USA

న్యూయార్క్‌: అమెరికాలోని న్యూయార్క్‌ నగరంలో ఉన్న ఎంపైర్ స్టేట్ బిల్డింగ్‌ అత్యంత ఎత్తైన భాగంపైకి ఎక్కి, అక్కడే ప్రపోజ్‌ చేసుకున్న ఓ రష్యా జంటకు ఇప్పుడు బహిష్కరణ ముప్పు ఎదురైంది. ఏంజెలా నికోలావ్‌ (33), ఇవాన్‌ కుజ్నెత్సోవ్‌ (32) గత జూలైలో ఈ సాహసానికి పాల్పడ్డారు. భవనంపై రష్యా జెండాను ప్రదర్శిస్తూ.. 'ప్రేమ శక్తి, అధికారం పట్ల వ్యామోహాన్ని అధిగమించినప్పుడు, ప్రపంచానికి శాంతి లభిస్తుంది' అనే సందేశాన్ని ఇచ్చారు. అనంతరం ఇవాన్‌.. ఏంజెలాకు ప్రపోజ్‌ చేశాడు.అయితే ఈ ఘటనపై నమోదైన కేసులో ప్రాసిక్యూటర్లతో కుదుర్చుకున్న ఒప్పందం చివరి నిమిషంలో రద్దయినట్లు ఫాక్స్‌ న్యూస్‌ కథనం వెల్లడించింది. నవంబర్‌ 12న న్యూయార్క్‌ క్రిమినల్‌ కోర్టులో విచారణకు హాజరైన ఈ జంట.. తమపై వచ్చిన ఆరోపణలను ఖండించింది.తాము ఎలాంటి తప్పు చేయలేదని.. ఎవరి ఆస్తులకు నష్టం కలిగించలేదని, ఎవరికీ ప్రమాదం కలిగించాలనే ఉద్దేశం తమకు లేదని ఇవాన్‌ తెలిపారు. అంతేకాదు ప్రపంచానికి శాంతి, ప్రేమ సందేశాన్ని అందించేందుకే ఈ ప్రదర్శన చేసినట్లు ఏంజెలా పేర్కొన్నారు.తొలుత చిన్నపాటి నేరాలకు సంబంధించిన అభియోగాలను అంగీకరించే ఒప్పందానికి ప్రాసిక్యూటర్లు అంగీకరించారని వారి న్యాయవాది నోమ్‌ బియాలే వెల్లడించారు. అయితే విచారణకు ముందు రోజు ఆ ఒప్పందాన్ని ఉపసంహరించుకున్నారని తెలిపారు. దీంతో ఈ జంటకు అమెరికా నుంచి బహిష్కరణ ముప్పు ఏర్పడింది.ఒకవేళ రష్యాకు తిరిగి పంపిస్తే ఇవాన్‌ను ఉక్రెయిన్‌ యుద్ధంలో పోరాడేందుకు పంపే అవకాశం ఉందని, ఏంజెలా తన కళాత్మక ప్రదర్శనల కారణంగా జైలు శిక్షను ఎదుర్కోవచ్చని న్యాయవాది ఆందోళన వ్యక్తం చేశారు. కాగా.. ఈ జంట సాహసాలు, ప్రేమకథ ఆధారంగా రూపొందిన 'స్కైవాకర్స్‌: ఎ లవ్‌ స్టోరీ' అనే డాక్యుమెంటరీ 2024లో నెట్‌ఫ్లిక్స్‌లో విడుదలైంది.ఇదీ చదవండి: మళ్లీ కొత్త కాన్వాయ్‌ కోసం వాహనాల కొనుగోలు

టెహ్రాన్‌: అమెరికా, ఇరాన్ మధ్య సైనిక ఉద్రిక్తతలు మరోసారి తీవ్రస్థాయికి చేరాయి. తమపై అమెరికా దాడి చేసిన గంటలోపే ప్రతీకారం తీర్చుకున్నామని ఇరాన్ ప్రకటించింది. బహ్రెయిన్‌లోని అమెరికా సైన్యానికి చెందిన కీలకమైన ఎర్లీ వార్నింగ్ రాడార్ వ్యవస్థను తమ ఏరోస్పేస్ దళాలు ధ్వంసం చేసినట్లు ఇస్లామిక్ రివల్యూషనరీ గార్డ్ కార్ప్స్ (ఐఆర్‌జీసీ) వెల్లడించింది.గంటలోపే ప్రతీకారంఇరాన్‌లోని సిరిక్ ప్రాంతంలో ఉన్న టెలికమ్యూనికేషన్ టవర్‌పై అమెరికా వైమానిక దాడి చేసిందని ఐఆర్‌జీసీ ఆరోపించింది. దీనికి ప్రతిగా దాదాపు గంటలోపే బహ్రెయిన్ ద్వీపంలోని అమెరికా ఎర్లీ వార్నింగ్ రాడార్‌ను లక్ష్యంగా చేసుకున్నట్లు తెలిపింది. గగనతలంలో సైనిక కార్యకలాపాలను ముందుగానే గుర్తించే ఈ వ్యవస్థను ధ్వంసం చేసినట్లు పేర్కొంది.అమెరికాకు తీవ్ర హెచ్చరికబహ్రెయిన్‌లో రాడార్‌ను ధ్వంసం చేయడం అమెరికాకు పంపిన తీవ్రమైన సందేశమని ఐఆర్‌జీసీ స్పష్టం చేసింది. ఇరాన్ సరిహద్దులను మరోసారి ఉల్లంఘించినా, తమపై దాడులకు దిగినా పరిమితులు లేకుండా ప్రతిస్పందిస్తామని హెచ్చరించింది.ఇతర దేశాలకూ వార్నింగ్ఇరాన్ విదేశాంగ శాఖ అధికార ప్రతినిధి ఇస్మాయిల్ బఘాయ్ ఇతర దేశాలను కూడా హెచ్చరించారు. ఇరాన్‌పై అమెరికా చేపట్టే సైనిక చర్యలకు ప్రత్యక్షంగా లేదా పరోక్షంగా సహకరించే దేశాలను తమపై దాడికి దిగిన భాగస్వాములుగా పరిగణిస్తామని స్పష్టం చేశారు.కొరియన్ సామెతతో చురకలుఎక్స్ వేదికగా స్పందించిన బఘాయ్ ఐక్యరాజ్యసమితి చార్టర్, అంతర్జాతీయ చట్టాలను ప్రస్తావించారు. అమెరికా వెంట నడిచే దేశాల పరిస్థితిని వివరిస్తూ ఓ కొరియన్ సామెతను ఉటంకించారు. ‘కొంగ వెనుక ఎగరాలని ప్రయత్నించే పిచ్చుక చివరకు తన కాళ్లు విరగ్గొట్టుకుంటుందని’ పేర్కొంటూ అమెరికాకు మద్దతిచ్చే దేశాలకు పరోక్ష హెచ్చరికలు జారీ చేశారు. ఈ పరిణామాలతో గల్ఫ్ ప్రాంతంలో ఉద్రిక్తతలు మరింత పెరిగే అవకాశం కనిపిస్తోంది.ఇదీ చదవండి: పాక్‌ సంక్షోభం: 6 నెలల్లో 3.17 లక్షల మంది పలాయనం!

అమెరికాలో గత రాత్రి ఊహించని పరిణామం చోటుచేసుకుంది. ఎయిర్ ట్రాఫిక్ కమ్యూనికేషన్ వ్యవస్థలో.. సాంకేతిక సమస్య తలెత్తడంతో దేశవ్యాప్తంగా విమానాల టేకాఫ్‌లను కొద్దిసేపు నిలిపివేశారు. దీంతో వేలాది మంది ప్రయాణికులు విమానాశ్రయాల్లో చిక్కుకుపోయారు.కుటుంబ వేడుకలకు వెళ్లాల్సిన వారు, ఉద్యోగాల కోసం ప్రయాణించాల్సిన వారు తీవ్ర ఇబ్బందులు ఎదుర్కొన్నారు. సెప్టెంబర్ 11, 2001 ఉగ్రదాడుల తర్వాత.. అమెరికాలో దేశవ్యాప్తంగా విమానాల రాకపోకలను నిలిపివేయడం ఇది రెండోసారి కావడం గమనార్హం.కారణం ఇదే..ఫెడరల్ ఏవియేషన్ అడ్మినిస్ట్రేషన్ (FAA)కు సంబంధించిన టెలికమ్యూనికేషన్ వ్యవస్థలో సమస్య ఏర్పడిందని, దీంతో ఎలాంటి ప్రమాదం జరగకుండా ముందుజాగ్రత్తగా.. టేకాఫ్‌లను కొద్దిసేపు నిలిపివేయడం జరిగిందని అమెరికా హోంల్యాండ్ సెక్యూరిటీ కార్యదర్శి మార్క్‌వేన్ ముల్లిన్ వెల్లడించారు.అయితే.. ఎలాంటి భద్రతాపరమైన ముప్పు లేదని నిర్ధారించుకున్న తర్వాత కొన్ని గంటల్లోనే ఆంక్షలను తొలగించి విమాన సర్వీసులను తిరిగి ప్రారంభించారు. ఇది మరో 9/11 ఘటన కాదని ముల్లిన్ స్పష్టం చేశారు. అయినప్పటికీ విమానాల రాకపోకలు సాధారణ స్థితికి రావడానికి మరికొంత సమయం పట్టే అవకాశం ఉందని అధికారులు తెలిపారు.ప్రయాణికుల ఇబ్బందులుఈ ఘటనతో న్యూయార్క్‌లోని జాన్ ఎఫ్. కెన్నడీ విమానాశ్రయంలో ప్రయాణికులు తీవ్ర ఇబ్బందులు ఎదుర్కొన్నారు. రైలీ అలెక్సిస్ హోమ్స్ అనే మహిళ తన సోదరుడి సంగీత కార్యక్రమానికి హాజరయ్యేందుకు ఒరెగాన్ వెళ్లాల్సి ఉంది. కానీ దాదాపు రెండు గంటలు ఎదురుచూసిన తర్వాత ఆమె విమానం రద్దయింది. దీంతో తన తల్లికి ఫోన్ చేసి ఏడ్చానని, ఎప్పుడు ప్రయాణం చేయగలనో తెలియక విమానాశ్రయంలోనే ఎదురుచూస్తున్నానని ఆవేదన వ్యక్తం చేసింది.మరో ప్రయాణికుడు తన పనిమీద టొరంటో వెళ్లేందుకు టికెట్ కొనుగోలు చేసినప్పటికీ విమానాల నిలిపివేత కారణంగా ప్రయాణించలేకపోయాడు. ఇక మరో మహిళ తన కుమార్తె పెళ్లికి హాజరయ్యేందుకు టొరంటో వెళ్లాల్సి ఉండగా, విమానం రద్దవడంతో కన్నీళ్లు పెట్టుకుంది.మరోవైపు అమెరికా రవాణా శాఖ కార్యదర్శి సీన్ డఫీ ఈ సమస్యకు గల కారణాన్ని వెల్లడించారు. అమెరికాలోని పాత టెలికమ్యూనికేషన్ వ్యవస్థలు అధిక డేటా భారాన్ని తట్టుకోలేకపోవడంతో సమస్య ఏర్పడిందని తెలిపారు. పాత స్విచ్‌లు, రౌటర్లు అధిక సమాచారాన్ని ప్రాసెస్ చేయలేకపోవడంతో డేటా సరఫరాలో అస్థిరత ఏర్పడిందని వివరించారు. ఈ వ్యవస్థను పూర్తిగా ఆధునీకరించేందుకు కాంగ్రెస్ తగిన నిధులు కేటాయించాలని ఆయన కోరారు. తాత్కాలిక మరమ్మతులతో కాకుండా.. అత్యాధునిక ఎయిర్ ట్రాఫిక్ కంట్రోల్ వ్యవస్థను ఏర్పాటు చేయాల్సిన అవసరం ఉందని స్పష్టం చేశారు.ఇదీ చదవండి: Microsoft Outage: 18 గంటల అంతరాయానికి కారణం ఏంటంటే?ఎయిర్ ఇండియా అప్రమత్తంఈ పరిణామం భారత విమానయాన సంస్థలపైనా ప్రభావం చూపే అవకాశం ఉండటంతో ఎయిర్ ఇండియా ప్రయాణికులను అప్రమత్తం చేసింది. అమెరికాకు వెళ్లే, అక్కడి నుంచి వచ్చే విమానాల్లో ఆలస్యాలు లేదా అంతరాయాలు ఉండవచ్చని తెలిపింది. ప్రయాణికులు విమానాశ్రయానికి బయలుదేరే ముందు తమ విమాన స్థితిని తప్పనిసరిగా తనిఖీ చేసుకోవాలని సూచించింది. అమెరికాలో థాంక్స్ గివింగ్ సెలవులు సమీపిస్తున్న సమయంలో ఈ ఘటన జరగడంతో ప్రయాణికుల్లో ఆందోళన మరింత పెరిగింది.The safety of the flying public is always the FAA’s highest priority. The FAA lifted the ground stop and some flight departures are resuming. Before clearing flights to resume, we thoroughly tested our systems to confirm they were stable and that operations remain reliable. 

Passengers should contact their airlines for flight updates.— The FAA ✈️ (@FAANews) November 14, 2026

ప్రపంచ టెక్నాలజీ రంగంలో ఓ వెలుగు వెలిగిన ఎన్విడియా మాజీ సీఈఓ జెన్సన్‌ హువాంగ్‌ చుట్టూ వివాదాల ముసురు కమ్ముకుంది. చైనా గూఢచారిగా అమెరికా అనుమానిస్తున్న మహిళతో వివాహేతర సంబంధం.. మరో ఇద్దరు మహిళలతోనూ సన్నిహిత బంధాలు.. ఈ వ్యవహారాలపై కంపెనీ ఉన్నతాధికారులకు తప్పుడు సమాచారం ఇచ్చారన్న ఆరోపణలు ఇప్పుడు సంచలనం రేపుతున్నాయి. చివరకు సీఈఓ పదవికి రాజీనామా చేసిన హువాంగ్‌ వ్యవహారంపై ఎన్విడియా బోర్డు స్వతంత్ర దర్యాప్తునకు దిగడం టెక్‌ ప్రపంచంలో హాట్‌టాపిక్‌గా మారింది.అలిస్‌ హువాంగ్‌తో తనకున్న సంబంధం విషయంలో ఎన్విడియా మాజీ సీఈఓ జెన్సన్‌ హువాంగ్‌ కంపెనీకి చెందిన పలువురు కీలక అధికారులను తప్పుదోవ పట్టించినట్లు రాయిటర్స్‌ కథనం వెల్లడించింది. ఈ వ్యవహారంపై కంపెనీ జనరల్‌ కౌన్సెల్‌ టిమ్‌ టెటర్‌, చీఫ్‌ మార్కెటింగ్‌ ఆఫీసర్‌ అలిసన్‌ వాగన్‌ఫెల్డ్‌ సహా పలువురు నాయకులకు ఆయన తప్పుడు సమాచారం ఇచ్చినట్లు ఈ వ్యవహారంతో సంబంధం ఉన్న ఇద్దరు వ్యక్తులు వెల్లడించారు. రాయిటర్స్‌ పరిశీలించిన అంతర్గత సందేశాలు కూడా ఈ విషయాన్ని ధ్రువీకరిస్తున్నాయి.వివాదం నేపథ్యంలో జెన్సన్‌ హువాంగ్‌ ఎన్విడియా సీఈఓ పదవికి రాజీనామా చేసిన సంగతి తెలిసిందే. ఏఐ రంగంలో ఇటీవల వచ్చిన విప్లవాత్మక మార్పులకు కీలకమైన చిప్‌ సాంకేతికత అభివృద్ధిలో మార్గదర్శకుడిగా నిలిచిన ఆయన.. పరిశ్రమలో అత్యున్నత స్థానానికి ఎదిగి.. ఇప్పుడు అనూహ్యంగా పతనమయ్యారు.తన భార్యకు నమ్మకద్రోహం చేసినందుకు ఆదివారం ఆయన ఒక ప్రకటనలో క్షమాపణలు చెప్పారు. అయితే, ఆ ప్రకటనలో అలిస్‌ హువాంగ్‌ పేరును ప్రత్యేకంగా ప్రస్తావించలేదు. ఆమె ఎన్విడియా కస్టమర్‌ సంస్థ మెగాస్పీడ్‌ ఇంటర్నేషనల్‌లో గతంలో ఉన్నతస్థాయి ఎగ్జిక్యూటివ్‌గా పనిచేశారు. చైనా తరఫున గూఢచర్యం చేస్తున్నారనే అనుమానంతో అమెరికా అధికారులు ఆమెపై విచారణ జరుపుతున్నారు. జెన్సన్‌ హువాంగ్‌, అలిస్‌ హువాంగ్‌ల ఇంటిపేరు ఒకటే అయినప్పటికీ.. వారిద్దరూ బంధువులు కాదు.ఎన్విడియా ఉద్యోగినితోనూ జెన్సన్‌ హువాంగ్‌కు వివాహేతర సంబంధం ఉన్నట్లు ఈ వారం ప్రారంభంలో న్యూయార్క్‌ టైమ్స్‌ కథనం ప్రచురించింది. మరో ఎన్విడియా ఉద్యోగినితో కూడా ఆయనకు సన్నిహిత సంబంధం ఉన్నట్లు గురువారం రాయిటర్స్‌ వెల్లడించింది.మెగాస్పీడ్‌, అలిస్‌ హువాంగ్‌తో తనకున్న సంబంధంపై మీడియా ప్రశ్నలు లేవనెత్తినప్పుడు జెన్సన్‌ హువాంగ్‌ రెండుసార్లు గతంలో స్పందించారు. తనకు, ఆమెకు మధ్య ఉన్న పరిచయాలు సాధారణమైనవేనని, వ్యాపార సంబంధాలకు మాత్రమే పరిమితమని కంపెనీ నాయకులకు వివరించారు. అక్టోబర్‌లో పంపిన రెండు వేర్వేరు సందేశాల్లో టిమ్‌ టెటర్‌, అలిసన్‌ వాగన్‌ఫెల్డ్‌ సహా కంపెనీ ఉన్నతాధికారులకు జెన్సన్‌ హువాంగ్‌ ఇదే విషయాన్ని వివరించారు. అలిస్‌ హువాంగ్‌తో తనకున్న పరిచయాలు కస్టమర్లతో సాధారణంగా జరిగే వ్యాపార వ్యవహారాల్లో భాగమేనని పేర్కొన్నారు. మెగాస్పీడ్‌తో తనకున్న సంబంధాలు కూడా సాధారణ వ్యాపార లావాదేవీలేనని ఇతర సందేశాల్లో స్పష్టం చేశారు.గత ఏడాది అక్టోబర్‌లో న్యూయార్క్‌ టైమ్స్‌ ప్రచురించిన ఓ కథనం అలిస్‌ హువాంగ్‌తో జెన్సన్‌ హువాంగ్‌ బహిరంగ ప్రదేశాల్లో సమావేశమైన విషయాన్ని వెలుగులోకి తెచ్చింది. దీంతో ఆ పత్రికపై న్యాయపరమైన చర్యలు తీసుకోవాలనే అంశాన్ని కూడా ఆయన ఎన్విడియా ఉన్నతాధికారులతో చర్చించినట్లు సమాచారం.ఆ కథనం వెలువడిన తర్వాత 2025లో కంపెనీకి చెందిన కొందరు కీలక అధికారులతో జెన్సన్‌ హువాంగ్‌ ఈ విషయంపై మాట్లాడారు. అయితే, అప్పట్లో అలిస్‌ హువాంగ్‌తో తనకున్న పరిచయాన్ని వివాహేతర సంబంధంగా ఆయన అభివర్ణించలేదు. అలిస్‌ హువాంగ్‌తో జెన్సన్‌ హువాంగ్‌ సంబంధం ఎప్పుడు సన్నిహితంగా మారిందనే విషయం స్పష్టంగా తెలియరాలేదు. అయితే, 2023 డిసెంబర్‌ నుంచే అమెరికా, చైనా సహా పలు ప్రాంతాల్లో వారిద్దరూ కలిసి ఉన్నట్లు చూపించే ఫొటోలు ఆన్‌లైన్‌లో ఉన్నాయి.ఈ వ్యవహారంపై స్వతంత్ర దర్యాప్తు చేపట్టేందుకు ఎన్విడియా బోర్డులోని స్వతంత్ర సభ్యులు నవంబర్‌ 10న కీలక నిర్ణయం తీసుకున్నారు. వాల్‌స్ట్రీట్‌కు చెందిన న్యాయ సంస్థ వాచ్టెల్‌, లిప్టన్‌, రోసెన్‌ అండ్‌ కాట్జ్‌ను నియమించారు. ఆలిస్‌ హువాంగ్‌తో జెన్సన్‌ హువాంగ్‌కు ఉన్న సంబంధాలు, ఆమె చైనా కోసం గూఢచర్యం చేస్తున్నారనే అమెరికా అధికారుల అనుమానాలపై ఈ నిర్ణయం తీసుకున్నారు. అయితే, ఆలిస్‌ హువాంగ్‌ గూఢచారి అన్న ఆరోపణలను చైనా ఖండించింది. ఇదిలా ఉండగా, అక్టోబర్‌ 6న గరిష్ఠ స్థాయిని తాకిన తర్వాత ఎన్విడియా షేర్లు 30 శాతానికి పైగా పడిపోయాయి. దీంతో కంపెనీ మార్కెట్‌ విలువలో 1.8 లక్షల కోట్ల డాలర్లకు పైగా ఆవిరైంది.ఇదీ చదవండి: Microsoft Outage: 18 గంటల అంతరాయానికి కారణం ఏంటంటే?

జెరూసలేం: మధ్యప్రాచ్యంలో మరోసారి యుద్ధ మేఘాలు కమ్ముకుంటున్నాయా? ఇరాన్‌పై మళ్లీ సైనిక చర్యలకు దిగాలంటూ ఇజ్రాయెల్ ప్రధాని బెంజమిన్ నెతన్యాహు అమెరికా అధ్యక్షుడు డొనాల్డ్ ట్రంప్‌పై ఒత్తిడి తెస్తున్నట్లు వార్తలు వస్తున్నాయి. ఇందుకోసం ఏకంగా ఇజ్రాయెల్ నిఘా సంస్థ మొసాద్ చీఫ్ రోమన్ గోఫ్మన్ రంగంలోకి దిగారు. అమెరికా రాజధాని వాషింగ్టన్‌లో ట్రంప్ ప్రభుత్వంలోని కీలక అధికారులతో ఆయన చర్చలు జరుపుతున్నట్లు ప్రముఖ అంతర్జాతీయ మీడియా సంస్థ ఆక్సియోస్ వెల్లడించింది. మరోవైపు ఇరాన్‌పై ఇప్పటికిప్పుడు మళ్లీ దాడులు చేయడానికి ట్రంప్ ఆసక్తి చూపడం లేదని, ఆర్థిక ఆంక్షలు, సముద్ర దిగ్బంధనం ద్వారా ఒత్తిడి కొనసాగించాలని భావిస్తున్నట్లు కథనాలు చెబుతున్నాయి.ఆక్సియోస్ కథనం ప్రకారం.. మొసాద్ డైరెక్టర్ రోమన్ గోఫ్మన్ అమెరికా పర్యటనలో సీఐఏ డైరెక్టర్ జాన్ రాట్‌క్లిఫ్‌తో సమావేశమయ్యారు. అనంతరం మియామీకి వెళ్లి వైట్‌హౌస్ ప్రత్యేక రాయబారి స్టీవ్ విట్‌కాఫ్‌తోనూ చర్చలు జరిపే అవకాశం ఉంది. అయితే ఈ సమావేశాలపై మొసాద్, సీఐఏ, వైట్‌హౌస్ అధికారికంగా స్పందించలేదు. నెతన్యాహుకు అత్యంత సన్నిహితుడిగా పేరున్న గోఫ్మన్ పర్యటన ఇప్పుడు అంతర్జాతీయంగా ప్రాధాన్యత సంతరించుకుంది. కాగా, ఇరాన్‌పై మళ్లీ సైనిక చర్యలు చేపట్టాలని నెతన్యాహు కోరుతుండగా.. ట్రంప్ మాత్రం ప్రస్తుతానికి ఆ ప్రతిపాదనకు సుముఖంగా లేరని తెలుస్తోంది. నవంబర్ 5న ఇరాన్ యుద్ధ పరిస్థితులపై ట్రంప్, నెతన్యాహు ఫోన్‌లో చర్చించినట్లు అమెరికా అధికారి ఒకరు వెల్లడించారు. ఇరాన్‌పై తక్షణ దాడుల కంటే ఆర్థిక ఒత్తిడి, నౌకాదళ దిగ్బంధనం కొనసాగిస్తూ దౌత్యపరమైన ఒప్పందానికి ప్రయత్నించడమే మంచిదని ట్రంప్ భావిస్తున్నట్లు సమాచారం.గల్ప్‌ దేశాల్లో ఆందోళన.. ఈ విషయంలో సౌదీ అరేబియా, ఖతార్, యునైటెడ్ అరబ్ ఎమిరేట్స్ కూడా అమెరికా ప్రస్తుత వైఖరికి మద్దతు ఇస్తున్నట్లు ట్రంప్ వ్యాఖ్యలను బట్టి తెలుస్తోంది. ఇరాన్‌పై ఒత్తిడి కొనసాగించాలని, ఇప్పుడే మరోసారి యుద్ధానికి దిగాల్సిన అవసరం లేదని గల్ఫ్ దేశాలు కోరినట్లు ఆయన చెప్పారు. దీంతో ఇరాన్ విషయంలో అమెరికా, ఇజ్రాయెల్ మధ్య వ్యూహాత్మక విభేదాలు బయటపడుతున్నాయనే చర్చ మొదలైంది.ఇజ్రాయెల్‌లో కొనసాగుతున్న సస్పెన్స్‌..ఇదిలా ఉంటే ఇజ్రాయెల్‌లోనూ రాజకీయ పరిణామాలు వేగంగా మారుతున్నాయి. అక్టోబర్ 27న జరిగిన ఎన్నికల తర్వాత నెతన్యాహు నేతృత్వంలోని కూటమి పార్లమెంట్‌లో మెజారిటీ కోల్పోయింది. ఆయన ప్రత్యర్థి గాడి ఐసెన్‌కాట్ కొత్త ప్రభుత్వాన్ని ఏర్పాటు చేసేందుకు అవకాశం పొందారు. అయితే అవసరమైన మెజారిటీని సమీకరించడం ఇంకా సవాలుగానే ఉంది. ఐసెన్‌కాట్ కొత్త ప్రభుత్వం ఏర్పాటు చేయగలిగితే నెతన్యాహు అధికారం కోల్పోవాల్సి ఉంటుంది. ఈ రాజకీయ పరిణామాల నేపథ్యంలో ఇరాన్‌తో మరోసారి యుద్ధాన్ని ప్రారంభించే ప్రయత్నం జరగవచ్చని ఇజ్రాయెల్ ప్రతిపక్ష నేతలు ఆందోళన వ్యక్తం చేస్తున్నట్లు ఆక్సియోస్ పేర్కొంది. యుద్ధ పరిస్థితులను ఉపయోగించుకుని కొత్త ప్రభుత్వం ఏర్పాటును అడ్డుకునే ప్రయత్నం జరగవచ్చనే అనుమానాలు కూడా వ్యక్తమవుతున్నాయి.ట్రంప్‌ ఆచితూచి.. గురువారం నెతన్యాహు, ఐసెన్‌కాట్ సుమారు రెండు గంటలపాటు సమావేశమై ఇరాన్ పరిస్థితులపై చర్చించారు. ప్రస్తుతం వెంటనే ఇరాన్‌పై సైనిక చర్య చేపట్టాల్సిన పరిస్థితి లేదని ఐసెన్‌కాట్ భావిస్తున్నట్లు ఆయనకు సన్నిహిత వర్గాలు వెల్లడించాయి. ప్రభుత్వ మార్పు ప్రక్రియ కొనసాగుతున్న సమయంలో ప్రధాని చర్యలపై తగిన పర్యవేక్షణ ఉండాలని ఐసెన్‌కాట్ స్పష్టం చేశారు. దేశ భద్రతను రాజకీయ ప్రయోజనాల కోసం ఉపయోగించకూడదని కూడా హెచ్చరించారు. మరోవైపు అమెరికాలోనూ ట్రంప్ ప్రభుత్వానికి రాజకీయంగా సవాళ్లు ఎదురవుతున్నాయి. నవంబర్ 3న జరిగిన మధ్యంతర ఎన్నికల్లో రిపబ్లికన్ పార్టీ ఎదురుదెబ్బ తినడంతో ఇరాన్ విషయంలో ట్రంప్ మరింత జాగ్రత్తగా వ్యవహరిస్తున్నారనే చర్చ జరుగుతోంది. ఇటీవల ఖతార్ ప్రధానితో సమావేశమైన తర్వాత కూడా ఇరాన్‌పై ప్రస్తుత ఒత్తిడి విధానాన్నే కొనసాగిస్తామని ట్రంప్ సంకేతాలిచ్చారు.ఇదీ చదవండి: ఓటమి నేర్పిన గుణపాఠం.. ట్రంప్ సంచలన ప్రకటన

వాషింగ్టన్‌: అమెరికాలో విమానయాన సేవలు ఒక్కసారిగా నిలిచిపోయాయి. భద్రతా కారణాలతో ఫెడరల్ ఏవియేషన్ అడ్మినిస్ట్రేషన్ (ఎఫ్‌ఏఏ) అన్ని విమానాలను తాత్కాలికంగా నిలిపివేసింది. ప్రాంతీయ ఎయిర్ ట్రాఫిక్ కంట్రోల్ (ఏటీసీ) కేంద్రాల్లో కమ్యూనికేషన్ వ్యవస్థలో సాంకేతిక సమస్య తలెత్తడంతో ఈ నిర్ణయం తీసుకుంది. దీంతో బోస్టన్ సహా పలు విమానాశ్రయాల్లో వేలాది మంది ప్రయాణికులు చిక్కుకుపోయారు. ఎఫ్‌ఏఏ జారీ చేసిన అధికారిక నోటీసు ప్రకారం.. అసాధారణ పరిస్థితులు, భద్రతా కారణాలతో ఈ గ్రౌండ్ స్టాప్ విధించారు. అప్పటికే గాల్లో ఉన్న విమానాలకు మాత్రం ల్యాండింగ్‌కు అనుమతించారు. మిగిలిన విమానాల రాకపోకలను నిలిపివేశారు.22 కేంద్రాల్లో కమ్యూనికేషన్ సమస్యఅమెరికా రవాణా శాఖ కార్యదర్శి సీన్ డఫీ వెల్లడించిన వివరాల ప్రకారం.. దేశవ్యాప్తంగా ఉన్న 22 ప్రాంతీయ ఎయిర్ ట్రాఫిక్ కంట్రోల్ కేంద్రాల్లో కమ్యూనికేషన్ సమస్య తలెత్తింది. ఈ కేంద్రాలు వివిధ విమానాశ్రయాల మధ్య ప్రయాణించే విమానాలకు దిశానిర్దేశం చేస్తుంటాయి. సమస్యకు కారణాలను గుర్తించేందుకు ఎఫ్‌ఏఏ సాంకేతిక నిపుణులు దర్యాప్తు చేస్తున్నారు.టెలికమ్యూనికేషన్ వ్యవస్థలో సాంకేతిక లోపంసీబీసీ న్యూస్ కథనం ప్రకారం.. విమానాల నిలిపివేతకు ప్రధాన కారణం విఫలమైన సాంకేతిక అప్‌డేట్. ఎయిర్ ట్రాఫిక్ కంట్రోల్ కేంద్రాలను అనుసంధానించే నెట్‌వర్క్‌ను నిర్వహించే L3Harris సంస్థ వ్యవస్థలో అప్‌డేట్ చేశారు. దీంతో ఎఫ్‌ఏఏ టెలికమ్యూనికేషన్ వ్యవస్థ రీబూట్ కావాల్సి వచ్చింది. అయితే తిరిగి ప్రారంభమైన వెంటనే అది క్రాష్ కావడంతో దేశవ్యాప్తంగా విమాన సేవలకు అంతరాయం ఏర్పడింది.ట్రంప్‌కు సమాచారంఈ పరిణామాలపై అమెరికా హోంల్యాండ్ సెక్యూరిటీ విభాగం అధికారులు స్పందించారు. కమ్యూనికేషన్ వ్యవస్థలో వైఫల్యం కారణంగానే విమానాలపై ఆంక్షలు విధించినట్లు తెలిపారు. ప్రజలు ఆందోళన చెందాల్సిన అవసరం లేదని పేర్కొన్నారు. అధ్యక్షుడు డొనాల్డ్ ట్రంప్‌కు పరిస్థితిని వివరించినట్లు డీహెచ్‌ఎస్‌ కార్యదర్శి మార్క్‌వేన్ ముల్లిన్ వెల్లడించారు.2023 తర్వాత తొలిసారిఅమెరికాలో దేశవ్యాప్తంగా అన్ని విమానాలను ఒకేసారి నిలిపివేయడం అరుదైన పరిణామం. 2023 జనవరిలో ఎఫ్‌ఏఏ ప్రధాన కంప్యూటర్ వ్యవస్థలో సాంకేతిక లోపం తలెత్తడంతో ఇలాంటి నిర్ణయం తీసుకున్నారు. సెప్టెంబర్ 11, 2001 ఉగ్రదాడుల తర్వాత కూడా అమెరికాలో పూర్తిస్థాయిలో విమాన రాకపోకలను నిలిపివేశారు.ఆధునికీకరణకు మరో 30 బిలియన్ డాలర్లుఎయిర్ ట్రాఫిక్ కంట్రోల్ వ్యవస్థలో పాత సాంకేతిక పరిజ్ఞానాన్ని మార్చేందుకు అమెరికా ప్రభుత్వం చర్యలు చేపట్టింది. గత ఏడాది ఈ ప్రాజెక్టుకు కాంగ్రెస్ 12.5 బిలియన్ డాలర్లు కేటాయించింది. ఇందులో భాగంగా పాత రాగి తీగల స్థానంలో ఫైబర్ ఆప్టిక్ కేబుళ్లను ఏర్పాటు చేస్తున్నారు. విమానాశ్రయాల్లో పాత రేడియో వ్యవస్థలను కూడా మారుస్తున్నారు. అయితే ఈ ఆధునికీకరణను పూర్తిచేయడానికి మరో 30 బిలియన్ డాలర్లు అవసరమని రవాణా శాఖ కార్యదర్శి సీన్ డఫీ తెలిపారు. ఇందుకోసం కాంగ్రెస్ ఆమోదం పొందేందుకు వైట్‌హౌస్ ప్రయత్నిస్తోంది.

వాషింగ్టన్‌ : అమెరికా లూసియానా రాష్ట్రం, న్యూఆర్లీన్స్ పోర్టు సమీపంలో ఘోర ప్రమాదం జరిగింది. ప్రసిద్ధ మిస్సిస్సిప్పి నదిపై ప్రయాణికులతో వెళ్తున్న లగ్జరీ రివర్ క్రూయిజ్ నౌకను భారీ ఆయిల్ ట్యాంకర్ వెనుక నుంచి వచ్చి బలంగా ఢీకొట్టింది. ఈ ప్రమాదంతో క్రూయిజ్ నౌక ఒక్కసారిగా పక్కకు ఒరిగిపోయి, పాక్షికంగా నీటిలో మునిగిపోయింది. ఈ ప్రమాద సమయంలో నౌకలో సుమారు 130 మందికి పైగా ప్రయాణికులు ఉన్నారు.అమెరికన్ క్రూయిజ్ లైన్స్‌కు చెందిన అమెరికన్ హెరిటేజ్ అనే 5 అంతస్తుల లగ్జరీ నౌక, మిస్సిస్సిప్పి నదిపై ప్రయాణికులతో వస్తోంది. అదే సమయంలో అటుగా వస్తున్న భారీ ఆయిల్ ట్యాంకర్ అదుపుతప్పి ఆ క్రూయిజ్ నౌకను తీవ్రంగా ఢీకొట్టింది. ఈ ప్రమాదం జరిగిన తీరు యుద్ధ వాతావరణాన్ని తలపించింది. భారీ ఉక్కు నౌకలు రెండూ ఒకదాన్ని ఒకటి వేగంగా ఢీకొన్నప్పుడు వచ్చిన శబ్దం అత్యంత భయానకంగా ఉందని, కేవలం 15 నిమిషాల వ్యవధిలోనే ఆ భారీ నౌక ఒక వైపునకు ఒరిగిపోయి నీటిలో మునిగిపోవడం ప్రారంభమైందని తెలిపారు.నౌక ఒక్కసారిగా పక్కకు ఒరగడంతో ప్రయాణికులు తీవ్ర భయాందోళనలతో కేకలు వేశారు. కొంతమంది ప్రాణాలను కాపాడుకునేందుకు లైఫ్ జాకెట్లు వేసుకుని నదిలోకి దూకగా, మరికొందరు నౌక రెయిలింగ్స్‌ పట్టుకుని సహాయం కోసం అర్ధించారు. సమాచారం అందుకున్న వెంటనే యూఎస్ కోస్ట్ గార్డ్, న్యూఆర్లీన్స్ అత్యవసర వైద్య సిబ్బంది , స్థానిక పోలీసులు, అగ్నిమాపక దళాలు వెంటనే అప్రమత్తమై భారీ ఎత్తున రెస్క్యూ ఆపరేషన్ చేపట్టాయి.నదిలో పడిపోయిన,నౌకలో చిక్కుకున్న ప్రయాణికులను సమీపంలోని ఇతర బోట్ల సహాయంతో సురక్షితంగా ఒడ్డుకు చేర్చారు. రక్షించిన క్షతగాత్రులను వెంటనే చికిత్స నిమిత్తం స్థానిక ఆసుపత్రులకు తరలించారు. ఈ ప్రమాదం తీవ్రత దృష్ట్యా, రెస్క్యూ సహాయక చర్యలకు ఎలాంటి ఆటంకం కలగకుండా యూఎస్ కోస్ట్ గార్డ్ మిస్సిస్సిప్పి నదిలోని మైలు మార్కర్లు 93 మరియు 96 మధ్య ప్రాంతంలో అన్ని రకాల నౌకల రాకపోకలను తాత్కాలికంగా నిలిపివేసింది. ట్యాంకర్ నౌక అకస్మాత్తుగా అదుపుతప్పడానికి అసలు కారణం ఏమిటి?. స్టీరింగ్ వైఫల్యం చెందిందా లేదా సాంకేతిక లోపమా అనే కోణంలో కోస్ట్ గార్డ్ అధికారులు దర్యాప్తు ముమ్మరం చేశారు. ఇదీ చదవండి : రీల్స్‌ పిచ్చి.. పులి దాడిలో 19 ఏళ్ల యువకుడు మృతి..

దుబాయ్‌: పశ్చిమాసియాలో మళ్లీ దాడులు, ప్రతిదాడులు మొదలయ్యాయి. బహ్రెయిన్‌ వైపు దూసుకొస్తున్న రెండు ఇరాన్‌ డ్రోన్లను కూల్చివేసినట్లు అమెరికా సైన్యం శుక్రవారం ప్రకటించింది. ఈ ఘటనలో ఎటువంటి గాయాలు గానీ లేదా ఆస్తి నష్టం గానీ జరగలేదని పేర్కొంది. బహ్రెయిన్‌లో అమెరికాకు చెందిన ముందస్తు హెచ్చరికల రాడార్‌ వ్యవస్థపై తాము దాడి చేసినట్లు ఇరాన్‌ ఇస్లామిక్‌ రివల్యూషనరీ గార్డ్‌ కోర్‌(ఐఆర్‌జీసీ) వెల్లడించింది. దక్షిణ ఇరాన్‌లోని సిరిక్‌ ఓడరేవులో ఒక టెలికమ్యూనికేషన్‌ వ్యవస్థపై అమెరికా దాడి చేసిన తర్వాత అమెరికా రాడార్‌ వ్యవస్థను తాము లక్ష్యంగా చేసుకున్నట్లు తేల్చిచెప్పింది. అయితే, బహ్రెయిన్‌లో రాడార్‌ వ్యవస్థపై దాడి చేశామన్న ఐఆర్‌జీసీ ప్రకటనను అమెరికా సైన్యం ఖండించింది. పశ్చిమాసియాలో అమెరికా అనుకూల దేశం బహ్రెయిన్‌. ఇక్కడ అమెరికాకు అతిపెద్ద నావికాదళం ఉంది. రాడార్‌పై జరిగిన దాడి ఘటన అమెరికాకు పంపిన తీవ్ర హెచ్చరిక అని ఐఆర్‌జీసీ పేర్కొంది. సెపె్టంబర్‌ తర్వాత బహ్రెయిన్‌లోని ఒక కేంద్రాన్ని లక్ష్యంగా చేసుకున్నట్లు ఇరాన్‌ వెల్లడించడం ఇదే మొదటిసారి. మరోవైపు హార్మూజ్‌ జలసంధి గుండా ప్రయాణించేందుకు ప్రయత్నిస్తున్న ఒక ద్రవీకృత పెట్రోలియం గ్యాస్‌ ట్యాంకర్‌ సముద్ర మందుపాతరను ఢీకొనడంతో పేలుడు సంభవించిందని ఐఆర్‌జీసీ తెలిపింది. జలసంధి తూర్పు భాగం గుండా ప్రయాణిస్తున్నప్పుడు ఆ నౌకకు పదేపదే ఇచ్చిన హెచ్చరికలను పట్టించుకోలేదని పేర్కొంది. అప్పటి అమర జవాన్ల పార్థివదేహాలకు అంత్యక్రియలు ఇరాన్‌–ఇరాక్‌ యుద్ధం ముగిసిన 38 ఏళ్ల తర్వాత శుక్రవారం వందలాది మంది గుర్తుతెలియని సైనికుల పార్థివదేహాలను ఇరాన్‌ నగరాల గుండా ఊరేగించారు. టెహ్రాన్‌లో 110 మంది సైనికుల పార్థివ దేహాల ఊరేగింపులో వేలాది మంది పాల్గొన్నారు. మరో 240 మందికి ఇతర నగరాల్లో అంత్యక్రియలు జరిగాయి. ఈ పార్థివ దేహాలను ఇటీవల పూర్వ యుద్ధభూముల నుంచి వెలికితీశారు. గాజాపై ఇజ్రాయెల్‌ దాడి.. ముగ్గురి మృతి సెంట్రల్‌ గాజాపై ఇజ్రాయెల్‌ సైన్యం శుక్రవారం దాడులకు దిగింది. ఈ దాడిలో ముగ్గురు వ్యక్తులు మరణించారని అల్‌–అక్సా మారి్టర్స్‌ ఆసుపత్రికి చెందిన అధికారులు తెలిపారు. మృతుల్లో ఒక పురుషుడు, ఒక మహిళ, 12 ఏళ్ల బాలుడు ఉన్నట్లు చెప్పారు. డైర్‌ అల్‌–బలాహ్‌ నగరానికి తూర్పు ప్రాంతంలో జరిగిన మరో దాడిలో 20 మంది గాయపడ్డారని, వారిలో ఎక్కువమంది పిల్లలేనని ఆసుపత్రి వర్గాలు పేర్కొన్నాయి. ఇదిలా ఉండగా, గాజాలో 9 నెలల శిశువు ఒకరు తీవ్రమైన చలి (హైపోథెరి్మయా) కారణంగా మరణించాడని, ఈ శీతాకాలంలో చలి వల్ల సంభవించిన మొదటి మరణం ఇదేనని గాజా అధికారులు శుక్రవారం తెలిపారు.

మన దేశంలో ఎటు చూసినా సిమెంట్ లేదా ఇనుప కరెంట్ స్తంభాలు కనిపిస్తాయి. మరి ప్రపంచంలోనే ఎంతో అడ్వాన్స్‌డ్ టెక్నాలజీని వాడుతామని చెప్పుకొనే అమెరికాలో మాత్రం ఇప్పటికీ చెక్కతో చేసిన స్తంభాలనే కరెంటు సరఫరాకు వాడుతారని మీకు తెలుసా..? అవును..! ఇది నిజం.. అమెరికా, కెనడా దేశాల్లో దాదాపు 13 కోట్లకు పైగా చెక్క కరెంట్ స్తంభాలు వాడుకలో ఉన్నాయి. ఆధునిక టెక్నాలజీ ఇంతలా పెరిగినా.. వాళ్లు ఇంకా చెక్కనే ఎందుకు వాడుతున్నారు..? ఎండకు ఎండి, వానకు తడిసి, మంచులో కూరుకుపోయినా ఈ చెక్క స్తంభాలు చెదలు పట్టకుండా, కుళ్లిపోకుండా సుమారు 60 ఏళ్ల పాటు ఎలా మన్నికగా ఉంటాయి..? అమెరికాలో చెక్క స్తంభాల కథ 1844లో మొదలైంది. టెలిగ్రాఫ్‌ను కనిపెట్టిన శామ్యూల్ మోర్స్, అమెరికాలోని బాల్టిమోర్ నుంచి వాషింగ్టన్ డీసీ వరకు 40 మైళ్ల దూరం టెలిగ్రాఫ్ లైన్ వేయాలనుకున్నారు. తొలుత వైర్లను భూమి లోపల పాతిపెట్టారు. కానీ ఆ ప్రయోగం విఫలమైంది. దీంతో వైర్లను గాలిలో వేలాడదీయడానికి చెక్క స్తంభాలను ఉపయోగించారు. ఆ ప్రయోగం సూపర్ హిట్ అవ్వడంతో, ఆ తర్వాత విద్యుత్ సరఫరాకు కూడా ఇదే పద్ధతిని వాడటం మొదలుపెట్టారు. 1908 నాటికి వీటి నాణ్యత కోసం ప్రత్యేక చట్టాలు, ప్రమాణాలు కూడా వచ్చాయి.అడవిలో కనిపించిన ప్రతి చెట్టును కరెంట్ స్తంభంగా మార్చడానికి వీలుండదు. దీనికోసం ప్రధానంగా సదరన్ ఎల్లో పైన్, డగ్లస్ ఫిర్, వెస్ట్రన్ రెడ్ సీడార్ అనే ప్రత్యేక జాతి చెట్లను ఎంచుకుంటారు. చెట్టు నిటారుగా ఉండాలి. ఎక్కడా వంకర్లు ఉండకూడదు. ముడులు ఎక్కువగా ఉండకూడదు. ఇలాంటి లక్షణాలు అడవిలోని చెట్లలో కేవలం 5 నుంచి 7 శాతం చెట్లకు మాత్రమే ఉంటాయి. ఎంపిక చేసిన చెట్లను ఫ్యాక్టరీకి తీసుకెళ్లి, బెరడు తీసి, పగుళ్లు ఉన్నాయో లేదో చెక్ చేసి గ్రేడింగ్ ఇస్తారు.ఇక్కడే అసలు మ్యాజిక్ జరుగుతుంది. సాధారణ చెక్క అయితే రెండేళ్లలో చెదలు పట్టి పాడైపోతుంది. కానీ ఈ స్తంభాలు 60 ఏళ్లు మన్నడానికి కారణం వాటికి చేసే రసాయన శుద్ధి. మొదట కలపలోని తేమను పూర్తిగా తీసేయడానికి గాలిలో ఆరబెడతారు. లేదా 'బౌల్టనైజేషన్' (Boultonizing) అనే పద్ధతిలో శూన్య స్థితిలో వేడి నూనెతో ఉడికిస్తారు. దీనివల్ల కలప పగలకుండా త్వరగా ఆరుతుంది. ఆ తర్వాత 130 అడుగుల పొడవు ఉండే భారీ స్టీల్ సిలిండర్లలోకి ఈ స్తంభాలను పంపుతారు. ఈ సిలిండర్లను 'రెటార్ట్‌లు' (Retorts) అంటారు. రెటార్ట్‌లలో CCA, DCOI, కాపర్ నాఫ్తినేట్, క్రియోసోట్ వంటి శక్తిమంతమైన రక్షణ రసాయనాలను నింపి, విపరీతమైన ఒత్తిడిని ప్రయోగిస్తారు. ఈ పీడనం వల్ల రసాయనాలు కేవలం పైపొరపైనే కాకుండా, చెక్క లోపలి కణజాలం వరకు చొచ్చుకుపోతాయి. అమెరికా పర్యావరణ పరిరక్షణ సంస్థ (EPA) నిబంధనల ప్రకారం ఈ ప్రక్రియ జరుగుతుంది. ఆ తర్వాత స్తంభాల నుంచి చిన్న నమూనాలను తీసి, రసాయనం లోపలికి వెళ్లిందా? లేదా? అనే విషయాన్ని ల్యాబ్‌ పరీక్ష ద్వారా నిర్ధారిస్తారు.ఇంత కష్టపడి చెక్క స్తంభాలు తయారు చేసే బదులు సిమెంట్ లేదా స్టీల్ స్తంభాలు వాడొచ్చు కదా?? అనే సందేహం మీకు రావచ్చు. అమెరికా చెక్కనే ఎంచుకోవడానికి 4 ప్రధాన కారణాలు ఉన్నాయి. అవేంటంటే..:మొదటిది విద్యుత్ నిరోధకత (Insulation): చెక్క సహజంగానే కరెంట్‌ను ప్రవహింపజేయదు. ఇది మరమ్మతులు చేసే లైన్‌మెన్‌లకు ప్రాణరక్షణనిస్తుంది. రెండోది చెక్క స్తంభాలపైకి సులభంగా ఎక్కొచ్చు. లైన్‌మన్‌లు తమ బూట్లకు ఉండే ఇనుప కొక్కేలతో (Climbing Spikes) నిచ్చెన లేకుండానే చెక్క స్తంభాన్ని చకచకా ఎక్కగలరు. మూడో కారణం ఖర్చు తక్కువ, రవాణా సులభతరం కావడమే. ఉత్తర అమెరికాలో విస్తారమైన అడవులు ఉండటం వల్ల స్టీల్, కాంక్రీట్ కంటే చెక్క స్తంభాల తయారీ, రవాణా చాలా చౌక.అన్నింటికంటే ముఖ్యమైన నాలుగో కారణం.. పర్యావరణ సమతుల్యత. అమెరికాలో 'సస్టైనబుల్ ఫారెస్ట్రీ' పద్ధతిలో ఒక చెట్టు నరికితే, దాని స్థానంలో కొత్త మొక్కలు నాటుతారు.తెలిసింది కదా..? చూడ్డానికి సాధారణ చెక్క మొద్దుల్లా కనిపించే ఈ స్తంభాల వెనుక ఇంత పెద్ద సైన్స్, ఇంజనీరింగ్ దాగి ఉన్నాయి. 180 ఏళ్ల క్రితం మొదలైన ఈ టెక్నాలజీ, ఆధునిక రసాయన శాస్త్రం తోడవడంతో నేటికీ అమెరికాకు వెలుగులు పంచుతోంది.

వాషింగ్టన్: ఇరాన్‌తో శాంతి ఒప్పందం కుదుర్చుకోవాల్సిన అవసరం అమెరికాకు లేదని అధ్యక్షుడు డొనాల్డ్ ట్రంప్ సంచలన వ్యాఖ్యలు చేశారు. ఇరాన్‌పై అమెరికా విధించిన ఆర్థిక ఆంక్షలు, నౌకాదళ దిగ్బంధనం ఆశించిన ఫలితాలను ఇస్తున్నాయని పేర్కొన్న ఆయన.. ఇకపై ఇరాన్‌తో చర్చల కంటే అమెరికాలోని అంతర్గత సమస్యలపై దృష్టి పెట్టాలని ఉపాధ్యక్షుడు జేడీ వాన్స్‌ను ఆదేశించారు. ముఖ్యంగా డెమొక్రాట్ల పాలనలో ఉన్న రాష్ట్రాల్లో అవినీతి, నేరాలపై ప్రత్యేకంగా దృష్టి సారించాలని సూచించారు.గురువారం తన సోషల్ మీడియా వేదిక ట్రూత్ సోషల్‌లో ట్రంప్ ఈ మేరకు వ్యాఖ్యలు చేశారు. ఈ సందర్భంగా ట్రంప్‌.. ఇరాన్‌తో మాకు ఎలాంటి ఒప్పందం అవసరం లేదు. ఆ రోజులు ఎప్పుడో ముగిశాయి. వారి వందల బిలియన్ల డాలర్ల డబ్బు మా చేతుల్లో ఉంది. హార్ముజ్ జలసంధి కూడా మా ఆధీనంలో ఉంది’ అంటూ ఆయన పేర్కొన్నారు.వాన్స్‌కు ట్రంప్ కీలక ఆదేశాలుఇరాన్‌తో దౌత్యపరమైన చర్చలకు నాయకత్వం వహిస్తున్న జేడీ వాన్స్‌కు ట్రంప్ తాజాగా కొత్త బాధ్యతలు అప్పగించడం రాజకీయంగా ప్రాధాన్యం సంతరించుకుంది. ఇరాన్ వ్యవహారాలపై దృష్టి సారిస్తున్న వాన్స్ తన పూర్తి సమయాన్ని ఇకపై డెమొక్రాట్ల పాలనలో ఉన్న రాష్ట్రాల్లో నేరాలు, అవినీతిపై చర్యలకు కేటాయించాలని ట్రంప్ సూచించారు. మిన్నెసోటా, కాలిఫోర్నియా, ఇల్లినాయిస్ వంటి రాష్ట్రాలను ప్రస్తావిస్తూ అక్కడి ప్రభుత్వాలు సరిగా పనిచేయడం లేదని, ప్రతి నెలా బిలియన్ల డాలర్ల ప్రజాధనం అక్రమంగా మళ్లించబడుతోందని ఆరోపించారు. ఈ అక్రమాలను అరికట్టి, దుర్వినియోగమైన నిధులను తిరిగి రాబడితే అమెరికా ఫెడరల్ బడ్జెట్ లోటును తగ్గించేందుకు అవకాశం ఉంటుందని ట్రంప్ అభిప్రాయపడ్డారు.ఇరాన్‌పై దిగ్బంధనమే అస్త్రం!ఇరాన్‌పై సైనిక చర్యలు, ఆర్థిక ఆంక్షల విషయంలో అమెరికా తన వ్యూహాన్ని కొనసాగిస్తోంది. ప్రస్తుతం ఇరాన్ నౌకాశ్రయాలపై అమెరికా సైన్యం నౌకాదళ దిగ్బంధనాన్ని అమలు చేస్తోంది. అంతర్జాతీయ నౌకాయానానికి కీలకమైన హార్ముజ్ జలసంధిలో నౌకలకు సురక్షిత మార్గాన్ని కల్పించే ప్రయత్నాలు కూడా కొనసాగుతున్నాయి. అమెరికా విధించిన ఆంక్షలు, దిగ్బంధనం వల్ల ఇరాన్‌పై ఒత్తిడి పెరిగిందని ట్రంప్ ప్రభుత్వం భావిస్తోంది. దీంతో కొత్తగా సైనిక చర్యలకు దిగడం లేదా మరోసారి దౌత్య చర్చలను ప్రారంభించడం అవసరం లేదనే సంకేతాలను అమెరికా అధికార యంత్రాంగం ఇచ్చింది.ఇదిలా ఉండగా, తమ హెచ్చరికలను పట్టించుకోకుండా ప్రయాణించిన నాలుగు చమురు రవాణా నౌకలు పేలుళ్లకు గురయ్యాయని ఇరాన్ సైన్యం గురువారం వెల్లడించింది. హార్ముజ్ జలసంధిలో ఉద్రిక్తతలు కొనసాగుతున్న నేపథ్యంలో ఈ పరిణామం అంతర్జాతీయ చమురు రవాణాపై ఆందోళనలను పెంచుతోంది. మరోవైపు, అమెరికా విదేశాంగ మంత్రి మార్కో రూబియో కూడా ఇరాన్‌తో ఒప్పందంపై తన అభిప్రాయాన్ని వెల్లడించారు. మంగళవారం పారిస్‌లో అమెరికా మిత్రదేశాలతో చర్చల అనంతరం మాట్లాడుతూ, ఇరాన్ ప్రతిపాదిస్తున్న డిమాండ్లు అసంబద్ధంగా ఉన్నాయని వ్యాఖ్యానించారు. యుద్ధానికి పరిహారం చెల్లించాలని ఇరాన్ కోరుతోందని, అలాంటి ఒప్పందానికి ట్రంప్ అంగీకరించరని రూబియో పేర్కొన్నారు.రిపబ్లికన్లకు రాజకీయ నష్టం?ఇటీవల జరిగిన మధ్యంతర ఎన్నికల్లో రిపబ్లికన్ పార్టీ ఆశించిన ఫలితాలు సాధించకపోవడానికి ఇరాన్ యుద్ధం వల్ల ఏర్పడిన ఆర్థిక భారం కూడా ఒక కారణమని జేడీ వాన్స్ గతంలో వ్యాఖ్యానించారు. యుద్ధాన్ని ముగించాలని తాను గతంలో ఇచ్చిన సలహా సరైనదేనని కూడా పేర్కొన్నారు. అయితే ట్రంప్ మాత్రం ఇరాన్ అణ్వాయుధాన్ని తయారు చేయకుండా నిరోధించేందుకు సైనిక చర్యలు అవసరమయ్యాయని తన నిర్ణయాన్ని సమర్థించుకున్నారు. అయితే, తాజాగా వాన్స్‌కు దేశీయ రాజకీయ అంశాలపై దృష్టి పెట్టాలని ఆదేశించడం, ఇరాన్‌తో చర్చలపై ట్రంప్ చేసిన వ్యాఖ్యలు అమెరికా తదుపరి వ్యూహంపై ఆసక్తిని పెంచుతున్నాయి. ఇదీ చదవండి: ట్రంప్‌నకు భారీ షాకిచ్చిన పాక్‌

శాంటియాగో: బిడ్డను కోల్పోవడమంత విషాదం ఇంకోటి ఉండదు. చావు రూపంలో కాకుండా.. బిడ్డలను బలవంతంగా దూరం చేస్తే.. అమ్మేస్తే....??? అది మరింత లోతైన గాయాన్ని మిగులుస్తుంది. టెరెసిటా డి జీసస్‌ పాడిల్లా ఈ కష్టాన్ని ఒకటి కాదు.. రెండు కాదు.. ఏకంగా 41 ఏళ్లు అనుభవించింది. ఎట్టకేలకు ఆధునిక సాంకేతికత పుణ్యమా అని తల్లీ ఇద్దరు బిడ్డలు మళ్లీ ఒకరిని కలుసుకోగలిగారు. ఆ క్షణం వారి మనసుల్లో నిండిన ఆనందం అంత ఇంత కాదు.. దక్షిణ అమెరికా దేశం చిలీ రాజధానిలో సాకారమైన ఈ దృశ్యాన్ని చూసిన కన్ను చెమర్చకుండా ఉండలేదంటే అతిశయోక్తి కాదు 1973–1990 మధ్యకాలం చిలీలో చీకటి యుగమని చెప్పాలి. జనరల్‌ అగస్టో పినోచెట్‌ నియంతృత్వం నడుస్తోంది అప్పుడు. వేలాది మంది తల్లులకు కడుపు కోట మిగిల్చిన కాలమూ ఇదే. ఆసుపత్రి సిబ్బంది, వైద్యులు, న్యాయవాదులు కూడా కుమ్మక్కై వేలాది మంది పసిపిల్లలను కిడ్నాప్‌ చేసి విదేశాల్లో ఉన్న వారికి దత్తతకు వచ్చే దందా నడుస్తూండేది. ఈ ముఠా బారిన పడ్డ వారిలో టెరెసిటా డి జీసస్‌ పడిల్లా (66) కూడా ఒకరు. చిన్నతనంలోనే తండ్రిని కోల్పోయి పేదరికంలో మగ్గిన ఆమె, గర్భవతిగా ఉండగా ఆసుపత్రికి వెళ్లడం ఆమె పాలిట శాపమైంది. అక్కడి సిబ్బంది ఆమెను బెదిరించి, భయపెట్టి ఒకసారి కాదు.. రెండుసార్లు బిడ్డలను బలవంతంగా లాక్కున్నారు. ‘‘శాశ్వతంగా కోల్పోయాననుకున్న నా బిడ్డలను దేవుడు నాకు తిరిగి ఇచ్చాడు’’అంటూ తన కుమారులు టిమ్‌ రోల్నిక్‌ (41), ట్రావిస్‌ ముర్డోక్‌ (37)లను హత్తుకుని టెరెసిటా భావోద్వేగానికి లోనయ్యారు. డీఎన్‌ఏ పరీక్షతో మారిన కథ... అమెరికాలో పెరిగిన టిమ్, ట్రావిస్‌లకు తమను దత్తతకు తీసుకున్నారని తెలుసు కానీ.. జన్మనిచ్చిన తల్లి ఎవరో స్పష్టంగా తెలియదు. ఇంతటి విషాద చరిత్ర ఉందని తెలియదు. 2020లో టిమ్‌ ఆరోగ్యం గురించి తెలుసుకునేందుకు ’మై హెరిటేజ్‌’ ద్వారా డీఎన్‌ఏ పరీక్ష చేయించుకున్నాడు. ఆ ఒక్క పరీక్ష అతని జీవితాన్ని మార్చేసింది. చిలీలో తన కోసం ఒక కుటుంబం ఎదురు చూస్తోందని, ప్రస్తుతం తానున్న ఇంటికి దగ్గరలోనే సొంత తమ్ముళ్లు (కవలలు ట్రావిస్, క్రిస్‌) కూడా ఉన్నారని టిమ్‌ తెలుసుకున్నాడు. అక్రమంగా దత్తత తీసుకున్న వారి కోసం పనిచేస్తున్న ఓ స్వచ్ఛంద సంస్థ సాయంతో అన్నదమ్ములు ముగ్గురూ కలుసుకోగలిగారు. ‘‘ఒక తమ్ముడు ఉంటే బాగుండును అని చాలాసార్లు అనుకున్నా. కానీ.. ముగ్గురు (కవలలు ఇద్దరు, చిలీలో ఒకరు) దొరికారు!‘ అంటూ టిమ్‌ ఆనందం వ్యక్తం చేశాడు. కవలల్లో ఒకరైన క్రిస్‌ 2013లో జరిగిన రోడ్డు ప్రమాదంలో తీవ్రంగా గాయపడి దూర ప్రయాణాలు చేసే స్థితిలో లేకపోవడంతో టిమ్, ట్రావిస్‌లు తల్లిను కలుసుకునేందుకు చిలీ వెళ్లారు. ‘‘ఆమెను చూడగానే బాగా తెలిసిన మనిషిలానే అనిపించింది’’అని టిమ్‌ అన్నాడు. చిలీ న్యాయస్థానాల నివేదికల ప్రకారం పినోచెట్‌ పాలనలో దాదాపు 20,000 మంది పిల్లలు ఇలా అక్రమంగా దత్తతకు వెళ్లారు. దీనివల్ల 50,000కుపైగా కుటుంబాలు నష్టపోయాయని ’నోస్‌ బుస్కామోస్‌’ అనే స్వచ్ఛంద సంస్థ అంచనా.

వాషింగ్టన్‌: దేశ రక్షణ మంత్రికి ఒక సామాన్య సైనికుడు వార్నింగ్‌ ఇచ్చిన ఘటన మనమెప్పుడైనా చూశామా? అస్సలు చూసుండము. కానీ.. అమెరికాలో ఈ అసాధారణ సంఘటన జరిగింది. రక్షణ శాఖ మంత్రి పీటర్‌ హెగ్‌సెథ్, భార్య జెన్నిఫర్, మిలటరీ ఉన్నతాధికారి రికీ బూరియా, డిప్యూటీ ప్యాట్రిక్‌ వీవర్, సీనియర్‌ సలహాదారు టామా రాడాబాగ్‌లు వెటరన్స్‌ డే సందర్భంగా ఆర్లింగ్టన్‌లోని ‘టూంబ్‌ ఆఫ్‌ ద అన్‌నోన్‌ సోల్చర్‌’ను సందర్శించారు. ఇదో స్మారకస్థలి. సైనికుల త్యాగాలకు గుర్తుగా ఏర్పాటు చేసుకున్నది. రాజకీయ నేతలు ఏడాదిలో ఒకట్రెండు సార్లు సందర్శించడం, నివాళులు అరి్పంచడం కద్దు. హెగ్‌సెథ్, ఆతడి వెంట వచ్చిన ఉన్నతాధికారుల ఉద్దేశమూ అదే. అయితే... వీరు ఆ స్మారకస్థలి మెట్లపై నిలబడి ఫొటోలు తీసుకోవడం మొదలుపెట్టారట. గుంపుగా.. సింగిల్‌గా, ఇతరులతో కలిసి.. ఇలా రకరకాలుగా ఫొటోలు తీసుకుంటూండగా మాటలు పెరిగాయి. కొందరు జోకేశారో ఏమో.. బిగ్గరగా నవ్వడమూ సోషల్‌ మీడియాలో వైరల్‌ అయిన వీడియోల్లో స్పష్టంగా కనిపించింది. కానీ.. అక్కడ గార్డు డ్యూటీ చేస్తున్న సైనికుడికి ఇవన్నీ ఏమాత్రం సహించలేదు. కాసేపు ఓపిక పట్టాడు కానీ.. వీరి నవ్వులతో అది నశించి పోయింది. తుపాకీతోనే... కొన్ని అడుగులు ముందుకేసి హెగ్‌సెథ్‌ బృందం ఉన్న వైపునకు తిరిగాడు. ‘‘విజిటర్లు అందరూ నిశ్శబ్ధ వాతావరణాన్ని మెయిన్‌టెయిన్‌ చేయాలి. గౌరవంగా నడుచుకోవాలి’’అని బిగ్గరగా అరిచాడు. దీంతో బిత్తరపోవడం రక్షణ మంత్రి, సిబ్బంది వంతైంది. ఈ ఘటనపై అమెరికా రక్షణ శాఖ సంస్థ పెంటగాన్‌ అధికార ప్రతినిధి సీన్‌ పార్నెల్‌ మాట్లాడుతూ ‘‘ఇదో స్మృతి దినం. ఆ సైనికుడు కరెక్టుగానే చెప్పాడు. గౌరవపూర్వకంగానే ఆ స్థలంలో సక్రమంగా నడుచుకోవాలని గుర్తు చేశాడు’’అని స్పష్టం చేశాడు. ‘‘అమెరికాను సురక్షితంగా ఉంచేందుకు ప్రాణత్యాగం చేసిన సైనికులను రక్షణ మంత్రి అతడి మంత్రిత్వ శాఖ తప్పకుండా గౌరవిస్తుందని, ఇకపై కూడా ఆ గౌరవాన్ని కొనసాగిస్తుంది’’అని వివరించారు. ‘టూంబ్‌ ఆఫ్‌ ద అన్‌నోన్‌ సోల్జర్‌’అమెరికాలోని సైనిక స్మారకాల్లో అతి ముఖ్యమైంది. మొదటి, రెండవ ప్రపంచ యుద్ధాలతోపాటు కొరియాతో జరిగిన యుద్ధంలో మరణించిన వీరుల స్మారకార్థం ఏర్పాటు చేశారు. అమెరికా ఆర్మీలోని థర్డ్‌ ఇన్‌ఫాంట్రీ రెజిమెంట్‌ సైనికులు 1948 నుంచి ఈ స్మారకస్థలానికి గౌరవ సూచకంగా కావలి కాస్తూంటారు. ఎండ, వాన.. మరే ఇతర ఇబ్బందులొచ్చినా ఇక్కడ ఇరవై నాలుగు గంటలు కావలి మాత్రం వీడరు. ఈ రెజిమెంట్‌ను ‘‘ద ఓల్డ్‌ గార్డ్‌’అని కూడా పిలుస్తారు.

అమెరికా: అమెరికాలో వాషింగ్టన్‌ డీసీలో కాల్పులు జరిగాయి. వైట్‌హౌస్‌కు కూతవేటు దూరంలోనే ఈ కాల్పులు చోటుచేసుకున్నాయి. ఓ గుర్తుతెలియని వ్యక్తి జరిపిన ఈ కాల్పుల్లో ఐదుగురు మరణించారు. పలువురికి తీవ్ర గాయాలయ్యాయి. అయితే కాల్పుల అనంతరం దుండగుడు అక్కడి నుంచి పారిపోయినట్టు సమాచారం. దాంతో దుండగుడి కోసం పోలీసులు గాలిస్తున్నారు. జరిగిన ఘటనతో వైట్‌హౌస్‌ చుట్టుపక్కల వీధుల్లో భద్రతను కట్టుదిట్టం చేశారు. ఈ సంఘటనకు సంబంధించిన పూర్తి వివరాలు ఇంకా తెలియాల్సి ఉంది.ఇదీ చదవండి: ముంబైలో బాంబు బెదిరింపుల కలకలం

దశాబ్దాలుగా పిండి పదార్థాల (కార్బోహైడ్రేట్లు) పునాదిపై నడిచిన పాత ఆహార పిరమిడ్‌ను అమెరికా ప్రభుత్వం తలకిందులు చేసి మార్గదర్శకాలను సమూలంగా మార్చివేసింది. ప్రాసెస్‌ చేసిన తినుబండారాలు, కృత్రిమ నూనెలు, అధిక చక్కెరల స్థానంలో సహజ సిద్ధమైన పౌష్టికాహారాన్ని (రియల్‌ ఫుడ్‌) అమెరికన్ల ప్లేట్లలోకి తీసుకురావటమే లక్ష్యంగా కొత్త విధానానికి రూపకల్పన జరిగింది.కొత్త మార్గదర్శకాలు ఏమిటి?గతంలో రొట్టెలు, ధాన్యాలను పిరమిడ్‌ పునాదిగా చూపి, కొవ్వులను పూర్తిగా పక్కన పెట్టేవారు. అయితే, నూతన మార్గదర్శకాలు దీనికి భిన్నంగా ఉన్నాయి. ప్రతి పూట ఆహారంలో నాణ్యమైన సహజ ప్రొటీన్లు తప్పనిసరిగా ఉండాలని నిర్దేశించాయి. శరీర బరువును బట్టి రోజువారీ ప్రొటీన్‌ వినియోగాన్ని గణనీయంగా పెంచారు. అంతేకాకుండా, కొవ్వు రహిత (స్కిమ్డ్‌) పాల ఉత్పత్తుల స్థానంలో సహజ కొవ్వులు కలిగిన వెన్న, పెరుగు, చీజ్, సహజ కొవ్వులను (టాలో, నెయ్యి), గుడ్లను ఆహారంలో చేర్చాలని ప్రభుత్వం స్పష్టం చేసింది. గతంలో పారిశ్రామిక ప్రయోజనాల కోసం ఇంజిన్‌ ఆయిల్‌గా వాడే పత్తి గింజల నూనెలతో మార్జరిన్‌ (వనస్పతి) తయారుచేసి వెన్న కంటే మంచిదని అబద్ధపు ప్రచారం చేశారని, ఫలితంగానే అమెరికాలో జీవక్రియ రోగాలు, ఊబకాయం పెరిగాయని గుర్తించి ఆ విధానాలకు స్వస్తి పలికామని అమెరికా ఆరోగ్య శాఖ (హెచ్‌హెచ్‌ఎస్‌) మంత్రి రాబర్ట్‌ ఎఫ్‌. కెన్నెడీ జూనియర్‌ ప్రకటించారు.క్షేత్రస్థాయిలో అమలవుతున్న తీరుఅమెరికా సరికొత్త ఆహార మార్గదర్శకాలు కాగితాలకే పరిమితం కాకుండా పాఠశాలల మధ్యాహ్న భోజన పథకాలు, సైనిక మెస్‌లు, ఫెడరల్‌ ఆహార సహాయ కార్యక్రమాల్లో అమలవుతున్నాయి. అల్ట్రా–ప్రాసెస్డ్‌ ఫుడ్స్‌పై ఆంక్షలు విధిస్తూ, స్థానికంగా లభించే వ్యవసాయ ఉత్పత్తులు, కూరగాయలు, సహజ మాంసం వినియోగాన్ని ప్రోత్సహిస్తున్నారు. ఫుడ్‌ లేబుళ్లపై రసాయనాలు, సీడ్‌ ఆయిల్స్‌ వాడకాన్ని తగ్గించేలా కంపెనీలపై ఒత్తిడి తెస్తున్నారు.ఆహార దినోత్సవం వేళ ఆరోగ్య మంత్రి వినూత్న ప్రచారంఈ ఏడాది ప్రపంచ ఆహార దినోత్సవం సందర్భంగా అమెరికా ఆరోగ్య శాఖ (హెచ్‌హెచ్‌ఎస్‌) మంత్రి రాబర్ట్‌ ఎఫ్‌. కెన్నెడీ జూనియర్‌ ప్రజల్లోకి నేరుగా వెళ్లేందుకు ‘ది రియల్‌ ఫుడ్‌ షో’ పేరుతో వినూత్న వంటల ప్రచారాన్ని చేపట్టారు. తెరపై ‘సూపర్‌మ్యాన్‌’గా నటించిన డీన్‌ కెయిన్, ప్రఖ్యాత అమెరికన్‌ బాడీబిల్డర్, హాలీవుడ్‌ నటుడు లూ ఫెర్రిగ్నోలతో కలిసి స్వయంగా వంట చేసి చూపించారు. అత్యవసర సేవల్లో ఉంటూ నిరంతర ఒత్తిడి, రాత్రి డ్యూటీల వల్ల 22 ఏళ్ల ఆయుర్దాయాన్ని కోల్పోతున్న పోలీసుల ఆరోగ్యాన్ని దృష్టిలో ఉంచుకొని ఈ కార్యక్రమం నిర్వహించారు. ఆ వీడియోని మంత్రి సోషల్‌ మీడియాలో షేర్‌ చేశారు. ఖరీదైన మాంసాలు కాకుండా తక్కువ ధరకు లభించే మాంసం ముక్కలతో కూడా అత్యవసర అమైనో ఆమ్లాలు అందించే పౌష్టికాహారాన్ని తయారు చేసుకోవచ్చని చాటారు. నాన్‌–స్టిక్‌ పాత్రలను వీడి ఇనుప పెనాలు వాడటం, సీడ్‌ ఆయిల్స్‌కు బదులు సహజ కొవ్వులతో ఇళ్లలో వంట చేసుకొని తినటమే అమెరికాకు అసలైన రక్షణ అని కెన్నెడీ జూనియర్‌ చాటి చెప్పారు.పాత పిరమిడ్‌ వర్సెస్‌ కొత్త ఆహార సూత్రాలు!అమెరికా ఆహార మార్గదర్శకాల్లో గతంలో ధాన్యాలను ఎక్కువగా తినమని నిర్దేశించారు. కొత్త ఆహార మార్గదర్శకాల్లో వాటిని బాగా తగ్గించేశారు. కొత్త ఫుడ్‌ పిరమిడ్‌కు సహజ ప్రొటీన్లు (గుడ్లు, మాంసం, పప్పుధాన్యాలు) కేంద్ర బిందువయ్యాయి.పత్తి గింజల నూనెతో చేసిన మార్జరిన్, విత్తనాల నుంచి తీసిన రిఫైన్డ్‌ వంట నూనెలను తిరస్కరించి.. వెన్న, ఆలివ్‌ నూనె, బీఫ్‌ టాలో, కొవ్వుతో కూడిన పాల ఉత్పత్తులను చేర్చారు.ఇదీ చ‌ద‌వండి: మాంసం తినండి.. పర్యావరణాన్ని కాపాడండిప్యాకేజ్డ్‌ ఆహారాలు, అధిక ఫ్రక్టోజ్‌ కార్న్‌ సిరప్, శుద్ధి చేసిన నూనెల వాడకాన్ని తగ్గించటం తప్పనిసరి చేశారు.రిఫైన్డ్‌ పిండి పదార్థాలను బాగా తగ్గించి, కేవలం ముడి ధాన్యాలకే పరిమితంగా స్థానం కల్పించారు.ఆరోగ్య సంక్షోభంలో పోలీసులుసాధారణ అమెరికా పౌరులతో పోలిస్తే విధి నిర్వహణలో ఉండే పోలీసుల సగటు ఆయుర్దాయం 22 ఏళ్లు తక్కువ.పోలీసులు విధుల్లో ప్రాణాలు కోల్పోవటం కంటే, సాధారణ పౌరులతో పోలిస్తే, గుండెపోటు బారిన పడే ముప్పు 25 రెట్లు అధికంగా ఉంది.రాత్రి డ్యూటీల్లో రోడ్లపై దొరికే జంక్‌ ఫుడ్‌ తినకుండా, ముందు రోజే ఇంట్లో నాణ్యమైన ఆహారాన్ని వండుకొని వెంట తీసుకెళ్లాలని లూ ఫెర్రిగ్నో సూచన.ఇదీ చ‌ద‌వండి: మైండ్‌ మేనేజ్‌మెంట్‌ మొదలెట్టండిఎక్కువ ఖర్చు లేకుండానే తక్కువ బడ్జెట్‌లో కుటుంబం మొత్తానికి అవసరమైన సమతుల్య పోషకాలు కొత్త ఆహార మార్గదర్శకాల ద్వారా పొందవచ్చని ఆరోగ్య మంత్రి స్పష్టం చేశారు. సాక్షి, స్పెషల్‌ డెస్క్‌

వాషింగ్టన్‌: టెక్ ప్రపంచాన్ని కుదిపేస్తున్న ఎన్‌విడియా గూఢచార వివాదం రోజుకో కొత్తలుపు తిరుగుతోంది. చైనా నిఘా వర్గాలతో సంబంధాలున్నాయనే ఆరోపణలు ఎదుర్కొంటున్న ఎన్‌విడియా సీఈఓ జెన్సన్ హువాంగ్‌ను ఆ పదవి నుంచి తొలగించేందుకు కంపెనీ బోర్డు తీవ్ర కసరత్తు చేస్తోంది.అంతర్జాతీయ మీడియా కథనాల ప్రకారం, జెన్సన్ హువాంగ్ కేవలం చైనా ఎగ్జిక్యూటివ్ ఆలిస్ హువాంగ్‌తో వివాహేతర సంబంధం మాత్రమే కాకుండా... కంపెనీలో తన ప్రత్యక్ష సహాయకురాలిగా పనిచేస్తున్న మరో ఎగ్జిక్యూటివ్‌తో కూడా సన్నిహితంగా ఉన్నారన్న అంశం ఇప్పుడు బోర్డు ఆఫ్ డైరెక్టర్లకు పెద్ద తలనొప్పిగా మారింది.కంపెనీ కోడ్ ఆఫ్ కండక్ట్ ఉల్లంఘన ఎన్‌విడియా కార్పొరేట్ నిబంధనల ప్రకారం.. కంపెనీ అంతర్గత భద్రతకు, ప్రయోజనాలకు భంగం కలిగించేలా అంతర్గత వ్యక్తిగత సంబంధాలు కలిగి ఉండటం నిషిద్ధం. అయితే, జెన్సన్ హువాంగ్ వ్యవహారం ఈ నిబంధనలను నేరుగా ఉల్లంఘించేలా ఉందని బోర్డు భావిస్తోంది.ఇప్పటికే ఆలిస్ హువాంగ్‌తో తన సంబంధంపై జెన్సన్ హువాంగ్ బహిరంగంగా క్షమాపణలు చెప్పారు. దీంతో చైనా స్పై రాకెట్ వ్యవహారంలో అమెరికా జాతీయ భద్రతకు సంబంధించిన సున్నితమైన టెక్నాలజీ, ఏఐ చిప్ డేటా ఏమైనా లీకైందా అనే కోణంలో ఎన్‌విడియా బోర్డు ఒక స్వతంత్ర దర్యాప్తునకు ఆదేశించింది. ప్రస్తుతానికి జెన్సన్ హువాంగ్ సీఈఓగానే కొనసాగుతున్నప్పటికీ, ఈ పరిణామాలు గమనిస్తే ఆయనను ఆ పదవి నుంచి తప్పించే దిశగా బోర్డు అడుగులు వేస్తున్నట్లు ప్రముఖ అంతర్జాతీయ పత్రికలు కథనాలు వెలుగులోకి వస్తున్నాయి. మొత్తానికి, అమెరికా టెక్ దిగ్గజాన్ని పట్టిపీడిస్తున్న ఈ ఎపిసోడ్ సిలికాన్ వ్యాలీ చరిత్రలోనే అత్యంత సంచలనాత్మక కార్పొరేట్ కుదుపుగా నిలిచింది.ఇదీ చదవండి : ఎన్‌వీడియా సీఈఓపై.. రాజుల కాలం నాటి వ్యూహంతో చైనా పన్నాగం

కీవ్‌: అమెరికాలో రష్యా రాయబారిగా బాధ్యతలు నిర్వహిస్తున్న సీనియర్‌ దౌత్యవేత్త అలెగ్జాండర్ దార్చీవ్ (66) కన్నుమూశారు. ఆయన ఆకస్మిక మరణం చెందినట్లు రష్యా విదేశాంగ మంత్రిత్వ శాఖ అధికారికంగా ప్రకటించింది. అయితే, ఆయన మృతికి గల ఖచ్చితమైన కారణాలపై అధికారిక వర్గాలు మొదట పూర్తి వివరాలు వెల్లడించనప్పటికీ, అనారోగ్య సమస్యల వల్లే ఆయన మరణించినట్లు రష్యా విదేశాంగ శాఖ ప్రతినిధి మరియా జఖరోవా స్పష్టం చేశారు. అలెగ్జాండర్ దార్చీవ్‌ను రష్యా విదేశాంగ శాఖ అసాధారణ దౌత్యవేత్తగా, అనుభవజ్ఞుడైన నాయకుడిగా, మంచి సహచరుడిగా కొనియాడింది. 2025 మార్చిలో ఆయన అమెరికాలో రష్యా రాయబారిగా నియమితులయ్యారు. కేవలం ఏడాదిన్నర కాలం పాటు మాత్రమే ఆయన ఈ పదవిలో కొనసాగారు.అమెరికాకు రాకముందు, దార్చీవ్ 2014 నుండి 2021 వరకు కెనడాలో రష్యా రాయబారిగా సేవలందించారు. కెనడా బాధ్యతల ముగింపు తర్వాత మాస్కోకు తిరిగొచ్చిన ఆయన, రష్యా విదేశాంగ మంత్రిత్వ శాఖలోని నార్త్ అమెరికా విభాగానికి డైరెక్టర్‌గా పనిచేశారు.వాషింగ్టన్, మాస్కో మధ్య సంబంధాలు అత్యంత క్లిష్టంగా మారిన తరుణంలో దార్చీవ్ అమెరికాలో రష్యా రాయబారి బాధ్యతలు చేపట్టారు. ఇరు దేశాల మధ్య దౌత్యపరమైన చర్చలను పునరుద్ధరించడానికి, ఉద్రిక్తతలను తగ్గించడానికి ఆయన తన వంతుగా కృషి చేశారు. రష్యా-అమెరికా సంబంధాలపై పూర్తి అవగాహన ఉన్న వ్యక్తిగా ఆయనకు పేరుంది.ఆయన ఆకస్మిక మృతి పట్ల రష్యా దౌత్య వర్గాలు తీవ్ర దిగ్భ్రాంతిని వ్యక్తం చేశాయి. పలువురు అంతర్జాతీయ నాయకులు ఆయనకు సంతాపం తెలిపారు. మరోవైపు, ఈ మృతిపై పశ్చిమ దేశాల మీడియాలో వస్తున్న కొన్ని నిరాధారమైన ఊహాగానాలు, కుట్ర సిద్ధాంతాలను రష్యా తీవ్రంగా ఖండించింది.

