Palnadu District Latest News

నరసరావుపేటరూరల్‌:రామాయణ మహాకావ్యా న్ని రచించి, భారతీయ సంస్కృతి, ధర్మం, నైతిక విలువలను ప్రపంచానికి చాటి చెప్పిన మహార్షి వాల్మీకి జీవితం అందరికీ ఆదర్శప్రాయమని జిల్లా ఎస్పీ జగదీష్‌ అదహళ్లి అన్నారు. మహార్షి వాల్మీకి జయంతి కార్యక్రమాన్ని జిల్లా పోలీసు కార్యాలయంలో సోమవారం నిర్వహించారు. వాల్మీకి మహర్షి చిత్రపటం వద్ద జిల్లా ఎస్పీ పూలమాలలు వేసి నివాళులర్పించారు. ఆయన మాట్లాడుతూ వాల్మీకి మహర్షి బోధనలు సమాజంలో సత్యం, ధర్మం, మానవతా విలువలను పెంపొందించేందుకు స్ఫూర్తినిస్తాయని తెలిపా రు. వాల్మీకి మహర్షి ఆశయాలను ఆదర్శంగా తీసుకుని ప్రతి ఒక్కరూ సమాజంలో శాంతి, సామరస్యం, సోదరభావాన్ని పెంపొందించేందుకు కృషి చేయాలని కోరారు. అదనపు ఎస్పీ రోహిత్‌కుమార్‌ చౌదరి, ఏఆర్‌ డీఎస్పీ గాంధీరెడ్డి పాల్గొన్నారు. కరాటే, యోగా పోటీలకు ఎంపికలు ఈపూరు: ఉమ్మడి గుంటూరు జిల్లా అండర్‌–14, 17 బాలురు, బాలికల కరాటే, యోగ స్కూల్‌ గేమ్స్‌ ఎంపికలు మండలంలోని బొగ్గరం జిల్లా పరిషత్‌ ఉన్నత పాఠశాలలో సోమవారం నిర్వహించినట్లు ప్రధానోపాధ్యాయుడు మీనగ రామారావు తెలిపారు. పోటీలను స్కూల్‌ గేమ్స్‌ సెక్రటరీ లాకు పిచ్చయ్య ప్రారంభించారు. పోటీలలో అండర్‌ 17 కరాటే బాలురు, బాలికల విభాగాలలో ఎం.జితేంద్ర, కె.సంపత్‌, ఎం వరుణ్‌కుమార్‌, ఎల్‌ శశి కళ్యాణ్‌, ఎం రజిత, ఎం హేమశ్రీ, ఆర్‌ దుర్గాబాయి, పి కీర్తితోపాటు మరి కొంతమంది విద్యార్థులు ఎంపికయ్యారు. అండర్‌– 14 కరాటే బాలికల విభాగంలో కె త్రివేణి(26 కేజీ), బి.తేజ సాయి(30కేజీ), ఎం.మోక్షిత (34కేజీ), ఎన్‌ నిధి (38 కేజీ)తోపాటు మరికొంతమంది విద్యార్థు లు రాష్ట్రస్థాయి పోటీలకు ఎంపికై నట్లు వ్యాయామ ఉపాధ్యాయుడు వెంకటేశ్వర్లు తెలిపారు. ఎంపికై న విద్యార్థులను ఉపాధ్యాయులు అభినందించారు. రైలు కింద పడి యువకుడు మృతి రాజుపాలెం: రైలు కింద పడి యువకుడు మృతి చెందిన సంఘటన మండలంలోని అనుపాలెం సమీపంలో రైల్యే ట్రాక్‌పై సోమవా రం జరిగింది. మృతు డు మాచవరం మండ లం తురకపాలెం గ్రామానికి చెందిన షేక్‌ జాఫర్‌(35)గా రైల్యే పోలీసులు గుర్తించారు. జాఫర్‌ గతంలో పలు పత్రికల్లో విలేకరిగా పని చేశారు. ప్రస్తుతం మాచవరంలో బైక్‌ మెకానిక్‌గా జీవనం సాగిస్తున్నారు. ఆదివారం పిడుగురాళ్లలో తోటి స్నేహితులతోను, విలేకర్లతోను సాయంత్రం వరకు సరదాగా గడిపినట్లు తెలుస్తుంది. రాత్రి సమయంలో రైలు కింద పడి మృతి చెందినట్లు రైల్యే కీమెన్‌ ద్వారా తెలిసినట్లు నడికూడి రైల్యే ఇన్‌ఛార్జి ఎస్‌ఐ రాజమోహన్‌ తెలిపారు. రైల్యే ఎస్‌ఐ కేసు నమోదు చేసి మృతదేహాన్ని పోస్టుమార్టం నిమిత్తం గురజాల ప్రభుత్వ వైద్యశాలకు తరలించారు. మృతుడు జాఫర్‌కు భార్య, కుమారుడు, కుమార్తె ఉన్నారు. అనుమానాస్పదస్థితిలో యువకుడి మృతి శ్రీనగర్‌కాలనీ: అనుమానాస్పదస్థితిలో ఓ యువకుడు మృతిచెందిన ఘటన మధురానగర్‌ పోలీస్‌స్టేషన్‌ పరిధిలో చోటుచేసుకుంది. పోలీసుల వివరాల ప్రకారం.. విజయవాడకు చెందిన రమేష్‌ గుప్తా(35) ఆదిలాబాద్‌కు చెందిన ఇద్దరు, నరరావుపేటకు చెందిన యువకుడితో కలిసి సినీ కార్మికుడిగా పనిచేస్తూ యూసుఫ్‌గూడ ఎల్‌ఎన్‌నగర్‌లో నాలుగో అంతస్తులో పెంట్‌హౌస్‌లో నివసిస్తున్నారు. సోమవారం పెంట్‌హౌస్‌ నుంచి దుర్వాసన రావడంతో ఇంటి ఓనర్‌ మధురానగర్‌ పోలీసులకు సమాచారం ఇచ్చాడు. తలుపు తెరిచిచూసే సరికి రమేష్‌ మృతదేహం కుళ్లిపోయి కనిపించింది. కొన్నిరోజుల క్రితమే చనిపోయి ఉంటాడని అనుమానం వ్యక్తం చేశారు. రమేష్‌ స్నేహితులు ముగ్గురూ కొన్ని రోజులుగా కనిపించకుండా పరారీలో ఉన్నారు. హత్య చేసి పారిపోయారా లేక రమేష్‌ ఆత్మహత్య చేసుకున్నాడా అనే అంశాలపై క్లూస్‌టీంతో విచారణ చేపడుతున్నారు. ఘటనా స్థలాన్ని జూబ్లీహిల్స్‌ జోన్‌ డీసీపీ రమణారెడ్డి, ఏసీపీ వెంకటరెడ్డి, ఇన్‌స్పెక్టర్‌ ప్రభాకర్‌ పరిశీలించి విచారణను విస్తృతం చేశారు. మృతదేహాన్ని పోస్ట్‌మార్టం నిమిత్తం గాంధీ ఆసుపత్రికి తరలించారు. పోలీసులు కేసు నమోదుచేసి దర్యాప్తు చేస్తున్నారు. రైలు కింద పడి గుర్తు తెలియని యువకుడు మృతి సత్తెనపల్లి: రైలు కిందపడి గుర్తు తెలియని యువకుడు మృతి చెందిన సంఘటన సత్తెనపల్లి మండలం భృగుబండ గ్రామ పరిధిలోని రైల్వే ట్రాక్‌పై సోమవారం గుర్తించారు. యువ కుని వయసు 35 సంవత్సరాలు ఉంటుందని, రైలు కింద తలపెట్టి మృతి చెందగా మృత దేహం తలభాగం ఛిద్రమై, కుడికాలు, మడమ భాగం ఛిద్రమైనట్టు గుర్తించారు. రైల్వే పోలీసు లు కేసు నమోదు చేసుకుని దర్యాప్తు చేస్తున్నారు.

అమరావతి: పంచారామ క్షేత్రాలలో ప్రథమారామక్షేత్రమైన అమరావతిలోని అమరేశ్వరస్వామి ఆలయంలో సోమవారం లోక కల్యాణార్ధం లక్షబిల్వార్చన అత్యంత భక్తిశ్రద్ధలతో ఆలయ అర్చకులు, వేదపండితులు నిర్వహించారు. తొలుత మహాన్యాస పూర్వక ఏకాదశ రుద్రాభిషేకంతో పాటుగా గణపతి, రుద్రహోమం నిర్వహించారు. స్వామివారికి విశేష అలంకరణానంతరం సహస్ర నామాలతో రుత్విక్కులు అమరేశ్వరునికి లక్ష బిల్వార్చన నిర్వహించారు. బాలచాముండేశ్వరి అమ్మవారికి లక్ష కుంకుమార్చన నిర్వహించారు. కార్యక్రమంలో భక్తులు పెద్దసంఖ్యలో పాల్గొన్నారు. కలెక్టరేట్‌లో తుపాను కంట్రోల్‌ రూమ్‌ నరసరావుపేట: అర్నబ్‌ తుపాను కారణంగా ప్రజలకు ఎటువంటి అసౌకర్యం కలుగకుండా, తక్షణ సహాయక చర్యలు అందించేందుకు వీలుగా కలెక్టరేట్‌లో ప్రత్యేక కంట్రోల్‌ రూమ్‌ ఏర్పాటు చేసినట్లు జిల్లా కలెక్టర్‌ డాక్టర్‌ కృతికా శుక్లా సోమవారం ఒక ప్రకటనలో పేర్కొన్నారు. ఈ కంట్రోల్‌ రూమ్‌ 24 గంటలూ పనిచేస్తోందని, ప్రజలకు అవసరమైన సమాచారా న్ని అందించడంతోపాటు, సహాయక చర్య లను సమన్వయం చేయడానికి సిబ్బందిని అందుబాటులో ఉంచామని తెలిపారు. అత్యవసర సహాయం, సమాచారం కోసం 08647– 252999 నెంబరును సంప్రదించవచ్చన్నారు. మంగళగిరి టౌన్‌: వాల్మీకి జయంతిని పురస్కరించుకుని సోమవారం మంగళగిరిలోని ఏపీఎస్పీ ఆరవ బెటాలియన్‌లో వేడుకలు నిర్వహించారు. ఆరవ బెటాలియన్‌ కమాండెంట్‌ ఎ.మురళి వాల్మీకి మహర్షి చిత్రపటానికి పూలమాల వేసి నివాళులర్పించారు. మహర్షి వాల్మీకి జీవితాన్ని, ఆయన అందించిన సాహిత్య సేవలను స్మరించుకున్నారు. రామాయణ మహాకావ్యాన్ని రచించి భారతీయ సాహిత్యానికి అపారమైన కీర్తిని తీసుకొచ్చిన వాల్మీకి మహర్షి ఆదికవిగా ప్రసిద్ధి చెందారని గుర్తు చేసుకున్నారు. ఆయన రచనలు సమాజానికి నైతిక విలువలు, ధర్మబద్ధమైన జీవనం, సత్యనిష్ఠ, మానవతా దృక్పథం వంటి గొప్ప సందేశాలను అందిస్తున్నాయని పేర్కొన్నారు. వాల్మీకి మహర్షి జీవితం, ఆయన సాహిత్యం నేటి తరాలకు స్ఫూర్తిదాయకమని, ఆయన చూపిన మార్గంలో నడుస్తూ సమాజంలో మంచి విలువలను పెంపొందించుకోవాలని సూచించారు. రొంపిచర్ల: స్థానిక జిల్లా పరిషత్‌ ఉన్నత పాఠశాలలో నవంబర్‌ 1న ఉమ్మడి గుంటూరు జిల్లా సీనియర్‌ బాలికల (మహిళలు) సాఫ్ట్‌బాల్‌ సెలక్షన్‌న్స్‌ జరుగుతాయని ఉమ్మడి గుంటూరు జిల్లా సాఫ్ట్‌ బాల్‌ సెక్రటరీ పి.సామంత్‌ రెడ్డి సోమవారం ఒక ప్రకటనలో పేర్కొన్నారు. ఈ సీనియర్‌ బాలికల సెలక్షన్స్‌లో పాల్గొనే వారికి వయస్సుతో సంబంధం లేదన్నారు. ఈ సెలక్షన్స్‌లో పాల్గొనే వారు ఒరిజినల్‌ ఆధార్‌ కార్డులు తీసుకుని రావాలన్నారు. ఈ సెలక్షన్‌న్స్‌లో ఎంపికై న వారు డిసెంబర్‌లో చిత్తూరులో జరిగే రాష్ట్ర స్థాయి పోటీల్లో పాల్గొంటారన్నారు. పూర్తి వివరములకు 9666723772 నంబర్‌కు కాల్‌ చేయాలని ఆయన కోరారు. కొండవీడు కోటకు నో ఎంట్రీ నేటి నుంచి 29 వరకు చెక్‌పోస్ట్‌ మూసివేత యడ్లపాడు: తుపాను ప్రభావం నేపథ్యంలో పర్యాటక ప్రాంతమైన కొండవీడు కోట సందర్శనకు తాత్కాలికంగా బ్రేక్‌ పడింది. ప్రతికూల వాతావరణ పరిస్థితులను దృష్టిలో ఉంచుకుని కొండవీడు ఫోర్ట్‌ చెక్‌పోస్ట్‌ను మూడు రోజులపాటు మూసివేయాలని అధికారులు నిర్ణయించారు. మంగళవారం నుంచి ఈనెల 29 వరకు పర్యాటకులకు అనుమతి నిలిపివేయనున్నట్లు వెల్లడించారు. తుపాను ప్రభావంతో వాతావరణ పరిస్థితులు మారే అవకాశం ఉన్నందున ప్రకృతి ప్రేమికులు, పర్యాటకులు, ప్రజలు ఈ మూడు రోజులూ కొండవీడు కోట సందర్శనకు రావద్దని అధికారులు సూచించారు. ముందస్తు జాగ్రత్తల్లో భాగంగానే ఈ నిర్ణయం తీసుకున్నట్లు తెలిపారు. చెక్‌పోస్ట్‌ మూసివేత అమల్లో ఉన్న రోజుల్లో పర్యాటకులు తమ ప్రయాణాలను వాయిదా వేసుకోవాలని సూచించారు.

రెంటచింతల: రెంటచింతలలో ఓ వ్యక్తి ఆత్మహత్యకు పాల్పడిన ఘటన సోమవారం తెల్లవారుజామూన జరిగింది. గ్రామానికి చెందిన అనంతవరపు గోవర్ధనాచారి(51) తన ఇంట్లో ఉరివేసుకుని ఆత్మహత్యకు పాల్పడ్డాడు. తన మొదటి భార్య వెంకాయమ్మ 2011 సంవత్సరంలో అనారోగ్యంతో మృతి చెందగా 2012 సంవత్సరంలో రాజేశ్వరిని రెండవ వివాహం చేసుకు న్నాడు. కార్పెంటర్‌ పనిచేస్తూ కొంతకాలంగా అనారోగ్యంతో బాధపడుతున్నాడు. పల్నాడు జిల్లా బీజేపీ ఎగ్జిక్యూటీవ్‌ మెంబర్‌గా కొనసాగుతున్నాడు. దసరా సందర్భంగా భార్య రాజేశ్వరి కుమార్తెతో కలిసి గురజాల పట్టణం వెళ్లారు. తాను మాత్రమే రెంటచింతలకు తిరిగి రాగా భార్య, కుమార్తె గురజాలలోనే ఉన్నారు. గోవర్ధనాచారి వద్ద నున్న తన ద్విచక్రవాహనం తీసుకునేందుకు అతని స్నేహితుడు ఈశ్వరాచారి ఇంటికి వచ్చే సరికి గోవర్ధనాచారి ఉరేసుకుని ఆత్మహత్యకు పాల్పడిన విషయం వెలుగులోకి వచ్చింది. అనారోగ్య సమస్యతోనే గోవర్ధనాచారి ఆత్మహత్యకు పాల్పడి ఉంటాడని భార్య, ఆయన బంధువులు తెలిపారు. మృతుడికి తొలి భార్య సంతానం ఒక కుమార్తె కాగా రెండో భార్యకు మరో కుమార్తె ఉన్నారు. విషయం తెలుసుకున్న ఎస్‌ఐ సీహెచ్‌ నాగార్జున ఘటన స్థలానికి చేరుకుని మృతుడి భార్యను వారి బంధువులను ఆత్మహత్యకు గల కారణాలను అడిగి తెలుసుకున్నారు. పంచనామా నిమిత్తం మృతుడిని గురజాల ప్రభుత్వ వైద్యశాలకు తరలించారు. భార్య రాజేశ్వరి ఫిర్యాదు మేరకు కేసు నమోదుచేసి దర్యాప్తు చేస్తున్నట్లు ఎస్‌ఐ తెలిపారు.

నవ్విపోదురుగాక.. మాకేంటి సిగ్గు అన్నట్లుంది తెలుగుదేశం పార్టీ నేతల తీరు. రాష్ట్రంలో స్థానిక సంస్థల ఎన్నికల్లో జరుగుతున్న అన్యాయాలు, అక్రమాలు, దౌర్జన్యాలపై దేశవ్యాప్తంగా పెద్ద ఎత్తున చర్చ జరుగుతున్నా.. రాష్ట్రప్రజలు టీడీపీ నేతల తీరును దుమ్మెత్తిపోస్తూ.. తీవ్రంగా అసహ్యించుకుంటున్నా.. మారని టీడీపీ గూండాలు తమదైన పంథాలో ప్రజాస్వామ్యాన్ని కాలరాస్తూనే ఉన్నారు. తాజాగా చిలకలూరిపేటలో నామినేషన్ల ఉపసంహరణ చివరిరోజు వారు నడిపిన ఘట్టం వికృత రాజకీయాలకు పరాకాష్టగా మారింది. వైఎస్సార్‌ సీపీ అభ్యర్థులను బెదిరించి, ప్రలోభాలకు గురిచేసి ఆటోల్లో, కార్లల్లో పురపాలక కార్యాలయానికి తరలించడం.. సమయం దాటిపోయినా, అర్ధరాత్రయినా అధికారుల సహకారంతో నామినేషన్లు ఉపసంహరింపజేసుకోవడం చూసినవారికి అసలు ప్రజాస్వామ్యం బతికేఉందా అన్న అనుమానం రాకమానదు. నామినేషన్ల ఉపసంహరణలో హద్దులు దాటిన పచ్చనేతలు చిలకలూరిపేట: వికృత రాజకీయాలకు పరాకాష్టగా మారింది చిలకలూరిపేట పురపోరు. నామినేషన్ల ఉపసంహరణ రోజైన ఈ నెల 21 మధ్యాహ్నం 3గంటల నుంచి ప్రారంభమైన పచ్చ క్రీనీడ వైఎస్సార్‌ కాంగ్రెస్‌ పార్టీ చైర్‌ పర్సన్‌ అభ్యర్థి షేక్‌ కరిమున్‌కు పచ్చకండువా కప్పి టీడీపీలోకి చేర్చుకోవడంతో పరాకాష్టకు చేరింది. జరుగుతున్న పరిణామాలు చూసి ఆశ్చర్యపోవడం ప్రజలవంతైంది. నామినేషన్ల ఉపసంహరణ రోజు మధ్యాహ్నం 3గంటలకు సమయం ముగుస్తుంది. అయితే అదే సమయంలో పురపాలక సంఘ కార్యాలయాన్ని తమ గుప్పెట్లోకి తీసుకొన్న పచ్చమూక దౌర్జన్యకర రాజకీయాలకు అంకురార్పణ చేశాయి. అదేరోజు పార్టీ అభ్యర్థులకు బీఫారం ఇచ్చేందుకు మున్సిపల్‌ కార్యాలయానికి వెళ్లిన వైఎస్సార్‌ సీపీ పల్నాడు జిల్లా యువజన విభాగం అధ్యక్షుడు కందుల శ్రీకాంత్‌, న్యాయవాది బెల్లంకొండ నరేంద్రచౌదరిలపై రిటర్నింగ్‌ అధికారి, పోలీసుల సమక్షంలోనే పిడిగుద్దులు కురిపించారు. ఈ సంఘటనలో స్పృహతప్పిన న్యాయవాది నరేంద్రచౌదరి ఆసుపత్రి పాలయ్యాడు. ఎస్‌ఈసీకి ఫిర్యాదు... ఈ క్రమంలో వైఎస్సార్‌ కాంగ్రెస్‌ పార్టీ నియోజకవర్గ ఇన్‌చార్జి, మాజీ మంత్రి విడదల రజిని ఆ మరుసటి రోజే స్వయంగా వెళ్లి జరిగిన అక్రమాలౖపై ఆధారాలతో సహా రాష్ట్ర ఎన్నికల కమిషన్‌కు ఫిర్యాదు చేశారు. ఏ సమయంలో ఏ అభ్యర్థిని పట్టుకొచ్చి దౌర్జన్యంగా నామినేషన్లు ఉపసంహరింపజేశారో ఫొటోలు, వీడియోలతో కూడిన ఆధారాలను సమర్పించారు. అవసరమైన పక్షంలో హైకోర్టును ఆశ్రయిస్తామని తెలిపారు. కుట్ర వెనుక వ్యూహం... ఈ దౌర్జన్యకాండకు పరాకాష్టగా నిలిచింది వైఎస్సార్‌ సీపీ చైర్‌పర్సన్‌ అభ్యర్థికి టీడీపీ కండువా కప్పడం. నామినేషన్ల ఉపసంహరణ రోజు నుంచి ప్రయత్నాలు ప్రారంభించి సామ దాన బేధ దండోపాయాలు ఉపయోగించి చైర్‌పర్సన్‌ అభ్యర్థి షేక్‌ కరిమున్‌, ఆమె భర్త షేక్‌ యూసుఫ్‌ఆలికి ఆదివారం రాత్రి పచ్చ కండువా కప్పారు. మొత్తం 48 వార్డులకు గాను 16 వార్డులు ఏకగ్రీవం చేసుకున్నప్పటికీ ఇంకా 32 వార్డుల్లో వైఎస్సార్‌ సీపీ అభ్యర్థులు పోటీలో ఉన్నారు. వారికి సంబంధించిన ఎన్నికల ఏజెంట్లు, పోలింగ్‌ నాడు సంబంధిత బూత్‌లలో ఉంటారు. దీంతో దొంగ ఓట్లను ఎదుర్కొనేందుకు కొంతమేరకు అవకాశం ఉంటుంది. వైఎస్సార్‌ సీపీ చైర్‌పర్సన్‌ అభ్యర్థిని టీడీపీలోకి చేర్చుకోవడంతో ఆమె తరఫున టీడీపీవారే ఎన్నికల ఏజెంట్లుగా వ్యవహరిస్తారు. దీంతో వారు ఆడిందే ఆట, పాడిందే పాటగా దొంగ ఓట్లు పోల్‌ చేసుకోవడమే అసలు వ్యూహంగా తెలుస్తోంది. అంగబలం, అర్ధబలం, అన్ని వనరులు ఉన్నప్పటికీ ప్రభుత్వ వ్యతిరేకత, హామీల ఎగవేత వంటి భయాలతోనే ఇలాంటి అక్రమ పద్ధతులు, దౌర్జన్యాలకు పాల్పడుతున్నారని ప్రజలు తీవ్రంగా విమర్శిస్తున్నారు.

దాచేపల్లి: వివాహేతర సంబంధం నేపథ్యంలో జరిగిన యువకుడి హత్య కేసులో ముగ్గురు నిందితులను అరెస్ట్‌ చేశామని గురజాల డీఎస్పీ ఎం.మహేశ్వరరావు చెప్పారు. మండలంలోని పెదగార్లపాడుకి చెందిన షేక్‌ సైదా హత్య కేసులో అదే గ్రామానికి చెందిన నిందితులు కర్పూరపు మణికంఠ, షేక్‌ నాగుర్‌వలి, షేక్‌ ముస్తాఫాలను అరెస్ట్‌ చేసి కోర్టులో హాజరుపరిచినట్లు డీఎస్పీ వెల్లడించారు. దాచేపల్లి పోలీస్‌స్టేషన్‌లో సోమవారం ఏర్పాటు చేసిన విలేకరుల సమావేశంలో వివరాలను సీఐ షేక్‌ ఖాజవలితో కలిసి డీఎస్పీ వివరాలు వెల్లడించారు. దాచేపల్లి మండలం పెదగార్లపాడుకి చెందిన షేక్‌ హస్సన్‌ బుడే కుమారుడు సైదా ఈ నెల 19వ తేదీ రాత్రి చెట్టుకు ఉరివేసుకుని ఆత్మహత్యకు పాల్పడినట్లు పోలీసులకు సమాచారం అందింది. తన కుమారుడు మృతిపై అనుమానాలు ఉన్నట్లు మృతుడి తండ్రి హస్సన్‌ బుడే పోలీసులకు ఫిర్యాదు చేశాడు. పోలీసులు అనుమానాస్పద మృతిగా కేసు నమోదు చేసి విచారణ చేపట్టారు. మృతుడు సైదాకి అదే గ్రామానికి చెందిన ఓ మహిళతో వివాహేతర సంబంధం ఉన్నట్లు పోలీసుల ప్రాథమిక దర్యాప్తులో గుర్తించారు. ఈ నెల 19వ తేదీ రాత్రి సదరు మహిళ ఇంటి నుంచి సైదా వస్తున్నాడు. ఈ విషయాన్ని గమనించిన మహిళ తమ్ముడు కర్పూరపు మణికంఠ సైదాని పద్ధతి మార్చుకోవాలని హెచ్చరించాడు. ఇద్దరి మధ్య వాగ్వావాదం పెరిగింది. మణికంఠతో పాటు అక్కడే ఉండి మద్యం తాగుతున్న అదే గ్రామానికి చెందిన షేక్‌ ముస్తాఫా, షేక్‌ నాగుర్‌వలితో కలిసి సైదా గొంతు నులిమి హత్య చేశారు. ఈ విషయాన్ని పక్కదారి పట్టించేందుకు సమీపంలోని పొలంలో చెట్టుకు ఉరివేసుకుని ఆత్మహత్య చేసుకున్నట్లుగా చిత్రీకరించారు. మృతుడు సైదా తండ్రి ఫిర్యాదుతో పోలీసులు తొలుత అనుమానాస్పద కేసుగా నమోదు చేసి దర్యాప్తు చేపట్టారు. సైదా హత్యకు పాల్పడిన ముగ్గురు నిందితులు వీఆర్వో వద్ద లొంగిపోయారు. నిందితులను అరెస్ట్‌ చేసి కోర్టులో హాజరుపర్చగా రిమాండ్‌ విధించారని డీఎస్పీ మహేశ్వరరావు చెప్పారు. సమావేశంలో ఎస్‌ఐ జీ.పాపారావు, ఏఎస్‌ఐ షన్ను తదితరులున్నారు.

నరసరావుపేట రూరల్‌: పోలీసు అమరవీరుల వారోత్సవాల్లో భాగంగా జిల్లా పోలీసు పరేడ్‌ గ్రౌండ్‌లో సోమవారం ఓపెన్‌ హౌస్‌ నిర్వహించారు. జిల్లా ఎస్పీ జగదీష్‌ అదహళ్లి ఓపెన్‌ హౌస్‌ను ప్రారంభించారు. పట్టణంలోని పలు పాఠశాలల, కళాశాలల విద్యార్థులు ఓపెన్‌ హోస్‌లో పాల్గొని పోలీసులు వినియోగించే ఆయుధాలు, పరికరాలను ఆసక్తిగా తిలకించారు. ఓపెన్‌హౌస్‌లో ఆడ్వాన్స్‌ వెపన్స్‌, షార్ట్‌ రేంజ్‌, లాంగ్‌ రేంజ్‌ వెపన్స్‌, హానికరం కాని ఆయుధాలు, గుంపులను చెదరగొట్టేందుకు వినియోగించే స్మోక్‌ గన్స్‌, డ్రోన్‌ కెమోరాలు, బాంబు డిస్సోజుల్‌ స్క్వాడ్‌, డాగ్‌ స్క్వాడ్‌, ఫోరెన్సిక్‌ పరిరకాలు, ట్రాఫిక్‌ పోలీసుల పరిరకాలు, హ్యాండ్‌ హోల్డ్‌ మెటల్‌ డిటెక్టర్‌, డోర్‌ ప్రేమ్‌ మెటల్‌ డిటెక్టర్‌, రక్షణ హెల్మెట్లు, లాఠీలు, రైట్‌ గేర్‌ పరిరకాలు, వజ్ర వాహణం, మహిళా పోలీసు ప్రత్యేక దర్యాప్తు వాహనం, మొబైల్‌ ఫోరెన్సిక్‌ ల్యాబ్‌, రక్షక్‌ వాహనాలను ప్రదర్శించారు. విద్యార్థులు పోలీసుల ఆయుధాలు, పరికరాలను ఆసక్తిగా తిలకించారు. పోలీసు సిబ్బంది వాటి వినియోగాన్ని, ప్రాధాన్యతను విద్యార్థులకు వివరించారు. కార్యక్రమంలో అదనపు ఎస్పీ రోహిత్‌ కుమార్‌ చౌదరి, ఏఆర్‌ డీఎస్పీ గాంధీరెడ్డి, ఫింగర్‌ ప్రింట్‌ యూనిట్‌ ఇన్‌స్పెక్టర్‌ బి.ఫణి, రిజర్వ్‌ ఇన్‌స్పెక్టర్‌ ఎస్‌.కృష్ణ, గోపినాథ్‌, యువరాజు, ఆర్‌ఎస్‌ఐలు, పోలీసు సిబ్బంది పాల్గొన్నారు.

నరసరావుపేట: స్థానిక సంస్థల ఎన్నికల నేపథ్యంలో అధికారులు బాధ్యతగా విధులు నిర్వహిస్తూ ప్రశాంతంగా ఎన్నికలు నిర్వహించేందుకు అన్ని చర్యలు తీసుకోవాలని జిల్లా ఎన్నికల సాధారణ పరిశీలకులు కన్నబాబు పేర్కొన్నారు. ఎన్నికల మెటీరియల్‌ పంపిణీ, రిసెప్షన్‌ కేంద్రాలు, కౌంటింగ్‌ కేంద్రాల ఏర్పాటుకు సంబంధించిన చర్యలు చేపట్టాలన్నారు. సోమవారం కలెక్టరేట్‌లో కలెక్టర్‌, జిల్లా ఎన్నికల అధికారి డాక్టర్‌ కృతికా శుక్లా, జిల్లా ఎస్‌పీ జగదీష్‌ అదహళ్లిలతో కలిసి అధికారులతో సమీక్ష సమావేశం నిర్వహించారు. వెబ్‌ క్యాస్టింగ్‌కు సంబంధించి క్రిటికల్‌ పోలీస్‌స్టేషన్లలో వెబ్‌ క్యాస్టింగ్‌ నిర్వహించాలని సూచించారు. కలెక్టర్‌ మాట్లాడుతూ జిల్లాలోని నాలుగు మున్సిపాలిటీలు వినుకొండ, చిలకలూరిపేట, సత్తెనపల్లి, మాచర్ల మున్సిపాలిటీలోని 156 వార్డులలో ఎన్నికలు జరుగుతాయన్నారు. 117 పోలింగ్‌ లొకేషన్లలోని 310 పోలింగ్‌ కేంద్రాలలో 2,28,391 మంది ఓటర్లు తమ ఓటు హక్కును వినియోగించుకోనున్నారని పేర్కొన్నారు. ఓటర్లకు ఫొటో ఓటర్‌ స్లిప్‌లు పంపిణీ చేసేందుకు చర్యలు తీసుకోవాలన్నారు. పోలింగ్‌ కేంద్రాల వద్ద అన్ని మౌలిక సదుపాయాలు కల్పించాలని ఆదేశించారు. బ్యాలెట్‌ బాక్స్‌లను ఎలాంటి పొరపాట్లు జరగకుండా పోలింగ్‌ కోసం సిద్ధం చేసినట్లు చెప్పారు. ఎస్‌పీ మాట్లాడుతూ జిల్లాలోని 117 పోలింగ్‌ లొకేషన్స్‌లో 29 హైపర్‌ సెన్సిటివ్‌ లొకేషన్స్‌, 52 సెన్సిటివ్‌ లొకేషన్స్‌, 36 నార్మల్‌ లొకేషన్స్‌ గుర్తించడం జరిగిందని తెలిపారు. హైపర్‌ సెన్సిటివ్‌ లొకేషన్స్‌లో ఐదుగురు పోలీస్‌ సిబ్బందిని, సెన్సిటివ్‌ లొకేషన్స్‌లో నలుగురు , నార్మల్‌ లొకేషన్‌లలో ఇద్దరిని నియమించడం జరుగుతుందని పేర్కొన్నారు. స్ట్రాంగ్‌ రూము ల దగ్గర పటిష్టమైన భద్రత కల్పిస్తామన్నారు. ఎన్నికల అధికారులతో స్థానిక సంస్థల జనరల్‌ అబ్జర్వర్‌, కలెక్టర్‌, ఎస్పీల సమీక్ష

అచ్చంపేట: కృష్ణానదిలో ఈత కొట్టేందుకు వెళ్లి వ్యక్తి మృతి చెందిన ఘటన మండలంలోని కస్తలలో సోమవారం ఉదయం చోటుచేసుకుంది. వివరాలు ఇలా ఉన్నాయి. పిడుగురాళ్ల మండలం కొండమోడుకు చెందిన మురికిపూడి జక్రయ్య(42) గ్రామాలు తిరిగి గేదెల, ఎద్దులు కొనుగోలు, విక్రయాలు చేస్తూ ఉంటాడు. ఈ క్రమంలో మరో నలుగురు కామినేని వెంకటేశు, మేడా యాకోబు, చల్లా కొండలు, గాలి చిన్న బసవయ్యలతో కలసి ఆదివారం సాయంత్రం కస్తల గ్రామానికి వచ్చాడు. సమీపంలోని కృష్ణానదిని సందర్శించడానికి వెళ్లి అక్కడ ఈతకొట్టేందుకు అందరూ నదిలో దిగారు. స్నానాలు చేస్తుండగా జక్రయ్య కనిపించకపోవడంతో మిగిలిన వారంతా ఆందోళనకు గురై వెతికారు. కనిపించకపోవడంతో గ్రామ వీఆర్యే షేక్‌ మీరా సాహెబ్‌ ద్వారా అచ్చంపేట పోలీసులకు సమాచారం అందజేశారు. పోలీసులు, స్థానికులు కలసి జక్రయ్య కోసం రాత్రి 9గంటల వరకు తీవ్రంగా గాలింపు చేపట్టారు. జక్రయ్య ఆచూకీ కనిపించకపోవడంతో సోమవారం ఉదయాన్నే చేపల పడవల ద్వారా ఈతగాళ్లు గాలించారు. జక్రయ్య గల్లంతైన ప్రాంతానికి కొద్దిదూరంలో ఉన్న ఒక టవర్‌ వద్ద నదిలో తేలుతూ కనిపించిన మృతదేహాన్ని బయటకు తీశారు. అచ్చంపేట సీఐ ఆవుల హరిబాబు కేసు నమోదు చేసుకుని మృతదేహాన్ని పోస్టుమార్టం నిమిత్తం సత్తెనపల్లి ఏరియా వైద్యశాలకు తరలించారు. మృతుడికి తండ్రి దేవదాసు, భార్య మరియమ్మ, కుమారులు సుధాకర్‌, అభిలాష్‌లు ఉన్నారు.

నరసరావుపేట ఈస్ట్‌: గుంటూరులోని శిల్పారామంలో అమరావతి కళావర్ణిక ఆర్ట్‌ సొసైటీ ఆధ్వర్యంలో ఏర్పాటు చేసిన ఆర్ట్‌ క్యాంప్‌–26 చిత్రకళా ప్రదర్శనలో పట్టణానికి చెందిన గర్నెపూడి కల్యాణ్‌ చిత్రా నికి ప్రత్యేక ప్రశంసలు లభించాయి. చిత్రకారుడు పాబ్లో పికాసో జయంతిని పురస్కరించుకొని ఈనెల 25వ తేదీ ఆదివారం చిత్రకళా ప్రదర్శనను ఏర్పాటు చేశారు. ప్రదర్శనలో ఉభయ తెలుగు రాష్ట్రాలకు చెందిన చిత్రకారులు తమ సృజనాత్మకతను ప్రతిబింబించేలా చిత్రాలను ప్రదర్శించారు. వీటిలో కల్యాణ్‌ కుంచె నుంచి జాలువారిన ఖగరాజు చిత్రం నిర్వాహకుల ప్రత్యేక ప్రశంసలందుకుంది. ముఖ్య అతిథులుగా హాజరైన ఎన్‌ఆర్‌ఐ వైద్యుడు డాక్టర్‌ వేమూరి సోమశేఖర్‌ (ఇంగ్లాండ్‌), ఏఎన్‌యూ ఫైన్‌ ఆర్ట్స్‌ విభాగం కోఆర్డినేటర్‌ పులిచెర్ల దేవకాంత్‌ చేతుల మీదుగా కల్యాణ్‌కు ప్రశంసాపత్రం అందజేశారు. ఉభయ తెలుగు రాష్ట్రాల కళాకారులు పాల్గొన్న ఆర్ట్‌ క్యాంప్‌–26లో ప్రత్యేక ఆకర్షణగా నిలిచిన కల్యాణ్‌ను పలువురు చిత్రకారులు, కళాకారులు అభినందించారు.

చిలకలూరిపేట: మాజీ మంత్రి విడదల రజిని పట్ల రూరల్‌ ఎస్‌ఐ లేఖా ప్రియాంక దురుసుగా వ్యవహరించి, తోసి పడవేసిన విషయం విదితమే. ఈ వ్యవహారంలో రాష్ట్ర ఎన్నికల కమిషన్‌ స్పందించి సంబంధిత రూరల్‌ ఎస్‌ఐ లేఖా ప్రియాంకపై శాఖాపరమైన చర్యలకు ఆదేశించింది. ఈ నేపథ్యంలో ఆమెను ఎన్నికల విధులతోపాటు అన్ని రకాల విధుల నుంచి తప్పించారు. ఈ విషయమై సోమవారం జిల్లా అడిషనల్‌ ఎస్పీ రోహిత్‌కుమార్‌ చౌదరి, దిశ డీఎస్పీ ఎం బుచ్చిరాజు, పోలీసు అధికారులతో కూడిన బృందం చిలకలూరిపేటలోని మాజీ మంత్రి విడదల రజిని నివాసానికి వచ్చి వివరాలు నమోదు చేసుకున్నారు. సంఘటన జరిగిన తీరు గురించి మాజీ మంత్రిని అడిగి తెలుసుకున్నారు. ఏఎస్పీకి జరిగిన సంఘటనల గురించి మాజీ మంత్రి విడదల రజిని వివరించారు. అప్పటికే సంబంధిత ఎస్‌ఐ మూడు రోజుల నుంచి అతిగా ప్రవర్తిస్తూ ఇంటికి వచ్చిన వారి పట్ల దురుసుగా వ్యవహరించారని తెలిపారు. కార్యక్రమంలో అర్బన్‌ సీఐ పి రమేష్‌, పట్టణ ఎస్‌ఐ పి హజరతయ్య, సిబ్బంది పాల్గొన్నారు.

ప్రజల వద్దకు వెళ్లే ధైర్యం లేకే..నరసరావుపేట రూరల్‌: వైఎస్సార్‌ సీపీ జెడ్పీటీసీ అభ్యర్థి పందుల బుట్టబ్బాయిని కలిసేందుకు బయటకు వచ్చిన తనపై భౌతిక దాడికి పాల్పడిన ఎస్‌ఐ ప్రియాంకపై కేసు నమోదు చేయాలని మాజీ మంత్రి విడదల రజిని జిల్లా ఎస్పీని కోరారు. జిల్లా పోలీసు కార్యాలయంలో సోమవారం జిల్లా ఎస్పీ జగదీష్‌ అదహళ్లిని కలిసారు. ఈనెల 23వ తేదీన చిలకలూరిపేటలోని తన నివాసం వద్ద జరిగిన ఘటనపై ఆమె ఫిర్యాదు చేశారు. తన నివాసం వద్ద జరిగిన ఘటనపై సమగ్ర విచారణ జరిపి బాధ్యులపై చట్టప్రకారం చర్యలు తీసుకోవాలని డిమాండ్‌ చేశారు. ఎస్‌ఐ ప్రియాంక వ్యవహరించిన తీరుపై విచారణ జరపాలని, పోలీసులు న్యాయం చేయకపోతే హైకోర్టును ఆశ్రయిస్తానని తెలిపారు. అనంతరం మీడియాతో ఆమె మాట్లాడారు. రాష్ట్రంలో రెడ్‌బుక్‌ రాజ్యాంగం.. రాష్ట్రంలో రెడ్‌బుక్‌ రాజ్యాంగం నడుస్తుందని, ప్రజాస్వామ్య బద్ధంగా నిర్వహించాల్సిన ఎన్నికలను రెడ్‌బుక్‌తో నిర్వహిస్తున్నారని విమర్శించారు. న్యాయం, ధర్మం ఏమీ లేదని వైఎస్సార్‌ సీపీ అక్రమ అరెస్ట్‌లు, అభ్యర్థులపై దాడులతో భయబ్రాంతులకు గురిచేస్తున్నారని తెలిపారు.నామినేషన్‌ల ఉపసంహరణ ప్రక్రియ మధ్యాహ్నం 3గంటల వరకే ఉంటుందని, కాని చిలకలూరిపేటలో మాత్రం అర్ధరాత్రి 12గంటల వరకు కొనసాగిందన్నారు. అధికారుల అండతో టీడీపీ నాయకులు మాఫియాగా మారి అభ్యర్థులను కిడ్నాప్‌లు చేసి బెదిరించి నామినేషన్‌లు ఉపసంహరించుకునేలా చేశారని దుయ్యబట్టారు. ఎన్నికల ప్రచారంలో ఉన్న మున్సిపల్‌ చైర్మన్‌ అభ్యర్థి భర్తను కిడ్నాప్‌ చేసి తీసుకెళ్లారని, బలవంతంగా ఆమె పార్టీ మారే విధంగా చేశారని విమర్శించారు. అధికారంలో ఉండి ప్రజలకు చేసిన మేలు చెప్పి ఓట్లు అడగాల్సిన కూటమి ప్రభుత్వం ఎన్నికలంటే ఎందుకు భయపడుతుందని విడదల రజిని ప్రశ్నించారు. నిష్పక్షపాతంగా జరగాల్సిన ఎన్నికల్లో ఎంపీటీసీ అభ్యర్థులు జిల్లాలో ఒక్క చోట కూడా నామినేషన్‌ వేయలేని పరిస్థితి ఏర్పడిందన్నారు. నామినేషన్‌కు వస్తున్న జెడ్పీటీసీ అభ్యర్థులపై దాడులు చేసారని తెలిపారు. దీనికోసం ఎన్నికలు, సిబ్బంది, పెద్ద వ్యవస్థ అవసరమా అని ప్రశ్నించారు. శాసనసభలో కూర్చుని ఎంపీటీసీ, జెడ్పీటీసీ సభ్యులను చట్టం ద్వారా ప్రకటిస్తే సరిపోతుందని ఎద్దేవాచేశారు. హామీలను అమలు చేయకపోవడంతో ప్రజల్లో వ్యతిరేకత తీవ్రంగా ఉండటం, వైఎస్సార్‌ సీపీ గ్రాఫ్‌ పెరుగుతుండటంతో ఎన్నికల్లో ఓడి పోతామనే భయంతో రాష్ట్రాన్ని అల్లకల్లోలం చేస్తున్నారని విమర్శించారు. ప్రజలు అన్ని గమనిస్తున్నారని సరైన సమయం కోసం ఎదురుచూస్తున్నారని తెలిపారు.

జిల్లాలో ఫేక్‌ నామినేషన్లు.. బెదిరింపులు.. రాయబేరాలునామివేషాలు! సత్తెనపల్లి: జిల్లాలో స్థానిక సంస్థల ఎన్నికల్లో భాగంగా మున్సిపల్‌, జడ్పీటీసీ, ఎంపీటీసీ ఎన్నికల్లో భాగంగా చిలకలూరిపేట, వినుకొండ, సత్తెనపల్లి, మాచర్ల పురపాలక సంఘాల్లో అభ్యర్థులు ఖరారు కావడం, ఎంపీటీసీ, జడ్పీటీసీ నామినేషన్ల ఉపసంహరణ ప్రక్రియ జరుగుతుండడంతో ప్రలోభాలు, బుజ్జగింపులు, బెదిరింపుల పర్వం తారాస్థాయికి చేరింది. నాలుగు పురపాలక సంఘాల్లో నామినేషన్‌ ఉపసంహరణ ప్రక్రియ పూర్తయి అభ్యర్థులు ఖరారయ్యారు. మొత్తం 156 వార్డు కౌన్సిలర్‌ స్థానాలకు గాను 17 వార్డు కౌన్సిలర్‌ స్థానాలు దొడ్డి దారిన కూటమి నేతలు ప్రలోభాలు, బెదిరింపులకు గురిచేసి ఏకగ్రీవం చేసుకున్నారు. మిగిలిన 139 వార్డులకు గాను వైఎస్సార్‌ సీపీ నుంచి 102 మంది, టీడీపీ నుంచి 115 మంది, జనసేన నుంచి 18 మంది, బీజేపీ నుంచి ఆరుగురు ప్రధాన పార్టీల అభ్యర్థులు బరిలో ఉన్నారు. వీరు కాక స్వతంత్రులు సైతం పోటీలో ఉన్నారు. కూటమి అభ్యర్థులు ఓటమిపాలవుతామనే వార్డుల్లో ప్రతిపక్ష పార్టీ అభ్యర్థుల నుంచి నగదు తీసుకొని పోటీ నుంచి తప్పుకోవాలని ప్రలోభాలకు గురి చేస్తూ బుజ్జగించడం, కాదంటే కేసులు నమోదు చేయిస్తామనే హెచ్చరికలు చేస్తూ బెదిరింపులకు గురి చేస్తున్నారు. తప్పుకోవాలంటూ బెదిరింపులు పల్నాడు జిల్లా సత్తెనపల్లిలో ప్రతిపక్ష వైఎస్సార్‌ సీపీకి చెందిన ఓ వార్డు కౌన్సిలర్‌ అభ్యర్థిని కూటమినేతలు పిలిచి పోటీ నుంచి తప్పుకోవాలని ఆదేశించారు. నామినేషన్ల ఉపసంహరణకు ముందే చెబితే తప్పుకొనేవాడినని, ఇప్పుడు అంతా పూర్త య్యాక తప్పుకోమంటే పార్టీలో పరువు పోతుందని చెప్పటంతో ... నీ ఇష్టం ఆలో చించుకో, నువ్వు గృహ నిర్మాణాలు చేశావంట దానిలో నీపై ఆరోపణలు ఉన్నాయి. అది బయటకు తీయాల్సి ఉంటుందని హెచ్చరించారు. అయినప్పటికీ తప్పుకోలేనని, మీకు దయ ఉన్నట్లు చేయండని చెప్పటంతో నీపై గంజాయి కేసులు నమోదు చేయిస్తామంటూ హెచ్చరించిన విషయం కూటమి పార్టీకి చెందిన నేతలే ప్రచారం చేస్తున్నారనే విమర్శలు ఉన్నాయి. మరో వార్డు మహిళా కౌన్సిలర్‌ అభ్యర్ధినికి రూ. 9 లక్షలు ఇస్తాం తప్పుకోమని ద్వితీయ శ్రేణి నాయకులు ఆఫర్‌ పెట్టగా తొలిసారి ఎన్నికల బరిలోకి దిగిన ఆమె రూ. 9 లక్షలకు మరో రూ.లక్ష కలిపి ఇస్తాను అధికారి పార్టీ నుంచి తప్పుకోమని ధీటుగా సమాధానం ఇచ్చినట్టు తెలుస్తోంది. ఇవే కాదు మరో వార్డు కౌన్సిలర్‌ అభ్యర్థిని నువ్వు ప్రచారం చేయటానికి వీలులేదని, బెదిరింపులకు గురి చేస్తున్నట్లు విమర్శలు ఉన్నాయి. చిలకలూరిపేటలో సాక్షాత్తు మున్సిపల్‌ చైర్మన్‌ అభ్యర్థిని ఏకంగా టీడీపీలో చేరేలా ఏ మేరకు బెదిరింపులకు గురి చేసి ఒత్తిడి తెచ్చారో తెలుస్తోంది. ఇప్పటికే దాచేపల్లి, గురజాల, పిడుగురాళ్ల మున్సిపల్‌ ఎన్నికల నామినేషన్లు సైతం వెయ్యనీయకుండా ఏకపక్షంగా ఏకగ్రీవాలు చేసుకున్న విషయం తెలిసిందే. ఇప్పుడు ఎన్నికల బరిలో నిలిచిన వారిని సైతం తప్పుకోవాలంటూ బెదిరింపులు, భయాందోళనలకు గురిచేస్తున్నారు. విష సంస్కృతికి బీజం... ఎన్నికల ప్రక్రియ వేగవంతంగా జరుగుతున్న క్రమంలో పోటీదారులను తప్పించే ప్రయత్నాలు, బెదిరింపులకు శ్రీకారం చుట్టడం జిల్లా రాజకీయాల్లో తీవ్ర చర్చకు దారి తీస్తోంది. ఈతరహా రాజకీయాలు గతంలో ఎన్నడూ లేవు. ఇటువంటివి ఈ రెండున్నరేళ్ల కాలంలో శృతిమించాయి. అధికార పార్టీ నేతల చర్యల్లో ఏ ఒక్కటీ ప్రజలు స్వీకరించలేక పోతున్నారు. ఇవన్నీ చాలవన్నట్లు ఎన్నికల్లో పోటీ లేకుండా చేసుకోవాలనే దుర్మార్గమైన ఆలోచనతో ముందుకు సాగుతుండడాన్ని జిల్లా వాసులు యావగించుకుంటున్నారు. రెడ్‌బుక్‌ రాజ్యాంగాన్ని అమలుపరుస్తున్నట్లుగా అధికార పార్టీ నేతల వైఖరి ఉందని పలువురు రాజకీయ విశ్లేషకులు విమర్శిస్తున్నారు. ఓవైపు నామినేషన్లు వేయనివ్వకుండా, మరోవైపు వైఎస్సార్‌ సీపీ అభ్యర్థులు దాఖలు చేసినట్లు టీడీపీ అభ్యర్థులే ఫేక్‌ నామినేషన్లు వేయడం, ఇంకో వైపు నామినేషన్లు ఉపసంహరణ చేసుకోవాలని, పోటీ నుంచి తప్పుకోవాలని బెదిరింపులకు గురి చేయడం చూస్తుంటే స్థానిక సంస్థల ఎన్నికల్లో కూటమి పార్టీ అభ్యర్థులు ఓటమి పాలవుతామనే అంచనాకు వచ్చినట్లు తెలుస్తోంది. ప్రతిపక్ష వైఎస్సార్‌ సీపీ తరఫున బలమైన అభ్యర్థులు ఎన్నికల బరిలో ఉంటే తమకు ఇబ్బందులు తప్పవని గ్రహించిన అధికార పార్టీ ప్రజా ప్రతినిధులు బెదిరింపులకు శ్రీకారం చుట్టారనే బలమైన విమర్శలు ఉన్నాయి. బుజ్జగింపులకు, ప్రలోభాలకు, బెదిరింపులకు ప్రతిపక్ష వైఎస్సార్‌ సీపీ కి చెందిన ఎక్కువ మంది అభ్యర్థులు ఎవరూ భయపడకుండా ప్రజాక్షేత్రంలో తేల్చుకుందామంటూ స్పష్టం చేస్తున్నట్లు తెలుస్తోంది. జెడ్పీటీసీ, ఎంపీటీసీ ఎన్నికల నామినేషన్ల ప్రక్రియ పూర్తయి ప్రస్తుతం ఉపసంహరణ ప్రక్రియ జరుగుతున్న క్రమంలో జిల్లావ్యాప్తంగా ఎక్కడికక్కడ బెదిరింపులు, బుజ్జగింపులు వేగవంతం చేశారు. పోలీసుల చేత బెదిరించటం, వినకపోతే అదుపులోకి తీసుకొని భయభ్రాంతులకు గురిచేస్తున్నారు. ఈక్రమంలోనే నకరికల్లు జడ్పీటీసీ జనరల్‌ మహిళకు రిజర్వ్‌ కావటంతో దేచవరం గ్రామానికి చెందిన కందుల హనుమాయమ్మ వైఎస్సార్‌ సీపీ నుంచి నామినేషన్‌ దాఖలు చేసింది. ప్రత్యర్ధిగా డాక్టర్‌ నాగౌతు వెంకటలక్ష్మీ సరోజ కూటమి నుంచి నామినేషన్‌ దాఖలు చేసింది. ఆమెను ఏకగ్రీవం చేసేందుకు హనుమాయమ్మను పోటీ నుంచి తప్పుకోవాలని బెదిరింపులకు గురి చేస్తున్నారు. వినకపోవడంతో హనుమాయమ్మ భర్త లక్ష్మారెడ్డిని ఆదివారం అర్ధరాత్రి నకరికల్లు ఎస్‌ఐ సతీష్‌, పోలీసులు అదుపులోకి తీసుకొని సోమవారం తెల్లవారు జామున వదిలిపెట్టారు. జెడ్పీటీసీగా దాఖలు చేసిన నామినేషన్‌ ఉపసంహరణ చేసుకోవాలని బెదిరింపులకు గురిచేశారనే విమర్శలు ఉన్నాయి.

నరసరావుపేట టౌన్‌: కాలం గడిచినా కొన్ని గాయాలు మానవు.. మనిషి దూరమైనా అతడి జ్ఞాపకాలు చెరిగిపోవు.. గుండెల్లో గూడు కట్టుకున్న ఆత్మీయుడి స్వరం మళ్లీ వినిపిస్తే ఆ వేదన వర్ణనాతీతం. వినుకొండ పట్టణ నడిబొడ్డులో 2024 జూలై 17న రషీద్‌ను టీడీపీ గూండాలు అతి ధారుణంగా హత్య చేసిన విషయం తెలిసిందే. హత్య ఘటనను గుర్తుచేస్తూ, ఏఐ సాంకేతికతతో రూపొందించిన వీడియో ఇప్పుడు పల్నాడు జిల్లా వ్యాప్తంగా చర్చనీయాంశంగా మారింది. వినుకొండ వైఎస్సార్‌సీపీ 28వ వార్డు కౌన్సిలర్‌ అభ్యర్థిగా పోటిచేస్తున్న తన తల్లి షంషాద్‌కు అండగా నిలవాలని, ఆమెను గెలిపించాలని రషీద్‌ మాట్లాడుతున్నట్లుగా రూపొందించిన ఏఐ వీడియో పలువురిని భావోద్వేగానికి గురిచేసింది. గతాన్ని గుర్తుచేసిన ఘటన.. రషీద్‌ హత్య ఘటన నాటి విషాదాన్ని గుర్తుచేసుకుంటూ అతడి కుటుంబం చేస్తున్న రాజకీయ పోరాటం మరోసారి చర్చకు వచ్చింది. కొడుకును కోల్పో యిన తల్లి షంషాద్‌ ఇప్పుడు వైఎస్సార్‌సీపీ కౌన్సిలర్‌ అభ్యర్థిగా ప్రజల ముందుకు వచ్చారు. బిడ్డను కోల్పోయిన బాధను దిగమింగుకుంటూ ఎన్నికల బరిలో నిలిచిన ఆమెకు ప్రజలు అండగా నిలవాలనే సందేశంతో ఏఐ వీడియోను రూపొందించారు. అమ్మకు అండగా నిలవండి.. వీడియోలో రషీద్‌ మాట్లాడుతున్నట్లుగా రూపొందించిన సందేశం భావోద్వేగాన్ని రేకెత్తిస్తోంది. తాను భౌతికంగా ప్రజల మధ్య లేకపోయినా, తన జ్ఞాపకాలు మాత్రం వారితోనే ఉంటాయని చెబుతున్నట్లుగా వీడియో సాగింది. తన తల్లికి కొడుకు లేడనే లోటు రానివ్వకుండా ఆమెకు తోడుగా నిలవాలని, షంషాద్‌కు తమ పవిత్రమైన ఓటు వేసి గెలిపించాలని కోరుతున్నట్లుగా సందేశాన్ని రూపొందించారు. అదేవిధంగా మంచి వ్యక్తిగా గుర్తింపు పొందిన చైర్మన్‌ అభ్యర్థి పీఎస్‌ ఖాన్‌కు విజయాన్ని అందించండి అంటూ రషీద్‌ పేర్కొన్నాడు. ఒకవైపు కొడుకును కోల్పోయిన తల్లి ఆవేదన.. మరోవైపు తన బిడ్డ జ్ఞాపకాలతో ఆమె చేస్తున్న రాజకీయ పోరాటం.. ఈ రెండింటినీ మేళవిస్తూ రూపొందించిన ఏఐ వీడియో వినుకొండలో చర్చకు దారితీసింది. నాడు జరిగిన ఘటనను గుర్తుచేసుకుంటున్న ప్రజలు, నేటి రాజకీయ పరిణామాలను కూడా చర్చించుకుంటున్నారు. సాంకేతికత సాయంతో మళ్లీ వినిపించినట్లుగా రూపొందించిన రషీద్‌ స్వరం.. అతడి కుటుంబం అనుభవిస్తున్న విషాదాన్ని మరోసారి గుర్తుచేసింది. కొడుకు లేని లోటును ఎవరూ తీర్చలేకపోయినా, తన తల్లికి ప్రజలు అండగా నిలవాలనే సందేశం వీడియోలో ప్రధానంగా నిలిచింది.

ముప్పాళ్ల: స్థానిక సంస్థల ఎన్నికల నామినేషన్‌ల ప్రక్రియతో కూటమిలో అంతర్గత పోరు మరోమారు బహిర్గతమయ్యాయి. కూటమిలోని తెలుగుదేశం పార్టీ, జనసేన పార్టీ, బీజేపీల మద్య విభేదాలు రచ్చకెక్కాయి. సరైన ప్రాధాన్యత లేదంటూ కూటమిలోని జనసేన పార్టీ, బీజేపీ నాయకులు ఆగ్రహం వ్యక్తం చేస్తున్నారు. పట్టు ఉన్న చోట పోటీలో ఉంటామని జనసేన పార్టీ ముఖ్య నాయకులు చెప్పటంతో ఆ దిశగా గ్రామస్థాయిలో పట్టు నిలుపుకునేందుకు గాను దమ్మాలపాడు, చాగంటివారిపాలెం, మాదల గ్రామాల్లో జనసేన అభ్యర్ధులు నామినేషన్‌లు దాఖలు చేశారు. అయితే ఎవరిని అడిగి నామినేషన్‌లు దాఖలు చేశారంటూ టీడీపీ నాయకులు బహిరంగంగానే బెదిరింపులకు దిగుతున్నారు. నామినేషన్‌లు విత్‌డ్రా చేసుకోకుంటే పరిణామాలు తీవ్రంగా ఉంటాయని హెచ్చరికలు చేస్తున్నారు. టీడీపీ నాయకుల బెదిరింపులకు భయపడకుండా పోటీలో ఉంటామని జనసేన నాయకులు ప్రచార పర్వానికి సిద్దం అవుతున్నారు. ఎంపీపీ పదవి ఆశ చూపి... ఎంపీపీ పదవి జనసేనకు ఇస్తామని దమ్మాలపాడు గ్రామానికి చెందిన జనసేన నాయకులకు టీడీపీ ముఖ్య నాయకులు ఆశ చూపారు. అదే ఆశతో మొదటిరోజు నామినేషన్‌ కేంద్రం వద్ద జనసేన నాయకులు నామినేషన్‌లను చించివేస్తూ హడావుడి చేశారు. మరుసటి రోజు అదే దమ్మాలపాడు–2 ఎంపీటీసీ స్థానానికి టీడీపీ నాయకులను రెబల్‌ అభ్యర్థులుగా పోటీలో ఉంచేందుకు నామినేషన్‌ వేయటంతో కూటమిలోని విభేదాలు తారాస్థాయికి చేరాయి. ఏకంగా ఒక స్థానానికి నలుగురు జనసేన అభ్యర్ధులు, ఒక టీడీపీ అభ్యర్థి నామినేషన్‌లు దాఖలు చేశారు. ఆ స్థానంలో ఎవరి వారే జనసేన అభ్యర్ధులుగా ప్రకటించుకోవటం గమనార్హం. పార్టీ బీ–ఫారం ఎవరికి కేటాయిస్తారనేది కూటమిలో చర్చనీయాంశంగా మారింది. చాగంటివారిపాలెం, మాదల–1 ఎంపీటీసీ స్థానం కూడా జనసేనకు కేటాయిస్తున్నట్లు ముందుగా చర్చించుకోవటంతో జనసేన తరుపున నామినేషన్‌ దాఖలు చేశారు. ఓటర్లు లేని చోట జనసేన ఎలా పోటీచేస్తుందంటూ టీడీపీ అభ్యర్థిచే మరో నామినేషన్‌ దాఖలు చేయించారు. బీ–ఫారం తెచ్చుకునేందుకు కూటమిలోని రెండు పార్టీల నాయకులు ఎవరికి వారే బలప్రదర్శనకు సిద్ధమవుతున్నారు. ఆయా స్థానాల్లో రెబల్‌ అభ్యర్ధులుగా నామినేషన్‌ వేసిన వారంతా విత్‌డ్రా చేసుకునేందుకు ఇష్టపడటం లేదు. వారందరినీ పదవుల ఆశచూపి ప్రలోభాలకు గురి చేసేందుకు నియోజకవర్గ నాయకులు దృష్టి పెట్టి చర్చలు సాగిస్తున్నారు. దీంతో పోటీ అనివార్యమయ్యే అవకాశాలు మెండుగా నెలకొన్నాయి. బీజేపీ కనుమరుగు... మొత్తం 12 ఎంపీటీసీ స్థానాల్లోను ఒక్కచోట కూడా కూటమిలోని భారతీయజనతాపార్టీ కి కేటాయించిన దాఖలాలు లేక పోవటంతో మండలంలో బీజేపీ పాత్ర కనుమరుగైనట్లేయింది. సీపీఎం ఏకంగా మూడు స్థానాల్లో పోటీలో ఉండేందుకు ఐదు నామినేషన్‌లు దాఖలు చేయగా, జాతీయస్థాయిలో కేంద్రంలో అధికారంలో ఉన్న బీజేపీ పార్టీకి కనీసం ఒక్క చోట పోటీ చేసే అవకాశం ఇవ్వకపోవటం గమనార్హం. తెలుగుదేశం పార్టీలోని ముఖ్య నాయకుల కుట్రలతో బీజేపీ సానుభూతిపరులు అసహనం వ్యక్తం చేస్తున్నారు. ఎన్నికల్లో తమ ప్రభావం ఎంత ఉందో చూపేందుకు సిద్దం అవుతున్నారు. ఏదేమైనా కూటమిలోని అంతర్గత పోరు స్థానిక సంస్థల నామినేషన్‌ల ప్రక్రియతో మరో మారు బహిర్గతమయ్యాయి.

ఫిరంగిపురం: మండలంలోని రేపూడి వ్యవసాయ మార్కెట్‌ యార్డులోని గోదాముల్లో భద్రపర్చిన ఈవీఎంలను జిల్లా కలెక్టర్‌ సాయికాంత్‌ వర్మ ఆదివారం తనిఖీ చేశారు. గోడౌన్‌లో భద్రపర్చిన ఈవీఎంలు, భద్రతా ఏర్పాట్లు, సీసీ కెమెరాల పనితీరు, గోడౌన్‌ తాళాలు, రిజిస్టర్లు పరిశీలించారు. కలెక్టర్‌ మాట్లాడుతూ ఎన్నికల సంఘం మార్గదర్శకాలను తప్పకుండా పాటించాలన్నారు. ఈవీఎంల భద్రత విషయంలో ఎన్నికల సంఘం ఖచ్చితమైన మార్గదర్శకాలు ఇచ్చిందని చెప్పారు. పరిసరాల్లో నిరంతర పర్యవేక్షణ ఉండేలా చర్యలు తీసుకోవాలన్నారు. భద్రత విషయంలో ఎలాంటి లోపాలు లేకుండా చూడాలని అధికారులకు సూచించారు. ఆయన వెంట తహసీల్దార్‌ జె.ప్రసాదరావు, వివిధ పార్టీల నాయకులు, రెవెన్యూ సిబ్బంది, వివిధ శాఖల అధికారులు పాల్గొన్నారు. నగరంపాలెం: జిల్లాలోని అన్ని పోలీస్‌స్టేషన్లల్లో ఆదివారం రౌడీషీటర్లకు కౌన్సెలింగ్‌ నిర్వహించారు. జిల్లా ఎస్పీ వకుల్‌ జిందాల్‌ ఆదేశాల మేరకు ఈ ప్రక్రియ కొనసాగించారు. మున్సిపల్‌, ఎంపీటీసీ, జెడ్పీటీసీ, స్థానిక సంస్థల ఎన్నికల దృష్ట్యా రౌడీషీటర్లపై ముందస్తు బైండోవర్‌లు చేశామని తెలిపారు. ఇప్పటి వరకు 1,027 మందిని తహసీల్దార్ల ఎదుట బైండోవర్‌ చేసినట్లు పేర్కొన్నారు. గత తప్పుల నుంచి గుణపాఠం నేర్చుకోవాలని రౌడీషీటర్లకు పోలీస్‌ అఽధికారులు సూచించారు. ఎలాంటి నేరాలకు పాల్పడవద్దని స్పష్టం చేశారు. బాధ్యతాయుతమైన పౌరులుగా జీవించాలని చెప్పారు. చెడు స్నేహాలు, అసాంఘిక కార్యకలాపాలు, నేరప్రవృత్తికి దూరంగా ఉండాలని హితవు పలికారు. గుంటూరు వెస్ట్‌(క్రీడలు): మాస్టర్స్‌ అథ్లెటిక్‌ అసోసియేషన్‌ ఆధ్వర్యంలో ఆదివారం స్థానిక ఎన్టీఆర్‌ స్టేడియంలో పోటీలు నిర్వహించారు. మొత్తం 105 మంది పాల్గొన్న ఈ పోటీల్లో త్రోస్‌, జంప్స్‌, రన్నింగ్‌ విభాగాల్లో పోటీలు నిర్వహించారు. ఈ సందర్భంగా అసోసియేషన్‌ అధ్యక్షులు షేక్‌ లాల్‌ వజీర్‌ మాట్లాడుతూ పోటీల్లో ప్రతిభకనబరచిన వారిని డిసెంబర్‌ 12, 13 తేదీల్లో ఒంగోలులో జరగనున్న రాష్ట్ర పోటీలకు పంపిస్తామన్నారు. మాస్టర్స్‌ అథ్లెటిక్స్‌ పోటీల్లో పాల్గొనే వారి సంఖ్య రోజురోజుకూ పెరుగుతుందన్నారు. డీఎంహెచ్‌ఓ డాక్టర్‌ ఎం.పద్మావతి గుంటూరు మెడికల్‌: జిల్లాలో తుపాను హెచ్చరికల నేపథ్యంలో వైద్య ఆరోగ్యశాఖ సిబ్బంది అప్రమత్తంగా ఉండాలని జిల్లా వైద్య ఆరోగ్యశాఖాధికారి డాక్టర్‌ మక్కెన పద్మావతి ఆదివారం ప్రకటనలో పేర్కొన్నారు. తుపాను ప్రభావిత ప్రాంతాలు, లోతట్టు ప్రాంతాలలోని, ప్రసవానికి సిద్ధంగా ఉన్న గర్భిణులను తమ దగ్గర ఉన్న లిస్టు ఆధారంగా దగ్గరలోని ప్రాథమిక ఆరోగ్య కేంద్రాలకుగాని లేదా సామాజిక ఆరోగ్యలకు గాని తరలించాలన్నారు. తుపాను పరిస్థితుల రీత్యా విద్యుత్‌ అంతరాయాన్ని దృష్టిలో ఉంచుకొని వైద్యాధికారులు వ్యాక్సిన్‌లను సురక్షితంగా ఉంచడంలో భాగంగా జనరేటర్‌లను సిద్ధంగా ఉంచుకోవాలని ఆదేశించారు. తల్లీబిడ్డ వెండర్లు అవసరాన్ని బట్టి గర్భిణులను ఆరోగ్య కేంద్రాలకు తరలించడంలో భాగంగా ఆరోగ్య సిబ్బందికి సహకరించాలన్నారు. అత్యవసర పరిస్థితుల్లో సహాయం కోసం గుంటూరు డీఎంహెచ్‌ఓ కార్యాలయంలో ఏర్పాటు చేసిన హెల్ప్‌లైన్‌ నంబర్‌ను 72075 95104కు సంప్రదించాలన్నారు. నెహ్రూనగర్‌: రామిరెడ్డితోట 5వ లైను (8వ డివిజన్‌)లో కుక్కల దాడిలో ఇద్దరు చిన్నారులు గాయాలపాలైయ్యారు. పొట్ట, చేయి మీద దాడి చేయడంతో చిన్నారులు భయాందోళనలో అరవడంతో వెంటనే స్పందించిన స్థానికులు కుక్కలను తరిమేశారు. గాయాలపాలైన చిన్నారులను జీజీహెచ్‌కు తరలించి చికిత్స అందించడంతో ప్రాణపాయం తప్పింది. నగరంలో విచ్చలవిడిగా కుక్కలు స్వైర విహారం చేస్తున్నాయని వీటికి నగరపాలక సంస్థ అడ్డుకట్ట వేయడంలో విఫలం చెందారని దీని వలన అభం శుభం చిన్నారులు కుక్కల బారిన పడుతున్నారని స్థానికులు ఆవేదన వ్యక్తం చేస్తున్నారు.

● 28వ వార్డు కౌన్సిలర్‌ స్థానం టీడీపీకి కేటాయించినా.. ● జనసేన నుంచి కోటిరత్నారావు నామినేషన్‌ సైతం ఖరారు ● పార్టీ పెద్దల అండతోనే బరిలో నిలిచినట్టు ప్రచారం ● 28వ వార్డు నుంచి నలుగురు అభ్యర్థులు పోటీ సత్తెనపల్లి: మున్సిపల్‌ ఎన్నికల్లో భాగంగా కూటమిలో సీట్ల సర్దుబాటు కొలిక్కి వచ్చి నామినేషన్లు దాఖలు చేయడం, ఉపసంహరణ ప్రక్రియ పూర్తయితే అధికారిక జాబితా విడుదలైనా క్షేత్ర స్థాయిలో అసమ్మతి సెగలు చల్లారడం లేదు. సత్తెనపల్లి మున్సిపాలిటీ పరిధిలో 28వ వార్డు కౌన్సిలర్‌ స్థానం కేటాయింపు వ్యవహారం కూటమి పార్టీల మధ్య చిచ్చు పెడుతుంది. పొత్తులో భాగంగా పట్టణంలోని 36 వార్డు కౌన్సిలర్‌ స్థానాలకు గాను 31 స్థానాలు టీడీపీ, 3 స్థానాలు జనసేన, రెండు స్థానాలు బీజేపీకీ కేటాయించారు. 28వ వార్డు కౌన్సిలర్‌ స్థానం జనరల్‌కు కేటాయించటంతో వల్లెం శ్రీనివాసరావు అలియాస్‌ రాడ్లు శ్రీను టీడీపీ నుంచి బరిలోకి దింపగా బీ–ఫారం కూడా ఇచ్చారు. ఆయన నామినేషన్‌ దాఖలు చేశాడు. అదే వార్డు నుంచి జనసేన తరఫున అమ్మిశెట్టి కోటిరత్నారావు నామినేషన్‌ దాఖలు చేశాడు. జనసేన పార్టీ నుంచి బీ–ఫారం కూడా కేటాయించడంతో ఆదివారం విడుదలైన మున్సిపల్‌ అభ్యర్థుల అధికారిక తుది జాబితాలో ఇరువురు పోటీలో నిలవడం గమనార్హం. ఈ వార్డు నుంచి టీడీపీ, జనసేన అభ్యర్థులు పోటీలో ఉండడంతో కూటమి అభ్యర్ధి ఎవరన్నదాని పై ఉత్కంఠ నెలకొంది. ఎన్నికల ఫలితాల్లోనూ గాజుగ్లాస్‌ గుర్తుపై వేసే ఓటు జనసేన అభ్యర్థిగా బరిలో ఉన్న అమ్మిశెట్టి కోటి రత్నారావుకే దక్కనుంది. జనసేన పార్టీ పెద్దల అండతోనే మున్సిపల్‌ ఎన్నికల బరిలో కోటిరత్నారావు నిలిచినట్టు ప్రచారంలో ఉంది. వీరిద్దరు కాగా వైఎస్సార్‌ సీపీ నుంచి సంకుల తిరుపతిరావు అలియాస్‌ తిరుముల, స్వతంత్ర అభ్యర్థిగా అమ్మిశెట్టి సాయి ప్రసన్న పోటీ బరిలో నిలిచారు. అలాగే 5వ వార్డు నుంచి వైఎస్సార్‌ సీపీ అభ్యర్ధిగా యక్కల గురు పోటీలో ఉండగా ప్రత్యర్థిగా కూటమి నుంచి బీజేపీ అభ్యర్థి మాడ నాగరమేష్‌ కుమార్‌, మరో ముగ్గురు స్వతంత్రులు పోటీలో ఉన్నారు. తలలు పట్టుకుంటున్న టీడీపీ శ్రేణులు ముప్పాళ్ల: స్థానిక సంస్థల ఎన్నికల్లో భాగంగా జరిగే ముప్పాళ్ల జెడ్పీటీసీ ఎన్నికల్లో తెలుగుదేశం పార్టీ సింబల్‌ సైకిల్‌ గుర్తు కనిపించని పరిస్థితి నెలకొంది. కూటమి పొత్తులో భాగంగా జెడ్పీటీసీ స్థానం జనసేనకు కేటాయించారు. వైఎస్సార్‌సీపీ, సీపీఎంలతోపాటుగా జనసేన తరుపున నామినేషన్‌లు దాఖలు చేశారు. తెలుగుదేశం పార్టీ నుంచి ఎవరూ నామినేషన్‌ దాఖలు చేయకపోవటంతో ఆ పార్టీ గుర్తు కనిపించే అవకాశం లేకుండా పోయింది. త్వరలో వచ్చే బ్యాలెట్‌లో వైఎస్సార్‌సీపీ గుర్తు అయిన ఫ్యాన్‌ తో పాటుగా, జనసేన గుర్తు, సీపీఎం గుర్తులు మాత్రమే కనిపించనున్నాయి. రాష్ట్రంలో అధికారంలో ఉండి కూడా పార్టీ గుర్తు కనిపించకపోవటంతో తెలుగుదేశం పార్టీ శ్రేణులు తలలు పట్టుకుంటున్నారు. పార్టీ గుర్తు కనిపించకుండా చేసిన జనసేన అభ్యర్థికి సహకరించేది లేదంటూ బహిరంగంగానే చెప్పుకుంటున్నారు. వల్లెం శ్రీనివాసరావు అమ్మిశెట్టి కోటిరత్నారావు

చిలకలూరిపేట: స్కూల్‌ గేమ్స్‌ ఫెడరేషన్‌ ఆధ్వర్యంలో బాస్కెట్‌బాల్‌, నెట్‌బాల్‌, కరాటే, కల్వరిపట్టు, కురుష్‌ ఉమ్మడి జిల్లా జట్ల ఎంపిక కార్యక్రమం ఆదివారం ఏఎంజీ హైస్కూల్‌లో నిర్వహించారు. అండర్‌ –19 విభాగంలో నెట్‌బాల్‌, బాస్కెట్‌బాల్‌, కరాటే, కల్వరిపట్టు, కురుష్‌ జిల్లా జట్ల ఎంపిక చేశారు. అండర్‌ –17 కల్వరిపట్టు, అండర్‌–14, అండర్‌ –17లలో కురుష్‌ జిల్లా జట్లను ఎంపిక చేశారు. ఈ ఎంపిక బాలబాలికల జట్లను విడివిడిగా నిర్వహించారు. ఈ ఉమ్మడి జిల్లా జట్లకు ఎంపికై న క్రీడాకారులు త్వరలో నిర్వహించే రాష్ట్ర స్థాయి పోటీలలో ఆయా విభాగాలలో ఉమ్మడి గుంటూరు జిల్లా నుంచి ప్రాతినిధ్యం వహిస్తాయని ఫెడరేషన్‌ సభ్యులు తెలిపారు. ఈ ఎంపిక కార్యక్రమంలో ఉమ్మడి గుంటూరు జిల్లా నుంచి మొత్తం 320 మంది క్రీడాకారులు పాల్గొన్నట్లు తెలిపారు. ఈ ఎంపిక కార్యక్రమం గుంటూరు జిల్లా స్కూల్‌ గేమ్స్‌ కార్యదర్శి వినయ్‌కుమార్‌, పల్నాడు జిల్లా స్కూల్‌గేమ్స్‌ ఆర్గనైజింగ్‌ కార్యదర్శి పిచ్చయ్య, ఎడ్మిన్‌ కార్యదర్శి రషీదా పర్యవేక్షణలో నిర్వహించారు. జిల్లా జట్లకు ఎంపికై న విద్యార్ధులను ఏఎంజీ సంస్థ డైరెక్టర్‌ డాక్టర్‌ అరుణ్‌కుమార్‌ మహంతి, స్కూల్‌ హెచ్‌ఎం కృపాదానం అభినందించారు.

