Hyderabad

రంజీ ట్రోఫీ 2026-27 సీజన్‌లో హైదరాబాద్ తమ జోరును కొనసాగిస్తోంది. ఎలైట్ గ్రూప్‌-బిలో భాగంగా జింఖానా క్రికెట్ మైదానం వేదికగా ఛత్తీస్‌గఢ్‌తో జరిగిన ఉత్కంఠ పోరులో ఒక్క వికెట్ తేడాతో హైదరాబాద్ విజయం సాధించింది. ఛత్తీస్‌గడ్ నిర్ధేశించిన 259 పరుగుల లక్ష్యాన్ని హైదరాబాద్ 9 వికెట్లు కోల్పోయి చేధించింది. ఈ విజయంలో అనికేత్ రెడ్డి(39), అభిర‌థ్ రెడ్డి(68),వ‌రుణ్ గౌడ్‌(55), ర‌క్ష‌ణ్ రెడ్డి(15) కీల‌క పాత్ర పోషించారు. చివ‌రి వికెట్ ప‌డ‌గొట్టి విజ‌యం సాధించాల‌న్న ఛ‌త్తీస్‌గ‌ఢ్ ఆశ‌ల‌పై హైద‌ర‌బాద్ టెయిలాండ‌ర్లు అనికేత్‌, ర‌క్ష‌ణ్ త‌మ వీరోచిత పోరాటంతో నీళ్లు జ‌ల్లారు. ఛ‌త్తీస్‌గ‌ఢ్ బౌల‌ర్ల‌లో ఆధిత్య సింగ్ మూడు,ధర్మేంద్రసింహ్ జడేజా, జ‌యంత్ యాద‌వ్‌, అజ‌య్ జాద‌వ్ మండ‌ల్ త‌లా రెండు వికెట్లు చొప్పున ప‌డ‌గొట్టారు.కాగా ఈ మ్యాచ్‌లో తొలుత బ్యాటింగ్ చేసిన ఛ‌త్తీస్‌గ‌ఢ్ త‌మ మొద‌టి ఇన్నింగ్స్‌లో 284 ప‌రుగులు చేసింది. అంజూ తివారీ(72), వికల్ప్ తివారీ(69) హాఫ్ సెంచ‌రీల‌తో రాణించారు. అనంత‌రం హైద‌రాబాద్ తొలి ఇన్నింగ్స్‌లో 280 ప‌రుగులు చేసింది. రాహుల్ రాదేశ్(72), హిమ‌తేజ‌(46) టాప్ స్కోర‌ర్ల‌గా నిలిచారు. ఛ‌త్తీస్‌గ‌ఢ్‌కు మొద‌టి ఇన్నింగ్స్‌లో కేవ‌లం 4 ప‌రుగుల ఆధిక్యం మాత్ర‌మే ల‌భించింది. ఛ‌త్తీస్‌గ‌డ్ రెండో ఇన్నింగ్స్‌లో 254 ప‌రుగులు చేసింది. తొలి ఇన్నింగ్స్‌లో ల‌భించిన ఆధిక్యాన్ని జోడించి హైద‌రాబాద్ ముందు ఛ‌త్తీస్‌గ‌ఢ్ 256 ప‌రుగుల టార్గెట్‌ను ఉంచింది. ఈ టార్గెట్‌ను హైద‌రాబాద్ చేధించి మూడో విజ‌యాన్ని న‌మోదు చేసింది.

హైదరాబాద్‌: బ్యూటీ సెలూన్, స్పా ముసుగులో వ్యభిచార గృహాన్ని నిర్వహిస్తున్న వారిని పంజగుట్ట పోలీసులు అరెస్టు చేశారు. ఒక బాధిత మహిళకు విముక్తి కల్పించడంతో పాటు ఇద్దరు విటులను అదుపులోకి తీసుకున్నారు. పోలీసుల వివరాల ప్రకారం.. సన్నెబోయిన నాగమణి పంజగుట్ట నాగార్జున సర్కిల్‌ సమీపంలో ఓ ఫ్లాట్‌ అద్దెకు తీసుకుంది. అక్కడ స్పా కేంద్రాన్ని ఏర్పాటు చేసి చేసింది. మసాజ్‌ సేవల కోసం మహిళలకు నెలవారీ జీతం ఆశ చూపి పనిలోకి తీసుకుంది. అనంతరం వారిని బెదిరించి బలవంతంగా వ్యభిచారంలోకి దింపింది. విశ్వసనీయ సమాచారం మేరకు మంగళవారం రాత్రి 11 గంటలకు ఇన్‌స్పెక్టర్‌ ఈ.జహంగీర్‌ యాదవ్‌ ఆధ్వర్యంలో పోలీసులు స్పాపై దాడి చేశారు. ప్రధాన నిర్వాహకురాలు నాగమణిని అరెస్టు చేసి నాంపల్లిలోని 14వ అదనపు చీఫ్‌ జ్యుడీషియల్‌ మేజిస్ట్రేట్ కోర్టులో హాజరుపరిచి రిమాండ్‌కు తరలించినట్లు తెలిపారు. బాధిత మహిళను రెస్క్యూ హోమ్‌కు పంపించారు. ఇద్దరు విటులకు నోటీసులు జారీ చేశారు. ఇదీ చదవండి: భర్త ఆదాయం రూ.40 లక్షలైనా.. భార్యకు భరణం నో!

సాక్షి, హైదరాబాద్‌: తెలంగాణలో పట్టణ మౌలిక సదుపాయాల అభివృద్ధికి కేంద్ర ప్రభుత్వం మరో కీలక ముందడుగు వేసింది. అర్బన్‌ చాలెంజ్‌ ఫండ్‌ కింద రాష్ట్రానికి చెందిన ఐదు ప్రాజెక్టులకు రూ.3,892.38 కోట్లతో ఆమోదం తెలిపింది. ఇందులో రూ.873.49 కోట్లను కేంద్ర ప్రభుత్వ సహాయంగా అందించనుంది. కేంద్ర గృహ, పట్టణ వ్యవహారాల మంత్రిత్వ శాఖ ఆధ్వర్యంలో నవంబర్‌ 3 మంగళవారం జరిగిన నాలుగో జాతీయ ఉన్నతస్థాయి కమిటీ సమావేశంలో ఈ నిర్ణయం తీసుకున్నారు. ఆమోదం పొందిన ప్రాజెక్టుల్లో హైదరాబాద్‌ మహానగరానికి గోదావరి తాగునీటి సరఫరా రెండో, మూడో దశ పనులకు రూ.1,992 కోట్లు కేటాయించారు. ఈ ప్రాజెక్టులో భాగంగా ఘన్‌పూర్‌ నుంచి ఉస్మాన్‌సాగర్, హిమాయత్‌సాగర్‌ జలాశయాలకు సుమారు 120 కిలోమీటర్ల మేర భారీ పైపులైన్లు నిర్మించడంతోపాటు 120, 70 ఎంఎల్‌డీ సామర్థ్యంతో రెండు నీటి శుద్ధి కేంద్రాలు ఏర్పాటు చేయనున్నారు. 102.5 మిలియన్‌ లీటర్ల నిల్వ సామర్థ్యాన్ని కూడా కల్పించనున్నారు. ఈ పనులు పూర్తయితే ఔటర్‌ రింగ్‌ రోడ్డు పరిధిలో ఇటీవల విలీనమైన 27 పట్టణ స్థానిక సంస్థలతో సహా కోర్‌ అర్బన్‌ ప్రాంతంలోని సుమారు 1.74 కోట్ల మందికి 2035 వరకు తాగునీటి అవసరాలు తీర్చే అవకాశం ఉంటుంది. ఇప్పటికే ఈ ప్రాజెక్టు పనులు ప్రారంభమయ్యాయి. రాష్ట్ర వాటాకు సంబంధించి హడ్కో రుణ ప్రక్రియ కూడా పూర్తయింది. 2027 డిసెంబర్‌ నాటికి పనులు పూర్తి చేయడం లక్ష్యంగా పెట్టుకున్నారు. అలాగే, ఆమోదం పొందిన మిగతా నాలుగు ప్రాజెక్టులు ప్రధానంగా వరంగల్, హనుమకొండ, అలంపూర్‌ పట్టణాల అభివృద్ధికి సంబంధించినవి ఉన్నాయి. గ్రేటర్‌ వరంగల్‌లో రూ.1,465 కోట్లతో సమగ్ర వర్షపు నీటి కాలువల వ్యవస్థను అభివృద్ధి చేయనున్నారు. 407.70 చదరపు కిలోమీటర్ల పరిధిలో చేపట్టే ఈ పనులతో 24 ప్రధాన వరద ప్రభావిత ప్రాంతాలకు పరిష్కారం లభించనుంది. పది పెద్ద చెరువుల కట్టలను పటిష్టం చేయడంతోపాటు సుమారు 100 కిలోమీటర్ల ప్రధాన నాలాలకు రక్షణ గోడలు నిర్మించనున్నారు. వరంగల్‌ కోట చుట్టూ కాకతీయుల కాలం నాటి కందకాన్ని రూ.209.08 కోట్లతో పునరుద్ధరించి, నడక మార్గాలు, వ్యూ పాయింట్లు, గ్రీనరీ అభివృద్ధి చేయనున్నారు. హనుమకొండ పాత వాణిజ్య కేంద్రాన్ని రూ.168.80 కోట్లతో ఆధునీకరించనున్నారు. సమగ్ర బస్‌ టెరి్మనల్, వాణిజ్య సముదాయం, బహుళ అంతస్తుల వాహన పార్కింగ్‌ కేంద్రాలు, భద్రకాళి ఆలయం పరిసరాల్లో మాడవీధులు, వేయిస్తంభాల గుడి పరిసరాల అభివృద్ధి ఇందులో భాగంగా ఉన్నాయి. అలంపూర్‌లో రూ.57.50 కోట్లతో జోగుళాంబ ఆలయం, నవబ్రహ్మ ఆలయాల పరిసరాలను వారసత్వ, పర్యాటక కేంద్రంగా తీర్చిదిద్దనున్నారు. రహదారులు, పార్కింగ్, పుష్కర ఘాట్, పర్యాటకుల సౌకర్యాలు, 300 మీటర్ల వారసత్వ నడక మార్గాన్ని అభివృద్ధి చేయనున్నారు. ఈ ఐదు ప్రాజెక్టుల్లో కేంద్ర సాయం 20 నుంచి 25 శాతం వరకు ఉండగా, మిగిలిన నిధులను రుణాలు, ప్రభుత్వ–ప్రైవేటు భాగస్వామ్యం, రాష్ట్ర ప్రభుత్వం, పట్టణ స్థానిక సంస్థలు సమకూర్చనున్నాయి. గత మే 11న జరిగిన తొలి జాతీయ కమిటీ సమావేశంలో మరో మూడు ప్రాజెక్టులకు రూ.5,681.04 కోట్ల ఆమోదం లభించింది. తాజాగా అర్బన్‌ ఛాలెంజ్‌ ఫండ్‌ కింద మరో ఐదు ప్రాజెక్టులు ఆమోదం పొందడంతో తెలంగాణలో ఆమోదం పొందిన మొత్తం ఎనిమిది ప్రాజెక్టుల విలువ రూ.9,573.42 కోట్లకు చేరింది. వీటికి కేంద్రం నుంచి మొత్తం రూ.2,293.75 కోట్ల సహాయం మంజూరైంది.

పుణే: బీసీసీఐ జాతీయ సీనియర్‌ మహిళల టి20 ట్రోఫీ ఎలైట్‌ టోర్నీని హైదరాబాద్‌ జట్టు విజయంతో ముగించింది. గ్రూప్‌ ‘డి’లో భాగంగా పుదుచ్చేరితో బుధవారం జరిగిన ఆఖరి లీగ్‌ మ్యాచ్‌లో హైదరాబాద్‌ ఏడు వికెట్ల తేడాతో గెలిచింది. ‘ప్లేయర్‌ ఆఫ్‌ ద మ్యాచ్‌’ వంకా పూజ ఆల్‌రౌండ్‌ ప్రదర్శన కనబరిచి హైదరాబాద్‌ విజయంలో కీలకపాత్ర పోషించింది. మొదట బ్యాటింగ్‌ చేసిన పుదుచ్చేరి 19.5 ఓవర్లలో 133 పరుగులకు ఆలౌటైంది. వంకా పూజ 4 ఓవర్లలో 15 పరుగులిచ్చి 4 వికెట్లు పడగొట్టింది. ఈ టోర్నీలో పూజ ఇన్నింగ్స్‌లో నాలుగు వికెట్లు తీసుకోవడం మూడోసారి కావడం విశేషం. అనంతరం హైదరాబాద్‌ జట్టు 18.3 ఓవర్లలో 3 వికెట్లు కోల్పోయి 134 పరుగులు చేసి విజయాన్ని అందుకుంది. వంకా పూజ (41 బంతుల్లో 55 నాటౌట్‌; 6 ఫోర్లు, 2 సిక్స్‌లు) అజేయ అర్ధసెంచరీ సాధించింది. గొంగడి త్రిష (33; 4 ఫోర్లు), కెపె్టన్‌ ప్రణవి చంద్ర (27; 4 ఫోర్లు, 1 సిక్స్‌), మమత మదివాలా (15 నాటౌట్‌; 1 ఫోర్, 1 సిక్స్‌) కూడా రాణించారు. ఏడు జట్లున్న గ్రూప్‌ ‘డి’లో హైదరాబాద్‌ రెండు మ్యాచ్‌ల్లో గెలిచి, నాలుగింటిలో ఓడి ఎనిమిది పాయింట్లతో ఐదో స్థానంలో నిలిచింది.

సాక్షి,హైదరాబాద్‌ : మణుగూరు డిపో ఆర్టీసీ కండక్టర్‌ గుండ్ల ప్రవళిక (24) మృతి కేసులో కీలక పరిణామం చోటు చేసుకుంది. ప్రవళికను బస్సు నుంచి తోసిన మహిళ ఈమెనే’నంటూ ఓ వీడియో సోషల్‌ మీడియాలో వైరల్‌గా మారింది. ఆ వీడియోలో ప్రవళికను తాను తోసేయలేదని.. తనే పడిపోయింది” అంటూ ఓ మహిళ చెబుతోంది. తనకు, ప్రవళికకు మధ్య వాగ్వాదం జరిగిన మాట వాస్తవమేనని, అయితే తాను ఆమెను తోసేయలేదని, బస్సు మెట్లపై నుంచి ప్రవళిక తనంతట తానే పడిపోయిందని వాదిస్తోంది. అయితే ఈ ఘటనలో అసలు ఏం జరిగింది..? ప్రవళిక బస్సు నుంచి కిందపడటానికి కారణమేంటి..? మహిళ చెబుతున్న వాదనలో నిజానిజాలేంటి..? అన్నది దర్యాప్తులో తేలాల్సి ఉంది. ప్రవళిక మృతి కేసులో వీడియోలోని మహిళ చేసిన వ్యాఖ్యలు చర్చకు దారి తీశాయి.అసలేం జరిగిందంటే?భద్రాద్రి కొత్తగూడెం జిల్లాలోని మణుగూరు ఆర్టీసీ డిపోలో కండక్టర్‌గా పనిచేస్తున్న ప్రవళికకు గతనెల 25న చిల్లర విషయంలో మిట్టగూడెం వద్ద ఓ ప్రయాణికురాలితో వాగ్వాదం జరిగింది. ఈ క్రమంలో ప్రయాణికురాలు ఆమెను తోసేయడంతో ప్రవళిక బస్సు నుంచి కిందపడిపోయారు. బస్సు వెనుక టైర్లు ఆమె కుడికాలుపై నుంచి వెళ్లడంతో తీవ్ర గాయాలయ్యాయి. గాయాలపాలైన ఆమెను హైదరాబాద్‌లోని కొత్తపేట సాయి సంజీవిని ఆస్పత్రికి తరలించి చికిత్స అందించారు. దాదాపు పది రోజుల పాటు ఆసుపత్రిలో చికిత్స పొందిన ప్రవళిక.. పరిస్థితి విషమించడంతో మంగళవారం రాత్రి కన్నుమూశారు. చిన్న వయసులోనే ఆమె మృతి చెందడంతో కుటుంబ సభ్యులు, మణుగూరు డిపో సిబ్బంది తీవ్ర విషాదంలో మునిగిపోయారు.విధి నిర్వహణలో తీవ్రంగా గాయపడి ప్రాణాలు కోల్పోయిన గుండ్ల ప్రవళిక కుటుంబానికి ప్రభుత్వం అండగా నిలిచింది. ఆమె కుటుంబాన్ని అన్ని విధాలా ఆదుకుంటామని రవాణా శాఖ మంత్రి పొన్నం ప్రభాకర్ హామీ ఇచ్చారు. ప్రవళిక తల్లికి ఉద్యోగం.. కుటుంబానికి ఇందిరమ్మ ఇళ్లు మంజూరు. ప్రవళిక కుటుంబానికి ప్రభుత్వం, ఆర్టీసీ తరఫున రూ.10 లక్షల ఎక్స్‌గ్రేషియా ప్రకటించారు. ప్రవళిక కుటుంబాన్ని అన్ని విధాలా ఆదుకుంటామని ట్వీట్‌ చేశారు.

సాక్షి,హైదరాబాద్‌: మీర్‌పేట్‌ పీఎస్ పరిధిలోని జయశ్రీ కాలనీలో దారుణం చోటుచేసుకుంది. కుటుంబ సభ్యులపై కత్తితో దాడి చేశాడు అల్లుడు. దీంతో ఇద్దరు మృతి చెందారు. తన అత్త, భార్య, కూతురు, మరొకరిపై నిందితుడు కత్తితో దాడి చేశాడు. దీంతో నిందితుడి అత్త నిరంజన్‌ బీ, బావమరిది భార్య రేష్మ మృతి చెందారు. బావమరిది యూసుఫ్‌కు తీవ్రగాయాలు అయ్యాయి. కుటుంబ కలహాల వల్లే ఈ దాడి జరిగింది. ఉదయం పీఎస్‌లో బాధితులు ఫిర్యాదు చేశారు. రక్షణ కల్పించడంలో పోలీసులు విఫలమయ్యారని విమర్శలు వస్తున్నాయి. ఈ హత్యల ఘటన స్థానికంగా భయభ్రాంతులకు గురైంది.పరారీలో ఉన్న సిద్ధిక్‌నిందితుడు సిద్ధిక్‌ పరారీలో ఉన్నాడు. అతడి కోసం పోలీసులు గాలింపు చర్యలు చేపట్టారు. అతడి నుంచి ప్రాణ హాని ఉందని అతడి కుటుంబ సభ్యులు ఫిర్యాదు చేశారని పోలీసులు తెలిపారు. అతడికి ఫోన్‌ చేసి పిలిపించేలోపే దారుణానికి పాల్పడ్డాడని వివరించారు. సిద్ధిక్‌ ఇటీవల హైదరాబాద్‌ వచ్చాడని అన్నారు. సిద్ధిక్‌ భార్య పుట్టింట్లో ఉం‍టోందని తెలిపారు. ఇదీ చదవండి: హార్మూజ్ విషయంలో భారత్‌కు భారీ ఊరట

అమెరికా పౌరులనే లక్ష్యంగా చేసుకుని క్రిప్టో కరెన్సీ, డిజిటల్‌ అరెస్ట్‌ పేరుతో సాగిస్తున్న అంతర్జాతీయ సైబర్‌ మోసాల వ్యవహారాన్ని హైదరాబాద్‌ ఈడీ అధికారులు వెలుగులోకి తెచ్చారు. ఫేక్‌ కాల్‌ సెంటర్లను ఏర్పాటు చేసి గత మూడేళ్లుగా వేలాది మందిని మోసం చేస్తున్న ముఠా ఆటకట్టించింది. ఈ వ్యవహారంలో దాదాపు రూ.400 కోట్ల మేర క్రిప్టో లావాదేవీలు జరిగినట్లు ఈడీ అధికారులు అనుమానిస్తున్నారు.హర్షల్‌ రావల్‌ నేతృత్వంలోని ముఠా తొలుత హైదరాబాద్‌లోని మాదాపూర్‌లో ఫేక్‌ కాల్‌ సెంటర్‌ ఏర్పాటు చేసింది. అక్కడి నుంచి అమెరికా పౌరులకు ఫోన్లు చేసి క్రిప్టో కరెన్సీ, డిజిటల్‌ అరెస్ట్‌ పేరుతో భయపెట్టి డబ్బులు వసూలు చేసేది. అయితే, మాదాపూర్‌ కాల్‌ సెంటర్‌పై దాడులు జరగడంతో నిందితులు తమ మకాంను పంజాబ్‌లోని పాటియాకు మార్చారు. అక్కడ మరో ఫేక్‌ కాల్‌ సెంటర్‌ ఏర్పాటు చేసి మోసాలను కొనసాగించారు.ఈ కేసులో హర్షిల్‌ రావల్‌, ప్రణవ్‌ పితాదియా, చేతన్‌ ముంజల్‌ను ఈడీ అధికారులు అరెస్ట్‌ చేశారు. పాటియాలో మరో ముగ్గురినీ అదుపులోకి తీసుకుని హైదరాబాద్‌కు తీసుకొచ్చారు. వీరి ముఠా ఇప్పటివరకు వేలాది మంది అమెరికా పౌరులను మోసం చేసినట్లు దర్యాప్తులో గుర్తించారు. మోసాల ద్వారా వచ్చిన సొమ్మును తరలించేందుకు వందల సంఖ్యలో మ్యూల్‌ బ్యాంకు ఖాతాలను ఉపయోగించినట్లు పోలీసులు తేల్చారు.అలాగే అమెరికా నుంచి క్రిప్టో కరెన్సీ రూపంలో తీసుకున్న డబ్బులను.. హవాలా మార్గాల్లో బదిలీ చేసినట్లుగా ఈడీ అనుమానిస్తోంది. దీంతో ఈ అంతర్జాతీయ మోసాల వ్యవహారంపై అమెరికాతో పాటు భారత్‌లోని పలు ప్రాంతాల్లో అధికారులు సోదాలు నిర్వహించారు. క్రిప్టో లావాదేవీల ద్వారా సుమారు రూ.400 కోట్ల మేర మోసాలకు పాల్పడినట్లు భావిస్తున్నారు.మరోవైపు, ఈ మోసాల వెనుక ఉన్న ఆర్థిక లావాదేవీలు, ఇతర నిందితుల పాత్రపై ఈడీ దర్యాప్తు కొనసాగిస్తోంది. ఫేక్‌ కాల్‌ సెంటర్ల నుంచి విదేశీ పౌరులను లక్ష్యంగా చేసుకుని సాగిన ఈ వ్యవహారంలో వందలాది బ్యాంకు ఖాతాలు, క్రిప్టో లావాదేవీలు, హవాలా మార్గాలు బయటపడటం కలకలం రేపుతోంది. అంతర్జాతీయ సైబర్‌ మోసాల వెనుక ఉన్న మిగతా నెట్‌వర్క్‌ను గుర్తించడంపై అధికారులు దృష్టి పెట్టినట్లుగా తెలుస్తోంది.ఇదీ చదవండి: జైలు నుంచి తప్పించుకున్న ఖైదీ.. సినిమాను తలపించేలా ఛేజింగ్‌!

పరిశోధకులు, ఆవిష్కర్తలు, లీగల్‌ నిపుణులు ఏదైనా పేటెంట్‌ సమాచారాన్ని మరింత సులభంగా తెలుసుకునేందుకు ఐక్యరాజ్యసమితి పరిధిలోని ప్రపంచ మేధో సంపత్తి సంస్థ(వైపో) కీలక అడుగు వేసింది. సంస్థ ఆధ్వర్యంలోని పేటెంట్‌ డేటాబేస్‌ ‘పేటెంట్‌స్కోప్‌’ వేదికగా సరికొత్త ఉచిత ఏఐ ఆధారిత సెర్చ్‌ ఫీచర్‌ను అందుబాటులోకి తెచ్చింది. సాధారణ భాషా వివరణలను స్వయంచాలకంగా నిర్మాణాత్మక శోధన పదాలుగా (సెర్చ్‌ క్వెరీస్‌గా) మార్చడం దీని ప్రత్యేకత.సాధారణ భాషలోనే సెర్చ్‌.. ఎలా పనిచేస్తుందంటే?పేటెంట్‌ పత్రాలను శోధించడం, అధ్యయనం చేయడం ఎంతో సంక్లిష్టమైన ప్రక్రియ. సాంకేతిక సంకేతాలు, దేశాల కోడ్స్‌పై పట్టు ఉంటేనే సరైన పత్రాలు లభ్యమయ్యేవి. దీనికి ఎన్నో గంటల సమయం పడుతుంది. కొత్తగా వచ్చిన ఏఐ అసిస్టెంట్‌తో వినియోగదారులు తమకు కావలసిన ఆవిష్కరణను సాధారణ వ్యవహారిక భాషలోనే టైప్‌ చేసి సెకన్లలో వెతకవచ్చు.ఉదాహరణకు.. ‘2022 తర్వాత వచ్చిన అధిక సామర్థ్యం గల సోలార్‌ ప్యానెల్స్‌‘ అని టైప్‌ చేస్తే చాలు. ఏఐ వ్యవస్థే స్వయంగా కీవర్డ్స్, ప్రచురణ తేదీలు, దేశాల కోడ్స్‌తో కూడిన సమగ్ర సెర్చ్‌ క్వెరీని రూపొందిస్తుంది. ఈ సూచనల ఆధారంగా కావాల్సిన సమాచారాన్ని సమగ్రంగా పొందవచ్చు.డేటా భద్రతకు అధిక ప్రాధాన్యం...పరిశోధనల గోప్యతను కాపాడేందుకు వైపో డేటా భద్రతకు అత్యధిక ప్రాధాన్యతనిచ్చింది. ఈ లాంగ్వేజ్‌ మోడల్‌ పూర్తిగా వైపో అంతర్గత సర్వర్లలోనే పనిచేస్తుంది కాబట్టి సెర్చ్‌ వివరాలు ఎక్కడా బయటకు వెల్లడి కావు. ప్రస్తుతం వెర్ష¯న్‌ 1.0లో కీవర్డ్స్, దేశాలు, తేదీల ఆధారంగా శోధనకు అవకాశం ఉండగా, త్వరలో దరఖాస్తుదారుల పేర్లు, పేటెంట్‌ నంబర్లను సైతం ఏఐ పరిధిలోకి తీసుకురానున్నారు.పేటెంట్‌స్కోప్‌లో దీన్ని ఉచితంగా వినియోగించుకోవచ్చు. అలాగే పేటెంట్‌లో వందల పేజీల వివరణ ఉన్నా, చట్టపరమైన హక్కులు కల్పించేది చివరిలోని ‘క్లెయిమ్స్‌’ మాత్రమే. ప్రతి పదాన్నీ చట్టపరమైన కోణంలో డీకోడ్‌ చేసి, వారి హక్కులను ఉల్లంఘించలేదని నిర్ధారించుకోవడం కష్టమైన పని. సరికొత్త ఏఐ టెక్నాలజీతో ఈ పని సులభతరం కానుంది.డేటాబేస్‌లో 12.2 కోట్ల పత్రాలు...‘పేటెంట్‌స్కోప్‌’ డేటాబేస్‌లో 158 సభ్యదేశాల్లోని 78కి పైగా కార్యాలయాలకు చెందిన 12.2 కోట్లకు పైగా అంతర్జాతీయ, జాతీయ పేటెంట్‌ పత్రాలు ఉన్నాయి. 46 లక్షలకు పైగా పేటెంట్‌ సహకార ఒప్పందం దరఖాస్తులు, 68 లక్షల శాస్త్రీయ కథనాలు కూడా అందుబాటులో ఉన్నాయి. ప్రపంచవ్యాప్తంగా ఏటా దాదాపు 37 లక్షల పేటెంట్‌ దరఖాస్తులు నమోదవుతున్నాయి.ఇదీ చదవండి: ‘మంచి’ని ప్రేమిద్దాం డ్యూడ్‌! ఎవరూ ఊహించని కొత్త కోర్సు!

2004లో వచ్చిన సునామీ వల్ల భారీ ప్రాణ, ఆర్థిక నష్టమే కాకుండా పర్యావరణానికి తీవ్ర నష్టం వాటిల్లింది. నాటి రాకాసి అలలు భారతదేశంలోని ఉత్తర అండమాన్‌ దీవుల తీరప్రాంత రూపురేఖలను శాశ్వతంగా మార్చేశాయి. సునామీ తీవ్రతకు భూగర్భంలో చోటుచేసుకున్న భారీ మార్పుల వల్ల అక్కడి భూమి మీటరు కంటే ఎక్కువ పైకి లేచింది. దీంతో విస్తారమైన మడ అడవులు నాశనమవ్వడమే కాకుండా, సముద్ర గర్భంలోని పగడపు దిబ్బలు అందాన్ని కోల్పోయాయి.ఇదంతా పాత కథ. 20 ఏళ్ల తర్వాత అక్కడ ఒక అద్భుతం జరుగుతోంది. మానవ ప్రమేయం లేకుండానే మడ అడవులు సహజంగా పునరుజ్జీవం పొందుతున్నాయి. వైల్డ్‌లైఫ్‌ ఇన్‌స్టిట్యూట్‌ ఆఫ్‌ ఇండియా, గురుకుల కాంగ్రీ విశ్వవిద్యాలయానికి చెందిన శాస్త్రవేత్తలు కలిసి 18 వేర్వేరు తీర ప్రాంతాల్లో దాదాపు 300 చోట్ల సర్వే చేసి, ఈ పునర్జన్మ వెనుక ఉన్న కీలక కారణాలను కనుగొన్నారు. అవేంటో తెలుసుకుందాం.పునరుజ్జీవం ఇలా..సునామీ తర్వాత మునిగిపోయిన పాత మడ చెట్లు చనిపోయినప్పటికీ, ఆయా ప్రాంతాల్లో ఏర్పడిన కొత్త తీరప్రాంత ఒండ్రు రేఖల వద్ద సహజసిద్ధంగా విత్తనాలు మొలకెత్తడం ప్రారంభమైంది. తీరప్రాంతంలో కొట్టుకొచ్చే మానవ నిర్మిత వ్యర్థాలు మడ చెట్ల వేర్లలో చిక్కుకుపోవడం ఒక విచిత్రమైన అనుకూలతగా మారింది. ఈ వ్యర్థాలు అలల ఒత్తిడిని తగ్గించి, సముద్రంలో కొట్టుకొచ్చే మడ విత్తనాలు ఒకచోట స్థిరంగా ఆగడానికి సహాయపడుతున్నాయి. దీనివల్ల నిరంతరం కదులుతూ ఉండే సముద్ర అలల మధ్య కూడా విత్తనాలు సులభంగా మొలకెత్తుతున్నాయి.రైజోఫోరా వంటి జాతుల కాయలు చెట్టుపై ఉండగానే మొలకెత్తి, నీటిలో తేలుతూ కొత్త తీరాలకు కొట్టుకొచ్చి స్థిరపడ్డాయి. అలాగే కొత్తగా ఏర్పడిన లోతు తక్కువ తీరాల్లో అవిసెన్నియా మెరీనా, సోన్నెరేషియా ఆల్బా వంటి ప్రతికూల పరిస్థితులను తట్టుకునే పయనీర్‌ జాతులు వేళ్లూనుకున్నాయి. ఇవి నేలను స్థిరీకరించిన తర్వాత ఇతర మడ జాతులు విస్తరిస్తున్నాయి.సహజ గోడలు.. మడ అడవులుమడ అడవులు ఆరోగ్యంగా పెరగడానికి ఆ ప్రాంతంలో పెరిగే పొడవైన ‘పైలనీర్‌ చెట్లు’ కీలక పాత్ర పోషిస్తాయి. ఇవి అక్కడ ఒక రక్షిత వాతావరణాన్ని సృష్టిస్తాయి. వీటి దట్టమైన, అల్లుకుపోయిన ఊడ వేర్లు వేగంగా వచ్చే అలల ఉద్ధృతిని తగ్గిస్తాయి.అంతేకాకుండా, మొక్కల ఎదుగుదలకు అవసరమైన మెత్తటి మట్టి కొట్టుకుపోకుండా ఒకే చోట నిలిపి ఉంచుతాయి. మడ అడవులు వాతావరణ మార్పులతో పోరాడే కీలకమైన ‘కార్బన్‌ సింక్స్‌’గా పనిచేస్తాయి. అంతే కాకుండా తీవ్రమైన తుపానులు, సునామీలు, పెరుగుతున్న సముద్ర మట్టాల నుంచి తీరప్రాంతాలను రక్షించే సహజ గోడలుగా ఉపయోగపడతాయి.సముద్రపు నీటిలోని క్షారత్వాన్ని సమతుల్యం చేసి..నీరు, బురద నేల స్వల్ప ఆమ్లత్వం నుంచి తటస్థ స్థితిలో (సుమారు 6.5 నుంచి 7.5 ఇఏ) ఉన్నప్పుడు కీలక పోషకాలు వేర్లకు సులభంగా లభ్యమవుతాయి. అండమాన్‌లో సమృద్ధిగా కురిసే వర్షాలు, భూగర్భ జలాల ప్రవాహం, కుళ్లిన ఆకులు–సేంద్రియ పదార్థాల విచ్ఛిన్నం వల్ల విడుదలయ్యే సేంద్రియ ఆమ్లాలు సముద్రపు నీటిలోని అధిక క్షారత్వాన్ని సమతుల్యం చేసి, నీటిని స్వల్ప ఆమ్ల–తటస్థ పరిధిలోనే ఉంచాయి.ఈ అనుకూల రసాయన సమతుల్యత వల్లే సునామీ అనంతర ప్రతికూల పరిస్థితుల్లోనూ వేల హెక్టార్లలో మడ మొలకలు బలంగా నిలదొక్కుకోగలిగాయి.అండమాన్‌ దీవుల్లో జరుగుతున్న ఈ సహజ పునరుద్ధరణ, తీవ్రమైన పర్యావరణ విపత్తుల నుంచి ప్రకృతి తనను తాను ఎలా కాపాడుకోగలదో నిరూపించడమే కాకుండా, ఆధునిక పర్యావరణవేత్తలకు ఒక ముఖ్యమైన మార్గదర్శకంగా నిలుస్తోంది.- సాక్షి స్పెషల్‌ డెస్క్‌ఇదీ చదవండి: వాన కాదు.. రైళ్లకు గాలే శత్రువు

హైదరాబాద్‌: లాఠీ పట్టే చేతులు లాలించాయి.. ఓ మహిళా కానిస్టేబుల్‌ అమ్మలా చేరదీసి అక్కున చేర్చుకుంది.. ఎత్తుకుని ఆడించింది.. చంటిబిడ్డ మోములో బోసినవ్వులు పూయించింది.. చూపరుల మనసును ఆకట్టుకున్న ఈ దృశ్యం చైతన్యపురి పోలీస్‌ స్టేషన్‌లో కనిపించింది. దీప అనే కానిస్టేబుల్‌ మంగళవారం విధి నిర్వహణలో ఉండగా ఎల్‌బీనగర్‌ పోక్సో కోర్టు విచారణకు ఓ బాధితురాలి వచ్చింది. పరిస్థితిని అర్థం చేసుకున్న దీప బాధితురాలి చంటిబిడ్డను చేతుల్లోకి తీసుకుంది. విచారణ పూర్తయ్యే వరకు తల్లిలా చూసుకుంది. మానవత్వం ప్రదర్శించిన దీపను ఇన్‌స్పెక్టర్‌ సైదులు, కోర్టులోని న్యాయవాదులు, సిబ్బంది అభినందించారు.

సాక్షి, హైదరాబాద్‌: భారత మోటార్ స్పోర్ట్స్ చరిత్రలో సరికొత్త అధ్యాయం ఆవిష్కృతమైంది. హైదరాబాద్‌కు చెందిన ప్రముఖ రేసర్ జీత్ జబాఖ్ అంతర్జాతీయ మోటార్ రేసింగ్‌లో దేశానికి సరికొత్త గుర్తింపు తీసుకువచ్చాడు. అంతర్జాతీయ ఆటోమొబైల్ సమాఖ్య (ఏఫ్ఐఏ) ఆధ్వ‌ర్యంలో జ‌రిగిన ప్ర‌తిష్టాత్మ‌క‌ ఎఫ్‌ఐఏ ఆసియా-పసిఫిక్ ర్యాలీ చాంపియన్‌షిప్ (ఏపీఆర్‌సీ) 2026 సీజ‌న్ ఓవ‌రాల్‌ టైటిల్‌ను జీత్ సొంతం చేసుకున్నాడు.ఈ టోర్నీ 38 ఏళ్ల సుదీర్ఘ చరిత్రలో ఒక టూ-వీల్ డ్రైవ్ కారులో ఓవరాల్ చాంపియన్‌షిప్ నెగ్గిన తొలి రేసర్‌గా జీత్ చ‌రిత్ర‌కెక్కాడు. అంతేకాకుండా, స‌హ‌చ‌ర డ్రైవర్ మూసా షెరీఫ్‌తో కలిసి ఆసియా-పసిఫిక్ విజేతగా నిలిచిన తొలి భారతీయ జోడీగా రికార్డు నెలకొల్పాడు. ఈ సంచలన విజయంతో మూసా షెరీఫ్ 2026 కో-డ్రైవర్స్ చాంపియన్‌షిప్‌ను కూడా దక్కించుకున్నాడు.ఈ ఏడాదే అంతర్జాతీయ రేసింగ్‌లో అడుగుపెట్టిన జీత్ జబాఖ్ సీజన్ అంతటా అద్భుతమైన నిల‌క‌డ‌ను ప్రదర్శించి ఏకంగా 73 పాయింట్లు సాధించాడు. రెండో స్థానంలో నిలిచిన పోటీదారుడి కంటే 35 పాయింట్ల స్పష్టమైన ఆధిక్యాన్ని ప్రదర్శించి టైటిల్‌ను ముద్దాడాడు.ఈ సీజ‌న్‌లో న్యూజిలాండ్ ఒటాగో ర్యాలీ, చెన్నైలో జరిగిన సౌత్ ఇండియా ర్యాలీ పోటీల్లో రెండో స్థానంలో నిలిచిన జీత్, ఇండోనేషియా ర్యాలీలో మొదటి స్థానం సాధించి సత్తా చాటాడు. గతంలో సర్క్యూట్ రేసింగ్‌లో రెండుసార్లు జాతీయ చాంపియన్‌గా నిలిచిన జీత్ జబాఖ్ 2024 నుంచి ర్యాలీ విభాగంలో పోటీపడుతున్నాడు. ప్రతీ ర్యాలీలోనూ వేగాన్ని కాపాడుకోవడం, కో-డ్రైవర్ మూసా షెరీఫ్ సరైన దిశానిర్దేశం చేయడం, ఇంజనీర్ల సహకారమే ఈ చారిత్రక విజయానికి కారణమని జీత్ సంతోషం వ్యక్తం చేశాడు. ఈ గెలుపు తన రేసింగ్ సరికొత్త ప్రయాణానికి ఆరంభం మాత్రమేన‌ని పేర్కొన్నాడు.

