Mulugu District News

ములుగు రూరల్‌: అడవి జంతువుల నుంచి పంటలను రక్షించుకునేందుకు పంట పొలాల చుట్టూ విద్యుత్‌ ఉచ్చులు పెడితే కఠిన చర్యలు తీసుకుంటామని ములుగు డీఎస్పీ రవీందర్‌ గురువారం ఒక ప్రకటనలో తెలిపారు. జంతువుల కోసం ఏర్పాటు చేసే ఉచ్చులతో మనుషుల ప్రాణాలు సైతం పోయే ప్రమాదం ఉందని వెల్లడించారు. ఇటీవల కాలంలో జిల్లాలోని జాకారం పంచాయతీ పరిధిలో విద్యుత్‌ ఉచ్చులో పడి పలువురు మృతి చెందగా సదరు వ్యక్తి జైలుపాలు అయ్యాడని గుర్తుచేశారు. ఎవరైనా విద్యుత్‌ ఉచ్చులు పెట్టినట్లు తెలిసినా, కనిపించినా పోలీసులకు తక్షణమే సమాచారం ఇవ్వాలని డీఎస్పీ కోరారు.

సాక్షిప్రతినిధి, వరంగల్‌: వరంగల్‌–ఖమ్మం–నల్లగొండ పట్టభద్రుల ఎమ్మెల్సీ ఎన్నికలపై ప్రధాన రాజకీయ పార్టీలు ఇప్పటినుంచే దృష్టి సారించాయి. ఎన్నికల నోటిఫికేషన్‌ వెలువడకముందే రాజకీయ వాతావరణం వేడెక్కుతోంది. ఓటర్ల నమోదు ప్రక్రియపై దృష్టి పెట్టడంతో పాటు, పార్టీ శ్రేణులను సమాయత్తం చేసేందుకు కాంగ్రెస్‌, బీఆర్‌ఎస్‌, బీజేపీ తమదైన వ్యూహాలతో ముందుకు సాగుతున్నాయి. పట్టభద్రులను ఆకట్టుకోవడం, ఓటర్ల జాబితాలో తమకు అనుకూలమైన అర్హులైన ఓటర్ల నమోదు జరిగేలా అవగాహన కల్పించడం, నాయకులు–కార్యకర్తల మధ్య సమన్వయం పెంచుకుంటున్నాయి. గెలుపే లక్ష్యంగా ఎత్తులు.. పైఎత్తులకు తెరతీస్తున్నాయి. కాంగ్రెస్‌.. ప్రభుత్వ పనితీరే ప్రచారాస్త్రంగా.. అధికార కాంగ్రెస్‌ పార్టీ తమ అభ్యర్థి విజయమే లక్ష్యంగా ఎన్నికల సన్నాహాలను వేగవంతం చేస్తోంది. ఇప్పటికే ఉమ్మడి జిల్లాస్థాయి సమావేశం అనంతరం నియోజకవర్గాల వారీగా నాయకులతో సమావేశాలు నిర్వహిస్తూ పార్టీ శ్రేణులను సమాయత్తం చేస్తోంది. తాజాగా హనుమకొండ డీసీసీ కార్యాలయంలో వరంగల్‌ పశ్చిమ నియోజకవర్గ ముఖ్య నాయకులు, డివిజన్‌ అధ్యక్షులతో ఎమ్మెల్యే నాయిని రాజేందర్‌రెడ్డి, డీసీసీ అధ్యక్షుడు ఇనగాల వెంకట్రామ్‌రెడ్డి తదితరులు పాల్గొని ఎన్నికల్లో అను సరించాల్సిన కార్యాచరణపై దిశానిర్దేశం చేశారు. ప్రభుత్వం చేపట్టిన ఉద్యోగ నియామకాలు, సంక్షేమ కార్యక్రమాలు, విద్యావంతులు, నిరుద్యోగుల కోసం తీసుకుంటున్న నిర్ణయాలను పట్టభద్రుల్లోకి తీసుకెళ్లాలని కాంగ్రెస్‌ నాయకత్వం భావిస్తోంది. బీఆర్‌ఎస్‌.. గత పట్టు నిలబెట్టుకునే యత్నం ప్రధాన ప్రతిపక్షమైన బీఆర్‌ఎస్‌కు ఈ ఎన్నికలు రాజకీయంగా కీలకంగా మారనున్నాయి. గతంలో పట్టభద్రుల వర్గంలో పార్టీకి ఉన్న ఆదరణను నిలబెట్టుకోవడంతోపాటు, అధికార కాంగ్రెస్‌ ప్రభుత్వంపై విమర్శలను ప్రజల్లోకి తీసుకెళ్లేందుకు ఆ పార్టీ ముఖ్య నాయకులు వ్యూహరచన చేస్తున్నారు. పార్టీ వర్కింగ్‌ ప్రెసిడెంట్‌ కేటీఆర్‌, మాజీ మంత్రి హరీశ్‌రావు ఉమ్మడి వరంగల్‌ ముఖ్య నేతలతో కొద్ది రోజుల కిందట భేటీలు నిర్వహించారు. కేసీఆర్‌ సైతం ఫామ్‌హౌజ్‌లో మాజీ మంత్రులు, ఎమ్మెల్యేలతో మాట్లాడారు. ఉద్యోగ నియామకాలు, నిరుద్యోగ సమస్యలు, ప్రభుత్వ హామీల అమలు, ఉద్యోగుల ప్రయోజనాలు వంటి అంశాలను ప్రస్తావిస్తూ పట్టభద్రులను ఆకట్టుకునే ప్రయత్నం చేస్తున్నారు. ఆ పార్టీ గతంలో పోటీ చేసి స్వల్ప మెజార్టీతో ఓటమి చెందిన ఏనుగుల రాకేష్‌రెడ్డి.. ముఖ్య నేతలతో కలిసి ఓటర్ల నమోదు చురుగ్గా సాగిస్తున్నారు. బీజేపీ.. పట్టభద్రుల్లో పట్టు పెంచుకునేలా.. మరోవైపు బీజేపీ సైతం ఈ ఎన్నికలు తమ రాజకీయ బలాన్ని చాటుకునే అవకాశంగా భావిస్తోంది. పూర్వ వరంగల్‌, నల్లగొండ, ఖమ్మం జిల్లాల్లో పార్టీ సంస్థాగత బలాన్ని సమన్వయం చేసుకోవడంతోపాటు విద్యావంతులు, ఉద్యోగులు, యువతలో మద్దతును విస్తరించుకునేందుకు ప్రయత్నిస్తోంది. కేంద్ర ప్రభుత్వ విధానాలు, జాతీయ స్థాయి అంశాలతోపాటు ఉద్యోగాలు, విద్య, యువతకు అవకాశాలు, అభివృద్ధి వంటి అంశాలను పట్టభద్రుల ముందుకు తీసుకెళ్లాలన్న తలంపుతో ఉన్నారు. అభ్యర్థి ఎంపిక, స్థానిక రాజకీయ సమీకరణాలు, పట్టభద్రుల్లో పార్టీకి ఉన్న ఆదరణను ఓట్లుగా మలుచుకునే వ్యూహాలు ఎన్నికల్లో ఆ పార్టీ ప్రభావాన్ని నిర్ణయించనున్నాయి. పట్టభద్రుల సమస్యలే ప్రచార ఎజెండా.. ఎమ్మెల్సీ ఎన్నికల్లో పోటీకి ముందే ఓటర్ల నమోదు రాజకీయ పార్టీలకు కీలకంగా మారింది. ఇందులో చురుకుగా వ్యవహరించడంతోపాటు పట్టభద్రులతో నిరంతర సంబంధాలు కొనసాగించడం ద్వారా ఎన్నికల నాటికి అనుకూల వాతావరణాన్ని నిర్మించుకోవాలని పార్టీలు యోచిస్తున్నాయి. అభ్యర్థి ఫలానా అంటూ ఓటరుగా నమోదు చేసుకున్నారా.. తాము చేయాలా అని ఫోన్లు చేస్తున్నారు. ఇదిలా ఉండగా ఎన్నికల నోటిఫికేషన్‌ వెలువడకముందే పార్టీలు సన్నాహక సమావేశాలు, ఓటర్ల నమోదు, నాయకుల సమన్వయంపై దృష్టి సారిస్తుండటంతో పట్టభద్రుల ఎమ్మెల్సీ ఎన్నికల హీట్‌ రోజు రోజుకూ పెరుగుతోంది. నియోజకవర్గాల వారీగా ఇన్‌చార్జ్‌ల నియామకంగ్రాడ్యుయేట్‌ ఎమ్మెల్సీ ఎన్నికల నేపథ్యంలో బీఆర్‌ఎస్‌ పార్టీ గురువారం ఉమ్మడి వరంగల్‌ పరిధిలోని 12 అసెంబ్లీ నియోజకవర్గాలకు పార్టీ నేతలకు బాధ్యతలు అప్పగించింది. జనగామ నియోజకవర్గానికి బండా శ్రీనివాస్‌, ఘన్‌పూర్‌ (ఎస్సీ)కు నాగుర్ల వెంకన్న, పాలకుర్తికి ఎం.సుధీర్‌కుమార్‌ను నియమించింది. డోర్నకల్‌ (ఎస్టీ)కు మాజీ ఎంపీ మాలోత్‌ కవిత, మహబూబాబాద్‌ (ఎస్టీ)కు సత్యవతి రాథోడ్‌కు బాధ్యతలు అప్పగించింది. అదేవిధంగా నర్సంపేట నియోజకవర్గానికి పోచంపల్లి శ్రీనివాస్‌రెడ్డి, పరకాలకు సమ్మారావు, వరంగల్‌ పశ్చిమకు బి.వినోద్‌కుమార్‌, వరంగల్‌ తూర్పుకు మర్రి యాదవరెడ్డిని నియమించింది. వర్ధన్నపేట (ఎస్సీ)కు మసూద్‌, భూపాలపల్లికి రామస్వామి నాయక్‌, ములుగు (ఎస్టీ)కి ముత్తిరెడ్డి యాదగిరిరెడ్డిని బాధ్యులుగా ప్రకటించింది. గ్రాడ్యుయేట్‌ ఎమ్మెల్సీ ఎన్నికల్లో పార్టీ శ్రేణులను సమన్వయం చేయ డం, పట్టభద్రులను సంప్రదించడం, ఎన్నికల ప్రచార కార్యక్రమాలను పర్యవేక్షించడం వంటి బాధ్యతలను వీరు నిర్వహించనున్నారు. పోటాపోటీగా ఓటర్ల నమోదు.. సన్నాహక సమావేశాలు గెలుపే లక్ష్యంగా నేతల మోహరింపు.. వ్యూహాలకు పదును పట్టభద్రులను ప్రసన్నం చేసుకునే పనిలో పార్టీలు... నోటిఫికేషన్‌కు ముందే ‘ఎమ్మెల్సీ’ హీట్‌..

● కలెక్టర్‌ భోర్ఖడే హేమంత్‌ సహదేవరావు ములుగు: జిల్లాలో చేపడుతున్న అభివృద్ధి పనుల్లో అన్ని శాఖల అధికారులు సమన్వయంతో వేగం పెంచి త్వరితగతిన పూర్తిచేయాలని కలెక్టర్‌ భోర్ఖడే హేమంత్‌ సహదేవరావు ఆదేశించారు. నాణ్యతా ప్రమాణాలను పాటిస్తూ గడువులోగా పనులను పూర్తి చేయాలని స్పష్టం చేశారు. కలెక్టరేట్‌లోని సమావేశ మందిరంలో రోడ్లు, భవనాలు, నీటిపారుదల, పర్యాటక, పంచాయతీరాజ్‌, మిషన్‌న్‌ భగీరథ, ఎన్పీడీసీఎల్‌, తదితర శాఖల ఉన్నతాధికారులతో కలెక్టర్‌ గురువారం అభివృద్ధి పనుల పురోగతిపై సమీక్ష సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ అభివృద్ధి పనుల పురోగతిపై ప్రతీ 15 రోజులకు ఒకసారి సమీక్ష నిర్వహిస్తామని తెలిపారు. అధికారులు నిర్లక్ష్యం వహించకుండా క్షేత్రస్థాయిలో పనులను పర్యవేక్షించాలని సూచించారు. పనుల అమలులో ఎదురవుతున్న సమస్యలను సంబంధిత శాఖల అధికారులు సమన్వయంతో పరిష్కరించి, నిర్మాణాలను సకాలంలో పూర్తి చేయాలని ఆదేశించారు. అలాగే యంగ్‌ ఇండియా పాఠశాల, వైద్య కళాశాల పనులు, ఇతర మరమ్మతు పనుల పురోగతిపై కలెక్టర్‌ సమీక్షించారు. పుష్కరాలకు సంబంధించిన పనులను వేగంగా చేపట్టాలన్నారు. జంపన్నవాగు అభివృద్ధికి అవసరమైన అంచనాలను సిద్ధం చేయాలని ఆదేశించారు. రామప్ప ఐలాండ్‌, పర్యావరణ ఉద్యానవనం, ప్లాజా, పరిపాలనా భవనాలు, ఎకో టూరిజం విలేజ్‌, ప్రసాద్‌ పథకం కింద చేపట్టిన పర్యాటక సమాచార కేంద్రం పనుల పురోగతిని సంబంధిత అధికారులను అడిగి తెలుసుకున్నారు. సమీక్ష సమావేశం సందర్భంగా మంత్రి సీతక్క ఫోన్‌ ద్వారా అధికారులకు దిశానిర్దేశం చేశారు. జిల్లాలో పర్యాటక అభివృద్ధి పనులపై ప్రత్యేక శ్రద్ధ వహించాలని సూచించారు. కార్యక్రమంలో అదనపు కలెక్టర్‌ సంపత్‌రావు, జిల్లా గ్రంథాలయ సంస్థ చైర్మన్‌ రవిచందర్‌, జిల్లా అధికారులు అప్పలనాయుడు, ధర్మానాయక్‌, భిక్షపతి, తదితరులు పాల్గొన్నారు.

● అదనపు కలెక్టర్‌ సంపత్‌రావుములుగు: పండుగ సాయన్న పేద ప్రజల సంక్షేమానికి చేసిన సేవలు చిరస్మరణీయమని అదనపు కలెక్టర్‌ సంపత్‌రావు అన్నారు. జిల్లా కేంద్రంలోని ఐడీఓసీ కార్యాలయ సమావేశ మందిరంలో గురువారం పండుగ సాయన్న జయంతి వేడుకలు జిల్లా వెనుకబడిన తరగతుల అభివృద్ధి శాఖ ఆధ్వర్యంలో గురువారం ఘనంగా నిర్వహించారు. ఈ కార్యక్రమానికి ఆయన ముఖ్య అతిథిగా హాజరై పండుగ సాయన్న చిత్రపటానికి పూలమాల వేసి నివాళులర్పించారు. అనంతరం ఆయన మాట్లాడుతూ సాయన్న పేదల అభ్యున్నతికి పోరాడిన గొప్ప యోధుడని తెలిపారు. ఈ కార్యక్రమంలో ముదిరాజ్‌ మహాసభ జిల్లా అధ్యక్షుడు బొల్లు దేవేందర్‌, జిల్లా అధ్యక్షుడు ఏర్ల వెంకన్న, మెపా జిల్లా అధ్యక్షుడు అచ్చునూరి కిషన్‌, సామాజిక ముదిరాజ్‌ న్యాయవేదిక రాష్ట్ర అధ్యక్షుడు శానబోయిన అశోక్‌, బీసీ సంక్షేమ శాఖ ఉద్యోగులు తదితరులు పాల్గొన్నారు.

జిల్లాలోని తాడ్వాయి, ఏటూరునాగారం మండలాల్లో డిజిటల్‌ క్రాప్‌ సర్వేలో నెట్‌ వర్క్‌ సమస్యతో పూర్తి స్థాయిలో పంటల వివరాలు యాప్‌లో నమోదు చేయలేకపోయాం. ఈ నెల 27 వరకు క్రాప్‌ బుకింగ్‌ సమయాన్ని ప్రభుత్వం పొడిగించింది. మ్యానువల్‌ నమోదుకు అనుమతులు ఇవ్వాలని నివేదికలను ఉన్నతాధికారులకు పంపించాం. అనుమతులు వచ్చిన వెంటనే పూర్తి చేస్తాం. క్రాప్‌ సర్వేలో జిల్లా ముందంజలో నిలిపిన అందుకు వ్యవసాయ అధికారులు, వ్యవసాయ విస్తర్ణ అధికారులకు అభినందనలు. – సురేశ్‌కుమార్‌, డీఏఓ●

ములుగు: భూభారతి దరఖాస్తుల పరిష్కారానికి పక్కా ప్రణాళిక రూపొందించి, పెండింగ్‌ దరఖాస్తుల పరిష్కారానికి చర్యలు చేపట్టాలని భూ పరిపాలన ప్రధాన కమిషనర్‌, రెవెన్యూ శాఖ కార్యదర్శి లోకేశ్‌ కుమార్‌ అదనపు కలెక్టర్లను ఆదేశించారు. ఈ మేరకు ఆయన గురువారం రాష్ట్రంలోని అన్ని జిల్లాల అదనపు కలెక్టర్లతో వీడియో కాన్ఫరెన్స్‌ నిర్వహించారు. భూముల రీ సర్వే, బృందాల ఏర్పాటు, భూభారతి పెండింగ్‌ దరఖాస్తులు వంటి సమస్యలపై సమీక్షించారు. ఈ వీడియో కాన్ఫరెన్స్‌కు జిల్లా నుంచి అదనపు కలెక్టర్‌ మహేందర్‌జీ హాజరయ్యారు. ఈ సందర్భంగా లోకేశ్‌కుమార్‌ మాట్లాడుతూ పాత భూభారతి విధానంలో పెండింగ్‌లో ఉన్న దరఖాస్తులన్నింటినీ నవంబర్‌ 15లోగా పరిష్కరించాలని స్పష్టం చేశారు. నూతన భూభారతి విధానంలో అందే దరఖాస్తులను స్వీకరించిన పరిష్కరించాలని ఆదేశించారు. అలాగే భూముల రీ సర్వే పనులు సక్రమంగా సాగేందుకు బృందాల ఏర్పాటుపై దృష్టి సారించాలని తెలిపారు. కార్యక్రమంలో ఆర్డీఓ కృష్ణవేణి, డీటీ నితీశ్‌, సంబంధిత అధికారులు పాల్గొన్నారు. వీసీలో భూ పరిపాలన ప్రధాన కమిషనర్‌ లోకేశ్‌ కుమార్‌

● రాష్ట్ర పంచాయతీరాజ్‌, గ్రామీణాభివృద్ధిశాఖ మంత్రి సీతక్కములుగు: మోడల్‌ బస్టాండ్‌ పనుల్లో నాణ్యతా ప్రమాణాలు పాటించాలని రాష్ట్ర పంచాయతీరాజ్‌, గ్రామీణాభివృద్ధిశాఖ మంత్రి సీతక్క తెలిపారు. ఈ మేరకు కలెక్టర్‌ హేమంత్‌ సహదేవరావుతో కలిసి మంత్రి సీతక్క గురువారం జిల్లా కేంద్రంలోని మోడల్‌ బస్టాండ్‌ నిర్మాణ పనులను పరిశీలించారు. ఫ్లోరింగ్‌, నిర్మాణ పనులతో పాటు ఇతర పనుల పురోగతిని పరిశీలించి పనుల వివరాలపై ఆరా తీశారు. అనంతరం మంత్రి సీతక్క మాట్లాడుతూ ప్రయాణికుల అవసరాలను దృష్టిలో ఉంచుకొని నిర్మాణ పనులను పూర్తి చేయాలని సూచించారు. పనులను అధికారులు క్షేత్రస్థాయిలో నిరంతరం పర్యవేక్షించాలని ఆదేశించారు. ప్రయాణికులు సురక్షితంగా రాకపోకలు సాగించేలా ఫ్లోరింగ్‌ పనులు చేపట్టాలని సూచించారు. తాగునీరు, మరుగుదొడ్లు, కూర్చునే సదుపాయాలు, విద్యుద్ధీపాలతో పాటు మౌలిక సౌకర్యాలపై ప్రత్యేక దృష్టి సారించాలని అధికారులను ఆదేశించారు. ఈ కార్యక్రమంలో గ్రంథాలయ సంస్థ చైర్మన్‌ బానోత్‌ రవిచందర్‌, మార్కెట్‌ కమిటీ చైర్‌పర్సన్‌ కల్యాణి, పంచాయతీరాజ్‌ డైరెక్టర్‌ భైరెడ్డి భగవాన్‌రెడ్డి, అధికారులు పాల్గొన్నారు.

మంగపేట: ఆరుగాలం కష్టపడి పండించిన పంటను కొనుగోలు చేసే సమయంలో దళారులు దోచుకుంటున్న తీరుపై రైతులు ఆగ్రహం వ్యక్తం చేస్తున్నారు. మండలంలోని జిల్లా సరిహద్దు గ్రామమైన అకినేపల్లిమల్లారం, భద్రాద్రికొత్తగూడెం జిల్లా పినపాక మండల పరిధిలోని టీకొత్తగూడెం, జానంపేట, దుగినేపల్లి, రాజుపేట గ్రామాలకు చెందిన సుమారు 250 మందికిపైగా రైతులు గురువారం అకినేపల్లి మల్లారం ఎస్టీ కాలనీలో ప్రత్యేకంగా సమావేశమయ్యారు. ఆయా గ్రామాల్లో ఫర్టిలైజర్స్‌, పెస్టిసైడ్‌ షాపుల నిర్వాహకులు, ధాన్యం కొనుగోళ్ల వ్యాపారులు వ్యవహరిస్తున్న తీరుపై రైతులు అసహనం వ్యక్తం చేశారు. ప్రస్తుతం ఎల్‌నినో ప్రభావంతో మార్కెట్‌లో సన్నరకం ధాన్యానికి మంచి ధర ఉండడంతో కొందరు వ్యాపారులు సిండికేటుగా ఏర్పడి తక్కువ ధరకు ధాన్యం కొనుగోలు చేస్తున్నట్లు తమ దృష్టికి వచ్చిందని రైతులు వాపోయారు. వ్యాపారుల వలలో పడి నష్టపోకుండా రైతులందరూ సమష్టిగా ఎదుర్కొనేందుకు సంఘటితం కావాలని నిర్ణయం తీసుకున్నట్లు వివరించారు. ఈ విషయంలో కార్యాచరణ రూపొందించి అమలు చేసేందుకు త్వరలోనే ప్రత్యేక కమిటీని ఏర్పాటు చేస్తామని వెల్లడించారు. రైతుల సమావేశానికి ఆయా గ్రామాలకు చెందిన పలువురు వివిధ రాజకీయ పార్టీలకు చెందిన నాయకులు సైతం హాజరయ్యారు. రైతులకు మేలు చేకూరేలా తీసుకునే నిర్ణయాలకు తామంతా పార్టీలకు అతీతంగా సహకరిస్తామని హామీనిచ్చారు. అడ్డుకట్ట వేసేందుకు సమష్టి నిర్ణయం

మంగపేట: మండల పరిధిలోని మల్లూరులో శ్రీ హే మాచల లక్ష్మీనర్సింహస్వామి, ఆదిలక్ష్మి, చెంచులక్ష్మి అమ్మవార్ల ఉత్సవమూర్తులకు బుధవారం రాత్రి ఊరేగింపు నిర్వహించారు. విజయదశమి(దసరా) పర్వదినాన్ని పురస్కరించుకుని దేవతా మూర్తులను నూతన పట్టు వస్త్రాలతో ఆలంకరించి పల్లకి(సేవ) పై సాయంత్రం మేళ తాళాలు, మంగళ వాయిద్యా ల నడము గుట్టపై నుంచి రాత్రి 8 గంటలకు మల్లూ రు గ్రామానికి తీసుకొచ్చారు. స్వామివారిని విశ్రాంతి మండపంపై ఉంచి జమ్మి చెట్టుకు ప్రత్యేక పూజ లు నిర్వహించారు. పూజా కార్యక్రమం అనంతరం ఉత్సవ మూర్తులను గ్రామంలోని పుర వీధుల్లో ఊ రేగింపు నిర్వహించారు. గ్రామానికి వచ్చిన ఉత్సవ మూర్తులకు గ్రామస్తులు నీళ్లారబోసి టెంకాయలు కొట్టి దర్శించుకున్నారు. పూర్వం నుంచి వస్తున్న ఆచారం ప్రకారం విజయదశమి(దసరా) పండుగ రోజు నిర్వహించాల్సిన కార్యక్రమాన్ని పండుగ తెల్లవారి నిర్వహించడం ఏంటని స్థానికులు చర్చించుకుంటున్నారు. ఈ విషయంపై ఆలయ అధికారులు మాత్రం పాంచరాత్ర ఆగమం ప్రకారం ఈ రోజు నిర్వహిస్తున్నామని, భద్రాచలం శ్రీ సీతారామచంద్ర స్వామి ఆలయంలో కూడా ఈరోజే నిర్వహిస్తున్నారని తెలిపారు.

కాజీపేట అర్బన్‌: ఎకై ్సజ్‌ శాఖకు దసరా జోష్‌ సంతరించుకుంది. ఉమ్మడి వరంగల్‌ జిల్లాలో మందుబాబులు రూ.173.47 కోట్ల మద్యాన్ని తాగేశారు. ఏడాది పొడవునా మద్యం విక్రయాలు ఒక తీరైతే కేవలం దసర పండుగ రోజున మాత్రం ఆ తీరే వేరు. బార్లు, వైన్స్‌ల చుట్టూ మందుబాబుల క్యూ కడుతూ ఉమ్మడి జిల్లాలోని 139 బార్లు, 295 వైన్స్‌లలో రూ.173.47 కోట్ల మద్యాన్ని కేవలం దసరా పండుగ విక్రయాలు జరిగాయంటేనే మందుబాబుల జోష్‌ తెలుస్తోంది. కాగా గతేడాది.. రూ.163.56 కోట్ల మద్యం విక్రయాలు జరగ్గా.. ఈ ఏడాది రూ.173.47 కోట్ల మద్యం విక్రయాలు జరిగాయి. గతేడాది కంటే రూ.10 కోట్లతో ఎకై ్సజ్‌శాఖ కిక్కునిచ్చింది. ఉమ్మడి జిల్లాలో టాప్‌ హనుమకొండ ఉమ్మడి వరంగల్‌ జిల్లాలో ట్రైసిటీతో ప్రత్యేక గుర్తింపు తెచ్చుకున్న వరంగల్‌ అర్బన్‌ (హనుమకొండ)జిల్లాలో అత్యధికంగా లిక్కర్‌ సేల్స్‌ కొనసాగుతుంటాయి. మద్యం టెండర్లు వెలువడితే చాలు వరంగల్‌ అర్బన్‌లో ఒక్క వైన్స్‌ వచ్చినా చాలు అంటూ పోటీపడుతుంటారు. అదేవిధంగా మద్యం విక్రయాల్లోనూ ఉమ్మడి జిల్లాలోని వరంగల్‌ రూరల్‌, జనగామ, మహబూబాబాద్‌, భూపాలపల్లి జయశంకర్‌ జిల్లాలతో పోటీ పడి వరంగల్‌ అర్బన్‌ టాప్‌లో నిలుస్తూ రూ.67.86 కోట్ల మద్యం విక్రయాలు కొనసాగించింది.వరంగల్‌ అర్బన్‌ 67.86వరంగల్‌ రూరల్‌ 28.55జనగామ 28.75మహబూబాబాద్‌ 29.46జయశంకర్‌ భూపాలపల్లి 18.85 ఉమ్మడి జిల్లాలో రూ.173 కోట్ల మద్యం తాగేశారు గతేడాది కంటే రూ.10 కోట్ల అధిక ఆదాయం ఉమ్మడి వరంగల్‌లో టాప్‌లో వరంగల్‌ అర్బన్‌ (హన్మకొండ)

వెంకటాపురం(ఎం): రాష్ట్రంలో త్వరలో జరగనున్న గ్రాడ్యుయేట్‌ ఎమ్మెల్సీ వరంగల్‌, ఖమ్మం, నల్గొండ జిల్లాలో జరిగే ఎన్నికలకు అర్హులైన ప్రతిఒక్కరూ ఓటరుగా నమోదు చేసుకోవాలని బీజేపీ రాష్ట్ర కార్యవర్గ సభ్యుడు జవహర్‌లాల్‌ తెలిపారు. మండల పరిధిలోని నల్లగుంటలో బుధవారం కార్యకర్తల సమావేశం నిర్వహించి మాట్లాడారు. నల్లగుంటలో పట్టభద్రుల దగ్గరికి వెళ్లి ఓటు నమోదు ప్రక్రియను వివరించారు. అనంతరం ఆయన మాట్లాడుతూ దేశంలో ప్రధాని మోదీ అవినీతికి తావివ్వని పాలన చేస్తున్నారన్నారు. అలాంటి ప్రభుత్వానికి ప్రజలు అండగా ఉండాలని తెలిపారు. బీజేపీ రాష్ట్ర కార్యవర్గ సభ్యుడు జవహర్‌లాల్‌

ఏటూరునాగారం: గత ప్రభుత్వం ప్రవేశపెట్టిన రైతుబీమా పథకం కనుమరుగైపోయింది. జిల్లాలో ఇటీవల వివిధ కారణాలతో పలువురు రైతులు మృతి చెందగా వారి కుటుంబాలకు పరిహారం అందని పరిస్థితి నెలకొంది. కాంగ్రెస్‌ ప్రభుత్వం నవంబర్‌లో ఇందిరమ్మ బీమా పథకాన్ని తీసుకొస్తామని చెబుతోంది. పాత పథకం రెన్యూవల్‌ కాకపోవడంతో ఈ మధ్య కాలంలో మృతి చెందిన రైతుల కుటుంబాలకు తీవ్ర నష్టం వాటిల్లుతోంది. జిల్లాలోని పది మండలాల్లో ఏటూరునాగారం, కన్నాయిగూడెం, వాజేడు మండలాల్లో రైతుల ఎవరూ మృతి చెందలేదు. మిగతా ఏడు మండలాల్లో 13 మంది మృత్యువాత పడ్డారు. వారికి ప్రభుత్వం నుంచి ఎలాంటి సాయం ఇప్పటి వరకు అందలేదు. రూ.5 లక్షలతో భరోసా గత ప్రభుత్వం 18 ఏళ్ల నుంచి 59 సంవత్సరాల లోపు ఉన్న ప్రతీ రైతుకు రైతు బీమా పథకంలో భాగంగా పరిహారం అందజేసింది. ఎలాంటి కారణంతో మృతి చెందినా బాధిత కుటుంబానికి రూ. 5 లక్షల ఆర్థిక సహాయం అందించారు. రైతు బీమా ప్రీమియం గడువు ఆగస్టు 13 వరకు ఉండగా ప్రభుత్వం రెన్యూవల్‌ చేయకపోవడంతో ప్రీమియం గడు వు ముగిసింది. అప్పటి నుంచి ఇప్పటి వరకు జిల్లా వ్యాప్తంగా 13 మంది రైతులు ప్రాణాలు కోల్పోయారు. వీరికి బీమా వర్తించే అవకాశం లేకుండా పోయింది. దీంతో ఆయా కుటుంబాలకు ప్రభుత్వం నుంచి ఎలాంటి ఆర్థిక సహాయం అందలేదు. దీనికి ప్రభుత్వం ప్రత్యామ్నాయం ఏం చూపిస్తుందని బాధిత కుటుంబాలు ఎదురు చూస్తున్నాయి. బీమాసొత్తు కోసం నిరీక్షణ రైతు బీమా పథకానికి జిల్లాలో 41,013 మంది రైతులు అర్హత పొందారు. జిల్లాలో సాగు విస్తీర్ణం ఎక్కువగా ఉన్న ములుగు మండలంలో అధికంగా 6,889 మంది, వెంకటాపురం(ఎం) మండలంలో 6,432 మంది రైతులకు బీమా ఉంది. నవంబర్‌ 19 నుంచి ఇందిరమ్మ బీమా పథకాన్ని అమల్లోకి తీసుకొస్తామని ప్రభుత్వం చెబుతున్నప్పటికీ ఈలోగా మృతి చెందినవారి విషయంలో స్పష్టత ఇవ్వడం లేదు. బీమాకు అర్హులైన ఇటీవల మృతి చెందిన రైతుల వివరాలను జిల్లా వ్యవసాయశాఖ అధికారులు నమోదు చేసుకుంటున్నారు. వీరు సైతం ప్రభుత్వ సమాధానం కోసం ఎదురుచూస్తున్నారు. పాతప్రీమియం గడువు ముగిసి రెండు నెలలు అవుతుంది. కొత్త పథకం అమల్లోకి రావడానికి మరో నెల రోజులు పట్టే అవకాశాలు ఉన్నట్లు తెలుస్తోంది. బాధిత కుటుంబాలు తమకు బీమా వర్తింపజేయాలని అధికారులను కోరుతున్నారు. ఇటీవల మృతి చెందిన రైతు కుటుంబాలకు అందని బీమా సొత్తు బాధిత కుటుంబాల ఎదురుచూపులు పట్టించుకోని ప్రభుత్వం

ములుగు: జిల్లా వ్యాప్తంగా విజయదశమి వేడుకలు ఘనంగా నిర్వహించారు. దసరా పర్వదినాన్ని పురస్కరించుకుని మంగళవారం ప్రజలు భక్తిశ్రద్ధలతో అమ్మవారిని పూజించారు. జమ్మి చెట్టుకు ప్రత్యేక పూజలు నిర్వహించారు. ఆలయాలు భక్తులతో కిటకిటలాడాయి. ఇళ్లలో కుటుంబ సభ్యులతో కలిసి పండుగను ఆనందోత్సాహాల మధ్య జరుపుకున్నారు. ప్రజలు జమ్మి చెట్టును పూజించి ఆకులను పరస్పరం పంచుకుంటూ విజయదశమి శుభాకాంక్షలు తెలుపుకున్నారు. పెద్దల ఆశీస్సులు తీసుకున్నారు. స్నేహితులు, బంధువులను కలుసుకుని పండుగ ఆనందాలను పంచుకున్నారు. అనంతరం ప్రజలు కొత్త పనులు ప్రారంభించేందుకు ఆసక్తి చూపారు. ధర్మజాగరణ ఉత్సవ సమితి ఆధ్వర్యంలో రావణ వధ విజయదశమి సందర్భంగా ధర్మజాగరణ ఉత్సవ సమితి అధ్యక్షుడు గండ్రకోట కుమార్‌ ఆధ్వర్యంలో మంగళవారం జిల్లా కేంద్రంలోని సాధన ఉన్నత పాఠశాల సమీపంలో రావణ వధ కార్యక్రమాన్ని నిర్వహించారు. ఈ కార్యక్రమానికి విద్యాభారతి అఖిల భారత ప్రచార ప్రముఖ్‌ లింగం సుధాకర్‌రెడ్డి ముఖ్య అతిథిగా హాజరయ్యారు. తొలుత భరతమాత చిత్రపటం వద్ద జ్యోతి ప్రజ్వలన చేసి కార్యక్రమాన్ని ప్రారంభించారు. రావణ వధ కార్యక్రమాన్ని తిలకించేందుకు వేలాది మంది ప్రజలు హాజరు కాగా బాణసంచా విన్యాసాలు, మిమిక్రీ, జానపద, సాంస్కృతిక కార్యక్రమాలు ప్రేక్షకులను అలరించాయి. ఈ సందర్భంగా సుధాకర్‌ రెడ్డి మాట్లాడుతూ ప్రతిఒక్కరూ దేశం కోసం, ధర్మం కోసం నిలబడాలని పిలుపునిచ్చారు. రావణాసురుడు అపారమైన జ్ఞానం, శక్తిసామర్థ్యాలు కలిగి ఉన్నప్పటికీ అధర్మ మార్గంలో నడవడం వల్ల పతనమయ్యాడని వివరించారు. విజయదశమి అధర్మంపై ధర్మం గెలిచినందుకు ప్రతీక అని వెల్లడించారు. దసరాను కేవలం వేడుకగా కాకుండా శ్రీరాముడి ధర్మాన్ని జీవితంలో ఆచరించే పండుగగా భావించాలని సూచించారు. విద్య అంటే కేవలం ఉద్యోగం, డబ్బు సంపాదన మాత్రమే కాదని.. దేశానికి, సమాజానికి ఉపయోగపడే పౌరులను తీర్చిదిద్దడమే నిజమైన లక్ష్యమని తెలిపారు. పిల్లల సందేహాలను నివృత్తి చేస్తూ వారిలో ఆలోచనా శక్తిని పెంపొందించాలని తల్లిదండ్రులు, ఉపాధ్యాయులకు సూచించారు. రామాయణం, మహాభారతం, భగవద్గీత వంటి గ్రంథాలు నేర్పే ధర్మం, త్యాగం, కుటుంబ అనుబంధం, బాధ్యత వంటి విలువలను బాల్యం నుంచే పిల్లలకు తెలియజేయాలన్నారు.దసరా వేడుకల్లో మంత్రి సీతక్క ములుగు రూరల్‌: మండల పరిధిలోని జగ్గన్నపేట గ్రామంలో నిర్వహించిన దసరా వేడుకలకు మంత్రి సీతక్క హాజరయ్యారు. ఈ సందర్భంగా మంత్రి గ్రామస్తులు, కుటుంబ సభ్యులతో కలిసి బొడ్రాయి వద్ద ఉన్న జమ్మిచెట్టుకు ప్రత్యేక పూజలు చేశారు. ఆనంతరం గ్రామస్తులకు విజయదశమి శుభాకాంక్షలు తెలిపారు. ఉదయం క్యాంప్‌ కార్యాలయంలో ఆయుధ పూజా కార్యక్రమంలో పాల్గొన్నారు. జిల్లా వ్యాప్తంగా వేడుకలు

ములుగు రూరల్‌: పోలీస్‌ అమరవీరుల త్యాగాలు చిరస్మరణీయమని, అమరుల కులుంబాలకు ఎల్ల వేళలా అండగా ఉంటామని ఎస్పీ సుధీర్‌ రాంనాథ్‌ కేకన్‌ అన్నారు. జిల్లా కేంద్రంలో బుధవారం పోలీస్‌ అమర వీరుల సంస్మరణ దినోత్సవ కార్యక్రమం ని ర్వహించారు. ఈ సందర్భంగా తొలుత అమరవీరు ల స్తూపం వద్ద నివాళులర్పించిన అనంతరం ఎస్పీ మాట్లాడారు. పోలీసులు ప్రజల పట్ల బాధ్యత, ని బద్ధతతో పనిచేయాలన్నారు. రాష్ట్రంలో మావోయిస్టులు, దేశంలో టెర్రరిజం నిర్మూళనకు పోలీసులు చేసిన కృషి గుర్తింపు తెచ్చిందని వివరించారు. ఇక్కడ పోలీసులు అనుసరిస్తున్న వ్యూహాలు, విధానాలు అన్ని రాష్ట్రాల పోలీసులు ఆదర్శంగా తీసుకున్నారని వివరించారు. మార్చి 31 నాటికి మావోయిస్టుల రహిత దేశంగా మార్చడంతో పాటు తెలంగాణ పోలీసులు చేసిన కృషి ఎంతో స్ఫూర్తిదాయకమని వివరించారు. యువతను సరైన దిశలో నడిపించేందుకు నిరుద్యోగుల కోసం జాబ్‌మేళా నిర్వహించినట్లు తెలిపారు. అదే విధఃగా ప్రస్తుతం ఫ్రీ కోచింగ్‌ అందిస్తున్నామని వివరించారు. ఈ కార్యక్రమంలో ఏటూరునాగారం ఏఎస్పీ మమన్‌ భట్‌, అడిషనల్‌ ఎస్పీ సదానందం, ములుగు డీఎస్పీ రవీందర్‌, సీఐలు దయాకర్‌, సురేశ్‌, సూర్య ప్రకాశ్‌, రమేశ్‌, ఆర్‌ఐలు తదితరులు పాల్గొన్నారు. ఎస్పీ సుధీర్‌ రాంనాథ్‌ కేకన్‌

ములుగు రూరల్‌: రాష్ట్ర స్థాయి రెజ్లింగ్‌ పోటీలలో కాంస్య పతకం సాధించిన మండల పరిధిలోని జగ్గన్నపేటకు చెందిన విద్యార్థి పూజితను రాష్ట్ర పంచాయతీరాజ్‌, గ్రామీణాభివృద్ధి శాఖ మంత్రి సీతక్క సన్మానించారు. ఈ మేరకు బుధవారం విద్యార్థి ఎట్టి పూజితను మంత్రి శాలువాలతో సన్మానించి మాట్లాడారు. రాష్ట్ర స్థాయిలో జిల్లాకు, జగ్గన్నపేట గ్రామానికి పేరు తీసుకురావడం గర్వంగా ఉందని తెలిపారు. రాష్ట్ర స్థాయి రెజ్లింగ్‌ పోటీలలో కాంస్య పతకం సాధించేలా తీర్చిదిద్దిన కోచ్‌ సతీష్‌ను అభినందించారు. ఈ కార్యక్రమంలో ఎస్‌జీఎఫ్‌ జనరల్‌ సెక్రటరీ జగదీశ్‌, పీఈటీ భూషన్‌, సుమన్‌ తదితరులు పాల్గొన్నారు. సమైక్యతా పతాకం ఆవిష్కరణ ములుగు రూరల్‌: మల్లంపల్లి మండల పరిధిలోని మహ్మద్‌గౌస్‌ పల్లిలో విజయదశమి సందర్భంగా సమైక్యతా పతాకం ఆవిష్కరించారు. ఈ మేరకు మంగళవారం దసరా పండుగ సందర్భంగా అనాదిగా వస్తున్న ఆచారం మేరకు గ్రామ కూడలి వద్ద తెల్లజెండాను సర్పంచ్‌ పసుల కార్తీక్‌ ఆవిష్కరించారు. ఈ సందర్భంగా ఆయన మాట్లాడుతూ గ్రామంలో ఐక్యతకు చిహ్నంగా విజయదశమి రోజున శాంతి జెండాను ఆవిష్కరించడం ఆనవాయితీగా వస్తుందని వివరించారు. ఈ కార్యక్రమంలో గ్రామస్తులు పాల్గొన్నారు.‘దళితులపై దాడులు సహించం’ ములుగు: వెంకటాపురం(ఎం) మండల పరిధి లోని దళితులపై జరుగుతున్న దాడులను ఖండిస్తున్నట్లు బీఆర్‌ఎస్‌ జిల్లా అధ్యక్షుడు కాకులమర్రి లక్ష్మీనర్సింహరావు బుధవారం ఒక ప్రకటనలో పేర్కొన్నారు. మండల పరిధిలోని న ర్సింగాపూర్‌ సర్పంచ్‌ రాజేశ్వరి, రామానుజపూర్‌కు చెందిన సుధాకర్‌పై జరిగిన దాడులపై ఆందోళన వ్యక్తం చేశారు. బాధ్యులపై కఠిన చర్యలు తీసుకుని, దళితుల హక్కులు, ప్రా ణాలకు రక్షణ కల్పించాలని డిమాండ్‌ చేశారు. ప్రభుత్వం స్పందించి బాధితులకు న్యాయం చేయాలని కోరారు. దాడులు పునరావృతమైతే బీఆర్‌ఎస్‌ పక్షాన ప్రజాస్వామ్య పద్ధతిలో ఆందోళనలు చేపడతామని హెచ్చరించారు. హన్మకొండ కల్చరల్‌: దేశీ శరన్నవరాత్రోత్సవాల ముగింపులో భాగంగా బుధవారం శ్రీభద్రకాళి భద్రేశ్వరుల కల్యాణోత్సవం శోభాయమానంగా నిర్వహించారు. ఉదయం 4 గంటల నుంచి ఆలయ ప్రధానార్చకుడు భద్రకాళి శేషు ఆధ్వర్యంలో అర్చకులు నిత్నాహికం, శతఘటాభిషేకం నిర్వహించా రు. రాత్రి 8 గంటలకు శోభాయమానంగా అలంకరించి వేదికపై భద్రకాళీభద్రేశ్వరస్వామి ఉత్సవమూర్తులను ప్రతిష్ఠించారు. వివాహమహోత్సవా న్ని పురస్కరించుకుని భద్రేశ్వరస్వామికి ద్వితీయ స్వర్ణ యజ్ఞోపవీతాన్ని సమర్పించారు. అనంతరం వరపూజ, మధుపర్కవిధి, కాల్లు కడిగి కన్యాదానం చేయడం, మహాసంకల్పం మంగళాష్టకముల చూర్ణిక తదితర వివాహతంతు నిర్వహించారు. వధూవరులకు జీలకర్రబెల్లం పెట్టడం, మాంగళ్యధారణ తదితర విధులను శాస్త్రోక్తంగా జరిపారు.

ములుగు: ఎల్‌నినో ప్రభావంతో ఉష్ణోగ్రతలు పెరిగి వర్షాలు తగ్గే అవకాశం ఉన్న నేపథ్యంలో నీటి ఎద్దడి నివారణకు ప్రభుత్వం ముందస్తు చర్యలు చేపడుతోందని పంచాయతీరాజ్‌, గ్రామీణాభివృద్ధి శాఖ మంత్రి సీతక్క తెలిపారు. ఈ మేరకు బుధవారం వెంకటాపురం(ఎం) మండల పరిధిలోని పాలంపేట పరిధిలో గల రామప్ప చెరువు, డీఫ్లోరైడేషన్‌ ప్రాజెక్టును ఆమె పరిశీలించారు. రామప్ప చెరువులో ప్రస్తుతం 29 అడుగుల మేర నీటి నిల్వ ఉందని తెలిపారు. గోదావరి నుంచి నీటిని పంపింగ్‌ చేసి సమీప చెరువులు, పరిసర ప్రాంతాల కుంటలకు సరఫరా చేసే అవకాశాలను పరిశీలిస్తున్నామని తెలిపారు. డీఫ్లోరైడేషన్‌ ప్రాజెక్టు ద్వారా ములుగు, వెంకటాపురం, గోవిందరావుపేట, మల్లంపల్లి పరిసర ప్రాంతాలతో పాటు భూపాలపల్లి జిల్లాలోని కొన్ని ప్రాంతాలకు తాగునీరు అందించేందుకు చర్యలు తీసుకుంటున్నట్లు పేర్కొన్నారు. వర్షపు నీటిని ఒడిసిపట్టేందుకు ఉపాధి హామీ పథకం కింద ఇంకుడు గుంతలు, ఊటకుంటలు, చెక్‌డ్యామ్‌ల నిర్మాణం, చెరువుల పునరుద్ధరణ, బోర్ల రీచార్జ్‌ పనులు చేపట్టాలని సూచించారు. తాగునీటి సరఫరాకు ప్రథమ ప్రాధాన్యం ఇవ్వాలన్నారు. ప్రతీ నీటి చుక్కను పొదుపుగా వినియోగించుకోవాలని కోరారు. ప్రకృతి వైపరీత్యాలపై రాజకీయాలు చేయకుండా సమష్టిగా ఎదుర్కోవాలని సీతక్క సూచించారు. రామప్ప–లక్నవరం కాలువతో పాటు ప్రత్యామ్నాయ నీటి వనరుల అభివృద్ధికి చర్యలు తీసుకుంటున్నామని తెలిపారు. పంచాయతీరాజ్‌, గ్రామీణాభివృద్ధి శాఖ మంత్రి సీతక్క

సాక్షి, వరంగల్‌: పత్తి రైతులకు ఈసారి పరిస్థితులు మిశ్రమంగా కనిపిస్తున్నాయి. ఒకవైపు ఎల్‌నినో ప్రభావంతో పంట దిగుబడిపై ఆందోళన నెలకొనగా.. మరోవైపు ప్రైవేట్‌ వ్యాపారులు అధిక ధరలు చెల్లిస్తుండడం కొంత ఊరటనిస్తోంది. భారత పత్తి సంస్థ (సీసీఐ) కొనుగోళ్లు గురువారం నుంచి ప్రారంభం కానుండడంతో మార్కెట్‌లో పోటీ పెరిగే అవకాశం ఏర్పడింది. పత్తి కొనుగోలుకు ఏర్పాట్లు ఉమ్మడి వరంగల్‌ జిల్లాలో 16 మార్కెట్ల పరిధిలో 19 కొనుగోలు కేంద్రాల ద్వారా పత్తి సేకరణకు అధికారులు ఏర్పాట్లు చేశారు. కేంద్ర ప్రభుత్వం ప్రకటించిన కనీస మద్దతు ధర మీడియం స్టేపుల్‌ పత్తికి రూ.8,267, లాంగ్‌ స్టేపుల్‌కు రూ.8,667 మద్దతు ధరకు అనుగుణంగా సీసీఐ కొనుగోళ్లు చేపట్టనుంది. వరంగల్‌లోని ఏనుమాముల మార్కెట్‌లో ప్రైవేట్‌ వ్యాపారులు మాత్రం ప్రస్తుతం క్వింటాకు రూ.9,300 నుంచి రూ.9,600 వరకు చెల్లిస్తున్నారు. దీంతో సీసీఐకి విక్రయించాలా? ప్రైవేట్‌ వ్యాపారులకు అమ్మాలా? అనే విషయంలో రైతులు లెక్కలు వేసుకొని ముందుకు వెళ్లే అవకాశం ఉంది. భవిష్యత్‌లో పత్తి దిగుబడి తగ్గితే మాత్రం ఇంకా ధరలు పెరగొచ్చని మార్కెట్‌ వర్గాలంటున్నాయి. 3,22,136 మెట్రిక్‌ టన్నుల దిగుబడి వచ్చే అవకాశం ఉమ్మడి వరంగల్‌ జిల్లాలో పత్తి ప్రధాన వాణిజ్య పంటగా కొనసాగుతోంది. జనగామ, వరంగల్‌, జయశంకర్‌ భూపాలపల్లి, మహబూబాబాద్‌, హనుమకొండ, ములుగు జిల్లాల్లో వేలాది మంది రైతులు పత్తి సాగుపైనే ఆధారపడుతున్నారు. జనగామ జిల్లాలో 1,38,325 ఎకరాలు, వరంగల్‌ జిల్లాలో 1,12,044 ఎకరాలు, జయశంకర్‌ భూపాలపల్లి జిల్లాలో 1,09,442 ఎకరాలు, మహబూబాబాద్‌ జిల్లాలో 91,916 ఎకరాలు, హనుమకొండ జిల్లాలో 75,740 ఎకరాలు, ములుగు జిల్లాలో 27,132 ఎకరాల్లో పత్తి సాగవుతోంది. అయితే ఉమ్మడి జిల్లాలో 5,54,599 ఎకరాల్లో పత్తి సాగు కాగా, సుమారు 3,22,136 మెట్రిక్‌ టన్నుల దిగుబడి వస్తుందని అధికారులు భావిస్తున్నారు. ఎల్‌నినో ప్రభావం, ప్రైవేట్‌ వ్యాపారుల పోటీతో సీసీఐకు తక్కువ సంఖ్యలో పత్తి రావొచ్చని అభిప్రాయపడుతున్నారు. కిసాన్‌ కపాస్‌ యాప్‌తోనే కొనుగోళ్లు సీసీఐ కేంద్రాల్లో పత్తి అమ్ముకోవాలంటే కపాస్‌ కిసాన్‌ యాప్‌లో పేరు నమోదు చేసుకొని స్లాట్‌ బుక్‌ చేసుకోవాలి. ఆధార్‌ కార్డు, పట్టాదారు పాసు పుస్తకం, బ్యాంక్‌ ఖాతా వివరాలతో ఈ యాప్‌ను వినియోగించుకోవాల్సి ఉంటుంది. రైతు భూమి, సాగు విస్తీర్ణం ఆధారంగా ఫార్మర్‌ రిజిస్ట్రీ ఐడీతో అనుసంధానించి స్లాట్లు కేటాయిస్తారు. ఈ సారి స్లాట్‌ బుకింగ్‌ గడువును ఏడు రోజుల నుంచి 14 రోజులకు పెంచారు. రైతు రోజుకు 100 క్వింటాళ్ల వరకు విక్రయించొచ్చు. ఉమ్మడి వరంగల్‌లో సీసీఐ ఆధ్వర్యంలో 19 కేంద్రాలు 5,54,599 ఎకరాల్లో పంట సాగు 3.22 లక్షల మెట్రిక్‌ టన్నులొస్తుందని అంచనా దిగుబడిపై ఎల్‌నినో ఎఫెక్ట్‌

కాళేశ్వరం: మహదేవపూర్‌ మండలం కాళేశ్వరం ప్రాజెక్టు పరిధి అన్నారం బ్యారేజీ వద్ద ఓ మొసలి కలకలం రేపుతోంది. కొన్ని రోజులుగా బ్యారేజీ సమీపంలో మొసలి సంచరిస్తున్నట్లు ఇంజనీరింగ్‌ అధికారుల ద్వారా తెలిసింది. ఎల్‌మడుగులోని శివ్వారం మెసళ్ల అభయారణ్యం నుంచి గోదావరి ప్రవాహంలో కొట్టుకొచ్చి మొసలి అన్నారం బ్యారేజీ వద్దకు చేరి ఉండవచ్చని పలువురు భావిస్తున్నారు. బరాజ్‌కు దిగువన 20 కిలో మీటర్ల దూరంలోని కాళేశ్వరం త్రివేణి సంగమం వద్ద నిత్యం భక్తులు పెద్ద సంఖ్యలో వచ్చి గోదావరిలో పుణ్యస్నానాలు ఆచరిస్తుంటారు. మొసలి అటు వైపు వెళ్తే భక్తులకు ప్రమాదం తప్పని పరిస్థితి. అటవీశాఖ అధికారులు వెంటనే స్పందించి మొసలి సంచారాన్ని గుర్తించడంతోపాటు సురక్షిత ప్రాంతానికి తరలించేందుకు చర్యలు తీసుకోవాలని స్థానికులు కోరుతున్నారు. గతంలోనూ మొసలి సంచారం.. ఐదేళ్ల క్రితం బరాజ్‌ దిగువన పలుగుల గ్రామ సమీపంలోని అటవీ ప్రాంతంలోనూ గోదావరి నుంచి వచ్చిన మొసలి కలకలం సృష్టించింది. అప్పట్లో స్థానిక పోలీసులు, అటవీశాఖ అధికారులు కలిసి దానిని పట్టుకుని సురక్షిత ప్రాంతానికి తరలించినట్లు స్థానికులు గుర్తుచేస్తున్నారు.