నవంబర్‌ 28, 29 తేదీల్లో బాలోత్సవ్‌ నరసరావుపేట ఈస్ట్‌: విద్యార్థులలో దాగిఉన్న సృజనాత్మకతను వెలికితీసేందుకు పల్నాడుజిల్లా బాలోత్సవాలు దోహదపడతాయని బాలోత్సవ కమిటీ అధ్యక్ష, కార్యదర్శులు డాక్టర్‌ షేక్‌ మస్తాన్‌షరీఫ్‌, కట్టా కోటేశ్వరరావు తెలిపారు. శ్రీసుబ్బరాయ అండ్‌ నారాయణ కళాశాల వేదికగా నవంబర్‌ 28, 29 తేదీలలో నిర్వహించనున్న 4వ పల్నాడు బాలోత్సవ్‌, 2వ రాష్ట్రస్థాయి ఉపాధ్యాయుల సాంస్కృతిక ఉత్సవాల నిర్వహణపై కళాశాల ఆడిటోరియంలో ఆదివారం సమావేశం నిర్వహించారు. బాలోత్సవాన్ని విజయవంతం చేసేందుకు నిర్వహణ కమిటీ ఆధ్యక్షకార్యదర్శులుగా నియమితులైన డాక్టర్‌ ముత్తవరపు సురేష్‌బాబు, శ్రావ్య పృధ్వీరాజ్‌ను ఘనంగా సత్కరించారు. ఉత్సవాల నిర్వహణకు డాక్టర్‌ సురేష్‌బాబు రూ.4.5లక్షలు విరాళంగా అందచేశారు. ఆయన మాట్లాడుతూ, కార్యక్రమాన్ని విజయవంతం చేసేందుకు విద్యావేత్తలు, ఉపాధ్యాయులు, కళాభిమానులు, ప్రజలు సహకరించాలని కోరారు. కార్యక్రమంలో కళాశాల పాలకవర్గ అధ్యక్షుడు కపలవాయి విజయకుమార్‌, కమిటీ ప్రతినిధులు పాల్గొన్నారు. అమరావతి: ప్రభుత్వం నుంచి రావాల్సిన సబ్సిడీ తన కంటే వెనుక రుణం తీసుకున్న వారికి కూడా చెల్లిస్తుంటే, పనులు లేక కిస్తీలు కట్టలేక మండల పరిధిలోని అత్తలూరు గ్రామానికి చెందిన ఎస్సీ, ఎస్టీ మానిటరింగ్‌ కమిటీ జిల్లా సభ్యుడు బంకా శ్రీనివాసరావు ఆత్మహత్య చేసుకున్నాడు. గ్రామస్తులు, కుటుంబసభ్యులు తెలిపిన వివరాల ప్రకారం.. అత్తలూరుకు చెందిన బంకా శ్రీనివాసరావు 2024వ సంవత్సరంలో వైఎస్సార్‌ నవోదయం పథకం ద్వారా 50 శాతం సబ్సిడీపై పొక్లెయినర్‌ మంజూరు చేశారు. సుమారు రూ.66లక్షల విలువైన పొక్లెయినర్‌ను ప్రభుత్వం ద్వారా పొందిన బంకా శ్రీనివాసరావు అప్పటి నుంచి మండలంలో పలు గ్రామాలలో పనులు చేయించి తొలి పదినెలలపాటు కిస్తీ సుమారు రూ.10 లక్షలు చెల్లించారు. ప్రస్తుతం పనులు లేక ఆదాయం పడిపోవటంతో అంతకు ముందు తీసుకున్న గృహ నిర్మాణ రుణం వాయిదాలు చెల్లించలేకపోయాడు. ఈ రెండేళ్లలో రుణం తీసుకున్న వారికి కూటమి ప్రభుత్వం సబ్సిడీ మంజూరు చేసి గత ప్రభుత్వ హయాంలో రుణాలు తీసుకున్న ఎస్సీ, ఎస్టీ, బీసీ వర్గాల వారికి సబ్సిడీ మంజూరు చేయలేదు. పొక్లెయినర్‌ కిస్తీ, ఇటు హౌసింగ్‌ రుణం కలిపి నెలకు లక్షల రూపాయలు చెల్లించాల్సి రావటంతో మనస్థాపం చెందిన అతను 23వ తేదీ పురుగుమందు తాగి అత్మహత్యాయత్నం చేశాడు. కుటుంబసభ్యులు, అత్తలూరు పీహెచ్‌సీలో ప్రథమ చికిత్స అనంతరం గుంటూరులోని ప్రైవేటు అస్పత్రికి తరలించారు. చికిత్స పొందుతూ బంకా శ్రీనివాసరావు(42) శనివారం సాయంత్రం మృతిచెందాడు. పోలీసులు శవపంచనామా చేసి పోస్టుమార్టం అనంతరం మృతదేహాన్ని కుటుంబసభ్యులకు అప్పగించి కేసు నమోదు చేసి దర్యాప్తు చేస్తున్నారు. బంకా శ్రీనివాసరావుకు భార్య, కుమారుడు, కుమార్తె ఉన్నారు.

కొరిటెపాడు(గుంటూరు): ఆంధ్రప్రదేశ్‌ గ్రామీణ బ్యాంక్‌(ఏపీజీబీ) ప్రధాన కార్యాలయం ఆధ్వర్యంలో ఆదివారం విజిలెన్స్‌ కార్నివల్‌–2026 కార్యక్రమాన్ని నిర్వహించారు. ఉద్యోగులు, సిబ్బందికి పాటల పోటీలు, వివిధ క్రీడా పోటీలు, సాంస్కృతిక కార్యక్రమాలు నిర్వహించారు. ఏపీజీబీ చైర్మన్‌ కె.ప్రమోద్‌కుమార్‌రెడ్డి మాట్లాడుతూ ఉద్యోగుల మానసిక, శారీరక, దృఢత్వం మెరుగుపడటంలో క్రీడలు, సాంస్కృతిక కార్యక్రమాలు కీలక పాత్ర పోషిస్తాయన్నారు. ఆరోగ్యవంతమైన సమాజ నిర్మాణంతోపాటు దేశాభివృద్ధికి నీతి, నిజాయితీ, నైతిక విలువలు ఎంతో అవసరమని స్పష్టం చేశారు. విజిలెన్స్‌ ఇన్‌చార్జి హరీష్‌ బేతా మాట్లాడుతూ ఉద్యోగులు విధులను నిబద్ధతతో నిర్వహిస్తూ పారదర్శకతకు ప్రాధాన్యమివ్వాలని కోరారు. కార్యక్రమంలో బ్యాంక్‌ జనరల్‌ మేనేజర్లు ఎ.రాజశేఖరం, పి.శ్రీదేవి, బ్యాంక్‌ ఉద్యోగులు, సిబ్బంది తమ కుటుంబ సభ్యులతో సహా పాల్గొన్నారు.

తెనాలిరూరల్‌: రైలు నుంచి జారి పడి గుర్తు తెలియని ప్రయాణికుడు మృతి చెందిన ఘటన విజయవాడ–చైన్నె రైలు మార్గంలో శనివారం రాత్రి జరిగింది. సుమారు 30 నుండి 35 ఏళ్ల వయసున్న పొన్నూరు సమీపంలో రైలు నుంచి జారి పడి అక్కికక్కడే మృతి చెందాడు. సమాచారం అందుకున్న జీఆర్పీ పోలీసులు ఘటనాస్థలాన్ని పరిశీలించి మృతదేహాన్ని వైద్యశాలకు తరలించారు. కేసు నమోదు చేసి దర్యాప్తు చేస్తున్నట్టు ఎస్‌ఐ ఎల్‌.సరస్వతి ఆదివారం తెలిపారు. తాడికొండ: తుళ్లూరు మండలం రాజధాని ప్రాంతమైన మందడం గ్రామంలో నైట్‌ డ్యూటీ సూపర్‌వైజర్‌ అనుమానాస్పద స్థితిలో మృతి చెందాడు. స్థానికుల సమాచారం మేరకు.. మదండం గ్రామ పరిధిలోని ఈ 8 రోడ్డు నిర్మాణ పనుల్లో నైట్‌ డ్యూటీ సూపర్‌వైజర్‌గా పనిచేస్తున్న దుర్గా ప్రసాద్‌(42) శనివారం అర్ధరాత్రి ముక్కు వెంబడి రక్తం కారుతూ అనుమానాస్పదంగా అపస్మారక స్థితిలో కనిపించాడు. గమనించిన టిప్పర్‌ డ్రైవర్‌ వెంటనే ఆసుపత్రికి తరలించాడు. అప్పటికే ఆయన మృతి చెందినట్లు వైద్యులు నిర్ధారించారు.

నగరంపాలెం: దీపావళి పండుగ దృష్ట్యా అగ్ని ప్రమాదాలు జరగకుండా ఉండేందుకు ఆదివారం జిల్లా వ్యాప్తంగా బాణసంచా దుకాణాల్లో పోలీస్‌ అధికారులు ముందస్తు తనిఖీలు చేపట్టారు. గుంటూరు జిల్లా ఎస్పీ వకుల్‌ జిందాల్‌ ఆదేశాల మేరకు తాడేపల్లి, మంగళ గిరి, నగరంపాలెం పరిధిలోని టపాసుల హోల్‌సేల్‌, రిటైల్‌ విక్రయ కేంద్రాలు, టపాసులు నిల్వ ఉంచే ప్రదేశాల్లో ఆకస్మిక తనిఖీలు చేశారు. అగ్నిమాపక భద్రతా నిబంధనలు, అనుమతులు, ఇతర భద్రతా ప్రమాణాలను దుకాణాల యజమానులు పాటిస్తున్నారా లేదా అనేది పరిశీలించారు. టపాసుల నిల్వ, విక్రయాల వేళల్లో భద్రతా ప్రమాణాలను విధిగా పాటించాలని దుకాణదారులు, నిర్వాహకులకు సూచించారు. తనిఖీల్లో గుంటూరు పశ్చిమ డీఎస్పీ బెల్లం శ్రీనివాసరావు, సీఐలు రాజేష్‌(నగరంపాలెం పీఎస్‌), సీహెచ్‌ వెంకట్‌ (మంగళగిరి గ్రామీణ), వీరేంద్ర బాబు (తాడేపల్లి పీఎస్‌), పోలీస్‌ సిబ్బంది పాల్గొన్నారు. తాడేపల్లి రూరల్‌: తాడేపల్లి పోలీస్‌స్టేషన్‌ పరిధిలోని మహానాడు ప్రాంతం సమీపంలో ర్యాపిడో డ్రైవర్‌పై జరిగిన దాడి స్థానికంగా చర్చనీయాంశంగా మారింది. అందిన వివరాల ప్రకారం.. విజయవాడకు చెందిన రామకృష్ణ ర్యాపిడో నడుపుతూ జీవనం సాగిస్తున్నారు. ఆదివారం తెల్లవారుజామున విజయవాడ బస్టాండ్‌ నుంచి తాడేపల్లిలోని మహానాడు ప్రాంతానికి వచ్చి తిరిగి వెళ్తుండగా సీతానగరం సబ్‌స్టేషన్‌ వద్ద నలుగురు యువకులు అతడిని అడ్డగించినట్లు సమాచారం. అతడిపై దాడి చేసి, అతని వద్ద ఉన్న రూ.35 వేల నగదు లాక్కున్నట్లు తెలుస్తోంది. బాధితుడి సెల్‌ఫోన్‌ ద్వారా ఫోన్‌పే చేయడానికి దుండగులు ప్రయత్నించినప్పటికీ సాంకేతిక సమస్య కారణంగా నగదు బదిలీ కాలేదని సమాచారం. అనంతరం ఫోన్‌ను తిరిగి ఇచ్చి అక్కడి నుంచి పరారైనట్లు తెలుస్తోంది. బాధితుడు వెంటనే 112కు ఫోన్‌ చేసి ఫిర్యాదు చేయడంతో పోలీసులు సంఘటనా స్థలానికి చేరుకుని వివరాలు సేకరించారు. సీసీ కెమెరాల దృశ్యాలను పరిశీలించి సీతానగరానికి చెందిన పాత నేరచరిత్ర ఉన్న వ్యక్తిని అదుపులోకి తీసుకున్నట్లు విశ్వసనీయ వర్గాల సమాచారం. విమానాశ్రయం(గన్నవరం): ఎన్టీఆర్‌ జిల్లా పర్యటనకు ఉప రాష్ట్రపతి సీపీ రాధాకృష్ణన్‌ సోమవారం గన్నవరం విమానాశ్రయానికి విచ్చేస్తున్న సందర్భంగా అధికారులు కట్టుదిట్టమైన భద్రత ఏర్పాట్లు చేపట్టారు. విమానాశ్రయాన్ని తమ ఆధీనంలోకి తీసుకున్న ఎస్పీజీ దళాలు, పోలీసులు క్షుణ్ణంగా తనిఖీలు చేస్తున్నారు. విమానాశ్రయం నుంచి విజయవాడ వరకు ఆదివారం ఉపరాష్ట్రపతి కాన్వాయ్‌ ట్రయల్‌ రన్‌ కూడా నిర్వహించారు. న్యూఢిల్లీ నుంచి ఉదయం 10.05 గంటలకు ఉప రాష్ట్రపతి ఇక్కడికి చేరుకుని రోడ్డు మార్గం ద్వారా విజయవాడ వెళ్లనున్నారు. పర్యటన అనంతరం తిరిగిన మధ్యాహ్నం 12.50 గంటలకు ఇక్కడికి చేరుకుని న్యూఢిల్లీ వెళ్తారని అధికారులు తెలిపారు. ఉపరాష్ట్రపతి పర్యటనకు సంబంధించి భద్రత, ప్రొటోకాల్‌ ఏర్పాట్లను ఇప్పటికే పూర్తి చేసినట్లుగా పేర్కొన్నారు. వన్‌టౌన్‌(విజయవాడపశ్చిమ): విజయవాడ పుస్తక మహోత్సవం నూతన అధ్యక్షుడిగా తలముడిపి మనోహర్‌ నాయుడు ఏకగ్రీవంగా ఎన్నికయ్యారు. దేశంలోనే అత్యంత ప్రతిష్ఠాత్మకంగా నిర్వహించే పుస్తక మహోత్సవాల్లో ప్రత్యేక గుర్తింపు పొందిన విజయవాడ పుస్తక మహోత్సవం నూతన కమిటీ ఎన్నికలు ఆదివారం జరిగాయి. ఈ ఎన్నికల్లో మనోహర్‌ నాయుడుతో పాటు ఉపాధ్యక్షుడిగా జక్కంపూడి ప్రసాద్‌, కార్యదర్శిగా కె. లక్ష్మయ్య, సహాయ కార్యదర్శిగా ఏబీఎస్‌ సాయిరామ్‌, కోశాధికారిగా కొండపల్లి రవి, పలువురు కమిటీ సభ్యులుగా ఎన్నికయ్యారు.

ఏపీ రాజధాని అమరావతికి వెళ్లే ప్రధాన రహదారిపై ప్రయాణం నరకప్రాయంగా మారింది. ఏడాదిగా మరమ్మతుల పేరుతో చారెడు మట్టి కూడా వేయకుండా వదిలేసిన పాపం నేడు ప్రయాణికులను అష్టకష్టాలకు గురిచేస్తోంది. మూడు రోజుల క్రితం తాడికొండలో భారీ వర్షం కురిసింది. దీంతో తాడికొండ– పెదపరిమి మధ్య రహదారి నిర్మాణంలో భాగంగా తవ్వి వదిలేయడంతో ఆ గుంతల్లో నీరు భారీగా చేరింది. టీడీపీ సర్కారు తీరుతో అటు గుత్తేదారు, ఇటు అధికారులు చర్యలు తీసుకున్న దాఖలాలు లేవు. ఆదివారం నడిరోడ్డుపై ఓ ద్విచక్ర వాహనం కూరుకుపోవడంతో కనీసం బయటకు తీసేందుకు కూడా వీలు కాలేదు. ఓ తాడు కట్టి మరీ లారీతో బయటకు లాగాల్సి వచ్చింది. దీంతో సుమారు 3 గంటల పాటు ట్రాఫిక్‌ జాం అయింది. దేవతల రాజధాని అమరావతి అంటూ చెప్పే చంద్రబాబు రాజధానికి వెళ్లే రోడ్డు కూడా నిర్మించలేకపోయారని పలువురు తీవ్ర ఆగ్రహం వ్యక్తం చేశారు. దేవతలు ఆకాశం నుంచి వస్తారు కదా.. ఇక నేలపై రోడ్లెందుకు అనుకున్నారేమో అంటూ సైటెర్లు వేయడం కనిపించింది. – తాడికొండ

● వైఎస్సార్‌ సీపీ జెడ్పీటీసీ అభ్యర్థులే లక్ష్యం ● నామినేషన్ల ఉపసంహరణకు తీవ్ర ఒత్తిడి ● ఏకగ్రీవాల కోసం పోలీసులు, కూటమి నేతల కుతంత్రం ● అజ్ఞాతంలోకి వైఎస్సార్‌ సీపీ జెడ్పీటీసీ అభ్యర్థులు దాచేపల్లి: స్థానిక సంస్థల ఎన్నికల్లో బెదిరింపుల పర్వం పరాకాష్టకు చేరింది. ఎన్నికల్లో పోటీ చేసే అభ్యర్థులను బెదిరించి, ఎన్నికల బరి నుంచి తప్పించేందుకు కూటమి నేతలు బరితెగిస్తున్నారు. పల్నాడు జిల్లా గురజాల నియోజకవర్గ పరిధిలోని దాచేపల్లి, గురజాల, మాచవరం, పిడుగురాళ్ల మండలాల్లో వైఎస్సార్‌ సీపీ తరఫున జెడ్పీటీసీ అభ్యర్థులుగా బరిలో నిలిచిన వారిపై తీవ్రస్థాయిలో ఒత్తిడి చేస్తున్నారు. వీరి నామినేషన్లన్నీ ఖరారు కావడంతో సామ, దాన, భేద, దండోపాయాలను ప్రయోగిస్తున్నారు. వైఎస్సార్‌ సీపీ అభ్యర్థులు బరిలో నిలిస్తే ఓటమి తప్పదనే భయాందోళనతో కూటమి నేతలు ఉక్కిరిబిక్కిరి అవుతున్నారు. బరిలో నిలిచిన అభ్యర్థులు గురజాల నియోజకవర్గంలో వైఎస్సార్‌ సీపీ తరఫున పలువురు జెడ్పీటీసీ అభ్యర్థులుగా బరిలో నిలిచారు. దాచేపల్లి నుంచి తండా అబ్దుల్‌సత్తార్‌, ఉల్లేరు హనుమంతరావు, పిడుగురాళ్ల నుంచి మూడేల భారతి, వీరభద్రుని అనూరాధ, మాచవరం నుంచి దొండేటి వెంకాయమ్మ, గురజాల నుంచి వేముల శేషమ్మ జెడ్పీటీసీ అభ్యర్థులుగా నామినేషన్లు వేశారు. వీరి నామినేషన్లను పరిశీలించిన ఎన్నికల అధికారులు ఆమోదించారు. వీరిలో నలుగురికి పార్టీ తరఫున బీ–ఫారాలు ఇచ్చేందుకు చర్యలు చేపట్టారు. నాలుగు మండలాల్లో బలమైన అభ్యర్థులు జెడ్పీటీసీ ఎన్నికల బరిలో నిలవడంతో కూటమికి గట్టి పోటీ ఎదురయ్యే పరిస్థితులు స్పష్టంగా కనిపిస్తున్నాయి. నామినేషన్ల ఉపసంహరణ పూర్తయిన తర్వాత వైఎస్సార్‌సీపీ అభ్యర్థులు ఎన్నికల ప్రచారం నిర్వహించేలా ప్రణాళికలు సిద్ధం చేస్తున్నారు. ప్రాణభయంతో అజ్ఞాతంలోకి... వైఎస్సార్‌ సీపీ జెడ్పీటీసీ అభ్యర్థులకు తీవ్రస్థాయిలో బెదిరింపులు వస్తున్నాయి. కొంతమంది టీడీపీ నేతలు నేరుగా అభ్యర్థులకు ఫోన్‌ చేసి, ‘‘మాట్లాడుకుందాం రా’’ అంటూ బెదిరిస్తున్నారు. ‘‘ఇప్పుడున్నది మా ప్రభుత్వం అని గుర్తుపెట్టుకో’’ అంటూ తీవ్రస్థాయిలో హెచ్చరిస్తున్నారు. అంతటితో ఆగకుండా అభ్యర్థుల కుటుంబ సభ్యులు, బంధువులు, స్నేహితుల ద్వారా కూడా ఒత్తిడి చేస్తున్నారు. ఎలాగైనా నామినేషన్లు ఉపసంహరించుకునేలా ఒత్తిడి తెస్తూ ఇబ్బందులకు గురిచేస్తున్నారు. ఒకవైపు కూటమి నేతలు, మరోవైపు పోలీసులు ఒత్తిడి చేస్తున్నారని అభ్యర్థులు ఆవేదన చెందుతున్నారు. వైఎస్సార్‌ సీపీ జెడ్పీటీసీ అభ్యర్థులపై తీవ్రమైన బెదిరింపుల వ్యవహారం ఇప్పుడు నియోజకవర్గవ్యాప్తంగా చర్చనీయాంశంగా మారింది. ఈ నేపథ్యంలో వైఎస్సార్‌ సీపీ జెడ్పీటీసీ అభ్యర్థులు నామినేషన్లు వేసిన తర్వాత గ్రామాల్లోనే ఉన్నప్పటికీ ఒత్తిడి పెరగడంతో అజ్ఞాతంలోకి వెళ్లాల్సి వచ్చింది. స్వతంత్ర అభ్యర్థులకు కూడా బెదిరింపులు వస్తుండటంతో వారు సైతం సురక్షిత ప్రాంతాల్లో తలదాచుకున్నారు. జెడ్పీటీసీ అభ్యర్థులను ప్రతిపాదించిన వ్యక్తుల కదలికలపై కూడా కూటమి నేతలు దృష్టి సారించి, వారి ద్వారా అభ్యర్థుల ఆచూకీ తెలుసుకునేందుకు ప్రయత్నాలు చేస్తున్నారు. ఎన్నికలు రణరంగాన్ని తలపించేలా ఉండటంతో ప్రాణ భయంతో అభ్యర్థులు అజ్ఞాతంలోకి వెళ్లారు. వైఎస్సార్‌ సీపీ జెడ్పీటీసీ అభ్యర్థులుగా నామినేషన్‌ వేసిన తండా అబ్దుల్‌సత్తార్‌, ఉల్లేరు హనుమంతరావు, దొండేటి వెంకాయమ్మ, మూడేల భారతి, వీరభద్రుని అనూరాధ, వేముల శేషమ్మ వైఎస్సార్‌ సీపీ తరఫున దాచేపల్లి, గురజాల, మాచవరం, పిడుగురాళ్ల జెడ్పీటీసీ అభ్యర్థులుగా బలమైన నాయకులు బరిలో నిలవడంతో కూటమి అభ్యర్థులకు భయం పట్టుకుంది. ప్రస్తుత కూటమి ప్రభుత్వంపై ప్రజల్లో ఉన్న వ్యతిరేకతతో పాటు నగర పంచాయతీ, మున్సిపాలిటీ, ఎంపీటీసీ, జెడ్పీటీసీ స్థానాలను బలవంతంగా ఏకగ్రీవం చేసుకున్నారనే అంశంపై ప్రజల్లో, వ్యాపార వర్గాల్లో విస్తృతంగా చర్చ జరుగుతోంది. వైఎస్సార్‌ సీపీ అభ్యర్థులను నామినేషన్లు వేయకుండా అక్కడికక్కడే అడ్డుకుని, తప్పుడు కేసులు పెట్టి బెదిరింపులకు పాల్పడుతున్న విషయాన్ని ప్రజలంతా రోజూ చూస్తూనే ఉన్నారు. ఇటువంటి వ్యవహారాలతో కూటమిపై ప్రజల్లో అసంతృప్తి బాగా పెరిగింది. ఈ విషయాన్ని గమనించిన కూటమి అభ్యర్థులు పోటీ లేకుండా ఏకగ్రీవాలు చేసుకునేందుకు కుటిల ప్రయత్నాలు చేస్తున్నారు. ఎన్నికలు జరిగితే ఓటమి తప్పదనే ఆందోళన వారిని వెంటాడుతోంది. ప్రజల్లో ఉవ్వెత్తున ఉన్న అసంతృప్తి ఓట్ల రూపంలో కూటమికి చేటు చేస్తుందని వారు మదనపడుతున్నారు. దీంతో వైఎస్సార్‌ సీపీ జెడ్పీటీసీ అభ్యర్థుల నామినేషన్లను బలవంతంగానైనా ఉపసంహరింపజేసేలా పావులు కదిపారు.

నరసరావుపేట: ఆర్నాబ్‌ తుపాను కారణంగా ఏపీ సెంట్రల్‌ పవర్‌ డిస్ట్రిబ్యూషన్‌ కార్పొరేషన్‌ లిమిటెడ్‌ (ఏపీసీపీడీసీఎల్‌) చైర్మన్‌ మేనేజింగ్‌ డైరెక్టర్‌ పి.పుల్లారెడ్డి ఆదేశాల మేరకు జిల్లాలో కంట్రోల్‌ రూమ్‌ ఏర్పాటు చేసినట్లు సూపరింటెండింగ్‌ ఇంజినీర్‌ నల్లూరి మస్తాన్‌రావు ఆదివారం ఓ ప్రకటనలో పేర్కొన్నారు. జిల్లాలో మూడు కంట్రోల్‌ రూమ్‌లను ఈనెల 26 నుంచి 29వ తేదీ వరకు పనిచేస్తాయని తెలిపారు. అవి 24 గంటలూ విద్యుత్‌ వాడకందారులకు అందుబాటులో ఉండే విధంగా సిబ్బందిని నియమించినట్లు తెలిపారు. తుపాను సమయంలో విద్యుత్‌ భద్రత సూచనలు పాటించాలని, విద్యుత్‌ అంతరాయం కలిగిన సమయంలో సమాచారం కోసం కంట్రోల్‌ రూమ్‌ నెంబర్‌ 76610 19447, నరసరావుపేట డివిజన్‌ కంట్రోల్‌ రూమ్‌ నెంబర్‌ 94408 17539, మాచర్ల డివిజన్‌ కంట్రోల్‌ రూమ్‌ నెంబర్‌ 94408 17531 సంప్రదించవచ్చని తెలిపారు.

ప్రత్తిపాడు: వైఎస్సార్‌ సీపీ శ్రేణులు పోరాట స్ఫూర్తితో ఎన్నికల బరిలో నిలిచాయి. రాష్ట్రంలోని అనేక ప్రాంతాల్లో అధికార పార్టీ ప్రజాస్వామ్యాన్ని పరిహాసం చేస్తూ స్థానిక ఎన్నికల ప్రక్రియలో అడ్డగోలుగా వ్యవహరించింది. నామినేషన్ల దాఖలుకు ఆటంకాలు కల్పించింది. దాడులకు పాల్పడింది. వైఎస్సార్‌ సీపీ శ్రేణులను, ఆ పార్టీ నాయకులను భయభ్రాంతులకు గురిచేసి తమకు వ్యతిరేకంగా ఒక్క నామినేషన్‌ కూడా పడకుండా వీలైనన్ని కుట్రలు పన్నింది. దీంతో కొన్ని చోట్ల ఎన్నికల్లో పోటీ చేసేందుకు కనీసం నామినేషన్ల దాఖలు చేయలేని దుస్థితి నెలకొంది. ఈ నేపథ్యంలో ప్రతిపాడు నియోజకవర్గంలో వైఎస్సార్‌ సీపీ మాత్రం మంచి జోష్‌ మీద కనిపిస్తోంది. ఏ ఒక్క స్థానం ఏకగ్రీవం కాకూడదంటూ పార్టీ అధినేత వైఎస్‌ జగన్‌మోహన్‌రెడ్డి ఇచ్చిన పిలుపు మేరకు స్థానికంగా ఏమాత్రం ‘తగ్గేదేలే’ అంటోంది. గెలుపోటముల సంగతి అటు ఉంచితే ఎన్నికల బరిలో నిలిచి, ప్రజాక్షేత్రంలోకి వెళ్లాలని ప్రతిపక్ష వైఎస్సార్‌ సీపీ గట్టిగా నిర్ణయించింది. దీంతో ఐదు మండలాల్లోనూ అధికార టీడీపీకి ధీటుగా వైఎస్సార్‌ సీపీ అభ్యర్థులు ఉత్సాహంగా నామినేషన్లను దాఖలు చేశారు. 58 సెగ్మెంట్లలోనూ పోటీ.. ప్రత్తిపాడు నియోజకవర్గంలోని ప్రత్తిపాడు, పెదనందిపాడు, కాకుమాను, వట్టిచెరుకూరు. గుంటూరురూరల్‌ మండలాల్లో మొత్తం 58 సెగ్మెంట్లలో ఎంపీటీసీ ఎన్నికలు జరుగనున్నాయి. పోటీ చేసేందుకు వైఎస్సార్‌ సీపీ నాయకులు ఏ మాత్రం వెరవడం లేదు. అందులో భాగంగానే అనేక ఒత్తిళ్లు, రాయబారాలు, బెదిరింపులను తట్టుకుని నిలబడి టీడీపీతో సమానంగా 137 నామినేషన్లను దాఖలు చేశారు. వాటిలో అక్కడక్కడ ఒకటి రెండు మినహా మిగిలిన అన్ని నామినేషన్లకు శనివారం జరిగిన పరిశీలనలో అధికారులు ఆమోదముద్ర వేశారు. దీంతో దాదాపుగా అన్ని సెగ్మెంట్లలో అభ్యర్థులు వైఎస్సార్‌సీపీ తరఫున పోటీలో ఉండటం ఖాయంగా కనిపిస్తోంది. డమ్మీ నామినేషన్లు వేసిన వారు మినహా మిగిలిన అభ్యర్థులెవ్వరూ నామినేషన్‌ ఉపసంహరించుకునే అవకాశం లేదు. మండలాలవారీగా నామినేషన్ల వివరాలు మండలం వైఎస్సార్‌సీపీ టీడీపీ ప్రత్తిపాడు 26 25 పెదనందిపాడు 39 40 కాకుమాను 27 26 వట్టిచెరుకూరు 26 40 గుంటూరు రూరల్‌ 19 17 మొత్తం 137 148 టీడీపీ దౌర్జన్యాలను తట్టుకుని బరిలో నిలిచిన వైఎస్సార్‌ సీపీ అభ్యర్థులు ఐదు మండలాల్లోనూ అదే ఉత్సాహం అధినేత వైఎస్‌ జగన్‌ పిలుపు మేరకు ఏకగ్రీవాలకు చెక్‌

మంగళగిరి రూరల్‌: ఎన్నికల నేపథ్యంలో అక్రమ మద్యం, నగదు రవాణాను అరికట్టడంతోపాటు ఎన్నికల నియమావళి అమలును పర్యవేక్షించేందుకు అధికారులు చర్యలు చేపట్టారు. ఇందులో భాగంగా మంగళగిరి పరిధిలోని కాజ టోల్‌గేట్‌ వద్ద చెక్‌పోస్టు ఏర్పాటు చేశారు. స్టాటిక్‌ సర్వైలెన్స్‌ టీమ్‌ (ఎస్‌ఎస్‌టీ) అధికారులు ఈ చెక్‌పోస్టు వద్ద నిరంతరం నిఘా ఉంచుతూ, రాకపోకలు సాగించే వాహనాలను తనిఖీ చేస్తున్నారు. శనివారం కాజ టోల్‌గేట్‌ మీదుగా వివిధ ప్రాంతాల నుంచి రాకపోకలు సాగిస్తున్న వాహనాలను అధికారులు క్షుణ్ణంగా తనిఖీ చేశారు. వాహనాల్లో అక్రమంగా మద్యం, నగదు లేదా ఎన్నికల నియమావళికి విరుద్ధమైన ఇతర వస్తువులను తరలిస్తున్నారా అనే అంశాలను పరిశీలించారు. ఎస్‌ఎస్‌టీ బృందంలో గుంటూరు హౌసింగ్‌ కార్పొరేషన్‌ అడ్మినిస్ట్రేటివ్‌ ఆఫీసర్‌ సురేష్‌బాబు, మంగళగిరి రూరల్‌ పోలీస్‌స్టేషన్‌ కానిస్టేబుల్‌ శామ్యూల్‌ రాజ్‌, వీఆర్వో కొండలరావు తదితరులు ఉన్నారు. అమరావతి: ప్రపంచ ప్రఖ్యాతిగాంచిన అమరావతిలోని అపురూపమైన బౌద్ధ వారసత్వ సంపదను సింగపూర్‌ పాత్రికేయ బృందం శనివారం సందర్శించింది. స్థానిక పురావస్తు మ్యూజియం, అమరావతి మహాస్తూపం, ధ్యానబుద్ధ విగ్రహాన్ని బృందం తిలకించింది. సింగపూర్‌ పాత్రికేయ బృంద సభ్యులు భవన్‌ జైప్రగాస్‌, డారిల్‌ లిమ్‌, కీర్తిగా రవీందరన్‌, మహమ్మద్‌ ఇజ్వాండి బిన్‌ అజ్మాన్‌, శివరంజని గుణశేఖరన్‌లకు పురావస్తు, పర్యాటక శాఖల అధికారులు స్వాగతం పలికారు. స్థానిక అధికారులు అమరావతి బౌద్ధ వారసత్వ ప్రాముఖ్యతను, బౌద్ధధర్మం మానవ జీవనవిధానంపై చూపిన ప్రభావాన్ని, అమరావతికి ఉన్న చారిత్రక, సాంస్కృతిక, ఆధ్యాత్మిక విశిష్టతను బృంద సభ్యులకు వివరించారు. కార్యక్రమంలో ఆంధ్రప్రదేశ్‌ పర్యాటక ప్రాధికార సంస్థ ఆర్‌డీ ఈడి ప్రసన్నలక్ష్మి, జిల్లా పర్యాటక శాఖాధికారి నాయుడమ్మ, పురావస్తు శాఖాధికారి నాగేంద్రకుమార్‌ పర్యాటక శాఖ యూనిట్‌ మేనేజర్‌ అశోక్‌ తదితరులు పాల్గొన్నారు. నగరంపాలెం: గుంటూరు నగరంలోని సీఐడీ గుంటూరు ప్రాంతీయ కార్యాలయంలో శనివారం అగ్రిగోల్డ్‌ బాండ్ల పరిశీలన ప్రక్రియ కొనసాగింది. తుళ్లూరు, తాడికొండ, మేడికొండూరు, ఫిరంగిపురం మండలాలకు సంబంధించి అగ్రిగోల్డ్‌ బాండ్లను పరిశీలించారు. సుమారు వెయ్యి దరఖాస్తులు, 1,700 బాండ్లను పరిశీలన చేశారు. ఈనెల 26, 27 తేదీల్లోనూ పైన తెలిపిన మండలాలకు సంబంధించిన బాండ్లను పరిశీలించనున్నట్లు సీఐడీ గుంటూరు ప్రాంతీయ కార్యాలయం ఏఎస్పీ బి.సీతారామయ్య తెలిపారు. ఈనెల 28 నుంచి 31 వరకు తాడేపల్లి, దుగ్గిరాలకు సంబంధించి అగ్రిగోల్డ్‌ బాండ్లను పరిశీలిస్తామని చెప్పారు. తాడేపల్లి, దుగ్గిరాల మండలాల్లోని అగ్రిగోల్డ్‌ బాండ్ల డిపాజిట్‌దారులు గుంటూరు మెడికల్‌ కళాశాల సమీపంలోని సీఐడీ గుంటూరు ప్రాంతీయ కార్యాలయంలో హాజరవ్వాలని తెలిపారు. చిలకలూరిపేట: మాజీ మంత్రి విడదల రజినిపై దౌర్జన్యానికి పాల్పడిన చిలకలూరిపేట రూరల్‌ ఎస్‌ఐ కె . లేఖా ప్రియాంకపై ఎస్‌ఈసీ శాఖాపరమైన చర్యలకు ఆదేశించింది. శుక్రవారం జరిగిన సంఘటన గురించి మీడియా ద్వారా తెలుసుకున్న ఎన్నికల సంఘం సంబంధిత ఎస్‌ఐపై శాఖాపరమైన చర్యలు తీసుకోవాలని పల్నాడు జిల్లా ఎస్పీని ఆదేశించింది. ఈ నేపథ్యంలో ఎస్‌ఐను ఎన్నికల విధులతోపాటు అన్ని విధుల నుంచి కూడా ఎస్పీ తప్పించారు. ఆమెను వీఆర్‌కు పంపినట్లు సమాచారం.

సత్తెనపల్లి: కార్పొరేషన్‌, మున్సిపల్‌, నగర పంచాయతీల్లో ఎన్నికల విధుల్లో పాల్గొనే ఉద్యోగులు, ఉపాధ్యాయులు వారి ఓటు హక్కు వినియోగించుకునేందుకు పోస్టల్‌ బ్యాలెట్లు వినియోగించుకోవచ్చు. ఇందుకోసం పోస్టల్‌ బ్యాలెట్‌కు ఫారం–12 విధులు ధ్రువీకరణ పత్రాన్ని, ఓటర్‌, ఆధార్‌ కార్డు జిరాక్స్‌ కాపీలు, జత చేసి ఓటుహక్కు ఉన్న కార్పొరేషన్‌, మున్సిపాలిటీ, నగర పంచాయతీల్లో రిటర్నింగ్‌ అధికారికి దరఖాస్తు అందజేయాలి. ఆయన పరిశీలించి ఫారం–15, 16, 17, 18 అందజేస్తారు. ఫారం–15: ఇది ఓటరు స్వీయ ప్రకటన. దీనిపై ఓటరు వివరాలు నమోదు చేసి సంతకం చేయాలి. ఈ ఫారం పై ఎవరైనా గెజిటెడ్‌ అధికారితో సంతకం చేయించాల్సి ఉంటుంది. ఫారం–16: దీనిని ఇన్నర్‌ కవర్‌ లేదా కవర్‌ –ఏ అని కూడా పిలుస్తారు. దీనిలో పోస్టల్‌ బ్యాలెట్‌ పేపర్‌ను ఉంచుతారు. ఇది తెలుపు రంగులో ఉండటంతో పాటు దీనిపై బ్యాలెట్‌ పేపర్‌ సీరియల్‌ నెంబర్‌ ఉంటుంది. ఫారం–17: దీనిని కవర్‌–బి లేదా అవుటర్‌ కవర్‌ అంటారు. ఇందులో రిటర్నింగ్‌ అధికారి చిరునామా ఉంటుంది. ఫారం–18: ఓటరు తన ఓటు హక్కును ఏ విధంగా వినియోగించుకోవాలో తెలియ జేసే వివరాలు ఇందులో ఉంటాయి.

చిలకలూరిపేట: మాజీ మంత్రి విడదల రజినిని వైఎస్సార్‌ సీపీ జిల్లా నాయకులు శనివారం పరామర్శించారు. మూడు రోజులుగా హౌస్‌ అరెస్టులో ఉన్న రజినిని బయటకు రాకుండా రూరల్‌ ఎస్‌ఐ లేఖా ప్రియాంక తోసి వేయడంతో గాయపడిన సంఘటన విదితమే. ఈ నేపథ్యంలో వైఎస్సార్‌ సీపీ పల్నాడు జిల్లా అధ్యక్షుడు, మాజీ ఎమ్మెల్యే పిన్నెల్లి రామకృష్ణారెడ్డి, పార్టీ జిల్లా వర్కింగ్‌ ప్రెసిడెంట్‌, మాజీ ఎమ్మెల్యే డాక్టర్‌ గోపిరెడ్డి శ్రీనివాసరెడ్డి, సత్తెనపల్లి నియోజకవర్గ పార్టీ ఇన్‌చార్జి డాక్టర్‌ గజ్జల సుధీర్‌ భార్గవరెడ్డి శనివారం చిలకలూరిపేటలోని మాజీ మంత్రి నివాసానికి వచ్చి, ఆమెను పరామర్శించారు. సంఘటన జరిగిన తీరు అడిగి తెలుసుకున్నారు. ఈ విషయమై మాజీ మంత్రి విడదల రజిని వారితో మాట్లాడుతూ ఎస్‌ఐ ప్రియాంక దురుసుగా నెట్టివేయడంతో కిందపడి నడుముకు దెబ్బలు తగలడంతో చికిత్స తీసుకుంటున్నట్లు వివరించారు. కిందపడిన సందర్బంలో పార్టీ కార్యకర్త వచ్చి తలకు చేతులు అడ్డం పెట్టడంతో ప్రమాదం తప్పినట్లు పేర్కొన్నారు. నియోజకవర్గ పరిధిలో జరిగిన దౌర్జన్యాల గురించి మాజీ మంత్రిని అడిగి తెలుసుకున్నారు.

చిలకలూరిపేట: మాజీ మంత్రి విడదల రజినిని హత్య చేసేందుకు ప్రయత్నించారని వైఎస్సార్‌ సీపీ పల్నాడు జిల్లా అధ్యక్షుడు, మాజీ ఎమ్మెల్యే పిన్నెల్లి రామకృష్ణారెడ్డి ఆరోపించారు. మహిళా ఎస్‌ఐ లేఖా ప్రియాంక ఉద్దేశపూర్వకంగా తోసివేశారని, ఈ తోపులాటలో పక్కనే ఉన్న గ్రానైట్‌ అరుగు మాజీ మంత్రి తలకు తగిలి ఉంటే పెను ప్రమాదం జరిగి ఉండేదని ఆగ్రహం వ్యక్తం చేశారు. ఇది ఎవరి ఆదేశాలతో జరిగిందో నిగ్గు తేలుస్తామని అన్నారు. మహిళా ఎస్‌ఐ దౌర్జన్యానికి పాల్పడిన నేపథ్యంలో మాజీ మంత్రి గాయపడిన సంఘటన విదితమే. ఈ నేపథ్యంలో శనివారం నరసరావుపేట మాజీ ఎమ్మెల్యే, పార్టీ జిల్లా వర్కింగ్‌ ప్రెసిడెంట్‌ డాక్టర్‌ గోపిరెడ్డి శ్రీనివాసరెడ్డి, సత్తెనపల్లి నియోజకవర్గ ఇన్‌చార్జి డాక్టర్‌ గజ్జల సుధీర్‌ భార్గవరెడ్డితో కలిసి పిన్నెల్లి చిలకలూరిపేటలోని మాజీ మంత్రి నివాసానికి వచ్చి ఆమెను పరామర్శించారు. తొలి రోజు నుంచే దారుణాలు ఈ సందర్భంగా ఏర్పాటు చేసిన విలేకరుల సమావేశంలో పిన్నెల్లి రామకృష్ణారెడ్డి మాట్లాడుతూ, అధికారంలోకి వచ్చిన మొదటి రోజు నుంచే కూటమి ప్రభుత్వం పోలీసులను అడ్డుపెట్టుకొని అరాచకాలకు పాల్పడుతోందని ఆరోపించారు. ఇప్పటి వరకు ఎన్నికల చరిత్రలో చూడని విధంగా స్థానిక ఎన్నికల్లో పోలీసులను ముందుపెట్టి, వెనుక టీడీపీ గూండాలు, గంజాయి బ్యాచ్‌, గ్రానైట్‌ పరిశ్రమల్లో పనిచేసే బిహార్‌ బ్యాచ్‌లతో అరాచకాలకు పాల్పడుతున్నారని ఆగ్రహం వ్యక్తం చేశారు. యడ్లపాడు ఎంపీటీసీ అభ్యర్థి గొంతు కోసే ప్రయత్నం జరగడం పరిస్థితి తీవ్రతకు అద్దం పడుతోందన్నారు. కూటమి ప్రభుత్వానికి ప్రజాతీర్పు వ్యతిరేకంగా వస్తుందన్న ఉద్దేశంతోనే నామినేషన్లు కూడా వేయకుండా దారుణాలకు పాల్పడుతున్నారని విమర్శించారు. ముసుగులు వేసుకొని తమ పార్టీ వారి గొంతు కోసేందుకు సైతం ప్రయత్నిస్తున్నారని ఆరోపించారు. వైఎస్సార్‌ సీపీ నుంచి పోటీ చేస్తామని చెప్పిన అభ్యర్థుల ఇళ్లకు పోలీసులే వచ్చి గంజాయి కేసులు పెడతామని బెదిరింపులకు పాల్పడుతున్నారని ఆరోపించారు. ఇంత దారుణంగా పోలీసులకు దిశానిర్దేశం చేసి పంపిన వారికి తమ ప్రభుత్వం అధికారంలోకి వచ్చాక జ్యూడీషియల్‌ ఎంకై ్వరీ వేయించి, తగిన గుణపాఠం చెబుతామని హెచ్చరించారు. మంచి చేసి ఉంటే భయమెందుకు? మాజీ ఎమ్మెల్యే డాక్టర్‌ గోపిరెడ్డి శ్రీనివాసరెడ్డి మాట్లాడుతూ సూపర్‌ సిక్స్‌ హామీలు నెరవేర్చామని, అభివృద్ధి చేస్తున్నామని చెప్పుకుంటున్న కూటమి ప్రభుత్వానికి వైఎస్సార్‌ సీపీ అభ్యర్థులు నామినేషన్లు వేస్తే భయమెందుకని ప్రశ్నించారు. మంచి చేసి ఉంటే ప్రజలే మీకు అండగా ఉండి గెలిపిస్తారు కదా, ప్రతిపక్ష పార్టీని నామినేషన్‌ కూడా వేయనివ్వకుండా అడ్డుకోవడం ఎందుకని నిలదీశారు. అలాంటప్పుడు కొత్త జీవో పాస్‌ చేసి పదవులను నామినేటెడ్‌ ప్రాతిపదికన ఇచ్చుకోవచ్చు కదా, ఎన్నికలు పెట్టి ఘోరాలకు పాల్పడటం ఎందుకని ప్రశ్నించారు. మాజీ ముఖ్యమంత్రి వైఎస్‌ జగన్‌మోహన్‌రెడ్డి పెట్టిన రాజకీయ భిక్షతో ఎదిగిన నరసరావుపేట ఎంపీ ఇలాంటి దౌర్జన్యాలకు మూలస్తంభంగా నిలుస్తున్నారని ఆరోపించారు. 2029లో వైఎస్సార్‌ సీపీ ప్రభుత్వం అధికారంలోకి వచ్చిన మొదటి రోజే నేడు దౌర్జన్యంగా నామినేషన్లను అడ్డుకొని అక్రమ మార్గంలో ఎన్నికై న వారితో రాజీనామాలు చేయిస్తామన్నారు. దౌర్జన్యకారులంతా ఇళ్లకు వెళ్లాల్సిందేనని ఆయన హెచ్చరించారు. మాజీ మంత్రిపైనే ఇంత దౌర్జన్యమా? సత్తెనపల్లి నియోజకవర్గ ఇన్‌చార్జి డాక్టర్‌ గజ్జల సుధీర్‌ భార్గవరెడ్డి మాట్లాడుతూ, బీఆర్‌ అంబేడ్కర్‌ రాజ్యాంగాన్ని పక్కనపెట్టి కూటమి ప్రభుత్వం రెడ్‌బుక్‌ రాజ్యాంగాన్ని నడుపుతోందని విమర్శించారు. ఒక సాధారణ ఎస్‌ఐ మాజీ మంత్రిపై దౌర్జన్యానికి పాల్పడే సాహసం చేశారంటే, దీని వెనుక బలమైన శక్తులు ఎవరైనా ఉన్నారని అనుమానం వ్యక్తం చేశారు. ఉప ముఖ్యమంత్రి పవన్‌ కల్యాణ్‌... వైఎస్సార్‌ సీపీ ప్రభుత్వం ఉన్నప్పుడు తీవ్ర విమర్శలు చేసేవారని, ఎన్నో ప్రశ్నలు వేసేవారన్నారు. ఇప్పుడు జరుగుతున్న దౌర్జన్యాలపై ఎందుకు ప్రశ్నించడం లేదని నిలదీశారు. కూటమిలో ఉన్న జనసేన నాయకులనే టీడీపీ వాళ్లు కొడితే, దీనిని కూడా ప్రశ్నించలేని స్థితిలో పవన్‌ కల్యాణ్‌ ఉన్నారని ఎద్దేవా చేశారు. ఈ సమావేశంలో మాజీ మంత్రి విడదల రజిని, వైఎస్సార్‌ సీపీ నాయకులు పాల్గొన్నారు.

పల్నాడుఆదివారం శ్రీ 25 శ్రీ అక్టోబర్‌ శ్రీ 2026‘పచ్చ’ మూకలపై ప్రజాస్వామ్యానికి రక్షణ కవచంగా నిలవాల్సిన అధికార యంత్రాంగం పాలక పార్టీకి దాసోహమైంది. ఎన్నికల్లో పోటీ చేసే హక్కును కాపాడాల్సిన పోలీసులే పచ్చ నేతలకు అండగా నిలిచారు. అధికార దర్పానికి అడ్డుకట్ట వేయాల్సిన ఉన్నతాధికారులు మౌనం వహించారు. జిల్లా కేంద్రం నరసరావుపేటలో జెడ్పీటీసీ, ఎంపీటీసీ నామినేషన్ల సందర్భంగా చోటుచేసుకుంటున్న ఘటనలు జిల్లా కలెక్టర్‌, ఎస్పీ పనితీరుపై తీవ్ర ప్రశ్నలు లేవనెత్తుతున్నాయి.Iతెనాలి: స్థానిక మార్కెట్‌యార్డులో శనివారం క్వింటా నిమ్మకాయలు కనిష్ఠ ధర రూ.6 వేలు, గరిష్ఠ ధర రూ.9,500, మోడల్‌ ధర రూ.8 వేల వరకు పలికింది.అచ్చంపేట: పులిచింతల ప్రాజెక్టులో ప్రస్తుత నిల్వ 27.5261 టీఎంసీలు. ప్రాజెక్టు దిగువకు 400 క్యూసెక్కులు లీకేజీల ద్వారా వెళుతోంది.మోపిదేవి: స్థానిక శ్రీవల్లీదేవసేన సమేత సుబ్రహ్మణ్యేశ్వర స్వామిని ఎన్‌హెచ్‌ఆర్‌సీ డైరెక్టర్‌, మాజీ డీజీ, ఐపీఎస్‌ పి.వి కృష్ణారెడ్డి శనివారం సాయంత్రం దర్శించుకున్నారు. జిల్లా కలెక్టర్‌ కృతికా శుక్లా చిలకలూరిపేట: ఓట్ల లెక్కింపునకు పకడ్బందీ ఏర్పాట్లు చేయాలని జిల్లా కలెక్టర్‌ కృతికా శుక్లా అధికారులను ఆదేశించారు. ఏఎంజీ జూనియర్‌ కాలేజీలో ఏర్పాటు చేసిన స్ట్రాంగ్‌ రూమ్‌, కౌంటింగ్‌ కేంద్రాన్ని శనివారం మున్సిపల్‌ అధికారులతో కలసి పరిశీలించారు. మున్సిపల్‌ ఎన్నికల నేపథ్యంలో కౌంటింగ్‌ కేంద్రంలో మౌలిక సదుపాయాలు, భద్రతా ఏర్పాట్లు, ఇతర సౌకర్యాలను అధికారుల నుంచి అడిగి తెలుసుకున్నారు. ఎలాంటి లోటుపాట్లు లేకుండా తగు జాగ్రత్తలు తీసుకోవాలని సూచించారు. కార్యక్రమంలో మున్సిపల్‌ కమిషనర్‌ పి శ్రీహరిబాబు, మున్సిపల్‌ డీఈఈ షేక్‌ అబ్దుల్‌ రహీం, టౌన్‌ ప్లానింగ్‌ సూపర్‌వైజర్‌ పి వెంకటేశ్వర్లు తదితరులు పాల్గొన్నారు. 2 నామినేషన్లు తిరస్కరణ నరసరావుపేట: జిల్లాలో జెడ్పీటీసీ ఎన్నికలకు సంబంధించి నామినేషన్ల పరిశీలన ప్రక్రియ పూర్తయ్యింది. ఎన్నికల కమిషన్‌ ఇచ్చిన షెడ్యూల్‌ ప్రకారం జిల్లా జాయింట్‌ కలెక్టర్‌, రిటర్నింగ్‌ అధికారి సంజనా శ్రీహర్ష అభ్యర్థుల సమక్షంలో శనివారం నామినేషన్ల పరిశీలన చేశారు. బొల్లాపల్లి, నాదెండ్లకు చెందిన రెండు నామినేషన్లు తిరస్కరించారు. స్థానిక రెవెన్యూ డివిజన్‌ కార్యాలయంలో నామినేషన్ల స్క్రూటినీ ప్రక్రియ మొత్తాన్ని జాయింట్‌ కలెక్టర్‌ పర్యవేక్షించారు. ఎన్నికల జిల్లా సాధారణ పరిశీలకులు కన్నబాబు జిల్లాలో పర్యటించారు. నామినేషన్ల స్క్రూటినీ ప్రక్రియను ఆయన పరిశీలించారు. స్క్రూటినీ కేంద్రాలవద్ద పోలీసు బందోబస్తును ఏర్పాటు చేశారు. నరసరావుపేట టౌన్‌: స్థానిక ఎన్నికల్లో వైఎస్సార్‌సీపీ అభ్యర్థులు నామినేషన్లు వేయకుండా పచ్చ గూండాలు దాడులకు పాల్పడ్డారు. మహిళలని కూడా చూడకుండా విచక్షణారహితంగా దాడులకు తెగబడ్డారు. నామినేషన్‌ పత్రాలను చించివేశారు. ప్రజాస్వామ్య ప్రక్రియకు విఘాతం కలిగిస్తున్నారన్న ఫిర్యాదులపై సమర్థంగా చర్యలు తీసుకోకపోవడంతో టీడీపీ గూండాలు చెలరేగిపోయారు. నామినేషన్‌ కేంద్రాల వద్ద అభ్యర్థులు స్వేచ్ఛగా తమ పత్రాలను సమర్పించే పరిస్థితులు ఉండాలి. కానీ, పల్నాడు జిల్లా కేంద్రంలో అందుకు విరుద్ధమైన పరిస్థితులు నెలకొన్నాయి. అధికార పార్టీకి చెందిన వ్యక్తులు గుంపులుగా చేరి బెదిరింపులకు దిగారు. మారణాయుధాలతో భయాందోళనలు సృష్టించారు. అయినప్పటికీ అటువైపు కన్నెత్తి చూసే ధైర్యం కూడా అధికారులు చేయలేదు. పోలీసుల సమక్షంలోనే దాడులు జరుగుతున్నా, వాటిని నిలువరించడంలో యంత్రాంగం పూర్తిగా విఫలమైంది. జిల్లా కేంద్రంలోనే ఈ దుస్థితి కలెక్టర్‌, ఎస్పీ సహా జిల్లా ఉన్నతాధికారులందరూ అందుబాటులో ఉండే పల్నాడు జిల్లా కేంద్రం నరసరావుపేటలో ఎన్నికల ప్రక్రియ అప్రతిష్ఠపాలవడం ఆందోళన కలిగిస్తోంది. నామినేషన్‌ కేంద్రాలకు సమీపంలోనే ఘర్షణలు, బెదిరింపులు చోటుచేసుకుంటున్నాయి. ఇక్కడే ఇలా ఉంటే, ఇక మారుమూల మండలాల్లో ఎన్నికల నిర్వహణ ఎలా ఉంటుందన్న ప్రశ్న తలెత్తుతోంది. ఉన్నతాధికారుల పర్యవేక్షణ కేవలం సమీక్షలకే పరిమితమైంది. ఆయుధాలతో తిరిగినా కేసుల్లేవు వైఎస్సార్‌ సీపీ అభ్యర్థులపై దాడులు చేసేందుకు టీడీపీ గూండాలు ఓ వాహనంలో మారణాయుధాలు తరలిస్తూ పట్టుబడ్డారు. గురువారం ఆర్డీవో కార్యాలయ నామినేషన్‌ కేంద్రానికి వెళ్లే దారిలో, మున్సిపల్‌ కార్యాలయం వద్ద ఓ వాహనంలో కర్రలు, ఇనుప రాడ్లు, రాళ్లు నింపారు. అవసరమైనప్పుడు వాటిని బయటకు తీసి నామినేషన్లు వేయడానికి వచ్చే వారిపై దాడులకు పాల్పడుతున్నారు. ఈ విషయాన్ని గమనించిన అదనపు ఎస్పీ రోహిత్‌ కుమార్‌ చౌదరి ఆ వాహనాన్ని సీజ్‌ చేసి వన్‌టౌన్‌ పోలీస్‌ స్టేషన్‌కు తరలించారు. అదేవిధంగా, పిడుగురాళ్ల జెడ్పీటీసీ స్థానానికి వైఎస్సార్‌ సీపీ తరఫున నామినేషన్‌ దాఖలు చేసేందుకు వచ్చిన పెద్ద లక్ష్మారెడ్డి, భారతి దంపతులపై టీడీపీ గూండాలు రెండు రోజుల క్రితం దాడులకు పాల్పడ్డారు. ఈ రెండు ఘటనలపై వన్‌టౌన్‌ పోలీసులు నమోదు చేసిన కేసులు విమర్శలకు తావిస్తున్నాయి. దాడులకు పాల్పడింది టీడీపీ మూకలేనని తెలిసినా, ఎఫ్‌ఐఆర్‌లో నిందితుల పేర్లు నమోదు చేయలేదు. గుర్తుతెలియని వ్యక్తులుగా కేసు నమోదు చేసి, కేసును నీరుగారుస్తున్నారనే ఆరోపణలు వెల్లువెత్తుతున్నాయి. అధికార పార్టీకి ఒక న్యాయం, ప్రతిపక్షానికి మరో న్యాయం అన్నట్లుగా పోలీసుల వ్యవహారం ఉండటంతో విమర్శలు తీవ్రంగా వినిపిస్తున్నాయి. కలెక్టర్‌, ఎస్పీ తీరుపై విమర్శలు నామినేషన్‌ కేంద్రాల వద్దకు జిల్లా కలెక్టర్‌ కృతికా శుక్లా అప్పుడప్పుడు వచ్చి వెళ్తూ, ప్రెస్‌మీట్లతో సరిపెట్టారు. అభ్యర్థులు నిర్భయంగా నామినేషన్లు దాఖలు చేసేలా చూడటం యంత్రాంగం ప్రాథమిక బాధ్యత. దానిని ఎంతవరకు నిర్వర్తించారన్న దానిపై కలెక్టర్‌ స్పష్టత ఇవ్వాల్సి ఉంది. శాంతిభద్రతలను పరిరక్షించడం పోలీసు శాఖకు అత్యంత కీలకమైనా నామినేషన్‌ కేంద్రాల వద్ద దాడులు జరుగుతున్నప్పుడు ఎస్పీ కనిపించకుండా, చివరి రోజున ప్రత్యక్షమయ్యారు. టీడీపీ మూకలు గుంపులుగా వైఎస్సార్‌ సీపీ అభ్యర్థులను అడ్డుకుంటున్నా, చూసీచూడనట్లు వ్యవహరించారు. ముందస్తు చర్యలు తీసుకోవడంలో ఎస్పీ విఫలమయ్యారన్న విమర్శలు వినిపిస్తున్నాయి. జిల్లా కలెక్టర్‌, ఎస్పీ ఇప్పటికైనా స్పందించాల్సి ఉంది.గత రెండు రోజులుగా నామినేషన్లు వేయడానికి అడ్డంకులు ఎదుర్కొన్న వైఎస్సార్‌సీపీ అభ్యర్థులకు చివరి రోజైన శుక్రవారం అవకాశం కల్పిస్తామని పోలీసు అధికారులు హామీ ఇచ్చారు. దీంతో నామినేషన్ల దాఖలు చేసేందుకు సిద్ధమయ్యారు. అయితే, అర్ధరాత్రి నుంచే పోలీసులు అక్రమ అరెస్టులకు పాల్పడ్డారు. నరసరావుపేట పట్టణంలో వైఎస్సార్‌సీపీ ద్వితీయ శ్రేణి నాయకులు, కార్యకర్తలను స్టేషన్‌లో నిర్బంధించారు. సాయంత్రం వరకు బయటకు రాకుండా అడ్డుకున్నారు. నామినేషన్‌ దాఖలు చేసే అవకాశాన్ని దెబ్బతీశారు. చివరి రోజు కీలకమైన సమయంలోనే ఇలాంటి పరిస్థితులు ఎదురైతే తమ నామినేషన్లు ఎలా వేయాలని అభ్యర్థులు వాపోతున్నారు. అభ్యర్థులకు భరోసా ఇవ్వాల్సిన పోలీసు అధికారులే పాలకుల మెప్పు కోసం అక్రమ అరెస్టులకు ఒడిగట్టారు.

‘రెడ్‌ బుక్‌’ అరాచకాలను మాచర్ల: రాష్ట్రంలో రెడ్‌బుక్‌ రాజ్యాంగం పేరుతో ప్రజాస్వామ్యాన్ని అపహాస్యం చేస్తున్నారని, తాము ఎన్నికల బరిలో నిలిచి పోరాటం కొనసాగిస్తామని వైఎస్సార్‌సీపీ పల్నాడు జిల్లా అధ్యక్షుడు పిన్నెల్లి రామకృష్ణారెడ్డి అన్నారు. స్థానిక ఎన్నికలలో ఓటమి భయంతోనే సీఎం చంద్రబాబు, ఆయన కుమారుడు లోకేష్‌ ఆధ్వర్యంలో హింసాకాండను ప్రోత్సహిస్తున్నారని ఆరోపించారు. పోలీసులను అడ్డం పెట్టుకొని అరాచకాలకు పాల్పడుతున్నారని మండిపడ్డారు. మహిళలు అని కూడా చూడకుండా అత్యంత దారుణంగా హింసిస్తున్నారని ఆవేదన వ్యక్తం చేశారు. ఈ గూండాయిజంపై ప్రజలను చైతన్యపరుస్తామని తెలిపారు. శనివారం పీఆర్కే విలేకరులతో మాట్లాడుతూ... జిల్లాలో అరాచకాలకు పాల్పడి ఏకగ్రీవాలు చేసుకోవడం కోసం ఎస్సీ, ఎస్టీ, బీసీ అభ్యర్థులు నామినేషన్లు వేయడానికి వెళ్లకుండా టీడీపీ వారు అడ్డుకుంటున్నారని అన్నారు. నరసరావుపేటలోని అన్ని మండల కేంద్రాల్లో ఎంపీడీవో కార్యాలయాల వద్ద టీడీపీ గూండాలను మోహరించి, పోలీసుల అండతో మూడు రోజులుగా అరాచకాలకు పాల్పడ్డారని ఆరోపించారు. నకిలీ నామినేషన్లు పైగా, కోర్టుల్లో కేసులు వేసి న్యాయవ్యవస్థను ఆశ్రయిస్తారనే భయంతో ఆయా మండలాల్లో 14 ఫేక్‌ నామినేషన్లు వేయించారని అన్నారు. వైఎస్సార్‌ సీపీ కండువాలు కప్పుకొని తెలుగుదేశం నాయకులు దుర్మార్గంగా వ్యవహరించారన్నారు. వారికి మద్దతు పలుకుతూ స్వయంగా పోలీసులే వారితో నామినేషన్లు దాఖలు చేయించారని ఆరోపించారు. సాక్షి మీడియాకు చెందిన ముగ్గురు వ్యక్తులపై మాచర్ల ఎంపీడీవో కార్యాలయం ముందు తెలుగుదేశం గూండాలు అత్యంత దారుణంగా వ్యవహరించారని ఆగ్రహం వ్యక్తం చేశారు. వారి సెల్‌ఫోన్లు లాక్కొని పైశాచికంగా ప్రవర్తించారని అన్నారు. దౌర్జన్యానికి పాల్పడిన వారిపై పోలీసులు ఎలాంటి చర్యలూ తీసుకోకుండా, మీడియా ప్రతినిధులకే హుకుం జారీ చేయడం దారుణమన్నారు. ఇప్పటికీ వారి సెల్‌ఫోన్లు ఎవరి దగ్గర ఉన్నాయో కూడా పోలీసులు కనిపెట్టలేకపోవడం దారుణమన్నారు. పేరుకు నియోజకవర్గంలో 144 సెక్షన్‌ విధించి, తెలుగుదేశం పార్టీకి మినహా అందరికీ ఈ సెక్షన్‌ వర్తిస్తుందని చెబుతున్నారని విమర్శించారు. వైఎస్సార్‌ సీపీని లక్ష్యంగా చేసుకొని, పోలీసు లాఠీలను అడ్డం పెట్టుకొని పైశాచికంగా దాడులు చేస్తున్నారని తెలిపారు. మహిళలపై దాడులకు పాల్పడుతూ అసభ్యంగా వ్యవహరిస్తున్నా పోలీసులు చూసీచూడనట్లు వ్యవహరిస్తున్నారని ఆరోపించారు. దీనిపై న్యాయపోరాటం చేస్తామని స్పష్టం చేశారు. 2029లో అధికారంలోకి వచ్చాక, తెలుగుదేశం పార్టీ గూండాలకు అండగా నిలిచి దారుణాలకు పాల్పడిన అధికారులపై కఠిన చర్యలు తీసుకుంటామని అన్నారు. ఎక్కడా రాజీపడే ప్రసక్తే లేదని, వివక్షతో వ్యవహరించిన ప్రతి అధికారి చరిత్రను రికార్డు చేస్తామని అన్నారు. మాచర్ల నియోజకవర్గంలో తాము ఎన్నికలు నిర్వహించినప్పుడు ప్రశాంతంగానే నామినేషన్లు వేయించామని పిన్నెలతెలిపారు. గతంలో స్థానిక ఎన్నికల సమయంలో టీడీపీ వారే బహిష్కరిస్తున్నామని చెబుతూ దూరంగా ఉన్నారని అన్నారు. చంద్రబాబు సైతం తమకు స్థానిక ఎన్నికలతో పనిలేదని చెప్పారని గుర్తుచేశారు. ప్రజల్లో ఉన్న అభిప్రాయాలను, అభిమానాన్ని పెంచుకోవడానికి, కూటమి ప్రభుత్వంపై ఉన్న వ్యతిరేకతను తెలియజేయడానికి స్థానిక ఎన్నికల బరిలో నిలబడుతున్నామని అన్నారు. ఎన్నికల్లో పోటీ చేసే ధైర్యం లేక పోలీసులను అడ్డం పెట్టుకొని మహిళలు, యువకులు, వృద్ధులు అనే తేడా లేకుండా అందరినీ టీడీపీ వారు బెదిరిస్తున్నారని ఆరోపించారు. నామినేషన్‌ పత్రాలను చించడం, దాడులు, బెదిరింపులకు పాల్పడుతున్న ప్రజలందరూ గమనిస్తున్నారని అన్నారు. ప్రజలే తగిన బుద్ధి చెప్పే రోజు వస్తుందని హెచ్చరించారు. వైఎస్సార్‌ సీపీ నాయకులందరినీ హౌస్‌ అరెస్టు చేసి, రాజకీయాలు చేసినంత మాత్రాన ప్రజల్లో అభిమానం పొందలేరన్నారు. తమ పార్టీ అభ్యర్థులందరినీ పోటీ చేయించాలని, అప్పుడు ఎవరి సత్తా ఏమిటో తెలుస్తుందని అన్నారు. ఆ సత్తా లేకే ఇంతటి దుర్మార్గమైన చర్యలకు పాల్పడుతున్నారనే విషయాన్ని ప్రజలకు తెలియజేస్తామని పేర్కొన్నారు. చివరికి ఫేక్‌ అభ్యర్థులను నిలబెట్టిన చరిత్రతో కొత్త డ్రామాలకు తెరతీశారని విమర్శించారు. తమ అధినేత, మాజీ సీఎం వైఎస్‌ జగన్‌ ఆధ్వర్యంలో ముందుకు సాగుతామని స్పష్టం చేశారు.

కుక్క ఢీకొనడంతో స్కూటీపై నుంచి కిందపడిన వైనం చిలకలూరిపేటటౌన్‌:మండలంలోని పసుమర్రు సమీపంలో పాత జాతీయ రహదారి–16పై జరిగిన రోడ్డు ప్రమాదంలో వ్యక్తి మృతి చెందాడు. సేకరించిన వివరాల ప్రకారం షేక్‌ హుస్సేన్‌(30) అనే వ్యక్తి జాతీయ రహదారిపై స్కూటీపై వస్తుండగా స్కూటీని కుక్క ఢీకొని అదుపుతప్పి రోడ్డుపై పడిపోయాడు. ఈ ఘటనలో హుస్సేన్‌ తలకు తీవ్ర గాయాలు కావడంతో అక్కడికక్కడే ప్రాణాలు కోల్పోయాడు. సమాచారం అందుకున్న చిలకలూరిపేట రూరల్‌ పోలీసులు ఘటనాస్థలికి చేరుకుని వివరాలు సేకరించారు. మృతదేహాన్ని చిలకలూరిపేట ప్రభుత్వ ఆసుపత్రికి తరలించి, ప్రమాదంపై దర్యాప్తు చేపట్టారు. పూర్తి వివరాలు తెలియాల్సి ఉంది.

చిలకలూరిపేటటౌన్‌: డ్రైవర్‌ మద్యం సేవించి వాహనం నడపడంతో స్కూల్‌ బస్సు ప్రమాదానికి కారణమైన ఘటన మండలం పరిధిలో జరిగింది. తాతపూడి గ్రామ పరిధిలో శనివారం సాయంత్రం మార్టూరు నుంచి హైవేపై చిలకలూరిపేట వైపునకు వస్తున్న క్రమంలో బస్సు అదుపు తప్పి రోడ్డు పక్కకు దూసుకుపోయింది. ఘటనలో బస్సులోని విద్యార్థులకు ఎటువంటి గాయాలు కాలేదు. బస్సు ముందుభాగంతో పాటు అద్దాలు ధ్వంసమయ్యాయి. సమాచారం అందుకున్న రూరల్‌ ఎస్‌ఐ జి.అనిల్‌కుమార్‌ సంఘటనా స్థలానికి చేరుకుని డ్రైవర్‌ను అదుపులోకి తీసుకున్నారు. శ్రీహర్షిణి విద్యాసంస్థలకు చెందిన బస్సుగా గుర్తించారు. బాపట్ల జిల్లా బల్లికురవ మండలం వేమవరంకు చెందిన బస్సు డ్రైవర్‌ భూక్యా రాంబాబు నాయక్‌ను బ్రీత్‌ ఎనలైజర్‌ పరీక్షలో అతడు మద్యం సేవించినట్లు నిర్ధారణ కావడంతో కేసు నమోదు చేసి కోర్టులో హాజరుపరిచేందుకు చర్యలు చేపట్టినట్లు ఎస్‌ఐ తెలిపారు. ఈ సందర్భంగా ఎస్‌ఐ మాట్లాడుతూ.. విద్యార్థుల భద్రత విషయంలో పాఠశాల యాజమాన్యాలు నిర్లక్ష్యం వహించరాదని సూచించారు. బస్సుల ఫిట్‌నెస్‌ను క్రమం తప్పకుండా తనిఖీ చేయించాలని, డ్రైవర్ల ప్రవర్తనపై నిరంతరం పర్యవేక్షణ ఉండాలని స్పష్టం చేశారు.

పట్నంబజారు: అనుమానాస్పద స్థితిలో ఇద్దరు చిన్నారులు మృతి చెందిన ఘటనపై కేసు నమోదైంది. కొత్తపేట పోలీసులు తెలిపిన వివరాలు.. నెహ్రూనగర్‌లో నివాసం ఉండే సౌపాటి రాంబాబు ఆటోనగర్‌లోని మహేంద్ర షోరూమ్‌లో వెహికల్‌ డెలివరీ బాయ్‌గా పనిచేస్తూ జీవనం సాగిస్తున్నాడు. పొన్నూరు మండలం బ్రాహ్మణకోడూరుకు చెందిన రాంబాబు 12 సంవత్సరాల క్రితం పద్మజను ప్రేమ వివాహం చేసుకున్నాడు. నాలుగేళ్ల కిందట పద్మజ మృతి చెందడంతో బ్రాహ్మణకోడూరుకు చెందిన మరో మహిళ మేరిని వివాహం చేసుకున్నాడు. మొదటి భార్య పద్మజకు సాత్విక్‌(10), నిత్య(8) ఇద్దరు సంతానం ఉన్నారు. దసరా పండుగకు బంధువుల ఇంటికి వెళ్లిన ఇద్దరు చిన్నారులు తిరిగి ఆ మరుసటి రోజు ఇంటికి వచ్చారు. ఈక్రమంలో సవతి తల్లి మేరి ఇద్దరు చిన్నారులకు బిర్యానీ వండి పెట్టడం, మరుసటి రోజే దసరా ఉత్సవాల నేపథ్యంలో ఆ ప్రాంతంలో జరిగిన భోజనాలను చిన్నారులు తిన్నారు. ఆహారం తిన్న చిన్నారులు అస్వస్థతకు గురికావడంతో స్థానికంగా ఆర్‌ఎంపీకి చూపించారు. పరిస్థితి విషమించడంతో ప్రైవేటు వైద్యశాలకు తీసుకెళ్లాలని సూచించడంతో ఒక ప్రైవేటు ఆసుపత్రిలో చేర్పించి వైద్యం చేయిస్తుండగా, శనివారం చిన్నారి సాత్విక్‌, నిత్య మృతి చెందారు. చిన్నారుల మృతిపై తనకు అనుమానం ఉందని, పద్మజ సోదరుడు పాపన సాయిరామ్‌ పోలీసులకు ఫిర్యాదు చేశాడు. సవతి తల్లి ఏదైనా చేసి ఉంటుందా అనే అనుమానం వ్యక్తం చేస్తున్నారు. ఈక్రమంలో ఇద్దరు చిన్నారులు ఐదురోజులుగా ఆసుపత్రిలో చికిత్స పొందుతూ శనివారం మృతిచెందినట్లు పోలీసులు తెలిపారు. అనుమానాస్పద స్థితి కింద కేసు నమోదు చేసిన పోలీసులు దర్యాప్తు చేస్తున్నట్లు వివరించారు.

6వ బెటాలియన్‌ కమాండెంట్‌ మురళి మంగళగిరి టౌన్‌: విధి నిర్వహణలో ప్రాణాలు అర్పించిన పోలీస్‌ అమరవీరుల త్యాగాలు చిరస్మరణీయమని ఏపీఎస్పీ 6వ బెటాలియన్‌ కమాండెంట్‌ మురళి పేర్కొన్నారు. మంగళగిరి పట్టణంలోని 6వ బెటాలియన్‌లో పోలీస్‌ అమరవీరుల దినోత్సవాన్ని పురస్కరించుకుని వారోత్సవాలు నిర్వహించారు. శుక్రవారం నిర్వహించిన సెమినార్‌లో మురళి మాట్లాడుతూ ప్రజల రక్షణ, శాంతి భద్రతల పరిరక్షణ కోసం పోలీసులు అందిస్తున్న సేవలను, విధి నిర్వహణలో ఎదుర్కొంటున్న సవాళ్లను కొనియాడారు. సమాజంలో శాంతి భద్రతలను కాపాడంలో పోలీసుల పాత్ర ఎంతో కీలకమని, ప్రజల భద్రతకు ప్రాధాన్యత ఇచ్చే పోలీసుల సేవలు అధినందనీయమన్నారు. అనంతరం అమరుడైన 6వ బెటాలియన్‌ కానిస్టేబుల్‌ నరసయ్య నివాసానికి వెళ్లి వారి కుటుంబ సభ్యులను పరామర్శించారు. వారికి అండగా ఉంటామని ధైర్యం చెప్పారు. కార్యక్రమంలో బెటాలియన్‌ అదనపు కమాండెంట్‌ ఆశీర్వాదం, అసిస్టెంట్‌ కమాండెంట్‌ రవి, విట్‌ కళాశాల ప్రొఫెసర్‌ శ్రీనివాసరెడ్డి తదితరులు పాల్గొన్నారు. చీరాల టౌన్‌: రాష్ట్ర ప్రభుత్వం రెవెన్యూ శాఖ స్పెషల్‌ చీఫ్‌ సెక్రటరీ, చీఫ్‌ కమిషనర్‌ ఆఫ్‌ ల్యాండ్స్‌ అండ్‌ అడ్మినిస్ట్రేషన్‌ జి.జయలక్ష్మి శుక్రవారం చీరాల వచ్చారు. జిల్లాలో జరుగుతున్న భూముల రీసర్వే పరిశీలనకు వచ్చిన ఆమెకు.. చీరాల ఆర్డీవో ఎస్‌.నరసింహారావు, తహసీల్దార్‌ కె.గోపీకృష్ణలు పుష్పగుచ్ఛాలు అందించారు. చీరాల మండలంలోని వాడరేవులోని ఐఎల్‌టీడీ అతిథి గృహంలో జయలక్ష్మికి విడిది ఏర్పాటు చేశారు. పలువురు రెవెన్యూ అధికారులు, ఉద్యోగులు మర్యాదపూర్వకంగా కలిశారు. నగరంపాలెం: స్థానిక బృందావన్‌గార్డెన్స్‌ శ్రీవేంకటేశ్వరస్వామి దేవాలయం అన్నమయ్య కళావేదికపై రెండు రోజుల పాటు జరగనున్న అమరావతి నృత్యోత్సవాలు శుక్రవారం ప్రారంభమయ్యాయి. కేఆర్‌కేఎం మెమోరియల్‌ అకాడమీ, క్రియేటివిటీ అండ్‌ కల్చర్‌ కమిషన్‌ (ఏపీ ప్రభుత్వం) సంయుక్తంగా చేపట్టగా, అతిథులు జ్యోతి ప్రజ్వలనతో ప్రారంభించారు. సభాధ్యక్షురాలుగా కోకా విజయలక్ష్మి వ్యవహారించారు. తొలుత కేఆర్‌కేఎం శిష్య బృందం స్వాగత నృత్యం చేశారు. అనంతరం ప్రీతి మొహాపాత్ర (హైదరాబాద్‌) ఒడిస్సి నృత్యాన్ని, చల్లా వేదవల్లి(హైదరాబాద్‌) కూచిపూడి నృత్యాన్ని, చెరుకు అనుష్క (హైదరాబాద్‌) భరత నాట్యాన్ని ప్రదర్శించారు. తమ బాణీలతో చక్కటి హావభావాలు పలకించారు. నృత్యభంగిమలతో నృత్య ప్రదర్శన చేయగా అలరించాయి. కార్యక్రమంలో ఏపీ టాక్స్‌ బార్‌ అసోసియేషన్‌ అధ్యక్షుడు రామరాజు శ్రీనివాస్‌, కళారత్న అవార్డు గ్రహీత రాయన గిరిధర్‌గౌడ్‌, ప్రముఖ కవి భూసురపల్లి వెంకటేశ్వర్లు, ఆలయ పాలక మండలి అధ్యక్షుడు సీహెచ్‌.మస్తానయ్య ప్రసంగించారు. అతిథులు, కళాకారులను సంస్థ అధ్యక్షుడు, నాట్యాచార్య కాజ వేంకటసుబ్రహ్మణ్యం సత్కరించారు. తాడికొండ: తుళ్లూరు ప్రాథమిక ఆరోగ్య కేంద్రం వైద్యాధికారి డాక్టర్‌ శ్రీనివాస్‌ రూ.25 లంచం తీసుకుంటూ ఏసీబీ అధికారులకు శుక్రవారం పట్టుబడ్డాడు. అదే అసుపత్రిలో ఆఫీస్‌ సబార్డినేట్‌గా పనిచేస్తున్న శ్రీనివాసరావు నుంచి లంచం డిమాండ్‌ చేయడంతో ఆయన ఏసీబీ అధికారులను ఆశ్రయించాడు. శ్రీనివాసరావు నెల రోజులపాటు విధులకు సెలవు పెట్టిన నేపథ్యంలో డాక్టర్‌ శ్రీనివాస్‌ షోకాజ్‌ నోటీసులు జారీ చేశారు. క్లియర్‌ చేసేందుకు నెల జీతం ఇవ్వాలని డిమాండ్‌ చేయగా చివరకు రూ.25 వేలు తీసుకుంటుండగా ఏసీబీ అధికారులు రెడ్‌ హ్యాండెడ్‌గా పట్టుకున్నారు. దాడిలో ఏసీబీ డీఎస్పీ టీవీవీ ప్రతాప్‌ కుమార్‌, సీఐలు సురేష్‌, నాగరాజు, కుమ్మరి శ్రీనివాసరావు, జీఎల్‌ శ్రీనివాసరావులు పాల్గొన్నారు.