వాషింగ్టన్‌ : టెక్ ఆధిపత్య పోరులో భాగంగా పాత కాలపు వ్యూహాలకు మళ్లీ తెరలేచింది. ప్రపంచాన్ని శాసిస్తున్న అమెరికా టెక్నాలజీ,ఆర్టిఫిషియల్ ఇంటెలిజెన్స్ రంగాన్ని గురిపెట్టేందుకు చైనా నిఘా వర్గాలు అత్యంత వ్యూహాత్మకంగా పావులు కదుపుతున్నాయి. కేవలం డిజిటల్ హ్యాకింగ్, సైబర్ దాడులకే పరిమితం కాకుండా.. మనుషుల బలహీనతలను ఆసరాగా చేసుకుని, వ్యక్తిగత సంబంధాలు, అఫైర్లు, హనీట్రాప్ పద్ధతుల ద్వారా కీలక రహస్యాలను తస్కరిస్తున్న ఉదంతం ప్రస్తుతం అమెరికాలో కలకలం రేపుతోంది.అమెరికాలోని సిలికాన్ వ్యాలీ, ప్రముఖ టెక్ కంపెనీల అధిపతులు, టాప్ ఇంజనీర్లు, సైంటిస్టులు ప్రధాన లక్ష్యంగా చైనా మినిస్ట్రీ ఆఫ్ స్టేట్ సెక్యూరిటీ ఈ ఆపరేషన్లకు పాల్పడుతున్నట్లు యూఎస్ ఇంటెలిజెన్స్ వర్గాలు తీవ్ర హెచ్చరికలు జారీ చేశాయి. అత్యంత సున్నితమైన రీసెర్చ్ డేటా, అత్యాధునిక ఏఐ చిప్స్ తయారీ సాంకేతికతను రాబట్టేందుకు నిఘా వర్గాలు ఆకర్షణీయమైన మహిళలను పావులుగా మారుస్తున్నాయని నిపుణులు విశ్లేషిస్తున్నారు.పాత కాలపు వ్యూహమే.. కానీ సరికొత్త రూపంలో!చరిత్రలో గూఢచర్యానికి ఎలాగైతే ‘సె* అండ్ లైస్’ ఆయుధాలుగా వాడారో, ఇప్పుడు సిలికాన్ వ్యాలీ టెక్ దిగ్గజాలపై కూడా అదే పద్ధతిని ప్రయోగిస్తున్నారు. చూడటానికి అత్యంత ఆకర్షణీయంగా ఉండే మహిళలు టెక్ నిపుణులతో పరిచయాలు పెంచుకోవడం, వ్యాపార సంబంధాలు ఏర్పరచుకోవడం, క్రమేణా వాటిని వ్యక్తిగత సాన్నిహిత్యంగా మార్చుకోవడం వంటి పథకాల ద్వారా రహస్య సమాచారాన్ని తస్కరిస్తున్నట్లు బయటపడింది.ఇటీవలి కాలంలో ప్రపంచ ప్రఖ్యాత చిప్ తయారీ సంస్థ ఎన్విడియా సీఈవో జెన్సన్ హువాంగ్ వివాదంలో చిక్కుకోవడం ఈ కోవకే చెందుతుందనే చర్చ అంతర్జాతీయ మీడియాలో జరుగుతోంది. చైనా నిఘా వర్గాలతో సంబంధం ఉన్నట్లు ఆరోపణలు ఎదుర్కొంటున్న మహిళలతో ఏర్పడిన సాన్నిహిత్యం టెక్ ప్రపంచంలో ప్రకంపనలు సృష్టించింది.అమెరికా నిఘా వర్గాల ఆందోళనఅమెరికా టెక్నాలజీ గుండెకాయ లాంటి సిలికాన్ వ్యాలీలో ఈ తరహా గూఢచర్య కార్యకలాపాలు విపరీతంగా పెరిగిపోయాయని ఫెడరల్ బ్యూరో ఆఫ్ ఇన్వెస్టిగేషన్, ఇతర భద్రతా సంస్థలు ఆందోళన వ్యక్తం చేస్తున్నాయి. సోషల్ మీడియా ప్లాట్‌ఫారమ్‌లు, ప్రొఫెషనల్ నెట్‌వర్క్‌ల ద్వారా ఉద్యోగార్ధుల ముసుగులో, వ్యాపార వేదికల ద్వారా ఈ హనీట్రాప్ ఏజెంట్లు టెక్ నిపుణులకు గాలం వేస్తున్నట్లు నిఘా వర్గాలు గుర్తించాయి.అమెరికా-చైనా మధ్య సాంకేతిక ఆధిపత్య పోరు తారాస్థాయికి చేరిన వేళ, ఈ హనీట్రాప్ వివాదాలు వాషింగ్టన్‌ను తీవ్రంగా కలవరపెడుతున్నాయి. భవిష్యత్తులో అమెరికా జాతీయ భద్రతకు, టెక్ గుత్తాధిపత్యానికి ఇది పెను ప్రమాణంగా మారుతుందని రక్షణ నిపుణులు హెచ్చరిస్తున్నారు.ఇదీ చదవండి : Nvidia సీఈఓ పదవి పోయింది?.. వలపుల వలలో జెన్సన్ హువాంగ్‌ విలవిల!

టెహ్రాన్‌ : అమెరికా అధ్యక్షుడు డొనాల్డ్‌ ట్రంప్‌నకు ఇరాన్‌ గట్టి ఝలక్‌ ఇచ్చింది. తాము ఇరాన్‌తో చేసిన యుద్ధంలో ఇప్పటికే విజయం సాధించామని, ఆ దేశ సైనిక శక్తి తీవ్రంగా దెబ్బతిందని ట్రంప్‌ వ్యాఖ్యానించారు. అయితే ట్రంప్‌ వ్యాఖ్యలకు ఇరాన్‌ ధీటుగా బదులిచ్చింది. శాటిలైట్‌కు అంతుచిక్కని, శత్రుదుర్భేద్యమైన సైనిక స్థావరాలు, అపారమైన ఆయుధ సంపత్తి మా దగ్గర ఉందని చాటిచెప్పేలా ఓ వీడియోని విడుదల చేసింది. ప్రస్తుతం ఈ పరిణామం అంతర్జాతీయంగా తీవ్ర చర్చకు దారితీసింది.అమెరికా మధ్యంతర ఎన్నికల ఫలితాల అనంతరం అంతర్జాతీయ మీడియాతో తొలిసారి మాట్లాడిన ట్రంప్‌.. ఇరాన్‌తో జరుగుతున్న ఉద్రిక్తతలు, యుద్ధ పరిస్థితులపై స్పందించారు. ఇరాన్‌తో జరుగుతున్న ఈ ఘర్షణ సైనికపరంగా దాదాపు ముగింపు దశకు వచ్చిందని, ప్రస్తుతం పరిస్థితి యథాస్థితిగా కొనసాగుతోందని పేర్కొన్నారు. ప్రస్తుతానికి పెద్ద ఎత్తున సైనిక చర్యలు చేపట్టాల్సిన అవసరం కనిపించడం లేదని ఆయన స్పష్టం చేశారు.తాము ఇరాన్‌తో జరిపిన పోరులో ఇప్పటికే విజయం సాధించామని, ఆ దేశ సైనిక శక్తి తీవ్రంగా దెబ్బతిందని ట్రంప్ అభిప్రాయపడ్డారు. ప్రస్తుతానికి దాడులు అవసరం లేదనిపిస్తున్నప్పటికీ, పరిస్థితులు మారితే స్పందించేందుకు అమెరికా సైన్యం ఎప్పుడూ సిద్ధంగా ఉంటుందని హెచ్చరించారు. ఇరాన్ ఎప్పటికీ అణు ఆయుధాల జోలికి వెళ్లకుండా అడ్డుకుంటామని తన వైఖరిని మరోసారి స్పష్టం చేశారు.ట్రంప్ ప్రకటనకు కౌంటర్‌గా ఇరాన్ మాస్టర్ ప్లాన్!అమెరికా అధ్యక్షుడిగా డొనాల్డ్ ట్రంప్ బాధ్యతలు చేపట్టిన తర్వాత.. అమెరికా-ఇజ్రాయెల్ సంయుక్త దాడుల నేపథ్యంలో ఇరాన్ సైనిక శక్తి పూర్తిగా ధ్వంసమైందని, వారి మిలిటరీ సామర్థ్యం తుడిచిపెట్టుకుపోయిందని ట్రంప్‌ తరచూ ప్రకటనలు చేస్తుండటం తెలిసిందే. తాజాగా మధ్యంతర ఎన్నికల ఫలితాల తర్వాత కూడా ఆయన ఇదే తరహా వ్యాఖ్యలు చేశారు.అయితే, ఈ వాదనలన్నింటినీ పటాపంచలు చేస్తూ టెహ్రాన్‌ తాజాగా సంచలన వీడియోను విడుదల చేసింది. ఇరాన్ రక్షణ రంగం చెక్కుచెదరలేదని, అంతర్జాతీయ ఆంక్షలను ఎదుర్కొంటూనే మరింత బలాన్ని పుంజుకుంటున్నామని శత్రు దేశాలకు గట్టి సంకేతాలు పంపింది. శత్రు దేశాల రాడార్లకు చిక్కకుండా, శాటిలైట్ల కన్నుగప్పి భూగర్భంలో నిర్మించిన రహస్య సైనిక స్థావరాలను ఈ వీడియోలో అధికారికంగా బయటపెట్టింది. వందలాది శక్తివంతమైన క్షిపణులు, అత్యాధునిక సైనిక ట్రక్కులతో నిండి ఉన్న ఈ భూగర్భ సొరంగాల దృశ్యాలు ప్రస్తుతం అంతర్జాతీయ రాజకీయ వర్గాల్లో ప్రకంపనలు సృష్టిస్తున్నాయి.సొరంగాల్లో క్షిపణుల సామ్రాజ్యంఇరాన్ స్టేట్ టీవీ, అధికారిక వార్తా సంస్థలు ప్రసారం చేసిన ఈ విజువల్స్‌లో కిలోమీటర్ల కొద్దీ విస్తరించి ఉన్న భారీ భూగర్భ సొరంగ మార్గాలు కనిపిస్తున్నాయి. ఎటువంటి వైమానిక దాడులకైనా తట్టుకునేలా పర్వతాలను తొలచి నిర్మించిన ఈ బంకర్లలో.. అత్యంత శక్తివంతమైన బాలిస్టిక్, క్రూయిజ్ క్షిపణులు వరుస క్రమంలో మోహరించి ఉన్నాయి. వాటిని మోసుకెళ్లే హెవీ-డ్యూటీ మిలిటరీ ట్రక్కులు కూడా ఈ వీడియోలో స్పష్టంగా కనిపించాయి. భూగర్భంలోనే క్షిపణులను సురక్షితంగా నిల్వ చేయడమే కాకుండా, క్షణాల వ్యవధిలో వాటిని ఎక్కడినుంచైనా ప్రయోగించేలా ఇరాన్ తన సైనిక వ్యవస్థను అత్యాధునికంగా తీర్చిదిద్దినట్లు తేలింది. మళ్లీ రాజుకుంటున్న వేడిఇరు దేశాల మధ్య శాంతి చర్చలు ప్రతిష్టంభనకు గురైన తరుణంలో, ఇరాన్ ఈ రకమైన శక్తి ప్రదర్శనకు దిగడం పశ్చిమాసియాలో మరోసారి యుద్ధ మేఘాలు కమ్ముకునేలా చేస్తోంది. అమెరికా ఆంక్షలు, నౌకాదళ దిగ్బంధనాలను ఛేదించుకుంటూ ఇరాన్ తన ఆయుధాగారాన్ని ఏ విధంగా నింపుకుంటోందో ఈ అండర్‌గ్రౌండ్ మిస్సైల్ సిటీ నిరూపిస్తోంది. Two senior Iranian commanders appear in newly released footage touring an underground facility that the Revolutionary Guards describe as a new "missile city." The video was published by Tasnim, a news agency affiliated with the IRGC. https://t.co/v0pHX6f3lN— Open Source Intel (@Osint613) November 10, 2026

అమెరికాలో ఒళ్లు గగుర్పొడిచే ఘటన చోటుచేసుకుంది. కనిపించకుండా పోయిన 11 నెలల బాలుడు దాదాపు 24 గంటల పాటు భూమిలో పాతిపెట్టిన స్థితిలో ఉన్నప్పటికీ ప్రాణాలతో బయటపడ్డాడు. దక్షిణ కరోలినా రాష్ట్రంలోని అటవీ ప్రాంతంలో ఓ కుక్కను ఉంచే ఇనుప బోనులో బాలుడిని పెట్టి మట్టితో కప్పేశారు. దాదాపు ఒ‍క అడుగు లోతులో పాతిపెట్టిన ఆ బోను నుంచి చిన్నారి ఏడుపు వినిపించడంతో సహాయక సిబ్బంది అతడిని గుర్తించారు.బాలుడిని కోయా షార్ప్‌గా గుర్తించారు. మంగళవారం మధ్యాహ్నం అతడిని గుర్తించే సమయానికి ఓ టవల్‌లో చుట్టి బోనులో ఉంచారు. అప్పటికే బాలుడి పరిస్థితి విషమంగా ఉన్నప్పటికీ ప్రాణాలతో ఉన్నాడు. సహాయక సిబ్బంది తవ్వకాలు చేపడుతున్న సమయంలో బోను లోపలి నుంచి ఏడుపు వినిపించింది. వెంటనే అతడిని బయటకు తీసి ఆస్పత్రికి తరలించారు.లెక్సింగ్టన్ కౌంటీ షెరీఫ్ జే కూన్ ఈ ఘటనపై స్పందిస్తూ.. ‘‘దేవుడు నిజంగా గొప్పవాడు. కొద్దిసేపటి క్రితమే 11 నెలల చిన్నారి కోయాను ప్రాణాలతో కనుగొన్నాం. సజీవంగా పాతిపెట్టినప్పటికీ ప్రాణాల కోసం పోరాడుతూ ఏడుస్తున్నాడు’’ అని పేర్కొన్నారు.దాదాపు 100 మంది పోలీసు, అత్యవసర సహాయక సిబ్బంది గాలింపు చర్యల్లో పాల్గొన్నారు. బాలుడి తండ్రి తరఫు తాత ఇంటికి సుమారు 45 మీటర్ల దూరంలోని అటవీ ప్రాంతంలో ఇటీవల తవ్విన ఆనవాళ్లను అధికారులు గుర్తించారు. బోను చుట్టూ చుట్టిన టవల్ కారణంగా లోపలికి కొంత గాలి చేరి ఉండవచ్చని, అది చిన్నారి ప్రాణాలతో బయటపడటానికి దోహదపడి ఉండవచ్చని షెరీఫ్ తెలిపారు.ఏయే పరిణామాలు చోటుచేసుకున్నాయి?విచారణ వివరాల ప్రకారం.. సోమవారం తండ్రి తరఫు నానమ్మ సంరక్షణలో ఉన్న సమయంలో బాలుడు కనిపించకుండా పోయాడు. మైఖేల్ కామర్ (25) ఇంటికి వచ్చి చిన్నారిని చూసుకుంటున్నాడు. నానమ్మ ఓ పనిమీద బయటకు వెళ్లిన సమయంలో అతడు బాలుడితో ఉన్నాడు. అయితే మరో సంరక్షకుడు బాధ్యతలు తీసుకునేందుకు వచ్చినప్పుడు కామర్, చిన్నారి ఇద్దరూ కనిపించలేదు.కుటుంబ సభ్యులు అధికారులకు సమాచారం ఇవ్వడంతో గాలింపు మొదలైంది. కామర్ తండ్రికి చెందిన ఇంటి తలుపులు తెరిచి ఉండటాన్ని, లోపల చిన్నారి వస్తువులు కనిపించడాన్ని పోలీసులు గుర్తించారు. అయితే తండ్రీకొడుకుల ఆచూకీ లభించలేదు. నిఘా కెమెరాల దృశ్యాలను పరిశీలించగా, కామర్ చిన్నారి లేకుండా పలు ప్రాంతాల్లో కనిపించినట్లు తెలిసింది.సోమవారం రాత్రి బేట్స్‌బర్గ్‌లోని ఓ ఆస్తి ప్రాంగణంలో ఉన్న భవనంలో కామర్‌ను పోలీసులు గుర్తించి అదుపులోకి తీసుకున్నారు. చొరబాటు, అరెస్టును అడ్డుకోవడం వంటి అభియోగాలు నమోదు చేశారు. అయితే అప్పటికి బాలుడు అతడి వద్ద లేడు. మంగళవారం కూడా కొనసాగిన గాలింపులో చిన్నారి ఆచూకీ లభించింది.కామర్‌పై మరిన్ని అభియోగాలు నమోదు చేయాలా అనే విషయంపై న్యాయవాదులతో అధికారులు చర్చిస్తున్నారు. మరోవైపు కోయా ఆస్పత్రిలోనే చికిత్స పొందుతున్నాడు. అతడు పూర్తిగా కోలుకోవాలని వైద్యులు, అధికారులు ఆశిస్తున్నారు. ఈ ఘటనపై దర్యాప్తు కొనసాగుతోంది.

వాషింగ్టన్‌: అమెరికా రక్షణ మంత్రి పీట్‌ హెగ్సెత్‌కు ప్రస్తుతానికి భారీ ఊరట లభించింది. ఇరాన్‌పై కాంగ్రెస్‌ అనుమతి లేకుండా యుద్ధం చేస్తున్నారన్న ఆరోపణలతో ఆయనను పదవి నుంచి తొలగించేందుకు చేపట్టిన అభిశంసన ప్రయత్నం విఫలమైంది. అభిశంసన ప్రయత్నం విఫలం కావడంపై అమెరికా అధ్యక్షుడు డొనాల్డ్‌ ట్రంప్‌ సోషల్‌ మీడియా వేదిక ట్రూత్‌ సోషల్‌లో స్పందించారు. అభిశంసన ప్రయత్నం ఘోరంగా విఫలమైందన్న ట్రంప్‌.. వెనిజులా, ఇరాన్‌లలో ఆయన సాధించిన విజయాలను ప్రస్తావించారు.డొనాల్డ్ ట్రంప్.. హెగ్సెత్‌కు బహిరంగంగా మద్దతు ప్రకటించడంతో రిపబ్లికన్ సభ్యులు ఈ తీర్మానాన్ని అడ్డుకున్నారు. ట్రంప్ మద్దతుతో హెగ్సెత్ ‘అభిశంసన’ గండం నుంచి బయటపడ్డారు. రిపబ్లికన్‌ పార్టీకి చెందిన కెంటకీ ఎంపీ థామస్‌ మాసీ ఈ అభిశంసన తీర్మానాన్ని ప్రవేశపెట్టారు. అయితే, తీర్మానాన్ని రిపబ్లికన్ల ఆధిపత్యంలోని హౌస్‌ జ్యుడీషియరీ కమిటీకి పంపించేందుకు మంగళవారం జరిగిన ఓటింగ్‌లో 211 మంది అనుకూలంగా, 204 మంది వ్యతిరేకంగా ఓటు వేశారు. ఈ ఓటింగ్‌కు 11 మంది డెమొక్రాట్లతో సహా పలువురు సభ్యులు గైర్హాజరయ్యారు. తీర్మానాన్ని కమిటీకి పంపించడమంటే ప్రస్తుతానికి అభిశంసన ప్రక్రియకు తెరపడినట్లే.ఆరు నెలల విరామం తర్వాత పెంటగాన్‌లో తొలిసారిగా మీడియా సమావేశం నిర్వహించిన హెగ్సెత్‌.. తనపై అభిశంసన ప్రయత్నాన్ని తీవ్రంగా తప్పుబట్టారు. రాజకీయ కుట్రగా అభివర్ణించారు. ట్రంప్‌ ప్రభుత్వంపై అసంతృప్తితో ఉన్న ఓ రాజకీయ ప్రత్యర్థి చేపట్టిన చర్యగా పేర్కొన్నారు. ఈ తీర్మానం జాతీయ భద్రతకు ముప్పు కలిగిస్తుందని అన్నారు. చట్టబద్ధమైన సైనిక చర్యలు విజయవంతంగా నిర్వహించినందుకు అమెరికా తన సైనికులను, పౌర నాయకత్వాన్ని శిక్షిస్తుందనే సంకేతాలు శత్రు దేశాలకు వెళ్తాయని వ్యాఖ్యానించారు. ఇది దేశభక్తి కాదని, విధ్వంసక చర్య అని మండిపడ్డారు.సోమవారం ప్రతినిధుల సభలో అధికారికంగా ప్రవేశపెట్టిన ఎనిమిది అభిశంసన ఆరోపణల్లో మాసీ పలు అంశాలను ప్రస్తావించారు. కాంగ్రెస్‌ అనుమతి లేకుండానే 90 రోజులకు పైగా ఇరాన్‌తో యుద్ధం కొనసాగించడం ద్వారా హెగ్సెత్‌ చట్టాన్ని ఉల్లంఘించారని ఆరోపించారు. ఇందుకు ఆయన బాధ్యత వహించాలని డిమాండ్‌ చేశారు.మరో వైపు, ఓటింగ్‌ ఫలితంపై మాసీ అసంతృప్తి వ్యక్తం చేశారు. ఫలితం ఊహించిందే అయినప్పటికీ నిరాశకు గురయ్యా.. ఏం చేయాలో కాంగ్రెస్‌ సభ్యులకు తెలుసని, కానీ రాజకీయంగా ప్రయోజనం ఉన్నప్పటికీ ఆ నిర్ణయం తీసుకునే ధైర్యం చేయలేకపోతున్నారని విమర్శించారు. ప్రస్తుతానికి అభిశంసన గండం నుంచి బయటపడినప్పటికీ హెగ్సెత్‌ భవిష్యత్తుపై అమెరికా రాజకీయాల్లో చర్చ కొనసాగుతోంది. ఆయనను ట్రంప్‌ తొలగించవచ్చని, స్వయంగా రాజీనామా చేయవచ్చని రిపబ్లికన్‌ సెనేటర్‌ టెడ్‌ క్రూజ్‌ మంగళవారం అంచనా వేశారు.ఇదీ చదవండి: ఓటమి వేళ ట్రంప్‌కు మరో పరీక్ష.. యుద్ధానికి ముగింపు పలికేనా?

అబుదాబి: రష్యా-ఉక్రెయిన్ మధ్య కొనసాగుతున్న యుద్ధానికి ముగింపు పలికేందుకు అమెరికా అధ్యక్షుడు డొనాల్డ్ ట్రంప్ ప్రభుత్వం దౌత్య ప్రయత్నాలను వేగవంతం చేసింది. ఇందులో భాగంగా ఫిబ్రవరి తర్వాత తొలిసారిగా రష్యా, ఉక్రెయిన్ ప్రతినిధులు మంగళవారం యునైటెడ్ అరబ్ ఎమిరేట్స్ రాజధాని అబుదాబిలో ప్రత్యక్షంగా సమావేశమై శాంతి చర్చలు జరిపారు. తొలి విడత చర్చలు సానుకూలంగా, నిర్మాణాత్మకంగా సాగినట్లు అమెరికా ప్రకటించగా, ఉక్రెయిన్ అధ్యక్షుడు వొలోదిమిర్ జెలెన్‌స్కీ కూడా చర్చలపై ఆశాభావం వ్యక్తం చేశారు. రెండో విడత చర్చలు బుధవారం కొనసాగనున్నాయి.ఈ చర్చల్లో అమెరికా అధ్యక్షుడి ప్రత్యేక ప్రతినిధులు స్టీవ్ విట్‌కాఫ్, జారెడ్ కుష్నర్ పాల్గొన్నారు. యుద్ధ ఖైదీల విడుదల, మానవతా అంశాలు, ఉక్రెయిన్ భద్రత, భవిష్యత్తులో రష్యా నుంచి మళ్లీ దాడులు జరగకుండా తీసుకోవాల్సిన దీర్ఘకాలిక భద్రతా హామీలపై ప్రధానంగా చర్చించినట్లు సమాచారం. అమెరికా విదేశాంగ మంత్రి మార్కో రూబియో తొలి విడత చర్చలు చాలా ఉత్పాదకంగా సాగాయని పేర్కొన్నారు. అయితే సమావేశంలో ఏయే అంశాలపై ఏకాభిప్రాయం కుదిరిందనే వివరాలను వెల్లడించలేదు.డెన్మార్క్‌లో మీడియాతో మాట్లాడిన ఉక్రెయిన్ అధ్యక్షుడు జెలెన్‌స్కీ.. అమెరికా ప్రతినిధుల నుంచి అందిన సంకేతాలు తనకు సానుకూలంగా ఉన్నాయని తెలిపారు. చర్చల్లో మార్పు కనిపిస్తోందని, ఇప్పటివరకు వచ్చిన పరిణామాలపై సంతోషంగా ఉన్నానని పేర్కొన్నారు. యుద్ధ ఖైదీల విడుదల తమకు అత్యంత ప్రాధాన్యమని జెలెన్‌స్కీ సామాజిక మాధ్యమం ఎక్స్‌లో వెల్లడించారు. ఉక్రెయిన్‌కు కల్పించాల్సిన భద్రతా హామీల స్వరూపం, అవి దీర్ఘకాలం అమలులో ఉండేలా తీసుకోవాల్సిన చర్యలపై ప్రతినిధులు విస్తృతంగా చర్చించారని తెలిపారు.అమెరికా ప్రతినిధి జారెడ్ కుష్నర్ కూడా చర్చల పురోగతిపై ఆశాభావం వ్యక్తం చేశారు. ఉక్రెయిన్ సార్వభౌమత్వం, భద్రత, అభివృద్ధికి భరోసా కల్పించడంతో పాటు యూరప్‌లో శాశ్వత శాంతి నెలకొల్పేందుకు అమెరికా కృషి చేస్తోందని పేర్కొన్నారు. అయితే రష్యా ఉప విదేశాంగ మంత్రి సెర్గీ ర్యాబ్‌కోవ్ మాత్రం రెండో విడత చర్చలు పూర్తయ్యే వరకు ఫలితాలపై ఎలాంటి అంచనాలకు రావడం తొందరపాటేనని వ్యాఖ్యానించారు.భూభాగం, నాటో సభ్యత్వమే ప్రధాన అడ్డంకులుశాంతి చర్చలు తిరిగి ప్రారంభమైనప్పటికీ రష్యా, ఉక్రెయిన్ మధ్య కీలక అంశాలపై విభేదాలు కొనసాగుతున్నాయి. ముఖ్యంగా భూభాగాల అప్పగింత, నాటో సభ్యత్వం, ఉక్రెయిన్‌కు భద్రతా హామీలు ప్రధాన సమస్యలుగా మారాయి. ప్రస్తుతం ఉక్రెయిన్ భూభాగంలో దాదాపు ఐదో వంతు రష్యా ఆధీనంలో ఉంది. తూర్పు ఉక్రెయిన్‌లోని డాన్‌బాస్ ప్రాంతంపై రష్యా తన పట్టును మరింత బలపరచాలని భావిస్తోంది. ఈ ప్రాంతాన్ని పూర్తిగా అప్పగించాలన్న మాస్కో డిమాండ్‌ను జెలెన్‌స్కీ అంగీకరించడం లేదు. తమ సైనికులు పోరాడి కాపాడుకున్న భూభాగాన్ని వదులుకునే ప్రసక్తే లేదని ఉక్రెయిన్ స్పష్టం చేస్తోంది. మరోవైపు ఉక్రెయిన్ నాటో కూటమిలో చేరాలన్న ఆకాంక్షను విరమించుకుని తటస్థ దేశంగా ఉండాలని రష్యా కోరుతోంది. భవిష్యత్తులో మరోసారి రష్యా దాడి జరగకుండా తమకు పటిష్ఠమైన అంతర్జాతీయ భద్రతా హామీలు కావాలని ఉక్రెయిన్ పట్టుబడుతోంది.యుద్ధాన్ని ముగించేందుకు ఒప్పందానికి రావాలని ట్రంప్ ఉక్రెయిన్‌పై ఒత్తిడి పెంచుతున్నారు. అంగీకరించకపోతే తీవ్ర పరిణామాలు ఎదుర్కోవాల్సి వస్తుందని హెచ్చరించినట్లు వార్తలు వెలువడ్డాయి. గత వారం ఈ యుద్ధం ముగింపునకు సంబంధించి ఒక భారీ ఒప్పందం దాదాపు సిద్ధమవుతోందని ట్రంప్ వ్యాఖ్యానించారు. అయితే గతంలోనూ ఆయన చేసిన శాంతి ప్రయత్నాల ప్రకటనలు ఆచరణలో ఫలించలేదు.మరోవైపు శాంతి చర్చలు జరుగుతున్నప్పటికీ యుద్ధభూమిలో మాత్రం దాడులు కొనసాగుతున్నాయి. రష్యా-ఉక్రెయిన్ నగరాలు, విద్యుత్, ఇంధన మౌలిక సదుపాయాలపై దాడులను కొనసాగిస్తోంది. దీనికి ప్రతిగా ఉక్రెయిన్-రష్యా చమురు శుద్ధి కర్మాగారాలు, ఇతర వ్యూహాత్మక లక్ష్యాలపై దాడులను తీవ్రతరం చేస్తోంది. రష్యా దాడులు ఉక్రెయిన్ ఇంధన వ్యవస్థను దెబ్బతీస్తున్న నేపథ్యంలో గగనతల రక్షణ వ్యవస్థలకు అవసరమైన ఇంటర్‌సెప్టర్ల సరఫరాను వేగవంతం చేయాలని అమెరికా విదేశాంగ మంత్రి మార్కో రూబియోను కోరినట్లు ఉక్రెయిన్ విదేశాంగ మంత్రి ఆండ్రి సిబిహా తెలిపారు. శాంతి దిశగా ప్రయత్నాలు కొనసాగిస్తూనే రష్యాపై ఒత్తిడి కూడా కొనసాగించాలని ఆయన అభిప్రాయపడ్డారు.ఇదీ చదవండి: ఇజ్రాయెల్‌ రాజకీయాల్లో కొత్త రగడ

వాషింగ్టన్‌: అమెరికా అధ్యక్షుడు డొనాల్డ్‌ ట్రంప్‌ ప్రభుత్వంలో అత్యంత కీలక నేత, రక్షణ మంత్రి పీట్‌ హెగ్సెత్‌కు పదవీ గండం వచ్చిపడింది. ఇటీవలి మధ్యంతర ఎన్నికల్లో అధికార రిపబ్లికన్‌ పార్టీ అనూహ్యంగా ఘోర పరాజయం పాలైన విషయం తెలిసిందే. ఇరాన్‌తో జరుగుతున్న యుద్ధమే ఈ ఫలితాలను తీవ్రంగా ప్రభావితం చేసిందని విశ్లేషకులు అంటున్నారు. ఈ నేపథ్యంలోనే అదే పార్టీకి చెందిన సభ్యుడు థామస్‌ మస్సీ సోమవారం కాంగ్రెస్‌లో హెగ్సెత్‌పై అభిశంసన తీర్మానం ప్రవేశపెట్టారు. ఇరాన్‌ యుద్ధంతోపాటు యెమెన్, వెనెజువెలా దేశాల్లో చేపట్టిన సైనిక జోక్యాల్లో హెగ్సెత్‌ పాత్రను కూడా తీర్మానంలో ప్రశ్నించారు. హెగ్సెత్‌ చర్యలను ఆయన ఘోర నేరాలు, దు్రష్పవర్తనగా అభివరి్ణంచారు. హెగ్సెత్‌ ఉద్దేశపూర్వకంగానే తన చట్ట వ్యతిరేక చర్యల ద్వారా రాజ్యాంగానికి ముప్పుగా పరిణమించారని ఆరోపించారు. మధ్యంతర ఎన్నికల తర్వాత సోమవారం మొదలైన సెషన్‌ మొదటి రోజే ఈ పరిణామం చోటుచేసుకుంది. అవిశ్వాస తీర్మానంపై అధ్యక్షుడు ట్రంప్‌ మండిపడ్డారు. గతంలో తాను బలపరిచిన వ్యక్తి చేతిలో ప్రైమరీ ఎన్నికల్లో ఓటమి పాలైన థామస్‌ మస్సీ విద్వేషంతోనే ఇందుకు పూనుకున్నారని విమర్శించారు.కాగా, తీర్మానంపై ప్రతినిధుల సభలో ఈ వారంలోనే ఓటింగ్‌ జరిగే అవకాశం ఉంది, తదుపరి పరిణామాలపై మాత్రం స్పష్టత లేదు. సభలో డెమొక్రటిక్‌ పార్టీ నేత హకీమ్‌ జెఫ్రీస్‌ ఈ తీర్మానానికి మద్దతు ఇచ్చారు. మెజారిటీ డెమొక్రాట్లు ఆయన్ను అనుసరిస్తే, హెగ్సెత్‌ అభిశంసనకు కొద్దిమంది రిపబ్లికన్ల మద్దతు ఉంటే సరిపోతుంది. ప్రతినిధుల సభతోపాటు సెనేట్‌లో ప్రస్తుతానికి రిపబ్లికన్లదే మెజారిటీ. ఇటీవలి మధ్యతర ఎన్నికల్లో విజేతలుగా నిలిచిన వారంతా జనవరిలో సమావేశమైన తర్వాతే ఉభయసభల్లోనూ డెమొక్రాట్లదే పైచేయి అవుతుంది. ఇలా ఉండగా, పార్టీ ఎజెండాను అమలు చేసేందుకు మరికొద్ది వారాల సమయం మాత్రమే మిగిలి ఉండగా, సొంత పార్టీ నేత తీసుకువచ్చిన అభిశంసనపై రిపబ్లికన్లు తీవ్ర అసంతృప్తితో ఉన్నారు. అమెరికా చరిత్రలోనే లేదు: హెగ్సెత్‌ తనకు వ్యతిరేకంగా ప్రవేశపెట్టిన అభిశంసన తీర్మానంపై పోరాడేందుకు సిద్ధంగా ఉన్నట్లు రక్షణ మంత్రి హెగ్సెత్‌ తెలిపారు. రాజ్యాంగ రూపకర్తలు ఉద్దేశించిన తీవ్రమైన నేరాల కింద కాకుండా, కేవలం విధానపరమైన విభేదాలతోనే ఒక రోగ్‌ తనను లక్ష్యంగా చేసుకుంటున్నారంటూ వ్యాఖ్యానించారు. దాదాపు ఆరు నెలల తర్వాత హెగ్సెత్‌ మంగళవారం పెంటగాన్‌లో మీడియాతో మాట్లాడారు. అమెరికా 250 ఏళ్ల చరిత్రలో చట్టబద్ధమైన సైనిక చర్యలను అమలు చేసినందుకు గాను దేశ రక్షణ మంత్రిని అభిశంసించిన దాఖలాలు లేనేలేవన్నారు. ‘విధానపరమైన విభేదాలను రాజకీయ లబ్ధి కోసం వాడుకునేందుకు చాలా మంది ప్రయతి్నస్తున్నారు. కానీ, వారి అసలైన సమస్య మాత్రం మేం సాధించిన విజయాలే’అని హెగ్సెత్‌ పేర్కొన్నారు. తమ ప్రభుత్వం తీసుకున్న సైనిక చర్యలపై ఎవరితోనైనా చర్చకు సిద్ధమని ఆయన ప్రకటించారు. తనపై వచ్చిన అభిశంసనకు కేవలం వ్యక్తిగత విద్వేష రాజకీయాలే కారణమని, అది తనపై పనిచేయదని స్పష్టం చేశారు.

అమెరికా: అమెరికా అధ్యక్షుడు డొనాల్డ్‌ ట్రంప్‌నకు ప్రజల నుంచి మరో ఎదురుదెబ్బ తగిలింది. కొంతకాలంగా ఇరాన్‌తో కొనసాగుతున్న యుద్ధానికి ముగింపు పలకాలని, ట్రంప్‌ విధించిన దిగుమతి సుంకాలను రద్దు చేయాలని మెజారిటీ అమెరికన్లు కోరుకుంటున్నట్లు రాయిటర్స్‌-ఇప్సోస్‌ సర్వే వెల్లడించింది.ఇటీవల జరిగిన మధ్యంతర ఎన్నికల్లో డెమొక్రాట్లు సెనేట్‌తో పాటు ప్రతినిధుల సభలోనూ భారీ మెజారిటీ సాధించారు. దాంతో వచ్చే ఏడాది జనవరి 3 నుంచి కొత్త కాంగ్రెస్‌ బాధ్యతలు చేపట్టనుంది. ఈ నేపథ్యంలో నిర్వహించిన సర్వేలో 71 శాతం మంది ఇరాన్‌తో యుద్ధాన్ని ముగించేలా కాంగ్రెస్‌ చట్టం తీసుకురావాలని అభిప్రాయపడ్డారు. వీరిలో ఎక్కువ శాతం మంది డెమొక్రాట్లు, తర్వాత స్థానంలో రిపబ్లికన్లు ఉన్నారు.అలాగే ట్రంప్‌ ప్రభుత్వం విధించిన దిగుమతి సుంకాలను కూడా రద్దు చేయాలని 62 శాతం మంది కోరుకున్నారు. ఇరాన్‌ యుద్ధం కారణంగా ఇంధన ధరలు పెరగడం, దిగుమతి సుంకాలతో నిత్యావసరాల ధరలు అధికమవడం ప్రజలను ఇబ్బందులకు గురిచేస్తున్నాయి. కొత్త కాంగ్రెస్‌ తొలి 100 రోజుల్లో జీవన వ్యయాన్ని తగ్గించే చర్యలకు ప్రాధాన్యం ఇవ్వాలని 90 శాతం మంది అభిప్రాయపడ్డారు.ఇక మరోవైపు ట్రంప్‌ను అభిశంసించే ప్రయత్నం దేశానికి మంచిది కాదని 42 శాతం మంది పేర్కొనగా.. 33 శాతం మంది దానికి మద్దతు తెలిపారు. ట్రంప్‌ ఆమోద రేటింగ్‌ 32 శాతానికి పడిపోయినట్లు సర్వే వెల్లడించింది. డెమొక్రాట్లకు 45 శాతం, రిపబ్లికన్లకు 35 శాతం మంది మాత్రమే సానుకూలంగా ఉన్నారు. అమెరికా దేశ వ్యాప్తంగా 1,705 మంది పెద్దల నుంచి ఆన్‌లైన్‌లో అభిప్రాయాలు సేకరించి ఈ సర్వే నిర్వహించినట్టు సమాచారం.ఇదీ చదవండి: హసీనా బంగ్లాదేశ్‌కు వస్తే ఉరిశిక్ష తప్పదు

అమెరికా మధ్యంతర ఎన్నికల్లో ఓటమి తర్వాత రిపబ్లికన్‌ పార్టీలో కీలక పరిణామాలు చోటుచేసుకుంటున్నాయి. అభిశంసన వేళ.. రక్షణ మంత్రి పీట్ హెగ్సెత్‌కు అమెరికా అధ్యక్షుడు డొనాల్డ్‌ ట్రంప్ అండగా నిలిచారు. రెండు యుద్ధాల్లో విజయం సాధించారన్న ట్రంప్‌.. మాసీపై ట్రంప్‌ తీవ్ర విమర్శలు చేశారు. హెగ్సెత్‌ను తొలగించే ప్రసక్తే లేదని ట్రంప్‌ స్పష్టం చేశారు.ఇరాన్‌పై చేపట్టిన సైనిక ఆపరేషన్ల విషయంలో హెగ్సెత్‌ను లక్ష్యంగా చేసుకోవడం సరికాదన్న ట్రంప్‌.. గతంలో వియత్నాం, ఇరాక్‌, అఫ్గానిస్తాన్‌ యుద్ధాలకు బాధ్యులైన వారిని ఎందుకు అభిశంసించలేదని ప్రశ్నించారు. పీట్ హెగ్సెత్‌ రెండు యుద్ధాల్లో విజయం సాధించారు. ఇప్పుడు ఆయనను అభిశంసించాలంటున్నారు. మరి వియత్నాం యుద్ధాన్ని నడిపించిన వారిని ఎందుకు అభిశంసించలేదు? ఇరాక్‌, అఫ్గానిస్తాన్‌ యుద్ధాలకు బాధ్యులైన వారిని ఎందుకు ప్రశ్నించలేదు? ఆ యుద్ధాల్లో వేలాది మంది ప్రాణాలు కోల్పోయారు’’ అని ట్రంప్‌ వ్యాఖ్యానించారు.గతంలో ఎలాంటి ప్రయోజనం లేకుండా సాగిన యుద్ధాలకు బాధ్యులైన నాయకులను ఎందుకు అభిశంసించలేదన్న ట్రంప్‌.. హెగ్సెత్‌పై అభిశంసన తీర్మానం ప్రవేశపెట్టిన కెంటకీ రిపబ్లికన్‌ ప్రతినిధి థామస్‌ మాసీపై సైతం తీవ్ర విమర్శలు చేశారు. ‘‘అతనొక ఓటమిపాలైన వ్యక్తి. కాంగ్రెస్‌, సెనేట్‌ సమయాన్ని వృథా చేయకూడదు. మనం ఎంత మంచి బిల్లును తీసుకొచ్చినా అతను వ్యతిరేకంగానే ఓటు వేస్తాడు. అతనిలో ఏదో సమస్య ఉంది’’ అంటూ ట్రంప్‌ వ్యాఖ్యానించారు.కాగా, రిపబ్లికన్ కాంగ్రెస్ సభ్యుడు థామస్ మాసీ.. రక్షణ మంత్రి పీట్ హెగ్సెత్‌‌పై ఏకంగా ఎనిమిది అభిశంసన ఆర్టికల్స్‌ను సభలో ప్రవేశపెట్టారు. కాంగ్రెస్ ఆమోదం లేకుండా ఇరాన్‌తో అక్రమంగా యుద్ధానికి వెళ్లడం, రక్షణ శాఖాధిపతిగా తన అధికారాలను దుర్వినియోగం చేశారనే ప్రధాన ఆరోపణలతో ఈ అభిశంసన ప్రతిపాదనను తెచ్చినట్లు మాసీ తెలిపారు. ఈ పరిణామం ఇరాన్ యుద్ధ వ్యవహారంలో రిపబ్లికన్ పార్టీలోని అంతర్గత విభేదాలను బట్టబయలు చేసింది. మరోవైపు ఈ అభిశంసన ప్రయత్నాలను ట్రంప్ వ్యతిరేకించారు.ఇదీ చదవండి: ‘పదవి నుంచి దిగిపోవాల్సిందే’.. పీట్ హెగ్సెత్‌పై అభిశంసన

వాషింగ్టన్: అమెరికా రాజకీయాల్లో కలకలం రేగుతోంది. ఇరాన్‌తో యుద్ధం, తదనంతరం తలెత్తిన పరిణామాల నేపథ్యంలో అమెరికా రక్షణ శాఖ కార్యదర్శి (డెఫెన్స్ సెక్రటరీ) పీట్ హెగ్సెత్‌ పదవికి ముప్పు ముంచుకొచ్చింది. స్వపక్షానికి చెందిన రిపబ్లికన్ పార్టీ సభ్యుడే ఆయనపై అభిశంసన అస్త్రం సంధించడం అమెరికా రాజకీయ వర్గాల్లో చర్చనీయాంశమైంది. కెంటకీకి చెందిన రిపబ్లికన్ కాంగ్రెస్ సభ్యుడు థామస్ మాస్సీ .. రక్షణ మంత్రి పీట్ హెగ్సెత్‌‌పై ఏకంగా ఎనిమిది అభిశంసన ఆర్టికల్స్‌ను సభలో ప్రవేశపెట్టారు. కాంగ్రెస్ ఆమోదం లేకుండా ఇరాన్‌తో అక్రమంగా యుద్ధానికి వెళ్లడం, రక్షణ శాఖాధిపతిగా తన అధికారాలను దుర్వినియోగం చేశారనే ప్రధాన ఆరోపణలతో ఈ అభిశంసన ప్రతిపాదనను తెచ్చినట్లు మాస్సీ తెలిపారు.ఈ పరిణామం ఇరాన్ యుద్ధ వ్యవహారంలో రిపబ్లికన్ పార్టీలోని అంతర్గత విభేదాలను బట్టబయలు చేసింది. మరోవైపు ఈ అభిశంసన ప్రయత్నాలను అమెరికా అధ్యక్షుడు డొనాల్డ్ ట్రంప్ గట్టిగా వ్యతిరేకించారు. రాయిటర్స్‌తో జరిగిన ఇంటర్వ్యూలో ట్రంప్ మాట్లాడుతూ.. ‘ఆయన (హెగ్సెత్) రెండు యుద్ధాల్లో గెలిచారు. అలాంటి వ్యక్తిని మీరెలా అభిశంసించగలరు?’ అంటూ సమర్థించారు.మిడిల్ ఈస్ట్ దేశాలను, ఇజ్రాయెల్‌ను కాపాడిన రక్షణ మంత్రిని తొలగించడం సరికాదన్నారు.అలాగే హౌస్ స్పీకర్ మైక్ జాన్సన్ కూడా ఈ తీర్మానాన్ని వ్యతిరేకిస్తూ.. అంతర్జాతీయంగా శత్రువులు, మిత్రదేశాల ముందు ఇలాంటి చర్యలు తప్పుడు సంకేతాలు పంపుతాయని ఆందోళన వ్యక్తం చేశారు.తనపై వస్తున్న అభిశంసన విమర్శలను పీట్ హెగ్సెత్‌ కొట్టిపారేశారు. తాను ఎలాంటి పదవికి రాజీనామా చేసేది లేదని, ఈ రాజకీయ వ్యూహాలు తనపై పనిచేయవని స్పష్టం చేశారు. సెనేట్‌లో మూడింట రెండు వంతుల మెజారిటీ అవసరం కాబట్టి తనను దోషిగా తేల్చడం అంత సులభం కాదని, తాను దీనికి భయపడటం లేదని తేల్చిచెప్పారు.ఇటీవల జరిగిన అమెరికా మధ్యంతర ఎన్నికల్లో డెమొక్రాట్ల చేతిలో రిపబ్లికన్లు ఎదురుదెబ్బ తగలడానికి ఇరాన్ యుద్ధంపై ప్రజల్లో ఉన్న వ్యతిరేకత కూడా ఒక కారణమని విశ్లేషకులు భావిస్తున్నారు. జనవరిలో కాంగ్రెస్‌పై పూర్తి పట్టు సాధించేందుకు డెమొక్రాట్లు సిద్ధమవుతున్న తరుణంలో ఈ అభిశంసన పోరు తెరపైకి రావడం గమనార్హం.అంతేకాకుండా, ట్రంప్ ప్రభుత్వం ప్రతిపాదించిన 1.5 ట్రిలియన్ డాలర్ల భారీ రక్షణ వ్యయ ప్యాకేజీ ఆమోదం పొందే విషయంలోనూ ఈ పరిణామాలు ప్రతికూల ప్రభావం చూపవచ్చని కొందరు రిపబ్లికన్ ఆందోళన వ్యక్తం చేస్తున్నారు. చరిత్రలో 1876 నాటి విలియం బెల్నాప్ ఉదంతాన్ని మినహాయిస్తే కేబినెట్ కార్యదర్శుల అభిశంసన మందగమనే చెప్పాలి. అయితే, ప్రస్తుత రాజకీయ సమీకరణాల నడుమ పీట్ హెగ్సెత్‌ భవిష్యత్తు ఏ విధంగా ఉండనుందనేది అమెరికా రాజకీయాల్లో హాట్ టాపిక్‌గా మారింది.

వాషింగ్టన్: అమెరికా అధ్యక్ష భవనం వైట్‌హౌస్ వెలుపల తీవ్ర కలకలం రేగింది. వైట్‌హౌస్ సమీపంలోని లఫాయెట్ స్క్వేర్ వద్ద కారు అదుపుతప్పి అక్కడున్న సమాచార సైన్‌పోస్టును ఢీకొట్టింది. ఈ ఘటనతో అప్రమత్తమైన భద్రతా బలగాలు వైట్‌హౌస్‌ను తాత్కాలికంగా లాక్‌డౌన్ చేశాయి. ప్రమాదం జరిగిన సమయంలో అమెరికా అధ్యక్షుడు డొనాల్డ్ ట్రంప్ వైట్‌హౌస్‌లోనే ఉన్నట్లు నివేదికలు వెల్లడించాయి.సోమవారం ఉదయం వాషింగ్టన్ అత్యంత పటిష్ట భద్రతా వలయలో ఉన్న వైట్‌హౌస్ పరిసరాల్లో ఒక సిల్వర్ రంగు సెడాన్ కారు దూసుకొచ్చింది. లఫాయెట్ స్క్వేర్ ఉత్తర భాగంలో ఉన్న పేవ్‌మెంట్ పైకి కారు దూసుకెళ్లి అక్కడ ఉన్న సైన్‌పోస్టును బలంగా ఢీకొట్టింది.ప్రమాదం జరిగిన వెంటనే కారు ముందు భాగం నుంచి తెల్లటి పొగ కమ్ముకున్నాయి. కారును ఢీకొట్టిన తర్వాత డ్రైవర్ కిందకు దిగి భద్రతా సిబ్బందితో వాగ్వాదానికి, భౌతిక దాడికి దిగాడు. అప్రమత్తమైన సీక్రెట్ సర్వీస్ అధికారులు, నేషనల్ గార్డ్ ట్రూప్స్ వెంటనే రంగంలోకి దిగి డ్రైవర్‌ను అదుపులోకి తీసుకున్నారు.భద్రతా చర్యలు,లాక్‌డౌన్ఈ అనూహ్య పరిణామంతో అప్రమత్తమైన యూఎస్ సీక్రెట్ సర్వీస్ అధికారులు భద్రతా చర్యల్లో భాగంగా వైట్‌హౌస్ ప్రెస్ కార్ప్స్‌ను (మీడియా సిబ్బందిని) భవనం లోపలికి వెళ్లి అక్కడే ఉండాలని ఆదేశించారు. అధ్యక్ష భవనం చుట్టుపక్కల ప్రాంతాల్లో రాకపోకలను పూర్తిగా నిలిపివేశారు. అయితే, ఈ ప్రమాదానికి గల అసలు కారణాలు, డ్రైవర్ ఎవరనే వివరాలు, ఇది ఉద్దేశపూర్వకంగా చేసిందా లేదా ప్రమాదవశాత్తు జరిగిందా అనే కోణంలో అధికారులు దర్యాప్తు జరుపుతున్నారు. ఈ ఘటనకు సంబంధించిన పూర్తి వివరాలు ఇంకా తెలియాల్సి ఉంది.

వాషింగ్టన్‌: అమెరికా, ఇరాన్‌ మధ్య ఉద్రిక్తతలు మరోసారి తీవ్రస్థాయికి చేరుకుంటున్నాయి. ఇరాన్‌తో చర్చలు విఫలమైతే మరోసారి సైనిక దాడులకు దిగేందుకు సిద్ధంగా ఉన్నామని అమెరికా అధ్యక్షుడు డొనాల్డ్‌ ట్రంప్‌ స్పష్టం చేశారు. అవసరమైతే కేవలం గంటలో 38 వంతెనలను ధ్వంసం చేయగలమంటూ హెచ్చరించడం సంచలనంగా మారింది. ఇప్పటికే మూడు విమాన వాహక యుద్ధనౌకలను రంగంలోకి దించినట్లు ప్రకటించారు. ఒకవైపు అణు ఒప్పందం కోసం చర్చలు జరుపుతూనే.. మరోవైపు యుద్ధానికి సైన్యాన్ని సిద్ధం చేస్తున్న అమెరికా వైఖరితో మధ్యప్రాచ్యంలో మరోసారి ఆందోళన మొదలైంది. ఇరాన్‌ అమెరికా షరతులకు అంగీకరిస్తుందా? లేక మరోసారి యుద్ధం తప్పదా? అన్న ఉత్కంఠ నెలకొంది.ఆదివారం సీఎన్‌ఎన్‌కు ఇచ్చిన ఫోన్‌ ఇంటర్వ్యూలో ట్రంప్‌ ఈ వ్యాఖ్యలు చేశారు. మరోసారి దాడులు చేయాల్సిన పరిస్థితి ఏర్పడటం అత్యంత అసంభవమని ఐదుసార్లు పునరుద్ఘాటించారు. అదే సమయంలో అమెరికా సైన్యం పూర్తి అప్రమత్తంగా ఉందని స్పష్టం చేశారు. ఇరాన్‌తో కుదిరే ఒప్పందం చాలా బలంగా ఉండాలని ట్రంప్‌ స్పష్టం చేశారు. ఇప్పటికే అమెరికా దాడుల వల్ల ఇరాన్‌ సైనిక, ఆర్థిక సామర్థ్యాలు తీవ్రంగా దెబ్బతిన్నాయని పేర్కొన్నారు. ఇరాన్‌లో ద్రవ్యోల్బణం 301 శాతానికి చేరిందని చెబుతూ ఆ దేశ ఆర్థిక పరిస్థితిపై విమర్శలు చేశారు. ఇదే సమయంలో అవసరమైతే మరోసారి దాడులు చేయడానికి సిద్ధంగా ఉన్నామని హెచ్చరించారు. అమెరికా ఇప్పటికే ఇరాన్‌పై తీవ్రంగా దాడులు చేసిందని, అవసరమైతే మరింత కఠినంగా వ్యవహరిస్తామని అన్నారు.గల్ఫ్‌లో మూడు యుద్ధనౌకలు..మధ్యప్రాచ్యంలో అమెరికా సైనిక బలగాలను సిద్ధంగా ఉంచినట్లు ట్రంప్‌ వెల్లడించారు. మూడు అమెరికా విమాన వాహక యుద్ధనౌకలు ఈ ప్రాంతంలో ఉన్నాయని, అవి పూర్తి యుద్ధ సన్నద్ధతతో ఉన్నాయని తెలిపారు. ఇరాన్‌లోని విద్యుత్‌ కేంద్రాలు, వంతెనలు సహా కీలక మౌలిక సదుపాయాలను లక్ష్యంగా గుర్తించినట్లు చెప్పారు. అవసరమైతే కేవలం గంట వ్యవధిలో 38 వంతెనలను ధ్వంసం చేయగలమని వ్యాఖ్యానించారు. అయితే అలాంటి చర్యలు తీసుకుంటే ఇరాన్‌ కోలుకోవడానికి చాలా ఏళ్లు పడుతుందని, అందుకే వాటిని నివారించాలనుకుంటున్నట్లు తెలిపారు. మరోవైపు అమెరికా, ఇరాన్‌ మధ్య ఉద్రిక్తతలను తగ్గించేందుకు పలు దేశాలు దౌత్య ప్రయత్నాలు ముమ్మరం చేశాయి. ఖతార్‌ రాజు షేక్‌ తమీమ్‌ బిన్‌ హమద్‌ అల్‌ థానీతో ట్రంప్‌ చర్చలు జరిపినట్లు ఖతార్‌ వెల్లడించింది.ఇరాన్‌ సైతం చర్చలు.. ఇరాన్‌ విదేశాంగ మంత్రి అబ్బాస్‌ అరాగ్చీ సౌదీ అరేబియా, యూఏఈ, ఒమన్‌, పాకిస్థాన్‌, కువైట్‌, జోర్డాన్‌, టర్కీ, సైప్రస్‌, ఖతార్‌ దేశాల ప్రతినిధులతోనూ చర్చలు జరిపారు. ఈ పరిణామాలు మధ్యప్రాచ్యంలో శాంతి ప్రయత్నాలకు ప్రాధాన్యత పెరిగినట్లు సూచిస్తున్నాయి. అయితే అమెరికా విదేశాంగ మంత్రి మార్కో రూబియో మాత్రం త్వరలోనే ఒప్పందం కుదురుతుందని ఆశించలేమని స్పష్టం చేశారు. ఇరాన్‌ ప్రతిపాదనలు ఆమోదయోగ్యం కానివిగా ఉన్నాయని, చర్చల్లో ఇప్పటివరకు చెప్పుకోదగ్గ పురోగతి లేదని వ్యాఖ్యానించారు.మొత్తంగా.. ఇరాన్‌తో మరోసారి యుద్ధం వద్దని ట్రంప్‌ చెబుతున్నప్పటికీ, సైనిక చర్యలకు సిద్ధంగా ఉన్నామంటూ హెచ్చరికలు జారీ చేస్తున్నారు. ఒకవైపు దౌత్య చర్చలు, మరోవైపు యుద్ధ సన్నద్ధత.. ఈ రెండింటి మధ్య ఇరాన్‌-అమెరికా సంబంధాలు ఉత్కంఠగా మారాయి. ఇరాన్‌ అమెరికా షరతులకు అంగీకరిస్తుందా? హార్ముజ్‌ జలసంధిలో పరిస్థితులు సాధారణ స్థితికి వస్తాయా? లేక మధ్యప్రాచ్యంలో మరోసారి యుద్ధ మేఘాలు కమ్ముకుంటాయా? అన్నది ఇప్పుడు ప్రపంచ దేశాల్లో ఆసక్తిని రేకెత్తిస్తోంది.ఇదీ చదవండి: సౌదీ గుండెల్లో గుబులు.. గల్ఫ్‌లో యుద్ధ మేఘాలు!

వాషింగ్టన్: ఇరాన్‌తో జరుగుతున్న యుద్ధానికి ముగింపు పలికేందుకు అమెరికా దౌత్య ప్రయత్నాలను ముమ్మరం చేసినట్లు తెలుస్తోంది. ఇందులో భాగంగా ఇరాన్‌పై ప్రభావం చూపగల చైనాను రంగంలోకి దించినట్లు సమాచారం. చైనా తన పలుకుబడిని ఉపయోగించి ఇరాన్‌ను చర్చలకు ఒప్పించాలని అమెరికా అధ్యక్షుడు డొనాల్డ్ ట్రంప్ కోరినట్లు వాషింగ్టన్ పోస్ట్ కథనం వెల్లడించింది.అమెరికా ట్రెజరీ కార్యదర్శి స్కాట్ బెసెంట్ కూడా ఈ దిశగా బీజింగ్‌కు విజ్ఞప్తి చేసినట్లు సమాచారం. అంతేకాదు అమెరికా సందేశాన్ని చైనా ఇప్పటికే ఇరాన్‌కు చేరవేసినట్లు ఆ కథనం పేర్కొంది. ఇటీవల వాషింగ్టన్‌లో చైనా అధ్యక్షుడు జిన్‌పింగ్‌తో జరిగిన సమావేశంలోనూ ట్రంప్ ఈ అంశాన్ని ప్రస్తావించినట్లు తెలుస్తోంది. ఆ సమావేశంలో ఇరాన్ అణ్వాయుధాలను కలిగి ఉండకూడదన్న అభిప్రాయంతో జిన్‌పింగ్ కూడా ఏకీభవించినట్లు సమాచారం.ఇక మరోవైపు ఖతార్ దేశం కూడా ఇప్పటికే అమెరికా-ఇరాన్ మధ్య మధ్యవర్తిత్వ ప్రయత్నాలను కొనసాగిస్తోంది. ఇరుదేశాలు యుద్ధాన్ని ముగించేందుకు సానుకూల పరిష్కారానికి రావాలని ఖతార్ ప్రధాని షేక్ మహమ్మద్ బిన్ అబ్దుల్‌రహ్మాన్ అల్ థానీ కోరారు. ఇరుదేశాలు శాంతి ఒప్పందానికి రావాలని ఆయన అభిప్రాయపడ్డారు.ఇదిలా ఉండగా హర్మూజ్ జలసంధిని తిరిగి తెరిచేందుకు ఇరాన్ ఏడు రోజుల ప్రణాళికను ప్రతిపాదిస్తోంది. ఇందులో భాగంగా అమెరికా తమ ఓడరేవులపై ఆంక్షలు ఎత్తివేయాలని కోరింది. అంతేకాదు స్తంభింపజేసిన ఇరాన్ ఆస్తులను వెంటనే విడుదల చేయాలని డిమాండ్ చేస్తోంది. అయితే ఈ ప్రతిపాదనను ట్రంప్ ఇప్పటివరకు తిరస్కరించారు. తాజా దౌత్య ప్రయత్నాలతో ఇరాన్ యుద్ధానికి ముగింపు లభిస్తుందా లేదా.. అన్నది ప్రస్తుతం ఆసక్తికరంగా మారింది.ఇదీ చదవండి: ఫోస్టర్ పిల్లల కోసం మెలానియా ట్రంప్ భారీ స్కాలర్‌షిప్‌లు

వాషింగ్టన్‌: పశ్చిమాసియాలో మరోసారి భౌగోళిక రాజకీయాల వేడి తారాస్థాయికి చేరుకుంది. ఇరాన్‌ను ఆర్థికంగా, సైనికపరంగా అష్టదిగ్బంధనం చేసే లక్ష్యంగా అమెరికా అధ్యక్షుడు డొనాల్డ్‌ ట్రంప్‌ మరో కీలక నిర్ణయం తీసుకున్నారు. ఇరాన్‌పై ఇప్పటికే సముద్ర మార్గాల్లో ఉక్కుపాదం మోపిన ట్రంప్‌.. ఇప్పుడు తాజాగా ఆ దేశ భూగోళ సరిహద్దులు, కాస్పియన్ సముద్రం మీదుగా సాగుతున్న అక్రమ రవాణాకు చెక్ పెట్టేందుకు నడుం బిగించారు. ఇందులో భాగంగానే అమెరికా సెంట్రల్ కమాండ్ చీఫ్ అడ్మిరల్ బ్రాడ్ కూపర్ ‘టాస్క్ ఫోర్స్ ఐరన్ గేట్’ను ప్రకటించారు. అమెరికా తెరపైకి తెచ్చిన ఇప్పుడీ ‘ఐరన్ గేట్’ అంతర్జాతీయంగా చర్చకు దారి తీసింది. ఇరాన్‌ను ఆర్థికంగా కుంగదీయాలనే వ్యూహంలో భాగంగా అమెరికా ఇప్పటికే ఆ దేశ చమురు ఎగుమతులపై కఠినమైన నౌకాదళ దిగ్బంధం అమలు చేస్తూ వస్తోంది. హర్మూజ్‌ జలసంధిలో రాకపోకల్ని తన ఆదీనంలోకి తీసుకుంది. ఈ దెబ్బకు ఇరాన్ చేయాల్సిన వేల కోట్ల విలువైన ముడి చమురు వ్యాపారం నిలిచిపోయింది. ఈ సముద్ర దిగ్బంధనం కారణంగా ఇరాన్ చేయాల్సిన సుమారు 25 బిలియన్ డాలర్ల విలువైన ముడి చమురు ఎగుమతులు నిలిచిపోయినట్లు యూఎస్ సెంట్రల్ కమాండ్ వెల్లడించింది.అయితే,సముద్ర మార్గాలు మూసుకుపోవడంతో ఇరాన్‌ ప్రత్యామ్నాయ మార్గాలపై దృష్టి సారించింది. రష్యా, మధ్య ఆసియా, చైనా వంటి దేశాల మధ్య ఉన్న భూమార్గాలు, అలాగే కాస్పియన్ సముద్ర జలాలను వినియోగించుకుంటూ మధ్యవర్తుల ద్వారా రహస్యంగా ఆయుధాలు, విడిభాగాలు, సాంకేతిక పరిజ్ఞానాన్ని సమకూర్చుకుంటున్నట్లు నిఘా వర్గాలు పసిగట్టాయి.అమెరికా ఆంక్షలను తప్పించుకునేందుకు ఇరాన్ వినియోగిస్తున్న ఈ లొసుగులను పూర్తిగా పూడ్చివేయడమే లక్ష్యంగా తాజా టాస్క్ ఫోర్స్ తెరపైకి వచ్చింది.ఫ్లోరిడాలోని టెంపా కేంద్రంగా కార్యకలాపాలు సాగించనున్న ఈ ప్రత్యేక బృందంలో కేవలం 20 మంది పౌర, సైనిక సిబ్బంది మాత్రమే ఉండవచ్చు. సంఖ్యాపరంగా ఇది చిన్న బృందమే అయినప్పటికీ, దీని వ్యూహాత్మక పరిధి మాత్రం చాలా పెద్దది. ఇరాన్ ఉగ్రవాద కార్యకలాపాలకు నిధులు సమకూర్చకుండా, తన ఆయుధ కర్మాగారాలను పునరుద్ధ రించకుండా సైనిక సామగ్రిని తిరిగి నింపుకోకుండా ఈ టాస్క్ ఫోర్స్ నిరంతరం నిఘా వేయనుంది.అంతర్జాతీయ రాజకీయాలపై ప్రభావంఅమెరికా అనుసరిస్తున్న ఈ ఏకపక్ష ‘ఎక్స్‌ట్రా టెరిటోరియల్’(దేశ సరిహద్దులు దాటి ఆంక్షలు విధించే) విధానం మరోసారి అంతర్జాతీయ చట్టాల పరిధిపై చర్చకు దారితీస్తోంది. కాస్పియన్ సముద్ర తీర ప్రాంత దేశాలతో ప్రత్యక్ష సంబంధం లేకపోయినా, తన డాలర్ ఆధిపత్యం, దౌత్యపరమైన ఒత్తిళ్లతో అమెరికా గ్లోబల్ నెట్‌వర్క్‌ను శాసిస్తోంది. వీటో పవర్‌లతో కూడిన అమెరికా ఈ సరికొత్త టాస్క్ ఫోర్స్ ఇరాన్‌ను మరింత ఏకాకిగా మారుస్తుందా? లేక పశ్చిమాసియాలో కొత్త ఉద్రిక్తతలకు దారితీస్తుందా? అనేది కాలమే నిర్ణయించాలిఇదీ చదవండి : మూడోసారి అమెరికా అధ్యక్షుడిగా డొనాల్డ్‌ ట్రంప్‌?

అమెరికా: అమెరికా ప్రథమ మహిళ మెలానియా ట్రంప్ ఫోస్టర్ కేర్‌లో (రక్షణ గృహాల్లో) పెరుగుతున్న పిల్లల ఉన్నత విద్య కోసం భారీ స్కాలర్‌షిప్ నిధిని ప్రకటించారు. వారి చదువులు, ఇతర అవసరాల కోసం 7.2 మిలియన్ డాలర్లు అంటే సుమారు రూ.60 కోట్లకు పైగా ఆమె కేటాయించారు. నవంబర్ 7న లూసియానా స్టేట్‌-అలబామా యూనివర్సిటీల మధ్య జరిగిన ఫుట్‌బాల్ మ్యాచ్ సందర్భంగా ఆమె ఈ విషయాన్ని వెల్లడించారు.ఫోస్టర్ కేర్ వ్యవస్థలో పెరిగిన యువతకు ఉన్నత విద్యావకాశాలు కల్పించేందుకు మెలానియా ‘ఫోస్టరింగ్ ది ఫ్యూచర్’ అనే కార్యక్రమాన్ని ప్రారంభించారు. దీని ద్వారా అమెరికా దేశవ్యాప్తంగా 26 విశ్వవిద్యాలయాలతో భాగస్వామ్యం కుదుర్చుకున్నారు. దీంతో విద్యార్థులకు ట్యూషన్ ఫీజులతో పాటు ఇతర అవసరాలకు కూడా ఆమె ఆర్థిక సహాయం అందించనున్నారు.ఈ సందర్భంగా మెలానియా మాట్లాడుతూ.. ఫోస్టర్ కేర్ నుంచి వచ్చిన యువతకు స్థిరమైన భవిష్యత్తు, నాణ్యమైన విద్యతో పాటు జీవితంలో ఉన్నతంగా ఎదిగే అవకాశాన్ని ఈ స్కాలర్‌షిప్‌లు కల్పిస్తాయని పేర్కొన్నారు. విద్య ఒక వ్యక్తికి ఎవరూ దూరం చేయలేని గొప్ప ఆస్తి అని అన్నారు. కార్యక్రమంలో స్కాలర్‌షిప్ పొందిన విద్యార్థులతో ఆమె ప్రత్యేకంగా మాట్లాడి ఫొటోలు దిగారు.ఇదీ చదవండి: దేశవ్యాప్తంగా FSSAI దాడులు.. రూ.81 కోట్ల విలువైన ఆహార పదార్థాలు సీజ్

వాషింగ్టన్: అగ్రరాజ్యం అమెరికాకు ఒకవైపు యుద్ధ సెగ.. మరోవైపు ఎన్నికల దెబ్బ తగిలింది. ఇరాన్‌తో ఎనిమిది నెలలుగా సాగుతున్న ఘర్షణకు ముగింపు పలకలేక సతమతమవుతున్న ట్రంప్ ప్రభుత్వానికి మధ్యంతర ఎన్నికల ఫలితాలు మరో రాజకీయ సంక్షోభాన్ని తెచ్చిపెట్టాయా? రిపబ్లికన్ పార్టీ ఎదుర్కొన్న పరాజయాన్ని ఇప్పుడు ఇరాన్ తనకు అనుకూలమైన రాజకీయ అస్త్రంగా మార్చుకుంటోంది.అమెరికా యుద్ధంలోనూ ఓడింది.. ఎన్నికల్లోనూ దెబ్బతింది అంటూ ఇరాన్ నేతలు ట్రంప్ ప్రభుత్వంపై తీవ్ర విమర్శలు గుప్పిస్తున్నారు. అంతేకాదు.. ఇకపై అమెరికాకు ఎలాంటి సులభమైన దారి ఇవ్వబోమని, యుద్ధానికి తగిన మూల్యం చెల్లించాల్సిందేనని ఇరాన్ ప్రతినిధులు గట్టిగా పట్టుబడుతున్నారు. దీంతో వాషింగ్టన్, టెహ్రాన్ మధ్య ఉద్రిక్తతలు మరో మలుపు తిరుగుతున్నాయి.వాషింగ్టన్‌కు సూటి ప్రశ్న!ఇరాన్ సుప్రీం నేషనల్ సెక్యూరిటీ కౌన్సిల్ కార్యదర్శి మొహసేన్ రెజాయ్ సోషల్ మీడియా వేదిక ఎక్స్‌లో చేసిన వ్యాఖ్యలు ఇప్పుడు చర్చనీయాంశంగా మారాయి. ట్రంప్ ప్రభుత్వాన్ని ఉద్దేశించి ఆయన తీవ్ర వ్యంగ్యాస్త్రాలు సంధించారు. ఈ సందర్భంగా రెజాయ్‌..‘యుద్ధంలో ఓడిపోయారు.. ఎన్నికల్లోనూ ఓడిపోయారు. వాన్స్ ఓటమిని అంగీకరించారు, రూబియో నిష్క్రమణ దిశగా ఉన్నారు, హెగ్‌సెత్ తొలగింపును ఎదుర్కొంటున్నారు. సెంట్కామ్ కమాండర్ ఇప్పుడు పాడ్‌కాస్టర్‌గా మారారు. మరి మా సందేశాన్ని వాషింగ్టన్‌లో ఎవరికి చేరవేయాలి?’ అంటూ ప్రశ్నించారు. అమెరికా నాయకత్వం బలహీనపడుతోందని, యుద్ధం ట్రంప్‌కు స్వదేశంలోనూ రాజకీయ సమస్యగా మారిందని ఎద్దేవా చేశారు.ట్రంప్‌ను అంత తేలిగ్గా వదలొద్దు!అమెరికా ఎన్నికల ఫలితాలతో ఇరాన్‌లోని కొందరు నేతలకు కొత్త ఉత్సాహం వచ్చింది. యుద్ధంలో అమెరికా ఆశించిన లక్ష్యాలను సాధించలేకపోయిందని వారు వాదిస్తున్నారు. ఈ పరిస్థితుల్లో చర్చల పేరుతో అమెరికాకు ఎలాంటి వెసులుబాటు కల్పించకూడదని, ఇరాన్ తన డిమాండ్లపై వెనక్కి తగ్గకూడదని ప్రభుత్వంపై ఒత్తిడి పెంచుతున్నారు. ఇరాన్ సుప్రీం లీడర్ మొజ్తబా ఖమేనీ కూడా లొంగుబాటు ధోరణికి ఏమాత్రం తావివ్వకూడదని హెచ్చరించినట్లు కథనం పేర్కొంది. అమెరికాతో చర్చలు జరుపుతున్న ప్రతినిధులకు ఈ వ్యాఖ్యలు సంకేతాలుగా భావిస్తున్నారు. ఇరాన్‌కు చెందిన రాజా న్యూస్ సైతం అమెరికా ఈ యుద్ధం నుంచి సులభంగా బయటపడేందుకు అనుమతించకూడదని పేర్కొంది. ఇరాన్‌పై దాడులకు అమెరికా మూల్యం చెల్లించాలని, హడావుడిగా ఒప్పందం చేసుకుని ట్రంప్ బయటపడే పరిస్థితి కల్పించకూడదని తన కథనంలో స్పష్టం చేసింది.వాన్స్ వ్యాఖ్యలతో ఇరాన్‌కు కొత్త అస్త్రం..అమెరికా మధ్యంతర ఎన్నికల్లో రిపబ్లికన్ల పరాజయానికి ఇరాన్ యుద్ధం కూడా ఒక కారణమని ట్రంప్, ఉపాధ్యక్షుడు జేడీ వాన్స్ వ్యాఖ్యానించినట్లు కథనం వెల్లడించింది. ఫాక్స్ న్యూస్‌తో మాట్లాడిన ట్రంప్ యుద్ధ ప్రభావం ఎన్నికల ఫలితాలపై కొంతమేర ఉందని అంగీకరించగా, వాన్స్ మాత్రం మరింత స్పష్టంగా స్పందించారు. మనం ఓడిపోవడానికి కారణం యుద్ధమే అంటూ ఎక్స్‌లో వ్యాఖ్యానించారు. ఈ వ్యాఖ్యలనే ఇప్పుడు ఇరాన్ నేతలు అమెరికాకు వ్యతిరేకంగా ఉపయోగించుకుంటున్నారు. యుద్ధం అమెరికాకు సైనికపరంగానే కాకుండా ఆర్థికంగా, రాజకీయంగా కూడా భారంగా మారిందని వాదిస్తున్నారు.మొత్తానికి.. అమెరికా ఎన్నికల ఫలితాలు ఇరాన్‌కు కొత్త రాజకీయ అస్త్రంగా మారగా, ట్రంప్ ప్రభుత్వానికి యుద్ధం, దౌత్యం, స్వదేశీ రాజకీయాలు మూడు సవాళ్లుగా మారాయి. ఇరాన్ డిమాండ్లకు అమెరికా తలొగ్గుతుందా? లేక మరోసారి సైనిక చర్యలకు దిగుతుందా? హార్ముజ్ జలసంధి వివాదం ఎలాంటి మలుపు తిరుగుతుంది? ఇప్పుడు ప్రపంచ దేశాల చూపంతా వాషింగ్టన్, టెహ్రాన్ తదుపరి నిర్ణయాలపైనే ఉంది.ఇదీ చదవండి: ఇరాన్‌పై మళ్లీ అమెరికా దాడులు

వాషింగ్టన్‌: మధ్యంతర ఎన్నికల్లో ఎదురైన ఘోర పరాజయంతో అమెరికా అధ్యక్షుడు డొనాల్డ్ ట్రంప్‌.. కీలక మార్పుల దిశగా అడుగులు వేస్తున్నారు. ఓటమి తర్వాత తన టీమ్‌లో ప్రక్షాళనకు దిగిన ట్రంప్.. ఏకంగా వైట్‌హౌస్ చీఫ్ ఆఫ్ స్టాఫ్‌నే మార్చేశారు. తనకు అత్యంత నమ్మకస్తురాలైన సూసీ వైల్స్‌ను ఆ బాధ్యతల నుంచి తప్పించి.. ఆమె స్థానంలో అత్యంత సన్నిహితుడైన స్టీఫెన్ మిల్లర్‌కు పగ్గాలు అప్పగించారు. అయితే ఈ మార్పులకు, ఎన్నికల ఓటమికి సంబంధం లేదని ట్రంప్ చెబుతున్నారు.మిల్లర్ నవంబర్ 9 నుంచి బాధ్యతలు చేపట్టనున్నారు. అయితే సూసీ వైల్స్‌ను పూర్తిగా పక్కన పెట్టడం లేదు. ఆమెను ట్రంప్ రాజకీయ వ్యవహారాల విభాగానికి బదిలీ చేశారు. ఈ విషయాన్ని ట్రంప్ తన సోషల్ మీడియా వేదిక ట్రూత్ సోషల్‌లో వెల్లడించారు. ‘స్టీఫెన్‌ మిల్లర్ నా అత్యంత విశ్వసనీయ సలహాదారుల్లో ఒకరు. నా రాజకీయ ప్రస్థానం ప్రారంభం నుంచి ఆయన నాతోనే ఉన్నారు. ఆయనకు రాజకీయాలపై మంచి అవగాహన ఉంది. చీఫ్ ఆఫ్ స్టాఫ్‌గా అద్భుతంగా పనిచేస్తారని నమ్ముతున్నాను. సూసీ వైల్స్ కూడా తన బాధ్యతలను సమర్థంగా నిర్వర్తించారు. ఆమె సేవలకు కృతజ్ఞతలు’’ అంటూ ట్రంప్ పేర్కొన్నారు.41 ఏళ్ల స్టీఫెన్ మిల్లర్ శుక్రవారం ట్రంప్‌తో కలిసి ఫ్లోరిడా పర్యటనలోనూ పాల్గొన్నారు. వైట్‌హౌస్ నుంచి బయలుదేరే సమయంలో మీడియా ప్రతినిధులు అడిగిన ప్రశ్నలకు ట్రంప్ స్పందిస్తూ.. మిల్లర్ సమర్థవంతుడని.. కొత్త బాధ్యతలను సమర్థంగా నిర్వహిస్తారని చెప్పారు. మధ్యంతర ఎన్నికల్లో పార్టీ ఎదుర్కొన్న పరాజయంతో అసంతృప్తితోనే ఈ మార్పు చేశారా? అన్న ప్రశ్నకు ట్రంప్ స్పందిస్తూ.. ఎన్నికల్లో ఓటమి కారణంగా ఈ నిర్ణయం తీసుకోలేదని.. ఇది సరైన సమయం అని భావించాను. కొన్నిసార్లు మార్పులు చేయాల్సి ఉంటుంది. ఆ ఎన్నికల్లో నేను పోటీ చేయలేదంటూ ట్రంప్‌ వ్యాఖ్యానించారు.చీఫ్ ఆఫ్ స్టాఫ్ పదవి నుంచి వైదొలగడంపై సూసీ వైల్స్ కూడా స్పందించారు. ‘‘ఈ రోజు వైట్‌హౌస్ చీఫ్ ఆఫ్ స్టాఫ్‌గా నా చివరి రోజు. అధ్యక్షుడు ట్రంప్‌తో కలిసి వైట్‌హౌస్‌లో పనిచేయడం నా జీవితంలో మరిచిపోలేని గౌరవం. దేశ సరిహద్దుల భద్రత బలోపేతం, పన్నులు తగ్గింపు, ఆర్థిక వ్యవస్థ బలోపేతం, అమెరికా ప్రయోజనాల్లో భాగస్వామిని కావడం గర్వంగా ఉందంటూ ఆమె పేర్కొన్నారు.ట్రంప్ ప్రస్తుత అధ్యక్ష పదవీకాలంలో అత్యధిక కాలం చీఫ్ ఆఫ్ స్టాఫ్‌గా పనిచేసిన వ్యక్తిగా సూసీ వైల్స్ నిలిచారు. కాగా, ట్రంప్ తన తొలి నాలుగేళ్ల పదవీకాలంలో ఈ బాధ్యతలను నలుగురికి అప్పగించారు. 2024 ఎన్నికల తర్వాత ట్రంప్ తొలుత నియమించిన వ్యక్తి కూడా సూసీ వైల్సే. వైట్‌హౌస్ చీఫ్ ఆఫ్ స్టాఫ్‌గా బాధ్యతలు చేపట్టిన తొలి మహిళగా ఆమె చరిత్ర సృష్టించారు.స్టీఫెన్ మిల్లర్ ట్రంప్‌నకు అత్యంత సన్నిహితంగా ఉండే సహాయకుల్లో ఒకరు. ప్రస్తుతం హోంల్యాండ్ సెక్యూరిటీ సలహాదారుగా, డిప్యూటీ చీఫ్ ఆఫ్ స్టాఫ్‌గా వ్యవహరిస్తున్నారు. 2016లో ట్రంప్ అధ్యక్ష ఎన్నికల ప్రచార బృందంలో ప్రసంగ రచయితగా చేరారు. ముఖ్యంగా ట్రంప్ వలస విధానాల రూపకల్పనలో కీలక పాత్ర పోషించిన వ్యక్తిగా గుర్తింపు పొందారు. అయితే, వలస విధానాల అమలుపై ఆయన తీవ్ర విమర్శలు ఎదుర్కొన్నారు. ముఖ్యంగా ఈ ఏడాది జనవరిలో వలస నియంత్రణ అధికారులు జరిపిన కాల్పుల్లో ఇద్దరు నిరసనకారులు మరణించిన ఘటన తర్వాత ఆయనపై విమర్శలు వెల్లువెత్తాయి.ట్రంప్ బృందంలో చేరడానికి ముందు.. అలబామాకు చెందిన రిపబ్లికన్ మాజీ సెనేటర్ జెఫ్ సెషన్స్ వద్ద పనిచేశారు. అనంతరం సెషన్స్ ట్రంప్ తొలి ప్రభుత్వంలో అటార్నీ జనరల్‌గా బాధ్యతలు నిర్వర్తించారు. మిల్లర్ నియామకంపై అమెరికా ఉపాధ్యక్షుడు జేడీ వాన్స్ స్పందిస్తూ.. సూసీతో ఉన్న స్నేహానికి, అధ్యక్షుడికి, దేశానికి ఆమె చేసిన సేవలకు కృతజ్ఞతలు. స్టీఫెన్ మిల్లర్ గొప్ప దేశభక్తుడు. ఆయన కొత్త బాధ్యతల్లో అద్భుతంగా రాణిస్తారు. ఈ పదోన్నతికి ఆయన అర్హడంటూ ఎక్స్‌ వేదికగా పేర్కొన్నారు.ఇదీ చదవండి: ఇరాన్‌పై ట్రంప్‌ సంచలన వ్యాఖ్యలు.. ఈసారి బిగ్‌ స్కెచ్‌!

వాషింగ్టన్‌: ఇరాన్‌పై మరోసారి విరుచుకుపడేందుకు అమెరికా సిద్ధమవుతోందా? అణ్వాయుధాల పేరుతో ఇప్పటికే రెండుసార్లు దాడులు చేసినా.. టెహ్రాన్ అణు ముప్పు పూర్తిగా తొలగలేదా? ఇరాన్‌ను నేను అడ్డుకోకపోతే ఇజ్రాయెల్‌తో పాటు యావత్ మధ్యప్రాచ్యం ఈరోజు ఉండేవే కావంటూ అమెరికా అధ్యక్షుడు డొనాల్డ్ ట్రంప్ చేసిన వ్యాఖ్యలు ఇప్పుడు అంతర్జాతీయంగా చర్చనీయాంశంగా మారాయి. మరోవైపు వైట్‌హౌస్‌లో వరుస భద్రతా సమావేశాలు, అమెరికా సైనిక దళాల సన్నాహాలు.. మరో యుద్ధానికి సంకేతాలిస్తున్నాయా? అసలు ఇరాన్ అణు కార్యక్రమం పరిస్థితి ఏమిటి? అమెరికా దాడులతో అణు ముప్పు నిజంగానే తొలగిపోయిందా? అనే చర్చ నడుస్తోంది.ఇరాన్ అణ్వాయుధాన్ని అభివృద్ధి చేయకుండా తన ప్రభుత్వం అడ్డుకుందని ట్రంప్ ట్రూత్ సోషల్ వేదికగా పేర్కొన్నారు. ఈ సందర్బంగా ట్రంప్‌..‘ఇరాన్ వద్ద అణ్వాయుధం లేకుండా నేను అడ్డుకోకపోతే ఇజ్రాయెల్‌తో పాటు మొత్తం మధ్యప్రాచ్యం ఈరోజు ఉండేవి కావు. ఈ విషయం ఎవరూ చెప్పడానికి ఇష్టపడటం లేదు. కానీ అందరికీ తెలుసు!’ అంటూ పోస్టు చేశారు. కాగా, 2025లో, 2026లో అమెరికా, ఇజ్రాయెల్ కలిసి ఇరాన్‌లోని కీలక అణు, సైనిక స్థావరాలపై దాడులు నిర్వహించాయి. ఇరాన్ అణ్వాయుధాన్ని తయారు చేయకుండా అడ్డుకోవడమే ఈ దాడుల ప్రధాన ఉద్దేశమని ప్రకటించాయి. అయితే ఈ దాడులతో ఇరాన్ అణు కార్యక్రమం ఎంతమేర దెబ్బతిన్నదన్నది ఇప్పటికీ స్పష్టంగా లేదు. అక్టోబర్‌లో విడుదలైన అమెరికా కాంగ్రెస్ పరిశోధనా విభాగం నివేదిక కూడా ఇదే విషయాన్ని వెల్లడించింది.ఇరాన్ వద్ద ఇంకా 200 కిలోల యురేనియం?ఇరాన్ అణు కార్యక్రమంపై ఆందోళనకు ప్రధాన కారణం అక్కడ ఉన్న యురేనియం నిల్వలు. రాయిటర్స్ అక్టోబర్ విశ్లేషణ ప్రకారం, ఇస్ఫహాన్‌లోని భూగర్భ సొరంగాల సముదాయంలో 60 శాతం వరకు శుద్ధి చేసిన 200 కిలోగ్రాములకు పైగా యురేనియం ఉండవచ్చని IAEA అంచనా వేస్తోంది. అణ్వాయుధాల తయారీకి సాధారణంగా దాదాపు 90 శాతం శుద్ధి చేసిన యురేనియం అవసరమవుతుంది. అయితే 60 శాతం స్థాయిలో ఉన్న యురేనియంను మరింత శుద్ధి చేసే అవకాశం ఉండటంతో అంతర్జాతీయంగా ఆందోళన కొనసాగుతోంది. దీనికి తోడు ఇరాన్ అణు కేంద్రాలపై దాడుల అనంతరం అక్కడి యురేనియం నిల్వలు, సెంట్రిఫ్యూజ్‌ల పూర్తి వివరాలనుIAEA ధ్రువీకరించలేకపోతోంది.ఇరాన్ అణుబాంబు తయారు చేస్తోందా?ఇక్కడే అసలు ప్రశ్న తలెత్తుతోంది. ఇరాన్ అణుబాంబు తయారు చేసిందని నిర్ధారించే ఆధారాలు లేవు. ఇరాన్ కూడా తన అణు కార్యక్రమం శాంతియుత అవసరాల కోసమేనని చెబుతోంది. 2026లో అమెరికా అంచనాలను ఉటంకిస్తూ కాంగ్రెస్‌కు సమర్పించిన నివేదిక ప్రకారం, ఇరాన్ 2003లో తన అణ్వాయుధ కార్యక్రమాన్ని నిలిపివేసింది. ఆ తర్వాత క్రమబద్ధమైన అణ్వాయుధ తయారీ కార్యక్రమాన్ని తిరిగి ప్రారంభించినట్లు నిర్ధారిత ఆధారాలు లేవని పేర్కొంది. అంటే ఇరాన్ వద్ద అణుబాంబు ఉందని చెప్పడానికి ఆధారాలు లేవు. అదే సమయంలో దాని వద్ద ఉన్న యురేనియం నిల్వలు, అణు సామర్థ్యంపై సందేహాలు మాత్రం కొనసాగుతున్నాయి.మరో యుద్ధానికి ట్రంప్ సంకేతాలు?ఇరాన్‌పై తదుపరి సైనిక చర్యల విషయంలో ట్రంప్ ప్రభుత్వం కీలక చర్చలు జరుపుతోంది. బుధవారం, గురువారం వైట్‌హౌస్‌లో జాతీయ భద్రతా అధికారులతో సమావేశాలు జరిగినట్లు ఫాక్స్ న్యూస్‌కు అమెరికా అధికారులు వెల్లడించారు. మరోవైపు అమెరికా సెంట్రల్ కమాండ్ (CENTCOM) తదుపరి దాడులకు సంబంధించిన సన్నాహాలను ముమ్మరం చేసినట్లు సమాచారం. ఇరాన్ అణు కార్యక్రమంపై మరిన్ని దాడులు చేపట్టాలా వద్దా అనే విషయాన్ని త్వరలో నిర్ణయిస్తామని ట్రంప్ వెల్లడించారు. అయితే పెద్ద ఎత్తున యుద్ధ కార్యకలాపాలను తిరిగి ప్రారంభించేందుకు ఇప్పటివరకు అధికారిక ఆదేశాలు జారీ కాలేదు.ఇదీ చదవండి: ట్రంప్‌ వారసుడు ఎవరో?