సాక్షి, హైదరాబాద్‌: మనలో కొందరు వ్యక్తులు అత్యంత భయంకరమైన హారర్‌ సినిమాలను ఏమాత్రం భయపడకుండా చూస్తారు.. మరికొందరు రోలర్‌ కోస్టర్‌ రైడ్స్‌ను ఎంతగానో ఆస్వాదిస్తారు. సైన్స్, సైకాలజీ భాషలో రిక్రియేషనల్‌ ఫియర్‌ పిలిచే ఈ భయం సురక్షితమైన పరిమితుల్లో ఉన్నప్పుడు అది కొందరిలో మెదడుకు మానసిక ఉల్లాసాన్ని ఇచ్చే సాధనంగా మారుతుందని తాజా అధ్యయనంలో వెల్లడైంది.సైకోపతి అండ్‌ ఫియర్‌ ఎంజాయ్‌మెంట్‌: ది రోల్‌ ఆఫ్‌ ఇన్విన్సిబిలిటీ అండ్‌ బోర్డమ్‌ ప్రోన్నెస్‌ పేరిట నిర్వహించిన సరికొత్త అధ్యయనంలోఅనేక ఆసక్తికర అంశాలు వెల్లడయ్యాయి. కెనడాలోని బ్రాక్‌ యూనివర్సిటీకి చెందిన ఫోరెన్సిక్‌ సైకాలజీ ప్రొఫెసర్‌ డాక్టర్‌ ఏంజెలా బుక్‌ నేతృత్వంలో ఆమె సహ–పరిశోధకులు బెత్‌ విస్సర్, తోరి వట్టం, కిర్క్‌లాండ్‌ జాన్‌స్టన్‌లతో కలిసి ఈ పరిశోధన నిర్వహించారు. ఈ పరిశోధన వ్యాసం అంతర్జాతీయ సైకాలజీ జర్నల్‌ అయిన సైకలాజికల్‌ రిపోర్ట్స్‌లో ప్రచురితమైంది. ముఖ్యమైన అంశాలు..సాధారణంగా భయం అనేది మనుషులను ప్రమాదాల నుంచి దూరంగా ఉంచడానికి ఉపయోగపడే ఒక హెచ్చరిక. కానీ కొందరిలో ఇది ఎందుకు ఓ రకమైన ఆనందాన్ని ఇస్తుందనే అంశాన్ని ఈ అధ్యయనంలో పరిశీలించారు.ఈ పరిశీలనలో 1,650 మందికిపైగా వాలంటీర్లపై రెండు ప్రయోగాలు చేశారు. వారికి రోలర్‌ కోస్టర్‌ రైడ్స్, అత్యంత భయంకరమైన హారర్‌ వీడియో గేమ్‌ క్లిప్‌లను చూపించి వారి మానసిక, శారీరక స్పందనలను నమోదు చేశారు.ఏం తేలింది?సాహస లక్షణాలు లేదా సైకోపతిక్‌ గుణాలు ఎక్కువగా ఉండే వ్యక్తులు భయానక వాతావరణంలో ఉన్నప్పుడు ఆందోళనకు గురికావడానికి బదులు, ఎక్కువ ఉత్సాహాన్ని పొందుతారు. దీనికి వారు బోర్‌ ఫీల్‌ కావడం ప్రధాన కారణం కాదని.. తమకు ఏమీ కాదనే భావన, వారి మెదడులోని డోపమైన్‌ రివార్డ్‌ సిస్టమ్‌ అత్యంత బలంగా ప్రేరేపణకు గురవడమే కారణమని ఈ అధ్యయనం నిర్ధారించింది.దీనిప్రకారం తీవ్రమైన సైకోపతిక్‌ లక్షణాలు లేదా ఎక్కువ సాహస గుణాలున్న వ్యక్తులు భయానక పరిస్థితులను ఎక్కువగా ఆస్వాదిస్తారు. దీనికి కారణం వారిలో ఉండే ‘నాకేం కాదు.. నేను దేనినైనా ఎదుర్కొని గెలవగలను’అనే భావనే వారిని నిలబెడుతుంది. వారు ప్రమాదకరమైన లేదా భయానక దృశ్యాలను చూసినప్పుడు ఆందోళనపడటానికి బదులుగా ఆ పరిస్థితిని ఒక సవాల్‌గా లేదా ఉత్సాహంగా భావిస్తారని తేలింది.భయం ఆస్వాదనకుగల శాస్త్రీయ కారణాలు...మనం భయపడినప్పుడు మెదడులోని అమిగ్డాలా అనే భాగం అప్రమత్తమై శరీరాన్ని ఎదురుతిరుగు లేదా పారిపో అనే స్థితికి తీసుకెళ్తుంది.ఈ సమయంలో అడ్రినలిన్, కారి్టసాల్‌ గుండె వేగాన్ని పెంచి శరీరానికి విపరీతమైన శక్తిని ఇస్తాయి.భయం కలిగిన వెంటనే మెదడులో డోపమైన్‌ వంటి ఫీల్‌–గుడ్‌ రసాయనాలు విడుదలవుతాయి.కొందరి మెదడులో డోపమైన్‌ను నియంత్రించే ‘బ్రేకులు’తక్కువగా ఉండటం వల్ల వారు ఈ కిక్‌ను ఎక్కువగా ఎంజాయ్‌ చేస్తారు.సురక్షితమైన వాతావరణం...మనం థియేటర్‌లో హారర్‌ సినిమా చూస్తున్నప్పుడు మెదడులోని హిప్పోకాంపస్, ప్రీఫ్రంటల్‌ కార్టెక్స్‌ భాగాలు ‘స్క్రీన్‌ మీద ఉన్నది మాత్రమే భయం, నిజానికి మనం సేఫ్‌ రూమ్‌లో ఉన్నాం’అనే విషయాన్ని గ్రహిస్తాయి. దీంతో ప్రమాదం నిజం కాదని తెలిసినప్పుడు ఆ భయం కాస్తా థ్రిల్‌గా, వినోదంగా మారుతుంది.మానసిక బలం... ఈ పరిశోధనల ప్రకారం ఇలాంటి వినోదాత్మక భయాలను ఆస్వాదించే వ్యక్తుల్లో నిజజీవితంలోని ఒత్తిళ్లను తట్టుకొనే మానసిక శక్తి ఎక్కువగా ఉంటుంది. భయా న్ని ముందే ప్రాక్టీస్‌ చేయడం వల్ల అనిశి్చత పరిస్థితులను ఎలా ఎదుర్కోవాలో మెదడుకు అలవాటవుతుంది.ఇదీ చదవండి: రంపాలు మొలుస్తాయి

పర్యావరణానికి హాని కలిగించకుండా, దిగుబడులు తగ్గకుండా వ్యవసాయానికి ఉపకరించే హరిత ఎరువు అభివృద్ధిలో భారతీయ వ్యవసాయ పరిశోధనా సంస్థ (ఐఏఆర్‌ఐ, న్యూఢిల్లీ), నేషనల్‌ రిమోట్‌ సెన్సింగ్‌ సెంటర్‌ (ఎన్‌ఆర్‌ఎస్‌సీ, హైదరాబాద్‌) శాస్త్రవేత్తలు విజయం సాధించారు. సాధారణంగా వాడే రసాయన ఎరువుల స్థానంలో పర్యావరణహితంగా పనిచేసే సరికొత్త బయో పాలిమర్‌ మిశ్రమ ఎరువును వీరు అభివృద్ధి చేశారు.ఈ ఎరువు వాడకంతో 25 శాతం తక్కువ నత్రజని (యూరియా) వినియోగించినప్పటికీ, పంటలకు పోషకాల కొరత రాకపోవటమే కాకుండా వాతావరణంలోకి విడుదలయ్యే ప్రమాదకర వాయు ఉద్గారాలు గణనీయంగా తగ్గుతున్నట్లు పరిశోధనల్లో వెల్లడైంది. మొక్కజొన్న పిండి, మామిడి జీడి ఆధారిత బయోపాలిమర్లతో పాటు నానోక్లే (సూక్ష్మ స్థాయి మట్టి)ను కలిపి ఈ హరిత ఎరువును రూపొందించారు.ఇందులో యూరియాతో పాటు పంటలకు మేలు చేసే ల్యాక్టోకోకస్‌ లాక్టిస్, సూడోమోనాస్‌ ఎరుగినోసా అనే బ్యాక్టీరియాలను చేర్చారు. ఈ బ్యాక్టీరియాలు నేలలోని భాస్వరం, జింక్‌ వంటి సూక్ష్మ పోషకాలను మొక్కలు సులభంగా గ్రహించేలా చేస్తాయి. శాస్త్రవేత్తల ప్రయోగాల ప్రకారం ఈ సూక్ష్మజీవులు మట్టిలో దాదాపు 180 రోజుల పాటు జీవించి ఉండగలవు.ఉద్గారాల తగ్గుదలమొక్కజొన్న–గోధుమ పంట మార్పిడి విధానంలో ఈ పరిశోధనలు జరిగాయి. సాధారణ యూరియా వాడకంతో పోల్చితే, మొక్కజొన్న పిండి ఆధారిత ఎరువును వాడినప్పుడు గోధుమ పంటలో నైట్రస్‌ ఆక్సైడ్‌ ఉద్గారాలు 28.7 శాతం, మొక్కజొన్న పంటలో 24.2 శాతం తగ్గాయి. అలాగే మామిడి జీడి ఆధారిత మిశ్రమంతో గోధుమలో 17.2 శాతం, మొక్కజొన్నలో 21.4 శాతం ఉద్గారాలు తగ్గినట్లు పరిశోధకులు గుర్తించారు. ఈ మిశ్రమం నుంచి నత్రజని నెమ్మదిగా విడుదల కావటం వల్ల నైట్రస్‌ ఆక్సైడ్‌ ఉద్గారాలు అదుపులో ఉన్నాయని పరిశోధకులు వెల్లడించారు. తేమను పట్టి ఉంచే సామర్థ్యంనేలలో నీటిని పట్టి ఉంచే అధిక సామర్థ్యం ఈ బయో పాలిమర్‌ మిశ్రమాలకు ఉంది. 24 గంటల తర్వాత పరిశీలిస్తే ఒక్కో గ్రాము మొక్కజొన్న పిండి మిశ్రమం 68 గ్రాముల నీటిని, మామిడి జీడి మిశ్రమం 62 గ్రాముల నీటిని గ్రహించి తేమను నిలుపుకోగలిగాయి. ఇది వర్షాభావ పరిస్థితుల్లో పంటలకు ఎంతో ప్రయోజనకరంగా మారుతుంది.ఈ ఎరువుల ద్వారా నైట్రస్‌ ఆక్సైడ్‌ తగ్గినప్పటికీ, కార్బన్‌ డయాక్సైడ్, మీథేన్‌ ఉద్గారాల ప్రభావాన్ని ఇంకా పూర్తిగా అంచనా వేయాల్సి ఉందని పరిశోధకులు తెలిపారు. అలాగే విభిన్న నేలలు, వాతావరణ పరిస్థితుల్లో వీటి సామర్థ్యాన్ని నిర్ధాý రించటానికి విస్తృత స్థాయి క్షేత్ర ప్రయోగాలు జరగాల్సి ఉందని వారు సూచించారు.- సాక్షి, స్పెషల్‌ డెస్క్‌ఇదీ చదవండి: ఒత్తిడి ఏదైనా దిగుబడి నష్టమే!

ఆహారం కేవలం కడుపు నింపడానికే కాదు, శరీరానికి అవసరమైన ఇంధనాన్ని, రోగనిరోధక శక్తిని అందించే ముఖ్య వనరు. అయితే, మనం రోజూ తినే ఆహారంలో ఎంత మోతాదులో పోషకాలు అందుతున్నాయనే స్పృహ చాలామందిలో ఉండదు. హైదరాబాద్‌లోని ప్రతిష్టాత్మక నేషనల్‌ ఇన్‌స్టిట్యూట్‌ ఆఫ్‌ న్యూట్రిషన్‌ (ఐసీఎంఆర్‌–ఎన్‌ఐఎన్‌) ప్రచురించిన ‘కౌంట్‌ వాట్‌ యు ఈట్‌’పుస్తకం ఈ అంశంపై పూర్తి స్థాయి అవగాహనను కల్పిస్తోంది. వంటకాల తయారీ విధానం నుంచి పోషకాల లెక్కింపు వరకు ఎన్నో విశేషాలను ఈ పుస్తకం అందిస్తోంది. ఇందులో ఏమున్నాయంటే..!పోషకాల విశ్లేషణ సాధారణ వంటల పుస్తకాలు కేవలం వంటకాల తయారీ విధానాన్ని మాత్రమే తెలియజేస్తాయి. కానీ, ఈ పుస్తకం వంటల తయారీని ఒక శాస్త్రంగా, కళగా పరిగణిస్తుంది. ప్రతి వంటకం నుంచి శరీరానికి లభించే కేలరీలు, ప్రొటీన్లు, పిండిపదార్థాలు (కార్బోహైడ్రేట్లు), కొవ్వులు, మినరల్స్‌ పరిమాణాలను గ్రాముల కొలతల్లో అందిస్తుంది. వంట చేసేటప్పుడు అధిక వేడి వల్ల లేదా ఎక్కువసేపు మరిగించటం వల్ల విటమిన్లు ఏ విధంగా నశిస్తాయో వివరించడంతో పాటు, వాటిని పరిరక్షించే పద్ధతులనూ పేర్కొన్నారు.నిత్యజీవితంలో ఆచరణీయంధాన్యాలు, పప్పుదినుసులు, కూరగాయలు, ఆకుకూరలు, పాల ఉత్పత్తులు, మాంసాహారం వంటి ముడి ఆహార పదార్థాల పోషక విలువల పట్టికలను ఈ పుస్తకంలో పొందుపరిచారు. వంటకాల్లో ఉపయోగించే నూనె, మసాలాల పరిమాణాన్ని వ్యక్తిగత అవసరాలు, ఆరోగ్య పరిస్థితులకు అనుగుణంగా ఎలా మార్చుకోవచ్చో స్పష్టమైన సూచనలు ఇచ్చారు.అందరికీ ఒక రిఫరెన్స్‌ గైడ్‌ ఈ పుస్తకం కేవలం గృహిణులకు మాత్రమే కాకుండా, వివిధ వర్గాల ప్రజలకు, రోగులకు సమతుల్యమైన ఆహార చార్టులు రూపొందించే డైటీషియన్లు, వైద్యులు, పరిశోధకులకు సమగ్రమైన సమాచారాన్ని అందించే రిఫరెన్స్‌ గైడ్‌గా ఉపయోగపడుతుంది. మనం ఏమి తింటున్నామో, అందులోని పోషకాల విలువ ఏమిటో తెలుసుకోవడం ద్వారా ఆరోగ్యకరమైన జీవనశైలిని నిర్మించుకోవచ్చు. అందుకు ఈ పుస్తకం ఉపకరిస్తుŠంది. హైదరాబాద్‌ తార్నాకలోని ఎన్‌ఐఎన్‌ కార్యాలయంలో ఈ పుస్తకం అమ్ముతున్నారు.ఇందులో ప్రధానంగా ఆహార పదార్థాల్లోని ప్రొటీన్, కొవ్వు, కార్బొహైడ్రేట్లు, కాల్షియం, విటమిన్లు, ఐరన్‌ తదితర పొషకాల గురించి వివరించడంతోపాటు ఎంత పరిమాణంలో తీసుకోవాలో వివరించారు. అదేవిధంగా ధాన్యాలు, బ్రెడ్, బిస్కెట్‌ (ఉప్పు), బిస్కెట్‌ (తీపి), పప్పులు, ముడి గింజలు, ఆకుకూరలు, దుంపలు–గడ్డలు, ఇతర కూరగాయలు, గింజలు, నూనె గింజలు, కొబ్బరి పాలు, కొబ్బరి నీళ్లు, సుగంధ ద్రవ్యాలు/మసాలాలు, పండ్లు, చేపలు, మాంసం, కోడిమాంసం, కోడిగుడ్డు, పాలు, పెరుగు, వెన్న, నెయ్యి, నూనె, చక్కెర, తేనె, బెల్లం, సగ్గుబియ్యం వంటి పదార్థాల్లో లభ్యమయ్యే పోషకాల గురించి గణాంకాల వారీగా పేర్కొన్నారు. ఏ పోషకం ఎంత తినాలి?మారుతున్న ఆహారపు అలవాట్లు, ఆధునిక జీవనశైలి కారణంగా భారతీయుల్లో జీవనశైలి వ్యాధులు (మధుమేహం, గుండెజబ్బులు, రక్తపోటు తదితర వ్యాధులు) పెరుగుతున్న నేపథ్యంలో జాతీయ పోషకాహార సంస్థ (ఎన్‌ఐఎన్‌) సమగ్ర ఆహార నియమావళిని విడుదల చేసింది. ఒక సగటు వయోజనుడికి రోజూ అవసరమయ్యే సుమారు 2,000 కిలో కేలరీల శక్తిని దృష్టిలో ఉంచుకొని రూపొందించిన ‘మై ప్లేట్‌ ఫర్‌ ది డే’నమూనా ఆధారంగా ఏయే ఆహార పదార్థాలు, పోషకాలు రోజుకు ఎన్ని గ్రాములు తీసుకోవాలో ఎన్‌ఐఎన్‌ స్పష్టమైన కొలమానాలను నిర్దేశించింది.ఐసీఎంఆర్‌–ఎన్‌ఐఎన్‌ మార్గదర్శకాల ప్రకారం సగటు వ్యక్తి రోజుకు 250 గ్రాముల ధాన్యాలు, 85 గ్రాముల పప్పులు, 400 గ్రాముల కూరగాయలు, 100 గ్రాముల పండ్లు, 300 మి.లీ. పాలు లేదా పెరుగు, 35 గ్రాముల గింజలు, 27 గ్రాముల నూనె తీసుకోవాలి. రోజుకు ఉప్పు 5 గ్రాములకు మించరాదు. ఆహార పళ్లెంలో సగం కూరగాయలు, పండ్లతో నింపడం ద్వారా జీవనశైలి వ్యాధులను అరికట్టవచ్చని ఎన్‌ఐఎన్‌ ఎప్పటి నుంచో చెబుతోంది. ఇంతకీ నేనెంత తింటున్నాను?.. ప్రతి ఒక్కరూ వేసుకోవాల్సిన ప్రశ్న ఇది! అందుకే తినే ఆహార లెక్కల కోసం ఈ పుస్తకాన్ని మీరూ ఓ సారి చెక్‌ చేయండి.- సాక్షి, స్పెషల్‌ డెస్క్‌ఇదీ చదవండి: ఒకే భూమి – ఒకే ఆరోగ్యం

సాక్షి, హైదరాబాద్‌: మెట్రో రైల్‌ ప్రాజెక్టు కోసం రూ.275 కోట్లను విడుదల చేస్తూ ప్రభుత్వం సోమవారం రెండు జీవోలు విడుదల చేసింది. రెండో దశ కోసం ఈ ఆర్థిక సంవత్సరంలో బడ్జెట్‌లో రూ.600 కోట్లు కేటాయించగా అందులో మొదటి విడతగా హైదరాబాద్‌ ఎయిర్‌పోర్ట్‌ మెట్రో లిమిటెడ్‌కు రూ.150 కోట్లను విడుదల చేస్తూ పరిపాలనాపరమైన ఉత్తర్వులను జారీ చేసింది.అలాగే ప్రస్తుతం వివిధ కారిడార్‌లలో నడుస్తున్న మెట్రో రైళ్ల నిర్వహణ, కొత్త కోచ్‌ల కొనుగోళ్లు, తదితర అవసరాల కోసం మరో రూ.125 కోట్లు విడుదల చేసింది. ఈ మేరకు మున్సిపల్‌ అడ్మినిస్ట్రేషన్, అర్బన్‌ డెవలప్‌మెంట్‌ కార్యదర్శి సర్ఫరాజ్‌ అహ్మద్‌ ఉత్తర్వులు వెలువరించారు.పాతబస్తీలో విస్తరణ... ప్రస్తుతం మెట్రో రెండో దశలో భాగంగా ఎంజీబీఎస్‌ నుంచి చాంద్రాయణగుట్ట వరకు ప్రతిపాదించిన 7.5 కి.మీ కారిడార్‌లో రోడ్ల విస్తరణ, ఆస్తుల సేకరణ, పరిహారం చెల్లింపు, తదితర పనులు వేగంగా కొనసాగుతున్నాయి. సుమారు 850 నిర్మాణాలను తొలగించేందుకు హెచ్‌ఎంఆర్‌ఎల్‌ చర్యలు చేపట్టింది. మెట్రో రెండో దశపైన కేంద్రం నుంచి అనుమతి లభించిన వెంటనే ఈ కారిడార్‌లో నిర్మాణ పనులను చేపట్టేందుకు వీలుగా రోడ్ల విస్తరణ పనులు జరుగుతున్నాయి. మరోవైపు ఆస్తులు కోల్పోయిన వారికి పరిహారం చెల్లిస్తున్నారు. ఈ మేరకు ప్రస్తుతం రూ.150 కోట్లు విడుదల చేసినట్లు హెచ్‌ఎంఆర్‌ఎల్‌ అధికారులు తెలిపారు.కొత్త కోచ్‌ల కొనుగోళ్లుప్రభుత్వం విడుదల చేసిన మరో రూ.125 కోట్లను కొత్త కోచ్‌ల కొనుగోళ్లు, తదితర అవసరాలకు వినియోగించనున్నారు. ఒక కోచ్‌ నిర్మాణానికి రూ.60 కోట్ల నుంచి రూ.70 కోట్ల వరకు ఖర్చు కావచ్చునని అధికారులు తెలిపారు. ప్రస్తుతం రోజుకు 5 లక్షల మందికి పైగా ప్రయాణం చేస్తున్నారు. కోచ్‌ల సంఖ్య పెరిగితే మరో 2 లక్షల మంది అదనంగా ప్రయాణం చేసే అవకాశం ఉంటుంది. ఇప్పుడున్న మూడు కోచ్‌ల మెట్రోలకే అదనంగా మరో 3 కోచ్‌లను ఏర్పాటు చేస్తారు.ఇదీ చదవండి: హైదరాబాద్‌లో మగవాళ్లకి ఏముంది?

సాక్షి, హైదరాబాద్‌: పబ్లిసిటీ కొత్త పుంతలు తొక్కుతోంది. నగర రహదారులపై ఏదో ఒక అంశంపై ప్రశ్నతో ఓ హోర్డింగ్‌ కనిపిస్తుంది. దానికి సమాధానం ఉండదు! ‘హైదరాబాద్‌లో మగవాళ్లకి ఏముంది?’ అంటూ ఇటీవల సిటీలో సందడి చేస్తున్న ప్రకటన ఇందుకు తాజా ఉదాహరణ.ఏ బ్రాండ్‌? ఏ ఉత్పత్తి? ఎందుకీ ప్రచారం? అనే ప్రశ్నలకు వెంటనే సమాధానం దొరకదు. అసలు విషయం వెల్లడయ్యే వరకు ఉత్కంఠను కొనసాగించడమే ఈ ప్రకటనల వ్యూహం. మార్కెటింగ్‌ పరిభాషలో దీనిని టీజర్‌ అడ్వర్‌టైజింగ్‌ అంటారు. అసలు విషయాన్ని దాచిపెట్టి.. సోషల్‌ మీడియాలో వైరల్‌ అయ్యాక ప్రచారాన్ని రివీల్‌ చేస్తారు. ఆసక్తే పెట్టుబడి..కొత్త ఉత్పత్తిని పరిచయం చేయడానికి ముందే ప్రజల్లో చర్చ మొదలయ్యేలా చేయడం దీని ప్రధాన ఉద్దేశం. పూర్తి వివరాలు వెల్లడించకుండా ప్రశ్నలు, సంకేతాలు, ఆకర్షణీయమైన పదాలతో ప్రచారం చేస్తారు. ఆ తర్వాత అసలు బ్రాండ్, ఉత్పత్తిని పరిచయం చేస్తారు. ప్రపంచ వ్యాప్తంగా అవుట్‌డోర్‌ ప్రకటనల్లో కనిపించే ఈ వ్యూహానికి భారత్‌లోనూ ఉదాహరణలున్నాయి. 2001లో ఓ ప్రముఖ పానీయాల బ్రాండ్‌ చేపట్టిన ‘డిజెన్‌ వర్మ’ ప్రచారం అప్పట్లో విస్తృత ఆసక్తిని రేకెత్తించింది. ఆ వ్యక్తి ఎవరనే ప్రశ్నతో మొదలైన ప్రచారం తర్వాత ఒక పానీయాల బ్రాండ్‌తో ముడిపడింది.అనుమతులు తప్పనిసరి..ఆసక్తి రేపే ప్రకటనలైనా నిబంధనలకు అతీతం కాదు. ప్రభుత్వం ప్రకటించిన సమగ్ర బహిరంగ ప్రకటనల విధానం ప్రకారం హైదరాబాద్‌ కోర్‌ అర్బన్‌ రీజియన్‌ పరిధిలో అనుమతులు, ప్రాంతాల వారీ నియంత్రణ, పర్యవేక్షణకు ప్రాధాన్యమిచ్చారు. అనుమతించిన ప్రకటనలకు క్యూఆర్‌ కోడ్, భౌగోళిక గుర్తింపు వంటి నిబంధనలు వర్తిస్తాయి.వారసత్వ కట్టడాలు, మతపరమైన ప్రదేశాలు, పార్కులు, జలవనరులు, పాఠశాలలు వంటి ప్రాంతాల్లో ప్రకటనలపై ఆంక్షలున్నాయి. ట్రాఫిక్‌కు అడ్డంకిగా మారే, ప్రజల భద్రతకు ముప్పు కలిగించే హోర్డింగులకు అనుమతి లేదు. వినియోగదారులను తప్పుదోవ పట్టించే తప్పుడు, ఆధారాలు లేని వాదనలు చేయకూడదు. ప్రకటనలో మొదట వివరాలు వెల్లడించకపోవడం తప్పు కాదు, అది తప్పుడు సమాచారం లేదా మోసపూరిత ప్రచారంగా మారిందా అన్నదే కీలకం.ఇదీ చదవండి: క్లీన్‌.. ట్రాఫిక్‌ ఫ్రీ

సాక్షి, హైదరాబాద్‌: పెళ్లి సంబంధాలకు యువతుల ఫొటోలు, కులం, మతం, రంగు, చదువు, ఎత్తు వంటి వివరాలు చూసి ఎంపిక చేసుకోవడం పరిపాటి. కానీ మల్కాజ్‌గిరి పోలీసులకు చిక్కిన అక్రమ అండాల ముఠా అండదాతల ఎంపికలోనూ ఇవే ప్రాధాన్యంగా మారాయి. సంతానం కోసం అండాలు అవసరమైన దంపతులు తమకు కావాల్సిన దాతల అర్హతల వివరాలను ముందుగానే ఈ ముఠాకు చెప్పేవారు. వారి ఆసక్తి, అభిరుచులకు తగ్గ యువతులను దేశవ్యాప్తంగా ఉన్న ఏజెంట్ల నెట్‌వర్క్‌ ద్వారా ఈ గ్యాంగ్‌ గుర్తించేది. వారికి ఎర వేసి సేకరించే అండాలనే సరఫరా చేసేది. ఈ వ్యవహారంలో కొందరు యువతులకు రూ.20 వేల నుంచి రూ.30 వేల వరకు చెల్లిస్తుండగా ప్రత్యేక అర్హతలు, డిమాండ్‌ను బట్టి మరికొందరికి రూ.50 వేల వరకు ఇస్తున్నట్లు మల్కాజిగిరి పోలీసులు గుర్తించారు. సోషల్‌మీడియా ద్వారా సమాచార మార్పిడి... నగరంలో వెలుగుచూసిన అక్రమ అండదాన రాకెట్‌ కేసుల దర్యాప్తులో అనేక ఆసక్తికర అంశాలు బయటపడుతున్నాయి. వీళ్లు ఏడు రాష్ట్రాల నుంచి యువతుల వివరాలను ఏజెంట్ల ద్వారా సమీకరించే వాళ్లు. ఆ వివరాలను వాట్సాప్‌ గ్రూపులు, ఇతర సోషల్‌మీడియా మార్గాల ద్వారా వివిధ ప్రాంతాల్లో ఉన్న గ్యాంగ్‌ సభ్యులు పరస్పరం పంచుకునేవాళ్లు. అండదాతలు కావాలని దంపతుల నుంచి సమాచారం అందగానే వారి అవసరాలను నెట్‌వర్క్‌లోని ఏజెంట్లకు చేరవేసేవారు.కులం, మతం, రంగు, ఎత్తు, ప్రాంతం తదితర అంశాలకు ప్రాధాన్యమిస్తూ యువతులను గుర్తించే ఈ ముఠా వారినే ఆయా ఐవీఎఫ్‌ కేంద్రాలకు తీసుకెళ్లేవారు. ముఖ్యంగా యువతుల చర్మ ఛాయ, ప్రాంతీయ నేపథ్యానికే ఎక్కువగా డిమాండ్‌ ఉన్నట్లు దర్యాప్తు అధికారులు చెప్తున్నారు. దంపతులు ఎంత నిర్దిష్టమైన అర్హతలు కోరితే అంత ఎక్కువ మొత్తంలో వసూలు చేస్తున్నట్లు పేర్కొన్నారు. ఇలా ఒక్కో కస్టమర్‌ నుంచి గరిష్టంగా రూ.5 లక్షల వరకు వసూలు చేసినట్లు తెలిసింది. 23 ఐవీఎఫ్‌ కేంద్రాలకు పాత్ర... ఈ రాకెట్‌ సూత్రధారి అమిత్‌ శర్మతో పాటు అతని అనుచరులు పశ్చిమబెంగాల్, ఛత్తీస్‌గఢ్, ఢిల్లీ, అస్సాం, ఉత్తరప్రదేశ్, జార్ఖండ్, ఒడిశా రాష్ట్రాల నుంచి యువతులను తీసుకొచ్చినట్లు పోలీసులు గుర్తించారు. తొలుత మహిళల హాస్టళ్ల నిర్వహణ పేరుతో ఈ వ్యవహారాన్ని నడిపారు. వాస్తవానికి ఆయా వసతి గృహాలను కేవలం అండదానం చేయించాల్సిన యువతులను ఉంచేందుకు వినియోగించినట్లు దర్యాప్తులో తేలింది. డబ్బు అవసరమైన మహిళలు, యువతులను లక్ష్యంగా చేసుకుని ఏజెంట్లు ఈ కార్యకలాపాలు సాగించారు.ఒకసారి అండదానం చేసిన వారి ద్వారా కూడా కొత్త దాతలను గుర్తించడం కూడా ఈ నెట్‌వర్క్‌లో కీలకంగా మారింది. రాజధానిలోని 23 ఐవీఎఫ్‌ కేంద్రాలతో ఈ నెట్‌వర్క్‌కు సంబంధాలు ఉన్నట్లు పోలీసులు అనుమానిస్తున్నారు. గతేడాది వెలుగులోకి వచి్చన అక్రమ సరోగసీ కేంద్రం సృష్టి ఫెర్టిలిటీ సెంటర్‌ మేనేజర్‌ పంకజ్‌ సోనీ ఈ కేసులోనూ నిందితుడిగా ఉన్నాడు. ఐవీఎఫ్‌ కేంద్రాలు అండదాతల గుర్తింపు, అర్హతలను ఏ మేరకు పరిశీలించాయనే అంశంపై వైద్య ఆరోగ్యశాఖ అధికారుల నుంచి పోలీసులు వివరణ కోరారు. ఏజెంట్ల ద్వారా మహిళలను తీసుకొస్తున్న విషయం కేంద్రాల నిర్వాహకులకు ముందే తెలుసా? అనే కోణంలోనూ దర్యాప్తు చేస్తున్నారు. ఐదు ప్రాంతాల్లో యువతుల గుర్తింపు... ఈ నెట్‌వర్క్‌ను ఛేదించిన మల్కాజ్‌గిరి పోలీసులు ప్రకాశ్‌నగర్, బేగంపేట, ఎర్రగడ్డ, సరూర్‌నగర్, గోపాలపురం ప్రాంతాల్లోని వసతి గృహాల నుంచి యువతులను రెస్క్యూ చేశారు. వీరిలో పశ్చిమబెంగాల్, మహారాష్ట్ర, ఉత్తరప్రదేశ్‌కు చెందినవారు ఉన్నారని అధికారులు చెప్తున్నారు. వీరి వద్ద నుంచి హ్యూమోగ్‌ హెచ్‌పీ ఇంజెక్షన్ల వయల్స్, ప్రిమోలట్, మెప్రేట్‌ మాత్రలను పోలీసులు స్వా«దీనం చేసుకున్నారు. వీరిలో కొందరు మహిళలు, యువతులు పలుమార్లు అండదానం చేసి ఉండవచ్చని అనుమానిస్తున్న పోలీసులు ఆ దిశగా వివరాలు సేకరిస్తున్నారు. నిందితుల బ్యాంకు లావాదేవీలను కూడా పరిశీలిస్తున్నారు. ఈ వ్యవహారంలో అమిత్‌ శర్మ, నిఖత్‌ పర్విన్, రేష్మా ఖాతూన్, మేఘావత్‌ శ్రీనివాస్, జె.ప్రదీప్, ఎస్‌కే పర్విన్, విజయ్‌ భగ్వాహ్‌ రావు సాలుంకే, పంకజ్‌ సోనీలను మల్కాజిగిరి కమిషనరేట్‌ అధికారులు అరెస్టు చేసిన విషయం విదితమే. ఈ అండాల దందా వ్యవహారంపై మొత్తం మూడు కేసులు నమోదు చేశారు. ఇతరుల ప్రాణాలకు, వ్యక్తిగత భద్రతకు ముప్పు కలిగించడం, మనుషుల అక్రమ రవాణా, ప్రాణాంతక వ్యాధుల వ్యాప్తికి కారణమయ్యే నిర్లక్ష్య చర్యలు, మోసం, నేరపూరిత కుట్ర, వ్యవస్థీకృత నేరాలకు సంబంధించిన ఆరోపణలు చేర్చారు. రెస్క్యూ చేసిన మహిళల ఆరోగ్య పరిస్థితి, వారు గతంలో అండదానం చేసిన సందర్భాలు, ఐవీఎఫ్‌ కేంద్రాల పాత్ర, నిందితుల ఆర్థిక లావాదేవీలపై లోతుగా దర్యాప్తు చేస్తున్నారు.

సాక్షి, హైదరాబాద్‌: గ్రేటర్‌లో భూగర్భ జల రోదనలు వినిపిస్తున్నాయి. నగరంలోని పలు ప్రాంతాల్లో భూగర్భ జలాలు ప్రమాదకర స్థాయిలో లోతుకు వెళ్లాయి. ఒకవైపు పెరుగుతున్న జనాభా, మరోవైపు విస్తరిస్తున్న నిర్మాణ రంగం, భారీగా పెరుగుతున్న భూగర్భ నీటి వినియోగం.. ఇంకోవైపు ఆశించిన స్థాయిలో వర్షాలు కురవకపోవడంతో భూగర్భ జలాలపై తీవ్ర ప్రభావం పడుతోంది. కూకట్‌పల్లి మండలంలోని కూకట్‌పల్లి తహసీల్దార్‌ కార్యాలయం వద్ద భూగర్భ జలాలు ఏకంగా 48.35 మీటర్ల లోతులో ఉన్నట్లు అధికారులు గుర్తించారు.కేపీహెచ్‌బీలో ఇది 34.94 మీటర్లుగా ఉంది. గ్రేటర్‌ పరిధిలో సగటున 12.59 మీటర్ల లోతులో జలాలున్నాయి. గత ఏడాది అక్టోబర్‌ (5.42 మీటర్ల)తో పోలిస్తే ఈ ఏడాది అక్టోబరు (12.59)లో గ్రేటర్‌ హైదరాబాద్‌ పరిధిలో భూగర్భ జలమట్టం సగటున 7.17 మీటర్ల మేర పడిపోయింది. సెపె్టంబరుతో పోల్చినా ఒక్క నెలలోనే 1.01 మీటర్లమేర పడిపోవడం పరిస్థితి తీవ్రతకు అద్దం పడుతోంది.తెలంగాణ భూగర్భ జలశాఖ అక్టోబరు మాసానికి విడుదల చేసిన గణాంకాల్లో ఈమేరకు వెల్లడైంది. జీహెచ్‌ఎంసీ, పరిసర మున్సిపల్‌ ప్రాంతాల పరిధిలోని 46 మండలాల్లో 107 పీజోమీటర్ల ద్వారా భూగర్భ జల శాఖ నీటిమట్టాలను పరిశీలించింది. 2026–27 నీటి సంవత్సరంలో అక్టోబరు 31 వరకు ఈ ప్రాంతంలో సాధారణంగా 729 మి.మీ. వర్షపాతం నమోదు కావాల్సి ఉండగా కేవలం 484 మి.మీ. మాత్రమే కురిసింది. అంటే 34 శాతం లోటు వర్షపాతం నమోదైంది. మొత్తం 46 మండలాల్లో కేవలం ఆరు మండలాల్లోనే సాధారణ వర్షపాతం నమోదైంది. రాష్ట్రమంతటా తీవ్ర ఒత్తిడి.. రాష్ట్రంలో సగటున భూగర్భ జలాలు 8.28 మీటర్ల లోతులో ఉన్నాయి. 2025 అక్టోబరుతో పోలిస్తే ఏకంగా 3.86 మీటర్ల మేర నీటిమట్టం పడిపోయింది. రాష్ట్రంలోని అన్ని జిల్లాల్లోనూ ఇదే పరిస్థితి నెలకొంది. 2026 జూన్‌ 1 నుంచి అక్టోబరు 31 వరకు రాష్ట్రంలో సాధారణ వర్షపాతం 831 మి.మీ. కాగా, వాస్తవంగా 628 మి.మీ. మాత్రమే నమోదైంది. అంటే 203 మి.మీ. లోటుతో 24 శాతం తక్కువ వర్షపాతం నమోదైంది. మొత్తం 33 జిల్లాల్లో కేవలం 11 జిల్లాల్లో మాత్రమే సాధారణ వర్షపాతం నమోదైంది. మిగిలిన 22 జిల్లాల్లో లోటు వర్షపాతం నెలకొంది. అత్యధికంగా వికారాబాద్‌ జిల్లాలో 7.37 మీటర్లు, సంగారెడ్డి 6.67, మెదక్‌ 6.66, రంగారెడ్డి 6.61, మహబూబ్‌నగర్‌లో 6.57 మీటర్ల మేర నీటిమట్టం పడిపోయింది. మేడిపల్లిలో 28.41, హయత్‌నగర్‌లో 19.32, శంకర్‌పల్లిలో 21.81 మీటర్ల లోతులో నీటిమట్టాలు నమోదయ్యాయి. వికారాబాద్‌లో అత్యంత లోతుకు.. జిల్లాల సగటు నీటిమట్టాలను పరిశీలిస్తే వికారాబాద్‌లో అత్యధికంగా 13.54 మీటర్ల లోతులో భూగర్భ జలాలు ఉన్నాయి. సంగారెడ్డిలో 12.93 మీటర్లు, రంగారెడ్డి 12.75, మేడ్చల్‌ 12.67, మహబూబ్‌నగర్‌ 11.96, మెదక్‌ 11.48, హైదరాబాద్‌లో 11.10 మీటర్ల లోతులో నీరు ఉన్నట్లు నివేదిక వెల్లడించింది. మరోవైపు జగిత్యాల జిల్లాలో అత్యల్పంగా 4.21 మీటర్లు, ఖమ్మం 4.34, మహబూబాబాద్‌లో 4.48 మీటర్ల లోతులో నీటిమట్టాలు నమోదయ్యాయి. ఈ నేపథ్యంలో భవిష్యత్తులో నీటి నిర్వహణపై ప్రత్యేక దృష్టి పెట్టాల్సిన అవసరముందని నిపుణులు చెబుతున్నారు. వర్షపు నీటి సంరక్షణ, చెరువులు, కుంటల పునరుద్ధరణ, ఇంకుడు గుంతల ఏర్పాటు, భూగర్భ జలాల కృత్రిమ రీచార్జి, బోరుబావుల వినియోగంపై నియంత్రణ వంటి చర్యలకు ప్రాధాన్యం ఇవ్వాలని సూచిస్తున్నారు.