నూజెండ్ల: వైఎస్సార్‌ సీపీ అభ్యర్థులను నామినేషన్లు వేయనీయకుండా అడ్డుకున్న టీడీపీ సరికొత్త ఎత్తుగడకు తెరతీసింది. తమ పార్టీకి చెందిన వారితోనే వైఎస్సార్‌ సీపీ పేరుతో నామినేషన్లు దాఖలు చేయించింది. పమిడిపాడు ఎంసీటీసీ స్థానానికి వైఎస్సార్‌ సీపీ అధిష్టానం నుంచి బీ ఫారం పొందిన మేకల విజయ నామినేషన్‌ పత్రాలు దౌర్జన్యం చేసి ఆర్వో కేంద్రం వద్ద చించివేశారు. ఇదే విషయాన్ని బాధితులు కలెక్టర్‌ దృష్టికి తీసుకెళ్లారు. ఎన్నికల అధికారి రామ్‌బాలాజీరెడ్డిని నామినేషన్‌ స్వీకరణపై కలెక్టర్‌ ఆదేశాలు వెలువరించారు. అధికారులు ఉరుకులు పరుగులతో అభ్యర్థిని సంప్రదించగా అప్పటికే ఆమె వెళ్లిపోయారు. ప్రత్యామ్నాయంగా స్థానిక నాయకుల సహకారంతో అధికారులే అదే గ్రామానికి చెందిన టీడీపీ మహిళతో వైఎస్సార్‌ సీపీ పేరుతో డమ్మీ నామినేషన్‌ వేయించటం విశేషం. చింతలచెరువు నుంచి మొగలాబి అనే మహిళదీ ఇదే పరిస్థితి. వైఎస్సార్‌ సీపీ పేరుతో నామినేషన్‌ వేస్తున్న అభ్యర్థులంతా టీడీపీ వారేనని పమిడిపాడు గ్రామానికి చెందిన వైఎస్సార్‌ సీపీ నాయకుడు బత్తుల బాబు ఆరోపించారు. సాక్షి నెట్‌వర్క్‌: స్థానిక సంస్థల ఎన్నికల వేళ గురజాల నియోజకవర్గంలోని ఆయా మండలాల్లో నామినేషన్ల వ్యవహారం రాజకీయ వివాదానికి దారితీస్తోంది. వైఎస్సార్‌ కాంగ్రెస్‌ పార్టీకి చెందిన అసలైన అభ్యర్థులు నామినేషన్లు దాఖలు చేసినట్లు ప్రచారం జరుగుతోంది. ఈ పరిణామాల వెనుక కూటమి నాయకుల వ్యూహం ఉందనే ఆరోపణలు రాజకీయ వర్గాల్లో చర్చనీయాంశంగా మారాయి. అసలైన అభ్యర్థులకు అడ్డంకులు వైఎస్సార్‌ కాంగ్రెస్‌ పార్టీ తరుపున పోటీ చేయడానికి సిద్ధమైన అభ్యర్థులు నామినేషన్‌ కేంద్రాలకు వెళ్లకుండా పోలీసులు ఎక్కడికక్కడ అడ్డుకున్నారనికొందరిని అదుపులోకి తీసుకున్నారని వైఎస్సార్‌ సీపీ వర్గాలు ఆరోపిస్తున్నాయి. ఇదే సమయంలో ఆ పార్టీకిచెందిన అసలైన అభ్యర్థులు కానివారు వైఎస్సార్‌ సీపీ పేరుతో నామినేషన్లు దాఖలు చేశారనే ఆరోపణలు కొత్త వివాదానికి తెరలేపుతున్నాయి. అసలైన అభ్యర్థులకు నామినేషన్‌ వేసే అవకాశం లేకుండా చేసి ఇతరుల ద్వారా నామినేషన్లు వేయించారనే అనుమానాలకు వైఎస్సార్‌ సీపీ శ్రేణులు వ్యక్తం చేస్తున్నాయి. నియోజకవర్గంలోని గురజాల, దాచేపల్లి, మాచవరం, పిడుగురాళ్ల మండలాల పరిధిలో పలు గ్రామాల్లో ఎంపీటీసీ స్థానాలకు వైఎస్సార్‌ సీపీ తరుపున అభ్యర్థులు నామినేషన్లు దాఖలు చేసినట్లు అధికారులు వెల్లడించారు. వైఎస్సార్‌ సీపీ అభ్యర్థులుగా నామినేషన్లు దాఖలు

దాచేపల్లి: పోలీసుల అక్రమ కేసులో అరైస్టెయిన వైఎస్సార్‌ సీపీ యువజన విభాగం రాష్ట్ర కార్యదర్శి కొప్పుల రవికుమార్‌ శుక్రవారం బెయిల్‌పై విడుదలయ్యారు. దాచేపల్లి నగర పంచాయతీ చైర్మన్‌ అభ్యర్థిగా బరిలో నిలిచిన రవికుమార్‌ ఇంటిలో పోలీసులు అక్రమంగా మద్యం బాటిల్స్‌ పెట్టి, ఈనెల 16వ తేదీన రవికుమార్‌పై అక్రమంగా కేసు నమోదు చేసి అరెస్ట్‌ చేసి గురజాల జైలుకు పంపారు. న్యాయస్థానం ఆదేశాలతో జైలు నుంచి ప్రత్యేక బందోబస్తుతో ఈ నెల 18వ తేదీన చైర్మన్‌ అభ్యర్థిగా రవికుమార్‌ నామినేషన్‌ దాఖలు చేశారు. ఈ కేసుపై న్యాయస్థానంలో న్యాయపోరాటం చేయటంతో న్యాయస్థానం బెయిల్‌ మంజూరు చేసింది. గురజాల సబ్‌జైలు నుంచి విడుదలైన రవికుమార్‌ దాచేపల్లిలోని తన నివాసానికి చేరుకున్నారు. నగర పంచాయతీ చైర్మన్‌ కొప్పుల సుబ్బమ్మ, పార్టీ నేతలు కొప్పుల సాంబయ్య, మందపాటి రమేష్‌రెడ్డి, బుర్రి విజయ్‌కుమార్‌రెడ్డి, పార్టీ మండల, పట్టణ కన్వీనర్లు కోట కృష్ణ, షేక్‌ సుభానీ, షేక్‌ జాకీర్‌హుస్సేన్‌, కుందురు తిరుపతిరెడ్డి, మందపాటి వీరారెడ్డి, ఈదా వెంకటరెడ్డి, కొలా జంపాలరెడ్డి, జక్కా ఆశోక్‌, సంకురాత్రి వీరయ్య, తమ్మిశెట్టి రామకృష్ణా, పల్లపు హనుమంతరావు, ఉప్పుతల యల్లయ్య తదితరులు మర్యాదపూర్వకంగా కలిసి సన్మానించారు. కష్టకాలంలో తనకు, కుటుంబానికి అండగా నిలిచిన వైఎస్సార్‌సీపీ కుటుంబ సభ్యులకు రవికుమార్‌ కృతజ్ఙతలు తెలిపారు. వైఎస్సార్‌సీపీ అన్ని విధాలుగా అండగా ఉంటుందని నేతలు రవికుమార్‌కి భరోసా కల్పించారు.

శనివారం శ్రీ 24 శ్రీ అక్టోబర్‌ శ్రీ 20269ఇంద్రకీలాద్రి(విజయవాడపశ్చిమ): దుర్గమ్మ పంచహారతుల సేవలో దేవదాయ శాఖ కమిషనర్‌ రామచంద్రమోహన్‌ శుక్రవారం కుటుంబ సమేతంగా పాల్గొన్నారు.అచ్చంపేట: పులిచింతల ప్రాజెక్టులో ప్రస్తుత నిల్వ 27.6413 టీఎంసీలు. ప్రాజెక్టు దిగువకు 400 క్యూసెక్కులు లీకేజీల ద్వారా వెళుతోంది. తెనాలి: స్థానిక మార్కెట్‌యార్డులో శుక్రవారం క్వింటా నిమ్మకాయలు కనిష్ఠ ధర రూ.7,500, గరిష్ఠ ధర రూ.10,500, మోడల్‌ ధర రూ.8,800 వరకు పలికింది.

టీడీపీ మూకలపల్నాడు జిల్లాలో అధికార మదంతో రెచ్చిపోయిన పచ్చ గూండాలు ● అధికార పార్టీ చెప్పుచేతల్లో పనిచేసిన పోలీసులు, అధికార యంత్రాంగం ● నామినేషన్‌ కేంద్రాల్లో కర్రలు, రాడ్లతో టీడీపీ గూండాలు తిరుగుతున్నా పట్టించుకోని వైనం ● సత్తెనపల్లి మినహా ఎక్కడా నామినేషన్లు వేయనీయకుండా అడ్డగింత ● మాచర్లలో ‘సాక్షి’ ఫొటోగ్రాఫర్‌, టీవీ రిపోర్టర్లపై దాడి చేసి సెల్‌ఫోన్లు లాక్కుని దౌర్జన్యం ● మహిళలతోనూ అమానుషంగా ప్రవర్తించిన టీడీపీ గూండాలు ● వస్త్రాలు లాగేసి, జాకెట్లు చించి నామినేషన్‌ పత్రాలు లాక్కెళ్లిన పచ్చ మూకలు ● మాజీ మంత్రి విడదల రజినిపై మహిళా ఎస్‌ఐ దురుసు ప్రవర్తన ● వైఎస్సార్‌ సీపీ తరఫున 150 ఎంపీటీసీ స్థానాలకు టీడీపీ నేతల నామినేషన్లు ● కోర్టులు, ఎస్‌ఈసీకి నామినేషన్లు వేయించామని చూపేందుకు కుట్ర ● పల్నాడు జిల్లాలో దారుణాలపై ఛీత్కరించుకుంటున్న ప్రజలు దాచేపల్లిలో టీడీపీ నేతల దాడిలో గాయపడి చికిత్స పొందుతున్న సైదారెడ్డి సాక్షి ప్రతినిధి, గుంటూరు: రాష్ట్రంలో ఎక్కడా లేని విధంగా పల్నాడు జిల్లాలో అధికార పార్టీ నేతలు, పోలీసులు వ్యవహరించిన తీరు సభ్య సమాజం సిగ్గుతో తలదించుకునేలా ఉంది. ఎన్నికల్లో ఓటమి భయంతో మహిళలపై అసభ్యంగా ప్రవర్తించడం, దుస్తులు లాగడం, జాకెట్లు చించడం వంటి అమానుష ఘటనలకు పాల్పడి, వారి వద్ద నుంచి నామినేషన్‌ పత్రాలను లాక్కుని చించివేసిన ఘటనలు జిల్లాలో అనేకం ఉన్నాయి. సుప్రీంకోర్టు మొట్టికాయలు వేసినా జిల్లా కలెక్టర్‌, ఎస్పీ నుంచి కింది స్థాయి అధికారుల వరకు డ్రామాలాడారే తప్ప ప్రజాస్వామ్యాన్ని కాపాడలేకపోవడం దారుణమైన విషయం. చివరకు టీడీపీ నేతల దాష్టీకాలు, పోలీసుల దుశ్చర్యలను ఫొటోలు తీస్తున్నారనే కారణంతో ‘సాక్షి’ ఫొటోగ్రాఫర్‌, టీవీ రిపోర్టర్లపై దాడులకు సైతం తెగబడ్డారు. సెల్‌ఫోన్లు లాక్కుని, పోలీసుల ఎదుటే వారిపై దాడి చేస్తుంటే పోలీసులు ప్రేక్షక పాత్ర వహించిన పరిస్థితి. గురజాల మాజీ ఎమ్మెల్యే కాసు మహేష్‌రెడ్డిని మూడు రోజులుగా హౌస్‌ అరెస్టు చేసిన విషయం తెలిసిందే. గురజాల నియోజకవర్గంలోని నాలుగు మండలాల్లో ఒక్క ఎంపీటీసీ స్థానానికి కూడా వైఎస్సార్‌ సీపీ నేతలను నామినేషన్లు వేయకుండా టీడీపీ గూండాలు, పోలీసులు అడుగడుగునా అడ్డుకున్నారు. దాచేపల్లిలో నామినేషన్‌ వేసేందుకు వెళ్లిన వైఎస్సార్‌ సీపీ ఎంపీపీ అభ్యర్థి జక్కా సంధ్యను అడ్డుకోవడంతోపాటు ఆమె భర్త అశోక్‌ను సెల్‌ఫోన్‌ లొకేషన్‌ ఆధారంగా గుంటూరువైపు వెళుతుండగా పోలీసులు అదుపులోకి తీసుకున్నారు. ఆయన్ను తీవ్రంగా కొట్టినట్లు కుటుంబ సభ్యులు ఆరోపిస్తున్నారు. ● దాచేపల్లి వైఎస్సార్‌ సీపీ కార్యాలయంలో ఉన్న కేశానుపల్లి ఎంపీటీసీ అభ్యర్థి తోట కృష్ణను పోలీసులు అక్రమంగా అరెస్టు చేసి స్టేషన్‌కు తరలించారు. ముత్యాలంపాడు ఎంపీటీసీ అభ్యర్థిగా నామినేషన్‌ వేసేందుకు వచ్చిన ప్రభావతి, చితిమిరెడ్డి రమణ అనే మహిళా అభ్యర్థులపై టీడీపీ గూండాలు దాడి చేసి నామినేషన్‌ పత్రాలను చించివేశారు. వారిని ప్రతిపాదించేందుకు వచ్చిన సైదారెడ్డి, మేడా తిరుపతిరెడ్డిలపై దాడి చేసి తీవ్రంగా గాయపరిచారు. నరసరావుపేట మాజీ ఎమ్మెల్యే డాక్టర్‌ గోపిరెడ్డి శ్రీనివాసరెడ్డి, నరసరావుపేట, రొంపిచర్ల మండలాల వైఎస్సార్‌ సీపీ జెడ్పీటీసీ, ఎంపీటీసీ అభ్యర్థులతో కలిసి స్థానిక పార్టీ కార్యాలయంలో శుక్రవారం ఉదయం నుంచి నిరాహార దీక్షకు దిగారు. బుధవారం రొంపిచర్లలో ధర్నా చేస్తున్న డాక్టర్‌ గోపిరెడ్డితో ఫోన్‌లో మాట్లాడిన ఎస్పీ... తాము భద్రత కల్పించి నామినేషన్లు వేయిస్తామని హామీ ఇచ్చి మాట తప్పడంతో ఆయన ఈ దీక్షకు దిగారు. ఇద్దరు జెడ్పీటీసీలు, 45 మంది ఎంపీటీసీలతో నామినేషన్లు వేయిస్తామని చెప్పి, రెండు రోజులుగా డ్రామాలాడటంపై ఆయన ఆగ్రహం వ్యక్తం చేశారు. చివరకు సాయంత్రం 4 గంటలకు ఓ డీఎస్పీ వచ్చి నామినేషన్‌ కేంద్రాలకు పోలీసు భద్రతతో తీసుకెళతామని చెప్పారు. దూరం నుంచి రాళ్లు పడితే తాము ఏమీ చేయలేమంటూ పరోక్షంగా బెదిరింపులకు దిగడం గమనార్హం. ● ఎంపీడీవో కార్యాలయంలో కర్రలు, రాళ్లతో టీడీపీ గూండాలు హల్‌చల్‌ చేస్తున్నా, చుట్టుపక్కల ప్రాంతాల్లో భారీగా టీడీపీ గూండాలు మోహరించి ఉన్నా పోలీసులు పట్టించుకోలేదు. అధికార పార్టీకి తొత్తులుగా వ్యవహరించారు. మాచర్ల జెడ్పీటీసీ అభ్యర్థిగా నామినేషన్‌ వేయడానికి నరసరావుపేట వచ్చిన దొడ్డ చిన్నపేతురాజు యాదవ్‌పై టీడీపీ గూండాలు దాడి చేసి కిడ్నాప్‌ చేసేందుకు యత్నించగా, పోలీసులు అడ్డుకుని ఆయన్ను వెనక్కి పంపించిన పరిస్థితి. పెదకూరపాడు మాజీ ఎమ్మెల్యే నంబూరు శంకరరావును మూడు రోజులుగా హౌస్‌ అరెస్టు చేసిన పోలీసులు, పెదకూరపాడు నియోజకవర్గంలోని ఐదు మండలాల్లో ఎక్కడా నామినేషన్లు వేయకుండా టీడీపీ గూండాలు, పోలీసులు అడ్డుకున్నారు. పెదకూరపాడు–3 ఎంపీటీసీ అభ్యర్థి నల్లపాటి మహాలక్ష్మి తనకు పోలీసు భద్రతతో నామినేషన్‌ వేసే అవకాశం కల్పించాలని కోరుతూ హైకోర్టులో లంచ్‌ మోషన్‌ పిటిషన్‌ వేయగా, కోర్టు అనుమతించింది. అయితే, తమకు ఆదేశాలు సాయంత్రం 4.40 గంటలకు అందాయని, అక్కడికి తీసుకెళ్లేలోపు సమయం అయిపోయిందంటూ పోలీసులు చేతులెత్తేశారు. ● నాగిరెడ్డిపాలెంలో జనసేన ఎంపీటీసీ అభ్యర్థిగా నామినేషన్‌ వేయడానికి వచ్చిన పగడాల శ్రీనివాస్‌ను అడ్డుకుని, నామినేషన్‌ పత్రాలను చించివేసిన టీడీపీ గూండాలు... ఆయనతో పాటు వచ్చిన వారిపై దాడి చేసి తీవ్రంగా గాయపరిచారు. టీడీపీ గూండాలను పోలీసులు అడ్డుకోకుండా, జనసేన నేతలపై లాఠీచార్జి చేసి తరిమికొట్టడం గమనార్హం. ● పెదకూరపాడు బస్టాండ్‌లో ప్రయాణికుల మాదిరిగా కూర్చున్న వైఎస్సార్‌సీపీ ఎంపీటీసీ అభ్యర్థుల సమాచారం అందుకున్న ఎస్‌ఐ సంధ్యారాణి అక్కడికి చేరుకుని, ప్రయాణికులతో పాటు అభ్యర్థుల బ్యాగులను తనిఖీ చేశారు. దీన్ని బట్టి టీడీపీ గూండాలకు పోలీసు అధికారులు తొత్తులుగా ఎలా పనిచేస్తున్నారో అర్థం చేసుకోవచ్చు. సత్తెనపల్లి నియోజకవర్గంలోని రాజుపాలెం మండలంలో నామినేషన్లు వేయనీయకుండా ఎస్‌ఐ మణికృష్ణ వైఎస్సార్‌సీపీ అభ్యర్థులను అడ్డుకోవడంతో ఆగ్రహించిన నియోజకవర్గ సమన్వయకర్త డాక్టర్‌ గజ్జల సుధీర్‌ భార్గవరెడ్డి, అభ్యర్థులతో కలిసి రోడ్డుపై బైఠాయించి నిరసన తెలిపారు. తమ అభ్యర్థులను నామినేషన్లు వేయనీయకుండా అడ్డుకుంటున్నారంటూ ఎస్పీకి ఫోన్‌ చేసి మాట్లాడినా ప్రయోజనం లేకుండా పోయింది. ఈ సందర్భంగా రఫీ అనే కార్యకర్తపై టీడీపీ గూండాలు రాళ్లతో దాడి చేయడంతో ఆయన తలకు తీవ్ర గాయాలయ్యాయి. ● నకరికల్లులో ముగ్గురు ఎంపీటీసీ అభ్యర్థులు నామినేషన్లు వేసి, అధికారుల నుంచి రశీదులు కూడా తీసుకుని బయటకు వచ్చారు. టీడీపీ నేత బాజీ చౌదరి ఆధ్వర్యంలో టీడీపీ గూండాలు అధికారుల వద్ద నామినేషన్‌ పత్రాలను చించివేయడంతో ఉన్నతాధికారులు అక్కడికి వచ్చి, ముగ్గురు అభ్యర్థులను ఫోన్‌ చేసి పిలిపించి మళ్లీ నామినేషన్లు వేయించారు. బాజీ చౌదరి, ఆయన అనుచరులు ఈ దుశ్చర్యలకు పాల్పడినా వారిపై కనీసం కేసు నమోదు చేయలేదు. వినుకొండలో మాజీ ఎమ్మెల్యే బొల్లా బ్రహ్మనాయుడిని నరసరావుపేటలోని తన నివాసంలో మూడు రోజులుగా హౌస్‌ అరెస్టులో ఉంచిన విషయం తెలిసిందే. ఆయన శుక్రవారం వినుకొండ వెళ్లేందుకు ప్రయత్నించగా, అక్కడికి వచ్చిన డీఎస్పీ హనుమంతరావు తాము నామినేషన్లు వేయిస్తామంటూ అక్కడి సీఐలతో ఫోన్‌లో మాట్లాడి కొంతసేపు డ్రామాలాడారు. శావల్యాపురం మండలం పొట్లూరు గ్రామానికి చెందిన ఐదుగురు వైఎస్సార్‌ సీపీ నేతలు కలెక్టర్‌ అనుమతితో, పోలీసుల భద్రత నడుమ నామినేషన్‌ వేసేందుకు వెళ్లారు. టీడీపీ మూకలు రాళ్లతో దాడి చేశాయి. కారును ధ్వంసం చేసేందుకు ప్రయత్నించాయి. ప్రాణభయంతో కారును వేగంగా ముందుకు పోనివ్వడంతో కొంతమందికి గాయాలైనట్లు సమాచారం. వినుకొండ మండలం నాగులవరం వైఎస్సార్‌ సీపీ ఎంపీటీసీ అభ్యర్థిగా నామినేషన్‌ వేసేందుకు వెళుతున్న భవనాసి మరియమ్మ, మండల మహిళా విభాగం అధ్యక్షురాలు గోదాల చిన్నమ్మలపై టీడీపీ గూండాలు దాడి చేశారు. నామినేషన్‌ పత్రాలను చించివేశారు. నూజెండ్ల మండలం పమిడిపాడు వైఎస్సార్‌ సీపీ ఎంపీటీసీ అభ్యర్థిగా నామినేషన్‌ వేసేందుకు వెళుతున్న మేకల విజయపై టీడీపీ నేతలు రాళ్లు రువ్వుతూ దాడి చేశారు. ఆమె నుంచి నామినేషన్‌ పత్రాలను లాక్కుని చించివేశారు. ఆగ్రహించిన విజయ టీడీపీ గూండాలకు చెప్పు చూపించి బుద్ధి చెప్పారు. వైఎస్సార్‌సీపీ అభ్యర్థులు నరసరావుపేట రోడ్డు మీదుగా నామినేషన్‌ వేసేందుకు కలిసి వెళుతుండగా, శివయ్య స్తూపం వద్ద కాపు కాసిన టీడీపీ గూండాలు... కర్రలు, రాళ్లతో దాడి చేస్తూ అడ్డుకున్నారు. వారికి పోలీసులు కూడా వత్తాసు పలికారు. గురువారం రాత్రి నుంచే నియోజకవర్గంలోని ఐదు మండలాల కన్వీనర్లను, న్యాయవాది ఎం.ఎన్‌. ప్రసాద్‌, అమ్మిరెడ్డి అంజిరెడ్డి వంటి ముఖ్య నేతలతోపాటు 30 మందికి పైగా నాయకులను పోలీసులు అక్రమంగా అరెస్టు చేసి స్టేషన్‌లో కూర్చోబెట్టారు. పల్నాడు జిల్లాలో సత్తెనపల్లి నియోజకవర్గం మినహా ఏ నియోజకవర్గంలోనూ వైఎస్సార్‌ సీపీ అభ్యర్థులను నామినేషన్లు వేయకుండా అడ్డుకున్న పోలీసులు, టీడీపీ గూండాలు.. కొత్త కుట్రకు తెరతీశారు. మున్సిపల్‌ ఎన్నికల్లో నామినేషన్లు వేయకుండా అడ్డుపడటంపై సుప్రీంకోర్టు తీవ్రంగా స్పందించిన నేపథ్యంలో అధికార పార్టీ నేతలు వైఎస్సార్‌సీపీ పేరుతో నామినేషన్లు వేయించారు. కోర్టులు, ఎస్‌ఈసీని తప్పుదోవ పట్టించే కుట్రకు తెరతీశారు. ఇందులో భాగంగా పల్నాడు జిల్లా వ్యాప్తంగా సుమారు 150కు పైగా నామినేషన్లను ఇలా వేయించడం గమనార్హం. ఇంత దిగజారి ఎన్నికల్లో గెలిచినట్లు చూపించుకోవాలా అంటూ జిల్లా ప్రజలు ఛీత్కరించుకుంటున్నారు. మాచర్లలో మాజీ ఎమ్మెల్యే, వైఎస్సార్‌ సీపీ పల్నాడు జిల్లా అధ్యక్షుడు పిన్నెల్లి రామకృష్ణారెడ్డిని మూడు రోజులుగా పోలీసులు హౌస్‌ అరెస్టు చేసి నిర్బంధించిన విషయం తెలిసిందే. మాచర్ల ఎంపీడీవో కార్యాలయం వద్ద టీడీపీ గూండాలు కర్రలు, రాడ్లతో హల్‌చల్‌ చేస్తున్న వైనాన్ని ఫొటోలు తీసేందుకు ప్రయత్నించిన ‘సాక్షి’ ఫొటోగ్రాఫర్‌ భజరంగ్‌, టీవీ రిపోర్టర్లు బాలాజీ, వంశీలపై టీడీపీ గూండాలు దాడి చేసి, వారిని గాయపరిచారు. వారి వద్ద ఉన్న సెల్‌ఫోన్లను కూడా లాక్కుని ఫొటోలను డిలీట్‌ చేశారు. సెల్‌ఫోన్లు వెనక్కి ఇవ్వకుండా బెదిరింపులకు పాల్పడుతున్నా, ఎదురుగా ఉన్న పోలీసులు ప్రేక్షక పాత్ర వహించారు. రాయవరం ఎంపీటీసీ అభ్యర్థిగా నామినేషన్‌ వేసేందుకు వచ్చిన గోగినేని లక్ష్మారెడ్డిపై టీడీపీ మూకలు దాడి చేసి, ఆయన వద్ద ఉన్న నామినేషన్‌ పత్రాలను చించివేశాయి. కంభంపాడుకు చెందిన వైఎస్సార్‌ సీపీ నేత జువ్వాజి సాంబిరెడ్డి మాచర్ల నుంచి వెళుతుండగా, రాయవరం జంక్షన్‌ వద్ద టీడీపీ గూండాలు దాడి చేసి కారు అద్దాలను ధ్వంసం చేశారు.

టాస్క్‌ఫోర్స్‌: చిలకలూరిపేట మండలం మురికిపూడి–2 ఎంపీటీసీ టీడీపీ అభ్యర్థిగా రావూవారి అజయ్‌ తొలిరోజు నామినేషన్‌ వేయగా, చివరి రోజున అదే స్థానానికి రావూవారి సుధీర్‌కుమార్‌చే వైఎస్సార్‌ సీపీ అభ్యర్థిగా టీడీపీ నాయకులు ముప్పసాని ఆదినారాయణ, చెన్నుపాటి నాగరాజు నేతృత్వంలో దగ్గరుండి నామినేషన్‌ను వేయించారు. సొంత అన్నదమ్ములైన వీరు మురికిపూడి గ్రామంలో కూటమి ప్రభుత్వంలోనూ అధికార పెత్తనం చెలాయిస్తున్నారు. ఇదే విధంగా టీడీపీ నేతలే తమ విధేయులచే నామినేషన్లను వేయించినట్లు వైఎస్సార్‌సీపీ నాయకులు స్పష్టం చేశారు. తుర్లపాడు ఎంపీటీసీ స్థానానికి టీడీపీ క్రియాశీలక కార్యకర్త ఊటుకూరి సుబ్రమణ్యం వైఎస్సార్‌సీపీ తరఫున నామినేషన్‌ ఇందుకు నిదర్శనమని వైఎస్సార్‌సీపీ నాయకులు ప్రస్తావిస్తున్నారు. ఈరెండు మండలాల్లోని నామినేషన్ల వద్ద వైఎస్సార్‌సీపీ పోటీ అభ్యర్థుల నామినేషన్లు బలవంతంగా లాక్కొని చింపి, వారిని లోనికి రాకుండా అడ్డుకోవడంతో ఒక్క నామినేషన్‌ను కూడా వైఎస్సార్‌సీపీకి చెందిన అభ్యర్థులు దాఖలు చేయలేదని ఆపార్టీ నాయకులు స్పష్టం చేస్తున్నారు. ప్రతిపక్షానికి అవకాశం కల్పించినట్లు పైకి చూపిస్తూ, క్షేత్రస్థాయిలో అడ్డంకులు సృష్టించారన్న విమర్శల నేపథ్యంలో ఎన్నికల నామినేషన్ల ప్రక్రియపై సమగ్ర విచారణ జరపాలని ఇరుమండలాలకు చెందిన వైఎస్సార్‌సీపీ నేతలు డిమాండ్‌ చేస్తున్నారు.

చిలకలూరిపేట: రెడ్‌బుక్‌ ఎన్నికలపై రాష్ట్ర ఎన్నికల సంఘానికి ఫిర్యాదు చేసినట్లు మాజీ మంత్రి, వైఎస్సార్‌ సీపీ నియోజకవర్గ ఇన్‌చార్జి విడదల రజిని చెప్పారు. పట్టణంలోని ఎన్‌ఆర్‌టీ రోడ్డులో ఉన్న ఆమె నివాసంలో విలేకర్ల సమావేశం నిర్వహించారు. ఆమె మాట్లాడుతూ చిలకలూరిపేట మున్సిపల్‌ ఎన్నికలకు సంబంధించి అధికార పార్టీ మెప్పు కోసం అధికారులు ఎన్నికల నిబంధనలను, ప్రజాస్వామ్యాన్ని మంటగలిపారని ఆగ్రహం వ్యక్తంచేశారు. నామినేషన్ల ఉపసంహరణకు గడువు మధ్యాహ్నం మూడు గంటలు కాగా అర్ధరాత్రి 12 గంటల వరకు బలవంతంగా వైఎస్సార్‌ సీపీ కౌన్సిలర్‌ అభ్యర్థులను ఎత్తుకెళ్లి నామినేషన్లు ఉపసంహరింపచేశారని విమర్శించారు. దీనికి సంబంధించిన ఆధారాలు తమ వద్ద ఉన్నాయని, ఈ ఆధారాలతో ఎస్‌ఈసీకి ఫిర్యాదు చేసినట్లు వెల్లడించారు. బుధవారం జరిగిన సంఘటనలకు సంబంధించి పురపాలక సంఘం కార్యాలయంలో ఉన్న సీసీ పుటేజీలను ఫ్రీజ్‌ చేయాలని ఎన్నికల సంఘాన్ని కోరామన్నారు. నామినేషన్ల ఉపసంహరణలు, ఇతర వివరాలను అడిగితే మున్సిపల్‌ కార్యాలయంలో ఎలాంటి సమాధానం లభించటంలేదని పేర్కొన్నారు. మూడు గంటలకు నామినేషన్ల ఉపసంహరణ ప్రక్రియ ముగిశాక అర్ధరాత్రి దాక కార్యాలయంలో చేసిన ఘన కార్యాలేమిటో బయట పెట్టాలని డిమాండ్‌ చేశారు. సుప్రీంకోర్టు ఆదేశాల నేపథ్యంలో మున్సిపల్‌ ఎన్నికలను తాత్కాలికంగా ఆపుతున్నట్లు ఎస్‌ఈసీ ప్రకటించాక కూడా మున్సిపల్‌ కార్యాలయంలో నామినేషన్ల ఉపసంహరణ కొనసాగించారని తెలిపారు. ఈ విషయమై ఎస్‌ఈసీకి ఫిర్యాదు చేశామని, ఎస్‌ఈసీ తగు చర్యలు తీసుకోకపోతే హైకోర్టును, అవసరమైతే సుప్రీంకోర్టును ఆశ్రయిస్తామని రజిని చెప్పారు. వేడుకు చూస్తున్న పోలీసులు జెడ్పీటీసీ, ఎంపీటీసీ స్థానాలకు వైఎస్సార్‌ సీపీ అభ్యర్థులు నామినేషన్‌ వేయకుండా టీడీపీ గూండాలు అడ్డుకుంటున్నా పోలీసులు వేడుక చూస్తున్నారని ఆగ్రహం వ్యక్తం చేశారు. ఎంపీడీవో కార్యాలయాల చుట్టూ బారికేడ్లు ఏర్పాటు చేసి పహారా ఏర్పాటు చేస్తున్నారని తెలిపారు. బారికేడ్ల వద్ద టీడీపీ రౌడీ మూకలు మోహరించి, వైఎస్సార్‌ సీపీ అభ్యర్థులు నామినేషన్లు వేయడానికి వస్తే దారుణంగా దాడులకు పాల్పడి నామినేషన్‌ పత్రాలను చించి వేస్తున్నారని ఆవేదన వ్యక్తం చేశారు. ఇది పోలీసుల కళ్లముందే జరుగుతున్నా నివారించకుండా వేడుక చూస్తున్నారని ఆగ్రహం వ్యక్తం చేశారు. ప్రశ్నించేందుకు వెళ్లకుండా తనను రెండు రోజులుగా గృహ నిర్బంధంలో ఉంచి పార్టీ కార్యకర్తలు, నాయకులను సైతం కలవకుండా అడ్డంకులు సృష్టిస్తున్నారని ఆవేదన వ్యక్తం చేశారు. యడ్లపాడు మండలంలో నామినేషన్లు వేయనీయకపోవడంతో మహిళలు సైతం రోడ్డెక్కి ఆందోళనకు దిగిన సంఘటన కూటమి ప్రభుత్వంపై ప్రజలకు ఉన్న ఆగ్రహానికి అద్దం పట్టిందన్నారు. ఇప్పటి వరకు చిలకలూరిపేట, నాదెండ్ల, యడ్లపాడు మండలాలకు సంబంధించి ఏ ఒక్కరిని ఎంపీటీసీ నామినేషన్‌ వేయకుండా టీడీపీ గుండాలు అడ్డుకున్నారని, ఇదంతా ప్రజలు చూస్తున్నారని సమయం వచ్చినప్పుడు తగిన విధంగా బుద్ధి చెబుతారని హెచ్చరించారు. ఎన్ని అవంతరాలు సృష్టిస్తున్నా, దాడులకు పాల్పడుతున్నా మొక్కవోని ధైర్యంతో ముందుకు వస్తున్న పార్టీ నాయకులు, కార్యకర్తలు, అభ్యర్థులకు కృతజ్ఞతలు తెలిపారు. సమావేశంలో పార్టీ నియోజకవర్గ పరిశీలకుడు చిట్టా విజయభాస్కరరెడ్డి తదితరు లు పాల్గొన్నారు.

చిలకలూరిపేటలో మాజీ మంత్రి విడదల రజినిని మూడు రోజులుగా హౌస్‌ అరెస్టు చేసిన పోలీసులు, ఆమెను బయటకు రానీయకుండా చేశారు. వైఎస్సార్‌ సీపీ ముఖ్య నేతలందరినీ అదుపులోకి తీసుకున్నారు. అభ్యర్థులను నామినేషన్లు వేయనీయలేదు. శుక్రవారం ఓ జెడ్పీటీసీ అభ్యర్థి బీఫాం తీసుకునేందుకు విడదల రజిని నివాసానికి రాగా, పోలీసులు అడ్డుకున్నారు. విషయం తెలుసుకున్న విడదల రజిని, బీఫాం ఇచ్చేందుకు అతడిని అనుమతించాలని కోరుతూ బయటకు వచ్చే ప్రయత్నం చేశారు. కాపలాగా ఉన్న మహిళా ఎస్‌ఐ లేఖప్రియాంక ఒక్కసారిగా మాజీ మంత్రి అని కూడా చూడకుండా ఆమైపె దురుసుగా ప్రవర్తిస్తూ లోపలికి నెట్టడంతో విడదల రజిని వెన్నెముకకు గాయమైంది. మాజీ మంత్రి పరిస్థితే ఇలా ఉంటే, మిగతా నేతల పరిస్థితి ఏమిటనే ప్రశ్నలు తలెత్తుతున్నాయి. ● చిలకలూరిపేట రూరల్‌ మండలానికి చెందిన కొంతమంది వైఎస్సార్‌ సీపీ అభ్యర్థులు రూరల్‌ పోలీస్‌ స్టేషన్‌కు వెళ్లి, తాము నామినేషన్‌ వేసేందుకు భద్రత కల్పించాలని కోరుతూ గంటలకొద్దీ పడిగాపులు కాసినప్పటికీ ప్రయోజనం లేకుండా పోయింది. యడ్లపాడు, నాదెండ్ల మండలాల్లో సైతం పోలీసులు అక్కడికక్కడే వైఎస్సార్‌ సీపీ అభ్యర్థులను అడ్డుకున్నారు. టీడీపీ నాయకులు నామినేషన్‌ కేంద్రాల వద్ద కర్రలు, రాళ్లతో తిరుగుతున్నా పోలీసులు పట్టించుకోకపోవడం దారుణం. మాజీ మంత్రి విడదల రజినిని నెట్టివేస్తున్న ఎస్‌ఐ లేఖప్రియాంక

నరసరావుపేట: జిల్లాలో జెడ్పీటీసీ, ఎంపీటీసీ నామినేషన్ల ప్రక్రియ ప్రశాంతంగా జరుగుతుందని జిల్లా ఎన్నికల అధికారి, కలెక్టర్‌ డాక్టర్‌ కృతికా శుక్లా పేర్కొన్నారు. శుక్రవారం ఎన్నికల రిటర్నింగ్‌ అధికారి సంజన శ్రీహర్షతో కలిపి రెవెన్యూ డివిజనల్‌ అధికారి కార్యాలయంలో ఏర్పాటుచేసిన నామినేషన్ల దాఖలు ప్రక్రియను పరిశీలించారు. కలెక్టర్‌ మాట్లాడుతూ గురువారం కొన్నిచోట్ల హింస జరిగిందని నివేదిక అందితే దానిపై పోలీస్‌ ప్రొటెక్షన్‌కు ఆదేశించామని చెప్పారు. గురువారం సాయంత్రం పోలీస్‌ ప్రొటెక్షన్‌తో నామినేషన్‌ సెంటర్లకు అభ్యర్థులను తీసుకొని వచ్చి స్వేచ్ఛగా నామినేషన్‌ వేయించడం జరిగిందన్నారు. శుక్రవారం కూడా మాచర్ల నుంచి వచ్చిన అభ్యర్థులు, ఇండిపెండెంట్‌ అభ్యర్థులను పోలీసు రక్షణతో లోపలికి తీసుకొని వెళ్లి నామినేషన్‌ వేయించామని తెలిపారు. నామినేషన్‌ వేసే అభ్యర్థులు స్వేచ్ఛగా, నిర్భయంగా నామినేషన్‌ దాఖలు చేయాలని, ఏమైనా ఇబ్బందులు ఉంటే తనకు గానీ, జిల్లా ఎస్పీకి గానీ ఫోన్‌ చేసి రక్షణ కోరితే పోలీస్‌ రక్షణ కల్పిస్తామని తెలిపారు. ఇదే విషయాన్ని మండలాల్లోని ఎంపీటీసీ ఎన్నికల అధికారికి, రిటర్నింగ్‌ అధికారులకు కూడా తెలియజేయడం జరిగిందన్నారు. ఎవరైనా అభ్యర్థులు ఫోన్‌, మెయిల్‌ ద్వారా గాని తెలియజేస్తే నామినేషన్‌ దాఖలకు పోలీసు రక్షణ కల్పిస్తామని తెలియజేశారు. అన్ని మండల కేంద్రాలు, నియోజకవర్గాలు, జిల్లా హెడ్‌ క్వార్టర్స్‌లో అందరికీ సమాన అవకాశాలు ఇస్తామని చెప్పారు. జిల్లా ఎస్పీతో మాట్లాడటం జరిగిందని, ఎవరైనా అభ్యర్థులు కాల్‌ చేసి చెప్పడం జరిగితే అభ్యర్థులకు ఎస్కార్ట్‌ వాహనంలో నామినేషన్‌ సెంటర్లకు తీసుకొని వెళ్లి నామినేషన్‌ దాఖలకు సహకరిస్తారని తెలియజేశారు. అభ్యర్థులు కూడా పోలీసు వారికి సహకరించాలన్నారు. ఆర్‌డీఓ కె.బాలకృష్ణ, డీఎస్పీ హనుమంతరావుకు పలు సూచనలు చేశారు. జిల్లా కలెక్టర్‌, జిల్లా ఎన్నికల అధికారి కృతికా శుక్లా

రొంపిచర్ల: పిడుగు పడి వ్యక్తి మృతి చెందిన ఘటన రొంపిచర్లలో శుక్రవారం జరిగింది. గ్రామానికి చెందిన పమ్మి గోవిందరెడ్డి(46) సుబ్బారెడ్డి కాలనీకి దగ్గర ఉన్న తన పొలం వెళుతున్నాడు. ఆ సమయంలో ఉరుములు, మెరుపులతో కూడిన వర్షం కురుస్తుండగా, అక్కడ సమీపంలో ఉన్న చెట్టు కిందకి వెళ్లాడు. ఆ సమయంలో పెద్ద శబ్దంతో పిడుగు చెట్టు కింద కూర్చుని ఉన్న గోవిందరెడ్డి మీద పడటంతో సృహ కోల్పోయి పడిపోయాడు. సమీప పొలాల్లో పనులు చేస్తున్న రైతులు, కూలీలు అక్కడికి వచ్చి పిడుగు పడిన ఆ వ్యక్తిని చికిత్స నిమిత్తం హాస్పిటల్‌కు తీసుకెళ్లారు. మార్గంమధ్యలో మృతి చెందాడు. మృతుడికి భార్య, ఒక కుమార్తె ఉన్నారు. నాదెండ్ల: ఇరువురు మిత్రుల మధ్య తలెత్తిన వివాదంలో జోక్యం చేసుకున్న మూడో వ్యక్తిపై కత్తితో దాడికి పాల్పడిన ఘటన గణపవరం సినిమాహాల్‌ సెంటర్‌లో గురువారం రాత్రి 10.30 గంటల సమయంలో చోటుచేసుకుంది. పోలీసులు తెలిపిన వివరాల మేరకు నాదెండ్ల గ్రామానికి చెందిన గోపీకృష్ణ, ధనుష్‌ మిత్రులు. గోపీకృష్ణ సుబాబుల్‌ తోట నరికే పనులకు వెళ్తుంటా డు. బుధవారం ఇరువురి మధ్య వివాదం తలెత్తింది. ధనుష్‌ తరపున చిరుమామిళ్ల గ్రామానికి చెందిన జడ జాన్‌పీటర్‌ మాట్లాడేందుకు వచ్చాడు. ఈ క్రమంలో గోపీకృష్ణపై పీటర్‌పాల్‌ చేయిచేసుకున్నాడు. దీంతో గోపీకృష్ణ తన చేతిలోని సుబాబుల్‌ నరికే కత్తితో పీటర్‌పాల్‌పై దాడి చేశా డు. గాయాలపాలైన బాధితుడిని ఆసుపత్రికి తరలించారు. బాధితుడి ఫిర్యాదు మేరకు పోలీసులు కేసు నమోదు చేశారు. ‘లలితా’లో 29 వరకు ఉచితంగా వైద్య పరీక్షలు గుంటూరు మెడికల్‌: ప్రపంచ పక్షవాత దినోత్సవాన్ని పురస్కరించుకుని గుంటూరు తక్కెళ్లపాడులోని లలితా పీవీఎస్‌ ఇనిస్టిట్యూట్‌ ఆఫ్‌ మెడికల్‌ సైన్స్‌స్‌లో శుక్రవారం నుంచి 29వ తేదీ వరకు పక్షవాతం(బ్రెయిన్‌ స్ట్రోక్‌)పై పలు అవగాహన కార్యక్రమాలు, ఉచిత వైద్యశిబిం నిర్వహిస్తున్నట్లు లలితా గ్రూప్‌ ఆఫ్‌ హాస్పిటల్స్‌ అధినేత, సీనియర్‌ కార్డియాలజిస్ట్‌ డాక్టర్‌ పి.వి.రాఘవ శర్మ తెలిపారు. శుక్రవారం లలితా హాస్పిటల్‌లో ఉచిత స్ట్రోక్‌ రిస్క్‌ స్క్రీనింగ్‌ డెస్క్‌ను ఆసుపత్రి సీఈఓ, ఇంట్రవెన్షనల్‌ కార్డియాలజిస్ట్‌ డాక్టర్‌ పోలవరపు అనురాగ్‌ ప్రారంభించారు. ఈ సందర్భంగా డాక్టర్‌ రాఘవశర్మ మాట్లాడుతూ ఈ ఏడాది ప్రపంచ పక్షవాత దినోత్సవం సందర్భంగా వరల్డ్‌ స్ట్రోక్‌ ఆర్గనైజేషన్‌ ఇచ్చిన ‘ప్రతి నిమిషం విలువైనది– పక్షవాత లక్షణాలను గుర్తించండి, సకాలంలో స్పందించండి, మెదడును కాపాడండి’ అనే నినాదంతో ప్రజల్లో అవగాహన కల్పిస్తున్నట్లు తెలిపారు. ఆస్పత్రి ప్రాంగణంలో ఏర్పాటు చేసిన స్ట్రోక్‌ స్క్రీనింగ్‌ డెస్క్‌ అక్టోబర్‌ 29 వరకు అందుబాటులో ఉంటుందని చెప్పారు. ఆరోగ్యకరమైన ఆహారపు అలవాట్లపై అవగాహన కల్పించేందుకు డైట్‌ సలహాలు, శారీరక కదలికలు, వ్యాయామాల ప్రాధాన్యతను తెలియజేసేందుకు ఫిజియోథెరపీ అవగాహనా సేవలను కూడా అందిస్తున్నట్లు డాక్టర్‌ అనురాగ్‌ చెప్పారు. ప్రజల్లో పక్షవాతంపై అవగాహన పెంపొందించడం, వ్యాధి ముప్పును తగ్గించేందుకు అవసరమైన జీవనశైలి మార్పులపై చైతన్యం కల్పించడమే ఈ కార్యక్రమాల ప్రధాన ఉద్దేశమని న్యూరాలజిస్ట్‌ ప్రొఫెసర్‌ డాక్టర్‌ ఉప్పాల వీరమ్మ తెలిపారు. కార్యక్రమంలో సీనియర్‌ న్యూరో సర్జన్‌ డాక్టర్‌ ఎన్‌.శ్రీనివాసరావు, న్యూరో కన్సల్టెంట్‌ డాక్టర్‌ ఉషాకిరణ్‌, డాక్టర్‌ అనూష పాల్గొన్నారు.

● గురజాలలో తమ్ముళ్ల వేరు కుంపట్లు ● వేర్వేరు అభ్యర్థులకు ఎమ్మెల్యే, ఎంపీలు మద్దతు ● స్థానిక ఎన్నికల వేళ శ్రేణుల్లో అయోయమం పిడుగురాళ్ల రూరల్‌: ‘మేమంతా ఒక్కటే... కూటమిగా కలిసే నడుస్తాం‘ అని వేదికలపై ప్రకటనలు గుప్పించే నాయకులు.. తెరవెనుక మాత్రం అసలు సిసలైన రాజకీయ క్రీడకు తెరలేపుతున్నారా? మాటల్లో మైత్రిని నటిస్తూనే... చేతల్లో సొంత పార్టీ నేతలకే ఎసరు పెడుతున్నారా? పల్నాడు జిల్లా గురజాల నియోజకవర్గంలో చోటుచేసుకున్న తాజా పరిణామాలు ఇప్పుడు స్థానిక రాజకీయాల్లో తీవ్ర సంచలనం రేపుతున్నాయి. ఒకే గ్రామం... ఒకే కూటమి... కానీ ఒకరిపై ఒకరు ఆధిపత్యం ప్రదర్శించేందుకు వేసిన వ్యూహాలు స్థానికంగా తీవ్ర చర్చనీయాంశంగా మారాయి. భగ్గుమన్న విభేదాలు నరసరావుపేట ఎంపీ లావు శ్రీకృష్ణదేవరాయలుకు గురజాల స్థానిక ఎమ్మెల్యే యరపతినేని శ్రీనివాసరావుతో పొసగడం లేదనే వార్తలు చాలాకాలంగా వినిపిస్తున్నాయి. తాజాగా జెడ్పీటీసీ నామినేషన్ల ఘట్టం దానికి ప్రత్యక్ష నిదర్శనంగా నిలిచింది. పిడుగురాళ్ల మండలం జానపాడు గ్రామానికి చెందిన ప్రముఖ వైద్యుడు ఉన్నం నాగమల్లికార్జునరావు సతీమణి దీపికకు ఎంపీ శ్రీకృష్ణదేవరాయలు మద్దతుతో జెడ్పీటీసీ అభ్యర్థిగా, ఆపై జెడ్పీ చైర్‌పర్సన్‌ అభ్యర్థిగా రేసులో నిలిచే అవకాశం లభించింది. అయితే, ఈ అభ్యర్థిత్వానికి పైకి మద్దతు తెలుపుతున్నట్లే నటిస్తున్న ఎమ్మెల్యే యరపతినేని శ్రీనివాసరావు... లోలోపల మాత్రం సొంత వర్గంతో చెక్‌ పెట్టే వ్యూహానికి తెరలేపారని ఆరోపణలు వస్తున్నాయి. ఒకే పార్టీ నుంచి రెండు నామినేషన్లు... పిడుగురాళ్లలో హాస్పిటల్‌ నడుపుతూ ఆర్థికంగా, రాజకీయంగానూ బలంగా ఉన్న కమ్మ సామాజిక వర్గానికి చెందిన డాక్టర్‌ ఉన్నం నాగమల్లికార్జునరావు దంపతులు గురువారం నామినేషన్‌ దాఖలు చేశారు. వీరు ఎంపీ శ్రీకృష్ణదేవరాయలుకు మొదటి నుంచీ అత్యంత సన్నిహితులుగా వ్యవహరిస్తున్నారు. డాక్టర్‌ దంపతులు నామినేషన్‌ వేస్తున్న సమయంలోనే వారికి స్థానిక ఎమ్మెల్యే నుంచి అనూహ్యమైన షాక్‌ తగిలింది. అదే గ్రామానికి, అదే పార్టీకి చెందిన మరో ముఖ్య నాయకుడు పోటీగా నామినేషన్‌ దాఖలు చేయడం కలకలం రేపింది. దీని వెనుక ఎమ్మెల్యే యరపతినేని ప్రోద్బలం ఉందనే ప్రచారం రాజకీయ వర్గాల్లో జోరుగా సాగుతోంది. భవిష్యత్తు వారసత్వ పోరుపై ఆందోళన? గతంలో వైఎస్సార్‌ సీపీలో ఉన్న డాక్టర్‌ ఉన్నం నాగమల్లికార్జునరావును 2024 ఎన్నికల సమయంలో అధిష్ఠానం సూచనల మేరకు యరపతినేని స్వయంగా ఒప్పించి టీడీపీలోకి తీసుకువచ్చారు. ఆ సమయంలో చంద్రబాబు సమక్షంలో కండువా కప్పుకోగా, భవిష్యత్తులో గురజాల నియోజకవర్గ పునర్విభజన జరిగితే డాక్టర్‌ మల్లికార్జునరావుకు ఎమ్మెల్యే అభ్యర్థిగా అవకాశం ఇస్తామని అధిష్ఠానం మాట ఇచ్చింది. ఇప్పుడు డాక్టర్‌ దంపతులు రాజకీయంగా మరింత బలపడితే, భవిష్యత్తులో తన కుమారుడి రాజకీయ అరంగేట్రానికి గండి పడుతుందనే ఆందోళనతోనే యరపతినేని ఇలా చేస్తున్నారని కూటమి వర్గాల్లో అంతర్గత చర్చ నడుస్తోంది. ఒకే కూటమిలో ఉంటూ, ఒకే వేదిక పంచుకుంటూ కూడా స్థానిక నేతలు సాగిస్తున్న ఈ ‘పరోక్ష సమరం’ గురజాల నియోజకవర్గంలో కూటమి శ్రేణులను తీవ్ర అయోమయానికి గురిచేస్తోంది. రాబోయే రోజుల్లో ఈ వివాదం ఏ మలుపు తిరుగుతుందో, పార్టీ అధిష్ఠానం దీనిపై ఎలా స్పందిస్తుందో వేచి చూడాలి.

యడ్లపాడు: జాతీయ రహదారి దాటుతున్న మహిళను ద్విచక్ర వాహనం ఢీకొట్టిన ఘటనలో తీవ్రంగా గాయపడిన ఆమె ఆసుపత్రిలో చికిత్స పొందుతూ మృతి చెందింది. ఈ విషాద ఘటన యడ్లపాడు సుగాలికాలనీ సమీపంలో బుధవారం రాత్రి చోటుచేసుకుంది. కాలనీకి చెందిన శ్రావణిబాయి (27) స్థానికంగా ఓ కంపెనీలో పనిచేస్తోంది. బుధవారం సాయంత్రం విధులు ముగించుకుని ఇంటికి బయలుదేరిన ఆమె.. కాలనీ వద్ద జాతీయ రహదారిని దాటుతుండగా చిలకలూరిపేట నుంచి గుంటూరు వైపు వెళ్తున్న ద్విచక్ర వాహనం ఢీకొట్టింది. ఈ ప్రమాదంలో ఆమె తీవ్రంగా గాయపడింది. సమాచారం అందుకున్న హైవేఅంబులెన్స్‌ సిబ్బంది బాధితురాలిని చిలకలూరిపేటలోని ఓ ప్రైవేటు ఆసుపత్రికి తరలించారు. అక్కడ చికిత్స పొందుతూ ఆమె మృతి చెందింది. అనంతరం మృతదేహాన్ని పోస్టుమార్టం నిమిత్తం చిలకలూరిపేట ప్రభుత్వ ఆసుపత్రికి తరలించారు. ప్రమాదానికి కారణమైన వాహనచోదకుడికి గాయాలు కావడంతో ప్రభుత్వ ఆసుపత్రిలో చికిత్స పొందుతున్నట్లు సమాచారం. రోడ్డు ప్రమాదంలో యువతి దుర్మరణం కృష్ణలంక(విజయవాడతూర్పు): ఆర్టీసీ బస్సు ఢీకొని ద్విచక్ర వాహనంపై వెళ్తున్న ఓ యువతి దుర్మరణం చెందగా, మరో వ్యక్తికి తీవ్రంగా గాయపడ్డాడు. ఈ ప్రమాదం ఎన్టీఆర్‌ జిల్లా విజయవాడ కృష్ణలంక పోలీస్‌ స్టేషన్‌ పరిధిలో జరిగింది. పోలీసుల కథనం మేరకు.. గుంటూరు జిల్లా రామకృష్ణాపురం, దేవరాయబొట్లపాలేనికి చెందిన కల్యాణం రాజేష్‌ (30) ఓ ప్రైవేటు కంపెనీలో పనిచేస్తున్నాడు. ఉద్యోగ విధుల్లో భాగంగా రెండు రోజుల క్రితం విజయవాడ వచ్చాడు. ఈ నెల 19వ తేదీన బీసెంట్‌ రోడ్డులోని ఓ మార్ట్‌ వద్ద క్రెడిట్‌ కార్డు క్యాంపెయిన్‌లో ప్రకాశం జిల్లా కెల్లంపల్లి, పలుకురాల తండాకు చెందిన నలావత్తు సంధ్యాబాయి(21)తో రాజేష్‌కు పరిచయం ఏర్పడింది. అదే రోజు రాత్రి 8:30 గంటల సమయంలో భవానీపురంలో సంధ్యాబాయికి తెలిసిన ఒక వ్యక్తికి క్రెడిట్‌ కార్డు అందజేసేందుకు రాజేష్‌తో కలిసి ఆమె బైక్‌పై బయలుదేరింది. కాళీమాత గుడి ఎదురుగా వచ్చేసరికి వెనుక వైపు నుంచి బస్టాండ్‌కు వెళ్తున్న ఆర్టీసీ బస్సు వారి బైక్‌ను ఢీకొట్టింది. ఇద్దరూ కిందపడిపోవడంతో తీవ్రంగా గాయపడ్డారు. స్థానికులు వెంటనే స్పందించి 108లో వారిని ఆస్పత్రికి తరలించారు. ఆస్పత్రిలో చికిత్స పొందుతూ పరిస్థితి విషమించి మంగళవారం తెల్లవారుజామున సంధ్యాబాయి మృతి చెందింది. రాజేష్‌ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు. నరసరావుపేట: స్థానిక సంస్థల ఎన్నికలలో భాగంగా జిల్లాలో ఎటువంటి ఇబ్బందులు లేకుండా, అన్ని చోట్లా ప్రశాంత వాతావరణంలో ఎన్నికల ప్రక్రియ కొనసాగుతోందని జిల్లా ఎన్నికల పరిశీలకుడు కన్నబాబు తెలిపారు. ఎన్నికల ప్రవర్తనా నియమావళిని పకడ్బందీగా అమలు చేయాలని, ఎన్నికల విధుల్లో ఉన్న అధికారులు సమన్వయంతో పనిచేస్తూ ఎన్నికల ప్రక్రియను నిష్పక్షపాతంగా నిర్వహించాలని ఆదేశించారు. ఎంపీటీసీ, జెడ్పీటీసీ నామినేషన్ల ప్రక్రియ జిల్లాలో బుధవారం నుంచి ప్రారంభమైందని, ఆర్‌డీఓ కార్యాలయంలో ఏర్పాటుచేసిన జెడ్పీటీసీ నామినేషన్ల ప్రక్రియను కలెక్టర్‌, జిల్లా ఎన్నికల అధికారి డాక్టర్‌ కృతికా శుక్లాతో కలిసి బుధవారం పరిశీలించారు. నామినేషన్ల ప్రక్రియను పరిశీలించి ఎన్నికల అధికారులకు పలు సూచనలు జారీ చేశారు. నామినేషన్‌ వేయకుండానే వెనుదిరిగిన స్వతంత్ర అభ్యర్థి నరసరావుపేట: దాచేపల్లి జెడ్పీటీసీ స్థానానికి స్వతంత్ర అభ్యర్థిగా నామినేషనన్‌ దాఖలు చేసేందుకు నరసరావుపేట ఆర్డీఓ కార్యాలయానికి వెళ్లిన తాను అక్కడ నెలకొన్న పరిస్థితుల కారణంగా నామినేషన్‌ వేయకుండానే వెనుదిరిగినట్లు జక్కుల వీరాస్వామి ఆవేదన వ్యక్తం చేశారు.

మాజీ ఎమ్మెల్యే బ్రహ్మనాయుడు వినుకొండ: రాష్ట్రంలో చంద్రబాబు ప్రభుత్వం అరాచక పాలన సాగిస్తోందని, ఓటమి భయంతోనే ప్రతిపక్షాలపై దాడులు, అక్రమ గృహ నిర్బంధాలకు పాల్పడుతున్నారని మాజీ ఎమ్మెల్యే బొల్లా బ్రహ్మనాయుడు విమర్శించారు. బుధవారం నరసరావుపేటలో బొల్లాను పోలీసులు హౌస్‌ అరెస్ట్‌ చేశారు. అనంతరం ఆయన మాట్లాడుతూ ఒక మాజీ శాసనసభ్యుడినైన తనను ఏ కారణంతో గృహ నిర్బంధం చేశారో సమాధానం చెప్పాలని నిలదీశారు. ఎన్నికల ప్రక్రియలో భాగంగా వైఎస్సార్‌ కాంగ్రెస్‌ పార్టీ అభ్యర్థులు నామినేషన్లు వేయకుండా అడ్డుకుంటున్నారని మండిపడ్డారు. నామినేషన్లు ఉపసంహరించుకోకపోతే ఇళ్లను పొక్లెయిన్లతో కూల్చివేస్తామంటూ పురపాలక సంఘం పరిధిలో సర్కిల్‌ ఇన్‌స్పెక్టర్‌ ప్రభాకర్‌ నేరుగా బెదిరింపులకు దిగడం ఎంతవరకు న్యాయమని ప్రశ్నించారు. నామినేషన్‌ పత్రాలను చించివేస్తూ, పోటీ చేసే అభ్యర్థులను చితకబాదుతూ వారి భార్యాపిల్లలను అల్లాడేలా చేస్తున్నారని ఆవేదన వ్యక్తం చేశారు. ఈ అరాచకాలపై ప్రజలు, మేధావులు ఆలోచించాలని ఆయన పిలుపునిచ్చారు. ప్రజాస్వామ్య బద్దంగా ఎన్నికలు నిర్వహించాలి చంద్రబాబు ప్రభుత్వానికి చిత్తశుద్ధి ఉంటే ప్రజాస్వామ్యబద్దంగా ఎన్నికలు నిర్వహించి గెలుపోటములు తేల్చుకోవాలని మాజీ ఎమ్మెల్యే బొల్లా బ్రహ్మనాయుడు డిమాండ్‌ చేశారు. స్థానిక వైఎస్సార్‌ కాంగ్రెస్‌ పార్టీ కార్యాలయంలో మంగళవారం ఏర్పాటు చేసిన విలేకరుల సమావేశంలో ఆయన మాట్లాడుతూ వినుకొండకు తాగునీరు అందించే సింగర చెరువును అభివృద్ధి చేసిందెవరో వినుకొండ ప్రజలకు బాగా తెలుసునన్నారు. మున్సిపాలిటీ నిధులతో వినుకొండ అభివృద్ధి చేస్తున్నామని చెప్పడం సరికాదన్నారు. తాము చేసిన అభివృద్ధిని చూసి మీరు కూడా మారాలని సూచించారు. స్థానిక ఎమ్మెల్యే జీవీ, ఎంపీ లావు శ్రీ కృష్ణదేవరాయలు బాధ్యతను సక్రమంగా నిర్వర్తించాలని కోరారు. సమావేశంలో మున్సిపల్‌ చైర్మన్‌ అభ్యర్థి పి.ఎస్‌ ఖాన్‌, పల్నాడు జిల్లా అధికార ప్రతినిధి ఎంఎన్‌ ప్రసాద్‌. లతోపాటు పలువురు నాయకులు పాల్గొన్నారు.

నాదెండ్ల: టీడీపీ నాయకులకు పోలీసులు తోడై వైఎస్సార్‌ కాంగ్రెస్‌ పార్టీ నాయకులను గృహనిర్బంధం చేయటంతోపాటూ వారిపట్ల విచక్షణా రహితంగా ప్రవర్తించారు. ఎంపీటీసీ, జెడ్పీటీసీ ఎన్నికల నామినేషన్ల ప్రక్రియ బుధవారం ప్రారంభమైంది. సోమ, మంగళవారాల నుంచి వైఎస్సార్‌ కాంగ్రెస్‌పార్టీ జిల్లా అధికార ప్రతినిధి ఉడతా వెంకటేశ్వరరావును గృహనిర్బంధం చేశారు. అంతేకాక ఆయన భార్య, అత్త పట్ల ఎస్సై కట్టా వెంకటయ్య దౌర్జన్యంగా వ్యవహరించి అసభ్యంగా మాట్లాడారంటూ మహిళలు ఆవేదన వ్యక్తం చేశారు. చిరుమామిళ్ల మాజీ సర్పంచ్‌ సింగారెడ్డి లక్ష్మి, ఆయన భర్త కోటిరెడ్డి, కుమారుడు శ్రీకాంత్‌రెడ్డిలను ఉదయం నుండి సాయంత్రం వరకూ పోలీస్‌ స్టేషన్‌లో నిర్బంధించారు. అప్పాపురం గ్రామానికి చెందిన మండల మాజీ ఉపాధ్యక్షుడు కోయలమూడి సాంబశివరావును గృహనిర్బంధం చేశారు. నామినేషన్‌ వేయకుండా దౌర్జన్యం కనపర్రు ఎంపీటీసీ స్ధానాన్ని ఎస్టీ కేటగిరికి రిజర్వు అయింది. ఈ స్ధానానికి నామినేషన్‌ వేసేందుకు మొగిలి నాగరాజు సిద్ధమయ్యారు. నాగరాజుతో పాటూ వైఎస్సార్‌సీపీ చిలకలూరిపేట బీసీ సెల్‌ అధ్యక్షుడు, మండల వర్కింగ్‌ ప్రెసిడెంట్‌ గుంజి శ్రీనివాసరావు, రవికుమార్‌, పోపూరి సాగర్‌ బుధవారం మండల పరిషత్‌ కార్యాలయం వద్దకు రాగా టీడీపీ నాయకులు అడ్డుతగిలారు. నామినేషన్‌ వేసేందుకు వీలులేదంటూ అడ్డుతగిలి దౌర్జన్యానికి పాల్పడ్డారు. దీంతో పోలీసులు వారి వంతుగా నాగరాజుతో పాటూ వైఎస్సార్‌సీపీ నాయకులను పోలీస్‌స్టేషన్‌కు తరలించి సాయంత్రం వరకూ నిర్బంధించారు.

చిలకలూరిపేట: కిడ్నాప్‌, దాడులు, హౌస్‌ అరెస్టులు మధ్య మున్సిపల్‌ ఎన్నికల్లో కీలక ఘట్టమైన నామినేషన్ల ఉపసంహరణ కార్యక్రమం బుధవారం కొనసాగింది. ప్రజాస్వా మ్యాన్ని పరిరక్షించాల్సిన అధికారులే అధికారపార్టీకి నిస్సిగ్గుగా కొమ్ముకాశారు. బుధవారం ఉదయమే వైఎస్సార్‌ సీపీ నియోజకవర్గ సమన్వయకర్త, మాజీమంత్రి విడదల రజినిని పోలీసులు హౌస్‌ అరెస్టు చేశారు. ఆమె బయటకు రాకుండా ఇంటివద్ద బందోబస్తు ఏర్పాటు చేశారు. 18వార్డు అభ్యర్థి బండిరాణిని టీడీపీ వర్గీయులు కిడ్నాప్‌ చేసి తీసుకువెళ్లిన సంఘటన కలకలం సృష్టించింది. మరోవైపు బీ ఫారాలు అందజేసేందుకు మున్సిపల్‌ కార్యాలయానికి వచ్చిన వైఎస్సార్‌ సీపీ పల్నాడు జిల్లా యువజన విభాగం అధ్యక్షుడు కందుల శ్రీకాంత్‌పై టీడీపీ వర్గీయులు మున్సిపల్‌ కార్యాలయంలో ఆర్వో సమక్షంలో దాడికి పాల్పడ్డారు. ఆయనతోపాటు ఉన్న న్యాయవాది, 47 వార్డు వైఎస్సార్‌ సీపీ అభ్యర్థి బెల్లంకొండ నరేంద్రచౌదరిపై దాడికి పాల్పడంతో ఆయన స్పృహతప్పి పడిపోయాడు. ఆయనను పట్టణంలోని ఓ ప్రైవేటు వైద్యశాలకు తరలించి చికిత్స అందిస్తున్నారు. ఆయన పరిస్థితి విషమంగా ఉన్నట్లు తెలుస్తోంది. ఇదే సమయంలో వైఎస్సార్‌ సీపీ మూడో వార్డు అభ్యర్థికి సంబంధించిన బీ ఫారంను కందుల శ్రీకాంత్‌, బెల్లంకొండ నరేంద్రచౌదరి వద్ద నుంచి లాక్కోని టీడీపీ వర్గీయులు చించివేశారు. ఈ తతంగం మొత్తం ఎన్నికల అధికారులు, పోలీసుల సమక్షంలోనే కొనసాగింది. పట్టణంలో మున్సిపల్‌ చైర్‌పర్సన్‌ పదవితో పాటు 48 వార్డు కౌన్సిలర్‌ పదవులు ఉండగా అందులో బలవంతంగా వైఎస్సార్‌ అభ్యర్థులతో నామినేషన్లను ఉపసంహరింపచేశా రు. ఈ నామినేషన్ల ఉపసంహరణ కార్యక్రమం గడువు సమయమైన మధ్యాహ్నం 3గంటల తర్వాత ఎక్కువ శాతం కొనసాగింది. గడువు సమయానికి ముందు కేవలం నాలుగు నామినేషన్లు వైఎస్సార్‌సీపీవి ఉపసంహరించుకోగా మూడు గంటల తర్వాత 12 నామినేషన్లు రాత్రి 10 గంటలు దాటాక కూడా కొనసాగాయి.

మాచర్ల పల్నాడు జిల్లాలో పలువురు వైఎస్సార్‌ సీపీ నేతలను పోలీసులు బుధవారం హౌస్‌ అరెస్టు చేశారు. వైఎస్సార్‌ సీపీ జిల్లా అధ్యక్షుడు పిన్నెల్లి రామకృష్ణారెడ్డి ఇంటి వద్దకు ఉదయాన్నే పట్టణ ఎస్‌ఐ వెంకట్రావు, పోలీసు సిబ్బంది చేరుకొని సాయంత్రం వరకు హౌస్‌ అరెస్టులో ఉంచారు. కాసు మహేష్‌రెడ్డిని అదుపులోకి తీసుకున్న పోలీసులు పిడుగురాళ్ల: పిడుగురాళ్లలోని వైఎస్సార్‌ సీపీ కార్యాలయంలో నిద్రిస్తున్న మాజీ ఎమ్మెల్యే కాసు మహేష్‌రెడ్డిని అర్దరాత్రి సమయంలో పోలీసులు అదుపులోకి తీసుకున్నారు. అర్ధరాత్రి పార్టీ కార్యాలయానికి చేరుకున్న పోలీసులు మహేష్‌రెడ్డి నిద్రించే ప్రాంతానికి వెళ్లారు. శాంతి భద్రతలకు విఘాతం కలుగుతుందని, నరసరావుపేట వెళ్లాలని కాసుకు సూచించారు. తన వల్ల ఎలాంటి ఇబ్బంది జరగదని మహేష్‌రెడ్డి పోలీసులకు చెప్పినప్పటికీ వినకుండా అదుపులోకి తీసుకున్నారు. అనంతరం నరసరావుపేటలోని ఆయన స్వగృహానికి పంపించి, స్థానిక పోలీస్‌ అధికారులకు అప్పగించారు. అనంతరం కాసుని బయటకు రాకుండా నరసరావుపేట పోలీ సులు హౌస్‌ అరెస్టు చేశారు. డాక్టర్‌ గోపిరెడ్డి హౌస్‌ అరెస్టు నరసరావుపేట: వైఎస్సార్‌సీపీ జిల్లా కార్యనిర్వాహక అధ్యక్షుడు, మాజీ ఎమ్మెల్యే డాక్టర్‌ గోపిరెడ్డి శ్రీనివాసరెడ్డిని పోలీసులు హౌస్‌ అరెస్టు చేశారు. ఆయన రొంపిచర్లలో పార్టీ ఎంపీటీసీ అభ్యర్ధుల నామినేషన్‌ కార్యక్రమంలో పాల్గొని పేటకు వచ్చారు. ఈ విషయం తెలుసుకున్న పోలీసులు పెద్దచెరువులో ఉన్న ఆయనను అదుపులోకి తీసుకొని ఇంట్లో వదిలిపెట్టి హౌస్‌ అరెస్టు చేస్తున్నామని, తమ అనుమతిలేకుండా బయటకు వెళ్లొద్దంటూ కోరారు. కాగా, గురువారం రొంపిచర్ల ఎంపీటీసీ అభ్యర్ధుల నామినేషన్లను తామే స్వయంగా వేయిస్తామంటూ డాక్టర్‌ గోపిరెడ్డికి హామీ ఇచ్చి ఆందోళనను విరమింపచేసిన పోలీసులు తీరా ఆయనను హౌస్‌ అరెస్టు చేయటం గమనార్హం. అర్థరాత్రి వేళ అదుపులోకి ...రొంపిచర్ల: ఎంపీటీసీ, జెడ్పీటీసీ ఎన్నికలను పురస్కరించుకొని మండలంలోని పలు వైఎస్సార్‌సీపీ నాయకులను మంగళవారం రాత్రి పోలీసులు అదుపులోకి తీసుకున్నారు. అర్థరాత్రి సమయంలో ఇళ్లల్లో నిద్రిస్తున్న నాయకులను వాహనాల్లో తరలించారు. పోలీసులు అదుపులోకి తీసుకున్నవారిలో జిల్లా రైతువిభాగం అధ్యక్షుడు అన్నెం పున్నారెడ్డి, రొంపిచర్ల మాజీ సర్పంచ్‌ గెల్లి చిన్న కోటిరెడ్డి, మేడికొండ వీరారెడ్డి, గొట్టం వీరారెడ్డి, పోతులూరి సుబ్బారెడ్డి, గజ్జల ముసలారెడ్డి, కె. వెంకట కోటిరెడ్డి తదితరులు ఉన్నారు. నంబూరు శంకరరావు హౌస్‌ అరెస్ట్‌ పెదకూరపాడు: వైఎస్సార్‌ కాంగ్రెస్‌ పార్టీ నియోజకవర్గ సమన్వయకర్త, మాజీ ఎమ్మెల్యే నంబూరు శంకరరావును గుంటూరులోని తన నివాసంలో బుధవారం హౌస్‌ అరెస్ట్‌ చేశారు. ఇతర నియోజకవర్గాల నుంచి కిరాయి రౌడీలను దింపి వైఎస్సార్‌ కాంగ్రెస్‌ పార్టీ అభ్యర్థులు, ప్రజలపై దాడులు చేస్తున్నారని, ప్రజాస్వామ్యంలో ఇలాంటి దాడులు సరికాదని నంబూరు అన్నారు.

నూజెండ్ల:స్థానిక సంస్థల ఎన్నికల వేళ నూజెండ్లలో బుధవారం తీవ్ర ఉద్రిక్త వాతావరణం నెలకొంది. ఎంపీటీసీ స్థానాలకు నామినేషన్‌ దాఖలు చేసేందుకు వచ్చిన వైఎస్సార్‌ కాంగ్రెస్‌ పార్టీ అభ్యర్థులను తెలుగుదేశం పార్టీ శ్రేణులు అడ్డుకోవడంతో ఎంపీడీవో కార్యాలయ పరిసర ప్రాంతాల్లో గందరగోళం చెలరేగింది. నామినేషన్లు వేసేందుకు వచ్చిన వైఎస్సార్‌ సీపీ అభ్యర్థులను గడువు ముగిసే వరకు గంటల తరబడి బారికేడ్లకు దూరంగానే టీడీపీ నాయకులు, కార్యకర్తలు అడ్డుకున్నారు. అదే సమయంలో నామినేషన్ల పేరుతో టీడీపీ శ్రేణులు కూడా ఒక్కసారిగా ప్రాంగణంలోకి దూసుకురావడంతో తీవ్ర ఘర్షణ వాతావరణం ఏర్పడింది. ఈ క్రమంలో స్థానిక పోలీసుల వ్యవహారశైలిపై వైఎస్సార్సీపీ నాయకులు తీవ్ర ఆగ్రహం వ్యక్తం చేశారు. నిబంధనలకు విరుద్ధంగా టీడీపీ నాయకులను మాత్రమే ఎంపీడీవో కార్యాలయంలోకి అనుమతించడంపై ఐనవోలు ఎస్‌ఐ బీవీ కష్ణారావును వైఎస్సార్‌ సీపీ నాయకులు నిలదీశారు. పోలీసులు పక్షపాతంతో వ్యవహరిస్తున్నారని, టీడీపీ నాయకులకు అనుకూలంగా సహకరిస్తూ తమ అభ్యర్థులను నామినేషన్‌ వేయకుండా అడ్డుకుంటుంటే ప్రేక్షక పాత్ర వహిస్తున్నారని మండిపడ్డారు. పోలీసుల ఏకపక్ష వైఖరిని, టీడీపీ నాయకుల అక్రమాలను నిరసిస్తూ వైఎస్సార్‌ నాయకులు, కార్యకర్తలు కార్యాలయం ఎదుట ధర్నాకు దిగారు. అభ్యర్థులకు రక్షణ కల్పించి, నామినేషన్‌ దాఖలు చేసేందుకు తక్షణమే అవకాశం కల్పించాలని డిమాండ్‌ చేశారు. ఎంపీడీవో కార్యాలయ ప్రాంగణంలో ఇరువర్గాల మోహరింపుతో పరిస్థితి ఉద్రిక్తంగా మారింది. చివరకు ములకలూరుకు చెందిన వైఎస్సార్‌ సీపీ అభ్యర్థి చింతల వీరమ్మ నామినేషన్‌ వేసింది. మిగిలిన వాళ్లను రానీయకుండా టీడీపీ నాయకులు అడ్డుకున్నారు.