ములుగు రూరల్‌: మహిళలు అన్నిరంగాల్లో పురుషులతో సమానంగా రాణించినప్పటికీ సమాజంలో మహిళలు నిత్యం వేధింపులకు గురవుతూనే ఉన్నారు. మహిళలపై జరుగుతున్న వేధింపులు, లైంగిక దాడులు, వరకట్న వేధింపులు, బాల్య వివాహాల నివారణకు తక్షణ సాయం కోసం ప్రభుత్వం సఖి కేంద్రాలను ఏర్పాటు చేసింది. సఖి కేంద్రాల ద్వారా మహిళలపై జరుగుతున్న వేధింపులకు రక్షణ కల్పిస్తూ బాధితులకు న్యాయం చేసే విధంగా కృషి చేస్తున్నాయి. గ్రామీణ ప్రాంతాల్లో సఖి కేంద్రం సభ్యులు మహిళలు, యువతులకు అందించే పోలీస్‌, న్యాయ, వైద్య సహాయం, వసతి, ఫిర్యాదు విధానాలపై అవగాహన కార్యక్రమాలు నిర్వహిస్తూ మహిళలను చైతన్య పరుస్తున్నారు. సఖి కేంద్రాలు మహిళలు, యువతులు, బాలికల సంరక్షణకు ఎంతగానో ఉపయోగపడుతున్నాయి. బాధితులకు కౌన్సెలింగ్‌.. జిల్లాలోని పది మండలాల్లో సఖి కేంద్రం ఆధ్వర్యంలో మహిళలకు సామాజిక చైతన్యం కలిగించే విధంగా కార్యక్రమాలు నిర్వహిస్తున్నారు. గ్రామీణ ప్రాంతాల్లో వేధింపులకు గురైన మహిళలు, యువతులకు సఖి కేంద్రం అందిస్తున్న సేవలను తెలియజేస్తున్నారు. వేధింపులకు గురైన మహిళల నుంచి ఫిర్యాదులు స్వీకరించి వారికి కౌన్సెలింగ్‌తో పాటు సమస్యలపై పోలీస్‌, ఉచిత న్యాయ సహాయం అందించి బాధిత మహిళలకు భరోసా కల్పిస్తున్నారు. ఉచిత న్యాయ సహాయం వేధింపులకు గురైన మహిళలు ఫిర్యాదు చేసిన వెంటనే సఖి కేంద్రం నిర్వాహకులు బాధిత మహిళను సఖి కేంద్రానికి తరలించి ఐదు రోజుల పాటు పిల్లల సంరక్షణ, భోజనం, వసతితో పాటు వైద్యం, పోలీస్‌, ఉచిత న్యాయం, ఆర్థిక సహాయం అందిస్తారు. బాధితులకు పూర్తిస్థాయి రక్షణ కల్పిస్తారు. బాధిత మహిళలు రక్షణాధికారి, జిల్లా సంక్షేమాధికారి లేదా పోలీస్‌స్టేషన్‌లో ఫిర్యాదు చేయవచ్చు. గృహహింస, లైంగిక, వరకట్న వేధింపులు వంటి వాటిపై హెల్ప్‌లైన్‌ నంబర్‌ 181ను ఆశ్రయించవచ్చు. సఖి కేంద్రం సేవలు.. సఖి కేంద్రం ఆధ్వర్యంలో ఇప్పటి వరకు సోషల్‌ కౌన్సెలింగ్‌ 1,617 మందికి నిర్వహించారు. అలాగే 926 మంది బాధితులకు కౌన్సెలింగ్‌ నిర్వహించి 1022 మందికి వైద్య సదుపాయం కల్పించారు. అలాగే పలు పోలీస్‌ సపోర్టు 148 మందికి కల్పించడంతో పాటు 162 మందికి వసతి కల్పించారు. అలాగే 270 మంది పిల్లలను సంరక్షణతో పాటు 1,005 మందికి అవగాహన కల్పించారు. 111మందిని సదరం హోంకు తరలించారు. ఆపదలో అండగా ఉంటాం..మహిళలు, బాలికలకు ఆపద సమయంలో సఖీ కేంద్రం అండగా నిలుస్తుంది. సహాయం కోరిన వారికి వైద్యసిబ్బంది 24 గంటలు అందుబాటులో ఉంటుంది. బాధిత మహిళలకు వైద్యం, పోలీస్‌, ఉచిత న్యాయం, భోజనం అందించడంతో పాటు సమస్యలను పరిష్కరిస్తాం. ఆపద సమయంలో 181 హెల్ప్‌లైన్‌ నంబర్‌ లేదా 08715 2951281, 7013745008 నంబర్లలో సంప్రదించాలి. బాధిత మహిళలకు అండగా నిలుస్తున్న కేంద్రం ఉచిత పోలీస్‌, వైద్యం, వసతి, న్యాయ సహాయం అవగాహన కల్పిస్తున్న సిబ్బందికేసు అందిన పరిష్కరించినవి పెండింగ్‌లో ఫిర్యాదులు ఉన్నవిగృహహింస 725 603 122 వరకట్నం కేసులు 8 8 00 బాలికలపై లైంగిక దాడులు 52 47 05 బాల్య వివాహాలు 44 41 03 మిస్సింగ్‌ 46 45 01 చీటింగ్‌ 45 43 02 ప్రేమించి మోసం 63 61 02 సీనియర్‌ సిటీజన్‌ 02 02 00 ఆస్తి తగాదాలు 15 15 00 ఇతర కేసులు 46 43 03

మల్హర్‌(కాటారం): ఎల్‌నినో ప్రభావంతో రాష్ట్రంలో నీటి లభ్యత, విద్యుత్‌ వినియోగంపై ప్రభావం పడే అవకాశం ఉందని, ప్రజలందరూ నీరు, విద్యుత్‌ ను పొదుపుగా వాడుకోవాలని రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు సూచించారు. సోమవారం ధన్వాడలో ఏర్పాటు చేసిన విలేకరుల సమావేశంలో మంత్రి శ్రీధర్‌బాబు మాట్లాడారు. రాష్ట్రానికి కావాల్సిన తాగునీరు 400 టీఎంసీలు కాగా.. ప్రస్తుతం 200 టీఎంసీలే ఉందన్నారు. ఎల్‌నినో కారణంగా వర్షాభావ పరిస్థితులు నెలకొనే అవకాశం ఉందని, దీనిని దృష్టిలో ఉంచుకుని రాబోయే రబీ సీజన్‌లో రైతులు అప్రమత్తంగా ఉండాలని సూచించారు. సాగునీటిని సమర్థవంతంగా వినియోగించుకోవాలని, ప్రత్యామ్నాయ పంటలపై దృష్టి పెట్టాలని రైతులకు సూచించారు. సర్పంచ్‌లు, రైతు సంఘాలు ప్రజలకు అవగాహన కల్పించాలన్నారు. ప్రజా సంక్షేమమే ప్రభుత్వ ప్రధాన ధ్యేయమని మంత్రి స్పష్టం చేశారు. ఎన్నికల్లో ఇచ్చిన హామీలను నెరవేర్చే దిశగా అన్ని పథకాలను పూర్తిచేయడానికి ప్రభుత్వం చిత్తశుద్ధితో కృషి చేస్తోందన్నారు. సంక్షేమ పథకాలు అర్హులైన ప్రతీ ఒక్కరికి చేరేలా చర్యలు తీసుకుంటున్నామని తెలిపారు. రాష్ట్ర అభివృద్ధిలో విద్య, వైద్య రంగాలకు అత్యంత ప్రాధాన్యత ఇస్తున్నామని పేర్కొన్నారు. ప్రభుత్వ పాఠశాలలు, ఆస్పత్రులను బలోపేతం చేస్తూ పేదలకు నాణ్యమైన విద్య, వైద్యం అందించడమే లక్ష్యమన్నారు. యువతకు ఉద్యోగ, ఉపాధి అవకాశాలు కల్పించేందుకు ప్రభుత్వం పెద్దఎత్తున కృషి చేస్తోందని చెప్పారు. పరిశ్రమలను ప్రోత్సహించి పెట్టుబడులను ఆకర్షిస్తున్నామని తెలిపారు. మంథని నియోజకవర్గంలో మహిళలకు కుట్టు శిక్షణ, గార్మెంట్‌ ఫ్యాక్టరీ ద్వారా స్థానికంగా ఉపాధి కల్పిస్తున్నామని గుర్తు చేశారు. ఈ కార్యక్రమంలో ట్రేడ్‌ ప్రమోషన్‌ కార్పొరేషన్‌ చైర్మన్‌ అయిత ప్రకాశ్‌రెడ్డి, జిల్లా గంథ్రాలయ సంస్థ చైర్మన్‌ కోట రాజబాబు, ఏఎంసీ చైర్‌ పర్సన్‌ పంతకాని తిరుమల, మండల అధ్యక్షుడు తెప్పల దేవేందర్‌ రెడ్డి, డీసీసీ అధికార ప్రతినిధి పంతకాని సమ్మయ్య తదితరులు పాల్గొన్నారు.ఐటీ, పరిశ్రమల శాఖ మంత్రి శ్రీధర్‌బాబు

ములుగు: చెడుపై మంచి సాధించిన విజయానికి ప్రతీకగా నిలిచే విజయదశమి వేడుకలు మంగళవారం జరుపుకునేందుకు ప్రజలు సిద్ధమయ్యారు. దసరా పండుగను పురస్కరించుకొని పల్లెల్లో సందడి వాతావరణం నెలకొంది. నవరాత్రి ఉత్సవాల ముగింపు సందర్భంగా అమ్మవారి దర్శనం, ప్రత్యేక పూజలు, జమ్మి పూజలు నిర్వహించేందుకు అధికారులు ఏర్పాట్లు పూర్తి చేశారు. అలాగే జిల్లా కేంద్రంలోని సాధన స్కూల్‌ ఎదుట మంగళవారం రాత్రి నిర్వహించనున్న రావణవధ కార్యక్రమానికి ముఖ్య అతిథిగా హాజరుకావాలని కోరుతూ రాష్ట్ర పంచాయతీరాజ్‌శాఖ మంత్రి సీతక్కను ధర్మ జాగరణ సమితి సభ్యులు ఆహ్వానించారు. సమితి అధ్యక్షుడు గండ్రకోట కుమార్‌ ఆధ్వర్యంలో సోమవారం ములుగులో మంత్రిని కలిసి ఆహ్వాన పత్రిక అందజేశారు. ఈ సందర్భంగా మంత్రి సీతక్క మాట్లాడుతూ చెడుపై మంచి సాధించిన విజయానికి ప్రతీకగా నిర్వహించే రావణాసుర వధ కార్యక్రమం గొప్పదన్నారు. ధర్మ పరిరక్షణకు ధర్మ జాగరణ సమితి చేస్తున్న కృషి అభినందనీయమని పేర్కొన్నారు. ఇలాంటి ఆధ్యాత్మిక కార్యక్రమాలతో యువతలో ధార్మిక చైతన్యం, దేశభక్తి పెంపొందుతాయని వెల్లడించారు. కార్యక్రమంలో గండ్రకోట కుమార్‌, రాజేందర్‌ గౌడ్‌, సుధాకర్‌, రాజేందర్‌ తదితరులు పాల్గొన్నారు. వేడుకలకు ఏర్పాట్లు పూర్తి జిల్లా కేంద్రంలో సాధన స్కూల్‌ ఎదుట రావణవధ.. మంత్రి సీతక్కకు ఆహ్వాన పత్రిక అందజేసిన ధర్మజాగరణ కమిటీ

విజయ‘దశ’మి సూత్రాలు పాటిద్దాం.. ఎల్‌నినోను జయిద్దాం!ప్రత్యామ్నాయ పంటలతోనే సాగునీటి ఆదా.. వ్యవసాయంలో నీటి లభ్యతకు అనుగుణంగా పంటలు సాగు చేయడం, బిందు సేద్యం వంటి పద్ధతులను అనుసరించడం వల్ల సాగునీటిని సమర్థంగా వినియోగించుకోవచ్చు. ఉమ్మడి జిల్లాలో వర్షాకాలం సీజన్‌లో సగటున 26.7 శాతం వర్షపాతం లోటు నమోదైనట్లు గణాంకాలు చెబుతున్నాయి. ఉమ్మడి జిల్లాలో ఈ వానా కాలంలో అన్ని పంటలు కలిపి 14,48,052 ఎకరాల్లో సాగు చేశారు. ఇందులో వరి 6,91,997 ఎకరాలు, మొక్కజొన్న 1,00,976, పత్తి 7,99,799 ఎకరాల్లో సాగు చేశారు. ఇప్పటికే రాష్ట్ర ప్రభుత్వం వరి సాగు వద్దని చెబుతోంది. ఆరుతడి పంటలు వేసుకోవాలని సూచిస్తోంది.హన్మకొండ కల్చరల్‌: చెడుపై మంచి సాధించిన విజయానికి, అధర్మంపై ధర్మం సాధించిన విజయానికి ప్రతీకగా విజయదశమి పండుగ జరుపుకుంటారు. ఈ పండుగ మనిషి జీవితంలో మంచి మార్పులు తీసుకురావడానికి, సమాజ అభ్యున్నతికి కృషి చేయడానికి స్ఫూర్తిగా తీసుకోవాలి. విజయదశమి చెడుపై మంచిసాధించిన విజయాన్ని గుర్తుచేసుకుంటూ మనం ఈ విజయదశమి నుంచి మార్పు మనతోనే ప్రారంభించాలి. దశమి అంటే పది.. చెడుపై మంచి సాధించిన విజయానికి సంకేతంగా జరుపుకునే పండుగ స్ఫూర్తితో.. వాతావరణ మార్పుల రూపంలో ఎదురవుతున్న సవాళ్లను అధిగమించేందుకు ఉమ్మడి వరంగల్‌ ప్రజలు సిద్ధం కావాల్సిన సమయం ఆసన్నమైంది. పండుగ వేళ పది పొదుపు సూత్రాలను ఆచరణలో పెట్టడం ద్వారా ప్రకృతి వనరులను కాపాడుకోవడంతోపాటు భవిష్యత్‌ సవాళ్లను ఎదుర్కోవచ్చు.విద్యుత్‌ పొదుపు ముఖ్యం.. వర్షాలు లేకపోవడం, ఎండలు తీవ్రత ఎక్కువగా ఉండడంతో విద్యుత్‌ విని యోగం విపరీతంగా పెరిగింది. సాగు కోసం భూగర్భ జలాలు తోడేందుకు విద్యుత్‌ వినియోగం పెరిగింది. కూలర్లు, ఏసీల వినియోగం కొనసాగుతోంది. టీజీఎన్పీడీసీఎల్‌ పరిధిలో సెప్టెంబర్‌ 9న వేసవిని మించి రికార్డు స్థాయిలో 6,948 మెగావాట్ల గరిష్ట డిమాండ్‌ నమోదైంది. అవసరం లేని సమయంలో లైట్లు, ఫ్యాన్లు, ఇతర విద్యుత్‌ పరికరాలను ఆపేయడం, ఇంధన సామర్థ్యం కలిగిన పరికరాలను వినియోగించడం ద్వారా విద్యుత్‌ వృథాను అరికట్టవచ్చు.ప్రకృతికి పచ్చని కవచం.. విజయదశమి సందర్భంగా పచ్చదనాన్ని కాపాడుకోవడం, మొక్కలు నాటడమే కాకుండా వాటిని పెంచడం, సహజ నీటి వనరులను పరిరక్షించడం ప్రతి ఒక్కరి బాధ్యతగా మారాలి. ప్రకృతిని కాపాడితేనే భవిష్యత్‌ తరాలకు నీటి భద్రతను మెరుగుపర్చగలం. ఉమ్మడి వరంగల్‌ జిల్లాల్లో అటవీ విస్తీర్ణం అసమానంగా ఉంది. ఫారెస్ట్‌ సర్వే ఆఫ్‌ ఇండియా–2023 నివేదిక ప్రకారం.. ములుగు జిల్లాలో భౌగోళిక విస్తీర్ణంలో 64.64 శాతం అటవీ కవర్‌ ఉండగా, జయశంకర్‌ భూపాలపల్లిలో 41.15 శాతం, మహబూబాబాద్‌లో 26.49 శాతం ఉంది. మరోవైపు వరంగల్‌లో 3.53 శాతం, హనుమకొండలో 3.40 శాతం అటవీ కవర్‌ మాత్రమే నమోదైంది. పచ్చదనం, జీవవైవిధ్యం, నేల సంరక్షణ, స్థానిక వాతావరణ సమతుల్యతకు అడవులు కీలక పాత్ర పోషిస్తాయి.1ప్రతీ ఇంటి నుంచి మార్పు మొదలు పెట్టాలి.. వాతావరణ అనిశ్చితిపై అప్రమత్తత.. సాగు, తాగునీరు, విద్యుత్‌ పొదుపు ముఖ్యం3242

ములుగు రూరల్‌: ప్రజావాణి పెండింగ్‌ దరఖాస్తులను త్వరితగతిన పరిష్కరించాలని అదనపు కలెక్టర్‌ మహేందర్‌జీ అన్నారు. ఈ మేరకు సోమవారం కలెక్టరేట్‌ కార్యాలయంలో ప్రజావాణి దరఖాస్తులను ఆయన స్వీకరించారు. ఈ సందర్భంగా అదనపు కలెక్టర్‌ మాట్లాడుతూ ప్రజావాణి దరఖాసులను క్షుణ్ణంగా పరిశీలించి సాధ్యాసాధ్యాలను దరఖాస్తుదారులకు తెలియజేయాలన్నారు. దరఖాస్తులు పెండింగ్‌లో లేకుండా చూడాలని ఆదేశించారు. ఈ సందర్భంగా జిల్లాకేంద్రంలో నిర్వహించిన ప్రజావాణిలో భూ సమస్యలకు సంబంధించి 2, ఇతర శాఖలకు సంబంధించి 2 దరఖాస్తులు వచ్చాయని తెలిపారు. మొత్తంగా వచ్చిన నాలుగు దరఖాస్తులను పరిశీలించి సంబంధిత శాఖలకు బదలాయించినట్లు అధికారులు వివరించారు. మోస్ట్‌ ప్రామీసింగ్‌ రీసెర్చర్‌ అవార్డుకు సతీష్‌ ఎంపిక ములుగు: జిల్లా కేంద్రానికి చెందిన కేన్‌ మాన్‌ ఆఫ్‌ తెలంగాణ, వృక్షశాస్త్ర నిపుణులు డాక్టర్‌ సుతారి సతీష్‌ ప్రతిష్టాత్మకమైన మోస్ట్‌ ప్రామీసింగ్‌ రీసెర్చర్‌ అవార్డుకు ఎంపికయ్యారు. సైంటిఫిక్‌ లారెల్స్‌ సంస్థ ఈ అవార్డుకు ఎంపిక చేయడం సంతోషంగా ఉందని, పరిశోధన రంగంలో చేస్తున్న కృషికి ఈ గుర్తింపు లభించిందని ఆయన వివరించారు. ఇప్పటి వరకు అంతర్జాతీయ స్థాయిలో 55 పరిశోధనా పత్రాలు ప్రచురించి, 18 పుస్తకాలు రాయడంలో భాగస్వామ్యం కావడమే కాక, తెలంగాణ–ఆంధ్ర రాష్ట్రాల నుంచి 15 జాతుల కొత్తమొక్కలను పరిశోధనా రంగానికి పరిచయం చేసినట్లు వెల్లడించారు. పాలపిట్టను బంధిస్తే నేరం ఏటూరునాగారం: పాలపిట్టను బంధిస్తే నేరమని ఎఫ్‌ఆర్‌ఓ అబ్దుల్‌ రహమాన్‌ అన్నారు. ఈ మేరకు మండల కేంద్రంలోని నాయకులు, ప్రజలతో ప్రత్యేకంగా ముద్రించిన వాల్‌పోస్టర్లను సోమవారం ఆవిష్కరించి ప్రచారాన్ని చేపట్టారు. వాల్‌పోస్టర్లను బస్టాండ్‌, మార్కెట్‌, ప్రధాన కూడళ్లలో గోడలకు అతికించి ప్రజలకు అవగాహన కల్పించినట్లు ఎఫ్‌ఆర్‌ఓ తెలిపారు. వన్యప్రాణులు, పక్షులను కాపాడుకోవాలని కోరారు. ఎన్‌హెచ్‌ఎం ఉద్యోగుల సమస్యలు పరిష్కరించాలిభూపాలపల్లి అర్బన్‌: జాతీయ ఆరోగ్య మిషన్‌ (ఎన్‌హెచ్‌ఎం) ఉద్యోగులకు ఉద్యోగ భద్రత కల్పించడంతో పాటు న్యాయమైన డిమాండ్లను పరిష్కరించాలని తెలంగాణ రక్షణ సేన రాష్ట్ర అధ్యక్షురాలు కల్వకుంట్ల కవిత డిమాండ్‌ చేశారు. కలెక్టరేట్‌ ఎదుట ఎన్‌హెచ్‌ఎం జేఏసీ ఆధ్వర్యంలో కాంట్రాక్టు, ఔట్‌సోర్సింగ్‌ ఉద్యోగులు చేపట్టిన నిరవధిక సమ్మె సోమవారం ఏడో రోజుకు చేరింది. సమ్మె శిబిరాన్ని సందర్శించిన కవిత ఉద్యోగులకు సంఘీభావం ప్రకటించారు. కవితకు డిమాండ్లతో కూడిన వినతిపత్రం అందజేశారు. ఈ సందర్భంగా కవిత మాట్లాడుతూ.. ప్రజారోగ్య పరిరక్షణ, చిన్నారుల టీకాల కార్యక్రమాల్లో ఎన్‌హెచ్‌ఎం సిబ్బంది కీలకపాత్ర పోషిస్తున్నారని తెలిపారు. కేంద్ర ప్రభుత్వ ఉత్తర్వుల ప్రకారం ఏటా ఐదు శాతం వేతనాలు పెంచాల్సి ఉన్నా.. ఐదేళ్లుగా పెంపు లేకపోవడం అన్యాయమని విమర్శించారు. మహిళా ఉద్యోగులకు వేతనంతో కూడిన ప్రసూతి సెలవులు, కనీస సౌకర్యాలు కల్పించాలని కోరారు. ఉద్యోగుల క్రమబద్ధీకరణతోపాటు వారి న్యాయమైన డిమాండ్ల పరిష్కారానికి మద్దతు కొనసాగిస్తామని స్పష్టం చేశారు. ఈ కార్యక్రమంలో జేఏసీ జిల్లా అధ్యక్షుడు బడితల రమేశ్‌, వర్కింగ్‌ ప్రెసిడెంట్‌ వెంకటేష్‌, కార్యదర్శి మధుబాబు, ఉపాధ్యక్షుడు రఘురాం, కోశాధికారి శ్రీను, కోఆర్డినేటర్‌ ప్రవీణ్‌కుమార్‌, సోషల్‌ మీడియా ఇన్‌చార్జ్‌ రాజు, పార్టీ నాయకులు పాల్గొన్నారు.

● రాష్ట్ర పంచాయతీరాజ్‌, గ్రామీణాభివృద్ధి శాఖ మంత్రి సీతక్కములుగు: అమ్మవారి ఆశీస్సులతో ప్రజలంతా సుఖసంతోషాలతో, ఆయురారోగ్యాలతో సల్లంగా ఉండాలని రాష్ట్ర మంత్రి ధనసరి సీతక్క ఆకాంక్షించారు. ములుగు పట్టణంలోని రామాలయంలో సోమవారం తొమ్మిదో రోజు అమ్మవారిని మహిషాసురమర్ధినిగా అలంకరించి ప్రత్యేక పూజలు నిర్వహించగా మంత్రి సీతక్క హాజరై పూజలు నిర్వహించారు. దుష్టశిక్షణ, శిష్టరక్షణతో పాటు లోకకల్యాణం కోసం మహిషాసురమర్ధిని అవతరించిందని సీతక్క పేర్కొన్నారు. ఈ సందర్భంగా తనుగుల సాంబలక్ష్మీసాయిలు దంపతుల కుమారులు ప్రకాశ్‌, విజయ్‌, నవీన్‌ ఆధ్వర్యంలో నిర్వహించిన మహా అన్నప్రసాద వితరణ కార్యక్రమానికి మంత్రి సీతక్క ముఖ్య అతిథిగా హాజరై ప్రారంభించారు. భక్తులకు అన్నప్రసాదం పంపిణీ చేశారు. పండుగల సమయంలో ఇలాంటి సేవా కార్యక్రమాలు నిర్వహించడం అభినందనీయమని సీతక్క పేర్కొన్నారు. ఈ కార్యక్రమంలో జిల్లా గ్రంథాలయ చైర్మన్‌ బానోత్‌ రవిచందర్‌, ఉత్సవ కమిటీ అధ్యక్షుడు చింతలపూడి భాస్కర్‌రెడ్డి, ఇమ్మడి రాకేశ్‌యాదవ్‌, మేడికొండ వెంకట్‌రెడ్డి, కాంగ్రెస్‌ పార్టీ జిల్లా అధ్యక్షుడు పైడాకుల అశోక్‌, నాయకులు పల్లె జైపాల్‌రెడ్డి, ఏలూరి నారాయణరెడ్డి, గట్ల శ్రీనివాస్‌రెడ్డి తదితరులు పాల్గొన్నారు.

మల్హర్‌(కాటారం): మండలంలోని కాటారం ప్రతాపగిరిలో ప్రసిద్ధ ప్రతాపగిరి గుట్టను సోమవారం జిల్లా అటవీ అధికారి జె.కృష్ణాగౌడ్‌, మహదేవపూర్‌ ఫారెస్ట్‌ డివిజనల్‌ ఆఫీసర్‌ ఎం.సందీప్‌రెడ్డి సందర్శించారు. ఈ సందర్భంగా ప్రతాపగిరి బీట్‌లో ఫుట్‌ పెట్రోలింగ్‌ నిర్వహించి గొంతెమ్మ గుట్టచరిత్ర దాని చారిత్రక ప్రాధాన్యతను అడిగి తెలుసకున్నారు. గుట్టపై ఉన్న అటవీ సంపద, వన్యప్రాణుల ఆవాసాలు, భక్తుల రాకపోకలకు ఉన్న సౌకర్యాలు, అటవీ రక్షణ చర్యలను క్షేత్రస్థాయిలో పరిశీలించారు. గుట్ట పరిసరాలలో పరిశుభ్రత పాటించాలన్నారు. అటవీ ప్రాంతంలో అగ్ని ప్రమాదాలు జరగకుండా తీసుకోవాల్సిన ముందస్తు జాగ్రత్తలపై సిబ్బందికి సూచనలు చేశారు. గుట్టను సందర్శించే భక్తులకు ఇబ్బందులు కలగకుండా చూడాలని చెప్పారు. అటవీ ప్రాంతాన్ని పరిరక్షించడంలో స్థానిక ప్రజల సహకారం తీసుకోవాలని అధికారులు సిబ్బందికి దిశానిర్దేశం చేశారు. ఈ కార్యక్రమంలో ఫారెస్ట్‌ రేంజర్‌ జె.స్వాతి, డీఆర్వో సురేందర్‌, సెక్షన్‌ ఆఫీసర్‌, బీట్‌ ఆఫీసర్లు పాల్గొన్నారు.

వెంకటాపురం(కె): మహిళా స్వయం సహాయక సంఘాల సభ్యులు సమావేశాలు నిర్వహించుకునేందుకు గాను కేంద్ర, రాష్ట్ర ప్రభుత్వాలు మంజూరు చేసిన గ్రామైక్య సంఘాల భవన నిర్మాణ పనులు నత్తనడకన సాగుతున్నాయి. అయినా వాటి గురించి పట్టించుకునే వారే కరువయ్యారు. నిధులు మంజూరైనా అధికారులు, ప్రజా ప్రతినిధుల మధ్య సమన్వయ లోపంతో పనులు ఆలస్యం అవుతున్న పరిస్థితులు నెలకొన్నాయి. సమావేశాలకు స్థలాలు లేక అవస్థలు జిల్లాలోని 171 గ్రామ పంచాయతీల్లో 6,945 స్వయం సహాయక సంఘాలు ఉండగా 340 గ్రామైఖ్య సంఘాలను ఏర్పాటు చేశారు. వీటిలో 70,555 మంది సభ్యులుగా ఉన్నారు. వీరు ప్రతినెలా సమావేశాలు నిర్వహించుకునేందుకు సరైన వసతులు, భవనాలు లేక తీవ్ర ఇబ్బందులు పడుతున్నారు. ఈ మేరకు జిల్లాకు 169 భవనాలను వీబీజీ రాంజీ పథకం కింద మంజూరయ్యాయి. ఈ మేరకు ఒక్కో భవనానికి రూ.10 లక్షల నిధులు సైతం మంజూరయ్యాయి. వివిధ దశల్లో భవనాల పనులు 169 గ్రామైఖ్య సంఘాలకు భవనాలను మంజూరు కాగా వీటిలో 30 భవనాల పనులు ప్రారంభం కాలేదు. అలాగే 18 భవనాలకు ముగ్గులు పోసి ఉండగా పిల్లర్ల స్థాయిలో 24 భవనాల పనులు కొనసాగుతున్నాయి. పునాది స్థాయిలో 4 ఉండగా స్లాబ్‌ లెవల్‌లో 83, బ్రిక్‌ వర్కులో 9 భవనాల పనులు కొనసాగుతున్నాయి. ఒక భవనం పనులు మాత్రం పూర్తి స్థాయిలో పూర్తయ్యాయి. ఈ భవనాల నిర్మాణ పనులు నాలుగు నెలల క్రితం(జూన్‌ 2) వరకే పనులు పూర్తి చేసి భవనాలు అందుబాటులోకి తీసుకురావాలని మంత్రి సీతక్క ఆదేశించినా భవన నిర్మాణ పనులు నత్తనడకన సాగుతున్నాయి. ఇప్పటికై నా ఉన్నతాధికారులు దృష్టి సారించి భవన నిర్మాణ పనులు త్వరగా పూర్తి అయ్యేలా చూడాలని గ్రామైఖ్య సంఘాల సభ్యులు కోరుతున్నారు. జిల్లాలో 169 గ్రామైక్య సంఘాలకు భవనాలు మంజూరు నెమ్మదిగా సాగుతున్న నిర్మాణాలు ఒక్కో భవనానికి రూ.10 లక్షల మంజూరు అధికారుల పర్యవేక్షణ కరువు

సాక్షి ప్రతినిధి, వరంగల్‌: ప్రభుత్వ ఉద్యోగుల సర్వీస్‌ వ్యవహారాలను మరింత వేగవంతం చేసేందుకు రాష్ట్ర ప్రభుత్వం కీలక నిర్ణయం తీసుకుంది. ఉద్యోగుల సర్వీస్‌ రికార్డులను కాగితపు ఫైళ్లకే పరిమితం చేయకుండా డిజిటల్‌ సర్వీస్‌ రిజిస్టర్‌ (డీఎస్‌ఆర్‌)గా మార్చి, సర్వీస్‌కు సంబంధించిన వివిధ అంశాలను ఆన్‌లైన్‌ విధానంలోనే నిర్వహించేందుకు ఈహెచ్‌ఆర్‌ఎంఎస్‌ రాష్ట్రవ్యాప్తంగా అమలు చేయాలని ప్రభుత్వం ఆదేశించింది. ఉమ్మడి వరంగల్‌ జిల్లాలోని హనుమకొండ, వరంగల్‌, జనగామ, మహబూబాబాద్‌, జయశంకర్‌ భూపాలపల్లి, ములుగు జిల్లాల ప్రభుత్వ కార్యాలయాలపై కూడా ఈ నిర్ణయం ప్రభావం చూపనుంది. ఉద్యోగి సర్వీస్‌ మొత్తం ఒకే చోట.. ఇప్పటివరకు ఉద్యోగుల సర్వీస్‌ రికార్డులు ప్రధానంగా భౌతిక రూపంలో ఉండడంతో సర్వీస్‌ వ్యవహారాల పరిష్కారంలో జాప్యం, వివరాల ధ్రువీకరణలో ఇబ్బందులు, పెండింగ్‌ ఫైళ్లపై కేంద్రీకృత పర్యవేక్షణ లేకపోవడం వంటి సమస్యలు ఉన్నాయని ప్రభుత్వం గుర్తించింది. ఈ నేపథ్యంలో తెలంగాణ ఇంటిగ్రేటెడ్‌ ఫైనాన్షియల్‌ మేనేజ్‌మెంట్‌ ఇన్ఫర్మేషన్‌ సిస్టం (ఐఎఫ్‌ఎంఐ ఎస్‌)లో ఈ హెచ్‌ఆర్‌ఎంఎస్‌ను ప్రత్యేక మాడ్యూల్‌గా తీసుకొచ్చింది. కాగా, ఉద్యోగి సర్వీస్‌కు సంబంధించిన సెలవులు, ఇంక్రిమెంట్లు, పదోన్నతులు, బదిలీలు, ఏసీఆర్‌/ ఏపేఏఆర్‌, స్థిరాస్తుల వివరాలు, విజిలెన్స్‌ అంశాలు, పదవీ విరమణ కేసులు తదితర వివరాలను దశలవారీగా ఈ హెచ్‌ఆర్‌ఎంఎస్‌లో నిర్వహించనున్నారు. పర్యవేక్షించే నోడల్‌ అధికారులు.. ఉమ్మడి వరంగల్‌లో ఆరుగురికి నోడల్‌ బాధ్యతలు అప్పగించారు. హనుమకొండ ఎ.శ్రీనివాస్‌కుమార్‌ (డీడీ), వరంగల్‌కు జె.విజయసారథి (ఏడీ), జనగామ ఎండీ అన్వర్‌ హుస్సేన్‌ (ఏటీఓ), జయశంకర్‌ భూపాలపల్లి సయ్యద్‌ ఖలీద్‌ హుస్సేన్‌ను నియమించారు. మహబూబాబాద్‌కు ఎండీ షరీఫ్బాబా, ములుగుకు సయ్యద్‌ ఖలీద్‌ (ఏటీఓ)ను నియమించారు. ఈ అధికారులు ఆయా జిల్లాల్లో డీడీఓలు, ఇతర అధికారులకు ఈహెచ్‌ఆర్‌ఎంఎస్‌ అమలులో సహకరించాల్సి ఉంటుంది. జిల్లా స్థాయిలో పరిష్కారం కాని సమస్యలను ఐఎఫ్‌ ఎంఐఎస్‌ హెల్ప్‌లైన్‌ ద్వారా పరిష్కరించుకునే అవకాశం కల్పించారు. హేమాచలక్షేత్రంలో భక్తజనందుర్గాదేవి అలంకరణలో అమ్మవారు మంగపేట: మండల పరిధిలోని వివిధ గ్రామాల్లో కొనసాగుతున్న దేవిశరన్నవరాత్రి ఉత్సవాల్లో భాగంగా అమ్మవారు దుర్గాదేవి అలంకరణలో ఆదివారం భక్తులకు దర్శనమిచ్చింది. సద్దుల బతుకమ్మ, దసరా ఉత్సవాల్లో భాగంగా పూజారులు అమ్మవారిని దుర్గాదేవిగా అలంకరించి ప్రత్యేక పూజలు నిర్వహించి నైవేద్యాన్ని సమర్పించారు. దుర్గాదేవి అలంకరణలో దర్శనమిచ్చిన అమ్మవారిని భక్తులు దర్శించుకుని అత్యంత భక్తిశ్రద్ధలతో పూజలు నిర్వహించారు. అమ్మవారి పూజా కార్యక్రమంలో పాల్గొన్న భక్తులకు ఉత్సవ కమిటీ, దాతల ఆధ్వర్యంలో అన్న ప్రసాదాలను పంపిణీ చేశారు. మంగపేట: మండల పరిధిలోని మల్లూరు శ్రీ హేమాచల లక్ష్మీనర్సింహస్వామి ఆలయం భక్తజనంతో ఆదివారం కిటకిట లాడింది. వందల సంఖ్యలో భక్తులు ఆలయానికి తరలిరావడంతో ఆలయ ప్రాంగణంలో సందడి నెలకొంది. స్వయంభు స్వామి వారిని దర్శించుకునేందుకు పలు ప్రాంతాల నుంచి భక్తులు ఉదయాన్నే గుట్టపైకి చేరుకున్నారు. ఆలయ సమీపంలోని పవిత్ర చింతామణి జలపాతం వద్ద పుణ్యస్నానాలు ఆచరించి అత్యంత భక్తిశ్రద్ధలతో స్వామివారిని దర్శించుకున్న భక్తులు లక్ష్మీనర్సింహస్వామి, ఆదిలక్ష్మి, చెంచులక్ష్మి అమ్మవార్లకు పూలు, పండ్లు నూతన పట్టు వస్త్రాలు సమర్పించారు. తిలతైలాభిషేకం పూజలో పాల్గొన్న భక్తులు మానవ శరీరంతో పోలి ఉండే స్వామివారిని నిజరూప దర్శనం చేసుకుని పులకించారు. స్వామివారిని దర్శించుకున్న భక్తులకు ఆలయ పూజారులు గోత్ర నామాలతో స్వామివారికి ప్రత్యేక అర్చనలు జరిపించి స్వామివారి చరిత్ర, ఆలయ పురాణం వివరించి వేద ఆశీర్వచనం ఇచ్చారు. బతుకమ్మ విగ్రహం ఆవిష్కరణ ములుగు రూరల్‌: మండల పరిధిలోని పత్తిపల్లిలో నూతనంగా ఏర్పాటు చేసిన బతుకమ్మ విగ్రహాన్ని కాంగ్రెస్‌ పార్టీ జిల్లా అధ్యక్షుడు పైడాకుల అశోక్‌ ఆవిష్కరించారు. ఈ మేరకు ఆదివారం పత్తిపల్లి సర్పంచ్‌ దారవత్‌ సరిత–సారయ్యల ఆధ్వర్యంలో విగ్రహాలను ఏర్పాటు చేయగా ములుగు మున్సిపల్‌ చైర్‌పర్సన్‌ చింతనిప్పుల చంద్రకళతో కలిసి ఆయన ముఖ్య అతిథిగా హాజరై ప్రారంభించారు. ఈ సందర్భంగా ఆయన మాట్లాడుతూ గ్రామస్తులకు సద్దుల బతుకమ్మ, దసరా శుభాకాంక్షలు తెలిపారు. కార్యక్రమంలో మార్కెట్‌ కమిటీ చైర్‌పర్సన్‌ రేగ కల్యాణి, గ్రంథాలయ సంస్థ చైర్మన్‌ రవిచందర్‌, కుమార్‌గౌడ్‌, రాజేందర్‌, భిక్షపతి, రవి, శ్యాం తదితరులు పాల్గొన్నారు. ఉమ్మడి వరంగల్‌లోని ఆరు జిల్లాల్లో ఈహెచ్‌ఆర్‌ఎంఎస్‌ అమలు ఉద్యోగుల సెలవులు, ఇంక్రిమెంట్లు, పదోన్నతులు, బదిలీలన్నీ ఆన్‌లైన్‌లోనే పెండింగ్‌ ఫైళ్లపై ఉన్నతాధికారుల నిఘా.. డిజిటల్‌ సర్వీస్‌ రిజిస్టర్‌తో పారదర్శకత

ఉమ్మడి వరంగల్‌ జిల్లా ప్రత్యేక అధికారి శ్రీదేవిములుగు: వర్షాభావ పరిస్థితులను సమర్థవంతంగా ఎదుర్కొనేందుకు సమన్వయంతో చర్యలు చేపట్టాలని ఉమ్మడి వరంగల్‌ జిల్లా ప్రత్యేక అధికారి, మున్సిపల్‌ అడ్మినిస్ట్రేషన్‌ శాఖ కార్యదర్శి శ్రీదేవి కలెక్టర్లకు సూచించారు. ఈ మేరకు శనివారం హైదరాబాద్‌ నుంచి ఆమె ఉమ్మడి వరంగల్‌ జిల్లా కలెక్టర్లతో వీడియో కాన్ఫరెన్స్‌ నిర్వహించారు. ప్రస్తుత వర్షాభావ పరిస్థితులు, వ్యవసాయం, సాగు, తాగునీటి సరఫరా, విద్యుత్‌ సరఫరా, పశుసంవర్థక రంగం వంటి తదితర అంశాలపై సమీక్షించారు. ఈ మేరకు జిల్లా నుంచి కలెక్టర్‌ భోర్ఖడే హేమంత్‌ సహదేవరావు వీసీకి హాజరయ్యారు. ఈ సందర్భంగా ఆమె మాట్లాడుతూ ప్రస్తుత వర్షాభావ పరిస్థితులను దృష్టిలో ఉంచుకొని అన్ని శాఖల అధికారులు సమన్వయంతో పనిచేయాలని సూచించారు. జిల్లాల్లో నెలకొన్న సమస్యలను క్షేత్రస్థాయిలోనే పరిష్కరించేందుకు సమష్టి కృషి చేయాలన్నారు. పట్టణ ప్రాంతాల్లో విద్యుత్‌ వినియోగాన్ని తగ్గించేందుకు ప్రత్యేక చర్యలు చేపట్టాలని సూచించారు. భవనాల పైకప్పులపై కూల్‌ రూఫ్స్‌ ఏర్పాటుతో ఉష్ణోగ్రతలను తగ్గించడంతో పాటు విద్యుత్‌ వినియోగాన్ని గణనీయంగా తగ్గించవచ్చని సూచించారు. అలాగే వ్యవసాయ రంగంలో తక్కువ నీరు అవసరమయ్యే పంటలను ప్రోత్సహించడం ద్వారా విద్యుత్‌ వినియోగాన్ని తగ్గించవచ్చని తెలిపారు. ఈ సందర్భంగా కలెక్టర్‌ మాట్లాడుతూ జిల్లాలోని 10 మండలాల పరిధిలో సుమారు 12 శాతం లోటు వర్షపాతం నమోదైందని తెలిపారు. జిల్లాలో విద్యుత్‌ డిమాండ్‌ 103 మెగావాట్ల నుంచి 243 మెగావాట్లకు పెరిగిందని కలెక్టర్‌ వివరించారు. ఈ వీసీలో అదనపు కలెక్టర్‌ సంపత్‌రావు, డీఏఓ సురేశ్‌కుమార్‌, జిల్లా నీటిపారుదల శాఖ అధికారి అప్పలనాయుడు, విద్యుత్‌శాఖ ఎస్‌ఈ భిక్షపతి, డీపీఓ వెంకయ్య తదితరులు పాల్గొన్నారు.

వెంకటాపురం(ఎం)లో సద్దుల బతుకమ్మ ప్రదేశంలో ఏర్పాటు చేసిన హైమాస్ట్‌ లైట్లువెంకటాపురం(ఎం) లింగయ్యకుంట వద్ద నూతనంగా ఏర్పాటు చేసిన బతుకమ్మ విగ్రహాలుములుగు/ఏటూరునాగారం: నేటి సద్దుల బతుకమ్మ వేడుకలకు అధికారులు సర్వం సిద్ధం చేశారు. ఈ నేపథ్యంలో జిల్లాలోని ప్రధాన కూడళ్లు, చెరువులు, కుంటల వద్ద ఎలాంటి ఇబ్బందులు తలెత్తకుండా అధికారులు పకడ్బందీ ఏర్పాట్లు చేశారు. ఆడపడుచులు రాత్రి వరకు బతుకమ్మలు ఆడడంతో పాటు నిమజ్జనం చేసేందుకు వీలుగా అధికారులు నిరంతరం విద్యుత్‌ సరఫరా చేసేలా ప్రత్యేక ఏర్పాట్లు చేశారు. అలాగే చెరువులు, కుంటల వద్ద హైమాస్ట్‌ లైట్లు, విద్యుద్దీపాలు అమర్చారు. నిమజ్జన ప్రాంతాల వద్ద ప్రమాదాలు జరగకుండా గజ ఈతగాళ్లను నియమించారు. చెరువుల వద్ద బారికేడ్లను ఏర్పాటు చేశారు. అదే విధంగా పోలీస్‌ బందోబస్తును ఏర్పాటు చేసినట్లు పోలీస్‌ ఉన్నతాధికారులు తెలిపారు. సద్దులకు సర్వం సిద్ధంపూల దుకాణాల్లో కొనుగోళ్ల సందడి ● చెరువుల వద్ద పకడ్బందీ ఏర్పాట్లు

జఫర్‌గఢ్‌: సద్దుల బతుకమ్మకు మండలంలోని ఉప్పుగల్లు గ్రామానికి చెందిన పోరెడ్డి సత్యనారాయణరెడ్డి కుటుంబం పెద్ద బతుకమ్మతో (5 ఫీట్లు) ప్రత్యేకతను చాటుకుంటోంది. ఏళ్లుగా తన తండ్రి నర్సింహారెడ్డి నుంచి వస్తున్న ఈ సంప్రదాయాన్ని కొనసాగిస్తూ వస్తున్నారు. సద్దుల పండుగకు వివిధ రకాల పూలను సేకరించి కుటుంబ సభ్యులంతా కలిసి అందంగా బతుకమ్మను పేరుస్తారు. సాయంత్రం సమయంలో ఇంటిల్లిపాది పెద్ద బతకమ్మను తీసుకుని డప్పుచప్పుళ్లు, డీజేతో ఊరేగింపుగా బతుకమ్మ ఆటస్థలానికి వెళ్తారు. గ్రామ మహిళలతో కలిసి సంప్రదాయ పాటలు పాడుతూ బతుకమ్మ ఆడుతారు. కొన్ని రకాల పూలు దొరక్కపోయినా కొనుగోలు చేసి మరీ పేరుస్తూ సంప్రదాయాన్ని కొనసాగిస్తున్నారు.సద్దుల బతుకమ్మ వేడుకలకు అమెరికా నుంచి వచ్చిన అఖిల, హాసిని (ఫైల్‌)ఏటూరునాగారం: తాతముత్తాల నుంచి ఆనవాయితీగా ఎత్తయిన బతుకమ్మను పేరుస్తూ మండలంలోనే ప్రత్యేకంగా నిలుస్తున్నారు ఏటూరునాగారం మండల కేంద్రంలోని నూతి కృష్ణ జ్యోతి. 70 ఏళ్లుగా ఐదు ఫీట్ల ఎత్తులో తీరొక్క పూలతో బతుకమ్మను పేరుస్తున్నారు. వారం రోజుల నుంచే పూలు సేకరిస్తున్నారు. స్థానికంగా దొరకని పూలను వరంగల్‌ నుంచి తెప్పించి మరీ పెద్ద బతుకమ్మను పేరుస్తున్నారు. కాగా, సద్దుల బతుకమ్మ రోజు తమ ఇంట్లోని ముగ్గురు మహిళలు ఉదయం 8 గంటల నుంచి పేర్చడం ప్రారంభిస్తే సాయంత్రం వరకు సమయం పడుతుందని, ఈ సమయంలో అమ్మవారిని కీర్తిస్తూ పాటలు పాడుతామని వారు చెబుతున్నారు. ఇన్నేళ్ల నుంచి గ్రామంలో ఇదే పెద్దదిగా పేరుగాంచింది. ఆకర్షణగా నిలుస్తున్న పెద్ద బతుకమ్మలుసాక్షి, మహబూబాబాద్‌: హైదరాబాద్‌లో ఉన్నా.. అమెరికాలో ఉన్నా ఆ ఇంటికి బంధువులు, ఆడపడుచులు బతుకమ్మ పండుగకు రావాల్సిందే.. ముప్పై ఏళ్లుగా పెద్ద బతుకమ్మను పేరుస్తూ సంబురాలు జరుపుకుంటున్నారు మహబూబాబాద్‌ పట్టణానికి చెందిన పర్కాల శ్రీనివాస్‌రెడ్డి హేమలత దంపతులు. ముప్పై ఏళ్ల క్రితం పర్కాల రంగారెడ్డి, పూలమ్మ దంపతులు ప్రారంభించిన ఈ ఆనవాయితీని ఆయన కుమారుడు శ్రీనివాస్‌రెడ్డి, హేమలత దంపతులు కొనసాగిస్తున్నారు. శ్రీనివాస్‌రెడ్డి కూతుళ్లు అఖిల, వినీల, కోడలు ప్రదీప, మనుమరాలు హాసిని హైదరాబాద్‌లో ఉన్నా, అమెరికాలో ఉన్నా సద్దుల బతుకమ్మ పండుగకు వస్తుంటారు.

● బీజేపీ జిల్లా అధ్యక్షుడు బలరాం ములుగు రూరల్‌: కాంగ్రెస్‌ ప్రభుత్వం ఎన్నికల సమయంలో యువతకిచ్చిన హామీలను వెంటనే అమలు చేయాలని బీజేపీ జిల్లా అధ్యక్షుడు బలరాం అన్నారు. ఈ మేరకు శనివారం రెవెన్యూ డివిజనల్‌ కార్యాలయం ఎదుట ధర్నా చేపట్టారు. అనంతరం కార్యాలయ అధికారికి వినతిపత్రం అందజేసి మాట్లాడారు. ఎన్నికల సమయంలో యూత్‌ డిక్లరేషన్‌ పేరుతో హామీలిచ్చి యువతను మోసం చేసిందన్నారు. నిరుద్యోగ యువతకు ఉద్యోగావకాశాలు కల్పించడంలో రాష్ట్ర ప్రభుత్వం విఫలమైందని ఆరోపించారు. యువతకు ఇచ్చిన హామీలను నేరవేర్చే వరకు బీజేపీ ఆధ్వర్యంలో ఉద్యమాలు చేపడతామని హెచ్చరించారు. అదే విధంగా మున్సిపాలిటీ పరిధిలోని పత్తిపల్లి రోడ్డు నుంచి తోపుకుంట వరకు ఏర్పాటు చేసిన ఫ్లెక్సీలను తొలగించాలని బీజేపీ జిల్లా అధ్యక్షుడు బలరాం టౌన్‌ప్లానింగ్‌ ఆఫీసర్‌ కిరణ్‌కుమార్‌కు వినతిపత్రం అందజేశారు. అనంతరం బలరాం మాట్లాడుతూ రోడ్డు మధ్యలో ఉన్న స్తంభాలకు ఫ్లెక్సీలు ఏర్పాటు చేయడం వల్ల వాహనదారులు ఇబ్బందులు ఎదుర్కొంటున్నారని తెలిపారు. ఈ కార్యక్రమంలో రాష్ట్ర కార్యవర్గ సభ్యుడు భూక్య జవహర్‌లాల్‌, కృష్ణాకర్‌, శోభన్‌, నాగరాజు, శ్రీకాంత్‌, అనిల్‌, వెంకటేశ్‌, నవీన్‌, శ్రీధర్‌, రతన్‌సింగ్‌, రమేశ్‌, శ్రీనివాస్‌, కృష్ణ తదితరులు పాల్గొన్నారు.

వాజేడు: తెలంగాణ, ఛత్తీస్‌గఢ్‌ సరిహద్దు లొట్టిపిట్ట గండి వద్ద వెలిసిన బీరమయ్య పూర్వచరిత్రను వెలుగులోకి తీసుకొచ్చేందుకు సమ్మక్క– సారలమ్మ ఆర్కియాలజీ రీసెర్చ్‌ ఇనిస్టిట్యూట్‌ బృందం అధ్యయనం చేస్తుంది. ఈ మేరకు బృందం సభ్యులు ఇరప ప్రభాకర్‌, గట్టిపెల్లి అర్జున్‌, కాక నవ్య, కొమరం ధనలక్ష్మి శనివారం బీరమయ్య వెలిసిన ప్రదేశానికి చేరుకుని అధ్యయనం మొదలు పెట్టారు. స్థానిక సర్పంచ్‌ చిడెం బాలకృష్ణ, స్థానికులు వాసం ఆనందరావు, యాలం అచ్చయ్య, తుడుందెబ్బ జిల్లా అధ్యక్షుడు పద్దం సుధాకర్‌, చంద్రశేఖర్‌, టేకులగూడెం, కృష్ణాపురం గ్రామాల్లోని పెద్ద మనుషులతో కలిసి వెళ్లి బీరమయ్య గుడి ప్రాంతంతో పాటు పరిసరాలను పరిశీలించారు. ముందుగా గంగమ్మ తల్లికి చీరసారె సమర్పించారు. అనంతరం బీరమయ్య చరిత్రను తెలుసుకునే పనిలో నిమగ్న మయ్యారు. బీరమయ్య పూర్వచరిత్రను తెలుసుకోవడంతో పాటు గుడి ప్రాధాన్యతను సేకరించి బీరమయ్య జాతర నాటికి తెలుగు, హిందీ, ఇంగ్లిష్‌ భాషల్లో పుస్తక రూపంలో ప్రచురించనున్నట్లు వారు తెలిపారు.

● కలెక్టర్‌ భోర్ఖడే హేమంత్‌ సహదేవరావు ములుగు: బతుకమ్మ పండుగ తెలంగాణ సంస్కృతికి ప్రతీకగా నిలుస్తుందని కలెక్టర్‌ భోర్ఖడే హేమంత్‌ సహదేవరావు అన్నారు. ఈ మేరకు కలెక్టరేట్లో శనివారం కలెక్టర్‌ మీడియాతో మాట్లాడారు. ప్రకృతిని ఆరాధిస్తూ, కుటుంబ బంధాలను బలోపేతం చేసే ఈ పూల పండుగ మహిళల కళాత్మకత, ఆత్మీయతకు నిదర్శనమని తెలిపారు. తంగేడు, గునుగు తదితర సహజ పూలతో బతుకమ్మలను పేర్చి, పాటలు పాడుతూ వేడుకలు జరుపుకోవడం తరతరాలుగా వస్తున్న గొప్ప సంప్రదాయమన్నారు. బతుకమ్మ పాటల ద్వారా తెలంగాణ భాష, సంస్కృతిని భావితరాలకు అందించాలని సూచించారు. పండుగ వేళ చెరువులు, జలవనరులను పరిశుభ్రంగా ఉంచాలని, నిమజ్జనం సమయంలో జాగ్రత్తలు పాటించాలని సూచించారు. బతుకమ్మ, విజయదశమి పండుగలు ప్రజల జీవితాల్లో సంతోషం, విజయాలు నింపాలని ఆకాంక్షించారు. ఈ మేరకు కలెక్టర్‌ జిల్లా ప్రజలతో పాటు ప్రజాప్రతినిధులు, అధికారులు, ఉద్యోగులు, మీడియా ప్రతినిధులకు బతుకమ్మ, దసరా శుభాకాంక్షలు తెలిపారు.

ఖిలా వరంగల్‌: వరంగల్‌చౌరస్తా మేదరివాడలో వెదురు బతుకమ్మ బుట్టలు తయారవుతున్నాయి. ఈ బుట్టలకు కావాల్సిన ముడిసరుకును నెల ముందుగానే మహారాష్ట్ర, ఛత్తీస్‌గఢ్‌, ఒడిశా, ఖమ్మం, భద్రాచలం నుంచి తెచ్చుకుంటారు. 50 కుటుంబాలు ఈ వెదురు బతుకమ్మలు తయారుచేసి ఉపాధి పొందుతున్నాయి. బుట్టల సైజ్‌ను బట్టి రూ.50 నుంచి రూ.500 వరకు విక్రయిస్తున్నారు. ప్రస్తుతం పట్టణ ప్రాంతాల్లో పూలు దొరికే పరిస్థితి లేకపోవడంతో, అధికంగా ఖర్చు లేకుండా తక్కువ పూలతో పెద్ద బతుకమ్మలను ఆకర్షణీయంగా వెదురు బుట్టలను వాడి తయారు చేస్తున్నారు నగరవాసులు. చేతివృత్తులు కనుమరుగవుతున్న తరుణంలో తమకు బతుకమ్మ పండుగ కారణంగా ఉపాధి దొరుకుతోందని ఆ కుటుంబాలు ఆనందాన్ని వ్యక్తం చేస్తున్నాయి. ●

● లక్కీ డ్రా ద్వారా ఎంపిక చేసిన కలెక్టర్‌ బోర్ఖడే హేమంత్‌ సహదేవరావుములుగు: ములుగు మున్సిపాలిటీ పరిధిలో నూతన బార్‌ అండ్‌ రెస్టారెంట్‌ లక్కీ డ్రాలో ఓ టీ స్టాల్‌ నిర్వాహకుడికి అదృష్టం వరించింది. శుక్రవా రం ములుగు సమీకృత జిల్లా కార్యాలయాల సముదాయంలో కలెక్టర్‌ బోర్ఖడే హేమంత్‌ సహదేవరావు పర్యవేక్షణలో లక్కీ డ్రా నిర్వహించారు. రాష్ట్ర ప్రభుత్వం రాష్ట్రవ్యాప్తంగా 41 బార్ల ఏర్పాటుకు గెజిట్‌ నో టిఫికేషన్‌ జారీ చేయగా, అందులో ములుగు ము న్సిపాలిటీ పరిధిలో ఒక బార్‌కు అవకాశం కల్పించారు. దీనికి సంబంధించి మొత్తం 376 దరఖాస్తులు అందాయి. వీటికి నిర్వహించిన లక్కీ డ్రాలో 349 టోకెన్‌ నంబర్‌ గల దరఖాస్తుదారుడు వెంకటేశ్‌ బార్‌ అండ్‌ రెస్టారెంట్‌ కేటాయింపునకు ఎంపికయ్యారు. హనుమకొండ బస్టాండ్‌లో టీ స్టాల్‌ నిర్వహించే వెంకటేష్‌ కేవలం ఒక్క దరఖాస్తు మాత్రమే చేశారు. ఆయనకు లాటరీలో లైసెన్స్‌ రావడం విశేషం. చాయ్‌ వాలా.. ఇప్పుడు బార్‌ ఓనర్‌ కాగా, నక్క తోక తొక్కడం అంటే ఇదేనేమో అని పలువురు పేర్కొంటున్నారు.

● ఐటీడీఏ పీఓ లెనిన్‌ వత్సల్‌ టొప్పో మంగపేట: పీహెచ్‌సీలకు వచ్చే ప్రజలకు మెరుగైన వైద్యసేవలను అందించాలని ఏటూరునాగారం ఐటీడీఏ పీఓ లెనిన్‌ వత్సల్‌ టొప్పో ఆదేశించారు. మండలంలోని చుంచుపల్లి ప్రాథమిక ఆరోగ్య కేంద్రాన్ని పీఓ శుక్రవారం ఆకస్మికంగా తనిఖీ చేశారు. ఈ సందర్భంగా పీహెచ్‌సీలో వైద్యసేవలు, పారిశుద్ధ్య పరిస్థితులు, మందుల నిల్వలను పరిశీలించారు. పీహెచ్‌సీ నిర్వాహణ, వైద్యాధికారి, సిబ్బంది హాజరు రిజిస్టర్‌, మందుల నిల్వల రికార్డులు, వ్యాక్సిన్ల నిల్వ చేసేందుకు వినియోగించే రిఫ్రిజిరేటర్‌ను పరిశీలించి వాటి నిర్వహణపై సంబంధిత అధికారులు, సిబ్బందిని అడిగి తెలుసుకున్నారు. పీహెచ్‌సీలో అడవిని తలపించేలా చెట్లు, పిచ్చిమొక్కలు, పారిశుద్ధ్యం పేరుకుపోయి ఉండటంపై అసంతృప్తి వ్యక్తం చేశారు. వైద్యాధికారి, సిబ్బంది సమయపాలన పాటిస్తూ ప్రజలకు మెరుగైన వై ద్యం అందించాలని ఆదేశించారు. ఈ కార్యక్రమంలో వైద్యాధికారి కీర్తి, పీహెచ్‌ఎన్‌ ఇంద్రావతి, ఎల్‌టీ కోరెం శ్రీనివాస్‌, హెచ్‌ఎస్‌ పద్మ, స్టాఫ్‌ నర్స్‌ లహరిక, ఎల్‌టీ అంజయ్య సిబ్బంది పాల్గొన్నారు.

ములుగు: నేడు (శనివారం) కలెక్టరేట్‌లో నిర్వహించనున్న ఇన్నోవేషన్‌ పంచాయతీ కార్యక్రమం వాయిదా పడినట్లు అదనపు కలెక్టర్‌ స్థానిక సంస్థలు సంపత్‌రావు శుక్రవారం ఒక ప్రకటనలో తెలిపారు. కార్యక్రమాన్ని తిరిగి నిర్వహించే తేదీ, వివరాలను తదుపరి తెలియజేస్తామన్నారు. ములుగు, మహబూబాబాద్‌, జయశంకర్‌ భూపాలపల్లి జిల్లాలకు చెందిన ఆవిష్కర్తలు ఈ మార్పును గమనించాలని కోరారు. న్యాయమైన డిమాండ్‌లు పరిష్కరించాలి ములుగు రూరల్‌: జాతీయ ఆరోగ్య మిషన్‌ ఉద్యోగుల న్యాయమైన డిమాండ్‌లను వెంటనే పరిష్కరించాలని ఏఐటీయూసీ జిల్లా అధ్యక్షుడు ముత్యాల రాజు డిమాండ్‌ చేశారు. ఈ మేరకు శుక్రవారం ఉద్యోగులు చేపడుతున్న సమ్మెకు ఆయన మద్దతు తెలిపి మాట్లాడారు. కోవిడ్‌ సమయంలో ఎన్‌హెచ్‌ఎం ఉద్యోగులు చేసిన సేవలు వెలకట్టలేనివన్నారు. ఉద్యోగులకు కనీస వేతనాలు అమలు చేపడంతో పాటు ఉద్యోగ భద్రత కల్పించాలన్నారు. ఈ కార్యక్రమంలో వైద్యుడు నరహరి, లోకప్రియ, భవ్య, తరుణ్‌, చందణ, సుహన, స్నిగ్ధ, పార్వతి, వెంకటేశ్వర్లు, కిరణ్‌కుమార్‌, అలివేలు, తదితరులు పాల్గొన్నారు. గంతలు కట్టుకొని నిరసన భూపాలపల్లి అర్బన్‌: ఎన్‌హెచ్‌ఎం ఉద్యోగుల న్యాయమైన డిమాండ్లను పరిష్కరించి, ఉద్యోగ భద్రత కల్పించాలని డిమాండ్‌ చేస్తూ చేపడుతున్న నిరవధిక సమ్మె శుక్రవారం నాటికి నాలుగో రోజుకు చేరింది. శుక్రవారం ఉద్యోగులు కళ్లకు గంతలు కట్టుకుని ప్రధాన రహదారి మీదుగా కలెక్టరేట్‌ వరకు నిరసన ర్యాలీ నిర్వహించారు. ప్రభుత్వం తమ సమస్యలను పరిష్కరించే వరకు ఐక్యంగా, శాంతియుతంగా పోరాటం కొనసాగిస్తామని ఎన్‌హెచ్‌ఎం జేఏసీ నాయకులు స్పష్టం చేశారు. ఈ కార్యక్రమంలో జిల్లా అధ్యక్షుడు బడితల రమేశ్‌, కార్యదర్శి మధుబాబు, వర్కింగ్‌ ప్రెసిడెంట్‌ వెంకటేశ్‌, వైస్‌ ప్రెసిడెంట్‌ డాక్టర్‌ రఘురాం, కోఆర్డినేటర్‌ ప్రవీణ్‌, డాక్టర్‌ జగదీశ్‌, సలహాదారులు శ్రీనివాస్‌, డాక్టర్‌ విజయ్‌, ఏఎన్‌ఎంలు వెంకటమ్మ, శ్రీలతలు పాల్గొన్నారు.ఉద్యోగాల భర్తీకి దరఖాస్తుల ఆహ్వానం ములుగు రూరల్‌: జాతీయ ఆయూష్‌ మిషన్‌ ఆధ్వర్యంలో ఉద్యోగాల భర్తీకి దరఖాస్తులు ఆహ్వానిస్తున్నట్లు ఆయుష్‌ నోడల్‌ అధికారి డాక్టర్‌ సునీత శుక్రవారం ఒక ప్రకటనలో తెలిపారు. జిల్లాలో జాతీయ ఆయుష్‌ మిషన్‌లో ప్రజాఆరోగ్య కార్యక్రమాల్లో విధులు నిర్వహించేందుకు 10 ఉద్యోగాలను కాంట్రాక్ట్‌ ప్రాతిపదికన భర్తీ చేయనున్నట్లు తెలిపారు. అర్హులైన అభ్యర్థులు ఈ నెల 19 నుంచి 31వ తేదీ వరకు సమీకృత కలెక్టరేట్‌ కార్యాలయ భవనంలోని జిల్లా వైద్య, ఆరోగ్యశాఖ కార్యాలయంలో దరఖాస్తులు సమర్పించాలన్నారు. అభ్యర్థులు 18 నుంచి 44 సంవత్సరాల వయసు కలిగి ఉండాలన్నారు. అర్హతలు, ఎంపిక విధానం, ఇతర నిబంధనలకు డబ్ల్యూడబ్ల్యూడబ్ల్యూ.ములుగు. తెలంగాణ.జీఓవి.ఇన్‌ లో పరిశీలించాలని సూచించారు. కుక్కల దాడిలో బాలికకు గాయాలు కన్నాయిగూడెం: కుక్కల దాడిలో ఓ బాలికకు గాయాలైన సంఘటన మండల పరిధి లోని ముప్పనపల్లిలో శుక్రవారం చోటు చేసుకుంది. గ్రామస్తుల కథనం ప్రకారం.. భూపాలపల్లి జిల్లా ఘనపురం మండలం ధర్మారావుపేటకు చెందిన ప్రణవి బతుకమ్మ పండుగకు అమ్మమ్మ ఇంటికి ముప్పనపల్లి గ్రామానికి వచ్చింది. శుక్రవారం ఇంటి ఆవరణలో ఆడుకుంటుండగా కుక్కలు ఒక్కసారిగా దాడి చేశాయి. దీంతో చిన్నారి చెంప మీద తీవ్ర గాయమైంది. గమనించిన గ్రామస్తులు 108లో ఏటూరునాగారం వైద్యశాలకు తరలించారు. ఈఎంటీ కుమ్మరి కల్యాణి, పైలెట్‌ సంతోష్‌లు ప్రాథమిక చికత్స అందించారు.