సాక్షి, హైదరాబాద్‌: గ్రేటర్‌ హైదరాబాద్‌ మహా నగరాన్ని పరిశుభ్రమైన నగరంగా, ట్రాఫిక్‌ సమస్యలు లేని నగరంగా తీర్చిదిద్దేందుకు సమగ్ర కార్యాచరణ రూపొందించాలని సీఎం రేవంత్‌రెడ్డి అధికారులను ఆదేశించారు. సోమవారం జూబ్లీహిల్స్‌లోని తన నివాసంలో మున్సిపల్‌ అధికారులతో నగర అభివృద్ధి, పారిశుధ్యం, చెత్త నిర్వహణ, గ్రీన్‌ వాటర్‌ వినియోగం, ట్రాఫిక్‌ నియంత్రణ తదితర అంశాలపై సీఎం సమీక్ష నిర్వహించారు. ఈ సందర్భంగా సీఎం మాట్లాడుతూ నగరంలో ఎక్కడా చెత్త కనిపించకుండా చర్యలు తీసు కోవాలన్నారు.ఇంటింటి నుంచి ప్రతిరోజూ చెత్త సేక రణ జరిగేలా అవసరమైన ఏర్పాట్లు చేయా లని, ఈ ప్రక్రియపై నిరంతరం పర్య వేక్షణ ఉండాలని ఆదేశించారు. విధుల్లో నిర్ల క్ష్యం వహించే సిబ్బంది, అధికారులపై కఠిన చర్యలు తీసుకో వాలని స్పష్టం చేశారు. నిర్మాణ వ్యర్థాలను ఎక్కడపడితే అక్కడ వేయకుండా వాటిని తరలించేందుకు ప్రత్యేక ఏర్పాట్లు చేయాలని చెప్పారు. మున్సిపల్‌ పరిధిలోని వివిధ పారి శ్రామిక ప్రాంతాల్లో చెత్త సేకరణకు ‘ఐలా’ అధికారులతో సమన్వయం చేసుకోవా లని సూచించారు. అలాగే, నగరంలో నిర్మాణ పనులు, పార్కుల నిర్వహణ, ల్యాండ్‌స్కేపింగ్, గార్డెనింగ్, ఇతర అవసరా లకు తాగునీటిని వినియోగిస్తున్న పరిస్థితిని మార్చాలని సీఎం సూచించారు.మురుగునీటి శుద్ధి కేంద్రాల్లో శుద్ధి చేసిన నీటిని ఈ అవసరాలకు వినియోగించడం ద్వారా తాగునీటిని ఆదా చేయవచ్చ న్నారు. ఎస్టీపీల్లో శుద్ధి చేసిన నీటిని సరఫరా చేసే ‘గ్రీన్‌ వాటర్‌ ట్యాంకర్ల’ను సద్వినియోగం చేసుకునేలా ప్రజలు, సంబంధిత సంస్థలకు విస్తృతంగా అవగాహన కల్పించాలని అధికారు లను ఆదేశించారు. జలమండలి తొలివిడతగా 19 మురుగునీటి శుద్ధి కేంద్రాల నుంచి 28 గ్రీన్‌ వాటర్‌ ట్యాంకర్ల ద్వారా సేవలను అందుబాటులోకి తీసుకొచ్చిన విషయాన్ని సీఎం గుర్తు చేశారు. జీహెచ్‌ఎంసీతో పాటు సీఎంసీ, ఎంఎంసీ పరిధిలోనూ గ్రీన్‌ వాటర్‌ సరఫరాను మరింత విస్తరించాలని సూచించారు. నిర్మాణ రంగం, గ్రీనరీ నిర్వహణ, పార్కుల అభివృద్ధి తదితర అవసరాలకు శుద్ధి చేసిన నీటిని వినియోగించేలా చర్యలు తీసుకోవాలని ఆదేశించారు. సిగ్నల్‌ ఫ్రీ రాకపోకలకు ప్రణాళికలుహైదరాబాద్‌లో ట్రాఫిక్‌ కష్టాలకు చెక్‌ పెట్టి నగరాన్ని ట్రాఫిక్‌ ఫ్రీగా తీర్చిదిద్దేందుకు అవసరమైన చర్యలు తీసుకోవాలని సీఎం అధికారులను ఆదేశించారు. ట్రాఫిక్‌ క్రమబద్ధీకరణకు అవసరమైన ప్రణాళికలను సిద్ధం చేయాలని సూచించారు. సాధ్యమైనంత వరకు సిగ్నళ్ల వద్ద వాహనాలు నిలిచిపోకుండా రాకపోకలు నిరంతరాయంగా సాగేలా చర్యలు చేపట్టాలన్నారు. సిగ్నల్‌ ఫ్రీ వ్యవస్థను అందుబాటులోకి తీసుకొచ్చేందుకు అవసరమైన ప్రాంతాలను గుర్తించాలని, అక్కడ అండర్‌పాస్‌లు, ఎలివేటెడ్‌ కారిడార్లు నిర్మించేందుకు ప్రణాళికలు రూపొందించాలని ఆదేశించారు.నగరంలోని ప్రధాన రహదారులు, కీలక కూడళ్లలో ట్రాఫిక్‌ రద్దీకి కారణాలను గుర్తించి శాశ్వత పరిష్కారాల దిశగా చర్యలు చేపట్టాలని సూచించారు. ఈ సమావేశంలో ఎంపీ వేం నరేందర్‌ రెడ్డి, సీఎం కార్యదర్శి మాణిక్‌ రాజ్, హెచ్‌ఎండీఏ కమిషనర్‌ సర్ఫరాజ్‌ అహ్మద్, సైబరాబాద్‌ మున్సిపల్‌ కార్పొరేషన్‌ కమిషనర్‌ సృజన తదితరులు పాల్గొన్నారు.

సాక్షి, హైదరాబాద్‌: తెలంగాణలోని కాంగ్రెస్‌ సర్కార్‌ను కూకటివేళ్లతో పెకిలించి వేస్తామని కేంద్ర హోం శాఖ మంత్రి అమిత్‌ షా అన్నారు. వచ్చే అసెంబ్లీ ఎన్నికల్లో బీజేపీ రాష్ట్రంలో మూడింట రెండు వంతుల మెజారిటీతో తప్పకుండా అధికారంలోకి వచ్చి తీరుతుందని ధీమా వ్యక్తం చేశారు. తెలంగాణను ఏటీఎంగా మార్చి ‘ఆర్‌ఆర్‌ (రాహుల్‌–రేవంత్‌) ట్యాక్స్‌’ వసూలు చేస్తున్నారని, ఢిల్లీకి ముడుపులు చేరుతున్నాయని ఆరోపించారు. రాష్ట్రాన్ని అమ్మేసేందుకు కాంగ్రెస్‌ ప్రభుత్వం ప్రయత్నిస్తోందని, దీనిని బీఆర్‌ఎస్, ఎంఐఎం అడ్డుకోలేవని, కేవలం ప్రధాని మోదీ నేతృత్వంలోని బీజేపీ మాత్రమే అడ్డుకోగలదని పేర్కొన్నారు. సర్‌ ప్రక్రియతో పాటు ఈవీఎంలపై చర్చకు తాము సిద్ధంగా ఉన్నామని చెప్పారు.ఎస్‌ఐఆర్‌ వల్లే బీజేపీ గెలుస్తోందంటూ కాంగ్రెస్‌ చేస్తున్న ఆరోపణలను ఖండించారు. కాంగ్రెస్‌ పార్టీ ఆరోపిస్తున్నట్టు ఈవీఎంల ద్వారానే బీజేపీ గెలుస్తూ ఉంటే... తెలంగాణలో కాంగ్రెస్‌ పార్టీ ఎలా గెలిచింది? రేవంత్‌రెడ్డి సీఎం ఎలా అయ్యారని నిలదీశారు. కర్ణాటక, హిమాచల్‌ప్రదేశ్, కేరళం, తమిళనాడులో బీజేపీయేతర ప్రభుత్వాలు ఎలా ఏర్పడ్డాయని ప్రశ్నించారు. ప్రస్తుతం దేశవ్యాప్తంగా వెంటిలేటర్‌పై ఉన్న కాంగ్రెస్‌ను శాశ్వతంగా సాగనంపడంతో పాటు, రాష్ట్రంలో బీజేపీ ప్రభుత్వాన్ని ఏర్పాటు చేసేందుకు పార్టీ కార్యకర్తలు సమరశంఖం పూరించాలని పిలుపునిచ్చారు. సోమవారం బషీర్‌బాగ్‌లోని బాబూ జగ్జీవన్‌రామ్‌ విగ్రహం నుంచి మొజాంజాహి మార్కెట్‌ వరకు, ‘ప్రజాస్వామ్యాన్ని రక్షిద్దాం...అరాచకత్వాన్ని అంతం చేద్దాం’ నినాదంతో బీజేపీ నిర్వహించిన మహా పాదయాత్రలో పాల్గొన్న అమిత్‌ షా.. దాదాపు ఒకటిన్నర కి.మీ మేర నడిచారు. అనంతరం ఏర్పాటు చేసిన సభలో పార్టీ కార్యకర్తలు, ప్రజలను ఉద్దేశించి మాట్లాడారు. భాగ్యలక్ష్మీ అమ్మవారికి, హైదరాబాద్‌ను భారత్‌లో అంతర్భాగం చేసిన ఉక్కుమనిషి సర్దార్‌ వల్లభ్‌భాయ్‌ పటేల్‌కు, విప్లవ వీరులు కొమురం భీమ్, రాంజీ గోండ్‌లకు శిరస్సు వంచి ప్రణామం చేశారు. అరాచకత్వాన్ని అంతం చేయాలి ‘ప్రజాస్వామ్యాన్ని కాపాడి అరాచకత్వాన్ని అంతం చేసేందుకు తెలంగాణలో కాంగ్రెస్‌ సర్కార్‌‎ను గద్దెదించాల్సి ఉంది. ఇందుకు కార్యకర్తలు పిడికిలి బిగించి సంకల్పం తీసుకోవాలి. రాబోయే రోజుల్లో తెలంగాణ గడ్డపై బీజేపీ జెండా ఎగరడం ఖాయం. రాష్ట్రంలో కాంగ్రెస్‌ను అధికారంలోకి తెస్తే కటాకట్‌గా ఆరు గ్యారంటీలు అమలు చేస్తామన్న రాహుల్‌గాంధీ మాటలు ‘సఫా కట్‌’ అయ్యాయి. సుపరిపాలన ఎలా ఉంటుందో మమ్మల్ని చూసి నేర్చుకోవాలి. ప్రధాని మోదీ హామీ ఇచ్చిన మేరకు రామమందిర నిర్మాణం, ట్రిపుల్‌ తలాక్‌ రద్దు జరిగాయి.అవినీతి, నక్సలిజం అంతం అయ్యాయి. 2029 డిసెంబర్‌ చివర్లోగా దేశాన్ని డ్రగ్స్‌ సమస్య నుంచి విముక్తి కలిగించేలా చర్యలుంటాయి. ఇందుకోసం బీజేపీ కార్యకర్తలు పిడికిలి బిగించి ముందుకు సాగాలి. కాంగ్రెస్‌ పాలిత రాష్ట్రాలు ఇచ్చిన గ్యారెంటీలు అమలుకాక కుప్పకూలిపోయాయి. పదేళ్ల యూపీఏ పాలనలో రూ.12 లక్షల కోట్ల అవినీతికి పాల్పడిన చరిత్ర కాంగ్రెస్‌ది. ప్రధాని మోదీ 12 ఏళ్ల పాలనలో ఆయనపై కనీసం పావలా (చార్‌ అణా) అవినీతి ఆరోపణ కూడా చేయలేకపోయారు. కాంగ్రెస్‌ అవినీతిపై పోరాడి ప్రజలకు న్యాయం చేసే ఏకైక శక్తి బీజేపీ మాత్రమే..’ అని అమిత్‌ షా చెప్పారు. పార్లమెంటులో చర్చకు ఎందుకు రారు? ‘సర్, ఈవీఎంలపై పార్లమెంటులో చర్చకు కాంగ్రెస్‌ ఎందుకు ముందుకు రావడం లేదు? 2014, 2019లలో ఎస్‌ఐఆర్‌ లేకుండానే దేశ ప్రజలు నరేంద్ర మోదీని సంపూర్ణ మెజారిటీ గెలిపించారు. 2024 తర్వాత హర్యానా, మహారాష్ట్ర, ఢిల్లీ, బిహార్, పశ్చిమ బెంగాల్, అస్సాంలలో బీజేపీ భారీ మెజారిటీతో అధికారంలోకి వచ్చింది. కాంగ్రెస్‌ విజయం సాధిస్తే ప్రజలు గెలిపించినట్టు చెబుతూ, ఓడిపోతే ఈవీఎంలను నిందించడం చూస్తుంటే ‘ఆడలేక మద్దెల ఓడు’ అన్న సామెత అక్షరాలా సరిపోతుంది. మాక్‌ పార్లమెంట్‌లో తప్ప రాహుల్‌ గాంధీ ఎప్పటికీ దేశానికి ప్రధాని కాలేరు.కానీ సోనియాగాంధీ హృదయానికి శాంతి కలిగి ఉంటుంది. ఇటీవల ఢిల్లీలో కాంగ్రెస్, మిత్రపక్షాలు నిర్వహించింది ’ఓట్‌ బచావో’ కాదు...’ఘుస్‌బైటియా (చొరబాటుదారుల) బచావో’ ర్యాలీ. రాహుల్‌ బాబా, సీఎం రేవంత్‌రెడ్డి ఎంత గింజుకున్నా ఒక్క అక్రమ చొరబాటుదారుడిని కూడా ఓటర్ల జాబితాలో, అసలు దేశంలోనే ఉండబోనివ్వబోం. దేశవ్యాప్తంగా సర్‌ ప్రక్రియతో పాటు..గతంలో కాంగ్రెస్‌ పార్టీ అడ్డుకున్న ఎన్‌ఆర్‌సీని కూడా కచ్చితంగా చేపట్టి తీరుతాం. రాహుల్‌కు కడుపు మంట ఎందుకు ? సర్‌ ప్రక్రియతో బోగస్‌ ఓట్లు తొలగిస్తుంటే రాహుల్‌ గాంధీకి కడుపుమంట ఎందుకు? దేశంలో 13 కోట్ల ఓట్లు తొలగించారంటూ రాహుల్‌ గాంధీ పచ్చి అబద్ధాలు ప్రచారం చేస్తున్నారు. ఈ మొత్తం 13 కోట్ల ఓట్లలో దాదాపు 6.5 కోట్ల ఓట్లు ఇతర ప్రాంతాలకు వెళ్లి స్థిరపడిన వారివి. ఒక వ్యక్తికి రెండు చోట్ల ఓటు వేసే హక్కు ఉంటుందా? దాదాపు 3 కోట్లు చనిపోయిన వారివి. చనిపోయిన వారి పేరిట కాంగ్రెస్‌ బోగస్‌ ఓటింగ్‌ చేయాలని చూస్తోంది.మరో కోటి ఓట్లు డూప్లికేట్‌ ఎంట్రీలు. మిగిలిన 3 కోట్ల ఓట్లు దేశంలో ఉనికిలోనే లేని బంగ్లాదేశ్‌ చొరబాటుదారులవి. ఈ రకమైన ఓట్లను జాబితాలో నుంచి తొలగించాలా వద్దా? (సభికులు తొలగించాలంటూ అరిచారు). ఈ నకిలీ, చొరబాటుదారుల ఓట్లను కాపాడేందుకే రాహుత్‌గాంధీ గగ్గోలు పెడుతున్నారు. సర్‌కు సంబంధించిన వాస్తవాలతో తెలుగులో ముద్రించిన బుక్‌లెట్లను బీజేపీ కార్యకర్తలు తెలంగాణలోని ఇంటింటికీ తీసుకెళ్లి కాంగ్రెస్‌ పార్టీ, రాహుల్‌గాంధీ చేస్తున్న అబద్ధాల ప్రచారాన్ని ఎండగట్టాలి..’ అని అమిత్‌ షా పిలుపునిచ్చారు.బీజేపీ రాష్ట్ర అధ్యక్షుడు ఎన్‌.రాంచందర్‌రావు, కేంద్ర మంత్రులు జి.కిషన్‌రెడ్డి, బండి సంజయ్, ఎంపీలు డా.కె.లక్ష్మణ్, ఈటల రాజేందర్, కొండా విశ్వేశ్వర్‌రెడ్డి, డీకే అరుణ, ఎం.రఘునందన్‌రావు, అర్వింద్‌ ధర్మపురి, గోడెం నగేష్, బీజేఎలీ్పనేత ఏలేటి మహేశ్వర్‌రెడ్డి, ఎమ్మెల్యేలు పాయల్‌ శంకర్, ధన్‌పాల్‌ సూర్యనారాయణ గుప్తా, ఎమ్మెల్సీలు మల్క కొమరయ్య, ఇతర నేతలు పాల్గొన్నారు. భాగ్యలక్ష్మీ ఆలయంలో హారతి ఇచ్చిన అమిత్‌షా చారి్మనార్‌: అమిత్‌ షా సోమవారం చారి్మనార్‌ భాగ్యలక్ష్మీ ఆలయాన్ని సందర్శించారు. వేద పండితుల మంత్రోచ్ఛారణల నడుమ అమ్మవారికి ప్రత్యేక పూజలు నిర్వహించారు. హారతి స్వీకరించిన తర్వాత ఆయన స్వయంగా హారతి పళ్లెం పట్టుకుని భక్తులకు చూపిస్తూ హారతి ఇచ్చారు. అంతకుముందు కేంద్ర మంత్రి జి.కిషన్‌రెడ్డి, బీజేపీ రాష్ట్ర అధ్యక్షుడు ఎన్‌.రామచందర్‌రావు, గోల్కొండ జిల్లా బీజేపీ అధ్యక్షుడు టి.ఉమామహేందర్‌లతో కలిసి ఆలయానికి చేరుకున్న అమిత్‌ షాకు పూర్ణకుంభంతో ఘన స్వాగతం లభించింది. అఫ్జల్‌గంజ్‌ నుంచి నయాపూల్, మదీనా సర్కిల్, పత్తర్‌గట్టి, గుల్జార్‌హౌజ్, చార్‌కమాన్‌ మీదుగా ఆలయానికి చేరుకున్న ఆయనకు, ట్రస్టీ శశికళ బృందం ఆలయ మర్యాదలతో స్వాగతం పలికి ఘనంగా సత్కరించింది. పూజల అనంతరం తీర్థ ప్రసాదాలను అందజేసింది. అరాచకత్వాన్ని అంతం చేయాలి..పదేళ్ల యూపీఏ పాలనలో రూ.12 లక్షల కోట్ల అవినీతికి పాల్పడిన చరిత్ర కాంగ్రెస్‌ది. ప్రధాని మోదీ 12 ఏళ్ల పాలనలో ఆయనపై కనీసం పావలా (చార్‌ అణా) అవినీతి ఆరోపణ కూడా చేయలేకపోయారు. కాంగ్రెస్‌ అవినీతిపై పోరాడి ప్రజలకు న్యాయం చేసే ఏకైక శక్తి బీజేపీ మాత్రమే. పార్లమెంటులో చర్చకు ఎందుకు రారు? రాహుల్‌ బాబా, సీఎం రేవంత్‌రెడ్డి ఎంత గింజుకున్నా ఒక్క అక్రమ చొరబాటుదారుడిని కూడా ఓటర్ల జాబితాలో, అసలు దేశంలోనే ఉండబోనివ్వం. దేశవ్యాప్తంగా సర్‌ ప్రక్రియతో పాటు..గతంలో కాంగ్రెస్‌ పార్టీ అడ్డుకున్న ఎన్‌ఆర్‌సీని కూడా కచ్చితంగా చేపట్టి తీరుతాం. రాహుల్‌కు కడుపుమంట ఎందుకు?సర్‌కు సంబంధించిన వాస్తవాలతో తెలుగులో ముద్రించిన బుక్‌లెట్లను బీజేపీ కార్యకర్తలు తెలంగాణలోని ఇంటింటికీ తీసుకెళ్లి కాంగ్రెస్‌ పార్టీ, రాహుల్‌గాంధీ చేస్తున్న అబద్ధాల ప్రచారాన్ని ఎండగట్టాలి

హైదరాబాద్‌: నగరంలో బీజేపీ సోమవారం మహా పాదయాత్ర నిర్వహించింది. ఇందులో కేంద్ర మంత్రులు అమిత్‌ షా, కిషన్‌ రెడ్డి, ఇతర బీజేపీ నేతలు పాల్గొన్నారు. బషీర్‌బాగ్‌ జగ్జీవన్‌రామ్‌ విగ్రహం నుంచి బీజేపీ పాదయాత్ర నిర్వహించింది. అబిడ్స్‌ మీదుగా ఎంజే మార్కెట్‌ వరకు బీజేపీ పాదయాత్ర కొనసాగింది. ఎంజే మార్కెట్‌లో అమిత్‌ షా కార్నర్‌ మీటింగ్‌ నిర్వహించారు. ఇవాళ హైదరాబాద్‌లో చార్మినార్‌ వద్ద భాగ్యలక్ష్మి అమ్మవారిని కూడా అమిత్‌షా దర్శించుకుని, ప్రత్యేక పూజలు చేశారు.పాదయాత్ర ముగిశాక నిర్వహించిన సభలో అమిత్‌ షా జై శ్రీరాం నినాదాలతో ప్రసంగాన్ని ప్రారంభించారు. తెలంగాణలో బీజేపీ ప్రభుత్వం కావాలా? వద్దా? అని అన్నారు. ప్రజాస్వామ్యాన్ని కాపాడాలని, అరాచకాన్ని అంతం చేయాలని పిలుపునిచ్చారు. ‘‘సర్దార్‌ పటేల్‌ లేకుంటే భారత్‌లో హైదరాబాద్‌ విలీనం అయ్యేది కాదు. అరాచక శక్తులను బీజేపీ అంతం చేస్తోంది. చొరబాటుదారులను ఓటు బ్యాంకుగా మార్చుకోవాలని కాంగ్రెస్‌ చూస్తోంది. 13 కోట్ల ఓట్లను తొలగించారని రాహుల్‌ గాంధీ అంటున్నారు. రెండు చోట్ల ఓట్లు ఉంటే తొలగించాలా... వద్దా? ఎస్‌ఐఆర్‌తో అక్రమ వలసదారులను తొలగిస్తున్నాం. కాంగ్రెస్‌ అండ్‌ కో ఎస్‌ఐఆర్‌ ఆపాలని చూస్తోంది. దేశంలో కాంగ్రెస్‌ వెంటిలేటర్‌పై ఉంది. ప్రధానిగా మోదీ 12 ఏళ్లు పూర్తి చేసుకున్నారు. మోదీపై అవినీతి ఆరోపణలు లేవు. తెలంగాణలో ఆర్‌ఆర్‌ ట్యాక్స్‌ వసూలు చేస్తున్నారు. 2014లో మోదీ గెలిచారు అప్పుడు ఎస్‌ఐఆర్‌ ఉందా? 2019లోనూ మోదీ విజయం సాధించారు.. అప్పుడు ఎస్‌ఐఆర్‌ ఉందా? కాంగ్రెస్‌కు మాక్‌ పార్లమెంటే కరెక్ట్‌. అందులోనైనా రాహుల్‌ ప్రధాని రోల్‌ ఎంచుకోవాలి. ఎందుకంటే రాహుల్‌ ఎప్పటికీ ప్రధాని కాలేరు’’ అని అమిత్‌ షా తెలిపారు.

హైదరాబాద్ : ఇకపై ప్రతియేటా ఇండియన్‌ మెడికల్‌ అసోసియేషన్‌ తెలంగాణ స్టేట్‌ తరపున కె. భాగ్యరెడ్డి బెస్ట్‌ కమ్యూనిటీ సర్వీసెస్‌ అవార్డ్స్‌ ఇస్తామని సంస్థ ప్రతినిధులు డాక్టర్‌ కె. భాగ్యరెడ్డి, సీనియర్‌ సైకియాట్రిస్ట్, డాక్టర్‌ సతీష్‌ చంద్రారెడ్డి, డాక్టర్‌ హరీష్‌ చంద్రారెడ్డి తెలిపారు.బంజారాహిల్స్‌లో జరిగిన అవార్డుల ప్రధానోత్సవ కార్యక్రమంలో నల్లగొండకు చెందిన డాక్టర్‌ హరినాథ్‌ కడిమికి తొలిసారిగా డాక్టర్‌ కె. భాగ్యరెడ్డి బెస్ట్‌ కమ్యూనిటీ సర్వీసెస్‌ అవార్డును అందజేశారు.ఈ సందర్భంగా వారు మాట్లాడుతూ వైద్యులను ప్రోత్సహించడంతో పాటు వైద్య రంగాన్ని మరింత బలోపేతం చేయడానికి ఇటువంటి అవార్డులు ఎంతో దోహదం చేస్తాయని అన్నారు.

హైదరాబాద్‌, రహమత్‌నగర్‌: సహజీవనానికి అడ్డుగా ఉన్నాడని ఐదేళ్ల బాలుడి గొంతునులిమి అత్యంత దారుణంగా ప్రాణం తీశాడు.. తండ్రి వరస అయిన కిరాతకుడు. రాత్రంతా గదిలోనే ఉండి తెల్లవారుజామున తల్లి వచ్చాక నిలదీయడంతో అక్కడి నుంచి పరారయ్యాడు.బోరబండ ఎస్‌హెచ్‌వో రవికుమార్‌ తెలిపిన వివరాల ప్రకారం.. నిజామాబాద్‌çకు చెందిన పవార్‌ దుర్గ(23) భర్త మధు కొంత కాలం క్రితం అనారోగ్యంతో మృతి చెందాడు. దీంతో ఓ కుమారుడు, కుమార్తెను నిజామాబాద్‌లో ఉంటున్న బావ వద్ద ఉంచి.. çహృద్రోగ సమస్యతో బాధపడుతున్న చిన్న కొడుకు విజయ్‌(5)తో కలిసి దుర్గ బోరబండలో ఉండేది. ఫుట్‌పాత్‌పై ఇనుప వస్తువులు తయారు చేసే దుకాణంలో పనిచేసేది.ఈ క్రమంలో నిజామాబాద్‌కు చెందిన నల్లవరపు విద్యాసాగర్‌(33)కు ఆమెతో పరిచయం ఏర్పడింది. నాలుగు నెలల క్రితం బోరబండ అజాంనగర్‌ బీబ్లాక్‌లో ఇల్లు అద్దెకు తీసుకుని వీరు సహజీవనం చేస్తున్నారు. ఆమె ప్రైవేటు ఆసుపత్రిలో ఉద్యోగం చేస్తుండగా.. అతడు పని వదిలేసి మద్యం తాగుతూ ఇంట్లోనే ఉండేవాడు. దుర్గ ఇంట్లో లేని సమయంలో బాలుడిని తరచూ కొట్టేవాడు.ఆదివారం సాయంత్రం విజయ్‌ని ఇంట్లోనే వదిలి తల్లి నైట్‌ డ్యూటీకి వెళ్లింది. మద్యం మత్తులో ఇంటికి వచ్చిన విద్యాసాగర్‌ నిద్రిస్తున్న విజయ్‌ గొంతు నులిమి తీవ్రంగా కొట్టాడు. దీంతో బాలుడు ప్రాణాలు వదిలాడు. ఇంట్లోనే రాత్రంతా ఉన్నాడు. అనంతరం ఏమీ తెలియనట్లు దుర్గ పనిచేసే ఆసుపత్రికి ఫోన్‌ చేసి విజయ్‌కు ఫిట్స్‌ వచ్చి కిందపడిపోయాడని చెప్పాడు.ఆమె ఇంటికి వచ్చి చూడగా విజయ్‌ చనిపోగా.. మెడపై గాయాలు కనిపించాయి. విద్యాసాగర్‌ను నిలదీయడంతో తలుపు మూసి ఆమె గొంతు నులిమే ప్రయత్నం చేశాడు. ఆమె అరుపులు విన్న చుట్టుపక్కల వారు రావడంతో పారిపోయాడు. జూబ్లీహిల్స్‌ డీసీపీ రమణారెడ్డి, ఎస్‌ఆర్‌ నగర్‌ ఏసీపీ రాఘవేంద్రరావు, బోరబండ ఎస్‌హెచ్‌వో రవికుమార్‌లు సంఘటన స్థలానికి చేరుకొని పరిశీలించారు. కేసు నమోదు చేశారు.ఇదీ చదవండి: తిన్న ప్లేట్లను కడిగేందుకు వెళ్లి... విషాదం!

హైదరాబాద్‌, జవహర్‌నగర్‌: అప్పటివరకూ స్నేహితులంతా కలిసి ఆహ్లాదంగా గడిపారు. అక్కడే వంట చేసుకొని తిని ప్లేట్లు కడిగేందుకు క్వారీ గుంతలో దిగగా.. ప్రమాదవశాత్తు నీటిలో మునిగి ఇద్దరు మృత్యువాత పడిన దుర్ఘటన జవహర్‌నగర్‌ పోలీస్‌స్టేషన్‌ పరిధిలో ఆదివారం చోటుచేసుకుంది.పోలీసులు తెలిపిన వివరాల ప్రకారం.. యాప్రాల్‌కు చెందిన ఐదుగురు స్నేహితులు రోహిత్‌ (18), సియాన్‌ (18), రక్షిత్, మురారి, పీయూష్‌ ఈత కోసం మల్కారం క్వారీ వద్దకు వెళ్లారు. క్వారీ గుంత సమీపంలోనే వంట చేసుకొని తిన్నారు. ఈ క్రమంలో తిన్న ప్లేట్లను క్వారీ నీటిలో కడుక్కునే క్రమంలో అవి నీటిలోకి జారిపోయాయి. వాటి కోసం సియాన్, రోహిత్‌ క్వారీలోకి దిగగా ప్రమాదవశాత్తు నీటిలో మునిగిపోయారు.తోటి స్నేహితులు ఎంత ప్రయత్నించినా ఆచూకీ లభించలేదు. సమాచారం అందుకున్న జవహర్‌నగర్‌ పోలీసులు ఘటన స్థలానికి చేరుకుని డీఆర్‌ఎఫ్‌ కంట్రోల్‌ రూమ్‌కు సమాచారం అందించారు. డీఆర్‌ఎఫ్‌ సిబ్బంది గాలింపు చర్యలు చేపట్టి సియాన్, రోహిత్‌ మృతదేహాలను నీటిలోంచి వెలికితీశారు. కాగా.. రోహిత్‌ సీవీఆర్‌, సియాన్‌ సీఎంఆర్ కళాశాలల్లో బీటెక్‌ చదువుతున్నట్లు సమాచారం.ఇదీ చదవండి: పతకం అందుకున్న కొద్దిసేపటికే.. మారథాన్‌లో విషాదం!

సాక్షి, హైదరాబాద్‌: ఆధునిక హంగులతో రూపొందించిన వందేభారత్‌ స్లీపర్‌ రైళ్లు ప్రత్యేక ఆకర్షణకు మారుపేరు. ఇప్పటికే ఇవి ఉత్తరాదిలో పరుగులు తీస్తున్నాయి. తాజాగా బెంగళూరు– ముంబై మధ్య వందేభారత్‌ స్లీపర్‌ పట్టాలకెక్కింది. హైదరాబాద్‌– న్యూఢిల్లీ మధ్య చాలా రోజుల క్రితమే ప్రతిపాదించిన ఈ రైలుపై మరోసారి ఆశలు చిగురిస్తున్నాయి.దక్షిణాదిలో ఈ రైలు తొలిసారి అందుబాటులోకి రావడంతో నగరం నుంచి వివిధ ప్రాంతాలకు ప్రవేశపెట్టాలని ప్రయాణికులు ఆకాంక్షిస్తున్నారు. ప్రస్తుతం ఈశాన్య ప్రాంతంలోని గౌహతి నుంచి కోల్‌కతా మధ్య వందే భారత్‌ స్లీపర్‌ నడుస్తోంది. దేశంలోనే మొదటిసారి ఈ రైలును కామాఖ్య నుంచి కోల్‌కతా మధ్య ప్రవేశ పెట్టారు. ఢిల్లీ– వారణాసి మధ్య కూడా వందేభారత్‌ స్లీపర్‌ రానుంది. దీంతో దక్షిణమధ్య రైల్వే పరిధిలో ప్రతిపాదనల్లో ఉన్న సికింద్రాబాద్‌– ఢిల్లీతో పాటు సికింద్రాబాద్‌– అయోధ్య వయా వారణాసి మధ్య వీటిని నడపాలని ప్రయాణికులు డిమాండ్‌ చేశారు. వందే భారత్‌ స్లీపర్‌ పూర్తిగా ఏసీ సదుపాయాన్ని కలిగి ఉంటుంది. మొత్తం 16 బోగీలు ఉంటాయి. ఇది పుష్‌పుల్‌ సాంకేతికతతో నడుస్తుంది. గరిష్టంగా గంటకు 130 నుంచి 160 కి.మీ వేగంతో ప్రయాణించేలా రూపొందింది.ఇప్పుటికి వందేభారత్‌ సీటర్‌లే.. ప్రస్తుతం సికింద్రాబాద్‌ నుంచి విశాఖపట్టణం వరకు రెండు వందేభారత్‌లు, సికింద్రాబాద్‌– తిరుపతి, కాచిగూడ–బెంగళూరు మధ్య వందేభారత్‌ సీటర్‌ రైళ్లు నడుస్తున్నాయి. ప్రయాణికులు ఈ రైళ్లలో కూర్చొని మాత్రమే ప్రయాణంచేస్తారు. సుదీర్ఘమైన ప్రయాణాలకు ఇవి అనుకూలం కాదు.ఈ నేపథ్యంలోనే స్లీపర్‌లకు డిమాండ్‌ ఏర్పడింది. దక్షిణమధ్య రైల్వే పరిధిలో అధునాతన సాంకేతిక పరిజ్ఞానంతో రూపొందించిన రైళ్లను నడిపేందుకు అనుకూలంగా సామర్థ్యాన్ని పెంచారు. కాజీపేట నుంచి ఢిల్లీ వరకు గ్రాండ్‌ట్రంక్‌ మార్గంలో దాదాపుగా 3వ మార్గం అందుబాటులోకి వచి్చంది. రైల్వే రక్షణ కవచ్‌ వ్యవస్థతో పాటు ఆటోమేటిక్‌ బ్లాక్‌ సిగ్నలింగ్‌ వ్యవస్థ కూడా అందుబాటులోకి వచ్చాయి. దీంతో రైళ్లు మరింత వేగంగా పరుగులు పెట్టే అవకాశం ఉంటుంది.ఇప్పుడు ఉన్న వందేభారత్‌ రైళ్ల కంటే వందేభారత్‌ స్లీపర్‌లలో ప్రయాణ సమయం బాగా తగ్గనుంది. ప్రస్తుతం హైదరాబాద్‌ నుంచి న్యూఢిల్లీకి తెలంగాణ ఎక్స్‌ప్రెస్, హజ్రత్‌ నిజాముద్దీన్‌ తదితర రైళ్లు ఉన్నప్పటికీ గంటల తరబడి వీటిలోనే గడపాల్సివస్తోంది. వందేభారత్‌ స్లీపర్‌లతో తక్కువ ప్రయాణ సమయంలో రాష్ట్ర రాజధాని నుంచి దేశ రాజధానికి రాకపోకలు సాగించేందుకు అవకాశం ఉంటుంది.నమో భారత్‌.. ఏమో..దక్షిణమధ్య రైల్వే పరిధిలో 200 కి.మీ. తక్కువ దూరంలో రాకపోకలు సాగించేందుకు నమో భారత్‌ ర్యాపిడ్‌ (లోకల్‌ ఇంటర్‌ సిటీ పుష్‌పుల్‌ ఏసీ) రైళ్లను ప్రవేశపెట్టేందుకు ప్రతిపాదించినా ఆ దిశగా ఎలాంటి పురోగతి లేదు.హమ్‌ సఫర్, జన శతాబ్ది, ఉదయ్‌ డబుల్‌ డెక్కర్, సంపర్క్‌ క్రాంతి, అంత్యోదయ లాంటి రైళ్లు సైతం ఇప్పటి వరకు కేటాయింకపోవడం గమనార్హం. ఇంటర్‌సిటీ రైళ్లు కూడా అందుబాటులోకి రాకపోవడంతో ప్రయాణికులు రోడ్డు మార్గంపైనే ఎక్కువగా ఆధారపడాల్సి వస్తోంది.ఇదీ చదవండి: స్మార్ట్‌ రూట్‌లో ఉద్యోగ వేట

హైదరాబాద్‌, గచ్చిబౌలి: మారథాన్‌లో అపశృతి చోటుచేసుకుంది. ఇందులో పాల్గొన్న సాఫ్ట్‌వేర్‌ ఇంజినీర్‌ గుండెపోటుతో మృతి చెందారు. గచ్చిబౌలి ఇన్‌స్పెక్టర్‌ కె.సైదులు తెలిపిన వివరాల ప్రకారం.. మణికొండ అల్కాపురి కాలనీకి చెందిన కొమ్మినేని గోపి (36) నాలుగేళ్లుగా ఐబీఎం కంపెనీ సీనియర్‌ కన్సల్టెంట్‌గా పని చేస్తున్నారు.ఆదివారం ఉదయం ఎన్‌ఈబీ స్పోర్ట్స్‌ ఆధ్వర్యంలో గచ్చిబౌలి స్టేడియంలో నిర్వహించిన ‘హైదరాబాద్‌ హైటెక్‌ ఫుల్‌ మారథాన్‌’లో ఆయన పాల్గొన్నారు. పరుగు పూర్తి చేసి పతకం అందుకున్న అనంతరం 8.45 గంటల సమయంలో అల్పాహారం చేసేందుకు వెళ్లే క్రమంలో.. ఒక్కసారిగా కుప్పకూలారు. వెంటనే సహచరులు, నిర్వాహక బృందం సీపీఆర్‌ చేశారు. ఆ తర్వాత గచ్చిబౌలిలోని ఓ ప్రైవేట్‌ ఆస్పత్రికి తరలించారు. పరిశీలించిన వైద్యులు అప్పటికే గోపి మృతి చెందినట్లు చెప్పారు.ప్రాథమిక విచారణలో గుండెపోటు కారణంగానే ఆయన మరణించినట్లు తెలుస్తోందని ఇన్‌స్పెక్టర్‌ తెలిపారు. మృతుడికి భార్య, మూడేళ్ల కుమారుడు ఉన్నట్లు సమాచారం. అప్పటి వరకు సరదాగా మాట్లాడిన గోపి విగతజీవిగా మారడంతో రన్నర్లు విషాదంలో మునిగారు. కేసు దర్యాప్తు చేస్తున్నట్లు పోలీసులు తెలిపారు.ఇదీ చదవండి: విద్యార్థినులపై దాడి చేసిన హేమంత్‌ కథ ముగిసినట్టేనా?

