Palnadu District News

మాజీ ఎమ్మెల్యే బొల్లా బ్రహ్మనాయుడువినుకొండ: సింహాన్ని బోనులో బంధించి ఆటలాడుకుంటున్నారని, దమ్ముంటే ప్రజాస్వామ్యబద్ధంగా ఎన్నికల్లో పోటీ చేసి గెలవాలని మాజీ ఎమ్మెల్యే, వైఎస్సార్‌ సీపీ పీఏసీ సభ్యుడు బొల్లా బ్రహ్మనాయుడు సవాల్‌ విసిరారు. ఎన్నికల ప్రక్రియ పూర్తి అనంతరం స్థానిక వైఎస్సార్‌ కాంగ్రెస్‌ పార్టీ కార్యాలయంలో ఆదివారం పోలూరు అర్చనమూర్తి, చైర్మన్‌ అభ్యర్థి పీఎస్‌ ఖాన్‌, ఇతర వార్డు కౌన్సిలర్‌ అభ్యర్థులతో మాజీ ఎమ్మెల్యే బొల్లా బ్రహ్మనాయుడు సమావేశమయ్యారు. అనంతరం ఆయన విలేకరులతో మాట్లాడుతూ దౌర్జన్యం చేసి రిగ్గింగులకు పాల్పడి దాడులు చేసి అక్రమ మార్గాల్లో గెలుపొందటం దాన్ని విజయం అనరని అన్నారు. రానున్న రోజుల్లో ఎక్కడ అవమానం జరిగితే అక్కడే కార్యకర్తలకు న్యాయం చేస్తామని, అక్రమాలు జరిగిన వార్డుల్లో తమ అభ్యర్థులే కౌన్సిలర్లుగా ఉంటారని చెప్పారు. జిల్లా కలెక్టర్‌, ఎస్పీ, పోలీసులు ఎవరు కూడా సమాధానం చెప్పే పరిస్థితుల్లో లేరని, స్థానిక సీఐ ప్రభాకర్‌రావు పచ్చ చొక్కా ధరించిన ఏజెంట్‌లాగా పోలింగ్‌ స్టేషన్లో వైఎస్సార్‌ సీపీ కార్యకర్తలను బెదిరించి టీడీపీ గూండాలను బూతుల్లోకి పంపి టీడీపీ అభ్యర్థుల విజయానికి తీవ్రంగా కృషి చేశాడని విమర్శించారు. రిగ్గింగ్‌ జరిగిన 8, 5, 12, 19, 32 వార్డుల్లో రీపోలింగ్‌ జరిపించాలని ఎన్నికల కమిషనర్‌కు ఫిర్యాదు చేస్తామని చెప్పారు. ఎమ్మెల్యే జీవీ ఆంజనేయులు, మాజీ ఎమ్మెల్యే జీడీసీసీ బ్యాంక్‌ చైర్మన్‌ మక్కెన ఇద్దరూ ఉన్న వార్డులోనే మహిళపై ఇంత దారుణంగా దాడి జరిగితే పట్టించుకునే వారు లేరని, ఇక ఆడవాళ్లకి రక్షణ ఎవరు కల్పిస్తారని ప్రశ్నించారు. అక్రమాలు పాల్పడి మీరు గెలిచినప్పటికీ అది తాత్కాలికేమని నైతిక విజయం తమదేనని ప్రజలు ఈ పరిణామాలు అందరూ గమనిస్తున్నారని, రానున్న రోజుల్లో ఓటుతో బుద్ధి చెప్పే రోజులు ఉన్నాయని అన్నారు. కార్యక్రమంలో పార్టీ నాయకులు కార్యకర్తలు పాల్గొన్నారు.

మాజీ మంత్రి అంబటి రాంబాబు సత్తెనపల్లి: రాష్ట్రంలో ముఖ్యంగా రాయలసీమ ప్రాంతంలో లోకేష్‌ నాయకత్వంలో ప్రజాస్వా మ్యాం ఖూని అయ్యేలా విచ్చలవిడిగా స్థానిక సంస్థల ఎన్నికలు జరుగుతాన్నాయని రాష్ట్ర మాజీ మంత్రి అంబటి రాంబాబు అన్నారు. స్థానిక సంస్థ ఎన్నికల్లో భాగంగా జరుగుతున్న మున్సిపల్‌ ఎన్నికల్లో పట్టణంలోని 16వ వార్డు వాల్మీకినగర్‌లోని పోలింగ్‌ కేంద్రంలో ఆదివారం ఓటు హక్కు వినియోగించుకున్నారు. ఆయన మాట్లాడుతూ తాను గుంటూరులో నివసిస్తున్నానని, తన ఓటు సత్తెనపల్లిలో ఉంది కాబట్టి ప్రత్యేకంగా ఓటు వేసేందుకు సత్తెనపల్లి వచ్చానని, తన ఓటు వినియోగించు కున్నానన్నారు. ఎన్నికల సమయంలో మన ప్రాంతంలో చెదురుమదురు సంఘటనలు జరుగుతుంటాయని, కాని కొన్ని ప్రాంతాల్లో కావాలని బీభత్సం చేసి గెలవాలనే ప్రయత్నంలో ప్రజాస్వామ్యం ఖునీ అయ్యేలా చేస్తున్నారన్నారు.ఆయనతో పాటు పార్టీ చిలకలూరిపేట నియోజకవర్గ పరిశీలకుడు చిట్టా విజయభాస్కరరెడ్డి, మాజీ కౌన్సిలర్‌ అచ్యుత శివప్రసాద్‌, యాసారపు బాబు, వల్లెం నరసింహారావు తదితరులు ఉన్నారు.

పారిశుద్ధ్య కార్మికుడు దుర్మరణం తాడేపల్లి రూరల్‌: ప్రకాశం బ్యారేజీపై ఆదివారం జరిగిన రోడ్డు ప్రమాదం ఓ కుటుంబంలో విషా దాన్ని నింపింది. విజయవాడ నుంచి తాడేపల్లి వైపు ద్విచక్రవాహనంపై వస్తున్న వ్యక్తిని గుర్తుతెలియని వాహనం వేగంగా వచ్చి ఢీకొట్టడంతో ఆయన అక్కడికక్కడే మృతి చెందాడు. పోలీసుల వివరాల ప్రకారం.. మందడం టిడ్కో ఇళ్లలో నివాసం ఉంటున్న పొట్లూరి సాంబశివరావు (40) వెంకటపా లెం గ్రామ పంచాయతీలో పారిశుద్ధ్య కార్మికుడిగా విధులు నిర్వహిస్తున్నాడు. ఆదివారం విజయవాడ నుంచి తాడేపల్లి వైపు ద్విచక్రవాహనంపై వస్తుండగా, బ్యారేజీపైకి చేరుకున్న సమయంలో వెనుక నుంచి వచ్చిన గుర్తుతెలియని వాహనం ఆయన వాహనాన్ని బలంగా ఢీకొట్టినట్లు సమాచారం. ఈ ప్రమాదంలో సాంబశివరావుకు తీవ్ర గాయాలై సంఘటనా స్థలంలోనే ప్రాణాలు కోల్పోయాడు. ప్రమాద సమాచారం అందుకున్న తాడేపల్లి పోలీసులు వెంటనే ఘటనా స్థలానికి చేరుకుని పరిస్థితిని పరిశీలించారు. మృతదేహాన్ని పోస్టుమార్టం నిమిత్తం మార్చురీకి తరలించారు. ప్రమాదానికి కారణమైన వాహనం వివరాలు తెలియాల్సి ఉండగా, ఆ వాహనాన్ని గుర్తించేందుకు పోలీసులు దర్యాప్తు చేపట్టారు. కేసు నమోదు చేసి ప్రమాదానికి సంబంధించిన పూర్తి వివరాలను సేకరిస్తున్నారు. రోజువారీ విధులు నిర్వహిస్తూ జీవనం సాగిస్తున్న సాంబశివ రావు ఆకస్మిక మృతితో కుటుంబ సభ్యు లు, పరిచయస్తుల్లో విషాదం నెలకొంది. బ్యారేజీపై వాహనా ల రాకపోకలు అధికంగా ఉండే నేపథ్యంలో వాహనదారులు వేగ నియంత్రణ పాటించాలని, అప్రమత్తంగా ప్రయాణించాలని సూచిస్తున్నారు.

సత్తెనపల్లి: జిల్లాలోని నాలుగు మున్సిపాలిటీలో ఎన్నికలు ప్రశాంతంగా, పారదర్శకంగా, సజావుగా నిర్వహించేందుకు పోలీస్‌ శాఖ తరపున అన్ని ముందస్తు ఏర్పాట్లు చేశామని పల్నాడు జిల్లా ఎస్పీ జగదీష్‌ అదహళ్లి అన్నారు.పల్నాడు జిల్లా సత్తెనపల్లిలో మున్సిపల్‌ ఎన్ని కల పోలింగ్‌ ప్రక్రియను పరిశీలించేందుకు ఆదివారం పట్టణంలోని పలు పోలింగ్‌ కేంద్రాలను సందర్శించి అక్కడి భద్రతా ఏర్పాట్లు, పోలీసుల విధులు, ఎన్నికల నిర్వ హణ తీరును క్షేత్రస్థాయిలో పరిశీలించారు. ఆయన మాట్లాడుతూ జిల్లా వ్యాప్తంగా పోలీస్‌ యాక్ట్‌ 30, 144 సెక్షన్‌ అమల్లో ఉందన్నారు. ఎన్నికల నియమావళిని ప్రతి ఒక్కరు తప్పనిసరిగా పాటించాలన్నారు. ప్రజలు ఎలాంటి ఆందోళనలకు గురికాకుండా ప్రశాంత వాతావరణంలో తమ ఓటు హక్కును స్వేచ్ఛగా వినియోగించుకోవాలన్నారు.ఎన్నికల సమయంలో ఎవరైనా అనవసరంగా గొడవలకు అల్లర్లకు పాల్పడి శాంతి భద్రతలకు విఘాతం కలిగిస్తే ఉపేక్షించేది లేదన్నారు. అటువంటి వారిపై చట్ట ప్రకారం కఠిన చర్యలు తీసుకుంటామని హెచ్చరించారు. ప్రజల సహకారంతో ఎన్నికల ప్రక్రియను ప్రశాంతంగా పూర్తి చేసేందుకు పోలీస్‌ శాఖ నిరంతరం అప్రమత్తంగా పనిచేస్తుందని స్పష్టం చేశారు.

మాజీ మంత్రి విడదల రజిని చిలకలూరిపేట: రాష్ట్రంలో కూటమి ప్రభుత్వం అధికారంలోకి వచ్చిన నాటి నుంచి ప్రజాస్వామ్యాన్ని కాలరాస్తూ ఎన్నికల్లో యథేచ్ఛగా అరాచకాలకు పాల్పడుతోందని మాజీ మంత్రి విడదల రజిని తీవ్రస్థాయిలో ధ్వజమెత్తారు. పట్టణంలోని పురుషోత్తమపట్నంలో ఉన్న 44 వార్డులో ఓటు హక్కు వినియోగించుకున్నాక ఆదివారం ఆమె మీడియాతో మాట్లాడారు. కూటమి నాయకులు, పోలీసుల తీరుపై తీవ్ర ఆగ్రహం వ్యక్తం చేశారు. టీడీపీ శ్రేణులు ఒక మాఫియాలా తయారయ్యారని, వారికి పోలీస్‌ యంత్రాంగం పూర్తిగా వత్తాసు పలుకుతోందని విమర్శించారు. అర్ధరాత్రి 12 గంటల వరకు బెదిరింపులకు దిగి బలవంతంగా 16 నామినేషన్లను ఉపసంహరింపజేశారని మండిపడ్డారు. ఊళ్లో ఉండనివ్వం, ఆస్తులను ధ్వంసం చేస్తాం, వ్యాపారాలు చేసుకోలేరు.. అంటూ కౌన్సిలర్‌ అభ్యర్థులను భయభ్రాంతులకు గురిచేశారని వివరించారు. తమ పార్టీకి చెందిన చైర్‌పర్సన్‌ అభ్యర్థిని బెదిరించి, భయానక వాతావరణం సృష్టించి అర్ధరాత్రి పార్టీ మారేలా ఒత్తిడి చేశారని విమర్శించారు. వెఎస్సార్‌ కాంగ్రెస్‌ పార్టీకి చెందిన అభ్యర్థులను, చురుగ్గా పనిచేస్తున్న కార్యకర్తలను, బూత్‌ ఏజెంట్లను రాత్రికి రాత్రే పోలీసులు అక్రమంగా స్టేషన్లకు తరలించారని ఆమె విమర్శించారు. నేరుగా పోలీసులే బెదిరింపులకు దిగడంతోపాటు, స్థానిక కూటమి నాయకులు, ఎమ్మెల్యే ఫోన్లు చేసి బెదిరించిన ఆధారాలు తమ వద్ద ఉన్నాయని, వాటన్నింటినీ రాష్ట్ర ఎన్నికల సంఘానికి సమర్పిస్తామని స్పష్టం చేశారు. ఏకగ్రీవాలు పోనూ ఎన్నికలు జరుగుతున్న 32వార్డులో 16 వార్డుల్లో బూత్‌లను ఆక్రమించి, అభ్యర్థులను కిడ్నాప్‌ చేశారని అన్నారు. గ్రామీణ ప్రాంతాల నుంచి రౌడీలు, గూండాలను రప్పించి పోలింగ్‌ బూత్‌లను ఆక్రమించుకుంటున్నారని విమర్శించారు. వైఎస్సార్‌ ఈసపీ బూత్‌ ఏజెంట్లను బయటకు ఈడ్చివేసి, కొట్టి తరమడమే కాకుండా భారీగా రిగ్గింగ్‌కు పాల్పడ్డారని తెలిపారు. ప్రజలకు చేసిన మేలును చెప్పుకొని ఓట్లు అడిగే ధైర్యం లేకనే ఇలాంటి దౌర్జన్యాలు, కిడ్నాప్‌లు, రిగ్గింగ్‌లకు తెగబడుతున్నారని రజిని విమర్శించారు. అధికారాన్ని, పోలీసులను అడ్డం పెట్టుకొని సాధించే ఫలితాలు నిజమైన గెలుపు అనిపించుకోదని, ఇది ప్రజాస్వామ్యాన్ని నిలువునా ఖూనీ చేయడమేనని ఆమె ఆగ్రహం వ్యక్తం చేశారు. మున్సిపల్‌ ఎన్నికల్లో జరిగిన అక్రమాలపై ఎస్‌ఈసీకి ఫిర్యాదు మున్సిపల్‌ ఎన్నికల పోలింగ్‌ సందర్భంగా చిలకలూరిపేటలో జరిగిన రిగ్గింగ్‌, బూత్‌ల ఆక్రమణ, ఓటర్ల బెదిరింపులు, దాడులు, ఎన్నికల ప్రక్రియకు ఆటంకం కలిగించిన ఘటనలపై మాజీ మంత్రి విడదల రజిని రాష్ట్ర ఎన్నికల సంఘానికి ఫిర్యాదు చేశారు. ఆదివారం పలువురు వైఎస్సార్‌ సీపీ కౌన్సిలర్‌ అభ్యర్థులు ఆమెను కలిసి పోలింగ్‌ సమయంలో చోటుచేసుకున్న ఘటనలను వివరించారు. ఈ అంశాలపై తక్షణ చర్యలు తీసుకోవాలని ఆమె ఎన్నికల సంఘాన్ని కోరారు. చిలకలూరిపేట మున్సిపాలిటీలోని మొత్తం 48 వార్డులకు సంబంధించిన పోలింగ్‌ కేంద్రాలు, బూత్‌ల సీసీటీవీ ఫుటేజీని పోలింగ్‌ ప్రారంభానికి ముందు ఉదయం 6 గంటల నుంచి పోలింగ్‌ ముగిసి బ్యాలెట్‌ బాక్సులకు సీల్‌ వేసే వరకు భద్రపరచాలని విజ్ఞప్తి చేశారు. ఎన్నికలకు సంబంధించిన వీడియోలు, డిజిటల్‌ ఆధారాలను తొలగించకుండా, మార్చకుండా భద్రపరిచేలా అధికారులకు ఆదేశాలు జారీ చేయాలని కోరారు. పోలింగ్‌ సందర్భంగా జరిగినట్లు ఫిర్యాదులో పేర్కొన్న బూత్‌ ఆక్రమణలు, భౌతిక దాడులు, బెదిరింపులు, ఇతర ఎన్నికల అక్రమాలపై స్వతంత్రంగా, నిష్పక్షపాతంగా విచారణ జరిపించాలని డిమాండ్‌ చేశారు. గాయపడిన అభ్యర్థులు, ఎన్నికల ఏజెంట్లు, బూత్‌ ఏజెంట్లు, బాధిత ఓటర్ల వాంగ్మూలాలను నమోదు చేసి, బాధ్యులపై చట్టప్రకారం చర్యలు తీసుకోవాలని కోరారు. ఎన్నికల ప్రక్రియలో అక్రమాలు జరిగినట్లు విచారణలో నిర్ధారణ అయి, పోలింగ్‌ విశ్వసనీయత దెబ్బతిన్నట్లు తేలిన కేంద్రాల్లో పోలింగ్‌ను రద్దు చేసి, తగిన భద్రతతో రీపోలింగ్‌ నిర్వహించాలని మాజీ మంత్రి విడదల రజిని రాష్ట్ర ఎన్నికల సంఘానికి విజ్ఞప్తి చేశారు. ప్రజలు తమ ఓటు హక్కును ఎలాంటి భయం, ఒత్తిడి లేకుండా వినియోగించుకునేలా చూడటం ఎన్నికల సంఘం బాధ్యత అని పేర్కొంటూ, ఈ ఫిర్యాదును అత్యవసరంగా పరిగణించి తక్షణ చర్యలు తీసుకోవాలని కోరారు.

నరసరావుపేట రూరల్‌: స్థానిక సంస్థల ఎన్నికల నేపథ్యంలో జిల్లా ఎస్పీ కార్యాలయంలో సోమవారం నిర్వహించే ప్రజాసమస్యల పరిష్కార వేదిక (పీజీఆర్‌ఎస్‌)ను రద్దు చేసినట్లు జిల్లా ఎస్పీ జగదీష్‌ అదహళ్లి ఆదివారం ఒక ప్రకటనలో పేర్కొన్నారు. ప్రజలు ఈ విషయా న్ని గమనించి సహకరించాలని కోరారు. ¯]lÆý‡çÜ-Æ>Ð]l#õ³r Æý‡*Æý‡-ÌŒæ:️ మురసు తుఫాన్‌ నేపథ్యంలో పల్నాడు జిల్లాలోని అన్ని పోలీస్‌స్టేషన్ల స్టేషన్‌ హౌస్‌ ఆఫీసర్లు, సిబ్బంది తమ పరిధిలో అప్రమత్తంగా ఉండాలని జిల్లా ఎస్పీ జగదీశ్‌ ఆదహళ్లి ఆదేశించారు. తుఫాన్‌ ప్రభావంతో ప్రజలకు ఇబ్బందులు కలుగకుండా, ట్రాఫిక్‌కు ఆటంకాలు ఏర్పడకుండా అవసరమైన చర్యలు చేపట్టాలని ఎస్పీ ఆదేశించారు. ముఖ్యంగా వాగులు, కల్వర్టుల వద్ద పోలీస్‌ సిబ్బందిని అప్రమత్తంగా ఉంచాలని, ప్రమాదకరంగా ప్రవహించే వాగుల్లోకి ప్రజలు దిగకుండా తగిన భద్రతా చర్యలు తీసుకోవాలని సూచించారు. ఏదైనా ఇబ్బంది ఎదురైనా, అత్యవసర పోలీస్‌ సహాయం అవసరమైనా పల్నాడు జిల్లా పోలీస్‌ కంట్రోల్‌ రూమ్‌ నంబర్‌ 94407 96184, 112కు సమాచారం అందించాలని కోరారు. ప్రజల ప్రాణ, ఆస్తి రక్షణకు పల్నాడు జిల్లా పోలీసులు నిరంతరం అప్రమత్తంగా ఉంటారని జిల్లా ఎస్పీ తెలిపారు. కొరిటెపాడు(గుంటూరు): గుంటూరు నగర పాలక సంస్థ ఎన్నికల్లో ఓటర్లకు పోల్‌ స్లిప్పుల పంపిణీలో అధికారులు నిర్లక్ష్యంగా వ్యవహరించారు. బూత్‌ లెవల్‌ అధికారులు(బీఎల్‌వోలు) ఏ ఎన్నికల్లో అయినా ఇంటింటికి వెళ్లి అందజేస్తుంటారు. ఈ ఎన్నికల్లో చాలాచోట్ల పంపిణీ చేయలేదు. దీంతో పలు డివిజన్లలో పోలింగ్‌ కేంద్రాల వద్ద ఓటర్లు ఇబ్బందులు పడ్డారు. పోలింగ్‌ కేంద్రం ఎక్కడ ఉందో తెలుసుకునేందుకు మున్సిపల్‌ సిబ్బందికి ఓటరు కార్డు చూపించి స్లిప్పులు పొందారు. ఓటేసేందుకు ఇబ్బంది లేకున్నా పోలింగ్‌ స్లిప్పులు పొందడానికి ఓటర్లు వేచి చూడాల్సి వచ్చింది. టీడీపీ, జనసేన పార్టీల అభ్యర్థులు పలువురు తమ ఫొటో, గర్తు, పేరుతో కూడిన పోలింగ్‌ స్లిప్పులను ఓటర్లకు అందజేశారు. తమకే ఓటు వేయాలని కోరారు. పోలింగ్‌ కేంద్రాల్లో సైతం అభ్యర్థుల ఫొటోలతో కూడిన పోల్‌ స్లిప్పులను తీసుకుని వెళ్లగా అధికారులు వాటిని తీసుకుని ఓటు వేయించారు. అంతేకాకుండా పలుచోట్ల పోలింగ్‌ స్లిప్పులు కవర్లలో వేసి రోడ్డుపై గుట్టలుగా పడేశారు. కొరిటెపాడు(గుంటూరు): నగరంలో మున్సిపల్‌ కార్పొరేషన్‌ ఎన్నికల్లో కవరేజికి వెళ్లిన మీడియాకు పోలీసులు అడుగడుగునా అడ్డంకులు కల్పించారు. పోలింగ్‌ కేంద్రాల్లో బారులు తీరిన ఓటర్ల ఫొటోలు తీయడానికి అనుమతి ఇవ్వలేదు. టీడీపీ, జనసేన, బీజేపీ నాయకుల వెంట అనుచరులు, పీఏలు వెళ్లినా అడ్డుకోని పోలీసులు.. మీడియాను మాత్రం నిలిపివేయడం విస్మయానికి గురిచేసింది. పలు డివిజన్లలోని పోలింగ్‌ బూతుల్లో అనుమతించిన పోలీసులు ఇక్కడ ఆంక్షలు విధించడంపై విమర్శలు వ్యక్తమవుతున్నాయి. చాలా కేంద్రాల వద్ద వంద మీటర్ల అవతలే మీడియా ప్రతినిధులను నిలిపివేశారు. దీంతో పోలింగ్‌కు సంబంధించిన ఫొటోల కోసం మీడియా ప్రతినిధులు నానా ఇబ్బందులు పడ్డారు. చిలకలూరిపేటటౌన్‌: గ్రానైట్‌ రాళ్లను శిల్పాలుగా చెక్కుతుండగా జరిగిన ప్రమాదంలో నేపాల్‌కు చెందిన యువకుడు మృతి చెందాడు. ఈ ఘటన మండలంలోని మురికిపూడి గ్రామంలో ఆదివారం ఉదయం చోటుచేసుకుంది. పోలీసులు తెలిపిన వివరాల ప్రకారం...నేపాల్‌లోని దంగ్‌ జిల్లా రాప్తి గ్రామీణ మున్సిపాలిటీకి చెందిన అజిత్‌ బుధామగర్‌(24) మురికిపూడి గ్రామంలో గ్రానైట్‌ రాళ్లను హ్యాండ్‌గ్రైండర్‌(డిస్క్‌)తో చెక్కుతున్నాడు. ఈ క్రమంలో ప్రమాదవశాత్తూ గ్రైండర్‌ మిషన్‌ అతడి కుడి తొడపై పడటంతో తీవ్ర రక్తస్రావమైంది. గమనించిన స్థానికులు వెంటనే 108 అంబులెన్స్‌లో చిలకలూరిపేట ప్రభుత్వ ప్రాంతీయ ఆసుపత్రికి తరలించారు. అక్కడ చికిత్స పొందుతూ ఉదయం 10.12 గంటలకు అజిత్‌ మృతి చెందాడు. మృతుడి తమ్ముడు అశోక్‌ బుధామగర్‌ ఇచ్చిన ఫిర్యాదు మేరకు చిలకలూరిపేట రూరల్‌ ఎస్‌ఐ అనిల్‌ కుమార్‌ కేసు నమోదు చేసి దర్యాప్తు చేస్తున్నారు. పూర్తి వివరాలు విచారణలో తేలాల్సి ఉంది.

చిలకలూరిపేట మున్సిపాలిటీ పరిధిలో ఎన్నికలు హింసాత్మకంగా మారాయి. టీడీపీ నేతలు తెల్లవారుజాము నుంచే అన్ని బూత్‌లను తమ ఆధీనంలోకి తీసుకుని, చుట్టుపక్కల గ్రామాల నుంచి టీడీపీ గూండాలను కర్రలు, రాడ్లతో కాపలాగా పెట్టి రిగ్గింగ్‌కు పాల్పడ్డారు. బూత్‌లలో ఉన్న వైఎస్సార్‌ సీపీ ఏజెంట్లను బయటకు లాగి చితకబాదారు. ఓటర్లను భయభ్రాంతులకు గురిచేసి తరిమికొట్టారు. పోలింగ్‌ బూత్‌లను ఆక్రమించుకుని రిగ్గింగ్‌కు పాల్పడ్డారు. పండరీపురం, సంజీవనగర్‌ ప్రాంతాలో పోలింగ్‌ కేంద్రాల వద్ద వైఎస్సార్‌ సీపీ నాయకులు, కార్యకర్తలపై టీడీపీ గూండాలు దాడులకు తెగబడ్డారు. మాజీ మంత్రి విడదల రజినిని హౌస్‌ అరెస్టు చేసి, వైఎస్సార్‌ సీపీ బలపరిచిన కౌన్సిలర్‌ అభ్యర్థులతోపాటు వారి బంధువులను సైతం బూత్‌ల వద్దకు రాకుండా పచ్చమూకలు అడ్డుకున్నాయి. మధ్యాహ్నం 3 గంటల నుంచి ఇతర గ్రామాల నుంచి వచ్చిన 200 మంది టీడీపీ గూండాలు అన్ని పోలింగ్‌ కేంద్రాలను ఆక్రమించుకుని, ఓటు వేయడానికి వచ్చిన ఓటర్లపై సైతం దాడులు చేసి భయానక వాతావరణం సృష్టించారు. అనంతరం యథేచ్ఛగా రిగ్గింగ్‌కు పాల్పడ్డారు. దీనిపై ఆగ్రహం వ్యక్తం చేసిన మాజీ మంత్రి విడదల రజిని చిలకలూరిపేటలో అన్ని వార్డులు, చైర్‌పర్సన్‌ అభ్యర్థికి రీపోలింగ్‌ నిర్వహించాలని కోరుతూ ఎన్నికల కమిషన్‌కు ఫిర్యాదు చేశారు.

సత్తెనపల్లి: స్థానిక సంస్థల ఎన్నికల్లో భాగంగా మున్సిపల్‌ ఎన్నికల పోలింగ్‌ సరళిని తెలుసు కునేందుకు పట్టణంలోని వార్డుల్లో పర్యటిస్తున్న వైఎస్సార్‌ సీపీ సత్తెనపల్లి నియోజక వర్గ సమన్వయకర్త డాక్టర్‌ గజ్జల సుధీర్‌భార్గవరెడ్డిని పోలీసులు ఆదివారం అక్రమంగా హౌస్‌ అరెస్ట్‌ చేశారు. పలువార్డుల్లో పర్యటిస్తుండగా పట్టణంలోని 8వ వార్డులో గ్రామీణ ప్రాంతాలకు చెందిన వ్యక్తులు వచ్చి కూటమినేతలకు అనుకూలంగా వ్యవహ రిస్తుండడంతో ఆ వార్డు వైఎస్సార్‌ సీపీ కౌన్సిలర్‌ అభ్యర్థి షేక్‌ బాషా ఆయన దృష్టికి తీసుకురావడంతో ఆ వార్డును నాయకులతో కలిసి ఆయన సందర్శించారు. ఆ సమయంలో అక్కడ బయట వ్యక్తులు ఎందుకు ఉన్నారని ప్రశ్నించగా వాగ్వాదం చోటు చేసుకుంది.ఈ క్రమంలో పోలీసులు ఘటనా స్థలానికి చేరుకొని అక్కడి నుంచి వెళ్లిపోవాలంటూ ఇరువర్గాలకు హెచ్చరికలు చేసి అక్కడి నుంచి బలవంతంగా పంపించారు. అనంతరం సుదీర్‌భార్గవ్‌రెడ్డి పట్టణంలోని వైఎస్సార్‌ సీపీ నియోజకవర్గ కార్యాలయానికి చేరుకోగా మీరు నరసరావుపేట వెళ్లాలని, ఇంటి నుంచి బయటకు రావడానికి వీల్లేదని జిల్లా ఎస్పీ ఆదేశాలు జారీ చేసినట్లు స్థానిక పోలీసులు తెలిపారు. దీంతో సుదీర్‌ భార్గవ్‌ రెడ్డి నేరుగా జిల్లా ఎస్పీ జగదీష్‌ అదహళ్లికి ఫోన్‌ చేసి తాను పార్టీ కార్యాలయంలోనే ఉంటానని చెప్పటంతో వార్డుల్లో పర్యటించవద్దని హౌస్‌ అరెస్ట్‌ చేస్తున్నట్టుగా ముగ్గురు పోలీసులను ఆయనకు కాపలా ఉంచారు. ఆయనతోపాటు వైఎస్సార్‌ సీపీ నాయకులు డాక్టర్‌ గజ్జల నాగభూషణ్‌రెడ్డి, అచ్యుత శివప్రసాద్‌, చిన్నం మణిబాబు,తల్లం సతీష్‌, మందడపు శివసాయి, వల్లెం నరసింహారావు, పార్టీ నాయకులు, కార్యకర్తలు, తదితరులు ఉన్నారు.

స్పాస్మోడిక్‌ డిస్ఫోనియాపై జాతీయ స్థాయి ఫోనోసర్జరీ కోర్సు, వర్క్‌షాప్‌ గుంటూరు మెడికల్‌: లలితా సీఎంఈ సిరీస్‌లో భాగంగా ‘స్పాస్మోడిక్‌ డిస్ఫోనియా– ప్రాథమిక అంశాల నుంచి అత్యాధునిక చికిత్సా విధానాల వరకు’ అనే అంశంపై 20వ జాతీయ స్థాయి ఫోనోసర్జరీ కోర్సు, వర్క్‌షాప్‌ ఆదివారం గుంటూరులోని లలితా పీవీఎస్‌ ఇన్‌న్‌స్టిట్యూట్‌ ఆఫ్‌ మెడికల్‌ సైన్సెస్‌ ఆడిటోరియంలో ఘనంగా నిర్వహించారు. గుంటూరులోని శ్రీ సత్యసాయి ఇన్‌న్‌ స్టిట్యూట్‌ ఆఫ్‌ ఈఎన్‌టీ అండ్‌ మెలోడీ వాయిస్‌ క్లినిక్‌ ఆధ్వర్యంలో, ఆంధ్రప్రదేశ్‌ అసోసియేషన్‌ ఆఫ్‌ ఫోనోసర్జన్‌న్‌, లలితా పీవీఎస్‌ ఇన్‌ స్టిట్యూట్‌ ఆఫ్‌ మెడికల్‌ సైన్సెస్‌, న్యూరోసైంటిస్ట్స్‌ అసోసియేషన్‌, గుంటూరు, ఏపీఏఎస్‌ఎల్‌పీఏ అకాడమీ ఆఫ్‌ ఒటోలారింజాలజీ– హెడ్‌ అండ్‌ నెక్‌ సర్జరీ, గుంటూరు శాఖ, అమెరికాకు చెందిన వాయిస్‌ ఫౌండేషన్‌ సంయుక్త సహకారంతో ఈ కార్యక్రమాన్ని నిర్వహించారు. వాసిరెడ్డి వెంకటాద్రి ఇన్‌న్‌స్టిట్యూట్‌ ఆఫ్‌ టెక్నాలజీ చైర్మన్‌ వాసిరెడ్డి విద్యాసాగర్‌, లలితా పీవీఎస్‌ ఇన్‌ స్టిట్యూట్‌ ఆఫ్‌ మెడికల్‌ సైన్సెస్‌ సీఈఓ డాక్టర్‌ పి.అనురాగ్‌ ముఖ్య అతిథులుగా పాల్గొని కార్యక్రమాన్ని ప్రారంభించారు. పలువురు ప్రముఖ వైద్యులు, వైద్య నిపుణులు, అధ్యాపకులు, వివిధ ప్రాంతాల నుంచి వచ్చిన ప్రతినిధులు పాల్గొన్నారు. ఈ సందర్భంగా వైద్య నిపుణులు మాట్లాడుతూ స్పాస్మోడిక్‌ డిస్ఫోనియా అనేది నాడీ వ్యవస్థకు సంబంధించిన ఒక వాయిస్‌ డిజార్డర్‌ అని, ఇందులో స్వరపేటికలోని స్వరతంత్రుల కండరాలు అనియంత్రితంగా సంకోచించడం వలన మాటలో అంతరాయాలు ఏర్పడి, స్పష్టంగా మాట్లాడటం కష్టమవుతుందని వివరించారు. ఈ వ్యాధి నిర్ధారణ, చికిత్సలో వస్తున్న ఆధునిక వైద్య విధానాలపై సదస్సులో చర్చించారు. స్పాస్మోడిక్‌ డిస్ఫోనియా ప్రాథమిక అంశాలు, వ్యాధి లక్షణాలను గుర్తించడం, ఇతర వాయిస్‌ సమస్యల నుంచి ఈ వ్యాధిని వేరు చేసి నిర్ధారించడం, లారింగోస్ట్రోబోస్కోపీ, డైనమిక్‌ ఫ్లెక్సిబుల్‌ ఎండోస్కోపీ, వాయిస్‌ అనాలిసిస్‌ వంటి అంశాలపై నిపుణులు వివరించారు. చికిత్సా విధానాల్లో భాగంగా బొటాక్స్‌ చికిత్స, ఈఎంజీ మార్గదర్శకత్వంలో, ఎండోస్కోపీ సహాయంతో బొటాక్స్‌ ఇంజెక్షన్లు ఇవ్వడం, లేజర్‌ థైరొ అరైటినాయిడ్‌ మయోన్యూరెక్టమీ, టైప్‌–2 థైరొప్లాస్టీ, ఎస్‌ఎల్‌ఏ అండ్‌ ఆర్‌ వంటి అత్యాధునిక శస్త్రచికిత్సా పద్ధతులపై ప్రత్యేకంగా చర్చించారు. అలాగే డిస్ఫోనియా సమస్యపై న్యూరాలజిస్టుల దృక్కోణం, నూతన ఔషధ చికిత్సలు, భవిష్యత్‌లో అందుబాటులోకి రానున్న వైద్య విధానాలు, సైకోథెరపీ, వాయిస్‌ థెరపీ ప్రాధాన్యాన్ని కూడా వివరించారు. ఇలాంటి సమస్యల చికిత్సలో న్యూరాలజీ, ఈఎన్‌టీడీ, సైకియాట్రీ, స్పీచ్‌ థెరపీ విభాగాల సమన్వయం ఎంతో అవసరమని నిపుణులు పేర్కొన్నారు. లలితా పీవీఎస్‌ ఇన్‌న్‌స్టిట్యూట్‌ ఆఫ్‌ మెడికల్‌ సైన్సెస్‌ మేనేజింగ్‌ డైరెక్టర్‌ డాక్టర్‌ పి.వి.రాఘవ శర్మ కార్యక్రమానికి ప్యాట్రన్‌న్‌గా వ్యవహరించారు. గుంటూరుకు చెందిన సత్యసాయి ఈఎన్‌టీ– మెలోడీ వాయిస్‌ క్లినిక్‌ లారింగాలజిస్ట్‌ డాక్టర్‌ వి.ఫణీంద్రకుమార్‌, లలితా పీవీఎస్‌ ఇన్‌న్‌స్టిట్యూట్‌ ఆఫ్‌ మెడికల్‌ సైన్సెస్‌, అంకినీడు అడ్వాన్స్‌డ్‌ స్ట్రోక్‌ సెంటర్‌ చీఫ్‌ న్యూరాలజిస్ట్‌, డైరెక్టర్‌ డాక్టర్‌ పమిడిముక్కల విజయ ఆర్గనైజింగ్‌ చైర్‌పర్సన్స్‌, కోర్సు డైరెక్టర్లుగా వ్యవహరించారు. సదస్సులో డాక్టర్‌ ఆర్‌.జయకుమార్‌, డాక్టర్‌ ఎన్‌.వి.సుందరచారి, డాక్టర్‌ వి. రామతారక్‌నాథ్‌, డాక్టర్‌ సి.శివ రామకృష్ణ, డాక్టర్‌ షర్మిల, డాక్టర్‌ జి.చందన, డాక్టర్‌ నీరజ, డాక్టర్‌ పి.ఎస్‌.ఎన్‌.మూర్తి, డాక్టర్‌ మీనా కుమారి, డాక్టర్‌ కె.సురేష్‌ కుమార్‌, డాక్టర్‌ ఆర్‌.శిరీష తదితర ప్రముఖ వైద్యులు ఫ్యాకల్టీ సభ్యులుగా పాల్గొని వివిధ అంశాలపై ప్రసంగించారు. గుంటూరు, విజయవాడ, ఏఐఐఎంఎస్‌ మంగళగిరి, తిరువనంతపురం తదితర ప్రాంతాల నుంచి వైద్య నిపుణులు హాజరయ్యారు. కార్యక్రమానికి ఆంధ్రప్రదేశ్‌ మెడికల్‌ కౌన్సిల్‌ రెండు క్రెడిట్‌ అవర్స్‌ మంజూరు చేసింది. వివిధ ఆసుపత్రులు, వైద్య సంస్థలకు చెందిన సుమారు 150 మంది ప్రతినిధులు, ఇందులో న్యూరాలజిస్టులు, ఈఎన్‌టీ సర్జన్లు, ఫిజీషియన్లు, స్పీచ్‌ అండ్‌ లాంగ్వేజ్‌ థెరపిస్టులు పాల్గొన్నారు.

ఎన్నికల్లో ఓటమి తప్పదని భావించిన ఎమ్మెల్యే జి.వి.ఆంజనేయులు మండలాల్లోని అన్ని గ్రామాల నుంచి టీడీపీ గూండాలను మోహరింపజేశారు. పథకం ప్రకారం శనివారం అర్ధరాత్రి మాజీ ఎమ్మెల్యే బొల్లా బ్రహ్మనాయుడును వినుకొండ నుంచి నరసరావుపేటలోని తన నివాసానికి తరలించి హౌస్‌ అరెస్టు చేశారు. మధ్యాహ్నం వరకు పోలింగ్‌ సరళిని గమనించిన టీడీపీ నేతలు, ఇక ఓటమి తప్పదని భయాందోళనకు గురయ్యారు. మధ్యాహ్నం 3 గంటల నుంచి బూత్‌లను ఆక్రమించి రిగ్గింగ్‌కు పాల్పడ్డారు. పట్టణంలోని 5, 7, 8, 12, 19, 32 వార్డులతోపాటు మరికొన్ని పోలింగ్‌ బూత్‌లలో సైతం ఏజెంట్లను బయటకు లాగేసి, తలుపులు మూసి రిగ్గింగ్‌ చేశారు. పక్క గ్రామాల నుంచి పథకం ప్రకారం టీడీపీ గుండాలను పిలిపించి, వినుకొండ టౌన్‌ సీఐ ప్రభాకర్‌ దగ్గరుండి వైఎస్సార్‌ సీపీ శ్రేణులను పోలింగ్‌ కేంద్రాల నుంచి తరలించారు. టీడీపీ గూండాలను పోలింగ్‌ కేంద్రాల్లోకి పంపించి రిగ్గింగ్‌ను ప్రోత్సహించారు. పచ్చచొక్కాలు వేసుకుని ఉద్యోగాలు చేస్తున్నట్లుగా సీఐ వ్యవహరించారు. వైఎస్సార్‌ సీపీ నేతలపై లాఠీచార్జి చేసి అధికార పార్టీపై తనకున్న ప్రేమను చాటుకున్నారు. వినుకొండ పట్టణంలోని ఆరు వార్డుల్లోనూ రీపోలింగ్‌ నిర్వహించాలంటూ వైఎస్సార్‌ సీపీ మాజీ ఎమ్మెల్యే బొల్లా బ్రహ్మనాయుడు ఎన్నికల సంఘానికి ఫిర్యాదు చేశారు.

ఖాకీ అండ... గుంటూరు కార్పొరేషన్‌తోపాటు పల్నాడులోని అన్ని మున్సిపాలిటీల్లోనూ అరాచకం ● యథేచ్ఛగా దొంగ ఓట్లు వేసిన పచ్చ మూకలు ● అక్కడక్కడ చెదురుమదురు ఘటనలు నరసరావుపేట: మురసు తుఫాన్‌ ప్రభావాన్ని సమర్థవంతంగా ఎదుర్కొనేందుకు జిల్లా యంత్రాంగం సిద్ధంగా ఉండాలని జిల్లా కలెక్టర్‌ కృతికా శుక్లా అధికారులను ఆదేశించారు. జిల్లాలో మురసు తుఫాన్‌ ప్రభావంతో భారీ వర్షాలు కురిసే అవకాశం ఉన్నందున జిల్లాలోని లోతట్టు ప్రాంతాల ప్రజలను అత్యవసరంగా సురక్షిత ప్రాంతాలకు చేర్చాలని జిల్లా కలెక్టర్‌ అధికారులను ఆదేశించారు. ఆదివారం తుఫాన్‌ పరిస్థితిపై తీసుకోవాల్సిన చర్యలపై జిల్లా, మండల స్థాయి అధికారులతో టెలి కాన్ఫరెన్‌్స్‌ ద్వారా సమీక్షించారు. తుఫాన్‌ కారణంగా జిల్లాలో భారీ నుంచి అతి భారీ వర్షాలు కురిసే అవకాశం ఉందని, మండలాల పరిధిలో ఎటువంటి ప్రాణ, ఆస్తి నష్టాలు జరగకుండా ముందుగానే జాగ్రత్త చర్యలు తీసుకోవాలన్నారు. కలెక్టరేట్‌లో తుఫాన్‌ కంట్రోల్‌ రూమ్‌ ఏర్పాటు చేశామని, వచ్చే నాలుగు రోజులు వర్షాలు పడే అవకాశం ఉన్నందున ప్రజలకు తక్షణ సౌకర్యాలు అందించేందుకు, ఎప్పటికప్పుడు అప్రమత్తం చేసేందుకు 08647–252999 నంబరుతో మూడు షిప్ట్‌ల వారీగా అధికారులు అందుబాటులో ఉంటారని జిల్లా కలెక్టర్‌ వెల్లడించారు. నెహ్రూనగర్‌: జీఎంసీ వార్డుల వారీగా వచ్చిన బ్యాలెట్‌ బాక్సులు, ఇతర ఎన్నికల మెటీరియల్‌ను ఆచార్య నాగార్జున యూనివర్సిటీలోని స్ట్రాంగ్‌ రూంలకు తరలించి భద్రపరిచారు. పీఓల నుంచి నిర్దేశిత చెక్‌ లిస్ట్‌ ద్వారానే మెటీరియల్‌ తీసుకోవాలని కమిషనర్‌ సూచించారు. మెటీరియల్‌ అందించేందుకు వచ్చిన సుమారు 6 వేల మందికి అందించిన ఆహారాన్ని కమిషనర్‌ వారితో కలిసి భుజించి, ఏర్పాట్లు జాగ్రత్తగా చేయాలని సూచించారు. అనంతరం లెక్కింపు కేంద్రాలను తనిఖీ చేసిన రేపు జరిగే ఓట్ల లెక్కింపుపై ప్రత్యేక దృష్టి పెట్టాలని అధికారులను ఆదేశించారు. ● ఏజెంట్లను బయటకు లాగేసి రిగ్గింగ్‌కు పాల్పడిన టీడీపీ గూండాలు ● వైఎస్సార్‌ సీపీ నేతలు, ఓటర్లను అడ్డుకున్న పోలీసులు ● మహిళలని కూడా చూడకుండా దాడులకు తెగబడ్డ పచ్చ రౌడీలు ● వైఎస్సార్‌ సీపీ గుంటూరు మేయర్‌ అభ్యర్థి శ్రీదేవి, ఏజెంట్‌పై దాడి ● చిలకలూరిపేట, వినుకొండ, మాచర్లలోనూ మహిళలను ఈడ్చిపడేసిన పచ్చ మూకలు ● యథేచ్ఛగా రిగ్గింగ్‌.. వైఎస్సార్‌ సీపీ అభ్యర్థులను సైతం బూత్‌ వైపు రానివ్వని పోలీసులు సాక్షి ప్రతినిధి, గుంటూరు: పోలీసులు పోలింగ్‌కు ముందు రోజు శనివారం అర్ధరాత్రి నుంచే అన్ని మున్సిపాలిటీల పరిధిలో వైఎస్సార్‌ సీపీ ముఖ్య నేతలు, అభ్యర్థుల కుటుంబ సభ్యులను అక్రమంగా నిర్బంధించారు. కనీసం ఓట్లు వేయనీయని దుర్మార్గ పరిస్థితిని సృష్టించారు. వైఎస్సార్‌ సీపీ సమన్వయకర్తలందరినీ హౌస్‌ అరెస్టులు చేసి, టీడీపీ గూండాలతో పోలీసులే దగ్గరుండి అరాచక పర్వానికి తెరతీశారు. మహిళలని కూడా చూడకుండా చీరలు లాగి, వారిపై సైతం దాడులకు పచ్చమూకలు తెగబడ్డాయి. గుంటూరు నగరంలో టీడీపీ గూండాలు పలు పోలింగ్‌ కేంద్రాల వద్ద దౌర్జన్యాలకు తెగబడ్డారు. 57వ డివిజన్‌ పోలింగ్‌ కేంద్రం వద్ద దొంగ ఓట్లు వేసేందుకు వెళుతున్న టీడీపీ కార్యకర్తలను అడ్డుకున్న వైఎస్సార్‌ సీపీ నేత భాస్కర్‌రెడ్డిపై విచక్షణరహితంగా దాడి చేసి తీవ్రంగా గాయపరిచారు. 42వ వార్డులో పోలింగ్‌ కేంద్రంలోకి వెళ్లి తాడిశెట్టి మురళి.. ఏజెంట్‌ను బెదిరించి బయటకు పంపాక రిగ్గింగ్‌కు పాల్పడ్డారు. 59వ వార్డులో వైఎస్సార్‌ సీపీ అభ్యర్థి వెంకటేశ్వర్లు నాయక్‌పై టీడీపీ గూండాలు దాడి చేశారు. పొన్నూరు రోడ్డులోని అంజుమన్‌ పాఠశాల వద్ద దొంగ ఓట్లు వేసేందుకు వచ్చిన 40 మందిని వైఎస్సార్‌ సీపీ నేతలు వెనక్కి పంపించారు. టీడీపీ నేత భీమనాథం భరత్‌రెడ్డి పోలింగ్‌ కేంద్రాల వద్ద కారులో హల్‌చల్‌ చేస్తుండగా ఫొటో తీశారనే నెపంతో ‘సాక్షి’ రిపోర్టర్‌పై దాడికి యత్నించి సెల్‌ఫోన్‌ లాక్కున్నారు. సత్తెనపల్లి టౌన్‌ సీఐ ప్రభాకర్‌, రాజుపాలెం ఎస్‌ఐ మణికృష్ణలు టీడీపీ నేతలకు ఊడిగం చేశారు. టీడీపీ నేతలను మెప్పించేందుకు అర్ధరాత్రి 12వ వార్డు వైఎస్సార్‌ సీపీ కౌన్సిలర్‌ అభ్యర్థి పెద్దింటి గోవిందమ్మ భర్త వెంకటేశ్వర్లును ప్రివెంటివ్‌ అరెస్టు పేరుతో అక్రమంగా పోలీస్‌ స్టేషన్‌కు తరలించారు. కనీసం ఓటు వేసేందుకు కూడా అనుమతించలేదు. మరోవైపు టీడీపీ గూండాలు గోవిందమ్మ కుమారుడు బీప్‌ చంద్‌ను ముసుగులో వచ్చి కిడ్నాప్‌ చేసినా పోలీసులు చోద్యం చూశారు. వైఎస్సార్‌ సీపీ నేత గార్లపాటి ప్రభాకర్‌పై టీడీపీ గూండాలు దాడి చేసి గాయపరచడంతో ఆయన్ను మెరుగైన వైద్యం కోసం గుంటూరు ఆసుపత్రికి తరలించారు. 15వ వార్డులో దొంగ ఓట్లు వేసేందుకు వచ్చిన వారిని అడ్డుకోవాల్సిన టౌన్‌ సీఐ వారిని పోలింగ్‌ బూత్‌లోకి తానే పంపారు. అక్కడ ఉన్న వైఎస్సార్‌ సీపీ సమన్వయకర్త డాక్టర్‌ సుధీర్‌ భార్గవ్‌రెడ్డిని మాత్రం హౌస్‌ అరెస్టు చేసి నిర్బంధించారు. ముప్పాళ్ల, సత్తెనపల్లి రూరల్‌ మండలాల్లో టీడీపీ గూండాలు సాయంత్రం 4 నుంచి 5 గంటల వరకు పలు వార్డుల్లో యథేచ్ఛగా రిగ్గింగ్‌కు పాల్పడ్డారు. దీన్ని అరికట్టాల్సిన పోలీసులు దగ్గరుండి వారికి సహకరించారు. శనివారం అర్ధరాత్రి నుంచే వైఎస్సార్‌ సీపీ నేతలు, అభ్యర్థుల కుటుంబ సభ్యులను పోలీసులు అక్రమంగా నిర్బంధించారు. కనీసం ఓటు వేసేందుకు కూడా అనుమతించలేదు. పట్టణంలో 300 మంది పోలీసులు మోహరించి ఉన్నప్పటికీ, టీడీపీ నేతలు పోలింగ్‌ కేంద్రాల వద్ద హల్‌చల్‌ చేశారు. బూత్‌లను ఆక్రమించి రిగ్గింగ్‌లకు పాల్పడుతున్నా పట్టించుకున్న పాపాన పోలేదు. అడ్డుకోబోయిన వైఎస్సార్‌ సీపీ నేతలను, ఓట్లు వేసేందుకు వెళుతున్న ఓటర్లను పోలీసులు వెనక్కి పంపించారు. ఓటర్ల నుంచి స్లిప్పులను లాక్కుని టీడీపీ ఏజెంట్లే ఓట్లు వేయడంతో మహిళలు ఆగ్రహం వ్యక్తం చేస్తూ బయటకు వచ్చారు. 36వ వార్డు వైఎస్సార్‌ సీపీ కౌన్సిలర్‌ అభ్యర్థిగా పోటీలో ఉన్న రామ తులశమ్మ, 6వ వార్డు వైఎస్సార్‌ సీపీ కౌన్సిలర్‌ అభ్యర్థి అంజలిలను సైతం వారి ఓటు వారు వేసుకునేందుకు టీడీపీ నేతలు అనుమతించని పరిస్థితి నెలకొంది. పోలీసులకు ఫిర్యాదు చేసినా ఫలితం లేకుండా పోయింది. 23వ వార్డు పోలింగ్‌ బూత్‌లో జనసేన అభ్యర్థి అనుచరులు సీసీ కెమెరాలను పగులగొట్టి రిగ్గింగ్‌కు పాల్పడ్డారు. ఈ విషయం పక్కాగా బయటపడటంతో ఆర్వో ఫిర్యాదు మేరకు 23వ వార్డులోని రెండు పోలింగ్‌ బూత్‌లలో రీపోలింగ్‌ నిర్వహించాలని కలెక్టర్‌ కృతికా శుక్లా ఎస్‌ఈసీకి సిఫార్సు చేశారు. సత్తెనపల్లి: జిల్లాలో చెదురుమదురు ఘటనలు మినహా ఆదివారం పుర పోలింగ్‌ ప్రశాంతంగా జరిగింది. జిల్లా వ్యాప్తంగా 69.81 శాతం పోలింగ్‌ నమోదైంది. జిల్లాలోని చిలకలూరిపేట, వినుకొండ, సత్తెనపల్లి, మాచర్ల పురపాలక సంఘాల్లో ఉదయం 7 నుంచి సాయంత్రం 5 గంటల వరకు పోలింగ్‌ కొనసాగింది. లైన్‌లో ఉన్న వారిని ఓటు హక్కు వినియోగించుకునేందుకు అవకాశం ఇవ్వడంతో రాత్రి 7 గంటల వరకు పోలింగ్‌ జరిగింది. నాలుగు మున్సిపల్‌ చైర్మన్‌ స్థానాలతోపాటు 156 వార్డు కౌన్సిలర్‌ స్థానాలకుగాను చిలకలూరిపేటలో 16, సత్తెనపల్లిలో ఒక వార్డు ఏకగ్రీవం అయ్యాయి. మిగిలిన 140 వార్డులకు 308 పోలింగ్‌ కేంద్రాల్లో ఓటింగ్‌ నిర్వహించారు. సత్తెనపల్లిలోని హోలీ ఫ్యామిలీ పాఠశాల ఎదుట వైఎస్సార్‌ సీపీ శ్రేణులపై కూటమి నేతల అనుచరులు విచక్షణరహితంగా దాడులకు తెగబడ్డారు. వీధిరౌడీల్లా నడిరోడ్డుపై చెక్కరాడ్లతో దాడులు, రాళ్లు రువ్వారు. పోలీసులు సంఘటనా స్థలానికి చేరుకొని చెదరకొట్టారు. మున్సిపల్‌ చైర్మన్‌ అభ్యర్థి షేక్‌ నాగుర్‌మీరాన్‌ కుమారుడు మహ్మమద్‌ ఇబ్రహీంకు వైఎస్సార్‌ సీపీ జిల్లా కార్యదర్శి గార్లపాటి ప్రభాకర్‌కు తీవ్రగాయాలయ్యాయి. క్షతగాత్రులను చికిత్స నిమిత్తం వైద్యశాలకు తరలించారు. వినుకొండలో 8వ వార్డు వైఎస్సార్‌ సీపీ కౌన్సిలర్‌ అభ్యర్థి పోలూరి అర్చనామూర్తిపై కూటమి అభ్యర్థి పోలూరి అంజలిదేవి కుమారుడు పీవీ సురేష్‌ బాబు దాడి చేసినా.. త్రుటిలో ప్రాణాపాయం నుంచి బయట పడ్డారు. 8వ వార్డుల్లో ఏకపక్షంగా రిగ్గింగ్‌లు చేశారు. మాచర్ల 23వ వార్డులో సీసీ కెమెరాలను కూటమి గూండాలు పగలగొట్టారు.10వ వార్డుల్లో వైఎస్సార్‌ సీపీ శ్రేణులపై పచ్చ మూకలు దాడులకు తెగబడ్డాయి. ముగ్గురు వైఎస్సార్‌ సీపీ కౌన్సిలర్‌ అభ్యర్థులు ఓటు హక్కును వినియోగించుకోలేక పోయారు. చిలకలూరి పేటలో దాడులు, మధ్యాహ్నం నుంచి బూత్‌లను ఆక్రమించి రిగ్గింగ్‌లకు పచ్చమూకలు తెగబడ్డాయి. అక్కడక్కడ చెదురుమదురు ఘటనలు చోటుచేసుకోగా, పోలీసులు ఇరువర్గాలను సముదాయించారు. సత్తెనపల్లిలోని 15వ వార్డులో 20కిపైగా, 17వ వార్డులో పోలింగ్‌ బూత్‌లో సుమారు 60కిపైగా దొంగ ఓట్లను పచ్చమూకలు వేశాయి. మరికొన్ని వేసేందుకు ప్రయత్నించగా వైఎస్సార్‌ సీపీ నేతలు అడ్డుకునే ప్రయత్నం చేశారు. డీఎస్పీ డాక్టర్‌ ఎంవీ కృష్ణ చైతన్య, స్ట్రైకింగ్‌ ఫోర్స్‌, పోలీసులు హెచ్చరికలు చేశారు. ఈ క్రమంలో స్వల్ప ఉఽద్రిక్తత చోటుచేసుకుంది. వైఎఎస్సార్‌ సీపీ నియోజకవర్గ సమన్వయకర్త డాక్టర్‌ గజ్జల సుధీర్‌ భార్గవ్‌రెడ్డిని హౌస్‌ అరెస్ట్‌ చేశారు. వైఎస్సార్‌ సీపీ నేతలు పెద్దింటి వెంకటేశ్వర్లు(చిట్టి), శంకర్‌, షేక్‌ జానీ ముందస్తుగా హౌస్‌ అరెస్ట్‌ చేశారు. జిల్లాలోని పలు వార్డుల్లో వైఎస్సార్‌ సీపీ, కూటమికి చెందిన అభ్యర్థుల మధ్య స్వల్ప ఘర్షణ చోటు చేసుకుంది. జిల్లాలో 4 మున్సిపాలిటీల్లో 2,28,456 మంది ఓటర్లు ఉండగా 1,59,475 మంది ఓటర్లు తమ ఓటు హక్కు వినియోగించుకున్నారు. ఉద్రిక్తత .. లాఠీచార్జ్‌ ... జిల్లాలో మున్సిపల్‌ ఎన్నికల సందర్భంగా చిలకలూరిపేట, వినుకొండ,సత్తెనపల్లి, మాచర్లలో కొంతసేపు ఉద్రిక్తత పరిస్థితులు నెలకొన్నాయి.వైఎస్సార్‌ సీపీ అభ్యర్ధుల పై కూటమి నాయకులు దాడులకు యత్నించటంతో ఇరువర్గాల మధ్య ఘర్షణ మొదలై ఉద్రిక్తతంగా మారడంతో పోలీసులు లాఠీచార్జ్‌ చేసి చెదర గొట్టారు. పోలీసులు ఇరు వర్గాలకు నచచెప్పి అక్కడి నుంచి పంపించారు. కాగా పోలింగ్‌ ప్రారంభమైన అనంత రం కూటమినేతల అనుచరులు అల్లరి సృష్టించే ప్రయత్నాలు చేయగా పోలీసులు హెచ్చ రికలు చేశారు.మాచర్లలో పోలింగ్‌ కేంద్రాలను జిల్లా కలెక్టర్‌ కృతికా శుక్ల, సత్తెనపల్లిలో పోలింగ్‌ కేంద్రాలను జిల్లా ఎస్పీ జగదీష్‌ ఆదహళ్లి సందర్శించారు.అడిషనల్‌ ఎస్పి మాల్యాద్రి సత్తెనపల్లిలో బందోబస్తు పర్యవేక్షణ చేశారు. జిల్లాలో పోలింగ్‌ శాతం ఇలా... ఉదయం 9 గంటలకు 11.77, 11 గంటలకు 31.11, మధ్యాహ్నం ఒంటి గంటకు 47.84, మధ్యాహ్నం 3 గంటలకు 61.02, సాయంత్రం 5 గంటలకు 69.81గా పోలింగ్‌ శాతం నమోదైంది.చిలకలూరిపేటలో ఓటు హక్కు వినియోగించుకున్న మాజీ మంత్రి విడదల రజినిసత్తెనపల్లిలో 2 వార్డుకు చెందిన వీరమ్మను ఓటు వేయడానికి మంచంపై తీసుకెళుతున్న దృశ్యంఓటమి భయంతో టీడీపీ నేతలు తమ గూండాలను రెచ్చగొట్టారు. మహిళలపై సైతం దాడులకు తెగబడిన దుర్మార్గపు ఘటనలు ఆదివారం జరిగిన మున్సిపల్‌ ఎన్నికల్లో చోటుచేసుకున్నాయి. గుంటూరు నగరంలోని 57వ వార్డులో దొంగ ఓట్లు వేస్తున్నవారిని అడ్డుకున్నారనే కారణంతో ఏజెంట్‌ విజయారెడ్డి చీర లాగి దాడి చేశారు. బ్యాలెట్‌ బాక్సును దూరంగా విసిరివేసి బీభత్సం సృష్టించారు. ఈ సందర్భంగా అక్కడికి వచ్చిన వైఎస్సార్‌ సీపీ మేయర్‌ అభ్యర్థి శ్రీదేవిపై సైతం దాడికి తెగబడ్డారు. సభ్య సమాజం సిగ్గుతో తలదించుకునేలా టీడీపీ నేతలు ప్రవర్తించారని మహిళలు మండిపడుతున్నారు. వినుకొండ మున్సిపాలిటీ పరిధిలోని 8వ వార్డు అభ్యర్థిని పోలూరి అర్చనామూర్తిపై ఎమ్మెల్యే జీవీ ఆంజనేయులు ప్రధాన అనుచరుడు పి.వి.సురేష్‌బాబు పోలింగ్‌ స్టేషన్‌ ఆవరణలో పోలీసుల ఎదుటే దాడి చేసి బెదిరింపులకు పాల్పడ్డారు. అయినప్పటికీ పోలీసులు చోద్యం చూశారు. ఆమె భర్త నరసింహమూర్తిపై సైతం దాడికి పచ్చ గూండాలు తెగబడ్డారు. చిలకలూరిపేట మున్సిపల్‌ పరిధిలోని 20వ వార్డు వైఎస్సార్‌ సీపీ కౌన్సిలర్‌ అభ్యర్థి అన్నపురెడ్డి శ్రీలక్ష్మిపై టీడీపీ గూండాలు దుర్మార్గంగా వ్యవహరిస్తూ, ఆమెను బూత్‌ల వద్దకు రానీయకుండా దాడి చేయడంతో ఆమె కన్నీరుమున్నీరయ్యారు. అంతేకాకుండా 13వ వార్డులో ఓట్లు వేసేందుకు వచ్చిన మహిళలపై టీడీపీ గూండాలు దాడి చేశారు. పోలింగ్‌ కేంద్రాల ఎదుట వారు ధర్నాకు దిగారు. జిల్లాలోని చిలకలూరిపేట, వినుకొండ, సత్తెనపల్లి, మాచర్ల మున్సిపాలిటీలకు జరిగిన ఎన్నికల్లో బ్యాలెట్‌ బాక్స్‌లను ఆయా పట్టణాల్లోని స్ట్రాంగ్‌ రూములకు తరలించారు. పోలింగ్‌ కేంద్రాల నుంచి బ్యాలెట్‌ బాక్స్‌లను పోలీసు బందోబస్తు మధ్య ఆయా మున్సిపాలిటీల ఆర్వోల నేతృత్వంలో స్ట్రాంగ్‌ రూములకు తరలించి సీలు వేయించారు. ఈ నెల 3న స్ట్రాంగ్‌ రూమ్‌ల సమీపంలోనే ఓట్లను లెక్కించనున్నారు. ఇందుకోసం జిల్లా ఎన్నికల అధికారులు ఏర్పాట్లు చేశారు.

సమస్యలు తెలుసుకున్న కలెక్టర్‌ వినుకొండ (శావల్యాపురం): జిల్లాలో మున్సిపల్‌ ఎన్నికల పోలింగ్‌ అత్యంత ప్రశాంతంగా ముగిసిందని జిల్లా కలెక్టరు కృతికా శుక్ల అన్నారు. వినుకొండ పట్టణంలోని జూనియర్‌ కళాశాలలో ఏర్పాటుచేసిన పోలింగ్‌ కేంద్రాలను ఆదివారం కలెక్టర్‌ సందర్శించారు. జిల్లా కలెక్టర్‌ క్యూ లైన్లలో బారులు తీరిన ఓటర్లతో మాట్లాడారు. పోలింగ్‌ కేంద్రాల్లో తాగునీరు సౌకర్యం లేక ఇబ్బందులు పడుతున్నామని, గంటల తరబడి నిలవాల్సి వస్తోందని జిల్లా కలెక్టరు దృష్టికి తెచ్చారు. వయో వృద్ధులు సైతం క్యూలైన్‌లో లేకుండా ఓటు హక్కు వినియోగించుకునేలా ఎన్నికల అధికారులు పర్యవేక్షణ చేయాలన్నారు. సమస్యలు లేకుండా చూడాలని కలెక్టర్‌ అధికారులను ఆదేశించారు. పోలింగ్‌ కేంద్రాల్లో వివిధ పార్టీల పోలింగ్‌ ఏజంట్లతో మాట్లాడి పోలింగ్‌ సరళీ, ఇబ్బందుల గురించి జిల్లా కలెక్టర్‌ తెలుసుకున్నారు. అనంతరం విలేకర్ల సమావేశంలో జిల్లా కలెక్టర్‌ మాట్లాడుతూ జిల్లాలో వినుకొండ, చిలుకలూరిపేట, సత్తెనపల్లి మున్సిపాలిటీల పరిధిలో 308 పోలింగ్‌ కేంద్రాలు ఏర్పాటు చేశామన్నారు. అన్ని పోలింగ్‌ కేంద్రాల్లో వెబ్‌ క్యాస్టింగ్‌, వీడియోగ్రఫీ సాంకేతిక పరిజ్ఞానం కల్పించినట్లు తెలిపారు. పోలింగ్‌ కేంద్రాల్లో మైక్రో అబ్జర్వర్లను కూడా ఏర్పాటు చేశామన్నారు. పోలింగ్‌ ఏజంట్లు, అభ్యర్థుల నుంచి ఎలాంటి ఫిర్యాదులు రాలేదన్నారు. ఆర్డీవోలు, మున్సిపల్‌ కమిషనర్లు, ఎన్నికల సిబ్బంది తదితర అధికారుల పర్యవేక్షణలో పోలింగ్‌ సజావుగా జరిగేలా చర్యలు తీసుకున్నామన్నారు. ఎన్నికల అధికారి బి.రమ్య కీర్తీన, కమిషనర్‌ కోడూరి శివరాం ప్రసాదు, తహసీల్దార్‌ సబవత్‌ సురేష్‌నాయక్‌, పట్టణ సీఐ బలగాని ప్రభాకర్‌రావు తదితరులు ఉన్నారు.

మంగళగిరి రూరల్‌/నగరంపాలెం: పెయింటింగ్‌ పనులు చేస్తూ జీవనం సాగిస్తున్న వ్యక్తి సులభంగా డబ్బు సంపాదించాలనే ఆశతో గంజాయి వ్యాపారంలోకి దిగి చివరకు పోలీసులకు పట్టుబడ్డాడు. ఈ ఘటన మంగళగిరి మండల పరిధిలోని కాజలో చోటుచేసుకుంది. గుంటూరు జిల్లా ఎస్పీ కార్యాలయంలో శనివారం నిర్వహించిన విలేకరుల సమావేశంలో ఎస్పీ వకుల్‌ జిందాల్‌ వివరాలు వెల్లడించారు. మండల పరిధి కాజ గ్రామానికి చెందిన చదల నందమయ్య విజయవాడకు చెందిన వెనిగళ్ల పద్మ వద్ద నాలుగు కిలోల గంజాయిని రూ.68 వేలకు కొనుగోలు చేశాడు. మంగళగిరి, విజయవాడ, కాజ ప్రాంతాల్లోని యువకులను లక్ష్యంగా చేసుకుని విక్రయాలు సాగిస్తున్నాడు. ఈ క్రమంలో విజయవాడకు చెందిన పప్పు ఉమానాగు, కావర్ల షణ్ముఖ్‌, కట్టా మహేష్‌, మొగిలిశెట్టి లక్ష్మణ్‌ కళ్యాణ్‌, వల్లెపు వెంకటేష్‌ అలియాస్‌ వెంకటేశ్వరరావు, కుప్పాల శ్రీనివాస్‌, కృష్ణా జిల్లా మంటాడకు చెందిన కోడెబోయిన రంజిత్‌, తాడికొండకు చెందిన తాడిబోయిన కోటేశ్వరరావుతో కలిసి ముఠాగా ఏర్పడి అక్రమ వ్యాపారం చేస్తున్నట్లు పోలీసులు గుర్తించారు. శుక్రవారం రాత్రి కాజా సమీపంలోని వెంకటరెడ్డిపాలెం జాతీయ రహదారి అండర్‌పాస్‌ వద్ద గంజాయి విక్రయాలు జరుగుతున్నట్లు అందిన సమాచారంతో మంగళగిరి రూరల్‌ పోలీసులు దాడులు చేశారు. తొమ్మిది మందిని అదుపులోకి తీసుకుని వీరి నుంచి 3.1 కిలోల గంజాయి, కారు, తూకం వేసే కాటా మెషిన్‌, ప్యాకింగ్‌ సామగ్రిని స్వాధీనం చేసుకున్నారు. స్వాధీనం చేసుకున్న గంజాయి విలువ సుమారు రూ.62 వేలు ఉంటుందని పోలీసులు తెలిపారు. ముఠాలో ఆరుగురికి గతంలో నేర చరిత్ర ఉండగా, ముగ్గురు రౌడీషీటర్లుగా ఉన్నట్లు వెల్లడించారు. గంజాయి సరఫరాకు సంబంధించి కీలకంగా వ్యవహరించినట్లు ఆరోపణలు ఎదుర్కొంటున్న విజయవాడకు చెందిన వెనిగళ్ల పద్మ, పిడుగురాళ్లకు చెందిన ఆకాష్‌ పరారీలో ఉన్నారని, వారి కోసం గాలిస్తున్నట్లు పోలీసులు తెలిపారు. కేసును ఛేదించిన నార్త్‌ డీఎస్పీ కె.వెంకటేశ్వర్లు, మంగళగిరి రూరల్‌ సీఐ చిరుమామిళ్ల వెంకట్‌, పోలీసు సిబ్బందిని గుంటూరు జిల్లా ఎస్పీ వకుల్‌ జిందాల్‌ అభినందించారు. 3.1 కిలోల గంజాయి, కారు స్వాధీనం

సత్తెనపల్లి: జిల్లాలో స్థానిక సంస్థల ఎన్నికల్లో భాగంగా మున్సిపల్‌, జెడ్పీటీసీ, ఎంపీటీసీ ఎన్నికల్లో వైఎస్సార్‌ సీపీ అభ్యర్థులు పోటీలో ఉండకుండా చేసేందుకు కూటమి నేతలు పోలీసుల సహకారంతో ఎక్కడికక్కడ కుట్రలకు పాల్పడ్డారు. నామినేషన్ల ప్రక్రియ ప్రారంభం నుంచి ఉపసంహరణ వరకు ప్రలోభాలు, బెదిరింపులు, ప్రత్యక్ష దాడులకు పాల్పడుతూ బేరసారాలకు తెరలేపారు. ప్రలోభాలకు లొంగని నేతల ఇళ్లకు వెళ్లి, పోలీసులు అభ్యర్థులను పోలీస్‌ స్టేషన్లకు తీసుకెళ్లి కూర్చోబెట్టారు. అధికార పార్టీ అభ్యర్థులు ఏకగ్రీవం అయ్యేందుకు నామినేషన్లు ఉపసంహరించుకోవాలని, ఇలా ఎన్నో రకాలుగా బెదిరింపులకు గురిచేశారు. అన్ని స్థానాలనూ ఏకగ్రీవం చేయాలని ఎమ్మెల్యేలకు టార్గెట్‌ ఇవ్వడంతో, ఏకగ్రీవం చేసేందుకు ఎమ్మెల్యేలంతా పడరాని పాట్లు పడ్డారు. అంతా అడ్డగోలుగానే... జిల్లాలో ఐదు మున్సిపాలిటీలు, రెండు నగర పంచాయతీలు ఉండగా, గురజాల నియోజకవర్గంలోని ఒక మున్సిపాలిటీ, రెండు నగర పంచాయతీలను ఎమ్మెల్యే యరపతినేని శ్రీనివాసరావు ఆధ్వర్యంలో వైఎస్సార్‌ సీపీ అభ్యర్థులు నామినేషన్లు దాఖలు చేయనివ్వకుండా ఏకపక్షంగా ఏకగ్రీవం చేసుకున్నారు. పల్నాడు జిల్లా కేంద్రమైన నరసరావుపేటలో కోర్టు కేసుల కారణంగా రెండో విడతలో ఎన్నికలు జరగనున్నాయి. చిలకలూరిపేట, వినుకొండ, సత్తెనపల్లి, మాచర్ల మున్సిపాలిటీల్లో ఎన్నికలు జరగాల్సి ఉండగా, చిలకలూరిపేటలో 16 వార్డులను, సత్తెనపల్లిలో ఒక వార్డును దొడ్డిదారిన కూటమి నేతలు ఏకగ్రీవం చేసుకున్నారు. అంతేకాకుండా, చిలకలూరిపేటలో మాజీ మంత్రి విడదల రజనీని హౌస్‌ అరెస్ట్‌ చేసి, వైఎస్సార్‌ సీపీ మున్సిపల్‌ చైర్మన్‌ అభ్యర్థిని బెదిరింపులకు గురిచేసి టీడీపీలో చేర్చుకున్నారు. అనంతరం ఎమ్మెల్యే పత్తిపాటి పుల్లారావు ఆమెకు పచ్చ కండువా కప్పారు. మాచర్లలో మూడు కౌన్సిలర్‌ స్థానాలకు వైఎస్సార్‌ సీపీ అభ్యర్థులకు బీ–ఫారాలు ఇచ్చి, మిగిలిన 33 వార్డు కౌన్సిలర్‌ స్థానాలకు, మున్సిపల్‌ చైర్మన్‌ స్థానానికి బీ–ఫారాలు ఇవ్వకుండా ఎమ్మెల్యే బ్రహ్మరెడ్డి నేతృత్వంలో అడ్డుకున్నారు. దీంతో వారంతా స్వతంత్రులుగా బరిలో దిగాల్సిన పరిస్థితి ఏర్పడింది. జిల్లాలో 28 జెడ్పీటీసీ స్థానాలకు గాను 18 స్థానాలను కూటమి నేతలు ఏకపక్షంగా ఏకగ్రీవం చేసుకున్నారు. కేవలం 10 స్థానాలకు మాత్రమే ఎన్నికలు జరగనున్నాయి. జిల్లాలో 419 ఎంపీటీసీ స్థానాలకు గాను టీడీపీ 347 స్థానాలను, జనసేన 31 స్థానాలను ఏకపక్షంగా ఏకగ్రీవం చేసుకున్నాయి. మూడు ఎంపీటీసీ స్థానాల్లో వైఎస్సార్‌ సీపీ అభ్యర్థులు ఏకగ్రీవమయ్యారు. కేవలం 38 ఎంపీటీసీ స్థానాలకు మాత్రమే ఎన్నికలు జరగనున్నాయి. చంద్రబాబు సర్కారుపై వ్యతిరేకత.. చంద్రబాబు రెండున్నరేళ్ల పాలనపై ప్రజల్లో తీవ్ర వ్యతిరేకత వ్యక్తమవుతోంది. మరోవైపు, పెరిగిన నిత్యావసర వస్తువుల ధరలు పేదల జీవనాన్ని మరింత దుర్భరంగా మార్చేశాయి. రెండున్నరేళ్ల పాలనలో ఎక్కడా పేదలకు సెంటు స్థలం ఇవ్వలేదు. కొత్త పింఛన్‌ ఒక్కటి కూడా మంజూరు చేయలేదు. ఆడబిడ్డ నిధిగా మహిళలకు నెలకు రూ.1,500, నిరుద్యోగులకు నెలకు రూ.3,000 ఇస్తానన్న హామీల ఊసే లేదు. ఎక్కడికక్కడ ప్రజల్లో గూడుకట్టుకున్న వ్యతిరేకతతో స్థానిక సంస్థల ఎన్నికల్లో పోటీ చేస్తే ఓటమి తప్పదన్న భావనలో కూటమి పక్షాలు ఉన్నాయి. ఈ క్రమంలోనే వైఎస్సార్‌ సీపీ అభ్యర్థులు పోటీలో ఉండకుండా చేసేందుకు కుట్రలు, కుతంత్రాలకు పాల్పడ్డారనే విమర్శలు వ్యక్తమవుతున్నాయి. ఎన్నికలు వస్తున్నాయంటే ప్రజలపై ప్రేమ... ఎన్నికలు వస్తే చంద్రబాబుకు ప్రజలపై ఎక్కడా లేని ప్రేమ పుట్టుకొస్తుంది. అభివృద్ధి, సంక్షేమం పేరుతో అబద్ధాల పుట్ట బయటకు వస్తుంది. స్థానిక సంస్థల ఎన్నికల షెడ్యూల్‌ విడుదల కానుందని తెలిసినా, చంద్రబాబు ఓవైపు పక్కా గృహ నిర్మాణాలకు నిధులు విడుదల చేస్తామని, మరోవైపు పెన్షన్లు మంజూరు చేస్తామని, ఇంకోవైపు ఇళ్ల స్థలాలు ఇస్తామని సచివాలయాల్లో దరఖాస్తులు స్వీకరిస్తూ ప్రచారాలు గుప్పించారు. ఎన్నికల షెడ్యూల్‌ విడుదల కావడంతో ఇళ్ల మంజూరు, పెన్షన్లు, తదితర సంక్షేమ పథకాలు మంజూరు కావని అర్థం చేసుకున్న ప్రజలు కూటమి ప్రభుత్వంపై కన్నెర్ర చేస్తున్నారు. సాధారణ ఎన్నికల సమయంలో చంద్రబాబు ఇచ్చిన హామీలే స్థానిక సంస్థల ఎన్నికల్లో ఆ పార్టీ అభ్యర్థుల ఓటమికి నాంది పలకనున్నాయని ప్రజలు ఆగ్రహం వ్యక్తం చేస్తుండటంతో, వక్రమార్గంలో ఏకగ్రీవాలకు శ్రీకారం చుట్టారనే విమర్శలు ఉన్నాయి.

గుంటూరు ఎడ్యుకేషన్‌: స్థానిక ఎన్నికల ప్రక్రియకు సంబంధించిన సీసీ ఫుటేజీని భద్రపరచాలని సుప్రీంకోర్టు జారీ చేసిన కీలక ఆదేశాలను జిల్లా కలెక్టర్లు, పోలీసు యంత్రాంగం సక్రమంగా అమలు చేయాలని వైఎస్సార్‌ సీపీ రాష్ట్ర లీగల్‌ సెల్‌ కార్యనిర్వాహక అధ్యక్షుడు(జోన్‌–3) పోలూరి వెంకటరెడ్డి పేర్కొన్నారు. శనివారం అరండల్‌పేటలోని వైఎస్సార్‌ సీపీ లీగల్‌ సెల్‌ కార్యాలయంలో పోలూరి వెంకటరెడ్డి మీడియాతో మాట్లాడుతూ కింది స్థాయి అధికారులు, పోలీసులు సుప్రీంకోర్టు ఆదేశాలను తూ.చా. తప్పకుండా పాటించేలా చూడాల్సిన బాధ్యత కలెక్టర్లదేనని, ఆదేశాలను ఉల్లంఘించే అధికారులపై కోర్టు ధిక్కా రం కింద కేసులు నమోదు చేస్తామని స్పష్టం చేశా రు. మున్సిపల్‌, జెడ్పీటీసీ, ఎంపీటీసీ ఎన్నికలు ముగిసే వరకు ప్రతి పోలింగ్‌ బూత్‌లో సీసీటీవీ, వీడియోగ్రఫీ తప్పనిసరిగా ఏర్పాటు చేయాలని విజ్ఞప్తి చేశారు. ఇంకా నామినేషన్ల ప్రక్రియ జరగాల్సి ఉన్న ప్రాంతాల్లో రిటర్నింగ్‌ అధికారులు సీసీ ఫుటేజ్‌, వీడియోగ్రఫీని ఏర్పాటు చేసి ఎన్నికల ప్రక్రియ ముగిసే వరకు వాటిని భద్రపరచాలని సూచించారు. ప్రతి ఎన్నికల అధికారి సుప్రీంకోర్టు మార్గదర్శకాలను పాటించి, ప్రతి ఓటరుకు, పోటీ చేసిన ప్రతి అభ్యర్థికి ఆయా ఫుటేజ్‌ అందుబాటులో ఉండే విధంగా చూడాలన్నారు. పోలింగ్‌ కేంద్రాలతో పాటు ఎన్నికల అనంతరం స్ట్రాంగ్‌ రూముల వద్ద సీసీ ఫుటేజ్‌ ఏర్పాటు చేయాలన్నారు. ఓట్ల లెక్కింపుతో పాటు స్ట్రాంగ్‌ రూమ్‌ ఓపెన్‌ చేసే సమయంలో సీసీ ఫుటేజ్‌, వీడియోగ్రఫీ ఏర్పాటు చేయాలని కోరారు. ఓట్ల లెక్కింపు అనంతరం ఎన్నికల పిటిషన్లు ఫైల్‌ చేయటం కోసం ఇచ్చిన గడువు ముగిసే వరకు ప్రతి అంశాన్ని వీడియోగ్రఫీ ద్వారా భద్రపరిచి ఉంచాలన్నారు. ఎక్కడైనా కేసు దాఖలైతే కోర్టులో కేసు తేలే వరకు సీసీ ఫుటేజీ భద్రపరచాలన్నారు. ఎన్నికల ట్రిబ్యునల్‌ కోరినప్పుడు సంబంధిత వీడియో ఫుటేజీని అందించాల్సి ఉన్న వాస్తవాన్ని గుర్తెరగాలని ఆయన సూచించారు. సుప్రీంకోర్టు ఆదేశాలను అనుసరించి అధికారులంతా ప్రజాసామాన్ని కాపాడాలని కోరా రు. స్థానిక సంస్థల ఎన్నికలు స్వేచ్ఛగా, నిష్పక్షపాతంగా జరిగేలా చర్యలు తీసుకుని, అభ్యర్థులు నిరాటంకంగా నామినేషన్లు వేసేందుకు వీలుగా తగిన పోలీసు బందోబస్తు కల్పించాలని విజ్ఞప్తి చేశారు. వైఎస్సార్‌ సీపీ రాష్ట్ర లీగల్‌ సెల్‌ కార్యనిర్వాహక అధ్యక్షుడు పోలూరి వెంకటరెడ్డి

సత్తెనపల్లి: జిల్లాలో చిలకలూరిపేట, వినుకొండ, మాచర్ల, సత్తెనపల్లిలో నవంబర్‌ 1న మున్సిపల్‌ ఎన్నికలు ప్రశాంత వాతావరణంలో సజావుగా జరిగేలా అన్ని ఏర్పాట్లు చేయడం జరిగిందని జిల్లా కలెక్టర్‌, ఎన్నికల అధికారి డాక్టర్‌ కృతికా శుక్లా అన్నారు. పల్నాడు జిల్లా సత్తెనపల్లిలోని హోలీ ఫ్యామిలీ ఇంగ్లిష్‌ మీడియం పాఠశాలలో ఏర్పాటు చేసిన మున్సిపల్‌ ఎన్నికల సామాగ్రి డిస్ట్రిబ్యూషన్‌ కేంద్రాన్ని శనివారం సందర్శించారు. ఈ సందర్భంగా చెక్‌లిస్ట్‌ ఆధారంగా ఎన్నికల నిర్వహణకు అవసరమైన సామగ్రి పూర్తిగా అందిందా? లేదా? అనేది జాగ్రత్తగా సరిచూసుకోవాలన్నారు. సకాలంలో నిర్దేశిత పోలింగ్‌ కేంద్రాలకు సిబ్బంది చేరుకోవాలన్నారు. పోలింగ్‌ సామగ్రి ప్రత్యేకించి బ్యాలెట్‌ పేపర్లు తరలించే సమయంలో తప్పనిసరిగా సాయుధ పోలీసులతో కూడిన బందోబస్తు ఉండాలన్నారు. ఎలాంటి ఇబ్బందులు తలెత్తినా వెంటనే ఆర్వోలు, స్పెషలా ఫీసర్లు దృష్టికి తీసుకురావాలన్నారు. ముఖ్యంగా పోలింగ్‌ కేంద్రాల్లో ఓటర్లకు ఎలాంటి ఇబ్బందులు తలెత్తకుండా అన్ని వసతులు అందుబాటులో ఉండేలా చూసుకోవాలని సిబ్బందికి ఆదేశాలు ఇచ్చారు. అనంతర మీడియాతో మాట్లాడారు. జిల్లాలోని నాలుగు మున్సి పాలిటీల్లో ఆదివారం పోలింగ్‌ జరగనుందని,ఇందు కోసం 308 పోలింగ్‌ కేంద్రాలు ఏర్పాటు చేశామన్నారు.వీటిలో క్రిటికల్‌గా ఉన్న 214 పోలింగ్‌ కేంద్రాల్లో వెబ్‌ కాస్టింగ్‌తో పాటు సీసీ కెమెరాలు లోపల ఒకటి, బయట ఒకటి ఏర్పాటు చేశామన్నారు. ఆదివారం ఉదయం 6:15 గంటలకు మాక్‌ పోలింగ్‌ నిర్వ హించి 7 గంటల నుంచి సాయంత్రం 5 గంటల వరకు ప్రశాంతంగా పోలింగ్‌ సమయం నిర్దేశించటం జరిగిందన్నారు. శాంతిభద్రతలకు విఘాతం కలగకుండా ప్రశాంతంగా పోలింగ్‌ జరిగేలా చర్యలు చేపట్టడం జరిగిందన్నారు. ఈ నెల 3న కౌంటింగ్‌కు సైతం సిద్ధంగా ఉన్నామన్నారు. సత్తెనపల్లి ఆర్డీఓ కె.గోపాలకృష్ణ, సత్తెనపల్లి ఆర్వో దాసరి రాంబాబు, తహసీల్దార్‌ కెఎస్‌ చక్రవర్తి, అధికారులు ఉన్నారు. స్వేచ్ఛగా ఓటు హక్కు వినియోగించుకోవాలి... నరసరావుపేట: జిల్లాలో మున్సిపల్‌ ఎన్నికలను ప్రశాంతంగా, పారదర్శకంగా నిర్వహించేందుకు అన్నిఏర్పాట్లు పూర్తి చేసినట్లు జిల్లా కలెక్టర్‌ డాక్టర్‌ కృతికా శుక్లా తెలిపారు. ఎన్నికల నిర్వహణకు సంబంధించి చేపట్టిన ఏర్పాట్లను కలెక్టర్‌ శనివారం వివరించారు. ఎన్నికల విధులు, కౌంటింగ్‌ ప్రక్రియ నిర్వహించే సిబ్బందికి మూడు విడతలుగా ఇప్పటికే సమగ్ర శిక్షణ అందించినట్లు వెల్లడించారు. సున్నిత, అత్యంత సున్నిత పోలింగ్‌ కేంద్రాల్లో సీసీ కెమెరాలు, వీడియో కెమెరాల ద్వారా వెబ్‌కాస్టింగ్‌, లైవ్‌ టెలికాస్ట్‌ ఏర్పాటు చేశామని, నాలుగు ప్రాంతాల నుంచి నిరంతరం ఎన్నికల ప్రక్రియను పర్యవేక్షించేలా క్లోజ్‌ మానిటరింగ్‌ వ్యవస్థను అందుబాటులోకి తీసుకొచ్చామని చెప్పారు. ఓటర్లందరికీ ఇప్పటికే ఓటరు స్లిప్పుల పంపిణీ పూర్తి చేశామని, ఓటర్లు ఎలాంటి ప్రలోభాలకు గురికాకుండా స్వేచ్ఛగా, నిర్భయంగా తమ ఓటు హక్కును వినియోగించుకోవాలని విజ్ఞప్తి చేశారు. జిల్లా కలెక్టర్‌ డాక్టర్‌ కృతికా శుక్లా

పార్టీ పల్నాడు జిల్లా అధ్యక్షుడు పిన్నెల్లి రామకృష్ణారెడ్డి మాచర్ల: ఎన్ని ఆటంకాలు వచ్చినా తప్పనిసరిగా ప్రజలంతా పురపాలక సంఘ ఎన్నికలలో పాల్గొని ఓటు హక్కును వినియోగించుకుని వైఎస్సార్‌ సీపీ అభ్యర్థులను గెలిపించాలని పార్టీ జిల్లా అధ్యక్షుడు పిన్నెల్లి రామకృష్ణారెడ్డి కోరారు. మాచర్లలోని తన క్యాంపు కార్యాలయంలో శనివారం ఆయన మాట్లాడుతూ జిల్లాలోని మున్సిపల్‌ ఎన్నికలు జరిగే ప్రాంతాల్లో వైఎస్సార్‌ సీపీ చైర్మన్‌, కౌన్సిలర్‌ అభ్యర్థులను అఖండ మెజారిటీతో గెలిపించి, అక్రమాలకు, అన్యాయాలకు, ప్రజావ్యతిరేక చర్యలకు పాల్పడుతున్న కూటమి ప్రభుత్వానికి బుద్ధి చెప్పాలని ఓటర్లకు విజ్ఞప్తి చేశారు. మొగల్రాజపురం(విజయవాడ తూర్పు): మున్సిపల్‌ కార్పొరేషన్లు, మున్సిపాలిటీలు, జెడ్పీటీసీ, ఎంపీటీసీ ఎన్నికల నేపథ్యంలో విద్యుత్‌ సరఫరాలో ఏ విధమైన అంతరాయాలు కలగకుండా పూర్తి స్థాయిలో ఏర్పాట్లు చేశామని ఏపీసీపీడీసీఎల్‌ సీఎండీ పి.పుల్లారెడ్డి చెప్పారు. నగరంలోని ఏపీసీపీడీసీఎల్‌ కార్పొరేట్‌ కార్యాలయం నుంచి సూపరింటెండింగ్‌ ఇంజినీర్లు, ఎగ్జిక్యూటివ్‌ ఇంజినీర్లతో శనివారం ఆయన వీడియో కాన్ఫరెన్స్‌ ద్వారా సమీక్ష సమావేశాన్ని నిర్వహించారు.

