Movie News

నాని హీరోగా వచ్చిన లేటేస్ట్ మూవీ ది ప్యారడైజ్. శ్రీకాంత్ ఓదెల డైరెక్షన్‌లో వచ్చిన ఈ చిత్రం బాక్సాఫీస్ వద్ద అంతగా మెప్పించలేకపోయింది. ఓ జాతి మనుగడ కోసం చేసే పోరాటం ఆధారంగా ఈ చిత్రాన్ని ప్రేక్షకుల ముందుకు తీసుకొచ్చారు. ఈ చిత్రంపై అభిమానుల్లో భారీ అంచనాలు ఉన్నప్పటికీ అనుకన్న స్థాయిలో కలెక్షన్స్ రాబట్టలేకపోయింది. దీంతో బాక్సాఫీస్ వద్ద ఆశించిన స్థాయిలో రాణించలేకపోయింది.ఈ నేపథ్యంలో ఈ మూవీ ఫలితం గురించి ప్రముఖ టాలీవుడ్ నిర్మాత తమ్మారెడ్డి భరద్వాజ మాట్లాడారు. ది ప్యారడైజ్ మూవీపై నెగెటివ్ ప్రచారం చేయడం ఎందుకని ఆయన ప్రశ్నించారు. సినిమా రిలీజైన మొదటి రోజు నుంచే ది ప్యారడైజ్‌పై నెగెటివ్ ప్రచారం చేశారని విమర్శించారు. ఈ మూవీ గురించి నెగెటివ్ రాయొద్దని చెప్పినవాళ్లే.. ఆ పని చేశారని తమ్మారెడ్డి ఆరోపించారు. తాజా ఇంటర్వ్యూలో ఆయన ఈ విధంగా స్పందించారు.

విజయ్‌ దేవరకొండ, రష్మిక జంటగా నటించిన లేటేస్ మూవీ రణబాలి. రాహుల్‌ సంకృత్యాన్‌ దర్శకత్వం వహించిన ఈ చిత్రం అక్టోబర్‌ 16న ప్రేక్షకుల ముందుకు వచ్చింది. తొలి రోజు ఈ మూవీకి మిక్స్‌డ్‌ టాక్‌ వచ్చింది. విజయ్‌, రష్మిక యాక్టింగ్‌, స్టోరీ బాగున్నప్పటికీ.. నిడివి, స్లోనెరేషన్‌ కొంత ఇబ్బందికరంగా మారాయని పలు వెబ్‌సైట్లు తమ రివ్యూల్లో పేర్కొన్నాయి. ఫలితంగా తొలి రోజు ఈ చిత్రం రూ. 16.15 కోట్ల గ్రాస్ వసూళ్లను రాబట్టింది.అయితే టాక్ ఎలా ఉన్నప్పటికీ రణబాలికి ఆదరణ కనిపిస్తోంది. ఈ సినిమా టికెట్స్ హాట్ కేకుల్లా బుకింగ్స్ అవుతున్నాయి. ఇదంతా చూస్తుంటే రణబాలి నెమ్మదిగా పుంజుకుంటున్నట్లు అర్థమవుతోంది. ఈ సినిమాకు బుక్‌మైషోలోనే మొత్తం 750కె టికెట్స్ సేల్ అయ్యాయి. దీంతో మొదటి వారంలోనే ఈ సంఖ్య 1 మిలియన్ దాటుతుందని నిర్మాతలు భావిస్తున్నారు. కాగా.. ఈ చిత్రంలో ది మమ్మీ ఫేమ్ ఆర్నాల్డ్ వోస్లూ విలన్ రోల్ పోషించారు. ఈ చిత్రంలో ఈశ్వరీ రావు, లాల్, వినోద్ సాగర్, మధు నందన్, కిషోర్ కుమార్ కీలక పాత్రల్లో కనిపించారు. ఈ చిత్రాన్ని మైత్రి మూవీ మేకర్స్ బ్యానర్‌లో నిర్మించారు.

ఈ ఏడాది దసరా బాక్సాఫీస్ వద్ద రెండు పెద్ద సినిమాలు పోటీ పడుతున్నాయి. ఒకటి రజినీకాంత్ హీరోగా వచ్చిన జైలర్-2 కాగా.. విజయ్ దేవరకొడం రణబాలి రెండోది. ఈ రెండు పెద్ద సినిమాలు కేవలం ఒక్క రోజు వ్యవధిలోనే రిలీజయ్యాయి. తొలిరోజే పాజిటివ్ టాక్ అందుకున్న జైలర్-2 వసూళ్ల పరంగా దూసుకెళ్తోంది. కేవలం మూడు రోజుల్లోనే రూ.300 కోట్లకు పైగా వసూళ్లు సాధించింది.మరోవైపు విజయ్ దేవవరకొండ-రష్మిక జంటగా వచ్చిన రణబాలి మాత్రం మొదటి రోజే మిక్స్‌డ్ టాక్ సొంతం చేసుకుంది. దీంతో వసూళ్లపరంగా బాక్సాఫీస్ వద్ద రాణించలేకపోతోంది. ఈ నేపథ్యంలోనే టాలీవుడ్‌లో ఆసక్తికర చర్చ మొదలైంది. జైలర్‌-2, రణబాలి చిత్రాల మధ్య ప్రధాన తేడా ఏంటనే విషయంపై చర్చించుకుంటున్నారు. ఈ రెండు సినిమాల్లో ఉన్న ప్లస్, మైనస్‌లు ఏంటేనేది ఆరా తీస్తున్నారు.అదే ప్రధాన తేడా..ఈ రెండు చిత్రాల కథ, కథనం పక్కనపెడితే ప్రధాన వ్యత్యాసం అదేనని అంటున్నారు. జైలర్-2 మూవీకి అనిరుధ్ రవిచందర్‌ బీజీఎం మరోస్థాయికి తీసుకెళ్లిందని చెబుతున్నారు. మరోసారి తన టాలెంట్‌తో మ్యాజిక్ చేశారని కొనియాడుతున్నారు. సోషల్ మీడియాలో అనిరుధ్ బీజీఎంపై ప్రశంసలు కురిపిస్తున్నారు.అయితే రణబాలి మూవీకి ఆ స్థాయిలో బీజీఎం లేకపోవడ పెద్ద మైనస్‌గా భావిస్తున్నారు. ఈ చిత్రంలో బలమైన కథాంశం, సన్నివేశాలు ఉన్నప్పటికీ థియేటర్‌లో ఆశించిన స్థాయి రాణించలేకపోయిందని అంటున్నారు. ముఖ్యంగా అజయ్-అతుల్ బీజీఎం తగిన స్థాయిలో వర్కవుట్ కాలేదని చెబుతున్నారు. బీజీఎం లోపం వల్లే కొన్ని సీన్స్‌కు హైప్ తీసుకురావడంలో తేలిపోయిందని అంటున్నారు. కథ, కథనం బాగానే ఉన్నప్పటికీ రణబాలిని బీజీఎం దెబ్బతీసిందని నెటిజన్స్ అభిప్రాయపడుతున్నారు. ఈ రెండు సినిమాలకు ఉన్న ప్రధాన తేడా అదేనని.. అందుకే జైలర్-2 దూసుకెళ్తంటే.. రణబాలి వెనకపడి పోయిందనే అభిప్రాయం వ్యక్తం చేస్తున్నారు. దీన్ని బట్టి చూస్తే సినిమాకు బీజీఎం ఎంత ముఖ్యమో అర్థమవుతోంది.

నాని హీరోగా వచ్చిన లేటేస్ట్ మూవీ ది ప్యారడైజ్. శ్రీకాంత్ ఓదెల డైరెక్షన్‌లో వచ్చిన ఈ చిత్రం బాక్సాఫీస్ వద్ద అంతగా మెప్పించలేకపోయింది. ఓ జాతి మనుగడ కోసం చేసే పోరాటం ఆధారంగా ఈ చిత్రాన్ని ప్రేక్షకుల ముందుకు తీసుకొచ్చారు. ఈ చిత్రంపై అభిమానుల్లో భారీ అంచనాలు ఉన్నప్పటికీ అనుకన్న స్థాయిలో కలెక్షన్స్ రాబట్టలేకపోయింది.తాజాగా ఈ మూవీ ఓటీటీ రిలీజ్‌ డేట్‌ అనౌన్స్ చేశారు మేకర్స్. ఈనెల 22 నుంచే నెట్‌ఫ్లిక్స్ వేదికగా స్ట్రీమింగ్ చేయనున్నట్లు ప్రకటించారు. తెలుగుతో పాటు తమిళం, కన్నడ, మలయాళం, హిందీ భాషల్లో అందుబాటులోకి రానుందని వెల్లడించారు. థియేటర్లలో రాణించలేని ఈ మూవీ ఓటీటీ ప్రియులను ఎంతమేరకు ఆకట్టుకుంటుందో తెలియాలంటే వేచి చూడాల్సిందే.ఈ సినిమా ఓటీటీలో థియేట్రికల్ వర్షన్ ఉంటుందా? లేదా అదనంగా ఇంకా ఏమైనా సీన్స్ యాడ్ చేస్తారా అనేది తెలియాల్సి ఉంది. ఈ విషయంలో అభిమానులు ఆసక్తిగా ఎదురుచూస్తున్నారు. కాగా.. ఈ చిత్రంలో కయాదు లోహర్ హీరోయిన్‌గా నటించగా.. మోహన్ బాబు విలన్ పాత్రలో కనిపించారు. ఈ మూవీలో సోనాలి కులకర్ణి, రాఘవ్ జుయల్ కీలక పాత్రల్లో మెప్పించారు. ఈ చిత్రాన్ని టాలీవుడ్ నిర్మాత సుధాకర్ చెరుకూరి నిర్మించగా.. అనిరుధ్ రవిచందర్ సంగీతమందించారు. Welcome to Jadal zamana ❤️‍🔥 https://t.co/YUttNN6mzx— Netflix India South (@Netflix_INSouth) October 18, 2026

రజినీకాంత్ హీరోగా వచ్చిన లేటేస్ట్ మూవీ జైలర్-2. గతంలో రిలీజైన జైలర్‌కు సీక్వెల్‌గా ఈ మూవీని తెరకెక్కించారు. నెల్సన్ దిలీప్ కుమార్ డైరెక్షన్‌లో వచ్చిన ఈ సినిమా బాక్సాఫీస్ వద్ద కాసుల వర్షం కురిపిస్తోంది. మొదటి రోజే వందకోట్లకు పైగా వసూళ్లు రాబట్టిన ఈ చిత్రం.. మూడు రోజుల్లోనే సరికొత్త రికార్డ్ సృష్టించింది. కేవలం త్రీ డేస్‌లోనే ప్రపంచవ్యాప్తంగా రూ. 300 కోట్ల వసూళ్లు దాటేసింది.ప్రముఖ ట్రేడ్ వెబ్‌సైట్ శాక్‌నిల్క్ ప్రకారం.. 'జైలర్- 2' శనివారం ఒక్క రోజే రూ.47.80 కోట్ల నికర వసూళ్లు రాబట్టింది. ప్రస్తుతం దేశవ్యాప్తంగా రూ.144.60 కోట్లకు పైగా నెట్ కలెక్షన్స్ రాగా.. రూ. 169.65 కోట్లకు పైగా గ్రాస్ సాధించింది. ఓవర్‌సీస్‌లో రూ.47.50 కోట్లకు పైగా నెట్‌ వసూళ్లు రాగా.. రూ.147.50 కోట్లకు పైగా గ్రాస్‌ కలెక్ట్ చేసింది. దీంతో ఈ చిత్రం ప్రపంచవ్యాప్తంగా మూడు రోజుల్లోనే రూ.317.15 కోట్లకు పైగా కలెక్షన్స్ వసూలు చేసింది. కాగా.. ఈ చిత్రంలో విద్యా బాలన్, శివ రాజ్‌కుమార్, మోహన్‌లాల్ కీలక పాత్రల్లో నటించారు.

కీర్తి సురేశ్ లీడ్‌ రోల్ చేసిన లేటేస్ట్ మూవీ డోరతి. ఈ చిత్రంలో రిషికాంత్‌, సనంత్‌ హీరోలుగా నటించారు. కార్తీక్‌ సుబ్బరాజ్‌ దర్శకత్వం వహించారు. ఈ మూవీని కుటుంబం, స్నేహం వంటి అంశాలను దాటి హిజ్రాల జీవన విధానంపై తెరకెక్కించారు. ఇటీవల రిలీజైన ఈ చిత్రంల బాక్సాఫీస్ వద్ద ఫర్వాలేదనిపించింది. తమిళంలో హిట్ కావడంతో వారం రోజుల గ్యాప్‌ తర్వాత ‍అక్టోబర్ 2న తెలుగులోనూ రిలీజ్ చేశారు. స్పిరిట్‌ మీడియా ద్వారా రానా దగ్గుబాటి తెలుగు ప్రేక్షకుల ముందుకు తీసుకొచ్చారు.అయితే అంతలోనే ఈ మూవీ ఓటీటీ స్ట్రీమింగ్ ప్రకటన వచ్చేసింది. ఈ చిత్రాన్ని అక్టోబర్ 23 నుంచే ఓటీటీలో స్ట్రీమింగ్ చేయనున్నట్లు ప్రకటించారు. ఈ విషయాన్ని నెట్‌ఫ్లిక్స్ అఫీషియల్‌గా ప్రకటించింది. తమిళంతో పాటు తెలుగు, కన్నడ, మలయాళ, హిందీ భాషల్లో స్ట్రీమింగ్ చేయనున్నారు. ఇంకెందుకు ఆలస్యం.. ఈ మూవీని థియేటర్లలో మిస్సయినవారు ఎంచక్కా ఓటీటీలో చూసి ఎంజాయ్ చేయండి.‘డోరతీ’ కథేంటంటే..ఈ సినిమా కథంతా 1995లో తమిళనాడులోని ఓ పల్లెటూరి నేపథ్యంలో సాగుతుంది. వేరు వేరు సామానిక నేపథ్యాలు ఉన్న సుబ్బు(సనంత్‌), కార్తి(రిషికాంత్‌) చిన్నప్పటి నుంచి ప్రాణ స్నేహితులు. సుబ్బ వాళ్ల అమ్మ చిన్నప్పుడే చనిపోతుంది. వాళ్ల నాన్న స్థానికంగా ప్రభావం ఉన్న గ్యాంగ్‌స్టర్. ఇద్దరు అన్నలు కూడా రౌడీయిజం, రాజకీయాలే చేస్తుంటారు. సుబ్బు, కార్తీ కూడా ఆ గ్యాంగ్‌లో చేరతారు. అయితే చిన్నప్పుడు పురుష అహంకారం చూపించే సుబ్బు..పెద్దయ్యాక మాత్రం పూర్తిగా మారిపోతాడు. గ్యాంగ్‌స్టర్‌ ప్యామిలీ సభ్యుడే అయినా.. రక్తం చూసినా వాంతులు చేసుకుంటాడు. హింసకు దూరంగా ఉంటూ..ఇంట్లోకి కొత్తగా వచ్చిన వదిన డోరతీ(కీర్తి సురేశ్‌)తో చక్కటి అనుబంధాన్ని ఏర్పరచుకుంటాడు. అయితే అనూహ్యంగా డోరతీ కన్నుమూస్తుంది. వదిన చావుకు తన తండ్రి, అన్నదమ్ములే కారణమని సుబ్బు భావిస్తాడు. ఆమె మరణం తర్వాత సుబ్బు ఓ కీలక నిర్ణయం తీసుకుంటాడు. అదేంటి? ఆ నిర్ణయం వల్ల సుబ్బు ఎదుర్కొన్న సమస్యలు ఏంటి? అసలు పెద్దయ్యాక సుబ్బులో వచ్చిన మార్పులు ఏంటి? ప్రాణ స్నేహితుడైన కార్తి.. సుబ్బుని చంపాలని ఎందుకు ప్రయత్నించాడు? చివరకు కార్తి, సుబ్బులు స్నేహం ఎలా ముగిసింది? అనేది తెలియాంటే సినిమా చూడాల్సిందే.

వెంకటేశ్-‍త్రివిక్రమ్ కాంబోలో తెరకెక్కించిన ఫ్యామిలీ ఎంటర్‌టైనర్ సినిమా 'ఆదర్శ కుటుంబం'. అక్టోబర్ 2న రావాల్సిన ఈ చిత్రం ఇప్పటికే రెండుసార్లు వాయిదా పడింది. దీంతో ఈ మూవీ ఎప్పుడు రిలీజవుతుందా అని అభిమానులు ఆసక్తిగా ఎదురు చూస్తున్నారు. రిలీజ్ డేట్ ఎప్పుడెప్పుడు ప్రకటిస్తారా అని ఆరా తీస్తున్నారు. ఈ నేపథ్యంలో నిర్మాత నాగవంశీ చేసిన కామెంట్స్ వైరల్‌గా మారాయి. ఆదర్శ కుటుంబం విడుదల తేదీ బాధ్యతలను వెంకటేశ్‌కే అప్పగించినట్లు తెలిపారు.వరుస వాయిదాలతో సతమతమవుతున్న ఈ సినిమా విడుదల తేదీపై నిర్మాత సూర్యదేవర నాగవంశీ పూర్తి క్లారిటీ ఇచ్చారు రజినీకాంత్ జైలర్ 2 ప్రెస్ మీట్‌లో ఆదర్శ కుటుంబం విడుదల గురించి మాట్లాడారు. ముందుగా అనుకున్నట్లుగానే అక్టోబర్ 30న థియేటర్లలోకి వస్తుందని పరోక్షంగా హింట్ ఇ‍చ్చారు. వరుస వాయిదాల పడడంతో తనపై తానే సెటైర్స్ వేసుకున్నారు.నాగవంశీ మాట్లాడుతూ..' గతంలో సినిమా వాయిదా వేసినప్పుడు అక్టోబర్ 30న వస్తున్నారా అని నన్ను మీడియా మిత్రులు అడిగారు. మీరు అనుకుంటున్న తేదీకే సినిమా రావడం ఖాయం.. కానీ ఈసారి తేదీని నేను అధికారికంగా ప్రకటించను. ఇప్పటికే రెండుసార్లు వాయిదా పడింది. మళ్లీ వాయిదా పడితే ఇక నన్ను జనాలు నమ్మరు. పైగా తంతారేమో" అంటూ ఆయన సరదా కామెంట్స్ చేశారు. వెంకటేశ్ హైదరాబాద్‌ రాగానే ట్రైలర్ లాంఛ్ ఈవెంట్‌ నిర్వహిస్తామని నాగవంశీ వివరించారు. వేదికపైనే వెంకటేశ్‌ రిలీజ్ తేదీని అధికారికంగా ప్రకటిస్తారని స్పష్టం చేశారు. ఈ ప్రకటనలో ఆదర్శ కుటుంబం మరోసారి వాయిదా పడదనే విషయం స్పష్టంగా అర్థమవుతోంది.

ఉత్తరాంధ్రలో బుర్రకథలతో చాలా గుర్తింపు తెచ్చుకున్న గరివిడి లక్ష‍్మి జీవితం ఆధారంగా తెరకెక్కించిన మూవీ'గరివిడి లక్ష్మి '. పీపుల్స్ మీడియా నిర్మాణంలో వచ్చిన ఈ మూవీ అక్టోబర్ 17న థియేటర్లలో రిలీజైంది. ఈ చిత్రంలో ఆనంది కీలక పాత్రలో నటించారు. ఆనందితో పాటు రాగ్ మయూర్, నరేష్, శరణ్య ప్రదీప్, రాశి తదితరులు కీలక పాత్రలు చేశారు. 90స్ లో ఏకంగా 10 వేలకు పైగా ప్రోగ్రామ్స్ చేసి గుర్తింపు తెచ్చుకున్న గరివిడి లక్ష‍్మి జీవిత కథ ఈ సినిమా.ఈ మూవీ రిలీజ్ తర్వాత సక్సెస్ మీట్ నిర్వహించారు మేకర్స్. ఈ ఈవెంట్‌కు రియల్ గరివిడి లక్ష్మీ అద్భుతమైన ఫర్మామెన్స్ ఇచ్చారు. పాటలు పాడుతూ వేదికపై అందరినీ అలరించారు. తన పాటలతో అక్కడున్న మంత్ర ముగ్ధుల్ని చేశారు. దీనికి సంబంధించిన వీడియోను నిర్మాణ సంస్థ పీపుల్ మీడియా ఫ్యాక్టరీ సోషల్ మీడియాలో షేర్ చేసింది. గరివిడి లక్ష్మి గారి పాటా 🤩🎶 A Joyful Musical Moment with #GarividiLakshmi Garu at the Success Press Meet ❤️❤️❤️ Book your tickets now! 🎟️ https://t.co/pCZrhVy8I1 @peoplemediafcy @vishwaprasadtg #KrithiPrasad @anandhiactress @smayurk @gowrinaidujammu @CharanArjunwave @ItsActorNaresh @AnkithKoyyaLive @sujithkolli #Raasi @Ananyabhat14 #SharanyaPradeep @kishorepolimera @BonguSathi @tseriessouth @shreyasgroup— People Media Factory (@peoplemediafcy) October 17, 2026

‘‘జైలర్‌ 2’ సినిమా తెలుగు డిస్ట్రిబ్యూషన్ హక్కులను మేం భారీ రేటుకు తీసుకున్నామని చాలామంది భయపడ్డారు. ఆంధ్రా ఏరియాస్‌లో కొంత రిస్క్ అని మాకూ అనిపించింది. కానీ అక్టోబరు 15న సాయంత్రం షోస్‌కి వచ్చిన వసూళ్లు చూశాక కమిషన్‌ వస్తుందని డిస్ట్రిబ్యూటర్స్‌ చెప్పారు. రజనీకాంత్, నెల్సన్, అనిరుద్‌గార్లను నమ్మి, ‘జైలర్‌ 2’ విషయంలో రిస్క్‌ చేశాం. మా నమ్మకం నిజమైంది’’ అని నిర్మాత, డిస్ట్రిబ్యూటర్‌ నాగవంశీ చెప్పారు. రజనీకాంత్‌ హీరోగా నెల్సన్‌ దిలీప్‌కుమార్‌ దర్శకత్వంలో ‘జైలర్‌’కు సీక్వెల్‌గా రూపొందిన సినిమా ‘జైలర్‌ 2’. ఈ చిత్రం అక్టోబరు 15న విడుదలైంది. తెలుగు రాష్ట్రాల్లో సూర్యదేవర నాగవంశీ పంపిణీ చేశారు. ఈ సందర్భంగా శనివారం జరిగిన సమావేశంలో నాగవంశీ మాట్లాడుతూ– ‘‘మా బ్యానర్‌లో నెల్సన్‌గారితో ఒక సినిమా ఉంది. అది ఎన్టీఆర్‌గారితోనే అన్న విషయం నిర్మాతగా నేను చెప్పడం కంటే ఎన్టీఆర్‌గారే చెబితే బాగుంటుంది’’ అని తెలిపారు. ‘‘సితార ఎంటర్‌టైన్‌మెంట్స్‌ సంస్థ ‘జైలర్‌ 2’ డిస్ట్రిబ్యూషన్‌ హక్కులను మాకు ఇవ్వడం సంతోషంగా ఉంది. మా మైత్రీ నిర్మాణంలోని ‘రణబాలి’ చిత్రం కూడా వచ్చింది. ‘గరివిడి లక్ష్మీ’ సినిమాను నైజాంలో మేమే డిస్ట్రిబ్యూట్‌ చేశాం’’ అని మైత్రీ డిస్ట్రిబ్యూటర్‌ శశి అన్నారు.

‘అల్లరి’ నరేశ్, కాజల్‌ చౌదరి హీరో హీరోయిన్లుగా ప్రదీప్‌ మద్దాలి దర్శకత్వంలో రూపొందుతున్న సినిమా ‘కనకదుర్గ’. అనన్య బిర్లా, ప్రీతి షహానీ, అజిత్‌ ఠాకూర్, బీవీఎస్‌ రవి ఈ సినిమాను నిర్మిస్తున్నారు. దేవి నవరాత్రుల సందర్భంగా ఈ సినిమాలోని ‘‘అమ్మా... కనకదుర్గా... మమ్ము కాచే తల్లి కనకదుర్గ...’ పాట లిరికల్‌ వీడియోను శనివారం విడుదల చేశారు. ‘‘లోకాలనేలేటి మాయమ్మ దుర్గమ్మ చిత్తమున నిన్ను నిలుపించినామమ్మా.., కష్టాలు నష్టాలు తొలగించి మాయమ్మ ఇంద్ర కీలమున నిలిచి ఉన్నావమ్మా...’ వంటి లిరిక్స్‌తో ఈ పాట సాగుతుంది. సంగీత దర్శకుడు తమన్‌ స్వరకల్పనలో ఈ పాటకు భాస్కరభట్ల, సిరాశ్రీ సాహిత్యం అందించారు.

సంగీత దర్శకుడు ఇళయరాజా ఇప్పుడు కోట్లాది మంది సంగీత ప్రియుల గుండెల్లో సంగీత వీణను మీటే ఆరాధ్యుడు అనే చెప్పాలి. రాజ్యసభ సభ్యుడిగా బాధ్యతలు నిర్వహిస్తున్న ఈయన ఆర్థికంగా బాగా బలపడ్డారన్నది ప్రత్యేకంగా చెప్పాల్సిన అవసరం ఉండదు. ఈ సంగీత జ్ఞాని ఆరంభ జీవితం గురించి చాలా మందికి తెలియదు. ముఖ్యంగా జెన్‌ జీ తరానికి తెలిసే అవకాశమే లేదు. కడు పేదరికంంలో పెరిగారు ఆయన. హార్మోణి పెట్టే భుజాన వేసుకుని గ్రామాల్లో పాటలు పాడుకుంటూ పొట్టబోసుకున్నారు. చైన్నెకి చేరుకున్న తర్వాత కూడా గుప్పెడు కడుపు నింపుకోవడానికి పలుపాట్లు పడ్డారు. ఈ విషయాన్ని స్వయంగా ఇళయరాజా వెల్లడించారు. ఆయన శుక్రవారం మీడియాకు విడుదల చేసిన ఒక వీడియోలో ఆసక్తికరమైన విషయాలను పేర్కొన్నారు.‘‘నేను చైన్నెకి వచ్చిన 1958 ప్రాంతంలో నవరాత్రి ఉత్సవాల సమయంలో తినడానికి కూడా కష్టపడ్డాం. నేను, భాస్కర్‌ (సోదరుడు), దర్శకుడు భారతీరాజా మూడు రాత్రులు పస్తులు ఉన్నాం. అలాంటి సమయంలో స్థానిక వడపళనిలోని ఆలయం ఎదురుగా దుకాణాల్లో పూజులు చేసి అటుకులు, మరమరాలు, పప్పు బెల్లాలు పంచేవారు. నేను, భాస్కర్‌, భారతీరాజా ప్రతి దుకాణం ముందు వరుసలో నిలబడి వాటిని తీసుకెళ్లి రూమ్‌లో ఒక పేపర్‌పై వేసి తింటూ రోజులు గడిపాం. ఆ తర్వాత ఈ విషయాన్ని నా భార్యకు చెప్పాను. ఆమె నవరాత్రుల సమయాల్లో పలువురిని పిలిచి పులిహోర, పెరుగు అన్నం పొట్లాలను పంచుతూ వచ్చారు. ఆ తర్వాత పలువురు సంగీత కచ్చేరిలను నిర్వహించినప్పుడు సంగీత కళాకారులకు భోజనాలు పెట్టడం ఆనవాయితీగా మారింది. దీన్ని ప్రచారం చేసుకోవాలని కాదు గానీ నవరాత్రి ఉత్సవాల సందర్భంగా ఎవరూ పస్తులు ఉండకూడదు అనే అలా చేసేవాళ్లం’’ అని ఇళయరాజా పేర్కొన్నారు.

ఒకే అబ్బాయిని ఇద్దరు అమ్మాయిలు అమితంగా ప్రేమిస్తే, ఆ అబ్బాయి పరిస్థితి ఏంటి? అనే కథాంశంతో హిందీలో ఓ సినిమా తెరకెక్కుతోంది. ఈ చిత్రంలో సిద్ధార్థ్‌ గుత్తా, జాన్వీ కపూర్, శ్రీలీల లీడ్‌ రోల్స్‌లో నటిస్తున్నారు. ఉమేష్‌ బిస్ట్‌ దర్శకత్వం వహిస్తున్న ఈ ట్రయాంగిల్‌ లవ్‌స్టోరీ చిత్రీకరణ ఉత్తరాఖండ్‌లోని నైనిటాల్‌లో ప్రారంభమైంది. ఏక్తా కపూర్, గునీత్‌ మోంగా నిర్మిస్తున్న ఈ సినిమా వచ్చే ఏడాది విడుదల కానుంది.

వెండితెరపై ప్రఖ్యాత గాయని ఎమ్మెస్‌ సుబ్బులక్ష్మిగా తాను నటించే అవకాశాన్ని కోల్పోవడం తనను చాలా నిరుత్సాహపరిచిందని విద్యాబాలన్‌ తెలిపారు. ఎమ్మెస్‌ సుబ్బులక్ష్మిగా కనిపించేలా విద్యాబాలన్‌ రెండేళ్ల క్రితం ఓ ఫోటోషూట్‌ చేయించుకున్నారు. ఎమ్మెస్‌ సుబ్బులక్ష్మి 108వ జయంతి సందర్భంగా ఆ ఫోటోలను సోషల్‌ మీడియా మాధ్యమాల వేదికగా ఆమె షేర్‌ చేశారు కూడా. దీంతో ఎమ్మెస్‌ సుబ్బులక్ష్మిగా విద్యాబాలన్‌ నటించనున్నారనే వార్తలు ప్రచారంలోకి వచ్చాయి. తాజాగా ఈ ఫోటో షూట్‌ వెనక ఉన్న ఆసక్తకరమైన విషయాలను విద్యా బాలన్‌ ఓ ఆంగ్ల మీడియాకు ఇచ్చిన ఇంటర్వ్యూలో తెలిపారు. ‘‘చిన్నప్పట్నుంచి ఎమ్మెస్‌ సుబ్బులక్ష్మిగారు అంటే నాకు చాలా ఇష్టం. మా ఇంట్లో ఆమె సుప్రభాతంతో ఆ రోజు మొదలవుతుంది. ఆమె గురించి నాకు కొన్ని విషయాలు కూడా తెలుసు. 2012–2014 మధ్య కాలంలో ఎమ్మెస్‌ సుబ్బులక్ష్మిగారి జీవితంపై రాజీవ్‌ మీనన్‌ (సినిమాటోగ్రాఫర్‌–దర్శకుడు) ఓ స్క్రిప్ట్‌ సిద్ధం చేశారు. కానీ మాకు అనుమతులు లభించని కారణంగా ఈ చిత్రం చేయడానికి మాకు సాధ్యపడలేదు. ఆ అవకాశాన్ని కోల్పోవడం అనేది నా హృదయాన్ని ముక్కలు చేసింది. చాలా నిరుత్సాహపడ్డాను. ఇదే విషయాన్ని మా కాస్ట్యూమ్‌ డిజైనర్‌ అను పార్థసారథికి చెప్పాను. ఓ రోజు అను ఓ కొత్త ఆలోచనతో నా దగ్గరకు వచ్చింది. ఎమ్మెస్‌ సుబ్బులక్ష్మిలా మనం ఫొటోషూట్‌ చేద్దామని చెప్పింది. నేను సరే అన్నాను. అలా ఆ ఫొటోషూట్‌ చేశాం. ఎమ్మెస్‌ సుబ్బులక్ష్మి 108వ జయంతి సందర్భంగా ఆమెకు నివాళిగా ఈ ఫోటోలను రిలీజ్‌ చేస్తే, మంచి స్పందన లభించింది. ఎమ్మెస్‌ సుబ్బులక్ష్మిగారిలా నటిస్తారా? అంటూ నాకు ఏడు అవకాశాలు వచ్చాయి. మీ దగ్గర సరైన అనుమతులు ఉంటేనే నన్ను సంప్రదించండి అని వారితో చెప్పాను’’ అని తెలిపారు విద్యా బాలన్‌. ఈ సంగతి ఇలా ఉంచితే... ఎమ్మెస్‌ సుబ్బులక్ష్మి జీవితం ఆధారంగా ‘ఎమ్మెస్‌: ఏ లెగసీ ఆన్‌ స్క్రీన్‌’ అనే బయోపిక్‌ రూ΄÷ందుతోంది. ఈ చిత్రంలో ఎమ్మెస్‌ సుబ్బులక్ష్మిగా హీరోయిన్‌ రష్మికా మందన్నా నటిస్తుండగా, ఈ చిత్రానికి గౌతమ్‌ తిన్ననూరి దర్శకత్వం వహిస్తున్నారు.

‘‘కోన వెంకట్‌గారు నిర్మాత కాకుంటే ‘కామ్రేడ్‌ కళ్యాణ్‌’ సినిమా సెన్సాన్‌ ఇబ్బందుల్లో పడి ఉండేది, రిలీజ్‌ అయ్యుండేది కాదు. చాలా దుర్మార్గం ఇది. ‘బస్తర్‌’, ది కశ్మీర్‌ ఫైల్స్‌’ సినిమాలను ఎందుకు సెన్సార్‌ చేశారు? ఎందుకు రిలీజ్‌ చేశారు? ‘కామ్రేడ్‌ కళ్యాణ్‌’ ప్రభుత్వానికి వ్యతిరేకంగా తీసిన మూవీ కాదు. పోలీసులకూ వ్యతిరేకం కాదు. కేవలం బ్యాక్‌డ్రాప్‌ మాత్రమే నక్సల్‌ బరీ మూమెంట్‌. నక్సలైట్లు ఏం పాపం చేశారు? వాళ్లు కూడా ఈ మట్టిలో పుట్టిన బిడ్డలే. వారు కూడా భారతీయ పౌరులే. ఈ సినిమా తీసిన దర్శక–నిర్మాతలు కానీ, మేము కానీ నక్సలైట్లు కాదు.. మేము సినిమా తల్లి బిడ్డలం’’ అని ప్రముఖ నటుడు, దర్శక–నిర్మాత ఆర్‌. నారాయణమూర్తి తెలిపారు. శ్రీ విష్ణు హీరోగా నటించిన చిత్రం ‘కామ్రేడ్‌ కళ్యాణ్‌’. జానకిరామ్‌ మారెళ్ల దర్శకత్వంలో కోన వెంకట్‌ సమర్పణలో వెంకటకృష్ణ కర్నాటి, సీత కర్నాటి నిర్మించిన ఈ సినిమా ఈ నెల 9న విడుదలయింది. శుక్రవారం నిర్వహించిన ‘దసరా ఫన్‌ డగ బ్లాక్‌ బస్టర్‌ మీట్‌’ కి ఆర్‌. నారాయణ మూర్తి, డైరెక్టర్స్‌ హరీష్‌ శంకర్, వీఎన్‌ ఆదిత్య అతిథులుగా హాజరయ్యారు. ఆర్‌. నారాయణ మూర్తి మాట్లాడుతూ–‘‘సెన్సార్‌ ఇబ్బందులు పెడితే సాధారణ నిర్మాత ఏం అయి పోవాలి? కోట్లతో పని. భావ ప్రకటన స్వేచ్ఛకు విఘాతం కల్పించొద్దు’’ అని పేర్కొన్నారు. ‘‘ఈ సినిమాను శ్రీవిష్ణు బాగా ప్రమోట్‌ చేశారు’’ అన్నారు కోన వెంకట్‌. ‘‘మా సినిమాకి ప్రేక్షకులు రూ. 30 కోట్ల రివార్డు ఇచ్చారు’’ అన్నారు వెంకట కృష్ణ కర్నాటి. ‘‘కామ్రేడ్‌ కళ్యాణ్‌’ నాకు గుర్తుండి పోతుంది’’ అని జానకిరామ్‌ మారెళ్ల తెలిపారు. రైటర్స్‌ బీవీఎస్‌ రవి, నందు, భాను, పాటల రచయిత భాస్కరభట్ల మాట్లాడారు.

ఐకాన్ స్టార్ అల్లు అర్జున్ ప్రస్తుతం రాకా మూవీతో పుల్ బిజీగా ఉన్నారు. అట్లీ డైరెక్షన్‌లో వస్తోన్న ఈ చిత్రంపై అభిమానుల్లో భారీ అంచనాలు నెలకొన్నాయి. ఇప్పటికే రిలీజైన పోస్టర్స్ చూస్తే ఈ మూవీ వేరే లెవెల్లో ఉంటుందని అర్థమవుతోంది. ఈ చిత్రంలో బన్నీ సరసన బాలీవుడ్ భామ దీపికా పదుకొణె హీరోయిన్‌గా కనిపించనుంది. ఈ మూవీ షూటింగ్ ప్రస్తుతం శరవేగంగా జరుగుతోంది.ఇక సినిమాల సంగతి పక్కనపెడితే బన్నీ పర్సనల్‌ లైఫ్ విషయానికొస్తే.. ఇండస్ట్రీతో సంబంధం లేని స్నేహరెడ్డిని ఆయన పెళ్లాడారు. బిజినెస్‌మెన్ కంచర్ల చంద్రశేఖర్ రెడ్డి కుమార్తె అయిన స్నేహరెడ్డిని ఆయన వివాహం చేసుకున్నారు. ఇండస్ట్రీలో లేకపోయినప్పటికీ స్నేహాతో అల్లు అర్జున్‌కు ఎలా పరిచయమైందనే విషయాన్ని తాజా ఇంటర్వ్యూలో మామ చంద్రశేఖర్ రివీల్ చేశారు. ఓ పెళ్లి వేడుకలో వాళ్లద్దరికీ పరిచయం ఏర్పడిందని అన్నారు.అంతేకాకుండా తన కూతురు స్నేహరెడ్డి ఎడ్యుకేషన్ గురించి ఆయన మాట్లాడారు. తన చిన్న కూతురైన స్నేహరెడ్డి న్యూయార్క్ యూనివర్సిటీలో ఎంఎస్(ఇంజినీరింగ్) పూర్తి చేసిందని చంద్రశేఖర్ రెడ్డి తెలిపారు. పెద్ద కూతురు సైతం లండన్‌లో ఎంఎస్‌ కంప్లీట్ అయిందన్నారు. తన కూతుర్లకు ఎప్పుడు తన బిజినెస్‌ బాధ్యతలు అప్పగించలేదని ఆయన వెల్లడించారు.

సూపర్ స్టార్ రజినీకాంత్ హీరోగా వచ్చిన లేటేస్ట్ యాక్షన్‌ మూవీ జైలర్-2. గతంలో రిలీజైన జైలర్‌కు సీక్వెల్‌గా ఈ మూవీని ప్రేక్షకుల ముందుకు తీసుకొచ్చారు. నెల్సన్ దిలీప్‌ కుమార్ ఈ మూవీకి దర్శకత్వం వహించారు. దసరా కానుకగా ఈనెల 15న థియేటర్లలోకి వచ్చిన ఈ మూవీ బాక్సాఫీస్ వద్ద సందడి చేస్తోంది. తొలిరోజే పాజిటివ్ టాక్ రావడంతో వసూళ్లపరంగా దూసుకెళ్తోంది.తొలిరోజే ఈ సీక్వెల్ కళ్లు చెదిరే ఓపెనింగ్స్ రాబట్టింది. చిత్రం విడుదలైన మొదటి రోజే ప్రపంచవ్యాప్తంగా సుమారు రూ. 125.25 కోట్లు వసూలు చేసింది. ఈ విషయాన్ని ప్రముఖ ట్రేడ్ సైట్ శాక్‌నిల్క్ వెల్లడించింది. దేశవ్యాప్తంగా చూస్తే రూ.70.25 కోట్ల గ్రాస్‌తో పాటు రూ.59.70 కోట్ల నెట్ వసూళ్లు సాధించింది. ఓవర్‌సీస్‌లో ఏకంగా రూ.55 కోట్లకు పైగా కలెక్షన్స్ రాబట్టింది. ఈ సినిమా విడుదలైన మొదటి రోజున అన్ని భాషలలో కలిపి 55.4 శాతం ఆక్యుపెన్సీని నమోదు చేసింది. దేశీయ వసూళ్లలో తమిళ వర్షన్ అగ్రస్థానంలో నిలవగా.. ఆ తర్వాత తెలుగు, హిందీ వర్షన్లు నిలిచాయి. కన్నడ వర్షన్‌లో మాత్రం అంతంత మాత్రంగానే ఉంది. దేశీయ వసూళ్లలో తమిళ వర్షన్ రూ.43.35 కోట్లు, తెలుగు వర్షన్ రూ.12.50 కోట్లు, హిందీ వర్షన్ రూ.3.50 కోట్లు వసూలు చేశాయి. కన్నడ వర్షన్ రూ.35 లక్షల నెట్ వసూళ్లు మాత్రమే రాబట్టిందికాగా.. ఈ చిత్రానికి నెల్సన్ దిలీప్‌కుమార్ దర్శకత్వం వహించారు. ఈ మూవీని సన్ పిక్చర్స్ బ్యానర్‌పై కలానిధి మారన్ నిర్మించారు. రజనీకాంత్ టైగర్ ముత్తువేల్ పాండియన్ పాత్రలో తిరిగి నటించగా.. రమ్య కృష్ణన్, యోగి బాబు, మీర్నా, ఎస్.జె. సూర్య, మిథున్ చక్రవర్తి, విద్యా బాలన్, సూరజ్ వెంజరమూడు కీలక పాత్రల్లో మెప్పించారు. అంతేకాకుండా మోహన్‌లాల్, శివ రాజ్‌కుమార్, జాకీ ష్రాఫ్, హృతిక్ రోషన్ ప్రత్యేక పాత్రల్లో కనిపించారు. ఈ సినిమాకు అనిరుధ్ రవిచందర్ సంగీతం అందించగా.. విజయ్ కార్తీక్ కన్నన్ సినిమాటోగ్రాఫర్‌గా పనిచేశారు.

ఓటీటీల్లో క్రైమ్ థ్రిల్లర్‌ సినిమాలకు ఫుల్ డిమాండ్ ఉంటోంది. అందుకే అదే జోనర్‌లో ఎక్కువగా సినిమాలు వస్తుంటాయి. ముఖ్యంగా దక్షిణాదిలో మలయాళంతో పాటు తమిళంలోనూ ఇలాంటివీ ఎక్కువగా రిలీజ్ అవుతుంటాయి. ఇటీవలే టాలీవుడ్ సీనియర్ నటి రోజా కీలక పాత్రలో కనిపించిన క్రైమ్ థ్రిల్లర్ మూవీ లెనిన్ పాండియన్. ఆమె నటించిన ఈ సినిమా సెప్టెంబర్ 24న థియేటర్లలో రిలీజైంది. బాక్సాఫీస్ వద్ద ఆడియన్స్‌ ఆదరణ దక్కించుకుంది.తాజాగా ఈ సినిమా నెల రోజులు తిరక్కుండానే ఓటీటీకి వచ్చేసింది. అమెజాన్ ప్రైమ్ వేదికగా స్ట్రీమింగ్ అవుతోంది. ఈ మూవీ స్ట్రీమింగ్‌పై ఎలాంటి ప్రకటన లేకుండానే ఓటీటీలో సందడి చేస్తోంది. థియేటర్లలో మిస్సయినవారు ఈ చిత్రాన్ని ఓటీటీలో చూసేయండి. ఈ సినిమా ఇసుక మాఫియా, ఓ సాధారణ పోలీస్ కానిస్టేబుల్, ఓ రైతు చుట్టూ తిరిగే కథాంశంగా తెరకెక్కించారు.ఈ చిత్రానికి డీడీ బాలచంద్రన్ దర్శకత్వం వహించారు. పోలీస్ వ్యవస్థలో జరిగే అణచివేత, అధికారాన్ని అడ్డుపెట్టుకుని చేసే అరాచకాలు, సామాన్యుల జీవితాలపై జరిగే దోపిడీని కళ్లకు కట్టినట్లు చూపించారు. చట్టాన్ని రక్షించాల్సిన వ్యవస్థే కొందరి చేతుల్లో కీలుబొమ్మగా ఎలా మారుతుందనే అంశాన్ని ఈ సినిమా కథాంశంగా ప్రేక్షకుల ముందుకు తీసుకొచ్చారు.

తమిళనాడు దివంగత ముఖ్యమంత్రి జయలలిత పాత్రపై కోలీవుడ్‌లో ఆసక్తికరమైన చర్చ సాగుతోంది. ఆమె రోల్‌కు స్టార్ హీరోయిన్ త్రిషను ఎంపిక చేశారని టాక్. తమిళం, తెలుగు భాషల్లో స్టార్‌ హీరోయిన్‌గా కొనసాగిన త్రిష ప్రస్తుతం సినిమాలు పెద్దగా చేయట్లేదు. విజయ్ సీఎం అయ్యాక మళ్లీ వార్తల్లో నిలిచింది. త్రిష తమిళంతో పాటు తెలుగు, కన్నడం, మలయాళం చిత్రాల్లోనూ నటించారు. అదే విధంగా చాలా కాలం క్రితమే కట్టా మిఠా అనే హిందీ చిత్రంలోనూ నటించారు. ఆ విధంగా త్రిష పాన్‌ ఇండియా స్థాయిలో పేరు గాంచారు.ఈమెపై వ్యక్తిగతంగా, రాజకీయ పరంగా రకరకాల ప్రచారం జరుగుతున్నా.. ఈ ఏడాది విడుదలైన కరుప్పు చిత్రంతో మంచి హిట్‌ను తన ఖాతాలో వేసుకున్నారు. కొత్త చిత్రంలో నటించడానికి సిద్ధం అవుతున్నట్లు ప్రచారం జరుగుతున్నప్పటికీ అధికారికంగా ఎలాంటి సమాచారం లేదు. ఈ పరిస్థితుల్లో త్రిషను ఒక బయోపిక్‌ చిత్రంలో నటింపజేయడానికి చర్చలు జరుగుతున్నాయని ప్రచారం జోరుగా సాగుతోంది. దివంగత ముఖ్యమంత్రి, మక్కళ్‌ తిరిగాం ఎంజీఆర్‌ బయోపిక్‌ తెరకెక్కనుంది. ఇందులో జేఎం బషీర్‌ ఎంజీఆర్‌గా నటించనున్నారు. దీనికి సంబంధించిన అధికారిక ప్రకటన ఇటీవల వెల్లడించారు.అయితే చిత్రంలో కీలకమైన జయలలిత పాత్రలో నటి త్రిషను నటింపజేయడానికి చర్చలు జరుపుతున్నట్లు సమాచారం. ప్రస్తుత పరిస్థితుల్లో త్రిష జయలలిత పాత్రలో నటించడానికి సమ్మతిస్తారా? అన్న చర్చ కూడా జరుగుతోంది. రాజకీయంగా చర్చనీయాంశం అవుతుందన్న విషయం ఆమెకు తెలియంది కాదు. ఇకపోతే ఇంతకుముందు ఎంఎల్‌.విజయ్‌ దర్శకత్వం వహించిన తలైవి చిత్రంలో కంగనా రనౌత్‌ జయలలితగా నటించారు. ఆ తర్వాత వెబ్‌ సిరీస్‌లో నటి రమ్యకృష్ణ కూడా జయలలితగా నటించారు. వీరిద్దరి శారీరక భాష జయలలిత పాత్రకు సరిగా సెట్‌ కాలేదనే విమర్శలు అప్పట్లో వెల్లువెత్తాయి. ఇలాంటి పరిస్థితుల్లో ఇప్పుడు జయలలిత పాత్రలో త్రిష నటించే సాహసం చేస్తారా అన్న చర్చ జరుగుతోంది. మరి రాబోయే రోజుల్లో ఏం జరుగుతుందో తెలియాలంటే వేచి చూడాల్సిందే.

