలకు విక్రయించి దోచుకున్నవి, ఇసుక అక్రమ తవ్వకాల ద్వారా సంపాదించిన డబ్బులనే ప్రస్తుత ఎన్నికల్లో పెట్టుబడిగా పెడుతున్నారు. కోట్లాది రూపాయలు ఖర్చు చేస్తున్నప్పటికీ కూటమి పార్టీల మధ్య సమన్వయ లోపం అభ్యర్థులను మరింత ఆందోళనకు గురిచేస్తోంది.ఫ ఓటమి నుంచి బయటపడేందుకు ఎత్తుగడ ఫ ఓటర్లను ప్రలోభపెట్టేందుకు కూటమి ప్రయత్నాలు

● మళ్లీ జలదరింపు గరగపర్తి రేవతి సింధు, నాగిరెడ్డి మోహన్‌ దంపతులు వాన వణికిస్తోంది.. ఒకపక్క పంటలను ముంచేస్తోంది.. మరోపక్క జనజీవనాన్ని స్తంభింపజేస్తుంది.. ముసరు తుపాను కారణంగా మళ్లీ జిల్లా వ్యాప్తంగా వర్షాలు పడుతున్నారు. మంగళవారం తెల్లవారు జాము నుంచి రాత్రి వరకు ఎడతెరిపి లేకుండా వాన పడింది. అసలే అధ్వానంగా ఉన్న రహదారులపై నీరు చేరడంతో వాహనచోదకులు తీవ్ర ఇబ్బంది పడ్డారు. –‘సాక్షి’, నెట్‌వర్క్‌

రాయవరం: ప్రయాణికులతో వస్తున్న ఆటోను పాల లారీ ఢీకొన్న ప్రమాదంలో ఆటో డ్రైవర్‌, ముగ్గురు ప్రయాణికులు తీవ్రంగా గాయపడ్డారు. మండలంలోని చెల్లూరులో ఆదివారం ఈ ప్రమాదం జరిగింది. రాయవరం ఎస్సై డి.సురేష్‌బాబు, స్థానికులు తెలిపిన వివరాల ప్రకారం.. చెల్లూరుకు చెందిన పైడికొండల వీరవెంకట సత్యనారాయణ తన ఆటోలో అదే గ్రామానికి చెందిన మహిళలను మండపేట మండలం ఇప్పనపాడులో ఫంక్షన్‌కు తీసుకువెళ్లాడు. తిరిగి వస్తున్న సమయంలో చెల్లూరు షుగర్‌ ఫ్యాక్టరీ మలుపు వద్ద ఆటోను కె.గంగవరం మండలం పామర్రు నుంచి అనకాపల్లి వెళుతున్న పాల లారీ ఢీకొంది. ఈ ప్రమాదంలో ఆటో డ్రైవర్‌ సత్యనారాయణ, ఆటోలో ప్రయాణిస్తున్న చోడే దుర్గాలక్ష్మి, నురుకుర్తి వీరవేణి, గుబ్బల శ్రీదేవి తీవ్రగాయాలయ్యాయి. క్షతగాత్రులను చికిత్స కోసం రామచంద్రపురం ఏరియాకు తరలించారు. రాయవరం ఎస్సై సురేష్‌బాబు కేసు నమోదు చేసి దర్యాప్తు చేపడుతున్నారు.

అమలాపురం రూరల్‌: విదేశాలకు ఉపాధి కోసం వెళ్లి వివిధ కారణాలతో ఇబ్బందులు పడుతున్న ఇద్దరు మహిళలను మెగ్రేషన్‌ మేనేజ్‌మెంట్‌ సెంటర్‌ సురక్షితంగా ఇంటికి తీసుకువచ్చింది. పశ్చిమ గోదావరి జిల్లా ఐ.భీమవరానికి చెందిన తాటిపాక హవీల, ఏలూరు జిల్లా ఉంగుటూరు మండలం పెద్ద ఎల్లమిల్లి గ్రామానికి చెందిన కోలుకుల నిర్మల కుమారి రెండేళ్ల క్రితం ఖతార్‌కు వెళ్లారు. సమయం పూర్తయినా వారిని స్వదేశానికి పంపకుండా ఇబ్బందులకు గురి చేస్తుండడంతో కుటుంబ సభ్యులు స్థానిక మైగ్రేషన్‌ మేనేజ్‌మెంట్‌ సెంటర్‌ను ఆశ్రయించారు. దీంతో ఆ ఇద్దరినీ సురక్షితంగా ఇంటికి రప్పించారు.

సాక్షి, రాజమహేంద్రవరం: జిల్లాలోని మూడు మున్సిపాలిటీల్లో పోటీ చేసిన 226 మంది అభ్యర్థుల భవితవ్యం మంగళవారం తేలనుంది. ఓట్ల లెక్కింపు కోసం నిడదవోలు, మండపేట, కొవ్వూరులో అధికారులు అవసరమైన ఏర్పాట్లు చేశారు. ఓటర్లు ఆదివారం ఇచ్చిన తీర్పు బ్యాలెట్‌ బాక్సుల్లో స్ట్రాంగ్‌ రూమ్‌లలో ఉన్న విషయం తెలిసిందే. ఈ క్రమంలో వార్డుల వారీగా 132 కౌంటింగ్‌ టేబుళ్లు ఏర్పాటు చేసి చైర్మన్‌, కౌన్సిలర్‌ ఓట్లను సమాంతరంగా లెక్కించనున్నారు. రిసెప్షన్‌ కేంద్రాలు, కౌంటింగ్‌ కేంద్రాలు, స్ట్రాంగ్‌ రూమ్‌ల వద్ద ఏర్పాట్లు పూర్తి చేశారు. ● మండపేట మున్సిపాలిటీలోని 36 వార్డులకు 72 కౌంటింగ్‌ టేబుళ్లు ఏర్పాటు చేశారు. మొత్తం 240 మంది సిబ్బందిని కేటాయించారు. స్థానిక అన్నపూర్ణ ఇంగ్లిష్‌ మీడియం హైస్కూల్లో కౌంటింగ్‌ చేపట్టనున్నారు. వార్డు సభ్యుల ఓట్ల లెక్కింపుతో పాటు చైర్మన్‌, కౌన్సిలర్‌ ఎన్నికలకు సంబంధించిన ఓట్ల లెక్కింపు కోసం ప్రత్యేకంగా ఒక్కొక్క టేబుల్‌ ఏర్పాటు చేశారు. ● కొవ్వూరు మున్సిపాలిటీలో 28 వార్డులకు 28 కౌంటింగ్‌ టేబుళ్లు ఏర్పాటు చేశారు. వేములూరు రోడ్డులోని దీప్తి ఇంగ్లిష్‌ మీడియం హైస్కూల్లో కౌంటింగ్‌ చేపట్టనున్నారు. టేబుల్‌కు ముగ్గురు చొప్పున 84 మంది సిబ్బందిని కేటాయించారు. ● నిడదవోలు మున్సిపాలిటీలో 32 వార్డులకు 32 కౌంటింగ్‌ టేబుళ్లు సిద్ధం చేశారు. ఎస్‌వీడీ ప్రభుత్వ మహిళా డిగ్రీ కళాశాలలోని లైబ్రరీ కామర్స్‌ బ్లాక్‌లో ఏర్పాట్లు చేశారు. భద్రతా ఏర్పాట్లు కౌంటింగ్‌ కేంద్రాల్లో బ్యాలెట్‌ బాక్సుల భద్రత, స్ట్రాంగ్‌ రూమ్‌ల పర్యవేక్షణ, కౌంటింగ్‌ సిబ్బంది విధుల కేటాయింపు, అభ్యర్థులు, వారి ఏజెంట్లకు నిబంధనల ప్రకారం ప్రవేశం, బారికేడ్లు, విద్యుత్‌, తాగునీరు తదితర సౌకర్యాలు కల్పించారు. ఓట్ల లెక్కింపు సమయంలో అవాంఛనీయ సంఘటనలు జరగకుండా పోలీసు బందోబస్తు, భద్రతా చర్యలు చేపడుతున్నారు. మండపేటలో 49,059 మంది ఓటర్లకు 38,040 మంది (77.54 శాతం), కొవ్వూరులో 34,452 మంది ఓటర్లకు 23,574 మంది (68.42 శాతం), నిడదవోలులో 35,086 మంది ఓటర్లకు 24,315 మంది (69.30 శాతం) ఓటు హక్కును వినియోగించుకున్నారు. పటిష్ట బందోబస్తు కంబాలచెరువు(రాజమహేంద్రవరం): కొవ్వూరు, మండపేట, నిడదవోలు మున్సిపల్‌ ఎన్నికల కౌంటింగ్‌ కేంద్రాల వద్ద కట్టుదిట్టమైన బందోబస్తు, ట్రాఫిక్‌ ఆంక్షలు విధించినట్టు ఎస్పీ డి.నరసింహ కిశోర్‌ తెలిపారు. ఆయన సోమవారం మాట్లాడుతూ ఆ మూడు ప్రాంతాల్లో సెక్షన్‌ 163 నిషేధాజ్ఞలు అమల్లో ఉన్నాయని, ఫలితాల అనంతరం విజయోత్సవ ర్యాలీలు, ఊరేగింపులకు అనుమతి లేదన్నారు. కౌంటింగ్‌ కేంద్రాల వద్ద కట్టుదిట్టమైన పోలీసు బందోబస్తు, గుర్తింపు కార్డుల తనిఖీలు, నిరంతర నిఘా ఏర్పాటు చేస్తున్నామన్నారు. ఎన్నికల అధికారులు అనుమతించిన వ్యక్తులను మాత్రమే కేంద్రాల్లోకి అనుమతిస్తారని, అనుమతి లేని వస్తువులు, మొబైల్‌ ఫోన్లు కౌంటింగ్‌ కేంద్రాల్లోకి తీసుకెళ్లరాదన్నారు. కౌంటింగ్‌ ఏజెంట్లు నియామక పత్రాలు, గుర్తింపు కార్డులు తప్పనిసరిగా వెంట ఉంచుకోవాలన్నారు. కౌంటింగ్‌ సందర్భంగా ట్రాఫిక్‌ మళ్లించామని తెలిపారు. నేడే ఓట్ల లెక్కింపు మూడు మున్సిపాలిటీల్లో 132 కౌంటింగ్‌ టేబుళ్లు ఉదయం 8 గంటల నుంచి ప్రారంభం ముందు కౌన్సిలర్లు, తర్వాత చైర్మన్‌ ఫలితాలు పది గంటలకు తొలి రౌండ్‌ ఫలితం వెల్లడి

కంబాలచెరువు(రాజమహేంద్రవరం): గంజాయి, ఇతర మాదక ద్రవ్యాల అక్రమ రవాణా, విక్రయాలకు పాల్పడుతూ శాంతి భద్రతలకు విఘాతం కలిగిస్తున్న నేరస్తులపై పోలీసులు కఠిన చర్యలు చేపడుతున్నారు. దీనిలో భాగంగా రాజమహేంద్రవరానికి చెందిన గారా రవితేజ అలియాస్‌ గ్యాంగ్‌స్టర్‌ తేజ (31)పై పిట్‌ ఎన్‌డీపీఎస్‌ చట్టం కింద నిర్బంధ ఉత్తర్వులు అమలు చేశారు. ఆ వివరాలను జిల్లా పోలీసు కార్యాలయం సోమవారం తెలిపింది. త్రీటౌన్‌ పోలీస్‌ స్టేషన్‌ పరిధిలోని రవితేజ మాదకద్రవ్యాల అక్రమ రవాణా, విక్రయాలతో పాటు పలు నేరపూరిత కార్యకలాపాలకు పాల్పడుతున్నట్లు పోలీసులు గుర్తించారు. ఈ మేరకు త్రీటౌన్‌ లాఅండ్‌ ఆర్డర్‌ ఇన్‌స్పెక్టర్‌ వి.అప్పారావు రూపొందించిన సమగ్ర నివేదికను ఎస్పీ డి.నరసింహ కిశోర్‌ ప్రభుత్వానికి పంపించారు. వాటిని పరిశీలించిన అనంతరం రవితేజపై పిట్‌ ఎన్‌డీపీఎస్‌ చట్టం కింద నిర్బంధ ఉత్తర్వులు జారీ అయ్యాయి. ప్రస్తుతం రాజమహేంద్రవరం సెంట్రల్‌ జైలులో రిమాండ్‌ ఖైదీగా శిక్ష అనుభవిస్తున్న రవితేజకు అధికారులు ఆ ఉత్తర్వులలను అందజేసి అమలు చేశారు.

పెదపూడి: క్రీడలతో ఉన్నత భవిష్యత్తు ఉంటుందని ఉమ్మడి తూర్పుగోదావరి జిల్లా అండర్‌ – 19 బాలురు, బాలికల బాస్కెట్‌బాల్‌ క్రీడా ఎంపికల కమిటీ ఆర్గనైజింగ్‌ సెక్రటరీ గంగాధర్‌రెడ్డి అన్నారు. జి.మామిడాడ జెడ్పీ ఉన్నత పాఠశాల్లో ఆ విభాగంలో బాలురు, బాలికల జట్లను ఎంపిక చేశారు. గంగాధర్‌రెడ్డి మాట్లాడుతూ ఎంపికలకు సుమారు 75 మంది క్రీడాకారులు హాజరయ్యారన్నారు. వారిలో ఉత్తమ ప్రతిభ కనబరిచిన 12 మంది బాలురు, 12 మంది బాలికలను ఉమ్మడి తూర్పుగోదావరి జిల్లా జట్లకు ఎంపిక చేశారన్నారు. వీరందరూ ఈ నెల 6న హిందూపురం సమీపంలోని లేపాక్షి గ్రామంలో జరిగే రాష్ట్ర స్థాయి క్రీడా పోటీల్లో పాల్గొంటారన్నారు. కార్యక్రమంలో బాలుర ఉన్నత పాఠశాల పీడీ నల్లమిల్లి అప్పారెడ్డి, జి.మామిడాడ బాస్కెట్‌బాల్‌ అసోసియేషన్‌ అధ్యక్షుడు గౌరీ శంకర్‌రెడ్డి, కోశాధికారి ద్వారంపూడి యువరాజారెడ్డి, వ్యాయామ ఉపాధ్యాయులు గంగిరెడ్డి, ప్రభాకర్‌రెడ్డి, వాసు మోహన్‌ వర్మ, సత్యనారాయణ, సునీత పాల్గొన్నారు.

● ఇంత నిర్లక్ష్యమా! జాతీయ జెండాను చూడగానే దేశభక్తి ఉప్పొంగుతుంది. సాధారణ ప్రజలు కూడా ఎంతో గౌరవంగా దానికి వందనం చేస్తారు. కానీ గండేపల్లి మండల పరిషత్‌ కార్యాలయంపై ఏర్పాటు చేసిన జెండా పడిపోవడానికి సిద్ధంగా ఉన్నా అధికారులు పట్టించుకోవడం లేదు. ఆ జెండాను అక్కడ ఎప్పుడు ఏర్పాటు చేశారో తెలియదు గానీ, ఇలా వంగిపోయి కనిపించడంతో కార్యాలయానికి వస్తున్న ప్రజలు ఆవేదన వ్యక్తం చేస్తున్నారు. జాతీయ జెండాపై అధికారులకు ఎందుకంత నిర్లక్ష్యమని ప్రశ్నిస్తున్నారు. – గండేపల్లి ● వలంటీర్‌ నుంచి ఎంపీటీసీ అభ్యర్థి నిడదవోలు మండలం కంసాలిపాలెం గ్రామానికి చెందిన ఉప్పాటి సురేంద్ర కుమార్‌ గత వైఎస్సార్‌ సీపీ ప్రభుత్వంలో వలంటీర్‌గా సేవలందించారు. ప్రతి గడపకూ ప్రభుత్వ సంక్షేమ పథకాలను వివరించి, లబ్ధిదారులకు అందజేశారు. ఇప్పుడు స్థానిక సంస్థల ఎన్నికల్లో వైఎస్సార్‌ సీపీ ఎంపీటీసీ అభ్యర్థిగా ఎన్నికల బరిలో నిలిచారు. మన కష్ట సుఖాలు తెలిసిన సురేంద్ర..ఎంపీటీసీ అయితే మరింత బాగా పనిచేస్తాడని గ్రామస్తులు కితాబు ఇస్తున్నారు. గ్రామంలోని ప్రధాన సమస్యలను మండల పరిషత్‌ నిధులతో పరిష్కరించేందుకు తన వంతు కృషి చేస్తానని ఆయన చెబుతున్నారు. – నిడదవోలు రూరల్‌ వాడపల్లి వేంకటేశ్వరస్వామివారి బ్రహ్మోత్సవాల్లో భాగంగా ఐదో రోజు సోమవారం ప్రత్యేక పూజలు నిర్వహించారు. వివిధ ప్రాంతాల నుంచి భక్తులు పెద్ద సంఖ్యలో తరలివచ్చారు. బ్రహ్మోత్సవాల పూజలు, స్వామివారి మహా సుదర్శన హోమం, తోమాల సేవ తదితర కార్యక్రమాల్లో దేవదాయశాఖ ఉప కమిషనర్‌ నల్లం సూర్య చక్రధరరావు దంపతులు పాల్గొని స్వామివారికి పువ్వులు, పట్టు వస్త్రాలు సమర్పించారు. టీటీడీ వేద పండితులు ఖండవల్లి రాజేశ్వర వరప్రసాదాచార్యులు, ఆలయ కమిటీ సభ్యులు శిష్టా సూర్య కుటుంబరావు, అర్చకులు వాడపల్లి సుందర శేషావతారం పర్యవేక్షణలో అర్చకులు, వేద పండితులు పూజలు నిర్వహించారు. రాత్రి మలయప్ప అలంకరణలో స్వామివారి గరుడ వాహన సేవ, ఊరేగింపు వైభవంగా జరిగాయి. కార్యక్రమాల్లో ఆలయ కమిటీ సభ్యులు, సిబ్బంది, సేవా కార్యకర్తలు పాల్గొని భక్తులకు ఇబ్బందుల్లేకుండా పర్యవేక్షించారు. – ఆత్రేయపురం

ఆల్కాట్‌తోట(రాజమహేంద్రవరం రూరల్‌): రాజమహేంద్రవరం ఉద్యోగుల భవిష్యనిధి సంస్థ (ఈపీఎఫ్‌వో) ప్రాంతీయ కార్యాలయానికి జాతీయ స్థాయి పురస్కారం లభించింది. 2025–26 సంవత్సరానికి గాను దేశంలోనే ఉత్తమ పనితీరు కనబరిచిన ప్రాంతీయ కార్యాలయంగా ఎంపికై ంది. ప్రజలకు అందించే సేవల్లో అత్యుత్తమ ప్రమాణాలు, సమర్థవంతమైన పరిపాలన, విధులపై నిబద్ధత, విశిష్ట పనితీరుకు గుర్తింపుగా ఈ అవార్డు లభిందించి. న్యూఢిల్లీలో ఆదివారం జరిగిన ఈపీఎఫ్‌వో 74వ వ్యవస్థాపక దినోత్సవం సందర్భంగా భారత ప్రభుత్వ కేంద్ర కార్మిక, ఉపాధి శాఖ మంత్రి మనసుఖ్‌ మాండవీయ చేతుల మీదుగా ఈపీఎఫ్‌వో ప్రాంతీయ భవిష్యనిధి కమిషనర్‌–2 కలువాయి వెంకటేశ్వర్లు ఈ పురస్కారాన్ని అందుకున్నారు. ఆయన మాట్లాడుతూ ఈ అవార్డు కేవలం గతంలో సాధించిన విజయాలకు గుర్తింపు మాత్రమే కాదని, భవిష్యత్తులో మరింత ఉన్నత ప్రమాణాలతో ప్రజలకు సేవలందించాల్సిన బాధ్యతను గుర్తుచేసే ప్రేరణ అన్నారు.

కూటమిలో అందరూ చైర్‌పర్సన్‌ అభ్యర్థులే? పరిషత్‌ పోరులో ప్రచార పర్వానికి మంగళవారంతో తెరపడనుంది. నామినేషన్ల ప్రక్రియ మొదలుకుని పార్టీ నాయకులు, అభ్యర్థులు విస్తృతంగా ప్రచారం నిర్వహించారు. తమకే ఓటు వేయాలని ఓటర్లను అభ్యర్థించారు. అలాగే ఆటోలు, ఇతర వాహనాలపై మైక్‌ ప్రచారాలు జోరుగా సాగాయి. చివరి రోజు మరింతగా ముమ్మరంగా చేసేందుకు రంగం సిద్ధం చేసుకున్నారు. సాక్షి, రాజమహేంద్రవరం: పరిషత్‌ పోరులో కీలకమైన ప్రచారం మంగళవారం సాయంత్రం 5 గంటలతో ముగియనుంది. ప్రచార గడువు ముగిసిన అనంతరం ఎన్నికల నియమావళి ప్రకారం అభ్యర్థులు, రాజకీయ పార్టీలు బహిరంగ సభలు, ఊరేగింపులు, ప్రచార కార్యక్రమాలు నిర్వహించరాదు. స్థానిక సంస్థల ఎన్నికల్లో భాగంగా కొత్తగా ఏర్పాటైన జిల్లా పరిషత్‌ తొలి ఎన్నికల్లో భాగంగా 21 జెడ్పీటీసీ, 405 ఎంపీటీసీ స్థానాలకు నవంబర్‌ 5న పోలింగ్‌ నిర్వహించనున్నారు.జిల్లా వ్యాప్తంగా 1,476 పోలింగ్‌ కేంద్రాలు ఏర్పాటు చేయగా వాటిలో 499 సున్నిత, 239 అతి సున్నిత పోలింగ్‌ కేంద్రాలుగా గుర్తించారు. మొత్తం 738 పోలింగ్‌ కేంద్రాల్లో వెబ్‌ కాస్టింగ్‌ సౌకర్యం కల్పించనున్నారు. ఎన్నికల నిర్వహణకు సిబ్బంది సిద్ధం ఎన్నికల నిర్వహణకు అవసరమైన బ్యాలెట్‌ పెట్టెలు, పోలింగ్‌ సామగ్రిని సిద్ధం చేశారు. పోలింగ్‌ విధుల నిర్వహణకు 1,771 మంది రిటర్నింగ్‌ అధికారులు, 8,856 మంది సహాయ రిటర్నింగ్‌ అధికారులు, 84 మంది ప్రిసైడింగ్‌ అధికారులు, 245 మంది ఇతర పోలింగ్‌ సిబ్బందిని నియమించారు. వీరితో పాటు 496 మంది జోనల్‌ అధికారులు, 270 మంది సూక్ష్మ పరిశీలకులను నియమించారు. ఎన్నికల విధులకు నియమించిన సిబ్బందికి శిక్షణ కార్యక్రమాలు నిర్వహించి అవసరమైన ఏర్పాట్లు చేపట్టారు. పోలింగ్‌ సిబ్బంది, ఎన్నికల సామగ్రి తరలింపునకు మొత్తం 496 వాహనాలను ఏర్పాటు చేశారు. జిల్లాలో 21 పంపిణీ కేంద్రాల ద్వారా పోలింగ్‌ సామగ్రిని సంబంధిత సిబ్బందికి అందజేయనున్నారు. పోలింగ్‌ అనంతరం బ్యాలెట్‌ పెట్టెలను భద్రపరిచేందుకు, ఓట్ల లెక్కింపు నిర్వహించేందుకు మూడు కౌంటింగ్‌ కేంద్రాలను ఏర్పాటు చేశారు. ఎన్నికల భద్రతకు సంబంధించి పోలీసు శాఖ ఆధ్వర్యంలో 1,876 మందితో అవసరమైన బందోబస్తు ఏర్పాటు చేస్తున్నారు. 12 మంది డీఎస్పీలు, 30 మంది సీఐలు, 75 మంది ఎస్‌ఐలు, 1321 కానిస్టేబుళ్లు, 438 మంది ఇతర సిబ్బందిని విధులకు కేటాయించి పోలింగ్‌ కేంద్రాల వద్ద శాంతిభద్రతల పరిరక్షణకు చర్యలు తీసుకుంటున్నారు. కూటమిలో టెన్షన్‌ సంక్షేమ పథకాల అమలులో ప్రభుత్వం పూర్తిగా విఫలమవడం, క్షేత్రస్థాయిలో కూటమి శ్రేణుల మధ్య సఖ్యత, సమన్వయం లేకపోవడంతో పోటీదారుల్లో ఆందోళన నెలకొంది. ప్రజా వ్యతిరేకతలో కొట్టుకుపోయి ఓడిపోతామేమోనన్న భయం అభ్యర్థులను వెంటాడుతోంది. అందువల్లే ప్రచారం తర్వాత ఎన్నికల రోజు వరకు మిగిలిన 36 గంటలూ నోట్ల వర్షం కురిపించేందుకు, మద్యం పంపిణీకి సిద్ధమవుతున్నారని తెలుస్తోంది. ఇందుకోసం ఇప్పటికే డబ్బు, మద్యం సిద్ధం చేసుకున్నారని సమాచారం. ముఖ్యంగా తొలి జెడ్పీని జనరల్‌ మహిళకు కేటాయించడంతో కూటమిలో చాలా మంది పోటీ పడుతున్నారు. ఈ నేపథ్యంలో రంగంపేట, సీతానగరం, దేవరపల్లితోపాటు మిగిలిన మండలాల్లో డబ్బు, మద్యం ప్రవాహానికి ఇప్పటికే ఏర్పాట్లు చేసుకున్నారని తెలుస్తోంది. ఎన్నికల వివరాలు జెడ్పీటీసీ స్థానాలు 21 పోటీలో ఉన్న అభ్యర్థులు 73 మంది ఎంపీటీసీ స్థానాలు 405 ఏకగ్రీవమైన ఎంపీటీసీ స్థానాలు 7 పోటీలో ఉన్న అభ్యర్థులు 901మందిపోలింగ్‌ కేంద్రాలు 1,476 పరిషత్‌ పోరులో కీలకమైన ఎన్నికల తేదీ సమీపిస్తున్నప్పటికీ చైర్‌ పర్సన్‌ అభ్యర్థి ఎవరన్నది కూటమి పార్టీలు తేల్చుకోలేకపోతున్నాయి. జిల్లాలోని 21 జెడ్పీటీసీలకు 13 చోట్ల టీడీపీ, 7 చోట్ల జనసేన, ఒక స్థానంలో బీజేపీ పోటీ చేస్తున్నాయి. అయితే తమకే జెడ్పీ చైర్‌పర్సన్‌ స్థానమని ముందుగా టీడీపీ, జనసేన నాయకులు ప్రచారం చేసుకున్నారు. అయితే ప్రజావ్యతిరేకతకు తోడు కూటమిలోని కుమ్ములాటలు ఎన్నికలపై ప్రభావం చూపిస్తాయని చంద్రబాబు, పవన్‌ కళ్యాణ్‌ భయపడ్డారు. దానిలో భాగంగానే ఎన్నికలయ్యాకే చైర్మన్‌ స్థానాలకు అభ్యర్థులను ఎంపిక చేస్తామని ప్రకటించేశారు. దీంతో ఎవరికి వారే తమకే అవకాశం దక్కుతుందని ప్రచారం చేసుకుంటున్నారు. జనసేన నుంచి చైర్‌పర్సన్‌ స్థానం ఆశించిన గంటా స్వరూపదేవి నామినేషన్‌ దశలోనే నిష్క్రమించిన విషయం తెలిసింది. ఇక ఆ పార్టీ రాజానగరం ఎమ్మెల్యే బత్తుల బలరామకృష్ణ భార్య వెంకటలక్ష్మి సీతానగరం జెడ్పీటీసీకి పోటీ చేస్తున్నారు. ఆమె కూడా ఆశలపల్లకీలో ఉన్నారు. టీడీపీ నుంచి రంగంపేట జెడ్పీటీసీకి పోటీ చేస్తున్న ఆళ్ల శిరీష ఓ ప్రధాన సామాజిక వర్గానికి చెందిన వారు కావడంతో వారి ప్రయత్నాలు వారు చేస్తున్నారు. అలాగే దేవరపల్లి నుంచి పోటీ చేస్తున్న అండ్రు రాధిక కూడా రేసులో ఉన్నట్లు ప్రచారం చేసుకుంటున్నారు. మొత్తంగా ఎన్నికల ఫలితాలు ఎలా ఉంటాయో తేలకముందే చైర్‌పర్సన్‌ స్థానం కోసం కూటమిలో వెన్నుపోట్లు భయపెడుతున్నాయి. పోటీలో నిలిచిన అభ్యర్థుల గుండెల్లో ప్రజావ్యతిరేకత దడ పుట్టిస్తోంది. చివరి రోజు మరింత హోరెత్తనున్న మైకులు జిల్లాలో 21 జెడ్పీటీసీ, 405 ఎంపీటీసీ స్థానాలకు 5న ఎన్నికలు ప్రలోభ పర్వానికి తెరతీయనున్న కూటమి! భారీగా మద్యం, డబ్బులు సిద్ధం మరో వైపు చైర్‌పర్సన్‌ అభ్యర్థి లేకుండా కూటమి పోటీ

సీతానగరం: కేరళలో ఇటీవల జరిగిన సౌత్‌ ఇండియా పవర్‌ లిఫ్టింగ్‌ పోటీల్లో ఇనుగంటివారిపేటకు చెందిన యల్లామెల్లి రాజు కాంస్య పతకం గెలుచుకున్నాడు. 59 కిలోల విభాగంలో మొత్తం 485 కిలోల బరువు ఎత్తి ఈ ఘటన సాధించాడు. అతడిని రాజమహేంద్రవరానికి చెందిన కోచ్‌ డి.నారాయణ, జిమ్‌ నిర్వాహకులు వై.రవికుమార్‌, వై.శ్రీనివాస్‌ అభినందించారు. సారా స్థావరాలపై దాడి వీఆర్‌పురం: చొక్కనపల్లి గ్రామంలోని అటవీ ప్రాంతంలో ఉన్న సారా స్థావరాలపై సోమవారం దాడి చేసినట్టు ఎస్సై సాధిక్‌ తెలిపారు. ఈ సందర్భంగా 400 లీటర్ల బెల్లం ఊట, 20 లీటర్ల సారా స్వాధీనం చేసుకున్నామన్నారు. వయసు చిన్న.. ప్రతిభ మిన్న.. బాలాజీచెరువు: కూచిపూడి నృత్యంలో ప్రతిభ చూపిన అవంతిక ఎలుమలై అనే 8 ఏళ్ల బాలిక ఆసియా బుక్‌ ఆఫ్‌ రికార్డ్స్‌లో చోటు దక్కించుకుంది. తలకిందులుగా ఉంచిన మట్టికుండపై నిలబడి రెండు చేతుల్లో వెలిగే దీపాలు పట్టుకుని వివిధ భంగిమల్లో 6.25 నిమిషాల పాటు కూచిపూడి నృత్య ప్రదర్శన చేసి అబ్బుర పరచింది. ఈ సందర్భంగా లక్ష్య ఇంటర్నేషనల్‌ స్కూల్‌ డైరక్టర్‌ నల్లమిల్లి సుగుణరెడ్డి మాట్లాడుతూ తమ విద్యార్థి ఇంతటి ప్రతిభ చూపడం అభినందనీయమన్నారు. ఆ బాలికను పాఠశాల ప్రిన్సిపాల్‌ వందన బోహ్రా, సిబ్బంది అభినందించారు. చిన వెంకన్న సాయంకాలార్చన సమయంలో మార్పు ద్వారకాతిరుమల: వృశ్చిక సంక్రమణం (శీతాకాలం) నేపథ్యంలో చిన వెంకన్న సాయంకాలార్చన సమయాన్ని ఈ నెల 5వ తేదీ నుంచి మార్పు చేస్తున్నట్లు ఆలయ ఈఓ వేండ్ర త్రినాథరావు సోమవారం ప్రకటనలో తెలిపారు. సాధారణంగా ప్రతి రోజూ సాయంత్రం 5.30 నుంచి 7 గంటల వరకు శ్రీవారి సాయంకాలార్చనను నిర్వహిస్తామని, ఆ సమయాన్ని సాయంత్రం 5 నుంచి 6.30 గంటలకు మార్పు చేశామన్నారు. దీనికి అనుగుణంగా భక్తులకు స్వామివారి దర్శనం సాయంత్రం 6.30 గంటల నుంచి లభిస్తుందని, మేష సంక్రమణ వరకు ఈ సమయాలు కొనసాగుతాయని తెలిపారు.

నాగమల్లితోట జంక్షన్‌(కాకినాడ సిటీ): పాఠశాల క్రీడా సమాఖ్య అండర్‌ 14, 17 ఆధ్వర్యంలో కాకినాడ జిల్లా క్రీడా మైదానంలో సోమవారం ఎస్‌జీఎఫ్‌ఐ జిల్లా స్థాయి ఎంపికలు ఉత్సాహంగా జరిగాయి. వీటిని ఎస్‌జీఎఫ్‌ఐ కార్యదర్శి, పీడీ పి.శ్రీనివాస్‌ ప్రారంభించారు. అండర్‌–14, 17 బాల బాలికల జిమ్నాస్టిక్స్‌, అండర్‌–14, 17, 19 స్వ్కాష్‌, అండర్‌–14, 17 బాల బాలికల సపక్‌ తక్రా, అండర్‌–17 బాలికల బ్యాడ్మింటన్‌లో ఎంపికలు జరిగాయి. ఉమ్మడి తూర్పుగోదావరి జిల్లా పరిధిలో 500 మంది హాజరు కాగా, వీరి నుంచి రాష్ట్ర స్థాయి పోటీలకు జిల్లా జట్లను నిర్వాహకులు ఎంపిక చేశారు. ఎస్‌జీఎఫ్‌ఐ అడ్మిన్‌ కార్యదర్శి శేషుకుమారి, డీఎస్‌ఏ కోచ్‌లు చిన్నారి, సురేష్‌, లక్ష్మణ్‌, జిల్లా వ్యాయామ ఉపాధ్యాయ సంఘ కార్యదర్శి మాచరరావు, ట్రజరర్‌ నాగలింగేశ్వరరావు పాల్గొన్నారు.