న్యూయార్క్‌/ఘాజియాబాద్‌: అమెరికా మధ్యంతర ఎన్నికలు ఉత్తరప్రదేశ్‌లో పుట్టి అమెరికా వెళ్లిన సబా హైదర్‌ను హౌజ్‌ ఆఫ్‌ రిప్రజెంటేటివ్స్‌ ప్రతినిధిగా మార్చేశాయి. ఇల్లినాయ్‌లోని 84 డిస్ట్రిక్ట్ నుంచి జనరల్‌ అసెంబ్లీకి ఎన్నికైన సబా ప్రత్యర్థి, రిపబ్లికన్‌ పార్టీకి చెందిన బ్రియాన్‌ స్కోపాపై ఘన విజయం సాధించారు. డెమొక్రాట్‌ అభ్యర్థి సబాకు ఏకంగా 70.9 శాతం ఓట్లు దక్కగా.. బ్రియాన్‌ 29.1 శాతంతో సరిపెట్టుకోవాల్సి వచ్చింది. ‘‘మనం సాధించాం. 15 నెలలుగా డిస్ట్రిక్ట్‌ 84లోని మూల మూలల్లోని ఓటర్లతో మాట్లాడుతున్నాం. మీ కోసం పనిచేస్తామని భరోసా ఇచ్చాం. వారికి ఏం కావాలో అడిగి తెలుసుకున్నాం. ఇల్లినాయిలోని ప్రజలందరినీ కలుపుకుని వాటిని సాధించడం ఎలా అన్నది కూడా వివరించాం’’అని సబా హైదర్‌ విజయానంతరం వ్యాఖ్యానిస్తూ చెప్పారు. ఇది ప్రజల విజయమని, అందరికీ సమాన అవకాశాలు లభించే ఇల్లినాయిస్‌ నిర్మాణానికి తనవంతు కృషి చేస్తానని తెలిపారు. ఇల్లినాయ్‌ రాజకీయాల్లోకి అడుగుపెట్టే ముందు సబా డుపేజ్‌ కౌంటీ బోర్డ్‌ మెంబర్, కమ్యూనిటీ అడ్వకేట్‌గా పనిచేశారు. సబా తల్లిదండ్రులు ఉత్తరప్రదేశ్‌లోని బులంద్‌షహర్‌ జిల్లా ఔరంగాబాద్‌కు చెందిన వారు. సబా కూడా అక్కడే జన్మించారు. 2006లో కంప్యూటర్‌ ఇంజనీర్‌ అలీ కజ్మీని వివాహమాడి అమెరికాకు వలస వెళ్లారు. ‘‘అప్పటి నుంచి సమాజానికి నా వంతు సాయం అందించేందుకు ప్రయత్నిస్తున్నా. నన్ను నా కుటుంబాన్ని ఆదరించిన ఇల్లినాయ్‌ని ఇల్లుగా మార్చుకున్నా’’అంటారు సబా. అలీఘర్‌ ముస్లిం యూనివర్సిటీ నుంచి వైల్డ్‌ లైఫ్‌ సైన్సెస్‌లో ఎమ్మెస్సీ విద్యను అభ్యసించిన సబా గోల్డ్‌ మెడల్‌ సాధించారు. యోగా శిక్షకురాలిగా సామాజిక జీవితాన్ని ప్రారంభించారు. సబా సాధించిన ఘన విజయంపై యూనివర్సిటీ పూర్వ విద్యార్థుల సంఘం అభినందనలు తెలిపింది. తమకెంతో గర్వకారణమైన విజయమని కొనియాడింది. సామర్థ్యం, నమ్మకాలే గెలిపించాయి... సబా విజయం పట్ల ఉత్తరప్రదేశ్‌ ఘజియాబాద్‌లోని ఆమె కుటుంబ సభ్యులు హర్షం వ్యక్తం చేశారు. ‘ఇది కేవలం ఒక మైనారిటీ గుర్తింపుతో వచ్చిన విజయం కాదు.. ఆమె ప్రతిభ, ఆత్మవిశ్వాసం, విద్యకు దక్కిన గౌరవం‘ అని ఆమె సోదరుడు అబ్బాస్‌ హైదర్‌ పేర్కొన్నారు. నేపథ్యం, కులం, సామాజిక వర్గం వంటివేవీ పనిచేయవని, విద్యావంతులై, ప్రజాసేవ స్ఫూర్తితో పనిచేయాలని సంకల్పిస్తే ఎక్కడైనా ఎన్నికల్లో విజయం సాధించవచ్చునని అన్నారు. ఘజియాబాద్‌లో సొంత వ్యాపారం నిర్వహిస్తున్న అబ్బాస్‌ సోదరి విజయంపై ఆనందాన్ని అందరితో పంచుకోవడంలో బిజీగా ఉన్నారు.

వాషింగ్టన్‌: అమెరికా అధ్యక్ష ఎన్నికల్లో రిపబ్లికన్‌ పార్టీ ఘోరంగా ఓడిపోయింది. అధ్యక్షుడు డొనాల్డ్‌ ట్రంప్‌ విధానాలను ప్రజలు తిరస్కరించారు. ఆయన పరిపాలన ఎంతమాత్రం నచ్చలేదని తేల్చిచెప్పేశారు. ట్రంప్‌పై సాధారణ ప్రజానీకంలోనే కాకుండా సొంత పార్టీలోనూ అసంతృప్తి రగులుతోంది. ఒంటెత్తు పోకడలతో పార్టీకి తలవంపులు తీసుకొచ్చారని రిపబ్లికన్‌ నేతలు మండిపడుతున్నారు. ఇప్పుడు అందరి దృష్టి 2028 జరిగే అమెరికా అధ్యక్ష ఎన్నికల వైపు మళ్లింది. ఎన్నికల్లో రిపబ్లికన్‌ పార్టీ అభ్యర్థిగా ఎవరు పోటీ చేస్తారన్న దానిపై విస్తృతంగా చర్చ సాగుతోంది. రిపబ్లికన్‌ పార్టీలో ట్రంప్‌ వారసుడిగా పలువురు నేతల పేర్లు తెరపైకి వస్తున్నాయి. ఇందులో రో ఖన్నా, మార్కో రూబియో, పీట్‌ హెగ్సెత్‌ పేర్లపై ఎక్కువగా చర్చ సాగుతోంది. విదేశాంగ మంత్రి మార్కో రూబియో కూడా అధ్యక్ష పదవికి పోటీ పడాలని నిర్ణయించుకున్నట్లు వార్తలు వస్తున్నాయి. ట్రంప్‌ ప్రభుత్వంలో కీలకంగా వ్యవహరిస్తున్న రూబియో తదుపరి ఎన్నికల్లో అధ్యక్ష పదవికి పోటీ పడేందుకు రాజీనామా చేయవచ్చని కొన్ని మీడియా సంస్థలు వెల్లడించాయి. అయితే, రూబియో ఆ వార్తలను కొట్టిపారేశారు. ట్రంప్‌ హయాంలో తన పదవీకాలం ముగిసే వరకు కొనసాగుతానని తేల్చిచెప్పారు. ఇలాంటి వార్తలు ఎందుకు వస్తున్నాయో, ఎక్కడి నుంచి వస్తున్నాయో అర్థం కావడం లేదన్నారు. కుటుంబంతో కలిసి నిర్ణయం తీసుకుంటా: ఖన్నా భారతీయ అమెరికన్‌ కాంగ్రెస్‌ సభ్యుడు రో ఖన్నాకు మద్దతు కూడగట్టేందుకు ఆయన అనుచరులు ప్రయత్నిస్తున్నారు. మాజీ కాంగ్రెస్‌ సభ్యుడు జమాల్‌ బోమన్, వ్యూహకర్త నోమికీ కాన్‌స్ట్‌ కలిసి ‘రన్‌ రో’అనే ప్రచార బృందాన్ని ఏర్పాటు చేశారు. ఈ బృందం దాతల నుంచి నిధులు సేకరించి, ఖన్నా అభ్యర్థిత్వానికి మద్దతు కూడగట్టడం ప్రారంభిస్తుంది. అధ్యక్ష ఎన్నికల్లో ప్రచార కార్యక్రమాన్ని ప్రగతిశీల ప్రజాకర్షక దృక్పథంతో రూపొందించేలా ప్రయత్నిస్తున్నామని కాన్‌స్ట్‌ చెప్పారు. రో ఖన్నా అభ్యర్థిత్వానికి సవాళ్లు లేకపోలేదు. ఇప్పటివరకు ప్రతినిధుల సభ(హౌస్‌) నుంచి నేరుగా అధ్యక్షుడిగా ఎన్నికైన నాయకుడు జేమ్స్‌ గార్‌ఫీల్డ్‌ మాత్రమే. ఆయన 1880లో విజయం సాధించారు. రో ఖన్నా ఐదోసారి చట్టసభ సభ్యుడిగా ఎన్నికయ్యారు. జెఫ్రీ ఎప్‌స్టీన్‌ ఫైళ్లను బయటపెట్టడం, ఇరాన్‌పై యుద్ధాన్ని ముగించడానికి చొరవ చూపడం వంటి కారణాలతో పలుమార్లు వార్తల్లో నిలిచారు. అధ్యక్ష ఎన్నికల్లో తాను పోటీ చేయాలా? లేక వేరొకరికి మద్దతు ఇవ్వాలా? అనేది సెలవుల తర్వాత తన కుటుంబంతో కలిసి నిర్ణయించుకుంటానని ఖన్నా ఒక ప్రకటనలో తెలిపారు. ఆయన 2020లో బెర్నీ శాండర్స్‌ ప్రచారానికి సహకరించారు. అమెరికాలో ప్రగతిశీలవాదులు అభిమానించే నాయకుడు రో ఖన్నా. హెగ్సెత్, రూబియోను తప్పించడం లేదు: వైట్‌హౌస్‌ రక్షణ శాఖ మంత్రి పీట్‌ హెగ్సెత్‌ సైతం తన అదృష్టాన్ని పరీక్షించుకోవడానికి సిద్ధమవుతున్నట్లు సమాచారం. ఆయన తన అభీష్టాన్ని ఇప్పటిదాకా బహిరంగంగా వ్యక్తంచేయలేదు. మధ్యంతర ఎన్నికల్లో ఓటమి తర్వాత తన మంత్రివర్గంలో మార్పులు చేయాలని ట్రంప్‌ భావిస్తున్నట్లు సమాచారం. రక్షణ మంత్రి పీట్‌ హెగ్సెత్, విదేశాంగ మంత్రి మార్కో రూబియో తమ పదవులకు రాజీనామా చేస్తారని ప్రచారం సాగుతోంది. అయితే, ఈ అంశాన్ని వైట్‌హౌస్‌ ఖండించింది. రిపబ్లికన్‌ పార్టీ ఓటమికి ఇరాన్‌ యుద్ధమే కారణమని ఆరోపణలు ఉన్నాయి. ఆయనను అభిశంసించాలని, పదవి నుంచి తప్పించాలని రిపబ్లికన్‌ పార్టీలో కొందరు డిమాండ్‌ చేస్తున్నారు. పీట్‌ హెగ్సెత్‌ తన పనితీరును సమర్థించుకుంటూ ఒక వీడియోను సోషల్‌ మీడియాలో పోస్టుచేశారు. తాము సమర్థవంతంగా పనిచేస్తున్నందుకే తమపై మాటల దాడి జరుగుతోందని ఆరోపించారు. ప్రత్యర్థుల ప్రయత్నాలు ఫలించబోవని, తాము వెనక్కి తగ్గబోమని తేల్చిచెప్పారు. మరోవైపు రిపబ్లికన్‌ అభ్యర్థులుగా రవాణా శాఖ మాజీ సెక్రెటరీ పీట్‌ బుట్టిగీగ్, జార్జియా సెనేటర్‌ రాఫెల్‌ వార్నాక్, అరిజోనా సెనేటర్‌ రూబెన్‌ గల్లెగో, కనెక్టికట్‌ సెనేటర్‌ క్రిస్‌ మర్ఫీ పేర్లు కూడా వినిపిస్తున్నాయి.

అమెరికాలో దీపావళికి ప్రాముఖ్యత పెరుగుతోంది. గత రెండేళ్లుగా ఈ మార్పు మరింత వేగవంతమైంది. 2024లో పెన్సిల్వేనియా రాష్ట్రం దీపావళిని అధికారిక సెలవుదినంగా ప్రకటించిన మొదటి అమెరికన్ రాష్ట్రంగా నిలిచింది. ఆ తర్వాత 2025లో కనెక్టికట్ మరియు కాలిఫోర్నియా రాష్ట్రాలు కూడా దీనికి చట్టపరమైన గుర్తింపునిచ్చాయి. మరోవైపు, న్యూయార్క్ నగరం 2023లోనే దీపావళి రోజున ప్రభుత్వ పాఠశాలలకు సెలవు ప్రకటించింది. ఈ ఏడాది, ఈ పండుగ మరో కీలక మైలురాయిని చేరుకుంది.ఐదు రాష్ట్రాల్లో తొలిసారి...బిన్నత్వంలో ఏకత్వమే తమ బలంఅమెరికాలోని ఐదు రాష్ట్రాల గవర్నర్లు తమ అధికారిక నివాసాలు, రాష్ట్ర కాపిటల్ ప్రాంగణాలలో తొలిసారిగా అధికారికంగా దీపావళి వేడుకలను నిర్వహించడం విశేషం. అలాగే పసిఫిక్ వాయువ్య ప్రాంతంలోని 21 నగరాల మేయర్లు, తమ రాష్ట్ర రాజధానులలో, గవర్నర్ నివాసాలలో మరియు నగర పాలక కార్యాలయాలలో మొదటిసారిగా దీపావళి వేడుకలను నిర్వహించారు. వ్యాపార, ప్రజాసేవ, సాంస్కృతిక రంగాలలో భారతీయ అమెరికన్ల ప్రాముఖ్యతను, వారు అందిస్తున్న సేవలను అభినందించారు. ఐడాహో, నెబ్రాస్కా, మోంటానా, నార్త్ డాకోటా, వాషింగ్టన్ రాష్ట్రాలలో ఈ వేడుకలు జరిగాయి. అక్టోబర్ మధ్యలో ప్రారంభమైన ఈ సంబరాలు నవంబర్ 10న సేలమ్‌లోని ఒరెగాన్ స్టేట్ కాపిటల్‌లో జరిగే ఆరో వేడుకతో ముగియనున్నాయి. అంతేకాదు అమెరికా అధ్యక్ష భవనమైన వైట్ హౌస్‌లో కూడా అధ్యక్షుడు డోనాల్డ్ ట్రంప్ దీపావళి వేడుకలను నిర్వహించనున్నారు.VIDEO | The Governors of Idaho, Nebraska, Montana, North Dakota and Washington hosted first-ever Diwali celebrations at their State Capitol Rotundas and Governors’ Mansions this year. Organised in partnership with the Consulate General of India in Seattle, the celebrations were attended by US Senators, Members of Congress, Mayors and members of the Indian-American community. Across Washington State, 22 cities held Diwali ceremonies in their City Council chambers, where Mayors and council members lit ceremonial lamps. Several states and cities also issued official proclamations recognising Diwali and the contributions of the Indian-American community. The celebrations began in mid-October and will conclude on November 10, 2026, with a state-level celebration hosted by the Governor of Oregon at the State Capitol in Salem, alongside ceremonies at Seattle City Hall and the King County Council. (Source: Consulate General of India, Seattle) (Full video available on PTI Videos - https://t.co/bIyFWTfmBd)— Press Trust of India (@PTI_News) November 6, 2026ఇడాహో, నెబ్రాస్కా, మోంటానా, నార్త్ డకోటా , వాషింగ్టన్ రాష్ట్రాల గవర్నర్లు తమ అధికారిక నివాసాలు చరాష్ట్ర రాజధానులలో తొలిసారిగా దీపావళి వేడుకలను నిర్వహించారు. ఈ కార్యక్రమాలకు అమెరికా చట్టసభ సభ్యులు , భారతీయ-అమెరికన్ సమాజ సభ్యులు హాజరయ్యారు. సియాటిల్‌లోని భారత కాన్సులేట్ జనరల్ భాగస్వామ్యంతో ఈ వేడుకలను నిర్వహించారు. సంబంధిత రాష్ట్రాల గవర్నర్ల అధికారిక నివాసాలు, కాపిటల్ భవనాల్లో దీపావళి వేడుకలు జరగడం ఇదే తొలిసారని సీటెల్‌లోని భారత కాన్సులేట్ ప్రకటనలో తెలిపింది.కమ్యూనిటీ నాయకులతో కలిసి భారత కాన్సులేట్ ఈ వేడుకలను నిర్వహించింది. కేవలం రాష్ట్ర స్థాయిలోనే కాకుండా, వాషింగ్టన్ రాష్ట్రంలోని పలు నగరాల్లో కూడా కౌన్సిల్ సభ్యుల సమక్షంలో మేయర్లు దివ్యదీపాలను వెలిగించి దీపావళిని జరుపుకున్నారు. నవంబర్ 4న ఒలింపియాలోని స్టేట్ కాపిటల్‌లో జరిగిన వేడుకలో వాషింగ్టన్ గవర్నర్ బాబ్ ఫెర్గూసన్ మాట్లాడుతూ, భారతీయ అమెరికన్ సమాజం వేగంగా విస్తరిస్తోందని, రాష్ట్ర అభివృద్ధిలో వారి పాత్ర కీలకమైనదని కొనియాడారు."అమెరికాలోనే అత్యధిక సంఖ్యలో భారతీయ అమెరికన్లకు ఆశ్రయం కల్పిస్తున్న రాష్ట్రాలలో మాది ఒకటిగా ఉండటం గర్వకారణం. గత దశాబ్ద కాలంలో దేశంలోనే అత్యంత వేగంగా భారతీయ అమెరికన్ల జనాభా పెరిగిన రాష్ట్రం మాదే. మన రాష్ట్ర పురోగతికి ఈ సమాజం ఎంతో సహకారం అందించింది" అని ఫెర్గూసన్ తెలిపారు. ఒలింపియాలో జరిగిన కార్యక్రమంలో భారతీయ శాస్త్రీయ నృత్య ప్రదర్శన ప్రత్యేక ఆకర్షణగా నిలిచింది. చీకటిపై వెలుగు సాధించిన విజయానికి ప్రతీకగా నిలిచే దీపావళి సందేశాన్ని వివరిస్తూ, సాంస్కృతిక వైవిధ్యమే తమ బలానికి మూలమని ఫెర్గూసన్ పేర్కొన్నారు.గ్రేటర్ సీటెల్ ప్రాంతంలో దాదాపు 2 లక్షల మంది భారతీయ అమెరికన్లు నివసిస్తున్నారని కాన్సులేట్ వెల్లడించింది. అంతేకాకుండా, దీపావళి పండుగ ప్రాముఖ్యతను స్థానిక ఆర్థిక, సాంస్కృతిక రంగానికి భారతీయులు చేస్తున్న సేవలను గుర్తిస్తూ రాష్ట్ర, నగర ప్రభుత్వాలు అధికారిక ప్రకటనలను (ప్రోక్లమేషన్స్) కూడా విడుదల చేశాయి. అక్టోబర్ 16న బోయిసీలోని స్టేట్ కాపిటల్ వద్ద ఐడాహో గవర్నర్ బ్రాడ్ లిటిల్ దీపావళి వేడుకలకు ఆతిథ్యమిచ్చారు. ప్రజలకు సేవ చేయడం, పౌర భాగస్వామ్యం మరియు ఆర్థిక వృద్ధికి భారతీయులు అందిస్తున్న సహకారంపై ఆయన మాట్లాడారు. "దాతృత్వాన్ని ఎంచుకోవడం, జ్ఞానాన్ని పెంపొందించుకోవడం, ఇతరులకు సేవ చేయడం, సవాళ్లు ఎదురైనప్పుడు కూడా ఆశను కోల్పోకుండా ఉండటంలోని ప్రాముఖ్యతను దీపావళి మనకు గుర్తు చేస్తుందన్నారు లిటిల్. అక్టోబర్ 20న లింకన్‌లో నెబ్రాస్కా గవర్నర్ జిమ్ పిల్లెన్ దీపావళి వేడుకలను నిర్వహించి, తమ సంస్కృతీ సాంప్రదాయాలను కాపాడుకోవాలని కుటుంబాలకు పిలుపునిచ్చారు. ఈ వేడుకలో పాల్గొన్న అమెరికా ప్రజాప్రతినిధి డోన్ బాకన్ కూడా భారతీయ అమెరికన్ సమాజంపై ప్రశంసల వర్షం కురిపించారు.అక్టోబర్ 26న హెలెనాలోని గవర్నర్ భవనంలో మోంటానా గవర్నర్ గ్రెగ్ జియాన్ఫోర్టే అతిథులకు స్వాగతం పలికారు. వేర్వేరు సంస్కృతులు, నేపథ్యాలు ఉన్న ప్రజలను ఒకే వేదికపైకి తీసుకువచ్చి, బంధాలను బలోపేతం చేసుకోవడంపై ఆయన మాట్లాడారు.ఆ తర్వాత మూడు రోజులకు (అక్టోబర్ 29న) బిస్మార్క్‌లోని గవర్నర్ నివాసంలో నార్త్ డాకోటా గవర్నర్ కెల్లీ ఆర్మ్‌స్ట్రాంగ్ దీపావళి వేడుకలను నిర్వహించారు. ఆర్మ్‌స్ట్రాంగ్, ఆయన భార్య కెర్ స్టీ ఆర్మ్‌స్ట్రాంగ్ మరియు కాన్సుల్ జనరల్ కలిసి సాంప్రదాయబద్ధంగా జ్యోతి ప్రజ్వలన చేశారు."మనం ఈ సంబంధాలను, స్నేహాలను వేడుకలా జరుపుకోవాలి. మన మధ్య ఉన్న వైవిధ్యమే మన బలం" అని ఆర్మ్‌స్ట్రాంగ్ వ్యాఖ్యానించారు. వర్తకం, దౌత్యం, రాష్ట్ర స్థాయి భాగస్వామ్యాల ద్వారా భారత్‌తో ఉన్న సంబంధాలను ఆయన ప్రస్తావించారు. శాన్ ఫ్రాన్సిస్కోలో మొదటిసారిగా సిటీ హాల్‌లో దీపావళి వేడుకలు జరిగాయి. ఈ సందర్భంగా మేయర్ స్వయంగా దీపాలను వెలిగించే కార్యక్రమంలో పాల్గొన్నారు. భారతీయ అమెరికన్ సమాజానికి ఇది ఒక అద్భుతమైన మైలురాయి అంటూ అక్కడ స్థానికుల్లో అనందం వెల్లివిరిసింది. This is special. San Francisco just celebrated Diwali inside City Hall for the very first time, with the Mayor joining the diya lighting ceremony. A beautiful milestone for the Indian American community. ❤️🪔 https://t.co/2hjrEPZhdC— LIFE IS 🎶BEAUTIFUL (@DEVIKA12327912) November 6, 2026వాషింగ్టన్ రాష్ట్రంలో ఆబర్న్, బెల్లెవ్యూ, కిర్క్‌లాండ్, ఎవెరెట్, బోథెల్, టాకోమా, స్పోకేన్, కెంట్ తదితర నగరాల్లో కూడా ఈ వేడుకలు జరిగాయని కాన్సులేట్ తెలిపింది. స్నోక్వాల్మీ, కింగ్ కౌంటీ, సీటెల్‌లలో మరిన్ని వేడుకలతోపాటు,ముగింపు వేడుకలు నిర్వహించనున్నారు.

ఈ మధ్య భర్తలను భార్యలు చంపేస్తున్న ఉదంతాలు ఎక్కువయ్యాయి. భారత్‌లోనే కాదు.. వేరే దేశాల్లోనూ భర్తల ప్రాణాలకు రక్షణ ఉండటం లేదు!! ఇలాగే ఏఐ చాట్‌బాట్‌ చాట్‌జీపీటీ సాయంతో భర్త హత్యకు ప్రయత్నించిన ఉదంతం అమెరికాలో వెలుగులోకి వచ్చింది.అమెరికాలో కృత్రిమ మేధ (AI) చాట్‌బాట్‌ చాట్‌జీపీటీ చుట్టూ మరో వివాదం మొదలైంది. తనను హత్య చేసేందుకు తన భార్యకు చాట్‌జీపీటీ సహకరించిందని ఆరోపిస్తూ నార్త్ కరోలినాకు చెందిన జేమ్స్ గేట్స్ అనే వ్యక్తి చాట్‌జీపీటీ యాజమాన్య సంస్థ ఓపెన్‌ఏఐపై కోర్టును ఆశ్రయించారు. ఈ కేసులో ఓపెన్‌ఏఐ సీఈఓ సామ్ ఆల్ట్‌మన్‌ను కూడా ప్రతివాదిగా చేర్చారు. శాన్‌ఫ్రాన్సిస్కో కౌంటీ సుపీరియర్ కోర్టులో ఈ దావా దాఖలైంది.జేమ్స్ గేట్స్ ఆరోపణల ప్రకారం.. తన భార్య చెరిల్ గేట్స్ తొలుత తన వృత్తిపరమైన పనులు, ఇంటి అవసరాల కోసం చాట్‌జీపీటీని ఉపయోగించేవారు. అనంతరం దంపతుల మధ్య విభేదాలు, విడాకుల చర్చలు మొదలవడంతో వైవాహిక సమస్యల గురించి కూడా చాట్‌బాట్‌తో మాట్లాడటం ప్రారంభించారు. ఈ క్రమంలో చాట్‌జీపీటీ ఆమె అనుమానాలను మరింత పెంచుతూ, భర్తపై అపనమ్మకాన్ని ప్రోత్సహించిందని జేమ్స్ తన పిటిషన్‌లో పేర్కొన్నారు.అంతేకాకుండా, ఓలియాండర్ (గన్నేరు)‌ విషపూరిత లక్షణాలు, కొన్ని ఔషధాల ప్రభావాలు, వాటిని గుర్తించకుండా ఎలా కలపవచ్చనే అంశాలపై చాట్‌జీపీటీ సమాచారం అందించిందని ఆరోపించారు. విషప్రయోగం జరిగితే శవపరీక్షలో గుర్తించగలరా అనే ప్రశ్నకు కూడా చాట్‌బాట్ సమాధానమిచ్చినట్లు దావాలో పొందుపరిచిన స్క్రీన్‌షాట్ల ద్వారా వెల్లడించారు.చేతిరాత నోట్‌తో బయటపడిన వ్యవహారం2025లో అనారోగ్యానికి గురైన జేమ్స్‌కు గుండె సంబంధిత లక్షణాలు, తీవ్రమైన కడుపునొప్పి, బలహీనత, గందరగోళం వంటి సమస్యలు ఎదురయ్యాయి. ఆ తర్వాత సెప్టెంబర్‌లో భార్య చేతిరాతతో ఉన్న ఓ నోట్‌ను గుర్తించినట్లు తెలిపారు. అందులో కొన్ని పదార్థాలు, వాటి మోతాదులతోపాటు 'అన్ని సంభాషణలను తొలగించాలి', 'చాట్‌జీపీటీ నుంచి లాగ్‌అవుట్ కావాలి' అనే సూచనలు ఉన్నాయని ఆరోపించారు. దీంతో పోలీసులను ఆశ్రయించారు.ఈ వ్యవహారంపై 2025లో చెరిల్‌పై హత్యాయత్నం, ఆహారంలో విషపదార్థాలు కలిపేందుకు ప్రయత్నించారనే అభియోగాలు నమోదయ్యాయి. అయితే తగిన ఆధారాలు లేవంటూ ప్రాసిక్యూటర్లు 2026 ఏప్రిల్‌లో ఆమెపై క్రిమినల్ కేసును ఉపసంహరించుకున్నారు.ఓపెన్‌ఏఐ ఏమంటోంది?చాట్‌జీపీటీ ప్రమాదకరమైన సమాచారాన్ని అందించకుండా తగిన భద్రతా చర్యలు తీసుకోలేదని జేమ్స్ తన దావాలో ఆరోపించారు. మరోవైపు, ఈ వ్యవహారంపై స్పందించిన ఓపెన్‌ఏఐ.. వినియోగదారుల భద్రత తమకు అత్యంత ప్రాధాన్యమని తెలిపింది. సంబంధిత వినియోగదారు ఖాతాను నిషేధించామని, దర్యాప్తులో భాగంగా పోలీసులకు సమాచారాన్ని అందించామని వెల్లడించింది.ఇప్పటికే చాట్‌బాట్‌ల వల్ల మానసిక ఆరోగ్య సమస్యలు, హింసాత్మక చర్యలకు ప్రోత్సాహం వంటి అంశాలపై పలు సంస్థలు, బాధిత కుటుంబాలు చట్టపరమైన పోరాటం చేస్తున్నాయి. తాజాగా జేమ్స్ గేట్స్ దావా కూడా ఈ జాబితాలో చేరింది.ఇదీ చదవండి: లక్ష మందికి గుడ్‌ న్యూస్‌.. AI, క్లౌడ్ కంప్యూటింగ్‌లో ఉచిత శిక్షణ

భార్యను హత్య చేశాడనే ఆరోపణలు ఎదుర్కొంటున్న భారత సంతతికి చెందిన వ్యక్తి అమెరికాలోని వర్జీనియా కోర్టులో సంచలన వాంగ్మూలం ఇచ్చాడు. తన భార్య మరణించిన తర్వాత ఆమె మృతదేహాన్ని ముక్కలు చేసినట్లు ఒప్పుకున్న ఘటన కలకలం రేపింది. ఆమె కనిపించకుండా పోయిన రెండేళ్ల తర్వాత, విచారణ ప్రారంభమైన ఐదు వారాలకు ఈ సంచలన నిజాలు వెలుగులోకి వచ్చాయి. 2024లో 28 ఏళ్ల మమతా కఫ్లే భట్ అదృశ్యమైంది. చివరిసారిగా జూలై 29న వీడియో కాల్‌లో కనిపించింది. ఆ తర్వాత కనిపించకుండా పోయిన మమత హత్య, మృతదేహాన్ని దాచిపెట్టడం లాంటి ఆరోపణ లెదుర్కొంటున్నాడు భర్త నరేష్ భట్. అయితే ఈ ఆరోపణలను తొలుత అంగీకరించలేదు, తన భార్య మమతా కఫ్లే భట్ ఆత్మహత్య చేసుకుందని అందర్నీ నమ్మించాడు. చివరికి కోర్టు విచారణలో భార్య మృతదేహాన్ని ముక్కలు చేసి మాయం చేశానని కోర్టులో అంగీకరించాడు. ఇదీ చదవండి : దారుణం : భార్యను కుర్చీకి కట్టేసి పెట్రోల్‌ పోసి నిప్పంటించాడు! కోర్టులో సాక్ష్యంమమత 2024 ఆగస్టు 5న విధులకు హాజరు కాకపోవడంతో అనుమానాలు మొదలైనాయి. ఆ తర్వాత భర్త్‌ నరేష్‌ మిస్సింగ్ కేసు నమోదు చేశాడు.ఈ విచారణలో భాగంగా వారి ఇంటి బెడ్‌రూమ్, బాత్రూమ్‌లలో రక్తం మరకలను గుర్తించిన పోలీసులు, ఆగస్టు 22న అతడిని అరెస్ట్ చేశారు. తనిఖీల్లో వెండ్రుకలున్న పవర్ రంపాన్ని కూడా పోలీసులు స్వాధీనం చేసుకున్నారు.కోర్టులో నరేష్‌ సాక్ష్యం ప్రకారం జూలై 29న సాయంత్రం 8 గంటల ప్రాంతంలో తన చిన్నారి కూతురితో కలిసి నిద్రపోవడానికి వెళ్లానని, అయితే తన భార్య పైకి రాలేదని చెప్పారు. మరుసటి రోజు ఉదయం 4 గంటలకు టాయిలెట్‌కు వెళ్లేందుకు లేవగా, మంచం కింద మమత వెల్లకిలా పడి ఉండి, చుట్టూ వాంతులున్నాయని తెలిపాడు. ఆమె పక్కనే 'సెల్ఫోస్' (Celphos - అత్యంత విషపూరితమైన పురుగుల మందు) ప్యాకెట్ పడి ఉందన్నారు. ఈ సమయంలో ఆమెను కాపాడేందుకు సీపీఆర్ (CPR) చేసి ప్రయత్నించానని, ఇక ఆమె మరణించిందని నిర్ధారించుకున్నాక బాత్రూమ్‌లోకి తీసుకెళ్లానని భట్ వాంగ్మూలంలో పేర్కొన్నాడు. మొదట మృతదేహాన్ని పోటోమాక్ నదిలో పడేయాలని భావించాననీ, ఆ తరువాత శవాన్ని దాచడానికి ఏదైనా దొరుకుతుందేమోనని 'హోమ్ డిపో'కి వెళ్లినట్లు తెలిపాడు. చెత్తబుట్టలో ఆమె బాడీ సరిపోదని భావించి, రంపం సాయంతో మృతదేహాన్ని ముక్కలు ముక్కలుగా నరికి, ఆపై వాటిని ప్లాస్టిక్ కవర్లలో ఉంచి చెత్తలో పడేసానని తెలిపాడు. ఇదీ చదవండి: పండగవేళ పతంజలికి భారీ షాక్‌ : తుకారం ముండే దెబ్బఅనంతరం తాను కూడా ఆత్మహత్య చేసుకోవాలనుకున్నాననీ, ఉరివేసుకునేందుకు కేబుల్స్ తెచ్చుకున్న ప్పటికీ, ఆ పని చేయలేకపోయానని అన్నాడు. మరి అంతటి క్లిష్ట పరిస్థితిలో పోలీసులకు (911) ఎందుకు ఫోన్ చేయలేదని అడిగినపుడు. ఫోన్ చేయడానికి ప్రయత్నించాను, కానీ భయందోళనకు గురయ్యాను. ఆ సమయంలో ఏం జరుగుతుందో అర్థం కాలేదంటూ చెప్పుకొచ్చాడు.అయితే హత్య కేసులో భట్‌కు జీవిత ఖైదు పడుడుతంది. ఇక మృతదేహాన్ని దాచిపెట్టడం లాంటి ఆరోపణల కింద కేవలం ఐదేళ్ల జైలు శిక్ష పడే అవకాశం ఉంది క్రమంలోనే, నేరాన్ని ఒప్పుకోవడం ద్వారా తనకు పడే శిక్ష కాలాన్ని తగ్గించుకోవడానికి భట్ ప్రయత్నిస్తున్నట్లు తెలుస్తోంది.

వాషింగ్టన్‌: ఒకవైపు అమెరికా అధ్యక్షుడు డొనాల్డ్ ట్రంప్‌ ఇరాన్‌ను పూర్తిగా నాశనం చేస్తామంటూ తీవ్ర హెచ్చరికలు జారీ చేస్తుంటే.. మరోవైపు ఇరాన్‌ మాత్రం వ్యూహాత్మకంగా అడుగులు వేస్తోంది. యుద్ధానికి ముగింపు పలకడానికి సిద్ధమేనని సంకేతాలిస్తూనే, తమ డిమాండ్లకు అమెరికా అంగీకరించాల్సిందేనని స్పష్టం చేస్తోంది. ఈ క్రమంలో ఖతార్‌ మధ్యవర్తిత్వంతో అమెరికాకు కొత్త అణు ప్రతిపాదనను పంపినట్లు అంతర్జాతీయ వార్తా సంస్థ రాయిటర్స్‌ వెల్లడించింది. అయితే ఈ ప్రతిపాదనపై చర్చలు జరగాలంటే ముందుగా అమెరికా తమ ఏడు షరతులను నెరవేర్చాలని ఇరాన్‌ తేల్చిచెప్పింది. దీంతో ఇరాన్‌ తాజా ప్రతిపాదనపై అంతర్జాతీయంగా ఆసక్తి నెలకొంది.ఇరాన్‌కు చెందిన ఓ సీనియర్‌ అధికారి రాయిటర్స్‌కు వెల్లడించిన వివరాల ప్రకారం.. ఖతార్‌ ద్వారా అణు ప్రతిపాదనను అమెరికాకు పంపించారు. ఈ ప్రతిపాదనను అమెరికా పరిశీలిస్తున్నట్లు సదరు అధికారి తెలిపారు. అయితే ప్రతిపాదనలోని పూర్తి వివరాలను వెల్లడించడానికి ఆయన నిరాకరించారు. మరోవైపు అమెరికా మాత్రం ఏదైనా ప్రాథమిక చర్చలు ప్రారంభమైతే అందులో ఇరాన్‌ అణు కార్యక్రమం తప్పనిసరిగా ఉండాలని స్పష్టం చేస్తోంది. అంటే ఇరాన్‌ ముందుగా తమ షరతులు నెరవేర్చాలని పట్టుబడుతుండగా, అణు అంశాన్ని చర్చల ప్రారంభంలోనే చేర్చాలని అమెరికా కోరుతోంది. ఈ రెండు దేశాల వైఖరుల మధ్యే ప్రస్తుతం దౌత్యపరమైన ప్రతిష్ఠంభన కొనసాగుతోంది.ఇరాన్‌ ఏడు షరతులేంటి?ఇరాన్‌ అత్యున్నత భద్రతా అధికారి మొహ్సెన్‌ రెజాయీ ఈ వారం రష్యా పర్యటన సందర్భంగా అమెరికాకు ఏడు షరతులు విధించినట్లు వెల్లడించారు. ఈ సందర్బంగా ఆయన మాట్లాడుతూ..‘దౌత్యపరమైన చర్చల విషయంలో అమెరికాకు మా ఏడు షరతులను ఇప్పటికే తెలియజేశాం. వాటిని అమలు చేసే వరకు హార్ముజ్‌ జలసంధిని తెరవం. చర్చలకు కూడా అంగీకరించం’ అని ఆయన స్పష్టం చేశారు.ఇరాన్‌ ఏడు డిమాండ్లు..యుద్ధానికి పూర్తిగా ముగింపు: ఇరాన్‌తో పాటు లెబనాన్‌ సహా ఇతర ప్రాంతాల్లోనూ సైనిక దాడులు నిలిపివేయాలి.నౌకాదళ దిగ్బంధం ఎత్తివేత: ఇరాన్‌ నౌకాశ్రయాలపై అమెరికా విధించిన నావికా దిగ్బంధాన్ని తొలగించాలి.ఆంక్షల తొలగింపు: ఇరాన్‌పై విధించిన అమెరికా ఆర్థిక, వాణిజ్య ఆంక్షలను ఎత్తివేయాలి.స్తంభింపజేసిన ఆస్తుల విడుదల: విదేశాల్లో నిలిపివేసిన ఇరాన్‌ నిధులను తిరిగి అప్పగించాలి.అమెరికా సైనిక ఉనికి తగ్గింపు: మధ్యప్రాచ్యంలో అమెరికా సైనిక బలగాల సంఖ్యను తగ్గించాలి.యుద్ధ నష్టపరిహారం: యుద్ధంలో జరిగిన నష్టాలకు పరిహారం చెల్లించాలి.ఇరాన్‌పై దాడులకు ముగింపు: ఇరాన్‌ భూభాగంపై అమెరికా సైనిక దాడులు, జోక్యాన్ని నిలిపివేయాలి.ట్రంప్‌ హెచ్చరికలు.. ఇరాన్‌ ప్రతిఘటన!మరోవైపు అమెరికా అధ్యక్షుడు డొనాల్డ్‌ ట్రంప్‌ ఇరాన్‌పై తన వైఖరిని మరింత కఠినతరం చేస్తున్నారు. ఇరాన్‌లో మిగిలిన ప్రాంతాలను కూడా ధ్వంసం చేస్తామంటూ హెచ్చరికలు జారీ చేశారు. ఎన్నికల అనంతరం మళ్లీ సైనిక చర్యలు చేపట్టే అవకాశాన్ని కూడా ఆయన తోసిపుచ్చడం లేదు. కాగా, ఇరాన్‌ తాజాగా అణు ప్రతిపాదన పంపడం, ఖతార్‌ మధ్యవర్తిత్వంతో దౌత్య ప్రయత్నాలు వేగవంతం కావడం కొంత ఆశాజనక పరిణామంగా కనిపిస్తున్నాయి. అయితే అమెరికా, ఇరాన్‌ మధ్య ప్రధాన అంశాలపై ఏకాభిప్రాయం కుదరాల్సి ఉంది. మధ్యంతర ఎన్నికల తర్వాత మళ్లీ సైనిక చర్యలు ప్రారంభమయ్యే అవకాశాన్ని ట్రంప్‌ పూర్తిగా తోసిపుచ్చడం లేదు. మరోవైపు యుద్ధం తిరిగి ప్రారంభమైతే మరింత విస్తృత స్థాయిలో ప్రతీకార దాడులు చేస్తామని ఇరాన్‌ హెచ్చరిస్తోంది.మొత్తానికి.. ఇరాన్‌ అణు ప్రతిపాదన పంపినా, ముందుగా ఏడు షరతులకు అమెరికా అంగీకరించాలన్న పట్టుదలతో ఉంది. ట్రంప్‌ సైనిక హెచ్చరికలు, ఇరాన్‌ దౌత్యపరమైన ఒత్తిళ్ల మధ్య ఇప్పుడు బంతి అమెరికా కోర్టులో ఉంది. ఈ ప్రతిపాదనతో యుద్ధానికి తెరపడుతుందా? లేక మధ్యప్రాచ్యంలో మరోసారి యుద్ధ జ్వాలలు ఎగసిపడతాయా? అన్నది ప్రపంచ దేశాలు ఆసక్తిగా గమనిస్తున్నాయి.ఇదీ చదవండి: భారతీయుల దెబ్బ.. ట్రంప్‌కు భారీ షాక్‌!

వాషింగ్టన్‌: ప్రపంచ దేశాలకు హెచ్చరికలు జారీ చేస్తూ, వాణిజ్య యుద్ధాలతో ప్రత్యర్థులను దారికి తెస్తానంటూ విరుచుకుపడిన అమెరికా అధ్యక్షుడు డొనాల్డ్ ట్రంప్‌కు సొంత దేశ ప్రజలే గట్టి షాక్ ఇచ్చారు. ప్రపంచ వేదికపై అమెరికా ఆధిపత్యం కోసం దూకుడుగా వ్యవహరించిన ట్రంప్‌కు.. ఇంటి గడప దగ్గరే ఓటర్లు ఊహించని రాజకీయ దెబ్బ కొట్టారు. అధికారంలోకి వచ్చాక తన విధానాలతో అమెరికాను అగ్రస్థానంలో నిలబెడతానన్న ట్రంప్‌కు, అదే విధానాలు ఇప్పుడు రాజకీయ సంక్షోభాన్ని తెచ్చిపెట్టాయి.2026 మధ్యంతర ఎన్నికల్లో డెమోక్రటిక్ పార్టీ చారిత్రాత్మక విజయం సాధించి అమెరికా కాంగ్రెస్‌లోని ప్రతినిధుల సభ, సెనేట్ రెండింటినీ తన ఆధీనంలోకి తెచ్చుకుంది. దీంతో ట్రంప్ అధ్యక్ష పదవిలో మిగిలిన రెండేళ్ల పాలనలో ఆయనకు కాంగ్రెస్ నుంచి గట్టి ప్రతిఘటన తప్పని పరిస్థితి ఏర్పడింది. అమెరికా కాంగ్రెస్‌లోని రెండు సభలపై డెమోక్రాట్లు పట్టు సాధించడం ట్రంప్‌కు అతిపెద్ద రాజకీయ ఎదురుదెబ్బగా మారింది. సెనేట్‌లో డెమోక్రాట్లు 54-44 ఆధిక్యాన్ని సాధించగా, ప్రతినిధుల సభలోనూ కనీసం 30 స్థానాలను అదనంగా గెలుచుకున్నారు. రిపబ్లికన్లకు కంచుకోటలుగా భావించే రాష్ట్రాల్లోనూ డెమోక్రాట్లు విజయాలు నమోదు చేయడం ఈ ఎన్నికల ప్రత్యేకత. ట్రంప్‌కు మద్దతుగా నిలిచిన ప్రాంతాల్లోనే ఓటర్లు పార్టీకి వ్యతిరేకంగా తీర్పు ఇవ్వడం అమెరికా రాజకీయాల్లో కొత్త చర్చకు తెరలేపింది.ఇరాన్ యుద్ధమేనా?ఈ ఓటమికి ఇరాన్‌తో యుద్ధం, ఇజ్రాయెల్‌కు అమెరికా మద్దతు వంటి విదేశాంగ విధానాలు కూడా కారణమయ్యాయి. యుద్ధ పరిణామాలతో ఇంధన ధరలు పెరగడం, అంతర్జాతీయంగా అనిశ్చితి నెలకొనడం అమెరికా ప్రజల్లో అసంతృప్తిని పెంచాయి. అయితే ట్రంప్ ఓటమికి యుద్ధం ఒక్కటే కారణం కాదని రాజకీయ విశ్లేషణలు చెబుతున్నాయి. అమెరికా ప్రజలను ఎక్కువగా ప్రభావితం చేసిన అంశం నిత్యావసర వస్తువుల ధరలు, జీవన వ్యయం, కుటుంబాలపై పెరిగిన ఆర్థిక భారం.ట్రంప్ టారిఫ్‌లు!ట్రంప్ తన రెండోసారి అధ్యక్ష బాధ్యతలు చేపట్టిన తర్వాత 'అమెరికా ఫస్ట్' నినాదంతో వాణిజ్య విధానాలను మార్చడం ప్రారంభించారు. 2025 ఏప్రిల్ 2న వివిధ దేశాల నుంచి అమెరికాకు దిగుమతి అయ్యే వస్తువులపై పరస్పర సుంకాలను ప్రకటించారు. విదేశాలు దశాబ్దాలుగా అమెరికాను దోచుకుంటున్నాయని, దిగుమతులపై సుంకాలు విధించడం ద్వారా అమెరికా పరిశ్రమలకు రక్షణ కల్పిస్తామని ప్రకటించారు. ట్రంప్ వాణిజ్య విధానాల ప్రభావం భారత్‌పైనా తీవ్రంగా పడింది. భారతీయ వస్తువులపై తొలుత 26 శాతం పరస్పర సుంకాలను ప్రకటించిన అమెరికా తర్వాత దాన్ని 25 శాతానికి సవరించింది. ఆ తర్వాత రష్యా నుంచి భారత్ చమురు కొనుగోళ్ల అంశాన్ని ప్రస్తావిస్తూ మరో 25 శాతం అదనపు సుంకాన్ని విధించింది. దీంతో పలు భారతీయ ఉత్పత్తులపై మొత్తం సుంకాల భారం 50 శాతానికి చేరింది. దీంతో అమెరికా మార్కెట్‌పై ఆధారపడిన భారతీయ ఎగుమతిదారులు ఇబ్బందులు ఎదుర్కొన్నారు. కానీ ఈ నిర్ణయం ఆశించిన ఫలితాలను ఇవ్వలేదని ఆర్థిక పరిశోధనలు వెల్లడిస్తున్నాయి.అమెరికా ప్రజలు ఓటు వేసే సమయంలో అంతర్జాతీయ రాజకీయాల కంటే తమ కుటుంబ బడ్జెట్‌కే ఎక్కువ ప్రాధాన్యత ఇచ్చారు. నిత్యావసర సరుకుల ధరలు, పెట్రోల్ ఖర్చులు, బీమా ప్రీమియాలు, ఇంటి ఖర్చులు, ఇతర అవసరాల కోసం పెరుగుతున్న వ్యయం ప్రజలను ఆందోళనకు గురిచేశాయి. ట్రంప్ విధించిన దిగుమతి సుంకాలు విదేశీ దేశాలకు శిక్షగా మారతాయని ప్రభుత్వం ప్రచారం చేసినప్పటికీ, వాటి ప్రభావం అమెరికా మార్కెట్‌లో వస్తువుల ధరలపై పడింది. దీంతో 'అమెరికా ఫస్ట్' నినాదం కంటే 'మా కుటుంబాల ఆర్థిక పరిస్థితి ముందు' అనే ఆలోచన ఓటర్లలో బలపడింది.భారతీయుల దెబ్బ..ఇదిలా ఉండగా.. ట్రంప్‌కు భారతీయ అమెరికన్ల నుంచి గతంలో లభించిన మద్దతులో కొంత భాగం ఇప్పుడు తగ్గినట్లు సర్వేలు సూచిస్తున్నాయి. భారత్‌పై సుంకాలు, వలస విధానాలు, ఆర్థిక అంశాలపై అసంతృప్తి ఈ మార్పునకు కారణమయ్యాయి. భారతీయ మూలాలున్న నేతలు కూడా అమెరికా రాజకీయాల్లో తమ ప్రాతినిధ్యాన్ని పెంచుకుంటున్నారు. మొత్తంగా చూస్తే.. అమెరికా రాజకీయాల్లో భారతీయుల ప్రాధాన్యత పెరుగుతున్న వేళ, ట్రంప్‌కు వ్యతిరేకంగా వారి ఓటింగ్ ధోరణిలో వచ్చిన మార్పు డెమోక్రాట్లకు అనుకూల పరిణామంగా నిలిచింది.ఇదీ చదవండి: అమెరికా మ‌ధ్యంత‌ర ఎన్నిక‌లు: రిపబ్లికన్ల ఓటమికి కార‌ణాలు ఇవే!

వాషింగ్టన్‌: అమెరికా మధ్యంతర ఎన్నికల్లో మరో భారతీయ అమెరికన్‌ విజయం సాధించారు. అరిజోనా రాష్ట్రం నుంచి అమెరికా హౌస్‌ ఆఫ్‌ రిప్రజెంటేటివ్స్‌కు ఎన్నికైన తొలి భారతీయ అమెరికన్‌గా 48 ఏళ్ల వైద్యుడు అమిష్‌ షా రికార్డు సృష్టించారు. అరిజోనాలోని ఒకటవ కాంగ్రెషనల్‌ నియోజక వర్గం నుంచి డెమోక్రటిక్‌ పార్టీ తరఫున పోటీ చేసిన అమిష్‌ షా రిపబ్లికన్‌ పార్టీ అభ్యర్థి, మాజీ ఎన్‌ఎఫ్‌ఎల్‌ క్రీడాకారుడు జే ఫీలీని ఓడించారు. రిపబ్లికన్ల స్థానాన్ని డెమోక్రాట్ల ఖాతాలో వేశారు. ఉత్కంఠభరితంగా సాగిన ఈ పోరులో అమిష్‌ షా 52.49 శాతం ఓట్లు సాధించారు. ఫీలీ ఫీలీ 45.45 శాతం ఓట్లకు పరిమితమయ్యారు. రాజకీయ కాలుష్యాన్ని అంతం చేద్దాం కలుషిత రాజకీయ వాతావరణానికి స్వస్తి చెప్పాలని ప్రజా సమస్యలపై దృష్టి పెట్టాలని విజయానంతరం అమిష్‌ షా పిలుపునిచ్చారు. విజయం సాధించిన తరువాత సామాజిక మాధ్యమం ఎక్స్‌లో ఒక పోస్టు చేస్తూ.. అరిజోనా ప్రజల ప్రతినిధిగా కాంగ్రెస్‌లో అడుగుపెట్టడం జీవితంలో దక్కిన అతిపెద్ద గౌరవం. నాకు ఓటేసినా, వేయకపోయినా ప్రతి పౌరుడికి బాధ్యతా యుతమైన ప్రజాప్రతినిధిగా వ్యవహరిస్తానని హామీ ఇస్తున్నాను.’’అని వ్యాఖ్యానించారు. అమిష్‌ షా తల్లిదండ్రులు గుజరాత్‌కు చెందిన వారు. 1960లలో అమెరికాకు వలస వెళ్లారు. షికాగోలో జని్మంచిన అమిష్‌ షా.. నార్త్‌వెస్టర్న్‌ యూనివర్సిటీలో వైద్య విద్యను, యూసీ బెర్కిలీలో పబ్లిక్‌ హెల్త్‌లో మాస్టర్స్‌ పూర్తి చేశారు. ఎమర్జెన్సీ రూమ్‌ డాక్టర్‌గా సేవలు అందించిన ఆయన, 2018, 2020, 2022లలో అరిజోనా స్టేట్‌ హౌస్‌ ఆఫ్‌ రిప్రజెంటేటివ్స్‌కు వరుసగా ఎన్నికయ్యారు. వైద్యుడిగా అమిష్‌ షా న్యూయార్క్‌ ఎన్‌ఎఫ్‌ఎల్‌ జట్టుకూ సేవలందించారు ఆ సమయంలో జే ఫీలీ జట్టు కికర్‌.

వాషింగ్టన్‌: అమెరికాలో కీలకమైన మధ్యంతర ఎన్నికల్లో నెగ్గి దూకుడు మీదున్న డెమొక్రాట్లు జోరు మరింత పెంచనున్నారు. ఎన్నికల్లో కీలకాంశంగా నిలిచిన అవినీతినే అధికార రిపబ్లికన్‌ పార్టీపై తిరుగులేని అస్త్రంగా ప్రయోగించాలని నిర్ణయించారు. అధ్యక్షుడు డొనాల్డ్‌ ట్రంప్‌పై వెల్లువెత్తుతున్న అవినీతి ఆరోపణలను లక్ష్యం చేసుకోనున్నారు. కాంగ్రెస్‌ (దేశ పార్లమెంటు)లోని ఉభయ సభల్లోనూ కొత్తగా అందివచ్చిన అధికారాన్ని ఇందుకోసం పూర్తిస్థాయిలో వినియోగించుకోవాలని డెమొక్రటిక్‌ పార్టీ నిర్ణయించింది. ఆ దిశగా ఐదంశాలతో ఏకంగా భారీ ఎజెండానే సిద్ధం చేసుకుంటోంది! అవసరమైతే ట్రంప్‌ అభిశంసనకు కూడా వెనకాడబోమని ప్రతినిధుల సభ స్పీకర్‌ అవుతారని భావిస్తున్న హకీం జెఫ్రీస్‌ ఇప్పటికే సంకేతాలిచ్చారు కూడా!! రెండోసారి అధికారాన్ని చేపట్టిన నాటినుంచీ ట్రంప్, ఆయన కుటుంబ ఆస్తులు అపారంగా పెరిగాయన్నది డెమొక్రాట్ల ప్రధాన ఆరోపణ. అవినీతిని పూర్తిగా కడిగిపారేయాలన్నదే మధ్యంతర ఎన్నికల్లో ప్రజలిచ్చిన తీర్పు తాలూకు సారాంశమని డెమొక్రాట్‌ నేత చుక్‌ షెమర్‌ అభిప్రాయపడ్డారు. ట్రంప్‌ కుటుంబ వ్యాపార వ్యవహారాలు, వైట్‌హౌస్‌ బాల్‌ రూమ్‌తో పాటు వాషింగ్టన్‌ నలుమూలలా చేపట్టిన నిర్మాణ, రియల్టీ ప్రాజెక్టులలు, ఎప్‌స్టీన్‌ ఫైళ్లు, వలసదారులపై ఇమిగ్రేషన్‌–కస్టమ్స్‌ ఎన్‌ఫోర్స్‌మెంట్‌ (ఐసీఈ) దాడులు, డిపార్ట్‌మెంట్‌ ఆఫ్‌ గవర్నమెంట్‌ ఎఫీషియెన్సీ (డోజ్‌) పనితీరు తదితరాలన్నీ విచారణ పరిధిలోకి రానున్నట్టు పార్టీ నేతలు గార్షియా, జరేద్‌ హాఫ్‌మన్‌ తదితరులు వెల్లడించారు. ఇందుకోసం అవసరమైతే ‘సమన్ల జారీ’అధికారాన్ని కూడా వాడుకునేలా డెమొక్రాట్లు పథక రచన చేస్తున్నారు. చట్టసభలను ట్రంప్‌ యంత్రాంగం తమ సొంత సంస్థల్లా వాడుకున్న రోజులకు కాలం చెల్లిందని జెఫ్రీస్‌ అన్నారు. మంగళవారం జరిగిన మధ్యంతర ఎన్నికల్లో అమెరికా ఓటర్లు ట్రంప్‌కు కర్రుగాల్చి వాత పెట్టడం తెలిసిందే. అవినీతి పెద్ద సమస్యగా మారినట్టు సగానికి సగం మంది ఓటర్లు పేర్కొన్నారు. దేశ ఆర్థిక పరిస్థితి బాలేదని ప్రతి 10 మంది ఓటర్లలోనూ నలుగురికి పైగా, ప్రజాస్వామ్యం ప్రమాదంలో ఉందని ముగ్గురు కుండబద్దలు కొట్టారు. వారిలో అత్యధికులు డెమొక్రటిక్‌ పార్టీకే ఓటేయడంతో రిపబ్లికన్‌ పార్టీ ఘోర పరాభవం మూటగట్టుకోవాల్సి వచ్చింది.

ఇద్దరూ తెలుగు మూలాలు ఉన్న మహిళలే. అమెరికా మధ్యంతర ఎన్నికలలో హైదరాబాదీ మూలాలు ఉన్న అరుణా మిల్లర్‌ (కాట్రగడ్డ అరుణ) మేరీలాండ్‌ లెఫ్టినెంట్‌ గవర్నర్‌గా రెండోసారి ఎంపికయ్యారు. కరీంనగర్‌ మూలాలు ఉన్న సరితా కోమటిరెడ్డి న్యూయార్క్‌ అటార్నీ జనరల్‌ పదవి కోసం పోటీ పడి ఓటమి చెందారు. గెలుపు, ఓటముల సంగతి ఎలా ఉన్నా... ఈ ఇద్దరు మహిళలకు సామీప్యత ఉంది. అయితే అది భౌగోళిక, సాంస్కృతిక సామీప్యత కాదు. కష్టపడి పనిచేయడం నుంచి పట్టుదల వరకు, అంకితభావం నుంచి సంకల్పబలం ఇద్దరికీ ఎలాంటి భేదం లేదు...‘ఆలోచనాపరురాలు, కష్టపడి పనిచేసేవారు, మంచి మనసు ఉన్న వారు, సమాజానికి మంచి చేయాలనుకునేవారు, ఇతరుల పట్ల సానూభూతి చూపేవారు, కుతూహలంతో ఉండేవారు, తెలివైనవారు. ప్రజాసేవకురాలిలో నేను కోరుకునే అన్ని లక్షణాలు ఆమెలో ఉన్నాయి’ అరుణను ఉద్దేశించి అమెరికన్‌ రాజకీయవేత్త గరాగియోలా అన్నారు. ‘యాక్సిడెంటల్‌ పొలిటీషియన్‌’గా పిలుచుకునే అరుణా మిల్లర్‌ స్వ‘గతం’...అమ్మో... ఆరోజు!స్వదేశం భారత్‌ నుంచి న్యూయార్క్‌లోని పౌకీప్సీకి వచ్చాం. అప్పుడు నా వయసు ఏడేళ్లు. స్కూల్‌లో నా మొదటి రోజు గురించి చెప్పాలి. అక్కడ ఎవరూ నాలా లేరు. పైగా నాకు ఇంగ్లీష్‌ అంతగా రాదు. అయినప్పటికీ నేను వారితో కలిసిపోవాలనుకున్నాను. స్కూల్‌ క్యాంటీన్‌లో మిగతా పిల్లలు ఏంచేస్తే నేనూ అదే చేయాలనుకున్నాను. మొదటిసారిగా అమెరికన్‌ ఫుడ్‌ తిన్నాను. ఎప్పుడూ లేనిది మొదటిసారిగా చల్లని పాలు తాగాను. అప్పుడు అంతా బాగానే అనిపించింది. క్లాస్‌రూమ్‌కు వెళ్లిన తరువాత తిన్నదంతా వాంతి చేసుకున్నాను! చాలా సిగ్గుగా అనిపించింది. టీచర్‌ మా అమ్మకు ఫోన్‌ చేశారు. అమ్మ వచ్చి నన్ను తీసుకెళ్లింది. ఇంటికి వెళ్లేదారిలో అమ్మతో ‘నన్ను అమ్మమ్మ (ఇండియాలో ఉన్నారు) దగ్గరికి తీసుకెళ్లు. ఈ చల్లని పాలు నాకు అస్సలు బాగలేవు’ అని చెప్పాను.గెలవగలనా? యస్‌... గెలిచాను!హౌజ్‌ ఆఫ్‌ డెలిగేట్స్‌లో ఒక స్థానం ఖాళీ అయినప్పుడు దానికి పోటీ చేసే అవకాశాన్ని మొదట తిరస్కరించాను. ఎందుకంటే ఒక నల్ల జాతి మహిళకు ఓటు వేస్తారనే నమ్మకం నాకు లేదు. ఎంతోమంది నన్ను పోటీ చేయమని ఒత్తిడి చేశారు. నా భర్త డేవిడ్‌ మిల్లర్‌ కూడా అడిగారు.‘నేను ఇంజినీర్‌ను. పొలిటీషియన్‌ను కాదు’ అన్నాను. అందుకు ఆయన...‘ఎన్నికల్లో పోటీ చేయడాన్ని రాజకీయ కోణం నుంచి చూడొద్దు. నీకు ప్రజాసేవ అంటే ఇష్టం కదా! ప్రజలకు సేవ చేసే అవకాశాన్ని వదులుకోవడం ఎందుకు?’ అన్నారు.‘ఒకవేళ నేను ఓడిపోతే?’ అని అడిగాను. ‘ఒకవేళ నువ్వు గెలిస్తే?’ అన్నారు మిల్లర్‌. నాకు అలాంటి అవకాశం వస్తుందని ఎప్పుడూ అనుకోలేదు. నేను ఓడిపోతానని మాత్రమే నాకు అనిపించింది. అయితే నేను ఓడిపోలేదు! నేను మొదటిసారి ఎన్నికలలో పోటీ చేసినప్పుడు నాకు ఎటువంటి రాజకీయ పరిచయాలు లేవు. సరిౖయెన వ్యక్తులతో పరిచయాలు లేవు. ఆ రోజులు ఎప్పటికీ గుర్తుండిపోతాయి.వారే స్ఫూర్తిప్రదాతలుక్లిష్ట పరిస్థితులలో నేను కలిసిన వ్యక్తుల నుంచే నాకు స్ఫూర్తి లభించింది. వీరు స్వచ్ఛంద సేవకులు, ఉద్యమకారులు. తాము నమ్మిన ఆశయం కోసం పగలు, రాత్రి తేడా లేకుండా పోరాడే వ్యక్తులు. ఎన్ని ఆటంకాలు ఎదురైనా వెనకడుగు వేయరు. అలాంటి వారే నాకు స్ఫూర్తి. ఫ్యామిలీ సపోర్ట్‌నేను రాజకీయాల్లోకి అడుగు పెట్టినప్పుడు పెద్ద కూతురు కాలేజీలో, రెండో కూతురు హైస్కూల్, మూడో కూతురు మిడిల్‌ స్కూల్‌లో చదువుతున్నారు. ఒక వ్యక్తి రాజకీయాల్లోకి అడుగు పెట్టినప్పుడు కుటుంబ సభ్యులందరూ సహకరిస్తారు. ఆ ప్రయాణంలో అందరూ భాగమవుతారు. నా విషయంలోనూ అదే జరిగింది. ప్రేమ గల భర్త, తోడుగా ఎప్పుడూ మా అమ్మ ఉండడం నా అదృష్టం. 1999 నుండి అమ్మ మాతోనే ఉంటున్నారు. ఆమె పక్కన ఉంటే ఎంతో ధైర్యంగా ఉంటుంది. అమ్మ నాతో ఉండడం నాకే కాదు పిల్లలకూ మేలు చేసింది. నేను అందుబాటులో లేని సమయాల్లో మా అమ్మ నేను లేని లోటు తీరుస్తుంది.పవర్‌ఫుల్‌ ప్రాసిక్యూటర్‌‘పెద్ద కలలు కనండి. కష్టపడి పనిచేయండి. మీ కలలను సాకారం చేసుకోండి’ అంటారు సరితా కోమటిరెడ్డి. తెలంగాణ రాష్ట్రం జగిత్యాల జిల్లా వెల్లటూరు మండలానికి చెందిన హనుమంతరెడ్డి, గీతారెడ్డి సరిత తల్లిదండ్రులు. ఇద్దరూ వైద్యులే. ఎన్నో దశాబ్దాల క్రితం హనుమంతరెడ్డి కుటుంబం అమెరికాలో స్థిరపడింది. ‘మా నాన్న భారతదేశంలోని చిన్న గ్రామం నుంచి వచ్చారు. అక్కడ నీటిసరఫరా కూడా సరిగా ఉండేది కాదు. చాలామంది అమెరికాకు ఎందుకు వస్తారో ఆ కారణంతోనే ఆయన ఇక్కడికి వచ్చారు’ అన్నారు సరిత.గర్వించేలా... ఎన్నో హోదాలలో!హార్వర్డ్‌ లా స్కూల్‌ నుండి పట్టభద్రురాలైన తరువాత ‘హార్వర్డ్‌ లా రివ్యూ’కు బ్లూబుక్‌ ఛైర్‌(ఎడిటర్‌)గా పనిచేశారు సరిత. న్యూయార్క్‌లోని యు.ఎస్‌. అటార్ని కార్యాలయంలో చేరడానికి ముందు డీప్‌వాటర్‌ హోరైజన్‌ ఆయిల్‌స్పిల్‌పై ఏర్పాటైన జాతీయకమిషన్‌కు న్యాయ సలహాదారుగా పనిచేశారు. ఆ తరువాత కాలంలో... ఇంటర్నేషనల్‌ నార్కోటిక్స్‌ అండ్‌ మనీలాండరింగ్‌ చీఫ్‌గా, డిప్యూటి చీఫ్‌ ఆఫ్‌ జనరల్‌ క్రైమ్స్, కంప్యూటర్‌ హ్యాకింగ్‌ అండ్‌ ఇంటలెక్చువల్‌ ప్రాపర్టీ కోఆర్డినేటర్‌గా పనిచేశారు. ఎనిమిది ఫెడరల్‌ జ్యూరీ విచారణలను నిర్వహించారు. సెకండ్‌ సర్క్యూట్‌ ముందు పదిహేను అప్పీళ్లను వాదించారు. ఆల్‌ఖైదా, ఐసిస్, మెక్సికన్‌ డ్రగ్‌ లీడర్‌లను కోర్టు బోనులో నిలబెట్టే ప్రయత్నాలు చేశారు.జీవితాన్ని మార్చిన సంఘటన‘9/11 నా జీవితాన్నే మార్చేసింది. ఉగ్రవాదులను బోనులో నిలపడానికి, అమెరికాను రక్షించడానికి లా స్కూల్‌లో చేరాను’ గతాన్ని గుర్తు చేసుకున్నారు సరిత. ఒక హై– ప్రొఫైల్‌ కేసులో, అమెరికా సైనిక సిబ్బందిని హత్య చేయడానికి కుట్ర పన్నిన ఒక ఉగ్రవాదికి 45 సంవత్సరాలు జైలు శిక్ష పడేలా చేశారు. 2020లో డోనాల్డ్‌ ట్రంప్‌ సరితను న్యూయార్క్‌లోని యూ.ఎస్‌. డిస్ట్రిక్ట్‌ కోర్టుకు నామినేట్‌ చేశారు.జీవితలక్ష్యంమూడు అటార్నీ జనరల్‌ అవార్డులు, ఫెడరల్‌ డ్రగ్‌ ఏజెంట్స్‌ ఫౌండేషన్‌ ‘ట్రూ అమెరికన్‌ హీరో’ అవార్డులు రెండు, ఫెడరల్‌ లా ఎన్‌ఫోర్స్‌మెంట్‌ ఫౌండేషన్‌ ‘ ప్రాసిక్యూటర్‌ ఆఫ్‌ ఇది ఇయర్‌’ రెండు అవార్డులను అందుకున్నారు. ‘నేరస్థులపై అభియోగాలను మోపి, బోను ఎక్కించి శిక్ష పడేలా చేయడంలో నేను నిష్ణాతురాలిని. నా జీవిత లక్ష్యం అదే’ అంటారు. కొలంబియా విశ్వవిద్యా లయంలో న్యాయశాస్త్రం బోధిస్తున్న సరిత, రాజకీయాలపై తన ఆసక్తి గురించి ఇలా అన్నారు... ‘రాజకీయాల్లోకి రావాలనే నిర్ణయం వృత్తిపరమైన లక్ష్యానికి కొనసాగింపు మాత్రమే’ ‘సరిత తనను తాను భారతీయ వలసదారుల బిడ్డగా అభివర్ణించుకుంటారు’ అని ది న్యూయార్క్‌ టైమ్స్‌ పేర్కొంది.తాజాగా...అమెరికా మధ్యంతర ఎన్నికలలో న్యూయార్క్‌ అటార్నీ జనరల్‌ పదవి కోసం జరిగిన ఎన్నికలలో డెమోక్రాట్‌ అభ్యర్థి లేటిషియా జేమ్స్‌ చేతిలో సరిత ఓడిపోయారు. ఓటమి తరువాత ‘ఎక్స్‌’ వేదికగా ఇలా స్పందించారు... ‘ప్రజాసేవ అంటే ప్రజలకు సేవ చేయడం మాత్రమే. ఆ పేరుతో పేరు సంపాదించుకోవడం కాదు. వ్యక్తిగత ప్రయోజనాలను ఆశించి పనిచేయడం కాదు. ఇకముందు కూడా ప్రతి పనిని అంకితభావంతో చేస్తాను. ఇతరులకు సేవ చేయడం, న్యూయార్క్‌ను మరింత సురక్షితంగా మార్చడం నా లక్ష్యం’ – యాకుబ్‌ పాషా

వాషింగ్టన్: అమెరికా మధ్యంతర ఎన్నికల ఫలితాల్లో అధికార రిపబ్లికన్‌ పార్టీకి ఊహించని ఎదురుదెబ్బ తగిలింది. అటు హౌస్‌ ఆఫ్‌ రిప్రజెంటేటివ్స్, ఇటు సెనేట్‌లో ఆ పార్టీ తన పట్టును కోల్పోయింది. ప్రతిపక్ష డెమోక్రాటిక్‌ అభ్యర్థులు దూసుకుపోతూ.. అధికార పార్టీకి చెందిన సెనేట్‌ సిట్టింగ్‌ స్థానాలను కైవసం చేసుకున్నారు. ఈ ఎన్నికల ఫలితాలు అమెరికా రాజకీయాల్లో పెను సంచలనం సృష్టించడంతో పాటు, మరో రెండేళ్లలో జరగనున్న అధ్యక్ష ఎన్నికలపై ఇప్పుడే తీవ్ర చర్చకు తెరలేపాయి. ఈ క్రమంలో, ప్రెసిడెంట్‌ ఎన్నికల్లో ప్రతిపక్ష పార్టీ తరఫున బరిలోకి దిగేందుకు మరో బరాక్‌ ఒబామా దొరికారని అమెరికన్లు ఆనందం వ్యక్తం చేస్తున్నారు. ఇంతకీ ఎవరా బరాక్‌ ఒబామా?అంటే.. మాజీ అధ్యక్షుడు బరాక్‌ ఒబామా స్వయంగా మరో దఫా అధ్యక్ష ఎన్నికల్లో పోటీ చేస్తున్నారనుకుంటే పొరబడినట్లే! అచ్చం ఒబామాను తలపించే ప్రసంగ శైలి, యువతను ఆకట్టుకునే నాయకత్వ లక్షణాలతో అమెరికన్లను ఆకట్టుకుంటున్న ఆ యువ నాయకుడే.. థామస్ జోనాథన్ ఆసాఫ్ రైజింగ్ స్టార్‌గా జోనాథన్ ఆసాఫ్ తొలిసారిగా 2020-2021లో జరిగిన జార్జియా సెనెట్ రన్‌ఆఫ్ ఎన్నికల్లో రిపబ్లికన్ అభ్యర్థి డేవిడ్ పెర్డూపై విజయం సాధించి థామస్ జోనాథన్ ఆసాఫ్ సెనెట్‌లోకి అడుగుపెట్టారు. ఆ ఎన్నికల్లో ఆయన విజయం సాధించడం ద్వారానే డెమొక్రాట్ పార్టీ సెనెట్‌లో మెజారిటీని సాధించగలిగింది. ఇప్పుడు సెనేట్‌ పదవీ కాలం పూర్తవుతున్న తరుణంలో వచ్చిన ఈ మధ్యంతర ఎన్నికల్లో మరోసారి పోటీ చేసి ఘన విజయం సాధించడంతో, అమెరికన్లు ఆయన్ని రైజింగ్‌ స్టార్‌గా అభివర్ణిస్తున్నారు. మరో రెండేళ్లలో జరగనున్న అమెరికా అధ్యక్ష ఎన్నికల్లో డెమోక్రాటిక్‌ అభ్యర్థిగా జోనాథాన్‌ ఆసాఫ్‌ బరిలోకి దిగే అవకాశాలు ఎక్కువగా ఉన్నాయని రాజకీయ విశ్లేషకులు భావిస్తున్నారు. మిడ్‌టర్మ్‌ ఎన్నికల్లో అత్యంత పిన్న వయస్సులో సెనేట్‌ స్థానానికి ఆయన తిరిగి ఎన్నిక కావడం ప్రస్తుతం అమెరికా వ్యాప్తంగా హాట్ టాపిక్‌గా మారింది.ట్రంప్‌నకు ఎదురుదెబ్బ..అధ్యక్షుడు డొనాల్డ్ ట్రంప్‌ నేతృత్వంలోని రిపబ్లికన్ పార్టీకి ఈ ఎన్నికలు అత్యంత సవాలుగా మారాయి. ముఖ్యంగా 2024 అధ్యక్ష ఎన్నికల్లో డొనాల్డ్ ట్రంప్ విజయం సాధించిన జార్జియా రాష్ట్రంలో, డెమొక్రాటిక్ పార్టీ తరఫున రీ-ఎలక్షన్ కోసం బరిలో నిలిచిన ఏకైక సెనేటర్ జాన్ ఆసాఫ్ కావడం గమనార్హం. రిపబ్లికన్లు ఈసారైనా ఆ సీటును కైవసం చేసుకోవాలని సర్వశక్తులు ఒడ్డినా, ఆసాఫ్ వారి వ్యూహాలను తిప్పికొట్టి అఖండ విజయం సాధించారు.ఆయన అద్భుతమైన ప్రసంగ శైలి, యువతను ఆకట్టుకునే నాయకత్వ లక్షణాలు, కఠినమైన రాజకీయ పరిస్థితుల్లోనూ వ్యూహాత్మకంగా వ్యవహరించే తీరును చూసిన విశ్లేషకులు ఆసాఫ్‌ను అమెరికా మాజీ అధ్యక్షుడు బరాక్ ఒబామాతో పోలుస్తున్నారు. ట్రంప్ ప్రభుత్వ విధానాలకు బలమైన ప్రతిపక్ష గళంగా మారుతున్న జాన్ ఆసాఫ్, భవిష్యత్తులో అమెరికా జాతీయ రాజకీయాల్లో అత్యున్నత స్థాయికి చేరే నాయకుడిగా ప్రశంసలు అందుకుంటున్నారు.

అగ్ర‌రాజ్యం అమెరికాలో మ‌ధ్యంత‌ర ఎన్నిక‌లు అధికార డెమొక్రాటిక్ పార్టీకి తీవ్ర నిరాశ క‌లిగించాయి. అధ్య‌క్షుడు డొనాల్డ్ ట్రంప్ విధానాల‌తో విసిగిపోయిన అమెరికా ప్ర‌జ‌లు ప్రతిపక్ష డెమొక్రాట్‌ పార్టీకి భారీ విజ‌యాన్ని క‌ట్ట‌బెట్టారు. ఫ‌లితంగా రిపబ్లికన్ల కంచుకోట‌లుగా ఉన్న ప‌లు కీల‌క‌ రాష్ట్రాల్లోనూ డెమొక్రాట్లు పాగా వేశారు. యూఎస్‌ హౌస్‌ ఆఫ్‌ రెప్రజెంటేటివ్స్‌తోపాటు సెనేట్‌లోనూ డెమొక్రాట్లు ఆధిక్యం సాధించారు. జీవన వ్యయం భారం కావ‌డంతో పాటు ప‌లు కార‌ణాల‌తో రిపబ్లికన్లు ఓటమిపాల‌య్యారు. 1.పెరిగిపోయిన జీవన వ్యయం... అమెరికన్‌ ఓటర్లు నిత్యావసరాల ధరల పెరుగుదలను ఏమాత్రం సహించరు. ఈ విషయమే మధ్యంతర ఎన్నికల సమయంలోనూ స్పష్టంగా వ్యక్తమైంది. ద్రవ్యోల్బణం కారణంగా తాము బాగా ఇబ్బంది పడుతున్నామని దాదాపు 79 శాతం మంది ఓటర్లు స్పష్టం చేశారు. సెప్టెంబ‌ర్‌లో ద్రవ్యోల్బణం రికార్డు స్థాయిలో 3.7 శాతానికి చేరుకుంది. పెట్రోలు ధరలు మునుపెన్నడూ లేనంతగా గ్యాలన్‌కు 6.52 డాలర్లకు చేరుకోవడం... ఇందుకు ట్రంప్‌ విధానాలే కారణమని 60 శాతం మంది ఓటర్లు విశ్వసించడం మరో కారణం. 2. ఇరాన్‌తో యుద్ధం... ఇజ్రాయెల్‌తో కలిసి అమెరికా ఇరాన్‌పై దాడులకు దిగడం ఓటర్లకు ఏమాత్రం రుచించలేదు. యుద్ధాలకు దూరంగా ఉంటానని, అమెరికా ఫస్ట్‌ అని హామీలిచ్చి అందుకు విరుద్ధంగా వ్యవహరించడంతో చాలామంది మద్దతుదారులు ట్రంప్‌కు దూరమయ్యారు. ఇరాన్‌తో యుద్ధం సరైన నిర్ణయం కాదని సుమారు 63 శాతం మంది ఓటర్లు స్పష్టం చేయడం గమనార్హం.3. కీలకాంశాలపై డెమొక్రాట్ల దృష్టి... ఈ ఎన్నికల్లో డెమోక్రాట్లు ఆరోగ్యం, అవినీతి, కుటుంబాల ఆర్థిక సమస్యలవంటి అంశాలపై ఒక పద్ధతి ప్రకారం స్పష్టమైన ప్రచారం చేశారు. ఫలితంగా టెక్సస్, కాన్సస్, సౌత్‌ కరోలినా, జార్జియా వంటి రాష్ట్రాల్లో రిపబ్లికన్ల ఆధిపత్యాన్ని సమర్థంగా ఎదుర్కొగలిగారు. విజయం సాధించారు. ఇదీ చ‌ద‌వండి: అమెరికాలో నీలి సునామీ4. ట్రంప్‌ వైఖరి...ఈ ఎన్నికలను అధ్యక్షుడిగా తన రెఫరెండంగా పరిగణించాలన్న డొనాల్డ్ ట్రంప్‌ వ్యాఖ్యలు ఓటర్లపై ప్రతికూల ప్రభావం చూపాయి. ఆర్థిక సమస్యల గురించి ట్రంప్‌కు ఏమాత్రం పట్టనట్టుగా ఉందని భావించారు. ప్రచారం సమయంలోనూ ట్రంప్‌ తన బాధలే చెప్పుకుంటున్నట్టుగా ఓటర్లు భావించారు. 5. డెమొక్రాట్లకు మళ్లీ బ్లాక్స్‌ మద్దతు.. 2024 అధ్యక్ష ఎన్నికల్లో రిపబ్లికన్లు ఆధిక్యం సాధించడం వెనుక హిస్పానిక్, బ్లాక్స్‌ పాత్ర సుస్పష్టం. కానీ మధ్యంతర ఎన్నికల్లో పరిస్థితి తారుమారైంది. హిస్పానిక్స్‌ ఎక్కువగా ఉన్న కౌంటీల్లో దాదాపు 22 శాతం మంది డెమోక్రాట్లకు మద్దతుగా నిలిచినట్లు సర్వేలు చెబుతున్నాయి. ఇమ్మిగ్రేషన్, పౌర హక్కుల విషయంలో ప్రభుత్వం వైఖరి, ఆర్థిక ఇబ్బందులు హిస్పానిక్స్‌తోపాటు బ్లాక్స్‌ను కూడా మళ్లీ డెమోక్రాట్లకు ఓటేసేలా చేసిందని అంచనా.

అమెరికాకు చెందిన 54 వ్యక్తి గడ్డంతో ప్రపంచ రికార్డులకెక్కాడు. ఏకంగా 5 అడుగుల 3 అంగుళాల సహజ గడ్డం పెంచినందుకు వరల్డ్‌ రికార్డ్స్‌లో చోటు దక్కించుకున్నాడు. కాన్వాస్‌లోని బాల్డ్విన్‌కు చెందిన మాథ్యూ హే రెండు దశాబ్దాలకు పైగా తన గడ్డాన్ని కత్తిరించలేదన. జీవించి ఉండి, అత్యంత పొడవైన సహజ గడ్డం పెంచినందుకు ఈ టైటిల్‌ని కైవసం చేసుకున్నాడు. అతని గడ్డం తన తోటి అమెరికన్‌ అయిన రుడాల్ఫ్‌ మార్టినో పేరిట ఉన్న మూడు అడుగుల ఆరు అంగుళాల మునుపటి రికార్డు కంటే రెండు అడుగుల పొడవు ఉండటం విశేషం. ఈ మేరకు హే మాట్లాడుతూ..తాను సుమారు 20 ఏళ్ల క్రితం గడ్డం పెంచడం ప్రారంభించినట్లు తెలిపారు. అతను ఎప్పుడు చిన్న గడ్డాన్నే ఉంచుకున్నప్పటికీ..కొందరు చిన్నారులు దాన్ని అల్లమని అడగడంతో గడ్డం పెంచాలనే ఆలోచన వచ్చిందట. ఆ రూపం నచ్చడంతో తను గడ్డం షేవ్‌ చేసుకోవడమే మానిసినట్లు తెలిపాడు. కాలక్రమేణ ఆ అల్లిన జుట్టు ఒకే పాయగా చిక్కుపడి, ప్రతి ఏడాది సుమారు మూడు నుంచి నాలుగు అంగుళాలు పెరుగతూ వచ్చిందట. చివరి అది తన బెల్టు మాదిరిగా నడుముకు చుట్టుకునేంత పొడవుగా పెరిగిందని చెప్పుకొచ్చాడు. ఎలా మెయింటైన్‌ చేస్తాడంటే..ఇంతపెద్ద గడ్డం పెంచడం ఒక ఎత్తు మెయింటైన్‌ చేయడం మరోక ఎత్తు కదా. మరి హే మాత్రం అంత పెద్ద గడ్డాన్ని ముడి వేసి తన రోజువారీ పనులు చేసుకుంటాడట. అంతేగాదు షాంపు, కండీషనర్‌లతో దాన్ని క్లీన్‌గా ఉంచుకుంటాడట. అంతేకాదండోయ్‌ రికార్డు స్థాయిలో పొడువుగా ఉన్న ఆ గడ్డానికి భీమా చేయించాలా లేదా అని ఆలోచిస్తున్నాడట. అలాగే కొందరు తన రూపాన్ని చూసి ప్రశంసించగా, మరికొందరు విమర్శిస్తుంటారట కూడా. ఇంకో విశేషమేమిటంలో నో షేవ్‌ నవంబర్‌ నెలలోనే అతడి రికార్డు నమోదవ్వడం. ప్రస్తుతానికి హే ఆ గడ్డాన్ని కత్తిరించాలని ఆలోచన లేదని, మరింతగా పెంచుతూ సంరక్షించాలనే అనుకుంటున్నాడట.లిఇదీ చదవండి: ఆటో నడుపుతూనే సూపర్‌ టెట్‌కి సన్నద్ధం..! మనసుని కదిలించే కథ..