వర్ధన్, కృష్ణప్రియ జంటగా వచ్చిన మూవీ కాగితం పడవలు. ఈ చిత్రాన్ని రొమాంటిక్‌ లవ్ స్టోరీగా తెరకెక్కించారు. ఈ చిత్రానికి ఎంజీఆర్ తుకారం దర్శకత్వం వహించగా... ఈ మూవీని ఎస్ఎల్ఎన్ సినీ క్రియేషన్స్, ప్రణధి క్రియేషన్స్, నవ నారాయణ సినీ క్రియేషన్స్ బ్యానర్లపై కీర్తన నరేష్, టీఆర్ ప్రసాద్ రెడ్డి, వెంకట్రాజుల, గాయత్రమ్మ అంజనప్ప నిర్మించారు. సెప్టెంబర్ 18న థియేటర్లలో విడుదలైన ఈ మూవీ ఫర్వాలేదనిపించింది.తాజాగా ఈ సినిమా నెల రోజుల్లోపే ఓటీటీకి వచ్చేసింది. ఈ రోజు నుంచే స్ట్రీమింగ్ అవుతోంది. సన్ నెక్ట్స్ వేదికగా ఓటీటీలో అందుబాటులోకి వచ్చేసింది. థియేటర్లలో ఈ మూవీని మిస్సయినవారు ఎంచక్కా ఓటీటీలో చూసి ఎంజాయ్ చేయండి. ఈ మూవీని గోదావరి నేపథ్యంలో సాగే లవ్ స్టోరీగా ప్రేక్షకుల ముందుకు తీసుకొచ్చారు. A love story rooted in real-life emotions. Watch it tomorrow only on SunNXT. #KaagithamPadavalu #TeluguMovies #LoveStory #NewOnOTT #SunNXT [Kagitham Padavalu, Kagitham Padavalu Telugu Movie, Telugu Cinema, Telugu Drama, Telugu Movie, Kagitham Padavalu Sun NXT, Sun NXT Telugu Movies]— SUN NXT (@sunnxt) October 15, 2026

టాలీవుడ్‌లో భారీ చిత్రాల చిత్ర నిర్మాణ సంస్థ మైత్రీ మూవీ మేకర్స్‌ ఇప్పుడు తమిళంలోనూ వరుస చిత్రాలు నిర్మిస్తోంది. ఈ సంస్థ గుడ్‌ బ్యాడ్‌ అగ్లీ చిత్రంతో కోలీవుడ్‌లోకి ఎంట్రీ ఇచ్చింది. తొలి చిత్రంతోనే మంచి కమర్షియల్‌ హిట్‌ను అందుకుంది. ఆ తర్వాత డ్యూడ్, మొద రాత్రి, ఇరుముడి మొదలగు చిత్రాలను నిర్మించి విజయాలను సొంతం చేసుకుంది. తాజాగా ఈ సంస్థ అధినేతలు నవీన్‌ యేర్నేని, వై.రవిశంకర్‌ తమిళంలో మరో చిత్రానికి సిద్ధమయ్యారు. ఇటీవల మండాడి మూవీతో మెప్పించిన సూరి హీరోగా చిత్రాన్ని నిర్మిస్తున్నారు. తాజాగా చెన్నైలో పూజా కార్యక్రమాలతో ప్రారంభమైంది.ఇటీవల మండాడి చిత్రంతో మంచి విజయాన్ని అందుకున్న నటుడు సూరి కథా నాయకుడిగా నటిస్తున్న 7వ చిత్రమిది. ఇండ్రు నేట్రు నాళై, అయిలాన్‌ వంటి సక్సెస్‌ ఫుల్‌ చిత్రాల దర్శకుడు రవికుమార్‌ కథ, దర్శకత్వం బాధ్యతలను నిర్వహిస్తున్నారు. ఈ చిత్రంలో సూరికి జంటగా నటి రజీషా విజయన్‌ నటిస్తున్నారు. నటుడు శివకార్తికేయన్‌ ముఖ్య అతిథిగా పాల్గొని ముహూర్తం షాట్‌కు క్లాప్‌ కొట్టగా, నిర్మాత ఎల్‌ రెడ్‌ కుమార్‌ కెమెరా స్విచ్ఛాన్‌ చేసి ప్రారంభించారు.ఈ సందర్భంగా చిత్ర నిర్మాతల్లో ఒకరైన నవీన్‌ యేర్నేని మాట్లాడుతూ మేము తమిళంలో నిర్మించిన గుడ్‌ బ్యాడ్‌ అగ్లీ, డ్యూడ్, మొద రాతిరి, ఇరుముడి చిత్రాలు మంచి విజయాన్ని సాధించాయి. దీంతో ఇక్కడ మరిన్ని చిత్రాలు చేయాలన్న ఆసక్తి పెరుగుతోంది. ఇప్పుడు నటుడు సూరి హీరోగా చిత్రం చేస్తున్నాం. ఈ చిత్రం ప్రారంభోత్సవ కార్యక్రమానికి ముఖ్య అతిథిగా విచ్చేసిన నటుడు శివకార్తికేయన్, నిర్మాత ఎల్‌ రెడ్‌ కుమార్‌ తదితర సినీ ప్రముఖులకు ధన్యవాదాలు' అని పేర్కొన్నారు.దర్శకుడు రవికుమార్‌ మాట్లాడుతూ మైత్రీ మూవీస్‌ సంస్థలో పనిచేసే అవకాశం రావడం సంతోషంగా ఉందని తెలిపారు. నటుడు సూరి ఇప్పుడు ప్రేక్షకుల్లో తనకంటూ ప్రత్యేక స్థానాన్ని సంపాదించుకున్నారని తెలిపారు. ఆయన ప్రతిభను, అభిమానుల అంచనాలను పూర్తి చేయడంలో తన బాధ్యత పెరిగిందని పేర్కొన్నారు. Highlights from the #Soori7 pooja ceremony ✨ @Siva_Kartikeyan sir, #Vetrimaaran sir along with many producers and directors extended their wishes to the team ❤️ Starring the talented @sooriofficial & @rajisha_vijayan Directed by the brilliant @Ravikumar_Dir Prestigiously Produced by @MythriOfficial In Tamil and Telugu.— Mythri Movie Makers (@MythriOfficial) October 14, 2026

ప్రస్తుతం బిగ్‌బాస్ షో ఆరో వారం కొనసాగుతోంది. ఇప్పటికే నామినేషన్స్ పూర్తి కాగా.. ఈ వారంలో ఆరుగురు కంటెస్టెంట్స్‌ మిగిలారు. అలా ఈ వారంలో వంశీ, అమన్, వర్షిణి, రామ్ ప్రసాద్, షాలిని, రోహిత్ నామినేషన్స్‌లో నిలిచారు. ఇప్పటికే ఓటింగ్ మొదలవ్వగా.. షాలిని, వర్షిణి డేంజర్‌ జోన్‌లో ఉన్నారని తెలుస్తోంది. ఓటింగ్‌లో రోహిత్‌ దూసుకెళ్తున్నాడు. ఈ వీకెండ్‌లో ఎవరు హౌస్‌నుంచి ఎలిమినేట్ అవుతారనే విషయంపై క్లారిటీ రానుంది. ఇక తాజా ఎపిసోడ్లో ఏం జరిగిందో హైలెట్స్‌లో చూసేద్దాం.దశావతారంలో భాగంగా రోడ్ బ్లాక్ అనే టాస్క్‌ హౌస్‌లో కొనసాగుతోంది. గత వీకెండ్‌లో ఎంట్రీ ఇచ్చిన వైల్డ్ ఫైర్స్‌కు.. హౌస్‌లోని ఓజీస్‌కు మధ్య బిగ్‌బాస్ పోటీపెట్టారు. టాస్క్‌లతో కంటెస్టెంట్స్‌ను పరిగెత్తిస్తున్నారు. పజిల్‌ గేమ్‌లో గ్రీన్, బ్లూ, ఎల్లో టీమ్స్‌గా పోటీపడ్డారు. ఈ గేమ్‌లో షాలిని సంచాలక్‌గా వ్యవహరించారు. మధ్యలో కాస్తా వాగ్వాదం చోటు చేసుకుంది.(ఇది చదవండి: తన్నుకున్నంత పనిచేసిన వంశీ, రోహిత్.. నామినేషన్స్‌లో ఎవరెవరంటే?)అంతేకాకుండా వంశీ, శివకుమార్‌ ఓ టాస్క్‌లో పోటీ పడ్డారు. గార్డెన్ ఏరియాలో ఓ ప్లేట్‌, బౌల్‌ ఉంది. అది తీసుకొచ్చి పెడస్టల్‌ మీద పెట్టాలని బిగ్‌బాస్ చెప్పారు. ఆ బౌల్‌ వంశీ చేతికి చిక్కింది. అది తీసుకొచ్చే క్రమంలో శివకుమార్‌.. వంశీ చేతిలోని ప్లేట్, బౌల్‌ను లాగేసుకున్నారు. ఆ తర్వాత వెంటనే తీసుకొచ్చి పెడస్టల్‌ మీద పెట్టాడు. ఈ గేమ్‌లో సంచాలక్‌గా ఉన్న త్రిగుణ్.. శివకుమార్‌నే విజేత ప్రకటించాడు. దీంతో వంశీ తన కోపాన్ని కంట్రోల్‌ చేసుకోలేకపోయాడు. తన చేతులతో తన చెంపలనే వాయించుకున్నాడు. ఆ తర్వాత ఫుల్ ఎమోషనల్ అవుతూ ఏడ్చేశాడు. అతన్ని త్రిగుణ్ సైతం వంశీ హత్తుకుని ఓదార్చాడు. అలా గేమ్‌లో తీవ్రమైన భావోద్వేగాలు చోటు చేసుకున్నాయి.

టాలీవుడ్‌ హీరో విజయ్‌ దేవరకొండ, హీరోయిన్‌ రష్మిక జంటగా నటించిన తాజా చిత్రం రణబాలి. వీరిద్దరి పెళ్లి చేసుకున్న తర్వాత కలిసి చేసిన తొలి సినిమా ఇదే కావడంతో అభిమానులు ఆసక్తిగా ఎదురుచూశారు. ఎట్టకేలకు ఆ రోజు రానే వచ్చింది. ఇవాళ రణబాలి ప్రపంచవ్యాప్తంగా థియేటర్లలో రిలీజైంది. ఈ సినిమాకు రాహుల్‌ సాంకృత్యాన్ దర్శకత్వం వహించారు.ఇప్పటికే ఓవర్‌సీస్‌లో షోలు పడిపోయాయి. రణబాలి చూసిన ఆడియన్స్‌ సోషల్ మీడియా వేదికగా తమ అభిప్రాయాన్ని పంచుకుంటున్నారు. విజయ్- రష్మిక మధ్య సీన్స్ ‍స్పెషల్‌గా ఆకట్టుకుంటున్నాయని చెబుతున్నారు. కానీ కథనం చాలా నెమ్మదిగా సాగిందని అంటున్నారు. అంతే కాకుండా వయొలెన్స్ విపరీతంగా ఉందని పోస్టులు పెడుతున్నారు. బ్రిటిష్ కాలం నాటి సన్నివేశాలు పెద్దగా భావోద్వేగాన్ని కలిగించడంలో అంతగా ఆకట్టుకోలేదని కొందరు అంటున్నారు. కొన్ని సీన్స్ చాలా సాధారణంగా చిత్రీకరించారని చెబుతున్నారు. ఈ మూవీలో నేపథ్య సంగీతం చాలా నిరాశపరిచిందని సోషల్ మీడియాలో అభిప్రాయం వ్యక్తం చేస్తున్నారు.Ranabaali Review # “దత్తత ఇవ్వడానికి ఆ నవాబ్ గాడు ఎవడు… తీసుకోవడానికి ఈ ఇంగ్లీషోడు ఎవడు?” 🔥 “ఎవడ్రా దొర… ఎవడికి రా దొర!” 💥 విజయ్–రష్మిక ట్రాక్, ప్రీ-ఇంటర్వెల్ సీక్వెన్స్ హైలైట్! సీరియస్‌గా సాగుతూ.. అక్కడక్కడా మంచి హై ఇచ్చిన డీసెంట్ ఫస్ట్ హాఫ్..! 🔥👏 సెకండాఫ్!! 🤞 #Ranabaali #VijayDeverakonda #RashmikaMandanna— Janya Digital Media (@janyamedia1) October 15, 2026#Ranabaali Dull 1st Half! VD-Rashmika’s portions stand out and are executed well, but the rest of the narration is dead slow, flat, and overly violent at times. British sequences fail to create much emotional impact and are handled in a generic way. BGM is a huge letdown so far.— Venky Reviews (@venkyreviews) October 15, 2026

‘‘క్రేజీ కళ్యాణం’ సినిమా చూసి మా అమ్మ, నాన్న చాలా బాగుందని ప్రశంసించారు. వాళ్లకు తెలుగు భాష రాకున్నా సినిమాలోని భావోద్వేగానికి బాగా కనెక్ట్‌ అయ్యారు. ప్రేక్షకులకు మా సినిమా వాళ్ల ఇంటి కథలా అనిపిస్తుంది. దసరా పండగ సీజన్‌లో ఒక క్రేజీ ఫిలిం చూసిన అనుభూతి కలుగుతుంది’’ అని హీరోయిన్‌ అనుపమ పరమేశ్వరన్‌ తెలిపారు. నరేశ్‌ విజయకృష్ణ, అనుపమ పరమేశ్వరన్, తరుణ్‌ భాస్కర్, అఖిల్‌ రాజ్‌ ఉడ్డెమారి ప్రధాన పాత్రల్లో నటించిన చిత్రం ‘క్రేజీ కళ్యాణం’. భద్రప్ప గాజుల దర్శకత్వంలో బూసం జగన్‌మోహన్‌ రెడ్డి నిర్మించిన ఈ సినిమా నేడు రిలీజ్‌ అవు తోంది. ఈ సందర్భంగా గురువారం జరిగిన విలేకరుల సమావేశంలో అనుపమ పరమేశ్వరన్‌ పంచుకున్న విశేషాలు... ⇒ ‘క్రేజీ కళ్యాణం’ కథని భద్రప్ప చెబుతుంటే కొన్నిసార్లు నవ్వొచ్చింది, కొన్ని సీన్స్‌కు ఎమోషనల్‌ అయ్యాను. స్క్రిప్ట్‌తో పాటు దర్శకుడిగా భద్రప్ప జెన్యూన్‌ అ్రపోచ్‌ నచ్చి ఈ సినిమా ఒప్పుకున్నాను. ఈ సినిమాకు ముందు వేరే వర్కింగ్‌ టైటిల్‌ అనుకున్నాం. షూటింగ్‌ చేస్తున్నప్పుడు ప్రతిదీ క్రేజీగా అనిపించడంతో మా డైరెక్టర్‌ ‘క్రేజీ కళ్యాణం’ అని టైటిల్‌ పెట్టారు. వినోదం, భావోద్వేగాలున్న కథ ఇది. నరేశ్‌గారు, అఖిల్, తరుణ్‌ భాస్కర్‌.. ఇలా మేమంతా కాస్టింగ్‌లో జాయిన్‌ అయ్యాక ఇది మరింత క్రేజీ ్రపాజెక్ట్‌ అయ్యింది. ⇒ ఈ సినిమాలో మా క్యారెక్టర్స్‌ అన్నీ ఇబ్బందులు పడుతుంటాయి. అవి ప్రేక్షకులకు వినోదంగా అనిపిస్తాయి. మా పాత్రల ద్వారా, ఆ సందర్భాల ద్వారా సహజమైన వినోదం వస్తుంటుంది. తరుణ్‌ భాస్కర్‌ చేసిన బాలరాజు క్యారెక్టర్‌లో చాలా వినోదం ఉంటుంది. మా డైరెక్టర్, ప్రోడ్యూసర్‌ జగన్‌గార్లు కూడా కొంతవరకు బాలరాజులే (నవ్వుతూ). పెళ్లనేది ఇద్దరు కలిసి సంతోషంగా జీవించడానికి చేసుకునేది. కానీ, అమ్మాయిని ఇంట్లో పని మనిషిని చేసేందుకు కాదు అనేది నా పాత్ర కీర్తి ఉద్దేశం. వ్యక్తిగతంగానూ నా ఒపీనియన్‌ అదే. ఈ సినిమాలో నాకు పెళ్లి అవుతుందా? లేదా అనేది తెరపై చూడాలి. ఈ సినిమాలోలా మా ఇంట్లో నా పెళ్లి గురించి ఏమాత్రం ఒత్తిడి లేదు. ఈ సినిమాలో తెలంగాణ యాసలో మాట్లాడాను. జగన్‌ మోహన్‌ రెడ్డిగారిలాంటి క్రేజీ ప్రోడ్యూసర్‌ లేకుంటే ఈ సినిమా ఇంత బాగా మన ముందుకు వచ్చేది కాదు. ⇒ నటిగా నేనెప్పుడూ వెర్సటైల్‌గా ఉండాలని ప్రయత్నిస్తుంటాను. నా సినిమాలన్నీ ఒకేలా ఉన్నాయని ప్రేక్షకులు అనుకోకూడదు. నా పాత్ర చూసి సినిమా పేరు చె΄్పాలి. అంత ప్రత్యేకంగా సినిమాలు ఉండేలా కథలు ఎంచుకుంటాను. ‘క్రేజీ కళ్యాణం’లో నేను చేసిన కీర్తి పాత్ర కూడా ప్రత్యేకంగా ప్రేక్షకులకు గుర్తుండిపోతుంది. నేనెప్పుడూ డబ్బుల కోసం నటించాలనుకోను. కొత్తగా ప్రయత్నించాలన్నది నాప్యాషన్‌. ప్రస్తుతం తెలుగులో ఓ సినిమా, తమిళంలో రెండు, మలయాళంలో మూడు, హిందీలో ఓ సినిమా చేస్తున్నాను.

‘తండేల్‌’ వంటి బ్లాక్‌బస్టర్‌ మూవీ తర్వాత నాగ చైతన్య హీరోగా నటిస్తున్న చిత్రం ‘వృషకర్మ’. కార్తీక్‌ దండు దర్శకత్వం వహిస్తున్న ఈ సినిమాలో మీనాక్షి చౌదరి హీరోయిన్‌గా, స్పర్ష్‌ శ్రీవాస్తవ విలన్‌గా నటిస్తున్నారు. బాపినీడు సమర్పణలో శ్రీ వెంకటేశ్వర సినీ చిత్ర–సుకుమార్‌ రైటింగ్స్‌ బ్యానర్స్‌పై బీవీఎస్‌ఎన్‌ ప్రసాద్, సుకుమార్‌ .బి నిర్మిస్తున్నారు. ఈ చిత్రం డిసెంబర్‌ 4న ప్రపంచవ్యాప్తంగా విడుదల కానుంది.కాగా ‘వృషకర్మ’ విడుదలకి సరిగ్గా 50 రోజుల కౌంట్‌డౌన్‌ మొదలైందని చిత్రయూనిట్‌ ప్రకటించి, నాగ చైతన్య సరికొత్త పోస్టర్‌ని రిలీజ్‌ చేసింది. ‘‘మిథికల్‌ థ్రిల్లర్‌గా రూ పొందుతోన్న చిత్రం ‘వృషకర్మ’. మైథాలజీ, మిస్టరీ, థ్రిల్‌ వంటి అంశాలతో ఎవరూ టచ్‌ చేయని ఒక సరికొత్త నేపథ్యంలో ఈ సినిమాను భారీ స్థాయిలో తెరకెక్కిస్తున్నాం. ఈ చిత్రం మునుపెన్నడూ చూడని మంచి అనుభూతిని ప్రేక్షకులకు అందించేలా ఉంటుంది. ఈ చిత్రంలో నాగ చైతన్య డిఫరెంట్‌ రోల్‌లో కనిపిస్తారు’’ అని యూనిట్‌ పేర్కొంది. ఈ సినిమాకి సంగీతం: అజనీష్‌ బి. లోక్‌నాథ్, కెమెరా: రాగుల్‌ డి. హెరియన్‌. ఇదీ చ‌ద‌వండి: ‘రణబాలి’మూవీ రివ్యూ అండ్‌ రేటింగ్‌

బాలీవుడ్ నటుడు మనోజ్‌ బాజ్‌పేయీ నటించిన లేటేస్ట్ సస్పెన్స్ థ్రిల్లర్ గజబ్ రాత్. ఈ మూవీకి నీరజ్‌ పాండే, రితేశ్‌ షా సంయుక్త దర్శకత్వం వహిస్తున్నారు. ఈ సినిమా అక్టోబర్‌ 23న నేరుగా నెట్‌ఫ్లిక్స్‌ వేదికగా స్ట్రీమింగ్‌ కానుంది. ఈ నేపథ్యంలో తాజాగా ట్రైలర్‌ రిలీజ్ చేశారు మేకర్స్. ఈ మూవీలో పోలీస్‌ అధికారిగా మనోజ్‌ భాజ్‌పేయి అభిమానులను మెప్పించనున్నారు.ట్రైలర్ చూస్తుంటే ఈ మూవీ క్రైమ్ అండ్ సస్పెన్స్ థ్రిల్లర్‌గానే తెరకెక్కించినట్లు తెలుస్తోంది. ట్రైలర్‌లో సీన్స్‌ ఈ మూవీపై అంచనాలు పెంచేస్తున్నాయి. కాగా.. మొదట ఈ సినిమాకు ఘూసఖోర్‌ పండత్‌ అనే పేరును ఖరారు చేశారు. ఆ టైటిల్‌తోనే కొన్ని ప్రచార చిత్రాలనూ విడుదల చేశారు. ఆ తర్వాత సినిమా పేరు, మనోజ్‌ పాత్రపై తీవ్ర వివాదానికి దారితీసింది. మూవీ టైటిల్, స్టోరీ లైన్‌ తమ వర్గాన్ని కించపరిచేలా ఉందని దర్శకులపై బ్రాహ్మణసంఘం ఫిర్యాదు చేసింది. ఈ సినిమా విడుదలను నిలిపివేయాలని కోరుతూ ఆ సంఘం కోర్టును ఆశ్రయించింది. దీంతో మేకర్స్ సినిమా పేరును వెంటనే మార్చేశారు. గజబ్‌ రాత్‌గా ఈ మూవీ ఓటీటీలో స్ట్రీమింగ్ కానుంది. ఈ చిత్రంలో నుష్రత్ భరుచ్చా, సాకిబ్ సలీమ్, దివ్యా దత్తా, కికు శారదా, శ్రద్ధా దాస్ కీలక పాత్రల్లో నటించారు.

రణబాలి జంట విజయ్ దేవరకొండ, రష్మిక మందన్నా పుట్టపర్తిని సందర్శించారు. అక్కడి ప్రశాంతి నిలయంలో ప్రత్యేక పూజలు చేశారు. ఇటీవలే తిరుమల వెళ్లిన వీరిద్దరు.. ఇవాళ పుట్టపర్తి సాయిబాబాను దర్శించుకున్నారు. ఈ సందర్భంగా జరుగుతున్న దసరా శరన్నవరాత్రి వేడుకల్లో ఈ జంట పాల్గొన్నారు. దీనికి సంబంధించిన వీడియో సోషల్ మీడియాలో వైరల్‌గా మారింది.వీరిద్దరు పెళ్లి తర్వాత జంటగా కలిసి నటించిన పీరియాడికల్ మూవీ రణబాలి. రాహుల్ సాంకృత్యాన్ దర్శకత్వం వహించిన ఈ మూవీ.. అక్టోబర్ 16న విడుదల కానుంది. ఈ చిత్రాన్ని రాయలసీమలో దారుణ పరిస్థితుల ఆధారంగా తెరకెక్కించారు. బ్రిటీశ్ పాలనలో తలెత్తిన తీవ్ర కరువుతో దాదాపు కోటిమందికి పైగా ఆకలి చావులతో చనిపోయారనేదే ఈ మూవీ కాన్సెప్ట్. ఈ చీకటి చరిత్రను ప్రేక్షకుల ముందుకు తీసుకొస్తున్నట్లు డైరెక్టర్ రాహుల్ ప్రీ రిలీజ్ ఈవెంట్‌లో వెల్లడించారు. #VijayDeverakonda and #Rashmika from Puttaparthi. #Ranabaali https://t.co/TPgVVSrlQI— Anonymous (@__GirDhar) October 15, 2026

అనుపమ పరమేశ్వరన్, తరుణ్‌ భాస్కర్, అఖిల్‌ ఉడ్డెమారి ప్రధాన పాత్రల్లో నటించిన సినిమా క్రేజీ కల్యాణం. బద్రప్ప గాజుల దర్శకత్వంలో బూసం జగన్‌ మోహన్‌రెడ్డి నిర్మించారు. ఇప్పటికే షూటింగ్ పూర్తయిన ఈ సినిమా ఈ నెల 16న విడుదల కానుంది. ఈ నేపథ్యంలోనే మేకర్స్ ప్రమోషన్స్‌తో దూసుకెళ్తున్నారు. ఈ సందర్భంగా బరాత్ పేరుతో ఈవెంట్‌ నిర్వహించారు.ఈ ఈవెంట్‌కు హాజరైన డైరెక్టర్ బద్రప్ప గాజుల ఫుల్ ఎమోషనల్ ‍అయ్యారు. తనకు జన్మనిచ్చిన తల్లిదండ్రులను వేదికపైకి పిలిపించి మాట్లాడారు. నాకు ఊహ తెలిసినప్పటి నుంచి నేను నాన్నను హగ్ చేసుకోలేదని అన్నారు. ఏ పని చేయకుండా గాలికి తిరిగానని..నా కోసం అమ్మా, నాన్నలు చాలా కష్టపడ్డారని తెలిపారు. ఈ రోజు వేదికపైకి పిలిచి అమ్మా, బాపును మనస్ఫూర్తిగా హత్తుకోవాలని ఉందని బద్రప్ప భావోద్వేగానికి గురయ్యారు.డైరెక్టర్ బద్రప్ప మాట్లాడుతూ.."నాకొక చిన్న కోరిక ఉందండి. నా చిన్నప్పుడు మా బాపు నన్ను ఎత్తుకుని ఉంటాడు. కానీ నాకు ఊహ తెలిసినప్పటి నుంచి నేను నాన్నను హగ్ చేసుకోలేదు. మా ‍అమ్మ, నాన్నను వేదికపై హగ్ చేసుకోవాలనుకుంటున్నా. నేను ఏ పని చేయకుండా గాలికి తిరిగాను. నా కోసం చాలా కష్టపడ్డారు. బాపు నేను సినిమా తీసినా. నీ పేరు నిలబెడతా. ఇప్పటికీ పొలంలో పనిచేస్తారు. మా ఇంట్లో మనుషులకు జ్వరం వచ్చినా నాన్న బర్రెలనే పట్టించుకుంటాడు. ఇప్పటి వరకు వీళ్ల సంతోషం కోసం నేను ఏమి చేయలేదు. ఇప్పుడు మీ గురించే సినిమా తీసినా' అంటూ ఎమోషనల్ అయ్యారు.

అనుపమ పరమేశ్వరన్, నరేష్‌ వీకే, తరుణ్‌ భాస్కర్, అఖిల్‌ ఉడ్డెమారి ప్రధాన పాత్రల్లో నటించిన సినిమా ‘క్రేజీ కల్యాణం. బద్రప్ప గాజుల దర్శకత్వంలో బూసం జగన్‌ మోహన్‌రెడ్డి నిర్మించారు. ఈ సినిమా ఈ నెల 16న విడుదల కానుంది. ఇటీవలే ప్రీ రిలీజ్‌ ఈవెంట్‌ నిర్వహించారు. తాజాగా ఈ మూవీ టీమ్ మరో ఈవెంట్ ఏర్పాటు చేసింది. క్రేజీ కల్యాణం బరాత్ పేరుతో కార్యక్రమం నిర్వహించారు.ఈ సందర్భంగా ఈవెంట్‌కు హాజరైన ప్రముఖ టాలీవుడ్ లిరిసిస్ట్ కాసర్ల శ్యామ్ ఆసక్తికర కామెంట్స్‌ చేశారు. హీరోయిన్ అనుపమ పరమేశ్వరన్‌ను ఉద్దేశించి మాట్లాడారు. అందరిలాగే అనుపమ అంటే నాకు క్రష్ అని.. మొదటి చూపులోనే పడిపోయానని తన మనసులోని మాట బయటపెట్టారు. అందుకే ఆమెను అఆ అని పిలుస్తానని.. అ అంటే అనుపమ.. ఆ అంటే ఆరాధన అని అన్నారు. అందుకే ఆమెను తాను క్రేజీగా ఆరాధిస్తున్నానని కాసర్ల శ్యామ్ తెలిపారు. నేను మీకు అభిమానిని అయిపోయానని లిరిసిస్ట్ శ్యామ్ వెల్లడించారు. మీరు పాటలు కూడా మంచిగా పాడతారని అనుపమను కొనియాడారు. ఈ కామెంట్స్ సోషల్ మీడియాలో వైరల్‌గా మారాయి.

రోల్ చిన్నదా,పెద్దదా అన్నది ముఖ్యం కాదు. చిత్రంపై దాని ఇంపాక్ట్‌ ఉండాలి. ఇటీవల డోరతి చిత్రంలో నటి కీర్తీ సురేశ్‌ కేవలం మూడు నాలుగు సన్నివేశాల్లోనే కనిపించారు.అయితే చిత్రంలో ఆ పాత్ర ఇంపాక్ట్‌ చాలా ఎక్కువగా ఉంది. ఇకపోతే నటి శృతిహాసన్‌ కూడా చాలా డేరింగ్‌ డెసిషన్‌ తీసుకుంటారని చెప్పవచ్చు. హీరోయిన్‌గా నటించినా, ప్రత్యేక పాటల్లో నటించినా గ్లామర్‌ ను ప్రదర్శించడంలో ఏ మాత్రం వెనుకాడరు. అలా కొన్ని చిత్రాల్లో ఐటమ్‌ సాంగ్స్‌ కూడా చేశారు.తాజాగా ఒక క్రేజీ చిత్రంలో ప్రత్యేక పోషించడానికి రెడీ అవుతున్నట్లు సమాచారం. తంగలాల్‌ వంటి వైవిధ్య భరిత కథా చిత్రం తరువాత దర్శకుడు పా.రంజిత్‌ తెరకెక్కిస్తున్న చిత్రం వేట్టువన్‌. నీలం ప్రొడక్షన్స్, గోల్డెన్‌ రేష్మి యో ఫిలిమ్స్‌ సంస్థలు కలిసి నిర్మిస్తున్న ఈ చిత్రంలో అట్టకత్తి దినేష్‌ హీరోగా, ఆర్య విలన్‌ గా నటిస్తున్నారు.అశోక్‌ సెల్వన్, కళైయరసన్, విఘ్నేష్, ఫాహత్‌ ఫాజిల్‌ తదితరులు ముఖ్యపాత్రలు పోషిస్తున్నారు. నటి శోభిత ధూళిపాళ హీరోయిన్‌గా నటిస్తోంది.(ఇది చదవండి: గ్రాండ్‌గా రష్మిక క్లోజ్‌ ఫ్రెండ్‌ సీమంతం.. వీడియో వైరల్)ఈ చిత్రం ఉత్తర చెన్నై నేపథ్యంలో సాగే గ్యాంగ్‌ స్టర్స్‌ కథాంశంతో రూపొందుతోంది. చిత్ర షూటింగ్‌ దాదాపు పూర్తయింది. వర్డ్‌ ఆఫ్‌ వేట్టువన్‌ పేరుతో ఇటీవల చిత్రంలోని పాత్రలను పరిచయం చేశారు.అయితే ఇప్పుడు కొన్ని సన్నివేశాలను మళ్లీ చిత్రీకరిస్తున్నట్లు ప్రచారం జరుగుతోంది. ఇకపోతే ఈ చిత్రంలో నటి శృతిహాసన్‌ ఒక ప్రత్యేక పాత్రలో నటించనున్నట్లు టాక్‌ సామాజిక మాధ్యమాల్లో వైరలవుతోంది. ఈ పాత్ర చిత్రంలో కీలకంగా ఉంటుందని సమాచారం. ఇందులో నిజం ఎంత అన్నది యూనిట్‌ వర్గాలు అధికారికంగా వెల్లడించే వరకు వేచి చూడాల్సిందే. ఇకపోతే శృతిహాసన్‌ నటుడు విజయ్‌ సేతుపతి జంటగా నటించిన ట్రైన్‌ చిత్రం డిసెంబర్‌ 4వ తేదీన తెరపైకి రానుంది.

బిగ్‌బాస్ బ్యూటీ, హీరోయిన్ రష్మిక స్నేహితురాలు ఫేమ్ ప్రేరణ కంభం ఇటీవలే తాను అభిమానులు గుడ్ న్యూస్ చెప్పింది. తల్లి కాబోతున్న విషయాన్ని సోషల్ మీడియా వేదికగా పంచుకుంది. తన భర్తతో కలిసి బేబి బంప్ చూపిస్తూ ఓ వీడియోని పోస్ట్ చేసింది. ఈ విషయం తెలుసుకున్న అభిమానులు ప్రేరణకు కంగ్రాట్స్ చెప్పారు.తాజాగా ఈ ముద్దుగుమ్మ సీమంతం వేడుక గ్రాండ్‌గా జరిగింది. ఈ విషయాన్ని తెలియజేస్తూ స్పెషల్ వీడియోను షేర్ చేసింది. రణబాలి మూవీలో జయమ్మ పాత్ర సాంగ్‌తో ఈ వీడియోను పంచుకుంది. ఏందయ్యా సామీ అంటూ సాగే పాటను పోస్ట్ చేసింది. ప్రేరణకు రష్మిక ఫ్రెండ్ కావడంతో ఈ వేడుకను మరింత స్పెషల్‌గా సెలబ్రేట్ చేసుకుంది. ఈ వీడియో సామాజిక మాధ్యమాల్లో వైరల్‌గా మారింది.కాగా.. స్వతహాగా కన్నడ అయిన ప్రేరణ.. నటి అయ్యే ప్రయత్నాల్లో ఉన్నప్పుడు రష్మికకు స్నేహితురాలు. తర్వాత కాలంలో రష్మిక హీరోయిన్ అయిపోగా.. ప్రేరణ సీరియల్ హీరోయిన్‌గా మారింది. 'కృష్ణ ముకుంద మురారీ' అనే సీరియల్‌తో తెలుగు ప్రేక్షకులకు సుపరిచితమే. తర్వాత బిగ్‌బాస్ తెలుగు 8వ సీజన్‌లో పాల్గొంది. ఫినాలే వరకు వచ్చినప్పటికీ టాప్-4లో మాత్రమే చోటు దక్కించుకుంది. ఆ తర్వాత తన భర్త శ్రీపాద్‌తో కలిసి ఓంకార్ హోస్ట్ చేసిన 'ఇస్మార్ట్ జోడీ 3' రియాలిటీ షోలో పాల్గొని విజేతగా నిలిచింది. 2023 నవంబరులో వీళ్లిద్దరికీ పెళ్లి జరిగింది. View this post on Instagram A post shared by प्रेrana kambam (@prerana.kambam)

టాలీవుడ్ నటుడు వీకే నరేశ్ తాను చేసిన కామెంట్స్‌పై స్పందించారు. ఇటీవల క్రేజీ కల్యాణం మూవీ ప్రీ రిలీజ్‌ ఈవెంట్‌లో షాకింగ్ కామెంట్స్ చేశారు. పెళ్లి చేసుకోకుండానే పిల్లల్ని కనాలని మాట్లాడారు. ప్రస్తుతం లివింగ్ రిలేషన్‌షిప్‌ అఫీషియల్‌ అయిపోయిందన్నారు. తాజాగా తాను చేసిన వ్యాఖ్యలపై వివరణ ఇచ్చారు. తాను చెప్పింది వేరని.. సోషల్ మీడియాలో మాట్లాడేది వేరుగా ఉందని నరేశ్ తెలిపారు.(ఇది చదవండి: రజినీకాంత్ జైలర్ 2 ట్విటర్‌ రివ్యూ.. ఆడియన్స్‌ ఏమన్నారంటే?)తాజా ఇంటర్వ్యూలో నరేశ్ తన కామెంట్స్‌పై క్లారిటీ ఇచ్చారు. మనదేశంలో జనాభా తగ్గిపోతోందని.. అందుకే అలా చెప్పానని తెలిపారు. మారుతున్న పరిస్థితుల ఆధారంగా పెళ్లిళ్లు చేసుకున్నా.. చేసుకోకపోయినా పిల్లల్ని కనాలని చెప్పానని అన్నారు. ఈ రోజుల్లో పెళ్లిళ్లు చేసుకోవడానికి భయపడుతున్నారని వెల్లడించారు. లివింగ్ రిలేషన్‌షిప్‌లో ఉన్నా కూడా ఆ పని చేయాలని సూచించానని తెలిపారు. నేను చెప్పింది రాంగ్ వేలో తీసుకుంటున్నారని అన్నారు. ప్రతి ఒక్కరూ పెళ్లిళ్లు చేస్కోండి.. ఎర్త్‌ను ఖాళీ చేయొద్దని వీకే నరేశ్ క్లారిటీ ఇచ్చారు. ఈ కామెంట్స్ సోషల్ మీడియాలో తెగ వైరలవుతున్నాయి.

రజనీకాంత్‌ హీరోగా నటించిన తాజా చిత్రం ‘జైలర్‌ 2’. నెల్సన్‌ దిలీప్‌ కుమార్‌ దర్శకత్వం వహించిన ఈ చిత్రంలో రమ్యకృష్ణ, మోహన్‌ లాల్‌, శివరాజ్‌ కుమార్‌, ఎస్‌జే సూర్య, విద్యాబాలన్‌, మిథన్‌ చక్రవర్తి, మిర్నా కీలక పాత్రలు పోషించారు. మూడేళ్ల క్రితం వచ్చిన జైలర్‌ చిత్రానికి సీక్వెల్‌గా తెరకెక్కిన జైలర్‌ 2..ఈ రోజే ప్రపంచ వ్యాప్తంగా రిలీజైంది. ఇప్పటికే మార్నింగ్ షోలు రన్ అవుతున్నాయి. ఈ నేపథ్యంలోనే సినిమా ఎలా ఉందనే విషయాన్ని నెటిజన్స్ సోషల్ మీడియాలో షేర్ చేస్తున్నారు.జైలర్-2 ఫస్ హాఫ్ అద్భుతంగా ఉందని పోస్టులు పెడుతున్నారు. యోగి బాబు కామెడీ ఈ సినిమాకు ప్లస్‌ అయిందంటున్నారు. నెల్సన్ ట్రేడ్‌మార్క్ మరోసారి కనిపించిందని.. రజినీకాంత్ తనదైన స్టైల్లో అదరగొట్టేశాడని సోషల్ మీడియాలో పంచుకుంటున్నారు. దీనికి తోడు అనిరుధ్ నేపథ్య సంగీతంతో పాటు.. సూపర్‌స్టార్ ఎలివేషన్ సన్నివేశాలు కూడా బాగున్నాయని అంటున్నారు.(ఇది చదవండి: 'నువ్వు యాక్టింగ్ ఆపు'.. శివకుమార్‌పై రెచ్చిపోయిన రోహిత్..!)ఇంటర్వెల్ సీక్వెన్స్‌ ఫర్‌ఫెక్ట్‌గా ఉందంటున్నారు. ఎక్కడా బోరింగ్ సీన్స్‌ కనిపించలేదని పోస్ట్ చేస్తున్నారు. సెకండాఫ్‌లో మాస్ ఎలివేషన్స్‌ అదిరిపోయానని కామెంట్స్ పెడుతున్నారు. ఫ్లాష్‌బ్యాక్ క్లైమాక్స్ బ్యాంగ్‌ అదిరిపోయిందంటున్నారు. అయితే సెకంఢాప్‌లో కొంచెం ల్యాగ్‌ కూడా ఉందని చెబుతున్నారు. ఓవరాల్‌గా చూస్తే తలైవాకు హిట్‌ ఖాయమని పోస్ట్ చేస్తున్నారు. #Jailer2 Awesome 1st half. The dark humor has worked big time. #YogiBabu comedy is peak. #Rajinikanth is on 🔥. #Anirudh BGM is so good. And the interval and the staging is perfect. Not even one boring scene. Fast screenplay. Looking forward to 2nd half 👌 https://t.co/l6xKdkLi7B— AllAboutMovies (@MoviesAbout12) October 15, 2026 #Jailer2 inside talk 1st Half:-intro ,Slow start , Little fun 2nd Half:-Mass elevation🔥 , flashback climax bang 💥 Neg:-Little lag Positive:-Cameo Overall:- Blockbuster 🔥💥 https://t.co/BOqdCPxpjX— pavan18🐐 (@pavanx_18) October 14, 2026 #Jailer2 Solid Commercial 1st Half! Follows a familiar template and starts a bit slow, but once the setup is established, Nelson’s trademark comedy works well along with a few solid Superstar elevation scenes backed by Anirudh’s BGM. Continues right where Part 1 ends and stays entertaining so far.— Venky Reviews (@venkyreviews) October 15, 2026

బిగ్‌బాస్ బాస్ ఆరో వారంలో మరింత ఆసక్తిగా మారింది. వైల్డ్ కార్డ్ కంటెస్టెంట్స్‌ ఎంట్రీతో హౌస్‌లో కొత్త జోష్ కనిపిస్తోంది. ఇక ఈ వారం నామినేషన్స్ ప్రక్రియ ముగిసింది. రెండు రోజుల పాటు జరిగిన మాటల యుద్ధం తర్వాత ఆరుగురు నామినేషన్స్‌లో నిలిచారు. షాలిని, వర్షిణి, వంశీ, రాం ప్రసాద్, అమన్, రోహిత్ నామినేషన్స్‌లో ఉన్నారు. మరి ఈ వారంలో వీరిలో ఎవరు ఎలిమినేట్ అవుతారో వీకెండ్‌ ఎపిసోడ్‌లో క్లారిటీ రానుంది. తాజా ఎపిసోడ్‌లో ఏం జరిగిందో హైలెట్స్‌లో చూద్దాం.నామినేషన్స్‌ ముగియడంతో హౌస్‌లో టాస్క్‌ల గోల మొదలైంది. వైల్డ్ కార్డ్‌ కంటెస్టెంట్లకు.. హౌస్‌లోని ఓజీస్‌కు బిగ్‌ టాస్క్ ఇచ్చాడు. ఇందులో హౌస్‌లో ఉన్న సభ్యులపై మీ అభిప్రాయాలను తెలపాలని వైల్డ్ కార్డ్ కంటెస్టెంట్లను కోరారు బిగ్‌బాస్. వీటిలో త్రిగుణ్‌ను మానిపులేటర్‌గా...షాలిని విక్టిమ్ కార్డ్‌ అంటూ ట్యాగ్స్ ఇచ్చారు వైల్డ్ ఫైర్స్. ఆ ముకేశ్ అన్‌ట్రస్ట్‌ అని.. రోహిత్‌ను డ్రామా కింగ్‌గా తేల్చేశారు. ‍అలా ఒక్కొక్కరికీ ఒక్కో ట్యాగ్‌ ఇచ్చారు.(ఇది చదవండి: నన్ను బాధపెట్టేలా చేయకండి: సీనియర్ నటుడు గౌతంరాజు)ఆ తర్వాత రెండు టీమ్‌లకు ఓ గేమ్ పెట్టాడు బిగ్‌బాస్. ఇందులో పోటీపడిన తర్వాత షాలినిని విక్టిమ్ కార్డ్ అంటూ వైల్డ్ ఫైర్స్‌ తేల్చేశారు. రామ్ ప్రసాద్ సైతం షాలినినే అని అన్నారు. చివరికీ శివకుమార్, షాలిని, రోహిత్ మధ్య మాటల యుద్ధం జరిగింది. నువ్వు ఇక యాక్టింగ్ ఆపు శివ అంటూ రోహిత్ రెచ్చిపోయాడు. షాలినిని విక్టిమ్ కార్డ్ అనడంతో తనదైన శైలిలో రెచ్చిపోయింది. మీరే విక్టిమ్ కార్డ్ ప్లే చేశారంటూ కామనర్ రామకృష్ణపై ఫైరయింది. అలా ఇవాల్టి ఎపిసోడ్‌ పూర్తయింది.

విజయ్ దేవరకొండ, రష్మిక మందన్నా జంటగా వస్తోన్న పీరియాడికల్ మూవీ రణబాలి. రాయలసీమలో బ్రిటీశ్ కాలంలో జరిగిన ఆకృత్యాల నేపథ్యంలో ఈ మూవీని తెరకెక్కించారు. దాదాపు కోటిమందికి పైగా ఆకలి చావులతో చనిపోయారని.. ఆనాటి దారుణ పరిస్థితులను ఇందులో చూపించనున్నారు. ఈ సినిమాకు రాహుల్ సాంకృత్యాన్ దర్శకత్వం వహించారు. ఈ చిత్రాన్ని ‍అక్టోబర్ 16న ప్రేక్షకుల ముందుకు తీసుకొస్తున్నారు. ఈ సంగతి పక్కనపెడితే తాజాగా రష్మిక, విజయ్ దంపతులు కీలక నిర్ణయం తీసుకున్నారు. ఈ జంట తమ గొప్ప మనసును చాటుకున్నారు. ఏకంగా 400 కుటుంబాలను దత్తత తీసుకున్నట్లు ప్రకటించారు. ఈ కుటుంబాలకు మూడు నెలల పాటు సాయం చేస్తామని ప్రకటించారు. అన్నపూర్ణ పేరుతో 400 ఫ్యామిలీస్‌కు పౌష్టికహారం అందజేయనున్నట్లు రష్మిక వెల్లడించింది. ఈ విషయాన్ని తెలియజేస్తూ సోషల్ మీడియాలో పోస్ట్ చేసింది.రష్మిక తన ఇన్‌స్టాలో రాస్తూ..'మీరు పోషించే పాత్రలలో మిమ్మల్ని ప్రభావితం చేసే అంశాలు కొన్ని ఉంటాయి.. మీలో చాలా మంది 'జయమ్మకి, నాకు మధ్య ఏమైనా పోలికలు ఉన్నాయా?' అని అడుగుతూ ఉంటారు. దానికి నా సమాధానం ఉంది. ఇది ఎల్లప్పుడూ నేనే, ఇది ఆమె కూడా.. మీరు నాపై చూపిస్తున్న ప్రేమకు ప్రతిఫలంగా నేను ఎప్పుడూ ఇలాంటివి చేస్తూనే ఉంటా.. కానీ ఎప్పుడూ ఈ విషయాన్ని రహస్యంగా ఉంచాను. ఎందుకంటే, నాకు, నా బృందానికి, మాలో కొందరికి తెలిస్తే చాలు అనుకున్నా. కానీ ఇప్పుడు నేను దీని గురించి బయటపెడుతున్నా.. ఎందుకంటే ఇది మిమ్మల్ని, నా ప్రియమైన వారిని, ఇలాంటిది ఏదైనా చేయడానికి ప్రభావితం చేయగలిగితే.. నేను చాలా సంతోషిస్తాను. నేను ఈ రోజు 400 కుటుంబాలను దత్తత తీసుకున్నా. ఒక్కో కుటుంబానికి 3 నెలల పాటు సహాయం చేయాలనుకుంటున్నా. రాబోయే ఒక సంవత్సరం పాటు దీనిని కొనసాగిస్తా. వారు ఆ డబ్బును నిత్యావసరాల కోసం ఆదా చేసి, దానిని తమ భవిష్యత్తును మెరుగ్గా ప్రణాళిక చేసుకోవడానికి ఉపయోగించుకుంటారని ఆశిస్తున్నా' అంటూ రాసుకొచ్చింది. View this post on Instagram A post shared by Rashmika Mandanna (@rashmika_mandanna)

టాలీవుడ్ సీనియర్ నటుడు, కమెడియన్ గౌతమ్ రాజు అభిమానులకు విజ్ఞప్తి చేశారు. తాను ప్రస్తుతం చాలా ఆరోగ్యంగానే ఉన్నానని గౌతమ్ రాజు తెలిపారు. నటుడిగా వందల సినిమాల్లో నటించానని వెల్లడించారు. నా గురించి కొందరు సోషల్ మీడియాలో పోస్టులు పెట్టారని ఆవేదన వ్యక్తం చేశారు. నన్ను బాధపెట్టేలా వార్తలు రాశారని గౌతమ్ రాజు అన్నారు. నేను కిడ్నీ వ్యాధితో బాధపడుతున్నానని రాశారు. దయచేసి ఇలాంటి అవాస్తవాలు ప్రచారం చేయవద్దని ఆయన కోరారు. నా కెరీర్‌లో నటుడిగా చెప్పుకోవడానికి నా దగ్గర వందల సినిమాలు ఉన్నాయని కూడా వెల్లడించారు.కాగా.. గౌతమ్ రాజు నటుడిగా, క్యారెక్టర్ ఆర్టిస్ట్‌గా, కమెడియన్‌గా కొన్ని వందల సినిమాలు చేశారు. అగ్ర హీరోల చిత్రాల్లో తనదైన హవాభావాలతో, నటనతో ఆకట్టుకున్నారు. ప్రస్తుతం సినిమాలు చేయకపోయినా.. సీరియల్స్‌లో కనిపిస్తున్నారు. ఈ నేపథ్యంలో ఆయన ఆరోగ్యంపై రూమర్స్ రావడంతో సోషల్ మీడియాలో స్పందించారు. తాను 200లకు పైగా సినిమాల్లో నటించానని గౌతమ్ రాజు వెల్లడించారు. ఘరానా మొగుడు, వినోదం, ప్రేమకు వేళాయెరా లాంటి సూపర్ హిట్ చిత్రాల్లో నటించానని గుర్తుచేశారు.(ఇది చదవండి: రణబాలిలో నా రోల్.. ఆమె పేరుతోనే: రష్మిక)తాను ఏ పత్రికకు ఎలాంటి ఇంటర్వ్యూ ఇవ్వలేదని గౌతమ్ రాజు తెలిపారు. తనపై వచ్చిన వార్తను చూసి స్నేహితులు ఆందోళన చెందుతున్నారని అన్నారు. ఎవరికైనా అనారోగ్యం వస్తే వారిని చూసి జాలిపడటమే కాకుండా.. వీలైతే సహాయం చేయాలని అన్నారు. అయితే, తాను ఆరోగ్యంగానే ఉన్నానని, సంతోషంగా జీవితాన్ని కొనసాగిస్తున్నానని స్పష్టం చేశారు. తన గురించి తప్పుడు కథనాలు రాయొద్దని.. సోషల్ మీడియా ప్రతినిధులను కోరారు.