● వైఎస్సార్‌ సీపీ జిల్లా అధ్యక్షుడు వేణు ● విస్తృతంగా ఎన్నికల ప్రచారం రాజమహేంద్రవరం రూరల్‌: స్థానిక సంస్థల ఎన్నికల్లో వైఎస్సార్‌ సీపీ అభ్యర్థులకు ఓటు వేసి, చంద్రబాబు ప్రభుత్వానికి బుద్ధి చెప్పాలని వైఎస్సార్‌ సీపీ జిల్లా అధ్యక్షుడు, మాజీ మంత్రి చెల్లుబోయిన శ్రీనివాస వేణుగోపాలకృష్ణ ఓటర్లను అభ్యర్ధించారు. ఈ మేరకు సోమవారం సాయంత్రం పాతకోలమూరు గ్రామంలో జెడ్పీటీసీ అభ్యర్థి మెల్లిమి గంగరాజు (గాబ్రియేలు), ఎంపీటీసీ 1 అభ్యర్థి ఉల్లింగి ప్రతిభలకు మద్దతుగా ఆయన ఎన్నికల ప్రచారం నిర్వహించారు. ఈ సందర్భంగా వేణు మాట్లాడుతూ సూపర్‌సిక్స్‌ పథకాలతో అనేక హామీలు ఇచ్చి చంద్రబాబు, అధికారంలోకి వచ్చిన రెండున్నరేళ్లు గడిచినా పూర్తిస్థాయిలో అమలు చేయలేదన్నారు. కడియం: కూటమి ప్రభుత్వ హయాంలో నిత్యావసర వస్తువుల ధరలు సామాన్య ప్రజలకు అందనంత ఎత్తుకు పెరిగి పోయాయని వైఎస్సార్‌ సీపీ రాష్ట్ర కార్యదర్శి గిరజాల వీర్రాజు (బాబు) అన్నారు. పార్టీ జెడ్పీటీసీ అభ్యర్థి కొత్తపల్లి శివాజీ, ఎంపీపీ అభ్యర్థి తాడాల రాజరాజేశ్వరి, ఎంపీటీసీలు పెంకే రామకృష్ణ, దాసరి చంద్రకళ, గుడాల వీరమణి, సాకా మరియమ్మకు మద్దతుగా కడియంలో ప్రచారం చేపట్టారు. బాబు ఆధ్వర్యంలో ఏర్పాటు చేసిన ఈ కార్యక్రమంలో తోపుడు బండిపై నిత్యావసరాలను, వైఎస్‌ జగన్‌మోహన్‌రెడ్డి ప్రభుత్వ హయాంలో ధరలు, చంద్రబాబు అధికారం చేపట్టిన తర్వాత పెరిగిన ధరల బోర్డులను ప్రదర్శించారు. ప్రతి ఒక్కరూ ఫ్యాన్‌ గుర్తుపై ఓటు వేసి, వైఎస్సార్‌ సీపీ అభ్యర్థులను గెలిపించాలని విజ్ఞప్తి చేశారు. కపిలేశ్వరపురం: అంగరలో మాట్లాడుతున్న ఎమ్మెల్సీ తోట త్రిమూర్తులురాజమహేంద్రవరం రూరల్‌: పాత కోలమూరులో ప్రచారం చేస్తున్న వేణు వైఎస్సార్‌ సీపీలో చేరిన వారికి కండువాలు వేసి ఆహ్వానం పలుకుతున్న మాజీ ఎమ్మెల్యే డాక్టర్‌ సూర్యనారాయణరెడ్డి అనపర్తి: దుప్పలపూడి గ్రామానికి చెందిన తెలుగుదేశం పార్టీ నాయకులు కోట రాజు, పెనుముచ్చు రామకృష్ణ, వరిగిటి అశోక్‌, మండెల్లి తేజ, కట్టమేను సత్తియ్య, చంద్రమళ్ల ఏసేబు, చంద్రమళ్ల రాజుబాబు, చంద్రపాటి సురేష్‌, తులూరి సూర్య తేజ, ఉండ్రాజు సుధాకర్‌ తదితరులు తమ కుటుంబ సభ్యులతో కలసి సోమవారం వైఎస్సార్‌ సీపీలో చేరారు. అనపర్తిలోని పార్టీ కార్యాలయంలో వారికి మాజీ ఎమ్మెల్యే, వైఎస్సార్‌ సీపీ కో ఆర్డినేటర్‌ డాక్టర్‌ సత్తి సూర్యనారాయణరెడ్డి పార్టీ కండువాలు కప్పి సాదరంగా ఆహ్వానించారు. ఈ సందర్భంగా డాక్టర్‌ సూర్యనారాయణరెడ్డి మాట్లాడుతూ వైఎస్సార్‌ సీపీలో చేరిన ప్రతి ఒక్కరూ అధికార పార్టీ వైఫల్యాలను ప్రజలకు వివరించి, స్థానిక సంస్థల ఎన్నికల్లో మన పార్టీ అభ్యర్థులు విజయానికి కృషి చేయాలన్నారు. ఈ చేరికలు కేవలం ప్రారంభం మాత్రమేనని, రాబోయే రోజుల్లో మరింత మంది వైఎస్సార్‌ సీపీలో చేరతారన్నారు. కార్యక్రమంలో అనపర్తి మండల కన్వీనర్‌ సత్తి రామకృష్ణారెడ్డి (రాంబాబు), జిల్లా వాణిజ్య విభాగం అధ్యక్షులు వల్లభశెట్టి రామ సతీష్‌, వాడ్రేవు చంద్రశేఖర్‌, దొండపాటి మణికంఠ, మాజీ ఎంపీటీసీ కొండ సత్తిబాబు, చిలకమర్తి శ్రీను, వల్లభశెట్టి శ్రీను, చిచ్చారపు బాపిరాజు, వోగిరెడ్డి సుబ్బారెడ్డి, వల్లభశెట్టి శ్రీనివాసు, పోలిపర్తి వెంకటేష్‌, నందికోళ్ల శ్రీను, పేపకాయల దొర బాబు, కట్టమేను దుర్గయ్య, కోట ఏసు, జంపా సాయి, కోట బెంజిమెన్‌ పాల్గొన్నారు.

02కెకెడి172: ఫ తుపాను బాధితులకు ఏఎంజీ పాఠశాలలో ఆశ్రయం ఫ స్కూల్లో మాయమైన పరికరాలు బాలాజీచెరువు(కాకినాడ): డెయిరీ ఫామ్‌ సెంటర్‌లోని ఏఎంజీ స్కూల్‌ పాఠశాలలోని పరికరాలతో పాటు విలువైన ఎల్‌సీడీ ప్రాజెక్టర్‌ అపహరణకు గురవ్వడంతో పాఠశాల ప్రిన్సిపాల్‌ సబ్బవరపు చందన సోమవారం ఆవేదనతో విడుదల చేసిన వీడియో చర్చనీయాంశంగా మారింది. ఇటీవల సంభవించిన అర్నబ్‌ తుపాను నేపథ్యంలో స్థానికంగా ఉన్న కొందరు బాధితులకు పాఠశాల ఆవరణలో వసతి కల్పించారు. ఆ సమయంలో కొందరు పాఠశాల తరగతి గదుల తాళాలు పగలకొట్టి రికార్డులు, పుస్తకాలు చింపివేయడంతో పాటు సైన్స్‌ ల్యాబ్‌ పరికరాలు ధ్వంసం చేశారు. ధర్మాకోల్‌ షీట్లతో విద్యార్థులు తయారు చేసిన సీవీ రామన్‌, అబ్దుల్‌ కలామ్‌ ఆకృతులు చిందర వందరగా పడేశారు. సీసీ కెమెరాలు, ఆర్‌వో ప్లాంట్‌ ట్యాంక్‌, పాఠశాల ఎలక్ట్రికల్‌ వైరింగ్‌ను పూర్తిగా ధ్వంసం చేశారు. తుపాను సమయంలో ఆశ్రయమిస్తే, ఇలా ధ్వంసం చేయడం ఎంతవరకు సమంజసమని ప్రిన్నిపాల్‌ ప్రశ్నించారు. చోరీ చేసిన ప్రాజెక్టులు, పరికరాలు తిరిగి ఇవ్వాలని కోరారు.ధ్వంసమైన సీవీ రామన్‌ ఆకృతి

నాగమల్లితోట జంక్షన్‌(కాకినాడ సిటీ): కాకినాడ జిల్లా క్రీడా మైదానంలో అశ్మిత సౌత్‌ జోన్‌ జూనియర్‌, సబ్‌ జూనియర్‌ మహిళా హాకీ పోటీలు ఉత్సాహంగా జరుగుతున్నాయి. హాకీ ఇండియా సహకారంతో కోకనాడ కోస్టల్‌ స్పోర్ట్స్‌ క్లబ్‌ ఆధ్వర్యంలో వీటిని నిర్వహిస్తున్నారు. దీనిలో భాగంగా సోమవారం సబ్‌ జూనియర్స్‌ విభాగంలో ఫ్రెండ్స్‌ హాకీ క్లబ్‌పై కేరళ జట్టు 30–0 స్కోర్‌తో, జూనియర్స్‌ విభాగంలో నైట్‌ రైడర్స్‌పై కేరళ హాకీ జట్టు 6–0 స్కోర్‌తో విజయం సాధించాయి. ఈ మ్యాచ్‌లను కోకనాడ కోస్టల్‌ స్పోర్ట్స్‌ క్లబ్‌ వ్యవస్థాపకుడు కె.రవిచంద్ర, టోర్నమెంట్‌ నిర్వహణ కమిటీ కార్యదర్శి రజని, ఉపాధ్యక్షురాలు సుధారాణి, సభ్యులు దీప్తి ఎస్తేర్‌, సూరిబాబు, హరిబాబు పర్యవేక్షించారు. సుధారాణి మాట్లాడుతూ వుమెన్‌ ఎంపవర్‌మెంట్‌లో భాగంగా బాలికలను క్రీడల్లో ప్రోత్సాహాన్ని అందించేందుకు ఈ టోర్నమెంట్‌ నిర్వహిస్తున్నామన్నారు.

● టీడీపీ గోపాలపురం ఎమ్మెల్యే మద్దిపాటి వ్యాఖ్యల కలకలం ● చీకటి దెబ్బ తీయొద్దంటూ హెచ్చరిక ద్వారకాతిరుమల: ఎన్నికల వేళ ప్రత్యర్థి పార్టీలపై విమర్శలు చేయాల్సిన ఎమ్మెల్యే.. సొంత పార్టీలోని ప్రత్యర్థి వర్గం నేతలను తోడేళ్లు, గుంటనక్కలతో పోలుస్తూ హెచ్చరికలు జారీ చేశారు. ‘వెన్నుపోటు పొడవొద్దు.. దొంగదెబ్బలు, చీకటి దెబ్బలు తీయొద్దు’ అంటూ హుకుం జారీ చేశారు. అంతటితో ఆగకుండా.. ‘ప్రేమించడం వచ్చు.. అవసరమైతే రెండోది కూడా వచ్చు’ అంటూ పరోక్ష హెచ్చరికలు చేశారు. గోపాలపురం ఎమ్మెల్యే మద్దిపాటి వెంకటరాజు ఆదివారం రాత్రి తిమ్మాపురంలో నిర్వహించిన ఎన్నికల ప్రచార సభలో చేసిన ఈ వ్యాఖ్యలు టీడీపీలోని అంతర్గత విభేదాలను మరోసారి బహిర్గతం చేశాయి. ఒకే ఇంట్లో అన్నదమ్ముల మధ్య, తండ్రీకొడుకుల మధ్య భేదాభిప్రాయాలు సహజమని చెబుతూనే.. తిమ్మాపురంలో కొన్ని తోడేళ్లు ఉన్నాయంటూ ఎమ్మెల్యే వ్యాఖ్యానించడం గమనార్హం. చిన్నచిన్న భావజాల భేదాలు ఉన్నంత మాత్రాన ఎవరూ వెన్నుపోటు పొడవొద్దని, తోడేళ్లు, గుంటనక్కల ఆలోచనల వైపు వెళ్లకుండా రెండు ఓట్లు సైకిల్‌ గుర్తుకు వేసి రుణం తీర్చుకోవాలని హితవు పలికారు. ఇప్పటికే క్లీన్‌ స్వీప్‌ చేయాల్సింది.. ఎంపీపీ అభ్యర్థిని తిమ్మాపురం గ్రామానికి చెందిన మహిళ కావడంతో ‘నిజానికి ఈపాటికే మీరు మీ ఊరును క్లీన్‌ స్వీప్‌ చేసేసి ఉండాల్సింది’ అంటూ ఎమ్మెల్యే వ్యాఖ్యానించడం చర్చనీయాంశమైంది. ప్రస్తుతం అభ్యర్థి గెలుపు కోసం గుండుగొలనుకుంట, వెంకటకృష్ణాపురం గ్రామాల్లోని బంధువులు, సన్నిహితులతో మాట్లాడాలని పార్టీ శ్రేణులకు సూచించారు. రెచ్చగొట్టేలా వ్యాఖ్యలు ఓ వర్గం నేతలను బహిరంగంగా తోడేళ్లు, గుంటనక్కలతో పోలుస్తూ చేసిన వ్యాఖ్యలు టీడీపీలోని విభేదాలను మరింత బహిర్గతం చేశాయన్న అభిప్రాయాలు వ్యక్తమవుతున్నాయి. ఈ వ్యాఖ్యలపై కొందరు నాయకులు తీవ్ర అసంతృప్తి వ్యక్తం చేస్తున్నట్లు తెలుస్తోంది. ఎన్నికల ప్రచార వేదికగా ఎమ్మెల్యే చేసిన ఈ హెచ్చరికలు టీడీపీ శ్రేణుల్లో హాట్‌టాపిక్‌గా మారాయి. ప్రస్తుత పరిస్థితుల్లో పార్టీ కోసం నిబద్ధతతో కష్టపడి పనిచేసినా తమకు తగిన గుర్తింపు, ఫలితం ఉండదని ప్రత్యర్థి వర్గం నేతల్లో చర్చ జరుగుతున్నట్లు సమాచారం.

ఫ ఈవో సూర్యచక్రధరరావు ఫ కార్తికంలో ఏర్పాట్లపై సిబ్బందితో సమీక్ష అన్నవరం: కార్తికమాసం ఈ నెల పదో తేదీ నుంచి ప్రారంభం కానున్న నేపథ్యంలో అన్నవరంలోని వీర వేంకట సత్యనారాయణస్వామి దేవస్థానానికి వచ్చే భక్తులకు అన్ని సౌకర్యాలు కల్పిస్తామని దేవస్థానం ఈఓ నల్లం సూర్యచక్రధరరావు అన్నారు. అన్నవరంలో చేపట్టిన ఏర్పాట్ల పురోగతిపై సోమవారం ఆయన సమీక్షించారు. ఈ మేరకు డాక్టర్‌ బీఆర్‌ అంబేడ్కర్‌ కోనసీమ జిల్లా వాడపల్లి దేవస్థానంలో ఆయన అన్నవరం ఆలయ సిబ్బందితో సమావేశమయ్యారు. వాడపల్లి దేవస్థానం రెగ్యులర్‌ ఈఓగా, అన్నవరం ఇన్‌చార్జి ఈఓగా సూర్యచక్రధరరావు విధులు నిర్వహిస్తున్న విషయం తెలిసిందే. కార్తిక మాసం ఏర్పాట్లపై గతంలో పలుమార్లు సమావేశాలు ఏర్పాటు చేసి వివిధ విభాగాల వారీగా చేయాల్సిన పనులను సిబ్బందికి అప్పగించామని, వాటి అమలు తీరుపై ఈ సమీక్ష నిర్వహించామని ఈఓ తెలిపారు. ఒక వేళ సిబ్బంది ఎవరైనా ఆ పనులు చేయడంలో వెనుకబడితే రెండు, మూడు రోజుల్లో ఆ పనులు పూర్తి చేయాలని ఆదేశించామన్నారు. పలు విమర్శలు! ఈ సమీక్షా సమావేశం కోసం దేవస్థానంలోని వివిధ విభాగాలకు చెందిన 30 మంది సిబ్బంది అన్నవరం నుంచి దేవస్థానం బస్సులో వాడపల్లికి వెళ్లారు. సమీక్ష అనంతరం మరలా అదే బస్సులో తిరిగి వచ్చారు. కాగా.. అన్నవరం దేవస్థానం సిబ్బందితో వాడపల్లిలో సమీక్ష నిర్వహించడంపై విమర్శలు వెల్లువెత్తాయి. ఈ విషయాన్ని ఈఓ వద్ద ప్రస్తావించగా వాడపల్లి దేవస్థానంలో కల్యాణ మహోత్సవాలు జరుగుతున్నందున, వైదిక కార్యక్రమాలలో తాను పాల్గొనాల్సి ఉందన్నారు. అందువల్ల తనకు రావడానికి వీలులేక అన్న వరం సిబ్బందిని ఇక్కడకు రప్పించినట్టు తెలిపారు. వాడపల్లిలో చేసిన ఉత్సవ ఏర్పాట్లను అన్నవరం దేవస్థానం సిబ్బందికి చూపించేందుకు కూడా ఇక్కడకు రమ్మన్నానన్నారు. తొమ్మిదో తేదీ నుంచి తాను నెల రోజులు అన్నవరంలోనే ఉంటానని తెలిపారు.

రాజమహేంద్రవరంలోని పుష్కరఘాట్‌కు ఎంతో ఘన చరిత్ర ఉంది. నిత్యం భక్తులతో రద్దీగా ఉండే ఈ రేవులో పుణ్యస్నానాలు ఆచరించడానికి ఇతర ప్రాంతాల నుంచి కూడా ఎందో తరలివస్తారు. అయితే ఒకప్పుడు వైభవంగా వెలిగిన ఈ పవిత్ర ఘాట్‌ నేడు తీవ్ర నిర్లక్ష్యానికి గురైంది. ఘాట్‌ పరిసర ప్రాంతాల్లో ఎక్కడ చూసినా ప్లాస్టిక్‌ కవర్లు, గాజు సీసాలు, పాత గుడ్డలు పేరుకుపోయాయి. పారిశుధ్య పనులు సక్రమంగా జరక్కపోవడంతో దుర్గంధం వెదజల్లుతోంది. నదిలోకి దిగే మెట్లపై నల్లటి నాచు పేరుకుపోయింది. – సీటీఆర్‌ఐ(రాజమహేంద్రవరం)

● వైభవంగా వాడపల్లి వెంకన్న బ్రహ్మోత్సవాలు ● అశేషంగా తరలివచ్చిన భక్తులుఆత్రేయపురం: ఇల వైకంఠమైంది.. ఆ వేంకటేశ్వరుని చూసిన ప్రతి మది మురిసింది.. బ్రహోత్సవాల వేళ కోనసీమ తిరుమల వాడపల్లి క్షేత్రంలో ఆధ్యాత్మిక కోలహలం నెలకొంది.. బ్రహోత్సవాల్లో నాలుగో రోజు ఆదివారం శ్రీదేవి, భూదేవి సమేత శ్రీవేంకటేశ్వరస్వామి ఆలయాన్ని సహజ సిద్ధమైన పూలతో సర్వాంగ సుందరంగా అలంకరించారు. రంగు రంగుల విద్యుత్‌ దీపాల కాంతులతో వైకుంఠంగా తీర్చిదిద్దారు. రాత్రి శ్రీదేవి భూదేవి సమేత స్వామివారి ఉత్సవమూర్తులను యోగ నారసింహ అలంకరణతో సింహ వాహనంపై మేళతాళాల మధ్య మాడ వీధుల్లో ఊరేగించారు. బ్రహ్మోత్సవ పూజలు, శ్రీనివాస కల్యాణం తదితర కార్యక్రమాల్లో దేవదాయ శాఖ ఉప కమిషనర్‌ నల్లం సూర్యచక్రధరరావు దంపతులు పాల్గొని స్వామివారికి పట్టువస్త్రాలు సమర్పించారు. టీటీడీ వేద పండితుడు ఖండవల్లి రాజేశ్వర వరప్రసాదాచార్యులు, ఆలయ కమిటీ సభ్యుడు శిష్టా సూర్య కుటుంబరావు, అర్చకుడు వాడపల్లి సుందర శేషావతారం పర్యవేక్షణలో వివిధ పూజలు చేశారు. అధిక సంఖ్యలో భక్తులు తరలివచ్చి వేడుకలను వీక్షించారు. ఆలయ కమిటీ సభ్యులు, సిబ్బంది, సేవా కార్యకర్తలు పాల్గొని భక్తులకు సౌకర్యాలు కల్పించారు.

● 5 రోజులుగా సరఫరా లేకపోవడంతో స్థానికుల ఆగ్రహం ● రాస్తారోకో, సబ్‌ స్టేషన్‌ వద్ద ధర్నా అమలాపురం రూరల్‌: కామనగరువులో విద్యుత్‌ మంటలు రగిలాయి. అర్నబ్‌ తుపాను తీరం విధ్వంసం జరిగి ఐదు రోజులైనా తమ ప్రాంతానికి విద్యుత్‌ సరఫరా చేయని ప్రభుత్వ అసమర్థతపై స్థానికులు తీవ్ర ఆగ్రహం వ్యక్తం చేశారు. చల్లపల్లిలో ఆదివారం రాత్రి రాస్తారోకో, సబ్‌స్టేషన్‌ వద్ద ధర్నా చేశారు. కామనగరువులోని చల్లపల్లి రోడ్డులోని సామిల్లు ప్రాంతానికి కరెంటు ఇవ్వకుండా పొరుగు ప్రాంతానికి ఇచ్చారని, దీనిపై అడిగితే ట్రాన్స్‌ఫార్మర్లు దెబ్బ తిన్నాయని ఏఈ చెబుతున్నారని తెలిపారు. పలువురు విద్యుత్‌ శాఖ ఉద్యోగులు అత్యుత్సాహం ప్రదర్శించి, కొంతవరకూ మాత్రమే విద్యుత్‌ సరఫరా చేశారని, బడుగువారిపేటకు మాత్రం ఇంతవరకూ కరెంటు ఇవ్వలేదని మండిపడ్డారు. కామనగరువు గ్రామ పరిధి గణేష్‌ నగర్‌కు కరెంటు సరఫరా చేసి, పక్కనే ఉన్న ప్రతాప్‌ నగర్‌కు ఇవ్వలేదంటూ స్థానిక లైన్‌మన్‌ తీరుపై ఆగ్రహం వ్యక్తం చేశారు. ఆయనపై ఇప్పటికే 1912 నంబర్‌కు ఫిర్యాదు చేశామని బాధితులు తెలిపారు. తమ ప్రాంతానికి వెంటనే విద్యుత్‌ సరఫరా చేయాలని కోరుతూ విద్యుత్‌ శాఖ డీఈఈ రాంబాబుకు నేరుగా ఫిర్యాదు చేశారు. కాగా, ఐదు రోజులుగా విద్యుత్‌ సరఫరాను పునరుద్ధరించకపోవడంపై స్థానిక జీఎస్సార్‌ లే అవుట్‌కు చెందిన మహిళలు కూడా ఆగ్రహం వ్యక్తం చేస్తూ, ఆందోళన నిర్వహించారు. మండలంలోని పలు గ్రామాల్లో రోజుల తరబడి కరెంటు సరఫరా నిలిచిపోవడంతో ప్రజలు నానా అగచాట్లూ పడుతున్నారు. పేరూరులో... సబ్‌ స్టేషన్కు కూతవేటు దూరంలో ఉన్న పేరూరు గాంధీనగర్కు ఇంతవరకు విద్యుత్‌ సరఫరా ఇవ్వలేదని, అడుగుతుంటే అధికారులు పొంతన లేని సమాధానం చెబుతున్నారంటూ మహిళలు మండిపడ్డారు. విద్యుత్‌ శాఖ అధికారుల తీరును నిరసిస్తూ పేరూరు విద్యుత్‌ సబ్‌ స్టేషన్‌ వద్ద మహిళలు ఆందోళన చేశారు. ఆరు రోజులుగా కరెంట్‌ లేక ఇబ్బంది పడుతున్నామని వారు నిరసన తెలిపారు.

● పులివెందుల ఎన్నికల్లో టీడీపీ అరాచకాలు ● ఓటమి భయంతోనే దౌర్జన్యాలు, దాడులు ● మండిపడిన మాజీ హోం మంత్రి వనిత ద్వారకాతిరుమల: ప్రజాస్వామ్యాన్ని ఖూనీ చేయడం సీఎం చంద్రబాబుకు కొత్తేమీ కాదని మాజీ హోం మంత్రి, వైఎస్సార్‌ సీపీ గోపాలపురం నియోజకవర్గ ఇన్‌చార్జి తానేటి వనిత విమర్శించారు. పులివెందుల మున్సిపల్‌ ఎన్నికల్లో టీడీపీ నేతలు వ్యవహరించిన తీరును నిరసిస్తూ ఆదివారం ద్వారకాతిరుమలలోని డాక్టర్‌ బీఆర్‌ అంబేడ్కర్‌ విగ్రహం వద్ద పార్టీ శ్రేణులతో కలసి నిరసన తెలిపారు. మండలంలో జెడ్పీటీసీ, ఎంపీటీసీ ఎన్నికల ప్రచారంలో పాల్గొన్న ఆమె.. పులివెందులలో టీడీపీ వర్గీయులు రిగ్గింగ్‌కు పాల్పడటంపై తీవ్రంగా స్పందించారు. తొలుత అంబేడ్కర్‌ విగ్రహానికి పూలమాల వేసి నివాళులర్పించారు. ఈ సందర్భంగా వనిత మాట్లాడుతూ స్థానిక సంస్థల ఎన్నికల్లో చంద్రబాబు రాజ్యాంగ స్ఫూర్తికి విరుద్ధంగా వ్యవహరిస్తూ అరాచకాలకు పాల్పడుతున్నారని విమర్శించారు. గెలుపే లక్ష్యంగా పెట్టుకున్న ఆయనకు నైతిక విలువలు, ప్రజాస్వామ్యబద్ధమైన విజయం పట్టడం లేదని మండిపడ్డారు. కూటమి ప్రభుత్వం అధికారంలోకి వచ్చి రెండేళ్ల నాలుగు నెలలు గడిచినా ప్రజలకు చేసిన మేలు ఏమీలేదని అన్నారు. స్థానిక సంస్థల ఎన్నికల్లో ప్రజల ముందుకు వెళ్లి తమ పాలన గురించి చెప్పుకోలేని పరిస్థితిలో కూటమి నేతలు ఉన్నారని ఆరోపించారు. అందుకే దొడ్డిదారిన గెలిచేందుకు ప్రయత్నాలు చేస్తున్నారని ధ్వజమెత్తారు. ప్రజలు అన్నింటినీ గమనిస్తున్నారని, ప్రజాక్షేత్రంలో వైఎస్సార్‌ సీపీ బలంగా ఉందనడానికి కూటమి నేతల వ్యవహారశైలే నిదర్శనమని అన్నారు. కూటమి పాలనలో నిత్యావసర సరకుల ధరలు విపరీతంగా పెరిగి సామాన్యులు జీవనం సాగించలేని పరిస్థితులు ఏర్పడ్డాయని పేర్కొన్నారు. సంక్షేమ పథకాలను సైతం ప్రజలకు అందించడం లేదని విమర్శించారు. ఈ నేపథ్యంలో ఓటమి భయంతోనే కూటమి నేతలు కుట్రలకు తెరతీస్తూ వైఎస్సార్‌ సీపీ శ్రేణులపై దౌర్జన్యాలు, దాడులకు పాల్పడుతున్నారని వనిత ఆరోపించారు. కార్యక్రమంలో వైఎస్సార్‌ సీపీ మండల కన్వీనర్‌ ప్రతాపనేని వాసు, పార్టీ తూర్పుగోదావరి జిల్లా ఉపాధ్యక్షుడు బొండాడ వెంకన్నబాబు, పెద్దిరెడ్డి జ్యోతి శ్రీనివాస్‌, పాకలపాటి త్యాగ భీమేశ్వరరావు, ఇమ్మడి నాగు, అచ్యుత ఏసుబాబు, పొనమాల ఉమామహేశ్వరరావు, పెద్దిరెడ్డి నాగేశ్వరరావు, రుద్ర శివాజీ, చిలుకూరి చంద్రం, ఉక్కుర్తి వెంకట్రావు, పొంగులేటి రమేష్‌, బొండాడ సాత్యకిరావు, మానుకొండ కన్నయ్య, పానకాలు, దూలపల్లి ప్రసాద్‌, పొంగులేటి నాగేశ్వరరావు, భోగరాజు సాయికృష్ణ తదితరులున్నారు.

నాగమల్లితోట జంక్షన్‌ (కాకినాడ సిటీ): స్థానిక జిల్లా క్రీడా మైదానంలో అశ్మిత సౌత్‌జోన్‌ మహిళా హాకీ పోటీలు ఆదివారం ఉత్కంఠగా జరిగాయి. కోకనాడ కోస్టల్‌ స్పోర్ట్స్‌ క్లబ్‌ ఆధ్వర్యంలో హాకీ ఇండియా సహకారంతో జరుగుతున్న ఈ పోటీలను ఎమ్మెల్సీ, టోర్నమెంట్‌ చీఫ్‌ ప్యాట్రన్‌ కర్రి పద్మశ్రీ ప్రారంభించారు. కేరళ జట్టుపై 5–2 స్కోర్‌తో విజయం సాధించి సెమీస్‌కు చేరిన కోకనాడ కోస్టల్‌ స్పోర్ట్స్‌ క్లబ్‌ జట్టును ఆమె అభినందించారు. వాడపాటి టీంపై నైట్‌రైడర్స్‌ జట్టు 5–1తో, అనంతపురం స్పోర్ట్స్‌ క్లబ్‌ జట్టు ఫ్రెండ్స్‌ హాకీ క్లబ్‌పై 20–0 స్కోర్‌తో విజయం సాధించాయి. ఈ మ్యాచ్‌లను కోకనాడ కోస్టల్‌ స్పోర్ట్స్‌ క్లబ్‌ వ్యవస్థాపకుడు రవిచంద్ర ప్రసాద్‌, క్లబ్‌ అధ్యక్షుడు బాబ్జి, రమేష్‌, విజయ్‌, అవినాష్‌, సూరిబాబు, టోర్నమెంట్‌ కమిటీ సభ్యులు రజని, సుధారాణి, దీప్తి ఎస్తేర్‌, సురేష్‌రాజు, హరిబాబు తదితరులు తిలకించారు.

రంపచోడవరం: రంపచోడవరం నియోజకవర్గంలోని వైఎస్సార్‌ సీపీ జెడ్పీటీసీ, ఎంపీటీసీ అభ్యర్థులను గెలిపించాలని మాజీ ఎమ్మెల్యే, పార్టీ రంపచోడవరం నియోజకవర్గం కోఆర్డినేటర్‌ నాగులపల్లి ధనలక్ష్మి, పార్టీ రాష్ట్ర నాయకురాలు శ్యామల కోరారు. రంపచోడవరం మండలం ఐ పోలవరంలో ఎన్నికల ప్రచారం ఆదివారం నిర్వహించారు. రంపచోడవరం జెడ్పీటీసీ అభ్యర్థి పండా రామకృష్ణదొర, రంప ఎంపీటీసీ అభ్యర్థి కొమరం బీమన్నదొరను గెలిపించాలని కోరారు. సంక్షేమ పాలన వైఎస్సార్‌ సీపీతోనే సాధ్యమన్నారు. పేదల కోసం అనేక సంక్షేమ పథకాలు ప్రవేశపెట్టి అమలు చేసిన ఘనత మాజీ సీఎం వైఎస్‌ జగన్‌మోహన్‌రెడ్డి దక్కుతుందన్నారు. ప్రచారంలో పార్టీ మండల కన్వీనర్‌ జల్లేపల్లి రామన్నదొర, పార్టీ నాయకులు, కార్యకర్తలు పాల్గొన్నారు. అక్రమంగా తరలిస్తున్న ఆవుల పట్టివేతమోతుగూడెం: చింతూరు మండలం లక్కవరం జంక్షన్‌ వద్ద మోతుగూడెం ఎస్సై అబ్దుల్‌ నాసిర్‌ హుస్సేన్‌ తన సిబ్బందితో ఆదివారం వాహన తనిఖీలు నిర్వహించారు. ఈ సమయంలో, ఒడిశా రాష్ట్రం నుంచి హైదరాబాద్‌కు కంటైనర్‌లో అక్రమంగా తరలిస్తున్న 26 ఆవులను గుర్తించి పట్టుకున్నారు. పోలీసులను చూసి పారిపోయేందుకు ప్రయత్నించిన ఇద్దరిని వెంబడించి అదుపులోకి తీసుకున్నారు. విచారణలో ఆవులను ఒడిశాలో కొనుగోలు చేసి హైదరాబాద్‌కు తరలిస్తున్నట్లు వెల్లడైంది. ఈ అక్రమ రవాణాలో మరో ఇద్దరి ప్రమేయం ఉన్నట్లు గుర్తించగా, వారు ప్రస్తుతం పరారీలో ఉన్నారు. కంటైనర్‌తో పాటు 26 ఆవులను స్వాధీనం చేసుకుని, సంబంధిత చట్టాల ప్రకారం కేసు నమోదు చేసి దర్యాప్తు చేపట్టారు. ఆ ఆవులను సురక్షితంగా గోశాలకు తరలించి, వాటి సంరక్షణకు అవసరమైన చర్యలు తీసుకున్నారు. దహన సంస్కారానికి వెళ్లి.. కాలువలో పడి వ్యక్తి మృతికొత్తపేట: దహన సంస్కారాలకు వెళ్లి స్నానం చేస్తూ ప్రమాదవశాత్తూ కాలువలో పడిన వ్యక్తి మృతి చెందాడు. కొత్తపేట ఎస్సై జి.సురేంద్ర కథనం ప్రకారం.. మండలంలోని మోడేకుర్రు శివారు గొలకోటివారి పాలెం గ్రామానికి చెందిన గోలకోటి సీతారామ్‌ (57) శనివారం గ్రామంలో ఒకరు చనిపోతే దహన సంస్కారానికి వెళ్లి వచ్చి, గొలకోటివారిపాలెం వద్ద పాంచాలరేవులో స్నానం చేస్తుండగా ప్రమాదవశాత్తూ కాలుజారి గల్లంతయ్యాడు. ఆదివారం ఉదయం అతని కోసం గాలిస్తుండగా, పడిపోయిన చోటుకు సమీపంలోనే శవమై తేలినట్లు ఎస్సై సురేంద్ర తెలిపారు. దీనిపై మృతుడి సోదరుడు గోలకోటి వెంకటేశ్వరరావు ఫిర్యాదు మేరకు కేసు నమోదు చేసి దర్యాప్తు చేస్తున్నట్లు వివరించారు. చర్చికి వెళ్లి తిరిగి రాని యువతిరంగంపేట: ఓ యువతి ఇంటి నుంచి బయటకు వెళ్లి తిరిగి రాకపోవడంతో కుటుంబ సభ్యులు ఆందోళన చెందుతున్నారు. ఈ ఘటనకు సంబంధించి ఆ యువతి తల్లి ఆదివారం రంగంపేట పోలీస్‌ స్టేషన్‌లో ఫిర్యాదు చేసింది. ఆ వివరాల ప్రకారం.. ముకుందవరం గ్రామానికి చెందిన యువతి (25) అక్టోబర్‌ 30న రాత్రి చర్చికి వెళ్లింది. అప్పటి నుంచి ఆమె కనిపించకుండా పోయింది. ఆ యువతి ఆచూకీ కోసం కుటుంబ సభ్యులు చుట్టుపక్కల గ్రామాలతో పాటు బంధువుల ఇళ్లలోనూ వెతికారు. అయినప్పటికీ ఫలితం లేక పోలీసులను ఆశ్రయించారు.