ములుగు: తెలంగాణ సంస్కృతీ సంప్రదాయాలకు ప్రతీక బతుకమ్మ పండుగ అని రాష్ట్ర పంచాయతీరాజ్‌, గ్రామీణాభివృద్ధి, గ్రామీణ నీటి సరఫరా, మహిళా శిశు సంక్షేమ శాఖల మంత్రి దనసరి అనసూయ సీతక్క అన్నారు. శుక్రవారం సమీకృత జిల్లా కార్యాలయాల సముదాయ ప్రాంగణంలో కలెక్టర్‌ బోర్ఖడే హేమంత్‌ సహదేవరావు అధ్యక్షతన నిర్వహించిన బతుకమ్మ సంబురాలకు మంత్రి ముఖ్యఅతిథిగా హాజరయ్యారు. గౌరమ్మకు ప్రత్యేక పూజలు నిర్వహించి ఉత్సవాలను ప్రారంభించారు. అనంతరం మహిళా అధికారులు, ఉద్యోగులతో కలిసి ఆడిపాడారు. అనంతరం మంత్రి మాట్లాడుతూ ఏ స్థాయిలో ఉన్నా మన పూర్వీకుల నుంచి వచ్చిన సంస్కృతీ, సాంప్రదాయాలను కాపాడుకోవాలన్నారు. ఈ కార్యక్రమంలో ఎస్పీ సుధీర్‌ రామ్‌నాథ్‌ కేకన్‌, అదనపు కలెక్టర్లు సిహెచ్‌ మహేందర్‌ జీ, సంపత్‌ రావు, మున్సిపాలిటీ చైర్‌పర్సన్‌ చింతనిప్పుల చంద్రకళ, జిల్లా గ్రంథాలయ సంస్థ చైర్మన్‌ బానోతు రవిచందర్‌, మార్కెట్‌ కమిటీ చైర్మన్‌ రేగ కల్యాణి, మున్సిపల్‌ వైస్‌ చైర్‌పర్సన్‌ ఆసియా షాహిన్‌, రాష్ట్ర పంచాయతీ రాజ్‌ డైరెక్టర్‌ భగవాన్‌ రెడ్డి, కౌన్సిలర్లు, జిల్లా అధికారులు, సిబ్బంది పాల్గొన్నారు. మంత్రి సీతక్క కలెక్టరేట్‌లో బతుకమ్మ సంబురాలు

కాశిబుగ్గ: వరంగల్‌ ఎంజీఎం స్థానంలో నిర్మిస్తున్న 24 అంతస్తుల సూపర్‌ స్పెషాలిటీ ఆస్పత్రిలో దసరా కానుకగా ఓపీ సేవలు ప్రారంభించనున్న నేపథ్యంలో పరిశీలించడానికి మంత్రులు పొంగులేటి శ్రీనివాసరెడ్డి, సీతక్కలు శనివారం మరోసారి రానున్నట్లు తెలిసింది. గురువారం పరిశీలించిన మంత్రులు ఓపీ సేవల కోసం అన్ని ఏర్పాట్లు చేయాలని ఆదేశించిన విషయం తెలిసిందే. ప్రారంభోత్సవం సందర్భంగా రోగులకు ఇబ్బందులు తలెత్తకుండా ఏర్పాట్లను మరోసారి పరిశీలనకు వస్తున్నట్లు సమాచారం. మంత్రులు నేరుగా సూపర్‌ హాస్పిటల్‌ భవనానికి చేరుకుని, వైద్యాధికారులతో కలిసి పరిశీలన చేయనున్నారు. అనంతరం అధికారులతో సమీక్ష చేయనున్నట్లు తెలుస్తోంది. అందుబాటులో ఎక్స్‌రే, ఆల్ట్రా సౌండ్‌ పరీక్షలు ఓపీ సేవల కోసం వచ్చిన ప్రజల అవసరాన్ని బట్టి ఎక్స్‌రే, ఆల్ట్రా సౌండ్‌, ఫార్మసీ సేవలను అందుబాటులో ఉంచారు. మిగతా ఏర్పాట్లను కూడా చకచకా చేస్తున్నారు. బ్లడ్‌ టెస్ట్‌లకు మాత్రం ఇక్కడ శ్యాంపిల్స్‌ తీసుకుని, ఎంజీఎంలో చేస్తారని సమాచారం. ఇక సీటీ స్కాన్‌, ఎంఆర్‌ఐతో అడ్మిట్‌ కావాల్సి వస్తే వారిని తరలించేందుకు అందుబాటులో ఉన్న అంబులెన్స్‌లతో పాటు ఆర్టీసీ రెండు బస్‌లను ఉపయోగించుకోవాలనే ప్రతిపాదనలతో ఉన్నట్లు సమాచారం. వారంలో ఎంజీఎం ఓపీ సేవలివే.. సాధారణంగా ఓపీ వైద్యసేవలు ఉదయం 8 నుంచి మధ్యాహ్నం 12 గంటల వరకు ఉంటుంది. ప్రతీ ఆదివారం, స్వాతంత్య్ర దినోత్సవం, రిపబ్లిక్‌ దినోత్సవం రోజుల్లో ఓపీ సేవలు బంద్‌ చేస్తారు. ప్రస్తుతం సోమవారం, మంగళవారం తప్ప మిగతా రోజుల్లో ఆర్థోపెడిక్‌, మెడికల్‌, సర్జికల్‌, సైకియాట్రి, పిడియాట్రిక్స్‌, ఈఎన్‌టీ, డెర్మటాలజీ సేవలు, మంగళవారం ప్లాస్టిక్‌ సర్జరీ సేవలను అందించడానికి వైద్యులు అందుబాటులో ఉంటారు. సూపర్‌ స్పెషాలిటీలో.. ప్రతీ సోమ, బుధవారాల్లో సిటీ వ్యాస్కులర్‌ సర్జరీ, గ్యాస్ట్రో, మెడికల్‌ అంకాలజీ, సర్జికల్‌ అంకాలజీ, ప్రతీ మంగళ, గురువారాల్లో న్యూరాలజీ, న్యూరో సర్జరీ, నెఫ్రాలజీ, యూరాలజీ, పిడియాట్రిక్‌ సర్జరీ సేవలు అందిస్తారు. ప్రతీ శుక్రవారం, శనివారం రోజుల్లో ఆయా స్పెషాలిటీలకు సంబంధించిన వైద్యసేవలను రిప్యూ చేస్తారు. హోమియోపతి, యూనానీ సేవలు కూడా... ఎంజీఎంలో ఉన్న హోమియోపతి, యూనాని వైద్య సేవలు కూడా సూపర్‌లో అందించనున్నారు. ఈ సేవలు ఉదయం 9నుంచి సాయంత్రం 4 గంటల వరకు ప్రతీరోజు అందుబాటులో ఉంటాయి. మధ్యాహ్నం ఒంటిగంట నుంచి 2 గంటల వరకు లంచ్‌ అవర్‌ ఉంటుంది. రానున్న మంత్రులు పొంగులేటి, సీతక్క పెండింగ్‌ పనులపై సమీక్షించే అవకాశం అందుబాటులో ఎక్స్‌రే, ఆల్ట్రాసౌండ్‌, ఈసీజీ పరీక్షలు రక్త నమూనాలు ఇక్కడ.. పరీక్షలు ఎంజీఎంలో..

గతంలో ఇందిరమ్మ ఇల్లు అసంపూర్తిగా నిర్మాణం చేసుకున్న, రూప్‌లెవల్‌ కాంక్రీట్‌ స్లాబ్‌ కావాల్సిన లబ్ధిదారులు స్థానిక గ్రామ పంచాయతీ, హౌసింగ్‌ ఏఈలకు, సర్పంచ్‌లకు దరఖాస్తు చేసుకోవాల్సి ఉంది. ఇలా దరఖాస్తు చేసుకున్న వారి వివరాలను పరిశీలించి, ఇంటిని తనిఖీ చేసి రూప్‌లెవల్‌ కాంక్రీట్‌ స్లాబ్‌ యూనిట్‌ను మంజూరు చేయనున్నారు. ఇప్పటికై నా జిల్లాలో ఎవరైనా ఎల్‌–3లో ఉన్న లబ్ధిదారులు సదరు గ్రామ పంచాయతీల్లో దరఖాస్తు చేసుకోవాలని కోరుతున్నారు. ● ఇందిరమ్మ ఇల్లు రాని, ఎల్‌–3 కేటగిరీలో ఉన్న వారికి మరోచాన్స్‌ ● జిల్లాకు 500 యూనిట్లు మంజూరు ● ఇప్పటి వరకు 250 దరఖాస్తులుఎక్కడ దరఖాస్తు చేసుకోవాలి?ఏటూరునాగారం: జిల్లాలో ఇందిరమ్మ ఇల్లు రాని వారికి, ఎల్‌–3 కేటగిరీలో ఉన్న లబ్ధిదారులకు ప్రభుత్వం మరో అవకాశం కల్పించింది. ప్రభుత్వం, హౌసింగ్‌ కార్పొరేషన్‌ (పంచాయతీ రాజ్‌) అధికారులు లబ్ధిదారులకు సరైన అవగాహన కల్పించకపోవడంతో అర్హులైన లబ్ధిదారుల నుంచి దరఖాస్తులు అరకొరగా వచ్చాయి. జిల్లాలో తొలిదశలో గోడలు, పిల్లర్లు ఉండి కాంక్రీట్‌ స్లాబ్‌ లేనివారు, గతంలో ఇందిరమ్మ ఇల్లు అసంపూర్తిగా నిర్మాణం చేసుకున్న వారికి బిలో పావర్టీ ఉన్న లబ్ధిదారులకు రూప్‌లెవల్‌ కాంక్రీట్‌ స్లాబ్‌ వేసుకునేందుకు అవకాశం కల్పించింది. రూ.2లక్షల నిధులతో పాత ఇంటి గోడలు, పాత పిల్లర్లపై స్లాబ్‌ వేసుకునే వెసులుబాటు కల్పించి వారికి ఇందిరమ్మ యూనిట్‌ను అందించనుంది. ఇందుకు గ్రామ పంచాయతీ కార్యదర్శి, హౌసింగ్‌ ఏఈలు ప్రత్యేక సర్వే చేసి లబ్ధిదారుల వివరాలను ఆన్‌లైన్‌లో అప్‌లోడ్‌ చేయాల్సి ఉంది. ఎల్‌–3 కేటగిరీ అంటే? ఇందిరమ్మ ఇల్లు పథకంలో భాగంగా ప్రభుత్వం ఎల్‌–1, 2, 3 కేటగిరీలుగా విభజించింది. ఇందులో ఎల్‌–3 కేటగిరీ అంటే మొదటి రెండు విడతల్లో ఇందిరమ్మ ఇల్లు రాని అర్హులైన నిరుపేదలు, గతంలో ఇందిరమ్మ ఇల్లు లబ్ధిపొంది అసంపూర్తి నిర్మాణం చేసుకున్న వారికి ప్రభుత్వం మరో అవకాశం కల్పించింది. జిల్లాకు 500 యూనిట్లు మంజూరు జిల్లాలోని 9 మండలాల్లో ఉన్న ఇందిరమ్మ ఎల్‌–3 లబ్ధిదారులకు 500 యూనిట్లు ఇచ్చేందుకు ప్రభుత్వం అనుమతి ఇచ్చింది. గతంలో ఇందిరమ్మ ఇల్లు, ఎల్‌–3 కేటగిరీలో ఉన్న వారికి రూ.2 లక్షల యూనిట్‌ను అందించడానికి ప్రభుత్వం అవకాశం కల్పించింది. గ్రామ పంచాయతీల వారీగా దరఖాస్తులను స్వీకరించి వాటిని మంజూరు చేసేందుకు అధికార యంత్రాంగం ప్రత్యేక చర్యలు చేపట్టింది.

గణపురం: శుక్రవారం సందర్భంగా మండలకేంద్రంలోని కాకతీయుల కళాక్షేత్రం కోటగుళ్లలో ప్రత్యేక పూజలు నిర్వహించారు. ఆలయ అర్చకుడు నాగరాజు ఆధ్వర్యంలో స్వామి వారికి ప్రత్యేక అభిషేకాలు, పూజలు నిర్వహించారు. అనంతరం స్వామి వారిని ప్రత్యేకంగా అలంకరించారు. భక్తులు పెద్దఎత్తున స్వామి వారిని దర్శించుకున్నారు. ‘సింగరేణి సంఘం కార్యాలయాన్ని కూల్చొద్దు’ భూపాలపల్లి అర్బన్‌: రోడ్డు విస్తరణ పేరుతో తెలంగాణ సింగరేణి ఉద్యోగుల సంఘం కార్యాలయాన్ని కూల్చే ప్రయత్నాలను విరమించుకోవాలని సంఘం రాష్ట్ర అధ్యక్షుడు కామెర గట్టయ్య ఎమ్మెల్యే గండ్ర సత్యనారాయణరావును కోరారు. శుక్రవారం యూనియన్‌ కార్యాలయంలో నిర్వహించిన విలేకరుల సమావేశంలో ఆయన మాట్లాడారు. 200 అడుగుల రోడ్డు విస్తరణపై పునరాలోచించి కార్యాలయాల కూల్చివేతను నిలిపివేయాలని విజ్ఞప్తి చేశారు. ఈ నెల 9న ఉపముఖ్యమంత్రి భట్టి విక్రమార్కను కలిసి కార్యాలయాన్ని కూల్చవద్దని వినతిపత్రం అందజేసినట్లు తెలిపారు. ఈ సమావేశంలో సంఘం ప్రధాన కార్యదర్శి మిట్టపల్లి కుమారస్వామి, వర్కింగ్‌ ప్రెసిడెంట్‌ నేరేటి రాజన్న, ప్రజాసంఘాల నాయకులు పాల్గొన్నారు.

ములుగు రూరల్‌: ప్రభుత్వం రైతులకు నిరంతర, నాణ్యమైన విద్యుత్‌ సరఫరా చేయాలని బీజేపీ జిల్లా అధ్యక్షుడు బలరాం అన్నారు. శుక్రవారం కిసాన్‌ మోర్చా ఆధ్వర్యంలో సబ్‌స్టేషన్‌ ముట్టడి చేపట్టగా ఆయన ముఖ్యఅతిథిగా హాజరై మాట్లాడారు. కాంగ్రెస్‌ ప్రభుత్వం ఎన్నికల సమయంలో రైతులకు 24 గంటల కరెంటు అందిస్తామని హామీ ఇచ్చి ఇప్పడు 12 గంటలు మాత్రమే అందిస్తుందని ఆరో పించారు. విద్యుత్‌ కోతలతో పంటలు ఎండిపోతున్నాయని, ఎండిన పంటలకు నష్ట పరిహారం చెల్లించాలన్నారు.కార్యక్రమంలో నాయకులు జాడి రామరాజు, భర్తపురం నరేష్‌, వెంకటేశ్వర్లు, మాదరి శ్రీకాంత్‌, బుచ్చయ్య, నాగరాజు, వెంకన్న, రాజశేకర్‌, సారయ్య, అనిల్‌, నవీన్‌, వెంకటేశ్‌, ప్రశాంత్‌, మమన్‌యాదవ్‌ పాల్గొన్నారు.

భూపాలపల్లి: విద్యార్థులు సైబర్‌ నేరాల పట్ల అప్రమత్తంగా ఉండాలని ఎస్పీ సిరిశెట్టి సంకీర్త్‌ సూచించారు. సైబర్‌ నేరాలు, ఆన్‌లైన్‌ మోసాలపై శుక్రవారం భూపాలపల్లి పట్టణంలోని సింగరేణి కమ్యూనిటీ హాల్‌లో విద్యార్థులకు అవగాహన కల్పించారు. ఈ సందర్భంగా జిల్లా ఎస్పీ మాట్లాడుతూ.. ప్రస్తుత డిజిటల్‌ యుగంలో సైబర్‌ నేరాలు పెరుగుతున్న నేపథ్యంలో విద్యార్థులు ఇంటర్నెట్‌, సోషల్‌ మీడియాను బాధ్యతాయుతంగా వినియోగించాలని సూచించారు. అపరిచిత వ్యక్తుల నుంచి వచ్చే లింకులను క్లిక్‌ చేయవద్దని చెప్పారు. ఓటీపీలు, బ్యాంకు ఖాతా వివరాలు, వ్యక్తిగత ఫొటోలు, పాస్‌వర్డ్‌లను ఇతరులతో పంచుకోవద్దని తెలి పారు. ఆన్‌లైన్‌లో పరిచయమైన వ్యక్తులను గుడ్డిగా నమ్మవద్దని, సైబర్‌ నేరగాళ్లు చెప్పే ఆకర్షణీయమైన ఆఫర్లు, అధిక లాభాల ఆశలకు లోనుకావద్దన్నారు. విద్యార్థులు సైబర్‌ నేరాలపై అవగాహన పెంపొందించుకోవడంతో పాటు తమ కుటుంబ సభ్యులకు, స్నేహితులకు కూడా ఈ విషయాలపై అవగాహన కల్పించాలని సూచించారు. ఎవరైనా సైబర్‌ ఆర్థిక మోసానికి గురైతే ఆలస్యం చేయకుండా వెంటనే 1930 హెల్ప్‌లైన్‌ నంబర్‌కు ఫిర్యాదు చేయాలని తెలిపారు. ఈ కార్యక్రమంలో అడిషనల్‌ ఎస్పీ నరేష్‌కుమార్‌, పోలీసు అధికారులు పాల్గొన్నారు. ఎస్పీ సిరిశెట్టి సంకీర్త్‌

మంగపేట: జిల్లాలో దేవీ శరన్నవరాత్రి ఉత్సవాలు కొనసాగుతున్నాయి. మండలంలోని వివిధ గ్రామాల్లో దుర్గాదేవి అమ్మవారు చదువుల తల్లి సరస్వతీదేవి అలంకరణలో శుక్రవారం భక్తులకు దర్శనమిచ్చింది. ఉత్సవ కమిటీ నిర్వాహకులు ఆరవ రోజు మూలా నక్షత్రం సందర్భంగా సరస్వతీదేవిగా అలంకరించి ప్రత్యేక పూజా కార్యక్రమాలను నిర్వహించారు. ఈ సందర్భంగా మండలకేంద్రంలోని ఉమా చంద్రశేఖరస్వామి ఆలయంలో అర్చకులు విస్సావజ్జుల నరేష్‌శర్మ ఉమాదేవి అమ్మవారి విగ్రహ ప్రతిమను సరస్వతీదేవి రూపంలో అలంకరించి ప్రత్యేక పూజలు నిర్వహించారు. పలుగ్రామాల్లో భక్తులకు దేవీనవరాత్రి ఉత్సవాల భక్తమండలి ఆధ్వర్యంలో అన్నప్రసాద వితరణ కార్యక్రమాన్ని నిర్వహించి, తీర్థ ప్రసాదాలను అందించారు. మరిన్ని ఫొటోలు IIIలో...

హన్మకొండ కల్చరల్‌: వరంగల్‌ నగరంలోని శ్రీభద్రకాళి దేవాలయానికి రెండేళ్లకాలానికి 11మంది సభ్యులతో ధర్మకర్తల మండలి ఏర్పాటు చేసినట్లు ముఖ్యమంత్రి కార్యాలయంనుంచి గత సోమవారం ఉత్తర్వులు జారీ చేశారు. 2012లో ధర్మకర్తల మండలి ఏర్పాటు చేయగా 2014 వరకు కొనసాగింది. అనంతరం 11 ఏళ్లుగా పాలకమండలి లేదు. గతేడాది రాష్ట్ర ప్రభుత్వ ఆదేశానుసారం రాష్ట్ర దేవాదాయ ధర్మాదాయశాఖ 2025, జూన్‌11న ఏడాదికాలానికి వంశపారంపర్యేతర ధర్మకర్తల మండలి ఏర్పాటు చేసింది. తాజాగా పూర్తిస్థాయి నూతన ధర్మకర్తల మండలిని నియమించింది. మండలిలో కమటం వేణుగోపాల్‌, కల్లూరి పవన్‌కుమార్‌, కటకం రాములు, కరేంగుల సురేష్‌బాబు, గదే శ్రవణ్‌కుమార్‌ రెడ్డి, చిదర అంజనీ, మాడిశెట్టి సతీష్‌, పేరాల శ్రీనివాస్‌రావు, రమేష్‌ చంద్‌ బ్యాంగ్‌, చింతలపాని వాసవీరెడ్డి, మోత్కూరి మయూరీలు సభ్యులుగా ఉన్నారు. ధర్మకర్తలు ప్రమాణస్వీకారం చేసిన తేదీనుంచి రెండేళ్లపాటు పదవిలో కొనసాగుతారు. మైన్స్‌శాఖలో పదోన్నతులు సాక్షిప్రతినిధి, వరంగల్‌: రాష్ట్ర గనులు, భూగర్భ వనరుల శాఖలో పదోన్నతులు, పోస్టింగ్‌లు కల్పిస్తూ రాష్ట్ర ప్రభుత్వం ఉత్తర్వులు జారీ చేసింది. 2025–26 ప్యానల్‌ సంవత్సరానికి సంబంధించి ఇద్దరు అసిస్టెంట్‌ డైరెక్టర్లకు డిప్యూటీ డైరెక్టర్లుగా తాత్కాలికంగా పదోన్నతి కల్పించింది. అందులో బి.గోవిందరాజును వరంగల్‌లోని డిప్యూటీ డైరెక్టర్‌ ఆఫ్‌ మైన్స్‌ అండ్‌ జియాలజీ కార్యాలయంలో పూర్తికాలపు డిప్యూటీ డైరెక్టర్‌గా నియమించారు. ఈ మేరకు పరిశ్రమలు, వాణిజ్య శాఖ జీఓ ఆర్టీ నంబర్‌ 185 ద్వారా బుధవారం ఉత్తర్వులు జారీ అయ్యాయి. వరంగల్‌ ఇన్‌చార్జ్‌ డిప్యూటీ డైరక్టర్‌గా ఉన్న జయరాజుపై ఆగస్టు 27న ఆదాయానికి మించిన ఆస్తుల ఆరోపణలపై ఏసీబీ దాడులు జరిపిన విషయం తెలిసింది. ఆ తర్వాత ఆయన సస్పెన్షన్‌కు గురికాగా, వనపర్తి అసిస్టెంట్‌ డైరక్టర్‌గా ఉన్న బి.గోవిందరాజును ఇన్‌చార్జ్‌ డీడీగా నియమించారు. తెలంగాణ రాష్ట్ర, సబార్డినేట్‌ సర్వీస్‌ నిబంధనలు – 1996లోని రూల్‌ 10(ఏ) ప్రకారం కల్పించిన పదోన్నతుల్లో భాగంగా పూర్తికాలపు డిప్యూటీ డైరెక్టర్‌గా నియమించారు. సీసీ రోడ్డు పనులు ప్రారంభం ములుగు రూరల్‌: ములుగు మున్సిపాలిటీ పరిధిలోని గణేశ్‌లాల్‌పల్లి నుంచి జీవింతరావుపల్లి వరకు సీసీ రోడ్డు పనులను జిల్లా గ్రంథాలయ సంస్థ చైర్మన్‌ బానోత్‌ రవిచందర్‌ ప్రారంభించారు. ఈ మేరకు బుధవారం రోడ్డు పనులకు కొబ్బరికాయకొట్టి పనులు ప్రారంభించారు. ఈ సందర్భంగా ఆయన మాట్లాడుతూ సీసీ రోడ్డు నిర్మాణ పనులకు రూ.8.50కోట్లు మంజూరు అయినట్లు తెలిపారు. రోడ్డు పనులను నాణ్యతా ప్రమాణాలు పాటిస్తూ త్వరితగతిన పూర్తి చేయాలని ఆదేశించారు. ఈ కార్యక్రమంలో జిల్లా కాంగ్రెస్‌ పార్టీ అధికార ప్రతినిధి చింతనిప్పుల భిక్షపతి, మున్సిపల్‌ కమిషనర్‌ సంపత్‌, కౌన్సిలర్లు ఆలోత్‌ పద్మ, ఓంప్రకాశ్‌, మార్కెట్‌ కమిటీ డైరెక్టర్‌ దేవ్‌సింగ్‌, చాంద్‌పాషా, వంశీ, అభినయ్‌, రాకేశ్‌, సమ్మయ్య, తిరుపతిరెడ్డి, తదితరులు పాల్గొన్నారు. గ్రామీణ వైద్యులకు శిక్షణ ఇవ్వాలి గోవిందరావుపేట: మారుమూల గ్రామాల్లో పేదలకు ప్రథమ చికిత్స అందిస్తున్న అర్హులైన ఆర్‌ఎంపీ, పీఎంపీలకు ప్రభుత్వం శిక్షణ ఇచ్చి జీవనోపాధి కల్పించాలని యూనియన్‌ జిల్లా అధ్యక్షుడు జన్నారపు రమేశ్‌ ప్రభుత్వాన్ని కోరారు. ఈ మేరకు మండల కేంద్రంలో ఆదరణ గ్రామీణ వైద్యుల మండల అధ్యక్షుడు బొబ్బ మధుసూధన్‌రెడ్డి ఆధ్వర్యంలో బుధవారం సమావేశం నిర్వహించారు. ఈ సందర్భంగా యూనియన్‌ నూతన జిల్లా అధ్యక్షుడు జన్నారపు రమేశ్‌ను ఆర్‌ఎంపీ, పీఎంపీలు ఘనంగా సన్మానించారు. ఈ సందర్భంగా రమేశ్‌ మాట్లాడుతూ వైద్య సదుపాయాలు అందుబాటులో లేని మారుమూల ప్రాంతాల్లో గ్రామీణ వైద్యులు ఎంతో శ్రమించి పేదలకు ప్రథమ చికిత్స అందిస్తున్నారని తెలిపారు. గతంలో దివంగత ముఖ్యమంత్రి వైఎస్‌ రాజశేఖర రెడ్డి ఆర్‌ఎంపీలకు శిక్షణ ఇచ్చి జీవనోపాధికి కల్పించే చర్యలు చేపట్టారని గుర్తుచేశారు. అనంతరం ప్రభుత్వాలు మారుతున్నా ఈ వ్యవస్థ ను పట్టించుకోవడం లేదని ఆవేదన వ్యక్తం చేశారు.

ఏటూరునాగారం: విద్యుత్‌ కోతలతో పాటు ట్రాన్స్‌ఫార్మర్‌ రిపేరుతో అధికారులు కాలయాపన చేస్తున్న తీరుపై బుధవారం సాక్షిలో సాగునీటి కష్టాలు శీర్షికన కథనం ప్రచురితమైంది. ఈ విషయంపై విద్యుత్‌శాఖ డీఈ పురుషోత్తం స్పందించి వెంటనే ట్రాన్స్‌ఫార్మర్‌ను రైతులకు అందజేశారు. నిరంతరం విద్యుత్‌ సరఫరా చేసేందుకు శాఖాపరమైన చర్యలు తీసుకుంటామని తెలిపారు. వరిపంటకు కావాల్సినంత నీటిని అందించాలని,అందుకు అను గుణంగా సరఫరా ఇవ్వాలని రైతులు కోరుతున్నారు. విద్యత్‌శాఖ అధికారులు అందజేసిన ట్రాన్స్‌ఫార్మర్‌ను ఎడ్లబండిలో కట్టుకొని పొలం వద్దకు తరలించారు. విద్యుత్‌శాఖ సిబ్బంది, రైతులు కలిసి దానిని అమర్చి విద్యుత్‌ సరఫరాను పునరుద్ధరించారు.

ములుగు రూరల్‌: నిరంతర విద్యుత్‌ సరఫరాకు టీజీఎన్‌పీడీసీఎల్‌ ప్రత్యేక చర్యలు చేపడుతుందని సీఎండీ కర్నాటి వరుణ్‌రెడ్డి అన్నారు. జిల్లాలోని పలు విద్యుత్‌ సబ్‌స్టేషన్లను ఆయన బుధవారం పరిశీలించి మాట్లాడారు. ఎల్‌నినో ప్రభావంతో విద్యుత్‌ డిమాండ్‌ బాగా పెరిగిందన్నారు. వ్యవసాయ అవసరాలకు, ఏసీలకు, కూలర్లకు వినియోగంతో విద్యుత్‌ వినియోగం బాగా పెరిగిందని వెల్లడించారు. రాబోయే సీజన్‌లో విద్యుత్‌ డిమాండ్‌ మరింత పెరిగే అవకాశాలను దృష్టిలో పెట్టుకుని విద్యుత్‌ సరఫరాలో అంతరాయాలు తలెత్తకుండా అవసరమైన చర్యలు తీసుకుంటామని వివరించారు. రైతులు, గృహ వినియోగదారులు, వాణిఽజ్య విద్యుత్‌ వినియోగదారులకు ఇబ్బందులు కలుగకుండా నాణ్యమైన విద్యుత్‌ నిరంతరం అందించేందుకు సమన్వయంతో పనిచేయాలని తెలిపారు. 11కేవీ ఫీడర్లపై విద్యుత్‌ అంతరాయాలు ఏర్పడినప్పుడు సంబందిత సిబ్బంది వెంటనే స్పందించి లోపాలను గుర్తించి మరమ్మతులు చేయాలని విద్యుత్‌ అధికారులను ఆదేశించారు. ఈ కార్యక్రమంలో ములుగు సర్కిల్‌ ఎస్‌ఈ భిక్షపతి, డీఈ రాజు, తదితరులు పాల్గొన్నారు. విద్యుత్‌ సబ్‌స్టేషన్‌ తనిఖీ మంగపేట : మండల పరిధిలోని మంగపేట, మల్లూరులోని 33/11 కేవీ విద్యుత్‌ సబ్‌స్టేషన్లను టీజీఎన్పీడీసీఎల్‌ సీఎండి కర్నాటి వరుణ్‌రెడ్డి క్షేత్రస్థాయిలో బుధవారం తనిఖీ చేసి రికార్డులు పరిశీలించారు. ఈ సందర్బంగా సబ్‌స్టేషన్ల నిర్వహణ, విద్యుత్‌ పరికరాల పనితీరు , ప్రస్తుత విద్యుత్‌ సరఫరా పరిస్థితులను అడిగి తెలుసుకున్నారు. ఎల్‌నినో ప్రభావంతో ఉష్ణోగ్రతలు పెరగడం, వ్యవసాయానికి విద్యుత్‌ అధిక వినియోగంతో విద్యుత్‌ డిమాండ్‌ గణనీయంగా పెరుగుతోందని వెల్లడించారు. 11 కేవీ ఫీడర్లపై అంతరాయాలు ఏర్పడితే త్వరగా మరమ్మతులు చేపట్టాలని సూచించారు. క్షేత్రస్థాయిలో దెబ్బతిన్న డిస్ట్రిబ్యూషన్‌ ట్రాన్స్‌ఫార్మర్లను తక్షణమే మార్చి పంటలకు నష్టం కలుగకుండా అవసరమైన చర్యలు చేపట్టాలన్నారు. సీఎండీ వరుణ్‌రెడ్డి

ములుగు: మహిళలు, బాలికల భద్రత, రక్షణ, సాధికారతకు ప్రాధాన్యతనిస్తూ సురక్షితమైన సమగ్ర పట్టణాల అభివృద్ధికి చేపట్టనున్న ప్రయోగాత్మక ప్రాజెక్టు నిర్భయ నిధి కింద ములుగు జిల్లా ఎంపికై ంది. ఈ ప్రాజెక్టు అమలు, కార్యాచరణ ప్రణాళికపై కేంద్ర మహిళా శిశు సంక్షేమ మంత్రిత్వ శాఖ ఆధ్వర్యంలో బుధవారం న్యూఢిల్లీలో నిర్వహించిన సమీక్ష సమావేశానికి కలెక్టర్‌ భోర్ఖడే హేమంత్‌ సహదేవరావు, జిల్లా సంక్షేమ అధికారి ప్రేమలత హాజరయ్యారు. ఈ సమావేశంలో ప్రాజెక్టు అమలుకు అవసరమైన ప్రణాళికలు, వివిధ శాఖల భాగస్వామ్యం, మౌలిక సదుపాయాల కల్పన, మహిళలు, బాలికల భద్రతకు చేపట్టాల్సిన చర్యలు తదితర అంశాలపై సమీక్షించారు. ఈ మేరకు జిల్లాలో ప్రతిపాదిత కార్యక్రమాలు, సంబంధిత శాఖల సమన్వయం, భవిష్యత్‌ కార్యాచరణపై చర్చించారు. ఈ ప్రాజెక్టు ద్వారా మహిళలు, బాలికలకు సురక్షితమైన ప్రజా ప్రదేశాలను అభివృద్ధి చేయడంతో పాటు వారి అవసరాలకు అనుగుణంగా మౌలిక సదుపాయాలను కల్పించనున్నారు. సమాన అవకాశాలు, సౌకర్యవంతమైన వాతావరణం కల్పిస్తూ వారి సామాజిక, ఆర్థిక అభివృద్ధికి ప్రోత్సాహం అందించనున్నారు. భద్రతపై అవగాహన కార్యక్రమాలు, మహిళల సాధికారత, ప్రభుత్వ శాఖల సమన్వయానికి ప్రాధాన్యత ఇవ్వనున్నారు. మహిళా ఉద్యోగులు, అసంఘటిత రంగాల్లో పనిచేసే మహిళలు తమ సమస్యలు, అభివృద్ధి ప్రణాళికలు, విజయాలు, భవిష్యత్‌ కార్యాచరణపై చర్చించుకునేందుకు అనువైన వేదికను కల్పించే అంశాన్ని కూడా ప్రాజెక్టు ప్రణాళికలో పరిశీలించనున్నారు. ఇందుకోసం ‘నిర్భయ సదన్‌’ వంటి ప్రతిపాదిత కార్యక్రమాలను పరిశీలించనున్నారు. జిల్లా ఈ ప్రాజెక్టుకు ఎంపిక కావడంతో మహిళలు, బాలికలకు సురక్షితమైన వాతావరణం కల్పించేందుకు జిల్లా యంత్రాంగం కృషి చేస్తుందని కలెక్టర్‌ వెల్లడించారు. న్యూఢిల్లీలో సమీక్ష సమావేశానికి హాజరైన కలెక్టర్‌ హేమంత్‌ సహదేవరావు

ములుగు: జనగణన–2027 రెండో దశ జనాభా గణనను పకడ్బందీగా నిర్వహించేందుకు అధికారులు, సిబ్బంది తమ విధులపై పూర్తి అవగాహన పెంచుకోవాలని అదనపు కలెక్టర్‌(రెవెన్యూ) సీహెచ్‌. మహేందర్‌జీ సూచించారు. జనగణన విధుల్లో భాగంగా ఛార్జ్‌ క్లర్కులు, సాంకేతిక సహాయకులకు బుధవారం నిర్వహించిన శిక్షణ ముగింపు కార్యక్రమంలో అదనపు కలెక్టర్‌ పాల్గొని సిబ్బందికి పలు సూచనలు చేశారు. ఈ సందర్భంగా ఆయన మాట్లాడుతూ సాంకేతిక శిక్షణను సద్వినియోగం చేసుకొని, జనగణన వివరాల నమోదులో తప్పులు దొర్లకుండా చర్యలు తీసుకోవాలని తెలిపారు. గతంలో కాగితాలపై నమోదు చేసిన జనగణన వివరాలను ఈసారి ప్రత్యేక మొబైల్‌ యాప్‌ ద్వారా సేకరించనున్నందున సంబంధిత సాంకేతిక అంశాలపై పూర్తి అవగాహన కలిగి ఉండాలని సూచించారు. ఈ కార్యక్రమంలో కలెక్టరేట్‌ పర్యవేక్షకురాలు మంజుల, ములుగు ముఖ్య ప్రణాళిక అధికారి, కార్యాలయ గణాంక అధికారి భూక్య లాల్‌నాయక్‌, సంబంధిత అధికారులు, సిబ్బంది పాల్గొన్నారు. అదే విధంగా తెలంగాణ గెజిటెడ్‌ అధికారుల సంఘం ఆధ్వర్యంలో నిర్వహించనున్న బతుకమ్మ ఉత్సవాల పోస్టర్‌ను జిల్లా అధికారులతో కలిసి ఆయన ఆవిష్కరించారు. ఈ సందర్భంగా ఆయన మాట్లాడుతూ బతుకమ్మ పండుగ తెలంగాణ మహిళల ఆత్మగౌరవానికి ప్రతీకగా నిలుస్తుందన్నారు. అలాంటి బతుకమ్మ సంబురాలను ఘనంగా నిర్వహించాలని అధికారులను ఆదేశించారు. అదనపు కలెక్టర్‌ మహేందర్‌జీ

సాక్షి ప్రతినిధి, వరంగల్‌: పట్టభద్రుల ఎమ్మెల్సీ ఎన్నికలకు తెరలేవకముందే రాజకీయ పార్టీల్లో సందడి మొదలైంది. వరంగల్‌–ఖమ్మం–నల్లగొండ పట్టభద్రుల నియోజకవర్గంపై ప్రధాన పార్టీలు ఇప్పటి నుంచే దృష్టి సారించాయి. అభ్యర్థుల ఎంపికతో పాటు ఓటర్ల న మోదును కూడా ప్రతిష్టాత్మకంగా తీసుకుంటున్నా యి. అర్హత ఉన్న ప్రతి పట్టభద్రుడి పేరును ఓటరు జాబితాలో చేర్పించేందుకు కాంగ్రెస్‌, బీఆర్‌ఎస్‌, బీజేపీశ్రేణులు పోటాపోటీగా కసరత్తు చేస్తున్నాయి. మూడు పార్టీల అభ్యర్థులు ఖరారు.. పట్టభద్రుల ఎమ్మెల్సీ స్థానానికి కాంగ్రెస్‌ రాంరెడ్డి సర్వోత్తమ్‌రెడ్డి పేరు, బీఆర్‌ఎస్‌ ఏనుగుల రాకేశ్‌రెడ్డి, జనసేన మాజీ డీహెచ్‌ (డైరెక్టర్‌ ఆఫ్‌ హెల్త్‌) గడల శ్రీనివాసరావును ఖరారు చేసింది. దీంతో మూడు పార్టీల్లో ఎన్నికల సందడి మొదలైంది. అధికార కాంగ్రెస్‌ పార్టీ ఈ ఎన్నికను ప్రతిష్టాత్మకంగా తీసుకుంటోంది. మూడు ఉమ్మడి జిల్లాల పరిధిలోని పార్టీ యంత్రాంగాన్ని సమన్వయం చేసుకుంటూ ముందుకు వెళ్లాలని భావిస్తోంది. బీఆర్‌ఎస్‌ తన కేడర్‌ను పూర్తిస్థాయిలో రంగంలోకి దించి, గత ఎన్నికల అనుభవాన్ని ఉపయోగించుకోవాలని చూస్తోంది. జనసేన మాత్రం పట్టభద్రులు, యువతలో తనకు ఉన్న మద్దతును ఓట్లుగా మలుచుకునేందుకు ప్రయత్నిస్తోంది. కాగా, బీజేపీ అభ్యర్థి త్వంపై ఇంకా స్పష్టత రాలేదు. గతంలో రెండుసార్లు పోటీచేసి ఓడిపోయిన గుజ్జుల ప్రేమేందర్‌రెడ్డితో పాటు ప్రకాశ్‌రెడ్డి, జి.మనోహర్‌రెడ్డి, నర్సిరెడ్డి, రాణిరుద్రమ, వెంకటేశ్వర్లు తదితరుల పేర్లు వినిపిస్తున్నాయి. చివరకు ఆ పార్టీ నుంచి ఎవరిని బరిలోకి దింపుతారన్నది ఆసక్తికరంగా మారింది. నమోదే తొలి మెట్టు.. గెలుపే టార్గెట్‌.. ప్రస్తుతం పార్టీల నాయకులు, కార్యకర్తలు ప్రచారం కంటే ముందుగా ఓటరు నమోదుపైనే ప్రధానంగా దృష్టి పెట్టాయి. డిగ్రీ కళాశాలలు, ప్రైవేట్‌ విద్యాసంస్థలు, ఉద్యోగ వర్గాలు, యువత, పట్టణాలు, మండలాల వారీగా పట్టభద్రుల వివరాలను సేకరిస్తున్నారు. పార్టీ నాయకులు తమ పరిధిలోని పట్టభద్రులతో నేరుగా మాట్లాడి ‘ఓటరు జాబితాలో మీ పేరు ఉందా?’ అంటూ నమోదు ప్రక్రియపై అవగాహన కల్పిస్తున్నారు. అర్హత ఉన్న పట్టభద్రులను ఓటర్లుగా నమోదు చేయించేందుకు ప్రధాన పార్టీల కార్యకర్తలు ఇంటింటికీ వెళ్తున్నారు. ముఖ్యంగా కొత్తగా డిగ్రీ పూర్తిచేసినవారు, ఉద్యోగాల కోసం ఇతర ప్రాంతాలకు వెళ్లినవారు, ప్రైవేట్‌ సంస్థల్లో పనిచేస్తున్న పట్టభద్రులను గుర్తించడంపై ప్రత్యేక దృష్టి సారిస్తున్నారు. వాట్సాప్‌ గ్రూపులు, సోషల్‌ మీడియా వేదికల ద్వారా కూడా ఓటరు నమోదుపై ప్రచారం చేస్తున్నా రు. పార్టీ నాయకులు తమకు కేటా యించిన ప్రాంతాల్లో ఎంతమంది అర్హులై న పట్టభద్రులు ఉ న్నారు, ఎంతమంది ఇప్పటికే నమోదు చేసుకున్నారు, ఇంకా ఎంతమందిని నమో దు చేయించాలి అనే లెక్కలు తీస్తున్నట్లు తెలుస్తోంది. నోటిఫికేషన్‌ రాకముందే కార్యాచరణ.. 2023 అక్టోబర్‌ 31 నాటికి డిగ్రీ ఉత్తీర్ణులైన పట్టభద్రులు ఓటరుగా నమోదు చేసుకునేందుకు అర్హులు. ఇందుకు సంబంధించి నవంబర్‌ 6 వరకు గడువు ఉంది. ఈ గడువు ముగిసేలోపు అర్హులైన పట్టభద్రులందరూ తమ పేర్లను నమోదు చేసుకునేలా రాజకీయ పార్టీలు ప్రత్యేక కార్యాచరణ చేపడుతున్నాయి. అధికార యంత్రాంగం ఒకవైపు నమోదు ప్రక్రియను పర్యవేక్షిస్తుండగా.. రాజకీయ పార్టీలు మరోవైపు తమ శ్రేణులను అప్రమత్తం చేస్తున్నాయి. వరంగల్‌–ఖమ్మం–నల్లగొండ పట్టభద్రుల నియోజకవర్గానికి నల్లగొండ అదనపు కలెక్టర్‌ జె.శ్రీనివాస్‌ను ఎన్నికల రిజిస్ట్రేషన్‌ అధికారిగా (ఈఆర్వో) నియమించారు. ఓటర్ల నమోదు, జాబితా తయారీ తదితర ఎన్నికల ప్రక్రియను ఆయన పర్యవేక్షించనున్నారు. కాగా, ఎమ్మెల్సీ ఎన్నికల నోటిఫికేషన్‌ ఇంకా రాకపోయినా.. ఉమ్మడి వరంగల్‌లో రాజకీయ పార్టీలు మాత్రం తమదైన శైలిలో ముందస్తు మంత్రాంగం ప్రారంభించాయి. ప్రధానంగా గ్రేటర్‌ వరంగల్‌ ట్రైసిటీ నుంచి పట్టభద్రుల ఓటరు జాబితాలో తమకు అనుకూలంగా ఉన్న వర్గాల నమోదు పెంచడమే లక్ష్యంగా పార్టీలు వ్యూహాలు రచిస్తున్నాయి. పట్టభద్రులను ఓటర్లుగా చేర్పించేందుకు ప్రధాన పార్టీల దృష్టి నవంబర్‌ 6 వరకు గడువు.. గెలుపు కోసం నేతల మంత్రాంగం ఎమ్మెల్సీ బరిలో కాంగ్రెస్‌, బీఆర్‌ఎస్‌, బీజేపీ.. ఖరారు కాని కమలం అభ్యర్థిఇదీ ఓటర్ల నమోదు షెడ్యూల్‌..కార్యక్రమం తేదీ ప్రజా నోటీసు సెప్టెంబర్‌ 28 ఫారం–18 దరఖాస్తుల స్వీకరణ సెప్టెంబర్‌ 28 నుంచి దరఖాస్తుల చివరి తేదీ నవంబర్‌ 6 ముసాయిదా ఓటర్ల జాబితా నవంబర్‌ 25 క్లెయిమ్‌లు, అభ్యంతరాలు నవంబర్‌ 25 నుంచి డిసెంబర్‌ 10 క్లెయిమ్‌లు, అభ్యంతరాల పరిష్కారం డిసెంబర్‌ 25లోగా తుది ఓటర్ల జాబితా డిసెంబర్‌ 30

ములుగు: విద్యుత్‌ కోతలను నివారించి.. రైతులకు 24 గంటల మెరుగైన విద్యుత్‌ అందించాలని డిమాండ్‌ చేస్తూ బీఆర్‌ఎస్‌ నాయకులు ములుగు, వెంకటాపురం(ఎం) మండలాల్లో ఆందోళనలు చేపట్టారు. ఈ మేరకు బుధవారం ములుగులో 132 కేవీ సబ్‌స్టేషన్‌ను ముట్టడించి ధర్నా నిర్వహించారు. వెంకటాపురం(ఎం) మండలంలో బీఆర్‌ఎస్‌ మండల అధ్యక్షుడు లింగాల రమణారెడ్డి, నాయకుడు మల్క రమేశ్‌ ఆధ్వర్యంలో పాలంపేట– పరకాల రహదారిౖపై ధర్నా, రాస్తారోకో నిర్వహించారు. అనంతరం సబ్‌ స్టేషన్‌లోకి వెళ్లేందుకు ప్రయత్నించగా పోలీసులు అడ్డుకున్నారు. అనంతరం నాయకులు విద్యుత్‌ అధికారులకు వినతిపత్రం అందజేశారు. లోవోల్టేజీ విద్యుత్‌ కోతలతో పంటలు ఎండిపోయే ప్రమాదం ఉందని, మోటార్లు కాలిపోతున్నాయని నాయకులు ఆవేదన వ్యక్తం చేశారు. విద్యుత్‌ సరఫరాను క్రమబద్ధీకరించకపోతే ఆందోళనలు ఉధృతం చేస్తామని హెచ్చరించారు. ఈ కార్యక్రమంలో బీఆర్‌ఎస్‌ నాయకులు, కార్యకర్తలు, రైతులు పాల్గొన్నారు. బీఆర్‌ఎస్‌ నాయకుల ధర్నా

మండుతున్న ఎండలు.. విద్యుత్‌ కోతలతో ఎండుతున్న పంటలుములుగు: జిల్లాలోని 10 మండలాల పరిధిలో 94,160 ఎకరాల్లో వరిపంటను రైతులు సాగు చేశారు. ఎల్‌నినో ప్రభావంతో మండుతున్న ఎండలతో పాటు భూ గర్భజలాలు అడుగంటిపోతున్నాయి. దీనికి తోడు విద్యుత్‌ కోతలు వెంటాడుతుండడంతో అన్నదాతలకు సాగు నీటి కష్టాలు తప్పడం లేదు. వర్షాభావ పరిస్థితులతో ఇప్పటికే ఇబ్బందులు ఎదుర్కొంటున్న రైతులకు విద్యుత్‌ సరఫరాలో అంతరాయాలు మరింత ఆందోళన కలిగిస్తున్నాయి. ఎండల తీవ్రత పెరగడంతో పంటలకు నీటి అవసరం అధికమవుతోంది. బోర్ల కింద సాగు చేసిన పంటలకు సకాలంలో నీటి తడులు అందించలేక రైతులు సతమతమవుతున్నారు. మరికొన్ని చోట్ల వర్షాధారాన్ని నమ్ముకొని వేసిన పంటలు ఎండిపోతున్నాయి. ముఖ్యంగా పొట్టదశలో ఉన్న వరి పంటకు సాగునీరు అందకపోతుండడంతో అన్నదాతలు అల్లాడిపోతున్నారు. సాగు మొదలైనప్పటి నుంచి కష్టాలే.. ఈ వానాకాలం సీజన్‌ ప్రారంభం నుంచే రైతులకు సమస్యలు ఎదురవుతున్నాయి. ఆశించిన స్థాయిలో వర్షాలు కురవకపోవడంతో సాగు పనులకు తొలుత ఆటంకాలు ఏర్పడ్డాయి. వర్షాల కోసం ఎదురుచూసినప్పటికీ ఎల్‌నినో ప్రభావం ఉంటుందని ఆరుతడి పంటలు వేసుకోవాలని అధికారులు చెప్పినప్పటికీ రైతులు వరిపంట వైపే మొగ్గుచూపారు. ఆలస్యంగా వరిపంటను సాగు చేసినప్పటికీ అప్పుడప్పుడు కురిసిన వర్షాలతో రైతులు పంటలను కాపాడుకుంటూ వచ్చారు. వర్షాలు లేకపోవడంతో చెరువులు, కుంటల్లోకి పూర్తిస్థాయిలో నీరు చేరలేదు. భూగర్భ జలాలు కూడా తగ్గుముఖం పట్టడంతో బోర్లపై ఆధారపడిన రైతులకు సాగునీటి సమస్య తీవ్రంగా మారింది. ఈ పరిస్థితుల్లో ఎండల తీవ్రత పెరగడం, విద్యుత్‌ సరఫరాలో కోతలు విధిస్తుండడం రైతులను మరింత ఆందోళనకు గురిచేస్తున్నాయి. అలాగే జిల్లాలోని పలు ప్రాంతాల్లో భూగర్భ జలాలు తగ్గుతుండడంతో బోర్లలో నీటి లభ్యత ప్రశ్నార్థకంగా మారింది. మరికొన్ని ప్రాంతాల్లో ఇప్పటికే బోర్లు పోయడం లేదని రైతులు ఆవేదన వ్యక్తం చేస్తున్నారు. పొట్టదశలో వరిపంట.. ప్రస్తుతం వరి పంట పొట్టదశలో ఉంది. వరి పంటలో ఈ దశ కీలకమైనది కావడంతో తగినంత నీరు అందించడం అవసరం. ఈ సమయంలో నీటి ఎద్దడి ఏర్పడితే కంకుల అభివృద్ధి, ధాన్యం గింజలు తక్కువగా ఉండే అవకాశం ఉందని రైతులు ఆందోళన వ్యక్తం చేస్తున్నారు. పంటలు చేతికొచ్చే సమయంలో నీటి కొరత ఎదురుకావడం వారిని కలవరపెడుతోంది. వేలాది రూపాయలు పెట్టుబడి పెట్టి సాగు చేసిన పంటలను కాపాడుకోవడానికి అదనపు ఖర్చులు చేయాల్సిన పరిస్థితి నెలకొంది. గతంలో ఉదయం 6 నుంచి సాయంత్రం 6 గంటల వరకు 12 గంటల పాటు త్రీఫేజ్‌ విద్యుత్‌ సరఫరా చేసిన అధికారులు ప్రస్తుతం కోతలు విధిస్తున్నారని రైతులు చెబుతున్నారు. దీంతో విద్యుత్‌ ఎప్పుడు వస్తుందో, ఎప్పుడు పోతుందో తెలియని పరిస్థితి ఉంది. రోజుకు 7గంటలు మాత్రమే త్రీఫేజ్‌ విద్యుత్‌ను సరఫరా చేస్తుండడంతో పంటలు పండే పరిస్థితి కనిపించడం లేదని రైతులు విచారం వ్యక్తం చేస్తున్నారు. వర్షాలు పడితే తప్పా పంటలు చేతికొచ్చే అవకాశాలు లేవని రైతులు వాపోతున్నారు. వర్షాభావానికి తోడు అడుగంటుతున్న భూగర్భజలాలు పొట్టదశలో ఉన్న వరిపంట కాపాడుకునేందుకు ఇబ్బందులు పడుతున్న అన్నదాతలు జిల్లాలో 94,160 ఎకరాల్లో వరిసాగు 6 గంటలు మాత్రమే త్రీఫేజ్‌ విద్యుత్‌ వ్యవసాయానికి 12గంటల పాటు నిరంతరం విద్యుత్‌ను అందించాల్సిన అధికార అధికారులు కేవలం 6 నుంచి 7గంటలు మాత్రమే సరఫరా చేస్తున్నారు. ఏడు ఎకరాల్లో వరిపంటను సాగు చేశాను. బోర్లలో సరిపడా నీరు ఉన్నప్పటికీ విద్యుత్‌ కోతలతో పంటపొలాలకు సరిపడా నీరు అందడం లేదు. త్రీఫేజ్‌ విద్యుత్‌ ఎప్పుడు వస్తుందో.. ఎప్పుడు పోతుందో తెలియని పరిస్థితి నెలకొంది. పోయినప్పుడల్లా అరగంట నుంచి గంటకు పైగా పోతుంది. విద్యుత్‌ అధికారులు, సిబ్బంది కొరత కారణంగా రైతులే విద్యుత్‌ ఫీజులు, ఇతర చిన్న చిన్న సమస్యలను సరిచేసుకోవాల్సిన పరిస్థితి నెలకొంది. అధికారులకు సమాచారం ఇచ్చినప్పటికీ స్పందించడం లేదు. 12 గంటల పాటు విద్యుత్‌ను అందిస్తేనే పంటలు చేతికందే అవకాశాలు ఉన్నాయి. – పంబిడి శ్రీధర్‌రావు, వెంకటాపురం(ఎం)నాలుగుసార్లు రిపేరు చేయించాం..ట్రాన్స్‌ఫార్మర్‌ పాడైపోయింది. నాలుగు సార్లు రిపేరు చేయించాం.. అయినా కరెంటు ఆగడం లేదు. తరుచూ కాలిపోతుంది. నీరు లేక పంట పొలం ఎండిపోతుంది. లక్షలాది రూపాయలు ఖర్చు చేసిన పంట చేతికొచ్చే సమయంలో ఇబ్బంది పడుతున్నాం. అధికారులు స్పందించి తగిన చర్యలు తీసుకుని ట్రాన్స్‌ఫార్మర్‌ త్వరగా రిపేరు చేయాలి. – దాసరి వెంకటేశ్వర్లు, రైతు, ఏటూరునాగారం

ఏటూరునాగారం: మండల కేంద్రంలోని ప్రభుత్వ ఐటీఐలో ప్రవేశాలకు ఈ నెల 15వ తేదీ వరకు దరఖాస్తులు స్వీకరించనున్నట్లు ఐటీఐ ప్రిన్సిపాల్‌ జగన్‌ మోహన్‌రెడ్డి మంగళవారం ఒక ప్రకటనలో తెలిపారు. ఆగస్టు 2026 సెషన్‌ ఎన్‌సీవీటీ ఇంజనీరింగ్‌ ట్రెడ్స్‌లో 5వ విడత వాక్‌ – ఇన్‌ అడ్మిషన్లకు దరఖాస్తు చేసుకోవాలని తెలిపారు. అర్హులైన వారు ఆన్‌లైన్‌ ద్వారా అక్టోబర్‌ 15 ఉదయం 11 గంటల లోపు దరఖాస్తు చేసుకోవాలని సూచించారు. అక్టోబర్‌ 13 నుంచి 15వ తేదీ వరకు ఏటూరునాగారం కళాశాలలో వాక్‌ ఇన్‌ ఇంటర్వ్యూ ఉంటుందని వెల్లడించారు. ఆదిసేవా కేంద్రం సందర్శన వాజేడు: మండల కేంద్రంలోని ఆదిసేవా కేంద్రాన్ని పీఓ లెనిన్‌ వత్సల్‌ టొప్పో మంగళవారం సందర్శించారు. కేంద్రంలోని సిబ్బందితో మాట్లాడిన ఆయన కార్యాలయ నిర్వహణ, ప్రజలకు అందిస్తున్న సేవల వివరాలను అడిగి తెలుసుకున్నారు. ఈ సందర్భంగా పీఓ కేంద్రానికి వచ్చిన ప్రజలతో మాట్లాడారు. వారి సమస్యలు, అవసరాలను అడిగి తెలుసుకున్నారు. ఈ సందర్భంగా ఆయన మాట్లాడుతూ గిరిజన ప్రాంత ప్రజలకు ప్రభుత్వ సేవలు మరింత చేరువయ్యేలా కేంద్రాల పనితీరు ఉండాలని సూచించారు. దేవాలయ అభివృద్ధికి నివేదిక అందిస్తాం ● రాష్ట్ర దేవాదాయ ధర్మదాయశాఖ కమిషనర్‌ హనుమంతరావు హన్మకొండ కల్చరల్‌: పురావస్తుశాఖ ఆధీనంలోని వేయిస్తంభాల ఆలయ అభివృద్ధి కోసం రాష్ట్ర చీఫ్‌ సెక్రటరీ ద్వారా కేంద్రానికి నివేదిక అందజేస్తామని రాష్ట్ర దేవాదాయ ధర్మదాయ శాఖ కమిషనర్‌ హనుమంతరావు పేర్కొన్నారు. హనుమకొండలోని వేయిస్తంభాల ఆలయాన్ని మంగళవారం రాత్రి కమిషనర్‌ కుటుంబసమేతంగా సందర్శించారు. ఈసందర్భంగా ఆలయప్రధానార్చకుడు గంగు ఉపేంద్రశర్మ, ఈఓ అనిల్‌కుమార్‌ ఆలయమర్యాదలతో, మహిళలు కోలాటాలు, వేదమంత్రోచ్చాటనలతో ఘనంగా స్వాగతించారు. రుద్రేశ్వరీ అమ్మవారికి ప్రత్యేకపూజలు నిర్వహించుకున్నారు. కమిషనర్‌ మాట్లాడుతూ.. దేవాలయంలో విద్యుత్‌ అలంకరణ బాగుందని ఉత్సవాల ఏర్పాట్లు అడిగి తెలుసుకున్నారు. దేవాలయ ఉద్యోగుల, ధూపదీప నైవేద్య అర్చకుల సమస్యలు గంగు ఉపేంద్రశర్మ వివరించగా.. పరిష్కరిస్తానని హామీ ఇచ్చారు.

భూపాలపల్లి అర్బన్‌: భూపాలపల్లి ఏరియా ఆధ్వర్యంలో ఈ నెల 16న బతుకమ్మ ఫ్యామిలీ డే వేడుకలను నిర్వహించనున్నట్లు ఏరియా అధికార ప్రతినిధి, పర్సనల్‌ మేనేజర్‌ ఎస్‌. శ్యాంసుందర్‌ మంగళవారం ప్రకటనలో తెలిపారు. కృష్ణ కాలనీలోని మినీ ఫంక్షన్‌ హాల్‌లో జరిగే వేడుకలకు ఏరియా జనరల్‌ మేనేజర్‌ ఏనుగు రాజేశ్వర్‌రెడ్డి, సేవా సమితి అధ్యక్షురాలు సునీత రాజేశ్వర్‌రెడ్డి ముఖ్య అతిథులుగా హాజరుకానున్నారు. తెలంగాణ సంస్కృతి, సంప్రదాయాలను ప్రతిబింబించేలా సాంస్కృతిక కార్యక్రమాలు, ఆటల పోటీలు నిర్వహించనున్నట్లు పేర్కొన్నారు. మహిళలు, సింగరేణి ఉద్యోగులు, వారి కుటుంబ సభ్యులు పెద్ద సంఖ్యలో పాల్గొని వేడుకలను విజయవంతం చేయాలని కోరారు. బయోమెట్రిక్‌ అప్‌డేట్‌ చేయాలిభూపాలపల్లి: జిల్లాలో అర్హులైన ప్రతిఒక్కరికీ ఆధార్‌ నమోదు ప్రక్రియ పూర్తిచేయడంతో పాటు, పిల్లలకు నిర్దేశిత వయస్సులో తప్పనిసరి బయోమెట్రిక్‌ అప్‌డేట్‌ చేయాలని జిల్లా అదనపు కలెక్టర్‌ అశోక్‌కుమార్‌ తెలిపారు. మంగళవారం ఐడీఓసీ కార్యాలయంలో అదనపు కలెక్టర్‌ అధ్యక్షతన జిల్లా స్థాయి ఆధార్‌ పర్యవేక్షణ కమిటీ సమావేశం నిర్వహించారు. ఈ సమావేశంలో జిల్లాలో ఆధార్‌ నమోదు పురోగతి, ఆధార్‌ సేవల విస్తరణ, బయోమెట్రిక్‌ అప్‌డేట్లు, ఆధార్‌కు సంబంధించిన సమస్యలు, పెండింగ్‌ దరఖాస్తుల పరిష్కారంపై సమీక్షించారు. ఎన్‌హెచ్‌ఎం ఉద్యోగుల సమ్మె భూపాలపల్లి అర్బన్‌: సమస్యలు పరిష్కరించాలని డిమాండ్‌ చేస్తూ జిల్లా కలెక్టరేట్‌ ఎదుట ఎన్‌హెచ్‌ఎం ఉద్యోగులు మంగళవారం నిరవధిక సమ్మె చేపట్టారు. రాష్ట్ర ఎన్‌హెచ్‌ఎం జేఏసీ ఆదేశాల మేరకు జేఏసీ జిల్లా అధ్యక్షుడు బడితల రమేష్‌ ఆధ్వర్యంలో చేపట్టిన సమ్మెకు మాజీ ఎమ్మెల్యే గండ్ర వెంకటరమణారెడ్డి, టీఎన్‌జీవోస్‌ జిల్లా అధ్యక్షుడు బురుగు రవికుమార్‌లు మద్దతు తెలిపి మాట్లాడారు. ఉద్యోగుల క్రమబద్ధీకరణ, సమాన పనికి సమాన వేతనం, ఉద్యోగ భద్రత కల్పించాలని డిమాండ్‌ చేశారు. ఎన్‌హెచ్‌ఎం బడ్జెట్‌లో రాష్ట్ర ప్రభుత్వం 5 శాతం నిధులు కేటాయించడంతోపాటు, 8 శాతం వార్షిక ఇంక్రిమెంట్లు మంజూరు చేయాలన్నారు. ప్రతీ ఉద్యోగికి హెల్త్‌ కార్డులు జారీ చేసి ఈహెచ్‌ఎస్‌, ఈఎస్‌ఐ సౌకర్యాలు కల్పించాలని, పెండింగ్‌లో ఉన్న 9 నెలల పీఆర్సీ బకాయిలు చెల్లించాలని విజ్ఞప్తి చేశారు. సమస్యలు పరిష్కరించే వరకు సమ్మె కొనసాగిస్తామని ఎన్‌హెచ్‌ఎం జేఏసీ జిల్లా నాయకులు స్పష్టం చేశారు. ఈ కార్యక్రమంలో జేఏసీ నాయకులు వెంకటేష్‌, రఘురామ్‌, జగదీష్‌, ప్రవీణ్‌ తదితరులు పాల్గొన్నారు. భద్రకాళి అమ్మవారికి సింహ, గజవాహన సేవలు హన్మకొండ కల్చరల్‌: భద్రకాళి దేవీశరన్నవరాత్ర మహోత్సవాల్లో భాగంగా మూడో రోజు మంగళవారం అమ్మవారిని శ్రీగాయత్రీ మాతగా అలంకరించారు. ఆలయ అర్చకుడు భద్రకాళి శేషు ఆధ్వర్యంలో అర్చకులు, వేదపండితులు ఉదయం నుంచి ప్రత్యేక పూజలు నిర్వహించారు. అనంతరం అమ్మవారి స్నపనమూర్తికి ఉదయం చంద్రఘంటా క్రమంలో దుర్గార్చన చేశారు. అమ్మవారి ఉత్సవమూర్తిని సింహవాహనంపై ఊరేగించారు. సాయంత్రం మహిషామర్ధిని క్రమంలో దుర్గార్చన జరిపి గజవాహనంపై ఊరేగించారు. సేవా సమితి కన్వీనర్‌ అయిత గోపీనాథ్‌ ఆధ్వర్యంలో మధ్యాహ్నం, రాత్రి భక్తులకు అన్నప్రసాదాల వితరణ జరిగింది. రాత్రి జరిగిన సాంస్కృతిక కార్యక్రమాలు అలరించాయి. దేవాదాయ ధర్మాదాయశాఖ కమిషనర్‌ ఎం.హన్మంతరావు కుటుంబసమేతంగా అమ్మవారిని దర్శించుకున్నారు. హనుమకొండ కలెక్టర్‌ చాహత్‌ బాజ్‌పాయ్‌ దేవాలయాన్ని సందర్శించి మాడవీధుల నిర్మాణ పురోగతిని, నూతనంగా తయారు చేస్తున్న దారురథాన్ని పరిశీలించారు. కలెక్టర్‌ వెంట కుడా, ఇరిగేషన్‌ అధికారులు ఉన్నారు. ఆలయ ఈఓ రామల సునీత పర్యవేక్షించారు.