లాస్ ఏంజెలెస్: అమెరికాలోని లాస్ ఏంజెలెస్ మేయర్ ఎన్నికల్లో కేరళకు చెందిన నిత్యా రామన్ సంచలన విజయం సాధించారు. ప్రస్తుత మేయర్ కరెన్ బాస్‌ను ఓడించి, నగర చరిత్రలో తొలి ఆసియా-అమెరికన్ మేయర్‌గా రికార్డు సృష్టించారు. కేరళలో జన్మించి అమెరికాలో స్థిరపడిన నిత్యా రామన్ అరుదైన రాజకీయ ఘనత సాధించారు. లాస్ ఏంజెలెస్ మేయర్ ఎన్నికల్లో 51.1 శాతం ఓట్లు సాధించి విజయం అందుకున్నారు. ప్రస్తుత మేయర్ కరెన్ బాస్‌కు 48.33 శాతం ఓట్లు మాత్రమే వచ్చాయి. డెసిషన్ డెస్క్ హెచ్‌క్యూ ఎన్నికల అంచనాల ప్రకారం నిత్యా రామన్ విజయం ఖాయమైంది. దీంతో ఆమె లాస్ ఏంజెలెస్‌కు 44వ మేయర్‌గా బాధ్యతలు చేపట్టనున్నారు. ఈ పదవిని చేపట్టనున్న రెండో మహిళగానూ గుర్తింపు పొందనున్నారు.సిట్టింగ్ మేయర్‌కు షాక్నిత్యా రామన్ ఎన్నికల బరిలోకి చివరి నిమిషంలో ప్రవేశించడం విశేషం. ఎన్నికలకు కొన్ని వారాల ముందు వరకు కరెన్ బాస్ తిరిగి ఎన్నిక కావాలని ఆమె మద్దతు ప్రకటించారు. అయితే అనూహ్యంగా తానే పోటీలోకి దిగి ఆమెను ఓడించారు. డెమోక్రటిక్ సోషలిస్ట్ ఉద్యమానికి చెందిన అభ్యర్థులు అనుసరించిన ప్రచార వ్యూహాలను తన ఎన్నికల ప్రచారంలో ఉపయోగించారు.2020లోనే రాజకీయ అరంగేట్రంలాస్ ఏంజెలెస్ రాజకీయాల్లో నిత్యా రామన్‌కు మంచి అనుభవం ఉంది. 2020లో తొలిసారిగా రాజకీయాల్లోకి ప్రవేశించిన ఆమె.. అప్పటి సిట్టింగ్ సిటీ కౌన్సిల్ సభ్యుడు డేవిడ్ ర్యూను ఓడించారు. పదేళ్లకు పైగా కాలంలో తొలిసారిగా ఒక సిట్టింగ్ కౌన్సిల్ సభ్యుడు తిరిగి ఎన్నికల్లో ఓడిపోవడం అప్పట్లో సంచలనంగా మారింది. డెమోక్రటిక్ సోషలిస్ట్స్ ఆఫ్ అమెరికా (DSA) మద్దతుతో లాస్ ఏంజెలెస్ సిటీ కౌన్సిల్‌కు ఎన్నికైన తొలి అభ్యర్థిగానూ ఆమె చరిత్ర సృష్టించారు.కేరళలో జననం.. హార్వర్డ్, ఎంఐటీలో చదువు1981లో కేరళలో జన్మించిన నిత్యా రామన్ ఆరేళ్ల వయసులోనే అమెరికాకు వెళ్లారు. 22 ఏళ్ల వయసులో అమెరికా పౌరసత్వం పొందారు. హార్వర్డ్ యూనివర్సిటీలో డిగ్రీ పూర్తి చేసిన ఆమె.. అనంతరం మసాచుసెట్స్ ఇన్‌స్టిట్యూట్ ఆఫ్ టెక్నాలజీ నుంచి అర్బన్ ప్లానింగ్‌లో మాస్టర్స్ డిగ్రీ పొందారు.పారిశుద్ధ్యం, నిరాశ్రయుల సమస్యలపై పనిచేసి..నిత్యా రామన్ సామాజిక సమస్యల పరిష్కారంపై కూడా దృష్టి సారించారు. చెన్నైలో 'ట్రాన్స్‌పరెంట్ చెన్నై' అనే పట్టణ పరిశోధన సంస్థను స్థాపించారు. పారిశుద్ధ్య వ్యవస్థను మెరుగుపరిచేందుకు కృషి చేశారు. 2013లో లాస్ ఏంజెలెస్‌కు వెళ్లిన తర్వాత అక్కడి నగర పరిపాలనా అధికారితో కలిసి పనిచేశారు. అమెరికా అధ్యక్షుడు డొనాల్డ్ ట్రంప్ పదవీకాలం చివరి సంవత్సరాల్లో నిత్యా రామన్ లాస్ ఏంజెలెస్ నగరానికి నాయకత్వం వహించనున్నారు. 2028లో జరగనున్న సమ్మర్ ఒలింపిక్స్‌కు నగరాన్ని సిద్ధం చేయడం ఆమె ముందున్న కీలక బాధ్యతల్లో ఒకటి.

న్యూఢిల్లీ: అమెరికా మధ్యంతర ఎన్నికల ఫలితాల నేపథ్యంలో భారత ప్రధాన ఎన్నికల కమిషనర్‌(సీఈసీ) జ్ఞానేశ్‌ కుమార్‌ పేరు సోషల్‌ మీడియాలో మార్మోగుతోంది. ఈ ఎన్నికల్లో డొనాల్డ్‌ ట్రంప్‌ పార్టీ పరాజయం పాలయ్యింది. డెమొక్రాటిక్‌ పార్టీ పైచేయి సాధించింది. జ్ఞానేశ్‌ కుమార్‌ అమెరికాలో ఉండి ఉంటే అధ్యక్షుడు ట్రంప్‌కు ఈ దుస్థితి వచ్చేదే కాదని పేర్కొంటూ ప్రతిపక్ష నాయకులతో సహా పలువురు నెటిజన్లు సోషల్‌ మీడియాలో పోస్టు చేస్తున్నారు. సీఈసీపై పరోక్షంగా వ్యంగ్యాస్త్రాలు విసురుతున్నారు. అమెరికా ఎన్నికల ఫలితాలపై రకరకాల మీమ్స్, వన్‌ లైనర్లు సోషల్‌ మీడియాలో విస్తృతంగా కనిపిస్తున్నాయి. ‘‘అమెరికా అధ్యక్షుడికి ఒక జ్ఞానేశ్‌ కుమార్‌ చాలా అవసరం’’ అని ఒక అజ్ఞాత వ్యక్తి ‘ఎక్స్‌’లో పోస్టుచేశారు. ‘జ్ఞానేశ్‌ కుమార్‌ అమెరికాలో ఉంటే ట్రంప్‌కు ఇలా జరగనిచ్చేవారే కాదు’’ కాక్రోచ్‌ జనతా పార్టీ(సీజేపీ) వ్యవస్థాపకుడు అభిజీత్‌ దీప్కే పేర్కొన్నారు. ‘‘ట్రంప్‌ సాబ్‌.. మీరు జ్ఞానేశ్‌ను వెంట తీసుకెళ్లి ఉంటే ఈరోజు ఇలాంటి పరిస్థితి చూడాల్సి వచ్చేది కాదు’’ అని కాంగ్రెస్‌ పార్టీ సీనియర్‌ నేత పవన్‌ ఖేరా ‘ఎక్స్‌’లో పోస్టు చేశారు. సామాజిక కార్య కర్త, ప్రముఖ న్యాయవాది ప్రశాంత్‌ భూషణ్‌ సైతం స్పందించారు. ‘‘మోదీ: క్షమించు మిత్రమా, జ్ఞానేశ్‌ ను నీ దగ్గరకు పంపలేక పోయాను. ముందు నేను నా సంగతి చూసుకోవాల్సి వచ్చింది. కానీ, ఇప్పుడు ఇక్కడి ప్రజలు అతడిని ఇంట్లోనే బంధించేశారు. ఇప్పుడు అతడు నాకు సహాయం చేయడానికి కూడా వీల్లేకుండా పోయంది’’ అంటూ సోషల్‌ మీడియాలో సెటైర్లు విసిరారు. ప్రధానమంత్రి మోదీ వేచి ఉన్న గదిలోకి ట్రంప్‌ ప్రవేశిస్తున్నట్లుగా ఒక మీమ్‌ను మరొకరు పోస్టుచేశారు. దానికి ‘‘బ్రో.. నాకు జ్ఞానేశ్‌ను ఇవ్వు’’ అనే శీర్షిక కనిపిస్తోంది. మరో పోస్టులో ‘‘మధ్యంతర ఎన్నికల్లో ట్రంప్‌ ఓడిపోవడం మొదలైంది. జ్ఞానేశ్‌ కుమార్‌ అమెరికాకు బయలుదేరబోతున్నారు’’ ఒక నెటిజన్‌ పేర్కొన్నారు. ‘‘అమెరికాలో స్వయంగా జ్ఞానేశ్‌ కుమార్‌ రంగంలోకి దిగి, ఇప్పుడు ఎన్నికలు నిర్వహించాలని ట్రంప్‌ కోరుకుంటున్నారు’’ అనే మరో వ్యాఖ్య కూడా సోషల్‌ మీడియాలో ప్రత్యక్షమైంది. అమెరికా ఓటర్లు ప్రతిపక్ష డెమొక్రాటిక్‌ పార్టీకి పట్టంగట్టారు. కీలకమైన గవర్నర్‌ పదవులను డెమొక్రాట్లు చేజిక్కించుకున్నారు. భారత్‌లో ఓటర్ల జాబితా ప్రత్యేక సమగ్ర సవరణ(ఎస్‌ఐఆర్‌)లో అక్రమాలు జరిగాయనే ఆరోపణలు, అందులో సీఈసీ జ్ఞానేశ్‌ కుమార్‌ పాత్రను అమెరికా ఎన్నికల ఫలితాలతో జనం ముడిపెడుతున్నారు. అక్కడ జ్ఞానేశ్‌ ఉంటే బాగుండేదని, ట్రంప్‌ పార్టీ కచ్చితంగా గెలిచేదని ఎద్దేవా చేస్తున్నారు.

వాషింగ్టన్‌: మధ్యంతర ఎన్నికలపై ఇరాన్‌ యుద్ధం పెను ప్రభావం చూపిందని అమెరికా అధ్యక్షుడు డొనాల్డ్‌ ట్రంప్‌ బుధవారం అంగీకరించారు. ఎనిమిది నెలలుగా కొనసాగుతున్న ఈ సంఘర్షణ ఫలితంగా పెరిగిన ధరల పట్ల ఓటర్లు అసంతృప్తితో ఉన్నారని చెప్పారు. అయితే, ఆ యుద్ధం తాను చేయక తప్పలేదని వ్యాఖ్యానించారు. ఇరాన్‌ విషయంలో యుద్ధం చేయాల్సి వచ్చిందని, దాన్ని తాము కొనసాగిస్తున్నామని విలేకరులతో మాట్లాడుతూ తెలిపారు. ఓటమికి ఇరాన్‌తో యుద్ధమే కారణమని ఉపాధ్యక్షుడు జేడీ వాన్స్‌ కూడా అభిప్రాయపడ్డారు.

వాషింగ్టన్‌: అమెరికా మధ్యంతర ఎన్నికల్లో ఈ సారి కూడా భారతీయులు చెప్పుకోదగ్గ స్థాయిలో రాణించారు. ఒక తరం క్రితం వరకు అమెరికాలోని భారతీయ సంతతి ప్రజలు కేవలం వైద్యం, ఇంజనీరింగ్, ఐటీ, వ్యాపార రంగాలకే పరిమితం అమెరికా రాజకీయాల్లో ఏళ్లుగా ఉన్న వారిని కాసేపు పక్కనబెడితే తాజా ఎన్నికల్లో ఇద్దరు భారతీయ సంతతి నేతలు మొట్టమొదటిసారి చట్టసభల్లోకి ప్రవేశించారు. అమెరికాలో భారతీయ సంతతి నేతల రాజకీయం చాలా వరకూ కాలిఫోర్నీయా, న్యూజెర్సీ వంటి రాష్ట్రాలకే పరిమితం. కానీ ఈసారి ఫ్లోరిడా, జార్జియా వంటి రాష్ట్రాల్లో పియా దండియా, జ్యోత్‌ సింగ్‌ల సాధించిన విజయాలు.. అమెరికా రాజకీయాల్లో సరికొత్త అధ్యాయమని చెప్పాలి. ఫ్లో్లరిడాలోని 22వ కాంగ్రెగేషనల్‌ డిస్ట్రక్ట్‌ నుంచి భారతీయ మూలాలున్న పియా దండియా హౌస్‌ ఆఫ్‌ రిప్రజెంటేటివ్స్‌కు ఎన్నికయ్యారు. ఈ ఘనత సాధించిన తొలి భారతీయ సంతతి ప్రజాప్రతినిధిగా ఆమె చరిత్ర సృష్టించారు. రిపబ్లికన్‌ పార్టీకి చెందిన కేసీ అక్సర్‌పై విజయం సాధించారు. భారతీయ అమెరికన్లు పలువురు హౌస్‌కు ప్రాతినిథ్యం వహిస్తున్న సంగతి తెలిసిందే. సుహాస్‌ సుబ్రమణ్యం వర్జీనియా రాష్ట్రం డిస్ట్రక్ట్‌ 10 నుంచి, కాలిఫోర్నీయాలోని డిస్ట్రక్ట్‌ 17 నుంచి రో ఖన్నా, ప్రమీలా జయపాల్‌ వాషింగ్టన్‌లోని డిస్ట్రిక్ట్‌ సెవెన్‌ నుంచి మళ్లీ ఎన్నికకయ్యారు. వీరితోపాటు కాలిఫోర్నీయా డిస్ట్రిక్ట్‌ త్రీ నుంచి అమీ బేరా కూడా డెమోక్రాట్ల తరఫున మరోసారి హౌస్‌కు ఎన్నికయ్యారు. సెనేట్‌ ఎన్నికల్లో మాత్రం భారతీయులు కానీ, భారతీయ మూలాలు ఉన్న వారు కానీ ఎన్నిక కాలేదు. పియా దండియా భారతీయ సంతతికి చెందిన రాజకీయనేత కావడం గమనార్హం. ఈమె తల్లిదండ్రులు 1980లలో రాజస్థాన్‌లోని జైపూర్‌ నుంచి ఫ్లారిడాకు వలస వెళ్లారు. తండ్రి డాక్టర్‌ రోహిత్‌ దండియా పామ్‌ బీచ్‌ కౌంటీలో ఇరవై ఏళ్లుగా వైద్యసేవలు అందిస్తున్నారు. పియా తల్లి జుపిటర్‌ ప్రాంతంలో లో ఒక మాంటిస్సొరి పాఠశాలను స్థాపించారు. మరోవైపు జార్జియా రాష్ట్రంలో భారతీయ సంతతికి చెందిన జ్యోత్‌ సింగ్‌ కూడా జార్జియా అసెబ్లీకి ఎన్నికయ్యారు. సాధించారు. ఈ ఘనత సాధించిన తొలి సిక్కు–అమెరికన్‌ ప్రజాప్రతినిధిగా నిలిచారు.తెలుగమ్మాయి లెఫ్టినెంట్‌ గవర్నర్‌! మేరీల్యాండ్‌ లెఫ్టినెంట్‌ గవర్నర్‌ స్థానానికి డెమోక్రాట్ల తరఫున పోటీ చేసిన 61 ఏళ్ల అరుణా మిల్లర్‌ కూడా గెలుపొందారు. ఏడేళ్ల వయసులో అరుణ మిల్లర్‌ కుటుంబం ఆంధ్రప్రదేశ్‌ నుంచి అమెరికా వలస వెళ్లింది. మిస్సోరీ యూనివర్శిటీ నుంచి సివిల్‌ ఇంజినీరింగ్‌ చదివిన అరుణ పాతికేళ్లపాటు మాంటిగోమని కౌంటీ రవాణా శాఖలో పనిచేశారు. మేరీలాండ్‌ హౌస్‌ ఆఫ్‌ డెలిగేట్స్‌లో 2010 నుంచి 2018 వరకూ డిస్ట్రక్ట్‌ 15కు ప్రాతినిథ్యం వహించారు. మేరీల్యాండ్‌ లెఫ్టినెంట్‌ గవర్నర్‌గా ఎన్నికైన రెండో మహిళగా అరుణ మిల్లర్‌ రికార్డు సృష్టించారు. తొలి శ్వేతేతర జాతి మహిళ కూడా. మన అల్లుడు.. సెనేటర్‌ ఈ సారి ఎన్నికల్లో మిషిగన్‌ నుంచి సెనేట్‌కు ఎన్నికైన డెమొక్రాటిక్‌ అభ్యర్థి అబ్దుల్‌ ఎల్‌–సయ్యద్‌ భారతదేశపు అల్లుడు. అమెరికా సెనేట్‌కు ఎన్నికైన మొట్టమొదటి ముస్లింగానూ రికార్డు సృష్టించారు. స్వతహాగా ఈజిప్టు నుంచి అమెరికాకు వలస వచ్చిన వ్యక్తి కానీ.. భార్య సారా జుకా తల్లిదండ్రులు కర్ణాటకలోని భట్కళ్‌ నుంచి అమెరికాకు వలసవెళ్లారు.

అగ్రరాజ్యం అమెరికాలో రాజకీయం కొత్త రికార్డు నెలకొల్పింది. నవంబరు మూడవ తేదీ జరిగిన మధ్యంతర ఎన్నికల్లో డెమోక్రాట్లు రెండు సభల్లో, గవర్నర్‌ స్థానాల్లోనూ ఆధిక్యం సాధించడం ఒక విశేషమైతే.. అమెరికా చర్రితలోనే గవర్నర్‌ స్థానానికి ఎన్నికైన నల్ల జాతీయురాలిగా జార్జియాకు చెందిన కీషా లాన్స్‌ బాటమ్‌ చరిత్ర సృష్టించారు. అంతే కాకుండా, దాదాపు రెండు దశాబ్దాలుగా రిపబ్లికన్ల కంచుకోటగా ఉన్న జార్జియా కోటను డెమోక్రాట్లు బద్దలు కొట్టగలిగారు. ప్రజాపోరాటాల ప్రయాణం! న్యాయ, శాసన, కార్యనిర్వాహక వ్యవస్థల్లో పనిచేసిన అరుదైన అనుభవమున్న కీషా రాజకీయ ప్రస్తానం అట్లాంటా వీధుల్లోంచే మొదలైంది. 1970 జనవరి 18న అట్లాంటాలో జని్మంచిన కీషా, ఫ్లారిడా ఏ అండ్‌ ఎం విశ్వవిద్యాలయంలో డిగ్రీ, జార్జియా స్టేట్‌ కాలేజ్‌ ఆఫ్‌ లా నుంచి న్యాయశాస్త్ర పట్టా పొందారు. లాయర్‌గా, ప్రాసిక్యూటర్‌గా, మేజి్రస్టేట్‌ జడ్జిగా క్రిమినల్‌ జస్టిస్‌ వ్యవస్థలో తనదైన ముద్ర వేశారు. అట్లాంటా సిటీ కౌన్సిల్‌ సభ్యురాలిగా రెండుసార్లు (2010 – 2018)ఎన్నికై, స్థానిక సమస్యల పరిష్కారానికి కృషి చేశారు. ఆ తరువాత అట్లాంటా నగర 60వ మేయర్‌గా 2018లో బాధ్యతలు చేపట్టారు. కోవిడ్‌–19 సమయంలో కీషా తీసుకున్న నిర్ణయాలు మాత్రమే కాకుండా పేదలకు ఇళ్లు కట్టివ్వడం, పౌర హక్కుల రక్షణకు చర్యలు తీసుకోవడం వంటివి కీషాకు దేశవ్యాప్త ప్రశంసలు తెచ్చిపెట్టాయి. జో బైడెన్‌ అమెరికా అధ్యక్షుడిగా ఉండగా 2022–2023 మధ్యకాలంలో కీషా వైట్‌ హౌస్‌ ’ఆఫీస్‌ ఆఫ్‌ పబ్లిక్‌ ఎంగేజ్‌మెంట్‌’లో కీలకపాత్ర పోషించారు. సీనియర్‌ సలహాదారుగానూ వ్యవహరించారు. మెరుగైన హామీలతో జనాదరణ2026 గవర్నర్‌ ఎన్నికల్లో కీషా ఆరోగ్యం, కనీస వేతనాల పెంపు, సామాన్యుడికి అందుబాటులో ఇళ్లు వంటి హామీలిచ్చి ప్రజలను ఆకట్టుకున్నారు. కీషా సాధించిన ఈ చారిత్రాత్మక గెలుపు జార్జియా రాజకీయాలకు మాత్రమే పరిమితం కాకుండా, అమెరికా ప్రజాస్వామ్య చరిత్రలోనే మైలురాయిగా నిలిచిపోతాయని రాజకీయ పరిశీలకులు అంచనా వేస్తున్నారు.

అమెరికా మధ్యంతర ఎన్నికల ఫలితాల్లో డెమొక్రాట్లు సంచలనం సృష్టించారు. రిపబ్లికన్ల అదీనంలో ఉన్న సెనేట్‌ పగ్గాలను తిరిగి తమ సొంతం చేసుకోగలిగారు. మెజారిటీకి నికరంగా 4 స్థానాల్లో గెలుపు అవసరం కాగా.. ఏడు రిపబ్లికన్‌ స్థానాల్లో గెలిచారు. దీంతో సెనేట్‌లో డెమొక్రాట్ల బలం 54కు పెరిగింది. గెలుపు గుర్రాలు ఇవే... 1. టెక్సాస్‌: జేమ్స్‌ తలారికో రిపబ్లికన్‌ అభ్యర్థి కేన్‌ పాక్స్టన్‌పై విజయం సాధించారు. దీంతో టెక్సాస్‌లో 38 ఏళ్ల రిపబ్లికన్ల ఆధిపత్యానికి తెరపడింది. 2. నార్త్‌ కరోలినా: రాయ్‌ కూపర్‌ రిపబ్లికన్‌ ప్రత్యర్థి మైఖేల్‌ వాట్లీని ఓడించారు. 3. సౌత్‌ కరోలినా: అన్నీ ఆండ్రూస్‌ రిపబ్లికన్‌ అబ్యర్థి డార్లీన్‌ గ్రాహంపై ఘనవిజయం సాధించారు. ట్రంప్‌ మద్దతుదారైన ’లూసియన్‌/లిండ్సే గ్రాహం సోదరి ఈ డార్లీన్‌. 4. ఒహాయో: షెర్రోడ్‌ బ్రౌన్‌ రిపబ్లికన్‌ అభ్యర్థి జాన్‌ హస్టెడ్‌పై గెలుపొందారు. అమెరికా ఉపాధ్యక్షుడు జెడి వాన్స్‌ ఖాళీ చేసిన సీటు ఇది. 5. కాన్సాస్‌: ఆడమ్‌ హామిల్టన్‌ రిపబ్లికన్‌ సెనేటర్‌ రోజర్‌ మార్షల్‌ను ఓడించారు. కాన్సాస్‌లో ఒక డెమొక్రాట్‌ సెనేటర్‌గా గెలవడం 94 ఏళ్ల తర్వాత ఇదే తొలిసారి. 6. అయోవా: జోష్‌ తురెక్‌ రిపబ్లికన్‌ ప్రత్యర్థి ఆష్లే హిన్సన్‌పై గెలిచారు. 7. మెయిన్‌: ట్రాయ్‌ జాక్సన్‌ సుసాన్‌ కొల్లిన్స్‌ను ఓడించి సెనేటర్‌గా ఎన్నికయ్యారు. సూసన్‌ కొల్లిన్స్‌ 30 ఏళ్లుగా సెనేటర్‌గా ఉన్నారు. గవర్నర్‌ రేసులోనూ... అమెరికా మధ్యంతర ఎన్నికల్లో భాగంగా 35 రాష్ట్రాల గవర్నర్‌ పదవుల కోసం జరిగిన ఓటింగ్‌లోనూ డెమొక్రాట్లు తమ ఆధిపత్యాన్ని కొనసాగించారు. ఇప్పటివరకూ రిపబ్లికన్ల చేతుల్లో ఉన్న నాలుగు గవర్నర్‌ పీఠాలను తమవశం చేసుకున్నారు. దీంతో చాలా ఏళ్ల తరువాత దేశవ్యాప్తంగా మెజార్టీ గవర్నర్‌ స్థానాల్లో డెమొక్రాట్లు స్థానం సంపాదించుకున్నట్లు అయ్యింది. 1. టెక్సాస్‌: రాష్ట్ర డెమొక్రాటిక్‌ అభ్యర్థి గినా హిజోనోసా అనూహ్య విజయంతో ప్రస్తుత గవర్నర్‌ రిపబ్లికన్‌ అభ్యర్థి, నాలుగుసార్లు గవర్నర్‌గా పనిచేసిన గ్రెగ్‌ అబాట్‌ను ఓడించారు. 2. జార్జియా: గవర్నర్‌గా ఎన్నికైన మొట్టమొదటి నల్ల జాతీయురాలిగా డెమొక్రటిక్‌ పార్టీకి చెందిన కీషా లాన్స్‌ బాటమ్స్‌ ఈ ఎన్నికల్లో రికార్డు సృష్టించారు. రిపబ్లికన్‌ అభ్యర్థి రిక్‌ జాక్సన్‌పై గెలుపొందారు. జార్జియాలో రెండు దశాబ్దాలుగా రిపబ్లికన్లదే రాజ్యం కావడం గమనార్హం. 3. ఒహాయో: భారతీయ సంతతి రిపబ్లికన్‌ పార్టీ అభ్యర్థి వివేక్‌ రామస్వామిని డెమోక్రటిక్‌ పార్టీ ఆమీ ఆక్టన్‌ ఓడించి గవర్నర్‌గా ఎన్నికయ్యారు. వివేక్‌ రామస్వామి ట్రంప్‌ మద్దతుదారు, భారతీయ సంతతి నేత అన్నది తెలిసిందే. 4. అయోవా: డెమొక్రాటిక్‌ పార్టీ అభ్యర్థి గవర్నర్‌గా గెలవడం దాదాపు ఇరవై ఏళ్ల తరువాత ఇదే తొలిసారి. డెమొక్రటిక్‌ పార్టీ తరఫున పోటీ చేసిన రాబ్‌ సాండ్‌ రిపబ్లికన్‌ అభ్యర్థి జాక్‌ లాన్‌ను ఓడించారు.

వాషింగ్టన్‌: నిలకడలేని మాటలు, పొంతనలేని విధానాలు, కొన్ని దేశాలపై ద్వేషం వంటి అనేకానేక వేషాలేసిన అమెరికా అధ్యక్షుడు డొనాల్డ్‌ ట్రంప్‌కు ఓటర్లు గట్టిగానే బుద్ధి చెప్పారు. అధ్యక్ష ఎన్నికలు కానప్పటికీ నవంబరు మూడున జరిగిన ఎన్నికల్లో ప్రతిపక్ష డెమొక్రాట్‌ పార్టీ అభ్యర్థులను పెద్ద ఎత్తున గెలిపించారు. యూఎస్‌ హౌస్‌ ఆఫ్‌ రెప్రజెంటేటివ్స్‌తోపాటు సెనేట్‌లో మెజారిటీని సొంతం చేసుకున్న డెమొక్రాట్లు, రిపబ్లికన్ల కంచుకోటలైన కీలక రాష్ట్రాల గవర్నర్‌ పీఠాలను కైవసం చేసుకుని ‘నీలి సునామీ’సృష్టించారు.హౌస్‌ ఆఫ్‌ రిప్రజెంటేటివ్స్‌లోని మొత్తం 435 స్థానాలతోపాటు సెనేట్‌లోని 35 ఖాళీలకు నవంబరు మూడున ఎన్నికలు జరిగిన విషయం తెలిసిందే. భారతీయ కాలమానం ప్రకారం మంగళవారం మధ్యాహ్నం మొదలైన పోలింగ్‌ కొంచెం అటు ఇటుగా బుధవారం ఉదయం పది గంటల ప్రాంతంలో ముగిసింది. కౌంటింగ్‌ కూడా ప్రారంభమైంది. అందుబాటులో ఉన్న వివరాల ప్రకారం.. డెమొక్రాట్లు టెక్సస్, నార్త్, సౌత్‌ కరోలీనాలు, ఒహాయో, కాన్సస్, అయోవా, మెయిన్‌ స్థానాల్లో రిపబ్లికన్‌ పార్టీ అభ్యర్థులను ఓడించడం ద్వారా సెనేట్‌లో ఆధిక్యం సంపాదించారు. మరికొన్ని స్థానాల ఫలితాలు ఇంకా వెలువడాల్సి ఉంది.అయితే నికరంగా ఏడు స్థానాల్లో గెలుపు ద్వారా డెమోక్రాట్లు సెనేట్‌లో ఆధిక్యాన్ని ఖరారు చేసుకోవడం గమనార్హం. కడపటి వార్తలందేసరికి సెనేట్‌లో డెమొక్రాట్లు 54, రిపబ్లికన్లు 44 స్థానాలు గెలుచుకున్నారు. మరోవైపు హౌస్‌ ఆఫ్‌ రిప్రజెంటేటివ్స్‌లోనూ డెమొక్రాట్లు ఆధిక్యానికి అవసరమైన 218 స్థానాల మార్కును దాటేశారు 435 స్థానాలకు గాను 234స్థానాలు డెమొక్రాట్లు, రిపబ్లికన్లు 139 స్థానాలు గెలుచుకున్నట్లుగా తెలుస్తోది. ఇంకో 62 స్థానాల్లో కౌంటింగ్‌ కొనసాగుతోంది. ట్రెండ్‌ ఇదే మాదిరిగా కొనసాగితే డెమొక్రాట్లు ఏకంగా 245 – 260 స్థానాలు గెలవవచ్చునని రాజకీయ విశ్లేషకుల అంచనా.కొత్తగా ఎన్నికైన ప్రజా ప్రతినిధులు 2027 జనవరి 3న ప్రమాణ స్వీకారం చేసి బాధ్యతలు స్వీకరిస్తారు. హౌస్, సెనేట్‌లతోపాటు జరిగిన 36 రాష్ట్రాల గవర్నర్‌ ఎన్నికల్లోనూ రిపబ్లికన్లకు ఎదురుదెబ్బే తగిలింది. టెక్సస్‌ నుంచి గినా హినోజోసా ఒహాయో నుంచి ట్రంప్‌ మద్దతుదారు, భారతీయ సంతతికి చెందిన వివేక్‌ రామస్వామిపై ఆమీ యాక్టన్‌ గెలుపొందారు. అలాగే అమెరికా చరిత్రలోనే మొట్టమొదటి నల్లజాతి గవర్నర్‌గా జార్జియాకు చెందిన కీషా లాన్స్‌ బాటమ్‌ విజయం సాధించారు. అయోవాలో డెమొక్రాట్లకు చెందిన రాబ్‌ శాండ్‌ గెలుపొందారు. కంచుకోటలు బద్ధలు... రిపబ్లికన్‌ పార్టీ కంచుకోట టెక్సాస్‌ నుంచి 38 ఏళ్ల తరువాత మొదటిసారిగా డెమొక్రాట్‌ అభ్యర్ధి జేమ్స్‌ టలారికో సెనేటర్‌గా గెలిచి సరికొత్త రికార్డు సృష్టించారు. రిపబ్లికన్‌ పార్టీ తరఫున పోటీ చేసిన కెన్‌ ప్యాక్స్‌టన్‌ ఓటమి పాలయ్యారు. జార్జియా నుంచి మరోసారి జాన్‌ ఓసాఫ్‌ విజయం సాధించారు. 2028 అధ్యక్ష ఎన్నికల్లో జాన్‌ ఒసాఫ్‌ డెమొక్రటిక్‌ పార్టీ తరఫున బరిలోకి దిగుతారని అంచనా. నార్త్‌ కారొలీనాలో రాయ్‌ కూపర్‌ రిపబ్లికన్‌ అభ్యర్థి మైకేల్‌ వాట్లేపై విజయం సాధించారు. కాన్సస్‌లో ఆడమ్‌ హామిల్టన్‌ 94 తరువాత ఈ స్థానం నుంచి గెలుపొందిన డెమోక్రాట్‌గా చరిత్ర సృష్టించారు. ఓహాయోలోనూ డెమోక్రాట్ల అభ్యర్థి షెర్రాడ్‌ బ్రౌన్‌ రిపబ్లికన్ల అభ్యర్థి జాన్‌ హస్టెడ్‌పై విజయం సాధించగా... మిషిగన్‌ నుంచి అమెరికా చరిత్రలోనే మొట్టమొదటి ముస్లిం సెనేటర్‌గా డాక్టర్‌ అబ్దుల్‌ ఎల్‌ సయ్యద్‌ ఘన విజయం సాధించారు. డాక్టర్‌ సయ్యద్‌ భార్య కర్ణాటకకు చెందిన భారతీయ సంతతి మహిళ, సైకియాట్రిస్ట్‌ డాక్టర్‌ సారా జుకాకూ కావడం గమనార్హం. అయోవాలో రిపబ్లికన్‌ ప్రతినిధి యాష్లే హిన్సన్‌పై డెమొక్రాట్‌ అభ్యర్థి జోష్‌ తురెక్‌ విజయం సాధించారు. న్యూ హాంప్షైర్‌లో రిపబ్లికన్‌ మాజీ సెనేటర్‌ జాన్‌ సునును ఓడించి, డెమొక్రాట్‌ అభ్యర్థి క్రిస్‌ పప్పాస్‌ సెనేట్‌ స్థానాన్ని దక్కించుకున్నారు. సౌత్‌ కరోలినా డెమొక్రాట్‌ అభ్యర్థి అన్నీ ఆండ్రూస్‌ రిపబ్లికన్‌ అభ్యర్థి డార్లిన్‌ గ్రాహంపై సంచలన విజయం సాధించారు. పెన్సిల్వేనియా, న్యూజెర్సీలలో టామ్‌ కీన్, రియాన్‌ మెకెంజీ, స్కాట్‌ పెర్రీ, రాబ్‌ బ్రెస్నాహాన్‌ వంటి కీలక రిపబ్లికన్‌ ప్రతినిధులు ఓటమిపాలయ్యారు. కారణాలు బోలెడు.. మధ్యంతర ఎన్నికల్లో ట్రంప్‌ వ్యతిరేక పవనాలు వీయడం వెనుక కారణాలు బోలెడు. ఇరాన్‌తో యుద్ధం అనవసరమన్నది మెజార్టీ అమెరికన్ల అభిప్రాయం. నింగినంటిన డీజిల్‌ ధరలు, నిత్యావసర వ్యయం భారం కావడంతో పాటు ట్రంప్‌ అబద్ధాలు, ప్రచారాలపై అమెరికన్లు తీవ్ర అసహనంతో ఉన్నారు. అసోసియేటెడ్‌ ప్రెస్‌ సర్వే ప్రకారం ట్రంప్‌ పనితీరుపై దాదాపు 60 శాతం మంది ఓటర్లు తీవ్ర వ్యతిరేకత వ్యక్తం చేశారు. అధ్యక్షుడి ఆకతాయి నిర్ణయాలకు చెక్‌ పెట్టేందుకు కాంగ్రెస్‌ బలంగా ఉండాలని 70 శాతం ఓటర్లు కోరుకున్నారు. మధ్యంతర ఎన్నికల తీర్పుతో అమెరికాలో ట్రంప్‌ శకం ముగిసినట్లేనని రిపబ్లికన్‌ పార్టీ నేత క్రిస్‌ క్రిస్టీ సైతం వ్యాఖ్యానించరంటే ట్రంప్‌పై ఉన్న వ్యతిరేకత స్థాయి ఏమిటన్నది అర్థం చేసుకోవచ్చు. నేను కానీ బరిలోఉండి ఉంటేనామధ్యంతర ఎన్నికల్లో ప్రతికూల ఫలితాలపై అధ్యక్షుడు ట్రంప్‌ తనదైన శైలిలో స్పందించారు. బ్యాలెట్‌పై నా పేరు లేదు కాబట్టి ఈ ఓటమి తనది కాదని బాధ్యతను ఇతరులపైకి నెట్టేసే ప్రయత్నం చేశారు. అదే సమయంలో నేను బరిలో ఉంటే ల్యాండ్‌స్లైడ్‌ విక్టరీ సాధించి ఉండేవాళ్లమని కూడా ఆయన వ్యాఖ్యానించారు. న్యూయార్క్‌ టైమ్స్, సీబీఎస్‌ ఛానళ్లతో మాట్లాడుతూ డెమొక్రాట్లను అభినందించారు. దేశ ప్రయోజనాల కోసం వారితో కలిసి పని చేసేందుకు సిద్ధమేనని స్పష్టం చేశారు. ఇదీ చ‌ద‌వండి: ఎన్నికల ఫలితాలపై ఎలాన్ మస్క్ సెటైర్లుఅనంతరం.. ’ట్రూత్‌ సోషల్‌’ లో స్పందిస్తూ... ‘ఈ ఎన్నికల బ్యాలె ట్‌ పేపర్‌పై నేను లేను! ఒకవేళ నేను బరిలో ఉండి ఉంటే భారీ విజయం సాధించి ఉండేవాళ్లం!‘ అని వ్యాఖ్యానించారు. అదే సమయంలో తన ‘వీటో’అస్త్రంతో చట్టసభల నిర్ణయాలను తోసిపుచ్చుతానని హెచ్చరిస్తూ, ‘వీటో’అని రాసి ఉన్న ఎర్రటి టోపీతో ఉన్న తన ఫోటోను పోస్ట్‌ చేశారు. డెమొక్రాట్లు కూడా తనతో కలిసి పనిచేయాలనే అనుకుంటున్నారని చెప్పిన ట్రంప్‌.. ‘‘లేదంటే అన్నింటినీ వీటో చేసేస్తా. వాళ్లు (డెమొక్రాట్లు) కూడా ఇది కోరుకోవడం లేదు అనుకుంటా’’అని వ్యాఖ్యానించారు. ఇప్పుడు ఏమి జరగనుంది? ఒక్కమాటలో చెప్పాలంటే ట్రంప్‌ మాటలు ఇక చెల్లవు. హౌస్‌ ఆఫ్‌ రిప్రజెంటేటివ్స్, సెనేట్‌ రెండింటిలో డెమోక్రాట్ల ఆధిక్యం ఉండటం వల్ల ట్రంప్‌ ప్రతిపాదించే కొత్త బిల్లులు, పన్ను మార్పులు లేదా సంస్కరణలు ఆమోదం పొందే అవకాశాలు తగ్గిపోతాయి. బడ్జెట్‌తోపాటు, బిల్లులు ఆమోదించే అధికారం కూడా డెమొక్రాట్ల చేతుల్లోకి వెళ్లిపోతుంది కాబట్టి అధ్యక్షుడిగా ట్రంప్‌ సొంత నిర్ణయాలతో ఖర్చు చేయలేరు. అంతేకాదు.. జడ్జిలు, కేబినెట్‌ మంత్రులు, రాయబారుల నియామకాలకు కూడా సెనేట్‌ ఆమోదం తప్పనిసరి. ఫలితంగా ట్రంప్‌ మద్దతుదారులకు గడ్డుకాలం. అ యితే... ఇందులో ఇంకో కోణం కూడా ఉంది. డెమోక్రాట్లు ఆ మోదించే బిల్లులను అధ్యక్ష హోదాలో ట్రంప్‌ తిరస్కరించే (వీటో) అధికా రం ఉంటుంది. వీటోనూ కూడా కాదని బిల్లు ఆమోదం పొందాలంటే హౌస్‌ ఆఫ్‌ రిప్రజెంటేటివ్స్, సెనేట్‌ రెండింటిలో మూడింట రెండు వంతుల మెజార్టీ అవసరమవుతుంది.

అమెరికా మధ్యంతర ఎన్నికల్లో డెమో క్రాట్లు ప్రభంజనాన్ని సృష్టాంచారు. భారతీయ-అమెరికన్ వ్యాపారవేత్త, రిపబ్లికన్ పార్టీ నేత వివేక్ రామస్వామి అమెరికాలోని ఓహియో (Ohio) గవర్నర్ ఎన్నికల్లో ఘోర పరాజయాన్ని చవిచూశారు. రిపబ్లికన్ అభ్యర్థి న్యూయార్క్‌లో సరిత కోమటిరెడ్డి వంటి ఘోరంగా ఓడిపోయారు. రిపబ్లికన్లకు మొగ్గుచూపే రాష్ట్రంలో అధ్యక్షుడు డొనాల్డ్ ట్రంప్ మద్దతుతో, ఒహియోకు తొలి భారతీయ-అమెరికన్ గవర్నర్ అయ్యే ప్రయత్నంలో 41 ఏళ్ల రామస్వామికి కీలకమైన ప్రయోజనాలు ఉన్నాయని విస్తృతంగా భావించారు. అయితే, అధ్యక్షుడు ట్రంప్ ఆర్థిక వ్యవస్థను తీరు, ఇరాన్‌తో యుద్ధంపై ప్రజల ఆగ్రహం దీన్ని దెబ్బతీసింది. వివాదాలు, స్వయంకృతాపరాధంఆయనపై డెమోక్రటిక్ అభ్యర్థి అమీ ఆక్టన్ ఘన విజయం సాధించారు. తద్వారా ఓహియో చరిత్రలోనే తొలిసారి ఎన్నికైన మహిళా గవర్నర్‌గా అమీ రికార్డు సృష్టించారు ఈ ఎన్నికల్లో అమీ ఆక్టన్ 51 శాతానికి పైగా ఓట్లను సాధించగా, రామస్వామి 45 శాతానికి పైగా ఓట్లను పొందారు. అయితే వివేక్‌ వివాదాస్పద ప్రచార ప్రకటన ఆయన ఓటమికి ప్రధాన కారణమని విశ్లేషకులు భావిస్తున్నారు. వ్యాపారవేత్త నుండి రాజకీయ నాయకుడిగా ఎదిగి, వివాదాస్పద అధ్యక్షుడ ట్రంప్‌ అనుచరుడిగా రామస్వామి, వివాదాలు తప్పులతో పరిస్థితిని మరింత దిగజార్చుకున్నారనేది పలువురి విశ్లేషణ. తన ప్రత్యర్థి అమీ యాక్టన్ (Amy Acton) కుటుంబ సభ్యులను ఎన్నికల ప్రచారంలో భాగంగా వివేక్ రామస్వామి విడుదల చేసిన ఒక ప్రకటన తీవ్ర వివాదానికి దారితీసింది. ఆమెపై చేసిన వ్యక్తిగత దాడి, ప్రకటనలోని అంశాలు రిపబ్లికన్ పార్టీలోని కొందరు కీలక నేతలు కూడా ఖండించారు. ఇక సాధారణ ఓటర్లలోనూ ఇవి తీవ్ర వ్యతిరేకతను తెచ్చిపెట్టాయి. అంతేకాదు వివేక్ రామస్వామి ప్రచార ప్రకటనలో ఒక లైంగిక నేరస్థుడిని చేర్చడం మరో పెద్ద వివాదంగా మారింది. ఇది ఓటర్లలో ఆయనపై ప్రతికూల ప్రభావాన్ని చూపిందంటున్నారు విశ్లేషకులు.ఇదీ చదవండి: అమెరికా మధ్యంతర ఎన్నికల్లో భారతీయ అమెరికన్ల సత్తాఅమీ యాక్టన్‌కు అనూహ్య మద్దతు మరోవైపు పోలింగ్‌కు ముందు నుంచే సర్వేలలో అమీ యాక్టన్ స్వల్ప ఆధిక్యతతో కొనసాగారు. వివేక్ రామస్వామి చేసిన వివాదాస్పద వ్యాఖ్యలు , ప్రకటనల వల్ల తటస్థ ఓటర్లు, మహిళా ఓటర్లు అమీ యాక్టన్ వైపు మొగ్గు చూపడానికి కారణమయ్యాయి. 2024 రిపబ్లికన్ అధ్యక్ష నామినేషన్ రేసు నుండి తప్పుకున్న తర్వాత డొనాల్డ్ ట్రంప్‌కు మద్దతు ఇచ్చి, ఆయన ప్రభుత్వంలో కొన్నాళ్లు పనిచేసిన వివేక్ రామస్వామి, ఓహియోలో సొంతంగా బలమైన ఓటు బ్యాంకును నిర్మించుకోవడంలో, స్థానిక ఓటర్లను ఆకట్టుకోవడంలో విఫల కావడంతోపాటు, ప్రచారంలో జరిగిన తప్పిదాల వల్లే ఓహియో గవర్నర్ ఎన్నికల్లో వివేక్ రామస్వామికి ఓటమి ఎదురైందని భావిస్తున్నారు.ఇదీ చదవండి: US midterm elections 2026 ఓడిపోయిన ఇండియన్‌ అమెరికన్స్‌

నవంబర్ 3న జరిగిన అమెరికా మధ్యంతర ఎన్నికలలో భారతీయ-అమెరికన్ అభ్యర్థులు మిశ్రమ ఫలితాలను నమోదు చేశారు. పలు కాంగ్రెస్, రాష్ట్ర స్థాయి పోటీలలో కొందరు సత్తా చాటి నప్పటికీ, కీలకమైన రేసులలో పరాజయాలను చవిచూశారు. ప్రముఖ అభ్యర్థులలో, డెమొక్రాట్ పియా దండియా ఫ్లోరిడాలోని 22వ కాంగ్రెస్ జిల్లాలో విజయం సాధించగా, రిపబ్లికన్ వివేక్ రామస్వామి ఒహాయో గవర్నర్ రేసులో డెమొక్రాట్ అమీ ఆక్టన్ చేతిలో ఓడిపోయారు. అలాగే సుహాస్ సుబ్రమణ్యం, రో ఖన్నా, ప్రమీలా జయపాల్ , అరుణా మిల్లర్‌తో సహా పలువురు ఇతర భారతీయ-అమెరికన్ అభ్యర్థులు కూడా విజయాలు సాధించారు. ఈ మధ్యంతర ఎన్నికల్లో ఓడి పోయిన అభ్యర్థులు వివరాలు ఇలా ఉన్నాయి.సరిత కోమటిరెడ్డి - రిపబ్లికన్ న్యూయార్క్ అటార్నీ జనరల్రితేష్ టాండన్ - రిపబ్లికన్ కాలిఫోర్నియా 17వ కాంగ్రెషనల్ డిస్ట్రిక్ట్నీరవ్ షెత్ - రిపబ్లికన్ వాషింగ్టన్ 7వ కాంగ్రెషనల్ డిస్ట్రిక్ట్మహేష్ గనోర్కర్ - రిపబ్లికన్ నార్త్ కరోలినా 4వ కాంగ్రెషనల్ డిస్ట్రిక్ట్అనిల్ కుమార్ - ఇండిపెండెంట్ మిచిగాన్ 11వ కాంగ్రెషనల్ డిస్ట్రిక్ట్ఫలితాలు వెలువడని భారతీయ-అమెరికన్ అభ్యర్థులునవంబర్ 4 నాటికి అనేక పోటీల ఫలితాలు ఇంకా వెలువడలేదు. లాస్ ఏంజిల్స్ మేయర్ ఎన్నికలో ప్రస్తుత మేయర్ కరెన్ బాస్‌పై నిత్యా రామన్ పోటీ కూడా వీటిలో ఒకటి. ప్రాథమిక ఫలితాల్లో రామన్ 49.16%తో, బాస్ 50.84%తో వెనుకబడి ఉన్నారు.ఫలితాల కోసం ఎదురుచూస్తున్న ఇతర అభ్యర్థులలో కాలిఫోర్నియాలోని 3వ కాంగ్రెస్ జిల్లాలో అమీ బేరా, అరిజోనాలోని 1వ జిల్లాలో అమిష్ షా, న్యూయార్క్ రాష్ట్ర సెనేట్ రేసులో లీసా కౌల్, మరియు అరిజోనాలోని 18వ రాష్ట్ర సెనేట్ జిల్లాలో ప్రియా సుందరేశన్ ఉన్నారు.డెమొక్రాట్లకు చెందిన సందీప్ శ్రీవాస్తవ , పూజా సేథి కూడా టెక్సాస్ రాష్ట్ర ప్రతినిధుల సభ స్థానాలకు పోటీ చేస్తుండగా, రంజీవ్ పూరి మిచిగాన్ రాష్ట్ర శాసనసభలో మరోసారి పదవీకాలం కోసం ప్రయత్నించారు. శుచితా పటేల్ జార్జియాలో కౌంటీ కమిషన్ స్థానానికి పోటీ చేశారు.ఇదీ చదవండి: అమెరికా మధ్యంతర ఎన్నికల్లో భారతీయ అమెరికన్ల సత్తా

అమెరికా: అమెరికా 2026 మధ్యంతర ఎన్నికల్లో మిచిగన్ రాష్ట్రం నుంచి సెనేట్‌కు ఎన్నికైన అబ్దుల్ ఎల్-సయ్యద్ చారిత్రాత్మక విజయంతో జాతీయ స్థాయిలో చర్చనీయాంశమయ్యారు. అయితే ఆయన విజయం వెనుక మరో ఆసక్తికర అంశం ఉంది. ఆయన భార్య డాక్టర్ సారా జుకాకు (Sarah Jukaku) కుటుంబ మూలాలు భారతదేశంలోని కర్ణాటక రాష్ట్రం భట్కల్ ప్రాంతానికి చెందినవి.డాక్టర్ సారా జుకాకు అమెరికాలో జన్మించి పెరిగిన భారతీయ వంశావళి కుటుంబానికి చెందిన వైద్యురాలు. ఆమె తండ్రి తయ్యబ్ జుకాకు కుటుంబం కర్ణాటకలోని భట్కల్ ప్రాంతం నుంచి అమెరికాకు వలస వెళ్లింది. భారతీయ సంస్కృతి, కుటుంబ విలువలు, విద్యపై దృష్టి వంటి అంశాలు ఆమె పెంపకంలో ముఖ్య పాత్ర పోషించాయి.వృత్తిరీత్యా సారా జుకాకు ఒక సైకియాట్రిస్ట్ (మానసిక ఆరోగ్య నిపుణురాలు). మానసిక ఆరోగ్య సేవల విస్తరణ, మహిళల ఆరోగ్యం, కుటుంబ సంక్షేమం వంటి అంశాలపై ఆమె ప్రత్యేక ఆసక్తి కనబరిచారు. వైద్య రంగంలో సేవలందిస్తూనే సామాజిక కార్యక్రమాల్లో కూడా చురుకుగా పాల్గొంటున్నారు.అబ్దుల్ ఎల్-సయ్యద్ ప్రజారోగ్య విధానాలు, ఆరోగ్య సంరక్షణ సంస్కరణలపై పనిచేసిన సమయంలో సారా జుకాకు ఆయనకు కీలక మద్దతుదారుగా నిలిచారు. ఎన్నికల ప్రచార సమయంలో కూడా కుటుంబంతో కలిసి ప్రజల్లోకి వెళ్లి ఆయనకు అండగా నిలిచారు.అమెరికా చరిత్రలో తొలి ముస్లిం సెనేటర్‌గా నిలిచిన అబ్దుల్ ఎల్-సయ్యద్ విజయానికి భారతీయులతో ఉన్న అనుబంధం కూడా ప్రత్యేక ఆకర్షణగా మారింది. కర్ణాటకలోని భట్కల్ మూలాలు కలిగిన కుటుంబానికి చెందిన డాక్టర్ సారా జుకాకు, భారతీయ వంశావళి అమెరికన్లు విద్య, వైద్యం, ప్రజాసేవ రంగాల్లో సాధిస్తున్న ప్రగతికి మరో ఉదాహరణగా నిలుస్తున్నారు.ఈ కారణంగానే అబ్దుల్ ఎల్-సయ్యద్ విజయం అమెరికాలోని భారతీయ సమాజంతో పాటు కర్ణాటకలోని భట్కల్ ప్రాంత ప్రజల్లోనూ ఆసక్తిని రేకెత్తిస్తోంది. ఆయన సెనేట్ విజయాన్ని చాలామంది "భారతీయ కుటుంబ బంధం కలిగిన చారిత్రాత్మక అమెరికన్ విజయం"గా అభివర్ణిస్తున్నారు.ఇదీ చదవండి: మధ్యంతర ఎన్నికల ఫలితాలపై ఎలాన్ మస్క్ సెటైర్లు

అమెరికా 22026 మధ్యంతర ఎన్నికల (Midterm Elections) తొలి ఫలితాల్లో డెమోక్రాట్లు కాంగ్రెస్‌పై పట్టు సాధించడం వార్తల్లో నిలవగా, మరోవైపు అమెరికా అంతటా కాంగ్రెస్‌తో పాటు రాష్ట్ర స్థాయి ఎన్నికల్లో భారతీయ-అమెరికన్ అభ్యర్థులు కీలక విజయాలు సాధించడం మరో ప్రత్యేక ఆకర్షణగా మారింది. ఫెడరల్ స్థాయి నుంచి స్థానిక పాలనా వ్యవస్థల వరకు పలువురు భారతీయ అమెరికన్లు విజయాన్ని నమోదు చేసి తమ ముద్ర వేశారు.ముఖ్యంగా ఈ ఎన్నికల్లో అత్యంత చారిత్రాత్మక విజయం 39 ఏళ్ల పియా దండియాది. ఫ్లోరిడా 22వ నియోజకవర్గం నుంచి అమెరికా ప్రతినిధుల సభకు ఎన్నికైన ఆమె, ఫ్లోరిడా రాష్ట్రం నుంచి కాంగ్రెస్‌కు ఎన్నికైన తొలి భారతీయ అమెరికన్‌గా చరిత్ర సృష్టించారు. అమెరికా రాజకీయాల్లో భారతీయ సమాజం పెరుగుతున్న ప్రభావానికి ఇది కీలక గుర్తింపుగా భావిస్తున్నారు.జార్జియాలో జ్యోత్ సింగ్ విజయంతో మరో చరిత్ర నమోదైంది. ఆయన జార్జియా రాష్ట్ర శాసనసభకు ఎన్నికై, ఆ రాష్ట్ర అసెంబ్లీలోకి ఎన్నికైన తొలి సిక్కు-అమెరికన్గా నిలిచారు. దక్షిణ అమెరికాలో భారతీయ వలసదారుల రాజకీయ ప్రాతినిధ్యం విస్తరిస్తోందనే సంకేతంగా ఈ విజయం కనిపిస్తోంది.వాషింగ్టన్ డీసీలో అపర్ణ రాజ్ సిటీ కౌన్సిల్‌లోని వార్డ్-1 స్థానాన్ని గెలుచుకుని స్థానిక పాలనలో భారతీయుల ప్రాతినిధ్యాన్ని మరింత బలోపేతం చేశారు. ఇక ఇప్పటికే జాతీయ స్థాయిలో గుర్తింపు పొందిన సుహాస్ సుబ్రమణ్యం, రోఖన్నా, ప్రమిలా జయపాల్, అమీ బేరా తమ తమ కాంగ్రెస్ స్థానాలను తిరిగి కైవసం చేసుకొని భారతీయ అమెరికన్ల బలమైన రాజకీయ ఉనికిని కొనసాగించారు.మేరీల్యాండ్ లెఫ్టినెంట్ గవర్నర్ అరుణా మిల్లర్, విస్కాన్సిన్ అటార్నీ జనరల్ జోష్ కౌల్ కూడా మరోసారి విజయం సాధించి భారతీయ మూలాలున్న నాయకులు కేవలం శాసనసభలకే పరిమితంకాదు, రాష్ట్రాల పాలనా వ్యవస్థల్లోనూ కీలక పాత్ర పోషిస్తున్నారని నిరూపించారు.ఈ ఎన్నికల్లో భారతీయ అమెరికన్లు అమెరికా సెనేట్‌ను గెలుచుకోకపోయినా, కాంగ్రెస్, రాష్ట్ర శాసనసభలు, కార్యనిర్వాహక పదవులు , స్థానిక సంస్థల్లో నమోదైన విజయాలు అమెరికాలో భారతీయ వలసదారుల కమ్యూనిటీ రాజకీయ పరిపక్వతకు, పెరుగుతున్న ప్రభావానికి మరో మైలురాయిగా నిలిచాయి. భారత సంతతి అమెరికన్లు ఇక అమెరికా రాజకీయాల్లో ప్రభావవంతమైన రాజకీయ శక్తిగా ఎదుగుతున్నారనే సందేశాన్ని చెప్పకనే చెబుతున్నాయి.సత్తా చాటిన భారతీయ అమెరికన్లు పియా దండియా - ఫ్లోరిడా నుంచి కాంగ్రెస్‌కు ఎన్నికైన తొలి భారతీయ అమెరికన్జ్యోత్ సింగ్ - జార్జియా అసెంబ్లీలో తొలి సిక్కు-అమెరికన్అపర్ణ రాజ్ - వాషింగ్టన్ డీసీ సిటీ కౌన్సిల్ సభ్యురాలుఅరుణా మిల్లర్, జోష్ కౌల్ - రాష్ట్ర స్థాయి కీలక పదవుల్లో తిరిగి విజయంరోఖన్నా, ప్రమిలా జయపాల్, సుహాస్ సుబ్రమణ్యం, అమీ బేరా - కాంగ్రెస్‌లో భారతీయ అమెరికన్ ప్రాతినిధ్యాన్ని కొనసాగించారు.

అమెరికాలోని ఉటా రాష్ట్రంలో అద్భుతం చోటు చేసుసుకుంది. గత ఏడాది(2025) మే లో తప్పిపోయిన 17 ఏళ్ల బాలిక ఆచూకీని అధికారులు చాకచర్యంగా గుర్తించారు. బాలికను అసాంఘిక కార్యక్రమాల్లో వినియోగించాలనే దుర్బుద్ధితో రాష్ట్ర సరిహద్దులు దాటించి తీసుకొచ్చాడని ఆరోపణలు ఎదుర్కొంటున్న ఆరెగాన్ (Oregon) వ్యక్తి ఇంట్లో ఎఫ్‌బిఐ అధికారులు కనుగొన్నారు. ఒక రహస్య సమాచారం ఆధారంగా చర్యలు తీసుకున్న అధికారులు, ఆదివారం ఆరెగాన్లోని హంటింగ్టన్ ఉన్న ఒక ఇంట్లో బాలికను రక్షించారు. అలాగే అక్కడకు దాదాపు 30 మైళ్ళ (48 కిలోమీటర్లు) దూరంలో వాహన తనిఖీ చేపట్టి ఆదమ్ హంటర్ హార్మెల్ (39) అనే వ్యక్తిని అరెస్ట్ చేశారు.ఆ పరిచయమే కీలకం కోర్టు రికార్డుల ప్రకారం కనిపించకుండా పోయిన బాలికకు ఆన్‌లైన్‌లో మరో చిన్నారితో పరిచయం ఏర్పడింది. ఈక్రమంలోఘా చిన్నారితో మాట్లాడుతున్న సమయంలో తాను ఇంటి నుంచి పారిపోయానని, ప్రస్తుతం Oregonలోని ఓ వ్యక్తి ఇంట్లో తన ఇష్టానికి వ్యతిరేకంగా బంధించబడి ఉన్నానని బాలిక చెప్పింది. ఈ విషయం తెలుసుకున్న మరో చిన్నారి తల్లిదండ్రులు వెంటనే స్పందించారు. దీంతో వీడియో కాల్ ద్వారా Utahకు చెందిన బాలికను సంప్రదించారు. ఈ సంభాషణను FBI అధికారులు కూడా పర్యవేక్షించారు.ఆ వీడియో కాల్ సమయంలో తను సోషల్ మీడియాలో హార్మెల్‌ను కలిశానని, అతనే తనను యూటా నుండి ఆరెగాన్‌కు కారులో తీసుకువచ్చాడని ఆమె ఎఫ్‌బిఐ ఏజెంట్‌కు తెలిపింది. క్రిమినల్ లైంగిక కార్యకలాపాలనిమిత్తం ఆరెగాన్‌లోని ఒక వ్యక్తి ఇంట తన ఇష్టానికి విరుద్ధంగా బంధించారని బాలిక వాపోయింది.ఇదీ చదవండి: 1271 మందికి ఉద్వాసన : మహిళా సీఈవో భావోద్వేగ లేఖ వైరల్‌అంతేకాకుండా హార్మెల్ తన ఫోన్‌ను నదిలో పడేశాడని, ఇల్లు వదిలి వెళ్లవద్దని బెదిరించాడని బాలిక పేర్కొంది. తాను మంచం పైనుంచి తప్పించుకోకుండా ఉండటానికి గోడ వైపు పడుకోబెట్టేవాడని, తరచూ కొట్టేవాడని, లైంగిక దాడికి పాల్పడ్డాడని ఆమె తెలిపింది. అలాగే గుర్తింపు దొరక్కుండా ఉండేందుకు ప్లాసియర్లతో (pliers) పళ్ల బ్రేసెస్ తొలగించేలా బలవంతం చేశాడన కూడా బాలిక ఆరోపించారు. అక్రమంగా తరలించి, నేరపూరిత లైంగిక చర్యలకు పాల్పడాలనే ఉద్దేశంతో వ్యవహరించినట్లు ఫెడరల్ ఆరోపణలు నమోదయ్యాయి. కోర్టు రికార్డుల్లో హార్మెల్ తరఫున లాయర్ ఎవరూ నమోదవ్వలేదు. హార్మెల్ తరఫున వాదిస్తున్నారా అని అసోసియేటెడ్ ప్రెస్ (AP) అడిగినప్పుడు యూటాలోని ఫెడరల్ పబ్లిక్ డిఫెండర్ ఆఫీస్ స్పందించడానికి నిరాకరించింది.

అమెరికా మధ్యంతర ఎన్నికల్లో డెమోక్రాట్లు కీలక విజయాలు సాధించడంతో కాంగ్రెస్‌లో వారికి ఆధిపత్యం లభించింది. దీంతో అమెరికా అధ్యక్షుడు డొనాల్డ్ ట్రంప్ ప్రభుత్వ నిర్ణయాలపై విచారణలు చేపట్టడం, ట్రంప్ తెస్తున్న కొత్త చట్టాలను అడ్డుకోవడం, ప్రభుత్వ నిధుల కేటాయింపులను నిలిపివేయడం వంటి అధికారాలు డెమోక్రాట్లకు దక్కనున్నాయి. అయితే ట్రంప్ ఇప్పటికే తీసుకున్న విదేశాంగ, వాణిజ్య, వలస విధానాల నిర్ణయాలను పూర్తిగా అడ్డుకోవడం డెమోక్రాట్లకు అంత సులభం కాదు.వచ్చే జనవరి నుంచి కొత్త కాంగ్రెస్ బాధ్యతలు చేపట్టిన తర్వాత ఇరాన్ యుద్ధం, వలస విధానాలతో పాటు ట్రంప్ ప్రభుత్వ అవినీతి ఆరోపణలపై డెమోక్రాట్లు విచారణలు చేపట్టే అవకాశం ఉంది. అయితే సెనేట్‌లో మాత్రం ఆ బిల్లులను ఆమోదించడానికి అవసరమైన 60 ఓట్లు వారి వద్ద లేవు. అంతేకాకుండా ట్రంప్ బిల్లులను వీటో చేసే అధికారం కలిగి ఉన్నారు.ఇరాన్ యుద్ధంపై నిధులతో ఒత్తిడిఇరాన్‌తో యుద్ధాన్ని నిలిపివేయాలని గతంలోనే కాంగ్రెస్ తీర్మానం చేసినప్పటికీ వైట్‌హౌస్ మాత్రం దానిని తిరస్కరించింది. అయితే ఫిబ్రవరి 28న ప్రారంభమైన ఈ యుద్ధానికి ఇప్పటివరకు 47 బిలియన్ డాలర్లకు పైగా ఖర్చయినట్లు పెంటగాన్ గణాంకాలు వెల్లడించాయి. ఇక కొత్తగా ఈ యుద్ధానికి నిధులు కేటాయించకుండా అడ్డుకోవడం ద్వారా ట్రంప్‌పై డెమోక్రాట్లు ఒత్తిడి పెంచే అవకాశం ఉంది. అయితే ఇప్పటికే కేటాయించిన నిధులతో ట్రంప్ ప్రభుత్వం సైనిక చర్యలు కొనసాగించే అవకాశం ఉంది.టారిఫ్‌లపై ట్రంప్‌కే అధికారంరష్యా నుంచి చమురు కొనుగోలు చేసే దేశాలపై భారీ సుంకాలు విధించే అధికారం సహా పలు వాణిజ్య నిర్ణయాలను ట్రంప్ ప్రభుత్వం ఇప్పటికే అమలు చేస్తోంది. ఈ అధికారాలను గతంలో కాంగ్రెస్ అమెరికా అధ్యక్షులకు అప్పగించింది. ఆ అధికారాలను తిరిగి వెనక్కి తీసుకోవాలంటే కొత్త చట్టం తేవాల్సిన అవసరం ఉంది. అయితే దానిని ట్రంప్ వీటో చేయవచ్చు. ఇక డెమోక్రాట్లు చేసే విచారణల ద్వారా టారిఫ్‌లపై ట్రంప్ ప్రభుత్వాన్ని ప్రశ్నించడంతోపాటు కొత్త వాణిజ్య అధికారాల మంజూరును అడ్డుకోవచ్చు. ఇటు రష్యా చమురు కొనుగోలు చేస్తున్న భారత్‌పైనా ఈ పరిణామాల ప్రభావం పడే అవకాశం ఉంది.వీసా నిబంధనలపై భారతీయుల్లో ఆందోళనఅమెరికా వీసా నిబంధనల్లో ట్రంప్ ప్రభుత్వం తీసుకొస్తున్న మార్పులు భారతీయ విద్యార్థులు, ఉద్యోగులపై భారీగా ప్రభావం చూపుతున్నాయి. హెచ్‌-1బీ వీసాలపై లక్ష డాలర్ల ఛార్జీ విధించడంతోపాటు విద్యార్థుల ఎఫ్‌-1 వీసాల కాలపరిమితి, వర్క్ పర్మిట్ల నిబంధనల్లో మార్పులు చేసింది. ఆప్షనల్ ప్రాక్టికల్ ట్రైనింగ్ (ఓపీటీ)పై కూడా భారీ ఫీజు విధించే ప్రతిపాదన ఇప్పటికే పరిశీలనలో ఉంది. ఒకవేళ ఈ ఫీజులకు కాంగ్రెస్ నుంచి ఆమోదం అవసరమయ్యే పరిస్థితి వస్తే డెమోక్రాట్లు వాటిని అడ్డుకునే అవకాశం ఉంది.ఉక్రెయిన్ విషయంలో రిపబ్లికన్ల మద్దతు?రష్యాపై ఆంక్షలను సడలిస్తూ ట్రంప్ తీసుకున్న నిర్ణయాలపై రిపబ్లికన్, డెమోక్రటిక్ పార్టీలకు చెందిన పలువురు నేతలు విమర్శలు చేస్తున్నారు. ఈ అంశంలో ట్రంప్‌కు వ్యతిరేకంగా రెండు పార్టీల నేతలు ఏకమయ్యే అవకాశం ఉంది. ఉక్రెయిన్‌కు మరింత సాయం అందించే బిల్లులను ముందుకు తీసుకెళ్లేందుకు డెమోక్రాట్లు ప్రయత్నించవచ్చు. అయితే వాటికి సెనేట్‌లో 60 ఓట్ల మద్దతుతోపాటు అధ్యక్షుడి ఆమోదం కూడా అవసరం.మొత్తంగా కాంగ్రెస్‌లో డెమోక్రాట్ల ఆధిపత్యం ట్రంప్ ప్రభుత్వానికి రాజకీయంగా ఇబ్బందులు సృష్టించనుంది. ముఖ్యంగా యుద్ధ వ్యయం, వీసా ఫీజులు, రష్యాపై విధానాల విషయంలో ఆయన నిర్ణయాలపై ఒత్తిడి పెరిగే అవకాశం ఉంది. అయితే అధ్యక్షుడి కార్యనిర్వాహక అధికారాల కారణంగా ఇప్పటికే అమల్లో ఉన్న అనేక నిర్ణయాలను నిలిపివేయడం మాత్రం డెమోక్రాట్లకు సవాలుగా మారనుంది.

వాషింగ్టన్‌: అమెరికా మధ్యంతర ఎన్నికల్లో డెమోక్రాట్లు విజయం సాధించడంతో ఆ పార్టీ శ్రేణుల్లో ఉత్సాహం నెలకొంది. ఈ నేపథ్యంలో మాజీ అధ్యక్షుడు బరాక్ ఒబామా ఎన్నికల ఫలితాలపై స్పందించారు. అమెరికా ప్రజలు రాజకీయ విభేదాలను మరింత పెంచే నాయకత్వాన్ని కోరుకోవడం లేదని, అందరినీ కలుపుకొని వెళ్లే పాలనను ఆశిస్తున్నారని పేర్కొన్నారు. ప్రజల సమస్యలకు ఆచరణాత్మక పరిష్కారాలు చూపించడమే నాయకుల ప్రధాన బాధ్యత కావాలని సూచించారు.దేశవ్యాప్తంగా ఎన్నికల్లో పోటీ చేసిన డెమోక్రటిక్ అభ్యర్థులను ఒబామా అభినందించారు. గతంలో గెలుపు అవకాశాలు తక్కువగా ఉన్న నియోజకవర్గాల్లోనూ అభ్యర్థులు పోటీకి ముందుకొచ్చారని గుర్తుచేశారు. విభిన్న నేపథ్యాలు, రాజకీయ అభిప్రాయాలు ఉన్నప్పటికీ ప్రజాసేవ పట్ల ఉమ్మడి నిబద్ధతతో పనిచేయడం వల్లే ఈ ఫలితాలు సాధ్యమయ్యాయని పేర్కొన్నారు. ఎన్నికల నిర్వహణలో కీలక పాత్ర పోషించిన అధికారులను, వాలంటీర్లను కూడా ఒబామా అభినందించారు. రెండు ప్రధాన రాజకీయ పార్టీలకు చెందిన సిబ్బంది ప్రజాస్వామ్య ప్రక్రియ సజావుగా సాగేందుకు కృషి చేశారని తెలిపారు. ఎన్నికల నిర్వహణ అమెరికా ప్రజాస్వామ్యంలో అత్యంత ముఖ్యమైన బాధ్యతల్లో ఒకటని పేర్కొన్నారు.డెమోక్రాట్ల విజయంతో సంబరాలు చేసుకుంటూనే ఆ పార్టీ ముందున్న బాధ్యతలను ఒబామా గుర్తుచేశారు. అధ్యక్షుడు డొనాల్డ్ ట్రంప్ పాలనకు ఇంకా రెండేళ్ల సమయం ఉందని పేర్కొన్నారు. ఈ సమయంలో తమకు ఉన్న రాజకీయ అధికారాన్ని ఉపయోగించి అవసరమైన మార్పులు తీసుకురావాలని, మరింత నష్టం జరగకుండా అడ్డుకోవాలని సూచించారు. భవిష్యత్తుకు పునాది వేసేలా పనిచేయాలని పార్టీ నేతలకు పిలుపునిచ్చారు.ఇదీ చదవండి: ట్రంప్‌కు దిమ్మతిరిగేలా.. సన్నిహిత రిపబ్లికన్ల ఆధిపత్యానికి తెర!

అమెరికా మధ్యంతర ఎన్నికల్లో అధ్యక్షుడు డొనాల్డ్ ట్రంప్‌కు భారీ ఎదురుదెబ్బ తగిలింది. దేశవ్యాప్తంగా ప్రతినిధుల సభ, సెనేట్‌పై డెమోక్రాట్లు పట్టు సాధించగా.. రిపబ్లికన్లకు కంచుకోటలుగా ఉన్న ఐదు రాష్ట్రాల్లో అనూహ్య పరాజయాలు ఎదురయ్యాయి. ముఖ్యంగా టెక్సాస్‌లో 32 ఏళ్ల రిపబ్లికన్ల ఆధిపత్యానికి తెరపడటం రాజకీయ వర్గాలను ఆశ్చర్యపరిచింది.టెక్సాస్‌లో 32 ఏళ్ల చరిత్రకు ముగింపురిపబ్లికన్లకు బలమైన రాష్ట్రంగా పేరున్న టెక్సాస్‌లో డెమోక్రటిక్ అభ్యర్థి జేమ్స్ తలారికో సంచలన విజయం సాధించారు. మాజీ ఉపాధ్యాయుడైన ఆయన.. అధ్యక్షుడు ట్రంప్‌కు అత్యంత సన్నిహితుడైన రాష్ట్ర అటార్నీ జనరల్ కెన్ పాక్స్టన్‌ను ఓడించారు. 1994 తర్వాత టెక్సాస్‌లో రాష్ట్రస్థాయి పదవిని గెలుచుకున్న తొలి డెమోక్రటిక్ అభ్యర్థిగా చరిత్ర సృష్టించారు. పాక్స్టన్‌కు ట్రంప్ పూర్తి మద్దతు ప్రకటించినప్పటికీ ఫలితం మాత్రం రిపబ్లికన్లకు ప్రతికూలంగా వచ్చింది.దక్షిణ కరోలినాలో 28 ఏళ్ల ఆధిపత్యానికి గండిదక్షిణ కరోలినాలోనూ డెమోక్రాట్లు కీలక విజయాన్ని అందుకున్నారు. దాదాపు 28 ఏళ్లుగా రిపబ్లికన్ల ఆధీనంలో ఉన్న సెనేట్ స్థానాన్ని డెమోక్రటిక్ అభ్యర్థి అన్నీ ఆండ్రూస్ కైవసం చేసుకున్నారు. వైద్యురాలైన ఆమె.. రిపబ్లికన్ అభ్యర్థి డార్లిన్ గ్రాహమ్‌పై విజయం సాధించారు. దివంగత సెనేటర్ లిండ్సే గ్రాహమ్ స్థానాన్ని భర్తీ చేయాలనే లక్ష్యంతో డార్లిన్ బరిలోకి దిగారు. 1998 తర్వాత ఈ రాష్ట్రంలో డెమోక్రాట్లు సెనేట్ ఎన్నికల్లో గెలవడం ఇదే తొలిసారి.నార్త్ కరోలినాలో ట్రంప్ అభ్యర్థికి ఓటమినార్త్ కరోలినాలో ట్రంప్ స్వయంగా ఎంపిక చేసిన అభ్యర్థి మైఖేల్ వాట్లీకి ఓటమి తప్పలేదు. డెమోక్రటిక్ అభ్యర్థి రాయ్ కూపర్ విజయం సాధించి కీలక సెనేట్ స్థానాన్ని తన పార్టీ ఖాతాలో వేసుకున్నారు. 2008 తర్వాత ఈ రాష్ట్రం నుంచి సెనేట్‌కు ఎన్నికైన తొలి డెమోక్రటిక్ అభ్యర్థిగా కూపర్ నిలిచారు. గత 50 ఏళ్లలో ఈ రాష్ట్రం నుంచి ఎన్నికైన నాలుగో డెమోక్రటిక్ సెనేటర్‌గా గుర్తింపు పొందారు.కాన్సాస్‌లో 94 ఏళ్ల ఓటముల పరంపరకు బ్రేక్కాన్సాస్‌లోనూ డెమోక్రాట్లు అసాధారణ విజయాన్ని నమోదు చేశారు. డెమోక్రటిక్ అభ్యర్థి ఆడమ్ హామిల్టన్.. రిపబ్లికన్ సెనేటర్ రోజర్ మార్షల్‌ను ఓడించారు. మెథడిస్ట్ చర్చికి చెందిన ప్రముఖ పాస్టర్ అయిన హామిల్టన్ విజయం రాజకీయంగా ప్రాధాన్యత సంతరించుకుంది. ఈ రాష్ట్రంలో సెనేట్ ఎన్నికల్లో డెమోక్రాట్లు వరుసగా ఎదుర్కొంటున్న 94 ఏళ్ల ఓటముల పరంపరకు ఆయన తెరదించారు. ట్రంప్‌పై పెరుగుతున్న అసంతృప్తికి ఈ ఫలితం నిదర్శనమని విశ్లేషణలు వెలువడుతున్నాయి.ఒహియోలోనూ రిపబ్లికన్లకు ఎదురుదెబ్బఒహియో రాష్ట్రంలో మాజీ సెనేటర్ షెరాడ్ బ్రౌన్ మరో కీలక విజయాన్ని అందుకున్నారు. రిపబ్లికన్ సెనేటర్ జాన్ హస్టెడ్‌ను ఓడించి సెనేట్ స్థానాన్ని డెమోక్రాట్లకు దక్కేలా చేశారు. దీంతో ఐదు రాష్ట్రాల్లో రిపబ్లికన్లకు ఎదురైన పరాజయాలు ట్రంప్ నాయకత్వంపై రాజకీయ ప్రభావాన్ని చూపించాయి.మొత్తంగా.. జీవన వ్యయం పెరగడం, దిగుమతి సుంకాలు, ఇరాన్‌తో యుద్ధం వంటి అంశాలపై ప్రజల్లో నెలకొన్న అసంతృప్తి ఎన్నికల ఫలితాల్లో ప్రతిబింబించింది. ఎన్నికల ప్రచారంలో ట్రంప్ తనను కూడా బ్యాలెట్‌పై ఉన్న అభ్యర్థిగా భావించి ఓటేయాలని ప్రజలకు పదేపదే పిలుపునిచ్చారు. అయితే అది ఆశించిన ఫలితాన్ని ఇవ్వలేదు. మరోవైపు డెమోక్రాట్ల ఆధీనంలోకి కాంగ్రెస్ వెళ్లడంతో.. వారు ఆమోదించే బిల్లులను తన వీటో అధికారంతో అడ్డుకుంటానని ట్రంప్ ప్రకటించారు.ఇదీ చదవండి: డెమోక్రాట్ల విజయంతో భారత్‌కు ఒరిగేదేమిటి?

న్యూఢిల్లీ: అమెరికా మధ్యంతర ఎన్నికల్లో డెమోక్రాట్లు ఘన విజయం సాధించారు. సెనేట్‌లో ఐదు స్థానాలు గెలుచుకోవడంతోపాటు, ప్రతినిధుల సభలోనూ అరడజనుకు పైగా స్థానాలను కైవసం చేసుకుని కాంగ్రెస్‌లోని ఉభయ సభలపై ఆధిపత్యం సంపాదించారు. ఈ ఫలితాలు అధ్యక్షుడు డొనాల్డ్ ట్రంప్ పాలనకు ప్రజల నుంచి ఎదురైన వ్యతిరేకతకు నిదర్శనంగా కనిపిస్తున్నాయి. పెరిగిన నిత్యావసర ధరలు, దిగుమతి సుంకాలు, ఇరాన్‌తో యుద్ధం కారణంగా ఇంధన ధరలు పెరగడం రిపబ్లికన్ల ఓటమికి ప్రధాన కారణాలుగా విశ్లేషిస్తున్నారు.భారత్‌పై ఏ మేరకు ప్రభావం?కాంగ్రెస్‌లోని రెండు సభలపై డెమోక్రాట్లకు పట్టు రావడంతో చట్టాల రూపకల్పన, ప్రభుత్వ నిధుల కేటాయింపు, అధ్యక్షుడి నిర్ణయాలపై విచారణలు, పర్యవేక్షణలో వారి పాత్ర పెరగనుంది. అయితే అమెరికా విదేశాంగ విధానంపై కాంగ్రెస్‌కు నేరుగా పూర్తి అధికారం ఉండదు. అధ్యక్షుడిగా ట్రంప్‌కు వీటో సహా అనేక కార్యనిర్వాహక అధికారాలు కొనసాగుతాయి. అయినప్పటికీ అమెరికాతో వాణిజ్యం, అక్కడ పనిచేస్తున్న భారతీయ నిపుణులు, రక్షణ సహకారం వంటి అంశాలపై ఈ ఫలితాల ప్రభావం ఉండవచ్చు.వాణిజ్య సుంకాలపై చర్చలుఅమెరికా.. భారత వస్తువులకు ప్రధాన మార్కెట్. దీంతో అక్కడి దిగుమతి సుంకాల్లో మార్పులు భారత ఎగుమతిదారులపై నేరుగా ప్రభావం చూపుతాయి. ఫిబ్రవరిలో భారత్, అమెరికా మధ్య తాత్కాలిక వాణిజ్య ఒప్పందానికి సంబంధించిన ప్రాథమిక రూపురేఖలు వెల్లడయ్యాయి. దీని ప్రకారం భారత ఉత్పత్తులపై 18 శాతం పరస్పర సుంకం విధించనున్నట్లు అమెరికా ప్రకటించింది. అయితే ప్రపంచ దేశాలపై అత్యవసర అధికారాలను ఉపయోగించి ట్రంప్ విధించిన సుంకాలను అమెరికా సుప్రీంకోర్టు కొట్టివేయడంతో ప్రాథమిక సుంకం 10 శాతానికి తగ్గింది. భారత్-అమెరికా పూర్తిస్థాయి వాణిజ్య ఒప్పందం మాత్రం ఇంకా ఖరారు కాలేదు.హెచ్-1బీ వీసాదారులకు ఊరట లభిస్తుందా?అమెరికాలో పనిచేస్తున్న భారత నిపుణులపై కూడా ఎన్నికల ఫలితాలు ప్రభావం చూపే అవకాశం ఉంది. ముఖ్యంగా హెచ్-1బీ వీసాదారులకు సంబంధించి భవిష్యత్తులో వలస విధానాలపై కాంగ్రెస్‌లో చర్చలు, పర్యవేక్షణ పెరగవచ్చు. రిపబ్లికన్లు ప్రతిపాదించిన కొన్ని వలస విధానాలకు డెమోక్రాట్ల ఆధిపత్యం అడ్డంకిగా మారవచ్చు. అయితే దీనివల్ల తక్షణమే వీసా నిబంధనలు మారిపోతాయని చెప్పలేం. కొత్త హెచ్-1బీ దరఖాస్తులపై లక్ష డాలర్ల ఫీజు విధిస్తూ ట్రంప్ గత సెప్టెంబర్‌లో ప్రకటించిన నిర్ణయం కూడా ఆటోమేటిక్‌గా రద్దు కాదు.భారత్-అమెరికా సంబంధాల్లో మార్పులు?కాంగ్రెస్‌లో డెమోక్రాట్ల బలం పెరగడంతో భారత్‌కు సంబంధించిన అంశాలపై చర్చలు, నిర్ణయాల పరిశీలనకు మరింత ప్రాధాన్యం లభించవచ్చు. ముఖ్యంగా వాణిజ్యం, రక్షణ సహకారం, వలస విధానాలపై చట్టసభల్లో చర్చలు పెరిగే అవకాశం ఉంది. అయితే విదేశాంగ విధానంలో ట్రంప్ అధికారాలు కొనసాగుతాయి. అధ్యక్షుడి వీటో, సెనేట్‌లో ఫిలిబస్టర్ వంటి నిబంధనలు డెమోక్రాట్ల నిర్ణయాలకు పరిమితులు విధించవచ్చు. అందువల్ల ఈ ఎన్నికలతో భారత్-అమెరికా సంబంధాల్లో తక్షణ మార్పులు వస్తాయని భావించలేం.ఇదీ చదవండి: అమెరికా తొలి ముస్లిం సెనేటర్ సయీద్‌.. కర్ణాటకతో అనుబంధమిదే..

వాషింగ్టన్‌: అమెరికా రాజకీయ చరిత్రలో అబ్దుల్ ఎల్‌ సయీద్ సరికొత్త రికార్డు సృష్టించారు. మిషిగన్ సెనేట్ ఎన్నికల్లో డెమోక్రటిక్ పార్టీ అభ్యర్థిగా పోటీ చేసిన ఆయన రిపబ్లికన్ అభ్యర్థి మైక్ రోజర్స్‌పై విజయం సాధించారు. దీంతో అమెరికా చరిత్రలో తొలి ముస్లిం సెనేటర్‌గా నిలిచారు. ఎల్‌-సయీద్‌కు 18,72,595 ఓట్లు (50.74 శాతం) రాగా, రోజర్స్‌కు 17,45,183 ఓట్లు (47.29 శాతం) వచ్చాయి. 1,27,412 ఓట్ల ఆధిక్యంతో ఆయన గెలుపొందారు.42 ఏళ్ల ఎల్‌ సయీద్ ఈజిప్టు సంతతికి చెందినవారు. వృత్తిరీత్యా వైద్యుడు. గతంలో డెట్రాయిట్, వేన్ కౌంటీ ఆరోగ్య విభాగాలకు సారధ్యం వహించారు. 2018లో మిషిగన్ గవర్నర్ పదవికి పోటీ చేసి ఓడిపోయారు. ఈసారి మాజీ అధ్యక్షుడు బరాక్ ఒబామా మద్దతుతో సెనేట్ ఎన్నికల్లో విజయం సాధించారు. ఆయన ప్రచారంలో అందరికీ ప్రభుత్వ వైద్యం అందించే మెడికేర్ ఫర్ ఆల్ పథకం ప్రధాన ఆకర్షణగా నిలిచింది. తయారీ రంగంలో ఉద్యోగాల కల్పన, సామాన్యులపై జీవన వ్యయ భారాన్ని తగ్గించడం వంటి అంశాలపైనా దృష్టి పెట్టారు.ఎల్‌ సయీద్‌కు భారత్‌తోనూ కుటుంబ అనుబంధం ఉంది. ఆయన భార్య డాక్టర్ సారా జుకాకు కుటుంబ పూర్వీకులు కర్ణాటకలోని భత్కల్‌కు చెందినవారు. ఆమె తాత జుకాకు షంషుద్దీన్ గతంలో మైసూరు రాష్ట్ర ప్రభుత్వంలో ఆర్థిక శాఖ డిప్యూటీ మంత్రిగా పనిచేశారు. దాదాపు 20 ఏళ్లుగా దక్షిణ భారతీయ కుటుంబంలో భాగమయ్యానని ఎల్‌ సయీద్ గతంలో ఓ ఇంటర్వ్యూలో పేర్కొన్నారు. మరోవైపు 2026 మధ్యంతర ఎన్నికల్లో డెమోక్రాట్లు సెనేట్‌తో పాటు ప్రతినిధుల సభలోనూ ఆధిక్యం సాధించారు. ఈ పరిణామం అధ్యక్షుడు డొనాల్డ్ ట్రంప్ ప్రభుత్వానికి కాంగ్రెస్ నుంచి ఎదురయ్యే రాజకీయ సవాళ్లను పెంచే అవకాశం ఉంది.ఇదీ చదవండి: అమెరికా కాంగ్రెస్‌లోకి భారత సంతతి మహిళ.. ఎవరీ పియా దాండియా?