కొబ్బరి రకం ధర (రూ.) కొత్త కొబ్బరి (క్వింటాల్‌) 16,000 – 17,000 కొత్త కొబ్బరి (రెండో రకం) 15,000 – 16,000 కురిడీ కొబ్బరి (పాతవి) గండేరా (వెయ్యి) 26,500 గటగట (వెయ్యి) 23,500 కురిడీ కొబ్బరి (కొత్తవి) గండేరా (వెయ్యి) 25,500 గటగట (వెయ్యి) 22,500 నీటికాయ పాత (ముక్కుడు)కాయ (వెయ్యి) 20,000 – 21,000 కొత్త (పచ్చి)కాయ (వెయ్యి)20,000 – 21,000 కొబ్బరి నూనె (15 కిలోలు) 5,000 కిలో 350

రాజమహేంద్రవరం రూరల్‌: జిల్లాలో దివ్యాంగుల వైకల్య శాతాన్ని నిర్ధారించేందుకు నిర్వహించే సదరం వైద్య పరీక్షలకు సంబంధించి సోమవారం నుంచి స్లాట్‌ బుకింగ్‌ ప్రక్రియ ప్రారంభం కానుందని జిల్లా వైద్య ఆరోగ్యశాఖ అధికారి డాక్టర్‌ పి.కోమల ఆదివారం ఓ ప్రకటనలో పేర్కొన్నారు. సదరం వైద్య పరీక్షల ద్వారా దివ్యాంగుల వైకల్య శాతాన్ని సంబంధిత వైద్య నిపుణులు నిర్ధారించి, నిబంధనల ప్రకారం ధ్రువీకరణ పత్రాలు జారీ చేస్తారన్నారు. సదరం పరీక్షలు చేయించుకోవాలనుకునే దివ్యాంగులు తమకు సమీపంలోని స్వర్ణ గ్రామ, స్వర్ణ వార్డు సచివాలయాలను సంప్రదించి స్లాట్లను నమోదు చేసుకోవచ్చని తెలిపారు. అంతేకాకుండా వాట్సాప్‌లో మనమిత్ర సేవతో పాటు ఆంధ్రప్రదేశ్‌ పౌరసేవ పోర్టల్‌ ద్వారా కూడా ఆన్‌లైన్‌లో స్లాట్లను బుక్‌ చేసుకునే సౌకర్యం కల్పించినట్లు వివరించారు. దీనివల్ల దివ్యాంగులు తమకు అనుకూలమైన మార్గంలో స్లాట్‌ నమోదు చేసుకునేందుకు అవకాశం ఉంటుందని తెలిపారు. సదరం సర్టిఫికెట్‌ అవసరమైన దివ్యాంగులు ఈ సౌకర్యాన్ని సద్వినియోగం చేసుకోవాలని అన్నారు. వైఎస్సార్‌ సీపీలో చేరికలు రాజానగరం: వైఎస్సార్‌ సీపీలో చేరిన ప్రతి ఒక్కరూ పార్టీ పటిష్టతతో పాటు స్థానిక ఎన్నికలలో పార్టీ అభ్యర్థుల విజయానికి చిత్తశుద్ధితో కృషి చేయాలని మాజీ ఎమ్మెల్యే, వైఎస్సార్‌ సీపీ రాష్ట్ర యువజన విభాగం అధ్యక్షుడు జక్కంపూడి రాజా అన్నారు. మండలంలోని పాతతుంగపాడుకు చెందిన బోయిడి ఏడుకొండలుతోపాటు పలువురు జనసేన కార్యకర్తలు ఆదివారం వైఎస్సార్‌ సీపీలో చేరారు. వారికి పార్టీ కండువాలను వేసి రాజా స్వాగతం పలికారు. అభ్యర్థుల విజయమే లక్ష్యంగా అంతా కలిసి పనిచేయాలని శ్రేణులకు సూచించారు. తుపాను పంట నష్టాలపై కేంద్ర బృందం పరిశీలన కాజులూరు: అర్నబ్‌ తుపాను ప్రభావంతో జరిగిన పంట నష్టాలను పరిశీలించేందుకు కేంద్ర బృందం ఆదివారం కాజులూరు మండలంలో పర్యటించింది. కేంద్ర హోం మంత్రిత్వ శాఖ జాయింట్‌ సెక్రటరీ చిత్తరంజన్‌ దాస్‌, కేంద్ర వ్యవసాయ, రైతు సంక్షేమ శాఖ అసిస్టెంట్‌ డైరెక్టర్‌, కమిషనర్‌ (ఎక్స్‌టెన్షన్‌) ప్రశాంత్‌ అర్మోరికర్‌, కేంద్ర వ్యవసాయ, ఆర్థిక మంత్రిత్వ శాఖ అసిస్టెంట్‌ డైరెక్టర్‌ హిమాలయ గార్గ్‌, కేంద్ర విద్యుత్‌ మంత్రిత్వ శాఖ డిప్యూటీ డైరెక్టర్‌ ప్రణయ్‌గార్గ్‌ ఈ బృందంలో ఉన్నారు. వీరితో పాటు కాకినాడ జిల్లా జాయింట్‌ కలెక్టర్‌ అపూర్వ భరత్‌, జిల్లా వ్యవసాయ, ఆర్థిక గణాంక అధికారులు వీటీ రామారావు, పి.త్రినాథ్‌, తహసీల్దార్‌ రవీంద్రనాథ్‌ ఠాగూర్‌, మండల వ్యవసాయాధికారి వి.అశోక్‌ తదితరులు మండలంలోని వివిధ గ్రామాల్లో క్షేత్ర స్థాయి పరిశీలన చేశారు. ఈ సందర్భంగా పలువురు రైతులు మాట్లాడుతూ, ఈ తుపాను వలన 10 రోజుల్లో చేతికందాల్సిన పంట కళ్ల ముందే నాశనమైందని, కేంద్ర ప్రభుత్వం తమను ఆదుకోవాలని కోరారు. తుపాను పంట నష్టాలను ఫొటో ఎగ్జిబిషన్‌ ద్వారా వ్యవసాయ అధికారులు కేంద్ర బృందానికి వివరించారు.

● కొవ్వాడ వరి చేల పరిస్థితి ● కుళ్లిపోతున్న పంటలు దేవరపల్లి: అర్నబ్‌ తుపాన్‌ ప్రభావంతో రెండు రోజులు ఎడతెరిపి లేకుండా కురిసిన వర్షాలకు నీట మునిగిన వరి చేలు ఇంత వరకు తేరుకోలేదు. నీటిలో మునిగి ఉన్న పంట పొలాలను చూసి రైతులు ఆవేదన చెందుతున్నారు. దాదాపు వారం రోజుల నుంచి వరి చేలు నీటిలో మునిగి ఉన్నాయి. ప్రధానంగా కొవ్వాడ కాలువ ముంపునకు గురైన గౌరీపట్నం, వెంకటాయపాలెం, చిట్యాల, ఐ.పంగిడి, కాపవరం గ్రామాల్లోని వందలాది ఎకరాల్లోని వరి చేలు పూర్తిగా నీట మునిగాయి. కోతకు వచ్చిన చేలు నీట మునగడంతో తీవ్రంగా నష్టపోయినట్టు రైతులు చెబుతున్నారు. మరో వారం రోజుల్లో కోత కోసి పంటను ఇంటికి తెచ్చుకొనేవారమని వాపోతున్నారు. పంట నష్ట పరిహారం కాగితాలకే పరిమిత మవుతుందని, గత ఏడాది తుపానుకు దెబ్బతిన్న పంటలకు ఇంత వరకు ప్రభుత్వం చిల్లిగవ్వ ఇవ్వలేదని అంటున్నారు. అధికారులు, ప్రజాప్రతినిధులు వచ్చి చూడడం తప్ప నష్టపోయిన రైతులను ఆదుకోవడంలేదని ఆవేదన చెందుతున్నారు. కొవ్వాడ కాలువను పూర్తిస్థాయిలో ఆధునీకరిస్తే ముంపు సమస్య ఉండదని అంటున్నారు. ప్రభుత్వం నష్టపోయిన రైతులకు సకాలంలో నష్టపరిహారం అందజేయాలని కోరుతున్నారు.

సాక్షి, రాజమహేంద్రవరం : జిల్లాలోని మండపేట, కొవ్వూరు, నిడదవోలు మున్సిపాలిటీల్లో ఆదివారం పోలింగ్‌ ప్రశాంతంగా జరిగింది. మూడు మున్సిపాలిటీల పరిధిలోని 96 వార్డులకు కొవ్వూరులో నాలుగు వార్డులు ఏకగ్రీవం కావడంతో మిగిలిన 92 వార్డులకు ఎన్నికలు నిర్వహించారు. బరిలో నిలిచిన అభ్యర్థుల భవితవ్యాన్ని ఓటర్లు బ్యాలెట్‌ ద్వారా తేల్చారు. మొత్తం 1,08,597 మంది ఓటర్లకు 85,930 మంది ఓటు హక్కు వినియోగించుకున్నారు. 173 పోలింగ్‌ కేంద్రాల్లో ఉదయం 7 నుంచి సాయంత్రం 5 గంటల వరకు పోలింగ్‌ నిర్వహించారు. ఉదయం నుంచి ఓటింగ్‌ మందకొడిగా సాగింది. మధ్యాహ్నం తర్వాత కొంత ఊపందుకున్నా.. ఎక్కడా ఎన్నికల సందడి కనిపించలేదు. ఓటర్లు వచ్చి ఓటేసి వెళ్లిపోయారు. దీంతో మూడు పట్టణాల్లోనూ ఎన్నికల వాతావరణం పెద్దగా కనిపించలేదు. అదృష్టం పరీక్షించుకున్న అభ్యర్థులు ● మూడు మున్సిపాలిటీల్లో చైర్మన్‌ పీఠాలపై ప్రధాన పార్టీల నేతలు కన్నేశారు. మండపేట మున్సిపల్‌ చైర్మన్‌ పదవికి ఏడుగురు పోటీ పడ్డారు. వైఎస్సార్‌ సీపీ తరఫున కాట్రవతు రాము, టీడీపీ నుంచి వేగుళ్ల అజయ్‌కుమార్‌ సహా మరో ఐదుగురు బరిలో నిలిచారు. ఇక్కడ 36 వార్డులకు 72 మంది పోటీపడ్డారు. ● నిడదవోలు చైర్మన్‌ గిరికి వైఎస్సార్‌ సీపీ తరఫున వేదాల విజయలక్ష్మి, జనసేన నుంచి మురాల జ్యోతితో పాటు మరో ఇద్దరు పోటీలో ఉన్నారు. 32 వార్డులకు 81 మంది అభ్యర్థులు తమ అదృష్టాన్ని పరీక్షించుకున్నారు. ● కొవ్వూరు చైర్మన్‌ పీఠం కోసం వైఎస్సార్‌ సీపీ అభ్యర్థి గండ్రోతు అంజలీదేవి, టీడీపీ అభ్యర్థి కంఠమనేని విజయలక్ష్మితో పాటు మరో స్వతంత్ర అభ్యర్థి పోటీ పడ్డారు. ఇక్కడ 28 వార్డులకు నాలుగు ఏకగ్రీవం కాగా.. మిగిలిన 24 వార్డులకు 59 మంది పోటీ పడ్డారు. స్ట్రాంగ్‌ రూమ్‌లలో అభ్యర్థుల భవితవ్యం మున్సిపల్‌ ఎన్నికల పోలింగ్‌ ముగియడంతో అభ్యర్థుల భవితవ్యం స్ట్రాంగ్‌ రూమ్‌లలోకి చేరింది. మంగళవారం ఉదయం 8 గంటల నుంచి కౌంటింగ్‌ నిర్వహించి విజేతలను ప్రకటించనున్నారు. దీనికోసం అవసరమైన ఏర్పాట్లను అధికారులు చేశారు. ఆయా మున్సిపాలిటీల్లోనే కౌంటింగ్‌ ప్రక్రియ చేపట్టనున్నారు. కొవ్వూరులోని బ్యాలెట్‌ బాక్సులను దీప్తి స్కూల్‌లోని కౌంటింగ్‌ కేంద్రానికి తరలించారు. నిడదవోలులోని బ్యాలెట్‌ బాక్సులను ప్రభుత్వ బాలికల జూనియర్‌ కళాశాలలోని కౌంటింగ్‌ కేంద్రంలో భద్రపరిచారు. మండపేటలోని బ్యాలెట్‌ బాక్సులను పట్టణంలోని అన్నపూర్ణ స్కూల్‌లో ఏర్పాటు చేసిన కౌంటింగ్‌ కేంద్రానికి తరలించారు. మీడియాకు అడ్డంకులు ఎన్నికల వేళ మీడియాపై ఆంక్షలు చర్చనీయాంశంగా మారాయి. సమాచార, పౌర సంబంధాల శాఖ జారీ చేసిన మీడియా పాస్‌లు ఉన్నప్పటికీ జర్నలిస్టులను పోలింగ్‌ కేంద్రాల వద్దకు వెళ్లకుండా పోలీసులు అడ్డుకున్నారు. ఎన్నికల సమాచారాన్ని సేకరించేందుకు వెళ్లిన మీడియా ప్రతినిధులకు ఎదురైన ఈ పరిస్థితిపై జర్నలిస్టులు తీవ్ర అసంతృప్తి వ్యక్తం చేశారు. ఫోన్లు తీసుకొచ్చిన ఓటర్లకు అవస్థలు పోలింగ్‌ కేంద్రాల్లోకి సెల్‌ఫోన్లు అనుమతించకపోవడంతో ఓటర్లు ఇబ్బందులు పడ్డారు. ఈ నిబంధన తెలియక ఫోన్లతో వచ్చిన వారు వాటిని ఎక్కడ భద్రపరచాలో తెలియక సతమతమయ్యారు. కొందరు ఫోన్లను తిరిగి ఇంటికి తీసుకెళ్లి పెట్టి వచ్చి ఓటు వేశారు. పోలింగ్‌ కేంద్రాల వద్ద ఫోన్ల భద్రతకు తగిన ఏర్పాట్లు లేకపోవడంతో ఓటర్లు ఇబ్బందులు ఎదుర్కొన్నారు. మరోవైపు జిల్లా కలెక్టర్‌ కీర్తి చేకూరి, ఎస్పీ నరసింహ కిశోర్‌ పలు పోలింగ్‌ కేంద్రాలను పరిశీలించారు. అవాంఛనీయ ఘటనలు చోటుచేసుకోకుండా పోలీసు బందోబస్తు కొనసాగించారు. మొత్తంగా మూడు మున్సిపాలిటీల్లో పోలింగ్‌ ప్రశాంతంగా ముగియడంతో అభ్యర్థుల భవితవ్యం మంగళవారం తేలనుంది. మున్సిపాలిటీ: నిడదవోలు మున్సిపాలిటీ: మండపేటపోలింగ్‌ సరళి ఇలా.. మున్సిపాలిటీ ఉదయం 9 ఉదయం 11 ఒంటి గంట మూడు గంటలకు ముగింపు కొవ్వూరు 6.23 28.79 43.8 55.21 68.43 నిడదవోలు 3.17 27.46 43.63 56.06 69.3 మండపేట 14.84 34.39 50.43 63.24 77.54 జిల్లాలోని మూడు మున్సిపాలిటీల్లో ముగిసిన పోలింగ్‌ చైర్మన్ల, కౌన్సిలర్ల భవితవ్యాన్ని తేల్చిన ఓటర్లు 1,08,597 మంది ఓటర్లకు 85,930 మంది వినియోగం జిల్లాలో మొత్తం 71.75 శాతం ఓటింగ్‌ శాతం నమోదు ఉదయం మందకొడి.. మధ్యాహ్నం కొంతఊపు

తుపానుతో రైతన్న కళ్ల ముందే పంట నేలనంటింది.. నీటిలో నానుతూ దెబ్బతింటోంది.. పుడమి పుత్రుల కంట నీరు వస్తోంది.. పంటను కాపాడుకొందామంటే కూలీల కొరత వేధిస్తోంది.. యంత్రాలతో కోతలు కోద్దామంటే, చేలల్లోకి దిగే పరిస్థితి లేకుంది.. ఇలా అర్నబ్‌ రైతన్నలను కోలుకోలేని దెబ్బతీసింది. సాక్షి, అమలాపురం: అర్నాబ్‌ తుపాన్‌ కోనసీమ జిల్లా రైతులను కోలుకోలేకుండా చేసింది. చివరిలో పంట చేతికొచ్చే కీలక సమయంలో విరుచుకుపడిన పెనుగాలులు, భారీ వర్షాలు 1.18 లక్షల ఎకరాల్లో వరి పంటను నీట ముంచాయి. చాలా ప్రాంతాల్లో వరి చేలు నేలనంటగా.. మరికొన్ని చోట్ల నీటిలోనే నానుతున్నాయి. ఇప్పటికే దిగుబడిపై ఆశలు వదులుకున్న రైతులు, కనీసం మిగిలిన పంటనైనా కాపాడుకోవాలని తంటాలు పడుతున్నారు. అయితే ప్రకృతి ప్రకోపం నుంచి బయటపడక ముందే కూలీల కొరత, పెరిగిన కోత ఖర్చులు, వాతావరణ ప్రతికూలతలు వారిని మరింత ఇబ్బందులకు గురిచేస్తున్నాయి. అసలు పంటను ఎలా ఒబ్బిడి చేసుకోవాలో తెలియక డెల్టా అన్నదాతలు దిక్కుతోచని స్థితిలో విలవిల్లాడుతున్నారు. కీలక సమయం.. అగమ్యగోచరం జిల్లాలో వరి కోతలకు సిద్ధమైన సమయంలో తుపాన్‌ రావడంతో రైతుల పరిస్థితి అగమ్యగోచరంగా మారింది. ముఖ్యంగా ఆలమూరు, కొత్తపేట వ్యవసాయ సబ్‌ డివిజన్ల పరిధిలో కోతకు వచ్చిన పంటకు తీవ్ర నష్టం వాటిల్లింది. పెనుగాలుల ధాటికి వరి చేలు నేలకొరిగాయి. పొలాల్లోకి భారీగా నీరు చేరడంతో పంట ముంపునకు గురైంది. నీటిలో ఎక్కువకాలం ఉండటం వల్ల ధాన్యం మొలకెత్తడం, కంకులు కుళ్లిపోవడం వంటి ప్రమాదాలు పొంచి ఉన్నాయి. అడపాదడపా కురుస్తున్న వర్షాలు ఈ పరిస్థితిని మరింత జటిలం చేస్తున్నాయి. కూలీల కోసం వెతుకులాట పంటను కాపాడుకునేందుకు రైతులు సిద్ధమైనా వారికి అవసరమైన కూలీలు అందుబాటులో లేరు. తుపాను ప్రభావంతో అనేక గ్రామాల్లో కూలీల ఇళ్లు దెబ్బతిన్నాయి. విద్యుత్‌ సరఫరా పునరుద్ధరణ కాకపోవడం, నిత్యావసర వస్తువుల కొరత, ఇళ్ల వద్ద నెలకొన్న ఇబ్బందులతో చాలామంది కూలీలు వ్యవసాయ పనులకు వెళ్లలేని పరిస్థితి ఉంది. దీంతో కోతలు ప్రారంభించేందుకు రైతులు కూలీల కోసం వెతుకులాడుతున్నారు. ఒకవైపు నీటిలో నానుతున్న పంటను వీలైనంత త్వరగా ఒబ్బిడి చేసుకోవాల్సిన అవసరం ఉంది. మరోవైపు కూలీలు దొరకని పరిస్థితి వారిని ఆందోళనకు గురిచేస్తోంది. ఒకేసారి వేలాది ఎకరాల్లో కోతలు ప్రారంభమైతే కూలీల కొరత మరింత తీవ్రం కానుంది. ఈ ఏడాది ఖరీఫ్‌లో దిగుబడి కొంత తగ్గినా ధాన్యానికి మంచి ధర లభిస్తుందని రైతులు ఆశించారు. ఎల్‌నినో ప్రభావంతో గోదావరి డెల్టాలో తప్ప ఇతర ప్రాంతాల్లో వరి సాగు విస్తీర్ణం తగ్గడం, మార్కెట్‌లో ధాన్యానికి డిమాండ్‌ పెరుగుతుందన్న అంచనాలతో మద్దతు ధర కంటే బస్తాకు కనీసం రూ.500 అదనంగా లభిస్తుందని భావించారు. అయితే అర్నాబ్‌ తుపాను వారి ఆశలపై నీళ్లు చల్లింది. ప్రస్తుతం పడిపోయిన పంటను కూలీలతో కోయించి, నూర్పిడి చేసి ధాన్యాన్ని ఒబ్బిడి చేసుకోవాలంటే ఎకరాకు సుమారు రూ.15 వేల వరకు ఖర్చవుతుందని రైతులు చెబుతున్నారు. పడరాని పాట్లు.. సాధారణంగా నిలువుగా ఉన్న వరి పంటను యంత్రాలతో సులువుగా కోయవచ్చు. కానీ నేలనంటిన చేలల్లోకి హార్వెస్టర్లు వెళ్లలేని పరిస్థితి నెలకొంది. దీంతో కూలీలతోనే కోతలు కోయించాల్సి వస్తోంది. పడిపోయిన వరి చేలను ఒక్కొక్కటిగా పైకి లేపి పనలుగా కట్టి, అనంతరం నూర్పిడి చేయడం శ్రమతో కూడుకున్న పని. దీనికి సాధారణం కంటే ఎక్కువ సమయం, ఎక్కువ మంది కూలీలు అవసరమవుతున్నారు. పంట దెబ్బతిన్నదని తెలిసినా.. చేతికొచ్చిన దానిని వదులుకోలేక రైతులు పడరాని పాట్లు పడుతున్నారు. అర్నబ్‌ తెచ్చిన తంటా! రైతన్నలకు చి‘వరి’లో కష్టాలు 1.18 లక్షల ఎకరాల్లో నీట మునిగిన పంట కాపాడుకొందామంటే అందుబాటులో లేని కూలీలు అడపాదడపా వర్షాలతో మరింత ముంపు కోతలు, నూర్పిడికి ఎకరాకు రూ.15 వేల ఖర్చు

మళ్లీ చంద్రబాబు కుట్ర కనిపించింది.. స్థానిక ఎన్నికల వేళ అది బహిర్గతమైంది.. కొత్త పింఛన్లు అంటూ సరిగ్గా రెండు నెలల కిందట హైడ్రామా చేసినా, అది ఎన్నికల స్టంటే అర్థమైపోయింది.. రెండున్నరేళ్లుగా ఇవ్వని కొత్త పింఛన్లను ఎన్నికల వేళ ఇస్తామని ప్రకటించారు.. ఇది తెలియని అర్హులు అనేకమంది సరిగ్గా రెండు నెలల కింద దరఖాస్తు చేసుకున్నారు. ఇప్పుడు ఆ ఊసెత్తకపోవడం అసలు డ్రామా అందరికీ అర్థమైపోయింది. సాక్షి, రాజమహేంద్రవరం: దరఖాస్తు చేసుకున్నాం.. ఈ నెల పింఛన్‌ వచ్చేస్తుంది.. కుటుంబానికి ఆర్థిక భరోసా దక్కుతుందని ఆశగా ఎదురు చూసిన అర్హులకు మళ్లీ చంద్రబాబు షాక్‌ ఇచ్చారు. కొత్త పింఛన్లు అక్టోబర్‌లో ఇవ్వడం లేదని చెప్పేయడంతో కోటి ఆశలతో నిరీక్షించిన వారికి నిరాశే ఎదురైంది. పోనీ నవంబరులోనైనా ఇస్తారనుకుంటే ఆ దరఖాస్తులు ఇప్పుడు ఎక్కడున్నాయో చెప్పే వారేలేరు. మొత్తంగా చూస్తే అధికారంలోకి వచ్చిన 27 నెలల తర్వాత పింఛన్ల కోసం దరఖాస్తులు ఆహ్వానించడం ఓ వింత అయితే... రెండు నెలలు గడిచినా దరఖాస్తుదారులకు పింఛన్లు మంజూరు చేయకపోవడం మరో విశేషం. బూటకపు హామీలతో అధికారంలోకి వచ్చిన చంద్రబాబు ఎన్నికల హామీలను పూర్తిగా గాలికొదిలేసిన విషయం తెలిసిందే. దీంతో ఓటుతో బుద్ధి చెప్పేందుకు ప్రజలంతా ఎదురు చూస్తున్నారు. ఇదే విషయం చంద్రబాబు చేయించిన సర్వేల్లోనూ తేటతెల్లమైంది. స్థానిక సంస్థల ఎన్నికలు సమీపిస్తున్న వేళ కూటమి పడవ నిలువునా మునిగిపోయేలా ఉందని భావించిన చంద్రబాబు సెప్టెంబర్‌లో పింఛన్ల డ్రామాకు తెరతీశారు. ప్రజా వ్యతిరేకతను తగ్గించుకుని, ఓటర్ల దృష్టి మళ్లించేందుకు కొత్త ఎత్తుగడ వేశారు. అధికారం చేపట్టిన తర్వాత 27 నెలల్లో ఒక్కరికీ కొత్త పింఛన్‌ ఇవ్వని చంద్రబాబు ఎన్నికల భయంతోనే పింఛన్లు అంటున్నాడని, దరఖాస్తులు తీసుకోవడమే తప్ప ఎవరికీ మేలు చేయరని అప్పుడే అందరూ అనుమానించారు. ఆ అనుమానాలే గత రెండు నెలలుగా నిజమవుతున్నాయి. దరఖాస్తుకూ సమయమివ్వకుండా.. కొత్త పింఛన్ల కోసం రాష్ట్ర వ్యాప్తంగా సెప్టెంబర్‌ 7 నుంచి 16 వరకు దరఖాస్తులు స్వీకరించారు. మధ్యలో సెలవు రోజులు మినహాయిస్తే అర్హులకు దరఖాస్తు చేసుకునేందుకు కేవలం 9 రోజుల వ్యవధి మాత్రమే ఇచ్చారు. అనంతరం సెప్టెంబర్‌ 17 నుంచి ప్రాథమిక పరిశీలన, 22 నుంచి 24 వరకు క్షేత్రస్థాయి పరిశీలన, తదుపరి అర్హత నిర్ధారణ ప్రక్రియ చేపట్టారు. తూర్పుగోదావరి జిల్లాలో 55,766 మంది కొత్త పింఛన్ల కోసం దరఖాస్తు చేసుకున్నారు. వారంతా ఇకనైనా నెలనెలా కొంత ఆర్థిక భరోసా లభిస్తుందని భావించారు. అక్టోబర్‌ 1 నుంచే కొత్త పింఛన్లు ఇస్తామని చెప్పడంతో కుటుంబానికి ఆసరాగా ఉంటుందని, మందుల ఖర్చులకు ఉపయోగపడతాయని ఆశించామని... ఇప్పుడేమో చంద్రబాబు మొండిచేయి చూపారని దరఖాస్తుదారులు వాపోతున్నారు. నవంబర్‌ 1 నుంచి కూడా పింఛన్లు ఇవ్వడం లేదని వాపోతున్నారు. జిల్లాలో దరఖాస్తుల వివరాలు మండలం దరఖాస్తులు రాజమహేంద్రవరం అర్బన్‌ 7,244 రాజమహేంద్రవరం రూరల్‌ 4,940 ఉండ్రాజవరం 2,163 దేవరపల్లి 2,176 కడియం 2,299 సీతానగరం 2,226 కోరుకొండ 2,278 నల్లజర్ల 2,109 మండపేట 3,827 నిడదవోలు 2,739 అనపర్తి 1,886 కొవ్వూరు 2,859 గోపాలపురం 1,630 కపిలేశ్వరపురం 1,995 చాగల్లు 1,616 పెరవలి 2,010 బిక్కవోలు 1,807 రాయవరం 1,872 రాజానగరం 3,327 తాళ్లపూడి 1,366 రంగంపేట 1,529 గోకవరం 1,868 ఎన్నికల వేళ చంద్రబాబు ఎత్తుగడ కొత్త పింఛన్లు అంటూ హైడ్రామా జిల్లాలో 55,766 మంది దరఖాస్తు రెండు నెలలైనా అర్హులకు నిరాశే ఒక్క పింఛనూ మంజూరు కాని వైనం నిబంధనల కొర్రీ ఎంతో ఆశతో దరఖాస్తు చేసుకున్న వారికి నిబంధనల కొర్రీతో తిరస్కరణలు ఎక్కువయ్యాయి. నానా అవస్థలు పడి దరఖాస్తు చేసుకున్నామని, అవసరమైన ధ్రువపత్రాలు సమర్పించినప్పటికీ చిన్న కారణాలతో దరఖాస్తులను పక్కన పెట్టేశారని ఆవేదన వ్యక్తం చేస్తున్నారు. మరోవైపు అర్హత ఉన్నా దరఖాస్తు చేసుకునేందుకు పది రోజులే అవకాశమివ్వడంతో చాలా మంది ఇబ్బంది పడ్డారు. అవసరమైన ధ్రువపత్రాలు సిద్ధం చేసుకోవడం, ఆన్‌లైన్‌ ప్రక్రియ, ఈ–కేవైసీ, ఇతర వివరాల సమర్పణలో ఇబ్బందులు ఎదురయ్యాయని వాపోయారు. ముఖ్యంగా వృద్ధులు, గ్రామీణ ప్రాంతాల్లోని నిరుపేదలకు నిర్ణీత వ్యవధిలో దరఖాస్తు పూర్తి చేయడం కష్టంగా మారడంతో వారంతా కలెక్టరేట్‌లో నిర్వహించే పీజీఆర్‌ఎస్‌కు క్యూ కట్టినా వారికి భరోసా దక్కలేదు. మరోవైపు వేర్వేరు కారణాలతో ఇప్పటికే 20 వేలకుపైగా దరఖాస్తులు తిరస్కరించారని విశ్వసనీయ సమాచారం.

