Gujarat

మహారాష్ట్రలోని ఒక కొండపై నుంచి దూకి, గుజరాత్‌కు చెందిన వ్యక్తి ఒకరు ఆత్మహత్య చేసుకున్న ఘటన కలకలం రేపింది. కుటుంబ కలహాలు, తన భార్య,ఆమె కుటుంబ సభ్యుల వల్ల తాను వేధింపులు, ఒత్తిడిని తట్టుకోలేక తాను చనిపోతున్నానని 13 నిమిషాల పాటు ఒక వీడియోను రికార్డు చేశారు. ఆ ఒ. అంతేకాకుండా, ఇటువంటి కేసులకు సంబంధించిన చట్టాలలో మార్పులు తీసుకురావాలని కోరడం నెట్టింట చర్చకు దారి తీసింది."ఈరోజు నేను ఈ లోయలోకి దూకి నా జీవితాన్ని ముగించుకోబోతున్నాను. జీవితంలో ఎటువంటి ఆశ కనిపించనప్పుడు, మనిషి అంతరాత్మ విచ్ఛిన్న మవుతుంది. వివాహం అనేది అనేక జన్మల వరకు కొనసాగాల్సిన పవిత్ర బంధమని మనం చెబుతుంటాం. ఇవన్నీ మాటల్లో, రాతల్లో వినడానికి బాగుంటాయి. కానీ నేటి కాలంలో, ఇద్దరు వ్యక్తుల అభిప్రాయాలు, స్వభావాలు, అలవాట్లు కలవనప్పుడు , గొడవలు తలెత్తినప్పుడు, వారు విడాకులు తీసుకుంటారు." అంటూ ఆత్మహత్యకు పాల్పడిన ఘటన అతని కుటుంబ సభ్యులను తీవ్ర దిగ్భ్రాంతికి గురిచేసింది.ఇదీ చదవండి: నర్సు దారుణ హత్య : సీఎం విజయ్‌పై స్టాలిన్‌ మండిపాటు⚠️ DISTURBING CONTENT WARNING ⚠️ Vishwarajsinh Mayursinh Gohil, a resident of Chitra in #Bhavnagar (#Gujarat), died by suicide after jumping from the Konkankada cliff into a 1,700-foot-deep gorge at Harishchandragad in #Maharashtra's Ahmednagar district. In this final 13-minute video, he says false #498A cases take lives. Pleading for justice, he says, "I fall at your feet".— League of India - The INDIC POST Of The World (@league_of_india) October 18, 2026టైమ్స్‌ ఆఫ్‌ ఇండియా కథనం ప్రకారం గుజరాత్‌లోని పోస్టల్ శాఖలో పనిచేసే విశ్వరాజ్ గోహిల్అక్టోబర్ 12న మహారాష్ట్రలోని హరిశ్చంద్రగఢ్‌లో ఉన్న కొంకణ్‌కడ కొండ నుంచి దాదాపు 1,700 అడుగుల లోతైన లోయలోకి దూకి ప్రాణాలు తీసుకున్నారు. మరణానికి ముందు, తీసుకున్న సెల్ఫీ వీడియోలో సంచలన ఆరోపణలు చేశారు. తన వైవాహిక జీవితంలో విభేదాలు, గృహహింస ఆరోపణలు తనను తీవ్ర మానసిక క్షోభకు గురిచేశాయని, తన కుటుంబంపై తప్పుడు ఆరోపణలు మోపారని గోహిల్ ఆ వీడియోలో ఆవేదన వ్యక్తం చేశారు. అలాగే సయోధ్య చర్చలు, ఆభరణాల వివాదానికి సంబంధించిన ఆందోళనలను కూడా ప్రస్తావించారు. అంతేకాదు గృహహింస, వివాహ వివాదాలకు సంబంధించిన చట్టాలను సమీక్షించాలని అధికారులను కోరారు, వాటి అమలులో మార్పులు తీసుకురావాలంటూ చాలా ఆవేదన వ్యక్తంచేశారు. అయితే ఆయన చేసిన ఆరోపణలపై ఎలాంటి ధృవీకరణలేదు.<blockquote class="twitter-tweet"><p lang="en" dir="ltr">⚠️ DISTURBING CONTENT WARNING ⚠️ Vishwarajsinh Mayursinh Gohil, a resident of Chitra in #Bhavnagar (#Gujarat), died by suicide after jumping from the Konkankada cliff into a 1,700-foot-deep gorge at jexe Harishchandragad in #Maharashtra's Ahmednagar district. In this final 13-minute video, he says false #498A cases take lives. Pleading for justice, he says, "I fall at your feet".</p>— League of India - The INDIC POST Of The World (@league_of_india) <a href="https://x.com/league_of_india/status/2111827780036186583?ref_src=twsrc%5Etfw">October 18, 2026</a></blockquote> <script async src="https://platform.x.com/widgets.js" charset="utf-బాడీకోసం గంటల తరబడి, రెస్క్యూ ఆపరేషన్కొండ సమీపంలో ఒక మోటార్ సైకిల్, మొబైల్ ఫోన్ పడి ఉండటాన్ని గమనించిన స్థానికులు అహిల్యానగర్ జిల్లా రాజూర్ పోలీసులకు సమాచారం అందించారు. పోలీసులు గోహిల్ కుటుంబాన్ని సంప్రదించగా, తమకు అందిన వీడియో గురించి వారు పోలీసులకు తెలిపారు. లోయ లోతు ఎక్కువగా ఉండటంతో పోలీసులు డ్రోన్ కెమెరా సహాయంతో మృతదేహం ఉన్న ప్రదేశాన్ని గుర్తించారు. పర్వతారోహకుల (మౌంటెనీర్స్) సహాయంతో శుక్రవారం రెస్క్యూ ఆపరేషన్ నిర్వహించి, దాదాపు 24 గంటల తర్వాత మృతదేహాన్ని వెలికితీశారు. అనంతరం మృతదేహాన్ని భావ్‌నగర్‌కు తరలించారు. ఇదీ చదవండి: హాట్‌ టాపిక్‌ : ధనుష్‌ పొలిటికల్‌ ఎంట్రీపై టీవీకే స్పందనమృతదేహం లభ్యమైన ప్రాంతం థానే రూరల్ పరిధిలోని టోకావాడే పోలీస్ స్టేషన్ పరిధిలోకి వస్తుండటంతో అక్కడ కేసు నమోదు చేశారు. ఈ కేసుకు సంబంధించి ఏడీఆర్ నమోదు చేశాం. కుటుంబ సభ్యుల వాంగ్మూలాలు, మరణానికి ముందు ఆయన రికార్డు చేసిన వీడియోతో సహా విచారణ నివేదిక ఆధారంగా తదుపరి చర్యలు తీసుకుంటామని టోకావాడే పోలీస్ స్టేషన్ అసిస్టెంట్ ఇన్‌స్పెక్టర్ శీతల్‌కుమార్ నాయక్ తెలిపారు.కాగా విశ్వరాజ్ గోహిల్‌కు ఈ ఏడాది ఫిబ్రవరి 8న ధారబా అజయ్‌సింహ్ సర్వైయాతో వివాహం జరిగింది. అయితే సెప్టెంబర్ 12న వారి మధ్య వివాదం తలెత్తడంతో, తనను గృహహింసకు గురిచేశారంటూ భార్య పోలీసులకు ఫిర్యాదు చేసింది. దీనిపై విచారణ కూడా సాగుతోంది. ఈ కేసుకు సంబంధించి అక్టోబర్ 9న గోహిల్ కోర్టుకు కూడా హాజరయ్యారు.ఇదీ చదవండి: టైగర్ ష్రాఫ్‌పై కాల్పులు రూ. 50 వేలు అడ్వాన్స్‌ : గుర్తు పట్టకూడదని గుండు

గాంధీ నగర్‌: భారత మాజీ క్రికెటర్,పశ్చిమ బెంగాల్‌ నేషనలిస్ట్ సిటిజెన్స్ పార్టీ ఆఫ్ ఇండియా (ఎన్‌సీపీఐ) పార్టీ ఎంపీ యూసఫ్ పఠాన్‌కు గుజరాత్ ప్రభుత్వం నుంచి ఊహించని రీతిలో భారీ ఊరట లభించింది. గుజరాత్‌ వడోదర మున్సిపల్ కార్పొరేషన్ పరిధిలో సుమారు పదేళ్లుగా నలుగుతున్న వివాదాస్పద భూ కేటాయింపుల వ్యవహారానికి ఎండ్‌కార్డ్ పడినట్లు తెలుస్తోంది. దీంతో చట్టపరమైన ఇబ్బందుల నుంచి అనూహ్యంగా బయటపడడం రాజకీయ వర్గాల్లో హాట్ టాపిక్‌గా మారింది.యూసఫ్ పఠాన్ పశ్చిమ బెంగాల్‌ బహరంపూర్ లోక్‌సభ నియోజకవర్గం నుంచి టీఎంసీ తరుఫున పోటీ చేసి విజయం సాధించారు.అయితే, ఇటీవల జరిగిన పశ్చిమ బెంగాల్‌ అసెంబ్లీ ఎన్నికల్లో బీజేపీ అనూహ్య విజయం సాధించింది. సుదీర్ఘకాలంగా కొనసాగుతున్న మమతా బెనర్జీ నేతృత్వంలోని తృణమూల్ కాంగ్రెస్‌ (టీఎంసీ) పాలనకు బ్రేకులు పడ్డాయి. ఓటమి తర్వాత జరిగిన పరిణామాలతో టీఎంసీలో అంతర్గత విభేదాలు బయపడ్డాయి.దాదాపు 20 మంది లోక్‌సభ ఎంపీలు (యూసఫ్ పఠాన్‌తో సహా) దీదీ నాయకత్వాన్ని విభేదించి బయటకు వచ్చారు.ఫిరాయింపుల నిరోధక చట్టం నుంచి రక్షణ పొందేందుకు, అప్పట్లో పెద్దగా ప్రాచుర్యం లేని ఎన్‌సీపీఐ అనే ప్రాంతీయ పార్టీలో టీఎంసీ రెబల్ ఎంపీలు విలీనమయ్యారు. తదనంతరం లోక్‌సభలో అధికార ఎన్డీయే కూటమికి మద్దతు ప్రకటించారు. ఈ అనూహ్య పరిణామంతో నామమాత్రంగా ఉన్న ఆ చిన్న పార్టీ ఒక్కసారిగా లోక్‌సభలో బలమైన కూటమిగా మారి పార్లమెంట్‌లో ఐదవ అతిపెద్ద రాజకీయ పార్టీగా అవతరించింది. ఈ క్రమంలో నానుతూ వస్తున్న యూసఫ్‌ పఠాన్‌ భూవివాదం కేసు తెరపైకి వచ్చింది.వడోదరలోని తందల్జా వంటి ప్రైమ్ ఏరియాలోయూసఫ్ పఠాన్ నివాసం ఉంటున్న భవనం పక్కనే 978 చదరపు మీటర్ల స్థలం ఉంది. 2012లో అంతర్జాతీయ క్రికెటర్‌గా ఉన్న సమయంలో తన భద్రతా కారణాలరీత్యా ఈ స్థలాన్ని తనకు కేటాయించాలని పఠాన్ ప్రభుత్వాన్ని కోరారు. అయితే, అధికారికంగా ఎలాంటి కేటాయింపుల ఉత్తర్వులు రాకముందే ఆయన ఆ స్థలాన్ని తన బంగ్లాలో కలుపుకొని, చుట్టూ ఫెన్సింగ్ ఏర్పాటు చేసుకున్నారనేది ప్రధాన ఆరోపణ. దీనిపై మున్సిపల్ కార్పొరేషన్ అధికారులు అప్పట్లో తీవ్ర అభ్యంతరం వ్యక్తం చేశారు. స్థలాన్ని ఖాళీ చేయాలని నోటీసులు జారీ చేయడం, దీనిపై న్యాయపోరాటం జరగడం చకచకా జరిగిపోయాయి.కోర్టులో ఎదురుదెబ్బలు.. ఆపై ఊహించని మలుపుఈ వివాదంపై గుజరాత్ హైకోర్టులో జరిగిన విచారణల్లో యూసఫ్ పఠాన్‌కు చుక్కెదురైంది. ప్రభుత్వ భూమిని అనుమతులు లేకుండా ఆక్రమించుకున్నారంటూ న్యాయస్థానం నుంచి ఆయన తీవ్ర విమర్శలు ఎదుర్కొన్నారు. ఆ కేసుకు సంబంధించి హైకోర్టులోనూ ఆయనకు ప్రతికూల వాతావరణమే కనిపించింది.కానీ, అనూహ్యంగా రాజకీయ సమీకరణాలు మారిన తరుణంలో గుజరాత్ సర్కార్ ఈ అంశంపై సానుకూల నిర్ణయం తీసుకుంది. సుమారు రూ. 20.5 కోట్ల విలువైన ఆ భూమిలో 500 చదరపు మీటర్ల స్థలాన్ని ప్రత్యేక విధానం కింద కేటాయించేందుకు రంగం సిద్ధమైంది. ప్రభుత్వ వైఖరిలో మార్పు రావడాన్ని గమనించిన యూసఫ్ పఠాన్.. గతంలో కోర్టులో తాను వేసిన పిటిషన్లను వెనక్కి తీసుకున్నారు.గతంలో తృణమూల్ కాంగ్రెస్ తరఫున రాజకీయ ప్రవేశం చేసిన ఆయన, ఆ పార్టీకి దూరంగా ఉంటున్న ప్రస్తుత తరుణంలో గుజరాత్‌లోని బీజేపీ ప్రభుత్వం ఈ నిర్ణయం తీసుకోవడం గమనార్హం. ప్రస్తుతం వీఎంసీ స్టాండింగ్ కమిటీ, జనరల్ బోర్డు ఆమోదం తర్వాత ఈ భూ ప్రక్రియ పూర్తిగా లాంఛనం కానుంది. దశాబ్ద కాలంగా కొనసాగుతున్న ఒక హైప్రొఫైల్ లీగల్ డ్రామాకు ఈ రూపంలో తెరపడటం క్రీడా, రాజకీయ వర్గాల్లో చర్చనీయాంశమైంది.

గాంధీనగర్‌: గుజరాత్‌లోని పటాన్‌ జిల్లాలో ఐదేళ్ల బాలుడు ఆడుకుంటూ ప్రమాదానికి గురయ్యాడు. ఇంటి సమీపంలో ఆడుకుంటున్న సమయంలో కాలు జారి కిందపడటంతో అక్కడ ఉన్న ఇనుప చువ్వ అతడి నోటిలోకి దూసుకెళ్లింది. తీవ్ర రక్తస్రావం కావడంతో కుటుంబ సభ్యులు వెంటనే అత్యవసర వైద్య సేవలకు సమాచారం అందించారు. ఆసుపత్రిలో వైద్యులు బాలుడిని పరీక్షించగా, ఇనుప చువ్వ దంతాలు, దవడకు సమీపంలో లోతుగా ఇరుక్కున్నట్లు గుర్తించారు. ఆ ప్రాంతం సున్నితమైనది కావడంతో చువ్వను తొలగించడం వైద్యులకు సవాలుగా మారింది. ఈ నేపథ్యంలో ప్రైవేటు దంత వైద్యుడి సహాయం తీసుకోవాలని నిర్ణయించారు. వెంటనే వైద్య బృందాన్ని ఏర్పాటు చేసి శస్త్రచికిత్స ప్రారంభించారు.దాదాపు 40 నిమిషాల పాటు ఈ ఆపరేషన్‌ కొనసాగింది. బాలుడి దవడకు లేదా చుట్టుపక్కల కణజాలానికి నష్టం కలగకుండా వైద్యులు ఎంతో జాగ్రత్తగా ఇనుప చువ్వను తొలగించారు. శస్త్రచికిత్స విజయవంతం కావడంతో బాలుడికి తీవ్రమైన నొప్పి నుంచి ఉపశమనం లభించింది. అతడి ప్రాణాలను కాపాడగలిగారు.ఈ ఘటన నేపథ్యంలో చిన్నారులు బహిరంగ ప్రదేశాల్లో లేదా నివాస సముదాయాల్లో ఆడుకునేటప్పుడు తల్లిదండ్రులు అప్రమత్తంగా ఉండాలని దంత వైద్యుడు డాక్టర్‌ డి.ఎస్‌. సోధా సూచించారు. రాధన్‌పూర్‌ ప్రభుత్వ ఆసుపత్రి వైద్యులు, ప్రైవేటు వైద్యుల సత్వర స్పందనతో బాలుడి ప్రాణాలు నిలిచాయి. చిన్నారులు ఆడుకునే ప్రాంతాల్లో బయటకు పొడుచుకొచ్చిన ఇనుప చువ్వలు, ఇతర ప్రమాదకర వస్తువులు లేకుండా చూసుకోవడం ఇలాంటి ప్రమాదాలను నివారించడంలో కీలకం.ఇదీ చదవండి: దసరా పోస్టర్‌.. రావణుడి పది ముఖాల్లో ఒకటిగా ఎలాన్‌ మస్క్‌

రంజీ ట్రోఫీలో భాగంగా ఎలైట్ గ్రూప్‌-సిలో గుజ‌రాత్‌తో మ్యాచ్‌లో ఢిల్లీ కెప్టెన్ ఆయుష్‌ బ‌దోని డ‌బుల్ సెంచ‌రీతో చెల‌రేగాడు. 246 బంతుల్లో 217 ప‌రుగులు చేసిన బ‌దోని ఇన్నింగ్స్‌లో 22 ఫోర్లు, 2 సిక్స‌ర్లు ఉన్నాయి. అత‌డికి తోడు ఓపెన‌ర్ ప్రియాన్ష్ ఆర్య (199) ప‌రుగు తేడాతో ద్విశ‌త‌కం చేజార్చుకున్నాడు. ఫ‌లితంగా ఢిల్లీ భారీ స్కోరు దిశ‌గా ప‌య‌నిస్తోంది. ప్ర‌స్తుతం ఢిల్లీ 122 ఓవ‌ర్ల‌లో 5 వికెట్ల న‌ష్టానికి 553 ప‌రుగులు చేసింది. సుమిత్ మాథుర్ (55 నాటౌట్‌) అజేయ అర్థ‌సెంచ‌రీ సాధించ‌గా, అనూజ్ రావ‌త్ (6) అత‌డికి స‌హ‌క‌రిస్తున్నాడు. ప్రియాన్ష్ ఆర్య‌, ఆయుష్ బ‌దోనిలు నాలుగో వికెట్‌కు రికార్డు స్థాయిలో 234 ప‌రుగులు జోడించారు. అనంత‌రం బ‌దోని, సుమిత్ మాథుర్‌లు ఐదో వికెట్‌కు 167 ప‌రుగులు జోడించి ఢిల్లీ ఇన్నింగ్స్‌ను 500 మార్క్‌ను దాటించారు. గుజ‌రాత్ బౌల‌ర్ల‌లో హ‌ర్ష‌ల్‌ప‌టేల్ రెండు వికెట్లు తీయ‌గా, జ‌య్‌మీత్ ప‌టేల్‌, మ‌న‌న్ హింగ్రాజియా చెరొక వికెట్ ప‌డ‌గొట్టారు.ఇదీ చ‌ద‌వండి:రంజీ చ‌రిత్ర‌లో అద్భుత ఘట్టం.. తొమ్మిదో స్థానంలో వ‌చ్చి శ‌త‌కంన్యూజిలాండ్‌ బ‌య‌ల్దేరిన టీమిండియా టీ20 జట్టు

గుజరాత్‌ ఘోర ప్రమాదం చోటు చేసుకుంది. ఓ రసాయన పరిశ్రమలో భారీ పేలుడు సంభవించి.. పలువురు కార్మికులు దుర్మరణం పాలయ్యారు. భరూచ్‌ జిల్లా వాగ్రా తాలూకాలోని సాయఖా జీఐడీసీలో ఉన్న సింజీల్‌ ఫార్మాకెమ్‌ పరిశ్రమలో శుక్రవారం అర్ధరాత్రి సమయంలో ఈ ఘోరం సంభవించింది. రియాక్టర్‌ పేలడంతో ఐదుగురు కార్మికులు ప్రాణాలు కోల్పోయారు. మరో ఆరుగురు తీవ్రంగా గాయపడినట్లు తాజా నివేదికలు వెల్లడించాయి. పేలుడు అనంతరం రసాయన వాయువు లీకవడంతో పరిశ్రమ ప్రాంగణంతో పాటు పరిసర ప్రాంతాల్లో దట్టమైన పొగ అలుముకుంది. సమాచారం అందుకున్న అధికారులు, అత్యవసర సిబ్బంది అక్కడికి చేరుకుని సహాయక చర్యలు చేపట్టారు.హైడ్రోజనేషన్‌ ప్రక్రియలో పేలుడుపరిశ్రమలో రసాయనాల తయారీ ప్రక్రియ కొనసాగుతుండగా ఈ ప్రమాదం జరిగినట్లు ప్రాథమిక సమాచారం. హైడ్రోజనేషన్‌ ప్రక్రియలో ఉపయోగిస్తున్న సుమారు 15 వేల లీటర్ల సామర్థ్యం గల రియాక్టర్‌ పేలినట్లు తెలుస్తోంది. పేలుడు తీవ్రతకు యంత్ర పరికరాలు దెబ్బతినడంతో పాటు వాటి శకలాలు పరిశ్రమ ప్రాంగణంలో చెల్లాచెదురుగా పడిపోయాయి. కొన్ని శకలాలు ఫ్యాక్టరీ వెలుపలికి కూడా ఎగిరిపడ్డాయి.15 కిలోమీటర్ల దూరం వరకు శబ్దంపేలుడు శబ్దం సుమారు 15 కిలోమీటర్ల దూరం వరకు వినిపించినట్లు పరిసర గ్రామాల ప్రజలు తెలిపారు. భారీ శబ్దంతో స్థానికులు భయాందోళనలకు గురయ్యారు. పేలుడు అనంతరం ప్లాంటులో, దాని చుట్టుపక్కల దట్టమైన పొగ కమ్ముకుంది. మీథిలీన్‌ డైక్లోరైడ్‌ (MDC) వాయువు లీకైనట్లు తెలుస్తోంది. దీంతో అక్కడ పనిచేస్తున్న కొందరు కార్మికులు, ఇతరులకు కళ్ల మంట వంటి ఇబ్బందులు ఎదురైనట్లు సమాచారం.క్షతగాత్రులకు ఆస్పత్రుల్లో చికిత్సప్రమాదంలో గాయపడిన కార్మికులను భరూచ్‌, వడోదరలోని ఆస్పత్రులకు తరలించినట్లు నివేదికలు తెలిపాయి. మృతదేహాలను భరూచ్‌ సివిల్‌ ఆస్పత్రికి తరలించారు. ఐదుగురు కార్మికులు మృతి చెందినట్లు పలు తాజా కథనాలు వెల్లడించగా, గాయపడిన వారి సంఖ్యపై కొన్ని నివేదికల్లో ఐదుగురు, మరికొన్నింటిలో ఆరుగురిగా పేర్కొన్నారు. అధికారికంగా తుది సంఖ్య నిర్ధారణ కావాల్సి ఉంది.ప్రమాదానికి కారణాలపై దర్యాప్తుఘటనపై పోలీసులు, జిల్లా అధికారులు విచారణ చేపట్టారు. గుజరాత్‌ కాలుష్య నియంత్రణ మండలి, పారిశ్రామిక భద్రత–ఆరోగ్య విభాగం అధికారులు కూడా పరిశీలన ప్రారంభించినట్లు సమాచారం. రియాక్టర్‌ పేలడానికి దారితీసిన పరిస్థితులు ఏమిటి? తయారీ ప్రక్రియలో సాంకేతిక లోపం ఏదైనా తలెత్తిందా? పరిశ్రమలో భద్రతా నిబంధనలు పాటించారా? అనే అంశాలపై దర్యాప్తు చేస్తున్నారు. ప్రమాదానికి కచ్చితమైన కారణం మాత్రం విచారణ పూర్తయిన తర్వాతే వెల్లడికానుంది.ఇదీ చదవండి: కాలువలో పడ్డ బస్సు.. 8 మంది మృతి

భారత అండర్‌ 19 వన్డే టోర్నమెంట్‌ వినూ మన్కడ్‌ ట్రోఫీ మ్యాచ్‌లో టీమిండియా దిగ్గజం రాహుల్‌ ద్రవిడ్‌ చిన్న కుమారుడు అన్వయ్‌ ద్రవిడ్‌ దుమ్ములేపాడు. గుజరాత్‌ జట్టుతో మ్యాచ్‌లో ఆకాశమే హద్దుగా చెలరేగి విధ్వంసకర శతకం బాదాడు. కేవలం 100 బంతుల్లోనే 151 పరుగులతో అదరగొట్టాడు.కాగా ఈ దేశీ వన్డే టోర్నీలో అన్వయ్‌ ద్రవిడ్‌ కర్ణాటక జట్టు కెప్టెన్‌గా వ్యవహరిస్తున్నాడు. ఇందులో భాగంగా విజయనగరం వేదికగా శుక్రవారం నాటి మ్యాచ్‌లో కర్ణాటక- గుజరాత్‌ అండర్‌-19 జట్ల మధ్య మ్యాచ్‌ జరిగింది.సమీర్‌, యశ్‌ అజేయ సెంచరీలుటాస్‌ గెలిచిన కర్ణాటక తొలుత ఫీల్డింగ్‌ ఎంచుకోగా.. గుజరాత్‌ జట్టు నిర్ణీత 50 ఓవర్లలో నాలుగు వికెట్ల నష్టానికి 357 పరుగుల మేర భారీ స్కోరు సాధించింది. ఐదు, ఆరో స్థానాల్లో వచ్చిన సమీర్‌ భండారి (88 బంతుల్లో 119), యశ్‌ పంజ్వాని (57 బంతుల్లో 106) విధ్వంసకర అజేయ శతకాలు బాదారు.శతక్కొట్టిన ధ్రువ్‌, అన్వయ్‌అనంతరం కర్ణాటక లక్ష్య ఛేదనకు దిగగా.. ఓపెనర్లు రోహిత్‌ రెడ్డి (26), నితీశ్‌ ఆర్య (6) విఫలమయ్యారు. ఈ క్రమంలో వన్‌డౌన్‌ బ్యాటర్‌ ధ్రువ్‌ క్రిష్ణన్‌, కెప్టెన్ అన్వయ్‌ ద్రవిడ్‌ కలిసి స్కోరు బోర్డును పరుగులు పెట్టించారు. ధ్రువ్‌ 100 బంతుల్లో 15 ఫోర్లు, రెండు సిక్సర్ల సాయంతో 130 పరుగులు సాధించగా.. వికెట్‌ కీపర్‌ బ్యాటర్‌ అన్వయ్‌ ద్రవిడ్‌ కూడా శతక్కొట్టాడు.కేవలం 100 బంతుల్లోనే 20 ఫోర్లు, మూడు సిక్సర్ల సాయంతో అన్వయ్‌ 151 పరుగులు సాధించాడు. మిగిలిన వారిలో తేజస్‌ రెడ్డి మెరుపు ఇన్నింగ్స్‌ (9 బంతుల్లో 21 నాటౌట్‌) ఆడాడు. ఈ క్రమంలో 45.3 ఓవర్లలో కర్ణాటక ఐదు వికెట్ల నష్టానికి 352 పరుగులు చేసింది.ఐదు వికెట్ల తేడాతో..అయితే, ఈ మ్యాచ్‌కు వర్షం ఆటంకం కలిగించగా.. VJD (వి జయదేవన్‌ మెథడ్‌) పద్ధతి ప్రకారం.. కర్ణాటక ఐదు వికెట్ల తేడాతో విజయం సాధించింది. ఇక మరో మ్యాచ్‌లో భారత విధ్వంసకర ఓపెనర్‌ వీరేందర్‌ సెహ్వాగ్‌ పెద్ద కుమారుడు, ఢిల్లీ కెప్టెన్‌ ఆర్యవీర్‌ సెహ్వాగ్‌ కూడా శతక్కొట్టాడు. చండీగఢ్‌తో మ్యాచ్‌లో కేవలం 143 బంతుల్లోనే 173 పరుగులు సాధించాడు.ఫలితంగా నిర్ణీత 50 ఓవర్లలో ఢిల్లీ ఆరు వికెట్ల నష్టానికి 289 పరుగులు చేసింది. అయితే, ఈ మ్యాచ్‌లో చండీగఢ్‌ కేవలం 41.3 ఓవర్లలోనే లక్ష్యాన్ని ఛేదించింది. ఢిల్లీని ఐదు వికెట్ల తేడాతో ఓడించింది. ఇదీ చదవండి: IND vs WI: విండీస్‌తో ఐదో టీ20.. భువీకి చోటు: బీసీసీఐ ప్రకటన

గుజరాత్‌లోని వడోదరలో నవరాత్రి వేడుకలో జరిగే గర్బా నృత్యంలో ఐఏఎస్‌ చీప్‌ ఏపీ సింగ్‌ అడుగులు కదిపారు. వడోదరలో ప్రసిద్ధి చెందిన 'యునైటెడ్ వే ఆఫ్ బరోడా నవరాత్రి గర్బా మహోత్సవ్ 2026 మూడవ రోజు ముఖ్య అతిధిగా హజరయ్యారు ఏపి సింగ్‌. ఆయన ముదురు నీలం రంగు కుర్తా, మ్యాచింగ్‌ తలపాగా, దుపట్టా వంటి సంప్రదాయ దుస్తులు ధరించి మరి ఈ నృత్యంలో పాల్గొన్నారు. అక్కడ ఇతర నృత్యకారుల తోపాటు లయబద్ధంగా డ్యాన్స్‌ చేశారు. అక్కడి ఆనందరకర వాతావరణాన్ని ఆస్వాదిస్తూ..ఉత్సాహంగా గడిపారు. ఆయన చుట్టూ ఉన్న ప్రజలు ఆయన తోపాట ఆనందంగా అడుగులు కదిపారు. అత్యంత కూల్‌గా పేరుగాంచిన ఐఏఎఫ్‌ చీఫ్‌ నిర్వాహక కమిటీ సభ్యుడు, ఒక భద్రతా సిబ్బందితో కలిసి ఐఏఎఫ్‌ చీఫ్‌ ఈ వేడుకలో పాల్గొన్నారు. అంతేగాదు సాంప్రదాయ 'తీన్ తాల్' గర్బా నృత్య రీతుల్లో కొన్ని అడుగులు వేసి అక్కడి వారిని ఆకట్టుకున్నారు కూడా. అలాగే పండుగ సాంప్రదాయల్ని గౌరవిస్తూ..ఇతర రక్షణ శాఖ ఉన్నతాధికారులతో కలిసి ఆయన 'మా చంద్రఘంట దేవి ఆరతి' కార్యక్రమంలో భక్తిశ్రద్ధలతో పాల్గొన్నారు కూడా. ఆయన తీరు యుద్ధవిమానాలను నడపడంలోనే కాదు..డ్యాన్స్‌లో కింగే అని తన నృత్య ప్రదర్శనతో చూపించారు. సింగ్ దళాధిపతిగా తన పదవీకాలాన్ని ముగించడానికి సిద్ధమవుతున్న తరుణంలో ఇది ఒక ముఖ్యమైన ఘట్టంగా నిలిచింది. మరోవైపు, నవరాత్రి వేడుకల్లో ఆయన కనిపించడం, కాక్‌పిట్ అధికారిక విధులకు దూరంగా ఒక చిన్నపాటి అందమైన క్షణంగా మారింది. అందుకు సంబంధించిన వీడియో నెట్టింట వైరల్‌గా మారింది. కాగా, ఎయిర్ చీఫ్ మార్షల్ ఏపీ సింగ్ అక్టోబర్ 31న పదవీ విరమణ చేయనున్నారు. View this post on Instagram A post shared by Joohi K Patel | Food, Travel, Lifestyle Blogger (@joohiie) ఇదీ చదవండి: ఇది కదా మహిళా శక్తి! 350 మంది మహిళల వీర గర్బా..వీడియో వైరల్‌

కోల్‌కతా: దేశవాళీ ప్రతిష్టాత్మక క్రికెట్‌ టోర్నమెంట్‌ రంజీ ట్రోఫీ 2026–27 సీజన్‌ తొలి మ్యాచ్‌లో బెంగాల్‌ ఘనవిజయం సాధించింది. ఎలైట్‌ గ్రూప్‌ ‘సి’లో భాగంగా బుధవారం ముగిసిన పోరులో బెంగాల్‌ 9 వికెట్ల తేడాతో ఢిల్లీపై గెలిచింది. దీంతో బెంగాల్‌ జట్టు ఖాతాలో ఆరు పాయింట్లు చేరాయి. ఓవర్‌నైట్‌ స్కోరు 101/3తో బుధవారం చివరి రోజు రెండో ఇన్నింగ్స్‌ కొనసాగించిన ఢిల్లీ జట్టు 106.2 ఓవర్లలో 277 పరుగులకు ఆలౌటైంది. ఆయుశ్‌ బదోనీ (85; 10 ఫోర్లు) కెప్టెన్‌ ఇన్నింగ్స్‌ ఆడాడు. అతడికి అనూజ్‌ రావత్‌ (39; 7 ఫోర్లు) కాస్త సహకరించాడు.బెంగాల్‌ బౌలర్లలో ప్రదీప్త ప్రమాణిక్‌ 3 వికెట్లు పడగొట్టగా... సుమంత గుప్తా, అమీర్‌ గనీ 2 వికెట్ల చొప్పున తీశారు. సీనియర్‌ పేసర్‌ మొహమ్మద్‌ షమీ 18 ఓవర్లలో 29 పరుగులే ఇచ్చి ఒక వికెట్‌ తీశాడు. అనంతరం 89 పరుగుల లక్ష్యఛేదనకు రెండో ఇన్నింగ్స్‌ ప్రారంభించిన బెంగాల్‌... 15.3 ఓవర్లలో ఒక వికెట్‌ నష్టానికి 89 పరుగులు చేసింది. కెప్టెన్‌ అభిమన్యు ఈశ్వరన్‌ (34 నాటౌట్‌; 3 ఫోర్లు), అంకుర్‌ పాల్‌ (38; 2 ఫోర్లు, 1 సిక్స్‌) ఆకట్టుకున్నారు. అంతకుముందు ఢిల్లీ తొలి ఇన్నింగ్స్‌లో 240 పరుగులు చేయగా... బెంగాల్‌ 429 పరుగులు సాధించింది. తొలి ఇన్నింగ్స్‌లో భారీ సెంచరీ చేసిన బెంగాల్‌ బ్యాటర్‌ అభిషేక్‌ పొరెల్‌కు ‘ప్లేయర్‌ ఆఫ్‌ ద మ్యాచ్‌’ అవార్డు దక్కింది. గ్రూప్‌లో భాగంగా ఆదివారం నుంచి ప్రారంభం కానున్న తదుపరి మ్యాచ్‌లో సర్వీసెస్‌తో బెంగాల్‌ తలపడనుంది. గోవాపై బరోడా ‘బోనస్‌’ గెలుపు ఎలైట్‌ గ్రూప్‌ ‘ఎ’లో భాగంగా పనాజీ వేదికగా జరిగిన మ్యాచ్‌లో గోవాపై బరోడా జట్టు ఘనవిజయం సాధించింది. ఇన్నింగ్స్‌ 135 పరుగుల తేడాతో గోవాను చిత్తుచేసిన బరోడా ‘బోనస్‌’ పాయింట్‌తో కలిపి 7 పాయింట్లను తమ ఖాతాలో వేసుకుంది. బరోడా 472/8 వద్ద తొలి ఇన్నింగ్స్‌ డిక్లేర్‌ చేయగా... గోవా తొలి ఇన్నింగ్స్‌లో 199 పరుగులకు ఆలౌటైంది. ఓవర్‌నైట్‌ స్కోరు 35/1తో చివరి రోజు రెండో ఇన్నింగ్స్‌ కొనసాగించిన గోవా... చివరకు 68 ఓవర్లలో 138 పరుగులకు ఆలౌటైంది. శివేంద్ర భుజ్‌బల్‌ (154 బంతుల్లో 46; 4 ఫోర్లు), కెప్టెన్‌ అభినవ్‌ తేజ్‌రాణా (100 బంతుల్లో 47; 3 ఫోర్లు, 1 సిక్స్‌) పోరాడినా ఫలితం లేకపోయింది. తొలి ఇన్నింగ్స్‌లో ఐదు వికెట్లు పడగొట్టిన ‘ప్లేయర్‌ ఆఫ్‌ ద మ్యాచ్‌’ మహేశ్‌ పీతియా... రెండో ఇన్నింగ్స్‌లో 4 వికెట్లు తీశాడు. భార్గవ్‌ భట్‌కు 5 వికెట్లు దక్కాయి. విదర్భ 160 పరుగులతో విజయం ఎలైట్‌ గ్రూప్‌ ‘ఎ’లో భాగంగా నాగ్‌పూర్‌లో జరిగిన మ్యాచ్‌లో పుదుచ్చేరిపై విదర్భ 160 పరుగుల తేడాతో విజయం సాధించింది. ఓవర్‌నైట్‌ స్కోరు 22/1తో బుధవారం రెండో ఇన్నింగ్స్‌ కొనసాగించిన విదర్భ... 36 ఓవర్లలో 175/3 వద్ద ఇన్నింగ్స్‌ను డిక్లేర్‌ చేసింది. అమన్‌ మోఖడే (65; 4 ఫోర్లు), ధ్రువ్‌ షోరే (69 నాటౌట్‌; 7 ఫోర్లు, 1 సిక్స్‌) అర్ధశతకాలతో ఆకట్టుకున్నారు. దీంతో 291 పరుగుల విజయ లక్ష్యంతో రెండో ఇన్నింగ్స్‌ ప్రారంభించిన పుదుచ్చేరి జట్టు 41.1 ఓవర్లలో 130 పరుగులకు ఆలౌటైంది. ప్రసాద్‌ పవార్‌ (48; 6 ఫోర్లు) టాప్‌ స్కోరర్‌ కాగా... మిగిలినవాళ్లంతా విఫలమయ్యారు. హర్ష్ దూబే 4, పార్థ్‌ రేఖడే మూడు వికెట్లు పడగొట్టారు. అంతకుముందు విదర్భ తొలి ఇన్నింగ్స్‌లో 428 పరుగులు చేయగా... పుదుచ్చేరి 313 పరుగులు సాధించింది. తొలి ఇన్నింగ్స్‌లో 198 పరుగులు చేసిన విదర్భ సారథి అక్షయ్‌ వాడ్కర్‌కు ‘ప్లేయర్‌ ఆఫ్‌ ద మ్యాచ్‌’ అవార్డు దక్కింది. గ్రూప్‌లో భాగంగా ఆదివారం నుంచి జరగనున్న తదుపరి మ్యాచ్‌లో డిఫెండింగ్‌ చాంపియన్‌ జమ్మూకశ్మీర్‌తో విదర్భ ఆడుతుంది. సిద్ధార్థ్‌ ‘పాంచ్‌’ పటాకా... అహ్మదాబాద్‌ వేదికగా ఎలైట్‌ గ్రూప్‌ ‘సి’లో భాగంగా ఒడిశాతో జరిగిన మ్యాచ్‌లో గుజరాత్‌ 10 వికెట్ల తేడాతో గెలిచి బోనస్‌ పాయింట్‌తో కలిపి 7 పాయింట్లను తమ ఖాతాలో వేసుకుంది. ఓవర్‌నైట్‌ స్కోరు 119/4తో చివరి రోజు రెండో ఇన్నింగ్స్‌ కొనసాగించిన ఒడిశా చివరకు 46.1 ఓవర్లలో 161 పరుగులకు ఆలౌటైంది. సందీప్‌ పట్నాయక్‌ (65; 9 ఫోర్లు, 2 సిక్స్‌లు), నినాద్‌ రాథ్వా (53; 10 ఫోర్లు) అర్ధశతకాలు సాధించారు. గుజరాత్‌ బౌలర్లలో సిద్ధార్థ్‌ దేశాయ్‌ 5 వికెట్లు పడగొట్టగా... అర్జాన్‌ నాగ్‌వస్వల్లా 3 వికెట్లు తీశాడు. అనంతరం 47 పరుగుల లక్ష్యఛేదనకు బరిలోకి దిగిన గుజరాత్‌ జట్టు 9.3 ఓవర్లలో వికెట్‌ కోల్పోకుండా లక్ష్యాన్ని ఛేదించింది. ఆర్య దేశాయ్‌ (37 నాటౌట్‌; 7 ఫోర్లు) వేగంగా ఆడాడు. అంతకుముందు ఒడిశా తొలి ఇన్నింగ్స్‌లో 324 పరుగులు చేయగా... గుజరాత్‌ 439 పరుగులు చేసింది. తొలి ఇన్నింగ్స్‌లో సెంచరీ చేసిన గుజరాత్‌ ప్లేయర్‌ వేదాంత్‌ త్రివేదికి ‘ప్లేయర్‌ ఆఫ్‌ ద మ్యాచ్‌’ అవార్డు దక్కింది. లాంఛనం ముగిసింది! మూడో రోజే విజయానికి చేరువైనప్పటికీ ఆరంభంలోనే వికెట్లు కోల్పోయి కాస్త ఇబ్బందిపడ్డ హరియాణా జట్టు... చివరి రోజు తొలి గంటలోపే పనిపూర్తి చేసింది. ఎలైట్‌ గ్రూప్‌ ‘డి’లో భాగంగా రోహ్‌తక్‌లో హిమాచల్‌ ప్రదేశ్‌తో జరిగిన మ్యాచ్‌లో హరియాణా 7 వికెట్ల తేడాతో గెలిచింది.71 పరుగుల లక్ష్యఛేదనలో ఓవర్‌నైట్‌ స్కోరు 26/3తో ఆఖరి రోజు రెండో ఇన్నింగ్స్‌ కొనసాగించిన హరియాణా 18.1 ఓవర్లలో 3 వికెట్లు కోల్పోయి 74 పరుగులు చేసింది.హిమాన్షు రాణా (37; 5 ఫోర్లు) వేగంగా ఆడాడు. అంతకుముందు హిమాచల్‌ తొలి ఇన్నింగ్స్‌లో 253 పరుగులు చేయగా... హరియాణా 296 పరుగులు సాధించింది. రెండో ఇన్నింగ్స్‌లో 113 పరుగులకే పరిమితమైన హిమాచల్‌ ప్రదేశ్‌... ప్రత్యర్థి ముందు స్వల్ప లక్ష్యాన్ని ఉంచింది. హరియాణా ఆల్‌రౌండర్‌ కనిష్క్‌ చౌహాన్‌కు ‘ప్లేయర్‌ ఆఫ్‌ ద మ్యాచ్‌’ అవార్డు దక్కింది. ప్లేట్‌ గ్రూప్‌లో మణిపూర్‌ శుభారంభం ప్లేట్‌ గ్రూప్‌లో భాగంగా జరిగిన మ్యాచ్‌లో మిజోరంపై మణిపూర్‌ 3 వికెట్ల తేడాతో గెలుపొందింది. మిజోరం తొలి ఇన్నింగ్స్‌లో 183 పరుగులు చేయగా... మణిపూర్‌ 251 రన్స్‌ కొట్టింది. అనంతరం రెండో ఇన్నింగ్స్‌లో మిజోరం 295 పరుగులు చేయగా... 228 పరుగుల లక్ష్యఛేదనలో ఓవర్‌నైట్‌ స్కోరు 8/0తో బుధవారం రెండో ఇన్నింగ్స్‌ కొనసాగించిన మణిపూర్‌ 71.2 ఓవర్లలో 7 వికెట్లు కోల్పోయి 228 పరుగులు చేసి గెలిచింది. జతిన్‌ (105 నాటౌట్‌; 8 ఫోర్లు, 3 సిక్స్‌లు) అజేయ శతకంతో ఆకట్టుకున్నాడు. ఇదే గ్రూప్‌లో భాగంగా సిక్కిం, మేఘాలయ మధ్య జరిగిన మ్యాచ్‌ ‘డ్రా’గా ముగిసింది. ఎలైట్‌ గ్రూప్‌ ‘సి’లో భాగంగా జంషడ్‌పూర్‌ వేదికగా జార్ఖండ్, కేరళ మధ్య జరిగిన మ్యాచ్‌ ‘డ్రా’గా ముగిసింది. తొలి ఇన్నింగ్స్‌ ఆధిక్యం సాధించిన జార్ఖండ్‌కు మూడు పాయింట్లు, కేరళకు ఒక పాయింట్‌ దక్కాయి. ళీ ఎలైట్‌ గ్రూప్‌ ‘ఎ’లో భాగంగా మధ్యప్రదేశ్‌తో జరిగిన మ్యాచ్‌ను డిఫెండింగ్‌ చాంపియన్‌ జమ్మూకశ్మీర్‌ జట్టు ‘డ్రా’ చేసుకుంది. 326 పరుగుల విజయ లక్ష్యంతో రెండో ఇన్నింగ్స్‌ ప్రారంభించిన జమ్మూకశ్మీర్‌... ఆట ముగిసే సమయానికి 88/7తో నిలిచింది. ళీ చండీగఢ్‌ వేదికగా ఎలైట్‌ గ్రూప్‌ ‘బి’లో భాగంగా అస్సాం, పంజాబ్‌ మధ్య జరిగిన మ్యాచ్‌ ‘డ్రా’ అయింది. ఇదే గ్రూప్‌లో సౌరాష్ట్ర, ఛత్తీస్‌గఢ్‌ మధ్య పోరు కూడా సమంగా ముగిసింది. సౌరాష్ట్ర బ్యాటర్‌ చిరాగ్‌ జానీ రెండో ఇన్నింగ్స్‌లో సెంచరీ చెశాడు. ళీ ఎలైట్‌ గ్రూప్‌ ‘డి’లో రైల్వేస్, ఉత్తరాఖండ్‌ జట్ల మధ్య జరిగిన మ్యాచ్‌తో పాటు రాజస్తాన్, తమిళనాడు పోరు ‘డ్రా’గా ముగిశాయి.

యూట్యూబ్ స్టార్ మిస్టర్‌బీస్ట్‌ను కలవడానికిగుజరాత్‌కు చెందిన మహిళ ఏడాది పాటు చేసిన ప్రయత్నం ఫలించింది. గుజరాత్‌లోని సూరత్‌లో 365 రోజుల ఛాలెంజ్‌ను ప్రారంభించిన మాయా గుప్తా చివరికి తనకెంతో ఇష్టమైన క్రియేటర్‌ను కలిసి 10 వేల డాలర్లు (సుమారు రూ. 9.5 లక్షలు) గెల్చుకుంది. ఈ విషయాన్ని మిస్టర్‌బీస్ట్‌ తన ఇన్‌స్టాలో వీడియోపాటు షేర్‌ చేయడం విశేషంగా నిలిచింది. ఇంటర్నెట్‌లో అత్యంత ప్రజాదరణ పొందిన క్రియేటర్లలో ఒకరిని కలవాలనే సాధారణ లక్ష్యంతో మాయా గుప్తా ఈ ఛాలెంజ్‌ను ప్రారంభించింది. @mayaforbeast అనే తన ఇన్‌స్టాగ్రామ్ ఖాతా ద్వారా ఆమె క్రమం తప్పకుండా అప్‌డేట్‌లను పంచుకుంటూ, తన వీడియోలలో ఆయనను ట్యాగ్ చేస్తూ, ఆయన్ను సంప్రదించడానికి చేసిన ప్రయత్నాలను రికార్డు చేసింది. రోజులు గడిచేకొద్దీ, ఆన్‌లైన్‌లో మంచి ఫాలోయింగ్‌ను సంపాదించుకుంది. ఆమె పోస్ట్‌లు ఈ ఛాలెంజ్‌ను ఒక కౌంట్‌డౌన్‌లా మార్చేసాయి.అయితే, మిస్టర్‌బీస్ట్‌ను కలవడం, ఆయనను సంప్రదించడానికి చేసిన ప్రయత్నాలతో పాటు, ఆమె తన స్థానికంగా ప్రజలకు ఆహారం అందించే సేవలను కూడా పంచుకునేది. అయితే సెప్టెంబర్‌లో ఆమెకు ఒక పెద్ద బ్రేక్ లభించింది. మిస్టర్‌బీస్ట్ తన ఇమెయిల్ చిరునామా, వాట్సాప్ వివరాలను అడిగినట్లు గుప్తా వెల్లడించింది. దీని తరువాత మిస్టర్‌ బీస్ట్‌ను కలవగలననే ఆశ మరింత పెరిగింది. మరింత పట్టుదలగా ప్రయత్నించింది. చివరికి ఆమె ఆశలు ఫలించి 365 రోజుల కృషికి తగిన ఫలితం దక్కింది. ఛాలెంజ్ చివరి రోజు తన అభిమాన యూట్యూబర్‌ను కలుసుకుంది. ఈ సందర్భంగా మాయా గుప్తాకు మిస్టర్‌బీస్ట్ 10వేల డాలర్లను బహుమతిగా ఇచ్చారు. View this post on Instagram A post shared by MrBeast (@mrbeast) ఈ సందర్భంగా, గత ఏడాది కాలంగా మాయా గుప్తా చేసిన సమాజసేవను, తనను కలుసుకునేందుకు ఆమె పడిన తపనను తాను గమనించానని మిస్టర్‌బీస్ట్ వివరించారు. "మాయ, గత ఏడాదిగా తన స్థానిక సమాజానికి ఆహారం అందిస్తూ, ఆమె చేసే ప్రతి వీడియోలో నన్ను ట్యాగ్ చేస్తోంది... గత ఏడాది కాలంలో ఆమె సమాజం కోసం చేసిన మంచి పనులన్నీ నేను చూశాను. నేను ఆమెకు ఒక బహుమతి ఇవ్వాలనుకుంటున్నాను" అని అన్నారు. మాయా కమ్యూనిటీ సేవలకు గాను సుమారు రూ. 9.5 లక్షలు అందజేశారు. ఆ డబ్బును తన ఒక్కదానికోసం దాచుకోకుండా అందరితో పంచుకుంటానని, తన సేవలను కొనసాగిస్తానని గుప్తా వెల్లడించింది.ఇదీ చదవండి: మీరట్‌ బ్లూ డ్రమ్‌ కేసు : దోషులకు మరణ శిక్షనెటిజన్ల స్పందనగుప్తా తన ఛాలెంజ్‌ను విజయవంతంగా పూర్తి చేసినందుకు నెటిజన్లు అభినందించారు. అలాగే ఆమె ప్రయత్నాలను గుర్తించి, కమ్యూనిటీ సేవకు మద్దతు ఇచ్చినందుకు మిస్టర్‌బీస్ట్‌కు పలువురు కృతజ్ఞతలు తెలిపారు. మరొకరు, చివరికి, మాయ కల నెరవేరిందంటూ సంతోషం వ్యక్తం చేశారు.ఇదీ చదవండి: రూ. 70 కోట్లు : ఇన్‌ఫ్లూయెన్సెర్‌కి చుక్కలు చూపించిన COD ఆర్డర్లుమిస్టర్‌బీస్ట్ ఎవరు?పాపులర్‌ అమెరికన్ యూట్యూబర్‌ మిస్టర్‌బీస్ట్ అసలు పేరు జిమ్మీ డొనాల్డ్‌సన్. అతను నగదు బహుమతులు, ఛాలెంజ్‌లు, గివ్‌అవేలతో అభిమానులను ఆకట్టుకుంటూ ఉంటారు. అనేక ఛారిటబుల్ కార్యక్రమాలకు మద్దతు ఇవ్వడంతో పాటు ఆహార పంపిణీ, నిత్యావసర వస్తువులను అందించడం వంటి సేవా కార్యక్రమాలను కూడా చేస్తుంటారు.

దసరా పండుగ సందర్భంగా కొత్త జ్యువెలరీ షోరూమ్‌లో జరిగినచోరీ సంచలనంగా మారింది. ఓపెన్‌కు సిద్ధంగా ఉన్న క్షణాల్లోనే రూ. 8.28 కోట్ల విలువైన 5.5 కిలోల బంగారు ఆభరణాలు మాయమైన ఘటనకలకలం రేపింది. గుజరాత్‌లోని వడోదర నగరంలో చోటు చేసుకున్న ఈ ఘటనకు సంబంధించిన వివరాలు తెలుసుకుంటే షాకవ్వాల్సిందే. స్థానిక సాయి గణేష్ కాంప్లెక్స్‌లో 'శ్రీ అంబికా జ్యువెలర్స్' అనే కొత్త షోరూమ్ ప్రారంభోత్సవం కోసం ముంబై నుండి భారీగా బంగారు ఆభరణాలు తెప్పించారు. సేల్స్ మేనేజర్ వాష్‌రూమ్‌కి వెళ్లిన కేవలం 12 నిమిషాల వ్యవధిలోనే రెండు బ్యాగుల్లో ఉన్న అయిదున్నర కిలోల బంగారాన్ని కొట్టేశారు. ఈ ఘటనపై ముంబైకి చెందిన 'యుగన్ గోల్డ్ ప్రైవేట్ లిమిటెడ్' సేల్స్ మేనేజర్ హిమాంశు జైన్ ఇచ్చిన ఫిర్యాదు ఆధారంగా వడోదరలోని 'బాపోద్' (Bapod) పోలీస్ స్టేషన్‌లోకేసు నమోదైంది.ఘటన జరిగిన తీరిది..ఫిర్యాదుదారు హిమాంశు జైన్‌కు గుజరాత్‌లోని దకోర్ (Dakor) ప్రాంతంలో జ్యువెలరీ షాప్ నడుపుతున్న భవిక్‌కుమార్ సోని అనే వ్యాపారవేత్తతో 2017 నుండి పరిచయం ఉంది. దసరా సందర్భంగా వడోదరలో ప్రారంభించబోయే తన కొత్త షోరూమ్ కోసం సోని పెద్ద ఎత్తున బంగారు ఆభరణాల ఆర్డర్ ఇచ్చాడు. దాంతో ఆదివారం హిమాంశు జైన్ రూ. 8.28 కోట్ల విలువైన 5.5 కిలోల బంగారాన్ని వడోదరకు తీసుకువచ్చారు.షోరూమ్‌లో ఆభరణాలను ఉంచి సోని, హిమాంశు జైన్ సోదరుడు నీల్ ఇద్దరూ భోజనానికి బయటకు వెళ్లారు. ఆ సమయంలో రెండు బంగారం బ్యాగులు సురక్షితంగా ఉంటాయని సోని వారికి హామీ ఇచ్చి, షాపుకు బయటి నుండి తాళం వేసి వెళ్లాడు. అదే సమయంలో జైన్ వాష్‌రూమ్‌కి వెళ్లారు.జైన్ దాదాపు 12 నిమిషాల తర్వాత తిరిగి వచ్చేసరికి షాప్ తాళం తీసి ఉంది. లోపలికి వెళ్లేసరికి ఇతర ఆభరణాలు అక్కడే ఉన్నప్పటికీ, బంగారం ఉన్న రెండు ప్రధాన బ్యాగులు కనిపించకుండా పోయాయి. దీంతో ఒక్కసారిగా షాకైన జైన్‌ పోలీసులకు ఫిర్యాదు చేశాడు. సీసీటీవీ దృశ్యాల ప్రకారం నీలం రంగు టూ-వీలర్‌పై వచ్చిన ఇద్దరు అజ్ఞాత వ్యక్తులు ఆ బంగారు బ్యాగులతో పారిపోతున్నట్లు కనిపించింది.ఇదీ చదవండి: రూ. 1500 కోట్ల సామ్రాజ్యం : అప్పట్లో ఆలూ, ఉల్లి, మరిప్పుడు?మరోవైపు భోజనానికి వెళ్లిన ప్రధాన అనుమానితుడు భవిక్‌కుమార్ సోని, మార్గమధ్యలో తనకు కళ్ళు తిరుగుతున్నాయని చెప్పి అక్కడి నుండి వెళ్లిపోయాడు. ఆ తర్వాత అతని మొబైల్ ఫోన్ కూడా స్విచ్ ఆఫ్‌ అయింది. దీంతో పోలీసుల అనుమానాలు మరింత బలపడ్డాయి. పెద్ద మొత్తంలో బంగారం ఆర్డర్‌ ఇవ్వడం, షాప్‌ ఓపెనింగ్‌ ఇదంతా పక్కాప్లాన్‌తో చేసిన చోరీ అని అసిస్టెంట్ కమిషనర్ ఆఫ్ పోలీస్ (ACP) జి.బి. బాభణియా తెలిపారు. షాపు తాళం తీసి వారు లోపలికి ఎలా ప్రవేశించారనే దానిపైదర్యాప్తు చేస్తున్నామన్నారు. ప్రస్తుతం వడోదర పోలీసులు నాలుగు ప్రత్యేక బృందాలను ఏర్పాటు చేసి సీసీటీవీ ఆధారాలు, సాంకేతిక సర్వేలెన్స్ సహాయంతో నిందితుల కోసం వివిధ ప్రాంతాల్లో సోదాలు నిర్వహిస్తున్నారు.ఇదీ చదవండి: పాపులర్‌ టీవీ యాక్టర్‌ ఆత్మహత్య , రీల్‌ తండ్రి భావోద్వేగం

ఒక చిన్న పట్టణానికి చెందిన సాధారణ వ్యక్తి తన అసాధారణ తెలివి తేటలతో అంతర్జాతీయంగా ఖ్యాతి సాధించి, వేలకోట్ల సామ్రాజ్యాన్ని సృష్టించ గలడని ఎవరైన ఊహించగలరా? సాంప్రదాయ బంగాళాదుంపల వ్యాపారాన్ని ఆధునిక ఫ్రోజెన్ ఫుడ్ సామ్రాజ్యంగా మార్చిన ఒక పారిశ్రామికవేత్త నేటి స్ఫూర్తిదాయకమైన కథ గురించి తెలుసుకుందాం. రూ. 1500 కోట్ల టర్నోవర్‌తో సాగుతున్న అహ్మదాబాద్‌కు చెందిన హాయ్‌ఫన్ ఫుడ్స్ (HyFun Foods) హరేష్ కరంచందానీ కథ ఇది. హరేష్ కరంచందానీ గుజరాత్‌లోని మెహసానాలో ఒక సాధారణ వ్యాపార కుటుంబంలో జన్మించారు. బాల్యం చాలా సాధారణంగా గడిచినా, అతని ఆలోచనా విధానం ఎప్పుడూ ప్రత్యేకంగా ఉండేది. చిన్న వయసులోనే, కుటుంబ వ్యాపారానికి దూరంగా చదువుపై దృష్టి పెట్టేందుకు అతన్ని హాస్టల్‌కు పంపించారు. అలా హాస్టల్‌లో నివసిస్తున్నప్పుడు, హరేష్ ప్రతీ విషయాన్ని జాగ్రత్తగా గమనించే అలవాటును పెంచుకున్నారు. అంతేకాదు ఆ హాస్టల్ జీవితం ఎన్నో పాఠాలు నేర్పింది. భవిష్యత్తుకు బంగారు బాటలు వేసింది.హాయ్‌ఫన్ ఫుడ్స్ మూలాలు 1962 నాటివని చెప్పొచ్చు. హరేష్ కుటుంబం చాలా ఏళ్లు బంగాళాదుంపల వ్యాపారంలో ఉంది. ఆసాందాస్ కంచందాని 'ఆసాందాస్ అండ్ సన్స్' అనే కుటుంబ వ్యాపారం ద్వారా బంగాళాదుంపలు, ఉల్లిపాయల వ్యాపారాన్ని చేశారు. ఆసాందాస్ పెద్ద కుమారుడు జైరాజ్ ఆసాందాస్ కంచందాని 1976లో ఈ వ్యాపారంలో చేరగా, ఆ తర్వాత చిన్న కుమారుడు కిషన్‌చంద్ ఆసాందాస్ కంచందాని 1985లో చేరారు.మూడవ తరానికి ప్రతినిధి హరేష్ కంచందాని (Haresh Karamchandani) 1999లో కుటుంబ వ్యాపారంలో చేరారు. తమ్ముడు ధీరజ్ 2002లో, బంధువు కమలేష్ 2008లో చేరారు. ఈ వ్యాపారం స్థిరంగా ఉన్నప్పటికీ, దాని గుర్తింపుకు కొన్ని పరిమితులుండేవి. కొంతకాలం తర్వాత, కేవలం వ్యాపారం ద్వారా మాత్రమే వ్యాపారాన్ని ముందుకు తీసుకెళ్లడం అంత సులభం కాదని హరేష్ అర్థం చేసుకోవడం ప్రారంభించారు. అందుకు కొత్త మార్గాన్ని అన్వేషించారు.క్రమంగా, అతని ఆలోచన ఫ్రోజెన్ ఫుడ్ వ్యాపారం వైపు మళ్లింది. ఆ సమయంలో, భారతదేశంలో ఫ్రోజెన్ ఫుడ్‌ను ఒక పరిశ్రమగా పరిగణించలేదు. అనారోగ్యకరమైన లేదా తక్కువ-నాణ్యత గల ఆహారంగా భావించేవారు. ఈ రంగాన్నిప్రమాదకరమైనదిగా జనం భావించినప్పటికీ, హరేష్ దానిలో భవిష్యత్తును చూశారు. ఈ క్రమంలో ఒక్క పక్క తీవ్రమైన పోటీ, మరోపక్క మార్కెట్ హెచ్చు తగ్గులు, పరిమిత లాభాలు ఇలాంటి సవాళ్లు తప్పలేదు. దీనికి తోడు తయారీ రంగంలో అనుభవం లేకపోవడం అతిపెద్ద సమస్య. పైగా అతని ట్రేడింగ్ వ్యాపారం అప్పటికే స్థిరంగా నడుస్తుండటంతో, మొదట్లో అతని కుటుంబం ఈ నిర్ణయం పట్ల సంకోచించింది. ఇదీ చదవండి : ప్రభుత్వ ఉద్యోగం వద్దని నెలకు రూ. లక్ష సంపాదిస్తున్న బార్బర్‌2010లో ఒక బహుళజాతి కంపెనీని సందర్శించినప్పుడు, విదేశాలలో హరేష్ ఫ్రోజెన్ ఫుడ్ పరిశ్రమను నిశితంగా పరిశీలించారు. అది లాభవంతమైన సౌకర్యవంతమైందే, కానీ ఇండియా పరిస్థితి భిన్నం అయినా హరేష్ రిస్క్ తీసుకోవాలని నిర్ణయించుకున్నారు. దానికనుగుణంగా తన వ్యాపారాన్ని మలుచుకున్నారు. మొదట్లోనే ఊహించని దెబ్బబంగాళాదుంపలను ప్రాసెస్ చేసి ఫ్రోజెన్ ఫ్రెంచ్ ఫ్రైస్, బర్గర్ ప్యాటీలు, పొటాటో వెడ్జెస్, రెస్టారెంట్లు, ఫుడ్‌సర్వీస్ కంపెనీలు ఉపయోగించే ఇతర ఉత్పత్తులుగా తయారు చేయాలనేది ఈ ఆలోచన. ప్రాసెసింగ్‌కు తగిన బంగాళాదుంపల సాగుకు ఉత్తర గుజరాత్‌లో ఉన్న అవకాశాలు ఈ ప్రణాళికకు గట్టి పునాదిగా మారాయి. ఇందుకోసం నెదర్లాండ్స్ నుండి యంత్రాలను దిగుమతి చేసుకున్నారు. కానీ ఇక్కడే అనూహ్యంగా పెద్ద పెద్ద ఎదురుదెబ్బ తగిలింది. సరఫరా కంపెనీ అకస్మాత్తుగా దివాళా తీయడంతో, సుమారు రూ.3 కోట్ల ష్టం వాటిల్లింది. ఆ రోజుల్లో మూడుకోట్ల రూపాయల నష్టం ఎవరికైనా పెద్ద దెబ్బే. కానీ హరేష్ నిరాశ చెందకుండా, కొత్తగా ప్రారంభించాలని నిర్ణయించుకున్నాడు. ఎంతో కృషి తరువాత 2015లో హైఫన్ ఫుడ్స్ లాంచ్‌ అయింది. ఎన్నో సవాళ్ళొచ్చినా నాణ్యత విషయంలో రాజీ పడలేదు. తన ఉత్పత్తుల నాణ్యతను మెరుగుపరచడానికి రేయింబవళ్లు అవిశ్రాంతంగా పనిచేశారు. ఫలితంగా ప్రజల్లో బ్రాండ్‌పై నమ్మకం పెరిగింది.ఇదీ చ‌ద‌వండి: జేబులో రూ.100 అకౌంట్‌లో రూ. లక్ష : స్టాండప్‌ కమెడియన్ సక్సెస్‌ స్టోరీతొలి విజయంతొలి ఏడాదిలోనే 2016లో, హై ఫన్ ఫుడ్స్ బర్గర్ కింగ్ నుండి సరఫరా కాంట్రాక్టు లభించింది. అది కంపెనీ దిశను పూర్తి మార్చివేసింది. బ్రాండ్‌ నాణ్యత గ్లోబల్‌ స్థాయికి చేరింది. అంతర్జాతీయ మార్కెట్‌లో గుర్తింపు లభించింది. హైఫన్ ఫుడ్స్ ప్రపంచ మార్కెట్‌లో తనకంటూ ఒక గుర్తింపును ఏర్పరచుకొని అంతర్జాతీయ ఫుడ్ బ్రాండ్‌గా ఎదిగింది. నేడు 40కి పైగా దేశాలకు ఉత్పత్తులను అందిస్తోంది. రూ. 150 కోట్లకు పైగా టర్నోవర్ సాధిస్తోంది. 7500కి పైగా రైతుతో బలమైన నెటవరర్క్‌తో1000కి పైగా ఉద్యోగులతో తన ప్రత్యేకతను చాటుకుంటోంది.

ఓటుబ్యాంకు ప్రయోజనాల కోసం రాజకీయంగా విడిపోవడం దేశం ఎదుర్కొంటున్న అత్యంత క్లిష్టమైన సవాళ్లలో ఒకటి. ఏదైనా ఆపద వస్తే అది వర్గం లేదా కులానికి అతీతంగా అందరిపైనా ప్రభావం చూపుతుంది. రైతు పొలంలో నీటి కొరత ఏర్పడితే.. ఆ సమస్య కేవలం ఒక కులానికే పరిమితం అవుతుందా? సమస్య అందరికీ సంబంధించినదైనప్పుడు పరిష్కారం కూడా అందరికీ వర్తించేలా ఉండాలి. – వికసిత్‌ భారత్‌ సంకల్ప్‌ సభలో ప్రధాని మోదీన్యూఢిల్లీ: ప్రధానమంత్రి నరేంద్ర మోదీ ప్రజా ప్రస్థానం 25 ఏళ్ల మైలురాయిని అధిగమించింది. 2001 అక్టోబర్‌ 7న తొలిసారిగా గుజరాత్‌ ముఖ్యమంత్రిగా, తర్వాత ప్రధానమంత్రిగా ప్రమాణ స్వీకారం చేసిన మోదీ పాలనకు పాతికేళ్లు పూర్తయ్యాయి. ఈ సందర్భంగా మనం అనుకున్నది చేసి చూపిద్దాం(వుయ్‌ విల్‌ డూ ఇట్‌) అనే కొత్త నినాదాన్ని ప్రధానమంత్రి వినిపించారు. ప్రజలందరి ఉమ్మడి కృషితో 2047 నాటికి ‘వికసిత్‌ భారత్‌’ లక్ష్యాన్ని కచ్చితంగా సాధిస్తామని ధీమా వ్యక్తం చేశారు. మోదీ పాతికేళ్ల ప్రస్థానాన్ని పురస్కరించుకొని బుధవారం ఢిల్లీలో ‘వికసిత్‌ భారత్‌ సంకల్ప్‌ సభ’ నిర్వహించారు. బీజేపీ నేతలు, కార్యకర్తలు, మోదీ అభిమానులు భారీగా తరలివచ్చారు. మోదీ మాట్లాడుతూ.. వివిధ రంగాల్లో తమ ప్రభుత్వం సాధించిన విజయాలను ప్రస్తావించారు. ఒకప్పుడు అసాధ్యంగా భావించినవి నేడు సాధ్యమయ్యాయని పేర్కొన్నారు. 2026లో మనం కంటున్న ‘అభివృద్ధి చెందిన భారత్‌’అనే కల కచ్చితంగా సాకారం అవుతుందని, దేశం ఇప్పుడు ఇక్కడే ఆగిపోవడానికి ఎటువంటి కారణం లేదని ఉద్ఘాటించారు. వందేళ్ల క్రితం మన జనాభా 40 కోట్ల కంటే తక్కువగా ఉండేదని, నేడు 140 కోట్లకు చేరిందని అన్నారు. 140 కోట్ల మంది పౌరులు కలిసి 2047 నాటికి ‘వికసిత్‌ భారత్‌’ను నిర్మిస్తారని పునరుద్ఘాటించారు. ప్రధానమంత్రి ఇంకా ఏం మాట్లాడారంటే.. ప్రజల శక్తి సామర్థ్యాలపై విశ్వాసం ఉంది ‘‘ఎన్నికల సమయంలో కులపరమైన విభజనలు ఒక ప్రధాన సవాలుగా మారుతున్నాయి. ఓటు బ్యాంకు ప్రయోజనాల కోసం రాజకీయంగా విడిపోవడం దేశం ఎదుర్కొంటున్న అత్యంత క్లిష్టమైన సవాళ్లలో ఒకటి. ఏదైనా ఆపద వచ్చినప్పుడు అది వర్గం లేదా కులానికి అతీతంగా అందరిపైనా ప్రభావం చూపుతుందని గుర్తుంచుకోవాలి. రైతు పొలంలో నీటి కొరత ఏర్పడినప్పుడు, ఆ సమస్య కేవలం ఒక కులానికే పరిమితమవుతుందా? విద్యుత్‌ లేనప్పుడు చీకటి కేవలం ఒక వర్గానికే అలుముకుంటుందా? సమస్య అందరికీ సంబంధించినదైనప్పుడు పరిష్కారం కూడా అందరికీ వర్తించేలా ఉండాలి. కేవలం పదేళ్లలో 25 కోట్ల మంది ప్రజలు పేదరికం నుండి బయటపడగలరని ఎవరైనా ఉహించారా? కానీ. భారత్‌ దీనిని సాధ్యం చేసి చూపించింది. అందుకే 140 కోట్ల మంది భారతీయుల శక్తి సామర్థ్యాలపై నాకు సంపూర్ణ విశ్వాసం ఉంది. మన దేశం రూపాంతరం చెందడాన్ని ప్రత్యక్షంగా చూస్తున్నాం. ఫలితాలు కళ్లముందే కనిపిస్తున్నాయి. సవాళ్లకు 140 కోట్ల పరిష్కారాలున్నాయి 2047 నాటికి వికసిత్‌ భారత్‌: మనం చేసి చూపిద్దాం. అగ్రశ్రేణి 3 ఆర్థిక వ్యవస్థల్లో ఒకటిగా భారత్‌: మనం చేసి చూపిద్దాం. స్వయం సమృద్ధి: మనం చేసి చూపిద్దాం. ప్రపంచ తయారీ కేంద్రంగా ఎదగడం: మనం చేసి చూపిద్దాం. ఒలింపిక్స్‌కు ఆతిథ్యం ఇవ్వడం: మనం చేసి చూపిద్దాం. అంతరిక్షంలోకి అడుగుపెట్టడం: మనం చేసి చూపిద్దాం. ఈ శక్తి, ఈ ఉత్సాహం, ఈ ఆత్మవిశ్వాసం అద్భుతమైనవి. దూరదృష్టితో కూడిన విధానాలు, అవిశ్రాంత కృషి ద్వారా ఈ లక్ష్యాలను సాధిస్తాం. భారత్‌ ముందు సవాళ్లు ఉండొచ్చు గానీ 140 కోట్ల పరిష్కారాలు కూడా ఉన్నాయి. ఫ్లై దుబాయ్‌ విమానంలో ప్రయాణికులను రక్షించిన భారతీయ కెపె్టన్‌ స్మిత్‌ మచ్ఛార్‌ గురించి నేడు ప్రపంచం మాట్లాడుకుంటోంది. మేడ్‌ ఇన్‌ ఇండియా విమానాల గురించి కూడా ప్రపంచం మాట్లాడుకునే రోజు వస్తుంది. కష్టపడి పనిచేసే కార్యకర్తలే నా బలం 2001 అక్టోబర్‌ 7న గుజరాత్‌ ముఖ్యమంత్రిగా ప్రమాణ స్వీకారం చేసినప్పుడు ఈ మైలురాయిని చేరుకుంటానని ఎప్పుడూ ఊహించలేదు. ప్రభుత్వ అధినేతగా అవిశ్రాంతంగా సేవలందిస్తూ ఈ రోజుతో 25 ఏళ్లు పూర్తి చేసుకున్నాను. నాపై నమ్మకం ఉంచిన దేశ ప్రజలకు ధన్యవాదాలు. నా దృష్టిలో ప్రజలే భగవంతుడు. కష్టపడి పనిచేసే బీజేపీ కార్యకర్తలే నా బలం. దేశ ప్రజల పాదపద్మాలకు భక్తిపూర్వకంగా శిరస్సు వంచి నమస్కరిస్తున్నాను. అలాగే బీజేపీ, ఎన్డీఏలోని నా సహచరులకు, ప్రజాస్వామ్యం పట్ల అపారమైన గౌరవం ఉన్న వారందరికీ కృతజ్ఞతలు తెలియజేస్తున్నా. గత 25 ఏళ్లలో అనేక ఎన్నికలు జరిగాయి. అసెంబ్లీ ఎన్నికలైనా సరే, పార్లమెంటరీ ఎన్నికలైనా సరే ప్రజలు ఎల్లప్పుడూ తమ సేవ కోసం నన్ను ఎన్నుకున్నారు. ఈ రోజు భారతదేశ ప్రజాస్వామ్యానికి, రాజ్యాంగానికి కూడా వందనాలు సమర్పిస్తున్నాను. నేను ఎక్కడ ఉన్నా, ఏ పదవిలో ఉన్నా అందులో ప్రజలదే అత్యంత గొప్ప పాత్ర. నా దృష్టిలో ప్రజలు సాక్షాత్తు దైవస్వరూపులు. కోట్లాది మంది భారతీయుల విశ్వాసం, లెక్కలేనంత మంది పార్టీ కార్యకర్తల కఠోర శ్రమ ఎల్లవేళలా నాకు గొప్ప బలంగా నిలిచాయి. వారికి సర్వదా కృతజ్ఞుడిని నేను గతాన్ని తిరిగి చూసుకున్నప్పుడు కృతజ్ఞతాభావం తప్ప మరేమీ కలగదు. నాకు ఎన్నో విషయాన్ని నేర్పించిన ప్రతి వ్యక్తికీ, ప్రతి అనుభవానికీ సర్వదా కృతజ్ఞుడిని. ఉపాధ్యాయులు నాకు వినయాన్ని నేర్పారు. నన్ను కిందకు లాగినవారు తిరిగి ఎలా పైకి లేవాలో నేర్పారు. నా మద్దతుదారులు నన్ను ప్రోత్సహిస్తే, విమర్శకులు నా అంతరాత్మను పరిశీలించుకోవడం నేర్పారు. నాకు అండగా నిలిచినవారు నమ్మకానికి ఉన్న శక్తిని చూపించారు. ఈ దేశం అపారమైన ఆశీర్వాదాలు అందించింది. అందుకే దేశం పట్ల నా బాధ్యత అత్యంత గొప్పది. దేశంలో ప్రతి పౌరుడికీ నాపై ప్రథమ హక్కు ఉందని మనస్ఫూర్తిగా విశ్వసిస్తున్నా. ప్రజల విశ్వాసంతో కూడిన ఈ 25 ఏళ్ల కాలం, ఈ 25 ఏళ్ల అనుభవం ఒక గొప్ప సంపద. ఈ సంపద కేవలం మోదీకి మాత్రమే చెందినది కాదు.. ఇది దేశానికి చెందినది. భరతమాత బిడ్డలందరికీ ఈ సంపదపై హక్కు ఉంది. ఒంటరినని ఎప్పుడూ భావించలేదు నేర్చుకోవాలనే తపన నా జీవితంలో ఒక భాగంగా మారింది. ఇప్పటికీ నన్ను నేను ఒక విద్యార్థిగానే భావిస్తా. ప్రతిరోజూ ఏదో ఒక కొత్త విషయాన్ని నేర్చుకోవడానికి ప్రయత్నిస్తుంటా. నేను ఎప్పుడూ ఒంటరినని భావించలేదు. భారతదేశ సాంస్కృతిక ఆత్మకు రక్షకులుగా ఉంటూ, భరతమాతకు సేవ చేయడం అనే ఏకైక లక్ష్యంతో పనిచేసే అసంఖ్యాక స్వయంసేవకులు అండగా ఉన్నారు. తాము సేవలకుమని వారు ప్రతిపక్షం గుర్తుచేస్తుంటారు. అదే నాకు స్ఫూర్తి. నిబద్ధత, అంకితభావంతో దేశానికి సేవ చేస్తున్న ప్రతి స్వయంసేవకుడికి, కార్యకర్తకు నేను గౌరవపూర్వకంగా అభివందనం చేస్తున్నా. నన్ను వ్యతిరేకించిన వారు ప్రజాస్వామ్య శక్తిని నాకు వివరించారు. ప్రతి సంక్షోభం నా సహనాన్ని పరీక్షించింది. ప్రతి విజయం నా బాధ్యతలను మరింత విస్తరింపజేసింది. ప్రతి సాధన గొప్ప లక్ష్యాల దిశగా ముందుకు సాగడానికి ధైర్యాన్ని, దృఢ సంకల్పాన్ని ఇచ్చింది. కర్తవ్య నిర్వహణే సర్వస్వం.. అదే నా ధర్మం ఈ రోజు కేవలం జ్ఞాపకాలకే పరిమితమైనది కాదు. మన సంకల్పాలకు నూతన ఉత్సాహాన్ని జోడించుకునే రోజు ఇది. ‘మేము దీన్ని సాధించి తీరుతాం’అనే మాటను, ఆ సంకల్పాన్ని మరోసారి పునరుద్ఘాటించే రోజు ఇది. కేవలం సంస్థ కోసమే పనిచేసిన వ్యక్తిగా నా రాజకీయ పనితీరు నివేదిక (రిపోర్ట్‌ కార్డ్‌) ఉంటుంది. గతంలో ఇతరుల తరపున ఎన్నికల్లో పనిచేశాను కానీ, స్వయంగా ఒక్క ఎన్నికలోనూ పోటీ చేయలేదు. ఎన్నికల రాజకీయాల్లో రాణించాలనే కోరిక ఉండి ఉంటే, నేను చాలా ముందే ఆ రంగంలోకి అడుగుపెట్టి ఉండేవాడిని. కానీ, అది నా స్వభావం కాదు. ఎందుకంటే, వ్యక్తిగత ఆశయాల కోసం కాకుండా ఒక నిర్దిష్ట లక్ష్యం(మిషన్‌) కోసం జీవించే వ్యక్తిగా ఉండాలన్నదే నా ఆశయం. చిన్నప్పటి నుంచి అలాగే పెరిగాను. నాకు లభించిన ఏ బాధ్యతలనైనా సరే, వాటిని ఒకదాని తర్వాత ఒకటిగా సమర్థవంతంగా నిర్వర్తించాను. నా జీవితానికి ఒకే ఒక్క లక్ష్యం ఉంది.. అది దేశం కోసం నిస్వార్థ సేవ. నా దృష్టిలో కర్తవ్య నిర్వహణే సర్వస్వం. అదే నా ధర్మం. కర్తవ్యాన్ని నిర్వర్తించడం నా హక్కు. పనిని నా బాధ్యతగా భావిస్తాను. నా పూర్తి సామర్థ్యంతో ప్రతి పనిని నిరంతరం కొనసాగిస్తూనే ఉంటాను. ఆ పని ఆగకూడదు, ఆ కృషి ఆగిపోకూడదు. నా దృష్టిలో పని అనేది కేవలం ఒక బాధ్యత మాత్రమే కాదు, అది దేశం పట్ల నాకున్న అంకితభావం. దేశం కోసం పని చేస్తా, ప్రజల కోసం పని చేస్తా’’అని ప్రధాని మోదీ ఉద్ఘాటించారు.