వాషింగ్టన్‌: అమెరికా మధ్యంతర ఎన్నికల్లో భారత సంతతికి చెందిన డెమొక్రటిక్ పార్టీ నాయకురాలు పియా దాండియా ఘన విజయం సాధించారు. ఫ్లోరిడాలోని 22వ కాంగ్రెస్ నియోజకవర్గం నుంచి యూఎస్ ప్రతినిధుల సభకు ఎన్నికయ్యారు. రిపబ్లికన్ పార్టీ అభ్యర్థి కేసీ అస్కర్‌పై విజయం సాధించి సరికొత్త చరిత్ర సృష్టించారు. మొత్తం ఓట్లలో పియా దండియాకు 51.9 శాతం, కేసీ అస్కర్‌కు 49.1 శాతం ఓట్లు వచ్చినట్లు ఎన్నికల ఫలితాలు వెల్లడించాయి.ఫ్లోరిడా నుంచి తొలి భారతీయ అమెరికన్‌గా..ఈ విజయంతో ఫ్లోరిడా నుంచి అమెరికా ప్రతినిధుల సభకు ఎన్నికైన తొలి భారతీయ అమెరికన్‌గా పియా దాండియా రికార్డు సృష్టించారు. అంతేకాకుండా అమెరికా కాంగ్రెస్‌లో అడుగుపెట్టిన పదో భారతీయ అమెరికన్‌గా నిలిచారు. తొలుత ఫ్లోరిడాలోని 21వ కాంగ్రెస్ నియోజకవర్గం నుంచి రిపబ్లికన్ నేత బ్రియాన్ మాస్ట్‌పై పోటీ చేయాలని పియా భావించారు. అయితే ఆ తర్వాత తన వ్యూహాన్ని మార్చుకుని 22వ నియోజకవర్గం నుంచి బరిలోకి దిగారు. నియోజకవర్గాల పునర్విభజనలో భాగంగా కొత్తగా ఏర్పడిన ఈ స్థానంలో సిట్టింగ్ సభ్యుడు పోటీలో లేకపోవడం ఆమెకు మరో అవకాశంగా మారింది. డెమొక్రాట్లకు అత్యంత కీలకమైన ఈ స్థానాన్ని పియా తమ పార్టీ ఖాతాలో వేసుకున్నారని ఇండియన్ అమెరికన్ ఇంపాక్ట్ ఎగ్జిక్యూటివ్ డైరెక్టర్ చింతన్ పటేల్ పేర్కొన్నారు.28 ఏళ్లకే పాఠశాల ప్రిన్సిపల్పామ్ బీచ్ కౌంటీలో పుట్టి పెరిగిన పియా దాండియా తొలుత ఉపాధ్యాయురాలిగా తన కెరీర్ ప్రారంభించారు. అనంతరం న్యూయార్క్‌లోని హార్లెమ్‌లో హైస్కూల్ ప్రిన్సిపల్‌గా పనిచేశారు. తక్కువ ఆదాయ కుటుంబాలకు చెందిన విద్యార్థులకు మెరుగైన విద్య, ఆర్థిక స్వావలంబన కల్పించాలనే లక్ష్యంతో ఓ పాఠశాలను స్థాపించారు. కేవలం 28 ఏళ్ల వయసులోనే ఆ పాఠశాలకు వ్యవస్థాపక ప్రిన్సిపల్‌గా బాధ్యతలు చేపట్టి దేశంలోనే అత్యంత పిన్న వయస్కులైన ప్రిన్సిపల్స్‌లో ఒకరిగా గుర్తింపు పొందారు.పేద విద్యార్థులకు ఉన్నత విద్యావకాశాలుపియా స్థాపించిన పాఠశాలలో చదివిన ప్రతి విద్యార్థికీ కాలేజీలో ప్రవేశం లభించినట్లు ఆమె ప్రచార వెబ్‌సైట్ వెల్లడించింది. ఆ పాఠశాలలో 86 శాతం మంది విద్యార్థులు తక్కువ ఆదాయం కలిగిన కుటుంబాలకు చెందినవారే కావడం విశేషం. విద్యా రంగంతో పాటు విధాన రూపకల్పన, సాంకేతిక రంగాల్లోనూ ఆమె పనిచేశారు. సమాజ అభివృద్ధికి తన వృత్తి జీవితాన్ని అంకితం చేసినట్లు ఆమె ప్రచార వెబ్‌సైట్ పేర్కొంది.వర్జీనియాలో సుహాస్ సుబ్రహ్మణ్యం మరోసారి విజయంమరోవైపు భారత సంతతికి చెందిన డెమొక్రటిక్ నేత సుహాస్ సుబ్రహ్మణ్యం వర్జీనియాలోని 10వ కాంగ్రెస్ నియోజకవర్గం నుంచి మరోసారి ఎన్నికయ్యారు. రిపబ్లికన్ అభ్యర్థి డేవ్ బెక్‌విత్‌పై ఆయన విజయం సాధించారు. సుహాస్‌కు 61.5 శాతానికి పైగా ఓట్లు రాగా, ప్రత్యర్థికి 36.4 శాతం ఓట్లు వచ్చాయి. గతంలో అమెరికా మాజీ అధ్యక్షుడు బరాక్ ఒబామా ప్రభుత్వంలో సుహాస్ సాంకేతిక విధాన సలహాదారుగా పనిచేశారు. న్యాయవిద్య పూర్తి చేసిన అనంతరం వైట్‌హౌస్‌లో బాధ్యతలు నిర్వర్తించారు. 2019లో వర్జీనియా జనరల్ అసెంబ్లీకి ఎన్నికై, రెండు పర్యాయాలు సేవలందించారు. 2024లో తొలిసారి అమెరికా ప్రతినిధుల సభకు ఎన్నికయ్యారు.ఇదీ చదవండి: జార్జియాలో మళ్లీ జాన్ ఒస్సాఫ్.. ట్రంప్‌ను బలంగా ఢీకొని..

ఒకవైపు ఇరాన్‌తో యుద్ధం.. మరోవైపు దేశంలో అధికారం చేజారే పరిస్థితి.. ఇప్పుడు అగ్రరాజ్యం అమెరికా నుంచి అందే ఆర్థిక అండకూ గండం.. ఇజ్రాయెల్ బెంజమిన్ నెతన్యాహుకు వరుస సవాళ్లు ఎదురవుతున్నాయి. దశాబ్దాలుగా ఇజ్రాయెల్‌కు వెన్నుదన్నుగా నిలుస్తున్న అమెరికా.. ఇకపై ఏటా అందించే సాయాన్ని నిలిపివేస్తామంటూ అధ్యక్షుడు డొనాల్డ్ ట్రంప్ సంచలన ప్రకటన చేశారు. ఆయుధాలు కావాలంటే అమ్ముతాం కానీ.. ఉచితంగా మాత్రం డబ్బులివ్వబోమన్న సంకేతాలిచ్చారు.అమెరికాలో మిడ్‌టర్మ్ ఎన్నికల పోలింగ్ జరుగుతున్న వేళ ట్రంప్ ఈ ప్రకటన చేశారు. ఇజ్రాయెల్‌కు ఏటా సుమారు 4 బిలియన్ డాలర్ల ఆర్థిక, సైనిక సాయాన్ని ఈ ఏడాది చివరి నుంచి నిలిపివేయనున్నట్లు వెల్లడించారు. ఈ విషయంపై ఇజ్రాయెల్ ప్రధాని నెతన్యాహుతో కొన్ని నెలల క్రితమే ఒప్పందం కుదిరిందని చెప్పారు. ఇజ్రాయెల్ ఇప్పుడు ఆర్థికంగా బలమైన దేశమని, అమెరికా సాయం లేకుండానే తన రక్షణ అవసరాలను తీర్చుకోగలదని అభిప్రాయపడ్డారు. అయితే ఇజ్రాయెల్‌కు అవసరమైతే అండగా ఉంటామని, అమెరికా ఆయుధాలను మాత్రం కొనుగోలు చేసుకోవచ్చని స్పష్టం చేశారు. ఫాక్స్ న్యూస్‌కి చెందిన ‘ఫాక్స్ అండ్ ఫ్రెండ్స్‌’ కార్యక్రమంలో ట్రంప్ మాట్లాడుతూ ఈ వ్యాఖ్యలు చేశారు. ఇదే సమయంలో నేరుగా ఆర్థిక సాయం నిలిపివేసినా.. సైనిక పరంగా ఇజ్రాయెల్‌తో సంబంధాలను కొనసాగించనున్నట్లు ట్రంప్ సంకేతాలిచ్చారు.అయితే ఒప్పందం గడువు సంగతేంటి?ట్రంప్ ప్రకటనపై మరో కీలక ప్రశ్న తలెత్తుతోంది. ప్రస్తుతం అమెరికా, ఇజ్రాయెల్ మధ్య ఉన్న అవగాహన ఒప్పందం (MOU) ప్రకారం.. 2019 నుంచి 2028 సెప్టెంబర్ వరకు ఏటా 3.8 బిలియన్ డాలర్ల సైనిక సాయం అందించాల్సి ఉంది. అలాంటప్పుడు ఈ ఏడాది డిసెంబర్ నాటికే ఆ సాయాన్ని ఎలా నిలిపివేస్తారనే విషయాన్ని ట్రంప్ వివరించలేదు. మరోవైపు 2027 రక్షణ బడ్జెట్ ప్రతిపాదనల్లో ఇరు దేశాల మధ్య రక్షణ సాంకేతిక సహకారాన్ని మరింత పెంచే అంశాలు కూడా ఉన్నాయి.నెతన్యాహుపై ఇజ్రాయెల్‌లో విమర్శలుట్రంప్ ప్రకటన ఇజ్రాయెల్ రాజకీయాల్లోనూ కలకలం రేపింది. నెతన్యాహుకు ప్రత్యర్థిగా ఉన్న గడి ఐసెన్‌కాట్ ఈ పరిణామంపై తీవ్రంగా స్పందించారు. అమెరికాతో వ్యూహాత్మక సంబంధాల్లో ఇంతటి కీలక మార్పు చోటుచేసుకుంటుంటే.. ఇజ్రాయెల్ భద్రతా వ్యవస్థకు, ప్రజలకు మీడియా ద్వారానే విషయం తెలియడం నెతన్యాహు పాలనా తీరుకు నిదర్శనమని విమర్శించారు. ఈ పరిణామం నెతన్యాహుకు రాజకీయంగా పెద్ద సవాలుగా మారింది. అమెరికా అధ్యక్షుడు ట్రంప్‌తో సన్నిహిత సంబంధాలున్నప్పటికీ.. సొంత దేశంలో ప్రభుత్వ ఏర్పాటుపై అనిశ్చితి, ప్రతిపక్షాల ఒత్తిడి ఆయనకు ఇబ్బందికరంగా మారాయి. ఇలాంటి సమయంలో అమెరికా ఆర్థిక సాయాన్ని నిలిపివేస్తామన్న ట్రంప్ ప్రకటన మరింత ప్రాధాన్యత సంతరించుకుంది.ఎన్నికల ఫలితాలే కారణమా?అయితే, ఇజ్రాయెల్ ఎన్నికల్లో నెతన్యాహు కూటమికి మెజారిటీ రాకపోవడమే ట్రంప్ నిర్ణయానికి కారణమని తెలుస్తోంది. ఇక, ఎన్నికల్లో నెతన్యాహుకు ఎదురైన రాజకీయ సవాళ్లు, అమెరికాలో ఇజ్రాయెల్‌కు మద్దతుపై పెరుగుతున్న విమర్శలు.. ఈ రెండూ ఆయన పరిస్థితిని మరింత సంక్లిష్టం చేస్తున్నాయి. అందుకే ట్రంప్ ప్రకటనను కేవలం ఆర్థిక నిర్ణయంగా కాకుండా అమెరికా అంతర్గత రాజకీయాలు, ఇజ్రాయెల్‌లో అధికార పోరు, మారుతున్న ద్వైపాక్షిక సంబంధాల నేపథ్యంలో చూడాల్సి ఉంటుంది. ఇదీ చదవండి: ట్రంప్‌ ఎత్తులకు కోర్టు చెక్‌!

అమెరికా జాబ్ మార్కెట్‌లో.. సెప్టెంబర్ నెలలో కొన్ని ఆసక్తికరమైన మార్పులు చోటుచేసుకున్నాయి. ఒకవైపు కొత్త ఉద్యోగ అవకాశాలు పెరుగుతుంటే.. మరోవైపు ఉద్యోగులు స్వచ్ఛందంగా తమ ఉద్యోగాలను వదిలి వెళ్లే వారి సంఖ్య కూడా పెరిగింది. ఈ విషయాన్ని అమెరికా బ్యూరో ఆఫ్ లేబర్ స్టాటిస్టిక్స్(BLS) విడుదల చేసిన నివేదికలో వెల్లడించింది.ఉద్యోగ అవకాశాలుఉద్యోగ అవకాశాల విషయానికి వస్తే.. సెప్టెంబర్‌లో అమెరికాలో మొత్తం 7.52 మిలియన్ల ఉద్యోగ ఖాళీలు నమోదైనట్లు నివేదిక చెబుతోంది. ఆగస్టులో ఈ సంఖ్య 7.19 మిలియన్లుగా ఉంది. అంటే.. ఒక్క నెలలోనే 3.33 లక్షల ఉద్యోగ అవకాశాలు పెరిగాయి. ఉద్యోగ అవకాశాల రేటు కూడా 4.3 శాతం నుంచి 4.5 శాతానికి చేరుకుంది. అయితే, ఈ పెరుగుదల ఉన్నప్పటికీ ఉద్యోగ మార్కెట్‌లో పెద్దగా మార్పు కనిపించలేదని బీఎల్ఎస్ పేర్కొంది.ఈ రంగంలోనే ఎక్కువకొత్త ఉద్యోగ నియామకాలు కూడా కొంత పెరిగాయి. సెప్టెంబర్‌లో సుమారు 54.02 లక్షల మంది కొత్తగా ఉద్యోగాల్లో చేరారు. ఆగస్టులో ఈ సంఖ్య 52.71 లక్షలుగా ఉంది. ముఖ్యంగా.. హోటళ్లు, రెస్టారెంట్లు, ఆహార సేవల రంగంలో కొత్త నియామకాలు ఎక్కువగా జరిగినట్లు సమాచారం. ఈ ఒక్క రంగంలోనే 1.58 లక్షల నియామకాలు పెరిగాయి. దీన్ని బట్టి చూస్తే.. ఈ రంగంలో ఉద్యోగుల అవసరం పెరుగుతున్నట్లు తెలుస్తోంది.ఉద్యోగ రాజీనామాలుఉద్యోగ రాజీనామాల విషయానికి వస్తే.. సెప్టెంబర్‌లో సుమారు 33.65 లక్షల మంది తమంతట తాముగా ఉద్యోగాలను వదిలేశారు. ఆగస్టులో ఈ సంఖ్య 30.44 లక్షలుగా ఉంది. అంటే.. ఒక్క నెలలోనే మరో 3.21 లక్షల మంది ఉద్యోగాలకు రాజీనామా చేశారన్నమాట. సాధారణంగా ఉద్యోగులు తమకు మెరుగైన జీతం, మంచి ఉద్యోగం లేదా కెరీర్‌లో ఎదుగుదలకు అవకాశం లభిస్తుందని భావించినప్పుడు ప్రస్తుత ఉద్యోగాన్ని వదిలి కొత్త అవకాశాల కోసం ప్రయత్నిస్తుంటారు. అయితే.. రాజీనామాలు పెరగడానికి కారణాలు ఏమిటనేది స్పష్టంగా వెల్లడికాలేదు.కంపెనీలు ఇలా..అయితే.. కంపెనీలు ఉద్యోగులను తొలగించే సంఖ్య మాత్రం తగ్గినట్లు నివేదిక చెబుతోంది. సెప్టెంబర్‌లో సుమారు 16.41 లక్షల మంది ఉద్యోగులు తొలగింపులకు గురయ్యారు. ఆగస్టులో ఈ సంఖ్య 17.68 లక్షలుగా ఉంది. దీన్నిబట్టి చూస్తే.. ఉద్యోగుల తొలగింపులు తగ్గినట్లు స్పష్టంగా తెలుస్తోంది. ముఖ్యంగా.. ఆరోగ్య సంరక్షణ, సామాజిక సేవల రంగంలో తొలగింపులు 70 వేల మేర తగ్గడం గమనార్హం.మొత్తం మీద.. ఒక్క మాటలో చెప్పాలంటే, అమెరికాలో ఉద్యోగ అవకాశాలు పెరుగుతున్నాయి. ఉద్యోగులు కొత్త అవకాశాల కోసం ప్రస్తుత ఉద్యోగాలను వదులుకుంటున్నారు. కంపెనీలు మాత్రం భారీగా ఉద్యోగులను తొలగించే పరిస్థితిలో లేవు. ఈ పరిణామాలన్నీ అమెరికా ఆర్థిక వ్యవస్థపై ఫెడరల్ రిజర్వ్ తీసుకునే తదుపరి నిర్ణయాలకు కీలకంగా మారనున్నాయి.ఇదీ చదవండి: కుక్కలను వాకింగ్‌కు తీసుకెళ్తే గంటకు రూ.1,900 జీతం!

వాషింగ్టన్‌: పశ్చిమాసియాలో మరోసారి ఉద్రిక్త పరిస్థితులు తలెత్తాయి. హార్మూజ్‌ జలసంధిలో ఉన్న ఇరాన్‌కు చెందిన కీలక ఖెష్మ్‌ దీవిపై అమెరికా దాడులకు పాల్పడింది. అమెరికా యుద్ధ విమానంపై ఇరాన్‌ రివల్యూషనరీ గార్డులు దాడికి స్పందనగా ఆత్మరక్షణ కోసం పరిమితమైన ఈ దాడులు చేపట్టామని తెలిపింది. ఖెష్మ్‌ దీవిలో భారీగా పేలుళ్లు సంభవించినట్లు ఇరాన్‌ అధికార వార్తా సంస్థ ఇర్నా ప్రకటించింది. ఘటనపై రివల్యూషనరీ గార్డు విభాగం స్పందించలేదు. అయితే, ఖెష్మ్‌ దీవికి దక్షిణాన సంచరిస్తున్న అమెరికాకు చెందిన అధునాతన ఎంక్యూఎం–170 రకం డ్రోన్లు రెండింటిని, ఎంక్యూ–9 రకం డ్రోన్‌ ఒకదాన్ని హార్మూజ్‌ జలసంధికి తూర్పు ప్రాంతంలో కాల్చివేసినట్లు ప్రకటించింది.అమెరికాలో జరుగుతున్న మధ్యంతర ఎన్నికలు ముగిసిన తర్వాత తిరిగి పూర్తి స్థాయిలో యుద్ధం రాకుండా నివారించేందుకు మధ్యవర్తులు తీవ్ర ప్రయత్నాలు చేస్తున్న వేళ ఈ పరిణామాలు చోటుచేసుకున్నాయి. మంగళవారం అమెరికా అధ్యక్షుడు ట్రంప్‌ మీడియాతో మాట్లాడారు. ‘ఇరాన్‌పై దాడుల విషయంలో తొందరపడటం లేదు. ఇప్పటికే ఆ దేశాన్ని ఆర్థికంగా దెబ్బతీశాం. ఇతర మార్గాల్లో దెబ్బకొట్టేందుకు ప్రయత్నాలు కొనసాగుతున్నాయి. దాడులకు దిగాలన్న తొందరేం లేదు’అంటూ ఆయన వ్యాఖ్యానించారు. ఇరాన్‌ అణు కార్యక్రమానికి కీలకంగా ఉన్న పిక్‌యాక్స్‌ పర్వతంపై దాడులు చేపట్టాల్సిన అవసరం మాత్రం ఉందన్న ఆయన..ఇది గంటలో పూర్తయ్యే పని అంటూ చెప్పుకొచ్చారు.మధ్యంతర ఎన్నికల వేళ ఇరాన్‌పై అమెరికా మళ్లీ దాడులకు దిగవచ్చంటూ వస్తున్న వార్తలపై ట్రంప్‌..ఆ అవకాశమే లేదంటూ కొట్టిపారేయడం గమనార్హం. తాజాగా, ఖెష్‌్మపై అమెరికా జరిపిన దాడులపై ఇరాన్‌ పార్లమెంట్‌ స్పీకర్‌ ఘలిబాఫ్‌ స్పందిస్తూ.. ‘మేం యుద్ధానికి రెడీ. యుద్ధాన్ని అపే అవకాశం ఇప్పటికీ అమెరికాకు ఉంది’అని పేర్కొన్నారు. కాగా, ఇరాన్‌–అమెరికాల మధ్య కాల్పుల విరమణ చర్చల మధ్యవర్తిగా వ్యవహరిస్తున్న ఖతార్‌ మంగళవారం.. కాల్పుల విరమణకు సంబంధించి ఇరుపక్షాలు అనేక ప్రతిపాదనలను ముందుకు తెచ్చాయని, ఒప్పందం కుదిరే అవకాశం ఉందని పేర్కొంది.

వాషింగ్టన్: అమెరికాలో 2026 మధ్యంతర ఎన్నికలు మంగళవారం ప్రారంభమయ్యాయి. ఈ ఎన్నికల ఫలితాలు అమెరికా అధ్యక్షుడు డొనాల్డ్ ట్రంప్ రెండోసారి అధికారంలోకి వచ్చిన తర్వాత మిగిలిన రెండేళ్ల పాలనపై తీవ్ర ప్రభావం చూపనున్నాయి. అమెరికా కాంగ్రెస్‌లోని ప్రతినిధుల సభ, సెనేట్‌పై ఆధిపత్యం కోసం రిపబ్లికన్లు, డెమోక్రాట్లు హోరాహోరీగా పోటీ పడుతున్నారు.ఈ ఎన్నికల్లో ప్రతినిధుల సభలోని మొత్తం 435 స్థానాలకు, సెనేట్‌లోని 100 స్థానాల్లో 35 స్థానాలకు ఎన్నికలు జరుగుతున్నాయి. ప్రతినిధుల సభను కైవసం చేసుకోవాలంటే డెమోక్రాట్లు కనీసం మూడు స్థానాలు, సెనేట్‌లో ఆధిపత్యం సాధించాలంటే నాలుగు స్థానాలు అదనంగా గెలుచుకోవాలి. అయితే పలు సర్వేలు ప్రతినిధుల సభలో డెమోక్రాట్లకు ఆధిక్యం లభించే అవకాశాలున్నాయని సూచిస్తున్నాయి. దాంతో సెనేట్ ఫలితంపై ఉత్కంఠ కొనసాగుతోంది.ఇక మరోవైపు ఇరాన్‌తో యుద్ధం, పెరుగుతున్న ఇంధన ధరలు, ద్రవ్యోల్బణం ఇప్పటికే ట్రంప్ ప్రభుత్వంపై ప్రజల్లో అసంతృప్తిని పెంచుతున్నాయి. ప్రస్తుతం అమెరికాలో ద్రవ్యోల్బణం 3.7 శాతానికి చేరింది. అయితే రెండో ప్రపంచ యుద్ధం తర్వాత జరిగిన మధ్యంతర ఎన్నికల్లో అధికార అధ్యక్షుడి పార్టీకి మెజారిటీ కోల్పోయిన సందర్భాలే ఎక్కువ.కాంగ్రెస్‌లో రెండు సభలపై రిపబ్లికన్లు పట్టు కోల్పోతే తన నిర్ణయాలకు అడ్డంకులు ఎదురయ్యే అవకాశం ఉందని ఇప్పటికే ట్రంప్ అంగీకరించారు. అయితే అలాంటి పరిస్థితి వస్తే అధ్యక్షుడి వీటో అధికారాన్ని కూడా ఉపయోగిస్తానని ఆయన వ్యాఖ్యానించారు.ఇదీ చదవండి: ఉత్తరాఖండ్‌లో భారీ హిమపాతం.. ఇద్దరు ట్రెక్కర్ల మృతి

కొన్ని గిన్నిస్‌ రికార్డులు ఊహకందని విధంగా ఉంటాయి. ఇలా కూడా రికార్డులు సృష్టించొచ్చా? అనేలా ఉంటాయి. అలాంటి విభిన్నమైన గిన్నిస్‌ రికార్డునే సృష్టించాడు ఈ వ్యక్తి. ఇంతకీ అతడు ఏం సాహసం చేశాడో తెలిస్తే విస్తుపోతారు. ఆ వ్యక్తే అమెరికాలోని పెన్సిల్వేనియాకు చెందిన 60 ఏళ్ల రిటైర్డ్‌టాక్స్‌ అధికారి గ్లెన్‌వుడ్ హోస్కిన్ జూనియర్‌. అతడు ప్రపంచ రికార్డు సాధించడానికి మకాం మొత్తం సినిమా థియేటర్‌కి మార్చేశాడు. అక్కడే ఉంటూ ఒక్క ఏడాదిలోనే 1,207 సినిమాలు చూసి రికార్డు సృష్టించాడు. ఇంతవరకు 777 చిత్రాలతో గిన్నిస్‌ రికార్డుని నెలకొల్పిన వ్యక్తినే అధిగమించి వెయ్యికి పైగా సినిమాలు చూశాడు. అందుకోసం ఆయన పెన్సిల్వేనియాలోని యార్క్‌ హేవన్‌లో ఉన్న రీగల్‌ సినిమా థియేటర్‌లోనే గడపడం ప్రారంభించాడట. మార్చి 31, 2025న ఈ ఘనత సృష్టించాడట. అన్ని సినిమాలు ఎలా చూశాడంటే..సినిమా అభిమాని అయిన హోస్కిన్‌ తన చూసే మూవీల ఆధారంగా ప్లాన్‌ చేసుకున్నారట. తరచుగా తెల్లవారుజాము నుంచి అర్థరాత్రి వరకు మూవీలు చూసేవాడట. ఆన్‌లైన్‌లో బ్రౌజ్‌ చేస్తుండగా ఈ రికార్డు గురించి తెలుసుకున్నాడట. అలాగే ఇలాంటి సవాలుని చేపట్టిన మరో సినిమా అభిమాని గురించి తెలుసుకున్నాక..తాను కూడా ప్రయత్నించాలని నిర్ణయించుకున్నాడట. ఆయనకెప్పుడు ఒక సవాలు కోసం లక్ష్యం ఏర్పాటు చేసుకోవడంటే మహా సరదా అట..అందువల్ల ఇది సాధ్యంమైందని అంటున్నాడు హోస్కిన్‌. ఇన్ని సినిమాలు చూసినప్పటికీ హోస్కిన్‌కి యానిమేటెడ్‌ సినిమాలు, కామెడీలంటేనే ఇష్టం అని చెబుతున్నాడు. అందరితో కలిసి కామెడీ మూవీలు చూస్తే ఆ ఫీల్, కిక్‌ వేరేలెవెల్‌ అని అంటున్నాడు. మరి ఇన్ని సినిమాలు చూసేందుకు హోస్కిన్‌ ఎంత ఖర్చు పెట్టాడంటే..ఆ థియోటర్‌ రీగల్‌ అన్‌లిమిటెడ్‌ సబ్‌స్క్రిప్షన్‌ను ఉపయోగించాడట. అంటే దీని కోసం నెలకు రూ. 1250లు చొప్పున ఖర్చుపెట్టాడు. ఈ ఫీచర్‌ అతనికి అనేక సినిమాలు చూసేందుకు అవకాశం కల్పించింది. అలాగే ఖర్చులు తగ్గించుకోవడం కోసం ఇంటి నుంచి తెచ్చుకున్న ఫుడ్‌నే తినేవాడట. అంతేకాదండోయ్‌ సినిమా..సినిమాకి బ్రేక్‌ తీసుకుంటూ..శరీరానికి వ్యాయామం ఉండేలా థియేటర్‌లోనే వాకింగ్‌ చేస్తుండేవాడట. పైగా ఈ రికార్డు వల్ల ఆనందకరమైన దినచర్య తోపాటు ఇతరులతో సులభంగా కలిసిపోయే అవకాశాన్ని సొంతం చేసుకున్నానని చెబుతున్నాడు హోస్కిన్‌.ఇదీ చదవండి: భారత ఆటో రిక్షాపై ప్రేమతో ఆ బ్రిటన్‌ దంపతులు ఏం చేశారంటే..?!

వాషింగ్టన్‌: పశ్చిమాసియాలో మరోసారి ఉద్రిక్తతలు పెరుగుతున్నాయి. ఇరాన్‌లోని కీలకమైన ఖేష్మ్ ద్వీపంపై అమెరికా రహస్యంగా దాడులు జరిపినట్లు వాల్‌స్ట్రీట్ జర్నల్ వెల్లడించింది. అమెరికా అధికారులు అందించిన సమాచారాన్ని ఉదహరిస్తూ ఈ కథనాన్ని ప్రచురించింది. హార్ముజ్ జలసంధిలో ఉన్న ఈ ద్వీపంపై దాడుల నేపథ్యంలో వరుస పేలుళ్లు సంభవించినట్లు ఇరాన్ ప్రభుత్వ మీడియా సంస్థ ఐఆర్ఎన్ఏ తెలిపింది. ఇటీవలి కాలంలో అమెరికా చేపట్టిన పరిమిత సైనిక చర్యల్లో భాగంగానే ఈ దాడులు జరిగినట్లు సమాచారం. ఇరాన్‌పై పూర్తిస్థాయి సైనిక చర్యలను తిరిగి ప్రారంభిస్తున్న సంకేతాలు వెళ్లకుండా వీటిని రహస్యంగా నిర్వహించినట్లు వాల్‌స్ట్రీట్ జర్నల్ పేర్కొంది.మరోవైపు, అమెరికా అధ్యక్షుడు డొనాల్డ్ ట్రంప్‌ను ఇరాన్‌పై మళ్లీ దాడులు చేయాలని ఇజ్రాయెల్ ప్రధాని బెంజమిన్ నెతన్యాహు కోరుతున్నట్లు ఆక్సియోస్ వెల్లడించింది. అమెరికా మధ్యంతర ఎన్నికలు ముగిసిన తర్వాత సైనిక చర్యలు చేపట్టాలని ఆయన సూచించినట్లు తెలిపింది. అయితే, ప్రస్తుతానికి దౌత్యపరమైన చర్చలకు అవకాశం ఇవ్వాలని ట్రంప్ భావిస్తున్నట్లు సమాచారం.శనివారం ట్రంప్, నెతన్యాహు ఫోన్‌లో మాట్లాడుకున్నారు. ఇరాన్‌తో చర్చలు, సైనిక చర్యల పునఃప్రారంభంపై వీరిద్దరూ చర్చించినట్లు తెలుస్తున్నది. ఇదిలా ఉండగా, ఇరాన్‌పై మళ్లీ దాడులు చేసే ఆలోచన ఉందా అని సోమవారం మీడియా ప్రశ్నించగా ట్రంప్ ‘లేదు’ అని సమాధానమిచ్చారు. మరోవైపు, అమెరికా ఉపాధ్యక్షుడు జేడీ వాన్స్ కూడా ఇరాన్‌తో చర్చల ద్వారా ఒప్పందం కుదిరే అవకాశాలపై ఆశాభావం వ్యక్తం చేశారు. ఇరు దేశాల మధ్య దౌత్యపరమైన పరిష్కారం కోసం ప్రయత్నాలు కొనసాగుతున్నాయని తెలిపారు.ఇదీ చదవండి: విమాన ప్రమాదం.. ప్రముఖ వ్యాపారవేత్త కుటుంబం మృతి!

వాషింగ్టన్‌ డీసీ: అమెరికాలో మధ్యంతర ఎన్నికల పోలింగ్‌కు రంగం సిద్ధమైంది. నేడు (నవంబర్ 3)జరుగుతున్న ఈ ఎన్నికల్లో ప్రతినిధుల సభలోని 435 స్థానాలు, సెనేట్‌లోని 35 స్థానాలకు ఓటింగ్ జరగనుంది. పలు రాష్ట్రాల్లో గవర్నర్ పదవులకు కూడా ఎన్నికలు నిర్వహిస్తున్నారు. అధ్యక్షుడు డొనాల్డ్ ట్రంప్, రిపబ్లికన్ పార్టీకి ఈ ఎన్నికలు కీలక రాజకీయ పరీక్షగా మారాయి. కాంగ్రెస్‌పై ఆధిపత్యం కోసం రిపబ్లికన్లు, డెమోక్రాట్లు పోటీపడుతున్నారు.20 వేల బ్యాలెట్లపై సుప్రీంకోర్టు కీలక నిర్ణయంకాలిఫోర్నియాలోని 20 వేల మెయిల్-ఇన్ బ్యాలెట్లను పక్కన పెట్టాలంటూ ట్రంప్ ప్రభుత్వం చేసిన అత్యవసర విజ్ఞప్తిని అమెరికా సుప్రీంకోర్టు తిరస్కరించింది. ఈ బ్యాలెట్లు పౌరసత్వం లేనివారికి జారీ అయ్యాయని న్యాయశాఖ ఆరోపించింది. అయితే దిగువ కోర్టులు ఇప్పటికే ఈ వాదనను తిరస్కరించాయి. తాజాగా సుప్రీంకోర్టు కూడా ఎలాంటి భిన్నాభిప్రాయం నమోదు కాకుండానే ప్రభుత్వ విజ్ఞప్తిని కొట్టివేసింది.మిచిగాన్‌లో ఎల్-సయీద్‌కు మద్దతుగా ఎలిజబెత్ వారెన్మిచిగాన్ సెనేట్ స్థానానికి డెమోక్రటిక్ అభ్యర్థి అబ్దుల్ ఎల్-సయీద్ ప్రచారాన్ని ముమ్మరం చేశారు. సోమవారం రాయల్ ఓక్‌లో జరిగిన సభలో సెనేటర్ ఎలిజబెత్ వారెన్‌తో కలిసి పాల్గొన్నారు. వైద్యం, అద్దెలు, కిరాణా సరుకులు, పెట్రోల్ ధరలు సామాన్యులకు భారంగా మారాయని విమర్శించారు. మరోవైపు, డెమోక్రటిక్ నేత హేలీ స్టీవెన్స్ రిపబ్లికన్ అభ్యర్థి మైక్ రోజర్స్‌కు మద్దతు ప్రకటించడం చర్చనీయాంశమైంది.ఎన్నికలకు ముందే ఐదు కోట్ల మంది ఓటింగ్అమెరికా మధ్యంతర ఎన్నికల పోలింగ్‌కు ముందే దాదాపు ఐదు కోట్ల మంది ఓటు హక్కు వినియోగించుకున్నారు. కీలక సెనేట్ పోటీలు జరుగుతున్న రాష్ట్రాల్లో గత మధ్యంతర ఎన్నికలతో పోలిస్తే ముందస్తు ఓటింగ్ పెరిగింది. ఈసారి ఎన్నికల్లో భారీగా ఓటర్లు పాల్గొనే అవకాశం ఉందని ఈ పరిణామాలు సూచిస్తున్నాయి.ఏడు రాష్ట్రాల్లో కీలక పోటీలుఅలస్కా, అయోవా, కాన్సాస్, మైనే, మిచిగాన్, ఒహాయో, టెక్సాస్ రాష్ట్రాల్లో సెనేట్ ఎన్నికలు ఆసక్తికరంగా మారాయి. అలస్కాలో డాన్ సుల్లివన్ పేరుతో ఇద్దరు అభ్యర్థులు పోటీలో ఉండటం వివాదానికి దారితీసింది. కాన్సాస్‌లో ఆడమ్ హామిల్టన్, రిపబ్లికన్ సెనేటర్ రోజర్ మార్షల్ మధ్య పోటీ నెలకొంది. టెక్సాస్‌లో జేమ్స్ తలారికో, కెన్ పాక్స్టన్ తలపడుతున్నారు.మస్క్‌కు ముందస్తు క్షమాభిక్షపై ట్రంప్ వ్యాఖ్యలుమధ్యంతర ఎన్నికల్లో డెమోక్రాట్లు కాంగ్రెస్‌లో మెజారిటీ సాధిస్తే ఎలాన్ మస్క్, ఆయన సహాయకులకు ముందస్తు క్షమాభిక్ష కల్పించే అంశాన్ని పరిశీలిస్తానని ట్రంప్ తెలిపారు. డెమోక్రాట్లు అధికారంలోకి వస్తే మస్క్‌పై విచారణలు లేదా ఆస్తుల స్వాధీనం వంటి చర్యలు చేపట్టవచ్చన్న ప్రశ్నకు ఆయన స్పందించారు.ట్రంప్‌ ప్రకటనలకు 160 కోట్ల డాలర్లు2025 ప్రారంభం నుంచి ట్రంప్‌ను కేంద్రంగా చేసుకుని 3,600కు పైగా రాజకీయ ప్రకటనలు ప్రసారమయ్యాయి. వీటి కోసం మొత్తం 160 కోట్ల డాలర్లకు పైగా ఖర్చు చేసినట్లు యాడ్‌ ఇంపాక్ట్‌ వెల్లడించింది. ఇందులో డెమోక్రాట్లు సుమారు 91.9 కోట్ల డాలర్లు ఖర్చు చేయగా, రిపబ్లికన్లు 55.6 కోట్ల డాలర్లు వెచ్చించారు.ఎన్నికల వేళ పెరిగిన పెట్రోల్ ధరలుఅమెరికాలో ఎన్నికల రోజున సాధారణ పెట్రోల్ సగటు ధర గ్యాలన్‌కు 4.17 డాలర్లకు చేరినట్లు ఏఏఏ వెల్లడించింది. 2022 మధ్యంతర ఎన్నికల రోజున నమోదైన 3.80 డాలర్లతో పోలిస్తే ఇది ఎక్కువ. మరోవైపు, చమురు ధరలు ఒక్కరోజులో 10 డాలర్లు తగ్గాయని, మరింత తగ్గుతాయని ట్రంప్ పేర్కొన్నారు.చివరి ప్రచారంలో ట్రంప్, ఒబామాఎన్నికల ముందు రోజు ట్రంప్ వాషింగ్టన్‌లోని లింకన్ మెమోరియల్ రిఫ్లెక్టింగ్ పూల్ వద్ద ప్రసంగించారు. డెమోక్రటిక్ అభ్యర్థుల విధానాలపై విమర్శలు చేశారు. మరోవైపు, మాజీ అధ్యక్షుడు బరాక్ ఒబామా మార్పు తీసుకురాగల అభ్యర్థులకు ఓటు వేయాలని ప్రజలకు పిలుపునిచ్చారు. ఒహాయోలో వివేక్ రామస్వామి ప్రచార సభలో ఆయనకు నిరసనలు ఎదురయ్యాయి. దీంతో అమెరికా కాంగ్రెస్‌లో ఆధిపత్యం ఎవరికి దక్కుతుందన్న అంశంపై ఉత్కంఠ నెలకొంది.ఇదీ చదవండి: కార్మికుల ఆగ్రహజ్వాలలు.. బంగ్లాదేశ్‌లో ఉద్రిక్తత

కమ్మింగ్‌ (జార్జియా): ఒకప్పుడు ‘కు క్లక్స్‌ క్లాన్‌’(కేకేకే) పెత్తనం చెలాయించిన ప్రాంతమది. జాత్యాహంకారం నిత్యకృత్యంగా ఉండేది. ఇప్పుడు అలాంటి పరిస్థితి లేకపోవచ్చునేమో కానీ.. మంగళవారం జరగనున్న మధ్యంతర ఎన్నికల్లో భారతీయ సంతతి మహిళ సుచితా పటేల్‌ మాత్రం కొండను ఢీకొట్టే చందంగా శక్తిమంతులను ఎదురొడ్డి నిలుస్తోంది. బెదిరింపు రాజకీయాలు చేసే ప్రత్యర్థి, రిపబ్లికన్‌ పార్టీ అభ్యర్థికి దీటైన సమాధానమిచ్చేందుకు, భవిష్యత్తు తరాలకు మెరుగైన సమాజాన్ని అందించేందుకే తాను బరిలో నిలుస్తున్నట్లు చెబుతున్నారు ఫోర్సిత్‌ కౌంటీ కమిషనర్‌ పదవికి పోటీ చేస్తున్న సుచితా పటేల్‌ చెబుతున్నారు. మంగళవారం నాటి ఓటింగ్‌కు డెమోక్రాట్‌ పార్టీ తరఫున ఇంటింటి ప్రచారం చేపట్టారు. ఫోర్సిత్‌ కౌంటీకు చీకటి చరిత్ర ఎక్కువే. 1912లో ఇక్కడ నివసించిన తెల్లవాళ్లు... ఇదే రకమైన భావనతో కూడిన అరాచక కేకేకే ముఠాలు నల్లజాతి ప్రజలపై విపరీతమైన ద్వేషాన్ని చూపేది. హత్యలు, హింసాత్మక ఘటనలు కూడా బోలెడు. ఫలితంగా ఈ కౌంటీలో చాలాకాలంపాటు అసలు నల్లజాతీయులే లేకుండా పోయారు. రాష్ట్ర రాజధాని అట్లాంటా మధ్య నగరానికి కేవలం ఒక గంట దూరంలో ఉన్న ఫోర్సిత్‌ కౌంటీ మొత్తం 2.8 లక్షల జనాభాలో 61 శాతం మంది శ్వేతజాతి ప్రజలే. అలాంటి చోట భారత్‌ నుంచి వలసవెళ్లిన భారతీయ దంపతులకు అక్కడే జన్మించిన సుచిత పదహారేళ్లుగా పదవిలో కొనసాగుతున్న రిపబ్లికన్‌ అభ్యరి్థపై ఎన్నికల బరిలోకి దిగారు. ఫోర్సిత్‌ కౌంటీలో పరిస్థితులు మారిపోయాయి అనేందుకు కూడా శుచిత పోటీ ఒక నిదర్శనంగా నిలుస్తోంది. ఆసక్తికరమైన విషయం ఏమిటంటే.. ఈ మధ్యంతర ఎన్నికల్లో ఒకవక్క డొనాల్డ్‌ ట్రంప్‌ను ఆరాధించే వారు... ఇంకోపక్క విపరీతమైన వ్యతిరేకత ఉన్న వారు ఉండటం. మంగళవారం నాటి ఎన్నికలు అమెరికా పార్లమెంటు ఉభయ సభల్లో ఎవరిది ఆధిక్యమన్న విషయాన్ని తేల్చనున్నాయి. హౌస్‌ ఆఫ్‌ రిప్రజెంటేటివ్స్, సెనేట్‌లతోపాటు చాలా రాష్ట్రాల్లో గవర్నర్లు, కౌంటీ కమిషనర్లు, స్కూల్‌ బోర్డుల అధ్యక్షుల ఎన్నికల కూడా జరుగుతుంది. సుచిత పటేల్‌ కూడా పెరిగిపోతున్న నిత్యావసర ధరలుపై ఆందోళన వ్యక్తం చేశారు. ‘‘సూటిగా చెబుతా. కిరాణా ఖర్చులు కూడా భరించలేని ప్రజలకు వలసలు, ట్రాన్స్‌జెండర్స్, అక్రమ వలసదారుల పట్టింపు అస్సలు ఉండదు’’అని తెలిపారు. దేశం మొత్తం ఇప్పుడు ఒక కీలకమైన మలుపు దశలో ఉంది. జనాభాలో ఒక శాతం ఉన్న ఉన్నత స్థాయి వర్గం ఒకపక్కనుంటే.. ఇంకోపక్క మిగిలిన వారందరూ ఉన్నారు అని సుచిత వ్యాఖ్యానించారు. ట్రంప్‌ విధానాలపై ఇప్పటికే ప్రజల్లో ఆగ్రహం ఉందని, ఇది కాస్తా చాలా రాష్ట్రాల్లో రిపబ్లికన్లకు వ్యతిరేకంగా మారవచ్చునని అంచనా. అయితే, జార్జియా విషయంలో మాత్రం ఇప్పటికీ మినహాయింపు కొనసాగుతోంది. ఇక్కడి అంచనా ప్రకారం రిపబ్లికన్‌ పార్టీ రంగు ‘రూబీ రెడ్‌’కొనసాగుతోంది. ఫోర్సిత్‌ కౌంటీలో 2000లో భారతీయ సంతతి వారు కేవలం 200 మంది మాత్రమే ఉండగా ఇప్పుడు దాదాపు 48 వేల మంది ఉన్నారు. ఈ లెక్కన చూస్తే సుచితా పటేల్‌ విజయావకాశాలు అంతంతమాత్రమే అయినప్పటికీ తన గెలుపుపై ఆమె దీమాగానే ఉన్నారు. ఏ పార్టీ అభ్యర్థి గెలిచినా కమిషనర్‌గా మౌలిక సదుపాయాలను మెరుగుపరచడమే లక్ష్యంగా ఉండాలని అన్నారు. బెదిరింపులు, భయపెట్టి ప్రత్యర్థులను పోటీ నుంచి తప్పిస్తూండటం వల్లనే ప్రస్తుత కమిషనర్‌ టాడ్‌ లావెంట్‌ 16 ఏళ్లపాటు అధికారంలో కొనసాగ గలుగుతున్నారని ఆమె ఆరోపించారు. తనకు రాజకీయ అనుభవం లేదని.. కాకపోతే తాను చేయలేని పనంటూ ఏదీ లేదని గట్టిగా నమ్ముతానని నలభై ఏళ్ల సుచిత తెలిపారు.ఇదీ చ‌ద‌వండి: 20 వేల బ్యాలెట్లపై ట్రంప్‌కు సుప్రీంకోర్టులో షాక్! కమిషనర్‌ పదవికి పోటీ చేయమని కొందరు వచ్చి అడిగేంతవరకూ తనకు ఆ ఆలోచన లేదని, ఆ తరువాత మాత్రం ఇది సాధ్యమేనన్న విశ్వాసం బలపడిందన్నారు. బెదిరింపులకు లొంగని గట్టి మనిషి కావాలంటే.. ‘‘మీరు సరైన వాళ్లనే ఎంచుకున్నారు’’అని మద్దతుదారులకు చెప్పానని నవ్వుతూ తెలిపారు. ఏడేళ్ల తన కూతురు ఎన్నికల పోటీ గురించి అడిగితే.. ‘‘ఈ సమాజం మీ కోసం మెరుగ్గా ఉండాలని కోరుకుంటున్నాను. మీరు అందమైన సమాజంలో పెరగాలని కోరుకుంటున్నాను. భవిష్యత్‌ తరాలు.. అంటే మీరు, మీ స్నేహితులు...అందమైన ప్రపంచంలో పెరగాలని నా కోరిక,’’అని చెప్పినట్లు తెలిపారు.

వాషింగ్టన్‌: నేడు(మంగళవారం) అమెరికాలో జరగనున్న మధ్యంతర ఎన్నికలు అధ్యక్ష స్థానానికి కాకపోవచ్చు కానీ.. అధ్యక్షుడిగా డొనాల్డ్‌ ట్రంప్‌ భవిష్యత్తును నిర్ణయించేవి. రెండోసారి అధికారం చేపట్టిన తరువాత రెండేళ్లుగా ట్రంప్‌ విధానాలు, వైఖరికి ప్రజలిస్తున్న తీర్పు కూడా. అగ్రరాజ్యంలో అధ్యక్ష ఎన్నికలు నాలుగేళ్లకు ఒకసారి జరిగితే.. రెండేళ్లకు ఒకసారి మధ్యంతర ఎన్నికలు జరుగుతాయి. ఈ ఎన్నికల్లో ప్రతినిధుల సభలోని మొత్తం 435, సెనేట్‌లో 35 స్థానాలు, అనేక రాష్ట్రాల గవర్నర్‌ పదవులకు పోటీ జరగనుంది. అధ్యక్షుడి పదవీకాలం మధ్యలో జరిగే ఎన్నికలు కావడంతో ఓటర్లు ప్రభుత్వ పనితీరుపై ఇచ్చే అభిప్రాయంగానూ వీటిని పరిగణిస్తారు. భారత కాలమానం ప్రకారం మంగళవారం మధ్యాహ్నం 3.30 గంటలకు పోలింగ్‌ ప్రారంభమై, నవంబరు 4న ఉదయం 9.30 గంటల వరకు కొనసాగనుంది. అమెరికాలోని ఆరు కాలమానాల కారణంగా రాష్ట్రాలవారీగా పోలింగ్‌ సమయాల్లో తేడా ఉంటుంది. ఫలితాలు పోలింగ్‌ ముగిసిన తర్వాత వెలువడతాయి; అయితే కొన్ని రాష్ట్రాల్లో ఎన్నికల రాత్రే ఫలితం స్పష్టం కాకపోవచ్చు. 2025 జనవరిలో డొనాల్డ్‌ ట్రంప్‌ అమెరికా అధ్యక్షుడిగా రెండోసారి బాధ్యతలు చేపట్టినప్పుడు అమెరికాలోని రెండు సభల్లో (హౌస్‌ ఆఫ్‌ రిప్రజెంటేటివ్స్, సెనేట్‌)నూ రిపబ్లికన్లదే ఆధిక్యం. ఆ మాటకొస్తే ఇప్పుడు కూడా పరిస్థితి అలాగే ఉంది కానీ.. అప్పటికి, ఇప్పటికీ చాలా తేడాలున్నాయి. హౌస్‌ ఆఫ్‌ రిప్రజెంటేటివ్స్‌లో రిపబ్లికన్లు 220 మంది ఉండగా డెమోక్రాట్ల సంఖ్య 215గా ఉండింది. సెనేట్‌ విషయానికి వస్తే ట్రంప్‌ పార్టీకి 53 మంది, ఇద్దరు స్వతంత్రుల మద్దతుతో డెమోక్రాట్లకు 47 మంది మద్దతుండేది. ప్రస్తుతం మధ్యంతర ఎన్నికలకు ముందు హౌస్‌ ఆఫ్‌ రిప్రజెంటేటివ్స్‌లో రిపబ్లికన్లు 218 మంది కాగా, డెమోక్రాట్లు 214 మంది. రెండు స్థానాలు ఖాళీగా ఉన్నాయి. ఒక స్వతంత్ర అభ్యర్థి ఉన్నారు. సెనేట్‌ పరిíస్థితిలో ఎలాంటి మార్పూ లేదు. మధ్యంతర ఎన్నికల్లో అధికార రిపబ్లికన్‌ పార్టీ సెనేట్‌లో తన పట్టు నిలబెట్టుకోగలదా లేదా అనేది ప్రధాన ప్రశ్నగా మారింది. డెమోక్రాట్లు ఆధిక్యం సంపాదించగలిగితే అధ్యక్షుడి విధాన నిర్ణయాలను సమర్థంగా సవాలు చేయగల అవకాశం లభిస్తుంది. ఒకవేళ హౌస్‌ ఆఫ్‌ రిప్రజెంటేటివ్స్‌లో ఆధిక్యం సాధించినా ట్రంప్‌కు కష్టకాలమే. మధ్యంతర ఎన్నికల్లో రిపబ్లికన్లు మొత్తం ప్రస్తుతమున్న 218 స్థానాలను నిలబెట్టుకోగలిగితే చాలు. ఆధిక్యం కావాలంటే డెమోక్రాట్లు నికరంగా నాలుగు స్థానాల్లో విజయం సాధించాలి. సెనేట్‌ విషయానికి వస్తే.. రిపబ్లికన్లు పోటీలో ఉన్న 35 స్థానాల్లో 20 – 22 గెలిచి, డెమోక్రాట్లు 13 – 15 స్థానాలు గెలిస్తే సభలో రిపబ్లికన్ల ఆధిక్యం కొనసాగుతుంది. ఇలా కాకుండా రిపబ్లికన్లు 19 స్థానాలు మాత్రమే గెలుచుకున్నా ఫర్వాలేదు. ఇరుపక్షాలకు చెరి సగం సీట్లు దక్కుతాయి కాబట్టి ఉపాధ్యక్షుడిగా జేడీవాన్స్‌ నిర్ణయాత్మక ఓటు వేయగలుగుతారు. రిపబ్లికన్ల సీట్లు 19 కంటే తక్కువైతే మాత్రం సెనేట్‌లో డెమోక్రాట్లకు ఆధిక్యం లభిస్తుంది. ప్రస్తుత పరిస్థితి ఏమిటి? మధ్యంతర ఎన్నికల్లో అధికార పార్టీ లాభపడిన సందర్భాలు అమెరికా రాజకీయ చరిత్ర మొత్తమ్మీద లేనేలేదు. రెండో ప్రపంచ యుద్ధం తరువాతి కాలం నుంచి పరిశీలించినా ప్రతినిధుల సభలో అధికార పార్టీ బలం గణనీయంగా తగ్గిపోయినట్లు స్పష్టమవుతుంది. ఈ లెక్కన చూస్తే.. రిపబ్లికన్లకు ఈ ఎన్నికలు కఠిన పరీక్షే. కాకపోతే ఈ సారి చరిత్రను మారుస్తామన్న ధీమా రిపబ్లికన్లలో వ్యక్తమవుతోంది. వాస్తవానికి ఈ ఎన్నికల ఫలితాలు దేశం మొత్తమ్మీద కాకుండా.. కొన్ని రాష్ట్రాలు, నియోజకవర్గాలపైనే ఆధారపడి ఉంది. ఒహాయో, టెక్సాస్, నార్త్‌ కరోలినా, మెయిన్, మిషిగన్, అలాస్కా, ఐయోవా రాష్ట్రాల్లో సెనేట్‌ స్థానాల కోసం హోరాహోరీ పోరు ఉంది. హౌస్‌ ఆఫ్‌ రిప్రజెంటేటివ్స్‌లో గెలుపోటముల నిర్ణయం స్వింగ్‌ డిస్ట్రిక్ట్స్‌గా పిలిచే ఉప నగర ఓటర్లపై ఆధారపడి ఉంది. ఎందుకంటే గత పదేళ్లలో వీరు అటు నుంచి ఇటుకు, ఇటు నుంచి అటుకు మారుతూవచ్చారు.

చైనా రహస్య అంతరిక్ష విమానమైన ‘షెన్‌లాంగ్‌’కు సంబంధించిన ఓ ఆసక్తికరమైన ఫొటో తాజాగా వెలుగులోకి వచ్చింది. ఈ ఫొటోను అమెరికా రక్షణ నిఘా సంస్థ విడుదల చేసిన నివేదికలో పొందుపరిచారు. భూమికి సమీప కక్ష్యలో తిరుగుతున్న ఈ రోబోటిక్‌ అంతరిక్ష విమానం గత ఆరేళ్లుగా అంతరిక్షంలో పలు ప్రయోగాలు నిర్వహిస్తోంది. గుర్తుతెలియని వస్తువులను అంతరిక్షంలో విడుదల చేయడంతో ఇది గతంలోనే పలుమార్లు వార్తల్లో నిలిచింది.Space.com కథనం ప్రకారం.. 2024లో మాక్సర్‌ టెక్నాలజీస్‌ (ప్రస్తుతం వాంటర్‌) ఉపగ్రహం 90 కిలోమీటర్ల దూరం నుంచి ఈ చిత్రాన్ని తీసింది. ఒక్కో పిక్సెల్‌కు 4.5 సెంటీమీటర్ల రిజల్యూషన్‌తో విమానం పూర్తి వివరాలు స్పష్టంగా కనిపిస్తున్నాయి. మరో ఉపగ్రహంతో అనుసంధానమై ఉన్న షెన్‌లాంగ్‌కు సోలార్‌ ప్యానెళ్లు విస్తరించి ఉండగా, వెనుకవైపు పేలోడ్‌ డోర్‌ తెరిచి ఉన్నట్లు ఫొటోలో వెల్లడైంది.అమెరికాకు చెందిన బోయింగ్‌ X-37B తరహాలో షెన్‌లాంగ్‌ కూడా పునర్వినియోగ అంతరిక్ష విమానం. రాకెట్‌ ద్వారా కక్ష్యలోకి చేరుకుని, ప్రయోగాలు పూర్తయ్యాక విమానం తరహాలో భూమిపైకి తిరిగి వస్తుంది. ఈ ఏడాది ఫిబ్రవరి 7న లాంగ్‌ మార్చ్‌-2ఎఫ్‌ రాకెట్‌ ద్వారా చైనా జియుక్వాన్‌ అంతరిక్ష కేంద్రం నుంచి నాలుగో ప్రయోగాన్ని ప్రారంభించింది.ఈ విమానం పొడవు సుమారు 26 అడుగులని వాంటర్‌ వెల్లడించింది. నవంబర్‌ 3న డెన్వర్‌, నవంబర్‌ 5, 6 తేదీల్లో లాస్‌ ఏంజెల్స్‌ నగరాల మీదుగా ప్రయాణించే అవకాశం ఉందని Space.com తెలిపింది. అంతేకాదు తెల్లవారుజామున ఆకాశంలో దీనిని కంటితో చూసే అవకాశం కూడా ఉంటుందని పేర్కొంది.ఇదీ చదవండి: అమెరికా ఓకే అంటే హార్ముజ్ తెరుస్తాం.. ఇరాన్ సంచలన ప్రకటన

అమెరికా తమ డిమాండ్లకు అంగీకరిస్తే రెండు రోజుల్లోనే హార్ముజ్ జలసంధిని తిరిగి తెరిచేందుకు సిద్ధంగా ఉన్నామని ఇరాన్ ప్రకటించింది. ఈ మేరకు అమెరికాతో మధ్యవర్తుల ద్వారా చర్చలు కొనసాగుతున్నాయని ఇరాన్ విదేశాంగ శాఖ ప్రతినిధి ఇస్మాయిల్ బఘాయీ వెల్లడించారు. అయితే తదుపరి చర్చలన్నీ అమెరికా నిర్ణయంపైనే ఆధారపడి ఉంటాయని ఆయన స్పష్టం చేశారు.మధ్యప్రాచ్యంలో యుద్ధాన్ని అన్ని రంగాల్లో ముగించాలని, స్తంభింపజేసిన ఇరాన్ ఆస్తులను విడుదల చేయాలని, చమురు రంగంపై ఆంక్షలను ఎత్తివేయాలని, అమెరికా నావికాదళ దిగ్బంధనాన్ని తొలగించడం వంటి డిమాండ్లను ఇరాన్.. అమెరికా ముందుంచింది. అలాగే హార్ముజ్ జలసంధిలో నౌకల రాకపోకలకు ఇరాన్, ఒమన్ అంగీకరించిన కొత్త మార్గాన్ని అమెరికా గుర్తించాలని ఇరాన్ విదేశాంగ మంత్రి అబ్బాస్ అరాగ్చీ కోరారు.ఇక మరోవైపు ఇరాన్‌పై అమెరికా, ఇజ్రాయెల్ దాడులు చేసే అవకాశాలపై ఆందోళనలు కొనసాగుతున్నాయి. ఇజ్రాయెల్ ప్రధాని నెతన్యాహు దాడులకు ఒత్తిడి తెస్తున్నట్లు ఇప్పటికే వార్తలు వస్తున్నాయి. ప్రపంచ చమురు సరఫరాలో దాదాపు ఐదో వంతు హార్ముజ్ జలసంధి మీదుగానే జరుగుతుండటంతో ఈ పరిణామాలు అంతర్జాతీయంగా ప్రాధాన్యం సంతరించుకున్నాయి.ఇదీ చదవండి: దీపావళికి 'గ్రీన్ క్రాకర్స్‌'కు సుప్రీంకోర్టు అనుమతి

సాధారణంగా కుక్కలను పెంచుకునేవారు, వాటిని రోజూ వాకింగ్‌కు తీసుకెళ్తుంటారు. కానీ.. అమెరికాలో మాత్రం ఇప్పుడు ట్రెండ్ మారింది. అక్కడ కుక్కలకు బదులుగా.. రోబో కుక్కలను వాకింగ్‌కు తీసుకెళ్లేందుకు మనుషులను ఉద్యోగంలోకి తీసుకుంటున్నారు. దీనికోసం గంటకు 20 డాలర్లు.. అంటే మన కరెన్సీలో సుమారు రూ.1,900 చెల్లిస్తున్నారు. వినడానికి ఇది కాస్త వింతగా ఉన్నప్పటికీ.. అమెరికాకు చెందిన ఓ స్టార్టప్ నిజంగానే ఇలాంటి ఉద్యోగాలను ప్రకటించింది.డైమెన్షనల్ (Dimensional) అనే స్టార్టప్ శాన్ ఫ్రాన్సిస్కో నగర వీధుల్లో రోబో కుక్కలను నడిపించేందుకు మనుషుల కోసం వెతుకుతోంది. ది న్యూయార్క్ టైమ్స్ కథనం ప్రకారం.. ఈ ఉద్యోగంలో చేరినవారు రోజుకు నాలుగు నుంచి ఆరు గంటల పాటు రోబో కుక్కలను బయట నడిపించాల్సి ఉంటుంది.అనుభవం అవసరం లేదుఈ ఉద్యోగానికి అప్లై చేయాలంటే రోబోటిక్స్‌లో అనుభవం ఉండాల్సిన అవసరం లేదని కంపెనీ స్పష్టం చేసింది. బయట ఎక్కువసేపు నడవగలగాలి, స్మార్ట్‌ఫోన్ ఉపయోగించడం తెలిసి ఉండాలి. అలాగే సుమారు 15 కిలోల బరువున్న రోబో కుక్కను జాగ్రత్తగా నిర్వహించగలగాలి.రోబోలను ఎలా ఆపరేట్ చేయాలి?, ఎలాంటి జాగ్రత్తలు తీసుకోవాలి?, ఎక్కడ నడిపించాలి?, అనే వివరాలను కంపెనీయే అందిస్తుంది. ఒక్కో షిఫ్ట్ నాలుగు నుంచి ఆరు గంటల పాటు ఉంటుంది. ఇందుకు గంటకు 20 డాలర్లు చెల్లిస్తారు. అంటే.. రోజుకు 6 గంటలు పనిచేస్తే సుమారు రూ.11,400 వరకు సంపాదించవచ్చన్నమాట.ఇక్కడే అసలు ట్విస్ట్ ఉంది. ఈ రోబో కుక్కలను సరదా కోసం వీధుల్లో తిప్పడం లేదు. భవిష్యత్తులో మనుషుల సహాయం లేకుండానే రోడ్లపై తిరిగేలా వాటికి శిక్షణ ఇవ్వడమే కంపెనీ అసలు లక్ష్యం. ఈ రోబో కుక్కల్లో కెమెరాలు, సెన్సార్లు ఉంటాయి. ఇవి చుట్టూ ఉన్న పరిసరాలను గమనిస్తూ సమాచారాన్ని సేకరిస్తాయి. రోడ్లపై ఉన్న అడ్డంకులు, భవనాలు, మనుషులు, ఇతర వస్తువులను గుర్తించడానికి ఈ డేటా ఉపయోగపడుతుంది.100 రోబో డాగ్స్.. 50 హ్యూమనాయిడ్ రోబోలు!డైమెన్షనల్ సంస్థ రోబోటిక్స్ రంగంలో పెద్ద ప్రణాళికలతో ముందుకెళ్తోంది. ఇందులో భాగంగా.. చైనా, జర్మనీ, అమెరికా కంపెనీల నుంచి ఏకంగా 100 రోబో కుక్కలు, 50 హ్యూమనాయిడ్ రోబోలను కొనుగోలు చేసింది.శాన్ ఫ్రాన్సిస్కో వీధుల్లో కనిపిస్తున్న రోబో కుక్కలను చైనాకు చెందిన యూనిట్రీ కంపెనీ నుంచి కొనుగోలు చేశారు. ఒక్కో రోబో కుక్క ధర సుమారు 2,000 డాలర్లు. వీటిని రిమోట్ లేదా మొబైల్ యాప్ ద్వారా కంట్రోల్ చేయవచ్చు.AIకి కూడా ఇంకా మనుషుల సాయం అవసరమే!ప్రస్తుతం AI ఏజెంట్లు రోబోలకు ఆదేశాలు ఇవ్వగలుగుతున్నప్పటికీ.. వాటి హార్డ్‌వేర్‌ను పూర్తిస్థాయిలో నియంత్రించడంలో ఇంకా ఇబ్బందులు ఎదుర్కొంటున్నాయని, రోబో డాగ్ వాకింగ్ ప్రయోగం ద్వారా AI ఏజెంట్లు ఇప్పటికీ రోబోలను నియంత్రించడంలో చాలా వెనుకబడి ఉన్నాయని డైమెన్షనల్ వ్యవస్థాపకుడు స్టాష్ పొమిచ్టర్ వెల్లడించారు. కాబట్టి AIకి కూడా ఇంకా మనుషుల సాయం అవసరమే అని స్పష్టం చేశారు.ఇదీ చదవండి: దిగొచ్చిన బంగారం.. కొనేందుకు మంచి తరుణం!

అమెరికాలో ఘోర విమాన ప్రమాదం జరిగింది. ఈ ఘటనలో విమానంలో ఉన్న వారంతా (తొమ్మిది మంది) మృతి చెందారు. క్రెస్ట్‌హేవెన్‌ సమీపంలో నివాస ప్రాంతంలో ప్రైవేట్‌ జెట్‌ కుప్పకూలింది. సుమారు 8 వేల అడుగుల ఎత్తు నుంచి దక్షిణ ఫ్లోరిడాలోని ఓ నివాస ప్రాంతంలోకి విమానం దూసుకొచ్చింది. టెక్సాస్‌ నుంచి బహామాస్‌ వెళ్తుండగా ప్రమాదం జరిగింది.ప్రమాదానికి కొద్దిసేపటి ముందు విమానం కాక్‌పిట్‌లో జరిగిన సంభాషణకు సంబంధించిన ఆడియో వెలుగులోకి వచ్చింది. పైలట్ తొలుత విమానంపై మంచు పేరుకుపోయిందని చెప్పినట్లు వినిపించింది. అయితే, ఆ తర్వాత విమానం వేగంగా కిందికి దిగిపోతోందని ఆందోళన వ్యక్తం చేశారు. కొద్దిసేపటికే విమానం నేలను ఢీకొట్టబోతోందని సిబ్బంది భయంతో అరిచినట్లు ఆడియోలో వెల్లడైంది.ప్రమాదానికి సంబంధించిన వీడియోలు సోషల్ మీడియాలో వైరల్‌గా మారాయి. విమానం అత్యంత వేగంతో, తీవ్ర వాలుతో నేలను ఢీకొట్టిన వెంటనే భారీ పేలుడు సంభవించినట్లు ఆ దృశ్యాల్లో కనిపిస్తోంది. ప్రమాద స్థలంలో విమాన శకలాలు, రోడ్డుపై ధ్వంసమైన భాగాలు చెల్లాచెదురుగా పడ్డాయి. వాటి చుట్టూ మంటలు ఎగసిపడుతున్న దృశ్యాలు కనిపించాయి. విమాన ప్రమాదం ఇళ్లకు, కార్లకు కేవలం కొన్ని మీటర్ల దూరంలోనే జరిగినట్లు తెలుస్తోంది. అయితే, నేలపై ఉన్నవారెవరూ ప్రాణాలు కోల్పోలేదని ఫ్లోరిడా గవర్నర్ రాన్ డిసాంటిస్ వెల్లడించారు.🇺🇸 Air traffic control audio from a Learjet 60 that crashed in Palm Beach County, Florida on November 1 captures the final moments. The jet, N722BD, left Austin, Texas for the Bahamas with 9 people aboard. Around 12:50 p.m. the crew reported a rapid descent of 10,000 then 20,000 feet per minute, banking 60 degrees, & declared a mayday. A voice is heard saying “We’re going to crash into the ground” & “Holy f*ck, we’re out of time.” The aircraft struck near a mobile home park by Military Trail, erupting in a fireball. All 9 aboard were killed. No one on the ground has been reported killed. FAA & NTSB are investigating. Source: New York Post— Steven Latham (@StevenJLatham1) November 1, 2026ఇదీ చదవండి: వారెన్ బఫెట్ గత 48 ఏళ్లుగా నీళ్లు తాగలేదట..!

చనిపోయిన వారిని తలచుకుంటేనే మనసు బాధతో నిండిపోతుంది. వారి జ్ఞాపకాలు కన్నీళ్లు తెప్పిస్తాయి. కానీ మెక్సికోలో మాత్రం మరణించిన తమ ఆత్మీయుల సంస్మరణను అక్కడి ప్రజలు ఎంతో ఆడంబరంగా, ఆనందంగా జరుపుకుంటారు. ఆ వేడుక పేరే ‘డియా డి లాస్‌ మ్వెర్టోస్‌’, అంటే ‘డే ఆఫ్‌ ది డెడ్‌’. ప్రతి ఏడాది నవంబర్‌ 1, 2 తేదీల్లో జరుపుకునే ఈ వేడుక మరణాన్ని ఒక భయపడాల్సిన అంశంగా కాకుండా, జీవితంలో అదీ ఒక సహజ పరిణామం స్వీకరించాలనే సందేశాన్ని ఇస్తుంది.ఈ ‘డే ఆఫ్‌ ది డెడ్‌’ వేడుకను నవంబర్‌ ఆరంభంలో జరుపుకుంటారు కాబట్టి చాలామంది దీనిని ‘మెక్సికన్‌ హాలోవీన్‌గా’ భావిస్తారు. అయితే హాలోవీన్‌కి, డే ఆఫ్‌ ది డెడ్‌కి మధ్య ఎంతో తేడా ఉంది. హాలోవీన్‌లో భయంకరమైన వేషాలు, దెయ్యాల ఆకారాలు, అస్థిపంజరాలు, స్వీట్లు ప్రధాన ఆకర్షణ. కానీ ‘డే ఆఫ్‌ ది డెడ్‌’లో మరణించిన ఆత్మీయుల జ్ఞాపకాలు, కుటుంబ బంధాలు, ప్రేమ వంటి అంశాలు ఉంటాయి. మెక్సికోలోని ఆదివాసీ సంస్కృతుల్లో ఈ సంప్రదాయ మూలాలు కనిపిస్తాయి. ముఖ్యంగా అజ్‌టెక్‌ నాగరికతలో మరణించినవారికి నైవేద్యాలు సమర్పించి, వారితో ఉన్న బంధాన్ని గుర్తుచేసుకునే ఆచారాలు ఉండేవి. మరణంతో జీవితం ముగిసిపోయినప్పటికీ, మన జ్ఞాపకాల్లో ఆత్మీయులు కొనసాగుతూనే ఉంటారనే భావన ఈ వేడుకలో ప్రముఖంగా కనిపిస్తుంది.అందంగా అలంకరణఈ పండుగలో ప్రధాన ఆకర్షణ ‘ఓఫ్రెండా’ అనే ప్రత్యేక పూజా వేదిక. అంటే స్పానిష్‌ భాషలో ‘సమర్పించటం’ అని అర్థం. మెక్సికన్‌ల నమ్మకం ప్రకారం నవంబర్‌ 1, 2 తేదీల్లో చనిపోయిన వారి ఆత్మలు భూమిపై ఉన్న తమ కుటుంబాలను చూడటానికి తిరిగి వస్తాయని నమ్మకం. అలా వచ్చే ఆత్మలకు స్వాగతం పలకడానికి– మరణించిన వారి పోటోలు, వారికి ఇష్టమైన ఆహార పదార్థాలు, వస్తువులు, జ్ఞాపకాలను గుర్తుచేసే ఇతర వస్తువులతో పూజా వేదికను అలంకరిస్తారు. చక్కెరతో ప్రత్యేకంగా తయారు చేసిన పుర్రెలు, కొవ్వొత్తులు, రంగురంగుల కాగితపు జెండాలు, బంతిపూలను ఆ వేదికపై అమరుస్తారు.ఈ వేడుకల్లో భాగంగా మరణించిన వ్యక్తికి ఇష్టమైన పాటలను వింటారు. వారితో గడిపిన మధుర క్షణాలను గుర్తుచేసుకుంటారు. ఇలా చేయడం వల్ల తమ ఆత్మీయులు తమ జీవితాల్లో ఇప్పటికీ ఒక భాగంగా ఉన్నారనే భావన కలుగుతుందని అక్కడి వారు చెబుతారు. ‘పాన్‌డి మ్వెర్టో’ అనే ప్రత్యేక రొట్టె కూడా ఈ పండుగలో ముఖ్యమైనది. వీటిని కుటుంబ సభ్యులతో కలిసి పంచుకుంటారు. ఈ అలంకరణలు కేవలం అందం కోసమే కాకుండా, మరణించినవారి జ్ఞాపకాలను ప్రేమతో నిలుపుకోవడానికి ప్రతీకలుగా నిలుస్తాయి.ఆత్మీయులను కోల్పోయిన బాధను పూర్తిగా తొలగించలేకపోయినా, వారి జ్ఞాపకాలను ప్రేమతో గుర్తుచేసుకోవడం మనసుకు ఓదార్పునిస్తుంది. మరణించినవారిని కన్నీళ్లతో మాత్రమే కాదు, వారు మన జీవితాల్లో పంచిన ఆనందాన్ని గుర్తుచేసుకుంటూ కూడా గౌరవించవచ్చని ‘డే ఆఫ్‌ ది డెడ్‌’ చాటి చెబుతుంది. అందరికీ వర్తిస్తుంది..‘డే ఆఫ్‌ ది డెడ్‌’ మెక్సికన్‌ సంప్రదాయంలో పుట్టిన వేడుక అయినప్పటికీ, దాని సందేశం అందరికీ వర్తిస్తుంది. ప్రతి ఒక్కరికీ పూర్వీకులు ఉంటారు. తమ జీవితాలపై ప్రభావం చూపిన వ్యక్తులూ ఉంటారు. వారిని గుర్తుచేసుకోవడం, వారి నుంచి నేర్చుకున్న విలువలను కొనసాగించడం ఈ వేడుకలోని అసలైన భావం.

మాస్కో: రష్యా రాజధాని మాస్కోలో భారీ ప్రాణనష్టానికి దారితీసే దాడి జరిగే అవకాశం ఉందని అమెరికా హెచ్చరించింది. ప్రముఖ మ్యూజియం, పార్క్‌ సముదాయమైన త్సారిట్సినో మ్యూజియం రిజర్వ్‌ వద్ద దాడి జరిగే ప్రమాదం ఉందని వెల్లడించింది. మాస్కోలోని అమెరికా రాయబార కార్యాలయం శనివారం భద్రతా హెచ్చరిక జారీ చేసింది. దాడికి సంబంధించి విశ్వసనీయ సమాచారం అందిందని ఎక్స్‌ వేదికగా ప్రకటించింది.దాడి ముప్పు నేపథ్యంలో ప్రజలు ఆ ప్రాంతానికి వెళ్లవద్దని అమెరికా ఎంబసీ సూచించింది. అప్రమత్తంగా ఉండాలని, జనసమూహాలకు దూరంగా ఉండాలని హెచ్చరించింది. ఈ ముప్పుపై రష్యా అధికారులతో కలిసి పనిచేస్తున్నట్లు వెల్లడించింది. దాడికి ఎవరు ప్రణాళిక రచిస్తున్నారనే విషయాన్ని అమెరికా వెల్లడించలేదు. ముప్పునకు సంబంధించిన మరిన్ని వివరాలను కూడా బయటపెట్టలేదు. అయితే, హెచ్చరికలో పేర్కొన్న ప్రాంతం మాస్కోలోని ప్రముఖ పర్యాటక ప్రదేశం కావడంతో భద్రతాపరమైన ఆందోళనలు వ్యక్తమయ్యాయి.అమెరికా నుంచి అందిన సమాచారాన్ని రష్యా ఫెడరల్‌ సెక్యూరిటీ సర్వీస్‌ (ఎఫ్‌ఎస్‌బీ) ధ్రువీకరించింది. దీనిపై తగిన చర్యలు కొనసాగుతున్నాయని ఎఫ్‌ఎస్‌బీ తెలిపింది. మాస్కోలో దాడులకు సంబంధించి అమెరికా గతంలోనూ రష్యాకు నిఘా సమాచారాన్ని అందించింది. 2024 మార్చిలో ఐసిస్‌-కె ఉగ్రవాద సంస్థ మాస్కోలోని కాన్సర్ట్‌ హాల్‌పై దాడి చేయడానికి కొన్ని వారాల ముందే అమెరికా హెచ్చరించింది. ఆ దాడిలో 100 మందికి పైగా ప్రాణాలు కోల్పోయారు.మాస్కో దక్షిణ ప్రాంతంలో త్సారిట్సినో మ్యూజియం రిజర్వ్‌ ఉంది. ఇది పురాతన సామ్రాజ్య కాలం నాటి రాజభవనం, పార్క్‌ సముదాయం. ముఖ్యంగా వారాంతాల్లో పెద్ద సంఖ్యలో సందర్శకులు ఇక్కడికి వస్తుంటారు. అలాంటి ప్రాంతంలో దాడి ముప్పు హెచ్చరిక ప్రాధాన్యం సంతరించుకుంది. మరోవైపు రష్యా-ఉక్రెయిన్‌ యుద్ధానికి ముగింపు పలికే శాంతి ఒప్పందంపై అమెరికా అధ్యక్షుడు డొనాల్డ్‌ ట్రంప్‌ ఆశాభావం వ్యక్తం చేశారు. డిసెంబర్‌లో ఫ్లోరిడాలోని తన ట్రంప్‌ నేషనల్‌ డోరల్‌ రిసార్ట్‌లో జరగనున్న జీ20 సదస్సుకు ముందు ఒప్పందం కుదిరే అవకాశాలున్నాయని పేర్కొన్నారు. ఒప్పందానికి చాలా దగ్గరగా ఉన్నామని వ్యాఖ్యాత బెన్నీ జాన్సన్‌కు ఇచ్చిన ఇంటర్వ్యూలో తెలిపారు.ఇదీ చదవండి: రాజధానిలో టెన్షన్‌.. టెన్షన్‌.. అంతటా పోలీస్‌ పహరా!

వాషింగ్టన్‌: అమెరికాలో ఓట్ల పండగ సందడి జోరందుకుంది. ఇంకో రెండు రోజుల్లో మధ్యంతర ఎన్నికలు జరగనుండగా.. అభ్యర్థులు ఓటరు దేవుళ్లకు దండాలు పెట్టడం మొదలుపెట్టేశారు. దండాలతో ఆగితే బాగుండు కానీ.. భారతీయ ఓటర్ల మనసెరిగిన వారేమో తెలియదు కానీ.. కొందరు దోశలతో ఆకట్టుకునేందుకు ప్రయతి్నస్తే.. ఇంకొందరు దేవుడి గుళ్ల చుట్టూ ప్రదక్షిణలు చేస్తున్న వారి చుట్టూ తిరుగుతున్నారు. అల డల్లాసుపురంలో... భారతీయ అమెరికన్లు అత్యధికంగా ఉండే డల్లాస్‌లో డెమోక్రాట్ల అభ్యర్థి జేమ్స్‌ టలారికో అక్కడి ఇండియన్‌ హోటల్‌లో దోశలు వేస్తూ తనకు మద్దతివ్వమని కోరుకున్నారని వార్తలొచ్చాయి. నల్లటి సూట్, తెల్లటి షర్టుతో జేమ్స్‌ ‘‘వేడి వేడి పెనం మీద ఒక్క గరిటి పిండి...’తో దోసె పోసి పైగా బంగాళా దుంపల కూర కూడా పెట్టి వడ్డించాడట. అది కూడా అరిటాకుపై. ఇంకేముంది.. అక్కడున్న వాళ్లంతో ‘‘భేషో.. భేషు’’ అంటూ కరతాళ ధ్వనులతో అతగాడిని ప్రశంసించేశారు. స్థానిక భారతీయ అమెరికన్లందరూ జేమ్స్‌ చేసిన పనికి మహా సంతుషు్టలైనట్టు వార్తా సంస్థలు చెబుతున్నాయి. డల్లాసుపురముండే టెక్సస్‌ రాష్ట్రంలో ఒక వర్గం రిపబ్లికన్ల నుంచి తరచూ జాత్యాహంకార దాడులు జరుగుతూంటాయి. డల్లాసుపురంలో జేమ్స్‌ ప్రత్యర్థి, రిపబ్లికన్‌ పార్టీ అభ్యర్థి కెన్‌ పాక్స్‌టన్‌. ‘‘జేమ్స్‌ తనకు అందిన అవకాశాన్ని బాగా ఉపయోగించుకుంటున్నాడు. ఇంకోపక్క పాక్స్‌టన్‌ తన చుట్టూ ఇన్‌ఫ్లుయెన్సర్లతో తిరుగుతున్నాడు. భారతీయులను స్కామర్లు అంటూ ఉంటాడీయన. భారతీయ వంటకాలు వాసన కొడుతూంటాయని నిందిస్తూంటాడు. భారతీయ టెక్సన్లను బెదిరిస్తూంటాడు. జేమ్స్‌ మాత్రం సూటు వేసుకుని దోశలేస్తున్నాడు’’ అని జేమ్స్‌ బ్లంట్‌ అనే వ్యాపారవేత్త తన ఎక్స్‌ పోస్టులో వ్యాఖ్యానించాడు. ‘‘ఒక పార్టీ విభజనను వడ్డిస్తూంటే.. ఇంకో పార్టీ దోశలు పంచిపెడుతోంది. వాటి రుచి ఏమో అదిరిపోతోంది’’ అని కూడా ఆయన చెప్పుకొచ్చారు. నారాయణ.. నారాయణ... భారతీయ అమెరికన్లు చెప్పుకోదగ్గ స్థాయిలో ఉన్న అమెరికన్‌ రాష్ట్రాల్లో ఓటర్లను ఆకట్టుకునేందుకు చేస్తున్న ఇంకో ప్రయత్నం ఆలయ దర్శనం!!! కనెక్టికట్‌ గవర్నర్‌ నెడ్‌ లామోంట్‌ మరోసారి ఎన్నికల బరిలో నిలిచారు. రాష్ట్ర అసెంబ్లీ భవనంలో ఏర్పాటు చేసిన దీపావళి వేడుకల్లో డిప్యూటీ సెక్రటరీ ఆఫ్‌ స్టేట్‌ జెనిఫర్‌ బారహోనాతో కలిసి హాజరయ్యారు. ఇంకోపక్క ఒహాయో కాంగ్రెస్‌మాన్‌ గ్రెగ్‌ లాండ్స్‌మాన్‌ షారోన్‌ విల్లేలోని బీఏపీఎస్‌ స్వామినారాయణ దేవాలయంలో జరిగిన 11వ పతోత్సవ వేడుకలకు హాజరయ్యారు. ఈ ఆలయం ఏర్పాటై 11 ఏళ్లయిన సందర్బంగా ఈ వేడుకలు నిర్వహించారు. న్యూజెర్సీ సెనేటర్‌ కోరీ బుకర్‌ అక్షరధామ్‌ దేవాలయంలో దీపావళి ఉత్సవాల్లో పాల్గొంటే కాంగ్రెస్‌ కోసం పోటీ పడుతున్న రాండీ ఫైన్, స్కాట్‌ పెరీలు పెన్సెల్వేనియాలోని హ్యారిస్‌బర్గ్‌ ఆలయ సందర్శన చేపట్టారు. ఇంకో కాంగ్రెస్‌ అభ్యర్థి మిషిగన్‌లోని స్వామినారాయణ దేవాలయానికి వెళ్లి ఆలయ సంప్రదాయాలను అర్థం చేసుకునే ప్రయత్నం చేశారు. అమెరికాలోని హిందూ సమాజం చేస్తున్న సేవల గురించి అడిగి తెలుసుకున్నారు. అమెరికాలోని కాలిఫోరి్నయా, టెక్సస్, న్యూజెర్సీ, న్యూయార్క్, వాషింగ్టన్, ఇల్లినాయి, పెన్సెల్వేనియా, జార్జియాల్లో భారతీయ అమెరికన్లు చెప్పుకోదగ్గ స్థాయిలో ఉన్నారు. జార్జియా, పెన్సెల్వేనియా, మిషిగన్, నార్‌ కారొలీనాలలో ఒకట్రెండు శాతం ఓట్లు అటు ఇటు అయినా ఫలితాలు మారిపోతాయి.