గతేడాది నితిన్ హీరోగా వచ్చిన తమ్ముడు మూవీతో ఎంట్రీ హీరోయిన్ లయ. ప్రస్తుతం టాలీవుడ్‌లో క్యారెక్టర్‌ ఆర్టిస్ట్‌గా రాణిస్తోంది. ఈ ఏడాదిలో శివాజీ సరసన ఓ సినిమాలో కనిపించింది. కొన్నేళ్లపాటు సినిమాలకు బ్రేక్ ఇ‍చ్చిన అమెరికా వెళ్లిపోయిన ఈ ముద్దుగుమ్మ రీ ఎంట్రీలోనూ అదరగొడుతోంది. ఏ పాత్ర వచ్చినా సరే వెండితెరపై అభిమానులను అలరిస్తోంది.(ఇది చదవండి: నా ఫ్లాఫ్ చూసి కొందరు ఎంజాయ్ చేశారు: విజయ్ దేవరకొండ షాకింగ్ కామెంట్స్)తాజాగా ఈ ముద్దుగుమ్మ బతుకమ్మ పండుగను సెలబ్రేట్ చేసుకుంది. దీనికి సంబంధించిన వీడియోను సోషల్ మీడియాలో పోస్ట్ చేసింది. సంప్రదాయ దుస్తుల్లో కనిపించిన హీరోయిన్ తెలంగాణ వారసత్వాన్ని చాటుకుంది. బతుకమ్మ పండుగ అంటే పువ్వులు, స్త్రీతత్వం, తెలంగాణ అందమైన వారసత్వానికి ఒక వేడుక అంటూ ఆనందం వ్యక్తం చేసింది. ఈ వీడియో సోషల్ మీడియాలో వైరల్‌గా మారింది. View this post on Instagram A post shared by Laya Gorty (@layagorty)

విజయ్ దేవరకొండ, రష్మిక మందన్నా జంటగా వస్తోన్న పీరియాడికల్ మూవీ రణబాలి. రాయలసీమలో బ్రిటీశ్ కాలంలో జరిగిన ఆకృత్యాల నేపథ్యంలో ఈ మూవీని తెరకెక్కించారు. దాదాపు కోటిమందికి పైగా ఆకలి చావులతో చనిపోయారని.. ఆనాటి దారుణ పరిస్థితులను ఇందులో చూపించనున్నారు. ఈ సినిమాకు రాహుల్ సాంకృత్యాన్ దర్శకత్వం వహించారు. ఈ చిత్రాన్ని ‍అక్టోబర్ 16న ప్రేక్షకుల ముందుకు తీసుకొస్తున్నారు. ఈ సందర్భంగా రణబాలి ప్రీ రిలీజ్ ఈవెంట్ నిర్వహించారు.ఈ ఈవెంట్‌కు హీరోయిన్ రష్మిక మందన్నా హాజరయ్యారు. ఈ సందర్భంగా రణబాలిలో తన రోల్‌కు సంబంధించిన ఆసక్తికర విషయాన్ని పంచుకున్నారు. తాను ఇంకా సినిమా చూడలేదని.. మీతో కలిసి థియేటర్‌లో చూస్తానని అన్నారు. తాను మూవీ సెట్స్‌లో వెళ్తుంటే భయం భయంగా వెళ్తానని రష్మిక తెలిపింది. అందరూ సీరియస్‌గా వర్క్ చేస్తుంటే..తాను మాత్రం భయపడతాననని వెల్లడించింది. ఈ మూవీలో నా క్యారెక్టర్ పేరు జయమ్మ అని.. అది మా డైరెక్టర్ రాహుల్ మదర్‌ గారి పేరు అని రష్మిక రివీల్ చేశారు. అందుకే అక్కడే నేను కనెక్ట్ అయిపోయానని రష్మిక ఆనందం వ్యక్తం చేశారు.

విజయ్ దేవరకొండ, రష్మిక మందన్నా జంటగా వస్తోన్న పీరియాడికల్ మూవీ రణబాలి. రాయలసీమలో బ్రిటీశ్ కాలంలో జరిగిన ఆకృత్యాల నేపథ్యంలో ఈ మూవీని తెరకెక్కించారు. దాదాపు కోటిమందికి పైగా ఆకలి చావులతో చనిపోయారని.. ఆనాటి దారుణ పరిస్థితులను ఇందులో చూపించనున్నారు. ఈ సినిమాకు రాహుల్ సాంకృత్యాన్ దర్శకత్వం వహించారు. ఈ చిత్రాన్ని ‍అక్టోబర్ 16న ప్రేక్షకుల ముందుకు తీసుకొస్తున్నారు. ఈ సందర్భంగా మంగ‌ళ‌వారం హైద‌రాబాద్‌లో రణబాలి ప్రీ రిలీజ్ ఈవెంట్ నిర్వహించారు.ఈ ఈవెంట్‌కు హాజరైన విజయ్ దేవరకొండ ఆసక్తికర కామెంట్స్ చేశారు. నా నోటా మూవీ సరిగా ఆడకపోవడంతో అందరు నన్ను ట్రోల్స్ చేశారని అన్నారు. ఆ సమయంలో నేను కూడా ఫీల్ అయ్యానని.. అప్పుడు అందరికీ ఐ విల్‌ బీ బ్యాక్ ‍అని లెటర్ రాశానని చెప్పుకొచ్చారు. అయితే కొందరు ఫెయిల్యూర్‌ చూసి ఎంజాయ్ చేశారని తెలిసిందన్నారు. అందుకే నా ఈగో హార్ట్ ‍అయిందన్నారు. ఇప్పుడు మళ్లీ రణబాలితో మీ ముందుకొస్తున్నానని.. ఆ రోజు టాక్సీవాలా సక్సెస్ మీట్‌లో బ్లడీ షూర్ ఐ విల్ బి బ్యాక్ చెప్పానని గుర్తు చేసుకున్నారు.ఇప్పుడు మీరు ఆదరిస్తే మళ్లీ సక్సెస్ మీట్‌కు వచ్చి అందరి ముందు మళ్లీ గుర్తు చేస్తానని విజయ్ దేవరకొండ అన్నారు. ఈసారి మనం అనుకున్నది జరిగిందంటే... అనంతపూర్‌లో మీ అందరి ముందు మళ్లీ గుర్తు చేస్తానని ధీమా వ్యక్తం చేశారు. మనకు తెలిసింది మన అందరికీ తెలిసిందే ఒకటే, మన చేతిలో రెండే ఉంటాయి.. మన మీద మనకున్న నమ్మకం, మనం చేసే పనిలో పూర్తిగా ప్రాణం పెట్టి చేయడమని మాట్లాడారు. రాహుల్ కేవలం కెరీర్ కోసం సినిమాలు తీయడని.. బలమైన కథలు చెప్పాలని ప్రయత్నిస్తుంటాడని డైరెక్టర్‌ను విజయ్ కొనియాడారు.ఇదీ చ‌ద‌వండి: రష్మికకు విజయ్ థ్యాంక్స్

ప్రస్తుతం సినిమాల్లో ప్రత్యేక పాటలు చిత్రాలకు ఓ ట్రెండ్‌గా మారాయనే చెప్పాలి. ఈ తరహా పాటలు యూత్‌ను బాగా ఎట్రాక్ట్‌ చేయడమే ఇందుకు ప్రధాన కారణం. ముఖ్యంగా స్టార్‌ హీరోల చిత్రాల్లో ప్రత్యేక పాటలు ట్రెండింగ్‌గా మారుతున్నాయనే చెప్పాలి. రజినీకాంత్‌ హీరోగా నటించిన జైలర్‌ చిత్రంలో నటి తమన్నా నటించిన నువ్వు కావాలయ్యా సాంగ్‌ అభిమానులను విపరీతంగా ఆకట్టుకుంది. ఆ పాటలో మిల్కీ బ్యూటీ డ్యాన్స్‌తో అదరగొట్టింది.తాజాగా రజనీకాంత్‌ నటించిన జైలర్‌ 2 చిత్రం లో కూడా రెండు స్పెషల్ సాంగ్స్ ఉన్నాయి. ఇందులో ఒక పాటలో నటి పూర్ణ నటించారు. ఈ పాటను ఇటీవల విడుదల చేశారు. పాట బాగున్నా అనుకున్న రేంజ్‌లో రెస్పాన్స్‌ రాలేదు. అయితే ఇటీవల మరో ప్రత్యేక పాటను విడుదల చేశారు. దీన్ని పక్కా మాస్‌ మసాలా సాంగే అనాలి. ఇందులో కెనడాకు చెందిన నటి, మోడల్, డాన్సర్‌ గ్లామర్‌ డాల్‌ నోరా ఫతేరి నటించారు.గతంలో ఈ బాలీవుడ్ బ్యూటీ తమిళం, తెలుగు,మలయాళం, కన్నడం, హిందీ భాషల్లో పలు చిత్రాల్లో ప్రత్యేక పాటల్లో, పాత్రల్లో నటించారు. ముఖ్యంగా తెలుగు చిత్రం బాహుబలి– 1లో మనోహరి అనే పాటలో మరో ముగ్గురు భామలతో కలిసి నటించి బాగా గుర్తింపు పొందారు. కాగా తాజాగా జైలర్‌ 2 చిత్రంలో నటించిన బిందాస్‌ అనే పాటలో నోరా ఫతేరి అనే పాట యూట్యూబ్‌ ఛానళ్లలో హల్‌ చల్‌ చేస్తోంది. జైలర్‌ చిత్రంలో తమన్నా ఎలాగైతే అందాల మోత మోగించారో, అదేవిధంగా ఇప్పుడు నటి నోరా ఫతేరి కూడా ఏ మాత్రం ఒళ్లు దాచుకోకుండా బిందాస్‌ పాటలో నటించారు.అయితే జైలర్‌ చిత్రంలోని తమన్నా నటించిన నువ్వు కావాలయ్యా పాటను ఈ బిందాస్‌ పాట బీట్‌ చేస్తుందా ? లేదా అనేది మూవీ రిలీజ్ అయ్యాకే తెలుస్తుంది.

విజయ్ దేవరకొండ, రష్మిక మందన్న జంటగా నటిస్తున్న ఈ పీరియాడిక్ యాక్షన్ డ్రామా రణబాలి. పెళ్లి తర్వాత వీరిద్దరు జంటగా నటించిన మూవీ కావడంతో భారీ అంచనాలు నెలకొన్నాయి. ఈ క్రమంలో సినిమా ప్రమోషన్స్‌ను మరింత జోరుగా నిర్వహిస్తున్న మేకర్స్.. హైదరాబాద్‌లో ప్రీ రిలీజ్ ఈవెంట్ నిర్వహించారు. ఈ ఈవెంట్‌కు దర్శకుడు, నటుడు రాహుల్ రవీంద్రన్ కూడా హాజరయ్యారు.ఈ సందర్భంగా డైరెక్టర్ రాహుల్ సాంకృత్యాన్ గురించి మాట్లాడారు. నాకు రాహుల్ ఓ కథ చెప్పారు.. అది చాలా బాగా నచ్చిందని అన్నారు. ఆ తర్వాత 2015లో ఓ కొత్త బ్యానర్‌ తెలుగు సినిమాలో అడుగుపెట్టారని తెలిపారు. తొలిసారే వీళ్లు పెద్ద ప్రాజెక్ట్ చేయడం చూసి షాకయ్యానని అన్నారు. మైత్రి మూవీ మేకర్స్ బ్యానర్‌లో వచ్చిన మొదటి మూవీ సూపర్‌హిట్‌గా నిలిచిందన్నారు.విజయ్ దేవరకొండ పెద్ద స్టార్ అయిపోయారని రాహుల్ రవీంద్రన్ అన్నారు. ఆ తర్వాత రాహుల్, విజయ్ ఇద్దరు టాక్సీవాలాతో సూపర్ హిట్ కొట్టారని తెలిపారు. ఇప్పుడు వీళ్లంతా రణబాలితో మనముందుకొస్తున్నారని కొనియాడారు. ఇక్కడ నాకు అందరికంటే ఎక్కువ కావాల్సిన అమ్మాయి రష్మిక అన్నారు. తన కోసమే ఈ ఈవెంట్‌కి వచ్చానని.. ఎక్కడికైనా వస్తా రాహుల్ రవీంద్రన్ తెలిపారు. నువ్వు నాకు ఫ్యామిలీతో సమానమని అన్నారు. కాగా.. ఈ చిత్రం అక్టోబర్ 16న ప్రేక్షకుల ముందుకు రానుంది.ఇదీ చ‌ద‌వండి: రష్మికకు విజయ్ థ్యాంక్స్

బిగ్‌బాస్ తెలుగు సీజన్‌ 10 ఆరో వారానికి చేరుకుంది. గతవారంలో డబుల్ ఎలిమినేషన్‌ కాగా.. వైల్డ్ ఫైర్ అంటూ ఐదుగురు కొత్త కంటెస్టెంట్లను హౌస్‌లోకి తీసుకొచ్చారు. ఈ సోమవారం నుంచి నామినేషన్ల పర్వం మొదలైంది. తొలి రోజు కొందరు నామినేట్ కాగా.. రెండో రోజు నామినేషన్స్‌లో హౌస్‌ హీటెక్కిపోయింది. ఒకరిపై ఒకరు కారణాలు ఓ రేంజ్‌లో రెచ్చిపోయారు. రోహిత్‌, శివకుమార్‌కు మధ్య చిన్నపాటి యుద్ధమే నడిచింది.ఇప్పటికే నామినేషన్స్‌లో ఝాన్సీ, వంశీ, అమన్, వర్షిణి ఉన్నారు. రెండో రోజు రామ్ ప్రసాద్, షాలిని కూడా నామినేట్ ‍అయ్యారు. రామ్ ప్రసాద్‌ను ముకేశ్ నామినేట్ చేయగా.. షాలినిని దెబ్జానీ నామినేట్ చేశారు. షాలినిని వంశీ కూడా టార్గెట్‌ చేశారు. ఆమెతో చాలాసేపు వాదించారు. ఆ తర్వాత రోహిత్‌ను త్రిగుణ్ నామినేట్ చేశారు. నామినేషన్స్‌ టైమ్‌లో రోహిత్‌, త్రిగుణ్‌కు మధ్య మాటల యుద్ధం నడిచింది. రోహిత్‌ను ఉద్దేశించిన నీది రొట్ట గ్యాంగ్‌ అంటూ త్రిగుణ్ రెచ్చిపోయాడు.ఆ తర్వాత రోహిత్‌కు.. వంశీకి పెద్ద గొడవే జరిగింది. ఏకంగా కొట్టుకునే వరకు వెళ్లారు. అలా ఈ వారంలో వంశీ, అమన్, వర్షిణి, రామ్ ప్రసాద్, షాలిని, రోహిత్ నామినేషన్స్‌లో నిలిచారు. నామినేషన్స్ ప్రక్రియ ముగియగానే కంటెస్టెంట్స్‌కు టాస్క్‌లు ఇచ్చాడు బిగ్‌బాస్. దశవాతారంలో భాగంగా రోడ్ బ్లాక్‌ గేమ్‌లో ఇద్దరిద్దరు కంటెస్టెంట్స్‌ తలపడ్డారు. ఈ టాస్క్‌లో నరేశ్, రోహిత్‌కు మధ్య వాగ్వాదం జరిగింది. మధ్యలో చరణ్ టాపిక్‌ తీసుకొచ్చారు. నీ గేమ్ చాలా వీక్‌ ఉందని రోహిత్‌కు ఇచ్చిపడేశాడు నరేశ్. అలా ఈ ఎపిసోడ్ ముగిసింది.

నాగచైతన్య సతీమణి, హీరోయిన్ శోభిత దూళిపాల ఆసక్తికర కామెంట్స్ చేసింది. గతంలో డేటింగ్‌పై తాను చేసిన వ్యాఖ్యలపై తాజాగా స్పందించింది. ఒక నటుడితో తానెప్పుడు డేటింగ్ చేయనని మాట్లాడింది. ఆ సమయంలో తన ఆలోచనల కారణంగానే అలా మాట్లాడానని తెలిపింది. కానీ ఆ తర్వాత తనలో ఆలోచనలో మార్పులు వచ్చాయని పేర్కొంది. (ఇది చదవండి: 'ఆ తెలుగు సినిమా అంటే పిచ్చి.. 50 సార్లు చూశా')శోభిత మాట్లాడుతూ.. 'ఏజ్ పెరిగే కొద్ది మన ఆలోచనల్లో మార్పులు సహజం. అప్పుడు నా చుట్టూ ఉన్న పరిస్థితుల కారణంగా అలా చెప్పాను. ఆ తర్వాత పరిస్థితులకు అనుగుణంగా మారడం, అభిప్రాయాన్ని మార్చుకోవడంలో ఎలాంటి తప్పులేదు. ఎప్పుడూ ఒకేలా ఆలోచించేవారు నా దృష్టిలో పరిస్థితులకు భయపడినట్లే. జీవితంలో ఎలాంటి మార్పునైనా స్వీకరించడానికి రెడీగా ఉన్నా. ప్రేమంటే కేవలం ఇద్దరి మధ్య రిలేషన్ మాత్రమే కాదు. ఇద్దరి మనసుల కలయిక. కేవలం రొమాన్స్‌ మాత్రమే ప్రేమ నేను భావించను' అని చెప్పుకొచ్చింది. కాగా.. శోభిత ధూళిపాళ్ల- నాగచైతన్య 2024లో పెళ్లిబంధంలోకి అడుగుపెట్టారు. వీరి పెళ్లి అన్నపూర్ణ స్టూడియోస్‌లో గ్రాండ్‌గా జరిగింది.

సీతారామం బ్యూటీ మృణాల్ ఠాకూర్ ఆసక్తికర కామెంట్స్ చేసింది. చివరిసారిగా డకాయిట్‌లో కనిపించిన ఈ ముద్దుగుమ్మ.. ప్రస్తుతం ఎలాంటి ప్రాజెక్ట్ చేయడం లేదు. ఈ నేపథ్యంలోనే తన సినిమాలకు సంబంధించి మాట్లాడింది. గత తొమ్మిది నెలలుగా ఏ ప్రాజెక్ట్‌కు తాను సంతకం చేయలేదని తెలిపింది. మీనింగ్‌ఫుల్ పాత్ర కోసం తాను ఎదురు చూస్తున్నానని పేర్కొంది. అయితే తనకు ఆఫర్లకు కొదవలేదని కూడా స్పష్టం చేసింది. తాజా ఇంటర్వ్యూలో మృణాల్ మాట్లాడుతూ.. "నేను దాదాపు గత తొమ్మిది నెలలుగా ఏ సినిమాకు సంతకం చేయలేదు. నాకు ఒక అర్థవంతమైన పాత్ర వస్తుందని ఎదురుచూస్తున్నా. ఏ ప్రకటన జరగాల్సి ఉన్నా అది నా సోషల్ మీడియా ద్వారానే జరుగుతుంది. అప్పుడే దాని గురించి మాట్లాడటానికి నేను ఇష్టపడతా" అని అన్నారు.తనకు చాలా స్క్రిప్ట్‌లు వస్తున్నాయని.. కానీ వాటిలో చాలా వరకు సృజనాత్మకంగా తనను ఆకట్టుకోలేకపోయాయని మృణాల్ తెలిపింది. నాకు ఆఫర్లు వస్తున్నాయి కానీ.. కథలు తనకు నచ్చడం లేదని వెల్లడించింది. అందుకే నేను కొంత విరామం తీసుకోవాలని నిర్ణయించుకున్ననట్లు పేర్కొంది. ఎందుకంటే నేను ప్రతిరోజూ సెట్‌లో ఎందుకు ఉంటున్నానో అని ప్రశ్నించుకోవాలనుకోవడం లేదని కామెంట్స్ చేసింది. కాగా.. గతేడాది అత్యంత బిజీగా ఉన్న ఈ ముద్దుగుమ్మ ఈ ఏడాదిలో ఎలాంటి కొత్త ప్రాజెక్ట్ ‍అనౌన్స్ చేయకపోవడం టాలీవుడ్‌ చర్చనీయాంశంగా మారింది.

పెద్ది మూవీ తర్వాత మెగా హీరో రామ్ చరణ్ నటిస్తోన్న క్రేజీ ప్రాజెక్ట్ ఆర్సీ17. ఈ సినిమాకు పుష్ప డైరెక్టర్ సుకుమార్‌ దర్శకత్వం వహిస్తున్నారు. వీరిద్దరి కాంబోలో వస్తోన్న మూవీ కావడంతో అభిమానుల్లో భారీ అంచనాలు నెలకొన్నాయి. ఈ సినిమా షూటింగ్ త్వరలోనే ప్రారంభం కానుంది. రంగస్థలం ఇండస్ట్రీ హిట్ తర్వాత వీరిద్దరి కాంబోలో వస్తున్న సినిమా కావడం విశేషం. ఈ నేపథ్యంలోనే ఈ చిత్రానికి సంబంధించి క్రేజీ టాక్ వైరలవుతోంది.ఈ మూవీలో హీరోయిన్‌గా ఆమె పేరే వినిపిస్తోంది. దురంధర్‌తో ఆకట్టుకున్న ముద్దుగుమ్మ సారా అర్జున్‌ను చెర్రీ సరసన తీసుకోవాలని భావిస్తున్నట్లు టాక్. జాన్వీ కపూర్ కంటే సారానే బెటర్‌ ఆప్షన్‌గా చూస్తున్నారని లేటేస్ట్ బజ్. దీనిపై ఇప్పటికే సోషల్ మీడియాలో చర్చ మొదలైంది. జాన్వీతో సారాను పోలుస్తూ పోస్టర్స్ పోస్ట్ చేస్తున్నారు. ఒకవేళ హీరోయిన్‌గా సారా అర్జున్ ఫైనల్ అయితే తొలిసారి అరుదైన కాంబో టాలీవుడ్ అభిమానులను అలరించనుంది.కాగా.. ఈ మూవీ అక్టోబర్ 25 లేదా 26న పూజా కార్యక్రమంతో సినిమా ప్రారంభం కావొచ్చని తెలుస్తోంది. ఆ తర్వాత రెగ్యులర్ షూటింగ్ కొద్ది వారాల తర్వాత మొదలయ్యే అవకాశం ఉంది.

హీరోయిన్ అనుపమ పరమేశ్వరన్ ప్రస్తుతం క్రేజీ కల్యాణం అంటూ ప్రేక్షకుల ముందుకొస్తోంది. తరుణ్ భాస్కర్‌ కీలక పాత్రలో వస్తోన్న ఈ మూవీ అక్టోబర్ 16న థియేటర్లలో సందడి చేయనుంది. ఇప్పటికే రిలీజైన ట్రైలర్ సినిమాపై అంచనాలు పెంచేసింది. ఈ రోజుల్లో పెళ్లి అనే కాన్సెప్ట్‌తో ఈ చిత్రాన్ని తెరకెక్కించిట్లు తెలుస్తోంది.ప్రస్తుతం అనుపమ ఈ మూవీ ప్రమోషన్స్‌తో బిజీగా ఉన్నారు. వరుస ఇంటర్వ్యూలకు హాజరవుతున్నారు. ఈ సందర్భంగా ఓ ఇంటర్వ్యూలో ఆసక్తికర విషయాన్ని పంచుకుంది. తనకు ఇష్టమైన సినిమా గురించి మాట్లాడింది. తనకు హ్యాపీడేస్ మూవీ అంటే చాలా ఇష్టమని తెలిపింది. ఆ మూవీ ఇప్పటి వరకు దాదాపు 50 సార్లు చూశానని వెల్లడించింది. ఇప్పటికీ కూడా టీవీలో వస్తే తప్పకుండా చూస్తానని అనుపమ పంచుకుంది.

టాలీవుడ్ జంట విజయ్ దేవరకొండ, రష్మిక మందన్నా తిరుమల శ్రీవారిని దర్శించుకున్నారు. ఇవాళ ఉదయాన్నే సుప్రభాత సేవలో పాల్గొన్నారు. ఈ సందర్భంగా వీరోష్ జంటకు ఆలయ అర్చకులు తీర్థ ప్రసాదాలు అందజేశారు. ఈ ఏడాది ఫిబ్రవరిలో ఈ జంట మూడు ముళ్లబంధంలోకి అడుగుపెట్టారు. వీరి పెళ్లి ఉదయ్‌పూర్‌లో గ్రాండ్‌గా జరిగింది.ఇక సినిమాల విషయానికొస్తే ప్రస్తుతం వీరిద్దరు జంటగా నటించిన రణబాలి రిలీజ్‌కు రెడీ అయింది. రాహుల్ సాంకృత్యాన్ డైరెక్షన్‌లో వస్తోన్న ఈ చిత్రం.. అక్టోబర్ 16న విడుదల కానుంది. ఇప్పటికే ట్రైలర్ రిలీజ్ కాగా.. ఆడియన్స్ నుంచి అద్భుతమైన రెస్పాన్స్ వచ్చింది. ఈ మూవీని బ్రిటీశ్ కాలంలో రాయలసీమలో జరిగిన దారుణాల నేపథ్యంలో తెరకెక్కించారు. కరువుతో దాదాపు కోటి మంది ఆకలి చావులతో అల్లాడిపోయారని డైరెక్టర్ రాహుల్ తెలిపారు. అందుకే ఈ కథను ప్రేక్షకుల ముందుకు తీసుకొస్తున్నట్లు ఆయన పేర్కొన్నారు. తిరుమల శ్రీవారిని దర్శించుకున్న #Virosh #RanaBaali Back 2 Back ప్రమోషన్స్ లో బిజీ బిజీగా #RashmikaMandanna & #VijayDeverakonda... https://t.co/Lvn1jGNijl— Taraq(Tarak Ram) (@tarakviews) October 13, 2026

నటి ఆకృతి అగర్వాల్‌.. క్రికెటర్‌ పృథ్వీషాతో ఎంగేజ్‌మెంట్‌ బ్రేకప్ చేసుకున్నారు. ఈ నిర్ణయాన్ని ప్రకటించి అందరికీ షాకిచ్చారు. తాజాగా నటి ఆకృతి తన ఫ్యాన్స్‌కు మరో బిగ్‌ ట్విస్ట్ ఇచ్చింది. తామిద్దరం మళ్లీ కలవబోతున్నామంటూ సోషల్ మీడియా వేదికాగా ప్రకటించింది. ఈ విషయాన్ని ఆకృతి ఇన్‌స్టాగ్రామ్‌ వేదికగా పోస్ట్ చేసింది. దీంతో ఈ జంట త్వరలోనే పెళ్లి పీటలు ఎక్కనుంది. సెప్టెంబర్ 17న బ్రేకప్ ప్రకటించి షాకిచ్చిన ఆకృతి.. నెల రోజుల్లోపే తన నిర్ణయం మార్చుకుంది. తన నిర్ణయంతో అతడికి కలిగిన బాధకు బాధ్యత వహిస్తున్నట్లు ఆమె రాసుకొచ్చింది.ఆకృతి తన ఇన్‌స్టాలో మాట్లాడుతూ..'ఇటీవల ఇద్దరం మాట్లాడుకున్నాం. పరస్పరం అర్థం చేసుకున్న తర్వాత మళ్లీ కలవాలని నిర్ణయించుకున్నాం. మా పర్సనల్‌ లైఫ్‌ను రెస్పెక్ట్ చేయండి. మా నిర్ణయంపై రూమర్స్ ప్రచారం చేయొద్దని' అభిమానులను కోరింది. పృథ్వీ షా సైతం ఆమె పోస్టును రీ షేర్‌ చేశాడు. కాగా.. టాలీవుడ్ నటి ఆకృతి అగర్వాల్‌తో మార్చి 8న పృథ్వీ షా ఎంగేజ్‌మెంట్ చేసుకున్న సంగతి తెలిసిందే. View this post on Instagram A post shared by AKRITI AGARWAL (@akritiagarwal7)

తెలుగింటి ఆడపడుచు పూజిత పొన్నాడ కోలీవుడ్లో తన అదృష్టాన్ని పరిక్షించుకొనుంది. తెలుగులో పలు చిత్రాల్లో నటించిన ఈ బ్యూటీ 'సిగ్నల్‌ అట్‌ 11.30' చిత్రం ద్వారా కథానాయికీగా కోలీవుడ్ ఎంట్రీ ఇస్తున్నారు.ఈ మూవీకి మలర్‌ వళీ నటేశన్‌ కథ, దర్శకత్వం బాధ్యతలను నిర్వహిస్తున్నారు. ఈ చిత్రాన్ని అలర్‌ స్టూడియోస్‌ పతాకంపై నిర్మిస్తున్నారు. ఈ చిత్రంలో సంతోష్‌ ప్రతాప్‌ హీరోగా..పూజిత పొన్నాడ, భవ్య త్రికా హిరోయిన్లుగా నటించారు.ఈ సస్పెన్స్‌ థ్రిల్లర్‌ కథా చిత్రం నిర్మాణ కార్యక్రమాలు పూర్తి చేసుకుని ఈ నెల 30వ తేదీన తెరపైకి రానుంది. ఈ సందర్భంగా సిగ్నల్‌ అట్‌ 11.30 చిత్రం ద్వారా కోలీవుడ్‌కు పరిచయం కావడం గురించి నటి పూజిత పొన్నాడ ఆనందాన్ని వ్యక్తం చేశారు. తన సినీ పయనంలో ఈ చిత్రం ముఖ్యమైన మైలు రాయిగా నిలిచిపోతుందనే నమ్మకాన్ని వ్యక్తం చేశారు. తాను విశాఖపట్నంలో పుట్టినా, పలు ప్రాంతాల్లో పెరిగి చదివినట్లు తెలిపారు. అలా విద్యకు ప్రాధాన్యత నిచ్చే కుటుంబంలో పెరిగిన తాను చెన్నైలో కంప్యూటర్‌ సైన్స్‌ చదివిన తాను హైదరాబాద్‌లో సాఫ్ట్వేర్‌ కంపెనీలో కొంత కాలం ఉద్యోగం చేసినట్లు చెప్పారు.నాట్యం, చిత్రలేఖనంప్‌ ఆసక్తి కలిగిన తాను షార్ట్‌ ఫిలిమ్స్‌ దర్శకుడిని కలిసినప్పుడు ఆయన అనూహ్యంగా షార్ట్‌ ఫిల్మ్‌ లో నటిస్తావా? అని అడగడంతో ఓకే చెప్పానన్నారు. అలా మొదలైన తన నట పయనం తాను నటించిన పరిచయం అనే షార్ట్‌ ఫిల్మ్‌ లో నటించాలని చెప్పారు. ఆ తరువాత నటించిన యాడ్‌ ఫిల్మ్‌ చూసిన దర్శకుడు సుకుమార్‌ ఆయన దర్శకత్వం వహించిన దర్శకుడు అనే చిత్రంలో నటించే అవకాశం కల్పించాలని చెప్పారు.ఆ తరువాత రామ్‌ చరణ్‌ హీరోగా నటించిన రంగస్థలం చిత్రంతో పాలు పలు చిత్రాల్లో ముఖ్య పాత్రలు పోషించినట్లు చెప్పారు. ఇప్పుడు ఈ చిత్రం ద్వారా కథానాయకిగా కోలీవుడ్‌కు పరిచయం అవుతున్నట్లు చెప్పారు. ఈ చిత్రంలో నటించడం మంచి అనుభవంగా నటి పూజిత పొన్నాడ పేర్కొన్నారు. ఈ చిత్రానికి డీ.ఇమాన్‌ సంగీతాన్ని అందించారు.

బిగ్‌బాస్ తెలుగు సీజన్‌ 10 మరింత రసవత్తరంగా మారింది. అప్పుడే ఐదు వారాలు పూర్తి చేసుకుని ఆరో వారంలోకి అడుగుపెట్టేసింది. ఈ వీకెండ్‌లో డబుల్ ఎలిమినేషన్‌ కాగా.. వైల్డ్ ఫైర్ అంటూ ఐదుగురు కొత్త కంటెస్టెంట్లను హౌస్‌లోకి తీసుకొచ్చారు. దీంతో బిగ్‌బాస్ హౌస్‌లో కంటెస్టెంట్స్ సంఖ్య మరింత పెరిగిపోయింది. ఇక సోమవారం వచ్చిందంటే చాలు నామినేషన్ల పర్వం మొదలవుతుంది.ఇక సోమవావం యథావిధిగా నామినేషన్ ప్రక్రియ మొదలైంది. ఈ సందర్భంగా కంటెస్టెంట్లు ఎప్పటి మాదిరిగానే మాటల యుధ్దం ప్రారంభించారు. దశావతారంలో భాగంగా ఈ వారం రోడ్ బ్లాక్ అంటూ బిగ్‌బాస్ ప్రకటించిన సంగతి తెలిసిందే. ఈ నామినేషన్ ప్రక్రియలో పోరాడే ఇద్దరు ఇంటి సభ్యులను వైల్డ్ కార్డ్‌ కంటెస్టెంట్ ఎంపిక చేస్తారని బిగ్‌బాస్ చెప్పారు. అలా శివకుమార్.. రోహిత్, త్రిగుణ్‌ను ఎంపిక చేయగా.. ఆ పోటీలో రోహిత్ గెలిచి నామినేషన్ ప్రక్రియ షురూ చేశారు. ఆ తర్వాత టెంపర్ వంశీ.. ఝాన్సీని నామినేట్ చేశారు. ఈ క్రమంలోనే ఇద్దరి మధ్య తీవ్ర వాగ్వాదం జరిగింది. ఆ తర్వాత వంశీ, రోహిత్ మధ్య భారీగానే మాటల యుద్ధం జరిగింది. చివరకు వంశీ నామినేట్ అయ్యారు.ఆ తర్వాత వైల్డ్ కార్డ్ కంటెస్టెంట్‌ నీతూ నటరాజ్ నామినేషన్స్ కోసం అమన్, ముఖేశ్‌ను ఎంపిక చేశారు. ఈ పోటీలో ముఖేష్ గెలవడంతో నామినేట్ చేసే అవకాశం ఆయనకు దక్కింది. ఈ సందర్భంగా అమన్, ముఖేశ్ మధ్య గొడవతో నామినేషన్ ప్రక్రియ మొదలైంది. ఈ సందర్భంగా అమన్.. షాలినిని నామినేట్ చేసేందుకు సిద్దమయ్యారు. ఈ నామినేషన్ సందర్భంగా అమన్, త్రిగుణ్, ముఖేశ్ పెద్ద గొడవ జరిగింది. ఈ ప్రక్రియలో అమన్‌ నామినేట్ అయ్యారు. ఆ తర్వాత వర్షిణి సౌందర్యరాజన్ కూడా నామినేట్ అయ్యారు. ‍అలా తొలిరోజు నామినేషన్స్ ప్రక్రియలో ఝాన్సీ, వంశీ, అమన్, వర్షిణి నామినేట్ అయ్యారు. ఈ నామినేషన్ ప్రక్రియ ముగిసే సమయానికి ఎన్ని వివాదాలు చోటు చేసుకొంటాయో వేచి చూడాల్సిందే.

చిన్న సినిమాగా వచ్చిన బాక్సాఫీస్ వద్ద ప్రభంజనం సృష్టించిన సినిమా హనుమాన్ అంశ్. బాలీవుడ్‌లో తెరకెక్కించిన ఈ చిత్రం ఏకంగా రూ.400 కోట్లకు పైగా వసూళ్లు సాధించింది. నీమ్ కరోలి బాబా జీవితం ఆధారంగా ఈ చిత్రాన్ని తెరకెక్కించారు. కేవలం రూ.2 కోట్ల బడ్జెట్‌తో ఈ మూవీని నిర్మించారు. కేవలం మౌత్‌టాక్‌తోనే హిందీలో కళ్లు చెదిరే కలెక్షన్స్ రాబట్టింది.బాలీవుడ్‌లో సూపర్ హిట్‌ అయిన ఈ చిత్రాన్ని తెలుగు ప్రేక్షకుల ముందుకు తీసుకొచ్చారు. హోంబలే ఫిల్మ్స్‌ ఆధ్వర్వంలో ఈ మూవీని తెలుగులో రిలీజ్ చేశారు. ఈ నెల 9న విడుదలైన ఈ సినిమా.. బాక్సాఫీస్ వద్ద రాణించలేకపోతోంది. తొలి మూడు రోజుల్లో కేవలం రూ.2 కోట్ల వసూళ్లు మాత్రమే రాబట్టిందని ట్రేడ్ వర్గాలు వెల్లడించాయి. హిందీలో వసూళ్లపరంగా దూసుకెళ్లిన ఈ మూవీ.. తెలుగులో వచ్చేసరికి అంతగా ఆదరణ దక్కించుకోలేకపోయింది.రిలీజ్ ఆలస్యం వల్లేనా?హిందీలో రిలీజైన రెండు నెలల తర్వాత రిలీజ్‌ చేయడం.. వసూళ్లపై ప్రభావం చూపినట్లు తెలుస్తోంది. మొదట త్రివిక్రమ్ ఈ చిత్రాన్ని తెలుగులో రిలీజ్ చేస్తారని వార్తలొచ్చాయి. కానీ కుదరలేదు. ఆ తర్వాత హోంబలే ఫిల్మ్స్‌ ఆధ్వర్వంలో విడుదల చేశారు. రిలీజ్ ఆలస్యం కావడం.. ప్రమోషన్స్‌ పెద్దగా చేయకపోవడంతో తెలుగు ఆడియన్స్‌ ఈ సినిమాకు దూరమైనట్లు తెలుస్తోంది. కాగా.. విశాల్ చతుర్వేది దర్శకత్వంలో తెరకెక్కిన ఈ చిత్రంలో శోభినావ్ సత్య ప్రధాన పాత్రలో నటించారు.

బాలీవుడ్ బిగ్‌బీ అమితాబ్ బచ్చన్ తన బర్త్ డే సందర్భంగా అభిమానులకు అభివాదం చేశారు. తన ఇంటి బయట నిలబడి ఫ్యాన్స్‌కు నమస్కరించాడు. ఆదివారం తన పుట్టినరోజు కావడంతో ఎప్పటిలాగే ఫ్యాన్స్‌కు పలకరించేందుకు వచ్చారు. అయితే అదే సమయంలో ఓ మహిళ అభిమాని అమితాబ్‌తో కరచాలనం చేసేందుకు యత్నించింది. కానీ అమితాబ్‌ ఆమెను పట్టించుకోలేదు. దీనికి సంబంధించిన వీడియో సామాజిక మాధ్యమాల్లో వైరల్‌గా మారింది.ఇది చూసిన నెటిజన్స్ సోషల్ మీడియాలో భిన్నంగా కామెంట్స్ చేస్తున్నారు. కొందరేమో ఆ అభిమాని అభ్యర్థనను మన్నించి కరచాలనం చేయాల్సిందని అభిప్రాయం వ్యక్తం చేస్తున్నారు. మరికొందరు ఆయన వ్యక్తిగత గోప్యతను గౌరవించాలని సూచిస్తున్నారు. ఆ అభిమాని ఎన్నో ఆశలతో అమితాబ్‌కు షేక్ హ్యాండ్ ఇచ్చేందుకు వస్తే నిరాశపరిచిడాని ఓ నెటిజన్స్ రాసుకొచ్చారు. ఆమెతో చేయి కలిపితే ఏం జరుగుతుంది? మరో నెటిజన్స్ ప్రశ్నించాడు. ఒకరు ఆయన అలా చేయాల్సిన అవసరం లేదనగా..ఈ మనుషులకు ఏమైంది? ఆయన కూడా ఒక మనిషే కదా అని మరో నెటిజన్‌ అన్నారు.ఇక సినిమాల విషయానికొస్తే అమితాబ్ ప్రస్తుతం నాగ్ అశ్విన్ దర్శకత్వంలో తెరకెక్కుతున్న 'కల్కి 2898 ఏడీ' సీక్వెల్‌లో అశ్వత్థామ పాత్రలో కనిపించనున్నారు. ఈ చిత్రంలో ప్రభాస్, కమల్ హాసన్ నటిస్తున్నారు. ఇటీవలే అమితాబ్‌ కల్కి-2 షూటింగ్‌లో పాల్గొన్నారు. View this post on Instagram A post shared by Abhishek Manjrekar 🧿 (@bollywood_videographer)

అల్లు అర్జున్‌ హీరోగా అట్లీ దర్శకత్వంలో రూపొందుతున్న సినిమా ‘రాకా’. ఈ చిత్రంలో దీపికా పదుకోన్‌ హీరోయిన్‌గా నటిస్తున్నారు. ఈ సినిమా చిత్రీకరణ శరవేగంగా జరుగుతోంది. ప్రస్తుతం ఈ మూవీకి సంబంధించి ఓ క్రేజీ టాక్ వినిపిస్తోంది. ఈ చిత్రంలో అల్లు అర్జున్‌ ఎంట్రీ సీక్వెన్స్‌ చాలా ఇంట్రెస్టింగ్‌గా ఉండనుందని తెలుస్తోంది. ఈ సీక్వెన్స్‌ కోసం బన్నీ రిస్కీ యాక్షన్ స్టంట్స్ కూడా ప్రాక్టీస్ చేస్తున్నారని లేటేస్ట్ టాక్ వినిపిస్తోంది. అంతేకాకుండా బన్నీ లుక్స్ కూడా చాలా స్పెషల్‌గా ఉండనున్నాయని టాక్. అయితే ఇది రూమరా? రియలా తెలియాలంటే మరింత క్లారిటీ రావాల్సి ఉంది. కాగా.. ఈ సినిమాలో దీపికతో పాటు మృణాల్ ఠాకూర్ కూడా హీరోయిన్‌గా నటిస్తోంది. అంతేకాకుండా జాన్వీ కపూర్ కూడా మరో హీరోయిన్ గా నటిస్తోంది. ఈ మాఫియా బ్యాక్ డ్రాప్‌లో తెరకెక్కిస్తున్నారు. ఈ మూవీని సన్‌ పిక్చర్స్‌ పతాకంపై కళానిధి మారన్‌ నిర్మిస్తున్నారు. ఈ సినిమా రెండు భాగాలుగా విడుదల కానుందనే ప్రచారం జరుగుతున్న సంగతి తెలిసిందే. ఈ చిత్రం వచ్చే ఏడాది ప్రేక్షకుల ముందుకు రానుంది.

అజయ్ దేవగణ్ హీరోగా వచ్చిన లేటేస్ట్ మూవీ దృశ్యం-3. గతంలో రెండు పార్టులు సూపర్ హిట్ కావడంతో దృశ్యం 3: ది కంక్లూజన్ పేరుతో రిలీజ్ చేశారు. ప్రస్తుతం ఈ సినిమా బాక్సాఫీస్ వద్ద సందడి చేస్తోంది. ఈ మూవీ కలెక్షన్స్ పరంగా ఓ రేంజ్‌లో దూసుకెళ్తోంది. ఈ సినిమా విడుదలైన 10 రోజుల్లోనే ప్రపంచవ్యాప్తంగా రూ. 480 కోట్ల మార్కును దాటేసింది.తాజాగా ఈ సినిమా మరో ఘనత సాధించింది. ఈ ఏడాది బాలీవుడ్‌లో అత్యధిక వసూళ్లు సాధించిన రెండో సినిమాగా ఘనత సొంతం చేసుకుంది. ఈ జాబితాలో మొదటిస్థానంలో దురంధర్-2 కొనసాగుతోంది. ఇదే క్రమంలో హనుమాన్ అన్ష్(రూ.431 కోట్లు), బోర్డర్ -2 (రూ.464 కోట్లు) చిత్రాలను అధిగమించింది. ఈ సినిమాకు ప్రపంచవ్యాప్తంగా రూ.480.40 కోట్లకు పైగా గ్రాస్ వసూళ్లు రాగా.. దేశవ్యాప్తంగా రూ.371.40 కోట్లకు పైగా గ్రాస్ కలెక్షన్స్ రాబట్టింది. ఈ సినిమాకు అభిషేక్ పాఠక్ దర్శకత్వం వహించారు. కాగా.. ఈ చిత్రంలో జైదీప్ అహ్లావత్, శ్రియా సరన్, ఇషితా దత్తా, టబు, రజత్ కపూర్, ప్రకాష్ రాజ్, మృణాల్ జాదవ్ కీలక పాత్రల్లో నటించారు. ఈ మూవీ అక్టోబర్ 2న థియేటర్లలో విడుదలైంది.

బాలీవుడ్ భామ విద్యాబాలన్ నటించిన సూపర్ హిట్ అండ్ బోల్డ్ మూవీ ది డర్టీ పిక్చర్. ఈ మూవీ ఆమె కెరీర్‌లో ఎప్పటికీ గుర్తుండిపోతుంది. 2011లో విడుదలైన ఈ చిత్రం బాక్సాఫీస్ వద్ద బ్లాక్‌బస్టర్‌గా నిలిచింది. ఈ చిత్రాని టాలీవుడ్ నటి సిల్క్ స్మిత జీవితం ఆధారంగా తెరకెక్కించారు. తాజాగా ఈ మూవీకి సీక్వెల్‌ రానుందని నిర్మాత ఏక్తా కపూర్ ప్రకటించారు. దాదాపు 15 ఏళ్ల తర్వాత ఈ మూవీ సీక్వెల్‌ను అనౌన్స్ చేయడంతో అభిమానుల్లో ఆసక్తి నెలకొంది. గతంలో రిలీజైన ది డర్టీ పిక్చర్ సినిమాలో సిల్క్ స్మిత జీవితంతో ప్రేరణ పొందిన కథ ప్రేక్షకులను ఆకట్టుకుంది. అయితే ఈసారి లీడ్‌ రోల్ ఎవరు చేస్తారనే విషయాన్ని వెల్లడించలేదు. విద్యాబాలన్ ఈ పాత్రను మరోసారి చేస్తుందా? లేదంటే కొత్త వారిని తీసుకుంటారా? అనే విషయం తెలియాల్సి ఉంది. ఈ మూవీ కూడా ఒక వ్యక్తి జీవితం చుట్టూనే తిరుగుతుందని ఏక్తా కపూర్ తెలిపింది. కానీ అయితే ఆ వ్యక్తి ఎవరో మాత్రం ఆమె వెల్లడించలేదు.ఏక్తా కపూర్ మాట్లాడుతూ..'నేను చేస్తున్న చాలా పెద్ద సినిమాలలో 'ది డర్టీ పిక్చర్ 2'ఒకటి. దాదాపు 15 సంవత్సరాల తర్వాత ప్లాన్ చేస్తున్నా. 'ది డర్టీ పిక్చర్' సిల్క్ స్మిత జీవితంపై తీశాం. నేను ఆమెను ఎప్పుడూ బాధితురాలిగా చూడలేదు. నేను ఆమెను తన లైంగికతను ఆస్వాదించే వ్యక్తిగా చూశా. అందుకే ఆ సినిమా చాలా బాగా ఆడింది." అని అన్నారు. కాగా.. ది డర్టీ పిక్చర్' చిత్రంలో విద్యా బాలన్, నసీరుద్దీన్ షా, ఇమ్రాన్ హష్మీ, తుషార్ కపూర్ కీలక పాత్రల్లో నటించారు. ఈ చిత్రంలో తన నటనకు గాను విద్యా బాలన్ ఉత్తమ నటిగా జాతీయ చలనచిత్ర పురస్కారాన్ని గెలుచుకున్నారు.కాగా.. టాలీవుడ్ నటి, ఐటమ్ సాంగ్స్ ఫేమ్ సిల్క్ స్మిత తన 18 ఏళ్ల కెరీర్‌లో 450కి పైగా చిత్రాలలో నటించారు. ఆమె 35 ఏళ్ల వయసులో చెన్నైలోని తన ఇంట్లో ఆత్మహత్య చేసుకుని మరణించారు.