● ఓటుతోనే కూటమిని తరిమేద్దాం ● వైఎస్సార్‌ సీపీ జిల్లా అధ్యక్షుడు చెల్లుబోయిన వేణుగోపాలకృష్ణ కడియం: ఎన్నికల ముందు బూటకపు హామీలు ఇచ్చి చంద్రబాబు జనాన్ని మోసం చేస్తే, గత ప్రభుత్వంలో హామీలన్నీ అమలు చేసి నిజమైన ప్రజానేతగా వైఎస్‌ జగన్‌మోహన్‌రెడ్డి పేరొందారని వైఎస్సార్‌ సీపీ జిల్లా అధ్యక్షుడు చెల్లుబోయిన శ్రీనివాస వేణుగోపాలకృష్ణ అన్నారు. ఆదివారం వీరవరంలో ఆయన స్థానిక నాయకులు రేమళ్ల ప్రసాద్‌తో కలిసి వైఎస్సార్‌ సీపీ అభ్యర్థుల తరఫున ఇంటింటా ప్రచారం చేశారు. పార్టీ జెడ్పీటీసీ అభ్యర్థి కొత్తపల్లి శివాజీ, ఎంపీపీ అభ్యర్థి తాడాల రాజరాజేశ్వరి, వీరవరం ఎంపీటీసీ యర్రా నాగదేవిలను భారీ మెజార్టీతో గెలిపించాలని, రెండు ఓట్లు ఫ్యాన్‌ గుర్తుపై వెయ్యాలని వేణు కోరారు. ఈ సందర్భంగా ఆయన మాట్లాడుతూ ప్రజలను మభ్యపెట్టడమే లక్ష్యంగా కూటమి పాలన సాగుతుందన్నారు. నిత్యావసర వస్తువుల ధరలు ఆకాశాన్నంటుతున్నా ప్రభుత్వానికి చీమకుట్టినట్టు లేదన్నారు. బియ్యం బస్తా ధర రూ.2,600 దాటిపోతోందంటే రాష్ట్రంలో ప్రభుత్వం ఉన్నట్టా.. లేనట్టా అని వేణు దుయ్యబట్టారు. యువత, మహిళలు, రైతులు.. ఇలా అన్నివర్గాలను మోసం చేసి చంద్రబాబు గద్దెనెక్కారన్నారు. వైఎస్‌ జగన్‌ ప్రభుత్వంలో అర్హుల ఇంటికే పథకాలు చేరాయని, ఇప్పుడా పరిస్థితి లేదన్నారు. గత జగన్‌ పాలనకు, ప్రస్తుత చంద్రబాబు పాలనకు తేడాను గమనించి వైఎస్సార్‌సీపీ అభ్యర్థులకు ఓటెయ్యాలని కోరారు. ప్రచారంలో పెద్ద ఎత్తున పార్టీ నాయకులు, కార్యకర్తలు పాల్గొన్నారు. వైఎస్సార్‌ సీపీతోనే రాష్ట్రానికి మేలు కడియం: వైఎస్సార్‌ సీపీతోనే రాష్ట్రానికి మేలు జరుగుతుందని మాజీ ఎంపీ గిరజాల వెంకటస్వామినాయుడు అన్నారు. ఆదివారం కడియంలో ఆయన పార్టీ రాష్ట్రకార్యదర్శి గిరజాల వీర్రాజు (బాబు)తో కలసి అభ్యర్థులకు మద్దతుగా విస్తృత ప్రచారం చేశారు. రెండు ఓట్లు ఫ్యాన్‌ గుర్తుపై వేసి జెడ్పీటీసీ అభ్యర్థి కొత్తపల్లి శివాజీ, ఎంపీటీసీ అభ్యర్థులు పెంకే రామకృష్ణ, దాసరి చంద్రకళ, గుడాల వీరమణి, సాకా మరియమ్మలను గెలిపించాలని ఆయన విజ్ఞప్తి చేశారు. గ్రామంలో ఓటర్లను కలసి గత ప్రభుత్వంలో ప్రజలకు జరిగిన మేలును వివరించారు. రైతులు, మహిళలు, అన్నివర్గాల ప్రజలకు మాజీ సీఎం జగన్‌మోహన్‌రెడ్డి అందించిన సంక్షేమాన్ని తెలిపారు. వీరవరంలో వైఎస్సార్‌ సీపీ అభ్యర్థులకు మద్దతుగా ప్రచారం చేస్తున్న పార్టీ జిల్లా అధ్యక్షుడు చెల్లుబోయిన వేణుగోపాలకృష్ణ, తదితరులు కడియంలో వైఎస్సార్‌ సీపీ అభ్యర్థులకు మద్దతుగా ప్రచారం చేస్తున్న మాజీ ఎంపీ గిరజాల వెంకటస్వామినాయుడు

● బీచ్‌ రోడ్డు నిర్మాణంలో నాణ్యతా లోపం ● అర్నబ్‌ తుపానుకు కొట్టుకుపోయిన సిమెంట్‌ రోడ్డు ● మరమ్మతుల పేరుతో నిధుల స్వాహా?ఉప్పాడ శివారు పల్లెపేట వద్ద రూ.80 లక్షల వ్యయంతో ఇటీవల 20 మీటర్ల పొడవైన సిమెంట్‌ రోడ్డు నిర్మించారు. ప్రారంభించి నెల రోజులు కూడా కాకముందే వచ్చిన అర్నబ్‌ తుపానుకు ఆ రోడ్డు ముక్కలుగా విరిగిపోయింది. దీన్ని బట్టి నిర్మాణంలో నాణ్యత ఎంత బాగుందో అర్థమవుతుంది. ఉప్పాడ నుంచి కాకినాడ వరకు ఉన్న బీచ్‌ రోడ్డు అధికార పార్టీ నేతలకు కల్పతరువుగా మారిపోయింది. రోడ్డు పేరు చెప్పి నాలుగు రాళ్లు వెనుకేసుకుంటున్నారు. పిఠాపురం: కాకినాడ – ఉప్పాడ బీచ్‌ రోడ్డు చూస్తుంటే మనసు తరుక్కుపోయింది. మనం చాలా కష్టపడి ఎఫర్ట్‌ పెట్టి రోడ్డు వేశాం. రూ.72 నుంచి రూ.80 కోట్ల ఖర్చుతో వేశాం’ అని ఉప ముఖ్యమంత్రి పవన్‌ కల్యాణ్‌ అధికారులతో నిర్వహించిన సమీక్షలో చెప్పిన మాటలు సోషల్‌ మీడియాలో ట్రోల్‌ అవుతున్నాయి. వాస్తవానికి ఉప్పాడ శివారు పల్లిపేట వద్ద రూ.80 లక్షల వరకు ఖర్చు చేసి సిమెంటు రోడ్డు నిర్మించారు తప్ప.. గత మూడేళ్లలో ఎక్కడా రూ.80 కోట్లు ఖర్చుతో రోడ్డు వేయలేదని స్థానికులు చెబుతున్నారు. బీచ్‌ రోడ్డు గతంలో వేసిందే కేవలం మరమ్మతులు చేయిస్తుంటారు. ఉప్పాడ శివారు పల్లిపేట వద్ద రూ.80 లక్షల వరకు ఖర్చు చేసి సిమెంటు రోడ్డు నిర్మించారు తప్ప గత మూడేళ్లలో ఎక్కడా రూ.80 కోట్లు ఖర్చు చేసి ఉప్పాడ బీచ్‌ రోడ్డు నిర్మించలేదు. ప్రతి తుపానుకూ ఇంతే.. తుపానంటే తీరప్రాంతం గజగజ వణికిపోతుంది. మత్స్యకారులు ప్రాణాలను అరచేతిలో పెట్టుకొని కాలం గడుపుతారు. కానీ ఆర్‌అండ్‌బీ అధికారులకు, ప్రజాప్రతినిధులకు మాత్రం పండుగ వచ్చినట్టే. తుపాను వచ్చి రోడ్డు కొట్టుకుపోవడం, మరమ్మతుల పేరుతో కోట్లు కుమ్మరించడం, అందినంతా దోచుకోవడం పరిపాటిగా మారింది. ఎన్నిసార్లు కోతకు గురైనా మళ్లీమళ్లీ అక్కడే రక్షణ పేరుతో రాళ్లు వేస్తూ నాలుగు రాళ్లు వెనకేసుకుంటున్నారు. ప్రతి తుపానుకు రోడ్డు ధ్వంసమైతే కొత్తగా మరమ్మతులు మాత్రం చేయిస్తుంటారు. కోత బారిన.. 1980లో నిర్మించిన ఈ బీచ్‌ రోడ్డు అనేక పర్యాయాలు తుపానుల వల్ల కోతకు గురవుతూ వచ్చింది. తుని నుంచి కాకినాడ వరకు ఉన్న బీచ్‌ రోడ్డులో ఉప్పాడ నుంచి కాకినాడ వైపు సుమారు 5 కిలోమీటర్ల మేర సముద్రానికి అతి దగ్గరగా ఉండి తుపాను వచ్చినప్పుడల్లా కోతకు గురవుతూ ఉంటుంది. కాకినాడ నుంచి తుని వరకు ఉన్న తీర ప్రాంతంలో సుమారు 25 గ్రామాల ప్రజలకు ప్రధానమైన రహదారిగా ఉండడం వల్ల ఈ రోడ్డుపై వాహనాల రాకపోకలు పెరిగాయి. తుపాను వచ్చినప్పుడు రోడ్డు కోతకు గురవ్వడం, రాకపోకలు నిలిపివేయడం, వెంటనే కోట్ల నిధులు మంజూరు చేయడం, రాళ్లు తెచ్చి కోతకు గురైన ప్రాంతాల్లో వేయడం పరిపాటిగా మరిపోయిందే తప్ప శాశ్వత పరిష్కారం వైపు కన్నెత్తి కూడా చూడడం లేదు. కేవలం రాళ్లు వేసి ఒకదానిపై ఒకటి గోడగా పేర్చడం తప్ప పటిష్టమైన పని ఇప్పటికీ చేయలేకపోయారు. అందువల్ల బలమైన కెరటం వస్తేచాలు గోడ పేకమేడలా కూలిపోతోంది. రక్షణగా వేసిన రాళ్లే రోడ్డును ముక్కలు చేస్తున్నాయి. సముద్రపు కోతకు గురయ్యే ప్రాంతంలో పటిష్టంగా వేయాల్సిన తారురోడ్డు సైతం వేసిన నెలలకే ముక్కలైపోయింది. ఇటీవల తుపాను ప్రభావంతో మళ్లీ రోడ్డు పూర్తిగా ముక్కలవ్వడంతో మరోసారి నిధుల విడుదలకు అధికారులు రంగం సిద్ధం చేస్తున్నారు.

చాగల్లు: కూటమి ప్రభుత్వం అన్ని రంగాల్లో విఫలమైందని, అధికారంలోకి వచ్చి రెండున్నరేళ్లు గడిచినా ప్రజలకు ఆశించిన స్థాయిలో సంక్షేమం అందలేదని వైఎస్సార్‌ సీపీ జిల్లా అధ్యక్షుడు చెల్లుబోయిన వేణుగోపాలకృష్ణ అన్నారు. కొవ్వూరు మండలం దొమ్మేరులో జెడ్పీటీసీ అభ్యర్థి బండి పట్టాభి రామారావు(అబ్బులు), ఎంపీటీసీ అభ్యర్థులతో కలిసి శనివారం ఎన్నికల ప్రచారం నిర్వహించారు. ఈ సందర్భంగా మాట్లాడుతూ రాష్ట్రంలో నిత్యావసర వస్తువుల ధరలు రోజురోజుకూ పెరిగిపోతున్నాయని, పేదలు తీవ్ర ఇబ్బందులు పడుతున్నారన్నారు. స్థానిక సంస్థల ఎన్నికల్లో ప్రతి ఒక్కరూ ఫ్యాన్‌ గుర్తుకు ఓటేసి వైఎస్సార్‌ సీపీ అభ్యర్థులను గెలిపించాలని కోరారు. కార్యక్రమంలో ముదునూరి నాగరాజు, ఎంపీటీసీ అభ్యర్థులు మామిడిపల్లి లక్ష్మి, కొవ్వలి వెంకట సత్యభారతి, పెరిచర్ల వరలక్ష్మి పాల్గొన్నారు.

ఆత్రేయపురం: వాడపల్లిలోని శ్రీదేవి, భూదేవి సమేత వేంకటేశ్వరస్వామి ఆలయంలో బ్రహ్మోత్సవాలు అంగరంగ వైభవంగా జరుగుతున్నాయి. దీనిలో భాగంగా మూడో రోజు శనివారం ప్రత్యేక పూజలు నిర్వహించారు. రాత్రి స్వామి, అమ్మవార్ల ఉత్సవమూర్తులను కోదండ రామ అలంకరణలో హనుమద్‌ వాహనంపై మాడవీధుల్లో ఊరేగించారు. దేవదాయశాఖ ఉప కమిషనర్‌ నల్లం సూర్య చక్రధరరావు, ఆలయ చైర్మన్‌ ముదునూరి వెంకటరాజు తదితరులు స్వామివారికి పట్టు వస్త్రాలు సమర్పించా రు. టీటీడీ వేద పండితులు ఖండవల్లి రాజేశ్వర వరప్రసాదాచార్యులు, ఆలయ కమిటీ సభ్యు లు శిష్టా సూర్య కుటుంబరావు, అర్చకులు వాడపల్లి సుందర శేషావతారం పర్యవేక్షణలో ఆలయ అర్చకులు, వేద పండితులు పూజలు జరిపారు. ఆలయానికి భారీ సంఖ్యలో భక్తులు తరలిచ్చారు. తెల్లవారుజాము నుంచే ఆలయ ప్రాంగణంలో రద్దీ ఏర్పడింది. 7 వరకు నన్నయ విద్యార్థులకు సెలవులురాజానగరం: జెడ్పీటీసీ, ఎంపీటీసీ ఎన్నికల నిర్వహణలో భాగంగా ఆదికవి నన్నయ యూనివర్సిటీ క్యాంపస్‌ విద్యార్థులకు సోమవారం నుంచి నవంబర్‌ 7 వరకు సెలవులు ప్రకటించారు. ఎన్నికల నిర్వహణ సంబంధిత కార్యక్రమాలకు యూనివర్సిటీ క్యాంపస్‌ను వినియోగిస్తున్న నేపథ్యంలో ఈ సెలవులు అనివార్యమయ్యాయని ఇన్‌చార్జి రిజిస్ట్రార్‌ ఆచార్య కేఎస్‌ రమేష్‌ శనివారం తెలిపారు. ఈ సమయంలో విద్యార్థులకు బోధనా కార్యక్రమాలకు ఆటకం కలుగకుండా ఆన్‌లైన్‌ తరగతులు నిర్వహించేలా చర్యలు తీసుకున్నామన్నారు. అలాగే ఎన్నికల కారణంగా నో మ్యాన్‌ జోన్‌గా యూనివర్సిటీ క్యాంపస్‌ ఉన్నందున నవంబర్‌ 7 వరకు సర్టిఫికెట్లు తదితర వాటి కోసం ఇతర ప్రాంతాల నుంచి విద్యార్థులు, వారి సహాయకులు రావొద్దని విజ్ఞప్తి చేశారు. పంచాయతీ రిజర్వేషన్లను సరిచేయాలితాళ్లపూడి: మండలంలో పంచాయతీ రిజర్వేషన్లను సరిచేయాలని అధికారులను హైకోర్టు ఆదేశించిందని తాళ్లపూడికి చెందిన నామన సత్యనారాయణ (బుజ్జి) అన్నారు. మండలంలో మొదటి విడతలో జరగనున్న పంచాయతీ ఎన్నికల నేపథ్యంలో ప్రొఫార్మా1లో పేర్కొన్న రిజర్వేషన్ల ప్రకటనలో బీసీలకు అన్యాయం జరుగుతోందని ఆయన హైకోర్టులో పిటిషన్‌ వేశారు. ఈ మేరకు శనివారం మాట్లాడుతూ తాళ్లపూడి మండలంలో 11 పంచాయతీలకు సిద్ధం చేసిన రిజర్వేషన్లు బీసీ ఓటర్ల సంఖ్యను పరిగణనలోకి తీసుకోకుండా తయారు చేశారని న్యాయవాది కె.జ్యోతి ప్రసాద్‌ కోర్టులో తమ వాదనలు వినిపించారన్నారు. దీనిపై హైకోర్టు స్పందించి ఫిర్యాదును పరిష్కరించాలని ఆర్డీవోను ఆదేశిందని తెలిపారు. కాగా.. పంచాయతీ రిజర్వేషన్లపై తాళ్లపూడి నుంచి వైఎస్సార్‌ సీపీ నాయకులు గతంలో ఆర్‌వో, ఎంపీడీఓలకు ఫిర్యాదు చేశారు.

రంపచోడవరం: ఎస్‌జీఎఫ్‌ఐ గేమ్స్‌ రాష్ట్ర స్థాయి అండర్‌ – 14 బాలుర ఫుట్‌బాల్‌ పోటీలను శనివారం రంపచోడవరంలో నిర్వహించారు. ఈ పోటీలకు రాష్ట్రంలోని 13 జిల్లాల నుంచి క్రీడాకారులు తరలివచ్చారు. పోటీలో ఉత్తమ ప్రతిభ కనబరిచిన క్రీడాకారులను జాతీయస్థాయికి ఎంపిక చేశారు. అర్నబ్‌ తుపానులో వ్యక్తి మృతికంబాలచెరువు(రాజమహేంద్రవరం): అర్నబ్‌ తుపానులో వ్యక్తి మృతి చెందిన సంఽఘటన రాజమహేంద్రవరంలో ఆలస్యంగా వెలుగులోకి వ చ్చింది. క్వారీ గోతుల్లో శనివారం అతడి మృతదేహం కనిపించింది. స్థానికుల సమాచారంతో పోలీసులు ఆ మృతదేహాన్ని బయటకు తీశారు. అతడిని సుబ్బారావుపేటకు చెందిన గారా శ్రీనుబాబు (56)గా గుర్తించారు. శ్రీనుబాబు గత నెల 28న తుపాను సమయంలో క్వారీ ప్రాంతంలో బహిర్భూమికి వెళుతున్నట్టు కుటుంబ సభ్యులకు చెప్పాడు. అనంతరం తిరిగి రాకపోవడంతో కుటుంబ సభ్యులు వెతికారు. శ్రీనుబాబు బహిర్భుమికి వెళుతూ కాలుజారి క్వారీ గోతుల్లో పడిపోయి ఉంటాడని పోలీసులు చెబుతున్నారు. మూడో పట్టణ పోలీసులు అనుమానాస్పద మృతిగా కేసు నమోదు చేసి దర్యాప్తు చేస్తున్నారు.

రాజమహేంద్రవరం రూరల్‌: లాలాచెరువు హౌసింగ్‌ బోర్డు కాలనీలోని బాలా త్రిపుర సుందరి అమ్మవారి ఆలయంలో చోరీ చేయడానికి శుక్రవారం రాత్రి ఒక గుర్తు తెలియని అగంతకుడు ప్రయత్నం చేశాడు. స్థానిక పెద్దలు అతడిని అక్కడే బంధించి బొమ్మూరు పోలీసులకు అప్పగించారు. వివరాల్లోకి వెళితే.. రాత్రి 11 గంటలు దాటిన తర్వాత ముఖానికి గుడ్డ, భుజానికి బ్యాగు తగిలించుకున్న ఒక యువకుడు ఆలయానికి వచ్చాడు. తన వెంట తెచ్చుకున్న ఇనుక రాడ్డు, ఇతర పరికరాలతో తలుపులు పగుల కొట్టేందుకు చాలా సేపు ప్రయత్నించాడు. స్థానికులు ఈ విషయాన్ని గమనించి వెంటనే వల్లీ సేవసేన సమేత సుబ్రహ్మణ్యేశ్వర స్వామి ఆలయ ధర్మకర్త నండూరి సుబ్బారావు, స్థానిక పెద్దలకు ఫోన్‌లో తెలిపారు. వారంతా హుటాహుటీన అక్కడికి చేరుకుని, దొంగను పట్టుకుని పోలీసులకు సమాచారం అందించారు. బొమ్మూరు పోలీసులు ఆలయం వద్దకు చేరుకుని అతడిని అదుపులోకి తీసుకున్నారు.

సీటీఆర్‌ఐ(రాజమహేంద్రవరం): రాజమహేంద్రవరంలోని సరస్వతీ ఘాట్‌లో శనివారం సాయంత్రం కృష్ణా పుష్కర మహాకుంభ శాసీ్త్రయ నృత్య వైభవం జరిగింది. ధర్మో రక్షిత రక్షితఃట్రస్టు, సేవ్‌ హిందూ టెంపుల్స్‌, శ్రీరాధాకృష్ణ ట్రస్టు ఆధ్వర్యంలో ఈ కార్యక్రమం నిర్వహించారు. 80 మంది నృత్య కళాకారిణులు పోటీ పడగా, వీరిలో ఎనిమిది మందిని ఎంపిక చేశారు. 2028లో జరిగే కృష్ణా పుష్కరాల కోసం ఈ నృత్య వైభవ కార్యక్రమాన్ని ప్రారంభించారు. ఇలా ఆంధ్రప్రదేశ్‌, తెలంగాణలోని జిల్లాల నుంచి, ఇతర రాష్ట్రాల నుంచి, అంతర్జాతీయంగా కొందరిని ఎంపిక చేస్తారు. వారందరికీ కృష్ణా పుష్కరాల సమయంలో గుంటూరు తాళ్లాయపాలెంలోని శ్రీశైవక్షేత్రంలో పోటీలు నిర్వహిస్తారు. విజేతలైన 12 మందికి బంగారం, వెండి, రజత కిరీటాలు అందజేయనున్నారు. ఈ సందర్భంగా శైవక్షేత్ర పీఠాధిపతలు శివస్వామి, గజల్‌ శ్రీనివాస్‌ మాట్లాడుతూ సనాతన సంప్రదాయ నృత్యాలకు పూర్వ వైభవం తీసుకుని వచ్చేలా ఈ కార్యక్రమం నిర్వహిస్తున్నామన్నారు. నిర్వాహకుడు డాక్టర్‌ జీబీ నారాయణ మాట్లాడుతూ కృష్ణా పుష్కరాల సమయంలో మహా బృంద నాట్య నివేదన పేరుతో 12 వేల మంది కళాకారులతో గిన్నిస్‌బుక్‌ ఆఫ్‌ వరల్డ్‌ రికార్డ్‌ కోసం నృత్య నీరాజనం జరుగుతుందన్నారు.

చాగల్లు: తుపాను కారణంగా నష్టపోయిన రైతులను ప్రభుత్వం ఆదుకోవాలని, రైతులకు ఇన్‌పుట్‌ సబ్సిడీ అందించాలని వైఎస్సార్‌ సీపీ జిల్లా అధ్యక్షుడు చెల్లుబోయిన వేణుగోపాలకృష్ణ డిమాండ్‌ చేశారు. ఆయన శనివారం కొవ్వూరు మండలం దొమ్మేరు గ్రామంలో పర్యటించి, దెబ్బతిన్న అరటి, వరి చేలను పరిశీలించారు. ఈ సందర్భంగా మాట్లాడుతూ గతేడాది మొంథా తుపానుతో రైతులు తీవ్రంగా నష్టపోతే ప్రభుత్వం ఇప్పటికీ పరిహారం చెల్లించకుండా దగా చేసిందన్నారు. గత వైఎస్సార్‌ సీపీ పాలనలో నష్టం జరిగిన నెల రోజుల్లోనే పరిహారం అందించి మాజీ ముఖ్యమంత్రి వైఎస్‌ జగన్‌మోహన్‌రెడ్డి రైతు పక్షపాతిగా నిలిచారన్నారు. గత ప్రభుత్వం ఉచిత పంటల బీమాతో ఆదుకోగా, ప్రస్తుత ప్రభుత్వం ఆ పథకాన్ని రద్దు చేయడంతో చాలామంది రైతులు బీమా ప్రీమియం చెల్లించలేదన్నారు. దీంతో పంట నష్టపోతే పరిహారం అందని పరిస్థితి నెలకొందన్నారు. ఆయన వెంట వైఎస్సార్సీపీ జెడ్పీటీసీ అభ్యర్థి బండి అబ్బులు, మాజీ ఎంపీటీసీ ముదునూరి నాగరాజు ఉన్నారు.

సీటీఆర్‌ఐ(రాజమహేంద్రవరం): జెడ్పీటీసీ, ఎంపీటీసీ ఎన్నికల ప్రక్రియ పారదర్శకంగా, ప్రశాంతంగా, నిష్పక్షపాతంగా జరిగేలా మైక్రో అబ్జర్వర్లు తమకు అప్పగించిన బాధ్యతలను సమర్థంగా నిర్వహించాలని సాధారణ ఎన్నికల పరిశీలకులు ఎం.గౌతమి అన్నారు. ఈ మేరకు శనివారం రాజమహేంద్రవరంలోని వేంకటేశ్వర ఆనం కళాకేంద్రంలో మైక్రో అబ్జర్వర్లకు శిక్షణ నిర్వహించారు. కార్యక్రమానికి హాజరైన గౌతమి మాట్లాడుతూ సమస్యాత్మక, సున్నితమైన పోలింగ్‌ కేంద్రాల్లో ఎన్నికల ప్రక్రియను నిశితంగా పరిశీలించాలన్నారు. పోలింగ్‌ సిబ్బంది ఎన్నికల నిబంధనల ప్రకారం విధులు నిర్వర్తిస్తున్నారో లేదో గమనించాలన్నారు. జిల్లా పరిషత్‌ ముఖ్య కార్యనిర్వహణ అధికారి ఎం.రాజు మాట్లాడుతూ పోలింగ్‌ కేంద్రాల్లో అవాంఛనీయ సంఘటనలు చోటుచేసుకున్నా, శాంతిభద్రతలకు విఘాతం కలిగినా అనుసరించాల్సిన ప్రామాణిక నిర్వహణ విధానాలను తెలుసుకోవాలన్నారు. ఎల్‌డీఎం డీవీ ప్రసాద్‌, కొవ్వూరు డివిజన్‌ అభివృద్ధి అధికారి కె.శ్రీనివాసరావు, రాజమహేంద్రవరం డివిజన్‌ అభివృద్ధి అధికారి పి.వీణాదేవి తదితరులు మాట్లాడారు. పోలింగ్‌ విధానంపై మాస్టర్‌ ట్రైనర్లు అవగాహన కల్పించారు. ఎన్నికల భద్రతా ఏర్పాట్ల పర్యవేక్షణ కంబాలచెరువు(రాజమహేంద్రవరం): మండపేట, కొవ్వూరు, నిడదవోలు మున్సిపాలిటీల ఎన్నికల నేపథ్యంలో శనివారం జిల్లా పోలీస్‌ కార్యాలయంలోని కమాండ్‌ కంట్రోల్‌ సెంటర్‌ నుంచి ఎన్నికల భద్రతా ఏర్పాట్లను ఎస్పీ డి.నరసింహ కిశోర్‌ పర్యవేక్షించారు. డ్రోన్లు, సోలార్‌ కెమెరాలు, బాడీ వార్న్‌ కెమెరాల ద్వారా అందుతున్న ప్రత్యక్ష దృశ్యాలను పరిశీలించి, ఎన్నికల ప్రక్రియ ప్రశాంతంగా, పారదర్శకంగా నిర్వహించేందుకు అవసరమైన జాగ్రత్తలు తీసుకోవాలని సంబంధిత అధికారులకు సూచించారు. ఎలాంటి అవాంఛనీయ సంఘటనలకు తావులేకుండా అప్రమత్తంగా విధులు నిర్వహించాలని, సాంకేతిక పరిజ్ఞానాన్ని సమర్థవంతంగా వినియోగించుకోవాలన్నారు. కార్యక్రమంలో ఏఎస్పీ పాటిల్‌ దేవరాజ్‌ మనీష్‌ పాల్గొన్నారు. డీవీఈఓగా మేరీ సుజాత కంబాలచెరువు(రాజమహేంద్రవరం): డిస్ట్రిక్ట్‌ వొకేషనల్‌ ఎడ్యుకేషన్‌ ఆఫీసర్‌ (డీవీఈఓ)గా బి.మేరీ సుజాత నియమితులయ్యారు. ఇప్పటివరకు పనిచేసిన డి.విజయశ్రీ ఉద్యోగ విరమణ చేయడంతో ఆ స్థానంలో పూర్తి బాధ్యతలను శనివారం మేరీ సుజాత స్వీకరించారు. ఆమె డీవీఈవో హోదాలో జిల్లాలోని అన్ని ప్రభుత్వ జూనియర్‌ కళాశాలలకు సంబంధించిన జనరల్‌, వొకేషనల్‌ విద్యా విభాగాలను పర్యవేక్షిస్తారు.

సీటీఆర్‌ఐ(రాజమహేంద్రవరం): జిల్లాలోని నిడదవోలు, కొవ్వూరు, మండపేట మున్సిపాలిటీల ఎన్నికల పోలింగ్‌ను ఆదివారం స్వేచ్ఛాయుత, పారదర్శక, నిష్పక్షపాత వాతావరణంలో నిర్వహించేందుకు అన్ని ఏర్పాట్లు చేసినట్టు కలెక్టర్‌, జిల్లా ఎన్నికల అధికారి కీర్తి చేకూరి తెలిపారు. ఆమె శనివారం కలెక్టరేట్‌లో మాట్లాడుతూ ఎన్నికల నిర్వహణకు అవసరమైన సిబ్బంది నియామకం, పోలింగ్‌ కేంద్రాల్లో మౌలిక సదుపాయాలు, మైక్రో అబ్జర్వర్ల నియామకం, వెబ్‌ కాస్టింగ్‌ ఏర్పాట్లు సహా అన్ని ముందస్తు చర్యలు చేపట్టామన్నారు. పోలింగ్‌ విధులకు నియమితులైన సిబ్బంది ఇప్పటికే తమకు కేటాయించిన పోలింగ్‌ కేంద్రాలకు చేరుకున్నారని, ఆదివారం ఉదయం 7 నుంచి సాయంత్రం 5 గంటల వరకు పోలింగ్‌ ప్రక్రియ కొనసాగుతుందన్నారు. ఓటర్లందరూ తమ ఓటు హక్కును స్వేచ్ఛగా, నిర్భయంగా వినియోగించుకోవాలని కోరారు. ఎన్నికల్లో పోటీ చేస్తున్న అభ్యర్థులు, రాజకీయ పార్టీలు ఎన్నికల ప్రవర్తనా నియమావళిని తప్పనిసరిగా పాటించాలని, ఎన్నికల సంఘం నిర్దేశించిన నిబంధనలకు అనుగుణంగా వ్యవహరించాలని, ఎన్నికల ప్రక్రియకు విఘాతం కలిగించే చర్యలకు పాల్పడరాదని స్పష్టం చేశారు.