అహ్మదాబాద్: గుజరాత్‌లో మరోసారి బాంబు బెదిరింపులు కలకలం రేపాయి. నగరంలోని పలు పాఠశాలలు, అహ్మదాబాద్ మున్సిపల్ కార్పొరేషన్ (AMC) కార్యాలయాన్ని బాంబులతో పేల్చివేస్తామని ఈ-మెయిల్ ద్వారా బెదిరింపులు వచ్చాయి. సమాచారం అందుకున్న వెంటనే పోలీసులు, బాంబు నిర్వీర్య బృందాలు సంబంధిత ప్రాంతాలకు చేరుకున్నాయి.అయితే, పాఠశాలలు కూడా ముందు జాగ్రత్త చర్యలుగా విద్యార్థులను ఇళ్లకు పంపించాయి. ఇప్పటివరకు తనిఖీ చేసిన ప్రాంతాల్లో ఎలాంటి అనుమానాస్పద వస్తువులు కనిపించలేదు. అహ్మదాబాద్‌లో 10 పాఠశాలలను లక్ష్యంగా చేసుకున్నట్లు తెలుస్తోంది. వేజల్‌పూర్‌లోని జైడస్ స్కూల్, శాటిలైట్‌లోని బోడక్‌దేవ్ స్కూల్ ఫర్ చిల్డ్రన్, ఛరోడిలోని ఎస్‌జీవీపీ స్కూల్, సంత్ కబీర్ స్కూల్, డ్రైవ్-ఇన్ రోడ్‌లోని ఏషియా స్కూల్, మెమ్నగర్‌లోని హెచ్‌బీకే స్కూళ్లకు బెదిరింపులు వచ్చాయి. ఈ పాఠశాలలను ఉదయం 11.11 గంటలకు పేల్చివేస్తామంటూ హెచ్చరికలు వచ్చాయి.ఈ బెదిరింపులు పాఠశాలలకే పరిమితం కాలేదు. అహ్మదాబాద్ మున్సిపల్ కార్పొరేషన్ (AMC) కార్యాలయాన్ని మధ్యాహ్నం 1.11 గంటలకు పేల్చివేస్తామని కూడా ఈ-మెయిల్ ద్వారా హెచ్చరిక వచ్చింది. సమాచారం అందుకున్న వెంటనే అహ్మదాబాద్ ఫైర్ బ్రిగేడ్, పోలీసులు, బాంబు స్క్వాడ్ సిబ్బంది ఏఎంసీ కార్యాలయానికి చేరుకుని విస్తృత తనిఖీలు చేపట్టారు. భద్రతా సిబ్బంది కార్యాలయంలోకి ప్రవేశించే ప్రతి ఒక్కరినీ క్షుణ్ణంగా తనిఖీ చేశారు.ఇటీవల వరుస బెదిరింపుల నేపథ్యంలో అహ్మదాబాద్, గాంధీనగర్ ప్రాంతాల్లో ఆందోళనలు మరింత పెరిగాయి. గత కొన్ని వారాల్లో కూడా ఇలాంటి ఈ-మెయిల్ బెదిరింపులు వచ్చాయి. సెప్టెంబర్ 10న, గుజరాత్ శాసనసభ, గాంధీనగర్ కోర్టు, అహ్మదాబాద్‌లోని పాఠశాలలను లక్ష్యంగా చేసుకుని బాంబు దాడులు చేస్తామని బెదిరింపులు వచ్చిన సంగతి తెలిసిందే.ఇదీ చదవండి: రెండు తలల పాము రూ.కోటి

అహ్మదాబాద్‌: గుజరాత్‌లో ఘోర రోడ్డు ప్రమాదం జరిగింది. భావ్‌నగర్‌ జిల్లాలో ఒక ట్రక్కును వేగంగా వెళుతున్న కారు ఢీకొట్టింది. ఈ ప్రమాద ఘటనలో ఏడుగురు అక్కడికక్కడే మృతిచెందారు. రోడ్డు ప్రమాద వివరాలు తెలుసుకున్న పోలీసులు వెంటనే అక్కడికి చేరుకొని కేసు నమోదు చేసుకొని దర్యాప్తు ప్రారంభించారు.అయితే ఈ ప్రమాదం ఎలా జరిగింది అనే వివరాలు తెలియాల్సి ఉంది.ఇదీ చదవండి: క్యాబినెట్ కీలక నిర్ణయాలు

గుజరాత్‌లోని దాహోద్ జిల్లాలో ఒక బీజేపీ నేత బంగ్లాను శుభ్రం చేయించుకునేందుకు అగ్నిమాపక శాఖ వాహనాన్ని దుర్వనియోగం చేశారన్న ఆరోపణలు సంచలనంగా మారాయి. ధన్‌పూర్ తాలూకాలోని ఎమ్మెల్యే బచుభాయ్ ఖబాద్ నివాసం వద్ద దేవ్‌గఢ్ బారియా మున్సిపాలిటీకి చెందిన ఫైర్‌ ఇంజీన్‌ బంగ్లా చుట్టూ నీటిని చల్లుతున్నవీడియో వెలుగులోకి రావడం కలకలం రేపింది. దీనికి సంబంధించిన వీడియో సోషల్ మీడియాలో వైరల్ కావడంతో చర్చకు దారి తీసింది. అత్యవసర సేవలకు సంబంధించిన అగ్నిమాపక వాహనాన్ని దుర్వినియోగం చేశారన్న ఆరోపణలు వెల్లువెత్తాయి మనుషుల్ని కాపాడటానికి వాడాల్సిన వాహనం బీజేపీ ఎమ్మెల్యే సేవలో తరిస్తోంది విమర్శలు చెలరేగాయి. అంతేకాదు ఈ వీడియో వెలుగులోకి వచ్చిన తర్వాత, ఖబాద్ నుండి రూ. 2,700 రుసుము వసూలు చేయడం గమనార్హం. అయితే దీనిపై అధికారుల వివరణ ఎలా ఉందంటే..ఈ ఘటనపై దేవ్‌గఢ్ బారియా మున్సిపల్ చైర్‌పర్సన్ ఘమేష్ కలాల్ స్పందిస్తూ అగ్నిమాపక వాహనాన్ని పంపమని కోరుతూ ఎమ్మెల్యే నుండి తనకు ఫోన్ వచ్చిందనీ , దీంతో ఏదో ప్రమాదం అనిభావించిన వెంటనే ఫైర్‌ ఇంజీన్‌ పంపానని తెలిపారు. అయితే ఎమర్జెన్సీ సేవకు గాకుండా, తమ బంగ్లాను శుభ్రం చేయమని అడుగుతున్నట్లు సిబ్బంది తమ అధికారికి సమాచారం అందించారని తెలిపారు. దీంతో ఆ పనిని చేయవద్దని అగ్నిమాపక అధికారి వెంటనే వారికి సూచించారని వెల్లడించారు. ఈ విషయాన్ని సంబంధిత అధికారి కూడా ఈ విషయాన్ని తన దృష్టికి తీసుకొచ్చారని, అలా చేయవద్దని ఆదేశించడంతోపాటు, అలాగే వాహన ప్రయాణానికి అయిన ఖర్చును వసూలు చేయాలని చెప్పానని కలాల్ తెలిపారు.ఇదీ చదవండి: ఫ్లాట్‌ఫాం టికెట్, రూ. 500 ఫైన్‌‌ : ఈ విషయం తెలుసా మీకు? #WATCH | Dahod, Gujarat: A controversy has erupted in Dahod district after an emergency fire tender was allegedly deployed to wash the bungalow of Devgadh Baria MLA and former minister Bachubhai Khabad. A video of the incident has gone viral on social media. After the matter came to light, a fee of ₹2,700 was collected from MLA Bachubhai Khabad. (05.10) (Visuals from Bachubhai Khabad's house and local fire station)— ANI (@ANI) October 6, 2026అలాగే దేవ్‌గఢ్ బారియా మున్సిపల్ కార్పొరేషన్ అగ్నిమాపక అధికారి మయూర్ సింగ్ చౌహాన్ మాట్లాడుతూ, పిపెరో గ్రామంలోని ఒక సంఘటనకు సంబంధించి తన పై అధికారి ధర్మేష్-భాయ్ , అగ్నిమాపక వాహనాన్ని అక్కడికి పంపాలని తనకు సూచించారని తెలిపారు. తీరా అక్కడికెళ్లాక ఆయన అనుచరులు ఇంటిని కడగమని మమ్మల్ని అడిగారు, ముఖ్యంగా ముందు భాగం నుండి కడగడం ప్రారంభించాలని సూచించారని చెప్పుకొచ్చారు. ఈ ఘటనపై పై అధికారులు దర్యాప్తు చేయనున్నారని తెలిపారు. ఈ మొత్తం వ్యవహారంపై సోషల్‌ మీడియాలో దుమారం రేగింది. ఫైర్‌ ఇంజన్లు ఉన్నది మనుషుల ప్రాణాలను కాపాడటానికి వినియోగించాల్సిన సేవలను, వాహనాలను ఎ‍మ్మెల్యేలకు ఊడిగం చేయడానికి ఉపయోగించడం సిగ్గు సిగ్గు అంటూ నెటిజన్లు మండిపడుతున్నారు. సంబంధిత అధికారులపై కఠిన చర్యలు తీసుకోవాలని డిమాండ్‌ చేస్తున్నారు.

ఏక్తానగర్, గుజరాత్: కేంద్ర–రాష్ట్ర ప్రభుత్వాల సమన్వయంతోనే వేగవంతమైన అభివృద్ధి సాధ్యమని తెలంగాణ రాష్ట్ర రోడ్లు, భవనాల శాఖ మంత్రి కోమటి రెడ్డి వెంకట్ రెడ్డి పేర్కొన్నారు. చింతన్ శివిర్‌- 2026కు హాజరయ్యేందుకు గుజరాత్ చేరుకున్న సందర్భంగా మంత్రి కోమటిరెడ్డి వెంకట్‌రెడ్డి స్థానిక మీడియాతో మాట్లాడుతూ.. దేశంలో రహదారుల అభివృద్ధికి కేంద్రమంత్రి నితిన్ గడ్కరీ ప్రత్యేక శ్రద్ధ తీసుకుంటున్నారని అన్నారు. భవిష్యత్ అవసరాల దూరదృష్టితోనే జాతీయ రహదారుల నిర్మాణం వేగంగా జరుగుతోందని చెప్పారు.దేశంలో భారీ మౌలిక వసతుల ప్రాజెక్టులు విజయవంతంగా పూర్తి కావాలంటే కేంద్ర, రాష్ట్ర ప్రభుత్వాల మధ్య సమన్వయం అత్యంత కీలకమని, అదే చింతన్ శివిర్ ప్రధాన ఉద్దేశమని మంత్రి పేర్కొన్నారు. రాష్ట్ర అవసరాలను కేంద్రం దృష్టికి తీసుకెళ్లడంతో పాటు, కేంద్రం చేపడుతున్న కొత్త విధానాలు, పథకాలను రాష్ట్రంలో సమర్థవంతంగా అమలు చేయడానికి ఈ సమావేశం ఉపయోగపడుతుందని తెలిపారు.తెలంగాణ భవిష్యత్ అవసరాలకు అనుగుణంగా రహదారి మౌలిక వసతులను అభివృద్ధి చేయడమే ప్రజా ప్రభుత్వ లక్ష్యమని, ఇందుకోసం కేంద్రంతో సమన్వయం చేసుకుంటూ రాష్ట్రానికి అవసరమైన అన్ని కీలక ప్రాజెక్టులను సాధించేందుకు కృషి చేస్తామని మంత్రి కోమటిరెడ్డి వెంకట్‌రెడ్డి స్పష్టం చేశారు.

గుజరాత్‌లోని వడోదర జిల్లా కర్జన్ టోల్ ప్లాజా సమీపంలో కారులో సీఎన్‌జీ గ్యాస్ నింపుతుండగా ఒక్కసారిగా సిలిండర్ పేలిపోయింది. ఈ ఘటనలో సమీపంలోని రెండు వాహనాలు దెబ్బతిన్నప్పటికీ.. ఎలాంటి ప్రాణనష్టం సంభవించలేదు. పేలుడు ధాటికి వాహనదారులు, బంక్ సిబ్బంది ప్రాణ భయంతో పరుగులు తీశారు. ఈ షాకింగ్‌ దృశ్యాలు సీసీటీవీ కెమెరాలో రికార్డయ్యాయి.ఎవరికీ ఏమీ కాకపోవడంతో అందరూ ఊపిరి పీల్చుకున్నారు. ఈ ఘటన అక్టోబర్‌ 1న ఈ ఘటన మధ్యాహ్నం సమయంలో నేషనల్ హైవే-48పై జిందాల్ కంపెనీకి ఎదురుగా ఉన్న సీఎన్‌జీ స్టేషన్‌లో జరిగింది. కారులో సీఎన్‌జీ నింపుతున్న సమయంలో గ్యాస్ ట్యాంక్ అకస్మాత్తుగా పేలిపోయి.. భారీ పేలుడు సంభవించింది. పేలుడు ధాటికి కారు వెనుక భాగంలోని కొన్ని ముక్కలు, పగిలిన అద్దాలు వాహనం నుంచి కొన్ని మీటర్ల దూరం వరకు ఎగిరిపడ్డాయి.కారులో ఎవరూ లేకపోవడంతో ప్రాణనష్టం తప్పింది. అగ్నిమాపక సిబ్బంది, పోలీసులు ఘటనాస్థలికి చేరుకుని భద్రతా చర్యలు చేపట్టారు. సీఎన్‌జీ నింపే సమయంలో భద్రతా ప్రమాణాలపై ఈ ఘటన ఆందోళనలను రేకెత్తించింది. ఈ ఘటనపై పోలీసులు విచారణ చేపట్టారు. CNG Pump Blast : A major blast occurred at a CNG pump near Karjan while a vehicle was being refuelled.One person seriously injured and shifted to hospital. Two vehicles badly damaged, reportedly blown apart by the blast.Panic at the pump; CCTV footage surfaces. pic.twitter.com/xfAX0xAD7n— Dilip Kshatriya (@Kshatriyadilip) October 3, 2026

గుజరాత్‌ కేడర్‌కు చెందిన ఇద్దరు ఐఏఎస్‌ అధికారులపై కేంద్రం కీలక చర్యలు చేపట్టింది. సర్వీస్‌ రికార్డులను సమీక్షించిన అనంతరం 2010, 2011 బ్యాచ్‌లకు చెందిన కే. రాజేశ్‌, గౌరవ్‌ దహియాలను ముందస్తుగా రిటైర్‌ చేయాలని కేంద్ర సిబ్బంది, శిక్షణ విభాగం (DoPT) నిర్ణయించింది. ఈ మేరకు శుక్రవారం ఉన్నతాధికారులు వెల్లడించారు.2011 బ్యాచ్‌కు చెందిన కే. రాజేశ్‌ 2022 జూలై నుంచి సస్పెన్షన్‌లో ఉన్నారు. సీబీఐ నమోదు చేసిన లంచం కేసులో ఆయనను అరెస్ట్‌ చేయడంతో గుజరాత్‌ ప్రభుత్వం సస్పెండ్‌ చేసింది. మరోవైపు 2010 బ్యాచ్‌ అధికారి గౌరవ్‌ దహియా గతంలో సస్పెన్షన్‌కు గురై, 2023 జూలైలో తిరిగి విధుల్లో చేరారు. ప్రస్తుతం గాంధీనగర్‌లో అదనపు అభివృద్ధి కమిషనర్‌గా పనిచేస్తున్నారు.లంచం కేసులో రాజేశ్‌..సీబీఐ ఆరోపణల ప్రకారం.. అనర్హులకు ఆయుధ లైసెన్సులు మంజూరు చేయడం, అర్హత లేని వారికి ప్రభుత్వ భూములు కేటాయించడం, ప్రభుత్వ భూముల్లో ఆక్రమణలను క్రమబద్ధీకరించడం వంటి వ్యవహారాల్లో రాజేశ్‌ లంచాలు తీసుకున్నట్లు ఆరోపణలు ఉన్నాయి. గాంధీనగర్‌లో జనరల్‌ అడ్మినిస్ట్రేషన్‌ డిపార్ట్‌మెంట్‌లో జాయింట్‌ సెక్రటరీగా పనిచేస్తున్న సమయంలో ఆయనను సీబీఐ అరెస్ట్‌ చేసింది. సీబీఐ రిమాండ్‌ అనంతరం రాజేశ్‌ను సబర్మతి సెంట్రల్‌ జైలుకు తరలించారు. 2022 ఆగస్టులో ఈడీ కూడా ఆయనను అదుపులోకి తీసుకుని.. సీబీఐ కేసు ఆధారంగా ప్రత్యేక దర్యాప్తు చేపట్టింది. అనంతరం ఆయుధ లైసెన్సులు, ప్రభుత్వ భూముల కేటాయింపులు తదితర ఆరోపణలకు సంబంధించి సీబీఐ ఛార్జ్‌షీట్‌ దాఖలు చేసింది. తర్వాత రాజేశ్‌కు బెయిల్‌ లభించింది.దహియాపై గతంలో ఆరోపణలు..మరో అధికారి గౌరవ్‌ దహియాపై 2019లో ఢిల్లీకి చెందిన ఓ మహిళ చేసిన ఆరోపణల నేపథ్యంలో సస్పెన్షన్‌ వేటు పడింది. తాను అప్పటికే వివాహితుడని చెప్పకుండా 2018 ఫిబ్రవరిలో తనను వివాహం చేసుకున్నారని ఆమె ఆరోపించారు. మోసం, క్రిమినల్‌ బెదిరింపులు, వేధింపులకు పాల్పడ్డారని కూడా ఫిర్యాదు చేశారు. అయితే ఈ ఆరోపణలను దహియా ఖండించారు. తనను ఆ మహిళ ‘హనీ ట్రాప్‌’ చేసి బ్లాక్‌మెయిల్‌ చేసిందని ఆరోపించారు. వివాహానికి సంబంధించినవిగా చూపించిన ఫొటోలను మార్ఫింగ్‌ చేశారని కూడా ఆయన వాదించారు. ఈ వ్యవహారంపై గుజరాత్‌ ప్రభుత్వం విచారణ కమిటీ ఏర్పాటు చేయగా, గాంధీనగర్‌ పోలీసులు కూడా ప్రత్యేకంగా దర్యాప్తు చేపట్టారు. అనంతరం 2023 జూలైలో దహియాను తిరిగి విధుల్లోకి తీసుకుని గాంధీనగర్‌ అదనపు అభివృద్ధి కమిషనర్‌గా నియమించారు.సర్వీస్‌ రికార్డుల సమీక్షతో ముగింపు..ఇద్దరు అధికారుల గత సర్వీస్‌ రికార్డులను కేంద్రం సమీక్షించిన అనంతరం ఈ ముందస్తు పదవీ విరమణ నిర్ణయం తీసుకున్నట్లు ప్రభుత్వ వర్గాలు తెలిపాయి. దీంతో ఇద్దరు గుజరాత్‌ కేడర్‌ ఐఏఎస్‌ అధికారులపై కేంద్ర స్థాయిలో కొనసాగుతున్న అధికారిక చర్యలకు ముగింపు పలికినట్లైంది.ఇదీ చదవండి: విజయ్‌ టార్గెట్‌ స్టాలిన్‌ సంచలన ఆరోపణలు

అహ్మదాబాద్‌: బీజేపీ పాలిత గుజరాత్‌ రాష్ట్రంలో ఉమ్మడి పౌరస్మృతి(యూసీసీ) చట్టం అమల్లోకి వచ్చింది. అసెంబ్లీ ఆమోదం అనంతరం రాష్ట్ర ప్రభుత్వం పంపించిన యూసీసీ బిల్లుకు రాష్ట్రపతి ద్రౌపదీ ముర్ము ఆమోదం లభించింది. ఈ విషయాన్ని గుజరాత్‌ ప్రభుత్వం ఈ నెల ఒకటో తేదీన వెలువరించిన గెజిట్‌ నోటిఫికేషన్‌లో వెల్లడించింది. మార్చి 24వ తేదీన అసెంబ్లీ ఆమోదం పొందిన ఈ బిల్లుపై సెప్టెంబర్‌ 17వ తేదీన రాష్ట్రపతి సంతకం చేశారని, గెజిట్‌ నోటిఫికేషన్‌తో ఇది అమల్లోకి వచ్చిందని వివరించింది. ఈ చట్టం వివాహం, విడాకులు, వారసత్వం, లివ్‌–ఇన్‌ రిలేషన్‌షిప్‌లకు సంబంధించిన అంశాల్లో గుజరాత్‌తోపాటు, రాష్ట్రం వెలుపల ఉండే నివాసితులకు సైతం వర్తిస్తుంది. ఇందులో బహుభార్యత్వాన్ని నిషేధించారు. వివాహ సమయంలో ఇరుపక్షాల్లో ఎవరికీ భాగస్వామి అంటే భర్త లేదా భార్య జీవించి ఉండకూడదని ఈ చట్టం పేర్కొంటోంది. తద్వారా ఈ చట్టం ఏకపత్నీత్వం లేదా ఏకభర్తృత్వ నిబంధనను తప్పనిసరి చేసింది. బలవంతంగా, ఇష్టానికి విరుద్ధంగా వివాహమాడితే ఏడేళ్ల వరకు జైలు శిక్ష అనుభవించాల్సి ఉంటుంది. అయితే, రాజ్యాంగంలోని ఆరి్టకల్‌ 342 కింద షెడ్యూల్డ్‌ తెగల వారికి, రాజ్యాంగంలోని 21వ భాగంలోని రక్షణ హక్కులు కల్పించిన వారికి మాత్రం యూసీసీ నుంచి మినహాయింపు ఉంటుంది. వివాహ కనీస వయస్సును పురుషులకు 21 ఏళ్లు, మహిళలకు 18 ఏళ్లుగా ఈ చట్టం నిర్ధారించింది. సప్తపది, నిఖా, ఆనంద్‌ కరాజ్, మంగళ్‌ ఫెరా వంటి విధానాల ద్వారా వివాహాలను జరుపుకోవచ్చు. వివాహాల నమోదు తప్పనిసరి. వివాహమైన 60 రోజుల్లోగా రిజిస్ట్రేషన్‌ కోసం దరఖాస్తు చేసుకోవాల్సి ఉంటుంది. లేకుంటే రూ.10 వేల జరిమానా చెల్లించాల్సి ఉంటుంది. విడాకులను సైతం నమోదు చేయించుకోవాలి. కొన్ని తెగల్లో హలాలా వంటి ఆచారాలపై నిషేధం ఉంది. లివ్‌ ఇన్‌ రిలేషన్‌ షిప్‌లను సైతం తప్పనిసరిగా నమోదు చేయించుకోవాలి. అవి ముగిసిపోతే ఆ విషయాన్ని కూడా తెలియపర్చాలి. ఈ సంబంధాల ద్వారా పుట్టిన సంతానానికి వారసత్వ హక్కులు వర్తిస్తాయి. భర్త లేదా భాగస్వామి వదిలేసిన మహిళలు భరణం కోరే హక్కుంటుంది. బీజేపీ అధికారంలో ఉన్న ఉత్తరాఖండ్‌లో ఇప్పటికే యూసీసీ అమల్లోకి వచ్చిన సంగతి తెల్సిందే. ఉమ్మడి పౌరస్మృతికి సంబంధించిన బిల్లును బీజేపీ పాలిత ఉత్తరాఖండ్‌ అసెంబ్లీ 2024 ఫిబ్రవరిలో ఆమోదించింది..అనంతరం రాష్ట్రపతి సంతకం చేశారు. 2025 జనవరి 27వ తేదీ నుంచి అమల్లోకి వచ్చింది. దేశానికి స్వాతంత్య్రం వచ్చాక యూసీసీ చట్టం తీసుకువచ్చిన మొదటి రాష్ట్రంగా నిలిచింది. ఈ చట్టంలోని నిబంధనల్లో చాలా వరకు గుజరాత్‌ యూసీసీలోనూ ఉన్నాయి. గిరిజనులు, ఇతర ప్రత్యేక వర్గాలకు మినహాయింపులు, రక్షణలు ఇందులోనూ ఉన్నాయి.

మెహసానా: అక్రమంగానైనా సరే.. అమెరికా వెళ్లాలనుకున్న ఆ ముగ్గురు గుజరాతీలకు ఎదురుదెబ్బ తగిలింది. కుటుంబాలతో కలిసి సెప్టెంబరు 20న గుజరాత్‌లోని మెహసానా నుంచి బయలుదేరిన వీరు రెండు రోజుల తరువాత ఆఫ్రికా ఖండంలోని ఇథియోపియాలో గల్లంతయ్యారు. కిడ్నాప్‌నకు గురయ్యారని, విడిచిపెట్టేందుకు కిడ్నాపర్లు రూ.కోటి డిమాండ్‌ చేస్తున్నారని కుటుంబ సభ్యులు ఇప్పుడు లబోదిబోమంటున్నారు. ఒక్కొక్కరి కోసం ఏజెంట్లకు ఇప్పటికే రూ.75 లక్షల చొప్పున చెల్లించామని ఇక కిడ్నాపర్లకు ఇచ్చేందుకు మావద్ద చిల్లిగవ్వ కూడా లేదని వాపోతున్నారు. ఎలాగైనా సరే ఆ ముగ్గురిని స్వదేశానికి తిరిగి రప్పించాలని ప్రభుత్వాన్ని అభ్యరి్థస్తున్నారు. ఇథియోపియాలో సెప్టెంబరు 22వ తేదీ నుంచి గల్లంతైన వారిని రిత్విక్‌ జన్‌సారీ, మమతా చావ్డా, మయూరీలుగా పోలీసులు గుర్తించారు. ముగ్గురు ఓకే కుటుంబానికి చెందిన వారు. మెహసానాలోని ఓ ఏజెంట్‌ ద్వారా అమెరికా వెళ్లాలని ప్లాన్‌ చేశారు వీరు. ఆ ఏజెంట్‌ వడోదరలో తనకు తెలిసిన మరో మధ్యవర్తికి బాధ్యతలు అప్పగించారు. అమెరికా చేర్చేందుకు ఒకొక్కరికి రూ.75 లక్షలు చెల్లించేట్లు ఒప్పందం కుదిరిందని మమత తండ్రి కిరీట్‌భాయ్‌ చౌహాన్‌ తెలిపారు. అయితే ఇథియోపియాకు చేరుకున్న తర్వాత వీరిని బందీలుగా ఉంచి, విడుదలకు రూ.కోటి డిమాండ్‌ చేశారని ఆరోపించారు. కిడ్నాపర్ల డిమాండ్‌ను రిత్విక్‌ తాత కనూభాయ్‌ జన్‌సారి కూడా ధ్రువీకరించారు. రూ.కోటి ‘విమోచన్‌’ సొమ్ములో రూ.60 లక్షలు చెల్లించామని కూడా చెప్పారు. మరిన్ని వివరాలు తెలిపేందుకు నిరాకరించారు. ఈ ముగ్గురి గురించి పోలీసుల వద్ద మిస్సింగ్‌ కంప్లయింట్‌ నమోదైంది. మమత తండ్రి ఫిర్యాదు చేసినట్లు లాంఘ్‌నజ్‌ పోలీస్‌ స్టేషన్‌ ఇన్‌స్పెక్టర్‌ ఏ.ఎం. గెహ్లోట్‌ తెలిపారు. మమత భర్త చిరాగ్‌ కుమార్‌ విద్యార్థి వీసాపై ఆరు నెలల క్రితం అమెరికాకు వెళ్లినట్లు పోలీసులు తెలిపారు. మమత వీసా కోసం చేసిన ప్రయత్నాలు ఫలించలేదని చెప్పారు. దీంతో ఆమె కుటుంబ సభ్యులు ఆమెను అక్రమ మార్గంలో అమెరికాకు పంపేందుకు మధ్యవర్తులను సంప్రదించారని ఇన్‌స్పెక్టర్‌ వివరించారు. మమత, రుత్విక్, మయూరిలు ముగ్గురు సెపె్టంబర్‌ 20న బయలుదేరారని, సెపె్టంబర్‌ 22న కిరీట్‌భాయ్‌ తన కుమార్తె మమతతో మాట్లాడారని, ఆ తర్వాత ఆమె నుంచి ఎలాంటి సమాచారం లేదని ఇన్‌స్పెక్టర్‌ గెహ్లోట్‌ తెలిపారు.

సాక్షి, హైదరాబాద్‌: ఇదో చిత్రమైన కేసు... 15 ఏళ్ల క్రితం జరిగిన రూ.71.89 లక్షలకు సంబంధించిన వ్యవహారం ఇప్పుడు గుజరాత్‌లో తెరపైకి వచ్చింది. నెలకు నాలుగు శాతం చొప్పున రాబడి పేరుతో ఈ మొత్తం తీసుకుని మోసం చేశారంటూ అక్కడి రాజ్‌కోట్‌ పోలీసులకు ఫిర్యాదు అందడంతో శనివారం కేసు నమోదు చేశారు. నిందితుల జాబితాలో హైదరాబాద్‌కు చెందిన అమన్‌దీప్‌ సింగ్‌ ఠాకూర్‌తో పాటు జునాగఢ్‌కు చెందిన రాజీవ్‌ శర్మ కూడా ఉన్నారు. అక్కడి ప్రముఖ ఆడిట్, ఆర్థిక సలహాదారు పరేష్‌ మెన్‌పరా ఫిర్యాదు మేరకు నమోదు చేసిన ఈ కేసు దర్యాప్తు కోసం త్వరలోనే రాజ్‌కోట్‌ పోలీసులు హైదరాబాద్‌ చేరుకోనున్నారు.ప్రాథమిక సమాచార నివేదికలోని (ఎఫ్‌ఐఆర్‌) అంశాల ప్రకారం... 2011లో ఓ సంస్థకు ఆడిట్‌ నిర్వహిస్తున్న సమయంలో రాజీవ్‌ శర్మతో బాధితుడు పరే‹Ùకు పరిచయం ఏర్పడింది. జునాగఢ్‌లోని గుజరాత్‌ ఇండ్రస్టియల్‌ డెవలప్‌మెంట్‌ కార్పోరేషన్‌ (జీఐడీసీ) పరిధిలోని వెట్‌టెల్‌ కమోడిటీస్‌ లిమిటెడ్‌ సంస్థలో పెట్టుబడి పెట్టాలంటూ సూచించిన శర్మ అహ్మదాబాద్‌కు చెందిన ప్రణవ్‌ షా, చింతన్‌ షాలను పరిచయం బాధితుడికి చేశాడు.ఈ ద్వయం తమ ప్రాజెక్టుకు సంబంధించి పరే‹Ùకు పవర్‌ పాయింట్‌ ప్రజెంటేషన్‌ కూడా ఇచ్చారు. తాను ఆ సంస్థ ఏజెంట్‌నని శర్మ చెప్పడంతో పాటు పెట్టుబడిపై నెలకు నాలుగు శాతం రాబడితో పాటు లాభాల్లో 60 శాతం వాటా ఇస్తామని నిందితుడు హామీ ఇచ్చినట్లు పరేష్‌ తన ఫిర్యాదులో పేర్కొన్నారు. పెట్టుబడి మొత్తాన్ని బంగారం, వెండి ఫ్యూచర్స్‌ ట్రేడింగ్‌లో వినియోగిస్తామని ఆ సమయంలో వాళ్లు చెప్పినట్లు తెలిపారు. ఆ తర్వాత సంస్థ చైర్మన్‌గా హైదరాబాద్‌కు చెందిన అమన్‌దీప్‌ సింగ్‌ ఠాకూర్‌ను పరిచయం చేశారు.పెట్టుబడికి బ్యాంకు హామీ ఇప్పిస్తామని శర్మ భరోసా ఇవ్వడంతో పరేష్‌ రూ.71.89 లక్షలు పెట్టుబడిగా పెట్టేందుకు అంగీకరించారు. 2011 సెప్టెంబర్‌ 14న వీరి మధ్య దీనికి సంబంధించిన అధికారిక ఒప్పందం కుదిరింది. ఈ మేరకు ఎంఓయూ కూడా రాసుకున్నారు. అనంతరం తన డబ్బుతో అమన్‌దీప్‌ సింగ్‌ ఠాకూర్‌తో ట్రేడింగ్‌ నిర్వహించగా, జునాగఢ్‌ నుంచి శర్మ ఆ సంస్థ కార్యకలాపాలను నిర్వహించినట్లు పరేష్‌ ఆరోపించారు. అయితే హామీ ఇచ్చిన మేరకు లాభాలతో పాటు పెట్టుబడి కూడా తిరిగి చెల్లించకపోవడంతో బాధితుడు శర్మను సంప్రదించారు.ఈ సమయంలో అమన్‌దీప్‌ సింగ్‌ ఠాకూర్‌ ఆ మొత్తాన్ని తిరిగి చెల్లిస్తాడని శర్మ హామీ ఇచ్చినట్లు బాధితుడు రాజ్‌కోట్‌ పోలీసులకు తెలిపారు. ఈ క్రమంలోనే నగదు తిరిగి చెల్లిస్తున్నానంటూ అమన్‌దీప్‌ సింగ్‌ ఠాకూర్‌ రెండు చెక్కులు జారీ చేశారు. అయితే ఆ బ్యాంకు ఖాతాల్లో నిధులు లేని కారణంగా అవి బౌన్స్‌ అయ్యాయి. దీంతో బాధితుడు పరేష్‌ దీనిపై 2012 మార్చి 17న నెగోíÙయబుల్‌ ఇన్‌స్ట్రుమెంట్స్‌ (ఎన్‌ఐ) చట్టం కింద నోటీసు జారీ చేశారు. దీనిపైనా నిందితుల నుంచి సరైన స్పందన లేకపోవడంతో తాజాగా రాజ్‌కోట్‌ పోలీసులకు ఫిర్యాదు చేయడంతో కేసు నమోదైంది.ఇదీ చదవండి: ఖైరతాబాద్‌లో దిమ్మతిరిగే రిజల్ట్స్‌.. దానం సంచలన వ్యాఖ్యలు

గాంధీనగర్‌: భారీ రాజకీయ విరాళాల వ్యవహారం గుజరాత్‌లో కలకలం రేపుతోంది. దాదాపు రూ.1,870 కోట్ల విరాళాలు స్వీకరించి.. వాటి ద్వారా రూ.560 కోట్లకుపైగా పన్ను కట్టలేదనే ఆరోపణలు వెలుగులోకి వచ్చాయి. ఈ నేపథ్యంలో గుజరాత్‌లో మూడు గుర్తింపు లేని రాజకీయ పార్టీలపై సీఐడీ ఎఫ్‌ఐఆర్‌లు నమోదు చేసింది. ఆదాయపు పన్ను శాఖ ఫిర్యాదుల ఆధారంగా ఈ కేసులు నమోదయ్యాయి.గాంధీనగర్‌లో నమోదైన భారతీయ నేషనల్‌ జనతా దళ్‌ (BNJD), అహ్మదాబాద్‌లో నమోదైన గరీబ్‌ కళ్యాణ్‌ పార్టీ, స్వతంత్రత అభివ్యక్తి పార్టీలు ఈ కేసుల్లో ఉన్నాయి. ఆదాయపు పన్ను శాఖ ఆరోపణల ప్రకారం.. ఈ పార్టీలు బ్యాంకింగ్‌ మార్గాల్లో విరాళాలు స్వీకరించి, దాతలకు నకిలీ డొనేషన్‌ రసీదులు జారీ చేశాయి. అనంతరం మధ్యవర్తి సంస్థల ద్వారా నగదు రూపంలో తిరిగి చెల్లించి, కమీషన్‌ మినహాయించినట్లు దర్యాప్తులో ఆరోపణలు వచ్చాయి.అందులో అత్యధిక మొత్తం BNJDకి సంబంధించినదే. 2019-20 నుంచి 2024-25 మధ్య 56,238 మంది దాతల నుంచి రూ.1,143.85 కోట్ల విరాళాలు వచ్చినట్లు ఎఫ్‌ఐఆర్‌లో పేర్కొన్నారు. దీనివల్ల ప్రభుత్వానికి సుమారు రూ.343 కోట్ల పన్ను నష్టం వాటిల్లినట్లు ఆదాయపు పన్ను శాఖ అంచనా వేసింది. విరాళాల పేరుతో వచ్చిన నగదును మధ్యవర్తి సంస్థలకు తరలించి, నకిలీ బిల్లుల ద్వారా లావాదేవీలను చూపించి, కమీషన్‌ మినహాయించిన తర్వాత మిగిలిన మొత్తాన్ని దాతలకు తిరిగి ఇచ్చినట్లు ఆరోపణలు ఉన్నాయి.BNJD అధ్యక్షుడు సురేంద్రకుమార్‌ గజేరా, ప్రధాన కార్యదర్శి విపుల్‌ సోలంకి, కోశాధికారి రోణక్‌సింహ్‌ చావ్డా, చార్టర్డ్‌ అకౌంటెంట్‌ ఆదిల్‌ సయ్యద్‌లను కేసులో నిందితులుగా పేర్కొన్నారు. దాతల వివరాలు, నకిలీ రసీదులు, లావాదేవీలకు సంబంధించిన సమాచారాన్ని వాట్సాప్‌ ద్వారా పంచుకున్నట్లు, కొన్ని ప్రాంతాల్లో సోదాల సందర్భంగా డిజిటల్‌ ఆధారాలు లభించినట్లు ఫిర్యాదులో ఆరోపించారు.నకిలీ పత్రాలు, విరాళాలు..గరీబ్‌ కళ్యాణ్‌ పార్టీకి సంబంధించి 2022-23 నుంచి 2025-26 మధ్య రూ.206.76 కోట్ల విరాళాలు వచ్చినట్లు ఆరోపణలు ఉన్నాయి. ఈ వ్యవహారంలో ప్రభుత్వానికి సుమారు రూ.62.02 కోట్ల పన్ను నష్టం జరిగినట్లు ఆదాయపు పన్ను శాఖ పేర్కొంది. మరోవైపు స్వతంత్రత అభివ్యక్తి పార్టీ సుమారు రూ.519 కోట్ల విరాళాలు స్వీకరించినట్లు, దాంతో దాదాపు రూ.155 కోట్ల పన్ను నష్టం జరిగినట్లు కేసులో ఆరోపణలు ఉన్నాయి. ఈ రెండు కేసుల్లోనూ నకిలీ పత్రాలు, తప్పుడు అకౌంటింగ్‌ రికార్డులు, విరాళాల వివరాలను సమర్పించడంపై ఆరోపణలు నమోదయ్యాయి. ఈ కేసుల్లో పార్టీలు, వాటికి సంబంధించిన పలువురు పదాధికారులు, చార్టర్డ్‌ అకౌంటెంట్లను నిందితులుగా చేర్చారు. దీనిపై దర్యాప్తు జరుగుతున్నట్టు అధికారులు తెలిపారు. ఇదీ చదవండి: జ్ఞానేశ్‌ కుమార్‌పై ఆరోపణలు.. థామ్సన్‌కు బీజేపీ నేత కౌంటర్‌

అహ్మదాబాద్‌: దేశంలో రైల్వే వ్యవస్థను ప్రధాని మోదీ సమూలంగా మార్చారని కేంద్ర హోం మంత్రి అమిత్‌ షా వ్యాఖ్యానించారు. దేశంలో తొలి ఎల్‌ఎన్‌జీ రైలును అమిత్‌ షా ఆదివారం గుజరాత్‌లోని సబర్మతి స్టేషన్‌లో పచ్చజెండా ఊపి ప్రారంభించారు. రూ.1,500 కోట్లకు పైగా విలువైన రైల్వే ప్రాజెక్టులను జాతికి అంకితం ఇచ్చారు. పలు ప్రాజెక్టులకు శంకుస్థాపన చేశారు. తర్వాత సభలో మాట్లాడారు. ‘‘కాంగ్రెస్‌ హయాంలో కుంభకోణాలు తప్ప ఇంకేమీ జరగలేదు. గత 12 ఏళ్లలో మోదీపై 4 అణాల అవినీతి ఆరోపణలు కూడా ఎవరూ చేయలేకపోయారు. మోదీ పాలనలో రైల్వేశాఖ ముఖచిత్రం మారింది. ప్రత్యేక సరుకు రవాణా కారిడార్, వేగవంతమైన రైలు వ్యవస్థ, అత్యాధునిక సౌకర్యాలు కలిగిన స్టేషన్ల వచ్చాయి. హైడ్రోజన్‌తో నడిచే రైలును ప్రారంభించడం ద్వారా ప్రపంచంలో నాలుగు దేశాల సరసన భారత్‌కు స్థానం కల్పించారు’’ అని కొనియాడారు. ‘‘మోదీ హయాంలో 11,000 కిలోమీటర్ల రైలు మార్గాన్ని 4–ట్రాక్‌ నెట్‌వర్క్‌గా మారుస్తున్నారు. దీంతో ప్రయాణికులకు ఎంతో సౌలభ్యం కలుగుతుంది. రైళ్లలో 97 శాతం బయో టాయిలెట్లను ప్రభుత్వం ఏర్పాటు చేసింది. 87 శాతం ఎల్‌హెచ్‌బీ కోచ్‌లు మన దేశంలోనే తయారయ్యాయి’’ అని చెప్పారు.

సాక్షి, హైదరాబాద్‌: జాతీయ రహదారులపై టోల్‌ చెల్లించేందుకు వాహనాలు టోల్‌బూత్‌ వద్ద ఆగాల్సిన అవసరం లేకుండానే టోల్‌ వసూలయ్యే కొత్త విధానం త్వరలో అందుబాటులోకి రానుంది. రాష్ట్రంలోని 11 టోల్‌ ప్లాజాల వద్ద ఈ కొత్త విధానంతో కూడిన టోల్‌బూత్‌ల ఏర్పాటుకు టెండర్ల ప్రక్రియ కొనసాగుతోంది. మరో ఐదారు నెలల్లో కొత్త టోల్‌ విధానం అమలు కానుంది. ప్రస్తుత టోల్‌ విధానానికి స్వస్తి... నగదు రూపంలో టోల్‌ చెల్లింపునకు స్వస్తి చెప్తూ తెచ్చిన ఫాస్టాగ్‌ విధానం వల్ల టోల్‌ బూత్‌ల వద్ద వాహనాలు ఆగాల్సిన అవసరం ఉండదన్న ప్రచారం జరిగినప్పటికీ వాస్తవానికి వాహనాలు కొంతమేర ఆగి ముందుకు కదలాల్సిన పరిస్థితి కొనసాగుతోంది. పండుగల వేళ సొంతూళ్లకు వెళ్లే వారి సంఖ్య పెరిగి రోడ్లపై వాహనాల రద్దీ ఉంటోంది. అలాంటి వేళల్లో టోల్‌ బూత్‌ల వద్ద వాహనదారులు అరగంటకుపైగా నిరీక్షించాల్సి వస్తోంది. దీంతో ఇక ఆ విధానాన్ని ఆపేసి కొత్త విధానం తీసుకొచ్చేందుకు కేంద్ర ప్రభుత్వం చేసిన కసరత్తు ఇప్పటికి సాకారమైంది. కొత్త విధానం ప్రకారం.. ప్రతి లేన్‌పై గ్యాంట్రీలకు అమర్చిన ఆర్‌ఎఫ్‌ఐడీ రీడర్లు, ఆటోమేటిక్‌ నంబర్‌ప్లేట్‌ రికగ్నిషన్‌ కెమెరాలు, రాడార్, లిడార్‌ తదితర పరికరాలు వాహనంపై ఉండే ఫాస్టాగ్, వాహన నంబర్, వాహనం వివరాలను గుర్తిస్తాయి. ఆ సమాచారాన్ని నేషనల్‌ ఎలక్ట్రానిక్‌ టోల్‌ కలెక్షన్‌ వ్యవస్థకు పంపి టోల్‌ మొత్తాన్ని ఆటోమేటిక్‌గా లెక్కించి ఫాస్టాగ్‌ నుంచి వసూలు చేస్తాయి. అంటే వాహనం ఆగకుండా.. బారియర్‌ ఎత్తే అవసరం లేకుండా.. టోల్‌ చెల్లించి ముందుకు వెళ్లిపోతుంది. ప్రస్తుతం ఉన్నట్టుగా ఒక్కో లేన్‌ బారియర్లు, అక్కడ సిబ్బంది కూర్చునే బూత్, వాహనాన్ని ఆపేసే సిగ్నలింగ్‌ వ్యవస్థ, బార్‌ రాడ్‌... ఇవేవీ ఉండవు. అక్కడ స్వాగత ద్వారం తరహాలో గ్యాంట్రీ ఉంటుంది. దానికే సెన్సార్లు, ఆర్‌ఎఫ్‌ఐడీ రీడర్లు, కెమెరాలు ఇతర పరికరాలు అమర్చి ఉంటాయి. వాహనం నిర్ధారిత లేన్‌లోంచి ముందుకు దూసుకెళ్తున్నప్పుడు ఆ పరికరాలు వాటి పని అవి చేస్తాయి. తెలంగాణలో 11 టోల్‌ ప్లాజాలు... తెలంగాణలో ఈ వ్యవస్థను ప్రస్తుతం జాతీయ రహదారులపై ఉన్న 11 బూత్‌లలో ఏర్పాటు చేయనున్నారు. దీనికి సంబంధించి ఇప్పటికే నేషనల్‌ హైవే అథారిటీ ఆఫ్‌ ఇండియా, ఇండియన్‌ హైవేస్‌ మేనేజ్‌మెంట్‌ కంపెనీ లిమిటెడ్‌ టెండర్ల ప్రక్రియను నిర్వహిస్తున్నాయి. ఇటీవలే ఈ వ్యవస్థ ఏర్పాటు కంపెనీలను ఎంపిక చేశాయి. ఫాస్టాగ్‌ లేకపోతే? ఇప్పటివరకు టోల్‌ వసూళ్లలో ఫాస్టాగ్‌ విధానమే ప్రధాన ఆధారం. కొత్త పద్ధతిలో మాత్రం ఆటోమేటిక్‌ నంబర్‌ప్లేట్‌ రికగ్నిషన్‌ కెమెరా బ్యాకప్‌గా పనిచేస్తుంది. వాహనంపై ఫాస్టాగ్‌ లేకపోయినా, ఆర్‌ఎఫ్‌ఐడీ రీడర్‌ దాన్ని గుర్తించకపోయినా హై–రిజల్యూషన్‌ ఏఎన్‌పీఆర్‌ కెమెరా నంబర్‌ ప్లేట్‌ను గుర్తించి వీఆర్‌ఎన్‌ ఆధారంగా లావాదేవీ నమోదు చేయగలదు. ఒకవేళ ఫాస్టాగ్‌లో తగినంత బ్యాలెన్స్‌ లేకపోయినా వెంటనే వాహనాన్ని ఆపరు. తక్కువ బ్యాలెన్స్‌ ఉన్న సందర్భంలో వాహనదారుడికి 24 గంటల సమయం ఇచ్చి పాస్టాగ్‌ రీచార్జ్‌ చేసుకొని టోల్‌ చెల్లించే అవకాశం ఉంటుంది. ఆ గడువులో చెల్లించకపోతే ఆధారాలతో ఈ–నోటీస్‌ ప్రక్రియ ప్రారంభమవుతుంది. అయితే కొత్త వ్యవస్థ పూర్తిగా యంత్రాలపైనే ఆధారపడదు. ఏఎన్‌పీఆర్‌ లేదా ఆర్‌ఎఫ్‌ఐడీ సరిగా రికార్డు చేయని లావాదేవీలను కంట్రోల్‌ సెంటర్‌లో సిబ్బంది మాన్యువల్‌గా వాలిడేట్‌ చేయాల్సి ఉంటుంది. 24 గంటలూ పరికరాల పనితీరును పర్యవేక్షించే వ్యవస్థ ఉండాలని టెండర్‌లో పేర్కొన్నారు. గుజరాత్‌లో మొదలై.. తెలంగాణకు... దేశంలో మల్టీలేన్‌ ఫ్రీ ఫ్లో టోలింగ్‌ విధానం తొలుత గుజరాత్‌లోని ఎన్‌హెచ్‌–48పై చోరయాసి టోల్‌ ప్లాజా వద్ద ప్రయోగాత్మక పరిశీలనతో మొదలైంది. అక్కడి ప్రయోగాలు సత్ఫలితాలివ్వడంతో దీన్ని మిగతా రోడ్లపై అమలు చేసేందుకు కేంద్రం శ్రీకారం చుట్టింది. రాజస్తాన్, ఢిల్లీ, మహారాష్ట్ర సహా పలు రాష్ట్రాల్లో విడతలవారీగా ఈ కొత్త విధానాన్ని ప్రారంభిస్తున్నారు. ఇందులో భాగంగా తెలంగాణలో 11 టోల్‌ ప్లాజాలను ఎంపిక చేశారు. వేగంగా టోల్‌ చెల్లింపు ప్రక్రియ పూర్తవడం ద్వారా వాహనాలు ఆగాల్సిన అవసరం లేకుండా వాటి సాధారణ వేగంతోనూ టోల్‌ ప్లాజాల మీదుగా దూసుకువెళ్లేలా కేంద్రం గతంలో గ్లోబల్‌ నావిగేషన్‌ శాటిలైటింగ్‌ సిస్టం ఆధారిత టోలింగ్‌ వైపు దృష్టి సారించింది. దాని ప్రయోగాత్మక పరిశీలన కూడా నిర్వహిస్తోంది. కానీ ఆ వ్యవస్థను దేశవ్యాప్తంగా అమలు చేసే విషయంలో ఇంకా తుది నిర్ణయం తీసుకోవాల్సి ఉంది. దాంతోపాటు ఈ మల్టీలేన్‌ ఫ్రీఫ్లో టోలింగ్‌ విధానాన్ని విస్తరించాలని నిర్ణయించింది.

గుజరాత్‌లోని సూరత్‌, అమ్రేలీ, మోర్బీ జిల్లాల్లో నీటిలో మునిగి తొమ్మిది మంది యువకులు మృతిచెందారు. శుక్రవారం ఏడుగురు మునిగిపోగా, గురువారం మోర్బీలో గణేశ్‌ విగ్రహ నిమజ్జనం సమయంలో గల్లంతైన ఇద్దరు యువకుల మృతదేహాలు 24 గంటల్లో లభించాయి. సూరత్‌లోని ధోరన్‌ పార్డీ గ్రామం సమీపంలో తాపీ నదిలో చిన్న చేపల పడవ బోల్తా పడటంతో ముగ్గురు మునిగిపోయారు. విగ్రహ నిమజ్జనం కోసం వెళ్లిన శార్దుల్‌ మేర్‌ (23), రాజు మేర్‌ (23), దానా షియాలియా (26) మృతిచెందారు. వీరంతా ఖోల్వాడ్‌ గ్రామానికి చెందినవారు. మృతదేహాలను వెలికితీసి పోస్టుమార్టం కోసం తరలించారు. వారి ఇళ్లకు సుమారు 300 మీటర్ల దూరంలో కృత్రిమ నిమజ్జన కొలను ఏర్పాటు చేసినప్పటికీ, సుమారు 8 కిలోమీటర్ల దూరంలోని నదికి వెళ్లినట్లు పోలీసులు తెలిపారు. అమ్రేలీ జిల్లాలోని బాబ్రా తాలూకా మోటా దేవాలియా వద్ద చెక్‌డ్యామ్‌లో స్నానం చేస్తూ నలుగురు యువకులు మునిగిపోయారు. మోటా దేవాలియాకు చెందిన కనుభాయ్‌ షింగాలా, సచిన్‌భాయ్‌ షింగాలా, నవాగఢ్‌కు చెందిన భాలా జేత్వా, కెవిన్‌ జేత్వాగా వారిని గుర్తించారు.నలుగురి మృతదేహాలను వెలికితీశారు. మోర్బీలోని సదుల్కా గ్రామం సమీపంలోని మచ్చూ నదిలో గురువారం గణేశ్‌ విగ్రహ నిమజ్జనం సందర్భంగా నలుగురు యువకులు నీటిలో చిక్కుకున్నారు. అక్షయ్‌ మాలియా, అక్షయ్‌ గజానంద్‌ను అగ్నిమాపక సిబ్బంది రక్షించారు. విలాస్‌ గైక్వాడ్‌, సోహన్‌ కుల్దియా కోసం గాలింపు చేపట్టారు. గైక్వాడ్‌ మృతదేహం అర్ధరాత్రి సమయంలో, కుల్దియా మృతదేహం శుక్రవారం మధ్యాహ్నం లభించాయి.

విజయం ఎవరికైనా ఆనందాన్నిచ్చే అనుభూతి, ఓ తీపి జ్ఞాపకం. సినిమా విషయంలో వాణిజ్య విజయంతో పాటు... పురస్కారాల గుర్తింపు దక్కితే అది మరపురాని ఆనందానుభూతి, మరింత మధుర జ్ఞాపకం. ఆ అవార్డు ఏకంగా జాతీయ పురస్కారమైతే, ఇక చెప్పేదేముంది! తాజా 72వ జాతీయ చలనచిత్ర అవార్డుల్లో మన తెలుగు సినిమా ఏకంగా 9 అవార్డులు గెలుచుకున్న సంగతి తెలిసిందే. ఆ నేషనల్ అవార్డులు గెలుచుకున్న మన తారలు, దర్శక, నిర్మాతల ముఖాల్లోనే కాదు... మాటల్లో, చేతల్లోనూ ఆ ఆనందం చాలా ప్రస్ఫుటంగా కనిపించింది. భారత రాష్ట్రపతి ద్రౌపది ముర్ము చేతుల మీద నుంచి జాతీయ అవార్డులు అందుకుని హైదరాబాద్‌కు ఇంటి ముఖం పట్టినవారు వడోదరా విమానాశ్రయంలో ఆత్మీయంగా మాట్లాడుకుంటూ కనిపించారు. హైదరాబాద్ విమానం ఎక్కేందుకు చాలా సమయం ఉండడంతో ఆటపాటలతో గడుపుతూ కనిపించారు.పెద్దలు ఆడిన పిల్లల ఆట కథ..ఉత్తమ బాలల చిత్రం కేటగిరీలో నేషనల్ అవార్డు గెలుచుకున్న ‘35... చిన్న కథ కాదు’ టీమ్, అలాగే ప్రాంతీయ ఉత్తమ తెలుగు చిత్రంగా ఎంపికైన ‘కమిటీ కుర్రోళ్ళు’ టీమ్స్ ఉత్సాహంగా కనిపించాయి. యువతరానికి చెందిన ఈ టీమ్‌లు రెండూ మరింత పిన్న వయస్కులైపోయి, ఎయిర్‌పోర్ట్‌లోని ప్లే జోన్ వద్ద ఆటపాటల్లో పోటీపడుతూ సందడి చేశాయి. ‘35... చిన్న కథ కాదు’ సినిమా దర్శకుడు ఈమని నందకిశోర్, ఆ చిత్ర నటుడు – నిర్మాత విశ్వదేవ్ రాచకొండ, ఆ చిత్రం నుంచే ఉత్తమ బాలనటుడిగా నిలిచిన అరుణ్‌దేవ్ పోతుల, అలాగే ‘కమిటీ కుర్రోళ్ళు’ చిత్రాన్ని అందించిన నటి నిహారిక కొణిదెల, ఆ చిత్రానికే ఉత్తమ మేకప్ విభాగంలో జాతీయ అవార్డు అందుకున్న పసుపులేటి రవికుమార్ అందరూ కలసి రెండు జట్లుగా ఏర్పడి బంతులను దూరం నుంచి బాస్కెట్‌లోకి విసిరే ఆట ఆడారు.అప్పుడు ‘రుద్రవీణ’... ఇప్పుడు ‘కమిటీ కుర్రోళ్లు’అందరూ తమ తమ వయసు మర్చిపోయి సినిమాల టైటిల్స్ – అందులోని హీరో, హీరోయిన్ల పేర్లతో ‘అంత్యాక్షరి’ ఆటలో కూడా పాల్గొన్నారు. క్యూలో నిల్చొని, విమానంలోకి అడుగు పెడుతున్న ఆఖరి క్షణం వరకు ఆ ఆటలు, ఆనందాల సందడి కొనసాగింది. నటి నిహారిక తల్లి పద్మజ సైతం ‘అంత్యాక్షరి’ గేమ్‌ను ఆస్వాదిస్తూ.. కుమార్తెను సపోర్ట్ చేస్తూ, ఆటలో పాలుపంచుకుంటూ కనిపించారు. కాస్తంత దూరంలో కూర్చున్న నిహారిక తండ్రి నాగబాబు సైతం అవార్డు విజేతల ఆనంద క్షణాలను చూసి, చిరునవ్వులు చిందించారు. ‘ఒకప్పుడు కె. బాలచందర్ దర్శకత్వంలో అన్నయ్య చిరంజీవి నటించిన ‘రుద్రవీణ’ చిత్రానికి నేషనల్ అవార్డు వచ్చింది. ఆ చిత్ర నిర్మాతగా నేను జాతీయ అవార్డు అందుకున్నాను. కొన్ని దశాబ్దాల తర్వాత ఇప్పుడు మళ్లీ మా అమ్మాయి ‘కమిటీ కుర్రోళ్లు’ చిత్ర నిర్మాతగా జాతీయ అవార్డు అందుకున్న క్షణాలు నాకెప్పటికీ మర్చిపోలేని ఆనందక్షణాలు. తండ్రినైన నాకే ఈ వయసులో ఇంత ఆనందంగా ఉంటే.. కెరీర్ తొలి రోజుల్లోనే జాతీయ అవార్డ్ అందుకున్న ఆ పిల్లలకు ఇంకెంత ఆనందంగా ఉంటుందో చెప్పనక్కర్లేదు’ అని వ్యాఖ్యానించారు. బాధ్యత మరువని మహిళా నిర్మాత!ప్రజాదరణ పొందిన ఉత్తమ పాపులర్ చిత్రంగా జాతీయ అవార్డు అందుకున్న ‘కల్కి’ చిత్ర నిర్మాత సి. అశ్వినీదత్, భార్య, సినీ నిర్మాణంలో వారసురాలిగా ఎదిగిన కుమార్తె స్వప్నాదత్, అలాగే ‘కల్కి’ చిత్ర దర్శకుడు నాగ్ అశ్విన్ తల్లి జయంతి రెడ్డి విమానాశ్రయంలో కనిపించారు. తల్లితండ్రులను జాగ్రత్తగా ఎస్కలేటర్ ఎక్కించడం నుంచి లగేజ్ తీసుకొస్తూ... వారు ప్రశాంతంగా ఓ పక్కన కూర్చొని నిరీక్షించే ఏర్పాట్లు చేయించడం దాకా అన్నిటినీ స్వప్న దత్ దగ్గరుండి చూసుకోవడం గమనార్హం. పెద్ద వయసు తల్లితండ్రుల పట్ల పిల్లలకు ఉండాల్సిన ప్రేమతో పాటు బాధ్యతకు ఆ సన్నివేశం ఓ ప్రత్యక్ష ఉదాహరణగా అనిపించింది.ఒకప్పుడు నంది అవార్డుల్లాగే ఇప్పుడు ‘మహానటి’ (జాతీయ ఉత్తమ నటి, ఉత్తమ ప్రాంతీయ తెలుగు చిత్రం), ‘కల్కి’ (నేషనల్ బెస్ట్ పాపులర్ ఫిల్మ్, ఉత్తమ ప్రొడక్షన్ డిజైనింగ్) లాంటి చిత్రాలతో... వరుసగా జాతీయ అవార్డులు ఇంటికి క్యూ కడుతున్నట్టు ఉన్నాయే అంటే తండ్రీ కూతుళ్లు హాయిగా నవ్వేశారు.మరోపక్క ఎస్వీ రంగారావు నటించిన ప్రసిద్ధ తెలుగు పౌరాణిక చిత్రం ‘యశోద కృష్ణ’ (1975) తమిళ అనువాదం మొదలు తాజాగా జాతీయ, సామాజిక, పర్యావరణ విలువలు బోధించే చిత్రంగా జాతీయ అవార్డు, అదే చిత్రంలో నటించిన హీరో ధనుష్‌కు ప్రత్యేక ప్రశంసగా నేషనల్ అవార్డ్ తెచ్చిపెట్టిన ‘కెప్టెన్ మిల్లర్’ వరకు అయిదు దశాబ్దాలుగా పలు భాషల్లో సినిమాలు నిర్మిస్తున్న ప్రసిద్ధ చిత్ర నిర్మాణసంస్థ సత్యజ్యోతి ఫిలిమ్స్ అధినేత టి.జి. త్యాగరాజన్, తన శ్రీమతితో కలసి సేద తీరుతూ కనిపించారు.ఆత్మీయ చర్చల్లో ఆ దర్శక త్రయం..నటీనటులు, నిర్మాతలే కాదు... ప్రముఖ దర్శకులు సైతం పిచ్చాపాటీ కబుర్లు, సినీ విశేషాల గురించి ఆత్మీయంగా సంభాషిస్తూ కనిపించారు. ఉత్తమ స్క్రీన్ ప్లే రచయితగా ‘పుష్ప-2’ చిత్రానికి నేషనల్ అవార్డు అందుకున్న దర్శకుడు సుకుమార్, అలాగే ఉత్తమ సంభాషణల రచయితగా ‘లక్కీ భాస్కర్’ చిత్రానికి నేషనల్ అవార్డు గెలుచుకున్న మరో యువ దర్శకుడు వెంకీ అట్లూరి, నేషనల్ అవార్డుల తుది సెంట్రల్ జ్యూరీలోని ఏకైక తెలుగువాడైన దర్శకుడు వి.ఎన్. ఆదిత్య ఎయిర్‌పోర్ట్‌లోని లాంజ్‌లో నిలబడి, మనసు విప్పి మాట్లాడుకున్నారు. సుకుమార్, వెంకీ అట్లూరి... ఇద్దరికీ ఇదే తొలి జాతీయ అవార్డు. ‘గతంలో నేను తీసిన ధనుష్ ‘వాత్తి’ (తెలుగులో ‘సార్’ - 2023) చిత్రానికి సంగీత దర్శకుడు జీవీ ప్రకాశ్ కుమార్‌ను జాతీయ అవార్డు (పాటలు) వరించింది. కానీ, నాకు వ్యక్తిగతంగా మాత్రం ఇదే ఫస్ట్ నేషనల్ అవార్డ్’ అని వెంకీ అట్లూరి వ్యాఖ్యానించారు.తోటి దర్శకులతో సాగిస్తున్న సుదీర్ఘ సంభాషణలో తన తాజా హిట్ ‘విశ్వనాథ్ అండ్ సన్స్’ సాధించిన విజయం, ఆ చిత్ర ఆలోచన, అందులోని కథాకథనం, లభించిన ప్రశంసలు, కొందరి పసలేని విమర్శలు, చివరకు బాక్సాఫీస్ వసూళ్ల వివరాలను తెలియజేస్తూ, వెంకీ తన మనసులోని మాటలు పంచుకున్నారు. దర్శకుడు సుకుమార్ సైతం ఉత్తమ సాహిత్యం, వార్తా నివేదనంలో తమ ప్రత్యేకతను నిలుపుకొన్న కొన్ని ప్రత్యేక పత్రికలు – మ్యాగజైన్లు, వాటి పేరు చిరస్థాయిగా నిలిచిపోవడం, దర్శకుడిగా తొలి చిత్రం ‘ఆర్య’ నాటి నుంచి నేటి దాకా తన వెన్నంటి నిలిచిన జర్నలిస్టులు... ఇలా అనేక అంశాలను తన మాటల్లో గుర్తు చేసుకున్నారు. జ్యూరీ సభ్యుడైన దర్శకుడు వి.ఎన్. ఆదిత్య సైతం వాళ్లందరి మాటలతో జత కలుపుతూ.. తన అనుభవాలను పంచుకున్నారు. మొత్తానికి, నేషనల్ అవార్డులు తెచ్చిపెట్టిన విజయానందం, ఆ స్నేహశీలత, సంతోషం మన విజేతలందరిలో అణువణువునా తొణికిసలాడింది. తెలుగు సినీ పరిశ్రమంటే... నిత్యం ఏదో ఒక వివాదం, అనైక్యత, అసమ్మతి మాత్రమే అనిపించే వర్తమానంలో... ఇలా సినీ పరిశ్రమ వర్గీయుల ఏకతాటిపైకి వచ్చి, ఆనందంగా గడపడం వస్తున్న మార్పుకు శుభసూచన.-గుజరాత్‌లోని ఏక్తానగర్‌ నుంచి ఆర్. జయ

గుజరాత్‌లోని సూరత్‌లో రూ.10,000 బకాయి చెల్లింపు వివాదం భారీ అగ్నిప్రమాదానికి దారితీసింది. యజమాని దుకాణానికి నిప్పుపెట్టాడు ఓ మాజీ అకౌంటెంట్‌. నిందితుడు వినోద్‌ పండిట్‌ సావాలే(33)ను సూరత్‌ క్రైమ్‌ బ్రాంచ్‌ అరెస్ట్‌ చేసింది. సెప్టెంబర్‌ 9న సరోలి ప్రాంతంలోని శ్యామ్‌ సంగిణి టెక్స్‌టైల్‌ మార్కెట్‌లో జరిగిన ఈ ఘటనలో సుమారు 14 దుకాణాలు దగ్ధమయ్యాయి. వస్త్రాలు, ఇతర వస్తువులు కలిపి దాదాపు రూ.24 కోట్ల నష్టం జరిగినట్లు పోలీసులు తెలిపారు.సావాలే 2026 ఏప్రిల్‌లో నెలకు సుమారు రూ.30,000 జీతంతో ఓ దుకాణంలో అకౌంటెంట్‌గా చేరాడు. పని విషయంలో యజమానితో విభేదాలు రావడంతో ఉద్యోగం మానేశాడు. తనకు సుమారు రూ.10,000 చెల్లించాల్సి ఉందని అతను చెప్పినట్లు పోలీసులు తెలిపారు. ఆ మొత్తంపై ఏర్పడిన వివాదంతో ఆగ్రహానికి గురై అగ్నిప్రమాదానికి పథకం వేసినట్లు దర్యాప్తులో తేలిందని పోలీసులు చెప్పారు.పోలీసులు తెలిపిన వివరాల ప్రకారం.. సావాలే తొలుత దుకాణానికి నిప్పుపెట్టేందుకు ప్రయత్నించినా విఫలమయ్యాడు. అనంతరం సుమారు రూ.150 విలువైన పెట్రోల్‌ను ప్లాస్టిక్‌ సంచి, సీసాలో తీసుకుని సెప్టెంబర్‌ 8 రాత్రి 9 గంటల సమయంలో మార్కెట్‌కు చేరుకున్నాడు. అర్ధరాత్రి 12.30 గంటల సమయంలో మార్కెట్‌ నిర్మానుష్యంగా మారిన తర్వాత ఐదో అంతస్తులోని మెట్ల సమీపం నుంచి వెళ్లి, దుకాణం బయట ఉన్న వస్త్రాల పెట్టెలు, పార్సిళ్లపై పెట్రోల్‌ పోసి నిప్పంటించినట్లు పోలీసులు తెలిపారు.తెల్ల రుమాలుతో ముఖాన్ని కప్పుకుని బ్యాగ్‌తో మార్కెట్‌లోకి వచ్చిన వ్యక్తి దృశ్యాలు సీసీటీవీలో నమోదయ్యాయి. సూరత్‌ పోలీసుల ‘విశ్వాస్‌ ప్రాజెక్ట్‌’ రెండో దశలోని 1,500కు పైగా సీసీటీవీ కెమెరాల దృశ్యాలను పరిశీలించి, అనుమానితుడి రాకపోకలను వెనుకకు, ముందుకు ట్రాక్‌ చేయడంతో సావాలేను గుర్తించారు. అగ్నిప్రమాదం వీడియో సామాజిక మాధ్యమాల్లో వైరల్‌ కావడం, కేసు నమోదైన విషయం తెలియడంతో అతను ఫోన్‌ స్విచ్ఛాఫ్‌ చేసి భార్య, బిడ్డతో సూరత్‌ నుంచి వెళ్లిపోయినట్లు పోలీసులు చెప్పారు. రాజస్థాన్‌లోని ఖాటు శ్యామ్‌ ఆలయం, ఆ తర్వాత అయోధ్యకు వెళ్లిన అతను తిరిగి సూరత్‌కు వచ్చినప్పుడు దిండోలిలోని ఫ్లవర్‌ గార్డెన్‌ సమీపంలో అరెస్టయ్యాడు.పోలీసుల అంచనా ప్రకారం నష్టం సుమారు రూ.24 కోట్లు కాగా, సూరత్‌ అదనపు పోలీస్‌ కమిషనర్‌ కరణ్‌రాజ్‌ వాఘేలా మొత్తం నష్టం దాదాపు రూ.25 కోట్లుగా పేర్కొన్నారు. పెట్రోల్‌ ఎలా సమకూర్చుకున్నాడు, ఈ ఘటన వెనుక మరెవరైనా ఉన్నారా? అనే అంశాలపై దర్యాప్తు కొనసాగుతోంది. పెట్రోల్‌ విక్రయించిన పంపు నిర్వాహకుడి పాత్రను కూడా పోలీసులు పరిశీలిస్తున్నారు.