శ్రీ విష్ణు హీరోగా వచ్చిన లేటేస్ట్ మూవీ కామ్రేడ్ కల్యాణ్. ఈ చిత్రంలో మహిమ నంబియార్ హీరోయిన్ నటించింది. ఈ సినిమాకు జానకీరామ్ దర్శకత్వంలో తెరకెక్కించారు. ప్రస్తుతం ఈ మూవీ బాక్సాఫీస్ వద్ద సందడి చేస్తోంది. మొదటి రోజు పాజిటివ్ టాక్ రాకపోయినప్పటికీ.. వసూళ్లపరంగా రాణించింది. రెండు రోజుల్లోనే దాదాపు రూ.8 కోట్లకు పైగా వసూళ్లు సాధించింది.తాజాగా ఈ మూవీ షూటింగ్‌కు సంబంధించిన ఓ వీడియోను రచయిత కోన వెంకట్ సోషల్ మీడియాలో షేర్ చేశారు. అడవిలో షూటింగ్ సందర్భంగా నటుడు శ్రీకాంత్ కింద పడబోయాడు. వెంటనే అక్కడున్న వారంతా శ్రీకాంత్‌ను పట్టుకుని ప్రమాదం నుంచి కాపాడారు. సినిమా రిలీజ్ అయ్యాక నటులు పడే బాధలు ఇలా ఉంటాయని కోన వెంకట్ ట్వీట్ చేశారు.కోన వెంకట్ తన ట్వీట్‌లో రాస్తూ..'ప్రాణాలు పణంగా పెట్టి మా యాక్టర్స్ చేస్తారు. సినిమాయే ప్రాణంగా మేమంతా బతుకుతాం.. ఆ సినిమా చూసి మీరు ఎంజాయ్ చేసి బ్లాక్బస్టర్ చేస్తే అదో పునర్జన్మ లా అనిపిస్తుంది.. కామ్రేడ్ కళ్యాణ్ కోసం ఈ సీన్ 2025 ఫిబ్రవరి లో మంగళూరు అడవిలో తీసినప్పుడు ఈ సంఘటన జరిగింది.. ఈ విజయం తో మా శ్రీకాంత్‌కు మాకు ఎంతో సంతోషాన్ని ఇచ్చారు' అని పోస్ట్ చేశారు. ప్రాణాలు పణం గా పెట్టి మా యాక్టర్స్ చేస్తారు.. సినిమాయే ప్రాణంగా మేమంతా బతుకుతాం.. ఆ సినిమా చూసి మీరు ఎంజాయ్ చేసి బ్లాక్బస్టర్ చేస్తే అదో పునర్జన్మ లా అనిపిస్తుంది.. “కామ్రేడ్ కళ్యాణ్” కోసం ఈ సీన్ 2025 ఫిబ్రవరి లో మంగళూరు అడవిలో తీసినప్పుడు ఈ సంఘటన జరిగింది.. ఈ విజయం తో మా శ్రీకాంత్ కు మాకు ఎంతో సంతోషాన్ని ఇచ్చారు 🤗 @sreevishnuoffl @siyengarks Love you Audience ❤️ #ComedyKalyanBB— KONA VENKAT (@konavenkat99) October 11, 2026

అనుపమ పరమేశ్వరన్, తరుణ్ భాస్కర్ , అఖిల్‌ రాజ్‌, నరేష్ వీకే కీలక పాత్రల్లో నటిస్తున్న తాజా చిత్రం ‘క్రేజీ కళ్యాణం’. బద్రప్ప గాజుల దర్శవత్వం వహిస్తున్న ఈ చిత్రాన్ని బూసమ్ జగన్ మోహన్‌రెడ్డి నిర్మిస్తున్నారు. శనివారం ఈ చిత్ర టీజర్‌ విడుదల చేశారు మేకర్స్‌. పెళ్లి చుట్టూ సాగే ఈ వినోదాత్మక చిత్రంలో అనుపమ తెలంగాణ పల్లెటూరి అమ్మాయిగా కనిపించబోతుంది. తాజాగా ఈ మూవీ ప్రి రిలీజ్ ఈవెంట్‌ నిర్వహించారు.ఈ సందర్భంగా ఈవెంట్‌కు హాజరైన వీకే నరేశ్ పెళ్లిళ్లపై ఆసక్తికర కామెంట్స్ చేశారు. ఈ రోజుల్లో పెళ్లి చేసుకోవడం? రైట్ ఆర్ రాంగ్ అనే ప్రశ్నకు ఆయన స్పందించారు. దీనికి స్పందిస్తూ.. పెళ్లి చేసుకున్నా.. లేకపోయినా కరెక్టే ఇ‍ప్పుడు అని చెప్పారు. ఈ రోజుల్లో లివింగ్ టుగెదర్ కూడా కరెక్ట్‌ అని అభిప్రాయం వ్యక్తం చేశారు. పెళ్లిళ్లు అనేది ఒక ఈవెంట్‌గా మారిపోయిందని.. ఆ తర్వాత డివోర్స్ కోసం కోట్ల రూపాయలు తగలెస్తున్నారని అన్నారు.మన రూరల్ సోసైటీలో పెళ్లిళ్ల కోసం ప్రయత్నాలు చేస్తూనే ఉన్నారు.. కానీ ఎవరికీ అవ్వడం లేదన్నారు. గ్రామీణ ప్రాంతాల్లో పరిస్థితి మరింత దారుణంగా ఉందన్నారు. అయితే ఈ రోజుల్లో పెళ్లి చేసుకున్నా.. చేసుకోకపోయినా ఫర్వాలేదండి.. పిల్లల్ని మాత్రం కనండి అంటూ వీకే నరేశ్ సలహా ఇచ్చారు. “పెళ్లిళ్లు చేసుకున్నా, చేసుకోకపోయినా పర్లేదు… పిల్లల్ని అయితే కనండి!” – Navarasa Raya Naresh | #CrazyKalyanam https://t.co/pMwUZf1ho6— cinee worldd (@Cinee_Worldd) October 11, 2026

బుల్లితెర రియాలిటీ షో బిగ్‌బాస్‌ ఐదో వారం ముగిసింది. ఈ వారాంతం ఎపిసోడ్‌ చాలా ఉత్కంఠగా సాగింది. వైల్డ్ కార్డ్ కంటెస్టెంట్స్‌ ఎంట్రీతో హౌస్‌లో కొత్త ఉత్సాహం కనిపించింది. అదే క్రమంలో ఈ వారం డబుల్ ఎలిమినేషన్ కూడా జరిగింది. అపూర్వ ఎలిమినేట్‌ కాగా.. ఆమెతో పాటు మరో కంటెస్టెంట్‌ హౌస్‌కు సెండాఫ్ ఇచ్చేశాడు. ఇంతకీ ఆ వివరావేంటో చూసేద్దాం.వైల్డ్ కార్డ్ ఎంట్రీస్ ఉంటాయని ముందే ప్రకటించడంతో ఎవరెవరు అనే దానిపై ఆడియన్స్‌లో ఆసక్తి నెలకొంది. ముందుగా ఊహించనట్లుగానే ప్రియాంక జైన్ ప్రియుడు, బుల్లితెర నటుడు శివ కుమార్ హౌస్‌లో అడుగుపెట్టారు. బైక్‌పై ఎంట్రీ ఇవ్వడం ఆసక్తిగా అనిపించింది. శివతో పాటు నీతూ నటరాజ్, దక్ష గుత్తికొండ, శ్వేతానాయుడు బిగ్‌బాస్‌ హౌస్‌లోకి ఎంట్రీ ఇచ్చారు.చివరి వైల్డ్‌ కార్డ్ కంటెస్టెంట్‌గా శ్రీకాకుళంకు చెందిన కామనర్ ఎంట్రీ ఇచ్చాడు. నవరసాలు రామకృష్ణకు హౌస్‌ మేట్స్‌ గ్రాండ్ వెల్‌కమ్‌ చెప్పారు. హోస్‌లో వస్తూనే నరేశ్‌, రోహిత్‌పై అభిమానం చాటుకున్నారు. నాగార్జున బ్యాడ్జెస్‌ను ఒకటి నరేశ్‌కు ఇవ్వగా.. మరొకటి రోహిత్‌కు ఇచ్చిన ఎలిమినేషన్ నుంచి సేవ్ చేశాడు.డబుల్ ఎలిమినేషన్..ఈ వారం ఊహించని విధంగా డబుల్ ఎలిమినేషన్‌ జరిగింది. ఆడియన్స్‌ ఓటింగ్ ఆధారంగా అపూర్వ హౌస్‌ నుంచి బయటికి వచ్చేసింది. ఆ తర్వాత చివర్లో ఇద్దరు మాత్రమే నామినేషన్స్‌లో మిగిలారు. షాలినితో పాటు చరణ్‌ మాత్రమే ఎలిమినేషన్‌లో లిస్ట్‌లో నిలిచారు. వీరిలో ఎవరిని హౌస్‌లో ఉంచాలా? అనే విషయంలో ఓటింగ్ నిర్వహించారు నాగ్. ఇద్దరితో ఎవరైతే హౌస్‌లో ఉండాలని భావిస్తున్నారో వారి పేరు రాసి బాక్స్‌లో వేయాలని సూచించారు. ఈ ఓటింగ్‌లో 11 మంది పార్టిసిపేట్ చేయగా.. షాలినికి 10 ఓట్లు, చరణ్‌కు కేవలం ఒక్క ఓటు మాత్రమే పడింది. దీంతో చరణ్ హౌస్‌ నుంచి బయటికి వెళ్లాల్సి వచ్చింది. బయటికి వచ్చే సమయంలో చరణ్ ఎమోషనల్ అయ్యారు. నా వల్ల ఎవరైనా హార్ట్ అయితే క్షమించాలని కంటెస్టెంట్స్‌ను కోరారు. బయటికి వచ్చిన చరణ్‌ను నాగ్‌ హత్తుకుని సెండాఫ్ ఇచ్చారు. అలా ఈ వారాంతం ఎపిసోడ్ ముగిసింది. ఇక దశవతారం కాన్సెప్ట్‌లో భాగంగా ఈ వారంలో రోడ్ బ్లాక్‌ అనే కొత్త టాస్క్‌ పరిచయం చేశారు.

సత్యదేవ్, రమ్యకష్ణ, ఫరియా అబ్దుల్లా ప్రధాన పాత్రల్లో ‘ట్రయల్‌ అండ్‌ ఎర్రర్‌’ సిరీస్‌ ఆరంభమైంది. కమల్‌హాసన్‌తో ‘చీకటి రాజ్యం’ వంటి థ్రిల్లర్‌ చిత్రానికి దర్శకత్వం వహించిన రాజేష్‌ సెల్వ ఈ సిరీస్‌ను తెరకెక్కిస్తున్నారు. శరత్‌ మరార్‌ నిర్మిస్తున్న ఈ సిరీస్‌ ఆదివారం పూజా కార్యక్రమాలతో ఆరంభమైంది. ఈ వేడుకకు నిర్మాత అల్లు అరవింద్‌ ముఖ్య అతిథిగా హాజరయ్యారు. ‘‘ఈ సిరీస్‌లో సత్యదేవ్‌ ఛాలెంజింగ్‌ క్యారెక్టర్‌ చేస్తున్నారు. రమ్యకష్ణ కీలక పాత్రలో కనిపిస్తారు. తనదైన స్క్రీన్‌ ప్రెజెన్స్‌తో ఆమె ఈ కథకు మరింత బలం చేకూర్చుతారు. ఫరియా అబ్దుల్లా పాత్ర మరో ప్రధాన ఆకర్షణగా నిలుస్తుంది’’ అని దర్శక–నిర్మాతలు తెలి పారు. ఇంకా ఈ సిరీస్‌లో విరాజ్‌ అశ్విన్, చైతన్య కష్ణ, వర్ష బొల్లమ్మ, యశ్‌ పూరి, సంపత్‌ రాజ్, సుబ్బరాజు కీలక పాత్రల్లో నటిస్తున్నారు.

రామాయణం ఆధారంగా నితీష్‌ తివారి దర్శకత్వంలో రూపొందుతున్న హిందీ సినిమా ‘రామాయణ’. ఈ చిత్రం రెండు భాగాలుగా విడుదల కానున్న విషయం తెలిసిందే. ఈ చిత్రంలో శ్రీరాముడిగా రణ్‌బీర్‌ కపూర్, సీతగా సాయిపల్లవి, లక్ష్మణుడిగా రవి దుబే, హనుమంతుడిగా సన్నీ డియోల్, రావణుడిగా యశ్‌ నటించారు. ‘రామాయణ పార్ట్‌ 1’ని ఈ నవంబరు 5న రిలీజ్‌ చేయనున్నట్లు ప్రకటించి, కొత్త పోస్టర్‌ను రిలీజ్‌ చేశారు మేకర్స్‌.దసరా నవరాత్రులు తొలి రోజును పురస్కరించుకుని, ‘యే రామ్‌ కే యుగ్‌ కా ఆరంభ్‌ హై’ (ఇది రాముడి యుగానికి ఆరంభం) అనే క్యాప్షన్‌తో ఆదివారం ‘రామాయణ’ తొలి భాగం విడుదల తేదీని తెలి పారు మేకర్స్‌. మలి భాగం వచ్చే ఏడాది దీ పావళి సందర్భంగా రిలీజ్‌ కానుంది. ‘‘నవంబరు 5 నుంచి ‘రామాయణ’ తొలి భాగం ప్రపంచవ్యాప్తంగా అన్ని ప్రీమియం ఫార్మాట్స్‌లో రిలీజ్‌ కానుంది. భారత్‌లో తెలుగు, తమిళం, మలయాళం, కన్నడం, హిందీ భాషల్లో రిలీజ్‌ చేస్తున్నాం.ఐమ్యాక్స్‌ ఫార్మాట్‌లోనూ ఈ సినిమా ప్రేక్షకులకు అందుబాటులోకి రానుంది. భారతదేశం మినహా ప్రపంచవ్యాప్తంగా ‘రామాయణ’ తొలి భాగాన్ని సోనీ పిక్చర్స్‌ సంస్థ రిలీజ్‌ చేస్తోంది. హిందీలో ధర్మ ప్రొడక్షన్స్‌ సంస్థ పంపిణీ చేస్తోంది’’ అని యూనిట్‌ పేర్కొంది. నమిత్‌ మల్హోత్రా, యశ్‌ నిర్మిస్తున్న ఈ చిత్రానికి సంగీతం: హన్స్‌ జిమ్మర్, ఏఆర్‌ రెహమాన్‌.

శ్రీ విష్ణు హీరోగా వచ్చిన లేటేస్ట్ మూవీ కామ్రేడ్ కల్యాణ్. ఈ చిత్రంలో మహిమ నంబియార్ హీరోయిన్ నటించింది. ఈ సినిమాకు జానకీరామ్ దర్శకత్వంలో తెరకెక్కించారు. ప్రస్తుతం ఈ మూవీ బాక్సాఫీస్ వద్ద సందడి చేస్తోంది. మొదటి రోజు పాజిటివ్ టాక్ రాకపోయినప్పటికీ.. వసూళ్లపరంగా రాణించింది. మొదటిరోజు రూ.4.5 కోట్ల గ్రాస్ కలెక్షన్ వచ్చినట్లు వెల్లడించారు.అయితే రెండో రోజు ఈ చిత్రం వసూళ్లపరంగా దూసుకెళ్లింది. ఫస్ట్ డే కేవలం రూ.4.5 కోట్లు మాత్రమే రాబట్టిన ఈ మూవీ.. రెండో రోజు ఊహించని కలెక్షన్స్ సాధించింది. శనివారం ఒక్కరోజే రూ.8 కోట్లకు పైగా వసూళ్లు రాబట్టింది. రెండో రోజుల్లో కలిపి ప్రపంచవ్యాప్తంగా రూ.12 కోట్లకు పైగా గ్రాస్ కలెక్షన్స్ వసూలు చేసింది. ఈ విషయాన్ని తెలియజేస్తూ ప్రత్యేక పోస్టర్ రిలీజ్ చేశారు మేకర్స్.కామ్రేడ్ కల్యాణ్ కథేంటంటే..'కామ్రేడ్ కళ్యాణ్' విషయానికొస్తే 90వ ద‌శ‌కంలోని ఆంధ్రా ఒడిశా స‌రిహ‌ద్దు ప్రాంతం. ఓ మాదిరిగా చ‌దువుకున్న తాడికొండ కళ్యాణ్‌ (శ్రీవిష్ణు).. ఊరిలో ఓ థియేట‌ర్‌ని లీజుకు తీసుకుని న‌డిపిస్తుంటాడు. అప్పుడే అక్క‌డి అడ‌వుల్లో న‌క్స‌లైట్ ద‌ళాల ఏరివేత కోస‌మ‌ని ప్ర‌త్యేకంగా ఐపీఎస్ అధికారి జార్జ్‌కుట్టి (షైన్ టామ్ చాకో) వస్తాడు. మాస్టార్ (సాయిచంద్‌) దళానికీ, జార్జ్‌కుట్టీకి మ‌ధ్య యుద్ధం కొన‌సాగుతుండ‌గానే, ఆ ఊరిలోకి ఒరియా అమ్మాయి సితార‌దేవి (మ‌హిమా నంబియార్‌) త‌న త‌ల్లిదండ్రుల‌తో క‌లిసి వ‌స్తుంది. ప్రాణాపాయ స్థితిలో ఉన్న త‌న త‌ల్లి స‌ర‌స్వ‌త‌మ్మ (రాధికా శ‌ర‌త్‌కుమార్‌)ని కాపాడిన సితార‌ని చూసి తొలి చూపులోనే కళ్యాణ్‌ ప్రేమ‌లో ప‌డతాడు. ఆమెతో క‌లిసి జీవితాన్ని పంచుకోవాల‌నుకుంటాడు.సితార కోసం చేసిన కొన్ని పనుల వల్ల థియేట‌ర్‌ని న‌డిపే కళ్యాణ్‌.. కామ్రేడ్ కళ్యాణ్‌ అవుతాడు. పోలీసుల‌కు మోస్ట్ వాంటెడ్‌గా మారిపోతాడు. అడ‌విలోని అన్న‌ల‌కు, కళ్యాణ్‌కు సంబంధమేంటి? త‌న ప్రేయ‌సి సితార కుటుంబాన్ని క‌ష్టాల నుంచి గట్టెక్కించాడా? సితార కుటుంబం క‌ష్టాల్లో కూరుకుపోవ‌డానికి కార‌ణ‌మేమిటి? అనేది మిగతా స్టోరీ. The laughter blast of @sreevishnuoffl’s #ComradeKalyan resounded at Box office 💥💥💥 𝟭𝟮.𝟬𝟭 𝗖𝗥 TWO DAYS WW GROSS FOR 𝗡𝗔𝗩𝗩𝗨𝗟𝗔 𝗕𝗟𝗢𝗖𝗞𝗕𝗨𝗦𝗧𝗘𝗥 🤩🤩🤩 Book Your Tickets Now for Fun Fest at Theaters with Families 🎟️ — https://t.co/P1y1Prq579 #LOLSalaam https://t.co/aFI9TXkZvE— Kona Film Corporation (@KonaFilmCorp) October 11, 2026

బిగ్‌బాస్ రియాలిటీ షో అప్పుడే ఐదోవారం ఎండింగ్‌కు వచ్చేసింది. ఇక వీకెండ్ ఎపిసోడ్ వచ్చిందంటే చాలు.. నాగార్జున ఎంట్రీతో మామూలుగా ఉండదు. ఇక ఈ వారం ఎలిమిషన్‌తో పాటు వైల్డ్ కార్డ్ కంటెస్టెంట్స్ ఎంట్రీ ఉండడంతో మరింత ఆసక్తికరంగా మారింది. ఈ సారి దాదాపు ఐదుగురు వైల్డ్ కార్డ్ ద్వారా ఎంట్రీ ఇవ్వనున్నట్లు తెలుస్తోంది. తాజాగా ప్రోమో రిలీజ్ కాగా.. ఇవాల్టి ఎపిసోడ్‌పై మరింత ఆసక్తి పెరిగింది.వైల్డ్ కార్డ్ ఎంట్రీస్ కన్‌ఫామ్ కావడంతో ఎవరనే విషయంపై ఆడియన్స్‌లో విపరీతమైన ఆసక్తి నెలకొంది. తాజాదా రిలీజైన ప్రోమోలో వారి ఫేస్‌లు చూపించారు. ఇక్కడే కంటెస్టెంట్స్‌ చిన్నపరీక్ష పెట్టాడు. ఆ మాస్క్ వెనక ఎవరు ఉన్నారో చెప్పాలని అడిగాడు. అయితే దాదాపు గెస్ చేయలేకపోయారు. అయితే వైల్డ కార్డ్‌ కంటెస్టెంట్స్‌ను హౌస్‌లో ఉన్నవారిపై తమ అభిప్రాయాలు చెప్పాలని నాగ్ కోరాడు. అయితే ఇక్కడ అందరూ ఏకధాటిగా షాలిని టార్గెట్ చేశారు.హౌస్‌లో షాలిని అసలు గేమ్ ఆడటం లేదని అన్నారు. రోహిత్‌ను అడ్డుపెట్టుకుని గేమ్ ఆడుతోందని వైల్డ్ కార్డ్ కంటెస్టెంట్లలో ఒకరు అన్నారు. దీనికి షాలిని బదులిస్తూ.. హౌస్‌లోకి వచ్చాకా చూసుకుందాం అంటూ గట్టిగానే స్పందించింది. దీంతో ఈ ప్రోమో చూస్తుంటే ఇవాల్డి ఎపిసోడ్‌ ఫుల్ ఇంట్రెస్టింగ్‌గా ఉండనుందని అర్థమవుతోంది. మరోవైపు మనకున్న సమాచాపం ప్రకారం శివ కుమార్, సాక్షి నాయుడు, డాక్షి గుత్తికొండ, నీతూ నటరాజ్, రామకృష్ణ వైల్డ్ కార్డ్ ఎంట్రీ ఇవ్వనున్నారని టాక్ వినిపిస్తోంది. దీనిపై ఈ రోజు క్లారిటీ రానుంది.

పెళ్లి తర్వాత విజయ్ దేవరకొండ, రష్మిక కలిసి నటించిన చిత్రం ‘రణబాలి’. గతంలో విజయ్‌తో ‘టాక్సీవాలా’ తెరకెక్కించిన రాహుల్‌ సంకృత్యాన్‌ ఈ సినిమాకు దర్శకత్వం వహిస్తున్నాడు. దసరా కానుకగా అక్టోబర్ 16న ప్రేక్షకుల ముందుకు రానుంది. స్వాతంత్రం రాక ముందు రాయలసీమలోని ఒక ప్రాంతంలో జరిగిన అమానవీయ సంఘటనలను ఆధారంగా ఈ సినిమాను తెరకెక్కించారు. రణబాలి పాత్ర డిమాండ్ అనుగుణంగా వయొలెన్స్ కూడా అవసరమైన మోతాదు కంటే ఎక్కువే పెట్టినట్టు టీజర్‌, ట్రైలర్‌ చూస్తే అర్థమవుతోంది.అయితే ఈ మూవీ రిలీజ్‌కు ముందు విజయ్ ఫ్యాన్స్‌కు బ్యాడ్‌ న్యూస్. ఈ మూవీ ఓవర్‌సీస్‌లో కేవలం తెలుగులో మాత్రమే రిలీజ్ కానుందని డిస్ట్రిబ్యూషన్ సంస్థ ప్రత్యంగిరా సినిమాస్ ప్రకటించింది. ఇతర భాషల్లో డబ్బింగ్ పూర్తి కాకపోవడం వల్లే ఈ నిర్ణయం తీసుకున్నారని వెల్లడించింది. డబ్బింగ్ వర్షన్లు మాత్రం 2026 అక్టోబర్ 23న విడుదలవుతాయని పంపిణీదారులు క్లారిటీ ఇచ్చారు.అయితే ఇప్పటికే విదేశాల్లో అడ్వాన్స్ బుకింగ్స్ ప్రారంభమయ్యాయి. మెయిన్ థియేటర్లలో టిక్కెట్ల అమ్మకాలు జరుగుతున్నాయి. ఇప్పటివరకు ప్రీ-సేల్స్ ద్వారా 50 వేల డాలర్ల మార్కును దాటేసింది. రాబోయే రోజుల్లో ప్రీమియర్ వసూళ్లు మరింత పెరిగే ఛాన్స్ ఉంది. కాగా.. ఈ సినిమాకి ప్రముఖ సంగీత ద్వయం అజయ్-అతుల్ సంగీతం అందించారు. #Ranabaali will release in TELUGU ONLY across Overseas Markets on October 16. (Premieres on Oct 15) Overseas by @PharsFilm @PrathyangiraUS @TheDeverakonda @iamRashmika #ArnoldVosloo @Rahul_Sankrityn @MythriOfficial @TSeries @RanabaaliFilm @PrathyangiraOS https://t.co/djuCB5JRPM— Prathyangira Cinemas (@PrathyangiraUS) October 10, 2026

ప్రస్తుతం సోషల్ మీడియా అంతా జిమ్‌ జిమ్‌ తార సాంగ్ జమానా నడుస్తోంది. ఈ పాట ఎంత వైరలైందో ప్రత్యేకంగా చెప్పనక్కర్లేదు. పర్ణశాల మూవీలో ఈ పాట సోషల్ మీడియాను షేక్ చేస్తోంది. ప్రతి ఒక్కరూ రీల్స్ చేస్తూ ఫుల్ హడావుడి చేస్తున్నారు. సోషల్ మీడియా మొత్తం రీల్స్‌తోనే నింపేస్తున్నారు. అంతలా ఈ సాంగ్‌ నెటిజన్లను ఆకట్టుకుంటోంది.ఇప్పుడు మేమేం తక్కువ కాదు అంటున్నారు సినీతారలు. ఈ సాంగ్‌ను మూవీ ప్రమోషన్లలో తెగ వాడేస్తున్నారు. తాజాగా అనుపమ పరమేశ్వరన్, తరుణ్ భాస్కర్,అఖిల్‌ రాజ్‌ చేసిన వీడియో సోషల్ మీడియాను ఊపేస్తోంది. తమ మూవీ క్రేజీ కల్యాణం ప్రమోషన్స్ కోసం జిమ్ జిమ్ తార సాంగ్‌ను వాడేశారు. ఈ పాటకు డ్యాన్స్‌ తమ సినిమాను ప్రమోట్ చేశారు. ఈ వీడియో సోషల్ మీడియాలో వైరల్‌గా మారింది. ఇది చూసిన నెటిజన్స్‌ మామూలు వాడకం కాదు ఇది అంటూ కామెంట్స్ చేస్తున్నారు.అనుపమ పరమేశ్వరన్, తరుణ్ భాస్కర్ , అఖిల్‌ రాజ్‌, నరేష్ వీకే కీలక పాత్రల్లో నటించిన చిత్రం ‘క్రేజీ కళ్యాణం’. బద్రప్ప గాజుల దర్శవత్వం వహించారు. ఈ చిత్రాన్ని బూసమ్ జగన్ మోహన్‌రెడ్డి నిర్మించారు. ఈ మూవీలో అనుపమ తెలంగాణ పల్లెటూరి అమ్మాయిగా కనిపించనుంది. ఈ సినిమా ‍అక్టోబర్ 16న థియేటర్లలో విడుదల కానుంది. View this post on Instagram A post shared by Anupama Parameswaran (@anupamaparameswaran96)

ఇండియన్‌ చిత్రసీమలో నటి తమన్నాకు ఉన్న క్రేజ్‌ గురించి ప్రత్యేకంగా చెప్పాల్సిన అవసరం ఉండదు. ముఖ్యంగా ఆమె అందం, డ్యాన్స్‌కు అభిమానులు ఫిదా కావాల్సిందే. ఆల్‌ ఇండియా లెవెల్‌లో క్రేజ్‌తెచ్చుకుంది. అంతేకాకుండా ఆమెను రజనీకాంత్‌ సైతం మెచ్చుకున్నారు. జైలర్‌ చిత్రంలో తమన్నా నటించిన నువ్వు కావాలయ్యా అనే ఐటమ్‌ సాంగ్‌ ఆ చిత్రానికి పెద్ద బలంగా నిలిచింది. ప్రస్తుతం జైలర్‌ చిత్రానికి సీక్వెల్‌గా రూపొందించిన జైలర్‌ 2 చిత్రంతో రజినీకాంత్ ప్రేక్షకుల ముందుకు రానున్నారు.ఈ మూవీలో రమ్యకృష్ణ, ఎస్‌ జే.సూర్య, మిథున్‌ చక్రవర్తి, విద్యా బాలన్, యోగి బాబు, మిర్ణా ముఖ్య పాత్రలు పోషించారు. ఒక ప్రత్యేక పాటలో నటి పూర్ణ నటించారు. నెల్సన్‌ దర్శకత్వం వహించిన ఈ చిత్రాన్ని సన్‌ పిక్చర్స్‌ సంస్థ నిర్మించింది. కాగా జైలర్‌ 2 చిత్రం ఈ నెల 15వ తేదీన ప్రపంచ వ్యాప్తంగా తెరపైకి రానుంది.ఈ సందర్భంగా రజినీకాంత్ ఆసక్తికర విషయాన్ని పంచుకన్నారు. ఇటీవల ఓ ఇంటర్వ్యూకు హాజరైన రజినీకాంత్‌ ఈ మూవీలో తమన్నాను తీసుకుందామని దర్శకుడు నెల్సన్‌కు చెప్పానని తెలిపారు. దీనికి నెల్సన్.. మీకు నచ్చిందని నటి తమన్నాను ఈ చిత్రంలో తీసుకోవడం కుదరదు అని ఖరాఖండిగా చెప్పారన్నారు. అందుకు తనకు నచ్చిందని కాదు.. ప్రేక్షకులకు నచ్చుతారని చెప్పానని రజనీకాంత్‌ పేర్కొన్నారు. మొత్తం మీద తమన్నా కోసం రజనీకాంత్‌ చెసిన సిఫార్సును దర్శకుడు నెల్సన్‌ తిరస్కరించారన్నమాట. అలా తమన్నా నటించాల్సిన ప్రత్యేక పాటలో నటి పూర్ణ నటించారు. మరి ఆమె నటన జైలర్‌ –2 చిత్రానికి ఎంత వరకు ప్లస్ అవుతుందో చూడాలి.

మెగాస్టార్ చిరంజీవి – బాబీ కొల్లి కాంబోలో వస్తోన్న మూవీ కాకా. వాల్తేరు వీరయ్య తర్వాత మరోసారి ప్రేక్షకులను అలరించనున్నారు. ఈ మూవీ షూటింగ్ ఇప్పటికే చివరిదశకు చేరుకుంది. ప్రస్తుతం ఈ మూవీ డబ్బింగ్ పనులు శరవేగంగా జరుగుతున్నాయి. డిసెంబర్ మొదటి వారం లోపు ఈ సినిమా చిత్రీకరణ పూర్తి చేయాలని టీమ్ లక్ష్యంగా పెట్టుకుంది. తాజాగా ఈ మూవీకి సంబంధించి ఓ క్రేజీ న్యూస్ వైరల్‌గా మారింది.ఈ మూవీ కథ చాలా డిఫరెంట్‌గా ఉండనుందని తెలుస్తోంది. ఈ సినిమాలో ఫ్యామిలీ ఎమోషన్స్ ప్రధానంగా ఉంటాయని టాక్ వినిపిస్తోంది. ముఖ్యంగా చిరంజీవిని మరింత కొత్తగా చూపించాలనే ఉద్దేశ్యంతో కథ రాసుకున్నారట డైరెక్టర్ బాబీ. ఈ మూవీలో చిరును చాలా వేరియేషన్స్‌లో చూపించేలా ప్లాన్ చేసినట్లు అర్థమవుతోంది. కాగా.. ఈ చిత్రంలో బాలీవుడ్ దర్శకుడు, నటుడు అనురాగ్ కశ్యప్ కీలక పాత్రలో నటిస్తోన్న సంగతి తెలిసిందే.కాగా.. ఈ సినిమాని కేవీఎన్ ప్రొడక్షన్స్ బ్యానర్‌పై నిర్మాతలు వెంకట్ కె నారాయణ, లోహిత్ భారీ బడ్జెట్‌తో నిర్మిస్తున్నారు. ఈ సినిమాకు ఎస్ఎస్ తమన్ సంగీతం అందిస్తున్నారు. ఈ సినిమా జనవరి 13, 2027న సంక్రాంతి కానుకగా ప్రపంచవ్యాప్తంగా థియేటర్లలో విడుదల కానుంది.

తమిళ హీరో, సంగీత దర్శకుడు విజయ్ ఆంటోనీ నటించిన లేటేస్ట్ మూవీ నాన్న కుట్టి(తమిళంలో అప్పా కుట్టి). తండ్రి, కుమార్తెల సెంటిమెంట్‌తో ఈ మూవీని తెరకెక్కించారు. మారన్ దర్శకత్వంలో వస్తోన్న ఈ చిత్రాన్ని విజయ్ ఆంటోని ఫిల్మ్స్‌ బ్యానర్‌లో మీరా విజయ్ నిర్మించారు. తాజాగా ఈ మూవీ రిలీజ్ వాయిదా పడింది. దసరాకు విడుదల కావాల్సిన ఈ చిత్రం దీపావళికి పోస్ట్‌పోన్ అయింది.ఈ చిత్రాన్ని దీపావళి కానుకగా నవంబర్‌ 6న థియేటర్లలో విడుదల చేయనున్నట్లు వెల్లడించారు. ఈ విషయాన్ని మేకర్స్ అధికారికంగా ప్రకటించారు. ఈ మేరకు ప్రత్యేక పోస్టర్‌ రిలీజ్ చేశారు. ఈ చిత్రానికి విజయ్ ఆంటోనీ స్వయంగా సంగీతం అందిస్తుండటం మరో విశేషం. ఈ చిత్రంలో ప్రీతి, హరిప్రియ హీరోయిన్లుగా నటిస్తున్నారు. ఈ మూవీలో ఫుల్ ఇంటెన్స్ ఎమోషనల్ యాక్షన్ పాత్రలో విజయ్ కనిపించనున్నారు. ఇందులో లిథన్య, భగవతి పెరుమాళ్, హరిప్రియ ఇసై, అరువి మధన్, చిత్ర లక్ష్మణన్, శ్రీజ రవి, వెట్టై ముత్తుకుమార్, జెన్సన్ దివాకర్, మురుగానందం, మున్నార్ రమేష్, లిస్సీ ఆంటోని, కుమార్ నటరాజన్, విజయన్, ప్రవీణ, హరిత ముఖ్య పాత్రల్ని పోషించారు. Diwali is Locked! 💥🧨 #Appakutty & #Nanakutty is coming to cinemas worldwide from November 06! 🎞️ #DiwaliRelease 🔥 Starring @Vijayantony @Preethioffl ♥️ Written & Directed by: @mumaran1 A @Vijayantony Musical 🎵 @haripriyaa_off @actorbucks @Aruvimadhan @actormuthukumar https://t.co/Sy3xyQtfnj— vijayantony (@vijayantony) October 10, 2026

ఐకాన్ స్టార్ బన్నీ ప్రస్తుతం రాకాతో బిజీగా ఉన్నారు. అట్లీ డైరెక్షన్‌లో వస్తోన్న ఈ మూవీపై అభిమానుల్లో భారీ అంచనాలు నెలకొన్నాయి. ఇప్పటికే రిలీజైన పోస్టర్స్ అల్లు అర్జున్‌ లుక్ అభిమానులను విపరీతంగా ఆకట్టుకుంది. ఈ ప్రాజెక్ట్‌లో బాలీవుడ్ భామ దీపికా పదుకొణె హీరోయిన్‌గా కనిపించనుంది.ఈ సంగతి అటుంచితే బన్నీ తరువాత ప్రాజెక్ట్ లోకేశ్ కనగరాజ్‌తో చేయనున్నారు. వీరిద్దరి కాంబోలో వస్తోన్న మూవీ ఇటీవల రూమర్స్ వినిపిస్తున్నాయి. ఈ ప్రాజెక్ట్ ఆగిపోయిందని సోషల్ మీడియాలో వార్తలొస్తున్నాయి. అయితే ఈ మూవీ ఆగిపోలేదని.. కేవలం లోకేశ్ ఫైనల్ నేరేషన్ బన్నీ తిరస్కరించాడని టాక్ వినిపిస్తోంది. ఫస్ట్‌లో చెప్పిన కథకు.. ఫైనల్‌ నేరేషన్‌లో తేడా రావడంతోనే అల్లు అర్జున్‌ రీ రైట్‌ చేయమని చెప్పాడని తెలుస్తోంది. ఈ స్క్రిప్ట్ మార్చేందుకు లోకేశ్‌ 3 నెలల సమయం కూడా ఇచ్చాడని సమాచారం. ఈ పని త్వరగా పూర్తి చేస్తే లోకేశ్‌- బన్నీ కాంబోలో వస్తోన్న మూవీ పట్టాలెక్కనుంది.

బిగ్‌బాస్ రియాలిటీ షో అప్పుడే ఐదోవారం ఎండింగ్‌కు వచ్చేసింది. ఇక వీకెండ్ ఎపిసోడ్ వచ్చిందంటే చాలు.. నాగార్జున్‌ ఎంట్రీ ఇచ్చేస్తాడు. ఈ వారంలో హౌస్‌లో జరిగిన సంఘటనలు, వివాదాలపై క్లాస్ పీకడం జరుగుతుంది. అయితే ఈ వీకెండ్‌ ఎపిసోడ్‌లో మరింత ఆసక్తికరంగా మారింది. ఇంతకీ ఈ వీకెండ్‌లో ఏం జరిగిందో హైలెట్స్‌లో చూసేద్దాం. బిగ్‌బాస్ తెలుగు సీజన్ 10 హౌస్ లో ఊహించని పరిణామాలు చోటు చేసుకుంటున్నాయి. ఈ రియాలిటీ షో రోజురోజుకూ రసవత్తరంగా మారుతోంది. అయితే ఈ వీకెండ్‌లో జరిగిన పరిణామాలు ప్రేక్షకులను షాక్‌కు గురిచేశాయి. వీకెండ్ ఎపిసోడ్‌లో హోస్ట్ నాగార్జున ప్రతి ఒక్క కంటెస్టెంట్‌ను నిలబెట్టి క్లాస్ పీకారు.ఐదో వారం ఎలిమినేషన్స్‌లో కెప్టెన్ వర్షిణి, వంశీ, సుధీర్ మినహా మిగిలిన కంటెస్టెంట్లంతా ఉన్నారు. రోడ్ టూ రీలోడ్ టాస్క్‌లో కొందరు సేవ్ కాగా.. చివరకు రోహిత్, షాలిని, అపూర్వ, చరణ్, నరేశ్ మిగిలారు. ఓటింగ్ పరంగా రోహిత్ దూసుకెళ్తుండగా.. చరణ్, షాలినిలో ఎవరో ఒకరు ఎలిమినేట్ అవుతారని అందరూ భావించారు. కానీ ఎవరు ఊహించని విధంగా వైల్డ్ కార్డ్ ద్వారా ఎంట్రీ ఇచ్చిన అపూర్వ ఎలిమినేట్ కానుందని తెలుస్తోంది.అయితే మూడు వారాల క్రితం మరో కంటెస్టెంట్ మిథిలేశ్‌తో కలిసి అపూర్వ హౌస్‌లోకి అడుగుపెట్టింది. మిథిలేష్ రూ.15 లక్షల సూట్‌కేస్ ఆఫర్ తీసుకుని జాక్‌పాట్‌ కొట్టేశాడు. అపూర్వ రాగానే కెప్టెన్ అయినప్పటికీ దూకుడు, విపరీతమైన అరుపులతో హౌస్‌మేట్స్‌తో విభేదాలకు కేరాఫ్ అడ్రస్‌గా నిలిచింది. ఓటింగ్‌లో ఆమెకు ఆడియన్స్ నుంచి అనుకున్న స్థాయిలో ఓట్లు పడకపోవడంతోనే ఎలిమినేట్ అయ్యేలా కనిపిస్తోంది. మరోవైపు ఈ వారంలో ఐదుగురు వైల్డ్ కార్డ్‌ ఎంట్రీ ఇవ్వనున్నట్లు తెలుస్తోంది. వీరిలో శివ కుమార్, సాక్షి నాయుడు, డాక్షి గుత్తికొండ, నీతూ నటరాజ్, రామకృష్ణ ఉన్నారని టాక్ వినిపిస్తోంది.

‘‘కమర్షియల్‌ హంగులతో కూడిన హీరో సెంట్రిక్‌ సినిమాల్లో నటిస్తూనే, నటనకు స్కోప్‌ ఉండే ఫిమేల్‌ సెంట్రిక్‌ చిత్రాల్లోనూ నటించాలని ఉంది. ఏ జానర్‌ సినిమా అయినా ప్రేక్షకుల మనసుల్లో నిలిచిపోయే మంచి కథలు, ప్రాముఖ్యత ఉన్న పాత్రలు లభిస్తే సినీ పరిశ్రమలో నటీమణుల భవిష్యత్‌ ఎప్పుడూ సక్సెస్‌ బాటలోనే కొనసాగుతుంది. ఇక ఒక నటిగా అన్ని రకాల పాత్రల్లో నటించి, ప్రేక్షకులను మెప్పించాలన్నదే నా లక్ష్యం’’ అని హీరోయిన్‌ శ్రీనిధి శెట్టి చెప్పారు.‘కేజీఎఫ్‌’, ‘కేజీఎఫ్‌ చాప్టర్‌ 2’ చిత్రాలతో ప్రేక్షకులను మెప్పించిన శ్రీనిధి శెట్టి తెలుగులో నాని ‘హిట్‌: ది థర్డ్‌ కేసు’, సిద్ధు జొన్నలగడ్డ ‘తెలుసు కదా’ వంటి సినిమాల్లో నటించి, తెలుగు ప్రేక్షకులకు దగ్గరయ్యారు. తాజాగా వెంకటేశ్‌ హీరోగా నటించిన ‘ఆదర్శ కుటుంబం’ చిత్రంలో హీరోయిన్‌గా నటించారు శ్రీనిధి శెట్టి. చిత్రపరిశ్రమలో హీరోయిన్స్‌ మనుగడ, రాణింపు వంటి విషయాల గురించి శ్రీనిధి శెట్టి కొన్ని కీలక వ్యాఖ్యలు చేశారు. ⇒ కథ మొత్తం హీరో పాత్ర చుట్టూ తిరుగుతున్నప్పుడు, ఇందులోని ఇతర పాత్రలు కూడా హీరో క్యారెక్టర్స్‌ చుట్టూనే తిరుగుతుంటాయనేది సహజం. అయితే ప్రతి సినిమాలోనూ ఇదే పరిస్థితి ఉండకపోవచ్చు. ‘కేజీఎఫ్‌’ సినిమాలో నేను రీనా దేశాయ్‌ అనే పాత్రలో నటించాను. ఈ చిత్రంలో హీరో క్యారెక్టర్‌కు పెద్ద స్థాయిలో ఎలివేషన్‌ ఉంది. కథ రీత్యా యాక్షన్‌ సన్నివేశాలకే ఎక్కువ స్కోప్‌ ఉంది. అయితే నా పాత్ర కూడా ప్రేక్షకులకు గుర్తుండిపోతుంది. ఈ తరహా బ్యాలెన్స్‌ కొన్ని సినిమాలకు బాగుంటుంది. పాత్ర నిడివితో సంబంధం లేకుండా... ఒక పెద్ద సినిమాలో భాగం కావడం, ఒక నటిగా ప్రేక్షకుల్లో బలమైన ముద్రగా వేయడం నాకు ముఖ్యమే.⇒ ఒకప్పుడు కేవలం గ్లామర్‌ పాత్రలకే పరిమితమైన హీరోయిన్స్‌ ఇప్పుడు కథ మొత్తాన్ని తామే మోసే స్థాయికి ఎదగడం మంచి పరిణామం. అలాగే పరిశ్రమలో స్టార్‌డమ్‌ ఉన్న హీరోయిన్స్‌ సైతం డీ–గ్లామర్స్‌ రోల్స్‌ చేస్తున్నారు. ఇటు నటనకు స్కోప్‌ ఉన్న విలక్షణమైన, వైవిధ్యంతో కూడిన పాత్రలను చేసేస్తున్నారు. సినిమా పరిశ్రమలో హీరోయిన్స్‌కు సముచిత స్థానం లభిస్తుందనడానికి ఇది ఒక శుభ సూచికంగా చెప్పుకోవచ్చు.

‘‘రణబాలి’ సినిమా ప్రేక్షకులకు ఒక ఎమోషనల్‌ హై ఇస్తుంది. ఎంగేజింగ్‌గా ఉంటుంది. మన చరిత్ర గురించి వచ్చిన ‘రణబాలి’ సినిమాకుమంచి ప్రేక్షకాదరణ లభిస్తే, ఈ తరహా సినిమాలు మరిన్ని వస్తాయి. అందుకే మేం ఈ సినిమాను చాలా బాధ్యతగా, జాగ్రత్తగా చేశాం. మన చరిత్ర గురించి మనం తెలుసుకోవాలి’’ అని విజయ్‌ దేవరకొండ అన్నారు. విజయ్‌ దేవరకొండ, రష్మిక మందన్నా హీరో హీరోయిన్లుగా నటించిన చిత్రం ‘రణబాలి’. టీ సిరీస్‌ సమర్పణలో రాహుల్‌ సంకృత్యన్‌ దర్శకత్వంలో మైత్రీ మూవీ మేకర్స్‌ పతాకంపై నవీన్‌ ఎర్నేని, వై. రవిశంకర్‌ నిర్మించిన ఈ చిత్రం ఈ నెల 16న విడుదల కానుంది. ఈ సందర్భంగా శనివారం హైదరాబాద్‌లో జరిగిన విలేకరుల సమావేశంలో విజయ్‌ దేవరకొండ చెప్పిన సంగతులు...⇒ ‘పెళ్లి చూపులు’ సినిమా తర్వాత నేను కంఫర్ట్‌గా ప్రమోషన్‌ చేస్తూ, సినిమా కాపీని జాగ్రత్తగా చెక్‌ చేసుకుంటూ, ప్రశాంతంగా రిలీజ్‌కు సిద్ధం చేసుకుంటున్న సినిమా ‘రణబాలి’. ఈ సినిమా ప్రీ ప్రోడక్షన్‌ సమయంలోనే సీజీ వర్క్‌కు కొంత ప్రాధాన్యత ఉందని మాకు తెలిసింది. అందుకే ఫిబ్రవరి సమయంలోనే సీజీ వర్క్‌ మేం అనుకున్న సమయంలోనే పూర్తయ్యేలా ప్లాన్‌ చేశాం. ఇక సోమవారం సెన్సార్‌ కార్యక్రమాలు జరుగుతాయి. మా సినిమాకు ఏ తరహా సర్టిఫికెట్‌ వచ్చినా ఓకే. ఒక్కో సినిమాను ఒక్కో పర్పస్‌ కోసం చేస్తాం. మన చరిత్ర గురించి మనం తెలుసుకోవాలనే ఈ ‘రణబాలి’ సినిమా తీశాం. ⇒ అనంతపురంలో జరిగే ఓ జాతరలో కొంతమంది వీరుల గురించి విన్న బుర్రకథల ఆధారంగా దర్శకుడు రాహుల్‌ ఈ సినిమాను రెడీ చేశారు. ‘రణబాలి’ సినిమా ఓ బుర్రకథతోనే ప్రారంభం అవుతుంది. మన దేశ భవిష్యత్‌ గురించి మనం ఆలోచించాలంటే చరిత్ర తెలియడం ముఖ్యం. మన చరిత్రలో రహస్యంగా మనకు తెలియకుండా మిగిలిపోయిన అధ్యాయాలను సినిమా మాధ్యమం ద్వారా వెలికి తీసే ప్రయత్నాలు జరుగుతాయి. లేదంటే ఇంకెవరూ ఇలాంటి కథల్ని ముట్టుకోరు. ఈ కోవకి చెందిన ‘రణబాలి’ విజయం సాధిస్తే ఈ తరహా సినిమాలు మరిన్ని వస్తాయి.⇒ 1876 నుంచి 1878 మధ్య కాలంలో మద్రాస్‌ ప్రెసిడెన్సీలో వచ్చిన కరువు వల్ల 80 లక్షల మంది ప్రజలు చనిపోయారని ఓ జర్నలిస్ట్‌ అన్నారు. చాట్‌ జీపీటీ తయారు చేసిన కంటెంట్‌ మనకు నిజాలు చెప్పదు. టెక్నాలజీ కోణంలోనే చరిత్రను తెలియజేస్తుంది. ట్రావెన్‌కోర్‌ ప్రాంతంలోనే 65 లక్షల మంది కరువుతో చనిపోయారు. ఒక్క మద్రాస్‌ ప్రెసిడెన్సీలోనే ఇంత దారుణమైన కరువు వస్తే, ఇంకా చరిత్రలో మనకు తెలియని బీహార్, బెంగాల్‌... ఇలా ఎన్నో కరువు ఘటనలు ఉన్నాయి. వర్షపాతం కారణంగా వచ్చే కరువు వేరు. అప్పుడు స్థానికంగా ఉండే పాలకులు, పెద్దలు రైతులకు, ప్రజలకు పన్నుల భారం తగ్గించేవారు. కానీ బ్రిటిషర్స్‌ వచ్చాక కరువు ప్రాంతాల్లో రెట్టింపు పన్నులు వసూలు చేయడం ప్రారంభించారు. ఆ ట్యాక్స్‌ కట్టకుంటే భారీ ప్రాజెక్ట్స్, రైల్వే లైన్స్‌ నిర్మించే దగ్గరకు వారిని తరలించి కఠోరమైన పని చేయించేవారు. దానికి నామమాత్రంగా ధాన్యం ప్రతిఫలంగా ఇచ్చేవారు. పని చేయని వారికి ఆకలితో చావే గతి. చరిత్రలో జరిగిన ఈ దారుణాలు తెలుసుకుంటే మనసు వికలమైపోతుంది. కొన్ని అమెరికన్‌ పత్రికల ద్వారా భారతదేశ పరిస్థితి తెలుసుకున్న అమెరికన్లు బ్రిటిషర్లు ఎలాంటి దారుణ పరిస్థితులు సృష్టించారో తెలుసుకుని తమ దేశ స్వాతంత్య్రం కోసం పోరాటం ప్రారంభించారట. మన ప్రజల దైన్యం అమెరికా స్వాతంత్య్ర పోరాటానికి స్ఫూర్తిగా నిలిచిందని ఆ పాత్రికేయుడు నాతో చె΄్పారు. ⇒ మన చరిత్రలో ప్రజల కోసం నిలబడిన ఎంతోమంది గొప్ప వీరులు ఉన్నారు. ఈ వీరులంతా మూడు పదుల్లోనే చనిపోయారు. అలాంటివారే మా ‘రణబాలి’ సినిమాకు స్ఫూర్తి. చరిత్రలో మరుగున పడిన ఈ వీరుల కథలను మన జానపదాల్లో పాడటం వల్ల ప్రజలకు తెలిసింది. ఆ తర్వాత మన దేశ రచయితలు కొందరు వాటిని పుస్తకాల్లో నిక్షిప్తం చేశారు. ఆ వీరుల గొప్పదనం, మన పూర్వీకులు ఎదుర్కొన్న దారుణాలు, మన సొసైటీలో అప్పుడు కొందరు చేసిన తప్పేంటి, బ్రిటిషర్స్‌ ఈ విశాల దేశాన్ని ఎలా ఆక్రమించుకున్నారు? ఇలా అన్నింటినీ మేము ‘రణబాలి’ సినిమా ద్వారా బిగ్‌ స్క్రీన్‌ పై ప్రపంచవ్యాప్తంగా ప్రేక్షకులకు చూపించబోతున్నాం. ‘రణబాలి’ సినిమా విజయంపై నాకు పూర్తి నమ్మకం ఉంది. జెన్యూన్‌గా ట్రైలర్‌ కట్‌ చేశాం. మా మూవీకి వెళ్లి థియేటర్‌లో కూర్చుంటే ఐదు నిమిషాల్లో ఆ ప్రపంచంలోకి వెళ్లిపోతారు. ⇒ ఈ సినిమాలో కొన్ని యాక్షన్‌ సన్నివేశాలు ఉన్నాయి. అయితే ఒకప్పుడు బ్రిటిషర్లు చేసిన దారుణాల కంటే మా సినిమాలో చూపించినవి తక్కువే. ఇది సాఫ్ట్‌గా చెప్పే కథ కాదు, సాఫ్ట్‌గా చూపించే ప్రపంచం కాదు. మా సినిమాలో కేవలం యాక్షన్‌ కోసమే యాక్షన్‌ సీన్సులు చేయలేదు. ఈ సినిమా యాస, గుర్రపు స్వారీ నేర్చుకోవడం నాకు సవాల్‌గా అనిపించింది. నేను పుట్టపర్తిలో చదువుకున్నాను కాబట్టి నాకు రాయలసీమ యాస కొంత పరిచయమే. ఈ సినిమా కోసం పర్ఫెక్ట్‌గా ఉండేలా నేర్చుకున్నాను. తెలంగాణ యాసకు రాయలసీమ యాస దగ్గరగా ఉంటుంది. 2 నుంచి 3 నెలల పాటు యాస, డైలాగ్స్‌ మీద సాధన చేశాను. నేను ఏ సినిమా చేసినా ఆ పాత్ర ప్రభావం కొన్నాళ్లు నా మీద ఉంటుంది. అలా ‘రణబాలి’ ప్రభావం చాలా ఉంది. ⇒ నేను హీరోగా చేసే సినిమాల్లో హీరోయిన్‌గా రష్మిక పేరును దర్శకులు సూచిస్తుంటుంటారు. అయితే నాకు ‘రణబాలి’లోని జయమ్మ పాత్రకు రష్మిక అయితే కరెక్ట్‌ అనిపించింది. ఎందుకంటే ఈ సినిమాలో రణబాలి, జయమ్మ (రష్మిక పాత్ర పేరు) పాత్రల మధ్య మంచి ఎమోషనల్‌ డ్రామా ఉంది. మేము కలిసి చేయడం వల్ల ఈ పాత్రలకు ఇంకాస్త ఎమోషనల్‌ డెప్త్‌ వచ్చింది. ఆ పాత్రలపై మా రియల్‌ లైఫ్‌ ఇంపాక్ట్‌ కూడా పడుతుంది. సినిమా చూస్తున్నప్పుడు ప్రేక్షకులు ఇదే ఫీల్‌ అవుతారు. ఆర్నాల్డ్‌ వోస్లూ అద్భుతమైన పెర్ఫార్మెన్స్‌ ఇచ్చారు. నిర్మాతలు బాగా సపోర్ట్‌ చేశారు. ఈ సినిమా చూసిన ప్రేక్షకులు కచ్చితంగా చరిత్ర గురించి చర్చించుకుంటారు.⇒ బయోపిక్‌ చేయాలనే ఆకాంక్ష నాకు ఉంది. అయితే సత్య సాయిబాబా బయోపిక్‌కు నేను న్యాయం చేయలేనని నాకు తెలుసు. అందుకు కారణం ఆయనలో ఉన్న స్వచ్ఛత, సున్నితత్వం నాలో లేవన్నది నా ఫీలింగ్‌. నేను చేయగలిగే బయోపిక్‌లు వస్తే తప్పక చేస్తాను.రాయలసీమలో ఫ్యాక్షనిజం ఉంది. ఈ అంశంపై సినిమాలు వచ్చాయి. అక్కడ పాలెగాళ్ళు ఉన్నారు. వీరిపై సినిమాలు తీస్తున్నారు. ΄్యాక్షనిజం బ్యాక్‌డ్రాప్‌ సినిమాలైనా, పాలెగాళ్ల సినిమాలైనా అక్కడి ప్రజల మీద తీసినవే. వాళ్లు నటించలేరు. నిజాయితీగా ఉన్నామనే బలంతో వారికి ఎక్కువ కోపం వస్తుంది. సీమలో ఉన్న ఎండ, అక్కడ భూమి మనుషులను గట్టిగా చేస్తుంది. దర్శకుడు రవికిరణ్‌ నాతో గోదావరి బ్యాక్‌డ్రాప్‌లో ‘రౌడీ జనార్ధన’ సినిమా చేస్తున్నాడు. రాయలసీమ నేపథ్యంలో రాహుల్‌ ‘రణబాలి’ సినిమా చేశాడు. ఇక తెలంగాణను ఎక్కువగా విలన్‌ క్యారెక్టర్స్‌కు చూపించారు. ఒక స్లాంగ్‌ను ఎక్కువగా కామెడీగా చూపించారు. రాయలసీమ స్లాంగ్‌ను విలన్, ఫ్యాక్షన్‌ కు చూపించారు. అయితే రవికిరణ్‌ కోలా, రాహుల్‌.... ఈ ఇద్దరూ కూడా ఆ ప్రాంతం యాసల్లోని హీరోయిజం కనిపించేలా సినిమా చేయాలని అనుకుంటున్నామని చె΄్పారు. ఆ తరహాలో ఉన్న ఈ రెండు సినిమాలూ అలరిస్తాయని అనుకుంటున్నాను.సినిమా టికెట్‌ ధరల పెంపు అనేది నాకు ఎప్పట్నుంచో ఇష్టం లేదు. కానీ ఇది నిర్మాతలకు సంబంధించిన విషయం. అయితే నా సినిమాల నిర్మాతలతో నా సినిమాల టికెట్‌ ధరలు పెంచవద్దని చెబుతుంటాను. నేను ఇంటర్‌ చదువుకునే సమయంలో రోజూ టిఫిన్‌ చేసేందుకు మా నాన్నగారు నాకు పది రూపాయలు ఇచ్చేవారు. ఐమ్యాక్స్‌ థియేటర్స్‌లో సినిమా చూడాలంటే టికెట్‌ ధర రూ. 80 ఉండేది. థియేటర్‌కు మా స్నేహితుడి బైక్‌ మీద వెళితే, ప్రయాణపు ఖర్చులు ఉండవు. కూల్‌డ్రింక్, పాప్‌కార్న్‌ స్కిప్‌ చేసేవాడిని. సడన్‌గా ఆ థియేటర్‌ యాజమాన్యం టికెట్‌ ధర ను రూ. 100 చేశారు. నాకు బాధ కలిగింది. నేను చూడాలనుకున్న సినిమాలను వెంటనే థియేటర్స్‌లో చూడలేకపోయాను. ఆ ఫీలింగ్‌ నాకు గుర్తుంది.ఆ రోజు టికెట్‌ ధరలు పెంచడం నాకు అస్సలు మంచిగా అనిపించలేదు. అయితే టికెట్‌ ధరల పెంపు వెనకాల ఉన్న బిజినెస్‌ గురించి అప్పుడు నాకు తెలిసే వయసు కాదు. కానీ ప్రోడ్యూసర్‌కు కంట్రోల్‌ ఉన్నంతవరకు నేను హీరోగా చేసే ఏ సినిమాకు టికెట్‌ రేట్స్‌ హైక్‌ వద్దు. ‘బిజినెస్‌ పరంగా ఏదైనా ఉంటే, అది మనం వర్కౌట్‌ చేసుకుందాం. నేను తక్కువ చేయడం (రెమ్యునరేషన్‌ని ఉద్దేశించి కావొచ్చు), లాభాల్లో వాటా గురించి మాట్లాడుకోవడం వంటివి మనం చూసుకుందాం’ అని నిర్మాతలతో చెబుతుంటాను. విజయ్‌ దేవరకొండ సినిమాకు టికెట్‌ రేట్స్‌ హైక్‌ అనేది ఉండదు. ఒకవేళ నేను రాజమౌళిగారితో సినిమా చేస్తే అప్పుడు తెలియదు. ఇది ఇప్పుడే నేను ఎందుకు చెప్తున్నానంటే... అరె...‘రణబాలి’ సినిమా సమయంలో విజయ్‌ అలా చె΄్పాడు. మళ్లీ ఇప్పుడు ఇలా ఏంటి? అనే చర్చ జరగకూడదు. నేను సినిమా ఒప్పుకునేప్పుడే ఈ విషయం గురించి నిర్మాతలతో మాట్లాడాలని అనుకుంటున్నాను. ఇక ‘రణబాలి’ సినిమాకు రావాల్సిన డబ్బులు వచ్చేస్తాయి. అయితే ఆ డబ్బులు ఎక్కువగా ఈ సినిమాను థియేటర్స్‌లో చూసి, ప్రేక్షకుల నుంచి వస్తే మంచిదని భావిస్తున్నాను. ఎందుకంటే ఈ సినిమా పర్పస్‌ అందరికీ తెలియాలి.