గుంటూరు ఎడ్యుకేషన్‌: పోలీసులు రాజకీయనేతలకు సలామ్‌ కొడుతూ... ఎన్నికల్లో నిబంధనలకు విరుద్దంగా వ్యవహరిస్తే భవిష్యత్తు అంధకారంగా మారుతుందని వైఎస్సార్‌ సీపీ ఎమ్మెల్సీ, మాజీ డీఐజీ చంద్రగిరి యేసురత్నం అన్నారు. నవంబర్‌ ఒకటో తేదీన గుంటూరు కార్పొరేషన్‌కు ఎన్నికలు జరగనున్న నేపథ్యంలో ఆయన ఓప్రకటన విడుదల చేశారు. రాష్ట్రంలో చోటుచేసుకుంటున్న రాజకీయ ప్రత్యర్థులపై జరుగుతున్న దాడులు, శాంతి భద్రతలకు తీవ్ర విఘాతం కలిగిస్తున్న పరిస్థితులు ఆందోళనకు గురిచేస్తున్నాయని అన్నారు. ప్రభుత్వాలు శాశ్వతం కాదని, పోలీసు శాఖలో దాదాపు 30 ఏళ్ల సర్వీసు శాశ్వతమని అన్నారు. తాను 30 ఏళ్ల పాటు పోలీసు శాఖలో పనిచేసిన అనుభవంతో చెబుతున్నానని, పోలీసులు రాజకీయ నాయకులను, అధికారులను సంతృప్తిపరిచేందుకు చట్టానికి విరుద్ధంగా వ్యవహరించవద్దని సూచించారు. పోలీసులు ఎప్పుడూ చట్ట ప్రకారమే విధులు నిర్వహించాలని, రాజకీయ ఒత్తిళ్లకు తలొగ్గి తప్పులు చేయవద్దని అన్నారు. తప్పులు చేయిస్తున్న అధికారులు, భవిష్యత్తులో పోలీసులు ఇబ్బందుల్లో పడినప్పుడు అండగా నిలవరని వ్యాఖ్యానించారు. ముఖ్యంగా క్షేత్రస్థాయిలో పనిచేసే పోలీసు అధికారులు అప్రమత్తంగా ఉండాలని హెచ్చరించారు. ప్రభుత్వం ఇచ్చే జీతం ప్రజలకు సేవ చేయడానికేనని గుర్తుంచుకోవాలన్నారు. నామినేషన్లు దాఖలు చేసేందుకు వచ్చిన అభ్యర్థులపై పోలీసుల ఎదుటే దాడులకు దిగుతున్నా స్పందించడం లేదని విమర్శించారు. ఇలాంటి ఘటనలకు భవిష్యత్తులో పోలీసులు మూల్యం చెల్లించుకోవాల్సి వస్తుందని హెచ్చరించారు. చట్టాన్ని ఎవరూ చేతుల్లోకి తీసుకోరాదని, చట్టాన్ని అతిక్రమించిన వారు భవిష్యత్తులో ఇబ్బందులు ఎదుర్కోవాల్సి వస్తుందని పేర్కొన్నారు. పోలీసులు తమ విధుల నిర్వహణలో రాజ్యాంగం మేరకు నడుచుకోవాలని, ప్రస్తుతం సోషల్‌ మీడియాలో ప్రతి ఘటన నమోదవుతోందని స్పష్టం చేశారు. న్యాయ స్థానాలు సైతం సుమోటాగా కేసులు నమోదు చేయడంతో పాటు దశాబ్దాల కిందట జరిగిన నేరాల్లో సైతం పోలీసుల పాత్రపై విచారణ జరిపిస్తున్నాయని అన్నారు.

పెదకాకాని: టీడీపీ నుండి మాజీ వార్డు సభ్యుడు మంజుల రామకృష్ణతో సహా 30 కుటుంబాలు వైఎస్సార్‌ సీపీలో చేరారు. మాజీ జెడ్పీటీసీ సభ్యురాలు గోళ్ళ జ్యోతి వారికి పార్టీ కండువాలు వేసి స్వాగతించారు. కార్యక్రమంలో వైఎస్సార్‌ సీపీ నాయకులు సుంకర కృష్ణారెడ్డి, గోళ్ల శ్యాంముఖర్జీబాబు, ఆలపాటి రాఘవ, తాడిబోయిన వేణు, యడ్లపల్లి రమేష్‌, గోళ్ళ జోసెఫ్‌, దానబోయిన సాంబయ్య, ఆరుదల గడ్డేశ్వరరావు పాల్గొన్నారు. గుంటూరు ఎడ్యుకేషన్‌: ఏపీ ఓపెన్‌ స్కూల్‌ సొసైటీ (ఏపీఓఎస్‌ఎస్‌) ఆధ్వర్యంలో దూరవిద్య టెన్త్‌, ఇంటర్‌లో ప్రవేశానికి ఎటువంటి అపరాధ రుసుం లేకుండా ఫీజు చెల్లించేందుకు గడువును ఈనెల 15వ తేదీ వరకు పొడిగించినట్లు జిల్లా విద్యాశాఖాధికారి షేక్‌ సలీమ్‌ బాషా శనివారం ఓ ప్రకటనలో పేర్కొన్నారు. చదువు మధ్యలో నిలిపివేసిన, వివిధ కారణాలతో పాఠశాల విద్యను కొనసాగించలేకపోయిన అభ్యర్థులతో పాటు గతంలో టెన్త్‌, ఇంటర్‌లో ఉత్తీర్ణులు కాలేకపోయిన అభ్యర్థులు ఈ అవకాశాన్ని సద్వినియోగం చేసుకోవాలని సూచించారు. జిల్లాలో అర్హులైన అభ్యర్థులు సమీపంలోని ఏపీఓఎస్‌ఎస్‌ గుర్తింపు పొందిన స్టడీ సెంటర్‌ ద్వారా నిర్ణీత గడువులోపు దరఖాస్తు చేయాలని తెలిపారు. గుంటూరు ఎడ్యుకేషన్‌: ఉమ్మడి గుంటూరు జిల్లా స్కూల్‌ గేమ్స్‌ ఆధ్వర్యంలో సోమవారం కుంచనపల్లిలోని గీతాంజలి సీబీఎస్‌ఈ పాఠశాలలో అండర్‌ 14, అండర్‌ 17 బాల, బాలికల ఆర్చరీ జిల్లా ఎంపికలు నిర్వహిస్తున్నట్లు స్కూల్‌ గేమ్స్‌ కార్యదర్శి పీహెచ్‌ వినయ్‌కుమార్‌ శనివారం ఓప్రకటనలో పేర్కొన్నారు. గుంటూరు బీఆర్‌ స్టేడియంలో జరగనున్న స్కేటింగ్‌ అండర్‌ 14, 17, 19 జిల్లా ఎంపికలకు వచ్చే క్రీడాకారులు తమ వెంట ఆధార్‌ కార్డు, జనన ధ్రువీకరణ పత్రంతో ఉదయం 9.00 గంటలకు చేరుకోవాలని సూచించారు.

జిల్లా కలెక్టర్‌ కృతికాశుక్లా ముప్పాళ్ళ:ఎన్నికల సిబ్బంది చిత్తశుద్ధితో బాధ్యతగా విధులు నిర్వర్తించాలని జిల్లా కలెక్టర్‌ కృతికాశుక్లా చెప్పారు. ముప్పాళ్ళలోని జిల్లా పరిషత్‌ ఉన్నత పాఠశాలలో స్థానిక సంస్థల ఎన్నికల విధులు నిర్వహించే పీఓ, ఏపీఓ, ఓపీఓలకు రెండవ విడత శిక్షణ కార్యక్రమాన్ని శనివారం తనిఖీ చేశారు. పీఓలు, ఏపీఓలు, ఓపీఓ లు ఎన్నికలు స్వేచ్ఛగా, ప్రశాంతంగా జరిగేలా చూసుకోవాలని సూచించారు. ఎన్నికలు పూర్తయ్యే వరకు సమష్టిగా పనిచేయాలని ఆదేశించారు. పోలింగ్‌ కేంద్రంలో ఏమైనా గొడవలు జరిగే సిబ్బంది కూల్‌గా ఉండాలన్నారు. విధులు నిర్వహించే సిబ్బందికి ఏమైనా ఇబ్బందులు ఉంటే తహసీల్దార్‌, ఎంపీడీవో, పోలీస్‌ సిబ్బంది అందరూ అందుబాటులో ఉంటారని చెప్పారు. అవసరమైతే సంబంధిత అధికారికి ఫోన్‌ ద్వారా తెలియజేయాలని పేర్కొన్నారు. అనంతరం జిల్లా పరిషత్‌ ఉన్నత పాఠశాలలోని పోలింగ్‌ కేంద్రాలను పరిశీలించి పలు సూచనలు చేశారు. ఎన్నికల రిటర్నింగ్‌ అధికారి శ్రీనివాసరావు, తహసీల్దార్‌ కె.నగేష్‌, ఇన్‌చార్జ్‌ ఎంపీడీవో కేవీ శివప్రసాద్‌ తదితరులు పాల్గొన్నారు. అందరూ తమ ఓటు హక్కు వినియోగించుకునేలా సిబ్బంది పనిచేయాలన్నారు. ఐదుగంటలకు క్యూలో ఉన్న వారందరికీ స్లిప్పులు ఇచ్చి ఓటు వేసేలా చూడాలని చెప్పారు. ముఖ్యంగా సున్నితమైన, అతి సున్నితమైన పోలింగ్‌స్టేషన్‌లో సిబ్బంది నియామకం, అక్కడ నిర్వహించాల్సిన విధులపై అవగాహన కల్పించారు. సెన్సిటివ్‌ మండలం నేపథ్యంలో సిబ్బంది జాగ్రత్తగా విధులు నిర్వహించాల్సిన అవసరం ఉందని చెప్పారు. శిక్షణకు మాస్టర్‌ ట్రైనర్‌లుగా సీహెచ్‌.మోహన్‌రెడ్డి, ఎం.సురేష్‌ వ్యవహరించారు.

వినుకొండ: మున్సిపల్‌ పోలింగ్‌ వేళ వైఎస్సార్‌ కాంగ్రెస్‌ పార్టీ పీఏసీ సభ్యులు, మాజీ ఎమ్మెల్యే బొల్లా బ్రహ్మనాయుడిని శనివారం అర్ధరాత్రి పోలీసులు అక్రమంగా అరెస్టు చేసి నరసరావుపేట తరలించారు. వినుకొండలోని బొల్లా బ్రహ్మనాయుడి నివాసంలో ఉన్న ఆయనను రూరల్‌ సీఐ బ్రహ్మయ్య, టౌన్‌ సీఐ బి. ప్రభాకర్‌తోపాటు నలుగురు ఎస్‌ఐలు బొల్లా ఇంటికి వెళ్లి హౌస్‌ అరెస్టు నోటీసులు అందజేశారు. వినుకొండలోనే తన నివాసం నుంచి బయటకు రానని, ఇక్కడు హౌస్‌ అరెస్టు చేయాలని అడిగినప్పటికీ వినుకొండలో శాంతిభద్రతల సమస్యలు ఉన్నాయని, నరసరావుపేటలోని ఇంటికి తరలిస్తామని పోలీసులు బొల్లాకు తెలియజేశారు. దీంతో ఆయన పోలీసుల తీరును తీవ్రంగా ఆక్షేపించారు. అవసరమైతే చావటానికై నా సిద్ధమేగానీ వెళ్లే ప్రసక్తే లేదని పోలీసులకు తేల్చి చెప్పారు. దీంతో పోలీసులు బొల్లాను బలవంతంగా ఎస్కార్ట్‌తో నరసరావుపేటలోని బొల్లా స్వగృహానికి తరలించారు. బొల్లా అక్రమ అరెస్టును పలువురు వైఎస్సార్‌ సీపీ నాయకులు తీవ్రంగా ఖండించారు.

ఆదివారం శ్రీ 1 శ్రీ నవంబర్‌ శ్రీ 20267దుగ్గిరాల: దుగ్గిరాల మండలం కంఠంరాజుకొండూరు గ్రామంలోని మహంకాళి అమ్మవారి దేవస్థానం హుండీల కానుకలు శనివారం లెక్కించారు. రూ.32,40,863 ఆదాయం వచ్చింది.అచ్చంపేట: పులిచింతల ప్రాజెక్టులో ప్రస్తుత నిల్వ 27.5261 టీఎంసీలు. ప్రాజెక్టు దిగువకు 400 క్యూసెక్కులు లీకేజిల ద్వారా వెళుతుంది. తెనాలి: తెనాలి మార్కెట్‌యార్డులో శనివారం క్వింటా నిమ్మకాయలు కనిష్ట ధర రూ.3000, గరిష్ట ధర రూ.4000, మోడల్‌ ధర రూ.5000 వరకు పలికింది.

బ్రాహ్మణ సంఘాల డిమాండ్‌ నరసరావుపేట ఈస్ట్‌: రాష్ట్రంలో ప్రముఖ శైవక్షేత్రమైన కోటప్పకొండ త్రికోటేశ్వరస్వామి ఆలయ అర్చకులపై ఇష్టానుసారంగా దుర్భాషలాడి వారి మనోభావాలను దెబ్బతీసిన ఎమ్మెల్యే డాక్టర్‌ చదలవాడ అరవిందబాబు వ్యవహార శైలిపై కూటమి ప్రభుత్వం విచారణ చేసి తగిన చర్యలు తీసుకోవాలని ఆంధ్రప్రదేశ్‌ బ్రాహ్మణ సంక్షేమ సమాఖ్య, పల్నాడు జిల్లా సమాఖ్య, బ్రాహ్మణ సేవా సంఘం ప్రతినిధులు శనివారం ఒక ప్రకటనలో డిమాండ్‌ చేశారు. నిత్యం దైవ కార్యక్రమాలు నిర్వహించే బ్రాహ్మణులపై ఎమ్మెల్యే హోదాలో అనుచిత వ్యాఖ్యలు చేయటం డాక్టర్‌ అరవిందబాబుకు తగదన్నారు. ప్రభుత్వం వెంటనే విచారణ చేసి తగిన చర్యలు తీసుకోవాలని, లేని పక్షంలో బ్రాహ్మణ సంఘాల ఆధ్వర్యంలో ఆందోళన నిర్వహిస్తామని హెచ్చరించారు. నరసరావుపేట రూరల్‌: భారతదేశ తొలి ఉపప్రధానిగా, హోం మంత్రిగా, దేశ ఐక్యత, సమగ్రత కోసం సర్దార్‌ వల్లభాయ్‌ పటేల్‌ చేసిన సేవలు చిరస్మరణీయమని జిల్లా ఎస్పీ జగదీష అదహళ్లి అన్నారు. జిల్లా పోలీసు కార్యాలయంలో వల్లభాయ్‌ పటేల్‌ జయంతిని శనివారం నిర్వహించారు. వల్లభాయ్‌ పటేల్‌ చిత్రపటం వద్ద జిల్లా ఎస్పీ పూలమాలలు వేసి నివాళులర్పించారు. ఆయన మాట్లాడుతూ స్వాతంత్య్రం అనంతరం అనేక సంస్థానాలను దేశంలో విలీనం చేసి దేశ సమైఖ్యతకు పునాది వేశారని తెలిపారు. దేశ సమగ్రత, ఐక్యత, సమైఖ్యతను కాపాడటంలో ప్రతి ఒక్కరూ బాధ్యతాయుతంగా వ్యవహరించాలని తెలిపారు. కార్యక్రమంలో అడిషనల్‌ ఎస్పీ రోహిత్‌కుమార్‌ చౌదరి, అధికారులు పాల్గొన్నారు. గురజాల: రోడ్డు ప్రమాదంలో వ్యక్తి మృతిచెందిన సంఘటన మండలంలో శనివారం సాయంత్రం చోటుచేసుకుంది. పోలీసులు తెలిపిన వివరాల ప్రకారం... గురజాల మండలం చల్లగుడిపాడు గ్రామానికి చెందిన సీహెచ్‌.చౌడేశ్వరరావు (37) గురజాలలోని డెకరేషన్‌ పనులు ముగించుకుని తిరిగి ఇంటికి వెళుతుండగా, వెనుక నుంచి వాహనం ఢీకొంది. ప్రమాదంలో చౌడేశ్వరరావు తలకు తీవ్రగాయాలు కావడంతో ఘటనా స్థలంలోనే మృతిచెందాడు. పోలీసులు సంఘటనా స్థలానికి చేరుకుని వివరాలు సేకరించారు. మృతుడికి భార్య, ముగ్గురు సంతానం ఉన్నారు. నరసరావుపేట టౌన్‌: అర్ధరాత్రి వరకు మద్యం విక్రయిస్తున్న దుకాణాన్ని మూసేయాలని సూచించిన హెడ్‌ కానిస్టేబుల్‌పై దౌర్జన్యానికి పాల్పడిన జనసేన నేతపై వన్‌టౌన్‌ పోలీస్‌స్టేషన్‌లో శనివారం కేసు నమోదైంది. పోలీసులు తెలిపిన వివరాలు ప్రకారం.. పోలీస్‌స్టేషన్‌లో హెడ్‌ కానిస్టేబుల్‌గా విధులు నిర్వహిస్తున్న వలి శుక్రవారం రాత్రి నైట్‌ రౌండ్‌ విధుల్లో భాగంగా పల్నాడు రోడ్డుకు వెళ్లాడు. రాత్రి 11 గంటలైనా ఆర్‌కే వైన్‌ షాప్‌ తెరిచి ఉంచి మద్యం విక్రయిస్తు ఉండటాన్ని గమనించాడు. ఎలక్షన్‌ కోడ్‌ అమల్లో ఉన్న కారణంగా రాత్రి 10 గంటల వరకే మద్యం విక్రయాలకు అనుమతి ఉందని ఇప్పటివరకు దుకాణం ఎందుకు తెరిచారని, మూసేయాలని దుకాణ నిర్వాహకుడికి సూచించారు. విషయం తెలుసుకున్న మద్యం దుకాణ యజమాని, జనసేన నేత శ్రీనివాసరావు అక్కడకు వచ్చి విధుల్లో ఉన్న హెడ్‌ కానిస్టేబుల్‌తో వాగ్వాదానికి దిగాడు. దుకాణం మూయనని, ఏం చేస్తారో చేసుకోమని దురుసుగా సమాధానం చెప్పాడు. విషయం ఉన్నతాధికారులకు తెలియటంతో వారి ఆదేశాల మేరకు కేసు నమోదు చేశారు. జిల్లా రెవెన్యూ అధికారి షేక్‌ ఖాజావలి గుంటూరు వెస్ట్‌: కృష్ణా–గుంటూరు ఉపాధ్యాయ నియోజకవర్గ ఎమ్మెల్సీ ఎన్నికలకు సంబంధించి అర్హులైన ఉపాధ్యాయులందరూ ఓటర్లుగా నమోదు చేసుకునేలా విస్తృత అవగాహన కల్పించి, నమోదు ప్రక్రియను వేగవంతం చేయాలని జిల్లా రెవెన్యూ అధికారి ఎన్‌.ఎస్‌.కె. ఖాజావలి సంబంధిత అధికారులను ఆదేశించారు. గుంటూరు జిల్లా కలెక్టరేట్‌ నుంచి సంబంధిత అధికారులతో శనివారం టెలి కాన్ఫరెన్స్‌ నిర్వహించారు. ఆయన మాట్లాడుతూ ఓటర్ల నమోదుకు నవంబర్‌ 6 చివరి తేదీగా నిర్ణయించబడినందున, గడువులోగా అర్హులైన ఉపాధ్యాయులందరూ దరఖాస్తు చేసుకునేలా చర్యలు తీసుకోవాలని సూచించారు. ఉపాధ్యాయ ఎమ్మెల్సీ ఓటరు నమోదుకు సంబంధించిన అర్హతలపై ఉపాధ్యాయుల్లో అవగాహన కల్పించాలని, మండలాల వారీగా అర్హులైన ఉపాధ్యాయులను గుర్తించి, వారందరికీ సమాచారం చేరవేసి దరఖాస్తు చేసుకునేలా ప్రోత్సహించాలని ఎంఈఓలు, ఉపాధ్యాయ సంఘాల ప్రతినిధులకు సూచించారు.

స్నేహితుల మధ్య వివాదమే మృతికి కారణమా? మృతిపై పలు సందేహాలు మంగళగిరి రూరల్‌: మంగళగిరి మండలం నవులూరు ఎన్టీఆర్‌ కాలనీలో గుర్రం నరసింహస్వామి (27) అనుమానాస్పద స్థితిలో మృతి చెందాడు. స్నేహితులతో కలిసి శుక్రవారం రాత్రి బయటకు వెళ్లిన యువకుడు తీవ్ర గాయాలతో ఇంటికి చేరి, శనివారం ఆసుపత్రిలో మృతి చెందడం స్థానికంగా కలకలం రేపింది. మృతుడి తల్లి తెలిపిన వివరాల ప్రకారం.. నరసింహస్వామికి స్నేహితులతో కలిసి మద్యం సేవించే అలవాటు ఉంది. గతరాత్రి స్నేహితులు అతడిని తమ వెంట తీసుకెళ్లి, కొంత సమయం తరువాత తీవ్ర గాయాలైన స్థితిలో ఇంటి వద్ద వదిలి వెళ్లారు. ఇంటి నుంచి వెళ్లేటప్పుడు వేసుకున్న దుస్తులు కాకుండా వేరే దుస్తుల్లో ఉండటంతో ఏమైందని ప్రశ్నించగా బురదలో కింద పడిపోయాయని దుస్తులు మార్చామని తెలిపారు. రాత్రి సమయంలో శరీరం వేడిగా ఉండటాన్ని గమనించి వెళ్లి చూడగా, అతడు సృహలో లేకుండా ఉన్నాడు. ఒంటినిండా తీవ్రమైన గాయాలు ఉన్నాయి. ఉదయం మంగళగిరి ఎన్నారై ఆసుపత్రికి తరలించగా, అప్పటికే మృతి చెందినట్లు వైద్యులు వెల్లడించారు. తన కుమారుడి మృతికి అతడి స్నేహితులే కారణమని ఆరోపిస్తూ, నమ్మకంగా తీసుకెళ్లి గాయాలపాలు చేసి ఇంటి వద్ద వదిలివెళ్లిన వారిని కఠినంగా శిక్షించాలని కోరారు. నరసింహస్వామి సీసీ కెమెరాల ఏర్పాటు, మరమ్మతుల పనులు చేస్తూ జీవనం సాగించేవాడని తెలిపారు. సమాచారం అందుకున్న మంగళగిరి రూరల్‌ పోలీసులు సంఘటనా స్థలానికి చేరుకుని వివరాలు సేకరించారు. యువకుడి మృతిపై కేసు నమోదు చేసి దర్యాప్తు చేపట్టారు. యువకుల మధ్య వివాదానికి మద్యం, గంజాయి వినియోగం కారణమై ఉండవచ్చని స్థానికంగా పలువురు అనుమానాలు వ్యక్తం చేస్తున్నారు.

తాడేపల్లి రూరల్‌: త్రిదండి చిన్న జీయర్‌ స్వామి వారు శుక్రవారం తాడేపల్లి పట్టణం, సీతానగరంలోని విజయకీలాద్రి దివ్యక్షేత్రంలో భక్తులకు దివ్యమైన తీర్థగోష్టిని అనుగ్రహించారు. జీయర్‌ ఎడ్యుకేషనల్‌ ట్రస్ట్‌ మేనేజర్‌ పురాణం వెంకటచార్యులు మాట్లాడుతూ త్రిదండి చిన్న జీయర్‌ స్వామి వారు విజయకీలాద్రి దివ్యక్షేత్రానికి విచ్చేసి భక్తులకు తీర్థ గోష్టిని అన్రుగహించారని తెలిపారు. ఎన్నో సంవత్సరాలుగా స్వామివారి ఆధ్వర్యంలో నిర్వహిస్తున్న ఆధ్యాత్మిక, ధార్మిక, సేవా కార్యక్రమాల్లో తమవంతు సేవలను అందిస్తూ విశేష కైంకర్యం చేసిన రావ్‌ఫిన్‌ సత్యవతి పరమపదోత్సవ కార్యక్రమం నిర్వహించామన్నారు. చిన్న జీయర్‌స్వామి వారు భక్తులందరికీ మంగళాశాసనాలు అందించారని తెలిపారు. మంగళగిరి టౌన్‌: దేశ రక్షణ, ప్రజల భద్రత కోసం విధి నిర్వహణలో ప్రాణాలనే త్యాగం చేసిన పోలీసు అమరవీరుల సేవలను స్మరించుకుంటూ మంగళగిరిలోని ఆరో బెటాలియన్‌లో శుక్రవారం కొవ్వొత్తుల ర్యాలీ నిర్వహించారు. ఈ నెల 21న నిర్వహించిన పోలీసు అమరవీరుల దినోత్సవాన్ని పురస్కరించుకుని కొనసాగుతున్న అమరవీరుల వారోత్సవాల్లో భాగంగా ఆరో బెటాలియన్‌ కమాండెంట్‌ ఎ.మురళి ఆధ్వర్యంలో ఈ కార్యక్రమం జరిగింది. బెటాలియన్‌ అధికారులు, సిబ్బంది కొవ్వొత్తులు చేతబట్టి ర్యాలీలో పాల్గొని అమరుల త్యాగాలను స్మరించుకున్నారు. ప్రజల ప్రాణాలు, ఆస్తుల రక్షణ కోసం తమ జీవితాలను అంకితం చేసిన పోలీసు అమరవీరుల సేవలు చిరస్మరణీయమని పేర్కొన్నారు. విధి నిర్వహణలో వారు ప్రదర్శించిన ధైర్యసాహసాలు, అంకితభావం, నిబద్ధత ప్రతి పోలీసు సిబ్బందికి ఎల్లప్పుడూ స్ఫూర్తిదాయకమని గుర్తుచేశారు. కార్యక్రమంలో అడిషనల్‌ కమాండెంట్‌ డి.ఆశీర్వాదం, అసిస్టెంట్‌ కమాండెంట్లు, బెటాలియన్‌ అధికారులు, సిబ్బంది పెద్ద సంఖ్యలో పాల్గొన్నారు. ఏఎన్‌యూ(పెదకాకాని): ఏఎన్‌యూ పరిధిలో మార్చి 2026లో నిర్వహించిన ఎల్‌ఎల్‌బీ ఆనర్స్‌ మొదటి సెమిస్టర్‌ రెగ్యులర్‌ పరీక్షల ఫలితాలను వర్సిటీ పరీక్షల నియంత్రణ అధికారి ఎ వెంకటేశ్వర్లు శుక్రవారం విడుదల చేశారు. బీఏ ఎల్‌ఎల్‌బీ ఆనర్స్‌ మొదటి సెమిస్టర్‌కు 61 మంది హాజరు కాగా 55 మంది, బీబీఏ ఎల్‌ఎల్‌బీ ఆనర్స్‌ పరీక్షకు 31 మంది హాజరు కాగా 22 మంది ఉత్తీర్ణులయ్యారన్నారు. అభ్యర్థులు రీవాల్యుయేషన్‌కు నవంబరు 12వ తేదీలోగా దరఖాస్తు చేసుకోవాలన్నారు. ఒక్కొక్క సబ్జెక్ట్‌కు ఫీజు రూ.1060గా నిర్ణయించినట్లు తెలిపారు. వ్యక్తిగత వెరిఫికేషన్‌కు రూ.2190 చెల్లించాలని తెలిపారు. ఇంద్రకీలాద్రి(విజయవాడపశ్చిమ): ఇంద్రకీలాద్రిపై కొలువై ఉన్న దుర్గమ్మకు పల్నాడు జిల్లా నరసరావుపేటకు చెందిన కె.జగన్మోహనరెడ్డి కుమార్తె కె.శ్రీవర్షిణి కుటుంబ సభ్యులు శుక్రవారం రూ.14 లక్షల విలువైన బంగారు హారాన్ని కానుకగా సమర్పించారు. ఆలయ అధికారులను కలిసి సుమారు వందగ్రాముల బంగారంతో తయారు చేయించిన హారాన్ని అందజేశారు. అనంతరం దాతలకు ఆలయ మర్యాదలతో అమ్మవారి దర్శనం కల్పించారు. వేద పండితుల ఆశీర్వచనం అనంతరం దాతలకు ఆలయ ఉపప్రధానార్చకులు బి. శంకరశాండిల్య అమ్మవారి చిత్రపటం, ప్రసాదాలు బహూకరించారు.

నరసరావుపేట:స్థానిక సంస్థల ఎన్నికల పోలింగ్‌లో మీరు ఏవిధంగా ఓటు వేస్తారో చూస్తామంటూ టీడీపీ కూటమి నాయకులు ప్రతిపక్ష వైఎస్సార్‌ సీపీ వారిని బెదిరిస్తున్నారని పార్టీ ట్రేడ్‌ యూనియన్‌ రాష్ట్ర అధ్యక్షుడు, పల్నాడు జిల్లా పార్లమెంటు పరిశీలకులు పి.గౌతమ్‌రెడ్డి తెలిపారు. జిల్లా పార్టీ కార్యాలయంలో శుక్రవారం నిర్వహించిన విలేకర్ల సమావేశంలో చిలకలూరిపేట, వినుకొండ పార్టీ పరిశీలకులు, జిల్లా లీగల్‌సెల్‌ అధ్యక్షురాలితో కలిసి మాట్లాడారు. వినుకొండలో జరిగిన వైఎస్సార్‌ సీపీ కార్యకర్త హత్యపై అక్కడి టీడీపీ నాయకులు మతచిచ్చు రేపేందుకు ప్రయత్నాలు చేస్తున్నారన్నారు. దానికి అక్కడి సీఐ సపోర్టు చేస్తున్నారన్నారు. మంత్రి లోకేష్‌ ఇచ్చే డైరెక్షన్‌లోనే అంతా అనుసరిస్తూ ఎన్నికల కమిషన్‌ ఆదేశాలు, నిబంధనలను పట్టించుకోకుండా వ్యవహరిస్తున్నారని ధ్వజమెత్తారు. పల్నాడు జిల్లాలో కనీసం తమను నామినేషన్లు వేయనీయకుండా చేసి ఇప్పుడు జరగబోయే పోలింగ్‌లో ఓటు కూడా వేయనీయమంటూ బెదిరిస్తున్నారని చెప్పారు. వినుకొండలో 36 డివిజన్లలోను, మాచర్లలో అన్నీ డివిజన్లులో పోటీలో ఉన్నామన్నారు. ఎంపీటీసీలు, జెడ్పీటీసీ ఎన్నికల్లో ప్రజల మద్దతుతో కొన్నిచోట్ల తమ పార్టీ అభ్యర్ధులు ఏకగ్రీవం అయ్యారని, దీనిని చూసి ఎన్నికలు సజావుగా జరిగితే మళ్లీ వైఎస్సార్‌ సీపీకి ప్రజలు మద్దతు తెలియచేస్తారనే ఉద్దేశంతో చంద్రబాబు, లోకేష్‌ల పర్యవేక్షణలో గుండాలతో రాజ్యం ఏలేందుకు రాక్షస క్రీడకు తెరతీసారన్నారు. పల్నాడులో వికృత క్రీడ.... చిలకలూరిపేట పరిశీలకులు చిట్టా విజయభాస్కరరెడ్డి మాట్లాడుతూ పల్నాడులో వికృత క్రీడ నడుస్తుందన్నారు. ఆటవిక పరిపాలన పల్నాడు జిల్లాలో చూస్తున్నామన్నారు. గురజాల, చిలకలూరిపేట, మాచర్ల, వినుకొండలతో పాటు పెదకూరపాడులో కనీసం నామినేషన్లు కూడా వేయనీయలేదన్నారు. చిలకలూరిపేటలో చైర్మన్‌ అభ్యర్ధిని తీసుకెళ్లి ఆమె భర్తను వేధించి తమవైపుకు తిప్పుకున్నారన్నారు. 16 మందిని కౌన్సిలర్‌ అభ్యర్ధులను కొన్నారన్నారు. జిల్లా లీగల్‌ సెల్‌ అధ్యక్షురాలు రోళ్ల మాధవి మాట్లాడుతూ గత మూడేళ్లలో మంచిపని చేసి ఉంటే స్థానిక సంస్థల ఎన్నికల్లో తమ పార్టీని చూసి ఎందుకు ముఖ్యమంత్రి చంద్రబాబు భయపడుతున్నారో సమాధానం చెప్పాలని కోరారు. ఎందుకు తమ వారిని నామినేషన్లు వేయనీయట్లేదని ప్రశ్నించారు. పోలీసులను అడ్డంపెట్టుకొని ఎన్నికల్లో అక్రమాలు చేస్తున్నారన్నారు. ఈవిధంగా గెలిచిన గెలుపు గెలుపే కాదనేది వాస్తవం అన్నారు. నిజంగా ప్రజలకు మేలు చేసి ఉంటే ధైర్యంగా ముందుకు రావాలని కూటమి నాయకులకు పిలుపు ఇచ్చారు. వైఎస్సార్‌ సీపీ నాయకులు గౌతమ్‌రెడ్డి, చిట్టా, రోళ్ల మాధవి, బాసు లింగారెడ్డి

చిలకలూరిపేట: చెప్పుకోవడానికి చేసిన మంచి అంటూ ఏమీ లేకపోవడంతో స్థానిక ఎన్నికల్లో అధికార పార్టీ దౌర్జన్యాలకు, అప్రజాస్వామిక చర్యలకు పాల్పడుతోందని మాజీ మంత్రి విడదల రజిని పేర్కొన్నారు. పట్టణంలోని ఎన్‌ఆర్‌టీ రోడ్డులో ఉన్న ఆమె నివాసంలో శుక్రవారం విలేకర్ల సమావేశం నిర్వహించారు. ఈ సందర్భంగా మాజీ మంత్రి మాట్లాడుతూ కూటమి ప్రభుత్వం ఏర్పడ్డాక రెండున్నర ఏళ్లలో చేసింది ఏమీ లేక, గూండాయిజం ప్రదర్శిస్తోందని మండిపడ్డారు. వైఎస్సార్‌ సీపీ ప్రభుత్వం గత మున్సిపల్‌ ఎన్నికల సందర్భంగా అన్‌రిజర్వుడ్‌ స్థానంలో ఒక ముస్లిం మైనార్టీని చైర్మన్‌ చేసిందన్నారు. అదే సంప్రదాయాన్ని కొనసాగిస్తూ షేక్‌ కరిమున్‌ అనే ముస్లిం మహిళకు చైర్‌పర్సన్‌గా పోటీ చేసే అవకాశం కల్పించామన్నారు. అది ఇష్టం లేక, మరోమారు ఇక్కడ మైనార్టీ వర్గానికి చెందిన వారు ఆ పదవిలో ఉండకుండా ఆమెను భయపెట్టి, బెదిరించి టీడీపీలో చేర్చుకొని ఊళ్లో లేకుండా పంపించి వేశారని ఆరోపించారు. పోలీసులు తీరు మార్చుకోవాలి బూత్‌ ఏజెంట్లను పోలీసులే బెదిరిస్తున్నారని, బైండోవర్‌ చేస్తున్నారని ఆగ్రహం వ్యక్తం చేశారు. మహిళలను కూడా పోలీస్‌స్టేషన్‌కు లాక్కెళ్లి బెదిరింపులకు పాల్పడుతున్నారని, అలాంటి అధికారులను భవిష్యత్తులో వదిలిపెట్టబోమని హెచ్చరించారు. ధైర్యంగా ఎన్నికల్లో నిలబడుతున్న వైఎస్సార్‌ సీపీ నాయకులు, కార్యకర్తలకు ఆమె అభినందనలు తెలిపారు. ఓడిపోతామన్న భయం లేకపోతే వైఎస్సార్‌ సీపీలా ఽధైర్యంగా ప్రజల్లోకి వచ్చి ఓట్లు అడగాలని కూటమికి సవాలు విసిరారు. ఇంతలా దౌర్జన్యానికి పాల్పడేకన్నా అసెంబ్లీలో ఒక చట్టం చేసుకొని నామినేటెడ్‌గా పదవులు నియామకం చేసుకోవచ్చుగదా అని పేర్కొన్నారు. కూటమి అరాచకాలకు చరమగీతం పాడేలా ప్రజలు ఫ్యాను గుర్తుకు ఓటు వేయాలని పిలుపునిచ్చారు. సమావేశంలో వైఎస్సార్‌ సీపీ నియోజకవర్గ పరిశీలకుడు చిట్టా విజయభాస్కరరెడ్డి పాల్గొన్నారు.

వైఎస్సార్‌ సీపీ మున్సిపల్‌ చైర్మన్‌ అభ్యర్థి పీఎస్‌ ఖాన్‌ వినుకొండ: పట్టణాన్ని అన్ని రంగాల్లో ప్రగతి పథంలో నడిపించి, సుందరంగా తీర్చిదిద్దడమే తన ఏకై క లక్ష్యమని వైఎస్సార్‌ సీపీ వినుకొండ మున్సిపల్‌ చైర్మన్‌ అభ్యర్థి పఠాన్‌ సాలేహా ఖాన్‌ (పీఎస్‌ ఖాన్‌) తెలిపారు. పార్టీ అధినేత వైఎస్‌ జగన్‌మోహన్‌రెడ్డి ఆశయాలకు అనుగుణంగా, మాజీ ఎమ్మెల్యే బొల్లా బ్రహ్మనాయుడు నాయకత్వంలో పట్టణ సమగ్ర ప్రగతికి స్పష్టమైన ప్రణాళికతో ముందుకు వెళ్తున్నట్లు వెల్లడించారు. ప్రాధాన్యతలు ఇవే... ఆయన మాట్లాడుతూ... ‘‘గతంలో నిలిచిపోయిన మున్సిపల్‌ కాంప్లెక్స్‌ నిర్మాణాలను త్వరితగతిన పూర్తి చేసి, వినియోగంలోకి తీసుకొస్తా. యువత, మైనార్టీల సంక్షేమానికి కృషి. మైనార్టీ కళాశాల, ముస్లిం షాదీఖానా ఏర్పాటు చేస్తా. క్రీడాకారులకు నిలయంగా ఉండేలా మున్సిపల్‌ స్టేడియం నిర్మాణ పనులను పూర్తి చేయిస్తాను. ప్రజా రవాణా వ్యవస్థ, పారిశుద్ధ్యం మెరుగుకు చర్యలు చేపడతాం. పట్టణంలో నిత్యం వేధిస్తున్న ట్రాఫిక్‌ ఇబ్బందులకు శాశ్వత పరిష్కారం చూపుతాం. శివారు కాలనీల్లో డ్రైనేజీ, పారిశుధ్యం, సురక్షిత తాగునీటి సరఫరా సమస్యలను ప్రాధాన్యతా క్రమంలో పరిష్కరిస్తా. పెండింగ్‌లో ఉన్న హిందూ శ్మశానవాటికను స్వర్గధామంగా నిర్మించడానికి చర్యలు తీసుకుంటా. ఆర్యవైశ్యుల వ్యాపార అభివృద్ధికి షాపింగ్‌ కాంప్లెక్స్‌ నిర్మిస్తాను. అన్ని వార్డుల సమగ్ర ప్రగతికి కృషి చేస్తా. పట్టణంలోని ప్రతి వార్డులో అంతర్గత రహదారులు, తాగునీరు, ఇతర మౌలిక సదుపాయాల కల్పనకు ప్రత్యేక ప్రణాళిక రూపొందిస్తాను. ప్రజా సంక్షేమమే ధ్యేయంగా వినుకొండ పట్టణాన్ని ఆదర్శ మున్సిపాలిటీగా తీర్చిదిద్దేందుకు నిరంతరం కృషి చేస్తా. ఈ అభివృద్ధి యజ్ఞంలో పట్టణ ప్రజలందరూ ఆశీర్వదించి, మద్దతుగా నిలవాలని’’ అని పేర్కొన్నారు. పార్టీ ఆవిర్భావ సమయం నుంచి నిరంతరం ప్రజల మధ్య ఉంటూ సేవ చేస్తున్నానని పీఎస్‌ ఖాన్‌ తెలిపారు. ప్రజారోగ్యం, సామాజిక సేవ పట్ల ఉన్న అంకితభావంతోనే తనకు వచ్చిన ప్రభుత్వ ఉద్యోగాన్ని సైతం వదులుకుని పూర్తిస్థాయి రాజకీయాల్లోకి వచ్చినట్లు గుర్తుచేశారు. మున్సిపల్‌ చైర్మన్‌ అభ్యర్థిగా తనపై నమ్మకంతో బాధ్యతలు అప్పగించిన పార్టీ అధిష్ఠానానికి, వైఎస్‌ జగన్‌మోహన్‌రెడ్డికి, బొల్లా బ్రహ్మనాయుడుకు ప్రత్యేక ధన్యవాదాలు తెలిపారు.

దాడి చేసి పింఛను నగదు రూ. 1.30 లక్షలను లాక్కెళ్లిన దుండగులు బెల్లంకొండ:సచివాలయ ఉద్యోగిపై గుర్తు తెలియని వ్యక్తులు దాడి చేసి, అతని వద్ద ఉన్న పింఛను నగదు లాక్కెళ్లిన ఘటన మండలంలోని మన్నె సుల్తాన్‌పాలెం గ్రామంలో శుక్రవారం చోటు చేసుకుంది. బాధితుడు పెదలంక భాను కుమార్‌ తెలిపిన వివరాల ప్రకారం... మండలంలోని మన్నెసుల్తాన్‌ పాలెం గ్రామంలో రైతు సేవా కేంద్రంలో అగ్రికల్చర్‌ అసిస్టెంట్‌ గా పనిచేస్తున్నట్లు తెలిపాడు. కాగా శుక్రవారం శివారు గ్రామమైన రామాంజనేయపురంలో పింఛన్లు పంపిణీ చేసి, మధ్యాహ్న సమయానికి సచివాలయానికి వచ్చినట్లు తెలిపారు. ఈ సమయంలో గ్రామానికి చెందిన పలువురికి పింఛన్‌ ఇస్తుండగా గుర్తు తెలియని వ్యక్తులు బైకులపై వచ్చి సచివాలయంలో ఉన్న తనపై దాడి చేసినట్లు తెలిపారు. తన వద్ద ఉన్న పెన్షన్‌ నగదు రూ. 1లక్ష 30వేలను లాక్కెళ్లారని చెప్పారు. ఈ క్రమంలో సచివాలయానికి వచ్చిన స్థానికులు వారిని వీడియోలు తీస్తుండగా అక్కడ నుంచి పరారైనట్లు తెలిపాడు. బాధితుడిని సత్తెనపల్లి ప్రభుత్వ వైద్యశాలకు తరలించారు. ఘటనపై పోలీసులకు ఫిర్యాదు చేశారు.

వినుకొండ: ఆంధ్రప్రదేశ్‌లో స్థానిక సంస్థల ఎన్నికల ప్రక్రియ ప్రారంభమైనప్పటి నుంచి అధికార కూటమి ప్రభుత్వం, టీడీపీ నాయకుల అరాచకాలకు అడ్డూ అదుపు లేకుండా పోయిందని వైఎస్సార్‌ సీపీ పల్నాడు జిల్లా కోఆర్డినేటర్‌ పూనూరు గౌతమ్‌ రెడ్డి తీవ్రస్థాయిలో ధ్వజమెత్తారు. వినుకొండలో శుక్రవారం ఏర్పాటు చేసిన విలేకరుల సమావేశంలో వైఎస్సార్‌ సీపీ ముఖ్య నాయకులతో కలిసి ఆయన మాట్లాడారు. రాష్ట్రంలో పోలీసులు ఖాకీ చొక్కాల వెనుక పచ్చ చొక్కాలు ధరించి, ముఖ్యమంత్రి చంద్రబాబు, నారా లోకేష్‌ల డైరెక్షన్‌లో ఎన్నికల వ్యవస్థను తుంగలో తొక్కుతున్నారని ఆగ్రహం వ్యక్తం చేశారు. ఎన్నికలంటే ఎందుకు ఇంత భయం.... శాసనసభ ఎన్నికల్లో 164 సీట్లు గెలుచుకున్నామని గొప్పలు చెప్పుకునే కూటమి ప్రభుత్వానికి స్థానిక ఎన్నికలు అనగానే వణుకు పుడుతోందని గౌతమ్‌ రెడ్డి ఎద్దేవా చేశారు. ‘సూపర్‌ సిక్స్‌‘ పేరుతో అలవిగాని హామీలిచ్చి ఓట్లు దండుకున్న కూటమి, అధికారంలోకి వచ్చాక ఏ ఒక్క హామీని నెరవేర్చకపోగా నిత్యవసర ధరలను కూడా అదుపు చేయలేకపోయిందన్నారు. ప్రజల్లో కూటమి ప్రభుత్వంపై వ్యక్తమవుతున్న తీవ్ర వ్యతిరేకతను చూసి ఓటమి భయంతోనే పోలీసులను అడ్డం పెట్టుకుని వైఎస్సార్‌ సీపీ అభ్యర్థులు, కార్యకర్తలపై దౌర్జన్యాలకు పాల్పడుతున్నారని విమర్శించారు. పోలీసుల అధికార దుర్వినియోగం వినుకొండ నియోజకవర్గంలో మాజీ ఎమ్మెల్యే బొల్లా బ్రహ్మనాయుడు నేతృత్వంలో 36 వార్డుల్లో వైఎస్సార్‌ సీపీ ఎంతో బలంగా ఉందని, ఇది జీర్ణించుకోలేక స్థానిక ఎమ్మెల్యే జీవీ ఆంజనేయులు, ఎంపీ లావు శ్రీకృష్ణదేవరాయలు పోలీసు వ్యవస్థను దారుణంగా దుర్వినియోగం చేస్తున్నారని మండిపడ్డారు. వినుకొండ టౌన్‌ సీఐ బి. ప్రభాకర్‌ రావు పూర్తిగా టీడీపీ ఏజెంట్‌గా మారిపోయారని, సంబంధం లేని కేసుల్లో 27 మంది వైఎస్సార్‌ సీపీ కార్యకర్తలపై అక్రమంగా కేసులు బనాయించారని దుయ్యబట్టారు. ఖాకీ చొక్కాల వెనుక పచ్చ రాజకీయం: మాజీ ఎమ్మెల్యే బొల్లా బ్రహ్మనాయుడు మాట్లాడుతూ... మద్యం మత్తులో ఇద్దరు డ్రైవర్లు గొడవ పడితే, రాత్రికి రాత్రే దాన్ని వైఎస్సార్‌ సీపీపైకి తోసేసి రాత్రి 11 గంటల నుంచి తెల్లవారుజాము 5 గంటల వరకు ముస్లిం మైనార్టీ మహిళలను కూడా పోలీస్‌ స్టేషన్‌ చుట్టూ తిప్పడం ఖాకీల రాక్షసత్వానికి నిదర్శనమన్నారు. ఈ అక్రమాలను ప్రజలు ఓటు రూపంలో తిప్పికొట్టాలని పిలుపునిచ్చారు. నియోజకవర్గ పరిశీలకులు బాసు లింగారెడ్డి, లీగల్‌ సెల్‌ కన్వీనర్‌ రాళ్ల మాధవి మాట్లాడుతూ స్థానిక ఎమ్మెల్యే జీవి ఆంజనేయులు భయంతోనే ఇటువంటి కుట్రలు చేస్తున్నారని, రానున్న మున్సిపల్‌ ఎన్నికల్లో వైఎస్సార్‌సీపీ చైర్‌పర్సన్‌ అభ్యర్థి పి.ఎస్‌. ఖాన్‌, కౌన్సిలర్‌ అభ్యర్థులను భారీ మెజార్టీతో గెలిపించాలని కోరారు. సమావేశంలో పార్టీ నాయకులు ఎం.ఎన్‌. ప్రసాద్‌, అమ్మిరెడ్డి మల్లికార్జున రెడ్డి, రామాంజరెడ్డి, నాగూల్‌ మీరావాలి పాల్గొన్నారు. వైఎస్సార్‌ సీపీ పల్నాడు జిల్లా కోఆర్డినేటర్‌ పూనూరు గౌతమ్‌ రెడ్డి ధ్వజం..

నరసరావుపేట రూరల్‌: దేశ సమగ్రత, ఐక్యత కోసం సర్ధార్‌ వల్లభాయ్‌ పటేల్‌ చేసిన సేవలు చిరస్మరణీయమని జిల్లా ఎస్పీ జగదీష్‌ అదహళ్లి తెలిపారు. సర్ధార్‌ వల్లభాయ్‌ పటేల్‌ 151వ జయంతిని పురస్కరిచంకుని శుక్రవారం రాష్ట్రీయ ఏక్తా దివస్‌ వేడుకలను జిల్లా పోలీసు కార్యాలయంలో నిర్వహించారు. వల్లభాయ్‌ పటేల్‌ చిత్రపటం వద్ద జిల్లా ఎస్పీ పూలమాలలు వేసి నివాళి అర్పించి మాట్లాడారు. ఉక్కుమనిషిగా పేరుగాంచిన సర్దార్‌ వల్లభాయ్‌ పటేల్‌ జయంతిని జాతీయ ఐక్యతా దినోత్సవంగా జరుపుకుంటున్నట్టు తెలిపారు. దేశానికి స్వాతంత్య్రం వచ్చిన సమయంలో వల్లభాయ్‌ పటేల్‌ అసాధారణమైన సంకల్పం, దూరదృష్టి, సమర్ధవంతమైన నాయకత్వంతో 560కు పైగా సంస్ధానాలను భారత్‌ యూనియన్‌లో విలీనం చేయడంలో కీలకపాత్ర పోషించారని తెలిపారు. దేశాన్ని భౌగోళికంగా ఒక తాటిపైకి తీసుకువచ్చిన ఘనత ఆయనకే దక్కుతుందని పేర్కొన్నారు. అనంతరం పోలీసు సిబ్బంది ఐక్యతా ప్రతిజ్ఞ చేయించారు. ఈ సందర్భంగా నిర్వహించిన ఐక్యతా పరుగును జిల్లా ఎస్పీ ప్రారంబించారు. జిల్లా పోలీసు కార్యాలయం నుంచి గడియారస్తంభం సెంటర్‌, పల్నాడు బస్టాండ్‌, పాత చెక్‌ పోస్ట్‌ సెంటర్‌ మీదగా జిల్లా పోలీసు కార్యాలయానికి చేరుకుంది. కార్యక్రమంలో అదనపు ఎస్పీ రోహిత్‌కుమార్‌ చౌదరి, ఏఆర్‌ డీఎస్పీ గాంధీ రెడ్డి, ట్రాఫిక్‌ సీఐ లోకనాధం, ఏఆర్‌ ఆర్‌ఐలు కృష్ణ, గోపినాథ్‌ పాల్గొన్నారు. సర్ధార్‌ వల్లభాయ్‌ పటేల్‌కు నివాళి అర్పించిన జిల్లా ఎస్పీ జగదీష్‌ అదహళ్లి

జిల్లాలోని చిలకలూరిపేట, వినుకొండ, సత్తెనపల్లి, మాచర్ల మున్సిపాలిటీల్లో ఎన్నికల ప్రచారం శుక్రవారం సాయంత్రం 5 గంటలకు ముగిసింది. దీంతో టీడీపీ నాయకులు, అభ్యర్థులు గెలుపే లక్ష్యంగా ప్రలోభాల పర్వానికి తెరలేపారు. ప్రధానంగా మున్సిపల్‌ చైర్మన్‌ అభ్యర్థులు, వార్డు కౌన్సిలర్‌ స్థానాలకు పోటీ చేసే అభ్యర్థులు ఓటర్లపై ప్రత్యేక దృష్టి సారించారు. ఓటుకు రూ. వెయ్యి నుంచి రూ. 2 వేల వరకు పంపిణీ చేస్తున్నట్లు సమాచారం. ‘ఓటు మాకు వేయండి .. మీకేం కావాలో చెప్పండి’ అని ఆఫర్‌ ఇస్తున్నట్లు తెలిసింది. ఇందులో భాగంగా డబ్బుతో పాటు మద్యం, బహుమతులు ఇచ్చేందుకు సిద్ధమయ్యారు. సత్తెనపల్లి: మున్సిపల్‌ ఎన్నికల పోలింగ్‌కు కౌంట్‌ డౌన్‌ మొదలైంది, పోలింగ్‌కు మరో 24 గంటల గడువు మాత్రమే ఉండడంతో ఇక రాజకీయ సీన్‌ రసవత్తరంగా మారబోతోంది. ఓటర్లే లక్ష్యంగా కూటమి నేతలు ఓటర్లను ప్రలోభాలకు గురి చేస్తూ వారి మద్దతు కూడా కట్టే ప్రయత్నం మొదలుపెట్టారు. ఇప్పటి వరకు బహిరంగ ప్రచారంతో హోరెత్తించిన ప్రధాన పార్టీల అభ్యర్థులు ఇక ఇళ్లవారీగా ఓట్లపై ప్రత్యక్షంగా దృష్టి పెడుతున్నారు. అధికార పార్టీకి ర్యాలీలు, రోడ్‌షోలు నిర్వహించేందుకు అనుమతులు ఇస్తున్న పోలీసులు... వైఎస్సార్‌ సీపీకి మాత్రం ఆంక్షలు విధిస్తున్నారనే విమర్శలు ఉన్నాయి. వినుకొండలో శుక్రవారం ఉదయం 9 నుంచి 12 గంటల వరకు ర్యాలీ, రోడ్‌షోకు కూటమి అనుమతులు తీసుకొని మధ్యాహ్నం 2 గంటలు దాటే వరకు నిర్వహించింది. ఎన్నికల నిబంధనలు అతిక్రమించినా పోలీసులు చోద్యం చూశారనే ఆరోపణలు ఉన్నాయి. బహిరంగ ప్రచారానికి శుక్రవారం సాయంత్రం 5 గంటలతో గడువు ముగియడంతో అంతర్గత ప్రచారంపై దృష్టి కేంద్రీకరిస్తున్నారు. ప్రలోభాల పర్వం ఇలా... నాకు ఓటు వేయండి .. అంటూ ప్రత్యక్షంగా కలిసి దండం పెడుతూ ప్రార్థించిన అభ్యర్థులు ఇక ఓటర్లను ప్రసన్నం చేసుకునే పనిలో నిమగ్నమయ్యారు. ప్రలోభాల పర్వం షురూ చేశారు. అత్యధిక వార్డుల్లో ఓటుకు రూ.1,500 నుంచి రూ. 2 వేలు వరకు పంపిణీ చేస్తున్నారనే ప్రచారం సాగుతోంది. వినుకొండలో ఒక అభ్యర్థి చైర్మన్‌తో పాటు తన స్థానానికి కలుపుకొని రూ. 3 కోట్ల వరకు ఖర్చు చేశారని సమాచారం. వినుకొండ మున్సిపాలిటీలో 36 వార్డులు ఉంటే చైర్మన్‌ పదవిని ఆశించి సమీకరణల్లో భాగంగా త్రుటిలో తప్పిపోయినప్పటికీ చైర్మన్‌ అభ్యర్థి కయ్యే ఖర్చు కూడా తానే భరిస్తానని వైస్‌ చైర్మన్‌ పదవిని ఆశిస్తున్న ఓ వార్డుకు పోటీ చేస్తున్న కూటమి అభ్యర్థి రూ. 3 కోట్లు ఇచ్చినట్టు సమాచారం. అభ్యర్థి తన కౌన్సిలర్‌ పదవి కోసం ఓటుకు రూ.3 వేల చొప్పున కొనుగోలు చేస్తున్నట్లు ప్రచారంలో ఉంది. మాచర్ల మున్సిపాలిటీలో ఓటుకు రూ. వెయ్యి చొప్పున కూటమి నేతలు పంపిణీ ప్రారంభించినట్లు తెలుస్తోంది. సత్తెనపల్లిలో ఇప్పటికే ఒక వార్డు ఏకగ్రీవం కోసం రూ.30 లక్షల వరకు ఖర్చు చేసినట్లు విమర్శలు ఉన్నాయి. ఇక్కడ 35 వార్డులకు పోటీ జరుగుతుండగా... కొన్ని వార్డుల్లో రూ.వెయ్యి చొప్పున, బలమైన పోటీ ఉన్న చోట్ల రూ.1,500 చొప్పున ఓటరుకు పంపిణీ చేస్తున్నారనే ఆరోపణలు ఉన్నాయి. చిలకలూరిపేట మున్సిపాలిటీ చైర్‌పర్సన్‌ స్థానాన్ని జనసేనకు కేటాయించటంతో ఆచి తూచి ఖర్చు చేస్తున్నారని సమాచారం. కౌన్సిలర్‌ స్థానాలకు పోటీ చేసే జనరల్‌ అభ్యర్థులు ఇక్కడ కూడా ఓట్లను కొనుగోలు చేస్తున్నారు. వీటితో పాటు వార్డుకు మూడు నుంచి ఐదు కేసులు మద్యం పంపిణీ చేస్తున్నారు. మాచర్ల వార్డుకు 10 కేసులు చొప్పున మద్యం పంపిణీ జరుగుతోందని బహిరంగ ప్రచార నడుస్తోంది. వైన్‌ షాపులు, బార్‌ అండ్‌ రెస్టారెంట్లు అధికార పార్టీ వారివే కావడంతో విచ్చలవిడిగా మద్యం పంపిణీ చేస్తున్నారు. బిర్యానీ ప్యాకెట్లుతోపాటు మహిళలకు గిఫ్ట్‌లు, చీరలు వంటివి ఇస్తున్నారు. ప్రలోభాల పర్వంలో ఎక్కడా లోటుపాట్లు లేకుండా అధికార పార్టీ అభ్యర్థులు ముందుకు సాగుతున్నారు. పోటీ అధికంగా ఉన్న కొన్ని వార్డుల్లో ఓటుకు రూ. 2 వేల నుంచి రూ.3 వేల వరకు పంపిణీ చేస్తున్నారనే ప్రచారం ఉంది. తాజా మాజీ కౌన్సిలర్లు, పార్టీ పరంగా టిక్కెట్లు దక్కక స్వతంత్రులుగా బరిలో నిలిచిన అభ్యర్థులు, ఆయా పార్టీల నుంచి వైస్‌ చైర్మన్‌ పదవి ఆశిస్తున్నవారు, కుల సంఘాల నేతలను పట్టుకొని గంపగుత్తగా ఓట్లు ఉన్న నేతలకు డబ్బుల పంపిణీలో అసలు వెనుకాడటం లేదని తెలుస్తోంది.

వినుకొండ: మున్సిపల్‌ ఎన్నికల ప్రచారంలో చురుగ్గా పాల్గొంటున్న వైఎస్సార్‌ కాంగ్రెస్‌ పార్టీకి చెందిన మొత్తం 27 మంది కార్యకర్తలపై పోలీసులు అక్రమ కేసులు బనాయించారు. గురువారం సాయంత్రం పట్టణంలోని ఏనుగుపాలెం రోడ్డులో ఇద్దరు ప్రచార వాహనాల డ్రైవర్ల మధ్య వ్యక్తిగత గొడవ జరిగింది. అయితే ఈ చిన్న వివాదాన్ని ఆసరాగా చేసుకుని పోలీసులు 14 మంది యువకులు దాడికి పాల్పడినట్లు కేసులు నమోదు చేశారని బాధితులు ఆరోపించారు. పాత బైండోవర్‌ కేసులలో సంతకాలు చేసి వెళ్లాలని పిలిపించిన పోలీసులు, తీరా స్టేషన్‌కు వచ్చాక కార్యకర్తలను అక్రమంగా నిర్బంధించడంతో పరిస్థితి ఉద్రిక్తంగా మారింది. విషయం తెలుసుకున్న బాధిత కార్యకర్తల కుటుంబ సభ్యులు, పెద్ద ఎత్తున మహిళలు, పార్టీ నాయకులు గురువారం రాత్రి నుంచి తెల్లవారుజాము వరకు పోలీస్‌ స్టేషన్‌ ముందే కాపలా కాశారు. పోలీసుల హైడ్రామా ... అక్రమ అరెస్టుపై పెద్ద ఎత్తున నిరసన రావడం పోలీస్‌ స్టేషన్‌ ఎదుట ఆందోళన చేపట్టటం వంటి ఘటనలు నేపథ్యంలో శుక్రవారం మధ్యాహ్నంలోగా అందరినీ కోర్టులో హాజరుపరుస్తామని పోలీసులు హామీ ఇచ్చారు. దీంతో ఆందోళనకారులు అక్కడి నుంచి వెనుతిరిగారు. శుక్రవారం సాయంత్రం వరకు కూడా ఏ కేసు కింద అరెస్టు చేశారో స్పష్టత ఇవ్వకుండా, కోర్టుకు హాజరుపరచకుండా పోలీసులు తీవ్ర హైడ్రామా నడిపారు. బాధితులకు లీగల్‌ సెల్‌ భరోసా... సమాచారం అందుకున్న పల్నాడు జిల్లా వైఎసార్‌ సీపీ లీగల్‌ సెల్‌ కన్వీనర్‌ రోళ్ల మాధవి వినుకొండ పోలీస్‌ స్టేషన్‌కు చేరుకున్నారు. బాధ్యతాయుతమైన పదవుల్లో ఉండి అక్రమ కేసులు నమోదు చేయడం సరికాదని, వెంటనే కార్యకర్తలను విడుదల చేయాలని అధికారులను కోరారు. అనంతరం స్టేషన్‌ వద్ద ఆందోళనలో ఉన్న మహిళలను, బాధిత కుటుంబ సభ్యులను ఆమె పరామర్శించారు. పార్టీ కార్యకర్తలకు వైఎస్సార్‌ కాంగ్రెస్‌ పార్టీ ఎల్లప్పుడూ అండగా ఉంటుందని చెప్పారు. చట్టపరంగా అన్ని విధాలా న్యాయం చేస్తామని భరోసా ఇచ్చారు.

ఎన్నికల ప్రక్రియ మొదలైనప్పటి నుంచి అధికార మదంతో రెచ్చిపోతున్న టీడీపీ గూండాలు.. వారికి ఊడిగం చేస్తున్న ఖాకీల కర్కశత్వంతో జిల్లాలో అరాచకం రాజ్యమేలుతోంది. నామినేషన్లు వేయనీయకుండా అడ్డుకోవడం దగ్గర్నుంచి బీఫారాలు చించివేయడం, ఆర్వోలను అడ్డుపెట్టుకుని స్క్రూటినీలో తొలగించడం, అక్రమ కేసులు బనాయించి విత్‌డ్రాలు చేయించడం వంటి దుశ్చర్యలకు పాల్పడుతూనే ఉన్నారు. ఇన్ని అడ్డంకులను దాటుకుని ఎన్నికల బరిలో నిలిచిన వైఎస్సార్‌ సీపీ అభ్యర్థులను ఎదుర్కోలేక, ఓటమి భయంతో పోలీసులను అడ్డుపెట్టుకుని పోలింగ్‌ రోజు కూడా దౌర్జన్యాలకు, దాడులకు తెగబడేందుకు టీడీపీ ఎమ్మెల్యేలు కుట్రలు పన్నుతున్నారు. సాక్షి ప్రతినిధి, గుంటూరు: జిల్లాలో నవంబరు ఒకటో తేదీన పల్నాడు జిల్లాలోని మాచర్ల, సత్తెనపల్లి, చిలకలూరిపేట, వినుకొండ మున్సిపాలిటీలతోపాటు గుంటూరు జిల్లాలోని గుంటూరు, తెనాలి, బాపట్ల జిల్లాలోని రేపల్లె, చీరాల మున్సిపాలిటీలకు ఎన్నికలు జరుగనున్నాయి. ఇందులో పల్నాడు జిల్లాలో జరిగే నాలుగు మున్సిపాలిటీల పరిధిలో అధికార పార్టీ నేతలు.. ఎన్నికల అధికారులు, పోలీసులను అడ్డుపెట్టుకుని అన్ని కుట్రలకు తెరతీశారు. జిల్లాలో ఈ స్థాయిలో దౌర్జన్యాలు, అరాచకాలు జరుగుతున్నా పల్నాడు జిల్లా కలెక్టర్‌ కృతికా శుక్లాగానీ, జిల్లా ఎస్పీ జగదీష్‌ అదహళ్లిగానీ అధికార పార్టీకి కొమ్ముకాశారే తప్ప, ఎక్కడా ఎన్నికల ప్రక్రియను ప్రజాస్వామ్య పద్ధతిలో జరిపేందుకు ప్రయత్నం కూడా చేయలేదనే విషయం సుస్పష్టం. ఎన్నికల సంఘానికి వీడియోలు చూపించుకోవడానికి ఎంపీటీసీ, జెడ్పీటీసీ నామినేషన్ల చివరి రోజు కొందరు డమ్మీ అభ్యర్థులకు మాత్రమే పోలీసుల సహాయంతో నామినేషన్లు వేయించారు. కుట్రతో ఏజెంట్లు లేకుండా చేసి... మాచర్ల మున్సిపల్‌ చైర్‌పర్సన్‌ అభ్యర్థితోపాటు 36 వార్డులకు వైఎస్సార్‌ సీపీ తరఫున నామినేషన్లు దాఖలు చేసిన విషయం తెలిసిందే. వీరిలో ఏ ఒక్కరూ విత్‌డ్రా చేసుకోకుండా ధైర్యంగా నిలబడ్డారు. ఓటమి తప్పదని భయపడ్డ టీడీపీ ఎమ్మెల్యే... బీఫారాలు సమర్పించడానికి వెళ్లిన వైఎస్సార్‌ సీపీ అభ్యర్థులపై అప్పటికే మాటువేసి ఉన్న టీడీపీ గూండాలతో దాడి చేయించారు. పోలీసులను అడ్డుపెట్టుకుని బీఫారాలు చించి వేయించారు. దీనిపై మాజీ ఎమ్మెల్యే, జిల్లా అధ్యక్షుడు పిన్నెల్లి నిరసన తెలిపినప్పటికీ, ఆయనపైనే కేసులు పెట్టారు. స్వతంత్ర అభ్యర్థుల్లా బీరువా గుర్తుతో పోటీకి సమాయత్తమయ్యారు. ఓటమి తప్పదని భావించిన టీడీపీ నేతలు... పోలింగ్‌ రోజు బూత్‌లలో వైఎస్సార్‌ సీపీ ఏజెంట్లే లేకుండా చేయాలనే కుట్రకు పాల్పడ్డారు. మున్సిపల్‌ కమిషనర్‌ వేణుబాబు ఎన్నికల అధికారులతో అభ్యర్థులకు ఫోన్లు చేయించారు. వారు వచ్చే సమయానికి టీడీపీ గూండాలను తన చాంబర్‌ వద్ద ఉంచుకుని తిరిగి దాడి చేయించి ఏజెంట్ల ఫారాలు చించివేశారు. దీంతో వైఎస్సార్‌ సీపీకి ఏజెంట్లే లేకుండా పోయారు. పోలింగ్‌ను అడ్డుకునేందుకు ప్రణాళికలు వినుకొండ మున్సిపాలిటీ పరిధిలో ఎన్నికలు జరుగకుండా గొడవలు సృష్టించే కుట్రకు టీడీపీ నేతలు తెరతీశారు. వైఎస్సార్‌ సీపీకి బలంగా నిలబడే 14 మంది ముస్లిం యువకులపై తప్పుడు కేసులు బనాయించి అక్రమంగా నిర్బంధించారు. దీనిపై గురువారం రాత్రి నుంచి తెల్లవారే వరకు ముస్లిం మహిళలంతా స్టేషన్‌ ఎదుట దర్నా చేపట్టినా, పోలీసులు అధికార పార్టీ నేతల ఒత్తిళ్లకు తలొగ్గి వారిని విడిచిపెట్టలేదు. ముఖ్యంగా పట్టణ సీఐ ప్రభాకర్‌ పచ్చచొక్కా వేసుకున్న కార్యకర్తలా మారి వైఎస్సార్‌ సీపీ నేతలు, అభ్యర్థులు, ఏజెంట్లను స్టేషన్‌లకు పిలిచి నేరుగా బెదిరిస్తున్నారు. వినుకొండలో ఆర్యవైశ్యులకు టీడీపీ చైర్మన్‌ అభ్యర్థిగా అవకాశం ఇస్తామని ఆశ చూపి మోసం చేయడంతో వారంతా వైఎస్సార్‌ సీపీకి ఓటు వేసేందుకు సిద్ధమయ్యారు. టీడీపీ ఎమ్మెల్యే జీవీ ఆంజనేయులు వారిని ఓటింగ్‌కు రాకుండా చేయాలనే కుట్రలు పన్నుతున్నారు. మద్యం పేరుతో అక్రమ అరెస్టులు సత్తెనపల్లి మున్సిపాలిటీ పరిధిలో కుట్రలకు తెగబడ్డ టీడీపీ నేతలు... పోలింగ్‌ రోజు మాత్రం పోలీసులను అడ్డుపెట్టుకుని వైఎస్సార్‌ సీపీ నేతలను ఇబ్బందులకు గురిచేసేందుకు పథకం పన్నారు. గురువారం రాత్రి 12వ వార్డులో బూత్‌ ఏజెంట్లుగా ఉన్న వారిపై అక్రమంగా మద్యం కేసు నమోదు చేసి, రాత్రికి రాత్రే నిర్బంధించారు. వాళ్లే మద్యం సీసాలు పెట్టి పోలీసులకు సమాచారం అందించినట్లుగా డ్రామాలు ఆడి ఏజెంట్లను తప్పుడు కేసుల్లో ఇరికించారు. వైఎస్సార్‌ సీపీ ముఖ్య నేతలను అదుపులోకి తీసుకునేలా టీడీపీ ఒత్తిడి తెస్తోంది. చిలకలూరిపేట మున్సిపాలిటీ పరిధిలో ఇప్పటికే వైఎస్సార్‌ సీపీ కౌన్సిలర్‌ అభ్యర్థులను బెదిరించి, ఆర్వోలపై ఒత్తిడి చేసి ఉపసంహరణ రోజు అర్ధరాత్రి వరకు 16 మందితో విత్‌డ్రా చేయించిన విషయం తెలిసిందే. అంతటితో ఆగకుండా వైఎస్సార్‌ సీపీ చైర్మన్‌ అభ్యర్థిని సైతం బెదిరించి కండువా కప్పి తమ పార్టీలో చేర్చుకున్న మాజీ మంత్రి ప్రత్తిపాటి పుల్లారావు... ఇప్పుడు పోలింగ్‌ రోజు గొడవలు సృష్టించాలంటూ ఏకంగా తమ కేడర్‌కు పిలుపునివ్వడం చూస్తుంటే ఏ స్థాయిలో దిగజారుడు రాజకీయాలకు పాల్పడుతున్నారో అర్థమవుతోంది. పోలీసులను ఉపయోగించి పోలింగ్‌ రోజు 12 గంటల వరకు క్యూల్లో టీడీపీ కార్యకర్తలే ఉండేలా చూసి, ఆ తర్వాత వైఎస్సార్‌ సీపీ ఏజెంట్లను బయటకు లాగేసి అల్లర్లు సృష్టించేందుకు పథక రచన చేస్తున్నట్లు సమాచారం. ఇందుకోసం పోలీసులకు స్పష్టమైన ఆదేశాలు ఇచ్చామని, వారిని ఉపయోగించుకోండంటూ కేడర్‌కు పిలుపునివ్వడం చూస్తుంటే పోలీసు వ్యవస్థ ఏ స్థాయికి దిగజారిందో అర్థమవుతోంది. ఇంత చేసినా ఎన్నికల్లో అధిక శాతం వార్డులను వైఎస్సార్‌ సీపీ గెలిస్తే పరువు పోతుందనే భయంతో, ఎన్నికల రోజు వైఎస్సార్‌ సీపీ నాయకులు, కార్యకర్తలను బయటకు రానీయకుండా చేయాలంటూ పోలీసులకు హుకుం జారీ చేసినట్లు తెలుస్తోంది.

విలేకర్ల సమావేశంలో డాక్టర్‌ గోపిరెడ్డి నరసరావుపేట: జరగబోయే పంచాయతీ, మున్సిపల్‌ ఎన్నికల్లో పోటీచేసే నియోజకవర్గంలోని వైఎస్సార్‌ సీపీ అభ్యర్థులతో టీడీపీ ఎంపీ లావు శ్రీకృష్ణదేవరాయలు నామినేషన్లు వేయించాలని పార్టీ జిల్లా కార్యనిర్వాహక అధ్యక్షులు, మాజీ ఎమ్మెల్యే డాక్టర్‌ గోపిరెడ్డి శ్రీనివాసరెడ్డి కోరారు. ఎంపీటీసీ, జెడ్పీటీసీ ఎన్నికల్లో పోలీసులు భద్రత కల్పిస్తామన్న వైఎస్సా ర్‌సీపీ అభ్యర్ధులు నామినేషన్లు వేసేందుకు ముందుకు రాలేదని, ఆ పార్టీ నాయకులు ఎన్నికలకు సిద్ధంగా లేరని తనతో చెబుతున్నారంటూ ఎంపీ లావు చేస్తున్న ప్రచారాన్ని ఖండించారు. ఆయన మాటల్లో ఎటువంటి వాస్తవంలేదని డాక్టర్‌ గోపిరెడ్డి స్పష్టం చేశారు. పార్టీ కార్యాలయంలో శుక్రవారం సాయంత్రం నిర్వహించిన విలేకర్ల సమావేశంలో డాక్టర్‌ గోపిరెడ్డి మాట్లాడారు. అక్రమ హౌస్‌ అరెస్టు నుంచి తప్పించుకొని తాను రొంపిచర్ల అభ్యర్ధులచేత ఈనెల 22న నామినేషన్లు వేయించేందుకు చేసిన ప్రయత్నంలో పోలీసులు, టీడీపీ గుండాలు కలిసి అడ్డుకున్నారని, ఆసమయంలో మరుసటి రోజు స్వయంగా తామే నామినేషన్లు వేయిస్తామంటూ ఎస్‌పీ చేత డీఎస్పీ హనుమంతరావు తనకు హామీ ఇచ్చారన్నారు. నామినేషన్ల చివరిరోజున తమ అభ్యర్ధులు అంతా సిద్దమై నామినేషన్లు వేసేందుకు నియోజకవర్గ పార్టీ కార్యాలయంలో వేచి ఉండగా తాను డీఎస్పీకు ఫోన్‌చేయగా సాయంత్రం 4.20లకు వచ్చి పోలీసుల భద్రత మధ్య కేవలం రొంపిచర్ల అభ్యర్ధులను మాత్రమే తీసుకెళతానని, బయట టీడీపీ హంగామా ఎక్కువగా ఉందని, వారు రాళ్లు విసిరితే తనకు సంబంధం లేదని చెప్పిన మాట వాస్తవం కాదా అని ప్రశ్నించారు. వాస్తవాలు ఇలా ఉంటే వైఎస్సార్‌సీపీ వారికి పోటీచేసేందుకు ఆసక్తిలేదంటూ ఎంపీ లావు తప్పుడు ప్రచారం చేస్తున్నాడన్నారు. ఎంపీటీసీలను వదిలేసి కేవలం జెడ్పీటీసీలచేతనే నామినేషన్లు వేయిస్తామంటూ ఆర్‌డీఓ ఫోన్‌ చేశారని, ఎంపీటీసీలు లేకుండా జెడ్పీటీసీలు నామినేషన్లు వేసి ఏవిధంగా పోటీలో ఉంటారని నిలదీశారు. ఇదంతా కావాలని టీడీపీ నాయకులు, అధికారులు కలిసి ఆడిన నాటకమని పేర్కొన్నారు. గ్రానైట్‌ క్వారీల నుంచి వందలాదిమంది బీహారీలు, ఒరిస్సాలకు చెందిన వారిని తీసుకొచ్చి ఒక్కొక్కరికి రూ.2వేలు, మద్యం పోసి కర్రలు, రాళ్లు ఇచ్చి నామినేషన్‌ వేసేందుకు వచ్చిన వారిపై పోలీసుల సమక్షంలోనే నామినేషన్‌ కేంద్రాల వద్దనే దాడిచేసి రక్తపు గాయాలయ్యేలాగా కొట్టి నామినేషన్‌ పత్రాలు లాక్కొని చించేశారన్నారు. వాస్తవం ఇలా ఉంటే జరిగిన సంఘటనలపై ప్రజల్లో వ్యతిరేకత రాకుండా ఉండేందుకు ఎంపీ లావుతో పాటు టీడీపీ నాయకులు అసత్య ప్రచారం చేస్తున్నారన్నారు. కోట్లు ఆర్జిస్తున్న టీడీపీ నాయకులు ప్రతిపక్ష వైఎస్సార్‌ సీపీ అభ్యర్ధులను దుర్మార్గంతో నామినేషన్లు వేయనీయకుండా చేసి టీడీపీ అభ్యర్థులను ఎంపీటీసీలు, జెడ్పీటీసీలు బలవంతపు ఏకగ్రీవాలు చేయటం ద్వారా టీడీపీ ప్రజాప్రతినిధులు, పోలీసు అధికారులు కోట్లు ఆర్జించారన్నారు. ఒక్కో ఎంపీటీసీ అభ్యర్థి నుంచి రూ.5లక్షలు, జెడ్పీటీసీ అభ్యర్ధి నుంచి రూ.10 లక్షలు చొప్పున వసూలు చేశారన్నారు. ఎంపీపీ అభ్యర్ధి నుంచి రూ.10లక్షలు వసూలు చేశారన్నారు. అలాగే జరగబోయే పంచాయతీ, మున్సిపల్‌ ఎన్నికలను కూడా తమ పార్టీ వారిని నామినేషన్లు వేయనీయకుండా చేసి బలవంతంగా ఏకగ్రీవాలు చేసినందుకు సర్పంచ్‌ అభ్యర్ధుల నుంచి రూ.10లక్షలు వసూలు చేస్తున్నారన్నారు.

● కూటమి అరాచకాలకు చరమగీతం పాడాలి ● ఓటర్లకు మాజీ మంత్రి విడదల రజిని పిలుపు చిలకలూరిపేట: వైఎస్సార్‌ సీపీ అభ్యర్థులకు పట్టం కట్టాలని మాజీ మంత్రి విడదల రజిని పిలుపునిచ్చారు. మున్సిపల్‌ ఎన్నికల్లో భాగంగా గురువారం రాత్రి పట్టణంలోని 4, 5, 6, 10 వార్డుల్లో ఎన్నికల ప్రచారం నిర్వహించారు. ఈ సందర్భంగా ఆమె మాట్లాడుతూ.. కూటమి ప్రభుత్వం ప్రజాస్వామ్యాన్ని పాతర వేస్తోందని విమర్శించారు. ఈ అక్రమాలను అడ్డుకోవాల్సిన బాధ్యత ప్రతి ఒక్కరిపై ఉందన్నారు. స్థానిక ఎన్నికల్లో అంతులేని అక్రమాలు, దౌర్జన్యాలు సాగిస్తున్నారని ఆగ్రహం వ్యక్తం చేశారు. ప్రజలు తమ ఓటు హక్కును వినియోగించుకోవడం ద్వారా తగిన గుణపాఠం చెప్పాలని విజ్ఞప్తి చేశారు. అభివృద్ధి, సంక్షేమమే అజెండా.. గత వైఎస్సార్‌ సీపీ పాలనలో అన్ని వర్గాల ప్రజల అభివృద్ధే లక్ష్యంగా సీఎం వైఎస్‌ జగన్‌మోహన్‌రెడ్డి పరిపాలన కొనసాగించారని గుర్తు చేశారు. ప్రభుత్వ పాఠశాలల్లో మౌలిక వసతులు కల్పించడం ద్వారా వాటిని కార్పొరేట్‌ స్థాయికి తీర్చిదిద్దిన విషయాన్ని ప్రతి ఒక్కరూ గుర్తుంచుకోవాలని కోరారు. దీనికి తోడు కొత్త ప్రభుత్వ ఆసుపత్రుల నిర్మాణంతో పాటు, పాత వాటిని అభివృద్ధి పరిచారని గుర్తు చేశారు. వివిధ పథకాల ద్వారా పేదల జీవితాల్లో వెలుగులు నింపిన విషయం అందరికీ తెలిసిందేనన్నారు. వైఎస్సార్‌ సీపీ అభ్యర్థులను గెలిపిస్తే పట్టణాభివృద్ధిలో భాగంగా తాగునీటి సరఫరాను మెరుగుపరచడంతో పాటు, పారిశుద్ధ్యం మెరుగుదలకు చర్యలు తీసుకుంటామని చెప్పారు. ఈ నేపథ్యంలో మెరుగైన పాలన కోసం వైఎస్సార్‌ సీపీని ఆదరించాలని కోరారు. కార్యక్రమంలో వైఎస్సార్‌ సీపీ పట్టణ అధ్యక్షుడు షేక్‌ దరియావలి, 4, 5, 6, 10 వార్డుల కౌన్సిలర్‌ అభ్యర్థులు కవల నాగయ్య, షేక్‌ కరిమున్‌, షేక్‌ మాబు సుభాని, కుడారి మరియమ్మ, నాయకులు పాల్గొన్నారు.