నరసరావుపేట: త్వరలో నిర్వహించనున్న స్థానిక సంస్థల ఎన్నికల విధుల నుంచి తీవ్ర శారీరక వైకల్యం కలిగిన ఉపాధ్యాయులు, గర్భిణులు, బాలింతలు, దీర్ఘకాలిక వ్యాధులతో బాధపడుతున్నవారు, పదవీ విరమణకు దగ్గరగా ఉన్న ఉపాధ్యాయులకు మినహాయింపు కల్పించాలని ఫ్యాప్టో పల్నాడు జిల్లా చైర్మన్‌ ఎల్‌.వి రామిరెడ్డి, ఫ్యాప్టో జిల్లా డిప్యుటీ సెక్రటరీ జనరల్‌, యూటీఎఫ్‌ పల్నాడు జిల్లా ప్రధాన కార్యదర్శి మద్దుకూరి మోహనరావు కోరారు. బుధవారం ఫ్యాప్టో ఆధ్వర్యంలో కలెక్టరేట్‌లో డీఆర్వో కె.అద్దయ్యకు వినతిపత్రం అందజేశారు. వారు మాట్లాడుతూ జిల్లాలో స్థానిక సంస్థల ఎన్నికల నేపథ్యంలో ఉపాధ్యాయులకు ఎన్నికల విధుల కేటాయింపు ఉత్తర్వులు జారీ చేసినప్పటికీ, తీవ్ర అనారోగ్య సమస్యలతో బాధపడుతున్న ఉపాధ్యాయులకు సైతం విధులు కేటాయించడంతో ఇబ్బందులకు గురవుతున్నారన్నారు. నడవడానికి కూడా ఇబ్బందులు పడుతున్న తీవ్ర శారీరక వైకల్యం కలిగిన ఉపాధ్యాయులు ఎన్నికల విధులు నిర్వహించడం కష్టతరమని తెలిపారు. గర్భిణులు, బాలింతలు, దీర్ఘకాలిక వ్యాధులతో బాధపడుతున్న వారు, వయోభారంతో ఇబ్బందులు ఎదుర్కొంటున్నవారి ఆరోగ్య పరిస్థితులను పరిగణనలోకి తీసుకోవాలని విజ్ఞప్తి చేశారు. ఆరోగ్య పరిస్థితులు, వ్యక్తిగత ఇబ్బందులను దృష్టిలో ఉంచుకుని మానవతా దృక్పథంతో వ్యవహరించాలని కోరారు. పల్నాడు జిల్లా నాయకులు ఆర్‌.గోవిందరాజులు, టి.వెంకటేశ్వర్లు, బాషా, వీరాంజనేయులు, రమేష్‌, రాసూల్‌, సుంకర శ్రీనివాసరావు, ఫణి, మల్లికార్జునరావు, కరీముల్లా, ఏసయ్య, బషీర్‌ పాల్గొన్నారు. ఫ్యాప్టో జిల్లా కమిటీ నాయకుల విజ్ఞప్తి

నరసరావుపేట టౌన్‌: రైలు నుంచి జారి పడి గుర్తు తెలియని వ్యక్తి మృతి చెందిన సంఘటనపై కేసు నమోదు చేసి దర్యాప్తు చేస్తున్నట్లు రైల్వే ఎస్‌ఐ రాజమోహన్‌రావు గురువారం తెలిపారు. నరసరావుపేట రైల్వేపోలీస్‌ స్టేషన్‌ పరిధిలోని నుదురుపాడు రైల్వే స్టేషన్‌ సమీపంలో సుమారు 40 సంవత్సరాల వయస్సు గల వ్యక్తి రైలు పట్టాల పక్కన మృతి చెంది ఉన్నాడు. స్టేషన్‌ సిబ్బంది ఇచ్చిన సమాచారం మేరకు సంఘటనా స్థలానికి చేరుకొని మృతదేహాన్ని పరిశీలించామన్నారు. మృతుడు నలుపు రంగు ఫ్యాంట్‌, నీలం రంగు చొక్కా ధరించి ఉన్నాడన్నారు. మృతదేహాన్ని పోస్టుమార్టం నిమిత్తం ఏరియా వైద్యశాలకు తరలించామన్నారు. మృతుడి ఆనవాళ్లు తెలిసిన వారు రైల్వే పోలీస్‌ స్టేషన్‌ను సంప్రదించాలని ఎస్‌ఐ కోరారు.

నరసరావుపేట: స్థానిక సంస్థల ఎన్నికల నామినేషన్ల ప్రక్రియలో అభ్యర్థులను అడ్డుకుంటూ నామినేషన్‌న్‌ పత్రాలను లాక్కోవడం, చింపివేయడం వంటి దౌర్జన్యాలకు పాల్పడుతున్న వారిపై కఠిన చర్యలు తీసుకోవాలని సీపీఎం రాష్ట్ర కమిటీ సభ్యుడు వి.కృష్ణయ్య, పల్నాడు జిల్లా కార్యదర్శి గుంటూరు విజయ్‌కుమార్‌ డిమాండ్‌ చేశారు. స్థానిక పార్టీ కార్యాలయంలో గురువారం నిర్వహించిన విలేకరుల సమావేశంలో ఆయన మాట్లాడారు. నామినేషన్‌ కేంద్రాల వద్ద అభ్యర్థులందరికీ రక్షణ కల్పించి, స్వేచ్ఛగా నామినేషన్లు దాఖలు చేసుకునేలా ఎన్నికల అధికారులు, పోలీసులు చర్యలు తీసుకోవాలని కోరారు. ఆర్డీఓ కార్యాలయంలో క్రోసూరు, సత్తెనపల్లి, ముప్పాళ్ల, నకరికల్లు జెడ్పీటీసీ స్థానాలకు పార్టీ అభ్యర్థులు నామినేషనన్‌ దాఖలు చేసేందుకు వెళ్లిన సమయంలో టీడీపీకి చెందిన కొందరు వ్యక్తులు అడ్డుకుని దౌర్జన్యానికి పాల్పడ్డారన్నారు. నామినేషన్‌ కేంద్రాల వద్ద అధికార పార్టీకి చెందిన వ్యక్తులు గుంపులుగా చేరి ఇతర అభ్యర్థులను అడ్డుకుంటున్నప్పటికీ పోలీసులు తగిన చర్యలు తీసుకోవడం లేదని జిల్లా కార్యదర్శివర్గ సభ్యుడు జి.రవిబాబు విమర్శించారు. నామినేషన్‌న్‌కేంద్రాల్లో జరిగిన ఘటనలపై సమగ్ర విచారణ జరిపి, దౌర్జన్యాలకు పాల్పడిన వారిని గుర్తించి వెంటనే అరెస్టు చేయాలని డిమాండ్‌ చేశారు.

టీడీపీ గూండాలను నామినేషన్‌ కేంద్రాల్లో ఉంచి వైఎస్సార్‌ సీపీ అభ్యర్థులపై దాడులు మాచర్లలో ఇనుపకంచెల దిగ్బంధంగురజాలలో నిరసన తెలుపుతున్న వైఎస్సార్‌ సీపీ రాష్ట్ర కార్యదర్శి యెనుముల మురళీధర్‌రెడ్డిని లాక్కెళుతున్న పోలీసులుసాక్షి ప్రతినిధి, గుంటూరు: దేశ అత్యున్నత న్యాయస్థానం మొట్టికాయలు వేసినా.. ఎస్‌ఈసీ ఆగ్రహం వ్యక్తం చేసినా.. కొందరు ఖాకీల తీరు మాత్రం మారలేదు. పోలీసు శాఖకే మచ్చ తెచ్చేలా అధికార పార్టీ నేతలకు ఊడిగం చేస్తున్నారు. టీడీపీ కార్యకర్తల్లా వ్యవహరిస్తూ వైఎస్సార్‌ సీపీ అభ్యర్థులు ఎవరూ నామినేషన్లు వేయకుండా చూసే బాధ్యతను కొందరు తమ భుజస్కంధాలపై వేసుకుని ఓవర్‌ యాక్షన్‌ చేస్తున్నారు. అర్ధరాత్రి వైఎస్సార్‌సీపీ నేతల ఇళ్లకు వెళ్లి బలవంతంగా నిర్బంధించి, పోలీసు స్టేషన్లలో కూర్చోబెడుతున్నారు. కొందరు వైఎస్సార్‌ సీపీ జెడ్పీటీసీ, ఎంపీపీ అభ్యర్థులను సైతం అక్రమంగా అరెస్టు చేస్తున్నారంటే వీరు ఏ స్థాయిలో దిగజారారో అర్థమవుతోంది. టీడీపీ గూండాలు పోలీసులను అడ్డుపెట్టుకుని నామినేషన్‌ కేంద్రాల వద్ద కర్రలు, రాడ్లతో హల్‌చల్‌ చేస్తూ నామినేషన్లు వేయడానికి వచ్చిన వారిపై దాడులకు తెగబడుతూ పైశాచిక ఆనందాన్ని పొందుతున్నారు. కళ్ల ముందే మహిళలపై దాడులు జరుగుతున్నా కొందరు పోలీసులు ప్రేక్షక పాత్ర పోషిస్తున్నారు. ముఖ్యంగా పల్నాడు జిల్లాలో ఈ అరాచకం తారస్థాయికి చేరింది. మాచర్ల, గురజాల, వినుకొండ, పెదకూరపాడు, నరసరావుపేట, చిలకలూరిపేట నియోజకవర్గాల్లో ఒక్క నామినేషన్‌ కూడా వైఎస్సార్‌ సీపీ అభ్యర్థులు వేయకుండా అటు పోలీసులు, ఇటు టీడీపీ గూండాలు బరితెగించారు. నరసరావుపేటలో దాడులు నరసరావుపేట మాజీ ఎమ్మెల్యే, జిల్లా వర్కింగ్‌ ప్రెసిడెంట్‌ డాక్టర్‌ గోపిరెడ్డి శ్రీనివాసరెడ్డిని ఆయన నివాసంలో హౌస్‌ అరెస్టు చేశారు. పోలీసులు బుధవారం ఇచ్చిన హామీ మేరకు రొంపిచర్ల మండల అభ్యర్థులను నామినేషన్లు వేయించాలంటూ గోపిరెడ్డి పోలీసులను ఎన్నిసార్లు అడిగినా రోజంతా మభ్యపెట్టారు. నామినేషన్లు మాత్రం వేయించలేదు. చివరి రోజు అయిన శుక్రవారం పోలీసులు సహకరించకపోయినా తామే వెళ్లి నామినేషన్లు వేస్తామని గోపిరెడ్డి హెచ్చరించారు. నరసరావుపేట జెడ్పీటీసీ నామినేషన్‌ కేంద్రాల వద్ద టీడీపీ గూండాలు మోహరించి, నామినేషన్లు వేసేందుకు వచ్చిన వారిపై దాడులకు తెగబడ్డారు. నరసరావుపేట మండల ఎంపీడీవో కార్యాలయం వద్ద నామినేషన్‌ వేసేందుకు వెళ్లిన సీపీఎం అభ్యర్థులను టీడీపీ వారు అడ్డుకుని కొట్టడంతో వారు రోడ్డుపై బైఠాయించి ధర్నా చేశారు. దీంతో పోలీసులు వారిని తీసుకెళ్లి నామినేషన్‌ వేయించారు. పెదకూరపాడులో మహిళపైనా దాడి పెదకూరపాడు నియోజకవర్గ సమన్వయకర్త నంబూరు శంకరరావును హౌస్‌ అరెస్టు చేసిన పోలీసులు, బుధవారం అర్ధరాత్రి వరకు ఐదు మండలాల్లో ముఖ్య నాయకులు, అభ్యర్థులను సైతం అరెస్టు చేసి పోలీసు స్టేషన్లకు తరలించారు. ఎక్కడా వైఎస్సార్‌సీపీ అభ్యర్థులు నామినేషన్లు వేయకుండా పోలీసులే అడ్డుకున్నారు. క్రోసూరు మండలం దొడ్లేరులో ఎంపీటీసీ అభ్యర్థిగా షేక్‌ బషీరా నామినేషన్‌ వేసేందుకు వెళ్లగా, ముస్లిం మహిళ అని కూడా చూడకుండా టీడీపీ వారు దాడి చేసి నామినేషన్‌ పత్రాలు చించివేశారు. క్రోసూరు జెడ్పీటీసీ అభ్యర్థిగా గురువారం నామినేషన్‌ వేసేందుకు వెళ్లాల్సిన షేక్‌ గఫూర్‌ను తెల్లవారుజామున 2 గంటల సమయంలో పోలీసులు అక్రమంగా నిర్బంధించి స్టేషన్‌కు తరలించారు. టీడీపీ పల్నాడు జిల్లా అధ్యక్షుడు జానిబాషా నేతృత్వంలో వందల మంది గూండాలు నామినేషన్‌ కేంద్రాల వద్ద కర్రలు, రాడ్లతో మోహరించి, వైఎస్సార్‌సీపీ అభ్యర్థులు నామినేషన్లు వేయకుండా కాపలా కాశారు. అచ్చంపేట మండలంలో వైఎస్సార్‌సీపీ అభ్యర్థులను సీఐ హరిబాబు అడ్డుకుని నామినేషన్లు వేయనీయలేదు. గురజాలలో గూండాయిజం గురజాల మాజీ ఎమ్మెల్యే కాసు మహేష్‌రెడ్డిని నరసరావుపేటలో హౌస్‌ అరెస్టు చేసిన పోలీసులు, నాలుగు మండలాల్లో ఎక్కడా ఒక్క ఎంపీటీసీ స్థానానికి కూడా నామినేషన్‌ పడనీయకుండా అడ్డుకున్నారు. గురజాల పట్టణంలో నామినేషన్‌ వేసేందుకు వెళుతున్న వైఎస్సార్‌సీపీ నేతలు, అభ్యర్థులను పోలీసులు అడ్డుకోవడంతో వారు రోడ్డుపై నిరసనకు దిగారు. పోలీసులు అత్యుత్సాహం ప్రదర్శించారు. వైఎస్సార్‌సీపీ రాష్ట్ర కార్యదర్శి యెనుముల మురళీధర్‌రెడ్డి, మాచర్ల నియోజకవర్గ పరిశీలకుడు కొమ్మినేని వెంకటేశ్వర్లు, పోలు వీరారెడ్డి, ఎంపీపీ అభ్యర్థి కొమ్మినేని బుజ్జిలను బలవంతంగా అరెస్టు చేసి స్టేషన్‌కు తరలించారు. అనంతరం అందరినీ హౌస్‌ అరెస్టు చేశారు. సత్తెనపల్లిలో నామినేషన్ల చించివేత సత్తెనపల్లి నియోజకవర్గంలోని రాజుపాలెంలో ఎంపీడీవో కార్యాలయం వద్ద నామినేషన్‌ వేసేందుకు వెళ్లిన వైఎస్సార్‌ సీపీ అభ్యర్థులపై టీడీపీ గూండాలు దాడి చేసి, నామినేషన్‌ పత్రాలు చించివేశారు. గణపవరం ఎంపీటీసీ అభ్యర్థిగా నామినేషన్‌ వేసేందుకు వెళ్లిన అభ్యర్థిని లోపల ఉన్న టీడీపీ వారు వెనక్కి పంపించివేశారు. నకరికల్లు టీడీపీ నేత బాజీ చౌదరి నామినేషన్‌ కేంద్రాల వద్ద అనుచరులతో హల్‌చల్‌ చేస్తూ, వైఎస్సార్‌ సీపీ అభ్యర్థులు నామినేషన్లు వేయకుండా అడ్డుకుని పత్రాలు చించివేశారు. ముప్పాళ్ల మండలం గోళ్లపాడు ఎంపీటీసీ అభ్యర్థిగా షేక్‌ తంగెళ్ల మౌలాలి నామినేషన్‌ వేసేందుకు వెళ్లగా, అక్కడ ఉన్న టీడీపీ గూండాలు ఆయనను అడ్డుకునే ప్రయత్నం చేశారు. వారిని ఎదురించి నామినేషన్‌ దాఖలు చేశారు. రేపల్లెలో రౌడీయిజం రేపల్లె నియోజకవర్గంలో ఎన్నడూ లేని విధంగా అక్కడి టీడీపీ నేతలు నామినేషన్లను అడ్డుకున్నారు. లంకవానిదిబ్బకు చెందిన వైఎస్సార్‌సీపీ ఎంపీటీసీ అభ్యర్థి నామినేషన్‌కు సిద్ధమవుతుండగా, టీడీపీ నాయకులు నామినేషన్‌ పత్రాలు, సెల్‌ఫోన్‌, రూ.11 వేల నగదును లాక్కొని పారిపోయారు. నిజాంపట్నంలో వైఎస్సార్‌సీపీ ఎంపీటీసీ అభ్యర్థి చిత్తల సాయిబాబు నామినేషన్‌ వేసేందుకు సిద్ధమవుతున్న సమయంలో, మాజీ మంత్రి మోపిదేవి వెంకటరమణారావు సోదరుడు హరినాథ్‌బాబు అనుచరులు సాయిబాబు ఇంటిని ధ్వంసం చేశారు. వినుకొండ నియోజకవర్గ మాజీ ఎమ్మెల్యే బొల్లా బ్రహ్మనాయుడును నరసరావుపేటలోని ఆయన నివాసంలో పోలీసులు హౌస్‌ అరెస్టు చేశారు. వినుకొండ నియోజకవర్గంలోని ఐదు మండలాల్లో ఎక్కడా వైఎస్సార్‌ సీపీ అభ్యర్థులు నామినేషన్లు వేయకుండా పోలీసులను అడ్డుపెట్టుకుని టీడీపీ గూండాలు రెచ్చిపోయి దాడులకు తెగబడ్డారు. వినుకొండ మండల కన్వీనర్‌ బండి చెన్నయ్య నరసరావుపేటలో జెడ్పీటీసీ అభ్యర్థిగాగా నామినేషన్‌ వేసేందుకు వెళ్లగా, అక్కడ టీడీపీ వారు ఆయనపై దాడి చేసి నామినేషన్‌ పత్రాలు చించివేశారు. ఈపూరు మండలం ముప్పాళ్ల క్రాస్‌ వద్ద 200 మంది టీడీపీ గూండాలు మోహరించారు. ఇనిమెళ్లకు చెందిన రామినీడి అనిల్‌ అనే వైఎస్సార్‌ సీపీ నేత నామినేషన్‌ వేసేందుకు వెళ్లగా, అతనిపై దాడి చేసి రక్తం వచ్చేలా కొట్టి, నామినేషన్‌ పత్రాలు చించివేశారు. చిలకలూరిపేటలో మాజీ మంత్రి విడదల రజినిని పోలీసులు హౌస్‌ అరెస్టు చేశారు. చిలకలూరిపేట, నాదెండ్ల, యడ్లపాడు మండలాల్లో ఎక్కడా వైఎస్సార్‌సీపీ అభ్యర్థులు నామినేషన్లు వేయకుండా అడుగడుగునా అడ్డుకున్నారు. నామినేషన్‌ కేంద్రాల వద్ద వందల మంది టీడీపీ గూండాలు కర్రలు, రాడ్లతో రోడ్లపైనే పోలీసుల ఎదుట తిరుగుతూ వైఎస్సార్‌సీపీ అభ్యర్థులపై దాడులకు తెగబడ్డారు. యడ్లపాడులో నామినేషన్‌ వేసేందుకు వెళుతున్న వైఎస్సార్‌సీపీ అభ్యర్థులను పోలీసులు అడ్డుకుని లాఠీచార్జి చేయడంతో, ఆగ్రహించిన అభ్యర్థులు జాతీయ రహదారిపై ధర్నా చేశారు. ఉప్పరపాలెంలో నామినేషన్‌ వేసేందుకు వెళ్లిన పల్లపు మంగయ్య భార్యపై దాడి చేసి నామినేషన్‌ పత్రాలు చించివేశారు. పోతవరం గ్రామానికి చెందిన రావెళ్ల పద్మ నామినేషన్‌ వేసేందుకు వెళ్లగా, టీడీపీ గూండాలు మహిళ అని కూడా చూడకుండా ఆమైపె దాడి చేసి నామినేషన్‌ పత్రాలు చించివేశారు. మాచర్లలో వైఎస్సార్‌ సీపీ జిల్లా అధ్యక్షుడు, మాజీ ఎమ్మెల్యే పిన్నెల్లి రామకృష్ణారెడ్డిని హౌస్‌ అరెస్టు చేశారు. బుధవారం జరిగిన ఘటనలపై అక్రమంగా కేసులు నమోదు చేసి, ఆయన ఇంటి వైపు ఎవరూ వెళ్లకుండా ఇనుప కంచెలతో నాలుగు వైపులా దిగ్బంధం చేశారు. మాచర్ల నియోజకవర్గంలోని ఐదు మండలాల్లో ఒక్క నామినేషన్‌ కూడా వేయడానికి వీల్లేదంటూ ఆయా కేంద్రాల వద్ద టీడీపీ గూండాలు రాడ్లు, కర్రలతో మోహరించారు. కారంపూడిలో టీ స్టాల్‌ నడుపుకొంటున్న చిన్నగార్లపాడుకు చెందిన గొట్టిముక్కల వెంకటరెడ్డిపై కొందరు టీడీపీ వ్యక్తులు విచక్షణరహితంగా దాడి చేసి తీవ్రంగా గాయపరిచారు. టీ స్టాల్‌ను సైతం ధ్వంసం చేశారు. మాచర్ల ఎంపీడీవో కార్యాలయం వద్ద నామినేషన్‌ వేసేందుకు వచ్చిన చింతలతండాకు చెందిన రమావత్‌ శాంతి, గబ్బర్‌సింగ్‌ దంపతులపై టీడీపీ వర్గీయులు దాడి చేశారు. తర్వాత నామినేషన్‌ పత్రాలు చించివేశారు.

పెదకూరపాడు: నాయకులను అరెస్టు చేస్తే కార్యకర్తలు భయపడరని మాజీ ఎమ్మెల్యే, పెదకూరపాడు నియోజకవర్గ వైఎస్సార్‌ సీపీ సమన్వయకర్త నంబూరు శంకరరావు అన్నారు. గుంటూరులోని తన నివాసంలో గురువారం మాట్లాడారు. ఓటమి భయంతోనే స్థానిక సంస్థ ఎన్నికల్లో నామినేషన్‌ వేస్తున్న వైఎస్సార్‌ సీపీ నాయకులను వెన్నుపోటు పార్టీ పోలీసులతో అరెస్టు చెయించి నామినేషన్‌ వేయకుండా చేస్తుందని ఆరోపించారు. స్థానిక సంస్థ ఎన్నికల నేపథ్యంలో కూటమి ప్రభుత్వం చేస్తున్న అరాచకాలను చూసి ప్రజలు భయాందోళన చెందుతున్నారన్నారు. వైఎస్సార్‌ కాంగ్రెస్‌ పార్టీ తరుపున పోటీ చేసే జడ్పీటీసీ, ఎంపీటీసీ అభ్యర్థులు నామినేషన్‌ వేస్తే, సజావుగా ఎన్నికలు జరిగితే కూటమి అభ్యర్థులు ఓడిపోతారనే భయంతోనే పెదకూరపాడు నియోజకవర్గంలోని అమరావతి, అచ్చంపేట, పెదకూరపాడు, క్రోసూరు, బెల్లంకొండ మండలాల్లోని ముఖ్య నాయకులను అరెస్టులు చేసి పోలీస్‌స్టేషన్లకు తీసుకెళుతున్నారన్నారు. శాంతి భద్రతలు కాపాడవలసిన పోలీసులు వెన్నుపోటు పార్టీకి కొమ్ముకాస్తు వైఎస్సార్‌ సీపీ నాయకులు, కార్యకర్తలపై దాడులు చేస్తున్నారని ఆరోపించారు. రెండున్నర సంవత్సరాలు ప్రజలు మీ రెడ్‌బుక్‌ రాజ్యాంగంతో విసిగిపోయారని త్వరలో వెన్నుపోటు పార్టీకి ప్రజలు గట్టిగా బుద్ది చెప్తారని అన్నారు. మాజీ ఎమ్మెల్యే నంబూరు శంకరరావు

యడ్లపాడు: వైఎస్సార్‌ సీపీకి చెందిన 42 మందిపై కేసులు నమోదయ్యాయి. స్థానిక సంస్థల ఎన్నికల నామినేషన్ల సందర్భంగా యడ్లపాడులో చోటుచేసుకున్న ఉద్రిక్తతల నేపథ్యంలో గురువారం హైవేపై ధర్నాకు దిగిన వారిపై ఈ కేసులు నమోదు చేసినట్లు ఎస్‌ఐ టి.శివరామకృష్ణ తెలిపారు. ఈ ఘటనకు సంబంధించిన వీడియో ఫుటేజీని పరిశీలిస్తూ మరికొందరిని గుర్తించే ప్రక్రియ కొనసాగుతోందని తెలిపారు. ధర్నాలో పాల్గొన్న మహిళల వివరాలను పరిశీలిస్తున్నట్లు వెల్లడించారు. ఇప్పటివరకు గుర్తించిన 42 మందిలో ఆరుగురిని గతంలోనే ఒక్కొక్కరికి రూ.5 లక్షల చొప్పున బైండోవర్‌ చేసినట్లు పోలీసులు తెలిపారు. బైండోవర్‌ ఉత్తర్వుల్లోని షరతులు, చట్టపరమైన నిబంధనల మేరకు తదుపరి చర్యలు తీసుకుంటామని స్పష్టం చేశారు. జాతీయ రహదారులపై ధర్నాలు, రాస్తారోకోలతో వాహనాల రాకపోకలకు అంతరాయం ఏర్పడటంతోపాటు ప్రజలకు ఇబ్బందులు కలుగుతాయని పోలీసులు పేర్కొన్నారు. ఎన్నికల సమయంలో శాంతిభద్రతలకు విఘాతం కలిగించకుండా, నిరసనలను చట్టబద్ధమైన మార్గాల్లో తెలియజేయాలని సూచించారు. ప్రజా రవాణాకు, అత్యవసర సేవలకు ఆటంకం కలిగించే చర్యలకు పాల్పడితే చట్టప్రకారం చర్యలు తీసుకుంటామని హెచ్చరించారు. వైఎస్సార్‌ సీపీకి మద్దతు తెలిపినందుకు దాడి అచ్చంపేట: వైఎస్సార్‌ సీపీ ఎంపీటీసీ అభ్యర్థికి మద్దతు తెలిపాడన్న కారణంతో టీడీపీ కార్యకర్తపై అదే పార్టీ వర్గీయులు దాడికి పాల్పడిన ఘటన మండలంలోని చింతపల్లిలో గురువారం రాత్రి చోటుచేసుకుంది. గ్రామస్తులు తెలిపిన వివరాలు ఇలా ఉన్నాయి. మండలంలోని చింతపల్లి ఎంపీటీసీ స్థానం జనరల్‌ కేటగిరి కేటాయించడంతో అభ్యర్థిగా షేక్‌ నాగుల్‌వలిని ఎంపిక చేశారు. అతను గురువారం అచ్చంపేటలో నామినేషన్‌ వేసేందుకు వెళ్లాడు. టీడీపీలో ఉన్న నాగుల్‌వలి తమ్ముడు మస్తాన్‌వలి తన అన్న వైఎస్సార్‌ సీపీ అభ్యర్థిగా ఎంపిక కావడంతో మద్దతు తెలిపినందుకు గ్రామంలోని టీడీపీ మూకలు మస్తాన్‌వలిపై దాడిచేయగా తలకు తీవ్ర గాయాలైనాయి. వెంటనే గాయాలపాలైన మస్తాన్‌వలిని సత్తెనపల్లి ప్రభుత్వ వైద్యశాలకు తరలించారు. ప్రస్తుతం మస్తాన్‌వలి పరిస్థితి బాగానే ఉంది. అయితే అచ్చంపేట సీఐ తెలిపిన సమాచారం మేరకు పార్టీల గొడవకాదని, మధ్యం ఎక్కువగా సేవించి గొడవలకు దిగడంవల్లనే దెబ్బలు తగిలాయని, మెరుగైన చికిత్స నిమిత్తం సత్తెనపల్లి పంపినట్లు తెలిపారు. జిల్లా స్థాయి బాలల ఫెడరేషన్‌ ఏర్పాటు అమరావతి: బాలల హక్కుల పరిరక్షణకు, బాలల సమస్యల పరిష్కారానికి బాలల ఫెడరేషన్‌ కృషి చేయాలని చైల్డ్‌ రైట్స్‌ పౌండేషన్‌ డైరెక్టర్‌ డాక్టర్‌ ఫ్రాన్సిస్‌ తంబి అన్నారు. గురువారం స్థానిక గుడ్‌ షెఫర్డ్‌ స్వచ్ఛంద సంస్థ ఆధ్వర్యంలో పల్నాడు జిల్లా స్థాయి బాలల ఫెడరేషన్‌ ఏర్పాటు కార్యక్రమానికి ఆయన రిసోర్స్‌పర్సన్‌గా వ్యవహరించారు. సిస్టర్‌ యాంటో మాట్లాడుతూ జిల్లా స్థాయి బాలల ఫెడరేషన్‌ ద్వారా వివిధ గ్రామాల్లోని బాలల పార్లమెంటులను సమన్వయం చేసుకుంటూ, బాలల సమస్యల పరిష్కారానికి సమష్టిగా కృషి చేయాలన్నారు.

నరసరావుపేట: వైఎస్సార్‌ సీపీ అభ్యర్థులు నామినేషన్‌ వేయకపోతే భవిష్యత్‌లో టీడీపీ తీవ్రంగా నష్టపోతుందని వైఎస్సార్‌ సీపీ జిల్లా కార్యనిర్వాహక అధ్యక్షుడు, మాజీ ఎమ్మెల్యే డాక్టర్‌ గోపిరెడ్డి శ్రీనివాసరెడ్డి పేర్కొన్నారు. నియోజకవర్గ పార్టీ కార్యాలయంలో రొంపిచర్ల మండలానికి చెందిన ఎంపీటీసీ, జెడ్పీటీసీ అభ్యర్థులు, వారి మద్దతుదారులతో కలిసి మీడియాతో ఆయన మాట్లాడారు. రొంపిచర్లలో ఎంపీటీసీ సభ్యులతో కలిసి బుధవారం నామినేషన్‌ వేసేందుకు వెళ్లగా డీఎస్పీ ఎం.హనుమంతరావు ద్వారా జిల్లా ఎస్పీ జగదీష్‌ అదహళ్లి ‘అందరిచేత గురువారం పోలీసుల రక్షణతో తప్పకుండా నామినేషన్‌ వేయిస్తామని’ స్పష్టమైన హామీ ఇచ్చారన్నారు. తామంతా ధర్నా విరమించి వెనక్కి వచ్చామన్నారు. గురువారం తమ కార్యాలయానికి గానీ, పార్టీ కార్యాలయానికి గానీ వారందరినీ పిలిపిస్తే తీసుకెళ్లి నామినేషన్లు వేయిస్తామని ఉదయాన్నే డీఎస్పీ కబురు చేశారన్నారు. అందరం సిద్ధమై మధ్యాహ్నం ఒంటి గంటన్నర వరకు ఎదురుచూశామని తెలిపారు. తీరా ఆరుగురు, లేదా ఏడుగురి చేత మాత్రమే నామినేషన్లు వేయిస్తామని చెప్పారన్నారు. అవకాశం ఇస్తే 18 మంది వేస్తారని, లేకపోతే ఎవ్వరూ వేయబోరని అభ్యర్థుల తరఫున స్పష్టంగా చెప్పామని పేర్కొన్నారు. శుక్రవారం అవకాశం కల్పిస్తామని చెబుతున్నా వారి మాటలు నమ్మే ప్రసక్తే లేదన్నారు. ఈ విషయాన్ని కోర్టుకు తెలియచేసే పనిలో ఉన్నామన్నారు. శుక్రవారం అభ్యర్థులు అందరూ నామినేషన్లు కచ్చితంగా దాఖలు చేస్తారని డాక్టర్‌ గోపిరెడ్డి స్పష్టం చేశారు. రౌడీలు, గూండాలతో తమపై దాడి చేయిస్తున్న ఎమ్మెల్యే డాక్టర్‌ చదలవాడ అరవిందబాబు పరిస్థితి రేపు ఏమిటో ఆలోచించుకోవాలన్నారు. ఎంపీ లావు శ్రీకృష్ణదేవరాయలు కూడా స్వేచ్ఛగా నామినేషన్లు వేసుకోవచ్చని, ఎవరూ అడ్డగించట్లేదంటూ ప్రకటించటాన్ని విలేకరులు డాక్టర్‌ గోపిరెడ్డి దృష్టికి తీసుకెళ్లారు. ఎంపీ ముందుండి నామినేషన్లు వేయించాలని డాక్టర్‌ గోపిరెడ్డి కోరారు. ఎంపీ చెప్పేది ఒకటి, చేసేది మరొకటని పేర్కొన్నారు.

నరసరావుపేట టౌన్‌: ఎన్నికలంటే ప్రజాస్వామ్య పండుగ.. నామినేషన్‌లంటే పోటీచేసే హక్కుకు తొలిమెట్టు.. కాని పల్నాడు జిల్లా కేంద్రం నరసరావుపేటలో ఆ హక్కుకు సంకెళ్లు పడ్డాయి. అధికార పార్టీకి సలాం కొడుతూ ఎన్నికల ప్రక్రియను పర్యవేక్షించాల్సిన అధికారులు కళ్లులేని కబోదుల్లా వ్యవహరిస్తుండగా భద్రత కల్పించాల్సిన పోలీసులు చేతులెత్తేశారు. దీంతో రెచ్చిపోయిన టీడీపీ గూండాలు నామినేషన్‌ కేంద్రాలను తమ ఆధీనంలోకి తీసుకున్నారు. గత రెండు రోజులుగా నిర్వహిస్తున్న జెడ్పీటీసీ, ఎంపీటీసీ సభ్యుల నామినేషన్‌లను వైఎస్సార్‌సీపీ నాయకులు వేయనీయకుండా టీడీపీ గూండాలు అడ్డుకుంటున్న విషయం తెలిసిందే. శుక్రవారం చివరి రోజు కూడా నామినేషన్‌ వేయనీయకుండా అడ్డుకొని ఏకగ్రీవం చేసుకోవాలన్న కుట్రతో అధికార టీడీపీ పార్టీ కుయిక్తులు పన్నుతొంది. దీంతో చివరిరోజు మరింత ఉద్రిక్తంగా మారే ప్రమాదం ఉంది. ఇప్పటికే ఎన్నికల కమిషన్‌ పర్యవేక్షణలో జరగాల్సిన నామినేషన్‌ను టీడీపీ గూండాలు తమ చేతుల్లోకి తీసుకున్నారు. పోలీసులను అడ్డుపెట్టుకొని నామినేషన్‌లు వేసేందుకు వస్తున్న వైఎస్సార్‌సీపీ నాయకులపై దాడులకు తెగబడుతున్నారు. నామినేషన్‌ పత్రులను బలవంతంగా లాక్కొని బహిరంగంగా చించేస్తున్నారు. జెడ్పీటీసీ నామినేషన్‌ కేంద్రమైన ఆర్డీవో కార్యాలయం, ఎంపీటీసీ నామినేషన్‌ దాఖలు చేసే ఎంపీడీవో కార్యాలయాలకు కూతవేటు దూరంలో టీడీపీకి చెందిన రౌడీషీటర్‌లు, గంజాయి బ్యాచ్‌ బహిరంగంగా మారణాయిధాలతో సంచరిస్తూ హల్‌చల్‌ చేస్తున్నారు. నామినేషన్‌లకు వచ్చే వారిపై బహిరంగ దాడులకు తెగబడుతున్నా పోలీసులు ప్రేక్షకపాత్ర వహిస్తున్నారు. నామినేషన్‌ కేంద్రాల వద్ద భద్రతను కట్టుదిట్టం చేయాల్సిన పోలీసులు అధికార పార్టీకి పూర్తిగా దాసోహం అవ్వటం విమర్శలకు తావిస్తుంది. 28 స్థానాలకు రెండింటికే నామినేషన్‌.. పోలీసుల ఆధ్వర్యంలో టీడీపీ గూండాలు ఎక్కడికక్కడ అడ్డుపడుతుండటంతో పల్నాడు జిల్లాలో 28 జెడ్పీటీసీ స్థానాలకుగాను వైఎస్సార్‌సీపీ అభ్యర్థులు రెండు స్థానాలకు మాత్రమే నామినేషన్‌ దాఖలు చేయగలిగారు. మిగిలిన స్థానాల్లో నామినేషన్‌ వేయలేని పరిస్థితి ఏర్పడింది. పోలీసుల ఆధీనంలో ఉండాల్సిన నామినేషన్‌ కేంద్రాలను పచ్చమూకలు తమ ఆధీనంలోకి తీసుకున్నాయి. చివరిరోజు ఉద్రిక్తత తప్పదా.. నామినేషన్‌కు చివరి రోజు కావటంతో శుక్రవారం మరిన్ని దాడులు జరిగే అవకాశం ఉంది. జిల్లా నలుమూలల నుంచి వచ్చిన టీడీపీ గూండాలు, అల్లరి మూకలు నరసరావుపేట లోని లాడ్జీలలో బసచేశారు. ఆర్డీవో కార్యాలయం ఎదుట టీడీపీ మాజీ కౌన్సిలర్‌కు చెందిన నవయుగ లాడ్జీలో టీడీపీ అల్లరిమూకలు బసచేశారు. మారణాయుధాలు, రాళ్లు పెద్దసంఖ్యలో అక్కడకు తరలించినట్లు సమాచారం. దాడులు చేసేందుకు అక్కడ కుట్ర చేస్తున్నారని తెలుస్తొంది. జెడ్పీటీసీ నామినేషన్‌ వేసే కేంద్రం ఆర్డీవో కార్యాలయానికి కూతవేటు దూరంలో ఉన్న లాడ్జిలో టీడీపీ గూండాలు బసచేసి హల్‌చల్‌ చేస్తున్న విషయంపై పోలీసులకు ఫిర్యాదు చేసినా స్పందించలేదన్నా ఆరోపణలు వినిపిస్తున్నాయి. అర్థరాత్రి అరెస్ట్‌లతో బెదిరింపులు.. మరో వైపు వైఎస్సార్‌ సీపీ కార్యకర్తలను లక్ష్యంగా చేసుకొని పోలీసులు అర్థరాత్రి ఇళ్లకు వెళ్లి అక్రమ అరెస్ట్‌లు చేస్తున్నారు. వరవకట్టకు చెందిన మైనార్టీ నాయకుడు షేక్‌ పెద్ద బుజ్జి, బరంపేటకు చెందిన మాజీ కౌన్సిలర్‌ మీరావలి, చాంబర్‌ ఆఫ్‌ కామర్స్‌ మాజీ అధ్యక్షుడు కొత్తూరి కిషోర్‌లను అక్రమంగా అరెస్ట్‌ చేసి స్టేషన్‌కు తరలించారు. ఆర్యవైశ్య సంఘ నాయకులు కూనిశెట్టి హనుమంతరావు, నిడమానూరి సురేంద్ర, శ్రీకృష్ణలకు నోటీసులు ఇచ్చి బెదిరింపు చర్యలకు పాల్పడ్డారు. ఎన్నికలు నిష్పక్షపాతంగా జరగాలంటే నోటీఫికేషన్‌ విడుదల చేసినప్పటి నుంచి అభ్యర్థుల నామినేషన్‌ ప్రక్రియ వరకు సజావుగా జరిగేలా చూడాలి. ఇందుకోసం ఎన్నికల సంఘం జిల్లా ఎన్నికల, పోలీస్‌ అధికారులను సమన్వయం చేయాలి. నామినేషన్‌ కేంద్రాల వద్ద అదనపు బందోబస్తు ఏర్పాటు చేసి అభ్యర్థులు సురక్షితంగా నామినేషన్‌ వేసే వాతావరణాన్ని కల్పించాలి. నామినేషన్‌ కేందాల వద్ద సీసీ, డ్రోన్‌ కెమెరాల పర్యవేక్షణ ఏర్పాటు చేయాలి. అవాంఛనీయ సంఘటనలు చోటు చేసుకుంటున్నప్పుడు వీడియో ఆధారాలు పరిశీలించి బాధ్యులపై చర్యలు తీసుకోవాలి. అభ్యర్థుల ఫిర్యాదులను తక్షణమే పరిష్కరించాలి. ప్రస్తుత జరుగుతున్న పరిణామాలు ఎన్నికల వ్యవస్థపై ప్రజలకు ఉన్న నమ్మకం సన్నగిల్లుతొంది. ఎన్నికల నిర్వహణలో తీవ్రమైన వైఫల్యంగా పల్నాడు జిల్లా స్థానిక సంస్థల ఎన్నికలు చరిత్రలో మిగిలిపోనున్నాయి. ఇకనైనా ఎన్నికల సంఘం స్పందించి ప్రతి అభ్యర్థికి సమాన అవాకాశాలు కల్పిస్తుందో, లేక అధికార పార్టీకి అండగా నిలుస్తోందో వేచి చూడాల్సి ఉంది.

వినుకొండ: స్థానిక సంస్థల ఎన్నికలలో వైఎస్సార్‌ కాంగ్రెస్‌ పార్టీ అభ్యర్థులు నామినేషన్లు వేయకుండా పోలీసులు, కూటమి ప్రభుత్వం కుట్రపూరితంగా వ్యవహరిస్తున్నాయని వినుకొండ మాజీ ఎమ్మెల్యే బొల్లా బ్రహ్మనాయుడు తీవ్రస్థాయిలో ధ్వజమెత్తారు. నామినేషన్ల ప్రక్రియలో జరుగుతున్న తీవ్ర అక్రమాలు, అడ్డంకులపై జిల్లా ఎస్పీ, కలెక్టర్లకు ఫిర్యాదు చేసేందుకు వెళ్తున్న తనను పోలీసులు అడ్డుకుని, హౌస్‌ అరెస్ట్‌ చేయడం అధికార దుర్వినియోగానికి పరాకాష్ట అని మండిపడ్డారు. వినుకొండ నియోజకవర్గంలో వైఎస్సార్‌ సీపీ తరఫున నామినేషన్‌ దాఖలు చేసేందుకు వస్తున్న అభ్యర్థులను పోలీసులు నిర్బంధిస్తున్నారని, ఫారమ్‌లను లాక్కొంటూ బెదిరింపులకు గురిచేస్తున్నారని విమర్శించారు. ఈ అక్రమాలపై ఉన్నతాధికారుల దృష్టికి తీసుకెళ్లేందుకు సిద్ధమవ్వగా, పోలీసులు తన నివాసం వద్ద భారీగా మోహరించి హౌస్‌ అరెస్ట్‌ చేశారన్నారు. భవిష్యత్తులో ఈ అక్రమాలకు, చట్ట వ్యతిరేక చర్యలకు పోలీసులు తగిన మూల్యం చెల్లించుకోక తప్పదు. ఎన్ని నిర్బంధాలు విధించినా, వైఎస్సార్సీపీ నేతలు, కార్యకర్తలు భయపడేదే లేదని, ఈ అక్రమాలపై చట్టపరంగా, ప్రజాక్షేత్రంలో పోరాటం కొనసాగిస్తామని అన్నారు.

నరసరావుపేట: పల్నాడు జిల్లాలో జెడ్పీటీసీ, ఎంపీటీసీ ఎన్నికల నామినేషన్ల ప్రక్రియ ప్రశాంత వాతావరణంలో కొనసాగుతోందని జిల్లా కలెక్టర్‌, జిల్లా ఎన్నికల అధికారి డాక్టర్‌ కృతికా శుక్లా తెలిపారు. గురువారం జిల్లా అదనపు ఎస్పీ రోహిత్‌ చౌదరి, జడ్పీటీసీ ఎన్నికల రిటర్నింగ్‌ అధికారి సంజన శ్రీహర్షతో కలిసి స్థానిక రెవెన్యూ డివిజన్‌ కార్యాలయంలో జెడ్పీటీసీ ఎన్నికలకు సంబంధించి జరుగుతున్న నామినేషన్ల స్వీకరణ ప్రక్రియను పరిశీలించారు. జిల్లా కలెక్టర్‌ మాట్లాడుతూ జిల్లాలో రాజకీయ పార్టీల అభ్యర్థులు ఎలాంటి ఇబ్బందులు లేకుండా ప్రశాంత వాతావరణంలో నామినేషన్లు దాఖలు చేసుకునేందుకు అవసరమైన అన్ని ఏర్పాట్లు చేశామని తెలిపారు. ఈ నెల 21వ తేదీ నుంచి జిల్లా పరిషత్‌, మండల పరిషత్‌ ఎన్నికలకు నామినేషన్ల స్వీకరణ ప్రక్రియ ప్రారంభమైందని, రెండో రోజు కూడా ప్రశాంతంగా కొనసాగుతోందని పేర్కొన్నారు. జెడ్పీటీసీ, ఎంపీటీసీ ఎన్నికల్లో పోటీ చేసే అభ్యర్థులకు నామినేషన్లు దాఖలు చేసేందుకు అవసరమైన సదుపాయాలు కల్పించామని తెలిపారు. జిల్లాలో జెడ్పీటీసీ, ఎంపీటీసీ ఎన్నికల నామినేషన్ల ప్రక్రియలో ఎక్కడా ఎలాంటి అవాంఛనీయ సంఘటనలు చోటుచేసుకోలేదని కలెక్టర్‌ వెల్లడించారు. ఎన్నికల ప్రక్రియ సజావుగా, పారదర్శకంగా జరిగేలా అధికారులు సమన్వయంతో పనిచేస్తున్నారని తెలిపారు. ఆర్‌డీఓ కె.బాలకృష్ణ పాల్గొన్నారు. నామినేషన్‌ కేంద్రాన్ని పరిశీలించిన కలెక్టర్‌

అచ్చంపేట: వైఎస్సార్‌ సీపీ నేతలను పోలీసులు గురువారం తెల్లవారుజామున 2 గంటల సమయంలో ఇళ్లకు వెళ్లి అదుపులోకి తీసుకున్నారు. వైఎస్సార్‌ సీపీ మండల కన్వీనర్‌ చిల్కా చంద్రయ్య, సీనియర్‌ నాయకులు, పెదపాలెం మాజీ సర్పంచ్‌ నెల్లూరి చంద్రబాబు, మండల మైనార్టీ సెల్‌ కన్వీనర్‌ షేక్‌ బీరువాల జానీలను అదుపులోకి తీసుకుని బెల్లంకొండ పోలీస్‌ స్టేషన్‌కు తరలించారు. ఎందుకు తీసుకెళుతున్నారని అడిగినా శాంతిభద్రతల పరిరక్షణ అంటూ పోలీసులు బలవంతంగా పోలీస్‌ వాహనంలో ఎక్కించుకుని తీసుకెళ్లారు. కుటుంబ సభ్యులు ఎంత ప్రాథేయపడ్డా వినిపించుకోలేదు. ఎస్‌ఐ బీవీ కృష్ణారావు అత్యుత్సాహం నూజెండ్ల: ఎంపీటీసీ నామినేషన్లు ప్రక్రియలో ఎస్‌ఐ బీవీ కృష్ణారావు అత్యుత్సాహం చూపారు. కూటమి నేతల అండదండలతో వైఎస్సార్‌ సీపీ ఎంపీటీసీ అభ్యర్థుల పట్ల దురుసుగా ప్రవర్తించారు. నామినేషను వేయించే ప్రసక్తే లేదు అంటూ తీవ్ర అసభ్య పదజాలంతో హెచ్చరించారు. కూటమి నేతలు, పోలీసులు కుమ్మకై కేవలం వైఎస్సార్‌ సీపీ ఎంపీటీసీ అభ్యర్థులను నామినేషన్లు వేయనీయకుండా అడ్డుకోవటం జరిగింది. ఈ క్రమంలో ప్రతిపక్ష నేతలు ప్రశ్నించగా వాగ్వావాదం చోటుచేసు కొంది. ఇరుపార్టీల కార్యకర్తల మధ్య ఘర్షణ జరిగింది. ఎస్సై బీవీ కృష్ణారావు ఇరుపార్టీల వారిపై చర్యలు తీసుకోకుండా కేవలం వైఎస్సార్‌ సీపీ నేతలపై లాఠీచార్జి చేశారు. నామినేషన్లకేంద్రంలో ఆంక్షలు ఎంపీటీసీ నామినేషన్లు ప్రక్రియ న్యూస్‌ కవరేజ్‌కు వెళ్లిన మీడియా ప్రతినిధులు పట్ల పోలీసులు అత్యుత్సాహం చూపిన సంఘటన నూజెండ్లలో గురువారం చోటుచేసుకుంది. వి వరాల మేరకు వివిధ పార్టీలకు చెందిన ప్రజాప్రతినిధులు నామినేషన్లు వేసేందుకు ఆర్వో వద్దకు వస్తున్నారు. ప్రింట్‌, ఎలక్ట్రానిక్‌ మీడి యా ప్రతినిధులు కవరేజ్‌ చేసుకునేందుకు ఆర్వో అనుమతులు ఇచ్చినా పోలీసులు మా త్రం ఆంక్షలు విధించారు. దీంతో స్థానిక ఎస్సై బీవీ కృష్ణారావు తీరు పట్ల సర్వత్రా విమర్శలు వెల్లువెత్తుతున్నాయి. నామినేషన్‌ కేంద్రం ప్రాంగణంలో ఉద్రిక్త వాతావరణం నెలకొంది. వైఎస్సార్‌ సీపీ నాయకుడి టీస్టాల్‌ ధ్వంసం మాచర్ల కారంపూడిలో ఉన్న వైఎస్సార్‌ సీపీ నాయకుడు గొట్టిముక్కల వెంకటరెడ్డికి చెందిన టీ స్టాల్‌లోకి గురువారం టీడీపీ గూండాలు చొరబడి కర్రలతో దాడి చేశారు. టేబుళ్లను, టీ స్టాల్‌ను ధ్వంసం చేశారు. చినగార్లపాడు గ్రామానికి చెందిన వెంకటరెడ్డి అనేక సంవత్సరాలుగా కారంపూడిలో టీ స్టాల్‌ నడుపుతున్నాడు. రాజకీయ కక్ష పెట్టుకొని టీడీపీ దుండగులు కర్రలతో దాడి చేసి సామాగ్రిని ధ్వంసం చేశారు. అతనిని అవమానకరంగా దూషించి దాడి చేసి గాయపరిచారు. వైస్సార్‌సీపీ అంటే చంపుతామని బెదిరించి ధ్వంసం చేసి వెళ్లిపోయారు. పెండ్లి ఖర్చుల కోసం ప్రేమ జంట చైయిన్‌ స్నాచింగ్‌ వెల్దుర్తి: మండలంలోని వెల్దుర్తికి చెందిన ఓ ప్రేమ జంట పెండ్లి ఖర్చుల కోసం హైదరాబాద్‌లోని హస్తినాపురంలో శ్రీ రాజరాజేశ్వరి ఆలయంలో పూజలు చేస్తున్న 66 ఏళ్ల వృద్ధురాలి మెడలో 30 గ్రాముల బంగారు పుస్తెలతాడు చోరీ చేశారు. ఈ నేపథ్యంలో హైదరాబాద్‌కు చెందిన పోలీసులు విచారణలో వెల్దుర్తి గ్రామానికి చెందిన రమణారెడ్డి, వరలక్ష్మిలు ప్రేమ వివాహం చేసుకునేందుకు హైదరాబాద్‌లోని గుర్రంగూడలో సహజీవనం చేస్తున్నారు. వీరు ప్రేమ వివాహం చేసుకోవాలని నిర్ణయించుకున్నారు. పెండ్లి ఖర్చులకు డబ్బులు లేకపోవటంతో అక్టోబర్‌ 18న హస్తినాపురంలో శ్రీ రాజరాజేశ్వరి అమ్మవారి ఆలయంలో పూజలు చేస్తున్న అందుగుల రాములమ్మ మెడలోని పుస్తెలతాడును లాక్కెళ్లారు. సీసీ పుటేజి పరిశీలించిన వనస్థలిపురం పోలీసులు నిందితులను అదుపులోకి తీసుకున్నారు. వీరి నుంచి బంగారు పుస్తెలతాడుతోపాటు రెండు మొబైల్‌ ఫోన్లు స్వాధీనం చేసుకున్నారు. వీరిని కోర్టులో హాజరు పర్చగా రిమాండ్‌ విధించారు. ట్రాక్టర్‌ ఢీకొని మహిళ మృతి మేడికొండూరు: మేడికొండూరు మండలం సిరిపురం గ్రామంలోని పాలడుగు అడ్డరోడ్డు బస్‌ షెల్టర్‌ సమీపంలో గురువారం ఉదయం జరిగిన రోడ్డు ప్రమాదంలో మాదాల గ్రామానికి చెందిన చిట్టి మల్లేశ్వరి(28) మృతి చెందింది. పోలీసుల వివరాల ప్రకారం.. గ్రామాల్లో వెంట్రుకలు విక్రయ వ్యాపారం నిర్వహించే మల్లేశ్వరి, స్వగ్రామానికి వెళ్లేందుకు బస్‌షెల్టర్‌ వద్ద వేచి ఉంది. ఈ సమయంలో భీమినేని వారిపాలెం నుంచి సిరిపురం వైపు వస్తున్న ట్రాక్టర్‌ అదుపుతప్పి బస్‌షెల్టర్‌ వైపు దూసుకొచ్చి ఆమె ను ఢీకొట్టింది. ప్రమాదంలో తీవ్రంగా గాయపడిన మల్లేశ్వరి అక్కడికక్కడే మృతి చెందింది. సిరిపురం గ్రామానికి చెందిన దొప్పలపూడి సచిన్‌ ట్రాక్టర్‌ నడుపుతున్నట్లు గుర్తించారు. మొబైల్‌ ఫోన్‌ మాట్లాడుతూ ట్రాక్టర్‌ నడపడం వల్లే ప్రమాదం జరిగినట్లు తెలిపారు.

సాక్షిప్రతినిధి, గుంటూరు: పల్నాడు జిల్లాలో పోలీసుల అండతో టీడీపీ గూండాలు అరాచకం సృష్టించారు. ఎంపీటీసీ, జెడ్పీటీసీ నామినేషన్‌ల సందర్భంగా రక్తపాతానికి దిగారు. పల్నాడు జిల్లాలో ఒక్క నామినేషన్‌ కూడా పడడానికి వీల్లేదని బహిరంగంగా సవాల్‌ చేస్తూ టీడీపీ ఎమ్మెల్యేలంతా బరితెగించి అధికార దుర్వినియోగానికి పాల్పడ్డారు. ప్రజాస్వామ్యబద్ధంగా నామినేషన్లు వేసేలా చర్యలు చేపట్టాల్సిన పోలీసులే టీడీపీ నేతల అడుగులకు మడుగులొత్తుతూ వారికి తొత్తులుగా వ్యవహరిస్తున్నారు. పల్నాడు జిల్లా పోలీసులంతా పచ్చచొక్కాలు వేసుకున్న కార్యకర్తల్లా వైఎస్సార్‌ కాంగ్రెస్‌ పార్టీ అభ్యర్థులను నామినేషన్‌ కేంద్రాలకు వెళ్లకుండా ఎక్కడిక్కడ అడ్డుకుంటూ పూర్తిస్థాయిలో టీడీపీ నేతలకు సహకరిస్తున్నారు. నామినేషన్‌ కేంద్రాల వద్ద వందల మంది టీడీపీ గుండాలు కర్రలు, రాడ్లు, రాళ్ల గుట్టలను ఏర్పాటు చేసుకుని హల్‌చల్‌ చేస్తున్నప్పటికీ వారి జోలికి వెళ్లకుండా నామినేషన్‌ పత్రాలతో వెళుతున్న వైఎస్సార్‌ సీపీ నేతలను మాత్రం అడ్డుకుని హౌస్‌ అరెస్టులు చేయడం, లేదంటే ఇళ్లకు పంపడం వంటి చర్యలకు పాల్పడుతున్నారు. మాచర్ల మున్సిపాలిటీ పరిధిలో చైర్మన్‌ అభ్యర్థితోపాటు, అన్ని వార్డులకు వైఎస్సార్‌ సీపీ అభ్యర్థులు నామినేషన్లు దాఖలు చేసిన విషయం తెలిసిందే. బుధవారం డమ్మీ అభ్యర్థులు నామినేషన్లు ఉపసంహరించుకుని అసలైన అభ్యర్థులు వైఎస్సార్‌ సీపీ బీఫామ్‌లు అధికారులకు అందించేందుకు మున్సిపాలిటీ కార్యాలయానికి వెళ్లారు. అయితే అప్పటికే ఎమ్మెల్యే బ్రహ్మానందరెడ్డి తనయుడు గౌతమ్‌రెడ్డి వంద మందికి పైగా టీడీపీ గూండాలతో కలిసి లోపలకు వెళ్లిన వైఎస్సార్‌ సీపీ అభ్యర్థులపై దాడిచేసి వారి వద్ద ఉన్న బీఫామ్‌లను చించి తగులబెట్టారు. దీంతో ఆగ్రహం వ్యక్తం చేసిన పల్నాడు జిల్లా వైఎస్సార్‌ సీపీ అధ్యక్షుడు, మాజీ ఎమ్మెల్యే పిన్నెల్లి రామకృష్ణారెడ్డి వైఎస్సార్‌సీపీ అభ్యర్థులతో కలిసి రోడ్డుపై బైఠాయించి ఆందోళన చేశారు. అనంతరం పిన్నెల్లి రామకృష్ణారెడ్డిని పోలీసులు హౌస్‌ అరెస్టు చేశారు. అంతటితో ఆగని టీడీపీ గూండాలు మాచర్ల నియోజకవర్గంలోని ఐదు మండలాల్లో ఎక్కడా ఒక్క నామినేషన్‌ కూడా పడకుండా ఎక్కడిక్కడ పోలీసులను అడ్డుపెట్టుకుని వైఎస్సార్‌ సీపీ అభ్యర్థులపై దాడులు చేసి నామినేషన్‌ పత్రాలు చించివేశారు. మాచర్ల ఎంపీపీగా నామినేషన్‌ వేసేందుకు వెళ్లిన పోతిరెడ్డి సుజాత భర్త కోటిరెడ్డిపై దాడిచేసిన టీడీపీ గుండాలు ఆయన సెల్‌ఫోన్‌ లాక్కొన్నారు. ఇదంతా పోలీసుల సమక్షంలోనే జరుగుతున్నప్పటికీ వారు ప్రేక్ష పాత్ర వహించారే తప్ప, అడ్డుకునే ప్రయత్నం చేయకపోగా టీడీపీ నేతలకు అండగా నిలిచారు. పిడుగురాళ్లలోని తన నివాసంలో ఉన్న గురజాల మాజీ ఎమ్మెల్యే కాసు మహేష్‌రెడ్డిని తెల్లవారుజామున 2 గంటల సమయంలో అరెస్టు చేసిన పోలీసులు ఆయన్ను నరసరావుపేటలోని తన నివాసానికి తరలించి హౌస్‌ అరెస్టు చేశారు. పిడుగురాళ్ల పార్టీ కార్యాలయంలో ఉన్న మాచర్ల నియోజకవర్గ పరిశీలకుడు కొమ్మినేని వెంకటేశ్వర్లును అరెస్టు చేసి గురజాల తరలించారు. గురజాల నుంచి పిడుగురాళ్ల వస్తున్న పార్టీ రాష్ట్ర కార్యదర్శి యెనుముల మురళీధర్‌రెడ్డి, గురజాల మున్సిపల్‌ చైర్మన్‌ అభ్యర్థి పోలు వీరారెడ్డిలను మార్గమధ్యంలో అరెస్టు చేసి గురజాలకు తరలించారు. దాచేపల్లి, మాచవరంలో సైతం వైఎస్సార్‌సీపీ అభ్యర్థులు ఎవరూ నామినేషన్‌ వేయకుండా పోలీసులే అడ్డుకుని బలవంతంగా వెనక్కు పంపుతున్న పరిస్థితి. ● పెదకూరపాడు నియోజకవర్గ సమన్వయకర్త, మాజీ ఎమ్మెల్యే నంబూరు శంకరరావును పోలీసులు హౌస్‌ అరెస్టు చేశారు. నరసరావుపేటలో క్రోసూరు జెడ్పీటీసీగా నామినేషన్‌ వేసేందుకు వెళ్లిన డి.చిన్నబాబును పోలీసులు ముందే టీడీపీ గుండాలు దాడి చేసి నామినేషన్‌ పత్రాలు చించివేసి, తలపగులగొట్టారు. పెదకూరపాడు నియోజకవర్గంలోని అన్ని మండల కేంద్రాల్లో టీడీపీ గుండాలు వందల సంఖ్యలో మోహరించి వైఎస్సార్‌సీపీ అభ్యర్థులు ఎవరూ నామినేషన్‌ కేంద్రాల వద్దకు వెళ్లకుండా పోలీసులను అడ్డుపెట్టుకుని దాడులకు తెగబడ్డారు. ఐదుగురిపై దాడిచేసి తీవ్రంగా గాయపరిచారు. వీరిలో ఇద్దరు మహిళలు ఉండటం గమనార్హం. ● వినుకొండ నియోజకవర్గ సమన్వయకర్త మాజీ ఎమ్మెల్యే బొల్లా బ్రహ్మనాయుడును నరసరావుపేటలోని తన నివాసంలో హౌస్‌ అరెస్టు చేసిన పోలీసులు వైఎస్సార్‌ సీపీ అభ్యర్థులు ఎవరూ నామినేషన్లు వేయవద్దంటూ నేరుగా బెదిరింపులకు దిగుతున్నారు. పల్నాడు జిల్లా యువజన విభాగం కార్యదర్శితోపాటు అనేక మందిని అరెస్టు కూడా చేశారు. 19వ వార్డు కౌన్సిలర్‌గా పోటీలో ఉన్న ఎం.ఎస్‌.బాబును విత్‌డ్రా చేసుకోవాలని బెదిరించినా వినకపోవడంతో నిర్మాణంలో ఉన్న ఇంటిని కూల్చివేస్తామంటూ టౌన్‌ ప్లానింగ్‌ అధికారులు జేసీబీతో అతని ఇంటి వద్దకు వెళ్లి బెదిరించారు. శావల్యాపురం మండలంలో నామినేషన్‌ వేసేందుకు వెళ్లిన బీసీ మహిళ నామినేషన్‌ పత్రాలు చించి వేసి ఆమెను బలవంతంగా వెనక్కు పంపారు. బొల్లాపల్లి మండలంలో సైతం ఒక్క నామినేషన్‌ కూడా వేయకుండా వైఎస్సార్‌సీపీ అభ్యర్థుల బంధువులను కస్టడీలోకి తీసుకుని పోలీసులు బెదిరింపులకు పాల్పడ్డారు. నూజెండ్ల మండలంలో పోలీసులు నామినేషన్‌లు వేయకుండా అడ్డుకోవడంతో రోడ్డుపై బైఠాయించి ఆందోళన చేశారు. ● సత్తెనపల్లి నియోజకవర్గం ముప్పాళ్ల మండలంలో చాగంటివారిపాలెం, లంకెలకూరపాడు గ్రామ ఎంపీటీసీ అభ్యర్థులుగా నామినేషన్‌ వేసేందుకు వెళ్లిన వారిని పోలీసులు, టీడీపీ గుండాలు అడ్డుకుని దాడికి పాల్పడినా లెక్క చేయకుండా వారిని తోసుకుంటూ పరిగెత్తుకెళ్లి నామినేషన్లు వేశారు. రాజుపాలెంలో ఓ ఇంట్లో కూర్చొని వైఎస్సార్‌సీపీ అభ్యర్థులు నామినేషన్‌ పత్రాలను పూర్తి చేస్తుండగా, టీడీపీ గుండాలు ఇంటిపై దాడిచేసి గొడవకు దిగారు. సత్తెనపల్లి మున్సిపాలిటీ ఆరోవార్డు అభ్యర్థి మద్దిమాధవ మున్సిపాలిటీ నుంచి రశీదు తీసుకుని బయటకు వచ్చిన తరువాత సమయం ముగిసినా 4.30 గంటలకు అతనిని బెదిరించి విత్‌డ్రా ఫామ్‌పై సంతకం చేయించుకుని దాన్ని లోపలకు పంపి విత్‌డ్రా చేసినట్లు ప్రకటించారు. రాత్రి 8.30 గంటల తరువాత సైతం కౌన్సిలర్‌ అభ్యర్థులను బెదిరించి నామినేషన్‌ విత్‌డ్రా చేయించే కుట్రలకు తెగబడుతున్నారు. ● చిలకలూరిపేటలో మాజీ మంత్రి విడదల రజిని హౌస్‌ అరెస్టు చేసిన పోలీసులు నామినేషన్‌ కేంద్రాల వద్ద, మున్సిపాలిటీ వద్ద టీడీపీ గుండాలు రెచ్చిపోయి వైఎస్సార్‌ సీపీ అభ్యర్థులపై దాడులకు తెగబడుతున్నా చోద్యం చూశారే తప్ప, కనీసం అడ్డుకునే ప్రయత్నం చేయలేదు. మున్సిపాలిటీలో బలవంతంగా విత్‌డ్రా చేయిస్తున్నట్లు తెలుసుకుని అక్కడకు వెళ్లిన యువజన విభాగం పల్నాడు జిల్లా అధ్యక్షుడు కందుల శ్రీక్రాంత్‌, లాయర్‌ బెల్లంకొండ నరేంద్రచౌదరిలపై దాడిచేసి తీవ్రంగా గాయపరిచారు. నరేంద్ర చౌదరికి తీవ్రగాయాలవడంతో ఆసుపత్రిలో ఐసీయూలో చికిత్స పొందుతున్నాడు. ఆయన ఊపిరి తీసుకునేందుకు తీవ్ర ఇబ్బందులు పడుతున్నట్లు వైద్యులు చెబుతున్నారు. ఇదిలా ఉంటే మూడు గంటలకు మున్సిపల్‌ నామినేషన్‌ల విత్‌డ్రా ప్రక్రియ పూర్తయినప్పటికీ బుధవారం అర్ధరాత్రి వరకు వైఎస్సార్‌ కాంగ్రెస్‌పార్టీ కౌన్సిలర్‌ అభ్యర్థుల ఇళ్లకు వెళ్లి కిడ్నాప్‌లు చేసి, బలవంతంగా మున్సిపల్‌ కార్యాలయాలకు తీసుకొచ్చి విత్‌డ్రాలు చేయించారు. నిర్ణీత సమయంలోపు కేవలం ముగ్గురు మాత్రమే నామినేషన్‌లు ఉపసంహరించుకోగా, ఆతరువాత పదుల సంఖ్యలో కౌన్సిలర్‌ అభ్యర్థులను బెదిరించి అర్ధరాత్రి దాటిన తరువాత కూడా మున్సిపల్‌ అధికారులు విత్‌డ్రాలకు పర్మిషన్‌లు ఇవ్వడం చూస్తుంటే పోలీసులు, అధికారులు ఏస్థాయిలో బరితెగించారో అర్ధం చేసుకోవచ్చు. చించేసిన నామినేషన్‌ పత్రాలు చూపుతున్న పిడుగురాళ్ల జెడ్పీటీసీ అభ్యర్థి ముడేల భారతి టీడీపీ గుండాల దాడిలో గాయపడిన పిడుగురాళ్ల జెడ్పీటీసీ అభ్యర్థి భర్త పెద్ద లక్ష్మారెడ్డి ఎన్నికలను ఎదుర్కొంటాంబిహార్‌ రౌడీలతో టీడీపీ దాడులు పోలీసుల అండతో రెచ్చిపోయిన టీడీపీ గూండాలు మాచర్ల నామినేషన్‌ కేంద్రంలోని వైఎస్సార్‌ సీపీ అభ్యర్థుల బీఫామ్‌లు చించి తగలబెట్టిన వైనం రోడ్డుపై బైఠాయించి నిరసన తెలిపిన వైఎస్సార్‌ సీపీ జిల్లా అధ్యక్షుడు పిన్నెల్లి పల్నాడులోని అన్ని నియోజకవర్గాల్లో నామినేషన్లు వేయకుండా అడ్డుకున్న పోలీసులు జిల్లాలోని ఏడుగురు వైఎస్సార్‌ సీపీ సమన్వయకర్తలను హౌస్‌అరెస్టు చేసిన పోలీసులు నరసరావుపేటలో నామినేషన్లు వేసేందుకు వచ్చిన జెడ్పీటీసీ అభ్యర్థులపై టీడీపీ గూండాల దాడి గూండాలకు అండగా నిలిచిన పల్నాడు జిల్లా పోలీస్‌ యంత్రాంగం గురజాల నియోజకవర్గంలో ఎంపీటీసీ, జెడ్పిటీసీ నామినేషన్‌ల సందర్భంగా టీడీపీ నేతలు రక్తపాతాన్ని సృష్టించారు. నరసరావుపేటలో జెడ్పీటీసీ అభ్యర్థులుగా పోటీ చేసేందుకు వెళ్లిన దాచేపల్లి, పిడుగురాళ్ల అభ్యర్థులు వంగా పద్మా, ముడేల భారతిలపై దాడిచేసి కొట్టడమే కాకుండా వారి వద్ద ఉన్న నామినేషన్‌ పత్రాలు చించివేసి సభ్యసమాజం సిగ్గుతో తలదించుకునేలా చీరలు లాగి దుశ్శాసనపర్వానికి దిగారు. అంతటితో ఆగకుండా భారతి భర్త లక్ష్మారెడ్డిపై కర్రలు, రాడ్‌లతో దాడిచేసి తల పగులగొట్టడంతో తీవ్ర రక్తస్రావంతో ఐసీయూలో చికిత్స పొందుతున్న పరిస్థితి. ఇదంతా పోలీసుల సమక్షంలో జరగడం దారుణమైన విషయం. అది కూడా ఎస్పీ కార్యాలయానికి కూతవేటు దూరంలో ఈ దుర్గటన జరగడం చూస్తుంటే పోలీసు ఉన్నతాధికారులు సైతం అధికార పార్టీ నేతలకు ఏ స్థాయిలో జీ హుజూర్‌ అంటున్నారో అర్ధమవుతోంది.

అమరావతి: అమరారామంలో వేంచేసియున్న శ్రీ బాలచాముండికా సమేత అమరేశ్వర స్వామిదేవస్థానంలో దసరా శరన్నవారాత్రోత్సవాలలో భాగంగా మంగళవారం విజయదశమినాడు రాత్రి 7గంటలకు చండీసమేత అమరేశ్వర స్వామికి పారువేట ఉత్సవం నిర్వహించారు. ఆలయంలోని రెండో ప్రాకారంలోని జమ్మిచెట్టు వద్ద శమీపూజను ఆలయస్థానాచార్యుడు కౌశిక చంద్రశేఖర శర్మ సాంప్రదాయబద్ధంగా నిర్వహించారు. పెద్ద సంఖ్యలో భక్తులు పాల్గొన్నారు. అదేవిధంగా అమరావతి క్షేత్రంలో శ్రీదేవీ శరన్నవరాత్ర మహోత్సవాల్లో భాగంగా విజయదశమి రోజు మంగళవారం బాలచాముండేశ్వరి అమ్మవారిని రాజరాజేశ్వరీదేవిగా అలంకరించారు. గుంటూరు వెస్ట్‌ (క్రీడలు): గుంటూరు జిల్లా బాల్‌ బ్యాడ్మింటన్‌ అసోసియేషన్‌ ఆధ్వర్యంలో ఈ నెల 25వ తేదీ ఆదివారం ఉదయం 8 గంటలకు స్థానిక ఎన్జీఓ క్లబ్‌లో జిల్లా జూనియర్‌ బాల బాలికల జట్ల ఎంపికలు నిర్వహిస్తామని అసోసియేషన్‌ జిల్లా కార్యదర్శి శ్రీనివాస రావు బుధవారం ఒక ప్రకటనలో తెలిపారు. ఎంపిక చేసిన జట్లు నవంబర్‌లో జరగనున్న అంతర్‌ జిల్లాల బాల్‌ బ్యాడ్మింటన్‌ పోటీల్లో పాల్గొంటాయన్నారు. ఎంపికలో పాల్గొనే క్రీడాకారులు ఆధార్‌ కార్డుతోపాటు జనన ధ్రువీకరణ పత్రాన్ని తీసుకొని పోటీలు జరిగే ప్రాంతానికి రావాలన్నారు. క్రీడాకారులు జనవరి 2, 2007 లోపు జన్మించినవారై ఉండాలన్నారు. 9347785888 నెంబరులో సంప్రదించాలన్నారు. సత్తెనపల్లి: మద్యం లారీ బోల్తా కొట్టిన సంఘటన సత్తెనపల్లిలోని గుంటూరు రోడ్‌లో గల పెద్ద కాలువ వద్ద బుధవారం రాత్రి జరిగింది. వివరాలు ఇలా ఉన్నాయి. గుంటూరు జిల్లా నల్లపాడు ఏపీ ఎస్‌బీసీఎల్‌ (ఐఎంఎల్‌) డిపో నుంచి పల్నాడు జిల్లా సత్తెనపల్లికి సరఫరా చేస్తున్న రూ.15 లక్షల విలువ చేసే 248 కేసుల మద్యం, బీరు లారీ వెనుక చక్రానికి పంక్చర్‌ పడటంతో లారీ బోల్తా కొట్టింది. దీంతో మద్యం, బీరు సీసాలు కాల్వలోకి పడిపోగా అక్కడ ఉన్న కొందరు కొన్ని మద్యం సీసాలు తీసుకొని పరారయ్యారు. ఘటనా స్థలానికి పట్టణ పోలీసులు చేరుకున్నారు. మద్యం లారీ నిర్వాహకులు పగిలిపోయిన మద్యం సీసాలను తొలగిస్తూ మిగిలిన వాటిని ఏరుతూ, కొన్ని మద్యం సీసాలో నుంచి డ్రమ్ముల్లోకి నింపే ప్రయత్నం చేస్తున్నారు. పట్టణంలోని ఐదు వైన్‌ షాప్‌ల పేరుతో స్థానిక సంస్థల ఎన్నికల్లో మద్యం పంపిణీ చేసేందుకు కూటమి నేతలు తెప్పిస్తున్నట్టు విమర్శలున్నాయి. పెదకాకాని: మల్లేశ్వరస్వామి దేవస్థానంలో పూజలు చేసేందుకు ఆంధ్రప్రదేశ్‌ ఎండోమెంట్స్‌ ట్రిబ్యునల్‌ చైర్‌పర్సన్‌ ఎ భారతి విచ్చేశారు. శివాలయానికి మంగళవారం సాయంత్రం విచ్చేసిన ట్రిబ్యునల్‌ చైర్‌పర్సన్‌ ఎ భారతి ఆలయంలో ప్రదక్షిణలు చేశారు. భ్రమరాంబ మల్లేశ్వరస్వామిని దర్శించుకున్నారు. అనంతరం శమీ పూజలో పాల్గొన్నారు. కార్యక్రమంలో ఎక్స్‌అఫిషియో సభ్యుడు పేటేటి ధనమహేశ్వరప్రసాద్‌, ఆలయ వేదపండితులు, అర్చకులు, సిబ్బంది పాల్గొన్నారు. రైల్వేస్టేషన్‌(విజయవాడపశ్చిమ): ప్రయాణికుల రద్దీ దృష్ట్యా వేర్వేరు ప్రాంతాలకు ప్రత్యేక రైళ్లు నడపనున్నట్లు విజయవాడ డివిజన్‌ పీఆర్‌ఓ నుస్రత్‌ మండ్రుప్కర్‌ బుధవారం ఒక ప్రకటలో తెలిపారు. గుంటూరు – కోల్‌కతా (07437) రైలు ఈ నెల 25, నవంబర్‌ ఒకటో తేదీన, కోల్‌కతా – గుంటూరు (07438) ఈ నెల 26, నవంబర్‌ రెండో తేదీ, విశాఖపట్నం – సికింద్రాబాద్‌ (08517) ఈ నెల 22, 25 తేదీల్లో, సికింద్రాబాద్‌ – విశాఖపట్నం (08518) ఈ నెల 23, 26 తేదీల్లో నడుస్తాయి.

శావల్యాపురం: మండలంలోని కృష్ణాపురం గ్రామ సమీపాన గుంటూరు–కర్నూలు జాతీయ రహదారిపై సోమవారం జరిగిన రోడ్డు ప్రమాదంలో ఇరువురికి తీవ్ర గాయాలయ్యాయి. వివరాలు మేరకు.. రాజస్థాన్‌ రాష్ట్రానికి చెందిన ఐదుగురు యువకులు కారులో అనంతరపురం నుంచి విజయవాడ బయలుదేరారు. నరసరావుపేట నుంచి వినుకొండ వైపు ట్రాలీ వాహనంలో ఇంటిసామానుతో బయలుదేరి వస్తున్నారు. ఎదురుగా వస్తున్న వాహనాన్ని తప్పించబోయి యువకులు ప్రయాణిస్తున్న వాహనం ఇంటి సామగ్రి ఉన్న వాహనాన్ని అతి వేగంతో ఢీకొట్టింది. ఘటనలో వాహన డ్రైవర్‌ సురేష్‌ కుడి చేతికి, ట్రాలీ వాహనంలో ఉన్న గుండాల వెంకయ్యలకు తీవ్ర రక్తగాయాలయ్యాయి. ఇరువురిని 108 అత్యవసర వాహనంలో వినుకొండ ప్రభుత్వ వైద్యశాలకు తరలించారు. ఘటన స్థలానికి ఎస్‌ఐ మోర్ల వెంకటేష్‌బాబు తన సిబ్బంది చేరుకొని రోడ్డుకు అడ్డుగా ఉన్న రెండు వాహనాలను గ్రామస్తులు సహకారంతో ట్రాక్టర్‌తో తప్పించి ట్రాఫిక్‌ అంతరాయం లేకుండా చర్యలు చేపట్టారు. ప్రమాదంలో రెండు వాహనాలు పూర్తిస్థాయిలో దెబ్బతిన్నాయి. ఆర్టీసీ బస్సు తగిలి వృద్ధుడు మృతి సత్తెనపల్లి: సత్తెనపల్లి మండలం కంకణాలపల్లి గ్రామానికి చెందిన తాటికొండ బిక్షం (70) సోమవారం ఆర్టీసీ బస్సు తగిలి అక్కడికక్కడే ప్రాణాలు కోల్పోయాడు. పట్టణ ఎస్‌ఐ పవన్‌కుమార్‌, పోలీస్‌ సిబ్బంది సంఘటనా స్థలానికి చేరుకొని వృద్ధుడి మృతదేహన్ని పోస్ట్‌మార్టం నిమిత్తం సత్తెనపల్లి ప్రభుత్వ ప్రాంతీయ వైద్యశాలకు తరలించారు. బస్సు డ్రైవర్‌ నిర్లక్ష్యమా లేక వృద్ధుడి బిక్షం తప్పా అనేది పక్కన పెడితే .. నిత్యం రద్దీగా ఉండే సెంటర్‌లో రహదారిపైకి బస్సుషెల్టర్‌ ఏర్పాటు చేయడం, బస్సులు రోడ్డుపైనే నిలపడంతో ప్రమాదాలు పొంచి ఉన్నాయి. అటు పాలకులు కానీ, ఇటు అధికారులు కానీ ఎలాంటి ముందుచూపు లేకుండా బస్సు షెల్టర్‌ నిర్మాణం చేపట్టి ప్రజల ప్రాణాలతో చెలగాటమాడుతున్నారనే విమర్శలు వ్యక్తమవుతున్నాయి. వృద్ధుడు బిక్షం మృతితో కుటుంబ సభ్యులు ఆందోళన చెందుతున్నారు. వృద్ధుడు మృతి కారణంగా ప్రమాద ఘటనపై సమగ్ర విచారణ చేపట్టి బాధ్యులపై చర్యలు తీసుకోవాలని, వృద్ధుడి కుటుంబానికి న్యాయం చేయాలని పలు వురు కోరుతున్నారు. ఇప్పటికై నా పాలకులు, అధికారులు స్పందించి ప్రమాదాలు పునరావృతం కాకుండా బస్సు షెల్టర్‌ను పూర్తిగా వెనకవైపుకు తొలగింప చేయాలని ప్రజలు కోరుతున్నారు.