శ్రీవిష్ణు, మహిమా నంబియార్‌ హీరో హీరోయిన్లుగా జానకిరామ్‌ మారెళ్ల దర్శకత్వంలో రూ పొందిన సినిమా ‘కామ్రేడ్‌ కళ్యాణ్‌’. కోన వెంకట్‌ సమర్పణలో వెంకట కృష్ణ కర్నాటి, సీతా కర్నాటి నిర్మించిన ఈ సినిమా నిన్న (శుక్రవారం) విడుదలైంది. ఈ సినిమాకు ప్రేక్షకుల నుంచి మంచి స్పందన లభిస్తోందని చిత్రబృందం పేర్కొంది. ఈ సందర్భంగా శుక్రవారం సాయంత్రం యూనిట్‌ నిర్వహించిన విలేకరుల సమావేశంలో శ్రీవిష్ణు మాట్లాడుతూ– ‘‘ఇప్పటివరకు నేను కామెడీ ఎంటర్‌టైన్‌మెంట్‌ జానర్‌లో చాలా సినిమాలు చేశాను.దీంతో మాస్‌ కామెడీ సినిమా అయిన ‘కామ్రేడ్‌ కళ్యాణ్‌’ను ప్రేక్షకులు ఎలా రిసీవ్‌ చేసుకుంటారో అనుకునేవాడిని. కానీ ఈ చిత్రానికి ప్రేక్షకుల నుంచి అద్భుతమైన స్పందన లభిస్తోంది’’ అని అన్నారు.‘‘కామ్రేడ్‌ కళ్యాణ్‌’ను హిలేరియస్‌ ఎంటర్టైన్మెంట్‌గా ప్రేక్షకులు ఆస్వాదిస్తున్నారు’’ అని కోన వెంకట్‌ తెలిపారు. ‘‘సినిమా చాలా బాగుందని మంచి టాక్‌ వస్తోంది. ఈ దసరాకు శ్రీ విష్ణు, కోనగార్ల నుంచి ప్రేక్షకులకు అందిన ఒక పెద్ద గిఫ్ట్‌ ఈ సినిమా’’ అని తెలిపారు వెంకట కృష్ణ కర్నాటి. ‘‘ప్రేక్షకుల నుంచి వస్తున్న స్పందన నాకు ఎంతో ఆనందాన్నిస్తోంది. ఈ సినిమాను విజయవంతం చేసిన ప్రతి ఒక్కరికీ ధన్యవాదాలు’’ అని పేర్కొన్నారు జానకిరామ్‌.

మల్లెతీగలా మరింత అందంగా మన్మధుడు బ్యూటీ అన్షు..బ్లాక్‌డ్రెస్‌లో బాలీవుడ్ భామ సోనాలి బింద్రే అందాలు..బతుకమ్మ సెలబ్రేషన్స్‌లో వితికాశేరు..హాలీడే ట్రిప్‌లో హీరోయిన్ ఆదితి రావు హైదరీ..బ్లూ కలర్‌ డ్రెస్‌లో జోర్దాస్ సుజాత హోయలు.. View this post on Instagram A post shared by Anshu (@actressanshuofficial) View this post on Instagram A post shared by Aditi Rao Hydari (@aditiraohydari) View this post on Instagram A post shared by Vithika Sheru (@vithikasheru) View this post on Instagram A post shared by Sonali Bendre (@iamsonalibendre) View this post on Instagram A post shared by Sujatha P (@jordarsujatha)

సందీప్‌ కిషన్‌ హీరోగా.. ఫరియా అబ్దుల్లా హీరోయిన్‌గా నటించిన చిత్రం సిగ్మా. ఈ మూవీతో విజయ్ తనయుడు జేసన్‌ సంజయ్‌ దర్శకుడిగా పరిచయమయ్యారు. ఈ చిత్రాన్ని లైకా ప్రొడక్షన్స్‌ సుభాస్కరన్‌ నిర్మించారు. ఈ నెల 2న గాంధీ జయంతి రోజున థియేటర్లలో రిలీజైన ఈ చిత్రం ఆడియన్స్‌ను పెద్దగా ఆకట్టుకోలేకపోయింది. బాక్సాఫీస్ వద్ద అభిమానులను తీవ్రంగా నిరాశపర్చింది.తాజాగా ఈ మూవీ నుంచి ఓ వీడియో సాంగ్‌ రిలీజ్ చేశారు. సులోచన అంటూ సాగే ఐటమ్ సాంగ్ విడుదల చేశారు. ఈ పాటలో హీరోయిన్ కేథరిన్ తన డ్యాన్స్‌, గ్లామర్‌తో ఆకట్టుకుంది. ఈ ఐటమ్ సాంగ్‌ థియేటర్లలో ఆడియన్స్‌ను అలరించింది. ఈ ఫుల్ వీడియో సాంగ్ మీరు కూడా చూసేయండి.

ఇటీవలే సిగ్మా మూవీతో డైరెక్టర్‌గా ఎంట్రీ ఇచ్చిన స్టార్ హీరో విజయ్ తనయుడు జేసన్ సంజయ్. ‍అక్టోబర్ 2న ప్రేక్షకుల ముందుకొచ్చిన ఈ మూవీ బాక్సాఫీస్ వద్ద తీవ్రంగా నిరాశపర్చింది. సందీప్ కిషన్ హీరోగా వచ్చిన ఈ మూవీ అభిమానులను పెద్దగా ఆకట్టులేకపోయింది. దీంతో జేసన్ సంజయ్‌కు ఎంట్రీలోనే పెద్ద షాకింగ్ రిజల్ట్ వచ్చింది.సిగ్మా తీవ్రంగా నిరాశపరచడంతో జేసన్‌ సంజయ్‌ రూట్ మార్చినట్లు తెలుస్తోంది. ఆయన త్వరలోనే హీరోగా ఎంట్రీ ఇచ్చేందుకు ప్లాన్‌ చేస్తున్నారని కోలీవుడ్‌లో టాక్ వినిపిస్తోంది. తండ్రి బాటలోనే పయనించేందుకు రెడీ అవుతున్నారని ఇన్‌సైడ్ టాక్. దర్శకత్వం వహించిన తొలి సినిమా ఫ్లాప్ కావడంతోనే ఈ నిర్ణయం తీసుకున్నట్లు సమాచారం.అయితే ఈ ప్రాజెక్ట్‌పై ప్రముఖ నిర్మాణ సంస్థ లైకా ప్రొడక్షన్స్‌తో చర్చలు జరుగుతున్నాయని వార్తలొస్తున్నాయి. కానీ ఈ విషయంపై ఇంకా ఎలాంటి అధికారిక ప్రకటన రాలేదు. ‘సిగ్మా’ చిత్రాన్ని నిర్మించిన లైకా ప్రొడక్షన్స్ బ్యానర్‌లోనే మళ్లీ పనిచేసేందుకు జేసన్ సంజయ్ ఉత్సాహంగా ఉన్నట్లు తెలుస్తోంది. ఈ ప్రాజెక్ట్ కోసం ప్రముఖ దర్శకుడు లింగుస్వామితో పాటు మరిన్ని కథలు నిర్మాతలు విన్నారని కోలీవుడ్‌లో టాక్ వినిపిస్తోంది. రాబోయే రోజుల్లో దీనిపై మరింత క్లారిటీ వచ్చే అవకాశముంది. మరోవైపు బాబాయ్ సంజీవ్ ఈ చిత్రానికి దర్శకత్వం వహించే అవకాశం ఉందనే ప్రచారం కూడా జరుగుతోంది.

బాలీవుడ్ నటి తనుశ్రీ దత్తా షాకింగ్ కామెంట్స్ చేసింది. ఇటీవల కన్నూమూసిన దిగ్గజ నటుడు నానా పటేకర్‌ను ఉద్దేశించిన సంచలన వ్యాఖ్యలు చేసింది. తన జీవితాన్ని నరకప్రాయంగా మార్చాడని ఆవేదన వ్యక్తం చేసింది. నా లైఫ్‌లో నానా పటేకర్ ఓ పెద్ద భూతమని ఆరోపించింది. ఇప్పుడు ఆ భూతం చనిపోయిందని.. ఆయన చనిపోయాక ఆన్‌లైన్‌లో తనపై నెగెటివిటీ పెరిగిందని తనుశ్రీ దత్తా వెల్లడించారు. నానా లైంగికంగా వేధించిన విషయాన్ని బయటపెట్టినప్పటి నుంచే లైఫ్‌ నరకప్రాయంగా మారిపోయిందన్నారు. నానా పటేకర్‌ మరణించాక తనపై వచ్చిన విద్వేషపూరిత వ్యాఖ్యలపై ఈ విధంగా స్పందించారు. కాగా.. 2018లో మీ టూ ఉద్యమంలో భాగంగా నానా పటేకర్‌పై తనుశ్రీ లైంగిక వేధింపుల కేసు పెట్టిన సంగతి తెలిసిందే. అయితే తగిన సాక్ష్యాలు లేవన్న కారణాలతో ఆ కేసులో నానాకు క్లీన్‌చిట్‌ లభించింది.తనుశ్రీ మాట్లాడుతూ..'కొందరు మనుషులు ఇంత మూర్ఖంగా ఉంటారనుకోలేదు. ఓ వ్యక్తితో ప్రపంచానికి ఉన్న అనుభవాలు భిన్నంగా ఉండొచ్చు.. కానీ ఆ వ్యక్తి వల్ల నాకెదురైన చేదు అనుభవాలు ఇవీ. అతడు నన్ను ఒంటరిగా వేధించలేదు, కొందరితోగ్రూపు ఏర్పాటు చేసి మరి హింసించాడు. ఓ వ్యక్తి మరణించినంత మాత్రాన అతడు జీవితంలో చేసిన నేరాలు, వేధింపులన్నీ మాఫీ అవుతాయా? దేవుడు కూడా క్షమించమని అడగనివారిని ఉపేక్షించడు. ముందు చేసిన నేరం అంగీకరించి క్షమాపణ కోరాలి. ఒకరి లైఫ్‌ను సర్వనాశనం చేశామని ఒప్పుకోవాలి. కానీ అలా జరగలేదు. అందుకే ఆయన చనిపోతే ఈవిల్ డెడ్ అని అభివర్ణించా.'అని చెప్పుకొచ్చింది. ప్రస్తుతం ఆమె చేసిన కామెంట్స్ బాలీవుడ్‌లో చర్చనీయాశంగా మారాయి.

యువ నటుడు శ్రవణ్, మలైకా టి. వాసుపల్ జంటగా నటించిన చిత్రం ‘చకోర – లూనార్ లవ్ బర్డ్’. మంగా శ్రీనివాస్ దర్శకత్వంలో రూపొందించారు. ఈ సినిమాను డాక్టర్ చింతాడ హేమారావు నిర్మించారు. ఇందులో ఇంద్రజ, సుమన్‌, బ్రహ్మాజీ, ఎల్‌బీ శ్రీరామ్‌ కీలక పాత్రలు పోషించారు. ప్రేమ, భావోద్వేగాలు, కామెడీ, యాక్షన్ అంశాలతో తెరకెక్కిన ఈ చిత్రం అక్టోబర్ 9, 2026న ప్రేక్షకుల ముందుకొచ్చింది. మరి ఈ మూవీ ఎలా ఉంది? అనేది రివ్యూలో చూద్దాం.అసలు కథేంటంటే..రావణ్‌(శ్రవణ్‌) చిన్నప్పట్నుంచి తనని ఎవరైనా సహాయం కోరితే తన వద్ద ఏముంటే అది ఇచ్చేస్తాడు. అది వాళ్ల తాత నేర్పించారు. అదే ఆచరిస్తుంటాడు. కానీ పెద్దయ్యాక ఫుల్‌ కమర్షియల్‌... డబ్బుల విషయంలో మాత్రం చాలా కఠినంగా ఉంటాడు. చిన్నప్పటి నుంచి జాబిలి లాంటి అమ్మాయి తన జీవితంలోకి రావాలని కోరుకుంటాడు. ఊహించినట్టుగా ఓ రోజు జాబిలి కనిపిస్తుంది. జూలీ(మలైకా టి వాసుపల్‌)ని చూసి ఆమెనే తన జాబిలిగా ఫిక్స్ అయిపోతాడు. ఆమె ఒక డాక్టర్‌.. ఆమెని పడేసేందుకు రోజూ ప్రయత్నిస్తుంటాడు రావణ్‌. ఓ రోజు ఆమె సవాల్‌ విసరగా.. అందులో సక్సెస్‌ అవుతాడు. అయితే అంతలోనే పెద్ద ట్విస్ట్ ఉంటుంది. తనని చూడకుండా 24 గంటలు ఉండాలని చెబుతుంది. కానీ ఆ తర్వాత తను కనిపించదు. చివరికీ ఆమెకు పెళ్లయిందని తెలుస్తుంది. మరి జూలీ అలా ఎందుకు చేసింది? ఆమె నిజంగానే రావణ్‌ని ప్రేమించిందా? చివరికి వీరి ప్రేమ సుఖాంతమా? విషాదాంతమా? అన్నదే ఈ సినిమా.ఎలా ఉందంటే..సినిమాల్లో ప్రేమకథలకు ఎప్పుడూ ప్రేక్షకుల్లో ప్రత్యేకమైన ఆదరణ ఉంటుంది. ముఖ్యంగా ప్రేమలోని నిజాయితీ, త్యాగం, భావోద్వేగాలను తెరపై సహజంగా చూపించగలిగితే ఆ కథ ప్రేక్షకుల హృదయాలకు హత్తుకుంటుంది. ఈ మూవీలోనూ అలాంటి స్వచ్ఛమైన ప్రేమనే ప్రధానంగా తీసుకున్నారు. దీనికి కుటుంబ భావోద్వేగాలు, వినోదం, యాక్షన్ అంశాలు జోడించారు డైరెక్టర్. అయితే ప్రేమకథలోని భావోద్వేగాలు ప్రేక్షకులకు కనెక్ట్ చేయడంలో మాత్రం దర్శకుడు విఫలమయ్యాడు. కథనం సహజంగా సాగడం, పాత్రల మధ్య అనుబంధం బలంగా కనిపించలేదు. ప్రేమికుల మధ్య సంఘర్షణలు, వారి నిర్ణయాల వెనుక కారణాలు కథలో కీలకంగా చూపించాడు. కానీ కొన్ని సీన్స్ ఎమోషనల్‌గా ఎంత బాగా తెరపై ఆవిష్కరిస్తే, సినిమా అంత బాగా ఉంటుంది. ఆ విషయంలో ఈ చిత్ర దర్శకుడు కొంత వరకు మాత్రమే సక్సెస్‌ అయ్యాడనిపించింది.అయితే కథ పరంగా కొత్తదనం ఏం లేదు. ఇది రొటీన్‌ లవ్‌ స్టోరీ. కానీ కథ తీసుకెళ్లిన తీరు కాస్తా ఇంట్రెస్టింగ్‌గా ఉంటుంది. హీరో పాయింట్‌ ఆఫ్‌ వ్యూలో కథ నడిపించాడు. ప్రారంభంలో సినిమా కొంత రొటీన్‌గా ఉన్నప్పటికీ.. హీరో హెల్ప్ చేయడం, ఇతరులు ఏదైనా సహాయం అడిగితే వారికి ఉన్నదంతా ఇచ్చేయడమనే పాయింట్‌ చాలా పాత కాన్సెప్ట్‌. కానీ హీరో పెద్దయ్యాక పూర్తి భిన్నంగా కమర్షియల్‌ రంగులు అద్దారు డైరెక్టర్. ఈ విషయంలో కొంతవరకు మాత్రమే సక్సెస్ అయ్యారు.ఇక తన జాబిలి కోసం కోసం తపించడం, ఆరాటపడటం, ఆమె వెంటపడటం ప్రారంభంలో కొంత విసిగించే సీన్స్ కూడా ఉన్నాయి. ఆ తర్వాత లవ్‌లోని ఫీల్‌, ఎమోషన్స్ కనెక్ట్ అయ్యేలా ప్రేక్షకుడికి అనిపించాయి. హీరో ప్రేమని టెస్ట్ చేసే సీన్లు మెప్పిస్తాయి. ఇంటర్వెల్‌ వరకు ఇంట్రెస్టింగ్‌గా సాగుతుంది. ఇక సెకండాఫ్‌లో హీరో చుట్టు తిరుగుతుంది. సెకండాఫ్‌ కాస్తా బోరింగ్‌గా అనిపిస్తుంది. ఆ తర్వాత వచ్చే ట్విస్టులతో ఆడియన్స్‌లో ఆసక్తి క్రియేట్ చేశాడు. ఈ మూవీలో క్లైమాక్స్ యాక్షన్‌తో పాటు సందేశం ఇచ్చాడు. కానీ చివరికీ కథ విషాదంతో ముగుస్తుంది. ప్రేమకి సంబంధించిన ఇచ్చిన సందేశం మాత్రం బాగుంది.ఎవరెలా చేశారంటే..హీరో శ్రవణ్‌కు తన టాలెంట్‌తో ఆకట్టుకున్నారు. ప్రేమికుడిగా భావోద్వేగాలతో పాటు యాక్షన్, రొమాంటిక్ సన్నివేశాల్లోనూ మెప్పించాడు. మలైకా టి. వాసుపల్ హీరోయిన్‌గా తన పాత్రలో ఒదిగిపోయింది. హీరో, హీరోయిన్ మధ్య కెమిస్ట్రీ బాగానే వర్కవుట్ అయింది. అనుష్క లుహార్, యామిని, ఎల్.బి. శ్రీరామ్, సుమన్, బ్రహ్మాజీ, ఇంద్రజ, మణి చందన, నెల్లూరు సుదర్శన్ తమ పాత్రలో పరిధిలో మెప్పించారు. ఇక సాంకేతికత విషయానికొస్తే రూపా గోపీకృష్ణ సినిమాటోగ్రఫీ బాగుంది. ప్రిన్స్ హెన్రీ సంగీతం ఫర్వాలేదు. మార్తాండ్ కె. వెంకటేష్ ఎడిటింగ్‌లో మరింత శ్రద్ధ పెట్టాల్సింది. విజువల్‌గా చూస్తే మూవీ రిచ్‌గా ఉంది. నిర్మాణ విలువలు కథకు తగ్గట్టుగానే ఉన్నాయి.

కేజీఎఫ్ స్టార్ యశ్ హీరోగా వచ్చిన లేటేస్ట్ మూవీ టాక్సిక్. భారీ అంచనాల మధ్య రిలీజైన ఈ చిత్రం బాక్సాఫీస్ వద్ద ఘోరంగా విఫలమైంది. దాదాపు రూ.400 కోట్ల బడ్జెట్‌తో తెరకెక్కించగా.. యశ్‌ కెరీర్‌లోనే బిగ్గెస్ట్ డిజాస్టర్‌గా నిలిచింది. ఈ మూవీకి గీతూ మోహన్‌దాస్ దర్శకత్వం వహించారు. ఈ చిత్రంలో బాలీవుడ్ భామ కియారా అద్వానీ హీరోయిన్‌గా మెప్పించింది.అయితే ఈ మూవీ రిలీజై నెల రోజులు దాటినా ఇప్పటి వరకు ఓటీటీకి రాలేదు. థియేటర్ రెస్పాన్స్ చూశాక ఓటీటీలు సైతం ఈ చిత్రంపై వెనకడుగు వేస్తున్నాయి. ఇప్పుడు టాక్సిక్‌ ఓటీటీ డీల్‌కు సంబంధించి ఓ క్రేజీ టాక్ వైరలవుతోంది. ఈ సినిమాకు డిజాస్టర్‌ టాక్‌ వచ్చేసరికి ఓటీటీ డీల్‌ ఆఫర్ తగ్గిపోయిందని తెలుస్తోంది. మొదట రూ.200 కోట్లకు డీల్ కుదిరినట్లు తెలుస్తోంది. అయితే థియేటర్ రెస్పాన్స్ తర్వాత ఏకంగా రూ.30 కోట్లకు పడిపోయినట్లు సమాచారం.కానీ ఇప్పుడు ఆ రూ.30 కోట్లు వెచ్చించలేమని ఓటీటీలు ముందుకు రావడం లేదని టాక్. కాగా.. ఈ సినిమా ఓటీటీ రైట్స్ జీ5 సొంతం చేసుకుందని గతంలో రూమర్స్ వినిపించాయి. కానీ దీనిపై ఎలాంటి అధికారిక ప్రకటనైతే రాలేదు. ఈ లెక్కన చూస్తే అసలు టాక్సిక్ ఓటీటీకి వస్తుందా? లేదా? అనే విషయంలో సస్పెన్స్ నెలకొంది. చివరికీ ఈ సినిమా ఓటీటీలో వస్తుందో మరికొద్ది రోజులు ఆగితే కానీ చెప్పలేని పరిస్థితి కనిపిస్తోంది. రాబోయే రోజుల్లోనైనా క్లారిటీ వస్తుందో లేదో వేచి చూడాల్సిందే.

ది రాజాసాబ్ బ్యూటీ నిధి అగర్వాల్ గురించి ప్రత్యేకంగా చెప్పనక్కర్లేదు. తెలుగు పలు సినిమాల్లో హీరోయిన్‌గా చేసింది. ఈ ముద్దుగుమ్మ గతేడాది రిలీజైన ప్రభాస్ ది రాజాసాబ్ చిత్రంలో హీరోయిన్‌గా మెప్పించింది. ప్రస్తుతం సినిమాలు లేకపోయినా.. తాజాగా ఓ షాపింగ్ మాల్ ప్రారంభోత్సవానికి హాజరైంది.ఈ సందర్భంగా తనకు ఓ ఆసక్తికర ప్రశ్న ఎదురైంది. తెలుగబ్బాయిని పెళ్లి చేసుకుంటారా? అని ఓ రిపోర్టర్ అడగడంతో దీనిపై స్పందించింది. అది తెలియదు.. మే బీ చేసుకోవచ్చంటూ సరదాగా నవ్వుతూ సమాధానమిచ్చింది. అంతేకాకుండా తనకు తెలుగు రాష్ట్రాలతో ఉన్న అనుబంధం గురించి ఆసక్తికర విషయాలు పంచుకున్నారు. తాను హైదరాబాద్‌లోనే పుట్టానని తెలిపారు. తాను కూడా తెలుగమ్మాయినేనని నిధి అగర్వాల్ స్పష్టం చేశారు. ఈ కామెంట్స్ ఇప్పుడు సోషల్ మీడియాలో వైరల్‌గా మారాయి.

ఐకాన్ స్టార్ అల్లు అర్జున్ ప్రత్యేక విషెస్ తెలిపారు. ఇవాళ డైరెక్టర్‌ వివి వినాయక్ బర్త్ ‍డే కావడంతో జన్మదిన శుభాకాంక్షలు తెలిపారు. నాకు ఆయన నాకు కేవలం దర్శకుడు మాత్రమే కాదు.. జీవితంలో ఎన్నో ముఖ్యమైన పునాదులు నేర్పిన అన్నయ్య లాంటివారని అన్నారు. పుట్టినరోజు శుభాకాంక్షలు అన్నయ్య అంటూ ట్వీట్ చేశారు. ఈ సందర్భంగా బద్రీనాథ్ మూవీ సెట్‌లోని ఫోటోను షేర్ చేశారు.కాగా.. వీరిద్దరి కాంబోలో వచ్చిన మూవీ బద్రినాథ్. ఈ చిత్రం బాక్సాఫీస్ వద్ద సూపర్‌హిట్‌గా నిలిచింది. ఈ మూవీలో మిల్కీ బ్యూటీ తమన్నా హీరోయిన్‌గా మెప్పించింది. 2011లో రిలీజై బ్లాక్‌బస్టర్‌ హిట్‌ను సొంతం చేసుకుంది. ఈ మూవీలో ప్రకాశ్ రాజ్, షాయాజీ షిండే కీలక పాత్రల్లో మెప్పించారు. Many many happy returns of the day to the commercial blockbuster director, #VVVinayak garu . He is not just a director to me. He is like an elder brother who has taught me many important foundations in life. Happy Birthday Annaya 🖤 https://t.co/nhjYWd7Ao7— Allu Arjun (@alluarjun) October 9, 2026

టాలీవుడ్ హీరో శర్వానంద్ బైకర్ తర్వాత నటిస్తోన్న తాజా చిత్రం భోగి. ఈ మూవీకి సంపత్ నంది దర్శకత్వం వహిస్తున్నారు. వీరిద్దరి కాంబినేషన్‌లో వస్తున్న చిత్రం కావడంతో ప్రేక్షకుల్లో భారీ అంచనాలు నెలకొన్నాయి. ప్రస్తుతం ఈ మూవీ షూటింగ్ శరవేగంగా జరుగుతోంది. ఇటీవలే టీజర్ రిలీజ్ చేయగా ఆడియన్స్ నుంచి అద్భుతమైన రెస్పాన్స్ వచ్చింది.తాజాగా ఈ మూవీ నుంచి క్రేజీ సాంగ్ రిలీజ్ చేశారు. ఎగిరి వరంగలేసి అంటూ సాగే పాటను విడుదల చేశారు. ఈ పాటకు చంద్రబోస్ లిరిక్స్ అందించగా..నల్గొండ గద్దర్ నర్సన్న, కందుకూరి శంకర్‌బాబు, రేలారే గోపాల్ ఆలపించారు. ఈ సాంగ్‌ భీమ్స్ సిసిరోలియో కంపోజ్ చేశారు.కాగా.. ఈ చిత్రాన్ని 1960ల నాటి తెలంగాణ-మహారాష్ట్ర సరిహద్దు నేపథ్య కథతో రూపొందిస్తున్నారు. ఈ చిత్రంలో అనుపమ పరమేశ్వరన్, డింపుల్ హయాతి హీరోయిన్లుగా నటిస్తున్నారు. ఈ మూవీకి భీమ్స్ సిసిరోలియో సంగీతం అందిస్తున్నారు. పీరియాడిక్ డ్రామాగా వస్తోన్న ఈ సినిమా నవంబర్ 12న థియేటర్లలో విడుదల కానుంది.

ప్రస్తుతం ఒక సినిమా తెరకెక్కించాలంటే వందల కోట్ల బడ్జెట్‌ అవసరమవుతోంది. చిన్న సినిమాలకు సైతం కోట్ల రూపాయలు ఖర్చు చేస్తున్నారు. అలాంటిది కేవలం రూ. 2 కోట్ల బడ్జెట్‌తో రూపొందిన ఓ హిందీ చిత్రం.. బాక్సాఫీస్‌ వద్ద రూ. 400 కోట్లకు పైగా వసూళ్లు సాధించి ట్రేడ్‌ వర్గాలను సైతం ఆశ్చర్యపరిచింది. అదే ‘హనుమాన్‌ అంశ్‌’. భారీ హంగులు, స్టార్‌ హీరోలు లేకుండానే సంచలన విజయాన్ని అందుకున్న ఈ చిత్రం నేడు(అక్టోబర్‌ 9) తెలుగు ప్రేక్షకుల ముందుకు వచ్చింది. మరి ఈ సినిమా తెలుగు ప్రేక్షకులను ఏ మేరకు ఆకట్టుకుంది? ఇంతటి విజయాన్ని అందుకునేలా ఇందులో ఏముంది? రివ్యూలో చూద్దాం.కథేంటంటే.. భారతదేశానికి స్వాతంత్య్రం రాక ముందు జరిగిన కథ ఇది. చిన్న వయసులోనే తల్లిని కోల్పోయిన లక్ష్మీనారాయణ(శోభినవ్ సత్య) అనే బాలుడి జీవితంతో కథ ప్రారంభం అవుతుంది. చనిపోయిన తల్లి..దేవుడి దగ్గరకు వెళ్లిందని చెప్పడంతో.. ఆ బాలుడు మనసు భగవంతుడివైపు మళ్లుతుంది. క్రమంగా ఆంజనేయస్వామి భక్తుడిగా మారుతాడు. కుటుంబాన్ని, ఇంటిని వదిలేసి..రామ జపం చేస్తూ ఉత్తర భారతదేశం మొత్తం తిరుగుతుంటాడు. చివరికి అదే ఆధ్యాత్మిక ప్రయాణం అతడిని నీమ్ కరోలి బాబాగా మారే దిశగా తీసుకెళ్తుంది. నీమ్ కరోలి బాబా ఆధ్యాత్మిక ప్రయాణం ఎలా సాగింది? ఆయన సాగించిన ప్రయాణంలో ఎంతమంది జీవితాల్లో వెలుగులు నింపాడు? అనేదే ఈ సినిమా కథ. ఎలా ఉందంటే.. విశాల్ చతుర్వేది రాసిన ఒక పుస్తకం ఆధారంగా ఈ సినిమాను తెరకెక్కించారు. అయితే టైటిల్‌ చూస్తే..ఇది పౌరాణిక కథ అనుకుంటారు. కానీ ఇది ఓ సాధారణ మనిషి తన జీవితంలో ఎదురైన బాధలు, మనసులో మెదిలిన ప్రశ్నలు అతడిని భక్తి మార్గం వైపు ఎలా నడిపించాయన్నదే ఈ చిత్రంలోని ప్రధానాంశం. భక్తి అంటే కేవలం పూజలు, ప్రార్థనలకే పరిమితమా? దేవుడిని ప్రేమించడం అంటే ఆరాధించడం మాత్రమేనా? లేక మన చుట్టూ ఉన్న మనుషులకు అండగా నిలబడి, వారికి సేవ చేయడంలోనూ దైవత్వాన్ని చూడాలా? అనే ప్రశ్నలను సినిమా తనదైన శైలిలో ఆవిష్కరిస్తుంది. అందుకే ఇది కేవలం ఆధ్యాత్మిక చిత్రంగా కాకుండా, మానవీయ విలువలను గుర్తుచేసే కథగా ప్రేక్షకులను ఆకట్టుకుంటుంది.ఫస్టాఫ్‌ మొత్తం లక్ష్మీనారాయణ్ శర్మ ఆధ్యాత్మిక ప్రయాణం చుట్టూ సాగుతుంది. చిన్నప్పుడే తల్లిని కోల్పోవడం.. తండ్రి మరోకరి పెళ్లి చేసుకోవడంతో ఆ బాలుడి మనసు మారుతుంది. కన్నతల్లిని తిరిగి కలుసుకోవాలనే ఉద్దేశ్యంతో దేవుడి కోసం వెతకడం ప్రారంభిస్తుంది. ఈ క్రమంలో వచ్చే సన్నివేశాలు దైవభక్తి ఉన్నవారికి బాగా కనెక్ట్‌ అవుతాయి. వెనుకబడిన వర్గాల పిల్లలకు తన భోజనాన్ని పంచే సీన్‌ హృదయాలను హత్తుకుంటాయి. ఇలా ఫస్టాఫ్‌ మొత్తం దైవభావన కలిగించేలా సాగుతుంది. ఇక సెకండాఫ్‌లో ఎక్కువగా బాబా మహిమలనే చూపించారు. రైలు నుంచి అతన్ని దింపేస్తే..రైలు ఆగిపోవడం.. జైలులో బందిస్తే..బయటకు రావడం.. రాళ్లను స్వీట్లుగా మార్చడం..ఇలాంటి కొన్ని వింతలు ఓ వర్గం ప్రేక్షకులను ఆకట్టుకుంటే..మరికొందరికి కాస్త అతిగా అనిపిస్తాయి. ఎమోషన్స్‌ కంటే ఎక్కువగా బాబా చూపిన మహిమల మీదనే ఎక్కువ దృష్టిపెట్టారు. నీమ్‌ కరోలీ బాబా గురించి నార్త్‌ వాళ్లకు బాగా తెలుసు కాబట్టి..వాళ్లు ఈ కథను ఓన్‌ చేసుకున్నారు. దక్షిణాది వారికి అంతగా పరిచయం లేదు..అందుకే ఈ కథతో పూర్తిగా కనెక్ట్‌ కాలేరు. అయితే దైవ భక్తి ఉన్నవారికి మాత్రం ఈ చిత్రం బాగా నచ్చుతుంది. ఎవరెలా చేశారంటే.. ఈ చిత్రంలో నటించిన వారంతా కొత్తవాళ్లే. అందరూ బాగానే చేశారు. అయితే కథ మొత్తం నీమ్‌ కరోలీ బాబా పాత్ర చుట్టూనే తిరగడంతో ఆయన తప్ప మరోకరు గుర్తుకురారు. ఆ పాత్రలో శోభినవ్ సత్య జీవించేశాడు. తెరపై అచ్చం బాబాలాగే కనిపించాడు. డాక్టర్ రామ్ నందన్ పాత్రకి చందన్ కె ఆనంద్ న్యాయం చేశాడు. సాంకేతికంగా సినిమా బాగుంది. సాధు సుశీల్ తివారీ అందించిన సంగీతం సినిమాకు మరో ప్రధానబలం. బ్యాక్ గ్రౌండ్ స్కోర్ బాగుంది.విశాల్ బావా సినిమాటోగ్రఫీ, శంఖ్ రాజ్యాధ్యక్ష ఎడిటింగ్‌ పర్వాలేదు. తెలుగు డబ్బింగ్ బాగా కుదిరింది. డైలాగ్స్ చాలా న్యాచురల్‌గా ఉన్నాయి. అయితే ఈ సినిమాకు బడ్జెట్‌ చాలా తక్కువ. సినిమా చూస్తే అది అర్థమైపోతుంది. విజువల్స్‌ అంత రిచ్‌గా ఉండవు.

‘ప్రేమనే ఊరిలో..’ మన సినిమా... మన మట్టి చిత్రం. మన ఊరి సినిమా... కథలో మంచి ఎమోషన్‌ ఉంది. అలాగే రైతు గొప్పదనం గురించి చెప్పారు. ఒక చెట్టు గురించి కూడా మంచి సందేశం ఇచ్చారు. మనల్ని ఆకట్టుకునే ఎన్నో అంశాలు ఈ సినిమాలో ఉన్నాయి. ఈ చిత్రకథ మనసుల్ని కదిలిస్తుంది’’ అని నటుడు సాయికుమార్‌ తెలిపారు. శ్రీ రామ్, రామికా శివు, తపస్విని పూనాచ, రంగాయణ రఘు ప్రధాన పాత్రల్లో నటించిన చిత్రం ‘ప్రేమనే ఊరిలో..’. మనోజ్‌ కుమార్‌ దర్శకత్వంలో చందు శ్రీనివాస్, సురేష్‌ కొండేటి, మమత దేవేంద్ర ఎం. నిర్మించారు.ఈ నెల 2న విడుదలైన ‘ప్రేమనే ఊరిలో..’ మూవీ గ్రాండ్‌ సక్సెస్‌ మీట్‌ను హైదరాబాద్‌లో నిర్వహించారు. సాయికుమార్‌ అతిథిగా హాజరయ్యారు. ఈ సందర్భంగా హీరో శ్రీరామ్‌ మాట్లాడుతూ– ‘‘యూత్‌తో పాటు ఫ్యామిలీ ఆడియన్సకి నచ్చేలా మా సినిమా ఉంటుంది. ఒక మంచి సినిమా చూసిన అనుభూతిని పొందుతారు’’ అని చెప్పారు. ‘‘తెలుగు ప్రేక్షకులు మా సినిమాపై చూపిస్తున్న ప్రేమ, ఆదరణకు కృతజ్ఞతలు’’ అన్నారు మమత దేవేంద్ర.‘‘మా సినిమాకి ప్రేక్షకుల నుంచి మంచి స్పందన వస్తుండటంతో థియేటర్స్, స్క్రీన్స పెంచాం’’ అని సురేష్‌ కొండేటి తెలిపారు. ‘‘మా సినిమా చూస్తూ ప్రేక్షకులు ఎమోషనల్‌ అవుతున్నారు’’ అన్నారు చందు శ్రీనివాస్‌. ‘‘యూనిట్‌ అంతా థియేటర్స్‌కి వెళ్లాం. ప్రేక్షకుల అభినందనలు మాకు ఎంతో సంతోషాన్నిచ్చాయి’’ అని తపస్విని పునాచ పేర్కొన్నారు.

అనీష్, అనస్వర రాజన్‌ జంటగా నటించిన సినిమా ‘ఇట్లు అర్జున’. మహేష్‌ ఉప్పల దర్శకత్వంలో దర్శకుడు వెంకీ కుడుముల నిర్మించిన ఈ సినిమా ఈ నెల 30న విడుదల కానుంది. ఈ సందర్భంగా ఈ సినిమాలోని ‘ఎల్లో చున్ని’ సాంగ్‌ లాంచ్‌ ఈవెంట్‌ను వైజాగ్‌లో నిర్వహించారు మేకర్స్‌. శ్రీజో లిరిక్స్‌ అందించిన ఈ పాటను ఈ చిత్రం సంగీత దర్శకుడు తమన్‌తో కలిసి విశాల్‌ మిశ్రా పాడారు. ఈ వేడుకలో అనీష్‌ మాట్లాడుతూ– ‘‘ఈ సినిమాలోని ‘ఎల్లో సాంగ్‌ నా ఫేవరెట్‌’. ఒక అమ్మాయి నవ్వితే ఎంత బ్యూటిఫుల్‌గా ఉంటుందో చెప్పే పాట ఇది’’అని చెప్పారు. ‘‘ఈ సినిమాలోని ప్రేమకథకు అనీష్, అనస్వర తమ నటనతో ప్రాణం పోశారు’’ అని తెలిపారు మహేష్‌. ‘‘ఇట్లు అర్జున’ సినిమా లవ్లీ జర్నీ. సాధారణంగా మ్యూజిక్‌ విషయంలో ‘థియేటర్లు పగిలి పోవాలి.. స్పీకర్లు కాలిపోవాలి’ అని నాకు మెసేజ్‌లు పెడుతుంటారు. కానీ మహేష్‌ వచ్చి ‘గుండె పగిలిపోవాలి’ అని చెప్పాడు’’ అని తమన్‌ పేర్కొన్నారు. ‘‘అబ్బాయిలు, అమ్మాయిలందరికీ ఈ పాటను అంకితం చేస్తున్నాను’’ అని తెలిపారు అనస్వర రాజన్‌. ఈ కార్యక్రమంలో కొరియోగ్రాఫర్‌ ఫాల్గుణి మాట్లాడారు.

విద్యాబాలన్‌ ప్రధాన పాత్రధారిగా ఆర్‌. బాల్కీ దర్శకత్వంలో ఓ తమిళ సినిమా తెరకెక్కుతోంది. ఈ సినిమా చిత్రీకరణ ఇటీవలే ప్రారంభమైంది. అయితే ఈ సినిమా ఓ ప్రముఖ గాయని బయోపిక్‌ అని కొంతకాలంగా ప్రచారం సాగుతోంది. తాజాగా ఈ అంశంపై దర్శకుడు ఆర్‌. బాల్కీ స్పందించారు. ‘‘ప్రచారంలో ఉన్నట్లు ఇది బయోపిక్‌ సినిమా కాదు. నిజానికి మేం ఒక ఫన్‌ స్టోరీపై వర్క్‌ చేస్తున్నాం’’ అని పేర్కొన్నారు.ఇదిలా ఉంటే... అమితాబ్‌ బచ్చన్, అభిషేక్‌ బచ్చన్, విద్యాబాలన్‌ లీడ్‌ రోల్స్‌లో నటించి, 2009లో విడుదలైన ‘పా’ సినిమాకు దర్శకత్వం వహించారు ఆర్‌. బాల్కీ. మళ్లీ ఇప్పుడు అంటే... దాదాపు 17 సంవత్సరాల తర్వాత విద్యా బాలన్, బాల్కీ కాంబినేషన్‌లో సినిమా రూపొందుతుండటం విశేషం.