సాక్షి, హైదరాబాద్‌: భారత సైన్యంలో అగ్నివీరుల నియామకానికి సంబంధించి ఈనెల 13 నుంచి 24 వరకు ఆర్మీ రిక్రూట్‌మెంట్‌ ర్యాలీ నిర్వహించనున్నారు. గచి్చబౌలిలోని జీఎంసీ బాలయోగి అథ్లెటిక్‌ స్టేడియంలో ఈ ర్యాలీ జరగనుంది. తెలంగాణలోని మొత్తం 33 జిల్లాలకు చెందిన అభ్యర్థులు ఈ ఎంపిక ప్రక్రియలో పాల్గొనేందుకు అవకాశం కల్పించారు. అగ్నివీర్‌ జనరల్‌ డ్యూటీ, అగ్నివీర్‌ టెక్నికల్, అగ్నివీర్‌ ట్రేడ్స్‌మెన్‌ (10వ తరగతి ఉత్తీర్ణత), అగ్నివీర్‌ ట్రేడ్స్‌మెన్‌ (8వ తరగతి ఉత్తీర్ణత) విభాగాల్లో అభ్యర్థులను పరీక్షించనున్నారు.2027 నియామక సంవత్సరానికి సంబంధించిన ర్యాలీ నోటిఫికేషన్‌ ప్రకారం అడ్మిట్‌ కార్డులు పొందిన అభ్యర్థులు తమ ఒరిజినల్‌ ధ్రువపత్రాలన్నింటినీ వెంట తీసుకురావాలని ఆర్మీ అధికారులు ఆదివారం ఒక ప్రకటనలో సూచించారు. ఆర్మీ నియామక ప్రక్రియ పూర్తిగా ఆటోమేటెడ్, నిష్పక్షపాతంగా, పారదర్శకంగా జరుగుతుందని స్పష్టం చేశారు.ఉద్యోగం ఇప్పిస్తామని, ఎంపిక చేయిస్తామని చెప్పే దళారులు, మోసగాళ్ల మాటలు నమ్మొద్దని హెచ్చరించారు. నియామక ప్రక్రియలో ఏజెంట్లు, మధ్యవర్తుల ప్రమేయం ఉండదన్నారు. నియామకాలకు సంబంధించిన సందేహాల నివృత్తి కోసం సికింద్రాబాద్‌ ఆర్మీ రిక్రూట్‌మెంట్‌ కార్యాలయాన్ని 040–27740059 ఫోన్‌ నంబర్‌లో సంప్రదించాలని సూచించారు. మరిన్ని వివరాలకు www.joinindianarmy.nic.in వెబ్‌సైట్‌ను సందర్శించవచ్చని తెలిపారు.

హైదరాబాద్: హైదరాబాద్ ఫ్యాషన్ క్వీన్–2026 ఫ్యాషన్ షో ఘన విజయం సాధించింది. క్రిగర్‌మంక్ ఆర్ట్స్ స్టూడియో వ్యవస్థాపకురాలు, ఎకో ఫ్యాషన్ ఎడ్యుకేటర్ శ్రీమతి సుష్మా రెడ్డి క్యూరేషన్, దర్శకత్వంలో శనివారం కూకట్‌పల్లి వై జంక్షన్‌లోని అశోక వన్ మాల్‌లో ఈ కార్యక్రమం నిర్వహించారు.ఒకరోజు పాటు నిర్వహించిన ఈ ఫ్యాషన్ షోకు ‘ఫ్రమ్ సాయిల్ టు సాయిల్’ (నేల నుంచి మళ్లీ నేలకే) అనే ఇతివృత్తాన్ని ఎంపిక చేశారు. పర్యావరణ పరిరక్షణ, స్థిరమైన ఫ్యాషన్ విధానాలు, వస్త్ర వ్యర్థాల తగ్గింపు, భూసార పరిరక్షణపై అవగాహన కల్పించడమే లక్ష్యంగా ఈ కార్యక్రమాన్ని నిర్వహించారు. ఫ్యాషన్ రంగానికి చెందిన పలువురు మోడల్స్, డిజైనర్లు, పర్యావరణ పరిరక్షణ కార్యకర్తలు ఇందులో పాల్గొన్నారు.ఈ సందర్భంగా షో క్యూరేటర్, డైరెక్టర్ సుష్మా రెడ్డి మాట్లాడుతూ.. తన స్నేహితులు, కుటుంబ సభ్యుల సహకారంతో కార్యక్రమం ఘన విజయం సాధించిందని తెలిపారు. ‘‘మేము కేవలం ర్యాంప్‌పై నడవడం లేదు.. ఒక మంచి సామాజిక లక్ష్యం కోసం ముందుకు సాగుతున్నాం’’ అని పేర్కొన్నారు.ముఖ్య అతిథులు, గౌరవ అతిథులు, జ్యూరీ సభ్యులు, నిర్వాహక బృందం:వంశీ పల్లె: ముఖ్య అతిథి. హైదరాబాద్ మోడల్ ఏజెన్సీ సీఈఓ, ప్రముఖ నటుడు, ఫ్యాషన్ ఎంటర్‌ప్రెన్యూర్, యాడ్ ఫిల్మ్ డైరెక్టర్.విజయ్ శంకర్: గౌరవ అతిథి. తెలుగు, తమిళ చిత్ర పరిశ్రమల్లో నటుడు, వ్యాపారవేత్త.డాక్టర్ పి. సీత: గౌరవ అతిథి, జ్యూరీ సభ్యురాలు. సీనియర్ వైద్య నిపుణురాలు, లయన్స్ క్లబ్ సభ్యురాలు, సామాజిక సేవకురాలు, దాతృత్వ కార్యక్రమాల్లో చురుకైన పాత్రధారి.కె. శ్రీరంజని రెడ్డి: జ్యూరీ సభ్యురాలు. లయన్స్ క్లబ్ డైరెక్టర్ బోర్డు సభ్యురాలు, సస్టైనబిలిటీ అంబాసిడర్, దాతృత్వ కార్యక్రమాల నిర్వాహకురాలు.ఆర్. చరిత: జ్యూరీ సభ్యురాలు. పర్సనల్ ఫిట్‌నెస్ ట్రైనర్. మిసెస్ సౌత్ ఇండియా–2024 విజేత, మిసెస్ ఇండియా ఫస్ట్ రన్నరప్, మిసెస్ తెలంగాణ థర్డ్ రన్నరప్.డాక్టర్ సాజిదా ఖాన్: జ్యూరీ సభ్యురాలు. రాష్ట్రపతి అవార్డు గ్రహీత, ఆడియో ఇంజినీర్, భారతదేశపు తొలి మహిళా మ్యూజిక్ టెక్నాలజీ నిపుణురాలు.ఎ. డామియన్ రిచర్డ్: ఈవెంట్ పార్ట్‌నర్. జీకేఐ గ్రూప్స్ వ్యవస్థాపకులు, మేనేజింగ్ డైరెక్టర్.సతీష్ రెడ్డి: అవార్డులు, సర్టిఫికెట్ల స్పాన్సర్. ఎన్‌ఆర్‌ఐ రియల్టర్, ఎన్‌ఆర్‌ఐ క్లినిక్స్ సీఈఓ.దుర్గ మౌనిక: యాక్సెసరీస్ స్పాన్సర్. ఫ్యాషన్ డిజైనర్, రెసిన్ ఆర్టిస్ట్, హ్యాండ్‌మేడ్ జ్యువెలరీ డిజైనర్.హర్షిత రెడ్డి: కో-డైరెక్టర్, కోర్ టీమ్ సభ్యురాలు. ఇంటీరియర్ డిజైనర్, ఎడ్యుకేటర్, వ్యాపారవేత్త.కౌనైన్ అలీ: కోర్ టీమ్ సభ్యురాలు. ఫ్యాషన్ ఎడ్యుకేటర్, స్టైలిస్ట్, కొరియోగ్రాఫర్.స్వప్న శ్యామల: కోర్ టీమ్ సభ్యురాలు. టెక్‌ప్రెన్యూర్, ఇషానా డిజిటల్ గ్రోత్ పార్ట్‌నర్స్ వ్యవస్థాపకురాలు, మేనేజింగ్ డైరెక్టర్.సందీప్: వర్ధమాన సినీ హీరో, గౌరవ అతిథిగా పాల్గొన్నారు.ఈ కార్యక్రమాన్ని విజయవంతం చేసిన స్పాన్సర్లు, భాగస్వామ్య సంస్థలు, పోటీల్లో పాల్గొన్న కంటెస్టెంట్లు, మీడియా ప్రతినిధులు, ప్రేక్షకులకు నిర్వాహకులు కృతజ్ఞతలు తెలిపారు.ఈ కార్యక్రమాన్ని అశోక వన్ మాల్, జీకేఐ ఈవెంట్స్ అండ్ ట్రావెల్స్, క్రిగర్‌మంక్ సంయుక్తంగా నిర్వహించగా.. హ్యామ్‌స్టెక్ విద్యా భాగస్వామిగా వ్యవహరించింది.మరిన్ని వివరాలకు సంప్రదించాల్సిన వ్యక్తి శ్రీమతి సుష్మా రెడ్డి – 8074 366 965

సాక్షి, హైదరాబాద్‌: ప్రజల సొమ్ముకు, కేసుల్లో సీజ్‌ చేసిన వస్తువులకు రక్షణగా ఉండాల్సిన పోలీసే అక్రమాలకు పాల్పడడం జరిగింది. కేసు దర్యాప్తులో భాగంగా స్వాధీనం చేసుకున్న ఫోన్‌ నుంచి డబ్బులు బదిలీ చేయడంతోపాటు, అదే కేసులో సీజ్‌ చేసిన బంగారాన్ని తాకట్టుపెట్టాడు. ఈ ఘటన హైదరాబాద్‌లోని మీర్‌పేట్‌ పోలీస్‌స్టేషన్‌ పరిధిలో చోటుచేసుకుంది.పోలీసుల వివరాల ప్రకారం.. మీర్‌పేట్‌ పోలీస్‌స్టేషన్‌లో కానిస్టేబుల్‌గా పనిచేస్తున్న శ్రవణ్‌ ఈ వ్యవహారానికి పాల్పడినట్లు ఆరోపణలు వచ్చాయి. ఓ కేసులో పోలీసులు స్వాధీనం చేసుకున్న ఫోన్‌ నుంచి రూ.1.70 లక్షలను తన బంధువుల ఖాతాలకు బదిలీ చేసినట్లు గుర్తించారు. అంతేకాకుండా, అదే కేసులో పోలీసులు సీజ్‌ చేసిన బంగారాన్ని కూడా కానిస్టేబుల్‌ శ్రవణ్‌ తాకట్టుపెట్టినట్లు వెలుగులోకి వచ్చింది.విధుల్లో ఉండి బాధ్యతగా వ్యవహరించాల్సిన పోలీసే ఇలా చేయడంతో ఈ ఘటన పోలీసు వర్గాల్లో విస్మయం కలిగించింది. ఈ వ్యవహారంపై అధికారులు విచారణ చేపట్టి, కానిస్టేబుల్‌ శ్రవణ్‌పై కేసు నమోదు చేశారు. అనంతరం అతడిని అరెస్ట్‌ చేసి రిమాండ్‌కు తరలించినట్లుగా తెలుస్తోంది.ఇదీ చదవండి: 10 గంటలు నిర్బంధించి.. చిత్రహింసలు

ప్రపంచవ్యాప్తంగా యువత నుంచి వ్యక్తమవుతున్న అసమ్మతి స్వరాలను, నిరసనలను అర్థం చేసుకోవాలంటే వారు జీవిస్తున్న సామాజిక వాస్తవికతను పరిశీలించాలి. జెన్‌ జడ్‌ ఉద్యమాలను తాత్కాలిక ఆవేశంగా కొట్టి పారేయడం ఎంత పొరపాటో, వారి ప్రతి వ్యక్తీకరణను విప్లవాత్మక చైతన్యంగా చూడటం కూడా అంతే పొరపాటు. వారి ప్రశ్నల్లోని అవకాశాలను, పరిమితులను గుర్తించడం అవసరం.ఉపాధి పోటీకి విద్య ఎందుకు పరిమితమవుతోంది? అవకాశాలు కొందరికే ఎందుకు దక్కుతున్నాయి? సమానత్వం గురించి మాట్లాడే సమాజంలో కుల, వర్గ, లింగ వివక్షలు ఎందుకు కొనసాగుతున్నాయి? ప్రజాస్వామ్యంలో యువత గొంతుకు తగిన విలువ ఎందుకు దక్కడం లేదు? ఈ ప్రశ్నల వెనుక నిరుద్యోగం, ఆర్థిక అసమా నతలు, విద్య ప్రైవేటీకరణ, ప్రజాస్వామిక సంస్థలపై తగ్గుతున్న విశ్వాసం వంటి సమస్యలున్నాయి. ఒక దళిత విద్యార్థి ఎదుర్కొనే కుల అవమానానికి, ఆదివాసీ విద్యార్థి అనుభవించే సాంస్కృతిక దూరానికి, యువతి ఎదుర్కొనే వివక్షకు ప్రత్యేకమైన సామాజిక, చారిత్రక కారణాలున్నాయి. యువతను ఒకే ఆలోచనతో ఉన్న సమూహంగా చూడలేం.సామాజిక మాధ్యమాలు యువతకు తమ అనుభ వాలను వ్యక్తం చేయడానికి, అధికారిక కథనాలను ప్రశ్నించడానికి కొత్త అవకాశాలను కల్పించాయి. ఈ ప్రయాణంలో సాహిత్యానికి కీలకమైన పాత్ర ఉంది. అణగారిన ప్రజల అనుభవాలకు సాహిత్యంలో స్థానం కల్పించడం అంటే కొత్త పాత్రలను పరిచయం చేయడం మాత్రమే కాదు, సమాజాన్ని చూసే దృష్టిని మార్చడం కూడా. యువ రచయితలకు వేదికలు కల్పించడంతోపాటు వారి రచనలను వినడానికి, చదవడానికి, విమర్శనాత్మకంగా చర్చించడానికి సాహిత్య ప్రపంచం సిద్ధపడాలి.ఈ నేపథ్యంలో ‘సమూహ సెక్యులర్‌ రైటర్స్‌ ఫోరం’ అక్టోబర్‌ 31న హైదరాబాద్‌లోని వీరనారి చాకలి ఐలమ్మ మహిళా విశ్వవిద్యాలయంలో నిర్వహిస్తున్న రెండవ సమూహ యువ సాహిత్యోత్సవం ప్రాధాన్యం సంతరించుకుంది. ‘గోడల్ని ఛేదిద్దాం’ అనే నినాదంతో యువతరం సాహిత్యం, విద్యార్థుల ఆకాంక్షలు, డిజిటల్‌ మాధ్యమాలు, ఆధిపత్య వ్యవస్థలు, ప్రదర్శన కళలు వంటి అంశాలపై చర్చకు వేదిక కల్పించడం ఆహ్వానించదగిన ప్రయత్నం. యువత అభిప్రాయాలతో ఏకీభవించకపోయినా వినడం, వాదనల్లోని బలాన్ని గుర్తించడం, అవసరమైతే మన ఆలోచన లను సవరించుకోవడం నిజమైన ప్రజాస్వామిక సంభాషణ.గోడలు ఇటుకలతోనే నిర్మితమవ్వవు. అవి మన ఆలోచనల్లో, విద్యాసంస్థల్లో, సాంస్కృతిక వ్యవస్థల్లో, మనుషుల మధ్య సంబంధాల్లోనూ ఉంటాయి. వాటిని ఛేదించడానికి ఆవేశంతోపాటు వివేచన, ప్రశ్నించే స్వేచ్ఛతో పాటు బాధ్యత అవసరం. యువత భవిష్యత్తు గురించి మాట్లాడటమంటే వారు రేపు ఏం అవుతారో ఊహించడం మాత్రమే కాదు, ఈ రోజు ఎలాంటి సమాజంలో జీవిస్తున్నారో ప్రశ్నించడం కూడా!– మెర్సీ మార్గరెట్‌, కవయిత్రిఇదీ చదవండి: చెబుతున్నదొకటి చేస్తున్నదొకటి!

హైదరాబాద్‌ చరిత్ర గురించి అంతా తెలిసినట్లుగానే ఉంటుంది. ఏమీ తెలియనట్లుగా కూడా ఉంటుంది! హైదరాబాద్‌లో పుట్టి పెరిగిన జీనత్‌ఖాన్‌ ‘ది సైరన్స్‌ ఆఫ్‌ సెప్టెంబర్‌’ నవల రాయడానికి చరిత్రను అధ్యయనం చేస్తున్న క్రమంలో, తనకు హైదరాబాద్‌ చరిత్ర గురించి తెలిసింది తక్కువనే విషయం అర్థమైంది. ప్రముఖ ప్రచురణ సంస్థ పెంగ్విన్‌ ఇండియా ప్రచురించిన ఆమె నవల ‘ది సైరన్స్‌ ఆఫ్‌ సెప్టెంబర్‌’ ప్రపంచవ్యాప్తంగా ప్రశంసలు అందుకుంటోంది. ఎనిమిది సంవత్సరాల ఆమె పరిశోధనకు, కష్టానికి ఫలితం దక్కింది. తాజాగా... ముంబై లిట్‌ఫెస్ట్‌లో బెస్ట్‌ఫస్ట్‌ బుక్‌: ఫిక్షన్‌ విభాగంలో షార్ట్‌లిస్ట్‌ అయింది...‘ది సైరన్స్‌ ఆఫ్‌ సెప్టెంబర్‌’ అనేది చారిత్రక కల్పనా నవల. 1948–ఆపరేషన్‌ పోలో నేపథ్యంలో సాగే నవల. హైదరాబాద్‌ సంస్థానాన్ని భారత యూనియన్‌లో విలీనం చేసేందుకు, భారత ప్రభుత్వం 1948 సెప్టెంబర్‌ 13న చేపట్టిన సైనిక చర్య... ఆపరేషన్‌ పోలో. ‘ఆరోజు ఏంజరిగిందంటే...’ అనేదానికే జీనత్‌ఖాన్‌ పరిమితం కాలేదు. పలు కథనాల ద్వారా వివిధ రకాల సంఘటనలను ప్రభావితం చేసిన పరిస్థితులను విశ్లేషించారు.టైమ్‌మిషన్‌లో...‘ది సైరన్స్‌ ఆఫ్‌ హైదరాబాద్‌’లోకి అడుగు పెట్టడం అంటే టైమ్‌మిషన్‌లో కూర్చొని అలనాటి హైదరాబాద్‌కి వెళ్లడమే. ఈ పుస్తకం రాయడానికి ముందు హైదరాబాద్‌ చరిత్ర, సంస్కృతి...మొదలైన వాటిని లోతుగా అధ్యయనం చేశారు జీనత్‌ఖాన్‌. ‘ది సైరన్స్‌ ఆఫ్‌ సెప్టెంబర్‌ ’ రాయడానికి ప్రేరణ ఏమిటి? అనే విషయానికి వస్తే...ఒకరోజు ఖాన్‌ కూతురు ఒక పుస్తకాన్ని ఇంటికి తీసుకువచ్చింది. దక్కన్‌ చరిత్రపై రాసిన పుస్తకం అది. ‘నేను హైదరాబాద్‌ నగరంలోనే పెరిగాను. అయినప్పటికీ ఆనాటి విషయాలు పెద్దగా తెలియవని ఈ పుస్తకం చదివిన తరువాత అర్థమైంది’ అన్నారు ఖాన్‌. అప్పుడే పుస్తకం రాయాలనే ఆలోచన ఆమెకు వచ్చింది.లోతైన అధ్యయనంతన పరిశోధనలో భాగంగా ఏజీ నూరానీ రాసిన ది డిస్ట్రక్షన్‌ ఆఫ్‌ హైదరాబాద్, మీర్‌ అలీ రాసిన ట్రాజెడీ ఆఫ్‌ హైదరాబాద్, జనరల్‌ ఎల్‌ ఎడ్రూస్‌ ఆత్మకథ, అనురాధరెడ్డి రాసిన ఏవియేషన్‌ ఇన్‌ ది హైదరాబాద్‌– డొమినియన్స్‌... మొదలైన పుస్తకాలను అధ్యయనం చేశారు జీనత్‌ఖాన్‌. లార్డ్‌ మౌంట్‌బాటెన్, సర్‌ వాల్టర్‌ మాంక్టన్‌ల మధ్య జరిగిన ఉత్తరప్రత్యుత్తరాలను లండన్‌లోని బ్రిటీష్‌ మ్యూజియంలో చదివారు. బీబీíసీ ఆర్కైవ్‌లలోకి వెళ్లారు. న్యూస్‌ఫిల్మ్‌ సెగ్మెంట్స్‌లాంటివి ఆ కాలంలో వెళ్లడానికి ఖాన్‌కు సహాయపడ్డాయి. అలా రాయడం... ఎంతో సవాలు!→ దేశవిభజనతో పాటు దక్షిణ భారతదేశంలో జరిగిన సంఘటనలకు ప్రజాదరణ ΄÷ందిన సాహిత్యం, సినిమాలలో తక్కువ ప్రాధాన్యత ఇచ్చారు. కొన్ని పుస్తకాలు, సినిమాలు దేశవిభజనను చిత్రీకరించినప్పటికీ, దక్షిణ భారతదేశంలో జరిగిన నాయకీయ పరిణామాలు కేవలం విద్యాసంబంధమైన పత్రాలకే పరిమితమయ్యాయి. నా రచన ద్వారా ఒకానొక కాలానికి, ప్రదేశాలకు చెందిన తీపిజ్ఞాపకాలను అందించాను. ఆ కాలం, ప్రదేశాలు ఇక ఎప్పటికీ తిరిగిరావు.→ నవల కథాక్రమాన్ని నిర్ణయించక ముందే ‘ఫరిష్తే’ పాత్రను ఊహించుకున్నాను. నా కథానాయిక ఉన్నత వర్గానికి చెందిన మహిళ. ఆమె ఆదర్శవాది, తెలివైనది, ధైర్యవంతురాలు. నవలలోని పెద్దల వ్యక్తిత్వాలు డార్క్‌ ట్రయాడ్‌ (ప్రమాదకరమైన వ్యక్తిత్వ లక్షణాల సమ్మేళనం) కోవకు చెందినవి ఉంటాయి. వీరికి భిన్నంగా ‘ఫరిష్తే’ వ్యక్తిత్వం ఉంటుంది. ఆ కాలంలో ఒక టీనేజీ అమ్మాయికి సొంతంగా నిర్ణయాలు తీసుకునే స్వేచ్ఛ పరిమితంగానే ఉండేది. 1948 కాలం నాటి యువతి దృక్కోణం నుండి కథ రాయడం అనేది ఎంతో సవాలుతో కూడినది.→ ఆనాడు అధికారంలో ఉన్న మధ్యవయస్కుల దృక్కోణం నుంచి కథ చెప్పి ఉంటే ఖచ్చితంగా నిరుత్సాహపరిచి ఉండేది. అంగీకరించినా, అంగీకరించకపోయినా వారు మునిగిపోబోతున్న పడవను నడిపారు. ఆనాటి ఫ్యాషన్‌ ట్రెండ్స్, రవాణావ్యవస్థ... మొదలైన వాటి గురించి తెలుసుకోవడానికి 1940ల జీవితాన్ని చిత్రించిన పుస్తకాలు చదివాను, సినిమాలు చూశాను. అవి అమూల్యమైనవి.– జీనత్‌ఖాన్‌

స్పైడర్‌ మ్యాన్‌ తరహాలో వాహనాల పైనుంచి అమాంతం దూసుకెళ్లింది.. హల్క్‌లాగా ఒక కారు కింద నలిగిపోతున్న వ్యక్తిని కాపాడటానికి ఆ వాహనాన్ని పైకి ఎత్తిపడేసింది. బ్యాట్‌మ్యాన్‌ స్టైల్‌లో ఓ మహిళపై దుండగుడి కత్తి దాడిని తిప్పికొట్టింది.. బ్రూస్‌ లీ, జాకీ చాన్‌లు చేసినట్లుగా కుంగ్‌ఫూతో రఫ్పాడించింది... 13 అడుగుల ఎత్తు నుంచి దూకి పల్టీలు కొట్టింది... కారు బానెట్‌పై మోచేత్తో, సైడ్‌ డోర్‌పై మోకాలితో గట్టిగా తన్నేసింది. హాలీవుడ్‌ సూపర్‌ హీరోల రీతిలో ఇన్ని స్టంట్లు చేసింది ఎవరో కాదు.. ఓ సరికొత్త హ్యూమనాయిడ్‌ రోబో!సాక్షి, హైదరాబాద్‌: చైనాకు చెందిన యూనిట్రీ రోబోటిక్స్‌ హెచ్‌2–ఎక్స్‌ (కుంగ్‌ఫూ లెజెండ్‌ గార్డియన్‌) పేరిట సరికొత్త హ్యూమనాయిడ్‌ రోబో ప్రొటోటైప్‌ను ఆవిష్కరించింది. ఒకే రకమైన పనిని పునరావృతం చేసే హ్యూమనాయిడ్‌ రోబోలకు పూర్తి భిన్నంగా ఒక బాడీ గార్డ్‌ తరహాలో రక్షణ కల్పించగల రోబోను అభివృద్ధి చేసింది. ఈ రోబో సామర్థ్యాలను ప్రపంచానికి పరిచయం చేస్తూ దాదాపు ఒక నిడివిగల వీడియోను సామాజిక వేదికల ద్వారా విడుదల చేసింది. జంపింగ్, పంచింగ్, కుంగ్‌–ఫూ సామ­ర్థ్యాలను ఏకకాలంలో ప్రదర్శించగలగడం ఈ రోబో ప్రత్యేకత. ఇది కేవలం కెమెరాల ద్వారా నిఘా పెట్టడమే కాకుండా శత్రువులను భౌతికంగా ఎదుర్కోగలదు కూడా. బ్రూస్‌ లీ లాంటి ఫైటింగ్‌ స్కిల్స్, రోబో కాప్‌ వంటి బాడీ, సూపర్‌ కంప్యూటర్‌ లాంటి బ్రెయి­న్‌ కలిపితే ఈ రోబో అవుతుంది. 5.5 అడుగుల ఎత్తు, 65 కేజీల బరువు ఉన్న ఈ రోబో.. 8 గంటలపాటు బ్యాటరీతో పనిచేస్తుంది. 31 కోణాల్లో బాడీ కదలికలను చేపడుతుంది. అయితే దీని ధర, వాణిజ్య స్థాయిలో ఉత్పత్తి, మార్కెట్లోకి విడుదల తేదీ వంటి వివరాలను యూనిట్రీ రోబోటిక్స్‌ వెల్లడించలేదు. వచ్చే 5 ఏళ్లలో వాణిజ్య స్థాయిలో ఈ రోబో అందుబాటులోకి రావచ్చని.. ఇళ్ల ముందు నిలబడి కాపలా కాసేందుకు 2030 నుంచి 2035 వరకు సమయం పట్టొచ్చని సాంకేతిక నిపుణులు అంచనా వేస్తున్నారు.హెచ్‌2–ఎక్స్‌ రోబో ప్రత్యేక ఫీచర్లు ఇవే..» ఇది సాధారణ రోబోలా నడవడం మాత్రమే కాదు. అడ్డంకులను దాటి పైఅంతస్తుల్లోకి లేదా గోడలపైకి క్షణాల్లో దూకగలదు.» ఈ రోబోలోని ఏఐ సిస్టమ్‌లోకి ప్రపంచంలోని అత్యుత్తమ మార్షల్‌ ఆర్ట్స్‌ కుంగ్‌ఫూ పద్ధతులను ఫీడ్‌ చేశారు. దీంతో శత్రువుల దాడులను తప్పించుకుంటూనే వారిని సమర్థంగా ఎదుర్కోగలదు.» ఈ రోబో చేతులను దృఢమైన కార్బన్‌ ఫైబర్‌తోపాటు హైడ్రాలిక్‌ ప్రెజర్‌తో తయారు చేసింది. అందువల్ల ఇది విసిరే ఒక్కో పంచ్‌ శత్రువులను క్షణాల్లో అచేతనం చేయగలదు.» రోబో తల భాగంలో, శరీరంలో ఉండే థర్మల్, నైట్‌–విజన్, 4కే కెమెరాలు 360–డిగ్రీల కోణంలో చీకట్లోనూ ‘శత్రువులను’ చూడగలదు.» ఇది ముఖాన్ని మాత్రమే కాకుండా నడిచే శైలిని, గొంతును బట్టి యజమాని కుటుంబ సభ్యులు, పెంపుడు జంతువులను గుర్తిస్తుంది» ఇంట్లో లేదా కాంపౌండ్‌ లోపల జరిగే చిన్న కదలికను లేదా శబ్దాన్ని కూడా వెంటనే పసిగట్టగలదు.» ఇది యజమాని ఇంటి వైఫై, సీసీటీవీ కెమెరాలు, స్మార్ట్‌ లాక్స్‌తో కనెక్ట్‌ అయి ఉంటుంది. ఏదైనా ప్రమాదం జరిగితే వెంటనే వారి ఫోన్‌కు అలర్ట్‌ పంపుతుంది. » ఇంట్లోకి వచ్చింది దొంగ అని నిర్ధారణ అయితే పోలీసులకు సమాచారం అందిస్తూనే స్వయంగా రంగంలోకి దిగి దొంగను పట్టుకోగలదు.» యజమాని మాటలను అర్థం చేసుకొని అతని ఆదేశాల ప్రకారం ఇల్లు శుభ్రం చేయడం లేదా గేట్‌ దగ్గర కాపలా కాయడం వంటి పనులు కూడా చేస్తుంది.» ఈ రోబో చేతుల్లో టేజర్స్‌ (కరెంట్‌ షాక్‌ ఇచ్చేవి) లేదా పెప్పర్‌ స్ప్రే వంటివి అమర్చారు.» దొంగలు ఒకవేళ ఆయుధాలతో దాడి చేసినా తట్టుకొనేలా దీని శరీరాన్ని బలమైన టైటానియంతో తయారు చేశారు.రోబో ఎదురుతిరిగితే...?హెచ్‌2–ఎక్స్‌ హ్యూమనాయిడ్‌ రోబో సామర్థ్యాలు అద్భుతంగా ఉన్నప్పటికీ దీనిలో ఒకవేళ సాంకేతిక లోపాలు తలెత్తితే ప్రమా­దకరంగా మారే అవకాశం ఉందన్న ఆందోళన వ్యక్తమ­­వుతోంది. రోబో ఏదైనా పొరపాటు వల్ల యజమాని కుటుంబ సభ్యు­లను లేదా వారికి ఇంటికి వచ్చే బంధువులను దొంగలుగా భావిస్తే దాని దాడుల వల్ల ప్రాణాలకే ముప్పు ఏర్పడవచ్చు.» పిల్లలు ఆడుకుంటూ గాల్లోకి ఎగిరినా లేదా పెంపుడు జంతువులు అకస్మాత్తుగా దూకినా, రోబో వాటిని ముప్పుగా భావించి దాడి చేసే అవకాశం ఉంది.» సైబర్‌ నేరగాళ్లు ఈ రోబోలో ఒక సాఫ్ట్‌వేర్‌ బగ్‌ను ప్రవేశపెడితే అది విచక్షణ కోల్పోయి ఇంట్లోని వస్తువులను పగలగొట్టడం లేదా కనిపించిన వారిపై పంచ్‌లు కురిపించే ప్రమాదం ఉంది.

హైదరాబాద్‌: సింగరేణి కార్మికులకు తెలంగాణ ప్రభుత్వం శుభవార్త చెప్పింది. సింగరేణి ఉద్యోగులకు బోనస్‌ ప్రకటించింది రేవంత్‌ సర్కార్‌. ఒక్కో కార్మికుడికి గరిష్టంగా రూ.1,10,250 దీపావళి బోనస్‌ ప్రకటించింది. ఈ మేరకు డిప్యూటీ సీఎం భట్టి విక్రమార్క వెల్లడించారు. దీపావళి బోనస్ కోసం రూ.419 కోట్లు సింగరేణి యాజమాన్యం విడుదల చేయనుంది. సుమారు 38 వేల మంది సింగరేణి కార్మికులకు బోనస్‌ అందనుంది. నవంబర్ 5న కార్మికుల బ్యాంకు ఖాతాల్లో బోనస్ జమ అయ్యే అవకాశం ఉంది. డిప్యూటీ సీఎం భట్టి విక్రమార్క ఆదేశాలతో బోనస్ చెల్లింపునకు యాజమాన్యం ఏర్పాట్లు చేస్తుంది. నేషనల్ కోల్ వేజ్ అగ్రిమెంట్(NCWA) ఉద్యోగులకు మాత్రమే దీపావళి బోనస్ వర్తించనుంది. అధికారులకు ఈ బోనస్‌ వర్తించదు. గత ఆర్థిక సంవత్సరంలో కనీసం 30 రోజులు పనిచేసిన కార్మికులకు బోనస్ అర్హతగా నిర్ణయించారు.అర్హత పని దినాలు పూర్తి చేసిన కార్మికులకు పూర్తిస్థాయి బోనస్ ఇవ్వనున్నారు. మిగతావారికి పని దినాల ఆధారంగా చెల్లిస్తారు. దీంతో దసరా, దీపావళి బోనస్‌లతో సింగరేణి కార్మికులకు నెల రోజుల్లోనే భారీ ఆర్థిక ప్రయోజనం చేకూరినట్లయ్యింది. రెండు బోనస్‌ల రూపంలో ఒక్కో కార్మికుడికి సగటున రూ.2.65 లక్షల వరకు లబ్ధి చేకూరనుంది. దసరా, దీపావళి బోనస్‌లతో కలిపి కార్మికులకు సుమారు రూ.1,020 కోట్ల చెల్లిస్తున్నారు. దీనిలో భాగంగా సింగరేణి కార్మికులకు ముందుగానే దీపావళి శుభాకాంక్షలు తెలిపారు డిప్యూటీ సీఎం భట్టి విక్రమార్క. బొగ్గు ఉత్పత్తి వ్యయం తగ్గించి పోటీని అధిగమించాలని సింగరేణి కార్మికులకు సూచించారు. బోనస్ మొత్తాన్ని కుటుంబ అవసరాలకు వినియోగించుకోవడంతో పాటు పొదుపు చేయాలని కార్మికులకు విజ్ఞప్తి చేశారు.ఇదీ చదవండి: ‘ ఆ భూములు అమ్ముతామంటే మేం ఒప్పుకోం’

సాక్షి, హైదరాబాద్‌ : నగర వాసులను ఎట్టకేలకు భారీ వర్షం పలకరించింది. అర్నాబ్ తుఫాన్ ప్రభావంతో శుక్రవారం(అక్టోబర్‌ 30వ తేదీ) సాయంత్రం సమయంలో నగరంలోని పలు ప్రాంతాల్లో భారీ వర్షం పడింది. గచ్చిబౌలి,, హయత్‌గర్‌, ఎల్బీనగర్‌, పీర్జాదిగూడలో భారీ వర్షం కురిసింది. ఇంకా తుర్కయంజాల్, మన్నెగూడ, రాగన్నగూడ, మణికొండ, నాగారం తదితర ప్రాంతాల్లో కూడా భారీ వర్షం పడుతోంది. అంతేకాకుండా ఈసీఐఎల్, కుషాయిగూడ, నేరేడుమెట్ ప్రాంతాల్లో ఉరుములతో కూడిన వర్షం కురుస్తోంది. పలు ప్రాంతాల్లో ఒక్కసారిగా ఉరుములతో కూడిన వర్షం కురవడంతో వాహనదారులకు ఇబ్బందులెదుర్కొంటున్నారు. బంజారాహిల్స్, జూబ్లీహిల్స్ ఏరియాల్లో భారీ వర్షం కురుస్తోంది. ఈ వర్షం కారణంగా ట్రాఫిక్ జాం అయ్యింది. మరోవైపు హైదరాబాద్ వ్యాప్తంగా భారీ వర్ష సూచన ఉన్నట్లు వాతావరణ శాఖ అధికారులు హెచ్చరించారు. రాష్ట్రంలోని మిగిలిన ప్రాంతాల్లో రాబోయే ఐదారు రోజుల్లో తేలికపాటి నుండి ఒక మోస్తరు వర్షాలు కురుస్తాయని తెలుస్తోంది. నవంబర్ 2- 4 మధ్య తూర్పు తెలంగాణలో మోస్తరు నుండి భారీ వర్షాలు కురిసే అవకాశం ఉందని అంచనా వేశారు.