ములుగు: జిల్లా కేంద్రంలో తెలంగాణ ఓపెన్‌ స్కూల్‌ సొసైటీ (టాస్‌) ఆధ్వర్యంలో సోమవారం నుంచి జరుగుతున్న పదో తరగతి, ఇంటర్‌ పరీక్షల్లో జోరుగా వసూళ్ల పర్వం కొనసాగుతోంది. 2026 ఓపెన్‌ సప్లిమెంటరీ పరీక్షల నేపథ్యంలో జిల్లా కేంద్రంలోని ప్రభుత్వ హైస్కూల్‌లో ఇంటర్‌ పరీక్షలు నిర్వహిస్తుండగా, జెడ్పీహెచ్‌ఎస్‌ బాలుర స్కూల్‌లో పదో తరగతి పరీక్షలు నిర్వహిస్తున్నారు. ఇంటర్‌లో 88 మంది విద్యార్థులకు మంగళవారం 52 మంది విద్యార్థులు హాజరు కాగా టెన్త్‌లో 61 మంది విద్యార్థులకు 39 మంది హాజరయ్యారు. సరైన ఉత్తీర్ణత లేకుండా చిన్న చిన్న ఉద్యోగాలు చేసేవారు, మహిళా సంఘాల సభ్యులు చదువును మధ్యలో ఆపేసినవారు ఓపెన్‌ పరీక్షలు రాస్తూ ఉంటారు. మాస్‌ కాపీయింగ్‌.. ఇదే అవకాశాన్ని ఆసరాగా చేసుకున్న పరీక్ష కేంద్రాల అధికారులు ప్రతీ సబ్జెక్టుకు రూ.500 చొప్పున పరీక్షలకు హాజరయ్యే అభ్యర్థుల దగ్గర వసూలు చేస్తూ మాస్‌ కాపీయింగ్‌ను ప్రోత్సహిస్తున్నారనే విమర్శలున్నాయి. పరీక్షలకు హాజరుకాని అభ్యర్థుల నుంచి సబ్జెక్టుకు రూ.2వేలు వసూలు చేస్తూ ఇతరులచే పరీక్షలు రాయిస్తున్నారనే ఆరోపణలు వినిపిస్తున్నాయి. అర్హత లేని మహిళను అటెండర్‌గా పెట్టుకొని వసూళ్లకు పాల్పడుతున్నారని సహచర ఉపాధ్యాయులే ఆరోపిస్తున్నారు. ఈ క్రమంలో మంగళవారం ఒకరికి బదులు మరొకరు సుమారు 8 మంది పరీక్షలు రాసినట్లు వినికిడి. ఖమ్మం, కొత్తగూడెం, పాల్వంచ ప్రాంతాలకు చెందిన అభ్యర్థుల స్థానాలలో ఇతర అభ్యర్థులు పరీక్షలు రాస్తున్నారని, వారికి పరీక్ష కేంద్రాల అధికారులే సహకరిస్తున్నారని స్థానిక ఉపాధ్యాయులు బహిరంగంగా విమర్శిస్తున్నారు. ఈ విషయంపై డీఈఓ సిద్ధార్థరెడ్డిని వివరణ కోరగా.. డబ్బులు వసూలు చేస్తున్నారనే ఆరోపణలు తన దృష్టికి వచ్చాయని బుధవారం నుంచి ప్రతీ అభ్యర్థిని తనిఖీ చేసి లోపలికి పంపిస్తామన్నారు. ఆరోపణలు నిజమైతే చర్యలు తీసుకుంటామని డీఈఓ వెల్లడించారు. ఒకరికి బదులు మరొకరు పరీక్షలు రాస్తున్నట్లు ఆరోపణలు

ములుగు : శరన్నవరాత్రి ఉత్సవాల్లో భాగంగా దుర్గాదేవి మంగళవారం అన్నపూర్ణాదేవి అలంకరణలో భక్తులకు దర్శనమిచ్చారు. వెంకటాపురం(ఎం) మండల కేంద్రంలో అన్నపూర్ణాదేవికి కాంగ్రెస్‌ నాయకులు మిల్కూరి ఐలయ్య, సిద్ధం రాఘవేందర్‌ మంగళవారం పూజలు నిర్వహించగా పల్నాటి కోటి దంపతులు అన్నదానం చేశారు. ములుగులో రైస్‌మిల్లర్స్‌ అసోసియేషన్‌ జిల్లా అధ్యక్షుడు బాదం ప్రవీణ్‌ దంపతులు అమ్మవారికి పూజలు నిర్వహించి అన్నదానం చేశారు. ఈ కార్యక్రమంలో చింతలపూడి భాస్కర్‌రెడ్డి, సత్యనారాయణరెడ్డి, రాకేశ్‌యాదవ్‌, వెంకట్‌రెడ్డి తదితరులు పాల్గొన్నారు.

ములుగు: జిల్లాలో భూముల రీసర్వే నిర్వహణకు 19 ప్రత్యేక బృందాలను ఏర్పాటు చేశామని, మిగిలిన గ్రామాల్లో వేగంగా పూర్తిచేసి డిసెంబర్‌ నెలాఖరులోగా పూర్తి చేయాలని అదనపు కలెక్టర్‌ మహేందర్‌ జీ అధికారులను ఆదేశించారు. జిల్లా కేంద్రంలోని కలెక్టరేట్‌ సమావేశ మందిరంలో అదనపు కలెక్టర్‌ అధ్యక్షతన రీ సర్వే బృందాల సిబ్బంది శిక్షణ కార్యక్రమం నిర్వహించారు. రీ సర్వే విధివిధానాలు, క్షేత్రస్థాయిలో చేపట్టాల్సిన పనులు, రెవెన్యూ రికార్డుల నిర్వహణ, బృందాల మధ్య సమన్వయంపై సిబ్బందికి అవగాహన కల్పించారు.ఈ సందర్భంగా అదనపు కలెక్టర్‌ మాట్లాడుతూ జిల్లాలో మొదటి విడత రీ సర్వే కోసం 70 గ్రామాలను ఎంపిక చేయగా, ఇప్పటివరకు 21 గ్రామాల్లో సర్వే ప్రక్రియ పూర్తయిందని తెలిపారు. మిగిలిన 49 గ్రామాల్లో పనులను ప్రణాళికతో చేపట్టి, నిర్ణీత గడువులోగా పూర్తి చేయాలని సూచించారు. గ్రామాల వారీగా రీ సర్వే పురోగతిని పర్యవేక్షిస్తూ, మిగిలిన పనుల్లో వేగం పెంచి డిసెంబర్‌ నెలాఖరులోగా పూర్తి చేయాలని సూచించారు. కార్యక్రమంలో కలెక్టరేట్‌ పరిపాలన అధికారి అల్లం రాజ్‌కుమార్‌, పర్యవేక్షకుడు మహేశ్‌, డివిజనల్‌ సర్వే పరిశీలకుడు సతీశ్‌ చంద్ర, ములుగు తహసీల్దార్‌ విజయభాస్కర్‌, నాయబ్‌ తహసీల్దార్లు మల్లేశ్‌, నితీశ్‌, అన్ని మండలాల తహసీల్దార్లు, నాయబ్‌ తహసీల్దార్లు తదితరులు పాల్గొన్నారు. సాంకేతిక శిక్షణను సద్వినియోగం చేసుకోవాలి జనగణనను పకడ్బందీగా నిర్వహించేందుకు సిబ్బంది తమ విధులపై పూర్తి అవగాహన పెంపొందించుకోవాలని, సాంకేతిక శిక్షణను సద్వినియోగం చేసుకోవాలని అదనపు కలెక్టర్‌ మహేందర్‌జీ అన్నారు. జనగణన కార్యనిర్వాహక సిబ్బంది, సాంకేతిక సహాయకులకు కలెక్టరేట్‌లో రెండు రోజుల పాటు వీడియో కాన్ఫరెన్స్‌ హాల్‌లో నిర్వహిస్తున్న శిక్షణ కార్యక్రమానికి అదనపు కలెక్టర్‌ మంగళవారం ముఖ్య అతిథిగా హాజరై మాట్లాడారు.గతంలో కాగితాలపై నమోదు చేసిన జనగణన వివరాలను ఈసారి ప్రత్యేక మొబైల్‌ యాప్‌ ద్వారా నమోదు చేయనున్నట్లు వివరించారు. అందుకు సంబంధించిన అంశాలను క్షుణ్ణంగా నేర్చుకుని సందేహాలను నివృత్తి చేసుకోవాలని తెలిపారు. అదనపు కలెక్టర్‌ మహేందర్‌జీ

ములుగు: రాష్ట్రంలో పర్యాటక రంగాన్ని మరింత అభివృద్ధి చేయడంతో పాటు రాష్ట్రానికి ప్రత్యేక గుర్తింపునిచ్చే పండుగలతో పాటు నూతన పర్యాటక విధానాన్ని రూపొందించాలని పర్యాటక, సాంస్కృతిక శాఖ ప్రత్యేక ప్రధాన కార్యదర్శి వాణీప్రసాద్‌ సూచించారు. ఈ మేరకు మంగళవారం హైదరాబాద్‌ నుంచి ఆమె పర్యాటక రంగం అభివృద్ధి, బతుకమ్మ పండుగ నిర్వహణ తదితర అంశాలపై కలెక్టర్లు, అదనపు కలెక్టర్లతో వీడియో కాన్ఫరెన్స్‌ నిర్వహించారు. ఈ సందర్భంగా ఆమె మాట్లాడుతూ పర్యాటక రంగం అభివృద్ధి అంటే కేవలం పెద్ద హోటళ్లు, రిసార్టుల ఏర్పాటుకే పరిమితం కాకూడదని తెలిపారు. చిన్న హోటళ్లు, హోమ్‌స్టేలు కూడా స్థానిక ఆర్థిక వ్యవస్థ బలోపేతానికి, గ్రామీణ ప్రాంతాల అభివృద్ధికి కీలకంగా నిలుస్తాయన్నారు. రాష్ట్రవ్యాప్తంగా హోమ్‌స్టేల ఏర్పాటును ప్రోత్సహించడంతో పాటు వాటిని పర్యాటకశాఖ ద్వారా అధికారికంగా నమోదు చేసే విధానాన్ని అమలు చేయాలని నిర్ణయించినట్లు వెల్లడించారు. ఈ సమావేశానికి ఐడీఓసీ కార్యాలయం నుంచి జిల్లా అదనపు కలెక్టర్‌ సంపత్‌రావు, పర్యాటక శాఖ నోడల్‌ అధికారి ధర్మనాయక్‌ పాల్గొన్నారు. వీసీలో పర్యాటక, సాంస్కృతిక శాఖ ప్రత్యేక ప్రధాన కార్యదర్శి వాణీప్రసాద్‌

ములుగు: రైతులు రబీ సీజన్‌లో వరికి బదులుగా ఆరుతడి పంటలు, బిందు సేద్యంతో పామ్‌ఆయిల్‌ తోటలు, కూరగాయల వంటి పంటలు సాగు చేయాలని ఉప ముఖ్యమంత్రి మల్లు భట్టి విక్రమార్క, మంత్రులు తుమ్మల నాగేశ్వరరావు, పొన్నం ప్రభాకర్‌ అన్నారు. సోమవారం హైదరాబాద్‌ నుంచి ప్రభుత్వ ప్రధాన కార్యదర్శి సంజయ్‌ జాజు, ఉన్నతాధికారులతో కలిసి రైతు నేస్తం కార్యక్రమంలో భాగంగా అన్ని జిల్లాల్లోని రైతు వేదికల్లో పాల్గొన్న అధికారులు, రైతులకు ఆరుతడి పంటలసాగుపై దిశానిర్దేశం చేశారు. ఈ సందర్భంగా మంత్రులు మాట్లాడుతూ రబీ సీజన్‌లో ఎట్టి పరిస్థితులో రైతులు వరి సాగు చేయొద్దన్నారు. బిందు సేద్యంతో పామ్‌ తోటలు, కూరగాయలు వంటి స్వల్పకాలిక పంటలను సాగు చేయవచ్చన్నారు. జలసిరి కార్యక్రమంలో భాగంగా ఇంకుడు గుంతలు, నీటి కుంటలు, బోర్వెల్స్‌ రీఛార్జ్‌, తదితర పనులను చేపట్టి జలవనరులను కాపాడుకోవాలన్నారు. ప్రభుత్వం ప్రజాసంక్షేమానికి అవసరమైన చర్యలు చేపడుతుందన్నారు. నీరు, విద్యుత్‌ను పొదుపుగా వినియోగించాలి రైతులు నీరు, విద్యుత్‌ను పొదుపుగా వినియోగించాలని అదనపు కలెక్టర్‌ రెవెన్యూ సీహెచ్‌ మహేందర్‌జీ అన్నారు. కలెక్టరేట్‌లోని వీసీ హాల్‌ నుంచి అదనపు కలెక్టర్‌ స్థానిక సంస్థలు సంపత్‌ రావుతో కలిసి హాజరయ్యారు. అనంతరం అదనపు కలెక్టర్‌ మాట్లాడుతూ ప్రభుత్వ సూచనలను అనుసరించి రైతులు ఆరుతడి పంటలను సాగు చేయాలన్నారు. ఆరుతడి పంటల సాగుపై రైతులకు కళాజాత బృందాలతో ప్రచార కార్యక్రమాలు నిర్వహిస్తామన్నారు. అన్ని శాఖల అధికారులు సమన్వయంతో పనిచేస్తూ రైతులకు మార్గనిర్దేశం చేయాలన్నారు. కాగా జిల్లాలోని 22 రైతు వేదికల్లో ప్రత్యక్ష ప్రసారం ద్వారా అధికారులు, గ్రామస్తులతో కలిసి వీసీలో పాల్గొన్నారు. ఈ కార్యక్రమంలో జిల్లా పంచాయతీ అధికారి వెంకయ్య, డీఆర్‌డీఓ రవీందర్‌, డీసీఎస్‌ఓ ఫైజల్‌ హుస్సేన్‌, డీఎండీసీఎస్‌ఓ కృష్ణవేని, డీఎంహెచ్‌ఓ గోపాలరావు, సీపీఓ జవహర్‌, డీపీఆర్‌ఓ రఫిక్‌ తదితరులు పాల్గొన్నారు. వీసీలో మంత్రులు భట్టి, తుమ్మల, పొన్నం

● వన్యప్రాణుల రక్షణలో భాగంగా పిచ్చిమొక్కల తొలగింపు ● జిల్లాలో 48 కిలోమీటర్ల మేర పనులు ఏటూరునాగారం: జిల్లాలోని దట్టమైన అటవీ ప్రాంతాలున్నాయి. 163 జాతీయ రహదారి వెంట ఉన్న ప్రధాన రోడ్డుకు ఇరువైపుల ఉన్న తుప్పలు, పిచ్చిమొక్కలను తొలగించి ప్రమాదాలు జరగకుండా వ్యూలైన్స్‌ పనులకు అటవీశాఖ అధికారులు శ్రీకారం చుట్టారు. రోడ్డు వెంట తుప్పలు, పిచ్చిమొక్కలు ఉండడంతో రోడ్డు చివరి అంచు ఎక్కడి వరకు ఉందనేది అర్థం కాకుండా పోతుంది. అలాగే ఆ తుప్పల నుంచి జంతువులు వచ్చేది కూడా వాహనదారులకు కనిపించకుండా పోతాయి. జంతువుల రక్షణకు, వాహనాల ప్రమాదాల నివారణకు వ్యూలైన్స్‌ కార్యక్రమాన్ని అధికారులు చేపట్టారు. ఈ ఏడాది సుమారుగా 48 కిలోమీటర్ల వ్యూ లైన్‌ చేపట్టినట్లు అటవీశాఖ అధికారులు తెలిపారు. జింకలు, దుప్పులు, అడవి బర్రెలు ఇలా అనేక వన్యప్రాణులు ప్రధాన రోడ్ల మీదకు వచ్చే అవకాశాలు ఎక్కువగా ఉన్నాయి. ఈ క్రమంలో అవి వాహనదారులకు స్పష్టంగా కనిపించాలనే ఉద్దేశంతో వ్యూ లైన్‌ కార్యక్రమాన్ని చేపట్టినట్లు అటవీశాఖ సౌత్‌ ఎఫ్‌ఆర్‌ఓ అబ్దుల్‌ రెహమాన్‌ తెలిపారు. కూలీలతో పిచ్చి మొక్కలను తొలగించామని, వన్యప్రాణుల రక్షణ అందరి బాధ్యతనన్నారు.

వెంకటాపురం(కె): మున్నూరుకాపు కార్పొరేషన్‌కు ప్రభుత్వం రూ.వెయ్యి కోట్ల కేటాయించాలని మున్నూరుకాపు పటేల్స్‌ సంఘం రాష్ట్ర వ్యవస్థాపక అధ్యక్షుడు కొండ దేవయ్య అన్నారు. సోమవారం మండలకేంద్రంలో మున్నూరు కాపు సంఘం భద్రాచలం నియోజకవర్గ ఇన్‌చార్జ్‌ ధనపనేని వెంకటేశ్వర్లు అధ్యక్షతన సమావేశం నిర్వహించారు. ఈ సందర్భంగా ఆయన ముఖ్యఅతిథిగా హాజరై మాట్లాడారు. రాజకీయ ప్రాధాన్యంతో పాటు ఉ ద్యోగ, ఉపాధి అవకాశాల్లో మున్నూరుకాపులు వె నుకబడి ఉన్నామన్నారు. ఇప్పటికైనా ఐక్యపోరాటా లు చేసి సమస్యలను పరిష్కరించుకోవాలన్నారు. అంతకుముందు మున్నూరుకాపు సభ్యత్వ నమోదు వెబ్‌సైట్‌ పోస్టర్లను ఆవిష్కరించారు. వెబ్‌సైట్‌ ద్వారా సభ్యత్వ నమోదు చేసుకోవాలన్నారు. ఈ కార్యక్రమంలో నాయకులు గైనని రాజన్న పటేల్‌, రాష్ట్ర యూత్‌ వర్కింగ్‌ ప్రెసిడెంట్‌ రాజ్‌కుమార్‌, బెజ్జని సత్తిబాబు, పూర్ణ, నర్సింగుల రామారావు, గార్లపాటి రవి, రమేష్‌ తదితరులు ఉన్నారు. మున్నూరుకాపు పటేల్స్‌ సంఘం రాష్ట్ర వ్యవస్థాపక అధ్యక్షుడు కొండ దేవయ్య

ములుగు రూరల్‌: తెలంగాణ సంస్కృతి, సాంప్రదాయాలకు ప్రతీకగా నిలిచిన బతుకమ్మ వేడుకలను సమ్మక్క–సారక్క సెంట్రల్‌ ట్రైబల్‌ యూనివర్సిటీలో ఘనంగా నిర్వహించారు. ఈ మేరకు సోమవారం వివిధ రాష్ట్రాలకు చెందిన విద్యార్థినులు రంగురంగుల పూలతో బతుకమ్మలను పేర్చి సాంప్రదాయ పాటలతో నృత్యాలు చేశారు. ఈ సందర్భంగా వీసీ వైఎల్‌ శ్రీనివాస్‌ మాట్లాడుతూ తెలంగాణలో బతుకమ్మ విశిష్టతను విద్యార్థినులకు వివరించారు. ఈ కార్యక్రమంలో అధ్యాపకులు, బోధనేతర సిబ్బంది పాల్గొన్నారు. విద్యుత్‌ లైన్ల మార్పునకు నిధులు ములుగు రూరల్‌: ములుగు నియోజకవర్గంలో విద్యుత్‌ లైన్ల మార్పునకు ప్రభుత్వం రూ.3 కోట్ల నిధులు మంజూరు చేసినట్లు పంచాయతీ రాజ్‌ శాఖ మంత్రి సీతక్క సోమవారం ఒక ప్రకటనలో తెలిపారు. ఇటీవల నియోజకవర్గ ప్రజల భద్రత, సౌకర్యాలను దృష్టిలో పెట్టుకోని ప్రభుత్వానికి విజ్ఞప్తి చేశారు. ఈ మేరకు విద్యుత్‌శాఖ మంత్రి సానుకూలంగా స్పందించి రూ.3 కోట్ల నిధులు మంజూరు చేశారు. దీంతో సుధీర్ఘ కాలంగా పెండింగ్‌లో ఉన్న సమస్యలను పరిష్కరించడంతో పాటు పలు లైన్లను మార్పు చేయడానికి ఉపయోగించుకోవాలని సూచించారు. రాష్ట్ర స్థాయి అథ్లెటిక్స్‌లో ప్రతిభ ఏటూరునాగారం/వాజేడు: 12వ రాష్ట్ర సబ్‌ జూనియర్స్‌ అథ్లెటిక్స్‌ చాంపియన్‌షిప్‌లో జిల్లా విద్యార్థినులు ప్రతిభ కబనబర్చి పతకాలు సాధించారు. ఇటీవల కొమురంభీం ఆసిఫా బాద్‌ జిల్లాలో జరిగిన రాష్ట్ర స్థాయి పోటీల్లో ఏటూరునాగారంకు చెందిన క్రీడాకారుణులు ట్రయాథ్లాన్‌ ఏలో అక్షర స్వర్ణం, లాంగ్‌ జంప్‌లో హర్షిణి రజతం, ట్రయాథ్లాన్‌ బీలో హర్షిత కాంస్య పతకం సాధించినట్లు కోచ్‌ పర్వతాల కుమారస్వామి తెలిపారు. ఈ మేరకు సోమవారం గెలుపొందిన క్రీడాకారులను ఏఎస్పీ మనన్‌భట్‌ అభినందించారు. అలాగే హెచ్‌ఎం ఇర్ప కేశవరావు, గ్రామస్తులు అభినందించి మ రిన్ని పతకాలు సాధించాలని ఆకాంక్షించారు. అట్టముక్కలతో టోపీలు ఏటూరునాగారం: అట్టముక్కలు ఎంటీ.. గొడుగులా నీడను ఇచ్చేది అనుకుంటున్నారు కదా.. కానీ అదే నిజం. ఏజెన్సీలోని రైతులు, కూలీలు, ప్రజలు అక్కడ ఉన్న వనరులను వారికి అనుగుణంగా మార్చుకొని ఎదురయ్యే సమస్యల నుంచి ఉపశమనం పొందుతుంటారు. అందులో భాగంగానే భానుడు భగ భగలతో తాండవిస్తుంటే పంట పొలాల్లో పనిచేసే కూలీలు తట్టుకోలేక ఇలా అట్టలను టోపీలాగా తయారు చేసుకుని తలలకు పెట్టుకుని ఎండ నుంచి ఉపశమనం పొందుతున్నారు. ఏటూరునాగారం మండలంలోని రామన్నగూడెం, రాంనగర్‌, రొయ్యూర్‌, ఓడవాడ తదితర ప్రాంతాల్లో ఇలాంటి దృశ్యాలు కనిపించడం గమనార్హం.

ఏటూరునాగారం: గిరిజన సమస్యలను పరిష్కరించేందుకు కృషి చేస్తానని ఐటీడీఏ పీఓ లెనిన్‌ వ త్సల్‌ టొప్పో అన్నారు. సోమవారం మండలకేంద్రంలోని ఐటీడీఏ కార్యాలయంలో గిరిజన దర్బార్‌లో 7 వినతులను పీఓ గిరిజనుల నుంచి స్వీకరించారు. ఇందులో గురుకుల పాఠశాల సమస్యలు 2, ఐటీడీఏ, ఉద్యోగాలు 3, భూ సమస్యలు 2 దరఖా స్తులు వచ్చాయి. మంగపేట మండలం అఖినేపల్లి మల్లారం ప్రాంతంలో గిరిజన, ప్రభుత్వ భూ ముల ఆక్రమణలు, భూముల బదలాయింపులు, మ్యుటేషన్లపై వచ్చిన ఆరోపణలపై విచారణ చేపట్టి తగిన చర్యలు తీసుకోవాలని గిరిజనులు పీఓకు వినతిపత్రం అందించారు. పస్రా గ్రామపంచాయతీ పరిధిలోని 18 గదుల తాయ్‌ బజార్‌ అంగడిపేట షాపింగ్‌ కాంప్లెక్స్‌ నిర్వహణను ఐటీడీఏ పరిధిలోకి తీసుకోవాలని నేషనల్‌ ఆదివాసీ గిరిజ న అభ్యుదయ సంఘం ప్రతినిధులు దరఖాస్తు సమర్పించారు. మహబూబాబాద్‌, ములుగు రీజి నల్‌ కోఆర్డినేటర్‌ పరిధిలో డిప్యుటేషన్‌ కావాలని, ఉద్యోగం కావాలని, భార్య పనిచేస్తున్న ప్రాంతానికి బదిలీ చేయాలని పలువురు విన్నవించారు. వినతులు పరిశీలించి, నిబంధనల ప్రకారం తగిన చర్యలు తీసుకోవాలని అధికారులను పీఓ లెనిన్‌ వత్సల్‌ టొప్పో ఆదేశించారు. ఈ కార్యక్రమంలో ఏపీఓ ప్రతాప్‌, డీడీ జనార్దన్‌, ఈఈ ప్రవీణ, ఏఓ అనిల్‌ కుమార్‌, డిప్యూటీ డీఎంహెచ్‌ఓ కె. క్రాంతికుమార్‌, ఆర్‌సీఓ పద్మిని, వివిధ శాఖల అధికారులు పాల్గొన్నారు.

మండలం వ్యాధిగ్రస్తులు 46 25 27 25 24 13 30 36 22ములుగు వెంకటాపురం(ఎం) గోవిందరావుపేట తాడ్వాయి ఏటూరునాగారం కన్నాయిగూడెం మంగపేట వెంకటాపురం(కె) వాజేడు

ములుగు రూరల్‌: ప్రభుత్వం ప్రీప్రైమరీ పాఠశాలలో విద్యాబోధన, ఆయాలుగా నియమించిన వారికి నెలవారి వేతనాలు చెల్లించాలని ఏఐటీయూసీ రాష్ట్ర కార్యవర్గ సభ్యు డు రవీందర్‌ అన్నారు. సోమవారం జిల్లాకేంద్రంలోని విశ్రాంత ఉద్యోగుల భవనంలో సమావేశం నిర్వహించారు. ఈ సందర్భంగా ఆయన మాట్లాడుతూ ప్రభుత్వాలు అవలంభిస్తున్న ఉద్యోగ కార్మిక వ్యతిరేఖ విధానాలతో అనేక మంది ఉద్యోగులు ఇబ్బందులు పడుతున్నారన్నారు. ప్రీపైమరీ పాఠశాలలో ఇన్‌స్ట్రక్టర్‌లు, ఆయాలకు వేతనాలను అమ్మ ఆదర్శ కమిటీలకు అప్పగించడంతో ఉద్యోగ భద్రతకు ఆందోళన చెందుతున్నారన్నారు. జిల్లాలో 76 మంది ఇన్‌స్ట్రక్టర్‌లు, ఆయాలను ఎంపిక చేసి ఆర్డర్‌ కాఫీలు అందించకుండా విధులు చేయిస్తుందన్నారు. అనంతరం తెలంగాణ ప్రీ ప్రైమరీ టీచర్స్‌, ఆయా యూనియన్‌ నూతన కమిటీని ఏకగ్రీవంగా ఎన్నుకున్నారు. జిల్లా అధ్యక్షురాలిగా సౌలం రమాదేవి, ప్రధాన కార్యదర్శిగా అంకిత, కోశాధికారిగా సయ్యద్‌ సోని, ఉపాధ్యక్షురాలుగా దరవాత్‌ గౌతమి, సహాయ కార్యదర్శిగా కొయ్యడ మౌనికతో పాటు కార్యవర్గ సభ్యులను ఎన్నుకున్నారు. కార్యక్రమంలో సంఘం సభ్యులు పాల్గొన్నారు.

● అదనపు కలెక్టర్‌ సంపత్‌రావు, ఐటీడీఏ పీఓ లెనిన్‌ వత్సల్‌ టొప్పో ● ప్రజావాణికి 14, గిరిజన దర్బార్‌లో 7 వినతులుములుగు రూరల్‌: ప్రజావాణి దరఖాస్తులకు అధికారులు సత్వరమే పరిష్కరించాలని అదనపు కలెక్టర్‌ సంపత్‌రావు అన్నారు. ఈ మేరకు సోమవారం సమీకృత కలెక్టరేట్‌ కార్యాలయంలో నిర్వహించిన ప్రజావాణిలో అర్జీదారుల నుంచి దరఖాస్తులను స్వీకరించారు. ఈ సందర్భంగా ఆయన మాట్లాడుతూ ప్రజావాణి దరఖాస్తులను క్షుణ్ణంగా పరిశీలించి తక్షణమే పరిష్కరించాలని అధికారులను ఆదేశించారు. పరిష్కారం కాకపోవడానికి కారణం దరఖాస్తుదారుడికి తెలియజేయాలన్నారు. గ్రీవెన్స్‌లో 14 దరఖాస్తులు రాగా ఇందులో భూ సమస్యలకు సంబంధించినవి 5, ఇందిరమ్మ ఇళ్లు 1, పెన్షన్‌ 1, ఉద్యోగ అవకాశాలు 2, ఇతర శాఖలకు సంబంధించినవి 5 రాగా ఆయాశాఖల అధికారులకు ఎండార్స్‌ చేశారు.

ఏటూరునాగారం: భార్య, అత్త, కుమారుడిపై కొడవలితో దాడి చేసిన ఘటన ఏటూరునాగారం మండలం రొయ్యూర్‌ గ్రామంలో సోమవారం రాత్రి చోటుచేసుకుంది. ఎస్సై మహేష్‌ కథనం ప్రకారం.. వెంకటాపురం(కె) మండలం ఉప్పేడు వీరాపురం గ్రామానికి చెందిన కుమ్మరి చంద్రప్రసాద్‌ కొంతకాలంగా రొయ్యూరులోని అత్తగారు అయిన దుర్గం రామక్క ఇంటి వద్ద నివాసం ఉంటున్నాడు. ఈ క్రమంలో చంద్రప్రసాద్‌ తల్లి ఆదివారం మరణించగా సొంత గ్రామం వీరాపురంలో సోమవారం అంత్యక్రియలు నిర్వహించిన అనంతరం రొయ్యూరుకు చేరుకున్నాడు. ఈక్రమంలో దుర్గం రామక్క, భార్య అంజలి, కొడుకు యేశ్వర్‌ మాట్లాడుకుంటుండగా ఒక్కసారిగా మతిస్థితిమితం కోల్పోయినట్లు ప్రవర్తించిన చంద్రప్రసాద్‌ పక్కనే ఉన్న కొడవలితో అత్త, భార్య, కొడుకుపై విచక్షణరహితంగా దాడి చేసి గాయపర్చాడు. దీంతో వారు అరవడంతో స్థానికులు వచ్చి చంద్రప్రసాద్‌ను తాళ్లతో కట్టేసి పోలీసులకు సమాచారం అందించారు. పోలీసులకు అక్కడికి చేరుకుని చంద్రప్రసాద్‌ను అదుపులోకి తీసుకున్నారు. కేసు నమోదు చేసి దర్యాప్తు చేస్తున్నట్లు ఎస్సై మహేష్‌ తెలిపారు. దాడికి గల కారణాలు తెలియాల్సి ఉందన్నారు.

● తొలిరోజు బాల త్రిపుర సుందరీదేవిగా దర్శనం ములుగు: జిల్లా వ్యాప్తంగా దేవి శరన్నవరాత్రి ఉత్సవాలు ఆదివారం ప్రారంభమయ్యాయి. గ్రామాల్లోని ఆలయాలు, మండపాల్లో అమ్మవారు కొలువుదీరగా భక్తులు ప్రత్యేక పూజలు నిర్వహించారు. తొలిరోజు అమ్మవారు బాలత్రిపుర సుందరీదేవి అలంకరణలో భక్తులకు దర్శనమిచ్చారు. ఉదయం నుంచే గ్రామాల్లో ఉత్సవ కమిటీ సభ్యులు అమ్మవారిని ప్రతిష్టించగా భక్తులు పెద్ద సంఖ్యలో హాజరై ప్రత్యేక పూజలు నిర్వహించారు. నవరాత్రుల సందర్భంగా ఆలయాలను, ప్రత్యేక మండపాలను విద్యుద్ధీపాలు, పుష్పాలతో అలంకరించారు. మహిళలు కుంకుమార్చన పూజలు నిర్వహించి మొక్కులు చెల్లించుకున్నారు. తొమ్మిది రోజులపాటు అమ్మవారిని వివిధ రూపాల్లో అలంకరించి ప్రత్యేక పూజలు నిర్వహించేందుకు నిర్వాహకులు అన్ని ఏర్పాట్లు పూర్తిచేశారు.

వెంకటాపురం(ఎం): రామప్ప ఆలయ అభివృద్ధికి ఈఓ ఇమ్మడి భాస్కర్‌ నిరంతరం చేస్తున్న కృషి అభినందనీయమని జిల్లా రైస్‌ మిల్లర్స్‌ అసోసియేషన్‌న్‌ అధ్యక్షుడు బాదం ప్రవీణ్‌ కొనియాడారు. పాలంపేటలోని రామప్ప దేవాలయాన్ని ఆయన ఆదివారం దర్శించుకున్న అనంతరం ఈవో భాస్కర్‌ను శాలువాతో ఘనంగా సన్మానించారు. ఈ సందర్భంగా ప్రవీణ్‌ మాట్లాడుతూ వందల ఏళ్ల చరిత్ర కలిగిన రామప్ప ఆలయంలో మూసుకుపోయిన సోమసూత్ర ద్వారం సమస్యను భారత పురావస్తు శాఖతో సమన్వయం చేసుకుంటూ ఐదు నెలల్లో పరిష్కరించడం గొప్ప విషయమన్నారు. దాతల సహకారంతో భక్తులకు మెరుగైన సౌకర్యాలు కల్పించేందుకు చేపడుతున్న పనులు ప్రశంసనీయమని పేర్కొన్నారు. విధి నిర్వహణలో అంకితభావంతో ఈఓ భాస్కర్‌ పనిచేస్తున్నారని ప్రశంసించారు. ఈ కార్యక్రమంలో ఇండియన్‌ రెడ్‌క్రాస్‌ సొసైటీ వైస్‌ చైర్మన్‌ గంగిశెట్టి శ్రీనివాస్‌, జిల్లా ఆర్యవైశ్య సంఘం అధ్యక్షుడు కొమురవెల్లి రమేశ్‌, రెడ్‌క్రాస్‌ కోశాధికారి శిరుప సతీష్‌, రైస్‌ మిల్లర్స్‌ సంఘం కోశాధికారి ఎలగందుల మోహనన్‌, ఉపాధ్యక్షుడు అక్కల రఘు, కొండ్లె కృష్ణమూర్తి, అక్కినపల్లి ప్రభాకర్‌, ఇమ్మడి రమణయ్య తదితరులు పాల్గొన్నారు.

ఒక్క టీచర్‌..సాక్షిప్రతినిధి, వరంగల్‌: ఐదు తరగతులు.. విద్యార్థులు 19 మందిలోపే.. కానీ, బోధనకు ఒక్క ఉపాధ్యాయుడు.. ఉమ్మడి వరంగల్‌ జిల్లాలోని ప్రాథమిక పాఠశాలల్లో ఇదీ పరిస్థితి. విద్యార్థుల సంఖ్య ఆధారంగా ఉపాధ్యాయ పోస్టులను నిర్ణయించే రేషనలైజేషన్‌ విధానం చిన్న పాఠశాలలకు భారంగా మారుతోంది. ఉమ్మడి జిల్లాలో మొత్తం 4,293 పాఠశాలలు ఉండగా.. 879 పాఠశాలల్లో సింగిల్‌ టీచర్‌ మాత్రమే పనిచేస్తున్నారు. అంటే మొత్తం 20.5 శాతం పాఠశాలల్లో ఒకే ఉపాధ్యాయుడితో బోధన సాగుతోంది. ప్రాథమికస్థాయిలో ఒకటి నుంచి ఐదో తరగతి వరకు చదివే 83,771 మంది విద్యార్థులపై ఈ ప్రభావం పడుతుంది. జీఓ 25లో ఏం ఉంది?.. ప్రభుత్వ పాఠశాలల్లో ఉపాధ్యాయుల సర్దుబాటు, రేషనలైజేషన్‌ కోసం ప్రభుత్వం 2021 ఆగస్టు 12న జీఓ 25ను జారీ చేసింది. విద్యార్థుల సంఖ్య ఆధారంగా ఉపాధ్యాయుల సంఖ్యను నిర్ణయించే విధానం ఇందులో ఉంది. ప్రాథమిక పాఠశాలల్లో 0–19 మంది విద్యార్థులుంటే ఒక ఎస్‌జీటీ, 20–60 మందికి ఇద్దరు, 61–90 మందికి ముగ్గురు, 91–120 మందికి నలుగురు ఎస్‌జీటీలను కేటాయించాలి. విద్యార్థుల సంఖ్య పెరిగితే ఉపాధ్యాయ పోస్టుల సంఖ్య కూడా పెరుగుతుంది. అయితే 0–19 మంది విద్యార్థులున్న బడికి ఒక్క ఎస్‌జీటీ ఉండడంతో.. ఒకటి నుంచి ఐదో తరగతి వరకు ఒక్కరే బోధించాల్సిన పరిస్థితి వస్తోంది. బోధనకే సమయం కరువు.. ఐదు తరగతుల విద్యార్థులకు ఒకే సమయంలో బోధన చేయడం సింగిల్‌ టీచర్‌కు పెద్ద సవాల్‌. ఒక తరగతికి పాఠం చెబుతున్న సమయంలో మిగిలిన తరగతుల విద్యార్థులను స్వయం పఠనానికి వదిలేయాల్సి వస్తోంది. దీనికితోడు హాజరు, రికార్డుల నిర్వహణ, ప్రభుత్వ కార్యక్రమాలు, శిక్షణలు, ఎన్నికల విధులు, ఇతర శాఖల పనులు వంటి అదనపు బాధ్యతలు కూడా ఉంటున్నాయి. దీంతో బోధనకు కేటాయించాల్సిన సమయం తగ్గిపోతోంది. ఉమ్మడి వరంగల్‌ జిల్లాలో 879 ఏకోపాధ్యాయ పాఠశాలలుపిల్లలు తగ్గితే.. టీచర్లు తగ్గాలా? గ్రామాల్లోని ప్రభుత్వ పాఠశాలల్లో విద్యార్థుల సంఖ్య తగ్గడానికి అనేక కారణాలున్నాయి. పిల్లలు తక్కువగా ఉన్న పాఠశాలల్లో ఉపాధ్యాయులను తగ్గిస్తే పరిస్థితి మరింత ప్రతికూలంగా మారే అవకాశం ఉందని ఉపాధ్యాయ సంఘాలు అంటున్నాయి. టీచర్లు తక్కువ.. బోధనపై ప్రభావం.. విద్యా ప్రమాణాలపై తల్లిదండ్రుల్లో అనుమానాలు.. ప్రైవేట్‌ పాఠశాలల వైపు మొగ్గు.. ప్రభుత్వ బడుల్లో మరింతగా విద్యార్థుల సంఖ్య తగ్గడం.. ఇలా ఒక చక్రంలా మారే ప్రమాదం ఉందని పేర్కొంటున్నాయి. 2 నుంచి 5 తరగతి చదువుతున్న 83,771పై ప్రభావం జీఓ 25తో ప్రాథమిక విద్యకు ‘రేషనలైజేషన్‌’ ఉచ్చు ప్రతి తరగతికి ఒక టీచర్‌ ఉండాలంటున్న ఉపాధ్యాయ సంఘాలు

ములుగు: ధర్మజాగరణ సమితి ఆధ్వర్యంలో జిల్లాకేంద్రంలో నిర్వహించనున్న రావణ వధ, నరకాసుర వధ ఉత్సవాలు ఈ ఏడాది 26వ సంవత్సరంలోకి అడుగుపెడుతున్నాయని, ఉత్సవాల అనంతరం సమితిని ట్రస్ట్‌గా ఏర్పాటు చేయనున్నట్లు ఉత్సవ కమిటీ అధ్యక్షుడు గండ్రకోట కుమార్‌ తెలిపారు. జిల్లా కేంద్రంలో ఆదివారం ఆయన విలేకరులతో మాట్లాడారు. ములుగు మున్సిపాలిటీగా ఏర్పడిన తొలసారిగా నిర్వహిస్తున్న ఉత్సవాలను సభ్యులంతా సమష్టిగా విజయవంతం చేయాలని పిలుపునిచ్చారు. ఈ నెల 20న సాయంత్రం 6 నుంచి 8 గంటల వరకు సాంస్కృతిక కార్యక్రమాలు నిర్వహించనున్నట్లు పేర్కొన్నారు. జానపద నృత్యాలు, సినిమా పాటలపై గ్రూప్‌ డ్యాన్స్‌లు, బతుకమ్మ నృత్యాలకు అవకాశం కల్పించినట్లూ వెల్లడించారు. ఒక్కో బృందంలో 6 నుంచి 50 మంది పాల్గొనవచ్చని తెలిపారు. సోలో డ్యానన్స్‌లకు అవకాశం లేదని నిర్వాహకులు తెలిపారు. సాంస్కృతిక కార్యక్రమాల అనంతరం రావణాసురవధ కార్యక్రమాన్ని వైభవంగా నిర్వహిస్తామని వివరించారు. పేర్ల నమోదుకు వాంకుడోత్‌ జ్యోతి 9701250210, మాలోత్‌ ప్రేమ్‌ సింగ్‌ 8143101766ను సంప్రదించాలని సూచించారు. సమావేశంలో పెట్టం రాజు, ఆడెపు రాజు, అమర్‌నాథ్‌, విష్ణు తదితరులు పాల్గొన్నారు.

సోమవారం శ్రీ 12 శ్రీ అక్టోబర్‌ శ్రీ 2026ఎస్‌ఎస్‌ తాడ్వాయి: మండల పరిధిలోని మేడారం సమ్మక్క– సారలమ్మను దర్శించుకునేందుకు ఆదివారం భక్తులు వేలాదిగా తరలివచ్చారు. దసరా పండుగ సందర్భంగా ప్రభుత్వం పాఠశాలలకు సెలవులు ప్రకటించడంతో సుదూర ప్రాంతాల నుంచి భక్తులు వేలాదిగా తరలివచ్చారు. తలనీలాలు సమర్పించి జంపన్నవాగులో పుణ్య స్నానాలు ఆచరించి అమ్మవార్లను దర్శించుకున్నారు. అనంతరం గోవిందరాజులు, పగిడిద్దరాజులకు పూజలు చేసి మొక్కులు చెల్లించుకున్నారు. మొక్కుల అనంతరం మేడారం పరిసరాల్లో విడిది చేసి వంటావార్పు చేసుకొని సహపంక్తి భోజనాలు చేశారు.

ఆసిఫాబాద్‌ రూరల్‌: కుమురంభీం ఆసిఫాబాద్‌ జిల్లా కేంద్రంలో నిర్వహించిన రాష్ట్రస్థాయి సబ్‌ జూనియర్‌ అథ్లెటిక్స్‌ చాంపియన్‌షిప్‌ పోటీలు ఆదివారం ముగిశాయి. ఓవరాల్‌ చాంపియన్‌గా కుమురం భీం జిల్లా నిలిచింది. 33 జిల్లాల నుంచి 1500 మంది క్రీడాకారులు పాల్గొన్నారు. ఆదిలాబాద్‌ ఎంపీ నగేశ్‌, ఎమ్మెల్యే కోవ లక్ష్మి, కలెక్టర్‌ హరిత, ఎస్పీ నితికా పంత్‌, ఉట్నూర్‌ ఐటీడీఏ పీవో మంద మకరందు పోటీలను ప్రారంభించారు. హోరాహోరీ పోటీల్లో కుమురం భీం జిల్లా 4 గోల్డ్‌ మోడల్‌, 2 సిల్వర్‌, 6 బ్రాంచ్‌ మోడల్‌తో ఓవరల్‌ చాంపియన్‌ను కై వసం చేసుకుంది. ద్వితీయస్థానంలో ములుగు జిల్లా నిలిచింది. కార్యక్రమంలో అసోసియేషన్‌ రాష్ట్ర కార్యదర్శి సారంగపాణి, జిల్లా అధ్యక్షుడు విజయ్‌, లక్ష్మణ్‌, కాంగ్రెస్‌ డీసీసీ అధ్యక్షరాలు సుగణ, బీజేపీ అధ్యక్షుడు శ్రీశైలం, మల్లికార్జున్‌, ఏసీఎంవో ఉద్దవ్‌, డీఎస్‌వో షేకు, నోడల్‌ ఆఫీసర్‌ మీనారెడ్డి, రాష్ట్ర ఆర్గనైజింగ్‌ కార్యదర్శి వెంకటేశ్వర్‌ రెడ్డి, అథ్లెటిక్స్‌ కోచ్‌ విద్యా సాగర్‌, అరవింద్‌, పీడీ, పీఈటీ సాంకేతిక సిబ్బంది 200 మంది పాల్గొన్నారు. విజేతలు వీరే.. అండర్‌–10 బాలుర విభాగంలో: శివకుమార్‌ (ములుగు), సాయి కుమార్‌ (కామారెడ్డి), రాంచందర్‌ (కుమురం భీం), జగదీష్‌ (ములుగు), లాంగ్‌ జంప్‌లో శివకుమార్‌ (ములుగు), దిలీప్‌ (ములుగు). అండర్‌–12 బాలుర విభాగంలో శివ కుమార్‌ (ములుగు), పవన్‌ (నల్గొండ), పవన్‌ కళ్యాణ్‌ (వరంగల్‌), దీపవత్‌(నల్గొండ) లాంగ్‌ జంప్‌లో ప్రణయ్‌కుమార్‌ (వరంగల్‌), ప్రశాంత్‌ (వరంగల్‌), జావిలిన్‌ త్రోలో అభిషేక్‌ (నల్గొండ), శైలేష్‌(కొత్తగూడెం), అండర్‌ 14 విభాగంలో తుకారాం (కుమురం భీం), విఘ్నేష్‌(నిర్మల్‌) సోను(ఆదిలాబాద్‌), అకాష్‌ (మహబూబ్‌నగర్‌), లాంగ్‌ జంప్‌లో దయాకర్‌ (జోగులాంబ), శ్రావణ్‌ (ఆదిలాబాద్‌) జావిలిన్‌ త్రో కౌశిక్‌ (ములుగు), హిమ్మత్‌ రావు(నిర్మల్‌). అండర్‌–10 బాలికల విభాగంలో: శ్రీవల్లి (మేడ్చల్‌), అనుశ్రీ(మేడ్చల్‌), మేఘన (జోగులాంబ), శ్రీవల్లిక (మేడ్చేల్‌) లాంగ్‌ జంప్‌లో యశాషివీ (సిద్దిపేట), కళ్యాణి (కుమురం భీం), అండర్‌–12 విభాగంలో నూరింన్‌ (కరీంనగర్‌), పార్వతి (నారాయణ పేట్‌), శైలు (జోగులాంబ), లాసియా (మహబూబాద్‌), లాంగ్‌ జంప్‌లో భవిత (ఖమ్మం), అధ్య (మేడ్చల్‌), జావిలిన్‌ త్రోలో అభిజ్ఞ (పెద్దపెల్లి), శంకరమ్మ (కుమురం భీం). అండర్‌ 14 విభాగంలో: సుశీల (హైదరాబాద్‌), వర్ష (హైదరాబాద్‌), శ్రీనిధి (మంచిర్యాల), నందిని (హైదరాబాద్‌), లాంగ్‌ జంప్‌లో ప్రవళిక (కుమురం భీం), అక్షర (ములుగు), జావిలిన్‌ తోలో శృతి (మంచిర్యాల), సోని (హన్మకొండ), ట్రాయత్లాన్‌ యువరాజ్‌ (నాగర్‌కర్నూల్‌) వరుణ్‌ (హన్మకొండ) ప్రథమ, ద్వితీయ బహుమతులు కై వసం చేసుకున్నారు. ఓవరాల్‌ చాంపియన్‌గా కుమురం భీం ద్వితీయస్థానంలో ములుగు జట్టు

మంగపేట : మండల పరిధిలోని మల్లూరు శ్రీ హేమాచలక్షేత్రంలో భక్తుల రద్దీ నెలకొంది. ఆలయంలోని స్వయంభు స్వామివారిని దర్శించుకునేందుకు వందల సంఖ్యలో భక్తులు తరలివచ్చారు. ఉదయాన్నే గుట్టపైకి చేరుకుని చింతామణి జలపాతం వద్ద పుణ్యస్నానాలు ఆచరించి స్వామివారిని దర్శించుకున్నారు. అర్చకులు అనిపెద్ది రాజీవ్‌శర్మ, కారంపుడి పవన్‌కుమార్‌ ఆచార్యులు, వెంకటనారాయణ శర్మ ఉదయం 11 గంటల నుంచి ఒంటి గంట వరకు నిర్వహించిన తిలతైలాభిషేకం పూజలో పాల్గొని స్వామివారికి నువ్వుల నూనె, పూల దండలు, పట్టు వస్త్రాలను సమర్పించారు. స్వయంభు స్వామివారి నిజరూప దర్శనం చేసుకుని పులకించారు. అనంతరం పూజారులు స్వామివారికి ప్రత్యేక అర్చనలు జరిపించి స్వామివారి చరిత్ర, ఆలయ పురాణం వివరించి వేద ఆశీర్వచనం ఇచ్చారు.

● రేడియోలో వచ్చే కార్యక్రమాలతో చదువుపై ఆసక్తి ● ‘సాక్షి’తో బాల సాహితీవేత్త అమ్మిన శ్రీనివాసరాజుప్రశ్న: ఈ స్థాయికి చేరడానికి స్ఫూర్తి ఎవరు? జవాబు: మానాన్న అమ్మిన నూకరాజు నా తొలి గురువు. 1975–85 దశకంలో మా గ్రామంలో పాఠశాల, విద్యుత్‌ సౌకర్యం వంటి మౌలిక వసతులు లేవు. ఈ క్రమంలోనే 5వ తరగతి వరకు నాన్న వద్ద విద్యనభ్యసించాను. ఆ కాలంలో సమాచార సాధనమైన రేడియోలో వచ్చే కార్యక్రమాల ద్వారా చదువుపై ఆసక్తి పెరిగింది. మా నాన్నగారి స్ఫూర్తి, పట్టుదలతో చదవి ఉన్నత స్థాయికి చేరుకున్నాను. ప్రశ్న: చదువు ఎలా కొనసాగింది? జవాబు: ఆ కాలంలో దూరం వెళ్లి చదువుకోవడానికి రవాణా సౌకర్యం లేకపోవడంతో మూడేళ్లు ఖాళీగానే ఉన్నాను. మా గ్రామంలోని పాఠశాలకు కొత్తగా వచ్చిన మాష్టారు గురువయ్య సూచన మేరకు పేరూరు ఆశ్రమ పాఠశాలలో 7వ తరగతి ప్రైవేట్‌గా చదివి భద్రాచలంలో పరీక్షలు రాసి పాసయ్యాను. ఆ ఉత్సాహంతో పేరూరులో 8 నుంచి 10 వరకు చదివి మంచి మార్కులతో ఉత్తీర్ణత సాధించాను. అనంతరం చర్లలో ఇంటర్‌, భద్రాచలంలో డిగ్రీ పూర్తి చేశాను. హైదరాబాద్‌లోని ఉస్మానియా విశ్వవిద్యాలయంలో ఎంఏ తెలుగు పూర్తి చేశాను. పీజీ పూర్తి చేసే వరకు పత్రికలకు వ్యాసాలు, కథలు రాశాను. తెలుగు ఉపన్యాసకులుగా చర్ల, కూనవరం, వాజేడులో పనిచేస్తూ ఇష్టమైన బాల సాహిత్యంలో ఎంఫిల్‌, నాటక సాహిత్యంలో పీహెచ్‌డీని నాగార్జున విశ్వవిద్యాలయంలో పూర్తి చేసి తొలి రచయితగా డాక్టరేట్‌ సాధించాను. ప్రశ్న: ఇప్పటి వరకు రాసిన రచనలు ఏంటి? జవాబు: న్యాయపతిరాఖ రావు కథలు, డాక్టర్‌ మంతెన దృశ్య రూప కావ్యశీలన, బాల సాహిత్యంలో రసగుల్లలు, చంద్రవంకలు, జలగం వెంగళరావు జీవిత చరిత్ర, పీసు మిఠాయి, ఫ్రౌడ సాహిత్యంలో గ్రీష్మంలో వసంతం, అక్షరాభిషేకం, అక్షర ప్రస్థానం, సంపాదకీయాలు అక్షర దక్షిణ, పయనం, హృదయాంజలి రచించాను. కొత్తగూడెం, వరంగంల్‌ కేంద్రాల్లో 119 రేడియో ప్రసంగాలతో పాటు పత్రికల్లో 925 వ్యాసాలు, సమీక్షలు ప్రచురిత మయ్యాయి. అడవిలో అందాల పోటీ కథను మహారాష్ట్ర ప్రభుత్వం 7వ తరగతి తెలుగు వాచకం(సరళ భారతిలో)లో చేర్చింది. ప్రశ్న: లభించిన పురస్కారాలు, అవార్డులు ఎంటి? జవాబు: ఎర్రాప్రగడ బాల సాహిత్యంలో పురస్కారం, అద్దంకి జానకిలో శ్రీశ్రీ పురస్కారం, విశ్వ సాహితీ పురస్కారం, ఖమ్మం జిల్లా సాంస్కృతిక శాఖ పురస్కారం, తెలుగు రక్షణ శాఖ వేదిక, తెలుగు భాషా పురస్కారం, బాసర మూడ నాగభూషణం, సాహితీ పురస్కారం వంటి అనేక పురస్కారాలు వచ్చాయి. ప్రశ్న: యువతకు మీరిచ్చే సందేశం? జవాబు: ఇష్టం, పట్టుదలతో చేసే పని వల్ల సాధ్యం కానిది అంటూ లేదు, గ్రామీణ వాతావరణం, పేదరికం ఎదుగు దలకు ఆటంకాలు కావు.రవాణా, విద్యుత్‌ సౌకర్యం లేని రోజుల్లో పట్టుదలతో రేడియోలో వచ్చే కార్యక్రమాలు వింటూ చదువుపై ఆసక్తి పెంచుకున్నాను. తొలిగురువు మా నాన్న వద్దే పాఠాలు నేర్చుకున్నాను.. ఎన్నో ఒడిదొడుకులు ఎదుర్కొని పత్రికల్లో కథలు, వ్యాసాలు రాస్తూ తెలుగు ఉపన్యాసకులుగా నిలదొక్కుకున్నాను. మండల పరిధిలోని చింతూరు గ్రామానికి చెందిన అమ్మిన శ్రీనివాసరాజు శనివారం తన అనుభవాలను ‘సాక్షి’తో పంచుకున్నారు. – వాజేడు

● ఉద్యమానికి నడుంకట్టిన మానవ హక్కుల వేదిక ● మద్దతు ప్రకటించిన రామప్ప పరిరక్షణ సమితివెంకటాపురం(ఎం): ఓ వైపు ప్రపంచ వారసత్వ సంపద రామప్ప దేవాలయం.. మరోవైపు వేలాది ఎకరాలకు సాగునీరు అందించే రామప్ప చెరువు.. వీటి సమీపంలో బొగ్గు తవ్వకాల కోసం సింగరేణి ప్రతిపాదించిన ఓపెన్‌న్‌ కాస్ట్‌ ప్రాజెక్టు ఇప్పుడు చర్చనీయాంశంగా మారింది. సుమారు 300 మీటర్ల లోతులో తవ్వకాలు, పేలుళ్లతో భూమి అంతర్గత పొరల్లో మార్పులు సంభవిస్తే రామప్ప ఆలయంతో పాటు చెరువు భద్రతపై ప్రభావం పడుతుందన్న ఆందోళనలు వ్యక్తమవుతున్నాయి. పర్యావరణ విధ్వంసం, భూసేకరణ, స్థానికుల జీవనోపాధి, రామప్ప పర్యాటక ప్రాధాన్యతకు సంబంధించిన అంశాలను ప్రస్తావిస్తూ మానవ హక్కుల వేదిక ఈ ప్రాజెక్టును వ్యతిరేకిస్తోంది. ప్రమాదం లేదన్న సింగరేణి భరోసా కంటే ప్రజల సందేహాలకు శాసీ్త్రయ అధ్యయనాలతో సమాధానం చెప్పాలని డిమాండ్‌ చేస్తోంది. ప్రాజెక్టును నిలిపివేయాలని కోరుతూ శనివారం జంగాలపల్లి క్రాస్‌ నుంచి వెంకటాపురం మండల కేంద్రం మీదుగా రామప్ప ఆలయం వరకు చైతన్య ర్యాలీ నిర్వహించింది. మానవ హక్కుల వేదికకు రామప్ప పరిరక్షణ సమితి మద్దతు ప్రకటిస్తూ ర్యాలీలో పాల్గొంది. ఈ చైతన్య ర్యాలీలో జిల్లా జేఏసీ కన్వీనర్‌ ముంజాల భిక్షపతి, మానవ హక్కుల వేదిక సంఘం రాష్ట్ర ఉపాధ్యక్షుడు బాదావత్‌ రాజు, రాష్ట్ర కార్యదర్శి హరికృష్ణ, నాయకులు యాదగిరి, దిలీప్‌, పద్మజ, శ్రీనివాస్‌, రమేశ్‌ తదితరులు పాల్గొన్నారు. వారసత్వ సంపదకు ముప్పు పొంచి ఉందా? కాకతీయుల శిల్పకళా వైభవానికి ప్రతీకగా నిలిచిన రామప్ప దేవాలయానికి యునెస్కో ప్రపంచ వారసత్వ గుర్తింపు 2021 జూలై 25న లభించింది. 800 ఏళ్ల చరిత్ర కలిగిన ఈ కట్టడం అంతర్జాతీయంగా పర్యాటకులను ఆకర్షిస్తోంది. ఆలయం, చెరువు, పరిసర ప్రకృతి వ్యవస్థ ఈ ప్రాంత ప్రత్యేకతను చాటుతున్నాయి. ఇలాంటి ప్రాంతానికి సమీపంలో భారీ స్థాయి బొగ్గు తవ్వకాలు చేపట్టే ముందు ప్రకంపనలు, భూగర్భ జలాలు, నీటి వనరులు, జీవవైవిధ్యం, పర్యావరణంపై ప్రభావాలను సమగ్రంగా అంచనా వేయాలని మానవ హక్కుల వేదిక కోరుతోంది. పర్యావరణ సమతుల్యత దెబ్బతింటే రామప్ప పర్యాటక ప్రాధాన్యతపైనా ప్రభావం పడవచ్చని ఆందోళన వ్యక్తం చేస్తోంది. అలాగే ఓపెన్‌కాస్ట్‌ ప్రాజెక్టు కోసం సుమారు మూడు వేల ఎకరాల భూమిని సింగరేణి సేకరించే ప్రతిపాదన ఉందని మానవ హక్కుల వేదిక తెలిపింది. ఇంత పెద్ద మొత్తంలో భూసేకరణ జరిగితే భూములపై ఆధారపడి జీవించే రైతు కుటుంబాలపై ప్రభావం పడే అవకాశం ఉందని వెల్లడిస్తుంది. ●చెరువు భద్రతపై ఆందోళన జిల్లాలోని నాలుగు మండలాల ప్రజలకు ఫ్లోరైడ్‌ రహిత తాగునీటిని అందించడమే కాకుండా సుమారు 10 వేల ఎకరాల ఆయకట్టుకు రామప్ప చెరువు నీటిని అందిస్తున్నారు. అలాగే చెరువు దిగువన సుమారు ఐదు కిలోమీటర్ల దూరంలో ఓపెన్‌న్‌కాస్ట్‌ ప్రాజెక్టును సింగరేణి సంస్థ ప్రతిపాదించినట్లు మానవ హక్కుల వేదిక పేర్కొంది. సుమారు మూడు టీఎంసీల నీటి నిల్వ సామర్థ్యం కలిగిన రామప్ప చెరువు ఈ ప్రాంత వ్యవసాయానికి కీలకమైన నీటి వనరుగా ఉందని చెబుతున్నారు. గనుల్లో జరిగే భారీ పేలుళ్ల వల్ల భూమి అంతర్గత పొరల్లో మార్పులు సంభవించి చెరువులో నీటి నిల్వలు పడిపోయే ప్రమాదం ఉందని పేర్కొంటున్నారు. అలాగే చెరువు కట్ట పరిస్థితి.. నీటి నిల్వ సామర్థ్యం, భూగర్భ జలాలపై ఎంత ప్రభావం పడుతుందనే అంశాలపై సమగ్ర అధ్యయనం అవసరమని పర్యావరణ పరిరక్షణ వాదులు కోరుతున్నారు.