నరసరావుపేట రూరల్‌: జెడ్పీటీసీ, ఎంపీటీసీ ఎన్నికలను పారదర్శకంగా, నిష్పక్షపాతంగా, ప్రశాంత వాతావరణంలో నిర్వహించేందుకు అధికార యంత్రాంగం సిద్ధంగా ఉన్నట్లు జాయింట్‌ కలెక్టర్‌ సంజనా శ్రీహర్ష తెలిపారు. ఆర్‌డీవో కార్యాలయంలో జాయింట్‌ కలెక్టర్‌ సోమవారం మీడియాతో మాట్లాడారు. జెడ్పీటీసీ, ఎంపీటీసీ ఎన్నికలకు రాష్ట్ర ఎన్నికల సంఘం సోమవారం నోటిఫికేషన్‌ విడుదల చేసినట్లు తెలిపారు. నామినేషన్‌లు ఈనెల 21 నుంచి 23వ తేదీ సాయంత్రం ఐదు గంటల వరకు స్వీకరిస్తారని, 24వ తేదీ ఉదయం 8 గంటల నుంచి నామినేషన్‌ల పరిశీలన ఉంటుందని తెలిపారు. తిరస్కరించిన నామినేషన్‌లకు 25వ తేదీన సాయంత్రం 5గంటలలోపు అప్పీల్‌కు దరఖాస్తు చేసుకోవాలన్నారు. ఎంపీటీసీ అభ్యర్థులు ఆర్డీవో కార్యాలయంలోను, జెడ్పీటీసీ అభ్యర్థులు జిల్లా కలెక్టర్‌ కార్యాలయంలో దరఖాస్తు చేసుకోవాలని తెలిపారు. 27వ తేదీ మధ్యాహ్నం 3గంటల లోపు నామినేషన్‌లను ఉపసంహరించుకోవచ్చని, అదే రోజు తుది జాబితా ప్రకటిస్తారని పేర్కొన్నారు. నవంబర్‌ 3వ తేదీన పోలింగ్‌ నిర్వహిస్తారని, ఉదయం ఏడు నుంచి సాయంత్రం 5 గంటల వరకు పోలింగ్‌ జరుగుతుందని తెలిపారు. అవసరమైన చోట 4వ తేదీ రీపోలింగ్‌ ఉంటుందని, 5వ తేదీన ఉదయం 8 గంటల నుంచి కౌంటింగ్‌ ప్రారంభమవుతుందని వివరించారు. కౌంటింగ్‌ పూర్తయిన వెంటనే ఫలితాలు విడుదల చేస్తారని తెలిపారు. ఎంపీటీసీలకు మండలాల్లోని రిటర్నింగ్‌ ఆఫీసర్లు నామినేషన్‌లు స్వీకరిస్తారని, జెడ్పీటీసీలకు నరసరావుపేట ఆర్డీవో కార్యాలయంలో రిటర్నింట్‌ అధికారి అయిన జాయింట్‌ కలెక్టర్‌ నామినేషన్లు స్వీకరిస్తారని తెలిపారు. ఎన్నికలపై రాజకీయ పార్టీలతో సమావేశం నిర్వహించి ఫాం–4 నామినేషన్‌ ఫాంతోపాటు ఎన్నికల షెడ్యూల్‌ను అందజేసినట్టు పేర్కొన్నారు. నామినేషన్‌ను ఆన్‌లైన్‌లో కూడా పూర్తిచేసి రిటర్నింగ్‌ అధికారికి అందజేయవచ్చని తెలిపారు. నామినేషన్‌ వేసేందుకు వచ్చే అభ్యర్ధుల కోసం హెల్ప్‌ డెస్క్‌లను ఏర్పాటుచేస్తున్నట్టు తెలిపారు. జిల్లాలో 28 జెడ్పీటీసీ, 419 ఎంపీటీసీ స్థానాలకు పోలింగ్‌ జరగనుందని, 12,42,000 మంది ఓటు హక్కు వినియోగించుకోనున్నారని తెలిపారు. జెడ్పీటీసీ, ఎంపీటీసీ ఎన్నికల కోసం 1548 పోలింగ్‌ కేంద్రాలను ఏర్పాటు చేశామని, ఇందులో 706 అత్యంత సమస్యాత్మకం, 488 సమస్యాత్మక కేంద్రాలు ఉన్నాయని వివరించారు. ఎన్నికల ప్రవర్తనా నియమావళి అమలు కోసం ప్రతి మండల స్థాయిలో స్టాటిక్‌ సర్వైలెన్స్‌ బృందాలు, ప్లయింగ్‌ స్క్వాడ్‌ బృందాలను నియమించి మెజరిస్టీరియల్‌ అధికారాలు అప్పగించినట్టు తెలిపారు. సరిహద్దుల చెక్‌ పోస్టుల ద్వారా 24 గంటలపాటు తనిఖీలు జరుగుతున్నాయని వివరించారు. ఎన్నికలు సజావుగా సాగేందుకు రాజకీయపార్టీలు, ప్రజలు సహకరించాలని జాయింట్‌ కలెక్టర్‌ కోరారు. నియమావళి ఉల్లంఘించే అధికారులపై చర్యలు.. ఏ ఒక్క ప్రభుత్వ అధికారి కూడా ఎన్నికల నియమాలను ఉల్లంఘించి ఏ ఒక్క పార్టీకి మద్దతుగా వ్యవహరించకూడదని, అంతా నిష్పక్షపాతంగా పనిచేయాలని జిల్లా జాయింట్‌ కలెక్టర్‌, ఎన్నికల రిటర్నింగ్‌ అధికారి సంజనా శ్రీహర్ష హెచ్చరించారు. ఎవరైనా అధికారి తమ పదవులను దుర్వినియోగం చేసినట్లు తేలితే వారిపై శాఖాపరమైన కఠిన చర్యలు తప్పవని జేసీ హెచ్చరించారు. ఎంపీటీసీ, జెడ్పీటీసీ ఎన్నికలను ఎన్నికల నోటిఫికేషన్‌ వెలువడిన నేపథ్యంలో ఆర్‌డీఓ కార్యాలయంలో సోమవారం గుర్తింపు పొందిన రాజకీయ పార్టీల ప్రతినిధులతో నిర్వహించిన ‘ఎన్నికల ప్రవర్తన నియమావళి, ఎన్నికల ప్రక్రియ‘పై ప్రత్యేక అవగాహన సమావేశం నిర్వహించారు. సమావేశంలో ఆర్దీవో బాలకృష్ణ, వివిధ రాజకీయ పార్టీ ప్రతినిధులు పాల్గొన్నారు.

దాచేపల్లి: కూటమి ప్రభుత్వంలో ప్రజాస్వామ్యం మరోసారి ఖూనీ అయ్యింది. స్థానిక సంస్థల ఎన్నికల్లో కూటమి అభ్యర్థులను ఏకగీవ్రంగా గెలిపించేందుకు అడ్డదారులు తొక్కారు. నామినేషన్ల ప్రక్రియ ప్రారంభమైన రోజు నుంచి ముగిసేంత వరకు అడుగడుగున కూటమి నేతలు పోలీసులను అడ్డంపెట్టుకుని భారీస్థాయిలో కుట్రలకు తెరలేపారు. నామినేషన్‌ దాఖలు చేసే సమయంలో అన్ని సక్రమంగా చూసుకుని వైఎస్సార్‌ సీపీ అభ్యర్థులు నామినేషన్‌ వేసినప్పటికీ కుంటిసాకులు చూపి నామినేషన్‌లను తిరస్కరించారు. పల్నాడు జిల్లా దాచేపల్లి నగర పంచాయతీ వైఎస్సార్‌ సీపీ చైర్మన్‌ అభ్యర్థి కొప్పుల రవికుమార్‌ దాఖలు చేసిన నామినేషన్‌ని అధికారులు తిరస్కరించినట్లు చెప్పారు. దాచేపల్లి నగర పంచాయతీ కార్యాలయంలో సోమవారం జరిగిన నామినేషన్‌ పత్రాల పరిశీలన సందర్భంగా వైఎస్సార్‌ సీపీ చైర్మన్‌ అభ్యర్థి రవికుమార్‌ డిపాజిట్‌ చెల్లించని కారణంగా తిరస్కరించినట్లుగా రిటర్నింగ్‌ అధికారులు ప్రకటించారు. దీంతో కూటమి నేతలు దాచేపల్లి నగర పంచాయతీలో చేసిన కుట్రలన్నీ బట్టబయలయ్యాయి. డిపాజిట్‌ చెల్లించినట్లుగా రశీదు ఇచ్చినా స్థానిక సంస్థల ఎన్నికల నేపధ్యంలో వైఎస్సార్‌ సీపీ చైర్మన్‌ అభ్యర్థి రవికుమార్‌పై వరుస వేధింపులు ప్రారంభమయ్యాయి. ఈ నెల 16వ తేదీన నామినేషన్‌ వేసేందుకు సిద్ధపడిన రవికుమార్‌పై అక్రమ కేసు పెట్టి జైలుకు పంపించారు. చైర్మన్‌ అభ్యర్థిగా నామినేషన్‌ వేసే అవకాశం కల్పించాలని రవికుమార్‌ గురజాల న్యాయస్థానాన్ని ఆశ్రయించటంతో అనుమతి ఇచ్చింది. నామినేషన్‌ పత్రాలను న్యాయవాదుల సమక్షంలో ఒకటికి నాలుగు సార్లు పరిశీలన చేసిన తరువాత పోలీస్‌ బందోబస్తుతో ఈ నెల 18న దాచేపల్లిలోని నామినేషన్‌ కేంద్రంలో రవికుమార్‌ నామినేషన్‌ దాఖలాలు చేశారు. రవికుమార్‌ సమర్పించిన అన్నిరకాల పత్రాలను అధికారులు పరిశీలన చేశారు. రవికుమార్‌ డిపాజిట్‌ నగదు చెల్లించినట్లుగా అంగీకరించిన అధికారులు రశీదు కూడా ఇచ్చారు. రాష్ట్ర ఎన్నికల సంఘం నిర్ధిష్టపరచిన విధంగా దరావత్తుతో చెల్లించారా అని ప్రశ్నించిన చెక్‌లిస్ట్‌లోని మూడో కాలమ్‌లో అధికారులు అవును అని లిఖితపూర్వకంగా రాశారు. రిటర్నింగ్‌ అధికారులు రవికుమార్‌ డిపాజిట్‌ రుసుం చెల్లించినట్లుగా రశీదు ఇచ్చి తీరా నామినేషన్ల పరిశీలనలో ఇబ్బందులు పెట్టారు. రవికుమార్‌ డిపాజిట్‌ చెల్లించినట్లుగా ఆధారాలు లేవని సాకులు చూపుతూ నామినేషన్‌ తిరస్కరిస్తున్నట్లుగా ప్రకటించారు. ఓటమి భయంతోనే.. కూటమి అభ్యర్థిని ఏకగీవ్రంగా చైర్మన్‌ చేసేందుకే వైఎస్సార్‌సీపీ అభ్యర్ధి రవికుమార్‌ నామినేషన్‌ పత్రాలను తిరస్కరించారని వైఎస్సార్‌ సీపీ నేతలు ఆరోపిస్తున్నారు. రవికుమార్‌ అక్రమ అరెస్ట్‌ తరువాత ప్రజల్లో సానుభూతి పెరగటం, దాచేపల్లిలో బలమైన నాయకుడు కావటంతో ఓటమి తప్పదనే భయంతోనే కూటమి నేతలు నామినేషన్‌ పత్రాలను తిరస్కరించేలా అధికారులపై ఒత్తిడి చేశారని మండిపడుతున్నారు. అదేవిధంగా ఇండిపెండెంట్‌ అభ్యర్థి షేక్‌ షరీఫ్‌ నామినేషన్‌ను సైతం అధికారులు పలు కారణాలతో తిరస్కరించారు. కూటమి అభ్యర్థి తంగెళ్ల శ్రీనివాసరావును ఏకగ్రీవంగా చైర్మన్‌ చేసేందుకే చైర్మన్‌ అభ్యర్థుల రెండు నామినేషన్లు తిరస్కరించినట్లు ప్రజలు గుసగుసలాడుకుంటున్నారు. వైఎస్సార్‌ సీపీ చైర్మన్‌ అభ్యర్థి రవికుమార్‌ నామినేషన్‌ తిరస్కరణపై అనుమానాలు వ్యక్తమవుతున్నాయి. అధికారులు కావాలనే ఇలా చేశారా.. లేక కూటమి నేతల ఒత్తిడి తట్టుకోలేక నామినేషన్‌ తిరస్కరించారా అనే ప్రశ్న ఉత్పన్నమవుతుంది. విద్యావంతుడైన రవికుమార్‌ న్యాయవాదుల సమక్షంలోనే నామినేషన్‌ పత్రాలను సిద్ధం చేశాడు. తన ఆస్తులతో పాటుగా అప్పుల వివరాలను ఆఫిడవిట్‌లో పొందుపరిచారు. డిపాజిట్‌ చెల్లించిన తరువాతనే రవికుమార్‌ నామినేషన్‌ వేసేందుకు అధికారులు అనుమతించారు. ప్రతీది నామినేషన్‌ కేంద్రంలో ఏర్పాటు చేసిన సీసీ కెమెరాల్లో రికార్డయ్యాయి. అక్రమ కేసులో జైలులో ఉన్న రవికుమార్‌ తరఫున నామినేషన్‌ పత్రాల పరిశీలనకు వెళ్లిన షేక్‌ జాకీర్‌హుస్సేన్‌ చెప్పినా కూడా అధికారులు పెడ చెవిన పెట్టారు. డిపాజిట్‌కు సంబంధించిన రశీదు చూపించినప్పటికీ అధికారులు పట్టించుకోకుండా తిరస్కరిస్తున్నట్లుగా ప్రకటించారు. డిపాజిట్‌ చెల్లించకుండా అధికారులు ఏ విధంగా నామినేషన్‌ వేయించారనేది ప్రశ్నగా మారింది.

నరసరావుపేట: ఎన్నికలలో అభ్యర్థులు చేయాల్సిన వ్యయ పరిమితులను రాష్ట్ర ఎన్నికల సంఘం నిర్దేశించిందని జిల్లా ఎన్నికల వ్యయ పరిశీలకురాలు భరణి తెలిపారు. సోమవారం కలెక్టర్‌ కార్యాలయంలో డివిజన్‌, నియోజకవర్గం, మండల స్థాయి వ్యయపరిశీలకుల (అకౌంటింగ్‌ టీమ్‌) శిక్షణా కార్యక్రమం నిర్వహించారు. ఈ మేరకు వ్యయ వివరాలు పేర్కొన్నారు. పురపాలక సంఘం చైర్మన్‌లకు రూ. 20 లక్షలు, వార్డు సభ్యులకు రూ.7.50 లక్షలు, నగర పంచాయతీ చైర్మన్‌లు రూ.10 లక్షలు, వార్డు సభ్యులు రూ.5 లక్షలు వరకు ఖర్చు చేయవచ్చన్నారు. ఎన్నికలు ముగిసిన 45 రోజుల లోపల అభ్యర్థి తన ఖర్చు వివరాలను రిటర్నింగ్‌ అధికారులకు అందజేయాలన్నారు. ఎన్నికల వ్యయం వివరాలు ఇవ్వకపోయినట్లయితే మూడేళ్ల వరకు ఎటువంటి ఎన్నికలలో పోటీ చేసే అవకాశం ఉండదన్నారు. అలాగే గెలిచిన అభ్యర్థి 45 రోజు లోపల ఎన్నికల వ్యయం వివరాలు సమర్పించకపోతే డిస్‌క్వాలిఫై చేసే అవకాశం ఉంటుందన్నారు. వ్యయ కమిటీలు, స్టాటిక్‌ సర్వేలియన్స్‌ బృందాలు, వీడియో వ్యూయింగ్‌ బృందాలు, ఎంసీసీ బృందాలు రేయింబవళ్లు తనిఖీ నిర్వహించాలని స్పష్టం చేశారు. సంబంధిత నోడల్‌ అధికారులు ఎప్పటికప్పుడు నివేదికలు సమర్పించాలని జిల్లా ఎన్నికల వ్యయ పరిశీలకులు భరణి ఆదేశించారు. నోడల్‌ అధికారి పద్మజ, ట్రైనర్‌ ప్రశాంతి, వ్యయ పరిమితి టీమ్‌ సభ్యులు పాల్గొన్నారు.

యడ్లపాడు: చరిత్ర ఆనవాళ్లే పాఠాలయ్యాయి..కొండదారులే సాహసానికి వేదికలయ్యాయి.. ప్రకృతి ఒడే పర్యావరణ పాఠశాలగా మారింది. పర్యాటక కేంద్రమైన కొండవీడుకోటలో 252 మంది ఎన్‌సీసీ విద్యార్థినులు సందడి చేశారు. పగలంతా కొండలపై పర్యటిస్తూ ట్రెక్కింగ్‌తోపాటు చరిత్ర, వారసత్వ సంపద, ప్రకృతి పరిరక్షణపై అవగాహన పెంచుకున్నారు. ఏపీ ట్రెక్‌–3 క్యాంప్‌... 10 ఆంధ్ర గరల్స్‌ ఎన్‌సీసీ బెటాలియన్‌ ఆధ్వర్యంలో పల్నాడు జిల్లా అటవీశాఖ సహకారంతో నిర్వహించిన ఏపీట్రెక్‌–3లో ఆంధ్రప్రదేశ్‌, తెలంగాణ రాష్ట్రాలకు చెందిన విద్యార్థినులు పాల్గొన్నారు. సోమవారం 5 ప్రత్యేక బస్సుల్లో కొండవీడు చేరుకున్నారు. సజ్జా మహల్‌ బురుజు మార్గంలో ట్రెక్కింగ్‌ ప్రారంభించి మధ్యాహ్నం వరకు కొండలపై పర్యటించారు. ప్రకృతి అందాలను తిలకిస్తూ..చారిత్రక కట్టడాలను పరిశీలిస్తూ ఉల్లాసంగా గడిపారు. తిరుగు ప్రయాణంలో రెడ్డివారి భోజనశాల సమీపంలో కొద్దిసేపు సేదతీరారు. చరిత్ర..వారసత్వంపై పాఠాలు కొండవీడుకోట అభివృద్ధి కమిటీ కన్వీనర్‌ కల్లి శివారెడ్డి కోట చారిత్రక ప్రాశస్త్యాన్ని వివరించారు. 14వ శతాబ్దంలో రెడ్డి రాజుల రెండో రాజధానిగా వెలుగొంది వందేళ్లపాటు కొండవీడు రాజకీయ కేంద్రంగా నిలిచిందన్నారు. గజపతులు, విజయనగరరాజులు, బహమనీ సుల్తానులు, కుతుబ్‌షాహీలు, నిజాంలు, ఫ్రెంచి, బ్రిటిష్‌ పాలకుల పాలనలో ఈ ప్రాంతం ఎదుర్కొన్న చారిత్రక పరిణామాలను వివరించారు. కోట నిర్మాణాల విశిష్టతతోపాటు ఎర్రాప్రగడ, శ్రీనాథుడి సాహితీ వైభవాన్ని ప్రస్తావించారు. ప్రకృతి పరిరక్షణే బాధ్యత అటవీశాఖ కొండవీడు అసిస్టెంట్‌ బీట్‌ ఆఫీసర్‌ కొడాలి వెంకటేశ్వరరావు వన సంరక్షణ, పర్యావరణ పరిరక్షణ ఆవశ్యకతను వివరించారు. వృక్ష సంపదను కాపాడటం, కాలుష్యాన్ని తగ్గించడం ప్రతి ఒక్కరి బాధ్యతన్నారు. కొండలు, లోయల్లో ప్రకృతితో మమేకం కావడం మానసిక ఉల్లాసాన్ని అందిస్తుందని, ప్రకృతి అనుభవాలు రవీంద్రనాథ్‌ ఠాగూర్‌ జీవితంపై చూపిన ప్రభావాన్ని ఉదాహరణగా వివరించారు. ట్రెక్కింగ్‌ అనంతరం విద్యార్థినులు కోట సమీపంలోని రెడ్డి రాజుల వారసత్వ ప్రదర్శనశాలను సందర్శించి వివిధ గ్యాలరీలను తిలకించారు. కార్యక్రమంలో ఎస్‌సీసీ బెటాలియన్‌న్‌ అధికారులు, అటవీ శాఖ సిబ్బంది పాల్గొన్నారు.

గుంటూరు ఎడ్యుకేషన్‌: గుంటూరు నగరపాలక సంస్థ ఎన్నికల విధులకు హాజరుకాని ఉపాధ్యాయులపై విధించిన సస్పెన్షన్‌ ఎత్తివేయాలని జిల్లా కలెక్టర్‌ సాయికాంత్‌ వర్మకు ఫ్యాప్టో జిల్లా ప్రతినిధులు విజ్ఞప్తి చేశారు. సోమవారం కలెక్టర్‌ను కలిసిన ఫ్యాప్టో ప్రతినిధులు వినతిపత్రం సమర్పించారు. స్పందించిన కలెక్టర్‌ మాట్లాడుతూ సహేతుకమైన కారణాలతో గైర్హాజరైన ఉపాధ్యాయులపై సస్పెన్షన్‌ ఎత్తివేస్తామని తెలిపారు. మంగళవారం మధ్యాహ్నంలోపు డీఆర్వోను కలిసి వివరణ ఇవ్వాలని సూచించారు. కలెక్టర్‌ను కలసిన వారిలో గుంటూరు జిల్లా ఫ్యాప్టో చైర్మన్‌ కె.నరసింహారావు, జిల్లా ఫ్యాప్టో డిప్యూటీ సెక్రటరీ జనరల్‌ గుడిపాటి దాస్‌, జిల్లా ఫ్యాక్టో కార్యవర్గ సభ్యులు షేక్‌ బాజీ, మహమ్మద్‌ ఖలీద్‌ ఫ్యాప్టో జిల్లా నాయకులు సిహెచ్‌ ఆదినారాయణ, జోజప్ప, ఎస్‌ కె గఫార్‌, పచ్చాల శివరామకృష్ణ, గురుమూర్తి ఉన్నారు. గుంటూరు ఎస్పీ వకుల్‌ జిందాల్‌ సమీక్ష మంగళగిరి టౌన్‌: పోలీసు అమరవీరుల త్యాగాలను స్మరించుకుంటూ ఈ నెల 21న మంగళగిరిలో నిర్వహించనున్న పోలీసు అమరవీరుల సంస్మరణ దినోత్సవానికి పటిష్ట భద్రతా ఏర్పాట్లు చేయాలని గుంటూరు జిల్లా ఎస్పీ వకుల్‌ జిందాల్‌ అధికారులను ఆదేశించారు. ఆరో ఏపీఎస్పీ బెటాలియన్‌ పరేడ్‌ గ్రౌండ్‌లో జరగనున్న ఈ కార్యక్రమానికి ముఖ్యమంత్రి హాజరయ్యే అవకాశమున్న నేపథ్యంలో భద్రత, ట్రాఫిక్‌ నియంత్రణ, ఇతర ఏర్పాట్లపై సోమవారం ఏఎస్‌ఎల్‌ (అడ్వాన్స్‌డ్‌ సెక్యూరిటీ లైజన్‌) సమావేశం నిర్వహించారు. సమావేశం అనంతరం ఎస్పీ వకుల్‌ జిందాల్‌ పోలీసు, ఇతర శాఖల అధికారులతో కలిసి కార్యక్రమ వేదిక, పరేడ్‌ గ్రౌండ్‌, పార్కింగ్‌ స్థలాలు, ప్రముఖుల రాకపోకల మార్గాలను పరిశీలించారు. ట్రాఫిక్‌ అంతరాయం కలగకుండా తీసుకోవాల్సిన చర్యలపై అధికారులకు సూచనలు చేశారు. కార్యక్రమానికి వచ్చే అతిథులు, ప్రజలకు ఎలాంటి ఇబ్బందులు తలెత్తకుండా రాకపోకలను క్రమబద్ధీకరించాలని స్పష్టం చేశారు. కార్యక్రమంలో ఆరో ఏపీఎస్పీ బెటాలియన్‌ కమాండెంట్‌ మురళి, ముఖ్యమంత్రి భద్రతా విభాగం ఎస్పీ భద్రయ్య, అదనపు ఎస్పీ ఏ.టి.వి.రవికుమార్‌, స్పెషల్‌ బ్రాంచ్‌ డీఎస్పీ అలహరి శ్రీనివాస్‌, నార్త్‌ డీఎస్పీ వెంకటేశ్వర్లు, స్పెషల్‌ బ్రాంచ్‌ సీఐ మల్లికార్జునరావు, మంగళగిరి రూరల్‌ సీఐ బ్రహ్మం, సీఐ సీహెచ్‌. వెంకట్‌తో పాటు పోలీసు, ఇతర శాఖలకు చెందిన అధికారులు పాల్గొన్నారు.

మున్సిపల్‌ నామినేషన్ల పర్వంలో టీడీపీ అరాచకత్వంనరసరావుపేట టౌన్‌: ప్రజాస్వామ్యంలో ఎన్నికలంటే ప్రజల మద్దతు కోసం పోటీ పడటం.. తమ పాలన గొప్పదని అధికార పార్టీ చెప్పుకోవచ్చు. తమ ప్రత్యర్థుల వైఫల్యాలను ఎత్తిచూపవచ్చు. కానీ ప్రజల ముందుకు వెళ్లి ఓట్లు అడగాల్సిన చోట ప్రత్యర్థి అభ్యర్థులకు నామినేషనన్లు వేసే అవకాశం లేకుండా అడ్డుకుంటున్నారనే ఆరోపణలు వస్తే మాత్రం అది సాధారణ రాజకీయ విమర్శగా కొట్టిపారేయలేని అంశం. మున్సిపల్‌ ఎన్నికల్లో వైఎస్సార్‌ సీపీ చైర్మన్‌ అభ్యర్థులను నామినేషన్లు వేయకుండా అడ్డుకున్నారని, అక్రమ అరెస్టులు, గృహ నిర్బంధాలు, బెదిరింపులకు పాల్పడ్డారని ఆ పార్టీ నాయకులు ఆరోపిస్తున్నారు. ఇప్పుడు జెడ్పీటీసీ, ఎంపీటీసీ ఎన్నికల్లోనూ ఇదే తరహా పరిణామాలు పునరావృతమవుతాయేమోనని ఆందోళన వ్యక్తం చేస్తున్నారు. జనంలోకి వెళ్లేందుకు జంకు గత ఎన్నికలకు ముందు కూటమి ప్రభుత్వం అనేక హామీల వర్షం కురిపించింది. ప్రధానంగా ఆడబిడ్డ నిధి, నిరుద్యోగ భృతి గురించి ఊదరగొట్టింది. తీరా అధికారంలోకి వచ్చాక అవన్నీ పక్కన పెట్టింది. నూతన పింఛన్ల మంజూరుకు సైతం సవాలక్ష అడ్డంకులు పెట్టింది. ఇప్పటికీ ఒక్క పింఛన్‌ కూడా మంజూరు చేసిన దాఖలాలు లేవు. ఇటు నిత్యావసర ధరల పెరుగుదల కుటుంబాల ఆర్థిక పరిస్థితిని దెబ్బతీస్తోంది. రేషన్‌ దుకాణాల ద్వారా అందాల్సిన కందిపప్పు వంటి సరుకులు కూడా పంపిణీ చేయడం లేదు. ప్రజలకు ప్రభుత్వ పథకాలు చేరువ కావాలంటే అధికార పార్టీ ద్వితీయ శ్రేణి నాయకుల పెత్తనం, స్థానిక సమస్యల పరిష్కారంలో జాప్యం వంటి అంశాలు ప్రజల్లో అసహనానికి కారణమవుతున్నాయి. పల్నాడు జిల్లాలోని నరసరావుపేట, చిలకలూరిపేట, సత్తెనపల్లి నియోజకవర్గాల్లో పేకాట కార్యకలాపాలు విస్తరిస్తున్నాయనే ఆరోపణలు కూడా ప్రజల్లో చర్చకు వస్తున్నాయి. అడ్డగోలుగా బరి తెగింపు జిల్లాలో మున్సిపల్‌ ఎన్నికల్లో వైఎస్సా ర్‌సీపీ చైర్మన్‌ అభ్యర్థులను నామినేషన్లు వేయకుండా పోలీసులు అడ్డుకున్నారు. వారిపై ఒత్తిడి తెచ్చేందుకు అరెస్టులు, గృహ నిర్బంధాలు, బెదిరింపులు ఉపయోగించారనే ఆరోపణలు ఉన్నాయి. ప్రత్యర్థి అభ్యర్థులు బరిలో లేకుండా చేయడం ద్వారా ఏకగ్రీవాలకు మార్గం సుగమం చేశారని ప్రజలు మండిపడుతున్నారు. శాంతిభద్రతలను కాపాడాల్సిన పోలీసులను అధికార పార్టీ తొత్తుగా మార్చారు. నామినేషన్లు వేసేందుకు వెళ్తున్న అభ్యర్థులను అడ్డుకున్నారు. రాజకీయ కారణాలతో నిర్బంధాలకు పాల్పడ్డారు. అధికార పార్టీ నేతలు దాడులకు దిగినా పోలీసులు ప్రేక్షకపాత్ర వహించారు. మున్సిపల్‌ ఎన్నికల సందర్భంగా ప్రజాస్వామ్యాన్ని ఖూనీ చేసిన అధికార పార్టీ జెడ్పీటీసీ, ఎంపీటీసీ నామినేషన్ల వేళ ఇదే పంథా పాటిస్తుందని వైఎస్సార్‌ సీపీ నేతలు ఆందోళన వ్యక్తం చేస్తున్నారు. గ్రామీణ ప్రాంతాల్లోనూ నామినేషన్ల దాఖలుకు ఆటంకాలు కల్పించి, ప్రత్యర్థులను పోటీ నుంచి తప్పించి ఏకగ్రీవాలు సాధించేందుకు ప్రయత్నాలు చేస్తున్నారని మండిపడుతున్నారు. ఎన్నికల ప్రక్రియ ప్రారంభమయ్యే ముందే అభ్యర్థులకు భద్రత, నామినేషన్‌ కేంద్రాల వద్ద పారదర్శకత, ఫిర్యాదుల పరిష్కారానికి స్పష్టమైన వ్యవస్థ ఉండాలని కోరుతున్నాయి. ఏ పార్టీ అభ్యర్థి అయినా నిర్భయంగా నామినేషన్‌ వేసేలా చూడాలని ఎన్నికల యంత్రాంగాన్ని కోరుతున్నారు.

నరసరావుపేట: రాష్ట్రంలోని కూటమి ప్రభుత్వం స్థానిక సంస్థల ఎన్నికలను అపహాస్యం చేసిందని, వారి కుట్రలు, కుతంత్రాలకు వెరసి తమకు దక్కిన ఈరోజు ఓటమే రేపటి తమ గెలుపునకు నాంది అని గురజాల మాజీ శాసనసభ్యుడు కాసు మహేష్‌రెడ్డి స్పష్టం చేశారు. స్థానిక క్యాంపు కార్యాలయంలో సోమవారం నిర్వహించిన విలేకర్ల సమావేశంలో ఆయన మాట్లాడారు. గురజాల సంఘటన చూస్తుంటే ప్రభుత్వానికి నిష్పక్షపాతంగా ఎన్నికలు నిర్వహించాలనే ఆలోచన ఏమాత్రం లేదని తేటతెల్లమైందన్నారు. స్వేచ్ఛాయుత వాతావరణంలో ఎన్నికలు నిర్వహించాలనే తలంపు లేనప్పుడు వారే పంచాయతీరాజ్‌ చట్టాన్ని మార్చుకొని తమ పార్టీ వారే గెలిచినట్లుగా ప్రకటించుకుంటే సరిపోయేదని ఎద్దేవా చేశారు. చట్టాన్ని అమలుచేయాల్సిన అధికారులే ప్రభుత్వ పెద్దలు చెప్పినట్లుగా నడుచుకుంటూ పక్షపాతంగా వ్యవరించారన్నారు. ఎన్నికలు ప్రకటించి పోలీసుల చేత ప్రతిపక్షపార్టీకి చెందిన అభ్యర్థులను అరెస్టు చేయించటమనేది గురజాలలో తప్పితే దేశంలో ఎక్కడా జరగలేదన్నారు. బలవంతాన వైఎస్సార్‌ సీపీ అభ్యర్థులను అరెస్టు చేయించి అక్రమ పద్ధతిలో ఏకగ్రీవాలు చేసుకున్న స్థానిక ఎమ్మెల్యే యరపతినేని శ్రీనివాసరావు తన రాజకీయ ఆత్మహత్యకు బీజం వేసుకున్నాడని తెలిపారు. వైఎస్సార్‌ సీపీ తరఫున నామినేషన్‌ వేయాల్సిన గురజాల అభ్యర్ధిని ఒకరోజు ముందు ప్రివెంటివ్‌ అరెస్టు అంటూ అక్రమ నిర్భంధంలోకి తీసుకున్నారన్నారు. అభ్యర్ధిని అరెస్టు చేస్తే నామినేషన్‌ ఏవిధంగా వేస్తాడని ప్రశ్నించారు. పథకాలు ఇవ్వలేదనే భయం, జనం తిరగబడతారనే భయంతో ప్రతిపక్షాన్ని అణచివేస్తూ దాడులు చేసి ఏకగ్రీవాలు చేసుకున్నారన్నారు. దీనికి వత్తాసుగా పోలీసులు హౌస్‌ అరెస్టులు, దొంగకేసులు పెట్టి నూతన వరవడికి గురజాలలో బీజం వేశారన్నారు. ● దాచేపల్లి వైఎస్సార్‌ సీపీ అభ్యర్థిని అక్రమ అరెస్టుచేస్తే కోర్టు ఆదేశాల మేరకు ఆయన డిపాజిట్‌ చెల్లించి, నామినేషన్‌ వేశారన్నారు. అయినా డిపాజిట్‌ చెల్లించలేదంటూ నామినేషన్‌ తిరస్కరించారని ఆ నామినేషన్‌ పత్రాన్ని విలేకర్లకు చూపించారు. పోలీసులను అడ్డంపెట్టుకొని ప్రతిపక్షపార్టీ అభ్యర్ధులను గొంతు నొక్కేస్తున్నారని అన్నారు. జరగబోయే అన్ని ఎన్నికల్లో యధావిధిగా తమ పార్టీ అభ్యర్థులు నామినేషన్లు వేస్తారని స్పష్టం చేశారు. మాచర్ల పరిశీలకులు కొమ్మినేని వెంకటేశ్వర్లు పాల్గొన్నారు.

అమరేశ్వరాలయంలో జరుగుతున్న చండీ కల్యాణం చండీసమేత అమరేశ్వరస్వామి కల్యాణ మూర్తులుఅమరావతి: ప్రముఖ శైవక్షేత్రమైన అమరావతిలో వేంచేసియున్న శ్రీబాలచాముండికా సమేత అమరేశ్వరస్వామి దేవాలయంలో శ్రీదేవీ శరన్నవరాత్ర మహోత్సవాల్లో భాగంగా సోమవారం రాత్రి చండీ కళ్యాణం వైభవంగా నిర్వహించారు. తొలుత అమ్మవారిని, స్వామివారిని ఆలయంలోని కల్యాణ మండపంలో ఉంచి స్థానాచార్యుడు కౌశిక చంద్రశేఖరశర్మ యాజ్ఞీక పర్యవేక్షణలో ఆలయ అర్చకులు విఘ్నేశ్వరపూజ, రక్షాబంధనం, పుణ్యహవాచనం, కన్యాదానం, శాస్త్రోక్తంగా కళ్యాణ క్రతువు నిర్వహించారు. ఆయన చండీకల్యాణ విశిష్టత గురించి భక్తులకు వివరిస్తూ స్వామివారికి సంవత్సరానికి రెండుసార్లు అనగా మహాశివరాత్రి దసరా శరన్నవరాత్ర మహోత్సవాలకు కల్యాణం నిర్వహించటం విశేషమని తెలిపారు.

పిడుగురాళ్ల/ మాచవరం: వైఎస్సార్‌సీపీ అభ్యర్థులను పోలీసులు అర్ధరాత్రి సమయంలో అదుపులోకి తీసుకున్నారు. మరికొంత మంది ఇతర ప్రాంతాలకు వెళ్లారు. నామినేషన్‌ కేంద్రాల వద్దకు అనుకూలమైన మీడియా వారు తప్ప మిగిలిన వారికి అనుమతి ఇవ్వలేదు. పోలీసుల బారికేడ్ల వద్ద కొంత మంది టీడీపీ కార్యకర్తలు ఉండి జర్నలిస్టులని చెప్పినా పంపించలేదు. పిడుగురాళ్ల పట్టణంలో తహసీల్దార్‌ కార్యాలయం వద్ద మున్సిపల్‌ కార్యాలయం, శివాలయం వద్ద ఎంపీపీ స్కూల్‌ నామినేషన్‌ కేంద్రాలుగా ఉన్నాయి. ఈ దారులన్నీ కూటమి నాయకులు, వారి అనుచరులతో నిండిపోయాయి. కమ్మ కల్యాణ మండపంలో వందల సంఖ్యలో కూటమి నాయకులు ఉండి నామినేషన్‌ కేంద్రాల వద్దకు వైఎస్సార్‌సీపీ వారు రాకుండా అడ్డుకున్నారు. రెండు కేంద్రాల వద్ద టీడీపీ నాయకులు టెంటులు వేయించి వంటలు కూడా వండి వడ్డించారు. చుట్టుపక్కల గ్రామాల నుంచి కూడా మూకలను తరలించారు. అధికారులకు సైతం ఇక్కడి నుంచే భోజనాలను టీడీపీ నాయకులు తీసుకెళ్లడం గమనార్హం.

యడ్లపాడు: యడ్లపాడు గ్రామంలోని బ్రహ్మంగారి ఆలయంలో చోరీ జరిగింది. స్థానిక ఎర్రచెరువు వద్ద కొలువైన శ్రీ మద్విరాట్‌ పోతులూరి వీరబ్రహ్మేంద్రస్వామి ఆలయంలోని హుండీలోని నగదు గుర్తుతెలియని వ్యక్తులు అపహరించారు. పోలీసులు తెలిపిన వివరాల ప్రకారం..శనివారం అర్ధరాత్రి ఈ ఘటన చోటుచేసుకున్నట్లు స్థానికులు తెలిపారు. ఇటీవల కాలంలో హుండీ లెక్కింపు ప్రక్రియ జరిగిందని, ఆ తర్వాత ఈ చోరీ చేసినట్లు ఆలయ ధర్మకర్తలు పోలీసులకు ఫిర్యాదు చేసినట్లు ఎస్‌ఐ టి శివరామకృష్ణ తెలిపారు. కేసు నమోదు చేసి జిల్లా నుంచి క్లూస్‌టీంను పిలిపించి కీలక ఆధారాలను సేకరించినట్లు తెలిపారు. ఘటనకు సంబంధించిన పూర్తి వివరాలు పోలీసులు విచారణలో తెలియాల్సి ఉంది. చోరీకి పాల్పడిన వారిని గుర్తించి, ఇలాంటి ఘటనలు పునరావృతం కాకుండా చర్యలు తీసుకోవాలని భక్తులు కోరుతున్నారు. యడ్లపాడు: జాతీయ రహదారిపై గుర్తుతెలియని వాహనం రూపంలో ఓ వ్యక్తిని మృత్యువు కబళించింది. రహదారి దాటుతున్న మధ్యవయస్కుడిని వాహనం ఢీకొట్టి వెళ్లిపోవడంతో అతడు అక్కడికక్కడే మృతిచెందాడు. యడ్లపాడులోని సెయింట్‌ ఆన్స్‌ కళాశాల ఎదుట 16వ నంబరు జాతీయ రహదారిపై ఆదివారం రాత్రి ఈ ఘటన చోటుచేసుకుంది. ప్రమాద తీవ్రతకు మృతుడి శరీరం ఛిద్రమై, గుర్తుపట్టలేని స్థితికి చేరింది. పోలీసులు తెలిపిన వివరాల ప్రకారం.. ఆదివారం సాయంత్రం సుమారు 7 గంటల సమయంలో చిలకలూరిపేట నుంచి గుంటూరు వైపు వెళ్తున్న గుర్తుతెలియని వాహనం ఎక్స్‌ప్రెస్‌ రహదారి దాటుతున్న వ్యక్తిని ఢీకొట్టింది. ప్రమాదం జరిగినా వాహనాన్ని ఆపకుండా డ్రైవర్‌ వెళ్లిపోయాడు. సమాచారం అందుకున్న పోలీసులు ఘటనా స్థలానికి చేరుకుని మృతదేహాన్ని చిలకలూరిపేట ప్రభుత్వ ఆసుపత్రికి తరలించారు. మృతుడి వయస్సు సుమారు 45 నుంచి 50 ఏళ్ల మధ్య ఉంటుందని, నీలిరంగు గళ్ల చొక్కా, లుంగీ ధరించి ఉన్నాడని యడ్లపాడు ఎస్‌ఐ టి.శివరామకృష్ణ తెలిపారు. మోచేతులు, మోకాళ్లపై బొల్లి మచ్చలు ఉన్నట్లు గుర్తించామని పేర్కొన్నారు. విద్యుత్‌ స్తంభాన్ని ఢీకొని వ్యక్తి మృతి వేమూరు: స్కూటీపై అతి వేగంగా వెళుతూ కరెంట్‌ స్తంభాన్ని ఢీకొట్టి మృతి చెందిన ఘటన చోటు చేసుకుంది. స్థానికులు తెలిపిన వివరాలు... వేమూరు మండలం జంపని గ్రామానికి చెందిన షేక్‌ మున్నా, షేక్‌ ఖాజావలి స్కూటీపై వేమూరు నుంచి జంపని వెళుతున్నారు. జంపని షుగర్‌ ఫ్యాక్టరీ సమీపంలో సాయంత్రం 4 గంటలకు విద్యుత్‌ స్తంభాలను ఢీకొన్నారు. షేక్‌ మున్నా(30) అక్కడికక్కడే మృతి చెందాడు. షేక్‌ ఖాజావలికి తీవ్ర గాయాలయ్యా యి. 108 వాహనం ద్వారా తెనాలి ప్రభుత్వం వైద్యశాలకు తీసుకెళ్లారు. వైద్యులు వైద్య సేవలు అందిస్తున్నారు. మృతుడు మున్నాకు భార్య, ఇద్దరు పిల్లలు ఉన్నారని తెలిపారు.

తాడేపల్లి రూరల్‌: తాడేపల్లి పట్టణం సీతానగరంలోని విజయకీలాద్రి దివ్యక్షేత్రంపై శ్రీ దేవీ శరన్నవరాత్రి మహోత్సవాలు త్రిదండి చిన్న శ్రీమన్నారాయణ రామానుజ జీయర్‌స్వామి మంగళాశాసనాలతో వైభవంగా కొనసాగుతున్నాయి. ఆదివారం రాజ్యలక్ష్మి అమ్మవారికి అభిషేకం, కుంకుమార్చన నిర్వహించారు. సాయంత్రం శ్రీ విష్ణు సహస్రనామ స్తోత్ర పారాయణం, అనంతరం రాజ్యలక్ష్మి అమ్మవారికి పల్లకీసేవ, అర్చన, నివేదన, మంగళాశాసనం, తీర్థప్రసాద వినియోగం నిర్వహించారు. నరసరావుపేటరూరల్‌: కోటప్పకొండ త్రికోటేశ్వర స్వామి వారికి నెల్లూరుకు చెందిన భవ్య హాసిని నాట్య నీరాజనం సమర్పించారు. సనాతన ధర్మాన్ని రక్షించడమే లక్ష్యంగా ప్రముఖ పుణ్యక్షేత్రాల్లో ఆమె నాట్య నీరాజనం చేపడుతున్నారు. ఇందులో భాగంగా ఆదివారం ఉదయం కోటప్పకొండ కింద నుంచి ఘాట్‌రోడ్డు ద్వారా భరతనాట్యం చేస్తూ ఆలయానికి చేరుకున్నారు. ప్రకృతి అందాలు, పురాణగాఽథలు, ప్రాచీన చరిత్ర, మహాశివరాత్రి ప్రభల తిరునాళ్లతో పుణ్యక్షేత్రం ప్రసిద్ధి చెందిందని గుర్తుచేశారు. అంతటి పుణ్యక్షేత్రంలో హిందూ ధర్మాన్ని పరిరక్షించేందుకు నృత్యం చేయడం ఆనందంగా ఉందని భవ్య హాసిని తెలిపారు. అరుణాచలం, ఇంద్రకీలాద్రి గిరి ప్రదక్షిణ, దిగువ అహోబిలం నుంచి ఎగువ అహోబిలం వరకు నృత్య నీరాజనం చేసినట్టు పేర్కొన్నారు. చిన్న వయస్సులోనే భరత నాట్యం ద్వారా సనాతన ధర్మంపై అవగాహన కల్పిస్తున్న భవ్య హాసినిని పలువురు భక్తులు అభినందించారు. అమరావతి: శ్రీ దేవీ శరన్నవరాత్రోత్సవాలలో భాగంగా పవిత్ర పుణ్యక్షేత్రమైన అమరావతిలోని బాల చాముండిక సమేత అమరేశ్వర ఆలయంలో ఆదివారం బాలచాముండేశ్వరి అమ్మవారిని దుర్గాదేవిగా అలంకరించారు. అనంతరం అమ్మవారు భక్తుల పూజలు అందుకున్నారు. అమ్మవారికి సహస్ర కుంకుమార్చన, దేవీఖడ్గమాల, త్రిశల, లలితా సహస్రనామార్చన, శ్రీచక్రార్చన పూజ కార్యక్రమాలు నిర్వహించారు. ఆలయంలోని జ్వాలాముఖి, మహిషాసురమర్ధని అమ్మవార్లకు కూడా ప్రత్యేక పూజలు నిర్వహించారు. వినాయకుని ఉపాలయం వద్ద దుర్గా, చండీ, రుద్రహోమాలు నిర్వహించారు. 24న ఫొటోతో కూడిన ఓటరు జాబితా నరసరావుపేట: కోర్టు కేసుల కారణంగా వాయిదా పడిన నరసరావుపేట మున్సిపాలిటీతో పాటు రాష్ట్రంలోని నాలుగు కార్పొరేషన్లు, 19 మున్సిపాలిటీలకు చెందిన ఓటర్ల జాబితాను వార్డుల వారీగా ఫొటోలతో ప్రచురించాలని రాష్ట్ర ఎన్నికల ప్రధాన అధికారి అనీల్‌ చంద్ర పునేఠ ఆదివారం నోటిఫికేషన్‌ జారీ చేశారు. ఈ నగరపాలక, మున్సిపాలిటీలకు రెండో దశలో ఎన్నికలు జరగనున్నాయి. మొదటి దశ ఎన్నికల పోలింగ్‌ ఈనెల 28న జరుగనుండగా, 30న కౌంటింగ్‌ నిర్వహించనున్నారు. అయితే రెండో దశ ఎన్నికలు జరిగేవరకు ఫలితాల ప్రకటన వాయిదా పడతుందా? లేదా? అనే అంశంపై క్లారిటీ రాలేదు. నరసరావుపేట పురపాలక సంఘంలో జనవరి నెల వరకు ఉన్న ఓటర్ల జాబితాను ఎన్నికల ప్రక్రియకు ప్రామాణికంగా తీసుకోనున్నారు. ఈ మేరకు సుమారు 1,07, 274 మంది ఓటర్లు ఉన్నారు. వార్డులను 48కు పెంచుతూ విభజన ప్రక్రియ ఆమోదం కోరుతూ ఇప్పటికే సీడీఎంఏ అధికారులకు పంపారు.

మార్కాపురం టౌన్‌: జిల్లా కబడ్డీ అసోసియేషన్‌ 52వ రాష్ట్రస్థాయి జూనియర్‌ బాల బాలికల కబడ్డీ చాంపియన్‌షిప్‌ పోటీలు ఆదివారం పట్టణంలోని జిల్లా పరిషత్‌ ఉన్నత పాఠశాలలో హోరాహోరీగా ముగిశాయి. మూడు రోజులపాటు జరిగిన పోటీల్లో బాలుర విభాగంలో ఫైనల్‌లో పల్నాడు–విజయనగరం జట్లు తలపడగా పల్నాడు జట్టు విజేతగా నిలిచింది. మూడో స్థానంలో కర్నూలు, శ్రీకాకుళం జిల్లా జట్లు ఉమ్మడిగా నిలిచాయి. బాలికల విభాగంలో ఫైనల్‌లో ప్రకాశం–విశాఖపట్నం జిల్లాల జట్లు నువ్వా నేనా అన్నట్లు పోటీపడగా ప్రకాశం జిల్లా జట్టు విజేతగా నిలవగా, విశాఖపట్నం జిల్లా జట్టు రన్నరప్‌గా నిలిచాయి. శ్రీకాకుళం సత్యసాయి జిల్లా జట్లు ఉమ్మడిగా మూడవ స్థానంతో సరిపెట్టుకున్నాయి. చాంపియన్‌షిప్‌ పోటీలను రాష్ట్ర కబడ్డీ అసోసియేషన్‌ అధ్యక్ష, కార్యదర్శులు కేవీ ప్రభావతి, యలమంచిలి శ్రీకాంత్‌, రాష్ట్ర కబడ్డీ జట్టు సెలక్షన్‌ కమిటీ సభ్యుల పర్యవేక్షణలో ఎలాంటి అవాంతరాలు లేకుండా ఆహ్లాదకర వాతావరణంలో సజావుగా ముగిశాయి. ఈ క్రీడా పోటీల్లో ఆంధ్రప్రదేశ్‌ రాష్ట్రంలోని ఉమ్మడి 28 జిల్లాల బాల, బాలికల జట్లు పాల్గొన్నాయి. విజేతలకు అతిథుల చేతుల మీదుగా బహుమతులు ప్రదానం చేశారు. ప్రధానోపాధ్యాయుడు మునగాల చంద్రశేఖర్‌రెడ్డి ఆధ్వర్యంలో జరిగిన కార్యక్రమానికి బహుమతి ప్రదానోత్సవానికి మార్కాపురం జిల్లా విద్యాశాఖాధికారి సామా సుబ్బారావు, డివిజనల్‌ ఉప విద్యాశాఖ అధికారి పి.శ్రీనివాసులు, జాతీయ అవార్డు గ్రహీత టి.జగన్నాథ్‌, గ్రూప్‌ 1 అధికారి ఓ సుజిత్‌కుమార్‌రెడ్డి తదితరులు హాజరయ్యారు. పీఈటీలు కె.ఓబులేసు, తాళ్లపల్లి సత్యనారాయణ పాల్గొన్నారు.

వినుకొండ: వినుకొండ మున్సిపల్‌ చైర్మన్‌ పీఠం కూటమి రాజకీయాల్లో తీవ్ర ఉద్రిక్తతకు దారితీసింది. మున్సిపల్‌ చైర్మన్‌ అభ్యర్థిగా షమీమ్‌ ఖాన్‌ పేరును టీడీపీ అధిష్టానం ఖరారు చేయడం స్థానికంగా పెద్ద కలకలమే రేపింది. ఈ నిర్ణయంపై ఆర్యవైశ్య సంఘం తీవ్ర అభ్యంతరం వ్యక్తం చేసింది. తొలుత చైర్మన్‌ పదవి ఆర్యవైశ్యులకు ఇస్తామని పలుమార్లు ఆత్మీయ సమావేశాలు ఏర్పాటు చేసిన ఎమ్మెల్యే జీవీ ఆంజనేయులు, చైర్మన్‌ ఎన్నికలు వచ్చే సమయానికి ఆర్యవైశ్య సంఘ ప్రముఖులైన రెడ్డి నగేష్‌, అమర్నాథ్‌, మోటమర్రి నరసింహారావు పేర్లు పరిశీలనలో ఉన్నాయని, వారికే చైర్మన్‌ పదవి ఇస్తామని చెప్పారు. దీంతో ఎన్నికలకు సర్వం సిద్ధం చేసుకున్న ఆ వర్గాలవారు తీరా నామినేషన్‌ వేసే సమయానికి ముస్లిం సామాజిక వర్గానికి చైర్మన్‌ సీటు కేటాయించడంతో ఒక్కసారిగా భగ్గుమన్నారు. ఎమ్మెల్యే తీరును తీవ్రంగా తప్పుపట్టారు. ఈక్రమంలో ఆదివారం పెద్ద సంఖ్యలో ఎమ్మెల్యే నివా సం వద్దకు చేరుకున్న ఆర్యవైశ్యులు, చైర్మన్‌ పదవిని తమ సామాజిక వర్గానికి కేటాయించాలని డిమాండ్‌ చేస్తూ ఆంజనేయులు ఇంటిని చుట్టుముట్టారు. తమ డిమాండ్‌ను పరిశీలించాలని కోరుతూ ఇంటి వద్దే నిరసనకు దిగారు. అయితే, ఎమ్మెల్యే జి.వి. ఆంజనేయులతో వారు జరిపిన చర్చలు ఎలాంటి సానుకూల ఫలితాన్ని ఇవ్వలేదు. అధిష్టానం నిర్ణయం మార్చుకునే అవకాశం లేదని ఆయన స్పష్టం చేయడంతో చర్చలు పూర్తిగా విఫలమయ్యాయి. టీడీపీ రెబెల్స్‌గా నామినేషన్లు.. చర్చలు విఫలమవడంతో ఆగ్రహించిన ఆర్యవైశ్య సంఘ నాయకులు కూటమి తీరుపై తిరుగుబావుటా ఎగురవేశారు. తమ పట్టును నిరూపించుకునేందుకు అధికార టీడీపీకి వ్యతిరేకంగా టీడీపీ రెబెల్స్‌గా నామినేషన్లు దాఖలు చేశారు. టీడీపీ రెబల్స్‌ రెడ్డి నగేష్‌ ఆయన సతీమణి రెడ్డి నాగ పద్మలు చైర్మన్‌ వార్డు కౌన్సిలర్‌ అభ్యర్థులుగా నామినేషన్‌ వేశారు. అలాగే అమర్నాథ్‌ కూడా రెబెల్‌గా నామినేషన్‌ దాఖలు చేశారు. అధికారిక అభ్యర్థి ప్రకటనతో వినుకొండ టీడీపీలో ప్రారంభమైన ఈ అంతర్గత కుమ్ములాటలు, ఆర్యవైశ్యుల తిరుగుబాటు ప్రస్తుతం స్థానిక రాజకీయ వర్గాల్లో తీవ్ర చర్చనీయాంశంగా మారింది. మున్సిపల్‌ చైర్మన్‌ ఎన్నికల్లో కీలకంగా ఉన్న ఆర్యవైశ్య వర్గీయులు రెబల్స్‌గా మారడం టీడీపీకి తలనొప్పిగా మారింది.

దాచేపల్లి: న్యాయస్థానం ఆదేశించడంతో దాచేపల్లి నగర పంచాయతీ వైఎస్సార్‌ సీపీ చైర్మన్‌ అభ్యర్థిగా కొప్పుల రవికుమార్‌ సోమవారం నామినేషన్‌ దాఖలు చేశారు. మాజీ ఎమ్మెల్యే కాసు మహేష్‌రెడ్డి సహకారంతో రవికుమార్‌ను చైర్మన్‌ అభ్యర్థిగా పార్టీ అధిష్ఠానం ప్రకటించింది. ఈ నెల 16వ తేదీన పోలీసులు రవికుమార్‌ అక్రమ మద్యం సీసాలు కలిగి ఉన్నారని ఆరోపిస్తూ అక్రమంగా అరెస్టు చేశారు. న్యాయస్థానాన్ని ఆశ్రయించడంతో నామినేషన్‌ దాఖలుకు అవకాశం కల్పించింది. దాచేపల్లి సీఐ షేక్‌ ఖాజావలి బందోబస్తు మధ్య రవికుమార్‌తో నామినేషన్‌ వేయించారు. తొలుత గురజాల సబ్‌జైలు నుంచి ప్రత్యేక వాహనంలో పోలీస్‌ ఎస్కార్ట్‌తో రవికుమార్‌ను దాచేపల్లి నగర పంచాయతీ కార్యాలయం వద్దకు తీసుకువచ్చారు. రవికుమార్‌ను బలపరుస్తూ షేక్‌ జాకీర్‌ హుస్సేన్‌, మందపాటి వీరారెడ్డి సంతకాలు చేశారు. అంతకుముందు నడికుడిలో జనం భారీగా గుమిగూడారని, వెళ్లడం ఇబ్బందికరమని సుమారు గంటసేపు రవికుమార్‌ను ఆపేశారు. రవికుమార్‌ ఆరోగ్యం బాగాలేకపోవడంతో గుంటూరుకు తరలిస్తున్నారనే పుకార్లను వ్యాప్తి చేశారు. నామినేషన్‌ కేంద్రం వద్ద కూడా అడ్డుకునేందుకు కూటమి నేతలు విశ్వప్రయత్నాలు చేశారు. వీడియో తీసిన పలువురి సెల్‌ఫోన్లను కూటమి నేతలు లాక్కొని, వాటిలోని వీడియోలను తొలగించారు. కోర్టు ఆదేశాలు దృష్ట్యా కూటమి నేతలను అక్కడి నుంచి పంపించేందుకు పోలీసులు తీవ్రంగా శ్రమించారు. కోర్టు ఆదేశాలతో వైఎస్సార్‌ సీపీ చైర్మన్‌ అభ్యర్థి కొప్పుల రవికుమార్‌ నామినేషన్‌

గురజాల: స్థానిక సంస్థల ఎన్నికల్లో వైఎస్సార్‌ సీపీ అభ్యర్థులు నామినేషన్లు వేయకుండా ఖాకీల అండతో కూటమి నాయకులు అడ్డంకులు సృష్టించారు. పట్టణంలో 144 సెక్షన్‌ అమలులో ఉన్నందున అభ్యర్థులు మాత్రమే వెళ్లి నామినేషన్‌ వేయాలని పోలీసులు వైఎస్సార్‌ సీపీ పార్టీ కార్యాలయానికి వచ్చి హుకుం జారీ చేశారు. పార్టీ పెదకూరపాడు నియోజకవర్గ పరిశీలకుడు యెనుముల మురళీధర్‌రెడ్డి తమ అభ్యర్థులపై దాడికి కూటమి నేతలు సిద్ధంగా ఉన్నారని చెప్పారు. తోడుగా వెళ్లి నామినేషన్‌ వేసి వస్తామని పోలీసులకు తెలిపారు. పట్టణ సీఐ మురళి అందుకు అంగీకరించలేదు. దీంతో పార్టీ కార్యాలయం వద్దే కూర్చుని నిరసన వ్యక్తం చేశారు. తర్వాత నామినేషన్‌ కేంద్రానికి వెళ్తున్న వారిని బలవంతంగా వ్యానులో ఎక్కించి కొందర్ని పోలీస్‌ స్టేషన్‌కు తరలించారు. యెనుముల మురళీధర్‌రెడ్డిని పార్టీ కార్యాలయంలోకి తీసుకువెళ్లి హౌస్‌ అరెస్టు చేశారు. మిగిలిన నాయకులు, కార్యకర్తలను పార్టీ కార్యాలయంలోనే ఉంచారు. బయట సుమారుగా 40 మందికి పైగా పోలీసులు కాపలా కాశారు. యెనుముల మురళీధర్‌రెడ్డి, మాచర్ల నియోజకవర్గ పరిశీలకుడు కొమ్మినేని వెంకటేశ్వర్లు (కేవీ)ల నివాసాల వద్ద కూడా బందోబస్తు నిర్వహించారు. జంగమహేశ్వరపురంలో పోలీసులు ప్రతి ఇంటిని జల్లెడ పట్టి నాయకులను హౌస్‌ అరెస్టు చేశారు.

సత్తెనపల్లి: పల్నాడు ముఖద్వారమైన సత్తెనపల్లి మున్సిపాలిటీలో మున్సిపల్‌ చైర్మన్‌, కౌన్సిలర్‌ స్థానాలకు పోటీ చేసేందుకు మొత్తం 256 నామినేషన్లు దాఖలయ్యాయి. చివరి రోజైన ఆదివారం పెద్ద సంఖ్యలో నామినేషన్లు వచ్చాయి. కొన్ని వార్డుల్లో అభ్యర్థులను ప్రకటించకముందే పలువురు ఆశావహులు నామినేషన్లు దాఖలు చేశారు. వైఎస్సార్‌సీపీ మున్సిపల్‌ చైర్మన్‌ అభ్యర్థిగా మాజీ మున్సిపల్‌ వైస్‌ చైర్మన్‌ షేక్‌ నాగూర్‌ మీరాన్‌, కూటమి మున్సిపల్‌ చైర్మన్‌ అభ్యర్థిగా మారెళ్ల రామాంజనేయులు అధికారికంగా నామినేషన్లు దాఖలు చేశారు. మరోవైపు పలువురు స్వతంత్ర అభ్యర్థులుగా పోటీ చేసేందుకు నామినేషన్లు వేశారు. ఆసక్తికరంగా 13, 14వ వార్డుల నుంచి మాజీ కౌన్సిలర్లు గుజ్జర్లపూడి మీనా, గుజ్జర్లపూడి సతీష్‌ దంపతులు వేర్వేరు వార్డుల్లో కౌన్సిలర్లుగా పోటీ చేసేందుకు నామినేషన్లు దాఖలు చేయడం గమనార్హం. కొందరు అభ్యర్థుల అభ్యర్థిత్వాలను చివరి నిమిషంలో ఖరారు చేయడంతో నో డ్యూస్‌ సర్టిఫికెట్లు, ఇతర పత్రాల కోసం ఉరుకులు పరుగులు పెట్టాల్సి వచ్చింది. మున్సిపాలిటీలో నామినేషన్ల దాఖలుకు గడువు ముగిసే మధ్యాహ్నం మూడు గంటల్లోపు నామినేషన్‌ కేంద్రాలకు చేరుకున్న వారికి టోకెన్లు ఇవ్వడంతో వారు వేచి ఉండాల్సి వచ్చింది. సత్తెనపల్లి మున్సిపాలిటీలో మూడు రోజుల్లో మొత్తం 256 నామినేషన్లు దాఖలయ్యాయి. మొదటి రోజు ఒక్క నామినేషన్‌ కూడా దాఖలు కాలేదు. రెండో రోజు చైర్మన్‌ అభ్యర్థి స్థానానికి ఒకటి, కౌన్సిలర్‌ స్థానాలకు 48 నామినేషన్లు దాఖలయ్యాయి. వైఎస్సార్‌ సీపీ నుంచి చైర్మన్‌ పదవికి 10, వార్డులకు 135 నామినేషన్లు దాఖలు అయ్యాయి. చివరి రోజైన ఆదివారం చైర్మన్‌ స్థానానికి 15, కౌన్సిలర్‌ స్థానాలకు 192 నామినేషన్లు దాఖలయ్యాయి. సోమవారం ఉదయం 11 గంటల నుంచి నామినేషన్లు పరిశీలించనున్నారు. కూటమి నేతలు ఎన్నికల నిబంధనలకు విరుద్ధంగా పట్టణంలో ర్యాలీ నిర్వహించారు. నామినేషన్‌ కేంద్రంలోకి అభ్యర్థితో పాటు ఇద్దరు ప్రతిపాదకులు మాత్రమే వెళ్లాల్సి ఉన్నప్పటికీ, ఎమ్మెల్యే కన్నా లక్ష్మీనారాయణ రావడంతో ఒక్కసారిగా కార్యకర్తలు తోసుకుంటూ నామినేషన్‌ కేంద్రంలోకి ప్రవేశించారు. పోలీసులు, అధికారులు ప్రేక్షకపాత్ర వహించారని విమర్శలు వ్యక్తమయ్యాయి.

అధికారులను ఆదేశించిన సాధారణ పరిశీలకుడు, జిల్లా కలెక్టర్‌ నరసరావుపేట: స్థానిక సంస్థల ఎన్నికల ప్రక్రియలో శాంతి భద్రతల పరిరక్షణకు పటిష్ట చర్యలు తీసుకోవాలని, నోడల్‌ అధికారులు బాధ్యతగా ఎన్నికల విధులు నిర్వహించాలని పల్నాడు జిల్లా ఎన్నికల పర్యవేక్షణకు రాష్ట్ర ప్రభుత్వం నియమించిన సాధారణ పరిశీలకుడు, రాష్ట్ర పౌర సరఫరాల శాఖ కమిషనర్‌ కన్నబాబు అధికారులను ఆదేశించారు. జిల్లాలో ఎన్నికల నిర్వహణ ఏర్పాట్లపై జిల్లా కలెక్టర్‌ డాక్టర్‌ కృతికా శుక్లా, ఎస్పీ జగదీష్‌ అదహళ్లిలతో కలిసి కలెక్టరేట్‌లో ఆదివారం అధికారులతో సమీక్షించారు. జిల్లాలో ప్రశాంత వాతావరణంలో ఎన్నికలు నిర్వహించేలా అధికారులు ముందస్తు ప్రణాళికలు సిద్ధం చేసుకోవాలన్నారు. సమస్యాత్మక, అతి సమస్యాత్మక ప్రాంతాలను ముందుగానే గుర్తించి అదనపు బలగాలతో పటిష్ట భద్రతా ఏర్పాట్లు చేయాలన్నారు. నామినేషన్‌, పోలింగ్‌, కౌంటింగ్‌ కేంద్రాలలో వీడియో చిత్రీకరణతోపాటు సీసీ కెమెరాలు ఏర్పాటు చేయాలన్నారు. ఎన్నికల సామగ్రి పంపిణీ, రిసెప్షన్‌, ఓట్ల లెక్కింపు కేంద్రాలను మున్సిపాలిటీ స్థాయిలోనే సిద్ధం చేసినట్లు అధికారులు వివరించారు. నిరంతర తనిఖీలు చేపట్టాలని స్పష్టం చేశారు. రాజకీయ ప్రకటనల ముందస్తు ధ్రువీకరణ, పెయిడ్‌ న్యూస్‌ పర్యవేక్షణ కోసం జిల్లా కలెక్టర్‌ చైర్‌పర్సన్‌గా జిల్లా స్థాయి ఎంసీఎంసీ కమిటీ పనిచేస్తుందని తెలిపారు. కలెక్టర్‌ పవర్‌ పాయింట్‌ ప్రెజంటేషన్‌ ద్వారా మాట్లాడుతూ ఎన్నికలను ప్రశాంత వాతావరణంలో నిర్వహించేందుకు అన్ని చర్యలు తీసుకున్నామన్నారు. జిల్లా ఎస్పీ మాట్లాడుతూ స్థానిక ఎన్నికలకు పటిష్ట భద్రతా ఏర్పాటు చేశామన్నారు. జాయింట్‌ కలెక్టర్‌ సంజనా శ్రీహర్ష, డీఆర్‌ఓ కె.అద్దెయ్య, జిల్లా పరిషత్‌ సీఈఓ దుర్గాప్రసాద్‌, జిల్లా పంచాయతీ అధికారి నాగేశ్వరనాయక్‌, నోడల్‌ అధికారులు పాల్గొన్నారు.

వినుకొండ: వైఎస్సార్‌ కాంగ్రెస్‌ పార్టీ వినుకొండ మున్సిపాలిటీ చైర్మన్‌ అభ్యర్థిగా యువ నాయకుడు పి.ఎస్‌. ఖాన్‌ ఆదివారం తన నామినేషన్‌ దాఖలు చేశారు. పట్టణంలోని పార్టీ కార్యాలయం నుంచి బయలుదేరిన ఆయన నియోజకవర్గ ఎన్నికల పరిశీలకులు బాసులింగారెడ్డి, జిల్లా అధికార ప్రతినిధి ఎం. ఎన్‌. ప్రసాద్‌, పట్టణ కన్వీనర్‌ కొత్తమాసు శివ నాయకులతో కలిసి మున్సిపల్‌ కార్యాలయానికి చేరుకున్నారు. అనంతరం రిటర్నింగ్‌ అధికారికి తమ నామినేషన్‌ పత్రాలను అధికారికంగా సమర్పించారు. నామినేషన్‌ అనంతరం చైర్మన్‌ అభ్యర్థి పిఎస్‌ ఖాన్‌ మాట్లాడుతూ మాజీ ఎమ్మెల్యే బొల్లా బ్రహ్మనాయుడును ఆదర్శంగా తీసుకొని తమదైన శైలిలో వినుకొండ పట్టణాన్ని అభివృద్ధి చేస్తామన్నారు. పట్టణ ప్రజలు తనను ఆదరించి అఖండ మెజార్టీతో గెలిపించాలని కోరారు. తనను చైర్మన్‌ అభ్యర్థిగా ఎంపిక చేసినందుకు మాజీ సీఎం వైఎస్‌ జగన్‌మోహన్‌రెడ్డి, మాజీ ఎమ్మెల్యే బొల్లా బ్రహ్మనాయుడుకు కృతజ్ఞతలు తెలిపారు.

పిడుగురాళ్ల: పోలీస్‌ రక్షణతో నామినేషన్‌ వేసే అవకాశం కల్పించాలని పిడుగురాళ్ల వైఎస్సార్‌ సీపీ చైర్మన్‌ అభ్యర్థి షేక్‌ అబ్దుల్లా కోర్టును ఆశ్రయించారు. ఆ మేరకు అనుమతి రావడంతో పార్టీ పల్నాడు జిల్లా లీగల్‌ సెల్‌ అధ్యక్షురాలు మాధవి సమక్షంలో పిడుగురాళ్ల మున్సిపల్‌ కార్యాలయం వద్ద ఆదివారం నామినేషన్‌ వేసేందుకు హాజరయ్యారు. అప్పటికే కాపుకాసిన టీడీపీ నాయకులు, కార్యకర్తలు భారీ స్థాయిలో అబ్దుల్లా వాహనాన్ని అడ్డుకున్నారు. అక్కడ కొంత సమయం వృథా అయింది. కోర్టు ఉత్తర్వుల మేరకు పోలీసుల రక్షణతో ఆయన నామినేషన్‌ కేంద్రం వద్దకు చేరుకున్నారు. ఈ లోగా సమయం అయిపోయిందని, నామినేషన్‌ వేసే అవకాశం లేదని అధికారులు పేర్కొనడంతో ఆయన వెనుదిరిగారు. అభ్యర్థులను అడ్డుకున్న పోలీసులు నామినేషన్‌ వేసేందుకు వైఎస్సార్‌ సీపీ మున్సిపల్‌ కౌన్సిలర్‌ అభ్యర్థులు పట్టణంలోని పార్టీ కార్యాలయంలో ఉండగా ఒక్కసారిగా సీఐ శ్రీరాం వెంకట్రావు ఆధ్వర్యంలో పోలీసులు వచ్చి భయభ్రాంతులకు గురి చేశారు. కర్రలు, రాళ్లు ఉన్నాయని పేర్కొంటూ అంతా సోదా చేయించారు. ఏమీ దొరకలేదు. కౌన్సిలర్‌ అభ్యర్థులను బయటకు పంపించారు. అందరూ ఇళ్లకు వెళ్లిపోయారు. కౌన్సిలర్‌ అభ్యర్థులపై కూటమి ప్రభుత్వం కావాలనే పోలీసులను అడ్డు పెట్టుకొని నామినేషన్‌ వేయనీలేదని ప్రజలు చర్చించుకుంటున్నారు. పట్టణ చరిత్రలో ఇలాంటి ఘటన జరగడంపై సర్వత్రా విమర్శలు వస్తున్నాయి.

● స్థానిక ఎన్నికల వేళ పేట్రేగిన కూటమి నేతలు● వైఎస్సార్‌ సీపీ నేతలు, అభ్యర్థులకు బెదిరింపులుదాచేపల్లి: దాచేపల్లి నగర పంచాయతీ వైఎస్సార్‌ సీపీ చైర్మన్‌ డమ్మీ అభ్యర్థులుగా బరిలో ఉన్న షేక్‌ సుభాని, కొప్పుల రామకృష్ణలు ఎక్కడ ఉంటే పోలీసులు అక్కడికి వెళ్లి వేధింపులకు గురిచేశారు. వైఎస్సార్‌సీపీ తరఫున ఒక్కరు కూడా నామినేషన్‌ వేయడానికి వీల్లేదని కూటమి నేతల నుంచి ఒత్తిడి ఉండటంతో పోలీసులు ఆ దిశగా అడ్డుకున్నారు. వైఎస్సార్‌సీపీ వార్డు అభ్యర్థులు బొమ్మిరెడ్డి నరసింహారావు, మునగా శ్రీనివాసరావు, బత్తుల బయ్యన్న, వేల్పుల ధర్మదేవ్‌ తదితరులను అదుపులోకి తీసుకున్నారు. కొంతమంది ఊరు విడిచి ఇతర ప్రాంతాల్లో తలదాచుకున్నారు. బయట ఉన్న అభ్యర్థుల ఇళ్లకు వెళ్లి, వారు ఎక్కడ ఉన్నారో చెప్పాలంటూ బెదిరింపులకు దిగారు. దాచేపల్లి నగర పంచాయతీ వైఎస్సార్‌సీపీ చైర్మన్‌ అభ్యర్థి కొప్పుల రవికుమార్‌ ఇంటి పరిసరాలను ఆదివారం తెల్లవారుజాము నుంచే పోలీసులు తమ ఆధీనంలోకి తీసుకున్నారు. అటు వైపు ఎవరూ రాకుండా అడ్డుకున్నారు. రవికుమార్‌ తమ్ముడు రామకృష్ణ ఇల్లు వదిలి ఇతర ప్రాంతాల్లో తలదాచుకున్నారు. వైఎస్సార్‌సీపీ ముఖ్య నేతలు మందపాటి రమేష్‌రెడ్డి, బుర్రి విజయ్‌కుమార్‌రెడ్డి, మునగా పున్నారావు, కోట కృష్ణ, షేక్‌ జాకీర్‌హుస్సేన్‌ తదితర నేతలు కూడా ఇతర ప్రాంతాల్లో తలదాచుకున్నారు. ప్రత్యేక బలగాలతో పోలీసు కవాతు నిర్వహించారు. ఎక్కడికక్కడ చెక్‌పోస్టులు ఏర్పాటు చేసి తనిఖీలు చేపట్టారు. ఇనుప కంచెలు అడ్డుగా వేశారు. వైఎస్సార్‌ సీపీ నేతల నివాసాల్లో సోదాలు నిర్వహించారు. మాచవరం, కారంపూడి పోలీస్‌ స్టేషన్ల నుంచి అదనపు పోలీసు బలగాలను రప్పించారు.