గోద్రెజ్‌ ఇండస్ట్రీస్‌ గ్రూప్‌లో భాగమైన వెల్త్‌ మేనేజ్‌మెంట్‌ సేవల సంస్థ గోద్రెజ్‌ వెల్త్‌ దక్షిణాదిలో తమ కార్యకలాపాలు విస్తరించింది. ఇందులో భాగంగానే.. హైదరాబాద్‌లో తమ కార్యాలయాన్ని ప్రారంభించింది. గోద్రెజ్‌ వెల్త్‌ ఇప్పటి వరకు ముంబై, ఢిల్లీ, పుణేలో విస్తరించింది. ఈ ఆర్థిక సంవత్సరం చివరికి 8 నగరాలను లక్ష్యంగా పెట్టుకుంది.దేశీయంగా అత్యంత సంపన్నుల్లో (యూహెచ్‌ఎన్‌ఐ) 6.3% మందికి, ఔత్సాహిక వ్యాపారవేత్తలు, నిపుణులకు హైదరాబాద్‌ కేంద్రంగా ఉంటున్న నేపథ్యంలో ఈ ప్రాంతంపై మరింతగా దృష్టి పెడుతున్నట్లు సంస్థ నాన్‌ ఎగ్జిక్యూటివ్‌ డైరెక్టర్‌ మనీష్‌ షా, సీబీవో నీరజ్‌ వెల్లడించారు. సుమారు రూ. 5 కోట్ల పైబడి పెట్టుబడులు పెట్టగలిగే సంపన్నులకు.. వారి రిస్క్‌ సామర్థ్యాలను బట్టి వెల్త్‌ మేనేజ్‌మెంట్‌ సేవలు అందిస్తున్నట్లు వివరించారు.ఈ ఆర్థిక సంవత్సరం ఆఖరు నాటికి రూ. 3,000 కోట్లు, 2031 నాటికి రూ. లక్ష కోట్ల ఏయూఎం (నిర్వహణలోని ఆస్తులు), 35 ప్రాంతాల్లో కార్యకలాపాల లక్ష్యాన్ని నిర్దేశించుకున్నట్లు మనీష్‌ షా వివరించారు. మరోవైపు విజయవాడకు చెందిన కనకదుర్గా ఫైనాన్స్‌ బంగారం రుణాల వ్యాపారం కొనుగోలు ప్రక్రియ పూర్తి కావొస్తోందని చెప్పారు. పసిడి రుణాల పోర్ట్‌ఫోలియోను రూ. 500 కోట్లకు పెంచుకోనున్నట్లు షా చెప్పారు.

సాక్షి, తెలంగాణ: తెలంగాణలోని పలు ప్రాంతాల్లో ఫుడ్‌సేఫ్టీ అధికారులు అధికారులు తనిఖీలు నిర్వహించారు. రంగారెడ్డి జిల్లా, ఉమ్మడి వరంగల్‌ జిల్లాల్లో చేపట్టిన ఈ దాడుల్లో నిబంధనలు ఉల్లంఘించిన 9 వ్యాపార సంస్థల లైసెన్సులను సస్పెండ్‌ చేశారు. ఆహార పదార్థాల తయారీ, విక్రయాల్లో నిబంధనలు పాటించకపోతే చర్యలు తప్పవని హెచ్చరిస్తున్నారు.హరిప్రియ ప్రోడక్ట్స్‌, దయానంద్‌ ఐస్‌క్రీమ్స్‌, రాజు ఘీ స్వీట్స్‌, శ్రీకృష్ణ ఆయిల్‌ మిల్స్‌తో సహా మొత్తం 9 యూనిట్లపై అధికారులు చర్యలు తీసుకున్నారు. అలాగే గంగా ఫుడ్‌, జీపీఆర్‌ ఫుడ్స్‌, స్వాగత్‌ స్వీట్స్‌కు షోకాజ్‌ నోటీసులు జారీ చేశారు. దీంతో లక్ష్మీ ఫుడ్స్‌, శివతార ఫ్లోర్‌ మిల్‌కు నిబంధనల ప్రకారం మార్పులు చేసుకోవాలని ఇంప్రూవ్‌మెంట్‌ నోటీసులు ఇచ్చారు.తనిఖీల్లో భాగంగా మొత్తం 5,555 కిలోల ఆహార పదార్థాలను అధికారులు సీజ్‌ చేసి ధ్వంసం చేశారు. అంతేకాకుండా నాణ్యతను పరిశీలించేందుకు 21 ఆహార నమూనాలను సేకరించారు. వాటిని పరీక్షల కోసం సంబంధిత ల్యాబ్‌లకు పంపించనున్నారు.దీంతో ఆహార పదార్థాల తయారీ, నిల్వ, విక్రయాల్లో పరిశుభ్రతతో పాటు నాణ్యతా ప్రమాణాలు తప్పనిసరిగా పాటించాలని అధికారులు సూచించారు. అయితే వినియోగదారుల ఆరోగ్యంతో చెలగాటమాడే వ్యాపార సంస్థలపై తనిఖీలు కొనసాగుతాయని, వాటిపై కఠిన చర్యలు తీసుకోవడం జరుగుతుందని ఫుడ్‌ సేఫ్టీ అధికారులు హెచ్చరికలు జారీ చేశారు.ఇదీ చదవండి: ఇంజనీరింగ్‌లో ప్రవేశాలు 79 శాతమే

పుణే: మహిళల దేశవాళీ టి20ల్లో అత్యధిక స్కోరు చేసిన జట్టుగా ఢిల్లీ రికార్డు సృష్టించింది. జాతీయ సీనియర్‌ మహిళల టి20 టోర్నమెంట్‌లో భాగంగా హైదరాబాద్‌తో జరిగిన మ్యాచ్‌లో ఢిల్లీ జట్టు ఈ ఘనత సాధించింది. తొలుత బ్యాటింగ్‌ చేసిన ఢిల్లీ నిర్ణీత 20 ఓవర్లలో 6 వికెట్ల నష్టానికి 262 పరుగులు చేసింది. మహిళల దేశవాళీల్లో ఇదే అత్యధిక స్కోరు. దీంతో 2019–20లో అరుణాచల్‌ ప్రదేశ్‌పై గోవా చేసిన 257/2 స్కోరు రెండో స్థానానికి చేరింది. ఓవరాల్‌గా మహిళల క్రికెట్‌లో ఇది 11వ అత్యధిక స్కోరు. మిగిలిన పది అంతర్జాతీయ మ్యాచ్‌లు కాగా.. దేశవాళీల్లో ఇదే అత్యధికం. ఢిల్లీ ఓపెనర్‌ తనీషా సింగ్‌ (47 బంతుల్లో 119; 25 ఫోర్లు, 1 సిక్స్‌) ధనాధన్‌ సెంచరీతో చెలరేగింది. ఈ క్రమంలో తనీషా 38 బంతుల్లో శతకం పూర్తి చేసుకుంది. మహిళల టి20ల్లో ఇది మూడో వేగవంతమైన సెంచరీ. కిరణ్‌ నవ్‌గిరే (34 బంతుల్లో), సోఫీ డివైన్‌ (36 బంతుల్లో) తొలి రెండు స్థానాల్లో ఉన్నారు. టీమిండియా ప్లేయర్‌ ప్రియా పూనియా (28 బంతుల్లో 59; 9 ఫోర్లు, 1 సిక్స్‌)తో కలిసి తనీషా రెండో వికెట్‌కు 66 బంతుల్లోనే 160 పరుగులు జోడించడంతో ఢిల్లీ భారీ స్కోరు చేయగలిగింది. శ్వేత సెహ్రావత్‌ (8 బంతుల్లో 26; 1 ఫోర్, 3 సిక్స్‌లు) మెరుపులు మెరిపించింది. హైదరాబాద్‌ బౌలర్లలో వంకా పూజ 4 వికెట్లు పడగొట్టింది. లక్ష్య ఛేదనలో హైదరాబాద్‌ 20 ఓవర్లలో 8 వికెట్లకు 154 పరుగులు చేసింది. ఓపెనర్‌ గొంగడి త్రిషా (52 బంతుల్లో 80; 10 ఫోర్లు, 3 సిక్స్‌లు) మినహా తక్కినవాళ్లంతా విఫలమయ్యారు. దీంతో ఢిల్లీ జట్టు 108 పరుగుల తేడాతో గెలిచింది.

హైదరాబాద్‌: నగరంలోని నిమ్స్‌ ఆసుపత్రిలో మరోసారి ఏసీబీ తనిఖీలు నిర్వహించింది. నిమ్స్ డాక్టర్ లక్ష్మీ భాస్కర్ వ్యవహారంలో ఏసీబీ సోదాలు కొనసాగుతూనే ఉన్నాయి. క్యాంటీన్‌తో పాటు మెడికల్ స్టోర్స్ నుంచి పెద్ద ఎత్తున లంచాలు వెళ్తున్నట్లు ఆరోపణలు రావడంతో ఏసీబీ సోదాలు చేపట్టింది. మెడికల్ స్టోర్స్ క్యాంటీన్ లో నుంచి రూ. 50 లక్షల వరకు లంచాల రూపంలో వెళ్లినట్లు ఏసీబీ గుర్తించినట్లు సమాచారం.గత నెలలో నిమ్స్‌ ఆస్పత్రిలో భారీ అవినీతి వెలుగు చూడటంతో.. నిమ్స్‌ పరిపాలనా విభాగంలో రికార్డులను ఏసీబీ అధికారులు మరొకసారి పరిశీలిస్తున్నారు. ఒకవైపు నిమ్స్ క్యాంటీన్‌లో నలుగురు అధికారులు తనిఖీలు చేపట్టగా, మరొకవైపు సర్జికల్ స్టోర్‌లో మందులు, పరికరాల నిల్వలను మరో నలుగురు అధికారుల బృందం తనిఖీలు చేసింది. ఏకకాలంలో ఏసీబీ, ఫుడ్ సేఫ్టీ, డ్రగ్ కంట్రోల్ అధికారులు సోదాలు చేపట్టి పలు రికార్డులను స్వాధీనం చేసుకున్నట్లు తెలుస్తోంది.ఇదీ చదవండి: నిమ్స్ చరిత్రలోనే తొలిసారిగా ఏసీబీ సోదాలు

సాక్షి,హైదరాబాద్‌ : మాజీ మంత్రి కొండా సురేఖ ట్వీట్‌పై బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ స్పందించారు. ‘నిజం నిలకడగా తేలుతోంది. మొన్న ఓ పేపర్‌ కూడా క్షమాపణ చెప్పింది. మాపై చాలామంది తప్పుడు ఆరోపణలు చేశారు. క్షమాపణలు చెప్పేవాళ్లు ఇంకా చాలామంది ఉన్నారు. కొండా సురేఖ ఏం ట్వీట్‌ చేశారో ఇంకా చూడలేదు’అని వ్యాఖ్యానించారు.అంతకముందు కేటీఆర్‌ను, ఆయన కుటుంబ సభ్యులను ఉద్దేశిస్తూ కొండా సురేఖట్వీట్‌ చేశారు. ఆ ట్వీట్‌లో ‘బీఆర్ఎస్ వర్కింగ్ ప్రెసిడెంట్ కేటీఆర్‌పై గతంలో నేను చేసిన కొన్ని వ్యక్తిగత వ్యాఖ్యల పట్ల వివరణ ఇవ్వాలని అనుకుంటున్నాను.అప్పటి రాజకీయ పరిస్థితుల నేపథ్యంలో, ప్రతిపక్షాన్ని విమర్శించే క్రమంలో ఆ విధంగా మాట్లాడానే తప్ప ఉద్దేశపూర్వకంగా కాదు. ఆనాడు నేను చేసిన కొన్ని నిరాధారమైన వ్యాఖ్యలు చేయకుండా ఉండవలసింది.కేటీఆర్ లేదా ఆయన కుటుంబ సభ్యులను బాధపెట్టాలని గానీ, వారి ప్రతిష్టకు భంగం కలిగించాలనే దురుద్దేశం గాని నాకు ఎంతమాత్రం లేవు. నా వ్యాఖ్యలు వారిని గానీ, వారి కుటుంబ సభ్యులను గానీ నొప్పించి ఉంటే అందుకు చింతిస్తూ, ఆ వ్యాఖ్యలను ఉపసంహరించుకుంటున్నాను’ అని పేర్కొన్నారు. ఆ ట్వీట్‌పై కేటీఆర్‌ పైవిధంగా స్పందించారు.ఇదీ చదవండి : కేటీఆర్‌కు క్షమాపణ.. కొండా సురేఖ కీలక ట్వీట్‌

ఒకవైపు ప్రపంచవ్యాప్తంగా కోట్ల మంది ప్రజలు ఆకలితో అలమటిస్తుంటే, మరోవైపు టన్నుల కొద్దీ ఆహారాన్ని వృథా చేయడం పర్యావరణానికే కాక మానవత్వానికే పెద్ద ముప్పుగా పరిణమించింది. ప్రపంచవ్యాప్తంగా ఆహార వృథా అనేది ఓ తీవ్రమైన సమస్యగా మారింది. ఐక్యరాజ్యసమితి పర్యావరణ కార్యక్రమం (యూఎన్‌ఈపీ) నివేదికల ప్రకారం చూస్తే మొత్తం ఆహార వృథా పరిమాణం పరంగా చైనా ప్రపంచంలోనే ప్రథమ స్థానంలో నిలిచింది. ఇక భారతదేశం రెండో స్థానంలో ఉంది.అయితే, ఒక్కో వ్యక్తి చేసే సగటు వృథా (పర్‌ కేపిటా వేస్ట్‌) పరంగా చూస్తే మాల్దీవుల ప్రజలు ప్రపంచంలోనే అత్యధికంగా ఆహారాన్ని వృథా చేస్తున్నారు. ఇదిలా ఉంటే దక్షిణ కొరియా మోడల్‌ ఆదర్శంగా నిలుస్తోంది. ఈ దేశం ఆహార వ్యర్థాలను ల్యాండ్‌ఫిల్స్‌లో వేయడాన్ని నిషేధించింది. అక్కడ వ్యర్థాల బరువును బట్టి ప్రజలపై పన్ను వేసే ‘పే యాజ్‌ యూ త్రో’విధానాన్ని అమలు చేసి 98% ఆహార వ్యర్థాలను రీసైకిల్‌ చేస్తోంది. - సాక్షి, హైదరాబాద్‌ఏటా ఆహార వృథాలో అగ్రస్థానంలో ఉన్న దేశాలుచైనా సుమారు 10.87 కోట్ల టన్నులుభారత్‌ సుమారు 7.81 కోట్ల టన్నులుఅమెరికా సుమారు 2.47 కోట్ల టన్నులుతలసరి వృథా ఆధారంగామాల్దీవులు: ఇక్కడ ఒక్కో వ్యక్తి ఏడాదికి సుమారు 260 కిలోల ఆహారం (ప్రపంచ సగటు కంటే ఇది రెట్టింపు).సిరియా, డొమినికన్‌ రిపబ్లిక్‌ : ఇక్కడ తలసరి వృథా 210 కిలోల కంటే ఎక్కువ.ఇండియా : సగటున ఒక వ్యక్తి ఏడాదికి 55 కిలోల ఆహారాన్ని పారేస్తున్నాడు.వృథాను తగ్గించడం ఎలా?ఆహార వృథాను అరికట్టడానికి వ్యక్తిగత స్థాయి నుంచి ప్రభుత్వ స్థాయి వరకు ఉమ్మడి బాధ్యత వహించాలి.గృహ/వ్యక్తిగత స్థాయిలో వారం మొత్తానికి కావలసిన వస్తువుల జాబితా ముందే సిద్ధం చేసుకుని అవసరమైనంత వరకే కొనాలి.పండ్లు, కూరగాయలు త్వరగా కుళ్ళిపోకుండా ఫ్రిజ్‌లో సరైన ఉష్ణోగ్రత వద్ద నిల్వ చేయాలి.రాత్రి మిగిలిపోయిన అన్నం లేదా కూరలను మరుసటి రోజు ఉదయం ఇతర వంటకాల్లో ఉపయోగించుకోవచ్చు.హోటళ్లు, ఫంక్షన్లలో ప్లేట్‌ నిండా వడ్డించుకోకుండా, కావలసినంత మాత్రమే తక్కువ పరిమాణంలో చిన్న ప్లేట్లలో వడ్డించుకోవాలి. పెళ్లిళ్లు, పార్టీలలో మిగిలిన మంచి ఆహారాన్ని వృథా చేయకుండా అనాథ శరణాలయాలకు లేదా ‘నో ఫుడ్‌వేస్ట్‌’వంటి స్వచ్ఛంద సంస్థలకు అందించాలి.తినడానికి వీలుకాని ఆహార వ్యర్థాలను (ఉదాహరణకు కూరగాయల తొక్కలు) పారేయకుండా సేంద్రియ ఎరువుగా మార్చాలి. ప్రభుత్వాలు గ్రామీణ ప్రాంతాల్లో కోల్డ్‌ స్టోరేజ్‌ కేంద్రాలను పెంచడం ద్వారా పంట నష్టాన్ని నివారించవచ్చు.ఆహార వృథాకు ప్రధాన కారణాలు..భారత్‌ వంటి అభివృద్ధి చెందుతున్న దేశాల్లో ఆహార వృథా వెనుక వేర్వేరు కారణాలు ఉన్నాయి. సరైన కోల్డ్‌ స్టోరేజీ సౌకర్యాలు లేకపోవడం, రవాణా లోపాలు, పంట పండిన తర్వాత మార్కెట్‌కు చేరేలోపే పాడైపోవడం, శుభకార్యాలు, పెళ్లిళ్లు, పండుగలు, హోటళ్లలో మిగిలిన ఆహారాన్ని పారేయడం.. ఇలాంటి కారణాలతో వృథా అవుతోంది.అమెరికా, యూరప్‌ వంటి అభివృద్ధి చెందిన దేశాల్లో వినియోగదారుల ప్రవర్తన, అవసరానికి మించి ఎక్కువగా కొనుగోలు చేయడం, సరైన నాణ్యత ప్రమాణాలు పాటించకపోవడం, చూడడానికి అందంగా లేని పండ్లు, కూరగాయలను సూపర్‌ మార్కెట్ల తిరస్కరణ, ఎక్స్‌పైరీ డేట్స్, ‘బెస్ట్‌ బి ఫోర్‌’తేదీలు దాటగానే ఆహారం బాగున్నా పారేయడం వంటి కారణాలతో వృథా జరుగుతోంది.వృథాను అరికడుతున్న ఎన్జీవోలునో ఫుడ్‌ వేస్ట్‌ : ఇది దక్షిణ భారతంలో అత్యంత క్రియాశీలకంగా పనిచేస్తున్న సంస్థ. వివాహాలు, శుభకార్యాల్లో మిగిలిన ఆహారాన్ని సేకరించడానికి వీరు ప్రత్యేక హెల్ప్‌లైన్‌ నంబర్లను నడుపుతున్నారు. సేకరించిన ఆహార నాణ్యతను తనిఖీ చేసి, ఆకలితో ఉన్నవారికి అందిస్తున్నారు.ఫీడింగ్‌ ఇండియా : జొమాటో ఆధ్వర్యంలో నడిచే ఈ సంస్థ దేశవ్యాప్తంగా వందలాది నగరాల్లో విస్తరించి ఉంది. ‘హంగర్‌ హీరోస్‌’అని పిలిచే వీరి వాలంటీర్లు హోటళ్లు, క్యాటరర్ల నుంచి మిగిలిపోయిన మంచి ఆహారాన్ని సేకరించి మురికివాడలు, అనాథ శరణాలయాల్లో పంపిణీ చేస్తున్నారు.రాబిన్‌ హుడ్‌ ఆర్మీ : ఇది పూర్తిగా యువ వాలంటీర్లతో నడిచే లాభాపేక్ష లేని సంస్థ. వీరు ఎలాంటి విరాళాలు తీసుకోరు. కేవలం రెస్టారెంట్లు, స్థానిక గృహాల నుంచి మిగిలిన లేదా అదనపు ఆహారాన్ని సేకరించి, నిరాశ్రయులకు పంచుతున్నారు.ఇండియా ఫుడ్‌ బ్యాంకింగ్‌ నెట్‌వర్క్‌ : వీరు ప్రభుత్వేతర సంస్థలు, కార్పొరేట్‌ కంపెనీలను అనుసంధానిస్తూ, ఆహార సరఫరా వ్యవస్థలో వృథాను తగ్గించడానికి జాతీయ స్థాయిలో పనిచేస్తున్నారు.ఇదీ చదవండి: కొత్త రుచులు వద్దమ్మా..

సాక్షి, హైదరాబాద్‌/అడ్డగుట్ట/రాంగోపాల్‌ పేట్‌: ఎస్‌ఐఆర్‌కు వ్యతిరేకంగా సీఈసీ జ్ఞానేశ్‌కుమార్‌ను ఆ పదవి నుంచి తొలగించాలని డిమాండ్‌ చేస్తూ వచ్చే నెల 1వ తేదీన ఢిల్లీలో ఏఐసీసీ నిర్వహించ తలపెట్టిన ఓట్‌ బచావో–దేశ్‌ బచావో ఆందోళనకు వెళ్లడా నికి టీపీసీసీ అడిగిన ప్రత్యేక రైలు వ్యవహా రం రాజకీయ రచ్చకు కారణమవుతోంది. ఈ నెల 22వ తేదీన ప్రత్యేక రైలు కోసం టీపీసీసీ దరఖాస్తు చేసింది. దక్షిణ మధ్య రైల్వే అధికారులు ఈ దరఖాస్తును 27వ తేదీన తిరస్కరించారు.రైళ్లు అందుబాటులో లేనందున ప్రత్యేక రైలు ఇవ్వలేమంటూ చెప్పారు. దీనిని నిరసిస్తూ బుధవారం టీపీసీసీ ఆధ్వర్యంలో కాంగ్రెస్‌ నేతలు రైల్‌ నిలయం వద్ద మెరుపు ధర్నాకు దిగారు. జీఎం కార్యాలయం ఎదుట జరిగిన ఈ ధర్నాలో టీపీసీసీ చీఫ్‌ బి.మహేశ్‌ కుమార్‌గౌడ్, మంత్రి పొన్నం ప్రభాకర్, రాజ్యసభ సభ్యులు వేం నరేందర్‌రెడ్డి, అనిల్‌ కుమార్‌ యాదవ్, ఎమ్మెల్యేలు నవీన్‌ యాదవ్, శ్రీగణేశ్, ఎంపీ రఘురాంరెడ్డి, డీసీసీ అధ్యక్షులు మోత రోహిత్, దీపక్‌ జాన్‌లతో పాటు పలువురు కాంగ్రెస్‌ నాయకులు, కార్పొరేషన్‌ చైర్మన్లు పాల్గొన్నారు.ఈ సందర్భంగా కేంద్ర ప్రభుత్వానికి వ్యతిరేకంగా నినాదాలు చేశారు. పోలీసులు వారిని అడ్డుకునేందుకు ప్రయత్నించడంతో ఉద్రిక్త పరిస్థితి ఏర్పడింది. అనంతరం వీరిని పోలీసులు అదుపులోకి తీసుకొని మోండా మార్కెట్‌ పోలీస్‌స్టేషన్‌కు తరలించారు. ఈ సందర్భంగా టీపీసీసీ అధ్యక్షుడు మహేశ్‌ గౌడ్‌ మాట్లాడుతూ వచ్చే నెల 1న ఢిల్లీలో జరిగే ఇండియా కూటమి నిరసన కార్యక్రమంలో పాల్గొనేందుకుగాను ప్రత్యేక రైళ్ల కోసం రైల్వే జీఎంకు పార్టీ ఎంపీలు ఆరు రోజుల క్రితం దరఖాస్తు చేశారని చెప్పారు.కాలయాపన చేసిన అధికారులు చివరి నిమిషంలో రైళ్లు ఇవ్వలేమంటూ ఉద్దేశ పూర్వకంగా నిరాకరించారని ఆరోపించారు. అమిత్‌షా సూచనల మేరకు దక్షిణాది నేతలు ఢిల్లీ నిరసన కార్యక్రమానికి రాకుండా అడ్డుకునే కుట్రలు జరుగుతున్నాయని, రైల్‌ కోసం వెళితే పోలీసులు దురుసుగా ప్రవర్తించారని ఆరోపించారు.అనుబంధ సంఘాల నేతలతో జూమ్‌ కాన్ఫరెన్స్‌ఢిల్లీ నిరసన కార్యక్రమంపై బుధవారం ఉదయం మంత్రులు పొన్నం ప్రభాకర్, వాకిటి శ్రీహరి, ఎంపీ మల్లు రవిలతో కలిసి పార్టీ అనుబంధ సంఘాల నేతలతో పీసీసీ అధ్యక్షుడు మహేశ్‌గౌడ్‌ జూమ్‌ సమావేశం నిర్వహించారు. రైళ్లకు అనుమతి నిరాకరణ వెనుక కేంద్ర ప్రభుత్వ కుట్ర ఉందని, రైలు లేకపోయినా ఢిల్లీ వెళ్లేందుకు అవసరమైన బస్సులు ఏర్పాటు చేస్తున్నామని చెప్పారు. ఈ బస్సుల్లో వెళ్లే వారికి అన్ని సౌకర్యాలు కల్పించేందుకుగాను మంత్రులు పొన్నం ప్రభాకర్, వాకిటి శ్రీహరి, ఎంపీలు మల్లురవి, బలరాం నాయక్, చామల కిరణ్‌లతో కమిటీ వేసినట్టు చెప్పారు. ఎన్ని అడ్డంకులు వచ్చినా కాంగ్రెస్‌ నేతలు పెద్ద ఎత్తున ఢిల్లీ అందోళనకు తరలివెళ్లి తెలంగాణ సత్తా చాటాలని మహేశ్‌గౌడ్‌ పిలుపునిచ్చారు.ఇదీ చదవండి: తొలుత హేతుబద్ధీకరణ!

సాక్షి, హైదరాబాద్‌: విశ్వవిద్యాలయాల్లో అధ్యాపక పోస్టుల భర్తీపై సందిగ్ధత నెలకొంది. వీసీల ప్రతిపాదనపై ప్రభుత్వం పునరా లోచనలో పడింది. హేతుబద్ధీకరణ చేపట్టా లని భావిస్తోంది. ఈ ప్రక్రియ పూర్తయిన తర్వాతే నియామక నోటిఫికేషన్లు విడుద లయ్యే వీలుంది. విద్యార్థులు ఎక్కువ చేరే కోర్సుల్లో కనీస స్థాయిలో పోస్టులు లేవు. విద్యార్థులే చేరని కోర్సుల్లో మాత్రం రెట్టింపు పోస్టులు మంజూరు చేశారు. దీనివల్ల సమ తూకం దెబ్బతింది. ఈ అంశాన్ని కొంతమంది సీఎం దృష్టికి తీసుకెళ్ళారు.ఈ నేపథ్యంలో విద్యాశాఖ కార్యదర్శి సోమవారం వీసీలతో సమావేశం నిర్వహించారు. కొన్నేళ్ళ క్రితం చేసిన ప్రతిపాదన మేరకు పోస్టులు మంజూరు అయ్యాయని వీసీలు తెలిపారు. అయితే తాజా అవసరాన్ని గుర్తించలేదని విద్యాశాఖ ఉన్నతాధికారులు అన్నట్టు తెలిసింది. దీనికి వీసీల నుంచి సరైన సమాధానం రాలేదు. మరోవైపు పోస్టుల మంజూరులో హేతుబద్ధీకరణ లోపించినట్టుగా ఉన్నత విద్యా మండలి గుర్తించింది. దీనిపై పునరాలోచన చేయాలని ప్రభుత్వానికి తెలిపినట్టు తెలిసింది.అలాగే ప్రస్తుతం కాంట్రాక్టు పోస్టుల్లో ఉన్న అధ్యాపకుల్లో విశ్వాసం కల్పించాల్సిన అవసరాన్ని ప్రభుత్వం దృష్టికి తేవాలని భావిస్తోంది. వీటన్నింటి నేపథ్యంలో హేతుబద్ధీకరణ చేపట్టాలని ప్రభుత్వం తాజాగా నిర్ణయించినట్టు తెలిసింది.ఇష్టానుసారం పోస్టులు మంజూరుప్రభుత్వం ఏడు యూనివర్సిటీలకు 429 అసిస్టెంట్‌ ప్రొఫెసర్‌ పోస్టులను మంజూరు చేసింది. ఇప్పటికే ఈ యూనివర్సిటీల్లో 2 వేలకు పైగా కాంట్రాక్టు అధ్యాపకులు పని చేస్తున్నారు. వీరిలో కొంతమంది కొత్త పోస్టుల వైపు వెళ్ళే అవకాశం ఉంది. కొంతమంది పదవీ విరమణ వయసుకు దగ్గరగా ఉన్నారు. అయితే ఏ ఫ్యాకల్టీలో ఎంతమంది ఉన్నారు? ఏ బ్రాంచీలో ఎక్కువ మంది విద్యార్థులు చేరుతున్నారు? అవస రం ఉన్న పోస్టులేంటి? అనే అంశాలపై వీసీలు కసరత్తు చేయలేదనే విమర్శలు న్నాయి. కొన్నేళ్ళుగా ఉన్న ఖాళీల జాబితానే ప్రభుత్వానికి పంపారు.వాస్తవానికి గత పదేళ్లలోనే డిమాండ్‌ కోర్సుల స్వరూపం పూర్తిగా మారిపోయింది. ఈ అంశాలను వీసీలు పరిగణనలోనికి తీసుకోలేదని అంటున్నారు. ఇక మంజూరైన 429 పోస్టుల్లో అత్యధికంగా ఉస్మానియా యూనివర్సిటీ పరిధిలో 252 ఉన్నాయి. ఈ యూని వర్సిటీలో గడచిన నాలుగేళ్ళుగా 75 శాతం విద్యార్థులు కంప్యూటర్‌ సైన్స్‌ బ్రాంచీలో చేరుతున్నారు. సివిల్, మెకానికల్, ఈఈఈ బ్రాంచీలకు డిమాండ్‌ పడిపోయింది. అయినప్పటికీ కంప్యూటర్‌ సైన్స్‌ కోర్సుకు కేవలం 4 పోస్టులే కేటాయించారు. కనీసం 12శాశ్వత పోస్టుల అవసరం ఉందని అక్కడి ప్రొఫెసర్లు చెబుతున్నారు.సివిల్‌ విభాగంలో డిమాండ్‌ పూర్తిగా పడిపోయి నప్పటికీ, ఈ బ్రాంచీకి ఏకంగా 15 పోస్టులు మంజూరు చేశారు. ఇక విద్యార్థులు మెకా నికల్‌ ఇంజనీరింగ్‌ వైపే చూడటం లేదు. అయినా ఈ విభాగానికి ఏకంగా 12 పోస్టులు మంజూరు చేశారు. ఫిజికల్‌ ఎడ్యుకేషన్‌లో చేరేవారి సంఖ్య నామ మాత్రంగా ఉంటోంది. ఈ విభాగానికి ఏకంగా 13 పోస్టులు ఇచ్చారు. న్యాయవాద కోర్సుల్లో ప్రవేశానికి నిర్వహించే లాసెట్‌కు ప్రతి ఏటా విద్యార్థుల సంఖ్య తగ్గుతోంది. అయినా ఈ విభాగానికి 16 పోస్టులు ఇచ్చారు.అతి తక్కువ అడ్మిషన్లు ఉండే అరబిక్, ఫ్రెంచ్, జర్మనీ, కన్నడ, రష్యన్‌ వంటి విదేశీ భాషల అధ్యాపకులకు పోస్టులు మంజూరు చేశారు. బాటనీ, కెమిస్ట్రీ, జువాలజీ పోస్టులు మాత్రం అవసరమైన మేర ఇవ్వలేదు. ఇలా వీసీలు ఇష్టానుసారం చేసిన ప్రతిపాదనలపై ముఖ్యమంత్రి కార్యాలయానికి అనేక ఫిర్యాదులు వస్తున్నాయి. దీనిపై సీఎంవో దృష్టి పెట్టినట్టు ఓ ఉన్నతాధికారి తెలిపారు.జేఎన్‌టీయూహెచ్‌కు ఎగనామం!రాష్ట్రవ్యాప్తంగా సాంకేతిక విద్యను అందించే ఏకైక యూనివర్సిటీ జేఎన్‌టీయూహెచ్‌. 149 ప్రైవేటు కాలేజీలకు ఇది అనుబంధ గుర్తింపు ఇస్తోంది. ఈ వర్సిటీ పరిధిలో కొత్త కాలేజీలు ఏర్పాటు చేశారు. అన్నిచోట్లా అధ్యాపకుల కొరత ఉంది. ఈ విషయాన్ని పాలక మండలి ఎన్నోసార్లు ప్రభుత్వం దృష్టికి తెచ్చింది. కనీసం 120 పోస్టులు మంజూరు చేయాలని కోరింది. అయితే తాజా నియామకాల్లో జేఎన్‌టీయూహెచ్‌కు ఒక్క పోస్టు కూడా ఇవ్వలేదు. దీనిపై తీవ్ర విమర్శలు వస్తున్నాయి.ఈ విషయాన్ని గవర్నర్‌ దృష్టికి తీసుకెళ్ళాలని జేఎన్‌టీయూహెచ్‌ ఉన్నతాధికారులు భావిస్తున్నట్టు తెలిసింది. విద్యాశాఖ ఉన్నతాధికారులకు, జేఎన్‌టీ æయూహెచ్‌కు మధ్య వివాదమే పోస్టులపై నిర్లక్ష్యానికి కారణమన్న విమర్శలు వస్తున్నాయి. వివాదం గవర్నర్‌ వరకూ వెళ్తే బాగుండదని ప్రభుత్వం భావిస్తోంది. దీంతో ఈ వర్సిటీకి పోస్టులపైనా చర్చించాకే నోటిఫికేషన్లు ఇవ్వాలని భావిస్తున్నట్టు తెలిసింది.ఇదీ చదవండి: మోడల్‌ స్కూళ్లలో 776 మంది ఔట్‌సోర్సింగ్‌ సిబ్బంది

హైదరాబాద్‌, లక్డీకాపూల్‌: ఆంధ్రప్రదేశ్‌లో ప్రజాస్వామ్యం ప్రమాదంలో పడిందని, భవిష్యత్తులో రాష్ట్రంలో ఎన్నికల నిర్వహణే ప్రశ్నార్థకంగా మారే పరిస్థితులు కనిపిస్తున్నాయని పలువురు మేధావులు, జర్నలిస్టులు తీవ్ర ఆందోళన వ్యక్తం చేశారు. ప్రస్తుత స్థానిక సంస్థల ఎన్నికలను చంద్రబాబు ప్రభుత్వం ఒక ప్రహసనంగా మార్చేసిందని వారు విమర్శించారు. ఎన్నికల్లో హింసాత్మక ఘటనలు, అక్రమాల నేపథ్యంలో ‘ఆంధ్రప్రదేశ్‌లో స్థానిక సంస్థల ఎన్నికల ప్రక్రియ వైఫల్యం–ప్రజాస్వామ్య పరిరక్షణ’ అన్న అంశంపై ‘ఓపెన్‌ మైండ్స్‌ ఫోరం’ బుధవారం ఒక రౌండ్‌ టేబుల్‌ సమావేశాన్ని నిర్వహించింది.హైదరాబాద్‌ ప్రెస్‌ క్లబ్‌లో ఫోరం ప్రెసిడెంట్‌ ప్రొఫెసర్‌ ఎన్‌. రాజశేఖర్‌ రెడ్డి నిర్వహించిన ఈ సమావేశంలో రిటైర్డ్‌ ఐపీఎస్‌ అధికారి ఏ. హనుమంతరెడ్డి, సీనియర్‌ జర్నలిస్టులు దేవులపల్లి అమర్, విజయబాబు, సీనియర్‌ చార్టర్డ్‌ అకౌంటెంట్‌ వై. ఈశ్వర ప్రసాద్‌రెడ్డి, రాజకీయ విశ్లేషకులు, సీఏ నాగార్జున రెడ్డి, నవోరోజిరెడ్డి, ఇంద్రనీల్‌ తదితరులు పాల్గొన్నారు. ఏపీలోని ప్రస్తుత రాజకీయ, సామాజిక పరిస్థితులపై వక్తలు సుదీర్ఘంగా చర్చించారు. ‘నేరమే అధికారమై ఏపీలో ఊరేగుతోంది. స్థానిక సంస్థల ఎన్నికల ప్రక్రియలో ప్రజాస్వామ్య విలువలను పూర్తిగా తుంగలో తొక్కారు.అధికార పక్షం అక్రమాలకు, హింసకు పాల్పడుతూ ఎన్నికల వ్యవస్థను నిర్వీర్యం చేస్తోంది. ఓటుకు గౌరవ, మర్యాదలు లేకుండా చేస్తున్నారు. క్షేత్రస్థాయిలో జరుగుతున్న దాడులు, బెదిరింపుల వల్ల సామాన్య ప్రజలు ఓటు హక్కును స్వేచ్ఛగా వినియోగించుకునే పరిస్థితి లేకుండా పోయింది. ఉన్నత న్యాయస్థానాల తీర్పులను సైతం లెక్కచేయని పరిస్థితులు రాష్ట్రంలో నెలకొనడం దారుణం. ఇలాంటి హింసాత్మక రాజకీయాలు, ఎన్నికల అక్రమాలు కొనసాగితే భవిష్యత్తులో ప్రజాస్వామ్యం ఉనికే ప్రమాదంలో పడుతుంది. రాష్ట్రంలో ప్రజాస్వామ్య పరిరక్షణకు మేధావులు, జర్నలిస్టులు, ప్రజాసంఘాలు కలిసికట్టుగా పోరాడాల్సిన అవసరం ఉంది. ముఖ్యంగా ప్రజాస్వామ్య పరిరక్షణకు ఈ అంశంపై జెన్‌జీ స్పందించాల్సిన అవసరం ఉంది’ అని పేర్కొన్నారు.అధికారం కోసం విధ్వంసంప్రజల కోసం ప్రజల గురించి ఆలోచించే తత్వం ప్రభుత్వానికి లేకుండా పోయింది. స్వార్థం కోసం పని చేస్తున్న ప్రభుత్వ వైఖరితో ఏపీ ప్రమాదకరమైన స్థితిలో ఉంది. రాజకీయాలకే స్ఫూర్తినిచ్చిన వావిలాల గోపాలకృష్ణయ్య, పుచ్చలపల్లి సుందరయ్య వంటి నాయకులను చూశాం. కానీ ప్రస్తుతం అధికారంలో ఎప్పటికీ తామే ఉండాలన్న కుటిల వైఖరితో విధ్వంసాన్ని సృష్టిస్తున్నారు. ఎలా కోట్లు సంపాదించాలన్నదే తప్ప.. ప్రజలకు ఎలా సేవలందించాలన్న ఆలోచనే లేదు.– వై. ఈశ్వర ప్రసాద్‌రెడ్డి, సీనియర్‌ చార్టర్డ్‌ అకౌంటెంట్‌ఇదీ చదవండి: ఆ జిల్లాలకు 30 వరకు కరెంట్‌ ఇవ్వలేం