● ఎన్నికల్లో వైఎస్సార్‌ సీపీకి ఏజెంట్లు లేకుండా టీడీపీ ప్రయత్నాలు ● మాచర్ల మున్సిపల్‌ కమిషనర్‌ వేణుబాబు నేతృత్వంలో ప్రణాళిక ● వైఎస్సార్‌ సీపీ అభ్యర్థులపై టీడీపీ గూండాల దాడి ● ఏజెంట్ల ఫారాలు బలవంతంగా లాక్కుని చించివేత ● ఓటమి భయంతోనే కుట్రలు చేస్తున్నారని పిన్నెల్లి ఆగ్రహం సాక్షి ప్రతినిధి, గుంటూరు/మాచర్ల: వైఎస్సార్‌ సీపీని ఎన్నికల్లో నేరుగా ఎదుర్కోలేక అధికారం అడ్డుపెట్టుకుని టీడీపీ నేతలు దిగజారుడు రాజకీయాలకు పాల్పడుతున్నారు. ఎన్నికల నోటిఫికేషన్‌ వచ్చినప్పటి నుంచి నామినేషన్లు దాఖలు చేసేవారిని అడ్డుకోవడం, పోలీసులను అడ్డుపెట్టుకుని బెదిరింపులకు పాల్పడడం, బీ ఫారాలు సమర్పించనీయకుండా లాక్కొని చించివేయడం వంటి దుశ్చర్యలకు తెగబడుతూనే ఉన్నారు. ఈ కుట్రలన్నింటినీ తట్టుకుంటూ మాచర్ల మాజీ ఎమ్మెల్యే, వైఎస్సార్‌ సీపీ పల్నాడు జిల్లా అధ్యక్షుడు పిన్నెల్లి రామకృష్ణారెడ్డి నేతృత్వంలో మున్సిపల్‌ చైర్‌పర్సన్‌ పదవితోపాటు 36 వార్డులకు అభ్యర్థులు బరిలో నిలిచారు. దీంతో టీడీపీ నేతలకు ఓటమి భయం పట్టుకుంది. ఎలాగైనా ఎన్నికల్లో గెలవాలనే దుర్మార్గపు ఆలోచనలతో అడుగడుగునా వైఎస్సార్‌ సీపీ అభ్యర్థులు, నాయకులపై దాడులకు తెగబడుతున్నారు. పక్కా ప్రణాళిక ప్రకారమే... తాజాగా గురువారం వైఎస్సార్‌సీపీ అభ్యర్థులకు ఎన్నికల అధికారులే నేరుగా ఉదయం నుంచే ఫోన్లు చేసి, ఏజెంట్ల ఫారాలు సమర్పించేందుకు నేడే చివరి రోజని, వెంటనే సమర్పించాలని హడావుడి చేశారు. మున్సిపల్‌ కమిషనర్‌ ధూళిపాళ్ల వేణుబాబు నేతృత్వంలో ఈ కుట్రకు తెరతీశారు. ఆయనే స్వయంగా అధికారులను పురమాయించి, వైఎస్సార్‌ సీపీ అభ్యర్థులకు ఫోన్లు చేయించారు. నామినేషన్‌ పత్రాలను ఐదు గంటల్లోపు సమర్పించాలని, లేదంటే ఏజెంట్లు లేకుండా పోతారని బెదిరింపులకు పాల్పడ్డారు. కమిషనర్‌ వేణుబాబుతోపాటు ఎన్నికల అధికారులందరూ ఈ కుట్రలో పాలుపంచుకున్నారు. 200 మంది టీడీపీ గూండాలను తన చాంబర్‌ వద్ద మోహరింపజేసి, ఆ తర్వాత పథకం ప్రకారం వైఎస్సార్‌ సీపీ అభ్యర్థులను పిలిపించారు. వారు ఏజెంట్ల ఫారాలతో మున్సిపాలిటీ కార్యాలయంలోకి రాగానే సినిమా ఫక్కీలో గేట్లు మూసివేయించి, సీసీ కెమెరాలు పనిచేయకుండా చేశారు. దీంతో అప్పటికే రాడ్లు, కర్రలతో సిద్ధంగా ఉన్న టీడీపీ గూండాలు వైఎస్సార్‌ సీపీ అభ్యర్థులపై దాడి చేసి, వారి చేతుల్లో ఉన్న ఏజెంట్ల ఫారాలను బలవంతంగా లాక్కొని చించివేశారు. క్షణాల్లో జరిగిన ఈ ఘటనతో నివ్వెరపోయిన వైఎస్సార్‌సీపీ అభ్యర్థులు తేరుకునేలోపే అంతా ముగిసిపోయింది. మొదటి నుంచీ అంతే... మున్సిపల్‌ ఎన్నికలు మొదలైనప్పటి నుంచి కమిషనర్‌ వేణుబాబుతోపాటు పోలీసు ఉన్నతాధికారులు, మాచర్ల నియోజకవర్గంలోని పోలీసులందరూ ఏకమై అధికార పార్టీ నేతల అడుగులకు మడుగులొత్తుతూ, వారు చెప్పిందల్లా చేస్తూ వచ్చారు. ఇందులో భాగంగా వైఎస్సార్‌ సీపీ అభ్యర్థులు చైర్‌పర్సన్‌ పదవితోపాటు 36 వార్డులకు నామినేషన్లు వేయడాన్ని వారు జీర్ణించుకోలేకపోయారు. టీడీపీ నేతల ఆదేశాలతో అటు పోలీసులు, ఇటు ఎన్నికల అధికారులు కుమ్మక్కయ్యారు. బీ ఫారాలు అందించేందుకు వచ్చిన సమయంలోనూ ఇదే విధంగా కర్రలు, రాడ్లతో అప్పటికే అక్కడ మోహరించిన టీడీపీ గూండాలు వైఎస్సార్‌ సీపీ అభ్యర్థులపై దాడులకు తెగబడి, బీ ఫారాలను లాక్కొని చించివేశారు. దీనిపై ఆగ్రహం వ్యక్తం చేసిన మాజీ ఎమ్మెల్యే పిన్నెల్లి రామకృష్ణారెడ్డి రోడ్డుపై బైఠాయించి నిరసన వ్యక్తం చేసినా, కలెక్టర్‌కు ఫిర్యాదు చేసినా ఫలితం లేకుండా పోయింది. దీంతో చైర్‌పర్సన్‌ అభ్యర్థితోపాటు 33 వార్డులకు వైఎస్సార్‌సీపీ గుర్తు లేకుండా పోయింది. అయినప్పటికీ పట్టుదలతో బీరువా గుర్తుతో ధైర్యంగా ప్రచారం చేసి, వైఎస్సార్‌సీపీ అభ్యర్థులు ఎన్నికల బరిలో నిలిచారు. ఎన్నికలు జరిగితే ఓటమి తప్పదనే భయం టీడీపీ నేతలను వెంటాడుతూనే ఉంది. గుర్తు లేకపోయినా వైఎస్సార్‌సీపీని ఆపలేమని గ్రహించిన అల్లర్లు సృష్టించేందుకు ప్రణాళిక రూపొందించారు. వైఎస్సార్‌ సీపీ తరఫున స్వతంత్ర అభ్యర్థులుగా బీరువా గుర్తుపై పోటీ చేస్తున్న 5, 6, 7, 30, 34 వార్డులతోపాటు మరో ముగ్గురు అభ్యర్థులను ఏజెంట్ల ఫారాల సెట్లు తీసుకుని రావాలంటూ ఫోన్లు చేసి మరీ పిలిపించారు. వారు లోపలికి రాగానే ఫారాలను లాక్కుని టీడీపీ గూండాలు చించివేశారు. విషయం తెలుసుకుని అక్కడికి వెళ్లిన వైఎస్సార్‌సీపీ పట్టణ అధ్యక్షుడు పోలా శ్రీనుపై సైతం దాడికి యత్నించారు. ఎన్నికలు సజావుగా జరగకుండా వైఎస్సార్‌సీపీ తరఫున ఏజెంట్లు లేకుండా చేయాలనేది మొదటి కుట్ర. అయితే, ఎన్నికల అధికారులు వైఎస్సార్‌సీపీ అభ్యర్థులకు ఫోన్లు చేసిన సమయంలో వారు తమ ఫోన్లలో సంభాషణలను రికార్డు చేయడంతో భయపడిన అధికారులు, రేపు మళ్లీ బీ ఫారాలతో రావాలంటూ కొత్త రాగం అందుకున్నారు. టీడీపీ గూండాలను తమ చాంబర్‌ వద్దే ఉంచుకుని, వైఎస్సార్‌సీపీ అభ్యర్థులను మాత్రం ఒక్కొక్కరినే రావాలంటూ అటు ఎన్నికల అధికారులు, ఇటు పోలీసు అధికారులు ఆంక్షలు విధిస్తున్నారు. ఈ విధంగా కుట్రలను అధికారికంగా అమలు చేస్తున్నారు.

శుక్రవారం శ్రీ 30 శ్రీ అక్టోబర్‌ శ్రీ 2026నరసరావుపేట గడియారస్తంభం సెంటర్‌లో గుమికూడిన టీడీపీ మూకలు (ఫైల్‌) ప్రజాస్వామ్యాన్ని ఖూనీ చేసి టీడీపీ గెలుపు సంబరాలు అక్రమ అరెస్టులతో ఇతర పార్టీల నామినేషన్లకు అడ్డుకట్ట వైఎస్సార్‌సీపీ నియోజకవర్గ ఇన్‌చార్జుల హౌస్‌ అరెస్టులు జిల్లాలో 419 ఎంపీటీసీ స్థానాలకు 378 కూటమికి ఏకగ్రీవం 28 జెడ్పీటీసీ స్థానాల్లో 18 వారికే.. దీనిని ప్రజాతీర్పుగా టీడీపీ చెప్పుకోవడంపై సర్వత్రా విస్మయం ప్రజాస్వామ్యాన్ని అపహాస్యం చేస్తూ పల్నాడు జిల్లాలో నిర్వహించిన స్థానిక సంస్థల ఎన్నికల్లో ఏకగ్రీవాలపై విజయోత్సవాలు నిర్వహించడం విమర్శలకు తావిస్తోంది. ఏకగ్రీవం కావడం ఒకటి.. పోటీకి అవకాశం లేకుండా ఏకగ్రీవం కావడం మరొకటి. రెండో తరహాలో టీడీపీ తన అధికారాన్ని అడ్డుపెట్టుకొని పలు స్థానాలు కైవసం చేసుకుంది. ఎన్నికల వేళ టీడీపీ గూండాలు బరితెగించి వైఎస్సార్‌సీపీ జెడ్పీటీసీ, ఎంపీటీసీ అభ్యర్థులను నామినేషన్లు వేయనీయకుండా అడ్డుకున్నారు. నేడు ఏకగ్రీవంగా పచ్చ అభ్యర్థులు గెలుపొందారు. అదే ప్రజాతీర్పుగా సంబరాలు చేసుకోవడంపై విమర్శలు వస్తున్నాయి.

పీఆర్కే సోదరులకు సమన్లు ఇచ్చేందుకు సీఐ యత్నం సత్తెనపల్లి: సత్తెనపల్లి సమగ్రాభివృద్ధే ధ్యేయంగా పనిచేస్తానని వైఎస్సార్‌ సీపీ మున్సిపల్‌ చైర్మన్‌ అభ్యర్థి షేక్‌ నాగూర్‌ మీరాన్‌ పేర్కొన్నారు. పట్టణంలో గురువారం ఆయన ‘సాక్షి’తో మాట్లాడారు. వివరాలు ఆయన మాటల్లోనే.... ‘‘ పట్టణ ప్రజల నుంచి మంచి ఆదరణ లభిస్తోంది. అన్ని వర్గాల ప్రజలు సహకరిస్తున్నారు. ఎన్నికల ప్రచారానికి అనూహ్య స్పందన లభిస్తోంది. నవంబర్‌ 1న జరిగే మున్సిపల్‌ ఎన్నికల పోలింగ్‌లో పట్టణ ప్రజలు ఆదరించి ఆశీర్వదిస్తే ప్రజల నమ్మకాని నిలబెట్టుకుంటా. రాష్ట్రంలో కూటమి ప్రభుత్వం అధికారంలో ఉన్నప్పటికీ ఎన్నికల హామీలను అమలు పరచటంలో పూర్తిగా విఫలమైంది. ఈ క్రమంలో మున్సిపల్‌ పరిధిలో నిధులు లభ్యత తక్కువగా ఉన్నా ఆదాయాన్ని పెంచి పట్టణ ప్రజలకు మౌలిక వసతులు కల్పించడంతోపాటు అభివృద్ధి పనులు చేపడుతా. నిధుల దుర్వినియోగం తగ్గించి ప్రాధాన్యతా క్రమంలో సక్రమంగా సద్వినియోగం చేసుకుంటే లోటు ఉండదు. పట్టణంలో దీర్ఘకాలంగా నెలకొన్న సమస్యలను పరిష్కరించాల్సి ఉంది. తాగునీటి సరఫరాపై దృష్టి ప్రధానంగా మంచినీటి సరఫరా కొన్ని ప్రాంతాలకే పరిమితమైంది. అన్ని వార్డులకు పైప్‌లైన్‌ నిర్మాణం చేపట్టి ప్రతిరోజు తాగునీరు సరఫరా చేయగలగాలి. వీధిదీపాలు సక్రమంగా వెలగక ప్రజలు ఇబ్బందులు పడుతున్నారు. వీధిదీపాలు, అంతర్గత రహదారులు, డ్రైనేజీ వ్యవస్థ మెరుగుపరచటంతోపాటు ప్రతిరోజు ఇంటింటా చెత్త సేకరణ సక్రమంగా జరిగేలా చర్యలు చేపడతా. పట్టణ ప్రజలకు అన్ని వసతులు సమకూర్చడానికి ప్రణాళికలు రూపొందించా. మాస్టర్‌ప్లాన్‌ ప్రకారం రోడ్లను విస్తరించి ట్రాఫిక్‌ సమస్య లేకుండా చర్యలు చేపట్టాలి. మాచర్ల: మాచర్ల నియోజకవర్గంలో వెల్దుర్తి మండలంలో టీడీపీలో అంతర్గత పోరుతో ఇద్దరు వ్యక్తులు హత్యకు గురయ్యారు. ఈ కేసులో వైఎస్సార్‌ ీసీపీ పల్నాడు జిల్లా అధ్యక్షుడు పిన్నెల్లి రామకృష్ణారెడ్డి, ఆయన సోదరుడు పిన్నెల్లి వెంకట్రామిరెడ్డిని అక్రమంగా కేసులో ఇరికించారు. ఈ కేసులో వారు జైలుకు వెళ్లి, బెయిల్‌పై విడుదలై వచ్చారు. జైలులో ఉన్న సమయంలో వారిని పోలీసులు కస్టడీకి తీసుకుని విచారణ జరిపారు. అయినా పురపాలక సంఘం ఎన్నికల నేపథ్యంలో మళ్లీ గురువారం కోర్టు సమన్లను వెల్దుర్తి ఎస్‌ఐ సత్యనారాయణ వారికి అందించేందుకు కార్యాలయానికి వచ్చారు. వారు అందుబాటులో లేరని, వారి కార్యాలయంలో సంబంధించి సమాచారం అందించామని, వారికి ఫోన్‌ సమాచారం అందించామని చెప్పి వెనుదిరిగి వెళ్లారు. ఎన్నికల నేపథ్యంలో పురపాలక సంఘంలో వైఎస్సార్‌సీపీ అభ్యర్థులందరూ స్వత్రంత అభ్యర్థులుగా రంగంలో ఉన్నారు. కోర్టు సమన్లు పేరుతో ఇలా ఎస్‌ఐ రావడం చర్చనీయాంశమైంది. స్వాతంత్య్ర సమరయోధుడు వావిలాల గోపాలకృష్ణయ్య పేరుతో ఏర్పాటు చేసిన వావిలాల స్మృతివనం నిర్వహణతో ప్రజలకు ఆహ్లాదం అందించేలా చేయాల్సి ఉంది. నరసరావుపేట రోడ్‌లోని చెత్తతో నిండి ఆ ప్రాంత వాసులు దుర్గంధంతో అల్లాడుతున్న డంపింగ్‌యార్డ్‌ను గత వైఎస్సార్‌ సీపీ ప్రభుత్వ హయాంలో శుభ్రం చేయించగలిగాం. మాచర్ల రోడ్‌లో ఉన్న డంపింగ్‌యార్డ్‌ను కూడా పూర్తిస్థాయిలో శుభ్రం చేయించాలి. ముఖ్యంగా పరిపాలనలో అవినీతికి ఆస్కారం లేకుండా సేవలందిస్తా. కౌన్సిలర్‌గా, మున్సిపల్‌ వైస్‌చైర్మన్‌గా పని చేసిన అనుభవం ఉంది. చిత్తశుద్ధితో అహర్నిశలు శ్రమిస్తా. ప్రజామోదం మేరకు అభివృద్ధి పనులు చేపట్టడంలో పట్టణంలోని 36 వార్డులను సమాన దృష్టితో చూస్తా. పట్టణాన్ని అన్ని రంగాల్లో అభివృద్ధి చేసి జిల్లాలోనే ఆదర్శంగా తీర్చిదిద్దుతా.’’ వైఎస్సార్‌ సీపీ మున్సిపల్‌ చైర్మన్‌ అభ్యర్థి నాగూర్‌మీరాన్‌

జిల్లా కలెక్టర్‌ డాక్టర్‌ కృతికా శుక్లా నరసరావుపేట: ఎన్నికల నిర్వహణలో ఆర్‌ఓల పాత్ర ఎంతో బాధ్యతాయుతమైనదని, ప్రతి అంచెనూ పకడ్బందీగా అమలు చేస్తూ, జిల్లాలో ప్రశాంత వాతావరణంలో ఎన్నికలు ముగిసేలా వారు అంకితభావంతో పనిచేయాలని జిల్లా కలెక్టర్‌ డాక్టర్‌ కృతికా శుక్లా పేర్కొన్నారు. కలెక్టర్‌ కార్యాలయంలో గురువారం ఆర్‌ఓ శిక్షణ కార్యక్రమాన్ని నిర్వహించారు. కలెక్టర్‌ మాట్లాడుతూ గ్రామ పంచాయతీ ఎన్నికలు పారదర్శకంగా, ప్రశాంత వాతావరణంలో నిర్వహించేందుకు కావాల్సిన ఏర్పాట్లు చేస్తున్నామన్నారు. సున్నితమైన, అతి సున్నితమైన పోలింగ్‌ స్టేషన్లలో సిబ్బంది నియామకం, అక్కడ నిర్వర్తించాల్సిన విధులపై అవగాహన పెంచుకోవాలన్నారు. పోలింగ్‌ ప్రారంభం నుంచి ప్రక్రియ ముగిసే వరకు పోలింగ్‌ కేంద్రం లోపల, వెలుపల జరిగే ప్రతి పరిణామాన్ని నిరంతరం పర్యవేక్షించాలని సూచించారు. నామినేషన్ల స్వీకరణ మొదలుకొని ఎన్నికల ప్రక్రియ ముగిసేవరకు అధికారుల ప్రవర్తన బాధ్యతాయుతంగా ఉండాలని అన్నారు. అభ్యర్థులకు తగిన రక్షణ కల్పించాలి నామినేషన్‌ కేంద్రాలకు రాకుండా ఎవరైనా అభ్యర్థులను అడ్డుకున్నట్లు ఫిర్యాదు అందినా, లేదా తమకు రక్షణ కల్పించాలని అభ్యర్థులు లిఖితపూర్వకంగా కోరినా వెంటనే స్పందించాలని అధికారులను కలెక్టర్‌ ఆదేశించారు. తక్షణమే సదరు దరఖాస్తును స్థానిక పోలీసు అధికారులకు పంపి వారికి పోలీసు రక్షణ కల్పించేలా చర్యలు తీసుకోవాలన్నారు. ఈ విషయంలో నిర్లక్ష్యం వహిస్తే న్యాయపరమైన చిక్కులు ఎదుర్కోవాల్సి వస్తుందని రిటర్నింగ్‌ అధికారులను ఆమె హెచ్చరించారు. అలాగే, బ్యాలెట్‌ పేపర్‌పై అభ్యర్థుల గుర్తులను తప్పనిసరిగా తెలుగు వర్ణమాల క్రమంలోనే అమర్చాల్సి ఉంటుందని స్పష్టం చేశారు.

తాడేపల్లి రూరల్‌: త్రిదండి చిన్న జీయర్‌ స్వామి గురువారం తాడేపల్లి పట్టణం సీతానగరంలోని విజయకీలాద్రి దివ్యక్షేత్రానికి విచ్చేసి భక్తులకు తీర్థగోష్టిని అనుగ్రహించారు. జీయర్‌ ఎడ్యుకేషనల్‌ ట్రస్ట్‌ మేనేజర్‌ పురాణం వెంకటచార్యులు మాట్లాడుతూ త్రిదండి చిన్న జీయర్‌స్వామి వారు విజయకీలాద్రి దివ్యక్షేత్రానికి విచ్చేసి శ్రీ వైష్ణవ దీక్షను స్వీకరించాలనే ఆసక్తి కలిగిన భక్తులకు మంత్రోపదేశాన్ని అనుగ్రహించారని తెలిపారు. ప్రతి ఒక్కరూ భగవంతుని పట్ల విశ్వాసంతో, తోటి మానవుల పట్ల ప్రేమాభిమానాలతో, సమాజ శ్రేయస్సును కాంక్షిస్తూ జీవించాలని భక్తులకు మార్గనిర్దేశం చేశారని పేర్కొన్నారు. దుగ్గిరాల: దుగ్గిరాల రైల్వే గేటు గురువారం విరిగిపోయింది. అటుగా ప్రయాణిస్తున్న వాహనదారులు తీవ్ర ఇబ్బందులు పడ్డారు. సాయంత్రం సమయంలో రైల్వే గేటు కొద్దిగా విరిగింది. గేటు తీయలేక పోవడంతో ప్రయాణికులకు కష్టాలు తప్పలేదు. పాఠశాలల బస్సులు, ఆటోలు, ద్విచక్రవాహనదారులు చిలువూరు గ్రామం మీదుగా వెళ్లాల్సి వచ్చింది. మంచికలపూడి దగ్గర ఆర్‌యూబీ నిర్మాణ పనులు జరుగుతుండటంతో, దుగ్గిరాల గేటు దగ్గర ఏ చిన్న సమస్య వచ్చినా ప్రజలకు తీవ్ర అవస్థలు తప్పడం లేదు. మంగళగిరి టౌన్‌: పోలీసు అమరవీరుల వారోత్సవాల్లో భాగంగా గురువారం మంగళగిరిలోని ఆరో ఆంధ్రప్రదేశ్‌ ప్రత్యేక పోలీసు (ఏపీఎస్పీ) బెటాలియన్‌లో అమరవీరులకు నివాళులర్పిస్తూ ప్రత్యేక వాయిద్య కార్యక్రమాన్ని నిర్వహించారు. బెటాలియన్‌ బ్రాస్‌ బ్యాండ్‌ బృందం, హెడ్‌ క్వార్టర్స్‌కు చెందిన పైప్‌ బ్యాండ్‌ బృందం సంయుక్తంగా కార్యక్రమాన్ని నిర్వహించాయి. బెటాలియన్‌ కమాండెంట్‌ ఎ.మురళి, అడిషనల్‌ కమాండెంట్‌ డి.ఆశీర్వాదం ముఖ్య అతిథులుగా హాజరయ్యారు. బెటాలియన్‌ అధికారులు, సిబ్బందితోపాటు చుట్టుపక్కల ప్రాంతాల ప్రజలు పాల్గొన్నారు. విధి నిర్వహణలో ప్రాణాలర్పించిన పోలీసు అమరవీరుల త్యాగాలను స్మరించుకుంటూ బ్యాండ్‌ బృందాలు వివిధ దేశభక్తి గీతాలను వాయించాయి. రైల్వేస్టేషన్‌(విజయవాడపశ్చిమ): భారతీయ రైల్వేలోని పలు సెక్షన్లలో జరుగుతున్న నిర్వహణ పనుల కారణంగా పలు రైళ్లను రద్దు చేస్తున్నట్లు రైల్వే శాఖ గురువారం ప్రకటించింది. ఈ నెల 29వ తేదీన సికింద్రాబాద్‌ – హౌరా (12704), సికింద్రాబాద్‌ – భువనేశ్వర్‌ న్యూ (17016), షాలీమార్‌ – చర్లపల్లి (18045) రైళ్లను రద్దు చేశారు. చర్లపల్లి – షాలీమార్‌ (08046) రైలు ఈ నెల 31వ తేదీన రద్దయింది. ఎంజీఆర్‌ చైన్నెసెంట్రల్‌ – హౌరా (12840), ఖరగ్‌పూర్‌ – విల్లుపురం (22603), భువనేశ్వర్‌ న్యూ – సీఎస్‌టీ ముంబై (11020) రైళ్లు ఈ నెల 29న, షాలీమార్‌ – చర్లపల్లి (08045) ఈ నెల 30న, చర్లపల్లి – షాలీమార్‌ (08046) ఈ నెల 31న పూర్తిగా రద్దు చేశారు. విజయవాడ కల్చరల్‌: తిరుమల తిరుపతి దేవస్థానం, లబ్బీపేట శ్రీ వెంకటేశ్వర స్వామి దేవస్థానం సంయుక్త ఆధ్వర్యంలో తయాహ్నిక సంపూర్ణ వేదపారాయణం శ్రీ వెంకటేశ్వర స్వామి ఆలయంలో గురువారం ప్రారంభమైంది. వివిధ ప్రాంతాల వేద పండితులు రుగ్వేదం, యజుర్వేదం, సామవేదం, అథర్వణ వేదాన్ని పారాయణం చేశారు. ఈ కార్యక్రమం పర్యవేక్షకుడు గుళ్లపల్లి చినఆంజనేయులు మాట్లాడుతూ.. వేదాలు భారతీయ సనాతన ధర్మానికి ప్రతీక లని అన్నారు. వేదాలను పరిరక్షించుకోవడం మన ధర్మమని వివరించారు.

నరసరావుపేట: స్థానిక పురపాలక సంఘం చైర్మన్‌ పదవి కోసం టీడీపీలోని ఆర్యవైశ్య నాయకుల మధ్య పోటీ ముదిరి పాకాన పడింది. పదవి కోసం మాజీ మున్సిపల్‌ చైర్మన్‌ నాగసరపు సుబ్బరాయగుప్తా, రాష్ట్ర బులియన్‌ మర్చంట్‌ అసోసియేషన్‌ అధ్యక్షుడు కపిలవాయి విజయ్‌కుమార్‌ తీవ్రంగా పోటీ పడుతున్నారు. సీటు కోసం పలువురు టీడీపీ ప్రజాప్రతినిధులు, కులసంఘాల నాయకులను కలిశారు. పది రోజుల క్రితం గుప్తా కేవలం ఆర్యవైశ్యులతో ఆత్మీయ సమావేశం నిర్వహించగా, కపిలవాయి కులమతాలకు అతీతంగా గురువారం సత్తెనపల్లి రోడ్డులోని తన కల్యాణ మండపంలో సమావేశం ఏర్పాటు చేశారు. వీటికి ఎంపీ లావు శ్రీకృష్ణదేవరాయలు, ఎమ్మెల్యే డాక్టర్‌ చదలవాడ అరవిందబాబులు హాజరయ్యారు. గుప్తాకు ఎమ్మెల్యే చదలవాడ బహిరంగంగానే హామీ ఇవ్వగా, ఎంపీ ఆశీస్సులు మాత్రం విజయ్‌కుమార్‌కు ఉన్నట్లుగా రాజకీయ వర్గాల్లో ప్రచారం సాగుతోంది. తన మద్దతుదారుడికి చైర్మన్‌ సీటు ఇప్పించి ఎమ్మెల్యేకు చెక్‌ పెట్టాలని ఎంపీ భావిస్తున్నట్లు రాజకీయ వర్గాల్లో ప్రచారం నడుస్తోంది. ఇరువురు ప్రజాప్రతినిధుల నడుమ మొదటి నుంచి కొంత దూరం ఉంది. నియోజకవర్గంలో ఎంపీ పెత్తనాన్ని ఎమ్మెల్యే అంగీకరించకపోవడమే దీనికి కారణమని తెలుస్తోంది. బీసీలకు కేటాయించి.. తర్వాత మార్పు చైర్మన్‌ పదవిని తొలుత బీసీలకు కేటాయించారు. సమాచారం అందుకున్న ఎమ్మెల్యే, గుప్తా, పలువురు ఆర్యవైశ్యులు వెంటనే అమరావతికి వెళ్లారు. ఆ సీటును ఓపెన్‌ కేటగిరీలో జనరల్‌కు మార్పించారనే ప్రచారం జరుగుతోంది. ఈ విషయంలో అధిష్ఠానానికి పార్టీ ఫండ్‌ కింద భారీ మొత్తంలో చెల్లింపులు జరిగినట్లు చెబుతున్నారు. సీటు విషయంపై మంత్రి నారా లోకేశ్‌ను ఇరువురు అభ్యర్థులు కలిసి వచ్చారు. ఎన్నికల ఖర్చు తాము సర్దుబాటు చేసుకుంటామని లోకేశ్‌కు వారు చెప్పినట్లు సమాచారం. ఈ పరిణామం తర్వాతే కపిలవాయి తన వేగాన్ని పెంచారు. దీంతో గుప్తా డైలమాలో పడ్డారని చెబుతున్నారు. జిల్లా ఇన్‌చార్జి మంత్రిని సైతం ఇరువురూ కలిసి వచ్చారు. అయితే, వారెవరికీ స్పష్టమైన హామీ ఇవ్వలేదని తెలుస్తోంది. 2014–19 మధ్య గుప్తా చైర్మన్‌గా కొనసాగారని, మరోసారి ఆయనకు సీటు ఇవ్వడమేమిటని కపిలవాయి తన మద్దతుదారులు, పార్టీ నాయకుల వద్ద ప్రస్తావిస్తున్నారు. ఏమిటో ఆ పత్రం? తాను మున్సిపల్‌ చైర్మన్‌ రేసులో ఉన్నానని, మద్దతు తెలియజేయాలని కోరుతూ గురువారం నిర్వహించిన ఆత్మీయ సమావేశంలో కపిలవాయి కోరారు. అనేక పార్టీలు మారి టీడీపీలోకి వచ్చినట్లుగా తన ప్రత్యర్థులు పోస్టులు పెడుతున్నారని గుర్తుచేశారు. తన వద్దనున్న పత్రాన్ని బయటపెడితే వారి రాజకీయ జీవితాలు సమాప్తమవుతాయని హెచ్చరించారు. వారు పూర్వీకులు ఇచ్చిన ఆస్తులను కూడా అమ్ముకోవాలని చూస్తున్నారని గుప్తా కుటుంబాన్ని ఉద్దేశించి పరోక్షంగా వ్యాఖ్యానించారు. తాను ఏ పార్టీలో ఉన్నా సొంత డబ్బు ఖర్చు చేసి నాయకుడిగా కొనసాగానని, తాను సంపాదించుకున్నది ఏమీ లేదని అన్నారు. అయినా అధిష్ఠానం తనకు సీటు కేటాయిస్తే పోటీ చేస్తానని, వేరేవారికి ఇచ్చినా సహకారం అందజేస్తానని చెప్పారు. మద్దతు కోరుతూ కపిలవాయి ఆత్మీయ సమావేశం తన వద్దనున్న పత్రాన్ని బయటపెడితే.. అంటూ కీలక వ్యాఖ్య అభ్యర్థి విషయంలో ఎంపీ, ఎమ్మెల్యేల మధ్య ఆధిపత్యపోరు ముఖ్యమంత్రి సామాజిక వర్గానికి చెందిన వాసిరెడ్డి రవీంద్ర తాను కూడా పోటీలో ఉన్నట్లుగా ప్రచారం చేసుకున్నారు. పలువురు తన సామాజిక వర్గ నాయకులతో పాటు ఇతర సామాజిక వర్గాలకు చెందిన వారిని కూడా కలిసి తనకు మద్దతు తెలియజేయాలని కోరారు. అయితే, అధిష్ఠానం నుంచి సంకేతాలు లభించకపోవడంతో ఆయన గత కొద్ది రోజులుగా తన పోటీపై మౌనంపాటిస్తున్నారు.

వినుకొండ:ఎన్నికల ప్రచారంలో పాల్గొన్న 14 మంది వైఎస్సార్‌ సీపీ ముస్లిం యువకులను పోలీసులు స్టేషన్‌కు పిలిపించి నిర్బంధించారు. దీంతో భారీ సంఖ్యలో ముస్లిం మహిళలు, పార్టీ కార్యకర్తలు, బాధిత కుటుంబసభ్యులు అర్ధరాత్రి పోలీస్‌స్టేషన్‌ వద్దకు చేరుకున్నారు. పోలీసుల తీరుకు వ్యతిరేకంగా నిరసన వ్యక్తం చేశారు. పోలీసులు అదుపులోకి తీసుకున్న 14 మంది యువకులను బొల్లాపల్లి స్టేషన్‌కు తరలించి కౌన్సెలింగ్‌ ఇస్తారనే సమాచారంతో పెద్ద సంఖ్యలో మహిళలు రావడంతో పోలీస్‌స్టేషన్‌ ప్రాంతమంతా ఉద్రిక్తంగా మారింది. తమ వారిని ఎందుకు అరెస్టు చేశారు..? ఏం నేరం చేశారు అంటూ మహిళలు పోలీసులను నిలదీశారు. తమ వారిని విడిచి పెట్టేంత వరకూ పోలీస్‌స్టేషన్‌ నుంచి కదలబోమని ముస్లిం మహిళలు భీష్మించి అర్ధరాత్రి అయినా స్టేషన్‌ ముందే బైఠాయించారు. ఎక్కడో ఇద్దరు ఆటోడ్రైవర్లు మద్యం మత్తులో కొట్టుకుంటే సంబంధం లేని కేసులో తమ వారిని ఇరికించారని మహిళలు ఆరోపించారు. యువకుల అరెస్టును ఖండించిన బొల్లా.... ఎన్నికల్లో నిజాయితీగా గెలవలేక తమ కార్యకర్తలపై అక్రమ కేసులు బనాయించి ఎన్నికల రోజున నిర్బంధించాలని అధికార పార్టీ ఎమ్మెల్యే జీవీ ఆంజనేయులు, సీఐ ప్రభాకర్‌ ఒప్పందం మేరకే పోలీసులు బరితెగిస్తున్నారని బొల్లా బ్రహ్మనాయుడు విమర్శించారు. వాస్తవంగా గురువారం సాయంత్రం ప్రచారం సాయంత్రానికి తెరపడిందని, మైక్‌ పర్మిషన్‌ లేనప్పటికీ ఆరుగంటల తర్వాత ఇద్దరు ఆటో డ్రైవర్ల గొడవను సాకుగా చూపి వైఎస్సార్‌ సీపీ కార్యకర్తలను పోలీసులు అక్రమంగా అదుపులోకి తీసుకున్నారని చెప్పారు. నిజాయితీగా ఎన్నికల్లో పోటీ చేసి గెలవాలని, ఇలాంటి దిగజారుడు రాజకీయాలు చేస్తున్న జీవీ ఆంజనేయులు పద్ధతి మార్చుకోవాలని హితవు పలికారు. అధికారం శాశ్వతం కాదనే వాస్తవం తెలుసుకోవాలని సూచించారు. ఇప్పటికై నా అక్రమ కేసులు బనాయించిన వారిని భేషరతుగా విడుదల చేయాలని కోరారు. ఈ ఘటనపై జిల్లా ఏఎస్పీ, సీఐతో బొల్లా మాట్లాడారు.

వినుకొండ: కూటమి ప్రభుత్వంలో డాక్టర్‌ బీఆర్‌ అంబేడ్కర్‌ రాజ్యాంగాన్ని పూర్తిగా పక్కనపెట్టి, నిరంకుశంగా ‘రెడ్‌ బుక్‌ రాజ్యాంగాన్ని’ అమలు చేస్తున్నారని వైఎస్సార్‌ సీపీ పీఏసీ సభ్యులు, వినుకొండ మాజీ శాసన సభ్యులు బొల్లా బ్రహ్మనాయుడు తీవ్రంగా మండిపడ్డారు. పట్టణ పోలీసు వ్యవస్థ అధికార పార్టీకి గులాంగిరీ చేస్తూ వినుకొండలో తీవ్ర భయాందోళనలు సృష్టిస్తోందని ధ్వజమెత్తారు. బుధవారం వినుకొండలో ఏర్పాటు చేసిన విలేకరుల సమావేశంలో ఆయన మాట్లాడారు. వినుకొండ పట్టణ సీఐ ప్రభాకరరావు పూర్తిగా టీడీపీ ఏజెంట్‌గా మారి కక్ష సాధింపు చర్యలకు పాల్పడుతున్నారన్నారు. వైఎస్సార్‌సీపీ నాయకులు, కార్యకర్తలపై అక్రమ కేసులు బనాయిస్తున్నారని, కార్యకర్తల ఇళ్లపై అర్ధరాత్రి దాడులు చేస్తున్నారని ఆగ్రహం వ్యక్తం చేశారు. కేంద్ర బలగాలతో ఎన్నికలు జరపాలి... ఈ నేపథ్యంలో స్థానిక పోలీసులను విధుల నుంచి పూర్తిగా తప్పించి, కేంద్ర బలగాలతో ఎన్నికలు నిర్వహించాలని ఆయన డిమాండ్‌ చేశారు. వినుకొండలో శాంతిభద్రతలకు భంగం వాటిల్లితే జిల్లా కలెక్టర్‌, ఎస్పీ, ఎన్నికల అధికారులే సంపూర్ణ బాధ్యత వహించాల్సి ఉంటుందని గుర్తు చేశారు. స్థానిక పరిస్థితులు, వాస్తవాలు వివరించేందుకు ఒక మాజీ ఎమ్మెల్యేకు కూడా అపాయింట్‌మెంట్‌ ఇవ్వకపోవడం ఉన్నతాధికారుల నిర్లక్ష్యానికి నిదర్శనమని ఆయన ధ్వజమెత్తారు. అభివృద్ధి నిజమైతే ఎన్నికలంటే భయం ఎందుకు ... తెలుగుదేశం పార్టీ ఎమ్మెల్యే జీవీ ఆంజనేయులు చేస్తున్న పలు విమర్శలను బొల్లా బ్రహ్మనాయుడు తిప్పికొట్టారు. నియోజకవర్గంలో వందల, వేల కోట్ల రూపాయల అభివృద్ధి చేశామని గొప్పలు చెప్పుకునే టీడీపీ నాయకులకు స్వేచ్ఛగా ఎన్నికలు ఎదుర్కొనే ధైర్యం లేదా అని ప్రశ్నించారు. అభివృద్ధి నిజంగా చేసి ఉంటే ప్రజల తీర్పును కోరడానికి ఎందుకు భయపడుతున్నారని ప్రశ్నించారు. తన హయాంలోనే తిమ్మాయపాలెం చెరువును 50 ఎకరాల నుంచి 272 ఎకరాలకు విస్తరించి, వినుకొండలో నీటి సమస్యకు శాశ్వత పరిష్కారం చూపించామని గుర్తుచేశారు. వైఎస్సార్‌సీపీ అభ్యర్థులు నామినేషన్లు వేయడానికి వెళ్తుంటే పోలీసుల అండ చూసుకుని టీడీపీ గూండాలు భౌతిక దాడులకు పాల్పడుతున్నారని మండిపడ్డారు. ఏ ఒక్క కార్యకర్తకు లేదా సామాన్య ప్రజలకు ప్రాణనష్టం లేదా అన్యాయం జరిగినా దానికి ప్రత్యక్షంగా ఎమ్మెల్యే జీవీ ఆంజనేయులే బాధ్యత వహించాల్సి వస్తుందని స్పష్టం చేశారు. పార్టీ రాష్ట్ర సంయుక్త కార్యదర్శి అమ్మిరెడ్డి అంజిరెడ్డి, రాష్ట్ర పంచాయతీరాజ్‌ విభాగం కార్యదర్శి పగడాల వెంకటరామిరెడ్డి, జిల్లా అధికార ప్రతినిధి ఎంఎన్‌ ప్రసాద్‌, తదితరులు పాల్గొన్నారు

నరసరావుపేట: రాష్ట్ర ఎన్నికల సంఘం ఆదేశాల మేరకు నవంబర్‌ ఒకటో తేదీన జిల్లాలోని పట్టణ స్థానిక సంస్థల ఎన్నికల పోలింగ్‌ నిర్వహించనున్నట్లు జిల్లా కలెక్టర్‌ డాక్టర్‌ కృతికా శుక్లా బుధవారం ఒక ప్రకటనలో తెలిపారు. అదే విధంగా ఓట్ల లెక్కింపు మూడో తేదీన జరుగుతుందని తెలిపారు. ప్రజలందరు తమ ఓటు హక్కును వినియోగించుకోవాలి కోరారు. 31న సెలవు నరసరావుపేట: జిల్లాలోని మునిసిపల్‌ ఎన్నికల పోలింగ్‌ నవంబర్‌ ఒకటో తేదీన జరగనున్న నేపథ్యంలో ఈ నెల 31వ తేదీన సెలవు ప్రకటించినట్లు జిల్లా కలెక్టర్‌, జిల్లా ఎన్నికల అధికారి డాక్టర్‌ కృతికా శుక్లా తెలిపారు. ఈ మేరకు బుధవారం ఒక ప్రకటన విడుదల చేశారు. పోలింగ్‌ నిర్వహించే ప్రాంతాల్లో ఉన్న అన్ని ప్రభుత్వ కార్యాలయాలు, స్థానిక సంస్థలు, ఇతర ప్రభుత్వ సంస్థలకు ఎన్నికల సంఘం స్థానిక సెలవు ప్రకటించినట్లు చెప్పారు. ఎన్నికలు నిర్వహించనున్న ప్రాంతాల్లోని ప్రభుత్వ, ప్రైవేటు సంస్థలు, కార్యాలయాల ఉద్యోగులు తమ ఓటు హక్కును వినియోగించుకునేందుకు వీలుగా సెలవు ప్రకటించినట్లు వివరించారు. పోలింగ్‌కు ముందు రోజు, ఓట్ల లెక్కింపు రోజున అంటే అక్టోబర్‌ 31న, నవంబర్‌ రెండో తేదీన పోలింగ్‌ కేంద్రాలు, ఓట్ల లెక్కింపు కేంద్రాలుగా వినియోగిస్తున్న అన్ని ప్రభుత్వ భవనాలు, విద్యాసంస్థల భవనాలు, ఇతర భవనాలలోని కార్యాలయాలకు స్థానిక సెలవులు ప్రకటించినట్లు పేర్కొన్నారు. పోస్టల్‌ బ్యాలెట్‌ ప్రక్రియ పరిశీలన మాచర్ల: పట్టణంలో జిల్లా కలెక్టర్‌ కృతికా శుక్లా బుధవారం పర్యటించారు. పురపాలక సంఘ కార్యాలయంలో జరుగుతున్న పోస్టల్‌ బ్యాలెట్‌ ప్రక్రియను పరిశీలించారు. దాదాపు గంటపాటు అక్కడే ఉంది అధికారులకు దిశానిర్దేశం చేశారు. సాధారణ పోలింగ్‌ సక్రమంగా నిర్వహించడానికి తగిన చర్యలు తీసుకోవాలని రిటర్నింగ్‌ అధికారులకు సూచించారు. అనంతరం కిడ్స్‌ పాఠశాలలోని ఎన్నికల స్ట్రాంగ్‌ రూంతోపాటు పోలింగ్‌ కేంద్రాలను సందర్శించారు. మున్సిపల్‌ కమిషనర్‌ ధూళిపాళ్ల వేణుబాబు, తహసీల్దార్‌ కిరణ్‌కుమార్‌, అధికారులకు పలు ఆదేశాలు ఇచ్చారు. స్ట్రాంగ్‌ రూమ్‌ను పరిశీలించిన జిల్లా ఎస్పీ చిలకలూరిపేటటౌన్‌: పట్టణంలోని ఏఎంజీ సంస్థలో ఏర్పాటు చేసిన ఎన్నికల స్ట్రాంగ్‌రూమ్‌, కౌంటింగ్‌ హాల్‌ను పల్నాడు జిల్లా ఎస్పీ జగదీష్‌ అదహళ్లి బుధవారం రాత్రి పరిశీలించారు. కౌంటింగ్‌ నిర్వహణకు చేసిన ఏర్పాట్లను సమీక్షించారు. స్ట్రాంగ్‌ రూమ్‌ వద్ద భద్రత, పోలీసు బందోబస్తు, ఎన్నికల సామగ్రి పరిరక్షణకు తీసుకున్న చర్యలను అధికారులతో కలిసి తెలుసుకున్నారు. కౌంటింగ్‌ ప్రక్రియ ప్రశాంతంగా, సజావుగా జరిగేలా ముందస్తు జాగ్రత్తలు తీసుకోవాలని అధికారులకు సూచించారు. ఎన్నికల సామగ్రి భద్రత విషయంలో అప్రమత్తంగా ఉండాలని ఆదేశించారు. కౌంటింగ్‌ కేంద్రం పరిసరాల్లో శాంతిభద్రతలకు విఘాతం కలగకుండా పటిష్ట భద్రతా చర్యలు చేపట్టాలన్నారు. ఎన్నికల నిబంధనలను కచ్చితంగా అమలు చేయాలని స్పష్టం చేశారు. కార్యక్రమంలో చిలకలూరిపేట మున్సిపల్‌ కమిషనర్‌ శ్రీహరిబాబు, అర్బన్‌ సీఐ పి.రమేష్‌, ఎస్‌ఐలు, ఎన్నికల, పోలీసు సిబ్బంది ఉన్నారు.

పోస్టర్‌ ఆవిష్కరించిన డీపీటీఓ నరసరావుపేట: ఆర్టీసీ పార్సిల్‌ బుకింగ్‌ సేవలను క్యూఆర్‌ కోడ్‌ సహాయంతో వినియోగించుకోవాలని ఆ సంస్థ జిల్లా రవాణా అధికారి(డీపీటీఓ) జి.అజితకుమారి వినియోగదారులను కోరారు. ఈ మేరకు స్థానిక డిపో కార్యాలయంలో క్యూఆర్‌ కోడ్‌ పోస్టర్లను బుధవారం ఆవిష్కరించారు. దీని ద్వారా లాజిస్టిక్‌ పార్సిల్‌, కొరియర్‌ సేవలు మరింత వేగంగా, సులభతరం చేసేందుకు వీలవుతుందన్నారు. పార్సిల్‌ పంపేవారు, స్వీకరించే వారు క్యూఆర్‌ కోడ్‌ను మొబైల్‌లో స్కాన్‌చేసి పేరు, చిరునామా, నంబరును నమోదుచేసి కనఫర్మ్‌ బుకింగ్‌ బటన్‌ నొక్కగానే వివరాలతో కూడిన కోడ్‌ నంబరు వస్తుందని, కార్గో కౌంటర్‌లో అకౌంట్‌ నంబరు చూపితే సమయం వృథా కాకుండా పార్సిల్‌ బుకింగ్‌ జరుగుతుందన్నారు. డిపో మేనేజర్‌ బూదాటి శ్రీనివాసరావు, ఇతర ఉద్యోగులు పాల్గొన్నారు.

నగరంపాలెం: జిల్లాలోని పోలీస్‌ చెక్‌పోస్టుల వద్ద వాహనాలను ఎస్‌ఎస్‌టీ పోలీస్‌ బృందాలతో తనిఖీ చేస్తున్నట్లు జిల్లా ఎస్పీ వకుల్‌ జిందాల్‌ బుధవారం ఒక ప్రకటనలో తెలిపారు. జిల్లాలో ఎంపీటీసీ, జెడ్పీటీసీ, మున్సిపల్‌ ఎన్నికల దృష్ట్యా ఎన్నికల నియమావళి అమలుకు ప్రత్యేక చర్యలు చేపట్టామని అన్నారు. ఓటర్లను ప్రలోభ పెట్టేందుకు అక్రమంగా నగదు, మద్యం వంటి వాటి రవాణాను కట్టడి చేసేందుకు చెక్‌పోస్టుల వద్ద నిఘా కొనసాగుతుందని చెప్పారు. ఎన్నికల ప్రక్రియకు విఘాతం కలిగిస్తే చట్టప్రకారం చర్యలు తప్పవని హెచ్చరించారు. జిల్లాలోని ప్రజలు, రాజకీయ పార్టీలు, అభ్యర్థులు ఎన్నికల నియమావళిని విధిగా పాటించాలని స్పష్టం చేశారు. స్వేచ్ఛగా, ప్రశాంత వాతావరణంలో ఎన్నికలు జరిగేలా పోలీస్‌ శాఖకు సహకరించాలని జిల్లా ఎస్పీ కోరారు. అమరావతి: ప్రసిద్ధ పుణ్యక్షేత్రమైన అమరావతిలో వేంచేసియున్న శ్రీబాలచాముండికా సమేత శ్రీ అమరేశ్వర స్వామి దేవస్థానంలో బుధవారం హుండీల ఆదాయం లెక్కింపు కార్యక్రమాన్ని నిర్వహించారు. కోటప్పకొండ త్రికోటేశ్వరస్వామి దేవస్థానం ఈవో దాసరి చంద్రశేఖరరావు సమక్షంలో దేవాలయంలో ఉన్న 13 హుండీలను తెరిచారు. అందులో ఉన్న నగదును భక్తులచే లెక్కింపు కార్యక్రమాన్ని నిర్వహించారు. అనంతరం ఆలయ ఈవో సైదమ్మబాయి మాట్లాడుతూ 81 రోజులకు గాను ఆదాయం మొత్తం రూ.19,29,738 వచ్చిందన్నారు. అన్నదాన మండపంలోని హూండీల ద్వారా రూ.51,369 ఆదాయం వచ్చినట్లు తెలిపారు. ఈ మొత్తాన్ని వివిధ బ్యాంకులలో ఉన్న దేవాలయ ఖాతాలకు జమ చేస్తామన్నారు. కార్యక్రమంలో నరసరావుపేట, గుంటూరు, విజయవాడలకు చెందిన సేవా సమితి సభ్యులు, దేవాలయ సిబ్బంది పాల్గొన్నారు. తెనాలిరూరల్‌: తెనాలికి చెందిన సీనియర్‌ వైద్యులు డాక్టర్‌ పాటిబండ్ల దక్షిణామూర్తి మృతి వైద్య రంగానికి తీరని లోటని పలువురు వైద్యులు పేర్కొన్నారు. ఆయన మృతి పట్ల ఐఎంఏ తెనాలి శాఖ వైద్యులు సంతాపం వ్యక్తం చేశారు. తెనాలి బోసు రోడ్డులోని ఇండియన్‌ మెడికల్‌ అసోసియేషన్‌ కార్యాలయంలో బుధవారం సాయంత్రం డాక్టర్‌ పాటిబండ్ల దక్షిణామూర్తి సంతాప సభ నిర్వహించారు. ఈ సందర్భంగా పలువురు సీనియర్‌ వైద్యులు మాట్లాడుతూ డాక్టర్‌ దక్షిణామూర్తితో తమకున్న అనుబంధాన్ని గుర్తు చేసుకున్నారు. వైద్య రంగానికి ఆయన అందించిన సేవలను కొనియాడుతూ ఘనంగా నివాళులర్పించారు. డాక్టర్‌ విశ్వమోహనరావు, డాక్టర్‌ కల్యాణి ప్రసాద్‌ తదితరులు ఆయన సేవలను స్మరించుకున్నారు. కార్యక్రమంలో ఐఎంఏ అధ్యక్షుడు డాక్టర్‌ జి. రవిశంకరరావు, కార్యదర్శి డాక్టర్‌ జి. కోటేశ్వరప్రసాద్‌, ఉపాధ్యక్షుడు డాక్టర్‌ ఎ. చక్రవర్తి, కోశాధికారి డాక్టర్‌ టి. అఖిలేష్‌, సీనియర్‌ సభ్యులు డాక్టర్‌ కె. రమేష్‌బాబు, డాక్టర్‌ ఎన్‌. శివరామప్రసాద్‌, డాక్టర్‌ జె.వి. సుబ్బారావు, డాక్టర్‌ ఉమా మహేశ్వరరావు, డాక్టర్‌ సాంబశివరావు, డాక్టర్‌ జి. సాంబశివరావు తదితరులు పాల్గొన్నారు. ఇంద్రకీలాద్రి(విజయవాడపశ్చిమ): గత రెండు రోజులుగా కురుస్తున్న వర్షాల నేపథ్యంలో దుర్గగుడి ఘాట్‌రోడ్డును ఆలయ ఈవో శీనానాయక్‌, ఇంజినీరింగ్‌ అధికారులు బుధవారం పరిశీలించారు. తొలుత ఆలయ ప్రాంగణంలోని లక్ష్మీగణపతి ప్రాంగణం, డోనర్‌సెల్‌, ఓం టర్నింగ్‌ కొండ మలుపులో కొండ చరియలను పరిశీలించారు. అనంతరం ఘాట్‌రోడ్డులో దసరా ఉత్సవాలకు ముందు కొండ చరియలు విరిగిపడిన ప్రాంతాన్ని పరిశీలించారు. అక్కడ కొంత మట్టి, కొండ చరియలు విరిగిపడటాన్ని గుర్తించారు. వర్షం తగ్గుముఖం పట్టిన వెంటనే తొలగించాలని ఆదేశించారు.

నరసరావుపేట: నియోజకవర్గంలోని నామినేషన్‌ కేంద్రాలను తెలుగుదేశం పార్టీ నేతల ఒత్తిడితో ఇష్టం వచ్చినట్లు మారుస్తున్నారని వైఎస్సార్‌ సీపీ జిల్లా కార్యనిర్వాహక అధ్యక్షుడు, మాజీ ఎమ్మెల్యే డాక్టర్‌ గోపిరెడ్డి శ్రీనివాసరెడ్డి ఆగ్రహం వ్యక్తం చేశారు. ఈ మేరకు టీడీపీకి బలం ఉన్న గ్రామాలకు నామినేషన్‌ కేంద్రాలను మార్చటంపై బుధవారం కలెక్టరేట్‌లో డీఆర్‌ఓకు వివరాలతో కూడిన వినతిపత్రం సమర్పించారు. ఈ సందర్భంగా ఆయన మాట్లాడుతూ రొంపిచర్ల మండలంలో తమ పార్టీ అభ్యర్థులు నామినేషన్లు వేయకుండా అడ్డుకునే ఉద్దేశంతోనే వీటిని మారుస్తున్నారని ఆరోపించారు. ప్రజాస్వామ్యబద్ధంగా నామినేషన్‌ ప్రక్రియ సజావుగా కొనసాగాలంటే 2021 పంచాయతీ ఎన్నికల నాటి నామినేషన్‌ కేంద్రాలను కొనసాగించాలని కోరారు. కార్యక్రమంలో రొంపిచర్ల మండల నాయకులు పాల్గొన్నారు. కలెక్టరేట్‌లో డీఆర్‌ఓ దృష్టికి తీసుకెళ్లిన డాక్టర్‌ గోపిరెడ్డి

నరసరావుపేట: ప్రపంచ స్ట్రోక్‌ డేను గురువారం నిర్వహిస్తున్నారు. ఈ ఏడాది లెక్కలో ప్రతి ఒక్క నిమిషం (ఎవిరీ మినిట్‌ కౌంట్స్‌) అనే సందేశంతో స్ట్రోక్‌డేను పాటిస్తున్నారు. మెదడుకు వచ్చే స్ట్రోక్‌ల ద్వారా మరణాలు, పక్షవాతం, కోమాలోకి జారిపోవటం లాంటివి తప్పించుకునేందుకు వెంటనే నిమిషం కూడా ఆలస్యం కాకుండా సమీపంలోని డాక్టర్లను సంప్రదించాలని సూచిస్తుంది. గత 20ఏళ్ల నుంచి వరల్డ్‌ స్రోక్‌ ఆర్గనైజేషన్‌ ఈ ప్రచారం నిర్వహిస్తుంది. మెదడు స్ట్రోక్‌ వస్తే మొఖంలో ఒకవైపు ఆచేతనంగా మారటం, ఒక చేయి బలహీనంగా మారటం, మాట సరీగా రాకపోవటం లాంటి లక్షణాలు ఏర్పడతాయి. ఈలక్షణాలు కన్పించగానే వెంటనే ఎమర్జన్సీ సర్వీసులకు తెలియచేసి సమీపంలోని డాక్టర్లను చేరుకోవటం ద్వారా కొంతమేర రికవరీ కావొచ్చు. నేటి ఆధునిక వైద్య విధానంలో మెదడు స్ట్రోక్‌ల నుంచి రికవరీ అయ్యేందుకు కావాల్సిన మందులు అందుబాటులో ఉన్నాయని డాక్టర్లు తెలియచేస్తున్నారు.

నరసరావుపేట టౌన్‌: అధికారంలోకి రావడానికి అందరూ కలిసి పనిచేయాలి.. ఎన్నికల సమయంలో ప్రతి సామాజిక వర్గం ఓట్లు కావాలి.. జెండాలు మోసేందుకు, ప్రచారం చేసేందుకు, జనసమీకరణకు ప్రతి కార్యకర్త అవసరం.. కానీ పదవుల పంపిణీ దగ్గరకు వచ్చేసరికి మాత్రం ఒకే సామాజిక వర్గానికి పెద్దపీట వేస్తున్నారు. ఉమ్మడి గుంటూరు జిల్లాలో తెలుగుదేశం పార్టీ పదవుల కేటాయింపులపై ఇప్పుడు ఇదే ప్రశ్న ఆ పార్టీలో తీవ్ర చర్చనీయాంశంగా మారుతోంది. కీలకమైన రాజకీయ, ఆర్థిక ప్రాధాన్యమున్న పదవుల్లో ఒకే సామాజిక వర్గానికి చెందిన నాయకులకు వరుసగా అవకాశాలు దక్కుతున్నాయనే విమర్శలు వినిపిస్తున్నాయి. పార్టీ కోసం పనిచేసిన ఇతర సామాజిక వర్గాల నాయకుల నుంచి తీవ్ర అసంతృప్తి వ్యక్తమవుతోంది. పదవులకు పనికిరారా? ఎన్నికలకు ముందు పార్టీ నాయకత్వానికి అండగా నిలిచినవారు.. గెలుపే లక్ష్యంగా పనిచేసినవారు.. తమ నాయకుడిని గెలిపించేందుకు శక్తివంచన లేకుండా కృషి చేసినవారు.. ఇప్పుడు పదవుల కోసం ఎదురుచూడాల్సిన పరిస్థితి వచ్చిందని కొందరు అసంతృప్తి వ్యక్తం చేస్తున్నారు. పార్టీ కోసం ఏళ్ల తరబడి పనిచేసినవారికి అవకాశాలు ఇవ్వకపోతే, భవిష్యత్తులో కార్యకర్తలు ఎలా పనిచేస్తారని ఆ పార్టీ నాయకులే సందేహం వ్యక్తం చేస్తున్నారు. అర్హతలు, అనుభవం, సేవలు, సామాజిక ప్రాతినిధ్యం వంటి అంశాలను పరిగణనలోకి తీసుకోవాల్సిన బాధ్యత నాయకత్వంపై ఉందన్న అభిప్రాయాలు వ్యక్తమవుతున్నాయి. డబ్బుంటేనే పదవులు పార్టీలో పదవులు దక్కాలంటే ప్రజల్లో బలం, పార్టీ పట్ల నిబద్ధత, దీర్ఘకాలిక సేవలు ముఖ్యమా? లేక ఆర్థికంగా బలంగా ఉన్నవారికే ప్రాధాన్యం లభిస్తోందా? అనే ప్రశ్న కూడా వినిపిస్తోంది. టీడీపీలో ఆర్థికంగా బలమైన నాయకులకు కీలక పదవులు దక్కుతున్నాయనే ఆరోపణలు వినిపిస్తున్నాయి. సామాన్య కార్యకర్తల రాజకీయ భవిష్యత్తుపై అది తీవ్ర ప్రభావం చూపుతోంది. 2024 ఎన్నికలకు ముందు పార్టీ గెలుపు కోసం అన్ని సామాజిక వర్గాల నాయకులు, కార్యకర్తలు పనిచేశారు. కూటమి అభ్యర్థుల విజయానికి తమ వంతు కృషి చేశామని పలువురు నేతలు చెబుతున్నారు. అయితే ఎన్నికల అనంతరం పదవుల పంపిణీలో తమకు తగిన ప్రాధాన్యం దక్కడం లేదన్న ఆవేదన వారిలో కనిపిస్తోంది. ఉమ్మడి గుంటూరు జిల్లాలో ఎమ్మెల్యే, ఎంపీ స్థానాలతో పాటు పలు కీలక పదవుల్లో కమ్మ సామాజిక వర్గానికి చెందిన నాయకులకు ప్రాధాన్యం లభించిందన్న చర్చ సాగుతోంది. జీడీసీసీ చైర్మన్‌, గ్రంథాలయ సంస్థల చైర్మన్‌, సాగర్‌ కుడికాలువ చైర్మన్‌, గుంటూరు మిర్చి యార్డు చైర్మన్‌, పల్నాడు అర్బన్‌ డెవలప్‌మెంట్‌ అథారిటీ చైర్మన్‌ వంటి పదవుల విషయంలోనూ ఇదే అంశాన్ని ప్రస్తావిస్తున్నారు. ఇప్పటికే ఇన్ని కీలక పదవులు ఒకే సామాజిక వర్గం నేతలకు దక్కాయన్న అభిప్రాయం ఉండగా.. ఇప్పుడు పల్నాడు జిల్లా పరిషత్‌ చైర్మన్‌, గుంటూరు నగర మేయర్‌ పదవులు కూడా అదే వర్గానికి వచ్చేలా ప్రయత్నాలు చేస్తున్నారనే ప్రచారం మరింత చర్చకు దారితీస్తోంది. పదవుల పంపిణీలో సామాజిక సమతుల్యత ఎక్కడనే ప్రశ్న తెరపైకి వస్తోంది. సామాజిక న్యాయం అంటే ఎన్నికల సమయంలో అన్ని వర్గాల మద్దతు కోరడమే కాదు.. అధికారంలోకి వచ్చిన తరువాత కూడా ఆయా వర్గాలకు తగిన ప్రాతినిధ్యం కల్పించడం. ఒకే సామాజిక వర్గానికి వరుసగా కీలక పదవులు దక్కుతున్నాయన్న భావన బలపడితే, మిగిలిన వర్గాల్లో అసంతృప్తి పెరగడం సహజం. ఉమ్మడి గుంటూరు జిల్లాలో రాజకీయంగా కీలకమైన పదవులు, ఆర్థికంగా ప్రాధాన్యమున్న సంస్థల బాధ్యతలు, స్థానిక సంస్థల పీఠాల కేటాయింపుల్లో సామాజిక సమతుల్యత ఎంతవరకు పాటిస్తున్నారన్నది ఇప్పుడు ప్రధాన చర్చగా మారింది.

సత్తెనపల్లి: జిల్లాలో మున్సిపల్‌ ఎన్నికల్లో పోటీ చేస్తున్న అభ్యర్థులు ఎన్నికల సంఘం నిర్దేశించిన వ్యయ పరిమితిని తప్పనిసరిగా పాటించాలన్న నిబంధనలు ఉన్నాయి. అయినప్పటికీ క్షేత్రస్థాయిలో పరిస్థితులు పూర్తి భిన్నంగా కనిపిస్తున్నాయి. మున్సిపాలిటీలో చైర్మన్‌ అభ్యర్థికి గరిష్ఠంగా రూ. 20 లక్షలు, మున్సిపాలిటీ పరిధిలో కౌన్సిలర్‌ అభ్యర్థికి రూ. 7.50 లక్షల వరకు మాత్రమే ఖర్చు చేయాలని నిబంధనలు స్పష్టం చేస్తున్నాయి. కానీ వాస్తవ పరిస్థితులు ఈ పరిమితులను దాటుతున్నాయనే అభిప్రాయాలు వ్యక్తమవుతున్నాయి. ధన ప్రవాహం మితిమీరకుండా ఎన్నికల అధికారులు కట్టడి చేయాలని ఓటర్లు కోరుతున్నారు. అంతటా అంతే... జిల్లాలో 5 మున్సిపాలిటీలు, 2 నగర పంచాయతీలు ఉన్నాయి. ఒక మున్సిపాలిటీ, రెండు నగర పంచాయతీల్లో మున్సిపల్‌ ఎన్నికలను కూటమి నేతలు ఏకపక్షంగా ఏకగ్రీవం చేసుకున్నారు. ఇక పల్నాడు జిల్లా కేంద్రమైన నరసరావుపేట మున్సిపాలిటీ ఎన్నికలను కోర్టు కేసుల కారణంగా రెండో విడతలో నిర్వహించనున్నారు. జిల్లాలోని చిలకలూరిపేట, వినుకొండ, సత్తెనపల్లి, మాచర్ల మున్సిపాలిటీలకు నవంబర్‌ 1న పోలింగ్‌ నిర్వహించనున్నారు. ఈ నేపథ్యంలో బరిలో ఉన్న కౌన్సిలర్‌ అభ్యర్థులు పదవి కోసం కనీసం రూ. 10 లక్షల నుంచి గరిష్ఠంగా రూ. 30 లక్షల వరకు ఖర్చు చేస్తున్నారు. ఇక మున్సిపల్‌ చైర్మన్‌ అభ్యర్థి పదవి కోసం కనీసంగా రూ. 1.50 కోట్ల నుంచి గరిష్ఠంగా రూ. 4 కోట్లకు పైగా ఖర్చు చేస్తున్నట్లు ప్రచారం సాగుతోంది. ఉదయం, సాయంత్రం వేళ ఇంటింటికి ప్రచారం, జన సమీకరణ, రోడ్‌ షోలు, విందులు, తదితర అంశాలను పరిగణనలోకి తీసుకుంటే ప్రచార వ్యయం భారీగా పెరిగిపోతోందని రాజకీయ వర్గాలు చెబుతున్నాయి. ఇక పాటల ప్రచార వాహనాలు, ప్రచార సామగ్రి అద్దెకు రోజుకు రూ. 5 వేల నుంచి రూ. 10 వేల వరకు ఖర్చు అవుతోందని పలువురు పేర్కొంటున్నారు. ఈ ఖర్చులన్నీ కలిపితే ఎన్నికల వ్యయం నిబంధనలకు పూర్తి విరుద్ధంగా ఉందన్న విమర్శలు వినిపిస్తున్నాయి. చిలకలూరిపేట, వినుకొండ, సత్తెనపల్లి, మాచర్ల మున్సిపాలిటీల్లో అన్ని పార్టీల నుంచి 30 మంది చైర్మన్‌ అభ్యర్థులు, 398 మంది కౌన్సిలర్‌ అభ్యర్థులు పోటీపడుతున్నారు. వీరంతా విజయం కోసం తమ శక్తి మేర అర్థబలాన్ని ప్రదర్శించే ప్రయత్నం చేస్తున్నారనే చర్చ సాగుతోంది. మరోవైపు రాజకీయ పార్టీలు కూడా అభ్యర్థుల ఎంపికలో ఆర్థిక సామర్థ్యాన్నే ప్రధాన ప్రమాణంగా తీసుకుంటున్నాయనే ఆరోపణలున్నాయి. టిక్కెట్లు కేటాయించే దశలోనే అభ్యర్థి ఎంత వరకు ఖర్చు చేయగలరో పరిగణనలోకి తీసుకొని నిర్ణయాలు తీసుకున్నట్లు సమాచారం. జిల్లాలో బరిలోకి దిగిన అభ్యర్థుల్లో చాలామంది ఖర్చుకు వెనకాడని స్థితిలో ఉన్న వారేనన్న చర్చ జరుగుతోంది. అభ్యర్థి గెలుపే లక్ష్యంగా సర్వ శక్తులు ఒడ్డుతూ, అనుచర వర్గాన్ని సంతృప్తి పరిచేందుకు ఎంత ఖర్చు చేస్తే అంత ప్రచార ఆర్భాటం కనిపిస్తుందన్నది బహిరంగ రహస్యమే. ఎన్నికల వ్యయ పరిమితిపై పర్యవేక్షణ మరింత కట్టుదిట్టంగా ఉండాలనే డిమాండ్‌ ప్రజల నుంచి వ్యక్తమవుతోంది. మున్సిపాలిటీ వార్డులు చైర్మన్‌ కౌన్సిలర్‌ అభ్యర్థులు అభ్యర్థులు చిలకలూరిపేట 48 02 64 వినుకొండ 36 03 68 సత్తెనపల్లి 36 02 71 మాచర్ల 36 02 39 మొత్తం 156 09 242

తెనాలి టౌన్‌: తుఫాన్‌ కారణంగా ఎడతెరిపి లేకుండా వర్షాలు కురుస్తుండటంతో ప్రహరీ కూలి బాలుడు మృతి చెందిన సంఘటన రూరల్‌ మండలం గుడివాడ గ్రామంలో చోటు చేసుకుంది. గ్రామంలోని కృష్ణుడి గుడి పక్క బజార్‌లో చింతలపూడి నాగభూషణం, రేవతి దంపతులు ఇసీ్త్ర పనిచేసుకుంటూ జీవనం సాగిస్తున్నారు. వీరికి కుమారుడు, కుమార్తె ఉన్నారు. కుమారుడు చింతలపూడి దేవాన్ష్‌ (11) గ్రామంలోని ప్రభుత్వ పాఠశాలలో ఆరో తరగతి చదువుతున్నాడు. అదే గ్రామంలో ఉంటున్న తాత ఇంటికి వెళ్తున్నానని చెప్పి బయటకు వెళ్లాడు. ఇంటికి రాకపోవడంతో బాలుడి కోసం తల్లిదండ్రులు వెతుకుతుండగా ఎదురింటి ప్రహరీ కూలి ఉండటాన్ని గుర్తించారు. ఆ శిథిలాల కింద చూస్తే సాయంత్రం బాలుడి మృతదేహం లభ్యమయింది. దీంతో కుటుంబ సభ్యుల వేదనకు అంతులేకుండా పోయింది. ఘటన స్థలాన్ని తహసీల్దార్‌ కె.వి.గోపాలకృష్ణ, రూరల్‌ ఎస్‌ఐ కె.ఆనంద్‌, గ్రామ ప్రత్యేకాధికారి వెంకటేశ్వరరావు పరిశీలించారు. కుటుంబ సభ్యులకు సానుభూతి తెలిపారు. రాత్రి నుంచి కురుస్తున్న ఎడతెరిపి లేని వర్షానికి గోడ కూలి ఉండవచ్చని అధికారులు భావిస్తున్నారు. ఈ ఘటనతో గ్రామంలో విషాద ఛాయలు అలముకున్నాయి. పట్నంబజారు (గుంటూరు ఈస్ట్‌): మైనర్‌ను కిడ్నాప్‌ చేసి అత్యాచారానికి పాల్పడిన యువకుడిపై కేసు నమోదైంది. లాలాపేట పోలీసులు తెలిపిన వివరాల ప్రకారం... నల్లచెరువులో నివాసం ఉండే 16 ఏళ్ల బాలికకు పల్నాడు జిల్లా మాచవరం గ్రామానికి చెందిన ఏసుబాబు అనే యువకుడు పరిచయమయ్యాడు. మైనర్‌కు మాయమాటలు చెప్పి వారం రోజుల క్రితం నల్లచెరువు నుంచి మాచవరం తీసుకెళ్లాడు. అక్కడ బాలికపై అత్యాచారానికి పాల్పడ్డాడని పోలీసులు తెలిపారు. బాధితురాలి తల్లిదండ్రుల ఫిర్యాదు మేరకు కేసు నమోదు చేసిన పోలీసులు దర్యాప్తు చేస్తున్నారు.

మాజీ ఎమ్మెల్యే కాసు మహేష్‌రెడ్డి గురజాల రూరల్‌: గురజాలలో ప్రజాస్వామ్యాన్ని ఖూనీ చేసిన ఘనత కూటమి ప్రభుత్వానికి దక్కుతుందని మాజీ ఎమ్మెల్యే కాసు మహేష్‌రెడ్డి అన్నారు. స్థానిక వైఎస్సార్‌ సీపీ కార్యాలయంలో బుధవారం నిర్వహించిన విలేకరుల సమావేశంలో ఆయన మాట్లాడుతూ స్థానిక సంస్థల ఎన్నికలు జరగకుండా ప్రతిపక్ష నాయకులను ఇబ్బందులకు గురిచేస్తూ, అక్రమ కేసులు బనాయించి అరెస్టు చేయించడం ద్వారా ప్రజాస్వామ్యాన్ని ఖూనీ చేశారన్నారు. టీడీపీ నేతలు ప్రజల్లోకి వెళ్లి ఓటు అడిగితే, ఇచ్చిన హామీలపై ప్రజలు ఎండగడతారని అందుకే అన్ని చోట్లా ఏకగ్రీవం చేసుకున్నారన్నారు. పోలీసులను వాడుకుని వారికి డబ్బులు ఇచ్చి ప్రతి పక్ష పార్టీ నాయకులను కూడా నామినేషన్లు వేయనీయకుండా అడ్డుకున్నారన్నారు. గత ఎన్నికల్లో ఇస్తామన్న ఆడబిడ్డ నిధి, నిరుద్యోగ భృతితోపాటు ఎమ్మెల్యే యరపతినేని శ్రీనివాసరావు ప్రతి ఇంటికి ఒక గ్యాస్‌ సిలిండర్‌ ఇస్తామన్న హామీ కూడా నెరవేర్చకుండా కాలయాపన చేసిందే కాకుండా ఈ విధంగా వచ్చే డబ్బులు కూడా పేదలకు అందకుండా చేశారన్నారు. పోలీసులను అడ్డుపెట్టుకుని ఎన్నికలు లేకుండా చేసుకోవడం ఏమిటని కొందరు టీడీపీ నాయకులే పెదవి విరుస్తున్నారని కాసు వెల్లడించారు. జెడ్పీటీసీ అభ్యర్థిగా వేముల శేషమ్మకు ఓటు వేసి అఖండ మెజార్టీతో గెలిపించాలని ప్రజలను కోరారు. కూటమి పాలనపై ప్రజావ్యతిరేకత తీవ్రంగా ఉందన్నారు. మాచర్ల నియోజకవర్గ పరిశీలకుడు కొమ్మినేని వెంకటేశ్వర్లు (కేవీ), బీసీ విభాగం జిల్లా నాయకుడు సిద్దాడపు గాంధీ, మాజీ ఎంపీపీ కొమ్మినేని బుజ్జి, మాజీ జెడ్పీటీసీ ఆరికట్ల శ్రీనివాసరెడ్డి, వేముల చలమయ్య, షేక్‌ పీర్‌ అహ్మద్‌; శ్రీనివాసరెడ్డి తదితరులు పాల్గొన్నారు.

నగరంపాలెం: రక్తదానం ప్రాణదానంతో సమానమని జిల్లా ఎస్పీ వకుల్‌ జిందల్‌ అన్నారు. పోలీస్‌ అమరవీరుల సంస్మరణ దినోత్సవంలో భాగంగా బుధవారం నగరంపాలెం పోలీస్‌ కళ్యాణ మండపంలో రక్తదాన శిబిరాన్ని జిల్లా ఎస్పీ వకుల్‌ జిందల్‌ ప్రారంభించారు. జిల్లా ఎస్పీ మాట్లాడుతూ జిల్లాలోని ప్రతి పోలీస్‌ అధికారి, సిబ్బంది స్వచ్ఛందంగా రక్తదానం చేయడం అభినందనీయమన్నారు. పోలీస్‌ అమరవీరుల త్యాగాలను స్మరిస్తూ నిర్వహించిన రక్తదాన శిబిరం సేవాభావానికి, సామాజిక బాధ్యతకు ప్రతీకగా నిలుస్తుందన్నారు. రక్తదానం చేసిన ఏఆర్‌ ఆర్‌ఐ సురేష్‌, ఎస్‌ఐలు బాలశంకర్‌, సుబ్బారావు మాట్లాడుతూ రక్తదానంతో ప్రాణదానం చేసే అవకాశం లభించడం ఆనందంగా ఉందన్నారు. సుమారు నలభై మంది పోలీస్‌ అధికారి, సిబ్బంది రక్తదానం చేయగా, గుంటూరు జీజీహెచ్‌ వైద్యులు రామ్‌నాయక్‌, వైద్య సిబ్బంది, తలసేమియా బ్లడ్‌ బ్యాంక్‌ సిబ్బంది రక్తం సేకరించారు. శిబిరంలో జిల్లా ఏఎస్పీ (పరిపాలన) జీవీ. రమణమూర్తి, డీఎస్పీలు అలహరి శ్రీనివాస్‌ (ఎస్‌బీ) పూర్ణచంద్రరావు (గుంటూరు దక్షిణ), బెల్లం శ్రీనివాసరావు (గుంటూరు పశ్చిమ), ఆర్‌ఐలు శ్రీహరి రెడ్డి, కృష్ణయ్య, పోలీస్‌ ఆసుపత్రి ఏఆర్‌ ఎస్‌ఐ రవి, పోలీస్‌ అధికారులు, సిబ్బంది పాల్గొన్నారు.

నవ్యాంధ్రప్రదేశ్‌ రైతుకూలీ సంఘం కన్వీనర్‌ మన్నవ హరిప్రసాద్‌ లక్ష్మీపురం: రాష్ట్రంలో ఉత్తర కోస్తా అనాదిగా వెనుకబడి ఉందని నవ్యాంధ్రప్రదేశ్‌ రైతు కూలీ సంఘం కన్వీనర్‌ మన్నవ హరిప్రసాద్‌ పేర్కొన్నారు. గుంటూరులోని సంఘ కార్యాలంయలో బుధవారం ఆయన మాట్లాడుతూ దక్షిణ కోస్తాలో ప్రకాశం, పల్నాడు, మార్కాపురం జిల్లాలు ఎప్పుడు అనావృష్టి, అతివృష్టికి గురవుతున్నాయన్నారు. అకాలంగా అర్నబ్‌ తుఫాన్‌ వల్ల రాష్ట్రంలో రైతాంగం తీవ్ర నష్టానికి గురయ్యారన్నారు. గత రెండు సంవత్సరాల నుంచి మంచి శనగలు, మొక్కజొన్న, పొగాకు పంటలకు అస్థిరమైన ధర ఉందని, పాలకులు పట్టించుకోవడం మానేశారన్నారు. తుఫాన్‌ వల్ల ప్రాణ నష్టం లేకపోయినప్పటికీ పంట నష్టం తీవ్రంగా ఉందని రాష్ట్ర ప్రభుత్వం తక్షణం గ్రామాల వారీగా పంట నష్టాన్ని సర్వే చేసి ఎకరాకి రూ.50 వేల చొప్పున నష్టపరిహారం అందజేయాలని డిమాండ్‌ చేశారు. ఇల్లు కోల్పోయిన వారికి తక్షణం ఇల్లు నిర్మించి ఇవ్వాలని, ఉపాధి కోల్పోయిన వ్యవసాయ కార్మికులకు ఉచిత రేషన్‌ అందజేయాలని డిమాండ్‌ చేశారు.

● స్కూల్‌ గేమ్స్‌ ఎంపికల్లో అంతులేని అవినీతి ● క్రీడా కోటా ఆశ చూపి రూ.లక్షలు వసూలు ● కాసులిస్తే నేషనల్‌ పార్టిసిపేషన్‌ సర్టిఫికెట్‌ ● జిల్లా స్థాయిలో పాల్గొనకుండానే నేరుగా ఎంపిక ● గతంలోనూ ఇదే తరహాలో అక్రమాలు ● మున్సిపల్‌ పాఠశాల వ్యాయామ ఉపాధ్యాయుడే సూత్రధారి ● ఉన్నతస్థాయి విచారణకు తల్లిదండ్రుల డిమాండ్‌ నేరుగా జాతీయ స్థాయికే... తెరవెనుక నుంచి నడిపించి.. ‘‘ఆటలో పాల్గొంటే చాలు.. విద్య, ఉద్యోగాల్లో రిజర్వేషన్‌ లభిస్తుంది. ప్రావీణ్యం లేకపోయినా కేవలం పార్టిసిపేషన్‌ సర్టిఫికెట్‌ ఉన్నా రిజర్వేషన్‌ వర్తిస్తుంది. గతంలో రెండు శాతంగా ఉన్న రిజర్వేషన్‌ను మూడు శాతానికి పెంచారు. ఇక మీదే ఆలస్యం.. అడిగింది ఇచ్చుకోండి.. నేషనల్స్‌ పార్టిసిపేషన్‌ పత్రం తీసుకోండి’’ అనే చందంగా స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) తయారైంది. ఒకవైపు డీఎస్సీ క్రీడా కోటాలో ఉపాధ్యాయుల ఎంపికలో తీవ్రస్థాయి అవినీతి ఆరోపణలతో రాష్ట్రవ్యాప్తంగా ఆందోళనలు జరుగుతున్నాయి. ఈ నేపథ్యంలో స్కూల్‌ గేమ్స్‌ నేషనల్‌ సెలక్షన్‌ కోసం రూ.లక్షలు చేతులు మారాయనే ఆరోపణలు సంచలనం సృష్టించాయి.