జిల్లాలో శనివారం ఎంగిలిపూల బతుకమ్మ సంబురాలు ఘనంగా ప్రారంభమయ్యాయి. యువతులు, మహిళలు తీరొక్క పూలను తీసుకొచ్చి బతుకమ్మలను అందంగా పేర్చి గౌరమ్మను పెట్టి భక్తిశ్రద్ధలతో పూజించారు. సాయంత్రం బతుకమ్మలతో ఆలయాలకు చేరుకున్నారు. చుట్టూ తిరుగుతూ బతుకమ్మ బతుకమ్మ ఉయ్యాలో అంటూ ఆడి పాడారు. అనంతరం వాయినాలు ఇచ్చిపుచ్చుకొని సమీపంలోని చెరువులు, కుంటల్లో నిమజ్జనం చేశారు. ఈ సందర్భంగా ఎలాంటి అవాంఛనీయ సంఘటనలు జరగకుండా పోలీసులు బందోబస్తు నిర్వహించారు. ములుగులో బతుకమ్మ ఆటస్థలం వద్ద రెడ్‌క్రాస్‌ ఆధ్వర్యంలో తాగునీటి వసతి సౌకర్యాన్ని కల్పించారు. – ములుగు/ములుగు రూరల్‌

రామప్ప ఆలయానికి నాడు కోస్టల్‌ ప్రాజెక్టుతో, నేడు ఓపెన్‌కాస్టుతో ప్రమాదం నెలకొంది. 2011లో దేవాదుల ప్రాజెక్టు కింద సొరంగపనుల కోసం కోస్టల్‌ ప్రాజెక్ట్‌ రామప్ప ఆలయ పరిసర ప్రాంతాల్లో భారీ పేలుళ్లతో తవ్వకాలు చేపట్టగా కవులు, కళాకారులతో ఉద్యమాలు చేపట్టి అడ్డుకున్నాం. ఇసుక పునాదులతో నిర్మించిన రామప్ప ఆలయానికి ఓపెన్‌కాస్ట్‌ గని కోసం చేపట్టే భారీ పేలుళ్లతో ప్రమాదం పొంచి ఉంది. లక్షల కోట్లు ఖర్చు పెట్టినా రామప్ప ఆలయాన్ని, రామప్ప చెరువును ప్రస్తుతం ఎవరూ నిర్మించలేరు. నాణ్యత లేని బొగ్గు కోసం సింగరేణి సంస్థ చేపట్టే ఓపెన్‌కాస్టు గనిని రామప్ప పరిరక్షణ సమితి ఆధ్వర్యంలో ఉద్యమాలు చేపట్టి అడ్డుకుంటాం. – ఆకిరెడ్డి రాంమోహన్‌రావు, రామప్ప పరిరక్షణ సమితి అధ్యక్షుడు

సింగరేణి సంస్థ ఓపెన్‌కాస్ట్‌ గని పనులను వెంటనే నిలిపివేయాలి. రామప్ప చెరువు భద్రత, ప్రజల జీవనోపాధి, పర్యావరణ పరిరక్షణను పణంగా పెట్టి బొగ్గు తవ్వకాలు చేపట్టడం ఆందోళనకరం. స్థానిక ప్రజలు వ్యక్తం చేస్తున్న భయాందోళనలను ప్రభుత్వం, సింగరేణి యాజమాన్యం పరిగణనలోకి తీసుకోవాలి. రామప్ప వంటి ప్రపంచ వారసత్వ సంపదకు, సాగునీటి వనరులకు ముప్పు కలిగే అవకాశం ఉన్నప్పుడు ప్రాజెక్టును పునఃపరిశీలించాలి. ప్రజలకు, పర్యావరణానికి నష్టం కలిగించే ఈ ప్రతిపాదనను నిలిపివేయాలని డిమాండ్‌ చేస్తున్నాం. – దిలీప్‌, మానవ హక్కుల వేదిక ఉమ్మడి వరంగల్‌ జిల్లా ప్రధాన కార్యదర్శి

● బీజేపీ జిల్లా అధ్యక్షుడు బలరాంఎస్‌ఎస్‌తాడ్వాయి: వరంగల్‌–ఖమ్మం–నల్గొండ పట్టభద్రుల ఎమ్మెల్సీ ఎన్నికల నేపథ్యంలో అర్హులైన పట్టభద్రులందరూ ఓటర్లుగా నమోదు చేసుకునేలా పార్టీ నాయకులు, కార్యకర్తలు కృషి చేయాలని బీజేపీ జిల్లా అధ్యక్షుడు సిరికొండ బలరాం పిలుపునిచ్చారు. మండల పరిధిలోని మేడారం గ్రామంలో శనివారం నిర్వహించిన జిల్లా స్థాయి సమావేశంలో ఆయన మాట్లాడారు. పట్టభద్రుల ఎమ్మెల్సీ ఎన్నికలకు సంబంధించి ఓటరు నమోదు ప్రక్రియకు ప్రాధాన్యమివ్వాలని సూచించారు. జిల్లా, మండల, గ్రామ స్థాయిల్లో పార్టీ నాయకులు, కార్యకర్తలు సమన్వయంతో పనిచేస్తూ అర్హులైన పట్టభద్రులను గుర్తించి, ఓటరు నమోదుపై అవగాహన కల్పించాలన్నారు. అర్హత కలిగిన ప్రతీ పట్టభద్రుడు ఓటరుగా నమోదు చేసుకునేలా పార్టీ శ్రేణులు బాధ్యతగా వ్యవహరించాలని బలరాం సూచించారు. ఎమ్మెల్సీ ఎన్నికలను దృష్టిలో ఉంచుకుని నమోదు కార్యక్రమాన్ని విస్తృతంగా ప్రజల్లోకి తీసుకెళ్లాలని పిలుపునిచ్చారు. అనంతరం అమ్మవార్ల గద్దెల వద్ద పూజలు నిర్వహించారు. కార్యక్రమంలో పార్టీ రాష్ట్ర కార్యవర్గ సభ్యుడు భూక్యా జవహర్‌ లాల్‌, ఎమ్మెల్సీ జిల్లా కన్వీనర్‌, జిల్లా ప్రధాన కార్యదర్శి జాడి వెంకట్‌, కోకన్వీనర్‌లు కృష్ణాకర్‌రావు, స్వరూప, జిల్లా ఉపాధ్యక్షుడు భర్తపురం నరేశ్‌, మేడిశెట్టి ఓమ్రా, మండల అధ్యక్షుడు తాళ్లపల్లి లక్ష్మణ్‌ తదితరులు పాల్గొన్నారు.

మంగపేట : ఏజెన్సీ ప్రాంతాల్లో పెండింగ్‌లో ఉన్న 1/70 భూ కేసులను త్వరితగతిన పరిష్కరించి అక్రమాలకు గురైన ఆదివాసీల భూములను తిరిగి అర్హులకు అప్పగించాలని మాజీ ఎంపీ మిడియం బాబూరావు ప్రభుత్వాన్ని కోరారు. మండల కేంద్రంలో ఆదివాసీ ఉద్యోగుల సంక్షేమ, సాంస్కృతిక సంఘం(ఏఈడబ్ల్యూసిఏ) ఆధ్వర్యంలో ఆదివాసీ హక్కుల చట్టాలపై అవగాహన కార్యక్రమం శనివారం నిర్వహించారు. ఈ కార్యక్రమానికి ఆయన ముఖ్య అతిథిగా హాజరై మాట్లాడారు. షెడ్యూల్డ్‌ ప్రాంతాల్లోని ఆదివాసీల భూమి హక్కుల పరిరక్షణకు ప్రభుత్వం ప్రత్యేక శ్రద్ధ చూపాలన్నారు. ఏళ్ల తరబడి పెండింగ్‌లో ఉన్న భూ వివాదాలను సత్వరమే పరిష్కరించి ఆదివాసీ కుటుంబాలకు న్యాయం చేయాలన్నారు. ఆదివాసీల భాషను ప్రోత్సహించడంతో పాటు వారి సాంస్కృతిక వారసత్వాన్ని భావితరాలకు అందించేలా ప్రభుత్వాలు ప్రత్యేక కార్యక్రమాలు చేపట్టాలన్నారు. ఆదివాసీల జీవనాధారమైన జల్‌–జంగల్‌–జమీన్‌ హక్కులను పరిరక్షించడం ప్రభుత్వ బాధ్యత అని ఆదివాసీలకు న్యాయం జరిగే వరకు వారి సమస్యల పరిష్కారం కొరకు నిరంతర కృషి అవసరమన్నారు. కార్యక్రమంలో ఆదివాసీ సంఘాల నాయకులు గొప్ప సమ్మారావు, కొండ చెంచయ్య, తోలెం నర్సింహారావు, తాటి నాగరాజు తదితర నాయకులు పాల్గొన్నారు. మాజీ ఎంపీ మిడియం బాబూరావు

వెంకటాపురం(ఎం): మండలంలోని చారిత్రాత్మక రామప్ప దేవాలయాన్ని శుక్రవారం సినీనటుడు చంద్రశేఖర్‌ (చత్రపతి శేఖర్‌) దర్శించుకున్నారు. ఆలయ అర్చకులు హరీష్‌ శర్మ, ఉమాశంకర్‌లు వారికి తీర్థ ప్రసాదాలు అందజేశారు. టూరిజం గైడ్‌ గోరంట్ల విజయ్‌కుమార్‌ ఆలయ చరిత్ర, శిల్పకళ వైభవం, కాకతీయుల చరిత్ర గురించి వివరించారు. అనంతరం రా మప్ప చెరువును సందర్శించి బోటింగ్‌ చేశారు. వారి వెంట ఈఓ ఇమ్మడి భాస్కర్‌, టూరిస్ట్‌ పోలీసులు, అరుణ్‌, శ్రీకాంత్‌, బద్రు, శ్రీని వాస్‌, వివిధ శాఖల సిబ్బంది ఉన్నారు. రోడ్డు భద్రత నిబంధనలు ఉల్లంఘిస్తే చర్యలు ములుగు రూరల్‌: వాహనదారులు రోడ్డు భద్రత నిబంధనలు ఉల్లంఘిస్తే శాఖాపరమైన చర్యలు తప్పవని ఎస్పీ సుధీర్‌ రామ్నాథ్‌ కేకన్‌ శుక్రవారం ఒక ప్రకటనలో హెచ్చరించారు. ఇసుక లారీలు అతివేగం, నిర్లక్ష్యపు డ్రైవింగ్‌, అక్రమ పార్కింగ్‌పై కఠినంగా చర్యలు ఉంటాయన్నారు. డ్రైవర్లు నిబంధనలు ఉల్లంఘిస్తే వాహన యజమానులదే బాధ్యతన్నారు. నిర్లక్ష్యంగా వాహనాలు నడిపే వారి సమాచారం అందుబాటులో ఉన్న పోలీస్‌స్టేషన్‌కు అందించాలన్నారు. జనావాస ప్రాంతాల్లో ప్రధాన రహదారుల వద్ద, కూడళ్ల, పాఠశాలల వద్ద అప్రమత్తంగా వాహనాలను నడపాలన్నారు. మద్యం సేవించి వాహనాలు నడిపినట్లయితే సీజ్‌ చేస్తామన్నారు. ప్రమాదాలను నివారించడమే జిల్లా పోలీస్‌శాఖ ప్రధానలక్ష్యమన్నారు. ముగిసిన బొడ్డెమ్మ సంబురాలు మంగపేట: జిల్లాలోని వివిధ గ్రామాల్లో తొమ్మిది రోజుల పాటు సాగిన బొడ్డెమ్మ సంబురాలు శుక్రవారం ముగిశాయి. మంగపేట మండలంలోని కమలాపూరం, బోరునర్సాపు రం, రాజుపేట తదితర గ్రామాల్లో మహిళలు, యువతులు, చిన్నారులు పీటపై బొడ్డెమ్మను పేర్చి ఆడిపాడారు. అనంతరం బొడ్డెమ్మను పవిత్ర గోదావరిలో నిమజ్జనం చేశారు. టైపిస్ట్‌ పోస్టుకు దరఖాస్తుల ఆహ్వానం ములుగు: జిల్లాలో అత్యాచార, పోక్సో చట్టం కేసుల సత్వర విచారణకు ఏర్పాటు చేసిన ప్రత్యేక న్యాయస్థానంలో ఒప్పంద ప్రాతిపదిక న టైపిస్టు పోస్టును భర్తీ చేసేందుకు అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు జిల్లా ప్రధాన న్యాయమూర్తి సూర్య చంద్రకళ శుక్రవారం ఒక ప్రకటనలో తెలిపారు. అభ్యర్థులు డిగ్రీ, తత్సమాన విద్యార్హత కలిగి ఉండాలని, టైప్‌రైటింగ్‌లో ఉన్నత శ్రేణి పరీక్ష, దానికి సమానమైన పరీక్షలో ఉత్తీర్ణులై ఉండాలన్నారు. కంప్యూటర్‌ నిర్వహణలో పరిజ్ఞానం, అర్హత కలిగి ఉండాలని తెలిపారు. నెలకు రూ.19,500 వేతనం చెల్లించనున్నట్లు పేర్కొన్నారు. దరఖాస్తుతో పాటు విద్యార్హతలు, సాంకేతిక అర్హతలు, పుట్టిన తేదీ, వర్తించే సామాజిక వర్గ ధ్రవపత్రం, స్థానికతకు సంబంధించిన ధ్రువపత్రాల ప్రతులను జతచేయాలని సూ చించారు. పూర్తిచేసిన దరఖాస్తులను జిల్లా ప్రధాన న్యాయమూర్తి, జిల్లా ప్రధాన న్యాయస్థానం, ములుగు చిరునామాకు స్పీడ్‌ పోస్టు, కొరియర్‌ ద్వారా ఈ నెల 22న సాయంత్రం 5 గంటలోపు పంపించాలన్నారు. నేడు ఓపెన్‌ కాస్ట్‌కు వ్యతిరేకంగా నిరసన ర్యాలీములుగు: రామప్ప దేవాలయాన్ని పరిరక్షించా లనే డిమాండ్‌తో సింగరేణి ఓపెన్‌ కాస్ట్‌ ప్రాజెక్టుకు వ్యతిరేకంగా మానవ హక్కుల వేదిక ఉమ్మడి వరంగల్‌ జిల్లా శాఖ ఆధ్వర్యంలో శనివారం నిరసన ర్యాలీ నిర్వహించనున్నట్లు నిర్వాహకులు తెలిపారు. మండలంలోని జంగాలపల్లి వద్ద ఉదయం ర్యాలీ ప్రారంభం కా నుందని, వెంకటాపూర్‌ మీదుగా పాలంపేట శివారు వరకు సాగి, అనంతరం రామప్ప దేవా లయం వద్దకు చేరుకోనున్నట్లు వివరించారు. రామప్ప వారసత్వ సంపదను కాపాడుకోవా ల్సిన ఆవశ్యకతను ప్రజల్లోకి తీసుకెళ్లడంతో పాటు ప్రతిపాదిత బొగ్గు తవ్వకాల ప్రాజెక్టుపై నిరసనను తెలియజేయడమే ర్యాలీ ఉద్దేశమన్నారు. మానవ హక్కుల వేదిక సభ్యులు, ప్రజలు, ప్రజాసంఘాల ప్రతినిధులు అధిక సంఖ్యలో పాల్గొని ర్యాలీని విజయవంతం చేయాలని నిర్వాహకులు విజ్ఞప్తి చేశారు.

● అదనపు కలెక్టర్‌ మహేందర్‌జీములుగు: పత్తి కొనుగోలు సీజన్‌ 2026–27లో కపాస్‌ కిసాన్‌ యాప్‌ ద్వారా పత్తి విక్రయించేందుకు రైతులకు అవగాహన కల్పించాలని అదనపు కలెక్టర్‌ సీహెచ్‌.మహేందర్‌జీ అన్నారు. శుక్రవారం తన కార్యాలయంలో జరిగిన పలు శాఖ అధికారుల సమావేశంలో ఆయన మాట్లాడారు. పత్తి కొనుగోలు సీజన్‌కు సంబంధించి ముందస్తు ఏర్పాట్లు, రైతులకు అవగాహన కల్పించడం, కొనుగోలు కేంద్రాల్లో అవసరమైన సదుపాయాల కల్పనపై వివిధ శాఖల అధికారులతో నిర్వహించిన సమీక్ష సమావేశంలో అదనపు కలెక్టర్‌ మాట్లాడారు. రైతులు కపాస్‌ కిసాన్‌ యాప్‌ ద్వారా పత్తి విక్రయ ప్రక్రియను సంబంధించిన వివరాలను తెలుసుకునేలా అవసరమైనా నమోదు, పంట వివరాలను ధ్రువీకరణ ప్రక్రియపై అవగాహన కల్పించాలన్నారు. కాటన్‌ కార్పొరేషన్‌ ఆఫ్‌ ఇండియా నిర్ధేశించిన నిబంధనల ప్రకారం పత్తిలో తేమ శాతం ఆధారంగా ధరలో మార్పులు ఉంటాయన్నారు. తేమ శాతం పెరిగే కొద్ది నిబంధనల ప్రకారం ధరలో కోత విధిస్తూ గరిష్టంగా 12 శాతం తేమ వరకు పత్తి కొనుగోళ్లు చేపట్టనున్నట్లు తెలిపారు. రైతులు పత్తిని సాధ్యమైనంత వరకు ఆరబెట్టి కొనుగోలు కేంద్రాలకు తీసుకురావాలని సూచించారు. ఈ కార్యక్రమంలో జిల్లా వ్యవసాయ అధికారి సురేష్‌, అధికారులు పాల్గొన్నారు.

ఏటూరునాగారం: మండలంలోని చెల్పాక గ్రామ పంచాయతీ కార్యాలయంలో శుక్రవారం జిల్లా క్షయ నియంత్రణ కార్యక్రమం ఎన్‌టీఈపీ ఆధ్వర్యంలో ఉచిత మొబైల్‌ ఏఐ చెస్ట్‌ ఎక్స్‌రే స్క్రీనింగ్‌ కార్యక్రమాన్ని చేపట్టినట్లు కమ్యూనిటీ హెల్త్‌ ఆఫీసర్‌ వేణుగోపాల్‌ తెలిపారు. ఈ సందర్భంగా చెల్పాక సర్పంచ్‌ రాంబాబు మాట్లాడుతూ టీబీ వ్యాధి ఉన్న వ్యక్తులు వెంటనే చికిత్సలు పొంది నయం చేసుకోవాలన్నారు. మొత్తం 82 మంది అనుమానితులకు ఉచిత మొబైల్‌ ఏఐ ఆధారిత చెస్ట్‌ ఎక్స్‌రే పరీక్షలు నిర్వహించగా ప్రాథమిక స్క్రీనింగ్‌లో ముగ్గురు అనుమానితులను గుర్తించి, తదుపరి నిర్ధారణ పరీక్షల కోసం జిల్లా కేంద్రానికి పంపించారు. ఈ కార్యక్రమంలో నర్సింగ్‌ అధికారిణి పద్మ, ఏఎన్‌ఎం ఆదిలక్ష్మి, హెల్త్‌ అసిస్టెంట్‌ జైలుబాబు, నాగేశ్వర్‌రావు, ఎలైట్‌ ఇండియా ప్రతినిధి రాజు, ఎక్స్‌రే టెక్నీషియన్‌ సంతోష్‌, కమ్యూనిటీ మొబిలైజర్‌ విజయ్‌కుమార్‌, ఆశకార్యకర్తలు తదితరులు పాల్గొన్నారు.

హన్మకొండ: ఆర్టీసీ గుర్తింపు ఎన్నికల్లో మిశ్రమ ఫలి తాలు వచ్చాయి. వరంగల్‌ రీజియన్‌లో రెండు కూ టముల మధ్య ముఖాముఖి పోటీ జరిగింది. ను వ్వా.. నేనా? అన్నట్లు జరిగిన ఈ ఎన్నికల్లో ఎవరికీ స్పష్టమైన మెజారిటీ రాలేదు. గుర్తింపు పొందడాని కి 50శాతానికి పైగా మెజారిటీ సాధించాలి. అయితే ఏ కూటమి కూడా 50 శాతం కూడా ఓట్లు సాధించలేదు. దీంతో ఏ యూనియన్‌ క్లాస్‌–6 (రీజి యన్‌)లో గుర్తింపు సాధించలేదు. గుర్తింపు సాధించడానికి 1,521 ఓట్లు అవసరం కాగా, ఏ ఒక్క కూట మికి పూర్తి స్థాయి మెజారిటీ రాలేదు. పోస్టల్‌ ఓట్లు, రాష్ట్రస్థాయిలో గుర్తింపు పొందే కూటమిని బట్టి వ రంగల్‌ రీజియన్‌ గుర్తింపు ఆధారపడి ఉంది. ఫలి తాలను ఈనెల 17న అధికారికంగా ప్రకటిస్తారు. ఆర్టీసీ ఎన్నికలు ప్రశాంతం ఆర్టీసీ వరంగల్‌ రీజియన్‌లోని 9 డిపోల్లో గుర్తింపు ఎన్నికల పోలింగ్‌ ప్రశాంతంగా ముగిసింది. చాలా కాలం తర్వాత ఆర్టీసీ గుర్తింపు ఎన్నికలు శుక్రవారం జరిగాయి. 98.19 శాతం పోలింగ్‌ నమోదైంది. రీజియన్‌లో మొత్తం 3,042 ఓట్లు ఉండగా.. 2,987 ఓట్లు పోలయ్యాయి. 55 ఓట్లు తక్కువగా పోలయ్యాయి. గుర్తింపు ఎన్నికల్లో పోటీ కోసం రెండు ఐ క్య కూటములు చివరి ఓటరు వరకు మద్దతు కూడగట్టేందుకు తీవ్రంగా శ్రమించారు. కార్మిక శాఖ పోలింగ్‌కు పటిష్ట ఏర్పాట్లు చేసింది. ఉదయం 5 గంటలకు ప్రారంభమైన పోలింగ్‌ సాయంత్రం 6 గంటలకు ముగిసింది. అనంతరం కౌంటింగ్‌ చేపట్టారు. దూరప్రాంతాల్లో విధులు నిర్వర్తించే వారు.. ఇతర విధుల్లో ఉండి పోలింగ్‌కు హాజరు కాలేని వా రి కోసం ఈనెల 15, 16 తేదీల్లో పోస్టల్‌ బ్యాలెట్‌కు అవకాశం కల్పించారు. పోస్టల్‌ బ్యాలెట్‌ తర్వాత మొత్తం పోలింగ్‌ శాతంపై స్పష్టత రానుంది. రెండు కూటములకు దక్కని స్పష్టమైన మెజారిటీ వరంగల్‌ రీజియన్‌లో 98.19 శాతం పోలింగ్‌ మొత్తం ఓట్లు 3042, పోలైన ఓట్లు 2,987 ఈ నెల 15, 16 తేదీల్లో పోస్టల్‌ బ్యాలెట్‌కు అవకాశం వరంగల్‌ రీజియన్‌లో మొత్తం 3,042 ఓట్లు ఉండగా 2,987 ఓట్లు పోలయ్యాయి. ప్రస్తుతం అందిన సమాచారం మేరకు క్లాస్‌–6 (రీజియన్‌)లో తెలంగాణ ఆర్టీసీ వర్కర్స్‌ యూనియన్‌ 1,478 ఓట్లు రాగా, నేషనల్‌ మజ్దూర్‌ యూనియన్‌కు 1,438 ఓట్లు వచ్చినట్లు అంచనా. క్లాస్‌–6 (రాష్ట్ర)లో తెలంగాణ వర్కర్స్‌ యూనియన్‌కు 1,316 ఓట్లు, ఎంప్లాయీస్‌ యూనియన్‌కు 1,635 ఓట్లు వచ్చాయి. ప్రస్తుత పోలింగ్‌ సరళిని చూస్తే క్రాస్‌ ఓటింగ్‌ జరిగినట్లు స్పష్టంగా కనిపిస్తోంది. క్లాస్‌–3లో తెలంగాణ ఆర్టీసీ వర్కర్స్‌ యూనియన్‌ నేతృత్వంలోని కూటమికి 1,478 ఓట్లు రాగా, క్లాస్‌–6లో 1,316 ఓట్లు వచ్చాయి. 162 ఓట్లు తక్కువ వచ్చాయి. క్లాస్‌–3లో ఎంప్లాయీస్‌ యూనియన్‌ నేతృత్వంలోని ఎన్‌ఎంయూకు 1,438 ఓట్లు రాగా, క్లాస్‌–6లో ఎంప్లాయీస్‌ యూనియన్‌కు 1,635 ఓట్లు వచ్చాయి. 198 తక్కువ వచ్చాయి. క్లాస్‌–3తో పోలిస్తే క్లాస్‌–6కు ఎంప్లాయీస్‌ యూనియన్‌ వైపు కార్మికులు మొగ్గు చూపారు. క్లాస్‌–3లో తెలంగాణ వర్కర్స్‌ యూనియన్‌ వైపు మొగ్గు చూపారు.

ఏటూరునాగారం: నేడు ఎంగిలిపూల బతుకమ్మ కావడంతో మహిళలు, విద్యార్థులు, గ్రామీణ ప్రాంతాల ప్రజలు మండలకేంద్రాలకు చేరుకొని పండుగకు కావాల్సిన సామగ్రిని కొనుగోలు చేయడంతో శుక్రవారం ప్రధాన రోడ్లు, షాపులు, పూల దుకాణాలు రద్దీగా కనిపించాయి. స్థానికంగా ఉన్న హాస్టల్స్‌, పట్టణ ప్రాంతాల్లోని విద్యార్థులు మండలకేంద్రాలకు చేరుకొని ప్రైవేటు వాహనాల్లో వారి సామగ్రితో వారి స్వగ్రామాలకు ప్రయాణం అయ్యారు. దీంతో ప్రైవేట్‌ వాహనాల్లో విద్యార్థుల రద్దీ కనిపించింది. తంగేడు పువ్వు లభించకపోవడంతో బంతి, గునుగు పువ్వులను ఎక్కువగా కొనుగోలు చేస్తున్నారు. బస్సులు ఎక్కువ మొత్తంలో లేకపోవడంతో బస్టాండ్‌లో ప్రయాణికులు గంటల తరబడి వేచి చూశారు. దీంతో బస్సులు లేక ప్రైవేట్‌ వాహనాలను ఆశ్రయించి వారి గమ్యస్థానాలకు చేరుకుంటున్నారు.

ప్రజా సంక్షేమమే ధ్యేయం ప్రజల సంక్షేమమే ప్రభుత్వ ధ్యేయమని ములుగు వ్యవసాయ మార్కెట్‌ కమిటీ చైర్‌పర్సన్‌ రేగ కల్యాణి అన్నారు. వాతావరణం జిల్లాలో ఉదయం మంచుకురుస్తుంది. మధ్యాహ్నం ఎండ ఎక్కువగా ఉంటుంది. సాయంత్రం చల్లగాలులు వీస్తాయి. ● పూల సేకరణలో మహిళలు ● పల్లెల్లో తొమ్మిది రోజులపాటు సందడిములుగు: తీరొక్క పూలను పేర్చి.. ప్రకృతిని ఆరాధిస్తూ.. ఆడబిడ్డలంతా ఒక్కటై ఆటపాటలతో జరుపుకునే బతుకమ్మ పండుగ నేడు జిల్లాలో ప్రారంభం కానుంది. వివిధ రకాల పూలతో బతుకమ్మలను అందంగా అలంకరించి, వాటి చుట్టూ చేరి పాటలు పాడుతూ సంబురాలు చేసుకునేందుకు మహిళలు సిద్ధమవుతున్నారు. నేటినుంచి (శనివారం) బతుకమ్మ వేడుకలు ప్రారంభం కానుండటంతో జిల్లాలో పండుగ సందడి మొదలైంది. తంగేడు, గునుగు, బంతి, గుమ్మడి పూలు, సీతజడ, టేకు పువ్వు తదితర పూల సేకరణలో మహిళలు నిమగ్నమయ్యారు. పూలదే ప్రత్యేక స్థానం.. బతుకమ్మ పండుగలో పూలదే ప్రధాన పాత్ర. ప్రకృతి ఒడిలో సహజసిద్ధంగా పూసే పూలతో బతుకమ్మను పేర్చడం ఈ పండుగ ప్రత్యేకత. పసుపు వర్ణంలో మెరిసే తంగేడు పూలు బతుకమ్మలో కీలకంగా నిలుస్తాయి. గునుగు పూల ఆకృతులు బతుకమ్మకు మరింత అందాన్ని అద్దుతాయి. బంతి, గుమ్మడి, సీతజడ, టేకు పూలు తమ రంగులతో పూల సౌందర్యాన్ని మరింత పెంచి బతుకమ్మలో ప్రత్యేక ఆకర్షణగా నిలుస్తాయి. అడవులు, పొలాలు, గుట్టలు, చెరువుల పరిసరాల్లో లభించే పూలను ఇంటిల్లిపాది సేకరించి, ఒక్కొక్క వరుసగా పూలను పేర్చి బతుకమ్మను మహిళలు రూపొందిస్తారు. జిల్లాలో ఏర్పాట్లు పూర్తి జిల్లాలోని 171 గ్రామపంచాయతీలతో పాటు ములుగు మున్సిపాలిటీ పరిధిలో బతుకమ్మ వేడుకలకు అధికారులు అన్ని ఏర్పాట్లు పూర్తి చేశారు. ఆయా గ్రామాల్లోని ఆలయాల వద్ద మహిళలు 9రోజుల పాటు బతుకమ్మ పాటలు పాడుతూ ఆటలాడుతారు. 9వ రోజున సద్దుల బతుకమ్మ ఊరి చివరన పెద్ద ఎత్తున మహిళలు ఆడి అనంతరం సమీపంలోని చెరువు, కుంటల్లో బతుకమ్మను నిమజ్జనం చేస్తారు. బతుకమ్మ ఆడే ఆలయాల వద్ద గ్రామపంచాయతీ పాలకవర్గాలు, అధికారులు విద్యుత్‌ లైట్లను ఏర్పాటు చేశా రు. తాగునీటి వసతితో పాటు మహిళలు ఇబ్బందులు పడకుండా కనీస సౌకర్యాలు కల్పించేందుకు అధికారులు చర్యలు తీసుకుంటున్నారు. బతుకమ్మ ఆడే ప్రదేశాల్లో బందోబస్తు నిర్వహించేందుకు పోలీసు శాఖ సన్నద్ధమైంది.

ఏటూరునాగారం: గిరిజన విద్యార్థుల్లో సృజనాత్మకత, నాయకత్వ లక్షణాలు, ఆత్మవిశ్వాసం, నైపుణ్యాలను పెంపొందించే లక్ష్యంతో ప్రత్యేకంగా స్టూడెంట్‌ లెడ్‌ క్లబ్‌లను ఏర్పాటు చేసినట్లు ఐటీడీఏ పీఓ లెనిన్‌ వత్సల్‌ టొప్పో అన్నారు. మండలంలోని గిరిజన సంక్షేమ ఆశ్రమ పాఠశాలల్లో స్టూడెంట్‌ లెడ్‌ క్లబ్‌లను ఏర్పాటు చేశారు. మండలంలోని చిన్నబోయినపల్లి పల్లె దవాఖాన, అంగన్‌వాడీ కేంద్రాలను పీఓ పరిశీలించారు. అనంతరం ఆయన మాట్లాడుతూ గిరిజన ఆశ్రమ పాఠశాలల్లో లిటరేచర్‌ క్లబ్‌, ఆర్ట్స్‌ అండ్‌ కల్చర్‌ క్లబ్‌, సైన్స్‌ అండ్‌ టెక్నాలజీ క్లబ్‌, ఎకో క్లబ్‌, స్పోర్ట్స్‌ అండ్‌ ఫిట్‌నెస్‌ క్లబ్‌ల ద్వారా విద్యార్థులు పాఠ్యాంశాలతో పాటు వివిధ సాంస్కృతిక కార్యక్రమాల్లో పాల్గొనే అవకాశం ఉంటుందన్నారు. అనంతరం చిన్నబోయినపల్లిలో పల్లె దవాఖానాలోని రికార్డులు, అంగన్‌వాడీ కేంద్రాలను తనిఖీ చేసి పలు సూచనలు చేశారు.

● అదనపు కలెక్టర్లు మహేందర్‌జీ, సంపత్‌రావు ములుగు: సమాచార హక్కు చట్టంతో పాలనలో పారదర్శకత పెరుగుతుందని, ప్రజా భాగస్వామ్యంతో సుపరిపాలన సాధ్యమవుతుందని అదనపు కలెక్టర్లు సీహెచ్‌ మహేందర్‌జీ, సంపత్‌ రావులు అన్నారు. సమాచార హక్కు వారోత్సవాల్లో భాగంగా శుక్రవారం జిల్లా కలెక్టరేట్‌లో సమాచార హక్కు చట్టం–2005 జిల్లా స్థాయి వారోత్సవాల కార్యక్రమాన్ని నిర్వహించారు. హైదరాబాద్‌లోని రవీంద్రభారతిలో తెలంగాణ సమాచార కమిషన్‌ ఆధ్వర్యంలో గవర్నర్‌ శివ్‌ ప్రతాప్‌ శుక్లా ముఖ్యఅతిథిగా పాల్గొన్న సరాష్ట్రస్థాయి కార్యక్రమాన్ని కలెక్టరేట్‌ నుంచి ప్రత్యక్ష ప్రసారం ద్వారా వీక్షించారు. ఈ సందర్భంగా సమాచార హక్కు చట్టాన్ని గౌరవిస్తూ, పౌరులు కోరిన సమాచారాన్ని సకాలంలో అందిస్తామని, విధుల నిర్వహణలో పారదర్శకత, జవాబుదారీతనాన్ని పాటిస్తామని ప్రతిజ్ఞ చేశారు. ఈ సందర్భంగా అదనపు కలెక్టర్‌ మాట్లాడుతూ సమాచార హక్కు చట్టంపై ప్రజల్లో విస్తృత అవగాహన పెంచాలన్నారు. అక్టోబర్‌ 5 నుంచి 12 వరకు నిర్వహిస్తున్న వారోత్సవాల్లో జిల్లా, రెవెన్యూ డివిజన్‌, మండల స్థాయిలో అవగాహన కార్యక్రమాలు చేపట్టాలన్నారు. ప్రభుత్వ కార్యాలయాల్లో సమాచార హక్కు చట్టానికి సంబంధించిన అవగాహన పత్రాలు, నోటీసులను స్పష్టంగా కనిపించే ప్రదేశాల్లో ప్రదర్శించాలని అధికారులకు సూచించారు. ఈ కార్యక్రమంలో కలెక్టరేట్‌ ఏఓ రాజ్‌కుమార్‌, జిల్లా అధికారులు, పీఐఓలు, అసిస్టెంట్‌ పీఐఓలు తదితరులు పాల్గొన్నారు.

వెంకటాపురం(కె): గ్రామీణ ప్రాంతాల్లో మౌలిక వసతులు మెరుగుపర్చాలనే లక్ష్యంతో నిర్మించిన శ్మశానవాటికలు అధికారుల నిర్లక్ష్యం, సరైన నిర్వహణ లేకపోవడంతో నిరుపయోగంగా మారుతున్నాయి. 2018, 19 ఆర్థిక సంవత్సరంలో ఉపాధి హామీ పథకంలో ఒక్కొక్క శ్మశాన వాటిక నిర్మాణానికి రూ.12 నుంచి రూ.15లక్షల వరకు వెచ్చించారు. దహన సంస్కారాలకు ప్రత్యేక స్థలంతో పాటు స్నానాలు చేయడానికి, దుస్తులు మార్చుకోవడానికి గదులు నిర్మించారు. ప్రారంభంలో కొంత బాగానే ఉన్నప్పటికీ రానురాను అధికారుల పర్యవేక్షణ లేకపోవడంతో నిర్మాణాలు దెబ్బతింటూ వస్తున్నాయి. పైగా నిర్మాణాల్లో నాణ్యత లేకపోవడంతో వాజేడు మండలంలోని జగన్నాథపురం వైకుంఠదామం ఇప్పటికే కూలిపోయింది. చాలా చోట్ల గోడలు దెబ్బతింటున్నాయి. కనీస సౌకర్యాలు కరువు జిల్లాలోని 171 గ్రామ పంచాయతీల్లో చాలా పంచాయతీల్లోని శ్మశాన వాటికల్లో నీరు, విద్యుత్‌, విద్యుత్‌ సౌకర్యం లేకపోవడంతో అంత్యక్రియలకు వచ్చిన వారు, వారి బంధువులు కనీసం కాళ్లు, చేతులు కడుక్కునేందుకు నీరు లేక ఇబ్బందుతులు పడుతున్నారు. సమీపంలోని వాగులు, పంట పొలాల వద్దకు వెళ్లి స్నానాలు చేయాల్సి దుస్థితి నెలకొంది. కొంతమంది వాటర్‌ ట్యాంకర్లు తెప్పించుకోవాల్సి వస్తుంది. ఇక రాత్రి సమయాల్లో ఎవరైన చనిపోతే చీకట్లోనే దహన సంస్కారాలు చేయాల్సి వస్తుందని, పాములు, తేళ్ల భయంతో బిక్కుబిక్కు మంటూ అంత్యక్రియల కార్యక్రమాల్లో పాల్గొనాల్సి వస్తుందని పలువురు వాపోతున్నారు. జిల్లాలోని శ్మశాన వాటికల్లో సౌకర్యాలు ఏర్పాటు చేసేలా చర్యలు తీసుకుంటాం. విద్యుత్‌, నీటి సౌకర్యం ఏర్పాటు చేసేలా పంచాయతీ సర్పంచ్‌లు, కార్యదర్శులను ఆదేశిస్తాం. నీటి సౌకర్యం లేని శ్మశాన వాటికల్లో ప్రత్యేక ఏర్పాట్లు చేస్తాం. – డీపీఓ వెంకయ్యశ్మశాన వాటికల నిర్వహణను అధికారులు గాలికి వదిలేశారు. స్థానికంగా ఉండే పంచాయతీ సిబ్బంది పట్టించుకోకపోవడంతో రేకులు లేచిపోవడం, గోడలు కూలటం, గదులు శుభ్రం చేయపోవడంతో పాటు పిచ్చిమొక్కలు, చెత్తాచెదారంతో పేరుకుపోయి ఉన్నాయి. ఇప్పటికై నా అధికారులు స్పందించి జిల్లాలోని శ్మశాన వాటికల్లో కనీస సౌకర్యాలు ఏర్పాటు చేసేలా చర్యలు తీసుకోవాలని కోరుతున్నారు.

చిట్యాల: మండలంలోని జూకల్‌ ప్రాథమిక పాఠశాల విద్యార్థులకు అదే పాఠశాల 1987–88 బ్యా చ్‌కి చెందిన పూర్వ విద్యార్థులు క్రీడా దుస్తులను బహూకరించగా సర్పంచ్‌ ఎలగొండ సంధ్యారాణి, ప్రధానోపాధ్యాయురాలు శ్రీలత చేతుల మీదుగా గురువారం పంపిణీ చేశారు. ఈ సందర్భంగా వారు మాట్లాడుతూ.. విద్యార్ధులు కష్టపడి చదువుకోవా లని కోరారు. పూర్వ విద్యార్థులు గ్రామాన్ని, చదువుకున్న పాఠశాలను మరిచిపోకూడదని అన్నారు. పూర్వ విద్యార్థులు దస్తులు బహూకరణ చేయడం అభినందనీయమని అన్నారు. ఈ కార్యక్రమంలో ఉన్నత పాఠశాల ప్రధానోపాధ్యాయులు గిరగాని కృష్ణ, ఉపసర్పంచ్‌ అమీర్‌సోహెల్‌, పూర్వ విద్యార్ధులు పోరెడ్డి సుదర్శన్‌రెడ్డి, రవి ఉన్నారు.

ములుగు: ఉపాధ్యాయులు ఎదుర్కొంటున్న సమస్యల పరిష్కారానికి పీఆర్‌టీయూ టీఎస్‌ తరఫున నిరంతరం కృషి చేస్తామని రాష్ట్ర ప్రధాన కార్యదర్శి ఎస్‌.బిక్షం గౌడ్‌ అన్నారు. గురువారం జిల్లా కేంద్రంలోని రాయల్‌ ప్లాజాలో నిర్వహించిన పీఆర్‌టీయూ జిల్లా సమావేశంలో ఆయన ముఖ్య అతిథిగా హాజరై మాట్లాడారు. ఉపాధ్యాయులకు సంబంధించిన పీఆర్‌సీ, ఈహెచ్‌ఎస్‌, సీపీఎస్‌, పెండింగ్‌ డీఏలు తదితర సమస్యలను ప్రభుత్వం దృష్టికి తీసుకెళ్లి పరిష్కరించేందుకు సంఘం కృషి చేస్తుందన్నారు. ఉపాధ్యాయుల హక్కులు, సంక్షేమం కోసం సంఘం మరింత ఐక్యంగా పనిచేయాల్సిన అవసరం ఉంటుందన్నారు.ఈ కార్యక్రమంలో ములుగు జిల్లా అధ్యక్షుడు వేమ్‌ యాకూబ్‌రెడ్డి, ప్రధాన కార్యదర్శిగా కోకిల శ్రీరంగం ఎన్నియ్యారు. నూతన కార్యవర్గ ఆద్వర్యంలో జిల్లాలో ఉపాధ్యాయులు తదితరులు పాల్గొన్నారు. పీఆర్‌టీయూ టీఎస్‌ రాష్ట్ర ప్రధాన కార్యదర్శి భిక్షంగౌడ్‌

వెంకటాపురం(ఎం): నాయీబ్రాహ్మణుల సేవలను ప్రభుత్వాలు గుర్తించి, అన్ని రంగాల్లో తగిన ప్రాధాన్యం కల్పించాలని నాయీ బ్రాహ్మణుల సంఘం మండల అధ్యక్షుడు నడిగోటి ప్రభాకర్‌ కోరారు. గురువారం మండల కేంద్రంలో మండల ప్రధాన కార్యదర్శి మొగిలిచర్ల అనిల్‌ అధ్యక్షతన గురువారం సంఘం సమావేశం నిర్వహించారు. ఈ సందర్భంగా ప్రభాకర్‌ మాట్లాడుతూ.. మేడారం జాతరలో నాయీ బ్రాహ్మణులు అందించే సేవలకు ప్రభుత్వం తగిన గుర్తింపు ఇవ్వడం లేదన్నారు. తలనీలాల ద్వారా ప్రభుత్వానికి ఆదాయం సమకూరుతున్నప్పటికీ, నాయీ బ్రాహ్మణులకు కనీస సౌకర్యాలు, ఉచిత గుర్తింపు కార్డులు కల్పించడం లేదని అన్నారు. జిల్లాలో 18 ఏళ్లు పైబడిన నాయీ బ్రాహ్మణులందరికీ మేడారం జాతరలో ఉచిత గుర్తింపు కార్డులు మంజూరు చేసి, అన్ని రంగాల్లో ప్రాధాన్యం కల్పించాలని కోరారు. సమస్యల పరిష్కారం కోసం నాయీ బ్రాహ్మణులంతా ఐక్యంగా ముందుకు రావాలని పిలుపునిచ్చారు. సమావేశంలో గౌరవ అధ్యక్షుడు వేల్పుగొండ మధు, ముఖ్య సలహాదారుడు ఎం.రాజు, ఎం.మొగిలి, ఉపాధ్యక్షులు అన్నం రాజ్‌కుమార్‌, మొగిలిచర్ల శరత్‌, కోశాధికారి మాచర్ల కోటి, ప్రచార కార్యదర్శి నడిగోటి శ్రీనివాస్‌, కార్యదర్శి సతీష్‌, కార్యవర్గ సభ్యులు సతీష్‌, సంపత్‌, రమేష్‌ తదితరులు పాల్గొన్నారు.

వెంకటాపురం(కె): సీపీఎం పార్టీ దివంగత నాయకుడు వెంకటేశ్వర్‌రావు ఆశయ సాధనకు కృషి చేయాలని పార్టీ రాష్ట్ర కార్యవర్గ సభ్యుడు బండారు రవి కుమార్‌ అన్నారు. గుర్రం వెంకటేశ్వరావు 16వ వర్ధంతిని గురువారం సీపీఎం మండల పార్టీ ఆధ్వర్యంలో నిర్వహించారు. ఈ సందర్భంగా వెంకటేశ్వర్‌రావు చిత్రపటానికి పూలమాల వేసి నివాళులర్పించారు. అనంతరం నిర్వహించిన వర్ధంతి సభలో రవికుమార్‌ మాట్లాడుతూ.. పార్టీ అభివృద్ధి కోసం ఎంతో కృషి చేశాడని అన్నారు. ఈ కార్యక్రమంలో నాయకులు కుమ్మరి శ్రీను, కట్ల నర్సింహాచారి, తోట నాగేశ్వరావు, గుర్రం పుల్లారావు, చిట్టెం ఆదినారాయణ, దేవమణి, కొప్పుల రఘుపతి, పర్శిక రాంబాబు, గ్యానం వాసు ఉన్నారు.

ములుగు రూరల్‌: రైతులు విత్తనోత్సత్తికి ముందుకు రావాలని వ్యవసాయ శాస్త్రవేత్త గొనియానాయక్‌ అన్నారు. ఈ మేరకు గురువారం కలెక్టరేట్‌ కాన్పరెన్స్‌హాల్‌లో రైతులతో గురువారం సమావేశం నిర్వహించారు. ఈ సందర్భంగా ఆయన మాట్లాడుతూ రైతులు నాణ్యమైన వరి విత్తనాలను పండించడంలో మెలకువలు నేర్చుకోవాలన్నారు. పీఏసీఎస్‌ల ద్వారా వరి విత్తనాలను మార్కెటింగ్‌ చేసుకోవచ్చని వివరించారు. అందుకు ముందుకొస్తే ఆర్థికసాయం నాబార్డ్‌ను నుంచి అందిస్తామన్నారు. ప్రైవేట్‌ విత్తన సంస్థల ఆదిపత్యాన్ని తగ్గించాలన్నారు. కార్యక్రమంలో నాబార్డ్‌ జిల్లా మేనేజర్‌ చంద్రశేఖర్‌, టీఆర్‌వీకే కోఆర్డినేటర్‌ విశ్వతేజ, జిల్లా వ్యవసాయ అధికారి సురేశ్‌కుమార్‌, ఉద్యానశాఖ జిల్లా అధికారి సంజీవరావు, జిల్లా సహకార అధికారి రాంమోహన్‌, వ్యవసాయ కళాశాల ప్రొఫెసర్‌ ప్రజ్ఞ, పీఏసీఎస్‌ సెక్రటరీలు, డైరెక్టర్లు పాల్గొన్నారు.

వెంకటాపురం(ఎం): కోట్టులో కోడిగుడ్డును కొట్టేసిన కోతి చెట్టుపైకి ఎక్కి గుడ్డును ఆరగిస్తూ ప్రజలను ఆశ్యర్యానికి గురిచేసింది. కోతులు నాన్‌వెజ్‌ ముట్టుకోవని, తినవని ప్రజలు భావిస్తున్నప్పటికీ మండల కేంద్రంలోని అక్కపెల్లి శ్రీనివాస్‌ కిరాణం కోట్టులో కోతి చొరబడి కోడిగుడ్డును తీసుకవెళ్లి దానిని నోటితో పగలగొట్టి అందులో ఉన్న సోనను ఆరగిస్తున్న దృశ్యాన్ని ‘సాక్షి’ క్లిక్‌మనిపించింది.కోడిగుడ్డును పగలగొడుతూ.. కోడిగుడ్డును తీసుకొని చెట్టెక్కిన కోతిగుడ్డులోని సోనను ఆరగిస్తూ..

వెంకటాపురం (ఎం): పోషకాహారంతోనే సంపూర్ణ ఆరోగ్యంగా ఉంటామని ములుగు ప్రాజెక్టు సీడీపీఓ శిరీష సూచించారు. గురువారం మండలంలోని నర్సాపూర్‌ సెక్టార్‌ పరిధిలోని నారాయణగిరిపల్లెలో పోషణ మాసం ముగింపు కార్యక్రమాన్ని నిర్వహించారు. ఈ సందర్భంగా సీడీపీఓ శిరీష మాట్లాడుతూ.. గర్భిణులు, బాలింతలు, చిన్నారులు జంక్‌ఫుడ్‌కు దూరంగా ఉండి పోషక విలువలున్న సమతుల్య ఆహారం తీసుకోవాలని సూచించారు. చిన్నారులు, గర్భిణులు, బాలింతల ఆరోగ్యంపై ప్రత్యేక శ్రద్ధ తీసుకోవాలన్నారు. పిల్లల ఆరోగ్యకరమైన ఎదుగుదలకు పోషకాహారం ఎంతో అవసరమని తెలిపారు. ప్రతీ కుటుంబం పోషకాహారం, వ్యక్తిగత పరిశుభ్రత, ఆరోగ్యంపై అవగాహన పెంచుకోవాలని కోరారు. అనంతరం గ్రామంలో పోషకాహారం, ఆరోగ్యం, జంక్‌ఫుడ్‌ దుష్ప్రభావాలపై అవగాహన ర్యాలీ నిర్వహించారు. అంగన్‌వాడీ కేంద్రాలను గ్రామస్తులు సద్వినియోగం చేసుకోవాలని సర్పంచ్‌ అన్నం శ్రీనివాస్‌ సూచించారు. ఈ కార్యక్రమంలో ప్రధానోపాధ్యాయుడు జితేందర్‌రెడ్డి, సూపర్‌వైజర్‌ కళావతి, పోషణ అభియాన్‌ డీసీ మమత, అంగన్‌వాడీ టీచర్లు పూలమ్మ, సంధ్య, హెల్పర్లు పాల్గొన్నారు.

ములుగు రూరల్‌: డిగ్రీ కళాశాలలో బతుకమ్మలతో అధ్యాపకులు ఏటూరునాగారంలో..ములుగు రూరల్‌: ప్రభుత్వ డిగ్రీ కళాశాలలో మందస్తు బతుకమ్మ వేడుకలు నిర్వహించారు. గురువారం మహిళా అధ్యాపకులు పూలతో బతుకమ్మలు పేర్చి ఆడి పాడారు. కళాశాల ప్రిన్సిపాల్‌ మల్లేశం మాట్లాడుతూ.. తెలంగాణ రాష్ట్రంలో మహిళలకు అతి పెద్ద పండుగ బతుకమ్మ అని అన్నారు. ప్రకృతి, సాంప్రదాయాలను గౌరవిస్తు జరుపుకునే పూల పండుగ బతుకమ్మ అని అన్నారు. కార్యక్రమంలో వైస్‌ ప్రిన్సిపాల్‌ బాలయ్య ఎన్‌ఎస్‌ఎస్‌ ప్రోగ్రాం ఆఫీసర్లు అనిల్‌కుమార్‌, ఉదయశ్రీ, కవిత, సరిత, శిరీష, రాధిక, విజేత, తేజోలత, తదితరులు పాల్గొన్నారు. ఏటూరునాగారం: మండల కేంద్రంలోని ప్రభుత్వ డిగ్రీ కళాశాలలో గురువారం బతుకమ్మ వేడుకలను ఘనంగా నిర్వహించారు. ఈ సందర్భంగా ప్రిన్సిపాల్‌ రేణుక మాట్లాడు.. తూ బతుకమ్మ తెలంగాణ సంస్కృతికి ప్రతిబింబ మనీ, బతుకమ్మ పండుగ విశిష్టతను విద్యార్థులకు తెలియజేశారు. కార్యక్రమంలో అధ్యాపకులు నవీన్‌, వెంకటయ్య, జ్యోతి, కనీఫ్‌ ఫాతిమా, సంపత్‌, జీవవేణి, రమేష్‌, శ్రీధర్‌, రాజశేఖర్‌, భావన భారతి, భాస్కర్‌, శ్రీకాంత్‌, ప్రశాంతి, సిబ్బంది శ్రీను, సురేష్‌ పాల్గొన్నారు.

మంగపేట: మండల కేంద్రంలోని పాత బస్టాప్‌ వరకు ఆర్టీసీ బస్సుల రాక పోకలను పునరుద్దరించాలని వర్తక సంఘం ఆధ్వర్యంలో పోలీస్‌ స్టేషన్‌లో, పంచాయతీ కార్యదర్శి మురళికి వినత్రాలు అందజేశారు. ఈ సందర్భంగా వర్తక సంఘం నాయకులు మాట్లాడుతూ.. జిల్లా కేంద్రంతో పాటు పలు ప్రాంతాల నుంచి మండల కేంద్రంలోని పాత బస్టాప్‌ వరకు వచ్చి పోయే ఆర్టీసీ బస్సులు కొద్ది నెలల నుంచి లోపలికి రాకుండానే ఏటూరునాగారం–బూర్గంపాడు ప్రధాన రోడ్డు మీదుగా రాకపోకలు సాగిస్తున్నాయన్నారు. విషయంపై తాము ఆర్టీసీ అధికారులను సంప్రదించామన్నారు. మండల కేంద్రంలోని గంపోనిగూడెం నుంచి పాత బస్టాప్‌ వరకు మధ్యలో ఇరుకుగా ఉన్న ప్రధాన రోడ్డుకు ఇరువైపులా షాపుల ముందు వాహనాలు పార్కింగ్‌ చేయడం, కొందరు రోడ్డును ఆక్రమణ చేయడం, విద్యుత్‌ వైర్ల సమస్య కారణంగా ఆర్టీసీ బస్సులు మండల కేంద్రంలోనికి వచ్చి వెళ్లేందుకు ఇబ్బందులు ఏర్పడుతున్నాయన్నారు. దీని కారణంగా బస్సులు లోపలికి రావడంలేదని ఆర్టీసీ అధికారులు తెలిపారన్నారు. కేశవరావు, శిద్ధంశెట్టి వెంకటేశ్వర్లు, సయ్యద్‌ హుస్సేన్‌, క్రిష్ణారెడ్డి, నర్రా శివప్రసాద్‌, వడ్ల కొండ నాగేందర్‌ తదితరులు పాల్గొన్నారు. మంగపేట : మండలంలోని కొందరు ప్రభుత్వ ఉపాధ్యాయులు నెల వారీ చిట్టీలు, రోజువారి గిగి గిరి నిర్వహిస్తున్నారనే ఆరోపణలు వస్తున్నాయని ఎస్‌ఎఫ్‌ఐ జిల్లా కార్యదర్శి తోకల రవి గురువారం ఒక ప్రకటనలో ఆరోపించారు. పాఠశాలలో విద్యార్థులకు నాణ్యమైన విద్యాబోధన చేయాల్సిన సమయంలో ఆఫీస్‌ వర్క్‌ పేరుతో వారి సొంత పనులపై బయటకు వెళ్తున్నారని ఆరోపించారు. చిట్టీలు, గిరి గిరి వంటి కార్యకలాపాలు నిర్వహిస్తున్నరనే ఆరోపణలపై అధికారులు క్షేత్రస్థాయిలో విచారణ చేపట్టాలని డిమాండ్‌ చేశారు.

మంగపేట: వన్యప్రాణుల ఆవశ్యకతను వివరిస్తున్న లాయక్‌ హుస్సేన్‌ ఏటూరునాగారం: ర్యాలీ నిర్వహిస్తున్న అధికారులు ఏటూరునాగారం: అటవీశాఖ ఆధ్వర్యంలో అడవులు, వన్యప్రాణుల సంరక్షణకు ప్రత్యేక చర్యలు చేపట్టామని అధికారులు, ప్రజాప్రతినిధులు యువత ప్రతి ఒక్కరూ సహకరించాలని ఎఫ్‌ఆర్‌ఓ రెహమాన్‌ తెలిపారు. గురువారం మండల కేంద్రంలో వన్యప్రాణి వారోత్సవాల ముగింపు కార్యక్రమంలో దక్షిణ విభాగం చేపట్టిన సంరక్షణ చర్యలను ప్రొజెక్టర్‌ ద్వారా ఎఫ్‌ఆర్‌ఓ వివరించారు. అనంతరం ఆయన మాట్లాడుతూ.. భవిష్యత్‌ తరాలకు స్వచ్ఛమైన పర్యావరణ అందించాంటే అటవీ సంపదను కాపాడుకోవడం అందరి బాధ్యత అన్నారు. జిల్లాలో 87 శాతం అడవులు ఉండడంతో ములుగు అడవుల జిల్లాగా పిలవడం జరుగుతుందన్నారు. గిరిజన సంస్కృతి సంప్రదాయాలు అడవుల సహజ సంపద పర్యాటక ప్రాంతాలు గిరిజన కుంభమేళాలుగా పిలవబడే అడవులు జాతీయ స్థాయిలో గుర్తింపు పొందిన అడవులను పర్యాటకులు సందర్శిస్తున్నట్లు తెలిపారు. 2050 హెక్టార్ల మేర నష్టపోయిన ప్రాంతాన్ని తిరిగి స్వాధీనం చేసుకోవడానికి అటవీశాఖ ప్రయత్నం చేస్తుందన్నారు. సుమారు 650 హెక్టార్లలో అటవీశాఖ అభివృద్ధి కార్యక్రమాలు చేపడుతున్నామని, గతంలో ఉన్న అటవీ సహజ రుపాన్ని తీసుకురావడానికి ప్రయత్నం చేస్తున్నట్లు తెలిపారు. ప్రయాణికులు విషయాన్ని గమనించి ప్లాస్టిక్‌ వ్యర్థ పదార్థాలను వన్యప్రాణులు ప్రాంతాల్లో వేయవద్దని అధికారులు కోరారు. ఈనెల 2 నుంచి 8వ తేదీ వరకు జాతీయ వన్యప్రాణుల వారోత్సవాలు గురువారంతో ముగిశాయి. ఈమేరకు అధికారులు అటవీశాఖ కార్యాలయం నుంచి ఏటూరునాగారం వరకు బస్టాండ్‌ వరకు ర్యాలీ నిర్వహించి నినాదాలు చేశారు. ఈ కార్యక్రమంలో ఉప అటవీశాఖ అధికారి నారాయణ, సెక్షన్‌ అధికారులు బాలాజీ, శోభరాణి, బీట్‌ అధికారులు దయానంద్‌, వేణు, వినోద్‌, పవన్‌, రాజేష్‌, రవి, శ్రీనాథ్‌, అనూష, జ్యోష్ణ, జూనియర్‌ అసిస్టెంట్‌ పూర్ణ చందర్‌, బేస్‌ క్యాంప్‌ సిబ్బంది పాల్గొన్నారు. మంగపేట: మండల కేంద్రంలోని ప్రభుత్వ జూనియర్‌ కాలేజీలో అటవీ శాఖ మంగపేట ఇన్‌చార్జ్‌ రేంజ్‌ అధికారి లాయక్‌ హుస్సేన్‌ ఆధ్వర్యంలో జాతీయ వన్య ప్రాణుల దినోత్సవాన్ని గురువారం నిర్వహించారు. అక్టోబర్‌ 02 నుంచి 08 వరకు నిర్వహించే వారోత్సవాల ముగింపు సందర్భంగా కళాశాల విద్యార్థులకు వణ్యప్రాణుల అవశ్యకతపై అవగాహన కల్పించారు. ఈ కార్యక్రమంలో అటవీశాఖ సెక్షన్‌, బీటు అధికారులు, బేస్‌ క్యాంపు సిబ్బంది పాల్గొన్నారు. ఎఫ్‌ఆర్‌ఓ రెహమాన్‌

మంగపేట: కాంగ్రెస్‌ అగ్ర నాయకులు రాహుల్‌ గాంధీ, ప్రియాంకా గాంధీ అక్రమ అరెస్టును ఖండిస్తు గురువారం మండల కేంద్రంలో కాంగ్రెస్‌ పార్టీ మండల అధ్యక్షుడు చెట్టుపల్లి వెంకటేశ్వర్లు ఆధ్వర్యంలో ధర్నా చేపట్టి నిరసన వ్యక్తం చేశారు. ఈ సందర్భంగా వెంకటేశ్వర్లు మాట్లాడుతూ.. ఎన్నికల ఓటరు జాబితా సవరణ పేరుతో ఎలక్షన్‌ కమిషన్‌ ఏకపక్షంగా వ్యహరిస్తున్న తీరుపై శాంతియుత నిరసన చేపట్టిన రాహుల్‌ గాంధీ, ప్రియాంకా గాంధీని అరెస్టు చేయడం అప్రజాస్వామికం అన్నారు. ఈ కార్యక్రమంలో కాంగ్రెస్‌ పార్టీ జిల్లా అధికార ప్రతినిధి అయ్యోరి యానయ్య, చాద మల్లయ్య, శ్రావణ్‌కుమార్‌, నరేష్‌, బాలన్న, తదితర నాయకులు పాల్గొన్నారు.