సాక్షి, హైదరాబాద్‌: రాష్ట్రంలో ఓటర్ల జాబితా ప్రత్యేక విస్తృత సవరణ (సర్‌), 2026 ప్రక్రియ ప్రారంభానికి ముందు, ప్రారంభమైన తర్వాత కలిపి వివిధ దశల్లో ఇప్పటివరకు 78,97,034 మంది ఓటర్లను తొలగించారు. రాష్ట్ర ఎన్నికల ప్రధాన అధికారి (సీఈఓ) కార్యాలయం వెల్లడించిన తాజా గణాంకాలు ఈ మేరకు రాష్ట్రంలో చోటుచేసుకున్న భారీ ఓట్ల తొలగింపును వెలుగులోకి తెచ్చాయి. ‘సర్‌–2026’ ప్రక్రియ చేపట్టడానికి ముందు రాష్ట్రంలో 3,38,26,448 మంది ఓటర్లుండగా, ఆగస్టు 17న 73,39,235 మంది ఓటర్లను తొలగించి 2,64,87,213 మంది ఓటర్ల పేర్లతో ముసాయిదా ఓటర్ల జాబితాను ప్రకటించారు. దీంతో ఇప్పటివరకు 73 లక్షల మంది ఓటర్లను తొలగించారనే భావనే సర్వత్రా ఉంది. వాస్తవానికి రాష్ట్రంలో సర్, 2026 ప్రక్రియ ప్రారంభా నికి ముందు.. ఈ ఏడాది జనవరి 1 నుంచి జూన్‌ 14 మధ్య కాలంలో 4,54,340 మంది ఓటర్లను తొలగించారు.‘ఈఆర్వో నెట్‌’ సాఫ్ట్‌వేర్‌ ద్వారా డెమోగ్రాఫిక్‌ సిమిలర్‌ ఎంట్రీస్‌ (డీఎస్‌ఈ), ఫొటో సిమిలర్‌ ఎంట్రీస్‌ (పీఎస్‌ ఈ) కలిగి ఉన్న ఓటర్లను గుర్తించి ఈ మేరకు భారీ సంఖ్యలో ఓటర్లను కేంద్ర ఎన్నికల సంఘం స్వయంగా తొలగించడం గమనార్హం. ఒకే తరహా ఓటరు పేరు, బంధువు పేరు, బంధుత్వం, పుట్టిన తేదీ, లింగం కలిగి ఒకటి కంటే ఎక్కువ సార్లు ఓటర్ల జాబితాలో పేరు కలిగిఉన్న వారిని ఈ సాఫ్ట్‌వేర్‌ ద్వారా ‘డీఎస్‌ఈ’ ఓటర్లుగా గుర్తించి తొలగించారు.ఓటర్ల ఫొటోలూ ఒకే తరహాలో ఉన్నా ఇదే సాఫ్ట్‌వేర్‌ గుర్తిస్తుంది. వీరిని పీఎస్‌ఈ ఓటర్లుగా గుర్తించి తొలగించారు. వాస్తవానికి జనవరి 1 నుంచి జూన్‌ 14 మధ్య ఓటర్ల తొలగింపు కోసం మొత్తం 5,13,375 ఫారం–7 దరఖాస్తులు రాగా, 4,54,340 ఓటర్లను తొలగించారు. మరో 47,303 ఫారం–7 దరఖాస్తులను తొలగించి మిగిలిన 11,732 దరఖాస్తుల విషయంలో నిర్ణయాన్ని పెండింగ్‌లో ఉంచారు. ఇలా తొలగించిన ఓటర్లందరూ డీఎస్‌ఈ, పీఎస్‌ఈ ఓటర్లేనని సీఈఓ కార్యాలయవర్గాలు ధ్రువీకరించాయి. ఇదంతా రాష్ట్రంలో సర్‌ ప్రక్రియ ప్రారంభానికి ముందు జరిగింది.సర్‌ ప్రారంభమైన తర్వాత..సర్‌ ప్రక్రియ ప్రారంభమైన తర్వాత నిర్దేశిత గడువులోగా ఎన్యూమరేషన్‌ ఫారాన్ని నింపి తిరిగి ఇవ్వకపోవడంతో .. ఆచూకీ లేరు/శాశ్వతంగా నివాసం మారారు/చనిపోయారు/ మరోచోట ఓటుకలిగి ఉన్నారనే కారణం చెప్పి మరో 73,39, 235 మంది ఓటర్లను తొలగించారు. ఇదే ఎన్యూమరేషన్‌ దశలో 11,732 మంది ఓటర్ల తొలగింపు కోసం ఫారం–7 దరఖాస్తులు రాగా, 228 ఓటర్ల పేర్లను తొలగించారు.ఇక ముసాయిదా జాబితా ప్రకటించాక నిర్దే శిత గడువు అక్టోబర్‌ 7 వరకు మళ్లీ కొత్త ఓటర్ల నమోదుకు దరఖాస్తులు, ఓటర్ల తొలగింపునకు అభ్యంతరాలు స్వీకరించారు. ముసాయిదా ఓటర్ల జాబితాలోని 15,442 మంది ఓటర్లను తొలగించాలని కోరుతూ ఫారం–7 రూపంలో అభ్యంతరాలు దాఖలు కావడంతో 12,827 మంది ఓటర్లను తొలగించారు. ఇలా మూడో దశలో తొలగించిన ఓటర్లను పరిగణనలోకి తీసుకుంటే మొత్తం తొలగించిన ఓటర్ల సంఖ్య 78,06,620కు ఎగబాకింది.ఇక దరఖాస్తులు, అభ్యంతరాల దాఖలుకు గడువు అక్టోబర్‌ 7తో ముగిసిన తర్వాత సైతం ఓటర్ల తొలగింపు కోసం ఏకంగా 43,522 ఫారం–7 దర ఖాస్తులు రాగా, ఇప్పటి వరకు 40,662 మంది ఓటర్లను తొలగించారు. సర్, 2002 జాబితాలో పేరు లేకపోవడంతో మ్యాపింగ్‌ జరగని ఓటర్లతో పాటు పేరు ఉన్నా వివరాల్లో తేడాలున్న ఓటర్లు కలిపి మొత్తం 92,88,188 మంది ఓటర్లకు ఎన్నికల సంఘం నోటీసులు జారీ చేసి విచారణ చేపట్టింది. అనంతరం 89,63,065 ఓటర్లను అర్హులుగా నిర్ధారించగా, మరో 49,742 మందిని అనర్హులుగా తేల్చి తొలగించారు. ఈ విధంగా పలు దశల్లో రాష్ట్రంలో మొత్తం 78,97,034 మంది ఓటర్లను తొలగించారు.ఇదీ చదవండి: త్వరలో 15 వేల ఉద్యోగాల భర్తీ

సాక్షి, హైదరాబాద్‌: రాష్ట్ర ప్రభుత్వం త్వరలో మరో 15 వేల ఉద్యోగాలను భర్తీ చేయనున్నట్లు రెవెన్యూ శాఖ మంత్రి పొంగులేటి శ్రీనివాస్‌రెడ్డి చెప్పారు. ఈ మేరకు నోటిఫికేషన్లు వెలువడనున్నాయని తెలిపారు. ఇప్పటికే 72 వేల ఉద్యోగాలను భర్తీ చేశామని అన్నారు. లక్షలాది నిరుద్యోగులకు ఉచితంగా ఆన్‌లైన్‌ శిక్షణను ఇప్పించడానికి ‘పీఎస్‌ఆర్‌ యువ నేస్తం’కార్యక్రమం ఉపయోగపడుతుందని ఆశాభావం వ్యక్తం చేశారు.బుధవారం తన జన్మ దినం సందర్భంగా పీఎస్‌ఆర్‌ చారిటబుల్‌ ట్రస్ట్‌ ద్వారా ‘పీఎస్‌ఆర్‌ యువ నేస్తం’పేరిట అమలు చేస్తున్న ఆన్‌లైన్‌ శిక్షణను పొంగులేటి సచివాలయంలో ప్రారంభించి మాట్లాడారు. ‘పీఎస్‌ఆర్‌ యువ నేస్తం’ద్వారా ఎన్ని లక్షల మందికైనా ఆన్‌లైన్‌లో ఉచిత శిక్షణ అందిస్తామని తెలిపారు. ఆర్థిక పరిస్థితులు, శిక్షణ ఖర్చులు, దూరప్రాంతాల సమస్యలు యువత లక్ష్య సాధనకు అడ్డంకులు కాకూడదనే ఉద్దేశంతోనే ఉచిత ఆన్‌లైన్‌ శిక్షణకు శ్రీకారం చుట్టామన్నారు.ప్రతిష్టాత్మక ఆర్‌సీ ఎగ్జామ్స్‌ సంస్థ సహకారంతో పోటీ పరీక్షలకు సిద్ధమవుతున్న యువతకు ఈ రోజు నుంచి ఏడాది పాటు ఈ ఉచిత శిక్షణ ఉంటుందని చెప్పారు. 2014లో తాను ఎంపీగా ఎన్నికైన తర్వాత 2016లో ఖమ్మం ప్రాంతంలో నిరుద్యోగ యువత కోసం ప్రత్యేక శిక్షణ కార్యక్రమాన్ని నిర్వహించామని, 462 మంది వివిధ ప్రభుత్వ శాఖల్లో ఉద్యోగాలు సాధించారని గుర్తు చేశారు.దీపావళిలోగా జర్నలిస్టులకు ఇళ్ల స్థలాల తీపి కబురుసీఎం రేవంత్‌రెడ్డిని బుధవారం కలిసిన సందర్భంలో పాత్రికేయుల ఇళ్ల స్థలాల అంశం చర్చకు వచ్చిందని పొంగులేటి తెలిపారు. వచ్చే దీపావళిలోగా ఈ సమస్యను పరిష్కరించేందుకు సీఎం అంగీకరించారని చెప్పారు. దీనిపై జర్నలిస్టులు హర్షం వ్యక్తం చేశారు. మంత్రి పుట్టినరోజున తమకు శుభవార్త వచ్చిందని అన్నారు. ఈ కార్యక్రమంలో మంత్రి వాకిటి శ్రీహరి, ఎంపీ రామసహాయం రఘురామిరెడ్డి, ఎమ్మెల్యేలు లక్ష్మారెడ్డి, వేముల వీరేశం, శిక్షణా సంస్థ ప్రతినిధులు పాల్గొన్నారు.ఢిల్లీలో ఆటంకాలు.. హైదరాబాద్‌లో పాదయాత్రలా?ప్రజాస్వామ్యం, నిరసన తెలిపే హక్కుల గురించి మాట్లాడుతున్న బీఆర్‌ఎస్‌ నాయకులు గతంలో తమ పాలనలో అనుసరించిన విధానాలను ఒకసారి గుర్తు చేసుకోవాలని పొంగులేటి అన్నారు. గతంలో నిరసనలు, ధర్నాలకు అవకాశం లేకుండా ఇందిరాపార్క్‌లో ధర్నా చౌక్‌ను ఎత్తివేసిన వారే ఇప్పుడు ప్రజాస్వామ్యం గురించి మాట్లాడుతున్నారని విమర్శించారు.బుధవారం సచివాలయంలో మీడియాతో మాట్లాడుతూ.. కాంగ్రెస్‌ ప్రభుత్వం అధికారంలోకి వచ్చిన తర్వాత ధర్నాచౌక్‌ను పునరుద్ధరించి, ప్రజలు తమ అభిప్రాయాలను స్వేచ్ఛగా వ్యక్తం చేసేందుకు అవకాశం కల్పించిందని తెలిపారు. నవంబర్‌ 2న హైదరాబాద్‌లో కేంద్ర హోం మంత్రి అమిత్‌ షా పాదయాత్రపై స్పందిస్తూ.. ఢిల్లీలో నిరసనలకు ఆటంకాలు కల్పిస్తూ, తెలంగాణలో పాదయాత్రలు చేపట్టాలని బీజేపీ నాయకులు భావించడం ఏమిటని ప్రశ్నించారు.‘సర్‌’పై సమగ్ర పునఃపరిశీలన జరిపి, అర్హులైన ప్రతి ఒక్కరికీ ఓటు హక్కు కల్పించాలని కాంగ్రెస్‌ డిమాండ్‌ చేస్తోందని చెప్పారు. ఈ మేరకు నవంబర్‌ 1న ఢిల్లీలో భారీ ర్యాలీ నిర్వహించాలని కాంగ్రెస్‌ పార్టీ, ఇండియా కూటమి పిలుపునిచ్చాయని, దీంతో దేశవ్యాప్తంగా లక్షలాది మంది తరలివెళ్లేందుకు సిద్ధమవుతున్న నేపథ్యంలో రైలు బోగీలు కేటాయించాలని కోరినా కేంద్రం అనుమతులు ఇవ్వడం లేదని విమర్శించారు. రైల్వే కేంద్రంలో అధికారంలో ఉన్న పార్టీ సొత్తు కాదని, భారత ప్రజల ఆస్తి అని మంత్రి అన్నారు.ఇదీ చదవండి: మోడల్‌ స్కూళ్లలో 776 మంది ఔట్‌సోర్సింగ్‌ సిబ్బంది

సాక్షి, హైదరాబాద్‌: తెలంగాణలోని 194 మోడల్‌ స్కూళ్లలో నాలుగు కేటగిరీలకు చెందిన ఔట్‌సోర్సింగ్‌ సిబ్బందిని నియమించేందుకు పాఠశాల విద్యాశాఖ ఆదేశాలు జారీచేసింది. ఒక్కో పాఠశాలలో ఒక ఆర్ట్‌ టీచర్, ఒక యోగా టీచర్, ఒక కంప్యూటర్‌ టీచర్, ఒక లైబ్రేరియన్‌ను నియమించనున్నారు. ఈ మేరకు పాఠశాల విద్యాశాఖ డైరెక్టర్‌ నవీన్‌ నికోలస్‌ అక్టోబర్‌ 20న జిల్లా కలెక్టర్లకు లేఖ రాశారు. మేడ్చల్‌–మల్కాజిగిరి, జోగుళాంబ గద్వాల, భద్రాద్రి కొత్తగూడెం జిల్లాలు, హైదరాబాద్‌ మినహా మిగిలిన జిల్లాల కలెక్టర్లు నియామక చర్యలు చేపట్టాలని సూచించారు. ప్రభుత్వ అనుమతి ప్రకారం ఈ నియామకాలు నవంబర్‌ 1, 2026 నుంచి మార్చి 31, 2027 వరకు లేదా అవసరం ముగిసే వరకు.. ఈ రెండింటిలో ఏది ముందైతే అప్పటివరకు కొనసాగుతాయి.అర్హులైన అభ్యర్థులను ఇప్పటికే ఉన్న ఔట్‌సోర్సింగ్‌ ఏజెన్సీల ద్వారా లేదా కొత్త ఏజెన్సీల ద్వారా నియమించుకోవాలని ఆదేశాల్లో పేర్కొన్నారు. ఆర్ట్‌ టీచర్, యోగా టీచర్, కంప్యూటర్‌ టీచర్‌కు నెలకు రూ.22,750 చొప్పున, లైబ్రేరియన్‌కు రూ.19,500 చొప్పున వేతనం నిర్ణయించారు. మొత్తం 194 పాఠశాలల్లో నాలుగు పోస్టుల చొప్పున 776 పోస్టులు అందుబాటులోకి రానున్నాయి.అర్హతలివీ..: ఆర్ట్‌ టీచర్‌ పోస్టుకు ఫైన్‌ ఆర్ట్స్‌లో మాస్టర్స్‌ లేదా బ్యాచిలర్స్‌ డిగ్రీతోపాటు పెయింటింగ్, శిల్పకళ, కమర్షియల్‌ ఆర్ట్స్, ప్రింట్‌ మేకింగ్, యానిమేషన్‌ వంటి విభాగాల్లో అర్హత ఉండాలి. యోగా టీచర్‌ పోస్టుకు గ్రాడ్యుయేషన్‌తోపాటు యోగాలో డిప్లొమా లేదా డిగ్రీ, యోగా స్పెషలైజేషన్‌తో బీఎడ్‌/బీపెఎడ్‌ అర్హతల్లో పేర్కొన్న నిబంధనలు వర్తిస్తాయి. కంప్యూటర్‌ టీచర్‌ పోస్టుకు కంప్యూటర్‌ సైన్స్, ఐటీ, బీటెక్, బీఈ, ఎంసీఏ, బీసీఏ, బీఎస్సీ కంప్యూటర్స్‌ వంటి అర్హతలు ఉండాలి.లైబ్రేరియన్‌ పోస్టుకు లైబ్రరీ సైన్స్‌ లేదా లైబ్రరీ అండ్‌ ఇన్ఫర్మేషన్‌ సైన్స్‌లో మాస్టర్స్‌ లేదా బ్యాచిలర్స్‌ డిగ్రీ అవసరం. నాలుగు పోస్టులకూ కనీస వయోపరిమితి 21 ఏళ్లు, గరిష్ట వయోపరిమితి 44 ఏళ్లుగా నిర్ణయించారు. 6వ తరగతి నుంచి ఇంటర్మీడియట్‌ ద్వితీయ సంవత్సరం వరకు విద్యార్థులకు యోగా, కళలు, కంప్యూటర్‌ విద్యను అందించడం ఈ నియామకాల ప్రధాన ఉద్దేశం. కంప్యూటర్‌ టీచర్లు తరగతుల స్థాయిని బట్టి ప్రాథమిక కంప్యూటర్‌ పరిజ్ఞానం, టైపింగ్, ఇంటర్నెట్‌ భద్రత, ప్రోగ్రామింగ్, డేటా హ్యాండ్లింగ్, వెబ్‌ డెవలప్‌మెంట్‌ వంటి అంశాలను బోధించాలి.లైబ్రేరియన్లు పుస్తకాల నిర్వహణ, విద్యార్థులకు సమాచార వనరుల అందుబాటు, డిజిటల్‌ వనరుల వినియోగంపై దృష్టి సారించాలి. నియామకాలు నిర్దేశించిన అర్హతలు, వయోపరిమితి, ప్రభుత్వ నిబంధనలకు అనుగుణంగా చేపట్టాలని జిల్లా కలెక్టర్లకు పాఠశాల విద్యాశాఖ స్పష్టంచేసింది.ఇదీ చదవండి: ధరలు అసాధారణంగా పెరిగితే జోక్యం చేసుకుంటాం!

సాక్షి, హైదరాబాద్‌: కరువు ప్రభావంతో రాష్ట్రంలో వరి సాగు తగ్గొచ్చనే అంచనాలు, భవిష్యత్‌లో బియ్యం కొరత ఏర్పడుతుందన్న ఆందోళనల నేపథ్యంలో మార్కెట్‌లో బియ్యం ధరలు పెరిగాయని పౌరసరఫరాల శాఖ కమిషనర్‌ స్టీఫెన్‌ రవీంద్ర తెలిపారు. ప్రజలు ఎక్కువగా వినియోగించే ఫైన్‌ రకం బియ్యం ధరలు 15 శాతం వరకు పెరిగాయని, జైశ్రీరామ్‌ వంటి సూపర్‌ ఫైన్‌ రకాల ధరలు అంతకంటే కొంత ఎక్కువగా పెరిగాయన్నారు. అయితే రాష్ట్రంలో బియ్యం కొరత లేదని, వచ్చే ఏడాది అక్టోబర్‌ వరకు సరిపడా నిల్వలు ఉన్నాయని స్పష్టం చేశారు. నిత్యావసర వస్తువుల ధరలు అసాధారణంగా పెరిగితే మార్కెట్‌లో జోక్యం చేసుకొని నియంత్రణ చర్యలు చేపడతామని చెప్పారు. పౌరసరఫరాల శాఖ పనితీరు, ధరల నియంత్రణ, రేషన్‌ పంపిణీ తదితర అంశాలపై ‘సాక్షి’కి ఆయన ప్రత్యేక ఇంటర్వ్యూ ఇచ్చారు.బియ్యంతోపాటు పలు నిత్యావసర వస్తువుల ధరలు పెరుగుతున్నాయి. ధరల నియంత్రణకు పౌరసరఫరాల శాఖ ఎలాంటి చర్యలు చేపడుతోంది?- మార్కెట్‌లో డిమాండ్, సరఫరాను బట్టి ధరల్లో హెచ్చుతగ్గులు సహజం. అయితే నిత్యావసర వస్తువుల ధరలు అసాధారణంగా పెరిగితే వాటిని అదు పు చేసేందుకు అవసరమైన చర్యలు తీసుకుంటాం. బియ్యంతోపాటు మరో 40 నిత్యావసర వస్తువుల నిల్వలు, సరఫరా, ధరల ధోరణులను నిరంతరం పర్యవేక్షిస్తున్నాం. ధరల నియంత్రణకు అవసరమైతే మార్కెట్‌ ఇంటర్వెన్షన్‌ చేపడతాం. బియ్యం విషయంలోనూ కృత్రిమ కొరత సృష్టించడం, అక్రమంగా నిల్వలు ఉంచడం వంటి చర్యలను సహించేది లేదు. అవసరాన్ని బట్టి సరఫరాను పెంచి ధరలను స్థిరీకరించేందుకు చర్యలు తీసుకుంటాం.రాష్ట్రంలో బియ్యం కొరత ఉందా? ధరలు పెరుగుతాయనే భయంతో ప్రజలు అవసరానికి మించి నిల్వ చేసుకుంటున్నారా? - రాష్ట్రంలో బియ్యం కొరత లేదు. పౌరసరఫరాల శాఖ వద్ద వచ్చే ఏడాది అక్టోబర్‌ వరకు అవసరాలకు సరిపడా బియ్యం నిల్వలు ఉన్నాయి. ధరలు అసాధారణంగా పెరిగి, అవసరం ఏర్పడితే ప్రభుత్వ నిల్వల నుంచి బియ్యాన్ని మార్కెట్‌లోకి విడుదల చేసి ప్రజలకు అందుబాటులోకి తెచ్చే అవకాశం ఉంది.అయితే అలాంటి పరిస్థితి వస్తుందని భావించడం లేదు. ఎల్‌నినో కారణంగా ఈ సీజన్‌లో వరి సాగు తగ్గొచ్చని, యాసంగిలోనూ సాగు తగ్గుతుందేమోనని కొందరు ఆందోళన చెందుతున్నారు. దీంతో అవసరానికి మించి బియ్యం కొనుగోలు చేసి నిల్వ చేసుకుంటుండటం కూడా డిమాండ్‌ పెరుగుదలకు కారణమవుతోంది. రాష్ట్రంలో రేషన్‌ దుకాణాల ద్వారా సన్నబియ్యం పంపిణీ చేస్తున్నందున సామాన్య, మధ్యతరగతి ప్రజలపై ధరల పెరుగుదల ప్రభా వం పరిమితంగానే ఉంటుందని భావిస్తున్నాం.రేషన్‌ బియ్యాన్ని కొందరు తిరిగి సేకరించి తక్కువ ధరకు విక్రయిస్తున్నారనే ఆరోపణలున్నాయి. రీసైక్లింగ్‌ను అరికట్టేందుకు ఎలాంటి చర్యలు తీసుకుంటున్నారు?- అక్కడక్కడ రేషన్‌ బియ్యం దారిమళ్లుతున్నట్టు ఫిర్యాదులు వస్తున్నాయి. అలాంటి ప్రాంతాల్లో తనిఖీలు నిర్వహించి చర్యలు తీసుకుంటున్నాం. గతంతో పోలిస్తే రేషన్‌ బియ్యం రీసైక్లింగ్‌ గణనీయంగా తగ్గింది. అయినా, అక్రమ రవాణా, మిల్లుల్లో అక్రమాలపై నిఘా కొనసాగిస్తున్నాం.పప్పులు, చక్కెర వంటి నిత్యావసర వస్తువులను కూడా రేషన్‌ దుకాణాల ద్వారా పంపిణీ చేస్తామన్న మంత్రి ఉత్తమ్‌ ప్రతిపాదనపై శాఖాపరంగా ఎలాంటి సన్నాహాలు చేస్తున్నారు?- ప్రభుత్వం తీసుకునే నిర్ణయాలను అమలు చేసేందుకు పౌరసరఫరాల శాఖ సిద్ధంగా ఉంది. మంత్రి ఉత్తమ్‌కుమార్‌రెడ్డి ఆదేశాల మేరకు బియ్యంతోపాటు ఇతర నిత్యావసర వస్తువులను పంపిణీ చేస్తే ఎంత వ్యయం అవుతుంది, వాటిని ఏవిధంగా ప్రజలకు చేరవేయొచ్చు అనే అంశాలపై నివేదిక రూపొందించాం. ఏయే వస్తువులను పంపిణీ చేయాలి, ఎప్పుడు ప్రారంభించాలి అనే అంశాలపై ప్రభుత్వం నిర్ణయం తీసుకుంటుంది.ఇదీ చదవండి: తాగునీటి సమస్య తలెత్తొద్దు

సాక్షి, హైదరాబాద్‌: రాజధాని హైదరాబాద్‌లో ఎట్టి పరిస్థితుల్లోనూ తాగునీటి సమస్య తలెత్తకుండా చర్యలు తీసుకోవాలని ముఖ్యమంత్రి రేవంత్‌రెడ్డి అధికారులను ఆదేశించారు. తాగునీటి సరఫరా విషయంలో అప్రమత్తంగా ఉండాలని, రిజర్వాయర్లలో నీటి నిల్వలను ఎప్పటికప్పుడు పర్యవేక్షించాలని సూచించారు. ఎల్‌ నినో నేపథ్యంలో భవిష్యత్తు అవసరాలను దృష్టిలో ఉంచుకుని క్యూర్‌ ఏరియాలోని మురుగునీటి శుద్ధి కేంద్రాలు (ఎస్టీపీలు) వంద శాతం సామర్థ్యంతో పనిచేసేలా చూడాలన్నారు.బుధవారం ఎంసీఆర్‌ హెచ్‌ఆర్‌డీ బోధి పెవిలియన్‌లో తాగునీటి సరఫరా, ఎస్టీపీల నిర్మాణం, శుద్ధి చేసిన జలాల వినియోగంపై సీఎం సమీక్ష నిర్వహించారు. సచివాలయం, సీఎంవో, ఔటర్‌ రింగ్‌ రోడ్డు, మెట్రో రైలు, ఇతర శాఖల కార్యాలయాల్లో పచ్చదనం నిర్వహణతోపాటు ఇతర అవసరాలకు శుద్ధి చేసిన నీటిని వినియోగించాలని ఆదేశించారు.పబ్లిక్‌ పార్కులు, రోడ్ల శుభ్రతకు సైతం ఈ నీటినే వాడాలన్నారు. భవన నిర్మాణాల్లో శుద్ధి చేసిన నీటిని వినియోగించాలనే నిబంధనను కచ్చితంగా అమలు చేయాలని స్పష్టం చేశారు. ప్రైవేట్‌ ఎస్టీపీల ఏర్పాటును ప్రోత్సహించాలని, డేటా కేంద్రాలకూ శుద్ధి చేసిన నీటిని సరఫరా చేయాలని సూచించారు. ఎస్టీపీల నిర్వహణకు సౌర విద్యుత్‌ వినియోగించే అవకాశాలను పరిశీలించాలని రెడ్కో ఉన్నతాధికారులకు ముఖ్యమంత్రి సూచించారు.శుద్ధి జలాల కోసం ప్రత్యేక టోల్‌ఫ్రీ నంబర్‌ఎస్టీపీల్లో నీటి శుద్ధికి అత్యాధునిక సాంకేతిక ప్రమాణాలను పాటించాలని, నాణ్యత విషయంలో ఏమాత్రం రాజీపడొద్దని సీఎం స్పష్టం చేశారు. ప్రతి శుద్ధి కేంద్రం వద్ద ప్రత్యేక అధికారిని నియమించాలని, అన్ని ప్లాంట్లను కమాండ్‌ కంట్రోల్‌ సెంటర్‌తో అనుసంధానించి నిరంతరం పర్యవేక్షించాలని ఆదేశించారు. ఈ కేంద్రాల పనితీరును హైడ్రా ఎప్పటికప్పుడు పర్యవేక్షించాలన్నారు. శుద్ధి చేసిన నీటిని సరఫరా చేసే ట్యాంకర్లను గుర్తించి పర్యవేక్షించే వ్యవస్థను ఏర్పాటు చేయాలన్నారు.ఈ నీటి వినియోగంపై ప్రజల్లో విస్తృత అవగాహన కల్పించాలని చెప్పారు. శుద్ధి జలాల కోసం ప్రత్యేక టోల్‌ఫ్రీ నంబర్‌ను ఏర్పాటు చేయాలన్నారు. ఎస్టీపీల నిర్వహణ, శుద్ధి చేసిన నీటి వినియోగానికి సంబంధించి నవంబర్‌ 1వ తేదీ నుంచి ఆదేశాలు అమలయ్యేలా చర్యలు తీసుకోవాలని ఆదేశించారు. ప్రస్తుతం 26 ఎస్టీపీల నుంచి శుద్ధి చేసిన నీటిని గ్రీన్‌ ట్యాంకర్ల ద్వారా పంపిణీ చేస్తున్నట్లు జలమండలి అధికారులు సీఎంకు వివరించారు.వినియోగదారుల నుంచి కేవలం రవాణా రుసుము మాత్రమే వసూలు చేస్తున్నామని, నీటిని ఉచితంగా అందిస్తున్నామని తెలిపారు. ఈ సమీక్షలో ప్రభుత్వ ప్రధాన కార్యదర్శి సంజయ్‌ జాజు, సీఎంవో కార్యదర్శి మాణిక్‌రాజ్, పాఠశాల విద్యాశాఖ డైరెక్టర్‌ నవీన్‌ నికొలస్, సైబరాబాద్‌ మున్సిపల్‌ కమిషనర్‌ సృజన, మల్కాజిగిరి మున్సిపల్‌ కమిషనర్‌ వినయ్‌ కృష్ణారెడ్డి, జలమండలి ఎండీ అశోక్‌రెడ్డి, టీజీఎస్‌పీడీసీఎల్‌ ఎండీ జితేష్‌ వి.పాటిల్, కాలుష్య నియంత్రణ మండలి సభ్య కార్యదర్శి రవి, సమాచార, పౌర సంబంధాల శాఖ ప్రత్యేక కమిషనర్‌ ముకుందరెడ్డి తదితరులు పాల్గొన్నారు.ఇదీ చదవండి: కరువును ఎదుర్కొంటాం

నవంబర్, డిసెంబర్‌ వస్తోందంటే సాహిత్య సంబరాలు, పుస్తక ప్రదర్శనలు, లిట్‌ ఫెస్ట్‌లు, కొత్త పుస్తకాల రిలీజులు... భేష్‌. కాని 15 కోట్ల మంది తెలుగువారికి రెండు మూడు నెలల సీజనేనా కావాల్సింది? కేరళలోని కోజికోడ్‌ మన దేశంలో యునెస్కో గుర్తించిన ఏకైక ‘సిటీ ఆఫ్‌ లిటరేచర్‌’. ఆ ఊరు ఎందుకు గొప్ప? మన హైదరాబాద్, విజయవాడ ఎందులో తక్కువ?‘హైదరాబాద్‌ బుక్‌ఫెయిర్‌ వచ్చింది... ఫోటోలు దిగుదామా’... అనో, ‘విజయవాడ బుక్‌ఫెయిర్‌ వచ్చింది అప్పడాలు తిందామా’ అనో జోకులేసుకునేవారు ఉన్నారు. తెలుగు వాళ్లు ఇలాంటి ఘనులు. కాని అందరూ మనలా ఉండరు. కొందరు అసలు ఉండరు. పుస్తకం లేని ఇల్లు దీపం లేని తావు లాంటిది. సాహిత్యం చదవని డాక్టరేట్‌ని నిరక్షరాస్యుడిగా గణించే చదువరులు ఉన్నారు. మనం మారాలంటే పుస్తకాలను మందుగా స్వీకరించాలి. పుస్తకాల పైకప్పు కట్టుకోవాలి. పుస్తకాల ఆహారాన్ని భుజించాలి.చలికాలం రాగానే మనకు పుస్తకాల సీజన్‌ మొదలైపోతుంది. రెండు మూడు నెలల హడావిడి జరిగి ముగిసిపోతుంది. కానీ సాహిత్యం ఇలా కొన్ని నెలల ‘సీజన్‌’కు మాత్రమే పరిమితం కావాలా? 15 కోట్ల తెలుగు వారికి కావాల్సింది ఏడాది పొడవునా సాగే అక్షర వికాసం కాదా? మన తెలుగు నేలపై సాహిత్యాన్ని ప్రతి ఇంట్లోకి తీసుకెళ్లేందుకు, వికాసం సాధించేందుకు అన్ని అవకాశాలూ, అపారమైన చరిత్ర ఉన్నాయి. కాని అలాంటి ప్రయత్నం జరగడం లేదు. పక్క రాష్ట్రంలోని కోజికోడ్‌ నగరం నుంచి మాత్రం భారతదేశంలోనే యునెస్కో గుర్తించిన ఏకైక ‘సిటీ ఆఫ్‌ లిటరేచర్‌’గా నిలిచి ఘనత అందుకుంటూ ఉంటుంది. మన హైదరాబాద్, వరంగల్, వైజాగ్, విజయవాడ కంటే ఏం గొప్ప అది? ఆ ఊరి ఘనతలను అధ్యయనం చేస్తే వివరాలు తెలుస్తాయి.ఎందుకు ’సిటీ ఆఫ్‌ లిటరేచర్‌’ ?కేరళలోని కోజికోడ్‌ (కాలికట్‌) నగరానికి యునెస్కో అంతర్జాతీయ గౌరవం ఊరికే దక్కలేదు. అక్కడ దాదాపు ఇంటికో లైబ్రరీ ఉంది. అక్కడ ప్రతి వ్యక్తీ పుస్తకాలు కొంటాడు. చదువుతాడు. చాలక కోజికోడ్‌ పరిధిలో 62 పబ్లిక్‌ లైబ్రరీలు ఉన్నాయి. జిల్లాలో 545కి పైగా యాక్టివ్‌ గ్రంథాలయాలు ఉన్నాయి. అక్కడ ఒక పౌరుడికి సగటున కేవలం 1.2 కిలోమీటర్ల వ్యాసార్థంలో ఒక రీడింగ్‌ రూమ్‌ అందుబాటులో ఉంటుంది.అక్కడ పుస్తకాల సీజన్‌ ఉండదు. ఏడాది పొడవునా పుస్తకంతో పాటుగా జీవన విధానం ఉంటుంది. ఆ ఊళ్లోని 70కి పైగా పబ్లిషింగ్‌ హౌస్‌లు నిరంతరం కొత్త పుస్తకాలను ముద్రిస్తూనే ఉంటాయి. ఎస్‌.కె. పొట్టెక్కాట్, వైకోమ్‌ ముహమ్మద్‌ బషీర్‌ వంటి దిగ్గజాలు నడియాడిన ఆ నేలపై, ఇప్పటికీ ప్రతి వారాంతంలో వీధి కూడళ్లలో బహిరంగ కవితా పఠనాలు, పుస్తక చర్చలు నిరంతరం జరుగుతుంటాయి. ఇలా మన దగ్గర జరుగుతోందా?మన నగరాలు ఆ స్థాయికి చేరాలంటే?సాహిత్య చరిత్రలో మన తెలుగు నగరాలు ఎందులోనూ తక్కువ కాదు. హైదరాబాద్‌కు కుతుబ్‌ షాహీల కవితా దార్శనికత, చారిత్రక అఫ్జల్‌గంజ్‌ సెంట్రల్‌ లైబ్రరీ ఉన్నాయి. విజయవాడ ఒకప్పుడు పబ్లిషింగ్‌ హబ్‌:. వరంగల్‌కు పోతన, కాళోజీల వారసత్వం ఉంది. తిరుపతి ఆధ్యాత్మిక సాహిత్య కేంద్రం. కానీ ఇవన్నీ యునెస్కో స్థాయికి చేరాలంటే మనం కొన్ని పనులు చేయాలి:→ నగరాల్లో ప్రతి డివిజన్‌ లేదా వార్డులో వై–ఫై సదుపాయంతో కూడిన మోడరన్‌ పబ్లిక్‌ రీడింగ్‌ రూమ్‌లను ఏర్పాటు చేయాలి.→ కేవలం డిసెంబర్‌ పుస్తక ప్రదర్శనలకే పరిమితం కాకుండా, ప్రతి నెలా స్థానిక పార్కులు, చెరువుల గట్లపై ’వీధి సాహిత్య ఉత్సవాలు’, ఓపెన్‌ మైక్‌ సెషన్లు నిర్వహించాలి.→ నగరాల్లో చారిత్రక కవుల విగ్రహాలు, వారి నివాసాలను కలుపుతూ ’సాహిత్య పర్యాటక కారిడార్లు’ అభివృద్ధి చేయాలి.ఇళ్లల్లో, బడుల్లో అక్షర బీజాలుమంచి సమాజం కావాలంటే పిల్లల్లో డిజిటల్‌ స్క్రీన్ల అడిక్షన్ ను తగ్గించి, పుస్తకాలతో స్నేహం చేయించాలి. దీనికోసం ఇళ్లు, బడులు వేదికలు కావాలి. ప్రతి తల్లిదండ్రులూ తమ ఇంట్లో ఒక చిన్న పుస్తకాల అరను ఏర్పాటు చేయాలి. పిల్లల పుట్టినరోజులకు గ్యాడ్జెట్లు కాకుండా పుస్తకాలను బహుమతిగా ఇచ్చే సంస్కృతి రావాలి. రోజులో కనీసం అరగంట సేపు పిల్లలతో కలిసి పుస్తకాలు చదవడం లేదా పాతకాలపు కథలను చర్చించడం అలవాటు చేయాలి. విద్యాసంస్థలు కేవలం ర్యాంకుల కోసం కాకుండా, వారంలో కనీసం రెండు గంటల సమయాన్ని కేవలం జనరల్‌ బుక్స్, నవలలు, కథల పుస్తకాలు చదవడానికి కేటాయించాలి. స్కూళ్లలో రీడింగ్‌ క్లబ్‌లను ఏర్పాటు చేసి ఉత్తమ పాఠకులకు అవార్డులు ఇవ్వాలి.పుస్తకం మనిషిని ఒంటరితనం నుంచి కాపాడుతుంది, సమాజాన్ని ఉన్మాదం నుంచి రక్షిస్తుంది. కోజికోడ్‌ నగరం మనకు నేర్పుతున్న పాఠం ఒక్కటే – సాహిత్యం అనేది కొందరి మేధావుల సొత్తు కాదు, అది ప్రజా బాహుళ్యంలో భాగం కావాలి. తెలుగు సమాజంలో సాహిత్య వికాసానికి కావలసిన సంస్కృతి, వనరులు పుష్కలంగా ఉన్నాయి. కావాల్సిందల్లా ఒక అడుగు. సీజన్లతో సంబంధం లేకుండా మన తెలుగు నగరాలు నిత్య సాహిత్య వేదికలుగా మారినప్పుడే అక్షర నిధులుగా మన తెలుగు నేల విశ్వవ్యాప్తం అవుతుంది.– కె