చాగల్లు: అర్నబ్‌ తుపాను ప్రభావంతో సంభవించిన పంట, ఆస్తి నష్టాన్ని అంచనా వేసేందుకు కేంద్ర బృందం శనివారం క్షేత్రస్థాయిలో పర్యటించింది. కొవ్వూరు మండలం దొమ్మేరులో దెబ్బతిన్న వ్యవసాయ, ఉద్యాన పంటలను బృందంలోని సభ్యులు పరిశీలించారు. నేలకొరిగిన అరటి తోటలు, దెబ్బతిన్న బొప్పాయి చెట్లు, వరి పంట పరిస్థితిని పరిశీలించి రైతులతో మాట్లాడారు. అరటి తోటల్లో గెలలతో సహా చెట్లు నేలకొరిగాయని, గాలుల కారణంగా పంటకు తీవ్ర నష్టం వాటిల్లిందని రైతులు వివరించారు. హైదరాబాద్‌కు చెందిన రేఖారాణి కొల్లు ఆధ్వర్యంలో నేషనల్‌ రిమోట్‌ సెన్సింగ్‌ సెంటర్‌, ఇస్రో, హైదరాబాద్‌కు చెందిన శాస్త్రవేత్త డాక్టర్‌ ఎస్‌వీఎస్‌పీ శర్మ, కేంద్ర గ్రామీణాభివృద్ధి మంత్రిత్వ శాఖ డిప్యూటీ సెక్రటరీ అలోక్‌ జవహర్‌, కేంద్ర రోడ్డు రవాణా, రహదారుల మంత్రిత్వ శాఖ సూపరింటెండెంట్‌ ఇంజినీర్‌ రాకేష్‌కుమార్‌ సింగ్‌ తదితరులు ఈ బృందంలో ఉన్నారు. క్షేత్రస్థాయి పరిశీలనలో కలెక్టర్‌ కీర్తి చేకూరి, జాయింట్‌ కలెక్టర్‌ వై.మేఘస్వరూప్‌, సహాయ కలెక్టర్‌ కె.ఆదిత్య శర్మ, జిల్లా ఉద్యానవన శాఖ అధికారి ఎన్‌.మల్లికార్జునరావు, ఏపీఎంఐపీ ప్రాజెక్టు డైరెక్టర్‌ ఎ.దుర్గేష్‌ పాల్గొన్నారు. జాగ్రత్తలతో పంట రక్షణ రాజమహేంద్రవరం రూరల్‌: తుపాను నేపథ్యంలో వరి పంటకు జరిగే నష్టాన్ని తగ్గించుకోవడానికి రైతులు కొన్ని జాగ్రత్తలు తీసుకోవాలని మారుటేరు వ్యవసాయ పరిశోధనా కేంద్రం ప్రధాన శాస్త్రవేత్తలు చల్లా వెంకట నరసింహరావు, డి.శేఖర్‌ తెలిపారు. ఈ మేరకు శనివారం రూరల్‌ మండల వ్యవసాయ అధికారి ఎ భీమరాజుతో కలిసి కాతేరు, తొర్రేడు, వెంకటనగరం గ్రామాల్లో దెబ్బతిన్న వరి పొలాలను పరిశీలించారు. ప్రస్తుతం పంట పూత దశ, పాలు పోసుకునే దశ, గింజ గట్టిపడే, కోత దశల్లో ఉందని, దానికి అనుగుణంగా రైతులు జాగ్రత్తలు తీసుకోవాలన్నారు. ● పొలాల్లో నీరు నిల్వ ఉండకుండా కాలువల ద్వారా త్వరగా బయటకు పంపాలి. కోతకు సిద్ధంగా ఉన్న పంటలో నీటి నిల్వను నివారించాలి. ● ఆర్‌జీఎల్‌ 2537, బీపీటీ 5204 వంటి రకాల్లో వర్షం తగ్గిన తర్వాత ఎండ తీవ్రత పెరిగితే ఎండాకు, మానిపండు, మాగుడు తెగుళ్లు, ఆకుముడత పురుగు, దోమపోటు వంటి సమస్యలు పెరిగే అవకాశం ఉంది. పంటను ఎప్పటికప్పుడు పరిశీలించి అవసరమైన నివారణ చర్యలు చేపట్టాలి. ● గింజలు రంగు మారకుండా, మాగుడు తెగులు, మానిపండు తెగులు వ్యాప్తిని తగ్గించడానికి ఎకరాకు 200 మి.లీ. ప్రోపికోనాజోల్‌ పిచికారీ చేయాలి. కంకులపై మొలకలు కనిపిస్తే, పొలంలోని నీటిని తొలగించిన అనంతరం 5 శాతం ఉప్పు ద్రావణాన్ని (50 గ్రాముల ఉప్పు/లీటరు నీరు) పిచికారీ చేయాలి. ● మాగుడు తెగులు నివారణకు హెక్సాకోనాజోల్‌ 400 మి.లీ./ఎకరాకు లేదా ప్రోపికోనాజోల్‌ 200 మి.లీ./ఎకరాకు పిచికారీ చేయాలి. మానిపండు తెగులు నియంత్రణకు ప్రోపికోనాజోల్‌ 200 మి.లీ./ఎకరాకు పిచికారీ చేయాలి. ఆకుముడత పురుగును నివారించడానికి కార్టాప్‌ హైడ్రోక్లోరైడ్‌ 400 గ్రాములు లేదా క్లోరాంట్రానిలిప్రోల్‌ 60 మి.లీ.ను 200 లీటర్ల నీటిలో కలిపి ఎకరాకు పిచికారీ చేయాలి

ఫ మూడు మున్సిపాలిటీలు, 92 వార్డులకు ఎన్నిక ఫ మండపేట, కొవ్వూరు, నిడదవోలులో సర్వం సిద్ధం ఫ 1,08,597 మంది ఓటర్లు, 173 పోలింగ్‌ కేంద్రాలు ఫ ఉదయం 7 నుంచి సాయంత్రం 5 వరకు పోలింగ్‌ సాక్షి, రాజమహేంద్రవరం : జిల్లాలోని మండపేట, కొవ్వూరు, నిడదవోలు మున్సిపాలిటీల్లో ఆదివారం పోలింగ్‌ జరగనుంది. మూడు మున్సిపాలిటీల పరిధిలోని 96 వార్డులుండగా కొవ్వూరులోని నాలుగు వార్డులు ఏకగ్రీవమైన సంగతి తెలిసిందే. మిగిలిన 92 వార్డులకు బరిలో నిలిచిన అభ్యర్థుల భవితవ్యాన్ని ఓటర్లు తేల్చనున్నారు. ఇందుకోసం ఎన్నికల అధికారులు అన్ని ఏర్పాట్లు పూర్తి చేశారు. మొత్తం 1,08,597 మంది ఓటర్లు తమ ఓటు హక్కును వినియోగించుకోనుండగా. ఇందుకోసం 173 పోలింగ్‌ కేంద్రాలను ఏర్పాటు చేశారు. ఉదయం 7 నుంచి సాయంత్రం 5 వరకు పోలింగ్‌ నిర్వహించనున్నారు. ఎన్నికల ప్రచారానికి తెరపడటంతో అభ్యర్థులందరూ పోలింగ్‌పై దృష్టి సారించారు. మరో వైపు అధికారులు పోలింగ్‌ కేంద్రాల్లో అవసరమైన సదుపాయాలు కల్పించారు. ఎన్నికల సిబ్బందికి విధులు కేటాయించి, పోలింగ్‌ సామగ్రిని సిద్ధం చేశారు. శాంతిభద్రతల సమస్యలు తలెత్తకుండా పోలీసు బందోబస్తు ఏర్పాటు చేశారు. మూడు మున్సిపాలిటీల్లో ఏర్పాట్లు ఫ కొవ్వూరు మున్సిపాలిటీలో 28 వార్డులు ఉండగా 52 పోలింగ్‌ కేంద్రాలు ఏర్పాటు చేశారు. వీటిలో మొత్తం 34,452 మంది ఓటర్లు తమ ఓటు హక్కు వినియోగించుకోనున్నారు. వీరిలో 16,310 మంది పురుషులు, 18,139 మంది మహిళలు, ముగ్గురు ఇతరులు ఉన్నారు. ఈ మున్సిపాలిటీలో 23 సున్నితమైన, 29 సాధారణ పోలింగ్‌ కేంద్రాలను గుర్తించారు. 15 ప్రాంతాల్లో 15 మంది మైక్రో అబ్జర్వర్లను, పోలింగ్‌ విధుల నిర్వహణకు రిజర్వు సిబ్బందితో కలిపి 62 మంది ప్రిసైడింగ్‌ అధికారులు, 62 మంది సహాయ ప్రిసైడింగ్‌ అధికారులు, 177 మంది ఇతర పోలింగ్‌ సిబ్బంది, ఎన్నికల విధుల పర్యవేక్షణకు 3 జోన్లు, 3 సెక్టోరల్‌ అధికారులు, 11 మంది రూట్‌ అధికారులను నియమించారు. ఫ నిడదవోలు మున్సిపాలిటీలో 32 వార్డులు ఉండగా, 49 పోలింగ్‌ కేంద్రాలు ఏర్పాటు చేశారు. మొత్తం 35,086 మంది ఓటర్లు తమ ఓటు హక్కును వినియోగించుకోనున్నారు. వీరిలో 16,570 మంది పురుషులు, 18,516 మంది మహిళా ఓటర్లు ఉన్నారు. మున్సిపాలిటీలో 25 సున్నితమైన, 24 సాధారణ పోలింగ్‌ కేంద్రాలను గుర్తించారు. 25 ప్రాంతాల్లో మైక్రో అబ్జర్వర్లను, పోలింగ్‌ నిర్వహణకు రిజర్వు సిబ్బందితో కలిపి 59 మంది ప్రిసైడింగ్‌ అధికారులు, 59 మంది సహాయ ప్రిసైడింగ్‌ అధికారులు, 177 మంది ఇతర పోలింగ్‌ సిబ్బంది, ఎన్నికల నిర్వహణ పర్యవేక్షణకు 9 జోన్లు, 9 సెక్టోరల్‌ అధికారులు, 11 మంది రూట్‌ అధికారులను నియమించారు. ఫ మండపేట మున్సిపాలిటీలో 36 వార్డులు ఉండగా, 72 పోలింగ్‌ కేంద్రాలు ఏర్పాటు చేశారు. మొత్తం 49,059 మంది ఓటర్లు తమ ఓటు హక్కును వినియోగించుకోనున్నారు. వీరిలో 23,239 మంది పురుషులు, 25,820 మంది మహిళా ఓటర్లు ఉన్నారు. మున్సిపాలిటీలో 18 సున్నితమైన, 36 హైపర్‌ సెన్సిటివ్‌, 18 సాధారణ పోలింగ్‌ కేంద్రాలుగా గుర్తించారు. 27 ప్రాంతాల్లో మైక్రో అబ్జర్వర్లు, పోలింగ్‌ నిర్వహణకు రిజర్వు సిబ్బందితో కలిపి 87 మంది ప్రిసైడింగ్‌ అధికారులు, 87 మంది సహాయ ప్రిసైడింగ్‌ అధికారులు, 260 మంది ఇతర పోలింగ్‌ సిబ్బంది, ఎన్నికల నిర్వహణ పర్యవేక్షణకు 4 జోన్లు, 4 సెక్టోరల్‌ అధికారులు, 9 మంది రూట్‌ అధికారులను నియమించారు.

దేవరపల్లి: గుండుగొలను – కొవ్వూరు 16వ నంబరు జాతీయ రహదారిపై నల్లజర్ల మండలం పుల్లలపాడు వద్ద శుక్రవారం సాయంత్రం జరిగిన రోడ్డు ప్రమాదంలో ఓ వృద్ధురాలు దుర్మరణం పాలైంది. పోలీసుల కథనం ప్రకారం.. నల్లజర్లకు చెందిన యలమాటి తులసమ్మ (70) మండలంలోని ముసుళ్లకుంట గ్రామంలోని తన ద్వితీయ కుమార్తె ఇంటి వద్ద ఉంటుంది. ఉదయం పుల్లలపాడులోని ఆమె బంధువుల ఇంట్లో జరిగిన ఓ కార్యక్రమానికి హాజరై తిరిగి ఇంటికి వస్తూ పుల్లపాడు బస్టాండ్‌ వద్ద జాతీయ రహదారి దాటుతుండగా, రాజమహేంద్రవరం వైపు నుంచి ఏలూరు వైపు వెళుతున్న కారు ఢీకొంది. ఈ ప్రమాదంలో తులసమ్మ తలకు బలమైన గాయం కావడంతో ప్రమాద స్థలంలోనే మృతి చెందింది. మృతదేహాన్ని పోస్టుమార్టం నిమిత్తం తాడేపల్లిగూడెంలోని ప్రభుత్వ ఆసుపత్రికి తరలించి కేసు నమోదు చేసి దర్యాప్తు చేస్తున్నట్టు ఎస్సై ఆంజనేయబాబు తెలిపారు.

ఎన్నికల వేళ ఏం చెప్పారంటే... నిరుద్యోగులందరికీ నెలకు రూ.3 వేల భృతి చెల్లించి ఆర్థికంగా అండగా నిలుస్తాం. ఏటా జనవరిలో జాబ్‌ క్యాలెండర్‌ విడుదల చేస్తాం. ఏడాదికి 20 లక్షల ఉద్యోగాలు కల్పిస్తాం. ఎన్నికలయ్యాక ఏం చేశారంటే... నెలకు రూ.3 వేలు చెల్లించడం మాట దేవుడెరుగు... అసలు రాష్ట్రంలో నిరుద్యోగులు ఎందరున్నారు.. వారి పరిస్థితి ఏంటి.. వారికి ఎలా భరోసా కల్పించాలన్న మార్గదర్శకాలేవీ గడిచిన 28 నెలల్లో విడుదల చేయనేలేదు. జిల్లాలో సుమారు 1.3 లక్షల మంది నిరుద్యోగులు భృతి కోసం నిరీక్షిస్తున్నారు. వారందరికీ ఒక్కొక్కరికీ రూ.84 వేల చొప్పున కూటమి ప్రభుత్వం బకాయి పడింది. మరోవైపు నిరుద్యోగులను మభ్య పెట్టేందుకు డీఎస్సీ నియామకాలు చేపట్టినప్పటికీ వాటిపై వచ్చినన్ని ఆరోపణలు దేశంలో ఎక్కడా రాలేదు. స్పోర్ట్స్‌ కోటా నియామకాల్లో అక్రమాలు జరిగాయని, ఉద్యోగాలు అమ్మేసుకున్నారని ప్రతిపక్షాలు ఆధారాలతో సహా నిరూపించినా ప్రభుత్వంలో చలనం లేకపోయింది. సీబీఐ దర్యాప్తు చేపట్టి నిజాలు నిగ్గు తేల్చాలని మాజీ సీఎం వైఎస్‌ జగన్‌మోహన్‌రెడ్డి డిమాండ్‌ చేసినా సీఎం చంద్రబాబు, విద్యాశాఖ మంత్రి లోకేశ్‌ ధైర్యం చేయడం లేదు.

ఎన్నికల వేళ ఏం చెప్పారంటే... ఎస్సీ, ఎస్టీ, బీసీ, మైనార్టీలందరికీ 50 ఏళ్లకే పింఛన్లు అందిస్తాం. వారందరికీ ఆర్థిక భరోసా కల్పిస్తాం. బలహీన వర్గాల అభ్యున్నతి కోసం కృషి చేస్తాం. ఎన్నికలయ్యాక ఏం చేశారంటే... 50 ఏళ్లు నిండిన ఎస్సీ, ఎస్టీ, బీసీ, మైనార్టీలలో ఒక్కరికీ పింఛన్‌ ఇవ్వలేదు. వాస్తవానికి చంద్రబాబు ప్రభుత్వం అధికారంలోకి వచ్చిన తర్వాత ఇప్పటి వరకూ ఒక్కరికీ కొత్తగా పింఛన్‌ ఇవ్వలేదు. వృద్ధాప్య పింఛన్‌ అందుకుంటున్న భర్త చనిపోతే స్పౌజ్‌ కింద భార్యకు వితంతు పింఛను ఇచ్చారే తప్ప కొత్తగా ఎవరికీ ఆర్థిక భరోసా కల్పించలేదు. ఫలితంగా జిల్లా వ్యాప్తంగా 1.5 లక్షల మంది 50 ఏళ్లు దాటిన ఎస్సీ, ఎస్టీ, బీసీలు ఆశగా ఎదురు చూస్తున్నారు. 60 ఏళ్లు నిండిన వారినే పట్టించుకోని చంద్రబాబు అండ్‌ కో... ఇక 50 ఏళ్లకే పింఛన్‌ ఎక్కడిస్తారు. అసలు ఆ హామీ ఇచ్చామన్న విషయమే కూటమి నాయకులకు గుర్తు లేదు. అందువల్లే ఈ రెండున్నరేళ్లలో ఎంతగా సొంత డబ్బా కొట్టుకుంటున్నా 50 ఏళ్లకే పింఛన్‌ విషయాన్ని మాత్రం ఎక్కడా ప్రస్తావించడమే లేదు.

కోరుకొండ: అతి వేగమే ఉసురుతీసింది.. ఇద్దరి మృతికి కారణమైంది. వేగంగా వచ్చిన లారీ ఆటోను ఢీకొన్న ఘటనలో డ్రైవర్‌తో పాటు ప్రయాణికుడు దుర్మరణం పాలయ్యారు. ఈ ఘటన కోరుకొండ రోడ్డులో శుక్రవారం చోటుచేసుకుంది. ఎస్సై ఆర్‌.శివాజీ కథనం ప్రకారం.. రంగంపేట మండలం ఈలకొలను గ్రామానికి చెందిన నలుగురు ఆటోలో గోక వరం మండలం కృష్ణునిపాలెం వెళ్లారు. తిరిగి అదే ఆటోలో వస్తుండగా స్థానిక గుర్రాల బొమ్మల వెంచర్‌ వద్ద ఎదురుగా వస్తున్న లారీ ఢీకొంది. దీంతో ఆటో బోల్తా పడింది. ఈ ప్రమాదంలో ఆటో డ్రైవర్‌ పల్లేటి అనీల్‌కుమార్‌ (22), ఆటోలోని ప్రయాణికుడు అంచూరి చిన్నరాజు (40) తలకు తీవ్రగాయాలు కావడంతో అక్కడికక్కడే మృతి చెందారు. కాగా ఆటోలోని బెతుకూరి సుమలత, బెతుకూరి నాగేశ్వరరావు, బెతుకూరి మరియమ్మలకు స్వల్ప గాయాలయ్యాయి. ఆటో డ్రైవర్‌ అనీల్‌కుమార్‌ తండ్రి చిన్నవెంకన్న ఇచ్చిన ఫిర్యాధు మేరకు కేసు నమోదు చేసి, దర్యాప్తు చేయనున్నట్టు ఎస్సై శివాజీ తెలిపారు. సంఘటనా స్థలాన్ని కోరుకొండ సీఐ ఎస్‌వీవీఎస్‌ మూ ర్తి, ఎస్సై ఆర్‌.శివాజీ పరిశీలించారు. లారీ వేగంగా నడపడం వల్లే ప్రమాదం జరిగిందని వారు వెల్లడించారు. ● ఆటోను లారీ ఢీకొనడంతో ఇద్దరి మృతి ● కోరుకొండ రోడ్డులో ప్రమాదం

లంచం తీసుకుంటూ పట్టుబడిన ఫైర్‌ ఆఫీసర్‌ కంబాలచెరువు (రాజమహేంద్రవరం): రాజమహేంద్రవరం కోటిపల్లి బస్టాండ్‌ వద్ద ఉన్న అగ్నిమాపక కేంద్రంలో లంచం తీసుకుంటూ జిల్లా అగ్నిమాపక శాఖాధికారి పేరూరి శ్రీనివాస్‌ శుక్రవారం ఏసీబీ అధికారులకు పట్టుబడ్డాడు. ఏసీబీ ఏఎస్పీ భవ్యకిశోర్‌ ముందస్తు సమాచారంతో అగ్నిమాపక శాఖ కార్యాలయంపై దాడి చేశారు. ఆ సమయంలో శ్రీనివాస్‌ రూ.65 వేలు లంచం తీసుకుంటుండగా, రెడ్‌ హ్యాండెడ్‌గా పట్టుబడ్డాడు. రాజానగరానికి చెందిన బెజవాడ వెంకటేశ్వరరావుకు ఐదు బాణసంచా దుకాణాలున్నాయి. వాటికి సంబంధించి లైసెన్సులు పొందేందుకు అగ్నిమాపక శాఖ కార్యాలయానికి వచ్చాడు. దుకాణాలకు లైసెన్సు ఇచ్చేందుకు పలు సమస్యలు ఉన్నాయని, ఆ కారణంగా లైసెన్సు ఇవ్వాలంటే కొంత నగదు ఖర్చవుతుందని శ్రీనివాస్‌ చెప్పాడు. దీంతో దుకాణ నిర్వాహకుడు వెంకటేశ్వరరావు ఏసీబీ అధికారులను ఆశ్రయించాడు. వారు వల పన్ని శ్రీనివాస్‌ను పట్టుకున్నారు. ఈ సందర్భంగా ఏఎస్పీ భవ్యకిశోర్‌ మాట్లాడుతూ ప్రభుత్వ అధికారులు ఎవరైనా లంచం అడిగితే వెంటనే తమకు ఫోన్‌ చేయాలన్నారు. తూర్పుగోదావరి, డాక్టర్‌ అంబేడ్కర్‌ కోనసీమ, కాకినాడ, పోలవకం జిల్లాల్లో ఎవరైనా లంచం డిమాండ్‌ చేస్తే వెంటనే 1064కు, అలాగే తన నంబర్‌ 94404 46102కు ఫోన్‌ చేయవచ్చన్నారు.

కోరుకొండ/ సీతానగరం: కాలువలో గల్లంతైన ఏఎన్‌ఎం మృతి చెందింది. సీతానగరం ప్రాథమిక ఆరోగ్య కేంద్రం పరిధి నాగంపల్లి సచివాలయ ఏఎన్‌ఎంగా దేవీపట్నం మండలం ఇందుకూరుకు చెందిన కారం సత్యవతి(48) పని చేస్తోంది. ఈ నెల 28న నాగంపల్లిలో విధులు నిర్వహించిన అనంతరం భర్తతో కలసి స్వగ్రామం వెళ్లే సమయంలో కోరుకొండ మండలం కోటికేశవరం దగ్గరలో ఉన్న ఈనుకొండ కాలువ దాటుతుండగా ప్రమాదవశాత్తు ఏఎన్‌ఎం సత్యవతి గల్లంతైంది. శుక్రవారం ఉదయం 10 గంటలకు నల్లచెరువు సమీపంలో ఆమె మృతదేహం లభ్యమైంది. పోస్టుమార్టం అనంతరం స్వగ్రామమైన ఇందుకూరిపేటకు ఆమె మృతదేహాన్ని తరలించామని సీతానగరం పీహెచ్‌సీ వైద్యురాలు వి.భవాని తెలిపారు. వ్యాన్‌ బోల్తా ముగ్గురికి గాయాలు దేవరపల్లి: నల్లజర్ల మండలం దూబచర్ల వద్ద కూలీలతో వెళుతున్న వ్యాన్‌ అదుపుతప్పి బోల్తాపడిన సంఘనలో ముగ్గురు తీవ్రంగా గాయపడ్డారు. క్షతగాత్రులను చికిత్స నిమిత్తం తాడేపల్లిగూడెం ప్రభుత్వ ఆసుపత్రికి తరలించారు. పోలీసుల కథనం ప్రకారం.. కొయ్యలగూడెం మండలం పొంగుటూరుకు చెందిన శీలం వీర్రాజు, శీలం వెంకటేశ్వరరావు, శీలం ప్రసాద్‌లు శుక్రవారం నల్లజర్ల మండం దూబచర్లకు పనికి వెళ్లారు. సాయంత్రం తిరిగి వ్యాన్‌పై పొంగుటూరు వస్తుండగా, వ్యాన్‌ టైర్‌ ఫంక్చర్‌ కావడంతో అదుపుతప్పి బోల్తా పడింది. ఈ ప్రమాదంలో ఆ ముగ్గురికీ తీవ్ర గాయాలు కాగా, చికిత్స నిమిత్తం ఆసుపత్రికి తరలించారు. కేసు నమోదు చేసి పోలీసులు దర్యాప్తు చేస్తున్నారు.

సాక్షి, రాజమహేంద్రవరం: కళ్లముందే పంట నేలకొరిగింది.. రెక్కల కష్టమంతా నీటిలో కలిసిపోయింది.. అప్పులు చేసి పెట్టిన పెట్టుబడి ఆవిరైంది.. చేతికొస్తుందనుకున్న పంట తుపాను గాలులకు బలైపోవడంతో అన్నదాతలకు శోకం మిగిలింది. అర్నబ్‌ తుపాను ప్రభావంతో తూర్పుగోదావరి జిల్లాలో రైతులకు కోలుకోలేని దెబ్బతగిలింది. ఒకవైపు అప్పుల భారం.. మరోవైపు పెట్టుబడులు కూడా తిరిగి వచ్చే పరిస్థితి లేకపోవడం రైతన్నలకు భారంగా పరిణమించింది. ఇంతటి విపత్తు సంభవించినా చంద్రబాబు ప్రభుత్వం నుంచి కనీస భరోసా దక్కకపోవడం శోచనీయం. కళ్లముందే కూలిన ఆశల పంట ఈ ఏడాది పంట బాగా పండుతుందని.. దిగుబడి చేతికొస్తే అప్పులు తీర్చి కుటుంబాన్ని గట్టెక్కించుకోవచ్చని రైతులు ఆశపడ్డారు. సాగు కోసం విత్తనాలు, ఎరువులు, పురుగు మందులు, కూలీల ఖర్చుల నిమిత్తం అప్పులు చేశారు. వేసవిని తలపించే ఎండలను సైతం తట్టుకుని పంటలను కాపాడుకుంటూ వచ్చారు. జిల్లా వ్యాప్తంగా 92 వేల హెక్టార్లలో వరి, 12,500 హెక్టార్లలో అరటి, 6 వేలకుపైగా హెక్టార్లలో మినుములు, ఉద్యానవన పంటలు సాగు చేశారు. ముఖ్యంగా వరి కోతల సమయం సమీపిస్తున్న తరుణంలో అర్నబ్‌ తుపాను రూపంలో ప్రకృతి విరుచుకుపడింది. బలమైన ఈదురు గాలులకు వరి పొలాలు నేలవాలాయి. చేతికొచ్చే దశలో ఉన్న 50 వేల హెక్టార్లలోని వరి పంట నీటి పాలైంది. ఎకరానికి రూ.70 వేల లెక్కన ఆదాయం వస్తుందనుకుని వరి సాగుచేసి నష్టపోయిన 80 వేల మంది రైతులకు సుమారు రూ.8,500 కోట్ల మేర నష్టం వాటిల్లింది. మరోవైపు అరటి, ఇతర పంటలకు ఇప్పటి వరకూ సుమారు రూ.600 కోట్లకు పైగా పెట్టుబడి పెట్టారు. ఈ దశలో నెలల తరబడి పడిన శ్రమ కళ్లముందే నీటిపాలు కావడంతో రైతులు కన్నీరుమున్నీరవుతున్నారు. అప్పులు తీర్చే మార్గం లేక.. పంట చేతికొస్తే పెట్టుబడి కోసం చేసిన అప్పులు తీర్చుకోవచ్చని ఆశించిన రైతులకు ఇప్పుడు ఏం చేయాలో పాలుపోవడం లేదు. వడ్డీ వ్యాపారుల వద్ద, బ్యాంకుల్లో అప్పులు తెచ్చి సాగు చేసిన వారు తీవ్ర ఆందోళన చెందుతున్నారు. పంట నష్టంతో ఆదాయం లేకపోగా.. పెట్టుబడులు కూడా తిరిగి వచ్చే పరిస్థితి లేదు. కుటుంబ పోషణ, పిల్లల చదువులు, వైద్య ఖర్చులు ఎలా భరించాలో తెలియక సతమతమవుతున్నారు. మొత్త‘మోంథా’ కోల్పోయినా.. గతంలో మోంథా తుపాను కారణంగా జరిగిన పంట నష్టానికే ఇప్పటి వరకు చంద్రబాబు ప్రభుత్వం పరిహారం అందించలేదని రైతులు ఆవేదన వ్యక్తం చేస్తున్నారు. నష్టపోయిన పంటలను అధికారులు పరిశీలించడం, నివేదికలు పంపడం తప్ప తమ చేతికి పరిహారం అందిన దాఖలాలు లేవని చెబుతున్నారు. ఫ అర్నబ్‌ దెబ్బకు కుదేలైన అన్నదాతలు ఫ 50 వేల హెక్టార్లలో వరి పంట నీటిపాలు ఫ అరటి, ఇతర పంటలూ ధ్వంసం ఫ ఆదుకునేందుకు హామీ ఇవ్వని చంద్రబాబు సర్కారు

ఎన్నికల వేళ ఏం చెప్పారంటే...: అన్నదాతలకు అండగా నిలుస్తాం. కేంద్రం ఇచ్చే సాయంతో సంబంధం లేకుండా అన్నదాత సుఖీభవ పేరిట రూ.20 వేలు చెల్లిస్తాం. రైతులకు మద్దతు ధర కల్పించి ఆదుకుంటాం. ఎన్నికలయ్యాక ఏం చేశారంటే... అన్నదాత సుఖీభవ పేరిట సొంతంగా రూ.20 వేలు ఇస్తామని చెప్పినప్పటికీ రూ.14 వేలే ఇస్తున్నారు. కేంద్రం ఇస్తున్న రూ.6 వేలను తామే ఇస్తున్నట్లు చంద్రబాబు గొప్పలు చెబుతున్నారు. మరోవైపు మద్దతు ధర కల్పించి అండగా నిలవడం మాట అటుంచితే గత ఏడాది మోంథా తుపాను వల్ల తూర్పుగోదావరి జిల్లాలోని సుమారు 50 వేల మంది రైతులు నష్టపోతే పరిహారమివ్వకుండా కథలు చెప్పారు. ఇప్పటికీ అన్నదాతలకు సాయం అందలేదు. యంత్రసిరి పేరుతో రెండేళ్లుగా మోసం చేస్తున్నారే తప్ప ఒక్కరికీ యంత్రాలు అందించలేదు. వ్యవసాయ యాంత్రీకరణ అంతా మాటల్లోనే తప్ప కార్యాచరణ లేదు. తాజాగా అర్నబ్‌ దెబ్బకు జిల్లాలో 60 వేలకు పైగా హెక్టార్లలో పంటలు దెబ్బతిన్నప్పటికీ ఆదుకుంటామనే భరోసా చంద్రబాబు అండ్‌ కో రైతులకివ్వడం లేదు.

ఎన్నికల వేళ ఏం చెప్పారంటే... ప్రతి ఇంటికి ఏడాదికి మూడు సిలిండర్లు ఉచితంగా ఇస్తాం. సామాన్య కుటుంబాలు కట్టెల పొయ్యి మీద కాకుండా గ్యాస్‌తో వంట చేసుకునేందుకు అండగా నిలుస్తాం. ఎన్నికలయ్యాక ఏం చేశారంటే... గడిచిన రెండున్నరేళ్లలో ఈ పథకాన్ని పది శాతం మందికి కూడా అమలు చేయలేదు. మొదటి ఏడాది పూర్తిగా విస్మరించిన చంద్రబాబు ప్రభుత్వం తర్వాత నుంచి అక్కడక్కడా కొంత మందికి ఒక్కో సిలిండర్‌కు నగదు ఖాతాల్లో వేసి చేతులు దులిపేసుకున్నారు. వాస్తవానికి తూర్పుగోదావరి జిల్లాలో 52 గ్యాస్‌ ఏజెన్సీల పరిధిలో 5,12,135 కనెక్షన్లు ఉన్నాయి. వీరిలో పదో వంతు మందికి కూడా ఏడాదికి మూడు చొప్పున సబ్సిడీ సిలిండర్లు ఇవ్వలేదు.

సాక్షి, రాజమహేంద్రవరం: స్థానిక ఎన్నికలకు ప్రచార పర్వం ముగిసింది.. తెరవెనుక వ్యవహారాలకు కూటమి సిద్ధమైంది. ఓటర్లను ప్రలోభపెట్టేందుకు సన్నద్ధమువుతోంది. కొవ్వూరు, నిడదవోలు, మండపేట మున్సిపాలిటీల్లో కూటమి అభ్యర్థులకు ప్రజా వ్యతిరేకత భయం పట్టుకుంది. ఎన్నికల ముందు చంద్రబాబు, పవన్‌కళ్యాణ్‌, లోకేశ్‌ అండ్‌ కో ఇచ్చిన హామీలను అమలు చేయకపోవడం, నిత్యావసరాల ధరలు ఆకాశాన్నంటడం, సన్నబియ్యం ధరల భారంతో ప్రజల్లో నెలకొన్న అసంతృప్తి కూటమి అభ్యర్థులను కలవరపెడుతోంది. దీంతో చివరి అంకంలో ఓటర్లను ప్రలోభపెట్టేందుకు డబ్బు, మద్యం పంపిణీకి తెరవెనుక వ్యూహాలు సిద్ధం చేస్తున్నారనే ఆరోపణలు వినిపిస్తున్నాయి. మున్సిపల్‌ ఎన్నికల ప్రచారం శుక్రవారం సాయంత్రం 5 గంటలతో ముగిసింది. ఆదివారం పోలింగ్‌ జరగనుంది. ప్రచారానికి, పోలింగ్‌కు మధ్య ఉన్న సమయం అభ్యర్థులకు అత్యంత కీలకంగా మారింది. ఈ వ్యవధిలో ఓటర్లను తమవైపు తిప్పుకొనేందుకు అన్ని మార్గాలనూ అన్వే షిస్తున్నారు. ముఖ్యంగా కొవ్వూరు, నిడదవోలు, మండపేటలో ఓటమి భయం కూటమి నేతలను వెంటాడుతోందని రాజకీయ పరిశీలకులు భావిస్తున్నారు. మరోవైపు గత రెండున్నరేళ్లలో ఇసుక అక్రమ తవ్వకాలు, మద్యం అధిక ధరలకు విక్రయించడం ద్వారా కొందరు నాయకులు భారీగా ఆర్జించారనే ఆరోపణలున్నాయి. ఇప్పుడు అదే అక్రమ సొమ్మును ఎన్నికల్లో ఖర్చు చేసేందుకు సిద్ధమవుతున్నారనే ప్రచారం సాగుతోంది. ఓటుకు నోటు, మద్యం సీసాల పంపిణీ ద్వారా ప్రజాతీర్పును ప్రభావితం చేయాలని ప్రయత్నిస్తున్నారనేది స్థానికంగా చర్చనీయాంశమవుతోంది. శుక్రవారం రాత్రి నుంచి పోలింగ్‌కు ముందు వరకు ఓటర్లను ఆకర్షించేందుకు రకరకాల ఎత్తుగడలు వేస్తున్నారనే సమాచారం రాజకీయ వర్గాల్లో కలకలం రేపుతోంది. కూటమి అభ్యర్థులకు అదే భయం ఎన్నికల ముందు ఇచ్చిన హామీల్లో చాలా వరకు అమలుకు నోచుకోకపోవడం కూటమి అభ్యర్థులకు ఇబ్బందికరంగా మారింది. మహిళలకు ఆడబిడ్డ నిధి, బీసీలకు 50 ఏళ్లకే పింఛన్లు, నిరుద్యోగులకు భృతి, ఇంటింటికీ మూడు ఉచిత సిలిండర్లు, బీసీలకు 34 శాతం రిజర్వేషన్లు వంటి హామీలు అమలు కాక ప్రజల్లో తీవ్ర ఆగ్రహం వ్యక్తమవుతోంది. మరోవైపు నిత్యావసరాల ధరలు, బియ్యం ధరలు పెరగడంతో సామాన్య కుటుంబాలపై ఆర్థిక భారం పడుతోంది. ఈ అసంతృప్తి ఓట్ల రూపంలో బయటపడుతుందేమోనన్న భయం కూటమి నేతల్లో నెలకొన్నట్లు తెలుస్తోంది. అభివృద్ధి, సంక్షేమం గురించి చెప్పుకోవాల్సిన చోట డబ్బు, మద్యంపై ఆధారపడాల్సిన పరిస్థితి వచ్చిందనే విమర్శలు వినిపిస్తున్నాయి. మరోవైపు ప్రచారం ముగిసిన తర్వాత ఓటర్లను ప్రలోభపెట్టే ప్రయత్నాలు జరగకుండా ఎన్నికల సంఘం, పోలీసు యంత్రాంగం అప్రమత్తంగా ఉండాల్సిన అవసరం ఉంది. మద్యం అక్రమ నిల్వలు, నగదు పంపిణీపై నిఘా పెంచాలని ప్రజలు కోరుతున్నారు. ముఖ్యంగా పోలింగ్‌కు ముందు రాత్రి జరిగే వ్యవహారాలపై ప్రత్యేక దృష్టి పెట్టాల్సిన అవసరం ఉంది.ఫ మున్సిపల్‌ ఎన్నికల్లో ‘కూటమి’ ఎత్తుగడలు ఫ ప్రభుత్వ వ్యతిరేకతను కప్పిపుచ్చుకునేందుకు వ్యూహాలు ఫ మద్యం, డబ్బు పంపిణీకి తెరవెనుక రాజకీయాలు

కపిలేశ్వరపురం (మండపేట): వైఎస్సార్‌ సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి ఆదేశాల మేరకు పార్టీ రాష్ట్ర యువజన విభాగం కార్యదర్శిగా మండపేట మండలం అర్తమూరుకు చెందిన గొలుగూరి సందీప్‌రెడ్డిని నియమించారు. ఆ మేరకు తాడేపల్లిలోని పార్టీ ప్రధాన కార్యాలయం శుక్రవారం నియామక ప్రకటన విడుదల చేసింది. తనకు తగిన ప్రాధాన్యం కల్పించిన పార్టీ అధినేత వైఎస్‌ జగన్‌మోహన్‌రెడ్డికి, ఎమ్మెల్సీ తోట త్రిమూర్తులుకు సందీప్‌రెడ్డి కృతజ్ఞతలు తెలిపారు. యువజన సమస్యలను అధ్యయనం చేస్తూ వారి సమస్యల పరిష్కారానికి తన వంతు కృషి చేస్తానని ఆయన చెప్పారు.