చూస్తుండగానే మరో వీకెండ్ వచ్చేసింది. ఇక శుక్రవారం మొదలైందంటే బాక్సాఫీస్ వద్ద సందడే సందడి. ఈ ఫ్రైడే సినీ ప్రియులను ‍అలరించేందుకు శ్రీ విష్ణు 'కామ్రేడ్ కల్యాణ్', రీసెంట్ సెన్సేషన్ హిట్ 'హనుమాన్ అంశ్'(తెలుగు) చిత్రాలతో పాటు మయూఖ, బా..బా.. బ్లాక్ షీప్ బిగ్ స్క్రీన్స్‌పైకి రానున్నాయి.ఇక ఓటీటీల విషయానికొస్తే ఈ శుక్రవారం పలు సినిమాలు స్ట్రీమింగ్‌కి రానున్నాయి. ఇప్పటికే మండాడి స్ట్రీమింగ్ అవుతుండగా.. ఎపిక్, ప్రథమ దృష్ట్యా కుట్టక్కర్, రిపోర్టింగ్ లైవ్ చిత్రాలు ఫ్రైడే ఓటీటీల్లో సందడి చేయనున్నాయి. వీటితో పాటు పలు బాలీవుడ్, హాలీవుడ్‌ మూవీస్ సినీ ‍ప్రియులను అలరించేందుకు వచ్చేస్తున్నాయి. ఏయే మూవీ ఎక్కడ స్ట్రీమింగ్ కానుందో మీరు కూడా ఓ లుక్కేయండి.ఈ శుక్రవారం ఓటీటీ మూవీస్నెట్‌ఫ్లిక్స్ ప్రథమ దృష్ట్యా కుట్టక్కర్ (తెలుగు డబ్బింగ్ మూవీ) - అక్టోబర్ 09 ఎపిక్ (తెలుగు చిత్రం) - అక్టోబర్ 09 రిపోర్టింగ్ లైవ్ (తెలుగు డబ్బింగ్ సినిమా) - అక్టోబరు 09 టేక్ ఛార్జ్ ఆఫ్ మై హార్ట్ (కొరియన్ సిరీస్) - అక్టోబర్ 09 యానిమల్స్ (ఇంగ్లీష్ మూవీ) - అక్టోబర్ 09 హాంటెడ్ హోటల్ సీజన్ 2 (ఇంగ్లీష్ సిరీస్) - అక్టోబర్ 09 డాక్టర్ ఎక్స్(కొరియన్ సిరీస్)- అక్టోబర్ 09 100 డేస్ ఆఫ్ డిసెప్షన్ (కొరియన్ సిరీస్) - అక్టోబర్ 10జియో హాట్‌స్టార్షెరిఫ్ కంట్రీ సీజన్ 2 (ఇంగ్లీష్ సిరీస్) - అక్టోబర్ 09 పతి పత్నీ ఔర్ పంగా సీజన్ 2 (హిందీ రియాలిటీ షో) - అక్టోబర్ 10 విజయనగర్ హిరే (బెంగాలీ మూవీ) - అక్టోబర్ 10 ‍ట్రెజర్ ఐలాండ్ (ఇంగ్లీష్ సిరీస్) - అక్టోబర్ 11అమెజాన్ ప్రైమ్పారిస్ కేఫ్(తమిళ సినిమా)- ‍అక్టోబర్ 09ఖలీఫా(మలయాళ సినిమా)- ‍అక్టోబర్ 09సోనీ లివ్ ఐస్ (తెలుగు డబ్బింగ్ సిరీస్) - అక్టోబర్ 09ఆపిల్ టీవీ ప్లస్మ్యాచ్ బాక్స్ ద మూవీ (ఇంగ్లీష్ సినిమా) - అక్టోబర్ 09లయన్స్ గేట్ ప్లే..ఆడమ్ అండ్ ఈవ్(హిందీ మూవీ)- అక్టోబర్ 09ఎబోవ్ అండ్ బిలో(హాలీవుడ్)- అక్టోబర్ 09

టాలీవుడ్ హీరో విజయ్ దేవరకొండ సంచలన కామెంట్స్ చేశారు. సోషల్ మీడియాలో తనపై, భార్య రష్మికపై వస్తున్న ట్రోల్స్, నెగిటివిటీపై సీరియస్‌గా స్పందించారు. రణబాలి ట్రైలర్ ఈవెంట్‌కు హాజరైన విజయ్.. విమర్శలపై స్ట్రాంగ్‌ కౌంటరిచ్చారు. నా సెల్ఫ్ కాన్ఫిడెన్స్ వాళ్లకు బలుపులా అనిపిస్తే నేను తగ్గాలా? ఎవరికోసం నేను మారబోనంటూ వ్యాఖ్యానించారు. సోషల్ మీడియాలో వచ్చే ట్రోల్స్‌లో 90 శాతం కావాలని ఒక గ్రూప్ క్రియేట్ చేస్తున్నవేనని విజయ్ దేవరకొండ ఆరోపించారు.ఒక 50 మంది కూర్చుని ఒక్కొక్కరు 20 నుంచి 1000 అకౌంట్స్ క్రియేట్ చేసి కావాలని నెగిటివిటీని సృష్టిస్తున్నారని విజయ్ విమర్శించారు. రణబాలి సినిమా ట్రైలర్ రాకముందే ఇది బ్రిటీశ్ సినిమా అంటూ కొన్ని వర్గాలు కావాలని వ్యతిరేక ప్రచారం చేస్తున్నాయని మండిపడ్డారు. ఎవరినైనా కలవకుండానే, వ్యక్తిగతంగా తెలియకుండానే ఇలా బలమైన అభిప్రాయాలను క్రియేట్ చేయడం వెనుక ఒక పెద్ద మెషినరీ పనిచేస్తోందని సంచలన ఆరోపణలు చేశారు. తెలుగు సినిమా అయిన రణబాలి కాకుండా మనం జైలర్‌-2కు పోదాం అని సడెన్‌గా 50 అకౌంట్స్‌ నుంచి ఒకే రీల్‌ షేర్‌ అవుతుందన్నారు. అందరూ ఒకే అభిప్రాయాన్ని రీల్‌గా షేర్‌ చేస్తున్నారంటే ఎవరో కూర్చొని డబ్బులు పెట్టి మరీ చేయిస్తున్నారని అర్థం.. వ్యవస్థ అలా తయారైంది. దీన్ని మనం ఆపలేమన్నారు.విజయ్ దేవరకొండ మాట్లాడుతూ..' ఇప్పుడు డబ్బులు ఇచ్చి చేయిస్తున్న వాడు రేపు ఏఐతో కూడా అదే పని చేయిస్తారు. అప్పుడు ఈ పనిచేసే వాళ్లు ఏం చేస్తారు? సినిమాను ప్రచారం చేయడానికి నేను సపోర్ట్‌ చేస్తా. ఎవరో ఒకరు బాగుపడతారు. అదే టూల్‌ను ఒకరిని కిందకు లాగడానికి ఉపయోగిస్తే ఎందుకురా ఈ పనులు అనిపిస్తుంది. ఇలా ఇండస్ట్రీలో ఏం జరుగుతుందో తెలుసుకోవడానికి నాకు ఏడేళ్లు పట్టింది. నేను ఖాళీ చేతులతో వచ్చి, నాకు నచ్చిన సినిమాలు చేసుకుంటూ వచ్చా. ఏడేళ్ల నుంచి అర్థం కాలేదు. గత ఏడాది ఈ విషయంలో క్లారిటీ వచ్చింది. నాకు ఏం జరుగుతుందో అర్థమైంది' అనిఅన్నారు.

కోలీవుడ్ హీరో సూర్య వెంకీ ‍అట్లూరి డైరెక్షన్‌లో వచ్చిన విశ్వనాథ్ అండ్ సన్స్ మూవీతో హిట్ తన ఖాతాలో వేసుకున్నారు. ఈ మూవీలో మమితా బైజు హీరోయిన్‌గా మెప్పించింది. ఈ మూవీ సక్సెస్‌ ఎంజాయ్ చేస్తుండగానే మరో సినిమాతో ప్రేక్షకుల ముందుకొస్తున్నారు. సీన్ మూవీతో అభిమానులను అలరించనున్నారు. ఇప్పటికే ఈ మూవీ టీజర్ రిలీజ్ చేయగా అద్భుతమైన రెస్పాన్స్ వచ్చింది.తాజాగా ఈ మూవీ నుంచి ఓ క్రేజీ సాంగ్ రిలీజ్ చేశారు. అమ్మో ఇది ఎవర్రా అంటూ సాగే లిరికల్ వీడియో విడులద చేశారు. ఈ పాటకు రాకేందు మౌళి లిరిక్స్ అందించగా.. వినాయక్ ఆలపించారు. ఈ పాటను సుసిన్ శ్యామ్ కంపోజ్ చేశారు. కాగా.. ఈ సినిమాకు జితు మాధవన్‌ దర్శకత్వం వహిస్తున్నారు. ఈ చిత్రంలో సూర్య మరోసారి పోలీస్ పాత్రలో కనిపించనున్నారు. ఈ చిత్రంలో సూర్య సరసన నజ్రియా హీరోయిన్‌గా కనిపించనుండగా.. నస్లెన్‌, ఆనంద్‌రాజ్‌, లాల్‌, రాజ్‌ ప్రియన్‌ కీలక పాత్రలు పోషిస్తున్నారు. ఈ చిత్రాన్ని దీపావళి కానుకగా నవంబరు 6న విడుదల చేయనున్నారు. ఈ మూవీని 2డీ ఎంటర్‌టైన్‌మెంట్ బ్యానర్‌లో జ్యోతిక, సూర్యనే నిర్మిస్తున్నారు. కాగా.. ఈ చిత్రానికి సుసిన్ శ్యామ్ సంగీతమందిస్తున్నారు.

విజయ్ దేవరకొండ, రష్మిక జంటగా వస్తోన్న పీరియాడికల్ మూవీ రణబాలి. ఈ చిత్రాన్ని బ్రిటీష్ కాలం నాటి పరిస్థితుల ఆధారంగా తెరకెక్కిస్తున్నారు. ఈ మూవీకి రాహుల్ సాంకృత్యాన్ దర్శకత్వం వహించారు. ఇప్పటికే షూటింగ్‌ పూర్తయిన ఈ సినిమా దసరా కానుకగా థియేటర్లలో అక్టోబర్ 16న సందడి చేయనుంది. ఈ సందర్భంగా హైదరాబాద్‌లో ట్రైలర్ లాంఛ్ ఈవెంట్‌ నిర్వహించారు మేకర్స్. ఈ ఈవెంట్‌కు హాజరైన డైరెక్టర్ రాహుల్ రణబాలి కథను ఉద్దేశించి మాట్లాడారు. డైరెక్టర్ రాహుల్ మాట్లాడుతూ..' శ్యామ్ సింగరాయ్ తర్వాత నెక్ట్స్ సినిమా కోసం ఆలోచించే టైమ్‌లో ఓ బుర్రకథ నా ముందుకు వచ్చింది. అది విని నేను షాకయ్యా. ఒక వీరుడి కథ విన్నా. అతనితో దేవుళ్లు మాట్లాడతారు. అప్పుడే ఇలాంటి సినిమా చేయాలని డిసైడ్ అయ్యా. రాయలసీమ చరిత్ర చదివా. కరువు కేవలం రాయలసీమకే కాదు..అన్ని ప్రాంతాల్లో వచ్చింది. ది గ్రేట్ సౌత్ ఇండియన్ మద్రాస్.. కేవలం రెండేళ్లలో కోటిమంది చనిపోయారని వార్త విన్నా. దీనిపై బుక్స్ కూడా చదివా.. ఇది నిజమని తెలిశాకే డిసైడ్ అయ్యా. ఫస్ట్ ఈ కథ రవికి చెప్పగానే ఓకే చేశారు.' అని అన్నారు. ఈ కథకు ఒక బిగ్‌ కటౌట్‌ కావాలనుకున్నానని రాహుల్ తెలిపారు. ఈ పాత్రకు విజయ్ కరెక్ట్ అని నాకు అనిపించిందన్నారు. ఈ జర్నీకి దాదాపు నాలుగు ఏళ్లు పట్టిందన్నారు. కోటిమంది ప్రాణాలు తీసిన ఈ కథ విన్నప్పుడు నాకు కోపం వచ్చిందన్నారు. ఆ కోపం, ఆవేశం నుంచి పుట్టిందే రణబాలి కథ అన్నారు. ఆ పిచ్చి పట్టిన పిశాచులకు దెయ్యం విడిపించడానికి ఆ కసాపురం ఆంజనేయస్వామి ఎదురొస్తే ఎలా ఉంటుందనేదే రణబాలి కథ అని తెలిపారు. కుమారస్వామి యుద్ధానికి వెళ్లేముందు రణబాలి అవతారం ఎత్తుతాడు.. అతన్నే రణబాలి మురుగన్ అంటారు.. అదే ఈ మూవీ టైటిల్‌కు అర్థమన్నారు. ఈ సినిమా కూడా ఒక యుద్ధాన్ని తలపిస్తుందని డైరెక్టర్ వెల్లడించారు.

రణబాలి ఈవెంట్‌లో నిర్మాత యలమంచిలి రవి ఆసక్తికర కామెంట్స్ చేశారు. విజయ్ దేవరకొండ చాలా మంచివాడని ప్రశంసించారు. ట్రైలర్ రిలీజ్ కాకముందే నెగెటివ్ ప్రచారం చేయడం ఆపండని హితవు పలికారు. బ్రిటీష్ కాలం నాటి స్టోరీ కచ్చితంగ మిమ్మల్ని అలరిస్తుందని అన్నారు. విజయ్ దేవరకొండపై నెగెటివ్ ప్రచారం చేయడం ఇకనుంచైనా ఆపాలని నిర్మాత రవి విజ్ఞప్తి చేశారు. విజయ్‌తో నేను దాదాపు ఏడేనిమిదేళ్లుగా జర్నీ చేస్తున్నానని వెల్లడించారు. కథ నచ్చకపోతే మమ్మల్ని విమర్శించండి.. తప్పులేదని నిర్మాత రవి అన్నారు. ట్రైలర్ రాకముందే మీరు నెగెటివ్ కామెంట్స్ చేయడం అపేయండని రిక్వెస్ట్ చేశారు. ఈ మధ్యకాలంలో సోషల్ మీడియాలో కావాలనే నెగెటివ్ ప్రచారం చేస్తున్నారు. సినిమా చూడకుండానే మీరు ఎలా డిసైడ్ చేస్తారని రవి ప్రశ్నించారు. విజయ్ చాలా మంచివాడని.. అతనికి సినిమా తప్పా వేరే లోకం లేదని అన్నారు. విజయ్ దేవరకొండ, రష్మిక జంటగా వస్తోన్న పీరియాడికల్ మూవీ రణబాలి. ఈ చిత్రాని బ్రిటీష్ కాలం నాటి పరిస్థితుల ఆధారంగా తెరకెక్కిస్తున్నారు. ఈ మూవీకి రాహుల్ సాంకృత్యాన్ దర్శకత్వం వహించారు. ఇప్పటికే షూటింగ్‌ పూర్తయిన ఈ సినిమా దసరా కానుకగా థియేటర్లలో అక్టోబర్ 16న సందడి చేయనుంది.

విజయ్ దేవరకొండ, రష్మిక జంటగా వస్తోన్న పీరియాడికల్ మూవీ రణబాలి. ఈ చిత్రాన్ని రాయలసీమలో బ్రిటీష్ కాలం నాటి పరిస్థితుల ఆధారంగా తెరకెక్కించారు. ఈ మూవీకి రాహుల్ సాంకృత్యాన్ దర్శకత్వం వహిస్తున్నారు. ఇప్పటికే షూటింగ్‌ పూర్తయిన ఈ సినిమా దసరా కానుకగా థియేటర్లలో సందడి చేయనుంది. దీంతో మూవీ టీమ్ ప్రమోషన్స్‌తో ఫుల్ బిజీగా ఉంది. ప్రమోషన్లలో భాగంగా రణబాలి ట్రైలర్ రిలీజ్ చేశారు మేకర్స్. ఈ ట్రైలర్ చూస్తుంటే రాయలసీమలో బ్రిటీష్ కాలంలో జరిగిన సంఘటనల ఆధారంగా తెరకెక్కించినట్లు తెలుస్తోంది. రెండేళ్ల పాటు కరువు రావడంతో దాదాపు కోటిమందికి పైగా ప్రాణాలు కోల్పోయారు. ఆ రోజుల్లో బ్రిటీశ్‌ పాలకులు చేసిన దురాగతాలకు వ్యతిరేకంగా రణబాలి చేసే పోరాటం ట్రైలర్‌లో కనిపిస్తోంది. బ్రిటీశ్ పాలకులకు ఎదురొడ్డి పోరాడిన వీరుడి కథే రణబాలి అని అర్థమవుతోంది. ఈ ఫుల్ యాక్షన్‌ ట్రైలర్ మీరు కూడా చూసేయండి.ఇక ‘రణబాలి’ సినిమా విషయానికొస్తే.. సినిమా నేపథ్యం, కథ ఎలా ఉండబోతుందనే విషయాలను ప్రేక్షకులకు పరిచయం చేసేందుకు చిత్రబృందం ఇప్పటికే నాలుగు భాగాలుగా డాక్యుమెంటరీ సిరీస్‌ను విడుదల చేసింది. 1854 నుంచి 1878 మధ్య జరిగిన వాస్తవ సంఘటనల ఆధారంగా ఈ చిత్రాన్ని రూపొందించారు. పాన్‌ ఇండియా స్థాయిలో తెరకెక్కుతున్న ఈ సినిమాలో విజయ్‌ దేవరకొండ యోధుడి పాత్రలో కనిపించనున్నాడు. అజయ్‌, అతుల్‌ సంగీతం అందిస్తున్న ఈ చిత్రాన్ని టీ-సిరీస్‌ సమర్పణలో మైత్రీ మూవీ మేకర్స్‌ బ్యానర్‌లో నిర్మించారు.

ప్రస్తుతం బిగ్‌బాస్ తెలుగు పదో సీజన్ నడుస్తోంది. అప్పుడే నాలుగు వారాలు పూర్తి చేసుకున్న ఈ రియాలిటీ షో ఐదో వారంలోకి వచ్చేసింది. గతవారంలో సృష్టి ఎలిమినేట్‌ అయి హౌస్ నుంచి బయటికి వచ్చేసింది. ఇక ఈ వారంలో ఇప్పటికే నామినేషన్స్ ప్రక్రియ పూర్తి కాగా.. దేబ్జానీ, వంశీ, సుధీర్, వర్షిణి, అపూర్వ, రోహిత్, ముకేశ్,‌ త్రిగుణ్, చరణ్, అమన్, శాలిని, రాంప్రసాద్ ఉన్నట్లు తెలుస్తోంది.అయితే ఇవాల్టి ఎపిసోడ్‌కు సంబంధించిన ప్రోమో తాజాగా రిలీజైంది. లోడ్‌ టూ రీలోడ్‌ టాస్క్‌లో భాగంగా ఓ గేమ్‌ ఇచ్చాడు బిగ్‌బాస్. ఈ గేమ్‌లో అపూర్వ, వంశీకి మధ్య మాటల యుద్ధం నడించింది. ఇలా కొట్టేసి పైనుంచి బాల్‌ పోతే పోయినట్టేనా అని వంశీ.. ‍అపూర్వను ప్రశ్నించాడు. దీంతో వీరిద్దరి మాటల యుద్ధం చిన్నపాటి రణరంగాన్ని తలపించింది. నోరు ఉందని గట్టిగా అరవకు అంటూ అపూర్వ వైపు వేలు చూపించాడు వంశీ. అలా ఇ‍ద్దరి మధ్య మాటల యుద్ధంతో ఈ ప్రోమో ముగిసింది. ఈ రోజు ఎపిసోడ్‌లో అసలేం జరిగిందో తెలియాలంటే ఇవాల్టి షో చూడాల్సిందే.

టాలీవుడ్ నటుడు సుహాస్ కోలీవుడ్ ఎంట్రీ ఇచ్చిన మూవీ మండాడి. ఇటీవలే థియేటర్లలో రిలీజైన ఈ సినిమా బాక్సాఫీస్ వద్ద ఊహించని విధంగా వసూళ్లు రాబట్టింది. ఈ మూవీ బాక్సాఫీస్ వద్ద ఏకంగా రూ.150 కోట్లకు పైగా కలెక్షన్స్ సాధించింది. ఈ మూవీ సూరి, సుహాస్ కెరీర్‌లోనే బిగ్గెస్ట్ బ్లాక్ బస్టర్‌గా నిలిచింది. ప్రస్తుతం ఈ సినిమా ఓటీటీకి వచ్చేసింది.ముందుగా ప్రకటించినట్లుగానే ఈ రోజు నుంచే నెట్‌ఫ్లిక్స్ వేదికగా స్ట్రీమింగ్ అవుతోంది. తమిళంతో పాటు తెలుగు, కన్నడ, మలయాళ, హిందీ భాషల్లో అందుబాటులోకి వచ్చేసింది. అయితే ఈ సినిమా ఇంకా థియేటర్లలో ఉండగానే ఓటీటీలోకి తీసుకొచ్చారు. అయితే మరోవైపు ఈ మూవీకి వస్తోన్న ఆదరణతో ఈ నెల 9 నుంచే ఐమ్యాక్స్ వర్షన్‌ రిలీజ్ చేస్తున్నారు. ఓటీటీకి వచ్చిన మరుసటిరోజే మరోసారి థియేటర్లలో మండాడి రిలీజ్ కానుంది.మండాడి కథేంటంటే..'మండాడి' విషయానికొస్తే.. సముద్రతీర ప్రాంతమైన కళింగపట్నంలో తరాలుగా పడవ పందేలు జరుగుతుంటాయి. ఆ పోటీల్లో ఎప్పుడూ గెలిచే మండాడి జట్టుకు ప్రాతినిథ్యం వహించిన ఇద్దరు మిత్రులే ముత్తు కాళి (సూరి), సాట్టా పులి (సుహాస్). సముద్రమంతా తెలిసిన ముని (సత్యరాజ్) శిక్షణలో రాటు దేలిన ఆ ఇద్దరూ కాలక్రమంలో బద్ధ శత్రువులవుతారు. పగ, ప్రతీకారాలు వెంటాడుతుండడంతో ముత్తు కాళి ఊరొదిలి హైదరాబాద్‌లో ఉద్యోగం చేసుకుంటూ బతుకుతుంటాడు.మల్లేశ్ (మిథున్) అనే యువకుడి కారణంగా చోటు చేసుకున్న అనూహ్యమైన పరిణామాలతో కాళి.. మళ్లీ ఊరికి రావాల్సి వస్తుంది. ఇంతకీ మల్లేశ్ అనే యువకుడు ఎవరు? అతనికీ ముత్తుకాళికీ సంబంధం ఏమిటి? ముత్తుకాళి తిరిగి ఊళ్లోకి వచ్చాక ఏం జరిగింది? సాట్టాపులితో వైరం ఎక్కడివరకూ సాగింది?అసలు వాళ్లిద్దరూ శత్రువులుగా మారడం వెనక కారణాలేమిటి? అనేది మిగతా స్టోరీ.

దాదాపు 30 ఏళ్ల క్రితం కమల్ హాసన్ నటించిన సూపర్ హిట్ మూవీ భారతీయుడు. ఈ సినిమా బాక్సాఫీస్ వద్ద ఘనవిజయం సాధించింది. ఈ చిత్రంలో కమల్ ద్విపాత్రాభినయంతో అభిమానులను మెప్పించాడు. ఆ తర్వాత ఈ మూవీకి సీక్వెల్‌గా ఇండియన్‌-2 తెరకెక్కించారు. అయితే ఈ చిత్రం అంచనాలను అందుకోవడంలో పూర్తిగా విఫలమైంది. బాక్సాఫీస్ వద్ద డిజాస్టర్‌గా నిలిచింది. దీంతో మరో పార్ట్ ఉండదని అంతా భావించారు.కానీ ఊహించని విధంగా ఈ మూవీకి పార్ట్-3 కూడా రానుందని ప్రకటించారు. ఈ విషయాన్ని మేకర్స్ స్వయంగా వెల్లడించారు. సేనాపతి బ్యాక్‌.. ఇండియన్-3 వార్ మోడ్ రానుందని పోస్టర్‌ పంచుకున్నారు. గుర్రాలపై ముగ్గురు వెళ్తున్న ఈ పోస్టర్‌ అభిమానులను తెగ ఆకట్టుకుంటోంది. ఈ పిక్ చూస్తుంటే కమల్ త్రిపాత్రాభినయం ఉండనున్నట్లు తెలుస్తోంది. కాగా.. ఇండియన్‌-2 నటించిన కాజల్‌ అగర్వాల్‌, సిద్ధార్థ్‌, ఎస్‌.జె.సూర్య ఇందులో కీలక పాత్రల్లో కనిపించనున్నారు. ఈ చిత్రానికి అనిరుధ్ రవిచందర్ సంగీతమందించనున్నారు. ఈ చిత్రానికి సైతం శంకర్ దర్శకత్వం వహించనున్నారు. Senapathy is back with zero tolerance. 🔥 The resurgence begins in #Indian3 🇮🇳 War Mode. ⚔️ Ulaganayagan @ikamalhaasan @shankarshanmugh @LycaProductions #Subaskaran @gkmtamilkumaran @anirudhofficial #Siddharth @MSKajalAggarwal @priya_Bshankar @actorsimha @iam_SJSuryah @dop_ravivarman @muthurajthangvl @sundarksam @teamaimpr #Hindustani3 🇮🇳 #Bharateeyudu3 🇮🇳 #WarMode— Lyca Productions (@LycaProductions) October 8, 2026

టాలీవుడ్ హీరో మంచు మనోజ్ దంపతులు ప్రముఖ ఆలయాన్ని సందర్శించారు. మైసూరులోని చాముండేశ్వరి అమ్మవారిని దర్శించుకున్నారు. తన భార్యతో మౌనికతో పాటు పిల్లలు ధైరవ్, దేవసేన శోభతో కలిసి అమ్మవారికి ప్రత్యేక పూజలు చేశారు. దీనికి సంబంధించిన ఫోటోలు సోషల్ మీడియాలో వైరల్‌గా మారాయి.ఇక సినీ కెరీర్ విషయానికొస్తే మంచు మనోజ్ ప్రస్తుతం డేవిడ్‌ రెడ్డి మూవీలో నటిస్తున్నారు. హనుమా రెడ్డి దర్శకత్వంలో వస్తున్న ఈ చిత్రంలో రమ్యకృష్ణ నటిస్తున్నారు. 1897, 1920ల మధ్య బ్రిటిష్‌ కాలం నాటి నేపథ్యంలో తెరకెక్కిస్తున్నారు. ఈ చిత్రంలో మారియా ర్యాబోషాప్కా హీరోయిన్‌గా కనిపించనున్నారు. సముద్రఖనితో పాటు పలువురు కీలక పాత్రలు పోషిస్తున్నారు. త్వరలోనే ఈ సినిమా పాన్‌ ఇండియా స్థాయిలో విడుదల కానుంది. అంతేకాకుండా బాలకృష్ణ హీరోగా గోపీచంద్ మలినేని దర్శకత్వంలో తెరకెక్కుతున్న ‘దాదా’ మూవీలో కీలక పాత్రలో కనిపించనున్నారు. ఈ మూవీ షూటింగ్ ప్రస్తుతం మైసూరులో జరుగుతోంది. ఈ సందర్భంగా షూటింగ్ నుంచి కాస్త సమయం తీసుకుని కుటుంబంతో కలిసి ఆలయాన్ని సందర్శించారు.ఇదీ చ‌ద‌వండి: అప్పుడు శ్రీరాముడు... ఇప్పుడు దశరథుడు

వీడీ సతీశన్‌ నేతృత్వంలోని కేరళ సర్కార్‌ విప్లవాత్మక నిర్ణయం దిశగా అడుగులేస్తోంది. దేశంలోనే తొలిసారిగా సినిమా రంగానికి కొత్త గుర్తింపు ఇచ్చే ప్రయత్నం చేస్తోంది. ఇది దాదాపు తుది దశకు చేరుకుంది. ఇప్పటివరకు కళా, సాంస్కృతిక రంగంగా ఉన్న మలయాళ సినిమా.. ‘ఇండస్ట్రీ’ గుర్తింపు దక్కించుకోనుంది. ఇందుకు సంబంధించిన విధాన ముసాయిదా సిద్ధం కాగా శాఖల మధ్య సంప్రదింపులు కొనసాగుతున్నాయి. ఈ నెలలోనే ప్రతిపాదనను కేబినెట్‌ ముందుకు తీసుకెళ్లే అవకాశం ఉంది.మలయాళ సినిమాకు ఇండస్ట్రీ హోదా ఇవ్వాలన్న ఆలోచన ఇప్పుడే పుట్టింది కాదు. గత పినరయి విజయన్‌ నేతృత్వంలోని ఎల్‌డీఎఫ్‌ ప్రభుత్వం హయాంలోనే దీనికి సంబంధించిన కసరత్తు మొదలైంది. 2024లో సమగ్ర ఫిల్మ్‌ పాలసీ రూపొందించేందుకు కేరళ ప్రభుత్వం రూ.కోటి కేటాయించింది. సినిమా నిర్మాణం, పంపిణీ, ప్రదర్శన రంగాల్లోని సమస్యలను అధ్యయనం చేసి విధానాన్ని రూపొందించేందుకు కన్సల్టెన్సీని కూడా నియమించింది.ఆ తర్వాత 2025 ఆగస్టులో కేరళ ఫిల్మ్‌ పాలసీ కాన్‌క్లేవ్‌ నిర్వహించారు. ముఖ్యమంత్రి పినరయి విజయన్‌ ప్రారంభించిన ఈ రెండు రోజుల సదస్సుకు సినీ రంగానికి చెందిన 500 మందికిపైగా ప్రతినిధులు హాజరయ్యారు. పరిశ్రమ భవిష్యత్తు, కార్మికుల హక్కులు, మహిళల భద్రత, సినిమా రంగానికి అవసరమైన విధానపరమైన మార్పులపై విస్తృతంగా చర్చించారు.92 సిఫారసులతో ఫిల్మ్‌ పాలసీఈ కసరత్తు కొనసాగి.. 2026 మార్చిలో కేరళ కేబినెట్‌ సమగ్ర స్టేట్‌ ఫిల్మ్‌ పాలసీకి ఆమోదం తెలిపింది. మొత్తం 92 సిఫారసులు, ప్రతిపాదనలతో ఈ పాలసీని రూపొందించారు. సినిమా రంగాన్ని మరింత ప్రొఫెషనల్‌గా తీర్చిదిద్దడం, నటీనటులు, సాంకేతిక నిపుణులు, కార్మికుల హక్కులకు రక్షణ కల్పించడం, మహిళలకు సురక్షితమైన పని వాతావరణం కల్పించడం వంటి అంశాలకు ఇందులో ప్రాధాన్యం ఇచ్చారు.అంతేకాదు.. సినిమాను ఒక పరిశ్రమగా గుర్తించాలన్న ప్రతిపాదన కూడా ఈ ఫిల్మ్‌ పాలసీలోనే ఉంది. అంటే ఇప్పుడు ప్రభుత్వం తీసుకుంటున్న చర్యకు ఇప్పటికే రూపొందిన విధానపరమైన పునాది ఉంది.బడ్జెట్‌లోనే కీలక ప్రకటనప్రస్తుత వీడీ సతీశన్‌ నేతృత్వంలోని యూడీఎఫ్‌ ప్రభుత్వం 2026–27 బడ్జెట్‌లో సినిమా రంగానికి ఇండస్ట్రీ స్టేటస్‌ కల్పించే ప్రతిపాదనను ప్రకటించింది. కొచ్చిలో జేసీ డేనియల్‌ ఇంటర్నేషనల్‌ ఫిల్మ్‌ సిటీ ఏర్పాటుకు రూ.100 కోట్లు కేటాయించింది. అంతర్జాతీయ స్థాయి సినిమా నిర్మాణాలను కేరళకు ఆకర్షించడం, ఫిల్మ్‌ సెక్టార్‌కు మౌలిక వసతులు కల్పించడం, యాంటీ పైరసీ వ్యవస్థను బలోపేతం చేయడం వంటి ప్రతిపాదనలతో ఈ ప్రాజెక్టును అనుసంధానించింది.ఇప్పుడు తాజాగా ఇండస్ట్రీ స్టేటస్‌కు సంబంధించిన పాలసీ ఫ్రేమ్‌వర్క్‌ సిద్ధం కావడంతో ఈ ప్రక్రియ మరో కీలక దశకు చేరుకుంది. వివిధ శాఖల మధ్య సంప్రదింపులు జరుగుతున్నాయి. ఈ నెలలోనే ప్రతిపాదనను కేబినెట్‌ ముందుకు తీసుకెళ్లాలని ప్రభుత్వం భావిస్తోంది.హోదా వస్తే ఏం మారుతుంది?ఇండస్ట్రీ స్టేటస్‌ వల్ల కేవలం పేరుకు గుర్తింపు రావడం కాకుండా.. సినిమా రంగానికి ఆర్థిక, పరిపాలనా వెసులుబాట్లు కల్పించడమే ప్రధాన ఉద్దేశంగా కనిపిస్తోంది. ప్రస్తుతం నిర్మాతలు ఎదుర్కొంటున్న కీలక సమస్యల్లో నిధుల సమీకరణ ఒకటి. ఇండస్ట్రీ హోదా వస్తే వాణిజ్య బ్యాంకులు, ఇతర ఆర్థిక సంస్థల నుంచి సినిమా నిర్మాణానికి రుణాలు పొందే అవకాశాలు మెరుగుపడతాయని నిర్మాత జి. సురేశ్‌ కుమార్‌ చెబుతున్నారు.అదే సమయంలో షూటింగ్‌లకు అనుమతులు, స్థానిక సంస్థల నిబంధనలు, విద్యుత్‌ చార్జీలు, పన్నులు వంటి అంశాలపైనా ప్రభుత్వం పరిశీలన చేస్తోంది. వివిధ శాఖలు, స్థానిక సంస్థల చుట్టూ తిరగాల్సిన అవసరం తగ్గించేలా సింగిల్‌ విండో విధానం తీసుకురావాలన్న డిమాండ్‌ కూడా ఉంది.కార్మికులకూ రక్షణఇండస్ట్రీ స్టేటస్‌ చర్చ కేవలం నిర్మాతలు, పెద్ద నిర్మాణ సంస్థలకు పరిమితం కాకుండా.. సినిమా రంగంలో పనిచేసే వేలాది మంది కార్మికులు, సాంకేతిక నిపుణులకు సంబంధించిన అంశాలనూ కలిగి ఉంది. 2026లో ఆమోదించిన ఫిల్మ్‌ పాలసీలో కార్మిక హక్కులు, లింగ సమానత్వం, సురక్షితమైన పని వాతావరణం వంటి అంశాలకు ప్రాధాన్యం ఇచ్చారు. సినిమా నిర్మాణ సంస్థల్లో అంతర్గత ఫిర్యాదుల కమిటీలు ఏర్పాటు చేయడం, మహిళలకు మెరుగైన ప్రాతినిధ్యం కల్పించడం వంటి సిఫారసులు కూడా ఉన్నాయి.ఆర్థిక ఇబ్బందుల వేళ..మరోవైపు మలయాళ సినిమా పరిశ్రమ ప్రస్తుతం పలు ఆర్థిక సవాళ్లను ఎదుర్కొంటోంది. నిర్మాణ వ్యయాలు పెరగడం, ఓటీటీ కొనుగోళ్లలో మందగమనం వంటి అంశాలు నిర్మాతలపై ఒత్తిడి పెంచుతున్నాయి. ఈ పరిస్థితుల్లో పరిశ్రమకు అధికారిక గుర్తింపు, సంస్థాగత రుణాలు, అనుమతుల ప్రక్రియలో సరళీకరణ వంటి చర్యలు కీలకంగా మారుతున్నాయి. అందుకే ఇండస్ట్రీ స్టేటస్‌ కేవలం హోదా కాదు.. సినిమా రంగానికి ఆర్థికంగా, పరిపాలనాపరంగా కొత్త అవకాశాలు తెరుస్తుందా? అన్నదే ఇప్పుడు ఆసక్తికరంగా మారింది.కేబినెట్‌ నిర్ణయంపైనే ఉత్కంఠప్రస్తుతం పాలసీ ఫ్రేమ్‌వర్క్‌ సిద్ధమైనా.. మలయాళ సినిమా అధికారికంగా ఇండస్ట్రీ హోదా పొందినట్లు కాదు. వివిధ శాఖల సంప్రదింపులు పూర్తయిన తర్వాత ప్రతిపాదన కేబినెట్‌ ముందుకు వెళ్లాలి. ఆమోదం లభించిన తర్వాతే తదుపరి ప్రక్రియ ప్రారంభమవుతుంది. అంటే.. ఏళ్లుగా సాగుతున్న కసరత్తు ఇప్పుడు తుది మలుపులోకి వచ్చింది.కేబినెట్‌ ఆమోదం లభిస్తే.. మలయాళ సినిమా ఇక కేవలం కళా, సాంస్కృతిక రంగంగా కాకుండా అధికారికంగా ‘ఇండస్ట్రీ’గా కొత్త గుర్తింపు పొందే దిశగా కేరళ మరో అడుగు ముందుకేసినట్టే.ఇదీ చదవండి: సీఈసీ జ్ఞానేశ్‌ కుమార్‌ కోసం కట్టుదిట్టమైన భద్రత

ప్రముఖ నటుడు నానా పటేకర్‌ మృతిపై ప్రధాని నరేంద్ర మోదీ తీవ్ర దిగ్భ్రాంతి వ్యక్తం చేశారు. నాలుగు దశాబ్దాలకు పైగా సినీ ప్రస్థానంలో తనదైన నటనతో ప్రేక్షకులను మెప్పించిన నానా పటేకర్‌ మరణం సినీ రంగానికి తీరని లోటని పేర్కొన్నారు. ఆయన కుటుంబ సభ్యులు, స్నేహితులు, అభిమానులకు సానుభూతి తెలిపారు. ‘ఓం శాంతి’ అంటూ నివాళులర్పించారు.‘‘కొద్దిమంది నటులకే ఉండే తీవ్రత, ప్రత్యేకత, చెరగని ఉనికి నానా పటేకర్‌గారి సొంతం. ప్రతి పాత్రలోనూ ఆయన అద్భుతమైన వైవిధ్యం, సృజనాత్మకతను ప్రదర్శించారు. తరతరాలు గుర్తుంచుకునే పాత్రలను మనకు అందించారు’’ అని మోదీ పేర్కొన్నారు. నానా పటేకర్‌ తన నటనతోనే కాకుండా నిర్మొహమాటమైన, ముక్కుసూటి అభిప్రాయాలతోనూ ప్రత్యేక గుర్తింపు తెచ్చుకున్నారని ప్రధాని అన్నారు. తాను నమ్మిన విషయాలను చెప్పేందుకు ఆయన ఎప్పుడూ వెనుకాడేవారు కాదని కొనియాడారు.‘హిందీ, మరాఠీ సినిమాకు అపార సేవ’హిందీ, మరాఠీ చిత్ర పరిశ్రమలకు నానా పటేకర్‌ చేసిన సేవలు అపారమని మోదీ పేర్కొన్నారు. ఆయన మరణం సినీ ప్రపంచంలోనూ, ఆయనను అభిమానించే కోట్లాది మందిలోనూ తీరని లోటును మిగిల్చిందన్నారు. ఆయన కుటుంబం, స్నేహితులు, అభిమానులకు తన ప్రగాఢ సానుభూతిని తెలిపారు.Few actors possessed the intensity, individuality and unmistakable presence that Shri Nana Patekar Ji had. He brought remarkable versatility and creativity to every role and gave us characters that will be remembered for generations. He was also admired for his frank and forthright views, never hesitating to express what he believed in. Shri Nana Patekar’s contribution to Hindi and Marathi cinema was immense. His passing leaves a deep void. My condolences to his family, friends and countless admirers. Om Shanti.— Narendra Modi (@narendramodi) October 8, 2026గుండెపోటుతో కన్నుమూతనానా పటేకర్‌ గురువారం ఉదయం గోవాలోని తన నివాసంలో తీవ్ర అస్వస్థతకు గురయ్యారు. గుండెపోటు రావడంతో అపస్మారక స్థితిలో ఉన్న ఆయనను ఆసుపత్రికి తరలించారు. వైద్యులు దాదాపు 45 నిమిషాల పాటు సీపీఆర్‌ చేసినప్పటికీ స్పందించలేదు. ఉదయం 5.20 గంటల సమయంలో ఆయన మరణించినట్లు ఆసుపత్రి వర్గాలు వెల్లడించాయి. ఆయన వయసు 75 సంవత్సరాలు.రంగస్థలం నుంచి వెండితెర వరకు..విశ్వనాథ్‌ పటేకర్‌గా జన్మించిన నానా.. 1978లో వచ్చిన ‘గమన్‌’ సినిమాతో సినీ ప్రయాణం ప్రారంభించారు. ‘పరిందా’, ‘క్రాంతివీర్‌’, ‘అబ్‌ తక్‌ ఛప్పన్‌’, ‘అగ్ని సాక్షి’, ‘వెల్‌కమ్‌’ వంటి చిత్రాల్లో విభిన్న పాత్రలతో తనదైన ముద్ర వేశారు. ‘క్రాంతివీర్‌’(తెలుగులో మోహన్‌బాబు నటించిన పుణ్యభూమి నా దేశం) చిత్రానికి ఉత్తమ నటుడిగా జాతీయ అవార్డు అందుకున్నారు. ‘అగ్ని సాక్షి’కి ఉత్తమ సహాయ నటుడిగా మరో జాతీయ పురస్కారం దక్కింది.నటుడిగానే కాకుండా దర్శకుడిగానూ నానా పటేకర్‌ తన ప్రతిభను చాటుకున్నారు. 1991లో ‘ప్రహార్‌: ది ఫైనల్‌ అటాక్‌’ చిత్రానికి దర్శకత్వం వహించారు. రంగస్థల నటుడిగానూ ఆయనకు విశేష గుర్తింపు ఉంది. కళారంగానికి చేసిన సేవలకు 2013లో పద్మశ్రీ పురస్కారం లభించింది.నానా పటేకర్‌ మృతిపై పలువురు రాజకీయ ప్రముఖులు సంతాపం తెలిపారు. మహారాష్ట్ర ముఖ్యమంత్రి దేవేంద్ర ఫడ్నవీస్‌, ఉత్తరప్రదేశ్‌ సీఎం యోగి ఆదిత్యనాథ్‌ కూడా నానా పటేకర్‌ మృతి కళా ప్రపంచానికి పూడ్చలేని లోటని అన్నారు. కేంద్ర మంత్రి నితిన్‌ గడ్కరీ, కర్ణాటక సీఎం డీకే శివకుమార్‌ తదితరులు ఆయనకు నివాళులర్పిస్తూ.. భారతీయ సినిమా, సామాజిక సేవకు నానా చేసిన సేవలను గుర్తుచేసుకున్నారు.ఇదీ చదవండి: కాస్ట్‌లీ కారును వద్దనుకుని.. రైతులకు సాయం

నేచురల్ స్టార్ నాని ప్రస్తుతం వరుస సినిమాలతో బిజీగా ఉన్నారు. ఇటీవలే ‘ది ప్యారడైజ్’తో ప్రేక్షకులను పలకరించిన ఆయన.. త్వరలోనే దర్శకుడు సుజీత్ తెరకెక్కిస్తున్న ‘బ్లడీ రోమియో’తో సందడి చేయనున్నారు. నాని పుట్టినరోజు సందర్భంగా ఈ ఏడాది ఫిబ్రవరిలో ఈ సినిమాను మేకర్స్ అధికారికంగా ప్రకటించిన విషయం తెలిసిందే. ఇప్పటికే విడుదలైన టైటిల్ గ్లింప్స్‌కు మంచి స్పందన వచ్చింది.తాజాగా ఓ ఇంటర్వ్యూలో నాని మాట్లాడుతూ ‘బ్లడీ రోమియో’ గురించి పలు ఆసక్తికర విషయాలు వెల్లడించారు. ఈ సినిమా చాలా యూనిక్‌గా, స్టైలిష్‌గా ఉంటుందని చెప్పారు. ఇందులో యాక్షన్, వైలెన్స్ ఉన్నప్పటికీ మరీ రా అండ్ రస్టిక్‌గా ఉండదని తెలిపారు.ఇది చాలా చమత్కారమైన సినిమా. స్టైలిష్ యాక్షన్ ఉంటుంది. సుజీత్ ఈ సినిమాకి ఓ కొత్త ట్రీట్‌మెంట్‌ ఇవ్వనున్నాడు. కేవలం తెలుగులోనే కాదు.. ఈ జానర్‌లో ఇలాంటి సినిమా ఇంతవరకూ ఎక్కడా చూడలేదు. ఈ చిత్రం థియేటర్లలో మంచి ఎక్స్‌పీరియన్స్ ఇస్తుంది. ‘ది ప్యారడైజ్’కు పూర్తి కాంట్రాస్ట్‌గా, చాలా రెఫ్రెషింగ్‌గా ఉంటుందని పేర్కొన్నారు. నాని చేసిన ఈ వ్యాఖ్యలతో ‘బ్లడీ రోమియో’పై అంచనాలు మరింత పెరిగాయి.ఇప్పటివరకు విభిన్న జానర్లలో తనదైన ముద్ర వేసుకున్న నాని, శ్రీకాంత్‌ ఓడెలతో కలిసి ఇటీవల రగ్డ్ పీరియాడిక్ టచ్ ఉన్న ‘పారడైజ్’ తరహా కథ తర్వాత సుజీత్‌తో పూర్తిగా స్టైలిష్ యాక్షన్ జోన్‌లోకి అడుగుపెడుతున్నారు. గన్స్, గర్ల్స్, స్టైలిష్ టేకింగ్, ఎలివేషన్ సీన్స్ అన్నీ కలిపి ఈ చిత్రం ఫుల్ క్లాస్ యాక్షన్ ఎంటర్‌టైనర్‌గా రూపొందనుందని టాక్. యూత్‌కు నచ్చేలా స్టైలిష్‌గా సినిమా తీయగల దర్శకుడిగా సుజీత్ ఇప్పటికే తన సామర్థ్యాన్ని నిరూపించుకున్నారు. ఇప్పుడు నాని వంటి నటుడితో కలయిక మరింత ఆసక్తిని రేకెత్తిస్తోంది.ఈ చిత్రం టాలీవుడ్‌కు కొత్త స్టైలిష్ యాక్షన్ ఫేజ్‌ను తెచ్చిపెడుతుందా? అన్నది చూడాలి.