భారతీయ సినీ రంగంలో అత్యంత ప్రతిష్టాత్మకమైన, అత్యున్నత గౌరవంగా పరిగణించబడే జాతీయ చలనచిత్ర పురస్కారాల మహోత్సవం నేడు (సెప్టెంబర్ 22, మంగళవారం) గుజరాత్‌లోని ఏక్తా నగర్ (కెవాడియా)లో జరుగుతోంది. ఈ కార్యక్రమానికి రాష్ట్రపతి ద్రౌపదీ ముర్ము, కేంద్ర మంత్రులు, ముఖ్యమంత్రి భూపేంద్ర పటేల్‌తో పాటు ఇతర నాయకులు, ఉత్తరాది - దక్షిణాది సినీ ప్రముఖులు హాజరుకానున్నారు.గుజరాత్ లోని ఏక్తానగర్ లో ఏర్పాట్లు ముమ్మరంగా జరుగుతున్నాయి. 'స్టాచ్యూ ఆఫ్ యూనిటీ' సమీపంలోని 'బస్ బే' (బస్ టెర్మినల్) ప్రాంతంలో ఈ జాతీయ అవార్డుల ప్రదానోత్సవం జరుగుతోంది. అందుకోసం భారీ ఏర్పాట్లకు సోమవారం సైతం తుది మెరుగులు దిద్దుతున్నారు. ఈ ఘనమైన వేడుకను విజయవంతం చేసి, చిరస్మరణీయంగా నిలిపేందుకు వివిధ రంగాలకు చెందిన 500 మందికి పైగా సాంకేతిక నిపుణులు, కళాకారులు, కార్మికులు రేయింబవళ్లు శ్రమిస్తున్నారు.వాటర్ ప్రూఫ్… సెంట్రల్లీ ఎయిర్ కండిషన్డ్ గుడారం‘స్టాచ్యూ ఆఫ్ యూనిటీ’ - సర్దార్ పటేల్ భారీ విగ్రహం వద్ద అతిథుల కోసం 1,000 మంది కూర్చునే ఏర్పాట్లతో, ఎయిర్ కండిషన్డ్ జర్మన్ డోమ్‌ను ప్రత్యేకంగా సిద్ధం చేశారు. ‘స్టాచ్యూ ఆఫ్ యూనిటీ'కి సరిగ్గా పక్కనే 1,000 మంది కూర్చునే వీలుండే ఈ పెద్ద, హై-టెక్ డోమ్ నిర్మాణం అవుతోంది. ఈ ఆధునిక 'జర్మన్ అల్యూమినియం స్ట్రక్చరల్ డోమ్' పూర్తిగా వాటర్ ప్రూఫ్. అంతే కాకుండా, సెంట్రల్ ఎయిర్-కండిషన్డ్‌. కూర్చొనే వసతితో పాటు వేడుకలో అద్భుతమైన అనుభూతిని అందించడానికి, అత్యాధునిక సౌండ్ సిస్టమ్, ఆధునిక లైటింగ్ సిస్టమ్‌తో పూర్తిగా సన్నద్ధం చేస్తున్నారు. అలాగే, అతిథులకు ప్రత్యేకంగా గుజరాతీ వంటకాలతో విందు చేయనున్నారు.సాయంత్రం 4 గంటలకే అవార్డులుజాతీయ అవార్డుల ప్రదానోత్సవంలో ప్రధాన కార్యక్రమం మంగళవారం సాయంత్రం 4 గంటల నుంచి 6 గంటల వరకు జరుగుతుంది. ముందుగా, లాంఛనప్రాయంగా దీప ప్రజ్వలన, జాతీయ గీతాలాపనతో ప్రధాన కార్యక్రమం ప్రారంభమవుతుంది. రాష్ట్రపతి ద్రౌపది ముర్ము సమక్షంలో, సుమారు 75 నిమిషాల పాటు జరిగే ప్రధాన ప్రోటోకాల్ సమావేశంలో, వివిధ విభాగాలలోని విజేతలకు అవార్డులు, ప్రశంసా పత్రాలు అందజేస్తారు.లేజర్ షో వెలుగులు… సాంస్కృతిక జిలుగులు…సాయంత్రం అయిదుంబావు గంటల నుండి 6 గంటల మధ్య సభికులు, సినీ ప్రముఖులను ఉద్దేశించి రాష్ట్రపతి ప్రసంగిస్తారు. అనంతరం అవార్డు విజేతలందరితో అధికారిక గ్రూప్ ఫోటో దిగుతారు. ప్రధాన కార్యక్రమం ముగిసిన తర్వాత, సాయంత్రం 6:30 గంటలకు నర్మదా నదీ తీరంలో అతిథుల కోసం ప్రత్యేక సాంస్కృతిక కార్యక్రమాన్ని ఏర్పాటు చేశారు. అలాగే, స్టాచ్యూ ఆఫ్ యూనిటీ వద్ద ప్రత్యేక థీమ్ ఆధారిత లేజర్, లైట్ అండ్ సౌండ్ షో (దృశ్యవాణి కార్యక్రమం) కూడా ఉంటుంది.— గుజరాత్ లోని ఏక్తా నగర్ నుంచి ఆర్. జయ

గుజరాత్‌లోని ఏక్తానగర్‌లో 72వ జాతీయ చలనచిత్ర అవార్డుల ప్రదానోత్సవానికి సర్వం సిద్ధమైంది. మంగళవారం జరుగుతున్న ఈ సినీ తారా సందోహ కార్యక్రమానికి ఏక్తానగర్ (ఒకప్పటి పేరు కేవడియా) సర్వాంగ సుందరంగా సిద్ధమైంది. 2024వ సంవత్సరానికిగానూ ఇస్తున్న ఈ అవార్డులను ముఖ్య అతిథి భారత రాష్ట్రపతి ద్రౌపదీ ముర్ము చేతుల మీదుగా విజేతలు అందుకోనున్నారు.మంగళవారం సాయంత్రం 4 గంటలకు కేవడియాలోని స్టాచ్యూ ఆఫ్ యూనిటీ-సర్దార్ వల్లభాయ్ పటేల్ విగ్రహం వద్ద బస్ బే ఏరియాలో ఈ అవార్డుల ప్రదానోత్సవం జరగనుంది. గుజరాత్ గవర్నర్ ఆచార్య దేవవ్రత్, గుజరాత్ ముఖ్యమంత్రి భూపేంద్ర రజనీకాంత్ పటేల్, కేంద్ర సమాచార-ప్రసార శాఖ మంత్రి అశ్వినీ వైష్ణవ్, కేంద్ర సమాచార-ప్రసార శాఖ సహాయ మంత్రి డాక్టర్ ఎల్.మురుగన్ గౌరవ అతిథులుగా ఈ ప్రదానోత్సవంలో పాల్గొననున్నారు.ఆనవాయితీగా ఢిల్లీలోని విజ్ఞాన్ భవన్‌లో ఏటా జరిగే ఈ అవార్డుల ప్రదానం దేశరాజధాని వదిలి బయట వేదికకు తరలి రావడం ఈసారి విశేషమే. ఇప్పటి వరకు జాతీయ అవార్డుల చరిత్రలో కేవలం రెండుసార్లే ఇలా ఢిల్లీకి వెలుపల వేరే నగరాల్లో (1965లో బొంబాయిలో, 1970లో మద్రాసులో) ఈ ప్రతిష్ఠాత్మక పురస్కారాల ప్రదానం జరిగింది. ఇక నుంచి ఏటా వేర్వేరు రాష్ట్రాల్లో ఈ అవార్డుల ఉత్సవం జరపనున్నట్లు ప్రభుత్వం ప్రకటించింది. నిజానికి, గతంలో 1965లోనే నాటి ప్రభుత్వాలు ఆ తరహా ఆలోచన చేసి, ప్రకటించినా... ఆచరణలో జరగలేదు. మరి, ఈసారి తీసుకున్న ఏటేటా వేదికల మార్పు విధాన నిర్ణయం ఏ మేరకు ఫలిస్తుందో వేచి చూడాలి.నేటి 72వ జాతీయ అవార్డుల ప్రదానోత్సవంలో ‘కల్కి’, ‘కమిటీ కుర్రోళ్లు’, ‘35... చిన్న కథ కాదు’, ‘పుష్ప-2’, ‘లక్కీ భాస్కర్’ లాంటి తెలుగు చిత్రాలు మొత్తం 9 అవార్డులతో వేదికపై మెరిసిపోనున్నాయి. ఒకప్పటి బ్లాక్ అండ్ వైట్ నేరు తెలుగు చిత్రాలు ‘ప్రేమలేఖలు’, ‘అనుగ్రహం’ నాటి నుంచి ఇటీవలి ‘భీష్మ’, ‘కె.జి.ఎఫ్’ దాకా తెలుగు వారికి సైతం సుపరిచితుడైన ప్రసిద్ధ కన్నడ నటుడు అనంత్ నాగ్ భారతీయ సినిమాకు సంబంధించి అత్యున్నత పురస్కారమైన దాదాసాహెబ్ ఫాల్కే అవార్డును ఈసారి అందుకోనున్నారు.ఉత్తమ చిత్రంగా ‘ఆర్టికల్ 370’, అదే చిత్రంలో నటించిన యామీ గౌతమ్ ఉత్తమ నటిగా యామీ, ఉత్తమ నటుడి కేటగిరీలో మమ్ముట్టి (మలయాళ చిత్రం: ‘భ్రమయుగం’), కార్తీక్ ఆర్యన్‌ (హిందీ చిత్రం: ‘చందు ఛాంపియన్’)లు సంయక్తంగా విజేతలయ్యారు. ఉత్తమ దర్శకుడిగా రాజ్‌కుమార్ పెరియసామి (తమిళ చిత్రం: ‘అమరన్’), ఉత్తమ తొలి చిత్ర దర్శకుడిగా రణదీప్ హూడా (హిందీ చిత్రం: ‘స్వాతంత్య్ర వీర్ సావర్కర్’), ఉత్తమ సినీ గ్రంథంగా కన్నడ పుస్తకం ‘నానిరువుడే నిమగాగి... నాడిరువుడే ననగాగి’ (రచయిత కె. ప్రదీప్ కుమార్ శెట్టి), ఉత్తమ సినీ విమర్శకుడిగా సంజీవ్ శ్రీవాస్తవ (హిందీ జర్నలిస్ట్) అవార్డులు అందుకుంటున్నారు.జాతీయ స్థాయిలో సకుటుంబ వినోదం అందించి, ప్రజాదరణ పొందిన ఉత్తమ చిత్రంగా ప్రభాస్ ‘కల్కి’, ఉత్తమ బాలల చిత్రంగా ‘35... చిన్న కథ కాదు’, ఉత్తమ తెలుగు చిత్రంగా ‘కమిటీ కుర్రోళ్ళు’, ఉత్తమ స్క్రీన్ ప్లే రచయితగా దర్శకుడు సుకుమార్ (‘పుష్ప-2’), ఉత్తమ సంభాషణల రచయితగా మరో దర్శకుడు వెంకీ అట్లూరి (‘లక్కీ భాస్కర్’) ఇవాళ రాష్ట్రపతి చేతుల మీదుగా పురస్కారాలు అందుకోనున్నారు. ఇంకా ఉత్తమ బాల నటుడు (అరుణ్‌దేవ్ పోతుల – ’35… చిన్న కథ కాదు’), ఉత్తమ ప్రొడక్షన్ డిజైన్ (నితిన్ జిహానీ చౌధరీ – ‘కల్కి’), ఉత్తమ కాస్ట్యూమ్ డిజైన్ (దీపాలీ నూర్, శీతల్ శర్మ – ‘పుష్ప2’), ఉత్తమ మేకప్ (పి. రవికుమార్ – ‘కమిటీ కుర్రోళ్ళు’) కేటగిరీల్లోనూ మనవాళ్ళు తెలుగు సినిమా జెండా జాతీయస్థాయిలో ఎగరేశారు.3 విభాగాలు... 45 అవార్డులు!నిజానికి, దాదాసాహెబ్ ఫాల్కే తీసిన పూర్తి నిడివి దేశీయ కథాకథన చిత్రం ‘రాజా హరిశ్చంద్ర’తో 1913లో భారతీయ సినీపరిశ్రమ ప్రస్థానం ప్రారంభమైంది. మూకీల నుంచి టాకీల దాకా ఎదిగి, దేశానికి స్వాతంత్య్రం కూడా వచ్చాక 1949లో సినీ పరిశ్రమ పురోభివృద్ధికి సలహాలు కోరుతూ ‘ఫిల్మ్ ఎంక్వైరీ కమిటీ’ని నియమించారు. చలనచిత్రాలకు అవార్డులు ఇవ్వాలంటూ ఆ కమిటీ సిఫార్సు చేసింది. ఫలితంగా, 1954లో భారత ప్రభుత్వం జాతీయ అవార్డులను నెలకొల్పింది. 1953వ సంవత్సరపు సినిమాలకు గాను తొలిసారిగా అవార్డులివ్వడంతో 1954లో జాతీయ అవార్డుల ప్రదానోత్సవం ఆనవాయితీ ఆరంభమైంది. అప్పటి నుంచి భారతీయ చలనచిత్ర నిర్మాణంలోని అత్యుత్తమ సృజనాత్మక, సాంకేతిక నైపుణ్యాలను అభినందిస్తూ ప్రతి ఏటా కేంద్రప్రభుత్వం ఈ అవార్డులను ఇస్తూ వస్తోంది.వెరసి, గత ఏడు దశాబ్దాల పైచిలుకు కాలంలో ఈ అవార్డులు ఓ ప్రత్యేక గౌరవాన్ని సంతరించుకున్నాయి. ఫీచర్ ఫిల్ములు, నాన్ – ఫీచర్ ఫిల్ములు, సినిమాపై ఉత్తమ రచన అనే మూడు ప్రధాన విభాగాల్లో ఈ జాతీయ అవార్డుల ప్రదానం జరుగుతుంది. ఫీచర్ ఫిల్మ్ విభాగంలో పూర్తి నిడివి చిత్రాలకూ, నాన్ – ఫీచర్ ఫిల్మ్ విభాగంలో డాక్యుమెంటరీలు – షార్ట్ ఫిల్మ్‌లు – యానిమేషన్ తదితరాలకూ, సినిమాపై ఉత్తమ రచన విభాగంలో ఉత్తమ పుస్తకం, ఉత్తమ సినీ విమర్శకుడికీ అవార్డులు ఇస్తారు. ఈ మూడు ప్రధాన విభాగాలకూ ప్రత్యేకంగా ఏర్పాటు చేసిన నిపుణుల జ్యూరీల ఛైర్‌పర్సన్లు తాజా 72వ జాతీయ అవార్డుల విజేతలను ఇటీవల జూలైలో ప్రకటించారు. ఇవాళ్టి ఉత్సవంలో రాష్ట్రపతి మొత్తం 92 మంది అవార్డు విజేతలను స్వయంగా అభినందించి, పురస్కార ప్రదానం చేయనున్నారు.మొదటి ఏడాది కేవలం తొమ్మిదే అవార్డులతో ఈ ప్రతిష్ఠాత్మక అవార్డులు మొదలయ్యాయి. రెండో ఏడాది నుంచి ప్రాంతీయ భాషా చిత్రాలకు సైతం అవార్డులివ్వడం ప్రారంభించారు. 1967 నుంచి సినిమాల్లోని నటీనటులు, సాంకేతిక నిపుణులకు సైతం ప్రత్యేకంగా అవార్డులు నెలకొల్పారు. అప్పట్లో జాతీయ ఉత్తమ నటుడి అవార్డును ‘భరత్’ అనీ, జాతీయ ఉత్తమ నటి అవార్డును ‘ఊర్వశి’ అనీ పేర్కొనేవారు. 1968లో ప్రముఖ తారలు ఉత్తమ్ కుమార్, నర్గీస్‌లు ఆ అవార్డులను అందుకున్న తొలి ఆర్టిస్టులయ్యారు.కాలక్రమంలో కొత్త కేటగిరీలను సైతం చేర్చుకుంటూ రావడంతో అవార్డుల సంఖ్య పెరుగుతూ వచ్చింది. ప్రస్తుతం ఫీచర్ ఫిల్మ్స్ విభాగంలో 26 (ప్రత్యేక ప్రశంసలు కలిపి), నాన్ – ఫీచర్ ఫిల్మ్స్ విభాగంలో 16 (ప్రత్యేక ప్రశంసలు కలిపి), సినిమాపై ఉత్తమ రచన విభాగంలో 2, దాదాసాహెబ్ ఫాల్కే అవార్డు ఒకటి... ఇలా మొత్తం 45 అవార్డులు ఉన్నాయి. విజేతలకు ఆ యా కేటగిరీని బట్టి స్వర్ణకమలం, రజత కమలం, నగదు బహుమతి అందజేస్తారు.ఆ రోజుల్లోనే వివాదాలు!ఇక, 1969 నుంచి అత్యున్నత పురస్కారంగా దాదాసాహెబ్ ఫాల్కే అవార్డును ఇవ్వడం ప్రారంభించారు. మద్రాసులో 1970 నవంబర్‌లో జరిగిన 17వ జాతీయ అవార్డుల ప్రదానోత్సవంలో తొలి ఫాల్కే అవార్డును నటి దేవికారాణి అందుకున్నారు. అయితే, అవార్డులపై వివాదం చెలరేగడం ఇవాళ కొత్త కాదు. ఆ రోజుల నుంచీ ఉన్నదే. తొలి ఫాల్కే అవార్డుకు సినీ పరిశ్రమ సిఫార్సు చేసిన దర్శక – నిర్మాత వి. శాంతారామ్ పేరు పక్కనబెట్టి, నటి దేవికా రాణిని ప్రతిష్ఠాత్మక ఫాల్కే అవార్డుకు ఎంపిక చేయడంపై అప్పట్లోనే వివాదం చెలరేగింది. అప్పట్లో ఇండియన్ మోషన్ పిక్చర్ ప్రొడ్యూసర్స్ అసోసియేషన్ (ఐ.ఎం.పి.పి.ఏ) అధ్యక్షుడు ఐ.ఎస్. జోహార్ “ఈ చర్య సినీ పరిశ్రమకు ఘోరమైన అవమానం” అని వ్యాఖ్యానించారు. అంతేకాకుండా, ప్రభుత్వ నిర్ణయానికి “నిరసనగా”, ఐ.ఎం.పి.పి.ఏ. ఆ అవార్డుల ప్రదానోత్సవాన్నే ఆ రోజుల్లో “బాయ్‌కాట్” చేసింది.మొదట్లో చాలా ఏళ్ళు ఈ నేషనల్ అవార్డుల వ్యవహారమంతా కేంద్ర సమాచార శాఖే నిర్వహించేంది. 1973 నుంచి ‘డైరెక్టరేట్ ఆఫ్ ఫిల్మ్ ఫెస్టివల్స్‌’కు ఆ బాధ్యతను అప్పగించారు. ఇక, ఇటీవల 2022లో వివిధ కేంద్ర ప్రభుత్వ వ్యవస్థల పునర్వ్యవస్థీకరణలో భాగంగా కేంద్ర ప్రభుత్వం ‘డైరెక్టరేట్ ఆఫ్ ఫిల్మ్ ఫెస్టివల్‌’ను తీసుకువెళ్ళి ‘నేషనల్ ఫిల్మ్ డెవలప్‌మెంట్ కార్పొరేషన్’ (ఎన్.ఎఫ్.డి.సి)లో విలీనం చేసింది. అప్పటి నుంచి అవార్డుల ఎంపిక, నిర్వహణ తదితర బాధ్యతలన్నీ ఎన్.ఎఫ్.డి.సి. నిర్వర్తిస్తోంది.రెండంచెల ఎంపిక... ఆ భాషలకూ గౌరవం... అలాగే, 57వ జాతీయ అవార్డుల నుంచి ఫీచర్ ఫిల్మ్స్ విభాగంలో అవార్డు విజేతల ఎంపికకు రెండంచెల విధానాన్ని అనుసరిస్తున్నారు. దేశం నలుమూలల నుంచి వచ్చిన ఫీచర్ ఫిల్మ్ ఎంట్రీలన్నిటినీ ముందుగా 5 ప్రాంతీయ ప్యానెల్స్ చూసి, అందులో నుంచి కొన్నింటిని మొదటి వడపోతలో ఎంపిక చేస్తాయి. ఆ తర్వాత ఓ సెంట్రల్ ప్యానెల్ ఆ తొలి వడపోతలో నిగ్గు తేలిన సినిమాలను పరిశీలించి, విజేతలను నిర్ణయిస్తుంది. నాన్ ఫీచర్ ఫిల్మ్, సినిమాపై ఉత్తమ రచన విభాగాలకు ప్రత్యేక జ్యూరీలు ఉంటాయి. దాదాసాహెబ్ ఫాల్కే అవార్డుకు మాత్రం ఎంట్రీలను ఆహ్వానించడం ఉండదు. ప్రత్యేకంగా నియమించిన సినీ దిగ్గజాల కమిటీ ఫాల్కే అవార్డు విజేత పేరును సిఫార్సు చేస్తుంది.రాజ్యాంగంలోని ఎనిమిదో షెడ్యూల్‌లో గుర్తింపు పొందిన ప్రతి భారతీయ భాషలోనూ ఉత్తమ ప్రాంతీయ చిత్రం అవార్డు అందజేస్తారు. ఎనిమిదో షెడ్యూల్‌లో లేని భాషల చిత్రాలకు ప్రత్యేక అవార్డులు ఇస్తుంటారు. దాని కింద ఈ 72వ జాతీయ అవార్డుల్లో గఢ్వాలీ భాషలోని ‘ఢోలీ’ చిత్రం, తుళు భాషలోని ‘ఇంబు’ చిత్రం గుర్తింపు పొందాయి. అలాగే, ఈసారి అవార్డుల్లో నాన్ – ఫీచర్ ఫిల్మ్ విభాగంలో తొలిసారిగా ఓ సంథాలీ భాషా చిత్రం గౌరవం అందుకోవడం మరో విశేషం.ఇక, ఈసారి నాన్ ఫీచర్ ఫిల్మ్ కేటగిరీలో ఉత్తమ దర్శకుడి అవార్డు ‘స్టాచ్యూ ఆఫ్ యూనిటీ – ఏక్తా కా ప్రతీక్’ చిత్రానికి దర్శకత్వం వహించిన ఆనంద్ ఎల్. రాయ్‌కు దక్కింది. ఇప్పుడు సరిగ్గా అదే ప్రాంతంలో నర్మదా నదీ తీరంలోని 2018లో ఏర్పాటైన 597 అడుగుల వల్లభాయ్ పటేల్ భారీ విగ్రహం (స్టాచ్యూ ఆఫ్ యూనిటీ) సాక్షిగా జాతీయ అవార్డుల ప్రదానం జరగడం, అక్కడే ఆనంద్ రాయ్ అవార్డు అందుకోవడం గమనార్హం. -గుజరాత్‌లోని ఏక్తా నగర్ నుంచి ఆర్.జయ

గాంధీనగర్‌: గుజరాత్‌లో నవరాత్రి వేడుకలు సమీపిస్తున్న వేళ సోషల్ మీడియాలో వైరల్ అవుతున్న ‘రెంట్ ఏ గర్బా పార్ట్‌నర్’ ప్రకటనలు వివాదానికి దారితీశాయి. రూ.1,000 నుంచి రూ.2,000 వరకు ప్యాకేజీలను పేర్కొంటూ ఇన్‌స్టాగ్రామ్‌లో దర్శనమిస్తున్న ఈ పోస్టులపై అహ్మదాబాద్ సైబర్ క్రైమ్ పోలీసులు ప్రజలను అప్రమత్తం చేశారు. గుర్తుతెలియని ఖాతాలకు డబ్బులు పంపవద్దని సూచించారు. స్థానికులు, బజరంగ్ దళ్ కార్యకర్తలు ఈ పోస్టులపై అభ్యంతరం వ్యక్తం చేసి విచారణకు డిమాండ్ చేశారు.రూ.1,000 నుంచి ప్యాకేజీలు?వైరల్ అవుతున్న పోస్టుల్లో ‘సిల్వర్’, ‘గోల్డ్’, ‘ప్లాటినమ్’ పేర్లతో ప్యాకేజీలను పేర్కొన్నారు. సిల్వర్ ప్యాకేజీకి రెండు గంటల గార్బా సహచర్యానికి రూ.1,000, గోల్డ్ ప్యాకేజీకి నాలుగు గంటలకు రూ.1,500, ప్లాటినమ్ ప్యాకేజీకి రాత్రంతా రూ.2,000గా చూపించారు. సరిపోలే దుస్తులు, డ్యాన్స్ నేర్పడం, సెల్ఫీలు, ఇన్‌స్టాగ్రామ్ రీల్స్, ఫొటోలు వంటి ఆఫర్లు ఉన్నట్లు పోస్టుల్లో పేర్కొన్నారు. కొన్ని పోస్టుల్లో అదనపు సేవలు, అధిక ధరలను కూడా చూపించారు.డబ్బులు పంపొద్దన్న సైబర్ పోలీసులుఅహ్మదాబాద్ సైబర్ క్రైమ్ సెల్ ఈ పోస్టులను గత ఐదు, ఆరు రోజులుగా పరిశీలిస్తున్నట్లు ఏసీపీ హార్దిక్ మండాకియా తెలిపారు. గుర్తుతెలియని ప్రకటనలను నమ్మి డబ్బులు పంపవద్దని పోలీసులు హెచ్చరించారు. ఇప్పటికే డబ్బులు పంపినవారు సైబర్ పోలీసులను సంప్రదించాలని సూచించారు. సేవలు అందిస్తామని చెబుతున్న వ్యక్తుల గుర్తింపును ధ్రువీకరించుకున్న తర్వాతే వ్యక్తిగత వివరాలు లేదా చెల్లింపులు చేయాలని సూచించారు. ગરબા માટે ભાડે પાર્ટનરની પોસ્ટ વાયરલ#Garba #GarbaPartner #RentAPartner #Navratri #GarbaNight #ViralPost #SocialMediaTrend #GujaratNews pic.twitter.com/k3OcNjGwvx— Sandesh (@sandeshnews) September 20, 2026అసలు సేవలు ఉన్నాయా?ఈ ట్రెండ్ సెప్టెంబర్ మధ్యలో కృష్ణ్ మిస్త్రీ అనే ఇన్‌స్టాగ్రామ్ వినియోగదారు చేసిన వ్యంగ్య పోస్టుతో ప్రారంభమైనట్లు తెలుస్తోంది. ‘ఈ నవరాత్రి వేళ ఒంటరిగా డ్యాన్స్ చేయొద్దు’ అనే నినాదంతో మూడు ప్యాకేజీలను చూపించిన ఆ పోస్టును వినోదం, సోషల్ మీడియా ఎంగేజ్‌మెంట్ కోసమే చేశామని ఖాతాదారు తెలిపారు. విపరీతంగా వైరల్ కావడంతో ఆ పోస్టును తొలగించారు. అనంతరం అహ్మదాబాద్, సూరత్, ముంబై తదితర ప్రాంతాలకు చెందిన ఇతర ఖాతాల్లోనూ ఇలాంటి పోస్టులు కనిపించాయి.మీమ్స్‌గానే పోస్టులు?మీడియా పరిశీలనలో కొన్ని పోస్టులు చేసిన పేజీల నిర్వాహకులు వాటిని మీమ్స్ లేదా జోక్స్‌గా అభివర్ణించినట్లు సమాచారం. వాస్తవంగా అద్దెకు గర్బా పార్ట్‌నర్లు అందుబాటులో లేరని కూడా కొన్ని పేజీల్లో స్పష్టం చేసినట్లు సమాచారం. అయినప్పటికీ సైబర్ అధికారులు సంబంధిత ఇన్‌స్టాగ్రామ్ ఖాతాలపై నిఘా కొనసాగిస్తున్నారు.విచారణకు స్థానికుల డిమాండ్ఈ పోస్టులపై స్థానికుల నుంచి కూడా అభ్యంతరాలు వ్యక్తమయ్యాయి. సూరత్ బజరంగ్ దళ్ కార్యకర్త ప్రతాప్ రాజ్‌పురోహిత్.. నవరాత్రి అంటే దేవీ ఆరాధన, భక్తి, సంప్రదాయ గార్బా వేడుకలకు సంబంధించిన పండుగ అని పేర్కొంటూ, ఈ తరహా పోస్టులపై అభ్యంతరం తెలిపారు. గుజరాత్ బజరంగ్ దళ్ ప్రాంతీయ సహ కన్వీనర్ జ్వలిత్ మెహతా కూడా పోస్టుల వెనుక ఉన్నవారిని గుర్తించి వారి ఉద్దేశాలపై విచారణ జరపాలని కోరారు.నవరాత్రి వేళ అప్రమత్తంగుజరాత్‌లో నవరాత్రి సందర్భంగా సొసైటీలు, బహిరంగ ప్రదేశాల్లో పెద్ద ఎత్తున గర్బా కార్యక్రమాలు జరుగుతాయి. వేడుకలు సమీపిస్తున్న కొద్దీ ఈవెంట్లు, దుస్తులు, సమావేశాలకు సంబంధించిన సోషల్ మీడియా ప్రచారం పెరుగుతుంది. ఈ నేపథ్యంలో వైరల్ అవుతున్న ‘రెంట్ ఏ గర్బా పార్ట్‌నర్’ పోస్టులపై పోలీసులు నిఘా పెట్టారు. అయితే ఈ నిర్దిష్ట పోస్టుల కారణంగా డబ్బు కోల్పోయినట్లు ఇప్పటివరకు అధికారికంగా కేసులు నమోదైనట్లు సమాచారం లేదు. ఇదీ చదవండి: భూ వివాదం: సీఎం ఇంటిముందు టవర్‌ ఎక్కిన మహిళ

వాడియా: నిరక్షరాస్యత, అజ్ఞానం, పేదరికం, కరువు కాటకాలు, ఉపాధి అవకాశాలు లేకపోవడం మహిళల పాలిటి శాపంగా మారుతున్నాయి. బతుకు తెరువు కోసం బలవంతంగా వ్యభిచార వృత్తిలోకి దిగాల్సి వస్తోంది. చిన్న వయసులోనే మనసు చంపుకొని పరాయి పురుషులకు ఒళ్లు అప్పగించాల్సిన దుస్థితి ఎదురవుతోంది. గుజరాత్‌ రాష్ట్రం బనస్కాంత జిల్లాలోని వాడియా గ్రామంలో దశాబ్దాలుగా ఈ అనాచారం కొనసాగుతోంది. ఇదొక గిరిజన గ్రామం. అహ్మదాబాద్‌కు 200 కిలోమీటర్ల దూరంలో ఉంటుంది. గ్రామ జనాభా 750 కాగా, వీరిలో 350 మంది మహిళలు. దాదాపు అందరూ పడుపు వృత్తిలో∙కొనసాగుతున్నారు. భర్తలు, కుటుంబ సభ్యులే వారిని ప్రోత్సహిస్తుంటారు. ఏజెంట్లుగా మారి విటులను తీసుకొస్తుంటారు. నిత్యం ఉదయాన్ని రోడ్డు పక్కన నిలబడి విటులతో బేరమాడే దృశ్యాలు ఇక్కడ సర్వసాధారణం. దీంతో వాడియాకు ‘వ్యభిచారుల గ్రామం’గా పేరు స్థిరపడింది. వ్యభిచారం నుంచి తప్పించుకోవాలంటే ఒకే ఒక్క మార్గం చిన్న వయసులో నిశ్చితార్థం చేసుకోవడం. తమ బిడ్డలను ఈ రొంపిలోకి దింపడం ఇష్టపడని తల్లులు వారికి 7 నుంచి 13 ఏళ్లలోపే పొరుగు గ్రామాల పురుషులతో నిశ్చితార్థం జరిపిస్తుంటారు. నిశ్చితార్థం జరిగినవారు, పెళ్లి చేసుకున్నవారు ఈ వృత్తికి ప్రవేశించడానికి అనుమతి లేదు. 18 ఏళ్లలోపు వివాహాలు జరుగుతుంటాయి. అంటే ఇవన్నీ బాల్య వివాహాలే. వాడియా గ్రామంలో వ్యభిచారం తరతరాలుగా కొనసాగుతుండడం గమనార్హం. సామూహిక నిశ్చితార్థాలు, వివాహాలు వాడియాలో వ్యభిచారం నుంచి మహిళలను తప్పించడానికి కొన్ని స్వచ్ఛంద సంస్థలు కృషి చేశాయి. వారికి ఉపాధి అవకాశాలు కల్పించే ప్రయత్నాలు జరిగాయి. కొందరు స్వయం ఉపాధితో జీవితాలు మార్చుకున్నారు. మరికొందరు మాత్రం అదే వృత్తిలో కొనసాగుతున్నారు. కొందరికి ప్రభుత్వం నుంచి భూములు ఇప్పించినప్పటికీ కరువు వల్ల పంటల సాగు చేయలేని పరిస్థితి. 2012లో కీలక పరిణామం చోటుచేసుకుంది. ఎన్జీఓలు వాడియాలో సామూహిక నిశ్చితార్థాలు, వివాహాలకు శ్రీకారం చుట్టాయి. బాలికలను చేరదీసి నిశ్చితార్థాలు జరిపించాయి. దాంతో గ్రామంలో కొంత మార్పు వచి్చనట్లు స్థానికులు చెప్పారు. వ్యభిచారం మాత్రం అంతం కాలేదని అన్నారు. ‘వ్యభిచారుల గ్రామం’ అన్న చెడ్డపేరు తొలగిపోలేదని ఆవేదన వ్యక్తంచేశారు. అసలు తండ్రి ఎవరో.. వాడియాలో 19 ఏళ్ల ఓ యువతి తన దీనగాథ వినిపించింది. ఆమె అమ్మమ్మ, అమ్మ వ్యభిచారంలోనే మగ్గిపోయారు. అనారోగ్యం పాల య్యేదాకా ఒళ్లమ్ముకున్నారు. ఆ యువతికి మాత్రం ఈ వృత్తి ఇష్టం లేదు. విటులు తమ ఇంటికి రావడం చూస్తూ పెరిగింది. తన అసలు తండ్రి ఎవరో కూడా తెలియదని చెప్పింది. చదువుపై ఇష్టంతో పాఠశాలలో చేరింది. 11 ఏళ్లకు ఆమెకు నిశ్చితార్థం జరిపించారు. నర్సింగ్‌ విద్య పూర్తిచేసింది. 18 ఏళ్లకు వివాహం జరిగింది. వ్యభిచారానికి దూరంగా మెరుగైన జీవితం కోసం ఆరాటపడుతోంది.

ఝార్ఖండ్‌లో 36 ఏళ్ల ఓ మహిళ హత్యకు గురైనట్లు ఆమె కుటుంబ సభ్యులు ఫిర్యాదు చేశారు. అయితే, సుమారు 20 రోజుల తర్వాత గుజరాత్‌లోని సూరత్‌లో ఆమె సురక్షితంగా కనిపించింది. ఇన్‌స్టాగ్రామ్‌లో ఆమె పెట్టిన వీడియోలు, మొబైల్‌ లొకేషన్‌ ఆధారంగా పోలీసులు ఆమె ఆచూకీని గుర్తించారు. అనంతరం సూరత్‌ సచిన్‌ జీఐడీసీ పోలీసులు ఆమెను గుర్తించి ఝార్ఖండ్‌ పోలీసులకు అప్పగించారు.ఈ ఘటన ఝార్ఖండ్‌లోని రాంచీ జిల్లా ఖలారీ పోలీస్‌ స్టేషన్‌ పరిధిలో జరిగింది. టండ్వా ప్రాంతానికి చెందిన ఛట్టూ గోప్‌ తన కుమార్తె విని దేవి అలియాస్‌ వీణా దేవి హత్యకు గురైందని అనుమానిస్తూ పోలీసులకు ఫిర్యాదు చేశారు. ఆమె భర్త సాము మహతో, అనికేత్‌ యాదవ్‌ సహా మరికొందరిపై కేసు నమోదైంది.విని దేవికి 2010లో సాము మహతోతో వివాహమైంది. ఈ దంపతులకు ఒక కుమారుడు, ఒక కుమార్తె ఉన్నారు. పెళ్లైనప్పటి నుంచి భర్త తన కుమార్తెను కొడుతూ, వేధిస్తున్నాడని ఆమె తండ్రి ఆరోపించారు. ఈ విషయంపై ఆగస్టు 30న ఖలారీ పోలీస్‌ స్టేషన్‌లో సన్హా కూడా నమోదైంది. ఆగస్టు 24న సాము మహతో, అనికేత్‌ యాదవ్‌ కలిసి విని దేవిని హత్య చేసి మృతదేహాన్ని దాచిపెట్టారని తండ్రి ఆరోపించారు. దీంతో కేసు నంబర్‌ 46/2026 కింద భారతీయ న్యాయ సంహితలోని 85, 103, 238, 3(5) సెక్షన్లతో కేసు నమోదైంది.దర్యాప్తులో విని దేవి ఇన్‌స్టాగ్రామ్‌ ఖాతాలోని కొన్ని వీడియోలు పోలీసులకు లభించాయి. వాటి ఆధారంగా ఆమె సూరత్‌లో ఉన్నట్లు అనుమానం వచ్చింది. మొబైల్‌ ఫోన్‌ ఆన్‌ కావడంతో దాని లొకేషన్‌ సచిన్‌ జీఐడీసీ ప్రాంతంలో ఉన్నట్లు గుర్తించారు. సెప్టెంబర్‌ 15న ఖలారీ పోలీసులు సచిన్‌ జీఐడీసీ పోలీసులను సంప్రదించారు. స్థానికంగా సమాచారం సేకరించిన పోలీసులు ఆమెను గుర్తించి సురక్షితంగా తీసుకొచ్చారు.పోలీసుల ప్రాథమిక విచారణలో భర్త, అత్తింటివారి వేధింపులతో విసిగిపోయిన ఆమె ఎవరికీ చెప్పకుండా సుమారు 20 రోజుల క్రితం సూరత్‌కు వచ్చినట్లు తెలిపింది. అక్కడ దినసరి కూలీగా పనిచేస్తూ జీవిస్తున్నట్లు వెల్లడించింది. ఆమెను ఝార్ఖండ్‌ పోలీసులకు అప్పగించగా, ఇక ఆమె వాంగ్మూలం ఆధారంగా కేసులో తదుపరి దర్యాప్తు కొనసాగనుంది. మహిళ హత్యకు గురైందన్న ఆరోపణలు, మృతదేహాన్ని దాచారన్న అంశాలపై కూడా పోలీసులు విచారణ కొనసాగించనున్నారు.

ప్రధాని నరేంద్ర మోదీ జన్మదినం సందర్భంగా ఆయన బాల్యమిత్రుడు శామళ్‌దాస్‌ మోదీ ప్రత్యేక లేఖ రాశారు. గుజరాత్‌లోని మెహసాణా జిల్లా వడనగర్‌కు చెందిన శామళ్‌దాస్‌.. చిన్ననాటి స్నేహాన్ని గుర్తుచేసుకుంటూ మోదీని ‘శ్రీకృష్ణుడు’గా, తనను ‘సుదాముడు’గా పేర్కొన్నారు. ప్రధాని జన్మదినం సెప్టెంబర్‌ 17న జరగనున్న నేపథ్యంలో ఈ లేఖ రాశారు.చిన్ననాటి నుంచి కొనసాగుతున్న తమ స్నేహాన్ని గుర్తుచేసుకున్న శామళ్‌దాస్‌.. నరేంద్ర మోదీ జీవితంలో ఏది సాధించాలని నిర్ణయించుకున్నా దాన్ని పూర్తి చేసి చూపించారని లేఖలో పేర్కొన్నారు. తన మిత్రుడి విజయాన్ని చూసి గర్వంగా ఉందని తెలిపారు. మోదీ 25 ఏళ్ల ప్రజాజీవితం, వడనగర్‌ అభివృద్ధి, ఆ నగర చారిత్రక వారసత్వాన్ని పరిరక్షించేందుకు జరిగిన పనులను కూడా ఆయన లేఖలో ప్రస్తావించారు.‘మీరు శ్రీకృష్ణుడు.. నేను మీ సుదాముడిని’లేఖలో శామళ్‌దాస్‌ ప్రత్యేకంగా తమ బాల్య స్నేహాన్ని ప్రస్తావించారు. వడనగర్‌లో కలిసి గడిపిన రోజులను గుర్తుచేసుకుంటూ.. నరేంద్ర మోదీని తన ‘శ్రీకృష్ణుడు’గా, తనను ‘సుదాముడు’గా అభివర్ణించారు. కాలం మారినా చిన్ననాటి స్నేహం తనకు ఇప్పటికీ అంతే ప్రత్యేకమని పేర్కొన్నారు.‘ఏది అనుకుంటే అది పూర్తి చేస్తారు’మోదీ పని తీరును కూడా శామళ్‌దాస్‌ ప్రశంసించారు. ఆయన ఏదైనా సంకల్పిస్తే దాన్ని పూర్తి చేసి చూపిస్తారని లేఖలో రాశారు. 25 ఏళ్ల ప్రజాజీవితాన్ని ప్రస్తావిస్తూ మోదీని ‘నూతన భారత శిల్పి’గా అభివర్ణించారు. ఒకప్పుడు తనతో కలిసి ఉన్న బాల్యమిత్రుడు ఇప్పుడు దేశ బాధ్యతలు నిర్వర్తిస్తున్నారని పేర్కొంటూ.. ఆయన ప్రయాణాన్ని చూసి గర్విస్తున్నట్లు తెలిపారు.వడనగర్‌ అభివృద్ధితో పాటు నగర చారిత్రక వారసత్వాన్ని పరిరక్షించి ప్రపంచానికి పరిచయం చేయడంపై కూడా లేఖలో ప్రస్తావన ఉంది. వడనగర్‌ గుజరాత్‌లోని మెహసాణా జిల్లాలో ఉంది. మోదీ బాల్యం అక్కడే గడిచింది.భారత్‌ ప్రపంచవ్యాప్తంగా చర్చనీయాంశంగా మారిందని కూడా శామళ్‌దాస్‌ తన లేఖలో పేర్కొన్నారు. అమెరికాతో పాటు ప్రపంచంలోని పలు ప్రాంతాల్లో భారత్‌, నరేంద్ర మోదీ గురించి చర్చ జరుగుతోందని రాశారు. చివరగా ప్రధానికి జన్మదిన శుభాకాంక్షలు తెలుపుతూ.. దీర్ఘాయుష్షు, మంచి ఆరోగ్యం కలగాలని ఆకాంక్షించారు.

గాంధీనగర్‌: గుజరాత్‌లోని గాంధీనగర్‌ కుడాసన్‌ ప్రాంతంలో నిర్మాణంలో ఉన్న వాణిజ్య భవనంలో కొంత భాగం కూలిన ఘటనలో చిక్కుకున్న కార్మికులందరినీ సురక్షితంగా బయటకు తీసుకొచ్చారు. ఈ ఘటనలో ఎలాంటి ప్రాణనష్టం జరగలేదని రాష్ట్ర ప్రభుత్వం వెల్లడించింది. బుధవారం రాత్రి యుద్ధప్రాతిపదికన సహాయక చర్యలు చేపట్టారు. ఘటనాస్థలాన్ని, గాంధీనగర్‌ సివిల్‌ ఆసుపత్రిని సందర్శించిన ఉప ముఖ్యమంత్రి హర్ష్‌ సంఘవి.. తొలుత సుమారు 15 మంది కార్మికులు గాయపడినట్లు తెలిపారు. వారిలో ఇద్దరిని వైద్యులు పరీక్షించి, సురక్షితంగా ఉన్నట్లు నిర్ధారించి ఆసుపత్రి నుంచి డిశ్చార్జి చేశారు. మిగిలిన గాయపడిన కార్మికులకు సివిల్‌ ఆసుపత్రిలో చికిత్స కొనసాగుతోంది. బుధవారం సాయంత్రం కుడాసన్‌లోని ‘బోస్కీ ది ఎంపైర్‌’ వాణిజ్య భవన నిర్మాణ ప్రాంతంలో ఈ ప్రమాదం చోటుచేసుకుంది.నిర్మాణంలో ఉన్న భవనం స్లాబ్‌లో కొంత భాగం ఒక్కసారిగా కూలిపోవడంతో కార్మికులు శిథిలాల కింద చిక్కుకున్నారు. వెంటనే స్థానిక అధికారులు, పోలీసులు, అగ్నిమాపక సిబ్బంది సహాయక చర్యలు ప్రారంభించారు. గాంధీనగర్‌ మున్సిపల్‌ కార్పొరేషన్‌, ఫైర్‌ బ్రిగేడ్‌, విపత్తు నిర్వహణ బృందాలు క్రేన్లు, ఆధునిక పరికరాల సాయంతో శిథిలాలను తొలగించి కార్మికులను బయటకు తీసుకొచ్చారు. అనంతరం వారిని అంబులెన్సుల్లో గాంధీనగర్‌ సివిల్‌ ఆసుపత్రికి తరలించారు. Gandhinagar, Gujarat: Rescue operations are underway at the site of a building collapse in the Kudasan area of Gandhinagar. Deputy Chief Minister Harsh Sanghavi visited the site to assess the situation and oversee the ongoing rescue efforts https://t.co/6Wz6fPJXLu— IANS (@ians_india) September 9, 2026సకాలంలో సహాయక చర్యలు చేపట్టడంతో ప్రాణనష్టం తప్పిందని ఉప ముఖ్యమంత్రి హర్ష్‌ సంఘవి తెలిపారు. హోంశాఖ అదనపు ప్రధాన కార్యదర్శి సంజీవ్‌ కుమార్‌, డీజీపీ జ్ఞానేంద్ర సింగ్‌ మాలిక్‌, జిల్లా కలెక్టర్‌, మున్సిపల్‌ కమిషనర్‌, సీనియర్‌ పోలీసు అధికారులు సహాయక చర్యలను పర్యవేక్షించారు. ప్రమాదం జరిగిన సమయంలో 10 నుంచి 15 మంది శిథిలాల కింద చిక్కుకుని ఉండవచ్చని తొలుత సమాచారం అందింది. అత్యవసర బృందాలు ఘటనాస్థలికి చేరుకున్నాయి. ప్రమాదంపై సమగ్ర దర్యాప్తునకు అధికారులు ఆదేశించారు. నిర్మాణ ప్రాంతంలో నిర్దేశిత భద్రతా ప్రమాణాలు పాటించారా? సెంటరింగ్‌, స్లాబ్‌ పనుల్లో నాణ్యతా లోపాలు లేదా ఇతర సమస్యలు ఉన్నాయా? అనే అంశాలను పరిశీలించనున్నారు. దర్యాప్తు నివేదిక ఆధారంగా తగిన చట్టపరమైన చర్యలు తీసుకుంటామని ఉప ముఖ్యమంత్రి తెలిపారు.ఇది కూడా చదవండి: 1980ల ట్రెండ్‌ వెనుక ఏముంది? ఎందుకు వైరల్‌ అవుతోంది?

గుజరాత్‌లోని అహ్మదాబాద్‌లో మరో పరువు హత్య ఘటన ఆలస్యంగా వెలుగులోకి వచ్చింది. రీల్స్‌తో పరువు తీస్తోందని, తండ్రీ కొడుకు కలిసి తమ ఇంటి ఆడబిడ్డను మట్టుబెట్టారు. తొలుత హిట్ అండ్ రన్ కేసుగా భావించి నప్పటికీ అనుమానాస్పద మరణంగా నమోదు చేసుకున్న పోలీసులు ఈ మిస్టరీని ఛేదించారు. కన్న తండ్రి, సోదరుడు కలిసి చేసిన 'పరువు హత్య' గా తేలడంతో కలకలం రేపింది. పోలీసులు అందించిన సమాచారం ప్రకారం బాధితురాలు సోఫియా (22) ఒక ఆసుపత్రిలో రిసెప్షనిస్ట్‌గా పని చేస్తోంది. అయితే బైక్‌ యాక్సిడెంట్‌ సంఘటనను లోతుగా విచారించగా అసలు విషయం తెలిసి పోలీసులే నివ్వెర పోయారు. ఇది రోడ్డు ప్రమాదం కాదని, హత్య అని పోలీసులు వెల్లడించారు.సుమారు మూడు నెలల క్రితం సోఫియాకు సంబంధించిన ఒక వీడియో సోషల్ మీడియాలో వైరల్ అయ్యింది. దీంతో సమాజంలో తమ కుటుంబ గౌరవం దెబ్బతింటుందంటూ ఆగ్రహంతో రగిలి పోయిన తండ్రి, కొడుకుతో కలిసి ఆమెను అంత మొందించడానికి కుట్ర పన్నినట్టు నిర్ధారణ అయింది.ఇదీ చదవండి: ఢిల్లీ మాజీ చీఫ్‌ సెక్రటరీ ఆత్మహత్మ, సూసైడ్‌ నోట్‌తమ పథకం ప్రకారం తండ్రి మహ్మద్ ఫారూక్, సోదరుడు మహ్మద్ హబీల్ సోఫియాను బైక్‌పై బయటకు తీసుకెళ్లారు. ఘెల్జీపురా గ్రామం వద్ద ఉన్న ఒక నిర్జనమైన బాటలోకి బైక్‌ను మళ్లించి, హబీల్ తన ప్యాంట్‌లో దాచుకున్న సుత్తితో సోఫియా తలపై మూడుసార్లు తీవ్రంగా దాడి చేశాడు. దాడి అనంతరం, ఆమెను తిరిగి ప్రధాన రహదారిపైకి తీసుకొచ్చి, బైక్‌ను ధ్వంసం చేసి తీవ్ర వేగంతో వచ్చిన వాహనం ఢీకొట్టినట్లుగా సీన్‌ క్రియేట్‌ చేశారు. హిట్‌ అండ్‌ రన్‌ కేసుగా భావించి సోఫియాను సోలా సివిల్ ఆసుపత్రికి తరలించగా, మరుసటి రోజు చికిత్స పొందుతూ మరణించింది. వేగంగా వచ్చిన వాహనం వెనుక నుంచి ఢీకొట్టిందని హబీల్ పోలీసులకు చెప్పినప్పటికీ, విచారణలో వారి మర్డర్‌ ప్లాన్ బయటపడింది. ప్రస్తుతం పోలీసులు నిందితులైన తండ్రీకొడుకులను అదుపులోకి తీసుకుని, వారిపై హత్య కేసులు నమోదు చేసి దర్యాప్తు చేస్తున్నారు.ఇదీ చదవండి: సౌండ్‌ వద్దు అన్నందుకు మ్యుజీషియన్‌ను కొట్టి చంపేశారు

గాంధీనగర్‌: గుజరాత్‌లోని వడోదరలో ప్రధాని నరేంద్ర మోదీకి ఘన స్వాగతం లభించింది. మంగళవారం ఆయన వడోదరలోని మహారాజా సయాజీరావు విశ్వవిద్యాలయంలో జరిగిన ‘నమో ఫర్‌ వికసిత్‌ భారత్‌’ కార్యక్రమానికి హాజరయ్యారు. మోదీ కార్యక్రమ ప్రాంగణంలోకి అడుగుపెట్టే సమయంలో ‘ధురంధర్‌’ సినిమాలోని ‘ఆరీ ఆరీ’ పాట వినిపించింది. అంతకుముందు క్వీన్‌ బృందానికి చెందిన ‘వీ విల్‌ రాక్‌ యూ’ పాటను కూడా వినిపించారు. యువత పెద్ద సంఖ్యలో హాజరైన ఈ కార్యక్రమంలో మోదీ వారిని ఉద్దేశించి చేతులు ఊపుతూ ముందుకు సాగారు. ‘ఆరీ ఆరీ’ (Aari Aari) అనేది రణ్‌వీర్ సింగ్ నటించిన 'ధురంధర్ ది రివెంజ్' సినిమాలోని సూపర్‌హిట్‌ పాట.#WATCH | Gujarat | PM Modi receives an enthusiastic welcome from the crowd attending the 'NaMo for Viksit Bharat' event in Vadodara(Video source: ANI/DD) pic.twitter.com/klrHAJri9T— ANI (@ANI) September 8, 2026 మోదీ రాక సందర్భంగా ప్రత్యేకంగా ‘వై’ ఆకారంలో వేదికను ఏర్పాటు చేశారు. దాని చుట్టూ యువత కూర్చొని ఉండగా, మోదీ ఆ వేదికపై నడుస్తూ వారిని పలకరించారు. వడోదర పర్యటనలో మోదీ రూ.35,000 కోట్లకు పైగా విలువైన అభివృద్ధి ప్రాజెక్టులకు శంకుస్థాపనలు చేయడంతో పాటు పూర్తయిన పలు ప్రాజెక్టులను ప్రారంభించారు. రైల్వే, రహదారులకు సంబంధించిన కీలక ప్రాజెక్టులు ఇందులో ఉన్నాయి.ఈ సందర్భంగా మోదీ సరుకు రవాణా రైలు సేవలను, టాండా రోడ్‌ నుంచి వడోదరలోని ప్రతాప్‌నగర్‌కు అనుసంధానించే కొత్త ప్రయాణికుల రైలును ప్రారంభించారు. పశ్చిమ ప్రత్యేక సరుకు రవాణా మార్గంలోని 3 కీలక విభాగాలు, రైల్వే, రహదారి మౌలిక వసతులతో పాటు గుజరాత్‌ ప్రభుత్వానికి చెందిన పలు ప్రాజెక్టులకు శంకుస్థాపన చేశారు.

భారతీయ సినీ రంగానికి సంబంధించి ప్రభుత్వం పక్షాన అందించే అత్యంత ప్రతిష్ఠాత్మకమైన జాతీయ చలనచిత్ర అవార్డులు చరిత్రలో తొలిసారిగా మరో కొత్త అధ్యాయానికి శ్రీకారం చుడుతున్నాయి. ఇక నుంచి నేషనల్ ఫిల్మ్ అవార్డుల ప్రదానాన్ని దేశరాజధాని ఢిల్లీకే పరిమితం చేయకుండా, దేశంలోని వేర్వేరు ప్రాంతాలకు వేదికను మార్చాలని కేంద్ర సమాచార, ప్రసార మంత్రిత్వ శాఖ కీలక నిర్ణయం తీసుకుంది. 1954లో తొలి జాతీయ అవార్డుల నాటి నుంచి ఇప్పటి వరకు అనేక దశాబ్దాలుగా ఢిల్లీ వేదికగానే సాగుతూ వచ్చిన నేషనల్ ఫిల్మ్ అవార్డ్స్ ప్రదానోత్సవం అలా తొలిసారిగా ఈ ఏడాది వేదిక మార్చుకుంది. గుజరాత్‌లోని నర్మదా జిల్లాలోని ఏక్తా నగర్ (కేవడియా)లో ఈ సెప్టెంబర్ 22న తాజా అవార్డుల ప్రదానం జరగనుంది.ఏటేటా రాష్ట్రపతి చేతుల మీదుగా సాగే ఈ ప్రదానోత్సవం... ఈసారీ అదే సంప్రదాయాన్ని కొనసాగించనుంది. ఈ నెల ద్వితీయార్ధంలో గుజరాత్ పర్యటనలో ఉండనున్న భారత రాష్ట్రపతి ఈ 72వ జాతీయ అవార్డులను విజేతలకు అక్కడే అందజేయనున్నారు. 2024వ సంవత్సరానికి గాను నేషనల్ అవార్డు విజేతల పేర్లను మొన్న జూలైలో ప్రకటించిన సంగతి తెలిసిందే.నర్మదా తీరంలో ఏర్పాటుచేసిన వల్లభాయ్ పటేల్ భారీ విగ్రహం (స్టాచ్యూ ఆఫ్ యూనిటీ)తో గుజరాత్‌లోని ఏక్తా నగర్ కొంతకాలంగా అందరి దృష్టినీ ఆకర్షిస్తోంది. గుజరాత్ పర్యటనలో భాగంగా ఏక్తా నగర్‌ను సైతం రాష్ట్రపతి సందర్శించనున్నారు. అక్కడే ఈ అవార్డుల ప్రదానోత్సవం జరగనుంది. సర్వసాధారణంగా ఢిల్లీలోని విజ్ఞాన్‌భవన్‌లో ఏటా జరిగే ఉత్సవానికి భిన్నంగా ఈసారి మరింత కన్నులపండుగగా కార్యక్రమం నిర్వహించడానికి ఇప్పటికే ఏర్పాట్లు చురుకుగా సాగుతున్నాయి.ఇప్పటికి ఏడు దశాబ్దాల పైగా ఏటా ఇస్తున్న ఈ అవార్డుల్లో ఫీచర్ ఫిల్ములు, నాన్ – ఫీచర్ ఫిల్ములు, భారతీయ సినిమాపై అత్యుత్తమ రచనలనే ప్రధాన విభాగాల్లో విజేతలను ఎంపిక చేస్తారు. 2024వ సంవత్సరంలో విడుదలైన చిత్రాలకు గాను అందించనున్న తాజా 72వ జాతీయ అవార్డుల్లో ఉత్తమ చిత్రంగా ‘ఆర్టికల్ 370’ ఎంపికైంది. ఉత్తమ నటిగా యామీ గౌతమ్ (చిత్రం: ‘ఆర్టికల్ 370’), ఉత్తమ నటుడి కేటగిరీలో మమ్మూట్టి (చిత్రం: ‘భ్రమయుగం’), కార్తీక్ ఆర్యన్‌ (చిత్రం: ‘చందు ఛాంపియన్’)లు సంయక్తంగా విజేతలయ్యారు. ఈసారి నాన్ ఫీచర్ కేటగిరీలో ఉత్తమ దర్శకుడి అవార్డు ‘స్టాచ్యూ ఆఫ్ యూనిటీ – ఏక్తా కా ప్రతీక్’ చిత్రానికి దర్శకత్వం వహించిన ఆనంద్ ఎల్. రాయ్‌కు రావడం విశేషం. ఇప్పుడు సరిగ్గా అదే ప్రాంతంలో జాతీయ అవార్డుల ప్రదానం జరగడం గమనార్హం.ఇదీ చ‌ద‌వండి: ఏపీలో చిరంజీవి కుమార్తెకు కీల‌క ప‌ద‌వి!వివిధ విభాగాల్లో మన తెలుగు సినిమాలు ‘కల్కి 2898 ఏడీ’, ‘పుష్ప-2’తో పాటు ‘అమరన్’, ‘భూల్ భులయ్యా-3’, ‘స్త్రీ-2’ తదితర చిత్రాలు సైతం అవార్డులు స్వీకరించనున్నాయి. అవార్డు ప్రదానోత్సవానికి దేశం నలుమూలల నుంచి ప్రసిద్ధ నటీనటులు, దర్శక, నిర్మాతలు, సాంకేతిక నిపుణులు గుజరాత్‌కు రానుండడం విశేషం. తెలుగు, తమిళం, మలయాళం, కన్నడం, తుళు, మరాఠీ, గఢ్వాలీ సహా వేర్వేరు భాషల్లో రూపొందించిన ఫిల్ములు అవార్డులను అందుకోనున్నాయి. సంథాలీ భాషలో రూపొందిన ఓ ఫిల్ముకు తొలిసారిగా నాన్ – ఫీచర్ ఫిల్మ్ విభాగంలో అవార్డు దక్కడం విశేషం.

కొందరు దుర్మార్గుల వికృత ప్రేమకు ఎందరో అమ్మాయిలు జీవితాలు బలైన ఉదంతాలు చూశాం. కొందరు వాటిని తట్టుకుని తమ సత్తా ఏంటో చూపించి స్ఫూర్తిగా నిలవడమే కాదు, యావత్తు దేశం తమలాంటి వాళ్లవైపు తిరిగి చూసేలా చేస్తున్నారు. అలాంటి కోవకు చెందిందే ఈ కాజల్‌ ప్రజాపతి. ప్రేమ పేరుతో వెంటపడే ఓ వ్యక్తి దుశ్చర్యకు రూపాన్ని పోగోట్టుకుని, వికలాంగురాలిగా మారిన అమ్మాయి కథ.అహ్మదాబాద్‌లోని మెహసానాలోని రామోసానా గ్రామానికి చెందిన అమ్మాయే కాజల్‌ ప్రజాపతి. రిక్షా డ్రైవర్‌ కుమార్తె. బికాం మొదటి సంవత్సరం చదువుతున్నప్పుడు 2016లో ఓ దుర్మార్గుడి యాసిడ్‌ దాడికి బలైంది. ఆ వ్యక్తి ప్రేమను కాదన్నందుకు..ఫలితంగా ఘెరమైన నరకయాతనను చవిచూసింది. ఆ యాసిడ్‌ దాడిలో ఒక కన్ను పూర్తిగా కోల్పోగా, మరో కన్ను పాక్షికంగా చూపుని కోల్పోయింది. బయటకు తలెత్తుకోని తిరగలేని విధంగా జీవితాన్ని కోల్పోయింది. తన ముఖాన్ని తానే చూసుకోలేక, బయటకు వెళ్లలేక ఎంతో బాధను, వేదనను చవిచూసింది. హాయిగా చదువుకోవాల్సిన ఆ టీనేజ్‌ వయసు మొత్తం సర్జరీలకే జీవితం అంకితమైపోయింది. అలా ఆమె అప్పటికే 20కి పైగా సర్జరీలు చేయించుకోవాల్సి వచ్చింది. అయినా సరే తనెందుకు బిక్కుబిక్కుమంటూ బతకాలి, తానేం ఏ నేరం చేశా, అన్న ఆలోచన కాజల్‌ని ఒక పట్టాన నిలువనిచ్చేది కాదు. ఈ సమాజంలో అందరిలా ధైర్యంగా బయట తిరగాలి, తన కాళ్లమీద తాను నిలబడేలా గౌరవంగా బతకాలి అన్న కోరికతో పోటీ పరీక్షల వైపు దృష్టిసారించింది. అస్సలు తనకు కావాల్సింది జాలి చూపులు కాదు..తను మీలాంటి మనిషి అని గుర్తించే మనసే కావలంటూ ధైర్యంగా ముందుకు సాగింది. నిజానికి కాజల్‌ డ్రీమ్‌ పోలీస్ సబ్-ఇన్‌స్పెక్టర్ అవ్వడం కానీ కంటి చూపు కారణంగా ఆ అవకాశం దూరమైంది. దాంతో రెవెన్యూ శాఖ ఉద్యోగాలపై ఫోకస్‌ పెట్టి ఆయా పోటీ పరీక్షలకు సన్నద్ధమైంది. అలా ఆమె ఈ ఏడాది ఒకటి కాదు ఏకంగా రెండు ప్రభుత్వోద్యోగాలు దక్కించుకుని అందర్నీ ఆశ్చర్యపోయేలా చేసింది. మొదటిది గ్రామీణ పరిపాలనా కార్యదర్శి ఉద్యోగం కాగా, మరోకటి రెవెన్యూ విభాగంలో కీలకమైన డిప్యూటీ తహసీల్దార్‌ ఉద్యోగం. అయితే కాజల్‌ రెండోదే ఎంచుకుంది. డిప్యూటీ తహసీల్దార్‌ ఉద్యోగమే ప్రతిష్టాత్మకమైనదని అదే ఎంచుకున్నట్లు ఆమె పేర్కొంది. ఈ నెల సెప్టెంబర్‌ 17న డాక్యుమెంట్‌ వెరిఫికేషన్‌కు హాజరుకానుంది. అంటే యాసిడ్‌ దాడి జరిగిన పదేళ్లకు తిరిగి తన గుర్తింపుని దక్కించుకునేలా ప్రభుత్వోద్యోగాలను సాధించింది. అంతేగాదు ఆమె నెల జీతం రూ. రూ. 49,600 దాక ఉంటుంది. కాగా, ఈ స్థాయికి చేరుకునేందుకు తాను ఎన్నో కష్టాలు ఎదుర్కొని ఈ కొత్త అధ్యాయాన్ని ప్రారంభించబోతున్నా అని ఆనందంగా చెబుతోంది కాజల్‌. అలాగే తాను ఈ పరీక్షలకు సన్నద్ధమవ్వడం అంటే.. అందరికీ ఉన్నన్ని కాకపోయినా కనీస వెసులుబాటు కూడా ఏమి లేదని అంటోంది. తన ఆర్థిక పరిస్థితి కారణంగా ప్రిపరేషన్‌కి ఎలాంటి కోచింగ్‌ తీసుకోలేదని, కేవలం ప్రభుత్వ లైబ్రరీపై ఆధారపడి చదువుకున్నట్లు తెలిపింది. కానీ ఆ లైబ్రరీ కోసం బయటకు వెళ్తే..తన రూపు చూసి జాలిపడే చూపులను ఎదుర్కొనాల్సిన ఉంటుంది. అయినప్పటికీ ధైర్యం చేశా, కానీ ఏ రోజు తన ముఖాన్ని దాచుకోలేదని అంటోంది కాజల్‌. ఎందుకంటే ఉద్యోగం చేసేటప్పుడు కూడా అందరితో కలవాలంటే ముందు ఈ పరిస్థితిని తాను అధిగమించాల్సి ఉంటుంది కాబట్టే ఇలా చేసినట్లు తెలిపింది. అంతేగాదు ఇక తాను ఎలాంటి శస్త్ర చికిత్సలు చేయించుకోనని, తాను ఎలా ఉన్నానో అలాగే అంగీకరించాలని ఆశిస్తోంది. ఈ గెలుపు ప్రయాణంలో ముందుగా తనకు అతిపెద్ద బలం తన అన్నయ్యేనని అంటుంది. తను నా చెల్లి అని గర్వంగా చెప్పడమే కాదు, తానెంతో ధైర్యవంతురాలిని అని చెప్పే మాటలే ధైర్యంగా ముందుకు సాగేలా చేశాయని అంటోంది. అలాగే నిర్భయంగా బయటకు రాగాలిగానంటే అందుకు తన స్నేహితురాలే కారణమని అంటోంది. ఆమె పదే పదే నువ్వు బయటకు రావాలి, ఈ సమాజంంలో నీ స్థానాన్ని తిరిగి పొందాలని చెబుతుండేది, అవి నాకు కొండంత ధైర్యాన్ని ఆశను అందించాయని చెబుతోంది. అలాగే తనకు శస్త్ర చికిత్స చేసిన వైద్యులకు ధన్యవాదాలు చెబుతోంది. ఎందుకంటే తన ఆర్థిక పరిస్థితిని అర్థం చేసుకుని చాలామటుకు చికిత్సలో రాయితీ అందించారని చెప్పుకొచ్చింది. ఇవాళ ఇలా గెలుపుతో నిలదొక్కుకున్నానంటే..అందుకు వాళ్లందరూ అందించిన సహాయసహకారాలే కారణమని సగర్వంగా చెబుతోంది కాజల్‌.(చదవండి: కుల మతాలకు అతీతంగా సరికొత్త చరిత్ర సృష్టించిన న్యాయవాది..!

వడోదరా: ప్రధానమంత్రి నరేంద్ర మోదీ నేడు (మంగళవారం) గుజరాత్‌లోని వడోదరాలో పాల్గొననున్న ‘నమో ఫర్ వికసిత్ భారత్’ కార్యక్రమానికి అనూహ్య స్పందన లభించింది. ఉచితంగా అందుబాటులో ఉంచిన బుక్‌మైషోలో రిజిస్ట్రేషన్లు ప్రారంభమైన గంటలోపే పూర్తయ్యాయి. మరోవైపు 42 వేల మందికి పైగా వెయిటింగ్ లిస్టులో ఉన్నట్లు అధికారులు తెలిపారు. వడోదరాలోని మహారాజా సయాజీరావు యూనివర్సిటీ (ఎంఎస్‌యూ) పావిలియన్ గ్రౌండ్‌లో ఈ కార్యక్రమం జరగనుంది.వడోదరా మున్సిపల్ కార్పొరేషన్ (వీఎంసీ) రిజిస్ట్రేషన్ల కోసం ప్రైవేటు టికెటింగ్ వేదికను వినియోగిస్తోంది. కార్యక్రమానికి హాజరయ్యేందుకు నమోదు చేసుకున్న వారికి వారి బుక్‌మైషో ఖాతాల ద్వారా ఎం-టికెట్ అందుతుంది. అందులోని లైవ్ క్యూఆర్ కోడ్‌ను స్కాన్ చేసి ప్రవేశం కల్పిస్తారు. రిజిస్ట్రేషన్, ధ్రువీకరణ, ప్రవేశం, సీటింగ్ మొత్తం డిజిటల్ విధానంలోనే నిర్వహించనున్నారు.ప్రధాని మోదీ వడోదరా పర్యటనలో రూ.35 వేల కోట్లకు పైగా విలువైన అభివృద్ధి ప్రాజెక్టులకు ప్రారంభోత్సవాలు, శంకుస్థాపనలు, జాతికి అంకితం చేసే కార్యక్రమాలు చేపట్టనున్నారు. వెస్ట్రన్ డెడికేటెడ్ ఫ్రైట్ కారిడార్‌లోని మూడు విభాగాలను జాతికి అంకితం చేయనున్నారు. మొత్తం 326 రూట్ కిలోమీటర్ల మేర ఉన్న ఈ మార్గాలను రూ.20,700 కోట్లకు పైగా వ్యయంతో నిర్మించారు. న్యూ సనంద్ (నార్త్)-న్యూ మకర్పురా, న్యూ ఉమర్‌గావ్-న్యూ సఫాలే, న్యూ సఫాలే-న్యూ జేఎన్‌పీటీ మార్గాలు ఇందులో ఉన్నాయి.జవహర్‌లాల్ నెహ్రూ పోర్ట్ అథారిటీతో కొత్త రైలు అనుసంధానం ఎగుమతి, దిగుమతి సరుకు రవాణాను వేగవంతం చేయడంతోపాటు పారిశ్రామిక కేంద్రాలు, నౌకాశ్రయాల మధ్య అనుసంధానాన్ని మెరుగుపరుస్తుందని ప్రభుత్వం భావిస్తోంది. లాజిస్టిక్స్ వ్యయాలు తగ్గడంతోపాటు ముంబై రైల్వే నెట్‌వర్క్‌పై ఒత్తిడి తగ్గే అవకాశం ఉంది.న్యూ సనంద్ (నార్త్), న్యూ మకర్పురా, న్యూ ఉమర్‌గావ్, న్యూ జేఎన్‌పీటీ నుంచి సరుకు రవాణా రైలు సేవలను మోదీ జెండా ఊపి ప్రారంభించనున్నారు. టాండా రోడ్-వడోదరా ప్రతాప్‌నగర్ మధ్య రైలును కూడా ప్రారంభిస్తారు. అలాగే ఛోటా ఉదేపూర్-ధర్ ప్రాజెక్టులో భాగంగా నిర్మించిన జోబట్-టాండా రోడ్ కొత్త రైల్వే లైన్‌ను జాతికి అంకితం చేయనున్నారు. దీంతో అలీరాజ్‌పూర్‌లోని మారుమూల, గిరిజన ప్రాంతాలు విస్తృత రైల్వే నెట్‌వర్క్‌తో అనుసంధానమవుతాయి.మోదీ పర్యటనకు ఒక రోజు ముందు సోమవారం సాయంత్రం గుజరాత్ ఉపముఖ్యమంత్రి హర్ష్ సంఘవి ఆధ్వర్యంలో వడోదరాలో ‘వికసిత్ భారత్ పాదయాత్ర’ నిర్వహించారు. డాండియా బజార్‌లోని ఫ్యాకల్టీ ఆఫ్ టెక్నాలజీ నుంచి ప్రారంభమైన యాత్ర కీర్తి స్తంభం మీదుగా సాగి సూరసాగర్ సరస్సు వద్ద ముగిసింది. మోదీ పర్యటనకు వచ్చిన స్పందనకు అందుబాటులో ఉన్న సామర్థ్యానికి దాదాపు మూడు రెట్లు రిజిస్ట్రేషన్ల డిమాండ్ ఉందని సంఘవి తెలిపారు. ప్రధాన వేదికలో సీట్లు లభించని వారి కోసం ప్రత్యేక ఫ్యాన్‌ జోన్లను కూడా ఏర్పాటు చేశారు.ఇది కూడా చదవండి: ఏఐ మరో సంచలనం.. జంతువుల భాష డీకోడ్‌ చేస్తూ..

వడొదర: గుజరాత్‌లోని వడోదరలో మంగళవారం జరగనున్న ప్రధాని నరేంద్రమోదీ కార్యక్రమ నిర్వహణ మొదటిసారిగా ‘బుక్‌ మై షో’ద్వారా జరగనుంది. ఈ కార్యక్రమంలో పాల్గొనేందుకు ఉద్దేశించిన ఉచిత రిజి్రస్టేషన్‌కు భారీ స్పందన కూడా లభించింది. ప్రారంభించిన గంటలోనే టిక్కెట్లు మొత్తం బుక్‌ అయిపోయాయి. మంగళవారం నాటి కార్యక్రమాల్లో ప్రధాని సుమారు 35 వేల కోట్ల రూపాయల అభివృద్ధి పనులను ప్రారంభించనున్నారు. దీంతోపాటే ప్రజలను ఉద్దేశించి ప్రసంగించనున్నారు. ఈ కార్యక్రమానికి హాజరయ్యేందుకు వడోదర మున్సిపల్‌ కార్పొరేషన్‌ మొట్ట మొదటిసారి ప్రైవేట్‌ డిజిటల్‌ ప్లాట్‌ఫామ్‌ బుక్‌ మై షో ద్వారా రిజి్రస్టేషన్‌ కార్యక్రమాన్ని చేపట్టింది. అయితే ప్రారంభించిన గంటలోనే సుమారు 42,000 మంది వెయిటింగ్‌ లిస్ట్‌లోకి చేరడంతో బుక్‌ మై షో తదుపరి రిజి్రస్టేషన్‌ను నిలిపివేసింది. ప్రధాని కార్యక్రమంలో ప్రవేశానికి కూడా పూర్తిస్థాయి డిజిటట్‌ టెక్నాలజీని ఉపయోగించనున్నారు. బుక్‌ మై షో ద్వారా రిజి్రస్టేషన్‌ చేసుకున్న వారికి వారి అకౌంట్‌ ద్వారా డిజి టల్‌ ఎం–టికెట్‌ లభిస్తుంది. ఇందులోని క్యూ ఆర్‌ కోడ్‌ను ఉపయోగించి కార్యక్రమం జరిగే ప్రాంగణంలోకి ప్రవేశించాల్సి ఉంటుంది. రి జి్రస్టేషన్‌ మొదలుకొని సీటింగ్‌ ఏర్పాట్ల వర కూ అన్నీ డిజిటల్‌ పద్ధతిలోనే జరగనున్నాయి.