పుర పోరులోసత్తెనపల్లి: జిల్లాలో మున్సిపల్‌, నగర పంచాయతీ ఎన్నికల్లో మహిళా ఓటర్లు అభ్యర్థుల భవితవ్యాన్ని తేల్చనున్నారు. గెలుపు, ఓటముల్లో కీలకం కానున్నారు. పురుషుల కంటే మహిళల ఓట్లు అధికంగా ఉండటమే ఇందుకు ప్రధాన కారణం. అన్ని చోట్ల మహిళలు ఓట్లు ఎక్కువగా ఉండటంతో వారి ఆశీస్సులకోసం నాయకులు ప్రయత్నాలు మొదలు పెట్టారు. జిల్లాలో నామినేషన్‌ దాఖలు సందర్భంగా నిర్వహించిన బలప్రదర్శనలోనూ కొందరు అభ్యర్థులు మహిళల మద్దతును కూడగట్టుకోవడం విశేషం. జిల్లాలో చిలకలూరిపేట, వినుకొండ, సత్తెనపల్లి, పిడుగురాళ్ల, మాచర్ల మున్సిపాలిటీలతో పాటు గురజాల, దాచేపల్లి నగర పంచాయతీల్లో 3,38,294 మంది ఓటర్లు ఉన్నారు. వీరిలో 1,76,796 మంది మహిళలు. 1,61,429 మంది పురుషులు. 69 మంది ఇతరులు ఉన్నారు. పురుషులకంటే మహిళలు 15,367 అధికంగా ఉన్నారు. ఎన్నికల నిర్వహించనున్న 5 మున్సిపాలిటీలు, 2 నగర పంచాయతీల్లో మహిళల ఓట్లు ఎక్కువగా ఉండటంతో వారు ఎటువైపు మొగ్గుచూపితే ఆ పార్టీ అభ్యర్థి గెలవడానికి అవకాశం ఉంది. పోలింగ్‌ సందర్భంలోనూ మహిళల ఓటింగ్‌ ఎక్కువ శాతం ఉండే అవకాశం ఉంది. దీంతో ఆ ఓట్లు రాబట్టుకుంటే తమ విజయం సునాయాసం అనే భావనలో అభ్యర్థులు ఉన్నారు. ప్రచారంలోనూ మహిళలకు ప్రాధాన్యం ఇస్తూ వారి మద్దతు కోసం ప్రయత్నిస్తున్నారు. మున్సిపాలిటీ వార్డులు బూత్‌లు పురుషులు మహిళలు ఇతరులు మొత్తం ఓటర్లు చిలకలూరిపేట 48 96 40,589 45,946 19 86,554 వినుకొండ 36 69 22,815 24,366 05 47,186 సత్తెనపల్లి 36 72 23,223 24,968 05 48,196 మాచర్ల 36 71 22,069 24,445 06 46,520 పిడుగురాళ్ల 40 68 26,364 28,575 16 54,955 గురజాల 23 69 10,746 11,936 02 22,684 దాచేపల్లి 28 54 15,623 16,560 16 32,199 మొత్తం 247 499 1,61,429 1,76,796 69 3,38,294

వినుకొండ: వినుకొండలో అధికార తెలుగుదేశం పార్టీ ఏకపక్ష వైఖరి కూటమిలో చిచ్చు పెట్టింది. రాష్ట్రస్థాయిలో కూటమి సర్కార్‌ సాగుతున్నా.. క్షేత్రస్థాయిలో మాత్రం టీడీపీ నేతల ఒంటెత్తు పోకడలపై మిత్రపక్షం బీజేపీ తీవ్ర ఆగ్రహం వ్యక్తం చేస్తోంది. వినుకొండ ఎమ్మెల్యే జీవీ ఆంజనేయులు అనుసరిస్తున్న తీరును నిరసిస్తూ, కూటమి ధర్మాన్ని పక్కనపెట్టి బీజేపీ నాయకులు నేరుగా చైర్మన్‌ బరిలోకి దిగడం రాజకీయ వర్గాల్లో సంచలనంగా మారింది. స్థానిక పదవుల కేటాయింపులో టీడీపీ నాయకత్వం తమను విస్మరించడంపై రగిలిపోతున్న బీజేపీ శ్రేణులు తిరుగుబాటు బావుటా ఎగరవేశాయి. ఇందులో భాగంగా పల్నాడు జిల్లా లీగల్‌ సెల్‌ కో–కన్వీనర్‌, ప్రముఖ న్యాయవాది ఎం.వి.అప్పారావు మరియు బీజేపీ జిల్లా మాజీ కార్యదర్శి మేడం రమేష్‌లు చైర్మన్‌ అభ్యర్థులుగా రెబల్స్‌ నామినేషన్లు దాఖలు చేశారు. కేవలం వీరే కాకుండా, మరోవైపు ఆర్యవైశ్య వర్గాల నుంచి కూడా తీవ్రస్థాయిలో వ్యతిరేకత వ్యక్తమవుతుండటం, పలువురు బీజేపీ నేతలు స్వతంత్ర అభ్యర్థులుగా నామినేషన్లు వేయడం వినుకొండలో టీడీపీ ఆధిపత్య ధోరణికి అద్దం పడుతోంది.

పిడుగురాళ్ల: వైఎస్సార్‌ సీపీ సీనియర్‌ నాయకుడు, ఆర్యవైశ్య సంఘం నేత, మున్సిపల్‌ మాజీ చైర్మన్‌ భర్త భవనాశి యల్లారావుపై పిడుగురాళ్ల పట్టణ పోలీసులు బైండోవర్‌ నమోదు చేశారు. ఆర్యవైశ్య సంఘంలోనూ, వైఎస్సార్‌సీపీలోనూ బలమైన నాయకుడిగా ఉన్న యల్లారావు చురుగ్గా పనిచేస్తే మున్సిపాలిటీలో ప్రభావం ఉంటుందని భావించిన కూటమి నేతలు... పోలీసుల ద్వారా ఆయనపై బైండోవర్‌ నమోదు చేయించారని ప్రచారం జరుగుతోంది. పట్టణంలోని భవనాశి యల్లారావు కల్యాణ మండపంలో ఓ సామాజిక వర్గానికి చెందిన కార్యక్రమం జరుగుతుండటంతో వారంతా కల్యాణ మండపం వద్దకు హాజరయ్యారు. ఉలిక్కిపడిన కూటమి నేతలు వెంటనే పోలీసులకు సమాచారం ఇచ్చినట్లు తెలుస్తోంది. వైఎస్సార్‌సీపీ నాయకులు, ఓ సామాజిక వర్గానికి చెందిన వారు భవనాశి కల్యాణ మండపం వద్దకు వెళ్తున్నారని సమాచారం అందడంతో పోలీసులు అక్కడికి చేరుకుని భవనాశి యల్లారావును పట్టణ పోలీస్‌ స్టేషన్‌కు తరలించారు. ఆయనపై బైండోవర్‌ నమోదు చేసినట్లు సమాచారం. యల్లారావు చురుగ్గా పనిచేస్తే ఆర్యవైశ్య సామాజిక వర్గంలోనే కాకుండా, ఎన్నికల సమయంలోనూ ప్రభావం చూపిస్తారని కూటమి నాయకులు భయాందోళనలకు గురై ఆయనపై బైండోవర్‌ నమోదు చేయించారని ఆర్యవైశ్య సామాజిక వర్గంలో చర్చ జరుగుతోంది.

మనస్థాపంతో ఉరి వేసుకుని భర్త బలవన్మరణం నరసరావుపేట టౌన్‌: భార్యాభర్తల మధ్య మనస్పర్ధలు తలెత్తి ఓ వ్యక్తి ఆత్మహత్యకు పాల్పడిన సంఘటన శనివారం పట్టణంలో చోటుచేసుకుంది. టూటౌన్‌ పోలీసులు తెలిపిన వివరాల ప్రకారం.. బరంపేట మిట్టబజారుకు చెందిన షేక్‌ నాగూర (35) ఇంట్లో ఫ్యాన్‌కు ఉరి వేసుకొని ఆత్మహత్యకు పాల్పడ్డాడు. సమాచారం అందుకున్న టూటౌన్‌ సీఐ సురేంద్రబాబు సంఘటన స్థలానికి చేరుకొని మృదేహాన్ని పరిశీలించారు. ఆత్మహత్యకు గల వివరాలను కుటుంబ సభ్యులను అడిగి తెలుసుకున్నారు. గత కొన్ని నెలలుగా భార్యాభర్తల మధ్య మనస్పర్ధలు ఏర్పడి వేర్వేరుగా కాపురం ఉంటున్నట్లు తెలిపారు. ఈ కారణంతో మన స్థాపం చెంది ఆత్మహత్యకు పాల్పడి ఉంటారని పోలీసులు భావిస్తున్నారు. మృతదేహాన్ని పోస్టుమార్టం నిమిత్తం ప్రభుత్వ వైద్యశాలకు తరలించారు. ఈ మేరకు కేసు నమోదు చేసి దర్యాప్తు చేస్తున్నట్లు సీఐ తెలిపారు.

నరసరావుపేట: స్థానిక ఎన్నికల నిర్వహణకు పోలింగ్‌ అధికారులు (ఆర్‌ఓ), సహాయ పోలింగ్‌ అధికారులు (ఏఈఆర్‌ఓ)లకు సమగ్ర శిక్షణ అందించాలని జిల్లా కలెక్టర్‌ డాక్టర్‌ కృతికా శుక్లా సూచించారు. ఎన్నికల విధుల నిర్వహణలో ఎలాంటి పొరపాట్లకు తావులేకుండా అవగాహన కల్పించాలన్నారు. చట్టాలు, నిబంధనలు, మార్గదర్శకాలకు అనుగుణంగా విధులు నిర్వహించేలా రెండో విడత శిక్షణను శనివారం పట్టణంలోని భువనచంద్ర టౌన్‌హాలులో నిర్వహించారు. కలెక్టర్‌ మాట్లాడుతూ ప్రజాస్వామ్య వ్యవస్థలో ఎన్నికలు అత్యంత కీలకమైనవని అన్నారు. ప్రతి ఉద్యోగికి ఎన్నికల నిర్వహణ గొప్ప అనుభవమని పేర్కొన్నారు. ఎన్నికల్లో ప్రతి ఒక్కరూ స్వేచ్ఛగా తమ ఓటు హక్కును వినియోగించుకునేలా నిష్పక్షపాతంగా ఎన్నికలు నిర్వహించాలని సూచించారు. ఎన్నికల సంఘం నిర్దేశించిన నిబంధనలపై అధికారులు పూర్తిస్థాయిలో అవగాహన పెంచుకోవాలని తెలిపారు. చిన్న పొరపాటు జరిగినా తీవ్ర పరిణామాలు ఎదురయ్యే అవకాశం ఉందన్నారు.

దాచేపల్లి: నగర పంచాయతీ ఎన్నికల్లో పోటీ చేసేందుకు వైఎస్సార్‌సీపీ అభ్యర్థులు సమర్పించాల్సిన నామినేషన్‌ పత్రాలను కూటమి నేతలు చించివేశారు. పోలీసుల అండదండలతో నామినేషన్‌ కేంద్రాల వద్ద భారీ సంఖ్యలో గుమిగూడిన కూటమి నేతలు, శనివారం నామినేషన్‌ పత్రాలు వేసేందుకు వచ్చిన వైఎస్సార్‌సీపీ అభ్యర్థులను తీవ్రస్థాయిలో బెదిరించి, వారి నామినేషన్‌ పత్రాలను చించివేశారు. దాచేపల్లి నగర పంచాయతీ కార్యాలయానికి కూతవేటు దూరంలో నామినేషన్‌ పత్రాలు దాఖలు చేసేందుకు వచ్చిన వైఎస్సార్‌సీపీ అభ్యర్థులను చుట్టుముట్టి తీవ్ర భయభ్రాంతులకు గురిచేశారు. దాచేపల్లి నగర పంచాయతీ వైఎస్సార్‌సీపీ చైర్మన్‌ అభ్యర్థులుగా కొప్పుల రామకృష్ణ, షేక్‌ సుభానితో పాటు 12 వార్డులకు అభ్యర్థులు నామినేషన్‌ పత్రాలు దాఖలు చేసేందుకు అతి కష్టం మీద నామినేషన్‌ కేంద్రం సమీపానికి చేరుకున్నారు. అప్పటికే నగర పంచాయతీ కార్యాలయం చుట్టుపక్కల కాపుకాసి ఉన్న టీడీపీ, జనసేన నాయకులు, కార్యకర్తలు.. ఒక్కసారిగా వైఎస్సార్‌సీపీ అభ్యర్థులపై విరుచుకుపడ్డారు. అభ్యర్థులు దేవళ్ల లక్ష్మీప్రసన్న, షేక్‌ ఖాదర్‌ బాషా, జంగాల సింగరయ్య యాదవ్‌, షేక్‌ మస్తాన్‌వలితో పాటు పలువురు మహిళా అభ్యర్థులను అడ్డగించారు. వారి వద్ద ఉన్న నామినేషన్‌ పత్రాలను బలవంతంగా లాక్కుని చించివేశారు. మహిళా అభ్యర్థులని కూడా చూడకుండా వారిపై దుర్భాషలాడుతూ నెట్టివేసి ఇబ్బందులకు గురిచేశారు. నామినేషన్‌ కేంద్రం వద్ద కూటమి నేతలు హల్‌చల్‌ చేస్తూ అభ్యర్థులను తీవ్ర భయభ్రాంతులకు గురిచేశారు. దాచేపల్లిలోని నేతలతో పాటు చుట్టుపక్కల గ్రామాలు, ఇతర మండలాల నుంచి గుర్తుతెలియని వ్యక్తులను తీసుకువచ్చి బీభత్సం సృష్టించారు. టీడీపీ నేతల దుశ్చర్యలను చూసి అక్కడ ఉన్న వారంతా మండిపడ్డారు. నామినేషన్‌ పత్రాలను చించివేసి బెదిరింపులకు గురిచేయడంతో అభ్యర్థులు ఉరుకులు పరుగులు తీశారు. రాజ్యాంగబద్ధంగా ఎన్నికల్లో పోటీ చేసే అవకాశాన్ని లేకుండా చేశారని టీడీపీ నేతలపై మండిపడ్డారు. ఈ విషయంపై తాము న్యాయస్థానాన్ని ఆశ్రయిస్తామని వారు చెప్పారు. టీడీపీ నేతల బెదిరింపులు, దాడులతో దాచేపల్లి నగర పంచాయతీ కార్యాలయ ప్రాంగణం చుట్టూ భయానక పరిస్థితులు నెలకొన్నాయి. దాచేపల్లి నగర పంచాయతీ వైఎస్సార్‌సీపీ చైర్మన్‌ అభ్యర్థిగా నామినేషన్‌ వేసేందుకు బయలుదేరాను. మొదట పోలీసులు అడ్డుకున్నారు. అధిగమించి నామినేషన్‌ కేంద్రం వద్దకు చేరుకున్నా. అక్కడ టీడీపీ నాయకులు దాడి చేసేందుకు దూసుకొచ్చారు. పోలీసులు ప్రేక్షకపాత్ర పోషిస్తున్నారు. ఇంతటి దౌర్జన్యం ఎప్పుడూ చూడలేదు. ఏదైనా ఎన్నికల ద్వారా తేల్చుకోవాలి. కానీ, ఇలా బెదిరించి నామినేషన్లు వేయకుండా చేయడం సరైన పద్ధతి కాదు. – షేక్‌ సుభాని, వైఎస్సార్‌ సీపీ చైర్మన్‌ అభ్యర్థిదాచేపల్లి నగర పంచాయతీ 16వ వార్డులో వైఎస్సార్‌సీపీ తరఫున నామినేషన్‌ వేసేందుకు నేను వెళ్లాను. చూడగానే 200 మందికి పైగా టీడీపీ కార్యకర్తలు, గుర్తుతెలియని వ్యక్తులు నా వద్దకు వచ్చి బెదిరించారు. నన్ను దుర్భాషలాడుతూ నామినేషన్‌ పత్రాలను బలవంతంగా లాక్కుని చించివేశారు. వారిలో కొంతమంది నన్ను ఇబ్బందులకు గురిచేసేలా వ్యవహరించారు. రాజ్యాంగం నాకు కల్పించిన హక్కును టీడీపీ నాయకులు కాలరాస్తున్నారు. విద్యావంతురాలినైన నన్ను అవమానించేలా మాట్లాడారు. – దేవళ్ల లక్ష్మీప్రసన్న, వైఎస్సార్‌ సీపీ అభ్యర్థి

వైఎస్సార్‌ సీపీ తరఫున నామినేషన్‌ సమర్పణ వినుకొండ: వినుకొండ మున్సిపల్‌ ఎన్నికల నామినేషన్ల ఘట్టంలో ఓ అరుదైన ఘట్టం చోటుచేసుకుంది. 2026 అర్బన్‌ లోకల్‌ బాడీస్‌ ఎన్నికల ప్రక్రియలో భాగంగా శనివారం దాఖలైన నామినేషన్లలో, కిరాతకంగా హత్యకు గురైన రషీద్‌ ఆత్మశాంతి కోసం ఆయ న తల్లి శంషాద్‌ వైఎస్సార్‌ సీపీ తరఫున దాఖలు చేసిన నామినేషన్‌ అందరి దృష్టిని ఆకర్షించింది. మొత్తం 36 వార్డులు ఉన్న వినుకొండ మున్సిపాలిటీ పరిధిలో శనివారం మొత్తం 50 నామినేషన్లు దాఖలయ్యాయి. అందులో వైఎస్సార్‌ సీపీ, టీడీపీ, బీజేపీ, జనసేన వంటి ప్రధాన రాజకీయ పార్టీలతో పాటు స్వతంత్ర అభ్యర్థులు నామినేషన్లు సమర్పించారు. అయితే, ఈ ప్రక్రియ అంతటిలో శంషాద్‌ నామినేషన్‌ దాఖలు చేయడం స్థానికంగా చర్చనీయాంశంగా మారింది.

పిడుగురాళ్ల/మాచవరం: పట్టణంలోని వైఎస్సార్‌సీపీ నాయకుల ఇళ్ల వద్దకు, వైఎస్సార్‌సీపీ కార్యాలయం వద్దకు పట్టణ సీఐ శ్రీరాం వెంకట్రావు, ఎస్‌ఐ శివనాగరాజు వెళ్లి, కార్యాలయంలో ఎందుకు ఉన్నారని కేకలు వేశారు. తప్పేంటని నాయకులు ప్రశ్నించారు. దీంతో వారిని అరెస్టు చేశారు. పోలీసులు అదుపులోకి తీసుకున్న నాయకులను కారంపూడి పోలీస్‌స్టేషన్‌కు తరలించారు. వైఎస్సార్‌సీపీ నాయకులు, అభ్యర్థులు గుర్రం అప్పిరెడ్డి, కానాల శ్రీనివాసరెడ్డి, మందా సుధీర్‌, మందా ఆనంద్‌, నంద్యాల బాబులను వైఎస్సార్‌సీపీ కార్యాలయం వద్ద అరెస్టు చేశారు. అల్లు పిచ్చిరెడ్డి, కందుకూరి శ్రీనివాసరావు, ఓర్సు దుర్గాప్రసాద్‌, ఇర్లా శివలను వారి ఇళ్ల వద్ద అరెస్టు చేశారు. చల్లా శివారెడ్డి, ముడేల శ్రీనివాసరెడ్డిలను కరాలపాడు గ్రామంలో ఆటోలో వచ్చిన కానిస్టేబుల్‌ అర్ధరాత్రి సమయంలో అరెస్టు చేసి తీసుకొచ్చారు. మరికొంతమంది వైఎస్సార్‌సీపీ నాయకుల కోసం పోలీసులు ప్రతి వార్డులోనూ జల్లెడ పట్టి మరీ వెతికారు. విషయం తెలుసుకున్న కొంతమంది పోలీసులకు దొరకకుండా జాగ్రత్తలు తీసుకున్నారు. వైఎస్సార్‌సీపీ తరఫున ఎవరైనా నామినేషన్‌ దాఖలు చేస్తే ఊరుకునే పరిస్థితి లేదని, ఎవరూ నామినేషన్‌ దాఖలు చేయవద్దని పోలీసులు హెచ్చరిస్తున్నట్లు తెలుస్తోంది. పిడుగురాళ్ల పట్టణ సీఐ నామినేషన్‌ దాఖలు చేసే కేంద్రాల వద్ద పార్టీ పేర్లు అడిగి మరీ అభ్యర్థులను పంపిస్తున్నారని ఆరోపణలు ఉన్నాయి. మున్సిపల్‌ కార్యాలయం వద్దకు ఎక్కువ సంఖ్యలో మొదటి వార్డుకు చెందిన టీడీపీ మహిళలు వస్తే మాత్రం వెంటనే నామినేషన్‌ దాఖలు చేసేందుకు పంపించారు.

అమరావతి: రాజధాని అమరావతి చుట్టూ 97 గ్రామాలను కలుపుతూ 189 కిలోమీటర్లు పొడవున ప్రభుత్వం నిర్మించే అమరావతి ఔటర్‌ రింగ్‌ రోడ్డు వల్ల భూములు కోల్పయే రైతులు తమ భూములకిచ్చే పరిహారం పెంచి ఇవ్వాలని కోరుతూ శనివారం రాత్రి పల్నాడు జిల్లా అమరావతి మండలం లింగాపురంలో సమావేశం నిర్వహించారు. సమావేశంలో అమరావతి మండలం లింగాపురం, ధరణికోట, పెదకూరపాడు మండలం బలుసుపాడు, పరసా గ్రామాలకు చెందిన రైతులు పాల్గొన్నారు. సమావేశంలో ఔటర్‌ రింగ్‌రోడ్డులో రెండు మండలాలలో సుమారు వెయ్యి ఎకరాల వరకు ప్రభుత్వం భూసేకరణ ద్వారా సేకరించటానికి నిర్ణయించిన క్రమంలో తమకు చెల్లించే పరిహారం పెంచి ఇవ్వాలని కోరారు. అవసరమైతే న్యాయస్థానాన్ని ఆశ్రయించాలని రైతులు నిర్ణయించారు. అమరావతి ఔటర్‌రింగ్‌రోడ్డు భూముల రైతుల హక్కుల పరిరక్షణ సమితి రాష్ట్ర కార్యవర్గ సభ్యుడు ఆలపాటి వీరయ్య మాట్లాడుతూ తాము భూములు ఇవ్వటానికి వ్యతిరేకం కాదని తమకు ప్రభుత్వం ఇచ్చే పరిహారం 2013 భూసేకరణ చట్టాన్ని అనుసరించి పరిహారం చెల్లించాలని తాము కోరుతున్నామన్నారు. రైతులు తమ పూర్తి జీవనాధారమైన భూములను కోల్సతున్నాడన్నారు. అమరావతి, పెదకూరపాడు మండలాలలో బహిరంగ మార్కెట్‌లో ఎకరా భూమి రూ.కోటి నుండి రూ.మూడు కోట్ల వరకు ధర పలుకుంతుందన్నారు అటువంటి భూములను తాము ఔటర్‌ రింగ్‌ రోడ్‌ కోసం త్యాగం చేస్తున్నామని ప్రభుత్వం తమ త్యాగాన్ని గుర్తించాలన్నారు. ప్రభుత్వం రైతుల భాధలను దృష్టిలో ఉంచుకుని పరిహారం నిర్ణయించాలని ఔటర్‌రింగ్‌రోడ్డు రైతుల పక్షాన కోరుతున్నామన్నారు. సమావేశంలో లింగాపురం, ధరణికోట, బలుసుపాడు, పరసా గ్రామాల రైతులు పాల్గొన్నారు.

గుర్తుంచుకోండి..! సత్తెనపల్లి: మున్సిపల్‌ పోరుకు షెడ్యూల్‌ విడుదల కావడంతో జిల్లాలో నామినేషన్‌ పత్రాల దాఖలు సందడి మొదలైంది. ఇదే సమయంలో మున్సిపాలిటీలతో పాటు నగర పంచాయతీల్లో రాజకీయ నాయకుల హడావుడి సైతం అధికమైంది. పోటీకి పార్టీ బీ–ఫారం చాలా కీలకం. దీన్ని దక్కించుకునేందుకు చైర్మన్‌ అభ్యర్థులు, కౌన్సిలర్‌ ఆశావహులు అన్ని విధాలుగా ప్రయత్నిస్తున్నారు. ప్రధాన పార్టీల తరఫున ఎంత మందైనా నామినేషన్లు దాఖలు చేయొచ్చు. వీటి ఉపసంహరణ గడువు ఈ నెల 21 మధ్యాహ్నం 3 గంటల వరకు ఉంది. వారిలో పార్టీ బీ–ఫారం ఎవరు ఇస్తే వారికి ఆ పార్టీ గుర్తు దక్కుతుంది. లేదంటే స్వతంత్ర అభ్యర్థిగా పరిగణించి ఇతర గుర్తులు కేటాయిస్తారు. నరసరావుపేట రూరల్‌: మున్సిపాలిటీలో విలీన గ్రామాల్లో ఎన్నికల నిర్వహణపై సందిగ్ధత నెలకొంది. మండలంలోని రావిపాడు, లింగంగుంట్ల, ఇస్సపాలెం, యల్లమంద, కేసానుపల్లి గ్రామాల్లోని కొంత ప్రాంతాన్ని నరసరావుపేట మున్సిపాలిటీలో విలీనం చేశారు. దీనిపై స్థానికులు న్యాయస్థానాన్ని ఆశ్రయించారు. దీంతో నరసరావుపేట మున్సిపాలిటీతో ఐదు గ్రామాల్లో గతంలో ఎన్నికలు నిర్వహించలేదు. న్యాయస్థానం కేసులను కొట్టివేయడంతో తాజాగా మున్సిపాలిటి అధికారులు ఎన్నికలకు సిద్ధమవుతున్నారు. ఈ నేపధ్యంలో విలీన గ్రామాల్లో ఎన్నికల నిర్వహణపై సందిగ్దత నెలకొంది. సత్తెనపల్లి: సాధారణంగా కార్పొరేషన్‌ పరిధిలో ఉండే కార్పొరేటర్‌, మున్సిపాలిటీ పరిధిలో ఉండే కౌన్సిలర్‌ అత్యంత కీలకమైన ప్రజాప్రతినిధి. వీరు తమ డివిజన్‌, వార్డు పరిధిలో ప్రజల సమస్యలను పరిష్కరించడంలో ప్రధాన పాత్ర పోషించాల్సి ఉంటుంది. కార్పొరేషన్‌, మున్సిపాలిటీలో ఉండే డివిజన్ల,వార్డుల నుంచి నూతనంగా ఎంపికయ్యే కార్పొరేటర్లు, కౌన్సిలర్ల విధులు, అధికారాలు తెలుసుకుందాం.

పదిమందికి గాయాలు పిడుగురాళ్ల: పార్కింగ్‌ కోసం రోడ్డు దాటుతున్న లారీని ప్రైవేటు ట్రావెల్స్‌ బస్సు ఢీకొనగా పదిమంది ప్రయాణికులు సంఘటన శనివారం తెల్లవారుజామున పిడుగురాళ్ల పట్టణంలోని ఇండియన్‌ పెట్రోల్‌ బంకు వద్ద జరిగింది. సంఘటనకు సంబంధించిన వివరాలు... గుంటూరు వైపు నుంచి హైదరాబాద్‌ వైపు వెళ్తున్న లోడ్‌ లారీ తెల్లవారుజామున లారీ డ్రైవర్‌ నిద్ర రావటంతో ఇండియన్‌ పెట్రోల్‌ బంక్‌ వద్ద పార్కింగ్‌ చేసేందుకు మలుపు తిప్పుతున్నాడు. ఈక్రమంలో అదే దారిలో వస్తున్న మార్నింగ్‌ స్టార్‌ ప్రైవేట్‌ ట్రావెల్‌ బస్సు డ్రైవర్‌ వేగంగా లారీ దగ్గరకు వచ్చిన తరువాత ఒక్కసారిగా సడన్‌ బ్రేక్‌ వేయటంతో బస్సు లారీని ఢీకొంది. లారీలో ఉన్న క్లీనర్‌తో పాటు బస్సులో ఉన్న 10మందికి గాయాలయ్యాయి. వారికి ప్రథమ చికిత్స నిర్వహించి, ప్రయాణికులను మరో బస్సుద్వారా హైదరాబాద్‌ తరలించారు. రోడ్డుకు అడ్డంగా ఉన్న ప్రమాదానికి గురైన లారీని పొక్లెయిన్‌ సహాయంతో తొలగించారు. ఈసంఘటనపై తమకు ఎటువంటి ఫిర్యాదు అందలేదని పట్టణ పోలీసులు తెలిపారు.

నరసరావుపేట: పల్నాడు జిల్లా రొంపిచర్ల గ్రామంలో ఎస్సీ, ఎస్టీ, బీసీలకు సంబంధించిన బూత్‌ నెంబర్‌ 209 మార్పిడిని తక్షణమే నిలిపివేసి యథాతధ స్థితిని కొనసాగించాలని వైఎస్సార్‌ సీపీ పల్నాడు జిల్లా కార్యనిర్వాహక అధ్యక్షుడు, మాజీ ఎమ్మెల్యే డాక్టర్‌ గోపిరెడ్డి శ్రీనివాసరెడ్డి కోరారు. విజయవాడలో రాష్ట్ర ఎన్నికల కమిషనర్‌అనీల్‌చంద్ర పునేఠను కలిసి రాష్ట్ర హైకోర్టు ఆదేశాలు ఇచ్చిన ఆదేశాలను అమలుచేయాలని కోరుతూ వినతిపత్రం సమర్పించారు. మీడియాతో మాట్లాడుతూ నియోజకవర్గంలో రొంపిచర్ల మండల కేంద్రంలో 209 నెంబర్‌ బూతులో ఎస్సీ, ఎస్టీ, బీసీలకు చెందిన 786 ఓట్లు ఉంటే అందులో 650 ఓట్లు ఎస్సీ, ఎస్టీ, బీసీ కులాలకు సంబంధించినవి ఉన్నాయన్నారు. వారిని పోలింగ్‌ రాకుండా చేసేందుకు ఈ బూత్‌ని తీసుకెళ్లి తెలుగుదేశం పార్టీ వారు నివాసం ఉండే ఏరియాలో పెట్టారన్నారు. దీనిపై పార్టీ తరపున హైకోర్టులో రిట్‌ పిటిషన్‌ ఫైల్‌ చేశామని, హైకోర్టు పోలింగ్‌ బూత్‌లను మార్చడం అనేది రాజ్యాంగానికి విరుద్ధమంటూ బూత్‌ను తిరిగి రీబ్యాక్‌ చేయమని కోర్టు ఆర్డర్‌ ఇచ్చిందన్నారు. ఈ కోర్టు ఆర్డర్‌ కాపీని స్టేట్‌ ఎలక్షన్‌ కమిషనర్‌కు అందజేసి తక్షణమే కోర్ట్‌ ఆర్డర్‌ని అమలు చేయమని కోరామన్నారు. దీనికి స్పందించిన స్టేట్‌ ఎలక్షన్‌ కమిషనర్‌ ఈ ఆర్డర్‌ను అమలు చేయమని సంబంధిత అధికారులకు ఆదేశాలు జారీ చేస్తామని హామీ ఇచ్చారన్నారు.

ఆదివారం శ్రీ 18 శ్రీ అక్టోబర్‌ శ్రీ 2026చెరకు మద్దతు ధర ప్రకటనఉయ్యూరు(కంకిపాడు): 2026–27 సీజన్‌కు చెరకు టన్ను మద్దతు ధర రూ.3,783గా శనివారం రైతు సంఘాల ప్రతినిధుల సమావేశంలో కేసీపీ యాజమాన్యం ప్రకటించింది. కూటమి పాలనలో చీకటి రోజులు రాజ్యమేలుతున్నాయి. ప్రజల హక్కులను కాపాడాల్సిన పోలీసులే రెడ్‌బుక్‌ రాజ్యాంగాన్ని అమలు చేస్తున్నారు. స్థానిక సంస్థల నామినేషన్ల ప్రక్రియలో అడుగడుగునా పోలీసులు, టీడీపీ నేతలు ఆటంకాలు కల్పిస్తూ ఇబ్బందులకు గురిచేస్తున్నారు. దాచేపల్లి నగర పంచాయతీ ఎన్నికల్లో చట్టాన్ని చేతుల్లోకి తీసుకున్నారు. ఇక పిడుగురాళ్ల పట్టణంలో వైఎస్సార్‌ సీపీ తరఫున మున్సిపల్‌ ఎన్నికల్లో నాయకులను, అభ్యర్థులను అరెస్టు చేసి, ఎక్కడికి తరలించారో కూడా పోలీసులు చెప్పని పరిస్థితి నెలకొంది. అర్ధరాత్రి సమయంలో వారిని అక్రమంగా అరెస్టు చేశారు. గురజాలలో మాజీ ఎమ్మెల్యే కాసు మహేష్‌రెడ్డిని హౌస్‌ అరెస్టు పేరుతో అక్రమంగా నిర్బంధించారు. దాచేపల్లి నగర పంచాయతీలో వైఎస్సార్‌ సీపీ అభ్యర్థుల నామినేషన్‌ పత్రాలను కూటమి నేతలు చించివేశారు. పిడుగురాళ్ల వైఎస్సార్‌ సీపీ సీనియర్‌ నాయకుడు, ఆర్యవైశ్య సంఘం నేత యల్లారావుపై పోలీసులు అక్రమంగా బైండోవర్‌ నమోదు చేశారు.

దాచేపల్లి, పిడుగురాళ్ల రూరల్‌: పల్నాడు జిల్లా దాచేపల్లి నగర పంచాయతీ ఎన్నికల్లో వైఎస్సార్‌ కాంగ్రెస్‌ పార్టీ తరఫున పోటీ చేసే అభ్యర్థులను నామినేషన్లు వేయకుండా పోలీసులు శనివారం అడ్డుకున్నారు. వైఎస్సార్‌సీపీ అభ్యర్థులను సీఐ షేక్‌ ఖాజావలి వేలెత్తి చూపిస్తూ బెదిరించారు. లాఠీచార్జి చేస్తానని తీవ్రస్థాయిలో హెచ్చరించారు. నగర పంచాయతీ చైర్మన్‌ కొప్పుల సుబ్బమ్మ భర్త సాంబయ్య చొక్కా పట్టుకుని లాగేశారు. తమకు శాంతియుతంగా నామినేషన్లు వేసే అవకాశం కల్పించాలని అభ్యర్థులు కోరినప్పటికీ సీఐ ససేమిరా అన్నారు. మధ్యాహ్నం 2 గంటల తర్వాత అవకాశం కల్పిస్తానని సీఐ హామీ ఇవ్వడంతో అభ్యర్థులు వెనుదిరిగారు. తిరిగి రెండు గంటల ప్రాంతంలో ముత్యాలంపాడు అడ్డరోడ్డు వద్దకు రావడంతో సీఐ మళ్లీ అడ్డుకుని ఆగ్రహం వ్యక్తం చేశారు. ఒక్కో అభ్యర్థి వెళ్లి నామినేషన్‌ వేయాలని చెప్పారు. నామినేషన్‌ కేంద్రాల వద్ద టీడీపీ నాయకులు కాపు కాశారని, తాము ఒంటరిగా వెళ్తే తమపై దాడులు చేస్తారని వైఎస్సార్‌సీపీ అభ్యర్థులు తెలిపారు. చివరికి నామినేషన్‌ కేంద్రం వద్దకు వైఎస్సార్‌సీపీ అభ్యర్థులు వెళ్లగానే టీడీపీ నాయకులు అడ్డుకున్నారు. దుర్భాషలాడారు. దీంతో వైఎస్సార్‌సీపీ నాయకులు ముత్యాలంపాడు అడ్డరోడ్డు వద్ద అద్దంకి–నార్కట్‌పల్లి హైవేపై బైఠాయించారు. పోలీసులు, టీడీపీ నేతల తీరును నిరసించారు. దీంతో సీఐ లాఠీలతో వారిని చెదరగొట్టారు. నాయకులు, కార్యకర్తలు రోడ్డుపై పరుగులు తీశారు. వైఎస్సార్‌సీపీ పట్టణ, మండల కన్వీనర్లు షేక్‌ సుభానీ, కోట కృష్ణ, నగర పంచాయతీ చైర్మన్‌ భర్త కొప్పుల సాంబయ్య, మాజీ చైర్మన్‌ మునగా పున్నారావు, వైస్‌ చైర్మన్లు కొమెరబత్తిన విజయకుమార్‌, షేక్‌ ఖాదర్‌ బాషా, మాజీ సర్పంచులు మందపాటి రమేష్‌రెడ్డి, బుర్రి విజయకుమార్‌రెడ్డి, జెడ్పీటీసీ మాజీ సభ్యుడు మూలగొండ్ల ప్రకాష్‌రెడ్డి, మాజీ ఎంపీపీ కందుల జాను, మాజీ వైస్‌ ఎంపీపీ తండా అబ్దుల్‌ సత్తార్‌, నాయకులు కుందురు తిరుపతిరెడ్డి, మందపాటి వీరారెడ్డి, కొలా జంపాలరెడ్డి, తమ్మిశెట్టి రామకృష్ణ, పరిమి బాబు, మునగా శ్రీనివాసరావు, షేక్‌ సైదా, జక్కా అశోక్‌, ముడి విక్టర్‌పాల్‌, కూసం నాగిరెడ్డి, మీసాల ఆనందరావు, యర్రంశెట్టి సైదారెడ్డి, ఈదా వెంకటరెడ్డి, వంగా పద్మావతి తదితరులు పాల్గొన్నారు.

నరసరావుపేట: మున్సిపల్‌ ఎన్నికల ఏర్పాట్లలో భాగంగా జొన్నలగడ్డ రోడ్డులోని తిరుమల ఇంజినీరింగ్‌ కళాశాలలో ఎన్నికల సామగ్రి కోసం డిస్ట్రిబ్యూషన్‌ సెంటర్‌, రిసెప్షన్‌ సెంటర్‌, బ్యాలెట్‌ పెట్టెలను భద్రపరిచేందుకు స్ట్రాంగ్‌ రూమ్‌ ఏర్పాట్లను జిల్లా కలెక్టర్‌ డాక్టర్‌ కృతికా శుక్లా శనివారం పరిశీలించారు. సిబ్బంది కేటాయింపు, వాహనాల రాకపోకల మార్గాలు, బారికేడింగ్‌, సీసీ కెమెరాల ఏర్పాటు, స్ట్రాంగ్‌ రూమ్‌ల భద్రత తదితర అంశాలపై అధికారులు, కళాశాల ప్రతినిధులతో చర్చించారు. సత్తెనపల్లి: వైఎస్సార్‌ సీపీ సత్తెనపల్లి మున్సిపల్‌ చైర్మన్‌ అభ్యర్థిగా మున్సిపల్‌ మాజీ వైస్‌ చైర్మన్‌ షేక్‌ నాగూర్‌ మీరాన్‌ను అధిష్టానం ప్రకటించింది. ఈ మేరకు పార్టీ కేంద్ర కార్యాలయం నుంచి శనివారం రాత్రి సమాచారం వచ్చిందని వైఎస్సార్‌ సీపీ సత్తెనపల్లి నియోజకవర్గ సమన్వయకర్త డాక్టర్‌ గజ్జల సుధీర్‌భార్గవ్‌రెడ్డి తెలిపారు. నాగూర్‌మీరాన్‌ గత మున్సిపల్‌ ఎన్నికల్లో 27వ వార్డు నుంచి ఏకగ్రీవంగా ఎన్నికై మున్సిపల్‌ వైస్‌ చైర్మన్‌గా ఐదేళ్ల పాటు సేవలందించారు. అంతేకాక వైఎస్సార్‌ సీపీ పట్టణ అధ్యక్షుడిగా పని చేశారు. ప్రస్తుతం మున్సిపల్‌ చైర్మన్‌ పీఠాన్ని బీసీ జనరల్‌కు కేటాయించిన విషయం విధితమే. ఈ క్రమంలో ముస్లీం మైనార్టీ సామాజిక వర్గానికి చెందిన షేక్‌ నాగూర్‌మీరాన్‌ను సత్తెనపల్లి మున్సిపల్‌ చైర్మన్‌ అభ్యర్థిగా ప్రకటించారు. ఆదివారం ఆయన నామినేషన్‌ దాఖలు చేయనున్నారు. గురజాల: గురజాల నగర పంచాయతి ఎన్నికల నేపథ్యంలో దాచేపల్లి వైఎస్సార్‌ కాంగ్రెస్‌ పార్టీ చైర్మన్‌ అభ్యర్థి కొప్పుల రవికుమార్‌ను అక్రమ అరెస్టు వ్యవహారం రాజకీయంగా చర్చనీయాంశంగా మారింది. అక్రమ మద్యం కేసు బనాయించి తనను అరెస్టు చేసి రిమాండ్‌కు తరలించారని ఆరోపిస్తున్న కొప్పుల రవి నామినేషన్‌ దాఖలుకు అవకాశం కల్పించాలని కోర్టును ఆశ్రయించాడు. ఈ పిటిషన్‌పై స్పందించిన కోర్టు రిమాండ్‌లో ఉన్న దాచేపల్లి నగర పంచాయతి వైఎస్సార్‌సీపీ చైర్మన్‌ అభ్యర్థి కొప్పుల రవికుమార్‌ను పోలీసులు ఎస్కార్ట్‌తో నామినేషన్‌ కేంద్రానికి తీసుకెళ్లి నామినేషన్‌ దాఖలు చేసేలా చర్యలు తీసుకోవాని పోలీసులకు ఆదేశాలు జారీ చేసినట్లు రవి తరుపున న్యాయవాది తెలిపారు. వినుకొండ: స్థానిక సంస్థల ఎన్నికల్లో అధికార కూటమి ప్రభుత్వం, పోలీసులు వ్యవహరిస్తున్న తీరు అత్యంత దుర్మార్గంగా ఉందని సీపీఐ జాతీయ కార్యవర్గ సభ్యురాలు అక్కినేని వనజ తీవ్రస్థాయిలో మండిపడ్డారు. ప్రత్యేకించి దాచేపల్లి, గురజాల, పిడుగురాళ్ల ప్రాంతాల్లో ఇతర రాజకీయ పార్టీలను నామినేషన్లు వేయనీయకుండా పోలీసులు అధికార పార్టీ కార్యకర్తల్లా అడ్డుకోవడం సిగ్గుచేటని విమర్శించారు. ప్రత్యేకంగా సీపీఐ అభ్యర్థులు నామినేషన్లు దాఖలు చేయకుండా భయభ్రాంతులకు గురిచేయడం, నామినేషన్‌ కేంద్రాల వద్దకు వెళ్లిన వారిని అడ్డుకుని వెనక్కి పంపడం లాంటి ఘటనలు ప్రజాస్వామ్యానికే ముప్పని ఆమె ఆవేదన వ్యక్తం చేశారు. ఎన్నికల్లో ప్రతి ఒక్కరికీ పోటీ చేసే హక్కు ఉంటుందని, ఇలాంటి అప్రజాస్వామిక చర్యలను వెంటనే ఆపాలని డిమాండ్‌ చేశారు. గతంలో ప్రతిపక్షంలో ఉన్నప్పుడు పెద్ద ఎత్తున ప్రజాస్వామ్య పరిరక్షణ గురించి మాట్లాడిన సీనియర్‌ నాయకుడు చంద్రబాబు నాయుడు ఇప్పుడు జరుగుతున్న ఈ అణచివేతను ఎందుకు ప్రశ్నించడం లేదని ఆమె నిలదీశారు. ఇప్పటికై నా ఎన్నికల సంఘం మరియు జిల్లా యంత్రాంగం జోక్యం చేసుకుని, నామినేషన్ల ప్రక్రియ సజావుగా సాగేలా చర్యలు తీసుకోవాలని, లేనిపక్షంలో ప్రజాస్వామ్య పరిరక్షణ కోసం సీపీఐ తరఫున పెద్దఎత్తున ఆందోళనలు చేపడతామని ఆమె హెచ్చరించారు. అత్యధికంగా నరసరావుపేటలో 22.4 మి.మీ నరసరావుపేట: నరసరావుపేటతో పాటు జిల్లాలోని పలు ప్రాంతాల్లో వర్షం కురిసింది. జిల్లా వ్యాప్తంగా శుక్రవారం ఉదయం నుంచి శనివారం ఉదయం వరకు 28.8 మిల్లీమీటర్ల వర్షం కురిసినట్లు జిల్లా అధికారులు తెలిపారు. అత్యధికంగా నరసరావుపేటలో 22.4 మి.మీ వర్షం కురవగా నాదెండ్లలో 6.4 వర్షం కురిసింది. శనివారం రాత్రి వరకు నరసరావుపేటలో అడపా తడపా వర్షం కురుస్తూనేవుంది.

నరసరావుపేట: గురజాల శాసనసభ్యుడు యరపతినేని శ్రీనివాసరావు చెప్పుచేతల్లో పోలీసు వ్యవస్థ పనిచేస్తోందని ఆ నియోజకవర్గ మాజీ ఎమ్మెల్యే కాసు మహేష్‌రెడ్డి పేర్కొన్నారు. స్థానిక క్యాంపు కార్యాలయంలో ఉన్న తనను పోలీసులు హౌస్‌ అరెస్టు పేరుతో అక్రమంగా నిర్బంధించారని అన్నారు. ఆయన మీడియాతో మాట్లాడుతూ... ప్రజాస్వామ్య పద్ధతిలో ఎన్నికలను నిర్వహించాల్సి ఉందన్నారు. కానీ పోలీసులు రౌడీల్లా వ్యవహరిస్తూ టీడీపీ నాయకుల ఆదేశాల మేరకు తమ చైర్మన్‌ అభ్యర్థిని అక్రమంగా అరెస్టు చేశారన్నారు. నామినేషన్‌ వేయనీయకుండా అడ్డుకున్నారని ఆరోపించారు. దీనిపై పోరాడుతున్న తమకు రక్షణ కల్పించాల్సిన పోలీసులు తమనే హౌస్‌ అరెస్టు చేశారని అన్నారు. దీనిపై కోర్టును ఆశ్రయించి పోరాటం చేస్తామని ప్రకటించారు. వైఎస్‌ జగన్‌మోహన్‌రెడ్డి ఆదేశానుసారం చివరి వరకు పోరాటం చేస్తామని అన్నారు. అక్రమ అరెస్టులతో కుంగిపోయేవాళ్లం కాదని, ప్రజాక్షేత్రంలో కూడా తేల్చుకుంటామని తెలిపారు. వారు ఏం చేసినా తమ పార్టీ అభ్యర్థులు నామినేషన్లు వేసేందుకు సిద్ధంగా ఉన్నారని అన్నారు. గురజాలలో కొమ్మినేని వెంకటేశ్వర్లు, యెనుముల మురళీధరరెడ్డిలను అరెస్టు చేశారని తెలిపారు. పోలీస్‌స్టేషన్‌కు వెళ్లి అడిగితే కేసులు పెడుతున్నారని, దీనికి ప్రతిఫలాన్ని రాబోయే రోజుల్లో అనుభవిస్తారని హెచ్చరించారు. కాగా, మహేష్‌రెడ్డి క్యాంపు కార్యాలయానికి చెందిన రెండు గేట్ల వద్ద వన్‌టౌన్‌, టూటౌన్‌ పోలీసు సీఐలు, రూరల్‌ సీఐ తమ సిబ్బందితో పహారా కాస్తున్నారు.

వినుకొండ:అధికార బలంతో పదవులను పంచుకోవచ్చని భావించిన తెలుగుదేశం పార్టీకి వినుకొండలో ఊహించని షాక్‌ తగిలింది. గత రెండు దశాబ్దాలకు పైగా చైర్మన్‌ పీఠం కోసం కళ్లు కాయలు కాచేలా ఎదురుచూస్తున్న ఆర్యవైశ్యుల ఆశలపై టీడీపీ అధిష్టానం, స్థానిక నాయకత్వం నీళ్లు చల్లారనే విమర్శలు వెల్లువెత్తుతున్నాయి. ఎన్నికల వేళ ఆర్యవైశ్యులకు ఇస్తామన్న చైర్మన్‌ సీటును చివరి నిమిషంలో చేజార్చడం, దాన్ని ముస్లిం మైనార్టీ వర్గానికి కేటాయించడంపై ఆ సామాజిక వర్గంలో ఇప్పుడు ఆగ్రహ జ్వాలలు పెల్లుబుకుతున్నాయి. మోసపోయమంటూ రగిలిపోతున్న వ్యాపార వర్గం వినుకొండ మున్సిపల్‌ ఎన్నికల వేళ రాజకీయం ఒక్కసారిగా వేడెక్కింది. స్థానిక ఎమ్మెల్యే జీవీ ఆంజనేయులు మొదటినుంచి ఆర్యవైశ్య ప్రముఖులు, వ్యా పారులతో ప్రత్యేక సమావేశాలు నిర్వహించి.. ఈ సారి మున్సిపల్‌ చైర్మన్‌ పదవి కచ్చితంగా ఆర్యవైశ్యులకే దక్కుతుందని నమ్మబలికారు. దీంతో గత 26 ఏళ్ల కల నెరవేరబోతుందని ఆ వర్గం ఎంతో ఆశపడింది. కూటమి శిబిరంలో అంతర్మథనం..... వైఎస్సార్‌ కాంగ్రెస్‌ పార్టీ తరఫున యువ నాయకుడు పి.పి.ఎస్‌. ఖాన్‌ని మాజీ ఎమ్మెల్యే బొల్లా బ్రహ్మనాయుడు రంగంలోకి దించటంతో కూటమి శిబిరంలో అంతర్మథనం మొదలైంది. ముస్లిం సామాజిక వర్గం పూర్తిగా వైసీపీకి అండగా ఉందనే అంచనాతో, ఆర్యవైశ్యులకు సీటిస్తే ఎన్నికల్లో ఎదురుదెబ్బ తగులుతుందని భయపడిన ఎమ్మెల్యే చివరి క్షణంలో ప్లేట్‌ ఫిరాయించడంతో మూడు రోజుల పాటు ‘ఇదిగో సీటు.. అదిగో సీటు‘ అంటూ నాన్చి, చివరకు ‘రెండున్నర సంవత్సరాలు ఆర్యవైశ్యులకు, మరో రెండున్నర సంవత్సరాలు ముస్లింలకు‘ అంటూ కొత్త తెర వెనుక నాటకం ఆడింది. అంతటితో ఆగకుండా ‘నాకేం సంబంధం లేదు.. ఇది అధిష్టానం నిర్ణయం‘ అంటూ ఎమ్మెల్యే చేతులు ఎత్తేయడం ఆర్యవైశ్యుల్లో కట్టలు తెంచుకున్న ఆగ్రహానికి కారణమైంది. మోసపూరిత వైఖరిని సహించలేని వినుకొండ ఆర్యవైశ్యులు ఇక వెనక్కి తగ్గేది లేదని తేల్చిచెప్పారు. టీడీపీతో ఎలాంటి సంబంధం లేకుండా తామే స్వయంగా నామినేషన్లు వేయాలని నిర్ణయించుకున్నారు. ఇటు ఆర్యవైశ్యుల తిరుగుబాటు, అటు బీజేపీ నాయకులు, టీడీపీలోని అసంతృప్త రెబల్స్‌ కూడా భారీగా నామినేషన్లకు సిద్ధమవుతుండటంతో కూటమిలో గుబులు మొదలైంది. టీడీపీ తీసుకున్న పూటకో మాట, నిమిషానికో నిర్ణయం వల్ల స్థానికంగా ఆర్యవైశ్య ఓట్లు చీలిపోవడం ఖాయంగా కనిపిస్తోంది. ఇచ్చిన మాట తప్పిన నాయకత్వానికి వినుకొండ ప్రజలు, ఆర్యవైశ్యులు బ్యాలెట్‌ ద్వారా ఎలాంటి బుద్ధి చెబుతారో వేచి చూడాలి.

దాచేపల్లి: దాచేపల్లి పోలీస్‌స్టేషన్‌ని జిల్లా ఎస్పీ జగదీష్‌ అదహళ్లి శుక్రవారం సందర్శించారు. స్టేషన్‌ రికార్డులు పరిశీలన చేసి సిబ్బందితో మాట్లాడారు. స్థానిక సంస్థల ఎన్నికల నిర్వహణపై తీసుకుంటున్న చర్యలు గురించి సీఐ షేక్‌ ఖాజావలి ఎస్పీకి వివరించారు. ఎన్నికల నిర్వహణకు ప్రతిష్టమైన బందోబస్తు ఏర్పాటు చేయాలని ఎస్పీ ఆదేశించారు. నాదెండ్ల: అనారోగ్యంతో బాధపడుతూ మనస్తాపానికి గురైన యువకుడు ఎలుకల ఫేస్ట్‌ తిని ఆత్మహత్యకు పాల్పడిన సంఘటన సాతులూరులో శుక్రవారం చోటు చేసుకుంది. ఎస్సై కట్టా వెంకటయ్య తెలిపిన వివరాల మేరకు.. సాతులూరు బీసీ కాలనీకి చెందిన షేక్‌ కాలేషావలి (34) నరసరావుపేటలోని ఓ ఆప్టికల్‌ షాపులో పనిచేస్తుంటాడు. రెండు నెలల కిందట పసికర్ల వ్యాధికి గురై వైద్యం పొందుతున్నాడు. తొలుత కోండ్రుపాడులోని కాటూరి వైద్యశాలలో వైద్యం పొందాడు. తగ్గకపోవటంతో గుంటూరు జీజీహెచ్‌లో చికిత్స పొందుతున్నాడు. ఆరోగ్యం మెరుగు పడకపోవటంతో మనస్తాపానికి గురై శుక్రవారం మధ్యాహ్నం ఇంట్లో ఎవరూ లేని సమయంలో ఎలుకల ఫేస్ట్‌ తిన్నాడు. పొలం పనులకు వెళ్లిన కుటుంబ సభ్యులు తిరిగి ఇచ్చే సరికి అప్పటికే మృతి చెందాడు. మృతుడి భార్య షేక్‌ నషీరా ఫిర్యాదు మేరకు పోలీసులు కేసు నమోదు చేశారు. నూజెండ్ల: నూజెండ్ల గ్రామానికి చెందిన వ్యక్తి పెట్రోల్‌ పోసుకుని ఆత్మాహత్యకు పాల్పడిన సంఘటన శుక్రవారం జరిగింది. గ్రామానికి చెందిన కొప్పురావూరి రంగారావు (62) పెట్రోల్‌ పోసుకుని నిప్పంటించుకోవటంతో తీవ్రగాయాలతో చనిపోయాడు. గ్రామస్తుల వివరాల ప్రకారం సాయంత్రం సమయంలో గ్రామంలోని శ్మశానవాటికకు పెట్రోలు డబ్బాతో వెళ్లి ఎవరూ లేని సమయం చూసి నిప్పంటించుకుని ఉంటాడని తెలుస్తోంది. తీవ్రంగా కాలిన గాయాలతో ఉన్న క్షతగాత్రుడిని గేదెలు కాసుకునే వారు చూసి గ్రామస్తులకు సమాచారం అందించారు. వెంటనే 108కి సమాచారం ఇవ్వటంతో వాహనం ద్వారా వినుకొండ వైద్యశాలకు తీసుకెళ్లారు. పరిస్థితి విషమంగా ఉండటంతో అక్కడ వైద్యుల సూచనల మేరకు గుంటూరుకు తరలించారు. మార్గంమధ్యలోనే మరణించటంతో కుటుంబ సభ్యులు మృతదేహాన్ని గ్రామానికి తీసుకువచ్చారు. కుటుంబ సమస్యలతో విసిగిపోయి ఈ అఘాయిత్యానికి పాల్పడి ఉంటాడని బంధువులు అంటున్నారు. మృతుడికి భార్య కుమారి కాగా వివాహితులైన కుమార్తె, కుమారుడు ఉన్నారు. నెహ్రూనగర్‌: గుంటూరు పశ్చిమ నియోజకవర్గంలో మున్సిపల్‌ పాలన, ఎన్నికల్లో ఎస్సీ వర్గాలకు సముచిత ప్రాతినిధ్యం కల్పించాలని దళిత సంఘాల నేతలు డిమాండ్‌ చేశారు. పశ్చిమ నియోజకవర్గ పరిధిలో సుమారు 50 వేల నుంచి 60 వేల మంది ఎస్సీ జనాభా ఉన్నప్పటికీ పాలనలో, ప్రజాప్రతినిధుల ఎంపికలో వారికి తగిన ప్రాధాన్యం దక్కడం లేదని ఆవేదన వ్యక్తం చేశారు. మేరకు అరండల్‌ పేటలో నిరసన వ్యక్తం చేశారు.సంఘాల నాయకులు మాట్లాడుతూ జనాభా నిష్పత్తి, చట్టబద్ధమైన రిజర్వేషన్లను పరిగణనలోకి తీసుకుని వార్డుల వారీగా ఎస్సీలకు న్యాయమైన ప్రాతినిధ్యం ఇవ్వాలన్నారు. ఎస్సీ కాలనీల్లో తాగునీరు, డ్రెయినేజీ, రహదారులు వంటి మౌలిక వసతుల కల్పనపై ప్రత్యేక శ్రద్ధ వహించాలని, మున్సిపల్‌ కమిటీల్లో వారికి ప్రాధాన్యమివ్వాలని కోరారు. కార్యక్రమంలో చార్వాక యువజన సంఘం రాష్ట్ర అధ్యక్షుడు చిన్నిం డేవిడ్‌ విలియమ్స్‌, భీమ్‌ సేన సేవాదల్‌ వ్యవస్థాపక అధ్యక్షుడు నల్లపు నీలాంబరం, అంబేడ్కర్‌ స్టూడెంట్స్‌ అసోసియేషన్‌ రాష్ట్ర అధ్యక్షుడు వద్దిముక్కల సురేష్‌, దళిత నాయకుడు డాక్టర్‌ యంద్రపాటి సాంబశివరావు, లోక్‌ జనశక్తి పార్టీ జిల్లా అధ్యక్షుడు మేడిద ప్రకాష్‌, మాల మహానాడు రాష్ట్ర ప్రధాన కార్యదర్శి బత్తుల అనీల్‌, భారత సమాజ పార్టీ అధ్యక్షుడు మంచాల జోషప్‌, మహిళా నేత రావినూతల కమల కుమారి, తాటిగిరి జయరత్నం పాల్గొన్నారు. పల్నాడులో పోలీసుల అలజడిటాస్క్‌ఫోర్స్‌: పిడుగురాళ్ల, దాచేపల్లి ప్రాంతాల్లో శుక్రవారం రాత్రి పోలీసులు అలజడి సృష్టించారు. వైఎస్సార్‌ సీపీ అభ్యర్థులు, నాయకులు, కార్యకర్తల ఇళ్లకు వెళ్లి వారిని అదుపులోకి తీసుకుని స్టేషన్‌కు తరలిస్తున్నారు. దీనిపై నాయకులు ఆగ్రహం వ్యక్తం చేస్తున్నారు.

స్థానిక సంస్థల ఎన్నికల్లో అడ్డదారిలో గెలిచేందుకు ‘పచ్చ’మూకలు సిద్ధమయ్యాయి. నామినేషన్ల పర్వం తొలిరోజే పల్నాడు జిల్లాలో టీడీపీ గూండాలు బరితెగించారు. వైఎస్సార్‌ సీపీ నేతలు, కార్యకర్తలే లక్ష్యంగా భౌతికదాడులకూ పాల్పడ్డారు. దాచేపల్లి, పిడుగురాళ్ల, గురజాల ప్రాంతాల్లో వైఎస్సార్‌ కాంగ్రెస్‌ పార్టీ అభ్యర్థుల నామినేషన్ల ప్రక్రియకు ఆటంకాలు కల్పించారు. దాచేపల్లి నగర పంచాయతీ చైర్మన్‌ అభ్యర్థి కొప్పుల రవికుమార్‌ అరెస్టు వ్యవహారం రాజకీయ దుమారం రేపుతోంది. మరోవైపు పిడుగురాళ్ల, గురజాల నామినేషన్‌ కేంద్రాల వద్ద టీడీపీ గూండాలు భారీగా మోహరించి వైఎస్సార్‌ సీపీ అభ్యర్థులను అడ్డుకున్నారు. పెదకూరపాడు మండలం గారపాడులో వైఎస్సార్‌ సీపీ నాయకుడిని అర్ధరాత్రి కిడ్నాప్‌ చేసేందుకు యత్నించి, అడ్డువచ్చిన ఆయన భార్యపై టీడీపీ నేతలు దాడి చేసిన ఘటన ప్రజాస్వామ్యానికే మచ్చగా మారింది. ప్రజా వ్యతిరేకత నుంచి తప్పించుకుని వక్రమార్గంలో గెలవడానికి పాలకులు ప్రజాస్వామ్యాన్ని అపహాస్యం చేస్తున్నారు. దీనికోసం పోలీసులను పావులుగా వాడుకుంటున్నారు. గారపాడులో కిడ్నాప్‌ కలకలం పెదకూరపాడు: మండల పరిధిలోని గారపాడు గ్రామంలో అర్ధరాత్రి కిడ్నాప్‌ యత్నం కలకలం రేపింది. గ్రామానికి చెందిన మువ్వా హరిబాబు వైఎస్సార్‌ సీపీలో కీలక నేతగా ఉన్నారు. స్థానిక ఎన్నికల నేపథ్యంలో సర్పంచ్‌, ఎంపీటీసీ స్థానాలు బీసీలకు రిజర్వ్‌ చేశారు. వైఎస్సార్‌ సీపీ అభ్యర్థులు ఎవ్వరూ బరిలో నిలవకుండా టీడీపీ నాయకులు, నియోజకవర్గ తెలుగు యువత నాయకులు మక్కెన సాగర్‌ ఆధ్వర్యంలో బెదిరింపులకు పాల్పడుతున్నారు. హరిబాబును గురువారం అర్ధరాత్రి 11:30 గంటలకు ఇంట్లో నిద్రిస్తుండగా టీడీపీ నాయకులు లోనికి చొరబడి కిడ్నాప్‌నకు యత్నించారు. హరిబాబు సతీమణి సుధారాణి అడ్డుకునే క్రమంలో ఆమైపె తీవ్రంగా దాడి చేశారు. హరిబాబును కారులో ఎక్కించుకొని తీవ్ర పదజాలంతో తిడుతూ ఎన్నికల బరిలో దిగితే ప్రాణాలు తీస్తామని బెదిరించారు. అచ్చంపేట మండలం కస్తాల ఇసుక రీచ్‌ వద్దకు తీసుకువెళ్లి దాడి చేశారు. అక్కడ ఉన్న నీటి సంపులో పడేసి చంపుతామని బెదిరించారు. అక్కడి నుంచి తిరిగి పెదకూరపాడు వైపు వస్తుండగా అప్పటికే బాధిత కుటుంబసభ్యులు 100కు కాల్‌ చేశారు. పెదకూరపాడు ఎస్‌ఐ సుధారాణికి అందిన సమాచారం మేరకు వెంటనే స్పందించారు. బుచ్చయ్యపాలెం నాలుగు డొంకల వద్ద కారు ఎదురవ్వటంతో పెదకూరపాడు స్టేషన్‌కు తరలించారు.

చిలకలూరిపేట: మున్సిపల్‌ చైర్మన్‌ ఎన్నిక కూటమిలో కుంపటి రాజేసింది. ఇక్కడ టీడీపీకి చెందిన మాజీ మంత్రి, నాలుగో పర్యాయం ఎమ్మెల్యేగా ప్రత్తిపాటి పుల్లారావు వ్యవహరిస్తున్నారు. ఈ నేపథ్యంలో చైర్మన్‌ పదవి తమ పార్టీకే దక్కుతుందని ఆ పార్టీ వర్గీయులు భావిస్తూ వచ్చారు. చైర్మన్‌, కౌన్సిలర్లుగా ఎవరు ఉండాలనే లెక్కలు వేసుకుంటూ వచ్చారు. చైర్మన్‌ పీఠాన్ని జనసేనకు ఖరారు చేయడం టీడీపీ ఆశావహులలో అసంతృప్తి, ఆగ్రహావేశాలకు కారణమైంది. టీడీపీలోని ఓ వర్గం చైర్‌పర్సన్‌గా తమకే అవకాశం కల్పించాలని స్థానిక నాయకత్వం ముందు బలంగా వాదించింది. పైగా పార్టీ నిర్ణయం పట్ల తీవ్ర నిరసన వ్యక్తం చేసినట్లు ఆ పార్టీ వర్గీయులే చెబుతున్నారు. టీడీపీ ఎమ్మెల్యే ఉన్న చోట చైర్మన్‌ పదవి జనసేనకు ఎలా ఇస్తారని అసంతృప్తి వ్యక్తం చేసినట్లు ప్రచారం సాగుతోంది. టీడీపీకే అత్యధిక కౌన్సిలర్‌ స్థానాలు లభించినా ప్రయోజనం ఏంటని ఆ పార్టీ నేతలు వ్యాఖ్యానిస్తున్నారు. జనసేనలో మూడు ముక్కలాట... ఇటు జనసేనలో టికెట్‌ ముసలం మొదలైంది. సీటు దక్కిందన్న సంతోషం నేతలకు కొద్దిసేపైనా నిలవని పరిస్థితి నెలకొంది. టికెట్‌ కోసం అంతర్గత పోరు భగ్గుమంది. జనసేన నరసరావుపేట పార్లమెంట్‌ సమన్వయకర్తల్లో ఒకరైన మండలనేని చరణ్‌తేజ తల్లి పద్మ పేరు తెరపైకి వచ్చింది. నామినేషన్‌ వేయడమే తరువాయి అని ప్రచారం జరిగింది. హైదరాబాద్‌లో స్థిరపడిన పారిశ్రామికవేత్త బైరా దిలీప్‌ చక్రవర్తి భార్య డాక్టర్‌ పావని పేరు కూడా తెరపైకి వచ్చింది. దిలీప్‌ చక్రవర్తి కాపు, పావని కమ్మ సామాజిక వర్గం కావడంతో కలిసి వచ్చే అంశమని ప్రచారం చేసుకుంటున్నారు. జనసేన నియోజకవర్గ సమన్వయకర్త తోట రాజారమేష్‌ కూడా టికెట్‌ తన భార్య రాజరాజేశ్వరికే ఇవ్వాలని పట్టుబడుతున్నట్లు తెలుస్తోంది. పార్టీ కోసం తాను ఎంతో కష్టపడ్డానని అధిష్ఠానాన్ని, టికెట్‌ ఇవ్వాలని గట్టిగా నిలదీస్తున్నట్లు సమాచారం. పార్టీ సింబల్‌తో మూడు వర్గాల వారూ సోషల్‌ మీడియాలో విస్తృతంగా ప్రచారం చేసుకుంటున్నారు.

తాడేపల్లి రూరల్‌: తాడేపల్లి పట్టణ పరిధిలోని సీతానగరం విజయకీలాద్రి దివ్య క్షేత్రంపై ధాన్యలక్ష్మి అమ్మవారికి శుక్రవారం విశేష పూజలు నిర్వహించారు. ధాన్యలక్ష్మి అమ్మవారికి ఉదయం అభిషేక మహోత్సవం, కుంకుమార్చన శాస్త్రోక్తంగా నిర్వహించారు. అనంతరం అమ్మవారి శ్రీయాగం వైభవంగా జరిగింది. సాయంత్రం 5.30 గంటలకు శ్రీవిష్ణు సహస్రనామ స్తోత్ర పారాయణం, ధాన్యలక్ష్మి అమ్మవారికి పల్లకీ సేవ, అర్చన, నివేదన, మంగళాశాసనం కార్యక్రమాలు వైభవంగా నిర్వహించారు. భక్తులు అధిక సంఖ్యలో పాల్గొని ధాన్యలక్ష్మి అమ్మవారిని దర్శించుకుని తీర్థ ప్రసాదాలను స్వీకరించారు. జీయర్‌ ఎడ్యుకేషనల్‌ ట్రస్ట్‌ మేనేజర్‌ పురాణం వెంకటాచార్యులు మాట్లాడుతూ త్రిదండి చిన్న శ్రీమన్నారాయణ రామానుజ జీయర్‌స్వామి వారి మంగళాశాసనాలతో శరన్నవరాత్రి మహోత్సవాలు ఘనంగా నిర్వహిస్తున్నట్లు తెలిపారు. కొరిటెపాడు (గుంటూరు): గుంటూరు మిర్చి యార్డుకు శనివారం నుంచి ఈ నెల 20వ తేదీ వరకు వరుసగా నాలుగు రోజులు సెలవులు ప్రకటించినట్లు ఉన్నత శ్రేణి కార్యదర్శి ఎ.చంద్రిక శుక్రవారం ఒక ప్రకటనలో పేర్కొన్నారు. శని, ఆదివారాలు సాధారణ సెలవులు కాగా.. వ్యాపారులు, కార్మికుల అభ్యర్థన మేరకు సోమవారం కూడా సెలవు ప్రకటించినట్లు పేర్కొన్నారు. మంగళవారం దసరా పండుగ సందర్భంగా యార్డుకు సెలవు ఉంటుందని తెలిపారు. బుధవారం నుంచి మిర్చియార్డులో వ్యాపార లావాదేవీలు యథావిధిగా కొనసాగుతాయన్నారు.గుడివాడ టౌన్‌: స్థానిక ఎన్టీఆర్‌ స్టేడియంలో నిర్వహిస్తున్న బాస్కెట్‌బాల్‌ పోటీలు గురువారం రాత్రి ముగిశాయి. మహిళా విభాగంలో తూర్పు గోదావరికి చెందిన రామచంద్రాపురం టీమ్‌ ప్రథమ స్థానం, ఏలూరు జిల్లాకు చెందిన ఏలూరు టీమ్‌ ద్వితీయ స్థానం, పల్నాడు జిల్లాకు చెందిన పల్నాడు టీమ్‌ తృతీయ స్థానం సాధించాయి. పురుషుల విభాగంలో గుంటూరు జిల్లాకు చెందిన కేఎల్‌ యూని వర్సిటీ టీమ్‌ ప్రథమ స్థానం, రాజమండ్రి జిల్లాకు చెందిన సీబీసీ రాజమండ్రి టీమ్‌ ద్వితీయ స్థానం, హెచ్‌ ఫౌండేషన్‌ టీమ్‌ తృతీయ స్థానం సాధించినట్లు నిర్వాహకులు తెలిపారు. బాపట్ల: బాపట్ల పట్టణంలోని కన్యకా పరమేశ్వరి అమ్మవారి దేవస్థానంలో అమ్మవారికి రూ.50 లక్షల కరెన్సీతో ప్రత్యేక అలంకరణ చేపట్టారు. ఆలయ కమిటీ అధ్యక్షుడు కొత్తమాసు సత్యనారాయణ ఆధ్వర్యంలో నూతన నోట్లతో ఈ విశేష అలంకరణ చేపట్టారు. శరన్నవరాత్రి మహోత్సవాల్లో భాగంగా అమ్మవారు సరస్వతీ దేవి అలంకరణలో భక్తులకు ప్రత్యేక దర్శనమిచ్చారు. ఆలయంలో ప్రత్యేక పూజలు నిర్వహించారు. వైష్ణవి బృందం వారు ప్రదర్శించిన భరతనాట్యం, కూచిపూడి నృత్య ప్రదర్శనలు భక్తులను విశేషంగా ఆకట్టుకున్నాయి.

నూజెండ్ల: మండలంలో టీడీపీ నేతలు రాజకీయ కక్ష సాధింపు చర్యలు పాల్పడుతున్నారు. వైఎస్సార్‌ సీపీ సానుభూతిపరుడనే నెపంతో ఓ రైతుకు చెందిన వ్యవసాయ విద్యుత్‌ కనెక్షన్‌ను తొలగించారు. దీంతో తన పొలాన్ని బీడు పెట్టాడు. మండల పరిధిలోని రవ్వవరం గ్రామానికి చెందిన రైతు గొంగటి బ్రహ్మారెడ్డికి రెండెకరాల భూమి ఉంది. రెండేళ్ల కిందట విద్యుత్‌ కనెక్షన్‌ కోసం రెవెన్యూ అధికారుల వద్ద నో అబ్జెక్షన్‌ సర్టిఫికెట్‌ తీసుకుని విద్యుత్‌ శాఖాధికారులకు దరఖాస్తు పెట్టుకున్నాడు. పొలాన్ని పరిశీలించి సంబంధిత అధికారులు విద్యుత్‌ ట్రాన్స్‌ఫార్మర్‌ ఏర్పాటు చేశారు. అప్పటి నుంచి బోరు ద్వారా పొలాన్ని సాగు చేసుకుంటున్నాడు. ఇటీవల కొందరు రాజకీయ కక్షలతో రెవెన్యూ, విద్యుత్‌ అధికారుల మీద ఒత్తిడి తెచ్చి విద్యుత్‌ కనెక్షన్‌ తొలిగింప చేయించారు. అదేమని అడిగితే మీ పొలం ప్రభుత్వం భూమిలో ఉందంటూ సమాధానమిచ్చారు. రెవెన్యూ అధికారులు చుట్టూ తిరుగుతున్నా ఫలితం లేకుండా పోయింది. కనెక్షన్‌ తొలగించి రెండు నెలలు అవుతుండడంతో నీరు లేక పంట సాగు చేయకుండా బీడు పెట్టారు. దయచేసి అధికారులు తనకు విద్యుత్‌ సౌకర్యం పునరుద్ధరించాలని కోరుతున్నాడు. వినుకొండ ఏడీఏ శ్రీనివాసులును వివరణ కోరగా రెవెన్యూ అధికారుల సూచనలతోనే విద్యుత్‌ కనెక్షన్‌ తొలగించామని తెలిపారు. బోరు బావిని ప్రభుత్వ భూమిలో ఏర్పాటు చేయటం వలన సమస్య తలెత్తిందని అన్నారు. తహసీల్దార్‌ రమేష్‌కుమార్‌ మాట్లాడుతూ సొంత భూమి నెంబర్‌తో దరఖాస్తు చేసుకున్నప్పటికీ బోరును మాత్రం ప్రభుత్వ భూమి (సర్వే నెంబర్‌ 324–9) లో రైతు బ్రహ్మారెడ్డి ఏర్పాటు చేయించాడు. ఇదే విషయంపై ఫిర్యాదు రావటంతో సర్వే చేయించి ప్రభుత్వ భూమిని విడగొట్టామని తెలిపారు. రైతులందరూ ఇదే ప్రాంతంలో బోరులు ఏర్పాటు చేసుకున్నారు. రాజకీయ కక్షలతో నా ఒక్కడిపైనే వేధింపులకు పాల్పడుతున్నారు. అధికారులు నాయకుల ఒత్తిళ్లకు తలొగ్గి వత్తాసు పలుకుతున్నారు. విద్యుత్‌ కనెక్షన్‌ పునరుద్ధరించకపోతే నా కుటుంబ రోడ్డున పడుతుంది. – గొంగటి బ్రహ్మరెడ్డి, రైతు

పిడుగురాళ్ల: పిడుగురాళ్ల మున్సిపల్‌ ఎన్నికల నేపథ్యంలో శుక్రవారం వైఎస్సార్‌ కాంగ్రెస్‌ పార్టీ అభ్యర్థులు నామినేషన్లు వేసేందుకు ప్రయత్నించగా పిడుగురాళ్ల పట్టణంలో ఏర్పాటు చేసిన రెండు కేంద్రాల్లో వారిని రానివ్వలేదు. ఒక వైపు పోలీసులు, మరొక వైపు కూటమి నాయకులు, అధికార పార్టీ ఎమ్మెల్యే అనుచరులు వారిని అడ్డుకున్నారు. దీంతో నామినేషన్ల కార్యక్రమం ముందుకు సాగలేదు. పిడుగురాళ్ల మున్సిపాలిటీలో మొత్తం 40 వార్డులకు గాను శివాలయం వద్ద ఉన్న ఎంపీపీ స్కూల్‌లో సగం, మున్సిపల్‌ కార్యాలయంలో మిగతా కేంద్రాలు ఏర్పాటు చేశారు. నాలుగు వార్డులకు కలిపి ఒక కౌంటర్‌ ఏర్పాటైంది. తొలిరోజు బారికేడ్ల వద్దనే వైఎస్సార్‌ సీపీ వారిని పోలీసులు అడ్డుకున్నారు. 500 మంది హల్‌చల్‌ కూటమి నాయకులు, కార్యకర్తలు 500 మంది నామినేషన్‌ కేంద్రాల వద్ద హల్‌చల్‌ చేశారు. మున్సిపల్‌ కార్యాలయం వద్ద 100 మీటర్ల దూరం నుంచే వైఎస్సార్‌ సీపీ నాయకులు, కార్యకర్తలను లోపలకు రానివ్వకుండా గేటును మూసివేశారు. వైఎస్సార్‌సీపీకి చెందిన ఆవులయ్య అనే నాయకుడు తన నో డ్యూస్‌ సర్టిఫికెట్‌ కోసం కూడా మున్సిపల్‌ కార్యాలయానికి వెళ్లనివ్వలేదు. ఆయన్ను పట్టణ పోలీస్‌స్టేషన్‌కు తరలించారు. వైఎస్సార్‌ కాంగ్రెస్‌ పార్టీ సీనియర్‌ నాయకుడు, మాజీ మున్సిపల్‌ చైర్మన్‌ భర్త భవనాశి యల్లారావును అరెస్టు చేసి పోలీస్‌ స్టేషన్‌కు తరలించారు. కల్యాణ మండపంలో సమావేశాలు ఏర్పాటు చేశారనే ఆరోపణలో ఇలా చేశామని పోలీసులు పేర్కొన్నారు. ఆ కార్యక్రమాలతో తనకు సంబంధం లేదని యల్లారావు తెలిపారు. ఈ విషయం తెలిసి మాజీ ఎమ్మెల్యే కాసు మహేష్‌రెడ్డి పోలీస్‌ ఉన్నతాధికారులకు ఫోన్‌ చేశారు. అరెస్టును తీవ్రంగా ఖండించడంతో యల్లారావును తహసీల్దార్‌ కార్యాలయానికి తీసుకుని వెళ్లి బైండోవర్‌ పెట్టి విడుదల చేశారు.