సాక్షి, హైదరాబాద్: సికింద్రాబాద్‌ రైల్వే నిలయం వద్ద ఉద్రిక్తత చోటుచేసుకుంది. రైల్వే నిలయం ముందు కాంగ్రెస్ మెరుపు ధర్నా నిర్వహించింది. ధర్నాలో టీపీసీసీ చీఫ్ మహేష్‌ కుమార్, మంత్రి పొన్నం ప్రభాకర్‌, ఎమ్మెల్యేలు, కాంగ్రెస్ నేతలు పాల్గొన్నారు.మెట్లపై బైఠాయించిన కాంగ్రెస్‌ నేతలు.. ఆందోళనకు దిగారు. నవంబర్ 1న ఢిల్లీకి వెళ్ళేందుకు ప్రత్యేక రైళ్లు కావాలని పీసీసీ కోరగా.. దక్షిణ మధ్య రైల్వే శాఖ నిరాకరించింది. దీంతో కాంగ్రెస్‌ నేతలు.. రైల్వే శాఖ జీఎం కార్యాలయం ముందు మెరుపు ధర్నాకు దిగారు. కాంగ్రెస్‌ నేతలను అరెస్ట్‌ చేసిన పోలీసులు.. మల్కాజిగిరి జోన్‌లోని మార్కెట్ పోలీస్ స్టేషన్‌కు తరలించారు.ఇదీ చదవండి: తెలంగాణలో భారీగా ఐఏఎస్‌ల బదిలీ

హైదరాబాద్: గుర్తుతెలియని వ్యక్తి ఓ యువతిపై కత్తితో దాడి చేసి పారిపోయాడు. మలక్‌పేట ఇన్‌స్పెక్టర్‌ వెంకట్‌రెడ్డి తెలిపిన వివరాలు... సూర్యాపేట జిల్లా అర్వపల్లి మండలం పర్సాయిపల్లికి చెందిన హేమలత(34) గడ్డిఅన్నారం ఏ1 పకోడా ఎదురుగా ఉన్న ఓ అపార్ట్‌మెంట్‌లో ఫ్లాట్‌ అద్దెకు తీసు కుని మరో నలుగురు అమ్మాయిలతో కలిసి గ్రూప్‌ పరీక్షలకు సన్నద్ధమవుతోంది. తోటివారు బయటికి వెళ్లగా ఆమె గదిలో చదువుకుంటోంది. గుర్తుతెలియని వ్యక్తి వచ్చి తలుపు తట్టాడు. పక్క పోర్షన్‌ వారికి ఫుడ్‌ డెలివరీ తెచ్చానని, దాహం వేస్తోందంటూ మంచినీళ్లు అడిగాడు. నీళ్లు తాగిన తర్వాత ఆమె ను తాకేందుకు యతి్నంచగా నెట్టివేసింది. కత్తితో ఆమె కడుపులో పొడిచి, సెల్‌ఫోన్‌ తీసుకుని పరారయ్యాడు. పొరుగువారు ఇచ్చిన సమాచారం మేరకు పోలీసులు వచ్చి ఆమెను మలక్‌పేటలోని ఓ ప్రైవేట్‌ ఆసుపత్రికి తరలించారు. బాధితురాలి ఆరోగ్య పరిస్థితి విషమంగా ఉన్నట్లు సమాచారం. నిందితుడి జాడ కోసం పోలీసులు సీసీ ఫుటేజీలను పరిశీలిస్తున్నారు. ఇదీ చదవండి: ‘అందరికీ థ్యాంక్యూ చెప్పండి’.. లేఖలో సమంత ప్రస్తావన

సాక్షి, హైదరాబాద్‌: నగరంలో బియ్యం కృత్రిమ కొరత సృష్టిస్తే చర్యలు తప్పవని ప్రధాన రేషనింగ్ అధికారి (సీఆర్వో) జీవీ శ్యామ్‌ ప్రసాద్‌ లాల్‌ హెచ్చిరించారు. మంగళవారం సీఆర్వో కార్యాలయంలో బియ్యం లభ్యత, ప్రస్తుత నిల్వల పరిస్థితి, మార్కెట్‌ ధరలు, సరఫరా తీరుపై ఆయన సమీక్ష జరిపి మాట్లాడారు. లాభాపేక్షతో సరుకును అక్రమంగా నిల్వ చేయడం, నిర్ణయించిన ధరల కంటే అధిక ధరలకు విక్రయించడం వంటి చర్యలకు పాల్పడకుండా అధికారులు కట్టడి చేయాలని ఆదేశించారు. వినియోగదారులకు ఎటువంటి ఇబ్బందులు తలెత్తకుండా నిరంతరాయంగా బియ్యం విక్రయించే విధంగా చర్యలు తీసుకోవాలన్నారు. హోల్‌సేల్,రిటైల్‌ వ్యాపారులు తమ వద్ద తగినంత నిల్వలను ఎప్పటికప్పుడు భర్తీ చేసుకోవాలని, షాపుల్లో వినియోగదారులకు స్పష్టంగా కనిపించేలా స్టాక్‌ బోర్డులను తప్పనిసరిగా ఏర్పాటు చేయాలని వ్యాపారులకు ఆదేశించారు. బియ్యం రకం, మొత్తం నిల్వ పరిమాణం, విక్రయ ధరల వివరాలను రోజువారీగా నవీకరించాలని సూచించారు. కొనుగోలు, అమ్మకాలు నిల్వలకు సంబంధించిన రికార్డులను సక్రమంగా నిర్వహించాలన్నారు. సమావేశంలో హైదరాబాద్, మేడ్చల్, రంగారెడ్డి జిల్లాల పౌర సరఫరాల అధికారులు పాల్గొన్నారు.

హైదరాబాద్‌: ఆ చిన్నారికి లోకమంటే ఏమిటో కూడా తెలియదు. అమ్మానాన్నలే తన ప్రపంచం. వారి చేతులు పట్టుకుని నడవడం, వారి ఒడిలో ఆడుకోవడం తప్ప జీవితంలో ఇంకేమీ తెలియని రెండేళ్ల పసిపాప. కానీ ఆ తల్లిదండ్రులే తమ బిడ్డను చంపి.. ఆపై తామూ తనువు చాలించడంతో ఆ కుటుంబంలో విషాదం నిండిపోయింది. ఆర్థ్ధిక ఇబ్బందుల నేపథ్యంలో ఓ కుటుంబం తీసుకున్న తీవ్ర నిర్ణయం మూడు ప్రాణాలను బలిగొంది. కేపీహెచ్‌బీ పోలీస్‌స్టేషన్‌ పరిధిలో సోమవారం అర్ధరాత్రి జరిగిన ఘటన మంగళవారం మధ్యాహ్నం వెలుగులోకి వచ్చింది. చుట్టుపక్కలవారు ఎన్నిసార్లు తలుపులు కొట్టినా తీయకపోవడంతో పోలీసులకు ఫోన్‌ చేయగా వారు వచ్చి తలుపులు బద్దలు కొట్టడంతో విషయం బయటపడింది. వివరాలు ఇలా ఉన్నాయి.. పశ్చిమబెంగాల్‌కు చెందిన దంపతులు గోపీనాథ్‌ (31), సమంత (26)లు తన రెండేళ్ల కుమార్తె స్నిగ్ధ (2)తో కలిసి కేపీహెచ్‌బీకాలనీ రమ్యాగ్రౌండ్‌ సమీపంలో నివాసముంటున్నారు. గోపీనాథ్‌ బతుకుదెరువు కోసం పదేళ్ల క్రితమే నగరానికి రాగా మూడేళ్ల కిందట కుటుంబంతో కలిసి కేపీహెచ్‌బీకి వచ్చాడు. గోపీనాథ్‌ గచ్చిబౌలిలోని ఓ హోటల్‌లో చెఫ్‌గా పనిచేస్తుండగా సమంత గృహిణి. అయితే గత కొంతకాలంగా ఆర్థిక ఇబ్బందులతో బాధపడుతున్నట్లు వారి కుటుంబసభ్యుల ద్వారా తెలిసింది. ఆ కారణంగానే వారు తీవ్ర ఒత్తిడికి గురైనట్లు పోలీసులు ప్రాథమికంగా భావిస్తున్నారు. తొలుత చిన్నారిని హతమార్చే క్రమంలో ఆహారపదార్థంలో గుర్తుతెలియని విషం కలిపిపెట్టారు. కుమార్తె చనిపోయిందని నిర్ధారించుకున్న తర్వాత దంపతులిద్దరూ ఫ్యాన్‌కు ఉరేసుకుని ఆత్మహత్య చేసుకున్నారు. గోడపై ఆఖరి సందేశం... ‘ఇది చాలా కాలం క్రితమే మేము తీసుకున్న నిర్ణయం. దీనికి మరెవరూ బాధ్యులు కారు. ఈ నిర్ణయాన్ని మేమే తీసుకున్నాం. కాబట్టి దయచేసి మా సిబ్బందిని గానీ లేదా స్నేహితులను గానీ దీని గురించి అడగకండి. మేము తప్పు చేస్తున్నామని మాకు తెలుసు. కానీ మాకు వేరే మార్గం లేదు. మమ్మల్ని క్షమించండి.. గుర్తుంచుకోండి.. మేము దీన్ని సొంతంగానే చేశాం. కాబట్టి దయజేసి ఎవరినీ ఏమీ అడగకండి’ అంటూ గోడలపై సందేశం రాశారు. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు. ఇదీ చ‌ద‌వండి: ప్రైవేట్‌ హాస్పిటల్స్‌లో బిల్లుల మాయాజాలంపోలీసులకు లభ్యమైన మరో లేఖ.. గోపీనాథ్‌ రాసి ఉన్న మరో లేఖ సైతం పోలీసులకు లభ్యమైంది. ‘మేము లేకపోతే బేబీ జీవితం చాలా కష్టంగా గడుస్తుందని సమంత చెప్పింది. ఎవరికైనా ఏమైనా చెప్పాల్సింది ఉందా? అని సమంతను అడిగితే, ఆమె కూడా ఎవరికీ ఏమి చెప్పాల్సింది లేదు..అందరికీ థ్యాంక్యూ చెప్పండి అని చెప్పింది. అందుకే మేము బేబీని కూడా మాతో పాటు తీసుకెళ్తున్నాం. మీరందరూ బాగుండాలి.’అని రాసిన లేఖను పోలీసులు గుర్తించారు. అలాగే ఆ లేఖలో ఎవరెవరికి ఎంత ఇవ్వాలో కూడా రాసి ఉంది. ఈ లేఖతో ఆర్థిక ఇబ్బందుల కారణంగానే వీరు ఆత్మహత్యకు పాల్పడ్డారన్న పోలీసుల ప్రాథమిక నిర్ధారణకు మరింత బలం చేకూరినట్లయ్యింది. గోపీనాథ్, సమంతల కుటుంబ సభ్యులను పిలిపించి పోలీసులు విచారిస్తున్నారు.ఇదీ చదవండి: మంచినీళ్లు అడిగాడు.. కత్తితో పొడిచాడు

హయత్‌నగర్‌ భాగ్యలత కాలనీకి చెందిన ఓ వ్యక్తి న్యుమోనియా అనుమానంతో ఏడాదిన్నర బాలుడిని ఈ నెల 2న రాత్రి ఎల్‌బీనగర్‌లోని ఓ ప్రైవేట్‌ ఆసుపత్రిలో చేర్పించాడు. మూడు రోజులకు రూ.90 వేల బిల్లు వేశారు. ఆసుపత్రిలో చేరిన రోజు డైట్‌ చార్జీలంటూ రూ.1,100 బాదారు. విచిత్రమేంటంటే ఆ రోజు బాబుకు కనీసం మంచినీరు కూడా ఇవ్వలేదు. గ్రౌండ్‌ ఫ్లోర్‌లోని దుకాణం నుంచి మూడో ఫ్లోర్‌లోని వార్డుకు మందులు తీసుకెళ్లినందుకు హేండ్లింగ్‌ చార్జీలంటూ రూ.350 బిల్లు చూపారు. బీమా ప్రాసెసింగ్‌ ఫీజు అని రూ.వెయ్యి లాగారు. ఇలా మొత్తం రూ.90 వేలు చూపించి రూ.15 వేలు డిస్కౌంట్‌ ఇచ్చారు. బీమా రూ.70 వేలు వచ్చింది. అడ్వాన్స్‌గా చెల్లించిన రూ.5 వేలు బిల్లులో పట్టుకున్నారు. ముషీరాబాద్‌కు చెందిన మహిళ (56) బీపీ, షుగర్‌లో హెచ్చుతగ్గులతో ఈ నెల 9న బంజారాహిల్స్‌లోని ఓ కార్పొరేట్‌ ఆసుపత్రికి వెళ్లారు. 3 రోజులు ఉంచి, అవసరం లేని పరీక్షలన్నీ చేయించారు. బయోకెమిస్ట్రీ, ల్యాబ్, ఇన్విస్టిగేషన్స్‌ అంటూ మళ్లీ మళ్లీ బిల్లు వేశారు. మొత్తంగా రూ.89 వేల అయింది. రూ.6 వేలు డిస్కౌంట్‌ ఇచ్చారు. సాధారణ చెకింగ్‌కు వస్తే 80 వేలు అయ్యాయంటూ రోగి బంధువులు వాపోయారు.కూకట్‌పల్లికి చెందిన ఓ మహిళ స్థానిక ప్రైవేట్‌ ఆస్పత్రిలో చేరారు. ఇన్సూరెన్స్‌ పాలసీకి రెండు బెడ్‌ల గది షేరింగ్‌ వర్తిస్తుందని చెప్పారు. డిశ్చార్జి సమయంలో రూ.1.10 లక్షలు చెల్లించాలని చెప్పారు. అందేంటని అడిగితే మీ ఇన్సూరెన్స్‌లో జనరల్‌ వార్డు వచ్చింది. మీరు రెండు బెడ్‌ల షేరింగ్‌ రూంలో ఉండటంతో మొత్తం బిల్లు స్వరూపం మారిపోయిందని చెప్పారు. గట్టిగా నిలదీస్తే రూ.15 వేలు డిస్కౌంట్‌ ఇచ్చారు.ఇటీవల మలక్‌పేట్‌లోని ఓ ఆసుపత్రిలో రోగి చికిత్స కోసం 24 గంటలే ఉన్నారు. కానీ, రెండు రోజులకు రూం చార్జీలు వేశారు. రోగి బంధువులు గుర్తించి, నిలదీస్తే తప్పు జరిగిందని రూ.4 వేలు తగ్గించారు.సాక్షి, సిటీబ్యూరో: గ్రేటర్ హైద‌రాబాద్‌లోని కార్పొరేట్, ప్రైవేట్‌ ఆస్పత్రుల దోపిడీకి ఇవి కొన్ని ఉదాహరణలు మాత్రమే. ఈ విషయంలో అధికారుల పర్యవేక్షణ, నియంత్రణ లేకపోవడం, వైద్యశాఖ నిర్వీర్యం కావడంతో ప్రైవేట్‌ ఆస్పత్రులు ఇష్టారాజ్యంగా వ్యవహరిస్తున్నాయి. అసలు ఎందుకు ఎంత బిల్లు వేస్తున్నారో అర్థం కాకున్నా ఏమీ చేయలేని పరిస్థితి ఏర్పడింది. వైద్యులను, ఆస్పత్రి సిబ్బందిని అడిగే ధైర్యం లేక చాలామంది ఎలాగోలా అప్పులు చేసి మరీ బిల్లులు చెల్లిస్తున్నారు. ఇంకొందరు రోగంతో బాధపడుతున్నా.. ఆస్పత్రికి వెళ్తే ఎంత బిల్లువేస్తారోనని భయంతో ఇంటి వైద్యానికే పరిమితం అవుతున్నారు. సరిచూసుకోకుంటే అంతే.. బిల్లుల విషయంలో కొన్ని ఆస్పత్రులు మాయ చేస్తున్నాయి. చికిత్సలు, పరీక్షలు చేయకున్నా ఎడాపెడా బాదేస్తున్నాయి. తెచ్చిన మందులు అన్నీ వాడకున్నా.. అవి ఎటువెళ్తున్నాయో తెలియడం లేదు. ఒక్కోసారి గదుల బిల్లులు, మందులు, పరీక్షలకు సంబంధించి ఎక్కువ మొత్తం బిల్లు వేస్తున్నారు. రోగులెవరూ వాటిని సరి చూసుకోలేరులే అనే ధైర్యంతో సిబ్బంది నిర్లక్ష్యంగా వ్యవహరిస్తున్నారు. ఎవరైనా గుర్తించి గట్టిగా నిలదీస్తే తప్పును సరిదిద్దుతామంటూ కంటితుడుపు చర్యగా కొంత మొత్తాన్ని తగ్గిస్తున్నారు. డిశ్చార్జి సమయంలో బిల్లు సమ్మరీని చూసుకోకుంటే మీ జేబుకు కన్నం పడుతోందన్న విషయాన్ని గుర్తుంచుకోవాలి.నిత్యం గొడవలు.. వివాదాలు అధిక బిల్లులు, తప్పుడు చికిత్సలు, నిర్లక్ష్య బిల్లింగ్‌ వంటి కారణాలతో నగరంలో నిత్యం కార్పొరేట్‌ ఆస్పత్రుల్లో వివాదాలు చెలరేగుతున్నాయి. కొంచెం పరిజ్ఞానం ఉన్నవారైతే గట్టిగా నిలదీస్తున్నారు. ఇటీవల ఓ వ్యక్తికి నెబులైజర్‌ పెట్టినందుకు రూ.400 బిల్లు వేశారు. రోజులో మూడు దఫాలకు రూ.1,200 మోపారు. దీనిపై రూ.1,200 పెడితే కొత్త నెబులైజరే వస్తుంది కదా అని రోగి బంధువు నిలదీశాడు. ఏళ్ల తరబడి ఈ పరికరంతో రూ.వేలు వసూలు చేయడం ఏంటని మండిపడ్డాడు. ఇక ఆస్పత్రిలో డాక్టర్లే కాకుండా ఒక్కోసారి ఇతర ఆస్పత్రుల నుంచి స్పెషలిస్టు డాక్టర్లను పిలిపిస్తారు. వారి కన్సల్టెన్సీ ఫీజును ఏకంగా రూ.వేలల్లో చూపిస్తున్నారు. ఇదీ చ‌ద‌వండి: ప్యారడైజ్‌ హోటల్‌కు రూ.20 వేల జరిమానారోగి బంధువులు బాధితుడిని ఇంటికి తీసుకెళ్లే క్రమంలో బిల్లును క్షుణ్ణంగా పరిశీలించే అవకాశం ఉండటం లేదు. 90 శాతం మంది బిల్లు చెల్లించే సమయంలో డబ్బులు సర్దుబాటు చేసుకునే ఆందోళనలో పడి సమ్మరీ చూసుకోవడం లేదు. మరోవైపు నిత్యం ఎంతో కొంత చెల్లిస్తూ రావడంతో బిల్లులోని మొత్తం ముందే ఆస్పత్రికి ముడుతోంది. ఇది కూడా కొంత ఇబ్బందిగా మారింది.

సాక్షి, హైదరాబాద్‌: రాజేంద్రనగర్‌లో పలు ప్రాంతాల్లో భారీ శబ్దాలు కలకలం రేపాయి. ఎర్రబోర, ఉప్పరపల్లి, రాజేంద్రనగర్‌, అత్తాపూర్‌లో పేలుడు శబ్ధాలు వినిపించాయి.10 సెకన్ల పాటు భూమి కంపించింది. నాలుగు ప్రాంతాల్లో ఒక్కసారిగా పేలుడు శబ్దాలు రావడంతో స్థానికులు భయబ్రాంతులకు గురయ్యారు. భూకంపమా..? ఇతర పేలుడు పదార్థాల కారణంగా వచ్చిన శబ్దమా? అంటూ స్థానికుల్లో చర్చ జరుగుతోంది. కాగా, ఈ ఏడాది ఫిబవ్రరిలో గాజుల రామారంలోని మెట్‌కానిగూడ పరిసర ప్రాంతాలలో భూమి కంపించిన సంగతి తెలిసిందే. మెట్‌కానిగూడ, హెచ్‌ఏఎల్, ఓక్షిత్‌ ఎన్‌క్లేవ్, ఆదర్శనగర్‌ కాలనీలలో ఒక్కసారిగా భారీ శబ్దంతో భూమి కంపించింది. భూమి కంపించడంతో స్థానిక పాఠశాలలకు యాజమాన్యాలు సెలవు ప్రకటించాయి.ఇదీ చదవండి: అనుమానంతోనే అర్ధాంగి హత్య

సైదాబాద్‌(హైదరాబాద్): నగరంలోనే అతి పెద్దదైన సైదాబాద్‌ స్టీల్‌బ్రిడ్జి నిర్వహణలో కొంత నిర్లక్ష్యం కనిపస్తోంది. 88 పిల్లర్లతో మలక్‌పేట ఫైర్‌ స్టేషన్‌ వద్ద ప్రారంభమై..సంతోష్‌ నగర్‌లోని యాదగిరి థియేటర్‌ వద్ద పూర్తయ్యే 3.23 కిలోమీటర్ల పొడవైన స్టీల్‌ బ్రిడ్జితో ట్రాఫిక్‌కు ఎంతో రిలీఫ్‌ ఏర్పడింది. సెప్టెంబర్ 3న సీఎం రేవంత్‌రెడ్డి దీన్ని ప్రారంభించారు. ఈ బ్రిడ్జికి సంబంధించిన పిల్లర్లపై నంబర్లు వేయడంలో జాప్యం జరుగుతోంది. దీంతో స్థానికులకు కొంత ఇబ్బంది ఏర్పడుతోంది. అడ్రస్‌లు గుర్తించడం, అవసరమైన చోట యూటర్న్‌లు తీసుకోవడంలో పిల్లర్లపై వేసే నెంబర్లు కీలకం. వీటిని స్థానికులు తమ చిరునామాల్లోనూ నమోదు చేస్తారు. దీంతో వాహనదారులు సాఫీగా తమ గమ్యానికి చేరుకునే అవకాశం ఉంటుంది. బ్రిడ్జికి ఎక్కడైనా మరమ్మతు పనులు నిర్వహించాలన్నా పిల్లర్లకు నెంబర్లు ఉంటే ఎంతో అనువుగా ఉంటుంది. నెంబర్ల ఆధారంగా ఎక్కడ మరమ్మతులు చేయాలో జీహెచ్‌ఎంసీ సిబ్బంది సులువుగా తెలుసుకోవచ్చు. బ్రిడ్జి కింద ఏదైనా అనుకోని సంఘటనలు కానీ, ప్రమాదాలు కానీ చోటుచేసుకుంటే ఆయా ప్రభుత్వ శాఖల అధికారులు, సిబ్బంది నెంబర్ల ద్వారా వేగంగా అక్కడికి చేరుకోగలుగుతారు. తద్వారా ఆ ఘటనల్లో తీవ్రతను తగ్గించటానికి ఆస్కారం ఉంటుంది. స్టీల్‌బ్రిడ్జికి ఇరువైపులా ఉన్న అక్బర్‌బాగ్, చంచల్‌గూడ, సైదాబాద్, ఐఎస్‌సదన్, మాదన్నపేట, సంతోష్‌నగర్‌ డివిజన్ల పరిధిలోని ఎన్నో కాలనీలు, బస్తీలవాసులు రాకపోకలు సాగించడానికి పిల్లర్ల నెంబర్లు ఉపయుక్తంగా ఉంటాయని, వెంటనే అధికారులు స్పందించాలని సైదాబాద్‌ డివిజన్‌ బీజేపీ అధ్యక్షుడు గంగిశెట్టి రాజేష్‌ పేర్కొన్నారు. దీనిపై అధికారులు వెంటనే స్పందించాలని విజ్ఞప్తి చేశారు.

సాక్షి, హైదరాబాద్‌: ప్రయాణికురాలి దాడిలో గాయపడి హైదరాబాద్‌లోని సాయి సంజీవని ఆసుపత్రిలో చికిత్స పొందుతున్న మణుగూరు డిపో ఆర్టీసీ మహిళా కండక్టర్‌ ప్రవళికను ఆర్టీసీ ఎగ్జిక్యూటివ్‌ డైరెక్టర్‌ సిహెచ్‌ వెంకన్న సోమవారం పరామర్శించారు. ఆమెకు అన్ని విధాలుగా అండగా ఉంటామని చెప్పారు. కండక్టర్‌పై దాడికి పాల్పడ్డ మహిళపై చట్టప్రకారం కఠిన శిక్ష పడేలా చర్యలు తీసుకుంటామన్నారు. ఇదీ చదవండి: బస్సులో నుంచి కండక్టర్‌ను తోసేసిన మహిళ

హైదరాబాద్‌: ఉజ్బెకిస్తాన్‌ మహిళలతో సాగుతున్న వ్యభిచార కార్యకలాపాలకు మాదాపూర్‌ పోలీసులు చెక్‌ పెట్టారు. కూకట్‌పల్లి ఎస్‌వోటీ బృందంతో కలిసి ఆదివారం రాత్రి దాడి చేసి ముగ్గురు యువతులను అదుపులోకి తీసుకున్నారు. ఇన్‌స్పెక్టర్‌ కేవీ సుబ్బారావు తెలిపిన మేరకు.. చంద్రనాయక్‌ తండాలోని ఓ అపార్ట్‌మెంట్‌లో వ్యభిచారం జరుగుతున్నట్టు సమాచారం రావడంతో దాడి చేశారు. నిర్వాహకుడు నాయక్‌ పరారీ కాగా అతడి కోసం గాలిస్తున్నారు. అదుపులోకి తీసుకున్న మహిళలు ఉజ్బెకిస్తాన్‌ సనర్‌ఖండ్‌ ప్రాంతానికి చెందినవారు. వీరికి సరైన పాస్‌పోర్టు, వీసాలు లేవు. నెల క్రితం నేపాల్‌ నుంచి మన దేశంలోకి వచ్చారు. ఢిల్లీకి చెందిన వ్యక్తి వీరిని నాయక్‌కు అప్పగించాడు. కోర్టు ద్వారా హోంకు పంపించారు.

హైదరాబాద్‌: స్నానం చేసేందుకు నీటిని వేడి చేస్తుండగా ప్రమాదవశాత్తు వాటర్‌ హీటర్‌ తగిలి ఓ వివాహిత మృతి చెందింది. ఈ విషాద ఘటన నగరంలోని బోరబండ పోలీస్‌స్టేషన్‌ పరిధిలో ఉన్న భరత్‌నగర్‌లో ఆదివారం సాయంత్రం చోటుచేసుకుంది. రెండు నెలల పసిబాబును వదిలి ఆమె మృతి చెందడంతో కుటుంబంలో విషాదం నెలకొంది.పోలీసుల వివరాల ప్రకారం.. భరత్‌నగర్‌లో అబ్దుల్‌ రవూఫ్‌ తన భార్య అయేషాబేగంతో కలిసి అద్దె ఇంట్లో నివసిస్తున్నాడు. రవూఫ్‌ ప్లంబర్‌గా పనిచేస్తున్నాడు. ఈ దంపతులకు రెండు నెలల క్రితమే బాబు జన్మించాడు. ఈ క్రమంలో ఆదివారం సాయంత్రం అయేషాబేగం స్నానం చేసేందుకు నీటి బకెట్‌లో వాటర్‌ హీటర్‌ను పెట్టింది. అయితే, ప్రమాదవశాత్తు హీటర్‌ తగలడంతో విద్యుదాఘాతానికి గురై ఆమె అక్కడికక్కడే మృతి చెందింది.కింద పోర్షన్‌లో నివసిస్తున్నవారు బాబు ఏడుపులు విని పైకి వచ్చి చూడగా.. అప్పటికే అయేషాబేగం మృతి చెంది ఉంది. దీంతో కుటుంబసభ్యులు తీవ్ర విషాదంలో మునిగిపోయారు. మృతురాలి కుటుంబసభ్యుల ఫిర్యాదు మేరకు బోరబండ పోలీసులు కేసు నమోదు చేశారు. ఘటనకు సంబంధించి దర్యాప్తు చేస్తున్నట్లు పోలీసులు తెలిపారు.ఇదీ చదవండి: అప్పుల బాధ తట్టుకోలేక.. కూతురికి లొకేషన్ షేర్ చేసి.!

హైదరాబాద్ : న‌గ‌రం ఎలా ఉండేది.. ఆక్ర‌మాణ‌ల‌తో ఎలా వ‌ర‌ద‌ల‌కు గురైంది.. ప్లాస్టిక్ వ్య‌ర్థాల‌తో వ‌ర‌ద కాలువ‌లు ఎలా నిండిపోయాయి.. హైడ్రా వ‌చ్చిన త‌ర్వాత న‌గ‌రం ఎలా భ‌ద్రంగా మారింది అనే అంశాల‌ను వివ‌రిస్తూ రాంగోపాల్ పేట పోలీస్ స్టేషన్ సీఐ బొడ‌సింగి సురేష్ కుమార్ పాడిన పాట‌ను హైడ్రా క‌మిష‌న‌ర్ శ్రీ ఏవీ రంగనాథ్ విడుద‌ల చేశారు. రాంగోపాల్ పేట పోలీస్ స్టేషన్ SHO, సర్కిల్ ఇన్స్పెక్టర్ గా విధులు నిర్వ‌హిస్తూనే.. జ‌నాన్ని చైత‌న్యం చేస్తూ సురేష్ కుమార్ ప‌లు పాట‌లు పాడ‌డం అభినంద‌నీయ‌మ‌ని హైడ్రా క‌మిష‌న‌ర్ శ్రీ ఏవీ రంగ‌నాథ్ ఈ సందర్భంగా అన్నారు.ఇటీవ‌ల గ‌ణేష్ ఉత్స‌వాల స‌మ‌యంలో డీజే సౌండ్స్ మీద సురేష్ త‌న పాట‌తో తెచ్చిన చైత‌న్యం అభినంద‌నీయ‌మ‌న్నారు. సురేష్ కడారి ఈ పాట‌ను ర‌చించ‌గా.. క‌ళ్యాణ్ కీస్ సంగీతం అందించారు.

సాక్షి, హైదరాబాద్‌: ఆధునిక ప్రపంచంలో మనుషుల జీవనశైలి వేగంగా మారుతోంది. నగరాల్లోని ప్రజల ఆహార అలవాట్ల వల్ల పొట్టలో మేలు చేసే సూక్ష్మజీవుల (బ్యాక్టీరియా) స్వరూపమే మారిపోతోంది. కానీ మన గిరిజన తెగల ఆహారంలో స్వల్ప మార్పులు వస్తున్నా వారి శరీరంలోని రోగనిరోధక శక్తి, జీర్ణశక్తి శతాబ్దాల నాటి సంప్రదాయ పద్ధతుల్లోనే కొనసాగుతోందని హైదరాబాద్‌ కేంద్రీయ విశ్వవిద్యాలయం శాస్త్రవేత్తల తాజా పరిశోధనలో తేలింది. ముఖ్యంగా చెంచులు, సవర తెగలకు చెందిన ప్రజల్లో ఈ జీర్ణకోశ శక్తులు ఇంకా పదిలంగా ఉన్నట్లు శాస్త్రవేత్తలు గుర్తించారు. అంతర్జాతీయంగా గుర్తింపు పొందిన ప్రముఖ విజ్ఞాన శాస్త్ర పత్రిక బీఎంసీలో ఈ వివరాలు ప్రచురితమయ్యాయి.ఏమిటీ పరిశోధన? ఆంత్రోపోలాజికల్‌ సర్వే ఆఫ్‌ ఇండియా, హైదరాబాద్‌ కేంద్రీయ విశ్వవిద్యాలయానికి చెందిన శాస్త్రవేత్తలు అన్వేష్‌ మైలే, హెచ్‌.ఎ. నాగరాజారాం, అలేఖ్య పొన్నాడ తదితరులు ఈ అధ్యయనాన్ని నిర్వహించారు. ఇందుకోసం వారు 2023 నుంచి దాదాపు రెండేళ్లపాటు దేశవ్యాప్తంగా ఆరు గిరిజన తెగలకు చెందిన 18–45 ఏళ్ల వయసున్న 234 మంది ఆరోగ్యవంతులైన యువత శరీరంలోని జన్యువులను, పొట్టలోని జీవక్రియలను విశ్లేషించారు.ఈ అధ్యయనంలో మనుషుల జీర్ణవ్యవస్థలో ఆహారాన్ని అరిగించడానికి, రోగాల బారి నుంచి రక్షించడానికి మూడు ప్రధాన రకాల సూక్ష్మజీవుల సమూహాలు (ప్రొఫైల్స్‌) పనిచేస్తున్నట్లు శాస్త్రవేత్తలు కనుగొన్నారు. పరిశోధనలో భాగంగా చెంచు, సవర తెగలకు చెందిన మొత్తం 79 మందిని శాస్త్రవేత్తలు పరీక్షించగా ఏకంగా 65 మంది గిరిజనుల్లో ఇప్పటికీ పూర్తి సంప్రదాయక జీర్ణకోశ పద్ధతులే బలంగా ఉన్నట్లు నిర్ధారణ అయింది. కేవలం 14 మందిలో మాత్రమే ఆధునిక కాలపు పట్టణ సూక్ష్మజీవుల ఆనవాళ్లు కనిపించాయి.అయితే ఇక్కడే ఒక పెద్ద ఆశ్చర్యకరమైన విషయం వెలుగుచూసింది. ఆధునిక ప్రభావం పడి జీవనశైలి మారిన ఆ 14 మందిలోనూ పాతకాలపు ఆహారాన్ని అరిగించే శక్తులు, శరీరానికి కావాల్సిన ముఖ్యమైన విటమిన్లను సొంతంగా తయారు చేసుకొనే జన్యుపరమైన రక్షణ కవచాలు కొనసాగుతున్నాయి. అంటే వారి ఆహార అలవాట్లు మారుతున్నట్లు కనిపిస్తున్నా లోపల ఉన్న శారీరక వ్యవస్థ మూలాలు మాత్రం చెక్కుచెదరలేదు. నల్లమల అడవుల్లో నివసించే చెంచుల్లోని అధిక శాతం మందిలో సంప్రదాయ, ధాన్యాలను అరిగించే శక్తులే ఎక్కువగా ఉన్నట్లు తేలింది. అలాగే ఉత్తరాంధ్రలోని కొండ ప్రాంతాల్లో నివసించే సవర తెగల్లోనూ అత్యధికంగా ఈ శక్తులే కనిపించాయి.ప్రపంచానికే తెలియని కొత్త సూక్ష్మజీవులు..ఈ పరిశోధన ద్వారా శాస్త్రవేత్తలు మానవ శరీరంలో నివసించే 1,616 రకాల సూక్ష్మజీవులను గుర్తించారు. అయితే ఇందులో అత్యంత విస్మయకరమైన విషయం ఏమిటంటే.. దాదాపు 813 రకాల బ్యాక్టీరియా ఏ జాతికి చెందినదో, దాని పేరేమిటో ఇప్పటివరకు ప్రపంచంలో ఉన్న ఏ డేటాబేస్‌లోనూ నమోదు కాలేదు.ప్రకృతితో ముడిపడిన గిరిజనుల జీవన విధానం, వారి శారీరక దృఢత్వాన్ని ఎలా కాపాడుతుందో ఈ పరిశోధన వెల్లడించింది. ఆధునిక వైద్య శాస్త్రానికి, భవిష్యత్తులో రాబోయే రోగాలకు మందులు కనుగొనడానికి మన గిరిజనుల జీవక్రియలు ఎంతో ఉపయోగపడతాయని శాస్త్రవేత్తలు ఆశాభావం వ్యక్తం చేస్తున్నారు.ఇదీ చదవండి: రూ.600కే ఆర్టీసీ వీక్లీ బస్‌పాస్‌