గాంధీనగర్‌ : గుజరాత్‌ భావ్‌నగర్‌ ఎస్టీ బస్టాండ్‌లో జరిగిన హత్య కేసుకు సంబంధించి, పోలీసులు నిందితుడితో కలిసి క్రైమ్ సీన్‌ను రీకన్‌స్ట్రక్ట్ చేశారు. అయితే, ఈ సందర్భంగా చేసుకున్న ఘటన సోషల్‌ మీడియాలో వైరల్‌గా మారింది పోలీసుల వివరాల మేరకు.. భావ్‌నగర్ ఎస్టీ బస్ స్టాండ్ ప్రాంతంలో ఫైసల్ (అలియాస్ ఖాట్కి లఖాని), కాజల్‌బెన్ గత ఏడేళ్లుగా కలిసి నివసిస్తున్నారు. సెప్టెంబర్ 3వ తేదీన వీరిద్దరి మధ్య వివాదం చెలరేగింది. వివాహేతర సంబంధంందనే అనుమానంతో తలెత్తిన గొడవ కారణంగా ఫైసల్ తీవ్ర ఆగ్రహానికి గురయ్యాడు. బస్ స్టాండ్‌లోనే కాజల్‌బెన్‌ను కిందపడేసి, తలపై, శరీరంపై తీవ్రంగా కాళ్లతో తన్నుతూ, పిడిగుద్దులతో విచక్షణా రహితంగా దాడి చేశాడు. దీన్ని అడ్డుకోబోయిన రవి అనే వ్యక్తిపై కూడా ఫైసల్ దాడి చేసి గాయపరిచాడు.ఈ భయానక దాడి బస్ స్టాండ్‌లోని సీసీటీవీ కెమెరాల్లో రికార్డైంది. చుట్టూ జనం చూస్తున్నప్పటికీ దాదాపు నిమిషాల తరబడి ఈ దాడి కొనసాగడం గమనార్హం. తీవ్ర గాయాలపాలైన కాజల్‌బెన్‌ను ఆసుపత్రికి తరలించగా, చికిత్స పొందుతూ సెప్టెంబర్ 4న ఆమె మృతి చెందింది.మృతురాలి తల్లి ఫిర్యాదు మేరకు పోలీసులు ఫైసల్‌పై హత్య కేసు నమోదు చేసి అరెస్టు చేశారు. నిందితుడికి ఇదివరకే దోపిడీలు, శారీరక దాడులకు సంబంధించిన క్రిమినల్ రికార్డు కూడా ఉంది. ఈ హత్య కేసు దర్యాప్తులో భాగంగా పోలీసులు నిందితుడు ఫైసల్‌ను నేరుగా భావ్‌నగర్ ఎస్టీ బస్ స్టాండ్‌లోని ఘటనా స్థలానికి తీసుకువచ్చారు. అతను ఏ విధంగా మహిళపై దాడికి పాల్పడ్డాడో పోలీసులు అక్కడే పూసగుచ్చినట్లు రికన్‌స్ట్రక్ట్ చేసి పరిశీలించారు. ఈ క్రమంలో బస్ స్టాండ్ వద్ద ఉద్రిక్త వాతావరణం నెలకొంది. నిందితుడిని పోలీసులు చుట్టుముట్టి అక్కడికి తీసుకెళ్లగా, ఈ ఘటనకు సంబంధించిన వీడియోలు సోషల్ మీడియాలో వైరల్ అయ్యాయి. సంఘటన స్థలంలో నిందితుడిని పోలీసులు దండించిన తీరు కూడా ప్రస్తుతం చర్చనీయాంశంగా మారింది. ప్రస్తుతం పోలీసులు సీసీటీవీ ఫుటేజ్‌లు, ప్రత్యక్ష సాక్షుల వాంగ్మూలాలు, వైద్యం, పోస్ట్‌మార్టం నివేదికల ఆధారంగా దర్యాప్తును వేగవంతం చేశారు #BREAKING Bhavnagar Crime IncidentFaisal Khan was arrested by Gujarat Police after allegedly beating his live-in partner, Kajal Baraiya, to death in Bhavnagar. The assault, captured on CCTV, also injured her brother.#Bhavnagar #GujaratPolice @GujaratPolice @SPBhavnagar pic.twitter.com/VRyTmxTnZr— jarvis ☠️ (@Vishii14) September 5, 2026

ఒక చిన్న డీఎన్‌ఏ నమూనా.. దేశంలో ఒక పెద్ద క్రీడా భవిష్యత్తుకు క్లూ కానుంది! మన క్రీడాకారులు మైదానంలో చెమట చిందించక ముందే.. వారి జన్యువులను ల్యాబ్‌లో విశ్లేషించి ఎవరు భవిష్యత్‌ చాంపియన్లు కాగలరో గుర్తించే ప్రయత్నం మొదలైంది! ఎవరు ఏ క్రీడలో రాణించగలరు? ఎవరి శరీరం ఏ ఆటకు అనువుగా ఉంటుంది? ఎవరిలో ఎంత శక్తి దాగుంది? అనే ప్రశ్నలకు సమాధానాలను డీఎన్‌ఏలో వెతికే సరికొత్త ప్రయోగానికి గుజరాత్‌ ప్రభుత్వం శ్రీకారం చుట్టింది.అహ్మదాబాద్‌ వేదికగా 2030లో జరగే కామన్వెల్త్‌ క్రీడల్లో చాంపియన్లుగా నిలిచే సత్తా ఉన్న వారెవరో వెలికితీసేందుకు దేశంలోనే తొలిసారిగా గుజరాత్‌ ప్రభుత్వం క్రీడా జీనోమిక్స్‌ కార్యక్రమాన్ని చేపట్టింది. క్రీడాకా­రుల జన్యు సమాచారాన్ని వారి శారీరక, క్రీడా ప్రదర్శన వివరాలతో అనుసంధానించి సమగ్ర ప్రొఫైళ్లను రూపొందించనుంది. వాటి ఆధారంగా క్రీడా ప్రతిభను గుర్తించడంతోపాటు అందుకు అనువైన క్రీడాశిక్షణను రూపొందించడం, క్రీడాకారులకు అనువైన క్రీడను ఎంపిక చేయడం, గాయాల నిర్వహణ వంటి అంశాలను మరింత మెరుగ్గా చేపట్టాలని లక్ష్యంగా పెట్టుకుంది.ఈ కార్యక్రమాన్ని గుజరాత్‌ సైన్స్‌ అండ్‌ టెక్నాలజీ విభాగం ఆధ్వర్యంలో ఆ రాష్ట్ర బయోటెక్నాలజీ రీసెర్చ్‌ సెంటర్‌ అమలు చేస్తోంది. ఇందుకోసం గుజరాత్‌ అథ్లెట్‌ జీనోమ్‌ డేటాబేస్‌ను రూపొందించనుంది. ఇందులో క్రీడాకారుల జన్యు, శారీరక, క్రీడా ప్రదర్శనకు సంబంధించిన సమాచారాన్ని సమీకరిస్తారు. ‘‘క్రీడా ప్రతిభను గుర్తించి, క్రీడాకారులను అభివృద్ధి చేసేందుకు మరింత శాస్త్రీయ, ఆధారిత విధానాన్ని రూపొందించడమే ఈ కార్యక్రమం ప్రధాన ఉద్దేశం’’ అని గుజరాత్‌ శాస్త్ర, సాంకేతిక శాఖ మంత్రి అర్జున్‌ మోఢ్వాడియా తెలిపారు.ఈ ఏడాది 2,000 డీఎన్‌ఏ నమూనాలుమొదటి దశలో టెన్నిస్‌ క్రీడాకా­రుల నుంచి డీఎన్‌ఏ నమూనా­లను సేకరించనున్నారు. తదు­పరి దశలో ఆర్చరీ, ఫెన్సింగ్, జూడో, షూటింగ్‌ క్రీడాకారులను చేర్చనున్నారు. ఈ ఏడాది సుమారు 2,000 నమూనాలు, వచ్చే ఏడాది 10,000 నమూ­నాలు సేకరించి విశ్లేషించాలని గుజరాత్‌ ప్రభుత్వం లక్ష్యంగా పెట్టుకుంది. 14 ఏళ్లలోపు, 14 నుంచి 18 ఏళ్లలోపు, 18 ఏళ్లు పైబడిన క్రీడాకారుల కోసం వే­ర్వే­రు విభాగాలతో డేటాబేస్‌ రూ­పొందించనున్నారు. రాష్ట్ర, జాతీ­య స్థాయి చాంపియన్లకు ఇందులో ప్రాధాన్యం ఇవ్వను­న్నా­రు. అథ్లెటిక్స్, స్విమ్మింగ్, బా­క్సిం­గ్, రెజ్లింగ్, జూడో, టెన్నిస్, తైక్వాండో, జిమ్నాస్టిక్స్, ఫెన్సింగ్, ఫుట్‌బాల్, హాకీ, హ్యాండ్‌­బా­ల్, వాలీబాల్, బా­స్కెట్‌­బాల్, బ్యాడ్మింటన్, టేబు­ల్‌ టెన్నిస్, లాన్‌ టెన్నిస్, కబడ్డీ, ఖోఖో, ఆర్చరీ, షూటింగ్, చెస్‌ తదితర క్రీడలకు సంబంధించిన సమాచా­రా­న్ని డేటాబేస్‌లో చేర్చనున్నారు.గాయాలు, శిక్షణపై కూడా ఉపయోగంజన్యు లక్షణాలు కండరాల నిర్మాణం, ఓర్పు, జీవక్రియ, వ్యాయా­మానికి శరీరం స్పందించే తీరు, కోలుకునే వేగం, గాయాలకు గురయ్యే అవకాశాలు వంటి అంశాలతో ఏ మేరకు సంబంధం కలిగి ఉన్నాయో తెలుసుకునేందుకు స్పోర్ట్స్‌ జీనోమిక్స్‌ ఉపయోగపడుతుందని అధికారులు తెలిపారు. ‘‘జన్యు, జీవసంబంధ సమాచారాన్ని సమీకరించడం ద్వారా ప్రతి క్రీడాకారుడికి మరింత సమగ్ర ప్రొఫైల్‌ను రూపొందించడమే గుజరాత్‌ నమూనా లక్ష్యం. తద్వారా క్రీడాకారుల ప్రతిభపై మరింత లోతైన అవగాహన లభిస్తుంది’’ అని సైన్స్‌ అండ్‌ టెక్నాలజీ విభాగం కార్యదర్శి బి. భారతి తెలిపారు.

అహ్మదాబాద్‌: గుజరాత్‌లోని అహ్మదాబాద్‌లో దారుణం జరిగింది. నోబెల్‌ శాంతి బహుమతి గ్రహీత, పాకిస్తాన్‌ సాహస బాలిక మలాలా యూసఫ్‌జాయ్‌ ఆత్మకథ ‘ఐయామ్‌ మలాలా’పుస్తకాన్ని యువకులు చదువుతుండగా, కొందరు వ్యక్తులు హఠాత్తుగా వచ్చి దాడి చేశారు. తమను తాము మితవాద కార్యకర్తలుగా చెప్పుకునే కొందరు వ్యక్తులు ఈ దాడికి పాల్పడ్డారని పోలీసులు శుక్రవారం తెలిపారు. ఈ ఘటనలో ముగ్గురిని అరెస్టు చేసినట్లు చెప్పారు. పోలీసులు వెల్లడించిన వివరాల ప్రకారం.. గురువారం సాయంత్రం వస్త్రపుర గార్డెన్‌లో పఠన కార్యక్రమం ఏర్పాటుచేశారు. ఔత్సాహికులు ఒక బృందంగా తమకు నచి్చన పుస్తకాలు చదువుకొని, వాటిపై చర్చిస్తుంటారు. ఈ కార్యక్రమంలో భాగంగా ఐయామ్‌ మలాలా బుక్‌ను చదువుతుండగా, దాదాపు 20 మంది అక్కడికి దూసుకొచ్చారు. ఆ పుస్తమే ఎందుకు చదువుతున్నారని ప్రశి్నస్తూ కర్రలతో విచక్షణారహితంగా దాడి చేశారు. ఈ దాడిలో ఇద్దరు యువకులకు గాయాలయ్యారు. తాము బజరంగ్‌ దళ్, విశ్వ హిందూ పరిషత్‌ కార్యకర్తలమని చెప్పుకున్నారు. సమాచారం అందుకున్న వెంటనే పోలీసులు అక్కడికి చేరుకున్నారు. ఇప్పటిదాకా ముగ్గురిని అదుపులోకి తీసుకున్నారు. ఎఫ్‌ఐఆర్‌ నమోదు చేసి, కేసు దర్యాప్తు చేస్తున్నారు. ఇద్దరు నిందితులతో బాధితులకు ముందే పరిచయం ఉందని పోలీసులు వెల్లడించారు. కొన్ని వారాల క్రితం మితవాద వర్గాల నిరసనల కారణంగా అహ్మదాబాద్‌లోని ఒక ప్రైవేట్‌ పాఠశాలలో యూసఫ్‌జాయ్, హోలోకాస్ట్‌ బాధితురాలు అన్నే ఫ్రాంక్‌ రాసిన పుస్తకాలను తమ తప్పనిసరి పఠన జాబితా నుండి తొలగించాల్సి వచి్చంది.

గాంధీనగర్‌: గుజరాత్‌లోని సూరత్ నగరపాలక సంస్థ (ఎస్‌ఎంసీ) ఆధ్వర్యంలో నిర్మించిన హోల్‌సేల్ చేపల మార్కెట్‌కు ప్రధానమంత్రి నరేంద్ర మోదీ పేరు పెట్టడం వివాదానికి దారితీసింది. నాన్‌పురా ప్రాంతంలోని లక్కడ్‌కోట్‌లో నూతనంగా నిర్మించిన ఈ మార్కెట్ ప్రవేశద్వారం వద్ద ‘శ్రీ నరేంద్ర మోదీ హోల్‌సేల్ ఫిష్ మార్కెట్’ అని రాసి ఉన్న భారీ బోర్డును ది సూరత్ ఫిష్ మర్చంట్ అసోసియేషన్ (ఎస్‌ఎఫ్‌ఎంఏ) ఏర్పాటు చేసింది. ఆ బోర్డుపై ప్రధాని చిత్రపటాన్ని కూడా ముద్రించారు.అయితే ప్రధాని మోదీ పూర్తిగా శాకాహారి అని, జీవితంలో ఎన్నడూ మాంసాహారం ముట్టని ఆయన పేరును చేపల మార్కెట్‌కు పెట్టడం సరికాదని కొందరు వ్యాపారులు తీవ్ర అభ్యంతరం వ్యక్తం చేశారు. దీనిపై స్పందించిన ఎస్‌ఎంసీ సెంట్రల్ జోన్ అధికారులు.. ఈ పేరుకు ఇంకా అధికారిక అనుమతి లభించలేదని, ఎలాంటి తీర్మానం లేకుండానే బోర్డు పెట్టారని స్పష్టం చేశారు. ఆ బోర్డును వెంటనే తొలగిస్తామని వ్యాపార సంఘం హామీ ఇచ్చినట్లు అధికారులు తెలిపారు. కాగా, ప్రధానమంత్రి మత్స్య సంపద యోజన కింద కేంద్ర ప్రభుత్వం ఇచ్చిన ₹3 కోట్ల నిధులతో మార్కెట్ నిర్మాణం జరిగిందని, అందుకే ప్రధాని పేరు పెట్టామని అసోసియేషన్ తెలిపింది.దేశ రాజకీయాల్లో చేపల చుట్టూ వివాదాలు చెలరేగడం ఇదే తొలిసారి కాదు. ఇటీవలే శ్రావణ మాసంలో యూపీ కాంగ్రెస్ చీఫ్ అజయ్ రాయ్ స్వాగత సభలో చేపల వంటకాలు వడ్డించడం వివాదాస్పదమైంది. అంతకుముందు నిషాద్ పార్టీ చీఫ్ సంజయ్ నిషాద్.. ఉల్లి, వెల్లుల్లి లేకుండా వండే చేప శాకాహారమేనని చేసిన వ్యాఖ్యలు చర్చనీయాంశమయ్యాయి. 2024 లోక్‌సభ ఎన్నికల ప్రచారంలో నవరాత్రుల వేళ తేజస్వీ యాదవ్ హెలికాప్టర్‌లో చేపలు తింటున్న వీడియో కూడా రాజకీయ దుమారాన్ని రేపిన సంగతి తెలిసిందే.ఇది కూడా చదవండి: జపాన్‌లో అద్భుతం: 396 టన్నుల భారీ కోటను కదిలించిన వెయ్యిమంది జనం!

గుజరాత్ సైబర్ టెర్రరిజం కేసు దర్యాప్తులో భాగంగా జాతీయ దర్యాప్తు సంస్థ (NIA) సోమవారం ఐదు రాష్ట్రాల్లోని ఐదు ప్రాంతాల్లో సోదాలు నిర్వహించింది. 2025 జూన్ 25న నమోదైన RC-01/2025/NIA/AMD కేసుకు సంబంధించి ఈ సోదాలు జరిగాయి.మహారాష్ట్రలోని పుణే జిల్లా జున్నార్, గుజరాత్‌లోని ఖేడా జిల్లా నడియాద్, తెలంగాణలోని కరీంనగర్ జిల్లా రామగుండం, బీహార్‌లోని గోపాల్‌గంజ్, ఢిల్లీలోని ఓ ప్రాంతంలో నిందితులకు సంబంధించిన నివాసాలు, ఇతర ప్రాంగణాల్లో సోదాలు నిర్వహించారు.ఆపరేషన్ సిందూర్ సమయంలో.. భారత ప్రభుత్వానికి చెందిన 54 వెబ్‌సైట్లపై అత్యాధునిక డిస్ట్రిబ్యూటెడ్ డినయల్ ఆఫ్ సర్వీస్ (DDoS) దాడులకు పాల్పడేందుకు ప్రయత్నించినట్లు నిందితులపై ఆరోపణలు ఉన్నాయి. దేశ సార్వభౌమత్వం, భద్రత, సమగ్రతకు భంగం కలిగించడంతో పాటు ప్రజల్లో భయాందోళనలు సృష్టించడమే లక్ష్యంగా ఈ దాడులకు ప్రయత్నించినట్లు NIA తెలిపింది.ఈ కేసులో ఇప్పటికే ఇద్దరు నిందితులను అరెస్టు చేశారు. తొలుత ఈ కేసును గుజరాత్ యాంటీ టెర్రరిస్ట్ స్క్వాడ్ (ATS) నమోదు చేసింది. దర్యాప్తులో భాగంగా సాంకేతిక విశ్లేషణ ద్వారా అరెస్టయిన నిందితులకు సైబర్ దాడులకు పాల్పడేందుకు శిక్షణ, సాంకేతిక సహకారం, నైపుణ్యాభివృద్ధిలో సహకరించినట్లు అనుమానిస్తున్న వ్యక్తులను NIA గుర్తించింది.సంబంధిత కోర్టు నుంచి సెర్చ్ వారెంట్లు పొందిన అనంతరం సోమవారం వారి ప్రాంగణాల్లో సోదాలు నిర్వహించారు. ఈ సందర్భంగా హ్యాకింగ్ కార్యకలాపాలకు సంబంధించినట్లు భావిస్తున్న పలు డిజిటల్ పరికరాలు, పత్రాలను స్వాధీనం చేసుకున్నారు. మొత్తం 3 ల్యాప్‌టాప్‌లు, 5 మొబైల్ ఫోన్లు, పెన్‌డ్రైవ్‌లతో పాటు ఇతర డిజిటల్ పరికరాలను అధికారులు స్వాధీనం చేసుకున్నారు. అనుమానితులను అరెస్టయిన నిందితులతో వారి సంబంధాలపై విచారించారు. కేసులో తదుపరి దర్యాప్తు కొనసాగుతోందని NIA వెల్లడించింది.

భారతీయ రైల్వే రవాణా రంగంలో మరొక అద్భుత ఘట్టం ఆవిష్కృతమైంది. భారతీయ రైల్వే తన మొదటి 1.3 కి.మీ పొడవైన డబుల్-స్టాక్ కంటైనర్ రైలును నడిపింది. సరుకు రవాణా సామర్థ్యాన్ని పెంచడం, లాజిస్టిక్స్ సామర్థ్యాన్ని మెరుగుపరచడమే లక్ష్యంగా ముంబైలోని జవహర్‌లాల్ నెహ్రూ పోర్ట్ ట్రస్ట్ నుంచి గుజరాత్‌లోని వడోదర డివిజన్ పరిధిలో ఉన్న వర్ణామ వరకు రైల్వే శాఖ తొలిసారిగా భారీ 'డబుల్ స్టాక్ లాంగ్ హాల్' కంటైనర్ రైలును విజయవంతంగా నడిపింది.ఈ రైలు ఆగస్టు 21, 2026 రాత్రి 7 గంటలకు జేఎన్‌పీటీ నుంచి బయలుదేరి.. 360 టీఈయూల (కంటైనర్లు) సరుకును మోసుకెళ్ళింది. జీసీటీ టెర్మినల్ చేరుకోవడానికి ఇది సుమారు 422 కి.మీ దూరం ప్రయాణించింది. ఈ చారిత్రాత్మక ఘట్టానికి సంబంధించిన వీడియోను కేంద్ర రైల్వే శాఖ మంత్రి అశ్విని వైష్ణవ్ సామాజిక మాధ్యమం ఎక్స్ వేదికగా పంచుకున్నారు. ఈ రవాణా కోసం రెండు డబల్-స్టాక్ రాక్‌లను కలిపి ఒకే లాంగ్-హాల్ రైలుగా ఏర్పాటు చేశారు. ప్రతి రాక్ 180 టీఈయూలను మోసుకెళ్ళింది. దీంతో రైలు మొత్తం సామర్థ్యం 360 టీఈయూలకు చేరింది.ఇదీ చదవండి: ఆ విషాదానికి ఒక్కరోజు ముందు తల్లి సంచలన వీడియోఈ లాంగ్-హాల్ రైలులో రెండు డబల్-స్టాక్ రాక్‌లు ఉన్నాయి. జెఎన్‌పీటీ నుండి వడోదర వరకు వెళ్లిన ముందు రాక్ 45+1 లోడ్‌ను కలిగి ఉంది, దీనిని 60311 లోకోమోటివ్ లాగింది. దీని బరువు 1,817 టన్నులు. అలాగే జెఎన్‌పీటీ-వడోదర మధ్యే నడిచిన వెనుక రాక్ కూడా 45+1 లోడ్‌ను కలిగి ఉంది. దీనిని 24690 లోకోమోటివ్ లాగింది. ఇది 2,105 టన్నుల బరువును మోసుకెళ్ళింది. ఒకే రైలులో ఎక్కువ కంటైనర్లను రవాణా చేయడం ద్వారా ఓడరేవుల నుండి కంటైనర్లను త్వరగా తరలించడంతో టెర్మినళ్ల వద్ద రద్దీని తగ్గించవచ్చు. 📢 First Long Haul (1.3 km) Double Stack container train on Western Dedicated Freight Corridor JNPT, Mumbai -> Vadodara, Gujarat pic.twitter.com/CY9kWabvrM— Ashwini Vaishnaw (@AshwiniVaishnaw) August 22, 2026డబల్-స్టాక్ రైలు ఆపరేషన్ల ద్వారా కంటైనర్లను ఒకదానిపై ఒకటి ఉంచి రవాణా చేయవచ్చు.. తద్వారా ఒకే ప్రయాణంలో ఎక్కువ సరుకును రవాణా చేయడానికి వీలవుతుంది. ఈ రైలు విద్యుత్ ద్వారా నడుస్తోంది కాబట్టి.. డీజిల్‌తో నడిచే రోడ్డు రవాణాపై ఆధారపడటాన్ని తగ్గించవచ్చు ఒకే లాంగ్-హాల్ డబల్-స్టాక్ కంటైనర్ రైలు భారీ సంఖ్యలో ట్రక్కులు అవసరమయ్యే సరుకును సులభంగా రవాణా చేయగలదని జాతీయ రవాణా సంస్థ ఒక ప్రకటనలో తెలిపింది.

రాజస్థాన్‌లోని అజ్మీర్ జిల్లాకు చెందిన 62 ఏళ్ల టైలర్ రేఖ్‌రాజ్ థాడా.. ఉదయం నుంచి సాయంత్రం వరకు కుట్టు మిషన్‌పై పనిచేస్తూ నెలకు కేవలం రూ.15 వేలు సంపాదిస్తూ తన కుటుంబాన్ని పోషించుకునే వ్యక్తి.. అయితే సూరత్‌ ఆదాయపు పన్ను శాఖ నుంచి వచ్చిన నోటీసు.. ఒకసారిగా షాక్‌కు గురి చేసింది. ఆయన తన జీవితంలో సూరత్‌కు ఎప్పుడూ రాలేదు. కానీ అతడిని సూరత్‌లోని ఓ నకిలీ కంపెనీకి డైరెక్టర్‌గా చూపించి.. ఏకంగా రూ.975 కోట్ల పన్ను బకాయి నోటీసు జారీ అయ్యింది. మోసగాళ్లు.. ఆయన పత్రాలను దుర్వినియోగం చేసి.. కాగితాలపై రూ. 2,500 కోట్ల హవాలా లావాదేవీలు నిర్వహించినట్లు తేలింది.మీడియా.. ఈ నకిలీ కంపెనీ రిజిస్టర్డ్ చిరునామాకు వెళ్లి వాస్తవాలను పరిశీలించగా.. అక్కడ డైమండ్ కంపెనీ ఏదీ లేదని తేలింది. అక్కడ సాధారణంగా జరీ యంత్రాలు, ఐస్‌గోలా యంత్రాలను మరమ్మతు చేసే వర్క్‌షాప్ మాత్రమే ఉంది. ‘‘మా కుటుంబం తరతరాలుగా ఇక్కడే ఉంటోంది.. డైమండ్ కంపెనీ పేరు కూడా వినలేదు. సూరత్‌లో కంపెనీ రిజిస్టర్డ్ చిరునామాగా చూపించిన ప్రదేశంలో దీపక్‌భాయ్ హస్ముఖ్‌భాయ్ క్లెట్‌వాలా కుటుంబం నివసిస్తోంది. 1997లో ఇల్లు నిర్మించినప్పటి నుంచి తమ కుటుంబం అక్కడే ఉంటోందని ఆయన తెలిపారు.తన తండ్రి కాలం నుంచి శ్రీరామ్ ఇంజినీరింగ్ వర్క్‌షాప్’ నడుపుతున్నామని.. అక్కడ జరీ యంత్రాలు, ఐస్‌గోలా తయారీ పరికరాల మరమ్మతులు చేస్తామని చెప్పారు. ఎలాంటి బ్యాంకు లేదా ఆదాయపు పన్ను శాఖ అధికారులు తమ చిరునామాను ధృవీకరించేందుకు ఎప్పుడూ రాలేదని తెలిపారు. అంతేకాకుండా, రూప్ రజత్ డైమండ్ కంపెనీ అనే సంస్థ గురించి గానీ, దానితో సంబంధం ఉన్న వ్యక్తుల గురించి గానీ తమకు ఎలాంటి సమాచారం లేదన్నారు. తన పాన్ కార్డును గుర్తుతెలియని వ్యక్తులు దుర్వినియోగం చేశారంటూ రేఖ్‌రాజ్.. ఆదాయపు పన్ను శాఖ నుంచి వచ్చిన నోటీసుకు ఈమెయిల్ ద్వారా సమాధానం పంపారు. అసలు తనకు సంబంధం లేని వ్యవహారమని రేఖ్‌రాజ్‌ తెలిపారు.

అహ్మదాబాద్: గుజరాత్‌లోని వల్సాద్‌ జిల్లా పోలీసులకు బుధవారం అర్ధరాత్రి తర్వాత ఓ అత్యవసర కాల్ వచ్చింది. అయితే, అవతలి వైపు మాట్లాడుతున్న వ్యక్తి.. ‘సార్, మేము దొంగతనానికి వచ్చాము.. కానీ జనం షట్టర్ దించేశారు. దయచేసి మమ్మల్ని కాపాడండి" అంటూ చెప్పాడు. షట్టర్ బయట గుంపు గుమికూడిందని.. తమపై దాడి చేస్తారనే భయంతో దొంగలు ఈ పని చేశారు.వాపి పట్టణానికి సుమారు 25 కిలోమీటర్ల దూరంలో ఉన్న సంజన్ గ్రామంలోని బీజే జ్యువెలర్స్ అనే దుకాణంలోకి ఈ ఇద్దరు దొంగలు చొరబడ్డారు. గుజరాత్‌కు మహారాష్ట్ర, దాద్రా, నగర్ హవేలీ, డామన్ సరిహద్దుల సమీపంలో ఈ ప్రాంతం ఉండటం వల్ల నేరస్థులు సులభంగా వేరే రాష్ట్రాలకు పరారయ్యేందుకు వీలుగా ఈ ప్రాంతాన్ని తరచూ టార్గెట్ చేస్తుంటారు. అయితే, దినేష్ సోంకర్, బిపిన్ పాఠక్‌ల పథకం అనుకున్నట్లుగా పారలేదు.కొంతమంది స్థానికులు దుకాణం తాళం పగలగొట్టడాన్ని గమనించి అనుమానంతో షట్టర్ కిందికి దించేశారు. దీనితో ఆ ఇద్దరు దొంగలు లోపలే చిక్కుకుపోయారు. బయట జనసమూహం పెరగడంతో, దొంగలు తమను తాము లోపల లాక్ చేసుకుని.. చివరికి పోలీసు హెల్ప్‌లైన్ 112 కి డయల్ చేయాలని నిర్ణయించుకున్నారు.పోలీసులు వచ్చి వారిని రక్షించి అరెస్టు చేసే సమయానికి, కర్రలతో వచ్చిన కొంతమంది స్థానికులు షట్టర్ తెరిచేందుకు ప్రయత్నిస్తున్నారు. పోలీసులు వారి వద్ద నుండి దొంగిలించడానికి పోగుచేసిన ఆభరణాలను, అలాగే దొంగతనం కోసం తెచ్చిన పరికరాలను స్వాధీనం చేసుకున్నారు. వారి నేర చరిత్రను పరిశీలించేందుకు పోలీసు రిమాండ్‌ను కోరతామని డీఎస్పీ బి. దవే తెలిపారు.

గాంధీనగర్‌: ప్రధాని నరేంద్ర మోదీ, రాష్ట్రీయ స్వయంసేవక్ సంఘ్ (ఆర్‌ఎస్‌ఎస్) విధానాలకు మద్దతుగా గుజరాత్‌లో ఓ పోలీసు ఉద్యోగి తన పదవికి రాజీనామా చేశారు. తూర్పు కచ్‌లోని అడేసార్ పోలీస్ స్టేషన్‌లో కానిస్టేబుల్‌గా విధులు నిర్వహిస్తున్న రామ్‌గర్ మోహన్‌గర్ గోసాయ్ తన ఉద్యోగానికి రాజీనామా చేయడం ప్రస్తుతం చర్చాంశనీయంగా మారింది. ఢిల్లీలో కాక్రోచ్‌ జనతా పార్టీ నిరసనలు, పరిణామాల నేపథ్యంలో ఆయన ఈ నిర్ణయం తీసుకున్నట్లు తెలిపారు. ప్రభుత్వ వ్యతిరేక ప్రచారాలను తిప్పికొట్టడానికి, ప్రధాని మోదీ దేశంలోని యువత కోసం చేపడుతున్న విధానాలకు మద్దతుగా నిలవడమే తన నైతిక బాధ్యతగా భావిస్తున్నట్లు ఆయన పేర్కొన్నారు. ఈ మేరకు ఆయన ఒక వీడియోను కూడా విడుదల చేశారు. ఆ వీడియోలో ఈ ప్రభుత్వ ఉద్యోగం సంపాదించడానికి నేను ఎంతో కష్టపడ్డాను. అయితే, ప్రస్తుత పరిస్థితుల్లో కేవలం ఒక ప్రభుత్వ ఉద్యోగిగా కాకుండా.. నేరుగా రంగంలోకి దిగి మోదీ ప్రభుత్వానికి, ఆర్‌ఎస్‌ఎస్‌కు అండగా నిలవాలని నిర్ణయించుకున్నాను. ఎలాంటి లాభాపేక్ష లేకుండా దేశ సేవకు అంకితమైన ఆర్‌ఎస్‌ఎస్ కార్యకలాపాల్లో ఇకపై పూర్తిగా భాగస్వామి అవుతాను’ అని వెల్లడించారు. అంతేకాకుండా, 2029లో జరిగే పార్లమెంట్‌ ఎన్నికల్లో మరోసారి బీజేపీ గెలిచి, ప్రధాని నరేంద్ర మోదీ తిరిగి అధికారంలోకి వచ్చే వరకు తాను ఎలాంటి చెప్పులు ధరించనని శపథం చేయడం గమనార్హం. કચ્છમાં પોલીસ કોન્સ્ટેબલનું રાજીનામું!આડેસર પોલીસ સ્ટેશનમાં ફરજ બજાવતા કોન્સ્ટેબલ રામગર ગુસાઈએ 2019થી પોલીસ સેવામાં રહ્યા બાદ રાજીનામું આપ્યું. RSSમાં સેવા આપવા માટે નોકરી છોડ્યાનો દાવો.રામગર ગુસાઈનું નિવેદન: “2029માં મોદી સરકાર અને સંઘ સરકાર નહીં બને ત્યાં સુધી પગમાં પગરખાં… pic.twitter.com/kIrk6Kezgq— Benefit News 24 (@BenefitNews24) August 15, 2026

సాక్షి,చెన్నై: తమిళనాడు రాజకీయాల్లో మరో ఆసక్తికర చర్చకు తెరలేచింది. మాజీ బీజేపీ రాష్ట్ర అధ్యక్షుడు కే. అన్నామలై చేసిన తాజా వ్యాఖ్యలు రాజకీయ వర్గాల్లో హాట్‌టాపిక్‌గా మారాయి. తమిళనాడు సీఎం, టీవీకే అధినేత విజయ్‌ పాలనపై అన్నామలై సానుకూలంగా స్పందించడం ఇప్పుడు కొత్త ఊహాగానాలకు తెరతీసింది.విజయ్‌ ప్రభుత్వం ఇంకా కొత్తదేనని, దానికి కనీసం ఒక సంవత్సరం సమయం ఇవ్వాలని అన్నామలై అన్నారు. తొలి 100 రోజుల్లో ప్రభుత్వంలో కొత్త ఉత్సాహం కనిపించిందని, అవినీతిని ఎదుర్కొనే విషయంలో ప్రభుత్వం నిజాయితీగా ప్రయత్నిస్తున్నట్లు కనిపిస్తోందని వ్యాఖ్యానించారు. అంతేకాదు.. ప్రస్తుతం విజయ్‌కు నా మద్దతు ఉందని చేశారు.అన్నామలై వ్యాఖ్యలు ఇక్కడితో ఆగలేదు. బీజేపీ నిర్ణయాలు మరింతగా ఢిల్లీ కేంద్రీకృతమవుతున్నాయని, రాష్ట్ర స్థాయి నాయకులకు మరింత స్వేచ్ఛ, అధికారం ఇవ్వాల్సిన అవసరం ఉందని అన్నారు. దేశ అభివృద్ధి విషయంలోనూ గుజరాత్‌ కేంద్రీకృత మోడల్‌ మారాల్సిన అవసరం ఉందని వ్యాఖ్యానించారు.ఒకవైపు బీజేపీపై ఘాటు వ్యాఖ్యలు.. మరోవైపు విజయ్‌కు బహిరంగ మద్దతు ఇవ్వడం తమిళనాడు రాజకీయాల్లో చర్చకు దారితీసింది. దీంతో అన్నామలై తదుపరి రాజకీయ అడుగు ఏంటి? విజయ్‌ నేతృత్వంలోని టీవీకే వైపు ఆయన అడుగులు వేస్తారా? అనే ప్రశ్నలు రాజకీయ వర్గాల్లో వినిపిస్తున్నాయి.అయితే ఇప్పటివరకు అన్నామలై టీవీకేలో చేరుతున్నట్లు ఎలాంటి ప్రకటన చేయలేదు. కాబట్టి ప్రస్తుతానికి ఇది ఆయన వ్యాఖ్యల నేపథ్యంలో ఏర్పడిన రాజకీయ ఊహాగానంగానే చూడాలి. విజయ్‌కు అన్నామలై మద్దతు ప్రకటించడం, అదే సమయంలో బీజేపీ నిర్ణయాలపై విమర్శలు చేయడం.. తమిళనాడు రాజకీయాల్లో భవిష్యత్తులో ఎలాంటి పరిణామాలకు దారితీస్తుందనేది ఆసక్తికరంగా మారింది.

సూర్య నటించిన వీడొక్కడే గుర్తుందా?. అందులో డ్రగ్స్‌ను పొట్టలో ఉంచుకుని.. బాత్రూమ్‌కు కూడా పోకుండా స్మగ్లింగ్‌ చేస్తుంటారు. అది వాస్తవంగా జరిగేదే!. అయితే బంగారం అక్రమ రవాణాకు కొత్త కొత్త మార్గాలను ఎంచుకుంటున్న స్మగ్లర్లకు అధికారులు షాక్‌ ఇస్తున్నారు. తాజాగా.. శరీరం ప్రైవేట్‌పార్ట్‌లో దాచుకుని బంగారం తరలిస్తున్న ఓ ప్రయాణికుడిని అహ్మదాబాద్‌ అంతర్జాతీయ విమానాశ్రయంలో కస్టమ్స్‌ అధికారులు అదుపులోకి తీసుకున్నారు.అధికారుల వివరాల ప్రకారం.. సర్ఫరాజ్‌ మాలా అనే ప్రయాణికుడు ఖతార్‌ ఎయిర్‌వేస్‌కు చెందిన విమానంలో జెడ్డా నుంచి అహ్మదాబాద్‌కు చేరుకున్నాడు. ప్రయాణికుల తనిఖీల్లో భాగంగా అతడిపై అనుమానం రావడంతో అధికారులు క్షుణ్ణంగా తనిఖీ చేశారు. ఈ క్రమంలో అతడి మలద్వారంలో దాచిన బంగారం ప్యాకెట్లను గుర్తించారు. వాటిని బయటకు తీసి పరిశీలించగా.. మొత్తం 467.09 గ్రాముల బంగారం ఉన్నట్లు అధికారులు తెలిపారు. దీని విలువ సుమారు రూ.65.69 లక్షలు ఉంటుందని అంచనా వేశారు.కడ్డీగా మార్చగా బరువు తగ్గిందిస్వాధీనం చేసుకున్న బంగారాన్ని కరిగించి కడ్డీగా మార్చిన తర్వాత దాని బరువు 422.83 గ్రాములకు చేరిందని అధికారులు వెల్లడించారు. అక్రమంగా బంగారం తరలిస్తున్నందుకు ప్రయాణికుడిపై కేసు నమోదు చేసి తదుపరి విచారణ చేపట్టారు. ఈ బంగారం ఎక్కడి నుంచి వచ్చింది? దీని వెనుక ఎవరైనా స్మగ్లింగ్‌ ముఠా ఉందా? అనే కోణాల్లో అధికారులు దర్యాప్తు చేస్తున్నారు.కొనసాగుతున్న అక్రమ రవాణా ప్రయత్నాలువిదేశాల నుంచి బంగారాన్ని అక్రమంగా తరలించేందుకు స్మగ్లర్లు శరీర భాగాల్లో దాచడం, ప్రత్యేకంగా తయారు చేసిన ప్యాకెట్లను ఉపయోగించడం వంటి పద్ధతులను అనుసరిస్తున్నారు. ఇలాంటి అక్రమ రవాణాను అడ్డుకునేందుకు విమానాశ్రయాల్లో కస్టమ్స్‌, భద్రతా సిబ్బంది తనిఖీలను మరింత కఠినతరం చేస్తున్నారు. తాజాగా అహ్మదాబాద్‌ విమానాశ్రయంలో వెలుగుచూసిన ఈ ఘటన మరోసారి కలకలం రేపింది.

సాధారణంగా బావుల్లో నీరు నిశ్చలంగా ఉంటుంది. గుజరాత్‌లోని మోర్బీ జిల్లాలో ఓ వ్యవసాయ బావి మాత్రం మొత్తం దేశం దృష్టిని ఆకర్షిచింది. సముద్రపు అలలను తలపించేలా నీరు రోజుల తరబడి ఊగుతూ కనిపిస్తోంది. అది చూసిన కొందరు ఆశ్చర్యపోతున్నారు. కొందరైతే ఇది భూకంపానికి ముందస్తు సంకేతమేమోనని ఆందోళన చెందుతున్నారు. అయితే బావిని నిపుణులు పరిశీలించాక.. దీని వెనక కారణం ఏంటన్నది తెలిసిపోయింది!. విర్పర్డా గ్రామంలోని ఈ వింత బావి గురించి కొన్నిరోజులుగా దేశం చర్చించుకుంది. సోషల్‌ మీడియాలోనూ ఈ వీడియోలు వైరల్‌ అయ్యాయి. అతీత శక్తులంటూ.. ఎవరికి తోచిన కథనాలు వాళ్లు ఇచ్చి పడేస్తున్నారు. అయితే బావిలో ఈ వింత వెనుక సైన్స్‌ తప్ప మరేయితర కారణాలు లేవని నిపుణులు తేల్చేశారు. అంతేకాదు.. ఎలాంటి ప్రకృతి విపత్తు కూడా రాబోవని అంటున్నారు. ఈ తరహా అలలు ఏర్పడడానికి సరైన కారణం ఏంటన్నది చెబుతున్నారు. An unusual mystery in India: water wildly swaying inside a well in Morbi, and no one can explain whyStrange phenomenon continues for a FIFTH DAY, baffling locals as authorities investigate pic.twitter.com/GykyazKKXi— RT (@RT_com) August 7, 2026సముద్రంలా ఎందుకు ఊగుతోందంటే..భారీ వర్షాల తర్వాత భూమిలోకి పెద్ద మొత్తంలో నీరు చేరుతుంది. ఈ నీరు భూగర్భంలోని రాళ్ల పొరలు, ఖాళీ ప్రదేశాలు, జలాశయ ప్రాంతాల్లోకి ప్రవహిస్తుంది. ఈ సమయంలో భూమి లోపల ఉన్న గాలి, నీటి ఒత్తిడిలో మార్పులు చోటుచేసుకుంటాయి. ఈ ఒత్తిడి మార్పుల ప్రభావంతో బావిలోని నీరు పైకి కిందికి కదులుతూ అలల మాదిరిగా కనిపిస్తోంది. ముఖ్యంగా లోతైన బావుల్లో ఇలాంటి కదలికలు ఎక్కువగా గమనించే అవకాశం ఉందని నిపుణులు చెబుతున్నారు.‘వెల్‌ సీష్‌’ కూడా ఓ కారణమేనా?ఈ ఘటనకు మరో శాస్త్రీయ వివరణగా ‘వెల్‌ సీష్‌’ (Well Seiche). ఒక నిర్దిష్ట ఆకారం, లోతు కలిగిన నీటి నిల్వలో చిన్నపాటి కదలిక కూడా సహజ తరంగాలుగా మారినప్పుడు.. నీరు కొంత సమయం పాటు ముందుకు వెనక్కి ఊగుతుంది. సరస్సుల్లో కనిపించే ఈ తరహా కదలికలు కొన్ని సందర్భాల్లో బావుల్లోనూ కనిపించవచ్చని శాస్త్రవేత్తలు వివరిస్తున్నారు.मोरबी के वीरपरडा गांव में एक कुएं में अचानक पानी छलकने और हिलने-डुलने लगा, जिसे देखने के लिए बड़ी संख्या में लोग इकट्ठा हो गए। इसका वीडियो सोशल मीडिया पर वायरल हो रहा है। #Morbi #GujaratNews #ViralVideo pic.twitter.com/hAd95ETbia— Bhoomi (@TheBPnova) August 6, 2026భూకంపం భయం..మోర్బీ ప్రాంతానికి భూకంప చరిత్ర ఉండటంతో ఈ బావిలోని వింత కదలికలు ప్రజల్లో భయాన్ని కలిగించాయి. ముఖ్యంగా 2001లో గుజరాత్‌ను కుదిపేసిన భారీ భూకంపం జ్ఞాపకాలు ఇంకా ప్రజలను వెంటాడుతున్నాయి. అయితే ప్రస్తుతం ఈ బావిలో కనిపిస్తున్న నీటి కదలికలకు భూకంప కార్యకలాపాలతో సంబంధం ఉన్నట్లు ఎలాంటి ఆధారాలు లేవని అధికారులు, భూగర్భ శాస్త్ర నిపుణులు స్పష్టం చేశారు. ప్రాంతంలో ఎలాంటి సీస్మిక్‌ యాక్టివిటీ లేదంటే క్రియాశీల ఫాల్ట్‌ లైన్‌ గుర్తించలేదని తేల్చేశారు. దీంతో గ్రామస్తులు ఊపిరి పీల్చుకుంటున్నారు.సముద్రపు ఆటుపోట్ల ప్రభావమా?మోర్బీ అరేబియా సముద్రానికి పూర్తిగా దూర ప్రాంతం కాదు. దీంతో కొందరు స్థానికులు బావి నీరు సముద్రపు ఆటుపోట్ల ప్రభావంతో కదులుతోందని భావించారు. భూగర్భ జల మార్గాలు సముద్రంతో అనుసంధానమై ఉండొచ్చనే అభిప్రాయాలు కూడా వ్యక్తమయ్యాయి. అయితే దీనికి ఇప్పటివరకు శాస్త్రీయ ఆధారాలు లేవంటున్నారు. స్థానిక భౌగోళిక పరిస్థితులు, భూగర్భ జలాల ఒత్తిడి మార్పులే దీనికి ప్రధాన కారణాలుగా నిపుణులు భావిస్తున్నారు.🚨 GUJARAT | MYSTERIOUS WELLAn unusual phenomenon has drawn crowds to Virparda village in Gujarat's Morbi district where water inside a roadside well has been continuously moving from one side to the other.According to local reports nearby wells remain completely calm while… pic.twitter.com/rJHvXjOZ8V— contentkikamii (@contentkikamii) August 6, 2026ఇలాంటి వింతలు ప్రపంచంలోనూ ఉన్నాయిబావులు, సరస్సుల్లో నీరు అసాధారణంగా కదలడం ఇదే మొదటిసారి కాదు. ప్రపంచంలోని అనేక ప్రాంతాల్లో ఇలాంటి ఘటనలు నమోదయ్యాయి. సరస్సుల్లో నీరు ఒకే దిశలో ఊగడం, భూగర్భ జలాల్లో ఒత్తిడి మార్పులతో నీటి స్థాయిలు మారడం వంటి పరిణామాలను శాస్త్రవేత్తలు సహజ ప్రక్రియలుగానే వివరిస్తున్నారు. అయితే బావిలో నీరు కదలడం ఆధారంగా భూకంపాలను అంచనా వేయడం శాస్త్రీయంగా నిరూపితం కాలేదు. మన దేశంలో ఇలాంటివి జరిగినా.. ఇప్పుడు సోషల్‌ మీడియా జమానా కారణంగా మోర్బీ బావి ఉదంతం హైలైట్‌ అయ్యిందంతే!.భయపెట్టిన బావి.. ఇప్పుడు ఆకర్షణగా మారిందిమొదట ఈ దృశ్యం గ్రామస్తులను భయపెట్టినా.. ఇప్పుడు అదే బావి ఆసక్తికరంగా మారింది. చుట్టుపక్కల ప్రాంతాల నుంచి ప్రజలు ఈ వింతను చూసేందుకు వస్తున్నారు. అధికారులు మాత్రం ప్రజలు ఎలాంటి అపోహలు, పుకార్లను నమ్మవద్దని సూచిస్తున్నారు. గుజరాత్‌ మోర్బీ బావిలో కనిపిస్తున్న ఈ ‘సముద్రపు అలలు’ భూమి లోపల ఏదో పెద్ద మార్పు జరుగుతోందనే సంకేతం కాదు.. ప్రకృతి తనదైన రీతిలో చూపిస్తున్న అరుదైన జల భౌగోళిక పరిణామం మాత్రమే.

మోర్బీ: నిండుకుండ తొణకదు అంటారు. కానీ గుజరాత్‌లోని మోర్పీ జిల్లాలో కుండ మాదిరిగానే ఉండాల్సిన బావి తుపాను వచ్చిన సంద్రంలా ఊగిపోతోంది. భారీ వర్షాలతో భూగర్భజలాశయాల్లోకి పెద్ద ఎత్తున నీరు చేరడంతో అప్పటిదాకా అక్కడ ఉన్న గాలి పైకి వచ్చే ప్రయత్నం ఫలితమే ఈ ఆసక్తికరమైన ఘటన అని అధికారులు తేల్చారు. బావి మొత్తం ఊగిపోతోందన్న చందంగా కనిపిస్తూండటంతో భూకంపం వస్తుందేమో అన్న అనుమానాలు స్థానికులు వ్యక్తం చేశారు. అయితే అలాంటి ప్రమాదమేమీ లేదని గుజరాత్‌ రాష్ట్ర వాటర్‌ డేటా టీమ్‌ స్పష్టం చేసింది. గాంధీ నగర్‌ నుంచి శుక్రవారం విచ్చేసిన ఈ బృందం భూగర్భంలో అసాధారణ కదలికలేవీ లేవని, భూకంప ప్రమాదమూ లేదని భరోసానిచ్చింది. దాదాపు 18 అడుగుల లోతైన ఈ బావిలో ఐదు రోజులుగా అలలు ఏర్పడుతున్నాయి. ఆగస్టు రెండున తొలిసారిగా ఈ అసాధారణ కదలికను గమనించినట్లు బావి ఉన్న పొలం యజమాని ప్రజీవన్‌ సదారియా చెప్పారు. సుమారు మూడు నెలల క్రితమే ఈ బావిని నిర్మించినట్లు తెలిపారు. ఇటీవల కురిసిన భారీ వర్షాల వల్ల భూగర్భ జలాశయాలు నిండే క్రమంలో ఇలా జరుగు అంచనా వేస్తున్నారు. భూగర్భ జలాశయాల్లో రాళ్లలోని ఖాళీ ప్రదేశాల్లో చిక్కుకున్న గాలి బయటకు వచ్చే క్రమంలో బావిలోని నీరు కదులుతూండవచ్చునని మోర్బీ జిల్లా భూగర్భ శాస్త్రవేత్త జే.ఎస్‌.వాధేర్‌ తెలిపారు.

ఆ గ్రామంలోని ఓ సాధారణ బావి.. గత ఐదు రోజులుగా ఒక్క క్షణం కూడా ప్రశాంతంగా లేదు. గాలి లేదు.. వర్షం లేదు.. ఎవరూ తాకడం లేదు.. అయినా బావిలోని నీరు సముద్రంలా అలలు ఎగురేస్తూనే ఉంది. ఈ వింతను చూసిన గ్రామస్థులు మొదట భయంతో వణికిపోయారు. భూకంపం రాబోతోందా? అంటూ ఆందోళన చెందారు.గుజరాత్‌లోని మోర్బీ జిల్లాలో ఉన్న ఒక 18 అడుగుల లోతైన బావి గత ఐదు రోజులుగా నిరంతరం అలలు, తరంగాలతో కనిపిస్తూ అందరినీ ఆశ్చర్యానికి గురిచేస్తోంది. దీనికి సంబంధించిన వీడియో, వార్త క్షణాల్లో వ్యాపించడంతో వందలాది మంది అక్కడికి చేరుకుని, ఆ అద్భుతాన్ని తమ కళ్లారా వీక్షిస్తున్నారు. మరోవైపు.. బావి యజమాని ప్రాంజీవన్ సదారియా తెలిపిన వివరాల ప్రకారం, ఆగస్టు 2న ఆయన పొలానికి వెళ్లినప్పుడు బావిలోని నీరు అలలతో కదులుతూ బయటకు పొర్లిపోతున్నట్లు గమనించారు. మూడు నెలల క్రితమే ఈ బావిని తవ్వినట్టు చెప్పుకొచ్చారు.అయితే, ఈ మిస్టరీకి నిపుణులు ఇచ్చిన వివరణ మరింత ఆశ్చర్యాన్ని కలిగిస్తోంది. ఇటీవల కురిసిన భారీ వర్షాలతో భూగర్భ జలాలు వేగంగా నిండిపోయాయి. రాళ్ల మధ్య చిక్కుకున్న గాలి బయటకు రావడంతో బావిలో నిరంతరం అలలు ఏర్పడుతున్నాయని ప్రాథమికంగా గుర్తించారు. అయినా ఈ వింత వెనుక అసలు రహస్యం ఏమిటో తెలుసుకోవడానికి గాంధీనగర్ నుంచి నిపుణుల బృందం రంగంలోకి దిగుతోంది. ప్రశాంతంగా ఉండాల్సిన బావి... ఇప్పుడు అలలతో ఉప్పొంగుతోంది. ఇది ప్రకృతి సృష్టించిన అద్భుతమా? లేక ఇంకా వెలుగులోకి రాని మరో రహస్యమా? సమాధానం కోసం అందరి చూపు ఇప్పుడు ఆ బావిపైనే ఉంది!Well Water Continues to Oscillate in #Morbi Village; Collector Orders Probe#Gujarat #India 🇮🇳 pic.twitter.com/eZYwUKNvqV— Mahalaxmi Ramanathan (@MahalaxmiRaman) August 7, 2026ఇక, మోర్బీ జిల్లా కలెక్టర్ స్వప్నిల్ ఖరే ఈ ఘటనపై వెంటనే స్పందించి, బావిలో ఐదు రోజులుగా కనిపిస్తున్న అలల విషయాన్ని గుజరాత్ ప్రభుత్వానికి తెలియజేశారు. ఈ ఘటనకు గల అసలు కారణాన్ని శాస్త్రీయంగా గుర్తించేందుకు గాంధీనగర్ నుంచి భూగర్భ శాస్త్ర నిపుణుల బృందాన్ని ఘటన స్థలానికి పంపించాలని ఆదేశించారు. నిపుణుల బృందం బావిని పరిశీలించి సమగ్ర నివేదిక సమర్పించిన తర్వాతే ఈ వింతకు గల ఖచ్చితమైన కారణాన్ని అధికారికంగా వెల్లడిస్తామని జిల్లా యంత్రాంగం తెలిపింది.

అహ్మదాబాద్: గుజరాత్‌లో అరుదైన 'చండీపుర వైరస్' ఆందోళన కలిగిస్తోంది. ఈ వైరల్ వ్యాధి బారిన పడి ఇప్పటివరకు 22 మంది చిన్నారులు మృతి చెందినట్లు అధికారులు వెల్లడించారు. మరో ఏడుగురు పిల్లలు వివిధ ప్రభుత్వ ఆసుపత్రుల్లో చికిత్స పొందుతున్నట్లు తెలిపారు.రాష్ట్రంలో 184 మంది అనుమానితులకు పరీక్షలు నిర్వహించగా, వారిలో 35 మందికి వైరస్ సోకినట్లు నిర్ధారణ అయిందని వైద్యులు వెల్లడించారు. అయితే, వైరస్ బారిన పడిన వారంతా 15 ఏళ్లలోపు చిన్నారులేనని మంత్రి ప్రఫుల్ పన్సేరియా తెలిపారు. ఇప్పటివరకు ఆరుగురు పిల్లలు కోలుకుని ఆసుపత్రుల నుంచి డిశ్చార్జ్ అయినట్లు చెప్పారు.దీంతో గుజరాత్‌లోని పలు ప్రాంతాల్లో చండీపుర వైరస్ కేసులు నమోదవుతుండటంతో ఆరోగ్య శాఖ అధికారులు అప్రమత్తమయ్యారు. వ్యాధి వ్యాప్తిని నియంత్రించేందుకు ప్రత్యేక పర్యవేక్షణ, పరీక్షలు, వైద్య చర్యలు చేపడుతున్నట్లుగా తెలుస్తోంది.అధికారుల ప్రకారం, 'చండీపుర ఎన్సెఫలైటిస్' అనేది అరుదైన వైరల్ వ్యాధి. ఇది ఇసుక ఈగల ద్వారా వ్యాపించి మెదడు వాపునకు దారితీస్తుంది. ఈ వ్యాధి ప్రధానంగా 15 ఏళ్లలోపు పిల్లలపై ప్రభావం చూపుతోందని, అయితే, ఈ వ్యాధికి ప్రస్తుతం నిర్దిష్టమైన టీకా లేదా యాంటీవైరల్ చికిత్స అందుబాటులో లేనట్లుగా వైద్యలు తెలిపారు. అలాగే, సకాలంలో చికిత్స అందకపోతే వాంతులు, మూర్ఛ వంటి తీవ్రమైన లక్షణాలు కనిపించే అవకాశం ఉందని హెచ్చరిస్తున్నారు.

స్నేహం అంటే నమ్మకం.. కష్టాల్లో అండగా నిలిచే బంధం. కానీ అదే ఓ వ్యక్తి జీవితంలో విషాదానికి కారణమైంది. నమ్మినవాళ్లే మోసం చేయడం, అప్పుగా ఇచ్చిన డబ్బు తిరిగి ఇవ్వకపోవడం, పైగా బెదిరింపులకు దిగడంతో.. అంతకు మించి అవమానించడంతో ఆ స్నేహితుడు తట్టుకోలేకపోయాడు. తీవ్ర మనోవేదనకు గురై.. చివరకు తన ప్రాణాలనే తీసుకున్నాడు. గుజరాత్‌ సూరత్‌లోని సార్థానా ప్రాంతానికి చెందిన రాజేశ్‌భాయ్‌ కుంజాడియా ఎంబ్రాయిడరీ వ్యాపారం చేసేవారు. గత కొన్ని నెలలుగా వ్యాపారంలో నష్టాలు రావడంతో ఆర్థిక ఇబ్బందులు ఎదుర్కొన్నారు. ఈ సమయంలో తన స్నేహితులకు అవసరాలు పడడంతో.. తన దగ్గరున్నదంతా ఊడ్చి ఇచ్చేశాడు. అయితే ఆ నమ్మకం వమ్ము కావడానికి ఎంతో సమయం పట్టలేదు. రాజేశ్‌భాయ్‌ తన స్నేహితుడు ఘనశ్యామ్‌ అహిర్‌కు కెనడా వెళ్లేందుకు సహాయం చేయాలనే ఉద్దేశంతో రూ.14 లక్షలు ఇచ్చారు. కొంతకాలం తర్వాత డబ్బు తిరిగి అడిగినప్పుడు ఘనశ్యామ్‌ తప్పించుకోవడం మొదలుపెట్టినట్లు పోలీసులు తెలిపారు. అంతేకాకుండా రాజేశ్‌భాయ్‌ పేరుతో పలు బ్యాంకు ఖాతాలు తెరవాలని ఒత్తిడి చేశాడు. ఎందుకు? అని గట్టిగా ఆరా తీస్తే.. సైబర్‌ నేరాలకు ఉపయోగించే ‘మ్యూల్‌ అకౌంట్స్‌’ అని తేలింది. ఈ విషయం తెలుసుకున్న రాజేశ్‌భాయ్‌ అభ్యంతరం చెప్పడంతో తనను సైబర్‌ కేసుల్లో ఇరికిస్తానంటూ బెదిరింపులకు పాల్పడ్డాడరు. అదే సమయంలో.. మరో ఇద్దరు స్నేహితులు నికిత్‌ అలియాస్‌ రిక్కీ, దాధీ అహిర్‌లకు కూడా ఆయన డబ్బు ఇచ్చారు. ఒకరికి రూ.2 లక్షలు, మరొకరికి రూ.1.32 లక్షలు ఇచ్చినట్లు పోలీసులు తెలిపారు. ముగ్గురి వద్ద కలిపి రాజేశ్‌భాయ్‌కు రావాల్సిన మొత్తం రూ.17.32 లక్షలు. ఆ ముగ్గురు డబ్బులు తిరిగి ఇవ్వకపోగా.. స్నేహితులు తనను అవమానించారని, ఒత్తిడి చేశారని రాజేశ్‌భాయ్‌ సూసైడ్‌ నోట్‌లో పేర్కొన్నారు. “డబ్బుల్లేవా? అయితే చచ్చిపో” అంటూ వారు చెప్పడంతో రాజేశ్‌ డిప్రెషన్‌లోకి వెళ్లిపోయాడు.జులై 30న రాజేశ్‌భాయ్‌ సూసైడ్‌ నోట్‌ రాసి.. తన కుమార్తెతో ఇంటి నుంచి బయటకు వెళ్లారు. కొంత దూరం వెళ్లిన తర్వాత కుమార్తెను తిరిగి ఇంటికి పంపించి విషం తీసుకున్నారు. అనంతరం ఇంటికి చేరుకున్న ఆయన అస్వస్థతకు గురికావడంతో కుటుంబ సభ్యులు ఆసుపత్రికి తరలించారు. అయితే చికిత్స పొందుతూ మృతి చెందారు.మొదట అనుమానాస్పద మృతిగా కేసు నమోదు చేసిన పోలీసులు.. సూసైడ్‌ నోట్‌, కుటుంబ సభ్యుల వాంగ్మూలాలు, ఇతర ఆధారాలను పరిశీలించారు. స్నేహితుల వేధింపులే ఆత్మహత్యకు కారణమని గుర్తించి.. ఆత్మహత్యకు ప్రేరేపించిన కేసు నమోదు చేశారు. ఫ్రెండ్‌షిప్‌ డే రోజే(ఆగస్టు 2న) ఘనశ్యామ్‌, నికిత్‌, దాధీ అహిర్‌లను పోలీసులు అరెస్టు చేశారు. ప్రస్తుతం ముగ్గురూ పోలీసుల అదుపులో ఉండగా.. ఘటనపై దర్యాప్తు కొనసాగుతోంది. స్నేహం పేరుతో నమ్మకద్రోహం చేస్తే ఎంతటి విషాదానికి దారితీస్తుందో ఈ ఘటన మరోసారి గుర్తుచేస్తోంది.

గాంధీనగర్: గుజరాత్‌లో చాందీపురా వైరస్ తీవ్రరూపం దాల్చింది. ఈ మహమ్మారి బారిన పడి ఇప్పటివరకు 22 మంది చిన్నారులు ప్రాణాలు కోల్పోయారు. రాష్ట్ర ఆరోగ్య శాఖ వెల్లడించిన వివరాల ప్రకారం, ఇప్పటివరకు 35 మందికి ఈ వైరస్ సోకినట్లు నిర్ధారణ అయింది. 15 సంవత్సరాల వయసు లోపు పిల్లల్లో దాదాపు 184 అనుమానిత కేసులు వెలుగుచూడగా, వాటిలో 11 నమూనాల పరీక్షా ఫలితాలు రావాల్సి ఉంది. గాంధీనగర్, సబర్కాంత-హిమత్‌నగర్, పటాన్, రాజ్‌కోట్, భావ్‌నగర్ సివిల్ ఆస్పత్రులలో ఏడుగురు బాధితులు అత్యవసర ప్రత్యేక వైద్యసేవలు పొందుతుండగా, ఆరుగురు కోలుకుని ఇళ్లకు వెళ్లినట్లు ఆరోగ్య మంత్రి ప్రఫుల్ పాన్షేరియా తెలిపారు.నివారణ చర్యలు.. అత్యవసర ప్రణాళికవైరస్ వ్యాప్తిని అరికట్టడానికి ఆరోగ్య శాఖ క్షేత్రస్థాయి బృందాలను రంగంలోకి దించింది. మట్టి గోడల్లోని పగుళ్లను పూడ్చివేయాలని, పశువుల పాకల చుట్టూ క్రిమిసంహారక మందులను పిచికారీ చేయాలని అధికారులు ప్రజలను కోరారు. తీవ్రమైన లక్షణాలు ఉన్నవారికి మల్టీ-ఆర్గన్ ఫెయిల్యూర్ రాకుండా ఆస్పత్రులలో ఆక్సిజన్, వెంటిలేటర్ సదుపాయం ఉన్న ఐసీయూ బెడ్లపై తక్షణ చికిత్స అందించాలని ప్రభుత్వ, ప్రైవేట్ ఆసుపత్రులను ఆదేశించారు.చాందీపురా వైరస్ అంటే ఏమిటి?మహారాష్ట్రలోని చాందీపురా గ్రామంలో 1965లో ఈ వైరస్ తొలిసారిగా వెలుగుచూసింది. అందుకే దీనికి ఆ పేరు వచ్చింది. ఇది రాబ్డోవిరిడే కుటుంబానికి చెందిన ఆర్ఎన్ఏ వైరస్. దోమలు, పేలు, ఇసుక ఈగలు (శాండ్‌ఫ్లైస్) ద్వారా ఇది వ్యాపిస్తుంది. ముఖ్యంగా మట్టి లేదా ఇసుకతో నిర్మించిన ఇళ్ల గోడల పగుళ్లలో ఇసుక ఈగలు జీవిస్తాయి. 9 నెలల నుంచి 14 సంవత్సరాల వయసున్న పిల్లలపై ఈ వైరస్ ఎక్కువగా ప్రభావం చూపుతుంది.వైద్య నిపుణుల హెచ్చరికవర్షాకాలంలో పిల్లలకు ఈ ముప్పు ఎక్కువగా ఉంటుందని బీహార్‌లోని పట్నాకు చెందిన ఇన్‌ఫెక్షియస్ డిసీజెస్ కన్సల్టెంట్ డాక్టర్ నేహా ఖాన్ తెలిపారు. ఈ వైరస్‌ను నివారించడానికి ప్రస్తుతం ఎటువంటి వ్యాక్సిన్ అందుబాటులో లేదని తెలిపారు. మొదట జ్వరం, వాంతులు, విరేచనాలు వంటి లక్షణాలు కనిపిస్తాయని, ఆ తర్వాత మెదడు వాపు వ్యాధికి (ఎన్సెఫాలిటిస్) దారితీసి మూర్ఛ, స్పృహ కోల్పోవడం వంటి తీవ్ర పరిణామాలకు దారితీస్తుందని వివరించారు. అయితే ఈ వైరస్ ఒకరి నుంచి మరొకరికి సోకదని, ఇది అంటువ్యాధి కాదని ఆమె తెలిపారు.ఇది కూడా చదవండి: ప్రశాంత్‌ కిశోర్‌ విజయం వెనుక సీజేపీ వ్యూహం?

దేశవ్యాప్తంగా పేపర్‌ లీక్‌ వ్యవహారంపై విద్యార్థుల నిరసనలు హోరెత్తిన తర్వాత జరుగుతున్న తొలి ఎన్నికల ఫలితాలు ఇవాళ వెలువడనున్నాయి. బీజేపీ పాలిత మూడు రాష్ట్రాలు.. బిహార్‌, మధ్యప్రదేశ్‌, గుజరాత్‌లలో జరిగిన ఉప ఎన్నికల ఫలితాలు ఇప్పుడు రాజకీయ వర్గాల్లో ఆసక్తిని రేపుతున్నాయి. యువతలో పెరిగిన అసంతృప్తి ఓట్ల రూపంలో బయటపడుతుందా? లేదంటే బీజేపీ తన పట్టును కొనసాగిస్తుందా? అన్నది ఈ ఫలితాలతో తేలనుంది.బంకీపూర్‌, దాతియా, మంజల్‌పూర్‌ ఉప ఎన్నికల స్థానాలకు కౌంటింగ్‌ కొనసాగుతోంది. బంకీపూర్‌లో జన్‌ సురాజ్‌ పార్టీ అభ్యర్థి ప్రశాంత్‌ కిషోర్‌ ముందంజంలో కొనసాగుతున్నారు. ఇక దాతియా, మంజల్‌పూర్‌లో బీజేపీ అభ్యర్థులు ముందంజలో ఉన్నారు. దాటియాలో కాంగ్రెస్‌ అభ్యర్థి కాసేపు ఆధిక్యంలో కొనసాగినా.. కాసేపటికే మళ్లీ వెనుకంజలోకి వెళ్లారు.ఈ ఉప ఎన్నికలు సంఖ్యాపరంగా చిన్నవే అయినప్పటికీ.. రాజకీయంగా మాత్రం కీలకంగా మారాయి. ముఖ్యంగా దేశవ్యాప్తంగా విద్యార్థి ఉద్యమాలు, పరీక్షల నిర్వహణపై ప్రభుత్వాలపై వచ్చిన విమర్శల నేపథ్యంలో ఈ ఎన్నికలు జరగడం ప్రాధాన్యత సంతరించుకుంది.బంకీపూర్‌.. బీజేపీ కంచుకోటలో ఆసక్తికర పోరుబిహార్‌లోని బంకీపూర్‌ అసెంబ్లీ నియోజకవర్గం ఎప్పటి నుంచో బీజేపీకి బలమైన స్థానం. ఇప్పటివరకు ఈ స్థానంలో బీజేపీ అభ్యర్థి ఒక్కసారి కూడా ఓడిపోలేదు. ఇటీవల రాజ్యసభకు ఎన్నికైన బీజేపీ జాతీయ అధ్యక్షుడు నితిన్‌ నబిన్‌ ఈ స్థానం నుంచి ప్రాతినిధ్యం వహించడంతో ఖాళీ ఏర్పడింది. అయితే ఈసారి ఎన్నికల్లో కొన్ని అనూహ్య పరిణామాలు చోటుచేసుకున్నాయి. బీజేపీ తొలుత ప్రకటించిన అభ్యర్థి అభిషేక్‌ కుమార్‌ సిన్హా నామినేషన్‌ దాఖలు చేసిన తర్వాత వ్యక్తిగత కారణాలతో తప్పుకున్నారు. దీంతో చివరి నిమిషంలో యువ మోర్చా నేత నీరజ్‌ కుమార్‌ సిన్హాను బరిలోకి దింపింది.ఈ పరిణామాన్ని ప్రతిపక్షాలు బీజేపీపై ఒత్తిడి పెరిగిందనే సంకేతంగా ప్రచారం చేశాయి. మరోవైపు ఎన్నికల వ్యూహకర్త నుంచి రాజకీయ నేతగా మారిన ప్రశాంత్‌ కిషోర్‌ కూడా తొలిసారి ప్రత్యక్ష ఎన్నికల బరిలోకి దిగడం ఈ నియోజకవర్గంపై ఆసక్తిని పెంచింది. ఆర్జేడీ నేత తేజస్వీ యాదవ్‌.. కుల, మతాలకు అతీతంగా తమ అభ్యర్థికి మద్దతు లభించిందని చెబుతూ అనూహ్య ఫలితాలపై ఆశలు పెట్టుకున్నారు.దాతియా.. బీజేపీ అంతర్గత అసంతృప్తికి పరీక్షమధ్యప్రదేశ్‌లోని దాతియా నియోజకవర్గం కూడా బీజేపీకి కీలకంగా మారింది. కాంగ్రెస్‌ ఎమ్మెల్యే రాజేంద్ర భారతి అనర్హత వేటుకు గురికావడంతో ఈ స్థానానికి ఉప ఎన్నిక వచ్చింది. బీజేపీ తరఫున తొలిసారి అసెంబ్లీ ఎన్నికల్లో పోటీ చేస్తున్న ఆశుతోష్‌ తివారీ బరిలో ఉండగా.. కాంగ్రెస్‌ నుంచి మాజీ ఎమ్మెల్యే ఘనశ్యామ్‌ సింగ్‌ పోటీ చేశారు.అయితే ఈ ఎన్నికలో అసలు చర్చ బీజేపీ అంతర్గత రాజకీయాలపైనే సాగింది. మాజీ హోంమంత్రి నరోత్తమ్‌ మిశ్రాకు ఈ నియోజకవర్గంలో బలమైన పట్టు ఉంది. ఆయన వరుసగా మూడు సార్లు దాతియా నుంచి గెలిచారు. ఈసారి అభ్యర్థి మార్పుపై నరోత్తమ్‌ మిశ్రా వర్గంలో అసంతృప్తి వ్యక్తమైంది. ఆయన అనుచరులు నిరసనలు కూడా చేపట్టారు. ఈ అంతర్గత విభేదాలు ఫలితాలపై ప్రభావం చూపుతాయా అన్నది ఆసక్తికరంగా మారింది.మంజల్‌పూర్‌.. గుజరాత్‌లో బీజేపీ ఆధిపత్యానికి పరీక్షగుజరాత్‌లోని మంజల్‌పూర్‌ నియోజకవర్గం బీజేపీకి మరో కీలక పరీక్షగా మారింది. మూడు సార్లు ఎమ్మెల్యేగా పనిచేసిన బీజేపీ నేత యోగేష్‌భాయ్‌ నరేంద్రభాయ్‌ పటేల్‌ మరణంతో ఈ స్థానం ఖాళీ అయింది. బీజేపీ తరఫున మాజీ వడోదరా మున్సిపల్‌ కార్పొరేషన్‌ కార్పొరేటర్‌ సతీష్‌ గోవింద్‌భాయ్‌ పటేల్‌ పోటీ చేయగా.. కాంగ్రెస్‌ నుంచి మాజీ మంత్రి భిఖాభాయ్‌ రబారీ బరిలో నిలిచారు. గుజరాత్‌లో బీజేపీకి తిరుగులేని ఆధిపత్యం ఉన్నప్పటికీ.. స్థానిక అంశాలు, అభ్యర్థుల ప్రభావం ఈ ఎన్నికలో కీలకంగా మారాయి.యువ ఓటర్ల తీర్పు ఏంటి?ఈ ఉప ఎన్నికల ఫలితాల్లో ప్రధానంగా అందరి దృష్టి యువ ఓటర్ల తీర్పుపైనే ఉంది. పేపర్‌ లీక్‌లు, పరీక్షల నిర్వహణలో లోపాలపై దేశవ్యాప్తంగా విద్యార్థుల నుంచి నిరసనలు వ్యక్తమయ్యాయి. ఆ ఆగ్రహం ఓటింగ్‌లో ప్రతిబింబిస్తుందా? లేక సాధారణ రాజకీయ అంశాలే ఆధిపత్యం చెలాయిస్తాయా? అన్నది ఫలితాల తర్వాత స్పష్టమవుతుంది.అయితే మూడు స్థానాల ఫలితాలు ప్రభుత్వ భవిష్యత్తును నిర్ణయించే స్థాయిలో లేకపోయినా.. ప్రజల మూడ్‌, ముఖ్యంగా యువత ఆలోచనా విధానంపై ఒక సంకేతాన్ని మాత్రం ఇవ్వనున్నాయి. బీజేపీ కంచుకోటలను కాపాడుకుంటుందా? లేదంటే విద్యార్థి నిరసనల ప్రభావం ప్రతిపక్షాలకు ఊరటనిస్తుందా? మరికాసేపట్లో వెలువడే ఉప ఎన్నికల ఫలితాలు ఈ ప్రశ్నలకు సమాధానం ఇవ్వనున్నాయి.

తిరువనంతపురం: కేరళలో రెండు రోజులుగా కురుస్తున్న భారీ వర్షాలు తీవ్రనష్టం మిగిల్చాయి. వర్షాలకు సంబంధించిన ఘటనల్లో 8 మంది చనిపోగా మరో 8 మంది గల్లంతయ్యారు. కనీసం 13 మంది గాయపడ్డారు. పలు ప్రాంతాల్లో కొండచరియలు విరిగిపడగా, లోతట్టు ప్రాంతాలు నీటమునిగాయి. మొత్తం 27 నివాసాలు పూర్తిగా ధ్వంసమయ్యాయి. రాష్ట్ర వ్యాప్తంగా ఏర్పాటు చేసిన 209 సహాయక శిబిరాల్లో వేల మంది ఆశ్రయం పొందుతున్నారని సీఎం సతీశన్‌ తెలిపారు. కర్ణాటకలో కుండపోత వానలు కర్ణాటకలో భారీ వర్షాలు కురుస్తున్నాయి. కొప్పాల్‌ జిల్లాలో కొండపక్కనున్న నివాసంపై మట్టి పెళ్లలు విరిగిపడి మూడేళ్ల చిన్నారి సహా ముగ్గురు చనిపోగా, ఒకరు తీవ్రంగా గాయపడ్డారు. శివమొగ్గ జిల్లా అగుంబెలో 24 గంటల వ్యవధిలో 197 మిల్లీమీటర్ల వర్షపాతం నమోదైనట్లు ఐఎండీ తెలిపింది. కొడగు, ఉడుపి, చిక్కమగళూరు, సిర్సి, మంగళూరుల్లోనూ కుండపోతగా వాన కురిసింది. గుజరాత్, అస్సాం రాష్ట్రాల్లోనూ ఆదివారం విస్తారంగా వర్షాలు ముంచెత్తాయి.