● ధరల దరువుకు బతుకులే బేజారు ● నిత్యావసర ధరల పెరుగుదలతో సామాన్య కుటుంబాలు కుదేలు ● బియ్యం నుంచి పప్పుల వరకు అదే దారి ● వంటనూనె నుంచి గ్యాస్‌ వరకు తప్పని మోత ● ఆకాశాన్ని అంటుతున్న ఆకుకూరలు, కూరగాయల ధరలు ● నియంత్రణలో చంద్రబాబు సర్కారు ఘోర వైఫల్యం బుధవారం శ్రీ 28 శ్రీ అక్టోబర్‌ శ్రీ 2026నరసరావుపేట టౌన్‌: చంద్రబాబు ప్రభుత్వం అధికారంలోకి వచ్చిన తర్వాత పేద, మధ్యతరగతి కుటుంబాల బడ్జెట్‌ తలకిందులైంది. నిత్యావసర వస్తువుల ధరలు భారీగా పెరగడంతో ఏం కొనాలి, ఏం తినాలి అన్నట్లుగా పరిస్థితి మారింది. పెరుగుతున్న ఖర్చులకు అనుగుణంగా ఆదాయం పెరగకపోవడంతో పేద, మధ్యతరగతి కుటుంబాలు అర్ధాకలితో ఉండాల్సిన పరిస్థితి నెలకొంది. కరోనా లాంటి విపత్కర పరిస్థితుల్లో నిత్యావసర ధరలు పెరగకుండా నాటి ముఖ్యమంత్రి వైఎస్‌ జగన్‌మోహన్‌రెడ్డి చర్యలు తీసుకున్నారు. ఇచ్చిన హామీలను అమలు చేయడంతో పాటు ధరల పెరుగుదలను నియంత్రించడంలో కూటమి ప్రభుత్వం పూర్తిగా విఫలమైంది. 2024కు ముందు ఉన్న ధరలకు, ప్రస్తుత ధరలకు మధ్య భారీ వ్యత్యాసం కనిపిస్తోంది. బియ్యం 25 కిలోల బస్తా ధర రూ.1,400 నుంచి రూ.2,200కు చేరింది. పాలు లీటరు రూ.44 నుంచి రూ.59కి, పంచదార కిలో రూ.40 నుంచి రూ.75కి, కందిపప్పు రూ.110 నుంచి రూ.170కి పెరిగింది. కోడిగుడ్డు ధర రూ.5 నుంచి రూ.7కి, పెట్రోల్‌ రూ.109 నుంచి రూ.118కి, డీజిల్‌ రూ.94 నుంచి రూ.104కి, టమాటా ధర రూ.20 నుంచి రూ.45కి, మినపప్పు ధర రూ.120 నుంచి రూ.145కు చేరింది. ఇక ఉల్లిపాయల ధర కిలో రూ.20 నుంచి రూ.75కు ఎగబాకగా.. శనగపప్పు రూ.80 నుంచి రూ.110కు, చింతపండు రూ.60 నుంచి రూ.90కు చేరింది. వంటనూనె 15 కిలోల టిన్‌ ధర రూ.2,000 నుంచి రూ.2,820కు పెరిగింది. చికెన్‌ కిలో రూ.180 నుంచి రూ.300కు, వేట మాంసం రూ.800 నుంచి రూ.1,000కు చేరాయి. గృహ వినియోగ గ్యాస్‌ సిలిండర్‌ ధర రూ.820 నుంచి రూ.985కు పెరిగింది. ధరలు పెరిగిన ప్రతిసారీ మార్కెట్‌ పరిస్థితులు, సరఫరాలో మార్పులు, ఇతర కారణాలను అధికారులు ప్రస్తావిస్తున్నా.. సామాన్యుడికి మాత్రం ఉపశమనం కనిపించడం లేదు. మార్కెట్‌లో ధరలను పర్యవేక్షించడం, అక్రమ నిల్వలు చేసి కృత్రిమ కొరత సృష్టించే వ్యాపారులపై టీడీపీ ప్రభుత్వం చర్యలు తీసుకోకపోవడంతో నిత్యావసరాల ధరలు ఆకాశాన్ని అంటుతున్నాయి. ధరల పెరుగుదలపై ప్రకటనలతో సరిపెట్టకుండా ప్రభుత్వం క్షేత్రస్థాయిలో చర్యలు చేపట్టాలని ప్రజలు కోరుతున్నారు. మార్కెట్‌ ధరలపై నిరంతర పర్యవేక్షణ, అక్రమ నిల్వలపై తనిఖీలు, పేదలకు అందుబాటు ధరల్లో నిత్యావసరాల సరఫరా, రేషన్‌ వ్యవస్థను మరింత బలోపేతం చేయడం వంటి చర్యలు తీసుకోవాల్సిన అవసరం ఉంది. ధరల తీవ్రతకు తమవంటి వారు కుటుంబ జీవనం ఎలా సాగించాలని సామాన్యులు, పేదలు ఆందోళన చెందుతున్నారు. పెరిగిన ధరలను పరిశీలిస్తే.. బియ్యం బస్తాపై రూ.800, పాలపై రూ.15, పెట్రోల్‌పై రూ.9, డీజిల్‌పై రూ.10, టమాటాపై రూ.25, పంచదార కిలోపై రూ.20, కందిపప్పుపై రూ.45, మినపప్పుపై రూ.25, వంటనూనైపె రూ.820 అదనంగా చెల్లించాల్సి వస్తోంది. ఉల్లిపాయల ధర ఏకంగా కిలోకు రూ.50 పెరగడం గమనార్హం. చింతపండుపై రూ.30, శనగపప్పుపై రూ.30 భారం పడుతోంది. గ్యాస్‌పై రూ.165 పెరుగుదల కనిపిస్తోంది. ఒక్కో వస్తువుపై పెరిగిన మొత్తం తక్కువగా అనిపించినా.. నెలంతా కొనుగోలు చేసే సరుకులన్నింటినీ కలిపితే కుటుంబ బడ్జెట్‌పై తీవ్ర ప్రభావం చూపుతోంది. ఇప్పటికే విద్య, వైద్యం, విద్యుత్‌ బిల్లులు, ఇంటి అద్దెలతో సతమతమవుతున్న కుటుంబాలకు ఈ ధరల భారం మరిన్ని కష్టాలను తెచ్చిపెడుతోంది. ప్రతి కుటుంబంపై ఎంతలేదన్నా నెలకు సుమారు రూ.5 వేల నుంచి రూ.8 వేల వరకు అదనపు భారం పడుతోంది. చంద్రబాబు పాలనలో ధరల మోతకు కుటుంబాలే కుదేలవుతున్నాయి. ఒకవైపు చాలీచాలని ఆదాయం.. మరోవైపు నిత్యావసరాల ధరలు పేదలతోపాటు సామాన్యులను కుంగదీస్తున్నాయి. వారు కుటుంబాన్ని నెట్టుకురావాలంటేనే కత్తిమీద సాములా మారింది. తెచ్చిన జీతం, కూలీ డబ్బులు నెలాఖరు వరకు సరిపోని పరిస్థితి నెలకొంది. బియ్యం, పప్పులు, వంట నూనెలు, కూరగాయలు.. ఇలా నిత్యం వంటింట్లో అవసరమయ్యే ప్రతి వస్తువు ధర భారీగా పెరగడంతో నెలవారీ బడ్జెట్‌ తలకిందులవుతోంది. ధరలను నియంత్రించి ప్రజలకు ఉపశమనం కల్పించడంలో చంద్రబాబు ప్రభుత్వం విఫలమైంది. ఎన్నడూ లేని విధంగా నిత్యావసర వస్తువుల ధరలు ఆకాశాన్ని అంటుతున్నాయి. ఇప్పటికే పెరిగిన విద్యుత్‌ చార్జీలు, గ్యాస్‌ ధరలతో సతమతం అవుతున్నాం. మాలాంటి పేద కుటుంబాలు ఇప్పుడు భారీగా పెరిగిన నిత్యావసరాలతో తీవ్ర ఇబ్బందులు పడుతున్నాం. రెండేళ్లలో ఎంతో భారీగా పెరగడంతో పేదలు బతకలేని దుస్థితి నెలకొంది. ఇకనైనా ప్రభుత్వం ధరలను నియంత్రించాలి. – షేక్‌ ఆదంబీ, నరసరావుపేట

నకరికల్లు: సత్తెనపల్లి నియోజకవర్గం పరిధిలో మూడు ఎంపీటీసీ స్థానాలకు వైఎస్సార్‌ సీపీ అభ్యర్థులు ఏకగ్రీవంగా ఎన్నికయ్యారు. నకరికల్లు మండలం గుండ్లపల్లి –1 ఎంపీటీసీ స్థానానికి వైఎస్సార్‌ సీపీ అభ్యర్థి అలుగుమల్లి సీతారావమ్మ ఏకగ్రీవమయ్యారు. దేచవరం గ్రామం ఎంపీటీసీ స్థానానికి వైఎస్సార్‌ సీపీ అభ్యర్థి వేముల రామాంజమ్మ ఏకగ్రీవమయ్యారు. దేచవరం ఎంపీటీసీ స్థానం ఓసీ మహిళకు రిజర్వేషన్‌ రాగా ఆ స్థానంలో బీసీ మహిళకు వైఎస్సార్‌ సీపీ తరఫున అవకాశం కల్పించారు. మొత్తం 18 ఎంపీటీసీ స్థానాలకుగాను తొమ్మిది స్థానాలలో వైఎస్సార్‌ సీపీ అభ్యర్థులను టీడీపీ గూండాలు భయభ్రాంతులకు గురిచేసి నామినేషన్‌ వేయకుండా అడ్డుకున్నారు. నామినేషన్‌ వేసిన తొమ్మిది స్థానాల్లో కుంకలగుంట–1, కుంకులకుంట –2 స్థానాల్లో అభ్యర్థులను ప్రతిపాదించిన వ్యక్తులు పోటీ చేసిన స్థానాలకు సంబంధించిన వారు కాకపోవటంతో నామినేషన్లు చెల్లుబాటు కాలేదు. మరో ఐదుగురు వైఎస్సార్‌సీపీ అభ్యర్థులపై టీడీపీ నాయకులు తీవ్ర ఒత్తిడి తీసుకొని రావడం, భయభ్రాంతులకు గురి చేయడంతో నామినేషన్‌లు ఉపసంహరించుకున్నారు. దేచవరం, గుండ్లపల్లి–1 స్థానాలు వైఎస్సార్‌ సీపీకి ఏకగ్రీవమయ్యాయి. కుంకలగుంట–1 స్థానంలో టీడీపీ అభ్యర్థిపై ఇండిపెండెంట్‌ అభ్యర్థి పోటీ ఉండడంతో ఆ ఒక్క స్థానానికి ఎన్నిక అనివార్యమైంది. ముప్పాళ్ల: ముప్పాళ్ల మండలం లంకెలకూరపాడు గ్రామం ఎంపీటీసీ స్థానం నుంచి వైఎస్సార్‌ సీపీ అభ్యర్థి ఏకగ్రీవంగా ఎన్నికయ్యారు. రిజర్వేషన్‌లో భాగంగా ఎంపీటీసీ స్థానం ఓసీ జనరల్‌కు కేటాయించారు. అభ్యర్థిగా వైఎస్సార్‌ సీపీ తరుపున మలిరెడ్డి బ్రహ్మారెడ్డి నామినేషన్‌ దాఖలు చేశారు. తెలుగుదేశం పార్టీ తరపున నామినేషన్‌ దాఖలు చేసిన ఇద్దరు అభ్యర్థులు నామినేషన్‌లు ఉపసంహరించుకోవడంతో ఎన్నిక ఏకగ్రీవంగా మారింది. తనపై నమ్మకముంచి ఎంపీటీసీ స్థానం కేటాయించిన వైఎస్సార్‌ సీపీ నియోజకవర్గ సమన్వయకర్త డాక్టర్‌ గజ్జల సుధీర్‌భార్గవరెడ్డికి, వైఎస్సార్‌సీపీ పార్టీ ముఖ్య నాయకులకు కృతజ్ఞతలు తెలిపారు. మలిరెడ్డి బ్రహ్మారెడ్డి వేముల రామాంజమ్మ, దేచవరం అలుగుమల్లి సీతారావమ్మ, గుండ్లపల్లి –1

నెహ్రూనగర్‌(గుంటూరుఈస్ట్‌): గుంటూరు నగరపాలక సంస్థ ప్రజారోగ్య విభాగంలో ఆప్కాస్‌ విధానంలో పబ్లిక్‌ హెల్త్‌ వర్కర్‌గా విధులు నిర్వహిస్తున్న బందెల దేవకుమారిపై చర్యలకు నగర కమిషనర్‌ మయూర్‌ అశోక్‌ ఆప్కాస్‌ ఎండీకి సిఫార్సు చేశారు. ఆమె ఉద్యోగానికి రాజీనామా చేయకుండానే నగరపాలక సంస్థ ఎన్నికలలో 8వ డివిజన్‌ నుంచి స్వతంత్ర అభ్యర్థిగా నామినేషన్‌ దాఖలు చేసింది. దీనిపై సాక్షి దినపత్రికలో ఈ నెల 26వ తేదీన ‘ఉద్యోగానికి రాజీనామా చేయకుండానే నామినేషన్‌’ అనే శీర్షిక కథనం ప్రచురితమైంది. ఆమె స్వతంత్ర అభ్యర్థిగా నామినేషన్‌ దాఖలు చేయడమే కాకుండా, అక్టోబర్‌ 19 నుంచి విధులకు గైర్హాజరైనట్లు అధికారులు గుర్తించారు. ప్రభుత్వ ఉద్యోగులు, ఆప్కాస్‌ సిబ్బంది ఎన్నికల ప్రవర్తన నియమావళిని ఉల్లంఘించి రాజకీయ కార్యకలాపాలలో పాల్గొనకూడదన్న నిబంధనలకు విరుద్ధంగా వ్యవహరించడంతో ఆమెను ఆప్కాస్‌ జాబితా నుంచి తొలగించేందుకు అనుమతి కోరుతూ నగర కమిషనర్‌ నివేదికను ఎండీకి సమర్పించారు. నెహ్రూనగర్‌: గుంటూరు–2 ప్రొహిబిషన్‌ అండ్‌ ఎకై ్సజ్‌ స్టేషన్‌ పరిధిలోని మద్యం దుకాణాలలో గుంటూరు జిల్లా ప్రొహిబిషన్‌ అండ్‌ ఎకై ్సజ్‌ ఆఫీసర్‌ (డీఈఓ) వి.అరుణకుమారి మంగళవారం ఆకస్మిక తనిఖీలు నిర్వహించారు. దుకాణాల్లో రికార్డుల నిర్వహణ, నిల్వలు, ఎమ్మార్పీ నిబంధనల అమలు, అలాగే ఏమైనా అక్రమ విక్రయాలు జరుగుతున్నాయా అనే కోణంలో క్షుణ్ణంగా పరిశీలించారు. నిబంధనలను కచ్చితంగా పాటించాలని, విరుద్ధంగా వ్యవహరిస్తే కఠిన చర్యలు ఉంటాయని హెచ్చరించారు. కార్యక్రమంలో గుంటూరు–2 స్టేషన్‌ సీఐ నరసింహారావు, ఎస్‌ఐ మూర్తి ఇతర సిబ్బంది పాల్గొన్నారు. సాక్షి టాస్క్‌ఫోర్స్‌: ఎన్నికల ప్రచారంలో ప్రభుత్వ ఉద్యోగులు పాల్గొనకూడదనే ఎన్నికల కమిషన్‌ నిబంధనలను కొందరు ఖాతరు చేయడం లేదు. మెప్మాలో పనిచేస్తున్న రిసోర్స్‌ పర్సన్‌(ఆర్‌పీ) ఎస్‌కె చాన్‌ సుల్తానా ఇటీవల 2వ డివిజన్‌లో టీడీపీ, జనసేన నేతలతో కలిసి ఎన్నికల ప్రచారంలో ప్రత్యక్షంగా పాల్గొన్నారు. దీనిపై అధికారులు ఏ విధంగా స్పందిస్తారో వేచి చూడాల్సి ఉంది.

సత్తెనపల్లి: స్థానిక సంస్థల ఎన్నికల్లో భాగంగా మున్సిపల్‌, జడ్పీటీసీ, ఎంపీటీసీ ఎన్నికలు జరగక ముందే నామినేషన్ల ప్రక్రియ ప్రారంభం నుంచి పల్నాడు జిల్లాలో కూటమి నేతలు కుట్ర రాజకీయాలకు కేరాఫ్‌ అడ్రస్‌గా నిలిచారు. కూటమి నేతలు అధికారంలోకి వచ్చి రెండున్నరేళ్లు పూర్తవుతున్నా ప్రజలకు రిక్త హస్తాలు చూపించారనే విమర్శలు ఉన్నాయి. ప్రస్తుతం స్థానిక సంస్థల ఎన్నికలు వచ్చేసరికి ముఖం చాటే చేయాల్సిన దుస్థితి తలెత్తింది. ఈ క్రమంలో సూపర్‌ సిక్స్‌ కొడతామని చెప్పి .. క్లీన్‌ బౌల్డ్‌ అయిన నేతలు .. ఇప్పుడు కుట్రలతో స్థానిక సంస్థల ఎన్నికల్లో ఎలాగైనా గట్టెక్కాని భావిస్తున్నారు. ఇందు కోసం అధికారాన్ని అడ్డు పెట్టుకుని ఖాకీలా క్రౌర్యంతో భయపెట్టే ధోరణి కొనసాగిస్తున్నారు. సత్తెనపల్లి నియోజకవర్గంలో మొత్తం 64 ఎంపీటీసీ స్థానాలు ఉంటే 43 ఎంపీటీసీ స్థానాల్లో మాత్రమే వైఎస్సార్‌ సీపీ అభ్యర్థులు బెదిరింపులు, ప్రలోభాలకు ఏమాత్రం భయపడకుండా అతి కష్టం మీద నామినేషన్లు వేయ గలిగారు. చట్టం తమ చుట్టం అన్నట్లు పోలీసులను తమ చేతుల్లోకి తీసుకొని వారి ద్వారా బెదిరింపుల పర్వం చేపట్టి ఎనిమిది మంది వైఎస్సార్‌ సీపీ ఎంపీటీసీ అభ్యర్థుల నామినేషన్లను ఉపసంహరింప చేయించగలిగారు. నాలుగు నామినేషన్లను అధికారుల ద్వారా చెల్లుబాటు కాకుండా చేశారు. బెదిరింపులు,ప్రలోభాలకు గురికాకుండా బోణి కొట్టి మరీ మూడు ఎంపీటీసీ స్థానాల్లో వైఎస్సార్‌ సీపీ అభ్యర్థులు మలిరెడ్డి బ్రహ్మరెడ్డి (లంకెలకూర పాడు), అలుగుమల్లి సీతారావమ్మ(గుండ్లపల్లి–1), వేముల రామాంజమ్మ (దేచవరం) ఏకగ్రీవమయ్యారు. ఉపసంహరించుకోవాలని బెదిరింపులు ఎంపీటీసీ, జెడ్పీటీసీ నామినేషన్ల ప్రక్రియ పూర్తయి మంగళవారం ఉపసంహరణకు చివరి గడువు కావడంతో జిల్లా వ్యాప్తంగా ఎక్కడికక్కడ వైఎస్సార్‌ సీపీ అభ్యర్థులను నామినేషన్లు ఉపసంహరించుకోవాలని పోలీసులు ఒత్తిళ్లు తీసుకొచ్చారనే విమర్శలు ఉన్నాయి. ఈ కోవలోనే నకరికల్లు జెడ్పీటీసీ అభ్యర్థి కందుల హనుమాయమ్మ నామినేషన్‌ ఉపసంహరించుకుంది. పోలీస్‌స్టేషన్లు వేదికగా బెదిరింపులకు దిగడంతో గత్యంతరం లేని పరిస్థితుల్లో కొందరు ఎంపీటీసీలు తమ నామినేషన్లను ఉపసంహరించుకున్నారు. సత్తెనపల్లి మండలంలో 21 ఎంపీటీసీ స్థానాలకు 21 మంది నామినేషన్లు వేయగా లక్కరాజుగార్లపాడు గ్రామానికి చెందిన ఎంపీటీసీ అభ్యర్థి జొన్నలగడ్డ బుడ్డ కోటయ్యను నామినేషన్‌ ఉపరించుకోవాలని పోలీసులు వేధింపులకు గురి చేశారనే విమర్శలు ఉన్నాయి. బుడ్డ కోటయ్యకు బంధువులైన జొన్నలగడ్డ వెంకట్రావు, వెల్లటూరి మరియదాసును పోలీస్‌స్టేషన్‌కు తీసుకెళ్లి కూర్చో పెట్టడంతో వైఎస్సార్‌ సీపీ సత్తెనపల్లి నియోజకవర్గ సమన్వయకర్త డాక్టర్‌ గజ్జల సుధీర్‌ భార్గవ్‌రెడి, పార్టీ నాయకులు మంగళవారం సత్తెనపల్లి రూరల్‌ పోలీస్‌స్టేషన్‌కు వెళ్లారు. పోలీసులు బైండోవర్‌ నిమిత్తం తీసుకొచ్చామంటూ పూచీకత్తుపై పంపారు. పట్టణంలోని 8వ వార్డుకు కౌన్సిలర్‌ అభ్యర్థి షేక్‌ బాషా, ఆయన సోదరుడు రియాజ్‌, మైనార్టీ సెల్‌ రాష్ట్ర కార్యదర్శి షేక్‌ జానీలను పట్టణ పోలీస్‌స్టేషన్‌కు తరలించి కూర్చోపెట్టారు. ఇలా జిల్లా వ్యాప్తంగా నామినేషన్‌లు ఉపసంహరించుకోవాలంటూ, పోటీ నుంచి తప్పకోవాలంటూ, అధికార పార్టీ అభ్యర్థుల ఫిర్యాదులు అంటూ పోలీసులు నేరుగా పోలీస్‌స్టేషన్లనే అడ్డాగా చేసుకొని బెదిరింపులకు గురిచేస్తున్నారనే విమర్శలు వ్యక్తమవుతున్నాయి. కొనసాగుతున్న ప్రలోభాల పర్వం మున్సిపల్‌ ఎన్నికలకు మూడు రోజులు మాత్రమే గడువు ఉండడంతో బెదిరింపులు, ప్రలోభాల పర్వం మరింత కూటమి నేతలు వేగవంతం చేశారు. సత్తెనపల్లిలోని ఓ వార్డు కౌన్సిలర్‌ అభ్యర్థికి కూటమి నేతలు ఇప్పటికే బెదిరించగా ఆయన ఏ మాత్రం లొంగకపోవడంతో ... ప్రత్యర్థి కౌన్సిలర్‌తో ప్రలోభాలకు గురి చేశారనే ఆరోపణలు బలంగా ఉన్నాయి. మరో కౌన్సిలర్‌ అభ్యర్థికి పోటీ నుంచి తప్పు కోవాలని బెది రింపులకు గురిచేసి చివరకు ప్రలోభాలతో ప్రచారం చేయకుండా దూరంగా ఉండాలని ఆంక్షలు విధించినట్లు విమర్శలు వ్యక్తమవుతున్నాయి. ఓటమి భయం తో ప్రత్యర్థి వైఎస్సార్‌ సీపీ అభ్యర్థులను కూటమినేతలు భయ పెడుతుంటే .. ప్రజల్లో కూటమి ప్రభుత్వం పట్ల రగులుతున్న వ్యతిరేకత కూటమి నేతలను మరింత భయపెడుతోంది. అధికార పార్టీ నేతల్లో ఈ స్థాయి భయానికి ప్రధాన కారణం ఎన్నికల హామీలను సక్రమంగా అమలుపరచకపోవడంతో ప్రజల్లో వెల్లు వెత్తుతున్న తీవ్ర అసంతృప్తి అన్నది స్పష్టమవుతోంది. రెండున్నరేళ్లలో కొత్తగా ఒక్క పింఛను కూడా ఇవ్వకపోగా ఉన్న పింఛన్లలోనే కోత విధించారనే విమర్శలను ప్రభుత్వం మూట కట్టుకుంది. సమస్యలు ఎక్కడికక్కడ తాండవిస్తున్నా పట్టించుకోని పరిస్థితి. గత ప్రభుత్వంపై అనేక విమర్శలు చేసిన కూటమి నాయకులు అధికారంలోకి వచ్చాక ఏ పని చేయలేక వైఫల్యాలను కప్పిపుచ్చుకొని ప్రజల నుంచి వచ్చే వ్యతిరేకతను తట్టుకోలేకనే గెలుపు కోసం పోలీసుల ద్వారా బెదిరింపులు, ప్రలోభాలు దారిని అధికార పార్టీ ఎంచుకుందన్న విమర్శలు బలంగా వినిపిస్తున్నాయి.

నెహ్రూనగర్‌ గుంటూరు నగరపాలక సంస్థ ఎన్నికల విధుల్లో పాల్గొంటున్న ఉద్యోగుల కోసం ఏర్పాటు చేసిన పోస్టల్‌ బ్యాలెట్‌ ప్రక్రియ తొలి రోజైన మంగళవారం ప్రశాంతంగా ముగిసింది. తొలి రోజు ఏసీ కాలేజీలోని ఫెసిలిటేషన్‌ సెంటర్‌లో 367 మంది ఉద్యోగులు తమ ఓటు హక్కును వినియోగించుకున్నట్లు అడిషనల్‌ ఎలక్షన్‌ అథారిటీ, నగర కమిషనర్‌ కె.మయూర్‌ అశోక్‌ తెలిపారు. ఆయన మాట్లాడుతూ ఎన్నికల సిబ్బంది ఎవరూ ఓటు హక్కు కోల్పోకూడదనే ఉద్దేశంతో ఈ ఏర్పాట్లు చేశామన్నారు. బుధవారం ఉదయం 10 నుండి సాయంత్రం 5 గంటల వరకు ఓటింగ్‌ కొనసాగుతుందని, విధుల్లో ఉన్న ఉద్యోగులు ఈ అవకాశాన్ని సద్వినియోగం చేసుకోవాలని కోరారు. ఓటు వేయడానికి వచ్చేవారు ఓటర్‌ ఐడీ, ఎన్నికల విధి నిర్వహణ ఉత్తర్వులు (అపాయింట్‌మెంట్‌ ఆర్డర్‌) విధిగా వెంట తెచ్చుకోవాలని సూచించారు. కేంద్రంలో వీడియోగ్రఫీ, హెల్ప్‌ డెస్క్‌తో పాటు ధ్రువీకరణ కోసం గెజిటెడ్‌ అధికారులను అందుబాటులో ఉంచినట్లు ఆయన పేర్కొన్నారు. రైలు నుంచి జారి పడి ప్రయాణికుడు మృతి తెనాలిరూరల్‌: రైలు నుంచి పడి గుర్తు తెలియని ప్రయాణికుడు మృతి చెందిన ఘటన విజయవాడ–చైన్నె రైలు మార్గంలో మంగళవారం జరిగింది. సుమారు 35 నుంచి 40 ఏళ్ల వయసున్న ప్రయాణికుడు చిలువూరు స్టేషన్‌ సమీపంలో రైలు నుంచి జారి పడి అక్కికక్కడే మృతి చెందాడు. సమాచారం అందుకున్న తెనాలి జీఆర్పీ పోలీసులు ఘటనా స్థలాన్ని పరిశీలించి మృతదేహాన్ని వైద్యశాలకు తరలించారు. కేసు నమోదు చేసి దర్యాప్తు చేస్తున్నట్టు ఎస్‌ఐ ఎల్‌.సరస్వతి ఆదివారం తెలిపారు.

వినుకొండ: మున్సిపల్‌ ఎన్నికల నేపథ్యంలో పట్టణంలోని లయోలా ఉన్నత పాఠశాలలో ఏర్పాటు చేసిన స్ట్రాంగ్‌ రూమ్‌, కౌంటింగ్‌ కేంద్రాన్ని జిల్లా కలెక్టర్‌ కృతికా శుక్లా మంగళవారం పరిశీలించారు. పాఠశాలలో చేపట్టిన భద్రతా ఏర్పాట్లపై ఆమె అధికారులతో సమీక్షించి, పలు వివరాలు అడిగి తెలుసుకున్నారు. నవంబర్‌ 1వ తేదీన ఎన్నికలు పూర్తయిన వెంటనే, బ్యాలెట్‌ బాక్సులను కట్టుదిట్టమైన భద్రత నడుమ పాఠశాలలోని స్ట్రాంగ్‌ రూమ్‌కు తరలించాలని ఆదేశించారు. మున్సిపల్‌ కమిషనర్‌ శివరామ్‌ ప్రసాద్‌, తహసీల్దార్‌ సురేష్‌నాయక్‌లకు ఎన్నికల నిర్వహణ, భద్రతపై స్పష్టమైన ఆదేశాలు ఇచ్చారు. పర్యటనలో ఇతర ప్రభుత్వ అధికారులు, సిబ్బంది పాల్గొన్నారు. దాడి కేసులో నలుగురికి జైలు నరసరావుపేట టౌన్‌: దాడి కేసులో నేరం రుజువు అవ్వటంతో నలుగురు నిందితులకు ఒక్కొక్కరికి ఆరు నెలల జైలు శిక్ష విధిస్తూ మొదటి అదనపు జూనియర్‌ సివిల్‌ జడ్జి మంగళవారం తీర్పు చెప్పారు. ప్రాసిక్యూషన్‌ కథనం ప్రకారం వివరాలు ఈ విధంగా ఉన్నాయి. ఆస్తి వివాదాల నేపథ్యంలో 2023 డిసెంబర్‌ 25న తన అన్న కుమారులైన షేక్‌ యాసిన్‌ బాషా, హఫీజ్‌ బాషా, ఫరీద్‌ బాషా, మహబూబ్‌ సుభానిలు తనపై దాడి చేసినట్లు షేక్‌ రఫీ పోలీసులకు ఫిర్యాదు చేశాడు. కేసు నమోదు చేసుకున్న టూటౌన్‌ పోలీసులు ప్రాథమిక దర్యాప్తు అనంతరం నిందితులను అరెస్టు చేసి కోర్టులో అభియోగపత్రం దాఖలు చేశారు. విచారణలో నేరం రుజువు కావడంతో పైవిధంగా తీర్పు చెప్పారు. రాజధానిలో ఎంపీలు పర్యటన తాడికొండ: రాజధాని అమరావతిలో పార్లమెంట్‌ సభ్యులు ఉజ్వల్‌ రమన్‌ సింగ్‌ (ప్రయాగ్‌రాజ్‌, యూపీ), హరిభాయ్‌ (పటేల్‌ మహాసేన, గుజరాత్‌) మంగళవారం పర్యటించారు. రాయపూడిలోని ఏపీ సీఆర్డీయే ప్రధాన కార్యాలయాన్ని సందర్శించారు. ఇరువురు పార్లమెంట్‌ సభ్యులకు ఏపీ సీఆర్డీయే అడిషనల్‌ కమిషనర్లు ఏ భార్గవతేజ, కొల్లాబత్తుల కార్తీక్‌ స్వాగతం పలికారు. అనంతరం ఏపీ సీఆర్డీయే ప్రధాన కార్యాలయంలోని అమరావతి ఇంటిగ్రేటెడ్‌ కమాండ్‌ కంట్రోల్‌ సెంటర్‌లో అమరావతి విజన్‌, విస్తృత నగర ప్రణాళిక, ప్రస్తుతం జరుగుతున్న అభివృద్ధి పనులను ఎంపీలకు వివరించారు. విజ్ఞాన్‌లో ‘బయోమెడ్‌–26 వర్క్‌షాప్‌, హ్యాకథాన్‌’ ప్రారంభం చేబ్రోలు: బయోమెడికల్‌ డేటా విశ్లేషణలో కృత్రిమ మేధస్సు (ఏఐ) వినియోగం వైద్య పరిశోధనల్లో నూతన అవకాశాలను సృష్టిస్తోందని ఐఐటీ గువాహటి బయోటెక్నాలజీ విభాగం ప్రొఫెసర్‌ డాక్టర్‌ వెంకట దాసు వీరంకి ేతెలిపారు. చేబ్రోలు మండలం వడ్లమూడిలోని విజ్ఞాన్‌ యూనివర్సిటీలో ఐదు రోజులపాటు నిర్వహించనున్న జాతీయ స్థాయి వర్క్‌షాప్‌, హ్యాకథాన్‌ ‘ఏఐ4 బయోమెడ్‌–26’ మంగళవారం ఘనంగా ప్రారంభమైంది. ‘బయోమెడికల్‌ డేటా కోసం కృత్రిమ మేధస్సు’ అనే ఇతివృత్తంతో ఈ కార్యక్రమాన్ని నిర్వహిస్తున్నారు. మూడు రోజుల ప్రాయోగిక శిక్షణతోపాటు రెండు రోజుల బయో–ఏఐ హ్యాకథాన్‌ను ఇందులో భాగంగా ఏర్పాటు చేశారు. ప్రారంభ కార్యక్రమానికి హాజరైన డాక్టర్‌ వెంకట దాసు వీరంకి మాట్లాడుతూ.. ప్రస్తుత కాలంలో బయోటెక్నాలజీ, బయో ఇన్ఫర్మాటిక్స్‌, డేటా సైన్స్‌, కృత్రిమ మేధస్సు పరస్పరం అనుసంధానమై వేగంగా అభివృద్ధి చెందుతున్నాయన్నారు. విద్యార్థులు కేవలం సైద్ధాంతిక పరిజ్ఞానానికే పరిమితం కాకుండా, వాస్తవ సమస్యలను గుర్తించి సాంకేతిక పరిష్కారాలను అభివృద్ధి చేసే నైపుణ్యాలను పెంపొందించుకోవాలని సూచించారు.

మంగళగిరి రూరల్‌: మంగళగిరి పరిసర ప్రాంతాల్లో ఒంటరిగా వెళ్లే వ్యక్తులను కత్తులతో బెదిరించి నగదు, సెల్‌ఫోన్లు దోచుకోవడంతోపాటు, తాళం వేసిన ఇళ్లలో చోరీలకు పాల్పడుతున్న ముఠాను మంగళగిరి రూరల్‌ పోలీసులు మంగళవారం అరెస్ట్‌ చేశారు. పట్టుబడిన ఎనిమిది మందిలో ఆరుగురు మైనర్లు ఉన్నారు. నిందితుల నుంచి ఒక ఆటో, మూడు సెల్‌ఫోన్లు, రూ.30 వేల నగదును స్వాధీనం చేసుకున్నారు. మరో నిందితుడు పరారీలో ఉన్నట్లు పోలీసులు తెలిపారు. రూరల్‌ సీఐ చిరుమామిళ్ల వెంకట్‌ వివరాలు వెల్లడించారు. నిందితులు రాత్రి వేళల్లో ఆటోలో తిరుగుతూ ఒంటరిగా వెళ్లే వ్యక్తులను లక్ష్యంగా చేసుకుని కత్తులతో వారిని బెదిరించి నగదు, సెల్‌ఫోన్లు లాక్కోవడంతో పాటు, తాళం వేసిన ఇళ్లను గుర్తించి రాళ్లతో తాళాలు పగలగొట్టి లోపలికి చొరబడి నగదు దొంగిలించేవారు.ఈ నెల 22న ఎరబ్రాలెం సమీపంలోని పొగాకు కంపెనీ వద్ద నడుచుకుంటూ వెళ్తున్న నవులూరుకు చెందిన మద్దెబోయిన శివశంకర్‌రావును అడ్డగించి రూ.3 వేల నగదు, సెల్‌ఫోన్‌ దోచుకున్నారు. అదే రోజు అర్ధరాత్రి ఆత్మకూరు జంక్షన్‌ వద్ద ఆటో ఎక్కిన ఉలవపాడుకు చెందిన వేమిరెడ్డి శ్రీకాంత్‌రెడ్డిని అక్షయపాత్ర సమీపంలో బెదిరించి పొలాల్లోకి తీసుకెళ్లి రూ.12 వేల నగదును లాక్కున్నట్లు పోలీసులు తెలిపారు. ఈ నెల 21న నవులూరులో తాళం వేసి ఉన్న రెండు ఇళ్లలో చోరీలకు పాల్పడి ఒక ఇంటి నుంచి రూ.20 వేలు, మరో ఇంటి నుంచి రూ.18 వేల నగదును అపహరించారు. సుమారు పది రోజుల క్రితం చినకాకాని ఎన్‌ఆర్‌ఐ జంక్షన్‌ వద్ద మరో వ్యక్తిని బెదిరించి సెల్‌ఫోన్‌ దోచు కున్నట్లు వెల్లడించారు. ఈ కేసుల్లో నిందితు లుగా ముగిలి గోపి, కలుముల కృష్ణతో పాటు 13 నుంచి 17 ఏళ్ల మధ్య వయసున్న ఆరుగురు బాలురను అదుపులోకి తీసుకున్నట్లు పోలీసులు తెలిపారు. మరో నిందితుడు మాధవ్‌ అలియాస్‌ సిద్ధు పరారీలో ఉన్నట్లు పేర్కొన్నారు. కేసును ఛేదించడంలో కృషి చేసిన మంగళగిరి రూరల్‌ సీఐ సీహెచ్‌. వెంకటేశ్వర్లు, ఎస్సై ఆర్‌.నవీన్‌ నాయక్‌, ఏఎస్సై రత్నరాజు, హెచ్‌సీ రాము, పీసీ సాగర్‌, వీరయ్యలను అధికారులు అభినందించారు.

గుంటూరు లీగల్‌: గుంటూరు బార్‌ అసోసియేషన్‌ జనరల్‌ బాడీ సమావేశంలో తీసుకున్న తీర్మానం మేరకు, హైకోర్టు న్యాయమూర్తి, గుంటూరు జిల్లా పోర్ట్‌ఫోలియో జడ్జి జస్టిస్‌ డి.రమేష్‌ను బార్‌ అసోసియేషన్‌ ప్రతినిధులు సోమవారం హైకోర్టులోని ఆయన చాంబర్‌లో మర్యాదపూర్వకంగా కలిసి వినతిపత్రం సమర్పించారు. అమరావతి, చేబ్రోలు, తాడికొండ ప్రాంతాలు గుంటూరు న్యాయస్థానాల పరిధిలోనే కొనసాగించాలని, సిటీ సివిల్‌ కోర్టులు, కమర్షియల్‌ కోర్టులను గుంటూరులో ఏర్పాటు చేయాలని, విశాఖపట్నంలో ఉన్న డీఆర్‌టీ (డెట్‌ రికవరీ ట్రిబ్యునల్‌)కు గుంటూరులో బెంచ్‌ ఏర్పాటు చేయాలని వినతిపత్రంలో కోరారు. ఈ అంశాలపై జస్టిస్‌ డి.రమేష్‌ సానుకూలంగా స్పందించినట్లు బార్‌ అసోసియేషన్‌ ప్రతినిధులు తెలిపారు. కార్యక్రమంలో గుంటూరు బార్‌ అసోసియేషన్‌ అధ్యక్షుడు మధిర నాగేశ్వరరావు, వైస్‌ ప్రెసిడెంట్‌ రేవతి, జనరల్‌ సెక్రటరీ నారదాసు వీరమనేంద్ర, ట్రెజరర్‌ ఆకుల సుజాత, లేడీ రిప్రజెంటేటివ్‌ ఇందిరా, ఈసీ సభ్యుడు బాషా పాల్గొన్నారు.

ఏపీసీపీడీసీఎల్‌ సీఎండీ పుల్లారెడ్డి నరసరావుపేట: తుపాను నేపథ్యంలో ప్రజల భద్రతకు అత్యంత ప్రాధాన్యత ఇవ్వాలని ఏపీసీపీడీసీఎల్‌ సీఎండీ పి.పుల్లారెడ్డి అధికారులను మంగళవారం ఒక ప్రకటనలో ఆదేశించారు. భారీ వర్షాలు, ఈదురుగాలుల కారణంగా విద్యుత్‌ స్తంభాలు, విద్యుత్‌ తీగలు దెబ్బతినే అవకాశం ఉన్నందున అధికారులు, సిబ్బంది అప్రమత్తంగా ఉండాలని సూచించారు. విద్యుత్‌ సరఫరాలో అంతరాయాలు ఏర్పడిన ప్రాంతాల్లో వెంటనే స్పందించి, సాధ్యమైనంత త్వరగా సరఫరాను పునరుద్ధరించేందుకు చర్యలు తీసుకోవాలని తెలిపారు. వర్షాలు, ఈదురుగాలుల సమయంలో విద్యుత్‌ స్తంభాలు, ట్రాన్‌న్స్‌ఫార్మర్లకు దూరంగా ఉండాలని ప్రజలకు సూచించారు. తెగిపడిన విద్యుత్‌ తీగలకు దూరంగా ఉండాలని, నీరు నిలిచిన ప్రాంతాల్లో విద్యుత్‌ పరికరాలు, స్తంభాల సమీపానికి వెళ్లవద్దని, ఒరిగిన విద్యుత్‌ స్తంభాలు, తెగిపడిన తీగలు, ఇతర విద్యుత్‌ ప్రమాదాలను వెంటనే అధికారుల దృష్టికి తీసుకురావాలని, విద్యుత్‌ సరఫరాలో అంతరాయం ఏర్పడితే అత్యవసర సహాయం కోసం పల్నాడు జిల్లాలో ఏర్పాటుచేసిన కంట్రోల్‌రూమ్‌ నంబరు 7661019447ను సంప్రదించాలని సూచించారు. తుపాను ప్రభావిత ప్రాంతాల్లో విద్యుత్‌ సరఫరా వ్యవస్థను నిరంతరం పర్యవేక్షించాలని, విద్యుత్‌ ప్రమాదాలు జరగకుండా ముందస్తు జాగ్రత్తలు తీసుకోవాలని సీఎండీ అధికారులకు సూచించారు. మద్యం అక్రమ విక్రయాల కేసులో ఒకరు అరెస్ట్‌ సత్తెనపల్లి: అక్రమ మద్యం విక్రయాల్లో ఒకరిని అరెస్టు చేయగా, ఎనిమిది మందిని బైండోవర్‌ చేసినట్టు ప్రొహిబీషన్‌ అండ్‌ ఎకై ్సజ్‌ సత్తెనపల్లి సీఐ పీ విజయకుమార్‌ మంగళవారం తెలిపారు. సత్తెనపల్లి మండలానికి చెందిన ముగ్గురు, ముప్పాళ్ల మండలానికి చెందిన ముగ్గురు,రాజుపాలెం మండలానికి చెందిన ఇద్దరిని మండల కార్యనిర్వాహక మేజిస్ట్రేట్‌ ఎదుట హాజరు పరిచి, ఒక్కొక్కరికి రూ.50 వేలు చొప్పున ఏడాది కాలానికి సత్ప్రవర్తన కోసం బైండోవర్‌ చేశామన్నారు. ముప్పాళ్ల మండలం మాదల గ్రామంలో నిర్వహించిన దాడిలో అక్రమంగా మద్యం విక్రయిస్తున్న ఒకరిని అరెస్ట్‌ చేసి 10 మద్యం సీసాలను స్వాధీనం చేసుకుని కేసు నమోదు చేశామని ఆయన తెలిపారు. ఆయనతోపాటు సిబ్బంది దాడుల్లో పాల్గొన్నారు. సోమసుందరపాలెంలో మరొకరు...తెనాలిరూరల్‌: స్థానిక సంస్థల ఎన్నికల నేపథ్యంలో ప్రొహిబిషన్‌ అండ్‌ ఎకై ్సజ్‌ అధికారులు మంగళవారం తనిఖీలు నిర్వహించారు. ఎకై ్సజ్‌ ఇన్‌స్పెక్టర్‌ బి.నయనతార ఆధ్వర్యంలో కాంటినెంటల్‌ కాఫీ లిమిటెడ్‌లో మిథనాల్‌ ఉపయోగించే విధానాన్ని పరిశీలించారు. దుగ్గిరాల మండలంలోని చిలువూరు, దుగ్గిరాల వైన్‌ షాపులలో మద్యం విక్రయాలను ఏపీ సురక్ష యాప్‌ ద్వారా తనిఖీ చేశారు. తనిఖీలలో భాగంగా తెనాలి మండల పరిధిలోని సోమసుందరపాలెంలో మద్యం అక్రమ నిల్వలు కలిగి ఉన్న వ్యక్తిని గుర్తించి అరెస్ట్‌ చేసినట్లు ఇన్‌స్పెక్టర్‌ తెలిపారు. తనిఖీలలో ప్రొహిబిషన్‌ అండ్‌ ఎకై ్సజ్‌ సిబ్బంది పాల్గొన్నారు.

బాస్కెట్‌బాల్‌ ఉమ్మడి గుంటూరు నరసరావుపేట ఈస్ట్‌: స్కూల్‌గేమ్స్‌ ఫెడరేషన్‌ ఆధ్వర్యంలో బాస్కెట్‌బాల్‌ ఉమ్మడి గుంటూరు జిల్లా బాలబాలికల జట్టు ఎంపిక పోటీలు మంగళవారం కే–రిడ్జి ఇంటర్నేషనల్‌ స్కూల్‌ క్రీడా మైదానంలో నిర్వహించారు. బాస్కెట్‌బాల్‌ అండర్‌–14, అండర్‌–17 బాలబాలికల పోటీలను పాఠశాల చైర్మన్‌ నాతాని వెంకటేశ్వర్లు, డైరెక్టర్‌ కోమటినేని నాసరయ్య ప్రారంభించారు. ఉమ్మడి గుంటూరు జిల్లా నుంచి దాదాపు 220 మంది హాజరయ్యారు. జిల్లా జట్టుకు ఎంపికై న క్రీడాకారులు అండర్‌–14 జట్టు పశ్చిమ గోదావరి జిల్లా పాలకొల్లులోనూ, అండర్‌– 17 జట్టు కర్నూలులో జరగనున్న రాష్ట్రస్థాయి పోటీల్లో పాల్గొంటారని శాప్‌ కోచ్‌ శ్రీనివాసరావు తెలిపారు. కార్యక్రమంలో పాఠశాల ప్రిన్సిపల్‌ జి.బర్నబాస్‌, అకడమిక్‌ సీఈఎ విజయరాజు, క్యాంపస్‌ ఇన్‌చార్జి కోట బాపూజీ, స్కూల్‌గేమ్స్‌ ప్రతినిధులు బి.శ్రీనివాసరావు, ఎం.భాగ్యలక్ష్మి, వ్యాయామ ఉపాధ్యాయులు పాల్గొన్నారు.

నరసరావుపేటరూరల్‌:రామాయణ మహాకావ్యా న్ని రచించి, భారతీయ సంస్కృతి, ధర్మం, నైతిక విలువలను ప్రపంచానికి చాటి చెప్పిన మహార్షి వాల్మీకి జీవితం అందరికీ ఆదర్శప్రాయమని జిల్లా ఎస్పీ జగదీష్‌ అదహళ్లి అన్నారు. మహార్షి వాల్మీకి జయంతి కార్యక్రమాన్ని జిల్లా పోలీసు కార్యాలయంలో సోమవారం నిర్వహించారు. వాల్మీకి మహర్షి చిత్రపటం వద్ద జిల్లా ఎస్పీ పూలమాలలు వేసి నివాళులర్పించారు. ఆయన మాట్లాడుతూ వాల్మీకి మహర్షి బోధనలు సమాజంలో సత్యం, ధర్మం, మానవతా విలువలను పెంపొందించేందుకు స్ఫూర్తినిస్తాయని తెలిపా రు. వాల్మీకి మహర్షి ఆశయాలను ఆదర్శంగా తీసుకుని ప్రతి ఒక్కరూ సమాజంలో శాంతి, సామరస్యం, సోదరభావాన్ని పెంపొందించేందుకు కృషి చేయాలని కోరారు. అదనపు ఎస్పీ రోహిత్‌కుమార్‌ చౌదరి, ఏఆర్‌ డీఎస్పీ గాంధీరెడ్డి పాల్గొన్నారు. కరాటే, యోగా పోటీలకు ఎంపికలు ఈపూరు: ఉమ్మడి గుంటూరు జిల్లా అండర్‌–14, 17 బాలురు, బాలికల కరాటే, యోగ స్కూల్‌ గేమ్స్‌ ఎంపికలు మండలంలోని బొగ్గరం జిల్లా పరిషత్‌ ఉన్నత పాఠశాలలో సోమవారం నిర్వహించినట్లు ప్రధానోపాధ్యాయుడు మీనగ రామారావు తెలిపారు. పోటీలను స్కూల్‌ గేమ్స్‌ సెక్రటరీ లాకు పిచ్చయ్య ప్రారంభించారు. పోటీలలో అండర్‌ 17 కరాటే బాలురు, బాలికల విభాగాలలో ఎం.జితేంద్ర, కె.సంపత్‌, ఎం వరుణ్‌కుమార్‌, ఎల్‌ శశి కళ్యాణ్‌, ఎం రజిత, ఎం హేమశ్రీ, ఆర్‌ దుర్గాబాయి, పి కీర్తితోపాటు మరి కొంతమంది విద్యార్థులు ఎంపికయ్యారు. అండర్‌– 14 కరాటే బాలికల విభాగంలో కె త్రివేణి(26 కేజీ), బి.తేజ సాయి(30కేజీ), ఎం.మోక్షిత (34కేజీ), ఎన్‌ నిధి (38 కేజీ)తోపాటు మరికొంతమంది విద్యార్థు లు రాష్ట్రస్థాయి పోటీలకు ఎంపికై నట్లు వ్యాయామ ఉపాధ్యాయుడు వెంకటేశ్వర్లు తెలిపారు. ఎంపికై న విద్యార్థులను ఉపాధ్యాయులు అభినందించారు. రైలు కింద పడి యువకుడు మృతి రాజుపాలెం: రైలు కింద పడి యువకుడు మృతి చెందిన సంఘటన మండలంలోని అనుపాలెం సమీపంలో రైల్యే ట్రాక్‌పై సోమవా రం జరిగింది. మృతు డు మాచవరం మండ లం తురకపాలెం గ్రామానికి చెందిన షేక్‌ జాఫర్‌(35)గా రైల్యే పోలీసులు గుర్తించారు. జాఫర్‌ గతంలో పలు పత్రికల్లో విలేకరిగా పని చేశారు. ప్రస్తుతం మాచవరంలో బైక్‌ మెకానిక్‌గా జీవనం సాగిస్తున్నారు. ఆదివారం పిడుగురాళ్లలో తోటి స్నేహితులతోను, విలేకర్లతోను సాయంత్రం వరకు సరదాగా గడిపినట్లు తెలుస్తుంది. రాత్రి సమయంలో రైలు కింద పడి మృతి చెందినట్లు రైల్యే కీమెన్‌ ద్వారా తెలిసినట్లు నడికూడి రైల్యే ఇన్‌ఛార్జి ఎస్‌ఐ రాజమోహన్‌ తెలిపారు. రైల్యే ఎస్‌ఐ కేసు నమోదు చేసి మృతదేహాన్ని పోస్టుమార్టం నిమిత్తం గురజాల ప్రభుత్వ వైద్యశాలకు తరలించారు. మృతుడు జాఫర్‌కు భార్య, కుమారుడు, కుమార్తె ఉన్నారు. అనుమానాస్పదస్థితిలో యువకుడి మృతి శ్రీనగర్‌కాలనీ: అనుమానాస్పదస్థితిలో ఓ యువకుడు మృతిచెందిన ఘటన మధురానగర్‌ పోలీస్‌స్టేషన్‌ పరిధిలో చోటుచేసుకుంది. పోలీసుల వివరాల ప్రకారం.. విజయవాడకు చెందిన రమేష్‌ గుప్తా(35) ఆదిలాబాద్‌కు చెందిన ఇద్దరు, నరరావుపేటకు చెందిన యువకుడితో కలిసి సినీ కార్మికుడిగా పనిచేస్తూ యూసుఫ్‌గూడ ఎల్‌ఎన్‌నగర్‌లో నాలుగో అంతస్తులో పెంట్‌హౌస్‌లో నివసిస్తున్నారు. సోమవారం పెంట్‌హౌస్‌ నుంచి దుర్వాసన రావడంతో ఇంటి ఓనర్‌ మధురానగర్‌ పోలీసులకు సమాచారం ఇచ్చాడు. తలుపు తెరిచిచూసే సరికి రమేష్‌ మృతదేహం కుళ్లిపోయి కనిపించింది. కొన్నిరోజుల క్రితమే చనిపోయి ఉంటాడని అనుమానం వ్యక్తం చేశారు. రమేష్‌ స్నేహితులు ముగ్గురూ కొన్ని రోజులుగా కనిపించకుండా పరారీలో ఉన్నారు. హత్య చేసి పారిపోయారా లేక రమేష్‌ ఆత్మహత్య చేసుకున్నాడా అనే అంశాలపై క్లూస్‌టీంతో విచారణ చేపడుతున్నారు. ఘటనా స్థలాన్ని జూబ్లీహిల్స్‌ జోన్‌ డీసీపీ రమణారెడ్డి, ఏసీపీ వెంకటరెడ్డి, ఇన్‌స్పెక్టర్‌ ప్రభాకర్‌ పరిశీలించి విచారణను విస్తృతం చేశారు. మృతదేహాన్ని పోస్ట్‌మార్టం నిమిత్తం గాంధీ ఆసుపత్రికి తరలించారు. పోలీసులు కేసు నమోదుచేసి దర్యాప్తు చేస్తున్నారు. రైలు కింద పడి గుర్తు తెలియని యువకుడు మృతి సత్తెనపల్లి: రైలు కిందపడి గుర్తు తెలియని యువకుడు మృతి చెందిన సంఘటన సత్తెనపల్లి మండలం భృగుబండ గ్రామ పరిధిలోని రైల్వే ట్రాక్‌పై సోమవారం గుర్తించారు. యువ కుని వయసు 35 సంవత్సరాలు ఉంటుందని, రైలు కింద తలపెట్టి మృతి చెందగా మృత దేహం తలభాగం ఛిద్రమై, కుడికాలు, మడమ భాగం ఛిద్రమైనట్టు గుర్తించారు. రైల్వే పోలీసు లు కేసు నమోదు చేసుకుని దర్యాప్తు చేస్తున్నారు.

నరసరావుపేట టౌన్‌: కాలం గడిచినా కొన్ని గాయాలు మానవు.. మనిషి దూరమైనా అతడి జ్ఞాపకాలు చెరిగిపోవు.. గుండెల్లో గూడు కట్టుకున్న ఆత్మీయుడి స్వరం మళ్లీ వినిపిస్తే ఆ వేదన వర్ణనాతీతం. వినుకొండ పట్టణ నడిబొడ్డులో 2024 జూలై 17న రషీద్‌ను టీడీపీ గూండాలు అతి ధారుణంగా హత్య చేసిన విషయం తెలిసిందే. హత్య ఘటనను గుర్తుచేస్తూ, ఏఐ సాంకేతికతతో రూపొందించిన వీడియో ఇప్పుడు పల్నాడు జిల్లా వ్యాప్తంగా చర్చనీయాంశంగా మారింది. వినుకొండ వైఎస్సార్‌సీపీ 28వ వార్డు కౌన్సిలర్‌ అభ్యర్థిగా పోటిచేస్తున్న తన తల్లి షంషాద్‌కు అండగా నిలవాలని, ఆమెను గెలిపించాలని రషీద్‌ మాట్లాడుతున్నట్లుగా రూపొందించిన ఏఐ వీడియో పలువురిని భావోద్వేగానికి గురిచేసింది. గతాన్ని గుర్తుచేసిన ఘటన.. రషీద్‌ హత్య ఘటన నాటి విషాదాన్ని గుర్తుచేసుకుంటూ అతడి కుటుంబం చేస్తున్న రాజకీయ పోరాటం మరోసారి చర్చకు వచ్చింది. కొడుకును కోల్పో యిన తల్లి షంషాద్‌ ఇప్పుడు వైఎస్సార్‌సీపీ కౌన్సిలర్‌ అభ్యర్థిగా ప్రజల ముందుకు వచ్చారు. బిడ్డను కోల్పోయిన బాధను దిగమింగుకుంటూ ఎన్నికల బరిలో నిలిచిన ఆమెకు ప్రజలు అండగా నిలవాలనే సందేశంతో ఏఐ వీడియోను రూపొందించారు. అమ్మకు అండగా నిలవండి.. వీడియోలో రషీద్‌ మాట్లాడుతున్నట్లుగా రూపొందించిన సందేశం భావోద్వేగాన్ని రేకెత్తిస్తోంది. తాను భౌతికంగా ప్రజల మధ్య లేకపోయినా, తన జ్ఞాపకాలు మాత్రం వారితోనే ఉంటాయని చెబుతున్నట్లుగా వీడియో సాగింది. తన తల్లికి కొడుకు లేడనే లోటు రానివ్వకుండా ఆమెకు తోడుగా నిలవాలని, షంషాద్‌కు తమ పవిత్రమైన ఓటు వేసి గెలిపించాలని కోరుతున్నట్లుగా సందేశాన్ని రూపొందించారు. అదేవిధంగా మంచి వ్యక్తిగా గుర్తింపు పొందిన చైర్మన్‌ అభ్యర్థి పీఎస్‌ ఖాన్‌కు విజయాన్ని అందించండి అంటూ రషీద్‌ పేర్కొన్నాడు. ఒకవైపు కొడుకును కోల్పోయిన తల్లి ఆవేదన.. మరోవైపు తన బిడ్డ జ్ఞాపకాలతో ఆమె చేస్తున్న రాజకీయ పోరాటం.. ఈ రెండింటినీ మేళవిస్తూ రూపొందించిన ఏఐ వీడియో వినుకొండలో చర్చకు దారితీసింది. నాడు జరిగిన ఘటనను గుర్తుచేసుకుంటున్న ప్రజలు, నేటి రాజకీయ పరిణామాలను కూడా చర్చించుకుంటున్నారు. సాంకేతికత సాయంతో మళ్లీ వినిపించినట్లుగా రూపొందించిన రషీద్‌ స్వరం.. అతడి కుటుంబం అనుభవిస్తున్న విషాదాన్ని మరోసారి గుర్తుచేసింది. కొడుకు లేని లోటును ఎవరూ తీర్చలేకపోయినా, తన తల్లికి ప్రజలు అండగా నిలవాలనే సందేశం వీడియోలో ప్రధానంగా నిలిచింది.

జిల్లాలో ఫేక్‌ నామినేషన్లు.. బెదిరింపులు.. రాయబేరాలునామివేషాలు! సత్తెనపల్లి: జిల్లాలో స్థానిక సంస్థల ఎన్నికల్లో భాగంగా మున్సిపల్‌, జడ్పీటీసీ, ఎంపీటీసీ ఎన్నికల్లో భాగంగా చిలకలూరిపేట, వినుకొండ, సత్తెనపల్లి, మాచర్ల పురపాలక సంఘాల్లో అభ్యర్థులు ఖరారు కావడం, ఎంపీటీసీ, జడ్పీటీసీ నామినేషన్ల ఉపసంహరణ ప్రక్రియ జరుగుతుండడంతో ప్రలోభాలు, బుజ్జగింపులు, బెదిరింపుల పర్వం తారాస్థాయికి చేరింది. నాలుగు పురపాలక సంఘాల్లో నామినేషన్‌ ఉపసంహరణ ప్రక్రియ పూర్తయి అభ్యర్థులు ఖరారయ్యారు. మొత్తం 156 వార్డు కౌన్సిలర్‌ స్థానాలకు గాను 17 వార్డు కౌన్సిలర్‌ స్థానాలు దొడ్డి దారిన కూటమి నేతలు ప్రలోభాలు, బెదిరింపులకు గురిచేసి ఏకగ్రీవం చేసుకున్నారు. మిగిలిన 139 వార్డులకు గాను వైఎస్సార్‌ సీపీ నుంచి 102 మంది, టీడీపీ నుంచి 115 మంది, జనసేన నుంచి 18 మంది, బీజేపీ నుంచి ఆరుగురు ప్రధాన పార్టీల అభ్యర్థులు బరిలో ఉన్నారు. వీరు కాక స్వతంత్రులు సైతం పోటీలో ఉన్నారు. కూటమి అభ్యర్థులు ఓటమిపాలవుతామనే వార్డుల్లో ప్రతిపక్ష పార్టీ అభ్యర్థుల నుంచి నగదు తీసుకొని పోటీ నుంచి తప్పుకోవాలని ప్రలోభాలకు గురి చేస్తూ బుజ్జగించడం, కాదంటే కేసులు నమోదు చేయిస్తామనే హెచ్చరికలు చేస్తూ బెదిరింపులకు గురి చేస్తున్నారు. తప్పుకోవాలంటూ బెదిరింపులు పల్నాడు జిల్లా సత్తెనపల్లిలో ప్రతిపక్ష వైఎస్సార్‌ సీపీకి చెందిన ఓ వార్డు కౌన్సిలర్‌ అభ్యర్థిని కూటమినేతలు పిలిచి పోటీ నుంచి తప్పుకోవాలని ఆదేశించారు. నామినేషన్ల ఉపసంహరణకు ముందే చెబితే తప్పుకొనేవాడినని, ఇప్పుడు అంతా పూర్త య్యాక తప్పుకోమంటే పార్టీలో పరువు పోతుందని చెప్పటంతో ... నీ ఇష్టం ఆలో చించుకో, నువ్వు గృహ నిర్మాణాలు చేశావంట దానిలో నీపై ఆరోపణలు ఉన్నాయి. అది బయటకు తీయాల్సి ఉంటుందని హెచ్చరించారు. అయినప్పటికీ తప్పుకోలేనని, మీకు దయ ఉన్నట్లు చేయండని చెప్పటంతో నీపై గంజాయి కేసులు నమోదు చేయిస్తామంటూ హెచ్చరించిన విషయం కూటమి పార్టీకి చెందిన నేతలే ప్రచారం చేస్తున్నారనే విమర్శలు ఉన్నాయి. మరో వార్డు మహిళా కౌన్సిలర్‌ అభ్యర్ధినికి రూ. 9 లక్షలు ఇస్తాం తప్పుకోమని ద్వితీయ శ్రేణి నాయకులు ఆఫర్‌ పెట్టగా తొలిసారి ఎన్నికల బరిలోకి దిగిన ఆమె రూ. 9 లక్షలకు మరో రూ.లక్ష కలిపి ఇస్తాను అధికారి పార్టీ నుంచి తప్పుకోమని ధీటుగా సమాధానం ఇచ్చినట్టు తెలుస్తోంది. ఇవే కాదు మరో వార్డు కౌన్సిలర్‌ అభ్యర్థిని నువ్వు ప్రచారం చేయటానికి వీలులేదని, బెదిరింపులకు గురి చేస్తున్నట్లు విమర్శలు ఉన్నాయి. చిలకలూరిపేటలో సాక్షాత్తు మున్సిపల్‌ చైర్మన్‌ అభ్యర్థిని ఏకంగా టీడీపీలో చేరేలా ఏ మేరకు బెదిరింపులకు గురి చేసి ఒత్తిడి తెచ్చారో తెలుస్తోంది. ఇప్పటికే దాచేపల్లి, గురజాల, పిడుగురాళ్ల మున్సిపల్‌ ఎన్నికల నామినేషన్లు సైతం వెయ్యనీయకుండా ఏకపక్షంగా ఏకగ్రీవాలు చేసుకున్న విషయం తెలిసిందే. ఇప్పుడు ఎన్నికల బరిలో నిలిచిన వారిని సైతం తప్పుకోవాలంటూ బెదిరింపులు, భయాందోళనలకు గురిచేస్తున్నారు. విష సంస్కృతికి బీజం... ఎన్నికల ప్రక్రియ వేగవంతంగా జరుగుతున్న క్రమంలో పోటీదారులను తప్పించే ప్రయత్నాలు, బెదిరింపులకు శ్రీకారం చుట్టడం జిల్లా రాజకీయాల్లో తీవ్ర చర్చకు దారి తీస్తోంది. ఈతరహా రాజకీయాలు గతంలో ఎన్నడూ లేవు. ఇటువంటివి ఈ రెండున్నరేళ్ల కాలంలో శృతిమించాయి. అధికార పార్టీ నేతల చర్యల్లో ఏ ఒక్కటీ ప్రజలు స్వీకరించలేక పోతున్నారు. ఇవన్నీ చాలవన్నట్లు ఎన్నికల్లో పోటీ లేకుండా చేసుకోవాలనే దుర్మార్గమైన ఆలోచనతో ముందుకు సాగుతుండడాన్ని జిల్లా వాసులు యావగించుకుంటున్నారు. రెడ్‌బుక్‌ రాజ్యాంగాన్ని అమలుపరుస్తున్నట్లుగా అధికార పార్టీ నేతల వైఖరి ఉందని పలువురు రాజకీయ విశ్లేషకులు విమర్శిస్తున్నారు. ఓవైపు నామినేషన్లు వేయనివ్వకుండా, మరోవైపు వైఎస్సార్‌ సీపీ అభ్యర్థులు దాఖలు చేసినట్లు టీడీపీ అభ్యర్థులే ఫేక్‌ నామినేషన్లు వేయడం, ఇంకో వైపు నామినేషన్లు ఉపసంహరణ చేసుకోవాలని, పోటీ నుంచి తప్పుకోవాలని బెదిరింపులకు గురి చేయడం చూస్తుంటే స్థానిక సంస్థల ఎన్నికల్లో కూటమి పార్టీ అభ్యర్థులు ఓటమి పాలవుతామనే అంచనాకు వచ్చినట్లు తెలుస్తోంది. ప్రతిపక్ష వైఎస్సార్‌ సీపీ తరఫున బలమైన అభ్యర్థులు ఎన్నికల బరిలో ఉంటే తమకు ఇబ్బందులు తప్పవని గ్రహించిన అధికార పార్టీ ప్రజా ప్రతినిధులు బెదిరింపులకు శ్రీకారం చుట్టారనే బలమైన విమర్శలు ఉన్నాయి. బుజ్జగింపులకు, ప్రలోభాలకు, బెదిరింపులకు ప్రతిపక్ష వైఎస్సార్‌ సీపీ కి చెందిన ఎక్కువ మంది అభ్యర్థులు ఎవరూ భయపడకుండా ప్రజాక్షేత్రంలో తేల్చుకుందామంటూ స్పష్టం చేస్తున్నట్లు తెలుస్తోంది. జెడ్పీటీసీ, ఎంపీటీసీ ఎన్నికల నామినేషన్ల ప్రక్రియ పూర్తయి ప్రస్తుతం ఉపసంహరణ ప్రక్రియ జరుగుతున్న క్రమంలో జిల్లావ్యాప్తంగా ఎక్కడికక్కడ బెదిరింపులు, బుజ్జగింపులు వేగవంతం చేశారు. పోలీసుల చేత బెదిరించటం, వినకపోతే అదుపులోకి తీసుకొని భయభ్రాంతులకు గురిచేస్తున్నారు. ఈక్రమంలోనే నకరికల్లు జడ్పీటీసీ జనరల్‌ మహిళకు రిజర్వ్‌ కావటంతో దేచవరం గ్రామానికి చెందిన కందుల హనుమాయమ్మ వైఎస్సార్‌ సీపీ నుంచి నామినేషన్‌ దాఖలు చేసింది. ప్రత్యర్ధిగా డాక్టర్‌ నాగౌతు వెంకటలక్ష్మీ సరోజ కూటమి నుంచి నామినేషన్‌ దాఖలు చేసింది. ఆమెను ఏకగ్రీవం చేసేందుకు హనుమాయమ్మను పోటీ నుంచి తప్పుకోవాలని బెదిరింపులకు గురి చేస్తున్నారు. వినకపోవడంతో హనుమాయమ్మ భర్త లక్ష్మారెడ్డిని ఆదివారం అర్ధరాత్రి నకరికల్లు ఎస్‌ఐ సతీష్‌, పోలీసులు అదుపులోకి తీసుకొని సోమవారం తెల్లవారు జామున వదిలిపెట్టారు. జెడ్పీటీసీగా దాఖలు చేసిన నామినేషన్‌ ఉపసంహరణ చేసుకోవాలని బెదిరింపులకు గురిచేశారనే విమర్శలు ఉన్నాయి.

నవ్విపోదురుగాక.. మాకేంటి సిగ్గు అన్నట్లుంది తెలుగుదేశం పార్టీ నేతల తీరు. రాష్ట్రంలో స్థానిక సంస్థల ఎన్నికల్లో జరుగుతున్న అన్యాయాలు, అక్రమాలు, దౌర్జన్యాలపై దేశవ్యాప్తంగా పెద్ద ఎత్తున చర్చ జరుగుతున్నా.. రాష్ట్రప్రజలు టీడీపీ నేతల తీరును దుమ్మెత్తిపోస్తూ.. తీవ్రంగా అసహ్యించుకుంటున్నా.. మారని టీడీపీ గూండాలు తమదైన పంథాలో ప్రజాస్వామ్యాన్ని కాలరాస్తూనే ఉన్నారు. తాజాగా చిలకలూరిపేటలో నామినేషన్ల ఉపసంహరణ చివరిరోజు వారు నడిపిన ఘట్టం వికృత రాజకీయాలకు పరాకాష్టగా మారింది. వైఎస్సార్‌ సీపీ అభ్యర్థులను బెదిరించి, ప్రలోభాలకు గురిచేసి ఆటోల్లో, కార్లల్లో పురపాలక కార్యాలయానికి తరలించడం.. సమయం దాటిపోయినా, అర్ధరాత్రయినా అధికారుల సహకారంతో నామినేషన్లు ఉపసంహరింపజేసుకోవడం చూసినవారికి అసలు ప్రజాస్వామ్యం బతికేఉందా అన్న అనుమానం రాకమానదు. నామినేషన్ల ఉపసంహరణలో హద్దులు దాటిన పచ్చనేతలు చిలకలూరిపేట: వికృత రాజకీయాలకు పరాకాష్టగా మారింది చిలకలూరిపేట పురపోరు. నామినేషన్ల ఉపసంహరణ రోజైన ఈ నెల 21 మధ్యాహ్నం 3గంటల నుంచి ప్రారంభమైన పచ్చ క్రీనీడ వైఎస్సార్‌ కాంగ్రెస్‌ పార్టీ చైర్‌ పర్సన్‌ అభ్యర్థి షేక్‌ కరిమున్‌కు పచ్చకండువా కప్పి టీడీపీలోకి చేర్చుకోవడంతో పరాకాష్టకు చేరింది. జరుగుతున్న పరిణామాలు చూసి ఆశ్చర్యపోవడం ప్రజలవంతైంది. నామినేషన్ల ఉపసంహరణ రోజు మధ్యాహ్నం 3గంటలకు సమయం ముగుస్తుంది. అయితే అదే సమయంలో పురపాలక సంఘ కార్యాలయాన్ని తమ గుప్పెట్లోకి తీసుకొన్న పచ్చమూక దౌర్జన్యకర రాజకీయాలకు అంకురార్పణ చేశాయి. అదేరోజు పార్టీ అభ్యర్థులకు బీఫారం ఇచ్చేందుకు మున్సిపల్‌ కార్యాలయానికి వెళ్లిన వైఎస్సార్‌ సీపీ పల్నాడు జిల్లా యువజన విభాగం అధ్యక్షుడు కందుల శ్రీకాంత్‌, న్యాయవాది బెల్లంకొండ నరేంద్రచౌదరిలపై రిటర్నింగ్‌ అధికారి, పోలీసుల సమక్షంలోనే పిడిగుద్దులు కురిపించారు. ఈ సంఘటనలో స్పృహతప్పిన న్యాయవాది నరేంద్రచౌదరి ఆసుపత్రి పాలయ్యాడు. ఎస్‌ఈసీకి ఫిర్యాదు... ఈ క్రమంలో వైఎస్సార్‌ కాంగ్రెస్‌ పార్టీ నియోజకవర్గ ఇన్‌చార్జి, మాజీ మంత్రి విడదల రజిని ఆ మరుసటి రోజే స్వయంగా వెళ్లి జరిగిన అక్రమాలౖపై ఆధారాలతో సహా రాష్ట్ర ఎన్నికల కమిషన్‌కు ఫిర్యాదు చేశారు. ఏ సమయంలో ఏ అభ్యర్థిని పట్టుకొచ్చి దౌర్జన్యంగా నామినేషన్లు ఉపసంహరింపజేశారో ఫొటోలు, వీడియోలతో కూడిన ఆధారాలను సమర్పించారు. అవసరమైన పక్షంలో హైకోర్టును ఆశ్రయిస్తామని తెలిపారు. కుట్ర వెనుక వ్యూహం... ఈ దౌర్జన్యకాండకు పరాకాష్టగా నిలిచింది వైఎస్సార్‌ సీపీ చైర్‌పర్సన్‌ అభ్యర్థికి టీడీపీ కండువా కప్పడం. నామినేషన్ల ఉపసంహరణ రోజు నుంచి ప్రయత్నాలు ప్రారంభించి సామ దాన బేధ దండోపాయాలు ఉపయోగించి చైర్‌పర్సన్‌ అభ్యర్థి షేక్‌ కరిమున్‌, ఆమె భర్త షేక్‌ యూసుఫ్‌ఆలికి ఆదివారం రాత్రి పచ్చ కండువా కప్పారు. మొత్తం 48 వార్డులకు గాను 16 వార్డులు ఏకగ్రీవం చేసుకున్నప్పటికీ ఇంకా 32 వార్డుల్లో వైఎస్సార్‌ సీపీ అభ్యర్థులు పోటీలో ఉన్నారు. వారికి సంబంధించిన ఎన్నికల ఏజెంట్లు, పోలింగ్‌ నాడు సంబంధిత బూత్‌లలో ఉంటారు. దీంతో దొంగ ఓట్లను ఎదుర్కొనేందుకు కొంతమేరకు అవకాశం ఉంటుంది. వైఎస్సార్‌ సీపీ చైర్‌పర్సన్‌ అభ్యర్థిని టీడీపీలోకి చేర్చుకోవడంతో ఆమె తరఫున టీడీపీవారే ఎన్నికల ఏజెంట్లుగా వ్యవహరిస్తారు. దీంతో వారు ఆడిందే ఆట, పాడిందే పాటగా దొంగ ఓట్లు పోల్‌ చేసుకోవడమే అసలు వ్యూహంగా తెలుస్తోంది. అంగబలం, అర్ధబలం, అన్ని వనరులు ఉన్నప్పటికీ ప్రభుత్వ వ్యతిరేకత, హామీల ఎగవేత వంటి భయాలతోనే ఇలాంటి అక్రమ పద్ధతులు, దౌర్జన్యాలకు పాల్పడుతున్నారని ప్రజలు తీవ్రంగా విమర్శిస్తున్నారు.

అచ్చంపేట: కృష్ణానదిలో ఈత కొట్టేందుకు వెళ్లి వ్యక్తి మృతి చెందిన ఘటన మండలంలోని కస్తలలో సోమవారం ఉదయం చోటుచేసుకుంది. వివరాలు ఇలా ఉన్నాయి. పిడుగురాళ్ల మండలం కొండమోడుకు చెందిన మురికిపూడి జక్రయ్య(42) గ్రామాలు తిరిగి గేదెల, ఎద్దులు కొనుగోలు, విక్రయాలు చేస్తూ ఉంటాడు. ఈ క్రమంలో మరో నలుగురు కామినేని వెంకటేశు, మేడా యాకోబు, చల్లా కొండలు, గాలి చిన్న బసవయ్యలతో కలసి ఆదివారం సాయంత్రం కస్తల గ్రామానికి వచ్చాడు. సమీపంలోని కృష్ణానదిని సందర్శించడానికి వెళ్లి అక్కడ ఈతకొట్టేందుకు అందరూ నదిలో దిగారు. స్నానాలు చేస్తుండగా జక్రయ్య కనిపించకపోవడంతో మిగిలిన వారంతా ఆందోళనకు గురై వెతికారు. కనిపించకపోవడంతో గ్రామ వీఆర్యే షేక్‌ మీరా సాహెబ్‌ ద్వారా అచ్చంపేట పోలీసులకు సమాచారం అందజేశారు. పోలీసులు, స్థానికులు కలసి జక్రయ్య కోసం రాత్రి 9గంటల వరకు తీవ్రంగా గాలింపు చేపట్టారు. జక్రయ్య ఆచూకీ కనిపించకపోవడంతో సోమవారం ఉదయాన్నే చేపల పడవల ద్వారా ఈతగాళ్లు గాలించారు. జక్రయ్య గల్లంతైన ప్రాంతానికి కొద్దిదూరంలో ఉన్న ఒక టవర్‌ వద్ద నదిలో తేలుతూ కనిపించిన మృతదేహాన్ని బయటకు తీశారు. అచ్చంపేట సీఐ ఆవుల హరిబాబు కేసు నమోదు చేసుకుని మృతదేహాన్ని పోస్టుమార్టం నిమిత్తం సత్తెనపల్లి ఏరియా వైద్యశాలకు తరలించారు. మృతుడికి తండ్రి దేవదాసు, భార్య మరియమ్మ, కుమారులు సుధాకర్‌, అభిలాష్‌లు ఉన్నారు.

నరసరావుపేట: స్థానిక సంస్థల ఎన్నికల నేపథ్యంలో అధికారులు బాధ్యతగా విధులు నిర్వహిస్తూ ప్రశాంతంగా ఎన్నికలు నిర్వహించేందుకు అన్ని చర్యలు తీసుకోవాలని జిల్లా ఎన్నికల సాధారణ పరిశీలకులు కన్నబాబు పేర్కొన్నారు. ఎన్నికల మెటీరియల్‌ పంపిణీ, రిసెప్షన్‌ కేంద్రాలు, కౌంటింగ్‌ కేంద్రాల ఏర్పాటుకు సంబంధించిన చర్యలు చేపట్టాలన్నారు. సోమవారం కలెక్టరేట్‌లో కలెక్టర్‌, జిల్లా ఎన్నికల అధికారి డాక్టర్‌ కృతికా శుక్లా, జిల్లా ఎస్‌పీ జగదీష్‌ అదహళ్లిలతో కలిసి అధికారులతో సమీక్ష సమావేశం నిర్వహించారు. వెబ్‌ క్యాస్టింగ్‌కు సంబంధించి క్రిటికల్‌ పోలీస్‌స్టేషన్లలో వెబ్‌ క్యాస్టింగ్‌ నిర్వహించాలని సూచించారు. కలెక్టర్‌ మాట్లాడుతూ జిల్లాలోని నాలుగు మున్సిపాలిటీలు వినుకొండ, చిలకలూరిపేట, సత్తెనపల్లి, మాచర్ల మున్సిపాలిటీలోని 156 వార్డులలో ఎన్నికలు జరుగుతాయన్నారు. 117 పోలింగ్‌ లొకేషన్లలోని 310 పోలింగ్‌ కేంద్రాలలో 2,28,391 మంది ఓటర్లు తమ ఓటు హక్కును వినియోగించుకోనున్నారని పేర్కొన్నారు. ఓటర్లకు ఫొటో ఓటర్‌ స్లిప్‌లు పంపిణీ చేసేందుకు చర్యలు తీసుకోవాలన్నారు. పోలింగ్‌ కేంద్రాల వద్ద అన్ని మౌలిక సదుపాయాలు కల్పించాలని ఆదేశించారు. బ్యాలెట్‌ బాక్స్‌లను ఎలాంటి పొరపాట్లు జరగకుండా పోలింగ్‌ కోసం సిద్ధం చేసినట్లు చెప్పారు. ఎస్‌పీ మాట్లాడుతూ జిల్లాలోని 117 పోలింగ్‌ లొకేషన్స్‌లో 29 హైపర్‌ సెన్సిటివ్‌ లొకేషన్స్‌, 52 సెన్సిటివ్‌ లొకేషన్స్‌, 36 నార్మల్‌ లొకేషన్స్‌ గుర్తించడం జరిగిందని తెలిపారు. హైపర్‌ సెన్సిటివ్‌ లొకేషన్స్‌లో ఐదుగురు పోలీస్‌ సిబ్బందిని, సెన్సిటివ్‌ లొకేషన్స్‌లో నలుగురు , నార్మల్‌ లొకేషన్‌లలో ఇద్దరిని నియమించడం జరుగుతుందని పేర్కొన్నారు. స్ట్రాంగ్‌ రూము ల దగ్గర పటిష్టమైన భద్రత కల్పిస్తామన్నారు. ఎన్నికల అధికారులతో స్థానిక సంస్థల జనరల్‌ అబ్జర్వర్‌, కలెక్టర్‌, ఎస్పీల సమీక్ష

చిలకలూరిపేట: మాజీ మంత్రి విడదల రజిని పట్ల రూరల్‌ ఎస్‌ఐ లేఖా ప్రియాంక దురుసుగా వ్యవహరించి, తోసి పడవేసిన విషయం విదితమే. ఈ వ్యవహారంలో రాష్ట్ర ఎన్నికల కమిషన్‌ స్పందించి సంబంధిత రూరల్‌ ఎస్‌ఐ లేఖా ప్రియాంకపై శాఖాపరమైన చర్యలకు ఆదేశించింది. ఈ నేపథ్యంలో ఆమెను ఎన్నికల విధులతోపాటు అన్ని రకాల విధుల నుంచి తప్పించారు. ఈ విషయమై సోమవారం జిల్లా అడిషనల్‌ ఎస్పీ రోహిత్‌కుమార్‌ చౌదరి, దిశ డీఎస్పీ ఎం బుచ్చిరాజు, పోలీసు అధికారులతో కూడిన బృందం చిలకలూరిపేటలోని మాజీ మంత్రి విడదల రజిని నివాసానికి వచ్చి వివరాలు నమోదు చేసుకున్నారు. సంఘటన జరిగిన తీరు గురించి మాజీ మంత్రిని అడిగి తెలుసుకున్నారు. ఏఎస్పీకి జరిగిన సంఘటనల గురించి మాజీ మంత్రి విడదల రజిని వివరించారు. అప్పటికే సంబంధిత ఎస్‌ఐ మూడు రోజుల నుంచి అతిగా ప్రవర్తిస్తూ ఇంటికి వచ్చిన వారి పట్ల దురుసుగా వ్యవహరించారని తెలిపారు. కార్యక్రమంలో అర్బన్‌ సీఐ పి రమేష్‌, పట్టణ ఎస్‌ఐ పి హజరతయ్య, సిబ్బంది పాల్గొన్నారు.

నరసరావుపేట రూరల్‌: పోలీసు అమరవీరుల వారోత్సవాల్లో భాగంగా జిల్లా పోలీసు పరేడ్‌ గ్రౌండ్‌లో సోమవారం ఓపెన్‌ హౌస్‌ నిర్వహించారు. జిల్లా ఎస్పీ జగదీష్‌ అదహళ్లి ఓపెన్‌ హౌస్‌ను ప్రారంభించారు. పట్టణంలోని పలు పాఠశాలల, కళాశాలల విద్యార్థులు ఓపెన్‌ హోస్‌లో పాల్గొని పోలీసులు వినియోగించే ఆయుధాలు, పరికరాలను ఆసక్తిగా తిలకించారు. ఓపెన్‌హౌస్‌లో ఆడ్వాన్స్‌ వెపన్స్‌, షార్ట్‌ రేంజ్‌, లాంగ్‌ రేంజ్‌ వెపన్స్‌, హానికరం కాని ఆయుధాలు, గుంపులను చెదరగొట్టేందుకు వినియోగించే స్మోక్‌ గన్స్‌, డ్రోన్‌ కెమోరాలు, బాంబు డిస్సోజుల్‌ స్క్వాడ్‌, డాగ్‌ స్క్వాడ్‌, ఫోరెన్సిక్‌ పరిరకాలు, ట్రాఫిక్‌ పోలీసుల పరిరకాలు, హ్యాండ్‌ హోల్డ్‌ మెటల్‌ డిటెక్టర్‌, డోర్‌ ప్రేమ్‌ మెటల్‌ డిటెక్టర్‌, రక్షణ హెల్మెట్లు, లాఠీలు, రైట్‌ గేర్‌ పరిరకాలు, వజ్ర వాహణం, మహిళా పోలీసు ప్రత్యేక దర్యాప్తు వాహనం, మొబైల్‌ ఫోరెన్సిక్‌ ల్యాబ్‌, రక్షక్‌ వాహనాలను ప్రదర్శించారు. విద్యార్థులు పోలీసుల ఆయుధాలు, పరికరాలను ఆసక్తిగా తిలకించారు. పోలీసు సిబ్బంది వాటి వినియోగాన్ని, ప్రాధాన్యతను విద్యార్థులకు వివరించారు. కార్యక్రమంలో అదనపు ఎస్పీ రోహిత్‌ కుమార్‌ చౌదరి, ఏఆర్‌ డీఎస్పీ గాంధీరెడ్డి, ఫింగర్‌ ప్రింట్‌ యూనిట్‌ ఇన్‌స్పెక్టర్‌ బి.ఫణి, రిజర్వ్‌ ఇన్‌స్పెక్టర్‌ ఎస్‌.కృష్ణ, గోపినాథ్‌, యువరాజు, ఆర్‌ఎస్‌ఐలు, పోలీసు సిబ్బంది పాల్గొన్నారు.

నరసరావుపేట ఈస్ట్‌: గుంటూరులోని శిల్పారామంలో అమరావతి కళావర్ణిక ఆర్ట్‌ సొసైటీ ఆధ్వర్యంలో ఏర్పాటు చేసిన ఆర్ట్‌ క్యాంప్‌–26 చిత్రకళా ప్రదర్శనలో పట్టణానికి చెందిన గర్నెపూడి కల్యాణ్‌ చిత్రా నికి ప్రత్యేక ప్రశంసలు లభించాయి. చిత్రకారుడు పాబ్లో పికాసో జయంతిని పురస్కరించుకొని ఈనెల 25వ తేదీ ఆదివారం చిత్రకళా ప్రదర్శనను ఏర్పాటు చేశారు. ప్రదర్శనలో ఉభయ తెలుగు రాష్ట్రాలకు చెందిన చిత్రకారులు తమ సృజనాత్మకతను ప్రతిబింబించేలా చిత్రాలను ప్రదర్శించారు. వీటిలో కల్యాణ్‌ కుంచె నుంచి జాలువారిన ఖగరాజు చిత్రం నిర్వాహకుల ప్రత్యేక ప్రశంసలందుకుంది. ముఖ్య అతిథులుగా హాజరైన ఎన్‌ఆర్‌ఐ వైద్యుడు డాక్టర్‌ వేమూరి సోమశేఖర్‌ (ఇంగ్లాండ్‌), ఏఎన్‌యూ ఫైన్‌ ఆర్ట్స్‌ విభాగం కోఆర్డినేటర్‌ పులిచెర్ల దేవకాంత్‌ చేతుల మీదుగా కల్యాణ్‌కు ప్రశంసాపత్రం అందజేశారు. ఉభయ తెలుగు రాష్ట్రాల కళాకారులు పాల్గొన్న ఆర్ట్‌ క్యాంప్‌–26లో ప్రత్యేక ఆకర్షణగా నిలిచిన కల్యాణ్‌ను పలువురు చిత్రకారులు, కళాకారులు అభినందించారు.