దాచేపల్లి: గురజాల నియోజకవర్గంలో పోలీసుల అక్రమాలకు అంతే లేకుండా పోతోంది. స్థానిక సంస్థల ఎన్నికల నేపథ్యంలో వైఎస్సార్‌ కాంగ్రెస్‌ పార్టీ నగర పంచాయతీ చైర్మన్‌, వార్డు సభ్యులుగా పోటీ చేసే వ్యక్తులను లక్ష్యంగా చేసుకుని కుట్రలకు తెరలేపారు. ఇందులో భాగంగా చైర్మన్‌ అభ్యర్థి కొప్పుల రవికుమార్‌ని పోలీసులు శుక్రవారం తెల్లవారుజామున అదుపులోకి తీసుకున్నారు. రవికుమార్‌ నివాసం ఉంటున్న కేఎస్‌ఆర్‌ అపార్ట్‌మెంట్‌ గ్రౌండ్‌ ఫ్లోర్‌లో మద్యం సీసాలు ఉన్నాయంటూ ఆరోపిస్తూ రవికుమార్‌ను పోలీసులు జీపు ఎక్కించుకుని తీసుకెళ్లారు. ఆయనతోపాటు బుర్రి అనిల్‌కుమార్‌నూ అదుపులోకి తీసుకున్నారు. తొలుత దాచేపల్లి, ఆ తరువాత కారంపూడి, దుర్గి, నాగార్జునసాగర్‌ పోలీస్‌స్టేషన్లకు తిప్పారు. విషయం తెలుసుకున్న వైఎస్సార్‌సీపీ నాయకులు, కార్యకర్తలు భారీగా పోలీస్‌స్టేషన్‌కు చేరుకున్నారు. అక్కడే బైఠాయించి పోలీసులకు వ్యతిరేకంగా నినాదాలు చేశారు. రవికుమార్‌ను విడుదల చేయాలని డిమాండ్‌ చేశారు. పార్టీ నియోజకవర్గ సమన్వయకర్త, మాజీ ఎమ్మెల్యే కాసు మహేష్‌రెడ్డి కూడా వచ్చి నేతలతో మాట్లాడారు. సీఐ షేక్‌ ఖాజవలిని ఈ అరెస్ట్‌పై ప్రశ్నించారు. రవికుమార్‌ను కోర్టులో హాజరుపరిచే వరకు ఆందోళన కొనసాగిస్తామని నాయకులు చెప్పారు. రవికుమార్‌ తల్లిదండ్రులు సుబ్బమ్మ, సాంబయ్యను కాసు పరామర్శించారు. సుబ్బమ్మ స్పృహ తప్పడంతో గుంటూరు ఆసుపత్రికి తరలించారు. దాచేపల్లిలో కొప్పుల రవికుమార్‌ ఇంట్లో మద్యం సీసాలు పెట్టి పైశాచికం

దాచేపల్లి: వైఎస్సార్‌సీపీ అభ్యర్థులు స్థానిక సంస్థల ఎన్నికల్లో పోటీ చేయకుండా పోలీసులే లిక్కర్‌ బాటిల్స్‌ పెట్టి తప్పుడు కేసులు నమోదు చేస్తున్నారని, దాచేపల్లి నగర పంచాయతీ వైఎస్సార్‌సీపీ చైర్మన్‌ అభ్యర్థి, పార్టీ యువజన విభాగం రాష్ట్ర కార్యదర్శి కొప్పుల రవికుమార్‌ అక్రమ అరెస్ట్‌పై ప్రజాక్షేత్రంలో తేల్చుకుంటామని గురజాల నియోజకవర్గ సమన్వయకర్త, మాజీ ఎమ్మెల్యే కాసు మహేష్‌రెడ్డి అన్నారు. రవికుమార్‌ అక్రమ అరెస్ట్‌ను ఆయన తీవ్రంగా ఖండించారు. పార్టీ రీజనల్‌ కో ఆర్డినేటర్‌, ఎంపీ వైవీ సుబ్బారెడ్డి ఫోన్‌ ద్వారా రవికుమార్‌ కుటుంబ సభ్యులతో మాట్లాడారు. దాచేపల్లి పోలీస్‌స్టేషన్‌ వద్ద శుక్రవారం కాసు మీడియాతో మాట్లాడుతూ... ఎమ్మెల్యే యరపతినేని శ్రీనివాసరావు బెదిరించి ఏకగ్రీవాలు చేసేందుకు ప్రయత్నాలు చేస్తున్నారని ఆరోపించారు. యరపతినేని, పోలీసుల బెదిరింపులకు తాము భయపడబోమని చెప్పారు. అపార్ట్‌మెంట్‌ వద్ద కార్‌ పార్కింగ్‌ స్థలంలో పోలీసులే మద్యం సీసాలు పెట్టి అక్రమ కేసులో రవికుమార్‌ని ఇరికించారని ఆరోపించారు. ఎన్నికల్లో గెలవలేక ఇలా తప్పుడు కేసులు పెట్టి ఇబ్బందులు పెడుతున్నారని పాలకులపై ధ్వజమెత్తారు. తప్పు చేసిన పోలీసులపై కేసు పెడతామని, రవికుమార్‌ను అఖండ మెజారిటీతో చైర్మన్‌గా గెలిపించేలా ముందుకెళ్తామని చెప్పారు. ప్రజలను కాపాడాల్సిన పోలీసులే అధికార పార్టీకి అండగా ఉంటూ ఇబ్బందులు పెడుతున్నారని మండిపడ్డారు. రాష్ట్రంలో ప్రజాస్వామ్యం ఉందా అని ప్రశ్నించారు. ఇంతటి దుర్మార్గమైన పాలనను తన రాజకీయ చరిత్రలో ఎప్పుడూ చూడలేదని తెలిపారు. ఎన్నికల్లో పోటీ చేసే అవకాశం కూడా లేకుండా చేస్తున్నారని పేర్కొన్నారు. తాము పోటీ చేసి గెలిచేందుకు శక్తివంచన లేకుండా పనిచేస్తామని చెప్పారు. రవికుమార్‌పై అక్రమ కేసు తన కుమారుడు ఎన్నికల్లో పోటీ చేస్తే గెలవలేమనే ఉద్దేశంతో పోలీసులతో లిక్కర్‌ కేసు పెట్టించి అన్యాయంగా కేసులో ఇరికించారని రవికుమార్‌ తండ్రి సాంబయ్య చెప్పారు. ఇంట్లో నిద్రిస్తున్నప్పుడు నిర్బధించి, ఇల్లంతా సోదాలు చేశారని తెలిపారు. తమ కుటుంబ చరిత్ర జిల్లా మొత్తానికి తెలుసునని పేర్కొన్నారు. ఓటమి భయంతోనే టీడీపీ నాయకులు ఇలా పోలీసులను అడ్డం పెట్టుకుని అరాచకాలు చేస్తున్నారని ధ్వజమెత్తారు. ఎన్ని కుట్రలు చేసినా నామినేషన్లు వేస్తామని స్పష్టం చేశారు. పట్టుదలతో పనిచేసి గెలుస్తామని అన్నారు. సమావేశంలో పార్టీ రాష్ట్ర కార్యదర్శి యెనుముల మురళీధర్‌రెడ్డి, నియోజకవర్గ పరిశీలకులు శివారెడ్డి, మండల, పట్టణ కన్వీనర్లు కోట కృష్ణ, షేక్‌ సుభాని, జెడ్పీటీసీ మాజీ సభ్యుడు మూలగొండ్ల ప్రకాష్‌రెడ్డి, మాజీ సర్పంచ్‌లు మందపాటి రమేష్‌రెడ్డి, బుర్రి విజయ్‌కుమార్‌రెడ్డి, మాజీ చైర్మన్‌ మునగా పున్నారావు, మాజీ ఎంపీపీ కందుల జాను, అధికార ప్రతినిధి షేక్‌ జాకీర్‌హుస్సేన్‌, నాయకులు గొగిరెడ్డి వెంకటరెడ్డి, కుందురు తిరుపతిరెడ్డి, కొలా జంపాలరెడ్డి, కొమరబత్తిన విజయ్‌కుమార్‌, షేక్‌ ఖాదర్‌ బాషా, తండా అబ్దుల్‌సత్తార్‌, దేవళ్ల వీరాస్వామి, ఆరికట్ల మల్లారెడ్డి, కర్పూరపు వెంకటకోటయ్య, మందపాటి వీరారెడ్డి, కూసం నాగిరెడ్డి, సంకురాత్రి వీరయ్య, మునగా శ్రీనివాసరావు, దాచేపల్లి సైదారావు, ముడి విక్టర్‌పాల్‌ తదితరులున్నారు. కొప్పుల రవికుమార్‌ను పోలీసులు అక్రమంగా అరెస్ట్‌ చేశారని, ఆయన జైలు నుంచైనా పోటీ చేస్తారని నరసరావుపేట పార్లమెంట్‌ పరిశీలకుడు పూనూరి గౌతంరెడ్డి అన్నారు. రవికుమార్‌ హక్కుని పోలీసులు కాలరాశారని, తప్పుడు కేసులో ఇరికించటం దారుణమని చెప్పారు. ఎంతమందిపై తప్పుడు కేసులు పెట్టి జైలుకు పంపిస్తారని నిలదీశారు. ఎన్ని కేసులు పెట్టి నిర్భందించినా తామే విజయం సాధిస్తామని పేర్కొన్నారు. కార్యకర్తలు భయపడవద్దని, బాధ్యులైన పోలీసులు తగిన మూల్యం చెల్లించుకోక తప్పదని చెప్పారు.

నరసరావుపేట: రాష్ట్రంలోని ప్రతిపక్ష పార్టీ వైఎస్సార్‌సీపీ మద్దతుదార్లు మున్సిపల్‌ ఎన్నికల్లో నామినేషన్లు వేయనీయకుండా తెలుగుదేశం పార్టీ అరాచకం సృష్టించటం ఘోరమని మాజీ ఎమ్మెల్యే, పార్టీ జిల్లా కార్యనిర్వాహక అధ్యక్షుడు డాక్టర్‌ గోపిరెడ్డి శ్రీనివాసరెడ్డి తీవ్రంగా విమర్శించారు. నియోజకవర్గ పార్టీ కార్యాలయంలో శుక్రవారం రాత్రి మీడియాతో మాట్లాడారు. పల్నాడు జిల్లాలోని దాచేపల్లిలో నగరపంచాయతీకి చైర్మన్‌ అభ్యర్థిపైన అక్రమ కేసు నమోదుచేసి అరెస్టు చేయటం, నామినేషన్లు ఎవరూ వేయకుండా పిడుగురాళ్ల పురపాలకసంఘానికి తాళాలు వేయటం చూస్తుంటే ఎన్నికలు ఏవిధంగా జరగబోతున్నాయో తేటతెల్లమౌతుందన్నారు. పుంగనూరులో ఎంపీ మిధున్‌రెడ్డిపై దాడి, ధర్మవరంలో మున్సిపల్‌ నామినేషన్లు వేసేందుకు వచ్చిన వారిపై దాడులు టీడీపీ అరాచకత్వానికి పరాకాష్ట అన్నారు. సుమారు పదికార్లు, అక్కడ పార్టీ కార్యాలయానికి నిప్పు పెట్టారన్నారు. వీటిని పార్టీ తరపున తీవ్రంగా ఖండిస్తున్నామన్నారు. మొదటిరోజే హింసతోనే ఎన్నికల ప్రక్రియ ప్రారంభమైందన్నారు. చంద్రబాబు చెప్పేవన్నీ నీతులేనని, తాను మాత్రం సిగ్గులేని పనులు చేస్తుంటాడన్నారు. ముఖ్యమంత్రి చంద్రబాబునాయుడు, మంత్రి లోకేష్‌లకు ఎన్నికల ప్రక్రియ సాఫీగా జరిగితే ఓడిపోతామనే భయం పట్టుకుందన్నారు. నిజంగా వారి పాలనపైన, ప్రజలు తమనే గెలిపిస్తారనే వారికి నమ్మకం ఉంటే ప్రజాస్వామ్య బద్దంగా ఎన్నికలు నిర్వహించాలని సూచించారు. దమ్మూ, ధైర్యం ఉంటే ఎన్నికల మానిఫెస్టోతో ఎన్నికలకు రావాలని సూచించారు. ఎన్ని దౌర్జన్యాలు చేసినా తమ పార్టీ వెనుకంజ వేయదని, పోటీకి తామంతా సిద్దంగా ఉన్నామన్నారు. వారికి తాము చేసిన వాగ్దానాలు అమలుచేశామని, మంచి చేశామని అనుకుంటే ప్రతి ఒక్కరూ స్వేచ్ఛగా నామినేషన్‌ వేసేందుకు ప్రజాస్వామ్యబద్దంగా సహకరించాలని సూచించారు. ఈవిధంగా జరిగి ప్రజల తీర్పును తాము అంగీకరిస్తామని పేర్కొన్నారు.

రొంపిచర్ల: కడప జిల్లా రాజంపేటలో ఈనెల 13,14,15 తేదీల్లో జరిగిన రాష్ట్ర స్థాయి జూనియర్‌ సాఫ్ట్‌బాల్‌ పోటీల్లో గుంటూరు జిల్లా బాలికల జుట్టు తృతీయ స్థానం సాధించిందని గుంటూరు జిల్లా సాఫ్ట్‌బాల్‌ సెక్రటరీ పి.సామంత్‌రెడ్డి గురువారం ఒక ప్రకటనలో పేర్కొన్నారు. వారికి స్థానిక జిల్లా పరిషత్‌ ఉన్నత పాఠశాలలో కోచింగ్‌ క్యాంప్‌ ఏర్పాటు చేసి శిక్షణ ఇచ్చామన్నారు. రాష్ట్రస్థాయి జూనియర్‌ సాఫ్ట్‌బాల్‌ పోటీల్లో తృతీయ స్థానం సాధించిందిన గుంటూరు జిల్లా బాలికల జుట్టును ప్రధానోపాధ్యాయులు బీఎం సుభానీ, వ్యాయామ ఉపాధ్యాయులు సైదయ్య, ఎస్‌ఎంసీ చైర్మన్‌ యిట్టె ఏడుకొండలు, పూర్వ విద్యార్థు సంఘం నాయకులు పిడెం హుస్సేన్‌, పంబా వెంకట్‌, గ్రామ పెద్దలు అభినందించారు.

శుక్రవారం శ్రీ 16 శ్రీ అక్టోబర్‌ శ్రీ 2026పత్రాల జారీలో అధికార కుట్ర ● వైఎస్సార్‌సీపీ ఆశావహులకు నో డ్యూ, నామినేషన్‌ పత్రాలు ఇవ్వని వైనం ● గురజాల, పిడుగురాళ్ల, దాచేపల్లి కమిషనర్ల తీరుపై సర్వత్రా విమర్శలు ● వైఎస్సార్‌సీపీ అభ్యర్థులే లక్ష్యంగా వేధింపులు ● బెండోవర్లతో పోలీసుల బెదిరింపులు దాచేపల్లి: అధికారుల ద్వారా కూటమి నేతలు ఒత్తిడి చేస్తూ వైఎస్సార్‌సీపీ ఆశావహులకు పత్రాలు ఇవ్వకుండా కావాలనే ఇబ్బందులకు గురిచేస్తున్నారు. శుక్రవారం ఉదయం 10 గంటల నుంచి నామినేషన్లు వేయాలని ఎన్నికల కమిషన్‌ నోటిఫికేషన్‌ జారీ చేసింది. అభ్యర్థులు దరఖాస్తు చేసుకున్న 24గంటల లోపే సంబంధిత పత్రాలన్నీ ఇవ్వాలని స్పష్టమైన ఆదేశాలు ఉన్నాయి. అయినప్పటికీ అధికారులు వైఎస్సార్‌సీపీ అభ్యర్థులపై వివక్ష చూపుతున్నారు. గురువారం రాత్రి 9 గంటలైనా వైఎస్సార్‌సీపీ తరఫున పోటీ చేసే వారికి నో డ్యూస్‌ సర్టిఫికెట్లు, నామినేషన్‌ పత్రాలు దాచేపల్లి, గురజాల, పిడుగురాళ్లలో ఇవ్వకుండా కావాలనే తాత్సారం చేస్తున్నారు. దాచేపల్లి, పిడుగురాళ్ల, గురజాల మున్సిపాలిటీ, నగర పంచాయతీ కమిషనర్లు వ్యవహరిస్తున్న తీరుపై విమర్శలు వస్తున్నాయి. వివాదాస్పదంగా నామినేషన్ల కేంద్రాలు గురజాల నియోజకవర్గంలో నామినేషన్‌ కేంద్రాల ఏర్పాటు వివాదాస్పదంగా మారింది. దాచేపల్లి నగర పంచాయతీ పరిధిలో 28 వార్డులకుగాను 12 వార్డులు నగర పంచాయతీ కార్యాలయంలో, మిగిలిన 16 వార్డులు నడికుడి వార్డు సచివాలయంలో నామినేషన్లు వేసేలా అధికారులు చర్యలు తీసుకున్నారు. గతంలో దాచేపల్లి నగర పంచాయతీ కార్యాలయం, నారాయణపురం ప్రభుత్వ జూనియర్‌ కళాశాలలో మాత్రమే నామినేషన్‌ కేంద్రాలు ఏర్పాటు చేశారు. నడికుడిలో ఏర్పాటు చేసిన నామినేషన్‌ కేంద్రం పట్ల వైఎస్సార్‌సీపీ నేతలు తీవ్ర అభ్యంతరం వ్యక్తం చేస్తున్నారు. నామినేషన్‌ కేంద్రాన్ని నారాయణపురం మార్చాలని వినతిపత్రం అందజేశారు. నగర పంచాయతీ కమిషనర్‌ ఎటువంటి చర్యలు తీసుకోలేదు. నామినేషన్‌ కేంద్రాన్ని మార్చలేదు. పైగా దాచేపల్లిలోని 13,14 వార్డుల నుంచి నామినేషన్లు నడికుడిలోనే వేసేలా చర్యలు తీసుకున్నారు. కమిషనర్‌ తీరుపై విమర్శలు వస్తున్నాయి. అదే విధంగా గురజాల నగర పంచాయతీలో కూడా దూబా చెరువు వద్ద ఉన్న అంగన్‌వాడీ కేంద్రంలో నామినేషన్‌ కేంద్రాన్ని ఏర్పాటు చేశారు. గతంలో తహసీల్దార్‌ కార్యాలయం, ఆర్‌డీవో కార్యాలయం, నగర పంచాయతీ కార్యాలయాల్లో నామినేషన్లు వేయటం వలన ఎటువంటి ఇబ్బందులు ఎదురుకాలేదు. కూటమి ప్రభుత్వంలో జరుగుతున్న స్థానిక సంస్థల ఎన్నికల్లో వైఎస్సార్‌సీపీ అభ్యర్థులు నామినేషన్లు వేయకుండా ఆదిలోనే అడ్డుకునేలా దూబా చెరువు వద్ద ఉన్న అంగన్‌వాడీ కేంద్రాన్ని ఈసారి ఎంపిక చేశారు. ఇక్కడ నామినేషన్లు వేసేందుకు కొన్ని ఇబ్బందికర పరిస్థితులు ఎదుర్కొవాల్సి వస్తుందని పలువురు అభ్యర్థులు ఆందోళన చెందుతున్నారు. దూబా చెరువు వద్ద పోలింగ్‌ కేంద్రం ఏర్పాటు చేయవద్దని వైఎస్సార్‌సీపీ నేతలు గురజాల నగర పంచాయతీ కమిషనర్‌ను కలిసి చెప్పినా ఎటువంటి చర్యలూ తీసుకోలేదు. దీంతో నామినేషన్ల ప్రక్రియకు కొంత ఇబ్బందులు కలిగే పరిస్థితులు ఉన్నాయని అభ్యర్థులు చెబుతున్నారు. జి.వెంకటేశ్వర్లు, దాచేపల్లి కమిషనర్‌ ఐ. శ్రీనివాసులు, పిడుగురాళ్ల కమిషనర్‌ అచ్చంపేట: పులిచింతల ప్రాజెక్టులో ప్రస్తుత నిల్వ 28.8780 టీఎంసీలు. ప్రాజెక్టు దిగువకు 400 క్యూసెక్కులు లీకేజీల ద్వారా వెళుతోంది. స్థానిక సంస్థల ఎన్నికల నేపథ్యంలో అధికారుల తీరు తీవ్ర వివాదాస్పదంగా మారుతోంది. గురజాల నియోజకవర్గ పరిధిలో గురజాల, పిడుగురాళ్ల, దాచేపల్లిలో జరిగే మున్సిపల్‌, నగర పంచాయతీ ఎన్నికల్లో పోటీ చేసే అభ్యర్థులకు నో డ్యూ సర్టిఫికెట్‌లతోపాటుగా నామినేషన్‌ ఫారాలు ఇచ్చేందుకు ఇబ్బందులు పెడుతున్నారు. అధికార పార్టీ నేతల కనుసన్నల్లో అధికారులు పనిచేస్తూ వైఎస్సార్‌సీపీకి చెందిన అభ్యర్థులు నామినేషన్లు వేయకుండా కుట్ర చేస్తున్నట్లు ఆరోపణలు వస్తున్నాయి.గురజాల నియోజకవర్గ వ్యాప్తంగా పోలీసులు బైండోవర్లు పెట్టి బెదిరింపులకు గురి చేస్తున్నారు. పిడుగురాళ్ల 275, దాచేపల్లి 285, గురజాల 70 మంది వైఎస్సార్‌సీపీ కార్యకర్తలపై పోలీసులు బైండోవర్‌ కేసులు పెట్టి వేధిస్తున్నారు. బైండోవర్‌ పేరుతో పోలీస్‌స్టేషన్‌కి పిలిచించి, ఎన్నికల్లో పోటీ చేస్తే అక్రమ కేసులు పెడతామని బెదిరింపులకు పాల్పడుతున్నారు. వైఎస్సార్‌సీపీ కార్యకర్తలు, నాయకులపై మాత్రమే బైండోవర్లు పెట్టి స్టేషన్‌ చుట్టూ తిప్పుతున్నారు. దాచేపల్లి, గురజాల, పిడుగురాళ్లలో ఈ పరిస్థితి ఉంది. నామినేషన్ల దాఖలు ప్రారంభమైతే పోలీసుల నుంచి ఒత్తిడి మరింతగా ఉంటుందని పలువురు అభ్యర్థులు చెబుతున్నారు. స్థానిక సంస్థల ఎన్నికలు సజావుగా జరగకుండా తీవ్ర భయభ్రాంతులకు గురి చేసేందుకు ప్రయత్నాలు జరుగుతున్నాయని ప్రజలు చర్చించుకుంటున్నారు.

నరసరావుపేట ఈస్ట్‌: పల్నాడు జిల్లా కబడ్డీ అసోసియేషన్‌ ఆధ్వర్యంలో గురువారం వశిష్ట జూనియర్‌ కళాశాల క్రీడా మైదానంలో పల్నాడు జిల్లా సీనియర్‌ బాలురు, బాలికల జట్ల ఎంపిక పోటీలు నిర్వహించారు. జిల్లాలోని వివిధ ప్రాంతాల నుంచి వచ్చిన క్రీడాకారులకు పోటీలు నిర్వహించి జిల్లా జట్లు ఎంపిక చేసినట్టు అసోసియేషన్‌ కార్యదర్శి కొత్త తేజాకరణ్‌, కళాశాల డైరెక్టర్‌ మద్దుల నరేష్‌కుమార్‌, ప్రిన్సిపల్‌ సూదా సురేష్‌బాబు తెలిపారు. ఎంపికై న క్రీడాకారులు ఈనెల 17 నుంచి 20వ తేదీ వరకు విజయవాడలో జరగనున్న 73వ రాష్ట్రస్థాయి సీనియర్‌ బాల బాలికల కబడ్డీ చాంపియన్‌షిప్‌– 2026 పోటీలో పల్నాడు జిల్లాకు ప్రాతినిధ్యం వహిస్తారని తెలిపారు. పోటీలలో ఉత్తమ ప్రతిభను కనబర్చి జిల్లాకు పేరు తీసుకురావాలని ఆకాంక్షించారు. క్రీడలు శారీరక ధృడత్వానికి దోహదపడతాయని అన్నారు. అవకాశాలను అందిపుచ్చుకోవాలని కోరారు.

నగరంపాలెం: నగరంలోని గుంటూరు సీఐడీ ప్రాంతీయ కార్యాలయంలో అగ్రిగోల్డ్‌ బాండ్ల పరిశీలన పక్రియ కొనసాగుతోంది. ఈ క్రమంలో గురువారం చేబ్రోలు మండల పరిధిలోని బాండ్లను పరిశీలించారు. మండల పరిధిలోని 156 మంది డిపాజిట్‌దారులు హాజరయ్యారు. ఈ మేరకు వారి నుంచి 226 అగ్రిగోల్డ్‌ బాండ్లను పరిశీలించినట్లు ప్రాంతీయ కార్యాలయపు ఏఎస్పీ బి.సీతారామయ్య తెలిపారు. ఈనెల 16, 17 తేదీల్లో చేబ్రోలు, కాకుమాను, పెదనందిపాడు మండలాల పరిధిలోని అగ్రిగోల్డ్‌ బాండ్ల పరిశీలన (అగ్రిగోల్డ్‌ బాండ్లల్లోని చిరునామాల ఆధారంగా) ఉంటుందని అన్నారు. ఆయా మండలాల్లోని అగ్రిగోల్డ్‌ బాండ్‌ దారులు ఈ విషయాన్ని గమనించాలని చెప్పారు. ఒరిజినల్‌ బాండ్‌, ఆధార్‌ కార్డ్‌, బ్యాంక్‌ పాస్‌ పుస్తకం, పాస్‌పోర్ట్‌ సైజ్‌ ఫొటో, సంబంధిత పత్రాల నకళ్లు వెంట తీసుకుని రావాలని తెలిపారు. నగరంపాలెం: ఏపీ హ్యూమన్‌ రైట్స్‌ అధ్యక్షునిగా కె.భాస్కర్‌ ఎన్నికయ్యారు. ఈ మేరకు గురువారం తాలుకా ఆవరణలోని పెన్షనర్స్‌ భవన్‌లో ఆయన ప్రమాణస్వీకారం చేశారు. హ్యూమన్‌ రైట్స్‌ జాతీయ కార్యదర్శి జె.శ్రీనిలత, జాతీయ వ్యవస్థాపకులు దాస్‌ హాజరయ్యారు. అనంతరం భాస్కర్‌ను పలువురు సత్కరించారు. కార్యక్రమంలో హైకోర్టు న్యాయవాది లక్ష్మీశైలజాగౌడ్‌, వాకర్స్‌ చెలికాని సీతారామయ్య, విశ్రాంత ఎస్పీ అశోక్‌బాబు, అర్బన్‌ బ్యాంక్‌ డైరక్టర్‌ భాస్కరరావు, మానవ హక్కుల పరిరక్షణ సమితి అధ్యక్షుడు జోన్నలగడ్డ వెంకటరత్నం, తెలంగాణ హ్యూమన్‌రైట్స్‌ అధ్యక్షుడు సుధాకర్‌ తదితరులు పాల్గొన్నారు.

తాడికొండ: రాజధాని పేరుతో ఏళ్లుగా ఆయా గ్రామాల్లో స్థానిక సంస్థల ఎన్నికలు జరగక ప్రజాస్వామ్యం అపహాస్యం పాలవుతోంది. రాజధాని పూలింగ్‌కు ప్రభుత్వం 29 గ్రామాలను తీసుకుంది. వీటిలో 12 గ్రామాలు తుళ్ళూరు మండలంలో ఉన్నాయి. మంగళగిరిలో 5, తాడేపల్లిలో 2 గ్రామాలు ఉన్నాయి. అయితే మంగళగిరిలో 5 గ్రామాలు, తాడేపల్లిలో 2 గ్రామాలకు గతంలో మున్సిపాలిటీ ఎన్నికలు జరిగాయి. తుళ్ళూరు మండలంలో 12 గ్రామాలతోపాటు మిగిలిన 3 గ్రామాలకు ఎన్నికలు నిలిచిపోయాయి. అయితే తాజాగా రెండో విడత పూలింగ్‌లో తుళ్ళూరు మండలంలో 3 గ్రామాలు, అమరావతి మండలంలో 7 గ్రామాలు కలిపి మొత్తం 10 గ్రామాలకు సీఆర్‌డీఏ భూ సమీకరణ నోటిఫికేషన్‌ విడుదల చేయడంతో ఆ గ్రామాలను కూడా ప్రస్తుతం ఎన్నికలు నిలిపివేసినట్లు ప్రభుత్వం ప్రకటన విడుదల చేసింది. అసలు నోటిఫికేషన్‌ ఇవ్వని తాడికొండ మండలంలోని 16 గ్రామాలతో పాటు మేడికొండూరు మండలంలో 4 గ్రామాలకు కూడా ఎన్నికలు నిలిపివేసినట్లు ప్రకటనలు వెలువడటం గందరగోళంగా మారింది. ఇదిలా ఉండగా తాడేపల్లి, మంగళగిరిని మహా నగరపాలక సంస్థగా ఏర్పాటు చేసిన సమయంలో తాడేపల్లి పరిసర ప్రాంతాల్లోని 10 గ్రామాలు, మంగళగిరి పరిసర ప్రాంతాల్లో 12 గ్రామాలు కలిపారు. ప్రస్తుతం ఆ గ్రామాలకు ఎన్నికలు నిర్వహించనున్నట్లు సంకేతాలు వెలువడటంపై ఆందోళన చెందుతున్నారు. పరమార్థం ఏంటో? మంగళగిరి మున్సిపాలిటీ ఏర్పడి 1965లో ఎన్నికలు జరిగాయి. తాడేపల్లి మున్సిపాలిటీగా 2012లో ఏర్పడగా, 2014లో ఎన్నికలు జరిగాయి. అనంతరం 2021లో మంగళగిరి, తాడేపల్లి కలిపి కార్పొరేషన్‌గా ఏర్పాటు చేశారు. ఆ తరువాత మొట్టమొదటి ఎన్నికలు ఇవి. అయితే మొదటి దశ పూలింగ్‌కు ఇచ్చిన 29 గ్రామాలైన తాడేపల్లి రూరల్‌లో ఉండవల్లి, పెనుమాక, మంగళగిరి రూరల్‌లో యర్రబాలెం, నవులూరు, నిడమర్రు, బేతపూడి, కురగల్లు గ్రామాలను మంగళగిరి– తాడేపల్లి కార్పోరేషన్‌లో కలిపారు. ఆ గ్రామాలకు ఎన్నికలు జరుగుతుండగా మిగిలిన మొదటి దశ పూలింగ్‌ జరిగిన 22 గ్రామాలు, రెండో దశలో ప్రకటించిన 10 గ్రామాలు, అసలు పూలింగ్‌ ప్రకటించని తాడికొండ మండలంలో 16 గ్రామాలు, మేడికొండూరు మండలంలో 5 గ్రామాలకు ఎన్నికలు ఎందుకు నిలిపివేశారో అర్థం కాని పరిస్థితి నెలకొంది. ఇంటర్నేషనల్‌ ఎయిర్‌పోర్టు పేరుతో భవిష్యత్తులో కూడా పూలింగ్‌ ఉంటుందంటూ మంత్రి నారాయణ చేస్తున్న వ్యాఖ్యలపై ఈ ప్రాంత వాసులు ఆగ్రహం వ్యక్తం చేస్తున్నారు. ఈ దశలో ఎన్నికలు నిర్వహిస్తే రైతులు తమ వ్యతిరేకతను ఓటు రూపంలో చూపించి, అధికార పార్టీని తరిమికొట్టడం ఖాయమని గ్రహించిన ప్రభుత్వం ఇలా ఎన్నికల ప్రక్రియ నిలిపివేసేందుకు మొగ్గు చూపడం అవివేకమని రైతులు ఆగ్రహం వ్యక్తం చేస్తున్నారు. ప్రభుత్వ నిర్ణయాలు, సీఆర్డీఏ, మంత్రి నారాయణ ఏకపక్ష వైఖరిపై ఇటీవల ఆగ్రహం వ్యక్తం చేసిన రాజధాని రైతు జేఏసీ నాయకులు.. ఏకంగా పూలింగ్‌కు ఇచ్చి తాము తప్పుచేశామని బహిరంగ అసంతృప్తి వ్యక్తం చేశారు. దీనంతటికి కారణం ప్రజాస్వామ్యబద్ధంగా ప్రజలచే ఎన్నుకోబడిన వ్యవస్థ రాజధాని ప్రాంతంలో గత 12 సంవత్సరాలుగా లేకపోవడమే అనేది బహిరంగ రహస్యమే అని పలువురు వ్యాఖ్యానించారు. ప్రజాస్వామ్యంలో ప్రజలు తమ హక్కులను పరిపూర్ణంగా ఉపయోగించుకోవాలంటే స్థానిక సంస్థల ఎన్నికల్లో ఓటు హక్కు తప్పనిసరి అని, ప్రభుత్వం దానిని తమకు దూరం చేసి సొంత నిర్ణయాలతో వ్యవహరిస్తున్న తీరు మంచిది కాదని పలువురు హితవు పలుకుతున్నారు. మరికొందరు దీనిపై న్యాయస్థానాలను ఆశ్రయించేందుకు సిద్ధంగా ఉన్నట్లు సమాచారం. ఎలాంటి అధికారిక పూలింగ్‌ ప్రకటన లేకుండానే తాడికొండ మండలంలో నిలిపివేత ‘స్థానిక’ ప్రజాప్రతినిధులు లేకుండా ప్రభుత్వమే నిర్ణయాలు తీసుకోవడంతో రైతులకు కష్టాలు అధికారులకు సైతం అంతుపట్టని టీడీపీ సర్కారు వైఖరితో రాజధాని వాసుల ఆవేదన ఆయా గ్రామాల్లో గత 12 సంవత్సరాలుగా ప్రభుత్వ అసంబద్ధ, అనైతిక నిర్ణయాలతో రైతులు, సామాన్య ప్రజలకు తీవ్ర ఇబ్బందులకు గురవుతున్నారు. సీఆర్‌డీఏ పేరుతో సీఎం చైర్మన్‌గా ఉండి మంత్రి నారాయణ కనుసన్నల్లో రాజధానిలో మంత్రి వర్గ నిర్ణయాలకు పెద్దపీట వేస్తూ ఇష్టారీతిగా పనులు నిర్వహిస్తున్నారు. రాజధాని అభివృద్ధి పేరుతో బడా సంస్థలు, బడా బాబులకు చౌక ధరలకు భూములు కట్టబెట్టడం, గ్రామాల అభివృద్దిని గాలికొదిలేసి అధిక ధరలకు కాంట్రాక్టర్లకు పనులు కట్టబెట్టి పప్పు బెల్లాల్లా నిధులు పంచుకోవడం పరిపాటిగా మారింది. అదే ఆయా గ్రామాల్లో కార్పొరేషన్‌గానో లేక, మహా నగరపాలక సంస్థగానో ఏర్పాటు చేసి ఎన్నికలు నిర్వహిస్తూ ప్రజల చేత ఎన్నుకోబడిన ప్రజా ప్రతినిధులు నిర్ణయాలు తీసుకుంటే స్థానిక ప్రయోజనాలకు పెద్దపీట వేసేవారు. అదేమీ లేకుండా ప్రభుత్వమే ఓ సంస్థను ఏర్పాటు చేసి అడ్డగోలుగా తీసుకుంటున్న నిర్ణయాలపై రాజధాని ప్రాంత వాసులు, భూములిచ్చిన రైతులు ఆవేదన వ్యక్తం చేస్తున్నారు.

తొలి విడతలో ఏడు మున్సిపాలిటీలు, 28 జెడ్పీటీసీ, 419 ఎంపీటీసీ, 507 పంచాయతీలకు ఎన్నికలు సమస్యాత్మక కేంద్రాల్లో ప్రత్యేక బలగాల మోహరింపు రౌడీషీటర్లు, ట్రబుల్‌ మాంగర్ల బైండోవర్‌ శాంతియుత ఎన్నికలకు జిల్లా ప్రజల సహకారం అవసరం విలేకరుల సమావేశంలో జిల్లా కలెక్టర్‌, ఎస్పీ

రూ.60 లక్షల మేర ఆస్తి నష్టం నాదెండ్ల: గణపవరం గ్రామంలోని పత్తి మిల్లులో భారీ అగ్ని ప్రమాదం చోటుచేసుకున్న సంఘటన గురువారం వెలుగులోకి వచ్చింది. చిలకలూరిపేట అగ్నిమాపకదళ అధికారి అన్వేష్‌కుమార్‌రెడ్డి తెలిపిన వివరాల మేరకు.. గ్రామంలోని జాతీయ రహదారి పక్కనే ఉన్న సాంబశివ కాటన్‌ ప్రైవేట్‌ లిమిటెడ్‌లో మంగళవారం రాత్రి యంత్రాల్లో రాళ్లు పడి నిప్పురవ్వలు రాజుకుని పత్తిపై పడటంతో అగ్ని ప్రమాదం చోటుచేసుకుంది. ఈ కంపెనీలో కొన్నేళ్లుగా సర్జికల్‌ కాటన్‌, ఇయర్‌ బడ్స్‌, దీపారాధన ఒత్తులు తయారు చేస్తుంటారు. మంగళవారం రాత్రి నైట్‌ షిప్ట్‌లో రాత్రి 12 గంటల సమయంలో అగ్ని ప్రమాదం చోటుచేసుకుంది. యంత్రాలతో సహా ముడిపదార్థం అగ్నికి ఆహుతైంది. సమాచారం అందుకున్న చిలకలూరిపేట ఫైర్‌ ఇంజిన్‌తోపాటూ మరో నాలుగు ఇతర ప్రాంతాల ఫైర్‌ ఇంజిన్లు మంటలను అదుపులోకి తెచ్చాయి. ఆ సమయంలో యజమాని పెంటేల సత్యనారాయణ ఇతర ప్రాంతంలో ఉండటంతో బుధవారం రాత్రి ఫ్యాక్టరీ వద్దకు చేరుకుని గురువారం ఉదయం అగ్నిమాపక దళ అధికారికి లిఖితపూర్వకంగా ఫిర్యాదు చేశాడు. సుమారు రూ.60 లక్షల మేర ఆస్తినష్టం వాటిల్లినట్లు తెలిపారు.

రూ.నాలుగు లక్షలకు చేరిన గోల్‌మాల్‌ పిడుగురాళ్ల: పిడుగురాళ్ల ఆర్టీసీ డిపోలో అకౌంట్‌ సెక్షన్‌లో ఓ ఉద్యోగి చేతివాటం ప్రదర్శించాడు. గురువారం ఆర్టీసీ డిపోలోని అకౌంట్‌ సెక్షన్‌లో విజిలెన్స్‌ అధికారులు విచారణ చేపట్టారు. ఈ విచారణకు విజిలెన్స్‌ అధికారులతోపాటు పల్నాడు జిల్లా పబ్లిక్‌ ట్రాన్స్‌పోర్ట్‌ ఆఫీసర్‌(డీపీటీవో) అజిత్‌కుమారి హాజరయ్యారు. నాదెండ్ల శ్రీనివాసరావు కండెక్టర్‌గా ఉద్యోగం పొందాడు. ఇతనికి కంప్యూటర్‌ పరిజ్ఞానం ఉండడంతో అకౌంట్‌ సెక్షన్‌లో ఓడీగా బాధ్యతలు అప్పగించారు. ఇతను జనవరి 2024 నుంచి అకౌంట్‌ సెక్షన్‌లో విధులు నిర్వహిస్తున్నాడు. ఇటీవలే ఇతను రూ.30 వేలకు అదనంగా బిల్లులు పెట్టడంతో డిపో మేనేజర్‌ వెంకటేశ్వర్ల నాయక్‌ కూడా చూసీచూడనట్లు ఆ బిల్లులపై సంతకాలు చేసినట్లు సిబ్బంది తెలిపారు. ఈ బిల్లులను సీనియర్‌ అకౌంటెంట్‌ పరిశీలించటంతో రూ.30 వేల అదనపు బిల్లుల వ్యవహారం వెలుగులోకి వచ్చింది. ఈ సమాచారం ఉన్నతాధికారుల దృష్టికి వెళ్లటంతో హుటాహుటినా ఆర్‌టీసీ విజిలెన్స్‌ అధికారులు రెండు రోజుల నుంచి విచారణ చేపట్టారు. మొత్తం మీద జనవరి 2024 నుంచి మార్చి 2026 వరకు విజిలెన్స్‌ అధికారులు శ్రీనివాసరావు నిర్వహించిన అకౌంట్‌ వివరాలను పరిశీలించి ఇప్పటి వరకు రూ.4 లక్షలు అదనపు బిల్లులు పెట్టినట్లు విజిలెన్స్‌ అధికారులు తేల్చారు. విజిలెన్స్‌ అధికారులు వచ్చిన సమాచారం తెలుసుకున్న విలేకరులు డిపోలోకి వెళ్లేందుకు ప్రయత్నిస్తే సెక్యూరిటీ అధికారులు అడ్డుకున్నారు. డిపో మేనేజర్‌ బాగోతం ఎక్కడ బయటపడుతుందోనని భయపడి ఎవరిని లోపలకు అనుమతించలేదని సిబ్బంది చెబుతున్నారు. అకౌంట్‌ సెక్షన్‌లో తప్పు జరిగితే తప్పును సమర్దించేందుకు డిపో మేనేజర్‌ ప్రయత్నిస్తున్నట్లు తెలుస్తోంది. విజిలెన్స్‌ అధికారులు సైతం నిగ్గుతేల్చిన లెక్కల వివరాలను బహిర్గతం ఇప్పటి వరకు చేయలేకపోయారు. ఈ విషయమై డిపో మేనేజర్‌ వెంకటేశ్వర్లు నాయక్‌ను వివరణ కోరగా విజిలెన్స్‌ అధికారుల పరిశీలన జరిగిందని, ఇప్పటి వరకు సుమారు రూ.4 లక్షల వరకు లెక్కలలో తేడాలు కనిపించాయని, ఓడీగా విధులు నిర్వహిస్తున్న నాదెండ్ల శ్రీనివాసరావు చేతివాటమేనని తెలిపారు.

ప్రజల రక్షణకు నిలవాల్సిన వేళ పోలీసులు పక్షపాతపు నీడలో ప్రజాస్వామ్యాన్ని వెక్కిరిస్తున్నారు. స్థానిక సంస్థల ఎన్నికల నగారా గంట మోగగానే ప్రతిపక్ష నాయకుల కాళ్లకు సుమోటో బంధనాలు బిగిస్తున్నారు. ఊళ్లో ఊపిరి పీల్చుకునే హక్కును కాలరాస్తూ ప్రతిపక్షంలో ఉన్నారనే కారణంతో అర్ధరాత్రి నోటీసులతో బెంబేలెత్తిస్తున్నారు. ఓటరు వద్దకు ప్రతిపక్షాల అడుగులు పడేలోపే ఖాకీల ఆంక్షలతో అడ్డుగోడ కడుతున్నారు. మరోవైపు అధికార పక్ష శ్రేణులకు అభయమిస్తూ రాచబాట పరుస్తున్నారు. చట్టాలను అధికారానికి చుట్టాన్ని చేస్తూ ఎన్నికల నియమావళికి మంగళం పాడుతున్నారు. ఇప్పటికై నా పోలీసు వ్యవస్థను నిష్పక్షపాతంగా పని చేసేలా, న్యాయాన్ని గెలిపించేలా ఎన్నికల అధికారులు కోడ్‌ కొరడా ఝుళిపించాలని ప్రజలు కోరుతున్నారు.

● జిల్లాలో వైఎస్సార్‌సీపీ నాయకులపై బైండోవర్‌ కేసులు ● ఒక్కో స్టేషన్‌లో వందల సంఖ్యలో అక్రమ కేసులు ● ఇదెక్కడి న్యాయమంటూ నిలదీస్తున్న ప్రజలు నరసరావుపేట టౌన్‌: ఎన్నికలు అంటే ప్రజల తీర్పును కోరాలి.. ప్రజల్లోకి వెళ్లి విశ్వాసాన్ని పొందాలి.. ప్రత్యర్థులతో రాజకీయంగా పోరాడాలి. కానీ పల్నాడు జిల్లాలో స్థానిక సంస్థల ఎన్నికల వేళ రాజకీయ పోరాటం పోలీస్‌ స్టేషన్‌ల చుట్టూ తిరుగుతోంది. ప్రజల్లో ప్రభుత్వానికి ఉన్న వ్యతిరేక భయంతో అధికార పార్టీ నేతలు పోలీసులను అడ్డుపెట్టుకొని వైఎస్సార్‌ సీపీని కట్టడి చేసేందుకు కుట్రలు చేస్తున్నారు. పార్టీ నాయకులు, కార్యకర్తలపై బైండోవర్‌ కేసులతో భయభ్రాంతులకు గురిచేస్తున్నారు. స్థానిక సంస్థల ఎన్నికలు సమీపిస్తున్న తరుణంలో రెడ్‌బుక్‌ రాజ్యాంగంతో బరి తెగిస్తున్నారు. రాజకీయంగా ఎదుర్కోవాల్సిన ప్రత్యర్థులను పోలీస్‌ చర్యలతో నిలువరిస్తున్నారు. మాములుగా పోటీ చేసి గెలవటం అసాధ్యమని, దౌర్జన్యాలతో గెలిచేందుకు కుట్రలు పన్నుతున్నారు. గతంలో ఉన్న ఫిర్యాదులను వెలికి తీసి అక్రమ కేసులు బనాయించేందుకు పావులు కదుపుతున్నారు. పల్నాడు జిల్లా కేంద్రం నరసరావుపేటలో ఉన్న వన్‌టౌన్‌, టూటౌన్‌, రూరల్‌ పోలీస్‌ స్టేషన్ల పరిధిలో సుమారు వెయ్యి మందికి పైగా వైఎస్సార్‌ సీపీ నాయకులు, కార్యకర్తలే టార్గెట్‌గా అక్రమ బైండోవర్‌ కేసులు నమోదు చేశారు. తహసీల్దార్‌ ఎదుట హాజరుపరిచి ఒక్కొక్కరిని రూ.5 లక్షల పూచీకత్తుపై విడుదల చేశారు. జిల్లాలో మాచర్ల, గురజాల, చిలకలకూరిపేట, వినుకొండ, సత్తెనపల్లి, పెదకూరపాడు నియోజకవర్గాల్లో కూడా ఇదే తరహాలో ప్రత్యర్థులను అడ్డుకునేందుకు రాజకీయ అస్త్రాలుగా అక్రమ కేసులు బనాయిస్తున్నారు. అధికారుల తీరుపై విమర్శలు వందల సంఖ్యలో వైఎస్సార్‌ సీపీ కార్యకర్తలపై బైండోవర్‌ కేసులు నమోదు చేసిన పోలీసులు పదుల సంఖ్యలో కూడా టీడీపీ కార్యకర్తలపై నమోదు చేయకపోవటం విమర్శలకు తావిస్తోంది. ఎన్నికల నేపథ్యంలో ఒక ప్రాంతంలో శాంతిభద్రతల సమస్యలు తలెత్తే అవకాశం ఉన్నప్పుడు ఇరు పార్టీలకు చెందిన వ్యక్తులను వేరువేరుగా బైండోవర్‌ చేయాల్సి ఉంది. అయితే కేవలం వైఎస్సార్‌సీపీ వారినే లక్ష్యంగా చేసుకొని బైండోవర్‌ కేసులు, భారీ పూచీకత్తులతో భయభ్రాంతులకు గురి చేస్తున్నారనే విమర్శలు ఉన్నాయి. రిజర్వేషన్లు ప్రకటించినప్పటి నుంచి అధికార పార్టీ నేతలు పోలీసులను అడ్డుపెట్టుకొని అరాచకాలు సృష్టిస్తున్నారు. వైఎస్సార్‌సీపీ తరఫున పోటీ చేసే అభ్యర్థులు, వారి సన్నిహితుల జాబితాను తీసుకొని బైండోవర్‌ కేసుల అస్త్రం ప్రయోగిస్తున్నారు. ప్రతి రోజు స్టేషన్‌కు వచ్చి సంతకాలు పెట్టాలని బెదిరింపులకు పాల్పడుతున్నారు. వైఎస్సార్‌సీపీ కార్యకర్తలను రౌడీషీట్‌ ఓపెన్‌ చేస్తామని పోలీసులు బెదిరిస్తున్నారు. బైండోవర్‌ కేసుల్లో ఉన్న వారిపై మరో కేసు నమోదు అయితే రౌడీషీట్‌ నమోదు చేస్తామని హెచ్చరిస్తున్నారు. తెలుగుదేశం పార్టీ కార్యకర్తల్లా పోలీసులు వ్యవహరిస్తున్నారని పలువురు ఆవేదన వ్యక్తం చేస్తున్నారు. వైఎస్సార్‌సీపీ నేతలను టార్గెట్‌ చేస్తూ పోలీసులు వ్యవహరిస్తున్న తీరుపై ఉన్నతాధికారులు దృష్టి సారించి రక్షణ కల్పించాలని కోరుతున్నారు. శాంతిభద్రతలు కాపాడటం ఎంత ముఖ్యమో.. అన్ని రాజకీయ పార్టీలకు సమాన అవకాశాలు ఉండేలా చూడటం అంతే ముఖ్యం. అయితే పోలీసులు వ్యవహరిస్తున్న తీరు ప్రజాస్వామ్యంలో అధికార పార్టీకి అనుకూలంగా ఉన్నారనే భావన ఏర్పడుతోంది. బైండోవర్‌ చర్యలు శాంతిభద్రతల పరిరక్షణకు కాకుండా రాజకీయ ఒత్తిళ్లతో జరిగాయన్న విమర్శలు సర్వత్రా వ్యక్తమవుతున్నాయి.

నరసరావుపేట రూరల్‌: స్థానిక సంస్థల ఎన్నికల నేపథ్యంలో అవసరమైన సందర్భాల్లో వినియోగించాల్సిన రైట్‌ గేర్‌ ఎక్విప్‌మెంట్‌పై సమీక్షను గురువారం నిర్వహించారు. అదనపు ఎస్పీ రోహిత్‌కుమార్‌ ఆధ్వర్యంలో జిల్లా పోలీసు కార్యాలయంలో నిర్వహించిన కార్యక్రమంలో పోలీసు సిబ్బంది పాల్గొన్నారు. స్థానిక సంస్థల ఎన్నికల్లో శాంతిభద్రతల పరిరక్షణ, అవాంఛనీయ సంఘటనల నివారణ, పోలీసు సిబ్బంది సంసిద్ధత, ప్రజలకు భద్రత కల్పించే చర్యల్లో భాగంగా సంబంధిత పరికరాల వినియోగంపై సిబ్బందికి సూచనలు చేశారు. ఎన్నికల విధుల్లో పాల్గొనే సిబ్బంది అప్రమత్తంగా ఉండాలని, ఉన్నతాధికారుల ఆదేశాలు, నిబంధనల మేరకు విధులు నిర్వహించాలని తెలిపారు. ఆర్‌ఐలు కృష్ణ, గోపినాథ్‌, ఏఆర్‌ సిబ్బందిలు పాల్గొన్నారు. ఆలయంలో హుండీల చోరీ చిలకలూరిపేటటౌన్‌: పట్టణంలోని ఎన్టీఆర్‌ కాలనీ ఫస్ట్‌లైన్‌న్‌లో ఉన్న ప్రసన్నాంజనేయస్వామి ఆలయంలో దుండగులు చోరీకి పాల్పడ్డారు. ఆలయ తాళాలు పగలగొట్టి రెండు హుండీలను లక్ష్యంగా చేసుకోగా.. ఒక హుండీని ధ్వంసం చేసి నగదు అపహరించారు. మరో హుండీని ఎత్తుకెళ్లారు. ఆలయ పరిసరాల్లో రాత్రివేళ కొందరు మద్యం, గంజాయి సేవిస్తూ అసాంఘిక కార్యకలాపాలకు పాల్పడుతున్నారని స్థానికులు ఆరోపిస్తున్నారు. ఆలయానికి ఎదురుగా ఉన్న సీసీ కెమెరాను రెండు వారాల క్రితమే ధ్వంసం చేశారని, మద్యం సేవిస్తున్న వారిని ప్రశ్నించిన వాచ్‌మెనన్‌ను రెండు రోజుల క్రితం బెదిరించారని చెబుతున్నారు. ఈ ఘటనల వెనుక సంబంధం ఉందా అనే అనుమానాలు వ్యక్తమవుతున్న నేపథ్యంలో పోలీసులు చోరీపై విచారణ జరిపి నిందితులను గుర్తించాలని, రాత్రివేళ గస్తీ పెంచి ఆలయానికి రక్షణ కల్పించాలని కాలనీవాసులు కోరుతున్నారు. 23న ప్రభుత్వ ఉద్యోగులకు క్రీడా పోటీలు జిల్లా క్రీడాభివృద్ధి అధికారి నరసింహారెడ్డి నరసరావుపేట ఈస్ట్‌: క్రీడా ప్రాధికార సంస్థ ఆధ్వర్యంలో ఈనెల 23వ తేదీన సతైనపల్లిరోడ్డులోని డీఎస్‌ఏ స్టేడియంలో ప్రభుత్వ ఉద్యోగులకు జిల్లాస్థాయి ఎంపిక పోటీలు నిర్వహిస్తున్నట్టు జిల్లా క్రీడాభివృద్ధి అధికారి పి.నరసింహారెడ్డి గురువారం తెలిపారు. పోటీలను 19 క్రీడాంశాలలో నిర్వహిస్తున్నట్టు వివరించారు. అథ్లెటిక్స్‌, బాస్కెట్‌బాల్‌, బెస్ట్‌ ఫిజిక్‌, క్యారమ్స్‌, చెస్‌, క్రికెట్‌, ఫుట్‌బాల్‌, హాకీ, కబడ్డీ, ఖోఖో, లాన్‌ టెన్నీస్‌, పవర్‌ లిఫ్టింగ్‌, షటిల్‌ బాడ్మింటన్‌, స్విమ్మింగ్‌, టెబుల్‌ టెన్నీస్‌, వాలీబాల్‌, వెయిట్‌ లిఫ్టింగ్‌, రెజ్లింగ్‌, యోగా అంశాలలో పోటీలు నిర్వహించి జిల్లా జట్టు ఎంపిక చేస్తామన్నారు. ఎంపికై న క్రీడాకారులు ఈనెల 28 నుంచి 30వ తేదీ వరకు గుంటూరులో జరగనున్న రాష్ట్రస్థాయి ఎంపిక పోటీలలో పల్నాడు జిల్లాకు ప్రాతినిధ్యం వహిస్తారని వివరించారు. ఆసక్తి గల ప్రభుత్వ ఉద్యోగులు తమ కార్యాలయ గుర్తింపు కార్డు, ఇతర ధ్రువ పత్రాలతో 23వ తేదీ ఉదయం 9గంటలకు స్టేడియంలో హాజరు కావాలని స్పష్టం చేశారు. ఇతర వివరాలకు జిల్లా క్రీడా ప్రాధికార సంస్థ కార్యాలయంలో సంప్రదించాలని కోరారు. బైండోవర్లలోనూ రాజకీయ లెక్కలే! 75 శాతం వైఎస్సార్‌సీపీ వారే..! చిలకలూరిపేటటౌన్‌/యడ్లపాడు: ఎన్నికల వేళ పోలీసుల బైండోవర్‌ చర్యలు ముమ్మరమయ్యాయి. శాంతిభద్రతల పరిరక్షణ, ఎన్నికలు ప్రశాంతంగా జరిగేలా ముందస్తు చర్యల్లో భాగంగా చిలకలూరిపేట అర్బన్‌, యడ్లపాడు పోలీస్‌స్టేషన్ల పరిధిలో మొత్తం 320 మందిపై పోలీసులు బైండోవర్‌ కేసులు నమోదు చేశారు. గురువారం నాటికి ఇరు పోలీస్‌స్టేషన్ల పరిధిలోనూ సమానంగా 160 మంది చొప్పున ఈ కేసులు నమోదయ్యాయి. అయితే, బైండోవర్‌ కేసుల్లో రాజకీయ పార్టీల వారీగా ఉన్న నిష్పత్తి చర్చనీయాంశంగా మారింది. నమోదైన కేసుల్లో సుమారు 75 శాతం మంది వైఎస్సార్‌సీపీకి చెందిన వారు ఉండగా, అధికారపార్టీకి చెందిన వారు 25 శాతం మాత్రమే ఉన్నట్లు సమాచారం. ఎన్నికల సమయంలో ముందస్తు పోలీసు చర్యలు సహజమే అయినప్పటికీ, కేసుల నమోదులో ఈ వ్యత్యాసం రాజకీయంగా ఆసక్తి రేకెత్తిస్తోంది. ఎన్నికల నేపథ్యంలో ఎలాంటి అవాంఛనీయ ఘటనలకు తావులేకుండా పోలీసులు చర్యలు తీసుకుంటున్న వేళ, బైండోవర్‌ కేసుల నమోదు ఏ ప్రాతిపదికన జరుగుతోంది? అన్ని పార్టీల వారిపైనా సమానంగా చర్యలు తీసుకుంటున్నారా? అన్న ప్రశ్నలు అటు పార్టీనేతల్లోనూ, ప్రజల్లోనూ చర్చకు వస్తున్నాయి. బైండోవర్లపై స్థానికంగా చర్చ సాగుతుంది.

అమల్లోకి ఎన్నికల నియమావళి సత్తెనపల్లి: జిల్లాలో పురపాలికలకు ఎన్నికల నగారా మోగింది. రాష్ట్ర ఎన్నికల కమిషనర్‌ అనిల్‌ చంద్ర పూనేఠ మంగళవారం నిర్వహించిన మీడియా సమావేశంలో ఎన్నికల షెడ్యూల్‌ ప్రకటించారు. ఈ మేరకు ఎన్నికల ప్రవర్తనా నియమావళి అమల్లోకి వచ్చింది. జిల్లా ఎన్నికల అధికారులు శుక్రవారం అధికారికంగా నోటిఫికేషన్‌ విడుదల చేయనున్నారు. ఇదే రోజు ఆయా పురపాలికల పరిధిలో నామినేషన్లు స్వీకరించరున్నారు. నామినేషన్లకు తుది గడువు ఈ నెల 18వ తేదీ. రోజూ ఉదయం 10.30 నుంచి సాయంత్రం 5 గంటల వరకు నామినేషన్లు స్వీకరిస్తారు. 499 పోలింగ్‌ కేంద్రాలు పురపాలిక ఎన్నికలకు సంబంధించి పోలింగ్‌ కేంద్రాలు, ఓటర్ల జాబితాతో పాటు పుర పీఠాలు, వార్డుల వారీగా రిజర్వేషన్లు ఖరారైన విషయం తెలిసిందే. ఎన్నికలు జరిగే చిలకలూరిపేట, వినుకొండ, సత్తెనపల్లి, మాచర్ల, పిడుగురాళ్ల మున్సిపాలిటీలు, గురజాల, దాచేపల్లి నగర పంచాయతీల పరిధిలో 3,38,294 మంది ఓటర్లు తమ ఓటు హక్కును వినియోగించుకోనున్నారు. ఇందులో పురుషులు 1,61,429 మంది, మహిళలు 1,76,796 మంది, ఇతరులు 69 మంది ఉన్నారు. మున్సిపాలిటీ వార్డులు బూత్‌లు పురుషులు మహిళలు ఇతరులు మొత్తం ఓటర్లు చిలకలూరిపేట 48 96 40,589 45,946 19 86,554 వినుకొండ 36 69 22,815 24,366 05 47,186 సత్తెనపల్లి 36 72 23,223 24,968 05 48,196 మాచర్ల 36 71 22,069 24,445 06 46,520 పిడుగురాళ్ల 40 68 26,364 28,575 16 54,955 గురజాల 23 69 10,746 11,936 02 22,684 దాచేపల్లి 28 54 15,623 16,560 16 32,199 మొత్తం 247 499 1,61,429 1,76,796 69 3,38,294 స్థానిక ఎన్నికలకు పటిష్ట భద్రత

కథలాపూర్‌: ఉన్న ఊరిలో పనులు లేక.. ఉపాధి వెతుక్కుంటూ జగిత్యాల జిల్లా కథలాపూర్‌ మండలానికి వచ్చిన ఆంధ్రప్రదేశ్‌ రాష్ట్రం పల్నాడు జిల్లా వినుకొండకు చెందిన ఇద్దరు కూలీలు వినుకొండ ఆనంద్‌ బాబు (22), కొత్తజాను గమినేల్‌ ఉరఫ్‌ సంజీవ్‌(19) బావిలో పడి మృతిచెందడం స్థానికంగా విషాదం నింపింది. భవన నిర్మాణ పనులకు వచ్చి ప్రమాదవశాత్తూ వ్యవసాయ బావిలో పడి ప్రాణాలు కోల్పోవడం పలువురిని కంటతడి పెట్టించింది. ఆనంద్‌బాబు చిన్నతనంలోనే తల్లిదండ్రులు మృతిచెందినట్లు సమాచారం. దీంతో చెల్లెను పోషించి పెళ్లి చేశాడు. ఉపాధి నిమిత్తం చింతకుంటలోని దేవండ్ల విష్ణు అనే మేసీ్త్ర వద్దకు ఎనిమిది రోజుల క్రితం వచ్చాడు. ఇక్కడ పనులు బాగానే ఉన్నాయని తనకు పరిచయమున్న గమినేల్‌కు చెప్పడంతో కుటుంబ పరిస్థితులు, తల్లిదండ్రులు, తమ్ముడి అవసరాల కోసం నాలుగు రోజుల క్రితం చింతకుంటకు వచ్చాడు. మంగళవారం సాయంత్రం వ్యవసాయ బావి వద్ద మద్యం సేవించారు. ప్రమాదవశాత్తు అందులో పడి మృతిచెందారు.

నరసరావుపేట: స్థానిక సంస్థల ఎన్నికల ప్రక్రియలో రిటర్నింగ్‌ అధికారులు (ఆర్‌ఓ), అసిస్టెంట్‌ రిటర్నింగ్‌ అధికారులు (ఏఈఆర్‌ఓ)లు సమగ్ర అవగాహన కలిగి ఉండాలని కలెక్టర్‌, జిల్లా ఎన్నికల అధికారి డాక్టర్‌ కృతికా శుక్లా ఆదేశించారు. కలెక్టర్‌ కార్యాలయంలో ఎన్నికల విధులు కేటాయించిన ఆర్‌ఓ, ఏఆర్‌ఓ, మాస్టర్‌ ట్రైనర్లతో ఎన్నికల సరళి, నిర్వహణ, నిబంధనలపై బుధవారం సాయంత్రం ప్రత్యేక శిక్షణ నిర్వహించారు. కలెక్టర్‌ మాట్లాడుతూ త్వరలో జిల్లాలో జరగనున్న స్థానిక సంస్థల ఎన్నికల నిర్వహణకు అధికారులు, సిబ్బంది సిద్ధంగా ఉండాలన్నారు. ఎన్నికల నిర్వహణలో ఆర్‌ఓల పాత్ర ఎంతో ముఖ్యమని, వారు ఎన్నికల విధులను బాధ్యతాయుతంగా నిర్వహించాలన్నారు. ఎన్నికల ప్రక్రియ సజావుగా సాగేందుకు ఎన్నికల అధికారుల బృందం అంతా కలిసికట్టుగా పనిచేయాలన్నారు. నామినేషన్ల ప్రక్రియ కోసం అంతా సిద్ధం చేసుకోవాలని ఆదేశించారు. నామినేషన్‌ ప్రక్రియలో ఎలాంటి పొరపాట్లకు తావులేకుండా, ఎన్నికల నిబంధనల ప్రకారం వ్యవహరించాలన్నారు. సందేహాలు ఉంటే ఎన్నికల అధికారుల దృష్టికి తీసుకురావాలని, సొంత నిర్ణయాలు వద్దన్నారు. నామినేషన్‌ ప్రక్రియలో ఒత్తిడిలు వచ్చినా నిబంధనల ప్రకారం నడుచుకోవాలన్నారు. నామినేషన్ల పరిశీలన, తిరస్కరణ కార్యక్రమాలను జాగ్రత్తగా చేపట్టాలని, నామినేషన్లు తిరస్కరణకు సంబంధించి స్పష్టమైన కారణాలను నమోదు చేయాలన్నారు. తిరస్కరించిన నామినేషన్లపై ఒక కమిటీ విచారణ చేస్తుందన్నారు. నామినేషన్‌ స్వీకరణ కేంద్రాల్లో అన్ని ఏర్పాట్లు పక్కాగా పూర్తి చేయాలన్నారు. జాయింట్‌ కలెక్టర్‌ సంజనా శ్రీహర్ష, ఇతర అధికారులు పాల్గొన్నారు. జిల్లా కలెక్టర్‌, జిల్లా ఎన్నికల అధికారి కృతికా శుక్లా

సత్తెనపల్లి: కొత్తగా ఏర్పాటైన పల్నాడు జిల్లా పరిషత్‌ తొలి జెడ్పీ పీఠం మహిళకు దక్కనుంది. ప్రభుత్వం తాజాగా ప్రకటించిన రిజర్వేషన్లలో పల్నాడు జిల్లా పరిషత్‌ చైర్మన్‌ పదవిని జనరల్‌ మహిళకు కేటాయించడంతో జెడ్పీ పాలనా పగ్గాలు చేపట్టే అవకాశం మహిళకు లభించనుంది. ఉమ్మడి గుంటూరు జిల్లా నుంచి 28 మండలాలతో వేరుపడి పల్నాడు జిల్లా పరిషత్‌ కొత్తగా ఏర్పాటైంది. ఈ మేరకు పల్నాడు జిల్లా కేంద్రమైన నరసరావుపేటలోని మండల పరిషత్‌ కార్యాలయంలో తాత్కాలిక జిల్లా పరిషత్‌ కార్యాలయాన్ని ప్రభుత్వం గత నెల 25 వ తేదీన ప్రారంభించింది. సీఈవో దుర్గాప్రసాద్‌తోపాటు అధికార యంత్రాంగాన్ని నియమించింది. అయితే, స్థానిక ఎన్నికల నిర్వహణకు ఎన్నికల కమిషన్‌ ఏర్పాట్లు చేస్తున్న తరుణంలో ప్రభుత్వం రిజర్వేషన్ల ప్రక్రియను చేపట్టింది. జిల్లాలోని 28 మండలాల పరిధిలో జనరల్‌ మహిళా ఓటర్లు అధికంగా ఉన్నారు. ఈ మేరకు జిల్లా పరిషత్‌ చైర్‌పర్సన్‌ పదవిని జనరల్‌ మహిళకు రిజర్వ్‌ చేశారు. తొలిసారి అవకాశం... జిల్లా పరిషత్‌ చైర్‌పర్సన్‌గా జనరల్‌ మహిళకు అవకాశం దక్కింది. 2021లో జరిగిన స్థానిక సంస్థల ఎన్నికల్లో ఉమ్మడి గుంటూరు జిల్లాలో మెజారిటీ జెడ్పీటీసీ స్థానాలను వైఎస్సార్‌ సీపీ అభ్యర్థులే గెలుపొందారు. అప్పట్లో గుంటూరు జిల్లా పరిషత్‌ చైర్‌పర్సన్‌ స్థానం ఎస్సీ మహిళకు రిజర్వ్‌ కావడంతో అప్పటి ముఖ్యమంత్రి, వైఎస్సార్‌ సీపీ అధినేత వైఎస్‌ జగన్‌మోహన్‌రెడ్డి కొల్లిపర జెడ్పీటీసీగా గెలుపొందిన ఎస్సీ సామాజిక వర్గానికి చెందిన కత్తెర హెనీ క్రిస్టినాకు అవకాశం కల్పించారు. దీంతో ఆమె ఉమ్మడి గుంటూరు జిల్లా పరిషత్‌ చైర్‌పర్సన్‌గా ఇటీవల వరకు సేవలందించారు. గత నెల 24వ తేదీతో జిల్లా పరిషత్‌ సభ్యుల పదవీకాలం ముగియడంతో ప్రభుత్వ ఆదేశాల మేరకు కొత్త జిల్లాల ప్రాతిపదికన జిల్లా పరిషత్తులు ఏర్పాటయ్యాయి. అందులో భాగంగా 28 మండలాలతో పల్నాడు జిల్లా పరిషత్‌ ఆవిర్భవించింది. ఈ మండలాల్లో ఎంపీపీల పదవీకాలం ముగియడంతో ప్రస్తుతం ప్రత్యేక అధికారుల పాలన కొనసాగుతోంది. జిల్లా పరిషత్‌ పరిధిలో 28 జెడ్పీటీసీ, 419 ఎంపీటీసీ స్థానాలు ఉన్నాయి. ఈసారి జిల్లా పరిషత్‌ పీఠాన్ని అధిరోహించే మహిళ పల్నాడు జిల్లా పరిషత్‌ తొలి చైర్‌పర్సన్‌గా చరిత్రకెక్కనున్నారు. తొలి జిల్లా పరిషత్‌ చైర్‌పర్సన్‌గా బాధ్యతలు చేపట్టేందుకు పలువురు ఆసక్తి చూపిస్తున్నారు. జెడ్పీటీసీ రిజర్వేషన్లలో గురజాల, ఈపూరు, కారంపూడి, మాచవరం, నకరికల్లు, రొంపిచర్ల స్థానాలను జనరల్‌ మహిళలకు కేటాయించారు. ఆశావహులు ముమ్మర ప్రయత్నాలు చేస్తున్నారు. వైఎస్సార్‌ సీపీ, కూటమి నేతలు తమ కుటుంబ సభ్యులను రంగంలోకి దించే పనిలో నిమగ్నమయ్యారు. ఈ మేరకు ముఖ్య నేతలతో సంప్రదింపులు జరుపుతున్నారు. ఆ అదృష్ట మహిళగా ఎవరు జెడ్పీ పీఠంపై కూర్చుంటారో మరికొద్ది రోజులు వేచి చూడాల్సిందే.

తాడేపల్లి రూరల్‌: తాడేపల్లి పట్టణ పరిధిలోని సీతానగరంలో ఉన్న విజయకీలాద్రి దివ్య క్షేత్రంపై సంతానలక్ష్మి అమ్మవారికి బుధవారం ప్రత్యేక పూజలు నిర్వహించారు. శరన్నవరాత్రోత్సవాలలో భాగంగా నాలుగో రోజు సంతానలక్ష్మి అమ్మవారికి అభిషేక మహోత్సవం, కుంకుమార్చన శాస్త్రోక్తంగా నిర్వహించారు. అనంతరం అమ్మవారికి శ్రీయాగం వైభవంగా జరిగింది. సాయంత్రం 5.30 గంటలకు విష్ణు సహస్రనామ స్తోత్ర పారాయణం, సంతానలక్ష్మి అమ్మవారికి పల్లకీసేవ, అర్చన, నివేదన, మంగళాశాసనం కార్యక్రమాలు వైభవంగా జరిగాయి. భక్తులు అధిక సంఖ్యలో పాల్గొని ధనలక్ష్మి అమ్మవారిని దర్శించుకుని తీర్థ ప్రసాదాలు స్వీకరించారు. జీయర్‌ ఎడ్యుకేషనల్‌ ట్రస్ట్‌ మేనేజర్‌ పురాణం వెంకటాచార్యులు మాట్లాడుతూ త్రిదండి చిన్న శ్రీమన్నారాయణ రామానుజ జీయర్‌స్వామి వారి మంగళాశాసనాలతో ఉత్సవాలు వైభవంగా నిర్వహిస్తున్నట్లు తెలిపారు. గుంటూరు లీగల్‌: బాలిక సాధికారత సాధిస్తే సమాజం అభివృద్ధి చెందుతుందనే మాటను కేవలం నినాదంగా కాకుండా ఆచరణలో పెట్టాలని జిల్లా న్యాయ సేవాధికార సంస్థ కార్యదర్శి సయ్యద్‌ జియాఉద్దీన్‌ అన్నారు. జాతీయ, రాష్ట్ర న్యాయ సేవాధికార సంస్థ ఆదేశాల మేరకు జిల్లా ప్రధాన న్యాయమూర్తి, జిల్లా న్యాయ సేవాధికార సంస్థ చైర్మన్‌ బి.సాయి కల్యాణ చక్రవర్తి ఆదేశాల మేరకు బుధవారం అంతర్జాతీయ బాలికా దినోత్సవాన్ని నిర్వహించారు. ఇందులో సయ్యద్‌ జియాఉద్దీన్‌ మాట్లాడుతూ బాలికలకు విద్య, ఆరోగ్యం, గౌరవం, భద్రత, సమానత్వం అనేవి ఎవరో ఇచ్చే బహుమతులు కావన్నారు. అవి వారి హక్కులని అన్నారు. బాలికలపై లైంగిక వేధింపులు, బాల్యవివాహాలు, అక్రమ రవాణా, బాల కార్మిక వ్యవస్థ, లింగ వివక్ష, సైబర్‌ వేధింపులు వంటి సమస్యలను తీవ్రంగా పరిగణించాలన్నారు. చట్టాలు ఉంటే సరిపోదని, వాటి గురించి ప్రజలకు అవగాహన ఉండాలని పేర్కొన్నారు. జిల్లా న్యాయ సేవాధికార సంస్థ ద్వారా ఉచిత న్యాయ సహాయం పొందవచ్చని తెలిపారు. జిల్లా బాలల పరిరక్షణ అధికారి విజయ్‌కుమార్‌, ప్యానెల్‌ అడ్వకేట్‌ కట్టా కాళిదాసు మాట్లాడుతూ బాలికా దినోత్సవం ప్రాముఖ్యతను వివరించారు. వారికి ఉన్న హక్కులు, చట్టాలపై మరింత అవగాహన కల్పించారు. కార్యక్రమంలో సాంఘిక సంక్షేమ శాఖ సూపరింటెండెంట్‌, చైల్డ్‌ వెల్ఫేర్‌ కమిటీ మెంబర్‌, స్టేక్‌ హోల్డర్స్‌, పోలీస్‌ శాఖ, వివిధ సంస్థల సిబ్బంది, సచివాలయం స్టాఫ్‌, ప్యానెల్‌ అడ్వకేట్స్‌, పారా లీగల్‌ వలంటీర్స్‌, జిల్లా న్యాయ సేవాధికార సంస్థ సిబ్బంది పాల్గొన్నారు. చీరాల ఎంపీడీవో కార్యాలయం ముందు నోటీస్‌ చీరాల టౌన్‌: దసరా వచ్చిందంటే వివిధ శాఖల్లో పనిచేసే అవుట్‌ సోర్సింగ్‌ ఉద్యోగులు, ప్రభుత్వ, ప్రైవేటు కార్మికులు, రోజువారీ కూలీలు దసరా మామూళ్లను అడుగుతుంటారు. ఇది చాలా కాలం నుంచి ఆచారంగా వస్తోంది. అయితే చీరాల ఎంపీడీవో కార్యాలయం ముందు మాత్రం దసరా చందాలు ఇవ్వబడవు.... ఎవ్వరూ కార్యాలయంలోకి రావద్దని ప్రత్యేకంగా నోటీస్‌ ఏర్పాటు చేశారు. ఓ వైపు స్థానిక ఎన్నికలకు కోడ్‌ కూసింది. మరో వైపు మండల పరిషత్‌, జిల్లా పరిషత్‌ ప్రాదేశికాల ఎన్నికలు, గ్రామ పంచాయతీల ఎన్నికలు, వార్డు మెంబర్లు ఎన్నికలకు నోటిఫికేషన్‌ విడుదల అయ్యింది. వివిధ గ్రామాల ప్రజలు నిత్యం వచ్చే మండల పరిషత్‌ అభివృద్ధి కార్యాలయం ముందు ఏర్పాటు చేసిన ‘నోటీస్‌’ను అందరూ ఆసక్తిగా తిలకిస్తున్నారు.

నరసరావుపేట రూరల్‌: జిల్లాలో స్థానిక సంస్థల ఎన్నికలను ప్రశాంతంగా, స్వేచ్ఛగా, పారదర్శకంగా నిర్వహించేందుకు పోలీసు శాఖ సమగ్ర భద్రతా ప్రణాళికను సిద్ధం చేస్తుందని జిల్లా ఎస్పీ జగదీష్‌ అదహళ్లి తెలిపారు. రానున్న మున్సిపాలిటీ, జెడ్పీటీసీ, ఎంపీటీసీ, గ్రామ పంచాయతీ ఎన్నికల నేపథ్యంలో బందోబస్తు ఏర్పాట్లను ఆయన పర్యవేక్షిస్తన్నారు. జిల్లాలోని ఎనిమిది మున్సిపాలిటీలు, 28 మండలాలు, 34 పోలీస్‌ స్టేషన్‌ల పరిధిలో 525 గ్రామ పంచాయతీలకు సంబంధించి 5,476 పోలింగ్‌ కేంద్రాల్లో ఎన్నికలు జరుగుతాయని తెలిపారు. అత్యంత సున్నితమైన, సున్నితమైన, సాధారణ పోలింగ్‌ ప్రాంతాలుగా వర్గీకరించినట్టు తెలిపారు. ఎన్నికల విధుల కోసం అధికారులు, సిబ్బందితో పాటు రూట్‌ మొబైల్స్‌, స్ట్రైకింగ్‌పోర్స్‌, ప్లయింగ్‌ స్క్వాడ్స్‌, తనిఖీ కేంద్రాలు, షాడో పార్టీలను నియమిస్తున్నట్టు వివరించారు. శాంతిభద్రతలకు విఘాతం కలిగించే అవకాశం ఉన్న వ్యక్తులను గుర్తించి చట్టప్రకారం ముందస్తు చర్యలు చేపడుతున్నట్టు తెలిపారు. రౌడీషీటర్లు, ట్రబుల్‌ మాంగర్స్‌లను బైండోవర్‌ చేసినట్టు తెలిపారు. ఎన్నికల ప్రవర్తనా నియమావళిని ఉల్లంఘించినా, ఓటర్లను బెదిరించినా, ప్రలోభాలకు గురిచేసినా సంబంధిత వ్యక్తులపై చట్టప్రకారం కఠిన చర్యలు తీసుకుంటామని హెచ్చరించారు. ప్రజలు ఎలాంటి భయాందోళనలకు గురికాకుండా స్వేచ్ఛగా ఓటు హక్కును వినియోగించుకోవాలని సూచించారు.