టెహ్రాన్‌: శత్రువు నుంచి ఎదురయ్యే ఎలాంటి ముప్పునైనా తక్షణమే ధీటుగా తిప్పికొట్టాలని, ఈ విషయంలో భౌగోళికంగా ఎలాంటి హద్దులు లేవని ఇరాన్‌ సుప్రీం నేత మొజ్తాబా ఖమేనీ శనివారం తమ సాయుధ బలగాలకు పిలుపునిచ్చారు. శనివారం ఆయన టెలిగ్రామ్‌లో ఈ విషయం స్పష్టం చేశారు. అమెరికా, ఇజ్రాయెల్‌లకు చెందిన అన్ని రకాల ఆస్తులను దాడుల పరిధిలోకి తెచ్చేలా లక్ష్యాల జాబితాను అప్‌డేట్‌ చేయాలని ఆయన మిలటరీని ఆదేశించారు. శత్రువు తిరిగి సైనిక, ఉగ్ర దాడులను ప్రారంభించిన పక్షంలో ముగించే విషయం ఇక ఇరాన్‌ చేతుల్లోనే ఉంటుందని ఖమేనీ వ్యాఖ్యానించారు. మళ్లీ యుద్ధానికి అవసరమయ్యే ఆయుధాలు, మందుగుండు సామగ్రి ఉత్పత్తిని పెంచాలని, సైనిక నిఘాను బలోపేతం చేయాలని, స్వదేశీ రక్షణ సామర్థ్యాలను మరింతగా అభివృద్ధి చేయాలని సాయుధ దళాలకు ఆదేశాలు జారీ చేశారు. ఇరాన్‌పై త్వరలోనే తీవ్ర స్థాయిలో దాడులు తప్పవంటూ అమెరికా అధ్యక్షుడు డొనాల్డ్‌ ట్రంప్‌ పదేపదే హెచ్చరికలు చేస్తున్న వేళ ఇరాన్‌ నాయకత్వం ఈ మేరకు స్పందించింది. ఇరాన్, అమెరికా, ఇజ్రాయెల్‌ల మధ్య ఉద్రిక్తతలు, సౌదీ అరేబియాపై యెమెన్‌లోని హౌతీ రెబెల్స్‌ క్షిపణులు, డ్రోన్లతో దాడులకు పాల్పడులకు పాల్పడుతున్న వేళ ఈ పరిణామం చోటుచేసుకోవడం గమనార్హం. శాంతియుత వాతావరణం నెలకొల్పే క్రమంలో ఇటీవల టెహ్రాన్‌లో సౌదీ, తుర్కియే, పాక్‌ ప్రతినిధులు ఇరాన్‌ నాయకత్వంతో చర్చలు జరిపారు. సయోధ్య కుదిర్చేందుకు శుక్రవారం ఖతార్‌ ప్రతినిధి బృందం సైతం టెహ్రాన్‌కు చేరుకుంది. అయితే, అణు కార్యక్రమం, హార్మూజ్‌ దిగ్బంధనం వంటి అంశాలపై ఇరాన్‌ పట్టువీడలేదని సమాచారం. మరోసారి యుద్ధమే జరిగితే తీవ్ర వినాశనం తప్పదని, ఎవరూ దాని నుంచి తప్పించుకోలేరని ఈజిప్టు విదేశాంగ మంత్రి బదర్‌ అబ్దెలట్టీ ఈ పరిస్థితుల్లో హెచ్చరికలు చేయడం గమనార్హం.

అమెరికా: అమెరికా అధ్యక్షుడు డొనాల్డ్ ట్రంప్ ఆరోగ్యంపై మరోసారి చర్చ మొదలైంది. ఫ్లోరిడాలోని డేటోనా బీచ్‌లో తాజాగా నిర్వహించిన ఎన్నికల ప్రచార ర్యాలీలో ఆయన కంటి సమస్యతో ఇబ్బంది పడ్డారు. అంతేకాదు ప్రసంగం మధ్యలోనే ఆగి, నీటిలో తడిపిన టిష్యూతో కంటిని తుడుచుకున్నారు. అనంతరం ఆయన ప్రసంగాన్ని కొనసాగించారు.‘నా కంట్లో ఏదో పడింది.. కొంచెం చూడండి’ అంటూ ట్రంప్ అక్కడ ఉన్న తన స్టాఫ్‌ను కోరారు. కంటిని తుడుచుకున్న తర్వాత ఉపశమనం కలిగిందని, ఐ డ్రాప్స్ ఉంటే బాగుండేదని ఆయన వ్యాఖ్యానించారు. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్‌గా మారింది.అంతేకాదు ఇటీవల కాన్సాస్, అయోవాలో జరగాల్సిన ప్రచార కార్యక్రమాలను కూడా ట్రంప్ తొలుత రద్దు చేయడం ఆయన ఆరోగ్యంపై అనుమానాలకు తావిచ్చింది. అయితే తన ఆరోగ్యం అద్భుతంగా ఉందని ట్రంప్ స్పష్టం చేశారు. అనంతరం ఆ రెండు ర్యాలీలను తిరిగి నిర్వహించారు.Trump: Do you mind? I got a little thing in my eye. Watch this. *dips towel in water and wipes eye* https://t.co/GSuuDDwIDY— Acyn (@Acyn) October 31, 2026కాగా, కంటి సమస్యకు సంబంధించిన వీడియోపై నెటిజన్లు భిన్నంగా స్పందిస్తున్నారు. ట్రంప్ ఆరోగ్యం బాగోలేదని కొందరు, మరికొందరు ఆయన వయసు, ఆరోగ్య పరిస్థితిపై పలు ప్రశ్నలు లేవనెత్తుతున్నారు.ఇక మరోవైపు అమెరికాలో జరగనున్న మధ్యంతర ఎన్నికలు అధ్యక్షుడు ట్రంప్‌కు కీలకంగా మారాయి. ఈ ఎన్నికల్లో ప్రతినిధుల సభలోని 435 స్థానాలతో పాటు సెనేట్‌లో మూడో వంతు స్థానాలకు పోలింగ్ జరగనుంది. ఇదీ చదవండి: ఎల్‌కేజీ బాలికపై మూడవ తరగతి విద్యార్థి భీకర దాడి

కాలిఫోర్నియాలో కనిపించకుండా పోయిన భారత సంతత మహిళ అనుమానాస్పద స్థితిలో శవమైన ఘటన విషాదాన్ని నింపింది. ఆగస్టు నుంచి కనిపంచకుండా పోయిన 72 ఏళ్ల భారత సంతతి వృద్ధురాలు అజిత్ కౌర్ మృతదేహాన్ని ఒక కాలువలో అధికారులు గుర్తించారు. అజిత్ కౌర్ అనే మహిళ మృతదేహాన్ని అక్టోబర్ 24, శనివారం కనుగొన్నట్లు సెరెస్ పోలీస్ డిపార్ట్‌మెంట్ (CPD) తెలిపింది.పోలీసుల సమాచారం ప్రకారం సీరెస్ (Ceres) నగరం పరిధిలోని కాసా గ్రాండే అపార్ట్‌మెంట్ కాంప్లెక్స్ నుంచి అజిత్ కౌర్ ఆగస్టు 23న అదృశ్యమయ్యారు. ఆ రోజు రాత్రి 1:45 గంటల ప్రాంతంలో విట్మోర్ అవెన్యూ, మిట్చెల్ రోడ్ సమీపంలో ఆమె చివరిసారిగా కనిపించినట్లు పోలీసులు తెలిపారు. టర్లాక్ ఇరిగేషన్ డిస్ట్రిక్ట్ (TID) ఉద్యోగి ఒకరు తన రోజువారీ తనిఖీల్లో భాగంగా కాలువ వద్ద పెట్రోలింగ్ చేస్తుండగా, సెంట్రల్ అవెన్యూ - కీస్ రోడ్ సమీపంలోని 'లోయర్ లాటరల్ 3' కాలువలో మృతదేహం తేలియాడుతూ ఉండగా గుర్తించారని పోలీసులు తెలిపారు. అనంతరం, మృతదేహాన్ని స్టానిస్లాస్ కౌంటీ కరోనర్ కార్యాలయానికి (SCCO) తరలించగా, అక్టోబర్ 27న అది అజిత్ కౌర్‌దేనని గుర్తించారు.ఇదీ చదవండి: 5 స్టార్‌ హోటల్‌ స్విమ్మింగ్‌ పూల్‌లో షాక్‌ : ఇద్దరు విదేశీయులు దుర్మరణంపోలీసుల దర్యాప్తుఅపార్ట్‌మెంట్ కాంప్లెక్స్ తూర్పు వైపు ఉన్న TID కాలువలోకి అజిత్ కౌర్ ప్రమాదవశాత్తు పడిపోయి ఉండవచ్చని దర్యాప్తు అధికారులు అనుమానించారు. డాగ్ స్క్వాడ్‌ సహా పోలీసులు విస్తృతంగా గాలింపు చర్యలు చేపట్టారు. స్థానిక పరిసరాలతో పాటు కాలువ ప్రాంతాలన్నింటినీ జల్లెడ పట్టారు. స్టానిస్లాస్ కౌంటీ షెరీఫ్ డిపార్ట్‌మెంట్ డైవ్ యూనిట్ సాయంతో నీటి అడుగున పనిచేసే సోనార్ డ్రోన్‌లను ఉపయోగించి కాలువల్లో వెతికారు. నీటి ప్రవాహ మార్గాలను అంచనా వేసేందుకు TID అధికారులతో కలిసి మ్యాపింగ్ కూడా చేశారు.మరోవైపు ఈ బాధాకరమైన సమయంలో అజిత్ కౌర్ కుటుంబ సభ్యులకు, బంధువులకు సీరెస్ పోలీస్ డిపార్ట్‌మెంట్ తమ సానుభూతిని ప్రకటించింది. అలాగే దర్యాప్తులో సహకరించిన ఇతర భద్రతా విభాగాలకు పోలీసులు ధన్యవాదాలు తెలిపారు. ఇదీ చదవండి: పూజకు పూలు కోస్తూ బాల్కనీ నుంచి పడి తండ్రీ కొడుకులు మృతి

అమెరికా: అమెరికాలో శాశ్వత నివాసం పొందాలనుకునే విదేశీ పెట్టుబడిదారులకు ట్రంప్ ప్రభుత్వం కీలక షాక్ ఇచ్చింది. EB-5 ఇన్వెస్టర్ వీసా కార్యక్రమానికి సంబంధించిన దరఖాస్తు ఫీజులను భారీగా పెంచుతూ అమెరికా హోంల్యాండ్ సెక్యూరిటీ విభాగం (DHS) కొత్త నిబంధనలు తీసుకొచ్చింది. ఈ పెంపు 2026 నవంబర్ 30 నుంచి అమల్లోకి రానుంది. EB-5 వీసా ద్వారా అర్హత కలిగిన విదేశీ పెట్టుబడిదారులు అమెరికాలో శాశ్వత నివాసం పొందవచ్చు. ఇందుకోసం సాధారణ వ్యాపారాల్లో కనీసం 10.5 లక్షల డాలర్లు లేదా మౌలిక సదుపాయాల ప్రాజెక్టుల్లో 8 లక్షల డాలర్లు పెట్టుబడి పెట్టాలి. అలాగే కనీసం 10 పూర్తిస్థాయి ఉద్యోగాలను కూడా వారు సృష్టించాలి.భారీగా పెరగనున్న దరఖాస్తు ఫీజులువ్యక్తిగత పెట్టుబడిదారులు సమర్పించే I-526 దరఖాస్తు ఫీజు 3,675 డాలర్ల నుంచి ఒక్కసారిగా 7,615 డాలర్లకు పెరగనుంది. ప్రాంతీయ కేంద్రాల ద్వారా దరఖాస్తు చేసే I-526E ఫీజు మొత్తం 7,850 డాలర్లుగా నిర్ణయించారు. గ్రీన్‌కార్డుపై షరతుల తొలగింపునకు ఉపయోగించే I-829 ఫీజు 3,750 డాలర్ల నుంచి 5,000 డాలర్లకు పెరగనుంది. ఈ కొత్త నిబంధనలతో మొత్తం తొమ్మిది రకాల దరఖాస్తులపై సగటున 70.7 శాతం ఫీజు పెరుగుదల ఉంటుందని DHS వెల్లడించింది. దీనివల్ల ఏడాదికి సుమారు 16,600 దరఖాస్తులు ప్రభావితమవుతాయని ఓ అంచనా.ప్రాంతీయ కేంద్రాలకూ అదనపు భారం20 మందికి పైగా అర్హత కలిగిన పెట్టుబడిదారులున్న ప్రాంతీయ కేంద్రాల వార్షిక ఫీజు 20 వేల డాలర్ల నుంచి 22 వేల డాలర్లకు పెరగనుంది. 20 లేదా అంతకంటే తక్కువ మంది పెట్టుబడిదారులున్న కేంద్రాలకు ఈ ఫీజు 10 వేల డాలర్ల నుంచి 11 వేల డాలర్లకు చేరనుంది. నిర్ణీత గడువులో ఫీజులు చెల్లించకపోతే జరిమానాలతో పాటు ప్రాంతీయ కేంద్రాల గుర్తింపు కూడా రద్దయ్యే ప్రమాదం కూడా ఉంది.ఇదీ చదవండి: గ్యాస్, ఎరువుల కొరతపై తప్పుడు ప్రచారం.. విపక్షాలపై ప్రధాని మోదీ ఫైర్

ఇరాన్‌తో అమెరికా యుద్ధం మరింత తీవ్రమయ్యే అవకాశాలు కనిపిస్తున్న వేళ కీలక పరిణామం చోటుచేసుకుంది. అమెరికా సైన్యం కీలకమైన ముందస్తు సన్నద్ధతకు సిద్ధం కావడం కలకలం రేపుతోంది. యుద్ధంలో భారీ సంఖ్యలో సైనికులు ప్రాణాలు కోల్పోతే.. వారి మృతదేహాలను తాత్కాలికంగా ఖననం చేసేందుకు ప్రత్యేక శిక్షణ ఇస్తోంది. 1950-53 కొరియా యుద్ధం తర్వాత ఈ రకమైన శిక్షణ ఇవ్వడం ఇదే తొలిసారి..దాదాపు ఏడు దశాబ్దాల తర్వాత..దాదాపు ఏడు దశాబ్దాల తర్వాత అమెరికా సైన్యం మళ్లీ సామూహిక సమాధుల తవ్వకాలకు సంబంధించిన కసరత్తు చేపట్టడం ఇప్పుడు చర్చనీయాంశంగా మారింది. భవిష్యత్తులో భారీ స్థాయిలో ప్రాణనష్టం సంభవించే పరిస్థితులను ఎదుర్కొనేందుకే ఈ శిక్షణ చేపట్టినట్లు న్యూస్‌వీక్ కథనం వెల్లడించింది. ఇప్పటికే ఇరాన్‌తో కొనసాగుతున్న యుద్ధం అమెరికా సైనికుల ప్రాణనష్టంపై ఆందోళనలు పెంచుతోంది. గత నెలలో 22 మంది అమెరికా సైనిక సిబ్బంది మరణించినట్లు వాషింగ్టన్ పోస్ట్ కథనం వెల్లడించింది. పెంటగాన్‌ అధికారిక డేటాబేస్‌లో పేర్కొన్న సంఖ్య కంటే ఇది నలుగురు ఎక్కువ. అయితే, ఈ మరణాల్లో కొన్ని నేరుగా యుద్ధానికి సంబంధించినవి కాకపోయినా.. మధ్యప్రాచ్యంలో ఉద్రిక్తతల మధ్య విధులు నిర్వహిస్తున్న అమెరికా సైనిక సిబ్బందికి సంబంధించినవేనని ఆ పత్రిక పేర్కొంది. ఈ కథనాన్ని అమెరికా రక్షణ మంత్రి పీట్ హెగ్‌సెత్‌ తీవ్రంగా ఖండించారు. అదంతా పూర్తిగా అబద్ధమని కొట్టిపారేశారు.ఆపరేషన్ డ్రాగన్ కోవెనెంట్ ఫేజ్-2 పేరుతోన్యూస్‌వీక్ కథనం ప్రకారం.. ‘ఆపరేషన్ డ్రాగన్ కోవెనెంట్ ఫేజ్-2’ పేరుతో ఈ శిక్షణ గత నెలలో ప్రారంభమైంది. ఉత్తర కరోలినాలోని ఫోర్ట్ బ్రాగ్‌లో నిర్వహించారు. ఇందులో 3వ కార్ప్స్ సస్టెయిన్‌మెంట్ కమాండ్, 20వ ఇంజినీర్ బ్రిగేడ్‌కు చెందిన సైనికులతో పాటు మిలటరీ చాప్లిన్లు, ఇతర మతపరమైన సహాయక సిబ్బంది పాల్గొన్నారు. బుల్డోజర్లు, ఎక్స్‌కవేటర్లు వంటి భారీ యంత్రాలను ఉపయోగించి తాత్కాలికంగా సామూహిక సమాధులు ఏర్పాటు చేయడం, భారీ యుద్ధంలో మరణించిన సైనికుల మృతదేహాలను ఎలా నిర్వహించాలనే అంశాలపై సాధన చేశారు.ఇంత పెద్ద స్థాయిలో..కొరియా యుద్ధం తర్వాత ఇంత పెద్ద స్థాయిలో తాత్కాలిక సామూహిక ఖనన ఏర్పాట్లు చేయాల్సిన అవసరం అమెరికా సైన్యానికి రాలేదని ఆర్మీ వెల్లడించింది. ఆ యుద్ధంలో 36,515 మంది అమెరికా సైనికులు మరణించగా.. మరికొందరు గల్లంతయ్యారు. మరో 7,245 మంది శత్రువులకు బందీలుగా చిక్కారు. గత 25 ఏళ్లలో ఇరాక్‌, ఆఫ్ఘనిస్తాన్‌లలో జరిగిన యుద్ధాల సమయంలో విధుల్లో ప్రాణాలు కోల్పోయిన అమెరికా సైనికుల మృతదేహాలను వెంటనే స్వదేశానికి తరలించేవారు. దీంతో పెద్ద ఎత్తున తాత్కాలిక సమాధుల ఏర్పాట్లు చేయాల్సిన పరిస్థితి రాలేదని ఆర్మీ తెలిపింది.భవిష్యత్తులో..అయితే, భవిష్యత్తులో భారీ సంఖ్యలో సైనికులు మరణిస్తే ఒక్కొక్కరి మృతదేహాన్ని విడివిడిగా ఖననం చేయడం, వ్యక్తిగత మతపరమైన అంత్యక్రియలు నిర్వహించడం సాధ్యం కాకపోవచ్చు. అలాంటి పరిస్థితుల్లో సైన్యం సమర్థంగా వ్యవహరించేందుకు ఈ శిక్షణ ఉపయోగపడుతుందని పేర్కొంది. మృతదేహాలను వెలికితీసి భద్రపరిచే ప్రక్రియ కొనసాగుతున్నప్పటికీ యుద్ధ కార్యకలాపాలు ఆగకపోవచ్చని వివరించింది.అమెరికా సైన్యం నిర్దేశించిన ప్రామాణిక విధానం ప్రకారం.. ఒక తాత్కాలిక సామూహిక ఖనన స్థలంలో ఐదు పొడవైన గోతులు ఉంటాయి. వీటిలో గరిష్టంగా 100 మంది మృతదేహాలను ఖననం చేసేందుకు వీలుంటుంది. ఉత్తర కరోలినాలో నిర్వహించిన శిక్షణలో ఒక్కో సమాధి స్థలాన్ని సిద్ధం చేసేందుకు సగటున గంటా 15 నిమిషాల సమయం పట్టినట్లు సైన్యం తెలిపింది. ఎనిమిది బుల్డోజర్లు, నాలుగు సైనిక ఎక్స్‌కవేటర్లతో 24 గంటల్లో గరిష్టంగా 2,400 మంది సైనికుల మృతదేహాలను తాత్కాలికంగా ఖననం చేసేందుకు ఏర్పాట్లు చేయవచ్చని వెల్లడించింది.అయితే, మృతదేహాలను ఖననం చేయడమే ఈ శిక్షణ ప్రధాన ఉద్దేశం కాదు. వాటిని భద్రపరిచి, తర్వాత గుర్తించేలా చర్యలు తీసుకోవడం, చివరకు స్వదేశానికి తరలించడం కూడా ఇందులో కీలక అంశాలు. యుద్ధంలో మరణించిన సైనికుల మృతదేహాలను గౌరవప్రదంగా చూసుకోవడం, వాటి గుర్తింపును కాపాడటం ప్రతి స్థాయి కమాండర్ల బాధ్యతగా అమెరికా సైనిక నిబంధనలు పేర్కొంటున్నాయి. అయితే, సామూహిక సమాధుల శిక్షణను ఇరాన్‌ యుద్ధం కోసమే చేపట్టారనే అధికారిక ప్రకటన వెలువడలేదు.ఇదీ చదవండి: తొందరపడొద్దు.. ట్రంప్‌నకు సౌదీ కీలక రిక్వెస్ట్‌

మధ్యంతర ఎన్నికలు ముగియగానే అమెరికా.. ఇరాన్‌పై మరోసారి విరుచుకుపడనుందనే వార్తల నేపథ్యంలో.. ఇరాన్‌పై సైనిక చర్యకు దిగే ముందు దౌత్యపరమైన చర్చలకు మరో అవకాశం ఇవ్వాలంటూ అమెరికా అధ్యక్షుడు డొనాల్డ్‌ ట్రంప్‌ను సౌదీ అరేబియా కోరింది. ఇరాన్‌పై సైనిక దాడి విషయంలో తుది నిర్ణయం తీసుకునే ముందు సంయమనం పాటించాలని, దౌత్యానికి మరికొంత సమయం ఇవ్వాలని ట్రంప్‌ యంత్రాంగానికి విజ్ఞప్తి చేసినట్లు అక్కడి మీడియా కథనాలు వెల్లడిస్తున్నాయి.ట్రంప్‌ యంత్రాంగంలోని ఉన్నతాధికారులను సౌదీ అరేబియా సీనియర్‌ అధికారులు మరింత సమయం కోరినట్లు సమాచారం. అమెరికా.. ఇరాన్‌పై దాడికి ఆదేశిస్తే.. ఇరాన్‌ ఇస్లామిక్‌ రివల్యూషనరీ గార్డ్‌ కార్ప్స్‌ (ఐఆర్‌జీసీ), ఆ దేశ సైన్యం ప్రతీకార దాడులకు దిగవచ్చని రియాద్‌ ఆందోళన చెందుతోంది. ముఖ్యంగా సౌదీ అరేబియాలోని నీటి సరఫరా, విద్యుత్‌ మౌలిక సదుపాయాలతో పాటు చమురు, ఇంధన రంగానికి సంబంధించిన కీలక కేంద్రాలను ఇరాన్‌ లక్ష్యంగా చేసుకునే ప్రమాదం ఉందని భావిస్తోంది.కొద్ది రోజుల క్రితం మక్కా సంయుక్త రక్షణ ఒప్పందంలో భాగమైన టర్కీ, సౌదీ అరేబియా, పాకిస్థాన్‌ దేశాల ఉన్నతస్థాయి ప్రతినిధులు ఇరాన్‌ పర్యటనకు వెళ్లారు. ఇరాన్‌ అధ్యక్షుడు మసూద్‌ పెజెష్కియాన్‌, విదేశాంగ మంత్రి అబ్బాస్‌ అరాగ్చీ, సుప్రీం నేషనల్‌ సెక్యూరిటీ కౌన్సిల్‌ కార్యదర్శి మొహ్సెన్‌ రెజాయ్‌లతో సమావేశమయ్యారు. ఈ ప్రతినిధి బృందంలో సౌదీ రక్షణ మంత్రి ప్రిన్స్‌ ఖలీద్‌ బిన్‌ సల్మాన్‌ అల్‌ సౌద్‌ కూడా ఉన్నారు.ఈ సమావేశాల్లో ఇరాన్‌కు సౌదీ అరేబియా ఓ కీలక విజ్ఞప్తి చేసినట్లు సమాచారం. ఒకవేళ ఇరాన్‌-అమెరికా మధ్య మళ్లీ ఘర్షణలు ప్రారంభమైతే.. సౌదీలోని కీలక చమురు, గ్యాస్‌ కేంద్రాలపై దాడులు చేయొద్దని కోరినట్లు తెలిపాయి. అయితే, ఇందుకు సంబంధించి ఎలాంటి హామీ ఇచ్చేందుకు ఇరాన్‌ నిరాకరించింది.మార్చిలో ఇరాన్‌పై ఇజ్రాయెల్‌, అమెరికా సంయుక్తంగా నిర్వహించిన ఆపరేషన్‌ రోరింగ్‌ లయన్‌, ఆపరేషన్‌ ఎపిక్‌ ఫ్యూరీ’ సమయంలో ఇరాన్‌ సౌదీ అరేబియాలోని పలు ప్రాంతాలపై క్షిపణులు, డ్రోన్లతో దాడులు చేసింది. అయితే, ఒక దశలో రియాద్‌ నుంచి వచ్చిన హెచ్చరికలతో ఇరాన్‌ దాడులను తగ్గించి.. చివరకు నిలిపివేసింది. దాడులు కొనసాగిస్తే అది తమ గీతను దాటడమేనని, పరిస్థితి ఇలాగే కొనసాగితే ఇరాన్‌పై తాము కూడా దాడులు చేయాల్సి వస్తుందని సౌదీ అరేబియా హెచ్చరించిన సంగతి తెలిసిందే.ఇదీ చదవండి: ఇజ్రాయెల్‌లో హంగ్‌.. నెతన్యాహూకు కలిసొచ్చేవి ఇవేనా?

యుద్ధంలో క్షిపణులు, డ్రోన్లతో విరుచుకుపడుతున్న ఇరాన్‌.. తన ఆయుధ సంపత్తిని రహస్యంగా పెంచుకుంటోంది. అమెరికా ఆంక్షలు, నౌకాదళ దిగ్బంధనాన్ని సైతం తప్పించుకుంటూ భారీగా సైనిక సామగ్రిని దిగుమతి చేసుకుంటోంది. ఇందుకోసం ఏకంగా 5 వేలకుపైగా రహస్య సంస్థలతో అంతర్జాతీయ నెట్‌వర్క్‌ను ఏర్పాటు చేసుకున్నట్లు రాయిటర్స్‌ తాజాగా ఓ కథనంలో వెల్లడించింది. 2025 జనవరి నుంచి 2026 జూన్‌ వరకు ఈ వ్యవస్థ ద్వారా 2 బిలియన్‌ డాలర్లకు పైగా విలువైన సైనిక సామగ్రిని దిగుమతి చేసుకున్నట్లు గుర్తించింది.ఇరాన్‌ రక్షణ మంత్రిత్వ శాఖ (MOD) పేరుతో ప్రారంభమయ్యే 5,000కుపైగా సంస్థలు ఈ నెట్‌వర్క్‌లో ఉన్నట్లు రాయిటర్స్‌ గుర్తించింది. వీటికి టెహ్రాన్‌లోని రక్షణ మంత్రిత్వ శాఖ చిరునామానే ఉంది. ఈ సంస్థలు విదేశీ కొనుగోళ్లు, ఆర్థిక లావాదేవీలు, సైనిక అవసరాలకు సంబంధించిన దిగుమతులను నిర్వహిస్తున్నాయి. ఇరాన్‌ రివల్యూషనరీ గార్డ్‌ కార్ప్స్‌ (IRGC)తోనూ వీటికి సంబంధాలున్నట్లు పరిశోధనలో వెల్లడైంది.ఒక్క సంస్థ ద్వారానే 2.3 బిలియన్‌ డాలర్లుఈ నెట్‌వర్క్‌లో MOD 346428 అనే సంస్థ కీలకంగా వ్యవహరించింది. 2025 జనవరి నుంచి 2026 జూన్‌ వరకు ఈ సంస్థ 2.3 బిలియన్‌ డాలర్ల విలువైన సైనిక సామగ్రిని దిగుమతి చేసుకుంది. రాకెట్‌ ఇంధనానికి అవసరమైన రసాయనాలు, పేలుడు పదార్థాలు, ఆయుధ విడిభాగాలు, విమాన ఇంజిన్ల భాగాలు, భారీ ట్రక్కులు ఇందులో ఉన్నాయి. చైనా, రష్యా, జర్మనీ తదితర దేశాల నుంచి ఈ సరుకులు వచ్చినట్లు రికార్డులు వెల్లడించాయి. ఇదిలా ఉండగా... విదేశీ కొనుగోళ్ల కోసం ఇరాన్‌ నేరుగా డబ్బు బదిలీ చేయడం లేదు. విదేశాల్లోని మధ్యవర్తులు, షెల్‌ కంపెనీల ద్వారా లావాదేవీలు నిర్వహిస్తోంది. రాయిటర్స్‌ పరిశీలించిన దిగుమతుల్లో 97 శాతం చెల్లింపులు ఎలాంటి కరెన్సీ బదిలీ లేకుండానే పూర్తయ్యాయి. అక్రమ చమురు విక్రయాల ద్వారా విదేశాల్లో సంపాదించిన డబ్బుతో అక్కడే వస్తువులను కొనుగోలు చేసి ఇరాన్‌కు తరలిస్తున్నట్లు తెలిసింది.క్షిపణి లాంచర్లుగా ట్రక్కులుఇరాన్‌ కేవలం ఆయుధ విడిభాగాలనే కాకుండా భారీ వాహనాలను కూడా దిగుమతి చేసుకుంటోంది. 2025 జనవరి నుంచి 2026 జూన్‌ మధ్య 435 ఐవెకో ట్రక్కులను కొనుగోలు చేసింది. వీటితోపాటు టయోటా హైలక్స్‌, ల్యాండ్‌ క్రూయిజర్‌, టండ్రా వాహనాలను కూడా దిగుమతి చేసుకుంది. సాధారణ ట్రక్కుల మాదిరిగా కనిపించే వాహనాలను క్షిపణి ప్రయోగ వాహనాలుగా మార్చుకునే అవకాశం ఉందని నిపుణులు చెబుతున్నారు. 2026 ఫిబ్రవరి 28న యుద్ధం ప్రారంభమైన తర్వాత అమెరికా, ఇజ్రాయెల్‌ ఇరాన్‌ క్షిపణి, డ్రోన్‌ తయారీ కేంద్రాలపై దాడులు చేశాయి. అమెరికా నౌకాదళ దిగ్బంధనం కూడా కొనసాగింది. అయినప్పటికీ ఇరాన్‌ దిగుమతులు ఆగలేదు. మార్చిలో దిగుమతులు 47 శాతం తగ్గి 5.4 కోట్ల డాలర్లకు పడిపోయినా, మే నాటికి మళ్లీ 7.7 కోట్ల డాలర్లకు పెరిగాయి. రష్యా నుంచి డిటోనేటర్లు, చైనా నుంచి రాకెట్‌ ఇంధన తయారీకి అవసరమైన రసాయనాలు, టైటానియం వంటి పదార్థాలు వచ్చాయి.బ్యాంకు రికార్డులతో వెలుగులోకి..ఇరాన్‌ ప్రభుత్వ బ్యాంకు సెపాకు చెందిన వేలాది పత్రాలను పరిశీలించిన 240 అనలిటిక్స్‌ సంస్థ ఈ రహస్య నెట్‌వర్క్‌ను గుర్తించింది. 2024 చివరి నాటికి 36 సంస్థల విదేశీ మారక ఖాతాల్లోనే 1.2 బిలియన్‌ డాలర్లు ఉన్నట్లు రికార్డులు వెల్లడించాయి. ఈ వివరాలను బ్యాంకు ఖాతాలు, దిగుమతి పత్రాలు, కంపెనీల రిజిస్ట్రేషన్‌ వివరాలతో సరిపోల్చి రాయిటర్స్‌ పరిశోధన చేపట్టింది. ఈ నెట్‌వర్క్‌ ఇరాన్‌ సైనిక వ్యవస్థకు కీలకమైన ఆర్థిక వెన్నెముకగా పనిచేస్తోందని అమెరికా ట్రెజరీ శాఖ మాజీ అధికారి మియాద్‌ మాలెకీ అభిప్రాయపడ్డారు. అయితే ఈ పరిశోధనపై ఇరాన్‌ ప్రభుత్వ సంస్థలు స్పందించలేదు. మొత్తంగా అమెరికా ఆంక్షలు, యుద్ధం, దిగ్బంధనం మధ్య కూడా ఇరాన్‌ తన క్షిపణి, డ్రోన్‌ సామర్థ్యాన్ని నిలబెట్టుకునేందుకు రహస్య దిగుమతుల వ్యవస్థను ఉపయోగించుకుంటున్నట్లు తెలుస్తోంది.ఇదీ చదవండి: ఇజ్రాయెల్‌లో ఓట్ల లెక్కింపు పూర్తి.. నెతన్యాహుకు చుక్కెదురు?

వాషింగ్టన్‌: మధ్యంతర ఎన్నికలు ముగియగానే అమెరికా ఇరాన్‌పై మరోసారి విరుచుకుపడనుందా? తాజా వార్తలను బట్టి చూస్తే ఇది నిజమే అనిపిస్తోంది. అమెరికా అధికారులు ఇప్పటికే పశ్చిమాసియాలోని తమ మిత్రదేశాలకు ఈ మేరకు సందేశాలు పంపినట్లు పేరు చెప్పడానికి ఇష్టపడని ఇద్దరు దౌత్యవేత్తల ద్వారా తెలిసింది. ఈసారి కొన్ని రోజులపాటు దాడులు కొనసాగవచ్చునని మిత్రదేశాలకు సమాచారం వెళ్లిందని, ప్రతిగా ఇరాన్‌ ఇంధన, కీలక మౌలిక సదుపాయాలపై ప్రతిదాడులకు దిగే అవకాశమున్నందున జాగ్రత్త పడాలని సూచించినట్లు తెలిపింది. అయితే ఇరాన్‌పై మళ్లీ దాడులు చేయడంపై అధ్యక్షుడు ట్రంప్‌ ఇప్పటివరకూ నిర్ణయం ఏదీ తీసుకోలేదని కూడా వీరు స్పష్టం చేవారు. కాకపోతే ఈ దిశగా ఆయన పలుమార్లు ప్రకటనలు చేశారని చెప్పారు. ఈ నేపథ్యంలోనే మిత్రదేశాలకు అమెరికా సమాచారం పంపడం ప్రాధాన్యం సంతరించుకుంది. దాడులు మళ్లీ మొదలవుతాయన్న అనుమానాన్ని రేకెత్తిస్తోంది. ఈ అంశాలపై వ్యాఖ్యానించేందుకు అమెరికా నిరాకరించింది కూడా. ఇదిలా ఉంటే ఇరాన్‌ విదేశీ వ్యవహారాల శాఖ మంత్రి అబ్బాస్‌ అరగాచీ ఎక్స్‌లో ఒక పోస్టు చేçస్తూ... తాము దౌత్యమార్గాల ద్వారానే సమస్యను పరిష్కరించుకునేందుకు అవకాశం ఇవ్వాలనినుకుంటున్నట్లు తెలిపారు. అంతేకాకుండా మధ్యవర్తుల ద్వారా గత నెలలో ట్రంప్‌ పూర్తిగా తిరస్కరించిన ప్రతిపాదనను మరోసారి అమెరికా ముందు ఉంచేందుకు ఇరాన్‌ ప్రయ తి్నస్తున్నట్లు సమాచారం. యునైటెడ్‌ అరబ్‌ ఎమిరేట్స్‌ సైతం ఇరుపక్షాలు విజ్ఞతతో వ్యవహరించాలని, ఉద్రిక్తతలను తగ్గించుకునేందుకు రాజకీయ మార్గాలను అన్వేíÙంచాలని సూచించింది. అమెరికా సిద్ధంగానే ఉందా? అమెరికా ఇరాన్‌పై చివరిసారి దాడులు జరిపింది సెపె్టంబర్‌ నెలలో. ఆ తరువాత ఇరాన్‌ మద్దతుతో హౌతీ తిరుగుబాటుదారులు అమెరికా మిత్రదేశాలపై తమ దాడులు ముమ్మరం చేశాయి. వీటికి సౌదీ అరేబియా నేతృత్వంలోని సాయుధ దళాలు స్పందిస్తున్నాయి. కాకపోతే.. మధ్యంతర ఎన్నికల తేదీ తరువాత ఎంత వేగంగా అమెరికా సరికొత్త దాడులకు సిద్ధం కాగలదన్నది ఇప్పుడు ప్రశ్నగా మారింది. గత నెలలో అమెరికా పర్షియన్‌ గల్ఫ్‌ ప్రాంతంలో సైనిక బలగాలను భారీగా మోహరించింది. యూఎస్‌ఎస్‌ థియోడోర్‌ రూజ్‌వెల్ట్‌ యుద్ధనౌకతో పాటు వేలాది మంది నౌకాదళ, మెరైన్‌ సిబ్బందిని అక్కడికి పంపింది. ఎనిమిది నెలలుగా కొనసాగుతున్న ఈ యుద్ధం వల్ల అమెరికాలో ఇంధన ధరలు పెరగడంతో పాటు ప్రభుత్వ ఖజానాపై సుమారు 47.1 బిలియన్‌ డాలర్ల భారం పడింది.

బతికి ఉంటే కోట్లు ఆర్జించొచ్చు గానీ..ఆరోగ్యమే లేకపోతే..ప్రాణమే ఉండదు. అందుకే కోట్ల సంపాదన కంటే ఆరోగ్యమే ప్రదానమని మన పెద్దలు ఏనాడో చెప్పారు. ఇప్పుడు ఆ సత్యాన్ని కళ్లకు కట్టినట్లు చూపించింది ఈ 55 ఏళ్ల మహిళ. ఓ వయసు వచ్చాక డబ్బు వెంట పరిగెత్తకూడదని తనదైన శైలి వివరించి..అందర్నీ ఆలోచింప చేసింది. పైగా ఆర్థిక భద్రతకంటే ప్రశాంత జీవితమే మిన్నా తేల్చి చెప్పింది.ఆ మహిళే అమెరికాకు చెందిన సెంట్‌మనాట్‌. ఫ్లోరిడాలో నివశిస్తున్న ఈ మహిళ హైస్కూల్ చదువుని మధ్యలోనే వదిలేసింది. సింగిల్‌ మదర్‌ పెంపకంలో పెరిగిన సెంట్‌మనాట్‌ ఆరు అంకెల జీతాన్ని సంపాదిస్తానని ఎప్పుడు అనుకోలేదామె. తనకు కుమార్తెలు పుట్టాక అధిక బరువుతో ఇబ్బంది పడింది. ఆ క్రమంలోనే ఆరోగ్యం, ఫిట్‌నెస్‌పై ఉన్న అభిరుచి ఆధారంగా పర్సనల్‌ ట్రైనర్‌గా మారి మంచి వ్యాపారాన్ని నిర్మించుకుంది. అయితే కరోనా కారణంగా ఆ స్టూడియోని మూసివేయవలసి వచ్చింది. ఆంక్షలు ఎత్తిన తర్వాత వ్యాపారాన్ని పునర్నిర్మించడానికి చాలా కష్టాలుపడాల్సి వచ్చింది. ఆ సమయంలో స్నేహితురాలు రేస్‌ డైరెక్టర్‌గా పనిచేసే అవకాశం ఇచ్చింది. అందుకు కావల్సిన సర్టిఫికెట్లను సంపాదించి మరి రేస్‌ డైరెక్టర్‌గా మొత్తం ఐదు ఈవెంట్లను నిర్వహించింది. ఈ ఉద్యోగం సంతృప్తినిచ్చినప్పటికీ విపరీతమైన ఒత్తిడితో కూడుకున్నది. అదికాస్తా ఆమె ఆరోగ్యంపై తీవ్ర ప్రభావం చూపి..పనికి వెళ్లాలంటేనే భయపడే పరిస్థితికి తీసుకు వచ్చింది. చివరికి ఆ స్ట్రెస్‌ ఆమెకు ఇతర అనారోగ్య సమస్యలను తెచ్చిపెట్టింది. ఇది గమనించి టీనేజ్‌ కుమార్తెలు ఆమెను కొంతకాలం జాబ్‌కి విరామం ఇవ్వమని సూచించారు. అలా చేసినా.. తనలో అంతగా మార్పు రాకపోయేసరికి ఉద్యోగమే వదిలేసి కొత్తగా లైఫ్‌ స్టార్ట్‌ చేయాలనుకుంది. అలా ఆమె రేసు డైరెక్టర్‌గా ఏడాదికి రూ. 1.45 కోట్లు ఆర్జించే ఉద్యోగాన్ని వదలుకుంది. నిజానికి మరో ఏడాది ఉద్యోగంలో కొనసాగి ఉంటే ఆమె జీతం ఏకంగారూ. 1.7 కోట్లు పెరిగేది. అయితే ఆమె ఉద్యోగానికి రిజైన్‌ చేసి అడవిలో వెళ్లి కొత్తగా లైఫ్‌ని మొదలు పెట్టింది. అక్కడ ప్రకృతితో మమేకమవ్వడం ఆమెకు స్వస్థత చేకూర్చి, ఓదార్పుని అందించింది. అంతేగాదు మళ్లీ ఒక లక్ష్యం, అభిరుచితో సాగాలనే స్థైర్యాన్ని, ఆత్మవిశ్వాసాన్ని, ఉత్సాహాన్ని అందించిందామెకు. పైగా తనకు ప్రకృతిలో సేద తీరడమే సరైన మందు అని ముందే తెలుసు అని నవ్వుతూ చెబుతోంది. అలా ఆమె 'వై నాట్ వైల్డ్' అనే సంస్థను ప్రారంభించింది. ఇది దక్షిణ ఫ్లోరిడాలో వ్యక్తిగత అనుభవాల ద్వారా ప్రజలు ప్రకృతితో తిరిగి అనుబంధం పెంచుకోవడానికి సహాయపడుతుంది. సాధారణ టూర్ ప్యాకేజీలను అందించే బదులు, ఆమె కార్యకలాపాలను వ్యక్తిగత అవసరాలకు అనుగుణంగా రూపొందిస్తుంది. వీటిలో ఎవర్‌గ్లేడ్స్‌ గుండా హైకింగ్ చేయడం, నీటిలో నడవాల్సిన దారులలో ప్రయాణించడం, హైకింగ్ ఇష్టపడని వారి కోసం మోటార్‌సైకిల్ సాహసయాత్రలు వంటివి ఉంటాయి. అంతేగాదు ప్రజలు తమ చుట్టూ ఉన్న ప్రకృతి సౌందర్యాన్ని ఆస్వాదించేలా సోషల్‌మీడియా ద్వారా ప్రోత్సహించే ప్రయత్నం చేస్తోంది కూడా. అయితే ప్రస్తుతం దీని ద్వారా ఆదాయం సున్నా అయినా..ప్రశాంత ఫుల్‌ అని చాలా సంతోషంగా చెబుతోంది సెంట్‌మనాట్‌. కానీ అధిక ఆదాయం ఇచ్చే ఉద్యోగం వదులుకోవడంతో తీవ్రమైన ఆర్థిక ఇబ్బందులు ఎదుర్కొంటున్నప్పటికీ.. కుటుంబం తనకు పూర్తిగా మద్దతిస్తుందని అంటోంది. తన కొత్త వ్యాపారం అంతగా మంచి ఆదాయం ఆర్జించనప్పటికీ..ప్రతిరోజూ నూతనోత్సాహంతో లేవగలుగుతున్నా అని అంటోంది.ప్రస్తుతం ఆదాయం పరంగా నిల్‌ కానీ మానసికంగా, శారీరకంగా, ఆధ్యాత్మిక పరంగా చాలా గొప్ప అనుభూతిని మాత్రం పొందానని చెబుతోంది. అంతేగాదు..ఒక వయసు వచ్చేటప్పటికీ డబ్బు వెంట పరుగులు తీయకుండా నెమ్మదించడం అవసరం అనే సత్యాన్ని నొక్కి చెప్పడమే గాక ఆరోగ్యకరమైన వృద్ధాప్యాన్ని ఆస్వాదించడం ఎలాగో చాటి చెప్పింది తన లైఫ్‌స్టైల్‌తో. ఇదీ చదవండి: అందాల ప్రమాణాలను తిరగరాస్తూ..సరికొత్త అర్థం ఇచ్చింది ఈ సీతమ్మ!

సియోల్: ఉత్తర కొరియా మరోసారి బాలిస్టిక్ క్షిపణులను పరీక్షించింది. గురువారం (అక్టోబర్ 29) సుమారు 10 స్వల్పశ్రేణి బాలిస్టిక్ క్షిపణులను తన తూర్పు తీరంలోని సముద్ర జలాల వైపు ప్రయోగించింది. ఈ విషయాన్ని దక్షిణ కొరియా జాయింట్ చీఫ్స్ ఆఫ్ స్టాఫ్ (జేసీఎస్‌) వెల్లడించింది.ఉత్తర కొరియా తూర్పు తీరంలోని వోన్సాన్ ప్రాంతం నుంచి మధ్యాహ్నం 12.30 గంటల సమయంలో ఈ క్షిపణులను ప్రయోగించినట్లు దక్షిణ కొరియా సైన్యం ఒక ప్రకటనలో తెలిపింది. ఈ ప్రయోగాలపై నిఘాను బలోపేతం చేయడంతోపాటు, మరిన్ని క్షిపణి ప్రయోగాలు జరిగే అవకాశం ఉన్న నేపథ్యంలో అప్రమత్తతను కొనసాగిస్తున్నట్లు పేర్కొంది.ఈ ప్రయోగాలకు సంబంధించిన సమాచారాన్ని అమెరికా, జపాన్‌లతో పంచుకుంటున్నట్లు దక్షిణ కొరియా సైన్యం వెల్లడించింది. మరోవైపు, ఉత్తర కొరియా ప్రయోగించిన బాలిస్టిక్ క్షిపణి తమ దేశ ప్రత్యేక ఆర్థిక మండలి (ఈఈజెడ్‌) వెలుపల పడిపోయినట్లు జపాన్ రక్షణ మంత్రిత్వ శాఖ తెలిపింది. అయితే, జపాన్ ఎన్ని క్షిపణులను గుర్తించిందనే విషయాన్ని ఆ దేశ రక్షణ శాఖ స్పష్టం చేయలేదు.ఉత్తర కొరియా గతంలో అక్టోబర్ 12న బాలిస్టిక్ క్షిపణిని ప్రయోగించింది. ఆ పరీక్ష ద్వారా క్షిపణిలోని కీలకమైన ఒక భాగానికి సాంకేతిక మెరుగుదల చేసిన ప్రక్రియ విజయవంతమైందో లేదో నిర్ధారించినట్లు అప్పట్లో ఉత్తర కొరియా ప్రకటించింది. తాజాగా సుమారు 10 స్వల్పశ్రేణి క్షిపణులను ప్రయోగించడం అంతర్జాతీయంగా మరోసారి దృష్టిని ఆకర్షించింది.ఇదీ చదవండి: అయ్యప్ప భక్తులకు బీమా.. స్లాట్‌ బుకింగ్‌లో నామినీ అప్‌డేట్‌!

పశ్చిమాసియా ప్రాంతంలో మరోసారి యుద్ధ మేఘాలు కమ్ముకుంటున్నాయి. నవంబర్‌ 3 తర్వాత సైనిక దాడులకు దిగే అవకాశాలున్నాయన్న సంకేతాలతో పశ్చిమాసియాలో మళ్లీ టెన్షన్‌ మొదలైంది. ఇరాన్‌పై దాడుల విషయంలో అధ్యక్షుడు డొనాల్డ్‌ ట్రంప్‌ ఇంకా తుది నిర్ణయం తీసుకోకపోయినా.. అప్రమత్తంగా ఉండాలంటూ అమెరికా తన మిత్రదేశాలకు హెచ్చరికలు జారీ చేసినట్లు సమాచారం. ఇరాన్‌ ప్రతీకార దాడులకు దిగితే చమురు కేంద్రాలు, కీలక మౌలిక సదుపాయాలకూ ముప్పు తప్పదన్న ఆందోళనలు వ్యక్తమవుతున్నాయి. ట్రంప్‌.. మధ్యంతర ఎన్నికల తర్వాత ఇరాన్‌పై మళ్లీ సైనిక దాడులు చేపట్టే అవకాశాన్ని పరిశీలిస్తున్నట్లు తెలుస్తోంది. ఈ విషయాన్ని ఇద్దరు దౌత్యవేత్తలు వెల్లడించినట్లు అక్కడి మీడియా కథనాలు పేర్కొంటున్నాయి. అయితే, ఇరాన్‌పై కొత్తగా దాడులు చేయాలా వద్దా? అనే విషయంలో ట్రంప్‌ ఇంకా తుది నిర్ణయం తీసుకోలేదని ఆ దౌత్యవేత్తలు స్పష్టం చేశారు. ఎన్నికల తర్వాత సైనిక చర్యకు ఆదేశాలు ఇచ్చే అంశాన్ని ట్రంప్‌ పలుమార్లు ప్రస్తావించిన నేపథ్యంలో తాజా హెచ్చరికలు ప్రాధాన్యం సంతరించుకున్నాయి.అమెరికా హెచ్చరికలతో పశ్చిమాసియాలో మరోసారి ఉద్రిక్తతలు పెరిగే అవకాశాలు కనిపిస్తున్నాయి. అమెరికా, ఇరాన్‌ మధ్య మళ్లీ పూర్తిస్థాయి సైనిక ఘర్షణలు ప్రారంభమవుతాయేమోనన్న ఆందోళన ప్రాంతీయ దేశాల్లో నెలకొంది. ఇరాన్‌పై అమెరికా చేపట్టే కొత్త సైనిక చర్యలు కొన్ని రోజులపాటు కొనసాగవచ్చని ప్రాంతీయ మిత్రదేశాలకు అమెరికా అధికారులు తెలిపినట్లు దౌత్యవేత్తలు వెల్లడించారు. అయితే, ఇరాన్‌తో పాటు దానికి మద్దతుగా ఉన్న సాయుధ బృందాలు ప్రతిదాడులకు దిగితే ఘర్షణలు మరింత కాలం కొనసాగవచ్చని ప్రాంతీయ అధికారులు అంచనా వేస్తున్నారు.ఇరాన్‌ ప్రతీకార చర్యల్లో భాగంగా ఇంధన కేంద్రాలు, ఇతర కీలక మౌలిక సదుపాయాలపై దాడులు జరిగే అవకాశముందని అమెరికా అధికారులు మిత్రదేశాలను అప్రమత్తం చేసినట్లు సమాచారం. అందుకు అనుగుణంగా ముందస్తు రక్షణ చర్యలు చేపట్టాలని సూచించినట్లు తెలుస్తోంది. ఈ వ్యవహారంపై వైట్‌హౌస్‌, ఇతర అమెరికా అధికారులు స్పందించేందుకు నిరాకరించారు. మరోవైపు, ఇరాన్‌పై దాడులకు అమెరికా సైన్యం ఎంత త్వరగా సిద్ధం కాగలదన్నది ఇంకా స్పష్టంగా తెలియలేదు.మరోవైపు, ఉద్రిక్తతలను తగ్గించేందుకు దౌత్యపరమైన ప్రయత్నాలకు ఇరాన్‌ మరో అవకాశం ఇవ్వాలని భావిస్తోంది. ఇరాన్‌ విదేశాంగ మంత్రి అబ్బాస్‌ అరాగ్చీ అక్టోబర్‌ 28న ‘ఎక్స్‌’ వేదికగా స్పందిస్తూ.. దౌత్యం విజయవంతం కావడానికి తమ దేశం ఇప్పటికీ అవకాశం ఇస్తోందని పేర్కొన్నారు. గత నెలలో ఇరాన్‌ ప్రతిపాదించిన కొన్ని అంశాలపై మధ్యవర్తులతో కలిసి సమీక్షిస్తున్నట్లు తెలిపారు. కాల్పుల విరమణకు తిరిగి రావడానికి ఆ ప్రతిపాదనను ప్రాతిపదికగా తీసుకోవాలని ఇరాన్‌ కోరుకుంటోందని వెల్లడించారు. అయితే, ఆ ప్రతిపాదనను ట్రంప్‌ గతంలోనే తిరస్కరించారు.పశ్చిమాసియాలో ఉద్రిక్తతలు తగ్గించాలని యునైటెడ్‌ అరబ్‌ ఎమిరేట్స్‌ (యూఏఈ) విదేశాంగ శాఖ కూడా పిలుపునిచ్చింది. వివేకంతో వ్యవహరించాలని, ఉద్రిక్తతలను అదుపులోకి తెచ్చేందుకు రాజకీయ పరిష్కారాల దిశగా ప్రయత్నించాలని ఇరు పక్షాలకు సూచించింది. పూర్తిస్థాయి సైనిక కార్యకలాపాలు మళ్లీ ప్రారంభం కాకుండా చూడాలని కోరింది.ఫిబ్రవరి చివర్లో ప్రారంభమైన యుద్ధం ఇప్పటికే పలు ప్రాంతాలకు విస్తరించింది. ఇరాన్‌ మద్దతున్న హౌతీ తిరుగుబాటుదారులు సౌదీ అరేబియాలోని చమురు మౌలిక సదుపాయాలు, విమానాశ్రయాలపై దాడులు చేపట్టారు. దీనికి ప్రతిగా సౌదీ నేతృత్వంలోని సంకీర్ణ దళాలు యెమెన్‌లో హౌతీల ఆధీనంలోని ప్రాంతాలపై దాడులు జరిపిన సంగతి తెలిసిందే.ఇదీ చదవండి: ‘అణు కేంద్రం’లో అగ్నిప్రమాదం.. క్షణాల్లో అప్రమత్తం!

వాషింగ్టన్‌: అమెరికా అధ్యక్షుడు డొనాల్డ్‌ ట్రంప్‌ ఓ వైపేమో అమెరికాపై కయ్యానికి కాలు దువ్వుతుంటే.. మరోవైపు ఆ దేశ ఉపాధ్యక్షుడు జేడీ వాన్స్‌ టెహ్రాన్‌తో శాంతి చర్చలకు ప్రయత్నిస్తున్నట్లు తెలుస్తోంది. ఈ మేరకు ఇరాన్‌కు చెందిన కఠిన వైఖరి కలిగిన నేతల్లో ఒకరైన మొహ్సెన్ రెజాయీతో నేరుగా సంప్రదింపులు ప్రారంభించినట్లు వాల్ స్ట్రీట్ జర్నల్ (WSJ) ఓ కథనంలో వెల్లడించింది. ఇరాన్ సుప్రీం నేషనల్ సెక్యూరిటీ కౌన్సిల్ కార్యదర్శి, గతంలో ఇస్లామిక్ రివల్యూషనరీ గార్డ్ కార్ప్స్ (ఐఆర్‌జీసీ) కమాండర్‌గా పనిచేసిన మొహ్సెన్ రెజాయీకి వాన్స్ ఓ లేఖ పంపినట్లు సమాచారం. వాషింగ్టన్, టెహ్రాన్ మధ్య చర్చలకు ఓ ప్రాథమిక రూపురేఖలపై ఏకాభిప్రాయం సాధ్యమవుతుందా అనే విషయాన్ని పరీక్షించడమే ఈ లేఖ ఉద్దేశమని తెలుస్తోంది. ఈ వ్యవహారంపై అవగాహన ఉన్న ఓ వ్యక్తిని ఉటంకిస్తూ వాల్ స్ట్రీట్ జర్నల్ ఈ వివరాలను ప్రచురించింది. ట్రంప్ ఆదేశాల మేరకే వాన్స్ ఈ లేఖ పంపినట్లు, ఈ ప్రయత్నం గురించి అధ్యక్షుడికి కూడా పూర్తి అవగాహన ఉన్నట్లు ఆ కథనం పేర్కొంది.వచ్చే వారం అమెరికా మధ్యంతర ఎన్నికలు ముగిసిన తర్వాత ఇరాన్‌పై స్వల్పకాలికమైనా తీవ్రస్థాయి సైనిక దాడులు చేపట్టాలా అనే అంశంపై ట్రంప్ ఆలోచిస్తున్న సమయంలో వాన్స్ ఈ దౌత్య ప్రయత్నాలకు శ్రీకారం చుట్టారు. మరోసారి యుద్ధం చెలరేగకుండా దౌత్య మార్గంలో పరిష్కారం సాధించేందుకు అవకాశం ఉందా అనే విషయాన్ని వాన్స్ పరిశీలిస్తున్నారు. అయితే, ఈ సంప్రదింపుల ద్వారా ఇప్పటివరకు సమగ్రమైన శాంతి ప్రతిపాదన ఏదీ సిద్ధం కాలేదు. మరోవైపు, తమ ప్రధాన డిమాండ్లను అమెరికా అంగీకరించేంత వరకు వాషింగ్టన్‌తో చర్చలు జరిపే ప్రసక్తే లేదని రెజాయీ గత వారం స్పష్టం చేశారు.యుద్ధానికి వాన్స్ బహిరంగంగా మద్దతు ప్రకటించినప్పటికీ, దాన్ని మరింత కాలం కొనసాగించడంపై ఆయనకు వ్యక్తిగతంగా అభ్యంతరాలు ఉన్నట్లు సమాచారం. దీంతో ఆయన ప్రస్తుతం క్లిష్టమైన పరిస్థితిని ఎదుర్కొంటున్నారు. ఒకవైపు ట్రంప్ విధానానికి అనుగుణంగా వ్యవహరించాల్సి ఉండగా, మరోవైపు యుద్ధాన్ని ముగించేందుకు దౌత్యపరమైన మార్గాలను అన్వేషిస్తున్నారు.ఫిబ్రవరిలో ట్రంప్ ‘ఆపరేషన్ ఎపిక్ ఫ్యూరీ’ పేరుతో ఇరాన్‌పై సైనిక చర్య ప్రారంభించడానికి ముందే వాన్స్ మరింత బలమైన దౌత్య ప్రయత్నాలు చేపట్టాలని వాదించారు. ఆ తర్వాత ట్రంప్ ఆయనను ప్రధాన చర్చల ప్రతినిధిగా నియమించారు. ఇరాన్‌తో ఒప్పందం కుదుర్చుకుని ఘర్షణకు ముగింపు పలికే లక్ష్యంతో వాన్స్ రెండుసార్లు విదేశీ పర్యటనలు చేపట్టి, ఇరాన్ ప్రతినిధులతో సమావేశమయ్యారు.ఈ ప్రయత్నాల్లో భాగంగా జూన్‌లో ఇరు పక్షాల మధ్య అవగాహన ఒప్పందం కుదిరింది. అయితే, ఆ ఒప్పందంపై సంతకాలు జరిగిన రెండు వారాలకే అది విఫలమైంది. హార్ముజ్ జలసంధి మీదుగా నౌకాయానాన్ని తిరిగి ఎలా సాధారణ స్థితికి తీసుకురావాలనే అంశంపై ఇరు పక్షాలు భిన్నమైన అర్థాలు చేసుకోవడంతో ఒప్పందం ముందుకు సాగలేదు. అనంతరం ఖతార్, పాకిస్థాన్ మధ్యవర్తిత్వంతో చర్చలు జరిగినప్పటికీ ప్రతిష్ఠంభన తొలగలేదు. ఇరాన్ తన అణు కార్యక్రమానికి సంబంధించి ముందుగానే రాయితీలు ఇవ్వాలని అమెరికా కోరుతుండగా, తమకు తక్షణమే ఆర్థిక ఉపశమనం కల్పించాలని టెహ్రాన్ డిమాండ్ చేస్తోంది.ఇప్పుడు రెజాయీ కీలక సంప్రదింపుల భాగస్వామిగా తెరపైకి రావడం వల్ల దౌత్య ప్రక్రియలో మార్పులు చోటుచేసుకునే అవకాశం ఉంది. దీని వల్ల ఇరాన్ విదేశాంగ మంత్రి అబ్బాస్ అరాగ్చీ, పార్లమెంట్ స్పీకర్ మొహమ్మద్ బాఘర్ ఘాలిబాఫ్ వంటి నేతల పాత్ర తగ్గే అవకాశముందని విశ్లేషణలు సూచిస్తున్నాయి. ఇరాన్-ఇరాక్ మధ్య 1980వ దశకంలో జరిగిన యుద్ధంలో పాల్గొన్న అనుభవం ఉన్న రెజాయీ, అనేక సంవత్సరాల పాటు ఐఆర్‌జీసీకి నాయకత్వం వహించారు. అమెరికా మరోసారి దాడులు చేసే ప్రమాదం పెరుగుతున్న నేపథ్యంలో ఆయన ఇరాన్‌లో ప్రభావవంతమైన స్వరంగా ఎదిగారు.ఈ నెల ప్రారంభంలో రెజాయీ చేసిన హెచ్చరికలు కూడా ప్రాంతీయంగా ఆందోళన కలిగించాయి. ఇరాన్, యునైటెడ్ అరబ్ ఎమిరేట్స్‌ (యూఏఈ)పై దాడులు చేయగలదని, అలాగే ప్రాంతంలోని డేటా సెంటర్లు, ఇంటర్నెట్ కేబుళ్లను లక్ష్యంగా చేసుకునే అవకాశముందని ఆయన హెచ్చరించారు. ఆదివారం ఆయన టెహ్రాన్‌లో సౌదీ అరేబియా, పాకిస్థాన్, టర్కీ దేశాలకు చెందిన భద్రతా ఉన్నతాధికారులతో సమావేశమయ్యారు. ఈ స్థాయిలో జరిగిన అరుదైన సమావేశంలో, ఘర్షణ మరింత విస్తరించకుండా నిరోధించేందుకు ప్రాంతీయ దేశాలు ప్రయత్నించినట్లు తెలుస్తోంది.ఇదిలా ఉండగా, ఇరాన్‌తో దౌత్యపరమైన పరిష్కారం కోసం ప్రయత్నిస్తూనే, అవసరమైతే ఆ దేశంపై తీవ్రస్థాయి బాంబు దాడులు జరుపుతామని ట్రంప్ హెచ్చరిస్తున్నారు. ఇరాన్ అణు కార్యక్రమాన్ని పూర్తిగా నిర్వీర్యం చేయడం తన రెండో అధ్యక్ష పదవీకాలంలో జాతీయ భద్రతకు సంబంధించిన ప్రధాన ప్రాధాన్యాల్లో ఒకటని ఆయన చెబుతున్నారు. గత వారం వాషింగ్టన్, టెహ్రాన్ మధ్య చర్చలు జరగడం లేదని ట్రంప్ ప్రకటించడంతో పాటు, సైనిక చర్య త్వరలోనే ఉండవచ్చనే సంకేతాలు ఇచ్చారు. మంగళవారం ఎన్నికల ప్రచార కార్యక్రమంలో మాట్లాడిన ఆయన, ఒప్పందం కుదుర్చుకునే ప్రయత్నాలను ఇరాన్ ఉద్దేశపూర్వకంగా జాప్యం చేస్తోందని ఆరోపించారు. ఎన్నికలు ముగిసే వరకు వేచి ఉండటం వల్ల ఇరాన్‌కు ఎలాంటి ప్రయోజనం ఉండదని కూడా హెచ్చరించారు.ఇదీ చదవండి: అమెరికా బిగ్‌ ప్లాన్‌

వాషింగ్టన్‌ డీసీ: అమెరికా అధ్యక్షుడు ఇటీవల ఇరాన్‌పై మరోసారి రెచ్చిపోయి హెచ్చరికలు జారీ చేసిన సంగతి తెలిసిందే. ఈ నేపథ్యంలో అమెరికా ఇరాన్‌పై భారీ దాడులకు సిద్ధమవుతున్నట్లు తెలుస్తోంది. పశ్చిమాసియాలో దాడులు చేసేందుకు అమెరికా బలగాలు సిద్ధంగా ఉన్నాయని సీఎన్‌ఎన్‌ (CNN) సంచలన కథనం ప్రచురించింది. ఈ వివరాల్ని ఇద్దరు అమెరికా అధికారులు తెలిపినట్లు పేర్కొంది.సీఎన్‌ఎన్‌ కథనం ప్రకారం.. ఇరాన్‌పై దాడులు నిర్వహించడానికి అవసరమైన స్థాయిలో అమెరికా సైనిక బలగాలు ఇప్పటికే ఈ ప్రాంతంలో మోహరించి ఉన్నాయని . అయితే, ఇరాన్‌పై మరోసారి దాడులు ప్రారంభించాలా వద్దా అనే విషయంపై ట్రంప్ ఇంకా తుది నిర్ణయం తీసుకోలేదని అధికారులు పేర్కొన్నట్లు కథనం ప్రచురించింది. ట్రంప్‌ ఆదేశాలిచ్చిన మరుక్షణం పెద్దఎత్తున దాడులకు తెగబడనున్నట్లు పేర్కొంది.అయితే ఇరాన్‌పై ఈ సారి పరిమిత స్థాయిలో దాడులు నిర్వహించడంతోనే అమెరికా ఆగిపోకపోవచ్చని తాజా సమాచారం . ఇరాన్‌కు చెందిన రాడార్లు, క్షిపణి ప్రయోగ కేంద్రాలు, ఇతర సైనిక ఆస్తులపై దాడులతో పాటు మరింత విస్తృతమైన లక్ష్యాలపై విరుచుకపడేందుకు అమెరికా సైనికాధికారులు పరిశీలిస్తున్నట్లు తెలుస్తోంది. అమెరికా సెంట్రల్ కమాండ్, పెంటగాన్ అధికారులు కలిసి దాడులకు సంబంధించిన లక్ష్యాల జాబితాను విస్తరిస్తున్నారని నివేదిక పేర్కొంది. ఇందులో ఇరాన్ ఇంధన మౌలిక సదుపాయాలు, సైనిక స్థావరాలు, అణు కేంద్రాలు కూడా ఉన్నట్లు సమాచారం. మధ్యంతర ఎన్నికల తర్వాతే దాడులకు ఆమోదం?ఇరాన్‌పై కొత్తగా దాడులు నిర్వహించాలనే నిర్ణయం ఈ ఏడాది చివరిలోపు వెలువడవచ్చని అమెరికా సైనిక ప్రణాళికలపై అవగాహన ఉన్న ప్రస్తుత, మాజీ అధికారులు అభిప్రాయ పడుతున్నట్లు సీఎన్‌ఎన్‌ వెల్లడించింది. అయితే, అమెరికా మధ్యంతర ఎన్నికలు ముగిసిన తర్వాత దాడులకు ఆమోదం లభించే అవకాశాన్ని వారు ఎక్కువగా ప్రస్తావించినట్లు తెలిపింది.ట్రంప్ గతంలోనూ కొన్ని సైనిక చర్యలకు అనుకూలంగా కనిపించినప్పటికీ, చివరి నిమిషంలో వెనక్కి తగ్గిన సందర్భాలు ఉన్నాయని అధికారులు గుర్తుచేసినట్లు నివేదిక పేర్కొంది. అందువల్ల సైనిక బలగాలు సిద్ధంగా ఉన్నప్పటికీ, దాడులు తప్పకుండా జరుగుతాయని చెప్పలేని పరిస్థితి ఉందని విశ్లేషణల ద్వారా అర్థమవుతోంది.ఈ అంశంపై పెంటగాన్‌కు చెందిన ఒక సీనియర్ అధికారి స్పందిస్తూ, రక్షణ శాఖ పని సైనిక ప్రణాళికలను రూపొందించడం, అధ్యక్షుడు ఆదేశించిన సైనిక చర్యలను అమలు చేయడం అని పేర్కొన్నారు. అధ్యక్షుడి నిర్ణయానికి అనుగుణంగా వివిధ సైనిక ప్రత్యామ్నాయాలను సిద్ధం చేయడం తమ బాధ్యత అని ఆయన వివరించినట్లు సీఎన్‌ఎన్‌ తెలిపింది.ఇదీ చదవండి: ఆకలి కేకల ముంగిట

టెహ్రాన్‌: ఇరాన్‌పై ఇజ్రాయెల్ ప్రేరేపిత దాడి జరిగితే ప్రపంచ మార్కెట్లు నాశనం అవుతాయని ఇరాన్ విదేశాంగ మంత్రి అబ్బాస్ అరాగ్చీ హెచ్చరించారు. ఇటీవలి ఎన్నికల్లో హోరాహోరీ పోటీ తర్వాత కొత్త ప్రభుత్వాన్ని ఏర్పాటు చేసేందుకు ప్రయత్నిస్తున్న ప్రధానమంత్రి బెంజమిన్ నెతన్యాహు బుధవారం కీలక ప్రకటన చేశారు. ఇరాన్ నుంచి ఎదురవుతున్న ‘మనుగడకు ముప్పు’ను తొలగించేందుకు అమెరికా అధ్యక్షుడు డొనాల్డ్ ట్రంప్‌తో కలిసి పనిచేయగలనని ఆయన చెప్పారు.“పర్షియన్ గల్ఫ్ ప్రాంతంలో ఇజ్రాయెల్ ప్రేరేపించే ఏ సైనిక సాహసమైనా అంతర్జాతీయ మార్కెట్లపై తీవ్ర ప్రభావం చూపుతుందనే అంశం గ్యాస్ సరఫరాదారులు, వినియోగదారులు ఇద్దరికీ ఆందోళనకరమే” అని అరాగ్చీ ఒక పోస్టులో పేర్కొన్నారు.ఫిబ్రవరి 28న అమెరికా, ఇజ్రాయెల్ కలిసి ఇరాన్‌పై దాడి చేయడంతో ప్రారంభమైన యుద్ధంలో, మళ్లీ ఇరాన్‌పై దాడులు జరిగే అవకాశాన్ని ఇటీవలి రోజుల్లో అమెరికా, ఇజ్రాయెల్ ప్రస్తావించాయి. కాగా, రష్యాలోని మాస్కోలో జరిగిన గ్యాస్ ఎగుమతి దేశాల వేదిక (జీఈసీఎఫ్) శిఖరాగ్ర సమావేశానికి అరాగ్చీ హాజరయ్యారు. ఇరాన్ అధ్యక్షుడు మసూద్ పెజెష్కియాన్ కూడా ఈ సమావేశంలో పాల్గొన్నారు.మరోవైపు ఇజ్రాయెల్‌ ఎన్నికల్లో బుధవారం సాయంత్రం 4.30 వరకు 77 శాతం ఓట్ల లెక్కింపు పూర్తయింది. ఆ తర్వాత కేంద్ర ఎన్నికల కమిటీ ఫలితాలను అప్‌డేట్‌ చేసింది. నెతన్యాహు కూటమికి 54, ఐసెన్‌కాట్ కూటమికి 49, అరబ్ పార్టీలకు 17 స్థానాలు దక్కాయి. అరబ్ పార్టీలకు ఇప్పటివరకు 17 స్థానాలు వచ్చాయి. అయితే, ఇంకా 30 శాతం ఓట్ల లెక్కింపు మిగిలి ఉంది.అరబ్ పార్టీల చేతుల్లోనే అంతా? ప్రభుత్వం ఏర్పాటు చేయడానికి అవసరమైన మెజారిటీ స్థానాలు ప్రధాన క్యాంపుల్లో దేనికీ లభించలేదు. దీంతో అరబ్ పార్టీలు అత్యంత కీలకంగా మారనున్నాయి. ఐసెన్‌కాట్ ప్రభుత్వం ఏర్పాటు చేయాలంటే అరబ్ పార్టీల మద్దతుపై ఆధారపడాల్సి ఉంటుంది. అవి ఆయన ప్రభుత్వంలో చేరకపోయినా, కనీసం ఆయనకు వ్యతిరేకంగా ఓటు వేయకుండా ఉండాలి. దీనినే ‘సేఫ్టీ నెట్ సన్నివేశం’గా పిలుస్తారు. అయితే, ప్రస్తుతం కొనసాగుతున్న ఓట్ల లెక్కింపులో ఐసెన్‌కాట్ స్థానాలు తగ్గుతూ, నెతన్యాహు స్థానాలు పెరుగుతుండటంతో ఈ తరహా మద్దతు లభించే అవకాశాలు క్రమంగా తగ్గుతున్నాయి.ఇదీ చదవండి: డీఏ, డీఆర్ పెంపు.. కేంద్ర క‍్యాబినెట్ కీలక నిర్ణయాలు

పుట్టినప్పటి నుంచి అరుదైన వ్యాధితో పోరాటం. అనుక్షణం వివిధ ఆరోగ్య సమస్యలతో నరకం. చిరుప్రాయం అంతా చీకటిమయం. ఆఖరికి బతికే అవకాశాలు లేవని తేల్చి చెప్పేశారు వైద్యులు కూడా. అలాంటి ఓ చిన్నారి..బతికి బట్టకట్టడమే కాదు..అందరూ ఆశ్చర్యపోయేలా ఎవరెస్టు బేస్‌ క్యాంపుని అధిరోహించాడు. అతడే డెర్బీషైర్‌లోని చెస్టర్‌ఫీల్డ్‌కు చెందిన ఆర్చీ థాంప్సన్‌. శిశువుగా ఉన్నప్పుడే మోమో సిండ్రోమ్‌ అనే అత్యంత అరుదైన జన్యుపరమైన వ్యాధి ఉన్నట్లు నిర్థారణ అయ్యింది. ప్రపంచవ్యాప్తంగా ఇలాంటి కేసులు సుమారు 10కి మించి ఉండవట. అయితే ఈ వ్యాధి కారణంగా కళ్లు, తల సహా శరీరా అవయవాలు వేగంగా పెరిగిపోతాయట. అలా ఆర్చీ రెండేళ్ల వయసు రాకముందే రెండు గుండెపోటులను ఎదుర్కొన్నాడు. ఆ సమయంలో ఆ చిన్నారికి, అతడి కుటుంబానికి అన్ని విధాల అండగా నిలిచి సాయం అందించింది డెమెల్జా అనే పిల్లల స్వచ్ఛంద సంస్థ. ఈ వ్యాధి అతని గుండె, ఊపిరితిత్తులపై విపరీతమైన ఒత్తిడిని కలిగించేది. అతను నాలుగేళ్ల వయసుకి మించి బతకడని వైద్యులు తేల్చేశారు కూడా. ఆ టైంలోనే ఈ స్వచ్ఛంద సంస్థ ఆ చిన్నారి అన్ని విధాలుగా భరోసా ఇచ్చి..ఆ వ్యాధిని సవాలు చేసి బతికేలా ప్రోత్సహించింది. అలా అతడు ఆ వ్యాధిని నిర్థారణ అంచనాలను తలకిందులు చేసేలా బతికి బట్టకట్టాడు. ఇప్పుడు ఆర్చీకి 24 ఏళ్లు. తనకింత సాయం చేసిన ఆ స్వచ్ఛంద సంస్థకు తన వంతుగా సహాయం చేసే నిమిత్తం ఎవరెస్టు బేస్‌ క్యాంపస్‌ను అధిరోహించాడు. ఆ సంస్థ కోసం నిధుల సేకరణ అందించే దిశగా మొత్తం 23 మంది ఈ ఎవరెస్టు బేస్‌ క్యాంప్‌ యాత్రను చేపట్టారు. ఆ బృందంలో ఆర్చీ కూడా ఒకరు. నేపాల్‌లోని కాఠ్మండుకు విమానంలో చేరుకున్న తర్వాత, ఆ యాత్రికులు తమ ప్రయాణాన్ని ప్రారంభించారు. ఆ బృందం ఎండ, ఎత్తైన ప్రదేశాల ప్రభావాలను తట్టుకుంటూ..సుమారు ఎనిమిదిరోజుల పాటు ట్రెక్కింగ్‌ చేసి దాదాపు 5,364 మీటర్ల (17,598 అడుగుల) ఎత్తులో ఉన్న బేస్ క్యాంప్‌కు విజయవంతంగా చేరుకున్నారు. నిజానికి అక్కడి వాతావరణం అనుకూలించకపోవడంతోనే పర్వతం నుంచి వారి తిరుగు ప్రయాణం అర్థాంతరంగా ముగిసిపోయింది. దాంతో వారు తమ విజయాన్ని జరుపుకోవడానికి హెలికాప్టర్‌లో కాఠ్మండుకు తిరిగి వెళ్లారు. ఈ యాత్ర కోసం సుమారు 20 నెలల పాటు శిక్షణ తీసుకున్నాడు. అయితే ఆర్చీ మాత్రం విజయవంతంగా ఎవరెస్టు బేస్‌ క్యాంప్‌కు చేరుకోవడంతో ఆ శిక్షణ ఫలించిందని, అక్కడ వీక్షించిన అద్భుతాలను మరువలేనని అంటున్నాడు. ఇక ఆర్చీ ఒక హోటల్‌లో బార్‌ మేనేజర్‌గా పనిచేస్తున్నాడు. నిజానికి చిన్నతనమంతా అరుదైన వ్యాధితో పోరాడి..బతకడమే కాకుండా..జీవితానికి ఒక పర్పస్‌ ఉండేలా ఇలాంటి సాహసకృత్యానికి సన్న‍ద్ధ కావడం అనేది ప్రశంనీయమైన విషయం..ఇదీ చదవండి: కలెక్టర్‌ కాలేకపోయినా..లక్షలాదిమంది జీవితాల్లో వెలుగు నింపింది!

వాషింగ్టన్‌: అమెరికా అధ్యక్షుడు డొనాల్డ్ ట్రంప్ మరోసారి సంచలన వ్యాఖ్యలు చేశారు. వెనెజువెలా భవిష్యత్తులో అమెరికాలో 51వ రాష్ట్రంగా మారే అవకాశం ఉందని అన్నారు. మంగళవారం టెక్సాస్‌లోని కార్పస్ క్రిస్టీ నగరంలో జరిగిన మధ్యంతర ఎన్నికల ప్రచార సభలో ఆయన ఈ వ్యాఖ్యలు చేశారు. వెనెజువెలా సంపన్న దేశంగా మారుతుందని, ఒకవేళ అది అమెరికాలో 51వ రాష్ట్రంగా చేరితే అధ్యక్షుడికి బదులుగా గవర్నర్ ఎన్నిక జరుగుతుందని వ్యాఖ్యానించారు. ఆ దేశంలో భారీగా చమురు నిల్వలు ఉన్నాయని పేర్కొన్నారు.వెనెజువెలా నుంచి అమెరికాకు వచ్చిన చమురు రవాణాను ట్రంప్ ప్రత్యేకంగా ప్రస్తావించారు. వెనెజువెలా తమకు 10 లక్షల బ్యారెళ్ల చమురును బహుమతిగా పంపిందని మంగళవారం ప్రకటించారు. టెక్సాస్‌లోని సభ సందర్భంగా చమురు నౌకను చూపిస్తూ, అందులో వెనెజువెలా నుంచి వచ్చిన చమురు ఉందని చెప్పారు. అమెరికా సాధించిన చమురు విజయాన్ని చారిత్రాత్మకమైనదిగా అభివర్ణించారు. విజయం సాధించినవారికే దాని ఫలాలు దక్కుతాయంటూ వ్యాఖ్యానించారు.ఈ ఏడాది ప్రారంభంలో వెనెజువెలాలో అమెరికా చేపట్టిన ఆపరేషన్‌ను కూడా ట్రంప్ ప్రస్తావించారు. ఆ చర్యతో అమెరికా చమురు సరఫరా పెరిగిందని పేర్కొన్నారు. ప్రపంచంలోని అతిపెద్ద చమురు వనరులపై అమెరికాకు నియంత్రణ లభించిందని అన్నారు. వెనెజువెలా నుంచి వచ్చిన చమురును టెక్సాస్‌లోనే శుద్ధి చేస్తామని, కార్పస్ క్రిస్టీలోనూ ఈ ప్రక్రియ జరుగుతుందని వెల్లడించారు.అమెరికాలో పెరుగుతున్న ఇంధన ధరల నేపథ్యంలో ట్రంప్ ఈ వ్యాఖ్యలు చేయడం ప్రాధాన్యత సంతరించుకుంది. నవంబరులో జరగనున్న మధ్యంతర ఎన్నికలకు ముందు రిపబ్లికన్ పార్టీ అభ్యర్థులపై ధరల పెరుగుదల ఒత్తిడి పెరుగుతోంది. ఏడాది క్రితంతో పోలిస్తే ఒక గ్యాలన్ సాధారణ పెట్రోల్ ధర 40 శాతం పెరిగిందని, డీజిల్ ధరలు దాదాపు 75 శాతం అధికమయ్యాయని నివేదిక పేర్కొంది. ఈ నేపథ్యంలో వెనెజువెలా చమురు సరఫరాను ప్రస్తావిస్తూ, ఇంధన రంగంలో అమెరికా విజయాలను ఓటర్లకు వివరించేందుకు ట్రంప్ ప్రయత్నించారు. ఇదీ చదవండి: ఎప్‌స్టీన్‌ లైంగిక నేరాల్లో ట్రంప్‌ పాత్ర?.. 50 పేజీల నివేదికతో ప్రకంపనలు

న్యూజెర్సీ: అమెరికాలో మరోసారి కాల్పుల ఘటన కలకలం రేపింది. న్యూజెర్సీ రాష్ట్రంలోని ఎలిజబెత్‌ నగరంలో సోమవారం రాత్రి జరిగిన కాల్పుల్లో ఒకరు ప్రాణాలు కోల్పోగా.. మరో ఆరుగురు గాయపడ్డారు. ఘటన అనంతరం నిందితుడు ఎరుపు రంగు సెడాన్‌ కారులో పరారైనట్లు పోలీసులు అనుమానిస్తున్నారు. నిందితుని కోసం గాలింపు చర్యలు చేపట్టారు.రాత్రి 8.30 గంటల సమయంలో ఘటనఎలిజబెత్‌ నగరంలోని ఇర్వింగ్‌టన్‌ అవెన్యూ, ఎల్మ్‌వుడ్‌ ప్లేస్‌ సమీపంలో సోమవారం రాత్రి సుమారు 8.30 గంటలకు కాల్పులు జరిగినట్లు పోలీసులకు సమాచారం అందింది. దీంతో అధికారులు అక్కడికి చేరుకున్నారు. ఈ ఘటనలో ఒకరు మరణించినట్లు ఎలిజబెత్‌ పోలీసులు తెలిపారు. అయితే మృతులు, క్షతగాత్రులకు సంబంధించిన పూర్తి వివరాలను వెంటనే వెల్లడించలేదు.ఆస్పత్రికి క్షతగాత్రుల తరలింపుకాల్పుల్లో గాయపడిన వారికి చికిత్స అందించేందుకు అత్యవసర సిబ్బంది రంగంలోకి దిగారు. రాత్రి 9.45 గంటలకు ముందుగా సహాయక బృందాలు ఘటనా స్థలానికి చేరుకున్నాయి. తొలుత అందిన సమాచారం ప్రకారం.. ముగ్గురి కాళ్లకు బుల్లెట్‌ గాయాలు కాగా, మరొకరికి ఛాతీ భాగంలో గాయమైంది. క్షతగాత్రులను నెవార్క్‌లోని యూనివర్సిటీ ఆస్పత్రికి తరలించారు.పలు వీధుల్లో పోలీసుల తనిఖీలుకాల్పులు జరిగిన ప్రాంతంలో పెద్ద ఎత్తున పోలీసు బలగాలు మోహరించాయి. కాల్పులకు పాల్పడిన వ్యక్తి ఎరుపు రంగు సెడాన్‌ కారులో పశ్చిమ దిశగా మోరిస్‌ అవెన్యూ వైపు వెళ్లినట్లు పోలీసులు గుర్తించారు. ఆ వాహనం ఎరుపు రంగు నిస్సాన్‌ కారుగా భావిస్తున్నారు. కాల్పులకు పొడవైన తుపాకీని ఉపయోగించి ఉండవచ్చని అధికారులు అనుమానిస్తున్నారు. ఈ ఘటనపై యూనియన్‌ కౌంటీ ప్రాసిక్యూటర్‌ కార్యాలయానికి సమాచారం అందించినట్లు నివేదికలు వెల్లడించాయి. కాల్పులకు గల కారణాలను గుర్తించేందుకు దర్యాప్తు కొనసాగుతోంది.