జామ్‌నగర్: సస్పెన్స్ థ్రిల్లర్ 'దృశ్యం' సినిమాను తలపించే ఓ మిస్టరీ కేసును పోలీసులు ఛేదించారు. గుజరాత్‌లోని జామ్‌నగర్‌లో జరిగిన ఈ ఘటనలో ఓ వ్యక్తి అదృశ్యానికి సంబంధించి పోలీసులు విస్తుపోయే నిజాలు వెలుగులోకి తెచ్చారు. భర్తను హత్య చేసి, రెండేళ్ల పాటు ఎవరికీ అనుమానం రాకుండా ఓ పారిశ్రామిక యూనిట్ నేలలో మృతదేహాన్ని పాతిపెట్టిన భార్య, ఆమె ప్రియుడి ఉదంతాన్ని పోలీసులు బట్టబయలు చేశారు.పోలీసులు తెలిపిన వివరాల ప్రకారం.. జిగ్నేష్ మావడియా అనే వ్యక్తి గత రెండేళ్లుగా ఆస్ట్రేలియాలో నివసిస్తూ ఉద్యోగం చేస్తున్నాడని అతని కుటుంబ సభ్యులు నమ్ముతూ వచ్చారు. కానీ, అతన్ని హత్య చేసి.. దారెద్ జీఐడీసీ ప్రాంతంలోని ఒక ఫ్యాక్టరీలో దాదాపు 12 అడుగుల లోతున పూడ్చిపెట్టినట్లు పోలీసులు తేల్చారు.కుటుంబ సభ్యులలో ఒకరు ఆస్ట్రేలియాకు ప్రయాణమవుతూ.. అక్కడ జిగ్నేష్‌కు సంబంధించి స్థానిక కాంటాక్ట్ వివరాలు అడగడంతో ఈ హత్య సంగతి బయటపడింది. జిగ్నేష్ భార్య పృథ్వి, ఆమె ప్రియుడు నిలేశ్‌లను పోలీసులు అదుపులోకి తీసుకుని విచారించారు. ఘటనా స్థలం నుంచి వెలికితీసిన అస్థిపంజర అవశేషాలను డీఎన్ఏ పరీక్షల నిమిత్తం పంపించారు. అస్థిపంజరం ఎవరిదనే నిర్ధారణ అయిన తర్వాత హత్య, సాక్ష్యాలను ధ్వంసం చేయడం వంటి సంబంధిత సెక్షన్ల కింద కేసు నమోదు చేయనున్నట్లు అధికారులు తెలిపారు.విచారణ వివరాల ప్రకారం.. పృథ్వి, నిలేశ్‌లకు ఆమె వివాహానికి ముందే సంబంధం ఉంది. వివాహం తర్వాత కూడా వారు తమ వివాహేతర సంబంధాన్ని కొనసాగించారు. జిగ్నేష్‌ను మద్యంలో సైనేడ్ కలిపి హత్య చేశారని.. అనంతరం అతని మృతదేహాన్ని దారెద్ జీఐడీసీలోని ఒక ఫ్యాక్టరీకి తరలించి, సుమారు 12 అడుగుల లోతు గుంట తవ్వి నేల కింద పాతిపెట్టారు. జిగ్నేష్ ఉపాధి నిమిత్తం ఆస్ట్రేలియాకు వెళ్లినట్లు పృథ్వి కుటుంబ సభ్యులకు నమ్మబలికిందని.. దీంతో దాదాపు రెండేళ్ల పాటు ఎవరికీ ఎలాంటి అనుమానం రాలేదని పోలీసులు తెలిపారు.జిగ్నేష్ సోదరుడు అశోక్ మావడియా ఆస్ట్రేలియా వెళ్లినప్పుడు అక్కడ జిగ్నేష్ ఆచూకీ ఏమాత్రం లభించకపోవడంతో సిటీ బి పోలీస్ స్టేషన్‌లో ఫిర్యాదు చేశారు. పోలీసుల విచారణలో పృథ్వి తన నేరాన్ని అంగీకరించిందని.. మృతదేహాన్ని ఎక్కడ పాతిపెట్టిందో ఆ ప్రాంతాన్ని తెలిపింది. ఈ సమాచారం ఆధారంగా అసిస్టెంట్ కమిషనర్ ప్రతిభ నేతృత్వంలో సిటీ బి పోలీసులు దారెద్ జీఐడీసీలోని ఫ్యాక్టరీ ప్రాంగణంలో తవ్వకాలు జరిపి.. జిగ్నేష్‌దిగా భావిస్తున్న అస్థిపంజర అవశేషాలను వెలికితీశారు. ఈ అవశేషాలను ఫోరెన్సిక్ పరీక్షల కోసం పంపించగా.. ఈ కేసుకు సంబంధించి దర్యాప్తు కొనసాగుతోంది.

దేశవ్యాప్తంగా నైరుతి రుతుపవనాలు ఉగ్రరూపం దాల్చాయి. భారీ వర్షాలు, వరదల కారణంగా పలు రాష్ట్రాల్లో జనజీవనం స్తంభించింది. ఇప్పటివరకు కనీసం 41 మంది ప్రాణాలు కోల్పోయారు. అసోంలో వరదలు తీవ్ర నష్టాన్ని మిగులుస్తుండగా.. గుజరాత్‌లో రికార్డు స్థాయి వర్షాలతో అధికారులు రెడ్‌ అలర్ట్‌ ప్రకటించారు.బ్రహ్మపుత్ర ఉగ్రరూపం.. అసోంలో వరద పరిస్థితి మరింత ఆందోళనకరంగా మారింది. బ్రహ్మపుత్ర సహా పలు నదులు ఉప్పొంగడంతో 25 జిల్లాల్లోని 1,800కు పైగా గ్రామాలు నీటమునిగాయి. లక్షలాది మంది ప్రజలు వరద ప్రభావానికి గురయ్యారు. ఇండియన్‌ ఆర్మీ, ఎన్డీఆర్‌ఎఫ్‌, ఎస్డీఆర్‌ఎఫ్‌ బృందాలు రంగంలోకి దిగి సహాయక చర్యలు చేపట్టాయి. వరదల్లో చిక్కుకున్న ప్రజలను సురక్షిత ప్రాంతాలకు తరలిస్తున్నారు. వేలాది మంది సహాయక శిబిరాల్లో తలదాచుకుంటున్నారు.అయితే మరిన్ని వర్షాలు కురిసే అవకాశం ఉందని వాతావరణ శాఖ హెచ్చరించడంతో.. నదీ పరివాహక ప్రాంతాల్లో భయాందోళనలు కొనసాగుతున్నాయి.Assam Drowns in Deadly Floods.41 dead, over 7 lakh people affected as floods swallow 11 districts. Rivers still rising.Assam is hurting. Homes are gone, lives have been changed forever and even innocent animals have been lost.Please keep every affected family in your… pic.twitter.com/yAt3PCkyvb— زماں (@Delhiite_) July 24, 2026గుజరాత్‌లో ‘వర్ష’ విపత్తుఅసోంతో పాటు పశ్చిమ భారతంలోనూ వర్ష బీభత్సం కొనసాగుతోంది. గుజరాత్‌లోని వల్సాద్‌ జిల్లాలో కేవలం 24 గంటల్లోనే 1,100 మిల్లీమీటర్లకు పైగా వర్షపాతం నమోదైంది. దీంతో ఆకస్మిక వరదలు సంభవించాయి. రోడ్లు నదులను తలపిస్తున్నాయి. రైళ్ల రాకపోకలకు అంతరాయం ఏర్పడింది. విద్యుత్‌ సరఫరా నిలిచిపోయిన ప్రాంతాలు ఉన్నాయి. లోతట్టు ప్రాంతాల్లోని ఇళ్లలోకి వరద నీరు చేరింది.సహాయక బృందాలు సుమారు 1,200 మందిని సురక్షిత ప్రాంతాలకు తరలించాయి. నవ్‌సారీ, వల్సాద్‌ సహా పలు జిల్లాల్లో పరిస్థితిని అధికారులు నిశితంగా పర్యవేక్షిస్తున్నారు.సౌరాష్ట్రపై పొంచి ఉన్న ముప్పుగుజరాత్‌పై ప్రస్తుతం ఓ వాతావరణ వ్యవస్థ ప్రభావం చూపుతోంది. దాదాపు ఒకే ప్రాంతంలో స్థిరంగా కొనసాగుతున్న ఈ వాయుగుండం తరహా వ్యవస్థ భారీ నుంచి అతి భారీ వర్షాలకు కారణమవుతోందని వాతావరణ నిపుణులు చెబుతున్నారు. సౌరాష్ట్ర ప్రాంతంలో రాత్రివేళ వర్ష తీవ్రత మరింత పెరిగే అవకాశం ఉందని హెచ్చరికలు జారీ అయ్యాయి. అహ్మదాబాద్‌ సహా మధ్య గుజరాత్‌ ప్రాంతాల్లోనూ భారీ వర్షాలు కురిసే అవకాశం ఉంది.🌧️ WATCH | Cars Go Underwater After Heavy Rain Floods Vapi Parking Lot.Flooding in Gujarat’s Vapi leaves several cars submerged as heavy rains continue to lash Valsad district.#Gujarat #Vapi #Valsad #Floods #HeavyRain #Monsoon #IndiaNews #BreakingNews pic.twitter.com/NhPQg0TpzM— India Focus Daily (@indiafocusdaily) July 24, 2026ఎందుకింత తీవ్రత?సాధారణంగా జూన్‌ నుంచి సెప్టెంబర్‌ మధ్య దేశానికి అవసరమైన వార్షిక వర్షపాతంలో దాదాపు 70 శాతం నైరుతి రుతుపవనాల ద్వారానే వస్తుంది. అయితే తక్కువ సమయంలో భారీ వర్షాలు కురవడం వల్ల నదులు, డ్రైనేజీ వ్యవస్థలు తట్టుకోలేక వరదలు సంభవిస్తున్నాయి. ఈసారి పలు ప్రాంతాల్లో వరుసగా కురుస్తున్న అతిభారీ వర్షాలు పరిస్థితిని మరింత క్లిష్టంగా మార్చాయి. ముఖ్యంగా నదులు పొంగిపొర్లడం, నేలలో తేమ అధికంగా ఉండటం వల్ల వరద ముప్పు పెరిగింది.అప్రమత్తంగా ఉండాలని హెచ్చరికరానున్న రోజుల్లో మరిన్ని వర్షాలు కురిసే అవకాశం ఉందని ఐఎండీ హెచ్చరించింది. లోతట్టు ప్రాంతాల ప్రజలు అప్రమత్తంగా ఉండాలని, వరద నీటిలో ప్రయాణించవద్దని అధికారులు సూచిస్తున్నారు. ఒకవైపు అసోంలో వరదల విలయం.. మరోవైపు గుజరాత్‌లో కుండపోత వర్షాలు.. దేశంలోని పలు ప్రాంతాల్లో రుతుపవనాలు ప్రకృతి పరీక్ష పెడుతున్నాయి.

వల్సాడ్: గుజరాత్‌లోని పలు ప్రాంతాల్లో భారీ వర్షాలు బీభత్సం సృష్టించాయి. రాష్ట్ర దక్షిణ భాగంలో ఉన్న వల్సాడ్ జిల్లా తీవ్రంగా ప్రభావితమైంది. వల్సాడ్‌లోని ఉంబర్‌గావ్ ప్రాంతంలో గురువారం ఉదయానికి కేవలం 16 గంటల్లోనే రికార్డు స్థాయిలో 1,100 మి.మీ. వర్షపాతం నమోదైంది. దీంతో బాధితులను ప్రభావిత ప్రాంతాల నుండి సురక్షిత ప్రాంతాలకు తరలించారు.నిరంతరాయంగా కురుస్తున్న వర్షాల వల్ల పలు లోతట్టు ప్రాంతాలను వరదలు ముంచెత్తాయి. దీంతో జన జీవనం స్తంభించిపోయింది. వాపి ప్రాంతంలో భారీ వరదల కారణంగా పార్క్‌ చేసిన 50 కార్లకు పైగా నీట మునిగాయి. ఆ వీడియోలో ఓ భవనం పార్కింగ్ ఏరియా పూర్తిగా నీటితో నిండిపోయి.. నీటి మట్టం కార్ల కిటికీల వరకు చేరినట్లు కనిపిస్తోంది. పార్కింగ్ వెలుపల ఉన్న పరిసర ప్రాంతాలు కూడా జలమయమయ్యాయి. స్టేట్ ఎమర్జెన్సీ ఆపరేషన్ సెంటర్ (SEOC) డేటా ప్రకారం.. ఇటీవల కురిసిన భారీ వర్షాలకు వల్సాడ్ జిల్లా అత్యంత తీవ్రంగా ప్రభావితమైంది.ఔరంగా, పార్, దమన్ గంగ వంటి నదులు పొంగి పొర్లడంతో వల్సాడ్‌లో భారీగా వరదలు వచ్చాయి. సురత్ నగరంలోని లోతట్టు ప్రాంతాల్లో నివసిస్తున్న 2,200 మందికి పైగా ప్రజలను సురక్షిత ప్రాంతాలకు తరలించినట్లు అధికారులు తెలిపారు. దక్షిణ గుజరాత్‌లోని వల్సాడ్, నవసారి, డాంగ్స్, సూరత్, తాపి జిల్లాల్లో గురు, శుక్రవారాల్లో అతి భారీ వర్షాలు కురిసే అవకాశం ఉందని భారత వాతావరణ శాఖ (IMD) రెడ్ అలర్ట్ జారీ చేయడంతో స్థానిక అధికారులు అప్రమత్తమయ్యారు.Extreme torrential downpours struck Vapi in southern Gujarat, dumping nearly nine inches of rain that engulfed cars and washed livestock away in surging currents. The sudden deluge has caused widespread flooding throughout several areas of Valsad district. pic.twitter.com/6GZYIMHRcj— Gummalla Lakshmana (@GUMMALLALAKSHM3) July 23, 2026

అహ్మదాబాద్‌: దేశవ్యాప్తంగా కొనసాగుతున్న కాక్రోచ్‌ జనతా పార్టీ (సీజేపీ) ఆందోళనలు గుజరాత్‌కూ విస్తరించాయి. రాష్ట్రంలోని పలు ప్రాంతాల నుంచి విద్యార్థులు, యువత, సామాజిక కార్యకర్తలు అహ్మదాబాద్‌లో నిరసనలకు దిగారు. పరీక్షలలో అవకతవకలు, పేపర్ లీకులు, ఉద్యోగ నియామకాలలో జాప్యం, నిరుద్యోగ సమస్యలపై కేంద్ర ప్రభుత్వం తక్షణ చర్యలు తీసుకోవాలని వారు డిమాండ్ చేశారు.నిరసనకారులు ప్లకార్డులు, బ్యానర్లతో ర్యాలీలు నిర్వహిస్తూ తమ డిమాండ్లకు మద్దతుగా నినాదాలు చేశారు. భద్రతా దృష్ట్యా అహ్మదాబాద్‌లోని కీలక ప్రాంతాల్లో పోలీసులు భారీగా మోహరించారు. ఎలాంటి అవాంఛనీయ ఘటనలు జరగకుండా బందోబస్తును కట్టుదిట్టం చేశారు. సీజేపీ నేతలు మాట్లాడుతూ.. తమ డిమాండ్లు నెరవేరే వరకు దేశవ్యాప్తంగా ఆందోళనలు కొనసాగిస్తామని స్పష్టం చేశారు. మరోవైపు, నిరసనలు చేపట్టిన వారిని పోలీసులు అరెస్ట్‌ చేయడం గమనార్హం. దీనికి సంబంధించిన వీడియోలు సోషల్‌ మీడియాలో వైరల్‌గా మారాయి.MUMBAI ❌️ DELHI ❌️ Now, visuals emerge from Ahmedabad, Gujarat — home of Modi and Shah. Students are protesting against a failed education system. 👇 pic.twitter.com/zxQaQC3QcP— Priya Purohit (@Priyaa_Purohit) July 23, 2026 ఇదిలా ఉండగా.. బీజేపీ పాలిత రాష్ట్రాల్లో కూడా సీజేపీ నిరసనలు కొనసాగడం గమనార్హం. బీహార్‌, ఒడిషా, మహారాష్ట్ర, గుజరాత్‌ సహా తెలుగు రాష్ట్రాల్లో సైతం సీజేపీ కార్యకర్తలు, మద్దతుదారులు నిరసనలు చేపట్టారు. కేంద్ర విద్యాశాఖ మంత్రి ధర్మేంద్ర ప్రధాన్‌ రాజీనామా చేయాలని డిమాండ్‌ చేస్తున్నారు. The protest at Gujarat University in Ahmedabad remains ongoing, with students persisting in their demonstration despite considerable police mobilisation and the arrest of demonstrators.#StudentProtest #GujaratUniversity #NEETProtest #PoliceDetention #StudentVoice pic.twitter.com/BQTyKTp6au— Kumar R Talukdar🇮🇳 (@Kumarjyoti49291) July 22, 2026Ahmedabad, Gujarat 📍मोदी जी के गढ़ गुजरात में भी छात्र अब सड़को पर उत्तर आए हैं 🔥🔥 pic.twitter.com/KxbDWcd93L— Amit Mishra (@Amitjanhit) July 23, 2026

గుజరాత్ తీరంలోని కీలకమైన ‘కాంబే ఆఫ్‌షోర్’ చమురు, సహజవాయువు బ్లాక్‌ను నిలబెట్టుకోవాలనుకున్న వేదాంత లిమిటెడ్ ప్రయత్నాలకు ఢిల్లీ హైకోర్టులో ఎదురుదెబ్బ తగిలింది. వేదాంతకు కాంట్రాక్ట్ పొడిగింపును నిరాకరిస్తూ ఆ ఫెసిలిటీని ప్రభుత్వ రంగానికి చెందిన ఓఎన్‌జీసీకి అప్పగించాలన్న కేంద్రం నిర్ణయాన్ని ఉన్నత న్యాయస్థానం సమర్థించింది.హైకోర్టు కీలక వ్యాఖ్యలుజస్టిస్ పురుషేంద్ర కుమార్ కౌరవ్ నేతృత్వంలోని ధర్మాసనం వేదాంత పిటిషన్‌ను కొట్టివేసింది. 2017 ‘ప్రీ-నెల్ప్’ విధానం కింద ఉత్పత్తి పంచుకునే ఒప్పందం (పీఎస్‌సీ) పొడిగింపును కోరడం కంపెనీ ప్రాథమిక హక్కు కాదని స్పష్టం చేసింది. దేశ సహజ వనరులకు రక్షణగా ఉన్న ప్రభుత్వానికి దరఖాస్తుదారు సాంకేతిక అర్హతలతో పాటు వారి ప్రవర్తనను పరిశీలించే పూర్తి అధికారముందని కోర్టు పేర్కొంది. ‘ప్రాఫిట్ పెట్రోలియం’ ప్రభుత్వ వాటా నుంచి సుమారు రూ.88 కోట్లను వేదాంత ఏకపక్షంగా మినహాయించుకోవడాన్ని తీవ్రంగా పరిగణించింది.ఏమిటీ వివాదం?గుజరాత్‌లోని సూరత్ జిల్లా సువాలి తీరానికి సమీపంలో ఉన్న CB-OS/2 బ్లాక్‌లోని ‘లక్ష్మి’, ‘గౌరి’ క్షేత్రాల నుంచి రోజుకు 3,400 బ్యారెళ్ల చమురు, 3.4 లక్షల ఎస్‌సీఎం సహజ వాయువు ఉత్పత్తి అవుతోంది. వేదాంత 1998 నుంచి వీటిని నిర్వహిస్తోంది. 2023 జూన్‌లో ముగిసిన ఒరిజినల్ ఒప్పందాన్ని మరో 10 ఏళ్లు పొడిగించాలని వేదాంత కోరినప్పటికీ నిబంధనల ఉల్లంఘన, బకాయిలను కారణం చూపుతూ కేంద్రం అభ్యర్థనను తిరస్కరించి ఓఎన్‌జీసీకి అప్పగించాలని ఆదేశించింది.కోర్టు స్టేకు నిరాకరణతీర్పు వెలువడిన వెంటనే ఉన్నత న్యాయస్థానాన్ని (సుప్రీంకోర్టు) ఆశ్రయించేందుకు వీలుగా యథాతథ స్థితి (స్టేటస్ కో) విధించాలని వేదాంత కోరగా హైకోర్టు దానికి నిరాకరించింది. దాంతో ప్రభుత్వాదేశాల అమలుకు మార్గం సుగమమైంది. ఈ ప్రతికూల తీర్పు వార్తలతో స్టాక్ మార్కెట్‌లో వేదాంత లిమిటెడ్ షేరు క్షీణించింది.ఇదీ చదవండి: ఒక్కరోజులో ధరలు అమాంతం ఇలా..

జమ్మూకాశ్మీర్‌లోని వైష్ణో దేవి ఆలయం, ఉత్తరాఖండ్‌లోని కేదార్‌నాథ్, కేరళలోని శబరిమల లాంటి భారతీయ పుణ్యక్షేత్రాలలో నడవలేని వృద్ధులకు, వికలాంగులకు, అనారోగ్యంతో ఉన్న భక్తులకు డోలీలు (Palkis/Palanquins) సేవ నిజంగా గొప్ప వరం. హిమాలయాల్లోని పవిత్ర స్థలాలు, కొండపై కొలువైన దేవాలయాలకు చేరుకోవడానికి కూడా ఇవి ఎంతో ఉపయోగపడతాయి. భక్తులు ఎంతో కొంత చెల్లించి, ఈ డోలీల ద్వారా దైవ దర్శనం చేసుకుంటారు. ఇది స్థానిక యువకులకు మంచి ఆదాయాన్ని తెచ్చి పెడుతుంది కూడా. అయితే మానవ పల్లకి, లేదా డోలీ సేవ ఇపుడు నెట్టింట చర్చల్లో నిలిచింది.ఎందుకంటే..గుజరాత్‌లోని జునాగఢ్‌లో ఉన్న గిర్నార్ పర్వతంపై ఉన్న ప్రముఖ దత్తాత్రేయ పీఠాన్ని దర్శించుకోవాలంటే భక్తులు 10 వేల మెట్లు ఎక్కాల్సి ఉంటుంది. ఇందుకోసం చాలామంది ఇక్కడ డోలీ సేవలను ఉపయోగించు కుంటారు. అలా ఒక భక్తుడిని తీసుకెళ్తున్న నలుగురు వ్యక్తులు పల్లకి (డోలీ) లో మోస్తున్న వీడియో సోషల్ మీడియాలో వైరల్‌గా మారింది. భారీ కాయంతో ఉన్న అతడిని మోసుకుంటూ సన్నని మార్గంలో వారి ముఖాల్లో స్పష్టంగా కనిపిస్తున్న శారీరక శ్రమ, ఆయాసం చూసి నెటిజన్లు ఆవేదన వ్యక్తం చేశారు. ఈ వీడియోలో, తెల్లటి షర్టు, నల్లటి ప్యాంట్ ధరించిన ఒక భక్తుడిని నలుగురు డోలీ కార్మికులు మూదుల కర్రల సహాయంతో బ్యాలెన్స్ చేసుకుంటూ నిటారుగా ఉన్న రాతి మెట్లపై మోసుకెళ్తున్నారు. ఈ వీడియో వైరల్‌ కావడంతో నెటిజన్ల భిన్నాభిప్రాయాలు వ్యక్తం చేశారు. అలాగే ఈ ఘటన మానవులను మరో మానవుడు మోసే సాంప్రదాయంపై ఇంటర్నెట్‌లో పెద్ద ఎత్తున చర్చకు దారితీసింది.ఇదీ చదవండి: ఉద్యోగిని పెర్‌ఫామెన్స్‌ బాలేదని పెయిడ్‌ లీవ్‌ : కంపెనీకి భారీ క్రేజ్‌If you don't have the health to go, why bother going??, better stay at home instead of using other fellow human like slaves 😡 pic.twitter.com/1iffGHX6su— BAKWAS FELLOW (@siva17subraman) July 20, 2026డబ్బు కోసం మనుషులను మోయడం సరైనది కాదని, కేవలం బద్ధకంతో లేదా సౌకర్యం కోసం యువకులు/ఆరోగ్యంగా ఉన్నవారు కూడా ఈ సేవలను వాడుకోవడం సరికాదని, అమానవీయమని కొందరు అభిప్రాయం వ్యక్తం చేశారు. వృద్ధులు, దివ్యాంగులు లేదా తీవ్రమైన అనారోగ్యం ఉన్నవారికి మాత్రమే ఈ సేవలను అనుమతించాలని కొందరన్నారు. కేవలం బద్ధకంతో మనుషులను మోయించుకోవడం అస్సలు సరికాదు. నడవలేకపోతే ఇంట్లోనే ఉండొచ్చుగా అని మరికొందరు నెటిజన్లు వ్యాఖ్యానించారు.ఇదీ చదవండి: ఒకే కాన్పులో నలుగురు అమ్మాయిలు : 10 సీటర్‌ కారు కావాలిమరికొంతమంది సానుకూలంగా స్పందించారు. ఈ ప్రాంతాల్లో నివసించే ఎన్నో పేద కుటుంబాలకు ఈ పల్లకి సేవలే (డోలీ మోయడమే) ప్రధాన ఆదాయ వనరు. ఈ కష్టానికి గానూ వారు భారీ మొత్తంలోనే వసూలు చేస్తారని , ఈ ప్రాక్టీస్‌ను పూర్తిగా నిషేధిస్తే వారి పొట్ట కొట్టినట్లవుతుందని కొందరు వాదించారు.

దేశంలో భారీ ఉగ్రకుట్రను గుజరాత్‌ యాంటీ టెర్రరిస్ట్‌ స్క్వాడ్‌ (ATS) భగ్నం చేసింది. పాకిస్థాన్‌కు చెందిన నిషేధిత ఉగ్ర సంస్థ జైష్‌ ఏ మహ్మద్‌ (JeM)తో సంబంధాలు ఉన్న ఐదుగురిని అరెస్ట్‌ చేసింది. ఈ నెల ప్రారంభంలో ఇదే ఉగ్ర మాడ్యుల్‌కు చెందిన ఎనిమిది మందిని అదుపులోకి తీసుకోవడం గమనార్హం. అలాగే విచారణలో.. దేశంలోని పలు ప్రాంతాల్లో టైం బాంబ్‌ పేలుళ్లకు ఈ ముఠా కుట్ర పన్నినట్లు నిర్ధారించారు.పటాన్‌ జిల్లాలోని ఖడియాల్‌ గ్రామంలో గురువారం ఐదుగురు జేషై గ్రూప్‌ సభ్యుల్ని గుజరాత్‌ ఏటీఎస్‌ అదుపులోకి తీసుకుంది. అరెస్టైన వారిలో బిలాల్‌ అబిద్‌భాయ్‌ షెరా, మహ్మద్‌ అయూబ్‌ కడివాలా, మహ్మద్‌ పలాన్‌పురి అలియాస్‌ ఖలీ అయూబ్‌ సున్సారా, షఫియా రైస్‌ ముక్తి, మహ్మద్‌ హసన్‌ కర్డియా ఉన్నారు. ఇప్పటికే అరెస్టు చేసిన ఎనిమిది మంది అనుమానితుల విచారణలో ఈ ఐదుగురి పేర్లు బయటపడినట్లు అధికారులు తెలిపారు. వీరిని కోర్టులో హాజరుపరచగా.. జూలై 24 వరకు ఏటీఎస్‌ కస్టడీకి అప్పగించారు.దర్యాప్తులో భాగంగా ఓ నిందితుడు.. టైం బాంబ్‌ తయారు చేసేందుకు ప్రయత్నించినట్లు గుర్తించినట్లు పబ్లిక్‌ ప్రాసిక్యూటర్‌ కోర్టుకు తెలిపారు. దేశవ్యాప్తంగా ఈ ముఠా టైం బాంబులు అమర్చి పేలుళ్లకు పాల్పడాలని చూసిందని చెప్పారు. అయితే బాంబు తయారీకి సంబంధించిన సామగ్రి, జైష్‌ ఏ మహ్మద్‌కు సంబంధించిన ఉర్దూ సాహిత్యం ఇంకా స్వాధీనం చేసుకోవాల్సి ఉందని చెప్పారు. ముఠా సభ్యులు తయారు చేసిన పేలుడు పదార్థాన్ని పరీక్షించేందుకు ప్రయత్నించారని, అయితే ఆ ప్రయోగం విఫలమైందని అధికారులు వెల్లడించారు. బాంబు తయారీ సామగ్రి ఎక్కడి నుంచి తెచ్చారు? ఎక్కడ దాచారు? ఉగ్ర సంస్థకు సంబంధించిన సాహిత్యం వారికి ఎలా చేరింది? అనే అంశాలపై ఏటీఎస్‌ దర్యాప్తు చేస్తోంది.ఈ కేసులో జూలై 3న గుజరాత్‌, మధ్యప్రదేశ్‌లోని పలు ప్రాంతాల్లో జైష్‌ ఏ మహ్మద్‌తో సంబంధాలు ఉన్నట్లు అనుమానిస్తున్న ఎనిమిది మందిని ఏటీఎస్‌ అరెస్ట్‌ చేసింది. గుజరాత్‌లో క్రియాశీల ఉగ్ర నెట్‌వర్క్‌ ఏర్పాటు చేసేందుకు వారు ప్రయత్నిస్తున్నట్లు అప్పట్లో పోలీసులు వెల్లడించారు. తాజా అరెస్టులతో జైష్‌ ఏ మహ్మద్‌ మాడ్యూల్‌ వ్యవహారంలో మరిన్ని కీలక విషయాలు వెలుగులోకి వస్తున్నాయి. దేశంలో పెద్ద ఎత్తున పేలుళ్లకు జరిగిన కుట్రను ముందుగానే గుర్తించి అడ్డుకున్నట్లు ఏటీఎస్‌ అధికారులు చెబుతున్నారు.

స్నానం చేస్తుండగా ఓ యువకుడు మహిళను రహస్యంగా వీడియో తీశాడు. ఆ వీడియోతో ఆమెను లోబర్చుకున్నాడు. విషయం ఆమె భర్తకు తెలిసినా కుటుంబ పరువు పోతుందనే భయంతో మౌనంగా ఉన్నట్లు తెలుస్తోంది. అయితే యువకుడి ఆగడాలు మితిమీరిపోవడంతో.. అతడిని లేకుండా చేయాలని దంపతులు పథకం రచించారు. గుజరాత్‌లోని గాంధీనగర్‌లో తీవ్ర కలకలం రేపిన ఘటన వివరాల్లోకి వెళ్తే..గాంధీనగర్‌ జిల్లా పరిధిలోని కలొల్‌ ప్రాంతానికి చెందిన హార్దిక్‌ (20) కాలేజీ స్టూడెంట్‌. దాదాపు ఒకటిన్నర నెలల క్రితం ఓ మహిళ స్నానం చేస్తుండగా చాటుగా తన ఫోన్‌తో వీడియో తీశాడు. ఆ వీడియోను అడ్డుపెట్టుకుని ఆమెను మహిళను బెదిరించాడు. తనతో శారీరక సంబంధం కొనసాగించాలని ఆమెపై ఒత్తిడి చేశాడు. భయంతో ఆమె అతడి డిమాండ్లకు అంగీకరించింది.మహిళ భర్త ఫ్యాన్‌ రిపేర్లు, వైరింగ్‌ పనులు చేస్తుంటాడు. ఈ దంపతులకు ముగ్గురు పిల్లలు ఉన్నారు. భార్య పదే పదే ఫోన్‌లో మాట్లాడడంపై గట్టిగా నిలదీశాడు. ఆమె జరిగింది చెప్పింది. అయితే పరువు పోతుందనే భయంతో అతను మౌనంగా ఉండిపోయాడు. అయితే ఈలోపు హార్ధిక్‌ మితిమీరి ప్రవర్తించాడు.ఇంటి ముందు నుంచి వెళ్లే సమయంలో మహిళను చూసి కన్ను కొట్టడం, అసభ్య సైగలు చేయడం ఆ భర్త భరించలేకపోయాడు. మొదట హార్దిక్‌ కుటుంబ సభ్యులతో పంచాయితీ పెట్టి విషయం చెప్పాలని దంపతులు భావించారు. అయితే.. విషయం బయటకు తెలిసిపోతుందని భావించారు. ఈలోపు హార్దిక్‌ చేష్టలు ఆ భర్తకు మరింత కోపం తెప్పించాయి. దీంతో అతన్ని హతమార్చాలని ఆ దంపతులు నిర్ణయించుకున్నారు.పథకం ప్రకారం జూలై 11 ఉదయం మహిళ హార్దిక్‌కు ఫోన్‌ చేసి ఇంటికి రావాలని చెప్పింది. అంతకుముందే భర్త పని కోసం బయటకు వెళ్తున్నట్లు నటించి ఇంటి నుంచి వెళ్లిపోయాడు. పిల్లలు స్కూల్‌కు వెళ్లిపోయారు. హార్దిక్‌ తన తండ్రికి ఫోన్‌ చేసి.. పర్బత్‌పురలో ఓ భూమి చూసేందుకు వెళ్తున్నట్లు చెప్పాడు. అయితే అతడు నేరుగా ఆమె ఇంటికి వెళ్లాడు.ఈలోపు.. హఠాత్తుగా ఎంట్రీ ఇచ్చిన భర్తను చూసి హార్దిక్‌ పరుగులు తీయబోయాడు. భర్త అతని ఛాతీ మీద కూర్చోగా.. భార్య కాళ్లు, చేతులు బలంగా పట్టుకుంది. తొలుత ఆమె స్కార్ప్‌తో, ఆ తర్వాత కరెంట్‌ వైర్లను మెడకు బిగించి హార్దిక్‌ను హత్య చేశారు. ఆపై మృతదేహాన్ని ప్లాస్టిక్‌ సంచిలో పెట్టి ఇంటికి తాళం వేశారు. సరాసరి స్కూల్‌కు వెళ్లి పిల్లలను తీసుకుని.. వివాహిత స్వస్థలానికి పారిపోయారు.మొబైల్‌ స్విచ్చాఫ్‌ రావడంతో..హార్దిక్‌ ఫోన్‌ స్విచ్ఛాఫ్‌ రావడంతో కంగారుపడ్డ తండ్రి.. కలోల్‌ పీఎస్‌లో ఫిర్యాదు చేశాడు. దీంతో మిస్సింగ్‌ కేసు నమోదు చేసుకుని దర్యాప్తు చేపట్టారు. ఈ క్రమంలో నిందితుల ఇంటి నుంచి దుర్వాసన రావడంతో ఈ హత్య బయటపడింది. పోస్టుమార్టం నివేదికలో గొంతు నులిమి మరణించినట్లు వెల్డి కావడంతో.. దంపతుల్ని ట్రేస్‌ చేసి పోలీసులు అరెస్ట్‌ చేశారు.హార్దిక్‌ వద్ద ఉన్న మొబైల్‌లోనే మహిళకు సంబంధించిన వీడియో ఉండొచ్చని పోలీసులు అనుమానిస్తున్నారు. హత్య తర్వాత భర్త ఆ ఫోన్‌ను పగలగొట్టి రోడ్డుపక్కన పడేసినట్లు సమాచారం. ఫోన్‌ స్వాధీనం చేసుకునేందుకు నిందితులను విచారించనున్నట్లు పోలీసులు తెలిపారు.

జీవితాన్ని మార్చే కొన్ని నిర్ణయాలు తగరతి గదుల్లోనో లేక పెద్ద పెద్ద సమావేశాల్లోనో కాదు భరింపరాని దుఃఖం నుంచి మొదలవుతుంది. మనకెంతో ఇష్టమైన వ్యక్తిని కోల్పోయిన తీవ్ర దుఃఖం ఒకవైపు.. ఒక్కసారిగా మీదపడ్డ కుటుంబ బాధ్యతలు ఇంకోవైపు.. ఆ తరుణంలో తీసుకునే సరైన నిర్ణయాలే ఆ మనిషి గొప్పతనాన్ని చాటుతాయి. అందుకు నిదర్శమే ఈ గుజరాత్‌ ధీరవనిత కథ. ఆ మహిళే గుజరాత్‌లోని కచ్‌ జిల్లాలో నివశిస్తున్న శాంతాబెన్‌. భర్త మరణంతో ఒక్కసారిగా పిల్లల చదువులు, కుటుంబాన్ని పోషించడం వంటి బాధ్యతలు ఆమె మీద పడిపోయాయి. అప్పటి వరకు ఇంటి పట్టున భర్త నీడలో బతికిన ఆమెకు ఒక్కసారిగా ఏం జరుగుతోందో అర్థం కాలేదు. ఎందుకంటే వ్యవసాయ పనులు గురించి గానీ, ఎలా కుటుంబాన్ని పోషించుకోవాలన్న దానిపై గానీ ఏ మాత్రం ఆలోచన, అవగాహన లేదు. ఆ క్లిష్ట సమయంలో తనముందుకు ఉన్న ఒకే ఒక్క దారి.. కుటుంబానికి ఆధారమైన వ్యవసాయ క్షేత్రాన్ని భర్త తదనంతరం తానే స్వయంగా నిర్వహించడం ఒక్కటే. నిజానికి ఆ పనులు ఏవీ ఆమెకు తెలియదు. కనీసం వ్యవసాయ పనిముట్లు ఎలా వాడాలో కూడా తెలియదు. ప్రతీది నేర్చుకోవాల్సిందే. అయినా వెనకడుగు వేయలేదు. భావిని తవ్వడం నుంచి, ఎలాంటి ఎరువులు కొనాలి, ఎలాంటి పురుగులు మందులు ఉపయోగించాలి అన్నింటిని వేగంగా నేర్చుకుంటూ వ్యవసాయం చేయడం మొదలు పెట్టింది. అంతేగాదు ఆఖరికి 40 ఏళ్ల వయసులో ట్రాక్టర్‌ని నడపడం కూడా స్వయంగా నేర్చుకుంది. అయితే ఇంతలా కష్టపడుతున్నా.. అప్పటికే ఇంటి మీద ఉన్న అప్పులు, కారణంగా కుటుంబ నిర్వహణ మరింత కష్టంగా మారిపోయింది. చెప్పాలంటే ఆర్థిక పరిస్థితి ఘోరంగా దిగజారిపోయింది. ఇక ఉన్న ఆ ఒక్క పొలం అమ్మితే కానీ పరిస్థితి చక్కబడేట్లు కనిపించని దస్థితి. కానీ ఆమె ఆ సమయంలో ఎంతో సమన్వయంతో సాహసోపేతమైన నిర్ణయం తీసుకుంది. మొత్తం కుటుంబ సభ్యులు పొలాన్ని అమ్మేద్దామని అంటున్నా..అందుకు ఆమె నిరాకరించింది. తానే ఎలాగోలా కష్టపడి అప్పులు తీరుస్తాని హామీ ఇచ్చి మరీ.. వ్యవసాయం చేసేందుకే మొగ్గు చూపింది. అలా శాంతాబెన్‌ ఉదయం లేచిన దగ్గర నుంచి రాత్రి ఏడింటి వరకు పొలంలోనే ఉంటూ కష్టపడేది. ఆమె కష్టానికి ఫలితం లభించింది.. పొలం చక్కగా పండటం మొదలైంది. దాంతో ముందుగా ఇంటి మీద ఉన్న అప్పులు తీర్చేసి, పిల్లలను చదివించడం మొదలు పెట్టింది. అప్పటి వరకు బ్యాంకు ఖాతా తెలియని ఆమె..తనలాంటి మహిళా రైతులకు బ్యాంకులు అప్పులు ఇస్తాయని తెలుసుకుని, దాని సాయంతో మరింతగా వివిధ రకాల పంటలు వేసి పండించి ఆదాయం గడించటం మొదలు పెట్టింది. చివరికి పిల్లలను మంచి చదువులు చదివించే స్థాయికి చేరుకుని ఆదర్శంగా నిలిచింది. ఆమె కష్టానికి ఫలితంగా కుమారుడు సివిల్‌ ఇంజనీర్‌ అయ్యాడు. ఇప్పడు అతను అమ్మకు పొలంలో సహాయం చేస్తూ చేదోడు వాదోడుగా ఉన్నాడు. శూన్యం నుంచి జీవితాన్ని మొదలు పెట్టి శిఖరాగ్రానికి చేరుకునేలా జీవితాన్ని అందంగా మలుచుకుంది శాంతాబెన్‌. విషాదం అనేది తన మిగిలిన జీవితానికి ముగింపు కాదని ధైర్యంగా ముందుకు సాగితే మంచి రోజులు ఉంటాయనే చెప్పే స్ఫూర్తిదాయక కథ ఆమెది. అంతేగాదు కష్టకాలంలో తప్పుడు నిర్ణయాలు కాదు..వాటిని అధిగమించేలా ధైర్యంగా నిలబడాలని నొక్కి చెబుతోంది ఆమె కథ.(చదవండి: ఆ డీఆర్డీఓ శాస్త్రవేత్త అడిగిన ఒకే ఒక్క ప్రశ్న..లైఫ్‌నే మార్చేసింది!)

అహ్మదాబాద్‌: గుజరాత్‌లోని అహ్మదాబాద్‌ మున్సిపల్‌ కార్పొరేషన్‌(ఏఎంసీ) గిన్నిస్‌ బుక్‌ రికార్డు సాధించింది. ఏఎంసీ ఆధ్వర్యంలో గంట వ్యవధిలో∙ఏకంగా 3.61 లక్షల మొక్కలు నాటి రికార్డ్‌ సృష్టించారు. 25 వేల మంది వాలంటీర్లు ఈ కార్యక్రమంలో పాల్గొన్నారు. జపాన్‌కు చెందిన మియావాకి విధానంలో ఈ మొక్కలు నాటినట్లు అధికారులు తెలిపారు. ఏఎంసీని కేంద్ర హోంశాఖ మంత్రి అమిత్‌ షా ఆదివారం అభినందించారు. ప్రజల భాగస్వామ్యం, పటిష్టమైన ప్రణాళిక, పర్యావరణ పరిరక్షణ పట్ల సమాజానికి ఉన్న నిబద్ధతకు ఇది ఒక అద్భుతమైన నిదర్శనమని పేర్కొన్నారు. దాదాపు 91,006 చదరపు మీటర్ల విస్తీర్ణంలో ఈ మొక్కల నాటే కార్యక్రమం నిర్వహించారు. సుమారు 35 రకాల దేశీయ వృక్ష జాతులకు చెందిన 3.61 లక్షల మొక్కలను నాటారు. ఏక్‌ పేడ్‌ మా కే నామ్‌(తల్లి పేరిట ఒక మొక్క) కార్యక్రమం విస్తృత ప్రజాదరణ పొందుతోందని, సామూహిక ఉద్యమంగా మారుతోందని అమిత్‌ అన్నారు. దీనివల్ల దేశవ్యాప్తంగా పచ్చదనం పెరుగుతోందన్నారు. భవిష్యత్‌ తరాల కోసం భూమిపై పర్యావరణ వ్యవస్థను కాపాడుకోవడానికి అత్యంత కీలకమని సూచించారు. ఆదివారం అహ్మదాబాద్‌లో మొక్కలు నాటే కార్యక్రమంలో ఆయన పాల్గొన్నారు. ‘ఏక్‌ పేడ్‌ మా కే నామ్‌’ కింద దేశంలో 1.26 కోట్ల మొక్కలు నాటినట్లు ప్రభుత్వం వెల్లడించింది.

గిర్నార్ కొండల్లో తీవ్ర విషాదం చోటుచేసుకుంది. గుజరాత్‌లోని ప్రముఖ పుణ్యక్షేత్రమైన జునాగఢ్ గిర్నార్ కొండపై శనివారం ఉదయం కుటుంబ సభ్యులతో కలిసి మెట్లు ఎక్కుతున్న 11 ఏళ్ల బాలుడిపై అకస్మాత్తుగా సింహం దాడి చేసి.. అడవిలోకి లాక్కెళ్లింది. ఈ ఘటనలో బాలుడు ప్రాణాలు కోల్పోయాడు. గత 46 రోజుల్లో గుజరాత్ రాష్ట్రంలో మనుషులపై సింహాలు దాడి చేసిన తొమ్మిదో ఘటన ఇది.ఖేడా జిల్లా మోదాజ్ గ్రామానికి చెందిన బాలుడు మయూర్ సింగ్ తన కుటుంబంతో కలిసి గిర్నార్ క్షేత్ర దర్శనానికి వచ్చాడు. రాత్రంతా పుణ్యక్షేత్రం సమీపంలోనే బస చేసిన కుటుంబ సభ్యులు.. శనివారం తెల్లవారుజామున సుమారు 5:45 గంటల ప్రాంతంలో కొండ ఎక్కడం ప్రారంభించారు. వారు 50 మెట్లు ఎక్కిన తర్వాత అంతలోనే పక్కనే ఉన్న దట్టమైన అడవిలోంచి ఒక సింహం మెట్లపైకి దూసుకువచ్చింది. బాబాయ్ చేయి పట్టుకుని నడుస్తున్న మయూర్ సింగ్‌పై ఒక్కసారిగా దాడి చేసి అడవిలోకి లాక్కెళ్లిపోయింది.సమాచారం అందుకున్న వెంటనే అటవీ శాఖ సిబ్బంది, పోలీసులు, రెస్క్యూ టీమ్‌లు రంగంలోకి దిగి గాలింపు చర్యలు చేపట్టాయి. జునాగఢ్ ఫారెస్ట్ డివిజన్, సోషల్ ఫారెస్ట్రీ, సాసన్ రెస్క్యూ టీమ్‌లకు చెందిన సుమారు 60 నుండి 70 మంది సిబ్బంది ఈ ఆపరేషన్‌లో పాల్గొన్నారు. అడవిలో గాలించగా బాలుడి బూట్లు, బట్టలు, శరీర భాగాలు లభ్యమయ్యాయి. డెప్యూటీ కన్జర్వేటర్ ఆఫ్ ఫారెస్ట్స్ అక్షయ్ జోషి తెలిపిన వివరాల ప్రకారం.. సింహాలు అడవి దాటుతున్న సమయంలో ఈ దాడి జరిగి ఉండవచ్చని భావిస్తున్నారు. దాడికి కారణమైనట్లు అనుమానిస్తున్న మూడు సింహాలను అటవీ సిబ్బంది మత్తుమందు ఇచ్చి బంధించారు. ప్రస్తుతం వాటిని వైద్య పరీక్షల నిమిత్తం సక్కర్‌బాగ్ జూకు తరలించారు.బంధించిన సింహాలలో ఒక సింహం కక్కిన వాంతిలో బాలుడి శరీర అవశేషాలు లభ్యమయ్యాయని.. మిగిలిన శరీర భాగాలు అడవిలోని వేర్వేరు ప్రాంతాల్లో దొరికాయని అధికారులు ధృవీకరించారు. బాధిత బాలుడి కుటుంబానికి రాష్ట్ర ప్రభుత్వ వన్యప్రాణుల దాడి పరిహార విధానం కింద రూ.10 లక్షల ఆర్థిక సహాయాన్ని అధికారులు ప్రకటించారు.ఈ ఘోర ఘటనతో స్థానికులు, భక్తులు తీవ్ర ఆందోళన వ్యక్తం చేస్తున్నారు. గత కొన్ని రోజులుగా మెట్ల మార్గం పరిసరాల్లో సింహాలు తిరుగుతున్నాయని చెబుతున్నా అధికారులు పట్టించుకోలేదని బాలుడి కుటుంబ సభ్యులు ఆరోపించారు. మెట్ల మార్గంలో సరైన విద్యుత్ దీపాలు (లైటింగ్), భద్రతా ఏర్పాట్లు లేకపోవడం వల్లే తెల్లవారుజామున చీకట్లో వన్యప్రాణులను గుర్తించలేకపోయామని భక్తులు ఆవేదన వ్యక్తం చేశారు.ఘటన నేపథ్యంలో గిర్నార్ మెట్ల మార్గాన్ని అధికారులు తాత్కాలికంగా మూసివేశారు. అటవీ శాఖ సమగ్ర తనిఖీలు పూర్తి చేసిన తర్వాతే యాత్రను తిరిగి పునరుద్ధరించనున్నారు. భక్తుల రక్షణ కోసం అదనపు సిబ్బందిని మోహరించడంతో పాటు.. గిర్నార్ మార్గంలోని సుమారు 2,000 మెట్ల వరకు ఇనుప ఫెన్సింగ్ (రక్షణ కంచె) ఏర్పాటు చేసే ప్రతిపాదనను పరిశీలిస్తున్నట్లు అటవీ శాఖ తెలిపింది.

గాంధీనగర్‌ : దేశవ్యాప్తంగా తీవ్ర సంచలనం సృష్టించిన 2008 అహ్మదాబాద్ వరుస బాంబు పేలుళ్ల కేసులో గుజరాత్ హైకోర్టు అత్యంత కీలకమైన, చారిత్రాత్మక తీర్పును వెలువరించింది. ఈ ఘోర ఉగ్రవాద దాడికి పాల్పడిన 38 మంది నిందితులకు కింది కోర్టు (ప్రత్యేక న్యాయస్థానం) విధించిన ఉరిశిక్షను హైకోర్టు ధర్మాసనం పూర్తిగా సమర్థిస్తూ ఖరారు చేసింది. అలాగే, మరో 11 మందికి విధించిన యావజ్జీవ కారాగార శిక్షను కోర్టు సమర్థించింది. భారత న్యాయ చరిత్రలోనే ఒకే కేసులో ఇంతపెద్ద సంఖ్యలో (38 మందికి) మరణశిక్షలు ఖరారు కావడం ఇదే ప్రథమం.జస్టిస్ అల్పేష్ కొగ్జే, జస్టిస్ సమీర్ దవేలతో కూడిన గుజరాత్ హైకోర్టు ధర్మాసనం గత రెండున్నరేళ్లుగా దాదాపు 248 సార్లు అప్పీళ్లపై సుదీర్ఘ విచారణ జరిపిన అనంతరం నేడు ఈ తుది తీర్పును ప్రకటించింది. నిషేధిత ఉగ్రవాద సంస్థలు ఇండియన్ ముజాహిదీన్, సిమిలకి చెందిన ఉగ్రవాదులు కలిసి ఈ దారుణ కుట్రకు పాల్పడినట్లు ప్రాసిక్యూషన్ కోర్టులో బలంగా నిరూపించింది. దీంతో నిందితులపై దేశద్రోహం, హత్య నేరాలతో పాటు కఠినమైన ఉగ్రవాద నిరోధక చట్టం ఉపా కింద మోపిన చార్జీలను న్యాయస్థానం సమర్థించింది.జులై 26, 2008న గుజరాత్‌లోని ప్రముఖ వాణిజ్య నగరం అహ్మదాబాద్‌లో ఉగ్రవాదులు మారణహోమం సృష్టించారు. కేవలం 70 నిమిషాల స్వల్ప వ్యవధిలోనే ఏకంగా 21 ప్రాంతాల్లో వరుస బాంబు పేలుళ్లతో విరుచుకుపడ్డారు. రద్దీగా ఉండే మార్కెట్లు, బస్సులు మాత్రమే కాకుండా, మొదటి విడత పేలుళ్లలో గాయపడిన క్షతగాత్రులకు చికిత్స అందిస్తున్న సివిల్ హాస్పిటల్‌ను టార్గెట్ చేస్తూ ఉగ్రమూకలు రెండో విడత బాంబులు పేల్చడం గమనార్హం. ఈ అమానవీయ ఘాతుకంలో 56 మంది అమాయకులు ప్రాణాలు కోల్పోగా, 246 మంది తీవ్రంగా గాయపడ్డారు.తీర్పుతో పాటు బాధితులకు ఆర్థిక ఉపశమనం కలిగించేలా హైకోర్టు కీలక ఆదేశాలు జారీ చేసింది. ఈ పేలుళ్లలో మరణించిన వారి కుటుంబాలకు రూ. 10 లక్షలు, తీవ్రంగా గాయపడిన బాధితులకు రూ.5 లక్షలు,సాధారణంగా గాయపడిన వారికి రూ. 1 లక్ష చొప్పున నష్టపరిహారం చెల్లించాలని గుజరాత్ ప్రభుత్వానికి సూచించింది. ఈ నష్టపరిహార ప్రక్రియ మొత్తాన్ని మార్చి 31, 2027 లోగా పూర్తి చేయాలని న్యాయస్థానం గడువు విధించింది.

గుజరాత్‌లో తల్లిదండ్రులు 23 ఏళ్ల కన్న కొడుకును అతి దారుణంగా హత్య చేసి, ఆ ఘటనను ఆత్మహత్యగా చిత్రీకరించడానికి ప్రయత్నించిన దిగ్భ్రాంతికర ఉదంతం వెలుగులోకి వచ్చింది. మొదట ఆత్మహత్యగా భావించినప్పటికీ, ఇది అతని తల్లిదండ్రులు చేసిన హత్య అని తరువాత విచారణలో తేలింది. అయితే పెళ్లైన నాలుగు నెలలకే కొడుకును సొంత తల్లిదండ్రులే కిరాతకంగా ఎందుకు హతమార్చారు? అసలేం జరిగింది?ఈ ఘటన గుజరాత్‌లోని రాజ్‌కోట్ జిల్లా, గోండల్ తాలూకా పరిధిలోని గుండాల గ్రామంలో జూన్ 30న జరిగింది. మరణించిన వ్యక్తిని రామ్ బాబుభాయ్ బాంభవాగా గుర్తించారు. కొడుకు ఆత్మహత్య చేసుకున్నాడని కథలల్లారు నిందితులు. కానీ పోస్ట్‌మార్టం నివేదికలో అసలు విషయం తేలింది. ఇది హత్యకాదు ఆత్మహత్య అని నిర్ధారణ అయింది. పోస్ట్‌మార్టం నివేదిక వచ్చిన తర్వాత, బాధితుడి భార్య తన అత్తమామలపై పోలీసులకు ఫిర్యాదు చేసింది.పోలీసుల విచారణ ప్రకారం, రామ్‌కు విపరీతమైన తాగుడు అలవాటు ఉండేది. దీనివల్ల అతని తండ్రి బాబుభాయ్ (అతుల్‌భాయ్ ఘుఘాభాయ్ బాంభవా) తల్లి మనీషాబెన్ (అలియాస్ మోటిబెన్)తో తరచుగా గొడవలు జరిగేవి. మృతుడు తల్లిదండ్రులను నిత్యం వేధించేవాడు. ఈ కోవలోనే ఘటన జరిగిన రోజున కూడా ఇదే విషయంలో తల్లిదండ్రులు అతనితో తీవ్ర వాగ్వాదానికి దిగారు. వివాదం ముదరడంతో, తల్లి రామ్‌ చేత బలవంతంగా యాసిడ్ తాగించగా, తండ్రి అతనిపై దాడి చేసి గొంతు నులిమి చంపేసినట్టు ప్రాథమికంగా తెలుస్తోంది. అయితే ఈ నేరాన్ని కప్పిపుచ్చి ఆత్మహత్యగా చిత్రీకరించడానికి తండ్రి బాబుభాయ్ స్థానిక రాజకీయ పలుకుబడిని ఉపయోగించడానికి ప్రయత్నించినట్లు సమాచారం. అనుమానం రాకుండా గోండల్ సివిల్ ఆసుపత్రిలో హడావిడిగా ప్యానెల్ పోస్ట్‌మార్టం నిర్వహించేలా అధికారులపై ఒత్తిడి తెచ్చేందుకు, పలువురు స్థానిక నాయకులను సంప్రదించినట్లు పోలీసులు తెలిపారు.ఇదీ చదవండి: నాడు డెలివరీ బాయ్‌.. నేడు రెండు AI స్టార్టప్స్‌కు ఫౌండర్‌!అయితే, పోలీసుల సమగ్ర విచారణ, పోస్ట్‌మార్టం నివేదికలోని వివరాలు ఈ కుట్రను బయట పెట్టాయి. విషప్రయోగం , గొంతు నులిమి చంపడం వల్లే అతను మరణించాడని తేలింది.బాధితుడి భార్య బన్షీబెన్ బాంభవా ఇచ్చిన ఫిర్యాదు మేరకు, గోండల్ పోలీసులు హత్య కేసు నమోదు చేసి, తల్లిదండ్రులు బాబుభాయ్, మనీషాబెన్‌లను అరెస్టు చేశారు. తదుపరి విచారణ కొనసాగుతోంది. కాగా రామ్ నలుగురు తోబుట్టువులలో పెద్దవాడు. తండ్రి స్థానికంగా టీ కొట్టు నడుపుతూ కుటుంబాన్ని పోషిస్తున్నాడు.ఇదీ చదవండి: ఉద్యోగం Vs సంసారం : సింగిల్‌ మదర్‌ సునీత సక్సెస్‌ స్టోరీ

ఢిల్లీ: బిహార్‌లోని బాంకీపూర్, మధ్యప్రదేశ్‌లోని దటియ, గుజరాత్‌లోని మంజల్పూర్ అసెంబ్లీ సీట్లకు ఉప ఎన్నికల షెడ్యూల్‌ను ఎన్నికల సంఘం విడుదల చేసింది. బిహార్‌లోని బంకీపూర్ సీటుకు బీజేపీ జాతీయ అధ్యక్షుడు నితిన్ నబిన్ రాజీనామా చేయడంతో ఖాళీ ఏర్పడింది. అసెంబ్లీ ఉపఎన్నికలకు జులై 6 నుంచి జులై 13 వరకు అభ్యర్థులు నామినేషన్లు దాఖలు చేయవచ్చు. ఆ తర్వాత జులై 14న నామినేషన్ పత్రాలను పరిశీలించనున్నారు. జులై 16 వరకు నామినేషన్ ఉపసంహరణకు అవకాశం ఉంటుంది. ఆ తర్వాత బరిలో నిలిచిన అభ్యర్థుల తుది జాబితా విడుదల కానుంది. జులై 30న పోలింగ్, ఆగస్టు 3న కౌంటింగ్ ఉంటుంది.

అప్పటి వరకు గృహిణిగా గడిపిన ఆమె పారిశ్రామికవేత్తగా మారడం అంటే సాధారణ విషయం కాదు. కానీ ఒక మహిళ తలుచుకుంటే లక్ష్యాన్ని సాధించకుండా ఏది ఆపలేదు అనేందుకు ఉదాహరణగా మారింది గుజరాత్‌కు చెందిన ఈ గృహిణి. అంతేగాదు ఆమె గ్రామీణ భారతదేశంలోని మహిళ పారిశ్రామికవేత్తకు ప్రతీకగా నిలిచించి. ఇంటి పనులు నిర్వహిస్తూనే పశువుల సంరక్షణతో కోట్లాది రూపాయాలు ఆర్జిస్తోందామె.గుజరాత్‌కు చెందిన దర్యాబెన్‌కు 18 ఏళ్లకే వివాహమైంది. ఆ తర్వాత అత్తగారింట్లో గృహిణిగా బాధ్యతలు నిర్వహిస్తూ ఉండేది. తన అత్తమామలకు చేదోడు వాదుడుగా ఉంటూ.. పశువుల సంరక్షణ కూడా చూసుకుంటూ ఉండేది. అలా దర్యాబెన్‌ డైరీ కార్యకలాపాల్లో పాలుపంచుకుంది. కాలక్రమేణ తాను దాంతోనే వ్యాపారాన్ని నిర్మిస్తానని అనుకోలేదు. మొదట్లో పశువుల పోషణ, పాలు సేకరించడం వరకే చూశారామె. తన వంతు ఇంటికి సహాయపడదామనే ఉద్దేశ్యంతో పశువుల సంరక్షణనే వ్యాపారంగా మార్చుకుంది. అలా చిన్న డైరీ వ్యాపారాన్ని అభివృద్ధి చేసింది. అందుకోసం పాల ఉత్పత్తిని మెరుగుపరిచింది. ఆ తర్వాత ఇంట్లో ఉండే కొన్ని పశువుల సంఖ్యను కూడా పెంచి అనతి కాలంలోనే అతిపెద్ద డైరీగా మార్చింది. ప్రస్తుతం ఆమె వద్ద సుమారు 200 గేదెలు, 100 ఆవులు, వెరసి మొత్తం 300 పశువులు ఉన్నాయి. అంతేగాదు తన వ్యాపార కార్యకలాపాలను విస్తరించడానికి 14 మంది కార్మికులను కూడా నియమించుకుంది. ఆమె రోజు ఉదయం 3.30 గంటలకు పాలు సేకరించడంతో మొదలై ఫామ్‌ నిర్వహణకు సంబంధించిన పనులతో పూర్తవుతోంది. ప్రతిరోజు సుమారు వెయ్యిలీటర్లపైనే పాలు బనస్‌ డైరీకి సరఫరా చేసేది. ఈ మొత్తం ప్రక్రియ ద్వారా నెలకు సుమారు రూ. 20 లక్షల పైనే చొప్పున ఏటా ఏకంగా రూ. 1.85 కోట్ల ఆదాయాన్ని ఆర్జిస్తోందామె. ఇక్కడ 48 ఏళ్ల దర్యాబెన్‌ పాడి పరిశ్రమను సొంతం చేసుకోవడమే కాకుండా సమర్థవంతమైన నిర్వహణ, పాల ఉత్పత్తి వ్యూహాలు, పాడి సహకార సంఘాల నెట్‌వర్క్‌తో బలమైన అనుసంధానం తదితరాలతో మంచి విజయం అందుకుంది. ఇక బనాస్‌ డైరీ గుజరాత్‌లోనే అతిపెద్ద పాడి సహకార సంఘాల నెట్‌వర్క్‌లలో ఒకటి. ఇది లక్షలాదిమంది పాల ఉత్పత్తిదారులతో అనుసంధానమై ఉంది. ఈ డైరీ రైతులకు క్రమం తప్పని చెల్లింపులు, సాంకేతిక మార్గదర్శకత్వం, నమ్మకమైన మార్కెట్‌ సదుపాయం అందించి గ్రామీణ ఆదాయాలను గణనీయం పెంచడంలో సహాయపడుతుండటం విశేషం. అంతేగాదు ఎంతోమంది మహిళలను పారిశామ్రికవేత్తలుగా విజయం సాధించడంలో కీలక పాత్ర పోషించింది. అలా లబ్ధి పొందిన అనేకమంది మహిళల్లో దర్యాబెన్‌ కూడా ఒకరు. ఒకరకంగా ఇది గ్రామీణ పాంతంలోని మహిళలు కేవలం ఇంటి పనులకు, పశువులను చూసుకోవడానికే పరిమితం కాదని ఈ డైరీ నిరూపించింది కదూ. (చదవండి: ఏరోస్పేస్‌ ఉద్యోగాన్ని వదిలి కేఫ్‌..! ఏడాదికి రూ. 1.44 కోట్లు..)

అహ్మదాబాద్‌, సాక్షి: గుజరాత్‌లో కస్టమ్‌ అధికారుల నిర్వహించిన తనిఖీల్లో భారీగా బంగారం దొరికింది. అధికారులు రెగ్యూలర్‌ తనిఖీల్లో భాగంగా సోదాలు జరుపుతుండగా ప్లాస్టిక్‌ టేపులతో చుట్టిన రెండు బ్యాగులు స్వాధీనం చేసుకున్నారు. దానిని విప్పి చూడగా అందులో పెద్ద మెుత్తంలో బంగారు బిస్కెట్లు లభ్యమైనట్లు పేర్కొన్నారు. దుబాయి నుండి అహ్మదాబాద్‌ విమానాశ్రయానికి వస్తున్న ఇండిగో ఫ్లైట్ నెం. 6E-1478లో కస్టమ్స్ అధికారులు తనిఖీలు నిర్వహించారు. ఈ సందర్భంలో విమానం ముందు భాగంలోని టాయిలెట్‌ స్పీకర్‌ బాక్స్‌లో రెండు నల్లరంగు పర్సులు ఉన్నట్లు గుర్తించారు. దీంతో ఇంజినీర్ల సాయంతో వాటిని స్వాధీనం చేసుకొని వాటిని తెరిచారు. రెండు పర్సులలో దాదాపు 2,799.3 గ్రాముల బరువున్న 24 క్యారెట్ల స్వచ్ఛతగల బంగారు బిస్కెట్లను గుర్తించారు. మార్కెట్లో వీటి విలువ రూ. 4,26,89,325 గా తెలిపారు.అయితే భారత్‌లోకి బంగారం అక్రమంగా రవాణా చేసే భారతదేశంలోకి అక్రమంగా రవాణా చేసే ఉద్దేశ్యంతో ఒక గుర్తు తెలియని వ్యక్తి బంగారాన్ని దాచి పెట్టినట్లు అనుమానిస్తున్నారు. స్వాధీనం చేసుకున్న బంగారం చట్టబద్ధమైన యాజమాన్యాన్ని క్లెయిమ్ చేయడానికి ఎవరూ ముందుకు రాకపోవడంతో 1962 కస్టమ్స్ చట్టంలోని సంబంధిత నిబంధనల ప్రకారం దానిని ఎవరూ హక్కు కోరనిదిగా స్వాధీనం చేసుకున్నట్లు అధికారులు ప్రకటించారు.

రాజ్‌కోట్‌: గుజరాత్‌లోని రాజ్‌కోట్‌లో విషాదం చోటుచేసుకుంది. 14 ఏళ్ల బాలిక ఆనంది మోదీ పిల్లలతో కలిసి ఆడుకుంటూ కుప్పకూలింది. ఆసుపత్రికి తరలించి చికిత్స అందిస్తుండగా ప్రాణాలు కోల్పోయింది. గుండెపోటు కారణంగా ఆమె మరణించినట్లు చెబుతున్నారు. జామ్‌నగర్‌కు చెందిన ఆనంది సెలవుల సందర్భంగా రాజ్‌కోట్‌లో బంధువుల ఇంటికి వచి్చంది. ఆదివారం సాయంత్రం భోజనం కోసం కుటుంబ సభ్యులతో కలిసి రెస్టారెంట్‌కు వెళ్లింది. అక్కడ భోజనం తర్వాత రెస్టారెంట్‌ ప్రాంగణంలోనే పిల్లలతో కలిసి ఆడుకోవడం ప్రారంభించింది. పరుగు పందెం ప్రారంభించారు. ఇంతలోనే ఆనంది ఒక్కసారి కుప్పకూలిపోయింది. వెంటనే ఆసుపత్రికి తరలించినా ఫలితం లేకుండాపోయిందని కుటుంబ సభ్యులు ఆవేదన వ్యక్తంచేశారు. 2024 డిసెంబర్‌లో ఉత్తరప్రదేశ్‌లోని అలీగఢ్‌లో ఇలాంటి సంఘటనే జరిగింది. 14 ఏళ్ల బాలుడు మోహిత్‌ చౌదరి పాఠశాలలో పరుగు పందెంలో పాల్గొంటూ గుండెపోటుతో మృతి చెందాడు.

సూరత్‌: గుజరాత్‌లోని సూరత్‌లో ఆదివారం సెప్టిక్ ట్యాంక్ శుభ్రపరిచే పని చేస్తున్న నలుగురు కార్మికులు విష వాయువులు పీల్చి మృతి చెందినట్లు పోలీసులు తెలిపారు. ప్రాథమిక విచారణలో... నిర్వహణ పనుల సమయంలో భద్రతా నిబంధనలు పాటించలేదనే అనుమానాలు వ్యక్తమయ్యాయి.ఈ ఘటన అశ్విని కుమార్ ప్రాంతంలో చోటుచేసుకుంది. నగలను శుభ్రపరిచే ప్రక్రియలో ఉత్పత్తి అయ్యే వ్యర్థాలు ఈ సెప్టిక్ ట్యాంక్‌లోకి వెళ్తుంటాయి. పోలీసులు తెలిపిన వివరాల ప్రకారం.. ఈ ట్యాంక్‌ను ప్రతి 2 నెలలకు ఒకసారి శుభ్రం చేస్తారు.డిప్యూటీ కమిషనర్ ఆఫ్ పోలీస్ (జోన్-1) అలోక్ కుమార్ తెలిపిన వివరాల ప్రకారం.. ఆదివారం ఉదయం శుభ్రపరిచే పనిలో భాగంగా ఒక సూపర్‌వైజర్, ముగ్గురు కార్మికులు ట్యాంక్‌లోకి దిగారు. లోపలికి వెళ్లిన కొద్దిసేపటికే నలుగురూ కుప్పకూలిపోయారు. మూసివేసిన ఆ ప్రదేశంలో విష వాయువు ఉండటమే దీనికి కారణమై ఉండొచ్చని అధికారులు భావిస్తున్నారు. శ్వాస ఆడకపోవడమే వారు మృతిచెందడానికి ప్రధాన కారణమై ఉండొచ్చని, అయితే కచ్చితమైన కారణం పోస్టుమార్టం పరీక్ష తర్వాత తెలుస్తుందని తెలిపారు.కార్మికుల వద్ద భద్రతా పరికరాలు ఎక్కడ? ట్యాంక్‌లోకి దిగే ముందు సూపర్‌వైజర్ అగ్నిమాపక శాఖను సంప్రదించినట్లు పోలీసులు తెలిపారు. అయితే ప్రాథమిక వివరాల ప్రకారం, పనులు నిర్వహించే సమయంలో కార్మికుల వద్ద అవసరమైన భద్రతా పరికరాలు గానీ, రక్షణ సామగ్రి గానీ లేవు.సమాచారం అందుకున్న వెంటనే అగ్నిమాపక సిబ్బంది ఘటన స్థలానికి చేరుకుని రక్షణ చర్యలు ప్రారంభించారు. నలుగురు కార్మికులను ట్యాంక్ నుంచి బయటకు తీసి సమీప ఆసుపత్రికి తరలించారు. నిర్లక్ష్యమే ఈ ఘటనకు కారణమా? అనే అంశంపై అధికారులు దర్యాప్తు ప్రారంభించారు. భద్రతా విధానాలు అమలు చేశారా లేదా తెలుసుకునేందుకు సీసీటీవీ దృశ్యాలు, ఇతర ఆధారాలను పరిశీలించనున్నట్లు పోలీసులు తెలిపారు. బాధ్యులు ఎవరో గుర్తించనున్నారు.

సూరత్‌: అధికారంలో ఉన్న కొన్ని రాష్ట్రాల్లోనూ కాంగ్రెస్‌ సమర్థవంతమైన పాలన అందించలేక అవస్థలు పడుతోందని ప్రధాని మోదీ విమర్శించారు. కర్ణాటకలో సీఎం కుర్చీ నుంచి సిద్ధరామయ్యను దింపేసి డీకే శివకుమార్‌కు కాంగ్రెస్‌ పట్టంకట్టిన ఉదంతాన్ని మోదీ ప్రస్తావించారు. గుజరాత్‌లోని సూరత్‌ జిల్లాలో శుక్రవారం రూ.18,000 కోట్ల విలువైన పలు అభివృద్ధి ప్రాజెక్టుల ప్రారంబోత్సవాలు, శంకుస్థాపన కార్యక్రమాల్లో పాల్గొని మోదీ ప్రసంగించారు. ‘‘కాంగ్రెస్‌ అధికారంలో ఉన్న ప్రతి రాష్ట్రంలోనూ అక్కడి ప్రజలు అసంతృప్తితో రగిలిపోతున్నారు. కాంగ్రెస్‌ అందించే అసమర్థపాలన చలువే ఇదంతా. కర్ణాటకలోనూ ఇదే పునరావృతమైంది. అందుకే ఉన్నపళంగా ప్రస్తుత సీఎంను పక్కకునెట్టి కొత్త నేతను సీఎం కుర్చీపై కాంగ్రెస్‌ కూర్చోబెట్టింది. గత 12 ఏళ్లుగా కాంగ్రెస్‌ దేశవ్యాప్తంగా సందిగ్ధ పరిస్థితులను తనుకు సానుకూలంగా మల్చుకోవాలని ఆశపడింది. కానీ జనం వాళ్లను తిరస్కరించారు. ఇటీవల హిమాచల్‌ ప్రదేశ్, హరియాణా, పంజాబ్‌ స్థానిక ఎన్నికల్లోనూ కాంగ్రెస్‌కు భంగపాటు తప్పలేదు. గుజరాత్‌ ఓటర్లు కాంగ్రెస్‌ను కన్నెత్తి కూడా చూడట్లేరు. కాంగ్రెస్‌ అధికారంలో ఉన్న రాష్ట్రాల్లోనూ అసమర్థన పాలనతో పరువుపోగొట్టుకుంటున్నారు. దేశంలో అస్తవ్యస్థ పరిస్థితులు నెలకొనేలా చేసి రాజకీయ, ఎన్నికల లభ్ది పొందాలని కాంగ్రెస్‌ శతథా ప్రయతి్నస్తుంటే మేం భారత దేశం పలురంగాల్లో సామర్థ్యం పెంపు కోసం కృషిచేస్తున్నాం’’అని మోదీ వ్యాఖ్యానించారు. ‘‘వ్యతిరేక భావం నుంచి భారత్‌ ఏనాడో పక్కకు జరిగింది. ఇప్పుడంతా అవధుల్లేని ఆశా దృక్పథంతో, అసాధారణ ఆకాంక్షలతో భారత్‌ పురోగమిస్తోంది. ఇంధన రంగంలో భారత్‌ స్వావలంభన దిశగా అడుగులేస్తోంది. ఓవైపు చమురు, సహజవాయువులను వేర్వేరు ఖండాల దేశాల నుంచి కొనుగోలుచేస్తూ మరోవైపు పునరుత్పాదక ఇంధన రంగంలో పెట్టుబడులను పెంచుకుంటున్నాం. గత 12 ఏళ్లలో భారత సౌరవిద్యుత్‌ ఉత్పత్తి సామర్థ్యం 250 గిగివాట్లకు పెరిగింది’’అని మోదీ అన్నారు. పర్యటనలో భాగంగా సూరత్‌ జిల్లాలోని హజీరాలో ఉన్న లార్సెన్‌ అండ్‌ టూబ్రో వారి పరిశ్రమలో ‘జొరావర్‌(బలశాలి) 25 టన్నుల యుద్ధట్యాంక్‌ల తయారీని మోదీ పర్యవేక్షించారు. తర్వాత డామన్‌లో రూ.2,970 కోట్ల విలువైన అభివృద్ధి ప్రాజెక్టులను ఆరంభించారు. కొత్త ఎయిర్‌పోర్ట్‌ టరి్మనల్‌నూ ప్రారంభించారు. లక్షద్వీప్‌లోనూ రూ.885 కోట్ల విలువైన ప్రాజెక్టులకు శంకుస్థాపన చేశారు.

న్యూఢిల్లీ: పలు అభివృద్ధి ప్రాజెక్టుల ప్రారంభోత్సవాలు, శంకుస్థాపనల కోసం ప్రధాని నరేంద్ర మోదీ శుక్రవారం స్వరాష్ట్రం గుజరాత్‌లో పర్యటించనున్నారు. గుజరాత్‌తోపాటు డామన్‌లోనూ మోదీ పలు కార్యక్రమాల్లో పాల్గొంటారు. మొత్తంగా ఆయన రూ.22,000 కోట్ల విలువైన అభివృద్ధి కార్యక్రమాలను ప్రారంభిస్తారు. తొలుత సూరత్‌లో జరిగే భారీ బహిరంగ సభలో రూ.18,800 కోట్ల విలువైన పలు అభివృద్ధి ప్రాజెక్టులను మోదీ ఆరంభిస్తారు. వడోదర– ముంబై ఎక్స్‌ప్రెస్‌వేలోని ఆరో, ఏడో ప్యాకేజీ పనులను ప్రధాని మొదలెడతారు. గుజరాత్, మహారాష్ట్ర మధ్య రవాణాను వేగవంతంచేయంతోపాటు ఆర్థిక అనుసంధానతే లక్ష్యంగా ఈ ఎక్స్‌ప్రెస్‌వేను నిర్మిస్తున్నారు. తర్వాత సూరత్‌లో 200 పడకల ఈఎస్‌ఐసీ వారి ఆస్పత్రిని, డామన్‌లో నమో ఎయిర్‌పోర్ట్‌ కొత్త టర్మినల్‌ భవంతిని మోదీ ప్రారంభిస్తారు. ఇక్కడే మరో హెల్త్‌కేర్‌ కేంద్రాన్ని ఆయన ఆరంభిస్తారు. హజీరా ప్రాంతంలో కొనసాగుతున్న పరిశ్రమల కార్యకలాపాలను పర్యవేక్షించడంతోపాటు మౌలిక వసతులపై ఆయన సమీక్ష జరపనున్నారు. డామన్‌లో మొత్తంగా రూ.2,907 కోట్ల విలువైన పలు ప్రాజెక్టులను మోదీ ప్రారంభిస్తారు. లక్షద్విప్‌ కేంద్రపాలిత పాలిత ప్రాంతంలో రూ.885 కోట్ల విలువైన నాలుగు కీలక ప్రాజెక్టులకు మోదీ శంకుస్థాపన చేస్తారు. కాల్పెనీ ద్వీపం, కడ్మాట్‌ ద్వీపాల మధ్య తూర్పు, పశ్చిమాల వైపు నౌకాశ్రయాల అభివృద్ధి కోసం ఉద్దేశించిన ప్రాజెక్టులను మోదీ శంకుస్థాపన చేయనున్నారు.