సుబ్బారావు : ఏందిరా రామకృష్ణ.. కొవ్వూరులో మున్సిపల్‌ ఎన్నికల సందడి మామూలుగాలేదే! ఆ ఇద్దరు నాయకుల హడావుడి చూస్తుంటే ఏదో పెద్ద పండగొచ్చినట్టుందే! రామకృష్ణ : పండగే రా సుబ్బారావు... కాకపోతే జనాలకు కాదు.. రెండున్నరేళ్లుగా కొవ్వూరును పంచేసుకుని దోచుకుంటున్న ఆ ఇద్దరు నాయకులకేనని జనం అనుకుంటున్నారు. సుబ్బారావు : అదేంట్రా! మున్సిపల్‌ కుర్చీ కోసం అంత హడావుడా? జనానికి సేవ చేయడానికి ఇంత ఖర్చు పెడతారా ఏంది? రామకృష్ణ : ఆహా.. నీ అమాయకత్వం తగలెయ్యా! పైకి చూస్తే మున్సిపల్‌ ఎన్నికలు.. లోపల లెక్కలేమో వచ్చే ఏడాది గోదావరి పుష్కరాల నిధుల మీద ఉన్నాయంట! సుబ్బారావు : అవున్లే! గోష్పాద క్షేత్రానికి పుష్కరాలప్పుడు లక్షలాది మంది భక్తులొస్తారు. ఘాట్లు బాగు చేయాలె.. రోడ్లు వేయాలె.. లైట్లు పెట్టాలె.. తాగునీళ్లు ఇవ్వాలె.. పారిశుధ్యం చూడాలె.. బోలెడన్ని పనులుంటాయ్‌ కదా! రామకృష్ణ : ఆ పనులే ఇప్పుడు కొందరి కళ్లకు కనిపిస్తున్నాయటరా! పుష్కరాల కోసం ఎన్ని నిధులొస్తాయో.. ఎన్ని పనులు జరుగుతాయో.. ఏ పనులు ఎవరికి దక్కుతాయోనని ఇప్పట్నుంచే లెక్కలేసుకుంటున్నారనే ఆరోపణలు వినిపిస్తున్నాయ్‌! సుబ్బారావు : ఓహో! అంటే ఇప్పుడు ఎన్నికల్లో ఖర్చు పెట్టేది.. రేపు పుష్కరాల పనుల్లో వెనకేసుకోవడానికన్నమాట? రామకృష్ణ : అదే నిజమని నేను చెప్పట్లేదురా బాబూ.. జనం మధ్య అలాంటి అనుమానాలు, ఆరోపణలు వినిపిస్తున్నాయని చెబుతున్నా! కొవ్వూరు నియోజకవర్గాన్ని ఆ ఇద్దరు నాయకులు ఇప్పటికే పంచేసుకుని నీకది... నాకిది అన్నట్లుగా ఇసుక అక్రమ తవ్వకాలు.. అధిక ధరలకు మద్యం విక్రయించి దోచేస్తున్నారనే రకరకాల ఆరోపణలు వినిపిస్తున్నాయ్‌ కదా.. ఇప్పుడు మున్సిపాలిటీ కూడా వారి చేతిలో ఉంటే అభివృద్ధి పనులు దక్కించుకుని దోచేయొచ్చని ఆశ పడుతున్నారనే ప్రచారం జరుగుతోందిరా..! సుబ్బారావు: నిజమేనోయ్‌! పుష్కరాలంటే గోదావరి తల్లి మీద భక్తి.. గోష్పాద క్షేత్రం మీద గౌరవం. ఆ పేరుతో వచ్చే నిధులతో భక్తులకు సౌకర్యాలు కల్పించడానికి ఖర్చు పెట్టాలె గానీ.., దోచుకోవడానికి ఇప్పటి నుంచే ప్రణాళికలు సిద్ధం చేయడం సిగ్గుచేటు. రామకృష్ణ : భలే చెప్పావురా! ఘాట్లు కట్టినా నాణ్యత ఉండాలె.. రోడ్లు వేసినా నిలబడాలె.. లైట్లు పెట్టినా వెలగాలె.. తాగునీళ్లు ఇచ్చినా అందరికీ అందాలె. కాగితాల మీద పనులు చూపించి, క్షేత్రస్థాయిలో సగం కూడా చేయకుండా దోచుకుంటామంటే ఎట్టా? సుబ్బారావు : కానీ ఎన్నికలప్పుడు మాత్రం ఎవరు ఎంత ఖర్చు పెడతారోనని జనం కూడా చూస్తారుగా! రామకృష్ణ : ఖర్చు పెట్టినోడే మంచి నాయకుడని అనుకుంటే పొరపాటే రా! ఓటు వేసేటప్పుడు ఎవరు పట్టణానికి ఏం చేస్తారో చూడాలె. గెలిచినోళ్లు ఐదేళ్లూ ప్రజలకు అందుబాటులో ఉంటారా? తాగునీరు, డ్రైనేజీ, రోడ్లు, పారిశుధ్యం వంటి సమస్యలు తీరుస్తారా? అనేది ముఖ్యం. సుబ్బారావు : మరి పుష్కరాల పనుల మీద ఆశపడి ఆ ఇద్దరు నాయకులు కోట్ల రూపాయలు కుమ్మరించేస్తున్నారు కదా! రామకృష్ణ : ముందే చెప్పాను కదరా.... ఇప్పటికే గత రెండున్నరేళ్లుగా నియోజకవర్గాన్ని పంచుకుని దోచుకున్న డబ్బుకి లెక్కే లేదంటరా.. ఆ డబ్బులో కొంత ఇప్పుడు ఖర్చు చేస్తే.. మళ్లీ కావాల్సినంత దోచుకునేందుకు అధికారం దక్కుతుంది కదా... అందుకనే పంచేస్తున్నారట..! సుబ్బారావు : పుష్కరాలొచ్చినప్పుడు భక్తులు సౌకర్యంగా స్నానాలు చేసి పోవాలె. కొవ్వూరు పేరు నిలవాలె. ఘాట్లు, రోడ్లు బాగుపడాలె. అంతేగానీ కాంట్రాక్టుల పేరిట దోచేసుకుంటామంటే పట్టణం పరువేంగానురా...? రామకృష్ణ : అందుకే ఈసారి జనం కళ్లూ చెవులూ తెరిచి ఉంచాలె. ఎన్నికల్లో ఎవరు ఎంత ఖర్చు పెడుతున్నారన్న దానికంటే.. గెలిచాక ఎవరు ఎంత పని చేస్తున్నారో లెక్క పెట్టాలె. పుష్కరాల నిధుల మీద కూడా ఓ కన్నేసి ఉంచాలె! సుబ్బారావు : సరే గానీ రామకృష్ణ.. చివరగా ఒక్క మాట చెప్పు. కొవ్వూరు మున్సిపల్‌ పీఠం ప్రజలకు సేవ చేయడానికా.. పుష్కరాల పనుల మీద పెత్తనం చేయడానికా? రామకృష్ణ : ఆ ప్రశ్నకు సమాధానం ఇప్పటికే నియోజకవర్గాన్ని పంచేసుకున్న ఆ ఇద్దరు నాయకులే చెప్పాలెరా! మున్సిపల్‌ కుర్చీ అంటే బాధ్యత.. పుష్కరాల నిధులంటే ప్రజల సొమ్ము. ఆ ఫలాలు గోదావరి ఒడ్డున ఉన్న జనాలకు, పుష్కరాలకు వచ్చే భక్తులకు అందాలె. అంతేగానీ ఆ ఇద్దరి నాయకుల జేబులు నింపుకొంటామంటే ఎవరూ చూస్తూ ఊరుకోరు కదా...!!! టీ గ్లాసులు ఖాళీ అయ్యాయ్‌.. కానీ ఆ ఇద్దరి స్నేహితుల ముచ్చట మాత్రం కొవ్వూరు రాజకీయాలపై ఓ ప్రశ్నను మిగిల్చింది. ఎన్నికల్లో ఖర్చు.. పుష్కరాల పనులపై ఆశలు.. అభివృద్ధి నిధుల వినియోగంపై అనుమానాలు! ఇవన్నీ ఆరోపణలుగానే ఉన్నా.. ప్రజాధనానికి లెక్క ఉండాలన్నది మాత్రం అందరి కోరిక. మున్సిపల్‌ పీఠం ప్రజాసేవకు వేదిక కావాలా.. రాజకీయ ప్రయోజనాలకు వేదిక కావాలా? అనేది కొవ్వూరు ఓటర్లే నిర్ణయించాలి! విజ్ఞతతో ఓటు వేసి రెండున్నరేళ్లుగా నియోజకవర్గాన్ని దోచుకుంటున్న వారికి బుద్ధి చెబుతారని ఆశిద్దాం!! – సాక్షి, రాజమహేంద్రవరం కొవ్వూరు పట్టణంలో ఓ టీ కొట్టు.. అక్కడ టీ తాగుతూ పాత స్నేహితులు సుబ్బారావు, రామకృష్ణ మాటల్లో పడ్డారు. వారి ముచ్చట్లు మున్సిపల్‌ ఎన్నికల మీదకు వెళ్లాయ్‌.. ఎన్నికల్లో కోట్లాది రూపాయలు ఖర్చు పెట్టడానికి సిద్ధమైన ఇద్దరు నాయకులు.. రానున్న పుష్కరాలకు కొవ్వూరుకు కేటాయించే అభివృద్ధి నిధుల దోపిడీకి ఇప్పటి నుంచే ఎలా లెక్కలేసుకుంటున్నారో అంటూ వారి మధ్య సంభాషణ సాగింది. కొవ్వూరు మున్సిపల్‌ పీఠంపై ఆ ఇద్దరు నేతల కన్ను ఓటర్లకు విస్తృతంగా డబ్బు, మద్యం పంపిణీకి ఏర్పాట్లు పుష్కర పనుల్లో తిరిగి నిధుల దోపిడీకి స్కెచ్‌

మాజీ ఎమ్మెల్యే జక్కంపూడి రాజా సీతానగరం: స్థానిక ఎన్నికల్లో ఫ్యాన్‌ ప్రభంజనం ఖాయమని మాజీ ఎమ్మెల్యే జక్కంపూడి రాజా అన్నారు. శుక్రవారం మండలంలోని రాపాకలో ఆయన సమక్షంలో జాలిమూడి, రాపాక గ్రామాల్లో వివిధ పార్టీలకు చెందిన 80 మంది వైఎస్సార్‌ సీపీలో చేరారు. ఈ సందర్భంగా ఏర్పాటు చేసిన సమావేశంలో రాజా మాట్లాడుతూ పార్టీలో చేరిన ప్రతి కార్యకర్తకు సముచిత స్థానం లభిస్తుందని, అంతా ఐక్యంగా సాగి పార్టీని మరింత బలోపేతం చేద్దామని పిలుపునిచ్చారు. వైఎస్సార్‌ సీపీ సిద్ధాంతాలను, ప్రజా సంక్షేమ పథకాలను ప్రజల్లోకి తీసుకువెళ్లాలని అన్నారు. రెండున్నరేళ్లలో కూటమి ప్రభుత్వం ప్రజలకు చేసిందేమీ లేదన్నారు. ప్రస్తుతం రాష్ట్రంలో గూండాల పాలన సాగుతుందని ధ్వజమెత్తారు. ఈ ఎన్నికల్లో వైఎస్సార్‌ సీపీ జెడ్పీటీసీ, ఎంపీటీసీ అభ్యర్థులకు పట్టంకట్టేందుకు ప్రజలు సిద్ధంగా ఉన్నారని రాజా అన్నారు. అనంతరం రాపాకకు చెందిన చెరుకూరి ప్రసాద్‌, చెరుకూరి కృష్ణ, నలమాటి సత్యనారాయణ, నల్లమోలు పెద్ద, రేలంగి చక్రయ్య, గర్లంక వెంకటసాయి, చుండ్రు సత్యనారాయణ, గర్లంక శ్రీనివాసు (అయ్యప్ప), సుంకవల్లి సత్యనారాయణలతోపాటు 42 మందికి, అదే విధంగా జాలిమూడికి చెందని కాకులపాటి రాజు, డెంకాని నాగేశ్వరరావు, డొక్కా శేఖర్‌, డొక్కా శ్రీను, కాకులపాటి కళ్యాణ్‌, కర్రా చందు, ఉర్ల పాల్‌రాజ్‌, షేక్‌ యాకోప్‌, డొక్కా పండుతో పాటు 38 మందికి పార్టీ కండువాలు వేసి జక్కంపూడి రాజా ఆహ్వానించారు. పార్టీ మండల కన్వీనర్‌ ఘంటా శ్రీనివాస్‌, జెడ్పీటీసీ అభ్యర్థి కరుటూరి శ్రీహరిబాబు, మద్దిపాటి సుబ్బారావు, పిచ్చుకుల విజయ్‌కుమార్‌, రావూరి రామరాజు, పిండి రాధాకృష్ణ తదితరులు పాల్గొన్నారు వైఎస్సార్‌ సీపీలోకి చేరికలు పెదపూడి: వచ్చే నెల 5న జరిగే జెడ్పీటీసీ, ఎంపీటీసీ ఎన్నికల్లో వైఎస్సార్‌ సీపీ తరఫున పోటీ చేసే అభ్యర్థుల విజయమే లక్ష్యంగా పనిచేయాలని వైఎస్సార్‌ సీసీ జిల్లా కమిటీ సభ్యుడు కాకర సాయిబాబు, పార్టీ నియోజకవర్గ పద్మశాలీల సంఘ అధ్యక్షుడు పప్పు సింహాచలం పిలుపునిచ్చారు. పెదపూడి గ్రామంలో ఎంపీటీసీ–1, 2 అభ్యర్థులుగా వైఎస్సార్‌ సీపీ తరఫున పోటీ చేస్తున్న కొంగర విజయలక్ష్మి, మీసాల పావనిలు శుక్రవారం ఇంటింటా ప్రచారం చేశారు. ఫ్యాన్‌ గుర్తుకు ఓటు వేసి గెలిపించాలని అభ్యర్థించారు. ఈ సందర్భంగా జనసేన పార్టీకి చెందిన యూత్‌ నేకూరి శ్రీనివాసు, వల్లూరి నరేష్‌, వల్లూరి అశోక్‌, నేకూరి నాగరాజు, దువ్వాకుల వీరబాబు వారితో పాటు మరికొంత మంది వైఎస్సార్‌ సీపీలో భారీగా చేరారు. వారికి సాయిబాబు, సింహాచలం, పార్టీ మండల బీసీసెల్‌ కన్వీనర్‌ సమ్మంగి దుర్గాప్రసాద్‌, పీఏసీఎస్‌ మాజీ చైర్మన్‌ మార్ని కామరాజు చౌదరి, గ్రామ కన్వీనర్‌ మీసాల నాగరాజు పార్టీ కండువాలు వేసి ఆహ్వానించారు.

కూటమి ‘పథకం’ ప్రకారమే మోసం చేస్తోంది.. ఎన్నికల ముందు హామీలు ఇస్తూ గద్దెనెక్కాక విస్మరిస్తోంది.. సూపర్‌ సిక్స్‌ పేరుతో ఇచ్చిన హామీలను చాలావరకు పక్కనపెట్టింది. చెప్పిన మాటకు కట్టుబడకపోవడం, ఇచ్చిన హామీలను అమలు చేయకపోవడంపై ప్రజల్లో ఆగ్రహావేశాలు నింపింది. చంద్రబాబు బూటకపు హామీలు నమ్మి నిలువునా మోసపోయామని, ప్రస్తుతం స్థానిక ఎన్నికల వేళ ఓటుతో బుద్ధి చెబుతామని మహిళలు, నిరుద్యోగులు, బీసీలు, అన్నదాతలు ముక్తకంఠంతో చెబుతున్నారు. –సాక్షి, రాజమహేంద్రవరం ‘ఆడబిడ్డ నిధి’కి శఠగోపం ఎన్నికల వేళ బాబు ఏం చెప్పారంటే... నీకు రూ.1,500.., నీకు రూ.1,500.. ఇంట్లో ఎంత మంది మహిళలుంటే అందరికీ నెలకు రూ.1,500 చెల్లిస్తాం. ఆడబిడ్డ నిధి పేరిట పథకం అమలు చేసి అందరికీ ఆర్థిక భరోసా కల్పిస్తాం. ఎన్నికలయ్యాక ఏం చేశారంటే... నాడు వైఎస్‌ జగన్‌ ప్రభుత్వంలో బీసీ నేస్తం, కాపు నేస్తం పేరిట ఆర్థిక సాయం అందుకున్న మహిళల్లో చాలా మంది చంద్రబాబు మాయమాటలు నమ్మి కూటమి అభ్యర్థులకు ఓట్లేశారు. అనంతరం కూటమి ప్రభుత్వం అధికారంలోకి వచ్చి రెండున్నరేళ్లయినప్పటికీ ఆడబిడ్డ నిధి పథకానికి సంబంధించి ఒక్క మాట కూడా చెప్పడం లేదు. ఫలితంగా తూర్పు గోదావరి జిల్లాలోని 2.3 లక్షల మంది మహిళలు ఈ పథకం కోసం ఆశగా ఎదురు చూస్తున్నారు. వీరందరికీ నెలకు రూ.1,500 చొప్పున ఇప్పటి వరకూ రూ.42 వేలకు పైగా కూటమి ప్రభుత్వం బాకీ ఉంది. అయినప్పటికీ చంద్రబాబు అండ్‌ కో ఆ పథకం విషయాన్నే ప్రస్తావించడం లేదు.

కడియం: పంటల బీమా చెల్లించకుండా రైతులను చంద్రబాబు ప్రభుత్వం నట్టేట్లో ముంచిందని వైఎస్సార్‌ సీపీ జిల్లా అధ్యక్షుడు చెల్లుబోయిన వేణుగోపాలకృష్ణ అన్నారు. శుక్రవారం కడియం ఆవలో ముంపునకు గురైన వరి పొలాలను డీసీసీబీ మాజీ చైర్మన్‌ ఆకుల వీర్రాజు, పార్టీ నాయకులతో కలసి ఆయన పరిశీలించారు. స్థానిక రైతులతో వారు మాట్లాడారు. ఈ సందర్భంగా వేణు మాట్లాడుతూ 1.25 లక్షల ఎకరాల్లో వరి సాగు చేస్తున్న రైతులు ఆందోళన చెందుతున్నారని అన్నారు. పెట్టుబడి పోయిందని, అప్పుల పాలయ్యామని, నాలుగైదు సీజన్లు వ్యవసాయం చేసినా కోలుకుంటామన్న నమ్మకం లేదని రైతులు చెబుతున్నారని వేణు అన్నారు. పంట చేతికొచ్చే ముందే చేలు నేలమట్టం అయ్యాయని, పొలాల నుంచి ముంపు నీరు బయటకు పోవడం లేదన్నారు. విజనరీ అని చెప్పుకొనే చంద్రబాబు కేవలం రైతులను కష్టపెట్టాలనే పంటల బీమాను చెల్లించలేదని వేణు అన్నారు. ఈ సీజన్‌లో తుపాన్లు వస్తాయని, తద్వారా రైతులు నష్టపోతారని తెలిసినా పట్టించుకోలేదంటే రైతులను ఎంత నిర్లక్ష్యంగా వదిలేశారో అర్థమవుతోందన్నారు. కానీ గత వైఎస్సార్‌ సీపీ ప్రభుత్వంలో ఆర్బీకేల ద్వారా సిబ్బందిని నేరుగా రైతుల వద్దకే పంపించి, పంటల బీమా చెల్లించేలా ఓ వ్యవస్థను ఏర్పాటు చేశారని, దీనికి రూ.2,800 కోట్లను వైఎస్‌ జగన్‌మోహన్‌రెడ్డి ప్రభుత్వం అప్పట్లో చెల్లించిందని వేణు గుర్తు చేశారు. ఆ పథకాన్ని చంద్రబాబు నిలిపివేయడంతో రైతులు నష్టపోతున్నారని అన్నారు. పంట నష్టాన్ని లెక్కలు వేస్తానంటూ చంద్రబాబు హెలీకాఫ్టర్లలో తిరుగుతూ స్టేట్‌మెంట్లు ఇవ్వడానికే పరిమితం అయ్యారన్నారు. ప్రభుత్వం తక్షణం రైతులను ఆదుకునే చర్యలు చేపట్టాలని డిమాండ్‌ చేశారు. మోంథా తుపాను రాయితీ, బీమా ఇప్పటివరకు ఇవ్వలేదని కడియం ఆవ రైతులు చెబుతున్నారన్నారు. ఇక ఇప్పుడు జరిగిన నష్టానికి ఆదుకుంటారో లేదో కూడా అర్థం కావడం లేదన్నారు. ఇప్పుడు బియ్యం బస్తా రూ.2,600 దాటి పోయిందని, దీనికి వరి పండించవద్దని చెప్పిన చంద్రబాబు ఏం సమాధానం చెబుతున్నారని వేణు ప్రశ్నించారు. పార్టీ రాష్ట్ర కార్యదర్శి గిరజాల వీర్రాజు, మండల పార్టీ అధ్యక్షులు యాదల సతీష్‌చంద్ర స్టాలిన్‌, కొత్తపల్లి శివాజీ, తాడాల విష్ణుచక్రవర్తి తదితరులు పాల్గొన్నారు. ఫ తుపాను బాధితులను తక్షణం ఆదుకోవాలి ఫ వైఎస్సార్‌ సీపీ జిల్లా అధ్యక్షుడు చెల్లుబోయిన వేణు డిమాండ్‌

● కారు ప్రమాదంలో వధూవరులతో పాటు ముగ్గురికి గాయాలు ● అన్నవరం వెళ్తుండగా ఘటన గండేపల్లి: చేయి చేయి పట్టుకుని ఏడడుగులు నడిచారు.. వివాహ బంధంతో ఒక్కటయ్యారు.. ఆ వధూవరులతో బంధువులు దైవ సన్నిధికి బయలుదేరారు.. ఇంతలో అనుకోని ప్రమాదం వారిని గాయాల పాల్జేసింది.. వివాహ జీవితాన్ని సంతోషంగా గడపాల్సిన నూతన వధూవరులు ఆస్పత్రి పాలైన ఘటన గండేపల్లిలో జరిగింది. వధూవరుల ఇళ్లలో పెళ్లి సంబరాలను ఆశ్వాదించాల్సిన కుటుంబ సభ్యులు, బంధువులు ఆందోళనకు గురికావాల్సిన పరిస్థితి నెలకొంది. పోలీసులు, స్థానికుల కథనం మేరకు.. రాజమహేంద్రవరం రూరల్‌లోని కోలమూరు గ్రామానికి చెందిన నాగిరెడ్డి రాముతో కోరుకొండ మండలం కణుపూరుకు చెందిన వెంకట తిరుమలేశ్వరికి కణుపూరులో గురువారం రాత్రి వివాహం జరిగింది. ఎంతో అట్టహాసంగా పెళ్లి జరిగింది. తర్వాత దైవ సన్నిధికి వెళ్లి దర్శనం చేసుకోవాలని కారులో అన్నవరం సత్యనారాయణస్వామి ఆలయానికి బయలుదేరారు. వీరి కారు గండేపల్లి శివారు ప్రభుత్వ కార్యాలయాలకు సమీపంలోకి వచ్చే సరికి రోడ్డు పక్కనే డ్రైవర్‌ కాలకృత్యాలు తీర్చుకునేందుకు నిలిపిన మిరపకాయల లోడు తరలిస్తున్న మినీ వ్యాన్‌ను ఢీకొంది. ఈ ప్రమాదంతో కారులో ప్రయాణిస్తున్న నూతన వధూవరులు నాగిరెడ్డి రాము, వెంకట తిరుమలేశ్వరితో పాటు వరుడి చెల్లి ఆదం దుర్గ, బావ సతీష్‌, వధువు మేనత్త కృష్ణవేణి గాయపడ్డారు. సంఘటనా స్థలానికి చేరుకున్న రోడ్డు సేఫ్టీ అంబులెన్స్‌, 108 అంబులెన్స్‌లో స్థానికుల సహాయంతో క్షతగాత్రులను రాజమహేంద్రవరం ప్రభుత్వ ఆస్పత్రికి తరలించారు. ప్రమాద సమయంలో పెళ్లి కారును సతీష్‌ నడుపుతుండగా, కారులో ఉన్న మరో ఇద్దరు తాళ్లూరి సాయి, అడ్డాల వీరంద్రలకు ఎటువంటి గాయాలు కాలేదు. కునుకు పాట్లు కారణంగానే ప్రమాదం జరిగి ఉండవచ్చని స్థానికులు అనుమానం వ్యక్తం చేస్తున్నారు. సతీష్‌ ఫిర్యాదు మేరకు కేసు నమోదు చేసి దర్యాప్తు చేయనున్నట్టు పోలీసులు తెలిపారు.

ఎన్నికల వేళ ఏం చెప్పారంటే... బలహీనవర్గాల ప్రజలందరినీ రాజ్యాధికారంలో భాగస్వాములను చేస్తాం. అందుకోసం 34 శాతం రిజర్వేషన్లు కల్పించడంతో పాటు బీసీల రక్షణ చట్టం తీసుకొస్తాం. తర్వాత ఏం చేశారంటే... అధికారంలోకి వచ్చి రెండున్నరేళ్లు గడిచిపోయినా బీసీ రక్షణ చట్టం తీసుకురాలేదు. 34 శాతం రిజర్వేషన్లు కల్పిస్తూ చట్టమూ చేయలేదు. వాస్తవానికి కేంద్రంలో, రాష్ట్రంలో ఎన్‌డీఏ ప్రభుత్వాలే ఉండడంతోపాటు బీజేపీకి టీడీపీ ఎంపీల మద్దతు ఎంతో అవసరం. ఇలాంటి తరుణంలో కేంద్రం మెడలు వంచి చట్టం చేయించడం చాలా సులువు. అయినప్పటికీ చంద్రబాబు అండ్‌ కో అలా చేయకుండా బీసీలను మోసం చేసేందుకు రెండు జీఓలు ఇచ్చి చేతులు దులిపేసుకున్నారు. న్యాయ పరీక్షలో ఆ జీఓలు నిలవవు అని తెలిసినా ప్రజలను మభ్యపెట్టే ప్రయత్నం చేశారు. అందరూ ఊహించినట్లుగానే ఆ జీఓలను హైకోర్టు.. తర్వాత సుప్రీంకోర్టు కొట్టేయడంతో చంద్రబాబు చేసిన ద్రోహంపై బీసీలంతా భగ్గుమంటున్నారు.

● మహిళ ఇంట్లో లూటీ కేసులో నలుగురి అరెస్ట్‌ ● రూ.40 విలువైన బంగారు ఆభరణాల స్వాధీనం నిడదవోలు: ఒంటరిగా నివసిస్తున్న ఓ మహిళపై అగంతకులు దాడి చేశారు.. ఆ ఇంట్లో ఉన్న బంగారు, వెండి ఆభరణాలు దోచుకున్నారు.. చివరికి పోలీసులకు చిక్కి కటకటాల పాలయ్యారు. దీనిపై శుక్రవారం నిడదవోలు సీఐ కార్యాలయంలో కొవ్వూరు డీఎస్పీ జి.దేవకుమార్‌ విలేకర్ల సమావేశం నిర్వహించారు. ఆయన వివరాల ప్రకారం.. పెరవలి గ్రామానికి చెందిన గుడివాడ సత్యశ్రీ భర్త చనిపోవడంతో ఒంటరిగా ఉంటోంది. ఈమెకు ఇద్దరు కుమార్తెలు ఉద్యోగ రీత్యా ఇతర ప్రాంతాల్లో ఉంటున్నారు. ఇదిలా ఉంటే పెనుమంట్ర మండలం పెనుమంట్ర గ్రామానికి చెందిన స్నేహితులు జక్కంశెట్టి నాగరాజు, కడలి వెంకటరమణలు వ్యసనాలకు బానిసలై దొంగతనాలకు అలవాటు పడ్డారు. వీరికి పెరవలి గ్రామానికి చెందిన కుక్కల సాయిబాబు పేకాటలో పరిచమయ్యాడు. ఆ ముగ్గురూ పేకాటలో డబ్బులు పొగొట్టుకున్నారు. దీంతో దొంగతనం చేయాలని జక్కంశెట్టి నాగరాజు, కుక్కల సాయిబాబు అనుకున్నారు. పెరవలి గ్రామంలో గుడివాడ సత్యశ్రీ ఒంటరిగా ఉంటూ తాకట్టు వ్యాపారం చేస్తుందని తెలుసుకున్నారు. ఆమె ఇంట్లో చోరీకి ప్రణాళిక రచించారు. ఈ నెల 6న జక్కంశెట్టి నాగరాజు, కడలి వెంకటరమణ కలసి అరటి తోట వెనుక నుంచి సత్యశ్రీ ఇంట్లోకి ప్రవేశించారు. బాధితురాలు గుడివాడ సత్యశ్రీని బలంగా తలపై కొట్టారు. ఆమె మెడలో ఉన్న బంగారు ఆభరణాలు, బీరువాలోని బంగారు వస్తువులు, తాకట్టుకు వచ్చిన బంగారం, వెండి వస్తువులను అపహరించారు. ఈ మేరకు శుక్రవారం నిందితులు జక్కంశెట్టి నాగరాజుతో పాటు అతని భార్య జక్కంశెట్టి మల్లేశ్వరి, కడలి వెంకటరమణ, కుక్కల సాయిబాబులను అరెస్టు చేసి రిమాండ్‌కు తరలించారు. వారి నుంచి రూ.40 లక్షల విలువైన 357 గ్రాముల బంగారం, 2029 గ్రాముల వెండి వస్తువులు స్వాధీనం చేసుకున్నామని కొవ్వూరు డీఎస్పీ దేవకుమార్‌ వెల్లడించారు. ఈ కేసును చాకచక్యంగా చేధించిన నిడదవోలు సీఐ పీవీజీ తిలక్‌, పెరవలి ఎప్‌సై యామన సుధాకర్‌, సీసీఎస్‌ ఎస్సై రవీంద్రలను జిల్లా ఎస్పీ డి.నరసింహకిషోర్‌ అభినందిస్తూ రివార్డులు ప్రకటించినట్లు ఆయన పేర్కొన్నారు.