వాషింగ్టన్‌: అమెరికా మధ్యంతర ఎన్నికల వేళ దక్షిణ కరోలినా సెనేట్ పోరు ఆసక్తికరంగా మారింది. అధ్యక్షుడు డొనాల్డ్ ట్రంప్ మద్దతున్న రిపబ్లికన్ అభ్యర్థి డార్లిన్ గ్రాహమ్‌కు వ్యతిరేకంగా పోటీ చేస్తున్న డెమోక్రాట్ అభ్యర్థి, డాక్టర్ అన్నీ ఆండ్రూస్‌కు ఇద్దరు మాజీ గవర్నర్లు మద్దతు ప్రకటించారు. మాజీ గవర్నర్లు డేవిడ్ బీస్లీ, జిమ్ హాడ్జెస్ సోమవారం విడుదల చేసిన వీడియోలో ఆండ్రూస్‌కు తమ మద్దతు తెలిపారు. వీరిలో బీస్లీ గతంలో డెమోక్రాట్‌గా గవర్నర్‌గా పనిచేసి, ఆ తర్వాత రిపబ్లికన్‌గా మారారు. ఆయన తర్వాత గవర్నర్‌గా బాధ్యతలు చేపట్టిన హాడ్జెస్ డెమోక్రాట్. అమెరికాలో రాజకీయ విభజన పెరిగిపోతోందని, రాజకీయ నాయకుల మాటలు హద్దులు దాటుతున్నాయని వారు ఆందోళన వ్యక్తం చేశారు. ప్రజల్లో కోపాన్ని పెంచడం కాకుండా, సమస్యలకు పరిష్కారాలు చూపించడమే నిజమైన నాయకత్వమని బీస్లీ పేర్కొన్నారు.రిపబ్లికన్ గవర్నర్ల సంఘానికి గతంలో అధ్యక్షుడిగా పనిచేసిన బీస్లీ.. ట్రంప్ నాయకత్వంలో రిపబ్లికన్ పార్టీ అనుసరిస్తున్న వైఖరిపై ఇటీవల విమర్శలు చేశారు. ప్రస్తుత పార్టీ తాను గతంలో గుర్తించిన పార్టీలా లేదని, దానిని తన పార్టీగా భావించలేకపోతున్నానని వ్యాఖ్యానించారు. మరోవైపు, రిపబ్లికన్లు ఆధిపత్యంలో ఉన్న రాష్ట్రాల్లోనూ కొందరు మాజీ నేతలు డెమోక్రాట్ అభ్యర్థులకు మద్దతు ప్రకటిస్తున్నారు. కాన్సాస్‌లో ఇద్దరు మాజీ రిపబ్లికన్ గవర్నర్లు, ప్రస్తుత రిపబ్లికన్ సెనేటర్ రోజర్ మార్షల్‌పై పోటీ చేస్తున్న డెమోక్రాట్ ఆడమ్ హామిల్టన్‌కు మద్దతు తెలిపారు. టెక్సాస్‌లో బుష్ కుటుంబానికి చెందిన పలువురు నేతలు డెమోక్రాట్ అభ్యర్థి జేమ్స్ తలారికోకు మద్దతుగా నిలిచారు.మాజీ గవర్నర్ల మద్దతుతో ఆండ్రూస్‌కు రాజకీయంగా ఊతం లభించినప్పటికీ, ఆమెకు విజయం సాధించడం అంత సులభం కాదు. దక్షిణ కరోలినాలో ఈ శతాబ్దంలో డెమోక్రాట్లు ఒక్క సెనేట్ స్థానాన్ని కూడా గెలుచుకోలేదు. రెండేళ్ల క్రితం అధ్యక్ష ఎన్నికల్లో ట్రంప్ ఈ రాష్ట్రంలో 17 శాతానికి పైగా ఓట్ల ఆధిక్యంతో విజయం సాధించారు. ఈ ఏడాది రాజకీయ పరిస్థితులు డెమోక్రాట్లకు అనుకూలంగా ఉన్నప్పటికీ, స్వతంత్ర ఎన్నికల విశ్లేషణ సంస్థ కుక్ పొలిటికల్ రిపోర్ట్ మాత్రం ఈ సెనేట్ పోరును రిపబ్లికన్ల వైపు మొగ్గు చూపుతున్న పోటీగా వర్గీకరించింది. దీంతో మాజీ గవర్నర్ల మద్దతు, నిధుల సేకరణలో ఆధిక్యం ఆండ్రూస్‌కు ఎంతవరకు ఉపయోగపడతాయన్నది ఆసక్తికరంగా మారింది.ఇదీ చదవండి: ట్రంప్‌కు లూలా ఝలక్‌.. బ్రెజిల్‌ తీర్పుతో అమెరికా షాక్‌!

పశ్చిమాసియాలో యుద్ధం తీవ్రరూపం దాల్చుతున్న వేళ కీలక పరిణామం చోటుచేసుకుంది. ఇరాన్‌కు, సౌదీ అరేబియాకు మధ్య ఉద్రిక్తతలు పెరుగుతున్న నేపథ్యంలో సౌదీ, టర్కీ, పాకిస్థాన్‌ దేశాల ఉన్నతస్థాయి ప్రతినిధులు టెహ్రాన్‌లో ఇరాన్‌ అధికారులతో సమావేశం కానున్నారు. సౌదీపై క్షిపణులు, డ్రోన్ల దాడులు కొనసాగుతున్న సమయంలో ఈ భేటీ జరగనుండటం ప్రాధాన్యం సంతరించుకుంది. ప్రాంతీయ భద్రతను కాపాడటం, యుద్ధం మరింత విస్తరించకుండా చూడటం, అమెరికా-ఇరాన్‌ మధ్య దౌత్యానికి మార్గం సుగమం చేయడం ఈ చర్చల వెనుక ఉన్న ముఖ్య ఉద్దేశాలుగా భావిస్తున్నారు. అయితే, ఈ సమావేశం యుద్ధాన్ని ఆపగలదా? ఇరాన్‌ వైఖరిలో మార్పు తీసుకురాగలదా? అన్నది ఆసక్తికరంగా మారింది.రాయిటర్స్‌ కథనం ప్రకారం, సోమవారం ఇరాన్‌ రాజధాని టెహ్రాన్‌లో ప్రాంతీయ భద్రతపై కీలక చర్చలు జరగనున్నాయి. సౌదీ అరేబియా రక్షణ మంత్రి ప్రిన్స్‌ ఖాలిద్‌ బిన్‌ సల్మాన్‌, పాకిస్థాన్‌ ఆర్మీ చీఫ్‌ ఫీల్డ్‌ మార్షల్‌ అసిమ్‌ మునీర్‌, టర్కీ నిఘా విభాగం అధిపతి ఇబ్రహీం కలిన్‌ ఈ సమావేశంలో పాల్గొననున్నారు. ఇరాన్‌ సుప్రీం నేషనల్‌ సెక్యూరిటీ కౌన్సిల్‌ అధికారులతో వీరు చర్చలు జరపనున్నారు. ప్రాంతీయ ఉద్రిక్తతలను నియంత్రించడం, భద్రతాపరమైన సమన్వయం, యుద్ధ ప్రభావాలను తగ్గించడం వంటి అంశాలు చర్చకు వచ్చే అవకాశం ఉంది.సౌదీపై దాడులు.. ఇరాన్‌పై ఒత్తిడి?అమెరికా-ఇజ్రాయెల్‌ దాడులతో ఇరాన్‌ ఇప్పటికే తీవ్ర ఒత్తిడిని ఎదుర్కొంటున్న సమయంలో, యెమెన్‌లోని ఇరాన్‌ అనుకూల హౌతీ తిరుగుబాటుదారుల దాడులు సౌదీ అరేబియాకు కొత్త సవాలుగా మారాయి. ఆదివారం కూడా సౌదీ అరేబియా క్షిపణులు, డ్రోన్ల దాడి ప్రయత్నాలను అడ్డుకున్నట్లు రాయిటర్స్‌ నివేదించింది. ఈ పరిణామాలు ప్రాంతీయ యుద్ధాన్ని మరింత విస్తరించే ప్రమాదాన్ని పెంచుతున్నాయి. ఇక, గత ఆగస్టులో సౌదీ అరేబియా, టర్కీ, పాకిస్థాన్‌ మక్కా సంయుక్త రక్షణ ఒప్పందంపై సంతకాలు చేశాయి. ఒక సభ్యదేశంపై సాయుధ దాడిని అన్ని సభ్యదేశాలపై దాడిగా పరిగణించే నిబంధన ఈ ఒప్పందంలో ఉంది. ఈ నేపథ్యంలో సౌదీ భద్రతకు ముప్పు పెరిగితే మిగతా రెండు దేశాల పాత్ర ఏమిటన్నది కీలకంగా మారింది. ఈ నెల ప్రారంభంలో రియాద్‌లో జరిగిన అత్యవసర సమావేశంలో సౌదీలో సైనిక బలగాలు, రక్షణ సామర్థ్యాలను వేగంగా మోహరించేందుకు మూడు దేశాలు అంగీకరించినట్లు నివేదిక తెలిపింది.అమెరికా-ఇరాన్‌ చర్చలకు పాక్‌ మధ్యవర్తిత్వం!అమెరికా, ఇరాన్‌ మధ్య గతంలో మధ్యవర్తిత్వ ప్రయత్నాలు చేసిన ఇస్లామాబాద్‌.. మరోసారి రెండు పక్షాల మధ్య దౌత్య మార్గాలను తెరిచే ప్రయత్నం చేయవచ్చు. ఇటీవలే అసిమ్‌ మునీర్‌ టెహ్రాన్‌లో ఇరాన్‌ అధ్యక్షుడు మసూద్‌ పెజెష్కియాన్‌తో సమావేశమయ్యారు. తమ డిమాండ్లు నెరవేరే వరకు వాషింగ్టన్‌తో చర్చలు జరపబోమని ఇరాన్‌ అధికారులు తెలిపినట్లు అక్కడి మీడియా పేర్కొంది. ఈ నేపథ్యంలో తాజా సమావేశం ద్వారా ఇరాన్‌ వైఖరిలో మార్పు వస్తుందా? అమెరికాతో చర్చలకు కొత్త మార్గం ఏర్పడుతుందా? అన్నది ఆసక్తికరంగా మారింది.యుద్ధానికి బ్రేక్‌ పడుతుందా? ఈ సమావేశం ప్రాంతీయ సంక్షోభాన్ని తగ్గించే దౌత్య ప్రయత్నమా? సౌదీ భద్రతను బలోపేతం చేసే వ్యూహమా? లేక భవిష్యత్తులో మరింత సమన్వయంతో పనిచేసే రక్షణ కూటమికి పునాది వేస్తుందా? అన్నది స్పష్టత రావాల్సి ఉంది. ఇరాన్‌తో నేరుగా చర్చలు జరపడానికి మూడు దేశాల ప్రతినిధులు ఒకేసారి రావడం మాత్రం కీలక పరిణామమే. ఇప్పుడందరి దృష్టి టెహ్రాన్‌ భేటీపైనే ఉంది. ఈ చర్చల్లో ఎలాంటి నిర్ణయాలు వెలువడతాయి? హౌతీ దాడులను నిలువరించే దిశగా ఏమైనా అంగీకారం కుదురుతుందా? అనేది ఆసక్తికరంగా మారింది. ఇదీ చదవండి: ఇజ్రాయెల్‌లో హై టెన్షన్‌.. నెతన్యాహుకు బిగ్‌ షాక్‌?

దీపావళికి ఇంకా రెండు వారాల సమయం ఉంది కానీ అప్పుడే అమెరికాకు ఆ పండుగ వైబ్‌ వచ్చేసింది. ఈ మేరకు అమెరికా ఫ్లోరిడాలోని ప్రసిద్ధ వాల్ట్ డిస్నీ వరల్డ్ రిసార్ట్ వేదికగా దీపావళి సంబరాలు అత్యంత వైభవంగా జరిగాయి. 'జశ్న్ ప్రొడక్షన్స్' నిర్వహించిన ఈ 'దీపావళి డాన్స్ ఫెస్ట్ 2026' వేడుకల్లో భాగంగా ఐకానిక్ సిండ్రెల్లా కోట (Cinderella Castle) ముందర 'మెయిన్ స్ట్రీట్ USA' మార్గంలో ఒక అద్భుతమైన సాంస్కృతిక ప్రదర్శన జరిగింది. ఈ వేడుకల్లో పాల్గొనేందుకు ఉత్తర అమెరికా, యూరప్, ఆస్ట్రేలియాతో పాటు ప్రపంచవ్యాప్తంగా ఉన్న సుమారు 25 డాన్స్ స్టూడియోల నుంచి 500 మందికి పైగా దక్షిణాసియా నృత్యకారులు విచ్చేశారు. వారంతా సాంప్రదాయ దుస్తులు ధరించి గ్రాండ్ పరేడ్‌లో పాల్గొన్నారు. ఈ ఈవెంట్‌లో సిండ్రెల్లా కోట నేపథ్యంలో భారత శాస్త్రీయ (Classical) నృత్యం, బాలీవుడ్, ఫ్యూజన్ వంటి వివిధ నృత్యాలతో కళాకారులు అదరగొట్టారు. ఈ కార్యక్రమంలో ప్రధాన ఆకర్షణ ఏంటంటే..డిస్నీ ప్రముఖ కార్టూన్ పాత్రలైన మిక్కీ మౌస్ ఎంబ్రాయిడరీ కుర్తా, అందమైన చీర, నగలతో పక్కా భారత సాంప్రదాయ శైలిలో కనిపించి సందర్శకులను కట్టిపడేశారు. ఈ దీపావళి ఉత్సవాలు కేవలం పరేడ్‌కే పరిమితం కాలేదు. ఎప్‌కాట్ (EPCOT) పార్కులో 'దీపావళి మేళా'తో మొదలై, యానిమల్ కింగ్‌డమ్‌లో ప్రత్యేక ప్రదర్శనలు, అలాగే ప్రముఖ ప్రముఖ గాయకుడు 'టెషర్' (Tesher - జలేబీ బేబీ ఫేమ్) లైవ్ కాన్సెర్ట్‌ తదితరాలన్నీ ఘనంగా జరిగాయి. నిజానికి ప్రపంచంలోనే అత్యంత ఆదరణ పొందిన డిస్నీ వరల్డ్ వేదికపై మన భారతీయ సంస్కృతి, కళలు, దీపావళి పండుగు వైభవం ఈ స్థాయిలో ప్రదర్శితమవ్వడం అనేది ప్రపంచవ్యాప్తంగా ఉన్న మన భారతీయులకెంతో గర్వకారణం. కాగా, తదుపరి దీపావళి నృత్యోత్సవం 2027, అక్టోబర్ 21–24 తేదీలలో జరగనుంది. ఈ కార్యక్రమంతో ఐదవ వార్షికోత్సవం జరుపుకోనున్నారు. ఈ వేడుకలో పాల్గొనాలంటే ప్రపంచవ్యాప్తంగా ఉన్న నృత్య స్టూడియోలు, కళాకారులు భాగస్వాములు జవనరి 01, 2027 కల్లా దరఖాస్తులు సమర్పించాల్సి ఉంటుంది. View this post on Instagram A post shared by Pooja Jhunjhunwala (@theglobalvegetarian) ఇదీ చదవండి: అమ్మ వంట అంటే అంత ఇష్టం..!: సచిన్‌ టెండూల్కర్‌

వాషింగ్టన్‌: అమెరికాలో నవంబర్‌ 3న జరగనున్న మధ్యంతర ఎన్నికల నేపథ్యంలో ఎన్నికల సిబ్బందికి బెదిరింపులు పెరుగుతుండటం ఆందోళన కలిగిస్తోంది. ఎన్నికల కార్యాలయాలకు అనుమానాస్పద లేఖలు రావడం, సామాజిక మాధ్యమాల్లో బెదిరింపులు, ఎన్నికల ప్రక్రియలో రాజకీయ జోక్యం ఉంటుందనే భయాలు అధికారులను కలవరపెడుతున్నాయి. ఈ నేపథ్యంలో ఎన్నికల సిబ్బంది భద్రతను పెంచడంతోపాటు ఓట్ల లెక్కింపు ప్రక్రియ సజావుగా సాగేందుకు స్థానిక అధికారులు ఏర్పాట్లు చేస్తున్నారు. ఎన్నికల నిర్వహణలో కీలక పాత్ర పోషించే సిబ్బందిని రక్షించడం, ఫలితాలపై ప్రజల్లో విశ్వాసాన్ని నిలబెట్టడం ఇప్పుడు ప్రధాన సవాళ్లుగా మారాయి.32 రాష్ట్రాల్లో అనుమానాస్పద లేఖలుఅమెరికాలో ఎన్నికల కార్యాలయాలకు అనుమానాస్పద లేఖలు రావడంతో భద్రతాపరమైన ఆందోళనలు పెరిగాయి. అక్టోబర్‌ 15న ఫెడరల్‌ బ్యూరో ఆఫ్‌ ఇన్వెస్టిగేషన్‌ (ఎఫ్‌బీఐ) ఎన్నికల సిబ్బందిపై వస్తున్న బెదిరింపుల గురించి హెచ్చరిక జారీ చేసింది. దేశవ్యాప్తంగా 32 రాష్ట్రాల్లోని ఎన్నికల కార్యాలయాలకు అనుమానాస్పద లేఖలు అందినట్లు సమాచారం. వీటిలో కొన్ని లేఖల్లో గుర్తుతెలియని పదార్థాలు ఉండటంతో అధికారులు అప్రమత్తమయ్యారు. లూసియానాలో తెల్లటి పొడి ఉన్న ఓ లేఖ రావడంతో కార్యాలయాన్ని ఖాళీ చేయించారు. ఒక ఉద్యోగిని వైద్య పరీక్షల నిమిత్తం ఆసుపత్రికి తరలించారు. అయితే పరీక్షల్లో ఆ పదార్థం హానికరమైనది కాదని అధికారులు తెలిపారు. ఈ ఘటనలపై ఎఫ్‌బీఐ, అమెరికా పోస్టల్‌ ఇన్‌స్పెక్షన్‌ సర్వీస్‌ దర్యాప్తు చేస్తున్నాయి. బెదిరింపులు లేదా అనుమానాస్పద ఘటనల గురించి సమాచారం తెలిసినవారు స్థానిక ఎఫ్‌బీఐ కార్యాలయాన్ని సంప్రదించాలని లేదా ఆన్‌లైన్‌లో ఫిర్యాదు చేయాలని అధికారులు సూచించారు.ఆన్‌లైన్‌ బెదిరింపులతోనూ ఇబ్బందులుఎన్నికల సిబ్బందికి ఎదురవుతున్న సమస్యలు భౌతిక భద్రతకే పరిమితం కావడం లేదు. 2020 అధ్యక్ష ఎన్నికల సందర్భంగా విస్తృతంగా అక్రమాలు జరిగాయంటూ వచ్చిన తప్పుడు ఆరోపణల నేపథ్యంలో ఓట్ల లెక్కింపు, ఫలితాల ధ్రువీకరణలో పాల్గొన్న అధికారులు వేధింపులు ఎదుర్కొన్నారు. ఇప్పుడు కూడా రాజకీయ నాయకుల జోక్యం, రాజకీయ ప్రేరేపిత దర్యాప్తులపై ఎన్నికల సిబ్బంది ఆందోళన వ్యక్తం చేస్తున్నారు. పోలింగ్‌ ముగిసిన తర్వాత కూడా వారి బాధ్యతలు కొనసాగుతాయి. బ్యాలెట్లను పరిశీలించడం, అవసరమైన చోట ఓటర్ల సంతకాలు, రికార్డులను తనిఖీ చేయడం, ఓట్లను లెక్కించడం, తేడాలు కనిపిస్తే వాటిపై విచారణ జరపడం వంటి పనులను రాష్ట్ర చట్టాలకు అనుగుణంగా పూర్తి చేయాలి. ముఖ్యంగా పోటీ హోరాహోరీగా ఉన్న నియోజకవర్గాల్లో మెయిల్‌ ద్వారా వచ్చిన బ్యాలెట్లు ఎక్కువగా ఉంటే లెక్కింపునకు మరింత సమయం పట్టవచ్చు. అయితే ఓట్ల లెక్కింపులో జాప్యం జరిగినంత మాత్రాన అక్రమాలు జరిగినట్లు కాదని అధికారులు చెబుతున్నారు. అయినప్పటికీ, నిర్ధారణ కాని ఆరోపణలు సామాజిక మాధ్యమాల్లో వేగంగా వ్యాపించడం వల్ల సాధారణ లెక్కింపు విధానాలు సైతం రాజకీయ వివాదాలకు దారితీసే ప్రమాదం ఉంది.ఇదీ చదవండి: బ్రెజిల్ అధ్యక్షుడిగా లూసియో ఇనాసియో లులా డా సిల్వా

డెట్రాయిట్‌: అమెరికాలో నవంబర్‌ 3వ తేదీన మధ్యంతర ఎన్నికలు జరగనుండగా రాజకీయ వాతావరణం ఒక్కసారిగా వేడెక్కింది. మాజీ అధ్యక్షుడు బరాక్‌ ఒబామా ప్రతిపక్ష డెమోక్రాట్‌ అభ్యర్థుల తరఫున శనివారం మిషిగన్, ఒహాయోల్లో ప్రచారం చేపట్టారు. అధ్యక్షుడు డొనాల్డ్‌ ట్రంప్‌ విధానాలను ఆయన తీవ్రంగా ఎండగట్టారు. ఇరాన్‌పై అనవసరంగా యుద్ధం కారణంగా దేశంలో ఇంధనంతోపాటు అన్ని వస్తువుల ధరలు ఆకాశాన్నంటాయన్నారు. గత రెండేళ్లుగా సాగుతున్న అవినీతి, అసమర్థతలకు ముగింపు పలికే సమయం వచ్చిందని ఒబామా ప్రజలకు పిలుపునిచ్చారు. అధ్యక్షుడు ట్రంప్, ఆయన కుటుంబం తీవ్రమైన అవినీతి ఆరోపణలున్నాయని ఒబామా చెప్పారు. దేశం ఆర్థికంగా తీవ్ర సంక్షోభం ఎదుర్కొంటున్న సమయంలో ఖర్చులను తగ్గించడానికి బదులుగా వైట్‌హౌస్‌లో కొత్త బాల్‌రూమ్, సౌత్‌ లాన్‌ వద్ద హెలిప్యాడ్‌ వంటివి నిర్మిస్తూ ప్రజా ధనాన్ని దుబారా చేస్తున్నారన్నారు. ఇరాక్‌ మాజీ అధ్యక్షుడు సద్దాం హుస్సేన్‌ ఒక చీజ్‌ కేక్‌ ఫ్యాక్టరీని తెరిచినట్లుగా ఆయన వైట్‌హౌస్‌ను మార్చేశారంటూ దెప్పిపొడిచారు. ట్రంప్, ఆయన అనుచర బృందం క్రూరంగా, అమర్యాదకరంగా వ్యవహరిస్తున్నారని మండిపడ్డారు. ఓహాయోలో రిపబ్లికన్‌ పార్టీ గవర్నర్‌ అభ్యర్థి వివేక్‌ రామస్వామి ప్రచార పోకడలను తప్పుబట్టారు. ప్రత్యర్థిని వ్యక్తిగతంగా విమర్శిస్తూ రామస్వామి అన్ని హద్దులను దాటేశారని, నీచమైన స్థాయికి దిగజారారని విమర్శించారు.

ఫార్మింగ్టన్ హిల్స్ (అమెరికా): అమెరికాలోని మిచిగన్ రాష్ట్రంలో తెలంగాణ సంస్కృతి, సంప్రదాయాలు వెల్లివిరిశాయి. గ్లోబల్ తెలంగాణ అసోసియేషన్ (జీటీఏ) డెట్రాయిట్ చాప్టర్ ఆధ్వర్యంలో నాలుగోసారి నిర్వహించిన బతుకమ్మ, దసరా వేడుకలు ఘనంగా జరిగాయి. స్టూడియో సెంటర్‌లో నిర్వహించిన ఈ వేడుకల్లో సుమారు 1,800 మంది తెలుగు ప్రవాసులు పాల్గొన్నారు. భక్తి, సంప్రదాయం, సాంస్కృతిక ఐక్యతకు ఈ వేడుకలు ప్రతీకగా నిలిచాయి.బతుకమ్మ పండుగ భిన్న ప్రాంతాల్లో నివసిస్తున్న ప్రజలను ఒకే వేదికపైకి తీసుకొచ్చే సాంస్కృతిక వారధి అని నిర్వాహకులు పేర్కొన్నారు. బతుకమ్మ పాటలు, ఆటలతో అందరూ ఒకే లయలో మమేకమవుతూ తెలంగాణ సంస్కృతిని చాటిచెప్పారని తెలిపారు.రంగురంగుల బతుకమ్మలతో ప్రత్యేక ఆకర్షణమహిళలు, యువతులు పట్టుచీరలు, సంప్రదాయ లంగా వోణీలు ధరించి వేడుకలకు హాజరయ్యారు. పాల్గొన్నవారు తీసుకొచ్చిన వందలాది రంగురంగుల పూల బతుకమ్మలు ప్రత్యేక ఆకర్షణగా నిలిచాయి. గౌరీదేవికి, ప్రకృతి మాతకు సమర్పణగా పూలతో అందంగా పేర్చిన బతుకమ్మల చుట్టూ మహిళలు వలయాకారంలో తిరుగుతూ సంప్రదాయ పాటలు పాడి నృత్యాలు చేశారు. సమన్వయంతో సాగిన చప్పట్లు, అడుగులు, పాటలతో ప్రాంగణమంతా పండుగ వాతావరణం నెలకొంది. స్థానిక ఆలయ అర్చకుడి ఆధ్వర్యంలో సంప్రదాయ శమీ పూజ నిర్వహించడంతో వేడుకలు ఆధ్యాత్మికంగా ప్రారంభమయ్యాయి.విందు, ప్రత్యేక స్టాళ్లతో సందడివేడుకలకు హాజరైన వారందరికీ స్థానిక భారతీయ రెస్టారెంట్ ఆహా బిర్యానీ ప్రత్యేకంగా సిద్ధం చేసిన విందును అందించారు. సంప్రదాయ దుస్తులు, చీరలు, ఆభరణాల విక్రయ స్టాళ్లు సందర్శకులను ఆకట్టుకున్నాయి. రియల్ ఎస్టేట్, ఆర్థిక, విద్యా సేవలతో పాటు ఆధ్యాత్మిక రంగాలకు చెందిన సంస్థలు కూడా తమ సేవలను పరిచయం చేశాయి.వివిధ భారతీయ సంఘాలకు చెందిన ప్రముఖులు ఈ వేడుకల్లో పాల్గొన్నారు. మిచిగన్ రిపబ్లికన్ పార్టీ కోశాధికారి సన్నీ రెడ్డి హాజరయ్యారు. వివిధ వర్గాల ప్రజల భాగస్వామ్యం ప్రవాస భారతీయుల మధ్య ఐక్యత, పరస్పర సహకారానికి నిదర్శనంగా నిలిచింది.జీటీఏ ప్రతినిధుల సమన్వయంతో నిర్వహణజీటీఏ జాతీయ చైర్మన్ ప్రవీణ్ కేశిరెడ్డి నాయకత్వంలో, డెట్రాయిట్ చాప్టర్ అధ్యక్షుడు వెంకట్ వడ్నాల, బోర్డ్ ఆఫ్ ట్రస్టీస్ సభ్యులు మల్లికార్జున్ పడుకునే, మహేశ్ వెణుకదాసుల, ప్రేమ్ రెడ్డి చింతపల్లి, సుమ కల్వాల, జీటీఏ మహిళా విభాగానికి చెందిన సుష్మ పడుకునే, స్వప్న చింతపల్లి, దీప్తి చిత్రపు కార్యక్రమాల సమన్వయంలో కీలక పాత్ర పోషించారు. వాలంటీర్ల సహకారంతో వేడుకలను విజయవంతంగా నిర్వహించారు.ఉత్తమ బతుకమ్మ పోటీల విజేతలకు బహుమతులువేడుకల్లో భాగంగా నిర్వహించిన ఉత్తమ బతుకమ్మ పోటీల్లో విజేతలకు బహుమతులు అందజేశారు. ఈ కార్యక్రమంలో వర్కింగ్ కమిటీ, స్థానిక కార్యవర్గ సభ్యులు సత్యధీర్ గంగసాని, నవదీప్ వేంపటి, రవి పిన్నపురెడ్డి, యుగంధర్ భూమిరెడ్డి, కరుణాకర్ కందుకూరి పాల్గొన్నారు. ఎగ్జిక్యూటివ్, అడ్వైజరీ బాడీ సభ్యులు యాదగిరి ఇలేని, సాయినాథ్ లచ్చిరెడ్డిగారి, గోవర్ధన్ పిన్నంరెడ్డి, కృష్ణ ప్రసాద్ జలిగామ, అశోక్ వెలుదండి, బద్రీనారాయణ, రాహుల్ తోట, భాస్కర్ సిరికి, రామ్ పొన్నూరు, వెంకటరమణ కొత్త, కమల్ పిన్నపురెడ్డి, సంతోష్ కోట, వెంకటేశ్ మంచాల, సతీష్ ముప్పిడి తదితరులు బహుమతుల ప్రదాన కార్యక్రమంలో పాల్గొన్నారు.దాండియా నృత్యాలతో ముగిసిన సంబరాలుబతుకమ్మ వేడుకలతో ప్రారంభమైన సంబరాలు ఢోల్ వాయిద్యాల హోరు, దాండియా నృత్యాలతో ఉత్సాహభరితంగా ముగిశాయి. దసరా పండుగ స్ఫూర్తిని ప్రతిబింబిస్తూ నిర్వహించిన ఈ కార్యక్రమంలో ప్రవాస తెలుగువారు ఉత్సాహంగా పాల్గొని నృత్యాలు చేశారు. చెడుపై మంచి సాధించిన విజయానికి ప్రతీకగా దసరా సందేశాన్ని చాటుతూ వేడుకలు ముగిశాయి.స్పాన్సర్ల సహకారంఈ వేడుకలకు హరి కాకుమాను రియల్టీ, సామ్ జోవనోవ్స్కీ మార్ట్గేజ్ లెండర్స్, ది ట్యూటరింగ్ సెంటర్ ఆఫ్ బ్లూమ్‌ఫీల్డ్ హిల్స్, సోమిరెడ్డి లా గ్రూప్, ఆహా బిర్యానీ రెస్టారెంట్, డిలైట్ కన్సల్టింగ్ సర్వీసెస్, లివోనియా ఫ్యామిలీ ఫార్మసీ, ఐడీఎస్, స్మైల్ సెంటర్, కమ్యూనిటీ ఛాయిస్, ఆన్ ఇన్సూరెన్స్ గ్రూప్, కంఫర్ట్ కీపర్స్ తదితర సంస్థలు ప్రధాన స్పాన్సర్లుగా సహకరించాయి. ఇతర వ్యాపార సంస్థలు, కమ్యూనిటీ సభ్యులు కూడా విరాళాలు అందించారు.నిర్వాహక కమిటీ కృషి, వాలంటీర్ల అంకితభావం, స్పాన్సర్లు, దాతల సహకారం, తెలుగు సమాజం ఉత్సాహభరిత భాగస్వామ్యంతో బతుకమ్మ, దసరా వేడుకలు విజయవంతమయ్యాయి. విదేశీ గడ్డపై తెలంగాణ సంస్కృతి, సంప్రదాయాలను భావితరాలకు పరిచయం చేస్తూ తెలుగు వారందరినీ ఒక్కచోట చేర్చే వేడుకగా ఈ కార్యక్రమం నిలిచింది.

అందరూ అత్యున్నత స్థాయికి చేరుకోవాలనుకుంటారు. అయితే అదెలా అనే విషయంలోనే తడబడుతుంటారు. కొందరు తమ పని తాము చేసుకుంటూ వెళ్లిపోతారు. డబ్బు, హోదాలతో పనిలేకుండా కష్టాన్నే నమ్ముకుంటూ సాగుతూ కనీవినీ ఎరుగని విధంగా ఉన్నత స్థాయికి చేరుకుంటారు. అలాంటి కోవకు చెందిన వ్యక్తే యూకేకు చెందిన కేథరీన్ టాన్-గిల్లెస్పీ. ఇవాళ ఆమె అమెరికా కేఎఫ్‌సీ వ్యాపార సంస్థలకు అధ్యక్షురాలు. ఆమె ఈ స్థాయికి ఎలా చేరుకుందో తెలిస్తే..ఆశ్చర్యపోవడం ఖాయం. మరి ఆమె సక్సెస్‌ జర్నీ ఎలా సాగిందో తెలుసుకుందామా..!.ఆ మహిళే బ్రిటన్‌కి చెందిన కేథరీన్ టాన్-గిల్లెస్పీ. ఆమె తన 13వ ఏట నుంచే ఉద్యోగ కెరీర్‌ని ప్రారంభించింది. ఈ 52 ఏళ్ల మహిళ మధ్యతరగతి కుటుంబంలో పెరిగింది. ఆమె తల్లి నర్సుగా పనిచేస్తుండగా, తండ్రి బీబీసీలో లైటింగ్‌ డైరెక్టర్‌గా పనిచేస్తుండేవారు. దాంతో ఆమె చిన్న వయసులోనే బ్రిటిష్‌ రెస్టారెంట్‌ చైన్‌ బీఫీటర్‌లో గిన్నెల కడుగుతూ తన వృత్తి జీవితాన్ని ప్రారంభించింది. అలా ఆమె గంట​​కు రూ. 152 రూలు ఆర్జించేది. అది నేటి కరెన్సీ విలువ ప్రకారం రూ. 500లకు సమానం. ఆ తర్వాత ఐస్ క్రీమ్ మెషీన్ వద్దకు మారింది. రెస్టారెంట్‌లో ఉండే వేగవంతమైన పని ఆమెకు ఎంతగానో నచ్చింది. ఆమె సెకండరీ స్కూల్‌ చదువుతున్నప్పుడే రెస్టారెంట్‌ చైన్‌లో పనిచేయడం ప్రారంభించింది. చివరికి అసిస్టెంట్‌ మేనేజర్‌ స్థాయికి చేరుకుంది. అంతేగాదు రెస్టారెంట్‌లో టీం వర్క్‌, ఒత్తిడి, వేగం, పని, మంచి క్రమశిక్షణను నేర్పిస్తాయని అంటోందామె. ఇందులో సక్సెస్‌ కావాలంటే మాత్రం కస్టమర్లను సంతృప్తి పరిచే టాలెంట్‌ కూడా స్వతహాగా ఉండాలని అంటోంది.ఆ తర్వాత ఆమె ప్లైమౌత్ విశ్వవిద్యాలయంలో వ్యాపార శాస్త్రం అభ్యసించింది. ఆ తర్వాత 1996లో ఆ కోర్సులో పట్టభద్రురాలైన వెంటనే మార్కెట​రంగంలోకి ప్రవేశించి HP, ఫ్రిటో-లే, సోనీ పిక్చర్స్ వంటి కంపెనీలతో కలిసి పనిచేశారు. వర్జిన్ గ్రూప్ వ్యవస్థాపకుడు రిచర్డ్ బ్రాన్సన్ వ్యాపార వినూత్న విధానం నుంచి ప్రేరణ పొందిన టాన్‌ అదే మార్గాన్ని అనుసరించాలని భావించింది. పనిప్రదేశ సంస్కృతికి తన ఎదుగుదలను పరిమితం చేయాలనుకోలేదు. అందుకే కంపెనీని విడిచిపెట్టి KFC సౌత్ పసిఫిక్‌కు వచ్చింది. అక్కడ ఆమె ఆస్ట్రేలియా, న్యూజిలాండ్‌లలో మార్కెటింగ్‌ను పర్యవేక్షించారు. 2017లో, ఆమె ఆ కంపెనీకి గ్లోబల్ చీఫ్ మార్కెటింగ్ ఆఫీసర్ అయ్యారు. ఆమె 2024లో KFC కెనడా బాధ్యతలు స్వీకరించి, ఏప్రిల్ 2025లో KFC US అధ్యక్షురాలిగా నియమితులయ్యారు. పెరుగుతున్న పోటీ, మారుతున్న అభిరుచులను అంచనావేస్తూ.. వ్యాపారాన్ని విజయవంతంగా నిర్వహిస్తోందామె. తను ఎప్పుడు డబ్బు, హోదాల వెంట పరిగెట్టనని, ఎదగడానికి, నేర్చుకోవడానికే సదా ప్రయత్నిస్తుంటానని అన్నారామె. వృత్తి నిపుణులు అధిక ఒత్తిడికి లోనుకాకుండా సవాళ్లను స్వీకరించాలని అదే తన సక్సెస్‌ మంత్ర అని చెబుతోందామె. అలాగే యువతను సదా తమ అభిప్రాయాలను నిర్భయంగా చెప్పేందుకు, అలాగే కోరుకున్న అవకాశాలను వెతుక్కోవడానికి సన్నద్ధత చూపించాలని చెబుతోందామె. అంతేగాదు ఒక కష్టమైన నిర్ణయం తీసుకోవాల్సి వచ్చినప్పుడూ..అతి చెత్తగా ఏం జరగగలదో అంచనా వేయాలని సూచిస్తోంది కేథరీన్ టాన్-గిల్లెస్పీ.ఇదీ చదవండి: ఆ అత్తమ్మ ప్రేమకు.. కోమానే జయించింది ఆ కోడలు!

టెక్నాలజీ పెరుగుతున్న తరుణంలో దిగ్గజ కంపెనీలు సైతం తమ ఉద్యోగుల సంఖ్యను తగ్గించుకుంటున్నాయి. అంతర్జాతీయ ఆర్థిక సేవల సంస్థ అమెరికన్‌ ఎక్స్‌ప్రెస్‌ కూడా ఇదే బాటలో అడుగులు వేస్తోంది. ప్రపంచవ్యాప్తంగా సుమారు 3,500 మంది ఉద్యోగులను తొలగించేందుకు సిద్ధమైంది. సంస్థలో పనిచేస్తున్న మొత్తం ఉద్యోగుల్లో ఇది దాదాపు 5 శాతానికి సమానం.అమెరికన్‌ ఎక్స్‌ప్రెస్‌ తన ఉద్యోగులను తొలగించడానికి ప్రధాన కారణం.. ఖర్చులను తగ్గించుకోవడం, కార్యకలాపాలను మరింత సమర్థవంతంగా నిర్వహించడం, భవిష్యత్తులో కృత్రిమ మేధ (ఏఐ) వినియోగాన్ని పెంచుకోవడం అని తెలుస్తోంది. అయితే, కంపెనీ లాభాలు గణనీయంగా పెరుగుతున్న సమయంలోనే ఉద్యోగుల కోతకు సిద్ధం కావడం గమనార్హం.అమెరికన్‌ ఎక్స్‌ప్రెస్‌ 2025 మూడో త్రైమాసికంలో 3.71 బిలియన్‌ డాలర్ల నికర లాభాన్ని నమోదు చేసింది. గత ఏడాదితో పోలిస్తే ఇది 28 శాతం ఎక్కువ. కంపెనీ ఆదాయం కూడా 9 శాతం పెరిగి 20.06 బిలియన్‌ డాలర్లకు చేరింది. ఈ గణాంకాలు సంస్థ వ్యాపారం బలంగా ఉన్నట్లు సూచిస్తున్నాయి.కంపెనీ సీఈఓ స్టీఫెన్‌ స్క్వెరీ మాట్లాడుతూ.. వ్యాపారంలో మంచి వృద్ధి ఉన్నప్పటికీ, భవిష్యత్తులో ప్రత్యర్థులతో పోటీ పాడటానికి వ్యవస్థను సరళీకృతం చేయాల్సిన అవసరం ఉందని తెలిపారు. ఇందులో భగంగాంనే.. నిర్వహణ స్థాయిలను తగ్గించడం, నిర్ణయాలు వేగంగా తీసుకునేలా బాధ్యతల పరిధిని విస్తరించడం వంటి మార్పులను కంపెనీ చేపట్టనుంది. ముఖ్యంగా ఏఐ సాంకేతికత ద్వారా కొన్ని పనులను వేగంగా, తక్కువ ఖర్చుతో నిర్వహించే అవకాశం ఉండటంతో, భవిష్యత్తు అవసరాలకు అనుగుణంగా ఉద్యోగుల నిర్మాణాన్ని మార్చుకోవాలని భావిస్తోంది.అమెరికన్‌ ఎక్స్‌ప్రెస్‌ తన వినియోగదారులకు మెరుగైన సేవలు అందించేందుకు కూడా ఏఐని ఉపయోగించుకోవాలని చూస్తోంది. కార్డుదారుల అవసరాలకు అనుగుణంగా ప్రత్యేక ఆఫర్లు అందించడం, కార్యకలాపాల్లో సామర్థ్యాన్ని పెంచడం వంటి అంశాల్లో ఈ సాంకేతికత ఉపయోగపడనుంది. అయితే.. వినియోగదారులు, వ్యాపార భాగస్వాముల సమాచార భద్రత విషయంలో తగిన జాగ్రత్తలు తీసుకుంటామని కంపెనీ స్పష్టం చేసింది.ఇదిలా ఉండగా.. బార్క్లేస్‌ 5,000 ఉద్యోగాలను, ఈబే సుమారు 1,000 ఉద్యోగాలను తగ్గించే ప్రణాళికలు ప్రకటించగా, వోల్వో కూడా 2,500 ఉద్యోగాల కోతకు సిద్ధమైంది. దీన్నిబట్టి చూస్తే.. రానున్న రోజుల్లో ఉద్యోగాల తొలగింపులు ఎక్కువగా ఉండే అవకాశం ఉంటుందని స్పష్టంగా అర్థమవుతోంది.ఇదీ చదవండి: ఉద్యోగులకు కష్టకాలం.. జాబ్ మార్కెట్ పరిస్థితి ఇదే!

ఒక్క రాత్రి గడిస్తే చాలు.. పశ్చిమాసియా మరోసారి బాంబుల మోతతో దద్దరిల్లుతుందా? చర్చల ముసుగులో యుద్ధానికి రంగం సిద్ధమవుతోందా? ప్రపంచ చమురు రవాణాకు గుండెకాయలాంటి హార్మూజ్‌ జలసంధి మరోసారి రణరంగంగా మారబోతోందా? అమెరికా అధ్యక్షుడు డొనాల్డ్‌ ట్రంప్‌ తాజా వ్యాఖ్యలు అంతర్జాతీయంగా కలకలం రేపుతున్నాయి. ‘రేపే దాడులు చేసే అవకాశం ఉంది.. లేదంటే భారీ ఒప్పందం కుదరవచ్చు’ అంటూ ట్రంప్‌ చేసిన వ్యాఖ్యలు యుద్ధ భయాలను మరింత పెంచాయి. అలాగే, ఇరాన్‌ ఒప్పందానికి సిద్ధంగా ఉందని ఒకవైపు చెబుతూనే.. ఆ దేశాన్ని నమ్మగలమా అంటూనే మరోవైపు సందేహాలు వ్యక్తం చేశారు.ఫ్లోరిడాలో శనివారం ఓటు వేసిన అనంతరం మీడియాతో మాట్లాడిన ట్రంప్‌.. ఇరాన్‌పై మరోసారి దాడులు చేసే అవకాశాన్ని కొట్టిపారేయలేదు. రేపు దాడులు జరగవచ్చా అని విలేకరులు ప్రశ్నించగా.. ఆ విషయాన్ని ముందుగానే చెబుతానని అనుకుంటున్నారా అంటూ ఎదురు ప్రశ్నించారు. రేపే దాడులు చేసే అవకాశం ఉందని, అదే సమయంలో పెద్ద ఒప్పందం కుదిరే అవకాశమూ ఉందని వ్యాఖ్యానించారు. ఇరాన్‌ ఒప్పందం చేసుకోవాలని కోరుకుంటోందని చెప్పిన ట్రంప్‌.. అసలు సమస్య ఆ ఒప్పందానికి ఆ దేశం కట్టుబడి ఉంటుందా లేదా అన్నదేనని పేర్కొన్నారు. దీంతో అమెరికా తదుపరి అడుగు సైనిక చర్య వైపు పడుతుందా, లేక దౌత్యానికి మరో అవకాశం ఇస్తుందా అన్న ఉత్కంఠ నెలకొంది.ఇరాన్‌ సైన్యాన్ని దెబ్బతీశాం.. ఇదే సమయంలో ఇరాన్‌పై తమ ప్రభుత్వం అనుసరిస్తున్న వ్యూహాన్ని ట్రంప్‌ సమర్థించుకున్నారు. అమెరికా నౌకాదళం, సైన్యం అద్భుతంగా పనిచేశాయని చెబుతూ.. ఇరాన్‌ యుద్ధ విమానాలన్నింటినీ ధ్వంసం చేశామని, 259 నౌకలు సముద్ర గర్భంలో ఉన్నాయని వ్యాఖ్యానించారు. ఇరాన్‌ ప్రస్తుతం రికార్డు స్థాయి ద్రవ్యోల్బణాన్ని ఎదుర్కొంటోందని పేర్కొన్నారు. కాగా, ట్రంప్‌ వ్యాఖ్యలు ఇరాన్‌పై అమెరికా ఒత్తిడిని కొనసాగించాలన్న వైఖరిని సూచిస్తున్నాయి. దీంతో, దాడుల అంశాన్ని ప్రస్తావించడం, ఒప్పందంపై సందేహాలు వ్యక్తం చేయడం.. వాషింగ్టన్‌ వైఖరిపై ఉత్కంఠను పెంచుతున్నాయి.హార్మూజ్‌ కథేంటి.. ప్రపంచ చమురు రవాణాకు అత్యంత కీలకమైన హార్మూజ్‌ జలసంధి ఇప్పుడు అమెరికా, ఇరాన్‌ మధ్య ప్రధాన వివాదాంశంగా మారింది. అమెరికా తన నౌకాదళ దిగ్బంధాన్ని ఎత్తివేస్తే.. ఈ జలమార్గాన్ని తిరిగి తెరిచేందుకు ఇరాన్‌ ప్రతిపాదించిందని సౌదీ అరేబియాకు చెందిన ఓ మీడియా సంస్థ కథనం ప్రచురించింది. పాకిస్థాన్‌ మధ్యవర్తుల ద్వారా ఈ ప్రతిపాదన అమెరికాకు చేరినట్లు పేర్కొంది. అయితే, ఈ వార్తలను ఇరాన్‌ తోసిపుచ్చింది. పాకిస్థాన్‌ ద్వారా అమెరికాకు ఎలాంటి ప్రతిపాదన పంపలేదని తస్నీమ్‌ వార్తా సంస్థ వెల్లడించింది. సౌదీ మీడియా కథనం అబద్ధం, కల్పితమని ప్రెస్‌ టీవీ పేర్కొన్నట్లు తెలిపింది. దీంతో ట్రంప్‌ చెబుతున్న ఒప్పందం ఏ ప్రాతిపదికన సాధ్యమవుతుందన్న ప్రశ్న తలెత్తుతోంది. ఒకవైపు ఒప్పందానికి అవకాశం ఉందని అమెరికా అధ్యక్షుడు చెబుతుండగా.. మరోవైపు అలాంటి ప్రతిపాదనే చేయలేదని ఇరాన్‌ స్పష్టం చేస్తోంది. ఈ విభేదాల మధ్య జలసంధి భవిష్యత్తుపై అనిశ్చితి కొనసాగుతోంది.#WATCH | When asked about the possibility of attacking Iran again, US President Donald Trump says, "...There's a possibility I will (attack Iran).There's also a possibility we'll have a nice, big, beautiful agreement. But the problem is will they hold the deal?..." (Source: US Network Pool Via Reuters)— ANI (@ANI) October 24, 2026అమెరికా దౌత్యవేత్తలపై దాడులకు కుట్ర?ఇరాన్‌తో ఉద్రిక్తతలు పెరుగుతున్న వేళ అమెరికా నిఘా వర్గాల హెచ్చరికలు మరింత ఆందోళన కలిగిస్తున్నాయి. అమెరికా దౌత్యవేత్తలు, ప్రభుత్వ అధికారులను లక్ష్యంగా చేసుకునే ప్రయత్నాలను ఇరాన్‌ గణనీయంగా పెంచిందని నిఘా సంస్థలు గుర్తించినట్లు ఆక్సియోస్‌ కథనం వెల్లడించింది. దీంతో అమెరికా భద్రతా అధికారుల్లో ఆందోళన పెరిగినట్లు తెలిపింది. ఈ నేపథ్యంలో మధ్యప్రాచ్యంలోని పలు అమెరికా రాయబార కార్యాలయాల్లో సిబ్బందిని తగ్గించే చర్యలు చేపట్టినట్లు సమాచారం. అయితే, ఈ కుట్రలకు సంబంధించిన పూర్తి వివరాలు, వాటి వెనుక ఉన్న వ్యక్తులు లేదా సంస్థలపై నిర్ధారిత సమాచారం బహిరంగంగా వెల్లడికాలేదు.చర్చల తెర వెనుక యుద్ధ సన్నాహాలా?ట్రంప్‌ వ్యాఖ్యల్లో రెండు కీలక సంకేతాలు కనిపిస్తున్నాయి. ఒకవైపు ఇరాన్‌పై సైనిక ఒత్తిడిని కొనసాగించేందుకు అమెరికా సిద్ధంగా ఉందన్న సంకేతాలిస్తూనే.. మరోవైపు భారీ ఒప్పందానికి అవకాశం ఉందని చెబుతున్నారు. అయితే, హార్మూజ్‌ జలసంధిపై ఇరాన్‌ ప్రతిపాదన చేసిందన్న వార్తలను టెహ్రాన్‌ ఖండించడం, అమెరికా దౌత్యవేత్తలపై ముప్పు పెరుగుతోందన్న నిఘా నివేదికలు పరిస్థితిని మరింత సంక్లిష్టంగా మార్చాయి. ఇప్పుడు ప్రపంచం చూపంతా అమెరికా తదుపరి అడుగుపైనే. ట్రంప్‌ హెచ్చరికలు మాటలకే పరిమితమవుతాయా.. లేక ఇరాన్‌పై మరోసారి సైనిక చర్యకు దిగుతారా? చర్చల ద్వారా జలసంధి వివాదానికి పరిష్కారం లభిస్తుందా? ఒకవేళ యుద్ధం మళ్లీ తీవ్రరూపం దాలిస్తే, దాని ప్రభావం పశ్చిమాసియాకే పరిమితం కాకుండా ప్రపంచ చమురు సరఫరా, ధరలపైనా పడే అవకాశముంది. ప్రస్తుతానికి దాడులపై స్పష్టమైన నిర్ణయం వెలువడలేదు. కానీ అమెరికా, ఇరాన్‌ మధ్య పెరుగుతున్న ఉద్రిక్తతలు అంతర్జాతీయంగా ఆందోళన కలిగిస్తున్నాయి.ఇదీ చదవండి: ఇరాన్‌ సంచలన నిర్ణయం.. ప్రపంచానికి కొత్త ముప్పు!

ఉత్తర కొరియా అధ్యక్షుడు కిమ్‌ జోంగ్‌ ఉన్‌ శనివారం చైనాలో పర్యటించారు. ఇటీవలే ప్రారంభమైన కొత్త సరిహద్దు వంతెన మీదుగా చైనాలోని డాండోంగ్‌ నగరానికి చేరుకున్నారు. ఇరు దేశాల మధ్య వాణిజ్య సంబంధాలను మరింత బలోపేతం చేసే లక్ష్యంతో నిర్మించిన ఈ వంతెన ప్రారంభమైన కొద్ది రోజులకే కిమ్‌ దానిపై ప్రయాణించడం ప్రాధాన్యం సంతరించుకుంది. ఈ పర్యటన సందర్భంగా ఆయన చైనా కమ్యూనిస్టు పార్టీ సీనియర్‌ నేత వాంగ్‌ హునింగ్‌తో సమావేశమయ్యారు.చైనాలోని లియావోనింగ్‌ ప్రావిన్స్‌లో ఉన్న డాండోంగ్‌ నగరం.. ఉత్తర కొరియా సరిహద్దుకు సమీపంలో ఉంటుంది. ఇరు దేశాలను కలిపే అమ్నోక్‌ నది (చైనాలో యాలు నదిగా పిలుస్తారు) మీదుగా నిర్మించిన కొత్త వంతెనను కిమ్‌ దాటుకుని అక్కడికి చేరుకున్నట్లు దక్షిణ కొరియా ప్రభుత్వ వర్గాలు వెల్లడించాయి. చైనా అధికారిక వార్తా సంస్థ జిన్హువా ప్రకారం.. వాంగ్‌ హునింగ్‌తో కలిసి కిమ్‌ ఒక కార్ల తయారీ పరిశ్రమను సందర్శించారు. అనంతరం కొరియా యుద్ధ స్మారకాన్ని సందర్శించి, ఆ యుద్ధంలో మరణించిన చైనా సైనికులకు నివాళులర్పించారు.వాంగ్‌ హునింగ్‌ చైనా కమ్యూనిస్టు పార్టీ పొలిట్‌బ్యూరో స్టాండింగ్‌ కమిటీ సభ్యుడు. చైనా ప్రజా రాజకీయ సంప్రదింపుల సదస్సు జాతీయ కమిటీకి ఆయన అధ్యక్షుడిగా కూడా వ్యవహరిస్తున్నారు. చర్చల సందర్భంగా చైనాకు ఉత్తర కొరియాపై ఉన్న దీర్ఘకాల మద్దతుకు కిమ్‌ కృతజ్ఞతలు తెలిపినట్లు జిన్హువా పేర్కొంది. ఇరు దేశాల మధ్య చారిత్రక స్నేహాన్ని మరింత విస్తరించడంతోపాటు, ఆచరణాత్మక సహకారాన్ని పెంచుకోవాలని ఆయన ఆకాంక్షించారు. తద్వారా రెండు దేశాల ప్రజలకు ప్రత్యక్ష ప్రయోజనాలు చేకూరుతాయని అభిప్రాయపడ్డారు. పర్యటన ముగిసిన తర్వాత కిమ్‌ స్వదేశానికి తిరిగి వెళ్లగా, వాంగ్‌ హునింగ్‌ ఆయనకు వీడ్కోలు పలికారు.12 ఏళ్ల తర్వాత అందుబాటులోకి వంతెనఉత్తర కొరియాలోని సినుయిజు నగరాన్ని, చైనాలోని డాండోంగ్‌ను కలిపే ఈ నాలుగు వరుసల వంతెన పొడవు 3,026 మీటర్లు. చైనా సుమారు 310 మిలియన్‌ డాలర్ల పెట్టుబడితో దీన్ని నిర్మించింది. 2014లోనే నిర్మాణం పూర్తయినప్పటికీ, ఉత్తర కొరియా వైపు అనుసంధాన రహదారులు, సుంకాల తనిఖీ కేంద్రాలు వంటి మౌలిక సదుపాయాలు పూర్తికాకపోవడంతో ప్రారంభం అనేక సంవత్సరాలు వాయిదా పడింది. చివరకు అక్టోబర్‌ 15న ఈ వంతెనను అధికారికంగా ప్రారంభించారు.ఈ వంతెన అందుబాటులోకి రావడం వల్ల ఉత్తర కొరియా, చైనా మధ్య సరకు రవాణా, వాణిజ్య కార్యకలాపాలు పెరిగే అవకాశం ఉంది. ముఖ్యంగా ఇరు దేశాల ఆర్థిక సంబంధాలను బలోపేతం చేయడంలో ఇది కీలక పాత్ర పోషించవచ్చని భావిస్తున్నారు.కొరియా యుద్ధ వార్షికోత్సవానికి ముందు పర్యటనకొరియా యుద్ధం 1950-1953లో ఉత్తర కొరియాకు మద్దతుగా చైనా సైనికులు పాల్గొన్న సందర్భాన్ని ఇరు దేశాలు అక్టోబర్‌ 25న స్మరించుకుంటాయి. ఈ నేపథ్యంలో కిమ్‌ పర్యటనకు ప్రాధాన్యం ఏర్పడింది. కిమ్‌కు చైనాలో ఇది ఆరో పర్యటన.మరోవైపు, వచ్చే నెలలో చైనాలోని షెన్‌జెన్‌లో ఆసియా-పసిఫిక్‌ ఆర్థిక సహకార వేదిక శిఖరాగ్ర సమావేశం జరగనుంది. అమెరికా అధ్యక్షుడు డొనాల్డ్‌ ట్రంప్‌ కూడా దీనికి హాజరుకానున్నారు. ఉత్తర కొరియా నేతతో చర్చలు జరపాలని ట్రంప్‌ ఆసక్తి వ్యక్తం చేసినప్పటికీ, ప్యాంగ్యాంగ్‌ నుంచి స్పందన రాలేదు. ఈ పరిణామాల నేపథ్యంలో చైనా, ఉత్తర కొరియా మధ్య పెరుగుతున్న సహకారం భవిష్యత్తులో ప్రాంతీయ దౌత్య సంబంధాలపై ఎలాంటి ప్రభావం చూపుతుందన్నది ఆసక్తికరంగా మారింది.ఇదీ చదవండి: బైక్‌ను ఢీకొట్టి, బైకర్‌ను కిడ్నాప్‌ చేసి.. చంపేసి..

కుక్క తోక వంకర అన్న సామెత మనకు తెలిసిందే. దాని అర్థం ఎన్ని సార్లు చెప్పినా తన తీరు మార్చుకోరని.. అమెరికా అధ్యక్షుడు ట్రంప్‌ విషయంలో ఈ సామెత సరిగ్గా సరిపోతుంది. భారత్‌-పాక్‌ యుద్ధం విషయంలో ఆయన వ్యాఖ్యలను పలు మార్లు భారత్‌ ఖండించినప్పటికీ ఆయన తీరు మార్చుకోవడం లేదు. తాజాగా మరోసారి ఇండియా-పాక్‌ల మధ్య యుద్ధాన్ని తానే ఆపానంటూ ప్రగల్భాలు పలికారు. అమెరికాలో వచ్చే నెలలో జరగబోయే మధ్యంతర ఎన్నికల ప్రచార ర్యాలీలో భాగంగా ట్రంప్ ప్రసంగించారు. తాను గతంలో చేసిన అంతర్జాతీయ దౌత్య విజయాలు, అధిక పన్నుల బాదుడుని అక్కడి ప్రజలకు గొప్పగా చెప్పుకొచ్చారు. ఈ సందర్భంగా ట్రంప్ మాట్లాడుతూ" రెండు అణ్వాయుధ దేశాలైన భారత్, పాకిస్తాన్ మధ్య గతంలో సైనిక ఘర్షణలు తీవ్రరూపం దాల్చాయి. ఆ సమయంలో నేను రెండు దేశాల నేతలతో మాట్లాడి... 'ఫ్రెండ్స్, మీరు గనుక ఇలాగే కొట్టుకుంటూ ఉంటే, అమెరికాతో వ్యాపారం చేయడం మర్చిపోండి. మీ రెండు దేశాల ఉత్పత్తులపై నేను 250% భారీ టారిఫ్‌లు (సుంకాలు) విధిస్తాను. ఇకపై మీరు మాతో ఎలాంటి బిజినెస్ చేయలేరు. అని గట్టిగా హెచ్చరించాను" అని సభలో చెప్పుకొచ్చారు.దీంతో అమెరికా మార్కెట్‌ను కోల్పోతామనే భయంతో, కోట్లాది డాలర్ల నష్టం వస్తుందనే ఆందోళనతో ఇరు దేశాల నేతలు తీవ్ర కోపానికి, ఆగ్రహానికి గురయ్యారని, కానీ చివరికి నా హెచ్చరికతో కాల్పులు ఆపేయడంతో యుద్ధం ముగిసిందని ట్రంప్ పేర్కొన్నారు. ఈ ఘర్షణల సమయంలో ఇరు దేశాలకు చెందిన 11 సైనిక విమానాలు) కూలిపోయాయని ట్రంప్ తన ప్రసంగంలో పేర్కొన్నారు. అంతే కాకుండా తన హయాంలో కేవలం భారత్-పాక్ మాత్రమే కాకుండా, ప్రపంచవ్యాప్తంగా సుమారు 8 యుద్ధాలకు దారి తీసే పరిస్థితులను కేవలం ఆర్థిక ఒత్తిడి (టారిఫ్‌ల శక్తి) ద్వారానే పరిష్కరించానని ట్రంప్ ఈ ర్యాలీలో గర్వంగా ప్రకటించారు.తాను ఇంతటి దౌత్య విజయాలు సాధించినప్పటికీ, తనకు తగిన గుర్తింపు లభించలేదని ట్రంప్ బహిరంగంగానే అసంతృప్తి వ్యక్తం చేశారు. "నేను 8 యుద్ధాలను చక్కదిద్దాను. మరి నాకు నోబెల్ శాంతి బహుమతి వచ్చిందా? రాలేదు!" అని సభలో ప్రశ్నించారు. గతంలో పాకిస్తాన్ ప్రధాని షెహబాజ్ షరీఫ్ సైతం తనతో మాట్లాడుతూ "మీరు 2.5 కోట్ల నుండి 3 కోట్ల మంది ప్రజల ప్రాణాలను కాపాడారు" అని కొనియాడినట్లు ట్రంప్ ఈ సందర్భంగా పునరుద్ఘాటించారు.ఇదీ చదవండి: గాల్లోనే కూలిన రెండు విమానాలు

వాషింగ్టన్‌: హర్యానాకు చెందిన మోస్ట్ వాంటెడ్ గ్యాంగ్‌స్టర్ హిమాన్షు భౌ (అసలు పేరు హిమాన్షు రిటోలియా)ను అమెరికాలో ఫెడరల్ బ్యూరో ఆఫ్ ఇన్వెస్టిగేషన్ (ఎఫ్‌బీఐ) అరెస్ట్‌ చేసింది. హర్యానాలోని రోహ్‌తక్ జిల్లా రిటోలి గ్రామానికి చెందిన 24 ఏళ్ల హిమాన్షు, టీనేజ్ వయసులోనే నేర ప్రపంచంలోకి అడుగుపెట్టి 2020లో జువెనైల్ హోమ్ నుంచి పరారయ్యాడు.ఢిల్లీ, హర్యానా, పంజాబ్ రాష్ట్రాలలో హత్యలు, హత్యాయత్నాలు, అక్రమ ఆయుధాలు కలిగి ఉండటం వంటి అనేక తీవ్రమైన కేసుల్లో మోస్ట్ వాంటెడ్‌గా ఉన్న ఇతనిపై, భారతీయ దర్యాప్తు సంస్థల అభ్యర్థన మేరకు 2023 ఆగస్టులో ఇంటర్‌పోల్ 'రెడ్ నోటీస్' జారీ చేసింది. నీరజ్ బవానా గ్యాంగ్‌తో సంబంధాలున్న హిమాన్షు భౌ.. విదేశాల నుంచి తన నేర నెట్‌వర్క్‌ను నిర్వహిస్తూ, ఢిల్లీలోని బర్గర్ కింగ్ అవుట్‌లెట్ హత్య, యూట్యూబర్ ఎల్విష్ యాదవ్ నివాసం బయట కాల్పులు, అయానగర్ హత్య వంటి హై-ప్రొఫైల్ కేసులకు కారణమయ్యాడని దర్యాప్తు సంస్థలు గుర్తించాయి. ఈ అరెస్టుతో పాటు మరో హర్యానా గ్యాంగ్‌స్టర్ నీరజ్ ఫరీద్‌పురియా కూడా లాస్ వెగాస్‌లో అరెస్టయినట్లు తెలుస్తున్నది. ఇదీ చదవండి: వెస్ట్ బ్యాంక్‌లో ఇజ్రాయెల్‌ ‘ఐడీఎఫ్’ ఆపరేషన్

వాషింగ్టన్‌: సముద్ర గర్భంలో భారీ ప్రకంపనలు.. రిక్టర్‌ స్కేల్‌పై ఏకంగా 7.2 తీవ్రత.. దక్షిణ పసిఫిక్‌ మహాసముద్రంలోని వనూటు దీవుల ప్రాంతంలో శనివారం భారీ భూకంపం సంభవించింది. అమెరికా భూగర్భ పరిశోధన సంస్థ (USGS) ప్రాథమిక సమాచారం ప్రకారం.. భూకంప కేంద్రం సముద్రంలో సొలా ప్రాంతానికి పశ్చిమాన సుమారు 200 కిలోమీటర్ల దూరంలో ఉంది. భూమికి కేవలం 10 కిలోమీటర్ల లోతులోనే ప్రకంపనలు సంభవించినట్లు గుర్తించారు.మరోవైపు, అదే ప్రాంతంలో 6.9 తీవ్రతతో మరో రీడింగ్‌ కూడా నమోదైంది. ఇవి రెండు వేర్వేరు భూకంపాలా? లేక ఒకే ఘటనకు సంబంధించిన ప్రాథమిక అంచనాలా? అన్నది ఇంకా స్పష్టత రావాల్సి ఉంది. ఇదిలా ఉండగా.. వనౌటు దీవుల ప్రాంతం భూకంపాలు సంభవించే చురుకైన భౌగోళిక మండలంలో ఉంది. ఇక్కడ భూమి లోపల ఉన్న టెక్టానిక్‌ పలకల కదలికల కారణంగా తరచూ ప్రకంపనలు నమోదవుతుంటాయి. తాజా భూకంపం కూడా సముద్ర గర్భంలో చోటుచేసుకోవడం గమనార్హం. భూకంప కేంద్రం సొలా ప్రాంతానికి పశ్చిమాన సుమారు 200 కిలోమీటర్ల దూరంలో ఉన్నట్లు ప్రాథమిక నివేదికలు వెల్లడించాయి.🌊 M7.2 earthquake 200 km west of Sola, Vanuatu. At just 10 km deep, this shallow quake was likely felt across a wide area and may produce strong shaking near the source. Tsunami risk is possible, follow official advisories and local authorities. This is the largest of 68 earthquakes recorded in the region over the past 30 days. #earthquake #GeoShake #Vanuatu— GeoShake | Community Seismic Network (@geoshake_ai) October 24, 202625 సెకన్ల వ్యవధిలో మరో రీడింగ్‌!భూకంప పర్యవేక్షణ సంస్థల ప్రాథమిక సమాచారంలో 7.2 తీవ్రతతో పాటు 6.9 తీవ్రతతో మరో రీడింగ్‌ కూడా కనిపించింది. ఈ రెండు రీడింగ్స్‌ మధ్య సుమారు 25 సెకన్ల వ్యవధి ఉన్నట్లు ప్రాథమిక కథనాలు పేర్కొన్నాయి. అయితే, వీటిని రెండు వేర్వేరు భూకంపాలుగా పరిగణించాలా? లేక ఒకే భూకంపానికి సంబంధించిన ప్రారంభ అంచనాలుగా చూడాలా? అన్నది అధికారికంగా నిర్ధారించాల్సి ఉంది. తదుపరి సీస్మిక్‌ విశ్లేషణతోనే దీనిపై స్పష్టత వచ్చే అవకాశం ఉంది.సునామీ ముప్పు ఉందా?భూకంపం సంభవించిన వెంటనే సునామీ ముప్పుపై ఆందోళనలు సహజం. ముఖ్యంగా సముద్ర గర్భంలో, తక్కువ లోతులో సంభవించే బలమైన భూకంపాల విషయంలో అధికారులు పరిస్థితిని నిశితంగా పరిశీలిస్తారు. అయితే, ప్రస్తుతం అందుబాటులో ఉన్న ప్రాథమిక నివేదికల్లో సునామీ హెచ్చరిక జారీ చేయలేదు. అలాగే ప్రాణనష్టం, ఆస్తి నష్టం లేదా మౌలిక సదుపాయాలపై ప్రభావానికి సంబంధించిన వివరాలు కూడా ఇంకా వెల్లడికాలేదు.ఇదీ చదవండి: అమెరికా సీక్రెట్‌ స్థావరాలపై వింత వస్తువులు.. ఏంటీ మిస్టరీ?

అమెరికా గగనతలంలో ఏదో జరుగుతోంది.. అత్యంత రహస్య సైనిక స్థావరాలపైనే గుర్తుతెలియని వస్తువులు ప్రత్యక్షం కావడం తీవ్ర కలకలం సృష్టించింది. అయితే, అవి మామూలు విమానాల్లా లేవు.. డ్రోన్లలా కనిపించడం లేదు.. గంటకు ఏకంగా 1,800 మైళ్ల వేగంతో దూసుకెళ్తున్నాయి. శబ్దం లేదు.. పొగ లేదు.. ఇంజిన్‌ ఆనవాళ్లు లేవు. అసలు అవి ఎవరివి? అమెరికా ప్రయోగిస్తున్న అత్యాధునిక యుద్ధ సాంకేతికతా? శత్రు దేశాల నిఘా వ్యవస్థలా? లేక ఇన్నాళ్లూ చర్చల్లో ఉన్న యూఎఫ్‌ఓలేనా? ఈ ప్రశ్నలకు సమాధానాలు వెతుకుతున్న తరుణంలో అమెరికా ప్రభుత్వం విడుదల చేసిన కొత్త రహస్య పత్రాలు ప్రపంచవ్యాప్తంగా ఉత్కంఠ రేపుతున్నాయి.అమెరికా అధ్యక్షుడు డొనాల్డ్‌ ట్రంప్‌ ప్రభుత్వం గుర్తుతెలియని వైమానిక దృగ్విషయాలకు సంబంధించిన రహస్య సమాచారాన్ని బహిర్గతం చేసే కార్యక్రమంలో భాగంగా అక్టోబర్‌ 23న మరో విడత పత్రాలను విడుదల చేసింది. గత ఏడాది కాలంలో కనీసం మూడు సందర్భాల్లో రహస్య సైనిక స్థావరాలపై నల్లటి త్రిభుజాకార వస్తువులు కనిపించినట్లు ఈ పత్రాలు వెల్లడించాయి. ముఖ్యంగా, అమెరికా అధునాతన సాంకేతిక పరిజ్ఞానాన్ని పరీక్షించే పశ్చిమ ప్రాంతంలోని ఓ సున్నితమైన జాతీయ భద్రతా కేంద్రం సమీపంలో ఈ తరహా ఘటన నమోదైంది. అయితే, భద్రతా కారణాలతో ఘటన జరిగిన ఖచ్చితమైన ప్రాంతం, తేదీలను అధికారులు వెల్లడించలేదు.NEW: Mysterious black triangles were spotted ripping through the air, traveling 1,800 mph over secret US military bases this past year, according to the Pentagon. According to the new government files, the triangles were spotted at least three different times. Agents say they were working at a surveillance station in an undisclosed mountain range when they saw the black triangle coming over the horizon. "We estimated the object’s wingspan at approximately nine to 15 feet, its depth at six to nine feet, and its thickness at one to two feet," they said to the FBI. According to the report, the triangles made no sound, had no exhaust, and showed a consistent heat signal when scanned by their thermal device, meaning it didn't register hotter anywhere as an engine would. "The exterior presented as a [seamless], featureless surface lacking any discernible structural discontinuities, propulsive apertures, intake structures, aerodynamic control effectors, or cockpit features," a memo said. Government officials say the objects were not American technology. The latest UFO file dump included the following sketches.— Collin Rugg (@CollinRugg) October 23, 2026మూడు సెకన్లలో 2.4 కిలోమీటర్లు!ఈ ఘటనకు సంబంధించిన నివేదికలోని వేగం ఇప్పుడు అందరినీ ఆశ్చర్యపరుస్తోంది. సాక్షుల అంచనా ప్రకారం.. ఓ నల్లటి త్రిభుజాకార వస్తువు కేవలం మూడు సెకన్లలో 1.5 మైళ్ల దూరం ప్రయాణించింది. అంటే గంటకు సుమారు 1,800 మైళ్లు.. అంటే గంటకు దాదాపు 2,900 కిలోమీటర్లు. ఆ వేగం యుద్ధ విమానాన్ని తలపించినట్లు ప్రత్యక్ష సాక్షులు పేర్కొన్నారు. ఆ వస్తువు రెక్కల విస్తీర్ణం 9 నుంచి 15 అడుగుల వరకు, లోతు 6 నుంచి 9 అడుగుల వరకు, మందం 1 నుంచి 2 అడుగుల వరకు ఉన్నట్లు అంచనా వేశారు. దాని ఆకారాన్ని వివరించేందుకు అధికారులు కొన్ని స్కెచ్‌లను విడుదల చేశారు. ఇంజిన్‌ ఎక్కడుంది? శబ్దం ఎందుకు లేదు?సాధారణ విమానం గాల్లో ప్రయాణిస్తుంటే దాని ఇంజిన్‌ శబ్దం, ఎగ్జాస్ట్‌ లేదా ఇతర సంకేతాలు గుర్తించే అవకాశం ఉంటుంది. కానీ ఈ త్రిభుజాకార వస్తువుల విషయంలో అలాంటి ఆనవాళ్లేవీ కనిపించలేదని సాక్షులు తెలిపారు. థర్మల్‌ పరికరాల ద్వారా పరిశీలించినప్పుడు వాటి ఉపరితలంపై దాదాపు ఒకే తరహా వేడి కనిపించినట్లు నివేదికల్లో పేర్కొన్నారు. సాధారణ విమానాలు, డ్రోన్లలో ఇంజిన్‌ ప్రాంతాల్లో కనిపించే ప్రత్యేకమైన వేడి వీటిలో గుర్తించలేకపోయారు. గాలి ప్రవేశ ద్వారాలు, ఇంజిన్‌ రంధ్రాలు, దిశను నియంత్రించే భాగాలు, కాక్‌పిట్‌ వంటి ఆనవాళ్లు కనిపించలేదని వివరించారు.Triangular object hovered stationary then moved straight and steady over Highway 24 in Nashville, TN — Oct 21, 2026, 5:33 AM Triangular Unidentified Anomalous Phenomena (UAPs), often historically referred to as "Black Triangles," are a highly prominent class of UAP characterized by large, dark, silent, and geometric hulls with illuminated corners. Reports of these craft have spanned decades, consistently describing flight dynamics that seemingly defy conventional aviation physics, such as instantaneous acceleration or motionless hovering without visible propulsion systems or rotor wash.— UFO mania (@maniaUFO) October 22, 2026అమెరికా భద్రతా వ్యవస్థకు కొత్త సవాలా?అత్యంత ఆందోళన కలిగిస్తున్న విషయం వాటి వేగం ఒక్కటే కాదు.. అవి కనిపించిన ప్రాంతాలు కూడా. అమెరికా ప్రభుత్వం అత్యాధునిక సైనిక సాంకేతిక పరిజ్ఞానాన్ని పరీక్షించే సున్నితమైన కేంద్రాలపైనే గుర్తుతెలియని వస్తువులు సంచరించినట్లు నివేదికలు పేర్కొంటున్నాయి. అవి ఎవరి నియంత్రణలో ఉన్నాయి? అక్కడి సాంకేతిక పరిజ్ఞానాన్ని గమనించేందుకు వచ్చాయా? వాటి వెనుక ఏదైనా దేశం ఉందా? అన్న ప్రశ్నలు తలెత్తుతున్నాయి. మరోవైపు.. ఇది అమెరికాకు చెందిన సాంకేతికత కాదని అధికారులు భావించినట్లు న్యూయార్క్‌ పోస్ట్‌ కథనం పేర్కొంది. అయినప్పటికీ, ఆ వస్తువులు ఇతర దేశాలకు చెందినవని నిర్ధారించే ఆధారాలు లేవు. వాటి అసలు స్వరూపం, ప్రయాణ విధానం, నియంత్రణ వ్యవస్థ గురించి కూడా స్పష్టత లేదు. ఖచ్చితమైన ప్రదేశాలు, తేదీలు రహస్యంగా ఉండటంతో స్వతంత్ర పరిశీలనకు పరిమితులు ఏర్పడ్డాయి.గ్రహాంతరవాసుల వాహనాలేనా?ఈ వస్తువుల వివరాలు వెలుగులోకి రావడంతో అవి గ్రహాంతరవాసులకు చెందినవా? అనే చర్చ మరోసారి మొదలైంది. అయితే, ఇప్పటివరకు విడుదలైన పత్రాలు అలాంటి నిర్ధారణకు ఎలాంటి ఆధారాలనూ అందించలేదు. గుర్తుతెలియని వస్తువులు కనిపించాయని చెప్పడం ఒకటైతే, అవి భూమికి వెలుపల జీవుల నుంచి వచ్చాయని నిరూపించడం మరొకటి. ప్రస్తుతం అందుబాటులో ఉన్న సమాచారం ప్రకారం.. వాటి ఆకారం, వేగం, శబ్దం లేకుండా కదిలినట్లు వచ్చిన వాంగ్మూలాలు అసాధారణంగా కనిపిస్తున్నాయి. కానీ వాటి మూలం, పనిచేసే విధానం, అసలు స్వరూపం ఏమిటనేది ఇంకా మిస్టరీగానే మిగిలిపోయింది. అమెరికా ప్రభుత్వం విడుదల చేసిన పత్రాలు ఈ ప్రశ్నలకు సమాధానాలు ఇవ్వకపోగా, మరిన్ని సందేహాలకు తెరతీశాయి.ఇదీ చదవండి: భారత్‌కు షాకిచ్చిన మాల్దీవులు.. ఇది రెండోసారి..

అమెరికా-ఇరాన్‌ మధ్య మరోసారి ఉద్రిక్తతలు నెలకొన్నాయి. అమెరికా అధ్యక్షుడు డొనాల్డ్‌ ట్రంప్‌ మరోసారి ఇరాన్‌పై దాడులకు సిద్ధమంటూ హెచ్చరించారు. మరో వైపు.. ఇంటర్నెట్‌ కేబుళ్లే టార్గెట్‌గా ఇరాన్‌.. ఈసారి యుద్ధాన్ని మరో స్థాయికి తీసుకెళ్లేలా కనిపిస్తోంది. అమెరికా, ఇజ్రాయెల్‌ దాడులు చేస్తే గల్ఫ్‌ సముద్రగర్భంలో ఉన్న ఇంటర్నెట్‌ కేబుళ్లనే ధ్వంసం చేస్తామంటూ ఇరాన్‌ వార్నింగ్‌ ఇచ్చిన సంగతి తెలిసిందే. అదే జరిగితే యుద్ధ ప్రభావం కేవలం చమురు సరఫరాకే పరిమితం కాకుండా.. ప్రపంచ ఇంటర్నెట్‌ కనెక్టివిటీపై కూడా పడే ప్రమాదం ఉంది.అమెరికా అధ్యక్షుడు డొనాల్డ్‌ ట్రంప్‌ మరోసారి ఇరాన్‌పై సైనిక చర్యకు దిగుతామంటూ హెచ్చరించడంతో పశ్చిమాసియాలో ఉద్రిక్తతలు మళ్లీ పెరుగుతున్నాయి. యుద్ధం ఏడో నెలకు చేరువవుతున్న వేళ.. అమెరికా, ఇజ్రాయెల్‌ మరోసారి దాడులకు దిగితే గల్ఫ్‌ ప్రాంతంలోని సముద్రగర్భ ఇంటర్నెట్‌ కేబుళ్లను లక్ష్యంగా చేసుకుంటామని ఇరాన్‌ హెచ్చరించింది. ఈ మేరకు ప్రణాళికలు సిద్ధం చేసుకున్నట్లు ఇరాన్‌ భద్రతా అధికారులు మీడియాకు వెల్లడించారు.ఫ్లోరిడాలో జరిగిన ఓ ర్యాలీలో ట్రంప్‌ మాట్లాడుతూ.. ‘‘మనం మరో చిన్న ఆపరేషన్‌ ఎపిక్‌ ఫ్యూరీ చేపట్టవచ్చంటూ వ్యాఖ్యానించారు. ఇరాన్‌పై అమెరికా సైన్యం చేపట్టిన యుద్ధానికి ‘ఆపరేషన్‌ ఎపిక్‌ ఫ్యూరీ’ అని పేరు పెట్టిన సంగతి తెలిసిందే. ఫిబ్రవరి 28న ప్రారంభమైన ఈ యుద్ధాన్ని మళ్లీ తీవ్రతరం చేసే అవకాశాలపై ట్రంప్‌ చేసిన వ్యాఖ్యలు అంతర్జాతీయంగా చర్చనీయాంశంగా మారాయి.యుద్ధం కారణంగా అనిశ్చితి, పెరుగుతున్న ఇంధన ధరలు, మరోసారి దాడులు జరిగితే ప్రపంచ ఆర్థిక వ్యవస్థపై పడే ప్రభావాలపై ఆందోళనలు కొనసాగుతున్నాయి. అమెరికా, ఇజ్రాయెల్‌ ఇరాన్‌పై జరిపిన దాడులు, లెబనాన్‌పై ఇజ్రాయెల్‌ దాడుల కారణంగా వేలాది మంది ప్రాణాలు కోల్పోగా.. లక్షలాది మంది నిరాశ్రయులయ్యారు.శుక్రవారం అంతకుముందు వైట్‌హౌస్‌ సౌత్‌ లాన్‌లో మీడియాతో మాట్లాడిన ట్రంప్‌.. యుద్ధాన్ని చాలా త్వరగా ముగించగలమంటూ వ్యాఖ్యానించారు. అయితే, వెంటనే యుద్ధాన్ని ముగించాలా? క్రమంగా దాని తీవ్రత తగ్గేలా వదిలేయాలా? అన్నది ప్రశ్నగా పేర్కొన్నారు. ప్రపంచ ఇంధన సరఫరాకు అత్యంత కీలకమైన హోర్ముజ్‌ జలసంధి గుండా చమురు రవాణా కొనసాగుతోందని.. మనకు కావాల్సినవన్నీ లభిస్తున్నాయని పేర్కొన్నారు.ఈ యుద్ధానికి సంబంధించి ట్రంప్‌.. గతంలో పలుమార్లు గడువులను ప్రకటించారు. వచ్చే నెలలో అమెరికా మధ్యంతర ఎన్నికలు జరగనున్న నేపథ్యంలో.. వాటికి ముందు ఇరాన్‌పై దాడులు చేయబోమని ఈ నెల ప్రారంభంలో ఆయన వెల్లడించారు. అదే సమయంలో యుద్ధాన్ని ముగించేందుకు వాషింగ్టన్‌, టెహ్రాన్‌ మధ్య చర్చలు జరుగుతున్నట్లు వార్తలు వచ్చాయి.అయితే, మధ్యంతర ఎన్నికల అనంతరం ఇరాన్‌పై మళ్లీ దాడులు చేసేందుకు అమెరికా, ఇజ్రాయెల్‌ సైన్యాలు ప్రణాళికలు సిద్ధం చేసుకున్నట్లు అంతర్జాతీయ మీడియా కథనాలు వెల్లడిస్తున్నాయి. అమెరికా అధికారులను ఉటంకిస్తూ.. ఇరాన్‌ ఇంధన మౌలిక సదుపాయాలు, అణు కేంద్రాలు, క్షిపణులు, డ్రోన్ల నిల్వలను లక్ష్యంగా చేసుకునే అవకాశముందని పేర్కొంది.ఇదీ చదవండి: అమెరికా దాడి చేస్తే.. ఇక అణ్వాయుధాలే

మాస్కో: కొత్త దిగుమతి ఒప్పందం ప్రకారం రష్యా నుంచి మొట్టమొదటి డీజిల్‌ ట్యాంకర్‌ అమెరికాతో బయలుదేరిందని రష్యా అధ్యక్ష భవనం క్రెమ్లిన్‌ శుక్రవారం ప్రకటించింది. ఇకపై తమ అంతర్జాతీయ వినియోగదారులకు క్రమం తప్పకుండా చమురు రవాణా కొనసాగుతుందని క్రెమ్లిన్‌ ప్రతినిధి దిమిత్రీ పెష్కోవ్‌ వివరించారు. ఇంతకుమించి వివరాలను పెష్కోవ్‌ వెల్లడించలేదు. మొదటి ట్యాంకర్‌లో 40 వేల టన్నులు అంటే సుమారు 3 లక్షల బారెళ్ల డీజిల్‌ ఉంటుందని వారం క్రితం రష్యా ఉప ప్రధాని నొవాక్‌ తెలిపారని అక్కడి వార్తా సంస్థలు తెలిపాయి. అమెరికా రోజువారీ డీజిల్‌ వాడకం 40 లక్షల బారెళ్ల మేర ఉంటుందని అంచనా. బాలి్టక్‌ సముద్ర నౌకాశ్రయం ప్రిమోర్‌స్క్‌ నుంచి ఈ నెల 22న బయలుదేరిన ఈ ట్యాంకర్‌ నవంబర్‌ 7వ తేదీన న్యూయార్క్‌కు చేరుకునే అవకాశం ఉందని మెరైన్‌ ఇంటెలిజెన్స్‌ సంస్థ కెప్లెర్‌ తెలిపింది. కాగా, 2023 జూలై తర్వాత రష్యా నుంచి అమెరికాకు వస్తున్న మొట్ట మొదటి నౌక ఇదే కావడం గమనార్హం. ఉక్రెయిన్‌పై దురాక్రమణ చేపట్టిన రష్యాపై అమెరికా సహా పశి్చమదేశాలు తీవ్ర ఆంక్షలు అమలు చేస్తున్న విషయం తెల్సిందే. అయినప్పటికీ, దేశంలో ఇంధన ధరలు విపరీతంగా పెరిగిపోతుండటం, మధ్యంతర ఎన్నికలు సమీపిస్తుండటంతో ప్రజా వ్యతిరేకతను తగ్గించుకునేందుకు ట్రంప్‌ రెండు వారాల క్రితం రష్యాతో ఇంధన ఒప్పందానికి పచ్చజెండా ఊపారు. మారిన అమెరికా వైఖరి రష్యా అధ్యక్షుడు పుతిన్‌ సాగిస్తున్న దురాక్రమణకు ఊతమిచ్చేలా ఉందంటూ ఉక్రెయిన్‌ అధ్యక్షుడు జెలెన్‌స్కీ తీవ్ర ఆందోళన వ్యక్తం చేసినప్పటికీ ట్రంప్‌ పట్టించుకోలేదు.