గుజరాత్‌లోని సూరత్‌ జిల్లాలో ఘోర రోడ్డు ప్రమాదం జరిగింది. రెండు బస్సులు ఢీ కొని మంటలు చెలరేగాయి. దీంతో ఎనిమిది మంది సజీవ దహనమయ్యారు. మరో 15 మందికి గాయాలయ్యాయి. ప్రమాదస్థలి వద్ద పోలీసులు, రెస్క్యూ సిబ్బంది సహాయక చర్యలు చేపడుతున్నారు. ఘోరంగా ఢీకొన్న ఈ రెండు బస్సులు మహారాష్ట్ర రాష్ట్ర రోడ్డు రవాణా సంస్థకు చెందినవే. ఈ ప్రమాదం మంగళవారం సాయంత్రం 5.15 గంటలకు జరిగింది. సూరత్‌లోని బార్డోలీ తాలూకా ఉవా గ్రామం వద్ద ప్రమాదం చోటుచేసుకుంది. రెండు బస్సులు ఎదురెదురుగా రావడంతో ఈ ప్రమాదం జరిగినట్టు ప్రాథమిక సమాచారం.ఈ ప్రమాదంలో రెండు బస్సులు తీవ్రంగా దెబ్బతిన్నాయి. ఒక బస్సు ముందు భాగం పూర్తిగా ధ్వంసమైంది. మరో బస్సు బోల్తాపడింది. అందులో వెంటనే భారీగా మంటలు చెలరేగాయి. దీంతో మరింత మంది ప్రాణాలు కోల్పోయి ఉండొచ్చనే ఆందోళన వ్యక్తమవుతోంది.ప్రమాదానికి గురైన బస్సుల్లో ఒకటి ధూలే-సూరత్‌ మార్గంలో నడుస్తోంది. ఈ బస్సు ధూలే నుంచి నందుర్‌బార్‌, నవాపూర్‌ మీదుగా సూరత్‌కు వెళ్తోంది. మరో బస్సు గుజరాత్‌ నుంచి మహారాష్ట్ర వైపు ప్రయాణిస్తోంది. ఒక బస్సు డ్రైవర్‌ నియంత్రణ కోల్పోవడంతో అది డివైడర్‌ను ఢీకొట్టింది. ఆ సమయంలో ఎదురుగా వస్తున్న మరో బస్సు ప్రమాదాన్ని తప్పించుకునే ప్రయత్నంలో పక్కకు మళ్లింది. అయితే ఆ క్రమంలో బస్సు బోల్తాపడింది. బోల్తాపడగానే మంటలు అంటుకున్నట్టు సమాచారం.

అహ్మ‌దాబాద్‌: దేశం ఎంత పురోగ‌తి సాధించినా ఇంకా అక్క‌డ‌క్క‌డ అంధ‌కార యుగ‌పు ఆన‌వాళ్లు వెలుగులోకి వ‌స్తూనే ఉన్నాయి. మూఢ విశ్వాసుల‌ గుడ్డి న‌మ్మ‌కాలకు గ‌రీబులు బ‌లైపోతూనే ఉన్నారు. మూఢ విశ్వాసాల‌కు మూక‌స్వామ్యం తోడుకావ‌డంతో మ‌నుషులు మాన‌వ‌త్వం మ‌రిచిపోతున్నారు. మూఢనమ్మకాలు, గుంపు మనస్తత్వం.. ఒంటరి కుటుంబాలను ఎలా నాశనం చేయగలవో చూపే ఒక భయంకరమైన ఘ‌ట‌న గుజ‌రాత్‌లో వెలుగులోకి వచ్చింది. మంత్రాల నెపంతో ఓ కుటుంబంపై మూకుమ్మ‌డిగా దాడి చేసి ఒక‌రి ప్రాణాల‌ను బ‌లిగొన్నారు. మూక దాడి నుంచి త‌న కుటుంబాన్ని కాపాడుకునే క్ర‌మంలో ఇంటిపెద్ద క‌డ‌తేరిపోయాడు.సబర్కాంత జిల్లా (Sabarkantha district) విజయ్‌నగర్ తాలూకాలోని గడివన్‌కాడ గ్రామంలో ఈ అనాగరిక హ‌త్యోదంతం చోటుచేసుకుంది. మను రామ్‌జీ దామోర్, అత‌డి కుటుంబ స‌భ్యుల‌ను మంత్ర‌గాళ్ల నెపంతో కొంతకాలంగా గ్రామస్థులు వేధిస్తున్నారు. రామ్‌జీ భార్య‌ను 'మంత్రగత్తెస ముద్ర‌వేసి ఈ వేధింపుల‌కు పాల్ప‌డుతున్నారు. దాడి జ‌రిగిన రోజున, వేధింపులు హింసగా మారాయి. మను భార్యను లక్ష్యంగా చేసుకుని గ్రామస్థుల గుంపొక‌టి వారి ఇంట్లోకి బలవంతంగా చొరబడింది. మూక దాడి నుంచి త‌న భార్య‌ను త‌ప్పించేందుకు ఆమెకు ర‌క్ష‌ణ‌గా నిల‌బ‌డ్డాడు. అత‌డి ఇద్ద‌రు కొడుకులు కూడా త‌మ క‌న్న‌వాళ్ల‌ను కాపాడుకునేందుకు క‌దిలారు. కానీ గుంపు ముందు వారు నిస్స‌హాయులుగా మిగిలిపోయారు.12 మంది అరెస్టుత‌మ‌కు అడ్డుగా నిలిచిన ఈ ముగ్గురిపై మూఢ‌విశ్వాసులు ప‌దునైన ఆయుధాలతో విచ‌క్ష‌ణార‌హితంగా దాడికి పాల్ప‌డ్డారు. తీవ్రంగా గాయ‌ప‌డిన వీరిని పోలీసులు స‌హాయంతో స‌మీపంలోని ఆస్ప‌త్రికి త‌ర‌లించారు. తన కుటుంబాన్ని కాపాడుకునే క్రమంలో తగిలిన గాయాల కారణంగా మను మరణించాడు. మూక దాడి నుంచి భార్యను ర‌క్షించి అత‌డు ప్రాణాలు కోల్పోయాడు. ఈ దారుణ ఘ‌ట‌న‌పై చిటోడా పోలీసులు కేసు న‌మోదు చేశారు. స్థానిక క్రైమ్ బ్రాంచ్ సహాయంతో గంటలోపే 12 మంది నిందితుల‌ను అరెస్టు చేశారు.నిందితుల్లో న‌లుగురు మ‌హిళ‌లుచిటోడా పోలీసులు హత్యతో కూడిన అల్లర్ల కేసు నమోదు చేసి దర్యాప్తు ప్రారంభించారు. వేగంగా స్పందించిన పోలీసులు, స్థానిక క్రైమ్ బ్రాంచ్ సహాయంతో గంటలోపే 12 మందిని అరెస్టు చేశారు. వీరిలో న‌లుగురు మ‌హిళ‌లు ఉన్నార‌ని మీడియాకు ఖేడ్‌బ్రహ్మ డివిజన్ డీఎస్పీ ఉల్దీప్ నాయి వెల్ల‌డించారు. అరెస్టయిన వారు.. వాల్జీ సాలూజీ దామోర్, జిగ్నేష్ వాల్జీ దామోర్, రోహిత్ రాయ్, జివాజీ సాలూజీ దామోర్, నాగ్జీ సాలూజీ దామోర్, హిరాజీ సాలూజీ దామోర్, విజయ్ హిరాజీ దామోర్, కాంతి సాలూజీ దామోర్, సంగీతా నాగ్జీ దామోర్, అరుణ వాల్జీ దామోర్, శారదా కాంతి దామోర్, సీతా హిరాజ్ అని డీఎస్పీ తెలిపారు. చ‌ద‌వండి: ట్రాఫిక్‌ చలానా ఉంటే పిల్లనివ్వను

కనిపెంచిన తల్లిదండ్రులు,తోబుట్టువులు, భార్యాబిడ్డలు.. ఇలా అందర్నీ మరిచి, జీవితంమీద ఆశ కోల్పోయి తీసుకునే నిర్ణయమే ఆత్మహత్య. కానీ అంత నిస్సహాయ స్థితిలో తన ప్రాణాలు తీసుకునే చివరి క్షణాల్లో కూడా జరగబోయే ప్రమాదాన్ని గమనించి, తన కుటుంబం, ముఖ్యంగా చిన్న కూతురు మాన్వి, ఇతరులు క్షేమంగా కూడా ఉండాలని ఆయన ఆలోచించిన తీరు అందరినీ కదిలిస్తోంది. గుజరాత్‌లోని గాంధీనగర్‌లో జరిగిన ఈ విషాద ఘటన ఆలస్యంగా వెలుగులోకి వచ్చింది. ఉపాధి కోల్పోయి తీవ్ర ఆర్థిక ఇబ్బందుల్లో ఉన్న ఒక వ్యక్తి ఆత్మహత్యకు పాల్పడ్డారు. అయితే చనిపోయే తలుపుపై రాసిన చివరి లేఖ మాత్రం అందర్ని కదిలించింది.ఆత్మహత్యకు పాల్పడటానికి ముందు, ఆ వ్యక్తి తన ఫ్లాట్ తలుపుపై ఇంగ్లీష్‌లో ఒక హెచ్చరిక లేఖను అంటించాడు. అందులో "సెల్ఫాస్ (Celphos), విషవాయువు, మాస్క్ ధరించండి, నీళ్లు తాగొద్దు" అని రాసి ఉంది. ఇంట్లోకి ప్రవేశిస్తే ఆ విషవాయువు వల్ల ముఖ్యంగా తన చిన్న కూతురు మాన్వి, కుటుంబ సభ్యులు ప్రమాదంలో పడకూడదనే ఉద్దేశంతోఆయన ఈ హెచ్చరిక చేశాడు.'సెల్ఫాస్' అనేది అత్యంత విషపూరితమైన క్రిమిసంహారక మందు.మృతుడు పంకజ్ భన్సాలీ (42) గాంధీనగర్‌లోని కుడసన్ ప్రాంతంలో గల పూనమ్ రెసిడెన్సీ ఫ్లాట్‌లో నివసించేవాడు. ఇన్‌ఫోసిటీలోని ఒక స్టాక్ మార్కెట్ సంస్థలో పనిచేసే ఆయన, దాదాపు ఐదు నెలల క్రితం ఉద్యోగం కోల్పోయాడు. ఉద్యోగం పోవడంతో పాటు అప్పులు, నష్టాల కారణంగా ఆయన తీవ్ర మానసిక ఒత్తిడికి లోనయ్యాడు. పంకజ్ భన్సాలీ భార్య, కూతురు మే 13న పుట్టింటికి వెళ్లారు. భార్యాభర్తలు చివరి సారిగా మే 22న ఫోన్‌లో మాట్లాడుకున్నారు. ఆ తర్వాత నుంచి ఆయన ఫోన్ స్విచ్ఛాఫ్ రావడంతో బంధువులు మే 27న ఫ్లాట్ వద్దకు వచ్చి చూడగా ఈ ఘోరం వెలుగుచూసింది. మే 22న లేదా ఆ తరువాత గానీ భన్సాలీ ఆత్మహత్య చేసుకుని ఉంటాడని పోలీసులు భావిస్తున్నారు. ఐదు రోజుల పాటు మృతదేహం మూసి ఉన్న ఇంట్లోనే ఉండటం వల్ల పూర్తిగా కుళ్ళిపోయింది.ఇన్‌ఫోసిటీ పోలీసులు ఘటనా స్థలం నుండి విషపూరిత క్రిమిసంహారక మందును స్వాధీనం చేసుకుని, అనుమానాస్పద మృతిగా కేసు నమోదు చేసి దర్యాప్తు చేస్తున్నారు.

కెనడాలో గుజరాత్‌కు చెందిన 22 ఏళ్ల విద్యార్థిని దారుణ హత్యు గురైంది. మృతురాలిని గుజరాత్‌లోని ఆనంద్ జిల్లా, బోర్సాద్‌కు చెందిన విధి కల్పేష్‌భాయ్ మేఘానిగా గుర్తించారు. దుండుగులు విధి మేఘను దారుణంగా పొడిచి చంపారు. ఆమె మృతదేహం అమెరికా–కెనడా సరిహద్దులో లభ్యమైంది. అంతర్జాతీయ మీడియా ప్రకారం మేఘ గత నాలుగేళ్లుగా కెనడాలో నివసిస్తూ, తన చదువుతో పాటు, పార్ట్‌టైమ్ ఉద్యోగాన్ని కూడా చేసుకుంటూ ఉండేది. అంతేకాదు కెనడాలో శాశ్వత నివాసం కోసం దరఖాస్తు చేసుకునేందుకు కూడా సిద్ధమైంది. ఈ క్రమంలో ఈ నెల 15నుంచి ఆమె కనిపించకుండా పోయింది. దీనిపై కుటుంబ సభ్యులు, ఆమె సన్నిహితులు అక్కడి పోలీసులకు ఫిర్యాదు చేశారు. పోలీసుల గాలింపులో కెనడాలోని నయాగారా ప్రాంతంలో, కెనడా–అమెరికా సరిహద్దులో ఆమె మృతదేహం లభ్యమైంది. ఒంటిపై కత్తిపోట్లు ఆధారంగా ఆమెను ఎవరో పొడిచి చంపినట్లు పోలీసులు గుర్తించారు. అయితే ఈ దాడికి గల కారణాలు ఏంటి అనేది మాత్రం ఇంకా అస్పష్టంగానే ఉంది. ఈ ఘటనపై హత్య కేసు నమోదు చేసిన పోలీసులు, నిందితుడి కోసం ముమ్మరంగా గాలిస్తున్నారు.ఇదీ చదవండి: సీబీఎస్‌ఈ వివాదం : ఎట్టకేలకు మౌనం వీడిన ధరేంద్ర ప్రధాన్‌ఇదీ చదవండి: భారత మామిడి పళ్లపై జపాన్‌ బ్యాన్‌ : ఎందుకో తెలుసా?

గుజరాత్‌లోని బనస్కాంత జిల్లాలో దారుణం చోటు చేసుకుంది. నూరేళ్లు తోడు ఉంటానని ప్రమాణం చేసిన కట్టుకున్న భర్తే 12 ఏళ్ల వివాహ బంధానికి తూట్లు పొడిచాడు. భార్యను స్నేహితులకు రూ. 50,000కు అమ్మేశాడు. పైగా ఏమీ తెలియనట్టు తన భార్య మిస్సింగ్‌ అంటూ ఫిర్యాదు చేశాడు. ఈ ఘటనలో పోలీసులే నివ్వెరపోయే షాకింగ్‌ విషయాలు వెలుగు చూశాయి. సాధారణంగా మిస్సింగ్‌ ఫిర్యాదుగా మొదలై, ఉత్తర గుజరాత్‌లోని పాలన్‌పూర్ పోలీసులను నివ్వెరపర్చే మానవ అక్రమ రవాణా కేసును వెలికితీసేలా చేసింది. పోలీసుల కథనం ప్రకారం, ఈ నెల ప్రారంభంలో భర్తే స్వయంగా పాలన్‌పూర్ వెస్ట్ పోలీస్ స్టేషన్‌లో ఫిర్యాదు చేశాడు. ఈ దర్యాప్తులో ఈ దిగ్భ్రాంతి కర విషయం వెలుగు చూసింది. డీఎస్‌పీ జిగ్నేష్ గమిత్ ప్రకారం, నిందితుడు నిఖేష్‌ తన భార్య పాలన్‌పూర్ నగరం నుండి అదృశ్యమైందని పేర్కొంటూ భర్త మే 11న ఫిర్యాదు చేశాడు. అయితే, ఫిర్యాదు చేసిన రెండు రోజులకే అతను కూడా అదృశ్యమయ్యాడు. అతను కనబడకపోవడంతో, అతని తండ్రి పాలన్‌పూర్ ఈస్ట్ పోలీస్ స్టేషన్‌లో మరో అదృశ్య ఫిర్యాదును నమోదు చేశారు. ఈ వరుస ఫిర్యాదులు మరిన్ని అనుమానాలను రేకెత్తించడంతో దర్యాప్తును ముమ్మరం చేశామని తెలిపారు.ఆ తర్వాత భర్త ఆచూకీ గుర్తించి ఆరా తీశారు. అతను నేరాన్ని అంగీకరించాడు. అతడి సమాచారం ఆధారంగా భార్యను గుర్తించాయి.నిందితుడు భర్త . తన భార్య ప్రవర్తన నచ్చకపోవడంతో, ఆమెను వదిలించుకోవాలనే ఉద్దేశంతోనే స్నేహితులైన సంజయ్ ఠాకూర్, అశోక్ ఠాకూర్, సచిన్ దర్బార్‌ల సహాయంతో అమ్మేసినట్లు ఒప్పుకున్నాడు.చివరకు నిందితుల చెర నుంచి బాధితురాలిని పోలీసులు సురక్షితంగా కాపాడారు. తనను అమ్మేసిన తర్వాత ఒకచోట బంధించి, నిరంతరం లైంగిక దాడి చేశారని బాధితురాలు తన వాంగ్మూలంలో పేర్కొంది. అంతేకాకుండా, తన బంగారు ఆభరణాలను లాక్కొని అమ్మేశారని తెలిపింది. అలాగే, థరాడ్ సమీపంలోని ఒక గ్రామానికి చెందిన మరో ముగ్గిరికి ఆమెను రూ. 1.5 లక్షలకు అమ్మేందుకు ఒప్పందం కుదిరినట్లు ఆరోపణలు ఉన్నాయి.ప్రధాన నిందితుడు నిఖేష్ పటేల్‌కు ఇదివరకే పెళ్లయిందని, ఇతర మహిళలను లోబరుచుకోవడం, కిడ్నాప్ చేయడం వంటి నేర చరిత్ర ఉందని పోలీసులు గుర్తించారు. ఈ కోణంలో కూడా దర్యాప్తు కొనసాగిస్తున్నట్లు అధికారులు తెలిపారు. మరో మహిళను ఇంటికి తీసుకురావాలని చూస్తూ తనను హింసించేవాడని కూడా బాధితురాలు ఆరోపించింది. కేవలం ఈ కారణంతోనే, అతను తన స్నేహితులతో కలిసి కుట్ర పన్నాడని పోలీసుల ముందు వాపోయింది. ఇదీ చదవండి: అదే జరిగితే : సీనియర్లకు 400శాతం వేతనం పెంపు

గాంధీనగర్‌: గుజరాత్‌లో ఎబోలా వైరస్ కలకలం చోటుచేసుకుంది. కాంగో దేశానికి చెందిన 37 ఏళ్ల వ్యాపారవేత్త ఒకరు అస్వస్థతకు గురికావడంతో, అతనితో సన్నిహితంగా మెలిగిన మరో ముగ్గురిని అధికారులు అత్యవసరంగా ఐసోలేషన్ వార్డులకు తరలించారు. ప్రస్తుతం వీరి నమూనాలను పరీక్షల కోసం పూణే ల్యాబ్‌కు పంపినట్లు రాష్ట్ర ఆరోగ్య శాఖ మంత్రి ప్రఫుల్ పాన్షేరియా వెల్లడించారు.అనారోగ్యంతో వ్యాపారవేత్తకొద్దిరోజుల క్రితం కాంగో నుండి ముంబైకి చేరుకున్న సదరు వ్యాపారవేత్త, ఆ తర్వాత వడోదరకు వచ్చారు. అక్కడ అతనికి జ్వరం రావడంతో వడోదరలోని బ్యాంకర్ ఆసుపత్రిలో చేరారు. ముందస్తు జాగ్రత్తగా అతడిని అహ్మదాబాద్‌లోని సివిల్ ఆసుపత్రికి తరలించి, ప్రత్యేకంగా ఏర్పాటు చేసిన ఎబోలా వార్డులో ఉంచి చికిత్స అందిస్తున్నారు. ప్రస్తుతం అతని ఆరోగ్యం నిలకడగా ఉందని, భయపడాల్సిన అవసరం లేదని వైద్యులు చెబుతున్నారు.అప్రమత్తమైన యంత్రాంగంవ్యాపారవేత్తతో సన్నిహితంగా ఉన్న ముగ్గురు వ్యక్తులను గుర్తించిన అధికారులు, వారిని కూడా వెంటనే ఎస్‌విపి ఆసుపత్రిలో ఐసోలేషన్‌లో ఉంచారు. ఆ వ్యక్తులకు ఎటువంటి లక్షణాలు లేనప్పటికీ, పది నుండి పదకొండు రోజుల పాటు వారిని పర్యవేక్షించనున్నారు. ఆఫ్రికా దేశాల్లో ఎబోలా వ్యాప్తి నేపథ్యంలో, అహ్మదాబాద్ విమానాశ్రయంలో అప్రమత్తమైన అధికారులు, ఆయా దేశాల నుండి వచ్చే ప్రయాణికులను తనిఖీ చేస్తున్నారు.వదంతులను నమ్మవద్దుభారత్‌లో కానీ, గుజరాత్‌లో కానీ ఇప్పటివరకు ఒక్క ఎబోలా కేసు కూడా నిర్ధారణ కాలేదని వైద్య అధికారులు స్పష్టం చేశారు. గతంలో కూడా ఇలాంటి అనుమానిత కేసు నమోదైనప్పుడు పరీక్షల్లో నెగటివ్ వచ్చిందని తెలిపారు. ప్రజలు ఎటువంటి వదంతులను నమ్మవద్దని, జ్వరం, దగ్గు వంటి లక్షణాలు ఉన్నవారు వెంటనే సమీపంలోని ఆరోగ్య కేంద్రాలను సంప్రదించాలని అధికారులు సూచించారు.ఇది కూడా చదవండి: భక్తిశ్రద్ధలతో బక్రీద్: హై అలర్ట్‌లో భద్రతా బలగాలు

అహ్మదాబాద్‌: గుజరాత్‌ రాజధాని అహ్మదాబాద్‌లో గతేడాది జరిగిన ఎయిరిండియా విమాన ప్రమాదంలో తీవ్రంగా దెబ్బతిన్న హాస్టల్‌ సముదాయాన్ని గుజరాత్‌ ప్రభుత్వం పునర్నిర్మించనుంది. సుమారు రూ. 105 కోట్ల అంచనా వ్యయంతో ఆ ప్రదేశంలో ప్రభుత్వం కొత్త అత్యాధునిక హాస్టల్‌ సౌకర్యాన్ని నిర్మిస్తుందని ఆరోగ్య శాఖ మంత్రి ప్రఫుల్‌ పన్షేరియా తెలిపారు. ప్రమాదం తర్వాత నిర్వహించిన స్ట్రక్చరల్‌ ఆడిట్‌లో భవనాలు అంత సురక్షితంగా లేవని తేలిందని, దీంతో కూల్చివేత అనివార్యమైందని ఆయన వెల్లడించారు. హాస్టల్‌ బ్లాక్‌లు, క్యాంటీన్, సబ్‌–స్టేషన్‌ భవనానికి జరిగిన నష్టానికి గాను ఆరోగ్య విభాగానికి రూ. 53.12 కోట్లు చెల్లించడానికి టాటా గ్రూప్‌ అంగీకరించిందన్నారు. హాస్టల్‌ పునర్నిర్మాణ ప్రణాళికను ఆయన ప్రకటించారు. విద్యార్థుల వసతి సౌకర్యాలకు అంతరాయం కలగకుండా ఉండేందుకు, రాష్ట్ర ప్రభుత్వం కొత్త హాస్టల్‌ను నిర్మించాలని నిర్ణయించిందని పన్షేరియా చెప్పారు. 236 మంది వైద్యులకు వసతి సౌకర్యాల తో కూడిన గ్రౌండ్‌–ప్లస్‌–8 అంతస్తుల హాస్టల్‌ కాంప్లెక్స్‌ను నిర్మిస్తారు. ఇందుకు గాను రూ. 51.84 కోట్లకు గాను, 2026–27 బడ్జెట్‌లో ఈ ప్రాజెక్ట్‌ కోసం ఇప్పటికే రూ. 34.65 కోట్లు కేటాయించారని పన్షేరియా పేర్కొన్నారు.స్మారక చిహ్నం నిర్మించాలి: మృతుల బంధువులులండన్‌ వెళ్తున్న ఎయిర్‌ ఇండియా విమానం ఏఐ–171 గతేడాది జూన్‌ 12న సర్దార్‌ వల్లభాయ్‌ పటేల్‌ అంతర్జాతీయ విమానాశ్రయం నుంచి టేకాఫ్‌ అయిన కొద్ది క్షణాలకే బీజే మెడికల్‌ కాలేజీ హాస్టల్‌ సముదాయంలో కూలిపోవడం, ప్రమాదంలో విమానంలోని 241 మంది, హాస్టల్‌లో ఉన్న 19 మంది మరణించడం, ఒకే ఒక్క ప్రయాణికుడు ప్రాణాలతో బయటపడటం తెలిసిందే. అయితే, ఆ ప్రమాదం జరిగిన ప్రదేశాన్ని ఒక స్మారక చిహ్నంగా పరిరక్షించాలని బాధితుల కుటుంబాలు కొన్ని కోరుతున్నాయి. ఈ మేరకు 115 మంది బాధితులకు ప్రాతినిధ్యం వహిస్తున్న ఒక న్యాయ సంస్థ ద్వారా అధికారులకు ఈమెయిళ్లు పంపింది. ‘మాకు, ఆ ప్రదేశం కేవలం భూమి లేదా మౌలిక సదుపాయాలు మాత్రమే కాదు. ఇది జీవితా లు, జ్ఞాపకాలు, దుఃఖం, పూడ్చలేని నష్టంతో ముడిపడి ఉన్న ప్రదేశం. కుటుంబాలకు జ్ఞాపకార్థ స్థలంగానే కాకుండా, ప్రాణాలు కోల్పోయిన వారికి, జవాబుదారీతనం, భద్రత యొక్క ప్రాముఖ్యతకు శాశ్వతమైన బహిరంగ గుర్తింపుగా కూడా ఒక స్మారక చిహ్నం ఉపయోగపడుతుంది’ అని ఈమెయిల్‌లో పేర్కొన్నారు. ప్రమాద స్థలం గురించి ఎలాంటి నిర్ణయ మైనా తీసుకునే ముందు తమను సంప్రదించాలని బంధువులు ప్రభుత్వానికి విజ్ఞప్తి చేశారు.

గాంధీనగర్‌: గుజరాత్‌లో భారీ డ్రగ్స్‌ ముఠాను యాంటీ టెర్రరిస్ట్‌ స్క్వాడ్‌ (ఏటీఎస్‌) పోలీసులు గుట్టు రట్టుచేశారు. కచ్‌లో సుమారు రూ.1180 కోట్ల విలువైన 118 కిలోల కొకైన్‌ను స్వాధీనం చేసుకున్నారు. ఈ కేసులో ఇప్పటి వరకు ముగ్గురు విదేశీయులను అరెస్టు చేశారు.రాష్ట్రంలో ఇటీవల భారీ ఎత్తున డ్రగ్స్‌ రవాణా జరుగుతున్న ఘటనలు వెలుగులోకి వస్తున్నాయి. ఈ క్రమంలో బ్రెజిల్, పలు లాటిన్ అమెరికా దేశాలు, మెక్సికో, అమెరికా, కరాచీ (పాకిస్థాన్‌) మీదుగా ప్రయాణించి గుజరాత్ తీరానికి ఓ ఓడ చేరుకుంది. ముంద్రా తీరానికి సుమారు 9.5 కిలోమీటర్ల దూరంలో ఉండగా, ఆ ఓడ నుంచి అనుమానాస్పదంగా ప్యాకెట్లు సముద్రంలోకి విసురుతున్నట్లు కోస్ట్‌ గార్డులు గుర్తించారు. వెంటనే గుజరాత్‌ ఏటీఎస్‌ పోలీసులకు సమాచారం అందించగా.. ఏటీఎస్‌–కోస్ట్‌ గార్డ్‌ సంయుక్త ఆపరేషన్‌ నిర్వహించారు.ఆపరేషన్‌ సమయంలో ఓడలో ఇద్దరు నైజీరియన్‌ జాతీయులు ఉండగా, వారిలో ఒకరు సముద్రంలోకి దూకి తప్పించుకున్నారు. మరో ఇద్దరిని క్లావిన్‌ చుక్వుమా (టాంజానియా పౌరుడు), బ్యారుహంగా జేమ్స్‌ (ఉగాండా పౌరుడు)గా గుర్తించారు. కంటైనర్ల ద్వారా తెచ్చిన కొకైన్‌ను భారత్‌లో ఎవరికి అందించాలనుకున్నారు. ఏ ప్రాంతానికి తరలించాలనుకున్నారు అనే విషయాలను పోలీసులు విచారిస్తున్నారు. ప్రాథమిక సమాచారం ప్రకారం, ఆ డ్రగ్స్‌ను ఢిల్లీలోని ద్వారకలో నివసిస్తున్న ఇద్దరికి అందజేయాల్సి ఉందని నిందితులు వెల్లడించినట్లు తెలుస్తోంది.గత ఏడాది ఏప్రిల్‌ 13న పోర్‌బందర్‌లో రూ.1800 కోట్ల విలువైన 300 కిలోల మాదకద్రవ్యాలను స్వాధీనం చేసుకున్నారు. ఏప్రిల్‌ 12 రాత్రి జరిగిన సంయుక్త ఆపరేషన్‌లో గుజరాత్‌ ఏటీఎస్‌, కోస్ట్‌ గార్డ్‌ బృందం, పోర్‌బందర్‌కు 190 కిలోమీటర్ల దూరంలో సముద్రంలో ఈ మాదకద్రవ్యాల రవాణాను అడ్డుకుంది.గుజరాత్‌ ఏటీఎస్‌ సమాచారం మేరకు, కోస్ట్‌ గార్డ్‌ అంతర్జాతీయ సముద్ర సరిహద్దు రేఖ (IMBL) వద్దకు గాలింపు నౌకను పంపింది. కోస్ట్‌ గార్డ్‌ బృందం ఒక పడవను గుర్తించి, అందులోని వారి వ్యక్తిగత వివరాల గురించి ఆరా తీసింది. దీంతో భయపడిన స్మగ్లర్లు మత్తుమందు ప్యాకెట్లను సముద్రంలోకి విసిరేసి, అంతర్జాతీయ సరిహద్దు దాటి పారిపోయారు.

బనస్కాంత: గుజరాత్‌లోని బనస్కాంత జిల్లాలో జరిగిన ఒక అమానవీయ ఘటన సమాజానికి తలవుంపులు తెచ్చింది. రూ. 50 వేల కోసం భార్యను స్నేహితులకు అమ్మేసి, ఆమెపై 10 రోజుల పాటు సామూహిక అత్యాచారం జరిగేలా చేసిన ఒక దుర్మార్గుడి ఉదంతం అందరినీ నివ్వెరపోయేలా చేస్తోంది.మిస్సింగ్ డ్రామాతో..మే 11న తన భార్య అదృశ్యమైందని పాలన్‌పూర్ పశ్చిమ పోలీస్ స్టేషన్‌లో సదరు భర్త ఫిర్యాదు చేశాడు. అయితే, రెండు రోజుల తరువాత అతను కూడా అదృశ్యం కావడంతో, అనుమానం వచ్చిన అతని తండ్రి పోలీసులకు మరో ఫిర్యాదు చేశారు. పోలీసులు ఈ కేసును దర్యాప్తు చేస్తున్నప్పుడు భర్త తీరుపై వారికి అనుమానం తలెత్తింది. దీంతో వారు ప్రణాళికతో దర్యప్తు నిర్వహించి, నిందితుని నోటి నుంచే నేరాన్ని కక్కించారు.10 రోజుల నరకంపోలీసులు నిందితుడిని, ఆ తర్వాత బాధితురాలిని గుర్తించి విచారించగా, విస్తుపోయే విషయాలు బయటపడ్డాయి. తన భార్యను స్నేహితులకు రూ. 50 వేలకు అమ్ముకున్నట్లు విచారణలో తెలిపాడు. ఆ పది రోజులు ఆమెను బందీని చేసి, పదేపదే లైంగిక దాడికి పాల్పడడమే కాకుండా, ఆమె ఒంటిపై ఉన్న నగలను కూడా దోచుకుని అమ్మేసినట్లు బాధితురాలు పోలీసులకు తెలిపింది. బాధితురాలి ఫిర్యాదు మేరకు అత్యాచారం, మానవ అక్రమ రవాణా, నేరపూరిత కుట్ర వంటి తీవ్రమైన సెక్షన్ల కింద భర్తపై కేసు నమోదు చేశారు. ఈ ఘటనలో ప్రధాన సూత్రధారి అయిన భర్తతో సహా మొత్తం ఏడుగురిని పోలీసులు అరెస్టు చేశారు. నిందితుడికి గతంలో కూడా బాలికలను లోబర్చుకుని, కిడ్నాప్ చేసిన క్రిమినల్ చరిత్ర ఉందని డిప్యూటీ సూపరింటెండెంట్ ఆఫ్ పోలీస్ జిగ్నేష్ గామిత్ తెలిపారు.

అహ్మదాబాద్‌: గుజరాత్‌లోని గిర్‌ వన్యప్రాణుల అభయారణ్యంలో విషాదం చోటు చేసుకుంది. పలు కారణాలతో ఐదు సింహాలు మృత్యువాతపడ్డాయి. ఈ వివరాలను ఆ రాష్ట్ర అటవీశాఖ మంత్రి ప్రకటించారు. మృతిచెందిన సింహాల్లో మూడు పెద్ద సింహాలు కాగా మరో రెండు సింహాం కూనలని ఆ రాష్ట్ర అటవీ శాఖ మంత్రి పేర్కొన్నారు. మృతిచెందిన సింహాల్లో రెండు సహజ కారణాలతో ఒకటి మాత్రం కొట్లాటలో గాయాల పాలై చనిపోయిందని తెలిపారు. అయితే చనిపోయిన సింహాం పిల్లలు మాత్రం బబెసియా వైరస్‌ సోకి సింహం పిల్లలు చనిపోయినట్లు ప్రిన్సిపల్‌ చీఫ్‌ కన్జర్వేటర్‌ జైపాల్‌ సింగ్‌ పేర్కొన్నారు. ఈ బబెసియా వైరస్‌ మిగతా జంతువులకు సోకే అవకాశాలు లేవన్నారు. కీటకాల కారణంగా బబేసియా సోకుతుందని, దీని వ్యాప్తిని నివారించేందుకు అధికారులు చర్యలు తీసుకుంటున్నారని వివరించారు. దీనిపై సాధారణంగా వన్యప్రాణుల పిల్లలు బతికుండే అవకాశాలు 50 శాతం మాత్రమే ఉంటాయన్నారు. జంతువుల్లో వ్యాధి నిరోధకత సహజంగా తక్కువగా ఉంటుందని, తాజా ఘటనలపై ఎలాంటి ఆందోళన అవసరం లేదని స్పష్టం చేశారు. గిర్‌లో 2018లో కెనైన్‌ డిస్టెంపర్‌ వైరస్, ప్రొటోజోవల్‌ ఇన్ఫెక్షన్‌లకు గురై నెల వ్యవధిలోనే 11 సింహాలు మృత్యువాతపడ్డాయి. 2025 గణాంకాల ప్రకారం గుజరాత్‌లో 891 ఆసియాటిక్‌ సింహాలున్నాయి.

లక్కీ భాస్కర్‌.. ఈ సినిమా గురించి మనకు పరిచయమే. లక్కీ భాస్కర్ సినిమా థీమ్‌ ఒక సాధారణ బ్యాంక్‌ క్యాషియర్‌ ఆర్థిక కష్టాలు, అప్పులు, అవమానాలు ఎదుర్కొని అక్రమ డబ్బు సంపాదనలోకి అడుగుపెట్టే కథ. డబ్బు దొంగతనం, మోసం, నేరం వంటి విషయాలను సీరియస్‌గా కాకుండా వ్యంగ్యంగా, వినోదాత్మకంగా చూపించారు ఈ సినిమాలో. ఇది సినిమా కాబట్టి ఆ హీరో చాకచక్యంగా తప్పించుకున్నట్లు మలిచారు. ప్రధానంగా లోభం, కుటుంబ బాధ్యతలు, నైతికతల మధ్య జరిగే సంఘర్షణే ఈ సినిమా అని చెప్పొచ్చు.మరి నిజ జీవితంలో ఇలా చేస్తే దొరక్కుండా ఉంటారా?, కచ్చితంగా ఏదో ఒక రోజు దొరికి తీరుతాం. ఇక్కడ కూడా అదే జరిగింది. అతనొక లక్కీ భాస్కర్‌ మాదిరే బ్యాంకుకు కన్నం వేశాడు,. ఒకటి, రెండు లక్షలు కాదు.. ఏకంగా రూ. 8 కోట్లకు పైగా బ్యాంకు డబ్బును పట్టుకెళ్లిపోయాడు. గత 15 ఏళ్లుగా బ్యాంకులో జాయింట్ కస్టోడియన్‌గా పనిచేస్తున్న అతను.. భారీ మొత్తాన్ని బ్యాంకు నుంచి సర్దేశాడు. చివరకు దొరికేశాడు.అసలు విషయంలోకి వెళ్తే.. గుజరాత్‌ రాష్ట్రంలోని గాంధీ రోడ్డులోని బ్యాంక్ ఆఫ్ బరోడాలో పని చేస్తున్న హర్షిద్ద్‌ కడియార్‌.. ఆర్‌బీఐ కరెన్సీ చెస్ట్‌(రిజర్వ్ బ్యాంక్ ఆఫ్ ఇండియా ఏర్పాటు చేసిన ప్రత్యేక నగదు నిల్వ కేంద్రం) నుంఢి కోట్ల రూపాయలను దోచేశాడు. Ahmedabad - In a major sensational heist, ₹8.70 crore has been stolen from the RBI Currency Chest of Bank of Baroda on Gandhi Road, with CCTV footage of the theft surfacing today.The accused, Harsiddh Kadiyar, who had been working as Joint Custodian in the bank for the past 15… pic.twitter.com/ceJHxktAIg— NextMinute News (@nextminutenews7) May 25, 20262026 జనవరి 13వ తేదీ రాత్రి కట్టుదిట్టమైన భద్రత ఉన్న కరెన్సీ చెస్ట్ నుంచి కడియార్ ఒక పెట్టెలో స్క్రాప్ మెటీరియల్‌ను పారవేయడానికి బయటకు వెళ్తున్నానని చెప్పాడు. అయితే అప్పటికే కోట్ల రూపాయలను అందులో సర్దేశాడు. బ్యాంకులో నమ్మకమైన వ్యక్తిగా ఉండటంతో ఆ కట్టుదిట్టమైన భద్రత వలయాన్ని కూడా తప్పించుకున్నాడు. తర్వాత అసలు విషయం బయటపడింది. ఆ కరెన్సీ చెస్ట్‌లో రూ. 8.7 కోట్ల తేడా వచ్చింది. దాంతో ఆరా తీస్తే హర్షిద్ద్‌ కడియా ఆ పని చేసి ఉండవచ్చనే ప్రాథమిక అంచనాకు వచ్చారు. అయితే ఆ తర్వాత యథావిధిగా బ్యాంకు వస్తూనే తన పనులు చేసుకుంటూ ఉ‍న్నాడు హర్షిద్‌. మరొకవైపు ఈ వ్యవహారం బ్యాంకు అధికారుల దృష్టికి వచ్చినా సైలెంట్‌గా ఉన్నారు. 90 రోజుల తర్వాత సీసీటీవీ ఫుటేజ్ ఆటోమేటిక్‌గా డిలీట్ అవుతుందని నమ్మి, నిందితుడు మూడు నెలల పాటు యధావిధిగా విధులకు హాజరయ్యాడు. అయితే సీసీ ఫుటేజ్‌ను తిరిగి రికవరీ చేయడంతో అతగాడి విషయం బయటపడింది. ఇప్పుడు ఆ ఫుటేజ్ లభ్యం కావడంతో అది కేసులో కీలక సాక్ష్యంగా మారింది. కేసు నమోదు చేసి తదుపరి దర్యాప్తు కొనసాగిస్తున్న పోలీస్‌ అధికారులు.. కడియార్‌కు సహచరులు ఎవరైనా ఉన్నారా అనే కోణంలో విచారణ జరుపుతున్నారు దొంగిలించిన నగదును ఎక్కడకి తరలించి ఉండవచ్చు అనే దానిపై ఆరా తీస్తున్నారు.

వివాహేతర సంబంధాల నేపథ్యంలో ఏదో ఒక మూల రోజుకో దారుణం జరుగుతోంది. ప్రేమ, మోసం, హత్య, మృతదేహాన్ని దాచిపెట్టడం.. ఇలా ఒక్కో తీరు నేరాలు బయటపడుతున్నాయి. తాజాగా గుజరాత్‌లో బయటపడ్డ ‘శాంతిగిరి కేసు’ ట్విస్టుల మీద ట్విస్టులను ఇచ్చింది. ఈ తరహా కేసుల్లోనే ఓ కొత్తదనం చూపించింది. సురేంద్రనగర్ జిల్లాలో శాంతిగిరి గోస్వామి అనే వ్యక్తి మిస్సింగ్‌ కేసు విషాదాంతమైంది. భార్య, ఆమె ప్రియుడి చేతిలోనే అతను దారుణ హత్యకు గురైనట్లు పోలీసులు గుర్తించారు. దాదాపు 10 నెలల తర్వాత ఈ కేసును చేధించిన పోలీసులు.. నిందితుల నుంచి విస్తుపోయే వివరాలను సేకరించారు. అసలేం జరిగిందంటే.. జాగృతి గోస్వామి అనే మహిళ సుఖ్‌దేవ్‌గిరి గోస్వామిని వివాహం చేసుకుంది. ఇద్దరు పిల్లలు కూడా పుట్టారు. కొంతకాలానికి ఆమె తన భర్త పెద్ద అన్న శాంతిగిరి గోస్వామితో ప్రేమలో పడింది. భర్తను, పిల్లలను వదిలి.. అతనితో పారిపోయి మరో గ్రామంలో కొత్త జీవితం మొదలుపెట్టింది. అయితే అక్కడా ఆమె బుద్ధి వక్రదారి పట్టింది. శాంతిగిరి ట్రక్ డ్రైవర్‌ పని కోసం తరచూ బయట ఉండేవాడు. ఈ సమయంలో కాంతిలాల్ అలియాస్ భారత్ సబారియా అనే వ్యక్తితో జాగృతి సంబంధం పెట్టుకుంది. కాంతిలాల్‌ ఏకంగా జాగృతి ఇంటి పక్కనే ఒక ఇల్లు అద్దెకు తీసుకున్నాడు. శాంతిగిరి లేని సమయంలో ఇద్దరూ కలుసుకునేవారు. అయితే ఏదో ఒకరోజు తమ విషయం తెలుస్తుందని.. శాంతిగిరిని అడ్డు తొలగించుకోవాలని ఆ ప్రేమికులు నిర్ణయించుకున్నారు. ఈ క్రమంలో యూనిస్ అనే వ్యక్తికి 25,000 సుపారీ ఇచ్చారు. అయితే యూనిస్‌ ‘భలే’ మోసం చేశాడు. నిద్రపోతున్న శాంతిగిరిని ఫోటో తీసి హత్య చేశానంటూ జాగృతికి పంపాడు. అయితే మరుసటి రోజు ఉదయం భర్త బతికే ఉండడంతో జాగృతి షాక్‌కు గురైంది. తీరా చూస్తే యూనిస్‌ ఫోన్‌ స్విచ్చాఫ్‌ వచ్చింది. దీంతో జాగృతి, కాంతిలాల్ స్వయంగా హత్యకు ప్లాన్‌ చేశారు. నిద్రిస్తున్న శాంతిగిరి గొంతును కాంతిలాల్‌ నులిమి చంపగా.. జాగృతి దుప్పటి తోసి శబ్దం రాకుండా చేసింది. ఆపై శవాన్ని గదిలో దాచారు. ఆ తర్వాత దీపక్ అలియాస్ మున్నా అనే వ్యక్తి సహాయంతో కారులో తీసుకెళ్లి కాలువలో పడేశారు. ప్రమాదవశాత్తూ చనిపోయినట్లు కథ అల్లే ప్రయత్నం చేశారు. శాంతిగిరి కొత్త ఉద్యోగం కోసం బయటి ఊరికి వెళ్లాడని.. ఫోన్‌ నెంబర్‌ మార్చాడని అందరినీ నమ్మించారు. అలా ఎనిమిది నెలలు గడిచాయి. ఈ గ్యాప్‌లో కాంతిలాల్‌కు తెలియకుండా దీపక్‌తో ఆమె వ్యవహారం నడిపించింది. అయితే.. శాంతిగిరి బంధవుల ఎంట్రీతో సీన్‌ మారింది. జాగృతి ప్రవర్తనపై అనుమానంతో పోలీసులను ఆశ్రయించారు వాళ్లు. అలా ఈ మిస్సింగ్‌ మిస్టరీ కేసు.. అహ్మదాబాద్ క్రైమ్ బ్రాంచ్‌కు చేరింది. రెండు నెలల దర్యాప్తులో పక్కా ఆధారాలు సేకరించిన దర్యాప్తు బృందం.. జాగృతి, కాంతిలాల్‌ను అరెస్ట్‌ చేసింది. పరారీలో ఉన్న దీపక్‌ కోసం గాలింపు చేపట్టింది.

కాండ్లా : పశ్చిమాసియా సంక్షోభంతో ఇంధన సరఫరాపై ఆందోళన నెలకొన్న వేళ పెద్దమొత్తంలో ఎల్పీజీ సరకుతో మరో నౌక భారత్‌కు చేరుకుంది. 20వేల మెట్రిక్‌ టన్నుల ద్రవీకృత పెట్రోలియం గ్యాస్‌(ఎల్పీజీ)తో మార్షల్‌ ఐలాండ్‌ జెండాతో ఉన్న ట్యాంకర్‌ హార్మూజ్‌ జలసంధిని దాటి శనివారం గుజరాత్‌లోని కాండ్లా నౌకాశ్రయానికి చేరుకుంది. ఖతర్‌ నుంచి బయలుదేరిన ఈ నౌక మే 13వ తేదీన హార్మూజ్‌ జలసంధిని విజయవంతంగా దాటింది. 46,427 టన్నుల ఎల్పీజీతో నిండిన మరో నౌక ‘సన్‌షైన్‌’ గురువారం హార్మూజ్‌ను దాటిందని, సోమవారం నాటికి న్యూ మంగళూరు పోర్టుకు చేరుకుంటుందని అధికారులు తెలిపారు. కాగా,హార్మూజ్‌ జలసంధిలో భారతీయ నౌకలపై దాడులు, నావికా సిబ్బందిని ప్రమాదంలో పడేయడంపై ఐక్యరాజ్యసమితి ఆర్థిక, సామాజిక మండలి ప్రత్యేక సమావేశంలో భారత్‌ ఆందోళన వ్యక్తం చేసింది.

వేరే ప్రాంతానికి వలస వెళ్లి అక్కడ ఇంటి అద్దె చెల్లించలేని పరిస్థితి వస్తే మళ్లీ పాత ప్రాంతానికి వెళ్లిపోతాం. కానీ ఇక్కడో పెద్ద మనిషి ఇంటి అద్దె చెల్లించలేక పూర్తిగా నైతికతేనే వదిలేశాడు. తాను ఇంటి అద్దె చెల్లించలేని పరిస్థితుల్లో భార్యను, కూతుర్ని ఇంటి యజమానికి శారీరక అవసరం కోసం పంపి అత్యంత దారుణానికి ఒడిగట్టాడు. ఈ ఘటన గుజరాత్‌ రాష్ట్రంలో చోటు చేసుకుంది. వివరాల్లోకి వెళితే.. గుజరాత్‌ రాష్ట్రానికి చెందిన ఓ వ్యక్తి కుటుంబంతో కలిసి అక్కడ మోర్బీ ప్రాంతానికి వచ్చాడు. అక్కడ ఓ ఇంటిని అద్దెకు తీసుకున్నాడు. ఇంటి అద్దె రూ. 2 వేలు కాగా, దాన్ని చెల్లించడానికి అష్టకష్టాలు పడుతున్నాడు. తీవ్రమైన ఆర్థిక ఇబ్బందుల ఫలితంగా నాలుగు నెలలుగా అద్దె బకాయిలు పేరుకుపోయాయి. దీన్ని ఇంటి యజమాని అవకాశంగా తీసుకున్నాడు. భార్య, కూతుర్ని అప్పచెప్పే ఒప్పందానికి సదరు వ్యక్తి అంగీకరించాడు. తద్వారా అతని భార్య, కూతురిపై పదే పదే అత్యాచారానికి ఒడిగట్టాడు ఇంటి యజమాని. ఈ విషయం ఇంటి యజమానితో ఒప్పందం చేసుకున్న వ్యక్తి అత్తకు తెలియడంతో మోర్బి పోలీస్ స్టేషన్‌లో ఫిర్యాదు చేసింది. దీనిపై కేసు నమోదు చేసుకున్న పోలీసులు.. ఇంటి యజమానిని, ఈ దారుణానికి పూర్తి బాధ్యడైన సదరు వ్యక్తిని అరెస్ట్‌ చేశారు. దీని తరువాత పిల్లలపై లైంగిక నేరాల నుండి రక్షణ కల్పించే చట్టం (పోక్సో)తో సహా పలు కఠినమైన కేసులు నమోదు చేశారు.మైనర్ బాలిక తండ్రి, ఇంటి యజమాని కలిసి ఈ వేధింపులకు పాల్పడినట్లు మోర్బీ డిప్యూటీ సూపరింటెండెంట్ ఆఫ్ పోలీస్ జే ఎం లాల్ తెలిపారు. ఈ నేరంలో ప్రమేయం ఉన్నట్లు ఆరోపణలు ఎదుర్కొంటున్న మూడో వ్యక్తి కోసం గాలింపు చర్యలు చేపట్టమన్నారు.

గుజరాత్‌లో జానపద గాయకుడిపై నిర్వాహకులు నోట్ల వర్షం కురిపించిన వీడియో దృశ్యాలు సోషల్‌ మీడియాలో వైరల్‌గా మారాయి. సాంప్రదాయ గుజరాతీ హాస్య జానపద ప్రదర్శన జునాగఢ్‌లోని ఖంభాలియా గ్రామంలో జరిగింది. ఈ ప్రదర్శనలో నిర్వాహకులు గాయకుడు గోపాల్ సాధుపై కరెన్సీ నోట్లను వర్షంలా కురిపించారు. ఆయన పాడుతుండగానే నోట్లతో ముంచెత్తారు.నోట్లు కుమ్మరిస్తున్నా..వైరలవుతున్న ఈ వీడియోలో భక్తులు తనపై నోట్ల సంచులను కుమ్మరిస్తున్నా.. గోపాల్ సాధు ఏమాత్రం చలించకుండా తన హార్మోనియం వాయిస్తూ పాడుతుండటం కనిపిస్తుంది. ఆ నోట్ల కుప్ప ఎంత పెద్దగా పెరిగిపోయిందంటే.. ఆయన దాదాపుగా కనిపించకుండా పోయారు. స్టేజీపై ఆయన చుట్టుపక్కల ప్రాంతమంతా నోట్లతో నిండిపోయినప్పటికీ.. ఆయన తన ప్రదర్శనను ఎక్కడా ఆపకుండా నిరంతరాయంగా కొనసాగించారు. ఇది చూసి కొందరు ఆశ్చర్యం వ్యక్తం చేస్తుంటే.. మరోవైపు ఈ ఘటనపై చర్చకు దారి తీసింది.నెటిజన్ల కామెం‍ట్స్‌..ఇది నిజమైన 'వర్క్ ఫ్రమ్ హోమ్' అంటారు. కేవలం అలా కూర్చుని నోట్ల వర్షంలో తడిసి ముద్దవ్వడం అంటూ ఒక నెటిజన్ వ్యాఖ్యానించగా.. మరొకరు.. ఆయన సరిగ్గా ఊపిరి పీల్చుకోగలుగుతున్నారని ఆశిస్తున్నాను. వాళ్ళు నోట్లు కుమ్మరిస్తున్నా ఆయన పాడుతూనే ఉన్నారంటూ కామెంట్‌ చేశారు. మరో నెటిజన్ స్పందిస్తూ.. ఈ డబ్బులో కొంత భాగం పేదల సంక్షేమం కోసం ఉపయోగిస్తారని ఆశిస్తున్నాను. నేను ఏదైనా తప్పుగా మాట్లాడి ఉంటే దయచేసి క్షమించండంటూ వ్యాఖ్యానించారు.గతంలోనూ ఇలా..గుజరాత్‌లో భజన కార్యక్రమాల్లో భక్తులు ఇలా లక్షల రూపాయల నగదును వర్షంలా కురిపించిన వీడియోలు వైరల్ కావడం ఇదే మొదటిసారి కాదు. 2023లో వల్సాద్ అగ్నివీర్ గౌ సేవా దళ్ నిర్వహించిన ప్రత్యేక భజన కార్యక్రమంలో గాయకుడు కీర్తీదాన్ గధ్వీపై రూ.10, 20, 50, 100 నోట్లను వర్షంలా కురిపించారు. అదే విధంగా.. డిసెంబర్ 2022లో గుజరాత్‌లోని నవ్‌సారి గ్రామంలో జరిగిన భజన కార్యక్రమంలో కీర్తీదాన్ గధ్వీపై దాదాపు రూ. 50 లక్షల విలువైన నోట్లను కురిపించారు. 2017, 2018లలో కూడా ఇలాంటి వీడియోలు వెలుగులోకి వచ్చాయి. View this post on Instagram A post shared by Gopal Sadhu (@thegopalsadhu)

సోమనాథ్‌(గుజరాత్‌): అమెరికా వంటి అగ్రరాజ్యాలకు సైతం ఏమాత్రం బెదరక భారత్‌ తన లక్ష్యసాధనలో సఫలీకృతమైందని ప్రధాని మోదీ శ్లాఘించారు. 1998లో పోఖ్రాన్‌ అణుపరీక్షలపై అమెరికా ఒత్తిళ్లు ఉన్నప్పటికీ భారత్‌ ఏమాత్రం తన సంకల్పాన్ని సడలనివ్వలేదని మోదీ గుర్తుచేశారు. గుజరాత్‌లోని ప్రభాస్‌ పాటన్‌లో అరేబియా సముద్రతీరంలో ఆధునిక సోమనాథ్‌ ఆలయాన్ని పునర్‌నిర్మించి 75 వసంతాలు పూర్తయిన సందర్భంగా చేపట్టిన అమృత్‌మహోత్సవ్‌ కార్యక్రమాల్లో ప్రధాని మోదీ సోమవారం పాల్గొన్నారు. ఈ సందర్భంగా సద్భావన మైదాన్‌లో నిర్వహించిన ‘సోమనాథ్‌ పునర్‌వైభవానికి 75 ఏళ్లు’సభలో మోదీ ప్రసంగించారు. ‘‘1947లో భారత్‌ విదేశీపాలకుల నుంచి స్వాతంత్య్రంపొందినప్పటికీ 1951లో సోమనాథ్‌లో ఆధునిక ఆలయంలో ప్రాణప్రతిష్ట జరిగిన క్షణంలోనే నిజమైన స్వేచ్ఛా స్ఫూర్తి దేశం నలుచెరుగులకూ వ్యాపించింది. సోమనాథ్‌లో జరుగుతున్న అమృత్‌ మహోత్సవం కేవలం ఒక స్మరణీయ కార్యక్రమం కాదు ఇది వచ్చే వెయ్యేళ్లపాటు మనకందించే స్ఫూర్తి సంబరం. మే 11 అనగానే కేవలం ఆధునిక సోమనాథ్‌ ఆలయ పునర్‌నిర్మాణం గుర్తుకురాదు నాటి ప్రధాని అటల్‌ బిహారీ వాజ్‌పేయీ నాయకత్వంలో 1998లో భారత్‌ చేపట్టిన అణుపరీక్షలూ ఇదే తేదీన జరిగాయి. ఇదే రోజున మన శాస్త్రవేత్తలు దేశ అణుశక్తి సామర్థ్యాలు, సత్తాను యావత్‌ ప్రపంచానికి చాటిచెప్పారు. అణుపరీక్షల భూప్రకంపనలు ప్రపంచదేశాల్లో వణుకుపుట్టించాయి. కొన్ని దేశాల్లో ఆగ్రహజ్వాలలను రగిల్చాయి. అణుపరీక్షలు చేసే హక్కు భారత్‌కు ఎక్కడి నుంచి వచ్చింది? అంటూ పలు దేశాలు హూంకరించాయి. ఆర్థిక ఆంక్షల మాటున భారత్‌ను ఏకాకిని చేసే కుట్రలుచేశాయి. భారత్‌ను అణగదొక్కేందుకు ప్రపంచశక్తులు ఏకమయ్యాయి. కఠిన ఆంక్షలనూ ఇండియాపై మోపారు. ఇంతటి విపత్కర పరిస్థితుల్లో ఇంకేదైనా దేశమైతే కూలబడేదే. కానీ భారత్‌ విభిన్నం. అన్నింటినీ తట్టుకుని భారత్‌ సగర్వంగా నిలబడింది. అంతర్జాతీయ సమాజం నుంచి ఒత్తిళ్లున్నా 13న మరోసారి అణుపరీక్షలుచేసింది. మే 11న శాస్త్రవేత్తలు తమ ఆరంభకార్యాలను పూర్తిచేయగా 13న మరోరెండు అణుపరీక్షలుచేసి వాజ్‌పేయీ సారథ్యంలో బీజేపీ ప్రభుత్వ రాజకీయ సంకల్పాన్ని రుజువుచేశారు’’అని మోదీ అన్నారు. మూలాలు మర్చిపోవద్దు ‘‘మూలాలను మర్చిపోయిన దేశం పటిష్టంగా ఉండలేదన్న సత్యాన్ని సోమనాథ్‌ మనకు ప్రబోధిస్తోంది. అద్భుత సోమనాథ్‌ను నాశనంచేసేందుకు చరిత్రలో పలుమార్లు విదేశీ పాలకులు, చొరబాటుదారులు ఎంతగానో ప్రయత్నించారు. పునర్‌నిర్మించినా మళ్లీ కూల్చేశారు. అయినాసరే ఆలయం పునర్‌నిర్మితమైంది. ఇది నిరంతరంగా కొనసాగింది. ఆలయాన్ని నాశనంచేసినట్లే దేశాన్ని సైతం కొన్ని శక్తులు బుజ్జగింపు రాజకీయాలతో భ్రష్టుపట్టించాయి. అలాంటి ఆలోచన ధోరణితోనే కొన్ని శక్తులు అయోధ్య రామమందిర నిర్మాణాన్ని అడ్డుకోవాలనిచూశాయి. జాతి ప్రతిష్ట, గుర్తింపునకు సంబంధించిన ఇలాంటి అంశాల్లోకి ఒక్కోసారి రాజకీయాలు చొరబడుతుంటాయి’’అని అన్నారు. నెహ్రూ వద్దన్నా పటేల్‌ పట్టుబట్టారు ‘‘ఆలయ నిర్మాణంపై నెహ్రూ అభ్యంతరాలు వ్యక్తంచేశారు. అయినాసరే ఉక్కుమనిషి సర్దార్‌ వల్లభ్‌భాయ్‌పటేల్, తొలి రాష్ట్రపతి డాక్టర్‌రాజేంద్ర ప్రసాద్‌ ఆధునిక సాంస్కృతిక సౌధం సోమనాథ్‌ పునర్‌నిర్మాణానికి పట్టుబట్టి సాధించారు. అయోధ్యలో భవ్యమందిర నిర్మాణానికి పూనుకున్నప్పుడూ ఇలాంటి శక్తులు అడ్డుతగిలాయి. అయినాసరే మనం అభివృద్ధి, వారసత్వ పరంపరను ముందుకు తీసుకెళ్లాల్సిందే. గతంలో ఇలాంటి సాంస్కృతిక కేంద్రాలను నిర్లక్ష్యంచేసిన ఫలితాలను నేటికీ అనుభవిస్తున్నాం. నేటి భారతంలో సాంస్కృతిక వారసత్వం, అభివృద్ధి అవిభాజ్యాలు. జంటగా పురోభివృద్ధి సాధించాల్సిందే’’అని అన్నారు. ఈ సందర్భంగా మోదీ సోమనాథ్‌ ఆలయానికి సంబంధించిన స్మారక తపాళాబిళ్లను ఆవిష్కరించారు. దారిపొడవునా జనసందోహం అంతకుముందు జామ్‌నగర్‌ నుంచి గిర్‌ సోమనాథ్‌ జిల్లాకు మోదీ హెలికాప్టర్‌లో చేరుకున్నారు. హెలిప్యాడ్‌ నుంచి వీర్‌ హమీర్జీ కూడలి దాకా కిలోమీటర్‌ దూరానికిపైగా పొడవున మార్గంలో మోదీ రోడ్‌షోలో పాల్గొన్నారు. దారి పొడవునా సోమనాథ్‌ వాసులు మోదీకి పూలవర్షం కురిపిస్తూ ఆహ్వానం పలికారు. జెండాలు చేతబట్టుకుని మోదీకి అనుకూలంగా నినాదాలుచేశారు. మార్గమధ్యంలో పలు చోట్ల పశ్చిమబెంగాల్‌ నుంచి వచ్చిన సంప్రదాయ కళాకారులు సంప్రదాయ నృత్యాలుచేసి స్థానికులను అలరించారు. సోమనాథ్‌ అనేది దేశంలోని 12 జ్యోతిర్లింగాల్లో ఒకటిగా ప్రఖ్యాతిగాంచింది. ఆలయంలో మోదీ ప్రత్యేక పూజ అంతకుముందు మోదీ సోమనాథ్‌ పుణ్యక్షేత్రంలో ప్రత్యేక పూజలు చేశారు. ఆలయంలోకి రాగానే పండితుల వేదమంత్రోచ్ఛారణల నడుమ నరేంద్ర మోదీ గర్భగుడిలో సోమలింగానికి జలాభిషేకం చేశారు. తర్వాత మహాపూజ క్రతువును పూర్తిచేశారు. ఇదే సందర్భంలో దేశంలోని ప్రఖ్యాత పుణ్యక్షేత్రాల నుంచి తెప్పించిన పవిత్ర జలాలతో పండితులు ఆలయ శిఖరంపై ఉన్న కలశాలకు మహాభిషేకంచేశారు. ఈ సందర్భంగా హెలికాప్టర్లు గులాబీ పూరేకులతో ఆలయంపై పూలవాన కురిపించారు. ధ్వజపూజ సైతం చేశారు. తర్వాత అక్కడి సందర్శకుల పుస్తకంలో రాశారు. ఓంకార మంత్ర జపించే కార్యక్రమంలో పాల్గొన్నారు. అక్కడి పండితులు చెప్పిన సోమనాథ్‌ అనుబంధ గాథలను మోదీ సైతం విన్నారు. తర్వాత భారతవాయుసేనకు చెందిన సూర్యకిరణ్‌ ఏరోబాటిక్‌ బృందం ఒళ్లు జలదరించేలా చేసిన వైమానిక విన్యాసాలను మోదీ తిలకించారు. ఈ కార్యక్రమంలో గుజరాత్‌ ముఖ్యమంత్రి భుపేంద్ర పటేల్, ఉప ముఖ్యమంత్రి హర్ష్ సింఘ్వీ సైతం పాల్గొన్నారు.

గిర్‌ సోమ్‌నాథ్‌: గుజరాత్‌లోని ప్రఖ్యాత సోమ్‌నాథ్‌ ఆలయంపై భారత వైమానిక దళం సోమవారం సూర్యకిరణ్‌ ఏరోబాటిక్‌ టీం ఎయిర్‌ షో చేపట్టనుంది. 15 నిమిషాలపాటు కొనసాగే ఈ షోలో ఎంకే–132 విమానాలతో పైలట్లు ఒళ్లు గగుర్పొడిచే విన్యాసాలను ప్రదర్శిస్తారు. గగనతలంలో కాషాయం, తెలుపు, పచ్చని రంగులతో కూడిన జాతీయ పతాకాన్ని ఆవిష్కరిస్తారు. చేతక్‌ హెలికాప్టర్‌తో ఆలయంపై పూలవాన కురిపిస్తారు. సోమ్‌నాథ్‌ ఆలయ పునర్నిర్మాణానికి 75 ఏళ్లు అవుతున్న సందర్భంగా అమృత్‌ మహోత్సవాలు జరుగుతున్న విషయం తెల్సిందే. ఈ ఉత్సవాలకు సోమవారం ప్రధాని మోదీ హాజరు కానున్నారు.

ద్వాదశ జ్యోతిర్లింగాలలో ప్రథమస్థానం సోమనాథ క్షేత్రానిదే... ఇది గుజరాత్‌లోని సౌరాష్ట్రలో అరేబియా సముద్ర తీరాన ఉంది. చంద్రునికి శాపవిముక్తి జరిగిన క్షేత్రం కాబట్టే సోమనాథ క్షేత్రంగా పేరొందింది. పరమేశ్వరుడు జ్యోతిర్లింగ ఆకారంలో యుగాల నుంచి దర్శనమిస్తూ భక్తులను అనుగ్రహిస్తున్నాడు. సిరిసంపదలతో వున్న ఈ క్షేత్రంపై అనేకమంది విదేశీపాలకులు లెక్కలేనన్ని సార్లు దండయాత్రలు చేశారు. అయితే ఎన్ని దండయాత్రలకు గురైనా మళ్లీ అన్నిసార్లూ పునర్‌ నిర్మితమైన క్షేత్రమిది. చంద్రుని పేరుమీదుగా సోమనాథుడుస్వామి సోమనాథునిగా వెలసిన కథ స్కాంద పురాణంలో ఉంది. బ్రహ్మ మానసపుత్రుడైన దక్షప్రజాపతి అశ్విని నుంచి రేవతి వరకు గల 27 మంది కుమార్తెలను చంద్రునికి ఇచ్చి వివాహం జరిపించాడు. అయితే చంద్రుడు రోహిణి ఒక్కదానినీ అనురాగంతో చూస్తూ, మిగిలిన వారిని అలక్ష్యం చేయసాగాడు. దాంతో... తక్కిన 26 మంది తమ తండ్రితో ఈ విషయాన్ని మొరపెట్టుకోగా, దక్షుడు అల్లుడైన చంద్రుడిని మందలిస్తాడు. అయినప్పటికీ, చంద్రుని ప్రవర్తనలో మార్పు రాకపోవడంతో, క్షయరోగగ్రస్తుడవు కమ్మని చంద్రుని శపిస్తాడు దక్షుడు. ఫలితంగా చంద్రుడు క్షీణించసాగాడు. చంద్రకాంతి లేకపోవడంతో ఔషధాలు, పుష్పాలు ఫలించలేదు. ఈ పరిస్థితిని చూసిన సమస్త లోకవాసులు, తమ కష్టాలు తీరే మార్గం చూపమని బ్రహ్మని ప్రార్థించగా ఆయన చంద్రునితో ప్రభాసక్షేత్రంలో మహామృత్యుంజయ మంత్రానుష్ఠానంగా శంకరుని ఆరాధించవలసిందిగా చెబుతాడు. బ్రహ్మ దేవుని సలహాను అనుసరించి, భక్తి శ్రద్ధలతో శివుని పూజించిన చంద్రుడికి శంకరుడు ప్రత్యక్షమై, చంద్రుని రోగ విముక్తుని గావించి, కృష్ణపక్షంలో చంద్రకళలు రోజు రోజుకీ తగ్గుతాయనీ, శుక్లపక్షంలో దినమొక కళ చొప్పున పెరుగుతుందనీ అనుగ్రహించాడు. ఆనాటి నుండి చంద్రుని కోరిక మేరకు సోమనాథునిగా, కుష్టు వంటి మహా రోగాలను తగ్గించే సోమనాథ జ్యోతిర్లింగరూపునిగా పార్వతీ సమేతంగా వెలసి భక్తులను కటాక్షిస్తున్నాడు పరమేశ్వరుడు.అలనాడు స్వర్ణాలయం..ఈ క్షేత్రంలో తనకు శాపవిముక్తి కలిగినందుకు పరమానందభరితుడైన చంద్రుడు సువర్ణంతో పరమేశ్వరునికి ఆలయం నిర్మించాడట. అనంతర కాలంలో శిథిలావస్థకు చేరుకున్న ఈ ఆలయాన్ని రావణాసురుడు వెండితో పునర్‌ నిర్మించగా, ద్వాపరయుగంలో శ్రీకృష్ణుడు చందనపు చెక్కలతో నూతన ఆలయాన్ని నిర్మించినట్టు పురాణాలు పేర్కొంటున్నాయి. ఆ తర్వాత రాజా భీమ్‌దేవ్‌ ఈ ఆలయాన్ని రాతితో పునర్నిర్మించాడు. పునఃప్రతిష్ఠకు డెబ్భై ఐదు ఏళ్లు పూర్తిసోమనాథక్షేత్రంలో భారీ సంపద వుండటంతో అనేకసార్లు దండయాత్రలకు గురైంది. క్రీ.శ. 1024లో గజనీ మహమ్మద్‌ దండయాత్రలో ఆలయం తీవ్ర నష్టానికి గురైంది. అనంతరం స్థానిక పాలకులు తిరిగి నిర్మించారు. దిల్లీ పాలకుడైన అల్లావుద్దీన్‌ ఖిల్జీ, మొగల్‌ చక్రవర్తి ఔరంగజేబ్‌ పాలనలోనూ ఆలయంపై దాడులు జరిగాయి. జునాగఢ్‌ సంస్థానం భారత యూనియన్‌లో విలీనమైన తరువాత ఉక్కుమనిషి, భారతదేశ ప్రథమ హోంమంత్రి వల్లభాయ్‌పటేల్‌ ఆలయాన్ని సందర్శించి పునర్‌ నిర్మాణానికి ఆదేశాలిచ్చారు. 1951లో నూతన ఆలయ నిర్మాణం పూర్తయింది. నాటి భారత రాష్ట్రపతి బాబూ రాజేంద్రప్రసాద్‌ ఆలయాన్ని ప్రారంభించారు. ఇది జరిగి డెబ్భై ఐదు సంవత్సరాలు పూర్తయిన సందర్భంగా ప్రధాని నరేంద్రమోదీ ఎంతో ప్రతిష్ఠాత్మకంగా సోమనాథేశ్వరునికి అమృత మహోత్సవాలను జరిపించాలని సంకల్పించడమే కాదు... అందుకు తగ్గ అన్ని ఏర్పాట్లూ పూర్తి చేశారు.సోమనాథునికి ప్రధాని ప్రత్యేక పూజలు1951లో బాబు రాజేంద్ర ప్రసాద్‌ చేతుల మీదుగా పునఃప్రతిష్ఠ జరిగిన నాటి నుండి 75 ఏళ్లు పూర్తయిన సందర్భంగా, ప్రధాని నరేంద్ర మోదీ నేడు ఆలయంలో జరిగే ప్రత్యేక పూజలలో పాల్గొననున్నారు. అంతేకాదు, సోమనాథునికి స్వయంగా అభిషేకం, ధ్వజ పూజ, మహాపూజలు నిర్వహించనున్నారు. నిత్యం పూజలు, హారతులు, సౌండ్‌ అండ్‌ లైట్‌ షోలతో ఆలయం సందడిగా ఉంది. ఆలయ దర్శనం ఉదయం 6:00 నుండి రాత్రి 10:00 వరకు ఉంటుంది, మధ్యాహ్నం 1:00 నుండి 5:00 వరకు దర్శనం ఉండదు. – డి.వి.ఆర్‌.

న్యూఢిల్లీ: భారతదేశంలో ప్రతి ప్రాంతమూ పవిత్రమైనదని ప్రధాని నరేంద్ర మోదీ చెప్పారు. భౌగోళిక హద్దులకు అతీతంగా ఐక్యతా భావంతో అవన్నీ పరస్పరం అనుసంధానమై ఉన్నాయని వెల్లడించారు. తరచుగా విభజనలతో నిండి ఉండే ఈ ప్రపంచంలో ఈ ఐక్యతా స్ఫూర్తి మునుపెన్నడూ లేనంతగా ప్రాసంగికత కలిగి ఉందని స్పష్టంచేశారు. గుజరాత్‌లోని ప్రసిద్ధ సోమనాథ్‌ ఆలయాన్ని పునరుద్ధరించి, భక్తుల దర్శనాల కోసం తెరిచి 75 ఏళ్లు పూర్తవుతున్న సందర్భంగా మోదీ ఈ మేరకు ఒక వ్యాసం విడుదల చేశారు. సోమనాథ్‌ ఆలయాన్ని రక్షించడానికి ప్రాణాలను అర్పించిన వారి పోరాటాలు, త్యాగాలు, దానిని పదేపదే పునరుర్మించిన వారి కృషిని ఎన్నటికీ మర్చిపోలేమని ఉద్ఘాటించారు. ప్రతి భారతీయుడి హృదయంలో ఐక్యతా భావన, ఉమ్మడి నాగరిక చైతన్యం సజీవంగా ఉన్నందున సోమనాథ్‌ ఆలయం మహోన్నత వైభవంతో సగర్వంగా నిలుస్తూనే ఉంటుందని తేల్చిచెప్పారు. ఆలయ వైభవాన్ని పునరుద్ధరించడానికి దేశంలోని వివిధ ప్రాంతాలకు చెందిన లెక్కలేనంత మంది వ్యక్తులు కృషి చేశారని కొనియాడారు. దేశంలోని ప్రతి భాగాన్నీ వారు పవిత్రంగా భావించారని తెలిపారు. సోమనాథ్‌ ప్రాచీన ప్రతిధ్వనులు వినండి వెయ్యేళ్ల అసాధారణ కృషి, త్యాగాలను స్మరించుకుంటూ రాబోయే వెయ్యి రోజులపాటు సోమనాథ్‌లో ప్రత్యేక పూజలు జరుగుతాయని మోదీ వెల్లడించారు. ఈ ఉత్సవాల కోసం చాలామంది స్వచ్ఛందంగా ముందుకొచ్చి విరాళాలు ఇస్తుండడం సంతోషాన్ని కలిగిస్తోందని పేర్కొన్నారు. ఈ ప్రత్యేక సమయంలో భారతీయులు సోమనాథ్‌ను సందర్శించాలని పిలుపునిచ్చారు. సోమనాథ్‌ తీరంలో నిలబడి దాని ప్రాచీన ప్రతిధ్వనులను వినాలని సూచించారు. భక్తితో ఉప్పొంగిపోవడమే కాకుండా క్షీణించని, అఖండమైన, ఎవరికీ లొంగని నాగరిక స్ఫూర్తి స్పందనను సైతం అనుభూతి చెందుతారని వివరించారు. భక్తులు భారతదేశ అజేయ స్ఫూర్తిని తెలుసుకుంటారని, ఎన్ని కుటిల యత్నాలు జరిగినా భారతీయ సంస్కృతి ఎందుకు అజేయంగా నిలిచి ఉందో అర్థం చేసుకుంటారని తెలియజేశారు. సోమనాథ్‌కు వెళ్తే విజయ దృశ్యాన్ని వీక్షించే అవకాశం లభిస్తుందని, అది కచ్చితంగా మరపురాని అనుభూతినిస్తుందని వెల్లడించారు. సోమనాథ్‌ ఆలయంపై జరిగిన తొలి దాడికి వెయ్యేళ్లు పూర్తయిన సందర్భంగా ఈ ఏడాది ఆరంభంలో ఆలయాన్ని దర్శించానని, సోమనాథ్‌ స్వాభిమాన్‌ పర్వ్‌లో పాల్గొన్నానని ప్రధానమంత్రి గుర్తుచేశారు. పునరుద్ధరించిన ఆలయాన్ని ప్రారంభించి 75 ఏళ్లు పూర్తవుతున్న సందర్భంగా నెల 11న మళ్లీ అక్కడికి వెళ్లబోతున్నానని చెప్పారు. ఆరు నెలల కంటే తక్కువ వ్యవధిలోనే సోమనాథ్‌లో రెండు ముఖ్యమైన ఘట్టాలకు హాజరయ్యే అవకాశం రావడం గొప్ప గౌరవంగా భావిస్తున్నట్లు ఉద్ఘాటించారు. వికాస్‌ భీ... విరాసత్‌ భీ తాను గుజరాత్‌ ముఖ్యమంత్రిగా బాధ్యతలు చేపట్టిన తొలిరోజుల్లో 2001 అక్టోబర్‌ 31న సోమనాథ్‌ ఆలయ 50వ వార్షికోత్సవాలు నిర్వహించినట్లు మోదీ గుర్తుచేసుకున్నారు. అదేరోజు సర్దార్‌ పటేల్‌ 125వ జయంతి వేడుకలు నిర్వహించామని, అప్పటి ప్రధానమంత్రి అటల్‌ బిహారీ వాజ్‌పేయి, కేంద్ర హోంమంత్రి ఎల్‌కే అద్వానీ హాజరయ్యారని తెలిపారు. వికాస్‌ భీ, విరాసత్‌ భీ(అభివృద్ధి, సంప్రదాయం) అనే సూత్రంతో స్ఫూర్తి పొందామని.. సోమనాథ్‌ నుంచి కాశీ వరకు, కామాఖ్య నుంచి కేదార్‌నాథ్‌ వరకు, అయోధ్య నుంచి ఉజ్జయినీ వరకు, త్రయంబకేశ్వర్‌ నుంచి శ్రీశైలం వరకు ఆధ్యాత్మిక కేంద్రాలను, వాటి సాంప్రదాయ స్వరూపాన్ని కాపాడుకుంటూనే, అత్యాధునిక సౌకర్యాలతో అభివృద్ధి చేసే అవకాశం లభించడం తన అదృష్టంగా భావిస్తున్నానని ప్రధాని మోదీ స్పష్టంచేశారు.