చేతిలో స్మార్ట్‌ఫోన్‌ ఉంటే జేబులో డబ్బుల్లేకపోయినా ఫర్వాలేదనే ధీమా.. క్షణాల్లో జరిగే డిజిటల్‌ చెల్లింపులు.. నిమిషానికో అప్‌డేట్‌ ఇచ్చే సోషల్‌ మీడియా..డిజిటల్‌ యుగంలో ముందుకు దూసుకుపోతున్నామనే ఆలోచనలను ఒక్క తుపాను తుడిచిపెట్టేసింది. ప్రకృతి ముందు మనిషి ఎప్పుడూ తక్కువే అని నిరూపించింది. భారీ వర్షాలు, ఈదురు గాలులకు విద్యుత్‌ స్తంభాలు, చెట్లు కూలిపోవడంతో సెల్‌ఫోన్లు మూగబోయాయి. ఇంటర్నెట్‌ సేవలు నిలిచిపోయాయి. దీంతో ప్రజలు తీవ్ర ఇబ్బందులు పడ్డారు. సాక్షి, రాజమహేంద్రవరం: ఆధునిక కాలంలో మానవుడు ఎన్నో డిజిటల్‌ సౌకర్యాలు పొందుతున్నాడు. ఇంటిలోనే కూర్చుని ఫోన్‌ ద్వారా తన పనులన్నీ చేసుకుంటున్నాడు. అయితే ఈ సాంకేతికను అర్నబ్‌ తుపాను బెంబేలు పెట్టించింది. విద్యుత్‌ సరఫరా నిలిచిపోవడంతో మొబైల్‌ ఫోన్లకు చార్జింగ్‌ లేక, నెట్‌వర్క్‌ సరిగ్గా, అందక, ఇంటర్నెట్‌ సేవలు అస్తవ్యస్తమై ప్రజలు తీవ్ర ఇబ్బందులు పడ్డారు. చేతిలో ఫోన్‌ ఉన్నా ఉపయోగం లేకుండా పోయింది. బ్యాంకు ఖాతాలో డబ్బులున్నా చెల్లించలేని పరిస్థితి ఏర్పడింది. ఆన్‌లైన్‌ ప్రపంచానికి అలవాటుపడిన జనం ఒక్కసారిగా ఆఫ్‌లైన్‌ జీవితంలోకి వెళ్లాల్సి వచ్చింది. డిజిటల్‌ దూకుడుకు ప్రకృతి కళ్లెం వేసింది. చార్జింగ్‌ లేక అవస్థలు స్మార్ట్‌ఫోన్‌ అంటే కేవలం మాట్లాడేందుకు మాత్రమే కాదు. వార్తలు తెలుసుకోవడం, బ్యాంకు లావాదేవీలు నిర్వహించడం, ప్రయాణ వివరాలు చూడటం, అత్యవసర సమాచారం చేరవేయడం వంటి ఎన్నో పనులకు ఆధారంగా మారింది. అలాంటి ఫోన్‌కు విద్యుత్‌ సరఫరా నిలిచిపోవడంతో చార్జింగ్‌ సమస్య ఎదురైంది. ఇప్పటికే చార్జింగ్‌ ఉన్న ఫోన్లలోనూ నెట్‌వర్క్‌ అంతరాయాలు ఇబ్బందులకు గురిచేశాయి. జిల్లా జనాభా సుమారు 23 లక్షలకు పైగా ఉంది. వారంతా సుమారు 8 లక్షలకుపైగా ఫోన్లు వాడుతున్నారని ఓ అంచనా. ఈ క్రమంలో పలు ప్రాంతాల్లో జియో, బీఎస్‌ఎనన్‌ఎల్‌ వంటి నెట్‌వర్క్‌ సేవలు సరిగ్గా అందకపోవడంతో కాల్స్‌, ఇంటర్నెట్‌ వినియోగానికి ఆటంకాలు ఏర్పడ్డాయి. అకౌంట్లలో డబ్బులున్నా.. ఇంటర్నెట్‌ సేవలు దెబ్బతినడంతో డిజిటల్‌ చెల్లింపులు చెల్లింపులకు ఆటంకాలు ఎదురయ్యాయి. జిల్లా వ్యాప్తంగా రోజువారీ సుమారు రూ.5 కోట్ల వరకూ ఆన్‌లైన్‌ లావాదేవీలు జరుగుతాయి. ముఖ్యంగా పెట్రోల్‌ బంకులు, దుకాణాల వద్ద డిజిటల్‌ చెల్లింపు లు ఎక్కువ. అలాంటి చోట ఫోన్‌పే చేయలేక వినియోగదారులు ఇబ్బందులు పడ్డారు. పెట్రోల్‌ బంకు ల వద్ద వాహనదారులు తీవ్ర అవస్థలు పడ్డారు. బ్యాంకు ఖాతాల్లో డబ్బులున్నా చేతిలో నగదు లేక అవసరమైన వస్తువులు కొనుగోలు చేయలేని పరిస్థితి కొందరికి ఎదురైంది. తెలిసిన వారిని చేబదులు అడిగినా వారి వద్ద కూడా నగదు లేకపోవడంతో అవస్థలు తప్పలేదు. . సోషల్‌ మీడియాకు దూరం ఉదయం నిద్ర లేచింది మొదలు రాత్రి పడుకునే వరకు ఫోన్‌లోనే కాలక్షేపం చేసే అలవాటు చాలా మందికి ఉంది. వాట్సాప్‌ సందేశాలు, ఫేస్‌బుక్‌ పోస్టులు, ఇన్‌స్ట్రాగామ్‌ రీల్స్‌, యూట్యూబ్‌ వీడియోలతో సమయం గడిపేవారు ఇంటర్నెట్‌ సేవలు నిలిచిపోవడంతో అసహనానికి గురయ్యారు. నిమిషానికోసారి ఫోన్‌ చూసే అలవాటున్నవారు తాజా పోస్టులు, సందేశాలు చూడలేక ఇబ్బందిపడ్డారు. మరో వైపు తుపాను పరిస్థితులపై సమాచారం తెలుసుకోవాలన్నా నెట్‌ అందుబాటులో లేకపోవడం సమస్యగా మారింది. బోసిపోయిన బస్టాండ్‌, రైల్వేస్టేషన్‌ భారీ ఈదురు గాలులకు పలు చోట్ల చెట్లు కూలి రహదారులపై పడటంతో రాకపోకలకు అంతరాయం ఏర్పడింది. జిల్లాలోని రాజమహేంద్రవరం, కొవ్వూరు, గోకవరం, మండపేట డిపోల నుంచి సర్వీసులన్నింటినీ బుధవారం ఆర్టీసీ అధికారులు పూర్తిగా రద్దు చేశారు. గురువారం వాతావరణం సద్దుమణగడంతో సర్వీసులు పునరుద్ధరించారు. మరోవైపు రోడ్లపై అడ్డంకుల కారణంగా కొన్ని ప్రాంతాల్లో రాకపోకలు నిలిచిపోవడం, మరికొన్ని చోట్ల రాకపోకలు ఆలస్యం కావడంతో గ్రామీణ ప్రాంతాలకు వెళ్లాల్సిన ప్రయాణికులు ఇబ్బందులు పడ్డారు. అత్యవసర పనులపై బయలుదేరినవారు సైతం గమ్యస్థానాలకు చేరుకునేందుకు ప్రత్యామ్నాయ మార్గాలు వెతుక్కోవాల్సి వచ్చింది. రైళ్ల రాకపోకలకు అంతరాయం తుపాను ప్రభావంతో పలు రైళ్ల రాకపోకలకు అంతరాయం ఏర్పడటంతో ప్రయాణికులు తమ ప్రయాణ ప్రణాళికలను మార్చుకోవాల్సి వచ్చింది. సుమారు 32 రైళ్లు రద్దు కావడం, మరికొన్ని సేవల్లో మార్పులు చోటుచేసుకోవడంతో రాజమహేంద్రవరం మీదుగా ఇతర ప్రాంతాలకు వెళ్లాల్సిన ప్రయాణికులు ఇబ్బందులు పడ్డారు. ఇంటర్నెట్‌ సదుపాయం అందుబాటులో లేకపోవడంతో రైళ్ల వివరాలు తెలుసుకోవడం, ప్రత్యామ్నాయ ప్రయాణ ఏర్పాట్లు చేసుకోవడం కూడా కొందరికి సమస్యగా మారింది. సాధారణంగా ప్రయాణికులతో రద్దీగా కనిపించే రైల్వే స్టేషన్‌ తుపాను ప్రభావంతో బోసిపోయింది. అర్నబ్‌ పంజాతో మూగబోయిన టెక్నాలజీ అస్తవ్యస్తమైన ఆధునిక జీవనం విద్యుత్‌ కట్‌, ఇంటర్నెట్‌ బంద్‌ డిజిటల్‌ చెల్లింపులకు బ్రేక్‌

● వరదలో కొట్టుకుపోయి తండ్రి, ఇద్దరి కుమారుల మృతి ● శంఖవరంలో విషాదం ప్రత్తిపాడు రూరల్‌ (శంఖవరం): అర్నబ్‌ తుపాను ఆ కుటుంబంలో కన్నీటి వరదను పారించింది. తండ్రి, ఇద్దరు కుమారులను దూరం చేసి, తీరని శోకం మిగిల్చింది. శంఖవరం గ్రామానికి చెందిన పిల్లా నారాయణరావు (ఎతిమాని) (55), ఆయన కుమారులు దుర్గాప్రసాద్‌ (30), రాజేష్‌ (20) పంపా వరదలో కొట్టుకుపోయి మృతి చెందడంతో ఆ గ్రామంలో విషాదం నెలకొంది. పొలంలో మోటారు తెచ్చేందుకు బైక్‌పై వెళ్లిన వీరు శంఖవరం–మండపం రహదారిపై పంపా కాలువ దాటే క్రమంలో ఉధృతంగా ప్రవహిస్తున్న వరద నీటిలో ముగ్గురూ కొట్టుకుపోయి మృతి చెందారు. చక్కని కుటుంబం నారాయణరావుకు ఇద్దరు కుమారులు, ఇద్దరు కుమార్తె. వారిలో వారిలో ఒక కుమార్తెకు, కుమారుడికి వివాహాలు జరిగాయి. పెద్ద కుమారుడు దుర్గాప్రసాద్‌కు నాలుగేళ్ల క్రితం వివాహమైంది. చిన్న కుమారుడు రాజేష్‌ దివిలిలోని కిట్స్‌ ఇంజినీరింగ్‌ కళాశాలలో ఐటీఐ చదువుతున్నాడు. చదువుకుని జీవితంలో స్థిరపడతాడని ఆశలు పెట్టుకున్న కుటుంబానికి అతడి మరణం తీరని లోటుగా మారింది. పెద్ద కుమారుడు దుర్గా ప్రసాద్‌కు కొడవలి గ్రామానికి చెందిన మేనమామ కుమార్తె కామేశ్వరమ్మతో నాలుగేళ్ల క్రితం వివాహమైంది. భర్త మరణ వార్త విన్న కామేశ్వరమ్మ కన్నీరుమున్నీరుగా విలపించింది. విషాద ఛాయలు ఒకే కుటుంబానికి చెందిన ముగ్గురు వరదకు బలికావడంతో శంఖవరం గ్రామంలో విషాదఛాయలు అలముకున్నాయి. విషయం తెలిసిన గ్రామస్తులు పెద్ద సంఖ్యలో ఘటనా స్థలికి చేరుకున్నారు. ప్రకృతి వైపరీత్యం ఓ కుటుంబాన్ని చిన్నాభిన్నం చేయడం స్థానికులను కలచివేసింది. కంపెనీ పైకప్పు నుంచి పడి ఇద్దరు కార్మికుల మృతి ● వారిలో ఒకరు రాజమహేంద్రవరం వాసి ● తిరుపతి జిల్లాలో ఘటన రేణిగుంట(తిరుపతి): రేణిగుంట మండలం గాజుల మండ్యం పారిశ్రామికవాడలోని పీఆర్‌ రోలింగ్‌ కంపెనీ పైకప్పు నుంచి జారిపడి గురువారం ఇద్దరు కార్మికులకు మృతి చెందారు. పోలీసుల కథనం మేరకు.. ఆ కంపెనీలో సుమారు 30 అడుగుల ఎత్తులోని పైకప్పుపై సిమెంట్‌ రేకులు అమర్చే పనిలో ఉత్తరప్రదేశ్‌కు చెందిన అర్మాన్‌ (37), రాజమహేంద్రవరానికి చెందిన మధమణి వీర వెంకట గోపాల్‌ (29) నిమగ్నమై ఉన్నారు. ఈ క్రమంలో నిచ్చెన ఎక్కుతుండగా వారి బరువుకు సిమెంట్‌ రేకులు విరిగిపోవడంతో ఇద్దరూ ఒకరి తర్వాత ఒకరు కింద పడిపోయి తీవ్ర రక్తగాయాలకు గురయ్యారు. వెంటనే క్షతగాత్రులను చికిత్స నిమిత్తం తిరుపతిలోని రుయా ఆసుపత్రికి తరలించగా, చికిత్స పొందుతూ మృతి చెందారు. దీనిపై గాజులమండ్యం పోలీస్‌ స్టేషన్‌లో కేసు నమోదు చేసి దర్యాప్తు చేస్తున్నామని పోలీసులు వెల్లడించారు. ఇదే కంపెనీలో రెండు నెలల క్రితం ఒక కార్మికుడు విద్యుత్‌ షాక్‌తో మృతి చెందాడు.

శుక్రవారం శ్రీ 30 శ్రీ అక్టోబర్‌ శ్రీ 2026 అర్నబ్‌ తుపాను రూపంలో విరుచుకుపడిన ఈదురుగాలులు, వర్షాలు రైతుల ఆశలను నీటిపాలు చేశాయి. ఇప్పటి వరకూ తీవ్ర ఎండలు, ప్రతికూల వాతావరణ పరిస్థితులను తట్టుకుని పంటను కాపాడుకున్న రైతులను కోతల వేళ ఎదురైన ఈ విపత్తు కోలుకోలేని దెబ్బ తీసింది. కళ్ల ముందే నేలవాలిన పంటను చూసి అన్నదాతలు కన్నీరుమున్నీరవుతున్నారు. ఒకవైపు అప్పుల భారం, మరోవైపు చేతికందని పంట, ఇంకో వైపు ప్రభుత్వం నుంచి పరిహారం అందుతుందన్న భరోసా లేకపోవడంతో దిక్కుతోచని స్థితిలో కొట్టుమిట్టాడుతున్నారు. సాక్షి, రాజమహేంద్రవరం/తాళ్లపూడి/సీతానగరం: జిల్లాలో ఈ ఖరీఫ్‌ సీజన్‌లో సుమారు 92 వేల హెక్టార్లలో వరిని సాగు చేశారు. తీవ్ర ఎండలు, కరువు పరిస్థితులను తట్టుకుని వేల రూపాయలు అప్పు చేసి పెట్టుబడిగా పెట్టి పంటను కంటికి రెప్పలా కాపాడుకున్నారు. తుపాను ధాటికి జిల్లాలో సుమారు 50 వేల హెక్టార్లలో వరి పంట నేలకొరిగి నీట మునిగింది. చేతికొచ్చే వేళ పంట నీటి పాలైంది. సీతానగరం, కోరుకొండ, మండపేట, రాయవరం, కపిలేశ్వరపురం, తాళ్లపూడి, కొవ్వూరు, చాగల్లు, పెరవలి, నిడదవోలు, దేవరపల్లి, కడియం తదితర ప్రాంతాల్లో వరి పంటకు తీవ్ర నష్టం వాటిల్లింది. మంగళవారం నుంచి వీచిన భారీ ఈదురు గాలుల ధాటికి కోతకు సిద్ధంగా ఉన్న వరి పొలాలు నేలకొరిగాయి. అనంతరం కురిసిన వర్షాలకు పొలాల్లో నీరు చేరడంతో వరి పనలు నీట మునిగాయి. కొన్ని చోట్ల పంట పూర్తిగా నేలకు అంటుకుపోగా, మరి కొన్ని ప్రాంతాల్లో నీటిలో నానుతూ కనిపిస్తోంది. నాణ్యత పడిపోతే నష్టమే! నేలకొరిగిన పంట నీటిలో ఎక్కువసేపు ఉంటే ధాన్యం మొలకెత్తే ప్రమాదం ఉంది. గింజల రంగు మారడంతో పాటు నాణ్యత తగ్గే అవకాశం ఉంది. దీంతో ధాన్యాన్ని కొనుగోలు చేసే సమయంలో రైతులకు ఇబ్బందులు ఎదురవుతాయి. నాణ్యత ప్రమాణాలకు అనుగుణంగా లేకపోతే మద్దతు ధర లభిస్తుందా?, తేమ, రంగు మార్పుల పేరుతో కొనుగోళ్లలో కోతలు విధిస్తారా? అన్న ఆందోళన రైతులను వెంటాడుతోంది. ఇప్పటికే పెట్టుబడుల కోసం అప్పులు చేసిన అన్నదాతలకు పంట దిగుబడి తగ్గడంతో పాటు ధాన్యం నాణ్యత దెబ్బతింటే మరింత నష్టం తప్పదు. చేతికొచ్చిన పంటను కాపాడుకోవాలన్నా, నేలకొరిగిన వరిని ఏరి, ఆరబెట్టి, సురక్షితంగా నిల్వ చేసేందుకు అదనపు ఖర్చులు భరించాల్సిన పరిస్థితి ఏర్పడింది. అప్పులు తీరే వేళ.. అంతులేని వేదన ఈ ఏడాది ఖరీఫ్‌ సీజన్‌ ప్రారంభం నుంచి రైతులకు కష్టాలు తప్పలేదు. ఎండలు, నీటి సమస్యలు, ఇతర ప్రతికూల పరిస్థితులను అధిగమిస్తూ పంటను కాపాడుకున్నారు. ఎరువులు, పురుగు మందులు, కూలీల ఖర్చుల కోసం వేల రూపాయలు అప్పులు చేశారు. పంట చేతికొచ్చి ధాన్యం అమ్మితే అప్పులు తీర్చి, కుటుంబ అవసరాలు తీర్చుకోవచ్చని ఆశించారు. తీరా పంట కోతకు సిద్ధమైన సమయంలో తుపాను రూపంలో ప్రకృతి విరుచుకుపడటంతో వారి ఆశలు అడియాసలయ్యాయి. పరిహారంపై నమ్మకం సన్నగిల్లి.. ప్రకృతి వైపరీత్యాలతో పంటలు దెబ్బతిన్నప్పుడు ప్రభుత్వం అండగా నిలుస్తుందన్న ఆశ రైతులకు ఉండాలి. అయితే గతంలో మోంథా తుపాను సమయంలో, గత నెలలో కురిసిన అకాల వర్షాల వల్ల పంట నష్టపోయిన రైతులకు ఇప్పటి వరకు చంద్రబాబు ప్రభుత్వం కనీస సాయం అందించలేదని పలువురు అన్నదాతలు ఆవేదన వ్యక్తం చేస్తున్నారు. గత నష్టాలకే పరిహారం అందని పరిస్థితుల్లో ఇప్పుడు అర్నబ్‌ తుపాను కారణంగా జరిగిన నష్టానికి చంద్రబాబు కూటమి సర్కార్‌ ఎలా స్పందిస్తుందోనన్న అనుమానాలు వ్యక్తం చేస్తున్నారు. దెబ్బతిన్న పొలాలను క్షేత్రస్థాయిలో పరిశీలించి, పంట నష్టాన్ని సమగ్రంగా అంచనా వేయాలని విజ్ఞప్తి చేస్తున్నారు. కష్టమంతా వర్షార్పణం జిల్లాలో 92 వేల హెక్టార్లలో వరి సాగు చేస్తే 49,915 హెక్టార్లలోని పంట నేలవాలి నీటిపాలైంది. మరోవైపు మినుములు 810 హెక్టార్లలో, అరటి 6,500 హెక్టార్లలో, ఇతర పంటలు 30 హెక్టార్లలో, ఉద్యానవన పంటలు 1,500 హెక్టార్లలో నీట మునిగాయి. మొత్తంగా జిల్లాలోని 80 వేల మందికిపైగా రైతుల ఆశలు ఆవిరయ్యాయి. ఆరుగాలం కష్టమంతా నీటిపాలైంది. 120 రోజుల కష్టం ఒక్క రాత్రిలో... మూడు ఎకరాలు కౌలుకు తీసుకుని వరి సాగు చేశాను. వేసవిని తలపించేలా ఎండలు మండిపోయినా పంటను కంటికి రెప్పలా కాపాడుకున్నా. పంట చేతికొచ్చేసింది..కౌలు చెల్లించేసి, పెట్టుబడి తీయగా ఎంతో కొంత మిగులుతుందనుకున్నా. తీరా ఒక్క రాత్రిలో ప్రకృతి మొత్తం మార్చేసింది. నా 120 రోజుల కష్టం నీటిపాలైంది. ఇప్పుడు ప్రభుత్వమే నన్ను ఆదుకోవాలి. – కొప్పిశెట్టి నాగభూషణం, కౌలు రైతు, కొండగుంటూరు తక్షణమే పరిహారం చెల్లించాలి 8 ఎకరాలు కౌలుకి తీసుకుని స్వర్ణ రకం వరి సాగుచేశాను. కుటుంబం మొత్తం కష్టపడడంతోపాటు లక్షల రూపాయలు పెట్టుబడి పెట్టాను. తీరా పంట చేతికొస్తుందనుకునే సమయంలో మొత్తం నీటిపాలైంది. ఇప్పుడు అప్పులు ఎలా తీర్చాలో, కౌలు ఎలా చెల్లించాలో అర్థం కావడం లేదు. రెండు రోజుల్లోనే మా బతుకు మొత్తం అంధకారమయమైపోయింది. తక్షణమే పరిహారం చెల్లించాలి. – పోతిరెడ్డి నాగరాజు, కౌలురైతు, వేగేశ్వరపురం అప్పులు తీరే మార్గమేదీ మూడు ఎకరాలు కౌలుకు తీసుకుని లక్షల రూపాయలు పెట్టుబడి పెట్టి వరి పంట పండించాను. ఇప్పుడు అందులో రెండు ఎకరాలు పూర్తిగా నేలమట్టమైపోయింది. ఒక్కరాత్రిలోనే రూ.1.6 లక్షల నష్టం వాటిల్లింది. పెట్టుబడి కోసం చేసిన అప్పులు తీర్చే మార్గం కనిపించడం లేదు. పంట చేతికొస్తుందనుకుంటే ప్రకృతి నాశనం చేసేసింది. తక్షణమే ప్రభుత్వం ఆదుకుని పూర్తిస్థాయిలో పరిహారం చెల్లించాలి. – కొరవటి చింతయ్య, కౌలు రైతు, వంగలపూడి 8అర్నబ్‌ ధాటికి జరిగిన నష్టం (హెక్టార్లలో)మండలం వరి నష్టపోయిన రైతులు అనపర్తి 3,400 7,802 బిక్కవోలు 4,960 6,450 చాగల్లు 1,100 850 దేవరపల్లి 633 435 గోకవరం 360 780 గోపాలపురం 220 212 కడియం 1,290 1,727 కపిలేశ్వరపురం 6,051 11,065 కోరుకొండ 930 1,358 కొవ్వూరు 602 782 మండపేట 6,983 10,115 నల్లజర్ల 1,550 950 నిడదవోలు 4,000 8,500 పెరవలి 960 1,052 రాజమండ్రి రూరల్‌ 729 918 రాజానగరం 2,253 3,240 రంగంపేట 1,350 2,380 రాయవరం 5,673 9,870 సీతానగరం 1,500 1,870 తాళ్లపూడి 1,942 1,221 ఉండ్రాజవరం 3,429 3,511 మొత్తం 49,915 75,088 అన్నదాతలపై అర్నబ్‌ పంజా తుపానుకు 50 వేల హెక్టార్లలో నేలకొరిగిన వరి పంట చేతికందే వేళ తీరని శోకం రంగు మారితే దిగజారనున్న నాణ్యత గత నష్టాలకే పరిహారమివ్వని చంద్రబాబు ప్రభుత్వం ఇప్పుడు ఆదుకుంటారన్న నమ్మకం లేదంటున్న రైతులు

సాక్షి, రాజమహేంద్రవరం: జిల్లాలోని మండపేట, నిడదవోలు, కొవ్వూరు మున్సిపల్‌ ఎన్నికల ప్రచారానికి నేటితో తెరపడనుంది. శుక్రవారం సాయంత్రం 5 గంటలకు ప్రచారం ముగియనుండటంతో అభ్యర్థులు చివరి రోజున ఓటర్లను మరింతగా ఆకట్టుకునేందుకు సిద్ధమయ్యారు. నవంబర్‌ 1న పోలింగ్‌, అవసరమైన చోట 2న రీపోలింగ్‌, 3న ఓట్ల లెక్కింపు నిర్వహించనున్నారు. ఆర్టీసీకి రూ.50 లక్షల నష్టం రాజమహేంద్రవరం సిటీ: తుపాను ప్రభావంతో జిల్లాలోని నాలుగు డిపోల్లో బస్సులను రద్దు చేయడంతో ఆర్టీసీకి సుమారు రూ.50 లక్షల మేర నష్టం వాటిల్లిందని జిల్లా ప్రజా రవాణా అధికారి మనోహర్‌ తెలిపారు. ఆయన గురువారం మాట్లాడుతూ జిల్లా వ్యాప్తంగా రాజమహేంద్రవరం, గోకవరం, నిడదవోలు, కొవ్వూరు ఆర్టీసీ బస్సు డిపోల పరిధిలో 246 షెడ్యూల్‌ బస్సులను నడుపుతామని, తుపాను ప్రభావంతో ముందస్తు చర్యల్లో భాగంగా అధికారులు ఆదేశాల మేరకు అన్ని సర్వీసులను రద్దు చేసినట్టు తెలిపారు. పారదర్శకంగా ఎన్నికలుకంబాలచెరువు(రాజమహేంద్రవరం): జిల్లాలో నవంబర్‌ 1న జరగనున్న మున్సిపల్‌ ఎన్నికల నేపథ్యంలో మండపేట, నిడదవోలు, కొవ్వూరు మున్సిపాలిటీల్లోని పోలింగ్‌ కేంద్రాలు, స్ట్రాంగ్‌ రూములను జిల్లా ఎస్పీ డి.నరసింహ కిశోర్‌ గురువారం సందర్శించి, భద్రతా ఏర్పాట్లను పర్యవేక్షించారు. అనంతరం పోలీస్‌ అధికారులతో సమీక్ష నిర్వహించారు. మున్సిపల్‌ ఎన్నికలను అత్యంత ప్రశాంత వాతావరణంలో స్వేచ్ఛగా, పారదర్శకంగా, నిష్పక్షపాతంగా నిర్వహించేందుకు పోలీస్‌ శాఖ సర్వసన్నద్ధంగా ఉందన్నారు. ఎలాంటి అవాంఛనీయ సంఘటనలకు తావులేకుండా బందోబస్తు నిర్వహిస్తామన్నారు. ఎన్నికల ప్రచారంలో తప్పుడు ప్రచారాలు, రెచ్చగొట్టే పోస్టులు, పుకార్లను వ్యాప్తి చేయడం చట్టరీత్యా తీవ్రమైన నేరమని, ఇటువంటి చర్యలకు పాల్పడే వారిపై సైబర్‌ క్రైమ్‌ నిఘా ద్వారా కఠిన చర్యలు తీసుకుంటామని, వాట్సాప్‌ గ్రూప్‌ అడ్మిన్లు కూడా బాధ్యులవుతారన్నారు. వరి పొలాల పరిశీలన రాయవరం/అనపర్తి: తుపాను కారణంగా దెబ్బతిన్న వరి పొలాలను గురువారం జిల్లా వ్యవసాయాధికారి బి.వెంకటేశ్వరరావు పరిశీలించారు. ఆయన రాయవరం, అనపర్తి, బిక్కవోలు మండలాల్లోని పలు గ్రామాలను సందర్శించారు. అనంతరం మాట్లాడుతూ పంట చేలల్లో ఉన్న నీటిని బయటకు పంపించేందుకు కాలువలు, చేళ్లు వేసుకోవాలని రైతులకు సూచించారు. రైతులకు జరిగిన నష్టాన్ని అంచనా వేసేందుకు చర్యలు తీసుకుంటున్నట్లు తెలిపారు. విద్యుత్‌ శాఖకు రూ.1.25 కోట్ల నష్టం రాజమహేంద్రవరం సిటీ: తుపాను ప్రభావంతో జిల్లాలోని రాజమహేంద్రవరం సిటీ, రాజమహేంద్రవరం రూరల్‌, నిడదవోలు డివిజన్లలోని 140 సబ్‌స్టేషన్ల పరిధిలో పలుచోట్ల విద్యుత్‌ స్తంభాలు, విద్యుత్‌ లైన్లు, విద్యుత్తు ట్రాన్స్‌ఫార్మర్లు దెబ్బతినడంతో సుమారు రూ.1.25 కోట్ల నష్టం వాటిల్లిందని ఏపీఈపీడీసీఎల్‌ సూపరింటెండెంట్‌ ఇంజినీర్‌ కె.తిలక్‌ కుమార్‌ గురువారం తెలిపారు. విద్యుత్‌ సమస్యల పునరుద్ధరణకు విద్యుత్‌ శాఖ సిబ్బందితో పాటు 85 టీమ్‌ల ద్వారా ద్వారా 688 మంది అదనపు సిబ్బందిని ఏర్పాటు చేశామన్నారు. రెండు బోట్ల సీజ్‌ సాక్షి, రాజమహేంద్రవరం: కొవ్వూరు రూరల్‌ మండలం వాడపల్లి ఇసుక ర్యాంపు సమీపంలో నిషేధిత ప్రాంతం నుంచి ఇసుక తవ్వకాలు జరిపి తరలిస్తున్నట్టు గుర్తించిన అధికారులు ఇసుకతో నిండిన రెండు బోట్లను గురువారం స్వాధీనం చేసుకున్నారు. జిల్లా టాస్క్‌ఫోర్స్‌, గనులు, భూగర్భ శాఖ, రెవెన్యూ శాఖ, జలవనరుల శాఖ అధికారులతో కూడిన సంయుక్త బృందం గురువారం తనిఖీలు నిర్వహించి ఈ చర్యలు చేపట్టింది. రాజమహేంద్రవరం రోడ్‌ కమ్‌ రైల్‌ బ్రిడ్జి, హేవలాక్‌ బ్రిడ్జి మధ్య ప్రాంతంలో అక్రమంగా ఇసుక తోడేస్తున్నారని, ఇష్టారాజ్యంగా ఇసుక తవ్వేసి బ్రిడ్జిల భద్రతనే ప్రశ్నార్థకం చేస్తున్నారని ‘గోదారమ్మ గర్భంలో ఇసుక తోడేళ్లు’ శీర్షికతో సాక్షి ప్రధాన సంచికలో ప్రచురించిన కథనానికి అధికారులు స్పందించారు. రెండు బోట్ల ద్వారా ఇసుకను తవ్వి, వాడపల్లి ర్యాంప్‌ వద్ద అన్‌లోడ్‌ చేస్తుండగా సీజ్‌ చేశారు. కొవ్వూరు మండలం వాడపల్లికి చెందిన చిక్క గోవింద్‌ ఉత్తరప్రదేశ్‌కు చెందిన వ్యక్తులతో ఇసుక తవ్వించి తరలిస్తున్నట్టు గుర్తించారు.

అనపర్తి: గంజాయి రవాణా చేస్తున్న యువకుడిని అనపర్తి పోలీసులు అరెస్ట్‌ చేశారు. ఎస్సై వి.సుజాత తెలిపిన వివరాల ప్రకారం.. అనపర్తి ఐఎల్‌టీడీ జంక్షన్‌ సమీపంలో వాహనాలను తనిఖీ చేస్తుండగా జీబీఆర్‌ కళాశాల ఎదురుగా ఉండే కాలనీలో నివాసం ఉండే కొల్లాటి శ్రీతేజ అనే 19 ఏళ్ల యువకుడి వద్ద రూ.2 లక్షల విలువైన నాలుగు కిలోల గంజాయిని పట్టుకున్నామన్నారు. అతడిని విచారించగా వివిధ పోలీస్టేషన్ల పరిధిలో 9 మోటార్‌ బైక్‌లను కూడా చోరీ చేసినట్టు అంగీకరించాడన్నారు. దీంతో ఆ వాహనాలను స్వాధీనం చేసుకున్నామన్నారు. 20 మందిని రక్షించిన కోస్ట్‌గార్డ్‌ సిబ్బంది కాకినాడ క్రైం: అర్నబ్‌ తుపాను ఉధృతికి అంతర్వేది తీరానికి కొట్టుకొచ్చిన వాణిజ్య నౌక సిగ్మపెర్ల్‌ రెస్క్యూ ఆపరేషన్‌ విజయవంతమైంది. కాకినాడ కోస్ట్‌గార్డ్‌ కల్నల్‌ రంజిత్‌ ఆధ్వర్యంలో సిబ్బంది నౌకలో ప్రయాణిస్తున్న 20 మందిని రక్షించారు. సుజయ్‌ నౌక కోస్ట్‌కార్డు సిబ్బందిని విజయవంతంగా సిగ్మపెరల్‌ వద్దకు చేర్చింది. గురువారం నిర్వహించిన ఈ రెస్క్యూలో సాంకేతిక కీలక పాత్ర పోషించింది. విశాఖపట్నం నుంచి సింగపూర్‌ వెళ్తున్న వాణిజ్య నౌకలో 20 మంది సిబ్బంది ఉండగా వారంతా సురక్షితంగా ప్రాణాలతో బయటపడ్డారు. నౌక పరిస్థితిని అధికారులు అంచనా వేస్తున్నారు. నౌక పొట్టభాగం (హల్‌), అంతర్గత యంత్రాలకు ఏమైనా నష్టం వాటిల్లిందా, సమీప తీరానికి నౌకను చేర్చగలమా అనే అంశాలను అధికారులు పరిశీలిస్తున్నారు.

● ఉపాధ్యాయుడి ఇంట్లో భారీ చోరీ ● 23 కాసుల బంగారం అపహరణ సీతానగరం: మండల కేంద్రమైన సీతానగరం దేవాంగుల వీధిలో నివాస ఉంటున్న ప్రభుత్వ ఉపాధ్యాయుడు వేల్పూరి వెంకటేశ్వరరావు ఇంట్లో బుధవారం రాత్రి భారీ చోరీ జరిగింది. 23 కాసుల బంగారు ఆభరణాలు, కడ్డీలు దొంగతానికి గురయ్యాయి. బాధితులు, పోలీసుల వివరాల ప్రకారం.. వేల్పూరి వెంకటేశ్వరరావు తన భార్య, ఇద్దరు కుమార్తెలతో కలిసి అట్లతద్ది పండగ కోసం అత్తారింటికి వెళ్లారు. దొంగలు బుధవారం రాత్రి మారు తాళాలతో ప్రధాన ద్వారాన్ని తెరచి లోపలకు ప్రవేశించారు. అక్కడ బీరువాలోని 23 కాసుల బంగారు ఆభరణాలు, బంగారు కడ్డీలను అపహరించుకుపోయారు. ఇంటి తలుపులు తెరచి ఉండటాన్ని గమనించిన స్థానికులు గురువారం ఉదయం ఇచ్చిన సమాచారంతో వెంకటేశ్వరరావు ఇంటికి వచ్చి, చూడగా దొంగతనం విషయం బయటపడింది. సమాచారం అందుకున్న ఎస్సై ఎల్‌.శ్రీను నాయక్‌ సంఘటనా స్థలానికి చేరుకున్నారు. క్లూస్‌ టీమ్‌ రంగంలోకి దిగి వేలిముద్రలు, ఇతర ఆధారాలను సేకరించింది. బాధితుడి ఫిర్యాదు మేరకు కేసు నమోదు చేసి, దర్యాప్తు చేస్తున్నామని ఎస్సై తెలిపారు.

కడియం: వైఎస్సార్‌ సీపీ ఎంపీటీసీ, జెడ్పీటీసీ అభ్యర్థులను గెలిపించాలని ప్రజలను ఆ పార్టీ జిల్లా అధ్యక్షుడు, మాజీ మంత్రి చెల్లుబోయిన శ్రీనివాస వేణుగోపాలకృష్ణ అన్నారు. ఈ మేరకు గురువారం రాత్రి దుళ్లలో ఎంపీటీసీ అభ్యర్థులకు మద్దతుగా ఆయన విస్తృత ప్రచారం చేశారు. ఈ సందర్భంగా మాట్లాడుతూ అన్ని వర్గాల ప్రజలకు మేలు చేసిన ఘనత గత ముఖ్యమంత్రి వైఎస్‌ జగన్‌కే చెల్లుతుందన్నారు. అయితే చంద్రబాబు మాత్రం ఎన్నికల్లో ఇచ్చిన హామీలను సైతం పట్టించుకోకుండా, ప్రజలను గాలికొదిలేశారన్నారు. ఇంతటి దారుణమైన ప్రభుత్వాన్ని ఎప్పుడూ చూడలేదన్నారు. ప్రజలు కష్టాల్లో ఉంటే వారిని పట్టించుకోకుండా, జగన్‌ను విమర్శించడానికే చంద్రబాబు ప్రాధాన్యం ఇస్తున్నారన్నారు. జెడ్పీటీసీ అభ్యర్థి కొత్తపల్లి శివాజీ, ఎంపీపీ అభ్యర్థి తాడాల రాజరాజేశ్వరి, ఎంపీటీసీ అభ్యర్థులు ముసునూరి పద్మావతి, కొండపల్లి మల్లీశ్వరిలను భారీ మెజార్టీతో గెలిపించాలని ప్రజలకు విజ్ఞప్తి చేశారు. ఆయన వెంట మాజీ ఎంపీటీసీలు తోకల వీర వెంకట్రావు, టేకి శ్రీనివాసరావు, కట్టుంగ నాగరాజు ఉన్నారు. ఫ పార్టీ జిల్లా అధ్యక్షుడు వేణు ఫ దుళ్లలో విస్తృత ప్రచారం

● వాడపల్లిలో వైభవంగా ప్రారంభం ● భారీగా తరలివచ్చిన భక్తులు ఆత్రేయపురం: బ్రహ్మాండ నాయకుని బ్రహ్మోత్సవాలతో కోనసీమ తిరుపతిగా పేరుగాంచిన వాడపల్లి భక్తజన సంద్రమైంది. అశేష భక్త జనవాహిన నడుమ గురువారం అంగరంగ వైభవంగా ఉత్సవాలు ప్రారంభమయ్యాయి. ఈ సందర్భంగా ఆలయాన్ని వివిధ రకాల పూలతో సర్వాంగ సుందరంగా అలంకరించారు. రంగురంగుల విద్యుద్దీపాలతో తీర్చిదిద్దారు. రాత్రి కన్నుల పండువగా శ్రీదేవి భూదేవి సమేత స్వామి వారి ఉత్సవమూర్తులను శేష వాహనంపై మాడ వీధులలో ఊరేగించారు. బ్రహ్మోత్సవాల ప్రారంభ పూజా కార్యక్రమాల్లో దేవదాయ శాఖ ఉప కమిషనర్‌ నల్లం సూర్య చక్రధరరావు, ఆలయ చైర్మన్‌ ముదునూరి వెంకటరాజు దంపతులు పాల్గొన్నారు. టీటీడీ వేద పండితులు ఖండవల్లి రాజేశ్వర వరప్రసాదాచార్యులు పర్యవేక్షణలో ఆలయ అర్చకులు, వేద పండితుల బృందం సభ్యులు పూజలు నిర్వహించారు. ఆలయ కమిటీ సభ్యులు, సిబ్బంది, సేవా కార్యకర్తలు పాల్గొని భక్తుల వసతుల కల్పనకు సహకరించారు.