అమరావతి: పంచారామ క్షేత్రాలలో ప్రథమారామక్షేత్రమైన అమరావతిలోని అమరేశ్వరస్వామి ఆలయంలో సోమవారం లోక కల్యాణార్ధం లక్షబిల్వార్చన అత్యంత భక్తిశ్రద్ధలతో ఆలయ అర్చకులు, వేదపండితులు నిర్వహించారు. తొలుత మహాన్యాస పూర్వక ఏకాదశ రుద్రాభిషేకంతో పాటుగా గణపతి, రుద్రహోమం నిర్వహించారు. స్వామివారికి విశేష అలంకరణానంతరం సహస్ర నామాలతో రుత్విక్కులు అమరేశ్వరునికి లక్ష బిల్వార్చన నిర్వహించారు. బాలచాముండేశ్వరి అమ్మవారికి లక్ష కుంకుమార్చన నిర్వహించారు. కార్యక్రమంలో భక్తులు పెద్దసంఖ్యలో పాల్గొన్నారు. కలెక్టరేట్‌లో తుపాను కంట్రోల్‌ రూమ్‌ నరసరావుపేట: అర్నబ్‌ తుపాను కారణంగా ప్రజలకు ఎటువంటి అసౌకర్యం కలుగకుండా, తక్షణ సహాయక చర్యలు అందించేందుకు వీలుగా కలెక్టరేట్‌లో ప్రత్యేక కంట్రోల్‌ రూమ్‌ ఏర్పాటు చేసినట్లు జిల్లా కలెక్టర్‌ డాక్టర్‌ కృతికా శుక్లా సోమవారం ఒక ప్రకటనలో పేర్కొన్నారు. ఈ కంట్రోల్‌ రూమ్‌ 24 గంటలూ పనిచేస్తోందని, ప్రజలకు అవసరమైన సమాచారా న్ని అందించడంతోపాటు, సహాయక చర్య లను సమన్వయం చేయడానికి సిబ్బందిని అందుబాటులో ఉంచామని తెలిపారు. అత్యవసర సహాయం, సమాచారం కోసం 08647– 252999 నెంబరును సంప్రదించవచ్చన్నారు. మంగళగిరి టౌన్‌: వాల్మీకి జయంతిని పురస్కరించుకుని సోమవారం మంగళగిరిలోని ఏపీఎస్పీ ఆరవ బెటాలియన్‌లో వేడుకలు నిర్వహించారు. ఆరవ బెటాలియన్‌ కమాండెంట్‌ ఎ.మురళి వాల్మీకి మహర్షి చిత్రపటానికి పూలమాల వేసి నివాళులర్పించారు. మహర్షి వాల్మీకి జీవితాన్ని, ఆయన అందించిన సాహిత్య సేవలను స్మరించుకున్నారు. రామాయణ మహాకావ్యాన్ని రచించి భారతీయ సాహిత్యానికి అపారమైన కీర్తిని తీసుకొచ్చిన వాల్మీకి మహర్షి ఆదికవిగా ప్రసిద్ధి చెందారని గుర్తు చేసుకున్నారు. ఆయన రచనలు సమాజానికి నైతిక విలువలు, ధర్మబద్ధమైన జీవనం, సత్యనిష్ఠ, మానవతా దృక్పథం వంటి గొప్ప సందేశాలను అందిస్తున్నాయని పేర్కొన్నారు. వాల్మీకి మహర్షి జీవితం, ఆయన సాహిత్యం నేటి తరాలకు స్ఫూర్తిదాయకమని, ఆయన చూపిన మార్గంలో నడుస్తూ సమాజంలో మంచి విలువలను పెంపొందించుకోవాలని సూచించారు. రొంపిచర్ల: స్థానిక జిల్లా పరిషత్‌ ఉన్నత పాఠశాలలో నవంబర్‌ 1న ఉమ్మడి గుంటూరు జిల్లా సీనియర్‌ బాలికల (మహిళలు) సాఫ్ట్‌బాల్‌ సెలక్షన్‌న్స్‌ జరుగుతాయని ఉమ్మడి గుంటూరు జిల్లా సాఫ్ట్‌ బాల్‌ సెక్రటరీ పి.సామంత్‌ రెడ్డి సోమవారం ఒక ప్రకటనలో పేర్కొన్నారు. ఈ సీనియర్‌ బాలికల సెలక్షన్స్‌లో పాల్గొనే వారికి వయస్సుతో సంబంధం లేదన్నారు. ఈ సెలక్షన్స్‌లో పాల్గొనే వారు ఒరిజినల్‌ ఆధార్‌ కార్డులు తీసుకుని రావాలన్నారు. ఈ సెలక్షన్‌న్స్‌లో ఎంపికై న వారు డిసెంబర్‌లో చిత్తూరులో జరిగే రాష్ట్ర స్థాయి పోటీల్లో పాల్గొంటారన్నారు. పూర్తి వివరములకు 9666723772 నంబర్‌కు కాల్‌ చేయాలని ఆయన కోరారు. కొండవీడు కోటకు నో ఎంట్రీ నేటి నుంచి 29 వరకు చెక్‌పోస్ట్‌ మూసివేత యడ్లపాడు: తుపాను ప్రభావం నేపథ్యంలో పర్యాటక ప్రాంతమైన కొండవీడు కోట సందర్శనకు తాత్కాలికంగా బ్రేక్‌ పడింది. ప్రతికూల వాతావరణ పరిస్థితులను దృష్టిలో ఉంచుకుని కొండవీడు ఫోర్ట్‌ చెక్‌పోస్ట్‌ను మూడు రోజులపాటు మూసివేయాలని అధికారులు నిర్ణయించారు. మంగళవారం నుంచి ఈనెల 29 వరకు పర్యాటకులకు అనుమతి నిలిపివేయనున్నట్లు వెల్లడించారు. తుపాను ప్రభావంతో వాతావరణ పరిస్థితులు మారే అవకాశం ఉన్నందున ప్రకృతి ప్రేమికులు, పర్యాటకులు, ప్రజలు ఈ మూడు రోజులూ కొండవీడు కోట సందర్శనకు రావద్దని అధికారులు సూచించారు. ముందస్తు జాగ్రత్తల్లో భాగంగానే ఈ నిర్ణయం తీసుకున్నట్లు తెలిపారు. చెక్‌పోస్ట్‌ మూసివేత అమల్లో ఉన్న రోజుల్లో పర్యాటకులు తమ ప్రయాణాలను వాయిదా వేసుకోవాలని సూచించారు.

రెంటచింతల: రెంటచింతలలో ఓ వ్యక్తి ఆత్మహత్యకు పాల్పడిన ఘటన సోమవారం తెల్లవారుజామూన జరిగింది. గ్రామానికి చెందిన అనంతవరపు గోవర్ధనాచారి(51) తన ఇంట్లో ఉరివేసుకుని ఆత్మహత్యకు పాల్పడ్డాడు. తన మొదటి భార్య వెంకాయమ్మ 2011 సంవత్సరంలో అనారోగ్యంతో మృతి చెందగా 2012 సంవత్సరంలో రాజేశ్వరిని రెండవ వివాహం చేసుకు న్నాడు. కార్పెంటర్‌ పనిచేస్తూ కొంతకాలంగా అనారోగ్యంతో బాధపడుతున్నాడు. పల్నాడు జిల్లా బీజేపీ ఎగ్జిక్యూటీవ్‌ మెంబర్‌గా కొనసాగుతున్నాడు. దసరా సందర్భంగా భార్య రాజేశ్వరి కుమార్తెతో కలిసి గురజాల పట్టణం వెళ్లారు. తాను మాత్రమే రెంటచింతలకు తిరిగి రాగా భార్య, కుమార్తె గురజాలలోనే ఉన్నారు. గోవర్ధనాచారి వద్ద నున్న తన ద్విచక్రవాహనం తీసుకునేందుకు అతని స్నేహితుడు ఈశ్వరాచారి ఇంటికి వచ్చే సరికి గోవర్ధనాచారి ఉరేసుకుని ఆత్మహత్యకు పాల్పడిన విషయం వెలుగులోకి వచ్చింది. అనారోగ్య సమస్యతోనే గోవర్ధనాచారి ఆత్మహత్యకు పాల్పడి ఉంటాడని భార్య, ఆయన బంధువులు తెలిపారు. మృతుడికి తొలి భార్య సంతానం ఒక కుమార్తె కాగా రెండో భార్యకు మరో కుమార్తె ఉన్నారు. విషయం తెలుసుకున్న ఎస్‌ఐ సీహెచ్‌ నాగార్జున ఘటన స్థలానికి చేరుకుని మృతుడి భార్యను వారి బంధువులను ఆత్మహత్యకు గల కారణాలను అడిగి తెలుసుకున్నారు. పంచనామా నిమిత్తం మృతుడిని గురజాల ప్రభుత్వ వైద్యశాలకు తరలించారు. భార్య రాజేశ్వరి ఫిర్యాదు మేరకు కేసు నమోదుచేసి దర్యాప్తు చేస్తున్నట్లు ఎస్‌ఐ తెలిపారు.

దాచేపల్లి: వివాహేతర సంబంధం నేపథ్యంలో జరిగిన యువకుడి హత్య కేసులో ముగ్గురు నిందితులను అరెస్ట్‌ చేశామని గురజాల డీఎస్పీ ఎం.మహేశ్వరరావు చెప్పారు. మండలంలోని పెదగార్లపాడుకి చెందిన షేక్‌ సైదా హత్య కేసులో అదే గ్రామానికి చెందిన నిందితులు కర్పూరపు మణికంఠ, షేక్‌ నాగుర్‌వలి, షేక్‌ ముస్తాఫాలను అరెస్ట్‌ చేసి కోర్టులో హాజరుపరిచినట్లు డీఎస్పీ వెల్లడించారు. దాచేపల్లి పోలీస్‌స్టేషన్‌లో సోమవారం ఏర్పాటు చేసిన విలేకరుల సమావేశంలో వివరాలను సీఐ షేక్‌ ఖాజవలితో కలిసి డీఎస్పీ వివరాలు వెల్లడించారు. దాచేపల్లి మండలం పెదగార్లపాడుకి చెందిన షేక్‌ హస్సన్‌ బుడే కుమారుడు సైదా ఈ నెల 19వ తేదీ రాత్రి చెట్టుకు ఉరివేసుకుని ఆత్మహత్యకు పాల్పడినట్లు పోలీసులకు సమాచారం అందింది. తన కుమారుడు మృతిపై అనుమానాలు ఉన్నట్లు మృతుడి తండ్రి హస్సన్‌ బుడే పోలీసులకు ఫిర్యాదు చేశాడు. పోలీసులు అనుమానాస్పద మృతిగా కేసు నమోదు చేసి విచారణ చేపట్టారు. మృతుడు సైదాకి అదే గ్రామానికి చెందిన ఓ మహిళతో వివాహేతర సంబంధం ఉన్నట్లు పోలీసుల ప్రాథమిక దర్యాప్తులో గుర్తించారు. ఈ నెల 19వ తేదీ రాత్రి సదరు మహిళ ఇంటి నుంచి సైదా వస్తున్నాడు. ఈ విషయాన్ని గమనించిన మహిళ తమ్ముడు కర్పూరపు మణికంఠ సైదాని పద్ధతి మార్చుకోవాలని హెచ్చరించాడు. ఇద్దరి మధ్య వాగ్వావాదం పెరిగింది. మణికంఠతో పాటు అక్కడే ఉండి మద్యం తాగుతున్న అదే గ్రామానికి చెందిన షేక్‌ ముస్తాఫా, షేక్‌ నాగుర్‌వలితో కలిసి సైదా గొంతు నులిమి హత్య చేశారు. ఈ విషయాన్ని పక్కదారి పట్టించేందుకు సమీపంలోని పొలంలో చెట్టుకు ఉరివేసుకుని ఆత్మహత్య చేసుకున్నట్లుగా చిత్రీకరించారు. మృతుడు సైదా తండ్రి ఫిర్యాదుతో పోలీసులు తొలుత అనుమానాస్పద కేసుగా నమోదు చేసి దర్యాప్తు చేపట్టారు. సైదా హత్యకు పాల్పడిన ముగ్గురు నిందితులు వీఆర్వో వద్ద లొంగిపోయారు. నిందితులను అరెస్ట్‌ చేసి కోర్టులో హాజరుపర్చగా రిమాండ్‌ విధించారని డీఎస్పీ మహేశ్వరరావు చెప్పారు. సమావేశంలో ఎస్‌ఐ జీ.పాపారావు, ఏఎస్‌ఐ షన్ను తదితరులున్నారు.

ప్రజల వద్దకు వెళ్లే ధైర్యం లేకే..నరసరావుపేట రూరల్‌: వైఎస్సార్‌ సీపీ జెడ్పీటీసీ అభ్యర్థి పందుల బుట్టబ్బాయిని కలిసేందుకు బయటకు వచ్చిన తనపై భౌతిక దాడికి పాల్పడిన ఎస్‌ఐ ప్రియాంకపై కేసు నమోదు చేయాలని మాజీ మంత్రి విడదల రజిని జిల్లా ఎస్పీని కోరారు. జిల్లా పోలీసు కార్యాలయంలో సోమవారం జిల్లా ఎస్పీ జగదీష్‌ అదహళ్లిని కలిసారు. ఈనెల 23వ తేదీన చిలకలూరిపేటలోని తన నివాసం వద్ద జరిగిన ఘటనపై ఆమె ఫిర్యాదు చేశారు. తన నివాసం వద్ద జరిగిన ఘటనపై సమగ్ర విచారణ జరిపి బాధ్యులపై చట్టప్రకారం చర్యలు తీసుకోవాలని డిమాండ్‌ చేశారు. ఎస్‌ఐ ప్రియాంక వ్యవహరించిన తీరుపై విచారణ జరపాలని, పోలీసులు న్యాయం చేయకపోతే హైకోర్టును ఆశ్రయిస్తానని తెలిపారు. అనంతరం మీడియాతో ఆమె మాట్లాడారు. రాష్ట్రంలో రెడ్‌బుక్‌ రాజ్యాంగం.. రాష్ట్రంలో రెడ్‌బుక్‌ రాజ్యాంగం నడుస్తుందని, ప్రజాస్వామ్య బద్ధంగా నిర్వహించాల్సిన ఎన్నికలను రెడ్‌బుక్‌తో నిర్వహిస్తున్నారని విమర్శించారు. న్యాయం, ధర్మం ఏమీ లేదని వైఎస్సార్‌ సీపీ అక్రమ అరెస్ట్‌లు, అభ్యర్థులపై దాడులతో భయబ్రాంతులకు గురిచేస్తున్నారని తెలిపారు.నామినేషన్‌ల ఉపసంహరణ ప్రక్రియ మధ్యాహ్నం 3గంటల వరకే ఉంటుందని, కాని చిలకలూరిపేటలో మాత్రం అర్ధరాత్రి 12గంటల వరకు కొనసాగిందన్నారు. అధికారుల అండతో టీడీపీ నాయకులు మాఫియాగా మారి అభ్యర్థులను కిడ్నాప్‌లు చేసి బెదిరించి నామినేషన్‌లు ఉపసంహరించుకునేలా చేశారని దుయ్యబట్టారు. ఎన్నికల ప్రచారంలో ఉన్న మున్సిపల్‌ చైర్మన్‌ అభ్యర్థి భర్తను కిడ్నాప్‌ చేసి తీసుకెళ్లారని, బలవంతంగా ఆమె పార్టీ మారే విధంగా చేశారని విమర్శించారు. అధికారంలో ఉండి ప్రజలకు చేసిన మేలు చెప్పి ఓట్లు అడగాల్సిన కూటమి ప్రభుత్వం ఎన్నికలంటే ఎందుకు భయపడుతుందని విడదల రజిని ప్రశ్నించారు. నిష్పక్షపాతంగా జరగాల్సిన ఎన్నికల్లో ఎంపీటీసీ అభ్యర్థులు జిల్లాలో ఒక్క చోట కూడా నామినేషన్‌ వేయలేని పరిస్థితి ఏర్పడిందన్నారు. నామినేషన్‌కు వస్తున్న జెడ్పీటీసీ అభ్యర్థులపై దాడులు చేసారని తెలిపారు. దీనికోసం ఎన్నికలు, సిబ్బంది, పెద్ద వ్యవస్థ అవసరమా అని ప్రశ్నించారు. శాసనసభలో కూర్చుని ఎంపీటీసీ, జెడ్పీటీసీ సభ్యులను చట్టం ద్వారా ప్రకటిస్తే సరిపోతుందని ఎద్దేవాచేశారు. హామీలను అమలు చేయకపోవడంతో ప్రజల్లో వ్యతిరేకత తీవ్రంగా ఉండటం, వైఎస్సార్‌ సీపీ గ్రాఫ్‌ పెరుగుతుండటంతో ఎన్నికల్లో ఓడి పోతామనే భయంతో రాష్ట్రాన్ని అల్లకల్లోలం చేస్తున్నారని విమర్శించారు. ప్రజలు అన్ని గమనిస్తున్నారని సరైన సమయం కోసం ఎదురుచూస్తున్నారని తెలిపారు.

ఫిరంగిపురం: మండలంలోని రేపూడి వ్యవసాయ మార్కెట్‌ యార్డులోని గోదాముల్లో భద్రపర్చిన ఈవీఎంలను జిల్లా కలెక్టర్‌ సాయికాంత్‌ వర్మ ఆదివారం తనిఖీ చేశారు. గోడౌన్‌లో భద్రపర్చిన ఈవీఎంలు, భద్రతా ఏర్పాట్లు, సీసీ కెమెరాల పనితీరు, గోడౌన్‌ తాళాలు, రిజిస్టర్లు పరిశీలించారు. కలెక్టర్‌ మాట్లాడుతూ ఎన్నికల సంఘం మార్గదర్శకాలను తప్పకుండా పాటించాలన్నారు. ఈవీఎంల భద్రత విషయంలో ఎన్నికల సంఘం ఖచ్చితమైన మార్గదర్శకాలు ఇచ్చిందని చెప్పారు. పరిసరాల్లో నిరంతర పర్యవేక్షణ ఉండేలా చర్యలు తీసుకోవాలన్నారు. భద్రత విషయంలో ఎలాంటి లోపాలు లేకుండా చూడాలని అధికారులకు సూచించారు. ఆయన వెంట తహసీల్దార్‌ జె.ప్రసాదరావు, వివిధ పార్టీల నాయకులు, రెవెన్యూ సిబ్బంది, వివిధ శాఖల అధికారులు పాల్గొన్నారు. నగరంపాలెం: జిల్లాలోని అన్ని పోలీస్‌స్టేషన్లల్లో ఆదివారం రౌడీషీటర్లకు కౌన్సెలింగ్‌ నిర్వహించారు. జిల్లా ఎస్పీ వకుల్‌ జిందాల్‌ ఆదేశాల మేరకు ఈ ప్రక్రియ కొనసాగించారు. మున్సిపల్‌, ఎంపీటీసీ, జెడ్పీటీసీ, స్థానిక సంస్థల ఎన్నికల దృష్ట్యా రౌడీషీటర్లపై ముందస్తు బైండోవర్‌లు చేశామని తెలిపారు. ఇప్పటి వరకు 1,027 మందిని తహసీల్దార్ల ఎదుట బైండోవర్‌ చేసినట్లు పేర్కొన్నారు. గత తప్పుల నుంచి గుణపాఠం నేర్చుకోవాలని రౌడీషీటర్లకు పోలీస్‌ అఽధికారులు సూచించారు. ఎలాంటి నేరాలకు పాల్పడవద్దని స్పష్టం చేశారు. బాధ్యతాయుతమైన పౌరులుగా జీవించాలని చెప్పారు. చెడు స్నేహాలు, అసాంఘిక కార్యకలాపాలు, నేరప్రవృత్తికి దూరంగా ఉండాలని హితవు పలికారు. గుంటూరు వెస్ట్‌(క్రీడలు): మాస్టర్స్‌ అథ్లెటిక్‌ అసోసియేషన్‌ ఆధ్వర్యంలో ఆదివారం స్థానిక ఎన్టీఆర్‌ స్టేడియంలో పోటీలు నిర్వహించారు. మొత్తం 105 మంది పాల్గొన్న ఈ పోటీల్లో త్రోస్‌, జంప్స్‌, రన్నింగ్‌ విభాగాల్లో పోటీలు నిర్వహించారు. ఈ సందర్భంగా అసోసియేషన్‌ అధ్యక్షులు షేక్‌ లాల్‌ వజీర్‌ మాట్లాడుతూ పోటీల్లో ప్రతిభకనబరచిన వారిని డిసెంబర్‌ 12, 13 తేదీల్లో ఒంగోలులో జరగనున్న రాష్ట్ర పోటీలకు పంపిస్తామన్నారు. మాస్టర్స్‌ అథ్లెటిక్స్‌ పోటీల్లో పాల్గొనే వారి సంఖ్య రోజురోజుకూ పెరుగుతుందన్నారు. డీఎంహెచ్‌ఓ డాక్టర్‌ ఎం.పద్మావతి గుంటూరు మెడికల్‌: జిల్లాలో తుపాను హెచ్చరికల నేపథ్యంలో వైద్య ఆరోగ్యశాఖ సిబ్బంది అప్రమత్తంగా ఉండాలని జిల్లా వైద్య ఆరోగ్యశాఖాధికారి డాక్టర్‌ మక్కెన పద్మావతి ఆదివారం ప్రకటనలో పేర్కొన్నారు. తుపాను ప్రభావిత ప్రాంతాలు, లోతట్టు ప్రాంతాలలోని, ప్రసవానికి సిద్ధంగా ఉన్న గర్భిణులను తమ దగ్గర ఉన్న లిస్టు ఆధారంగా దగ్గరలోని ప్రాథమిక ఆరోగ్య కేంద్రాలకుగాని లేదా సామాజిక ఆరోగ్యలకు గాని తరలించాలన్నారు. తుపాను పరిస్థితుల రీత్యా విద్యుత్‌ అంతరాయాన్ని దృష్టిలో ఉంచుకొని వైద్యాధికారులు వ్యాక్సిన్‌లను సురక్షితంగా ఉంచడంలో భాగంగా జనరేటర్‌లను సిద్ధంగా ఉంచుకోవాలని ఆదేశించారు. తల్లీబిడ్డ వెండర్లు అవసరాన్ని బట్టి గర్భిణులను ఆరోగ్య కేంద్రాలకు తరలించడంలో భాగంగా ఆరోగ్య సిబ్బందికి సహకరించాలన్నారు. అత్యవసర పరిస్థితుల్లో సహాయం కోసం గుంటూరు డీఎంహెచ్‌ఓ కార్యాలయంలో ఏర్పాటు చేసిన హెల్ప్‌లైన్‌ నంబర్‌ను 72075 95104కు సంప్రదించాలన్నారు. నెహ్రూనగర్‌: రామిరెడ్డితోట 5వ లైను (8వ డివిజన్‌)లో కుక్కల దాడిలో ఇద్దరు చిన్నారులు గాయాలపాలైయ్యారు. పొట్ట, చేయి మీద దాడి చేయడంతో చిన్నారులు భయాందోళనలో అరవడంతో వెంటనే స్పందించిన స్థానికులు కుక్కలను తరిమేశారు. గాయాలపాలైన చిన్నారులను జీజీహెచ్‌కు తరలించి చికిత్స అందించడంతో ప్రాణపాయం తప్పింది. నగరంలో విచ్చలవిడిగా కుక్కలు స్వైర విహారం చేస్తున్నాయని వీటికి నగరపాలక సంస్థ అడ్డుకట్ట వేయడంలో విఫలం చెందారని దీని వలన అభం శుభం చిన్నారులు కుక్కల బారిన పడుతున్నారని స్థానికులు ఆవేదన వ్యక్తం చేస్తున్నారు.

● 28వ వార్డు కౌన్సిలర్‌ స్థానం టీడీపీకి కేటాయించినా.. ● జనసేన నుంచి కోటిరత్నారావు నామినేషన్‌ సైతం ఖరారు ● పార్టీ పెద్దల అండతోనే బరిలో నిలిచినట్టు ప్రచారం ● 28వ వార్డు నుంచి నలుగురు అభ్యర్థులు పోటీ సత్తెనపల్లి: మున్సిపల్‌ ఎన్నికల్లో భాగంగా కూటమిలో సీట్ల సర్దుబాటు కొలిక్కి వచ్చి నామినేషన్లు దాఖలు చేయడం, ఉపసంహరణ ప్రక్రియ పూర్తయితే అధికారిక జాబితా విడుదలైనా క్షేత్ర స్థాయిలో అసమ్మతి సెగలు చల్లారడం లేదు. సత్తెనపల్లి మున్సిపాలిటీ పరిధిలో 28వ వార్డు కౌన్సిలర్‌ స్థానం కేటాయింపు వ్యవహారం కూటమి పార్టీల మధ్య చిచ్చు పెడుతుంది. పొత్తులో భాగంగా పట్టణంలోని 36 వార్డు కౌన్సిలర్‌ స్థానాలకు గాను 31 స్థానాలు టీడీపీ, 3 స్థానాలు జనసేన, రెండు స్థానాలు బీజేపీకీ కేటాయించారు. 28వ వార్డు కౌన్సిలర్‌ స్థానం జనరల్‌కు కేటాయించటంతో వల్లెం శ్రీనివాసరావు అలియాస్‌ రాడ్లు శ్రీను టీడీపీ నుంచి బరిలోకి దింపగా బీ–ఫారం కూడా ఇచ్చారు. ఆయన నామినేషన్‌ దాఖలు చేశాడు. అదే వార్డు నుంచి జనసేన తరఫున అమ్మిశెట్టి కోటిరత్నారావు నామినేషన్‌ దాఖలు చేశాడు. జనసేన పార్టీ నుంచి బీ–ఫారం కూడా కేటాయించడంతో ఆదివారం విడుదలైన మున్సిపల్‌ అభ్యర్థుల అధికారిక తుది జాబితాలో ఇరువురు పోటీలో నిలవడం గమనార్హం. ఈ వార్డు నుంచి టీడీపీ, జనసేన అభ్యర్థులు పోటీలో ఉండడంతో కూటమి అభ్యర్ధి ఎవరన్నదాని పై ఉత్కంఠ నెలకొంది. ఎన్నికల ఫలితాల్లోనూ గాజుగ్లాస్‌ గుర్తుపై వేసే ఓటు జనసేన అభ్యర్థిగా బరిలో ఉన్న అమ్మిశెట్టి కోటి రత్నారావుకే దక్కనుంది. జనసేన పార్టీ పెద్దల అండతోనే మున్సిపల్‌ ఎన్నికల బరిలో కోటిరత్నారావు నిలిచినట్టు ప్రచారంలో ఉంది. వీరిద్దరు కాగా వైఎస్సార్‌ సీపీ నుంచి సంకుల తిరుపతిరావు అలియాస్‌ తిరుముల, స్వతంత్ర అభ్యర్థిగా అమ్మిశెట్టి సాయి ప్రసన్న పోటీ బరిలో నిలిచారు. అలాగే 5వ వార్డు నుంచి వైఎస్సార్‌ సీపీ అభ్యర్ధిగా యక్కల గురు పోటీలో ఉండగా ప్రత్యర్థిగా కూటమి నుంచి బీజేపీ అభ్యర్థి మాడ నాగరమేష్‌ కుమార్‌, మరో ముగ్గురు స్వతంత్రులు పోటీలో ఉన్నారు. తలలు పట్టుకుంటున్న టీడీపీ శ్రేణులు ముప్పాళ్ల: స్థానిక సంస్థల ఎన్నికల్లో భాగంగా జరిగే ముప్పాళ్ల జెడ్పీటీసీ ఎన్నికల్లో తెలుగుదేశం పార్టీ సింబల్‌ సైకిల్‌ గుర్తు కనిపించని పరిస్థితి నెలకొంది. కూటమి పొత్తులో భాగంగా జెడ్పీటీసీ స్థానం జనసేనకు కేటాయించారు. వైఎస్సార్‌సీపీ, సీపీఎంలతోపాటుగా జనసేన తరుపున నామినేషన్‌లు దాఖలు చేశారు. తెలుగుదేశం పార్టీ నుంచి ఎవరూ నామినేషన్‌ దాఖలు చేయకపోవటంతో ఆ పార్టీ గుర్తు కనిపించే అవకాశం లేకుండా పోయింది. త్వరలో వచ్చే బ్యాలెట్‌లో వైఎస్సార్‌సీపీ గుర్తు అయిన ఫ్యాన్‌ తో పాటుగా, జనసేన గుర్తు, సీపీఎం గుర్తులు మాత్రమే కనిపించనున్నాయి. రాష్ట్రంలో అధికారంలో ఉండి కూడా పార్టీ గుర్తు కనిపించకపోవటంతో తెలుగుదేశం పార్టీ శ్రేణులు తలలు పట్టుకుంటున్నారు. పార్టీ గుర్తు కనిపించకుండా చేసిన జనసేన అభ్యర్థికి సహకరించేది లేదంటూ బహిరంగంగానే చెప్పుకుంటున్నారు. వల్లెం శ్రీనివాసరావు అమ్మిశెట్టి కోటిరత్నారావు

ముప్పాళ్ల: స్థానిక సంస్థల ఎన్నికల నామినేషన్‌ల ప్రక్రియతో కూటమిలో అంతర్గత పోరు మరోమారు బహిర్గతమయ్యాయి. కూటమిలోని తెలుగుదేశం పార్టీ, జనసేన పార్టీ, బీజేపీల మద్య విభేదాలు రచ్చకెక్కాయి. సరైన ప్రాధాన్యత లేదంటూ కూటమిలోని జనసేన పార్టీ, బీజేపీ నాయకులు ఆగ్రహం వ్యక్తం చేస్తున్నారు. పట్టు ఉన్న చోట పోటీలో ఉంటామని జనసేన పార్టీ ముఖ్య నాయకులు చెప్పటంతో ఆ దిశగా గ్రామస్థాయిలో పట్టు నిలుపుకునేందుకు గాను దమ్మాలపాడు, చాగంటివారిపాలెం, మాదల గ్రామాల్లో జనసేన అభ్యర్ధులు నామినేషన్‌లు దాఖలు చేశారు. అయితే ఎవరిని అడిగి నామినేషన్‌లు దాఖలు చేశారంటూ టీడీపీ నాయకులు బహిరంగంగానే బెదిరింపులకు దిగుతున్నారు. నామినేషన్‌లు విత్‌డ్రా చేసుకోకుంటే పరిణామాలు తీవ్రంగా ఉంటాయని హెచ్చరికలు చేస్తున్నారు. టీడీపీ నాయకుల బెదిరింపులకు భయపడకుండా పోటీలో ఉంటామని జనసేన నాయకులు ప్రచార పర్వానికి సిద్దం అవుతున్నారు. ఎంపీపీ పదవి ఆశ చూపి... ఎంపీపీ పదవి జనసేనకు ఇస్తామని దమ్మాలపాడు గ్రామానికి చెందిన జనసేన నాయకులకు టీడీపీ ముఖ్య నాయకులు ఆశ చూపారు. అదే ఆశతో మొదటిరోజు నామినేషన్‌ కేంద్రం వద్ద జనసేన నాయకులు నామినేషన్‌లను చించివేస్తూ హడావుడి చేశారు. మరుసటి రోజు అదే దమ్మాలపాడు–2 ఎంపీటీసీ స్థానానికి టీడీపీ నాయకులను రెబల్‌ అభ్యర్థులుగా పోటీలో ఉంచేందుకు నామినేషన్‌ వేయటంతో కూటమిలోని విభేదాలు తారాస్థాయికి చేరాయి. ఏకంగా ఒక స్థానానికి నలుగురు జనసేన అభ్యర్ధులు, ఒక టీడీపీ అభ్యర్థి నామినేషన్‌లు దాఖలు చేశారు. ఆ స్థానంలో ఎవరి వారే జనసేన అభ్యర్ధులుగా ప్రకటించుకోవటం గమనార్హం. పార్టీ బీ–ఫారం ఎవరికి కేటాయిస్తారనేది కూటమిలో చర్చనీయాంశంగా మారింది. చాగంటివారిపాలెం, మాదల–1 ఎంపీటీసీ స్థానం కూడా జనసేనకు కేటాయిస్తున్నట్లు ముందుగా చర్చించుకోవటంతో జనసేన తరుపున నామినేషన్‌ దాఖలు చేశారు. ఓటర్లు లేని చోట జనసేన ఎలా పోటీచేస్తుందంటూ టీడీపీ అభ్యర్థిచే మరో నామినేషన్‌ దాఖలు చేయించారు. బీ–ఫారం తెచ్చుకునేందుకు కూటమిలోని రెండు పార్టీల నాయకులు ఎవరికి వారే బలప్రదర్శనకు సిద్ధమవుతున్నారు. ఆయా స్థానాల్లో రెబల్‌ అభ్యర్ధులుగా నామినేషన్‌ వేసిన వారంతా విత్‌డ్రా చేసుకునేందుకు ఇష్టపడటం లేదు. వారందరినీ పదవుల ఆశచూపి ప్రలోభాలకు గురి చేసేందుకు నియోజకవర్గ నాయకులు దృష్టి పెట్టి చర్చలు సాగిస్తున్నారు. దీంతో పోటీ అనివార్యమయ్యే అవకాశాలు మెండుగా నెలకొన్నాయి. బీజేపీ కనుమరుగు... మొత్తం 12 ఎంపీటీసీ స్థానాల్లోను ఒక్కచోట కూడా కూటమిలోని భారతీయజనతాపార్టీ కి కేటాయించిన దాఖలాలు లేక పోవటంతో మండలంలో బీజేపీ పాత్ర కనుమరుగైనట్లేయింది. సీపీఎం ఏకంగా మూడు స్థానాల్లో పోటీలో ఉండేందుకు ఐదు నామినేషన్‌లు దాఖలు చేయగా, జాతీయస్థాయిలో కేంద్రంలో అధికారంలో ఉన్న బీజేపీ పార్టీకి కనీసం ఒక్క చోట పోటీ చేసే అవకాశం ఇవ్వకపోవటం గమనార్హం. తెలుగుదేశం పార్టీలోని ముఖ్య నాయకుల కుట్రలతో బీజేపీ సానుభూతిపరులు అసహనం వ్యక్తం చేస్తున్నారు. ఎన్నికల్లో తమ ప్రభావం ఎంత ఉందో చూపేందుకు సిద్దం అవుతున్నారు. ఏదేమైనా కూటమిలోని అంతర్గత పోరు స్థానిక సంస్థల నామినేషన్‌ల ప్రక్రియతో మరో మారు బహిర్గతమయ్యాయి.

తెనాలిరూరల్‌: రైలు నుంచి జారి పడి గుర్తు తెలియని ప్రయాణికుడు మృతి చెందిన ఘటన విజయవాడ–చైన్నె రైలు మార్గంలో శనివారం రాత్రి జరిగింది. సుమారు 30 నుండి 35 ఏళ్ల వయసున్న పొన్నూరు సమీపంలో రైలు నుంచి జారి పడి అక్కికక్కడే మృతి చెందాడు. సమాచారం అందుకున్న జీఆర్పీ పోలీసులు ఘటనాస్థలాన్ని పరిశీలించి మృతదేహాన్ని వైద్యశాలకు తరలించారు. కేసు నమోదు చేసి దర్యాప్తు చేస్తున్నట్టు ఎస్‌ఐ ఎల్‌.సరస్వతి ఆదివారం తెలిపారు. తాడికొండ: తుళ్లూరు మండలం రాజధాని ప్రాంతమైన మందడం గ్రామంలో నైట్‌ డ్యూటీ సూపర్‌వైజర్‌ అనుమానాస్పద స్థితిలో మృతి చెందాడు. స్థానికుల సమాచారం మేరకు.. మదండం గ్రామ పరిధిలోని ఈ 8 రోడ్డు నిర్మాణ పనుల్లో నైట్‌ డ్యూటీ సూపర్‌వైజర్‌గా పనిచేస్తున్న దుర్గా ప్రసాద్‌(42) శనివారం అర్ధరాత్రి ముక్కు వెంబడి రక్తం కారుతూ అనుమానాస్పదంగా అపస్మారక స్థితిలో కనిపించాడు. గమనించిన టిప్పర్‌ డ్రైవర్‌ వెంటనే ఆసుపత్రికి తరలించాడు. అప్పటికే ఆయన మృతి చెందినట్లు వైద్యులు నిర్ధారించారు.

కొరిటెపాడు(గుంటూరు): ఆంధ్రప్రదేశ్‌ గ్రామీణ బ్యాంక్‌(ఏపీజీబీ) ప్రధాన కార్యాలయం ఆధ్వర్యంలో ఆదివారం విజిలెన్స్‌ కార్నివల్‌–2026 కార్యక్రమాన్ని నిర్వహించారు. ఉద్యోగులు, సిబ్బందికి పాటల పోటీలు, వివిధ క్రీడా పోటీలు, సాంస్కృతిక కార్యక్రమాలు నిర్వహించారు. ఏపీజీబీ చైర్మన్‌ కె.ప్రమోద్‌కుమార్‌రెడ్డి మాట్లాడుతూ ఉద్యోగుల మానసిక, శారీరక, దృఢత్వం మెరుగుపడటంలో క్రీడలు, సాంస్కృతిక కార్యక్రమాలు కీలక పాత్ర పోషిస్తాయన్నారు. ఆరోగ్యవంతమైన సమాజ నిర్మాణంతోపాటు దేశాభివృద్ధికి నీతి, నిజాయితీ, నైతిక విలువలు ఎంతో అవసరమని స్పష్టం చేశారు. విజిలెన్స్‌ ఇన్‌చార్జి హరీష్‌ బేతా మాట్లాడుతూ ఉద్యోగులు విధులను నిబద్ధతతో నిర్వహిస్తూ పారదర్శకతకు ప్రాధాన్యమివ్వాలని కోరారు. కార్యక్రమంలో బ్యాంక్‌ జనరల్‌ మేనేజర్లు ఎ.రాజశేఖరం, పి.శ్రీదేవి, బ్యాంక్‌ ఉద్యోగులు, సిబ్బంది తమ కుటుంబ సభ్యులతో సహా పాల్గొన్నారు.

నవంబర్‌ 28, 29 తేదీల్లో బాలోత్సవ్‌ నరసరావుపేట ఈస్ట్‌: విద్యార్థులలో దాగిఉన్న సృజనాత్మకతను వెలికితీసేందుకు పల్నాడుజిల్లా బాలోత్సవాలు దోహదపడతాయని బాలోత్సవ కమిటీ అధ్యక్ష, కార్యదర్శులు డాక్టర్‌ షేక్‌ మస్తాన్‌షరీఫ్‌, కట్టా కోటేశ్వరరావు తెలిపారు. శ్రీసుబ్బరాయ అండ్‌ నారాయణ కళాశాల వేదికగా నవంబర్‌ 28, 29 తేదీలలో నిర్వహించనున్న 4వ పల్నాడు బాలోత్సవ్‌, 2వ రాష్ట్రస్థాయి ఉపాధ్యాయుల సాంస్కృతిక ఉత్సవాల నిర్వహణపై కళాశాల ఆడిటోరియంలో ఆదివారం సమావేశం నిర్వహించారు. బాలోత్సవాన్ని విజయవంతం చేసేందుకు నిర్వహణ కమిటీ ఆధ్యక్షకార్యదర్శులుగా నియమితులైన డాక్టర్‌ ముత్తవరపు సురేష్‌బాబు, శ్రావ్య పృధ్వీరాజ్‌ను ఘనంగా సత్కరించారు. ఉత్సవాల నిర్వహణకు డాక్టర్‌ సురేష్‌బాబు రూ.4.5లక్షలు విరాళంగా అందచేశారు. ఆయన మాట్లాడుతూ, కార్యక్రమాన్ని విజయవంతం చేసేందుకు విద్యావేత్తలు, ఉపాధ్యాయులు, కళాభిమానులు, ప్రజలు సహకరించాలని కోరారు. కార్యక్రమంలో కళాశాల పాలకవర్గ అధ్యక్షుడు కపలవాయి విజయకుమార్‌, కమిటీ ప్రతినిధులు పాల్గొన్నారు. అమరావతి: ప్రభుత్వం నుంచి రావాల్సిన సబ్సిడీ తన కంటే వెనుక రుణం తీసుకున్న వారికి కూడా చెల్లిస్తుంటే, పనులు లేక కిస్తీలు కట్టలేక మండల పరిధిలోని అత్తలూరు గ్రామానికి చెందిన ఎస్సీ, ఎస్టీ మానిటరింగ్‌ కమిటీ జిల్లా సభ్యుడు బంకా శ్రీనివాసరావు ఆత్మహత్య చేసుకున్నాడు. గ్రామస్తులు, కుటుంబసభ్యులు తెలిపిన వివరాల ప్రకారం.. అత్తలూరుకు చెందిన బంకా శ్రీనివాసరావు 2024వ సంవత్సరంలో వైఎస్సార్‌ నవోదయం పథకం ద్వారా 50 శాతం సబ్సిడీపై పొక్లెయినర్‌ మంజూరు చేశారు. సుమారు రూ.66లక్షల విలువైన పొక్లెయినర్‌ను ప్రభుత్వం ద్వారా పొందిన బంకా శ్రీనివాసరావు అప్పటి నుంచి మండలంలో పలు గ్రామాలలో పనులు చేయించి తొలి పదినెలలపాటు కిస్తీ సుమారు రూ.10 లక్షలు చెల్లించారు. ప్రస్తుతం పనులు లేక ఆదాయం పడిపోవటంతో అంతకు ముందు తీసుకున్న గృహ నిర్మాణ రుణం వాయిదాలు చెల్లించలేకపోయాడు. ఈ రెండేళ్లలో రుణం తీసుకున్న వారికి కూటమి ప్రభుత్వం సబ్సిడీ మంజూరు చేసి గత ప్రభుత్వ హయాంలో రుణాలు తీసుకున్న ఎస్సీ, ఎస్టీ, బీసీ వర్గాల వారికి సబ్సిడీ మంజూరు చేయలేదు. పొక్లెయినర్‌ కిస్తీ, ఇటు హౌసింగ్‌ రుణం కలిపి నెలకు లక్షల రూపాయలు చెల్లించాల్సి రావటంతో మనస్థాపం చెందిన అతను 23వ తేదీ పురుగుమందు తాగి అత్మహత్యాయత్నం చేశాడు. కుటుంబసభ్యులు, అత్తలూరు పీహెచ్‌సీలో ప్రథమ చికిత్స అనంతరం గుంటూరులోని ప్రైవేటు అస్పత్రికి తరలించారు. చికిత్స పొందుతూ బంకా శ్రీనివాసరావు(42) శనివారం సాయంత్రం మృతిచెందాడు. పోలీసులు శవపంచనామా చేసి పోస్టుమార్టం అనంతరం మృతదేహాన్ని కుటుంబసభ్యులకు అప్పగించి కేసు నమోదు చేసి దర్యాప్తు చేస్తున్నారు. బంకా శ్రీనివాసరావుకు భార్య, కుమారుడు, కుమార్తె ఉన్నారు.

చిలకలూరిపేట: స్కూల్‌ గేమ్స్‌ ఫెడరేషన్‌ ఆధ్వర్యంలో బాస్కెట్‌బాల్‌, నెట్‌బాల్‌, కరాటే, కల్వరిపట్టు, కురుష్‌ ఉమ్మడి జిల్లా జట్ల ఎంపిక కార్యక్రమం ఆదివారం ఏఎంజీ హైస్కూల్‌లో నిర్వహించారు. అండర్‌ –19 విభాగంలో నెట్‌బాల్‌, బాస్కెట్‌బాల్‌, కరాటే, కల్వరిపట్టు, కురుష్‌ జిల్లా జట్ల ఎంపిక చేశారు. అండర్‌ –17 కల్వరిపట్టు, అండర్‌–14, అండర్‌ –17లలో కురుష్‌ జిల్లా జట్లను ఎంపిక చేశారు. ఈ ఎంపిక బాలబాలికల జట్లను విడివిడిగా నిర్వహించారు. ఈ ఉమ్మడి జిల్లా జట్లకు ఎంపికై న క్రీడాకారులు త్వరలో నిర్వహించే రాష్ట్ర స్థాయి పోటీలలో ఆయా విభాగాలలో ఉమ్మడి గుంటూరు జిల్లా నుంచి ప్రాతినిధ్యం వహిస్తాయని ఫెడరేషన్‌ సభ్యులు తెలిపారు. ఈ ఎంపిక కార్యక్రమంలో ఉమ్మడి గుంటూరు జిల్లా నుంచి మొత్తం 320 మంది క్రీడాకారులు పాల్గొన్నట్లు తెలిపారు. ఈ ఎంపిక కార్యక్రమం గుంటూరు జిల్లా స్కూల్‌ గేమ్స్‌ కార్యదర్శి వినయ్‌కుమార్‌, పల్నాడు జిల్లా స్కూల్‌గేమ్స్‌ ఆర్గనైజింగ్‌ కార్యదర్శి పిచ్చయ్య, ఎడ్మిన్‌ కార్యదర్శి రషీదా పర్యవేక్షణలో నిర్వహించారు. జిల్లా జట్లకు ఎంపికై న విద్యార్ధులను ఏఎంజీ సంస్థ డైరెక్టర్‌ డాక్టర్‌ అరుణ్‌కుమార్‌ మహంతి, స్కూల్‌ హెచ్‌ఎం కృపాదానం అభినందించారు.

ప్రత్తిపాడు: వైఎస్సార్‌ సీపీ శ్రేణులు పోరాట స్ఫూర్తితో ఎన్నికల బరిలో నిలిచాయి. రాష్ట్రంలోని అనేక ప్రాంతాల్లో అధికార పార్టీ ప్రజాస్వామ్యాన్ని పరిహాసం చేస్తూ స్థానిక ఎన్నికల ప్రక్రియలో అడ్డగోలుగా వ్యవహరించింది. నామినేషన్ల దాఖలుకు ఆటంకాలు కల్పించింది. దాడులకు పాల్పడింది. వైఎస్సార్‌ సీపీ శ్రేణులను, ఆ పార్టీ నాయకులను భయభ్రాంతులకు గురిచేసి తమకు వ్యతిరేకంగా ఒక్క నామినేషన్‌ కూడా పడకుండా వీలైనన్ని కుట్రలు పన్నింది. దీంతో కొన్ని చోట్ల ఎన్నికల్లో పోటీ చేసేందుకు కనీసం నామినేషన్ల దాఖలు చేయలేని దుస్థితి నెలకొంది. ఈ నేపథ్యంలో ప్రతిపాడు నియోజకవర్గంలో వైఎస్సార్‌ సీపీ మాత్రం మంచి జోష్‌ మీద కనిపిస్తోంది. ఏ ఒక్క స్థానం ఏకగ్రీవం కాకూడదంటూ పార్టీ అధినేత వైఎస్‌ జగన్‌మోహన్‌రెడ్డి ఇచ్చిన పిలుపు మేరకు స్థానికంగా ఏమాత్రం ‘తగ్గేదేలే’ అంటోంది. గెలుపోటముల సంగతి అటు ఉంచితే ఎన్నికల బరిలో నిలిచి, ప్రజాక్షేత్రంలోకి వెళ్లాలని ప్రతిపక్ష వైఎస్సార్‌ సీపీ గట్టిగా నిర్ణయించింది. దీంతో ఐదు మండలాల్లోనూ అధికార టీడీపీకి ధీటుగా వైఎస్సార్‌ సీపీ అభ్యర్థులు ఉత్సాహంగా నామినేషన్లను దాఖలు చేశారు. 58 సెగ్మెంట్లలోనూ పోటీ.. ప్రత్తిపాడు నియోజకవర్గంలోని ప్రత్తిపాడు, పెదనందిపాడు, కాకుమాను, వట్టిచెరుకూరు. గుంటూరురూరల్‌ మండలాల్లో మొత్తం 58 సెగ్మెంట్లలో ఎంపీటీసీ ఎన్నికలు జరుగనున్నాయి. పోటీ చేసేందుకు వైఎస్సార్‌ సీపీ నాయకులు ఏ మాత్రం వెరవడం లేదు. అందులో భాగంగానే అనేక ఒత్తిళ్లు, రాయబారాలు, బెదిరింపులను తట్టుకుని నిలబడి టీడీపీతో సమానంగా 137 నామినేషన్లను దాఖలు చేశారు. వాటిలో అక్కడక్కడ ఒకటి రెండు మినహా మిగిలిన అన్ని నామినేషన్లకు శనివారం జరిగిన పరిశీలనలో అధికారులు ఆమోదముద్ర వేశారు. దీంతో దాదాపుగా అన్ని సెగ్మెంట్లలో అభ్యర్థులు వైఎస్సార్‌సీపీ తరఫున పోటీలో ఉండటం ఖాయంగా కనిపిస్తోంది. డమ్మీ నామినేషన్లు వేసిన వారు మినహా మిగిలిన అభ్యర్థులెవ్వరూ నామినేషన్‌ ఉపసంహరించుకునే అవకాశం లేదు. మండలాలవారీగా నామినేషన్ల వివరాలు మండలం వైఎస్సార్‌సీపీ టీడీపీ ప్రత్తిపాడు 26 25 పెదనందిపాడు 39 40 కాకుమాను 27 26 వట్టిచెరుకూరు 26 40 గుంటూరు రూరల్‌ 19 17 మొత్తం 137 148 టీడీపీ దౌర్జన్యాలను తట్టుకుని బరిలో నిలిచిన వైఎస్సార్‌ సీపీ అభ్యర్థులు ఐదు మండలాల్లోనూ అదే ఉత్సాహం అధినేత వైఎస్‌ జగన్‌ పిలుపు మేరకు ఏకగ్రీవాలకు చెక్‌

ఏపీ రాజధాని అమరావతికి వెళ్లే ప్రధాన రహదారిపై ప్రయాణం నరకప్రాయంగా మారింది. ఏడాదిగా మరమ్మతుల పేరుతో చారెడు మట్టి కూడా వేయకుండా వదిలేసిన పాపం నేడు ప్రయాణికులను అష్టకష్టాలకు గురిచేస్తోంది. మూడు రోజుల క్రితం తాడికొండలో భారీ వర్షం కురిసింది. దీంతో తాడికొండ– పెదపరిమి మధ్య రహదారి నిర్మాణంలో భాగంగా తవ్వి వదిలేయడంతో ఆ గుంతల్లో నీరు భారీగా చేరింది. టీడీపీ సర్కారు తీరుతో అటు గుత్తేదారు, ఇటు అధికారులు చర్యలు తీసుకున్న దాఖలాలు లేవు. ఆదివారం నడిరోడ్డుపై ఓ ద్విచక్ర వాహనం కూరుకుపోవడంతో కనీసం బయటకు తీసేందుకు కూడా వీలు కాలేదు. ఓ తాడు కట్టి మరీ లారీతో బయటకు లాగాల్సి వచ్చింది. దీంతో సుమారు 3 గంటల పాటు ట్రాఫిక్‌ జాం అయింది. దేవతల రాజధాని అమరావతి అంటూ చెప్పే చంద్రబాబు రాజధానికి వెళ్లే రోడ్డు కూడా నిర్మించలేకపోయారని పలువురు తీవ్ర ఆగ్రహం వ్యక్తం చేశారు. దేవతలు ఆకాశం నుంచి వస్తారు కదా.. ఇక నేలపై రోడ్లెందుకు అనుకున్నారేమో అంటూ సైటెర్లు వేయడం కనిపించింది. – తాడికొండ

నగరంపాలెం: దీపావళి పండుగ దృష్ట్యా అగ్ని ప్రమాదాలు జరగకుండా ఉండేందుకు ఆదివారం జిల్లా వ్యాప్తంగా బాణసంచా దుకాణాల్లో పోలీస్‌ అధికారులు ముందస్తు తనిఖీలు చేపట్టారు. గుంటూరు జిల్లా ఎస్పీ వకుల్‌ జిందాల్‌ ఆదేశాల మేరకు తాడేపల్లి, మంగళ గిరి, నగరంపాలెం పరిధిలోని టపాసుల హోల్‌సేల్‌, రిటైల్‌ విక్రయ కేంద్రాలు, టపాసులు నిల్వ ఉంచే ప్రదేశాల్లో ఆకస్మిక తనిఖీలు చేశారు. అగ్నిమాపక భద్రతా నిబంధనలు, అనుమతులు, ఇతర భద్రతా ప్రమాణాలను దుకాణాల యజమానులు పాటిస్తున్నారా లేదా అనేది పరిశీలించారు. టపాసుల నిల్వ, విక్రయాల వేళల్లో భద్రతా ప్రమాణాలను విధిగా పాటించాలని దుకాణదారులు, నిర్వాహకులకు సూచించారు. తనిఖీల్లో గుంటూరు పశ్చిమ డీఎస్పీ బెల్లం శ్రీనివాసరావు, సీఐలు రాజేష్‌(నగరంపాలెం పీఎస్‌), సీహెచ్‌ వెంకట్‌ (మంగళగిరి గ్రామీణ), వీరేంద్ర బాబు (తాడేపల్లి పీఎస్‌), పోలీస్‌ సిబ్బంది పాల్గొన్నారు. తాడేపల్లి రూరల్‌: తాడేపల్లి పోలీస్‌స్టేషన్‌ పరిధిలోని మహానాడు ప్రాంతం సమీపంలో ర్యాపిడో డ్రైవర్‌పై జరిగిన దాడి స్థానికంగా చర్చనీయాంశంగా మారింది. అందిన వివరాల ప్రకారం.. విజయవాడకు చెందిన రామకృష్ణ ర్యాపిడో నడుపుతూ జీవనం సాగిస్తున్నారు. ఆదివారం తెల్లవారుజామున విజయవాడ బస్టాండ్‌ నుంచి తాడేపల్లిలోని మహానాడు ప్రాంతానికి వచ్చి తిరిగి వెళ్తుండగా సీతానగరం సబ్‌స్టేషన్‌ వద్ద నలుగురు యువకులు అతడిని అడ్డగించినట్లు సమాచారం. అతడిపై దాడి చేసి, అతని వద్ద ఉన్న రూ.35 వేల నగదు లాక్కున్నట్లు తెలుస్తోంది. బాధితుడి సెల్‌ఫోన్‌ ద్వారా ఫోన్‌పే చేయడానికి దుండగులు ప్రయత్నించినప్పటికీ సాంకేతిక సమస్య కారణంగా నగదు బదిలీ కాలేదని సమాచారం. అనంతరం ఫోన్‌ను తిరిగి ఇచ్చి అక్కడి నుంచి పరారైనట్లు తెలుస్తోంది. బాధితుడు వెంటనే 112కు ఫోన్‌ చేసి ఫిర్యాదు చేయడంతో పోలీసులు సంఘటనా స్థలానికి చేరుకుని వివరాలు సేకరించారు. సీసీ కెమెరాల దృశ్యాలను పరిశీలించి సీతానగరానికి చెందిన పాత నేరచరిత్ర ఉన్న వ్యక్తిని అదుపులోకి తీసుకున్నట్లు విశ్వసనీయ వర్గాల సమాచారం. విమానాశ్రయం(గన్నవరం): ఎన్టీఆర్‌ జిల్లా పర్యటనకు ఉప రాష్ట్రపతి సీపీ రాధాకృష్ణన్‌ సోమవారం గన్నవరం విమానాశ్రయానికి విచ్చేస్తున్న సందర్భంగా అధికారులు కట్టుదిట్టమైన భద్రత ఏర్పాట్లు చేపట్టారు. విమానాశ్రయాన్ని తమ ఆధీనంలోకి తీసుకున్న ఎస్పీజీ దళాలు, పోలీసులు క్షుణ్ణంగా తనిఖీలు చేస్తున్నారు. విమానాశ్రయం నుంచి విజయవాడ వరకు ఆదివారం ఉపరాష్ట్రపతి కాన్వాయ్‌ ట్రయల్‌ రన్‌ కూడా నిర్వహించారు. న్యూఢిల్లీ నుంచి ఉదయం 10.05 గంటలకు ఉప రాష్ట్రపతి ఇక్కడికి చేరుకుని రోడ్డు మార్గం ద్వారా విజయవాడ వెళ్లనున్నారు. పర్యటన అనంతరం తిరిగిన మధ్యాహ్నం 12.50 గంటలకు ఇక్కడికి చేరుకుని న్యూఢిల్లీ వెళ్తారని అధికారులు తెలిపారు. ఉపరాష్ట్రపతి పర్యటనకు సంబంధించి భద్రత, ప్రొటోకాల్‌ ఏర్పాట్లను ఇప్పటికే పూర్తి చేసినట్లుగా పేర్కొన్నారు. వన్‌టౌన్‌(విజయవాడపశ్చిమ): విజయవాడ పుస్తక మహోత్సవం నూతన అధ్యక్షుడిగా తలముడిపి మనోహర్‌ నాయుడు ఏకగ్రీవంగా ఎన్నికయ్యారు. దేశంలోనే అత్యంత ప్రతిష్ఠాత్మకంగా నిర్వహించే పుస్తక మహోత్సవాల్లో ప్రత్యేక గుర్తింపు పొందిన విజయవాడ పుస్తక మహోత్సవం నూతన కమిటీ ఎన్నికలు ఆదివారం జరిగాయి. ఈ ఎన్నికల్లో మనోహర్‌ నాయుడుతో పాటు ఉపాధ్యక్షుడిగా జక్కంపూడి ప్రసాద్‌, కార్యదర్శిగా కె. లక్ష్మయ్య, సహాయ కార్యదర్శిగా ఏబీఎస్‌ సాయిరామ్‌, కోశాధికారిగా కొండపల్లి రవి, పలువురు కమిటీ సభ్యులుగా ఎన్నికయ్యారు.

నరసరావుపేట: ఆర్నాబ్‌ తుపాను కారణంగా ఏపీ సెంట్రల్‌ పవర్‌ డిస్ట్రిబ్యూషన్‌ కార్పొరేషన్‌ లిమిటెడ్‌ (ఏపీసీపీడీసీఎల్‌) చైర్మన్‌ మేనేజింగ్‌ డైరెక్టర్‌ పి.పుల్లారెడ్డి ఆదేశాల మేరకు జిల్లాలో కంట్రోల్‌ రూమ్‌ ఏర్పాటు చేసినట్లు సూపరింటెండింగ్‌ ఇంజినీర్‌ నల్లూరి మస్తాన్‌రావు ఆదివారం ఓ ప్రకటనలో పేర్కొన్నారు. జిల్లాలో మూడు కంట్రోల్‌ రూమ్‌లను ఈనెల 26 నుంచి 29వ తేదీ వరకు పనిచేస్తాయని తెలిపారు. అవి 24 గంటలూ విద్యుత్‌ వాడకందారులకు అందుబాటులో ఉండే విధంగా సిబ్బందిని నియమించినట్లు తెలిపారు. తుపాను సమయంలో విద్యుత్‌ భద్రత సూచనలు పాటించాలని, విద్యుత్‌ అంతరాయం కలిగిన సమయంలో సమాచారం కోసం కంట్రోల్‌ రూమ్‌ నెంబర్‌ 76610 19447, నరసరావుపేట డివిజన్‌ కంట్రోల్‌ రూమ్‌ నెంబర్‌ 94408 17539, మాచర్ల డివిజన్‌ కంట్రోల్‌ రూమ్‌ నెంబర్‌ 94408 17531 సంప్రదించవచ్చని తెలిపారు.

● వైఎస్సార్‌ సీపీ జెడ్పీటీసీ అభ్యర్థులే లక్ష్యం ● నామినేషన్ల ఉపసంహరణకు తీవ్ర ఒత్తిడి ● ఏకగ్రీవాల కోసం పోలీసులు, కూటమి నేతల కుతంత్రం ● అజ్ఞాతంలోకి వైఎస్సార్‌ సీపీ జెడ్పీటీసీ అభ్యర్థులు దాచేపల్లి: స్థానిక సంస్థల ఎన్నికల్లో బెదిరింపుల పర్వం పరాకాష్టకు చేరింది. ఎన్నికల్లో పోటీ చేసే అభ్యర్థులను బెదిరించి, ఎన్నికల బరి నుంచి తప్పించేందుకు కూటమి నేతలు బరితెగిస్తున్నారు. పల్నాడు జిల్లా గురజాల నియోజకవర్గ పరిధిలోని దాచేపల్లి, గురజాల, మాచవరం, పిడుగురాళ్ల మండలాల్లో వైఎస్సార్‌ సీపీ తరఫున జెడ్పీటీసీ అభ్యర్థులుగా బరిలో నిలిచిన వారిపై తీవ్రస్థాయిలో ఒత్తిడి చేస్తున్నారు. వీరి నామినేషన్లన్నీ ఖరారు కావడంతో సామ, దాన, భేద, దండోపాయాలను ప్రయోగిస్తున్నారు. వైఎస్సార్‌ సీపీ అభ్యర్థులు బరిలో నిలిస్తే ఓటమి తప్పదనే భయాందోళనతో కూటమి నేతలు ఉక్కిరిబిక్కిరి అవుతున్నారు. బరిలో నిలిచిన అభ్యర్థులు గురజాల నియోజకవర్గంలో వైఎస్సార్‌ సీపీ తరఫున పలువురు జెడ్పీటీసీ అభ్యర్థులుగా బరిలో నిలిచారు. దాచేపల్లి నుంచి తండా అబ్దుల్‌సత్తార్‌, ఉల్లేరు హనుమంతరావు, పిడుగురాళ్ల నుంచి మూడేల భారతి, వీరభద్రుని అనూరాధ, మాచవరం నుంచి దొండేటి వెంకాయమ్మ, గురజాల నుంచి వేముల శేషమ్మ జెడ్పీటీసీ అభ్యర్థులుగా నామినేషన్లు వేశారు. వీరి నామినేషన్లను పరిశీలించిన ఎన్నికల అధికారులు ఆమోదించారు. వీరిలో నలుగురికి పార్టీ తరఫున బీ–ఫారాలు ఇచ్చేందుకు చర్యలు చేపట్టారు. నాలుగు మండలాల్లో బలమైన అభ్యర్థులు జెడ్పీటీసీ ఎన్నికల బరిలో నిలవడంతో కూటమికి గట్టి పోటీ ఎదురయ్యే పరిస్థితులు స్పష్టంగా కనిపిస్తున్నాయి. నామినేషన్ల ఉపసంహరణ పూర్తయిన తర్వాత వైఎస్సార్‌సీపీ అభ్యర్థులు ఎన్నికల ప్రచారం నిర్వహించేలా ప్రణాళికలు సిద్ధం చేస్తున్నారు. ప్రాణభయంతో అజ్ఞాతంలోకి... వైఎస్సార్‌ సీపీ జెడ్పీటీసీ అభ్యర్థులకు తీవ్రస్థాయిలో బెదిరింపులు వస్తున్నాయి. కొంతమంది టీడీపీ నేతలు నేరుగా అభ్యర్థులకు ఫోన్‌ చేసి, ‘‘మాట్లాడుకుందాం రా’’ అంటూ బెదిరిస్తున్నారు. ‘‘ఇప్పుడున్నది మా ప్రభుత్వం అని గుర్తుపెట్టుకో’’ అంటూ తీవ్రస్థాయిలో హెచ్చరిస్తున్నారు. అంతటితో ఆగకుండా అభ్యర్థుల కుటుంబ సభ్యులు, బంధువులు, స్నేహితుల ద్వారా కూడా ఒత్తిడి చేస్తున్నారు. ఎలాగైనా నామినేషన్లు ఉపసంహరించుకునేలా ఒత్తిడి తెస్తూ ఇబ్బందులకు గురిచేస్తున్నారు. ఒకవైపు కూటమి నేతలు, మరోవైపు పోలీసులు ఒత్తిడి చేస్తున్నారని అభ్యర్థులు ఆవేదన చెందుతున్నారు. వైఎస్సార్‌ సీపీ జెడ్పీటీసీ అభ్యర్థులపై తీవ్రమైన బెదిరింపుల వ్యవహారం ఇప్పుడు నియోజకవర్గవ్యాప్తంగా చర్చనీయాంశంగా మారింది. ఈ నేపథ్యంలో వైఎస్సార్‌ సీపీ జెడ్పీటీసీ అభ్యర్థులు నామినేషన్లు వేసిన తర్వాత గ్రామాల్లోనే ఉన్నప్పటికీ ఒత్తిడి పెరగడంతో అజ్ఞాతంలోకి వెళ్లాల్సి వచ్చింది. స్వతంత్ర అభ్యర్థులకు కూడా బెదిరింపులు వస్తుండటంతో వారు సైతం సురక్షిత ప్రాంతాల్లో తలదాచుకున్నారు. జెడ్పీటీసీ అభ్యర్థులను ప్రతిపాదించిన వ్యక్తుల కదలికలపై కూడా కూటమి నేతలు దృష్టి సారించి, వారి ద్వారా అభ్యర్థుల ఆచూకీ తెలుసుకునేందుకు ప్రయత్నాలు చేస్తున్నారు. ఎన్నికలు రణరంగాన్ని తలపించేలా ఉండటంతో ప్రాణ భయంతో అభ్యర్థులు అజ్ఞాతంలోకి వెళ్లారు. వైఎస్సార్‌ సీపీ జెడ్పీటీసీ అభ్యర్థులుగా నామినేషన్‌ వేసిన తండా అబ్దుల్‌సత్తార్‌, ఉల్లేరు హనుమంతరావు, దొండేటి వెంకాయమ్మ, మూడేల భారతి, వీరభద్రుని అనూరాధ, వేముల శేషమ్మ వైఎస్సార్‌ సీపీ తరఫున దాచేపల్లి, గురజాల, మాచవరం, పిడుగురాళ్ల జెడ్పీటీసీ అభ్యర్థులుగా బలమైన నాయకులు బరిలో నిలవడంతో కూటమి అభ్యర్థులకు భయం పట్టుకుంది. ప్రస్తుత కూటమి ప్రభుత్వంపై ప్రజల్లో ఉన్న వ్యతిరేకతతో పాటు నగర పంచాయతీ, మున్సిపాలిటీ, ఎంపీటీసీ, జెడ్పీటీసీ స్థానాలను బలవంతంగా ఏకగ్రీవం చేసుకున్నారనే అంశంపై ప్రజల్లో, వ్యాపార వర్గాల్లో విస్తృతంగా చర్చ జరుగుతోంది. వైఎస్సార్‌ సీపీ అభ్యర్థులను నామినేషన్లు వేయకుండా అక్కడికక్కడే అడ్డుకుని, తప్పుడు కేసులు పెట్టి బెదిరింపులకు పాల్పడుతున్న విషయాన్ని ప్రజలంతా రోజూ చూస్తూనే ఉన్నారు. ఇటువంటి వ్యవహారాలతో కూటమిపై ప్రజల్లో అసంతృప్తి బాగా పెరిగింది. ఈ విషయాన్ని గమనించిన కూటమి అభ్యర్థులు పోటీ లేకుండా ఏకగ్రీవాలు చేసుకునేందుకు కుటిల ప్రయత్నాలు చేస్తున్నారు. ఎన్నికలు జరిగితే ఓటమి తప్పదనే ఆందోళన వారిని వెంటాడుతోంది. ప్రజల్లో ఉవ్వెత్తున ఉన్న అసంతృప్తి ఓట్ల రూపంలో కూటమికి చేటు చేస్తుందని వారు మదనపడుతున్నారు. దీంతో వైఎస్సార్‌ సీపీ జెడ్పీటీసీ అభ్యర్థుల నామినేషన్లను బలవంతంగానైనా ఉపసంహరింపజేసేలా పావులు కదిపారు.

పల్నాడుఆదివారం శ్రీ 25 శ్రీ అక్టోబర్‌ శ్రీ 2026‘పచ్చ’ మూకలపై ప్రజాస్వామ్యానికి రక్షణ కవచంగా నిలవాల్సిన అధికార యంత్రాంగం పాలక పార్టీకి దాసోహమైంది. ఎన్నికల్లో పోటీ చేసే హక్కును కాపాడాల్సిన పోలీసులే పచ్చ నేతలకు అండగా నిలిచారు. అధికార దర్పానికి అడ్డుకట్ట వేయాల్సిన ఉన్నతాధికారులు మౌనం వహించారు. జిల్లా కేంద్రం నరసరావుపేటలో జెడ్పీటీసీ, ఎంపీటీసీ నామినేషన్ల సందర్భంగా చోటుచేసుకుంటున్న ఘటనలు జిల్లా కలెక్టర్‌, ఎస్పీ పనితీరుపై తీవ్ర ప్రశ్నలు లేవనెత్తుతున్నాయి.Iతెనాలి: స్థానిక మార్కెట్‌యార్డులో శనివారం క్వింటా నిమ్మకాయలు కనిష్ఠ ధర రూ.6 వేలు, గరిష్ఠ ధర రూ.9,500, మోడల్‌ ధర రూ.8 వేల వరకు పలికింది.అచ్చంపేట: పులిచింతల ప్రాజెక్టులో ప్రస్తుత నిల్వ 27.5261 టీఎంసీలు. ప్రాజెక్టు దిగువకు 400 క్యూసెక్కులు లీకేజీల ద్వారా వెళుతోంది.మోపిదేవి: స్థానిక శ్రీవల్లీదేవసేన సమేత సుబ్రహ్మణ్యేశ్వర స్వామిని ఎన్‌హెచ్‌ఆర్‌సీ డైరెక్టర్‌, మాజీ డీజీ, ఐపీఎస్‌ పి.వి కృష్ణారెడ్డి శనివారం సాయంత్రం దర్శించుకున్నారు. జిల్లా కలెక్టర్‌ కృతికా శుక్లా చిలకలూరిపేట: ఓట్ల లెక్కింపునకు పకడ్బందీ ఏర్పాట్లు చేయాలని జిల్లా కలెక్టర్‌ కృతికా శుక్లా అధికారులను ఆదేశించారు. ఏఎంజీ జూనియర్‌ కాలేజీలో ఏర్పాటు చేసిన స్ట్రాంగ్‌ రూమ్‌, కౌంటింగ్‌ కేంద్రాన్ని శనివారం మున్సిపల్‌ అధికారులతో కలసి పరిశీలించారు. మున్సిపల్‌ ఎన్నికల నేపథ్యంలో కౌంటింగ్‌ కేంద్రంలో మౌలిక సదుపాయాలు, భద్రతా ఏర్పాట్లు, ఇతర సౌకర్యాలను అధికారుల నుంచి అడిగి తెలుసుకున్నారు. ఎలాంటి లోటుపాట్లు లేకుండా తగు జాగ్రత్తలు తీసుకోవాలని సూచించారు. కార్యక్రమంలో మున్సిపల్‌ కమిషనర్‌ పి శ్రీహరిబాబు, మున్సిపల్‌ డీఈఈ షేక్‌ అబ్దుల్‌ రహీం, టౌన్‌ ప్లానింగ్‌ సూపర్‌వైజర్‌ పి వెంకటేశ్వర్లు తదితరులు పాల్గొన్నారు. 2 నామినేషన్లు తిరస్కరణ నరసరావుపేట: జిల్లాలో జెడ్పీటీసీ ఎన్నికలకు సంబంధించి నామినేషన్ల పరిశీలన ప్రక్రియ పూర్తయ్యింది. ఎన్నికల కమిషన్‌ ఇచ్చిన షెడ్యూల్‌ ప్రకారం జిల్లా జాయింట్‌ కలెక్టర్‌, రిటర్నింగ్‌ అధికారి సంజనా శ్రీహర్ష అభ్యర్థుల సమక్షంలో శనివారం నామినేషన్ల పరిశీలన చేశారు. బొల్లాపల్లి, నాదెండ్లకు చెందిన రెండు నామినేషన్లు తిరస్కరించారు. స్థానిక రెవెన్యూ డివిజన్‌ కార్యాలయంలో నామినేషన్ల స్క్రూటినీ ప్రక్రియ మొత్తాన్ని జాయింట్‌ కలెక్టర్‌ పర్యవేక్షించారు. ఎన్నికల జిల్లా సాధారణ పరిశీలకులు కన్నబాబు జిల్లాలో పర్యటించారు. నామినేషన్ల స్క్రూటినీ ప్రక్రియను ఆయన పరిశీలించారు. స్క్రూటినీ కేంద్రాలవద్ద పోలీసు బందోబస్తును ఏర్పాటు చేశారు. నరసరావుపేట టౌన్‌: స్థానిక ఎన్నికల్లో వైఎస్సార్‌సీపీ అభ్యర్థులు నామినేషన్లు వేయకుండా పచ్చ గూండాలు దాడులకు పాల్పడ్డారు. మహిళలని కూడా చూడకుండా విచక్షణారహితంగా దాడులకు తెగబడ్డారు. నామినేషన్‌ పత్రాలను చించివేశారు. ప్రజాస్వామ్య ప్రక్రియకు విఘాతం కలిగిస్తున్నారన్న ఫిర్యాదులపై సమర్థంగా చర్యలు తీసుకోకపోవడంతో టీడీపీ గూండాలు చెలరేగిపోయారు. నామినేషన్‌ కేంద్రాల వద్ద అభ్యర్థులు స్వేచ్ఛగా తమ పత్రాలను సమర్పించే పరిస్థితులు ఉండాలి. కానీ, పల్నాడు జిల్లా కేంద్రంలో అందుకు విరుద్ధమైన పరిస్థితులు నెలకొన్నాయి. అధికార పార్టీకి చెందిన వ్యక్తులు గుంపులుగా చేరి బెదిరింపులకు దిగారు. మారణాయుధాలతో భయాందోళనలు సృష్టించారు. అయినప్పటికీ అటువైపు కన్నెత్తి చూసే ధైర్యం కూడా అధికారులు చేయలేదు. పోలీసుల సమక్షంలోనే దాడులు జరుగుతున్నా, వాటిని నిలువరించడంలో యంత్రాంగం పూర్తిగా విఫలమైంది. జిల్లా కేంద్రంలోనే ఈ దుస్థితి కలెక్టర్‌, ఎస్పీ సహా జిల్లా ఉన్నతాధికారులందరూ అందుబాటులో ఉండే పల్నాడు జిల్లా కేంద్రం నరసరావుపేటలో ఎన్నికల ప్రక్రియ అప్రతిష్ఠపాలవడం ఆందోళన కలిగిస్తోంది. నామినేషన్‌ కేంద్రాలకు సమీపంలోనే ఘర్షణలు, బెదిరింపులు చోటుచేసుకుంటున్నాయి. ఇక్కడే ఇలా ఉంటే, ఇక మారుమూల మండలాల్లో ఎన్నికల నిర్వహణ ఎలా ఉంటుందన్న ప్రశ్న తలెత్తుతోంది. ఉన్నతాధికారుల పర్యవేక్షణ కేవలం సమీక్షలకే పరిమితమైంది. ఆయుధాలతో తిరిగినా కేసుల్లేవు వైఎస్సార్‌ సీపీ అభ్యర్థులపై దాడులు చేసేందుకు టీడీపీ గూండాలు ఓ వాహనంలో మారణాయుధాలు తరలిస్తూ పట్టుబడ్డారు. గురువారం ఆర్డీవో కార్యాలయ నామినేషన్‌ కేంద్రానికి వెళ్లే దారిలో, మున్సిపల్‌ కార్యాలయం వద్ద ఓ వాహనంలో కర్రలు, ఇనుప రాడ్లు, రాళ్లు నింపారు. అవసరమైనప్పుడు వాటిని బయటకు తీసి నామినేషన్లు వేయడానికి వచ్చే వారిపై దాడులకు పాల్పడుతున్నారు. ఈ విషయాన్ని గమనించిన అదనపు ఎస్పీ రోహిత్‌ కుమార్‌ చౌదరి ఆ వాహనాన్ని సీజ్‌ చేసి వన్‌టౌన్‌ పోలీస్‌ స్టేషన్‌కు తరలించారు. అదేవిధంగా, పిడుగురాళ్ల జెడ్పీటీసీ స్థానానికి వైఎస్సార్‌ సీపీ తరఫున నామినేషన్‌ దాఖలు చేసేందుకు వచ్చిన పెద్ద లక్ష్మారెడ్డి, భారతి దంపతులపై టీడీపీ గూండాలు రెండు రోజుల క్రితం దాడులకు పాల్పడ్డారు. ఈ రెండు ఘటనలపై వన్‌టౌన్‌ పోలీసులు నమోదు చేసిన కేసులు విమర్శలకు తావిస్తున్నాయి. దాడులకు పాల్పడింది టీడీపీ మూకలేనని తెలిసినా, ఎఫ్‌ఐఆర్‌లో నిందితుల పేర్లు నమోదు చేయలేదు. గుర్తుతెలియని వ్యక్తులుగా కేసు నమోదు చేసి, కేసును నీరుగారుస్తున్నారనే ఆరోపణలు వెల్లువెత్తుతున్నాయి. అధికార పార్టీకి ఒక న్యాయం, ప్రతిపక్షానికి మరో న్యాయం అన్నట్లుగా పోలీసుల వ్యవహారం ఉండటంతో విమర్శలు తీవ్రంగా వినిపిస్తున్నాయి. కలెక్టర్‌, ఎస్పీ తీరుపై విమర్శలు నామినేషన్‌ కేంద్రాల వద్దకు జిల్లా కలెక్టర్‌ కృతికా శుక్లా అప్పుడప్పుడు వచ్చి వెళ్తూ, ప్రెస్‌మీట్లతో సరిపెట్టారు. అభ్యర్థులు నిర్భయంగా నామినేషన్లు దాఖలు చేసేలా చూడటం యంత్రాంగం ప్రాథమిక బాధ్యత. దానిని ఎంతవరకు నిర్వర్తించారన్న దానిపై కలెక్టర్‌ స్పష్టత ఇవ్వాల్సి ఉంది. శాంతిభద్రతలను పరిరక్షించడం పోలీసు శాఖకు అత్యంత కీలకమైనా నామినేషన్‌ కేంద్రాల వద్ద దాడులు జరుగుతున్నప్పుడు ఎస్పీ కనిపించకుండా, చివరి రోజున ప్రత్యక్షమయ్యారు. టీడీపీ మూకలు గుంపులుగా వైఎస్సార్‌ సీపీ అభ్యర్థులను అడ్డుకుంటున్నా, చూసీచూడనట్లు వ్యవహరించారు. ముందస్తు చర్యలు తీసుకోవడంలో ఎస్పీ విఫలమయ్యారన్న విమర్శలు వినిపిస్తున్నాయి. జిల్లా కలెక్టర్‌, ఎస్పీ ఇప్పటికైనా స్పందించాల్సి ఉంది.గత రెండు రోజులుగా నామినేషన్లు వేయడానికి అడ్డంకులు ఎదుర్కొన్న వైఎస్సార్‌సీపీ అభ్యర్థులకు చివరి రోజైన శుక్రవారం అవకాశం కల్పిస్తామని పోలీసు అధికారులు హామీ ఇచ్చారు. దీంతో నామినేషన్ల దాఖలు చేసేందుకు సిద్ధమయ్యారు. అయితే, అర్ధరాత్రి నుంచే పోలీసులు అక్రమ అరెస్టులకు పాల్పడ్డారు. నరసరావుపేట పట్టణంలో వైఎస్సార్‌సీపీ ద్వితీయ శ్రేణి నాయకులు, కార్యకర్తలను స్టేషన్‌లో నిర్బంధించారు. సాయంత్రం వరకు బయటకు రాకుండా అడ్డుకున్నారు. నామినేషన్‌ దాఖలు చేసే అవకాశాన్ని దెబ్బతీశారు. చివరి రోజు కీలకమైన సమయంలోనే ఇలాంటి పరిస్థితులు ఎదురైతే తమ నామినేషన్లు ఎలా వేయాలని అభ్యర్థులు వాపోతున్నారు. అభ్యర్థులకు భరోసా ఇవ్వాల్సిన పోలీసు అధికారులే పాలకుల మెప్పు కోసం అక్రమ అరెస్టులకు ఒడిగట్టారు.

కుక్క ఢీకొనడంతో స్కూటీపై నుంచి కిందపడిన వైనం చిలకలూరిపేటటౌన్‌:మండలంలోని పసుమర్రు సమీపంలో పాత జాతీయ రహదారి–16పై జరిగిన రోడ్డు ప్రమాదంలో వ్యక్తి మృతి చెందాడు. సేకరించిన వివరాల ప్రకారం షేక్‌ హుస్సేన్‌(30) అనే వ్యక్తి జాతీయ రహదారిపై స్కూటీపై వస్తుండగా స్కూటీని కుక్క ఢీకొని అదుపుతప్పి రోడ్డుపై పడిపోయాడు. ఈ ఘటనలో హుస్సేన్‌ తలకు తీవ్ర గాయాలు కావడంతో అక్కడికక్కడే ప్రాణాలు కోల్పోయాడు. సమాచారం అందుకున్న చిలకలూరిపేట రూరల్‌ పోలీసులు ఘటనాస్థలికి చేరుకుని వివరాలు సేకరించారు. మృతదేహాన్ని చిలకలూరిపేట ప్రభుత్వ ఆసుపత్రికి తరలించి, ప్రమాదంపై దర్యాప్తు చేపట్టారు. పూర్తి వివరాలు తెలియాల్సి ఉంది.

‘రెడ్‌ బుక్‌’ అరాచకాలను మాచర్ల: రాష్ట్రంలో రెడ్‌బుక్‌ రాజ్యాంగం పేరుతో ప్రజాస్వామ్యాన్ని అపహాస్యం చేస్తున్నారని, తాము ఎన్నికల బరిలో నిలిచి పోరాటం కొనసాగిస్తామని వైఎస్సార్‌సీపీ పల్నాడు జిల్లా అధ్యక్షుడు పిన్నెల్లి రామకృష్ణారెడ్డి అన్నారు. స్థానిక ఎన్నికలలో ఓటమి భయంతోనే సీఎం చంద్రబాబు, ఆయన కుమారుడు లోకేష్‌ ఆధ్వర్యంలో హింసాకాండను ప్రోత్సహిస్తున్నారని ఆరోపించారు. పోలీసులను అడ్డం పెట్టుకొని అరాచకాలకు పాల్పడుతున్నారని మండిపడ్డారు. మహిళలు అని కూడా చూడకుండా అత్యంత దారుణంగా హింసిస్తున్నారని ఆవేదన వ్యక్తం చేశారు. ఈ గూండాయిజంపై ప్రజలను చైతన్యపరుస్తామని తెలిపారు. శనివారం పీఆర్కే విలేకరులతో మాట్లాడుతూ... జిల్లాలో అరాచకాలకు పాల్పడి ఏకగ్రీవాలు చేసుకోవడం కోసం ఎస్సీ, ఎస్టీ, బీసీ అభ్యర్థులు నామినేషన్లు వేయడానికి వెళ్లకుండా టీడీపీ వారు అడ్డుకుంటున్నారని అన్నారు. నరసరావుపేటలోని అన్ని మండల కేంద్రాల్లో ఎంపీడీవో కార్యాలయాల వద్ద టీడీపీ గూండాలను మోహరించి, పోలీసుల అండతో మూడు రోజులుగా అరాచకాలకు పాల్పడ్డారని ఆరోపించారు. నకిలీ నామినేషన్లు పైగా, కోర్టుల్లో కేసులు వేసి న్యాయవ్యవస్థను ఆశ్రయిస్తారనే భయంతో ఆయా మండలాల్లో 14 ఫేక్‌ నామినేషన్లు వేయించారని అన్నారు. వైఎస్సార్‌ సీపీ కండువాలు కప్పుకొని తెలుగుదేశం నాయకులు దుర్మార్గంగా వ్యవహరించారన్నారు. వారికి మద్దతు పలుకుతూ స్వయంగా పోలీసులే వారితో నామినేషన్లు దాఖలు చేయించారని ఆరోపించారు. సాక్షి మీడియాకు చెందిన ముగ్గురు వ్యక్తులపై మాచర్ల ఎంపీడీవో కార్యాలయం ముందు తెలుగుదేశం గూండాలు అత్యంత దారుణంగా వ్యవహరించారని ఆగ్రహం వ్యక్తం చేశారు. వారి సెల్‌ఫోన్లు లాక్కొని పైశాచికంగా ప్రవర్తించారని అన్నారు. దౌర్జన్యానికి పాల్పడిన వారిపై పోలీసులు ఎలాంటి చర్యలూ తీసుకోకుండా, మీడియా ప్రతినిధులకే హుకుం జారీ చేయడం దారుణమన్నారు. ఇప్పటికీ వారి సెల్‌ఫోన్లు ఎవరి దగ్గర ఉన్నాయో కూడా పోలీసులు కనిపెట్టలేకపోవడం దారుణమన్నారు. పేరుకు నియోజకవర్గంలో 144 సెక్షన్‌ విధించి, తెలుగుదేశం పార్టీకి మినహా అందరికీ ఈ సెక్షన్‌ వర్తిస్తుందని చెబుతున్నారని విమర్శించారు. వైఎస్సార్‌ సీపీని లక్ష్యంగా చేసుకొని, పోలీసు లాఠీలను అడ్డం పెట్టుకొని పైశాచికంగా దాడులు చేస్తున్నారని తెలిపారు. మహిళలపై దాడులకు పాల్పడుతూ అసభ్యంగా వ్యవహరిస్తున్నా పోలీసులు చూసీచూడనట్లు వ్యవహరిస్తున్నారని ఆరోపించారు. దీనిపై న్యాయపోరాటం చేస్తామని స్పష్టం చేశారు. 2029లో అధికారంలోకి వచ్చాక, తెలుగుదేశం పార్టీ గూండాలకు అండగా నిలిచి దారుణాలకు పాల్పడిన అధికారులపై కఠిన చర్యలు తీసుకుంటామని అన్నారు. ఎక్కడా రాజీపడే ప్రసక్తే లేదని, వివక్షతో వ్యవహరించిన ప్రతి అధికారి చరిత్రను రికార్డు చేస్తామని అన్నారు. మాచర్ల నియోజకవర్గంలో తాము ఎన్నికలు నిర్వహించినప్పుడు ప్రశాంతంగానే నామినేషన్లు వేయించామని పిన్నెలతెలిపారు. గతంలో స్థానిక ఎన్నికల సమయంలో టీడీపీ వారే బహిష్కరిస్తున్నామని చెబుతూ దూరంగా ఉన్నారని అన్నారు. చంద్రబాబు సైతం తమకు స్థానిక ఎన్నికలతో పనిలేదని చెప్పారని గుర్తుచేశారు. ప్రజల్లో ఉన్న అభిప్రాయాలను, అభిమానాన్ని పెంచుకోవడానికి, కూటమి ప్రభుత్వంపై ఉన్న వ్యతిరేకతను తెలియజేయడానికి స్థానిక ఎన్నికల బరిలో నిలబడుతున్నామని అన్నారు. ఎన్నికల్లో పోటీ చేసే ధైర్యం లేక పోలీసులను అడ్డం పెట్టుకొని మహిళలు, యువకులు, వృద్ధులు అనే తేడా లేకుండా అందరినీ టీడీపీ వారు బెదిరిస్తున్నారని ఆరోపించారు. నామినేషన్‌ పత్రాలను చించడం, దాడులు, బెదిరింపులకు పాల్పడుతున్న ప్రజలందరూ గమనిస్తున్నారని అన్నారు. ప్రజలే తగిన బుద్ధి చెప్పే రోజు వస్తుందని హెచ్చరించారు. వైఎస్సార్‌ సీపీ నాయకులందరినీ హౌస్‌ అరెస్టు చేసి, రాజకీయాలు చేసినంత మాత్రాన ప్రజల్లో అభిమానం పొందలేరన్నారు. తమ పార్టీ అభ్యర్థులందరినీ పోటీ చేయించాలని, అప్పుడు ఎవరి సత్తా ఏమిటో తెలుస్తుందని అన్నారు. ఆ సత్తా లేకే ఇంతటి దుర్మార్గమైన చర్యలకు పాల్పడుతున్నారనే విషయాన్ని ప్రజలకు తెలియజేస్తామని పేర్కొన్నారు. చివరికి ఫేక్‌ అభ్యర్థులను నిలబెట్టిన చరిత్రతో కొత్త డ్రామాలకు తెరతీశారని విమర్శించారు. తమ అధినేత, మాజీ సీఎం వైఎస్‌ జగన్‌ ఆధ్వర్యంలో ముందుకు సాగుతామని స్పష్టం చేశారు.