వాజేడు: మండల కేంద్రంలోని దుర్గామాత అమ్మవారి ఆలయం వద్ద గురువారం పసుపు కొట్టం కార్యక్రమాన్ని నిర్వహించారు. దుర్గా నవరాత్రులు త్వరలో ప్రారంభం కానుండటంతో అందులో భాగంగా ముందస్తుగా గ్రామంలోని మహిళలతో ఆలయ నిర్వాహకులు పసుపు కొట్టం కార్యక్రమం చేపట్టారు. మంగపేట : మండలంలోని కమలాపురంలో తెలంగాణ సంస్కృతి, సంప్రదాయాలకు ప్రతీకగా నిలిచే బొడ్డెమమ్మ సంబురాలు గురువారం సాయంత్రం నుంచి ప్రారంభమయ్యా యి. మహిళలు, యువతులు, చిన్నారులు పీటపై బొడ్డెమ్మను తయారు చేసి ఆడిపాడారు. తెలంగాణలోని ఆయా ప్రాంతాలను బట్టి ఎంగిలిపూల బతుకమ్మ పండుగకు 05 నుంచి 02 రోజల ముందు నుంచి జరుపుకొవడం ఆనవాయితీగా వస్తుంది. అదే విధంగా బోరునర్సాపురం, రాజుపేట తదితర గ్రామాల్లో బొడ్డెమ్మ సందడి నెలకొంది. ములుగు రూరల్‌: కాకతీయ యూనివర్సిటీ స్థాయి క్రీడల్లో ప్రభుత్వ డిగ్రీ కళాశాల విద్యార్థులు వాల్‌బాల్‌ పోటీల్లో ప్రతిభ కనబరిచినట్లు ప్రిన్సిపాల్‌ మల్లేశం అన్నారు. గురువారం క్రీడాకారులను అభినందించారు. ఈ సందర్భంగా ఆయన మాట్లాడుతూ.. ఈ నెల 5 నుంచి 7వరకు నిర్వహించిన యూనివర్సిటీ స్థాయి క్రీడలు కిడ్స్‌ కళాశాలలో నిర్వహించారని అన్నారు. వాలీబాల్‌లో మొదటి స్థానంలో నిలిచినట్లు తెలిపారు. కార్యక్రమంలో అధ్యాపకులు, విద్యార్థులు పాల్గొన్నారు. కాళేశ్వరం: మహదేవపూర్‌ సర్కిల్‌ పరిధిలో బతుకమ్మ పండుగను ప్రతి ఒక్కరూ ప్రశాంతంగా నిర్వహించుకోవాలని, నిర్వాహకులు, ప్రజలు పోలీసుల సూచనలు పాటించాలని సీఐ నల్ల వెంకటేశ్వర్లు కోరారు. గురువారం ఆయన మాట్లాడుతూ పండుగకు ముందుగా పోలీస్‌ స్టేషన్‌కు సమాచారం అందించి అవసరమైన అనుమతులు తీసుకోవాలని పేర్కొన్నారు. ముఖ్యంగా ప్రధాన రహదారులు, కూడళ్లలో రాకపోకలకు అంతరాయం కలిగించరాదని, మద్యం తాగి అల్లర్లు, అసభ్యకర ప్రవర్తనకు పాల్పడకుండా చూడాలని సూచించారు. డీజేలు, సౌండ్‌ సిస్టమ్స్‌ వినియోగంలో శబ్ద కాలుష్య నిబంధనలు పాటించాలన్నారు. బాణసంచా కాల్చేటప్పుడు భద్రతా చర్యలు తీసుకోవాలని తెలిపారు. అనుమానాస్పద వ్యక్తులు, వస్తువులు కనిపిస్తే వాటిని తాకకుండా వెంటనే పోలీసులకు సమాచారం ఇవ్వాలన్నారు. అత్యవసర పరిస్థితుల్లో డయల్‌ 112కు ఫోన్‌ చేయాలని సీఐ సూచించారు. చిట్యాల: విద్యార్థులు డ్రగ్స్‌, సైబర్‌నేరాలపై అప్రమత్తంగా ఉండాలని ఎస్సై పోచంపల్లి సతీశ్‌ అన్నారు. గురువారం మండల కేంద్రంలోని ప్రభుత్వ జూనియర్‌ కళాశాలలో జాతీయ సేవా పథకం ఎన్‌ఎస్‌ఎస్‌ ఆధ్వర్యంలో విద్యార్థులకు మాదకద్రవ్యాలు, సైబర్‌నేరాలపై అవగాహన కల్పించారు. ఈ సందర్భంగా ఎస్సై సతీశ్‌ మాట్లాడుతూ.. విద్యార్థులు డ్రగ్స్‌, సైబర్‌నేరాల వంటి వ్యసనాల బారిన పడి మీ భవిష్యత్‌ను నాశనం చేసుకోవద్దని అన్నారు. నషాముక్త్‌ భారత్‌ కార్యక్రమంలో భాగంగా మాదకద్రవ్యాలు లేని సమాజం కోసం యువత కృషి చేయాలని కోరారు. సైబర్‌ మోసం జరిగితే వెంటనే 1930కు ఫిర్యాదు చేయాలని అన్నారు. అనంతరం విద్యార్థులకు యూనిఫామ్‌ అందజేశారు. ఈ కార్యక్రమంలో ప్రిన్సిపాల్‌ శ్రీదేవి, అధ్యాపకులు, విద్యార్థులు పాల్గొన్నారు. చిట్యాల: మండలంలోని గిద్దెముత్తారం గ్రామానికి చెందిన మహ్మద్‌ రహీం ఇటీవల మృతి చెందాడు. దీంతో బాధిత కుటుంబ సభ్యులను సర్పంచ్‌ బుర్ర చంద్రకళ రవీందర్‌ గురువారం పరామర్శించి రూ.2వేలు నగదు, 50 కేజీల బియ్యం అందజేశారు. ఈ కార్యక్రమంలో ఉప సర్పంచ్‌ నునావత్‌ సమ్మయ్య, వార్డు సభ్యులు మోరే ఒదేలు, బొమ్మ నవీన్‌, అజ్మీర రమేష్‌, సుంచు మహేష్‌, మేడిపల్లి లక్ష్మయ్య తదితరులు పాల్గొన్నారు.

ఎస్‌ఎస్‌తాడ్వాయి: హనుమకొండ నుంచి పస్రా ఏటూరునాగారం మీదుగా మంగపేట వరకు ఇసుక లారీల రాకపోకలు పెరగడంతో రహదారిపై ప్రయాణం ప్రమాదకరంగా మారుతోంది. ఇసుక రవాణా లారీలు నిత్యం పెద్ద సంఖ్యలో ఈ మార్గంలో రాకపోకలు సాగిస్తున్నాయి. అయితే కొందరు లారీ డ్రైవర్లు వేగ పరిమితులను పట్టించుకోకుండా అతివేగంగా వాహనాలను నడుపుతున్నారని స్థానికులు ఆరోపిస్తున్నారు. గమ్యస్థానానికి ముందుగా చేరుకోవాలనే ఉద్దేశంతో లారీ డ్రైవర్లు ఒకరితో ఒకరు పోటీపడుతూ వాహనాలను వెళ్తుండడంతో తరచూ ప్రమాదాలు చోటుచేసుకుంటున్నాయని వాహనదారులు వాపోతున్నారు. పస్రా–ఏటూరునాగారం మార్గంలో ఇసుక లారీల సంఖ్య రోజురోజుకూ పెరుగుతున్నప్పటికీ వాటి వేగ నియంత్రణపై అధికారులు ప్రత్యేక దృష్టి సారించడం లేదనే విమర్శలు వినిపిస్తున్నాయి. లారీలు ఎదురుగా వస్తున్న సమయంలో ద్విచక్ర వాహనదారులు, కార్లలో ప్రయాణించే వారు పక్కకు తప్పుకోవాల్సిన పరిస్థితి ఏర్పడుతోందని వాహనాదారులు చెబుతున్నారు. కొన్ని సందర్భాల్లో లారీలు ఇతర వాహనాలను ఓవర్‌టేక్‌ చేసే క్రమంలో ప్రమాదకర పరిస్థితులు ఏర్పడుతున్నాయని పేర్కొంటున్నారు. భారీ వాహనాలు కావడంతో వాటిని అదుపు చేయడం కష్టమవుతుందని, ఏదైనా అనుకోని పరిస్థితి ఎదురైతే చిన్న వాహనాలు తీవ్రంగా నష్టపోయే ప్రమాదం ఉందని ఆందోళన వ్యక్తం చేస్తున్నారు. రాత్రి వేళల్లో పరిస్థితి మరింత ప్రమాదకరంగా ఉంటోందని స్థానికులు అంటున్నారు. ప్రమాదం జరిగినా.. చర్యలు ఏవి? రహదారిపై ద్విచక్ర వాహనదారులపై డ్రంక్‌ అండ్‌ డ్రైవ్‌ తనిఖీలు నిర్వహిస్తున్న అధికారులు.. అదే సమయంలో భారీ వాహనాల వేగాన్ని నియంత్రించేందుకు కూడా ప్రత్యేక తనిఖీలు చేపట్టాలని ప్రజలు కోరుతున్నారు. లారీల ఫిట్‌నెస్‌, డ్రైవర్ల డ్రైవింగ్‌ లైసెన్సులు, వేగ పరిమితులు, రవాణా నిబంధనల అమలుపై క్రమం తప్పకుండా తనిఖీలు నిర్వహించాలని డిమాండ్‌ చేస్తున్నారు. పస్రా నుంచి ఏటూరునాగారం రహదారిపై ఇసుక లారీల వేగాన్ని నియంత్రించేందుకు అధికారులు ప్రత్యేక చర్యలు చేపట్టాలని కోరుతున్నారు. ముఖ్యంగా రద్దీగా ఉండే ప్రాంతాల్లో వేగ నియంత్రణ చర్యలు చేపట్టడంతోపాటు నిబంధనలు ఉల్లంఘించే లారీ డ్రైవర్లపై కఠిన చర్యలు తీసుకోవాలని డిమాండ్‌ చేస్తున్నారు. పస్రా– తాడ్వాయి మార్గంలో గురువారం జరిగిన లారీ ప్రమాద ఘటనతో స్థానికుల్లో మరింత ఆందోళన నెలకొంది. పగలు రాత్రి కొనసాగుతున్న బెల్ట్‌షాపుల నిర్వహణ పగలు, రాత్రి అనే తేడా లేకుండా తెల్లవారుజామున వరకు బెల్ట్‌షాపులు తెరిచి మద్యం విక్రయాలు కొనసాగిస్తున్నారనే ఆరోపణలు వినిపిస్తున్నాయి. ముఖ్యంగా అర్ధరాత్రి సమయాల్లో ఇసుక లారీ డ్రైవర్లు మద్యం సేవించి వాహనాలు నడుపుతున్నారని స్థానికులు ఆందోళన వ్యక్తం చేస్తున్నారు. మద్యం సేవించి లారీలు నడపడం వల్ల రోడ్డు ప్రమాదాలు చోటుచేసుకునే అవకాశం ఉందని, గతంలో కూడా ఇలాంటి ఘటనలు జరిగినట్లు స్థానికులు పేర్కొంటున్నారు. బెల్ట్‌షాపుల్లో నిబంధనలకు విరుద్ధంగా రాత్రివేళల్లోనూ మద్యం విక్రయాలు కొనసాగుతున్నాయన్న ఆరోపణలపై సంబంధిత అధికారులు దృష్టి సారించాలని వారు కోరుతున్నారు. ముఖ్యంగా అర్ధరాత్రి నుంచి తెల్లవారుజాము వరకు ఇసుక లారీలు రాకపోకలు సాగించే ప్రాంతాల్లో మద్యం విక్రయాలపై పర్యవేక్షణ పెంచి, నిబంధనలు ఉల్లంఘించే వారిపై చర్యలు తీసుకోవాలని స్థానికులు డిమాండ్‌ చేస్తున్నారు. భయాందోళనలో వాహనదారులు పట్టించుకోని అధికారులు

ములుగు రూరల్‌: ప్రజాసేవే లక్ష్యంగా దేశంలో ప్రధాన మంత్రి నరేంద్రమోదీ పాలన కొనసాగిస్తున్నారని మాజీ రాజ్యసభ సభ్యుడు గరికపాటి మోహన్‌రావు, మాజీ పార్లమెంట్‌ సభ్యుడు అజ్మీరా సీతారాంనాయక్‌లు అన్నారు. జిల్లా కేంద్రంలో పార్టీ ఆధ్వర్యంలో బుధవారం సేవా సంకల్ప్‌ అభియాన్‌ కార్యక్రమంలో భాగంగా చేపట్టిన సేవా జ్యోతియాత్రను వారు ప్రారంభించారు. ఈ యాత్రలో కాగడాలు చేపట్టి ర్యాలీ నిర్వహించారు. అనంతరం మోదీ వర్చువల్‌గా మాట్లాడారు. గత 25 సంవత్సరాలుగా నరేంద్ర మోదీ సీఎంగా, ప్రధానమంత్రిగా అనేక సేవలు అందిస్తున్నారని తెలిపారు. దేశవ్యాప్తంగా ప్రజలతో మమేకమై సేవా కార్యక్రమాలు చేపట్టాలని సేవా జ్యోతి యాత్రను చేపట్టినట్లు తెలిపారు. ప్రధాన మంత్రి మోదీ వర్చువల్‌గా మాట్లాడుతూ మేక్‌ ఇన్‌ ఇండియా ఉత్పత్తులను ప్రపంచ దేశాలకు ఎగుమతి చేసే విధంగా దేశ ఆర్థిక శక్తిని తీర్చిదిద్దుతామని వెల్లడించారు. 2047 వరకు దేశం వికసిత్‌ భారత్‌ గ్లోబల్‌ మ్యానుఫ్యాక్చరింగ్‌ హబ్‌గా మారన్తుస్తానని వివరించారు. కేంద్రం ప్రవేశపెడుతున్న పథకాలను ప్రజల్లోకి తీసుకెళ్లాలని సూచించారు. ఈ కార్యక్రమంలో సేవా సంకల్ప్‌ అభియాన్‌ కన్వీనర్‌ నగరపు రమేశ్‌, రాష్ట్ర కార్యవర్గ సభ్యులు భూక్య జవహర్‌లాల్‌, కృష్ణవేణి, రాష్ట్ర, జిల్లా నాయకులు పాల్గొన్నారు. మాజీ ఎంపీలు మోహన్‌రావు, సీతారాంనాయక్‌

● కలెక్టర్‌ భోర్ఖడే హేమంత్‌ సహదేవరావుములుగు: ఎలక్ట్రానిక్‌ ఓటింగ్‌ యంత్రాల (ఈవీఎంల) గోదాం భద్రతపై నిరంతరం నిఘా ఉంచాలని కలెక్టర్‌, జిల్లా ఎన్నికల అధికారి భోర్ఖడే హేమంత్‌ సహదేవరావు అధికారులను, భద్రతా సిబ్బందిని ఆదేశించారు. జిల్లా కేంద్రంలోని ఆర్డీఓ కార్యాలయం ఆవరణలోని ఈవీఎం గోదాంను కలెక్టర్‌ సహదేవరావు గుర్తింపు పొందిన వివిధ రాజకీయ పార్టీల ప్రతినిధుల సమక్షంలో నెలవారీ కార్యక్రమంలో భాగంగా తనిఖీ చేశారు. ఈ సందర్భంగా ఈవీఎం గోదాం ప్రధాన ద్వారానికి ఏర్పాటు చేసిన సీల్‌ను రాజకీయ పార్టీల ప్రతినిధుల సమక్షంలో పరిశీలించారు. గోదాంలో ఏర్పాటు చేసిన సీసీ కెమెరాల పనితీరు, నిరంతర నిఘా వ్యవస్థ, విద్యుత్‌ సరఫరా, అత్యవసర పరిస్థితుల్లో ఉపయోగించే పరికరాలను పరిశీలించారు. అగ్నిప్రమాదాలు, ఇతర భద్రతాపరమైన సమస్యలు ఎదురైన సందర్భంలో అనుసరించాల్సిన విధివిధానాలపై సంబంధిత సిబ్బందికి కలెక్టర్‌ సూచనలు చేశారు. అనంతరం ఈవీఎం గోదాం వద్ద ఏర్పాటు చేసిన పోలీసు బందోబస్తు, భద్రతా రిజిస్టర్లు, సందర్శకుల నమోదు పుస్తకాలు తదితర రికార్డులను పరిశీలించారు. గోదాంను సందర్శించే ప్రతి వ్యక్తి వివరాలను నిబంధనల ప్రకారం నమోదు చేయాలని సూచించారు. భద్రతా సిబ్బంది విధుల నిర్వహణలో అప్రమత్తంగా ఉండాలని, ఈవీఎంల భద్రత విషయంలో ఎట్టి పరిస్థితుల్లోనూ నిర్లక్ష్యం ప్రదర్శించరాదని స్పష్టం చేశారు. ఈ కార్యక్రమంలో ఎలక్షన్‌ సెల్‌ డిప్యూటీ తహసీల్దార్‌ నితీష్‌ కుమార్‌, గుర్తింపు పొందిన వివిధ రాజకీయ పార్టీల ప్రతినిధులు, ఎన్నికల విభాగం సిబ్బంది, సంబంధిత అధికారులు, భద్రతా సిబ్బంది పాల్గొన్నారు.

ములుగు: మున్సిపల్‌ కౌన్సిల్‌ సమావేశం బుధవారం వాడీవేడిగా సాగింది. పనుల కేటాయింపు, దసరా, సద్దుల బతుకమ్మ ఉత్సవాల ఖర్చులపై పలువురు బీఆర్‌ఎస్‌ కౌన్సిలర్లు ప్రశ్నలు లేవనెత్తారు. నర్సంపేటకు చెందిన విశ్వం సౌండ్‌ సంస్థకు సుమారు రూ.11 లక్షల పనిని నామినేటెడ్‌ పద్ధతిలో కేటాయించడంపై టెండర్‌ ప్రక్రియ ఎందుకు చేపట్టలేదని మున్సిపల్‌ కమిషనర్‌ సంపత్‌ను ప్రశ్నించారు. సద్దుల బతుకమ్మ, దసరా ఉత్సవాలకు రూ.11 లక్షల వ్యయం ప్రతిపాదించడంపై కౌన్సిలర్లు అభ్యంతరం వ్యక్తం చేశారు. పట్టణంలోని వీధి దీపాలు, పైపులైన్ల లీకేజీలు, గల్లీల్లో మొరం, జేసీబీ మరమ్మతులు, చెత్త ట్రాక్టర్ల డీజిల్‌ వంటి సమస్యలు పరిష్కరించాల్సి ఉండగా ఉత్సవాలకు ఇంత మొత్తం ఎలా కేటాయించారని ప్రశ్నించారు. కౌన్సిలర్లు గోనెల భరత్‌, బైకాని సునీతఓదేలు, వేణుగోపాల్‌చారి, పద్మ, గండ్రకోట వాణికుమార్‌, కొయిల లక్ష్మీ, బైకాని అనూషసాగర్‌ ప్రశ్నించడంతో సమావేశంలో వాగ్వాదం చోటు చేసుకుంది. సమాధానాలపై అసంతృప్తి వ్యక్తం చేసిన కౌన్సిలర్లు సమావేశం నుంచి బయటకు వెళ్లిపోయారు. రూ.11 లక్షల పనుల కేటాయింపుపై అభ్యంతరాలు

ములుగు రూరల్‌: నకిలీ లోన్‌ ఆఫర్లపై ప్రజలు అప్రమత్తంగా ఉండాలని ఎస్పీ సుధీర్‌ రాంనాథ్‌ కేకన్‌ సూచించారు. ఈ మేరకు బుధవారం సైబర్‌ నేరాలపై అవగాహన కార్యక్రమం నిర్వహించి వాల్‌ పోస్టర్‌ ఆవిష్కరించారు. ఈ సందర్భంగా ఎస్పీ మాట్లాడుతూ తెలంగాణ పోలీస్‌శాఖ చేపట్టిన ఫ్రాడ్‌ కా పుల్‌స్టాప్‌ కార్యక్రమం నిర్వహించినట్లు తెలిపారు. తక్షణం, తక్కువ వడ్డీ రుణాలు, నిమిషాల్లో లోన్‌ మంజూరు అంటూ సైబర్‌ నేరగాళ్లు ప్రజలను ఆకర్షించి జీఎస్టీ, లోన్‌ప్రాసింగ్‌ ఫీజు పేరుతో ముందుగా డబ్బులు చెల్లించాలని కోరుతున్నారని తెలిపారు. ప్రజలు అనుమానాస్పద లింకులు, ఫోన్‌ కాల్స్‌, మెసేజ్‌లకు స్పందించకూడదని వివరించారు. ఇతరులకు బ్యాంకు ఖాతా వివరాలు, ఓటీపీలు, పాస్‌వర్డ్‌లు తెలుపరాదని వెల్లడించారు. సైబర్‌ మోసాల భారిన పడితే వెంటనే 1930 కాల్‌ చేయాలని సూచించారు. ఫిర్యాదు చేస్తే డబ్బును నిలిపివేసే అవకాశం ఉంటుందని తెలిపారు. ఈ కార్యక్రమంలో డీసీఆర్బీ డీఎస్పీ కిశోర్‌కుమార్‌, సీఐ సురేశ్‌కుమార్‌, ఎస్‌బీ ఇన్‌స్పెక్టర్‌ ప్రతాప్‌, వెంకటాపురం(ఎం) ఎస్సై చల్లా రాజు, డీసీఆర్బీ ఎస్సై వెంకటేశ్‌ తదితరులు పాల్గొన్నారు. ఎస్పీ సుధీర్‌ రాంనాథ్‌ కేకన్‌

కేయూ క్యాంపస్‌: కేయూ పరిధిలోని వరంగల్‌, ఖమ్మం, అదిలాబాద్‌ జిల్లాల అంతర్‌కళాశాలల వాలీబాల్‌ పోటీల్లో ములుగు ప్రభుత్వ డిగ్రీ కళాశాల జట్టువిజేతగా నిలిచిందని ఫిజికల్‌ డైరెక్టర్ల అసోసియేషన్‌ అధ్యక్షుడు జె.సోమన్న బుధవారం తెలిపారు. వరంగల్‌ కిట్స్‌లో ఇటీవల నిర్వహించిన వాలీబాల్‌ అంతర్‌కళాశాలల పోటీల్లో విజేత జట్టుకు కిట్స్‌ కళాశాల రిజిస్ట్రార్‌ కోమల్‌రెడ్డి బహుమతులు ప్రదానం చేసినట్లు తెలిపారు. ఈ అసోసియేషన్‌ కోఽశాధికారి డాక్టర్‌ కిరణ్‌కుమార్‌గౌడ్‌, సంయుక్తకార్యదర్శి మధుకిషన్‌, బాధ్యులు శశికాంత్‌, అనిత, వెంకన్న, వెంకటస్వామి, ప్రొఫెసర్‌ రమేశ్‌ రెడ్డి పాల్గొన్నారు.

ములుగు రూరల్‌: భారతీయ జనతా పార్టీ మహిళా మోర్చా రాష్ట్ర కార్యవర్గ సభ్యురాలిగా జిల్లా కేంద్రానికి చెందిన గాదం మాధవిని నియమించినట్లు పార్టీ రాష్ట్ర అధ్యక్షుడు రామచంద్రరావు బుధవారం ఉత్తర్వులు జారీ చేశారు. ఈ సందర్భంగా మాధవి మాట్లాడుతూ తన ఎన్నికకకు సహకరించిన రాష్ట్ర కార్యవర్గ సభ్యులు భూక్య జవహర్‌లాల్‌, కృష్ణవేణి నాయక్‌, జిల్లా నాయకులకు కృతజ్ఞతలు తెలిపారు. అసిస్టెంట్‌ కమాండెంట్‌గా అరుణ్‌ రాజ్‌కుమార్‌ గోవిందరావుపేట: మండల పరిధిలోని చల్వాయి 5వ బెటాలియన్‌ టీజీఎస్పీ నూతన అసిస్టెంట్‌ కమాండెంట్‌గా ఆర్‌.అరుణ్‌ రాజ్‌కుమార్‌ బుధవారం బాధ్యతలు స్వీకరించారు. గతంలో అలైడ్‌ ఫోర్స్‌లో విధులు నిర్వహించిన ఆయన బెటాలియన్‌కు అసిస్టెంట్‌ కమాండెంట్‌గా వచ్చారు. ఈ సందర్భంగా బెటాలియన్‌ కమాండెంట్‌ సీవీ.లక్ష్మీకాంతరావు నూతన అసిస్టెంట్‌ కమాండెంట్‌కు మొక్క అందజేసి శుభాకాంక్షలు తెలిపారు. బెటాలియన్‌ విధుల నిర్వహణలో సమన్వయంతో పనిచేస్తూ సిబ్బంది సంక్షేమానికి ప్రాధాన్యత ఇవ్వాలని సూచించారు. అనంతరం అరుణ్‌ రాజ్‌కుమార్‌ బెటాలియన్‌ అఽధికారులను పరిచయం చేసుకున్నారు. బూర్గుపేట ఆశ్రమ పాఠశాల తనిఖీ వెంకటాపురం(ఎం): మండల పరిధిలోని బూర్గుపేట గిరిజన సంక్షేమ ఆశ్రమ బాలుర ఉన్నత పాఠశాలను ఐటీడీఏ పీఓ లెనిన్‌ వత్సల్‌ టొప్పో బుధవారం తనిఖీ చేశారు. పాఠశాలలోని విద్యా పరిస్థితులు, విద్యార్థులకు అందుతున్న సౌకర్యాలను ఆరా తీశారు. ఈ సందర్భంగా తరగతి గదులను సందర్శించిన పీఓ విద్యార్థులతో మాట్లాడి వారి అభ్యసన స్థాయి, విద్యాప్రగతిని తెలుసుకున్నారు. విద్యార్థుల నోట్‌బుక్స్‌, పాఠ్యపుస్తకాలు, బోధనకు సంబంధించిన అంశాలను పరిశీలించారు. విద్యార్థులు చదువుపై మరింత శ్రద్ధ చూపాలని సూచించారు. అనంతరం పాఠశాలలోని డార్మెంటరీని పరిశీలించి సిబ్బందికి పలు సూచనలు చేశారు. ఆస్పత్రి సిబ్బందికి రక్షణ ఏది? భూపాలపల్లి అర్బన్‌: జిల్లా కేంద్రంలోని ప్రభుత్వ జనరల్‌ ఆస్పత్రిలో సిబ్బందికి రక్షణ లేకుండా పోయిందని వైద్యసిబ్బంది ఆస్పత్రి ఎదుట బుధవారం నిరసనకు దిగారు. ఆస్పత్రిలో విధులు నిర్వహిస్తున్న సిబ్బందికి రక్షణ లేకుండా పోయిందని ఆవేదన వ్యక్తం చేశారు. పేషెంట్లు, వారి అటెండర్లు సిబ్బందితో దురుసుగా ప్రవర్తిస్తున్నా.. భద్రతా సిబ్బంది పట్టించుకోవడం లేదని ఆరోపించారు. ఆస్పత్రిలో భద్రతా ఏర్పాట్లు సక్రమంగా లేవని, సెక్యూరిటీ సిబ్బంది పర్యవేక్షణలో లోపాలు ఉన్నాయన్నారు. విధి నిర్వహణలో తమకు ఇబ్బందులు ఎదురవుతున్నాయని, భయాందోళనల మధ్య పనిచేయాల్సి వస్తోందన్నారు. సిబ్బందికి రక్షణ కల్పించాల్సిన సెక్యూరిటీ వ్యవస్థ విఫలమైందని విమర్శించారు. ప్రస్తుతం పనిచేస్తున్న సెక్యూరిటీ సూపర్‌వైజర్‌ను తొలగించి, సమర్థవంతమైన భద్రతా వ్యవస్థను ఏర్పాటు చేయాలని డిమాండ్‌ చేశారు. ఆస్పత్రిలో పేషెంట్లు, అటెండర్ల కదలికలపై నిఘా పెంచడంతోపాటు సిబ్బందిపై దురుసు ప్రవర్తనకు అడ్డుకట్ట వేయాలని కోరారు. సిబ్బందికి పూర్తి భద్రత కల్పించే వరకు ఆందోళన కొనసాగిస్తామని వారు స్పష్టం చేశారు.

ములుగు రూరల్‌: విద్యార్థులు ప్రణాళికతో చదివి ఉన్నత స్థాయికి చేరుకోవాలని న్యాయ సేవాధికార సంస్థ కార్యదర్శి చండీశ్వరి దేవి అన్నారు. ఈ మేరకు బుధవారం మండల పరిధిలోని జాకారం మినీ గురుకులంలో ఏర్పాటు చేసిన న్యాయ విజ్ఞాన సదస్సుకు ఆమె ముఖ్య అతిథిగా హాజరై మాట్లాడారు. విద్యార్థినులు మంచి, చెడు స్పర్శపై మాట్లాడే బొమ్మతో అవగాహన కల్పించారు. బాల్య వివాహాల నిరోధక చట్టం, సైబర్‌ క్రైమ్‌, పోక్సో చట్టంపై అవగాహన కల్పించారు. బాలకార్మిక నిషేధిత చట్టం, ఉచిత విద్యాహక్కు చట్టపై వివరించారు. ఈ కార్యక్రమంలో చీఫ్‌ లీగల్‌ ఎయిడ్‌ డిఫెన్స్‌ కౌన్సిల్‌ మేకల మహేందర్‌, డిప్యూటీ చీఫ్‌ లీగల్‌ ఎయిడ్‌ కౌన్సిల్‌ స్వామిదాస్‌, పాఠశాల ఉపాధ్యాయులు, విద్యార్థినులు పాల్గొన్నారు. న్యాయ సేవాధికార సంస్థ కార్యదర్శి చండీశ్వరిదేవి

గురువారం శ్రీ 8 శ్రీ అక్టోబర్‌ శ్రీ 2026ఎస్‌ఎస్‌ తాడ్వాయి: మేడారం సమ్మక్క–సారలమ్మ మహాజాతరకు వచ్చే భక్తులకు ఇకపై ఇబ్బందులు కలగకుండా శాశ్వత ప్రాతిపదికన మౌలిక వసతులు కల్పించేందుకు అధికారులు మాస్టర్‌ ప్లాన్‌ రూపొందించారు. 2028లో వచ్చే మహాజాతరను దృష్టిలో పెట్టుకుని పంచాయతీరాజ్‌, గ్రామీణాభివృద్ధి శాఖ మంత్రి ధనసరి సీతక్క ఆదేశాల మేరకు ఇరిగేషన్‌ శాఖ రంగంలోకి దిగి మేడారం, పరిసర ప్రాంతాల్లోని నీటి వనరులు, జంపన్నవాగు తీర ప్రాంత అభివృద్ధిపై ప్రత్యేక దృష్టి సారించింది. భక్తుల సౌకర్యంతో పాటు పర్యాటక అభివృద్ధికి దోహదపడేలా మొత్తం రూ.49.43 కోట్లతో నాలుగు ప్రధాన పనులకు ప్రతిపాదనలు సిద్ధం చేసి అధికారులు ఇటీవల ప్రభుత్వానికి పంపారు. జంపన్నవాగుకు కొత్త రూపు మేడారం జాతరకు వచ్చే భక్తులు జంపన్నవాగులో పవిత్ర స్నానాలు ఆచరిస్తుంటారు. జాతర సమయంలో లక్షలాది మంది ఒకేసారి వాగు వద్దకు చేరుకోవడంతో రద్దీ, భద్రత, పారిశుద్ధ్యం వంటి సమస్యలు తలెత్తుతున్నాయి. ముఖ్యంగా నీటి ప్రవాహం, వాగు తీరం, స్నానాలకు అనువైన ప్రాంతాల కొరతతో భక్తులు ఇబ్బందులు పడుతున్న సందర్భాలున్నాయి. ఈ సమస్యలకు శాశ్వత పరిష్కారం చూపేలా ఇరిగేషన్‌ శాఖ ప్రతిపాదనలు రూపొందించింది. ఊరట్టం కాజ్‌వేకు ఎగువ, దిగువ ప్రాంతాల్లో జంపన్నవాగు ఎడమ వైపున సుమారు 900 మీటర్ల పొడవున ఆధునిక స్నానఘట్టాలు నిర్మించేందుకు రూ.21.25 కోట్లతో ప్రతిపాదించారు. అలాగే జంపన్నవాగులో ఏడాది పొడవునా నీటి లభ్యత ఉండేలా ప్రణాళిక రూపొందించారు. వాగుకు అడ్డంగా రూ.14.78 కోట్లతో చెక్‌డ్యామ్‌ నిర్మించనున్నారు. వర్షాకాలంలో వచ్చే నీటిని నిల్వ చేయడంతో పాటు ఎండాకాలంలోనూ వాగులో నీటి నిల్వ ఉండేలా పనులు చేపట్టనున్నారు. రావి చెరువు.. శివరామ్‌ సాగర్‌కు కొత్త హంగులు మేడారంలోని రావి చెరువుకు కూడా మహర్దశ రానుంది. ప్రస్తుతం ఉన్న చెరువును సుందరీకరించి రూ.5.80 కోట్లతో మినీ ట్యాంక్‌బండ్‌గా అభివృద్ధి చేయాలని ప్రతిపాదించారు. నీటి వనరుల పరిరక్షణతో పాటు భక్తులు, పర్యాటకులు సేదతీరేందుకు అనువుగా ఈ ప్రాంతాన్ని తీర్చిదిద్దనున్నారు. అలాగే శివరామ్‌ సాగర్‌ చెరువును సైతం అభివృద్ధి చేసి మినీ ట్యాంక్‌బండ్‌గా మార్చనున్నారు. ఇందుకోసం రూ.7.60 కోట్లతో ప్రతిపాదనలు సిద్ధం చేసి ప్రభుత్వానికి పంపించారు. ఈ రెండు చెరువుల అభివృద్ధి పనులు పూర్తయితే మేడారంలో పర్యాటకులను మరింత ఆకర్షించనున్నాయి. అనుమతి రాగానే టెండర్లు ప్రభుత్వం నుంచి అనుమతులు వచ్చి నిధులు మంజూరు కాగానే టెండర్లు పిలిచి పనులు ప్రారంభించేందుకు అధికారులు సిద్ధంగా ఉన్నారు. దీంతో అనుకున్న సమయానికి పనులు పూర్తయితే జాతర సమయంలో భక్తులకు ఎదురయ్యే అనేక సమస్యలకు పరిష్కారం లభించనుంది. జంపన్నవాగులో సురక్షిత స్నానఘట్టాలు, నీటి నిల్వ కోసం చెక్‌డ్యామ్‌, రెండు చెరువుల సుందరీకరణతో మేడారం రూపురేఖలు మారే అవకాశం ఉంది. మరోవైపు మేడారం కేవలం జాతర సమయంలోనే కాకుండా ఏడాది పొడవునా భక్తులు, పర్యాటకులు సందర్శించే అవకాశం ఉంది.మహాజాతరలో గద్దెల ప్రాంగణంలో భక్తులు(ఫైల్‌)మేడారంలో ఇరిగేషన్‌శాఖ ఆధ్వర్యంలో ప్రణాళిక జంపన్నవాగులో 900 మీటర్ల మేర ఆధునిక స్నానఘట్టాలు రూ.14.78 కోట్లతో చెక్‌డ్యామ్‌ నిర్మాణం 2028 మహాజాతరే లక్ష్యంగా ముందుకు.. ప్రభుత్వ పరిపాలనా అనుమతుల కోసం ఎదురుచూపు 2028 జాతరే లక్ష్యం 2028లో జరగనున్న మేడారం సమ్మక్క–సారలమ్మ మహాజాతరకు దేశవ్యాప్తంగా పెద్ద సంఖ్యలో భక్తులు తరలివచ్చే అవకాశం ఉంది. ఈ నేపథ్యంలో చివరి నిమిషంలో పనులు చేపట్టకుండా ఇప్పటి నుంచే శాశ్వత అభివృద్ధి పనులు చేపట్టేలా అధికారులు ప్రణాళికలు రూపొందించారు. రాబోయే మహా జాతర నాటికే వీలైనంత వరకు కీలక పనులను పూర్తి చేయాలని లక్ష్యంగా పెట్టుకున్నారు. అదే విధంగా ప్రభుత్వం త్వరితగతిన నిధులు మంజూరు చేస్తే వచ్చే ఏడాది ఫిబ్రవరిలో జరగనున్న మినీ మేడారం వచ్చే భక్తులకు సైతం మౌలిక వసతులు అందుబాటులోకి వచ్చే అవకాశం ఉంది.

హన్మకొండ: టీజీఎస్‌ ఆర్టీసీ గుర్తింపు ఎన్నికలకు వరంగల్‌ రీజియన్‌ పరిధిలో కార్మికశాఖ అన్ని ఏర్పాట్లు చేసింది. 9న ఉదయం 5నుంచి సాయంత్రం 6 గంటల వరకు పోలింగ్‌ జరగనుంది. మొత్తం 3,042 మంది కార్మికులు ఓటు హక్కు వినియోగించుకోనున్నారు. ఇప్పటికే డిపోల వారీగా, రీజినల్‌ మేనేజర్‌ కార్యాలయంలో పోలింగ్‌ బూత్‌లు గుర్తించారు. ప్రిసైడింగ్‌, అసిస్టెంట్‌ ప్రిసైడింగ్‌ అధికారులు, సిబ్బందిని నియమించారు. బ్యాలెట్స్‌ బాక్స్‌లు సమకూర్చుకోవడంతో పాటు బ్యాలెట్‌ పేపర్‌లు సిద్ధం చేశారు. నేడు (గురువారం) హనుమకొండలోని జిల్లా కార్యాలయాల భవన సముదాయంలోని కార్మిక శాఖ కార్యాలయంలో సిబ్బందికి పోలింగ్‌ మెటీరియల్‌ పంపిణీ చేయనున్నారు. పోలింగ్‌ పర్యవేక్షకులుగా అసిస్టెంట్‌ లేబర్‌ కమిషనర్లు మహబూబాబాద్‌ అసిస్టెంట్‌ లేబర్‌ కమిషనర్‌ వెంకట్‌రెడ్డి మహబూబాబాద్‌, భూపాలపల్లి, తొర్రూరు డిపోల్లోని పోలింగ్‌ స్టేషన్‌లను, వరంగల్‌ అసిస్టెంట్‌ లేబర్‌ కమిషనర్‌ భార్గవ్‌ వరంగల్‌–1, వరంగల్‌–2 హనుమకొండ, ఆర్‌ఎం ఆఫీస్‌, జనగామ, పరకాల, నర్సపేట, పరకాల డిపోల్లోని పోలింగ్‌ స్టేషన్‌లను పర్యవేక్షిస్తారు. ప్రతీ ఓటరుకు రెండు ఓట్లు.. ● ప్రతీ ఓటరు (కార్మికుడు) రెండు ఓట్లు వేయాలి. క్లాస్‌–3 (రాష్ట్ర), క్లాస్‌–6 (రీజియన్‌)కు వేర్వేరుగా ఓట్లు వేయాల్సి ఉంటుంది. ● డ్యూటీలో ఉండి 9న పోలింగ్‌లో పాల్గొనే అవకాశం లేని కార్మికులకు ఈ నెల 15, 16 తేదీల్లో పోస్టల్‌ బ్యాలెట్‌కు అవకాశం కల్పించారు. ● పోలింగ్‌ కోసం మొత్తం 39 మంది సిబ్బందిని నియమించారు. ఇందులో 10 మంది ప్రిసైడింగ్‌ అధికారులుండగా, మిగతా వారిలో అసిస్టెంట్‌ ప్రిసైడింగ్‌ అఫీసర్‌, ఎన్నికల సిబ్బంది ఉన్నారు. ● పోలింగ్‌ అనంతరం కౌంటింగ్‌ నిర్వహిస్తారు. కానీ, ఫలితాలు అధికారికంగా విడుదల చేయరు. ● పోస్టల్‌ బ్యాలెట్‌ను ఈ నెల 15, 16 తేదీల్లో ఉదయం 10 నుంచి మధ్యాహ్నం 2 గంటల వరకు డిపోలో కేటాయించిన బాక్స్‌లో వేయాలి. ● వీటిని ఈ నెల 16న మధ్యాహ్నం 2 గంటల తర్వాత కౌంటింగ్‌ చేస్తారు. తుది ఫలితాలు 17న ప్రకటిస్తారు. ముగిసిన ఎన్నికల ప్రచారం... టీజీఎస్‌ ఆర్టీసీ గుర్తింపు ఎన్నికల ప్రచారం బుధవారంతో ముగిసింది. ఈ నెల 18న కార్మిక శాఖ గుర్తింపు ఎన్నికల షెడ్యూల్‌ విడుదల చేసింది. అప్పటినుంచి యూనియన్‌లు ఎన్నికల ప్రచారం చేపట్టాయి. కార్మిక యూనియన్‌ ప్రధాన సంఘాలతోపాటు ఆయా పార్టీల నాయకులు, ప్రజా ప్రతినిధులు, కార్మిక సంఘాల రాష్ట్ర, రీజియన్‌ నాయకులు డిపోల వారీగా ప్రచారం నిర్వహించారు. గెలుపుకోసం సర్వశక్తులు ఒడ్డారు. చివరగా ఈ నెల 6న తెలంగాణ ఆర్టీసీ వర్కర్స్‌ యూనియన్‌, ఎస్‌డబ్ల్యూఎఫ్‌ ఐక్య కూటమి బహిరంగ సభ నిర్వహించగా, ఎంప్లాయీస్‌ యూనియన్‌, ఎన్‌ఎంయూ, టీఎంయూ ఐక్య కూటమి బుధవారం బహిరంగ సభ నిర్వహించింది. కార్మికులకు ఏమేమి చేస్తామో వివరించాయి. వరంగల్‌ రీజియన్‌లో రెండు ఐక్య కూటమిల మధ్య ముఖాముఖి పోటీ నెలకొనగా ఓటర్ల మద్దతు పొందేందుకు తీవ్రంగా శ్రమించాయి. విజయంపై ఎవరికివారు ధీమాతో ఉన్నారు. 6 గంటల వరకు ముగిసిన ఎన్నికల ప్రచారం వరంగల్‌ రీజియన్‌లో మొత్తం 3,042 ఓట్లు 9 డిపోల్లో ఒక్కో బూత్‌, ఆర్‌ఎం కార్యాలయంలో మరొకటి ఏర్పాటు 39మంది పోలింగ్‌ సిబ్బంది నియామకం

సాక్షిప్రతినిధి, వరంగల్‌: పేద, మధ్యతరగతి కుటుంబాల పిల్లలకు మంచి విద్య, వసతి, భోజనం అందించాలనే లక్ష్యంతో ఏర్పాటు చేసిన గురుకులాల్లో వరుస ఘటనలు ఆందోళన కలిగిస్తున్నాయి. ఎలుకల కాటు నుంచి ఆహార కలుషితంతో అస్వస్థత, విద్యార్థుల మధ్య ఘర్షణలు, ఆత్మహత్యలు, ఆత్మహత్యాయత్నాల ఘటనలు వెలుగులోకి వస్తున్నాయి. దీంతో తల్లిదండ్రులు కలవరపడుతున్నారు. విస్తృతం ‘గురుకుల’ నెట్‌వర్క్‌.. హనుమకొండ, వరంగల్‌, జనగామ, జయశంకర్‌ భూపాలపల్లి, మహబూబాబాద్‌, ములుగు జిల్లాల్లో బీసీ, సాంఘిక సంక్షేమ, గిరిజన సంక్షేమ గురుకుల సంస్థలు ఉన్నాయి. కేంద్ర ప్రభుత్వానికి ఇటీవల పంపిన నివేదిక ప్రకారం ఆయా సొసైటీల జాబితాలను పరిశీలిస్తే పాఠశాలలు, ఇతర రెసిడెన్షియల్‌ సంస్థలు కలిపి సంఖ్య 61 ఉండగా 24,400 మంది విద్యార్థినీవిద్యార్థులు ఉన్నారు. ఒక్క ఎంజేపీటీ బీసీడబ్ల్యూఆర్‌ఈఐ పరిధిలోనే ఉమ్మడి వరంగల్‌ ప్రాంతంలో 31 గురుకులాల్లో 12,400 వరకు విద్యార్థులున్నట్లు ఆ గణాంకాలు చెబుతున్నాయి. గేట్‌ దగ్గరే తల్లిదండ్రులు.. గురుకులాల్లో చదివే పిల్లలు వారాల తరబడి తల్లిదండ్రులకు దూరంగా ఉంటారు. పిల్లలకు ఏ చిన్న సమస్య వచ్చినా వెంటనే తల్లిదండ్రులకు తెలియదు. కొన్నిచోట్ల తల్లిదండ్రులను లోపలికి అనుమతించకపోవడంతో పరిస్థితిని ప్రత్యక్షంగా తెలుసుకునే అవకాశం ఉందన్న ఆరోపణలు ఉన్నాయి. పిల్లలతో మాట్లాడేందుకు వచ్చిన పేరెంట్స్‌ గేటు బయటే ఉండాల్సిన పరిస్థితి ఉంది. ఉన్నతాధికారుల పర్యవేక్షణ మొక్కుబడిగా మారడం వల్ల కూడా అనర్థాలకు కారణంగా చెబుతున్నారు. దీంతో లోపల వారి పిల్లలు ఎలా ఉంటున్నారు? భోజనం ఎలా ఉంది? వసతి గదులు, మరుగుదొడ్లు ఎలా ఉన్నాయి? ఎవరైనా వేధిస్తున్నారా? అనారోగ్యంగా ఉన్నారా? అనే ప్రశ్నలకు సమాధానం ఎవరు చెప్పాలి అన్నది ఇప్పుడు చర్చనీయాంశంగా మారింది. ఈ ఏడాది కలవరపెట్టిన ఘటనలు కొన్ని.. ● ఏప్రిల్‌ 26 : మహబూబాబాద్‌ జిల్లా తొర్రూరు మండలం నాంచారి మడూరు మహాత్మా జ్యోతిరావుపూలే రెసిడెన్షియల్‌ డిగ్రీ కాలేజీలో మొదటి సంవత్సరం విద్యార్థి రాచర్ల కార్తీక్‌ మృతి కలకలం రేపింది. కుటుంబ సభ్యులు అనుమానాలు వ్యక్తం చేయడంతో పోలీసులు కేసు నమోదు చేసి దర్యాప్తు చేపట్టారు. ● జూన్‌ 30 : హనుమకొండ జిల్లా పరకాల మండలం మల్లక్కపేట (నర్సక్కపల్లి) సాంఘిక సంక్షేమ బాలికల రెసిడెన్షియల్‌ స్కూల్‌లో పదో తరగతి విద్యార్థిని ఈకు శ్రీవాణి బాత్‌రూంలో ఆత్మహత్యకు పాల్పడిన ఘటన విషాదం నింపింది. ● ఆగస్టు 3: వరంగల్‌ జిల్లా వర్ధన్నపేట గిరిజన బాలికల ఆశ్రమ పాఠశాలలో సుమారు 27 మంది బాలికలు అస్వస్థతకు గురైన ఘటన వెలుగులోకి వచ్చింది. ఆహార కలుషితమే కారణమన్న ఆరోపణలపై విచారణ జరిపారు. ● సెప్టెంబర్‌ 7: ములుగు జిల్లా ఏటూరునాగారంలో పారిశుద్ధ్యం, నీటి సమస్యలపై విద్యార్థినులు ఆందోళనకు దిగిన ఘటనలు చోటుచేసుకున్నాయి. మరో ఘటనలో విద్యార్థి నాయకురాలు ముగ్గురు బాలికలను కర్రతో కొట్టినట్లు ఆరోపణలు వచ్చాయి. ● సెప్టెంబర్‌ 19: హనుమకొండ జిల్లా వంగర పీవీ రంగారావు బాలికల గురుకులంలో చదువుతున్న ఓ విద్యార్థిని సోదరి ఆత్మహత్య చేసుకోవడంతో కుటుంబ సభ్యులు ఆమెను ఇంటికి తీసుకెళ్లారు. తిరిగి గురుకులంలో చేర్చుకునేందుకు ప్రిన్సిపాల్‌ నిరాకరించడంతో తల్లి దండ్రులు ఆందోళనకు దిగడం వివాదాస్పదమైంది. ● అక్టోబర్‌ 5: వరంగల్‌ జిల్లా ఖానాపురంలో ఇద్దరు గిరిజన బాలికలు ఆత్మహత్యాయత్నానికి పాల్పడిన ఘటన వెలుగుచూసింది. ఫోన్‌ ద్వారా వేధింపులే ఘటనకు కారణమన్న ఆరోపణలు వచ్చాయి. ● అక్టోబర్‌ 5: మహబూబాబాద్‌ జిల్లా గూడూరులోని బీసీ బాలికల రెసిడెన్షియల్‌ స్కూల్‌లో ఐదో తరగతి బాలికను ఎలుక కరిచింది. ● అక్టోబర్‌ 6: నెక్కొండ బాలికల గురుకుల పాఠశాల, కళాశాలలో 35 మంది ఐదో తరగతి విద్యార్థినులను ఇంగ్లిష్‌ టీచర్‌ రజిని తీవ్ర గాయ పర్చింది. ఈ ఘటనను సుమోటోగా తీసుకున్న కలెక్టర్‌ సత్యశారద ఎంపీడీఓను విచారణ అధికారిగా నియమించారు. విచారణ నివేదిక మేరకు టీచర్‌ను కలెక్టర్‌ సస్పెండ్‌ చేశారు. గురుకులాల్లో పిల్లలను పర్యవేక్షించే వ్యవస్థ ఏం చేస్తోంది? టీచర్‌ దాడి, ఎలుకల కాటు, అనారోగ్యం, ఆత్మహత్యలు, ఆత్మహత్యాయత్నాలు వరుస ఘటనలతో ఆందోళన చెందుతున్న విద్యార్థులు, తల్లిదండ్రులుపిల్లల్ని నమ్మి పంపుతున్నాం..‘పిల్లలను నమ్మి గురుకులాలకు పంపుతున్నాం.. మా కళ్లకు దూరంగా ఉన్నా.. అధికారులు, సిబ్బంది పర్యవేక్షణలో భద్రంగా ఉన్నారనే నమ్మకం కల్పించాలి. ఘటన జరిగిన తర్వాత స్పందించడం కాదు.. ఘటన జరగకుండా చూడాలి’ అని హనుమకొండ జిల్లాకు చెందిన గురుకుల పాఠశాలలో చేరిన ఓ విద్యార్థిని తండ్రి ఆవేదన వ్యక్తం చేశాడు. ‘గురుకులాల్లో చేర్పించిన పిల్లలందరూ రైతులు, పేద, మధ్యతరగతి కుటుంబాలకు చెందినవారే. పిల్లలకు మంచి భవిష్యత్‌ వస్తుందనే ఆశతో వారిని దూరంగా పంపుతున్నాం. అప్పుడప్పుడు కలెక్టర్లు, ఉన్నతాధికారులు పర్యవేక్షణ చేస్తున్నా.. నిర్వహణలో మార్పు లేదు. ఇకనైనా జాగ్రత్తలు తీసుకుని పిల్లల భవిష్యత్‌కు భరోసా ఇవ్వాలి’ అని వరంగల్‌ జిల్లాకు చెందిన పేర్లు చెప్పని ఓ గురుకుల విద్యార్థి తల్లిదండ్రులు కోరుతున్నారు.

● టీజీఎన్పీడీసీఎల్‌ ఎస్‌ఈ భిక్షపతివెంకటాపురం(ఎం): వ్యవసాయ పంటల సాగుకు మెరుగైన విద్యుత్‌ను సరఫరా చేయడమే లక్ష్యమని టీజీఎన్పీడీసీఎల్‌ ఎస్‌ఈ భిక్షపతి తెలిపారు. వెంకటాపురం(ఎం) సెక్షన్‌ పరిధిలోని నర్సాపూర్‌ సబ్‌స్టేషన్‌ను మంగళవారం పరిశీలించిన ఆయన విద్యుత్‌ సరఫరా పరిస్థితి, లోడ్లు, పరికరాల పనితీరుపై అధికారులతో సమీక్షించారు. ఈ సందర్భంగా భిక్షపతి మాట్లాడుతూ ఫీడర్లు, ట్రాన్‌న్స్‌ ఫార్మర్లు, ఇతర విద్యుత్‌ పరికరాల పనితీరును నిరంతరం పర్యవేక్షిస్తున్నామని తెలిపారు. ఎక్కడైనా విద్యుత్‌ అంతరాయాలు, లో–వోల్టేజ్‌ సమస్యలు తలెత్తితే క్షేత్రస్థాయి సిబ్బంది వెంటనే స్పందించి పరిష్కరించాలని సూచించారు. విఫలమైన ట్రానన్స్‌ఫార్మర్లను ఆలస్యం చేయకుండా విద్యుత్‌ సరఫరాను పునరుద్ధరించాలని ఆదేశించారు. రైతులు, వినియోగదా రులకు మెరుగైన సేవలు అందించేందుకు అధి కారులు క్షేత్రస్థాయిలో అందుబాటులో ఉండాలని చెప్పారు. విద్యుత్‌ మౌలిక వసతుల నిర్వహణలో ఎలాంటి నిర్లక్ష్యానికి తావులేకుండా ముందస్తు చర్యలు చేపట్టాలని భిక్షపతి సూచించారు.

ములుగు: తన పేరు, ఫొటోను ఉపయోగించి గుర్తుతెలియని వ్యక్తులు పంపుతున్న నకిలీ వాట్సాప్‌ సందేశాలకు ఎవరూ స్పందించవద్దని, ప్రజలు, అధికారులు, సిబ్బంది అప్రమత్తంగా ఉండాలని కలెక్టర్‌ భోర్ఖడే హేమంత్‌ సహదేవరావు మంగళవారం ఒక ప్రకటనలో తెలిపారు. తన పేరు, ఫొటోను వాట్సాప్‌ డీపీలో పెట్టుకుని +66 98 476 2993 నంబర్‌ నుంచి అధికారులకు సందేశాలు పంపుతున్నట్లు గుర్తించామని తెలిపారు. ఈ నంబర్‌ నుంచి వచ్చే సందేశాలను నమ్మవద్దని, వెంటనే సంబంధిత నంబర్‌ను బ్లాక్‌ చేసి ఫిర్యాదు చేయాలని సూచించారు. తన పేరు, ఫొటో కనిపించినంత మాత్రాన అపరిచిత నంబర్ల నుంచి వచ్చే సందేశాలను విశ్వసించవద్దని కలెక్టర్‌ స్పష్టం చేశారు. అలాంటి సందేశాల ద్వారా డబ్బులు, బహుమతి కార్డులు అడిగినా స్పందించవద్దని తెలిపారు. వ్యక్తిగత వివరాలు, బ్యాంకు ఖాతా సమాచారం, రహస్య సంకేత సంఖ్యలను ఎవరికీ ఇవ్వవద్దని కోరారు. సైబర్‌ నేరగాళ్లు ప్రముఖుల పేర్లు, ఫొటోలను ఉపయోగించి ప్రజలను నమ్మించి మోసాలకు పాల్పడే అవకాశం ఉందని తెలిపారు. కలెక్టర్‌ భోర్ఖడే హేమంత్‌ సహదేవరావు

ఎస్‌ఎస్‌ తాడ్వాయి: విద్యార్థులు క్రమం తప్పకుండా పాఠశాలకు హాజరవుతూ చదువుపై ప్రత్యేక దృష్టి సారించేలా చూడాలని ఏటూరునాగారం ఐటీడీఏ పీఓ లెనిన్‌ వత్సల్‌ టొప్పో ఉపాధ్యాయులకు సూచించారు. మండల పరిధిలోని బయ్యక్కపేటలోని గిరిజన సంక్షేమ ప్రాథమికోన్నత పాఠశాల(ఏయూపీఎస్‌ )ను ఐటీడీఏ పీఓ లెనిన్‌ వత్సల్‌ టొప్పో మంగళవారం సందర్శించి పాఠశాలలోని విద్యా పరిస్థితులు, విద్యార్థులకు అందుతున్న సౌకర్యాలను పరిశీలించారు. ఈ సందర్భంగా పీఓ తరగతి గదులను సందర్శించి విద్యార్థులతో మాట్లాడారు. విద్యార్థుల నోట్‌బుక్స్‌, అభ్యసన స్థాయి, విద్యా ప్రగతిని పరిశీలించారు. పాఠ్యాంశాలపై వారికి ఉన్న అవగాహనను తెలుసుకున్నారు. విద్యార్థులకు అవసరమైన సౌకర్యాలు, పరిశుభ్రమైన వాతా వరణం కల్పించేలా పాఠశాల సిబ్బంది చర్యలు తీసుకోవాలని సూచించారు. విద్యార్థులకు నాణ్య మైన విద్యతో పాటు అన్ని సౌకర్యాలు అందేలా చూడాలని సంబంధిత సిబ్బందిని ఆదేశించారు. ప్రణాళికతో సాధన చేసి ఉద్యోగాలు సాధించాలి ఏటూరునాగారం: పోలీస్‌ ఉద్యోగాలకు ఉచిత శిక్షణ పొందుతున్న అభ్యర్థులు ప్రణాళికతో సాధన చేసి ఉద్యోగాలు సాధించాలని ఐటీడీఏ పీఓ లెనిన్‌ వత్సల్‌ టొప్పో, ఏఎస్పీ మనన్‌భట్‌ అన్నారు. మండల కేంద్రంలోని గిరిజన భవనంలో గిరిజన యువతకు పోలీస్‌ ఉద్యోగాలు సాధించేలా ఉచితంగా ఇస్తున్న శిక్షణను వారు మంగళవారం పరిశీలించారు. ఈ సందర్భంగా శిక్షణ పొందుతున్న గిరిజన అభ్యర్థులతో పీఓ మాట్లాడారు. శిక్షణలో సౌకర్యాలు, వసతి, భోజనం, విద్యా, శిక్షణ వంటి తదితర అంశాలను వారు పరిశీలించి అభ్యర్థుల సమస్యలు అడిగి తెలుసుకున్నారు. ఈ శిక్షణకు వాజేడు, మంగపేట, కన్నాయిగూడెం మండలాలకు చెందిన అభ్యర్థులు హాజరవుతున్నట్లు తెలిపారు. అలాగే అభ్యర్థుల శారీరక దారుఢ్య శిక్షణ, ఫిజికల్‌ యాక్టివిటీస్‌ కోసం కొమురం భీం స్టేడియాన్ని వినియోగించేలా అవసరమైన ఏర్పాట్లు చేయాలని సంబంధిత అధికారులకు సూచించారు. ఈ కార్యక్రమంలో సీఐ జీడీ సూర్యప్రకాశ్‌, సిబ్బంది పాల్గొన్నారు. ఐటీడీఏ పీఓ లెనిన్‌ వత్సల్‌ టొప్పో

ములుగు రూరల్‌: జిల్లాలోని పీహెచ్‌సీల్లో ఖాళీగా ఉన్న పోస్టులకు అర్హులైన వారు దరఖాస్తులు చేసుకోవాలని జిల్లా వైద్యారోగ్యశాఖ అధికారి గోపాల్‌రావు మంగళవారం ఒక ప్రకటనలో తెలిపారు. ఉద్యోగాలు ఒప్పంద పద్ధతిలో కొనసాగిస్తామని వెల్లడించారు. పల్లె దవాఖాన, అసంక్రమిత వ్యాధుల నియంత్రణ, పాలియేటివ్‌ కేర్‌, జాతీయ ఆరోగ్య మిషన్‌, బ్లడ్‌ బ్యాంక్‌, మొబైల్‌ టీం డయాగ్నోస్టిక్‌ విభాగాలలో పోస్టులు ఖాళీగా ఉన్నాయని తెలిపారు. ఓబీజీ స్పెషలిస్టులు 1, అనస్థీషియా 4, స్టాఫ్‌నర్సు 8, రెండో ఏఎన్‌ఎం 2, ల్యాబ్‌ టెక్నీషియన్‌ 1 ఖాళీగా ఉన్నాయని వివరించారు. అర్హులు నేటి నుంచి 13వ తేదీ వరకు దరఖాస్తులను ఉదయం 10.30గంటల నుంచి సాయంత్రం 5 గంటల వరకు సమీకృత కలెక్టరేట్‌ భవనంలో ఎస్‌ 30లో అందించాలని సూచించారు. గత నెల 22న దరఖాస్తులు చేసిన స్టాఫ్‌నర్సులు, ల్యాబ్‌ టెక్నీషియన్లు మళ్లీ దరఖాస్తులు చేయాల్సిన అవసరం లేదని వివరించారు. పింఛన్‌ దరఖాస్తుల పరిశీలన వెంకటాపురం(కె): మండల పరిధిలో ఆసరా పింఛన్ల కోసం దరఖాస్తు చేసుకున్న అభ్యర్థుల దరఖాస్తులను మంగళవారం డీపీఓ వెంకయ్య పరిశీలించారు. ఈ మేరకు రాచపల్లి, వీఆర్‌కే పురం, బెస్తగూడెం పంచాయతీలను సందర్శించి దరఖాస్తుదారుల ఇళ్లకు వెళ్లి తనిఖీ చేశారు. ఆయన వెంట పంచాయతీ కార్యదర్శులు ప్రవీణ్‌, సంతోశ్‌ తదితరులు ఉన్నారు. మరింత బాధ్యతగా పనిచేయాలి ములుగు రూరల్‌: హెడ్‌కానిస్టేబుల్‌గా విధులు నిర్వర్తించి ఏఎస్సైగా ఉద్యోగోన్నతి పొందిన దయాసాగర్‌ మరింత బాధ్యతతో పనిచేయాలని ఎస్పీ సుధీర్‌రాంనాథ్‌ కేకన్‌ తెలిపారు. ఈ మేరకు మంగళవారం ఎస్పీ కార్యాలయంలో దయాసాగర్‌కు స్టార్స్‌ను ఎస్పీ అలంకరించి అభినందించారు. ఈ సందర్భంగా ఎస్పీ మాట్లాడుతూ ములుగు పీఎస్‌లో పనిచేస్తున్న దయాసాగర్‌ 1990లో పోలీస్‌ కానిస్టేబుల్‌ ఉద్యోగం సాధించి వివిధ విభాగాలలో విధులు నిర్వహించారని వెల్లడించారు. పోలీస్‌శాఖలో క్రమశిక్షణ, అంకితభావంతో పని చేస్తూ ఉన్నత స్థానాలకు చేరుకోవాలని సూచించారు. ఈ కార్యక్రమంలో డీఎస్పీ రవీందర్‌, ఎస్సై చంద్రశేఖర్‌, జిల్లా పోలీస్‌ సంఘం అధ్యక్షుడు క్రాంతి కుమార్‌ తదితరులు పాల్గొన్నారు. ఎయిడ్స్‌పై అవగాహన తప్పనిసరి ములుగు రూరల్‌: ఎయిడ్స్‌పై ప్రతిఒక్కరూ అవగాహన కలిగి ఉండాలని ఐసీటీసీ కౌన్సిలర్‌ కుమార్‌సింగ్‌ అన్నారు. ఈ మేరకు మంగళవారం రాయినిగూడెం ప్రాథమిక ఆరోగ్య కేంద్రం పరిధిలో ఎయిడ్స్‌పై అవగాహన కల్పించారు. ఎయిడ్స్‌ నిర్ధారణ క్యూఆర్‌కోడ్‌ వాల్‌పోస్టర్‌ను ఆవిష్కరించి అవగా హన కల్పించారు. ఈ సందర్భంగా ఆయన మాట్లాడుతూ మొబైల్‌ ఫోన్‌లో క్యూఆర్‌ కోడ్‌ స్కాన్‌ చేసి అందులో వచ్చిన ప్రశ్నలకు సమాధానం అందిస్తే ఎయిడ్స్‌పై మీ పరిస్థితిని తెలియజేస్తుందని వివరించారు. సందేహాలకు 1097కు కాల్‌ చేయాలని సూచించారు. కార్యక్రమంలో ఔట్‌రీచ్‌ వర్కర్‌ కిషన్‌, ఆశ వర్కర్లు పాల్గొన్నారు. భద్రతా ఏర్పాట్ల పరిశీలన హన్మకొండ కల్చరల్‌ : భద్రకాళి ఆలయంలో ఈ నెల 11నుంచి ప్రారంభం కానున్న శరన్నవరాత్రి ఉత్సవాల ముందస్తు భద్రతా ఏర్పాట్లను మంగళవారం వరంగల్‌ సీపీ శ్వేత పరిశీలించారు. భక్తులకు ఇబ్బంది కలగకుండా, శాంతిభద్రతల కోసం పోలీస్‌శాఖ చేపడుతున్న చర్యలను సీపీ అడిగి తెలుసుకున్నారు. సెంట్రల్‌ జోన్‌ డీసీపీ కవిత, అదనపు డీసీపీ రాయల ప్రభాకర్‌ రావు, హనుమకొండ ఏసీపీ నర్సింహారావు, ట్రాఫిక్‌ ఏసీపీ సత్యనారాయణ, ఇన్‌స్పెక్టర్లు, ప్రధానార్చకులు భద్రకాళి శేషు, సిబ్బంది పాల్గొన్నారు.