లిప్‌స్టిక్‌తో జాన్వీ కపూర్ హోయలు..బ్లాక్ డ్రెస్‌లో మెరిసిపోతున్న హీరోయిన్ సమంత..వజ్రంలా బాలీవుడ్ బ్యూటీ త్రిప్తి డిమ్రీ..జిమ్‌లో చెమట్చోడుతున్న బిగ్‌బాస్ దివి..పచ్చని పంటపొలాల్లో హీరోయిన్ సారా చిల్.. View this post on Instagram A post shared by Shruti Haasan (@shrutzhaasan) View this post on Instagram A post shared by Sonali Bendre (@iamsonalibendre) View this post on Instagram A post shared by Triptii Dimri (@tripti_dimri) View this post on Instagram A post shared by Janhvi Kapoor (@janhvikapoor) View this post on Instagram A post shared by Divi (@actordivi) View this post on Instagram A post shared by Samantha (@samantharuthprabhuoffl) View this post on Instagram A post shared by Sara Ali Khan (@saraalikhan95)

స్వీడన్‌కు చెందిన కర్ల్ స్వాన్‌బెర్గ్‌ దంపతుల గురించి ప్రత్యేకంగా చెప్పాల్సిన పనిలేదు. తెలుగు సినిమాలంటే వీరికి విపరీతమైన అభిమానం. కొత్త సినిమా ఏదైనా సరే వీరిద్దరు రీల్ చేయాల్సిందే. వెంటనే వాటిని సోషల్ మీడియాలో షేర్ చేస్తూ అభిమానులను అలరిస్తుంటారు. తాజాగా ఈ జంట పుష్ప మూవీలోని సీన్ రీ క్రియేట్ చేశారు. ఆటోలో కూర్చుని రష్మికను ముద్దు అడిగే సీన్‌లో వీరిద్దరు అదరగొట్టేశారు.బిఫోర్ మ్యారేజ్.. ఆఫ్టర్ మ్యారేజ్ అంటూ పుష్ప, పుష్ప-2 చిత్రాల్లోని సీన్స్‌ జోడించారు. ఈ వీడియో సోషల్ మీడియాలో వైరల్‌గా మారింది. కాగా.. ఈ జంట గతంలో పలు టాలీవుడ్ సినిమాల పాటలకు డ్యాన్స్ చేస్తూ సందడి చేశారు. తెలుగు భాషపై వీరికున్న అభిమానం వెలకట్టలేనిది. ఏ కొత్త సినిమా వచ్చినా తమలోని టాలెంట్‌ను బయటపెడుతుంటారు. త్వరలోనే ఈ జంట ఇండియాకు రానుంది. హైదరాబాద్‌ను కూడా సందర్శిస్తామని ప్రకటించారు. View this post on Instagram A post shared by Karl Svanberg (@raja.svanberg)

యాక్షన్‌ కింగ్ అర్జున్‌ సర్జా ఇంట శుభాకార్యం జరగనుంది. ఆయన కూతురు అంజనా వివాహ ముహుర్తం ఖరారైంది. ​‍అర్జున్ చిన్న కుమార్తె ఈనెల 18న మూడుముళ్ల బంధంలోకి అడుగుపెట్టనుంది. దాదాపు 13 ఏళ్లుగా ప్రేమలో ఉన్న ఆమె ప్రియుడిని పెళ్లాడనుంది. అంజనా ప్రియుడు ఎవరనే విషయం ఇంకా బయటికి రాలేదు.కన్నడ నటితో అర్జున్ వివాహం..కాగా.. అర్జున్ సర్జా 1988లో కన్నడ నటి నివేదితను ప్రేమించి పెళ్లి చేసుకున్నారు. వీరికి ఐశ్వర్య, అంజనా అనే ఇద్దరు కుమార్తెలు ఉన్నారు. వీరి పెద్ద కూతురు ఐశ్వర్య విశాల్ సరసన హీరోయిన్‌గా పరిచయమయ్యారు. ఆ తర్వాత తన తండ్రి అర్జున్ దర్శకత్వంలో, నిర్మాణంలో 'సొల్లివిడవా' అనే చిత్రంలో నటించారు. ప్రస్తుతం ఆమె తన తండ్రి వ్యాపారం, నిర్మాణ సంస్థ పనులు చూసుకుంటున్నారు. యాక్షన్ హీరోగా ముద్ర వేసుకున్న కింగ్‌ అర్జున్ సర్జా కన్నడతో పాటు తెలుగు, తమిళ సినిమాల్లోనూ నటించారు.బిజినెస్‌లో అంజనా..అర్జున్ పెద్ద కూతురు ఐశ్వర్యకు సినిమాల్లో రాణిస్తుండగా.. చిన్న కూతురు అంజనకు మాత్రం సినిమాలపై ఆసక్తి లేదు. వ్యాపారవేత్త కావాలనేది ఆమె కోరిక. అందుకే 2023లో హ్యాండ్ బ్యాగుల తయారీ సంస్థను ప్రారంభించారు. ఇక్కడ తయారయ్యే హ్యాండ్ బ్యాగులన్నీ పండ్ల తొక్కలు, కూరగాయల తొక్కలు, నార వంటి వాటితో తయారు చేసిన మార్కెటింగ్ చేస్తున్నారు. ప్రస్తుతం ఆమె బిజినెస్‌లో రాణిస్తూనే పెళ్లి పీటలెక్కనున్నారు.Action King Arjun's Daughter #Anjana marriage on Oct 18 💍 https://t.co/dfCgZSvKRf— Christopher Kanagaraj (@Chrissuccess) October 7, 2026

ఇటీవల రిలీజై సూపర్ హిట్‌గా నిలిచిన మలయాళ సినిమా బెత్లెహమ్ కుటుంబం యూనిట్. ఈ మూవీ బాక్సాఫీస్ వద్ద రూ.300 కోట్లకు పైగా వసూళ్లు సాధించింది. ఈ చిత్రంలో మమితా బైజు కీలక పాత్రలో మెప్పించింది. ప్రస్తుతం ఈ సినిమా ఓటీటీ ప్రియులకు అందుబాటులోకి వచ్చేసింది. జియో హాట్‌స్టార్ వేదికగా స్ట్రీమింగ్ అవుతోంది.ఈ నేపథ్యంలోనే ఓటీటీలోనూ బెత్లెహమ్ కుటుంబ యూనిట్ దూసుకెళ్తోంది. తొలి వీకెండ్‌లోనే అద్భుతమైన రెస్సాన్స్ అందుకుంది. దీంతో మరో రికార్డ్ తన ఖాతాలో వేసుకుంది. జియో హాట్‌స్టార్‌లో అక్టోబరు 2 నుంచి 4 వరకు అత్యధిక మంది వీక్షించిన నాన్ హిందీ చిత్రంగా నిలిచింది. ఈ విషయాన్ని ప్రముఖ ఆర్మాక్స్ మీడియా వెల్లడించింది. ఈ చిత్రాన్ని ఏకంగా 5.4 మిలియన్ల మంది వీక్షించినట్లు తెలిపింది.కాగా..ఈ చిత్రాన్ని గిరీశ్‌ ఏడీ దర్శకత్వంలో తెరకెక్కించారు. ఈ చిత్రంలో మమితాబైజు, నివిన్‌ పౌలి జంటగా నటించారు. ఫహాద్‌ ఫాజిల్, దిలీష్‌ పోతాన్, శ్యామ్‌ పుష్కరన్‌ ఈ మూవీని నిర్మించారు. సెప్టెంబరు 4న ఈ రొమాంటిక్‌ ఎంటర్‌టైనర్‌ ప్రేక్షకుల ముందుకు వచ్చింది. ప్రస్తుతం జియోహాట్ స్టార్‌ వేదికగా మలయాళంతో పాటు, తెలుగు, తమిళ, కన్నడ, హిందీ భాషల్లో ప్రస్తుతం స్ట్రీమింగ్‌ అవుతోంది. Ormax StreamView: Malayalam film Bethlehem Kudumba Unit (JioHotstar) has set a new benchmark, emerging as the most-watched non-Hindi film in India during its opening weekend on streaming. It is also the most-liked theatrical film in India in 2026 across languages, with an Ormax Power Rating (OPR) of 92 Note: Views represent unique audiences in India who watched the film for more than 30 mins. across all language versions during its opening weekend on streaming (Oct 2-4)— Ormax Media (@OrmaxMedia) October 7, 2026

కొత్త బంగారు లోకం కాంబో అందరికీ గుర్తు ఉండే ఉంటుంది. ఇంటర్‌లో చదివే టైమ్‌లో పుట్టే లవ్ స్టోరీగా ఈ మూవీ సినీ ప్రియులను అలరించింది. ఈ చిత్రంలో వరుణ్ సందేశ్. శ్వేతాబసు ప్రసాద్ జంటగా నటించారు. చాలా ఏళ్ల గ్యాప్ తర్వాత ఈ జోడీ మరోసారి అభిమానులను అలరించేందుకు వస్తోంది. వీరిద్దరు జంటగా నటించిన లేటేస్ట్ మూవీ నా వైఫ్ మిస్సింగ్.ఈ చిత్రం నేరుగా ఓటీటీలోనే రిలీజ్ కానుంది. ఆహా వేదికగా ఈ సినిమా అందుబాటులోకి రానుంది. క్రైమ్ మిస్టరీ నేపథ్యంగా ఈ చిత్రాన్ని తెరకెక్కించారు. తాజాగా ఈ మూవీ స్ట్రీమింగ్ డేట్‌ను మేకర్స్ ఫిక్స్ చేశారు. ఈ నెల 22 నుంచే ఆహా వేదికగా స్ట్రీమింగ్ కానుందని వెల్లడించారు. తెలుగుతో పాటు తమిళంలోనూ అందుబాటులోకి రానుంది.ఈ విషయాన్ని తెలియజేస్తూ నిమిషం నిడివితో టీజర్ రిలీజ్ చేశారు. సంప్రదాయబద్ధంగా వీరిద్దరి వివాహం జరగడం, ఆ తర్వాత ఒకరితో ఒకరు ఆనందంగా గడిపే సన్నివేశాలతో టీజర్‌ ఆకట్టుకుంటోంది. నేను వర్జిన్ కాదు అని చెప్పే డైలాగ్ ఈ మూవీపై ఆసక్తిని మరించ పెంచుతోంది. అయితే అనుకోకుండా భార్య కనిపించకుండా పోవడం, భర్త నేరుగా పోలీస్ స్టేషన్‌కు వెళ్లి ఫిర్యాదు చేయడం చూస్తే క్రైమ్ థ్రిల్లర్‌గానే తెరకెక్కించినట్లు టీజర్‌లో ‍అర్థమవుతోంది. అనుమానం..అవమానం..అవకాశం! An aha original #NaWifeMissing from 22nd Oct! (24hrs early access for aha gold users) https://t.co/Oip8hb4y11— ahavideoin (@ahavideoIN) October 7, 2026

తలైవా ఫ్యాన్స్ ఎంతో ఆసక్తిగా ఎదురుచూస్తోన్న మూవీ జైలర్-2. గతంలో వచ్చిన జైలర్‌కు సీక్వెల్‌గా ఈ చిత్రాన్ని తెరకెక్కిస్తున్నారు. నెల్సన్ దిలీప్‌కుమార్ డైరెక్షన్‌లో ఈ సినిమా రానుంది. తాజాగా ఈ మూవీ సెన్సార్ పూర్తి చేసుకుంది. ఈ చిత్రానికి సెంట్రల్ బోర్డ్ ఆఫ్ ఫిల్మ్ సర్టిఫికేషన్ యూ/ఏ సర్టిఫికేట్ జారీ చేసినట్లు తెలుస్తోంది. అంతేకాకుండా ఈ మూవీ రన్‌టైమ్ మూడు గంటల కంటే తక్కువే ఉందని సమాచారం. దీనిపై ఇంకా అఫీషియల్ ప్రకటన రావాల్సి ఉంది.'జైలర్ 2' నిడివి 165 నిమిషాల 18 సెకన్లుగా ఉన్నట్లు సోషల్ మీడియాలో చర్చ నడుస్తోంది. గతంలో రిలీజైన జైలర్ కంటే కేవలం మూడు నిమిషాలు మాత్రమే తక్కువ నిడివిని కలిగి ఉంది. కాగా.. ఈ చిత్రాన్ని సన్‌ పిక్చర్స్ బ్యానర్‌పై నిర్మిస్తున్నారు. ఈ సీక్వెల్‌లో ఎస్.జె. సూర్య, విద్యా బాలన్, సూరజ్ వెంజరమూడు, మిథున్ చక్రవర్తి కీలక పాత్రల్లో నటిస్తున్నారు. మోహన్‌లాల్, శివ రాజ్‌కుమార్ కూడా ఈ ఫ్రాంచైజీలో కనిపించనున్నట్లు తెలుస్తోంది. ఇటీవలే ట్రైలర్ రిలీజ్ కాగా.. అభిమానుల్లో అంచనాలు పెంచేసింది. ఈ సినిమాకు అనిరుధ్ రవిచందర్ సంగీతమందిస్తుండగా.. అక్టోబర్ 15న ప్రపంచవ్యాప్తంగా థియేటర్లలో విడుదల కానుంది.

ఈ ఏడాది పెద్ది మూవీతో టాలీవుడ్ అభిమానులను అలరించిన బ్యూటీ జాన్వీ కపూర్. ఈ బీటౌన్ ముద్దుగుమ్మ.. రామ్ చరణ్ సరసన హీరోయిన్‌గా ఆకట్టుకుంది. రూరల్ స్పోర్ట్స్ బ్యాక్‌డ్రాప్‌లో వచ్చిన ఈ చిత్రం బాక్సాఫీస్ వద్ద ఫర్వాలేదనిపించింది. ప్రస్తుతం ఈ బ్యూటీ బాలీవుడ్‌లో బిజీగా ఉంది.తాజాగా పారిస్ ఫ్యాషన్ వీక్‌లో మెరిసింది జాన్వీ. ఈ ఈవెంట్‌లో స్పెషల్ ‍అట్రాక్షన్‌గా నిలిచింది. ఈ సందర్భంగా తనలోని టాలెంట్‌ను బయటపెట్టింది. ఓ రిపోర్టర్‌ అడిగిన ప్రశ్నకు ఇప్పటి వరకు చూపించని టాలెంట్‌ను అభిమానులకు పరిచయం చేసింది. తనలో దాగి ఉన్న ఈ విచిత్రమైన టాలెంట్ గురించి సోషల్ మీడియా వేదికగా బయటపెట్టేసింది.ఆమెను హిడెన్ టాలెంట్ ఏంటని అడగ్గా.. 'నా నాలుకను 360 డిగ్రీలు తిప్పగలను. అయితే ఇది పెద్దగా ఉపయోగపడని టాలెంట్.. అంటూ జాన్వీ సరదాగా చెప్పుకొచ్చారు. ఈ ట్రిక్‌ను తాను స్కూల్లో ఉన్నప్పుడే నేర్చుకున్నానని జాన్వీ కపూర్ వెల్లడించారు. ఈ టాలెంట్ చూసిన నెటిజన్లు చాలా భిన్నంగా స్పందిస్తున్నారు. ఇదేం టాలెంట్? దీనికంటే యాక్టింగ్‌పై ఫోకస్ చేస్తే ఇంకా బాగుంటుందని ట్రోల్‌ చేస్తున్నారు. మరికొందరు మాత్రం ఆమెను సరదా కోసమే అలా చేస్తుందని అభిప్రాయపడుతున్నారు. జాన్వీ ‘హిడెన్ టాలెంట్’.. నెటిజన్ల ట్రోలింగ్. పారిస్ ఫ్యాషన్ వీక్‌లో సందడి చేస్తున్న బాలీవుడ్ హీరోయిన్ జాన్వీ కపూర్.. తనలో దాగి ఉన్న ఓ విచిత్రమైన టాలెంట్ గురించి చెప్పి సోషల్ మీడియాలో వైరల్‌గా మారారు. తన హిడెన్ టాలెంట్ ఏంటని అడగ్గా.. “నా నాలుకను 360 డిగ్రీలు తిప్పగలను. అయితే ఇది పెద్దగా ఉపయోగపడని టాలెంట్” అంటూ జాన్వీ సరదాగా చెప్పుకొచ్చారు. ఈ ట్రిక్‌ను తాను స్కూల్లో ఉన్నప్పుడే నేర్చుకున్నానని వెల్లడించారు. అయితే జాన్వీ చెప్పిన ఈ ‘టాలెంట్’పై నెటిజన్లు భిన్నంగా స్పందిస్తున్నారు. “ఇదేం టాలెంట్?”, “దీనికంటే యాక్టింగ్‌పై ఫోకస్ చేస్తే బాగుంటుంది”, “నెపో కిడ్స్‌కు ఇవే టాలెంట్స్” అంటూ కొందరు కామెంట్స్ చేస్తుండగా.. మరికొందరు మాత్రం ఆమెను సరదాగా ట్రోల్ చేస్తున్నారు. #JanhviKapoor #Bollywood #ViralNews #ViralVideo #TeluguNews #Tupaki Follow 👉 @tupaki_official https://t.co/pRwfY32ELk— Tupaki (@tupaki_official) October 7, 2026

నాని హీరోగా వచ్చిన లేటేస్ట్ మూవీ ది ప్యారడైజ్. శ్రీకాంత్ ఓదెల డైరెక్షన్‌లో వచ్చిన ఈ చిత్రం బాక్సాఫీస్ వద్ద మిక్స్‌డ్ టాక్ సొంతం చేసుకుంది. టాక్ ఎలా ఉన్నప్పటికీ వసూళ్లపరంగా అదరగొట్టింది. ఈ చిత్రంలో కయాదు లోహర్ హీరోయిన్‌గా మెప్పించింది. సవారీలు అనే జాతి తమ మనుగడ కోసం చేసే పోరాటం అధారంగా ఈ మూవీ ప్రేక్షకుల ముందుకు తీసుకొచ్చారు.(ఇది చదవండి: వెంకీ ఆదర్శకుటుంబం.. రిలీజ్‌ డేట్‌ లీక్..!)తాజాగా ఈ మూవీ సూపర్‌ హిట్ వీడియో సాంగ్‌ రిలీజ్ చేశారు. అభిమానులను షేక్ చేసిన ఆయా షేర్ అంటూ సాగే పాటను విడుదల చేశారు. ఈ పాటను అనిరుధ్ రవిచందర్ కంపోజ్ చేశారు. ఈ పాటలో నాని తన స్టెప్పులతో అదరగొట్టేశారు. ఇంకెందుకు ఆలస్యం ఈ ఫుల్ వీడియో సాంగ్‌ మీరు కూడా చూసేయండి.

వెంకటేశ్- త్రివిక్రమ్ కాంబోలో వస్తోన్న లేటేస్ట్ మూవీ ఆదర్శకుటుంబం. ఈ మూవీ ఇప్పటికే రిలీజ్ కావాల్సి ఉన్నప్పటికీ వాయిదా పడింది. మొదట అక్టోబర్ 2న రిలీజ్ చేస్తామని ప్రకటించారు. ఆ తర్వాత 9న విడుదల చేస్తామని పోస్ట్‌పోన్ చేశారు. ఏమైందో తెలియదు కానీ మరోసారి ఏకే47 వాయిదా పడింది. దీంతో రిలీజ్ తేదీపై అభిమానుల్లో సస్పెన్స్ నెలకొంది.తాజాగ ఈ మూవీ రిలీజ్‌ డేట్‌పై మ్యూజిక్ డైరెక్టర్ తమన్ చేసిన పోస్ట్‌ వైరల్‌గా మారింది. అక్టోబర్‌ 30న ఈ సినిమా విడుదల కానున్నట్లు క్యాప్షన్‌ పెట్టారు. తర్వాత వెంటనే ఆ పోస్టును ఎడిట్‌ చేసి.. రిలీజ్ డేట్ స్థానంలో ఓ ఎమోజీని అడ్డుగా పెట్టారు. అప్పటికే ఈ పోస్ట్ వైరలైంది. దీంతో ఆదర్శ కుటుంబం ఈ నెల 30న థియేటర్లలో విడుదల కానుందని తెలుస్తోంది. అయితే దీనిపై అధికారిక ప్రకటన కోసం అభిమానులు ఆసక్తిగా ఎదురు చూస్తున్నారు. ఇటీవలే మూవీని వాయిదా వేసినట్లు ప్రకటించిన నిర్మాత నాగవంశీ.. విడుదల తేదీని ప్రకటిస్తామని తెలిపారు.AK-47 🧸 🔥🔥🔥🔥🔥🔥🏆🏆🏆❤️‍🔥❤️‍🔥❤️‍🔥 🗯️ - 10 - 2026 💪🏾 Venky Sir Trivik Sir it’s a SIXER SIR 🏆 https://t.co/xdxZlXoUdg— thaman S (@MusicThaman) October 6, 2026

అనుకున్న సమయానికన్నా కాస్త ముందుగానే ‘క్రేజీ కల్యాణం’ సినిమా థియేటర్స్‌కు రానుంది. అనుపమా పరమేశ్వరన్, నరేష్‌ వీకే, తరుణ్‌ భాస్కర్, అఖిల్‌ ఉడ్డెమారి ప్రధాన పాత్రల్లో నటించిన సినిమా ‘క్రేజీ కల్యాణం’. బద్రప్ప గాజుల దర్శకత్వంలో బూసం జగన్‌ మోహన్‌రెడ్డి నిర్మించారు.ఈ చిత్రాన్ని తొలుత ఈ నెల 30న రిలీజ్‌ చేయనున్నట్లు మేకర్స్‌ తెలి పారు. అయితే ఈ నెల 16నే రిలీజ్‌ చేయనున్నట్లు మంగళవారం ప్రకటించారు. ‘‘యూత్‌తో పాటు ఫ్యామిలీ ఆడియన్స్‌ను ఆకట్టుకునేలా మా సినిమా ఉంటుంది’’ అని చెప్పారు నిర్మాత.

ధ్రువ సర్జా హీరోగా నటిస్తున్న తాజా చిత్రం ‘కెమిస్ట్రీ’. ఈ సినిమాలో నభా నటేష్‌ హీరోయిన్‌గా నటిస్తున్నారు. విశాల్‌ ఆత్రేయ దర్శకత్వం వహిస్తున్నారు. పీపుల్‌ మీడియా ఫ్యాక్టరీ బ్యానర్‌పై టి.జి. విశ్వప్రసాద్‌ నిర్మిస్తున్న కన్నడ సినిమా ఇది. తాజాగా ఈ సినిమా టైటిల్‌ గ్లింప్స్‌ని రిలీజ్‌ చేశారు మేకర్స్‌. ‘‘కెరీర్‌ బిగినింగ్‌లో రొమాంటిక్‌ మూవీస్‌లో నటించి, మంచి గుర్తింపు తెచ్చుకున్న నభా నటేష్‌ కొంత గ్యాప్‌ తర్వాత మళ్లీ ఈ జానర్‌లో ‘కెమిస్ట్రీ’ అనే సినిమా చేస్తున్నారు. చాలా రోజుల తర్వాత ఒక పూర్తిస్థాయి ప్రేమకథా చిత్రంలో ఆమె కనిపించడం విశేషం. ధ్రువ సర్జా, నభా నటేష్‌ మధ్య ఆన్‌ స్క్రీన్‌ కెమిస్ట్రీ ఈ సినిమాకు హైలైట్‌గా నిలుస్తుంది. ఈ ఏడాది ‘నాగబంధం’ సినిమాలో తన నటనతో ప్రేక్షకుల్ని మెస్మరైజ్‌ చేసిన నభా నటేష్‌ ‘కెమిస్ట్రీ’మూవీతోనూ ఆకట్టుకుంటారు’’ అని చిత్రయూనిట్‌ పేర్కొంది.

అక్కినేని నాగార్జున, రామ్ గోపాల్ వర్మ కాంబినేషన్‌లో తెరకెక్కిన కల్ట్ క్లాసిక్ ‘శివ’ 4K డాల్బీ అట్మాస్ వెర్షన్‌గా జపాన్‌లో రీ-రిలీజ్ అయింది. 1989లో విడుదలైన ఈ చిత్రం 37 ఏళ్ల తర్వాత కూడా జపాన్‌ ప్రేక్షకులను ఆకట్టుకుంటోంది. దీంతో ‘శివ’ గ్లోబల్ ఆడియన్స్‌లోనూ తన ప్రభావాన్ని కొనసాగిస్తున్నట్లు సినీ పరిశ్రమ వర్గాలు భావిస్తున్నాయి. ముఖ్యంగా కింగ్‌ నాగార్జున స్క్రీన్ ప్రెజెన్స్, స్టైల్, యాక్షన్ సన్నివేశాలకు జపాన్ ప్రేక్షకుల నుంచి విశేష స్పందన లభిస్తోంది. అక్కడి అభిమానులు నాగార్జునను గౌరవంగా ‘నాగ్ సామా’ అని సంబోధించడం ప్రత్యేక ఆకర్షణగా మారింది.అధునాతన 4K విజువల్స్, డాల్బీ అట్మాస్ సౌండ్‌తో మరోసారి ప్రేక్షకుల ముందుకు శివ చిత్రం వచ్చింది. తన ప్రభావం కాలంతో పాటు ఏమాత్రం తగ్గలేదని నిరూపిస్తోంది. ఈ క్రైమ్ యాక్షన్ డ్రామా అప్పట్లో సౌండ్ డిజైన్, టేకింగ్, యాక్షన్ ప్రెజెంటేషన్ పరంగా టాలీవుడ్ దిశను మార్చిన చిత్రంగా నిలిచింది. అప్పట్లో టాలీవుడ్‌ ట్రెండ్‌సెట్టర్‌గా నిలిచిన ఈ చిత్రం ఇప్పుడు జపాన్‌లోనూ కొత్త తరం ప్రేక్షకులను ఆకట్టుకోవడం విశేషమనే చెప్పాలి.

కేరాఫ్ కంచరపాలెం మూవీతో సూపర్ హిట్ అందుకున్న డైరెక్టర్ వెంకటేశ్ మహా. ఈ చిత్రంతో ప్రేక్షకుల హృదయాలను గెలుచుకున్నారు. ఆయన తాజాగా మరో చిత్రాన్ని ప్రకటించారు. సరికొత్త కథతో ప్రేక్షకుల ముందుకు రానున్నారు. తాజా చిత్రానికి అట్టహాసం అనే టైటిల్ ఖరారు చేశారు. ఈ విషయాన్ని సోషల్ మీడియా వేదికగా ప్రకటించారు. దీంతో పాటు ఫస్ట్ లుక్ పోస్టర్‌ కూడా రిలీజ్ చేశారు.కంచరపాలెం తరహాలోనే ఈ చిత్రాన్ని రూపొందిస్తున్నట్లు పేర్కొన్నారు. ఈ మూవీలో కేరాఫ్ కంచరపాలెం ఫేమ్ కార్తీక్ రత్నం, పుష్ప ఫేమ్ పావని కరణం ప్రధాన పాత్రలు పోషిస్తున్నారు. వీరితో దర్శకుడు వెంకటేశ్ మహా, సోషల్ మీడియా ఇన్‌‌ఫ్లుయెన్సర్ స్రవంతి పెపకాయల కీలక పాత్రల్లో కనిపించనున్నారు. ఈ మూవీని చింతా గోపాలకృష్ణ రెడ్డి, రాజశేఖర్ రెడ్డి సంయుక్తంగా నిర్మిస్తున్నారు. ఈ చిత్రానికి స్మరణ్ సంగీతం అందిస్తున్నారు. 2027 వేసవి కానుకగా ఈ సినిమాను ప్రేక్షకుల ముందుకు తెచ్చేలా ప్లాన్ చేస్తున్నారు. From the land of KANCHARAPALEM, yet again comes another story! ❤️‍🔥 This time, it’s ATTAHAASAM! 😆
Another real, rooted and authentic entertainer! 🕺🏻 Because LIFE is unpredictable… and sometimes, all you can do is LAUGH! 😅 Presenting the Title & First Look of the next MAHA CHITHRAM! 💥
#Attahaasam ~ Summer 2027 Release 😃 @mahaisnotanoun @KarthikRathnam3 @PavaniKaranam1 @sravanthi_actor @smaransai #ChintaGopalaKrishnaReddy @Rajashe60376085 #ChintaVineesha @SrichakraasEnts @Mahayana_MP— Venkatesh Maha (@mahaisnotanoun) October 6, 2026

లిటిల్ హార్ట్స్ మూవీతో మెప్పించిన యూట్యూబర్, నటుడు మౌళి నటిస్తోన్న చిత్రం దొంగ నా కొడుకు. ఈ మూవీతో శ్రీను కంబాల దర్శకుడిగా పరిచయమవుతున్నారు. ఈ చిత్రంలో మౌళికి జోడీగా సుస్మితా శెట్టి హీరోయిన్‌గా నటిస్తోంది. ఇప్పటికే రిలీజ్ కావాల్సిన ఈ మూవీ వాయిదా పడుతూ వస్తోంది. తాజాగా ఈ సినిమా రిలీజ్‌ డేట్ ప్రకటించారు మేకర్స్.ఈ మూవీని నవంబర్ 13న రిలీజ్ చేయనున్నట్లు మైత్రి మూవీ మేకర్స్ ప్రకటించింది. ఈ మేరకు ప్రత్యేక పోస్టర్‌ రిలీజ్ చేసింది. ఈ చిత్రాన్ని ఫుల్ కామెడీ ఎంటర్‌టైనర్‌గా తెరకెక్కించినట్లు పోస్టర్‌లోనే అర్థమవుతోంది. ఈ చిత్రంలో మౌళికి తండ్రిగా టాలీవుడ్ కమెడియన్ అలీ నటిస్తున్నారు. ఈ మూవీకి సింజిత్ యర్రమిల్లి సంగీతం అందిస్తుండగా.. సూర్య బాలాజీ సినిమాటోగ్రఫీ అందిస్తున్నారు.He’s back to steal your laughs, this time with his absolutely mad family 🤟❤️‍🔥 #DongaNaaKoduku looting the Box Office worldwide from NOVEMBER 13th 🔥 ROBBERY • CRIME • COMEDY #MouliRobsMythri 🪎 #DNK Produced by @MythriOfficial Written & Directed by @DonGaNaakOduKu Starring @Mouli_Talks @susshhee_ Music by @SinjithYerramil DOP @suriyabalaji_97 Editor @sreedharlb Art Director: @nagendra84052 Costume Designer: @MahiDerangula Action Choreographer: @RajeshLanka1986 Audio on @thinkmusicindia Overseas by @prathyangiraus— Mythri Movie Makers (@MythriOfficial) October 6, 2026

ప్రస్తుతం బిగ్‌బాస్ రియాలిటీ షో ఆడియన్స్‌ను అలరిస్తోంది. దక్షిణాది భాషల్లో ఈ ఏడాది షో ఒకేసారి ప్రారంభమైంది. అన్ని భాషల్లోనూ అభిమానులను ఎంటర్‌టైన్‌ చేస్తోంది. అయితే ఈ రియాలిటీ షోలో ఎంటర్‌టైన్‌మెంట్‌తో పాటు వివాదాలు కూడా అవుతుంటాయి. అలాంటి సంఘటనలు మనం చాలానే చూశాం. అయితే ఈ షో పాల్గొన్న ఓ మలయాళ బ్యూటీ తనకెదురైన చేదు అనుభవాన్ని పంచుకుంది. బిగ్ బాస్ మలయాళం సీజన్ -8లో పాల్గొన్న నటి గాయత్రి సురేశ్ తన జీవితంలో అత్యంత చేదు సంఘటన గుర్తుచేసుకున్నారు. మలయాళంలో మోహన్‌లాల్ హోస్ట్ చేస్తున్న ఈ రియాలిటీ షోలో ఒక టాస్క్‌లో రిలేషన్‌షిప్‌ గురించి ‍మాట్లాడారని గాయత్రి తెలిపింది.ఆ అనుభవం తనను తీవ్రంగా గాయపరిచిందని చెప్పింది. అప్పుడు తనకు ఎయిడ్స్ ఉందా అని అడగడం తీవ్రంగా బాధించిదన్నారు. అదే ఏడాది కారు ప్రమాదం తర్వాత తనను ఒంటరిగా వదిలేయడం వంటి విషయాలను ఆమె గుర్తుచేసుకున్నారు.‘అది రిలేషన్ అనుకున్నా’టాస్క్‌లో భాగంగా తనకు అత్యంత బాధ కలిగించిన వ్యక్తితో మళ్లీ మాట్లాడే అవకాశం వస్తే అతనికి ఏమి చెబుతారని బిగ్ బాస్ గాయత్రిని అడిగారు. అప్పుడు గాయత్రి 2021 నాటి తన జీవితంలో జరిగిన ఒక సంఘటన గుర్తుచేసుకుంది. అప్పట్లో తాను ఒక వ్యక్తితో రిలేషన్‌లో ఉన్నానని.. మొదట్లో అతనే నా భాగస్వామి అని నమ్మానని తెలిపింది. మా రిలేషన్‌ మొదలైన మొదటి వారంలోనే నీకు ఎయిడ్స్ ఉందా అని అతను నన్ను అడిగాడు. ఆ క్షణమే నేను అతనితో సంబంధం తెంచుకున్నా' అని తెలిపింది.ఇంకా మాట్లాడుతూ.. “నా జీవితంలో చాలా మంది నన్ను బాధపెట్టారు. కానీ నన్ను అన్నిటికన్నా ఎక్కువగా బాధపెట్టింది.. నన్ను తీవ్రంగా గాయపరిచింది ఇదే. 2021లో నేను ఒక వివాదంలో చిక్కుకున్నప్పుడే జరిగింది. ఆ సమయంలో నేను ఒక సిచుయేషన్‌షిప్‌లో ఉన్నా. నేను దానిని రిలేషన్‌షిప్‌ అనుకున్నా. కానీ ఇప్పుడు వెనక్కి తిరిగి చూసుకుంటే.. అది కేవలం ఒక సిచుయేషన్‌షిప్ మాత్రమే అనిపిస్తుంది. ఆ తర్వాత అతను వేరొకరితో సంబంధంలో ఉన్నాడని నాకు తెలిసింది” అని ఆమె గుర్తుచేసుకుంది.

ఇరుముడితో సక్సెస్ అందుకున్న మాస్ మహారాజా రవితేజ. త్వరలోనే మరో సినిమాకు సిద్ధమయ్యారు. వివేక్ ఆత్రేయ డైరెక్షన్‌లో రవితేజ కనిపించనున్నారు. వీరిద్దరి కాంబోలో రానున్న మూవీకి సంబంధించి ఓ క్రేజీ టాక్ నెట్టింట వైరలవుతోంది. ఈ చిత్రంలో జేడీ చక్రవర్తి విలన్‌గా నటిస్తున్నారని లేటేస్ట్ టాక్. ఇదే జరిగితే వీరిద్దరు దాదాపు 18 ఏళ్ల తర్వాత ఓకే సినిమాలో కనిపించనున్నారు.హారర్-కామెడీ నేపథ్యంలో రూపొందించనున్న ఈ చిత్రంలో జేడీ చక్రవర్తి ప్రతినాయకుడిగా కనిపించనున్నట్లు సమాచారం. గతంలో రవితేజ, జేడీ చక్రవర్తి చివరిసారిగా 2007లో వచ్చిన ‘దుబాయ్ శీను’లో కలిసి నటించారు. దాదాపు 18 ఏళ్ల తర్వాత వీరిద్దరూ మరోసారి స్క్రీన్ షేర్ చేసుకోబోతున్నారు. దీంతో ఈ మూవీపై అభిమానుల్లో మరిన్ని అంచనాలు పెరుగుతున్నాయి. ఇప్పటికే ఈ చిత్రానికి ‘తులాభారం’ అనే టైటిల్‌ను పరిశీలిస్తున్నట్లు టాక్ వినిపిస్తోంది. దసరా సందర్భంగా సినిమాను అధికారికంగా లాంఛ్‌ చేసేందుకు మేకర్స్ ప్లాన్ చేస్తున్నట్లు తెలుస్తోంది.

శ్రీ విష్ణు హీరోగా వస్తోన్న లేటేస్ట్ మూవీ కామ్రేడ్‌ కల్యాణ్‌. ఈ సినిమాకు జానకీరామ్ మారెళ్ల దర్శకత్వం వహిస్తున్నారు. ఇప్పటికే షూటింగ్ పూర్తయిన ఈ మూవీ అక్టోబరు 9న ప్రేక్షకుల ముందుకు రానుంది. ఈ మూవీలో మహిమా నంబియార్ హీరోయిన్‌గా కనిపించనుంది. ఈ చిత్రాన్ని స్కంద వాహన మోషన్ పిక్చర్స్ ఎల్‌ఎల్‌పీ అండ్ కోన ఫిల్మ్ కార్పొరేషన్ బ్యానర్లపై వెంకట కృష్ణ కర్నాటి, సీతా కర్నాటి నిర్మిస్తున్నారు.ఇప్పటికే రిలీజైన సాంగ్స్‌కు ఆడియన్స్‌ అద్భుతమైన రెస్పాన్స్ వచ్చింది. తాజాగా ఈ మూవీ ట్రైలర్ రిలీజ్ చేశారు మేకర్స్. ఈ ట్రైలర్ చూస్తుంటే ప్రేమకథా చిత్రంగానే తెరకెక్కించినట్లు తెలుస్తోంది. అమ్మాయి భాష వేరే కావడంతో తన ప్రేమను తెలియజేయడానికి హీరో పడే కష్టాలు ఈ ట్రైలర్‌లో చూపించారు. ఈ లవ్ ఎంటర్‌టైనర్‌లో కామెడీ కూడా ఫుల్‌గా ఉండనుందని ట్రైలర్ చూస్తే అర్థమవుతోంది. కాగా.. ఈ చిత్రంలో రాధిక శరత్‌కుమార్, షైన్ టామ్ చాకో, ఉపేంద్ర లిమాయే కీలక పాత్రలు పోషిస్తున్నారు.

టాలీవుడ్ నటి ఇంద్రజ ఆసక్తికర కామెంట్స్ చేశారు. ఒక సినిమాలో తాను నటించాక ఈవెంట్‌కు రావడం తన బాధ్యత అని అన్నారు. అందుకే ప్రీ రిలీజ్ ఈవెంట్‌కు కచ్చితంగా హాజరవుతానని ఆమె తెలిపారు. ఒక సినిమాలో యాక్ట్ చేసినప్పుడు అది నా బాధ్యతని వెల్లడించారు. అనకాపల్లి మూవీ సక్సెస్ మీట్‌కు హాజరైన ఆమె మాట్లాడారు.అలా అయితే రాను..ఏదైనా సక్సెస్ సాధించాక నిర్వహిస్తేనే తాను ఈవెంట్‌కు హాజరవుతానని ఇంద్రజ తెలిపారు. అయితే ఒక సినిమా నిజంగా విజయం సాధిస్తేనే తాను ఈవెంట్‌కు వస్తానని స్పష్టం చేశారు. మూవీ సక్సెస్ కాకపోయినా.. సక్సెస్‌ మీట్‌ నిర్వహిస్తే తాను మాత్రం వెళ్లనని తేల్చిచెప్పారు. ప్రస్తుతం ఇంద్రజ చేసిన కామెంట్స్ టాలీవుడ్‌లో చర్చనీయాంశంగా మారాయి. నిజంగా మూవీ హిట్ అయితేనే సక్సెస్ మీట్ నిర్వహించాలని ఆమె చెప్పడం మంచి విషయమేనని కొందరు నెటిజన్స్ అభిప్రాయం వ్యక్తం చేస్తున్నారు. (ఇది చదవండి: నభా నటేశ్ లవ్‌ ఎంటర్‌టైనర్‌.. టైటిల్ ఖరారు)

కన్నడ హీరో ధ్రువ్‌ సర్జా హీరోగా మరో మూవీలో నటిస్తున్నారు. ఈ సినిమాకు విశాల్ ఆత్రేయ దర్శకత్వం వహిస్తున్నారు. తాజాగా ఈ మూవీ టైటిల్ రివీల్ చేశారు మేకర్స్. ఈ చిత్రానికి కెమిస్ట్రీ అనే టైటిల్ ఖరారు చేశారు. ఈ విషయాన్ని తెలియజేస్తూ టైటిల్ గ్లింప్స్ విడుదల చేశారు.ఈ గ్లింప్స్ చూస్తుంటే ఫుల్ రొమాంటిక్ లవ్ స్టోరీగా ఈ మూవీని తెరకెక్కిస్తున్నారని తెలుస్తోంది. ఈ చిత్రంలో ధ్రువ్ సర్జా సరసన నభా నటేశ్ హీరోయిన్‌గా కనిపించనుంది. ఈ చిత్రాన్ని పీపుల్ మీడియా ఫ్యాక్టరీ బ్యానర్‌పై టీజీ విశ్వప్రసాద్‌ నిర్మిస్తున్నారు.

హారర్‌ సినిమాలను ఇష్టపడేవారికి ‘క్యారీ’ పేరు ప్రత్యేకంగా పరిచయం అవసరం లేదు. ప్రముఖ రచయిత స్టీఫెన్‌ కింగ్‌ 1974లో రాసిన ఈ నవల ఆధారంగా ఇప్పటికే పలుమార్లు సినిమాలు, టీవీ చిత్రాలు వచ్చాయి. ఇప్పుడు మరోసారి ఈ కథను ఎనిమిది ఎపిసోడ్‌ల సిరీస్‌గా ప్రేక్షకుల ముందుకు తీసుకొస్తున్నారు.అయితే ప్రముఖ హారర్‌ దర్శకుడు మైక్‌ ఫ్లానగన్‌ రూపొందించిన ఈ సిరీస్‌ ప్రైమ్‌ వీడియోలో విడుదలకు సిద్ధమవుతోంది. ట్రైలర్‌, పోస్టర్లు బయటకు వచ్చినప్పటి నుంచే కొందరు అభిమానులు అసంతృప్తి వ్యక్తం చేస్తున్నారు. ముఖ్యంగా క్యారీ పాత్రను పుస్తకంలో ఉన్నట్టుగా కాకుండా భిన్నంగా చూపించడంపై సోషల్‌ మీడియాలో చర్చ మొదలైంది.స్టీఫెన్‌ కింగ్‌ నవలలో క్యారీ వైట్‌ 16 ఏళ్ల అమ్మాయి. చిన్నప్పటి నుంచి పాఠశాలలో తోటి విద్యార్థుల వేధింపులు ఎదుర్కొంటూ ఉంటుంది. ఇంట్లోనూ ఆమెకు ప్రశాంతత ఉండదు. కఠినమైన మత విశ్వాసాలు కలిగిన తల్లి ఆమెను ఇబ్బందులకు గురిచేస్తుంటుంది. క్యారీకి తన ఆలోచనలతో వస్తువులను కదిలించే టెలికైనెటిక్‌ శక్తి ఉంటుంది. భయం, కోపం, ఒత్తిడి పెరిగినప్పుడు ఈ శక్తి మరింత తీవ్రంగా బయటపడుతుంది. అయితే పుస్తకంలో క్యారీని చాలా సాధారణంగా, ఆకర్షణీయంగా లేని అమ్మాయిగా రచయిత చూపించారు. కానీ ఇప్పటివరకు వచ్చిన తెర రూపాల్లో మాత్రం క్యారీ పాత్రను అందంగా కనిపించే నటీమణులే పోషించారు. ఇదే విషయంపై అభిమానులు ప్రశ్నలు సంధిస్తున్నారు.అంతేకాదు.. పుస్తకంలోని క్యారీకి, తెరపై కనిపించే క్యారీకి మరో ముఖ్యమైన తేడా ఉంది. నవలలో ఆమె అమాయకంగా మాత్రమే కాకుండా చాలా కోపంతో, తనపై జరిగిన అవమానాలకు ప్రతీకారం తీర్చుకోవాలనే ఆలోచనతో ఉంటుంది. తనలోని శక్తితో ఏం చేయగలనో ఆమెకు తెలుసు. కానీ సినిమాలు, టీవీ వెర్షన్లలో క్యారీని ఎక్కువగా బాధపడే, అమాయకమైన అమ్మాయిగానే చూపించారు. కొత్త సిరీస్‌లోనూ కొన్ని కీలక మార్పులు చేశారు. ఇందులో క్యారీ చిన్నప్పటి నుంచి ఇంట్లోనే చదువుకుని, తండ్రి మరణించిన తర్వాత తొలిసారి పాఠశాలలో అడుగుపెడుతుంది. దీనివల్ల ఆమెకు కొత్త ప్రపంచాన్ని చూసే సమయంలోనే తోటి విద్యార్థుల వేధింపులు ఎదురవుతాయి. ప్రస్తుత కాలానికి తగ్గట్టుగా సోషల్‌ మీడియా వేధింపులను కూడా కథలో చేర్చారు.అయితే పుస్తకం ఆధారంగా సినిమా లేదా సిరీస్‌ తీసేటప్పుడు కొన్ని మార్పులు చేయడం సహజమేనని సినీ నిపుణులు చెబుతున్నారు. ప్రస్తుత ప్రేక్షకులకు కథను దగ్గర చేయడంతో పాటు, మార్కెట్‌ అవసరాలు కూడా పాత్రల ఎంపికపై ప్రభావం చూపుతాయని అంటున్నారు. అదే సమయంలో పుస్తకాన్ని అచ్చుగుద్దినట్టుగా తెరపై చూపించాల్సిన అవసరం లేదని దర్శకుడు లియామ్‌ గావిన్‌ అభిప్రాయపడ్డారు. మొత్తానికి కొత్త ‘క్యారీ’ పాత కథను కొత్త తరానికి పరిచయం చేసే ప్రయత్నం చేస్తోంది. అయితే పుస్తకంలోని క్యారీ పాత్రకు భిన్నంగా కనిపిస్తున్న కొత్త రూపం అభిమానులకు ఎంతవరకు నచ్చుతుందనేది సిరీస్‌ విడుదలైన తర్వాతే తేలనుంది.ఇదీ చదవండి: థియేటర్లలో డిజాస్టర్.. ఓటీటీలో ఊహించని రెస్పాన్స్..!

కోలీవుడ్ స్టార్ నటుడు కార్తీ హీరోగా సీక్వెల్ సినిమా ‘సర్దార్ 2’ . ఈ మూవీ ఇటీవలే థియేటర్లలో రిలీజైంది. గతంలో వచ్చిన సర్దార్‌కు కొనసాగింపుగా ఈ చిత్రాన్ని తెరకెక్కించారు. 2022లో వచ్చిన సర్దార్‌ హిట్ కావడంతో సీక్వెల్ తీశారు. గత నెల 10న థియేటర్లలో రిలీజ్ చేశారు. ఈ చిత్రంలో ఆషికా రంగనాథ్, మాళవిక మోహనన్ హీరోయిన్లుగా నటించారు. కానీ ఈ మూవీ బాక్సాఫీస్ వద్ద ఏ మాత్రం ఆకట్టుకోలేకపోయింది.దీంతో కేవలం 20 రోజుల్లోనే ఓటీటీకి వచ్చేసింది.అక్టోబరు 01 నుంచి అమెజాన్ ప్రైమ్ ఓటీటీలో అందుబాటులో ఉంది. అయితే ఊహించని విధంగా సర్దార్-2 ఓటీటీలో దూసుకెళ్తోంది. అమెజాన్‌ ప్రైమ్ ఇండియా ‍వ్యాప్తంగా నంబర్‌వన్ ప్లేస్‌లో ట్రెండింగ్ అవుతోంది. థియేటర్లలో ఈ చిత్రాన్ని పెద్దగా పట్టించుకోని ఆడియన్స్.. ఓటీటీలో తెగ చూసేస్తున్నారు. కాగా.. ఈ చిత్రంలో ఎస్‌జే సూర్య విలన్ పాత్రలో మెప్పించారు.సర్దార్-2 కథేంటంటే..‘సర్దార్’ముంగింపే ఈ చిత్రానికి ప్రారంభం. ఇన్‌స్పెక్టర్‌ నుంచి రా ఏజెంట్‌గా మారిన విజయ్‌ ప్రకాశ్‌(కార్తి).. రా చీఫ్‌ మనోజ్‌ బొమ్మై (ఆశిష్‌ విద్యార్థి)కి తెలియకుండా ఓ రహస్య ఆపరేషన్‌ చేపడతాడు. అందులో భాగంగా మాజీ రా ఏజెంట్‌ వాల్‌రస్‌ (అచ్యుత్‌ కుమార్‌)ని కలుస్తారు. అయితే అప్పటికే ఇంటర్నేషనల్ అండర్ వరల్డ్ డాన్ బ్లాక్‌ డగ్గర్ (ఎస్.జె.సూర్య) మనుషులను అతనిపై దాడి చేస్తారు. చనిపోయే ముందు , విజయ్‌ కు తన దగ్గర ఉన్న ఓ 'కీ'ని ఇస్తాడు. అలాంటి మరో కీని మరో రా ఏజెంట్‌ (మాళవిక మోహనన్) తన కూతురు ఫైజా (ఆషిష్‌ రంగనాథ్‌)కు ఇస్తుంది. డి.ఆర్.డి.వో. ఛీఫ్‌ టైగర్ హరిశ్చంద్ర (బాబు ఆంటోనీ) దగ్గర ఇంకో కీ ఉందదే విషయం తెలుస్తుంది. దానిని సంపాదిస్తే.. ఓ భారీ ప్రమాదం నుంచి ఈ దేశాన్ని రక్షించొచ్చు అని విజయ్‌ భావిస్తాడు.అయితే విజయ్‌ కంటే ముందే బ్లాక్‌ డగ్గర్ ఆ 'కీ'ని సొంతం చేసుకుని, ఈ దేశాన్ని నాశనం చేయడానికి సిద్థమవుతాడు. సరిగ్గా అదే సమయంలో రంగంలోకి దిగుతాడు సర్దార్(కార్తి). ప్రభుత్వం దృష్టిలో చైనాలో చనిపోయిన సర్ధార్ తిరిగి ఎలా వచ్చాడు? బ్లాక్‌ డగ్గర్‌ మిషన్‌ ఏంటి? మూడు ‘కీ’ల వెనుక ఉన్న రహస్య కథేంటి? బ్లాక్‌ దగ్గర్‌ మిషన్‌ని అడ్డుకునేందుకు తన కొడుకు విజయ్‌తో కలిసి సర్దార్‌ చేసిన సాహసాలేంటి? అనేది తెలియాలంటే సినిమా చూడాల్సిందే.

మెగాస్టార్ చిరంజీవి హీరోగా వస్తోన్న సోషియో ఫాంటసీ మూవీ విశ్వంభర. ఈ సినిమాకు బింబిసార ఫేమ్ వశిష్ఠ దర్శకత్వం వహించారు. ఈ ఏడాది రిలీజ్‌ కావాల్సిన ఈ చిత్రం పలు కారణాలతో వాయిదా పడుతూ వస్తోంది. దసరాకు రిలీజ్ అవుతుందని భావించినప్పటికీ అలా జరగలేదు. దీంతో మెగా ఫ్యాన్స్‌ ఇంకెప్పుడా అని ‍అప్‌డేట్స్ కోసం ఎదురు చూస్తున్నారు.ఈ నేపథ్యంలోనే విశ్వంభరకు సంబంధించిన ఓ క్రేజీ టాక్‌ ప్రస్తుతం టాలీవుడ్‌లో వైరల్‌గా మారింది. తాజాగా వినిపిస్తోన్న బజ్ ప్రకారం ఈ సినిమా వచ్చే ఏడాదిలోనే రిలీజ్ కానుందని తెలుస్తోంది. సంక్రాంతి బరిలో ఉన్న కాకా తర్వాతే విశ్వంభర రానుందని గట్టిగా టాక్ వినిపిస్తోంది.వచ్చే ఏడాది జనవరిలో సంక్రాంతి బరిలో కాకా రిలీజ్ అవుతోన్న సంగతి తెలిసిందే. ఆ తర్వాత వచ్చే శివరాత్రికి విశ్వంభర రిలీజ్‌ చేయనున్నట్లు కనిపిస్తోంది. మొదట ఈ ఏడాది దీపావళికి నవంబర్‌లో వస్తుందని అభిమానులు భావించారు. కానీ ఇప్పటి వరకు ఎలాంటి అప్‌డేట్స్ రావడం లేదు. అందుకే వచ్చే ఏడాది శివరాత్రిపైనే మేకర్స్ గురిపెట్టారని తెలుస్తోంది. అయితే దీనిపై మరింత క్లారిటీ రావాల్సి ఉంది. అప్పుడైనా రిలీజ్‌ అయితే మెగా ఫ్యాన్స్‌ పండగే పండగ.

బాలీవుడ్ హీరో అజయ్ దేవగణ్ నటించిన లేటేస్ట్ మూవీ దృశ్యం-3..ది కంక్లూజన్. ఈ సిరీస్‌ సినిమాలకు ఆడియన్స్‌లో విపరీతమైన క్రేజ్ ఉంది. గతంలో వచ్చిన రెండు పార్ట్స్‌ బాక్సాఫీస్ వద్ద సూపర్‌హిట్‌గా నిలిచాయి. ఈనె 2న విడుదలైన దృశ్యం-3 సైతం బాక్సాఫీస్ వద్ద అదరగొడుతోంది. కేవలం మూడు రోజుల్లోనే భారతదేశ వ్యాప్తంగా రూ. 176.50 కోట్ల నెట్‌ వసూళ్లు రాబట్టింది. ప్రపంచవ్యాప్తంగా చూస్తే రూ. 272.80 గ్రాస్‌ వసూళ్లు సాధించింది.ఈ మూవీ ఇండియాలోనే రూ. 211.80 కోట్లకు పైగా గ్రాస్ సాధించింది. ఇదే జోరు కొనసాగితే ప్రపంచవ్యాప్తంగా రూ. 300 కోట్ల మార్కును దాటేలా కనిపిస్తోంది. ప్రముఖ ట్రేడ్ వెబ్‌సైట్ శాక్‌నిల్క్ ప్రకారం ఈ మూవీ రూ. 61 కోట్ల నికర వసూళ్లు రాబట్టింది. ఈ మూవీ గతంలో రిలీజైన దృశ్యం (రూ. 23.05 కోట్లు), దృశ్యం 2 (రూ. 64.14 కోట్లు) రికార్డులను అధిగమించింది. కాగా.. ఈ చిత్రానికి అభిషేక్ పాఠక్ దర్శకత్వం వహించారు. ఈ మూవీలో శ్రియా సరన్ టబు, ఇషితా దత్తా, ప్రకాష్ రాజ్, జైదీప్ అహ్లావత్, రజత్ కపూర్, సౌరభ్ శుక్లా, కమలేష్ సావంత్ కీలక పాత్రల్లో నటించారు.