చిలకలూరిపేట: మాజీ మంత్రి విడదల రజినిని వైఎస్సార్‌ సీపీ జిల్లా నాయకులు శనివారం పరామర్శించారు. మూడు రోజులుగా హౌస్‌ అరెస్టులో ఉన్న రజినిని బయటకు రాకుండా రూరల్‌ ఎస్‌ఐ లేఖా ప్రియాంక తోసి వేయడంతో గాయపడిన సంఘటన విదితమే. ఈ నేపథ్యంలో వైఎస్సార్‌ సీపీ పల్నాడు జిల్లా అధ్యక్షుడు, మాజీ ఎమ్మెల్యే పిన్నెల్లి రామకృష్ణారెడ్డి, పార్టీ జిల్లా వర్కింగ్‌ ప్రెసిడెంట్‌, మాజీ ఎమ్మెల్యే డాక్టర్‌ గోపిరెడ్డి శ్రీనివాసరెడ్డి, సత్తెనపల్లి నియోజకవర్గ పార్టీ ఇన్‌చార్జి డాక్టర్‌ గజ్జల సుధీర్‌ భార్గవరెడ్డి శనివారం చిలకలూరిపేటలోని మాజీ మంత్రి నివాసానికి వచ్చి, ఆమెను పరామర్శించారు. సంఘటన జరిగిన తీరు అడిగి తెలుసుకున్నారు. ఈ విషయమై మాజీ మంత్రి విడదల రజిని వారితో మాట్లాడుతూ ఎస్‌ఐ ప్రియాంక దురుసుగా నెట్టివేయడంతో కిందపడి నడుముకు దెబ్బలు తగలడంతో చికిత్స తీసుకుంటున్నట్లు వివరించారు. కిందపడిన సందర్బంలో పార్టీ కార్యకర్త వచ్చి తలకు చేతులు అడ్డం పెట్టడంతో ప్రమాదం తప్పినట్లు పేర్కొన్నారు. నియోజకవర్గ పరిధిలో జరిగిన దౌర్జన్యాల గురించి మాజీ మంత్రిని అడిగి తెలుసుకున్నారు.

చిలకలూరిపేట: మాజీ మంత్రి విడదల రజినిని హత్య చేసేందుకు ప్రయత్నించారని వైఎస్సార్‌ సీపీ పల్నాడు జిల్లా అధ్యక్షుడు, మాజీ ఎమ్మెల్యే పిన్నెల్లి రామకృష్ణారెడ్డి ఆరోపించారు. మహిళా ఎస్‌ఐ లేఖా ప్రియాంక ఉద్దేశపూర్వకంగా తోసివేశారని, ఈ తోపులాటలో పక్కనే ఉన్న గ్రానైట్‌ అరుగు మాజీ మంత్రి తలకు తగిలి ఉంటే పెను ప్రమాదం జరిగి ఉండేదని ఆగ్రహం వ్యక్తం చేశారు. ఇది ఎవరి ఆదేశాలతో జరిగిందో నిగ్గు తేలుస్తామని అన్నారు. మహిళా ఎస్‌ఐ దౌర్జన్యానికి పాల్పడిన నేపథ్యంలో మాజీ మంత్రి గాయపడిన సంఘటన విదితమే. ఈ నేపథ్యంలో శనివారం నరసరావుపేట మాజీ ఎమ్మెల్యే, పార్టీ జిల్లా వర్కింగ్‌ ప్రెసిడెంట్‌ డాక్టర్‌ గోపిరెడ్డి శ్రీనివాసరెడ్డి, సత్తెనపల్లి నియోజకవర్గ ఇన్‌చార్జి డాక్టర్‌ గజ్జల సుధీర్‌ భార్గవరెడ్డితో కలిసి పిన్నెల్లి చిలకలూరిపేటలోని మాజీ మంత్రి నివాసానికి వచ్చి ఆమెను పరామర్శించారు. తొలి రోజు నుంచే దారుణాలు ఈ సందర్భంగా ఏర్పాటు చేసిన విలేకరుల సమావేశంలో పిన్నెల్లి రామకృష్ణారెడ్డి మాట్లాడుతూ, అధికారంలోకి వచ్చిన మొదటి రోజు నుంచే కూటమి ప్రభుత్వం పోలీసులను అడ్డుపెట్టుకొని అరాచకాలకు పాల్పడుతోందని ఆరోపించారు. ఇప్పటి వరకు ఎన్నికల చరిత్రలో చూడని విధంగా స్థానిక ఎన్నికల్లో పోలీసులను ముందుపెట్టి, వెనుక టీడీపీ గూండాలు, గంజాయి బ్యాచ్‌, గ్రానైట్‌ పరిశ్రమల్లో పనిచేసే బిహార్‌ బ్యాచ్‌లతో అరాచకాలకు పాల్పడుతున్నారని ఆగ్రహం వ్యక్తం చేశారు. యడ్లపాడు ఎంపీటీసీ అభ్యర్థి గొంతు కోసే ప్రయత్నం జరగడం పరిస్థితి తీవ్రతకు అద్దం పడుతోందన్నారు. కూటమి ప్రభుత్వానికి ప్రజాతీర్పు వ్యతిరేకంగా వస్తుందన్న ఉద్దేశంతోనే నామినేషన్లు కూడా వేయకుండా దారుణాలకు పాల్పడుతున్నారని విమర్శించారు. ముసుగులు వేసుకొని తమ పార్టీ వారి గొంతు కోసేందుకు సైతం ప్రయత్నిస్తున్నారని ఆరోపించారు. వైఎస్సార్‌ సీపీ నుంచి పోటీ చేస్తామని చెప్పిన అభ్యర్థుల ఇళ్లకు పోలీసులే వచ్చి గంజాయి కేసులు పెడతామని బెదిరింపులకు పాల్పడుతున్నారని ఆరోపించారు. ఇంత దారుణంగా పోలీసులకు దిశానిర్దేశం చేసి పంపిన వారికి తమ ప్రభుత్వం అధికారంలోకి వచ్చాక జ్యూడీషియల్‌ ఎంకై ్వరీ వేయించి, తగిన గుణపాఠం చెబుతామని హెచ్చరించారు. మంచి చేసి ఉంటే భయమెందుకు? మాజీ ఎమ్మెల్యే డాక్టర్‌ గోపిరెడ్డి శ్రీనివాసరెడ్డి మాట్లాడుతూ సూపర్‌ సిక్స్‌ హామీలు నెరవేర్చామని, అభివృద్ధి చేస్తున్నామని చెప్పుకుంటున్న కూటమి ప్రభుత్వానికి వైఎస్సార్‌ సీపీ అభ్యర్థులు నామినేషన్లు వేస్తే భయమెందుకని ప్రశ్నించారు. మంచి చేసి ఉంటే ప్రజలే మీకు అండగా ఉండి గెలిపిస్తారు కదా, ప్రతిపక్ష పార్టీని నామినేషన్‌ కూడా వేయనివ్వకుండా అడ్డుకోవడం ఎందుకని నిలదీశారు. అలాంటప్పుడు కొత్త జీవో పాస్‌ చేసి పదవులను నామినేటెడ్‌ ప్రాతిపదికన ఇచ్చుకోవచ్చు కదా, ఎన్నికలు పెట్టి ఘోరాలకు పాల్పడటం ఎందుకని ప్రశ్నించారు. మాజీ ముఖ్యమంత్రి వైఎస్‌ జగన్‌మోహన్‌రెడ్డి పెట్టిన రాజకీయ భిక్షతో ఎదిగిన నరసరావుపేట ఎంపీ ఇలాంటి దౌర్జన్యాలకు మూలస్తంభంగా నిలుస్తున్నారని ఆరోపించారు. 2029లో వైఎస్సార్‌ సీపీ ప్రభుత్వం అధికారంలోకి వచ్చిన మొదటి రోజే నేడు దౌర్జన్యంగా నామినేషన్లను అడ్డుకొని అక్రమ మార్గంలో ఎన్నికై న వారితో రాజీనామాలు చేయిస్తామన్నారు. దౌర్జన్యకారులంతా ఇళ్లకు వెళ్లాల్సిందేనని ఆయన హెచ్చరించారు. మాజీ మంత్రిపైనే ఇంత దౌర్జన్యమా? సత్తెనపల్లి నియోజకవర్గ ఇన్‌చార్జి డాక్టర్‌ గజ్జల సుధీర్‌ భార్గవరెడ్డి మాట్లాడుతూ, బీఆర్‌ అంబేడ్కర్‌ రాజ్యాంగాన్ని పక్కనపెట్టి కూటమి ప్రభుత్వం రెడ్‌బుక్‌ రాజ్యాంగాన్ని నడుపుతోందని విమర్శించారు. ఒక సాధారణ ఎస్‌ఐ మాజీ మంత్రిపై దౌర్జన్యానికి పాల్పడే సాహసం చేశారంటే, దీని వెనుక బలమైన శక్తులు ఎవరైనా ఉన్నారని అనుమానం వ్యక్తం చేశారు. ఉప ముఖ్యమంత్రి పవన్‌ కల్యాణ్‌... వైఎస్సార్‌ సీపీ ప్రభుత్వం ఉన్నప్పుడు తీవ్ర విమర్శలు చేసేవారని, ఎన్నో ప్రశ్నలు వేసేవారన్నారు. ఇప్పుడు జరుగుతున్న దౌర్జన్యాలపై ఎందుకు ప్రశ్నించడం లేదని నిలదీశారు. కూటమిలో ఉన్న జనసేన నాయకులనే టీడీపీ వాళ్లు కొడితే, దీనిని కూడా ప్రశ్నించలేని స్థితిలో పవన్‌ కల్యాణ్‌ ఉన్నారని ఎద్దేవా చేశారు. ఈ సమావేశంలో మాజీ మంత్రి విడదల రజిని, వైఎస్సార్‌ సీపీ నాయకులు పాల్గొన్నారు.

సత్తెనపల్లి: కార్పొరేషన్‌, మున్సిపల్‌, నగర పంచాయతీల్లో ఎన్నికల విధుల్లో పాల్గొనే ఉద్యోగులు, ఉపాధ్యాయులు వారి ఓటు హక్కు వినియోగించుకునేందుకు పోస్టల్‌ బ్యాలెట్లు వినియోగించుకోవచ్చు. ఇందుకోసం పోస్టల్‌ బ్యాలెట్‌కు ఫారం–12 విధులు ధ్రువీకరణ పత్రాన్ని, ఓటర్‌, ఆధార్‌ కార్డు జిరాక్స్‌ కాపీలు, జత చేసి ఓటుహక్కు ఉన్న కార్పొరేషన్‌, మున్సిపాలిటీ, నగర పంచాయతీల్లో రిటర్నింగ్‌ అధికారికి దరఖాస్తు అందజేయాలి. ఆయన పరిశీలించి ఫారం–15, 16, 17, 18 అందజేస్తారు. ఫారం–15: ఇది ఓటరు స్వీయ ప్రకటన. దీనిపై ఓటరు వివరాలు నమోదు చేసి సంతకం చేయాలి. ఈ ఫారం పై ఎవరైనా గెజిటెడ్‌ అధికారితో సంతకం చేయించాల్సి ఉంటుంది. ఫారం–16: దీనిని ఇన్నర్‌ కవర్‌ లేదా కవర్‌ –ఏ అని కూడా పిలుస్తారు. దీనిలో పోస్టల్‌ బ్యాలెట్‌ పేపర్‌ను ఉంచుతారు. ఇది తెలుపు రంగులో ఉండటంతో పాటు దీనిపై బ్యాలెట్‌ పేపర్‌ సీరియల్‌ నెంబర్‌ ఉంటుంది. ఫారం–17: దీనిని కవర్‌–బి లేదా అవుటర్‌ కవర్‌ అంటారు. ఇందులో రిటర్నింగ్‌ అధికారి చిరునామా ఉంటుంది. ఫారం–18: ఓటరు తన ఓటు హక్కును ఏ విధంగా వినియోగించుకోవాలో తెలియ జేసే వివరాలు ఇందులో ఉంటాయి.

చిలకలూరిపేటటౌన్‌: డ్రైవర్‌ మద్యం సేవించి వాహనం నడపడంతో స్కూల్‌ బస్సు ప్రమాదానికి కారణమైన ఘటన మండలం పరిధిలో జరిగింది. తాతపూడి గ్రామ పరిధిలో శనివారం సాయంత్రం మార్టూరు నుంచి హైవేపై చిలకలూరిపేట వైపునకు వస్తున్న క్రమంలో బస్సు అదుపు తప్పి రోడ్డు పక్కకు దూసుకుపోయింది. ఘటనలో బస్సులోని విద్యార్థులకు ఎటువంటి గాయాలు కాలేదు. బస్సు ముందుభాగంతో పాటు అద్దాలు ధ్వంసమయ్యాయి. సమాచారం అందుకున్న రూరల్‌ ఎస్‌ఐ జి.అనిల్‌కుమార్‌ సంఘటనా స్థలానికి చేరుకుని డ్రైవర్‌ను అదుపులోకి తీసుకున్నారు. శ్రీహర్షిణి విద్యాసంస్థలకు చెందిన బస్సుగా గుర్తించారు. బాపట్ల జిల్లా బల్లికురవ మండలం వేమవరంకు చెందిన బస్సు డ్రైవర్‌ భూక్యా రాంబాబు నాయక్‌ను బ్రీత్‌ ఎనలైజర్‌ పరీక్షలో అతడు మద్యం సేవించినట్లు నిర్ధారణ కావడంతో కేసు నమోదు చేసి కోర్టులో హాజరుపరిచేందుకు చర్యలు చేపట్టినట్లు ఎస్‌ఐ తెలిపారు. ఈ సందర్భంగా ఎస్‌ఐ మాట్లాడుతూ.. విద్యార్థుల భద్రత విషయంలో పాఠశాల యాజమాన్యాలు నిర్లక్ష్యం వహించరాదని సూచించారు. బస్సుల ఫిట్‌నెస్‌ను క్రమం తప్పకుండా తనిఖీ చేయించాలని, డ్రైవర్ల ప్రవర్తనపై నిరంతరం పర్యవేక్షణ ఉండాలని స్పష్టం చేశారు.

పట్నంబజారు: అనుమానాస్పద స్థితిలో ఇద్దరు చిన్నారులు మృతి చెందిన ఘటనపై కేసు నమోదైంది. కొత్తపేట పోలీసులు తెలిపిన వివరాలు.. నెహ్రూనగర్‌లో నివాసం ఉండే సౌపాటి రాంబాబు ఆటోనగర్‌లోని మహేంద్ర షోరూమ్‌లో వెహికల్‌ డెలివరీ బాయ్‌గా పనిచేస్తూ జీవనం సాగిస్తున్నాడు. పొన్నూరు మండలం బ్రాహ్మణకోడూరుకు చెందిన రాంబాబు 12 సంవత్సరాల క్రితం పద్మజను ప్రేమ వివాహం చేసుకున్నాడు. నాలుగేళ్ల కిందట పద్మజ మృతి చెందడంతో బ్రాహ్మణకోడూరుకు చెందిన మరో మహిళ మేరిని వివాహం చేసుకున్నాడు. మొదటి భార్య పద్మజకు సాత్విక్‌(10), నిత్య(8) ఇద్దరు సంతానం ఉన్నారు. దసరా పండుగకు బంధువుల ఇంటికి వెళ్లిన ఇద్దరు చిన్నారులు తిరిగి ఆ మరుసటి రోజు ఇంటికి వచ్చారు. ఈక్రమంలో సవతి తల్లి మేరి ఇద్దరు చిన్నారులకు బిర్యానీ వండి పెట్టడం, మరుసటి రోజే దసరా ఉత్సవాల నేపథ్యంలో ఆ ప్రాంతంలో జరిగిన భోజనాలను చిన్నారులు తిన్నారు. ఆహారం తిన్న చిన్నారులు అస్వస్థతకు గురికావడంతో స్థానికంగా ఆర్‌ఎంపీకి చూపించారు. పరిస్థితి విషమించడంతో ప్రైవేటు వైద్యశాలకు తీసుకెళ్లాలని సూచించడంతో ఒక ప్రైవేటు ఆసుపత్రిలో చేర్పించి వైద్యం చేయిస్తుండగా, శనివారం చిన్నారి సాత్విక్‌, నిత్య మృతి చెందారు. చిన్నారుల మృతిపై తనకు అనుమానం ఉందని, పద్మజ సోదరుడు పాపన సాయిరామ్‌ పోలీసులకు ఫిర్యాదు చేశాడు. సవతి తల్లి ఏదైనా చేసి ఉంటుందా అనే అనుమానం వ్యక్తం చేస్తున్నారు. ఈక్రమంలో ఇద్దరు చిన్నారులు ఐదురోజులుగా ఆసుపత్రిలో చికిత్స పొందుతూ శనివారం మృతిచెందినట్లు పోలీసులు తెలిపారు. అనుమానాస్పద స్థితి కింద కేసు నమోదు చేసిన పోలీసులు దర్యాప్తు చేస్తున్నట్లు వివరించారు.

మంగళగిరి రూరల్‌: ఎన్నికల నేపథ్యంలో అక్రమ మద్యం, నగదు రవాణాను అరికట్టడంతోపాటు ఎన్నికల నియమావళి అమలును పర్యవేక్షించేందుకు అధికారులు చర్యలు చేపట్టారు. ఇందులో భాగంగా మంగళగిరి పరిధిలోని కాజ టోల్‌గేట్‌ వద్ద చెక్‌పోస్టు ఏర్పాటు చేశారు. స్టాటిక్‌ సర్వైలెన్స్‌ టీమ్‌ (ఎస్‌ఎస్‌టీ) అధికారులు ఈ చెక్‌పోస్టు వద్ద నిరంతరం నిఘా ఉంచుతూ, రాకపోకలు సాగించే వాహనాలను తనిఖీ చేస్తున్నారు. శనివారం కాజ టోల్‌గేట్‌ మీదుగా వివిధ ప్రాంతాల నుంచి రాకపోకలు సాగిస్తున్న వాహనాలను అధికారులు క్షుణ్ణంగా తనిఖీ చేశారు. వాహనాల్లో అక్రమంగా మద్యం, నగదు లేదా ఎన్నికల నియమావళికి విరుద్ధమైన ఇతర వస్తువులను తరలిస్తున్నారా అనే అంశాలను పరిశీలించారు. ఎస్‌ఎస్‌టీ బృందంలో గుంటూరు హౌసింగ్‌ కార్పొరేషన్‌ అడ్మినిస్ట్రేటివ్‌ ఆఫీసర్‌ సురేష్‌బాబు, మంగళగిరి రూరల్‌ పోలీస్‌స్టేషన్‌ కానిస్టేబుల్‌ శామ్యూల్‌ రాజ్‌, వీఆర్వో కొండలరావు తదితరులు ఉన్నారు. అమరావతి: ప్రపంచ ప్రఖ్యాతిగాంచిన అమరావతిలోని అపురూపమైన బౌద్ధ వారసత్వ సంపదను సింగపూర్‌ పాత్రికేయ బృందం శనివారం సందర్శించింది. స్థానిక పురావస్తు మ్యూజియం, అమరావతి మహాస్తూపం, ధ్యానబుద్ధ విగ్రహాన్ని బృందం తిలకించింది. సింగపూర్‌ పాత్రికేయ బృంద సభ్యులు భవన్‌ జైప్రగాస్‌, డారిల్‌ లిమ్‌, కీర్తిగా రవీందరన్‌, మహమ్మద్‌ ఇజ్వాండి బిన్‌ అజ్మాన్‌, శివరంజని గుణశేఖరన్‌లకు పురావస్తు, పర్యాటక శాఖల అధికారులు స్వాగతం పలికారు. స్థానిక అధికారులు అమరావతి బౌద్ధ వారసత్వ ప్రాముఖ్యతను, బౌద్ధధర్మం మానవ జీవనవిధానంపై చూపిన ప్రభావాన్ని, అమరావతికి ఉన్న చారిత్రక, సాంస్కృతిక, ఆధ్యాత్మిక విశిష్టతను బృంద సభ్యులకు వివరించారు. కార్యక్రమంలో ఆంధ్రప్రదేశ్‌ పర్యాటక ప్రాధికార సంస్థ ఆర్‌డీ ఈడి ప్రసన్నలక్ష్మి, జిల్లా పర్యాటక శాఖాధికారి నాయుడమ్మ, పురావస్తు శాఖాధికారి నాగేంద్రకుమార్‌ పర్యాటక శాఖ యూనిట్‌ మేనేజర్‌ అశోక్‌ తదితరులు పాల్గొన్నారు. నగరంపాలెం: గుంటూరు నగరంలోని సీఐడీ గుంటూరు ప్రాంతీయ కార్యాలయంలో శనివారం అగ్రిగోల్డ్‌ బాండ్ల పరిశీలన ప్రక్రియ కొనసాగింది. తుళ్లూరు, తాడికొండ, మేడికొండూరు, ఫిరంగిపురం మండలాలకు సంబంధించి అగ్రిగోల్డ్‌ బాండ్లను పరిశీలించారు. సుమారు వెయ్యి దరఖాస్తులు, 1,700 బాండ్లను పరిశీలన చేశారు. ఈనెల 26, 27 తేదీల్లోనూ పైన తెలిపిన మండలాలకు సంబంధించిన బాండ్లను పరిశీలించనున్నట్లు సీఐడీ గుంటూరు ప్రాంతీయ కార్యాలయం ఏఎస్పీ బి.సీతారామయ్య తెలిపారు. ఈనెల 28 నుంచి 31 వరకు తాడేపల్లి, దుగ్గిరాలకు సంబంధించి అగ్రిగోల్డ్‌ బాండ్లను పరిశీలిస్తామని చెప్పారు. తాడేపల్లి, దుగ్గిరాల మండలాల్లోని అగ్రిగోల్డ్‌ బాండ్ల డిపాజిట్‌దారులు గుంటూరు మెడికల్‌ కళాశాల సమీపంలోని సీఐడీ గుంటూరు ప్రాంతీయ కార్యాలయంలో హాజరవ్వాలని తెలిపారు. చిలకలూరిపేట: మాజీ మంత్రి విడదల రజినిపై దౌర్జన్యానికి పాల్పడిన చిలకలూరిపేట రూరల్‌ ఎస్‌ఐ కె . లేఖా ప్రియాంకపై ఎస్‌ఈసీ శాఖాపరమైన చర్యలకు ఆదేశించింది. శుక్రవారం జరిగిన సంఘటన గురించి మీడియా ద్వారా తెలుసుకున్న ఎన్నికల సంఘం సంబంధిత ఎస్‌ఐపై శాఖాపరమైన చర్యలు తీసుకోవాలని పల్నాడు జిల్లా ఎస్పీని ఆదేశించింది. ఈ నేపథ్యంలో ఎస్‌ఐను ఎన్నికల విధులతోపాటు అన్ని విధుల నుంచి కూడా ఎస్పీ తప్పించారు. ఆమెను వీఆర్‌కు పంపినట్లు సమాచారం.

టాస్క్‌ఫోర్స్‌: చిలకలూరిపేట మండలం మురికిపూడి–2 ఎంపీటీసీ టీడీపీ అభ్యర్థిగా రావూవారి అజయ్‌ తొలిరోజు నామినేషన్‌ వేయగా, చివరి రోజున అదే స్థానానికి రావూవారి సుధీర్‌కుమార్‌చే వైఎస్సార్‌ సీపీ అభ్యర్థిగా టీడీపీ నాయకులు ముప్పసాని ఆదినారాయణ, చెన్నుపాటి నాగరాజు నేతృత్వంలో దగ్గరుండి నామినేషన్‌ను వేయించారు. సొంత అన్నదమ్ములైన వీరు మురికిపూడి గ్రామంలో కూటమి ప్రభుత్వంలోనూ అధికార పెత్తనం చెలాయిస్తున్నారు. ఇదే విధంగా టీడీపీ నేతలే తమ విధేయులచే నామినేషన్లను వేయించినట్లు వైఎస్సార్‌సీపీ నాయకులు స్పష్టం చేశారు. తుర్లపాడు ఎంపీటీసీ స్థానానికి టీడీపీ క్రియాశీలక కార్యకర్త ఊటుకూరి సుబ్రమణ్యం వైఎస్సార్‌సీపీ తరఫున నామినేషన్‌ ఇందుకు నిదర్శనమని వైఎస్సార్‌సీపీ నాయకులు ప్రస్తావిస్తున్నారు. ఈరెండు మండలాల్లోని నామినేషన్ల వద్ద వైఎస్సార్‌సీపీ పోటీ అభ్యర్థుల నామినేషన్లు బలవంతంగా లాక్కొని చింపి, వారిని లోనికి రాకుండా అడ్డుకోవడంతో ఒక్క నామినేషన్‌ను కూడా వైఎస్సార్‌సీపీకి చెందిన అభ్యర్థులు దాఖలు చేయలేదని ఆపార్టీ నాయకులు స్పష్టం చేస్తున్నారు. ప్రతిపక్షానికి అవకాశం కల్పించినట్లు పైకి చూపిస్తూ, క్షేత్రస్థాయిలో అడ్డంకులు సృష్టించారన్న విమర్శల నేపథ్యంలో ఎన్నికల నామినేషన్ల ప్రక్రియపై సమగ్ర విచారణ జరపాలని ఇరుమండలాలకు చెందిన వైఎస్సార్‌సీపీ నేతలు డిమాండ్‌ చేస్తున్నారు.

టీడీపీ మూకలపల్నాడు జిల్లాలో అధికార మదంతో రెచ్చిపోయిన పచ్చ గూండాలు ● అధికార పార్టీ చెప్పుచేతల్లో పనిచేసిన పోలీసులు, అధికార యంత్రాంగం ● నామినేషన్‌ కేంద్రాల్లో కర్రలు, రాడ్లతో టీడీపీ గూండాలు తిరుగుతున్నా పట్టించుకోని వైనం ● సత్తెనపల్లి మినహా ఎక్కడా నామినేషన్లు వేయనీయకుండా అడ్డగింత ● మాచర్లలో ‘సాక్షి’ ఫొటోగ్రాఫర్‌, టీవీ రిపోర్టర్లపై దాడి చేసి సెల్‌ఫోన్లు లాక్కుని దౌర్జన్యం ● మహిళలతోనూ అమానుషంగా ప్రవర్తించిన టీడీపీ గూండాలు ● వస్త్రాలు లాగేసి, జాకెట్లు చించి నామినేషన్‌ పత్రాలు లాక్కెళ్లిన పచ్చ మూకలు ● మాజీ మంత్రి విడదల రజినిపై మహిళా ఎస్‌ఐ దురుసు ప్రవర్తన ● వైఎస్సార్‌ సీపీ తరఫున 150 ఎంపీటీసీ స్థానాలకు టీడీపీ నేతల నామినేషన్లు ● కోర్టులు, ఎస్‌ఈసీకి నామినేషన్లు వేయించామని చూపేందుకు కుట్ర ● పల్నాడు జిల్లాలో దారుణాలపై ఛీత్కరించుకుంటున్న ప్రజలు దాచేపల్లిలో టీడీపీ నేతల దాడిలో గాయపడి చికిత్స పొందుతున్న సైదారెడ్డి సాక్షి ప్రతినిధి, గుంటూరు: రాష్ట్రంలో ఎక్కడా లేని విధంగా పల్నాడు జిల్లాలో అధికార పార్టీ నేతలు, పోలీసులు వ్యవహరించిన తీరు సభ్య సమాజం సిగ్గుతో తలదించుకునేలా ఉంది. ఎన్నికల్లో ఓటమి భయంతో మహిళలపై అసభ్యంగా ప్రవర్తించడం, దుస్తులు లాగడం, జాకెట్లు చించడం వంటి అమానుష ఘటనలకు పాల్పడి, వారి వద్ద నుంచి నామినేషన్‌ పత్రాలను లాక్కుని చించివేసిన ఘటనలు జిల్లాలో అనేకం ఉన్నాయి. సుప్రీంకోర్టు మొట్టికాయలు వేసినా జిల్లా కలెక్టర్‌, ఎస్పీ నుంచి కింది స్థాయి అధికారుల వరకు డ్రామాలాడారే తప్ప ప్రజాస్వామ్యాన్ని కాపాడలేకపోవడం దారుణమైన విషయం. చివరకు టీడీపీ నేతల దాష్టీకాలు, పోలీసుల దుశ్చర్యలను ఫొటోలు తీస్తున్నారనే కారణంతో ‘సాక్షి’ ఫొటోగ్రాఫర్‌, టీవీ రిపోర్టర్లపై దాడులకు సైతం తెగబడ్డారు. సెల్‌ఫోన్లు లాక్కుని, పోలీసుల ఎదుటే వారిపై దాడి చేస్తుంటే పోలీసులు ప్రేక్షక పాత్ర వహించిన పరిస్థితి. గురజాల మాజీ ఎమ్మెల్యే కాసు మహేష్‌రెడ్డిని మూడు రోజులుగా హౌస్‌ అరెస్టు చేసిన విషయం తెలిసిందే. గురజాల నియోజకవర్గంలోని నాలుగు మండలాల్లో ఒక్క ఎంపీటీసీ స్థానానికి కూడా వైఎస్సార్‌ సీపీ నేతలను నామినేషన్లు వేయకుండా టీడీపీ గూండాలు, పోలీసులు అడుగడుగునా అడ్డుకున్నారు. దాచేపల్లిలో నామినేషన్‌ వేసేందుకు వెళ్లిన వైఎస్సార్‌ సీపీ ఎంపీపీ అభ్యర్థి జక్కా సంధ్యను అడ్డుకోవడంతోపాటు ఆమె భర్త అశోక్‌ను సెల్‌ఫోన్‌ లొకేషన్‌ ఆధారంగా గుంటూరువైపు వెళుతుండగా పోలీసులు అదుపులోకి తీసుకున్నారు. ఆయన్ను తీవ్రంగా కొట్టినట్లు కుటుంబ సభ్యులు ఆరోపిస్తున్నారు. ● దాచేపల్లి వైఎస్సార్‌ సీపీ కార్యాలయంలో ఉన్న కేశానుపల్లి ఎంపీటీసీ అభ్యర్థి తోట కృష్ణను పోలీసులు అక్రమంగా అరెస్టు చేసి స్టేషన్‌కు తరలించారు. ముత్యాలంపాడు ఎంపీటీసీ అభ్యర్థిగా నామినేషన్‌ వేసేందుకు వచ్చిన ప్రభావతి, చితిమిరెడ్డి రమణ అనే మహిళా అభ్యర్థులపై టీడీపీ గూండాలు దాడి చేసి నామినేషన్‌ పత్రాలను చించివేశారు. వారిని ప్రతిపాదించేందుకు వచ్చిన సైదారెడ్డి, మేడా తిరుపతిరెడ్డిలపై దాడి చేసి తీవ్రంగా గాయపరిచారు. నరసరావుపేట మాజీ ఎమ్మెల్యే డాక్టర్‌ గోపిరెడ్డి శ్రీనివాసరెడ్డి, నరసరావుపేట, రొంపిచర్ల మండలాల వైఎస్సార్‌ సీపీ జెడ్పీటీసీ, ఎంపీటీసీ అభ్యర్థులతో కలిసి స్థానిక పార్టీ కార్యాలయంలో శుక్రవారం ఉదయం నుంచి నిరాహార దీక్షకు దిగారు. బుధవారం రొంపిచర్లలో ధర్నా చేస్తున్న డాక్టర్‌ గోపిరెడ్డితో ఫోన్‌లో మాట్లాడిన ఎస్పీ... తాము భద్రత కల్పించి నామినేషన్లు వేయిస్తామని హామీ ఇచ్చి మాట తప్పడంతో ఆయన ఈ దీక్షకు దిగారు. ఇద్దరు జెడ్పీటీసీలు, 45 మంది ఎంపీటీసీలతో నామినేషన్లు వేయిస్తామని చెప్పి, రెండు రోజులుగా డ్రామాలాడటంపై ఆయన ఆగ్రహం వ్యక్తం చేశారు. చివరకు సాయంత్రం 4 గంటలకు ఓ డీఎస్పీ వచ్చి నామినేషన్‌ కేంద్రాలకు పోలీసు భద్రతతో తీసుకెళతామని చెప్పారు. దూరం నుంచి రాళ్లు పడితే తాము ఏమీ చేయలేమంటూ పరోక్షంగా బెదిరింపులకు దిగడం గమనార్హం. ● ఎంపీడీవో కార్యాలయంలో కర్రలు, రాళ్లతో టీడీపీ గూండాలు హల్‌చల్‌ చేస్తున్నా, చుట్టుపక్కల ప్రాంతాల్లో భారీగా టీడీపీ గూండాలు మోహరించి ఉన్నా పోలీసులు పట్టించుకోలేదు. అధికార పార్టీకి తొత్తులుగా వ్యవహరించారు. మాచర్ల జెడ్పీటీసీ అభ్యర్థిగా నామినేషన్‌ వేయడానికి నరసరావుపేట వచ్చిన దొడ్డ చిన్నపేతురాజు యాదవ్‌పై టీడీపీ గూండాలు దాడి చేసి కిడ్నాప్‌ చేసేందుకు యత్నించగా, పోలీసులు అడ్డుకుని ఆయన్ను వెనక్కి పంపించిన పరిస్థితి. పెదకూరపాడు మాజీ ఎమ్మెల్యే నంబూరు శంకరరావును మూడు రోజులుగా హౌస్‌ అరెస్టు చేసిన పోలీసులు, పెదకూరపాడు నియోజకవర్గంలోని ఐదు మండలాల్లో ఎక్కడా నామినేషన్లు వేయకుండా టీడీపీ గూండాలు, పోలీసులు అడ్డుకున్నారు. పెదకూరపాడు–3 ఎంపీటీసీ అభ్యర్థి నల్లపాటి మహాలక్ష్మి తనకు పోలీసు భద్రతతో నామినేషన్‌ వేసే అవకాశం కల్పించాలని కోరుతూ హైకోర్టులో లంచ్‌ మోషన్‌ పిటిషన్‌ వేయగా, కోర్టు అనుమతించింది. అయితే, తమకు ఆదేశాలు సాయంత్రం 4.40 గంటలకు అందాయని, అక్కడికి తీసుకెళ్లేలోపు సమయం అయిపోయిందంటూ పోలీసులు చేతులెత్తేశారు. ● నాగిరెడ్డిపాలెంలో జనసేన ఎంపీటీసీ అభ్యర్థిగా నామినేషన్‌ వేయడానికి వచ్చిన పగడాల శ్రీనివాస్‌ను అడ్డుకుని, నామినేషన్‌ పత్రాలను చించివేసిన టీడీపీ గూండాలు... ఆయనతో పాటు వచ్చిన వారిపై దాడి చేసి తీవ్రంగా గాయపరిచారు. టీడీపీ గూండాలను పోలీసులు అడ్డుకోకుండా, జనసేన నేతలపై లాఠీచార్జి చేసి తరిమికొట్టడం గమనార్హం. ● పెదకూరపాడు బస్టాండ్‌లో ప్రయాణికుల మాదిరిగా కూర్చున్న వైఎస్సార్‌సీపీ ఎంపీటీసీ అభ్యర్థుల సమాచారం అందుకున్న ఎస్‌ఐ సంధ్యారాణి అక్కడికి చేరుకుని, ప్రయాణికులతో పాటు అభ్యర్థుల బ్యాగులను తనిఖీ చేశారు. దీన్ని బట్టి టీడీపీ గూండాలకు పోలీసు అధికారులు తొత్తులుగా ఎలా పనిచేస్తున్నారో అర్థం చేసుకోవచ్చు. సత్తెనపల్లి నియోజకవర్గంలోని రాజుపాలెం మండలంలో నామినేషన్లు వేయనీయకుండా ఎస్‌ఐ మణికృష్ణ వైఎస్సార్‌సీపీ అభ్యర్థులను అడ్డుకోవడంతో ఆగ్రహించిన నియోజకవర్గ సమన్వయకర్త డాక్టర్‌ గజ్జల సుధీర్‌ భార్గవరెడ్డి, అభ్యర్థులతో కలిసి రోడ్డుపై బైఠాయించి నిరసన తెలిపారు. తమ అభ్యర్థులను నామినేషన్లు వేయనీయకుండా అడ్డుకుంటున్నారంటూ ఎస్పీకి ఫోన్‌ చేసి మాట్లాడినా ప్రయోజనం లేకుండా పోయింది. ఈ సందర్భంగా రఫీ అనే కార్యకర్తపై టీడీపీ గూండాలు రాళ్లతో దాడి చేయడంతో ఆయన తలకు తీవ్ర గాయాలయ్యాయి. ● నకరికల్లులో ముగ్గురు ఎంపీటీసీ అభ్యర్థులు నామినేషన్లు వేసి, అధికారుల నుంచి రశీదులు కూడా తీసుకుని బయటకు వచ్చారు. టీడీపీ నేత బాజీ చౌదరి ఆధ్వర్యంలో టీడీపీ గూండాలు అధికారుల వద్ద నామినేషన్‌ పత్రాలను చించివేయడంతో ఉన్నతాధికారులు అక్కడికి వచ్చి, ముగ్గురు అభ్యర్థులను ఫోన్‌ చేసి పిలిపించి మళ్లీ నామినేషన్లు వేయించారు. బాజీ చౌదరి, ఆయన అనుచరులు ఈ దుశ్చర్యలకు పాల్పడినా వారిపై కనీసం కేసు నమోదు చేయలేదు. వినుకొండలో మాజీ ఎమ్మెల్యే బొల్లా బ్రహ్మనాయుడిని నరసరావుపేటలోని తన నివాసంలో మూడు రోజులుగా హౌస్‌ అరెస్టులో ఉంచిన విషయం తెలిసిందే. ఆయన శుక్రవారం వినుకొండ వెళ్లేందుకు ప్రయత్నించగా, అక్కడికి వచ్చిన డీఎస్పీ హనుమంతరావు తాము నామినేషన్లు వేయిస్తామంటూ అక్కడి సీఐలతో ఫోన్‌లో మాట్లాడి కొంతసేపు డ్రామాలాడారు. శావల్యాపురం మండలం పొట్లూరు గ్రామానికి చెందిన ఐదుగురు వైఎస్సార్‌ సీపీ నేతలు కలెక్టర్‌ అనుమతితో, పోలీసుల భద్రత నడుమ నామినేషన్‌ వేసేందుకు వెళ్లారు. టీడీపీ మూకలు రాళ్లతో దాడి చేశాయి. కారును ధ్వంసం చేసేందుకు ప్రయత్నించాయి. ప్రాణభయంతో కారును వేగంగా ముందుకు పోనివ్వడంతో కొంతమందికి గాయాలైనట్లు సమాచారం. వినుకొండ మండలం నాగులవరం వైఎస్సార్‌ సీపీ ఎంపీటీసీ అభ్యర్థిగా నామినేషన్‌ వేసేందుకు వెళుతున్న భవనాసి మరియమ్మ, మండల మహిళా విభాగం అధ్యక్షురాలు గోదాల చిన్నమ్మలపై టీడీపీ గూండాలు దాడి చేశారు. నామినేషన్‌ పత్రాలను చించివేశారు. నూజెండ్ల మండలం పమిడిపాడు వైఎస్సార్‌ సీపీ ఎంపీటీసీ అభ్యర్థిగా నామినేషన్‌ వేసేందుకు వెళుతున్న మేకల విజయపై టీడీపీ నేతలు రాళ్లు రువ్వుతూ దాడి చేశారు. ఆమె నుంచి నామినేషన్‌ పత్రాలను లాక్కుని చించివేశారు. ఆగ్రహించిన విజయ టీడీపీ గూండాలకు చెప్పు చూపించి బుద్ధి చెప్పారు. వైఎస్సార్‌సీపీ అభ్యర్థులు నరసరావుపేట రోడ్డు మీదుగా నామినేషన్‌ వేసేందుకు కలిసి వెళుతుండగా, శివయ్య స్తూపం వద్ద కాపు కాసిన టీడీపీ గూండాలు... కర్రలు, రాళ్లతో దాడి చేస్తూ అడ్డుకున్నారు. వారికి పోలీసులు కూడా వత్తాసు పలికారు. గురువారం రాత్రి నుంచే నియోజకవర్గంలోని ఐదు మండలాల కన్వీనర్లను, న్యాయవాది ఎం.ఎన్‌. ప్రసాద్‌, అమ్మిరెడ్డి అంజిరెడ్డి వంటి ముఖ్య నేతలతోపాటు 30 మందికి పైగా నాయకులను పోలీసులు అక్రమంగా అరెస్టు చేసి స్టేషన్‌లో కూర్చోబెట్టారు. పల్నాడు జిల్లాలో సత్తెనపల్లి నియోజకవర్గం మినహా ఏ నియోజకవర్గంలోనూ వైఎస్సార్‌ సీపీ అభ్యర్థులను నామినేషన్లు వేయకుండా అడ్డుకున్న పోలీసులు, టీడీపీ గూండాలు.. కొత్త కుట్రకు తెరతీశారు. మున్సిపల్‌ ఎన్నికల్లో నామినేషన్లు వేయకుండా అడ్డుపడటంపై సుప్రీంకోర్టు తీవ్రంగా స్పందించిన నేపథ్యంలో అధికార పార్టీ నేతలు వైఎస్సార్‌సీపీ పేరుతో నామినేషన్లు వేయించారు. కోర్టులు, ఎస్‌ఈసీని తప్పుదోవ పట్టించే కుట్రకు తెరతీశారు. ఇందులో భాగంగా పల్నాడు జిల్లా వ్యాప్తంగా సుమారు 150కు పైగా నామినేషన్లను ఇలా వేయించడం గమనార్హం. ఇంత దిగజారి ఎన్నికల్లో గెలిచినట్లు చూపించుకోవాలా అంటూ జిల్లా ప్రజలు ఛీత్కరించుకుంటున్నారు. మాచర్లలో మాజీ ఎమ్మెల్యే, వైఎస్సార్‌ సీపీ పల్నాడు జిల్లా అధ్యక్షుడు పిన్నెల్లి రామకృష్ణారెడ్డిని మూడు రోజులుగా పోలీసులు హౌస్‌ అరెస్టు చేసి నిర్బంధించిన విషయం తెలిసిందే. మాచర్ల ఎంపీడీవో కార్యాలయం వద్ద టీడీపీ గూండాలు కర్రలు, రాడ్లతో హల్‌చల్‌ చేస్తున్న వైనాన్ని ఫొటోలు తీసేందుకు ప్రయత్నించిన ‘సాక్షి’ ఫొటోగ్రాఫర్‌ భజరంగ్‌, టీవీ రిపోర్టర్లు బాలాజీ, వంశీలపై టీడీపీ గూండాలు దాడి చేసి, వారిని గాయపరిచారు. వారి వద్ద ఉన్న సెల్‌ఫోన్లను కూడా లాక్కుని ఫొటోలను డిలీట్‌ చేశారు. సెల్‌ఫోన్లు వెనక్కి ఇవ్వకుండా బెదిరింపులకు పాల్పడుతున్నా, ఎదురుగా ఉన్న పోలీసులు ప్రేక్షక పాత్ర వహించారు. రాయవరం ఎంపీటీసీ అభ్యర్థిగా నామినేషన్‌ వేసేందుకు వచ్చిన గోగినేని లక్ష్మారెడ్డిపై టీడీపీ మూకలు దాడి చేసి, ఆయన వద్ద ఉన్న నామినేషన్‌ పత్రాలను చించివేశాయి. కంభంపాడుకు చెందిన వైఎస్సార్‌ సీపీ నేత జువ్వాజి సాంబిరెడ్డి మాచర్ల నుంచి వెళుతుండగా, రాయవరం జంక్షన్‌ వద్ద టీడీపీ గూండాలు దాడి చేసి కారు అద్దాలను ధ్వంసం చేశారు.

చిలకలూరిపేటలో మాజీ మంత్రి విడదల రజినిని మూడు రోజులుగా హౌస్‌ అరెస్టు చేసిన పోలీసులు, ఆమెను బయటకు రానీయకుండా చేశారు. వైఎస్సార్‌ సీపీ ముఖ్య నేతలందరినీ అదుపులోకి తీసుకున్నారు. అభ్యర్థులను నామినేషన్లు వేయనీయలేదు. శుక్రవారం ఓ జెడ్పీటీసీ అభ్యర్థి బీఫాం తీసుకునేందుకు విడదల రజిని నివాసానికి రాగా, పోలీసులు అడ్డుకున్నారు. విషయం తెలుసుకున్న విడదల రజిని, బీఫాం ఇచ్చేందుకు అతడిని అనుమతించాలని కోరుతూ బయటకు వచ్చే ప్రయత్నం చేశారు. కాపలాగా ఉన్న మహిళా ఎస్‌ఐ లేఖప్రియాంక ఒక్కసారిగా మాజీ మంత్రి అని కూడా చూడకుండా ఆమైపె దురుసుగా ప్రవర్తిస్తూ లోపలికి నెట్టడంతో విడదల రజిని వెన్నెముకకు గాయమైంది. మాజీ మంత్రి పరిస్థితే ఇలా ఉంటే, మిగతా నేతల పరిస్థితి ఏమిటనే ప్రశ్నలు తలెత్తుతున్నాయి. ● చిలకలూరిపేట రూరల్‌ మండలానికి చెందిన కొంతమంది వైఎస్సార్‌ సీపీ అభ్యర్థులు రూరల్‌ పోలీస్‌ స్టేషన్‌కు వెళ్లి, తాము నామినేషన్‌ వేసేందుకు భద్రత కల్పించాలని కోరుతూ గంటలకొద్దీ పడిగాపులు కాసినప్పటికీ ప్రయోజనం లేకుండా పోయింది. యడ్లపాడు, నాదెండ్ల మండలాల్లో సైతం పోలీసులు అక్కడికక్కడే వైఎస్సార్‌ సీపీ అభ్యర్థులను అడ్డుకున్నారు. టీడీపీ నాయకులు నామినేషన్‌ కేంద్రాల వద్ద కర్రలు, రాళ్లతో తిరుగుతున్నా పోలీసులు పట్టించుకోకపోవడం దారుణం. మాజీ మంత్రి విడదల రజినిని నెట్టివేస్తున్న ఎస్‌ఐ లేఖప్రియాంక

నూజెండ్ల: వైఎస్సార్‌ సీపీ అభ్యర్థులను నామినేషన్లు వేయనీయకుండా అడ్డుకున్న టీడీపీ సరికొత్త ఎత్తుగడకు తెరతీసింది. తమ పార్టీకి చెందిన వారితోనే వైఎస్సార్‌ సీపీ పేరుతో నామినేషన్లు దాఖలు చేయించింది. పమిడిపాడు ఎంసీటీసీ స్థానానికి వైఎస్సార్‌ సీపీ అధిష్టానం నుంచి బీ ఫారం పొందిన మేకల విజయ నామినేషన్‌ పత్రాలు దౌర్జన్యం చేసి ఆర్వో కేంద్రం వద్ద చించివేశారు. ఇదే విషయాన్ని బాధితులు కలెక్టర్‌ దృష్టికి తీసుకెళ్లారు. ఎన్నికల అధికారి రామ్‌బాలాజీరెడ్డిని నామినేషన్‌ స్వీకరణపై కలెక్టర్‌ ఆదేశాలు వెలువరించారు. అధికారులు ఉరుకులు పరుగులతో అభ్యర్థిని సంప్రదించగా అప్పటికే ఆమె వెళ్లిపోయారు. ప్రత్యామ్నాయంగా స్థానిక నాయకుల సహకారంతో అధికారులే అదే గ్రామానికి చెందిన టీడీపీ మహిళతో వైఎస్సార్‌ సీపీ పేరుతో డమ్మీ నామినేషన్‌ వేయించటం విశేషం. చింతలచెరువు నుంచి మొగలాబి అనే మహిళదీ ఇదే పరిస్థితి. వైఎస్సార్‌ సీపీ పేరుతో నామినేషన్‌ వేస్తున్న అభ్యర్థులంతా టీడీపీ వారేనని పమిడిపాడు గ్రామానికి చెందిన వైఎస్సార్‌ సీపీ నాయకుడు బత్తుల బాబు ఆరోపించారు. సాక్షి నెట్‌వర్క్‌: స్థానిక సంస్థల ఎన్నికల వేళ గురజాల నియోజకవర్గంలోని ఆయా మండలాల్లో నామినేషన్ల వ్యవహారం రాజకీయ వివాదానికి దారితీస్తోంది. వైఎస్సార్‌ కాంగ్రెస్‌ పార్టీకి చెందిన అసలైన అభ్యర్థులు నామినేషన్లు దాఖలు చేసినట్లు ప్రచారం జరుగుతోంది. ఈ పరిణామాల వెనుక కూటమి నాయకుల వ్యూహం ఉందనే ఆరోపణలు రాజకీయ వర్గాల్లో చర్చనీయాంశంగా మారాయి. అసలైన అభ్యర్థులకు అడ్డంకులు వైఎస్సార్‌ కాంగ్రెస్‌ పార్టీ తరుపున పోటీ చేయడానికి సిద్ధమైన అభ్యర్థులు నామినేషన్‌ కేంద్రాలకు వెళ్లకుండా పోలీసులు ఎక్కడికక్కడ అడ్డుకున్నారనికొందరిని అదుపులోకి తీసుకున్నారని వైఎస్సార్‌ సీపీ వర్గాలు ఆరోపిస్తున్నాయి. ఇదే సమయంలో ఆ పార్టీకిచెందిన అసలైన అభ్యర్థులు కానివారు వైఎస్సార్‌ సీపీ పేరుతో నామినేషన్లు దాఖలు చేశారనే ఆరోపణలు కొత్త వివాదానికి తెరలేపుతున్నాయి. అసలైన అభ్యర్థులకు నామినేషన్‌ వేసే అవకాశం లేకుండా చేసి ఇతరుల ద్వారా నామినేషన్లు వేయించారనే అనుమానాలకు వైఎస్సార్‌ సీపీ శ్రేణులు వ్యక్తం చేస్తున్నాయి. నియోజకవర్గంలోని గురజాల, దాచేపల్లి, మాచవరం, పిడుగురాళ్ల మండలాల పరిధిలో పలు గ్రామాల్లో ఎంపీటీసీ స్థానాలకు వైఎస్సార్‌ సీపీ తరుపున అభ్యర్థులు నామినేషన్లు దాఖలు చేసినట్లు అధికారులు వెల్లడించారు. వైఎస్సార్‌ సీపీ అభ్యర్థులుగా నామినేషన్లు దాఖలు

నరసరావుపేట: జిల్లాలో జెడ్పీటీసీ, ఎంపీటీసీ నామినేషన్ల ప్రక్రియ ప్రశాంతంగా జరుగుతుందని జిల్లా ఎన్నికల అధికారి, కలెక్టర్‌ డాక్టర్‌ కృతికా శుక్లా పేర్కొన్నారు. శుక్రవారం ఎన్నికల రిటర్నింగ్‌ అధికారి సంజన శ్రీహర్షతో కలిపి రెవెన్యూ డివిజనల్‌ అధికారి కార్యాలయంలో ఏర్పాటుచేసిన నామినేషన్ల దాఖలు ప్రక్రియను పరిశీలించారు. కలెక్టర్‌ మాట్లాడుతూ గురువారం కొన్నిచోట్ల హింస జరిగిందని నివేదిక అందితే దానిపై పోలీస్‌ ప్రొటెక్షన్‌కు ఆదేశించామని చెప్పారు. గురువారం సాయంత్రం పోలీస్‌ ప్రొటెక్షన్‌తో నామినేషన్‌ సెంటర్లకు అభ్యర్థులను తీసుకొని వచ్చి స్వేచ్ఛగా నామినేషన్‌ వేయించడం జరిగిందన్నారు. శుక్రవారం కూడా మాచర్ల నుంచి వచ్చిన అభ్యర్థులు, ఇండిపెండెంట్‌ అభ్యర్థులను పోలీసు రక్షణతో లోపలికి తీసుకొని వెళ్లి నామినేషన్‌ వేయించామని తెలిపారు. నామినేషన్‌ వేసే అభ్యర్థులు స్వేచ్ఛగా, నిర్భయంగా నామినేషన్‌ దాఖలు చేయాలని, ఏమైనా ఇబ్బందులు ఉంటే తనకు గానీ, జిల్లా ఎస్పీకి గానీ ఫోన్‌ చేసి రక్షణ కోరితే పోలీస్‌ రక్షణ కల్పిస్తామని తెలిపారు. ఇదే విషయాన్ని మండలాల్లోని ఎంపీటీసీ ఎన్నికల అధికారికి, రిటర్నింగ్‌ అధికారులకు కూడా తెలియజేయడం జరిగిందన్నారు. ఎవరైనా అభ్యర్థులు ఫోన్‌, మెయిల్‌ ద్వారా గాని తెలియజేస్తే నామినేషన్‌ దాఖలకు పోలీసు రక్షణ కల్పిస్తామని తెలియజేశారు. అన్ని మండల కేంద్రాలు, నియోజకవర్గాలు, జిల్లా హెడ్‌ క్వార్టర్స్‌లో అందరికీ సమాన అవకాశాలు ఇస్తామని చెప్పారు. జిల్లా ఎస్పీతో మాట్లాడటం జరిగిందని, ఎవరైనా అభ్యర్థులు కాల్‌ చేసి చెప్పడం జరిగితే అభ్యర్థులకు ఎస్కార్ట్‌ వాహనంలో నామినేషన్‌ సెంటర్లకు తీసుకొని వెళ్లి నామినేషన్‌ దాఖలకు సహకరిస్తారని తెలియజేశారు. అభ్యర్థులు కూడా పోలీసు వారికి సహకరించాలన్నారు. ఆర్‌డీఓ కె.బాలకృష్ణ, డీఎస్పీ హనుమంతరావుకు పలు సూచనలు చేశారు. జిల్లా కలెక్టర్‌, జిల్లా ఎన్నికల అధికారి కృతికా శుక్లా

రొంపిచర్ల: పిడుగు పడి వ్యక్తి మృతి చెందిన ఘటన రొంపిచర్లలో శుక్రవారం జరిగింది. గ్రామానికి చెందిన పమ్మి గోవిందరెడ్డి(46) సుబ్బారెడ్డి కాలనీకి దగ్గర ఉన్న తన పొలం వెళుతున్నాడు. ఆ సమయంలో ఉరుములు, మెరుపులతో కూడిన వర్షం కురుస్తుండగా, అక్కడ సమీపంలో ఉన్న చెట్టు కిందకి వెళ్లాడు. ఆ సమయంలో పెద్ద శబ్దంతో పిడుగు చెట్టు కింద కూర్చుని ఉన్న గోవిందరెడ్డి మీద పడటంతో సృహ కోల్పోయి పడిపోయాడు. సమీప పొలాల్లో పనులు చేస్తున్న రైతులు, కూలీలు అక్కడికి వచ్చి పిడుగు పడిన ఆ వ్యక్తిని చికిత్స నిమిత్తం హాస్పిటల్‌కు తీసుకెళ్లారు. మార్గంమధ్యలో మృతి చెందాడు. మృతుడికి భార్య, ఒక కుమార్తె ఉన్నారు. నాదెండ్ల: ఇరువురు మిత్రుల మధ్య తలెత్తిన వివాదంలో జోక్యం చేసుకున్న మూడో వ్యక్తిపై కత్తితో దాడికి పాల్పడిన ఘటన గణపవరం సినిమాహాల్‌ సెంటర్‌లో గురువారం రాత్రి 10.30 గంటల సమయంలో చోటుచేసుకుంది. పోలీసులు తెలిపిన వివరాల మేరకు నాదెండ్ల గ్రామానికి చెందిన గోపీకృష్ణ, ధనుష్‌ మిత్రులు. గోపీకృష్ణ సుబాబుల్‌ తోట నరికే పనులకు వెళ్తుంటా డు. బుధవారం ఇరువురి మధ్య వివాదం తలెత్తింది. ధనుష్‌ తరపున చిరుమామిళ్ల గ్రామానికి చెందిన జడ జాన్‌పీటర్‌ మాట్లాడేందుకు వచ్చాడు. ఈ క్రమంలో గోపీకృష్ణపై పీటర్‌పాల్‌ చేయిచేసుకున్నాడు. దీంతో గోపీకృష్ణ తన చేతిలోని సుబాబుల్‌ నరికే కత్తితో పీటర్‌పాల్‌పై దాడి చేశా డు. గాయాలపాలైన బాధితుడిని ఆసుపత్రికి తరలించారు. బాధితుడి ఫిర్యాదు మేరకు పోలీసులు కేసు నమోదు చేశారు. ‘లలితా’లో 29 వరకు ఉచితంగా వైద్య పరీక్షలు గుంటూరు మెడికల్‌: ప్రపంచ పక్షవాత దినోత్సవాన్ని పురస్కరించుకుని గుంటూరు తక్కెళ్లపాడులోని లలితా పీవీఎస్‌ ఇనిస్టిట్యూట్‌ ఆఫ్‌ మెడికల్‌ సైన్స్‌స్‌లో శుక్రవారం నుంచి 29వ తేదీ వరకు పక్షవాతం(బ్రెయిన్‌ స్ట్రోక్‌)పై పలు అవగాహన కార్యక్రమాలు, ఉచిత వైద్యశిబిం నిర్వహిస్తున్నట్లు లలితా గ్రూప్‌ ఆఫ్‌ హాస్పిటల్స్‌ అధినేత, సీనియర్‌ కార్డియాలజిస్ట్‌ డాక్టర్‌ పి.వి.రాఘవ శర్మ తెలిపారు. శుక్రవారం లలితా హాస్పిటల్‌లో ఉచిత స్ట్రోక్‌ రిస్క్‌ స్క్రీనింగ్‌ డెస్క్‌ను ఆసుపత్రి సీఈఓ, ఇంట్రవెన్షనల్‌ కార్డియాలజిస్ట్‌ డాక్టర్‌ పోలవరపు అనురాగ్‌ ప్రారంభించారు. ఈ సందర్భంగా డాక్టర్‌ రాఘవశర్మ మాట్లాడుతూ ఈ ఏడాది ప్రపంచ పక్షవాత దినోత్సవం సందర్భంగా వరల్డ్‌ స్ట్రోక్‌ ఆర్గనైజేషన్‌ ఇచ్చిన ‘ప్రతి నిమిషం విలువైనది– పక్షవాత లక్షణాలను గుర్తించండి, సకాలంలో స్పందించండి, మెదడును కాపాడండి’ అనే నినాదంతో ప్రజల్లో అవగాహన కల్పిస్తున్నట్లు తెలిపారు. ఆస్పత్రి ప్రాంగణంలో ఏర్పాటు చేసిన స్ట్రోక్‌ స్క్రీనింగ్‌ డెస్క్‌ అక్టోబర్‌ 29 వరకు అందుబాటులో ఉంటుందని చెప్పారు. ఆరోగ్యకరమైన ఆహారపు అలవాట్లపై అవగాహన కల్పించేందుకు డైట్‌ సలహాలు, శారీరక కదలికలు, వ్యాయామాల ప్రాధాన్యతను తెలియజేసేందుకు ఫిజియోథెరపీ అవగాహనా సేవలను కూడా అందిస్తున్నట్లు డాక్టర్‌ అనురాగ్‌ చెప్పారు. ప్రజల్లో పక్షవాతంపై అవగాహన పెంపొందించడం, వ్యాధి ముప్పును తగ్గించేందుకు అవసరమైన జీవనశైలి మార్పులపై చైతన్యం కల్పించడమే ఈ కార్యక్రమాల ప్రధాన ఉద్దేశమని న్యూరాలజిస్ట్‌ ప్రొఫెసర్‌ డాక్టర్‌ ఉప్పాల వీరమ్మ తెలిపారు. కార్యక్రమంలో సీనియర్‌ న్యూరో సర్జన్‌ డాక్టర్‌ ఎన్‌.శ్రీనివాసరావు, న్యూరో కన్సల్టెంట్‌ డాక్టర్‌ ఉషాకిరణ్‌, డాక్టర్‌ అనూష పాల్గొన్నారు.

దాచేపల్లి: పోలీసుల అక్రమ కేసులో అరైస్టెయిన వైఎస్సార్‌ సీపీ యువజన విభాగం రాష్ట్ర కార్యదర్శి కొప్పుల రవికుమార్‌ శుక్రవారం బెయిల్‌పై విడుదలయ్యారు. దాచేపల్లి నగర పంచాయతీ చైర్మన్‌ అభ్యర్థిగా బరిలో నిలిచిన రవికుమార్‌ ఇంటిలో పోలీసులు అక్రమంగా మద్యం బాటిల్స్‌ పెట్టి, ఈనెల 16వ తేదీన రవికుమార్‌పై అక్రమంగా కేసు నమోదు చేసి అరెస్ట్‌ చేసి గురజాల జైలుకు పంపారు. న్యాయస్థానం ఆదేశాలతో జైలు నుంచి ప్రత్యేక బందోబస్తుతో ఈ నెల 18వ తేదీన చైర్మన్‌ అభ్యర్థిగా రవికుమార్‌ నామినేషన్‌ దాఖలు చేశారు. ఈ కేసుపై న్యాయస్థానంలో న్యాయపోరాటం చేయటంతో న్యాయస్థానం బెయిల్‌ మంజూరు చేసింది. గురజాల సబ్‌జైలు నుంచి విడుదలైన రవికుమార్‌ దాచేపల్లిలోని తన నివాసానికి చేరుకున్నారు. నగర పంచాయతీ చైర్మన్‌ కొప్పుల సుబ్బమ్మ, పార్టీ నేతలు కొప్పుల సాంబయ్య, మందపాటి రమేష్‌రెడ్డి, బుర్రి విజయ్‌కుమార్‌రెడ్డి, పార్టీ మండల, పట్టణ కన్వీనర్లు కోట కృష్ణ, షేక్‌ సుభానీ, షేక్‌ జాకీర్‌హుస్సేన్‌, కుందురు తిరుపతిరెడ్డి, మందపాటి వీరారెడ్డి, ఈదా వెంకటరెడ్డి, కొలా జంపాలరెడ్డి, జక్కా ఆశోక్‌, సంకురాత్రి వీరయ్య, తమ్మిశెట్టి రామకృష్ణా, పల్లపు హనుమంతరావు, ఉప్పుతల యల్లయ్య తదితరులు మర్యాదపూర్వకంగా కలిసి సన్మానించారు. కష్టకాలంలో తనకు, కుటుంబానికి అండగా నిలిచిన వైఎస్సార్‌సీపీ కుటుంబ సభ్యులకు రవికుమార్‌ కృతజ్ఙతలు తెలిపారు. వైఎస్సార్‌సీపీ అన్ని విధాలుగా అండగా ఉంటుందని నేతలు రవికుమార్‌కి భరోసా కల్పించారు.

చిలకలూరిపేట: రెడ్‌బుక్‌ ఎన్నికలపై రాష్ట్ర ఎన్నికల సంఘానికి ఫిర్యాదు చేసినట్లు మాజీ మంత్రి, వైఎస్సార్‌ సీపీ నియోజకవర్గ ఇన్‌చార్జి విడదల రజిని చెప్పారు. పట్టణంలోని ఎన్‌ఆర్‌టీ రోడ్డులో ఉన్న ఆమె నివాసంలో విలేకర్ల సమావేశం నిర్వహించారు. ఆమె మాట్లాడుతూ చిలకలూరిపేట మున్సిపల్‌ ఎన్నికలకు సంబంధించి అధికార పార్టీ మెప్పు కోసం అధికారులు ఎన్నికల నిబంధనలను, ప్రజాస్వామ్యాన్ని మంటగలిపారని ఆగ్రహం వ్యక్తంచేశారు. నామినేషన్ల ఉపసంహరణకు గడువు మధ్యాహ్నం మూడు గంటలు కాగా అర్ధరాత్రి 12 గంటల వరకు బలవంతంగా వైఎస్సార్‌ సీపీ కౌన్సిలర్‌ అభ్యర్థులను ఎత్తుకెళ్లి నామినేషన్లు ఉపసంహరింపచేశారని విమర్శించారు. దీనికి సంబంధించిన ఆధారాలు తమ వద్ద ఉన్నాయని, ఈ ఆధారాలతో ఎస్‌ఈసీకి ఫిర్యాదు చేసినట్లు వెల్లడించారు. బుధవారం జరిగిన సంఘటనలకు సంబంధించి పురపాలక సంఘం కార్యాలయంలో ఉన్న సీసీ పుటేజీలను ఫ్రీజ్‌ చేయాలని ఎన్నికల సంఘాన్ని కోరామన్నారు. నామినేషన్ల ఉపసంహరణలు, ఇతర వివరాలను అడిగితే మున్సిపల్‌ కార్యాలయంలో ఎలాంటి సమాధానం లభించటంలేదని పేర్కొన్నారు. మూడు గంటలకు నామినేషన్ల ఉపసంహరణ ప్రక్రియ ముగిశాక అర్ధరాత్రి దాక కార్యాలయంలో చేసిన ఘన కార్యాలేమిటో బయట పెట్టాలని డిమాండ్‌ చేశారు. సుప్రీంకోర్టు ఆదేశాల నేపథ్యంలో మున్సిపల్‌ ఎన్నికలను తాత్కాలికంగా ఆపుతున్నట్లు ఎస్‌ఈసీ ప్రకటించాక కూడా మున్సిపల్‌ కార్యాలయంలో నామినేషన్ల ఉపసంహరణ కొనసాగించారని తెలిపారు. ఈ విషయమై ఎస్‌ఈసీకి ఫిర్యాదు చేశామని, ఎస్‌ఈసీ తగు చర్యలు తీసుకోకపోతే హైకోర్టును, అవసరమైతే సుప్రీంకోర్టును ఆశ్రయిస్తామని రజిని చెప్పారు. వేడుకు చూస్తున్న పోలీసులు జెడ్పీటీసీ, ఎంపీటీసీ స్థానాలకు వైఎస్సార్‌ సీపీ అభ్యర్థులు నామినేషన్‌ వేయకుండా టీడీపీ గూండాలు అడ్డుకుంటున్నా పోలీసులు వేడుక చూస్తున్నారని ఆగ్రహం వ్యక్తం చేశారు. ఎంపీడీవో కార్యాలయాల చుట్టూ బారికేడ్లు ఏర్పాటు చేసి పహారా ఏర్పాటు చేస్తున్నారని తెలిపారు. బారికేడ్ల వద్ద టీడీపీ రౌడీ మూకలు మోహరించి, వైఎస్సార్‌ సీపీ అభ్యర్థులు నామినేషన్లు వేయడానికి వస్తే దారుణంగా దాడులకు పాల్పడి నామినేషన్‌ పత్రాలను చించి వేస్తున్నారని ఆవేదన వ్యక్తం చేశారు. ఇది పోలీసుల కళ్లముందే జరుగుతున్నా నివారించకుండా వేడుక చూస్తున్నారని ఆగ్రహం వ్యక్తం చేశారు. ప్రశ్నించేందుకు వెళ్లకుండా తనను రెండు రోజులుగా గృహ నిర్బంధంలో ఉంచి పార్టీ కార్యకర్తలు, నాయకులను సైతం కలవకుండా అడ్డంకులు సృష్టిస్తున్నారని ఆవేదన వ్యక్తం చేశారు. యడ్లపాడు మండలంలో నామినేషన్లు వేయనీయకపోవడంతో మహిళలు సైతం రోడ్డెక్కి ఆందోళనకు దిగిన సంఘటన కూటమి ప్రభుత్వంపై ప్రజలకు ఉన్న ఆగ్రహానికి అద్దం పట్టిందన్నారు. ఇప్పటి వరకు చిలకలూరిపేట, నాదెండ్ల, యడ్లపాడు మండలాలకు సంబంధించి ఏ ఒక్కరిని ఎంపీటీసీ నామినేషన్‌ వేయకుండా టీడీపీ గుండాలు అడ్డుకున్నారని, ఇదంతా ప్రజలు చూస్తున్నారని సమయం వచ్చినప్పుడు తగిన విధంగా బుద్ధి చెబుతారని హెచ్చరించారు. ఎన్ని అవంతరాలు సృష్టిస్తున్నా, దాడులకు పాల్పడుతున్నా మొక్కవోని ధైర్యంతో ముందుకు వస్తున్న పార్టీ నాయకులు, కార్యకర్తలు, అభ్యర్థులకు కృతజ్ఞతలు తెలిపారు. సమావేశంలో పార్టీ నియోజకవర్గ పరిశీలకుడు చిట్టా విజయభాస్కరరెడ్డి తదితరు లు పాల్గొన్నారు.

6వ బెటాలియన్‌ కమాండెంట్‌ మురళి మంగళగిరి టౌన్‌: విధి నిర్వహణలో ప్రాణాలు అర్పించిన పోలీస్‌ అమరవీరుల త్యాగాలు చిరస్మరణీయమని ఏపీఎస్పీ 6వ బెటాలియన్‌ కమాండెంట్‌ మురళి పేర్కొన్నారు. మంగళగిరి పట్టణంలోని 6వ బెటాలియన్‌లో పోలీస్‌ అమరవీరుల దినోత్సవాన్ని పురస్కరించుకుని వారోత్సవాలు నిర్వహించారు. శుక్రవారం నిర్వహించిన సెమినార్‌లో మురళి మాట్లాడుతూ ప్రజల రక్షణ, శాంతి భద్రతల పరిరక్షణ కోసం పోలీసులు అందిస్తున్న సేవలను, విధి నిర్వహణలో ఎదుర్కొంటున్న సవాళ్లను కొనియాడారు. సమాజంలో శాంతి భద్రతలను కాపాడంలో పోలీసుల పాత్ర ఎంతో కీలకమని, ప్రజల భద్రతకు ప్రాధాన్యత ఇచ్చే పోలీసుల సేవలు అధినందనీయమన్నారు. అనంతరం అమరుడైన 6వ బెటాలియన్‌ కానిస్టేబుల్‌ నరసయ్య నివాసానికి వెళ్లి వారి కుటుంబ సభ్యులను పరామర్శించారు. వారికి అండగా ఉంటామని ధైర్యం చెప్పారు. కార్యక్రమంలో బెటాలియన్‌ అదనపు కమాండెంట్‌ ఆశీర్వాదం, అసిస్టెంట్‌ కమాండెంట్‌ రవి, విట్‌ కళాశాల ప్రొఫెసర్‌ శ్రీనివాసరెడ్డి తదితరులు పాల్గొన్నారు. చీరాల టౌన్‌: రాష్ట్ర ప్రభుత్వం రెవెన్యూ శాఖ స్పెషల్‌ చీఫ్‌ సెక్రటరీ, చీఫ్‌ కమిషనర్‌ ఆఫ్‌ ల్యాండ్స్‌ అండ్‌ అడ్మినిస్ట్రేషన్‌ జి.జయలక్ష్మి శుక్రవారం చీరాల వచ్చారు. జిల్లాలో జరుగుతున్న భూముల రీసర్వే పరిశీలనకు వచ్చిన ఆమెకు.. చీరాల ఆర్డీవో ఎస్‌.నరసింహారావు, తహసీల్దార్‌ కె.గోపీకృష్ణలు పుష్పగుచ్ఛాలు అందించారు. చీరాల మండలంలోని వాడరేవులోని ఐఎల్‌టీడీ అతిథి గృహంలో జయలక్ష్మికి విడిది ఏర్పాటు చేశారు. పలువురు రెవెన్యూ అధికారులు, ఉద్యోగులు మర్యాదపూర్వకంగా కలిశారు. నగరంపాలెం: స్థానిక బృందావన్‌గార్డెన్స్‌ శ్రీవేంకటేశ్వరస్వామి దేవాలయం అన్నమయ్య కళావేదికపై రెండు రోజుల పాటు జరగనున్న అమరావతి నృత్యోత్సవాలు శుక్రవారం ప్రారంభమయ్యాయి. కేఆర్‌కేఎం మెమోరియల్‌ అకాడమీ, క్రియేటివిటీ అండ్‌ కల్చర్‌ కమిషన్‌ (ఏపీ ప్రభుత్వం) సంయుక్తంగా చేపట్టగా, అతిథులు జ్యోతి ప్రజ్వలనతో ప్రారంభించారు. సభాధ్యక్షురాలుగా కోకా విజయలక్ష్మి వ్యవహారించారు. తొలుత కేఆర్‌కేఎం శిష్య బృందం స్వాగత నృత్యం చేశారు. అనంతరం ప్రీతి మొహాపాత్ర (హైదరాబాద్‌) ఒడిస్సి నృత్యాన్ని, చల్లా వేదవల్లి(హైదరాబాద్‌) కూచిపూడి నృత్యాన్ని, చెరుకు అనుష్క (హైదరాబాద్‌) భరత నాట్యాన్ని ప్రదర్శించారు. తమ బాణీలతో చక్కటి హావభావాలు పలకించారు. నృత్యభంగిమలతో నృత్య ప్రదర్శన చేయగా అలరించాయి. కార్యక్రమంలో ఏపీ టాక్స్‌ బార్‌ అసోసియేషన్‌ అధ్యక్షుడు రామరాజు శ్రీనివాస్‌, కళారత్న అవార్డు గ్రహీత రాయన గిరిధర్‌గౌడ్‌, ప్రముఖ కవి భూసురపల్లి వెంకటేశ్వర్లు, ఆలయ పాలక మండలి అధ్యక్షుడు సీహెచ్‌.మస్తానయ్య ప్రసంగించారు. అతిథులు, కళాకారులను సంస్థ అధ్యక్షుడు, నాట్యాచార్య కాజ వేంకటసుబ్రహ్మణ్యం సత్కరించారు. తాడికొండ: తుళ్లూరు ప్రాథమిక ఆరోగ్య కేంద్రం వైద్యాధికారి డాక్టర్‌ శ్రీనివాస్‌ రూ.25 లంచం తీసుకుంటూ ఏసీబీ అధికారులకు శుక్రవారం పట్టుబడ్డాడు. అదే అసుపత్రిలో ఆఫీస్‌ సబార్డినేట్‌గా పనిచేస్తున్న శ్రీనివాసరావు నుంచి లంచం డిమాండ్‌ చేయడంతో ఆయన ఏసీబీ అధికారులను ఆశ్రయించాడు. శ్రీనివాసరావు నెల రోజులపాటు విధులకు సెలవు పెట్టిన నేపథ్యంలో డాక్టర్‌ శ్రీనివాస్‌ షోకాజ్‌ నోటీసులు జారీ చేశారు. క్లియర్‌ చేసేందుకు నెల జీతం ఇవ్వాలని డిమాండ్‌ చేయగా చివరకు రూ.25 వేలు తీసుకుంటుండగా ఏసీబీ అధికారులు రెడ్‌ హ్యాండెడ్‌గా పట్టుకున్నారు. దాడిలో ఏసీబీ డీఎస్పీ టీవీవీ ప్రతాప్‌ కుమార్‌, సీఐలు సురేష్‌, నాగరాజు, కుమ్మరి శ్రీనివాసరావు, జీఎల్‌ శ్రీనివాసరావులు పాల్గొన్నారు.

శనివారం శ్రీ 24 శ్రీ అక్టోబర్‌ శ్రీ 20269ఇంద్రకీలాద్రి(విజయవాడపశ్చిమ): దుర్గమ్మ పంచహారతుల సేవలో దేవదాయ శాఖ కమిషనర్‌ రామచంద్రమోహన్‌ శుక్రవారం కుటుంబ సమేతంగా పాల్గొన్నారు.అచ్చంపేట: పులిచింతల ప్రాజెక్టులో ప్రస్తుత నిల్వ 27.6413 టీఎంసీలు. ప్రాజెక్టు దిగువకు 400 క్యూసెక్కులు లీకేజీల ద్వారా వెళుతోంది. తెనాలి: స్థానిక మార్కెట్‌యార్డులో శుక్రవారం క్వింటా నిమ్మకాయలు కనిష్ఠ ధర రూ.7,500, గరిష్ఠ ధర రూ.10,500, మోడల్‌ ధర రూ.8,800 వరకు పలికింది.

● గురజాలలో తమ్ముళ్ల వేరు కుంపట్లు ● వేర్వేరు అభ్యర్థులకు ఎమ్మెల్యే, ఎంపీలు మద్దతు ● స్థానిక ఎన్నికల వేళ శ్రేణుల్లో అయోయమం పిడుగురాళ్ల రూరల్‌: ‘మేమంతా ఒక్కటే... కూటమిగా కలిసే నడుస్తాం‘ అని వేదికలపై ప్రకటనలు గుప్పించే నాయకులు.. తెరవెనుక మాత్రం అసలు సిసలైన రాజకీయ క్రీడకు తెరలేపుతున్నారా? మాటల్లో మైత్రిని నటిస్తూనే... చేతల్లో సొంత పార్టీ నేతలకే ఎసరు పెడుతున్నారా? పల్నాడు జిల్లా గురజాల నియోజకవర్గంలో చోటుచేసుకున్న తాజా పరిణామాలు ఇప్పుడు స్థానిక రాజకీయాల్లో తీవ్ర సంచలనం రేపుతున్నాయి. ఒకే గ్రామం... ఒకే కూటమి... కానీ ఒకరిపై ఒకరు ఆధిపత్యం ప్రదర్శించేందుకు వేసిన వ్యూహాలు స్థానికంగా తీవ్ర చర్చనీయాంశంగా మారాయి. భగ్గుమన్న విభేదాలు నరసరావుపేట ఎంపీ లావు శ్రీకృష్ణదేవరాయలుకు గురజాల స్థానిక ఎమ్మెల్యే యరపతినేని శ్రీనివాసరావుతో పొసగడం లేదనే వార్తలు చాలాకాలంగా వినిపిస్తున్నాయి. తాజాగా జెడ్పీటీసీ నామినేషన్ల ఘట్టం దానికి ప్రత్యక్ష నిదర్శనంగా నిలిచింది. పిడుగురాళ్ల మండలం జానపాడు గ్రామానికి చెందిన ప్రముఖ వైద్యుడు ఉన్నం నాగమల్లికార్జునరావు సతీమణి దీపికకు ఎంపీ శ్రీకృష్ణదేవరాయలు మద్దతుతో జెడ్పీటీసీ అభ్యర్థిగా, ఆపై జెడ్పీ చైర్‌పర్సన్‌ అభ్యర్థిగా రేసులో నిలిచే అవకాశం లభించింది. అయితే, ఈ అభ్యర్థిత్వానికి పైకి మద్దతు తెలుపుతున్నట్లే నటిస్తున్న ఎమ్మెల్యే యరపతినేని శ్రీనివాసరావు... లోలోపల మాత్రం సొంత వర్గంతో చెక్‌ పెట్టే వ్యూహానికి తెరలేపారని ఆరోపణలు వస్తున్నాయి. ఒకే పార్టీ నుంచి రెండు నామినేషన్లు... పిడుగురాళ్లలో హాస్పిటల్‌ నడుపుతూ ఆర్థికంగా, రాజకీయంగానూ బలంగా ఉన్న కమ్మ సామాజిక వర్గానికి చెందిన డాక్టర్‌ ఉన్నం నాగమల్లికార్జునరావు దంపతులు గురువారం నామినేషన్‌ దాఖలు చేశారు. వీరు ఎంపీ శ్రీకృష్ణదేవరాయలుకు మొదటి నుంచీ అత్యంత సన్నిహితులుగా వ్యవహరిస్తున్నారు. డాక్టర్‌ దంపతులు నామినేషన్‌ వేస్తున్న సమయంలోనే వారికి స్థానిక ఎమ్మెల్యే నుంచి అనూహ్యమైన షాక్‌ తగిలింది. అదే గ్రామానికి, అదే పార్టీకి చెందిన మరో ముఖ్య నాయకుడు పోటీగా నామినేషన్‌ దాఖలు చేయడం కలకలం రేపింది. దీని వెనుక ఎమ్మెల్యే యరపతినేని ప్రోద్బలం ఉందనే ప్రచారం రాజకీయ వర్గాల్లో జోరుగా సాగుతోంది. భవిష్యత్తు వారసత్వ పోరుపై ఆందోళన? గతంలో వైఎస్సార్‌ సీపీలో ఉన్న డాక్టర్‌ ఉన్నం నాగమల్లికార్జునరావును 2024 ఎన్నికల సమయంలో అధిష్ఠానం సూచనల మేరకు యరపతినేని స్వయంగా ఒప్పించి టీడీపీలోకి తీసుకువచ్చారు. ఆ సమయంలో చంద్రబాబు సమక్షంలో కండువా కప్పుకోగా, భవిష్యత్తులో గురజాల నియోజకవర్గ పునర్విభజన జరిగితే డాక్టర్‌ మల్లికార్జునరావుకు ఎమ్మెల్యే అభ్యర్థిగా అవకాశం ఇస్తామని అధిష్ఠానం మాట ఇచ్చింది. ఇప్పుడు డాక్టర్‌ దంపతులు రాజకీయంగా మరింత బలపడితే, భవిష్యత్తులో తన కుమారుడి రాజకీయ అరంగేట్రానికి గండి పడుతుందనే ఆందోళనతోనే యరపతినేని ఇలా చేస్తున్నారని కూటమి వర్గాల్లో అంతర్గత చర్చ నడుస్తోంది. ఒకే కూటమిలో ఉంటూ, ఒకే వేదిక పంచుకుంటూ కూడా స్థానిక నేతలు సాగిస్తున్న ఈ ‘పరోక్ష సమరం’ గురజాల నియోజకవర్గంలో కూటమి శ్రేణులను తీవ్ర అయోమయానికి గురిచేస్తోంది. రాబోయే రోజుల్లో ఈ వివాదం ఏ మలుపు తిరుగుతుందో, పార్టీ అధిష్ఠానం దీనిపై ఎలా స్పందిస్తుందో వేచి చూడాలి.

మాజీ ఎమ్మెల్యే బ్రహ్మనాయుడు వినుకొండ: రాష్ట్రంలో చంద్రబాబు ప్రభుత్వం అరాచక పాలన సాగిస్తోందని, ఓటమి భయంతోనే ప్రతిపక్షాలపై దాడులు, అక్రమ గృహ నిర్బంధాలకు పాల్పడుతున్నారని మాజీ ఎమ్మెల్యే బొల్లా బ్రహ్మనాయుడు విమర్శించారు. బుధవారం నరసరావుపేటలో బొల్లాను పోలీసులు హౌస్‌ అరెస్ట్‌ చేశారు. అనంతరం ఆయన మాట్లాడుతూ ఒక మాజీ శాసనసభ్యుడినైన తనను ఏ కారణంతో గృహ నిర్బంధం చేశారో సమాధానం చెప్పాలని నిలదీశారు. ఎన్నికల ప్రక్రియలో భాగంగా వైఎస్సార్‌ కాంగ్రెస్‌ పార్టీ అభ్యర్థులు నామినేషన్లు వేయకుండా అడ్డుకుంటున్నారని మండిపడ్డారు. నామినేషన్లు ఉపసంహరించుకోకపోతే ఇళ్లను పొక్లెయిన్లతో కూల్చివేస్తామంటూ పురపాలక సంఘం పరిధిలో సర్కిల్‌ ఇన్‌స్పెక్టర్‌ ప్రభాకర్‌ నేరుగా బెదిరింపులకు దిగడం ఎంతవరకు న్యాయమని ప్రశ్నించారు. నామినేషన్‌ పత్రాలను చించివేస్తూ, పోటీ చేసే అభ్యర్థులను చితకబాదుతూ వారి భార్యాపిల్లలను అల్లాడేలా చేస్తున్నారని ఆవేదన వ్యక్తం చేశారు. ఈ అరాచకాలపై ప్రజలు, మేధావులు ఆలోచించాలని ఆయన పిలుపునిచ్చారు. ప్రజాస్వామ్య బద్దంగా ఎన్నికలు నిర్వహించాలి చంద్రబాబు ప్రభుత్వానికి చిత్తశుద్ధి ఉంటే ప్రజాస్వామ్యబద్దంగా ఎన్నికలు నిర్వహించి గెలుపోటములు తేల్చుకోవాలని మాజీ ఎమ్మెల్యే బొల్లా బ్రహ్మనాయుడు డిమాండ్‌ చేశారు. స్థానిక వైఎస్సార్‌ కాంగ్రెస్‌ పార్టీ కార్యాలయంలో మంగళవారం ఏర్పాటు చేసిన విలేకరుల సమావేశంలో ఆయన మాట్లాడుతూ వినుకొండకు తాగునీరు అందించే సింగర చెరువును అభివృద్ధి చేసిందెవరో వినుకొండ ప్రజలకు బాగా తెలుసునన్నారు. మున్సిపాలిటీ నిధులతో వినుకొండ అభివృద్ధి చేస్తున్నామని చెప్పడం సరికాదన్నారు. తాము చేసిన అభివృద్ధిని చూసి మీరు కూడా మారాలని సూచించారు. స్థానిక ఎమ్మెల్యే జీవీ, ఎంపీ లావు శ్రీ కృష్ణదేవరాయలు బాధ్యతను సక్రమంగా నిర్వర్తించాలని కోరారు. సమావేశంలో మున్సిపల్‌ చైర్మన్‌ అభ్యర్థి పి.ఎస్‌ ఖాన్‌, పల్నాడు జిల్లా అధికార ప్రతినిధి ఎంఎన్‌ ప్రసాద్‌. లతోపాటు పలువురు నాయకులు పాల్గొన్నారు.