ములుగు రూరల్‌: ప్రధాన ఎన్నికల కమిషనర్‌ జ్ఞానేశ్‌కుమార్‌ను వెంటనే విధుల నుంచి తొలగించాలని సీపీఎం జిల్లా కార్యదర్శి బీరెడ్డి సాంబశివ, ఎంసీపీఐయూ జిల్లా కార్యదర్శి గుండబోయిన చంద్రయ్య, సీపీఐ జిల్లా కార్యదర్శి తోట మల్లికార్జున్‌లు డిమాండ్‌ చేశారు. ఈ మేరకు మంగళవారం వామపక్ష పార్టీల ఆధ్వర్యంలో సమీకృత కలెక్టరేట్‌ కార్యాలయం ఎదుట మంగళవారం ధర్నా చేపట్టారు. ఈ సందర్భంగా వారు మాట్లాడుతూ ఎస్‌ఆర్‌ఐ ప్రక్రియలో చేయాల్సిన ఓటర్‌ లీస్టు సవరణ పూర్తిగా ఏకపక్షంగా ఈసీఐ నెట్‌ ద్వారా చేపట్టారని వెల్లడించారు. ఇద్దరు కమిషనర్ల అభ్యంతరాలను పక్కన పెట్టి దేశవ్యాప్తంగా 13 కోట్ల ఓటర్లను అక్రమంగా తొలగించారని పేర్కొన్నారు. ఫారం 6 ఏకి సంబంధించి సుప్రీంకోర్టు ఆదేశాలు బేఖాతర్‌ చేశారన్నారు. బీజేపీ, ఎన్నికల కమిషన్‌ కుమ్మకై ్క ఓటర్లను ప్రణాళిక ప్రకారం తొలగిస్తున్నారని ఆరోపించారు. ఈ కార్యక్రమంలో నాయకులు తుమ్మల వెంకట్‌రెడ్డి, రత్నం రాజేందర్‌, చిట్టిబాబు, మల్లారెడ్డి, ప్రవీణ్‌, కోటయ్య, రామస్వామి, నరేశ్‌, దేవేందర్‌, కవిత, రాజు, రవీందర్‌, శ్రీను, వెంకన్న, పోశాలు తదితరులు పాల్గొన్నారు. కలెక్టరేట్‌ ఎదుట వామపక్షాల ధర్నా

ఏటూరునాగారం: అడవుల సంరక్షణ అందరి బాధ్యతని దక్షిణ అటవీశాఖ రేంజ్‌ అధికారి అబ్దుల్‌ రహమాన్‌ అన్నారు. జాతీయ వన్యప్రాణి సంరక్షణ వారోత్సవాల్లో భాగంగా మంగళవారం స్థానిక ప్రభుత్వ డిగ్రీ కళాశాలలో విద్యార్థులకు అడవులు, వన్యప్రాణులపై అవగాహన కార్యక్రమాన్ని నిర్వహించారు. ఈ సందర్భంగా ఆయన మాట్లాడుతూ ప్లాస్టిక్‌ వాడకంతో కలిగే అనర్ధాలు, వన్యప్రాణుల సంరక్షణ వల్ల కలిగే లాభాలు, అడవులు అంతరించిపోతే జరిగే నష్టాన్ని విద్యార్థులకు పవర్‌ పాయింట్‌ ప్రజెంటేషన్‌ ద్వారా అవగాహన కల్పించినట్లు తెలిపారు. అడవులను సంరక్షిస్తేనే మానవాళి మనుగడ బాగుంటుందని వివరించారు. విద్యార్థులు వా రి వారి గ్రామాల్లో తల్లిదండ్రులు, ప్రజలకు ప్లాస్టిక్‌ నిషేధంపై అవగాహన కల్పించాలన్నారు. వాతావరణాన్ని కాలుష్యం చేయడం వల్ల తుపాన్లు, భూకంపాలు, ఎల్‌నినో లాంటివి వస్తున్నాయని వివరించారు. ఈ కార్యక్రమంలో కళాశాల ప్రిన్సిపాల్‌ రేణుక, ఎన్‌ఎస్‌ఎస్‌ కోఆర్డినేటర్‌ సీహెచ్‌. వెంకటయ్య, అధ్యాపకులు నవీన్‌, జ్యోతి, కనీఫ్‌ ఫాతిమా, సంపత్‌, జీవవేణి, రమేశ్‌, శ్రీధర్‌, రాజశేఖర్‌, భావన, భారతి, భాస్కర్‌, శ్రీకాంత్‌, ప్రశాంతి, సిబ్బంది పాల్గొన్నారు. అటవీశాఖ రేంజ్‌ అధికారి అబ్దుల్‌ రహమాన్‌

ములుగు రూరల్‌: పోలీస్‌ ఉద్యోగాల కోసం ఉచిత శిక్షణ పొందుతున్న అభ్యర్థులు తరగతులను సద్వినియోగం చేసుకోవాలని ఎస్పీ సుధీర్‌ రాంనాథ్‌ కేకన్‌ అన్నారు. ఈ మేరకు సోమవారం ఆయన అభ్యర్థులకు స్టడీ మెటీరియల్‌ను అందజేశారు. ఈ సందర్భంగా ఎస్పీ మాట్లాడుతూ జిల్లాలో నిరుపేద విద్యార్థులకు శిక్షణ తీసుకునే విషయంలో ఇబ్బంది పడకూడదనే ఉద్దేశంతో కలెక్టర్‌ సహకారంతో జిల్లా కేంద్రంలో గ్రామీణ ప్రాంత విద్యార్థులకు ఉచిత శిక్షణ అందిస్తున్నామన్నారు. అభ్యర్థులు శిక్షణను సద్వినియోగం చేసుకుని పోలీస్‌ ఉద్యోగాలు సాదించాలన్నారు. శిక్షణ కాలంలో కష్టపడితే బంగారు భవిష్యత్‌కు బాటలు వేసుకున్న వారు అవుతారన్నారు. శిక్షణ తరగతులు కేవలం ప్రిలిమ్స్‌ వరకు కాకుండా మెయిన్స్‌ వరకు నిర్వహిస్తామని వెల్లడించారు. ఈ కార్యక్రమంలో డీఎస్పీ రవీందర్‌, ఎస్బీ ఇన్‌స్పెక్టర్‌ ప్రతాప్‌, సీఐ సురేశ్‌, ఆర్‌ఐ స్వామి, కోచింగ్‌ సెంటర్‌ చైర్మన్‌ విశ్వనాథ్‌, ఎస్సైలు పాల్గొన్నారు. ఎస్పీ సుధీర్‌ రాంనాథ్‌ కేకన్‌

ములుగు రూరల్‌/వాజేడు: జిల్లాస్థాయి అథ్లెటిక్స్‌ పోటీల్లో విద్యార్థినులు ప్రతిభ కనబర్చి రాష్ట్రస్థాయి పోటీలకు నలుగురు ఎంపికయ్యారు. ఈ మేరకు ములుగులోని బండారుపల్లి పాఠశాలకు చెందిన విద్యార్థిని అమూల్య అండర్‌ 17 విభాగంలో రాష్ట్ర స్థాయి పోటీలకు ఎంపికై నట్లు ప్రిన్సిపాల్‌ దేవకి సోమవారం ఒక ప్రకటనలో తెలిపారు. ఈ నెల 10న సిరిసిల్లలో నిర్వహించబోయే పోటీల్లో పాల్గొననున్నట్లు వివరించారు. అలాగే వాజేడు మండల పరిధిలోని పెద్దగొళ్లగూడెం బాలికల ఆశ్రమ పాఠశాల విద్యార్థినులు ముగ్గురు రాష్ట్రస్థాయి పోటీలకు ఎంపికై నట్లు ప్రధానోపాధ్యాయుడు కేశవరావు తెలిపారు. జిల్లాస్థాయి అథ్లెటిక్స్‌ పోటీల్లో పాల్గొని లాంగ్‌జంప్‌, టయాథ్లాన్‌లో తుర్స అక్షర, బడే హర్షిణి, హరిణి ప్రతిభ కనబర్చి రాష్ట్రస్థాయి పోటీలకు ఎంపికయ్యారని వివరించారు. నవంబర్‌లో సంగారెడ్డిలో నిర్వహించబోయే రాష్ట్రస్థాయి పోటీల్లో పాల్గొంటారని వివరించారు. ఈ సందర్భంగా విద్యార్థినులను ఆయా పాఠశాలల ఉపాధ్యాయులు అభినందించారు.

ములుగు రూరల్‌/ఏటూరునాగారం: జిల్లాలో సోమవారం నిర్వహించిన ప్రజావాణి, గిరిజన దర్బార్‌లో పలు సమస్యలు పరిష్కరించాలని కోరుతూ అర్జీదారులు 64 వినతులు అందజేశారు. ఈ మేరకు కలెక్టరేట్‌లో నిర్వహించిన ప్రజావాణిలో 24 వినతులు రాగా ఏటూరునాగారం మండల కేంద్రంలోని ఐటీడీఏలో నిర్వహించిన గిరిజన దర్బార్‌లో 40 అర్జీలు వచ్చాయి. ఈ సందర్భంగా ప్రజావాణిలో కలెక్టర్‌ భోర్ఖడే హేమంత్‌ సహదేవరావు, గిరిజన దర్బార్‌లో లెనిన్‌ వత్సల్‌ టొప్పో వినతులు స్వీకరించారు. ప్రజావాణిలో కలెక్టర్‌ మాట్లాడుతూ అర్జీదారులు అందించిన ప్రతీ దరఖాస్తును గడువులోగా అధికారులు పరిష్కరించాలన్నారు. దరఖాస్తులను క్షుణ్ణంగా పరిశీలించి సాద్యాసాద్యాలను అర్జీదారులకు తెలియజేయాలన్నారు. దరఖాస్తులు పెండింగ్‌లో లేకుండా పరిష్కారం చూపాలని ఆదేశించారు. వినతులు స్వీకరించిన కలెక్టర్‌ వాటిని పరిశీలించి ఆయా శాఖల అధికారులకు బదలాయించారు. జిల్లా, డివిజన్‌, మండల స్థాయిలో నిర్వహించే ప్రజావాణి దరఖాస్తుల వివరాలను ఆన్‌లైన్‌లో నమోదు చేయడంతో పాటు సమస్యలపై క్షేత్ర స్థాయిలో పరిశీలన చేపట్టి తీసుకున్న చర్యలను నమోదు చేయాలని ఆదేశించారు. ఈ కార్యక్రమంలో అదనపు కలెక్టర్లు మహేందర్‌జీ, సంపత్‌రావుతో పాటు ఆయాశాఖల జిల్లా అధికారులు పాల్గొన్నారు. అదే విధంగా గిరిజన దర్బార్‌లో వినతులు స్వీకరించిన పీఓ లెనిన్‌ వత్సల్‌ టొప్పో వాటిని పరిశీలించారు. పరిశీలిస్తామని తెలిపారు. ఈ కార్యక్రమంలో డీడీ జనార్దన్‌, ఎస్‌డీసీఓ ప్రతాప్‌, ఈఈ ప్రవీణ, డిప్యూటీ డీఎంహెచ్‌ఓ క్రాంతికుమార్‌, జేడీఎం కొండల్‌రావు, తదితరులు పాల్గొన్నారు. ప్రజావాణికి 24, గిరిజనదర్బార్‌లో 40 అర్జీల రాక స్వీకరించిన కలెక్టర్‌ హేమంత్‌ సహదేవరావు, పీఓ లెనిన్‌ వత్సల్‌ టొప్పో పరిశీలించి పరిష్కరించాలని అధికారులకు ఆదేశాలుఇందిరా జలప్రభ 8 గురుకుల సమస్యలు 8 ఇంజనీరింగ్‌శాఖ 6 ఆర్‌ఓఎఫ్‌ఆర్‌ 3 స్పెషల్‌ డిప్యూటీ కలెక్టర్‌ 2 ఎస్సీ కార్పొరేషన్‌ 1భూ సమస్యలు 08 ఇందిరమ్మ ఇళ్లు 01 పింఛన్లు 02 ఉద్యోగ అవకాశాలు 09 ఇతర శాఖలు 04

భూపాలపల్లి అర్బన్‌: దేశీయంగా ఆయిల్‌పామ్‌ సాగు విస్తరిస్తున్న ప్రస్తుత పరిస్థితుల్లో స్థానిక రైతులకు కేంద్ర ప్రభుత్వం షాక్‌ ఇచ్చింది. విదేశాల నుంచి వచ్చే ముడి పామాయిల్‌ దిగుమతులపై సుంకాలు 16నుంచి 11శాతానికి కుదిస్తూ నిర్ణయం తీసుకుంది. 5శాతం సుంకాల కోత నిర్ణయం అమల్లోకి రావడంతో క్షేత్రస్థాయిలో తోటలు సాగుచేస్తున్న రైతుల్లో ఆందోళన వ్యక్తమవుతోంది. భూపాలపల్లి జిల్లాలో 3,649.57 ఎకరాల్లో 1,229 మంది రైతులు ఆయిల్‌ పామ్‌ సాగు చేస్తున్నారు. పెరుగుతున్న సాగు.. జిల్లా వ్యాప్తంగా ఆయిల్‌పామ్‌ సాగువైపు రైతులు మొగ్గు చూపుతున్నారు. అధికారులు సైతం గ్రామాల్లోని రైతులకు ఆయిల్‌పామ్‌ వైపు మళ్లాలని సూచిస్తున్నారు. దీంతో ఇప్పటివరకు 1,229మంది రైతులు 3,649.57 ఎకరాల్లో ఆయిల్‌పామ్‌ తోటలు సాగుచేశారు. ప్రస్తుతం కొంతమంది రైతులు ఇటీవలే గెలలను మద్దతు ధరకు విక్రయించారు. లాభాలు కనిపించడంతో మరింత మంది రైతులు ఆయిల్‌పామ్‌ సాగు చేయడానికి మొగ్గు చూపుతున్నారు. ఈ క్రమంలో కేంద్రం సుంకాలు తగ్గించడంతో గెలల ధరలు పడిపోయే అవకాశం ఉంది. ఇప్పటికే సాగుచేస్తున్న రైతులు సాగు ఖర్చులు విపరీతంగా పెరిగిపోయిన ప్రస్తుత తరుణంలో గెలల ధరలు మరింత తగ్గితే తీవ్రంగా నష్టపోతామని వాపోతున్నారు. ఈ సుంకాల తగ్గింపు నిర్ణయాన్ని కేంద్రం వెంటనే ఉపసంహరించుకోవాలని, పాత సుంకాలను పునరుద్ధరించి గెలలకు గ్యారెంటీ మద్దతు ధర కల్పించాలని రైతాంగం డిమాండ్‌ చేస్తోంది. ప్రభుత్వం ప్రోత్సహించడంతో బోర్డు వేయించి ఆయిల్‌ పామ్‌ సాగు చేశాం. మూడేళ్లు కంటికి రెప్పలా కాపాడితే ఇప్పుడిప్పుడే తోటలు దిగుబడి దశకు వచ్చాయి. ఎరువులు, కూలీల ఖర్చులు, నిర్వహణ ఖర్చులు పెరిగాయి. ఇలాంటి సమయంలో ధరలు తగ్గితే నష్టపోవాల్సి వస్తుంది. ప్రభుత్వం ఆలోచన చేసి రైతులు నష్టపోకుండా చూడాలి. – ఎ.రామారావు, రైతు, రామకృష్ణాపూర్‌(వి)● దిగుమతిపై సుంకం 16నుంచి 11శాతానికి తగ్గింపు విదేశీ ముడి పామాయిల్‌ వచ్చే అవకాశం గెలల ధరలపై ప్రభావం భూపాలపల్లి జిల్లాలో 3,649.57 ఎకరాల్లో సాగుపడిపోనున్న గెలల ధరలు.. విదేశాల నుంచి పామాయిల్‌ ముడిచమురు తక్కువ సుంకంతో దేశంలోకి ప్రవేశిస్తే, స్థానిక మార్కెట్‌లో తాజా ఆయిల్‌పామ్‌ గెలలకు డిమాండ్‌ పడిపోనుంది. ప్రస్తుతం ధర మాత్రం ఆల్‌టైం రికార్డుగా ఉంది. గెల టన్నుకు రూ.24,025 ధర పలుకుతోంది. గత నెల 24 నుంచి సుంకాలు తగ్గించడంతో ఆయిల్‌ కంపెనీ లు ప్రస్తుతం గెలలను రైతుల వద్ద నుంచి తీసుకోవడం లేదన్న విమర్శలు వస్తున్నాయి. దిగుమతి సుంకం తగ్గడంతో ప్రాసెసింగ్‌ కంపెనీలు దేశీయ రైతుల వద్ద కొనుగోలు చేసే గెలల ధరలను గణనీయంగా తగ్గించే అవకాశాలు కనిపిస్తున్నాయి. ఆ ప్రతికూల ప్రభావం ఈ నెలలో గెలల కొనుగోలు ధరలపై తీవ్రంగా పడనుంది.సంప్రదాయ పంటల్లో నష్టాలు వస్తున్నాయని ఆయిల్‌ పామ్‌ సాగు మొదలు పెట్టాను. డ్రిప్‌, ఎరువులతో ఇప్పటికే భారీగా ఖర్చయింది. పంట చేతికొచ్చే సమయంలో కేంద్రం దిగుమతి సుంకాన్ని తగ్గించడం కోలుకోలేని దెబ్బ తీసింది. మార్కెట్‌ ధరలతో సంబంధం లేకుండా గెలలకు మద్దతు ధర ప్రకటించాలి. – పుల్లూరి శ్రీధర్‌, పామాయిల్‌ రైతు, చిట్యాల

మంగళవారం శ్రీ 6 శ్రీ అక్టోబర్‌ శ్రీ 2026ములుగు రూరల్‌: ప్రస్తుత సమాజంలో మానవుని జీవితంలో వచ్చే మార్పులు, తీసుకునే ఆహారంతో క్యాన్సర్‌ మహమ్మారి విజృంభిస్తోంది. రసాయన ఎరువులు, పురుగు మందుల వినియోగం కారణంగా ఎక్కువ మంది క్యాన్సర్‌ భారిన పడుతున్నారు. క్యాన్సర్‌ రోగుల సంఖ్య రోజురోజుకూ పెరుగుతుండడంతో ప్రజలు భయాందోళనకు గురవుతున్నారు. అవగాహన లోపం కారణంగా క్యాన్సర్‌ బాధితుల సంఖ్య పెరుగుతుందని విశ్లేషకులు అభిప్రాయపడుతున్నారు. ఇటీవల జిల్లాలో చేపట్టిన నాన్‌–కమ్యూనికబుల్‌ డిసిజేస్‌(ఎన్‌సీడీ) విభాగం ఇటీవల చేపట్టిన సర్వే వివరాలు వెల్లడించింది. మహిళలే అధికం జిల్లాలోని 10 మండలాల పరిధిలో ఎన్‌సీడీ సర్వే ఆధారంగా 238 మంది క్యాన్సర్‌ బాధితులను గుర్తించారు. వీరిలో అత్యధికంగా మహిళలు గర్భాశయ ముఖద్వారం, రొమ్ము క్యాన్సర్‌ బాధితులు ఎక్కువగా ఉన్నారు. దీంతో పాటు పురుషులు నోరు, గొంతు క్యాన్సర్‌ వ్యాధి బారిన పడుతున్నారు. పొగాకు ఉత్పత్తుల వినియోగం, దూమపానం, మద్యపానం కారణంగా పురుషులు అత్యధికంగా క్యాన్సర్‌ భారిన పడుతున్నారు. వ్యాప్తికి కారణాలు ఇవే.. క్యాన్సర్‌ భారిన పడటానికి ప్రధాన కారణాలుగా వీటిని తీసుకోవచ్చు. ప్రజల్లో శారీరక శ్రమ లేకపోవడం, స్థూలకాయం, ఆలస్యంగా వివాహం చేసుకోవడం, పిల్లలకు తల్లిపాలు ఇవ్వకపోవడంతో రొమ్ముక్యాన్సర్‌ వచ్చే అవకాశాలు ఉన్నాయి. వ్యక్తిగత పరిశుభ్రత లోపించడం, హెచ్‌పీవీ సంక్రమణ, చిన్న వయస్సులో వివాహం కావడంతో తరుచూ గర్భాధారణ తదితర కారణాలతో గర్భాశయ ముఖద్వార క్యాన్సర్స్‌, గుట్కా, తంబాకు, పాన్‌మసాలా, దూమపానం, మద్యపానం తీసుకోవడం వల్ల నోటి క్యాన్సర్‌ వ్యాప్తి చెందుతున్న పరిస్థితులు ఉన్నాయి. ములుగు, మల్లంపల్లి వెంకటాపురం(ఎం) గోవిందరావుపేట ఎస్‌ఎస్‌తాడ్వాయి ఏటూరునాగారం మంగపేట కన్నాయిగూడెం వెంకటాపురం(కె) వాజేడు జిల్లాలో 238 మంది వ్యాధిగ్రస్తులు రోజురోజుకూ పెరుగుతున్న రోగులు ఎన్‌సీడీ సర్వేలో వివరాలు వెల్లడి82 07 35 15 20 32 09 18 20నిర్ధారణ పరీక్షలు చేపడుతున్నాం..జిల్లా వ్యాప్తంగా క్యాన్సర్‌ నిర్థారణ పరీక్షలు చేపడుతున్నాం. ప్రభుత్వ ఆస్పత్రులతో పాటు, సీహెచ్‌సీ, పీహెచ్‌సీలలో స్క్రీనింగ్‌ పరీక్షలు నిర్వహిస్తున్నాం. అనుమానిత లక్షణాలు ఉన్నవారిని క్యాన్సర్‌ ఆస్పత్రులకు తరలిస్తున్నాం. ఎన్‌సీడీ కార్యక్రమాన్ని పకడ్బందీగా నిర్వహిస్తాం. ప్రజలు ఆహార అలవాట్లను మార్చుకోవడంతో పాటు పొగాకు ఉత్పత్తులకు దూరంగా ఉండాలి. – గోపాల్‌రావు, జిల్లా వైద్యాధికారి

ఏటూరునాగారం: స్థానిక ఐటీడీఏ పరిధిలోని ఉద్యాన నర్సరీలో ఏపుగా పెరిగిన కలుపును సోమవారం ఐటీడీఏ పరిధిలోని కూలీలు తొలగించారు. మల్లెతోటలో కలుపు పెరిగిందని ఉద్యానం.. అధ్వానం శీర్షికన గత నెల 30న సాక్షిలో కథనం ప్రచురితమైంది. ఈ మేరకు ఉన్నతాధికారుల ఆదేశాలతో కూలీలు వెంటనే స్పందించి మల్లె తోటలోని కలుపుతీసి అవి పెరిగే విధంగా చర్యలు చేపట్టారు. వీటితో పాటు మిగతా మొక్కలను కూడా సంరక్షణ చర్యలు చేపట్టినట్లు అధికారులు తెలిపారు. బొగత వద్ద ప్లాస్టిక్‌ సేకరణ వాజేడు: బొగత జలపాతం పరిసరాల్లో పడేసిన ప్లాస్టిక్‌ వస్తువులను అటవీ శాఖ, బొగత సిబ్బంది సంయుక్తంగా సేకరించారు. జాతీయ వన్యప్రాణి వారోత్సవాల్లో భాగంగా బొగత జలపాతం పరిసరాలను పరిశుభ్రంగా ఉంచడంతో పాటు ప్లాస్టిక్‌ వస్తువుల వినియోగాన్ని నివారించడంలో భాగంగా సోమవారం సేకరించారు. ఈ సందర్భంగా రేంజర్‌ నరేందర్‌ మాట్లాడుతూ జలపాతానికి వచ్చే పర్యాటకులు ప్లాస్టిక్‌ వస్తువులను వెంట తీసుకురావద్దని తెలిపారు. ప్లాస్టిక్‌తో పర్యావరణం దెబ్బతింటుందని సూచించారు. ఈ కార్యక్రమంలో ఎఫ్‌ఎస్‌ఓలు నారాయణ, భిక్షపతి, చిన్నక్క, ఎఫ్‌బీఓ ప్రసాద్‌ తదితరులు పాల్గొన్నారు. సబ్‌స్టేషన్‌కు సౌరవిద్యుత్‌ అనుసంధానం చిట్యాల: మండలకేంద్రంలోని 33/11కేవి సబ్‌స్టేషన్‌కు రెండు మెగావాట్ల సౌర విద్యుత్‌ ప్లాంట్‌ నుంచి అనుసంధానం చేసినట్లు భూపాలపల్లి సర్కిల్‌ సూపరింటెండింగ్‌ ఇంజనీర్‌ నాగెల్లి సదానందం పేర్కొన్నారు. సోమవారం చిట్యాల సబ్‌స్టేషన్‌ను సందర్శించి పరిశీలించారు. అనంతరం ఆయన మాట్లాడుతూ పీఎం కుసుమ్‌ ఏ పథకం ద్వారా పునరుత్పాదక విద్యుత్‌ ఉత్పత్తికి మరో ముందడుగు వేసినట్లు తెలిపారు. ఈ మేరకు సౌర విద్యుత్‌ ఉత్పత్తి ద్వారా స్థానికంగా విద్యుత్‌ అవసరాలను తీర్చుకోవడంతో పాటు పునరుత్పాదక ఇంధన వినియోగాన్ని పెంపొందించేందుకు ఈ ప్రాజెక్ట్‌ దోహదపడుతుందని అన్నారు. ఈ పథకం మూలంగా సౌర విద్యుత్‌ ఉత్పత్తి సామర్‌ాధ్యన్ని మరింతగా పెంచుతూ, పర్యావరణహితమైన, స్థిరమైన విద్యుత్‌ ఉత్పత్తికి టీజీఎన్‌పీడీసీఎల్‌ ప్రాధాన్యత ఇస్తుందని తెలిపారు. ఈ కార్యక్రమంలో డీఈ జగదీశ్‌, ఏడీఈ పి.సుందర్‌కుమార్‌, ఏఈ చంద్రశేఖర్‌, విద్యుత్‌ సిబ్బంది పాల్గొన్నారు. రూ.12.58కోట్ల నిధులు మంజూరు మల్హర్‌(కాటారం): కాటారం సబ్‌ డివిజన్‌ పరిధిలోని అయిదు మండలాల్లో అభివద్ధి పనులకు రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు భారీగా నిధులు మంజూరు చేయించారు. వీబీ జీ రామ్‌ జీ 2026–27 కింద రూ.12.58 కోట్లతో 115 భవనాల నిర్మాణానికి నిధులు మంజూరయ్యాయి. కొత్తగా రూ.5.08 కోట్లు.. మల్హర్‌, మాహాముత్తారం మండలాల్లో ఆరు గ్రామ పంచాయతీ భవనాలకు రూ.1.20 కోట్లు (ఒక్కోటి రూ.20 లక్షలు), కాటారం, మహాముత్తారం, మహదేవపూర్‌, మల్హర్‌ మండలాల్లోని 24 అంగన్‌వాడీ భవనాలకు రూ.2.88 కోట్లు (ఒక్కోటి రూ.12 లక్షలు), మహాముత్తారం, మహదేవపూర్‌, పలిమెల మండలాల్లో 10 మహిళా సంఘ (వీఓ) భవనాలకు రూ.కోటి (ఒక్కోటి రూ.10 లక్షలు) మంజూరయ్యాయి. రెడ్డిపల్లి, ప్రేమ్‌ నగర్‌, రేగులగూడెం, ఇప్పలపల్లి, ఎడ్లపల్లి, నాచారం గ్రామాల్లో పంచాయతీ భవనాలు, కాటారం మండలంలోని మద్దులపల్లి, కాటారం, ఎర్రగుంటపల్లి తదితర 14గ్రామాల్లో అంగన్‌వాడీ భవనాలు నిర్మించనున్నారు.

కేయూ క్యాంపస్‌: కేయూ పరిధి యూనివర్సిటీ ఇంజనీరింగ్‌ కళాశాలల్లో విధులు నిర్వర్తిస్తున్న ఎనిమిది మంది అసోసియేట్‌ ప్రొఫెసర్లకు రిజిస్ట్రార్‌ రామచంద్రం షోకాజ్‌ నోటీసులు జారీ చేసిన విషయం సోమవారం వెలుగులోకి వచ్చింది. ఆ ఎనిమిది మంది యూజీసీ 15 జీఓ ప్రకారం.. కేరీర్‌ అడ్వాన్స్‌మెంట్‌ స్కీం (క్యాస్‌) ప్రొఫెసర్‌గా పదోన్నతికి అనర్హులుగా ఉన్నారు. ఈ జీఓ ప్రకారం.. ముఖ్యంగా ప్రొఫెసర్‌గా పదోన్నతి పొందాలంటే తప్పనిసరిగా.. ఒక్కో అసోసియేట్‌ ప్రొఫెసర్‌ తమ గైడ్‌షిప్‌లో ఒక పరిశోధక విద్యార్థికి డాక్టరేట్‌ అవార్డు అయి ఉండాలనే నిబంధన ఉంది. ఈఎనిమింది అసోసియేట్‌ ప్రొఫెసర్లకు ఈనిబంధనతో వీరు ప్రొఫెసర్‌గా పదోన్నతికి అనర్హులుగా ఉన్నారు. అయితే గతంలో ఉన్న యూజీసీ 14 జీఓ ప్రకారం అయితే ప్రొఫెసర్‌గా పదోన్నతికి అర్హత ఉంటుందని భావించి వారంతా కలిసి న్యూఢిల్లీలోని యూనివర్సిటీ గ్రాంట్స్‌ కమిషన్‌ (యూజీసీ ) చైర్మన్‌కు గత కొంతకాలం క్రితంనేరుగా ఓలేఖను పంపినట్లు సమాచారం. తమకు క్యాస్‌ కింద ప్రొఫెసర్‌గా పదోన్నతికి అడ్డంకిగా ఉన్న నిబంధనను సడలించాలని, తమకు ప్రొఫెసర్‌గా గతంలోని 14 జీఓ ప్రకారం అవకాశం కల్పించాలని ఆ లేఖలో పేర్కొన్నట్లు సమాచారం. అనంతరం వారు యూజీసీ చైర్మన్‌కు పంపిన లేఖకు సంబంధించిన ఒక కాపీని కూడా వర్సిటీ అధికారులకు అందించారు. కాగా, అసోసియేట్‌ ప్రొఫెసర్లు నేరుగా యూజీసీ చైర్మన్‌కు లేఖ ఎలా పంపుతారని, సర్వీస్‌ రూల్స్‌ కోడ్‌ ఆఫ్‌ కండక్ట్‌కు ఇది విరుద్ధం అని వీసీ ప్రతాప్‌రెడ్డి ఈవిషయంలో సీరియస్‌గా పరిగణిస్తున్నారు. వీసీ ఆదేశాల మేరకు రిజిస్ట్రార్‌ రామచంద్రం షోకాజ్‌ నోటీసులు జారీ చేశారు. త్రూ ప్రాపర్‌ చానెల్‌ వర్సిటీ ద్వారా యూజీసీ చైర్మన్‌కు లేఖ పంపాలని ఇష్టారీతిన లేఖ పంపినందుకు మీపై ఎందుకు చర్యలు తీసుకోకూడదని ఆ షోకాజ్‌ నోటీస్‌లో పేర్కన్నారు. నోటీసులు అందుకున్నది వీరే.. కేయూ కో–ఎడ్యూకేషనల్‌ ఇంజనీరింగ్‌ కళాశాల అసోసియేట్‌ ప్రొఫెసర్‌ డాక్టర్‌ సుమలత, వర్సిటీ క్యాంపస్‌లోని మహిళా ఇంజనీరింగ్‌ కళాశాల అసోసియేట్‌ ప్రొఫెసర్‌ డాక్టర్‌ అర్చన, కేయూ పరిధి కొత్తగూడెం (మైనింగ్‌ ఇంజనీరింగ్‌ కళాశాల) ప్రస్తుత డాక్టర్‌ మన్‌మోహన్‌సింగ్‌ ఎర్త్‌ యూనివర్సిటీలోని ఇంజనీరింగ్‌ విభాగం అసోసియేట్‌ ప్రొఫెసర్లు డాక్టర్‌ శ్రీకాంత్‌, డాక్టర్‌ పున్నంచందర్‌, డాక్టర్‌ హరికృష్ణ, డాక్టర్‌ రాము, డాక్టర్‌ పద్మజ, స్రవంతి షోకాజ్‌ నోటీసులు అందుకున్న వారిలో ఉన్నారు. వీరు వారం రోజుల్లో వివరణ ఇవ్వాల్సి ఉంటుంది. తదుపరి ఎలాంటి చర్యలు తీసుకుంటారో వేచి చూడాలి. జారీ చేసిన కేయూ రిజిస్ట్రార్‌ యూజీసీ చైర్మన్‌కు నేరుగా లేఖ పంపడంపై వీసీ సీరియస్‌

ములుగు: చిన్నారులకు మంచి, చెడు స్పర్శ మధ్య తేడాను సులభంగా వివరించేందుకు జిల్లా బాలల పరిరక్షణ విభాగం సమకూర్చిన ‘మాట్లాడే బొమ్మ’ను కలెక్టర్‌ భోర్ఖడే హేమంత్‌ సహదేవరావు ఆవిష్కరించారు. కలెక్టరేట్‌లో సోమవారం బొమ్మ పనితీరును పరిశీలించారు. బొమ్మ శరీర భాగాలను తాకినప్పుడు మంచి, చెడు స్పర్శ గురించి ఎలా వివరిస్తుందో బాలల పరిరక్షణ విభాగం అధికారులు చూపించారు. ఈ సందర్భంగా కలెక్టర్‌ మాట్లాడుతూ చిన్నారులకు తమ భద్రతపై అవగాహన కల్పించాలన్నారు. మాట్లాడే బొమ్మను పాఠశాలల్లో నిర్వహించే అవగాహన కార్యక్రమాల్లో ఉపయోగించాలని సూచించారు. అసౌకర్యం కలిగించే స్పర్శ, వేధింపులు ఎదురైనప్పుడు భయపడకుండా తల్లిదండ్రులకు, ఉపాధ్యాయులకు తెలియజేసేలా చిన్నారుల్లో ధైర్యాన్ని పెంపొందించాలన్నారు. క కార్యక్రమం అనంతరం కలెక్టర్‌ జిల్లా కేంద్రంలోని ఆర్‌అండ్‌బీ అతిథి గృహం ఎదురుగా ఉన్న బాలసదనాన్ని కలెక్టర్‌ సందర్శించారు. బాలికలకు కల్పిస్తున్న వసతులు, అందిస్తున్న ఆహారం, విద్య, సంరక్షణకు సంబంధించిన వివరాలను అధికారులను అడిగి తెలుసుకున్నారు. బాలసదనంలో ప్రవేశం పొందే బాలికల పరిస్థితులు, ప్రవేశ ప్రక్రియను అధికారులు కలెక్టర్‌కు వివరించారు. అనంతరం చిన్నారులకు పౌష్టికాహార లడ్డూలను పంపిణీ చేశారు. ఈ సందర్భంగా కలెక్టర్‌ మాట్లాడుతూ చిన్నారులకు పౌష్టికాహారం అందించాలని సూచించారు. కార్యక్రమంలో డీడబ్ల్యూఓ ప్రేమలత, జిల్లా బాలల పరిరక్షణ అధికారి ఓంకార్‌, పరిరక్షణ అధికారి హరికృష్ణ, బాలసదనం పర్యవేక్షకురాలు శ్యామల, సిబ్బంది పాల్గొన్నారు. ఆపదలో ఉన్నవారికి అండగా నిలవాలి. ఆపదలో ఉన్నవారికి అండగా నిలుస్తూ, మానవతా సేవలకు రెడ్‌ క్రాస్‌ సంస్థ చిరునామాగా నిలవాలని కలెక్టర్‌, రెడ్‌ క్రాస్‌ సొసైటీ జిల్లా అధ్యక్షుడు బోర్ఖడే హేమంత్‌ సహదేవరావు సూచించారు. భారతీయ రెడ్‌ క్రాస్‌ సొసైటీ ములుగు జిల్లా శాఖకు నూతనంగా ఎన్నికై న కమిటీ సభ్యులు సోమవారం కలెక్టర్‌ను కలెక్టరేట్‌లోని కార్యాలయ గదిలో మర్యాదపూర్వకంగా కలిసి మొక్క అందజేశారు. ఈ సందర్భంగా కలెక్టర్‌ నూతన కమిటీ సభ్యులకు శుభాకాంక్షలు తెలిపారు. జిల్లాలో రెడ్‌ క్రాస్‌ చేపట్టాల్సిన సేవా కార్యక్రమాలపై వారితో చర్చించారు. ఈ కార్యక్రమంలో రెడ్‌ క్రాస్‌ సొసైటీ జిల్లా చైర్మన్‌ అల్లెం అప్పయ్య, వైస్‌ చైర్మన్‌ శ్రీనివాస్‌, కోశాధికారి సతీష్‌ కుమార్‌, నూతన కమిటీ సభ్యులు పాల్గొన్నారు. కలెక్టర్‌ భోర్ఖడే హేమంత్‌ సహదేవరావు

సాక్షిప్రతినిధి, వరంగల్‌: ‘హిమం’ అంటే చలి.. మంచు.. కశ్మీర్‌ గుర్తొస్తుంది. ‘సాగరం’ అంటే సముద్రం.. కన్యాకుమారి గుర్తుకొస్తుంది. ఈ రెండు భిన్న భౌగోళిక ప్రపంచాలను ఒకే రైలు పట్టాలపై కలిపితే అదే హిమసాగర్‌ ఎక్స్‌ప్రెస్‌. దేశంలోని ఒక చివర నుంచి మరో చివర వరకు ప్రజలను తీసుకెళ్తున్న ఈ సుదూర రైలు 1984 అక్టోబర్‌ 3న తన ప్రయాణాన్ని ప్రారంభించింది. అప్పట్లో జమ్ముతావి–కన్యాకుమారి మధ్య నడిచిన ఈ రైలు.. ఆ తర్వాత దేశంలోనే అత్యంత దూరం నడిచే రైళ్లలో ఒకటిగా నిలిచింది. 2015లో జమ్ముతావి బదులు శ్రీమాతా వైష్ణోదేవి కాట్రా వరకు పొడిగించారు. ఇప్పుడు ఈ రైలుకు 42 ఏళ్లు. ఉత్తరం నుంచి దక్షిణం వరకు ప్రయాణికులను మోస్తున్న ఈ రైలు ప్రస్తుతం భారత రైల్వేలో మూడో అత్యంత సుదూర రైలు సర్వీసుగా కొనసాగుతోంది. సుమారు 3,790 కి.మీ. దూరాన్ని దాదాపు 70 గంటల ప్రయాణంలో కవర్‌ చేస్తోంది. వరంగల్‌కు ప్రత్యేకమైన అనుబంధం హిమసాగర్‌ ప్రయాణంలో ఉమ్మడి వరంగల్‌కు ప్రత్యేక స్థానం ఉంది. ఈ రైలు తెలంగాణలో రామగుండం, వరంగల్‌, ఖమ్మం స్టేషన్లలో మాత్రమే ఆగుతుంది. వరంగల్‌లో ఒక నిమిషం, ఖమ్మంలో మరో నిమిషం మాత్రమే ఆగుతుంది. రైలు వరంగల్‌ స్టేషన్‌కు చేరుకునే సమయం సుమారు 16:09 గంటలు కాగా.. 16:10కే బయలుదేరుతుంది. అంటే ప్రయాణికుడు రైలు ఎక్కడానికి, దిగడానికి కూడా గడియారం కన్నా వేగంగా నిర్ణయం తీసుకోవాల్సిందే అన్నమాట. కాగా, హిమసాగర్‌ ఎక్స్‌ప్రెస్‌కు కాజీపేటలో స్టాప్‌ లేదు. ‘కశ్మీర్‌ నుంచి కన్యాకుమారి వరకు కనెక్టివిటీ ఉంది. కాజీపేట నుంచి హిమసాగర్‌కు మాత్రం కనెక్షన్‌ లేదు’ అంటూ రైల్వే ప్రయాణికులు సరదాగా వ్యాఖ్యానించే పరిస్థితి. 12 రాష్ట్రాల మీదుగా.. హిమసాగర్‌ ఎక్స్‌ప్రెస్‌ దేశ భౌగోళిక వైవిధ్యానికి ఒక కదిలే అద్దం. జమ్మూకశ్మీర్‌ నుంచి ప్రారంభమై పంజాబ్‌, హరియాణా, ఢిల్లీ, ఉత్తరప్రదేశ్‌, రాజ స్థాన్‌, మధ్యప్రదేశ్‌, మహారాష్ట్ర, తెలంగాణ, ఆంధ్రప్రదేశ్‌, కేరళ, తమిళనాడు మీదుగా ప్రయాణిస్తుంది. 12 రాష్ట్రాల మీదుగాా సాగుతున్న ఈ సుదూర ప్రయాణం భారతదేశ భిన్నత్వంలో ఏకత్వానికి ప్రతీకగా నిలుస్తోంది. ఒకే రైలులో ప్రయాణిస్తే.. ఉత్తర భారత వాతావరణం నుంచి దక్షిణ భారత తీరప్రాంత వాతావరణం వరకు మార్పును ప్రత్యక్షంగా చూడొచ్చు. ఆధ్యాత్మిక పర్యటనకూ ప్రత్యేకంగా ఉపయోగపడుతుంది. కాట్రాలోని శ్రీమాతా వైష్ణోదేవి నుంచి ప్రారంభమైన ప్రయాణం.. మార్గమధ్యంలో తిరుపతి వంటి పుణ్యక్షేత్రాలను కలుపు తూ చివరికి కన్యాకుమారి వరకు తీసుకెళ్తుంది. అప్పట్లో ‘లాంగెస్ట్‌’.. ఇప్పుడు మూడో స్థానం హిమసాగర్‌ ఎక్స్‌ప్రెస్‌ దేశంలోనే అత్యంత దూరం నడిచే రైలు ప్రయాణాల్లో అగ్రస్థానంలో ఉండేది. 2011లో దిబ్రూగఢ్‌–కన్యాకుమారి వివేక్‌ ఎక్స్‌ప్రెస్‌ రావడంతో ఆ రికార్డు మారింది. ప్రస్తుతం వివేక్‌ ఎక్స్‌ప్రెస్‌, అరొనై సూపర్‌ఫాస్ట్‌ ఎక్స్‌ప్రెస్‌ల తర్వాత హిమసాగర్‌ మూడో స్థానంలో ఉంది. దేశాన్ని కలపడానికి రైల్వే పట్టాలు వేసిన కాలంలో పుట్టిన ఈ రైలు.. నాలుగు దశాబ్దాల తర్వాత కూడా ‘హిమం నుంచి సాగరం వరకు.. భారతదేశం ఒక్కటే’ అనే భావనకు కదిలే చిహ్నంగా నిలుస్తోంది. వరంగల్‌ మీదుగా హిమసాగర్‌ ఎక్స్‌ప్రెస్‌ 42 ఏళ్ల ప్రయాణం కశ్మీర్‌ కొండల నుంచి కన్యాకుమారి సముద్రతీరం వరకు.. 3,790 కిలోమీటర్ల దూరం.. 70 గంటల సుదీర్ఘ జర్నీ

మంగపేట: రెండోయాదగిరి గుట్టగా ప్రసిద్ధిగాంచిన మల్లూరు శ్రీహేమాచలక్షేత్రం ఆదివారం భగవన్నామస్మరణతో మార్మోగింది. ఆలయంలోని స్వయంభు స్వామివారిని దర్శించుకుని తిలతైలాభిషేకం పూజలో పాల్గొనేందుకు వందల సంఖ్యలో భక్తులు తరలివచ్చారు. ఆదివారం సెలవు రోజు కావడంతో సుదూర ప్రాంతాల నుంచి భక్తులు ఉదయాన్నే గుట్టపైకి చేరుకున్నారు. ఆలయ సమీపంలోని చింతామణి జలపాతం వద్ద పుణ్యస్నానాలు ఆచరించి భక్తిశ్రద్ధలతో ఆలయంలోని లక్ష్మీనర్సింహస్వామిని దర్శించుకున్నారు. అర్చకులు రాజీవ్‌శర్మ, కారంపుడి పవన్‌కుమార్‌ ఆచార్యులు, వెంకటనారాయణ శర్మ నిర్వహించిన తిలతైలాభిషేకం పూజలో పాల్గొని స్వామివారిని నిజరూప దర్శనం చేసుకున్నారు. భక్తులు ఒక్కసారిగా చేసిన భగవన్నామస్మరణతో హేమాచల క్షేత్రం ప్రతిధ్వనించింది.

ఆడబిడ్డలకు.. ● జిల్లాకు చేరుతున్న బతుకమ్మ కానుక ● 70,876 మంది మహిళలు.. ● వచ్చిన చీరలు 36,865.. రావాల్సింది 41,098 గోవిందరావుపేట: రాష్ట్రం ప్రభుత్వం మహిళా సంఘాల సభ్యులకు బతుకమ్మ పండుగ కానుకగా అందించే చిలుకపచ్చ చీరలు జిల్లాకు చేరుతున్నాయి. జిల్లా పరిధిలోని ఇప్పటి వరకు నాలుగు మండలాలకు సంబంధించిన చీరలు ఆయా మండలాలకు చేరగా మిగితా మండలాలకు చేరాల్సి ఉంది. జిల్లా వ్యాప్తంగా మహిళా సంఘాల్లోని 77,963 మంది మహిళలకు చీరలు రావాల్సి ఉండగా ఇప్పటివరకు 36,865 చీరలు ఆయా మండలాలకు చేరాయి. ఇంకా 41,098 చీరలు రావాల్సి ఉంది. సద్దుల బతుకమ్మకు ముందుగానే చీరలు మహిళలకు పంపిణీ చేసేలా జిల్లా యంత్రాంగం ఏర్పాట్లు చేస్తోంది. ఈసారి మహిళలకు అందించే బతుకమ్మ చీరలను చిలుకపచ్చ రంగులో రూపొందించారు. చీరపై ఆకర్షణీయమైన డిజైన్‌తో పాటు అంచులో ప్రత్యేక బార్డర్‌ ఉండేలా నమూనాను సిద్ధం చేశారు. పండుగ వాతావరణానికి అనుగుణంగా సంప్రదాయ శైలిని ప్రతిబింబించేలా చీరల రూపకల్పన చేసినట్లు తెలుస్తోంది. గతంలో వివిధ రంగులు, డిజైన్లలో చీరలు అందించగా.. ఈదఫా మహిళా సంఘాల సభ్యులకు ఓకే తరహా నమూనాలో చీరలు అందించనున్నారు. నాణ్యతకు ప్రాధాన్యం ఇస్తూ చీరలను రూపొందించినట్లు అధికారులు చెబుతున్నారు. జిల్లా పరిధిలో 341 వీఓలు ఉండగా 7,368 స్వయం సహాయక సంఘాలు ఉన్నాయి. వీటిలో 6,962 సాధారణ స్వయం సహాయక సంఘాలు ఉండగా 202 పీడబ్ల్యూడీ(దివ్యాంగులు), 204 ఎల్డర్‌ ఎస్‌హెచ్‌జీలు ఉన్నాయి. వీటిల్లో మొత్తంగా 70,876 మహిళలు సభ్యులుగా ఉన్నారు. సభ్యుల సంఖ్యకు 10శాతం అదనంగా కలిపి జిల్లాకు 77,963 చీరలు అవసరమని అధికారులు నిర్ధారించారు. ఈ మేరకు ప్రతిపాదనలు పంపగా ప్రస్తుతం ములుగు, గోవిందరావుపేట, ఎస్‌ఎస్‌తాడ్వాయి, వెంకటాపురం(ఎం) మండలాలకు 36,865 చీరలు చేరుకున్నాయి. ఇంకా ఏటూరునాగారం, కన్నాయిగూడెం, మంగపేట, వెంకటాపురం(కె), వాజేడు మండలాలకు సంబంధించిన చీరలు రావాల్సి ఉంది. మండలం సభ్యులు రావాల్సిన చీరలు ఏటూరునాగారం 7,394 8,133 మంగపేట 12,281 13,509 వెంకటాపురం 7,645 8,410 వాజేడు 5,859 6,445 కన్నాయిగూడెం 3,233 3,556మండలం సభ్యులు వచ్చినవి రావాల్సినవి ములుగు 12,593 13,852 0 గోవిందరావుపేట 7,640 8,404 0 ఎస్‌ఎస్‌తాడ్వాయి 6,012 5,568 1,045 వెంకటాపురం(ఎం) 8,219 9,041 0

ములుగు రూరల్‌: విద్యార్థులు చదువుతో పాటు క్రీడల్లోనూ రాణించాలని అథ్లెటిక్స్‌ అసోసియేషన్‌ రాష్ట్ర కార్యదర్శి సారంగం సూచించారు. మండల పరిధిలోని బండారుపల్లి గురుకుల పాఠశాలలో అసోసియేషన్‌ ఆధ్వర్యంలో జూనియర్‌ అథ్లెటిక్స్‌ పోటీలు ఆదివారం నిర్వహించారు. ఈ కార్యక్రమానికి ఆయన ముఖ్య అతిథిగా హాజరై పోటీలను ప్రారంభించి మాట్లాడారు. జిల్లా స్థాయిలో విజేతలుగా నిలిచిన విద్యార్థులు ఈ నెల 11న అసిఫాబాద్‌లో నిర్వహించనున్న రాష్ట్రస్థాయి పోటీలలో పాల్గొంటారని వివరించారు. అనంతరం అథ్లెటిక్స్‌ పోటీలలో ఉత్తమ ప్రతిభ కనబర్చిన క్రీడాకారులకు సర్టిఫికెట్లను అందజేశారు. ఈ కార్యక్రమంలో జిల్లా కార్యదర్శి వెంకటేశ్వర్లు, పాఠశాల ప్రిన్సిపాల్‌ విజేందర్‌రెడ్డి, పీఈటీ రాజ్‌కుమార్‌, స్వరూప, నాగమణి, రజిత, శైలజ పాల్గొన్నారు. అథ్లెటిక్స్‌ అసోసియేషన్‌ రాష్ట్ర కార్యదర్శి సారంగం

మంగపేట: మండల కేంద్రంలోని శ్రీ ఉమాచంద్రశేఖరస్వామి ఆలయంలో ఈనెల 11 నుంచి 20వ తేదీ వరకు దేవీ శరన్నవరాత్రి ఉత్సవాలను అత్యంత వైభవంగా నిర్వహించనున్నట్లు ఆలయ కమిటీ చైర్మన్‌ మైల నరేశ్‌రెడ్డి, ఆలయపూజారి నరేశ్‌ శర్మ తెలిపారు. విజయదశమి(దసరా) ఉత్సవాల్లో భాగంగా ఆలయంలో 9 రోజుల పాటు నిర్వహించే కార్యక్రమాల వివరాల కరపత్రాలను ఆలయ కమిటీ సభ్యులతో కలిసి అలయ ప్రాంగణంలో ఆదివారం ఆవిష్కరించారు. 21న మధ్యాహ్నం 2 గంటల నుంచి దుర్గాదేవి అమ్మవారి శోభాయాత్ర నిర్వహించనున్నట్లు వారు వివరించారు. ఈ కార్యక్రమంలో ఆలయ కమిటీ సభ్యులు చాద మల్ల య్య, కొమరగిరి కేశవరావు, సామ్రాజ్యం, కల్లెబోయిన సురేశ్‌ తదితరులు పాల్గొన్నారు.‘వలస కూలీల సమస్యలపై ఆరా’ ఏటూరూనాగారం: ఛత్తీస్‌గఢ్‌ వలస కూలీల సమస్యలపై త్తీస్‌గఢ్‌ కాంగ్రెస్‌ ఎమ్మెల్యే విక్రమ్‌ మండవి ఆరా తీశారు. మండల పరిధిలోని శివాపూర్‌ గ్రామ సమీపంలో ఉంటున్న వలస కూలీలను ఎమ్మెల్యే విక్రమ్‌ మండవి ఆదివారం కలుసుకున్నారు. ఈ సందర్భంగా ఆయన కూలీలతో మాట్లాడారు. కూలీల సమస్యల పరిష్కారానికి కృషి చేస్తానని తెలిపారు. ఆయన వెంట బ్లాక్‌ కాంగ్రెస్‌ మండల అధ్యక్షుడు ఇర్సవడ్ల వెంకన్న, నాయకులు వినయ్‌, వంగపడ రవి, శివాపూర్‌ సర్పంచ్‌ సుగుణ, సంధ్య, సుధాకర్‌ రెడ్డి, సాగర్‌, మహేశ్‌ తదతరులు ఉన్నారు. రావి ఆకుపై కెప్టెన్‌ స్మిత్‌మచ్చర్‌ చిత్రం ఏటూరూనాగారం: మండల పరిధిలోని చిన్నబోయినపల్లి ప్రభుత్వ ఆశ్రమ పాఠశాల ఉపాధ్యాయుడు దేవరాయి రమేశ్‌ ఆదివారం రావి అకుపై ఇటీవల ప్‌లైదుబాయ్‌ విమానంలో సహ పైలెట్‌ దాడికి గురై తీవ్రంగా గాయపడి ధైర్యసాహసాలతో విమానాన్ని ప్రమాదం నుంచి కాపాడిన స్మిత్‌ మచ్చర్‌ చిత్రాన్ని గీశాడు. విమానంలో అత్యంత ప్రమాదకరమైన పరిస్థితులు లెక్క చేయకుండా వ్యవహరించిన ఆయన సాహసాన్ని స్ఫూర్తిగా తీసుకుని ప్రకృతి ప్రసాధించిన ఆకుపై ఆయన చిత్రన్ని గీసినట్ల రమేశ్‌ తెలిపారు. సింగరేణి ఆస్తులు ధ్వంసంచేస్తే ఊరుకోంభూపాలపల్లి అర్బన్‌: రోడ్డు విస్తరణ పేరుతో సింగరేణి సంస్థకు చెందిన ఆస్తులను ధ్వంసం చేస్తే ఊరుకునేది లేదని సింగరేణి కార్మిక సంఘాల జేఏసీ నాయకులు బడితల సమ్మయ్య, అప్పాని శ్రీనివాస్‌ హెచ్చరించారు. ఆదివారం జిల్లాకేంద్రంలోని సుభాష్‌ కాలనీ వైపు వెళ్లే మార్గంలో రోడ్డు విస్తరణ పనుల్లో భాగంగా చిరు వ్యాపారుల దుకాణాలతో పాటు సింగరేణి కమ్యూనిటీ హాల్‌, కార్మిక సంఘాల కార్యాలయాల ప్రహరీలను కూల్చే ప్రయత్నాన్ని కార్మికులు అడ్డుకున్నారు. దీంతో మున్సిపల్‌ అధికారులు, కార్మికుల మధ్య వాగ్వాదం జరిగింది. ఈ సందర్భంగా జేఏసీ నాయకులు మాట్లాడుతూ.. అభివృద్ధి పేరుతో చిరు వ్యాపారులను రోడ్డున పడేసే చర్యలను అడ్డుకోవాలని డిమాండ్‌ చేశారు. నోటీసులు ఇవ్వకుండా సింగరేణి ఆస్తులను కూలేల్చేయడం సరికాదన్నారు. రోడ్డు విస్తరణ, షాపింగ్‌ కాంప్లెక్స్‌ల నిర్మాణం పేరుతో కోట్ల రూపాయల వ్యవహారానికి తెరతీస్తున్నారని ఎమ్మెల్యే గండ్ర సత్యనారాయణరావు, మున్సిపల్‌ పాలకవర్గంపై ఆరోపణలు చేశారు. సింగరేణి యాజమాన్యానికి సమాచారం ఇచ్చామని అధికారులు చెబుతున్న నేపథ్యంలో సోమవారం కార్మిక సంఘాల జేఏసీ నాయకులంతా సీఎండీని కలిసి వివరించనున్నట్లు తెలిపారు. కూల్చివేసిన ఆస్తులను తిరిగి నిర్మించాలని డిమాండ్‌ చేశారు.

