పాము కాటుకు గురై వివాహిత మృతి

పాము కాటుకు గురై వివాహిత మృతి ఈపూరు(శావల్యాపురం): మండలంలోని కొచ్చర్ల తండాకు చెందిన వివాహిత పాము కాటుకు గురై మృతి చెందిన సంఘటన సోమవారం చోటుచేసుకుంది. ఎస్‌ఐ వేణుగోపాల్‌రావు తెలిపిన వివరాల మేరకు మొక్కజొన్న పంటకు నీరు పెట్టేందుకు తన భర్తకు వ్యవసాయ పనుల్లో సహాయంగా మేరా జ్యోతుపద్మాబాయి (35) వెళ్లిది. ఈక్రమంలో పాముకాటుకు గురైంది. వినుకొండ ప్రభుత్వ వైద్యశాలకు తరలిస్తుండగా మార్గమధ్యంలో మృతి చెందినట్లు వైద్యులు నిర్ధారించినట్లు ఎస్‌ఐ తెలిపారు. మృతురాలికు ఇద్దరు పిల్లలు ఉన్నారు. శవపంచానామా అనంతరం బాధిత కుటుంబ సభ్యులకు మృతదేహాన్ని అప్పగిస్తామన్నారు. విషాదాంతం.. ఆ తాపీ మేస్త్రి జీవితం చిలకలూరిపేట: అనురాగాల పందిరి నుంచి అనాథగా యాచకత్వం వైపు మళ్లిన ఒక అభాగ్యుడి జీవితం, రావిచెట్టు నీడన విషాదాంతమైంది. నాదెండ్ల మండలం గణపవరం గ్రామానికి చెందిన కటారు లక్ష్మీనారాయణ ప్రకాశం జిల్లా మిట్టపాలెంకు చెందిన ధనలక్ష్మితో 18 ఏళ్ల కిందట వివాహమైంది. ఆరేళ్ల పాటు అన్యోన్యంగా సాగిన వారి సంసారంలో ఏదో తెలియని అలజడి రేగింది. భార్యాపిల్లలను వదిలి స్వగ్రామం చేరుకున్న లక్ష్మీనారాయణ, తల్లి కశమ్మ వద్ద ఉంటూ తాపీ పనులు చేసుకునేవాడు. అయితే కాలక్రమేణా మానసిక స్థితి క్షీణించడంతో కన్నతల్లికి కూడా దూరమై చిలకలూరిపేట వీధుల్లో యాచకుడిగా మారిపోయాడు. సోమవారం స్థానిక అడ్డరోడ్డు సెంటర్‌లోని కల్యాణి బార్‌ ఎదురుగా ఉన్న రావిచెట్టు నీడనే ఆయన అనాథలా మృతి చెందాడు. నిర్జీవంగా పడి ఉన్న లక్ష్మీనారాయణ(38)ను చూసిన స్థానికులు పోలీసులకు సమాచారం అందించారు. తల్లి ఫిర్యాదు మేరకు పోలీసులు కేసు నమోదు చేసి, మృతదేహాన్ని పోస్టుమార్టం నిమిత్తం ఏరియా ఆసుపత్రికి తరలించారు. వినాయకుడి విగ్రహం ధ్వంసం