నూజెండ్ల:స్థానిక సంస్థల ఎన్నికల వేళ నూజెండ్లలో బుధవారం తీవ్ర ఉద్రిక్త వాతావరణం నెలకొంది. ఎంపీటీసీ స్థానాలకు నామినేషన్‌ దాఖలు చేసేందుకు వచ్చిన వైఎస్సార్‌ కాంగ్రెస్‌ పార్టీ అభ్యర్థులను తెలుగుదేశం పార్టీ శ్రేణులు అడ్డుకోవడంతో ఎంపీడీవో కార్యాలయ పరిసర ప్రాంతాల్లో గందరగోళం చెలరేగింది. నామినేషన్లు వేసేందుకు వచ్చిన వైఎస్సార్‌ సీపీ అభ్యర్థులను గడువు ముగిసే వరకు గంటల తరబడి బారికేడ్లకు దూరంగానే టీడీపీ నాయకులు, కార్యకర్తలు అడ్డుకున్నారు. అదే సమయంలో నామినేషన్ల పేరుతో టీడీపీ శ్రేణులు కూడా ఒక్కసారిగా ప్రాంగణంలోకి దూసుకురావడంతో తీవ్ర ఘర్షణ వాతావరణం ఏర్పడింది. ఈ క్రమంలో స్థానిక పోలీసుల వ్యవహారశైలిపై వైఎస్సార్సీపీ నాయకులు తీవ్ర ఆగ్రహం వ్యక్తం చేశారు. నిబంధనలకు విరుద్ధంగా టీడీపీ నాయకులను మాత్రమే ఎంపీడీవో కార్యాలయంలోకి అనుమతించడంపై ఐనవోలు ఎస్‌ఐ బీవీ కష్ణారావును వైఎస్సార్‌ సీపీ నాయకులు నిలదీశారు. పోలీసులు పక్షపాతంతో వ్యవహరిస్తున్నారని, టీడీపీ నాయకులకు అనుకూలంగా సహకరిస్తూ తమ అభ్యర్థులను నామినేషన్‌ వేయకుండా అడ్డుకుంటుంటే ప్రేక్షక పాత్ర వహిస్తున్నారని మండిపడ్డారు. పోలీసుల ఏకపక్ష వైఖరిని, టీడీపీ నాయకుల అక్రమాలను నిరసిస్తూ వైఎస్సార్‌ నాయకులు, కార్యకర్తలు కార్యాలయం ఎదుట ధర్నాకు దిగారు. అభ్యర్థులకు రక్షణ కల్పించి, నామినేషన్‌ దాఖలు చేసేందుకు తక్షణమే అవకాశం కల్పించాలని డిమాండ్‌ చేశారు. ఎంపీడీవో కార్యాలయ ప్రాంగణంలో ఇరువర్గాల మోహరింపుతో పరిస్థితి ఉద్రిక్తంగా మారింది. చివరకు ములకలూరుకు చెందిన వైఎస్సార్‌ సీపీ అభ్యర్థి చింతల వీరమ్మ నామినేషన్‌ వేసింది. మిగిలిన వాళ్లను రానీయకుండా టీడీపీ నాయకులు అడ్డుకున్నారు.

చిలకలూరిపేట: కిడ్నాప్‌, దాడులు, హౌస్‌ అరెస్టులు మధ్య మున్సిపల్‌ ఎన్నికల్లో కీలక ఘట్టమైన నామినేషన్ల ఉపసంహరణ కార్యక్రమం బుధవారం కొనసాగింది. ప్రజాస్వా మ్యాన్ని పరిరక్షించాల్సిన అధికారులే అధికారపార్టీకి నిస్సిగ్గుగా కొమ్ముకాశారు. బుధవారం ఉదయమే వైఎస్సార్‌ సీపీ నియోజకవర్గ సమన్వయకర్త, మాజీమంత్రి విడదల రజినిని పోలీసులు హౌస్‌ అరెస్టు చేశారు. ఆమె బయటకు రాకుండా ఇంటివద్ద బందోబస్తు ఏర్పాటు చేశారు. 18వార్డు అభ్యర్థి బండిరాణిని టీడీపీ వర్గీయులు కిడ్నాప్‌ చేసి తీసుకువెళ్లిన సంఘటన కలకలం సృష్టించింది. మరోవైపు బీ ఫారాలు అందజేసేందుకు మున్సిపల్‌ కార్యాలయానికి వచ్చిన వైఎస్సార్‌ సీపీ పల్నాడు జిల్లా యువజన విభాగం అధ్యక్షుడు కందుల శ్రీకాంత్‌పై టీడీపీ వర్గీయులు మున్సిపల్‌ కార్యాలయంలో ఆర్వో సమక్షంలో దాడికి పాల్పడ్డారు. ఆయనతోపాటు ఉన్న న్యాయవాది, 47 వార్డు వైఎస్సార్‌ సీపీ అభ్యర్థి బెల్లంకొండ నరేంద్రచౌదరిపై దాడికి పాల్పడంతో ఆయన స్పృహతప్పి పడిపోయాడు. ఆయనను పట్టణంలోని ఓ ప్రైవేటు వైద్యశాలకు తరలించి చికిత్స అందిస్తున్నారు. ఆయన పరిస్థితి విషమంగా ఉన్నట్లు తెలుస్తోంది. ఇదే సమయంలో వైఎస్సార్‌ సీపీ మూడో వార్డు అభ్యర్థికి సంబంధించిన బీ ఫారంను కందుల శ్రీకాంత్‌, బెల్లంకొండ నరేంద్రచౌదరి వద్ద నుంచి లాక్కోని టీడీపీ వర్గీయులు చించివేశారు. ఈ తతంగం మొత్తం ఎన్నికల అధికారులు, పోలీసుల సమక్షంలోనే కొనసాగింది. పట్టణంలో మున్సిపల్‌ చైర్‌పర్సన్‌ పదవితో పాటు 48 వార్డు కౌన్సిలర్‌ పదవులు ఉండగా అందులో బలవంతంగా వైఎస్సార్‌ అభ్యర్థులతో నామినేషన్లను ఉపసంహరింపచేశా రు. ఈ నామినేషన్ల ఉపసంహరణ కార్యక్రమం గడువు సమయమైన మధ్యాహ్నం 3గంటల తర్వాత ఎక్కువ శాతం కొనసాగింది. గడువు సమయానికి ముందు కేవలం నాలుగు నామినేషన్లు వైఎస్సార్‌సీపీవి ఉపసంహరించుకోగా మూడు గంటల తర్వాత 12 నామినేషన్లు రాత్రి 10 గంటలు దాటాక కూడా కొనసాగాయి.

నరసరావుపేట: త్వరలో నిర్వహించనున్న స్థానిక సంస్థల ఎన్నికల విధుల నుంచి తీవ్ర శారీరక వైకల్యం కలిగిన ఉపాధ్యాయులు, గర్భిణులు, బాలింతలు, దీర్ఘకాలిక వ్యాధులతో బాధపడుతున్నవారు, పదవీ విరమణకు దగ్గరగా ఉన్న ఉపాధ్యాయులకు మినహాయింపు కల్పించాలని ఫ్యాప్టో పల్నాడు జిల్లా చైర్మన్‌ ఎల్‌.వి రామిరెడ్డి, ఫ్యాప్టో జిల్లా డిప్యుటీ సెక్రటరీ జనరల్‌, యూటీఎఫ్‌ పల్నాడు జిల్లా ప్రధాన కార్యదర్శి మద్దుకూరి మోహనరావు కోరారు. బుధవారం ఫ్యాప్టో ఆధ్వర్యంలో కలెక్టరేట్‌లో డీఆర్వో కె.అద్దయ్యకు వినతిపత్రం అందజేశారు. వారు మాట్లాడుతూ జిల్లాలో స్థానిక సంస్థల ఎన్నికల నేపథ్యంలో ఉపాధ్యాయులకు ఎన్నికల విధుల కేటాయింపు ఉత్తర్వులు జారీ చేసినప్పటికీ, తీవ్ర అనారోగ్య సమస్యలతో బాధపడుతున్న ఉపాధ్యాయులకు సైతం విధులు కేటాయించడంతో ఇబ్బందులకు గురవుతున్నారన్నారు. నడవడానికి కూడా ఇబ్బందులు పడుతున్న తీవ్ర శారీరక వైకల్యం కలిగిన ఉపాధ్యాయులు ఎన్నికల విధులు నిర్వహించడం కష్టతరమని తెలిపారు. గర్భిణులు, బాలింతలు, దీర్ఘకాలిక వ్యాధులతో బాధపడుతున్న వారు, వయోభారంతో ఇబ్బందులు ఎదుర్కొంటున్నవారి ఆరోగ్య పరిస్థితులను పరిగణనలోకి తీసుకోవాలని విజ్ఞప్తి చేశారు. ఆరోగ్య పరిస్థితులు, వ్యక్తిగత ఇబ్బందులను దృష్టిలో ఉంచుకుని మానవతా దృక్పథంతో వ్యవహరించాలని కోరారు. పల్నాడు జిల్లా నాయకులు ఆర్‌.గోవిందరాజులు, టి.వెంకటేశ్వర్లు, బాషా, వీరాంజనేయులు, రమేష్‌, రాసూల్‌, సుంకర శ్రీనివాసరావు, ఫణి, మల్లికార్జునరావు, కరీముల్లా, ఏసయ్య, బషీర్‌ పాల్గొన్నారు. ఫ్యాప్టో జిల్లా కమిటీ నాయకుల విజ్ఞప్తి

నాదెండ్ల: టీడీపీ నాయకులకు పోలీసులు తోడై వైఎస్సార్‌ కాంగ్రెస్‌ పార్టీ నాయకులను గృహనిర్బంధం చేయటంతోపాటూ వారిపట్ల విచక్షణా రహితంగా ప్రవర్తించారు. ఎంపీటీసీ, జెడ్పీటీసీ ఎన్నికల నామినేషన్ల ప్రక్రియ బుధవారం ప్రారంభమైంది. సోమ, మంగళవారాల నుంచి వైఎస్సార్‌ కాంగ్రెస్‌పార్టీ జిల్లా అధికార ప్రతినిధి ఉడతా వెంకటేశ్వరరావును గృహనిర్బంధం చేశారు. అంతేకాక ఆయన భార్య, అత్త పట్ల ఎస్సై కట్టా వెంకటయ్య దౌర్జన్యంగా వ్యవహరించి అసభ్యంగా మాట్లాడారంటూ మహిళలు ఆవేదన వ్యక్తం చేశారు. చిరుమామిళ్ల మాజీ సర్పంచ్‌ సింగారెడ్డి లక్ష్మి, ఆయన భర్త కోటిరెడ్డి, కుమారుడు శ్రీకాంత్‌రెడ్డిలను ఉదయం నుండి సాయంత్రం వరకూ పోలీస్‌ స్టేషన్‌లో నిర్బంధించారు. అప్పాపురం గ్రామానికి చెందిన మండల మాజీ ఉపాధ్యక్షుడు కోయలమూడి సాంబశివరావును గృహనిర్బంధం చేశారు. నామినేషన్‌ వేయకుండా దౌర్జన్యం కనపర్రు ఎంపీటీసీ స్ధానాన్ని ఎస్టీ కేటగిరికి రిజర్వు అయింది. ఈ స్ధానానికి నామినేషన్‌ వేసేందుకు మొగిలి నాగరాజు సిద్ధమయ్యారు. నాగరాజుతో పాటూ వైఎస్సార్‌సీపీ చిలకలూరిపేట బీసీ సెల్‌ అధ్యక్షుడు, మండల వర్కింగ్‌ ప్రెసిడెంట్‌ గుంజి శ్రీనివాసరావు, రవికుమార్‌, పోపూరి సాగర్‌ బుధవారం మండల పరిషత్‌ కార్యాలయం వద్దకు రాగా టీడీపీ నాయకులు అడ్డుతగిలారు. నామినేషన్‌ వేసేందుకు వీలులేదంటూ అడ్డుతగిలి దౌర్జన్యానికి పాల్పడ్డారు. దీంతో పోలీసులు వారి వంతుగా నాగరాజుతో పాటూ వైఎస్సార్‌సీపీ నాయకులను పోలీస్‌స్టేషన్‌కు తరలించి సాయంత్రం వరకూ నిర్బంధించారు.

యడ్లపాడు: జాతీయ రహదారి దాటుతున్న మహిళను ద్విచక్ర వాహనం ఢీకొట్టిన ఘటనలో తీవ్రంగా గాయపడిన ఆమె ఆసుపత్రిలో చికిత్స పొందుతూ మృతి చెందింది. ఈ విషాద ఘటన యడ్లపాడు సుగాలికాలనీ సమీపంలో బుధవారం రాత్రి చోటుచేసుకుంది. కాలనీకి చెందిన శ్రావణిబాయి (27) స్థానికంగా ఓ కంపెనీలో పనిచేస్తోంది. బుధవారం సాయంత్రం విధులు ముగించుకుని ఇంటికి బయలుదేరిన ఆమె.. కాలనీ వద్ద జాతీయ రహదారిని దాటుతుండగా చిలకలూరిపేట నుంచి గుంటూరు వైపు వెళ్తున్న ద్విచక్ర వాహనం ఢీకొట్టింది. ఈ ప్రమాదంలో ఆమె తీవ్రంగా గాయపడింది. సమాచారం అందుకున్న హైవేఅంబులెన్స్‌ సిబ్బంది బాధితురాలిని చిలకలూరిపేటలోని ఓ ప్రైవేటు ఆసుపత్రికి తరలించారు. అక్కడ చికిత్స పొందుతూ ఆమె మృతి చెందింది. అనంతరం మృతదేహాన్ని పోస్టుమార్టం నిమిత్తం చిలకలూరిపేట ప్రభుత్వ ఆసుపత్రికి తరలించారు. ప్రమాదానికి కారణమైన వాహనచోదకుడికి గాయాలు కావడంతో ప్రభుత్వ ఆసుపత్రిలో చికిత్స పొందుతున్నట్లు సమాచారం. రోడ్డు ప్రమాదంలో యువతి దుర్మరణం కృష్ణలంక(విజయవాడతూర్పు): ఆర్టీసీ బస్సు ఢీకొని ద్విచక్ర వాహనంపై వెళ్తున్న ఓ యువతి దుర్మరణం చెందగా, మరో వ్యక్తికి తీవ్రంగా గాయపడ్డాడు. ఈ ప్రమాదం ఎన్టీఆర్‌ జిల్లా విజయవాడ కృష్ణలంక పోలీస్‌ స్టేషన్‌ పరిధిలో జరిగింది. పోలీసుల కథనం మేరకు.. గుంటూరు జిల్లా రామకృష్ణాపురం, దేవరాయబొట్లపాలేనికి చెందిన కల్యాణం రాజేష్‌ (30) ఓ ప్రైవేటు కంపెనీలో పనిచేస్తున్నాడు. ఉద్యోగ విధుల్లో భాగంగా రెండు రోజుల క్రితం విజయవాడ వచ్చాడు. ఈ నెల 19వ తేదీన బీసెంట్‌ రోడ్డులోని ఓ మార్ట్‌ వద్ద క్రెడిట్‌ కార్డు క్యాంపెయిన్‌లో ప్రకాశం జిల్లా కెల్లంపల్లి, పలుకురాల తండాకు చెందిన నలావత్తు సంధ్యాబాయి(21)తో రాజేష్‌కు పరిచయం ఏర్పడింది. అదే రోజు రాత్రి 8:30 గంటల సమయంలో భవానీపురంలో సంధ్యాబాయికి తెలిసిన ఒక వ్యక్తికి క్రెడిట్‌ కార్డు అందజేసేందుకు రాజేష్‌తో కలిసి ఆమె బైక్‌పై బయలుదేరింది. కాళీమాత గుడి ఎదురుగా వచ్చేసరికి వెనుక వైపు నుంచి బస్టాండ్‌కు వెళ్తున్న ఆర్టీసీ బస్సు వారి బైక్‌ను ఢీకొట్టింది. ఇద్దరూ కిందపడిపోవడంతో తీవ్రంగా గాయపడ్డారు. స్థానికులు వెంటనే స్పందించి 108లో వారిని ఆస్పత్రికి తరలించారు. ఆస్పత్రిలో చికిత్స పొందుతూ పరిస్థితి విషమించి మంగళవారం తెల్లవారుజామున సంధ్యాబాయి మృతి చెందింది. రాజేష్‌ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు. నరసరావుపేట: స్థానిక సంస్థల ఎన్నికలలో భాగంగా జిల్లాలో ఎటువంటి ఇబ్బందులు లేకుండా, అన్ని చోట్లా ప్రశాంత వాతావరణంలో ఎన్నికల ప్రక్రియ కొనసాగుతోందని జిల్లా ఎన్నికల పరిశీలకుడు కన్నబాబు తెలిపారు. ఎన్నికల ప్రవర్తనా నియమావళిని పకడ్బందీగా అమలు చేయాలని, ఎన్నికల విధుల్లో ఉన్న అధికారులు సమన్వయంతో పనిచేస్తూ ఎన్నికల ప్రక్రియను నిష్పక్షపాతంగా నిర్వహించాలని ఆదేశించారు. ఎంపీటీసీ, జెడ్పీటీసీ నామినేషన్ల ప్రక్రియ జిల్లాలో బుధవారం నుంచి ప్రారంభమైందని, ఆర్‌డీఓ కార్యాలయంలో ఏర్పాటుచేసిన జెడ్పీటీసీ నామినేషన్ల ప్రక్రియను కలెక్టర్‌, జిల్లా ఎన్నికల అధికారి డాక్టర్‌ కృతికా శుక్లాతో కలిసి బుధవారం పరిశీలించారు. నామినేషన్ల ప్రక్రియను పరిశీలించి ఎన్నికల అధికారులకు పలు సూచనలు జారీ చేశారు. నామినేషన్‌ వేయకుండానే వెనుదిరిగిన స్వతంత్ర అభ్యర్థి నరసరావుపేట: దాచేపల్లి జెడ్పీటీసీ స్థానానికి స్వతంత్ర అభ్యర్థిగా నామినేషనన్‌ దాఖలు చేసేందుకు నరసరావుపేట ఆర్డీఓ కార్యాలయానికి వెళ్లిన తాను అక్కడ నెలకొన్న పరిస్థితుల కారణంగా నామినేషన్‌ వేయకుండానే వెనుదిరిగినట్లు జక్కుల వీరాస్వామి ఆవేదన వ్యక్తం చేశారు.

మాచర్ల పల్నాడు జిల్లాలో పలువురు వైఎస్సార్‌ సీపీ నేతలను పోలీసులు బుధవారం హౌస్‌ అరెస్టు చేశారు. వైఎస్సార్‌ సీపీ జిల్లా అధ్యక్షుడు పిన్నెల్లి రామకృష్ణారెడ్డి ఇంటి వద్దకు ఉదయాన్నే పట్టణ ఎస్‌ఐ వెంకట్రావు, పోలీసు సిబ్బంది చేరుకొని సాయంత్రం వరకు హౌస్‌ అరెస్టులో ఉంచారు. కాసు మహేష్‌రెడ్డిని అదుపులోకి తీసుకున్న పోలీసులు పిడుగురాళ్ల: పిడుగురాళ్లలోని వైఎస్సార్‌ సీపీ కార్యాలయంలో నిద్రిస్తున్న మాజీ ఎమ్మెల్యే కాసు మహేష్‌రెడ్డిని అర్దరాత్రి సమయంలో పోలీసులు అదుపులోకి తీసుకున్నారు. అర్ధరాత్రి పార్టీ కార్యాలయానికి చేరుకున్న పోలీసులు మహేష్‌రెడ్డి నిద్రించే ప్రాంతానికి వెళ్లారు. శాంతి భద్రతలకు విఘాతం కలుగుతుందని, నరసరావుపేట వెళ్లాలని కాసుకు సూచించారు. తన వల్ల ఎలాంటి ఇబ్బంది జరగదని మహేష్‌రెడ్డి పోలీసులకు చెప్పినప్పటికీ వినకుండా అదుపులోకి తీసుకున్నారు. అనంతరం నరసరావుపేటలోని ఆయన స్వగృహానికి పంపించి, స్థానిక పోలీస్‌ అధికారులకు అప్పగించారు. అనంతరం కాసుని బయటకు రాకుండా నరసరావుపేట పోలీ సులు హౌస్‌ అరెస్టు చేశారు. డాక్టర్‌ గోపిరెడ్డి హౌస్‌ అరెస్టు నరసరావుపేట: వైఎస్సార్‌సీపీ జిల్లా కార్యనిర్వాహక అధ్యక్షుడు, మాజీ ఎమ్మెల్యే డాక్టర్‌ గోపిరెడ్డి శ్రీనివాసరెడ్డిని పోలీసులు హౌస్‌ అరెస్టు చేశారు. ఆయన రొంపిచర్లలో పార్టీ ఎంపీటీసీ అభ్యర్ధుల నామినేషన్‌ కార్యక్రమంలో పాల్గొని పేటకు వచ్చారు. ఈ విషయం తెలుసుకున్న పోలీసులు పెద్దచెరువులో ఉన్న ఆయనను అదుపులోకి తీసుకొని ఇంట్లో వదిలిపెట్టి హౌస్‌ అరెస్టు చేస్తున్నామని, తమ అనుమతిలేకుండా బయటకు వెళ్లొద్దంటూ కోరారు. కాగా, గురువారం రొంపిచర్ల ఎంపీటీసీ అభ్యర్ధుల నామినేషన్లను తామే స్వయంగా వేయిస్తామంటూ డాక్టర్‌ గోపిరెడ్డికి హామీ ఇచ్చి ఆందోళనను విరమింపచేసిన పోలీసులు తీరా ఆయనను హౌస్‌ అరెస్టు చేయటం గమనార్హం. అర్థరాత్రి వేళ అదుపులోకి ...రొంపిచర్ల: ఎంపీటీసీ, జెడ్పీటీసీ ఎన్నికలను పురస్కరించుకొని మండలంలోని పలు వైఎస్సార్‌సీపీ నాయకులను మంగళవారం రాత్రి పోలీసులు అదుపులోకి తీసుకున్నారు. అర్థరాత్రి సమయంలో ఇళ్లల్లో నిద్రిస్తున్న నాయకులను వాహనాల్లో తరలించారు. పోలీసులు అదుపులోకి తీసుకున్నవారిలో జిల్లా రైతువిభాగం అధ్యక్షుడు అన్నెం పున్నారెడ్డి, రొంపిచర్ల మాజీ సర్పంచ్‌ గెల్లి చిన్న కోటిరెడ్డి, మేడికొండ వీరారెడ్డి, గొట్టం వీరారెడ్డి, పోతులూరి సుబ్బారెడ్డి, గజ్జల ముసలారెడ్డి, కె. వెంకట కోటిరెడ్డి తదితరులు ఉన్నారు. నంబూరు శంకరరావు హౌస్‌ అరెస్ట్‌ పెదకూరపాడు: వైఎస్సార్‌ కాంగ్రెస్‌ పార్టీ నియోజకవర్గ సమన్వయకర్త, మాజీ ఎమ్మెల్యే నంబూరు శంకరరావును గుంటూరులోని తన నివాసంలో బుధవారం హౌస్‌ అరెస్ట్‌ చేశారు. ఇతర నియోజకవర్గాల నుంచి కిరాయి రౌడీలను దింపి వైఎస్సార్‌ కాంగ్రెస్‌ పార్టీ అభ్యర్థులు, ప్రజలపై దాడులు చేస్తున్నారని, ప్రజాస్వామ్యంలో ఇలాంటి దాడులు సరికాదని నంబూరు అన్నారు.

యడ్లపాడు: వైఎస్సార్‌ సీపీకి చెందిన 42 మందిపై కేసులు నమోదయ్యాయి. స్థానిక సంస్థల ఎన్నికల నామినేషన్ల సందర్భంగా యడ్లపాడులో చోటుచేసుకున్న ఉద్రిక్తతల నేపథ్యంలో గురువారం హైవేపై ధర్నాకు దిగిన వారిపై ఈ కేసులు నమోదు చేసినట్లు ఎస్‌ఐ టి.శివరామకృష్ణ తెలిపారు. ఈ ఘటనకు సంబంధించిన వీడియో ఫుటేజీని పరిశీలిస్తూ మరికొందరిని గుర్తించే ప్రక్రియ కొనసాగుతోందని తెలిపారు. ధర్నాలో పాల్గొన్న మహిళల వివరాలను పరిశీలిస్తున్నట్లు వెల్లడించారు. ఇప్పటివరకు గుర్తించిన 42 మందిలో ఆరుగురిని గతంలోనే ఒక్కొక్కరికి రూ.5 లక్షల చొప్పున బైండోవర్‌ చేసినట్లు పోలీసులు తెలిపారు. బైండోవర్‌ ఉత్తర్వుల్లోని షరతులు, చట్టపరమైన నిబంధనల మేరకు తదుపరి చర్యలు తీసుకుంటామని స్పష్టం చేశారు. జాతీయ రహదారులపై ధర్నాలు, రాస్తారోకోలతో వాహనాల రాకపోకలకు అంతరాయం ఏర్పడటంతోపాటు ప్రజలకు ఇబ్బందులు కలుగుతాయని పోలీసులు పేర్కొన్నారు. ఎన్నికల సమయంలో శాంతిభద్రతలకు విఘాతం కలిగించకుండా, నిరసనలను చట్టబద్ధమైన మార్గాల్లో తెలియజేయాలని సూచించారు. ప్రజా రవాణాకు, అత్యవసర సేవలకు ఆటంకం కలిగించే చర్యలకు పాల్పడితే చట్టప్రకారం చర్యలు తీసుకుంటామని హెచ్చరించారు. వైఎస్సార్‌ సీపీకి మద్దతు తెలిపినందుకు దాడి అచ్చంపేట: వైఎస్సార్‌ సీపీ ఎంపీటీసీ అభ్యర్థికి మద్దతు తెలిపాడన్న కారణంతో టీడీపీ కార్యకర్తపై అదే పార్టీ వర్గీయులు దాడికి పాల్పడిన ఘటన మండలంలోని చింతపల్లిలో గురువారం రాత్రి చోటుచేసుకుంది. గ్రామస్తులు తెలిపిన వివరాలు ఇలా ఉన్నాయి. మండలంలోని చింతపల్లి ఎంపీటీసీ స్థానం జనరల్‌ కేటగిరి కేటాయించడంతో అభ్యర్థిగా షేక్‌ నాగుల్‌వలిని ఎంపిక చేశారు. అతను గురువారం అచ్చంపేటలో నామినేషన్‌ వేసేందుకు వెళ్లాడు. టీడీపీలో ఉన్న నాగుల్‌వలి తమ్ముడు మస్తాన్‌వలి తన అన్న వైఎస్సార్‌ సీపీ అభ్యర్థిగా ఎంపిక కావడంతో మద్దతు తెలిపినందుకు గ్రామంలోని టీడీపీ మూకలు మస్తాన్‌వలిపై దాడిచేయగా తలకు తీవ్ర గాయాలైనాయి. వెంటనే గాయాలపాలైన మస్తాన్‌వలిని సత్తెనపల్లి ప్రభుత్వ వైద్యశాలకు తరలించారు. ప్రస్తుతం మస్తాన్‌వలి పరిస్థితి బాగానే ఉంది. అయితే అచ్చంపేట సీఐ తెలిపిన సమాచారం మేరకు పార్టీల గొడవకాదని, మధ్యం ఎక్కువగా సేవించి గొడవలకు దిగడంవల్లనే దెబ్బలు తగిలాయని, మెరుగైన చికిత్స నిమిత్తం సత్తెనపల్లి పంపినట్లు తెలిపారు. జిల్లా స్థాయి బాలల ఫెడరేషన్‌ ఏర్పాటు అమరావతి: బాలల హక్కుల పరిరక్షణకు, బాలల సమస్యల పరిష్కారానికి బాలల ఫెడరేషన్‌ కృషి చేయాలని చైల్డ్‌ రైట్స్‌ పౌండేషన్‌ డైరెక్టర్‌ డాక్టర్‌ ఫ్రాన్సిస్‌ తంబి అన్నారు. గురువారం స్థానిక గుడ్‌ షెఫర్డ్‌ స్వచ్ఛంద సంస్థ ఆధ్వర్యంలో పల్నాడు జిల్లా స్థాయి బాలల ఫెడరేషన్‌ ఏర్పాటు కార్యక్రమానికి ఆయన రిసోర్స్‌పర్సన్‌గా వ్యవహరించారు. సిస్టర్‌ యాంటో మాట్లాడుతూ జిల్లా స్థాయి బాలల ఫెడరేషన్‌ ద్వారా వివిధ గ్రామాల్లోని బాలల పార్లమెంటులను సమన్వయం చేసుకుంటూ, బాలల సమస్యల పరిష్కారానికి సమష్టిగా కృషి చేయాలన్నారు.

నరసరావుపేట: స్థానిక సంస్థల ఎన్నికల నామినేషన్ల ప్రక్రియలో అభ్యర్థులను అడ్డుకుంటూ నామినేషన్‌న్‌ పత్రాలను లాక్కోవడం, చింపివేయడం వంటి దౌర్జన్యాలకు పాల్పడుతున్న వారిపై కఠిన చర్యలు తీసుకోవాలని సీపీఎం రాష్ట్ర కమిటీ సభ్యుడు వి.కృష్ణయ్య, పల్నాడు జిల్లా కార్యదర్శి గుంటూరు విజయ్‌కుమార్‌ డిమాండ్‌ చేశారు. స్థానిక పార్టీ కార్యాలయంలో గురువారం నిర్వహించిన విలేకరుల సమావేశంలో ఆయన మాట్లాడారు. నామినేషన్‌ కేంద్రాల వద్ద అభ్యర్థులందరికీ రక్షణ కల్పించి, స్వేచ్ఛగా నామినేషన్లు దాఖలు చేసుకునేలా ఎన్నికల అధికారులు, పోలీసులు చర్యలు తీసుకోవాలని కోరారు. ఆర్డీఓ కార్యాలయంలో క్రోసూరు, సత్తెనపల్లి, ముప్పాళ్ల, నకరికల్లు జెడ్పీటీసీ స్థానాలకు పార్టీ అభ్యర్థులు నామినేషనన్‌ దాఖలు చేసేందుకు వెళ్లిన సమయంలో టీడీపీకి చెందిన కొందరు వ్యక్తులు అడ్డుకుని దౌర్జన్యానికి పాల్పడ్డారన్నారు. నామినేషన్‌ కేంద్రాల వద్ద అధికార పార్టీకి చెందిన వ్యక్తులు గుంపులుగా చేరి ఇతర అభ్యర్థులను అడ్డుకుంటున్నప్పటికీ పోలీసులు తగిన చర్యలు తీసుకోవడం లేదని జిల్లా కార్యదర్శివర్గ సభ్యుడు జి.రవిబాబు విమర్శించారు. నామినేషన్‌న్‌కేంద్రాల్లో జరిగిన ఘటనలపై సమగ్ర విచారణ జరిపి, దౌర్జన్యాలకు పాల్పడిన వారిని గుర్తించి వెంటనే అరెస్టు చేయాలని డిమాండ్‌ చేశారు.

అచ్చంపేట: వైఎస్సార్‌ సీపీ నేతలను పోలీసులు గురువారం తెల్లవారుజామున 2 గంటల సమయంలో ఇళ్లకు వెళ్లి అదుపులోకి తీసుకున్నారు. వైఎస్సార్‌ సీపీ మండల కన్వీనర్‌ చిల్కా చంద్రయ్య, సీనియర్‌ నాయకులు, పెదపాలెం మాజీ సర్పంచ్‌ నెల్లూరి చంద్రబాబు, మండల మైనార్టీ సెల్‌ కన్వీనర్‌ షేక్‌ బీరువాల జానీలను అదుపులోకి తీసుకుని బెల్లంకొండ పోలీస్‌ స్టేషన్‌కు తరలించారు. ఎందుకు తీసుకెళుతున్నారని అడిగినా శాంతిభద్రతల పరిరక్షణ అంటూ పోలీసులు బలవంతంగా పోలీస్‌ వాహనంలో ఎక్కించుకుని తీసుకెళ్లారు. కుటుంబ సభ్యులు ఎంత ప్రాథేయపడ్డా వినిపించుకోలేదు. ఎస్‌ఐ బీవీ కృష్ణారావు అత్యుత్సాహం నూజెండ్ల: ఎంపీటీసీ నామినేషన్లు ప్రక్రియలో ఎస్‌ఐ బీవీ కృష్ణారావు అత్యుత్సాహం చూపారు. కూటమి నేతల అండదండలతో వైఎస్సార్‌ సీపీ ఎంపీటీసీ అభ్యర్థుల పట్ల దురుసుగా ప్రవర్తించారు. నామినేషను వేయించే ప్రసక్తే లేదు అంటూ తీవ్ర అసభ్య పదజాలంతో హెచ్చరించారు. కూటమి నేతలు, పోలీసులు కుమ్మకై కేవలం వైఎస్సార్‌ సీపీ ఎంపీటీసీ అభ్యర్థులను నామినేషన్లు వేయనీయకుండా అడ్డుకోవటం జరిగింది. ఈ క్రమంలో ప్రతిపక్ష నేతలు ప్రశ్నించగా వాగ్వావాదం చోటుచేసు కొంది. ఇరుపార్టీల కార్యకర్తల మధ్య ఘర్షణ జరిగింది. ఎస్సై బీవీ కృష్ణారావు ఇరుపార్టీల వారిపై చర్యలు తీసుకోకుండా కేవలం వైఎస్సార్‌ సీపీ నేతలపై లాఠీచార్జి చేశారు. నామినేషన్లకేంద్రంలో ఆంక్షలు ఎంపీటీసీ నామినేషన్లు ప్రక్రియ న్యూస్‌ కవరేజ్‌కు వెళ్లిన మీడియా ప్రతినిధులు పట్ల పోలీసులు అత్యుత్సాహం చూపిన సంఘటన నూజెండ్లలో గురువారం చోటుచేసుకుంది. వి వరాల మేరకు వివిధ పార్టీలకు చెందిన ప్రజాప్రతినిధులు నామినేషన్లు వేసేందుకు ఆర్వో వద్దకు వస్తున్నారు. ప్రింట్‌, ఎలక్ట్రానిక్‌ మీడి యా ప్రతినిధులు కవరేజ్‌ చేసుకునేందుకు ఆర్వో అనుమతులు ఇచ్చినా పోలీసులు మా త్రం ఆంక్షలు విధించారు. దీంతో స్థానిక ఎస్సై బీవీ కృష్ణారావు తీరు పట్ల సర్వత్రా విమర్శలు వెల్లువెత్తుతున్నాయి. నామినేషన్‌ కేంద్రం ప్రాంగణంలో ఉద్రిక్త వాతావరణం నెలకొంది. వైఎస్సార్‌ సీపీ నాయకుడి టీస్టాల్‌ ధ్వంసం మాచర్ల కారంపూడిలో ఉన్న వైఎస్సార్‌ సీపీ నాయకుడు గొట్టిముక్కల వెంకటరెడ్డికి చెందిన టీ స్టాల్‌లోకి గురువారం టీడీపీ గూండాలు చొరబడి కర్రలతో దాడి చేశారు. టేబుళ్లను, టీ స్టాల్‌ను ధ్వంసం చేశారు. చినగార్లపాడు గ్రామానికి చెందిన వెంకటరెడ్డి అనేక సంవత్సరాలుగా కారంపూడిలో టీ స్టాల్‌ నడుపుతున్నాడు. రాజకీయ కక్ష పెట్టుకొని టీడీపీ దుండగులు కర్రలతో దాడి చేసి సామాగ్రిని ధ్వంసం చేశారు. అతనిని అవమానకరంగా దూషించి దాడి చేసి గాయపరిచారు. వైస్సార్‌సీపీ అంటే చంపుతామని బెదిరించి ధ్వంసం చేసి వెళ్లిపోయారు. పెండ్లి ఖర్చుల కోసం ప్రేమ జంట చైయిన్‌ స్నాచింగ్‌ వెల్దుర్తి: మండలంలోని వెల్దుర్తికి చెందిన ఓ ప్రేమ జంట పెండ్లి ఖర్చుల కోసం హైదరాబాద్‌లోని హస్తినాపురంలో శ్రీ రాజరాజేశ్వరి ఆలయంలో పూజలు చేస్తున్న 66 ఏళ్ల వృద్ధురాలి మెడలో 30 గ్రాముల బంగారు పుస్తెలతాడు చోరీ చేశారు. ఈ నేపథ్యంలో హైదరాబాద్‌కు చెందిన పోలీసులు విచారణలో వెల్దుర్తి గ్రామానికి చెందిన రమణారెడ్డి, వరలక్ష్మిలు ప్రేమ వివాహం చేసుకునేందుకు హైదరాబాద్‌లోని గుర్రంగూడలో సహజీవనం చేస్తున్నారు. వీరు ప్రేమ వివాహం చేసుకోవాలని నిర్ణయించుకున్నారు. పెండ్లి ఖర్చులకు డబ్బులు లేకపోవటంతో అక్టోబర్‌ 18న హస్తినాపురంలో శ్రీ రాజరాజేశ్వరి అమ్మవారి ఆలయంలో పూజలు చేస్తున్న అందుగుల రాములమ్మ మెడలోని పుస్తెలతాడును లాక్కెళ్లారు. సీసీ పుటేజి పరిశీలించిన వనస్థలిపురం పోలీసులు నిందితులను అదుపులోకి తీసుకున్నారు. వీరి నుంచి బంగారు పుస్తెలతాడుతోపాటు రెండు మొబైల్‌ ఫోన్లు స్వాధీనం చేసుకున్నారు. వీరిని కోర్టులో హాజరు పర్చగా రిమాండ్‌ విధించారు. ట్రాక్టర్‌ ఢీకొని మహిళ మృతి మేడికొండూరు: మేడికొండూరు మండలం సిరిపురం గ్రామంలోని పాలడుగు అడ్డరోడ్డు బస్‌ షెల్టర్‌ సమీపంలో గురువారం ఉదయం జరిగిన రోడ్డు ప్రమాదంలో మాదాల గ్రామానికి చెందిన చిట్టి మల్లేశ్వరి(28) మృతి చెందింది. పోలీసుల వివరాల ప్రకారం.. గ్రామాల్లో వెంట్రుకలు విక్రయ వ్యాపారం నిర్వహించే మల్లేశ్వరి, స్వగ్రామానికి వెళ్లేందుకు బస్‌షెల్టర్‌ వద్ద వేచి ఉంది. ఈ సమయంలో భీమినేని వారిపాలెం నుంచి సిరిపురం వైపు వస్తున్న ట్రాక్టర్‌ అదుపుతప్పి బస్‌షెల్టర్‌ వైపు దూసుకొచ్చి ఆమె ను ఢీకొట్టింది. ప్రమాదంలో తీవ్రంగా గాయపడిన మల్లేశ్వరి అక్కడికక్కడే మృతి చెందింది. సిరిపురం గ్రామానికి చెందిన దొప్పలపూడి సచిన్‌ ట్రాక్టర్‌ నడుపుతున్నట్లు గుర్తించారు. మొబైల్‌ ఫోన్‌ మాట్లాడుతూ ట్రాక్టర్‌ నడపడం వల్లే ప్రమాదం జరిగినట్లు తెలిపారు.

నరసరావుపేట టౌన్‌: ఎన్నికలంటే ప్రజాస్వామ్య పండుగ.. నామినేషన్‌లంటే పోటీచేసే హక్కుకు తొలిమెట్టు.. కాని పల్నాడు జిల్లా కేంద్రం నరసరావుపేటలో ఆ హక్కుకు సంకెళ్లు పడ్డాయి. అధికార పార్టీకి సలాం కొడుతూ ఎన్నికల ప్రక్రియను పర్యవేక్షించాల్సిన అధికారులు కళ్లులేని కబోదుల్లా వ్యవహరిస్తుండగా భద్రత కల్పించాల్సిన పోలీసులు చేతులెత్తేశారు. దీంతో రెచ్చిపోయిన టీడీపీ గూండాలు నామినేషన్‌ కేంద్రాలను తమ ఆధీనంలోకి తీసుకున్నారు. గత రెండు రోజులుగా నిర్వహిస్తున్న జెడ్పీటీసీ, ఎంపీటీసీ సభ్యుల నామినేషన్‌లను వైఎస్సార్‌సీపీ నాయకులు వేయనీయకుండా టీడీపీ గూండాలు అడ్డుకుంటున్న విషయం తెలిసిందే. శుక్రవారం చివరి రోజు కూడా నామినేషన్‌ వేయనీయకుండా అడ్డుకొని ఏకగ్రీవం చేసుకోవాలన్న కుట్రతో అధికార టీడీపీ పార్టీ కుయిక్తులు పన్నుతొంది. దీంతో చివరిరోజు మరింత ఉద్రిక్తంగా మారే ప్రమాదం ఉంది. ఇప్పటికే ఎన్నికల కమిషన్‌ పర్యవేక్షణలో జరగాల్సిన నామినేషన్‌ను టీడీపీ గూండాలు తమ చేతుల్లోకి తీసుకున్నారు. పోలీసులను అడ్డుపెట్టుకొని నామినేషన్‌లు వేసేందుకు వస్తున్న వైఎస్సార్‌సీపీ నాయకులపై దాడులకు తెగబడుతున్నారు. నామినేషన్‌ పత్రులను బలవంతంగా లాక్కొని బహిరంగంగా చించేస్తున్నారు. జెడ్పీటీసీ నామినేషన్‌ కేంద్రమైన ఆర్డీవో కార్యాలయం, ఎంపీటీసీ నామినేషన్‌ దాఖలు చేసే ఎంపీడీవో కార్యాలయాలకు కూతవేటు దూరంలో టీడీపీకి చెందిన రౌడీషీటర్‌లు, గంజాయి బ్యాచ్‌ బహిరంగంగా మారణాయిధాలతో సంచరిస్తూ హల్‌చల్‌ చేస్తున్నారు. నామినేషన్‌లకు వచ్చే వారిపై బహిరంగ దాడులకు తెగబడుతున్నా పోలీసులు ప్రేక్షకపాత్ర వహిస్తున్నారు. నామినేషన్‌ కేంద్రాల వద్ద భద్రతను కట్టుదిట్టం చేయాల్సిన పోలీసులు అధికార పార్టీకి పూర్తిగా దాసోహం అవ్వటం విమర్శలకు తావిస్తుంది. 28 స్థానాలకు రెండింటికే నామినేషన్‌.. పోలీసుల ఆధ్వర్యంలో టీడీపీ గూండాలు ఎక్కడికక్కడ అడ్డుపడుతుండటంతో పల్నాడు జిల్లాలో 28 జెడ్పీటీసీ స్థానాలకుగాను వైఎస్సార్‌సీపీ అభ్యర్థులు రెండు స్థానాలకు మాత్రమే నామినేషన్‌ దాఖలు చేయగలిగారు. మిగిలిన స్థానాల్లో నామినేషన్‌ వేయలేని పరిస్థితి ఏర్పడింది. పోలీసుల ఆధీనంలో ఉండాల్సిన నామినేషన్‌ కేంద్రాలను పచ్చమూకలు తమ ఆధీనంలోకి తీసుకున్నాయి. చివరిరోజు ఉద్రిక్తత తప్పదా.. నామినేషన్‌కు చివరి రోజు కావటంతో శుక్రవారం మరిన్ని దాడులు జరిగే అవకాశం ఉంది. జిల్లా నలుమూలల నుంచి వచ్చిన టీడీపీ గూండాలు, అల్లరి మూకలు నరసరావుపేట లోని లాడ్జీలలో బసచేశారు. ఆర్డీవో కార్యాలయం ఎదుట టీడీపీ మాజీ కౌన్సిలర్‌కు చెందిన నవయుగ లాడ్జీలో టీడీపీ అల్లరిమూకలు బసచేశారు. మారణాయుధాలు, రాళ్లు పెద్దసంఖ్యలో అక్కడకు తరలించినట్లు సమాచారం. దాడులు చేసేందుకు అక్కడ కుట్ర చేస్తున్నారని తెలుస్తొంది. జెడ్పీటీసీ నామినేషన్‌ వేసే కేంద్రం ఆర్డీవో కార్యాలయానికి కూతవేటు దూరంలో ఉన్న లాడ్జిలో టీడీపీ గూండాలు బసచేసి హల్‌చల్‌ చేస్తున్న విషయంపై పోలీసులకు ఫిర్యాదు చేసినా స్పందించలేదన్నా ఆరోపణలు వినిపిస్తున్నాయి. అర్థరాత్రి అరెస్ట్‌లతో బెదిరింపులు.. మరో వైపు వైఎస్సార్‌ సీపీ కార్యకర్తలను లక్ష్యంగా చేసుకొని పోలీసులు అర్థరాత్రి ఇళ్లకు వెళ్లి అక్రమ అరెస్ట్‌లు చేస్తున్నారు. వరవకట్టకు చెందిన మైనార్టీ నాయకుడు షేక్‌ పెద్ద బుజ్జి, బరంపేటకు చెందిన మాజీ కౌన్సిలర్‌ మీరావలి, చాంబర్‌ ఆఫ్‌ కామర్స్‌ మాజీ అధ్యక్షుడు కొత్తూరి కిషోర్‌లను అక్రమంగా అరెస్ట్‌ చేసి స్టేషన్‌కు తరలించారు. ఆర్యవైశ్య సంఘ నాయకులు కూనిశెట్టి హనుమంతరావు, నిడమానూరి సురేంద్ర, శ్రీకృష్ణలకు నోటీసులు ఇచ్చి బెదిరింపు చర్యలకు పాల్పడ్డారు. ఎన్నికలు నిష్పక్షపాతంగా జరగాలంటే నోటీఫికేషన్‌ విడుదల చేసినప్పటి నుంచి అభ్యర్థుల నామినేషన్‌ ప్రక్రియ వరకు సజావుగా జరిగేలా చూడాలి. ఇందుకోసం ఎన్నికల సంఘం జిల్లా ఎన్నికల, పోలీస్‌ అధికారులను సమన్వయం చేయాలి. నామినేషన్‌ కేంద్రాల వద్ద అదనపు బందోబస్తు ఏర్పాటు చేసి అభ్యర్థులు సురక్షితంగా నామినేషన్‌ వేసే వాతావరణాన్ని కల్పించాలి. నామినేషన్‌ కేందాల వద్ద సీసీ, డ్రోన్‌ కెమెరాల పర్యవేక్షణ ఏర్పాటు చేయాలి. అవాంఛనీయ సంఘటనలు చోటు చేసుకుంటున్నప్పుడు వీడియో ఆధారాలు పరిశీలించి బాధ్యులపై చర్యలు తీసుకోవాలి. అభ్యర్థుల ఫిర్యాదులను తక్షణమే పరిష్కరించాలి. ప్రస్తుత జరుగుతున్న పరిణామాలు ఎన్నికల వ్యవస్థపై ప్రజలకు ఉన్న నమ్మకం సన్నగిల్లుతొంది. ఎన్నికల నిర్వహణలో తీవ్రమైన వైఫల్యంగా పల్నాడు జిల్లా స్థానిక సంస్థల ఎన్నికలు చరిత్రలో మిగిలిపోనున్నాయి. ఇకనైనా ఎన్నికల సంఘం స్పందించి ప్రతి అభ్యర్థికి సమాన అవాకాశాలు కల్పిస్తుందో, లేక అధికార పార్టీకి అండగా నిలుస్తోందో వేచి చూడాల్సి ఉంది.

టీడీపీ గూండాలను నామినేషన్‌ కేంద్రాల్లో ఉంచి వైఎస్సార్‌ సీపీ అభ్యర్థులపై దాడులు మాచర్లలో ఇనుపకంచెల దిగ్బంధంగురజాలలో నిరసన తెలుపుతున్న వైఎస్సార్‌ సీపీ రాష్ట్ర కార్యదర్శి యెనుముల మురళీధర్‌రెడ్డిని లాక్కెళుతున్న పోలీసులుసాక్షి ప్రతినిధి, గుంటూరు: దేశ అత్యున్నత న్యాయస్థానం మొట్టికాయలు వేసినా.. ఎస్‌ఈసీ ఆగ్రహం వ్యక్తం చేసినా.. కొందరు ఖాకీల తీరు మాత్రం మారలేదు. పోలీసు శాఖకే మచ్చ తెచ్చేలా అధికార పార్టీ నేతలకు ఊడిగం చేస్తున్నారు. టీడీపీ కార్యకర్తల్లా వ్యవహరిస్తూ వైఎస్సార్‌ సీపీ అభ్యర్థులు ఎవరూ నామినేషన్లు వేయకుండా చూసే బాధ్యతను కొందరు తమ భుజస్కంధాలపై వేసుకుని ఓవర్‌ యాక్షన్‌ చేస్తున్నారు. అర్ధరాత్రి వైఎస్సార్‌సీపీ నేతల ఇళ్లకు వెళ్లి బలవంతంగా నిర్బంధించి, పోలీసు స్టేషన్లలో కూర్చోబెడుతున్నారు. కొందరు వైఎస్సార్‌ సీపీ జెడ్పీటీసీ, ఎంపీపీ అభ్యర్థులను సైతం అక్రమంగా అరెస్టు చేస్తున్నారంటే వీరు ఏ స్థాయిలో దిగజారారో అర్థమవుతోంది. టీడీపీ గూండాలు పోలీసులను అడ్డుపెట్టుకుని నామినేషన్‌ కేంద్రాల వద్ద కర్రలు, రాడ్లతో హల్‌చల్‌ చేస్తూ నామినేషన్లు వేయడానికి వచ్చిన వారిపై దాడులకు తెగబడుతూ పైశాచిక ఆనందాన్ని పొందుతున్నారు. కళ్ల ముందే మహిళలపై దాడులు జరుగుతున్నా కొందరు పోలీసులు ప్రేక్షక పాత్ర పోషిస్తున్నారు. ముఖ్యంగా పల్నాడు జిల్లాలో ఈ అరాచకం తారస్థాయికి చేరింది. మాచర్ల, గురజాల, వినుకొండ, పెదకూరపాడు, నరసరావుపేట, చిలకలూరిపేట నియోజకవర్గాల్లో ఒక్క నామినేషన్‌ కూడా వైఎస్సార్‌ సీపీ అభ్యర్థులు వేయకుండా అటు పోలీసులు, ఇటు టీడీపీ గూండాలు బరితెగించారు. నరసరావుపేటలో దాడులు నరసరావుపేట మాజీ ఎమ్మెల్యే, జిల్లా వర్కింగ్‌ ప్రెసిడెంట్‌ డాక్టర్‌ గోపిరెడ్డి శ్రీనివాసరెడ్డిని ఆయన నివాసంలో హౌస్‌ అరెస్టు చేశారు. పోలీసులు బుధవారం ఇచ్చిన హామీ మేరకు రొంపిచర్ల మండల అభ్యర్థులను నామినేషన్లు వేయించాలంటూ గోపిరెడ్డి పోలీసులను ఎన్నిసార్లు అడిగినా రోజంతా మభ్యపెట్టారు. నామినేషన్లు మాత్రం వేయించలేదు. చివరి రోజు అయిన శుక్రవారం పోలీసులు సహకరించకపోయినా తామే వెళ్లి నామినేషన్లు వేస్తామని గోపిరెడ్డి హెచ్చరించారు. నరసరావుపేట జెడ్పీటీసీ నామినేషన్‌ కేంద్రాల వద్ద టీడీపీ గూండాలు మోహరించి, నామినేషన్లు వేసేందుకు వచ్చిన వారిపై దాడులకు తెగబడ్డారు. నరసరావుపేట మండల ఎంపీడీవో కార్యాలయం వద్ద నామినేషన్‌ వేసేందుకు వెళ్లిన సీపీఎం అభ్యర్థులను టీడీపీ వారు అడ్డుకుని కొట్టడంతో వారు రోడ్డుపై బైఠాయించి ధర్నా చేశారు. దీంతో పోలీసులు వారిని తీసుకెళ్లి నామినేషన్‌ వేయించారు. పెదకూరపాడులో మహిళపైనా దాడి పెదకూరపాడు నియోజకవర్గ సమన్వయకర్త నంబూరు శంకరరావును హౌస్‌ అరెస్టు చేసిన పోలీసులు, బుధవారం అర్ధరాత్రి వరకు ఐదు మండలాల్లో ముఖ్య నాయకులు, అభ్యర్థులను సైతం అరెస్టు చేసి పోలీసు స్టేషన్లకు తరలించారు. ఎక్కడా వైఎస్సార్‌సీపీ అభ్యర్థులు నామినేషన్లు వేయకుండా పోలీసులే అడ్డుకున్నారు. క్రోసూరు మండలం దొడ్లేరులో ఎంపీటీసీ అభ్యర్థిగా షేక్‌ బషీరా నామినేషన్‌ వేసేందుకు వెళ్లగా, ముస్లిం మహిళ అని కూడా చూడకుండా టీడీపీ వారు దాడి చేసి నామినేషన్‌ పత్రాలు చించివేశారు. క్రోసూరు జెడ్పీటీసీ అభ్యర్థిగా గురువారం నామినేషన్‌ వేసేందుకు వెళ్లాల్సిన షేక్‌ గఫూర్‌ను తెల్లవారుజామున 2 గంటల సమయంలో పోలీసులు అక్రమంగా నిర్బంధించి స్టేషన్‌కు తరలించారు. టీడీపీ పల్నాడు జిల్లా అధ్యక్షుడు జానిబాషా నేతృత్వంలో వందల మంది గూండాలు నామినేషన్‌ కేంద్రాల వద్ద కర్రలు, రాడ్లతో మోహరించి, వైఎస్సార్‌సీపీ అభ్యర్థులు నామినేషన్లు వేయకుండా కాపలా కాశారు. అచ్చంపేట మండలంలో వైఎస్సార్‌సీపీ అభ్యర్థులను సీఐ హరిబాబు అడ్డుకుని నామినేషన్లు వేయనీయలేదు. గురజాలలో గూండాయిజం గురజాల మాజీ ఎమ్మెల్యే కాసు మహేష్‌రెడ్డిని నరసరావుపేటలో హౌస్‌ అరెస్టు చేసిన పోలీసులు, నాలుగు మండలాల్లో ఎక్కడా ఒక్క ఎంపీటీసీ స్థానానికి కూడా నామినేషన్‌ పడనీయకుండా అడ్డుకున్నారు. గురజాల పట్టణంలో నామినేషన్‌ వేసేందుకు వెళుతున్న వైఎస్సార్‌సీపీ నేతలు, అభ్యర్థులను పోలీసులు అడ్డుకోవడంతో వారు రోడ్డుపై నిరసనకు దిగారు. పోలీసులు అత్యుత్సాహం ప్రదర్శించారు. వైఎస్సార్‌సీపీ రాష్ట్ర కార్యదర్శి యెనుముల మురళీధర్‌రెడ్డి, మాచర్ల నియోజకవర్గ పరిశీలకుడు కొమ్మినేని వెంకటేశ్వర్లు, పోలు వీరారెడ్డి, ఎంపీపీ అభ్యర్థి కొమ్మినేని బుజ్జిలను బలవంతంగా అరెస్టు చేసి స్టేషన్‌కు తరలించారు. అనంతరం అందరినీ హౌస్‌ అరెస్టు చేశారు. సత్తెనపల్లిలో నామినేషన్ల చించివేత సత్తెనపల్లి నియోజకవర్గంలోని రాజుపాలెంలో ఎంపీడీవో కార్యాలయం వద్ద నామినేషన్‌ వేసేందుకు వెళ్లిన వైఎస్సార్‌ సీపీ అభ్యర్థులపై టీడీపీ గూండాలు దాడి చేసి, నామినేషన్‌ పత్రాలు చించివేశారు. గణపవరం ఎంపీటీసీ అభ్యర్థిగా నామినేషన్‌ వేసేందుకు వెళ్లిన అభ్యర్థిని లోపల ఉన్న టీడీపీ వారు వెనక్కి పంపించివేశారు. నకరికల్లు టీడీపీ నేత బాజీ చౌదరి నామినేషన్‌ కేంద్రాల వద్ద అనుచరులతో హల్‌చల్‌ చేస్తూ, వైఎస్సార్‌ సీపీ అభ్యర్థులు నామినేషన్లు వేయకుండా అడ్డుకుని పత్రాలు చించివేశారు. ముప్పాళ్ల మండలం గోళ్లపాడు ఎంపీటీసీ అభ్యర్థిగా షేక్‌ తంగెళ్ల మౌలాలి నామినేషన్‌ వేసేందుకు వెళ్లగా, అక్కడ ఉన్న టీడీపీ గూండాలు ఆయనను అడ్డుకునే ప్రయత్నం చేశారు. వారిని ఎదురించి నామినేషన్‌ దాఖలు చేశారు. రేపల్లెలో రౌడీయిజం రేపల్లె నియోజకవర్గంలో ఎన్నడూ లేని విధంగా అక్కడి టీడీపీ నేతలు నామినేషన్లను అడ్డుకున్నారు. లంకవానిదిబ్బకు చెందిన వైఎస్సార్‌సీపీ ఎంపీటీసీ అభ్యర్థి నామినేషన్‌కు సిద్ధమవుతుండగా, టీడీపీ నాయకులు నామినేషన్‌ పత్రాలు, సెల్‌ఫోన్‌, రూ.11 వేల నగదును లాక్కొని పారిపోయారు. నిజాంపట్నంలో వైఎస్సార్‌సీపీ ఎంపీటీసీ అభ్యర్థి చిత్తల సాయిబాబు నామినేషన్‌ వేసేందుకు సిద్ధమవుతున్న సమయంలో, మాజీ మంత్రి మోపిదేవి వెంకటరమణారావు సోదరుడు హరినాథ్‌బాబు అనుచరులు సాయిబాబు ఇంటిని ధ్వంసం చేశారు. వినుకొండ నియోజకవర్గ మాజీ ఎమ్మెల్యే బొల్లా బ్రహ్మనాయుడును నరసరావుపేటలోని ఆయన నివాసంలో పోలీసులు హౌస్‌ అరెస్టు చేశారు. వినుకొండ నియోజకవర్గంలోని ఐదు మండలాల్లో ఎక్కడా వైఎస్సార్‌ సీపీ అభ్యర్థులు నామినేషన్లు వేయకుండా పోలీసులను అడ్డుపెట్టుకుని టీడీపీ గూండాలు రెచ్చిపోయి దాడులకు తెగబడ్డారు. వినుకొండ మండల కన్వీనర్‌ బండి చెన్నయ్య నరసరావుపేటలో జెడ్పీటీసీ అభ్యర్థిగాగా నామినేషన్‌ వేసేందుకు వెళ్లగా, అక్కడ టీడీపీ వారు ఆయనపై దాడి చేసి నామినేషన్‌ పత్రాలు చించివేశారు. ఈపూరు మండలం ముప్పాళ్ల క్రాస్‌ వద్ద 200 మంది టీడీపీ గూండాలు మోహరించారు. ఇనిమెళ్లకు చెందిన రామినీడి అనిల్‌ అనే వైఎస్సార్‌ సీపీ నేత నామినేషన్‌ వేసేందుకు వెళ్లగా, అతనిపై దాడి చేసి రక్తం వచ్చేలా కొట్టి, నామినేషన్‌ పత్రాలు చించివేశారు. చిలకలూరిపేటలో మాజీ మంత్రి విడదల రజినిని పోలీసులు హౌస్‌ అరెస్టు చేశారు. చిలకలూరిపేట, నాదెండ్ల, యడ్లపాడు మండలాల్లో ఎక్కడా వైఎస్సార్‌సీపీ అభ్యర్థులు నామినేషన్లు వేయకుండా అడుగడుగునా అడ్డుకున్నారు. నామినేషన్‌ కేంద్రాల వద్ద వందల మంది టీడీపీ గూండాలు కర్రలు, రాడ్లతో రోడ్లపైనే పోలీసుల ఎదుట తిరుగుతూ వైఎస్సార్‌సీపీ అభ్యర్థులపై దాడులకు తెగబడ్డారు. యడ్లపాడులో నామినేషన్‌ వేసేందుకు వెళుతున్న వైఎస్సార్‌సీపీ అభ్యర్థులను పోలీసులు అడ్డుకుని లాఠీచార్జి చేయడంతో, ఆగ్రహించిన అభ్యర్థులు జాతీయ రహదారిపై ధర్నా చేశారు. ఉప్పరపాలెంలో నామినేషన్‌ వేసేందుకు వెళ్లిన పల్లపు మంగయ్య భార్యపై దాడి చేసి నామినేషన్‌ పత్రాలు చించివేశారు. పోతవరం గ్రామానికి చెందిన రావెళ్ల పద్మ నామినేషన్‌ వేసేందుకు వెళ్లగా, టీడీపీ గూండాలు మహిళ అని కూడా చూడకుండా ఆమైపె దాడి చేసి నామినేషన్‌ పత్రాలు చించివేశారు. మాచర్లలో వైఎస్సార్‌ సీపీ జిల్లా అధ్యక్షుడు, మాజీ ఎమ్మెల్యే పిన్నెల్లి రామకృష్ణారెడ్డిని హౌస్‌ అరెస్టు చేశారు. బుధవారం జరిగిన ఘటనలపై అక్రమంగా కేసులు నమోదు చేసి, ఆయన ఇంటి వైపు ఎవరూ వెళ్లకుండా ఇనుప కంచెలతో నాలుగు వైపులా దిగ్బంధం చేశారు. మాచర్ల నియోజకవర్గంలోని ఐదు మండలాల్లో ఒక్క నామినేషన్‌ కూడా వేయడానికి వీల్లేదంటూ ఆయా కేంద్రాల వద్ద టీడీపీ గూండాలు రాడ్లు, కర్రలతో మోహరించారు. కారంపూడిలో టీ స్టాల్‌ నడుపుకొంటున్న చిన్నగార్లపాడుకు చెందిన గొట్టిముక్కల వెంకటరెడ్డిపై కొందరు టీడీపీ వ్యక్తులు విచక్షణరహితంగా దాడి చేసి తీవ్రంగా గాయపరిచారు. టీ స్టాల్‌ను సైతం ధ్వంసం చేశారు. మాచర్ల ఎంపీడీవో కార్యాలయం వద్ద నామినేషన్‌ వేసేందుకు వచ్చిన చింతలతండాకు చెందిన రమావత్‌ శాంతి, గబ్బర్‌సింగ్‌ దంపతులపై టీడీపీ వర్గీయులు దాడి చేశారు. తర్వాత నామినేషన్‌ పత్రాలు చించివేశారు.

నరసరావుపేట: పల్నాడు జిల్లాలో జెడ్పీటీసీ, ఎంపీటీసీ ఎన్నికల నామినేషన్ల ప్రక్రియ ప్రశాంత వాతావరణంలో కొనసాగుతోందని జిల్లా కలెక్టర్‌, జిల్లా ఎన్నికల అధికారి డాక్టర్‌ కృతికా శుక్లా తెలిపారు. గురువారం జిల్లా అదనపు ఎస్పీ రోహిత్‌ చౌదరి, జడ్పీటీసీ ఎన్నికల రిటర్నింగ్‌ అధికారి సంజన శ్రీహర్షతో కలిసి స్థానిక రెవెన్యూ డివిజన్‌ కార్యాలయంలో జెడ్పీటీసీ ఎన్నికలకు సంబంధించి జరుగుతున్న నామినేషన్ల స్వీకరణ ప్రక్రియను పరిశీలించారు. జిల్లా కలెక్టర్‌ మాట్లాడుతూ జిల్లాలో రాజకీయ పార్టీల అభ్యర్థులు ఎలాంటి ఇబ్బందులు లేకుండా ప్రశాంత వాతావరణంలో నామినేషన్లు దాఖలు చేసుకునేందుకు అవసరమైన అన్ని ఏర్పాట్లు చేశామని తెలిపారు. ఈ నెల 21వ తేదీ నుంచి జిల్లా పరిషత్‌, మండల పరిషత్‌ ఎన్నికలకు నామినేషన్ల స్వీకరణ ప్రక్రియ ప్రారంభమైందని, రెండో రోజు కూడా ప్రశాంతంగా కొనసాగుతోందని పేర్కొన్నారు. జెడ్పీటీసీ, ఎంపీటీసీ ఎన్నికల్లో పోటీ చేసే అభ్యర్థులకు నామినేషన్లు దాఖలు చేసేందుకు అవసరమైన సదుపాయాలు కల్పించామని తెలిపారు. జిల్లాలో జెడ్పీటీసీ, ఎంపీటీసీ ఎన్నికల నామినేషన్ల ప్రక్రియలో ఎక్కడా ఎలాంటి అవాంఛనీయ సంఘటనలు చోటుచేసుకోలేదని కలెక్టర్‌ వెల్లడించారు. ఎన్నికల ప్రక్రియ సజావుగా, పారదర్శకంగా జరిగేలా అధికారులు సమన్వయంతో పనిచేస్తున్నారని తెలిపారు. ఆర్‌డీఓ కె.బాలకృష్ణ పాల్గొన్నారు. నామినేషన్‌ కేంద్రాన్ని పరిశీలించిన కలెక్టర్‌

వినుకొండ: స్థానిక సంస్థల ఎన్నికలలో వైఎస్సార్‌ కాంగ్రెస్‌ పార్టీ అభ్యర్థులు నామినేషన్లు వేయకుండా పోలీసులు, కూటమి ప్రభుత్వం కుట్రపూరితంగా వ్యవహరిస్తున్నాయని వినుకొండ మాజీ ఎమ్మెల్యే బొల్లా బ్రహ్మనాయుడు తీవ్రస్థాయిలో ధ్వజమెత్తారు. నామినేషన్ల ప్రక్రియలో జరుగుతున్న తీవ్ర అక్రమాలు, అడ్డంకులపై జిల్లా ఎస్పీ, కలెక్టర్లకు ఫిర్యాదు చేసేందుకు వెళ్తున్న తనను పోలీసులు అడ్డుకుని, హౌస్‌ అరెస్ట్‌ చేయడం అధికార దుర్వినియోగానికి పరాకాష్ట అని మండిపడ్డారు. వినుకొండ నియోజకవర్గంలో వైఎస్సార్‌ సీపీ తరఫున నామినేషన్‌ దాఖలు చేసేందుకు వస్తున్న అభ్యర్థులను పోలీసులు నిర్బంధిస్తున్నారని, ఫారమ్‌లను లాక్కొంటూ బెదిరింపులకు గురిచేస్తున్నారని విమర్శించారు. ఈ అక్రమాలపై ఉన్నతాధికారుల దృష్టికి తీసుకెళ్లేందుకు సిద్ధమవ్వగా, పోలీసులు తన నివాసం వద్ద భారీగా మోహరించి హౌస్‌ అరెస్ట్‌ చేశారన్నారు. భవిష్యత్తులో ఈ అక్రమాలకు, చట్ట వ్యతిరేక చర్యలకు పోలీసులు తగిన మూల్యం చెల్లించుకోక తప్పదు. ఎన్ని నిర్బంధాలు విధించినా, వైఎస్సార్సీపీ నేతలు, కార్యకర్తలు భయపడేదే లేదని, ఈ అక్రమాలపై చట్టపరంగా, ప్రజాక్షేత్రంలో పోరాటం కొనసాగిస్తామని అన్నారు.

నరసరావుపేట టౌన్‌: రైలు నుంచి జారి పడి గుర్తు తెలియని వ్యక్తి మృతి చెందిన సంఘటనపై కేసు నమోదు చేసి దర్యాప్తు చేస్తున్నట్లు రైల్వే ఎస్‌ఐ రాజమోహన్‌రావు గురువారం తెలిపారు. నరసరావుపేట రైల్వేపోలీస్‌ స్టేషన్‌ పరిధిలోని నుదురుపాడు రైల్వే స్టేషన్‌ సమీపంలో సుమారు 40 సంవత్సరాల వయస్సు గల వ్యక్తి రైలు పట్టాల పక్కన మృతి చెంది ఉన్నాడు. స్టేషన్‌ సిబ్బంది ఇచ్చిన సమాచారం మేరకు సంఘటనా స్థలానికి చేరుకొని మృతదేహాన్ని పరిశీలించామన్నారు. మృతుడు నలుపు రంగు ఫ్యాంట్‌, నీలం రంగు చొక్కా ధరించి ఉన్నాడన్నారు. మృతదేహాన్ని పోస్టుమార్టం నిమిత్తం ఏరియా వైద్యశాలకు తరలించామన్నారు. మృతుడి ఆనవాళ్లు తెలిసిన వారు రైల్వే పోలీస్‌ స్టేషన్‌ను సంప్రదించాలని ఎస్‌ఐ కోరారు.

పెదకూరపాడు: నాయకులను అరెస్టు చేస్తే కార్యకర్తలు భయపడరని మాజీ ఎమ్మెల్యే, పెదకూరపాడు నియోజకవర్గ వైఎస్సార్‌ సీపీ సమన్వయకర్త నంబూరు శంకరరావు అన్నారు. గుంటూరులోని తన నివాసంలో గురువారం మాట్లాడారు. ఓటమి భయంతోనే స్థానిక సంస్థ ఎన్నికల్లో నామినేషన్‌ వేస్తున్న వైఎస్సార్‌ సీపీ నాయకులను వెన్నుపోటు పార్టీ పోలీసులతో అరెస్టు చెయించి నామినేషన్‌ వేయకుండా చేస్తుందని ఆరోపించారు. స్థానిక సంస్థ ఎన్నికల నేపథ్యంలో కూటమి ప్రభుత్వం చేస్తున్న అరాచకాలను చూసి ప్రజలు భయాందోళన చెందుతున్నారన్నారు. వైఎస్సార్‌ కాంగ్రెస్‌ పార్టీ తరుపున పోటీ చేసే జడ్పీటీసీ, ఎంపీటీసీ అభ్యర్థులు నామినేషన్‌ వేస్తే, సజావుగా ఎన్నికలు జరిగితే కూటమి అభ్యర్థులు ఓడిపోతారనే భయంతోనే పెదకూరపాడు నియోజకవర్గంలోని అమరావతి, అచ్చంపేట, పెదకూరపాడు, క్రోసూరు, బెల్లంకొండ మండలాల్లోని ముఖ్య నాయకులను అరెస్టులు చేసి పోలీస్‌స్టేషన్లకు తీసుకెళుతున్నారన్నారు. శాంతి భద్రతలు కాపాడవలసిన పోలీసులు వెన్నుపోటు పార్టీకి కొమ్ముకాస్తు వైఎస్సార్‌ సీపీ నాయకులు, కార్యకర్తలపై దాడులు చేస్తున్నారని ఆరోపించారు. రెండున్నర సంవత్సరాలు ప్రజలు మీ రెడ్‌బుక్‌ రాజ్యాంగంతో విసిగిపోయారని త్వరలో వెన్నుపోటు పార్టీకి ప్రజలు గట్టిగా బుద్ది చెప్తారని అన్నారు. మాజీ ఎమ్మెల్యే నంబూరు శంకరరావు

నరసరావుపేట: వైఎస్సార్‌ సీపీ అభ్యర్థులు నామినేషన్‌ వేయకపోతే భవిష్యత్‌లో టీడీపీ తీవ్రంగా నష్టపోతుందని వైఎస్సార్‌ సీపీ జిల్లా కార్యనిర్వాహక అధ్యక్షుడు, మాజీ ఎమ్మెల్యే డాక్టర్‌ గోపిరెడ్డి శ్రీనివాసరెడ్డి పేర్కొన్నారు. నియోజకవర్గ పార్టీ కార్యాలయంలో రొంపిచర్ల మండలానికి చెందిన ఎంపీటీసీ, జెడ్పీటీసీ అభ్యర్థులు, వారి మద్దతుదారులతో కలిసి మీడియాతో ఆయన మాట్లాడారు. రొంపిచర్లలో ఎంపీటీసీ సభ్యులతో కలిసి బుధవారం నామినేషన్‌ వేసేందుకు వెళ్లగా డీఎస్పీ ఎం.హనుమంతరావు ద్వారా జిల్లా ఎస్పీ జగదీష్‌ అదహళ్లి ‘అందరిచేత గురువారం పోలీసుల రక్షణతో తప్పకుండా నామినేషన్‌ వేయిస్తామని’ స్పష్టమైన హామీ ఇచ్చారన్నారు. తామంతా ధర్నా విరమించి వెనక్కి వచ్చామన్నారు. గురువారం తమ కార్యాలయానికి గానీ, పార్టీ కార్యాలయానికి గానీ వారందరినీ పిలిపిస్తే తీసుకెళ్లి నామినేషన్లు వేయిస్తామని ఉదయాన్నే డీఎస్పీ కబురు చేశారన్నారు. అందరం సిద్ధమై మధ్యాహ్నం ఒంటి గంటన్నర వరకు ఎదురుచూశామని తెలిపారు. తీరా ఆరుగురు, లేదా ఏడుగురి చేత మాత్రమే నామినేషన్లు వేయిస్తామని చెప్పారన్నారు. అవకాశం ఇస్తే 18 మంది వేస్తారని, లేకపోతే ఎవ్వరూ వేయబోరని అభ్యర్థుల తరఫున స్పష్టంగా చెప్పామని పేర్కొన్నారు. శుక్రవారం అవకాశం కల్పిస్తామని చెబుతున్నా వారి మాటలు నమ్మే ప్రసక్తే లేదన్నారు. ఈ విషయాన్ని కోర్టుకు తెలియచేసే పనిలో ఉన్నామన్నారు. శుక్రవారం అభ్యర్థులు అందరూ నామినేషన్లు కచ్చితంగా దాఖలు చేస్తారని డాక్టర్‌ గోపిరెడ్డి స్పష్టం చేశారు. రౌడీలు, గూండాలతో తమపై దాడి చేయిస్తున్న ఎమ్మెల్యే డాక్టర్‌ చదలవాడ అరవిందబాబు పరిస్థితి రేపు ఏమిటో ఆలోచించుకోవాలన్నారు. ఎంపీ లావు శ్రీకృష్ణదేవరాయలు కూడా స్వేచ్ఛగా నామినేషన్లు వేసుకోవచ్చని, ఎవరూ అడ్డగించట్లేదంటూ ప్రకటించటాన్ని విలేకరులు డాక్టర్‌ గోపిరెడ్డి దృష్టికి తీసుకెళ్లారు. ఎంపీ ముందుండి నామినేషన్లు వేయించాలని డాక్టర్‌ గోపిరెడ్డి కోరారు. ఎంపీ చెప్పేది ఒకటి, చేసేది మరొకటని పేర్కొన్నారు.

సాక్షిప్రతినిధి, గుంటూరు: పల్నాడు జిల్లాలో పోలీసుల అండతో టీడీపీ గూండాలు అరాచకం సృష్టించారు. ఎంపీటీసీ, జెడ్పీటీసీ నామినేషన్‌ల సందర్భంగా రక్తపాతానికి దిగారు. పల్నాడు జిల్లాలో ఒక్క నామినేషన్‌ కూడా పడడానికి వీల్లేదని బహిరంగంగా సవాల్‌ చేస్తూ టీడీపీ ఎమ్మెల్యేలంతా బరితెగించి అధికార దుర్వినియోగానికి పాల్పడ్డారు. ప్రజాస్వామ్యబద్ధంగా నామినేషన్లు వేసేలా చర్యలు చేపట్టాల్సిన పోలీసులే టీడీపీ నేతల అడుగులకు మడుగులొత్తుతూ వారికి తొత్తులుగా వ్యవహరిస్తున్నారు. పల్నాడు జిల్లా పోలీసులంతా పచ్చచొక్కాలు వేసుకున్న కార్యకర్తల్లా వైఎస్సార్‌ కాంగ్రెస్‌ పార్టీ అభ్యర్థులను నామినేషన్‌ కేంద్రాలకు వెళ్లకుండా ఎక్కడిక్కడ అడ్డుకుంటూ పూర్తిస్థాయిలో టీడీపీ నేతలకు సహకరిస్తున్నారు. నామినేషన్‌ కేంద్రాల వద్ద వందల మంది టీడీపీ గుండాలు కర్రలు, రాడ్లు, రాళ్ల గుట్టలను ఏర్పాటు చేసుకుని హల్‌చల్‌ చేస్తున్నప్పటికీ వారి జోలికి వెళ్లకుండా నామినేషన్‌ పత్రాలతో వెళుతున్న వైఎస్సార్‌ సీపీ నేతలను మాత్రం అడ్డుకుని హౌస్‌ అరెస్టులు చేయడం, లేదంటే ఇళ్లకు పంపడం వంటి చర్యలకు పాల్పడుతున్నారు. మాచర్ల మున్సిపాలిటీ పరిధిలో చైర్మన్‌ అభ్యర్థితోపాటు, అన్ని వార్డులకు వైఎస్సార్‌ సీపీ అభ్యర్థులు నామినేషన్లు దాఖలు చేసిన విషయం తెలిసిందే. బుధవారం డమ్మీ అభ్యర్థులు నామినేషన్లు ఉపసంహరించుకుని అసలైన అభ్యర్థులు వైఎస్సార్‌ సీపీ బీఫామ్‌లు అధికారులకు అందించేందుకు మున్సిపాలిటీ కార్యాలయానికి వెళ్లారు. అయితే అప్పటికే ఎమ్మెల్యే బ్రహ్మానందరెడ్డి తనయుడు గౌతమ్‌రెడ్డి వంద మందికి పైగా టీడీపీ గూండాలతో కలిసి లోపలకు వెళ్లిన వైఎస్సార్‌ సీపీ అభ్యర్థులపై దాడిచేసి వారి వద్ద ఉన్న బీఫామ్‌లను చించి తగులబెట్టారు. దీంతో ఆగ్రహం వ్యక్తం చేసిన పల్నాడు జిల్లా వైఎస్సార్‌ సీపీ అధ్యక్షుడు, మాజీ ఎమ్మెల్యే పిన్నెల్లి రామకృష్ణారెడ్డి వైఎస్సార్‌సీపీ అభ్యర్థులతో కలిసి రోడ్డుపై బైఠాయించి ఆందోళన చేశారు. అనంతరం పిన్నెల్లి రామకృష్ణారెడ్డిని పోలీసులు హౌస్‌ అరెస్టు చేశారు. అంతటితో ఆగని టీడీపీ గూండాలు మాచర్ల నియోజకవర్గంలోని ఐదు మండలాల్లో ఎక్కడా ఒక్క నామినేషన్‌ కూడా పడకుండా ఎక్కడిక్కడ పోలీసులను అడ్డుపెట్టుకుని వైఎస్సార్‌ సీపీ అభ్యర్థులపై దాడులు చేసి నామినేషన్‌ పత్రాలు చించివేశారు. మాచర్ల ఎంపీపీగా నామినేషన్‌ వేసేందుకు వెళ్లిన పోతిరెడ్డి సుజాత భర్త కోటిరెడ్డిపై దాడిచేసిన టీడీపీ గుండాలు ఆయన సెల్‌ఫోన్‌ లాక్కొన్నారు. ఇదంతా పోలీసుల సమక్షంలోనే జరుగుతున్నప్పటికీ వారు ప్రేక్ష పాత్ర వహించారే తప్ప, అడ్డుకునే ప్రయత్నం చేయకపోగా టీడీపీ నేతలకు అండగా నిలిచారు. పిడుగురాళ్లలోని తన నివాసంలో ఉన్న గురజాల మాజీ ఎమ్మెల్యే కాసు మహేష్‌రెడ్డిని తెల్లవారుజామున 2 గంటల సమయంలో అరెస్టు చేసిన పోలీసులు ఆయన్ను నరసరావుపేటలోని తన నివాసానికి తరలించి హౌస్‌ అరెస్టు చేశారు. పిడుగురాళ్ల పార్టీ కార్యాలయంలో ఉన్న మాచర్ల నియోజకవర్గ పరిశీలకుడు కొమ్మినేని వెంకటేశ్వర్లును అరెస్టు చేసి గురజాల తరలించారు. గురజాల నుంచి పిడుగురాళ్ల వస్తున్న పార్టీ రాష్ట్ర కార్యదర్శి యెనుముల మురళీధర్‌రెడ్డి, గురజాల మున్సిపల్‌ చైర్మన్‌ అభ్యర్థి పోలు వీరారెడ్డిలను మార్గమధ్యంలో అరెస్టు చేసి గురజాలకు తరలించారు. దాచేపల్లి, మాచవరంలో సైతం వైఎస్సార్‌సీపీ అభ్యర్థులు ఎవరూ నామినేషన్‌ వేయకుండా పోలీసులే అడ్డుకుని బలవంతంగా వెనక్కు పంపుతున్న పరిస్థితి. ● పెదకూరపాడు నియోజకవర్గ సమన్వయకర్త, మాజీ ఎమ్మెల్యే నంబూరు శంకరరావును పోలీసులు హౌస్‌ అరెస్టు చేశారు. నరసరావుపేటలో క్రోసూరు జెడ్పీటీసీగా నామినేషన్‌ వేసేందుకు వెళ్లిన డి.చిన్నబాబును పోలీసులు ముందే టీడీపీ గుండాలు దాడి చేసి నామినేషన్‌ పత్రాలు చించివేసి, తలపగులగొట్టారు. పెదకూరపాడు నియోజకవర్గంలోని అన్ని మండల కేంద్రాల్లో టీడీపీ గుండాలు వందల సంఖ్యలో మోహరించి వైఎస్సార్‌సీపీ అభ్యర్థులు ఎవరూ నామినేషన్‌ కేంద్రాల వద్దకు వెళ్లకుండా పోలీసులను అడ్డుపెట్టుకుని దాడులకు తెగబడ్డారు. ఐదుగురిపై దాడిచేసి తీవ్రంగా గాయపరిచారు. వీరిలో ఇద్దరు మహిళలు ఉండటం గమనార్హం. ● వినుకొండ నియోజకవర్గ సమన్వయకర్త మాజీ ఎమ్మెల్యే బొల్లా బ్రహ్మనాయుడును నరసరావుపేటలోని తన నివాసంలో హౌస్‌ అరెస్టు చేసిన పోలీసులు వైఎస్సార్‌ సీపీ అభ్యర్థులు ఎవరూ నామినేషన్లు వేయవద్దంటూ నేరుగా బెదిరింపులకు దిగుతున్నారు. పల్నాడు జిల్లా యువజన విభాగం కార్యదర్శితోపాటు అనేక మందిని అరెస్టు కూడా చేశారు. 19వ వార్డు కౌన్సిలర్‌గా పోటీలో ఉన్న ఎం.ఎస్‌.బాబును విత్‌డ్రా చేసుకోవాలని బెదిరించినా వినకపోవడంతో నిర్మాణంలో ఉన్న ఇంటిని కూల్చివేస్తామంటూ టౌన్‌ ప్లానింగ్‌ అధికారులు జేసీబీతో అతని ఇంటి వద్దకు వెళ్లి బెదిరించారు. శావల్యాపురం మండలంలో నామినేషన్‌ వేసేందుకు వెళ్లిన బీసీ మహిళ నామినేషన్‌ పత్రాలు చించి వేసి ఆమెను బలవంతంగా వెనక్కు పంపారు. బొల్లాపల్లి మండలంలో సైతం ఒక్క నామినేషన్‌ కూడా వేయకుండా వైఎస్సార్‌సీపీ అభ్యర్థుల బంధువులను కస్టడీలోకి తీసుకుని పోలీసులు బెదిరింపులకు పాల్పడ్డారు. నూజెండ్ల మండలంలో పోలీసులు నామినేషన్‌లు వేయకుండా అడ్డుకోవడంతో రోడ్డుపై బైఠాయించి ఆందోళన చేశారు. ● సత్తెనపల్లి నియోజకవర్గం ముప్పాళ్ల మండలంలో చాగంటివారిపాలెం, లంకెలకూరపాడు గ్రామ ఎంపీటీసీ అభ్యర్థులుగా నామినేషన్‌ వేసేందుకు వెళ్లిన వారిని పోలీసులు, టీడీపీ గుండాలు అడ్డుకుని దాడికి పాల్పడినా లెక్క చేయకుండా వారిని తోసుకుంటూ పరిగెత్తుకెళ్లి నామినేషన్లు వేశారు. రాజుపాలెంలో ఓ ఇంట్లో కూర్చొని వైఎస్సార్‌సీపీ అభ్యర్థులు నామినేషన్‌ పత్రాలను పూర్తి చేస్తుండగా, టీడీపీ గుండాలు ఇంటిపై దాడిచేసి గొడవకు దిగారు. సత్తెనపల్లి మున్సిపాలిటీ ఆరోవార్డు అభ్యర్థి మద్దిమాధవ మున్సిపాలిటీ నుంచి రశీదు తీసుకుని బయటకు వచ్చిన తరువాత సమయం ముగిసినా 4.30 గంటలకు అతనిని బెదిరించి విత్‌డ్రా ఫామ్‌పై సంతకం చేయించుకుని దాన్ని లోపలకు పంపి విత్‌డ్రా చేసినట్లు ప్రకటించారు. రాత్రి 8.30 గంటల తరువాత సైతం కౌన్సిలర్‌ అభ్యర్థులను బెదిరించి నామినేషన్‌ విత్‌డ్రా చేయించే కుట్రలకు తెగబడుతున్నారు. ● చిలకలూరిపేటలో మాజీ మంత్రి విడదల రజిని హౌస్‌ అరెస్టు చేసిన పోలీసులు నామినేషన్‌ కేంద్రాల వద్ద, మున్సిపాలిటీ వద్ద టీడీపీ గుండాలు రెచ్చిపోయి వైఎస్సార్‌ సీపీ అభ్యర్థులపై దాడులకు తెగబడుతున్నా చోద్యం చూశారే తప్ప, కనీసం అడ్డుకునే ప్రయత్నం చేయలేదు. మున్సిపాలిటీలో బలవంతంగా విత్‌డ్రా చేయిస్తున్నట్లు తెలుసుకుని అక్కడకు వెళ్లిన యువజన విభాగం పల్నాడు జిల్లా అధ్యక్షుడు కందుల శ్రీక్రాంత్‌, లాయర్‌ బెల్లంకొండ నరేంద్రచౌదరిలపై దాడిచేసి తీవ్రంగా గాయపరిచారు. నరేంద్ర చౌదరికి తీవ్రగాయాలవడంతో ఆసుపత్రిలో ఐసీయూలో చికిత్స పొందుతున్నాడు. ఆయన ఊపిరి తీసుకునేందుకు తీవ్ర ఇబ్బందులు పడుతున్నట్లు వైద్యులు చెబుతున్నారు. ఇదిలా ఉంటే మూడు గంటలకు మున్సిపల్‌ నామినేషన్‌ల విత్‌డ్రా ప్రక్రియ పూర్తయినప్పటికీ బుధవారం అర్ధరాత్రి వరకు వైఎస్సార్‌ కాంగ్రెస్‌పార్టీ కౌన్సిలర్‌ అభ్యర్థుల ఇళ్లకు వెళ్లి కిడ్నాప్‌లు చేసి, బలవంతంగా మున్సిపల్‌ కార్యాలయాలకు తీసుకొచ్చి విత్‌డ్రాలు చేయించారు. నిర్ణీత సమయంలోపు కేవలం ముగ్గురు మాత్రమే నామినేషన్‌లు ఉపసంహరించుకోగా, ఆతరువాత పదుల సంఖ్యలో కౌన్సిలర్‌ అభ్యర్థులను బెదిరించి అర్ధరాత్రి దాటిన తరువాత కూడా మున్సిపల్‌ అధికారులు విత్‌డ్రాలకు పర్మిషన్‌లు ఇవ్వడం చూస్తుంటే పోలీసులు, అధికారులు ఏస్థాయిలో బరితెగించారో అర్ధం చేసుకోవచ్చు. చించేసిన నామినేషన్‌ పత్రాలు చూపుతున్న పిడుగురాళ్ల జెడ్పీటీసీ అభ్యర్థి ముడేల భారతి టీడీపీ గుండాల దాడిలో గాయపడిన పిడుగురాళ్ల జెడ్పీటీసీ అభ్యర్థి భర్త పెద్ద లక్ష్మారెడ్డి ఎన్నికలను ఎదుర్కొంటాంబిహార్‌ రౌడీలతో టీడీపీ దాడులు పోలీసుల అండతో రెచ్చిపోయిన టీడీపీ గూండాలు మాచర్ల నామినేషన్‌ కేంద్రంలోని వైఎస్సార్‌ సీపీ అభ్యర్థుల బీఫామ్‌లు చించి తగలబెట్టిన వైనం రోడ్డుపై బైఠాయించి నిరసన తెలిపిన వైఎస్సార్‌ సీపీ జిల్లా అధ్యక్షుడు పిన్నెల్లి పల్నాడులోని అన్ని నియోజకవర్గాల్లో నామినేషన్లు వేయకుండా అడ్డుకున్న పోలీసులు జిల్లాలోని ఏడుగురు వైఎస్సార్‌ సీపీ సమన్వయకర్తలను హౌస్‌అరెస్టు చేసిన పోలీసులు నరసరావుపేటలో నామినేషన్లు వేసేందుకు వచ్చిన జెడ్పీటీసీ అభ్యర్థులపై టీడీపీ గూండాల దాడి గూండాలకు అండగా నిలిచిన పల్నాడు జిల్లా పోలీస్‌ యంత్రాంగం గురజాల నియోజకవర్గంలో ఎంపీటీసీ, జెడ్పిటీసీ నామినేషన్‌ల సందర్భంగా టీడీపీ నేతలు రక్తపాతాన్ని సృష్టించారు. నరసరావుపేటలో జెడ్పీటీసీ అభ్యర్థులుగా పోటీ చేసేందుకు వెళ్లిన దాచేపల్లి, పిడుగురాళ్ల అభ్యర్థులు వంగా పద్మా, ముడేల భారతిలపై దాడిచేసి కొట్టడమే కాకుండా వారి వద్ద ఉన్న నామినేషన్‌ పత్రాలు చించివేసి సభ్యసమాజం సిగ్గుతో తలదించుకునేలా చీరలు లాగి దుశ్శాసనపర్వానికి దిగారు. అంతటితో ఆగకుండా భారతి భర్త లక్ష్మారెడ్డిపై కర్రలు, రాడ్‌లతో దాడిచేసి తల పగులగొట్టడంతో తీవ్ర రక్తస్రావంతో ఐసీయూలో చికిత్స పొందుతున్న పరిస్థితి. ఇదంతా పోలీసుల సమక్షంలో జరగడం దారుణమైన విషయం. అది కూడా ఎస్పీ కార్యాలయానికి కూతవేటు దూరంలో ఈ దుర్గటన జరగడం చూస్తుంటే పోలీసు ఉన్నతాధికారులు సైతం అధికార పార్టీ నేతలకు ఏ స్థాయిలో జీ హుజూర్‌ అంటున్నారో అర్ధమవుతోంది.