సాక్షిప్రతినిధి, వరంగల్‌: యునెస్కో గుర్తింపు పొందిన రామప్ప దేవాలయం, చారిత్రక రామప్ప చెరువుకు సింగరేణి ప్రతిపాదిత ఓపెన్‌కాస్ట్‌ బొగ్గుగనితో పొంచిఉన్న ముప్పుపై పౌరులు, పౌరస్పందన వేదికలు ఆందోళన వ్యక్తం చేస్తున్నాయి. ‘మైనింగ్‌ ఆపండి, రామప్పను కాపాడండి’ నినాదంతో ప్రజా ఉద్యమాలకు శ్రీకారం చుడుతున్నాయి. ఓపెన్‌కాస్ట్‌ బొగ్గుగని వల్ల ముప్పు పొంచి ఉందని, ఆ ప్రాజెక్టును ఉపసంహరించుకోవాలని కేంద్రమంత్రి జి.కిషన్‌రెడ్డిని కలిసి కాకతీయ హెరిటేజ్‌ ట్రస్ట్‌ (కేహెచ్‌టీ) వినతిపత్రం సమర్పించింది. ఈ మేరకు ట్రస్టీ ప్రొఫెసర్‌ ఎం.పాండురంగారావు, వరంగల్‌ నగర మాజీ మేయర్‌ టి.రాజేశ్వర్‌రావు, మండల పరశురాములు తదితరులు ఆదివారం ఒక ప్రకటనలో వివరాలు తెలిపారు. 3 టీఎంసీల చెరువుపై ప్రభావం? ములుగు జిల్లా వెంకటాపూర్‌ గ్రామం వద్ద సింగరేణి ప్రతిపాదించిన పీవీ నరసింహారావు ఓపెన్‌కాస్ట్‌ మైన్‌ రామప్ప చెరువు, దేవాలయానికి దిగువ వైపున సుమారు 5 కిలోమీటర్ల దూరంలో ఉందని వినతిపత్రంలో పేర్కొన్నారు. గనిని సుమారు 300 మీటర్ల లోతు వరకు తవ్వే ప్రతిపాదన ఉందని తెలిపారు. పీవీఎన్‌ఆర్‌ ఓపెన్‌కాస్ట్‌ ప్రాజెక్టు రామప్పకు సుమారు 5 కిలోమీటర్ల దూరంలో ఉందని పేర్కొన్న తాజా అధ్యయనాలు కూడా కేంద్ర మంత్రి దృష్టికి తీసుకెళ్లారు. 3 టీఎంసీల నీటిని నిల్వచేసి దాదాపు 30 వేల ఎకరాలకు సాగునీరు అందించే రామప్ప చెరువుకు ముప్పు పొంచి ఉందనని తెలి పారు. చెరువు కింద భాగంలో 300 మీటర్ల లోతైన గని తవ్వితే భూగర్భజలాల ప్రవాహంలో మార్పులు, లీకేజీ వేగం పెరిగే అవకాశం ఉందని, దీనిపై జీఎస్‌ఐ నివేదికలోని పరిశీలనలను ఉటంకించిందని కేహెచ్‌టీ బాధ్యులు కేంద్రం దృష్టికి తీసుకెళ్లారు. బ్లాస్టింగ్‌ వల్ల రామప్ప ఆలయం ఇప్పటికే ఫ్లోర్‌ బీముల్లో పగుళ్లు, డిఫరెన్షియల్‌ సెటిల్‌మెంట్‌ వంటి సమస్యలను ఎదుర్కొంటోందని పేర్కొంది. అధికార యంత్రాంగం నో అన్నా.. పీవీఎన్‌ఆర్‌ ఓపెన్‌కాస్ట్‌ ప్రాజెక్టు ఇంకా ప్రతిపాదిత దశలోనే ఉంది. 2021లో కేంద్ర పర్యావరణ మంత్రిత్వ శాఖకు చెందిన నిపుణుల కమిటీ ప్రాజెక్టుకు టర్మ్స్‌ ఆఫ్‌ రిఫరెన్స్‌ (టీఓఆర్‌) మంజూరుకు సిఫారసు చేసింది. 2026 సెప్టెంబర్‌లో రామప్పపై ప్రభావాన్ని అంచనా వేసేందుకు శాసీ్త్రయ, పర్యావరణ అధ్యయనాలు పూర్తయ్యే వరకు ముందుకు వెళ్లరాదనే అభిప్రాయాన్ని ములుగు జిల్లా యంత్రాంగం వ్యక్తం చేసింది. ఇటీవల పాలంపేట ప్రత్యేక అభివృద్ధి సంస్థ సమావేశంలో కూడా ప్రాజెక్టు ప్రభావంపై సమగ్ర పరిశీలన, శాసీ్త్రయ అధ్యయనాల అవసరాన్ని చర్చించారు. నో ఆబ్జెక్షన్‌ సర్టిఫికెట్‌ (ఎన్‌ఓసీ)పై తుది నిర్ణయం అన్ని అంశాలను పరిశీలించిన తర్వాతే తీసుకుంటామని కలెక్టర్‌ స్పష్టం చేసినట్లు నివేదికలు వెల్లడించినా సింగరేణి ముందుకు సాగడంపై కేహెచ్‌టీ ఆధ్వర్యంలో కేంద్రమంత్రికి ఫిర్యాదు చేయడం చర్చనీయాంశం అవుతోంది. కిషన్‌రెడ్డికి వినతిపత్రం అందజేస్తున్న పాండురంగారావు తదితరులు రామప్ప పరిరక్షణ ప్రజాఉద్యమం ఫ్లెక్సీ కేంద్ర మంత్రి కిషన్‌రెడ్డికి కేహెచ్‌టీ వినతిపత్రం ‘రామప్ప’ పరిరక్షణకు ప్రజా ఉద్యమం 5 కిలోమీటర్ల దూరంలో 300 మీటర్ల లోతైన ఓపెన్‌కాస్ట్‌ చెరువుపై ‘హైడ్రాలిక్‌ గ్రేడియంట్‌’ ప్రభావంపై ఆందోళన

ఏటూరునాగారం: మధ్యాహ్న భోజన కార్మికుల అల్పాహారం పెండింగ్‌ బిల్లులను ప్రభుత్వం తక్షణమే విడుదల చేయాలని ఏఐటీయూసీ రాష్ట్ర ప్రధాన కార్యదర్శి జంపాల రవీందర్‌ డిమాండ్‌ చేశారు. ఈ మేరకు మండల కేంద్రంలో ఆదివారం మధ్యాహ్న భోజన కార్మికుల సమావేశం నిర్వహించారు. ఈ కార్యక్రమానికి ఆయన ముఖ్య అతిథిగా హాజరై మాట్లాడారు. మధ్యాహ్న భోజన కార్మికులను రోడ్డున పడేస్తూ సెంట్రలైజ్డ్‌ కిచెన్‌ విధానాన్ని అమలు చేసే విషయంపై సీఎం రేవంత్‌రెడ్డి మనస్సు మార్చుకోవాలని కోరారు. ఈ మేరకు ఈ నెల 28న నిర్వహించ తలపెట్టిన ఎమ్మెల్యే క్యాంపు కార్యాలయ ముట్టడిని జయప్రదం చేయాలని కోరారు. కార్యక్రమంలో నాయకులు చాంద్‌ పాషా, కొమురయ్య, సమ్మక్క, సులోచన పాల్గొన్నారు. ఏఐటీయూసీ రాష్ట్ర ప్రధాన కార్యదర్శి రవీందర్‌

ఎస్‌ఎస్‌ తాడ్వాయి: సర్పంచ్‌లు ఎదుర్కొంటున్న సమస్యలను ప్రభుత్వం దృష్టికి తీసుకెళ్లి పరిష్కారానికి కృషి చేస్తానని తెలంగాణ పంచాయతీరాజ్‌ చాంబర్స్‌ అధ్యక్షుడు చింపుల సత్యనారాయణరెడ్డి, రాష్ట్ర కార్యదర్శి ఎం.సంపత్‌నాయక్‌ తెలిపారు. మండల పరిధిలోని మేడారంలోని జంపన్న వసతి సముదాయంలో ఆదివారం నిర్వహించిన సర్పంచ్‌ల చైతన్య సదస్సులో జిల్లా సర్పంచ్‌ల ఫోరం నూతన కమిటీని ఏకగ్రీవంగా ఎన్నుకున్నారు. జిల్లా అధ్యక్షుడిగా ముషినెపల్లి కుమార్‌గౌడ్‌, ఉపాధ్యక్షుడిగా దేవులపల్లి విజయ్‌కుమార్‌, ప్రధాన కార్యదర్శిగా నాగిడి రమణారెడ్డి, అధికార ప్రతినిధిగా జాడి రాంబాబు, కార్యదర్శులుగా మొగిలిపల్లి రవీందర్‌, లావుడ్య జోగానాయక్‌ ఎన్నికయ్యారు. ఈ సందర్భంగా వారు మాట్లాడుతూ సర్పంచ్‌లకు నెలకు రూ.30 వేల గౌరవ వేతనం ఇవ్వాలన్నారు. ఎమ్మెల్సీ, స్థానిక సంస్థల ఎన్నికల్లో ఓటు హక్కు కల్పించాలని కోరారు. సీఎం రేవంత్‌రెడ్డి, మంత్రి సీతక్క ఉపసర్పంచ్‌ల చెక్‌ పవర్‌ రద్దుపై సానుకూలంగా స్పందించడంతో వారి చిత్రపటాలకు పాలాభిషేకం చేసి కృతజ్ఞతలు తెలిపారు. సర్పంచ్‌ల ఫోరం నూతన అధ్యక్షుడు కుమార్‌గౌడ్‌ మాట్లాడుతూ సర్పంచ్‌ల హక్కుల సాధనకు నిరంతరం పోరా డుతానని తెలిపారు.

హైదరాబాద్‌ మర్రి చెన్నారెడ్డి మానవ వనరుల అభివృద్ధి కేంద్రంలో శిక్షణ పొందుతున్న 150 మంది గ్రూప్‌–2 అధికారుల బృందం ఆదివారం రేగొండ మండలంలోని పాండవుల గుట్టలను సందర్శించింది. ఈ సందర్భంగా పాండవులు అరణ్యవాసం చేసిన సమయంలో వేసిన పెయింటింగ్‌ను పరిశీలించారు. అనంతరం వారంతా ట్రెక్కింగ్‌ చేసి ప్రకృతి అందాలను, ప్రాచీన రాతిచిత్రాలను ఆసక్తిగా తిలకించారు. చారిత్రక సంపదను పరిరక్షిస్తూ భావితరాలకు అందించాలని కోరారు. – రేగొండ ఫారెస్ట్‌లో 10 కి.మీ ట్రెక్కింగ్‌ వన్యప్రాణి వారోత్సవాల్లో భాగంగా అటవీ శాఖ ఆధ్వర్యంలో మహదేవపూర్‌ టు కాటారం అట వీప్రాంతంలో బీరసాగర్‌ బీట్‌ పరిధిలోని మహదేవపూర్‌ రిజర్వ్‌ ఫారెస్ట్‌లో 10 కిలోమీటర్ల ట్రె క్కింగ్‌ ఆదివారం నిర్వహించారు. ట్రెక్కింగ్‌ సందర్భంగా అటవీ ప్రాంతంలో వన్యప్రాణుల వేట కు ఉపయోగించే ఉచ్చులు, కుంటలు, విద్యుత్‌ తీగలు తదితరాలను ఎఫ్‌ఆర్‌ఓ బృందం తనిఖీ చేసింది. అటవీ, వన్యప్రాణుల సంరక్షణపై సిబ్బందికి పలు సూచనలు చేశారు. ఎఫ్‌ఆర్‌ఓ రవికుమార్‌తో పాటు రేంజ్‌ సిబ్బంది, బేస్‌ క్యాంప్‌ సిబ్బంది పాల్గొన్నారు. – కాళేశ్వరం

ఎస్‌ఎస్‌తాడ్వాయి: మండల పరిధిలోని మేడారం సమ్మక్క– సారలమ్మలను దర్శించుకునేందుకు భక్తులు ఆదివారం వేలసంఖ్యలో తరలివచ్చారు. రెండు తెలుగు రాష్ట్రాలతో పాటు ఛత్తీస్‌గఢ్‌, మహారాష్ట్ర ప్రాంతాల నుంచి భక్తులు మేడారానికి ప్రైవేట్‌ వాహనాల్లో తరలివచ్చారు. జంపన్నవాగులో పుణ్యస్నానాలు ఆచరించి అమ్మవార్ల గద్దెల వద్ద పసుపు, కుంకుమ, చీరసారె, కానుకలు, ఎత్తు బంగారం, ఒడిబియ్యం, సమర్పించారు. సంతానం కలగాలని మహిళలు రావి చెట్టు వద్ద ముడుపులు కట్టారు. మొక్కుల అనంతరం భక్తులు మేడారం పరిసరాల ప్రాంతాల్లో విడిది చేసి వంటావార్పు చేసుకుని సహపంక్తి భోజనాలు చేశారు. సుమారుగా 20వేల మంది భక్తులు అమ్మవార్లను దర్శించుకున్నట్లు అధికారులు అంచనా వేశారు.

ములుగు: జిల్లాలో చిన్నారుల పోషకాహార పరిస్థితిపై జాతీయ కుటుంబ ఆరోగ్య సర్వే–6 (ఏఎఫ్‌హెచ్‌ఎస్‌–6) గణాంకాలు ఆందోళన కలిగిస్తున్నాయి. జిల్లాలో ఐదేళ్లలోపు పిల్లల్లో 35.8 శాతం మంది స్టంటింగ్‌ (వయస్సుకు తగ్గ ఎత్తు లేకపోవడం), 23.5 శాతం మంది వేస్టింగ్‌ (ఎత్తుకు తగ్గ బరువు లేకపోవడం), 39 శాతం మంది తక్కువ బరువుతో ఉన్నట్లు 2023–24 జిల్లా గణాంకాలు వెల్లడించాయి. ముఖ్యంగా 6 నుంచి 23 నెలల వయసున్న చిన్నారుల్లో 25.1 శాతం మందికి మాత్రమే తగిన ఆహారం అందుతున్నట్లు సర్వేలో నమోదైంది. టీకాల కవరేజీలో.. 12–23 నెలల పిల్లల్లో పూర్తిస్థాయి టీకాలు పొందిన వారి శాతం 72.7 శాతంగా నమోదైంది. మూడు డోసుల పోలియో టీకాలు పొందిన వారు 75.5 శాతం, మూడు డోసుల పెంటావాలెంట్‌ టీకాలు పొందిన వారు 78.1 శాతంగా ఉన్నారు. మరోవైపు 9 నుంచి 35 నెలల పిల్లల్లో 96.6 శాతం మందికి విటమిన్‌ ఎ డోస్‌ అందినట్లు సర్వేలో తేలింది. గర్భిణులకు వైద్యసేవలు మెరుగ్గానే.. గర్భిణుల ఆరోగ్య సంరక్షణలో మెరుగైన వైద్యసేవలు నమోదయ్యాయి. తొలి త్రైమాసికంలో ప్రసవపూర్వ పరీక్షలు చేయించుకున్న తల్లులు 93.7 శాతం కాగా 98 శాతం మందికి కనీసం ఒక ప్రసవపూర్వ వైద్య సేవ అందింది. 89.2 శాతం మంది గర్భిణులు కనీసం 100 రోజులు ఐరన్‌, ఫోలిక్‌ యాసిడ్‌ మాత్రలు తీసుకున్నారు. 64.8 శాతం మంది 180 రోజులు లేదా అంతకంటే ఎక్కువ కాలం తీసుకున్నారు. 96.3 శాతం సంస్థాగత ప్రసవాలు జిల్లాలో 96.3 శాతం ప్రసవాలు ఆస్పత్రులు, ఆరోగ్య కేంద్రాలు వంటి సంస్థాగత వైద్య సంస్థల్లో జరిగినట్లు సర్వే గణాంకాలు వెల్లడించాయి. ఇందులో ప్రభుత్వ వైద్య సంస్థల్లో ప్రసవాలు 74.9 శాతంగా ఉన్నాయి. శిక్షణ పొందిన ఆరోగ్య సిబ్బంది సమక్షంలో ప్రసవాలు 95.5 శాతం కాగా మొత్తం సిజేరియన్‌ ప్రసవాల వాటా 48 శాతంగా నమోదైంది. 87.1 శాతం కుటుంబాలకు ఆరోగ్య భద్రత జిల్లాలో 87.1 శాతం కుటుంబాల్లో కనీసం ఒకరికి ఆరోగ్య బీమా లేదా ఆర్థిక సహాయ పథకం కవరేజీ ఉన్నట్లు ఏఎఫ్‌హెచ్‌ఎస్‌–6 వెల్లడించింది. ఆరోగ్య సేవల విషయంలో ఇది కీలక సూచికగా నిలిచింది. చక్కెర, బీపీ కూడా కలవరం 15 ఏళ్లు పైబడిన వారిలో రక్తంలో చక్కెర, అధిక రక్తపోటు సమస్యలు కూడా నమోదయ్యాయి. మహిళల్లో 21.7 శాతం, పురుషుల్లో 24.4 శాతం మందికి రక్తంలో చక్కెర అధికంగా ఉండటంతో మందులు వాడుతున్నట్లు తేలింది. అధిక రక్తపోటు లేదా బీపీ మందులు వాడుతున్న మహిళలు 23.1 శాతం, పురుషులు 26 శాతంగా నమోదయ్యారు.పోషకాహారంపై మరింత దృష్టి అవసరం మాతా–శిశు ఆరోగ్యానికి సంబంధించి ప్రసవపూర్వ వైద్యసేవలు, సంస్థాగత ప్రసవాలు వంటి అంశాల్లో గణాంకాలు మెరుగ్గా ఉన్నప్పటికీ చిన్నారుల్లో ఎదుగుదల, బరువు, తగిన ఆహారం విషయంలో సవాళ్లు ఉన్నట్లు సర్వే గణాంకాలు సూచిస్తున్నాయి. ముఖ్యంగా తొలి రెండేళ్లలో పిల్లలకు సమతుల్యమైన, వయసుకు తగిన ఆహారం అందేలా కుటుంబాలు, అంగన్‌న్‌వాడీలు, ఆరోగ్య శాఖ సమన్వయంతో చర్యలు చేపట్టాల్సిన అవసరాన్ని ఈ గణాంకాలు స్పష్టం చేస్తున్నాయి. ఏఎఫ్‌హెచ్‌ఎస్‌–6 జిల్లా గణాంకాల్లో ఆందోళనకర అంశాలు ఐదేళ్లలోపు 35.8 శాతం మందిలో ఎదుగుదల లోపం 39 శాతం మంది తక్కువ బరువు 6–23 నెలల చిన్నారుల్లో 25.1శాతం మందికే తగిన ఆహారం

● వీధి జంతువులకు శుభ్రమైన తాగునీటి పాత్రలు ఏర్పాటు చేయాలి. ఆకలి, దాహంతో ఉన్న జంతువులకు తగిన ఆహారం అందించాలి. ● గాయపడిన, అనారోగ్యంతో ఉన్న జంతువులకు వెంటనే పశువైద్య చికిత్స అందించాలి. క్రమం తప్పకుండా టీకాలు వేయించాలి. ● వీధి కుక్కలు, పిల్లుల కోసం స్టెరిలైజేషన్‌ కార్యక్రమాలను శాసీ్త్రయంగా నిర్వహించాలి. ● అడవులు, చెరువులు, గడ్డి భూములు వంటి జంతువుల సహజ ఆవాసాలను కాపాడాలి. ● అక్రమ వేట, అడవి జంతువుల అక్రమ రవాణాను అరికట్టాలి. ● జంతువులు ఎక్కువగా సంచరించే ప్రాంతాల్లో హెచ్చరిక బోర్డులు ఏర్పాటు చేయాలి. అడవి ప్రాంతాల్లో వాహనాల వేగాన్ని నియంత్రించాలి. ● ప్లాస్టిక్‌ వ్యర్థాలను జంతువులు తినకుండా చెత్తను సక్రమంగా నిర్వహించాలి. ● పాఠశాలలు, కళాశాలల్లో జంతు సంరక్షణపై అవగాహన కార్యక్రమాలు నిర్వహించాలి. ● వన్యప్రాణుల అక్రమ వేట, వ్యాపారం, నివాస ప్రాంతాల విధ్వంసాన్ని నిరోధించాలి.

ములుగు/గోవిందరావుపేట/ఎస్‌ఎస్‌తాడ్వాయి: ఇందిరమ్మ ఇళ్ల నిర్మాణంలో నాణ్యతా ప్రమాణాలు పాటిస్తూ నిర్మాణ పనులు వేగంగా పూర్తి చేయాలని రాష్ట్ర గృహ నిర్మాణ శాఖ కార్యదర్శి వీపీ. గౌతమ్‌ అధికారులను ఆదేశించారు. జిల్లాలోని గోవిందరావుపేట మండలం బుస్సాపూర్‌, ఎస్‌ఎస్‌తాడ్వాయి మండల పరిధిలోని మేడారం, వెంకటాపురం(ఎం) మండల పరిధిలోని పాలంపేటలో నిర్మాణంలో ఉన్న ఇందిరమ్మ ఇళ్లను ఆయన శనివారం పరిశీలించారు. వివిధ దశల్లో ఉన్న ఇళ్ల నిర్మాణాలను క్షేత్రస్థాయిలో పరిశీలించిన గౌతమ్‌ పనుల పురోగతి గురించి అధికారులను అడిగి తెలుసుకున్నారు. లబ్ధిదారులతో మాట్లాడి ప్రభుత్వం నుంచి అందుతున్న ఆర్థిక సాయం, బిల్లుల చెల్లింపు పరిస్థితిపై ఆరా తీశారు. నగదు సాయం సకాలంలో అందుతోందని, మధ్యవర్తుల ప్రమేయం లేకుండా పనులు జరుగుతున్నాయని లబ్ధిదారులు తెలిపారు. రెండో విడత ఇందిరమ్మ ఇళ్ల లబ్ధిదారుల ఎంపికలో అర్హతకు ప్రాధాన్యం ఇవ్వాలన్నారు. గుడిసెల్లో నివసిస్తున్న వారికి ప్రాధాన్యత కల్పించాలని అధికారులకు సూచించారు. బిల్లుల చెల్లింపులో జాప్యం లేకుండా చర్యలు తీసుకోవాలని ఆదేశించారు. ఈ సందర్భంగా బుస్సాపూర్‌కు చెందిన దివ్యాంగురాలు గండి కోమల హౌసింగ్‌ శాఖ కార్యదర్శి గౌతమ్‌ను కలిసి ఇల్లు మంజూరు చేయాలని వేడుకుంది. తనకు రెండు కాళ్లు లేవని, ఇద్దరు పిల్లలు ఉన్నారని ఆవేదన వ్యక్తం చేసింది. ఇల్లు మంజూరు చేయాలని గ్రామ పంచాయతీ చుట్టూ తిరుగుతున్నా రావడం లేదని కన్నీటి పర్యంతమైంది. స్పందించిన ఆయన పరిశీలించి ఇల్లు వచ్చేలా చర్యలు తీసుకుంటానని హామీనిచ్చారు. కార్యక్రమంలో అదనపు కలెక్టర్‌ సంపత్‌ రావు, హౌసింగ్‌ పీడీ కృష్ణప్రసాద్‌, తహసీల్దార్లు, ఏఈలు, సర్పంచులు పాల్గొన్నారు. రామప్ప టెంపుల్‌.. వనదేవతల సందర్శన ఇందిరమ్మ ఇళ్ల పరిశీలన అనంతరం రామప్ప దేవాలయాన్ని గౌతమ్‌ కుటుంబ సభ్యులతో సందర్శించారు. రామప్ప రామలింగేశ్వర స్వామికి వారు పూజలు నిర్వహించగా అర్చకులు తీర్థప్రసాదాలు అందించి శాలువాతో సత్కరించారు. ఆలయ నిర్మాణ నైపుణ్యాన్ని గైడ్‌ విజయ్‌ కుమార్‌ వివరించగా ఆసక్తిగా తిలకించారు. అలాగే మేడారంలోని సమ్మక్క–సారలమ్మలను దర్శించుకున్నారు. అమ్మవార్లకు ప్రత్యేక పూజలు నిర్వహించారు. గోవిందరాజు, పగిడిద్దరాజులకు పూజలు చేశారు. ఈ సందర్భంగా ఆయనను మేడారం సర్పంచ్‌ భారతి, సమ్మక్క– సారలమ్మ పూజారులు డోలి వాయిద్యాలతో గద్దెలపైకి ఘన స్వాగతం పలికారు. అనంతరం పూజారులు గౌతమ్‌ను అమ్మవార్ల శాలువాతో సత్కరించి ప్రసాదం అందజేశారు. రాష్ట్ర గృహ నిర్మాణశాఖ కార్యదర్శి వీపీ.గౌతమ్‌ జిల్లాలో ఇందిరమ్మ ఇళ్ల నిర్మాణ పనుల పరిశీలన

ఏటూరునాగారం: జిల్లాలోని గ్రామీణ ప్రాంతాలకు ఆర్టీసీ బస్సు సర్వీసులను నడిపించాలని రోడ్డు రవాణా సంస్థ(ఆర్టీఏ) డైరెక్టర్‌ వసంత శ్రీనివాస్‌ శనివారం హైదరాబాద్‌లో రాష్ట్ర రవాణాశాఖ మంత్రి పొన్నం ప్రభాకర్‌ను కలిసి వినతి పత్రాన్ని అందజేశారు. చెల్పాక, ఇతర ప్రాంతాల్లో ఆర్టీసీ సేవలను పునరుద్ధరించాలన్నారు. జిల్లాలోని గిరిజన పల్లెలకు ఆర్టీసీ సేవలను విస్తృతం చేయడం వల్ల రైతులు, విద్యార్థులు, ఉద్యోగులు మరింత మేలు జరుగుతుందని వివరించామన్నారు. ఆర్టీసీ సర్వీసుల విషయంపై అధికారులతో చర్చించి సర్వీసులు వచ్చేలా చూస్తామని మంత్రి హామీ ఇచ్చినట్లు శ్రీనివాస్‌ తెలిపారు. వాజేడు: మండల పరిధిలోని మండపాక గ్రామానికి చెందిన కళ్లెం ప్రవీణ్‌ నెల రోజుల క్రితం పేరూరు గ్రామానికి వెళ్తుండగా ఫోన్‌ పోగొట్టుకున్నాడు. ఈ మేరకు వాజేడు పోలీస్‌స్టేషన్‌లో ఫిర్యాదు చేశాడు. సీఈఐఆర్‌ పోర్టల్‌ ద్వారా కానిస్టేబుల్‌ రమణ ఫోన్‌ను రికవరీ చేయగా శనివారం ఎస్సై సతీశ్‌ బాధితుడికి అందజేశారు. ఏటూరునాగారం: మండలంలోని రొయ్యూర్‌ గ్రామానికి చెందిన కాంగ్రెస్‌ పార్టీ సోషల్‌ మీడియా నాయకుడు సోదారి హరీశ్‌ భార్య స్వర్ణలత శనివారం మృతి చెందింది. దీంతో బాధిత కుటుంబాన్ని జిల్లా ఆత్మ చైర్మన్‌ రఘు పరామర్శించారు. మృతదేహం వద్ద నివాళులర్పించారు. నాయకులు రామయ్య, లాలయ్య, రమేష్‌, అర్జున్‌, తిరుపతి, రాజశేఖర్‌ ఉన్నారు. ఐదుగురిపై కేసు చిట్యాల : మండలంలోని జూకల్‌ గ్రామశివారులో గంజాయి సేవిస్తున్న ఐదుగురు వ్యక్తులను అదుపులోకి తీసుకుని వారిపై కేసు నమోదు చేసినట్లు ఎస్సై పోచంపల్లి సతీష్‌ తెలిపారు. శనివారం జూకల్‌ ప్రాంత శివారులో కెనాల్‌ స మీపంలోని ఖాళీ ప్రదేశంలో కొంతమంది వ్య క్తులు గంజాయి సేవిస్తూ ప్రజలకు అసౌకర్యం కలిగిస్తున్నారని పోలీసులకు సమాచారం అందింది. రెండో ఎస్సై ఓంపాల్‌ తన సిబ్బందితో కలిసి సంఘటనా స్థలానికి చేరుకున్నారు. దీంతో వారిని చూసి పారిపోవడానికి ప్రయత్నం చేస్తుండగా వెంబడించి వారిని పట్టుకున్నారు. వీరిలో చల్లగరిగకు చెందిన మ్యాదరి ప్రశాంత్‌, దూడపాక ప్రకాశ్‌, బైస బన్నీ, కుంచం బన్నీ, ముచినిపర్తికి చెందిన పసరగొండ సంజయ్‌ రాజ్‌లకు వైద్యపరీక్షలు నిర్వహించగా వారికి పాజిటివ్‌ రావడంతో వారిపై కేసు నమోదు చేసినట్లు ఎస్సై పేర్కొన్నారు. దరఖాస్తుల స్వీకరణ భూపాలపల్లి రూరల్‌ : రాష్ట్ర పార్టీ ఆదేశానుసా రం ఓబీసీ సెల్‌ జిల్లా అధ్యక్షుడి ఎన్నిక కోసం ఈ నెల 12వ తేదీ వరకు జిల్లాలోని ఓబీసీ నా యకుల నుంచి దరఖాస్తులు స్వీకరించనున్న ట్లు కాంగ్రెస్‌ జిల్లా అధ్యక్షుడు బట్టు కరుణాకర్‌ తెలిపారు. శనివారం భూపాలపల్లి ఎమ్మెల్యే క్యాంపు కార్యాలయంలో ఓబీసీ జిల్లా పరిశీలకులు నార్లవేని కుమారస్వామితతో కలిసి కరుణాకర్‌ హాజరై మాట్లాడారు. పోటీదారులు ఆధార్‌కార్డుతో పాటు, 3 పాస్‌ ఫొటోలు తీసుకు రావాలని సూచించారు. సమావేశంలో ము న్సిపల్‌ చైర్మన్‌ బుర్ర కొమురయ్య, పార్టీ కౌన్సిలర్లు, నాయకులు పాల్గొన్నారు. మల్హర్‌: మాదిగ రాజకీయ పోరాట సమితి తెలంగాణ (ఎమ్మార్పీస్‌ టీ) మండల, తాడిచర్ల గ్రామ నూతన కమిటీలను శనివారం ఏకగ్రీవంగా ఎన్నుకున్నారు. ఎమ్మార్పీస్‌టీ వ్యవస్థాపకులు ప్రభాకర్‌ మాదిగ ఆదేశాల మేరకు జిల్లా అధ్యక్షుడు బూడిద సమ్మయ్య మాదిగ సమక్షంలో జరిగిన ఎన్నికలో మండల అధ్యక్షుడిగా గుగ్గిళ్ల రాజ్‌ కుమార్‌ మాదిగ నియమితులయ్యారు. అలాగే ఉపాధ్యక్షుడుగా ఇందారపు మొగిలి, ప్రధాన కార్యదర్శిగా బూడిద శ్రావణ్‌, ప్రచార కార్యదర్శిగా రోడ్డ సంజీవ్‌, కార్యదర్శులు ఇందారపు రంజిత్‌, కొలుగూరి సందీప్‌లను ఎ న్నుకున్నారు. తాడిచర్ల గ్రామ అధ్యక్షుడిగా కొ లు గూరి సంపత్‌, ఉపాధ్యక్షుడిగా తాండ్ర ఆశీర్వాదం, ప్రధాన కార్యదర్శిగా, తాండ్ర సదానందం, ప్రచార కార్యదర్శిగా ఇనుగాల సతీష్‌, కార్యదర్శిగా తాండ్ర కిరణ్‌ కుమార్‌ను ఎడ్నికున్నారు.

వెంకటాపురం(కె): ఛత్తీస్‌గఢ్‌ నుంచి తెలంగాణకు వలస వచ్చిన కూలీలకు అండగా ఉంటానని ఛత్తీస్‌గఢ్‌ ఎమ్మెల్యే విక్రమ్‌ మండవి అన్నారు. ఈ సందర్భంగా ఆయన మండల కేంద్రంలో పర్యటించి ఏర్పాటు చేసిన విలేకరుల సమావేశంలో మాట్లాడారు. గత ఎన్నికల్లో ఛత్తీస్‌గఢ్‌లో ఓటు వేసిన తర్వాత అక్కడి కూలీలు జీవనోపాధి కోసం తెలంగాణకు వలస వచ్చి ఇక్కడే నివాసం ఉంటున్నారని తెలిపారు. ఈ ప్రాంతంలో మూడు రోజులు పర్యటించి ఏటూరునాగారం, వెంకటాపురం, వాజేడు మండలాల్లో నివాసం ఉంటున్న వలస కూలీలను కలుసుకుని వారి సమస్యలు అడిగి తెలుసుకుంటామన్నారు. గతంలో ఛత్తీస్‌గఢ్‌కు చెందిన ఓ మహిళకు అన్యాయం జరిగిన ఘటనలో తాను ఇక్కడకు వచ్చి వారిని అండగా నిలిచామని తెలిపారు. ఛత్తీస్‌గఢ్‌ వాసులకు ఏ సమస్యలు ఎదురైనా అండగా ఉంటానని భరోసా కల్పించారు. ఈ సమావేశంలో కాంగ్రెస్‌ నాయకులు సయ్యద్‌ హుస్సేన్‌, చిడెంశివ, కిరణ్‌, కొండపర్తి సీతాదేవి, సర్పంచ్‌ తాటి సరస్వతి, ఉప సర్పంచ్‌ సన్ని పాల్గొన్నారు.నవోదయ ప్రవేశాల గడువు పొడిగింపు ములుగు: జవహర్‌ నవోదయ విద్యాలయాల్లో 2027–28 విద్యా సంవత్సరానికి 9, 11వ తరగతుల్లో ఖాళీ సీట్ల భర్తీకి నిర్వహించే ప్రవేశ పరీక్ష దరఖాస్తు గడువును ఈనెల 15వ తేదీ వరకు పొడిగించినట్లు మామూనూర్‌ నవోదయ విద్యాలయం ఇన్‌న్‌చార్జ్‌ ప్రిన్సిపాల్‌ టి. రమేష్‌ శనివారం ఒక ప్రకటనలో తెలిపారు. 2026–27 విద్యా సంవత్సరంలో 8, 10వ తరగతులు చదువుతున్న అర్హులైన విద్యార్థులు దరఖాస్తు చేసుకోవచ్చన్నారు. ఎంపిక పరీక్ష 2027 ఏప్రిల్‌ 10న నిర్వహించనున్నట్లు పేర్కొన్నారు. ఆసక్తి గల విద్యార్థులు సంబంధిత వెబ్‌సైట్‌లో ఆన్‌న్‌లైన్‌లో దరఖాస్తు చేసుకోవాలని సూచించారు. వీఐపీ ఘాట్‌ రోడ్డుపై ఫెన్సింగ్‌ కాళేశ్వరం: మహదేవపూర్‌ మండలం కాళేశ్వరం వీఐపీ ఘాటు రోడ్డు కోసం సరస్వతీనది ఆది, అంత్య పుష్కరాల పనుల కోసం భూములు కోల్పోయిన రైతులకు పరిహారం, పంట నష్టం అందకపోవడంతో అసంతృప్తి వ్యక్తమవుతోంది. భూసేకరణ జరిగి ఏడాదిన్నర కావస్తున్నా నష్టపరిహారం, పంట నష్టం చెల్లింపులు పూర్తికాలేదని బాధిత రైతులు వాపోతున్నారు. రెవెన్యూ కార్యాలయాల చుట్టూ తిరుగుతున్నా స్పష్టమైన సమాధానం లభించడం లేదని పేర్కొన్నారు. ఈ నేపథ్యంలో కాళేశ్వరం గ్రామానికి చెందిన ముంగి బాపు అనే రైతు వీఐపీ ఘాట్‌ బీటీ రోడ్డుపై ఫెన్సింగ్‌ ఏర్పాటు చేయడం స్థానికంగా చర్చనీయాంశమైంది. దీంతో రోడ్డుపై రాకపోకలు నిలిచాయి. పరిహారం చెల్లించిన తర్వాతే భూములు అప్పగిస్తామని రైతులు వాపోతున్నారు. రాబోయే గోదావరి పుష్కరాల దృష్ట్యా ఘాట్లు, రహదారుల అభివృద్ధికి భూములు అవసరమవుతున్నందున అధికారులు రైతులతో చర్చించి సమస్యను పరిష్కరించాలని వారు కోరుతున్నారు. బియ్యం దందా ముఠా గుట్టురట్టు భూపాలపల్లి: రేషన్‌ బియ్యం అక్రమ రవాణా చేసే ఓ ముఠాను భూపాలపల్లి పోలీసులు పట్టుకున్నారు. ప్రధాన నిందితుడిని అదుపులోకి తీసుకొని కేసు నమోదు చేశారు. భూపాలపల్లి పట్టణంలోని డీఎస్పీ కార్యాలయంలో శనివారం ఏర్పాటు చేసిన విలేకరుల సమావేశంలో డీఎస్పీ సంపత్‌రావు వివరాలు వెల్లడించారు. పట్టణంలోని సీఆర్‌ నగర్‌కు చెందిన మోటం శ్రీనివాస్‌కు మహారాష్ట్రలోని సిరొంచకు చెందిన రైస్‌మిల్‌ యజమాని వీరయ్య సేటుతో మూడేళ్ల క్రితం పరిచయం ఏర్పడింది. వీరిద్దరూ రేషన్‌ బియ్యాన్ని అక్రమంగా రవాణా చేయాలని అనుకున్నారు. మూడు నెలల క్రితం భూపాలపల్లి జిల్లాతో పాటు ఇతర ప్రాంతాల్లో ఏజెంట్లను నియమించారు. వారు లబ్ధిదారులనుంచి బియ్యాన్ని కొనుగోలు చేసి సిరొంచలోని వీరయ్య సేటు రైస్‌మిల్లుకు తరలించి విక్రయించారు. ఇందుకు గాను ఏజెంట్ల బ్యాంకు ఖాతాల్లో అతను డబ్బు వేస్తాడు. ఈ దందాకు శ్రీనివాస్‌ పూర్తిస్థాయిలో సహకరిస్తున్నందుకు ఏజెంట్లు తమకు వచ్చిన డబ్బులో నుంచి 10 శాతం కమీషన్‌ ఇస్తున్నారు.మూడునెలల్లో 3,400 క్వింటాళ్ల పీడీఎస్‌ బియ్యాన్ని కొనుగోలు చేసినట్లు తమ విచారణలో వెల్లడైనట్లు డీఎస్పీ తెలిపారు.

కన్నాయిగూడెం: ఏటూరునాగారం నుంచి తుపాకులగూడెం వరకు ప్రధానరోడ్డుకు ఇరువైపులా ఉన్న ముళ్ల పొదలను అటవీ శాఖ అధికారులు శనివారం తొలగించారు. రోడ్డుకు ఇరువైపులా పొదలు పెరగడంతో నిత్యం ప్రమాదాలు జరుగుతున్నాయి. దీంతో అటవీ శాఖ ఏటూరునాగారం నార్త్‌ రేంజ్‌ అధికారి అశోక్‌ ఆధ్వర్యంలో పొదలు తెలగించే కార్యక్రమం చేపట్టారు. రోడ్డుకు మలుపుల్లో ఉన్న ప్రాంతాల్లో ఉన్న పొదలు తొలగించి ప్రమాదాలు జరగకుండా ప్రయాణికులకు ఆటంకం కలగకుండా చేస్తున్నట్లు రేంజర్‌ అశోక్‌ తెలిపారు. ఈ కార్యక్రమంలో డిప్యూటీ రేంజ్‌ అధికారులు, సెక్షన్‌ అధికారులు, బీట్‌ అధికారులు బేస్‌ క్యాంప్‌ సిబ్బంది పాల్గొన్నారు. విలాసాగర్‌లో వైద్యశిబిరం మల్హర్‌(కాటారం): మండలంలోని విలాసాగర్‌, ఎంజేపీ బాయ్స్‌ హాస్టల్‌లో శనివారం ఉచిత వైద్యశిబిరం నిర్వహించారు. పీహెచ్‌సీ వైద్యాధికారిణి డాక్టర్‌ ఎం.మౌనిక ఆదేశాల మేరకు నిర్వహించిన శిబిరంలో ప్రజలకు, విద్యార్థులకు సీజనల్‌ వ్యాధులపై వైద్యులు అవగాహన కల్పించారు. ప్రతి మంగళ, శుక్రవారాల్లో డ్రై డే పాటించాలని, పరిసరాల పరిశుభ్రత, వ్యక్తిగత పరిశుభ్రతతోనే వ్యాధులు రా కుండా ఉంటాయని సూచించారు. ఇళ్ల చుట్టూ నీటి గుంటలు లేకుండా చూడాలని, పాత సామాన్లు, కొబ్బరిబొండాలు, బాటిళ్లలో నీరు నిల్వ ఉండకుండా జాగ్రత్తలు తీసుకోవాలని, జ్వరం వస్తే వెంటనే ఆశా, ఆరోగ్య కార్యకర్తలను సంప్రదించా లని తెలి పారు. ఎంఎల్‌హెచ్‌పీ డాక్టర్‌ తిరుపతి రెడ్డి, డాక్టర్‌ సుమన్‌, సర్పంచ్‌ కందికొండ రాజయ్య, హెల్త్‌ సూపర్‌వైజర్‌ సరళ, రజిని, పాల్గొన్నారు. బాలింతలు ఆరోగ్యంపై ప్రత్యేక శ్రద్ధ వహించాలి రేగొండ : బాలింతలు ఆరోగ్యంపై ప్రత్యేక శ్రద్ధ వ హించడం ద్వారా ఆరోగ్యవంతమైన సమాజాన్ని నిర్మించవచ్చని భూపాలపల్లి బీజేపీ నియోజకవర్గ ఇన్‌చార్ఙ్‌ కీర్తిరెడ్డి అన్నారు. శనివారం మండలంలోని రూపిరెడ్డిపల్లిలోని అంగన్‌వాడీ కేంద్రంలో సేవ సంకల్ప్‌ అభియాన్‌లో భాగంగా ఆమె హాజరై మాట్లాడుతూ చిన్నారుల ఆ రోగ్యం, పోషణ, ప్రాథమిక వి ద్య విషయంలో అంగన్‌వాడీలు కీలకపాత్ర పోి షస్తాయన్నారు. అంగన్‌వాడీ కేంద్రాల్లో చిన్నారులు, గర్భిణులు, బాలింతలకు అందిస్తున్న సేవలు అభినందనీయమని కొని యాడారు. ఈ సందర్భంగా అంగన్‌వాడీ సిబ్బందిని శాలువతో సన్మానించారు.

మంగపేట: మండలంలోని తిమ్మంటకు చెందిన అంబేడ్కర్‌ సంఘం జిల్లా కోకన్వీనర్‌ మోదుగు బాబు భార్య శ్రీలత ఇటీవల మృతి చెందింది. దీంతో బాధిత కుటుంబాన్ని కాంగ్రెస్‌ మండల అధ్యక్షుడు చెట్టుపల్లి వెంకటేశ్వర్లు శనివారం పరామర్శించి రూ.5,000 నగదు, 25 కేజీల బియ్యం అందజేశారు. అదే గ్రామంలో కాంగ్రెస్‌ పార్టీ కార్యకర్త దుర్గం నర్సింహారావు, వెంకటేశ్వర్లు తండ్రి దుర్గం చినమల్లయ్య ఇటీవల మృతి చెందగా బాధిత కుటుంబాన్ని పరామర్శించి రూ.3,000 నగదును అందజేశారు. ఈ కార్యక్రమంలో కాంగ్రెస్‌ నాయకులు పూజారి సురేందర్‌, పగిడిపల్లి వెంకటేశ్వర్లు, ఎడ్ల నరేష్‌, హరికృష్ణ, తిరుపతి, బొర్రయ్య, సత్యనారాయణ, సతీష్‌, మురళి, భానుచందర్‌ తదితర నాయకులు పాల్గొన్నారు.

ఏటూరునాగారం: మిర్చి సాగు చేసే రైతులు సస్యరక్షణ పద్ధతులను పాటించి అధిక దిగుబడిని పెంచుకోవాలని ఏటూరునాగారం డివిజన్‌ ఉద్యాన అధికారిని కోపిరి లావణ్య సూచించారు. శనివారం ఏటూరునాగారం డివిజన్‌ పరిధిలోని పలు గ్రామాల్లో పర్యటించి మిర్చి పంట సాగుపై రైతులకు ఆమె చేసిన సూచనలు.. బోదెల మధ్య, మొక్కకి మొక్కకి మధ్య 60 X 60 సెంటిమీటర్లు లేదా 76 X 60 సెంటిమీటర్లు లేదా 90 X 60 సెంటిమీటర్ల వెడల్పుతో నాటుకోవాలి. ఐదు అడుగుల దూరంలో లాటరల్‌ పైపులు పరిచినప్పుడు జంటసాళ్ల పద్ధతిలో లాటరల్‌ పైపుకి ఇరువైపులా 30 సెంటిమీటర్లు లేదా 40 సెంటిమీటర్ల దూరంలో రెండు వరుసల మధ్య దూరం 60 లేదా 70 సెంటీమీటర్ల దూరంలో మొక్కకి మొక్కకి మధ్య 30 నుంచి 40 సెంటీమీటర్ల దూరంలో నాటుకోవాలి. మల్చింగ్‌ విధానం.. కలుపు నివారణకు పోషకాల సద్వినియోగానికి డ్రిప్పుతో అనుసంధానించబడిన 25–30 మైక్రోన్‌ల మందంతో ఉన్న మల్చింగ్‌ షీటును బెడ్లపైన ప ర్చాలి. సూర్యరశ్మికి షీట్‌ మెరవడం ద్వారా రసం పీల్చే పురుగుల ఉధృతి తగ్గిస్తుందని, దీనివల్ల 15 శాతం దిగుబడులు పెరుగుతాయని వివరించారు. నీటి యాజమాన్యం.. మిరుప పంటకు డ్రిప్‌ విధానం చాలా దిగుబడి సహకరిస్తుంది. డ్రిప్‌ లాటరల్‌ పైపులను 120 నుంచి 150 సెంటిమీటర్ల దూరంలో పర్చాలి. డ్రిపర్లను 50 సెంటిమీటర్లకు 60 సెంటిమీటర్ల దూరంలో అమర్చితే నీటి సరఫరా సులభంగా ఉంటుంది. డ్రిప్‌ పద్ధతి అనుసరించుట ద్వారా నీరు, ఎరువులను ఆదా చేయడంతో పాటు అధిక ఫలసాయాన్ని పొందవచ్చు. మిరుప పంట అధిక తేమను తట్టుకోలేదని, తేలిక నేలలో 8–10 రోజులకి ఒకసారి, రేగడి నేలలో 10–15 రోజులకు ఒకసారి నీరు పెట్టాలని, మిరుపకు పూత పిందె దశలో తప్పకుండా నీరు పెట్టాలని వెల్లడించారు. ఎరువుల యాజమాన్యం.. ఎకరానికి 10 టన్నుల పశువుల ఎరువు, పచ్చి రొట్ట ఎరువును కలియదున్నాలి. మిరుప పంటకు 120 కిలోల నత్రజని 24 కిలోల భాస్వరం 48 కిలోల పొటాష్‌ ఎరువులను దఫ దఫాలుగా వేస్తే అధిక, నాణ్యమైన దిగుబడి వస్తుంది. అధిక దిగుబడికి ఎకరానికి 50 కిలోల కాల్షియం అమోనియం నైట్రేట్‌ ఒకటి 1 లేదా 2 సార్లు పూత కాత దశలో వేయాలి. పూత పింద రాలకుండా పూత బాగా పట్టడానికి 2 ఎంఎల్‌ ప్లానోఫిక్స్‌, 10 లీటర్ల నీటిలో కలిపి పూత పిందె దశలో రెండు సార్లు పిచికారీ చేయాలి. సూక్ష్మ పోషకాల లోపాన్ని నివారించడానికి బోరాక్స్‌ 1 గ్రామ్‌ను ఒక లీటర్‌ నీటికి, జింక్‌ సల్ఫేట్‌ 2 గ్రామాలను ఒక లీటర్‌ నీటిలో కలిపి వారం వ్యవధిలో 2 నుంచి 3 సార్లు పిచికారీ చేస్తే పోషక లోపాలు లేకుండా ఉంటాయని దీనివల్ల అధిక దిగుబడి వస్తుందని లావణ్య తెలిపారు. మిర్చి రైతులకు ఉద్యాన అధికారిని లావణ్య సూచనలు మొక్కలు నాటే విధానం, అధిక దిగుబడులపై అవగాహన

భూపాలపల్లి అర్బన్‌ : రోడ్డు విస్తరణ, మున్సిపల్‌ క మర్షియల్‌ భవనాల నిర్మాణం పేరుతో సింగరేణి కార్యాలయాల జోలికొస్తే ఊరుకునేది లేదని సింగరేణి కార్మిక సంఘాల జేఏసీ నాయకులు హెచ్చరించారు. శనివారం భూపాలపల్లి ఏరియాలోని కేటీకే గనులు, ఓసీ గనులు, వర్క్‌షాపులలో కార్మికులు న ల్లబ్యాడ్జీలు ధరించి నిరసన తెలిపారు. అనంతరం సింగరేణి సీఎండీకి, సంబంధించిన అధికారులకు జేఏసీ నాయకులు మెమోరాండం అందజేశారు. కా ర్మిక సంఘాలు తమ సొంత నిధులతో నిర్మించుకు న్న కార్యాలయాలను ముందస్తు నోటీసులు, సంప్రదింపులు లేకుండా తొలగించడం సరికాదని నాయకులు పేర్కొన్నారు. లీజు ఒప్పందాలను గౌరవించి కార్యాలయాలను పరిరక్షించాలని డిమాండ్‌ చే శారు. కూల్చివేత అనివార్యమైతే నిబంధనల ప్ర కారం నష్టపరిహారం, ప్రత్యామ్నాయ కార్యాల య స్థలం కల్పించాలని కోరారు. ఏకపక్షంగా కూల్చివేత చర్యలకు పాల్పడితే ఉద్యమాన్ని మరింత ఉధృతం చేస్తామని జేఏసీ నాయకులు హెచ్చరించారు. కా ర్యాలయాల పరిరక్షణ కోసం అన్ని కార్మిక సంఘాలు ఐక్యంగా పోరాడతాయని స్పష్టం చేశారు.

వన్యప్రాణులకు ఓరుగల్లు పుట్టినిల్లు అటవీ శాఖ అధికారుల ప్రత్యేక దృష్టి..అటవీశాఖ ఆధ్వర్యంలో ములుగు జిల్లాలోని అడవుల్లో సుమారు 169 కెమెరాలను అమర్చారు. వన్యప్రాణుల కదలికలను కెమెరాల్లో బందించడానికి ప్రత్యేక చర్యలు చేపట్టారు. నిత్యం గూడేల్లో అటవీశాఖ అధికారులు తనిఖీలు చేస్తూ వేటాడే వస్తువులు, ఆయుధాలు, సామగ్రిని స్వాధీనం చేసుకుంటున్నారు. జంతువులు, పక్షులు, సరీసృపాలు, ఇతర జీవులది పర్యావరణ వ్యవస్థలో ముఖ్య పాత్ర. వాటి మనుగడ కాపాడడడం ప్రతి ఒక్కరి బాధ్యత. అడవుల నరికివేత, వేట, అక్రమ రవాణా, అడవుల్లో మంటలు వంటి కారణాలతో అనేక వన్యజీవులు ప్రమాదంలో పడుతున్నాయి. వన్యప్రాణుల ఆవాసాలను రక్షించడం, అడవులను కాపాడడం, అక్రమ వేటను అరికట్టడంపై ప్రజల్లో అవగాహన పెంచడం ద్వారా వాటి మనుగడకు తోడ్పడవచ్చు. ముఖ్యంగా అడవులకు సమీపంలో నివసించే ప్రజలు వన్యప్రాణులతో సహజీవనం చేస్తూ, వాటికి హాని కలిగించకుండా జాగ్రత్తలు తీసుకోవచ్చు. ములుగు జిల్లా అడవుల్లో ఎలుగుబంటి, పిల్లి, అడవి పిల్లి, నాలుగు కొమ్ముల జింక, అడవి కుక్క, చుక్కుల జింక, భారతీయ నక్క, అడవి దున్న, తోడేలు కుక్క, హైనా, నల్లమెడ కుందేలు, నక్క, చిరుతపులి, లంగూర్‌ కోతి, రీసస్‌ కోతి, ముంగీస, నీలగాయి, ముళ్లపంది, అలుగు, సాంబర్‌ జింక, పెద్ద ఉడుత, ఎగిరే ఉడుత, పులి, అడవి పంది ఉన్నట్లు అటవీశాఖ అధికారులు తెలిపారు. సందర్శకులకు కనువిందు హనుమకొండ హంటర్‌ రోడ్డులోని కాకతీయ జూవాలాజికల్‌ పార్క్‌ సందర్శకులకు కనువిందునిస్తోంది. ఇక్కడ జంతువులు, పక్షులు, తామర కొలను ఆకట్టుకుంటోంది. చిరుత పులి, అడవిదున్నలు, ఎలుగుబంటి, నక్కలు, అడవి పిల్లి, చుక్కల దుప్పి, సాంబర్‌ దుప్పి, కొండగొర్రెలు, మూషిక జింకలు, మనుబోతు, కృష్ణ జింకలు మొసళ్లు, తాబేళ్లు, నక్షత్ర తాబేళ్లు, గ్రీన్‌ ఇంగ్వానా(తొండ) నాలుగు రకాల సరీసృపాలు, నిప్పుకోడి, రియా, నెమళ్లు, నలుపు, తెలుపు హంసలు, రామచిలుక, లవ్‌ బర్డ్స్‌ వంటి 26 రకాల పక్షులున్నాయి. సందర్శకులకు కనువిందు చేయడానికి పెద్దపులులను తీసుకొచ్చినా వాటిలో ఒకటి చనిపోయింది. మరొకటి అనారోగ్యానికి గురవడంతో హైదరాబాద్‌ జూపార్క్‌కు తరలించారు. కొత్తగా హాగ్‌డీర్‌, బార్కింగ్‌డీర్‌, (దక్షిణ ఎరుపురంగు జింకలు) లుటినో పార్కిట్‌ (పసుపురంగు రామచిలుక)లు అందుబాటులో ఉన్నాయి. ఉమ్మడి జిల్లాలో విస్తృతంగా అటవీప్రాంతం అనేక రకాల జంతువుల ఆవాసం వాటిని సంరక్షించుకుంటేనే జీవ వైవిధ్య సమతుల్యత నేడు ప్రపంచ జంతు దినోత్సవం

మంగపేట: మండల పరిధిలోని హేమాచల లక్ష్మీనర్సింహస్వామి ఆలయంలో శనివారం భక్తుల సందడి నెలకొంది. ఆలయంలోని స్వయంభూ స్వామివారిని దర్శించుకునేందుకు సుదూర ప్రాంతాల నుంచి తరలివచ్చిన భక్తులు ఉదయాన్నే గుట్టపైకి చేరుకున్నారు. చింతామణి జలపాతం వద్ద పుణ్యస్నానాలు ఆచరించి అత్యంత భక్తిశ్రద్ధలతో స్వామివారిని దర్శించుకున్న భక్తులు లక్ష్మీనర్సింహస్వామి, ఆదిలక్ష్మి, చెంచులక్ష్మికి పూలు, పండ్లు, పట్టు వస్త్రాలు సమర్పించారు. ఆలయ అర్చకులు అనిపెద్ది రాజీవ్‌శర్మ, కారంపుడి పవన్‌కుమార్‌ ఆచార్యులు, వెంకటనారాయణ శర్మ స్వామివారికి నువ్వుల నూనెతో తిల తైలాభిషేకం, ప్రత్యేక అర్చనలు జరిపించారు. తిలతైలాభిషేకం పూజలో పాల్గొన్న భక్తులు మానవ శరీరంతో పోలి ఉండే స్వామివారి నిజరూప దర్శనం చేసుకుని పులకించారు. స్వామివారిని దర్శించుకున్న భక్తులకు పూజారులు గోత్ర నామాలతో స్వామివారికి ప్రత్యేక అర్చనలు జరిపించి స్వామివారి చరిత్ర, ఆలయ పురాణం వివరించి వేద ఆశీర్వచనం ఇచ్చారు.

ములుగు రూరల్‌: సీసీ కెమెరాలను ఏర్పాటు చేయడంతో నేరాలను నియంత్రించవచ్చని ఎస్సై ఎస్‌.వెంకటేశ్‌ అన్నారు. ములుగు పోలీస్‌ స్టేషన్‌ పరిధిలోని అబ్బాపురం గ్రామంలో నేరాల నియంత్రణ, గ్రామీణ భద్రతే లక్ష్యంగా సీసీ కెమెరాల అమర్చడంపై ప్రత్యేక అవగాహన కార్యక్రమం నిర్వహించారు. ఈ సందర్భంగా ఎస్సై వెంకటేశ్‌ మాట్లాడుతూ.. సీసీ కెమెరాలు గ్రామానికి 24 గంటల పాటు రక్షణగా నిలుస్తాయన్నారు. గ్రామాల్లో సీసీ కెమెరాలు ఏర్పాటు చేయడం వల్ల దొంగతనాలు, నేరాలు అదుపులోకి రావడమే కాకుండా, అపరిచిత వ్యక్తులు, అనుమానాస్పద కదలికలపై నిఘా ఉంటుందన్నారు. గ్రామ భద్రతలో ప్రజల భాగస్వామ్యం ఎంతో అవసరమని, ప్రతి ఒక్కరూ గ్రామంలోని ముఖ్య కూడళ్లలో సీసీ కెమెరాలు ఏర్పాటు చేసుకునేలా ముందుకు రావాలని పిలుపునిచ్చారు. అదే విధంగా పంట పొలాల్లో ఎలక్ట్రికల్‌ ఫెన్సింగ్‌ ఏర్పాటు చేయడం వల్ల రైతులు, కూలీలు మృతి చెందడం జరుతుందన్నారు. అలా ఏర్పాటు చేయడం చట్ట రీత్యా నేరమన్నారు.ఈ కార్యక్రమంలో ఎస్సైలు సాయికృష్ణ, రచిత్ర, ప్రజాప్రతినిధులు, గ్రామ పెద్దలు, యువకులు పాల్గొన్నారు. ఎస్సై ఎస్‌.వెంకటేశ్‌

ఎస్‌ఎస్‌తాడ్వాయి: పట్టభద్రుల ఎమ్మెల్సీ ఎన్నికల్లో బీఆర్‌ఎస్‌ అభ్యర్థి గెలుపు కోసం ప్రతీ కార్యకర్త కృషి చేయాలని ఆ పార్టీ నియోజకవర్గ ఇన్‌చార్జ్‌, జెడ్పీ మాజీ చైర్‌పర్సన్‌ బడే నాగజ్యోతి పిలుపునిచ్చారు. శనివారం మేడారంలో మండల అధ్యక్షుడు దండుగుల మల్లయ్య అధ్యక్షతన నిర్వహించిన పార్టీ ముఖ్య నాయకులు, కార్యకర్తల సమావేశానికి ఆమె హాజరై మాట్లాడారు. మేడారం భక్తులకు మరుగుదొడ్లు, తాగునీరు, పారిశుద్ధ్యం, రవాణా వంటి సౌకర్యాలు పూర్తిస్థాయిలో కల్పించాలన్నారు. మేడారం పేరు చెప్పుకుని ప్రచారం కాకుండా చేతల్లో అభివృద్ధి చూపాలని అన్నారు. 22–ఏ పేరుతో పేదలు, రైతులు సాగు చేసుకుంటున్న భూములపై అనిశ్చితి నెలకొనడం ఆందోళనకరమని, వారికి న్యాయం జరిగే వరకు బీఆర్‌ఎస్‌ పోరాడుతుందని తెలిపారు. పట్టభద్రులను కలిసి వారి సమస్యలు, నిరుద్యోగం, ఉద్యోగ అవకాశాలపై చర్చించి బీఆర్‌ఎస్‌ అభ్యర్థి గెలుపు కోసం పనిచేయాలని కార్యకర్తలకు సూచించారు. మేడారం జాతర మాజీ చైర్మన్లు కాక లింగయ్య, రేగ నర్సయ్య, మాజీ జెడ్పీటీసీ రామసహాయం శ్రీనివాస్‌రెడ్డి, ఆత్మ కమిటీ మాజీ చైర్మన్‌ రమణయ్య, నాయకులు రమేశ్‌, జజా చంద్రం, ఇర్ప శివకుమార్‌, చిడం బాబురావు, గొంది శ్రీధర్‌, గడ్డం అరుణ, గుర్రం సమ్మీరెడ్డి, కోట సురేష్‌, ఇందారపు లాలయ్య, కుక్కల శ్రీను, ఎండీ రఫిక్‌, ఆలం అర్జున్‌, చిడం సాగర్‌, దండుగుల రాజేశ్‌, మదరి కేశవరావు, గజ్జెల నర్సయ్య, సిద్ధబోయిన వసంతరావు, భూక్మా శ్రీనివాస్‌ పాల్గొన్నారు. పార్టీ నియోజకవర్గ ఇన్‌చార్జ్‌ నాగజ్యోతి