జిల్లా క్రీడాభివృద్ధి అధికారి నరసింహారెడ్డి నరసరావుపేట ఈస్ట్‌: జమ్మూ కశ్మీర్‌ రాష్ట్రం శ్రీనగర్‌లో ఈనెల 25వ తేదీన నిర్వహించనున్న 3వ కశ్మీర్‌ మారథాన్‌ – 2026లో పాల్గొని ప్రతిభ చాటాలనుకునే క్రీడాకారులు ఈనెల 15వ తేదీలోగా ఆన్‌లైన్‌లో దరఖాస్తు చేసుకోవాలని జిల్లా క్రీడాభివృద్ధి అధికారి పి.నరసింహారెడ్డి బుధవారం తెలిపారు. మారథాన్‌ పూర్తి పరుగు పందెంలో విజేతకు రూ.25 లక్షలు, హాఫ్‌ మారథాన్‌ పోటీలో పురుషులు, మహిళలకు ఒక్కొక్కరికి రూ. 15లక్షలు నగదు బహుమతులు అందచేస్తారని పేర్కొన్నారు. జిల్లాలోని క్రీడా సంఘాలు, విద్యా సంస్థలు, ఆసక్తి గల అథ్లెట్స్‌ గడువులోగా తమ పేరును https://www.kashmirmarathon.jk.gov.in వెబ్‌సైట్‌లో దరఖాస్తు చేసుకోవాలని సూచించారు. అమరావతి: మండల పరిధిలోని కర్లపూడి గ్రామంలో బాలికపై నెల 7వ తేదీ జరిగిన లైంగిక దాడి ఘటనలో మంగళవారం పోక్పో కేసు నమోదు చేశారు. ఈ కేసులో నిందితుడిని బుధవారం అరెస్టు చేశారు. స్థానిక సీఐ అచ్చియ్య తెలిపిన వివరాల ప్రకారం.. ఈ ఘటనలో నిందితుడైన కుంభా గోపిని బుధవారం సాయంత్రం అమరావతి పోలీసులు కర్లపూడిలో అదుపులోకి తీసుకున్నారు. నిందితుడిని సత్తెనపల్లి డీఎస్పీ చైతన్య సమక్షంలో విచారించిన అనంతరం రిమాండ్‌ నిమిత్తం సత్తెనపల్లి కోర్డులో హాజరు పరిచారు. మాచర్ల: ప్రమాదవశాత్తు ఆటో బోల్తాపడి కూలీలు తీవ్రగాయాల పాలైన ఘటన బుధవారం జరిగింది. నాగార్జున సాగర్‌ పోలీసులు తెలిపిన వివరాల ప్రకారం.. తెలంగాణ రాష్ట్రం రంగిళ్ల గ్రామం నుంచి కొందరు కూలీలు నాగార్జునసాగర్‌ చింతల తండాకు పత్తి కూలి కోసం ఆటోలో వస్తుండగా ఆటో డ్రైవరు అజాగ్రత్తతో ఆటో బోల్తా పడింది. ఆటోలోని ఎనిమిది మందికి తీవ్రగాయాలయ్యాయి. క్షతగాత్రులను నాగార్జునసాగర్‌ ప్రభుత్వ ఆసుపత్రికి తరలించి, చికిత్స అందిస్తున్నారు. చేబ్రోలు: చేబ్రోలు మండలం వేజండ్లలో ప్రకృతి వ్యవసాయంలో సాగు చేస్తున్న పంటలను ఢిల్లీకి చెందిన సీఈఈడబ్ల్యూ(కౌన్సిల్‌ ఆఫ్‌ ఎన్విరాన్‌మెంట్‌ అండ్‌ ఎనర్జీ వాటర్‌) బృందం బుధవారం పరిశీలించింది. మండల పరిధిలోని వేజండ్ల గ్రామానికి చెందిన మహిళా రైతు వేజండ్ల రాణి ఆరేళ్ల నుంచి నిర్వహిస్తున్న పీఎండీఎస్‌ క్షేత్రంతో పాటు, ఈ ఏడాది చేపట్టిన పీఎండీఎస్‌ క్షేత్రం, రసాయన వ్యవసాయ క్షేత్రాన్ని బృందం సందర్శించింది. పంటల పెరుగుదల, మొక్కల దుబ్బులు, పంట ఆరోగ్యం తదితర అంశాలను పరిశీలించింది. పశుగ్రాసం కోసం పీఎండీఎస్‌ను వినియోగిస్తున్న రైతులతో బృందం సభ్యులు మాట్లాడారు. వరి, మిరప, కూరగాయలు సాగు చేస్తున్న రైతుల నుంచి సాగుకు ముందు, తర్వాత వచ్చిన మార్పులు, అనుభవాలు, భవిష్యత్‌లో ఈ విధానాన్ని కొనసాగించే ఆలోచనలపై వివరాలు సేకరించింది. మహిళా సంఘాల సభ్యులతోనూ చర్చించి, పోషకాహార కిట్ల తయారీ, ఉత్పత్తుల నిర్వహణ, ఆదాయం, ఆర్థిక లావాదేవీల గురించి తెలుసుకున్నారు. రైతులు తమ అనుభవాలను వాటిని నమోదు చేసుకున్నారు. క్షేత్రస్థాయి పరిశీలన, రైతుల అనుభవాల ద్వారా పీఎండీఎస్‌ సాగు విధానంపై అధ్యయనం చేసింది. ఎం.ఖన్నా, పి.బంజా, అడిషనల్‌ డీపీఎం సత్యనారాయణ, వైపీ రవితేజ, వీరలక్ష్మి, ప్రకృతి వ్యవసాయ సిబ్బంది, రైతులు పాల్గొన్నారు.

తెనాలి: దుగ్గిరాల పసుపు మార్కెట్‌లో ధరలు భారీగా పెరిగాయి. మూడురోజుల కిందట ఒక్కసారిగా పెరిగిన ధర బుధవారం గరిష్టంగా క్వింటాలు ధర రూ.18,550 కాగా, సగటున రూ.18,051లకు కొనుగోలు చేశారు. మార్కెట్‌యార్డులో పసుపు కొమ్ములు 57.43 క్వింటాళ్లు, కాయ 90.19 క్వింటాళ్ల క్రయవిక్రయాలు జరిగాయి. ప్రస్తుతం పసుపు వ్యాపారానికి అన్‌సీజను కావటం, ఎగుమతుల్లో కదలిక వచ్చి నెలకొన్న డిమాండ్‌తో ధర హఠాత్తుగా పెరిగిందని చెబుతున్నారు. తెలంగాణ రాష్ట్రంలోని నిజామాబాద్‌ మార్కెట్‌లోనూ క్వింటాలు రూ.19 వేలకు పైగా అమ్మకాలు జరుగుతున్నట్టు సమాచారం. గత రెండు నెలలుగా పసుపు ధర క్వింటాలు రూ.13 వేల నుండి రూ.15 వేల వరకు మార్కెట్‌ నడిచింది. అక్టోబరు నెల ప్రవేశంతోటి రూ.15వేల వరకు పెరిగింది. ఈనెల 13న రూ.18,400లకు చేరుకుంది. బుధవారం మరో రూ.100 పెరుగుదల కనిపించింది. గతంలో వైఎస్‌ రాజశేఖరరెడ్డి హయాంలో క్వింటాలు పసుపు రూ.16 వేల వరకు అమ్మకాలు జరిగి, రైతులను ఆశల పల్లకీ ఎక్కించాయి. తర్వాతికాలంలో క్రమేపీ తగ్గుతూ వచ్చాయి. వైఎస్‌ జగన్‌మోహన్‌రెడ్డి ముఖ్యమంత్రిగా ఉండగా మద్దతు ధరను నిర్ణయించి కొనుగోలు చేయాల్సి వచ్చింది. ఆ తర్వాత మళ్లీ ఇప్పుడే పసుపు ధరల్లో భారీ పెరుగుదల కనిపిస్తోంది. 2026 ఖరీఫ్‌ సీజనుకు పసుపు చేలు 125 రోజుల దశలో ఉన్నాయి. గత సీజనులో పండించిన పసుపును రైతులు దాదాపు విక్రయించేశారు. ప్రస్తుతం రైతుల వద్ద పసుపు నిల్వలు లేవు. కోల్డ్‌ స్టోరేజిల్లో, ఇతర గిడ్డంగుట్లో ప్రైవేటు వ్యాపారులు చేసిన నిల్వలు మాత్రమే ఉన్నాయి. ధర మరింత పెరుగుతందనే భావనతో సరుకును ఉంచేశారు. అక్కడక్కడా చిన్న వ్యాపారులు మాత్రమే సరుకును మార్కెట్‌యార్డుకు తీసుకొస్తున్నారు. పసుపు రాకపోవటంతో మార్కెట్‌యార్డులో కొనుగోళ్లు కూడా జరగటం లేదు. ప్రస్తుతం పెరిగిన ధర వారికి మాత్రమే లాభిస్తుందని చెబుతున్నారు. ఈ పెరుగుదల నిలకడగా, పసుపు పంట చేతికొచ్చే వరకు ఉండాలని రైతులు కోరుకుంటున్నారు.

తాకట్టులో ఉన్న బంగారం విడిపించాలని కోరి.. రూ.5.50లక్షలతో పరారీ నర్సంపేట రూరల్‌: తాకట్టులో ఉన్న బంగారం విడిపిస్తే మళ్లీ మీకే ఆ బంగారాన్ని విక్రయిస్తామని చెప్పి రూ.5.50 లక్షలు మాయం చేశాడు. ఈ ఘటన వరంగల్‌ జిల్లా నర్సంపేట పట్టణంలో ఆలస్యంగా వెలుగులోకి వచ్చింది. బాధితుడి కథనం ప్రకారం.. తన బంగారం ఫెడ్‌ బ్యాంకులో తాకట్టులో ఉందని, ఆ బంగారాన్ని విడిపిస్తే తిరిగి మీకే విక్రయిస్తానని గుంటూరుకు చెందిన శ్రీఆంజనేయ గోల్డ్‌ ఫైనాన్స్‌ కంపెనీని ఫోన్‌లో వరంగల్‌ జిల్లా చెన్నారావుపేట మండలానికి చెందిన బోడ శ్రీకాంత్‌ సంప్రదించాడు. దీంతో ఆ కంపెనీ.. తన సేల్స్‌మన్‌ని ఈనెల 13న నర్సంపేటకు పంపించింది. సదరు సేల్స్‌మన్‌ని శ్రీకాంత్‌ రిసీవ్‌ చేసుకుని అంగడి రోడ్డులో ఉన్న సెంట్రల్‌ బ్యాంకుకు తీసుకెళ్లాడు. ఈ బ్యాంకులోనే తనకు ఖాతా ఉందని, నగదును బదిలీ చేస్తే తాను ఫెడ్‌బ్యాంక్‌కు బదిలీ చేసి బంగారం తీసుకొస్తానని నమ్మబలికాడు. దీంతో ఆ గోల్డ్‌ఫైనాన్‌ సేల్స్‌మెన్‌ నమ్మి కంపెనీ ప్రతినిధులో మాట్లాడి రూ.5 లక్షలు శ్రీకాంత్‌ ఖాతాలో జమ చేయించాడు. మరో రూ.50వేలు ఫోన్‌పే ద్వారా పంపించాడు. అనంతరం, సెల్స్‌మెన్‌ను అక్కడే కూర్చోబెట్టి ఇప్పుడే వెళ్లి వస్తానని చెప్పి అక్కడినుంచి శ్రీకాంత్‌ వెళ్లిపోయి తిరిగిరాలేదు. అనంతరం మొబైల్‌ ఫోన్‌ స్విచ్‌ఆఫ్‌ చేశాడు. దీంతో మోసపోయినట్లు సెల్స్‌మెన్‌ గ్రహించి నర్సంపేట పోలీస్‌ స్టేషన్‌ను ఆశ్రయించాడు. గతంలో కూడా శ్రీకాంత్‌పై పలు సైబర్‌ నేరాలకు సంబంధించిన కేసులు నమోదయ్యాయి. బాధితుడి ఫిర్యాదు మేరకు శ్రీకాంత్‌పై చీటింగ్‌ కేసు నమోదు చేసి దర్యాప్తు చేస్తున్నట్లు సీఐ శ్రీనివాస్‌ వివరించారు.

నరసరావుపేట టౌన్‌: కొండను తవ్వి ఎలుకను కూడా పట్టుకోలేని చందంగా తయారైంది. అవినీతి నిరోధక శాఖ అధికారుల తీరు.. గతంలో నరసరావుపేట జిల్లా రిజిస్ట్రార్‌ కార్యాలయంలో నిర్వహించిన ఏసీబీ దాడుల్లో ఉద్యోగి వద్ద రూ.5 వేలు నగదు స్వాధీనం చేసుకున్నారు. అయితే ఆ నగదు లంచానికి సంబంధించిందేననని నిర్థారించేందుకు అధికారులు బుధవారం విచారణ చేపట్టటం చర్ఛనీయాంశంగా మారింది. వివరాల్లో కెళ్లితే.. పల్నాడు జిల్లా కేంద్రం నరసరావుపేట జిల్లా రిజిస్ట్రార్‌ కార్యాలయంలో 6 నెలల క్రితం ఏసీబీ అధికారులు దాడులు నిర్వహించారు. ఈ సందర్భంగా కార్యాలయంలోని ఓ ఉద్యోగి వద్ద అక్రమంగా రూ.5 వేల నగదు ఉన్నట్లు గుర్తించి స్వాధీనం చేసుకున్నారు. ఆ నగదు లంచానికి సంబంధించిందేనా.. ఏ పనికి తీసుకున్నారు. ఈ వ్యవహారంలో ఇంకా ఎవరిదైనా పాత్ర ఉందా. . అనే కోణాల్లో అధికారులు విచారణ చేపట్టినట్లు సమాచారం. ఏసీబీ అధికారుల రాకతో రిజిస్ట్రార్‌ కార్యాలయం అధికారులు అప్రమత్తం అయ్యారు. నిత్యం డాక్యుమెంట్‌ రైటర్‌లు, ప్రైవేటు వ్యక్తుల రాకపోకలతో సందడిగా ఉండే కార్యాలయం ఏసీబీ అధికారులు ఉన్నంతసేపు ఇతరులు ఎవ్వరూ కనిపించలేదు. కాగా రిజిస్ట్రార్‌ కార్యాలయంపై తరుచూ అవినీతి ఆరోపణలు వినిపిస్తున్న నేపథ్యంలో తాజాగా ఏసీబీ అధికారుల విచారణ ప్రాధాన్యం సంతరించుకొంది. నగదు స్వాధీనం చేసుకోవటంతో ఆగకుండా వెనుక ఉన్న వాస్తవాలను వెలికి తీసి బాధ్యులపై చర్యలు తీసుకుంటేనే ఏసీబీ దాడుల లక్ష్యం నెరవేరుతోంది. దొరికిన రూ.5 వేల నగదు వ్యవహారంలో ఏసీబీ విచారణ ఎలాంటి ఫలితాలను ఇస్తుందో వేచి చూడాలి.

సత్తెనపల్లి: మారిన ఎన్నిక విధానంలో రూ.కోట్లు ఉంటే తప్ప మున్సిపల్‌ చైర్మన్‌ సీటు దక్కే పరిస్థితి కనిపించడం లేదు. గతంలో అత్యధిక కౌన్సిల్‌ సీట్లు గెలిచిన పార్టీ నుంచి చైర్మన్‌గా ఒకరిని ఎంపిక చేసేవారు. ఈ క్రమంలో సామాన్యులందరూ చైర్మన్‌లుగా అవకాశాలు దక్కించుకున్నారు. కానీ తాజాగా మున్సిపాలిటీలో చైర్మన్‌ స్థానాలకు ప్రత్యక్ష ఎన్నిక నిర్వహించనున్న నేపథ్యంలో ఆ సీట్లు హాట్‌గా మారాయి. భారీగా డబ్బులుంటే తప్ప కౌన్సిలర్‌ సీటు కూడా ఇవ్వని కూటమి పార్టీలు.. చైర్మన్‌ సీట్లను ఎంతకు బేరం పెడతాయో ఆలోచించుకోవచ్చని ప్రజలు చర్చించుకుంటున్నారు. ఇప్పటికే ఆ విషయం తెలుసుకున్న కొందరు బడాబాబులు రిజర్వేషన్లు వెలువడటంతో ఎమ్మెల్యేల వద్ద లాబీయింగ్‌ చేస్తున్నారు. పార్టీ ఫండ్‌ కింద కొంత.. ఎన్నికల ఖర్చు కోసం ఇంకొంత ... ఓట్లు కొనుగోలు మరి కొంత కలిపి రూ.కోట్లల్లో ఖర్చు చేసే సామర్థ్యం ఉందని చెబుతున్నారు. తమకే చైర్మన్‌గా అవకాశం కల్పించాలని కోరుతున్నారు. రిజర్వేషన్‌లు అధికారికంగా ప్రకటించడంతో తమ సామాజిక వర్గం ఓట్లు తమకు కలిసి వస్తాయంటూ తమ బలాలు చెబుతున్నారు. ప్రజల్లో వారికి ఉన్న బలహీనతలను దృష్టిలో పెట్టుకొని మరి కొంత మొత్తం రాబట్టేందుకు అన్నీ విన్నాక ఎవరికీ హామీ ఇవ్వకుండా ఎమ్మెల్యేలు దాటవేస్తున్నారని సమాచారం. ధనం, బలం ఉంటేనే.. గతంలో మున్సిపాలిటీల్లో ఉన్న స్థానాల్లో సగం కంటే ఎక్కువ గెలిచిన పార్టీకి చెందిన వ్యక్తి చైర్మన్‌ అయ్యేవారు. గెలిచిన వారిలో ఎవరో ఒకరిని చైర్మన్‌గా ఎన్నుకునేవారు. కౌన్సిలర్‌గా గెలిచి .. చైర్మన్‌ పీఠం అధిరోహించే అవకాశం ఉండేది. ఒక వార్డులో ఖర్చు భరించి... పార్టీలో చెలామణి అవుతూ ... పెద్దల ఆశీర్వాదం ఉంటే చైర్మన్‌ పీఠంపై కూర్చునే అవకాశం ఉండేది. ఒక్కోసారి రిజర్వేషన్‌ కలిసి వచ్చి పదవులు పొందిన వారూ ఉన్నారు. అయితే ప్రస్తుత పరిస్థితి అలా ఉండదు. ప్రస్తుతం చైర్మన్‌ కోసం ప్రత్యక్ష ఎన్నిక నిర్వహించనున్నారు. దీంతో మున్సిపాలిటీల్లోని అన్ని వార్డుల ఓటర్ల ఆశీర్వాదం అవసరం. చైర్మన్‌ కుర్చీ కావాలంటే కనిష్ఠంగా రూ. 5 కోట్లపైగా ఖర్చు చేయాల్సిన పరిస్థితి. దీంతో సామాన్యులకు ఇక నుంచి చైర్మన్‌ పీఠం కలగానే మిగలనుంది. బడాబాబులే చైర్మన్‌ పదవి కోసం పోటీ చేయనున్నారు. పెరిగిన సీట్లతో అధిక భారం గతంతో పోలిస్తే జిల్లాలోని ప్రతి మున్సిపాలిటీలో కౌన్సిల్‌ స్థానాల సంఖ్య పెరిగింది. గతంలో జిల్లాలోని 6 మున్సిపాలిటీలు, 2 నగర పంచాయతీల్లో 243 కౌన్సిల్‌ స్థానాలు ఉండగా .. ప్రస్తుతం అవి 295కు పెరిగాయి. జిల్లా వ్యాప్తంగా 52 కౌన్సిల్‌ స్థానాలు ఈ దఫా పెరిగాయి. అన్ని కౌన్సిల్‌ స్థానాల అభ్యర్థుల ద్వారా ప్రజల ఓట్లు రాబట్టాల్సిన పరిస్థితి. ఇందుకోసం భారీగా వెచ్చించాల్సి ఉంటుంది. ఫలితంగా ఖర్చు రూ. కోట్లకు చేరనుంది. దీంతో సంపన్నులకు భారీగా అవకాశాలు దక్కబోతున్నాయి. సామాన్యులకు అవకాశమిచ్చిన వైఎస్సార్‌ సీపీ జిల్లాలో నరసరావుపేట, చిలకలూరిపేట, వినుకొండ, సత్తెనపల్లి, పిడుగురాళ్ల, మాచర్ల మున్సిపాలిటీలు, గురజాల, దాచేపల్లి నగర పంచాయతీలు ఉన్నాయి. 2021 ఎన్నికల్లో అన్ని స్థానాలను వైఎస్సార్‌సీపీ కై వసం చేసుకుంది. నరసరావుపేట మున్సిపాలిటీకి కోర్టు కేసుల కారణంగా ఎన్నికలు జరగలేదు. అప్పట్లో ఉన్న నిబంధనల ప్రకారం అత్యధిక సీట్లు సాధించి వారిలో ఒకరికి చైర్మన్‌ పీఠం కట్టబెట్టారు. ఈ క్రమంలో ఎలాంటి రాజకీయ అనుభవం, నేపథ్యం లేని సామాన్యులకు, మహిళలకు సైతం వైఎస్సార్‌ సీపీ అధినేత వైఎస్‌ జగన్‌మోహన్‌రెడ్డి అవకాశం కల్పించారు. అందులోనూ బడుగు బలహీన వర్గాలు, మైనార్టీలకు పెద్దపీట వేశారు. అవకాశం లేని చోట్ల వైస్‌ చైర్మన్‌లుగా ఒక్కో మున్సిపాలిటీలో ఇద్దరికి అవకాశం ఇచ్చారు. దీంతో జిల్లాలోని అన్ని మున్సిపాలిటీల్లోనూ సామాన్యులే చైర్మన్‌ పీఠం అధిరోహించారు. చంద్రబాబు ప్రభుత్వ తీరుపై ప్రజల్లో తీవ్ర వ్యతిరేకత ఉంది. ఏ ఓటరును అడిగినా.. రెండున్నరేళ్ల కూటమి ప్రభుత్వ పాలనపై విమర్శలు చేస్తున్నారు. ఈ నేపథ్యంలో కేవలం డబ్బుపై ఆధారపడి కూటమి నేతలు ఓటింగ్‌కు వెళ్లాలని భావిస్తున్నారు. దీంతో భారీగా డబ్బులు ఉన్న వారికే గాలం వేస్తున్నారు. ఇదే అదునుగా బడాబాబుల్లో ఆశలు మొదలయ్యాయి. ఎవరికి వారుగా ఎమ్మెల్యేల వద్ద లాబీయింగ్‌ మొదలుపెట్టారు. ఉదయం ఎమ్మెల్యేను కలిస్తే .. సాయంత్రం వారి కుటుంబ సభ్యులను కలిసి రిజర్వేషన్‌ తమకు అనుకూలంగా ఉందని, తమకే సీటు కావాలని కోరుతున్నట్లు సమాచారం.

పల్నాడుబుధవారం శ్రీ 14 శ్రీ అక్టోబర్‌ శ్రీ 2026ఓటమి భయం..స్థానిక సంస్థల ఎన్నికలు సమీపిస్తుండటంతో కూటమి నేతల్లో అలజడి మొదలైంది. ఇచ్చిన హామీలను నెరవేర్చకపోవడం, రెడ్‌బుక్‌ రాజ్యాంగంతో వేధింపులకు గురిచేయడం, నిత్యావసర వస్తువుల ధరలు ఆకాశాన్నంటుతున్న నేపథ్యంలో అన్ని వర్గాల వారు కూటమి ప్రభుత్వంపై రగిలిపోతున్నారు. ఈ తరుణంలో ఎన్నికలను ఎలా ఎదుర్కొవాలో తెలియక అధికార పార్టీ నాయకులు తలలు పట్టుకుంటున్నారు. మామూలుగా పోటీ చేసి గెలవడం అసాధ్యమని గ్రహించిన మంత్రులు, ఎమ్మెల్యేలు.. ఇక దౌర్జన్యాలతో గెలవాలని కుట్రకు తెరలేపారు. ఇందులో భాగంగా పోలీసులను అడ్డుపెట్టుకుని వైఎస్సార్‌సీపీ నేతలు, కార్యకర్తలే టార్గెట్‌గా అక్రమ కేసులు బనాయించడం, బైండోవర్‌ల పేరుతో వేధింపులకు గురిచేయడం వంటి చర్యలకు దిగుతున్నారు.

రాజుపాలెం: అతివేగంగా వస్తున్న ఇసుక ట్రాక్టర్‌ ద్విచక్రవాహనాన్ని ఢీకొనడంతో వివాహిత మృతి చెందిన ఘటన మండలంలోని రెడ్డిగూడెం –హసాన్‌బాద్‌ రోడ్డుపై బ్రాహ్మణపల్లి ఆర్చీ వద్ద మంగళవారం చోటుచేసుకుంది. క్రోసూరు మండలం నాగవరం గ్రామానికి చెందిన తన్నీరు వెంకటేశ్వర్లు భార్య రమణ(35) నాగవరం నుంచి సత్తెనపల్లి తాపీ పనికి ద్విచక్రవాహనంపై వెళుతున్నారు. బ్రాహ్మణపల్లి ఆర్చీ సమీపానికి వచ్చే సరికి ద్విచక్రవాహనం ముందు వెళుతున్న ఇసుక ట్రాక్టర్‌ను ఓవర్‌ టేక్‌ చేసి ముందుకు రావడంతో అతివేగంగా ఉన్న ట్రాక్టర్‌ ద్విచక్రవాహనాన్ని ఢీకొంది. ద్విచక్రవాహనంపై వెనుక కూర్చున్న రమణ ఒక్కసారిగా క్రిందపడి పోయింది. కింద పడిపోడిపోయిన ఆమెను ట్రాక్టర్‌ తొక్కించుకుని ముందుకు వెళ్లడంతో అక్కడికక్కడే సృహతప్పి పడిపోయింది. బ్రాహ్మణపల్లి గ్రామస్తులు 108 సహాయంతో సత్తెనపల్లి ప్రభుత్వ వైద్యశాలకు తరలించారు. వైద్యులు పరీక్షించి మృతి చెందినట్లు నిర్ధారించారు. సత్తెనపల్లి రూరల్‌ సీఐ కిరణకుమార్‌ ఘటనా స్థలానికి చేరుకుని వివరాలు సేకరించి కేసు నమోదు చేశారు.

● గుంటూరు జెడ్పీ చైర్‌పర్సన్‌గా ఎస్సీ మహిళకు చాన్స్‌ ● బాపట్ల, పల్నాడు జెడ్పీ చైర్‌పర్సన్లుగా జనరల్‌ మహిళలకు అవకాశం సాక్షిప్రతినిధి, గుంటూరు: మూడు జిల్లాలుగా ఉమ్మడి గుంటూరు జిల్లా విడిపోయిన తరువాత మొట్టమొదటిసారిగా వచ్చే జెడ్పీ ఎన్నికలకు రిజర్వేషన్‌ ఖరారైంది. మూడు జెడ్పీ చైర్‌పర్సన్‌ పదవులు మహిళలకే దక్కడం విశేషం. గుంటూరు జెడ్పీ చైర్‌పర్సన్‌గా ఎస్సీ మహిళకు, పల్నాడు, బాపట్ల జెడ్పీ చైర్‌పర్సన్‌ సీట్లు జనరల్‌ మహిళలకు రిజర్వు అయ్యాయి. ఉమ్మడి గుంటూరు జిల్లాలోని మూడు జిల్లాలకు ప్రథమ పౌరులుగా మహిళలకే అవకాశం దక్కనుంది. కొత్త జిల్లాలకు మొట్టమొదటిసారిగా ఎన్నికలు జరుగుతుండడంతో మొదటి సారి జెడ్పీ చైర్‌పర్సన్‌లు అయ్యే భాగ్యం మహిళలకే దక్కింది. తాడేపల్లి రూరల్‌: తాడేపల్లి పట్టణ పరిధిలోని సీతానగరం విజయకీలాద్రి దివ్య క్షేత్రంపై ధనలక్ష్మి అమ్మవారికి మంగళవారం ప్రత్యేక పూజలు నిర్వహించారు. అమ్మవారికి ఉదయం తొమ్మిది గంటలకు విశేష అభిషేక మహోత్సవం, కుంకుమార్చన శాస్త్రోక్తంగా నిర్వహించారు. సాయంత్రం 5.30 గంటలకు శ్రీవిష్ణు సహస్రనామ స్తోత్ర పారాయణం, ధనలక్ష్మి అమ్మవారి పల్లకీ సేవ, అర్చన, నివేదన, మంగళాశాసనం కార్యక్రమాలు వైభవంగా జరిగాయి. భక్తులు అధిక సంఖ్యలో అమ్మవారిని దర్శించుకుని, తీర్థ ప్రసాదాలు స్వీకరించారు. జీయర్‌ ఎడ్యుకేషనల్‌ ట్రస్ట్‌ మేనేజర్‌ పురాణం వెంకటాచార్యులు మాట్లాడుతూ త్రిదండి చిన్న శ్రీమన్నారాయణ రామానుజ జీయర్‌స్వామి వారి మంగళాశాసనములతో శరన్నవరాత్రి మహోత్సవాలు ఘనంగా నిర్వహిస్తున్నట్లు తెలిపారు. తాడేపల్లి రూరల్‌: విపత్తులను సమర్థంగా ఎదుర్కొనేందుకు ప్రభుత్వ వ్యవస్థలతోపాటు యువత భాగస్వామ్యం ఎంతో అవసరమని ఏపీ ఎస్‌డీఎంఏ ఎగ్జిక్యూటివ్‌ డైరెక్టర్‌ కౌసర్‌ బానో అన్నారు. మంగళవారం తాడేపల్లిలోని ఏపీ రాష్ట్ర విపత్తుల నిర్వహణ సంస్థ కార్యాలయంలో ఇంటి నుంచే స్థితి స్థాపకత ప్రారంభం అనే అంశంపై రాష్ట్ర విపత్తుల నిర్వహణ సంస్థ, యునిసెఫ్‌ సంయుక్త ఆధ్వర్యంలో రౌండ్‌ టేబుల్‌ సమావేశం నిర్వహించారు. కౌసర్‌ బానో మాట్లాడుతూ విపత్తుల సమయంలో అన్ని విభాగాలు సమన్వయంతో పనిచేస్తూ, శిక్షణ, అవగాహన కార్యక్రమాల ద్వారా రాష్ట్రంలోని ప్రతి ఒక్కరినీ సంసిద్ధులుగా తీర్చిదిద్దాలని పేర్కొన్నారు. విపత్తు సంసిద్ధత, ప్రమాదాల నివారణ, అవగాహన పెంపు, సామర్థ్యాల బలోపేతంపై విస్తృతంగా అధికారులతో చర్చించారు. కార్యక్రమంలో విపత్తుల నివారణ సంస్థ ఏవో రవిబాబు, ఎస్‌ఈవోసీ ఇన్‌చార్జి పీటర్‌, ప్రాజెక్టు కో ఆర్డినేటర్‌ డాక్టర్‌ బి.ప్రసాద్‌, సీబీవో తనూజ, ప్రాజెక్టు మేనేజర్లు, ఫైర్‌ డిపార్ట్‌మెంట్‌, ఎస్‌డీఆర్‌ఎఫ్‌, ఎన్‌డీఆర్‌ఎఫ్‌, ఎన్‌సీసీ, ఎన్‌ఎస్‌ఎస్‌, మై భారత్‌, భారత్‌ స్కౌట్స్‌ అండ్‌ గైడ్స్‌, యువజన విభాగాల కీలక అధికారులు, స్వచ్ఛంద సంస్థల ప్రతినిధులు పాల్గొన్నారు. నరసరావుపేట ఈస్ట్‌: స్కూల్‌ గేమ్స్‌ ఫెడరేషన్‌ ఆధ్వర్యాన జాతీయస్థాయిలో నిర్వహించనున్న అండర్‌–14 బాలికల టెన్నిస్‌ రాష్ట్ర జట్టు కెప్టెన్‌గా సీబీఐటీ స్కూల్‌ విద్యార్థిని పి.సూక్తిశ్రీ ఎంపికైనట్టు పాఠశాల ప్రిన్సిపల్‌ డి.భారతి మంగళవారం ఒక ప్రకటనలో పేర్కొన్నారు. శ్రీకాళహస్తిలో ఈ నెల 10 నుంచి 12వ తేదీ వరకు నిర్వహించిన రాష్ట్రస్థాయి పోటీల్లో సూక్తిశ్రీ ప్రతిభ కనపరిచి రాష్ట్ర జట్టుకు కెప్టెన్‌గా ఎంపికై నట్టు వివరించారు. ఈనెల 22వ తేదీన ఢిల్లీలో జరగనున్న జాతీయస్థాయి స్కూల్‌గేమ్స్‌లో అండర్‌–14 బాలికల జట్టుకు కెప్టెన్‌గా ఆంధ్రప్రదేశ్‌ జట్టుకు ప్రాతినిధ్యం వహిస్తుందని తెలిపారు. పాఠశాల డైరెక్టర్‌ పి.యోగిరెడ్డి మాట్లాడుతూ జాతీయ స్థాయిలో విజయం సాధించి పల్నాడు జిల్లాకు, పాఠశాలకు పేరు తీసుకు రావాలని ఆకాంక్షించారు.

గుంటూరు డీఎంహెచ్‌ఓ పద్మావతి గుంటూరు మెడికల్‌: బాల్య వివాహాలను అరికట్టాలని డీఎంహెచ్‌ఓ ఎం.పద్మావతి కోరారు. హై రిస్క్‌ ప్రెగ్నెన్సీ ప్రోటోకాల్స్‌పై రెండు రోజుల శిక్షణ కార్యక్రమం డీఎంహెచ్‌ఓ కార్యాలయ సమావేశ మందిరంలో మంగళవారం నిర్వహించారు. ఆమె మాట్లాడుతూ ఏఎన్‌ఎంలకు హై రిస్క్‌ గర్భిణుల గుర్తింపు, తగిన జాగ్రత్తలు, వైద్య సేవలు, రిఫరల్‌ విధానాలపై పలు సూచనలు అందించారు. ప్రతి సంవత్సరం అక్టోబరు 11న నిర్వహించే అంతర్జాతీయ బాలికా దినోత్సవాన్ని పురస్కరించుకొని బాలికల హక్కుల పరిరక్షణ, లింగ వివక్ష నిర్మూలన, బాలికలకు సమాన విద్య, ఆరోగ్యం, పోషకాహారం, రక్షణ కల్పించడం తదితర అంశాలపై అవగాహన కల్పించారు. బాలికలు ఆరోగ్యంగా, ఆనందంగా, ఆత్మవిశ్వాసంతో ఎదిగినప్పుడే దేశం అభివృద్ధి పథంలో ముందుకు సాగుతుందని తెలియజేస్తూ ప్రజలలో అవగాహన కల్పించడానికి ప్రతి ఒక్కరూ కృషి చేయాలని సూచించారు. బాలికల ఆరోగ్యం, విద్య, భద్రతకు ప్రాధాన్యం ఇవ్వడం అంటే దేశ భవిష్యత్‌కు పునాది వేయడమేనన్నారు. ప్రతి బాలికకు సమాన హక్కులు, నాణ్యమైన విద్య, పౌష్టికాహారం, మెరుగైన వైద్య సేవలు, సురక్షితమైన వాతావరణం అందించాలని కోరారు. బాలికలను గౌరవించడం, ప్రోత్సహించడం, వారి కలలను సాకారం చేసేందుకు తోడ్పడటం మనందరి కర్తవ్యమని పేర్కొన్నారు. కార్యక్రమంలో డాక్టర్‌ ఎ.శ్రీవల్లి, డాక్టర్‌ శ్రీధర్‌, డాక్టర్‌ కె.ప్రియాంక, డాక్టర్‌ భార్గవ్‌, అర్మన్‌ సంస్థ ప్రతినిధులు, డాక్టర్‌ చరణ్‌ పాల్గొన్నారు. నేలబావిలో గుర్తుతెలియని మృతదేహం తాడేపల్లి రూరల్‌: కృష్ణా కెనాల్‌–తాడేపల్లి ప్రధాన రహదారి మధ్యలో ఉన్న ఓ నేలబావిలో మృతదేహం కలకలం రేపింది. మంగళవారం బావిలో మృతదేహం ఉన్నట్లు తాడేపల్లి పోలీసులకు సమాచారం అందింది. తొలుత ఘటన తమ పరిధిలోకి రాదని, రైల్వే పోలీసుల పరిధికి వస్తుందని చెప్పడంతో మృతదేహాన్ని బయటకు తీసే ప్రక్రియలో జాప్యం జరిగినట్లు తెలిసింది. చివరకు సాయంత్రం తాడేపల్లి పోలీసులే బావిలో నుంచి మృతదేహాన్ని బయటకు తీసి పరిశీలించారు. మృతుడు బీహార్‌కు చెందిన వ్యక్తిగా గుర్తించారు. మృతదేహం లభించిన నేలబావి రైల్వేస్టేషన్‌కు సుమారు 150 అడుగుల దూరంలో ఉన్నట్లు తెలిసింది. మృతికి గల కారణాలపై పలు అనుమానాలు వ్యక్తమవుతున్నాయి. ఇప్పటివరకు ఎలాంటి నిర్ధారణకు రాలేదు. పోస్టుమార్టం నివేదిక వచ్చిన తర్వాతే మరణానికి గల కారణాలపై స్పష్టత వచ్చే అవకాశం ఉందని పోలీసులు తెలిపారు. విద్యుదాఘాతంతో కార్మికుడు మృతి తెనాలిటౌన్‌: విద్యుదాఘాతంతో కార్మికుడు మృతి చెందిన ఘటన మంగళవారం పట్టణంలో చోటుచేసుకుంది. బాపట్ల జిల్లా నగరం మండలం సజ్జవారిపాలెం అగ్రహారానికి చెందిన అమర్తలూరి అక్షయ్‌ బాబు(30) తెనాలి పట్టణంలో ఓ కాంట్రాక్టర్‌ వద్ద విద్యుత్‌ కార్మికునిగా పనిచేస్తున్నాడు. స్థానిక నందులపేట వినాయకుని గుడి రోడ్డులో నూతన ట్రాన్స్‌ఫార్మర్‌ ఏర్పాటు చేసేందుకు విద్యుత్‌ శాఖ అధికారులు సదరు రవీంద్ర అనే కాంట్రాక్టర్‌కు పనులు అప్పగించారు. మధ్యాహ్నం ఒంటిగంట సమయంలో పనిచేస్తుండగా స్తంభంపై ఉన్న అక్షయ బాబు విద్యుదాఘాతానికి గురయ్యాడు. దీంతో అక్కడికక్కడే మృతి చెందాడు. ఇన్వర్టర్‌ రిటర్న్‌ సప్లయి కారణంతో అక్షయ్‌ మృతి చెందినట్లు అధికారులు ప్రాథమికంగా నిర్ధారించారు. ఘటనా స్థలాన్ని ఏపీ సీపీడీసీఎల్‌ తెనాలి డివిజన్‌ ఎగ్జిక్యూటివ్‌ ఇంజినీర్‌ అక్కల సత్యనారాయణ, టౌన్‌ డెప్యూటీ ఎగ్జిక్యూటివ్‌ ఇంజినీర్‌ బోరుగడ్డ అశోక్‌ కుమార్‌ పరిశీలించారు. మృతదేహాన్ని స్థానిక తెనాలి ప్రభుత్వ జిల్లా వైద్యశాలకు తరలించారు. మృతుడికి భార్య ఐదు సంవత్సరాల కుమార్తె ఉన్నట్టు బంధువులు తెలిపారు. బాధిత కుటుంబానికి అండగా ఉంటామని విద్యుత్‌ అధికారులు వెల్లడించారు.

జిల్లా ఎస్పీ జగదీష్‌ అదహళ్లి నరసరావుపేట రూరల్‌: స్థానిక సంస్థల ఎన్నికలు ప్రశాతంగా, పారదర్శకంగా నిర్వహించేందుకు పోలీసు శాఖ అవసరమైన చర్యలు చేపడుతోందని జిల్లా ఎస్పీ జగదీష్‌ అదహళ్లి తెలిపారు. స్థానిక సంస్థల ఎన్నికల నేపథ్యంలో ఎన్నికల విధుల నిర్వహణలో రైట్‌ గేర్‌ ఎక్విప్‌మెంట్‌ వినియోగంపై సమీక్ష నిర్వహించారు. టియర్‌ గ్యాస్‌, రబ్బర్‌, బుల్లెట్‌, రోబో డ్రెస్‌ల పరికరాల ప్రాముఖ్యత, అవసరమైన సందర్భాల్లో వినియోగించాల్సిన విధానంపై మంగళవారం సమీక్ష నిర్వహించారు. ఎన్నికల సమయంలో శాంతిభద్రతల పరిరక్షణ, అవాంఛనీయ సంఘటనల నివారణ, పోలీసు సిబ్బంది సంసిద్ధత, ప్రజలకు భద్రత కల్పించే చర్యల్లో సంబంధిత పరికరాల వినియోగంపై తగిన సూచనలు చేశారు. ఎన్నికల విధుల్లో పాల్గొనే సిబ్బంది అప్రమత్తంగా ఉండాలని, ఉన్నతాధికారుల ఆదేశాలు, నిబంధనల ప్రకారం విధులు నిర్వహించాలని సూచించారు. కార్యక్రమంలో అదనపు ఎస్పీ రోహిత్‌కుమార్‌ చౌదరి, ఆర్‌ఐలు కృష్ణ, గోపినాథ్‌, ఆర్‌ఆర్‌ సిబ్బంది పాల్గొన్నారు.

నగరంపాలెం: స్కూటీలు దొంగలించే ముఠాను లాలాపేట పోలీసులు అరెస్ట్‌ చేశారు. రూ.20 లక్షలు విలువ చేసే 21 స్కూటీలను స్వాధీనం చేసుకున్నారు. నగరంపాలెంలోని జిల్లా పోలీస్‌ కార్యాలయ ఆవరణలో మంగళవారం ఏర్పాటుచేసిన విలేకర్ల సమావేశంలో జిల్లా ఎస్పీ వకుల్‌ జిందాల్‌ కేసు వివరాలు వెల్లడించారు. ఇటీవల గుంటూరు నగరంలోని రద్దీ ప్రాంతాలు, మార్కెట్‌లు, ఇళ్ల ఎదురు నిలిపిన స్కూటీల చోరీలపై వరుస ఫిర్యాదులు వచ్చాయి. ఈ క్రమంలో చోరులను గుర్తించేందుకు ప్రత్యేక పోలీస్‌ బృందాలతో నిఘా వేశారు. సోమవారం సాయంత్రం మార్కెట్‌ సెంటర్‌లో అనుమానాస్పదంగా సంచరిస్తున్న ఓ ముఠాను పట్టుకున్నారు. నల్లచెరువు 20/2వ అడ్డరోడ్డులో ఉంటున్న కార్పెంటర్‌ షేక్‌ కరిముల్లా అలియాస్‌ డిప్పల్‌, నల్లచెరువుకి చెందిన ఏసీ మెకానిక్‌ షేక్‌ మదార్‌వలి అలియాస్‌ సోహెల్‌, నల్లచెరువు 23/2వ అడ్డరోడ్డులో ఉంటున్న వాటర్‌ ప్లాంట్‌ వర్కర్‌ షేక్‌ జాఫర్‌సాదిక్‌, సంపత్‌నగర్‌ రెండో వీధికి చెందిన మటన్‌ వర్కర్‌ షేక్‌ మస్తాన్‌వలి, ప్లంబర్‌ పనిచేసే నల్లచెరువుకి చెందిన ఓ మైనర్‌, ఇద్దరు రిసీవర్లను పోలీసులు అరెస్ట్‌ చేశారు. సుమారు రూ.20 లక్షల విలువ చేసే 21 స్కూటీలు స్వాధీనం చేసుకున్నారు. చెడు అలవాట్లకు బానిసైన ఐదుగురు ముఠాగా ఏర్పడి, ఎక్కువగా సుజుకి యాక్సెస్‌ స్కూటీల హ్యాండిళ్లను పగులకొట్టి, బ్యాటరీ వైర్లకు పిన్నీసుతో నేరుగా కనెక్షన్‌ ఇచ్చేసి వాహనాలతో ఉడాయించేవారు. దొంగలించిన వాహనాలను మేడికొండూరు, తురకపాలెంలోని ఇద్దరు రిసీవర్లకు విక్రయించేవారు. ఒక్కొక్కటి రూ.20 వేలకు విక్రయించినట్లు పోలీస్‌ దర్యాప్తులో వెల్లడైంది. ఇద్దరు రిసీవర్లు కొనుగోలు చేసిన స్కూటీల నంబర్‌ ప్లేట్లను తొలగించి, అధిక మొత్తానికి చత్తీస్‌ఘడ్‌, ఒడిశా రాష్ట్రాలకు కంటైనర్ల ద్వారా తరలించేవారు. పొరుగు రాష్ట్రాల్లో విక్రయించిన ఎనిమిది సుజుకి స్కూటీలను సైతం గుంటూరు తీసుకొచ్చామని ఎస్పీ అన్నారు. స్కూటీలను యాజమానులకు అప్పగిస్తామని తెలిపారు. లాలాపేట పీఎస్‌, పాతగుంటూరు పీఎస్‌, నల్లపాడు పీఎస్‌, పట్టాభిపురం పీఎస్‌తోపాటు పల్నాడు జిల్లాలోని సత్తెనపల్లి పట్టణ పీఎస్‌ పరిధిలో చోరీలకు పాల్పడినట్లు గుర్తించామని తెలిపారు. ఆయా కేసుల్లో ప్రతిభ చూపిన గుంటూరు తూర్పు డీఎస్పీ సీతారాం, లాలాపేట పీఎస్‌ సీఐ శివప్రసాద్‌, మహిళా ఎస్‌ఐ సిహెచ్‌.ప్రవీణ, హెచ్‌సీ ఎం.కల్యాణ్‌, కానిస్టేబుళ్లు పి.కిరణ్‌కుమార్‌, పి.శంకర్‌, ఆర్‌.ఆంజనేయులు, ఎం.మల్లికార్జునరావులను జిల్లా ఎస్పీ అభినందించి, ప్రశంసాపత్రాలు అందించారు.

అమరావతి: ప్రసిద్ధ పుణ్యక్షేత్రమైన అమరావతిలో వేంచేసియున్న బాల చాముండికా సమేత అమరేశ్వరాలయంలో శ్రీదేవీ శరన్నవరాత్ర మహోత్సవాలలో భాగంగా మంగళవారం బాల చాముండేశ్వరి అమ్మవారిని అన్నపూర్ణాదేవిగా అలంకరించారు. భక్తులు పెద్ద సంఖ్యలో అమ్మవారిని దర్శించుకుని పూజలు నిర్వహించారు. అమ్మవారికి సహస్ర కుంకుమార్చన, దేవీఖడ్గమాల, లలిత సహస్ర నామార్చన, శ్రీచక్రార్చన కార్యక్రమాలు నిర్వహించారు. ఆలయ స్థానాచార్యుడు కౌశిక చంద్రశేఖరశర్మ మాట్లాడుతూ అన్నపూర్ణాదేవి అలంకార విశిష్టతను వివరించారు. జ్వాలాముఖి, మహిషాసురమర్ధని అమ్మవార్లకు కూడా ప్రత్యేక పూజలు నిర్వహించారు. క్రోసూరు: శ్రీదేవీ శరన్నవరాత్రి మహోత్సవాలు పురస్కరించుకుని క్రోసూరులోని వాసవీ కన్యకాపరమేశ్వరి అమ్మవారు ధనలక్ష్మీదేవిగా భక్తులకు దర్శనమిచ్చారు. మంగళవారం అమ్మవారిని రూ.కోటి విలువైన కరెన్సీ నోట్లతో అలంకరించారు. భక్తులు పెద్దసంఖ్యలో వచ్చి అమ్మవారికి ప్రత్యేక పూజలు చేశారు. వన్‌టౌన్‌(విజయవాడ పశ్చిమ): దసరా ఉత్సవాల సందర్భంగా దుర్గమ్మకు ద్వారకా తిరుమల శ్రీ వేంకటేశ్వర ఆలయం తరఫున మంగళవారం సారె సమర్పించారు.

పెదకాకాని: శ్రీకనకదుర్గ అమ్మవారి ఆశీస్సులు ప్రజలందరిపై ఉండాలని, పాడి పంటలతో వర్థిల్లాలని వైఎస్సార్‌ సీపీ రాష్ట్ర అధికార ప్రతినిధి ఆరె శ్యామల ఆకాంక్షించారు. పెదకాకాని మండలంలోని వెనిగండ్ల వేమారెడ్డి గుడి వద్ద ఏర్పాటు చేసిన ప్రత్యేక పందిరిలో కనకదుర్గ అమ్మవారికి ప్రత్యేక పూజలు చేస్తున్నారు. మంగళవారం రాత్రి జరిగిన పూజా కార్యక్రమాల్లో ఆరె శ్యామల పాల్గొన్నారు. స్థానిక నాయకులు అతిథులకు సాదర స్వాగతం పలికారు. అర్చకులు అమ్మవారికి ఆరె శ్యామల చేతుల మీదుగా పూజలు జరిపించారు. అనంతరం గోత్రనామ పూజలు చేసి తీర్థ ప్రసాదాలు అందజేశారు. పూజా కార్యక్రమాల్లో మాజీ సర్పంచి కొండమడుగుల శ్రీనివాసరెడ్డి, మాజీ ఉప సర్పంచి కె.వెంకటరెడ్డి, చాగంటి మురళీమోహన్‌రెడ్డి, వేల్పుల నాగరాజు, మున్నంగి రవి, మాకిరెడ్డి గోపీరామ్‌రెడ్డి(ఎంజీఆర్‌), ఆత్మకూరి తిరుమలరెడ్డి, కొండా వేమారెడ్డి తదితరులు పాల్గొన్నారు.

మంగళగిరి టౌన్‌: రాష్ట్రంలో మాదకద్రవ్యాల అక్రమ రవాణా, విక్రయాలను అరికట్టడంతోపాటు యువతను డ్రగ్స్‌ బారి నుంచి రక్షించేందుకు డ్రగ్స్‌ కంట్రోల్‌ అడ్మినిస్ట్రేషన్‌, ఈగల్‌ విభాగాల మధ్య సమన్వయాన్ని మరింత బలోపేతం చేయాలని నిర్ణయించినట్లు ఈగల్‌ చీఫ్‌ ఐజీ ఆకే రవికృష్ణ, డీసీఏ డైరెక్టర్‌ జనరల్‌ పి.అరుణ్‌బాబు పేర్కొన్నారు. మంగళగిరి పట్టణంలోని ఈగల్‌ ప్రధాన కార్యాలయంలో మంగళవారం ఉన్నతాధికారులతో సమావేశం నిర్వహించారు. ఈ సందర్భంగా వారు మాట్లాడుతూ ఎన్‌ఆర్‌ఎక్స్‌ మందులు, ఓపియాయిడ్స్‌ దుర్వినియోగాన్ని అరికట్టడం, ఔషధాల అక్రమ సరఫరాపై నిఘా పెంచడం, సమాచార మార్పిడి, సంయుక్త తనిఖీలను విస్తృతం చేయడంపై దృష్టి సారించామని తెలిపారు. గంజాయి సహా ఇతర మాదకద్రవ్యాల అక్రమ రవాణా, విక్రయాలను నిరోధించేందుకు ఆపరేషన్‌ గరుడ వంటి కార్యక్రమాలను సమర్థంగా అమలు చేయాలని నిర్ణయించినట్లు పేర్కొన్నారు.

నరసరావుపేట టౌన్‌: నరసరావుపేట మున్సిపల్‌ చైర్మన్‌ పదవి కూటమి పార్టీల్లో చిచ్చు రేపుతోంది. ఎమ్మెల్యే డాక్టర్‌ చదలవాడ అరవిందబాబు వ్యవహారశైలిపై సొంత పార్టీ నేతలతోపాటు కూటమి భాగస్వామ్య పక్షాల్లోనూ అసహనం వ్యక్తమవుతోంది. జిల్లా ఇన్‌చార్జి మంత్రి వద్ద తమ గోడు వెళ్లబోసుకునేందుకు రంగం సిద్ధం చేస్తున్నట్లు తెలుస్తోంది. దీంతో మున్సిపల్‌ చైర్మన్‌ పీఠం కూటమిలో ఐక్యతకు పరీక్షగా మారింది. నరసరావుపేట మున్సిపల్‌ చైర్మన్‌ పదవిపై టీడీపీలో పలువురు నేతలు ఆశలు పెట్టుకున్నారు. పార్టీ అధికారంలో లేని సమయంలోనూ కష్టపడి పనిచేశామని, ఎన్నికల్లో ఖర్చుపెట్టి పార్టీ అభ్యర్థుల గెలుపునకు కృషి చేశామని వారు చెప్పుకొస్తున్నారు. తమను కాదని, సాధారణ నేతలకు ప్రాధాన్యం ఇస్తోందని అసంతృప్తి వ్యక్తం చేస్తున్నారు. మున్సిపల్‌ మాజీ చైర్మన్‌ నాగసారపు సుబ్బరాయ గుప్తాకు మరోసారి చైర్మన్‌గా పోటీ చేసే అవకాశం కల్పించాలనే ఆలోచనలో ఎమ్మెల్యే ఉన్నారనే ప్రచారం టీడీపీలో కొత్త వివాదానికి తెరలేపింది. ఇటీవల జరిగిన ఓ సామాజిక వర్గ సమావేశంలో ఈ అంశంపై ఎమ్మెల్యే నేరుగా గుప్తా పేరును ప్రతిపాదించినట్టు ప్రచారం సాగుతోంది. రెండోసారి అవకాశం ఇవ్వడంపై కొందరు నేతలు ప్రశ్నించినట్లు సమాచారం. అధికారంలో లేని సమయంలో పార్టీకి దూరంగా ఉన్న వ్యక్తికి మరోసారి అవకాశం కల్పిస్తే తమ రాజకీయ భవిష్యత్తు ఏమిటన్న ఆవేదన ఆశావహుల్లో వ్యక్తమవుతోంది. సొంత సామాజికవర్గ అభివృద్ధికి కూడా గుప్తా చేసిందేమీ లేదంటూ ఆ సామాజికవర్గ నాయకులే వ్యాఖ్యానిస్తున్నారు. చైర్మన్‌ ఎంపికలో పార్టీ సేవ, సీనియారిటీ, ప్రజల్లో ఉన్న ఆదరణ వంటి అంశాలను పరిగణనలోకి తీసుకోవాలని వారు కోరుతున్నట్లు తెలుస్తోంది. ఓ సామాజిక వర్గంలోనూ అసమ్మతి చైర్మన్‌ పదవి కోసం ఒకే సామాజిక వర్గానికి చెందిన పలువురు పోటీపడుతుండటం పరిస్థితిని మరింత సంక్లిష్టంగా మార్చింది. టీడీపీ నాయకుడు, మాజీ కౌన్సిలర్‌ భర్త వాసిరెడ్డి రవి, మాజీ కౌన్సిలర్‌ చేకూరి పుష్పలత తదితరులు తమ వర్గానికి చెందిన నేతలతో చర్చలు జరుపుతున్నారు. తమ సామాజిక వర్గానికి చెందిన వ్యక్తికే చైర్మన్‌ పదవి ఇవ్వాలని, లేదంటే ఎన్నికల్లో తమ సహకారంపై పునరాలోచించాల్సి వస్తుందని స్పష్టం చేసినట్లు రాజకీయ వర్గాల్లో చర్చ సాగుతోంది. ఇప్పటికే ఆ సామాజిక వర్గ ప్రముఖ వైద్యుడు, సీనియర్‌ టీడీపీ నేతల ఆధ్వర్యంలో సమావేశం ఏర్పాటుచేసి ఎమ్మెల్యేను సైతం నిలదీసినట్లు తెలుస్తోంది. ఎన్నికల సమయంలో పార్టీ నేతల అసంతృప్తి ప్రభావం తప్పదని ఆ పార్టీ కార్యకర్తలు ఆందోళన చెందుతున్నారు. ఇచ్చిన మాట ఏమైంది.. బంగారం వర్తకుల సంఘం రాష్ట్ర అధ్యక్షుడు కపిలవాయి విజయకుమార్‌ కూడా చైర్మన్‌ పదవిని ఆశించిన వారిలో ఉన్నారు. గత ఎన్నికల్లో ఎమ్మెల్యే అరవిందబాబు గెలుపునకు ఆయన కృషి చేశారని, ఈ క్రమంలో చైర్మన్‌ పదవిపై హామీ లభించిందన్న ప్రచారం రాజకీయ వర్గాల్లో ఉంది. అయితే ప్రస్తుతం గుప్తాకు అవకాశం కల్పించాలన్న ఆలోచన తెరపైకి రావడంతో విజయకుమార్‌ వర్గంలో అసంతృప్తి రాజుకుంది. మున్సిపాలిటీ చైర్మన్‌ అభ్యర్థి ఎంపికలో తనను సంప్రదించకుండా గుప్తా పేరును ప్రకటించడంపై విజయకుమార్‌ అసంతృప్తి వ్యక్తం చేస్తున్నట్టు తెలుస్తోంది. జనసేనకు చైర్మన్‌ పదవి దక్కుతుందన్న ఆశతో ఆ పార్టీ నియోజకవర్గ ఇన్‌చార్జి సయ్యద్‌ జిలానీ ఉన్నారు. కానీ అసలు ప్రాధాన్యం లభించకపోవడంతో ఆ పార్టీ వర్గాల్లోనూ నిరాశ నెలకొంది. ఒకవైపు టీడీపీలోనే ఆశావహుల మధ్య పోటీ, మరోవైపు జనసేన ఆశలు నెరవేరకపోవడం.. కూటమి ఐక్యతపై ప్రశ్నలు లేవనెత్తుతున్నాయి. అవసరమైతే టీడీపీ అధిష్ఠానం దృష్టికి కూడా ఈ వ్యవహారాన్ని తీసుకెళ్లాలని కొందరు భావిస్తున్నట్లు రాజకీయ వర్గాల్లో ప్రచారం జరుగుతోంది. హామీలు నెరవేర్చకపోవడంతో కూటమి ప్రభుత్వంపై ప్రజల్లో తీవ్ర వ్యతిరేకత వ్యక్తమవుతోంది. ఇంటింటి ప్రచార కార్యక్రమానికి టీడీపీ కార్యకర్తలు వెళ్లేందుకు కూడా సాహసించడం లేదు. నిత్యావసర సరకుల ధరల పెరుగుదల చెమటలు పట్టిస్తోంది. రోజురోజుకు పెరుగుతున్న బియ్యం ధరలను నియంత్రించడంలో ప్రభుత్వం విఫలం కావడంతో పేద, మధ్యతరగతి వర్గాలు తీవ్ర ఆగ్రహంతో ఉన్నాయి.

గుంటూరు మెడికల్‌: ఆధునిక జీవన శైలి పెరిగింది. ఉరుకులు పరుగుల జీవితం. 25 ఏళ్లకే రొమ్ము క్యాన్సర్‌ బాధితులుగా మారుతున్నారు. విద్యావంతులు, చదువులేనివారు అనే తేడా లేదు. నిర్లక్ష్యంగా ఉండటం వలన ప్రతి ఏడాది కేసులు పెరుగుతున్నాయి. ప్రతి ఏడాది అక్టోబర్‌ నెలను బ్రెస్‌ క్యాన్సర్‌ అవగాహన మాసంగా నిర్వహిస్తున్నారు. వ్యాధి కారణాలు జన్యుపరమైన కారణాలు. వాతావరణంలో వస్తున్న మార్పులు. అధిక బరువు. ఆల్కహాల్‌, పొగాకు వినియోగం. 30 ఏళ్ల వరకు గర్భం దాల్చకపోవడం. అసలు గర్భం దాల్చని వారికి ముప్పుపొంచిఉంది. చిన్న వయసులోనే రజస్వల అవ్వటం, ఆలస్యంగా నెలసరి ఆగిన వారికి వచ్చే అవకాశం ఉంది. కుటుంబంలో ఎవరికై నా క్యాన్సర్‌ ఉంటే ఇతర కుటుంబ సభ్యులకు వచ్చే అవకాశం. సంతానం అప్పుడే వద్దు అనుకొని దంపతులు మందులు వాడకం వలన రొమ్ము క్యాన్సర్‌ వచ్చే అవకాశం ఉంది. రొమ్ములో ఉండే ప్రతి గడ్డ క్యాన్సర్‌ గడ్డ కాదు. అయితే ప్రతి గడ్డను కూడా అశ్రద్ధ చేయకుండా వైద్యుడిని సంప్రదించి పరీక్ష చేయించుకోవటం ద్వారా నిర్ధారించుకోవచ్చు. లక్షణాలు ఏమంటే.. రొమ్ము, చంకలో గడ్డలు ఉంటే అనుమానించాలి. రొమ్ములపై చర్మం ముడతలు పడటం. గట్టిగా మారడం, గుంతలు పడటం. నారింజ రంగులోకి మారితే అనుమానించాలి. చనుమొనలు నొక్కితే సరిగా లోపలికి వెళ్లకపోయినా, సైజుల్లో తేడాలు ఉన్నా వైద్యులను సంప్రదించాలి. చనుమొనల నుంచి తెలుపు, పసుపు, ఎరుపు రంగుల్లో ఏదైనా ద్రవం బయటకు వస్తే రొమ్ము ఛాతిపై ఉన్న చర్మం లోపలికి వెళ్లి చర్మం చొట్టలు పడుతుంది. బ్రెస్ట్‌ నిపుల్స్‌ చుట్టూ ఉండే చర్మం పొలుసులుగా మారి రాలి పోతుంది. మెమోగ్రామ్‌ పరీక్షలు చేయించుకున్నవారి వివరాలు ... జీజీహెచ్‌లో రొమ్ము క్యాన్సర్‌ నిర్ధారణ పరీక్ష మెమోగ్రామ్‌ 2023లో 368 మంది, 2024లో 381 మంది, 2025లో 425 మంది ఉన్నారు. రొమ్ము క్యాన్సర్‌తో బాధపడుతూ 2022లో 34 మంది, 2023లో 73 మంది, 2024లో 69 మంది, 2025లో 87 మంది రొమ్ము క్యాన్సర్‌ ఆపరేషన్‌ చేయించుకున్నారు. నాట్కో క్యాన్సర్‌ సెంటర్‌లో ఉచితంగా క్యాన్సర్‌ ఆపరేషన్లు చేస్తున్నాం. కొంత మందికి ప్రాథమిక దశలోనే రొమ్ము క్యాన్సర్‌ను గుర్తించి ప్రాణాంతకం కాకుండానే వ్యాధి నుంచి విముక్తి కల్పించాం. 24 గంటలు కార్పొరేట్‌ ఆస్పత్రుల కంటే ధీటుగా వైద్యసేవలు ఉన్నాయి. చివరి దశలో ఉన్నవారు ప్రత్యేక వైద్య సేవలు అందించేందుకు వంద పడకలతో మరో క్యాన్సర్‌ సెంటర్‌ నిర్మాణం జీజీహెచ్‌లో చేస్తున్నాం. – నన్నపనేని సదాశివరావు, నాట్కో ట్రస్ట్‌ ఎగ్జిక్యూటివ్‌ వైస్‌ ప్రెసిడెంట్‌ క్యాన్సర్‌ను ప్రాథమిక దశలోనే గుర్తించేందుకు తప్పనిసరిగా మహిళలంతా మెమోగ్రామ్‌, బయాప్సి స్క్రీనింగ్‌ పరీక్షలు చేయించుకోవాలి. కుటుంబంలో ఎవరికై నా క్యాన్సర్‌ ఉంటే ఇతర కుటుంబ సభ్యులకు వచ్చే అవకాశాలు ఉన్న దృష్ట్యా ముందస్తుగా జనటిక్‌ పరీక్ష చేయించాలి. మగవారికి కూడా రొమ్ము క్యాన్సర్లు వచ్చే అవకాశం ఉన్న దృష్ట్యా వీరు కూడా స్క్రీనింగ్‌ పరీక్ష చేయించుకోవాలి. రొమ్ము క్యాన్సర్‌లకు రేడియేషన్‌ థెరఫీ, కిమో థెరఫీ, ఆపరేషన్‌లు అందుబాటులో ఉన్నాయి. –డాక్టర్‌ బైరపనేని స్రవంతి, క్యాన్సర్‌ వైద్య నిపుణులు, గుంటూరు

సీఐటీయూ రాష్ట్ర కార్యదర్శి కె.ఉమామహేశ్వరరావు లక్ష్మీపురం: కార్మికులను కట్టు బానిసలుగా మార్చే లేబర్‌ కోడ్స్‌ రద్దు చేయాలని, కార్మికవర్గం పోరాడి సాధించుకున్న కార్మిక చట్టాలను పటిష్టంగా అమలు చేయాలని డిమాండ్‌ చేస్తూ సీఐటీయూ ఆధ్వర్యాన డిసెంబరు 1,2,3 తేదీలలో జరిగే ‘ఛలో ఢిల్లీ‘ కార్యక్రమంలో కార్మికులు పాల్గొని జయప్రదం చేయాలని యూనియన్‌ రాష్ట్ర కార్యదర్శి కె.ఉమామహేశ్వరరావు పిలుపునిచ్చారు. మంగళవారం పాత గుంటూరు సీఐటీయూ కార్యాలయంలో నగర విస్తృత సమావేశం కట్లగుంట శ్రీనివాసరావు అధ్యక్షతన నిర్వహించారు. ఆయన మాట్లాడుతూ లేబర్‌ కోడ్స్‌ అమలులోకి వస్తే కార్మికవర్గం రోడ్డున పడే ప్రమాదం ఉందని, పేదలు నిరుపేదలుగా, ధనవంతులు మరింత ధనవంతులుగా మారతారని అన్నారు. రాష్ట్రంలో కార్మికుల కనీస వేతనాలు 15 ఏళ్లుగా పెంచలేదని, రెండవ వైపు ధరలు విపరీతంగా పెరిగాయని ఆవేదన వ్యక్తం చేశారు. సమావేశంలో సీఐటీయూ నగర కన్వీనర్‌ బి.ముత్యాలరావు, నాయకులు కె. నళినీకాంత్‌, బి.సత్యనారాయణ, షేక్‌ మస్తాన్‌ వలీ, ప్రమీల, షేక్‌ ఖాసిం వలి, షేక్‌ బాషా, పూనేపల్లి శ్రీనివాసరావు, వై.ప్రభుదాసు, జె.జశ్వంత్‌, జి.మరియదాసు, రమేష్‌బాబు, విజయ్‌ కుమార్‌ తదితరులు పాల్గొన్నారు.

సత్తెనపల్లి: రాష్ట్ర యోగా పోటీల్లో పల్నాడు జిల్లా సత్తెనపల్లికి చెందిన శక్తి యోగా సభ్యులు ప్రతిభ చూపి బంగారు పతకాలు కై వసం చేసుకున్నారు. ఆంధ్రప్రదేశ్‌ స్టేట్‌ యోగ అసోసియేషన్‌, ఇండియన్‌ యోగ ఫెడరేషన్‌ ఆధ్వర్యంలో ఈ నెల 10, 11 లలో నిర్వహించిన రాష్ట్రస్థాయి యోగా పోటీలలో సత్తెనపల్లి శక్తి యోగ సభ్యులు యోగా గురువు పీఎం రమేష్‌ మార్గదర్శకత్వంలో పాల్గొని ప్రతిభ కనబరిచారు. పలువురు సభ్యులు పతకాలు సాధించడంతో పాటు జాతీయ స్థాయి యోగా పోటీలలో పాల్గొనేందుకు అర్హత సాధించారు. రాష్ట్ర స్థాయిలో 40–50 సంవత్సరాల వయస్సు విభాగంలో ముసునూరి సునీల్‌కుమార్‌ ద్వితీయ స్థానం సాధించి సిల్వర్‌ మెడల్‌, తల్లం ఆంజనే యులు తృతీయ స్థానం సాధించి బ్రాంజ్‌ మెడల్‌, 50–60 సంవత్సరాల వయస్సు విభాగంలో ధనేకుల సాంబశివరావు ప్రథమ స్థానం సాధించి గోల్డ్‌ మెడల్‌, వల్లూరు శ్రీనివాసరావు 6వ స్థానం, పులహరి బానోజీ 8వ స్థానం, 60 సంవత్సరాల పైబడిన విభాగంలో ఈమని సత్యనారాయణరెడ్డి 6వ స్థానం, పులికొండ శ్రీనివాసరావు 9వ స్థానం కై వసం చేసుకున్నారు. యోగా గురువు పీఎం రమేష్‌ మాట్లాడుతూ శక్తి యోగ సభ్యుల విజయాలు సత్తెనపల్లికి గర్వకారణమన్నారు. యోగా పట్ల అంకితభావం, నిరంతర సాధన, క్రమశిక్షణతో రాష్ట్రస్థాయి పోటీలలో ప్రతిభ కనబరిచిన శక్తి యోగ సభ్యులు సత్తెనపల్లి, ఉమ్మడి గుంటూరు జిల్లా కీర్తిని చాటారన్నారు. ఈ విజయాలు యోగా సాధన పట్ల వారి నిబద్ధతకు నిదర్శనంగా నిలిచాయన్నారు.విజేతలందరికీ ఆయన అభినందనలు తెలిపారు. రాబోయే జాతీయ స్థాయి పోటీలలో మరిన్ని విజయాలు సాధించి సత్తెనపల్లి పేరును జాతీయస్థాయిలో నిలబెట్టాలని ఆకాంక్షించారు.

నరసరావుపేట రూరల్‌: అనారోగ్యంతో మృతి చెందిన మహిళ కళ్లను దానం చేయడంతో ఇద్దరికీ కంటిచూపు పొందే అవకాశం లభించింది. నేత్రదానానికి ముందుకొచ్చిన కుటుంబ సభ్యులు మానవత్వాన్ని పలువురు అభినందిస్తున్నారు. నరసరావుపేట మండలం పెట్లూరివారిపాలెం గ్రామానికి చెందిన కానుగుల సైదమ్మ (36) ఆదివారం రాత్రి అనారోగ్యంతో మృతి చెందారు. ఆమె మరణానంతరం కార్నియాలను దానం చేస్తే మరొకరికి చూపు లభించే అవకాశం ఉంటుందని కుటుంబ సభ్యులకు అమ్మ శరీర అవయవ దాన ప్రోత్సాహకుల సంఘం జిల్లా కోఆర్డినేటర్‌ చలపతిరావు అవగాహన కల్పించారు. కుటుంబ సభ్యులు అంగీకరించడంతో కార్నియా దాన ప్రక్రియ చేపట్టారు. మరణానంతరం శరీర భాగాలను దానం చేయడం ద్వారా ఇతరులకు మేలు చేయవచ్చని వివరించారు. మృతదేహాన్ని దహనం చేసినప్పుడు లేదా ఖననం చేసినప్పుడు ఉపయోగపడే అవకాశం ఉన్న శరీర భాగాలు వృథా అవుతున్నాయని, వాటిని దానం చేయడంపై ప్రజలు అపోహలు వీడి ముందుకు రావాలని చలపతిరావు సూచించారు. అవయవ దానం పట్ల ప్రజల్లో అవగాహన పెరగాల్సిన అవసరం ఉందన్నారు. మృతురాలి భర్త కానుగుల ఆంజనేయులు, కుమారుడు కర్మల బాబు, బంధువులు సిరికొండ సైదులు, కోటేశ్వరరావు, శ్రీనివాసులు, వేములయ్య పాల్గొన్నారు.

గుంటూరు మెడికల్‌: మేకల కాపరిగా జీవనాన్ని కొనసాగిస్తూ నీట్‌ పోటీ పరీక్షల్లో అత్యుత్తమ ర్యాంక్‌ సాధించి నిర్మల్‌ ప్రభుత్వ వైద్య కళాశాలలో ఎంబీ బీఎస్‌ సీటు సాధించిన గుడెలీ ఝాన్సీకి గుంటూరుకు చెందిన ప్రముఖ పిల్లల వైద్య నిపుణులు, బీపీ మండల్‌ ట్రస్టు చైర్మన్‌ డాక్టర్‌ ఆలా వెంకటేశ్వర్లు రూ.50 వేలు ఆర్థిక సహాయం అందజేశారు. తెలంగాణ రాష్ట్రం, నాగర్‌ కర్నూలు జిల్లా, అచ్చంపేటకు చెందిన గుడెలీ మల్లయ్య, సువర్ణ దంపతుల కుమార్తె ఝాన్సీ మెడికల్‌ కాలేజీలో సీటు సాధించినట్లు ‘సాక్షి’ చానల్‌లో మేకల కాపరి... మెడికల్‌ విద్యార్థిని శీర్షికతో కథనం ప్రచురితమైంది. స్పందించిన డాక్టర్‌ ఆలా వెంకటేశ్వర్లు విద్యార్థిని ఝాన్సీ చదువు నిమిత్తం పేదరికం అడ్డుకాకూడదని, కులమతాలకతీతంగా ప్రతిభావంతులైన పేద విద్యార్థులను ప్రోత్సహించాలనే లక్ష్యంతో రూ.50 వేలు ఆర్థిక సహాయం అందజేశారు. డాక్టర్‌ ఆలాతో పాటు, ఇరువురు దాతలు రూ.15 వేలు అందజేసినట్లు విద్యార్థిని తండ్రి మల్లయ్య తెలిపారు. దాతలకు కృతజ్ఞతలు చెప్పారు. ‘సాక్షి’ కథనంపై స్పందించిన డాక్టర్‌ ఆలా వెంకటేశ్వర్లు

పిడుగురాళ్ల: అనుమానమే ఓ మహిళకు హత్యకు దారి తీసిందని గురజాల డీఎస్పీ ఉమామహేశ్వరరావు తెలిపారు. పట్టణంలో సోమవారం విలేకరుల సమావేశం నిర్వహించారు. డీఎస్పీ మాట్లాడుతూ.... రాజుపాలెం మండలం బ్రాహ్మణపల్లి గ్రామానికి చెందిన బత్తుల గోవిందు అచ్చంపేట మండలం వేల్పూరు గ్రామానికి చెందిన తమ్మిశెట్టి సుజాతతో నాలుగు సంవత్సరాలుగా సహజీవనం సాగిస్తున్నాడు. సుజాత వేరే వ్యక్తితో సన్నిహితంగా ఉన్నట్లు భావించిన గోవిందు కక్ష పెంచుకున్నాడు. సుజాత పిడుగురాళ్ల పట్టణంలో ఓ కార్యక్రమానికి పెద్దమ్మ దేవళ్ల పార్వతమ్మ, అక్కతో కలిసి అచ్చంపేట, సత్తెనపల్లి, పిడుగురాళ్లకు బస్సులో వచ్చింది. సుజాత ఎక్కిన బస్సులోనే ఎక్కి వారి వెంటనే వచ్చిన గోవిందు పిడుగురాళ్ల పట్టణం పోలీస్‌స్టేషన్‌ సమీపం వద్దకు రాగానే తన వెంట తెచ్చుకున్న కత్తితో దాడి చేసి హత్య చేశాడు. గోవిందును పిడుగురాళ్ల పట్టణ సమీపంలోని కొండమోడు లక్ష్మీ బార్‌ వద్ద అదుపులోకి తీసుకున్నారు. విచారణ చేయగా హత్య చేసినట్లు గోవిందు అంగీకరించినట్లు డీఎస్పీ తెలిపారు. సమావేశంలో సీఐ శ్రీరాం వెంకట్రావు, ఎస్‌ఐలు శివనాగరాజు, మోహన్‌లు ఉన్నారు.

నరసరావుపేట: ప్రపంచ మానసిక ఆరోగ్య దినోత్సవాన్ని పురస్కరించుకుని ప్రజలు, విద్యార్థుల్లో మానసిక ఆరోగ్యంపై అవగాహన పెంపొందించేందుకు విస్తృతంగా కృషి చేయాలని జిల్లా కలెక్టర్‌ డాక్టర్‌ కృతికా శుక్లా సూచించారు. ఈ మేరకు అవగాహన పోస్టర్‌ను ఆరోగ్యశాఖ అధికారులతో కలిసి సోమవారం కలెక్టరేట్‌లో ఆవిష్కరించారు. మానసిక ఆరోగ్యం ప్రాముఖ్యత, మానసిక సమస్యల ప్రారంభ లక్షణాలను గుర్తించడం, అవసరమైన సమయంలో వైద్య సహాయం పొందడం వంటి అంశాలపై ప్రజలకు అవగాహన కల్పించాలని ఆమె సూచించారు. ముఖ్యంగా పాఠశాలలు, కళాశాలల్లో టెలీ–మానస్‌ సేవల గురించి విస్తృతంగా ప్రచారం నిర్వహించి, మానసిక సమస్యలతో బాధపడుతున్నవారు సకాలంలో సహాయం పొందేలా చర్యలు తీసుకోవాలని అధికారులకు సూచించారు. జిల్లా వైద్య ఆరోగ్య శాఖ అధికారి డాక్టర్‌ చుక్కా రత్న మన్మోహన్‌న్‌, డీఆర్‌ఓ కె.అద్దెయ్య, డీఆర్‌డీఓ పీడీ ఝాన్సీరాణి, డ్రిప్‌ ఇరిగేషన్‌ శాఖ పీడీ ఆంజనేయులు, ఎన్‌టీఆర్‌ ఆరోగ్యశ్రీ జిల్లా కన్వీనర్‌ డాక్టర్‌ జి.చంద్రశేఖర్‌తో పాటు ఇతర అధికారులు పాల్గొన్నారు. ఉద్యాన పంటలపై అవగాహన కోసం విజ్ఞాన యాత్ర జిల్లాలోని ఉద్యాన రైతులకు ఆధునిక సాగు పద్ధతులు, నూతన సాంకేతిక పరిజ్ఞానం, ఆధునాత వ్యవసాయ విధానాలపై అవగాహన కల్పించేందుకు ఎంఐడీహెచ్‌ పథకం కింద కర్నాటక, తమిళనాడు రాష్ట్రాలకు నిర్వహిస్తున్న రాష్ట్రేతర విజ్ఞాన యాత్రను జిల్లా కలెక్టర్‌ డాక్టర్‌ కృతికా శుక్ల సోమవారం కలెక్టరేట్‌లో జెండా ఊపి ప్రారంబించారు. జిల్లా ఉద్యానశాఖ అధికారి ఐ.వెంకటరావు మాట్లాడుతూ రైతులు కుప్పంలోని సెంటర్‌ ఆఫ్‌ ఎక్స్‌లెన్స్‌, తాళిలోని పూలు, అలంకరణ మొక్కల కేంద్రం, బెంగుళూరులోని భారతీయ ఉద్యాన పరిశోధన సంస్థ (ఐఐహెచ్‌ఆర్‌), ఇండో అమెరికన్‌ హైబ్రిడ్‌ సీడ్స్‌ సంస్థలను సందర్శిస్తారన్నారు. సుగంధ ద్రవ్య పంటలు, పూల మొక్కలు, అంటుకట్టిన, అంటుకట్టని కూరగాయల నారు ఉత్పత్తి, ఇజ్రాయేలు సాంకేతిక పరిజ్ఞానంతో కూడిన ఆధునిక సాగు పద్ధతులు, సూక్ష్మ సేద్యం, తక్కువ నీటి వినియోగంలో పంటల సాగుపై రైతులు అవగాహన పొందుతారన్నారు. గులాబీ, జెర్పరా, ఆంథూరియం, కార్నేషన్‌ వంటి కట్‌ ప్లవర్‌ సాగు, అంలకరణ మొక్కల పెంపకం వ్యాప్తి పద్ధతులు తెలుసుకుంటారన్నారు. ఉద్యానశాఖ అధికారులు, రైతులు పాల్గొన్నారు. ప్రపంచ మానసిక ఆరోగ్య దినోత్సవం సందర్బంగా పోస్టర్‌ ఆవిష్కరణ