టెహ్రాన్‌: పశ్చిమాసియా యుద్ధం ప్రారంభమై ఎనిమిది నెలల కావస్తోన్నా ఇంకా యుద్ధం ముగింపు విషయంలో ఇంకా ప్రతిష్టంభన కొనసాగుతుంది. ఈ నేపథ్యంలో ఇరాన్‌ సీనియర్‌ ఎంపీ మహమ్మద్‌-సాలెహ్‌ జోకర్ సంచలన వ్యాఖ్యలు చేశారు. ఒకవేళ అమెరికా మరోసారి ఇరాన్‌పై దాడి చేస్తే అణ్వాయుధాలు ప్రయోగించేలా అనుమతివ్వాలని కోరారు.ఇరాన్ పార్లమెంటు అంతర్గత వ్యవహారాల కమిటీ ఛైర్మన్ మహమ్మద్-సాలెహ్ జోకర్ కీలక వ్యాఖ్యలు చేశారు. “దేశ రక్షణ కోసం, శత్రువులను దాడి చేయకుండా నిరోధించేందుకు, అమెరికా ఇరాన్‌పై దాడి చేసిన సందర్భంలో అణ్వాయుధాల వినియోగానికి అనుమతి ఇవ్వాలని ఇస్లామిక్ రిపబ్లిక్ అధికారులను కోరుతున్నాను” అని జోకర్ అన్నారు. అదే విధంగా అమెరికా ఇరాన్‌పై దాడి చేస్తే, అణ్వాయుధాల వ్యాప్తి నిరోధక ఒప్పందం (ఎన్‌పీటీ) కింద కొనసాగుతున్న సహకారాన్ని కూడా ఇరాన్ నిలిపివేయాలని ఆయన అధికారులకు సూచించారు.అంతేకాకుండా, ఇరాన్‌పై దాడులు చేసేందుకు అమెరికా సైన్యానికి తమ భూభాగాన్ని లేదా గగనతలాన్ని ఉపయోగించుకునేందుకు అనుమతి ఇచ్చే ఏ దేశమైనా తీవ్ర పరిణామాలను ఎదుర్కోవాల్సి వస్తుందని జోకర్ హెచ్చరించారు. అలాంటి దేశాలకు ఇరాన్ నుంచి “కఠినమైన ప్రతిస్పందన” ఉంటుందని, అవి “భారీ మూల్యం చెల్లించుకోవాల్సి వస్తుందని” ఆయన స్పష్టం చేశారు.అమెరికాతో ఇరాన్ మధ్య సైనిక ఘర్షణ కొనసాగుతున్న నేపథ్యంలో, ఇరాన్ సీనియర్ అధికారులు వరుసగా చేస్తున్న హెచ్చరికల్లో జోకర్ వ్యాఖ్యలు తాజాగా చేరాయి. ఇరాన్‌పై తన లక్ష్యాలను పూర్తిచేసేందుకు మరోసారి దాడులు చేసే అవకాశాన్ని అమెరికా అధ్యక్షుడు డొనాల్డ్ ట్రంప్ పరిశీలిస్తున్నట్లు వార్తలు వెలువడుతున్న తరుణంలో ఈ పరిణామం చోటుచేసుకుంది.అబ్బాస్ అరాగ్చీ హెచ్చరికఇదిలా ఉండగా, ఇరాన్‌పై తన లక్ష్యాలను పూర్తిచేయడానికి అమెరికా మరిన్ని సైనిక చర్యలు చేపట్టవచ్చని ట్రంప్ చేసిన వ్యాఖ్యలకు ఇరాన్ విదేశాంగ మంత్రి అబ్బాస్ అరాగ్చీ ఆదివారం స్పందించారు. గతంలో కూడా అమెరికా ఇరాన్‌పై దాడులు చేసి తన లక్ష్యాలను పూర్తిచేయాలని ప్రయత్నించిందని, అయితే ఆ తర్వాత ఇరాన్ మరింత బలంగా ఎదిగిందని ఆయన వ్యాఖ్యానించారు.“గతసారి మీరు ‘పని పూర్తిచేయాలని’ అనుకున్నప్పుడు, ఇరాన్ మరింత శక్తిమంతంగా బయటపడింది. మరోసారి మీ అదృష్టాన్ని పరీక్షించుకోవాలనుకుంటున్నారా? రండి, స్వాగతం. అయితే జాగ్రత్తగా ఉండండి. మాకూ ఇంకా కొన్ని అసంపూర్తి పనులు ఉన్నాయి” అని అరాగ్చీ సామాజిక మాధ్యమంలో రాశారు.ఇదీ చదవండి: దుండగుల కాల్పులు ఏడుగురు మృతి

సాక్షి,న్యూఢిల్లీ : ఇరాన్‌పై అమెరికా యుద్ధానికి సంబంధించి తాజాగా వెలుగులోకి వచ్చిన సంచలన విషయాలు ప్రపంచ వ్యాప్తంగా కలకలం రేపుతున్నాయి. ఈ ఏడాది ఫిబ్రవరిలో ఇరాన్‌లోని ఓ ఎలిమెంటరీ స్కూల్‌పై జరిగిన భీకర వైమానిక దాడిలో 156 మంది ప్రాణాలు కోల్పోవడంపై అమెరికా సెంట్రల్ ఇంటెలిజెన్స్ ఏజెన్సీ మాజీ డైరెక్టర్ డేవిడ్ పెట్రేయస్ సంచలన వ్యాఖ్యలు చేశారు. భారత్‌లో జరిగిన ఓ జాతీయ మీడియా సంస్థ నిర్వహించిన సమ్మిట్‌లో పాల్గొన్న ఆయన ఈ ఘోర విషాదం వెనుక అసలు నిజాలను బయటపెట్టారు.ఈ ఏడాది ఫిబ్రవరి 28న దక్షిణ ఇరాన్‌లోని హార్మోజ్గాన్ ప్రావిన్స్, మీనాబ్ నగరంలో అమెరికా - ఇజ్రాయెల్ సంయుక్తంగా వైమానిక దాడులు జరిపాయి. ఈ దాడిలో భాగంగా ప్రయోగించిన శక్తివంతమైన తోమహాక్ క్రూయిజ్ క్షిపణులు నేరుగా షజరా తయ్యేబా ఎలిమెంటరీ స్కూల్ సముదాయంపై పడ్డాయి. వరుసగా జరిగిన ఈ క్షిపణి దాడి ధాటికి స్కూల్ భవనం పూర్తిగా కుప్పకూలడంతో.. పాఠశాలలో చదువుతున్న విద్యార్థులు, ఉపాధ్యాయులు సహా మొత్తం 156 మంది దుర్మరణం చెందారు.ఏఐ తప్పిదమా? మనుషుల వైఫల్యమా?దశాబ్దానికి పైగా క్రితం ఆ ప్రాంతంలో ఇరాన్ రివల్యూషనరీ గార్డ్ కార్ప్స్ నావల్ యూనిట్ ఉండేది. కాలక్రమేణా స్థానికులు ఆ స్థలాన్ని పాఠశాలగా మార్చారు. అయితే, అమెరికా సెంట్రల్ కమాండ్ సైనిక లక్ష్యాలను గుర్తించేందుకు ‘మేవెన్ స్మార్ట్ సిస్టమ్’ అనే ఏఐ ఆధారిత కిల్ చైన్ టూల్‌ను ఉపయోగించింది. కానీ, ఇంటెలిజెన్స్ డేటాబేస్‌లో ఆ భవనం ఇప్పటికీ పాత మిలిటరీ స్థావరంగానే రిజిస్టర్ అయి ఉండటంతో.. ఏఐ ఆ పాఠశాలను శత్రువుల స్థావరంగా గుర్తించి తప్పుగా సిఫార్సు చేసింది.ట్రిగ్గర్ నొక్కింది మనుషులే: పెట్రేయస్ఈ పెను విషాదంపై మాజీ సీఐఏ చీఫ్ డేవిడ్ పెట్రేయస్ స్పందిస్తూ.. ఈ ఘటన పూర్తిగా ఆర్టిఫిషియల్ ఇంటెలిజెన్స్ వల్ల మాత్రమే జరిగిందనడంలో వాస్తవం లేదన్నారు. అది పూర్తిగా మానవ నిర్ణయమే. యంత్రం స్వయంగా ఆ నిర్ణయం తీసుకోలేదు. లక్ష్యాలను గుర్తించడంలో ఏఐ సహాయపడింది అంతే. మధ్యప్రాచ్యంతో పాటు ఉక్రెయిన్‌లోనూ ఇలాంటి పొరపాట్లు జరిగి ఉండవచ్చు. అయినప్పటికీ, ట్రిగ్గర్ నొక్కాలా?,వద్దా? అనే విచక్షణ అంతిమ నిర్ణయం ఎప్పుడూ మనుషులదే అని ఆయన తేల్చిచెప్పారు. డేటాను సరిగ్గా వెరిఫై చేయకుండా, ఏఐ ఇస్తున్న సిఫార్సులను సైనిక అధికారులు గుడ్డిగా నమ్మడం వల్లే ఇన్ని ప్రాణాలు గాల్లో కలిసిపోయాయని నిపుణులు విశ్లేషిస్తున్నారు. ఆధునిక యుద్ధాలలో టెక్నాలజీపై అతిగా ఆధారపడటం ఎంతటి పెను ముప్పునకు దారితీస్తుందో ఈ ఘటన మరోసారి రుజువు చేసింది.ఇదీ చదవండి : ఫ్రాన్స్‌ని వణికిస్తున్న షమోండా వైరస్‌

అమెరికా హెచ్‌-1బీ వీసా నిబంధనలు కఠినంగా మారడంతో ఆందోళన చెందుతున్న భారతీయ నిపుణులకు ట్రంప్‌ ప్రభుత్వం కీలక సందేశం ఇచ్చింది. వీసా ఆంక్షలు భారత్‌ను లక్ష్యంగా చేసుకుని తీసుకున్నవి కావని అమెరికా విదేశాంగ మంత్రి మార్కో రూబియో స్పష్టం చేశారు. అమెరికా కార్మికులు, దేశ ప్రయోజనాలకు ప్రాధాన్యం ఇచ్చే క్రమంలోనే వలస విధానాల్లో మార్పులు చేస్తున్నామని వెల్లడించారు. ఈ నిబంధనలు భారత్‌కే కాకుండా ప్రపంచంలోని అన్ని దేశాలకు వర్తిస్తాయని పేర్కొన్నారు.ఇండియా టుడే టీవీకి ఇచ్చిన ప్రత్యేక ఇంటర్వ్యూలో రూబియో ఈ వ్యాఖ్యలు చేశారు. హెచ్‌-1బీ వీసా నిబంధనల్లో మార్పుల ప్రభావం అమెరికాలో ఉద్యోగాలు కోరుకునే భారతీయులపై, విదేశీ నిపుణులను నియమించుకోవాలనుకునే అమెరికా కంపెనీలపై పడుతోందని అంగీకరించారు. అయితే, ఈ మార్పులు భారత్‌ను ఉద్దేశించి చేసినవి కావని స్పష్టం చేశారు. ఇదే సమయంలో అమెరికా వలస వ్యవస్థలో చాలా కాలంగా సమస్యలు ఉన్నాయని రూబియో పేర్కొన్నారు. వ్యాపార అవసరాల కోసం విదేశీ నిపుణులను నియమించుకునే కొన్ని కార్యక్రమాల్లో మోసాలు, దుర్వినియోగం చోటుచేసుకున్నాయని ఆరోపించారు. అమెరికా కార్మికులకు లభించాల్సిన ఉద్యోగావకాశాలు దెబ్బతింటున్నాయనే ఆందోళనలు కూడా ఉన్నాయని చెప్పారు. ఈ సమస్యలను పరిష్కరించి, తమ ఆర్థిక వ్యవస్థకు, ప్రజలకు ప్రయోజనం కలిగించే విధానాన్ని రూపొందించడమే లక్ష్యమని వివరించారు.అమెరికన్లకే తొలి ప్రాధాన్యం..అమెరికా అధ్యక్షుడు డొనాల్డ్‌ ట్రంప్‌ ప్రభుత్వ విధానాన్ని రూబియో మరోసారి స్పష్టం చేశారు. భారత ప్రభుత్వం తన ప్రజలకు, దేశ ప్రయోజనాలకు ప్రాధాన్యం ఇస్తుందని తాను భావిస్తున్నానని పేర్కొన్న ఆయన.. అమెరికా కూడా తమ ప్రజలు, కార్మికులు, దేశ ప్రయోజనాలకే మొదటి ప్రాధాన్యం ఇస్తుందని అన్నారు. వీసాలు, వాణిజ్య విధానాల విషయంలో ఇరు దేశాల మధ్య తలెత్తే విభేదాలను పరస్పర సంబంధాలు, ఉమ్మడి ప్రయోజనాల ఆధారంగా పరిష్కరించుకోవచ్చని అభిప్రాయపడ్డారు.రూబియోకు మద్దతుగా సెర్గియో గోర్‌భారత్‌లో అమెరికా రాయబారి సెర్గియో గోర్‌ కూడా రూబియో వ్యాఖ్యలకు మద్దతు తెలిపారు. వీసా విధానాల్లో మార్పులు భారత్‌కు మాత్రమే పరిమితం కాలేదని, ప్రపంచంలోని అన్ని దేశాలపై ప్రభావం చూపుతున్నాయని చెప్పారు. ‘అమెరికా ఫస్ట్‌’ విధానం అంటే ప్రపంచంతో సంబంధాలు తెంచుకోవడం కాదని పేర్కొన్నారు. భారత్‌ తన జాతీయ ప్రయోజనాలకు ప్రాధాన్యం ఇచ్చినట్లే, అమెరికా కూడా తన ప్రయోజనాలను కాపాడుకునే హక్కు కలిగి ఉందని వివరించారు. గతంలో అమెరికా సరిహద్దుల నియంత్రణలో లోపాలు ఉన్నాయని, వలస విధానాలను సమీక్షించాల్సిన అవసరం ఏర్పడిందని గోర్‌ అన్నారు. ప్రస్తుత మార్పులను ఏదైనా ఒక దేశాన్ని లక్ష్యంగా చేసుకున్న చర్యలుగా చూడకూడదని పేర్కొన్నారు.భారతీయ ఐటీ నిపుణులపై ప్రభావంఅమెరికా హెచ్‌-1బీ వీసా కార్యక్రమం ద్వారా ప్రత్యేక నైపుణ్యాలు అవసరమైన ఉద్యోగాల్లో విదేశీ నిపుణులను నియమించుకునేందుకు అక్కడి కంపెనీలకు అవకాశం ఉంటుంది. ఈ కార్యక్రమంలో భారతీయుల వాటా గణనీయంగా ఉండటంతో నిబంధనల్లో మార్పులు భారత ఐటీ నిపుణులు, ఇతర వృత్తి నిపుణులతో పాటు వారిని నియమించుకునే కంపెనీలపైనా ప్రభావం చూపుతున్నాయి. వీసా పొడిగింపుల విషయంలో గతంలో ఆమోదించిన దరఖాస్తులకు ఇచ్చే ప్రాధాన్యాన్ని తొలగించడం, కొన్ని కొత్త దరఖాస్తులకు భారీ ఆర్థిక భారం విధించడం, అధిక వేతనాలు పొందే ఉద్యోగాలకు ప్రాధాన్యం ఇచ్చే విధానాలపై చర్చలు వంటి పరిణామాలు భారతీయ నిపుణుల్లో ఆందోళన పెంచుతున్నాయి. మొత్తంగా, అమెరికా వలస విధానాల్లో మార్పులు భారత్‌ను లక్ష్యంగా చేసుకున్నవి కావని ట్రంప్‌ ప్రభుత్వంలోని కీలక నేతలు చెబుతున్నప్పటికీ.. ఆంక్షల ప్రభావం భారతీయ ఐటీ నిపుణులు, అమెరికా కంపెనీలపై ఎంతవరకు ఉంటుందన్నది కీలకంగా మారింది.ఇదీ చదవండి: విద్యార్థి ఆందోళనలపై ఫ్రాన్స్‌ నిషేధం

వాషింగ్టన్‌: దీపావళి సందర్భంగా అమెరికా పోస్టల్‌ విభాగం ఒక ప్రత్యేక స్టాంపును విడుదల ఏచసింది. హ్యూస్టన్‌లోని భారతీయ సంతతి కళాకారిణి సంగీతా భూతడ ముగ్గు డిజైన్‌తో కూడిన ఈ స్టాంపును అమెరికాలో బుధవారం వాషింగ్టన్‌లోని భారతీయ దౌత్య కార్యాలయంలో ఆవిష్కరించారు. ఈ కార్యక్రమంలో సంగీతా భూతడతోపాటు అమెరికాలో భారతీయ దౌత్యవేత్త వినయ్‌ మోహన్‌ ఖ్వాత్రా, అమెరికా పోస్టల్‌ విభాగం సీనియర్‌ ఉపాధ్యక్షులు శిబానీ గంభీర్‌లు పాల్గొన్నారు. ఈ సందర్భంగా అమెరికా పోస్టల్‌ విభాగం ఒక ప్రకటన విడుదల చేస్తూ రంగోలి (ముగ్గు)లోని రంగుల వైవిధ్యాన్ని, బియ్యప్పిండి, ముగ్గురాయి, పూలరేకులతో ముగ్గులు వేస్తారన్న విషయాన్ని... దీని వెనుక ఉన్న సాంస్కృతిక నేపథ్యాన్ని వివరించింది. దీపావళి ప్రత్యేక స్టాంపు కోసం అమెరికా పోస్టల్‌ విభాగం తమను ఏడాది క్రితమే సంప్రదించిందని, సుమారు డజను స్కెచ్‌ల నుంచి నాలుగింటిని వారు ఎంపిక చేశారని.. స్టాంపులో ఉన్న ముగ్గు డిజైన్‌ను సిద్ధం చేసేందుకు పది రోజుల సమయం పట్టిందని సంగీతా వివరించారు. వీలైనంతవరకూ ప్రకాశవంతమైన రంగులు వాడమన్న సూచన మాత్రమే పోస్టల్‌ విభాగం నుంచి వచి్చనట్లు తెలిపారు.తాను సిద్ధం చేసిన ముగ్గు ఎనిమిది అడుగుల ఎత్తు, వ్యాసం ఉందని చెప్పారు. నీలి, నారింజ, పచ్చ రంగుతోపాటు ఎరుపు, తెలుపులను కూడా ఇందులో వాడినట్లు తెలిపారు. హ్యూస్టన్‌లో ఎంతోకాలంగా నివసిస్తున్న ఈమె ముగ్గులేయడాన్ని 30 ఏళ్లుగా కొనసాగిస్తున్నారు. ముగ్గును సంగీత సిద్ధం చేయగా స్టాంపు మొత్తాన్ని జెన్నిఫర్‌ ఆర్నాల్డ్‌ డిజైన్‌ చేయగా, విలియం జె గికర్‌ ఆర్ట్‌ డైరెక్టర్‌గా వ్యవహరించారు. దీపావళి సందర్భంగా అమెరికా పోస్టల్‌ విభాగం ఒక స్టాంపును విడుదల చేయడం 2016 తరువాత ఇదే మొదటిసారి.

అయిదేళ్లుగా పరస్పరం తలపడుతున్న రష్యా–ఉక్రెయిన్‌ల మధ్య సామరస్యం కుదర్చటానికి తూర్పు యూరోప్‌ వైపు వెళ్లకుండా... తన చలవతో అంటుకున్న పశ్చిమాసియా ప్రాంతాన్ని చల్లార్చడానికి పోకుండా అమెరికా విదేశాంగ మంత్రి మార్కో రుబియో మధ్య ఆసియా దేశాలవైపు దృష్టి సారించారు. దాంతోపాటు మన దేశంలోనూ మూడు రోజులు పర్యటించారు. ఆ రెండు ఘర్షణల్లోనూ ఇంతవరకూ ఎక్కడా రుబియో పేరు వినబడలేదన్నది వాస్తవమే అయినా... ఆ దేశ జాతీయ భద్రతా సలహాదారుకూడా కనుక, ఆ కోణంలో అమెరికా ఆలోచనేమిటన్న ఆసక్తి అందరిలోనూ ఉంటుంది. 70వ దశకంలో అప్పటి అమెరికా విదేశాంగ మంత్రి హెన్రీ కిసింజర్‌ తర్వాత ఆ జోడు పదవుల్ని దక్కించుకున్న ఖ్యాతి రుబియోది. ఆ మాటెలావున్నా డోనాల్డ్‌ ట్రంప్‌ రెండోసారి అధికారంలోకి వచ్చాక గత రెండేళ్లుగా భారత్‌పై విరుచుకుపడటమే చూసిన వారందరికీ అమెరికా తాజాగా ప్రేమ ఒలకబోయడం ఆశ్చర్యంగానే ఉంది. నిజానికి భారత్‌లో మంగళవారం అడుగుపెట్టడానికి ముందే ఉజ్బెకిస్తాన్‌ పర్యటనలో భారత్, అమెరికాలు రెండూ వాణిజ్య ఒప్పందానికి ‘చాలా చేరువ’లో ఉన్నాయని ఆయన ప్రకటించారు. వచ్చాక కూడా మన దేశంపై ఎంతో సానుకూలంగా మాట్లాడారు. రివాజుకు భిన్నంగా ఆయన ఢిల్లీలో కాక ముంబైలో అడుగుపెట్టారు. అంబానీ, అదానీలతో పాటు టాటా సన్స్‌ చైర్మన్‌ ఎన్‌. చంద్రశేఖరన్‌ను కలిశారు. విదేశాంగమంత్రి ఎస్‌. జైశంకర్‌తో ద్వైపాక్షిక సమావేశం తర్వాత ఇంధన భద్రత, రష్యా నుంచి ముడిచమురు కొనుగోలు అంశాల్లో మనకున్న అవసరాలేమిటో అర్థం చేసుకున్నట్టు కనబడ్డారు. ఈమధ్య అమెరికా రష్యా, ఇరాన్‌ ఆంక్షల చట్టాన్ని తెచ్చినప్పుడు మన దేశం గట్టిగానే స్పందించింది. ఇది ద్వైపాక్షిక సంబంధాలపై తీవ్ర ప్రభావం చూపగలదని చేసిన ప్రకటన అమెరికాపై ‘తగినంత’ ఒత్తిడి కలిగించిందని రుబియో వైఖరి తెలియజేస్తోంది. వాణిజ్య ఒడంబడిక కోసమే ఆ చట్టంనుంచి భారత్‌కు 60 రోజుల మినహాయింపునిచ్చామని కూడా ఉజ్బెకిస్తాన్‌లో ఆయన చెప్పారు. అసలు సంగతేమంటే... ఆ చట్టం వచ్చాక అమెరికాయే రష్యా డీజిల్‌ కొనాలని నిర్ణయించింది. పెద్దన్న పద్ధతిలో అందరిపైనా పెత్తనం చలాయించాలని చూడటం, తరచు ఈసడించటం దౌత్యరంగంలో పనికిరాదని ట్రంప్‌ గ్రహించటంవల్లే రుబియోను భారత్‌ పంపారా అన్నది చూడాల్సివుంది. అమెరికా సెనేట్‌లో మన దేశానికి అనుకూలంగా వ్యవహరించే రిపబ్లికన్‌ పార్టీ నేతల్లో రుబియో ఒకరు. తనవల్ల చెడిన ద్వైపాక్షిక సంబంధాలను మరమ్మతు చేయడానికి ఆయనే తగిన వ్యక్తి అని ట్రంప్‌ అనుకుని ఉండొచ్చు. లేదా అమెరికాలో వచ్చే నెల జరగబోయే మధ్యంతర ఎన్నికల్లో ఏదోమేర విజయం సాధించాలంటే ‘చాలా బాధ్యతాయుతంగా’ వ్యవహరిస్తున్నట్టు కనబడటం ముఖ్యమని భావించి ఉండొచ్చు. ముంబైలో ఇరు దేశాలమధ్యా ఇంధనం, వాణిజ్యం, పెట్టుబడులు, సాంకేతిక పరిజ్ఞానంవంటి అంశాల్లో చర్చలు జరిగాయి. జైశంకర్‌–రుబియో భేటీతర్వాత యూఏఈ విదేశాంగమంత్రి షేక్‌ అబ్దుల్లా బిన్‌ జాయేద్‌ అల్‌ నహ్యాన్‌ను కూడా చేర్చుకుని త్రైపాక్షిక సమావేశం నిర్వహించారు. రుబియో పర్యటన ఆంతర్యం ఏమైనా... మిత్ర దేశంగా ఉంటూ కూడా వివిధ అంశాల్లో అమెరికా తీరుతెన్నుల గురించీ, అందువల్ల మన దేశానికెదురవుతున్న సమస్యల గురించీ ఆయనకు నిష్కర్షగా చెప్పడం అవసరం. హెచ్‌1బి వీసాల వ్యవహారం కావొచ్చు... ఎడాపెడా వేసే సుంకాలు కావొచ్చు... పాకిస్తాన్‌ను అది దువ్వుతున్న తీరు కావొచ్చు– అన్నీ మన దేశ ప్రయోజనాలను దెబ్బతీసేవే. వీటిని రుబియో దృష్టికి తీసుకొచ్చివుంటే మంచిదే. చాన్నాళ్లుగా అమెరికా క్వాడ్‌ ఊసెత్తడం మానేసింది. పైగా చైనాకు దగ్గరవుతోంది. ఎందుకో మళ్లీ క్వాడ్‌ను తెరపైకి తెస్తోంది. వచ్చేనెల జరగబోయే ఆగ్నేయాసియా దేశాల (ఆసియాన్‌) సమావేశంలో దానికి ప్రాణప్రతిష్ఠ చేయాలని చూస్తోంది. ఈ విషయంలో స్వీయ ప్రయోజనాలకే మనం ప్రాధాన్యతనీయాలి. నిలకడ లేకుండా, ఒక విధానమంటూ పాటించకుండా అమెరికా పాటిస్తున్న అరాచక దౌత్యం ఆగేవరకూ మన దేశం జాగ్రత్తగా అడుగులేయటం అత్యవసరం.

ఒరెగాన్ స్టేట్ పోర్ట్‌లాండ్ నగరంలో ఒరెగాన్ తెలంగాణ అసోసియేషన్ (OTA) ఆధ్వ‌ర్యంలో బతుకమ్మ, దసరా వేడుకలు అత్యంత వైభవంగా జరిగాయి. R.A Brown Middle Schoolలో జరిగిన ఈ వేడుకలను OTA ప్రెసిడెంట్ శ్రీని అనుమాండ్ల జ్యోతి ప్రజ్వలన చేసి ప్రారంభించారు. ఈ వేడుకలకి పోర్ట్‌లాండ్‌ మెట్రో సిటీస్ నుంచి పెద్ద ఎత్తున పాల్గొని విజయవంతం చేశారు. ఈ వేడుకకి మహిళలు, చిన్నారులు తెలుగుదనం ఉట్టి పడేలా ముస్తాబై రంగు రంగుల బతుకమ్మలతో వచ్చి, ఆట పాటలతో సందడి చేశారు. ఆ తర్వాత బతుకమ్మ నిమజ్జనం అనతంరం ప్రసాద వితరణ చేశారు. అలాగే విజయదశమి పర్వదినం పురస్కరించుకుని జమ్మి చెట్టుకి పూజ చేసి జమ్మి (బంగారం) ఇచ్చి పుచ్చికొని అలయ్ బలాయ్ చేసుకున్నారు. కాగా, బతుకమ్మ రాఫెల్ డ్రా విజేతలకు టీడీఫ్ టీం బహుమతులని అందచేసింది.ఈ వేడుకలలో పాల్గొన్న వారందరికీ శ్రీని అనుమాండ్ల ఓటీఏ టీం తరుపున బతుకమ్మ దసరా పండుగల శుభాకాంక్షలు తెలిపారు. అలాగే ఈ పండుగని వైభవోపేతంగా జరగడానికి సహకరించిన మహిళలకు, సహకారం అందించిన స్పాన్సర్‌కి శ్రీని ప్రత్యేక కృతజ్ఞతలు తెలిపారు. వేడుకల్లో పాల్గొన్న పోర్ట్‌లాండ్ ఇండియన్ కమ్యూనిటికి, స‌హ‌క‌రించిన‌ మిత్రులకి, శ్రేయోభిలాషులకి ఓటీఏ టీమ్ తరుఫున అభినందనలు తెలిపారు.ఇదీ చదవండి: హాంకాంగ్‌లో ఘనంగా బతుకమ్మ సంబరాలు

వాషింగ్టన్‌: 2028 అమెరికా అధ్యక్ష ఎన్నికల్లో రిపబ్లికన్ పార్టీ తరఫున తన వారసుడిగా ఉపాధ్యక్షుడు జేడీ వాన్స్‌కు మద్దతు ఇచ్చే అంశంపై అధ్యక్షుడు డొనాల్డ్ ట్రంప్ ప్రస్తుతానికి ఎలాంటి స్పష్టత ఇవ్వలేదు. వాషింగ్టన్‌లోని వైట్‌హౌస్‌లో జరిగిన మీడియా సమావేశంలో ట్రంప్ మాట్లాడుతూ, వాన్స్ ఎంతో సమర్థుడైన నాయకుడని ప్రశంసించినప్పటికీ, 2028 అభ్యర్థిత్వంపై తమ మధ్య ఇంకా ఎలాంటి చర్చలు జరగలేదని స్పష్టం చేశారు. REPORTER : Do you view JD Vance as your successor in 2028? President Trump : “No” https://t.co/5pekTkDnH4— News Algebra (@NewsAlgebraIND) October 21, 2026ప్రస్తుతం తమ దృష్టంతా రాబోయే నవంబర్ 3 మధ్యంతర ఎన్నికలపైనే ఉందని, ఈ సమయంలో ఎవరికైనా మద్దతు ప్రకటించడం చాలా తొందరపాటు అవుతుందని ఆయన పేర్కొన్నారు. అమెరికా రాజ్యాంగ నిబంధనల ప్రకారం రెండు పర్యాయాల పరిమితి ఉండటంతో ట్రంప్ పదవీకాలం 2028తో ముగియనుంది. ఏదైనా విపత్కర పరిస్థితి వస్తే దేశ బాధ్యతలు స్వీకరించడానికి తాను సిద్ధంగా ఉన్నానని గతంలో వాన్స్ వ్యాఖ్యానించినప్పటికీ, తాజా ప్రెస్ మీట్‌లో ట్రంప్ సమాధానాన్ని దాటవేయడంతో 2028 రిపబ్లికన్ అధ్యక్ష అభ్యర్థి ఎవరనే దానిపై రాజకీయ వర్గాల్లో మరింత ఉత్కంఠ నెలకొంది.ఇదీ చదవండి: పాక్‌లోనే దావూద్.. ఐరాస నివేదికపై భారత్ ఆగ్రహం

రష్యాపై దాడులకు వెళ్లిన ఉక్రెయిన్‌ డ్రోన్లు.. ఉన్నట్టుండి ఆకాశం నుంచి పిట్టల్లా రాలిపోతున్నాయి. శత్రు స్థావరాలను ధ్వంసం చేయాల్సిన డ్రోన్లే కనెక్షన్‌ కోల్పోయి కుప్పకూలుతున్నాయి. అమెరికా రక్షణ శాఖ నియంత్రణలో పనిచేసే స్టార్‌షీల్డ్‌ శాటిలైట్‌ ఇంటర్నెట్‌ సేవల్లో అంతరాయమే ఇందుకు కారణమని ఉక్రెయిన్‌ సైనికాధికారులు చెబుతున్నారు.ఈ అంతరాయం కారణంగా సైనిక విభాగాలు మూడు రోజుల పాటు దాదాపు అన్ని కార్యకలాపాలను నిలిపివేయాల్సి వచ్చింది. రష్యా సైనిక కమాండ్‌ కేంద్రాలు, ఇంధన నిల్వ కేంద్రాలపై దాడులు కూడా ఆగిపోయాయి. రష్యా సైన్యం ముందుకు సాగకుండా అడ్డుకోవడంతో పాటు.. ముందు వరుసలో ఉన్న తమ సైనికులను రక్షించుకునేందుకు ఉక్రెయిన్‌ ఈ దాడులను జరుపుతోంది.స్టార్‌లింక్ సేవల కోతతో ఉక్రెయిన్‌ అధ్యక్షుడు వొలోడిమిర్‌ జెలెన్‌స్కీ, అమెరికా అధ్యక్షుడు డొనాల్డ్‌ ట్రంప్‌ మధ్య వైరం మరింత తీవ్రతరమవుతోంది. స్టార్‌షీల్డ్‌ సేవల్లో తొలుత ఏర్పడిన అంతరాయం కారణంగా గంటకు కేవలం 40 మైళ్ల (సుమారు 64 కిలోమీటర్ల) వేగంతో ప్రయాణించే డ్రోన్లు కూడా కనెక్షన్‌ కోల్పోయాయని ఉక్రెయిన్‌ అధికారులు తెలిపారు.ప్రస్తుతం పరిస్థితి కొంత మెరుగుపడినప్పటికీ సమస్యలు పూర్తిగా తొలగిపోలేదు. గంటకు 100 మైళ్ల (సుమారు 161 కిలోమీటర్ల) కంటే ఎక్కువ వేగంతో ప్రయాణించినప్పుడు డ్రోన్లు ఇప్పటికీ కనెక్షన్‌ కోల్పోతున్నాయని అధికారులు పేర్కొన్నారు. దీంతో రష్యా లక్ష్యాలపై దాడులు చేసేందుకు అధిక వేగంతో ప్రయాణించాల్సిన డ్రోన్లకు ఇబ్బందులు ఎదురవుతున్నాయి.తూర్పు ఉక్రెయిన్‌లో వేలాది మంది సైనికులతో కూడిన దళాలకు ఇటీవల బాధ్యతలు చేపట్టిన బ్రిగేడియర్‌ జనరల్‌ ఆండ్రి బిలెట్స్కీ ఈ అంశంపై స్పందించారు. గతంలో స్టార్‌షీల్డ్‌ కనెక్షన్‌తో పనిచేసే డ్రోన్లు గంటకు 250 మైళ్ల (సుమారు 402 కిలోమీటర్ల) వేగంతో ప్రయాణించినా కనెక్షన్‌ కోల్పోయేవి కావని ఆయన తెలిపారు.ఈ ఆంక్షలు ఉక్రెయిన్‌ వైమానిక రక్షణ వ్యవస్థలపైనా ప్రభావం చూపుతున్నాయి. రష్యా డ్రోన్లు ఉక్రెయిన్‌ నగరాలపై దాడులు చేయకుండా అడ్డుకునేందుకు ఉపయోగించే ఇంటర్‌సెప్టర్‌ డ్రోన్లు.. శత్రు డ్రోన్ల కంటే ఎక్కువ వేగంతో ప్రయాణించాల్సి ఉంటుంది. ‘‘వైమానిక రక్షణ వ్యవస్థల వేగాన్ని తగ్గించడం బాధాకరమైన నిర్ణయం. ముఖ్యంగా మన నగరాల రక్షణను ఇది బలహీనపరుస్తుంది. పెంటగాన్‌ ఈ చర్య తీసుకోవడం ఉక్రెయిన్‌ పౌరుల పట్ల స్నేహపూర్వకంగా లేని నిర్ణయమేనంటూ బిలెట్స్కీ వ్యాఖ్యానించారు.ఇదీ చదవండి: ఉక్రెయిన్‌కు ఎలాన్‌ మస్క్‌ షాక్!

అమెరికా అధ్యక్షుడు డొనాల్డ్ ట్రంప్ ఇరాన్‌తో యుద్ధంలోకి దిగడంపై ఆయన పెద్ద కుమారుడు డొనాల్డ్ ట్రంప్ జూనియర్ అసంతృప్తిగా ఉన్నట్లు ‘ది అట్లాంటిక్’ కథనం వెల్లడించింది. ఈ యుద్ధంపై తన అభ్యంతరాలను ఆయన తండ్రితో ప్రైవేటు సంభాషణల్లో పలుమార్లు వ్యక్తం చేసినట్లు పేర్కొంది.2024 అధ్యక్ష ఎన్నికల ప్రచార సమయంలోనే అమెరికాను మరో మధ్యప్రాచ్య యుద్ధంలోకి తీసుకెళ్లవద్దని డాన్ జూనియర్ తన తండ్రి ట్రంప్‌ని కోరినట్లు సమాచారం. అప్పట్లో ఇరాన్ ఇజ్రాయెల్‌పై క్షిపణులు, డ్రోన్లతో దాడులు చేసిన సందర్భంలో.. ట్రంప్ నాయకత్వం వల్ల అమెరికా ఇరాన్‌తో పూర్తిస్థాయి యుద్ధంలోకి వెళ్లకుండా ఉందని ఆయన సోషల్ మీడియా వేదికగా వ్యాఖ్యానించారు.అయితే ప్రస్తుతం ఇరాన్‌తో సుదీర్ఘ సైనిక ఘర్షణలో అమెరికా చిక్కుకోవడంతో ట్రంప్ మద్దతుదారుల్లోనూ విభేదాలు పెరుగుతున్నట్లు సదరు కథనం తెలిపింది. విదేశీ యుద్ధాల కంటే దేశీయ సమస్యలకే ప్రాధాన్యం ఇవ్వాలని కొందరు MAGA మద్దతుదారులు భావిస్తున్నారు. దివంగత కన్జర్వేటివ్ నేత చార్లీ కిర్క్ కూడా ఈ యుద్ధాన్ని వ్యతిరేకించినట్లు కథనం పేర్కొంది.అమెరికా ఉపాధ్యక్షుడు జేడీ వాన్స్ సహా పలువురు ఉన్నతాధికారులు కూడా ఈ యుద్ధంపై ప్రైవేటుగా సందేహాలు వ్యక్తం చేసినట్లు నివేదిక వెల్లడించింది. ఇరాన్‌లో వైమానిక దాడుల ద్వారా ప్రభుత్వ మార్పు సాధ్యమేనా అనే అంశంపై సీఐఏ డైరెక్టర్ జాన్ రాట్‌క్లిఫ్, విదేశాంగ మంత్రి మార్కో రూబియో సందేహాలు వ్యక్తం చేసినట్లు తెలిపింది.ఇక మరోవైపు ప్యూ రీసెర్చ్ సెంటర్ సర్వే ప్రకారం.. ఇరాన్ విషయంలో ట్రంప్ వ్యవహరిస్తున్న తీరును అమెరికాలోని 65 శాతం మంది ప్రజలు వ్యతిరేకించగా, 33 శాతం మంది మద్దతు తెలిపారు. అంతేకాదు యుద్ధం ఏడాదికి పైగా కొనసాగవచ్చని దాదాపు సగం మంది అంచనా వేస్తున్నట్లు సర్వే వెల్లడించింది. దీంతో ఈ ఘర్షణపై అమెరికాలో ప్రజా వ్యతిరేకత, రాజకీయ విభేదాలు పెరుగుతున్న సంకేతాలు కనిపిస్తున్నాయి.ఇదీ చదవండి: కారుతో ఢీకొట్టడంతో.. తీవ్ర గాయాలతో రెండు కాళ్లు కోల్పోయిన ఎంపీ!

అమెరికాలో 76 ఏళ్ల వృద్ధురాలు తన మాజీ భర్తను, అతని 40 ఏళ్ల ప్రేయసిని కాల్చి చంపింది. జార్జియాలోని ఉవాల్డాలోని మెక్‌నాట్ ఫాల్స్ రోడ్డులో ఉన్న ఒక ట్రైలర్ హోమ్‌లోకి ప్రవేశించిన గ్రేస్ ఎడ్జ్, ఐదు రౌండ్లు కాల్పులు జరిపింది. ఈ ఘటనలో వారిద్దరూ బుల్లెట్ గాయాలతో అక్కడికక్కడే మరణించారు. పదేళ్ల క్రితమే తన భర్తతో విడిపోయినప్పటికీ, వారిద్దరి సంబంధం ఇష్టం లేకపోవడమే ఈ దారుణానికి కారణమని పోలీసులు తెలిపారు.సోమవారం మధ్యాహ్నం ఉవాల్డాలోని మెక్‌నాట్ ఫాల్స్ రోడ్డులో ఉన్న ట్రైలర్ హోమ్‌లో ఈ ఘటన చోటు చేసుకుంది. టూంబ్స్ కౌంటీకి చెందిన గ్రేస్ ఎడ్జ్ (76) అనే మహిళ తన మాజీ భర్త ఇంట్లోకి హఠాత్తుగా ప్రవేశించి మరీ విచక్షణారహితంగా ఐదు రౌండ్లు కాల్పులు జరిపింది. ఈ ఘటనలో ఆమె మాజీ భర్త వాలెస్ ట్రూమాన్ ఎడ్జ్ (75), ఆయన ప్రియురాలు పమేలా కుక్ (40) అక్కడికక్కడే ప్రాణాలు కోల్పోయారు.ఈ దాడిలో ఆ గ్రేస్‌చేతికి కూడా గాయమైంది.కాల్పులు జరిగిన సమయంలో ఇంట్లోనే ఉన్న పమేలా కుక్ తల్లి డయాన్ కుక్ 911కి ఫోన్ చేసి అత్యవసర సమాచారం అందించారు. ఎలాంటి గొడవ లేదా వాగ్వాదం జరగకుండానే గ్రేస్ ఎడ్జ్ ఇంట్లోకి వచ్చి నేరుగా కాల్పులు ప్రారంభించిందని డయాన్ తెలిపారు.ఇదీ చదవండి: షాకింగ్‌ : ముంబైలో మరో విద్యార్థి ఆత్మహత్య కలకలంకారణాలుపోలీసు అధికారుల సమాచారం ప్రకారం.. గ్రేస్ ఎడ్జ్, వాలెస్ ఎడ్జ్‌ దంపతులు దశాబ్ద కాలం క్రితమే విడాకులు తీసుకున్నప్పటికీ, వారి మధ్య సంబంధాలు కొనసాగుతూ వచ్చాయి. అయితే, తన కంటే 35 ఏళ్లు చిన్నదైన పమేలా కుక్‌తో వాలెస్ డేటింగ్ ప్రారంభించడంతో గ్రేస్ తీవ్ర అసంతృప్తికి లోనైంది. గతంలో కూడా గృహ హింస, వివాదాల విషయమై వీరిద్దరూ పోలీసులకు పరస్పరం ఫిర్యాదులు చేసుకున్నారని, అయితే అప్పట్లో ఎలాంటి అరెస్టులు జరగలేదని పోలీసులు తెలిపారు.ఇదీ చదవండి: భార్యను కొట్టానని నిరూపిస్తారా? ఆత్మహత్యకు ముందు సెల్ఫీ వీడియోలొంగిపోయిన గ్రేస్‌కాల్పులఘటన అనంతరం గ్రేస్ ఎడ్జ్ నేరుగా షెరీఫ్ కార్యాలయానికి వెళ్లి లొంగిపోయింది. గ్గ్రేసుపై ఏడు అభియోగాలు నమోదై నాయి. వాటిలో రెండు దురుద్దేశపూర్వక హత్య కేసులు, రెండు హత్య కేసులు, మూడు తీవ్రమైన దాడి కేసులున్నాయి ప్రస్తుతం ఆమెను టూంబ్స్ కౌంటీ డిటెన్షన్ సెంటర్‌లో ఉంచారు.ఇదీ చదవండి: కన్నతల్లి చేతిలో చిన్నారి హత్య : కన్నీరుమున్నీరవుతున్న తండ్రి

కీవ్‌: ఉక్రెయిన్‌పై రష్యా యుద్ధంలో కీలక పరిణామం చోటు చేసుకుంది. ఉక్రెయిన్‌లో సైనిక అవసరాల కోసం శాటిలైట్‌ ఇంటర్నెట్‌ సేవల్ని అందిస్తున్న ఎలాన్‌ మస్క్‌ నేతృత్వంలోని స్టార్‌లింక్ ఇంటర్నెట్ వేగాన్ని స్పేస్‌ఎక్స్ సంస్థ తగ్గించినట్లు తెలుస్తోంది. ఇప్పటికే అమల్లోకి వచ్చిన ఈ నిర్ణయంతో ఉక్రెయిన్ డ్రోన్ల కార్యకలాపాలకు తీవ్ర ఆటంకం కలుగుతోందని అమెరికా అధికారులు, సంబంధిత వర్గాలు వెల్లడించాయి.రష్యా చమురు శుద్ధి కర్మాగారాలపై ఉక్రెయిన్ సైన్యం డ్రోన్లతో వరుస దాడులు జరుపుతుండటంటపై అమెరికా అధ్యక్షుడు డొనాల్డ్ ట్రంప్ అసంతృప్తిని వ్యక్తం చేస్తున్నారు. ఉక్రెయిన్ చేస్తున్న ఈ దాడుల వల్ల గ్లోబల్ మార్కెట్‌లో ఇంధన సరఫరా తగ్గి, ధరలు విపరీతంగా పెరిగి అమెరికా ఆర్థిక వ్యవస్థపై భారం పడుతోందని ట్రంప్ భావించారు. అంతేకాకుండా, యుద్ధాన్ని త్వరగా ముగించాలనే తన శాంతి ప్రయత్నాలకు ఉక్రెయిన్ దాడులు ఆటంకం కలిగిస్తున్నాయని ఆయన హెచ్చరించారు.ఉక్రెయిన్‌ దాడులు ట్రంప్‌తో పాటు మస్క్‌ ఆగ్రహానికి గురి చేసింది. ట్రంప్ ప్రభుత్వంలో కీలక సలహాదారుడిగా, డీఓజీఈ బాధ్యతలు నిర్వర్తించిన మస్క్.. ట్రంప్ ఆలోచనలతో పూర్తిగా ఏకీభవించారు. ఉక్రెయిన్ సైన్యం డ్రోన్లను నడిపించడానికి, కమ్యూనికేషన్‌కు అంతా మస్క్‌కు చెందిన స్టార్‌లింక్ నెట్‌వర్క్‌పైనే పూర్తిగా ఆధారపడింది. ట్రంప్ హెచ్చరికలను లెక్కచేయకుండా ఉక్రెయిన్ దాడులు కొనసాగించడంతో, జెలెన్‌స్కీ హద్దుమీరుతున్నారంటూ మస్క్ బహిరంగంగానే మండిపడ్డారు.ఈ నేపథ్యంలోనే, ఉక్రెయిన్‌ను కట్టడి చేసేందుకు ట్రంప్ ఆలోచనకు రూపమిస్తూ.. మస్క్ తన స్టార్‌లింక్ ఇంటర్నెట్ వేగాన్ని పరిమితం చేసినట్లు అంతర్జాతీయ వర్గాలు వెల్లడిస్తున్నాయి.ఉక్రెయిన్ ఆందోళన.. స్టార్‌లింక్ సేవలను పరిమితం చేయడం వల్ల తమ రక్షణ చర్యలు తీవ్రంగా దెబ్బతింటున్నాయని ఉక్రెయిన్ అధ్యక్షుడు వొలొదిమిర్ జెలెన్‌స్కీ ఆందోళన వ్యక్తం చేశారు. మరోవైపు, స్టార్‌లింక్ సేవల విషయంలో నిర్ణయాలు తీసుకునే పూర్తి అధికారం ఆ సంస్థకే ఉందని అమెరికా రక్షణ మంత్రి పేర్కొనడం విశేషం. ఇదీ చదవండి: కారుతో ఢీకొట్టడంతో.. తీవ్ర గాయాలతో రెండు కాళ్లు కోల్పోయిన ఎంపీ!

జీవితం అంటే సుఖ దఃఖాల కలయిక. కళ్లు తడవకుండా లైఫ్‌ని లీడ్‌ చేయడం అంత ఈజీ కాదు. ఆ క్రమంలో ఒత్తిడి, డిప్రెషన్‌ బారిన పడి అనారోగ్యం పాలవ్వడం సహజం. కానీ ఈ బామ్మ కాలగర్భంలో కలిసిపోయిన ఎన్నో వసంతాలను చూసింది. ప్రపంచ యుద్ధం నుంచి టెక్నాలజీతో దూసుకుపోతున్న యుగం వరకు ప్రతిదాన్ని వీక్షించింది. కాలంతోపాటు గెలిచింది. లైప్‌ ఈజీ్‌ బ్యూటిఫుల్‌ అన్న పదానికి నిలువెత్తు నిదర్శనంగా నిలిచింది ఈ వండర్‌ బామ్మ. ఆ మహిళే అల్బేనియాకి చెందిన ఖమీలే మర్రా. ఆమె ప్రపంచంలోనే అత్యంత వృద్ధ మహిళ. ఒట్టోమిన్‌ పాలనలో జన్మించి రెండో ప్రపంచ యుద్దాన్ని కళ్లారా చూసిందామె. సరిగ్గా రెండో ప్రపంచ యుద్ధం ముగియడానికి పక్షం రోజుల ముందే 36 ఏళ్ల నిండాయి ఆమెకు. జీవితం అనేది అత్యంత ఎత్తైన శిఖరాల మధ్య దర్పంగా పూచే టోమోర్‌ పువ్వులా అందమైనదని అంటోంది మర్రా. పండ్ల చెట్లతో చుట్టబడి ఉన్న ఆ గ్రామంలో మర్రా తన జీవితంలో దాదాపు పూర్తి కాలం తనే స్వయంగా ఆహారాన్ని పండించుకుంటూ, పశువులను మేపుకుంటూ గడిపిందామె. సాంప్రదాయ తెల్లటి తలపాగాతో కప్పబడి, ముడతలు పడిన ముఖంతో చిరునవ్వులు చిందిస్తుంటుంది ఈ బామ్మ. దేవుడు నిర్ణయించినంత కాలం హాయిగా ఆనందంగా జీవితాన్ని ఆస్వాదించాలని అంటోందామె. అంతేగాదు ప్రపంచంలో అత్యంత వృద్ధరాలిగా గిన్నిస్‌ రికార్డులకెక్కింది కూడా. ఇంతవరకు సెంటెరియన్ల అనగానే సరైన రికార్డుల, ఆధారాలు లేవని, భారీ పెన్షన్‌ మోసాలు ఉన్న రికార్డులేనని గిన్నిస్‌ రికార్డు సంస్థ పేర్కొంది. కానీ మర్రా అలా కాదని, ఆమె వద్ద సరైన ఆధారాలన్నీ ఉన్నాయన్నారు. ఆమె బంధవులు గిన్నిస్‌ రికార్డుని సందర్శించగా..1945లో జారీ చేయబడిన జనన ధృవీకరణ పత్రం, 1919లో జారీ చేయబడిన పాస్‌పో, ఇటీవల గుర్తింపు కార్డుల్లో సైతం ఒకే పుట్టిన తేదీ ఉంది. ఆమె వయసు స్థానిక అధికారులను సైతం ఆశ్చర్యపర్చింది. ఎందుకంటే ఆమెకు వందేళ్ల సమీపిండచానికి ముందే పింఛన్‌ ఆపేశారు. మళ్లీ ఆమె 80 ఏ‍ళ్ల కుమారుడు స్థానిక అధికారులను సంప్రదించి, సాక్షుల వాంగ్మూలాలతో సహా రుజువు చేసుకోవాల్సి వచ్చింది. ఎందుకంటే వాళ్లు మా అమ్మ ఇంకా బతికే ఉందన్న విషయాన్ని వాళ్లు అస్సలు నమ్మలేదని చెబుతున్నాడు ఆమె కుమారుడు. ఈ నెల ప్రారంభంలోనే ఆమె వయసు పురస్కరించుకుని ప్రభుత్వం ఆమెకు ఒక ప్రత్యేక ప్రభుత్వ పింఛను జారీ చేసింది. ఫిట్‌నెస్‌ సీక్రెట్‌..మర్రా అలవాట్లు, మంచి జీవనశైలి తదితరాలే ఆమె అసాధారణ దీర్ఘాయువుకి కారణమై ఉండొచ్చని అంటున్నారు ఆరోగ్య నిపుణులు.ఆమె ఉదయాన్నే లేచి పెరటిని ఊడ్చి, తన పూల మొక్కలకు ఆమెనే స్వయంగా నీరు పోసి, కోళ్లకు మేత వేసి, ఆ తర్వాత కాఫీతో సేద తీరుతుందామె. ఆమె తనతోపాటు ఉండే కుమారుడితో కలిసి తను ఎంతో ఇష్టంగా పెంచుకున్న పండ్ల తోట వరకు నడకను ఆస్వాదిస్తుంది. దారిలో పండిన దానిమ్మపండ్లను కలెక్ట్‌ చేసుకుంటూ అక్కడి ప్రకృతిలో సేదతీరుతుంది. తులసీ ఆకులను కూడా జేబులో పెట్టుకుంటుందట ఆమె. ఆమె ఇప్పటి వరకు డాక్టర్‌ని సంప్రదించలేదని, కనీసం మందులు కూడా తీసుకోలేదని చెబుతున్నారు. మర్రా భర్త 36 ఏళ్ల క్రితం చనిపోయారు. తమ దాంపత్యం గురించి అడగగా మర్రా పెదవులపై చిరునవ్వు వెల్లివిరిచింది. మా మధ్య ఎంత ప్రేమ ఉంది అనడానికి మాకు పుట్టిన ఏడుగురు పిల్లలే నిదర్శనమని అంటోందామె. తన కుటుంబంలో ఐదు తరాలు తన కళ్లముందే పెరగడాన్ని చూశానంటోంది. తాను కోల్పోయిన కుటుంబ సభ్యులు, స్నేహితులను గుర్తు చేసుకున్నప్పుడూ కళ్లల్లో నీళ్లు తిరగాయ్‌ ఆమెకు. మేనకోడలు నుంచి ఫోన్‌ రాగానే ఆమె ముఖం వెలిగిపోయింది. తన మనవళ్లు, ముని మనవరాళ్లు పెళ్లిళ్లు చేసుకోవడం, సొంతింటిని నిర్మించుకోవడం తదితరాలన్నీ చూశానని చెబుతోంది. తనకు ఇంట్లో పిల్లలంతా సందడిగా తిరుగుతుంటే చాలా సంతోషంగా ఉంటుందన్నారు. ఆమె వద్ద తన టీనేజ్‌ టైంలో దిగిన ఒకే ఒక్క ఫోటో ఉంది. అది చూస్తే ఈ బామ్మనే..ఆ వయసులో ఇంత అందంగా ఉండేదా అని ఆశ్చర్యం వేస్తుంది. అప్పుడామె వయసు 18 ఏళ్లు అని చెబుతోంది మర్రా. ఆమెను చూస్తే..జీవితంలో కష్టాలనేవి కామన్‌..వాటిని దాటుకుంటూ ఎలా జీవితాన్ని ఆస్వాదిస్తున్నావ్‌ అన్న దానిపైనే ఆరోగ్యం ఆధారపడి ఉంటుందని చెప్పకనే చెబుతోంది కదా ఈ బామ్మ జీవనశైలి.ఇదీ చదవండి: వెల్నెస్‌ కోచ్‌గా డెంటిస్ట్‌..! కట్‌చేస్తే ఇవాళ ఏకంగా..

కనెక్టికట్‌: అమెరికాలోని కనెక్టికట్‌కు చెందిన 13 ఏళ్ల భారత సంతతి బాలిక రాజీ దోషి ప్రతిష్టాత్మక ‘2026 3ఎం యంగ్ సైంటిస్ట్ ఛాలెంజ్’ విజేతగా నిలిచింది. స్టాన్‌ఫోర్డ్ ఆన్‌లైన్ హైస్కూల్‌లో ఎనిమిదో తరగతి చదువుతున్న ఆమె, అమెరికా వ్యాప్తంగా ఎంపికైన ఫైనలిస్టులను వెనక్కి నెట్టి ‘అమెరికాస్ టాప్ యంగ్ సైంటిస్ట్’ కిరీటంతో పాటు 25,000 డాలర్ల (సుమారు రూ. 21 లక్షలకు పైగా) నగదు బహుమతిని సొంతం చేసుకున్నారు.తీరప్రాంతాల్లో సముద్రపు గవ్వలను సేకరించే అలవాటున్న రాజీ, కర్బన ఉద్గారాల వల్ల సముద్రాలు ఆమ్లీకరణకు గురై జీవులు, శంఖు-గవ్వలు నాశనమవడం గమనించారు. ఈ విపత్తుకు అడ్డుకట్ట వేసేందుకు ఆమె ‘ఆల్కాకోర్’ పేరిట సరికొత్త పరిశోధనను ప్రారంభించారు. తన ఆలోచనను ఆచరణలో పెట్టేందుకు 3ఎం సంస్థ అందించిన శాస్త్రవేత్తల మార్గదర్శకత్వంలో సమర్థవంతమైన ప్రోటోటైప్‌ను సిద్ధం చేశారు.సముద్రపు నాచు (Macroalgae) సాగుకు సహజ కాల్షియం కార్బోనేట్ రూపమైన అరగోనైట్ (Aragonite) ఖనిజాన్ని జోడించడం ఈ ప్రాజెక్ట్ ప్రత్యేకత. ఈ విధానం ద్వారా సముద్రపు నీటిలో ఆల్కలీనిటీ పెరిగి, కరిగి ఉన్న హానికర కార్బన్ డై ఆక్సైడ్ భారీగా తగ్గుతుందని రసాయన విశ్లేషణల ద్వారా నిరూపించారు. అంతేకాకుండా, తీరప్రాంత సమాజాలు సులభంగా అమలు చేసేందుకు 'మైకేలిస్-మెంటెన్' కంప్యూటేషనల్ మోడల్ ఆధారంగా అరగోనైట్ సరైన మోతాదును కూడా ఖరారు చేశారు.మిన్నెసోటాలోని 3ఎం ప్రధాన కార్యాలయంలో జరిగిన తుది పోటీలలో రాజీ తన సంభాషణా చాతుర్యంతో న్యాయనిర్ణేతలను మెప్పించి అగ్రస్థానాన్ని దక్కించుకున్నారు. కేవలం సైద్ధాంతిక పరిశోధనలకే పరిమితం కాకుండా, ఆధునిక ప్రపంచం ఎదుర్కొంటున్న గ్లోబల్ వార్మింగ్ ముప్పుకు పర్యావరణ అనుకూల పరిష్కారాన్ని చూపిన ఈ చిచ్చరపిడుగు ప్రతిభపై సర్వత్రా ప్రశంసలు వెల్లువెత్తుతున్నాయి.ఇదీ చదవండి: ఎయిర్‌పోర్టులో సీఎం నిర్బంధం.. 50 వేల జరిమానా

అమెరికా సుంకాల సెగ.. వాణిజ్య చర్చల్లో ప్రతిష్ఠంభన.. ఇలాంటి పరిణామాల మధ్య భారత్‌-అమెరికా వాణిజ్య సంబంధాలపై కీలక ముందడుగు పడింది. ఇరు దేశాల మధ్య ఏడాదికి పైగా సాగుతున్న చర్చలు ఇప్పుడు తుది దశకు చేరినట్లు అమెరికా అధ్యక్షుడు డొనాల్డ్‌ ట్రంప్‌ వ్యాఖ్యలు సూచిస్తున్నాయి. భారత్‌తో ఒప్పందం చేసుకునేందుకు తాము సిద్ధంగా ఉన్నామని, చర్చలు దాదాపు కొలిక్కి వచ్చాయని ఆయన వెల్లడించారు. అంతేకాదు.. గతంలో అమెరికా చేసుకున్న వాణిజ్య ఒప్పందాల కంటే ఇది పూర్తిగా భిన్నంగా ఉంటుందని వ్యాఖ్యానించడం ఆసక్తిని రేకెత్తిస్తోంది. అగ్రరాజ్యంతో వాణిజ్య సంబంధాల్లో కీలక మలుపు రాబోతోందా? ఇరు దేశాల మధ్య మిగిలిన అడ్డంకులు తొలగిపోనున్నాయా? అన్న చర్చ మొదలైంది.వాషింగ్టన్‌లోని వైట్‌హౌస్‌ ఓవల్‌ కార్యాలయంలో మంగళవారం మీడియాతో మాట్లాడిన ట్రంప్‌.. భారత్‌తో వాణిజ్య ఒప్పందంపై కీలక వ్యాఖ్యలు చేశారు. ‘వాళ్లు ఒప్పందం చేసుకోవాలనుకుంటున్నారు. మేం కూడా ఒప్పందం చేసుకుంటాం. దాదాపు దగ్గరయ్యాం’ అని పేర్కొన్నారు. ఈ ఒప్పందం గతంలో అమెరికా చేసుకున్న వాణిజ్య ఒప్పందాల కంటే చాలా భిన్నంగా ఉంటుందని తెలిపారు. అయితే ఆ భిన్నత్వం ఏయే అంశాల్లో ఉంటుందో మాత్రం వివరించలేదు. అయితే, ప్రస్తుతానికి ట్రంప్‌ వ్యాఖ్యలు ఒప్పందంపై ఆశలు పెంచుతున్నప్పటికీ.. తుది నిబంధనలు, సుంకాల విషయంలో ఇరు దేశాలు ఏ నిర్ణయానికి వచ్చాయన్నది ఇంకా వెల్లడికాలేదు. ఒప్పందం అధికారికంగా ఖరారయ్యే వరకు పూర్తి వివరాలపై స్పష్టత వచ్చే అవకాశం లేదు.రూబియో కూడా అదే మాట!అమెరికా అధ్యక్షుడు ట్రంప్‌ వ్యాఖ్యలకు ముందు నుంచే ఒప్పందంపై పురోగతి కనిపించింది. భారత్‌ పర్యటనలో ఉన్న అమెరికా విదేశాంగ మంత్రి మార్కో రూబియో సైతం వాణిజ్య ఒప్పందం దాదాపు తుది దశకు చేరుకుందని తెలిపారు. ఒప్పందం అమలుకు అవసరమైన ప్రక్రియ పూర్తికాకపోయినా.. ఇరు దేశాలు వీలైనంత దగ్గరకు వచ్చాయని చెప్పారు. పరిష్కరించాల్సిన అంశాలు కొన్నే మిగిలి ఉన్నాయని, వాటిని త్వరలోనే కొలిక్కి తీసుకురావచ్చని ఆశాభావం వ్యక్తం చేశారు. మిగిలిన అంశాలపై ఏకాభిప్రాయం కుదిరితే ఇరు దేశాల నాయకులు ఒప్పందంపై సంతకాలు చేసే అవకాశం ఉందని రూబియో సంకేతాలిచ్చారు. ఆయన వ్యాఖ్యలు, ట్రంప్‌ తాజా ప్రకటనను పరిశీలిస్తే వాణిజ్య చర్చలు కీలక దశలో ఉన్నట్లు స్పష్టమవుతోంది.ఏడాదికి పైగా సాగుతున్న కసరత్తుభారత్‌, అమెరికా మధ్య ద్వైపాక్షిక వాణిజ్య ఒప్పందం (బీటీఏ) కోసం కొంతకాలంగా చర్చలు జరుగుతున్నాయి. ఈ ఏడాది ఫిబ్రవరిలో ఒప్పందం తొలి దశకు సంబంధించిన ప్రాథమిక రూపురేఖలను ఖరారు చేసినట్లు ఇరు దేశాలు ప్రకటించాయి. అయితే ఆ తర్వాత అమెరికా సుంకాల విధానంలో చోటుచేసుకున్న మార్పులతో చర్చలు మరింత సంక్లిష్టంగా మారాయి. ఇరు దేశాల ప్రయోజనాలకు అనుగుణంగా నిబంధనలను ఖరారు చేసేందుకు సంప్రదింపులు కొనసాగాయి.భారత్‌కు ఏం లాభం?అమెరికాతో వాణిజ్య ఒప్పందం ఖరారైతే ఇరు దేశాల వ్యాపార సంబంధాలకు కొత్త అవకాశాలు ఏర్పడే అవకాశం ఉంది. భారత ఎగుమతిదారులకు అమెరికా మార్కెట్‌లో మెరుగైన అవకాశాలు లభించడం, వాణిజ్య అనిశ్చితి తగ్గడం వంటి అంశాలు భారత్‌కు కీలకం. అయితే ఎగుమతులపై సుంకాలు ఎంత మేరకు ఉంటాయి? భారత ఉత్పత్తులకు ఎలాంటి మార్కెట్‌ ప్రవేశ సౌకర్యాలు లభిస్తాయి? అమెరికా ఉత్పత్తుల విషయంలో భారత్‌ ఏ మేరకు రాయితీలు ఇస్తుంది? వంటి అంశాలపై తుది ఒప్పందమే స్పష్టత ఇవ్వనుంది. అమెరికా వైపు నుంచి చూస్తే.. భారత మార్కెట్‌లో తమ ఉత్పత్తులకు మరిన్ని అవకాశాలు కల్పించడం, ద్వైపాక్షిక వాణిజ్యాన్ని విస్తరించడం వంటి లక్ష్యాలు ఈ ఒప్పందంలో కీలకంగా ఉండవచ్చు. అయితే ఏయే రంగాల్లో ఎలాంటి నిర్ణయాలు తీసుకుంటారన్నది అధికారిక వివరాలు వెలువడిన తర్వాతే తెలుస్తుంది.ట్రంప్‌ ఉద్దేశమేంటి?ట్రంప్‌ చేసిన వ్యాఖ్యల్లో ప్రధానంగా ఆసక్తి రేపుతున్న అంశం.. ఈ ఒప్పందం గతంలో అమెరికా చేసుకున్న వాణిజ్య ఒప్పందాల కంటే భిన్నంగా ఉంటుందన్న మాట. అయితే ఆ వ్యాఖ్య వెనుక ఉన్న నిర్దిష్ట ఉద్దేశాన్ని ఆయన వివరించలేదు. సుంకాలు, మార్కెట్‌ ప్రవేశం, వాణిజ్య సమతుల్యత, ఇతర ఆర్థిక నిబంధనల్లో ఎలాంటి మార్పులు ఉంటాయన్నది ప్రస్తుతం స్పష్టంగా లేదు. మొత్తంగా.. భారత్‌తో వాణిజ్య ఒప్పందం దాదాపు ఖరారయ్యే దశకు చేరిందన్న ట్రంప్‌ వ్యాఖ్యలు కీలక పరిణామంగా మారాయి. ఏడాదికి పైగా సాగుతున్న చర్చలు ముగింపు దశకు చేరాయన్న సంకేతాలు కనిపిస్తున్నా.. ఒప్పందంలోని అసలు లెక్కలు, సుంకాలపై నిర్ణయాలు, భారత్‌కు లభించే ప్రయోజనాలు ఏమిటన్నది తుది ప్రకటనతోనే తేలనుంది.ఇదీ చదవండి: పాకిస్తాన్‌ మునీర్‌ దౌత్యం వేళ షాకిచ్చిన ఇరాన్‌

అమెరికాతో దౌత్య చర్చలకు ఒకవైపు ప్రయత్నాలు జరుగుతున్నా.. మరోవైపు ఇరాన్‌ మాత్రం వెనక్కి తగ్గే ప్రసక్తే లేదని సంకేతాలిస్తోంది. అణు కార్యక్రమం విషయంలో రాజీ పడేది లేదని, తమ వద్ద ఉన్న శుద్ధి చేసిన యురేనియంలో ఒక్క గ్రాము కూడా దేశం దాటి వెళ్లబోదని తెగేసి చెబుతోంది. అమెరికా తమపై విధించిన ఆంక్షలు, ఒత్తిళ్లను పక్కనపెట్టి.. ముందుగా తమ డిమాండ్లన్నింటినీ నెరవేర్చాలని స్పష్టం చేస్తోంది. దీంతో ఇరాన్‌-అమెరికా మధ్య చర్చలను తిరిగి ప్రారంభించేందుకు పాకిస్థాన్‌ చేస్తున్న ప్రయత్నాలకు కొత్త సవాళ్లు ఎదురవుతున్నాయి. ఎనిమిది నెలలుగా కొనసాగుతున్న యుద్ధ వాతావరణం, హార్ముజ్‌ జలసంధి చుట్టూ నెలకొన్న ఉద్రిక్తతల నేపథ్యంలో ఇరాన్‌ తాజా ప్రకటన అంతర్జాతీయంగా ప్రాధాన్యం సంతరించుకుంది.ఒక్క గ్రాము కూడా బయటకు వెళ్లదు!యురేనియం నిల్వలను విదేశాలకు తరలించే అంశంపై ఇరాన్‌ జాతీయ భద్రతా మండలి కార్యదర్శి మొహ్సెన్‌ రెజాయీ కీలక ప్రకటన చేశారు. ‘శుద్దిచేసిన యురేనియంలో ఒక్క గ్రాము కూడా ఇరాన్‌ నుంచి బయటకు వెళ్లదు. అమెరికా విశ్వాసాన్ని పెంపొందించే చర్యలు తీసుకునే వరకు చర్చలు ఉండవు. ఇరాన్‌ విధించిన షరతులన్నింటినీ పూర్తిగా అమలు చేయడంతోనే ఆ ప్రక్రియ ప్రారంభం కావాలి’ అని ఆయన సోషల్‌ మీడియా వేదికగా స్పష్టం చేశారు. ఇదే సమయంలో ఇరాన్‌ సుప్రీం లీడర్‌ మొజ్తబా ఖమేనీ వైఖరిని కూడా రెజాయీ పునరుద్ఘాటించారు. అణు ఇంధనాన్ని దేశం నుంచి బయటకు పంపే ప్రతిపాదనలకు తమ ప్రభుత్వం అంగీకరించబోదన్న సంకేతాన్ని మరోసారి ఇచ్చారు. అణు కార్యక్రమంపై అమెరికా ఒత్తిళ్లకు తలొగ్గకుండా, తమ షరతుల ఆధారంగానే తదుపరి చర్చలు జరగాలన్నది ఇరాన్‌ వైఖరిగా కనిపిస్తోంది.అమెరికా ముందు ఏడు షరతులు!అమెరికాతో చర్చలు జరపాలంటే ముందుగా తమ డిమాండ్లను అంగీకరించాలని ఇరాన్‌ పట్టుబడుతోంది. గత నెలలో హార్ముజ్‌ జలసంధిని తిరిగి తెరిచే అంశంతో ముడిపెట్టి ఏడు షరతులను ముందుకు తెచ్చినట్లు ఇరాన్‌ మీడియా వెల్లడించింది. ఇరాన్‌ పార్లమెంట్‌ స్పీకర్‌ మహమ్మద్‌ బాఘర్‌ ఖలీబాఫ్‌ సైతం ఆ షరతులు నెరవేరే వరకు అమెరికా తమ విశ్వాసాన్ని తిరిగి పొందలేదని అన్నారు.ఇరాన్‌ డిమాండ్లలో మూడు కీలక అంశాలు..1. ఓడరేవుల దిగ్బంధం ఎత్తివేత: ఇరాన్‌ ఓడరేవులపై అమెరికా విధించిన దిగ్బంధాన్ని తొలగించాలని టెహ్రాన్‌ కోరుతోంది. సముద్ర వాణిజ్యం, రవాణాపై ఆంక్షలు కొనసాగుతున్న పరిస్థితుల్లో ఈ అంశాన్ని అత్యంత కీలకంగా పరిగణిస్తోంది.2. చమురు ఎగుమతులపై ఆంక్షల తొలగింపు: ఇరాన్‌ చమురు ఎగుమతులపై అమెరికా విధించిన ఆంక్షలను ఎత్తివేయాలని డిమాండ్‌ చేస్తోంది. చమురు ఆదాయం ఇరాన్‌ ఆర్థిక వ్యవస్థకు కీలకం కావడంతో ఈ అంశంపై వెనక్కి తగ్గేందుకు సిద్ధంగా లేదని సంకేతాలిస్తోంది.3. ప్రాంతీయ ఘర్షణలకు ముగింపు: ప్రాంతంలోని అన్ని రంగాల్లో కొనసాగుతున్న దాడులు, శత్రుత్వానికి ముగింపు పలకాలని కోరుతోంది. కేవలం ద్వైపాక్షిక చర్చలకే పరిమితం కాకుండా, ప్రాంతీయ భద్రతకు సంబంధించిన అంశాలనూ పరిష్కరించాలని పట్టుబడుతోంది. ఈ డిమాండ్లతోపాటు అణు కార్యక్రమంపై తమ సార్వభౌమాధికారాన్ని గౌరవించాలని ఇరాన్‌ కోరుతోంది.మునీర్‌ దౌత్యం ఫలించేనా?ఇరాన్‌, అమెరికా మధ్య ఉద్రిక్తతలను తగ్గించేందుకు పాకిస్థాన్‌ మధ్యవర్తిత్వ ప్రయత్నాలు చేస్తోంది. ఆ దేశ సైన్యాధిపతి ఫీల్డ్‌ మార్షల్‌ ఆసిమ్‌ మునీర్‌ ఇరాన్‌లో పర్యటిస్తూ కీలక నేతలతో సమావేశమవుతున్నారు. మంగళవారం ఇరాన్‌ అధ్యక్షుడు మసూద్‌ పెజెష్కియాన్‌తో ఆయన భేటీ అయ్యారు. పార్లమెంట్‌ స్పీకర్‌ ఖలీబాఫ్‌తోనూ చర్చలు జరిపారు. ఈ సందర్భంగా ప్రాంతీయ పరిణామాలు, ఇరాన్‌-అమెరికా మధ్య చర్చల పునఃప్రారంభానికి ఉన్న అవకాశాలు ఈ సమావేశాల్లో ప్రస్తావనకు వచ్చినట్లు ఇరాన్‌ మీడియా కథనాలు వెల్లడించాయి. రెండు దేశాల మధ్య విభేదాలను తగ్గించి, దౌత్య పరిష్కారానికి మార్గం సుగమం చేయడమే పాకిస్థాన్‌ ప్రయత్నాల ప్రధాన ఉద్దేశంగా కనిపిస్తోంది. అయితే, చర్చలు ప్రారంభం కావడానికి ముందే ఇరాన్‌ తన షరతులను స్పష్టం చేయడంతో మధ్యవర్తిత్వం అంత సులభం కాదనే సంకేతాలు వెలువడుతున్నాయి. ముఖ్యంగా యురేనియం నిల్వలను విదేశాలకు తరలించే అంశంపై ఇరాన్‌ వెనక్కి తగ్గకపోవడం చర్చల్లో కీలక సమస్యగా మారే అవకాశం ఉంది.గతంలోనూ శాంతి ప్రయత్నాలు.. ఇరాన్‌-అమెరికా మధ్య ఉద్రిక్తతలను తగ్గించేందుకు గతంలోనూ పాకిస్థాన్‌ మధ్యవర్తిత్వ ప్రయత్నాలు జరిగాయి. జూన్‌లో తాత్కాలిక శాంతి ఒప్పందానికి మార్గం ఏర్పడినప్పటికీ, ఆ తర్వాత ఇరాన్‌-అమెరికా మధ్య పోరాటం తిరిగి ప్రారంభం కావడంతో ఆ ప్రయత్నాలు ఆశించిన ఫలితాన్ని ఇవ్వలేదు. ఇప్పుడు మళ్లీ చర్చల దిశగా ప్రయత్నాలు జరుగుతున్నాయి.ఈసారి ఇరాన్‌ ముందుగానే తన వైఖరిని స్పష్టం చేస్తోంది. ముందుగా అమెరికా తమ డిమాండ్లను నెరవేర్చాలి.. ఆ తర్వాతే చర్చల గురించి ఆలోచిస్తామని చెబుతోంది. అమెరికా మాత్రం ఇరాన్‌ అణు సామర్థ్యాన్ని తగ్గించాల్సిందేనన్న వైఖరిని వ్యక్తం చేస్తోంది. దీంతో ఇరు దేశాల మధ్య చర్చలు ప్రారంభం కావాలంటే ముందుగా ఈ పరస్పర విరుద్ధ వైఖరుల మధ్య ఏదో ఒక పరిష్కారం కనుగొనాల్సి ఉంటుంది.అమెరికా ఆందోళన ఇదే!ఇరాన్‌ అణు కార్యక్రమమే అమెరికాతో ఒప్పందానికి ప్రధాన అడ్డంకిగా కొనసాగుతోంది. ఇరాన్‌ యురేనియాన్ని 60 శాతం వరకు శుద్ధి చేయడం అమెరికా, ఇజ్రాయెల్‌తోపాటు పలు పాశ్చాత్య దేశాల ఆందోళనలకు కారణమైంది. సాధారణ పౌర అణు అవసరాలకు ఉపయోగించే స్థాయితో పోలిస్తే ఇది చాలా ఎక్కువ. అణ్వాయుధాల తయారీకి అవసరమైన యురేనియం శుద్ధి స్థాయి సుమారు 90 శాతంగా పరిగణిస్తారు. ఇరాన్‌ అణ్వాయుధాలను తయారు చేయాలని ప్రయత్నిస్తోందని అమెరికా, ఇజ్రాయెల్‌, ఇతర పాశ్చాత్య దేశాలు చాలాకాలంగా ఆరోపిస్తున్నాయి. అయితే తమ అణు కార్యక్రమం శాంతియుత ప్రయోజనాల కోసమేనని, అణ్వాయుధాల తయారీ తమ లక్ష్యం కాదని ఇరాన్‌ చెబుతోంది.ప్రస్తుతానికి ఇరాన్‌ తన వైఖరిని స్పష్టంగా ప్రకటించింది. యురేనియం విషయంలో వెనక్కి తగ్గేది లేదని, అమెరికా ముందుగా తమ షరతులను నెరవేర్చాలని చెబుతోంది. ఇప్పుడు అమెరికా ఎలా స్పందిస్తుంది? పాకిస్థాన్‌ దౌత్య ప్రయత్నాలు ఫలించి చర్చలు మళ్లీ ప్రారంభమవుతాయా? లేక అణు కార్యక్రమం, ఆంక్షల అంశాలే ఇరు దేశాల మధ్య ప్రతిష్ఠంభనను కొనసాగిస్తాయా? అన్నది అంతర్జాతీయ రాజకీయాల్లో ఆసక్తికరంగా మారింది.ఇదీ చదవండి: బంగ్లాదేశ్ మాజీ ప్రధాని షేక్ హసీనా సంచలన ప్రకటన

వర్క్ లైఫ్ బ్యాలెన్స్ మధ్య చాలామంది ఇబ్బందిపడుతున్న వేళ.. అమెరికాలోని శాన్‌ఫ్రాన్సిస్కోలో ఉంటున్న భారత సంతతి వ్యాపారవేత్త హార్దిక్ జగ్డా రోజువారీ జీవనశైలి ఆకట్టుకుంటోంది. దీనికి సంబంధించిన మరిన్ని వివరాలు ఈ కథనంలో వివరంగా తెలుసుకుందాం.ప్రాక్సిమిటీ వర్క్స్ సంస్థ వ్యవస్థాపకుడు, సీఈఓ అయిన హార్దిక్ జగ్డా.. ప్రతిరోజూ తెల్లవారుజామున 3 గంటల నుంచి 5 గంటల మధ్య నిద్రలేస్తారు. వారంలో ఆరు రోజులు పనిచేసే ఆయన.. ఉదయం లేవగానే ఫోన్ చూడటం, ఈమెయిల్స్ చెక్ చేయడం వంటివి చేయరు. ఆ సమయాన్ని వ్యాయామం, కంపెనీ అభివృద్ధికి సంబంధించిన కీలక నిర్ణయాలు తీసుకోవడం కోసం కేటాయిస్తారు. ఉదయం 7 గంటలు దాటితే తన సమయం తన చేతుల్లో ఉండదని ఆయన చెబుతున్నారు.హార్దిక్ ఈ అలవాటును ఎందుకు మొదలుపెట్టారంటే.. వ్యాపారవేత్తలు, క్రీడాకారుల జీవిత చరిత్రలు చదివేటప్పుడు ఆయనకు ఒక విషయం అర్థమైంది. చాలామంది అథ్లెట్లు ఉదయాన్నే శిక్షణ తీసుకుంటూ, మిగతా సమయంలో విశ్రాంతికి కూడా ప్రాధాన్యత ఇస్తారు. దీంతో తాను కూడా అదే పద్ధతిని అనుసరించడం ప్రారంభించారు.ఈ కారణంగానే.. ఉదయం 3 నుంచి 6 గంటల వరకు ఎలాంటి ఆటంకాలు లేకుండా ముఖ్యమైన పనులపై దృష్టి పెడతారు. ఇలా మిగతా పనులు మొదలయ్యేలోపే కంపెనీ కోసం నాలుగు నుంచి ఐదు గంటల సమయాన్ని వినియోగించుకోగలుగుతున్నారు. ఈ అలవాటు వ్యాపారంలోనూ తనకు ఉపయోగపడిందని హార్దిక్ తెలిపారు.రెండేళ్ల క్రితం ఒక కొత్త ప్రాజెక్టు కోసం తక్కువ సమయంలో ఎక్కువ మంది ఇంజినీర్లను నియమించాల్సి వచ్చింది. అప్పుడు తన బృందంతో కలిసి రిక్రూట్‌మెంట్ ప్రక్రియలో మార్పులు చేశారు. దీంతో నియామక ప్రక్రియను 72 గంటల్లో పూర్తి చేసేలా ప్రణాళిక రూపొందించగలిగారు. ఉదయం ప్రశాంతంగా ఆలోచించడానికి సమయం ఉండటం వల్లే ఇలాంటి కీలక నిర్ణయాలు తీసుకోవడం సాధ్యమైందని ఆయన అభిప్రాయపడ్డారు. శనివారాల్లో కూడా పబ్లిక్ స్పీకింగ్ వంటి కొత్త నైపుణ్యాలను నేర్చుకోవడానికి సమయం కేటాయిస్తారు.అయితే.. తాను ఎక్కువ గంటలు పనిచేస్తున్నప్పటికీ ఉద్యోగులందరూ అలాగే పనిచేయాలని హార్దిక్ కోరుకోవడం లేదు. ముఖ్యంగా 996 వర్క్ కల్చర్‌ను ఆయన వ్యతిరేకిస్తారు. ఈ విధానంలో ఉదయం 9 గంటల నుంచి రాత్రి 9 గంటల వరకు వారంలో ఆరు రోజులు పనిచేయాలి. అంటే వారానికి 72 గంటలు పని చేయాల్సి ఉంటుంది.తన కంపెనీలో మాత్రం ఉద్యోగులు తమకు అనుకూలమైన సమయంలో పనిచేసుకోవచ్చని, రాత్రిపూట ఎక్కువ ఉత్పాదకతతో పనిచేసేవారికీ అవకాశం ఉంటుందని ఆయన చెబుతున్నారు. అయితే, టీమ్‌లోని ఇతర సభ్యులతో రోజుకు ఐదు నుంచి ఆరు గంటల పాటు సమన్వయం ఉండాలని సూచిస్తున్నారు.

బాలీవుడ్ నటి సన్నీ లియోన్ తన కార్ల కలెక్షన్‌లోకి మరో లగ్జరీ ఎస్‌యూవీని చేర్చారు. ఆఫ్‌రోడింగ్‌కు పేరుగాంచిన జీప్ రాంగ్లర్ రూబికాన్‌ను కొనుగోలు చేశారు. దీనికి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.అమెరికాలోని టెక్సాస్‌లో ఈ కారును తీసుకున్న సన్నీ లియోన్, తన ఇన్‌స్టాగ్రామ్‌లో వీడియోను షేర్ చేశారు. తెలుపు రంగులో ఉన్న ఈ కారు చూపరులను ఎంతగానో ఆకట్టుకుంది. భారత మార్కెట్లో జీప్ రాంగ్లర్ ప్రారంభ ధర రూ.72.30 లక్షలు(ఎక్స్‌షోరూమ్).జీప్ రాంగ్లర్ రూబికాన్ స్పెషాలిటీ కేవలం దాని లుక్ కాదు. ఆఫ్‌రోడింగ్ సామర్థ్యం కూడా. కఠినమైన రోడ్లు, కొండ ప్రాంతాలు, ఇసుక మార్గాల్లో ప్రయాణించేందుకు వీలుగా కంపెనీ దీనిని రూపొందించింది.సన్నీ కొనుగోలు చేసిన ఈ కారు 2.0 లీటర్ టర్బో పెట్రోల్ ఇంజిన్ మోడల్ అని సమాచారం. ఇది 270 హార్స్‌పవర్ పవర్, 400 న్యూటన్ మీటర్ టార్క్‌ను ఉత్పత్తి చేస్తుంది. 8-స్పీడ్ ఆటోమేటిక్ గేర్‌బాక్స్, ఫోర్ వీల్ డ్రైవ్ సిస్టమ్‌తో ఈ SUV క్లిష్టమైన రోడ్లపై కూడా మంచి పనితీరును అందిస్తుంది.ఫీచర్ల విషయానికి వస్తే.. ఇందులో 12.3 ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టమ్, 9 స్పీకర్ల ఆడియో సిస్టమ్, డ్యూయల్ జోన్ ఆటోమేటిక్ క్లైమేట్ కంట్రోల్, హీటెడ్ ఫ్రంట్ సీట్లు, రిమోట్ స్టార్ట్ వంటి సౌకర్యాలు ఉన్నాయి. మంచి డిజైన్, శక్తివంతమైన ఇంజిన్‌తో ఈ కారు ల్యాండ్ రోవర్ డిఫెండర్, మెర్సిడెస్ బెంజ్ జీ-వాగన్ వంటి వాటికి పోటీగా నిలుస్తుంది. అయితే.. ఇక్కడ గమనించాల్సిన విషయం ఏమిటంటే.. అమెరికా వెర్షన్‌లోని ఫీచర్లు భారతదేశంలో విక్రయించే మోడల్‌తో పోలిస్తే కొంత భిన్నంగా ఉంటాయి.ఇదీ చదవండి: ఎగిరే కారు కోసం బుకింగ్స్ స్టార్ట్!కాగా ఇప్పటికే.. సన్నీ లియోన్‌కు గ్యారేజిలో.. జీప్ రాంగ్లర్‌తో పాటు మసెరటి క్వాట్రోపోర్టే, బీఎండబ్ల్యూ 7 సిరీస్, ఆడి ఏ5, ఎంజీ గ్లోస్టర్ వంటి కార్లు ఉన్నట్లు సమాచారం. View this post on Instagram A post shared by Sunny Leone (@sunnyleone)