అమరావతి: అమరారామంలో వేంచేసియున్న శ్రీ బాలచాముండికా సమేత అమరేశ్వర స్వామిదేవస్థానంలో దసరా శరన్నవారాత్రోత్సవాలలో భాగంగా మంగళవారం విజయదశమినాడు రాత్రి 7గంటలకు చండీసమేత అమరేశ్వర స్వామికి పారువేట ఉత్సవం నిర్వహించారు. ఆలయంలోని రెండో ప్రాకారంలోని జమ్మిచెట్టు వద్ద శమీపూజను ఆలయస్థానాచార్యుడు కౌశిక చంద్రశేఖర శర్మ సాంప్రదాయబద్ధంగా నిర్వహించారు. పెద్ద సంఖ్యలో భక్తులు పాల్గొన్నారు. అదేవిధంగా అమరావతి క్షేత్రంలో శ్రీదేవీ శరన్నవరాత్ర మహోత్సవాల్లో భాగంగా విజయదశమి రోజు మంగళవారం బాలచాముండేశ్వరి అమ్మవారిని రాజరాజేశ్వరీదేవిగా అలంకరించారు. గుంటూరు వెస్ట్‌ (క్రీడలు): గుంటూరు జిల్లా బాల్‌ బ్యాడ్మింటన్‌ అసోసియేషన్‌ ఆధ్వర్యంలో ఈ నెల 25వ తేదీ ఆదివారం ఉదయం 8 గంటలకు స్థానిక ఎన్జీఓ క్లబ్‌లో జిల్లా జూనియర్‌ బాల బాలికల జట్ల ఎంపికలు నిర్వహిస్తామని అసోసియేషన్‌ జిల్లా కార్యదర్శి శ్రీనివాస రావు బుధవారం ఒక ప్రకటనలో తెలిపారు. ఎంపిక చేసిన జట్లు నవంబర్‌లో జరగనున్న అంతర్‌ జిల్లాల బాల్‌ బ్యాడ్మింటన్‌ పోటీల్లో పాల్గొంటాయన్నారు. ఎంపికలో పాల్గొనే క్రీడాకారులు ఆధార్‌ కార్డుతోపాటు జనన ధ్రువీకరణ పత్రాన్ని తీసుకొని పోటీలు జరిగే ప్రాంతానికి రావాలన్నారు. క్రీడాకారులు జనవరి 2, 2007 లోపు జన్మించినవారై ఉండాలన్నారు. 9347785888 నెంబరులో సంప్రదించాలన్నారు. సత్తెనపల్లి: మద్యం లారీ బోల్తా కొట్టిన సంఘటన సత్తెనపల్లిలోని గుంటూరు రోడ్‌లో గల పెద్ద కాలువ వద్ద బుధవారం రాత్రి జరిగింది. వివరాలు ఇలా ఉన్నాయి. గుంటూరు జిల్లా నల్లపాడు ఏపీ ఎస్‌బీసీఎల్‌ (ఐఎంఎల్‌) డిపో నుంచి పల్నాడు జిల్లా సత్తెనపల్లికి సరఫరా చేస్తున్న రూ.15 లక్షల విలువ చేసే 248 కేసుల మద్యం, బీరు లారీ వెనుక చక్రానికి పంక్చర్‌ పడటంతో లారీ బోల్తా కొట్టింది. దీంతో మద్యం, బీరు సీసాలు కాల్వలోకి పడిపోగా అక్కడ ఉన్న కొందరు కొన్ని మద్యం సీసాలు తీసుకొని పరారయ్యారు. ఘటనా స్థలానికి పట్టణ పోలీసులు చేరుకున్నారు. మద్యం లారీ నిర్వాహకులు పగిలిపోయిన మద్యం సీసాలను తొలగిస్తూ మిగిలిన వాటిని ఏరుతూ, కొన్ని మద్యం సీసాలో నుంచి డ్రమ్ముల్లోకి నింపే ప్రయత్నం చేస్తున్నారు. పట్టణంలోని ఐదు వైన్‌ షాప్‌ల పేరుతో స్థానిక సంస్థల ఎన్నికల్లో మద్యం పంపిణీ చేసేందుకు కూటమి నేతలు తెప్పిస్తున్నట్టు విమర్శలున్నాయి. పెదకాకాని: మల్లేశ్వరస్వామి దేవస్థానంలో పూజలు చేసేందుకు ఆంధ్రప్రదేశ్‌ ఎండోమెంట్స్‌ ట్రిబ్యునల్‌ చైర్‌పర్సన్‌ ఎ భారతి విచ్చేశారు. శివాలయానికి మంగళవారం సాయంత్రం విచ్చేసిన ట్రిబ్యునల్‌ చైర్‌పర్సన్‌ ఎ భారతి ఆలయంలో ప్రదక్షిణలు చేశారు. భ్రమరాంబ మల్లేశ్వరస్వామిని దర్శించుకున్నారు. అనంతరం శమీ పూజలో పాల్గొన్నారు. కార్యక్రమంలో ఎక్స్‌అఫిషియో సభ్యుడు పేటేటి ధనమహేశ్వరప్రసాద్‌, ఆలయ వేదపండితులు, అర్చకులు, సిబ్బంది పాల్గొన్నారు. రైల్వేస్టేషన్‌(విజయవాడపశ్చిమ): ప్రయాణికుల రద్దీ దృష్ట్యా వేర్వేరు ప్రాంతాలకు ప్రత్యేక రైళ్లు నడపనున్నట్లు విజయవాడ డివిజన్‌ పీఆర్‌ఓ నుస్రత్‌ మండ్రుప్కర్‌ బుధవారం ఒక ప్రకటలో తెలిపారు. గుంటూరు – కోల్‌కతా (07437) రైలు ఈ నెల 25, నవంబర్‌ ఒకటో తేదీన, కోల్‌కతా – గుంటూరు (07438) ఈ నెల 26, నవంబర్‌ రెండో తేదీ, విశాఖపట్నం – సికింద్రాబాద్‌ (08517) ఈ నెల 22, 25 తేదీల్లో, సికింద్రాబాద్‌ – విశాఖపట్నం (08518) ఈ నెల 23, 26 తేదీల్లో నడుస్తాయి.

యడ్లపాడు: చరిత్ర ఆనవాళ్లే పాఠాలయ్యాయి..కొండదారులే సాహసానికి వేదికలయ్యాయి.. ప్రకృతి ఒడే పర్యావరణ పాఠశాలగా మారింది. పర్యాటక కేంద్రమైన కొండవీడుకోటలో 252 మంది ఎన్‌సీసీ విద్యార్థినులు సందడి చేశారు. పగలంతా కొండలపై పర్యటిస్తూ ట్రెక్కింగ్‌తోపాటు చరిత్ర, వారసత్వ సంపద, ప్రకృతి పరిరక్షణపై అవగాహన పెంచుకున్నారు. ఏపీ ట్రెక్‌–3 క్యాంప్‌... 10 ఆంధ్ర గరల్స్‌ ఎన్‌సీసీ బెటాలియన్‌ ఆధ్వర్యంలో పల్నాడు జిల్లా అటవీశాఖ సహకారంతో నిర్వహించిన ఏపీట్రెక్‌–3లో ఆంధ్రప్రదేశ్‌, తెలంగాణ రాష్ట్రాలకు చెందిన విద్యార్థినులు పాల్గొన్నారు. సోమవారం 5 ప్రత్యేక బస్సుల్లో కొండవీడు చేరుకున్నారు. సజ్జా మహల్‌ బురుజు మార్గంలో ట్రెక్కింగ్‌ ప్రారంభించి మధ్యాహ్నం వరకు కొండలపై పర్యటించారు. ప్రకృతి అందాలను తిలకిస్తూ..చారిత్రక కట్టడాలను పరిశీలిస్తూ ఉల్లాసంగా గడిపారు. తిరుగు ప్రయాణంలో రెడ్డివారి భోజనశాల సమీపంలో కొద్దిసేపు సేదతీరారు. చరిత్ర..వారసత్వంపై పాఠాలు కొండవీడుకోట అభివృద్ధి కమిటీ కన్వీనర్‌ కల్లి శివారెడ్డి కోట చారిత్రక ప్రాశస్త్యాన్ని వివరించారు. 14వ శతాబ్దంలో రెడ్డి రాజుల రెండో రాజధానిగా వెలుగొంది వందేళ్లపాటు కొండవీడు రాజకీయ కేంద్రంగా నిలిచిందన్నారు. గజపతులు, విజయనగరరాజులు, బహమనీ సుల్తానులు, కుతుబ్‌షాహీలు, నిజాంలు, ఫ్రెంచి, బ్రిటిష్‌ పాలకుల పాలనలో ఈ ప్రాంతం ఎదుర్కొన్న చారిత్రక పరిణామాలను వివరించారు. కోట నిర్మాణాల విశిష్టతతోపాటు ఎర్రాప్రగడ, శ్రీనాథుడి సాహితీ వైభవాన్ని ప్రస్తావించారు. ప్రకృతి పరిరక్షణే బాధ్యత అటవీశాఖ కొండవీడు అసిస్టెంట్‌ బీట్‌ ఆఫీసర్‌ కొడాలి వెంకటేశ్వరరావు వన సంరక్షణ, పర్యావరణ పరిరక్షణ ఆవశ్యకతను వివరించారు. వృక్ష సంపదను కాపాడటం, కాలుష్యాన్ని తగ్గించడం ప్రతి ఒక్కరి బాధ్యతన్నారు. కొండలు, లోయల్లో ప్రకృతితో మమేకం కావడం మానసిక ఉల్లాసాన్ని అందిస్తుందని, ప్రకృతి అనుభవాలు రవీంద్రనాథ్‌ ఠాగూర్‌ జీవితంపై చూపిన ప్రభావాన్ని ఉదాహరణగా వివరించారు. ట్రెక్కింగ్‌ అనంతరం విద్యార్థినులు కోట సమీపంలోని రెడ్డి రాజుల వారసత్వ ప్రదర్శనశాలను సందర్శించి వివిధ గ్యాలరీలను తిలకించారు. కార్యక్రమంలో ఎస్‌సీసీ బెటాలియన్‌న్‌ అధికారులు, అటవీ శాఖ సిబ్బంది పాల్గొన్నారు.

దాచేపల్లి: కూటమి ప్రభుత్వంలో ప్రజాస్వామ్యం మరోసారి ఖూనీ అయ్యింది. స్థానిక సంస్థల ఎన్నికల్లో కూటమి అభ్యర్థులను ఏకగీవ్రంగా గెలిపించేందుకు అడ్డదారులు తొక్కారు. నామినేషన్ల ప్రక్రియ ప్రారంభమైన రోజు నుంచి ముగిసేంత వరకు అడుగడుగున కూటమి నేతలు పోలీసులను అడ్డంపెట్టుకుని భారీస్థాయిలో కుట్రలకు తెరలేపారు. నామినేషన్‌ దాఖలు చేసే సమయంలో అన్ని సక్రమంగా చూసుకుని వైఎస్సార్‌ సీపీ అభ్యర్థులు నామినేషన్‌ వేసినప్పటికీ కుంటిసాకులు చూపి నామినేషన్‌లను తిరస్కరించారు. పల్నాడు జిల్లా దాచేపల్లి నగర పంచాయతీ వైఎస్సార్‌ సీపీ చైర్మన్‌ అభ్యర్థి కొప్పుల రవికుమార్‌ దాఖలు చేసిన నామినేషన్‌ని అధికారులు తిరస్కరించినట్లు చెప్పారు. దాచేపల్లి నగర పంచాయతీ కార్యాలయంలో సోమవారం జరిగిన నామినేషన్‌ పత్రాల పరిశీలన సందర్భంగా వైఎస్సార్‌ సీపీ చైర్మన్‌ అభ్యర్థి రవికుమార్‌ డిపాజిట్‌ చెల్లించని కారణంగా తిరస్కరించినట్లుగా రిటర్నింగ్‌ అధికారులు ప్రకటించారు. దీంతో కూటమి నేతలు దాచేపల్లి నగర పంచాయతీలో చేసిన కుట్రలన్నీ బట్టబయలయ్యాయి. డిపాజిట్‌ చెల్లించినట్లుగా రశీదు ఇచ్చినా స్థానిక సంస్థల ఎన్నికల నేపధ్యంలో వైఎస్సార్‌ సీపీ చైర్మన్‌ అభ్యర్థి రవికుమార్‌పై వరుస వేధింపులు ప్రారంభమయ్యాయి. ఈ నెల 16వ తేదీన నామినేషన్‌ వేసేందుకు సిద్ధపడిన రవికుమార్‌పై అక్రమ కేసు పెట్టి జైలుకు పంపించారు. చైర్మన్‌ అభ్యర్థిగా నామినేషన్‌ వేసే అవకాశం కల్పించాలని రవికుమార్‌ గురజాల న్యాయస్థానాన్ని ఆశ్రయించటంతో అనుమతి ఇచ్చింది. నామినేషన్‌ పత్రాలను న్యాయవాదుల సమక్షంలో ఒకటికి నాలుగు సార్లు పరిశీలన చేసిన తరువాత పోలీస్‌ బందోబస్తుతో ఈ నెల 18న దాచేపల్లిలోని నామినేషన్‌ కేంద్రంలో రవికుమార్‌ నామినేషన్‌ దాఖలాలు చేశారు. రవికుమార్‌ సమర్పించిన అన్నిరకాల పత్రాలను అధికారులు పరిశీలన చేశారు. రవికుమార్‌ డిపాజిట్‌ నగదు చెల్లించినట్లుగా అంగీకరించిన అధికారులు రశీదు కూడా ఇచ్చారు. రాష్ట్ర ఎన్నికల సంఘం నిర్ధిష్టపరచిన విధంగా దరావత్తుతో చెల్లించారా అని ప్రశ్నించిన చెక్‌లిస్ట్‌లోని మూడో కాలమ్‌లో అధికారులు అవును అని లిఖితపూర్వకంగా రాశారు. రిటర్నింగ్‌ అధికారులు రవికుమార్‌ డిపాజిట్‌ రుసుం చెల్లించినట్లుగా రశీదు ఇచ్చి తీరా నామినేషన్ల పరిశీలనలో ఇబ్బందులు పెట్టారు. రవికుమార్‌ డిపాజిట్‌ చెల్లించినట్లుగా ఆధారాలు లేవని సాకులు చూపుతూ నామినేషన్‌ తిరస్కరిస్తున్నట్లుగా ప్రకటించారు. ఓటమి భయంతోనే.. కూటమి అభ్యర్థిని ఏకగీవ్రంగా చైర్మన్‌ చేసేందుకే వైఎస్సార్‌సీపీ అభ్యర్ధి రవికుమార్‌ నామినేషన్‌ పత్రాలను తిరస్కరించారని వైఎస్సార్‌ సీపీ నేతలు ఆరోపిస్తున్నారు. రవికుమార్‌ అక్రమ అరెస్ట్‌ తరువాత ప్రజల్లో సానుభూతి పెరగటం, దాచేపల్లిలో బలమైన నాయకుడు కావటంతో ఓటమి తప్పదనే భయంతోనే కూటమి నేతలు నామినేషన్‌ పత్రాలను తిరస్కరించేలా అధికారులపై ఒత్తిడి చేశారని మండిపడుతున్నారు. అదేవిధంగా ఇండిపెండెంట్‌ అభ్యర్థి షేక్‌ షరీఫ్‌ నామినేషన్‌ను సైతం అధికారులు పలు కారణాలతో తిరస్కరించారు. కూటమి అభ్యర్థి తంగెళ్ల శ్రీనివాసరావును ఏకగ్రీవంగా చైర్మన్‌ చేసేందుకే చైర్మన్‌ అభ్యర్థుల రెండు నామినేషన్లు తిరస్కరించినట్లు ప్రజలు గుసగుసలాడుకుంటున్నారు. వైఎస్సార్‌ సీపీ చైర్మన్‌ అభ్యర్థి రవికుమార్‌ నామినేషన్‌ తిరస్కరణపై అనుమానాలు వ్యక్తమవుతున్నాయి. అధికారులు కావాలనే ఇలా చేశారా.. లేక కూటమి నేతల ఒత్తిడి తట్టుకోలేక నామినేషన్‌ తిరస్కరించారా అనే ప్రశ్న ఉత్పన్నమవుతుంది. విద్యావంతుడైన రవికుమార్‌ న్యాయవాదుల సమక్షంలోనే నామినేషన్‌ పత్రాలను సిద్ధం చేశాడు. తన ఆస్తులతో పాటుగా అప్పుల వివరాలను ఆఫిడవిట్‌లో పొందుపరిచారు. డిపాజిట్‌ చెల్లించిన తరువాతనే రవికుమార్‌ నామినేషన్‌ వేసేందుకు అధికారులు అనుమతించారు. ప్రతీది నామినేషన్‌ కేంద్రంలో ఏర్పాటు చేసిన సీసీ కెమెరాల్లో రికార్డయ్యాయి. అక్రమ కేసులో జైలులో ఉన్న రవికుమార్‌ తరఫున నామినేషన్‌ పత్రాల పరిశీలనకు వెళ్లిన షేక్‌ జాకీర్‌హుస్సేన్‌ చెప్పినా కూడా అధికారులు పెడ చెవిన పెట్టారు. డిపాజిట్‌కు సంబంధించిన రశీదు చూపించినప్పటికీ అధికారులు పట్టించుకోకుండా తిరస్కరిస్తున్నట్లుగా ప్రకటించారు. డిపాజిట్‌ చెల్లించకుండా అధికారులు ఏ విధంగా నామినేషన్‌ వేయించారనేది ప్రశ్నగా మారింది.

అమరేశ్వరాలయంలో జరుగుతున్న చండీ కల్యాణం చండీసమేత అమరేశ్వరస్వామి కల్యాణ మూర్తులుఅమరావతి: ప్రముఖ శైవక్షేత్రమైన అమరావతిలో వేంచేసియున్న శ్రీబాలచాముండికా సమేత అమరేశ్వరస్వామి దేవాలయంలో శ్రీదేవీ శరన్నవరాత్ర మహోత్సవాల్లో భాగంగా సోమవారం రాత్రి చండీ కళ్యాణం వైభవంగా నిర్వహించారు. తొలుత అమ్మవారిని, స్వామివారిని ఆలయంలోని కల్యాణ మండపంలో ఉంచి స్థానాచార్యుడు కౌశిక చంద్రశేఖరశర్మ యాజ్ఞీక పర్యవేక్షణలో ఆలయ అర్చకులు విఘ్నేశ్వరపూజ, రక్షాబంధనం, పుణ్యహవాచనం, కన్యాదానం, శాస్త్రోక్తంగా కళ్యాణ క్రతువు నిర్వహించారు. ఆయన చండీకల్యాణ విశిష్టత గురించి భక్తులకు వివరిస్తూ స్వామివారికి సంవత్సరానికి రెండుసార్లు అనగా మహాశివరాత్రి దసరా శరన్నవరాత్ర మహోత్సవాలకు కల్యాణం నిర్వహించటం విశేషమని తెలిపారు.

నరసరావుపేట: రాష్ట్రంలోని కూటమి ప్రభుత్వం స్థానిక సంస్థల ఎన్నికలను అపహాస్యం చేసిందని, వారి కుట్రలు, కుతంత్రాలకు వెరసి తమకు దక్కిన ఈరోజు ఓటమే రేపటి తమ గెలుపునకు నాంది అని గురజాల మాజీ శాసనసభ్యుడు కాసు మహేష్‌రెడ్డి స్పష్టం చేశారు. స్థానిక క్యాంపు కార్యాలయంలో సోమవారం నిర్వహించిన విలేకర్ల సమావేశంలో ఆయన మాట్లాడారు. గురజాల సంఘటన చూస్తుంటే ప్రభుత్వానికి నిష్పక్షపాతంగా ఎన్నికలు నిర్వహించాలనే ఆలోచన ఏమాత్రం లేదని తేటతెల్లమైందన్నారు. స్వేచ్ఛాయుత వాతావరణంలో ఎన్నికలు నిర్వహించాలనే తలంపు లేనప్పుడు వారే పంచాయతీరాజ్‌ చట్టాన్ని మార్చుకొని తమ పార్టీ వారే గెలిచినట్లుగా ప్రకటించుకుంటే సరిపోయేదని ఎద్దేవా చేశారు. చట్టాన్ని అమలుచేయాల్సిన అధికారులే ప్రభుత్వ పెద్దలు చెప్పినట్లుగా నడుచుకుంటూ పక్షపాతంగా వ్యవరించారన్నారు. ఎన్నికలు ప్రకటించి పోలీసుల చేత ప్రతిపక్షపార్టీకి చెందిన అభ్యర్థులను అరెస్టు చేయించటమనేది గురజాలలో తప్పితే దేశంలో ఎక్కడా జరగలేదన్నారు. బలవంతాన వైఎస్సార్‌ సీపీ అభ్యర్థులను అరెస్టు చేయించి అక్రమ పద్ధతిలో ఏకగ్రీవాలు చేసుకున్న స్థానిక ఎమ్మెల్యే యరపతినేని శ్రీనివాసరావు తన రాజకీయ ఆత్మహత్యకు బీజం వేసుకున్నాడని తెలిపారు. వైఎస్సార్‌ సీపీ తరఫున నామినేషన్‌ వేయాల్సిన గురజాల అభ్యర్ధిని ఒకరోజు ముందు ప్రివెంటివ్‌ అరెస్టు అంటూ అక్రమ నిర్భంధంలోకి తీసుకున్నారన్నారు. అభ్యర్ధిని అరెస్టు చేస్తే నామినేషన్‌ ఏవిధంగా వేస్తాడని ప్రశ్నించారు. పథకాలు ఇవ్వలేదనే భయం, జనం తిరగబడతారనే భయంతో ప్రతిపక్షాన్ని అణచివేస్తూ దాడులు చేసి ఏకగ్రీవాలు చేసుకున్నారన్నారు. దీనికి వత్తాసుగా పోలీసులు హౌస్‌ అరెస్టులు, దొంగకేసులు పెట్టి నూతన వరవడికి గురజాలలో బీజం వేశారన్నారు. ● దాచేపల్లి వైఎస్సార్‌ సీపీ అభ్యర్థిని అక్రమ అరెస్టుచేస్తే కోర్టు ఆదేశాల మేరకు ఆయన డిపాజిట్‌ చెల్లించి, నామినేషన్‌ వేశారన్నారు. అయినా డిపాజిట్‌ చెల్లించలేదంటూ నామినేషన్‌ తిరస్కరించారని ఆ నామినేషన్‌ పత్రాన్ని విలేకర్లకు చూపించారు. పోలీసులను అడ్డంపెట్టుకొని ప్రతిపక్షపార్టీ అభ్యర్ధులను గొంతు నొక్కేస్తున్నారని అన్నారు. జరగబోయే అన్ని ఎన్నికల్లో యధావిధిగా తమ పార్టీ అభ్యర్థులు నామినేషన్లు వేస్తారని స్పష్టం చేశారు. మాచర్ల పరిశీలకులు కొమ్మినేని వెంకటేశ్వర్లు పాల్గొన్నారు.

నరసరావుపేట రూరల్‌: జెడ్పీటీసీ, ఎంపీటీసీ ఎన్నికలను పారదర్శకంగా, నిష్పక్షపాతంగా, ప్రశాంత వాతావరణంలో నిర్వహించేందుకు అధికార యంత్రాంగం సిద్ధంగా ఉన్నట్లు జాయింట్‌ కలెక్టర్‌ సంజనా శ్రీహర్ష తెలిపారు. ఆర్‌డీవో కార్యాలయంలో జాయింట్‌ కలెక్టర్‌ సోమవారం మీడియాతో మాట్లాడారు. జెడ్పీటీసీ, ఎంపీటీసీ ఎన్నికలకు రాష్ట్ర ఎన్నికల సంఘం సోమవారం నోటిఫికేషన్‌ విడుదల చేసినట్లు తెలిపారు. నామినేషన్‌లు ఈనెల 21 నుంచి 23వ తేదీ సాయంత్రం ఐదు గంటల వరకు స్వీకరిస్తారని, 24వ తేదీ ఉదయం 8 గంటల నుంచి నామినేషన్‌ల పరిశీలన ఉంటుందని తెలిపారు. తిరస్కరించిన నామినేషన్‌లకు 25వ తేదీన సాయంత్రం 5గంటలలోపు అప్పీల్‌కు దరఖాస్తు చేసుకోవాలన్నారు. ఎంపీటీసీ అభ్యర్థులు ఆర్డీవో కార్యాలయంలోను, జెడ్పీటీసీ అభ్యర్థులు జిల్లా కలెక్టర్‌ కార్యాలయంలో దరఖాస్తు చేసుకోవాలని తెలిపారు. 27వ తేదీ మధ్యాహ్నం 3గంటల లోపు నామినేషన్‌లను ఉపసంహరించుకోవచ్చని, అదే రోజు తుది జాబితా ప్రకటిస్తారని పేర్కొన్నారు. నవంబర్‌ 3వ తేదీన పోలింగ్‌ నిర్వహిస్తారని, ఉదయం ఏడు నుంచి సాయంత్రం 5 గంటల వరకు పోలింగ్‌ జరుగుతుందని తెలిపారు. అవసరమైన చోట 4వ తేదీ రీపోలింగ్‌ ఉంటుందని, 5వ తేదీన ఉదయం 8 గంటల నుంచి కౌంటింగ్‌ ప్రారంభమవుతుందని వివరించారు. కౌంటింగ్‌ పూర్తయిన వెంటనే ఫలితాలు విడుదల చేస్తారని తెలిపారు. ఎంపీటీసీలకు మండలాల్లోని రిటర్నింగ్‌ ఆఫీసర్లు నామినేషన్‌లు స్వీకరిస్తారని, జెడ్పీటీసీలకు నరసరావుపేట ఆర్డీవో కార్యాలయంలో రిటర్నింట్‌ అధికారి అయిన జాయింట్‌ కలెక్టర్‌ నామినేషన్లు స్వీకరిస్తారని తెలిపారు. ఎన్నికలపై రాజకీయ పార్టీలతో సమావేశం నిర్వహించి ఫాం–4 నామినేషన్‌ ఫాంతోపాటు ఎన్నికల షెడ్యూల్‌ను అందజేసినట్టు పేర్కొన్నారు. నామినేషన్‌ను ఆన్‌లైన్‌లో కూడా పూర్తిచేసి రిటర్నింగ్‌ అధికారికి అందజేయవచ్చని తెలిపారు. నామినేషన్‌ వేసేందుకు వచ్చే అభ్యర్ధుల కోసం హెల్ప్‌ డెస్క్‌లను ఏర్పాటుచేస్తున్నట్టు తెలిపారు. జిల్లాలో 28 జెడ్పీటీసీ, 419 ఎంపీటీసీ స్థానాలకు పోలింగ్‌ జరగనుందని, 12,42,000 మంది ఓటు హక్కు వినియోగించుకోనున్నారని తెలిపారు. జెడ్పీటీసీ, ఎంపీటీసీ ఎన్నికల కోసం 1548 పోలింగ్‌ కేంద్రాలను ఏర్పాటు చేశామని, ఇందులో 706 అత్యంత సమస్యాత్మకం, 488 సమస్యాత్మక కేంద్రాలు ఉన్నాయని వివరించారు. ఎన్నికల ప్రవర్తనా నియమావళి అమలు కోసం ప్రతి మండల స్థాయిలో స్టాటిక్‌ సర్వైలెన్స్‌ బృందాలు, ప్లయింగ్‌ స్క్వాడ్‌ బృందాలను నియమించి మెజరిస్టీరియల్‌ అధికారాలు అప్పగించినట్టు తెలిపారు. సరిహద్దుల చెక్‌ పోస్టుల ద్వారా 24 గంటలపాటు తనిఖీలు జరుగుతున్నాయని వివరించారు. ఎన్నికలు సజావుగా సాగేందుకు రాజకీయపార్టీలు, ప్రజలు సహకరించాలని జాయింట్‌ కలెక్టర్‌ కోరారు. నియమావళి ఉల్లంఘించే అధికారులపై చర్యలు.. ఏ ఒక్క ప్రభుత్వ అధికారి కూడా ఎన్నికల నియమాలను ఉల్లంఘించి ఏ ఒక్క పార్టీకి మద్దతుగా వ్యవహరించకూడదని, అంతా నిష్పక్షపాతంగా పనిచేయాలని జిల్లా జాయింట్‌ కలెక్టర్‌, ఎన్నికల రిటర్నింగ్‌ అధికారి సంజనా శ్రీహర్ష హెచ్చరించారు. ఎవరైనా అధికారి తమ పదవులను దుర్వినియోగం చేసినట్లు తేలితే వారిపై శాఖాపరమైన కఠిన చర్యలు తప్పవని జేసీ హెచ్చరించారు. ఎంపీటీసీ, జెడ్పీటీసీ ఎన్నికలను ఎన్నికల నోటిఫికేషన్‌ వెలువడిన నేపథ్యంలో ఆర్‌డీఓ కార్యాలయంలో సోమవారం గుర్తింపు పొందిన రాజకీయ పార్టీల ప్రతినిధులతో నిర్వహించిన ‘ఎన్నికల ప్రవర్తన నియమావళి, ఎన్నికల ప్రక్రియ‘పై ప్రత్యేక అవగాహన సమావేశం నిర్వహించారు. సమావేశంలో ఆర్దీవో బాలకృష్ణ, వివిధ రాజకీయ పార్టీ ప్రతినిధులు పాల్గొన్నారు.

మున్సిపల్‌ నామినేషన్ల పర్వంలో టీడీపీ అరాచకత్వంనరసరావుపేట టౌన్‌: ప్రజాస్వామ్యంలో ఎన్నికలంటే ప్రజల మద్దతు కోసం పోటీ పడటం.. తమ పాలన గొప్పదని అధికార పార్టీ చెప్పుకోవచ్చు. తమ ప్రత్యర్థుల వైఫల్యాలను ఎత్తిచూపవచ్చు. కానీ ప్రజల ముందుకు వెళ్లి ఓట్లు అడగాల్సిన చోట ప్రత్యర్థి అభ్యర్థులకు నామినేషనన్లు వేసే అవకాశం లేకుండా అడ్డుకుంటున్నారనే ఆరోపణలు వస్తే మాత్రం అది సాధారణ రాజకీయ విమర్శగా కొట్టిపారేయలేని అంశం. మున్సిపల్‌ ఎన్నికల్లో వైఎస్సార్‌ సీపీ చైర్మన్‌ అభ్యర్థులను నామినేషన్లు వేయకుండా అడ్డుకున్నారని, అక్రమ అరెస్టులు, గృహ నిర్బంధాలు, బెదిరింపులకు పాల్పడ్డారని ఆ పార్టీ నాయకులు ఆరోపిస్తున్నారు. ఇప్పుడు జెడ్పీటీసీ, ఎంపీటీసీ ఎన్నికల్లోనూ ఇదే తరహా పరిణామాలు పునరావృతమవుతాయేమోనని ఆందోళన వ్యక్తం చేస్తున్నారు. జనంలోకి వెళ్లేందుకు జంకు గత ఎన్నికలకు ముందు కూటమి ప్రభుత్వం అనేక హామీల వర్షం కురిపించింది. ప్రధానంగా ఆడబిడ్డ నిధి, నిరుద్యోగ భృతి గురించి ఊదరగొట్టింది. తీరా అధికారంలోకి వచ్చాక అవన్నీ పక్కన పెట్టింది. నూతన పింఛన్ల మంజూరుకు సైతం సవాలక్ష అడ్డంకులు పెట్టింది. ఇప్పటికీ ఒక్క పింఛన్‌ కూడా మంజూరు చేసిన దాఖలాలు లేవు. ఇటు నిత్యావసర ధరల పెరుగుదల కుటుంబాల ఆర్థిక పరిస్థితిని దెబ్బతీస్తోంది. రేషన్‌ దుకాణాల ద్వారా అందాల్సిన కందిపప్పు వంటి సరుకులు కూడా పంపిణీ చేయడం లేదు. ప్రజలకు ప్రభుత్వ పథకాలు చేరువ కావాలంటే అధికార పార్టీ ద్వితీయ శ్రేణి నాయకుల పెత్తనం, స్థానిక సమస్యల పరిష్కారంలో జాప్యం వంటి అంశాలు ప్రజల్లో అసహనానికి కారణమవుతున్నాయి. పల్నాడు జిల్లాలోని నరసరావుపేట, చిలకలూరిపేట, సత్తెనపల్లి నియోజకవర్గాల్లో పేకాట కార్యకలాపాలు విస్తరిస్తున్నాయనే ఆరోపణలు కూడా ప్రజల్లో చర్చకు వస్తున్నాయి. అడ్డగోలుగా బరి తెగింపు జిల్లాలో మున్సిపల్‌ ఎన్నికల్లో వైఎస్సా ర్‌సీపీ చైర్మన్‌ అభ్యర్థులను నామినేషన్లు వేయకుండా పోలీసులు అడ్డుకున్నారు. వారిపై ఒత్తిడి తెచ్చేందుకు అరెస్టులు, గృహ నిర్బంధాలు, బెదిరింపులు ఉపయోగించారనే ఆరోపణలు ఉన్నాయి. ప్రత్యర్థి అభ్యర్థులు బరిలో లేకుండా చేయడం ద్వారా ఏకగ్రీవాలకు మార్గం సుగమం చేశారని ప్రజలు మండిపడుతున్నారు. శాంతిభద్రతలను కాపాడాల్సిన పోలీసులను అధికార పార్టీ తొత్తుగా మార్చారు. నామినేషన్లు వేసేందుకు వెళ్తున్న అభ్యర్థులను అడ్డుకున్నారు. రాజకీయ కారణాలతో నిర్బంధాలకు పాల్పడ్డారు. అధికార పార్టీ నేతలు దాడులకు దిగినా పోలీసులు ప్రేక్షకపాత్ర వహించారు. మున్సిపల్‌ ఎన్నికల సందర్భంగా ప్రజాస్వామ్యాన్ని ఖూనీ చేసిన అధికార పార్టీ జెడ్పీటీసీ, ఎంపీటీసీ నామినేషన్ల వేళ ఇదే పంథా పాటిస్తుందని వైఎస్సార్‌ సీపీ నేతలు ఆందోళన వ్యక్తం చేస్తున్నారు. గ్రామీణ ప్రాంతాల్లోనూ నామినేషన్ల దాఖలుకు ఆటంకాలు కల్పించి, ప్రత్యర్థులను పోటీ నుంచి తప్పించి ఏకగ్రీవాలు సాధించేందుకు ప్రయత్నాలు చేస్తున్నారని మండిపడుతున్నారు. ఎన్నికల ప్రక్రియ ప్రారంభమయ్యే ముందే అభ్యర్థులకు భద్రత, నామినేషన్‌ కేంద్రాల వద్ద పారదర్శకత, ఫిర్యాదుల పరిష్కారానికి స్పష్టమైన వ్యవస్థ ఉండాలని కోరుతున్నాయి. ఏ పార్టీ అభ్యర్థి అయినా నిర్భయంగా నామినేషన్‌ వేసేలా చూడాలని ఎన్నికల యంత్రాంగాన్ని కోరుతున్నారు.

నరసరావుపేట: ఎన్నికలలో అభ్యర్థులు చేయాల్సిన వ్యయ పరిమితులను రాష్ట్ర ఎన్నికల సంఘం నిర్దేశించిందని జిల్లా ఎన్నికల వ్యయ పరిశీలకురాలు భరణి తెలిపారు. సోమవారం కలెక్టర్‌ కార్యాలయంలో డివిజన్‌, నియోజకవర్గం, మండల స్థాయి వ్యయపరిశీలకుల (అకౌంటింగ్‌ టీమ్‌) శిక్షణా కార్యక్రమం నిర్వహించారు. ఈ మేరకు వ్యయ వివరాలు పేర్కొన్నారు. పురపాలక సంఘం చైర్మన్‌లకు రూ. 20 లక్షలు, వార్డు సభ్యులకు రూ.7.50 లక్షలు, నగర పంచాయతీ చైర్మన్‌లు రూ.10 లక్షలు, వార్డు సభ్యులు రూ.5 లక్షలు వరకు ఖర్చు చేయవచ్చన్నారు. ఎన్నికలు ముగిసిన 45 రోజుల లోపల అభ్యర్థి తన ఖర్చు వివరాలను రిటర్నింగ్‌ అధికారులకు అందజేయాలన్నారు. ఎన్నికల వ్యయం వివరాలు ఇవ్వకపోయినట్లయితే మూడేళ్ల వరకు ఎటువంటి ఎన్నికలలో పోటీ చేసే అవకాశం ఉండదన్నారు. అలాగే గెలిచిన అభ్యర్థి 45 రోజు లోపల ఎన్నికల వ్యయం వివరాలు సమర్పించకపోతే డిస్‌క్వాలిఫై చేసే అవకాశం ఉంటుందన్నారు. వ్యయ కమిటీలు, స్టాటిక్‌ సర్వేలియన్స్‌ బృందాలు, వీడియో వ్యూయింగ్‌ బృందాలు, ఎంసీసీ బృందాలు రేయింబవళ్లు తనిఖీ నిర్వహించాలని స్పష్టం చేశారు. సంబంధిత నోడల్‌ అధికారులు ఎప్పటికప్పుడు నివేదికలు సమర్పించాలని జిల్లా ఎన్నికల వ్యయ పరిశీలకులు భరణి ఆదేశించారు. నోడల్‌ అధికారి పద్మజ, ట్రైనర్‌ ప్రశాంతి, వ్యయ పరిమితి టీమ్‌ సభ్యులు పాల్గొన్నారు.

గుంటూరు ఎడ్యుకేషన్‌: గుంటూరు నగరపాలక సంస్థ ఎన్నికల విధులకు హాజరుకాని ఉపాధ్యాయులపై విధించిన సస్పెన్షన్‌ ఎత్తివేయాలని జిల్లా కలెక్టర్‌ సాయికాంత్‌ వర్మకు ఫ్యాప్టో జిల్లా ప్రతినిధులు విజ్ఞప్తి చేశారు. సోమవారం కలెక్టర్‌ను కలిసిన ఫ్యాప్టో ప్రతినిధులు వినతిపత్రం సమర్పించారు. స్పందించిన కలెక్టర్‌ మాట్లాడుతూ సహేతుకమైన కారణాలతో గైర్హాజరైన ఉపాధ్యాయులపై సస్పెన్షన్‌ ఎత్తివేస్తామని తెలిపారు. మంగళవారం మధ్యాహ్నంలోపు డీఆర్వోను కలిసి వివరణ ఇవ్వాలని సూచించారు. కలెక్టర్‌ను కలసిన వారిలో గుంటూరు జిల్లా ఫ్యాప్టో చైర్మన్‌ కె.నరసింహారావు, జిల్లా ఫ్యాప్టో డిప్యూటీ సెక్రటరీ జనరల్‌ గుడిపాటి దాస్‌, జిల్లా ఫ్యాక్టో కార్యవర్గ సభ్యులు షేక్‌ బాజీ, మహమ్మద్‌ ఖలీద్‌ ఫ్యాప్టో జిల్లా నాయకులు సిహెచ్‌ ఆదినారాయణ, జోజప్ప, ఎస్‌ కె గఫార్‌, పచ్చాల శివరామకృష్ణ, గురుమూర్తి ఉన్నారు. గుంటూరు ఎస్పీ వకుల్‌ జిందాల్‌ సమీక్ష మంగళగిరి టౌన్‌: పోలీసు అమరవీరుల త్యాగాలను స్మరించుకుంటూ ఈ నెల 21న మంగళగిరిలో నిర్వహించనున్న పోలీసు అమరవీరుల సంస్మరణ దినోత్సవానికి పటిష్ట భద్రతా ఏర్పాట్లు చేయాలని గుంటూరు జిల్లా ఎస్పీ వకుల్‌ జిందాల్‌ అధికారులను ఆదేశించారు. ఆరో ఏపీఎస్పీ బెటాలియన్‌ పరేడ్‌ గ్రౌండ్‌లో జరగనున్న ఈ కార్యక్రమానికి ముఖ్యమంత్రి హాజరయ్యే అవకాశమున్న నేపథ్యంలో భద్రత, ట్రాఫిక్‌ నియంత్రణ, ఇతర ఏర్పాట్లపై సోమవారం ఏఎస్‌ఎల్‌ (అడ్వాన్స్‌డ్‌ సెక్యూరిటీ లైజన్‌) సమావేశం నిర్వహించారు. సమావేశం అనంతరం ఎస్పీ వకుల్‌ జిందాల్‌ పోలీసు, ఇతర శాఖల అధికారులతో కలిసి కార్యక్రమ వేదిక, పరేడ్‌ గ్రౌండ్‌, పార్కింగ్‌ స్థలాలు, ప్రముఖుల రాకపోకల మార్గాలను పరిశీలించారు. ట్రాఫిక్‌ అంతరాయం కలగకుండా తీసుకోవాల్సిన చర్యలపై అధికారులకు సూచనలు చేశారు. కార్యక్రమానికి వచ్చే అతిథులు, ప్రజలకు ఎలాంటి ఇబ్బందులు తలెత్తకుండా రాకపోకలను క్రమబద్ధీకరించాలని స్పష్టం చేశారు. కార్యక్రమంలో ఆరో ఏపీఎస్పీ బెటాలియన్‌ కమాండెంట్‌ మురళి, ముఖ్యమంత్రి భద్రతా విభాగం ఎస్పీ భద్రయ్య, అదనపు ఎస్పీ ఏ.టి.వి.రవికుమార్‌, స్పెషల్‌ బ్రాంచ్‌ డీఎస్పీ అలహరి శ్రీనివాస్‌, నార్త్‌ డీఎస్పీ వెంకటేశ్వర్లు, స్పెషల్‌ బ్రాంచ్‌ సీఐ మల్లికార్జునరావు, మంగళగిరి రూరల్‌ సీఐ బ్రహ్మం, సీఐ సీహెచ్‌. వెంకట్‌తో పాటు పోలీసు, ఇతర శాఖలకు చెందిన అధికారులు పాల్గొన్నారు.

శావల్యాపురం: మండలంలోని కృష్ణాపురం గ్రామ సమీపాన గుంటూరు–కర్నూలు జాతీయ రహదారిపై సోమవారం జరిగిన రోడ్డు ప్రమాదంలో ఇరువురికి తీవ్ర గాయాలయ్యాయి. వివరాలు మేరకు.. రాజస్థాన్‌ రాష్ట్రానికి చెందిన ఐదుగురు యువకులు కారులో అనంతరపురం నుంచి విజయవాడ బయలుదేరారు. నరసరావుపేట నుంచి వినుకొండ వైపు ట్రాలీ వాహనంలో ఇంటిసామానుతో బయలుదేరి వస్తున్నారు. ఎదురుగా వస్తున్న వాహనాన్ని తప్పించబోయి యువకులు ప్రయాణిస్తున్న వాహనం ఇంటి సామగ్రి ఉన్న వాహనాన్ని అతి వేగంతో ఢీకొట్టింది. ఘటనలో వాహన డ్రైవర్‌ సురేష్‌ కుడి చేతికి, ట్రాలీ వాహనంలో ఉన్న గుండాల వెంకయ్యలకు తీవ్ర రక్తగాయాలయ్యాయి. ఇరువురిని 108 అత్యవసర వాహనంలో వినుకొండ ప్రభుత్వ వైద్యశాలకు తరలించారు. ఘటన స్థలానికి ఎస్‌ఐ మోర్ల వెంకటేష్‌బాబు తన సిబ్బంది చేరుకొని రోడ్డుకు అడ్డుగా ఉన్న రెండు వాహనాలను గ్రామస్తులు సహకారంతో ట్రాక్టర్‌తో తప్పించి ట్రాఫిక్‌ అంతరాయం లేకుండా చర్యలు చేపట్టారు. ప్రమాదంలో రెండు వాహనాలు పూర్తిస్థాయిలో దెబ్బతిన్నాయి. ఆర్టీసీ బస్సు తగిలి వృద్ధుడు మృతి సత్తెనపల్లి: సత్తెనపల్లి మండలం కంకణాలపల్లి గ్రామానికి చెందిన తాటికొండ బిక్షం (70) సోమవారం ఆర్టీసీ బస్సు తగిలి అక్కడికక్కడే ప్రాణాలు కోల్పోయాడు. పట్టణ ఎస్‌ఐ పవన్‌కుమార్‌, పోలీస్‌ సిబ్బంది సంఘటనా స్థలానికి చేరుకొని వృద్ధుడి మృతదేహన్ని పోస్ట్‌మార్టం నిమిత్తం సత్తెనపల్లి ప్రభుత్వ ప్రాంతీయ వైద్యశాలకు తరలించారు. బస్సు డ్రైవర్‌ నిర్లక్ష్యమా లేక వృద్ధుడి బిక్షం తప్పా అనేది పక్కన పెడితే .. నిత్యం రద్దీగా ఉండే సెంటర్‌లో రహదారిపైకి బస్సుషెల్టర్‌ ఏర్పాటు చేయడం, బస్సులు రోడ్డుపైనే నిలపడంతో ప్రమాదాలు పొంచి ఉన్నాయి. అటు పాలకులు కానీ, ఇటు అధికారులు కానీ ఎలాంటి ముందుచూపు లేకుండా బస్సు షెల్టర్‌ నిర్మాణం చేపట్టి ప్రజల ప్రాణాలతో చెలగాటమాడుతున్నారనే విమర్శలు వ్యక్తమవుతున్నాయి. వృద్ధుడు బిక్షం మృతితో కుటుంబ సభ్యులు ఆందోళన చెందుతున్నారు. వృద్ధుడు మృతి కారణంగా ప్రమాద ఘటనపై సమగ్ర విచారణ చేపట్టి బాధ్యులపై చర్యలు తీసుకోవాలని, వృద్ధుడి కుటుంబానికి న్యాయం చేయాలని పలు వురు కోరుతున్నారు. ఇప్పటికై నా పాలకులు, అధికారులు స్పందించి ప్రమాదాలు పునరావృతం కాకుండా బస్సు షెల్టర్‌ను పూర్తిగా వెనకవైపుకు తొలగింప చేయాలని ప్రజలు కోరుతున్నారు.

గురజాల: స్థానిక సంస్థల ఎన్నికల్లో వైఎస్సార్‌ సీపీ అభ్యర్థులు నామినేషన్లు వేయకుండా ఖాకీల అండతో కూటమి నాయకులు అడ్డంకులు సృష్టించారు. పట్టణంలో 144 సెక్షన్‌ అమలులో ఉన్నందున అభ్యర్థులు మాత్రమే వెళ్లి నామినేషన్‌ వేయాలని పోలీసులు వైఎస్సార్‌ సీపీ పార్టీ కార్యాలయానికి వచ్చి హుకుం జారీ చేశారు. పార్టీ పెదకూరపాడు నియోజకవర్గ పరిశీలకుడు యెనుముల మురళీధర్‌రెడ్డి తమ అభ్యర్థులపై దాడికి కూటమి నేతలు సిద్ధంగా ఉన్నారని చెప్పారు. తోడుగా వెళ్లి నామినేషన్‌ వేసి వస్తామని పోలీసులకు తెలిపారు. పట్టణ సీఐ మురళి అందుకు అంగీకరించలేదు. దీంతో పార్టీ కార్యాలయం వద్దే కూర్చుని నిరసన వ్యక్తం చేశారు. తర్వాత నామినేషన్‌ కేంద్రానికి వెళ్తున్న వారిని బలవంతంగా వ్యానులో ఎక్కించి కొందర్ని పోలీస్‌ స్టేషన్‌కు తరలించారు. యెనుముల మురళీధర్‌రెడ్డిని పార్టీ కార్యాలయంలోకి తీసుకువెళ్లి హౌస్‌ అరెస్టు చేశారు. మిగిలిన నాయకులు, కార్యకర్తలను పార్టీ కార్యాలయంలోనే ఉంచారు. బయట సుమారుగా 40 మందికి పైగా పోలీసులు కాపలా కాశారు. యెనుముల మురళీధర్‌రెడ్డి, మాచర్ల నియోజకవర్గ పరిశీలకుడు కొమ్మినేని వెంకటేశ్వర్లు (కేవీ)ల నివాసాల వద్ద కూడా బందోబస్తు నిర్వహించారు. జంగమహేశ్వరపురంలో పోలీసులు ప్రతి ఇంటిని జల్లెడ పట్టి నాయకులను హౌస్‌ అరెస్టు చేశారు.

అధికారులను ఆదేశించిన సాధారణ పరిశీలకుడు, జిల్లా కలెక్టర్‌ నరసరావుపేట: స్థానిక సంస్థల ఎన్నికల ప్రక్రియలో శాంతి భద్రతల పరిరక్షణకు పటిష్ట చర్యలు తీసుకోవాలని, నోడల్‌ అధికారులు బాధ్యతగా ఎన్నికల విధులు నిర్వహించాలని పల్నాడు జిల్లా ఎన్నికల పర్యవేక్షణకు రాష్ట్ర ప్రభుత్వం నియమించిన సాధారణ పరిశీలకుడు, రాష్ట్ర పౌర సరఫరాల శాఖ కమిషనర్‌ కన్నబాబు అధికారులను ఆదేశించారు. జిల్లాలో ఎన్నికల నిర్వహణ ఏర్పాట్లపై జిల్లా కలెక్టర్‌ డాక్టర్‌ కృతికా శుక్లా, ఎస్పీ జగదీష్‌ అదహళ్లిలతో కలిసి కలెక్టరేట్‌లో ఆదివారం అధికారులతో సమీక్షించారు. జిల్లాలో ప్రశాంత వాతావరణంలో ఎన్నికలు నిర్వహించేలా అధికారులు ముందస్తు ప్రణాళికలు సిద్ధం చేసుకోవాలన్నారు. సమస్యాత్మక, అతి సమస్యాత్మక ప్రాంతాలను ముందుగానే గుర్తించి అదనపు బలగాలతో పటిష్ట భద్రతా ఏర్పాట్లు చేయాలన్నారు. నామినేషన్‌, పోలింగ్‌, కౌంటింగ్‌ కేంద్రాలలో వీడియో చిత్రీకరణతోపాటు సీసీ కెమెరాలు ఏర్పాటు చేయాలన్నారు. ఎన్నికల సామగ్రి పంపిణీ, రిసెప్షన్‌, ఓట్ల లెక్కింపు కేంద్రాలను మున్సిపాలిటీ స్థాయిలోనే సిద్ధం చేసినట్లు అధికారులు వివరించారు. నిరంతర తనిఖీలు చేపట్టాలని స్పష్టం చేశారు. రాజకీయ ప్రకటనల ముందస్తు ధ్రువీకరణ, పెయిడ్‌ న్యూస్‌ పర్యవేక్షణ కోసం జిల్లా కలెక్టర్‌ చైర్‌పర్సన్‌గా జిల్లా స్థాయి ఎంసీఎంసీ కమిటీ పనిచేస్తుందని తెలిపారు. కలెక్టర్‌ పవర్‌ పాయింట్‌ ప్రెజంటేషన్‌ ద్వారా మాట్లాడుతూ ఎన్నికలను ప్రశాంత వాతావరణంలో నిర్వహించేందుకు అన్ని చర్యలు తీసుకున్నామన్నారు. జిల్లా ఎస్పీ మాట్లాడుతూ స్థానిక ఎన్నికలకు పటిష్ట భద్రతా ఏర్పాటు చేశామన్నారు. జాయింట్‌ కలెక్టర్‌ సంజనా శ్రీహర్ష, డీఆర్‌ఓ కె.అద్దెయ్య, జిల్లా పరిషత్‌ సీఈఓ దుర్గాప్రసాద్‌, జిల్లా పంచాయతీ అధికారి నాగేశ్వరనాయక్‌, నోడల్‌ అధికారులు పాల్గొన్నారు.

వినుకొండ: వినుకొండ మున్సిపల్‌ చైర్మన్‌ పీఠం కూటమి రాజకీయాల్లో తీవ్ర ఉద్రిక్తతకు దారితీసింది. మున్సిపల్‌ చైర్మన్‌ అభ్యర్థిగా షమీమ్‌ ఖాన్‌ పేరును టీడీపీ అధిష్టానం ఖరారు చేయడం స్థానికంగా పెద్ద కలకలమే రేపింది. ఈ నిర్ణయంపై ఆర్యవైశ్య సంఘం తీవ్ర అభ్యంతరం వ్యక్తం చేసింది. తొలుత చైర్మన్‌ పదవి ఆర్యవైశ్యులకు ఇస్తామని పలుమార్లు ఆత్మీయ సమావేశాలు ఏర్పాటు చేసిన ఎమ్మెల్యే జీవీ ఆంజనేయులు, చైర్మన్‌ ఎన్నికలు వచ్చే సమయానికి ఆర్యవైశ్య సంఘ ప్రముఖులైన రెడ్డి నగేష్‌, అమర్నాథ్‌, మోటమర్రి నరసింహారావు పేర్లు పరిశీలనలో ఉన్నాయని, వారికే చైర్మన్‌ పదవి ఇస్తామని చెప్పారు. దీంతో ఎన్నికలకు సర్వం సిద్ధం చేసుకున్న ఆ వర్గాలవారు తీరా నామినేషన్‌ వేసే సమయానికి ముస్లిం సామాజిక వర్గానికి చైర్మన్‌ సీటు కేటాయించడంతో ఒక్కసారిగా భగ్గుమన్నారు. ఎమ్మెల్యే తీరును తీవ్రంగా తప్పుపట్టారు. ఈక్రమంలో ఆదివారం పెద్ద సంఖ్యలో ఎమ్మెల్యే నివా సం వద్దకు చేరుకున్న ఆర్యవైశ్యులు, చైర్మన్‌ పదవిని తమ సామాజిక వర్గానికి కేటాయించాలని డిమాండ్‌ చేస్తూ ఆంజనేయులు ఇంటిని చుట్టుముట్టారు. తమ డిమాండ్‌ను పరిశీలించాలని కోరుతూ ఇంటి వద్దే నిరసనకు దిగారు. అయితే, ఎమ్మెల్యే జి.వి. ఆంజనేయులతో వారు జరిపిన చర్చలు ఎలాంటి సానుకూల ఫలితాన్ని ఇవ్వలేదు. అధిష్టానం నిర్ణయం మార్చుకునే అవకాశం లేదని ఆయన స్పష్టం చేయడంతో చర్చలు పూర్తిగా విఫలమయ్యాయి. టీడీపీ రెబెల్స్‌గా నామినేషన్లు.. చర్చలు విఫలమవడంతో ఆగ్రహించిన ఆర్యవైశ్య సంఘ నాయకులు కూటమి తీరుపై తిరుగుబావుటా ఎగురవేశారు. తమ పట్టును నిరూపించుకునేందుకు అధికార టీడీపీకి వ్యతిరేకంగా టీడీపీ రెబెల్స్‌గా నామినేషన్లు దాఖలు చేశారు. టీడీపీ రెబల్స్‌ రెడ్డి నగేష్‌ ఆయన సతీమణి రెడ్డి నాగ పద్మలు చైర్మన్‌ వార్డు కౌన్సిలర్‌ అభ్యర్థులుగా నామినేషన్‌ వేశారు. అలాగే అమర్నాథ్‌ కూడా రెబెల్‌గా నామినేషన్‌ దాఖలు చేశారు. అధికారిక అభ్యర్థి ప్రకటనతో వినుకొండ టీడీపీలో ప్రారంభమైన ఈ అంతర్గత కుమ్ములాటలు, ఆర్యవైశ్యుల తిరుగుబాటు ప్రస్తుతం స్థానిక రాజకీయ వర్గాల్లో తీవ్ర చర్చనీయాంశంగా మారింది. మున్సిపల్‌ చైర్మన్‌ ఎన్నికల్లో కీలకంగా ఉన్న ఆర్యవైశ్య వర్గీయులు రెబల్స్‌గా మారడం టీడీపీకి తలనొప్పిగా మారింది.

● స్థానిక ఎన్నికల వేళ పేట్రేగిన కూటమి నేతలు● వైఎస్సార్‌ సీపీ నేతలు, అభ్యర్థులకు బెదిరింపులుదాచేపల్లి: దాచేపల్లి నగర పంచాయతీ వైఎస్సార్‌ సీపీ చైర్మన్‌ డమ్మీ అభ్యర్థులుగా బరిలో ఉన్న షేక్‌ సుభాని, కొప్పుల రామకృష్ణలు ఎక్కడ ఉంటే పోలీసులు అక్కడికి వెళ్లి వేధింపులకు గురిచేశారు. వైఎస్సార్‌సీపీ తరఫున ఒక్కరు కూడా నామినేషన్‌ వేయడానికి వీల్లేదని కూటమి నేతల నుంచి ఒత్తిడి ఉండటంతో పోలీసులు ఆ దిశగా అడ్డుకున్నారు. వైఎస్సార్‌సీపీ వార్డు అభ్యర్థులు బొమ్మిరెడ్డి నరసింహారావు, మునగా శ్రీనివాసరావు, బత్తుల బయ్యన్న, వేల్పుల ధర్మదేవ్‌ తదితరులను అదుపులోకి తీసుకున్నారు. కొంతమంది ఊరు విడిచి ఇతర ప్రాంతాల్లో తలదాచుకున్నారు. బయట ఉన్న అభ్యర్థుల ఇళ్లకు వెళ్లి, వారు ఎక్కడ ఉన్నారో చెప్పాలంటూ బెదిరింపులకు దిగారు. దాచేపల్లి నగర పంచాయతీ వైఎస్సార్‌సీపీ చైర్మన్‌ అభ్యర్థి కొప్పుల రవికుమార్‌ ఇంటి పరిసరాలను ఆదివారం తెల్లవారుజాము నుంచే పోలీసులు తమ ఆధీనంలోకి తీసుకున్నారు. అటు వైపు ఎవరూ రాకుండా అడ్డుకున్నారు. రవికుమార్‌ తమ్ముడు రామకృష్ణ ఇల్లు వదిలి ఇతర ప్రాంతాల్లో తలదాచుకున్నారు. వైఎస్సార్‌సీపీ ముఖ్య నేతలు మందపాటి రమేష్‌రెడ్డి, బుర్రి విజయ్‌కుమార్‌రెడ్డి, మునగా పున్నారావు, కోట కృష్ణ, షేక్‌ జాకీర్‌హుస్సేన్‌ తదితర నేతలు కూడా ఇతర ప్రాంతాల్లో తలదాచుకున్నారు. ప్రత్యేక బలగాలతో పోలీసు కవాతు నిర్వహించారు. ఎక్కడికక్కడ చెక్‌పోస్టులు ఏర్పాటు చేసి తనిఖీలు చేపట్టారు. ఇనుప కంచెలు అడ్డుగా వేశారు. వైఎస్సార్‌ సీపీ నేతల నివాసాల్లో సోదాలు నిర్వహించారు. మాచవరం, కారంపూడి పోలీస్‌ స్టేషన్ల నుంచి అదనపు పోలీసు బలగాలను రప్పించారు.

మార్కాపురం టౌన్‌: జిల్లా కబడ్డీ అసోసియేషన్‌ 52వ రాష్ట్రస్థాయి జూనియర్‌ బాల బాలికల కబడ్డీ చాంపియన్‌షిప్‌ పోటీలు ఆదివారం పట్టణంలోని జిల్లా పరిషత్‌ ఉన్నత పాఠశాలలో హోరాహోరీగా ముగిశాయి. మూడు రోజులపాటు జరిగిన పోటీల్లో బాలుర విభాగంలో ఫైనల్‌లో పల్నాడు–విజయనగరం జట్లు తలపడగా పల్నాడు జట్టు విజేతగా నిలిచింది. మూడో స్థానంలో కర్నూలు, శ్రీకాకుళం జిల్లా జట్లు ఉమ్మడిగా నిలిచాయి. బాలికల విభాగంలో ఫైనల్‌లో ప్రకాశం–విశాఖపట్నం జిల్లాల జట్లు నువ్వా నేనా అన్నట్లు పోటీపడగా ప్రకాశం జిల్లా జట్టు విజేతగా నిలవగా, విశాఖపట్నం జిల్లా జట్టు రన్నరప్‌గా నిలిచాయి. శ్రీకాకుళం సత్యసాయి జిల్లా జట్లు ఉమ్మడిగా మూడవ స్థానంతో సరిపెట్టుకున్నాయి. చాంపియన్‌షిప్‌ పోటీలను రాష్ట్ర కబడ్డీ అసోసియేషన్‌ అధ్యక్ష, కార్యదర్శులు కేవీ ప్రభావతి, యలమంచిలి శ్రీకాంత్‌, రాష్ట్ర కబడ్డీ జట్టు సెలక్షన్‌ కమిటీ సభ్యుల పర్యవేక్షణలో ఎలాంటి అవాంతరాలు లేకుండా ఆహ్లాదకర వాతావరణంలో సజావుగా ముగిశాయి. ఈ క్రీడా పోటీల్లో ఆంధ్రప్రదేశ్‌ రాష్ట్రంలోని ఉమ్మడి 28 జిల్లాల బాల, బాలికల జట్లు పాల్గొన్నాయి. విజేతలకు అతిథుల చేతుల మీదుగా బహుమతులు ప్రదానం చేశారు. ప్రధానోపాధ్యాయుడు మునగాల చంద్రశేఖర్‌రెడ్డి ఆధ్వర్యంలో జరిగిన కార్యక్రమానికి బహుమతి ప్రదానోత్సవానికి మార్కాపురం జిల్లా విద్యాశాఖాధికారి సామా సుబ్బారావు, డివిజనల్‌ ఉప విద్యాశాఖ అధికారి పి.శ్రీనివాసులు, జాతీయ అవార్డు గ్రహీత టి.జగన్నాథ్‌, గ్రూప్‌ 1 అధికారి ఓ సుజిత్‌కుమార్‌రెడ్డి తదితరులు హాజరయ్యారు. పీఈటీలు కె.ఓబులేసు, తాళ్లపల్లి సత్యనారాయణ పాల్గొన్నారు.

పిడుగురాళ్ల/ మాచవరం: వైఎస్సార్‌సీపీ అభ్యర్థులను పోలీసులు అర్ధరాత్రి సమయంలో అదుపులోకి తీసుకున్నారు. మరికొంత మంది ఇతర ప్రాంతాలకు వెళ్లారు. నామినేషన్‌ కేంద్రాల వద్దకు అనుకూలమైన మీడియా వారు తప్ప మిగిలిన వారికి అనుమతి ఇవ్వలేదు. పోలీసుల బారికేడ్ల వద్ద కొంత మంది టీడీపీ కార్యకర్తలు ఉండి జర్నలిస్టులని చెప్పినా పంపించలేదు. పిడుగురాళ్ల పట్టణంలో తహసీల్దార్‌ కార్యాలయం వద్ద మున్సిపల్‌ కార్యాలయం, శివాలయం వద్ద ఎంపీపీ స్కూల్‌ నామినేషన్‌ కేంద్రాలుగా ఉన్నాయి. ఈ దారులన్నీ కూటమి నాయకులు, వారి అనుచరులతో నిండిపోయాయి. కమ్మ కల్యాణ మండపంలో వందల సంఖ్యలో కూటమి నాయకులు ఉండి నామినేషన్‌ కేంద్రాల వద్దకు వైఎస్సార్‌సీపీ వారు రాకుండా అడ్డుకున్నారు. రెండు కేంద్రాల వద్ద టీడీపీ నాయకులు టెంటులు వేయించి వంటలు కూడా వండి వడ్డించారు. చుట్టుపక్కల గ్రామాల నుంచి కూడా మూకలను తరలించారు. అధికారులకు సైతం ఇక్కడి నుంచే భోజనాలను టీడీపీ నాయకులు తీసుకెళ్లడం గమనార్హం.

వినుకొండ: వినుకొండలో అధికార తెలుగుదేశం పార్టీ ఏకపక్ష వైఖరి కూటమిలో చిచ్చు పెట్టింది. రాష్ట్రస్థాయిలో కూటమి సర్కార్‌ సాగుతున్నా.. క్షేత్రస్థాయిలో మాత్రం టీడీపీ నేతల ఒంటెత్తు పోకడలపై మిత్రపక్షం బీజేపీ తీవ్ర ఆగ్రహం వ్యక్తం చేస్తోంది. వినుకొండ ఎమ్మెల్యే జీవీ ఆంజనేయులు అనుసరిస్తున్న తీరును నిరసిస్తూ, కూటమి ధర్మాన్ని పక్కనపెట్టి బీజేపీ నాయకులు నేరుగా చైర్మన్‌ బరిలోకి దిగడం రాజకీయ వర్గాల్లో సంచలనంగా మారింది. స్థానిక పదవుల కేటాయింపులో టీడీపీ నాయకత్వం తమను విస్మరించడంపై రగిలిపోతున్న బీజేపీ శ్రేణులు తిరుగుబాటు బావుటా ఎగరవేశాయి. ఇందులో భాగంగా పల్నాడు జిల్లా లీగల్‌ సెల్‌ కో–కన్వీనర్‌, ప్రముఖ న్యాయవాది ఎం.వి.అప్పారావు మరియు బీజేపీ జిల్లా మాజీ కార్యదర్శి మేడం రమేష్‌లు చైర్మన్‌ అభ్యర్థులుగా రెబల్స్‌ నామినేషన్లు దాఖలు చేశారు. కేవలం వీరే కాకుండా, మరోవైపు ఆర్యవైశ్య వర్గాల నుంచి కూడా తీవ్రస్థాయిలో వ్యతిరేకత వ్యక్తమవుతుండటం, పలువురు బీజేపీ నేతలు స్వతంత్ర అభ్యర్థులుగా నామినేషన్లు వేయడం వినుకొండలో టీడీపీ ఆధిపత్య ధోరణికి అద్దం పడుతోంది.

సత్తెనపల్లి: పల్నాడు ముఖద్వారమైన సత్తెనపల్లి మున్సిపాలిటీలో మున్సిపల్‌ చైర్మన్‌, కౌన్సిలర్‌ స్థానాలకు పోటీ చేసేందుకు మొత్తం 256 నామినేషన్లు దాఖలయ్యాయి. చివరి రోజైన ఆదివారం పెద్ద సంఖ్యలో నామినేషన్లు వచ్చాయి. కొన్ని వార్డుల్లో అభ్యర్థులను ప్రకటించకముందే పలువురు ఆశావహులు నామినేషన్లు దాఖలు చేశారు. వైఎస్సార్‌సీపీ మున్సిపల్‌ చైర్మన్‌ అభ్యర్థిగా మాజీ మున్సిపల్‌ వైస్‌ చైర్మన్‌ షేక్‌ నాగూర్‌ మీరాన్‌, కూటమి మున్సిపల్‌ చైర్మన్‌ అభ్యర్థిగా మారెళ్ల రామాంజనేయులు అధికారికంగా నామినేషన్లు దాఖలు చేశారు. మరోవైపు పలువురు స్వతంత్ర అభ్యర్థులుగా పోటీ చేసేందుకు నామినేషన్లు వేశారు. ఆసక్తికరంగా 13, 14వ వార్డుల నుంచి మాజీ కౌన్సిలర్లు గుజ్జర్లపూడి మీనా, గుజ్జర్లపూడి సతీష్‌ దంపతులు వేర్వేరు వార్డుల్లో కౌన్సిలర్లుగా పోటీ చేసేందుకు నామినేషన్లు దాఖలు చేయడం గమనార్హం. కొందరు అభ్యర్థుల అభ్యర్థిత్వాలను చివరి నిమిషంలో ఖరారు చేయడంతో నో డ్యూస్‌ సర్టిఫికెట్లు, ఇతర పత్రాల కోసం ఉరుకులు పరుగులు పెట్టాల్సి వచ్చింది. మున్సిపాలిటీలో నామినేషన్ల దాఖలుకు గడువు ముగిసే మధ్యాహ్నం మూడు గంటల్లోపు నామినేషన్‌ కేంద్రాలకు చేరుకున్న వారికి టోకెన్లు ఇవ్వడంతో వారు వేచి ఉండాల్సి వచ్చింది. సత్తెనపల్లి మున్సిపాలిటీలో మూడు రోజుల్లో మొత్తం 256 నామినేషన్లు దాఖలయ్యాయి. మొదటి రోజు ఒక్క నామినేషన్‌ కూడా దాఖలు కాలేదు. రెండో రోజు చైర్మన్‌ అభ్యర్థి స్థానానికి ఒకటి, కౌన్సిలర్‌ స్థానాలకు 48 నామినేషన్లు దాఖలయ్యాయి. వైఎస్సార్‌ సీపీ నుంచి చైర్మన్‌ పదవికి 10, వార్డులకు 135 నామినేషన్లు దాఖలు అయ్యాయి. చివరి రోజైన ఆదివారం చైర్మన్‌ స్థానానికి 15, కౌన్సిలర్‌ స్థానాలకు 192 నామినేషన్లు దాఖలయ్యాయి. సోమవారం ఉదయం 11 గంటల నుంచి నామినేషన్లు పరిశీలించనున్నారు. కూటమి నేతలు ఎన్నికల నిబంధనలకు విరుద్ధంగా పట్టణంలో ర్యాలీ నిర్వహించారు. నామినేషన్‌ కేంద్రంలోకి అభ్యర్థితో పాటు ఇద్దరు ప్రతిపాదకులు మాత్రమే వెళ్లాల్సి ఉన్నప్పటికీ, ఎమ్మెల్యే కన్నా లక్ష్మీనారాయణ రావడంతో ఒక్కసారిగా కార్యకర్తలు తోసుకుంటూ నామినేషన్‌ కేంద్రంలోకి ప్రవేశించారు. పోలీసులు, అధికారులు ప్రేక్షకపాత్ర వహించారని విమర్శలు వ్యక్తమయ్యాయి.

పుర పోరులోసత్తెనపల్లి: జిల్లాలో మున్సిపల్‌, నగర పంచాయతీ ఎన్నికల్లో మహిళా ఓటర్లు అభ్యర్థుల భవితవ్యాన్ని తేల్చనున్నారు. గెలుపు, ఓటముల్లో కీలకం కానున్నారు. పురుషుల కంటే మహిళల ఓట్లు అధికంగా ఉండటమే ఇందుకు ప్రధాన కారణం. అన్ని చోట్ల మహిళలు ఓట్లు ఎక్కువగా ఉండటంతో వారి ఆశీస్సులకోసం నాయకులు ప్రయత్నాలు మొదలు పెట్టారు. జిల్లాలో నామినేషన్‌ దాఖలు సందర్భంగా నిర్వహించిన బలప్రదర్శనలోనూ కొందరు అభ్యర్థులు మహిళల మద్దతును కూడగట్టుకోవడం విశేషం. జిల్లాలో చిలకలూరిపేట, వినుకొండ, సత్తెనపల్లి, పిడుగురాళ్ల, మాచర్ల మున్సిపాలిటీలతో పాటు గురజాల, దాచేపల్లి నగర పంచాయతీల్లో 3,38,294 మంది ఓటర్లు ఉన్నారు. వీరిలో 1,76,796 మంది మహిళలు. 1,61,429 మంది పురుషులు. 69 మంది ఇతరులు ఉన్నారు. పురుషులకంటే మహిళలు 15,367 అధికంగా ఉన్నారు. ఎన్నికల నిర్వహించనున్న 5 మున్సిపాలిటీలు, 2 నగర పంచాయతీల్లో మహిళల ఓట్లు ఎక్కువగా ఉండటంతో వారు ఎటువైపు మొగ్గుచూపితే ఆ పార్టీ అభ్యర్థి గెలవడానికి అవకాశం ఉంది. పోలింగ్‌ సందర్భంలోనూ మహిళల ఓటింగ్‌ ఎక్కువ శాతం ఉండే అవకాశం ఉంది. దీంతో ఆ ఓట్లు రాబట్టుకుంటే తమ విజయం సునాయాసం అనే భావనలో అభ్యర్థులు ఉన్నారు. ప్రచారంలోనూ మహిళలకు ప్రాధాన్యం ఇస్తూ వారి మద్దతు కోసం ప్రయత్నిస్తున్నారు. మున్సిపాలిటీ వార్డులు బూత్‌లు పురుషులు మహిళలు ఇతరులు మొత్తం ఓటర్లు చిలకలూరిపేట 48 96 40,589 45,946 19 86,554 వినుకొండ 36 69 22,815 24,366 05 47,186 సత్తెనపల్లి 36 72 23,223 24,968 05 48,196 మాచర్ల 36 71 22,069 24,445 06 46,520 పిడుగురాళ్ల 40 68 26,364 28,575 16 54,955 గురజాల 23 69 10,746 11,936 02 22,684 దాచేపల్లి 28 54 15,623 16,560 16 32,199 మొత్తం 247 499 1,61,429 1,76,796 69 3,38,294

దాచేపల్లి: న్యాయస్థానం ఆదేశించడంతో దాచేపల్లి నగర పంచాయతీ వైఎస్సార్‌ సీపీ చైర్మన్‌ అభ్యర్థిగా కొప్పుల రవికుమార్‌ సోమవారం నామినేషన్‌ దాఖలు చేశారు. మాజీ ఎమ్మెల్యే కాసు మహేష్‌రెడ్డి సహకారంతో రవికుమార్‌ను చైర్మన్‌ అభ్యర్థిగా పార్టీ అధిష్ఠానం ప్రకటించింది. ఈ నెల 16వ తేదీన పోలీసులు రవికుమార్‌ అక్రమ మద్యం సీసాలు కలిగి ఉన్నారని ఆరోపిస్తూ అక్రమంగా అరెస్టు చేశారు. న్యాయస్థానాన్ని ఆశ్రయించడంతో నామినేషన్‌ దాఖలుకు అవకాశం కల్పించింది. దాచేపల్లి సీఐ షేక్‌ ఖాజావలి బందోబస్తు మధ్య రవికుమార్‌తో నామినేషన్‌ వేయించారు. తొలుత గురజాల సబ్‌జైలు నుంచి ప్రత్యేక వాహనంలో పోలీస్‌ ఎస్కార్ట్‌తో రవికుమార్‌ను దాచేపల్లి నగర పంచాయతీ కార్యాలయం వద్దకు తీసుకువచ్చారు. రవికుమార్‌ను బలపరుస్తూ షేక్‌ జాకీర్‌ హుస్సేన్‌, మందపాటి వీరారెడ్డి సంతకాలు చేశారు. అంతకుముందు నడికుడిలో జనం భారీగా గుమిగూడారని, వెళ్లడం ఇబ్బందికరమని సుమారు గంటసేపు రవికుమార్‌ను ఆపేశారు. రవికుమార్‌ ఆరోగ్యం బాగాలేకపోవడంతో గుంటూరుకు తరలిస్తున్నారనే పుకార్లను వ్యాప్తి చేశారు. నామినేషన్‌ కేంద్రం వద్ద కూడా అడ్డుకునేందుకు కూటమి నేతలు విశ్వప్రయత్నాలు చేశారు. వీడియో తీసిన పలువురి సెల్‌ఫోన్లను కూటమి నేతలు లాక్కొని, వాటిలోని వీడియోలను తొలగించారు. కోర్టు ఆదేశాలు దృష్ట్యా కూటమి నేతలను అక్కడి నుంచి పంపించేందుకు పోలీసులు తీవ్రంగా శ్రమించారు. కోర్టు ఆదేశాలతో వైఎస్సార్‌ సీపీ చైర్మన్‌ అభ్యర్థి కొప్పుల రవికుమార్‌ నామినేషన్‌

యడ్లపాడు: యడ్లపాడు గ్రామంలోని బ్రహ్మంగారి ఆలయంలో చోరీ జరిగింది. స్థానిక ఎర్రచెరువు వద్ద కొలువైన శ్రీ మద్విరాట్‌ పోతులూరి వీరబ్రహ్మేంద్రస్వామి ఆలయంలోని హుండీలోని నగదు గుర్తుతెలియని వ్యక్తులు అపహరించారు. పోలీసులు తెలిపిన వివరాల ప్రకారం..శనివారం అర్ధరాత్రి ఈ ఘటన చోటుచేసుకున్నట్లు స్థానికులు తెలిపారు. ఇటీవల కాలంలో హుండీ లెక్కింపు ప్రక్రియ జరిగిందని, ఆ తర్వాత ఈ చోరీ చేసినట్లు ఆలయ ధర్మకర్తలు పోలీసులకు ఫిర్యాదు చేసినట్లు ఎస్‌ఐ టి శివరామకృష్ణ తెలిపారు. కేసు నమోదు చేసి జిల్లా నుంచి క్లూస్‌టీంను పిలిపించి కీలక ఆధారాలను సేకరించినట్లు తెలిపారు. ఘటనకు సంబంధించిన పూర్తి వివరాలు పోలీసులు విచారణలో తెలియాల్సి ఉంది. చోరీకి పాల్పడిన వారిని గుర్తించి, ఇలాంటి ఘటనలు పునరావృతం కాకుండా చర్యలు తీసుకోవాలని భక్తులు కోరుతున్నారు. యడ్లపాడు: జాతీయ రహదారిపై గుర్తుతెలియని వాహనం రూపంలో ఓ వ్యక్తిని మృత్యువు కబళించింది. రహదారి దాటుతున్న మధ్యవయస్కుడిని వాహనం ఢీకొట్టి వెళ్లిపోవడంతో అతడు అక్కడికక్కడే మృతిచెందాడు. యడ్లపాడులోని సెయింట్‌ ఆన్స్‌ కళాశాల ఎదుట 16వ నంబరు జాతీయ రహదారిపై ఆదివారం రాత్రి ఈ ఘటన చోటుచేసుకుంది. ప్రమాద తీవ్రతకు మృతుడి శరీరం ఛిద్రమై, గుర్తుపట్టలేని స్థితికి చేరింది. పోలీసులు తెలిపిన వివరాల ప్రకారం.. ఆదివారం సాయంత్రం సుమారు 7 గంటల సమయంలో చిలకలూరిపేట నుంచి గుంటూరు వైపు వెళ్తున్న గుర్తుతెలియని వాహనం ఎక్స్‌ప్రెస్‌ రహదారి దాటుతున్న వ్యక్తిని ఢీకొట్టింది. ప్రమాదం జరిగినా వాహనాన్ని ఆపకుండా డ్రైవర్‌ వెళ్లిపోయాడు. సమాచారం అందుకున్న పోలీసులు ఘటనా స్థలానికి చేరుకుని మృతదేహాన్ని చిలకలూరిపేట ప్రభుత్వ ఆసుపత్రికి తరలించారు. మృతుడి వయస్సు సుమారు 45 నుంచి 50 ఏళ్ల మధ్య ఉంటుందని, నీలిరంగు గళ్ల చొక్కా, లుంగీ ధరించి ఉన్నాడని యడ్లపాడు ఎస్‌ఐ టి.శివరామకృష్ణ తెలిపారు. మోచేతులు, మోకాళ్లపై బొల్లి మచ్చలు ఉన్నట్లు గుర్తించామని పేర్కొన్నారు. విద్యుత్‌ స్తంభాన్ని ఢీకొని వ్యక్తి మృతి వేమూరు: స్కూటీపై అతి వేగంగా వెళుతూ కరెంట్‌ స్తంభాన్ని ఢీకొట్టి మృతి చెందిన ఘటన చోటు చేసుకుంది. స్థానికులు తెలిపిన వివరాలు... వేమూరు మండలం జంపని గ్రామానికి చెందిన షేక్‌ మున్నా, షేక్‌ ఖాజావలి స్కూటీపై వేమూరు నుంచి జంపని వెళుతున్నారు. జంపని షుగర్‌ ఫ్యాక్టరీ సమీపంలో సాయంత్రం 4 గంటలకు విద్యుత్‌ స్తంభాలను ఢీకొన్నారు. షేక్‌ మున్నా(30) అక్కడికక్కడే మృతి చెందాడు. షేక్‌ ఖాజావలికి తీవ్ర గాయాలయ్యా యి. 108 వాహనం ద్వారా తెనాలి ప్రభుత్వం వైద్యశాలకు తీసుకెళ్లారు. వైద్యులు వైద్య సేవలు అందిస్తున్నారు. మృతుడు మున్నాకు భార్య, ఇద్దరు పిల్లలు ఉన్నారని తెలిపారు.