తుపాను కారణంగా కోనసీమ జిల్లాలో విద్యుత్‌ సరఫరా నిలిచిపోయింది. సెల్‌ఫోన్లకు చార్జింగ్‌ పెట్టుకునే వీలులేక మూగపోయాయి. దీంతో ప్రజలు ఎక్కడ విద్యుత్‌ ఉంటుందో అక్కడకు వెళ్లి తమ ఫోన్లకు చార్జింగ్‌ పెట్టుకున్నారు. ఈ క్రమంలో గురువారం మధ్యాహ్నం అమలాపురం ఆర్టీసీ బస్టాండ్‌లో ఇలా చార్జింగ్‌ పెట్టుకుంటూ కనిపించారు. – సాక్షి, ఫొటోగ్రాఫర్‌, రాజమహేంద్రవరం అర్నబ్‌ తుపాను ధాటికి జిల్లాలో విద్యుత్‌ వ్యవస్థ పూర్తిగా ధ్వంసమవడంతో మూడు రోజులుగా పల్లెలన్నీ చీకట్లోనే మగ్గుతున్నాయి. ఇళ్లల్లోని ఇన్వర్టర్లు సైతం చార్జింగ్‌ అయిపోయి మొరాయించాయి. చార్జింగ్‌ లేక సెల్‌ఫోన్లు సైతం మూగపోయాయి. దీంతో, ప్రజలు ఇబ్బందులు పడుతున్నారు. ఇదే అదనుగా కొంతమంది జనరేటర్లతో ఫోన్లు, ఇన్వర్టర్‌ బ్యాటరీలకు చార్జింగ్‌ పెడుతున్నారు. దీనికోసం వారు భారీగానే వసూళ్లు చేస్తున్నప్పటికీ గత్యంతరం లేక పలువురు అక్కడ బారులు తీరుతున్నారు. అప్పనపల్లిలో ఇన్వర్టర్‌ బ్యాటరీ చార్జింగ్‌కు రూ.150 తీసుకోగా, మరికొన్ని గ్రామాల్లో గంటకు రూ.వెయ్యి వరకూ తీసుకున్నారని పలువురు ఆవేదన వ్యక్తం చేశారు. – మామిడికుదురు

రాజమహేంద్రవరం సిటీ: తుపాను ప్రభావంతో జిల్లా మీదుగా రాకపోకలు సాగించే పలు రైళ్లు గురువారం 15 నుంచి 18 గంటలకు పైగా ఆలస్యంగా నడిచాయి. వీటిలో ఎక్కేందుకు రైల్వే స్టేషన్‌కు వచ్చిన ప్రయాణికులు తీవ్ర ఇబ్బందులు పడ్డారు. ఉదయం సమయంలో చేరుకోవాల్సిన పలు రైళ్లు రాత్రి అయినా రాకపోవడంతో ప్లాట్‌ఫాంలపై ఎదురు తెన్నులు చూశారు. రైళ్ల రాకపోకల్లో జాప్యం నెలకొనడంతో ప్రయాణికుల సౌకర్యార్థం 75693 05679 హెల్ప్‌ డెస్క్‌ ఏర్పాటు చేసినట్టు రాజమహేంద్రవరం స్టేషన్‌ చీఫ్‌ టికెట్‌ ఇన్‌స్పెక్టర్‌ సుంకర చంద్రమౌళి తెలిపారు. నేడు పలు రైళ్లు రద్దు : వాతావరణ పరిస్థితుల నేపథ్యంలో పలు రైళ్ల రాకపోకలను రద్దు చేస్తూ రైల్వే అధికారులు పర్యటించారు. 29వ తేదీన ఎంజీఆర్‌ చైన్నె సెంట్రల్‌ హౌరా (12840), ఖరగపూర్‌ –విల్లుపురం (22603), షాలిమార్‌ – యశ్వంతపూర్‌ (18063), భువనేశ్వర్‌ – న్యూసీఎస్టీ ముంబై (11020) రైళ్లను గురువారం రద్దు చేయడంతో శుక్రవారం రాజమహేంద్రవరం రైల్వే స్టేషన్‌కు రావు. అలాగే 30, 31 తేదీల్లో షాలిమార్‌ – చర్లపల్లి (18045), చర్లపల్లి – షాలిమార్‌ (18046) రైళ్లు రద్దయ్యాయి.

నిందితుడిని అరెస్ట్‌ చేసిన పోలీసులు అడ్డతీగల: బాలిక అదృశ్యం కేసులో అడ్డతీగల పోలీసులు వేగవంతంగా దర్యాప్తు చేసి, నిందితుడిని అరెస్ట్‌ చేశారు. ఈ మేరకు రంపచోడవరం డీఎస్పీ అష్రష్‌ ఆలీ గురువారం అడ్డతీగల పోలీస్‌ స్టేషన్‌లో విలేకర్ల సమావేశం నిర్వహించారు. వివరాల్లోకి వెళితే.. అడ్డతీగల మండలంలోని ఓ గ్రామానికి చెందిన 17 ఏళ్ల బాలిక అక్టోబర్‌ 20వ తేదీ తెల్లవారుజామున 2 గంటల సమయంలో ఇంటి నుంచి వెళ్లిపోయింది. ఈ మేరకు అందిన ఫిర్యాదుతో అడ్డతీగల సీఐ బి.వినోద్‌ కేసు నమోదు చేసి దర్యాప్తు ప్రారంభించారు. అడ్డతీగల పోలీసులు వేగంగా స్పందించి అదృశ్యమైన బాలికను సురక్షితంగా రక్షించారు. వీరభద్రపురం గ్రామానికి చెందిన పలివెల వినయ్‌ (21) అనే యువకుడు తనను అపహరించి, పలుమార్లు బెదిరించి లైంగిక దాడికి పాల్పడినట్లు బాలిక తెలిపింది. ఈ విషయాన్ని ఎవరికై నా చెబితే చంపుతానని బెదిరించాడని వివరించింది. దీంతో బాలిక అదృశ్యం కేసును, మైనర్‌పై లైంగిక దాడి, క్రిమినల్‌ బెదిరింపు, పోక్సో చట్టంలోని కఠినమైన నిబంధనల కిందకు కేసు మార్చారు. ఈ దర్యాప్తులో భాగంగా గురువారం అడ్డతీగల పోలీసులు పాపంపేట గ్రామం వద్ద నిందితుడు పలివెల వినయ్‌ను అరెస్ట్‌ చేశారు. అనంతరం కోర్టులో హాజరుపరిచి, రాజమహేంద్రవరం సెంట్రల్‌ జైలుకు రిమాండ్‌ కోసం తరలించారు.

రాయవరం: మండలంలోని మాచవరంలో టీడీపీ నుంచి వైఎస్సార్‌ సీపీలోకి భారీగా చేరికలు జరిగాయి. వైఎస్సార్‌ సీపీ రాష్ట్ర సంయుక్త కార్యదర్శి సత్తి వెంకటరెడ్డి ఆధ్వర్యంలో ఎమ్మెల్సీ, వైఎస్సార్‌ సీపీ మండపేట నియోజకవర్గ కో ఆర్డినేటర్‌ తోట త్రిమూర్తులు వారికి పార్టీ కండువాలు కప్పి సాదరంగా ఆహ్వానించారు. గ్రామానికి చెందిన జొన్నకూటి నానిబాబు, నూతిక పెద్ద, బొమ్ము చిన్న, పువ్వల ప్రసాద్‌, నూతిక బన్నీ, కట్టమూరు వంశీ, యార్లగడ్డ చిన్న, అర్తమూరు గోపి, బుంగ పెదసత్తిబాబు, పిల్లి చిన్న, వీధి మదన్‌బాబు, పలివెల సునీల్‌, సీహెచ్‌.వినోద్‌, కొల్లి భానుచంద్ర, పేలూరి సత్యనారాయణ, యడ్ల అన్నవరం, గొల్లపల్లి అప్పారావు తదితరులు టీడీపీని వీడి వైఎస్సార్‌ సీపీలో చేరారు. వైఎస్సార్‌ సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి చేపట్టిన సంక్షేమ కార్యక్రమాలకు తోడు ఎమ్మెల్సీ తోట త్రిమూర్తులు, పార్టీ రాష్ట్ర సంయుక్త కార్యదర్శి సత్తి వెంకటరెడ్డి నాయకత్వంపై ఉన్న నమ్మకంతో పార్టీలో చేరినట్లు వారు తెలిపారు. పార్టీ తరపున ఎంపీటీసీ అభ్యర్థులుగా పోటీలో ఉన్న మేడపాటి చంద్రశేఖరరెడ్డి, అముజూరి దుర్గాభవాని విజయానికి తాము కృషి చేస్తామ న్నారు. కార్యక్రమంలో వైఎస్సార్‌ సీపీ నేతలు మల్లిడి రామారెడ్డి, వెలగల అచ్యుత రామారెడ్డి, వెలగల త్రినాథరెడ్డి, తమలంపూడి సత్యనారాయణరెడ్డి, మల్లిడి భామిరెడ్డి, కొవ్వూరి అమ్మిరెడ్డి, నీలం తాతాజీ, బేతా బుల్లి, పలివెల శ్రీను, కత్తుల బాబీ తదితరులు పాల్గొన్నారు. టీడీపీ నుంచి 30 మంది చేరిక ీసతానగరం: మండలంలోని చినకొండేపూడి గ్రామంలో టీడీపీకి చెందిన సుమారు 35 మంది కార్యకర్తలు ఉభయ గోదావరి జిల్లాల యువజన విభాగం మాజీ రీజనల్‌ కో ఆర్డినేటర్‌ జక్కంపూడి గణేష్‌ సమక్షంలో వైఎస్సార్‌ సీపీలో చేరారు. మాజీ వైస్‌ ఎంపీపీ ముదునూరి సురేష్‌ రాజు నివాసంలో బుధవారం టీడీపీకి చెందిన మట్ట రాజు, మట్ట సురేష్‌, మాగంటి అంజిబాబు, అంజరపు సూరమ్మ, మాగంటి దుర్గాప్రసాద్‌, మాగంటి సాయితో పాటుగా 30 మందికి జక్కంపూడి గణేష్‌ పార్టీ కండువా వేసి పార్టీలోకి ఆహ్వానించారు. వా రు మాట్లాడుతూ పార్టీ బలోపేతానికి పాటు పడుతూ స్థానిక ఎన్నికలలో పార్టీ విజయానికి కృషి చేస్తామన్నారు. అనంతరం చినకొండేపూడి, చీపురుపల్లి ఎంపీటీసీ అభ్యర్థులు, జెడ్పీటీసీ అభ్యర్థి కరుటూరి శ్రీహరిబాబుతో కలిసి జక్కంపూడి గణేష్‌ ఎన్నికల ప్రచారం చేశారు. కార్యక్రమంలో పార్టీ మండల కన్వీనర్‌ గంటా శ్రీనివాస్‌, నాయకులు పెందుర్తి దాసు, ముదునూరి రామకృష్ణంరాజు తదితరులు పాల్గొన్నారు.సీతానగరం: చినకొండేపూడిలో గణేష్‌ సమక్షంలో వైఎస్సార్‌ సీపీలో చేరిన టీడీపీ నాయకులురాయవరం: మాచవరంలో వైఎస్సార్‌ సీపీలో చేరిన వారిని ఆహ్వానిస్తున్న ఎమ్మెల్సీ త్రిమూర్తులుఫ మాచవరంలో పార్టీ కండువా కప్పి ఆహ్వానిస్తున్న ఎమ్మెల్సీ త్రిమూర్తులు ఫ చినకొండేపూడిలో జక్కంపూడి గణేష్‌ సమక్షంలో చేరిక

చింతూరు: ఏలూరు జిల్లా నుంచి గోదావరి దాటిన పులి తిరిగి పోలవరం జిల్లాలోకి అడుగుపెట్టి చింతూరు డివిజన్‌లో సంచరిస్తోంది. మంగళవారం అర్థరాత్రి స్థానిక అటవీ రేంజ్‌ పరిధిలో గల చింతూరు, వీఆర్‌ పురం మండలాల సరిహద్దుల్లోని గుల్లేటివాడలో రెండు ఎద్దులపై దాడిచేసింది. ఈ దాడిలో ఒక ఎద్దు మృతి చెందగా మరో ఎద్దు తీవ్రంగా గాయపడింది. విషయం తెలుసుకున్న అటవీ సిబ్బంది గ్రామానికి చేరుకుని ఘటనా స్థలాన్ని పరిశీలించారు. మృతి చెందిన ఎద్దుతో పాటు పులి జాడలను వారు కనుగొన్నారు. రెండు రోజులుగా ఈ ప్రాంతంలో పులి సంచరిస్తోందని, వర్షం కురవడంతో పులి అడుగులు స్పష్టంగా కానరాలేదని చింతూరు ఇన్‌చార్జి రేంజర్‌ నానాజీ తెలిపారు. పులికి అమర్చిన ట్రాకర్‌ కూడా అప్పుడప్పుడు పనిచేస్తుండడంతో పులి ఎక్కడ ఉందనేది స్పష్టమైన ఆధారాలు దొరకడం లేదని తెలిపారు. కాగా గుల్లేటివాడలో పశువులపై దాడిచేసిన అనంతరం పులి చింతూరు మండలం చదలవాడ, ఏరువాడ ప్రాంతాల వైపు వెళ్లినట్లు రేంజర్‌ తెలిపారు. పులి సంచరిస్తున్న ప్రాంతాల్లోని గ్రామాల ప్రజలు అప్రమత్తంగా వుండాలని రాత్రి సమయంలో ఎవరూ బయట సంచరించవద్దని, పశువులకు రక్షణ ఏర్పాట్లు చేసుకోవాలని ఆయన సూచించారు.రెండు ఎద్దులపై దాడి, ఒకటి మృతి

కొత్తపేట: వైఎస్సార్‌ సీపీ రాష్ట్ర కార్యదర్శి గొల్లపల్లి డేవిడ్‌ రాజు సోదరుడు, ఆ పార్టీ సీనియర్‌ నాయకుడు గొల్లపల్లి జ్ఞాన ప్రకాష్‌ (71) మంగళవారం రాత్రి గుండె గుండెపోటుతో మృతి చెందారు. ఆయనకు భార్య, ముగ్గురు కుమారులు ఉన్నారు. జ్ఞాన ప్రకాష్‌ మృతి సమాచారంతో మాజీ ఎమ్మెల్యే, వైఎస్సార్‌ సీపీ జిల్లా అధ్యక్షుడు చిర్ల జగ్గిరెడ్డి బుధవారం ఉదయం హుటాహుటిన కొత్తపేటలో డేవిడ్‌ రాజు స్వగృహానికి చేరుకుని జ్ఞాన ప్రకాష్‌ భౌతిక కాయానికి పూలమాలలు వేసి శ్రద్ధాంజలి ఘటించారు. సోదర వియోగంతో బాధపడుతున్న డేవిడ్‌ రాజును, జ్ఞాన ప్రకాష్‌ కుటుంబ సభ్యులను ఓదార్చి తన ప్రగాఢ సానుభూతి తెలియజేశారు. జగిరెడ్డితో పాటు మాజీ ఎంపీపీ మార్గన గంగాధరరావు, వైఎస్సార్‌ సీపీ మండల అధ్యక్షుడు ముత్యాల వీరభద్రరావు, రాష్ట్ర పార్టీ ప్రచార కార్యదర్శి ముసునూరు వెంకటేశ్వరరావు, స్థానిక జెడ్పీటీసీ అభ్యర్థి బండారు సత్తిరాజు (రాజా), జిల్లా కాపునాడు నాయకుడు చల్లా ప్రభాకరరావు తదితరులు జ్ఞానప్రకాష్‌ భౌతిక కాయాన్ని సందర్శించి శ్రద్ధాంజలి ఘటించారు.

● తుపాను కారణంగా తగ్గిన భక్తుల సందడి ● పదుల సంఖ్యలో కూడా రాని వైనం ● దేవస్థానంలో కూలిన చెట్లుఅన్నవరం: అర్నబ్‌ తుపాను ప్రభావంతో రెండు రోజులుగా కురుస్తున్న వర్షాలతో భక్తుల రాక ప్రముఖ పుణ్యక్షేత్రమైన అన్నవరంలోని వీర వేంకట సత్యనారాయణ స్వామివారి దేవాలయం వెలవెల బోయింది. సాధారణంగా అమావాస్య నాడు సైతం వందల సంఖ్యలో భక్తులు సత్యదేవుని ఆలయానికి విచ్చేస్తుంటారు. స్వామివారి వ్రతాలు కనీసం వంద అయినా అవుతుంటాయి. ప్రస్తుత ఆశ్వీయుజమాసంలో ప్రతి రోజూ వేల సంఖ్యలో భక్తులు వస్తున్నారు. కానీ రెండ్రోజులుగా స్వామివారి ఆలయానికి భక్తులు చాలా తక్కువగా వచ్చారు. మంగళవారం మధ్యాహ్నం వరకు తుపాను ప్రభావం పెద్దగా లేకపోవడంతో ఓ మాదిరిగా భక్తులు కనిపించినా మంగళవారం మధ్యాహ్నం నుంచి అసలు భక్తులే కరువయ్యారు. ఇక బుధవారం భక్తుల్లేక రత్నగిరిపై వ్యాపారస్తులు తమ దుకాణాలను తెరవలేదు. దీంతో దేవస్థానంలో ఎటువంటి సందడి లేకుండా నిర్మానుష్యం నెలకొంది. గురువారం కూడా ఇదే పరిస్థితి కొనసాగవచ్చని అధికారులు అంచనా వేస్తున్నారు. కాగా, తుపానుకు ముందు దేవస్థానానికి విచ్చేసి, వర్షాల కారణంగా తమ స్వస్థాలాలకు వెళ్లే అవకాశం లేక సత్రాల్లో ఉన్న భక్తులకు ఎటువంటి ఇబ్బంది లేకుండా చూడాల ని ఈఓ నల్లం సూర్యచక్రధరరావు ఆదేశించారు. విద్యుత్‌కు అంతరాయం ఈదురు గాలులు, భారీ వర్షాల కారణంగా మంగళవారం రాత్రి అన్నవరం దేవస్థానంలో చెట్లు నేల కూలాయి. అలాగే కొన్నిచోట్ల విద్యుత్‌ తీగలు తెగిపోవడంతో విద్యుత్‌ సరఫరాకు అంతరాయం కలిగింది. రెండ్రోజులుగా కురుస్తున్న భారీ వర్షాలకు సీఆర్వో కార్యాలయం ఎదురుగా గల భారీ వృక్షం కూలిపోయింది. ఆ ప్రదేశంలో భక్తుల కొత్త వాహనాలకు పూజలు చేయిస్తుంటారు. అయితే చెట్టు కూలిన సమయంలో అక్కడ ఎటువంటి వాహనాలు, భక్తులు, పురోహితులు లేకపోవడంతో ప్రమాదం తప్పింది. అనంతరం దేవస్థానం సిబ్బంది ఆ చెట్లు నరికి అడ్డు లేకుండా తొలగించారు. అలాగే దేవస్థానంలో పలు చోట్ల ఆ విద్యుత్‌ స్థంబాల వైర్లు తెగిపోవడంతో విద్యుత్‌ శాఖ డీఈ వి.సత్యనారాయణ సరఫరాను నిలిపివేశారు. దీంతో కొన్ని ప్రాంతాలలో సుమారు రెండు గంటల పాటు విద్యుత్‌ నిలిచిపోయింది. అనంతరం దేవస్థానం సిబ్బంది విద్యుత్‌ తీగలు మరలా కలిపి విద్యుత్‌ సరఫరా పునరుద్ధరించారు. ఈఓ నల్లం సూర్యచక్రధరరావు రత్నగిరిపై పర్యటించి ఏర్పాట్లను పర్యవేక్షించారు. భారీ వర్షాల కారణంగా ఘాట్‌రోడ్ల మీద చెట్లు, కొండచరియలు విరిగిపడే ప్రమాదం ఉన్నందున దేవస్థానం ఘాట్‌రోడ్ల మీద ప్రయాణించే భక్తులు అప్రమత్తంగా ఉండాలని దేవస్థానం అధికారులు కోరారు.

చంద్రబాబు ప్రభుత్వం పరిహారమిచ్చేనా?గతంలో మోంథా తుపాను సమయంలోనూ, గత నెలలో అకాల వర్షాలు, వరదల కారణంగా పంటలు దెబ్బతిన్నప్పుడూ చంద్రబాబు ప్రభుత్వం తమను ఆదుకోలేదని పలువురు రైతులు ఆవేదన వ్యక్తం చేస్తున్నారు. గత నెలలో సుమారు 2 వేల హెక్టార్లలో వరి నీటమునిగింది. మరో 2 వేల హెక్టార్లలో కూరగాయల పంటలు పాడయ్యాయి. అయినప్పటికీ చంద్రబాబు ప్రభుత్వం రైతులకు ఒక్క రూపాయి కూడా పరిహారం అందించలేదు. గత నష్టాలకే పరిహారం అందలేదని, ఇప్పుడు అర్నాబ్‌ తుపాను కారణంగా జరిగిన నష్టానికి ప్రభుత్వం ఎలా స్పందిస్తుందోనని రైతులు ఆందోళన చెందుతున్నారు. పంట నష్టాన్ని క్షేత్రస్థాయిలో పరిశీలించి, పారదర్శకంగా అంచనా వేయాలని కోరుతున్నారు. అర్హులైన రైతులందరికీ నష్టపరిహారం అందించడంతోపాటు, పంట పెట్టుబడులు, అప్పుల భారంతో సతమతమవుతున్న తమను ఆదుకోవాలని విజ్ఞప్తి చేస్తున్నారు. సాక్షి, రాజమహేంద్రవరం : అప్పుల ఊబి నుంచి బయటపడేందుకు.. ఆరుగాలం శ్రమించి పండించిన పంట చేతికొస్తుందన్న ఆశతో ఎదురుచూసిన అన్నదాతకు అర్నబ్‌ తుపాను తీవ్ర నష్టాన్ని మిగిల్చింది. వేసవిని తలపించే ఎండలు, కరువు పరిస్థితులను తట్టుకుని సాగు చేసిన వరి పంట కోతకు సిద్ధమవుతున్న తరుణంలో బలమైన ఈదురుగాలులు విరుచుకుపడ్డాయి. భారీ వర్షాలకు తోడు గాలుల తీవ్రతకు వేలాది ఎకరాల్లో వరి నేలవాలింది. అరటి తోటలు సైతం కుప్పకూలాయి. పంట చేతికొచ్చే వేళ ప్రకృతి ప్రకోపంతో తమ శ్రమంతా నేలపాలైందని రైతులు కన్నీరుమున్నీరవుతున్నారు. అర్నాబ్‌ తుపాను ప్రభావంతో మంగళవారం రాత్రి నుంచి బలమైన ఈదురుగాలులు విరుచుకుపడ్డాయి. ప్రతికూల పరిస్థితుల్లోనూ ఖరీఫ్‌ సాగు జిల్లాలో సుమారు 92 వేల హెక్టార్లలో వరి సాగు చేశారు. వాస్తవానికి ఈ ఏడాది గతంలో ఎన్నడూ లేనంతగా ఎండలు మండిపోయాయి. ఆగస్టు, సెప్టెంబర్‌, అక్టోబర్‌ నెలలు కూడా వేసవిని తలపించాయి. తీవ్ర వర్షాభావ పరిస్థితులకు తోడు భానుడి సెగలతో వాతావరణం వరిసాగుకు ప్రతికూలంగా మారింది. అయినప్పటికీ అన్నదాతలు పట్టువిడవకుండా వరి పంటను ఇన్నాళ్లూ కాపాడుతూ వచ్చారు. వర్షాలు కురవకపోయినా, చంద్రబాబు ప్రభుత్వం ప్రత్యామ్నాయ మార్గాలు సూచించకపోయినా, ప్రకృతి సహకరించకపోయినా వరిని మాత్రం కంటికి రెప్పలా కాపాడుతూ వచ్చారు. ఆరుగాలం శ్రమించి పండించిన పంటలో ఇప్పటికీ జిల్లాలో సుమారు పది వేల హెక్టార్లలో కోతలు పూర్తయ్యాయి. మిగిలిన 80 వేలకు పైగా హెక్టార్లలోని పంట అంతా రానున్న పదిహేను రోజుల్లో కోతలు పూర్తి చేసి ధాన్యం విక్రయించేందుకు చాలా కీలకం. ఇటువంటి తరుణంలో అర్నాబ్‌ అన్నదాతల ఆశలపై విరుచుకుపడింది. కోలుకోలేని దెబ్బ జిల్లాలోని ఏ ప్రాంతంలో చూసినా భారీ గాలుల తీవ్రతను వరి చేను నేలవాలిపోయింది. ఇప్పటికే సాగు ఖర్చులు పెరగడం, ఎండల ప్రభావం, నీటి సమస్యలు వంటి ఇబ్బందులను అధిగమించి రైతులు వరి పంటను సాగు చేశారు. పంట చేతికొచ్చే సమయంలో బలమైన గాలులు వీయడంతో పొలాల్లో వరి నేలవాలింది. వేలాది ఎకరాల్లో పంట దెబ్బతిన్నట్లు రైతులు ఆవేదన వ్యక్తం చేస్తున్నారు. నేల వాలిన వరి గింజలు తడిసిపోవడం, కోతలు ఆలస్యమయ్యే పరిస్థితులు తమను కలవరపెడుతున్నాయని వాపోతున్నారు. పంట నష్టంతో దిగుబడి తగ్గడమే కాకుండా, కోతలు, నూర్పిడి ఖర్చులు కూడా పెరిగే ప్రమాదం ఉందని ఆందోళన చెందుతున్నారు. ఆరుగాలం కష్టపడి పంటను కంటికి రెప్పలా కాపాడుకున్నా.. చివరి దశలో తుపాను తమ ఆశలపై నీళ్లు చల్లిందని అన్నదాతలు వాపోతున్నారు. పెట్టుబడుల కోసం చేసిన అప్పులు ఎలా తీర్చాలో తెలియడం లేదని ఆవేదన వ్యక్తం చేస్తున్నారు. మరో వైపు గాలుల తీవ్రతకు అరటి తోటలు కూడా నేలకూలాయి. చేతికందే దశలో ఉన్న పంటలు దెబ్బతినడంతో రైతులకు తీవ్ర ఆర్థిక నష్టం వాటిల్లింది. ఎక్కువ శాతం పంట నీట మునిగిపోవడంతో ధాన్యం నాణ్యత దెబ్బతింటుందని అన్నదాతలు ఆందోళన చెందుతున్నారు. దేవరపల్లి: పల్లంట్లలో ఈదురు గాలులకు ఒరిగిన బొప్పాయి తోటదేవరపల్లి: పల్లంట్లలో ధ్వంసమైన అరటి తోటఫ తీవ్ర ఎండలు, వర్షాభావాన్ని తట్టుకుని సాగు ఫ ఆరుగాలం శ్రమించి వరిని కాపాడిన రైతులు ఫ ఈదురుగాలులు, భారీ వర్షాలతో నేలకొరిగిన పంట ఫ సుమారు 10 వేలకు పైగా ఎకరాల్లో నేలవాలిన వరి ఫ పంట ఇంటికొచ్చే వేళ అన్నదాతలకు తీవ్ర నష్టం ఫ గత నష్టాలకే పరిహారం అందించని చంద్రబాబు

అర్నాబ్‌ తుపాను జిల్లా ప్రజలను వణికించింది. భారీ ఈదురు గాలులకు తోడు తెరిపివ్వని వర్షంతో జనం అవస్థల పాలయ్యారు. మంగళవారం రాత్రి నుంచి వాతావరణం ఒక్కసారిగా మారిపోయింది. బలమైన ఈదురుగాలులు, ఎడతెరిపి లేని వర్షంతో జనజీవనం అస్తవ్యస్తమైంది.సాక్షి, రాజమహేంద్రవరం: రెండు రోజులుగా కురు స్తున్న భారీ వర్షం, వీస్తున్న ఈదురుగాలులకు పలు ప్రాంతాల్లో చెట్లు, మొక్కలు నేలకూలగా, విద్యుత్‌ స్తంభాలు ఒరిగిపోయాయి. రోడ్లపై చెట్లు పడటంతో రాకపోకలకు అంతరాయం ఏర్పడింది. అధికారులు, ఎన్‌డీఆర్‌ఎఫ్‌ బృందాలు త్వరగా స్పందించి కూలిన చెట్లను తొలగించి, ఒరిగిన స్తంభాలను సరిచేశారు. దీంతో రహదారులపై రాకపోకలు సజావుగా సాగాయి. నిలిచిన విద్యుత్‌ సరఫరా తుపాను ప్రభావంతో జిల్లాలోని అన్ని మండలాల్లోని గ్రామీణ ప్రాంతాల్లో మంగళవారం రాత్రి నుంచే విద్యుత్‌ సరఫరా నిలిచిపోయింది. కొవ్వూరు, మండపేట, నిడదవోలు పట్టణాలతో పాటు రాజమహేంద్రవరం నగరంలోనూ విద్యుత్‌ సరఫరాను తరచూ నిలిపివేయడం, పునరుద్ధరించడం వంటి పరిస్థితులు నెలకొన్నాయి. రాత్రంతా కురిసిన వర్షం, బలమైన గాలులతో ప్రజలు ఇళ్లకే పరిమితమయ్యారు. బుధవారం కూడా వర్షాలు కొనసాగడంతో ఇబ్బందులు మరింత పెరిగాయి. బుధవారం సాయంత్రం వరకూ పలు ప్రాంతాల్లో విద్యుత్‌ సరఫరా లేక ప్రజలు అవస్థలు పడ్డారు. విద్యుత్‌ తీగలు, స్తంభాలపై ఎక్కడికక్కడ భారీ చెట్లు పడిపోవడంతో సరఫరా నిలిచిపోయింది. మరోవైపు తాగునీరు, నిత్యావసరాల వినియోగం నుంచి ఇంటి పనుల వరకు విద్యుత్‌పై ఆధారపడడంతో ప్రజలంతా తీవ్ర ఇబ్బందులు ఎదుర్కొన్నాయి. సీతానగరం: నాగంపల్లిలో నేలకొరిగిన వరి పంటఅనపర్తి: ఈదురుగాలికి రోడ్డుపై కూలిన కొబ్బరి చెట్టురాజానగరం: రోడ్డుపై పడిన విద్యుత్‌ స్తంభందేవరపల్లి: మిరప చేనులో చేరిన నీరు సోమేశ్వరం – రాజానగరం రోడ్డుపై కూలిన వృక్షంపేదల ఉపాధిపై తుపాను దెబ్బ తుపాను ప్రభావంతో చిరు వ్యాపారులు, రోజువారీ కూలీల జీవనోపాధిపై తీవ్ర ప్రభావం పడింది. వర్షం, గాలుల కారణంగా రోడ్లపై జనసంచారం తగ్గడంతో పువ్వులు, పండ్లు విక్రయించే చిన్న వ్యాపారులు అమ్మకాలు లేక ఇబ్బందులు పడ్డారు. రోజు వారీ పనులపై ఆధారపడే కూలీలకు పనులు దొరకని పరిస్థితి ఏర్పడింది. రోజంతా కష్ట పడితేనే కుటుంబాన్ని పోషించుకునే తమకు తుపాను రూపంలో మరో కష్టం ఎదురైందని వారు వాపోతున్నారు. ఒకవైపు పంట నష్టం.. మరోవైపు విద్యుత్‌ అంతరాయాలు.. ఇంకోవైపు ఉపాధి కోల్పోయిన చిరు వ్యాపారులు, కూలీల కష్టాలతో అర్నాబ్‌ తుపాను జిల్లా వాసులను అతలాకుతలం చేసింది. దెబ్బతిన్న పంటలకు తక్షణ నష్టం అంచనా, విద్యుత్‌ సరఫరా పునరుద్ధరణ, బాధిత కుటుంబాలకు అవసరమైన సహాయం అందించడంపై అధికారులు దృష్టి సారించాలని ప్రజలు కోరుతున్నారు.