బెంగళూరు: అనుకున్నట్లుగానే బెంగళూరులోని చిన్నస్వామి స్టేడియంలో జరగాల్సిన ఐపీఎల్‌ ఫైనల్‌ క్రికెట్‌ మ్యాచ్‌ మరోచోటుకు మారింది. గుజరాత్‌లో అహ్మదాబాద్‌లోని నరేంద్రమోదీ స్టేడియంలో ఈ మ్యాచ్‌ జరుగుతుందని బీసీసీఐ ప్రకటించడంతో బెంగళూరు క్రికెట్‌ అభిమానులు తీవ్ర నిరాశకు లోనయ్యారు. ఈ నెల 31న మ్యాచ్‌ జరగాల్సి ఉంది. ఎమ్మెల్యేలకు ఉచిత టికెట్లు, చిన్న స్టేడియం కావడం తదితర కారణాలతో మార్చేసినట్లు బీసీసీఐ ప్రకటించడం గమనార్హం. ఇటీవల చిన్నస్వామిలో భద్రతా సమస్యలు తలెత్తాయి. గతంలో తీవ్ర తొక్కిసలాట జరిగి అనేకమంది చనిపోవడం తెలిసిందే. ఇటీవల ఆర్‌సీబీ, గుజరాత్‌ టైటాన్స్‌ మ్యాచ్‌ సమయంలో సుమారు 240 కెమెరాలను పనిచేయలేదు.ఎమ్మెల్యేల టికెట్లకు లింకు లేదు: డీసీఎంఅహ్మదాబాద్‌లో పెద్ద స్టేడియం ఉంది. ఎక్కువ మంది ప్రేక్షకులు వస్తారని ఐపీఎల్‌ ఫైనల్‌ మ్యాచ్‌ను బెంగళూరు నుంచి అక్కడికి మార్చి ఉండవచ్చు అని డిప్యూటీ సీఎం డీకే శివకుమార్‌ తెలిపారు. ఎమ్మెల్యేలకు ఉచిత టికెట్ల పంపిణీకి, మ్యాచ్‌ మార్పునకు ఎలాంటి సంబంధం లేదని అన్నారు. ఫైనల్‌ మ్యాచ్‌ వేదిక మార్పుపై వస్తున్న ప్రచారాన్ని ఆయన ఖండించారు. బీసీసీఐ పెద్దలు అలాగే మాట్లాడనీ, సరైన సమాధానం ఇస్తానన్నారు.

గుజరాత్‌లోని 1,600 హెక్టార్ల నాలియా గడ్డిభూముల (గ్రాస్‌ల్యాండ్) పరిధిలో నెల రోజుల క్రితం ఓ అరుదైన బట్ట మేక పిట్ట పిల్ల జన్మించిన విషయం అందరికీ తెలిసిందే. అయితే, అంతరించిపోయే ప్రమాదంలో ఉన్న గ్రేట్ ఇండియన్ బస్టర్డ్ పిల్లను రక్షించడానికి ప్రభుత్వం.. జెడ్ ప్లస్ సెక్యూరిటీ కూడా కల్పించింది. 24 గంటల పాటు 50 మందికి పైగా కాపలా కాశారు. అయినప్పటికీ ఆ బట్టమేక పక్షి పిల్ల అదృశ్యం కావడం దేశవ్యాప్తంగా చర్చనీయాంశంగా మారింది. అయితే గత ఐదు, ఆరు రోజులుగా ఇది కనిపించకపోవడంతో.. ఏదైనా క్రూర జంతువు దానికి అపాయం తలపెట్టి ఉంటుందేమో అని అధికారులు తీవ్రంగా ఆందోళన చెందారు. కనిపించకుండా పోయిన ’గ్రేట్ ఇండియన్ బస్టర్డ్ పిల్ల మిస్టరీ ఏమీ కాదని.. అది ఎగరడం నేర్చుకుందంటూ అధికారులు తేల్చారు. దాదాపు నెల వయసున్న ఆ పక్షి పిల్ల ఎగరడం ప్రారంభించిందన్నారు. ఆ పక్షి జాడ కోసం ఆ ప్రాంతాన్ని జల్లెడ పడుతున్నామని తెలిపారు. పక్షి పిల్ల కావడంతో జియోట్యాగింగ్ చేయలేదని అధికారులు పేర్కొన్నారు.గుజరాత్‌లో దశాబ్ద కాలంలో గ్రేట్ ఇండియన్ బస్టర్డ్ పిల్ల జన్మించడం ఇదే తొలిసారి. ప్రపంచవ్యాప్తంగా అడవుల్లో కేవలం 150 మాత్రమే మిగిలాయి, వాటిలో ఎక్కువ రాజస్థాన్‌లోనే ఉన్నాయి. గత మార్చి 26వ తేదీన కచ్ ప్రాంతంలో ఈ అరుదైన పక్షి జన్మించింది. ఈ నేపథ్యలో దీన్ని కాపాడుకునేందుకు ప్రభుత్వ కూడా పెద్ద ఎత్తున భద్రత కల్పించింది. అలాగే, ఈ పక్షి పిల్ల కదలికలను గమనించడానికి ప్రత్యేకంగా వాచ్ టవర్లను కూడా ఏర్పాటు చేశారు.పొడవైన తెల్లటి మెడ.. దాని చుట్టూ తెలుపు-నలుపు ఈకల హారం.. బంగారు/గోధుమ వర్ణపు వీపు.. తలపై నల్లని టోపీతో ఇట్టే ఆకర్షించే రూపం బట్టమేక పక్షుల సొంతం. విమానం మాదిరిగా నేలపై పరుగులు తీసి గాల్లోకి లేచి.. స్థిమితంగా.. లయబద్ధంగా విశాలమైన రెక్కలు కదిలిస్తూ గగన విహారం చేయడం వీటి ప్రత్యేకత. అరుదైన బట్టమేక పక్షులు మన దేశంలో అంతరించిపోయే స్థితికి చేరాయి.కొన్నేళ్లుగా చాలాచోట్ల వీటి జాడ కని­పించడం లేదు. 2008లో రాజస్థాన్, గుజరాత్, మహా­రాష్ట్ర, ఆంధ్రప్రదేశ్, కర్ణాటక రాష్ట్రాల్లో 300 బట్టమేక పక్షులు ఉండగా.. ప్రస్తుతం వాటిసంఖ్య దేశవ్యాప్తంగా 150కి పడిపోయినట్టు తేలింది. ఏవి దొరికినా తిని కడుపు నింపుకోవడం వీటి ప్రత్యేకత. ధాన్యం గింజలు, పంటల కోత తర్వాత మిగిలిన మోళ్లు, వేళ్లు, పొలాల్లోని మిడతలు, పురుగులు, జెర్రులు, బల్లులు, తొండలు వంటివి వీటి ఆహారం. ఎగిరే పక్షుల్లో రెండవ అతి భారీ పక్షులుగా గుర్తింపు పొందినా.. నివాసానికి అనుకూల వాతావరణం లేక అంతరించిపోతున్నాయి.

అహ్మదాబాద్‌లోని వత్వా (Vatva) ప్రాంతంలో ఒక పాత "దెయ్యాల కొంప" (Haunted House) రహస్యం వెల్లడైంది. 32 ఏళ్ల క్రితం జరిగిన ఒక దారుణ హత్యను, క్షుద్రపూజలు గుట్టును పోలీసులు ఎట్టకేలకు ఛేదించారు. 1992 నాటి హత్యతో సంబంధం ఉన్న ఒక దెయ్యాల కొంపలో మానవ అవశేషాలు లభ్యం కావడంతో మిస్టరీ వీడింది.దర్యాప్తు అధికారులు అందించిన వివరాల ప్రకారం ముంబైకి చెందిన ఫర్జానా రాధన్‌పురి (40) ఆస్తి వివాదం కారణంగా 1992లో హత్యకు గురయ్యారు. ముఖ్యంగా తన ప్రియుడు షంసుద్దీన్ ఖేడావాలా ఆస్తిలో సమాన వాటా కావాలని ఆమె కోరడంతో వివాదం మొదలైంది. 1992లో జూలై లేదా ఆగస్టు నెలలో ఒక వర్షం కురిసిన రాత్రి, షంసుద్దీన్ తన సోదరుడు ఇక్బాల్, మరో అనుచరుడు అబ్దుల్ జవ్రావాలా సహాయంతో ఫర్జానాను గొంతు నులిమి చంపేశాడు. వాట్వాకు చెందిన అబ్దుల్ జవ్రావాలా ఆమె చేతులను పట్టుకోగా, కుతుబ్‌నగర్‌లోని మరో సహచరురాలైన షాలియాబీవి పఠాన్ ఇంట్లో జరిగినట్లు సమాచారం. ఆ తరువాత అందరూ కలిసి ఇంట్లో సెప్టిక్ ట్యాంక్‌ను తవ్వించి, ఆమె మృతదేహాన్ని అందులో వేసి మట్టి, ఇసుక, సిమెంట్‌తో పూడ్చిపెట్టారు. ఇక్కడితో కథ ముగిసిపోతుందనుకున్నారు. కానీ అసలు కథ అప్పుడే మొదలైంది. నిందితులను అపరాధభావం, భయం వెంటాడుతూ వచ్చాయి. దీనికి తోడు వరుస మరణాలతోఫర్జానా ఆత్మ తిరుగుతోందనే భయం నిందితుల్లో మొదలైంది.ముఖ్య నిందితుడు షంసుద్దీన్ 2015లో గుండెపోటుతో మరణించగా, మిగిలిన నిందితులు కూడా ఒకరి తర్వాత ఒకరు చనిపోయారు. దీంతో కుటుంబ సభ్యుల్లో వణకు మొదలైంది. ఆమె శాపం వల్లే వీరంతా చనిపోతున్నారని కుటుంబ సభ్యులు, ఇతరులు నమ్మారు. ఉపశమనం పొందే ప్రయత్నంలో, వారు క్షుద్రపూజల్ని ఆశ్రయించారు. చివరికి ఆ ఇల్లు ఖాళీ అయిపోవడంతో ఆ ఇంటిని స్థానికులు "భూత్ బంగ్లా" అని పిలవడం ప్రారంభించారు. ఈ క్రమంలోనే నేరానికి సంబంధించిన కీలక సమాచారం వెలుగులోకి వచ్చింది. నిందితుడి కుటుంబంలో చోటుచేసుకున్న ఒక విచిత్రమైన పరిణామమనని సీనియర్ క్రైమ్ బ్రాంచ్ అధికారి పేర్కొన్నారు. ఆ కుటుంబ సభ్యులకు మృతురాలి గురించి పదేపదే ఏవేవో భ్రాంతులు రావడంతో, వారిలో తీవ్ర భయాందోళనలకు, మానసిక క్షోభకు దారితీసింది. దీన్నుంచి ఉపశమనం పొందే ప్రయత్నంలో, వారు క్షుద్రపూజలను ఆశ్రయించారు. ఈ క్రమంలోనే నేరానికి సంబంధించిన కీలక సమాచారం వెలుగులోకి వచ్చింది.ఇదీ చదవండి: వారెవ్వా..ఆమ్లెట్లు అమ్ముతూ, ఆట కట్టించారు!పోలీసుల ఎంట్రీఆత్మ శాంతి కోసం నిందితుల కుటుంబ సభ్యులు ఈఇంట్లో క్షుద్ర పూజలు చేస్తున్నారనే సమాచారం అహ్మదాబాద్ క్రైమ్ బ్రాంచ్ పోలీసులకు అందింది. దీనిని కేవలం మూఢనమ్మకంగా కొట్టిపారేయకుండా, పోలీసులు రహస్యంగా నిఘా పెట్టారు. 1992లో అక్కడ ఒక హత్య జరిగిందని, ఆ పాపం కడుక్కోవడానికే వారు ఈ పూజలు చేస్తున్నారని ఇన్ఫార్మర్ల ద్వారా నిర్ధారించు కున్నారు. బుధవారం ఉదయం క్రైమ్ బ్రాంచ్ బృందం ఆ పాడుబడిన ఇంటిపై దాడి చేసి, అనుమానిత స్థలంలో తవ్వకాలు చేపట్టింది. సాయంత్రానికి సుమారు 5-6 పళ్ళు, 7-8 ఎముకలను పోలీసులు స్వాధీనం చేసుకున్నారు. ఇవి ఫర్జానావేనని భావిస్తున్నారు. వీటిని ఫోరెన్సిక్ విశ్లేషణ కోసం పంపారు. దర్యాప్తు కొనసాగుతోంది. ఇదీ చదవండి: భార్యను నమ్మించి గొంతు కోశాడు.. తర్వాత!

టీమిండియా క్రికెటర్ రవీంద్ర జడేజా భార్య రివాబా జడేజా గుజరాత్ రాజకీయాల్లో చక్రం తిప్పుతున్నారు. ప్రస్తుతం జామ్‌నగర్ నార్త్ అసెంబ్లీ నియోజ‌క‌వ‌ర్గం నుంచి ఎమ్మెల్యేగా ఎన్నికైన రివాబా విద్యాశాఖ మంత్రిగా విధులు నిర్వ‌ర్తిస్తున్నారు. అయితే ఆమె వ‌దిన, జడేజా సోదరి నైనాబా తాజాగా గుజరాత్‌ మున్సిప‌ల్ ఎన్నిక‌ల్లో కాంగ్రెస్ నుంచి పోటీ చేసి ఓటమి పాలయ్యారు. దీంతో జడేజా ఇంట మ‌రోసారి రాజ‌కీయ విభేదాలు బ‌య‌ట‌ప‌డ్డాయి. విషయంలోకి వెళితే.. ఇటీవ‌ల రాజ్‌కోట్‌కు మున్సిప‌ల్ ఎన్నిక‌లు జ‌రిగాయి. నైనాబా జ‌డేజా రాజ్‌కోట్ మున్సిపల్ కార్పొరేషన్‌లోని వార్డ్ నెం-2 నుంచి కాంగ్రెస్ అభ్యర్థిగా పోటీ చేశారు. మంగళవారం మున్సి పల్ ఎన్నికల ఓట్ల లెక్కింపు జ‌రిగింది. ఈ ఎన్నిక‌ల్లో నైనాబా మ‌రోసారి ప‌రాజ‌యం పాలయ్యారు. అయితే ఆమె ఎన్నికల్లో ఓడిపోయినప్పటికీ, జడేజా జీవితంలో నైనాబాది కీలక పాత్ర అని చెప్పొచ్చు. జడేజా క్రికెట్‌ విజయ ప్రస్థానంలో నైనాబా ముఖ్యపాత్ర పోషించినట్లు జడ్డూ చాలా సందర్భాల్లో పేర్కొన్నాడు. ఇటీవ‌లే మంత్రి హోదాలో రివాబా రాజ్‌కోట్ సంద‌ర్శ‌న‌కు వ‌చ్చిన‌ప్పుడు కూడా నైనాబా ఆమెకు వ్య‌తిరేకంగా మాట్లాడ‌డం క‌నిపించింది.గ‌తంలో గుజరాత్‌ అసెంబ్లీ ఎన్నికలు స‌మ‌యంలోనూ రివాబా జ‌డేజా, నైనాబా జ‌డేజా ప్ర‌త్య‌ర్థులుగా ఒక‌రిపై ఒక‌రు క‌త్తులు దూసుకున్నారు. అప్ప‌ట్లో జడేజా భార్య రివాబా జడేజాను జామ్‌నగర్‌ నార్త్‌ స్థానం నుంచి బీజేపీ ఎన్నికల బరిలో దించింది. ఈ విషయం తెలుసుకున్న కాంగ్రెస్‌ వెంట‌నే జడేజా సోదరి నైనాబాను స్టార్‌ క్యాంపెయినర్‌ జాబితాలో చేర్చి జామ్‌నగర్‌లో ప్రచారానికి పంపింది. అయితే ఆ ఎన్నికల్లో ఎమ్మెల్యేగా గెలిచిన రివాబా వదిన నైనాబాపై విజయం సాధించింది. తాజాగా మున్సిపల్‌ ఎన్నికల్లోనూ మరోసారి నైనాబా ఓటమి పాలవ్వడంతో మంత్రిగా ఉన్న రివాబా తన వదినపై రాజకీయంగా ఆధిక్యతను మరోసారి కొనసాగించింది. ఇక ర‌వీంద్ర జ‌డేజా ప్ర‌స్తుతం ఐపీఎల్ 2026 సీజ‌న్‌లో బిజీగా గ‌డుపుతున్నాడు. ఈ సీజ‌న్‌కు ముందు ట్రేడింగ్‌లో చెన్నై సూప‌ర్‌కింగ్స్ నుంచి రాజ‌స్తాన్ రాయ‌ల్స్‌కు మారిన జ‌డేజా ఈ సీజ‌న్‌లో ఇప్ప‌టివ‌ర‌కు 9 మ్యాచ్‌లాడి 132 ప‌రుగులు చేయ‌డంతో పాటు ఆరు వికెట్లు తీశాడు.చదవండి: ‘వైభ‌వ్‌తో పోల్చ‌ద్దు’.. జైస్వాల్ సంచలన వ్యాఖ్యలు!

గుజరాత్ స్థానిక సంస్థల ఎన్నికల్లో బీజేపీ ఘన విజయం దిశగా దూసుకెళ్తోంది. గుజరాత్‌లోని అన్ని మున్సిపల్ కార్పొరేషన్లు, మున్సిపాలిటీలు, జిల్లా మరియు పంచాయతీలలో బీజేపీ ఆధిక్యంలో కొనసాగుతోంది. ఇప్పటి వరకు వెలువడిన ఫలితాల మేరకు అహ్మదాబాద్, సూరత్, వడోదర, రాజ్‌కోట్ మున్సిపల్ కార్పొరేషన్లలో బీజేపీ భారీ ఆధిక్యాన్ని సాధించింది.గుజరాత్ స్థానిక సంస్థల ఎన్నికలకు సంబంధించి ఓట్ల లెక్కింపు ప్రక్రియ కొనసాగుతోంది. ఫలితాల్లో బీజేపీ ఘన విజయం దిశగా దూసుకెళ్తోంది. పోలింగ్ జరిగిన 15 మున్సిపల్ కార్పొరేషన్లలో నాలుగింటిలో విజయం సాధించి మెజారిటీని నిలబెట్టుకుంది. కొత్తగా ఏర్పడిన మున్సిపల్ కార్పొరేషన్లు అయిన మెహసానా, మోర్బి, నడియాడ్, వాపిలలో బీజేపీ విజయాలు సాధించగా, కాంగ్రెస్ ఒక్క సీటు కూడా గెలుచుకోలేకపోయింది. 15 కార్పొరేషన్లలోని 1,044 సీట్లలో ప్రస్తుత ట్రెండ్స్ ప్రకారం, బీజేపీ 718 సీట్లలో ఆధిక్యంలో ఉండగా, 88 సీట్లతో ముందుకు సాగుతోంది. మిగతా పార్టీలు ప్రభావం చూపించలేకపోయాయి.అలాగే, ఇప్పటి వరకు వెలువడిన ఫలితాల ప్రకారం.. గుజరాత్‌లోని 84 మున్సిపాలిటీలలో మొత్తం 2624 స్థానాలు ఉండగా.. అధికార బీజేపీ 575 స్థానాల్లో ముందంజలో ఉంది. కాంగ్రెస్ 50 స్థానాల్లో ఆధిక్యం సాధించింది. మరో 11 స్థానాల్లో ఇతర పార్టీలు ఆధిక్యంలో ఉన్నాయి.Gujarat Election Update-BJP wins Vapi, Navsari, Porbandar, Ahmedabad, Rajkot and Surendranagar Municipal Corporations.It is also leading in remaining Municipal Corporations.— News Arena India (@NewsArenaIndia) April 28, 2026 అహ్మదాబాద్‌ మున్సిపాలిటీలో బీజేపీ 54 స్థానాల్లో ఆధిక్యంలో ఉంది. కాంగ్రెస్ సాధించిన 11 స్థానాల్లో ఉండగా.. ఆమ్ ఆద్మీ పార్టీ ఇంకా ఖాతాను తెరవలేకపోయింది.సూరత్‌లో బీజేపీ 24 స్థానాల్లో, కాంగ్రెస్ మూడు స్థానాల్లో మరియు ఆమ్ ఆద్మీ పార్టీ ఒక స్థానంలో ఆధిక్యంలో ఉన్నాయి.వడోదరలో బీజేపీ 76 స్థానాల ఆధిక్యాన్ని దక్కించుకుంది. కాంగ్రెస్ ఐదు స్థానాలో ఆధిక్యంలో ఉంది.రాజ్‌కోట్‌లో బీజేపీ 20 స్థానాలను గెలుచుకుంది. కాంగ్రెస్ నాలుగు స్థానాల్లో ఆధిక్యంలో ఉంది.మోర్బి మున్సిపల్ కార్పొరేషన్‌లో బీజేపీ ఘన విజయం దిశగా ముందుకెళ్తోంది. ఇక్కడ బీజేపీ 20 స్థానాల్లో ఆధిక్యంలో ఉంది. కాంగ్రెస్ ఇంకా ఖాతాను తెరవలేకపోయింది. ఈ మున్సిపల్ కార్పొరేషన్‌లో మొత్తం 52 స్థానాలు ఉన్నాయి.👉ఇదిలా ఉండగా.. ఏప్రిల్ 26, 27 తేదీలలో 15 మున్సిపల్ కార్పొరేషన్లు, 84 మున్సిపాలిటీలు, 34 జిల్లా పంచాయతీలు, 260 తాలూకా పంచాయతీలలో పోలింగ్ జరిగింది. స్థానిక సంస్థల ఎన్నికల్లో రాష్ట్రవ్యాప్తంగా 66% ఓటింగ్‌ నమోదు అయ్యింది.Gujarat Local Body Election Result 2026 #Congratulations All @BJP4Gujarat 🪷🎉🌷BJP : Winning in 90% + seatsAll Others (MM Congress, SP, AIMIM, AAP, ABC, XYZ +++) : < 10% seats#GujaratVotesBJP#gujarattrustsbjp *Municipality ( Total Seats 1044 )BJP :- 43*Congress :-… pic.twitter.com/Ph6G8Ie43r— Bharat Sanghvi Jain (@rajamaka) April 28, 2026

గుజరాత్‌లోని ఛోటా ఉదయ్‌పూర్‌లో నాలుగేళ్ల కుమార్తె కోసం ప్రాణాలకు తెగించి మరీ ఒక తండ్రి చేసిన పోరాటం ప్రశంసలు దక్కించుకుంటోంది. అసాధారణ ధైర్యం ప్రదర్శించి, ఒట్టి చేతులతో చిరుతతో పెనుగులాడి కుమార్తెను మృత్యు ముఖం నుంచి కాపాడుకున్నాడు. ఈ సంఘటన ఛోటా ఉదయ్‌పూర్ జిల్లాలోని ఒక చిన్న బుధవారం సాయంత్రం పావి జెట్‌పూర్ తాలూకాలోని రస్లీ గ్రామంలో జరిగింది. తల్లి దగ్గర్లో పని చేస్తుండగా, ఆ బాలిక ఇంటి పెరట్లో ఆడుకుంటోంది. సాయంత్రం వేళ, మసకబారుతున్న వెలుతురులో, ఒక చిరుత మెల్లగా వచ్చి అకస్మాత్తుగా చిన్నారిపై ఎటాక్‌ చేసింది. ఇది చూసిన తల్లి భయంతో కేకలు వేసింది. దీంతో ఒక్క ఉదుటన బయటకు పరుగెత్తుకొచ్చిన తండ్రి సురేష్ రత్వా చిరుత నోట కరుచుని తన బిడ్డను లాక్కెళ్లుతుండడాన్ని చూశాడు. భయంతో క్షణకాలం నిశ్చేష్టుడయ్యాడు. కానీ వెంటనే ధైర్యాన్ని కూడగట్టుకున్నాడు. చిరుతపులి వైపు పరుగెత్తి, కేవలం ఒట్టి చేతులతోనే పోరాడాడు. ఎలాంటి ఆయుధం లేదు. భయం అంతకన్నా లేదు. చిరుతపై ఎగబడ్డాడు. బాలికను పట్టుకుని, మరో చేతితో దాని శరీరంపై పదేపదే పిడిగుద్దులు కురిపించాడు. దాని దవడలు విరిచాడు. చివరికి, చిరుత తన పట్టును సడలించి, బాలికను వదిలిపెట్టి, రత్వా ఇంటి వెనుక ఉన్న పొలాల్లోకి పారిపోయింది. అలా అత్యంత సాహసంగా తన నాలుగేళ్ల కుమార్తెను మృత్యుముఖం నుండి రక్షించాడు. బాలిక ముఖం, మెడపై తీవ్ర గాయాలయ్యాయని, అయితే స్థానిక ఆసుపత్రిలో ఆమె చికిత్సకు బాగా స్పందిస్తోందని అధికారులు తెలిపారు. దీనిపై పావి జెట్‌పూర్ రేంజ్ ఫారెస్ట్ ఆఫీసర్ జయదీప్ సోలంకి స్పందిస్తూ రత్వా పోరాటాన్ని వివరించారు. కొన్ని నిమిషాల పాటు జరిగిన ఈ తీవ్రమైన పోరాటంలో, చిరుత వెనక్కి తగ్గలేదు. రత్వాను పదేపదే గోళ్లతో రక్కింది. అయినా రత్వా పట్టు వీడలేదు.. మరో చేత్తో తన కుమార్తెను గట్టిగా పట్టుకుని, చిరుత పారపోయిందాకా పోరాడాడు అని తెలిపారు. ఇంతకుముందు కూడా ఈ ప్రాంతంలో గ్రామస్తులు చిరుతలను చూశారు, కానీ మనిషిపై దాడి జరగడం ఇదే మొదటిసారని సోలంకి చెప్పారు.ఆహారం కోసం సమీపంలోని నదీ లోయ నుండి గ్రామంలోకి దారితప్పి వచ్చి ఉండవచ్చన్నారు. ఈ ఘటన జరిగిన కొన్ని గంటల తర్వాత చిరుత మళ్లీ కనిపించిందని స్థానికులు తెలిపారు. దాని జాడ పట్టుకుని, బంధించడానికి గ్రామం చుట్టూ ట్రాప్ కెమెరాలతో పాటు మూడు బోనులను ఏర్పాటు చేశారు.నాన్న అంటే అంతే... నెటిజన్లు ప్రశంసలుతండ్రి అంటే అంతే..ఇలాగే ఉంటాడు. తన కుటుంబం, పిల్లలు కాపాడుకునే విషయంలో క్రూరంగా మారిపోతాడు, ఎదురుగా ఎవరున్నా లెక్కచేయడు అంటూ అతనిపై నెటిజన్లు ప్రశంసలు కురిపించారు.

టెహ్రాన్‌: దుబాయ్‌ నుంచి బయల్దేరి హార్మూజ్‌ జలసంధి మీదుగా గుజరాత్‌లోని ముంద్రా పోర్ట్‌కు క్షేమంగా రావాల్సిన కంటైనర్‌ నౌక ‘ఎపామినోండాస్‌’ను ఇరాన్‌ బలగాలు స్వా«దీనం చేసుకున్న వీడియో తాజాగా బహిర్గతమైంది. లైబీరియా జెండాతో వస్తున్న ‘ఎపామినోండాస్‌’పైకి ఇరాన్‌ ఇస్లామిక్‌ రెవల్యూషనరీ గార్డ్‌ కోర్‌(ఐఆర్‌జీసీ) నేవీ బలగాలు మెరుపువేగంతో దాడిచేసి తమ వశం చేసుకున్న వీడియో ఇప్పుడు సామాజిక మాధ్యమాల్లో విస్తృతంగా షేర్‌ అవుతోంది. ఒమన్‌కు ఈశాన్యంగా 15 నాటికల్‌ మైళ్లదూరంలో హార్మూజ్‌ జలాల్లో ఉన్న నౌకపైకి ఐఆర్‌జీసీ నేవీ గన్‌బోట్లు హఠాత్తుగా కాల్పులు జరిపి నౌక ముందుకు వెళ్లకుండా అడ్డుకున్నాయి. వెంటనే గన్‌బోట్లలో నేవీ కమెండోలు మెరుపువేగంతో నౌక సమీపానికి చేరుకున్నారు. నౌక పక్కల వైపు ఉండే చిన్నపాటి ప్రవేశ ద్వారం గుండా లోపలికి చొరబడ్డారు. ఈ దురాక్రమణపర్వం మొత్తం నేవీ వాళ్ల డ్రోన్‌ కెమెరాల్లో రికార్డయ్యాయి. మాస్క్ లు ధరించిన కమెండోలు రైఫిళ్లు ఇతర మారణాయుధాలతో నౌకలోకి చొరబడి తమను ప్రతిఘటించే సాయుధులకోసం వెతికారు. నౌకలో సాయుధుల ఎవరూ లేకపోవడంతో నేరుగా నౌక ఇంజిన్‌ రూమ్‌లోకి వెళ్లి దాని ఆపరేటింగ్‌ సిస్టమ్‌ను తమ వశంచేసుకున్నారు. తర్వాత నౌక తమ అ«దీనంలోకి వచి్చందని అధికారికంగా ప్రకటించారు. తర్వాత నౌకను ఇరాన్‌ తీరం వైపు మళ్లించారు. తీరానికి తీసుకెళ్లాక నౌకను తనిఖీచేసి సరకులో ఏమైనా అక్రమ, చట్టబద్ధ వస్తువులున్నాయా లేదా అనేది తనిఖీచేస్తారు. వాస్తవానికి ఈ నౌక రాకపోకలకు సంబంధించి ఎలాంటి ముందస్తు అనుమతులులేవని ఇరాన్‌ నేవీ ప్రకటించింది. నౌకను స్వా«దీనంచేసుకునే క్రమంలో ఎపామినోండాస్‌ పైకి ఇరాన్‌ కమెండోలు కాల్పులు జరిపి గ్రనేడ్లు విసిరేశారు. దీంతో నౌకలోని ప్రధానభాగమైన బ్రిడ్జ్‌(సెంట్రల్‌ కమాండ్‌ సెంటర్‌) పాక్షికంగా దెబ్బతింది. కానీ నౌకలోని సిబ్బందికి ఎలాంటి గాయాలు కాలేదు. దెబ్బకు దెబ్బ... హార్మూజ్‌లో, హిందూ మహాసముద్రంలో రెండు ఇరాన్‌ నౌకలను అమెరికా బలగాలు స్వా«దీనం చేసుకున్నాయి. ఇరాన్‌ కార్గో నౌక ‘టౌస్కా’స్వాధీనపరంపర తాలూకు వీడియోలను మీడియాకు అందజేశాయి. ఇరాన్‌ నౌకలను సులభంగా తమ వశంచేసుకున్నామని ఆ వీడియోల్లో అమెరికా సైన్యాధికారులు ప్రకటించారు. దీంతో ఆగ్రహించిన ఐఆర్‌జీసీ నేవీ బలగాలు తాము సైతం విదేశీ నౌకలను స్వా«దీనంచేసుకోగలమని నిరూపించాలనుకున్నాయి. ఇందులోభాగంగా ‘ఎపామినోండాస్‌’, ‘యుఫోరియా’, ‘ఎంఎస్‌సీ ఫ్రాన్సిస్కా’నౌకలను స్వా«దీనం చేసుకుని తమ సత్తా చాటాయని తెలుస్తోంది.

ఐపీఎల్‌-2026లో రాజస్తాన్ రాయల్స్‌ తరపున తొలిసారి ‘ప్లేయర్‌ ఆఫ్‌ ది మ్యాచ్‌’ అవార్డు అందుకున్నాడు రవీంద్ర జడేజా. లక్నో సూపర్‌ జెయింట్స్‌తో బుధవారం నాటి మ్యాచ్‌లో ఆల్‌రౌండ్‌ ప్రతిభతో అదరగొట్టాడు జడ్డూ.కఠినమైన లక్నో పిచ్‌పై 29 బంతుల్లో 2 ఫోర్లు, ఒక సిక్సర్‌ బాది 43 పరుగులతో అజేయంగా నిలిచిన జడ్డూ.. రాయల్స్‌ తరఫున టాప్‌ రన్‌ స్కోరర్‌. ఇక బౌలింగ్‌ పరంగానూ ఈ స్పిన్‌ ఆల్‌రౌండర్‌ రాణించాడు. నాలుగు ఓవర్ల కోటా పూర్తి చేసి 29 పరుగులు మాత్రమే ఇచ్చి.. నికోలస్‌ పూరన్‌ రూపంలో కీలక వికెట్‌ పడగొట్టాడు.రెండేళ్లలో తొలిసారిఇక ఈ మ్యాచ్‌లో రాజస్తాన్‌ 159 పరుగులే స్కోరు చేసినప్పటికీ.. బౌలర్ల విజృంభణ కారణంగా స్వల్ప లక్ష్యాన్ని కాపాడుకోగలిగింది. ఇందులో జడ్డూ కీలక పాత్ర పోషించి.. గత రెండేళ్లలో తొలిసారి ‘ప్లేయర్‌ ఆఫ్‌ ది మ్యాచ్‌’గా నిలిచాడు.రివాబాకు అంకితంఈ సందర్భంగా రవీంద్ర జడేజా తన భార్య రివాబాపై ప్రేమ కురిపించాడు. అవార్డు అందుకున్న అనంతరం మాట్లాడుతూ.. ‘‘జట్టు విజయం కోసం కృషి చేసి అవార్డు అందుకున్న అనుభూతి చాలా బాగుంది. ఈ అవార్డును గుజరాత్‌ విద్యాశాఖా మంత్రికి అంటే నా భార్య రివాబాకు అంకితం చేస్తున్నా.మ్యాచ్‌ ఆరంభానికి ముందే.. నేను ఈరోజు అద్భుతం చేయగలగనని ఆమె చెప్పింది. ఆ మాటలే నిజమయ్యాయి. ఇందుకు ఆమెకు కృతజ్ఞతలు. నిజానికి ఈ వికెట్‌ చాలా కఠినంగా ఉంది.చివరి ఓవర్లోనూ..బంతి బాగా స్వింగ్‌ అయింది. వీలైనంత ఎక్కువ సేపు క్రీజులో ఉండాలని భావించాను. అందుకు తగ్గట్లే ఆడాను. టీ20 క్రికెట్‌లో ఎప్పుడు ఏం జరుగుతుందో ఊహించడం కష్టం. చివరి ఓవర్లోనూ మేము పరుగులు రాబట్టగలిగాము’’ అని జడేజా పేర్కొన్నాడు. కాగా లక్నోతో చివరి ఓవర్లో రాజస్తాన్‌ 20 పరుగులు రాబట్టింది.Rockstar player, rockstar performance 🎸🔥@imjadeja delivers an all-round masterclass to win his 1st player of the match award for Rajasthan Royals in #TATAIPL. 🩷#TATAIPL #LSGvRR pic.twitter.com/EeQtxbuTl3— Star Sports (@StarSportsIndia) April 22, 2026మొత్తంగా నిర్ణీత 20 ఓవర్లలో ఆరు వికెట్ల నష్టానికి 159 పరుగులు చేసిన రాజస్తాన్‌.. లక్నోను 119 పరుగులకే ఆలౌట్‌ చేసింది. తద్వారా 40 పరుగుల తేడాతో జయభేరి మోగించి.. పాయింట్ల పట్టికలో రెండో స్థానానికి దూసుకువచ్చింది. కాగా ఈ సీజన్‌లో ఇప్పటికి ఏడు మ్యాచ్‌లు పూర్తి చేసుకున్న రాజస్తాన్‌కు ఇది ఐదో గెలుపు. చదవండి: సీఎస్‌కే శిబిరంలో తీవ్ర విషాదం​

గుజరాత్‌లోని దాహోద్ జిల్లాలో జరిగిన ఒక పెళ్లి వేడుక దుమారాన్ని రాజేసింది.పెళ్లి విందులో ఫుడ్ పాయిజన్ కారణంగా సుమారు 400 మందికి పైగా అతిథులు తీవ్ర అస్వస్థతకు గురయ్యారు. సుమారు 400 మందికి పైగా వాంతులు, విరేచనాలు, కడుపు నొప్పితో ఇబ్బంది పడ్డారు. వీరిలో 60 మంది పరిస్థితి విషమించడంతో ఆసుపత్రిలో చేరాల్సి వచ్చింది. ఈ ఘటనపై భారత ఆహార భద్రత మరియు ప్రమాణాల ప్రాధికార సంస్థ (FSSAI) స్పందించింది.దాహోద్ జిల్లాలోని అభ్లోద్ గ్రామంలో సోమవారం రాత్రి ఈ ఘటన చోటు చేసుకుంది. రాత్రి విందు భోజనం చేసిన తర్వాత, రాత్రి 11 గంటల సమయంలో ప్రజలు అస్వస్థతకు గురయ్యారు. ఒక్కొక్కరికి వాంతులు, విరేచనాలు కావడంతో ఆందోళన మొదలైంది. ఆ తరువాత కుటుంబ సభ్యులు, స్థానికులు బాధితులను స్థానిక ప్రాథమిక ఆరోగ్య కేంద్రాలకు తరలించారు. వీరిలో కొందరి పరిస్థితి విషమంగా ఉన్నట్టు సమాచారం. జిల్లా కేంద్రంలోని ప్రధాన ఆసుపత్రికి తరలించి చికిత్స అందిస్తున్నారు. ఈ ఘటనపై సమాచారం అందుకున్న ఆరోగ్య శాఖ అధికారులు గ్రామానికి చేరుకుని విచారణ చేపట్టారు. దాహోద్ కలెక్టర్ యోగేష్ నిర్గుడే తెలిపిన వివరాల ప్రకారం, ఆసుపత్రిలో చికిత్స పొందుతున్న బాధితుల పరిస్థితి ప్రస్తుతం స్థిరంగానే ఉంది. పెళ్లి విందులో వడ్డించిన మామిడి రసం (Mango Juice) తాగడం వల్లే ఈ సమస్య తలెత్తి ఉండవచ్చని అధికారులు అనుమానిస్తున్నారు. ఇదీ చదవండి: కేరళంలో భారీ పేలుడు, పలువురు మృతిFSSAI సీరియస్‌కేంద్ర ఆహార నియంత్రణ సంస్థ (FSSAI) ఈ విషయాన్ని సీరియస్ గా తీసుకుంది. ఈ ఘటనపై సమగ్ర నివేదిక సమర్పించాలని గుజరాత్ రాష్ట్ర ఆహార కమిషనర్‌ను ఆదేశించింది. విందులో వడ్డించిన ఆహార పదార్థాల నమూనాలను సేకరించి ల్యాబ్‌కు పంపించారు. ప్రాథమిక అంచనా ప్రకారం, ఆహారం కలుషితం కావడం వల్లే ఈ పరిస్థితి తలెత్తినట్లు తెలుస్తోంది. ఆహార నమూనాలను సేకరించి, పరీక్షలు నిర్వహించడంలో రాష్ట్ర అధికారులకు సహాయం చేస్తోంది. దర్యాప్తులో దోషులుగా తేలిన వారిపై కఠిన చర్యలు తీసుకుంటామని FSSAI స్పష్టం చేసింది.

దాహోద్‌: పెళ్లి వేడుకను సాధారణంగా స్నేహితులు, కుటుంబం సభ్యులు, బంధువులతో ఎంతో హుషారుగా, రుచికర వంటకాలతో జరుపుకుంటాం. వివాహం అంటే బాగా గుర్తుకువచ్చేది పెళ్లి వంటకాలు కూడా. అదే ఆహారం వందల మంది అనారోగ్యానికి కారణమైతే? గుజరాత్‌లోని దాహోడ్‌, అబ్లోడ్ గ్రామంలో బాజా భజంత్రీల మధ్య ఎంతో సందడిగా ఓ పెళ్లి జరిగింది. ఈ పెళ్లికి సుమారు 300-400 మంది హాజరయ్యారు. వారంతా అస్వస్థతకు గురయ్యారు. వాంతులు, వికారము, కడుపు నొప్పి, డయేరియాతో బాధపడ్డారు. వారిలో 50-60 మందిని స్థానికులు జైడస్ ఆసుపత్రిలో చికిత్స నిమిత్తం చేర్పించారు. కొందరి పరిస్థితి విషమంగా ఉన్నట్లు తెలుస్తోంది.జైడస్ ఆసుపత్రి ఆర్ఎమ్‌వో డాక్టర్ రాజీవ్ దామోర్ తెలిపిన వివరాల ప్రకారం.. రోగులకు గత రాత్రి 11 గంటల సమయంలో లక్షణాలు మొదలయ్యాయి. వెంటనే ఆసుపత్రికి తరలించారు. ఆసుపత్రికి ముందుగానే సమాచారం రావడంతో 150-200 మంది రావచ్చని అంచనా వేసి పడకలు, అత్యవసర సేవలు సిద్ధం చేశామని తెలిపారు. సుమారు 50-60 మంది రోగులు చేరారని, చికిత్స పొందుతున్నారని చెప్పారు. అధికారులు అత్యవసర దర్యాప్తు ప్రారంభించి ఆరోగ్య బృందాలను అప్రమత్తంగా ఉంచారు.పెళ్లి కార్యక్రమానికి వచ్చివారికి ఇలాంటి అనుభవం ఏర్పడడంతో ఆ గ్రామంలోని వారంతా షాక్‌ అయ్యారు. పెళ్లిలో అందించిన ఆహార నమూనాలను అధికారులు సేకరించి ప్రయోగశాల విశ్లేషణకు పంపించారు. ఆహారం తయారీ, వడ్డించే సమయంలో పాటించిన పరిశుభ్రత ప్రమాణాలను కూడా అధికారులు పరిశీలిస్తున్నారు. ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా (ఎఫ్ఎస్ఎస్ఏఐ) రూపొందించిన ఆహార భద్రత ప‍్రమాణాలు పాటిస్తే ఎటువంటి సమస్యలూ ఉండవు. పరిశుభ్రతను గాలికి వదిలేసి వండితే సమస‍్యలు తప్పవు.‘దాహోద్‌లో 400 మందికిపైగా పెళ్లి భోజనం తిన్న తర్వాత అనారోగ్యానికి గురయ్యారు. ఈ ఘటన ఆందోళనకర విషయం. ఈ ఘటనపై నిష్పక్షపాత దర్యాప్తు జరగాలి. అందరూ త్వరగా కోలుకోవాలని ప్రార్థిస్తున్నాను’ అని ఢిల్లీ మాజీ సీఎం కేజ్రీవాల్‌ ట్వీట్‌ చేశారు. दाहोद में 400 से ज़्यादा लोगों का शादी का खाना खाकर बीमार पड़ना चिंता का विषय है। इस घटना की निष्पक्ष जांच होनी चाहिए। मैं सभी के जल्द स्वस्थ होने की प्रार्थना करता हूँ। फ़ूड सेफ़्टी में लापरवाही कभी भी हेल्थ इमरजेंसी का रूप ले सकती है। देश भर में मिलावटी खाद्य सामग्री पकड़ी जा… https://t.co/fpRTSue7vu— Arvind Kejriwal (@ArvindKejriwal) April 21, 2026

నకిలీ డాక్టర్ల గురించి విన్నాం. నకిలీ లాయరు. నకిలీ జడ్జి గురించి చదివాం. ఫేక్‌ ఆఫీసర్లు.. డూప్లికేట్‌ ప్రొడక్టులు.. ఇవన్నీ మనకు తెలిసినవే. అయితే, గుజరాత్‌లో ఓ వ్యక్తి ఓ కొత్త మోసానికి తెరలేపాడు. ఏకంగా నకిలీ కోర్టే ఏర్పాటు చేశాడు.. ఏంటీ కోర్టా? అని ఆశ్చపోతున్నారా.. కోర్టే కాదు.. లాయర్లు, ఉద్యోగులు, తీర్పులు అన్నీ నకిలీనే...సివిల్‌ కేసులు.. ఓ పట్టాన పరిష్కారం కావు. తరాలు మారినా ఎటూ తెగవు. ఏళ్లతరబడి ఎదురుచూపులు. కోర్టుల చుట్టూ ప్రదక్షిణలు తప్పవు. ఇలా తిరిగి. విసిగి వేసారిన వారినే లక్ష్యంగా చేసుకున్నాడు. ప్రభుత్వం నియమించిన ఆర్బిట్రేటర్‌ని అని చెప్పాడు.. కోర్టు సెటప్‌ వేసి నమ్మించాడు. కేసులు పరిష్కరించినట్టు, తీర్పులు చెప్పినట్టు నటించాడు. లక్షల్లో ఫీజులు గుంజాడు. ఐదేళ్ల పాటు ఈ దందా సాగించాడు.ఓ కేసు వ్యవహారంలో ‘అసలు’ కోర్టుకు అనుమానం వచ్చి, ఆరా తీసింది. మోసం బట్టబయలైంది. ‘నకిలీ’ని కటకటాల్లోకి పంపింది. గుజరాత్‌లోని గాంధీనగర్‌లో ఈ ఉత్తుత్తి కోర్టు వెలిసింది. మోరిస్‌ శామ్యూల్‌ అనే వ్యక్తి ఈ మోసానికి పాల్పడ్డాడు. ఓ గదిలో కోర్టు సెటప్‌ ఏర్పాటు చేసి, జడ్జిగా గెటప్‌ వేశాడు. కొంతమంది నకిలీ లాయర్లు, ఉద్యోగులను నియమించుకున్నాడు. భూమి వివాద బాధితులే లక్ష్యంభూ సంబంధిత కేసుల్లో బాధితులను టార్గెట్‌ చేసేవాడు. అమాయకులను గుర్తించి, బుట్టలో వేసుకునేవాడు. ప్రభుత్వం తనను ‘అధికారిక మధ్యవర్తి’గా నియమించిందని నమ్మించేవాడు. కోర్టుల్లో కేసుల పరిష్కారానికి ఎక్కువ కాలం పడుతుందని, తాను త్వరగా పరిష్కారం చూపుతామని నమ్మించి..‘ఉత్తుత్తి’ కోర్టుకు రప్పించేవాడు. ఐదేళ్ల పాటు కొనసాగిన మోసంఈ ఉత్తుత్తి కోర్టు కార్యకలాపాలు 2019 నుంచి 2024 వరకు కొనసాగినట్లు పోలీసుల దర్యాప్తులో వెల్లడైంది. శామ్యూల్‌కు ఆర్బిట్రేటర్‌గా ఎటువంటి అధికారిక హోదా లేదని, ఐదేళ్లలో అనేక కేసుల్లో నకిలీ ఆదేశాలు జారీ చేశాడని గుర్తించారు. ప్రభుత్వ భూములను ప్రైవేట్‌ వ్యక్తుల పేర్లపై మార్చేలా కలెక్టర్లకు సైతం ఆదేశాలు ఇచ్చినట్లు ఆరోపణలు ఉన్నాయి. నకిలీ ఆర్బిట్రేటర్‌ కోర్టులో తన క్లయింట్లకు అనుకూలంగా ఆదేశాలు జారీ చేసేవాడు. ఆ తర్వాత ఆ నకిలీ క్లెయిమ్‌లను కోర్టులో సమర్పించి తన క్లయింట్లకు అక్రమ లాభం కలిగించేవాడు. ఎలా బయటపడిందిఈ ‘నకిలీ’ వ్యవహారం ఒక కేసు ద్వారా వెలుగులోకి వచ్చింది. శామ్యూల్‌ ఇచ్చిన తీర్పు కాపీని ఓ కేసులో అహ్మదాబాద్‌లోని సిటీ సివిల్‌ కోర్టులో సమర్పించగా, ఆ పత్రాలను పరిశీలించిన కోర్టు అధికారి అనుమానాస్పద అంశాలను గుర్తించారు. వాస్తవాలను పరిశీలించి, విచారణలో ఆ తీర్పు నకిలీదిగా తేల్చారు. పోలీసులకు ఫిర్యాదు చేశారు. అరెస్ట్‌.. కేసుల నమోదుపోలీసులు కేసు నమోదు చేసి దర్యాప్తు చేపట్టారు. అతని కార్యాలయంలో నకిలీ పత్రాలు, కోర్ట్‌ ఏర్పాటుకు సంబంధించిన ఆధారాలు స్వాధీనం చేసుకున్నారు. మోరిస్‌ శామ్యూల్‌ను అరెస్టు చేశారు. మోసం చేయడం, నకిలీ పత్రాలు తయారు చేయడం వంటి పలు సెక్షన్ల కింద కేసులు నమోదు చేశారు. న్యాయవ్యవస్థపై ప్రజలకు అపారమైన విశ్వాసం ఉంది. ఆ నమ్మకాన్ని ఆధారంగా చేసుకుని శామ్యూల్‌ మోసానికి పాల్పడ్డాడు. ‘జాప్యాన్ని’ సాకుగా చూపి బాధితుల నిస్సహాయతను తనకు అనుకూలంగా మలచుకున్నాడు. చట్టపరమైన వ్యవహారాల్లో సరైన అధికారిక మార్గాలనే ఎంచుకోవాలని, అనుమానాస్పద వ్యక్తుల పట్ల అప్రమత్తంగా ఉండాలని ఈ ఘటన రుజువు చేస్తోంది. అరుదైన మోసమే కాదు, అనేక ప్రశ్నలు లేవనెత్తే ఉదంతంగానూ దీన్ని న్యాయనిపుణులు పేర్కొంటున్నారు.దిలీప్‌ మాదిరెడ్డి

కష్టపడటానికి, తమ కాళ్లపై తాము నిలబడి స్వతంత్రంగా నిలబడటానికి వయసు ఎన్నటికి అడ్డంకి కాదని నిరూపిస్తున్నారు చాలామంది వృద్ధులు. సంకల్పం, ఆత్మశ్వాసం ఉంటే అందంగా లైఫ్‌ని ఆస్వాదించవచ్చు. ఇక్కడ ఈ బామ్మ అదే నిరూపించింది. ఆమె అప్పటి వరకు భార్యగా, అమ్మగా, అమ్మమ్మగా సాగిన జీవితంలోకి అకస్మాత్తుగా చీకట్లు ఆవరించాయి. అయితేనేం బామ్మ వెంటనే తేరుకుని ఆ దుఃఖాన్ని కూడా అందంగా మధురంగా మార్చుకుంది. అదెలాగంటే..ఆ బామ్మే అహ్మదాబాద్‌కు చెందిన 98 ఏళ్ల ప్రభావతి భగవతి. విశ్రాంతి తీసుకునే వయసులో ఆమె వ్యాపారవేత్తగా ఫుడ్‌ వ్యాపారంలోకి అడుగుపెట్టాల్సి వచ్చింది. అది తెలుకోవాలంటే..ముందుగా ఆమె కథేంటో తెలుసుకోవాల్సిందే. 1927లో జన్మించిన ప్రభావతి తన భర్త ప్రఫుల్ భగవతితో సుదీర్ఘకాలం సంతోషంగా జీవించారు. ఆ దంపతులు దాదాపు 68 ఏళ్ల పాట్లు సంతోషకరమైన వైవాహిక జీవితాన్ని అనుభవించారు. కానీ 2017లో భర్త భగవతి మరణంతో అంతా మారిపోయింది. ఆమె ఇల్లు నిశబ్దంగా మారి, వంటగది వెలవెలబోయినట్లు అనిపించింది. ఆమె పిల్లలు వేరేచోటే స్థిరపడటంతో మనవళ్లు, మనవరాళ్లు పెద్దవాళ్లైపోవడంతో తాను వండిపెట్టడానికి ఎవరు లేకుండా పోయారు. ఆమె చక్కటి వంటకాలు వండి పెడుతూ తన ప్రేమను వ్యక్తపరిచే ఆమెకు అది మరింత లోటుగా అనిపించింది. అప్పుడే ఊహించని ఓ సంఘటన జరిగింది. ఒక సాధారణ టీ విందులో ఎవరో ప్రభావతి బామ్మ చేసిన ఖాండ్వీ రుచిని చూసి ముగ్ధలయ్యారు. దాంతో వాళ్లు తమ ఇంట్లో జరిగే ఫంక్షన్‌ కోసం చేయమని పట్టుబట్టడమే కాకుండా డబ్బులు చెల్లిస్తామని చెప్పారు. మొదట్లో ప్రభావతి అందుకు అంగీకరించలేదు. కానీ వాళ్ల బలవంతంపై అంగీకరించక తప్పలేదు. అలా ఆమె తొమ్మిది పదుల వయసులో వ్యాపార రంగంలోకి అడుగుపెట్టింది. ఒక ఆర్డర్‌తో మొదలైంది కాస్తా.. త్వరలోనే అనేక ఆర్డర్లుగా మారింది. ప్రజలు ఆమె వంటను ఇష్టపడటమే కాదు దానితో మమేకమయ్యారు. అలా 2019లో “నానిస్ నాష్టా” అనే ఫుడ్‌ స్టాల్‌ మొదలైంది. అందుకు పెద్ద ఏర్పాటు, మార్కెటింగ్‌ బృందం వంటివి గానీ ఏమిలేవు. అలాగే ఆ ఫుడ్‌ స్టాల్‌కి కనీసం ప్రమోషన్స్‌కూడా లేవు. కేవలం ప్రభావతి బామ్మ తన ఇంటి వంటగదిలో ప్రేమతో వంటకాలు చేసేవారు. ఆమె గుజారాతీ రుచుల తోపాటు ముంబై స్ట్రీట్‌ ఫుడ్‌ క్లాసిక్స్‌, వడాపావ్‌, సేవ్‌పూరీ, ధోక్లా, తేప్లా, భాక్రీ, పావ్‌ భాజీ తదితర రుచికరమైన వంటకాలెన్నో అందిస్తుంది. వీటన్నింటిలోనూ ‍ప్రసిద్ధి ఆకర్షణ ఖాండ్వీ ఉంటుంది. ఈ వంటకం కారణంగానే ఆ బామ్మ ఫుడ్‌ వ్యాపార రంగంలోకి అడుగుపెట్టింది. ఇవాళ ఈ బామ్మ సుమారు 200కు పైగా కుటుంబాలకు వంట చేస్తున్నారు. అంతేగాదు 'నానిస్ నాష్టా' వ్యవస్థాపకురాలిగా తనకంటూ ఒక ప్రత్యేక గుర్తింపును సృష్టించుకుంది. అప్పటిదాక దూకుడుగా ఉన్నమనం తొమ్మిది పదులకు చేరుకునేలోపు నెమ్మదిగా, విశ్రాంతి తీసుకునేందుకు ప్రయత్నిస్తారు. కానీ ఈ బామ్మ అలాంటి మూసధోరణికి స్వస్తి చెప్పి..వ్యక్తిగతంగా ఎదుగుతున్న తీరు అందరికీ ఆదర్శం. (చదవండి: ఏసీ లేకుండానే ఇల్లు కూల్‌గా..! ఎలాగో తెలుసా..?)

‘పదిహేను అడుగుల లోతు బావిలో పడ్డ సింహం.. గంటపాటు సాగిన సాహసోపేత రెస్క్యూ ఆపరేషన్..’ గుజరాత్‌లో జరిగిన ఈ ఘటనకు సంబంధించిన దృశ్యాలు సోషల్‌ మీడియాలో వైరల్‌గా మారాయి. బావిలో చిక్కుకున్న ఒక సింహాన్ని అటవీ శాఖ అధికారులు దాదాపు గంటసేపు శ్రమించి సురక్షితంగా బయటకు తీశారు. ఏప్రిల్ 13న నవబందర్ అటవీ ప్రాంతం సమీపంలో ఈ ఘటన జరిగింది.అటవీ అధికారుల తెలిపిన వివరాలు ప్రకారం.. ఆ సింహం ఆహారం వేటలో తన నివాసం నుండి బయటకు వచ్చి.. ప్రమాదవశాత్తు నీటి బావిలో పడిపోయింది. బయటకు రాలేక.. తీవ్రంగా పోరాడింది. సింహం గర్జనలు చుట్టుపక్కల ప్రాంతాలకు వినిపించడంతో స్థానికులు అప్రమత్తమై.. అధికారులకు సమాచారం అందించారు. వెంటనే జసాధర్ అటవీ శాఖ రేంజ్ ఫారెస్ట్ ఆఫీసర్ కుల్దీప్ చౌహాన్ నేతృత్వంలో రెస్క్యూ టీమ్‌ను రంగంలోకి దిగింది. సింహం బావిలో పడిందన్న వార్త తెలియగానే గ్రామస్థులు పెద్ద సంఖ్యలో అక్కడికి చేరుకున్నారు.అటవీ సిబ్బంది బలమైన తాళ్లను బావిలోకి దించారు. సింహం వాటిని పట్టుకుంటుందని పైకి లాగడానికి వీలుగా ఉంటుందని భావించారు. అయితే, భయపడిపోయిన ఆ సింహం దూకుడుగా ప్రవర్తిస్తూ.. ఆ తాళ్లను పళ్లతో కొరికేసింది. దాదాపు 30 నిమిషాల పాటు రక్షణ సిబ్బందికి, సింహానికి మధ్య ఉత్కంఠభరిత పోరాటం సాగింది.A wild chase turned into a rescue mission in Gujarat.Near the forested stretch of Navabandar in Una taluka, a majestic lion, likely in search of prey, accidentally fell into an open farm well.What followed was a race against time.With swift coordination and remarkable… pic.twitter.com/Ssj7if76Hz— Harsh Sanghavi (@sanghaviharsh) April 13, 2026చివరకు శ్రమ, సమన్వయంతో అధికారులు ఒక తాడు ఉచ్చును ఉపయోగించి సింహాన్ని బంధించగలిగారు. ఆ ప్రాంతాన్ని పూర్తిగా ఖాళీ చేయించి.. బావి అంచున ఒక బోనును సిద్ధంగా ఉంచారు. ఆపై సిబ్బంది మొత్తం కలిసి సింహాన్ని పైకి లాగడం ప్రారంభించారు. బావి నుంచి పైకి రాగానే.. సింహం సహజంగానే పక్కనే ఉన్న బోనులోకి వెళ్లింది. వెంటనే సిబ్బంది బోను తలుపులు వేశారు. సింహం సురక్షితంగా బయటపడటంతో అక్కడున్న వారంతా ఊపిరి పీల్చుకున్నారు.ఈ రెస్క్యూ వీడియోను గుజరాత్ ఉప ముఖ్యమంత్రి హర్ష్ సంఘ్వీ ఎక్స్‌ (ట్విట్టర్) వేదికగా పంచుకున్నారు. ‘‘సమన్వయం, అసాధారణమైన ధైర్యంతో, అటవీ శాఖ బృందం గంటపాటు అవిశ్రాంతంగా శ్రమించింది. వారి ప్రయత్నాలు ఫలించాయి. సింహానికి ఎటువంటి హాని కలగకుండా సురక్షితంగా రక్షించారు’’ అంటూ ఆయన పోస్ట్‌ చేశారు.

గుజరాత్‌లో ఘోర రోడ్డు ప్రమాదం చోటు చేసుకుంది. సోమవారం ఉదయం సురేంద్ర నగర్‌లో రోడ్డు పక్కన ఉన్న కొందరిపైకి ఓ ట్రక్కు దూసుకెళ్లింది. ఈ ఘటనలో ఏడుగురు అక్కడికక్కడే మరణించారు. మృతుల్లో ఐదుగురు మహిళలు, ఇద్దరు పురుషులు ఉన్నారు. ప్రమాదానికి గల కారణాలు తెలియాల్సి ఉంది. ప్రస్తుతం ఘటనా స్థలంలో సహాయక చర్యలు కొనసాగుతున్నాయి.

గుజరాత్‌లోని అహ్మదాబాద్‌లో కలుషిత ఆహారం తిని ఇద్దరు చిన్నారులు మృత్యువాత పడిన ఘటన కలకలం రేపింది. తల్లితండ్రులు ఆసుపత్రిలో ప్రాణాపాయ చికిత్స పొందుతున్నారు. నగరవ్యాప్తంగా అనేక హోటళ్లలో ఆహారం కలుషితమైన ఘటనలు పదేపదే నమోదవుతున్న నేపథ్యంలో మరో విషాదం తీవ్ర ఆందోళన రేపుతోంది.ఈ ఘటన చంద్ఖేడా ప్రాంతంలో జరిగింది. ఫుడ్ పాయిజనింగ్ కారణంగా ఇద్దరు బాలికలు ప్రాణాలు కోల్పోగా, వారి తల్లిదండ్రులు ఆసుపత్రి పాలయ్యారు. వీరు మార్కెట్ నుంచి రెడీ మేడ్‌ దోస పిండిని (ఖీరు) కొనుగోలు చేశారు ఆ పిండితో చేసిన దోసెలు తిన్న తర్వాత, కుటుంబ సభ్యులందరూ అస్వస్థతకు గురయ్యారు. వారిని ఆసుపత్రికి తరలించినప్పటికీ రాహా (మూడు నెలల పసికందు), మిశ్రి(నాలుగేళ్ల బాలిక) చికిత్స పొందుతూ మరణించారు. మరోవైపు తల్లి భవనా ప్రజాపతి, తండ్రి విమన్‌ ప్రజాపతి కూడా ఒక ప్రైవేట్ ఆసుపత్రిలో చికిత్స పొందుతున్నారు, వారి పరిస్థితి విషమంగా ఉన్నట్లు సమాచారం.అయితే, సాధారణంగా పసిపిల్లలకు ఘన ఆహారం ఇవ్వరు కాబట్టి, ఫుడ్ పాయిజనింగ్‌కు గురైన తర్వాత తల్లి బిడ్డకు పాలివ్వడం వల్లనే మూడు నెలల పసికందు ప్రభావితమై ఉండవచ్చని భావిస్తున్నారు.“మా అబ్బాయి రాత్రి సుమారు 8:00 గంటలకు ఐఓసీ రోడ్డులోని ఘనశ్యామ్ డెయిరీ నుంచి పిండి తెచ్చాడు. దానితో దోసె వేసుకుని తిన్నాడు. మరుసటి రోజు ఉదయం, అతనికి వాంతులు మొదలవడంతో ఆసుపత్రిలో చేర్పించాం. ఆ తర్వాత, ఆహారం వల్ల అనారోగ్యం వచ్చిందని తెలియని అతని భార్య కూడా అదే పిండిని తిని, వారి చిన్నారికి దోసె తినిపించింది. మరుసటి రోజు నుంచి, వారికి కూడా వాంతులు మొదలయ్యాయి’’ అని విమల్ తండ్రి, గౌరీశంకర్ తెలిపారు. ప్రస్తుతం తన కొడుకు కోడలు కేడీ ఆసుపత్రిలో చికిత్స పొందుతున్నారని, ఈ విషయంలో పోలీసులు కఠిన చర్యలు తీసుకోవాలని ఆయన డిమాండ్ చేశారు.ఇదిలా ఉండగా, చంద్ఖేడా పోలీసులు దర్యాప్తు ప్రారంభించారు. ఆహార నమూనాలను సేకరించారు. మరణానికి మరణినాకి ఖచ్చితమైన కారణాన్ని నిర్ధారించుకోవడానికి, పోలీసులు ఫోరెన్సిక్ సైన్స్ లేబొరేటరీ (FSL) సహాయాన్ని కూడా కోరారు. ఫుడ్ పాయిజనింగ్ కేసు, పిండిలో కల్తీ, లేదా మరేదైనా అనుమానాస్పద కారణమా అనే కోణంలో అధికారులు దర్యాప్తు చేస్తున్నారు.ఇదీ చదవండి: నో ఫుడ్‌,నో ఫోన్‌, చిమ్మ చీకటి, భయంకర శబ్దాలు : కట్‌ చేస్తే!ఈ ఘటనపై ఘనశ్యామ్ డైరీ యజమాని కేతన్ పటేల్ ఇలా అన్నారు, తాముతిరోజూ సుమారు 100 నుండి 125 కిలోల ఖీరును విక్రయిస్తాం, చాలా వినియోగదారులున్నారు, దీన్ని ఘనశ్యామ్ డైరీలోనే తయారు చేస్తాం. ఒకవేళ ఆ పిండి నిజంగానే పాడై పోయి ఉంటే, పలువురు వినియోగదారుల నుండి అనేక ఫిర్యాదులొచ్చి ఉండేవి. ఈ ఒక్క ఫిర్యాదు తప్ప, మరెవరి నుండీ ఇటువంటి ఫిర్యాదు రాలేదని తెలిపారు. దర్యాప్తునకు తాము సహకరిస్తున్నామని చెప్పారు. ఇదీ చదవండి: ప్రముఖ టీవీ నటి ఆత్మహత్య, షాక్‌లో ఇండస్ట్రీమరోవైపు అహ్మదాబాద్ మున్సిపల్ కార్పొరేషన్ ఆహార విభాగం అధికారి డాక్టర్ తేజస్ షా మాట్లాడుతూ, ఈ ఘటనపై దర్యాప్తు జరుగుతోందని తెలిపారు.

ప్రస్తుతం హర్మూజ్‌ జలసంధిని ఇరాన్ మూసివేయడంతో ప్రపంచ వ్యాప్తంగా చమురు సంక్షోభం తలెత్తుతుంది. అయితే భారత్‌ నౌకలు మాత్రం జలసంధి గుండా ప్రయాణించడానికి ఇరాన్‌ అనుమతిచ్చింది. ఈ నేపథ్యంలో 7వ ఎల్‌పీజీ ట్యాంకర్‌ జలసంధి గుండా భారత్‌ చేరుకుంది. ఈ సందర్భంగా భారత్‌ ధన్యవాదాలు తెలుపగా ఇరాన్‌ దానికి స్పందించింది.చమురు నౌక గుజరాత్ చేరుకున్న సందర్భంగా ఆ రాష్ట్ర ఉప ముఖ్యమంత్రి హర్ష్ సంఘ్వీ ఈ ట్యాంకర్ ప్రయాణాన్ని భారతీయ దౌత్య విజయంగా అభివర్ణించారు. దీనిపై ముంబైలోని ఇరాన్‌ కాన్సులేట్‌ స్పందించింది. "భారతదేశం, ముఖ్యంగా గుజరాత్, మా ఉమ్మడి చరిత్రలో ఒక మధురమైన స్థానాన్ని కలిగి ఉన్నాయి. శతాబ్దాల క్రితం మా దేశం నుండి వచ్చిన వారిని మీరు సాదరంగా ఆహ్వానించారు. ఈ నాగరికత సంబంధాల ఆధారంగా, మన మధ్య స్నేహం మరియు సహకారాన్ని మరింత బలోపేతం చేయడానికి మేము కట్టుబడి ఉన్నాము." అని తెలిపింది.కాగా ఇరాన్ కాన్సులేట్‌ తన సందేశంలో సింధూ నాగరికతకు చెందిన లోథల్ ఓడరేవును ఉద్దేశించి మాట్లాడింది. సుమారు 4,000 ఏళ్ల క్రితమే సింధు లోయ నాగరికతకు మరియు పర్షియా తీరానికి మధ్య ఉన్న వాణిజ్య సంబంధాలను ఇది గుర్తుచేస్తుంది. కాగా గ్రీన్‌ సాన్వీ అనే నౌక 46,650 మెట్రిక్ టన్నుల గ్యాస్‌తో హర్ముాజ్ జలసంధిని దాటింది.అయితే హర్మూజ్‌ జలసంధి విషయమై ఇప్పుడు యుద్ధం మరింత తీవ్రతరం అవుతున్న సంగతి తెలిసిందే. దానిని ఎట్టిపరిస్థితుల్లో తెరవాలని ట్రంప్ అల్టిమేటం జారీ చేస్తుండగా ఇరాన్ ససేమిరా అంటుంది. దీంతో ప్రస్తుతం ఉద్రిక్త పరిస్థితులు నెలకొన్నాయి. కాగా ఈ జలసంధి గుండా ప్రయాణించడానికి ఇరాన్ కేవలం 5 మిత్ర దేశాలకు భారతదేశం,రష్యా, చైనా, ఇరాక్,పాకిస్థాన్ అనుమతినిచ్చింది.

థరాడ్‌/గాందీనగర్‌: కాంగ్రెస్‌ పార్టీ రాజకీయ రాబందులా వ్యవహరిస్తోందని ప్రధాని నరేంద్ర మోదీ మండిపడ్డారు. రాజకీయ లబ్ధి కోసం ప్రజల్లో భయాందోళనలు సృష్టించడానికి పశ్చిమాసియా పరిణామాలను వాడుకుంటోందని మండిపడ్డారు. ఆ ఉద్రిక్తతలు మనపై ప్రభావం చూపకుండా ప్రభుత్వం చర్యలు చేపట్టిందని వివరించారు. మంగళవారం గుజరాత్‌లోని వావ్‌ థరాడ్‌ జిల్లా నానీ గ్రామంలో మోదీ పర్యటించారు.రూ.19,806 కోట్ల విలువైన అభివృద్ధి ప్రాజెక్టులు ప్రారంభించారు. ఖేడ్‌బ్రహ్మ–హిమ్మత్‌నగర్‌–అసర్వా రైలుకు పచ్చజెండా ఊపారు. ఈ సందర్భంగా జరిగిన సభలో మోదీ ప్రసంగించారు. ‘‘కాంగ్రెస్‌ పుకార్లు వ్యాప్తి చేస్తోంది. ప్రజలు పెట్రోల్‌ బంకుల వద్ద, గ్యాస్‌ ఏజెన్సీ ముందు క్యూ కట్టేలా చేస్తోంది. కాంగ్రెస్‌ నేతలు విచ్చింన్న రాజకీయాల్లో నిమగ్నమయ్యారు. పరిస్థితులు అదుపు తప్పితే దాన్ని రాజకీయ లబ్ధి కోసం వాడుకోవడానికి కాంగ్రెస్‌ కాచుకొని ఉంది’’ అని దుయ్యబట్టారు. ఇంధన భారం పడకుండా చర్యలుపలు దేశాలు యుద్ధం, అశాంతి, అస్థిరతలో కూరుకుని ఉంటే భారత్‌ మాత్రం సుస్థిరత, ఐక్యతను ప్రదర్శిస్తోందని ప్రధాని మోదీ ఉద్ఘాటించారు. పశి్చమాసియా యుద్ధం కారణంగా ప్రపంచవ్యాప్తంగా ఇంధనం కొరత పెరిగిందని గుర్తుచేశారు. ఇంతటి సంక్షోభంలోనూ మన బలమైన విదేశాంగ విధానం, పౌరుల సమష్టి కృషితో ప్రతికూల పరిస్థితిని విజయవంతంగా నియంత్రిస్తున్నామని తెలిపారు. యుద్ధం వల్ల ప్రపంచమంతటా ఇంధనం ధరలు 10 నుంచి 15 శాతం పెరిగాయన్నారు. ఈ భారం మన ప్రజలపై పడకుండా చర్యల చేపటినట్లు వెల్లడించారు. శాంతి, అహింస సందేశం ప్రపంచ అస్థిరత, అశాంతి మంటల్లో చిక్కుకున్న నేటి తరుణంలో సామ్రాట్‌ సంప్రాతి మ్యూజియం శాంతి, అహింస సందేశాన్ని ఇస్తోందని ప్రధాని మోదీ అన్నారు. గుజరాత్‌ రాజధాని గాంధీ నగర్‌ సమీపంలో శ్రీమహావీర్‌ జైన్‌ ఆరాధన కేంద్రం ప్రాంగణంలో నిర్మించిన ఈ మ్యూజియాన్ని ఆయన ప్రారంభించారు. ఈ మ్యూజియం వారసత్వం, సందేశం మన దేశానికే కాకుండా మొత్తం మానవాళికి ఎంతో ఉపయోగకరమని చెప్పారు. విశ్వసనీయ సరఫరాదారు భారత్‌ గుజరాత్‌లోని సనంద్‌లో కేనెస్‌ సెమీకాన్‌ కంపెనీ ఆధ్వర్యంలోని సెమీకండక్టర్‌ ప్లాంట్‌ను మోదీ ప్రారంభించారు. సెమీకండక్టర్లలో మనదేశం విశ్వసనీయ సరఫరాదారుగా మారిందని చెప్పారు. ‘‘21వ శతాబ్దం పలు సవాళ్లు తెచి్చంది. సంఘర్షణల వల్ల ప్రపంచ సప్లై చైన్లు ప్రభావితమయ్యాయి. రాబోయే దశాబ్దాల్లో సాంకేతికత, ఇంధన భద్రతకు మా ప్రభుత్వం బలమైన పునాది వేస్తోంది’’ అని వివరించారు.