బిగ్‌బాస్ సీజన్ 10 అప్పుడే నాలుగోవారం పూర్తి చేసుకుంది. ఇక వీకెండ్ ఎపిసోడ్‌పై ఆడియన్స్‌ ఎంతో ఆసక్తిగా ఉంటారు. హౌస్‌లో నుంచి ఎవరు బయటికొస్తారనే విషయంపై అందరిలో ఆసక్తి నెలకొని ఉంటుంది. అలా వీకెండ్‌ సండే బిగ్‌బాస్‌ ఎపిసోడ్‌లో ఏం జరిగింది? ఎవరు ఎలిమినేట్ అయ్యారో హైలెట్స్‌లో చూసేద్దాం. ఈ ఎపిసోడ్‌లో నాగ్ ఎంట్రీ ఇచ్చాక నామినేషన్లతో ఉన్న తొమ్మిది మందిలో ముకేశ్, దేబ్జానీ మొదట సేవ్ అయ్యారు. అవుతారు. ఆ తర్వాత మిగిలిన ఏడు మంది నామినేషన్స్‌లో ఉంటారు. ఇక వీకెండ్‌ ఎపిసోడ్‌లో సరదా ఫన్‌ గేమ్స్‌ కూడా ఆడించారు. బాయ్స్, గర్ల్స్‌ను రెండు టీమ్స్‌గా విడదీసి గేమ్ ఆడుతారు. నాగ్ సినిమా హీరో పేరు చెప్పి వాళ్ల నటించిన క్యారెక్టర్ ఫోట్ చూపిస్తే ఆ సినిమా పేరు చెప్పాలి. అలా ఇందులో గెలిచిన వాళ్లు డ్యాన్స్ చేస్తారు. ఈ గేమ్‌లో బాయ్స్ గెలుస్తారు.ఈ సండే ఎపిసోడ్‌లో పలు రకాల ఫన్ గేమ్స్ ఆడుతూ సందడి చేస్తారు. ఇంటి సభ్యులు నలుగురిని పిలిచి ఓ ప్రశ్న అడుగుతారు. గెలిచిన వాళ్లకి చాక్లెట్ ఇస్తారు. అయితే ఆ చాక్లెట్ మధ్యలో ఉసిరి కాయలు, కాకరకాయ ఇలా రకరకాలు పెట్టి ఉంటారు. దేబ్జానీ, వంశీ, నరేశ్, వర్షిణి, షాలిని, ముకేశ్, త్రిగుణ్, చరణ్, రాంప్రసాద్ వీరంతా చాక్లెట్స్ తింటారు. ఆ తర్వాత నాగ్ ఇంటి సభ్యులు అందరికీ గత వారంలో బాగా ఆడింది.. ఎవరు.. స్టార్ ఆఫ్‌ ది వీక్ ఎవరు అని అడుగుతారు. ఇందులో సృష్టి, ఝాన్సీ, వంశీలకు 4 ఓట్లు వస్తాయి.. మళ్లీ ఓటింగ్ పెడితే ఝాన్సీకి 6 ఓట్లు రావడంతో ఆమెనే స్టార్ ఆఫ్‌ది వీక్ అవుతుంది. ఆ తర్వాత ఒక పడవలో ముగ్గురు కంటెస్టెంట్స్‌ను ఉంచి ఏదైనా ప్రమాదం జరిగితే ఎవరిని ముంచేస్తారంటూ సరదాగా ఫన్‌ గేమ్ ఆడిస్తారు నాగ్. ఇందులో నరేశ్ రాంప్రసాద్‌ని ముంచేసి దేబ్జానీని కాపాడుతా.. రాంప్రసాద్‌కి ఈత వచ్చు కదా అనడంతో హౌస్‌లో నవ్వులు పూశాయి.ఇక చివరికీ నామినేషన్స్‌లో ఉన్న సృష్టి, షాలిని, అమన్, రోహిత్‌లలో రోహిత్, అమన్ సేవ్ అవుతారు. ఆ తర్వాత చివరికీ సృష్టి, షాలిని మాత్రమే మిగులుతారు. షాలిని.. రోహిత్ చేయి పట్టుకొని నువ్వు అంటే నాకు చాలా ఇష్టం.. ఒక వేళ నేను వెళ్లిపోతే నువ్వు ఇంకెవరికీ కనెక్ట్ అవ్వవని అనుకుంటున్నా.. బయట కూడా మనం ఇలాగే ఉంటామని అంటుంది. నువ్వు వెళ్లవులే అని రోహిత్ అంటాడు. ఆ తర్వాత తక్కువ ఓట్లు వచ్చిన సృష్టి ఇంటినుంచి బయటికి వచ్చేస్తుంది. చివర్లో సృష్టి స్టేజ్ మీదకు వెళ్లగానే బిగ్‌బాస్ జర్నీ చూపిస్తారు. హౌస్‌లో ఇంకా మాస్క్ తీయని వాళ్లు ఎవరని సృష్టిని అడగ్గా.. ముకేశ్, రాంప్రసాద్, వర్షిణి పేర్లు చెబుతుంది. దీంతో సండే ఫన్‌డే ఎపిసోడ్ ముగుస్తుంది.

టాలీవుడ్ హీరో మంచు మనోజ్ తన సతీమణికి స్పెషల్ విషెస్ తెలిపారు. ఆమె పుట్టినరోజు కావడంతో సోషల్ మీడియా వేదికగా తన ప్రేమను వ్యక్తం చేశారు. తన భార్య మౌనికకు బర్త్ డే విషెస్ చెబుతూ ట్వీట్ చేశారు. మంచు మనోజ్ తన ట్వీట్‌లో రాస్తూ..' నా ప్రాణమైన మౌనికకు పుట్టినరోజు శుభాకాంక్షలు. నేను నమ్మకంతో లేని రోజుల్లో నువ్వు నన్ను నమ్మావు. నా అత్యంత కష్టకాలంలోనూ, నా పునరాగమనంలోని ప్రతి అడుగులోనూ నీ విశ్వాసమే నాకు బలాన్నిచ్చింది. ధైరవ్, దేవసేనకు మీరే నా ఇల్లు. మీ కలలను సాకారం చేసుకుంటూ ఉండండి. ఐ లవ్ యూ. హ్యాపీ బర్త్ ‍డే మౌనిక అంటూ' పోస్ట్ చేశారు. ఇక మంచు మనోజ్ సినిమాల విషయానికొస్తే ప్రస్తుతం డేవిడ్‌ రెడ్డి మూవీలో నటిస్తున్నారు. హనుమా రెడ్డి దర్శకత్వంలో వస్తున్న ఈ చిత్రంలో రమ్యకృష్ణ నటిస్తున్నారు. 1897, 1920ల మధ్య బ్రిటిష్‌ కాలం నాటి నేపథ్యంలో తెరకెక్కిస్తున్నారు. ఈ చిత్రంలో మారియా ర్యాబోషాప్కా హీరోయిన్‌గా కనిపించనున్నారు. సముద్రఖనితో పాటు పలువురు కీలక పాత్రలు పోషిస్తున్నారు. త్వరలోనే ఈ సినిమా పాన్‌ ఇండియా స్థాయిలో విడుదల కానుంది. Happy birthday to my life line Mounika. You believed in me on the days I could not. Through my toughest time and every step of my comeback, your faith gave me strength. To Dhairav and DevaSena, you are home. Keep building your dreams. I love you. #HBDMounikaBhumaManchu https://t.co/2zwBrLijbQ— Manoj Manchu🙏🏻❤️ (@HeroManoj1) October 4, 2026

‘‘ఇరుముడి’ హిట్‌ తర్వాత ఈ ‘చకోర’ వేడుక ద్వారా మిమ్మల్ని ఇక్కడ కలుసుకోవడం సంతోషంగా ఉంది. వైజాగ్‌ నుంచి పూరీగారు పరశురామ్, నేను... ఇలా చాలామంది దర్శకులం అయ్యాం. ఇప్పుడు మంగా శ్రీనివాస్‌ దర్శకుడిగా పరిచయం అవుతున్నారు. మీలో (ప్రేక్షకులు) ఉన్న ప్రతిభను గుర్తించండి. అప్పుడు మీరు కూడా మరో పూరి, శివ నిర్వాణ కాగలరు. ఇక ‘చకోర’లోని నటీనటులు ప్రామిసింగ్‌గా ఉన్నారు. టెక్నీషియన్స్‌ కూడా మంచి ఔట్‌పుట్‌ ఇచ్చారు. ఈ సినిమా సూపర్‌ హిట్‌ కావాలని కోరుకుంటున్నాను’’ అని దర్శకుడు శివ నిర్వాణ అన్నారు. మంగా శ్రీనివాస్‌ రచన– దర్శకత్వంలో శ్రవణ్, మలైకా టి. వాసుపల్‌ జంటగా, అనుష్క లూహార్‌ ఓ హీరోయిన్‌గా డా. చింతాడ హేమారావు నిర్మించిన ‘చకోర–లూనార్‌ బర్డ్‌’ ఈ నెల 9న ప్రపంచవ్యాప్తంగా విడుదల కానుంది. ఈ సందర్భంగా వైజాగ్‌లో యూనిట్‌ నిర్వహించిన ప్రీ – రిలీజ్‌ ఈవెంట్‌లో దర్శకుడు శివ నిర్వాణ ముఖ్య అతిథిగా పాల్గొన్నారు.ఈ వేడుకలో డా. చింతాడ హేమారావు మాట్లాడుతూ– ‘‘భిన్నమైన ప్రేమకథతో రూ పొందించిన ‘చకోర’ చూసి ప్రేక్షకులు అందించే ప్రశంసలు, కొట్టే చప్పట్లే మాకు కోట్లాది రూపాయల ఆస్తిగా భావిస్తాం’’ అన్నారు. మంగా శ్రీనివాస్‌ మాట్లాడుతూ– ‘‘ఇదొక అమ్మ చెప్పిన ప్రేమకథ, ఒక అబ్బాయి ప్రేమకథ, అందమైన ప్రేమకథ. మా సినిమా ప్రివ్యూస్‌ చూసి, బ్యూటిఫుల్‌ ఫస్టాఫ్, వండర్‌ఫుల్‌ సెకండాఫ్‌ అంటున్నారు’’ అని చెప్పారు.

‘కాలానికి ముందే ఆలోచించిన వ్యక్తి, ఆలోచనల్లో ఆయన యువకుడు, సింగీతంగారు చూపిన మార్గం రాబోయే తరాలకు స్ఫూర్తి, ఆయనొక దిగ్గజ దర్శకుడు, ఇది ఒక అసాధారణ అధ్యాయానికి ముగింపు’’ అంటూ పలువురు చిత్రరంగ ప్రముఖులు లెజెండరీ డైరెక్టర్‌ సింగీత శ్రీనివాసరావు మృతి పట్ల తమ సంతాపాన్ని వ్యక్తం చేశారు. శనివారం రాత్రి సింగీతం శ్రీనివాసరావు తుది శ్వాస విడిచిన విషయం తెలిసిందే. ఆయన మృతి పట్ల పలువురు ప్రముఖులు ఈ విధంగా స్పందించారు.⇒ సింగీతంగారు తాను ఆశించినట్లే తనలోని యవ్వనం (ఆలోచనల రీత్యా) తోనే తుది శ్వాస విడిచారు. ఆయనలోని ఆ యవ్వనం చాలామందికి ఉండదు. ఆ లక్షణం అబ్బాలని ఆయన చేయి పట్టుకుని నడిచిన స్నేహితులు, శిష్యుల్లో నేనూ ఉన్నాను. సింగీతంగారిని కలిసినప్పట్నుంచి ఆయన్ను ఆరాధిస్తున్నాను. ఇప్పుడు ఆయనలా జీవించాలని ఆశిస్తున్నాను. – కమల్‌హాసన్‌⇒ కొత్త ఆలోచనలను అన్వేషించడంలో సింగీతంగారికి ఉన్న ధైర్యం, అద్భుతమైన ఊహాశక్తి భారతీయ సినిమాకు ఎన్నో చిరస్మరణీయమైన చిత్రాలను అందించాయి. ఇటీవల ఆయన దర్శకత్వంలో వచ్చిన ‘సింగ్‌ గీతం’ సినిమా కథల పట్ల ఆయనకు ఉన్న అంతులేని తపనకు అద్భుతమైన నిదర్శనం. వయసు పైబడినా ఆయన మనసులో యువకుడే. కొత్త విషయాలను తెలుసుకోవాలనే ఉత్సుకత, ఏదైనా సృష్టించాలనే ఉత్సాహం ఆయనలో ఎప్పుడూ ఉండేవి. – చిరంజీవి⇒ భారతీయ సినిమాకే ఒక కొత్త ముద్ర వేసిన ‘ఆదిత్య 369, తెలుగులో మొట్టమొదటి కంప్యూటర్‌ గ్రాఫిక్స్‌ ఆధారిత చిత్రమై, బాక్సాఫీస్‌ వద్ద చరిత్ర సృష్టించి, జానపద చిత్రాలలో ఇప్పటికీ తిరుగులేనిదిగా నిలిచిన ‘భైరవ ద్వీపం’, ΄పౌరాణిక చిత్రం ‘శ్రీ కృష్ణార్జున విజయం’.... ఈ మూడు చిత్రాల్లో ఒకే దర్శకుడితో నేను సాంఘిక, చారిత్రక, జానపద, ΄పౌరాణిక అనే నాలుగు ప్రధాన జానర్‌లలోని పాత్రలను పోషించాను. – బాలకృష్ణ⇒ 94 ఏళ్ల వయసులో కూడా సినిమాల పట్ల నిత్యయవ్వనంతో కూడిన ఆలోచనలు ఉన్న వ్యక్తి సింగీతంగారు. మీకున్న అంకితభావమే మీ గొప్ప వారసత్వం. – రవితేజ⇒ ‘పుష్పక విమానం, విచిత్ర సోదరులు, మయూరి, ఆదిత్య 369, ‘మైకేల్‌ మదన కామరాజు’ లాంటి చిత్రాల్లో సింగీతం శ్రీనివాసరావు గారు చేసిన ప్రయోగాలు, చూపిన సృజన ప్రేక్షకులను మెప్పించాయి. ఆయన రూ పొందించిన ‘అమెరికా అమ్మాయి, పంతులమ్మ’ లాంటి చిత్రాల్లోని గీతాలు ఎంతో ప్రాచుర్యం పొందాయి. 94 ఏళ్ల వయసులోనూ ‘సింగ్‌ గీతం’ అనే చిత్రానికి దర్శకత్వం వహించడం ఆయనకి సినిమా పట్ల ఉన్న ఆసక్తిని తెలియజేసింది. – పవన్‌ కల్యాణ్‌ ⇒ ప్రియమైన సింగీతంగారు... మీరు మా హృదయాల్లో ఎప్పటికీ నిలిచే ఉంటారు. – నాగార్జున⇒ సినిమాని విభిన్న కోణాల్లో చూపించవచ్చని నమ్మిన అరుదైన దర్శకుడు సింగీతంగారు. ఆయన మరణం తెలుగు సినిమా చరిత్రలో ఒక అసాధారణ అధ్యాయానికి ముగింపు. – వెంకటేశ్‌⇒ సింగీతం శ్రీనివాసరావుగారు ఒక లెజెండ్‌. అద్భుతమైన ఊహాశక్తి, ధైర్యం, ప్రతిభ కలిగిన దర్శకుడు. భారతీయ సినిమా ఎప్పటికీ ఆయనకు రుణపడి ఉంటుంది. – మహేశ్‌బాబు⇒ ‘ఆదిత్య 369, పుష్పక విమానం, మయూరి’... ఇలా కాలానికి ముందే ఆలోచించి, తరాలు మారినా కొత్తగా అనిపించే సినిమాలు అందించిన దార్శనికుడు సింగీతం శ్రీనివాసరావుగారు. – ఎన్టీఆర్‌⇒ మన దేశం చూసిన అత్యంత ప్రత్యేకమైన సినీ దర్శకుల్లో సింగీతంగారు ఒకరు. ఆయన సృజనాత్మకతను ప్రత్యక్షంగా చూసే అవకాశం నాకు లభించడం అదృష్టంగా భావిస్తున్నాను. ఆయన పని, ఆయన చూపిన దార్శనికత రాబోయే తరాలకు స్ఫూర్తినిస్తూనే ఉంటాయి. – అల్లు అర్జున్‌⇒ సింగీతం శ్రీనివాసరావుగారు ఎప్పటికప్పుడు ప్రయోగాలు చేస్తూ, ఏ ఒక్క జానర్‌ లేదా ఫార్ములాకు తనను తాను పరిమితం చేసుకోలేదు. ఆయన తీసిన ప్రతి సినిమా ఒక పాఠ్యపుస్తకం వంటిది. తమ సినిమాల మాయాజాలంతో నన్ను ప్రేమలో పడేలా చేసిన దర్శకుల్లో ఒకరిగా ఆయన నాకు ఎప్పటికీ గుర్తుండిపోతారు. – మంచు విష్ణు⇒ గొప్పవాళ్లలోనే గొప్పవారైన ఒకరు వెళ్లిపోయారు. ఒక అసాధరణ జీవితం గడిపి, తన మేధస్సుతో మనల్ని ఆశీర్వదించిన గొప్ప బాలుడు ఆయన. ఫోన్‌ చేసినా, మేసేజ్‌ చేసినా... 94 సంవత్సరాల వయసులో కూడా తాను చేయబోయే సినిమాలను గురించిన ఆలోచనతోనే మాట్లాడేవారు. ఆ వయసులో ఆ ఉత్సాహం, ఉత్సుకత అద్భుతం. ఆయన శకంలో నేనూ ఉన్నందుకు గర్వపడుతున్నాను. – నాని ⇒ సింగీతం సార్‌... మీ నమ్మకాలు, ఆలోచనలు, మీ కథలు మాతో ఎప్పటికీ నిలిచే ఉంటాయి. ‘పెళ్ళి చూపులు’ సినిమా విడుదలైనప్పట్నుంచి మీరు నాపై చూపిన ప్రేమ, ఆ ప్యాయతలను మర్చిపోలేను. మీ విజన్‌లో నుంచి వచ్చిన ‘సింగ్‌ గీతం’లో నేను భాగం అయినందుకు సంతోషంగా ఫీలయ్యాను. – విజయ్‌ దేవరకొండ⇒ సాంకేతిక సాధనాలు, సరైన బడ్జెట్‌లు లేని సమయాల్లోనే తన చుట్టూ ఉన్న వారందరికంటే పెద్ద కలలు కనే ధైర్యం చేసిన వ్యక్తి సింగీతం శ్రీనివాసరావుగారు. సింగిల్‌ డైలాగ్‌ లేకుండా సినిమా తీశారు. మనల్ని కాలంతో ప్రయాణించేలా చేశారు. కామెడీ నుంచి ఫ్యాంటసీ నుంచి హ్యూమన్‌ డ్రామా వరకు... జానర్ల మధ్య ఎలాంటి గీతా లేదని చె΄్పారు. సినిమాకు ఉన్న ఏకైక నిజమైన పరిమితి ఊహ మాత్రమేనని ఆయన మా తరానికి చూపించారు. – రాజమౌళి⇒ కళాఖండాలను రూ పొందించినా, నిరాడంబరుడిగానే చివరి వరకూ మసలిన దార్శనిక ముని సింగీతం శ్రీనివాసరావుగారు. ఒక ప్పుడు ఆయనతో సినిమా చేద్దామనుకున్నా కథ కలిసి రాలేదు. కానీ నా కల ఆగిపోలేదు. ’సింగ్‌ గీతం’ రూపంలో వైజయంతి పతాకం మీద శాశ్వతంగా వెలుగుతూనే ఉంటుంది. మరణం లేని మహనీయుడు. – అశ్వినీదత్‌⇒ సింగీతం శ్రీనివాసరావుగారు తీసిన ప్రతి సినిమా ప్రయోగాత్మకమే. ఆయన పద్మభూషణ్‌ పురస్కారానికి అర్హులు. పద్మ అవార్డుల కోసం దరఖాస్తు చేయాలని ఎన్నోసార్లు ఆయన్ను కోరాము. ప్రయోగాత్మక చిత్రాలు తీసిన సింగీతం వంటి దర్శకుడికి సముచిత గౌరవం ఇవ్వాల్సిన బాధ్యత ప్రభుత్వాలపై ఉంది. సింగీతం పేరును పద్మ అవార్డులకు సిఫార్సు చేయాలని తెలుగు రాష్ట్రాల ముఖ్యమంత్రులను కోరుతున్నాను. – కాట్రగడ్డ ప్రసాద్‌⇒ ‘ఆదిత్య 369’ సినిమా సింగీతం శ్రీనివాసరావుగారు నాకు ఇచ్చిన వరం. ఆ సినిమా నిర్మాతగా నన్ను ఇప్పటికీ గుర్తిస్తున్నారు. ఈ మధ్యే ఆయన ఓ కథకు ఐడియా ఇస్తానని అన్నారు. గద్దర్‌ అవార్డుల్లో సింగీతంగారికి బీఎన్‌రెడ్డి పురస్కారం లభించడం, ఆ జ్యూరీ సభ్యుడిగా నేను ఉండటం నా అదృష్టం. – శివలెంక కృష్ణ ప్రసాద్‌

యంగ్ టాలెంటెడ్ హీరో వివస్వాన్ నటిస్తున్న ఫోక్ లోర్ అడ్వెంచర్ ఫిలిం ‘మత్స్య’. ఈ చిత్రంతో వివస్వాన్ టాలీవుడ్ లోకి అడుగుపెడుతున్నారు. ఈ చిత్రాన్ని జి.బి.ఆర్ ప్రొడక్షన్స్ బ్యానర్ పై సంహిత గణపతి ఇంటూరి నిర్మిస్తున్నారు. రవి గోలి, తేజ కనకాల దర్శకత్వం వహిస్తున్నారు. ఈ చిత్రం నుంచి రీసెంట్ గా రిలీజ్ చేసిన గ్లింప్స్‌కు ప్రేక్షకుల నుంచి మంచి స్పందన లభించింది. ఈ గ్లింప్స్ డిజిటల్ గా హ్యూజ్ రెస్పాన్స్ దక్కించుకుంటోంది. ఇప్పటికే ఈ సినిమా గ్లింప్స్ 15 మిలియన్ ఫ్లస్ వ్యూస్ రాబట్టడం విశేషం. టాప్ క్వాలిటీ విజువల్స్, వీఎఫ్ఎక్స్ తో ఫోక్ లోర్, అడ్వెంచర్ వంటి అంశాలను కలిపి ఒక కొత్త సినిమాటిక్ వరల్డ్ ను పరిచయం చేసిన ‘మత్స్య’ గ్లింప్స్ మూవీ లవర్స్ ను ఆకట్టుకుంటోంది. గ్లింప్స్ కు వస్తున్న రెస్పాన్స్ సినిమా టీమ్ లో జోష్ నింపుతోంది.

దళపతి విజయ్ తనయుడు జేసన్ సంజయ్ డైరెక్షన్‌లో వచ్చిన డెబ్యూ మూవీ సిగ్మా. ఈ చిత్రంలో టాలీవుడ్‌ హీరో సందీప్ కిషన్ నటించారు. దర్శకుడిగా జేసన్‌కు మొదటి సినిమా కావడంతో విజయ్ అభిమానుల్లోనూ విపరీతమైన ఆసక్తి నెలకొంది. ఈ మూవీ ‍గాంధీ జయంతి సందర్భంగా అక్టోబర్ 2న విడుదలైంది.అయితే ఎన్నో అంచనాల మధ్య విడుదలైన సిగ్మా బాక్సాఫీస్ వద్ద మాత్రం నిరాశపరస్తోంది. రెండు రోజుల్లో కలిపి దేశవ్యాప్తందా కేవలం రూ. 4.40 కోట్లు మాత్రమే రాబట్టింది. నెట్ వసూళ్లపరంగా చూస్తే రూ. 3.85 కోట్లు సాధించింది. ట్రేడ్ వెబ్‌సైట్ శాక్‌నిల్క్ ప్రకారం రెండో రోజు ఈ మూవీ కేవలం రూ.1.50 కోట్ల వసూళ్లు మాత్రమే కలెక్ట్ చేసింది. రెండవ రోజు తమిళ వర్షన్ రూ. 95 లక్షల నికర వసూళ్ల రాబట్టగా.. తెలుగు వర్షన్ రూ. 55 లక్షలు మాత్రమే సాధించింది. శనివారం థియేటర్లలో కేవలం 19 శాతం ఆక్యుపెన్సీ మాత్రమే నమోదు చేసింది.కాగా.. ఈ చిత్రంలో సందీప్ కిషన్, ఫరియా అబ్దుల్లా జంటగా నటించారు. ఆర్థిక సమస్యలతో సతమతమవుతూ, అప్పు తీర్చడానికి ప్రయత్నించే ఒక లైబ్రేరియన్ కథే ఈ సిగ్మా. అతని పరిస్థితులు చివరికి అతన్ని డ్రగ్ డీలర్లు, అక్రమ క్యాసినోలు, దోపిడీలతో ప్రమాదకరమైన నేర ప్రపంచంలోకి ఎలా వెళ్లారనేదే కాన్సెప్ట్‌తో ఈ మూవీని తెరకెక్కించారు.

సినిమా అంటేనే లాజిక్కులేని మాజిక్కు. పైగా ఆ మాజిక్కుకు ఎమోషన్ జోడిస్తే ఇక అది ఊహకందని క్రియేటివిటీ అవుతుంది. అదే క్రియేటివిటీని టైటిల్ కార్డు నుంచి శుభం కార్డు వరకు చూడలనుకుంటే ఈ సినిమానే చూడాలి. అదే బేబీ డూ డైడూ. ఈ సినిమా ఆలోచనే సామాన్య ప్రేక్షకులకు ఔరా అనిపిస్తుంది. అంతేకాదు ఈ సినిమా ఓ సాహసమనే చెప్పాలి. బాలివుడ్ దర్శకుడు నచికేత్ సామంత్ మంచి హోం వర్క్ తో లాజిక్కులేని మాజిక్కుని ప్రేక్షకులు నమ్మేట్టే చేశారు. పైగా ఈ సినిమా ప్రధాన పాత్రలో ప్రముఖ బాలివుడ్ నటి హ్యుమాఖురేషి నటించి మెప్పించింది.మరి ఈ బేబీ డూ డై డూ సినిమా కథ ఏంటంటే.. ఓ పేద కుటుంబంలో పిల్లలైన ఇద్దరు అక్కాచెల్లెళ్ళు ఆడుకుంటూ ఓ పాడుబడ్డ బంగ్లాలోకి చేరుకుంటారు. ఆ ఇద్దరిలో ఒక అమ్మాయికి వినబడదు, మాట్లాడలేదు. అలా ఆ బంగళా లోపలికి వెళ్ళిన ఆ పిల్లలు ఓ ముసుగువ్యక్తిని చూస్తారు. ఆ ముసుగువ్యక్తి మరో వ్యక్తిని చంపుతూ ఉంటాడు. ఇంతలో ఈ పిల్లలు చేసిన అలికిడి వల్ల వీళ్ళిద్దరినీ వెంబడిస్తాడు. ఆ సమయంలో ఇద్దరిలో అన్నీ బావున్న అమ్మాయి ఆ ముసుగువ్యక్తికి చిక్కుతుంది. అతను ఆ అమ్మాయిని చంపేస్తాడు. మూగ , చెవుడు ఉన్న అమ్మాయి మాత్రం తప్పించుకుంటుంది.ఆ పాప పేరే బేబీ. తాను తప్పించుకునే ముందు బేబీ తన సోదరిని ఆ ముసుగు వ్యక్తి చంపడాన్ని చూసి అతని పై పగ పెంచుకుంటుంది. బేబీ పెరిగేకొద్దీ అతని మీద తన పగ కూడూ పెంచుకుంటుంది. పుట్టు మూగ, చెవుడు ఉన్న బేబీ పాపా అనే వ్యక్తి దగ్గర శిక్షణ తీసుకుని ఓ హిట్ ఉమెన్ గా తయారవుతుంది. పాపా చెప్పిన వ్యక్తులను గొడుగు తుపాకీ సాయంతో చంపేస్తూ ఉంటుంది. పైకి ఓ సాదా సీదా అమ్మాయిలా కనిపించే బేబీ లోపల కరడు గట్టిన హంతకురాలిలా తయారవుతుంది. మరి ఈ ప్రయాణంలో బేబికి ఆ ముసుగు వ్యక్తి దొరుకుతాడా లేదా అన్నది మాత్రం నెట్ ఫ్లిక్స్ లో స్ట్రీమ్ అవుతున్న బేబీ డూ డై డూ సినిమాలోనే చూడాలి. ఇదో మంచి థ్రిల్లర్. సినిమా ఆఖర్లో వచ్చే ట్విస్టులు మాత్రం ఊహకందనివి. వీకెండ్ కు ఓ మంచి టైంపాస్ సినిమా.

దాదాపు 95 ఏళ్ల వయసులో దర్శకత్వం వహించిన సంచలనం సృష్టించిన డైరెక్టర్ సింగీతం శ్రీనివాసరావు. సింగ్ గీతం పేరుతో మూవీని తెరకెక్కించారు. ఇది చూశాక డైరెక్షన్‌కు వయసుతో సంబంధం లేదని నిరూపించారు. మలి వయసులో ఆయన చూపిన దర్శకత్వ బాధ్యతను చూసి అందరూ ఆశ్చర్యపోయారు. ఈ వయసులోనూ మరో సినిమాల చేయాలనుకున్న ఆయన.. తన కల నేరవేరకుండానే తుదిశ్వాస విడిచారు.సింగ్ గీతం తర్వాత మరో సినిమాల చేయాలని సింగీతం శ్రీనివాసరావు భావించారు. అంతేకాకుండా ఈ విషయాన్ని కల్కి డైరెక్టర్ నాగ్ అశ్విన్ సోషల్ మీడియాలో పంచుకున్నారు. ఆయన తన 62వ చిత్రం టైటిల్ కూడా తనతో చెప్పారని వాట్సాప్‌ చాట్‌ను షేర్ చేశారు. ఎ ఫ్రూట్ కట్స్ ది నైఫ్ అనే టైటిల్‌తో మూవీ తెరకెక్కించనున్నానని చెప్పారని నాగ్ అశ్విన్ తెలిపారు. ఆయన మరణం వేళ ఈ విషయాన్ని నాగ్ అశ్విన్ రివీల్ చేశారు. చివరిదశలోనూ ఆయన దర్శకత్వం వహించాలని చూడడం చూస్తుంటే.. సినిమాపై ఆయనకున్న మక్కువ, ఆసక్తి ఏంటో ప్రతి ఒక్కరికీ అర్థమవుతోంది. ఇక ఇప్పుడు.. సింగీతం 62వ ప్రాజెక్ట్‌ను నాగ్ అశ్విన్ గానీ, మరెవరైనా గానీ దానిని ముందుకు తీసుకెళ్లి, ఆ సినిమా చేస్తారేమో తెలియాలంటే వేచి చూడాల్సిందే.

దేవర సాంగ్‌ చుట్టమల్లే ఏఐ వీడియోపై టాలీవుడ్ సంచలన డైరెక్టర్ రాం గోపాల్ వర్మ స్పందించారు. ఈ వివాదంపై సెలబ్రిటీలు స్పందించడాన్ని ఆయన మండిపడ్డారు. అసభ్యకర లింక్, కంటెంట్ కోట్లాది మంది చూసే సెలబ్రిటీలే మరింత పబ్లిసిటీ చేశారని అభిప్రాయం వ్యక్తం చేశారు. కోట్లాది మంది దృష్టికి ఆ కంటెంట్‌ను తీసుకెళ్లే బదులు, దానికి బాధ్యులైన నిందితులను గుర్తించి పట్టుకోవడంపై దృష్టి పెట్టాల్సిందని ఆర్జీవీ తన ట్వీట్‌లో ప్రస్తావించారు.ఏఐ వీడియో వివాదంపై సినీ ప్రముఖులు స్పందించడాన్ని రామ్ గోపాల్ వర్మ తప్పుబట్టారు. బాధితురాలికి, అభ్యంతరకరమైన కంటెంట్‌కు మరింత ప్రచారం కల్పించేలా పోస్టులు చేయడం కూడా తప్పేనని ఆర్జీవీ తన ట్వీట్‌లో ప్రస్తావించారు. కాగా.. జూనియర్ ఎన్టీఆర్ హీరోగా వచ్చిన దేవరలోని చుట్టమల్లే వీడియో సాంగ్‌ను అసభ్యంగా ఎడిట్ చేసి సోషల్ మీడియాలో రిలీజ్ చేశారు. ఇది చూసిన ఎన్టీఆర్‌ సైతం ఇలాంటి వారిపై కఠిన చర్యలు తీసుకోవాలని మండిపడ్డారు. సాంకేతికతను దుర్వినియోగం చేసేవారిని వదిలిపెట్టనంటూ ట్వీట్ చేశారు. ఆ తర్వాత విజయ్ దేవరకొండ, చిరంజీవి సైతం ఎన్టీఆర్‌కు మద్దతుగా పోస్టులు పెట్టారు. The only thing all the celebrities succeeded in , is to publicise and thereby make crores and crores of people see the objectionable link ..The smart thing would have been to concentrate on catching the perpetrator and publicise that ..Instead what they did is to tweet and bring enormous attention to the victim’s identity and the offensive content which is also a crime— Ram Gopal Varma (@RGVzoomin) October 4, 2026

ప్రముఖ చిత్ర దర్శకులు సింగీతం శ్రీనివాసరావు మరణం పట్ల సంతాపం వ్యక్తం చేశారు. ఆయన మరణం తనను తీవ్రంగా దుఃఖిస్తున్నట్లు ట్వీట్ చేశారు. ఆయన ఒక నిజమైన దార్శనికుడని.. నూతన ఆలోచనలను అన్వేషించడంలో తనకున్న ఊహాశక్తి, ధైర్యంతో భారతీయ సినిమాకు కొన్ని మరపురాని చిత్రాలను అందించారని కొనియాడారు. సినిమాకు ఆయన చేసిన సేవను అపారమైన గౌరవంతో, ఆప్యాయతతో ఎల్లప్పుడూ గుర్తుంచుకుంటామని మెగాస్టార్ చిరంజీవి పోస్ట్ చేశారు. ఈ సమయంలో ఆయన కుటుంబ సభ్యులకు, ఆత్మీయులకు ప్రగాఢ సానుభూతి తెలిపారు. మిమ్మల్ని మిస్ అవుతాము సింగీతం గారు..కానీ మీ చిత్రాలు తరతరాలకు స్ఫూర్తినిస్తూనే ఉంటాయని కొనియాడారు.హీరో వెంకటేశ్ సంతాపం..సింగీతం శ్రీనివాసరావు గారి మరణవార్త విని హృదయ విదారకంగా ఉందని హీరో వెంకటేశ్ అన్నారు. ఆయన పనితీరుకు ప్రతీకగా నిలిచినటువంటి జిజ్ఞాస, మౌలికత, ఉల్లాసం వంటి లక్షణాలతో సినిమాను ఆదరించిన దర్శకులు చాలా కొద్దిమందే ఉంటారని గుర్తు చేసుకున్నారు. సినిమాలోని మాయాజాలం, దానిలోని అవకాశాలపై నమ్మకాన్ని ఎన్నడూ కోల్పోని అరుదైన దర్శకుడని కొనియాడారు. తెలుగు సినిమా చరిత్రలో ఒక అసాధారణ అధ్యాయానికి ఇది నిజంగా ఒక ముగింపు అని అన్నారు. ఈ విషాద సమయంలో ఆయన కుటుంబ సభ్యులకు, స్నేహితులకు, ఆయనతో కలిసి పనిచేసే అదృష్టం పొందిన ప్రతి ఒక్కరికీ ప్రగాఢ సానుభూతి అంటూ పోస్ట్ చేశారు. సింగీతం గారు... శాంతిగా విశ్రమించండి, మీరు మాకు అందించిన చిత్రాల ద్వారా మిమ్మల్ని ఎల్లప్పుడూ గుర్తుంచుకుంటామని ట్వీట్‌లో రాసుకొచ్చారు. Deeply saddened by the passing of the legendary filmmaker ‘Singeetam Srinivasa Rao’ garu. A true visionary, his imagination and courage to explore new ideas gave Indian cinema some of its most unforgettable films. His contribution to cinema will always be remembered with immense respect and affection. His recent film ‘Sing Geetham’ was a beautiful testament to his undying passion for storytelling. At heart, he remained forever young, curious and eager to create. My heartfelt condolences to his family and loved ones. We will miss you, Singeetam garu. Your films will continue to speak to generations. Om Shanti 🙏— Chiranjeevi Konidela (@KChiruTweets) October 4, 2026 Heartbroken to hear about the passing of Singeetam Srinivasa Rao garu. Few filmmakers have embraced cinema with the kind of curiosity, originality and playfulness that defined his work. He was a rare filmmaker who never stopped believing in the magic and possibilities of cinema. It is truly the end of an extraordinary chapter in Telugu cinema. My deepest condolences to his family, friends and everyone who had the privilege of knowing and working with him. Rest in peace, Singeetam garu. You will always be remembered through the films you gave us. 🙏— Venkatesh Daggubati (@VenkyMama) October 4, 2026

యంగ్ టైగర్ ఎన్టీఆర్‌కు మద్దతుగా విజయ్ దేవరకొండ నిలిచారు. ఏఐ సాంకేతికతతో జరుగుతున్న విపరీత సంస్కృతిపై ఆయన మండిపడ్డారు. మనం పూర్తిగా నీచ స్థాయికి దిగజారామని విజయ్ దేవరకొండ ట్వీట్ చేశారు. దీనికి బాధ్యులైన వారిని వదిలిపెట్టకూడదని.. ఇలాంటి అత్యంత కఠినమైన చట్టపరమైన పరిణామాలను ఎదుర్కోవాలన్నారు. ఇతరులకు ఒక గుణపాఠంగా నిలవాలి.. ఇలాంటి వారిని మనం ఉపేక్షించకూడదని పోస్ట్ చేశారు.విజయ్ తన ట్వీట్‌లో రాస్తూ..'మనం పూర్తిగా నీచ స్థాయికి దిగజారిపోయా. మనం ఒకరిపట్ల ఒకరం ఎప్పుడు ఇంత సున్నితత్వం లేకుండా తయారయ్యాం? ఇది ఎలాంటి పెంపకం? మనం ఎలాంటి సమాజంలో జీవిస్తున్నాం? ఒకరినొకరు కించపరచుకోవడంలో ఆనందాన్ని పొందే సమాజంలోనా? ప్రపంచం మొత్తం ఏఐ జీవనోపాధులను ఎలా దెబ్బతీస్తుందో, ఉద్యోగాలను ఎలా లాగేస్తుందో అని చర్చించుకుంటూ భయపడుతున్నారు. ఇలాంటి తరుణంలో ఈ మూర్ఖులు అదే టెక్నాలజీని ఉపయోగించి పూర్తిగా అర్థంలేని పనులు చేస్తున్నారు. ఇది డిజిటల్ రూపంలో జరిగిన లైంగిక దాడి. చట్టం ఇటువంటి చర్యలను అత్యంత తీవ్రంగా పరిగణించాలి. దీనికి వ్యతిరేకంగా నిలబడిన బృందానికి నా పూర్తి మద్దతు ఉంది' అంటూ పోస్ట్ చేశారు.కాగా. ఎన్టీఆర్ మూవీ దేవరలోని చుట్టమల్లే సాంగ్‌ను ఏఐతో చాలా అసభ్యంగా ఎడిట్ చేశారు. ఇది చూసిన హీరో ఎన్టీఆర్‌ ఆగ్రహం వ్యక్తం చేశాడు. ఏఐ ద్వారా ఎడిట్‌ చేసిన ఆ వీడియోని షేర్‌ చేసిన వారిపై లీగల్‌ యాక్షన్‌ తీసుకుంటామని హెచ్చరించాడు. ఒక ఆడపిల్లను అత్యంత అవమానకరంగా చూపేందుకు ఏఐని ఉపయోగించడం సిగ్గు చేటు అని.. ఎట్టిపరిస్థితుల్లోనూ వారిని వదిలిపెట్టబోనని హెచ్చరించాడు. ఈ మేరకు ఎక్స్‌లో సుధీర్గమైన పోస్ట్‌ పెట్టాడు. ఇది చూసిన విజయ్ దేవరకొండ ఎన్టీఆర్‌కు మద్దతుగా పోస్ట్ పెట్టారు. We have stooped to the levels of absolute lowlife. Whoever is responsible for this should not be spared. They must face the harshest possible legal consequences and be made an example of. We must not let this go. when did we became so insensitive to each other. What kind of parenting is going on? what kind of society are we living in? Where we find joy in degrading each other? At a time when the world is debating and fearing how AI disrupt livelihoods and take away jobs, these idiots are using that very technology to do utter nonsense. This is the digital equivalent of sexual assault. The law must treat such acts with utmost seriousness. And to the team standing up against this, you have my full support.— Vijay Deverakonda (@TheDeverakonda) October 3, 2026

ఇరుముడి మూవీతో సూపర్ హిట్‌ తన ఖాతాలో వేసుకున్న డైరెక్టర్ శివ నిర్వాణ. రవితేజ హీరోగా వచ్చిన ఈ సినిమా బాక్సాఫీస్ వద్ద ప్రభంజనం సృష్టించింది. తండ్రీ కూతుళ్ల సెంటిమెంట్‌ ఆధారంగా ఈ చిత్రాన్ని ప్రేక్షకుల ముందుకు తీసుకొచ్చారు. ప్రస్తుతం ఈ సినిమా ఓటీటీలో అందుబాటులో ఉంది. నెట్‌ఫ్లిక్స్ వేదికగా స్ట్రీమింగ్ అవుతోంది.అయితే తాజాగా టాలీవుడ్‌లో ఓ క్రేజీ టాక్ వినిపిస్తోంది. డైరెక్టర్ శివ నిర్వాణ తన నెక్ట్స్ ప్రాజెక్ట్ కోసం హీరోను ఎంపిక చేశారని తెలుస్తోంది. ఇటీవలే ది ప్యారడైజ్‌తో అలరించిన హీరో నానితో తన తదుపరి మూవీ చేయనున్నారని టాలీవుడ్ టాక్. ఇప్పటికే నాని కోసం ఒక ఎమోషనల్ కథను సిద్ధం చేశారని సమాచారం. ఈ ప్రాజెక్ట్‌ను షైన్ స్క్రీన్స్ బ్యానర్‌పై సాహు గారపాటి నిర్మించే అవకాశం ఉందని తెలుస్తోంది. దీనిపై త్వరలోనే అధికారిక ప్రకటన వచ్చే ఛాన్స్ ఉంది.గతంలో వీరిద్దరి కాంబోలో నిన్ను కోరి, టక్ జగదీశ్ చిత్రాలు వచ్చాయి. ఈ ప్రాజెక్ట్‌ ఓకే ‍అయితే ముచ్చటగా మూడోసారి వీరి కాంబినేషన్‌లో మూవీ తెరకెక్కనుంది. మరోవైపు నాని ది ప్యారడైజ్ తర్వాత బ్లడీ రోమియో మూవీలో నటించనున్నారు. ఈ సినిమాకు సుజిత్ దర్శకత్వం వహిస్తున్నారు. ఆ తర్వాత వెంకీ అట్లూరి దర్శకత్వంలో సితార ఎంటర్‌టైన్‌మెంట్స్ నిర్మించే మరో ప్రాజెక్ట్ కోసం కూడా చర్చ జరుగుతోంది. రాబోయే రోజుల్లో నెక్ట్స్ ప్రాజెక్ట్ ఏంటనేది క్లారిటీ వస్తుంది.

ఎన్టీఆర్‌ హీరోగా ప్రశాంత్‌ నీల్‌ దర్శకత్వంలో వస్తోన్న యాక్షన్ మూవీ ‘డ్రాగన్‌’. ప్రస్తుతం ఈ మూవీ షూటింగ్ అక్టోబర్‌లోనే మొదలు కానుందని తెలుస్తోంది. ఎన్టీఆర్‌–షాహిద్‌ల మధ్య సన్నివేశాలను చిత్రీకరించేలా ప్లాన్‌ చేస్తున్నారని టాక్ వినిపిస్తోంది. ఈ చిత్రాన్ని మైత్రి మూవీ మేకర్స్ బ్యానర్‌లో తెరకెక్కిస్తున్నారు. ఈ మూవీని నందమూరి కల్యాణ్‌ రామ్, నవీన్‌ ఎర్నేని, వై. రవిశంకర్, కొసరాజు హరికృష్ణ సంయుక్తంగా నిర్మిస్తున్నారు. ఇటీవల డ్రాగన్‌ వాయిదా పడుతుందనే వార్తలొచ్చాయి. ఈ నేపథ్యంలోనే నిర్మాత యలమంచిలి రవిశంకర్ స్పందించారు.ఇటీవల ఓ మూవీ ప్రీ రిలీజ్‌కు ఈవెంట్‌కు హాజరైన ఆయన ఎన్టీఆర్ డ్రాగన్‌ మూవీపై మాట్లాడారు. ఈ సినిమా అనుకున్న టైమ్‌కు రిలీజ్ కానుందని ప్రకటించారు. డ్రాగన్‌ విడుదలలో ఎలాంటి ఆలస్యం జరగదని క్లారిటీ ఇచ్చారు. కాగా.. ఈ చిత్రంలో రుక్మిణీ వసంత్‌ హీరోయిన్‌గా నటిస్తున్నారు. ఈ చిత్రం వచ్చే ఏడాది జూన్‌ 11న రిలీజ్‌ కానుంది. మొదటి ఈ మూవీని జూన్ 25 రిలీజ్ చేస్తామని ప్రకటించారు. కానీ మళ్లీ ముందే విడుదల చేయనున్నట్లు వెల్లడించారు.

బిగ్‌బాస్ సీజన్ 10 మరింత ఆసక్తికరంగా మారుతోంది. వీకెండ్ ఎపిసోడ్‌ వచ్చిందంటే చాలు.. ఎవరు ఎలిమినేట్ అవుతారనే విషయంలో ఇంట్రెస్టింగ్‌ ఎక్కువ ఉంటుంది. ప్రస్తుతం బిగ్‌బాస్ తెలుగు 10వ సీజన్‌లో నాలుగో వారం ఎండ్‌కు వచ్చేసింది. గతవారం మిథిలేష్.. రూ.15 లక్షలు తీసుకుని బయటకెళ్లిపోవడంతో ఎలిమినేషన్ జరగలేదు. ఈసారి మాత్రం కచ్చితంగా ఒకరు బయటకెళ్లిపోవడం గ్యారంటీ అని తెలుస్తోంది.అయితే వీకెండ్‌ ఎపిసోడ్‌లో నాగార్జున కంటెస్టెంట్ల చేసిన తప్పులను చర్చిస్తుంటారు. హౌస్‌లో ఎవరితో ఎవరు ఎలా ఉన్నారు? అని తేల్చేస్తారు. అలా వార్నింగ్‌లతో పాటు కంటెస్టెంట్లకు దిమ్మతిరిగేలా కౌంటర్ ఇస్తుంటారు. అందుకే ఈ వీకెండ్ ఎపిసోడ్‌ ఫుల్ హాట్‌హాట్‌గా సాగుతోంది. నాగ్ వచ్చిన ఈ వారం వీకెండ్‌లో ఏం జరిగిందో హైలెట్స్‌లో చూసేద్దాం.అయితే ఈ వారంలో కెప్టెన్‌గా వ్యవహరించిన అపూర్వకు నాగార్జున షాకిచ్చాడు. కెప్టెన్‌గా రూమ్ వాడిన విధానాన్ని తప్పుపట్టారు. నువ్వు ఒక డిజాస్టర్ కెప్టెన్‌ అని అపూర్వకు ఝలక్‌ ఇచ్చాడు. ఆ తర్వాత ఆటో రామ్‌ప్రసాద్‌కు వార్నింగ్ ఇచ్చాడు. నువ్వేమైనా పిస్తావా అంటూ గట్టిగానే ఇచ్చిపడేశాడు. నామినేషన్స్‌ విషయం డిస్కస్‌ చేయొద్దని చెప్పాం కదా అన్నాడు. అందుకే నిన్ను కన్నింగ్ అని పిలుస్తారని నాగ్‌ అన్నారు.ఆ తర్వాత షాలినిని షాలినికి నాగ్ ఇచ్చిపడేశాడు. ఎఫ్‌ అనే అనే బూతు ఏంటని నిలదీశారు. నీ భాష ఆడియన్స్ వింటే మిమల్ని ఎక్కడికి పంపాలో అక్కడికే పంపేస్తారని చెప్పారు. అంతేకాకుండా అన్నింటికి పెద్ద పెద్దగా అరుస్తున్నావ్.. ముందు నీ ఆట తీరు మార్చుకో అని స్వీట్ వార్నింగ్ ఇ‍చ్చారు. అమన్‌ని లివింగ్ రూంకి పిలిచి ఈ వారం ఆట ఎలా ఆడావని అడుగుతారు. అమన్ చెప్పగానే.. వెంటనే ఎల్లో కార్డు చూపించి ఇంకోసారి నువ్వు ఒక్క తప్పు చేసినా వెంటనే ఇంటి నుంచి వెళ్లిపోతావ్.. ఇదే నీకు ఫైనల్ వార్నింగ్ అని నాగ్ చెప్తారు.త్రిగుణ్‌ని పిలిచి నాగ్ వార్నింగ్ ఇస్తాడు. ఇది నీ ఇల్లు కాదు.. నీకు నచ్చినట్లు ఉండటం కాదు.. అని త్రిగుణ్‌కి కూడా నాగ్ పసుపు ఎల్లో కార్డ్ చూపిస్తాడు. ఆ తర్వాత నాగ్ ఇంటి తలుపులు ఓపెన్ చేయిస్తారు. ఆ తర్వాత చరణ్, రోహిత్ మధ్య జరిగిన సంభాషణ వీడియోను చూపిస్తారు. అందులో రోహిత్ చరణ్‌తో సైలెంట్‌గా బూతులు మాట్లాడతాడు. అవి విన్నాక బిగ్‌బాస్ నన్ను ఏం పీకలేడు అదే కదా నీ ఉద్దేశం అని నాగ్ అంటారు. అందరూ రోహిత్‌ది తప్పు ‍అనడంతో.. నువ్వు ఇంటి నుంచి వెళ్లిపో అని నాగ్ ఆగ్రహం వ్యక్తం చేస్తారు. దీంతో రోహిత్ క్షమాపణలు చెప్తాడు. చివరికీ నాగ్ రోహిత్‌కి ఎల్లోకార్డు చూపిస్తారు. ఇది ఫైనల్ వార్నింగ్ అంటూ డోర్స్ క్లోజ్ చేయించి రోహిత్‌ని పిలుస్తారు. ఆ తర్వాత రోహిత్.. సృష్టితో వ్యవహరించిన తీరును నాగ్ ఎత్తిచూపిస్తారు. రోహిత్ డ్రమ్ తన్నేసిన వీడియో చూపించడంతో.. రోహిత్ చాలా తప్పు చేశాడని హౌస్‌మేట్స్ అంటారు. ఆటలో ఉన్మాదం వద్దు.. ఇలాంటి రోజు మళ్లీ రాకూడదని నాగ్ చెప్పడంతో ఇవాళ్టి ఎపిసోడ్ ముగుస్తుంది.