60 దాటగానే చాలామంది విశ్రాంతి తీసుకుంటారు. అలాంటిది ఈ బామ్మ 103 ఏళ్ల వయసులోనూ టీ స్టాల్‌ నడుపుతూ స్ఫూర్తిగా నిలిచింది. ఎవ్వరిమీద ఆధారపడకుండా స్వతంత్రంగా బతకాలన్న ఆమె దృఢసంకల్పానికి హ్యాట్సాప్‌ అనాల్సిందే. అంతేగాదు కష్టపడేతత్వానికి వయసుతో సంబంధం లేదని ఈ బామ్మ ప్రూవ్‌ చేసింది.ఆ బామ్మే గుజరాత్‌లోని వడోదరకు చెందిని 108 ఏళ్ల కాశీబా. ఆమె మహారాజా సయాజీరావు విశ్వవిద్యాలయం సమీపంలోని చొన్న టీ స్టాల్‌ నడుపుతూ ఎందరికో స్ఫూర్తిగా నిలిచిందామె. ఆమె అల్లం టీకి ఉన్న క్రేజీ అంత ఇంత కాదు. అక్కడ విద్యార్థులకు దశాబ్దాలుగా తన టీ రుచితో ఆకర్షిస్తుంటుందామె. స్వయంగా ఆమె అల్లం తురిమి తయారు చేస్తుంటుంది ఈ బామ్మ. ఆమె వయసులో అందరూ విశ్రాంతి ఆశిస్తారు..కానీ ఆమె అచంచలమైన సంకల్పంతో తన చిరు వ్యాపారాన్ని నడుపుతూ ఆత్మనిర్భరతకు అసలైన అర్థంగా మారింది. 1993 నుంచి ఆమె ఈ టీస్టాల్‌ని నడుపుతుంది. అక్కడ ఎందరో విద్యార్థులకు అదొక మధుర జ్ఞాపకాల ప్రదేశం. కొందరు విద్యార్థులు అక్కడకు వచ్చి స్నేహితులతో కలిసి ఈ బామ్మ చేతి టీ తాగుతూ నాటి మధురస్ముతులను గుర్తుచేసుకుంటుంటారట. ఆమెకు కొడుకు, కోడలు, మనవళ్లు ఉన్నా..తను మాత్రం స్వతంత్రంగా బతికేందుకే ఆసక్తి కనబరుస్తుందట. అందుకు సంబంధించిన వీడియో నెట్టింట వైరల్‌గా మారింది. నెటిజన్లు​ కూడా హ్యాట్సాఫ్‌ బామ్మ..అందంగా జీవించడం అంటే ఇదే అని ప్రశంసిస్తూ పోస్టులు పెట్టారు. View this post on Instagram A post shared by Sakshi Singh l Journalist (@_.sakshieee) (చదవండి: కేవలం 'ఫ్లవర్‌ అనుకుంటివా.. పోషక విలువలున్న ఫుడ్‌'..!)

పశ్చిమాసియాలో యుద్ధ మేఘాలు కమ్ముకుని, అంతర్జాతీయంగా ఇంధన సరఫరాపై ఆందోళనలు నెలకొన్న వేళ.. గుజరాత్‌లోని ఒక విద్యాసంస్థ ప్రపంచానికే ఆదర్శంగా నిలుస్తోంది. ఎల్‌పీజీ సిలిండర్లపై పైసా ఖర్చు లేకుండా, కేవలం బయో గ్యాస్‌తో వందలాది మందికి కడుపు నింపుతూ వార్తల్లో నిలిచింది.నిత్యం 500 మందికి భోజనంగాంధీనగర్‌లోని ‘మానెక్‌బా వినయ్ విహార్’ విద్యాసంస్థ గుజరాత్ ప్రభుత్వ ‘ఇన్‌స్టిట్యూషనల్ బయో గ్యాస్ ప్లాంట్ స్కీమ్’ కింద ఈ అద్భుతాన్ని సాధించింది. ఈ క్యాంపస్‌లో ప్రతిరోజూ దాదాపు 250 మంది విద్యార్థులకు రెండు పూటలా భోజనం సిద్ధం చేస్తున్నారు. కేవలం విద్యార్థులకే కాకుండా, క్యాంపస్‌లో నివసించే మరో 15 కుటుంబాలకు కూడా ఈ బయో గ్యాస్ ద్వారానే వంట గ్యాస్ అందుతోంది. మొత్తంగా రోజుకు 500 మందికి పైగా ఈ ఇంధనం ద్వారానే ఆహారం పొందుతున్నారు.నెలకు 30 సిలిండర్ల ఆదాఈ విద్యాసంస్థలో ప్రస్తుతం 45 క్యూబిక్ మీటర్ల సామర్థ్యం కలిగిన రెండు ప్లాంట్లు ఉన్నాయి. వీటి ద్వారా రోజుకు 90 క్యూబిక్ మీటర్ల బయో గ్యాస్ ఉత్పత్తి అవుతోంది. ఒకవేళ ఈ ప్లాంట్లు లేకపోతే, ఈ అవసరాల కోసం నెలకు కనీసం 30 ఎల్‌పీజీ సిలిండర్లు వాడాల్సి వచ్చేదని అధికారులు చెబుతున్నారు. కానీ ప్రస్తుతం ఒక్క సిలిండర్ అవసరం కూడా లేకుండానే వంట పనులు పూర్తవుతున్నాయి.వ్యర్థం నుంచి ఆదాయం.. సేంద్రీయ సాగుసంస్థ మేనేజర్ రాహుల్ పటేల్ తెలిపిన వివరాల ప్రకారం క్యాంపస్‌లో ఉన్న 220 ఆవుల నుంచి వచ్చే పేడను ఈ ప్లాంట్లకు ముడిసరుకుగా వాడుతున్నారు. బయో గ్యాస్ ఉత్పత్తి అయిన తర్వాత మిగిలే వ్యర్థాన్ని ఎరువుగా మార్చి, క్యాంపస్‌లోనే పూర్తి స్థాయిలో సేంద్రీయ వ్యవసాయం చేస్తున్నారు. దీనివల్ల అటు గ్యాస్ ఖర్చు తగ్గడమే కాకుండా, ఇటు స్వచ్ఛమైన ఆహారం కూడా లభిస్తోంది.విస్తరిస్తున్న ‘బయో’ విప్లవంగుజరాత్ ఎనర్జీ డెవలప్‌మెంట్ ఏజెన్సీ (జీఈడీఏ) గత ఐదేళ్లలో రాష్ట్రవ్యాప్తంగా ఇలాంటి 193 ప్లాంట్లను ఏర్పాటు చేసింది. 2026-27 ఆర్థిక సంవత్సరానికి గానూ ఈ పథకం కోసం ప్రభుత్వం రూ. 12 కోట్లు కేటాయించింది. త్వరలోనే మరో 60 విద్యాసంస్థల్లో ఇటువంటి ప్లాంట్లను ఏర్పాటు చేయాలని లక్ష్యంగా పెట్టుకుంది. ఇంధన ధరలు మండిపోతున్న ఈ రోజుల్లో, ఇలాంటి స్వయం సమృద్ధి మార్గాలు సామాన్యులకు వివిధ సంస్థలకు ఊరటనిస్తున్నాయి.ఇది కూడా చదవండి: రేమండ్ ‘కంప్లీట్ మ్యాన్’ ఇకలేరు

కదులుతున్న రైలులో అనారోగ్యానికి గురైన తన చిన్నారికి నిమిషాల వ్యవధిలోనే వైద్యుడిని ఏర్పాటు చేసి.. సకాలంలో వైద్య సహాయం అందించిన భారతీయ రైల్వేపై ఓ తల్లి ప్రశంసల జల్లు కురిపించారు. మార్చి 13న బెంగళూరు నుంచి గుజరాత్‌కు రైలులో ప్రయాణిస్తున్నప్పుడు ఈ ఘటనను ఆమె తన ఇన్‌స్టాగ్రామ్ వీడియోలో వెల్లడించారు.వృత్తిరీత్యా దంత వైద్యురాలైన ఓ తల్లి.. పాపకు మునగకాయ సూప్ (drumstick soup) తాగించింది. అనంతరం ఆ పాప పదేపదే వాంతులు చేసుకోవడం ప్రారంభించింది. చిన్నారి పరిస్థితిపై ఆందోళన చెందిన ఆ తల్లి వెంటనే ట్రైన్ టికెట్ ఎగ్జామినర్ (TTE)ను సంప్రదించి రైలులో మందులు ఎలా తెప్పించుకోవచ్చని అడిగారు. వేగంగా స్పందించిన రైల్వే సిబ్బంది.. రైలు హిందూపూర్ స్టేషన్‌కు చేరుకునే సరికి పాపకు వైద్యం అందించేందుకు అప్పటికే ఒక వైద్యుడిని సిద్ధంగా ఉంచారు. ఆ వైద్యుడు చిన్నారిని పరీక్షించి అవసరమైన మందులు అందించారు."నేను నా బిడ్డకు మునగకాయ సూప్ తాగించాను.. ఆ తర్వాత, పాపకు చాలా వాంతులు అయ్యాయి.. నేను భయపడి రైలులో మందులు ఎలా ఆర్డర్ చేయాలని టీటీఈని అడిగాను. కానీ నేను వారి నుంచి పెద్దగా సహాయం ఆశించలేదు. వారు ఎంత వేగంగా స్పందించారో చూసి నేను నిజంగా ఆశ్చర్యపోయాను. నా బిడ్డకు సహాయం ఊహించిన దానికంటే వేగంగా వైద్యం అందింది. వారికి నా హృదయపూర్వక కృతజ్ఞతలు’’ అంటూ పోస్ట్‌ చేశారు View this post on Instagram A post shared by Dr. Bhavna K (@chaos_to_care)

అహ్మదాబాద్‌/హాంకాంగ్‌: యుద్ధమయ హార్మూజ్‌ గుండా మరో ముడిచమురు రవాణా నౌక క్షేమంగా భారత నౌకాశ్రయానికి చేరుకుంది. భారతీయ జెండాతో ‘జగ్‌ లడ్కీ’నౌక యునైటెడ్‌ అరబ్‌ ఎమిరేట్స్‌లోని ఫుజైరా పోర్ట్‌లో 80,886 మెట్రిక్‌ టన్నుల ముడిచమురు నింపుకుని హార్మూజ్‌ గుండా ప్రయాణించి బుధవారం గుజరాత్‌లోని ముంద్రా పోర్ట్‌కు చేరుకుందని ఆ పోర్ట్‌ నిర్వహణ సంస్థ ‘అదానీ పోర్ట్స్‌’ప్రకటించింది. ఇదే ఫుజైరా పోర్ట్‌పై ఇరాన్‌ ఇటీవల క్షిపణి దాడులు చేసింది. అయినాసరే పోర్ట్‌నుంచి సరకు ఎగుమతి నిరాటంకంగా కొనసాగుతోంది. సోమవారం హార్మూజ్‌ గుండా బయల్దేరి 46,500 మెట్రిక్‌ టన్నుల ఎల్పీజీ సరకుతో ‘నందా దేవి’నౌక వచి్చన మరుసటి రోజే మరో సరకు రవాణా నౌక సురక్షితంగా భారత్‌కు రావడం విశేషం. 274.19 మీటర్ల పొడవుండే జగ్‌ లడ్కీ నౌక గరిష్టంగా 1,64,716 టన్నుల సామర్థ్యతో ప్రయాణించగలదు. భారత చమురు దిగుమతులకు సంబంధించి హార్మూజ్‌ జలసంధి అత్యంత కీలకం. దీని గుండానే భారత్‌కు దాదాపు 40–50 శాతం చమురు వస్తోంది. హార్మూజ్‌ను దాటిన 89 నౌకలు హార్మూజ్‌ గుండా సరకు రవాణా నౌకల రాకపోకలపై ఇరాన్‌ నిషేధం విధించినా సరే సిగ్నళ్లను నిలిపేసి, లైట్లను ఆర్పేసి ‘డార్క్‌ మోడ్‌’లో ఎవరి కంటా పడకుండా కొన్ని నౌకలు ఇదే మార్గం గుండా ప్రమాదకరరీతిలో ప్రయాణం కొనసాగిస్తున్నాయి. అయితే మిత్రదేశాలకు చెందిన నౌకలపై ఇరాన్‌ దాడులకు పాల్పడట్లేదని తెలుస్తోంది. భారత్, పాకిస్తాన్‌ జెండాతో ప్రయాణిస్తున్న నౌకలు సైతం సురక్షితంగానే ప్రయాణం పూర్తిచేస్తున్నాయి. యుద్ధం మొదలయ్యాక మార్చి ఒకటో తేదీ నుంచి మార్చి నెల 15వ తేదీదాకా 89 సరకు రవాణా నౌకలు హార్మూజ్‌ గుండా విజయవంతంగా ప్రయాణించాయని సముద్రమార్గ ప్రయాణాల డేటా సంస్థ ‘లాయిడ్స్‌ లిస్ట్‌ ఇంటెలిజెన్స్‌’బుధవారం ప్రకటించింది. ఈ 89 నౌకల్లో ఐదింట ఒకవంతు నౌకలకు ఇరాన్‌తో సంబంధం ఉందని, చైనా, గ్రీస్‌ జెండాలున్న నౌకలూ సులభంగానే హార్మూజ్‌ను దాటేశాయని ‘లాయిడ్స్‌ లిస్ట్‌ ఇంటెలిజెన్స్‌’పేర్కొంది. చైనాకు బదులు భారత్‌కు బయల్దేరిన 7 నౌకలు రష్యా నుంచి భారత్‌ ముడిచమురు కొనుగోళ్లపై అమెరికా తాత్కాలికంగా ఆంక్షల సడలింపు ప్రకటించిన నేపథ్యంలో మోదీ సర్కార్‌ మళ్లీ రష్యాచమురు కొనుగోళ్ల పర్వానికి తెరలేపింది. దీంతో రష్యా నుంచి చైనాకు బయల్దేరిన ఏడు ముడిచమురు రవాణా నౌకలు సముద్రమార్గం మధ్యలోనే దిశ మార్చుకుని భారత్‌కు ప్రయాణం మొదలెట్టడం విశేషం. జనవరి చివరివారంలో రష్యా నుంచి బయల్దేరి బాలి్టక్‌ సముద్రజలాల్లో ప్రయాణించిన మధ్యశ్రేణి ముడిచమురునౌక ‘ఆక్వా టైటాన్‌’వాస్తవానికి చైనాలోని రిజావో పోర్ట్‌కు వెళ్లాలి. కానీ అది ఇటీవల దిశ మార్చుకుని భారత్‌ దిశగా వెళ్తోందని, మార్చి 21వ తేదీకల్లా న్యూ మంగళూరు పోర్ట్‌లో లంగరు వేస్తుందని నౌకల ట్రాకింగ్‌ సంస్థ ‘ఓర్టెక్సా లిమిటెడ్‌’పేర్కొంది. ‘సూయిజ్‌మ్యాక్స్‌ జోయూజోయూ ఎన్‌’నౌక సైతం దిశ మార్చుకుని భారత్‌కు వస్తోందని మార్చి 25వ తేదీకల్లా గుజరాత్‌లోని జామ్‌నగర్‌ సిక్కా పోర్ట్‌కు చేరుకుంటుందని తెలిపింది.

గాంధీనగర్‌: ఇరాన్‌తో ఇజ్రాయెల్‌, అమెరికా యుద్ధం కొనసాగుతున్న వేళ భారత్‌కు మరో శుభవార్త అందింది. కాసేపటి క్రితమే హార్మూజ్‌ జలసంధి నుంచి మూడో నౌక జగ్‌లడ్కి షిప్‌ గుజరాత్‌ తీరానికి చేరుకుంది. దీంతో, భారత్‌కు చమురు కష్టాలు తీరనున్నాయి.వివరాల మేరకు.. జగ్‌లడ్కి నౌక బుధవారం ఉదయం వచ్చి ముంద్రా పోర్టుకు చేరుకుంది. సదరు నౌక యూఏఈలోని ఫుజైరా పోర్టు నుంచి 80,800 మెట్రిక్ టన్నుల కూడ్రాయిల్‌ను మోసుకొచ్చిది. హార్మూజ్‌ జలసంధి నుంచి మూడో నౌక సేఫ్‌గా భారత్‌కు చేరుకుంది. ఇక, ఇప్పటికే ఎల్పీజీతో శివాలిక్‌, నందాదేవి నౌకలు భారత్‌కు వచ్చిన విషయం తెలిసిందే. #WATCH | The Indian-flagged crude oil tanker 'Jag Laadki' arrived at Adani Ports Mundra in Gujarat.It carried approximately 80,886 metric tonnes (MT) of crude oil—sourced from the UAE—loaded at Fujairah Port. (Video Source: Adani Port) pic.twitter.com/5zeosrpVbp— ANI (@ANI) March 18, 2026ఇదిలా ఉండగా.. అంతకుముందు ఎల్పీజీని మోసుకొచ్చిన శివాలిక్‌ ట్యాంకర్‌ సోమవారం భారత్‌లోని గుజరాత్‌ ముంద్రా పోర్ట్‌కు వచ్చింది. ఈ శివాలిక్‌ నౌకలో 45,000 మెట్రిక్‌ టన్నుల గ్యాస్‌ భారత్‌కు వచ్చింది. అలాగే పర్షియన్‌ గల్ఫ్‌కు పశ్చిమాన 22 భారత నౌకలు ఉన్నాయని, వాటిల్లో 616 మంది నావికులు సురక్షితంగా ఉన్నారని తెలిపారు. హర్మూజ్‌ జలసంధికి ఇరువైపులా వందలాది నౌకలు చిక్కుకుపోగా.. ఈ మార్గంలో భారత నౌకలు వెళ్లేందుకు అనుమతిస్తామని ఇరాన్‌ పేర్కొన్న విషయం తెలిసిందే. ఈ క్రమంలో రెండు భారత జెండాలు ఉన్న ఎల్పీజీ నౌకలు రెండురోజుల క్రితం సురక్షితంగా హర్మూజ్‌ జలసంధిని దాటాయి. అందులో ఒకటి శివాలిక్‌ కాగా.. మరొకటి నందాదేవి. ఈ ‘నందాదేవి’ కూడా 45వేల మెట్రిక్‌ టన్నుల గ్యాస్‌ను తీసుకొని కాండ్లా పోర్టుకు చేరుకుంది.

వదినార్ (గుజరాత్): పశ్చిమాసియాలో నెలకొన్న ఉద్రిక్తతల నడుమ భారత్‌కు ఊరటనిచ్చే వార్త వినిపించింది. దేశంలో ఎల్‌పీజీ కొరత వెంటాడుతున్న తరుణంలో 47,000 మెట్రిక్ టన్నుల గ్యాస్‌తో కూడిన ‘నందా దేవి’ నౌక సురక్షితంగా గుజరాత్‌లోని వదినార్ పోర్టుకు చేరుకుంది. ‘స్ట్రెయిట్ ఆఫ్ హార్ముజ్’ జలసంధిని దాటుకుని భారత్ చేరుకున్న రెండో భారీ ఎల్‌పీజీ నౌక ఇది.నౌకాదళాల పహారాలో ప్రయాణంయుద్ధ వాతావరణం నడుమ అత్యంత ఉద్రిక్తత నెలకొన్న ప్రాంతం గుండా ఈ నౌక ప్రయాణించింది. కేంద్ర ఓడరేవులు, షిప్పింగ్, జలమార్గాల మంత్రిత్వ శాఖతో పాటు షిప్పింగ్ కార్పొరేషన్ ఆఫ్ ఇండియా తీసుకున్న ప్రత్యేక చొరవతో ఇది సాధ్యమైంది. భారత నౌకాదళం, ఇరానియన్ నేవీలు సంయుక్తంగా ఈ నౌకకు రక్షణ కవచంలా నిలిచి ‘స్ట్రెయిట్ ఆఫ్ హార్ముజ్’ను దాటించాయి.తీరనున్న కొరతప్రస్తుతం ప్రపంచవ్యాప్తంగా నెలకొన్న సంక్షోభం దృష్ట్యా, ఈ 47,000 మెట్రిక్ టన్నుల గ్యాస్ భారత్‌కు ఎంతో కీలకం కానుంది. వదినార్ నుంచి ఈ నౌక కాండ్లా పోర్టుకు వెళ్లనుందని, అక్కడ గ్యాస్‌ను అన్‌లోడ్ చేస్తారని అధికారులు తెలిపారు. ‘ఈ ఆపరేషన్ విజయవంతం కావడానికి సహకరించిన ప్రతి ఒక్కరికీ కృతజ్ఞతలు. భవిష్యత్తులో కూడా దేశ అవసరాలకు తగ్గట్లుగా ఎల్‌పీజీ సరఫరాను కొనసాగిస్తాం’ అని నందా దేవి నౌక చీఫ్ ఆఫీసర్ హర్షం వ్యక్తం చేశారు.వరుసగా చేరుతున్న నౌకలుఇంతకుముందే 40,000 మెట్రిక్ టన్నుల గ్యాస్‌తో ‘శివాలిక్’ అనే నౌక ముంద్రా పోర్టుకు చేరుకుంది. ఇందులో 20,000 టన్నులను ముంద్రాలో, మిగిలిన 20,000 టన్నులను మంగళూరులో అన్‌లోడ్ చేయనున్నారు. వీటితో పాటు యూఏఈ నుంచి 81,000 టన్నుల ముడి చమురుతో వస్తున్న ‘జగ్ లాడ్కి’ నౌక కూడా భారత్ వైపు వస్తోంది. ప్రస్తుతం పర్షియన్ గల్ఫ్ ప్రాంతంలో భారత జెండాతో ఉన్న మరో 22 నౌకలు ప్రయాణిస్తున్నాయి. అందులోని 611 మంది భారతీయ నావికులు సురక్షితంగా ఉన్నారని, గత 24 గంటల్లో ఎలాంటి అవాంఛనీయ సంఘటనలు జరగలేదని అధికారులు తెలిపారు. ఈ వరుస సరఫరాలతో దేశంలో గ్యాస్, ఇంధన కొరత తీరుతుందని ప్రభుత్వం భావిస్తోంది.

వడోదర: గుజరాత్‌లోని వడోదరలో నేటి(మంగళవారం) ఉదయం పెను ప్రమాదం సంభవించింది. సోమా తలాబ్ ప్రాంతంలోని ఒక నివాస భవనం బాల్కనీ ఒక్కసారిగా కుప్పకూలడంతో స్థానికులు భయాందోళనలకు గురయ్యారు. ప్రమాదం జరిగిన సమయంలో భవనంలో మంటలు కూడా చెలరేగడం మరింత ఆందోళనకు గురిచేసింది.ప్రమాదం జరిగిందిలా..గ్రౌండ్ ఫ్లోర్‌తో పాటు మూడు అంతస్తులు ఉన్న ఈ భవనంలో ఎడమ వైపున మెట్లకు ఆనుకుని ఉన్న బాల్కనీ భాగం అకస్మాత్తుగా కూలిపోయింది. ఈ శిథిలాలు మెట్ల మార్గానికి అడ్డంగా పడటంతో లోపల ఉన్న వారు బయటకు రావడానికి వీలు లేకుండా చిక్కుకుపోయారు. అదే సమయంలో భవనంలో మంటలు అంటుకోవడంతో ప్రాణభయంతో అక్కడున్నవారంతా హాహాకారాలు చేశారు.స్పందించిన ఫైర్ సిబ్బందిసమాచారం అందిన వెంటనే వడోదర ఫైర్ ఎమర్జెన్సీ సర్వీస్ సిబ్బంది ఘటనా స్థలానికి చేరుకున్నారు. ఫైర్ ఆఫీసర్ అమిత్ చౌదరి నేతృత్వంలో రెస్క్యూ ఆపరేషన్ ప్రారంభమైంది. అగ్నిమాపక యంత్రాల సహాయంతో మంటలను అదుపు చేస్తూనే, లోపల చిక్కుకున్న వారిని సురక్షితంగా బయటకు తీసుకువచ్చారు.‘కంట్రోల్ రూమ్ నుండి పిలుపు రాగానే మా బృందం వెంటనే స్పందించింది. బాల్కనీ కూలిపోవడం వల్ల అపార్ట్‌మెంట్‌లోని వారంతా అక్కడే ఉండిపోయారు. అయితే మా సిబ్బంది అప్రమత్తతతో భవనంలో ఉన్న ప్రతి ఒక్కరినీ క్షేమంగా బయటకు తీసుకువచ్చారు’ అని అధికారి అమిత్ చౌదరి తెలిపారు. ప్రస్తుతానికి భవనాన్ని పూర్తిగా ఖాళీ చేయించి, ఎటువంటి ప్రాణనష్టం జరగకుండా చర్యలు తీసుకున్నామన్నారు. కాగా ఈ ఘటనతో సోమా తలాబ్ పరిసర ప్రాంతాల్లో ఉత్కంఠ నెలకొంది. ఇది కూడా చదవండి: ‘ఎల్పీజీ స్కామ్’: ఒక్క క్లిక్‌తో మీ ఖాతా ఖాళీ

గిర్నార్‌ అనే పర్వత శ్రేణి గుజరాత్‌ రాష్ట్రంలో జూనాగఢ్‌ నగరం పక్కన ఆధ్యాత్మిక ప్రభతో నిలిచిన ఒక పవిత్ర ప్రదేశం. ఇక్కడ ఉదయం సమయంలో అడుగులు వేస్తూ కొండపైకి చేరుకుంటుంటే భక్తి, ప్రకృతి మధ్య జరిగే ఒక మౌన సంభాషణలా అనిపిస్తుంది.అడుగడుగునా మంత్రాల ధ్వనిగిర్నార్‌కి చేరిన తరువాత కొండపైకి ట్రెక్కింగ్‌ చేయడానికి మెట్లు ఉంటాయి. ప్రతి అడుగు ఒక రిథమ్‌లో ముందుకు సాగుతుంది. కొన్ని ప్రదేశాల్లో ప్రశాంతంగా వినిపించే మంత్రాల ధ్వని గాలిలో కలుస్తుంది. చుట్టూ పర్వత వనాలు, పర్వతం పైకి చేరుకుంటున్న కొద్దీ భక్తులు దైవానికి మౌనంగా చేసే నమస్కారాలు.. ఇవన్నీ కలిసి ఒక పవిత్రమైన మార్గంగా, అద్భుతమైన ఆధ్యాత్మిక యాత్రగా మారితుంది.గిర్నార్‌లోని అంబాజీ ఆలయం దగ్గర ఉదయం వేళలో దీపాల వెలుగు చాలా హృద్యంగా కనిపిస్తుంది. ఇంకా పైకి వెళ్లిన తరువాత దత్తాత్రేయ స్వామి ఆలయం ఉంటుంది. గిర్నార్‌ శిఖరం దగ్గర నిల్చొని చూస్తూ గుజరాత్‌ నేల అందం ఏంటో తెలుస్తుంది. అక్కడి నేల అందాల్ని చూస్తూ భక్తి, ప్రకృతి రెండూ కలిసిన అనుభూతిని సొంతం చేసుకోవచ్చు.పర్వతంపై సూర్యోదయంశిఖరం అంచున నిల్చొని సూర్యోదయాన్ని వీక్షిస్తుంటే ఆకాశం బంగారు రంగులో మారడాన్ని గమనించవచ్చు. పర్వత రేఖలు కోమలంగా కనిపిస్తాయి. ఆ క్షణంలో ఈ ప్రయాణం ఒక ఆధ్యాత్మిక అద్భుతంగా నిలుస్తుంది.ఎలా వెళ్లాలి?హైదరాబాద్‌ నుండి అహ్మదాబాద్‌ వరకు ఫ్లైట్‌ లేదా రైలు సేవలు అందుబాటులో ఉంటాయి. అహ్మదాబాద్‌ నుండి రైలు లేదా రోడ్‌ మార్గం ద్వారా జూనాగఢ్‌ చేరుకోవచ్చు. అక్కడి నుంచి గిర్నార్‌ వరకు రోడ్‌ ప్రయాణం ఉంటుంది. గిర్నార్‌ ఆధ్యాత్మిక ప్రయాణం ఒక శారీరక యాత్ర మాత్రమే కాదు. మనసుతో చేసే ఒక ఆధ్యాత్మిక ప్రయాణం.

జెట్‌పూర్‌: గుజరాత్‌లోని జెట్‌పూర్‌లో శనివారం రాత్రి జరిగిన కారు ప్రమాదంలో ఇద్దరు యువకులు మృతి చెందారు. అతి వేగంతో వెళ్తున్న కారు అదుపు తప్పి డివైడర్‌ను ఢీకొట్టింది. ఈ ఘటనలో ఇద్దరు మృత్యువాత పడగా, మరొక వ్యక్తి తీవ్ర గాయాలతో ఆస్పత్రిలో చికిత్స పొందుతున్నాడు.అ వధ్ తివారీ, మరొక స్నేహితుడు దేవరాజ్ గోసాయి ఇద్దరు హుండాయ్‌ వెర్నా కారును అత్యంత వేగంగా డ్రైవ్‌ చేస్తూ రీల్స్‌ షూట్‌ చేస్తున్నారు. డ్రైవింగ్ చేస్తున్న అవధ్ తివారీ ప్రమాదానికి కొద్దిసేపటి ముందు తన ఇన్‌స్టాగ్రామ్‌లో వేగంగా కారును నడుపుతున్న వీడియోలను పోస్ట్ చేశాడు. ఆయన ఎడమ చేతిలో మొబైల్ ఫోన్ పట్టుకుని రీల్ రికార్డ్ చేస్తూ, మరో చేతితో స్టీరింగ్ పట్టుకున్నట్లు వీడియోలో ఉంది. కారు సుమారు 120 కిమీ వేగంతో వెళ్తుండగా, పక్క సీటులో కూర్చున్న వ్యక్తి కూడా వీడియో తీశాడు. అనంతరం కారు అదుపు తప్పి డివైడర్‌ను ఢీకొట్టింది. ఈ ప్రమాదంలో తివారీ అక్కడికక్కడే మృతి చెందగా, అతని 20 ఏళ్ల స్నేహితుడు దేవరాజ్ గోసాయి ఆసుపత్రిలో చికిత్స పొందుతూ మరణించాడు. ఆ కారులో ఉన్న మరో యువయుడు అక్షయ్ ప్రవీణ్‌భాయ్ వాఘెలా తీవ్రంగా గాయపడి ఆసుపత్రిలో చికిత్స పొందుతున్నాడు. అతని పరిస్థితి విషమంగా ఉన్నట్లు తెలుస్తోంది. తివారీకి కార్లలో ఫీట్లు చేస్తూ వీడియోలుఇన్‌స్టాగ్రామ్‌లో పోస్ట్‌ చేయడం హాబీగా మారిపోయింది. ఇప్పుడు ఆ హాబీనే అతని ప్రాణం తీసింది.

గుజరాత్‌ అల్లర్ల సందర్భంగా రెండు ఫొటోలు ప్రపంచ దృష్టిని ఆకర్షించాయి. మొదటిది – అశోక్‌ పర్మార్‌ది. కుడిచేతిలో ఇనపరాడ్డు పట్టుకుని, తలకు కాషాయపు గుడ్ద చుట్టుకుని అతను వీరావేశంతో కని పిస్తాడు. ఆ ఫొటో ద్వారా జాతీయ, అంతర్జాతీయ గుర్తింపు పొందాడు. అయితే గుజరాత్‌ అల్లర్లకు కిరీట ధారులు, సూత్రధారులు, అమలుకర్తలు వేరేగా ఉన్నారు. ఆ అల్లర్ల నిర్వాహకులు ఎస్సీ, బీసీ సామాజిక వర్గాలకు చెందిన వారిని పెద్ద ఎత్తున సమీకరించి విశాలమైన కాల్బలాన్ని నిర్మించారు. అశోక్‌ పర్మార్‌ వంటి వారిది అందులో కాల్బలం పాత్ర.1970ల నాటి గుజరాత్‌లో బనియా, పటేల్, బ్రాహ్మణ సామాజిక వర్గాలు రాజకీయ రంగాన్ని శాసించేవి. దానికి విరు గుడుగా ఒక కొత్త సామాజిక కూర్పును కాంగ్రెస్‌ నాయకుడు మాధవ్‌ సింగ్‌ సోలంకీ రూపొందించారు. క్షత్రియులు, హరిజ నులు, ఆదివాసులు, ముస్లింలను ఇందులో సమీకరించారు. దానికి అనుగుణంగా ఈ సమీ కరణను ‘ఖామ్‌’ (కేహెచ్‌ఏఎమ్‌) అని పేరు పెట్టారు. ఇది గుజరాత్‌ రాజకీయాల్లో ఒక దశలో బాగా పనిచేసింది. 1985 అసెంబ్లీ ఎన్నికల్లో కాంగ్రెస్‌కు 56 శాతం ఓట్లు వచ్చాయి. మొత్తం 182 అసెంబ్లీ స్థానాల్లో 142 స్థానాలు దక్కాయి. అలా దెబ్బతిన్న పటేల్‌ సామాజిక వర్గం హిందూ సమూహాల ఐక్యతకు పూనుకున్నాయి. అప్పటి ‘బీసీ రిజర్వేషన్‌’ వ్యతిరేక ఉద్యమం వాళ్లకు కలిసివచ్చింది. దానితో, ‘ఖామ్‌’ బలహీనపడింది. హిందూ సమాజంలో అణగారిన సామాజిక వర్గాలు కాంగ్రెస్‌కు దూరం అయ్యాయి. బీజేపీకి దగ్గరయ్యాయి. గుజరాత్‌ అల్లర్లలో ఈ సమూహాలు రిజర్వుడు సైన్యంగా రంగంలోనికి దిగి చెలరేగిపోయాయి. అలాంటి ఒక అణగారిన వర్గానికి చెందిన వ్యక్తి అశోక్‌ పర్మార్‌. అల్లర్ల కిరీటధారులు, సూత్రధారులు, అమలుకర్తలు అలాంటివారికి సామాజిక అణిచివేత నుండి ఇలా విముక్తిని ప్రసాదించారు. ముస్లింలను ఊచకోత కోయడానికి సంపూర్ణ స్వేచ్ఛను ఇచ్చారు.ఆ అల్లర్లలో ఒక మూకకు చిక్కి ప్రాణభిక్ష పెట్టమంటూ దయనీయంగా వేడుకున్న వేలాది మందిలో కుతుబుద్దీన్‌ అన్సారీ ఒకరు. నిస్సహాయ స్థితిలో చేతులు జోడించి వేడుకుంటున్న అన్సారీ ఫొటో కూడా అప్పట్లో ప్రపంచ దృష్టిని ఆకర్షించింది. గుజరాత్‌ అల్లర్లు జరిగిన చాలాకాలం వరకు అన్సారీ మామూలు మనిషి కాలేదు. మనుషుల్ని చూస్తే చాలు భయంతో వణికిపోయేవాడు. అప్పట్లో చాలామంది గుజరాత్‌ ముస్లింల పరిస్థితి ఇదే. మానవజాతి మీదే నమ్మకాన్ని కోల్పోయే అమానవీయ వాతావరణం అది.చేయి చేయి కలిపిన సందర్భంమరోవైపు, అశోక్‌ పర్మార్‌కు వాస్తవ సాంఘిక జీవితం గొప్ప పాఠాన్ని నేర్పింది. అల్లర్ల నిర్వహణలో తనది కాల్బలం పాత్ర మాత్రమేనని అతనికి తెలిసివచ్చింది. అంతకు మించిన సాంస్కృతిక స్థానాన్ని కోరుకుంటే తమ సామాజిక వర్గం మీద కూడా అల్లర్లు జరుగుతాయని కొంచెం ఆలస్యంగా అర్థమయ్యింది. తను చాలా తప్పు చేశానని పశ్చాత్తాప పడ్డాడు. ఇనుప రాడ్డును పడేశాడు. నెత్తిన కట్టుకున్న కాషాయ గుడ్దను విసిరి కొట్టాడు. తన కుల వృత్తి అయిన చెప్పులు కుట్టుకోవడం మొదలె ట్టాడు. కుతుబుద్దీన్‌ అన్సారీని వెతికి పట్టు కున్నాడు. తన చెప్పుల బడ్డీ కొట్టును ఆవిష్క రించడా నికి ఒప్పించాడు. అలా ఒక విషాదం ఒక పరిష్కా రంగా ముగిసింది. ఇవ్వాళ్టి కార్పొరేట్‌ కమ్యూనల్‌ డిక్టేటర్‌షిప్‌... అప్రతిహత శక్తిగా కనిపిస్తున్న మాట నిజమే. దాన్ని ఎవరూ ఏమీ చేయ లేరని చాలామంది అనుకుంటున్న మాట కూడా నిజమే. పార్లమెంటరీ ప్రజాస్వామ్య వ్యవస్థలో కమ్యూనిస్టు పార్టీల దగ్గర కార్యక్రమం లేదు. ‘ఇండియా బ్లాక్‌’ సమష్టిగా లేదు. రాహుల్‌ గాంధీ ఉండాల్సినంత చొరవగా లేరు. ప్రతిపక్షాల మధ్య ఐక్యత లేదు. ఎన్నికల ప్రక్రియ హైజాక్‌ అయిపోతున్నా దాన్ని సరిదిద్దే మార్గాలు కనిపించడం లేదు.మరోవైపు, పార్లమెంటరీ ప్రజాస్వామ్యానికి భిన్నంగా సాయుధ పోరాటం సాగిస్తామన్న మావోయిస్టులు సహితం భవిష్యత్తు మీద నమ్మకాన్ని కోల్పోయారు. ఇలాంటి నేపథ్యంలో కార్పొరేట్‌ కమ్యూనల్‌ డిక్టేటర్‌షిప్‌ను ఓడించగలమనే ఊహ కూడా దుస్సాహసం అనేలా ఉంది. కానీ కార్పొరేట్‌ కమ్యూనల్‌ డిక్టేటర్‌షిప్‌ కాల్బలం దానిది కాదు అని అశోక్‌ పర్మార్‌ కథ చెబుతోంది. ఈ రోజు కాకపోయినా రేపయినా దాడి మూకల నుండి అశోక్‌ పర్మార్లు బయటికి వస్తారు. మరో కోరేగావ్‌ యుద్ధం జరగవచ్చు. అప్పుడు కార్పొరేట్‌ కమ్యూ నల్‌ డిక్టేటర్‌ షిప్‌ వ్యవస్థ పూర్తిగా బీటలు వారుతుంది. డానీవ్యాసకర్త రాజకీయ, సామాజిక విశ్లేషకులు

అహ్మదాబాద్‌: ప్రపంచకప్‌తో భారత టి20 జట్టు కెప్టెన్‌ సూర్యకుమార్‌ యాదవ్‌ గాంధీనగర్‌ సమీపంలోని మోనుమెంట్‌ కాంప్లెక్స్‌కు చేరగానే అక్కడంతా పండగ వాతావరణం నెలకొంది. గుజరాత్‌ వారసత్వ కట్టడం ‘అడాలజ్‌ స్టెప్‌వెల్‌’ వద్ద అధికారిక ఫొటో సెషన్‌ నిర్వహించగా.. టీమిండియా కెప్టెన్‌ సూర్యకుమార్‌ ప్రపంచకప్‌తో సందడి చేశాడు. అతను కప్‌తో చేరుకోగానే అభిమానులంతా ‘ఇండియా... ఇండియా...’ నినాదాలతో హోరెత్తించారు. తర్వాత అడాలజ్‌ కట్టడం వద్ద కప్‌ పట్టుకొని ఫొటోలకు ఫొజులివ్వడంతో కెమెరా ట్రిగ్గర్లన్నీ ‘కిస్సిక్‌... కిస్సిక్‌...’ మోత మోగాయి.సుప్రసిద్ధ ‘అడాలజ్‌ స్టెప్‌వెల్‌’ (Adalaj Stepwell) 500 ఏళ్ల పైచిలుకు చరిత్ర ఉంది. రాణి రుడాబాయి ఈ అడాలజ్‌ను నిర్మించింది. ఆమె వాఘెలా సంస్థానధీశుడు రాణా వీర్‌ సింగ్‌ భార్య. రాణా వీర్‌ మరణానంతరం రుడాబాయి ఈ ప్రాంతాన్ని పాలించింది. ఆ సమయంలోనే అడాలజ్‌ స్టెప్‌వెల్‌ను నిర్మించినట్లు చారిత్రక ఆధారాలున్నాయి. గుజరాత్‌ సంస్కృతి, వారసత్వ సంపదలో భాగమైన ఈ కట్టడాన్ని ప్రత్యక్షంగా తిలకించేందుకు దేశ విదేశాల నుంచి నిత్యం ఎంతో మంది పర్యాటకులు ఇక్కడికి వస్తారు. ఇక్కడ 2023 వన్డే వరల్డ్‌కప్‌ ఫైనల్‌ సందర్భంగా విన్నర్స్‌ ట్రోఫీతో భారత జట్టు అప్పటి కెప్టెన్‌ రోహిత్‌ శర్మ, ఆ్రస్టేలియా కెప్టెన్‌ ప్యాట్‌ కమిన్స్‌ ఫొటోలు దిగారు.𝐄𝐭𝐜𝐡𝐞𝐝 𝐈𝐧 𝐆𝐥𝐨𝐫𝐲 🏆📸 Captain Surya Kumar Yadav with the prestigious ICC Men’s T20 World Cup Trophy 😍💙#TeamIndia | #T20WorldCup | #MenInBlue | @surya_14kumar pic.twitter.com/oxK2VVPMYe— BCCI (@BCCI) March 9, 2026 ట్రోఫీతో ఆలయంలో పూజలు అంతకుముందు స్టేడియంలో సంబరాల్లో పాల్గొన్న ఆటగాళ్లు కాసేపు సేద తీరారు. ఈ సమయంలో కోచ్‌ గంభీర్, కెప్టెన్‌ సూర్యకుమార్, ఐసీసీ చైర్మన్‌ జై షాతో కలిసి స్టేడియం లోపలే ఉన్న హనుమాన్‌ ఆలయానికి ప్రపంచకప్‌ను తీసుకువెళ్లి పూజలు చేశారు. పూజల అనంతరం మళ్లీ ఎప్పట్లాగే మైదానంలోకి వచ్చి అభిమానుల్ని అలరించారు. సోమవారం తెల్లవారుజాము వరకు ఈ సంబరాలు జరుపుకున్నారు. తిలక్‌ వర్మ, అభిషేక్‌ శర్మ, సూర్యకుమార్, వరుణ్‌ చక్రవర్తి తదితరులు ప్రపంచకప్‌తో దిగిన ఫొటోలను తమ సోషల్‌ మీడియా ఖాతాలో పంచుకున్నారు.#WATCH | Gujarat | Team India Skipper Surya Kumar Yadav, offered prayers at the Hanuman Temple in Ahmedabad after winning the #icct20worldcup2026 pic.twitter.com/QoCBEa6vPm— ANI (@ANI) March 8, 2026

గుజరాత్‌లోని వల్సాద్‌లో అత్యంత భయానకమైన లిఫ్ట్‌ ప్రమాదంఆందోళన రేపింది. లిఫ్ట్‌లోంచి బయటకు వస్తూండగానే అమాంతం లిఫ్ట్‌ కిందికి కదిలి పోయింది. హైటెక్ లిఫ్ట్‌తో కూడిన 14 అంతస్తుల భవనంలో జరిగిన ఈ ఘటన తీవ్ర దిగ్బ్రాంతి రేపింది. దీనికి సంబంధించిన సీసీటీవీ ఫుటేజ్‌ వైరల్‌గా మారింది. గుజరాత్‌లో చాలా భవనాల్లో లిఫ్ట్‌లు శిథిలావస్థలో ఉన్నాయనే విమర్శలు వినిపిస్తున్నాయి. వల్సాద్ నగరంలోని తితాల్ రోడ్‌లోని సర్దార్ హైట్స్‌లోని విలాసవంతమైన సబర్మతి భవనంలో ఈ సంఘటన జరిగింది. లిఫ్ట్‌లో ఉన్న ఒకవ్యక్తి తాను దిగాల్సిన ఫ్లోర్‌కు సంబంధించిన అంతస్తు కోసం బటన్‌ నొక్కాడు. లిఫ్ట్ కావలసిన అంతస్తుకు చేరుకుంది. లిఫ్ట్‌ డోర్‌ తెరుచుకోవడంతోనే అతడు బయటకు అడుగు పెడుతుండగాఅకస్మాత్తుగా అధిక వేగంతో లిఫ్ట్ కిందికి వెళ్లిపోయింది. అయితే ఈ ఘటననుంచి అతను ప్రాణాలతో తృటిలో తప్పించుకోవడం విశేషం. లిఫ్ట్ లోపల ఏర్పాటు చేసిన CCTV కెమెరాలలో ఈ దిగ్భ్రాంతికరమైన క్షణాలు స్పష్టంగా రికార్డైనాయి.ఇదీ చదవండి: మూడేళ్లకు రూ. 74 లక్షలు : నటి లగ్జరీ ఫ్లాట్‌ డీల్‌ హాట్‌ టాపిక్‌సాంకేతిక లోపమే కారణమా?టెక్నికల్‌ లోపం కారణంగానే ఇలా తలుపు తెరిచి ఉండగానే లిఫ్ట్ కదిలి ప్రమాదం జరిగిందని అధికారులు తెలిపారు . ఈ లిఫ్ట్‌ను ఒక ప్రైవేట్ కంపెనీ నిర్వహిస్తుందని, లిఫ్ట్ సంబంధించిన సమస్యలను పరిష్కరించడానికి సాంకేతిక నిపుణులు రెండు రోజుల ముందే భవనాన్ని సందర్శించారని భవనం ఛైర్మన్ మీడియాకు తెలిపారు.ఇదీ చదవండి: సంగీత్‌ వేడుకలో చిన్నారి స్టెప్పులు వైరల్‌, 82 లక్షల మంది ఫిదా! दिल देहलदेने वाला वलसाड का यह वीडियो लिफ्ट के रखरखाव की कमी को उजागर करता है। दरअसल, गुजरात की कई पुरानी सोसायटीज में खस्ता हाल में ही लिफ्ट चल रही है। जो कभी भी मौत को बुलावा दे सकती है। @sanghaviharsh pic.twitter.com/T5vK4tBuhq— Dixit Soni (@DixitGujarat) March 3, 2026 లిఫ్ట్ ప్రమాదాలు జరగకుండా, లిఫ్ట్‌లో ఇరుక్కుపోయినప్పుడు ప్రాణాపాయం కలగకుండా తీసుకోవాల్సిన జాగ్రత్తలు లిఫ్ట్ బటన్ నొక్కగానే తలుపులు తెరుచుకుంటాయి. కానీ, లోపల 'క్యాబిన్' (ఫ్లోర్) ఉందో లేదో చూసుకోకుండా అడుగు వేయకండి. కొన్నిసార్లు సాంకేతిక లోపం వల్ల క్యాబిన్ రాకముందే తలుపులు తెరుచుకోవచ్చు.లిఫ్ట్ సామర్థ్యానికి మించి ఎక్కకూడదు. ఓవర్‌లోడ్ వల్ల బ్రేకులు ఫెయిల్ అయ్యే అవకాశం ఉంది.ముఖ్యంగా చిన్న పిల్లలతో లిఫ్ట్‌ దగ్గర చాలా జాగ్రత్తగా ఉండాలి. ఒంటరిగా లిఫ్ట్ ఎక్కనివ్వకండి. చేయి పట్టుకుని లోపలికి తీసుకెళ్లండి. లిఫ్ట్ లోపల బటన్లతో ఆడుకోకుండా చూడండి.కదులుతున్న లిఫ్ట్ తలుపులకు ఆనుకుని నిలబడాలి.. అలాగే తలుపులు మూసుకుంటున్నప్పుడు చేతులు లేదా కాళ్లు అడ్డు పెట్టకండి. ఎందుకంటే ఒక్కోసారి సెన్సార్లు పని చేయకపోతే ప్రమాదం జరగొచ్చు. లిఫ్ట్ లోపల గెంతడం లేదా అల్లరి చేయడం వల్ల లిఫ్ట్ 'సేఫ్టీ గ్రిప్స్' లాక్ అయిపోయి మధ్యలోనే ఆగిపోయే ప్రమాదం ఉంది.చీర కొంగులు, పొడవైన దుస్తులు లేదా బ్యాగ్ బెల్టులు తలుపుల మధ్య చిక్కుకోకుండా చూసుకోండి.ఒక వేళ లిఫ్ట్‌ మధ్య ఆగిపోతే ఆందోళనపడవద్దు. లిఫ్ట్ ఆగిపోగానే ఊపిరి ఆడదనే భయం అస్సలు వద్దు. లిఫ్ట్‌లోని 'Alarm' లేదా 'Call' బటన్‌ను నొక్కాలి.ప్రశాంతంగా ఉంటూ ఫోన్‌ ద్వారా మెయింటెనెన్స్ టీమ్‌కు, లేదా కుటుంబ సభ్యులకు సమాచారం ఇవ్వాలి. టెక్నీషియన్లు వచ్చే వరకు లోపలే సురక్షితంగా ఉండటం ఉత్తమం.అలాగే లిఫ్ట్ ఫ్లోర్ల మధ్యలో ఆగినప్పుడు, తలుపులు బలవంతంగా తెరిచి బయటకు దూకడానికి ప్రయత్నించకండి. లిఫ్ట్ ఒక్కసారిగా కదిలితే ప్రాణాపాయం కలగవచ్చు.అపార్ట్‌మెంట్‌ కమిటీలు అసోసియేషన్లు కనీసం నెలకు ఒకసారి గుర్తింపు పొందిన టెక్నీషియన్లతో లిఫ్ట్ కండిషన్‌ను చెక్ చేయించాలి.లిఫ్ట్ లోపల కెమెరా, ఎమర్జెన్సీ లైట్లు పని చేస్తున్నాయో లేదో చూసుకోవాలి.లిఫ్ట్‌కు తప్పనిసరిగా Automatic Rescue Device (ARD) సిస్టమ్ ఉండాలి. ఇది కరెంట్ పోయినప్పుడు లిఫ్ట్‌ను దగ్గరలోని ఫ్లోర్‌లో ఆగేలా చేస్తుంది.ఒకవేళ భవనంలో మంటలు (Fire) చెలరేగినప్పుడు లేదా భూకంపం వచ్చినప్పుడు పొరపాటున కూడా లిఫ్ట్ వాడకూడదు. మెట్లు మాత్రమే ఉపయోగించాలి అనేది గుర్తుంచుకోవాలి.

న్యూఢిల్లీ: దేశీయంగా ఏర్పాటైన ఐఎఫ్‌ఎస్‌సీ.. గుజరాత్‌ ఇంటర్నేషనల్‌ ఫైనాన్స్‌ టెక్‌సిటీ(గిఫ్ట్‌ సిటీ) ద్వారా ఎక్స్‌ఈడీ ఎగ్జిక్యూటివ్‌ డెవలప్‌మెంట్‌ తొలిసారి పబ్లిక్‌ ఇష్యూకి వస్తోంది. ఎగ్జిక్యూటివ్‌ లెరి్నంగ్‌ సొల్యూషన్లు అందించే కంపెనీ ఇందుకు షేరుకి 10–10.5 డాలర్ల ధరల శ్రేణి నిర్ణయించింది. పబ్లిక్‌ ఇష్యూ మార్చి 6న ప్రారంభమై 18న ముగియనుంది. తద్వారా 1.2 కోట్ల డాలర్లు సమీకరించే యోచనలో ఉంది. వెరసి ఇంటర్నేషనల్‌ ఫైనాన్షియల్‌ సర్వీసెస్‌ సెంటర్స్‌ అథారిటీ(ఐఎఫ్‌ఎస్‌సీఏ) మార్గదర్శకాల ప్రకారం ఏర్పాటైన గిఫ్ట్‌ సిటీ ద్వారా తొలి ఐపీవో వెలువడనుంది. ఈ మార్గదర్శకాల ప్రకారం అర్హతగల ఎన్‌ఆర్‌ఐసహా విదేశీ పోర్ట్‌ఫోలియో ఇన్వెస్టర్లు, సంస్థాగత ఇన్వెస్టర్లు, అనుమతిగల ఇతర విదేశీ ఇన్వెస్టర్లు ఇష్యూకి దరఖాస్తు చేసుకునేందుకు వీలుంటుంది. గ్లోబల్‌ ప్రోగ్రామ్‌ విస్తరణ, లోతైన యూనివర్సిటీ భాగస్వామ్యాలు, కీలక మార్కెట్లలో డెలివరీ సామర్థ్యాలపై పెట్టుబడుల కోసం నిధుల సమీకరణ చేపడుతున్నట్లు ఎక్స్‌ఈడీ వ్యవస్థాపకుడు, ఎండీ జాన్‌ కలెలిల్‌ పేర్కొన్నారు. ఐఎఫ్‌ఎస్‌సీ ఎకోసిస్టిమ్‌కు తాజా ఐపీవో చెప్పుకోదగ్గ మైలురాయిగా నిలవనున్నట్లు ఎన్‌ఎస్‌ఈ ఇంటర్నేషనల్‌ ఎక్సే్ఛంజ్‌(ఐఎక్స్‌) ఎండీ, సీఈవో వి.బాలసుబ్రమణ్యం తెలియజేశారు. దీంతో అంతర్జాతీయ దృష్టిగల కంపెనీలు విదేశాలలో పెట్టుబడుల సమీకరణకు తగిన ప్లాట్‌ఫామ్‌గా గిఫ్ట్‌ సిటీని గుర్తించనున్నట్లు అభిప్రాయపడ్డారు.

సమాజంలో ఉండే అసమానతలకూ, అంతరాలకూ చట్టాల ద్వారా, మధ్యవర్తిత్వంతో సహా ఇతరేతర మార్గాల ద్వారా సామరస్యపూర్వకమైన పరిష్కారం సాధించటం రాజ్యం చేయాల్సిన పని. అందుకు రాజ్యాంగం, దాని ద్వారా ఏర్పడే భిన్న వ్యవస్థలు పనిచేస్తుంటాయి. కుటుంబాల్లో తరాల మధ్య తలెత్తే సమస్యలకు కూడా ఆ పరిధిలోనే పరిష్కారాలుంటాయి. ఇతరత్రా సమస్యల మాటేమో గానీ, పెళ్లి విషయంలో మాత్రం అదేం కుదరదంటున్నది గుజరాత్‌ ప్రభుత్వం. వివాహం గురించి తల్లిదండ్రులకు చెప్పి, వాళ్ల అనుమతి తీసుకోవాలని ఆంక్షలు విధించటానికి సిద్ధపడుతోంది. ఇందుకోసం 2006 నాటి వివాహ నమోదు చట్టాన్ని సవరించదల్చుకున్నట్టు ప్రకటించింది. పరస్పరం ఇష్టపడి పెళ్లాడాలనుకునే జంటలకు ఇప్పటికే అనేకానేక అవాంతరాలు ఎదురవుతున్నాయి. కులాలు, మతాలు, ప్రాంతాలు, ఆర్థిక అసమానతలు అందులో కొన్ని. ఈ గోదాలోకి తాను కూడా జొరబడి గుజరాత్‌ సర్కారు ఏం సాధించదల్చుకున్నదో అనూహ్యం. ప్రజాస్వామ్యంలో 18 ఏళ్ల వయసు నిండినవారు ఓటేయటానికి, పోటీ చేయటానికి అర్హులు. ప్రభుత్వాలను మార్చవచ్చు. జనం ఆమోదం పొంది ఎన్నికైతే ప్రభుత్వంలో భాగమై విధానాలు రూపొందించవచ్చు. కానీ ఆ వయసువారు తమకు నచ్చిన భాగస్వామిని ఎంచుకోవటానికి వీల్లేదని, అందుకు మరొకరి ఆమోదముద్ర తప్పనిసరని అనటం ఆశ్చర్యకరం. ఇలాంటి తలకిందుల ఆలోచనలు చేయటం గుజరాత్‌తోనే మొదలు కాలేదు. ఉత్తరప్రదేశ్, మధ్యప్రదేశ్, ఉత్తరాఖండ్‌లు ఈ పనే చేశాయి. ఎనిమిదేళ్ల క్రితం కేరళకు చెందిన హదియా అనే యువతి కేసులో... తనకు నచ్చిన జీవితభాగస్వామి ఎవరో నిర్ణయించుకునే స్వేచ్ఛ మైనారిటీ తీరిన ప్రతి ఒక్కరికీ ఉంటుందని సుప్రీంకోర్టు స్పష్టం చేసింది. ఆ బంధంలో తల్లిదండ్రులు గానీ, కుల మత పెద్దలు గానీ జోక్యం చేసుకోవడం చెల్లదని చెప్పింది. నచ్చిన జీవిత భాగస్వామిని ఎంపిక చేసుకోవటం రాజ్యాంగం 21వ అధికరణం ద్వారా ప్రసాదించిన జీవించే హక్కులో భాగమని కూడా తెలిపింది. 2021లో అలహాబాద్‌ హైకోర్టు, కర్ణాటక హైకోర్టులు సైతం ఈ సంగతినే స్పష్టం చేశాయి. గత వారం గుజరాత్‌ అసెంబ్లీలో ఉప ముఖ్యమంత్రి హర్ష్‌ సంఘవి వివాహ నమోదు చట్టాన్ని సవరించాలనుకోవటానికి చూపిన కారణాలు హాస్యాస్పదమైనవి. పెళ్లిళ్ల నమోదు నిబంధనల్ని కఠినతరం చేయాలని వివిధ సామాజిక సంస్థల నాయకుల నుంచి వినతులొచ్చాయట. బాధ్యతాయుతమైన ప్రభుత్వమైతే అది అసాధ్యమని వారికి నచ్చజెప్పాలి. వివాహాల నమోదు చట్టం రాష్ట్రాల పరిధిలోనే ఉంటుంది. దాన్ని సవరించే హక్కు కూడా ఉంటుంది. కానీ అది రాజ్యాంగానికి లోబడి ఉండాలి. అసలు ఇప్పుడు తీసుకురాదల్చుకున్న సవరణల్లో స్పష్టత లేదు. పెళ్లి గురించి తల్లిదండ్రులకు చెప్పారా లేదా అని అడగటం, వారికి చెప్పాలని నిబంధన విధించటం తప్ప వారు అంగీకరించని పక్షంలో చట్టం ఏం చేస్తుందో, పర్యవసానాలెలా ఉంటాయో చెప్పటం లేదు. పెళ్లి నమోదు చేస్తారా లేదా అన్న విషయంలో స్పష్టత ఇవ్వలేదు. ఇది అతి తెలివి. ఏదో రకంగా పెళ్లి సంగతి తల్లిదండ్రుల చెవినబడితే చాలు... ఆ తర్వాత వాళ్లూ వాళ్లూ పడతారని చేతులు దులుపుకోవటం! ఇలాంటి సందర్భాల్లో మన దేశంలో ఏమవుతున్నదో కనబడుతూనే ఉంది. తమ కులంవాడు కాదని, ‘తక్కువ’ కులస్థుడని అనుకున్న మరుక్షణం హంతకులుగా మారు తున్న తల్లిదండ్రులు కోకొల్లలు. కనీసం ఇప్పుడైతే కొంత కాలం గడిచాకనో, బిడ్డ పుట్టాకనో ఆవేశం తగ్గించుకుని అక్కున చేర్చుకుంటున్నవారు అక్కడక్కడ కనబడు తున్నారు. ఈ చట్టం కనీసం అందుకు కూడా అవకాశం ఇవ్వదల్చుకున్నట్టు లేదు. కొన్నేళ్ల క్రితం ‘లవ్‌ జిహాద్‌’ మాట తెగ ప్రచారం చేశారు. ప్రేమ పేరిట మతాంతీకరణ జరుగుతున్నదని భూమ్యాకాశాలు ఏకం చేశారు. ‘కేరళ ఫైల్స్‌’ చిత్రం దాని ఆధారంగానే నిర్మించారు. కానీ ఆ వంకన మతాంతర వివాహాలను వివాదాస్పదం చేయటం తప్ప సాధించిందేమీ లేదు. రాజకీయపక్షాలు తమ ప్రయోజనాల కోసం ఏమైనా చెబుతాయి. రాజ్యం అలాంటి అంశాల్లో ఆచితూచి వ్యవహరించాలి. ఉన్న సమస్యల్ని పెంచకూడదు. తానే సమస్యగా మారకూడదు.

గుజరాత్‌లోని ద్వారకలోని గోమతి ఘాట్ సమీపంలో అద్భుతమైన నెమలి లాంటి తోక ఉన్న అరుదైన చేప ఆసక్తికరంగా మారింది. ద్వారకలోని గోమతి నది పవిత్ర జలాలు సాధారణంగా యాత్రికులతో కళకళలాడుతుంటాయి. సోషల్ మీడియాలో ఒక వింత చేప అందరి దృష్టిని ఆకర్షించింది. సాక్షాత్తు ఆ కృష్ణ భగవానుడినెమలి పింఛాన్ని పోలిన చేప అంటూ ఇటు భక్తి పారవశ్యాన్ని, ఇటు శాస్త్రవేత్తలలో ఉత్సుకతను రేకిత్తించింది. అసలేంటీ నెమలి పింఛం పోలిన తోకతో ఉన్న 'నీడిల్ ఫిష్' (Needlefish) కథ తెలుసుకుందాం.దీనికి సంబంధించిన ఫోటోలు, వీడియోలు కొద్ది గంటల్లోనే వైరల్ అయ్యాయి. చూసేందుకు ఇది సాక్షాత్తు శ్రీకృష్ణుని తలపైన ఉండే నెమలి పింఛంలాగే ఉందని నెటిజన్లు అభివర్ణిస్తున్నారు. అయితే, అద్భుతంతో పాటు దీని వెనుక ఉన్న శాస్త్రీయ కారణం ఏమిటనే ప్రశ్న కూడా తలెత్తుతోంది. ఒక చేప నెమలి పింఛంతోకతో కనిపించిన అసాధారణ దృశ్యం సముద్ర జీవవైవిధ్యంలో వస్తున్న మార్పులకు ఇది ఒక సంకేతం కావచ్చని నిపుణులు భావిస్తున్నారు.చేప తోకలోని రంగురంగుల విసనకర్ర లాంటి తోకను చూసి స్థానికులు, శాస్త్రవేత్తలు ఆశ్చర్యపోయారు. వాతావరణ మార్పుల వల్లే ఇలాంటి అరుదైన జీవులు కనిపిస్తాయని నిపుణుల అంచనా.శాస్త్రవేత్తల ప్రకారం, ఇది ఒక అరుదైన జన్యుపరమైన మార్పు లేదా పర్యావరణ ప్రభావం వల్ల కలిగిన శారీరక మార్పు అయి ఉండవచ్చు ఈ నీడిల్ ఫిష్ శరీరం పొడవుగా, సూదిలా ఉండి, తోక విసనకర్ర ఆకారంలో ఉండి, నెమలి ఈకల వలె మెరిసే నీలం, పచ్చ రంగులతో కూడి ఉండటం విశేషం. సాధారణంగా నీడిల్ ఫిష్‌లు (Needle Fish) పొడవైన శరీరాలు, పదునైన దవడలు కలిగి ఉంటాయి, కానీ వాటికి ఇంత అందమైన, రంగురంగుల తోకలు ఉండటం చాలా అరుదు. ఇదీ చదవండి: సినీ ఫక్కీలో మైనర్ల దాడి, ఫుటేజ్‌ సోషల్‌ మీడియాలో పోస్ట్‌ View this post on Instagram A post shared by THE UNITY INDIA™ (@theunityindia)ఈ చేప ప్రత్యేకత ఏమిటి?సాధారణంగా ఈ జాతి చేపలకు తోక రెక్కలు (Fins) చాలా చిన్నవిగా, రంగు లేకుండా ఉంటాయి. కానీ ఈ ప్రత్యేకమైన చేపకు తోక భాగం చాలా వెడల్పుగా, స్పష్టమైన రంగులతో ఉంది. కాంతి పడినప్పుడు ఆ తోక నెమలి పింఛంలా మెరుస్తూ కనిపిస్తోంది. గోమతి నది అరబిక్ సముద్రంలో కలిసే చోట (Brackish water) మంచినీరు, ఉప్పునీరు కలిసి ఉంటాయి. వాతావరణ మార్పులు, నీటిలోని లవణీయత (Salinity) మారడం లేదా సముద్ర ప్రవాహాల వల్ల ఇలాంటి అరుదైన సముద్ర జీవులు అప్పుడప్పుడు తీరానికి వస్తుంటాయి. వాతావరణంలో మార్పులు, సముద్రపు నీరు వేడెక్కడం వల్ల కొన్ని జీవుల ఆవాసాలు మారుతుంటాయి. జన్యుపరమైన మార్పులు (Mutation) లేదా స్థానిక పర్యావరణ ప్రభావం వల్ల ఈ చేప తోక ఇలా భిన్నంగా తయారై ఉండవచ్చు. దీనిపై సరైన పరిశోధన జరిగితే, భారత తీర ప్రాంతాల్లోని సముద్ర జీవుల పరిణామ క్రమం గురించి మరిన్ని వివరాలు తెలిసే అవకాశం ఉంది.ఇది తెలిసిన జాతిలో ఒక కొత్త రకమా లేక ప్రకృతి సృష్టించిన అద్భుతమా అనేది పక్కన పెడితే, ఈ "నెమలి తోక చేప" మాత్రం అందరినీ మంత్రముగ్ధులను చేస్తోంది. ఇదీ చదవండి: పెంపుడు కుక్క నాకింది, 24 గంటల్లోనే కోమాలోకిగోమతి ఘాట్: ఈ ఘాట్ సుమారు 100 సంవత్సరాలకు పైగా భక్తులచే పూజించబడుతోంది, శ్రీకృష్ణుడు కూడా ఇక్కడ స్నానం చేసినట్లు నమ్మకం. గోమతి నది అరేబియా సముద్రంలో కలిసే పవిత్రమైన ప్రదేశం. దీనిని గోమతి సంగమ ఘాట్ అని కూడా పిలుస్తారు. ఇక్కడ పవిత్ర స్నానం చేసి, తమ పాపాలలన్నీ హరిస్తాయని భక్తుల విశ్వాసం.

గాంధీనగర్‌: గుజరాత్‌లో వలసాడ్ జిల్లాలో శుక్రవారం రహదారులు రక్తసిక్తమయ్యాయి. లారీ - కారు ఢీకొన్న ఘటనలో ఏడుగురు ప్రయాణికులు అక్కడికక్కడే ప్రాణాలు కోల్పోయారు. పోలీసులు తెలిపిన వివరాల మేరకు.. వలసాడ్ జిల్లా కప్రాడా ప్రాంతంలోని కుంభఘాట్ వద్ద ఈ ప్రమాదం జరిగింది. కారు,లారీ ఢీకొనడంతో కారు పూర్తిగా ధ్వంసమైంది. ఢీకొన్న వెంటనే కారులో ఉన్న పలువురు అక్కడికక్కడే మృతి చెందారు. ప్రమాదంతో అప్రమత్తమైన స్థానికులు క్షతగాత్రుల్ని స్థానిక ఆసుపత్రికి తరలించారు. అయితే అప్పటికే క్షతగాత్రులు మరణించినట్లు వైద్యులు నిర్ధారించారు. ప్రమాదంపై సమాచారం అందుకున్న పోలీసులు సహాయ చర్యలు ముమ్మరం చేశారు. ప్రమాదంపై కేసు నమోదు చేసుకున్న పోలీసుల ప్రాథమిక దర్యాప్తులో మృతులు ఒకే కుటుంబానికి చెందిన వారిగా గుర్తించారు.మృతుల వివరాలు తెలియాల్సి ఉంది. #WATCH | Valasad, Gujarat | Kaprada Tehsildar says, "7 people died following a collision between a truck and a car...Further investigation is underway..." pic.twitter.com/1Y6fCYucDj— ANI (@ANI) February 20, 2026

ప్రపంచంలోనే అతి పెద్ద ఇల్లు ఎక్కడుందో తెలుసా? అది ఎక్కడో విదేశాల్లో కాదు… మన భారతదేశంలోనే ఉంది. గుజరాత్‌లోని వడోదరలో ఉన్న లక్ష్మీ విలాస్ ప్యాలెస్ ప్రపంచంలోనే అతిపెద్ద ప్రైవేట్ రెసిడెన్స్‌గా గుర్తింపు పొందింది. ఇది కేవలం పర్యాటక ప్రదేశం కాదు, మ్యూజియం కూడా కాదు – రాజ గైక్వాడ్ కుటుంబం ఇప్పటికీ ఇక్కడే నివసిస్తోంది.లండన్‌లోని బకింగ్‌హామ్ ప్యాలెస్ కంటే నాలుగు రెట్లు పెద్దదిగా ఉన్న ఈ మహల్ దాదాపు 500 ఎకరాల విస్తీర్ణంలో విస్తరించి ఉండటం దీని వైభవాన్ని చూపిస్తుంది. 1890లో బరోడా మహారాజా సాయాజీరావు గైక్వాడ్ III ఈ అద్భుతమైన రాజభవనాన్ని నిర్మించాడు. ఆ కాలంలో ఇల్లు అనేది కేవలం నివాస స్థలం కాదు, శక్తి, సంపద, సంస్కృతికి ప్రతీక. ఈ ప్యాలెస్ నిర్మాణానికి అప్పట్లోనే దాదాపు 2.7 లక్షల పౌండ్లు ఖర్చు చేయబడ్డాయి.ప్రముఖ బ్రిటిష్ ఆర్కిటెక్ట్ రాబర్ట్ చిషోల్మ్ దీనిని రూపకల్పన చేశారు. భారతీయ, ఇస్లామిక్, యూరోపియన్ శైలుల అద్భుత సమ్మేళనం ఈ నిర్మాణంలో కనిపిస్తుంది. ప్రతి మూలలో రాజ వైభవం ప్రతిబింబిస్తుంది. ప్యాలెస్ లోపలికి వెళ్లినప్పుడు దాని వైశాల్యం మనసును ఆశ్చర్యపరుస్తుంది. విశాలమైన దర్బార్ హాల్ బెల్జియం గాజుతో చేసిన ఫ్లోర్, ఇటలీ నుండి తెచ్చిన వెనీషియన్ మొజాయిక్ డిజైన్లతో అలరారుతుంది. ప్యాలెస్ ప్రాంగణంలో గోల్ఫ్ కోర్టు, క్రికెట్ మైదానం, అందమైన తోటలు మాత్రమే కాదు, ఈ ప్యాలెస్ లో చిన్న జూ కూడా ఉంది. ఇది ఒక ఇల్లు కాదు, ఒక స్వంత ప్రపంచం లాంటిది. అప్పట్లోనే ఆధునిక సౌకర్యాలు కూడా ఇందులో ఏర్పాటు చేయబడ్డాయి.1890లలోనే లిఫ్ట్ సౌకర్యం ఉండటం విశేషం.అత్యాధునిక ప్లంబింగ్, విద్యుత్ వ్యవస్థలు కూడా అమర్చబడ్డాయి. అంతేకాదు, మహారాజా సాయాజీరావు గైక్వాడ్ కళలకు ఎంతో ప్రాధాన్యం ఇచ్చారు. భారతదేశపు ప్రముఖ చిత్రకారుడు రాజా రవివర్మను ఆహ్వానించి అనేక అద్భుత తైలవర్ణ చిత్రాలను వేయించారు. నేటికీ ఆ అరుదైన కళాఖండాలు ఈ ప్యాలెస్ కే గర్వకారణంగా నిలుస్తున్నాయి. లక్ష్మీ విలాస్ ప్యాలెస్ కేవలం ఒక రాజభవనం మాత్రమే కాదు, భారతదేశ చరిత్ర, సంస్కృతి, వైభవానికి నిలువెత్తు సాక్ష్యం.

గాంధీనగర్‌: ఉప్పు లోడింగ్‌ కోసం తొలిసారి నిర్వహించిన స్టెయిన్‌లెస్‌ స్టీల్‌ కంటైనర్ల పరీక్ష విజయవంతమైంది. గుజరాత్‌ రాష్ట్రంలో భీమసర్–గాంధీధామ్ విభాగంలో భారతీయ రైల్వేలు తొలిసారి స్టెయిన్‌లెస్ స్టీల్ కంటైనర్లను ఉపయోగించి ఉప్పు లోడింగ్ ట్రయల్ నిర్వహించాయి. ఇది సక్సెస్‌ఫుల్‌ ట్రయల్‌గా కేంద్ర మంత్రి అశ్విని వైష్ణవ్‌ స్పష్టం చేశారు. Successful trial of salt handling in stainless steel containers. 📍At Bhimasar – Gandhidham✅ Container design ensures corrosion resistance and longer service life.✅ Eliminates manual cleaning and wastage.✅ Improves turnaround time, setting a new benchmark in freight… pic.twitter.com/4rOu1mUZDD— Ashwini Vaishnaw (@AshwiniVaishnaw) February 10, 2026 ఉప్పు ఒక అత్యంత కరిమి పదార్థం కావడంతో సాధారణ కంటైనర్లు త్వరగా దెబ్బతింటాయి. ఈ సమస్యను అధిగమించడానికి ప్రత్యేకంగా రూపొందించిన స్టెయిన్‌లెస్ స్టీల్ కంటైనర్లు ఉపయోగించేందుకు వేసిన తొలి అడుగు విజయవంతమైంది. ఉప్పు వల్ల కలిగే తుప్పు సమస్యను తగ్గడమే కాకుండా సాధారణ కంటైనర్ల కంటే ఎక్కువకాలం ఉపయోగించవచ్చు. వేగంగా, సురక్షితంగా లోడింగ్ మరియు అన్‌లోడింగ్ చేయడానికి అనుకూలంగా రూపొందించబడ్డాయి. యాంత్రిక పద్ధతుల్లో పెద్ద ఎత్తున లోడింగ్ అనేది సులభతరం అవుతుంది. ఉప్పు చిందర వందర కాకుండా సమర్థవంతంగా రవాణా చేయడానికి వీలుగా ఉండటంతో తక్కువ వృథానే అవుతుంది. దీనివల్ల అనేక ప్రయోజనాలున్నాయి. రవాణా ఖర్చులు తగ్గడమే కాకుండా పర్యావరణానికి అనుకూలంగా ఉంటుంది. ఉప్పు ఉత్పత్తి ప్రాంతాలకు సురక్షితంగా ఆధునిక రవాణా పరిష్కారం అందిస్తుంది. రైల్వే ఫ్రైట్ ఆపరేషన్లు మరింత వేగవంతం అవుతాయి. ఈ ట్రయల్ విజయవంతం కావడం వల్ల, భవిష్యత్తులో ఉప్పు రవాణా కోసం స్టెయిన్‌లెస్ స్టీల్ కంటైనర్ల వినియోగం విస్తృతంగా పెరిగే అవకాశం ఉంది.ఇదిలా ఉంచితే, భీమసర్–గాంధీధామ్ విభాగం గుజరాత్ రాష్ట్రంలోని కచ్ జిల్లాలో ఉంది. ఇది భారతీయ రైల్వేలోని పశ్చిమ రైల్వే జోన్ పరిధిలోకి వస్తుంది. భీమసర్ అనేది కచ్ ప్రాంతంలోని ఒక ముఖ్యమైన రైల్వే స్టేషన్. గాంధీధామ్ అనేది కచ్‌లోని ప్రధాన వాణిజ్య కేంద్రం, కాండ్లా పోర్ట్‌కు దగ్గరగా ఉండటం వల్ల రైల్వే రవాణాలో కీలక పాత్ర పోషిస్తుంది. ఈ విభాగం ద్వారా ఉప్పు, బొగ్గు, ఖనిజాలు, పెట్రోకెమికల్ ఉత్పత్తులు వంటి వస్తువులు పెద్ద ఎత్తున రవాణా అవుతాయి.