శ్రీరంగం కామేష్ హైదరాబాద్‌లోని బోరబండలో సున్నం చెరువు చుట్టూ ఉన్న పలువురు తమ బెడ్రూములు... వంట గదులు... ఇతర ఇంటి గదులు... మెట్ల కింద... ఇలా ఎవరూ ఊహించని చోట్ల అక్రమంగా బోర్లు వేసి మాదాపూర్‌లోని అనేక ప్రాంతాలకు ఆ నీటిని విక్రయిస్తున్న వైనాన్ని హైడ్రా శనివారం చేపట్టిన ఆపరేషన్‌ బట్టబయలు చేసింది. కేవలం ఈ ఒక్క ప్రాంతంలోనే కాదు రాజధానిలోని అనేక చోట్ల అక్రమ బోర్లతో నీటి దందా యథేచ్ఛగా సాగుతోంది. ఈ అక్రమార్కులు ఏళ్లుగా నీటిని తోడేస్తూ భూగర్భ జలాలు మరింత కిందికి వెళ్లిపోవడానికి కారణమవుతున్నారు. ఇలా వాల్టా చట్టానికి తూట్లు పొడుస్తున్నా సంబంధిత విభాగాలు మాత్రం నిమ్మకు నీరెత్తినట్లు వ్యవహరిస్తున్నాయి. పట్టుమని పది సంస్థలూ లేవు... భూగర్భ జలాల లభ్యతపై ఆ ప్రాంత అభివృద్ధి ఆధారపడి ఉంటుంది. ఈ నేపథ్యంలోనే వీటి వినియోగంపై అనేక ఆంక్షలున్నాయి. కనీసం గృహావసరాల కోసం బోరు వేయాలన్నా కచ్చితంగా స్థానిక తహసీల్దార్‌ నుంచి అనుమతి తీసుకోవాల్సిందే. ఇలా వేసిన బోరు నీటిని కేవలం గృహ, వ్యక్తిగత అవసరాలకు మాత్రమే వినియోగించాలి. కనీసం ఒక్క ట్యాంకర్‌ కూడా విక్రయించడానికి ఆస్కారం లేదు. ప్లాంట్‌ ఏర్పాటు చేసి, అనుమతి పొందితే శుద్ధి చేసిన తాగు నీరు విక్రయించవచ్చు. ట్యాంకర్ల ద్వారా నీటిని అమ్మాలంటే కచి్చతంగా భూగర్భ జల శాఖ వద్ద అనుమతి తీసుకోవాలి. ప్రస్తుతం ఇలా అనుమతి తీసుకున్న వ్యక్తులు, సంస్థలు రాజధాని వ్యాప్తంగా కనీసం పది కూడా లేవు. భూగర్భ జలాలు పరిమితంగా ఉన్న చోట ఇలా బోర్ల ద్వారా విక్రయానికి అనుమతి అసలే లభించదు. ప్రస్తుతం నగరంలో మాత్రం ఎలాంటి అనుమతులు లేకుండా వేల అడుగుల లోతుకు బోర్లు వేసి నీటిని విక్రయిస్తున్న వాళ్లు వందల సంఖ్యలో ఉన్నారు. పగటి కంటే రాత్రివేళ ఎక్కువగా... సాధారణ రోజుల్లో ఈ అక్రమ నీటి దందా పగటి వేళలో కంటే రాత్రి పూటనే ఎక్కువగా జరుగుతుంది. వేసవి వచి్చందంటే చాలు అక్రమార్కులు ట్యాంకర్ల ద్వారా 24 గంటలూ నీటిని తరలిస్తూనే ఉంటారు. భారీఎత్తున బోర్లు వేసిన ఈ అక్రమార్కులు విద్యుత్‌ సరఫరాలో అంతరాయం కలిగినప్పుడు వినియోగించడానికి ప్రత్యేకంగా జనరేటర్లు ఏర్పాటు చేసుకుంటున్నారు. జీఎస్టీ సహా ఏ విభాగానికీ ఒక్క రూపాయి కూడా పన్ను చెల్లించకుండా రూ.లక్షల్లో వ్యాపారం చేస్తున్నారు. ఒక్కో ట్యాంకర్‌ను దాని పరిమాణాన్ని బట్టి సాధారణ రోజుల్లో రూ.1,000 నుంచి రూ.3,000 వరకు విక్రయిస్తుండగా, వేసవిలో ఇది రూ.5 వేల నుంచి రూ.10 వేలకు చేరుతుంది. ఇలా రోజుకు కొన్ని వందల ట్యాంకర్ల నీటిని ప్రముఖ హోటళ్లు, లాడ్జీలు, అపార్ట్‌మెంట్స్, హాస్టళ్లకు అమ్మేస్తున్నారు. ట్యాంకర్ల పరిస్థితీ ఫిట్‌‘లెస్‌’గానే... ఈ నీటిని తరలించడానికి వినియోగించే ట్యాంకర్లు సైతం ఫిట్‌నెస్‌కు ఆమడదూరంలో ఉంటున్నాయి. పాలు, పెట్రోలియం ఉత్పత్తులు, రసాయనాలు తరలించడానికి వినియోగించి, అప్పటికే శిథిలావస్థకు చేరిన ట్యాంకర్లను తక్కువ రేటుకు ఖరీదు చేసి వీటి కోసం వాడుతున్నారు. ఇవి రోడ్లపై ప్రయాణించినంత సేపూ కొన్ని లీటర్ల నీరు వృథాగా కారిపోతుంటుంది. అనేక సందర్భాల్లో ఈ ట్యాంకర్లు ప్రమాదాలకూ కారణమయ్యాయి. తెలంగాణ వాటర్, ల్యాండ్‌ అండ్‌ ట్రీస్‌ యాక్ట్‌ (వాల్టా)–2002లో భూగర్భ జలాల సంరక్షణకు సంబంధించిన నిబంధనలు ఉన్నాయి. ప్రజల తాగునీటి వనరులకు నష్టం కలిగించేలా నీటిని తోడితే, వాణిజ్య అవసరాల కోసం నీటి వెలికితీతను నిషేధించే చర్యలు తీసుకోవచ్చు. నివాస ప్రాంతాలు, రీచార్జ్‌ జోన్లలో నీటి వనరులు దెబ్బతినే పరిస్థితుల్లో విక్రయాల కోసం నీటిని తోడటంపై ఆంక్షలు విధించవచ్చు. పాల ఉత్పత్తులకూ... ఈ అక్రమ నీటి వ్యాపారం వెనుక ఆరోగ్యానికి చేటు కలిగించే కోణమూ ఉంది. ట్యాంకర్లలో నీటిని నింపే బోర్లలో కొన్ని మూసీ తీరంలో ఉన్నాయి. ఫలితంగా ఈ నీళ్లల్లో మూసీలోని రసాయన వ్యర్థాల ఆనవాళ్లూ ఉంటున్నాయి. ఈ నీటిని కొంటున్న హోటళ్లు, లాడ్జీల నిర్వాహకులు విషయం తెలిసినా వినియోగించేస్తున్నారు. ఫతుల్లాగూడలో ఏళ్లుగా సాగుతున్న రెండు అక్రమ బోర్లు మూసీ నదికి కేవలం 200 మీటర్ల దూరంలో ఉంటాయి. వీటిలో నుంచి నీటిని ట్యాంకర్ల ద్వారా ఉప్పల్‌ ఇండ్రస్టియల్‌ ఏరియాలో ఉన్న ప్రముఖ పాల ఉత్పత్తుల తయారీ కంపెనీకి తరలిస్తున్నారు. కేవలం ఈ ఒక్క సంస్థే కాదు... నగరంతోపాటు చుట్టుపక్కల ఉన్న అనేక పాల, ఆహార ఉత్పత్తుల్ని తయారు చేసే సంస్థలకూ మూసీ తీరంతోపాటు ఇతర చోట్ల ఉన్న అక్రమ బోర్ల నుంచే నీరు అందుతోంది. పట్టించుకోని యంత్రాంగం అక్రమ నీటి దందాలను అడ్డుకోవాల్సిన రెవెన్యూ అధికారులు దీనివైపు కన్నెత్తి కూడా చూడట్లేదు. ఫలితంగా రాజధానిలోని అనేక ప్రాంతాల్లో భూగర్భ జాలాలు అడుగంటిపోతున్నాయి. ట్యాంకర్‌ డ్రైవర్ల నిర్లక్ష్యపూరిత డ్రైవింగ్‌ కారణంగా వాహనచోదకులు ప్రాణాలు అరచేతిలో పెట్టుకుని ప్రయాణించాల్సి వస్తోంది. ఇవి తిరిగే మార్గాల్లో రహదారులు సైతం ఛిద్రం అవుతున్నాయి. ఈ అక్రమ నీటి వ్యాపారంపై రెవెన్యూ సహా ఇతర విభాగాలు అప్పుడప్పుడు నామ్‌కేవాస్తేగా చర్యలు చేపడుతుంటాయి. అయినా మళ్లీ కొన్ని రోజులకే ఆ అక్రమ బోర్లు మళ్లీ యథావిధిగా పనిచేస్తున్నా అధికారుల కంటికి మాత్రం కనిపించట్లేదు. ఇకనైనా జలమండలి, రెవెన్యూ అధికారులు స్పందించి అక్రమ నీటి వ్యాపారాన్ని అడ్డుకోవాలని, బాధ్యులపై చర్యలు తీసుకోవాల్సిన అవసరం ఉందని పర్యావరణవేత్తలు కోరుతున్నారు. ‘అనుమతులు లేకుండా బోర్లు వేయడం నేరం. ట్యాంకర్ల ద్వారా అక్రమంగా నీటి వ్యాపారం చేస్తున్న వారిపై చర్యలు ఉంటాయి. అలాంటి బోర్లు, వాహనాలు సీజ్‌ చేస్తాం’అని రెవెన్యూ అధికారులు చెప్తున్నారు. అక్రమ నీటి దందాలకు మచ్చుతునకలు ⇒ బాపూఘాట్‌ నుంచి నాగోల్‌ వరకు మూసీ తీరం వెంట అనేక చోట్ల అక్రమ నీటి వ్యాపారం జరుగుతోంది. ⇒ అంబర్‌పేట శ్మశాన వాటికకు కూతవేటు దూరంలోనూ బోర్ల ద్వారా నీటిని తోడేసి విక్రయిస్తున్నారు. ⇒ న్యూ మార్కెట్‌ మెట్రోస్టేషన్‌ సమీపంలో ఏకంగా ఓ భవనం లోపల నుంచే ట్యాంకర్లలోకి నీళ్లు నింపుతూ ఉంటారు. ⇒ ఛే నంబర్‌ ఫ్లైఓవర్‌ మార్గంలో సర్వీసింగ్‌ సెంటర్లు, మరమ్మతుల దుకాణాల ముసుగులో నీటి దందా. ⇒ శ్రీనగర్‌ కాలనీలోని అనేక ప్రాంతాల్లో ప్రహరీగోడలు, భారీ గేట్ల మధ్య జోరుగా ఈ అక్రమ నీటి వ్యాపారం జరుగుతోంది.

హైదరాబాద్: జవహర్ నగర్ డంపింగ్ యార్డు కాలుష్య నియంత్రణకు, దాని సమస్యల నుంచి శాశ్వత పరిష్కారం కోసం ఎంపీ ఈటల రాజేందర్ రౌండ్ టేబుల్ సమావేశం నిర్వహించారు. మేధావులు, పర్యావరణ వేత్తలు, డంపింగ్ యార్డు బాధితులు ఇందులో పాల్గొన్నారు.ఈ సమావేశంలో ఈటల రాజేందర్ మాట్లాడుతూ.. ‘‘జవహర్ నగర్ లో ప్రాణం పోయినా పర్లేదు అని జీవిస్తున్నారు. కోర్టులు ఇచ్చిన తీర్పులు కూడా అమలు చేయడం లేదు. కంచె చేను మేసినట్టు పాలకులు వ్యవహరిస్తున్నారు. ప్రజలకు చట్టాల మీద నమ్మకం పోతుంది. జవహర్ నగర్ లో మొదట కదిలించిన సంఘటన.. కుక్కలు ఒక బాబును పీక్కొని తిన్నాయి. రాంకీ సీఎస్‌ఆర్‌ డబ్బులు ఇక్కడ తాగునీరు, రోడ్లు ప్రజలకు ఖర్చు చేయకుండా వేరే రాష్ట్రాల్లో ఖర్చు పెడుతున్నారు. రాజ్యాంగాన్ని అపహాస్యం చేసే వారికి ఏం శిక్ష విధించాలి? సీఎం రేవంత్ ను మొదటి సారి కలిసింది జవహర్ నగర్ ప్రజలకోసం. దీనిని పరిష‍్కరించాలని కోరితే.. మీరే మీటింగ్ పెట్టండి అని పెట్టించారు. కానీ చిత్తశుద్ధి లేదు. నాలుగు నెలలు దాటింది కానీ ఎక్కడ వేసిన గొంగళి అక్కడే ఉంది. ఇంకో దగ్గర చెత్త వేయడానికి ప్రజలు ఒప్పుకోరు కాబట్టి జీరో పొల్యూషన్ టెక్నాలజీతో చెత్త డంపింగ్ కేంద్రాలు ఏర్పాటు చేయాలి. మహిళలకు గర్భస్రావాలు అవుతున్నాయి. జవహర్ నగర్ చుట్టుపక్కల నరక కూపంగా మారింది. 30 కిలోమీటర్ల రేడియస్ లో కాలుష్యం ఇబ్బంది ఉంది. ఈ ఏరియా పిల్లలను స్కిన్ ఇన్ఫెక్షన్ ఉందని స్కూల్స్ కూడా చేర్చుకోవడం లేదు. డంప్ యార్డు సమస్య గురించి పార్లమెంట్లో మాట్లాడాను. చెత్తను ఎలక్ట్రిసిటీ జనరేషన్, బయోగ్యాస్, ఆర్గానిక్ మెన్యూర్ గా చేయవచ్చు. 27 నుంచి పాదయాత్ర మొదలు పెడుతున్నాను. నేను రాజీపడే ప్రసక్తి లేదు. బాధితులు ఇంటికి ఒకరు వస్తారు అని భావించి పాదయాత్ర మొదలు పెడుతున్నా. తప్పకుండా ప్రభుత్వం దిగివస్తుంది అని భావిస్తున్నా. కేంద్రం నుంచి నిధులు తెప్పించే బాధ్యత కూడా మేమే తీసుకుంటాం. రేవంత్ రెడ్డి దీనిమీద రాజకీయం చేయవద్దు’’ అని తెలిపారు.

అన్ని రకాల సేవలను ఒకే వేదికపై అందించాలనే లక్ష్యంతో రూపొందించిన మరో యాప్ జుఒన్‌ (JUONE). ఈ యాప్‌ను ప్రముఖ నటి ఇంద్రజ చేతుల మీదుగా గ్రాండ్‌గా లాంఛ్ చేశారు. హైదరాబాద్‌ గచ్చిబౌలిలోని పీర్‌లెస్ హోటల్‌లో ఈ ఈవెంట్‌ జరిగింది. ఈ కార్యక్రమంలో సినీ నటి ఇంద్రజతో పాటు ఏఎన్‌ఎన్ మీడియా గ్రూప్ వ్యవస్థాపకులు కంది రామచంద్రారెడ్డి, జబర్దస్త్ రాము, యాప్ బ్రాండ్ అంబాసిడర్ రాధిక ముఖ్య అతిథులుగా పాల్గొన్నారు. తెలంగాణ‌, ఆంధ్ర‌ప్ర‌దేశ్‌తో పాటు తమిళనాడు, కర్నాటక రాష్ట్రాలతో పాటు సెమీ-అర్బన్, పట్టణ ప్రాంతాల్లో ‘జుఒన్‌’ సూప‌ర్ యాప్ సేవలు అందుబాటులోకి వచ్చాయి.ఈ సందర్భంగా నటి ఇంద్రజ మాట్లాడుతూ.. 'ప్రస్తుత డిజిటల్‌ యుగంలో ప్రజల రోజువారీ అవసరాలకు అనుగుణంగా అన్ని రకాల సేవలను ఒకే వేదికపై అందించడం అభినందనీయమని నిర్వ‌హ‌కుల‌ను అభినందించారు. జుఒన్‌ సూపర్‌ యాప్‌ ప్రజలకు ఎంతో సౌకర్యవంతంగా ఉపయోగపడుతుంది. ఈ వినూత్న ప్రయత్నం విజయవంతం కావాలని' ఆమె ఆకాంక్షించారు.జుఒన్‌ బ్రాండ్‌ అంబాసిడర్‌ రాధిక మాట్లాడుతూ.. 'ఫుడ్‌ డెలివరీ, షాపింగ్‌, ప్రయాణం, ఆరోగ్యం, గృహ సేవలు వంటి అనేక అవసరాలకు ఒకే యాప్‌ అందుబాటులోకి రావడం సంతోషంగా ఉంది. 25 రకాల సర్వీసులు ప్రతి ఒక్కరికీ ఉపయోగపడేలా రూపొందించిన జుఒన్‌ సూపర్‌ యాప్‌ను ప్రజలు ఆదరించాలి. ఈ యాప్‌ మరింత అభివృద్ధి చెంది విస్తృత ఆదరణ పొందాలని' ఆకాంక్షించారు.ఒకే యాప్‌.. ఎన్నో సేవలు..‘కనెక్ట్‌, సర్వీసెస్‌, గ్రో’.. ‘వన్‌ యాప్‌, మెనీ సొల్యూషన్స్‌’ అనే నినాదాలతో ముందుకొచ్చిన జుఒన్‌.. వినియోగదారుల రోజువారీ అవసరాలను సులభతరం చేసే లక్ష్యంతో విభిన్న సేవలను ఒకే డిజిటల్‌ వేదికపైకి తీసుకొచ్చింది. ఆహారం ఆర్డర్‌ చేయడం నుంచి నిత్యావసర సరుకులు తెప్పించుకోవడం వరకు, ప్రయాణాల కోసం క్యాబ్‌లు బుక్‌ చేసుకోవడం నుంచి హోటళ్లు, రిసార్టులు రిజర్వ్‌ చేసుకోవడం వరకు అనేక సౌకర్యాలను ఒకే యాప్‌ ద్వారా పొందేలా రూపొందించారు. కాగా.. టుగెదర్‌ ఫర్‌ ఏ స్మార్టర్‌ టుమారో అనే సందేశంతో ముందుకొచ్చిన జుఒన్‌ యాప్‌ ద్వారా అనేక సేవలను అందించే సూపర్‌ యాప్‌ విభాగంలో తనదైన గుర్తింపు సాధించాలని లక్ష్యంగా పెట్టుకుంది.

సాక్షి, హైదరాబాద్‌: రామంతపూర్‌ చర్చ్‌ కాలనీలో భారీ పేలుడు సంభవించింది. స్క్రాప్‌ షాపులో లోహాన్ని కట్‌ చేస్తుండగా ఒక్కసారిగా పేలుడు జరిగింది. పేలుడు తర్వాత షాపులో మంటలు చెలరేగాయి. ప్రమాదంలో స్క్రాప్‌ డీలర్‌ పరశురామ్‌కు తీవ్ర గాయాలయ్యాయి.బాధితుడిని అంబులెన్స్‌లో గాంధీ ఆసుపత్రికి తరలించారు. బాధితుడి శరీరంలో సుమారు 70 శాతం కాలినట్లు సమాచారం. పరశురామ్‌ పరిస్థితి విషమంగా ఉన్నట్లు తెలుస్తోంది. ఘటనాస్థలానికి చేరుకున్న రెండు అగ్నిమాపక వాహనాలు.. మంటలను అదుపులోకి తెచ్చాయి.ఇదీ చదవండి: మనసెలా వచ్చిందమ్మా..?

సాక్షి, హైదరాబాద్‌: సినిమా స్టోరీని తలపించేలా పోలీస్‌ ఆఫీసర్‌ అవతారమెత్తి గన్‌లతో కిడ్నాప్‌లు, దౌర్జన్యాలకు పాల్పడుతున్న మోస్ట్‌ వాంటెడ్, డేంజరస్‌ క్రిమినల్‌పై సైబరాబాద్‌ కమిషనర్‌ ఎం రమేష్‌ ఉక్కుపాదం మోపారు. ఐదు రకాల దొంగ పేర్లతో చెలామణి అవుతూ పదేపదే నేరాలకు పాల్పడుతున్న నాగారాజు రఘు వర్మ (29)పై శనివారం పీడీ చట్టాన్ని ప్రయోగించారు. ఇతనిని గూండాగా ప్రకటిస్తూ.. చర్లపల్లి సెంట్రల్‌ జైలుకు తరలించారు. డ్రైవర్‌ నుంచి.. క్రైమ్‌ సామ్రాజ్యానికి.. ఆంధ్రప్రదేశ్‌లోని పశ్చిమ గోదావరి జిల్లా పోడూరు మండలానికి చెందిన నాగరాజు రఘు వర్మ కొన్నేళ్ల క్రితం ఉపాధి కోసం హైదరాబాద్‌కు వలస వచ్చాడు. తొలుత డ్రైవర్‌గా జీవితాన్ని ప్రారంభించిన ఇతగాడు.. విలాసవంతమైన జీవితాన్ని గడపాలనే కోరికతో నేరాల బాట పట్టాడు. ఈక్రమంలోనే ఖాకీ అవతారమెత్తిన నాగరాజు. తానొక పెద్ద పోలీస్‌ అధికారిని అంటూ అమాయక బాధితులకు ఎర వేయడం మొదలుపెట్టాడు. బాధితులను టార్గెట్‌ చేసి, వారిపై వివిధ పోలీస్‌ స్టేషన్లలో కేసులు నమోదయ్యాయని నమ్మించేవాడు. ‘మిమ్మల్ని అరెస్ట్‌ చేస్తాం, చట్టపరమైన కఠిన చర్యలు ఉంటాయి’ అని భయభ్రాంతులకు గురిచేసేవాడు. ఆ తర్వాత కేసుల నుంచి కాపాడతామంటూ నమ్మించి డబ్బు వసూలు చేసేవాడు. అంతటితో ఆగకుండా బాధితులను ఏకంగా కిడ్నాప్‌ చేసి, తుపాకులు చూపించి వారి వద్ద ఉన్న నగదును దోచుకునేవాడు. 2017 నుంచి 2026 మధ్య కాలంలో14 రకాల కేసులలో ప్రధాన నిందితుడు.జైలు నుంచి రాగానే మళ్లీ పంజా.. సాధారణంగా పీడీ చట్టం పడితే నేరస్థుల్లో భయం వస్తుంది. కానీ ఈ ఇతను మాత్రం జైలు నుంచి విడుదలైన ప్రతిసారీ పాత నేరాలనే మరింత స్పీడ్‌గా రిపీట్‌ చేసేవాడు. జైలు నుంచి బయటకు రాగానే పోలీస్‌ అధికారిగా నటిస్తూ కిడ్నాప్, దోపిడీలకు సంబంధించిన మరో నాలుగు కొత్త కేసులకు తెరలేపాడు. దీంతో రంగంలోకి దిగిన జగద్గిరిగుట్ట పోలీసులు అత్యంత చాకచక్యంగా ప్లాన్‌ వేసి ఇతని ఆట కట్టించి, కటకటాల వెనక్కి నెట్టారు. గతంలో రెండుసార్లు (2021, 2024) పీడీ చట్టం విధించినా బుద్ధి మార్చుకోకుండా, సమాజంలో పదేపదే భయాందోళనలు సృష్టిస్తున్న నాగరాజు రఘు వర్మపై సైబరాబాద్‌ కమిషనర్‌ మరోసారి పీడీ యాక్ట్‌ ఉత్తర్వులు జారీ చేశారు.

ఇటీవలే మనదేశంతోపాటు నేపాల్‌లోనూ వరదల వల్ల కొండచరియలు విరిగిపడి తీవ్ర నష్టం సంభవించిన సంగతి తెలిసిందే. ఈ సమస్యను గుర్తించిన ఓ విద్యార్ధి దీనికో పరిష్కారాన్ని కనిపెట్టాలని తపించాడు.‘సమ్మిట్‌ సాథీ’ పేరుతో ప్రకృతి వైపరీత్యాల నుంచి ప్రజలను కాపాడే సరికొత్త శాటిలైన్‌ను ఆవిష్కరించాడు. సాధారణంగా వాతావరణ సమాచారాన్ని తెలుసుకోవాలంటే ఇంటర్నెట్, మొబైల్‌ నెట్‌వర్క్‌లు లేదా ఇతర సమాచార వ్యవస్థలపై ఆధారపడాల్సి ఉంటుంది. కానీ మారుమూల పర్వత ప్రాంతాల్లో భారీ వర్షాల సమయంలో ఈ వ్యవస్థలు పనిచేయకపోవచ్చు. ఇలాంటి సమస్యను అధిగమించడమే సమ్మిట్‌సాథి ప్రధాన ఉద్దేశం. హైదరాబాద్‌కు చెందిన ఆగమ్‌ జైన్‌ 12వ తరగతి చదువుతున్నాడు. నెట్‌వర్క్‌ లేని ప్రాంతాలకు కూడా సమాచారాన్ని చేరవేసే వ్యవస్థను రూపొందించాలనుకున్నాడు. వాతావరణ ఉపగ్రహాల నుంచి మేఘాలకు సంబంధించిన చిత్రాలను నేరుగా స్వీకరించి స్థానిక ప్రజలకు అందించడం ఈ పరికరం ప్రత్యేకత. అందుబాటులో ఉండే ఎలక్ట్రానిక్‌ విడి భాగాలతోనే దీన్ని రూపొందించడం విశేషం. ఒక్కో పరికరం తయారీకి సుమారు రూ.68 వేల వరకూ ఖర్చు అవుతుందని ఈ ప్రాజెక్టుపై పనిచేస్తున్న బృందం తెలిపింది.సెరాజ్‌ లోయ ద్వారా... హిమాచల్‌ ప్రదేశ్‌లోని మండి జిల్లాలో ఉన్న సెరాజ్‌ లోయలో ఈ వ్యవస్థను అందుబాటులోకి తీసుకురానున్నారు. మూడు రిసీవర్ల ద్వారా పది గ్రామాల్లోని వెయ్యి మందికి పైగా ప్రజలకు వాతావరణ సమాచారాన్ని చేరవేయాలన్నది ప్రాజెక్టు లక్ష్యం. దీన్ని నిర్వహించేందుకు స్థానికులకు శిక్షణ కూడా ఇచ్చారు. మొబైల్‌ నెట్‌వర్క్‌ లు పనిచేయని పరిస్థితుల్లోనూ ఉపగ్రహ వాతావరణ చిత్రాలను వీరు స్వీకరించి ప్రజలకు అందించగలరు.– సత్యబాబు

సాధారణంగా ఆర్ట్‌ గ్యాలరీని సందర్శించడం అంటే అదొక నిశ్చలమైన... నిశ్శబ్దమైన బోరింగ్‌ ప్రోగ్రామ్‌ అనిపిస్తుంది తప్ప విందు వినోదాల సవ్వడి అనిపించదు. దాంతో జోష్‌ను ఇష్టపడే సిటీజనులు గ్యాలరీలను సందర్శించడానికి అంతగా ఇష్టపడరు. ఈ తరహా అభి్రపాయాన్ని మార్చడానికి గ్యాలరీలు కూడా సరదా సందడిని సృష్టిస్తాయని తెలియజేయడానికి హైదరాబాద్‌ నగరంలో తొలిసారి ఆర్ట్‌ వీక్‌ను నిర్వహిస్తున్నారు. ఫ్యాషన్ వీక్‌ తరహాలో ఈ సోమవారం నుంచి జరగనున్న ఈ కళాపండుగ నిర్వహణ కోసం నలుగురు మహిళలు చేతులు కలపడం విశేషం.నగర సోషలైట్స్‌గా, పేజ్‌ త్రీ ప్రముఖులుగా పేరొంది, ప్రముఖ గ్యాలరీలు కళాకృతి, సృష్టి, కడారి, థీ కాంటెంపరరీల గ్యాలరీల వ్యవస్థాపకు లుగా ఉన్న రేఖా లహోటి, భార్గవి గుండాల, లక్ష్మీ నంబియార్, సుప్రజరావుల ఆధ్వర్యంలో ఆర్ట్‌ గ్యాలరీని నిర్వహిస్తున్నారు. ఆర్ట్‌ విద్యార్థులు, ఆర్కిటెక్ట్‌లు, ఇంటీరియర్‌ డిజైనర్లు వారం రోజుల కార్యక్రమంతో మమేకం కానున్నారు. పలు కేఫ్స్‌ కూడా దీనిలో పాలుపంచుకుంటున్నాయి. ఈ సందర్భంగా కడారి గ్యాలరీ వ్యవస్థాపకురాలు, ఆర్కిటెక్ట్‌ సుప్రజరావు మాట్లాడుతూ ‘‘విహారయాత్ర అంటే సమీపంలోని పిక్నిక్‌ స్పాట్‌కే పరిమితం కానక్కర్లేదు. ఒక గ్యాలరీ సందర్శన కూడా కావచ్చు. ఈ కార్యక్రమం ద్వారా కళాభిమానులతోపాటు, గ్యాలరీల సందర్శనపై ఆసక్తి చూపని వారిని కూడా ఆకర్షించాలనేది మా లక్ష్యం’’ అని తెలిపారు.ఆద్యంతం...కళాత్మకం...ఈ కార్యక్రమంలో గ్యాలరీల, వారసత్వ ప్రదేశాల సందర్శన, వర్క్‌షాప్‌లు, కళాకారులతో సంభాషణలు, కళాప్రదర్శనలు, ప్యానెల్‌ చర్చలు వంటివి ఉంటాయి. సాలార్‌జంగ్‌ మ్యూజియంలో హైదరాబాద్‌ సెంట్రల్‌ యూనివర్శిటీ, ఫైన్ ఆర్ట్స్‌ విభాగం విద్యార్థులు గీసిన చిత్రాల ప్రదర్శన, గైడెడ్‌ వాక్స్‌ కూడా నిర్వహిస్తారు. తమ పోర్ట్‌ఫోలియోలను, కెరీర్‌లను ఎలా నిర్మించుకోవాలనే దానిపై ఆర్ట్‌ స్టూడెంట్స్‌కు మార్గదర్శక ప్రసంగాలు అందిస్తారని నిర్వాహకులు తెలిపారు.– సత్యబాబు

హైదరాబాద్‌: ‘సర్‌’(SIR) ప్రక్రియను వెంటనే వెనక్కి తీసుకోవాలని డిమాండ్‌ చేస్తూ ట్యాంక్‌ బండ్‌పై మానవహారం నిర్వహించారు. ట్యాంక్ బండ్‌పై నిర్వహించిన మానవహారంలో కేంద్ర ఆర్థిక శాఖ మంత్రి నిర్మలా సీతారామన్ భర్త పరకాల ప్రభాకర్, ప్రముఖ జర్నలిస్ట్ తులసి చందు, సీపీఐ(M) సీనియర్ నాయకులు డీజీ, డీవైఎఫ్‌ రాష్ట్ర కార్యదర్శి వెంకటేష్, ఎస్‌ఎఫ్‌ఐ జాతీయ సహాయ కార్యదర్శి అతీఖౌ అహ్మద్ రాష్ట్ర అధ్యక్షులు రజినీకాంత్, రాష్ట్ర ఉపాధ్యక్షులు మమత, శంకర్, దామెర కిరణ్, అశోక్ రెడ్డి, రాష్ట్ర సహాయ కార్యదర్శి కార్తీక్, రాష్ట్ర కమిటీ సభ్యులు లెనిన్ గువేరా, హైదరాబాద్, మేడ్చల్, రంగారెడ్డి జిల్లాల నాయకులు పాల్గొన్నారు.

హైదరాబాద్‌: తెలంగాణ రాష్ట్రంలో లెదర్ ఇండస్ట్రీని మరింత బలోపేతం చేయడంతో పాటు, ఔత్సాహిక ఎస్సీ పారిశ్రామికవేత్తలను ప్రోత్సహించేందుకు గచ్చిబౌలిలో ప్రత్యేకంగా కామన్ ఫెసిలిటీ సెంటర్ (సీఎఫ్‌సీ)ను ఏర్పాటు చేయనున్నట్లు రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు తెలిపారు. అలాగే కరీంనగర్ జిల్లా చొప్పదండి మండలం రుక్మాపూర్ లో సుమారు వేయి మందికి ఉపాధి కల్పించేలా అంతర్జాతీయ స్థాయి ప్రమాణాలతో పర్యావరణహిత చర్మశుద్ధి కర్మాగారాల ఏర్పాటుకు చర్యలు తీసుకుంటున్నామన్నారు.శనివారం డా.బీఆర్ అంబేద్కర్ తెలంగాణ సచివాలయంలో తెలంగాణ లెదర్ ఇండస్ట్రీస్ ప్రమోషన్ కార్పోరేషన్(టీజీఎల్ఐపీసీ) ఉన్నతాధికారులతో ఆయన ఉన్నత స్థాయి సమీక్షా సమావేశం నిర్వహించారు. రాష్ట్రంలో లెదర్ ఇండస్ట్రీ అభివృద్ధికి, ఆర్టిజన్లను ప్రోత్సహించేందుకు తీసుకోవాల్సిన చర్యలపై అధికారులకు దిశా నిర్దేశం చేశారు. ఈ సందర్భంగా మంత్రి శ్రీధర్ బాబు మాట్లాడుతూ... ఎస్సీ యువతను పారిశ్రామికవేత్తలుగా తీర్చిదిద్దాలన్నదే తమ ప్రభుత్వ సంకల్పమన్నారు.అంతర్జాతీయ హంగులతో గచ్చిబౌలీలో హబ్ అండ్ స్పోక్ విధానంలో మూడున్నర ఎకరాల విస్తీర్ణంలో అభివృద్ధి చేయనున్న సీఎఫ్‌సీ ద్వారా రాష్ట్రంలోని ఆర్టిజన్ల ఉత్పత్తులకు అదనపు విలువ(వాల్యూ యాడెడ్)ను జోడిస్తామన్నారు. డిజైనింగ్ మొదలు బ్రాండింగ్ వరకు వారికి మార్గనిర్దేశం చేస్తామన్నారు. హుజురాబాద్ నియోజకవర్గం జమ్మికుంట, ఆర్మూర్ లో మైక్రో స్మాల్ ఎంటర్ ప్రైజెస్ క్లస్టర్ డెవలెప్ మెంట్ ప్రోగ్రాం (ఎంఎస్ఈసీడీపీ) కింద ప్లగ్ అండ్ ప్లే విధానంలో ఫ్లాటెడ్ ఫ్యాక్టరీ కాంప్లెక్స్ ను అందుబాటులోకి తెచ్చేందుకు చర్యలు తీసుకుంటున్నామన్నారు.గతంలో లిడ్ క్యాప్ కు ఎక్కడెక్కడ భూములు కేటాయించారు... వాటి ప్రస్తుత పరిస్థితి ఏంటనే అంశంపై క్షేత్రస్థాయిలో పరిశీలించిన నివేదిక అందజేయాలని సంబంధిత ఉన్నతాధికారులను ఆదేశించారు. సమావేశంలో పరిశ్రమల శాఖ ప్రత్యేక కార్యదర్శి కృష్ణ ఆదిత్య, పరిశ్రమల శాఖ కమిషనర్ నిఖిల్ చక్రవర్తి, టీజీఎల్ఐపీసీ వీసీ అండ్ ఎండీ ప్రశాంత్ కుమార్, తెలంగాణ స్టేట్ లెదర్ ఇండస్ట్రియల్ ప్రమోషన్ కో-ఆపరేటివ్ సొసైటీ లిమిటెడ్ ప్రెసిడెంట్ డా.ఆరేపల్లి రాజేందర్ తదితరులు పాల్గొన్నారు.

హైదరాబాద్‌: రాబోయే కాలంలో ఎల్‌నినో ప్రభావం తీవ్రతరం అయ్యే అవకాశం ఉందని సీఎం రేవంత్‌రెడ్డి మరోసారి హెచ్చరించారు. వందకు పైగా దేశాల్లో ఎల్‌నినో ప్రభావం ఉండే అవకాశం ఉందన్నారు. ఈ ఎల్‌నినో ప్రభావంతో కరువు వాటిల్లే ప్రమాదం ఉందన్నారు. ఆరు నెలలుగా కరువుపై ప్రజలను అప్రమత్తం చేస్తూనే ఉన్నామని, వచ్చే జూలై వరకూ ఎల్‌నినో ప్రభావం ఉంటుందన్నారు సీఎం రేవంత్‌. సాగుకు నీరిచ్చే అవకాశం కాదు.. తాగునీరుకే కష్టాలు చూడాల్సిన పరిస్థితులు రావొచ్చన్నారు. ఈరోజు(శుక్రవారం, అక్టోబర్‌ 23వ తేదీ) ప్రజాభవన్‌లో ఎల్‌నినో ప్రభావంపై అధికారులతో సీఎం రేవంత్‌ సమీక్ష నిర్వహించారు. దీనిలో భాగంగా రేవంత్‌ మాట్లాడుతూ.. ‘కరువు, భూకంపాలు, వరదలు, ఇవన్నీ ప్రకృతి విపత్తులే. జాగ్రత్తలు తీసుకుంటే ప్రకృతి విపత్తుల నుంచి బయటపడొచ్చు. ఆరు నెలలుగా కరువుపై ప్రజలను అప్రమత్తం చేస్తూనే ఉన్నాం. . జూలై వరకూ ఎల్‌నినో ప్రభావం ఉంటుంది. సాగునీరు దేవుడెరుగు.. తాగునీటికి కూడా కష్టమవుతుంది. జనాలు ఇళ్ల నుంచి బయటకు కూడా రాని పరిస్థితి వస్తుంది. ప్రజల్ని భాగస్వామ్యం చేయకుండా కరువును ఎదుర్కోలేం. మానవత్వాన్ని కూడగట్టుకుని ముందుకు సాగాలి‘మనం అంటే గిట్టని వాళ్ళు దుష్ప్రచారం చేస్తున్నారు. సోషల్ మీడియాలో కావాలని బురద చల్లుతున్నారు. మామ అల్లుళ్లు అతి తెలివి ప్రదర్శిస్తున్నారు. కరోనా ఉత్తదే అని కేసీఆర్ ప్రచారం చేశారు. కాంగ్రెస్ కరువు అనడం అన్యాయం. ఎల్ నినో ప్రభావంతో కరువు వస్తోంది. మహారాష్ట్రలో తాగే నీరు కూడా రేషన్లో ఇస్తున్నారు. తాగు నీరుకు తీవ్ర కష్టాలు రానున్నాయి. ఎండ కాలంలో ఊహించని పరిస్థితులు వస్తాయి. ముందస్తు ప్రణాళిక లేకపోతే ఇబ్బంది వస్తుంది. ప్రజలకు అవగాహన కల్పించాలి’ అని రేవంత్‌ స్పష్టం చేశారు. ఇదీ చదవండి: కాంగ్రెస్‌లో ‘డిండి’ చీలిక!

సాక్షి, హైదరాబాద్‌: శంషాబాద్‌లో ఎయిర్‌ ఇండియా విమానానికి పెను ప్రమాదమే తప్పింది. టేకాఫ్‌ అయిన కాసేపటికే సాంకేతిక లోపం ఏర్పడింది. సాంకేతిక లోపాన్ని గుర్తించిన పైలట్‌.. వెంటనే ఏటీసీకి సమాచారం ఇచ్చారు. దీంతో టేకాఫ్‌ అయిన కాసేపటికే ఎమర్జెన్సీ ల్యాండింగ్‌ చేశారు. విమానంలో 109 మంది ప్రయాణికులు సురక్షితంగా బయటపడ్డారు. సాంకేతిక లోపానికి గల కారణాలపై అధికారులు విచారణ చేపట్టారు.ఇదీ చదవండి: గుట్టుగా ఉంచుతారు.. లోగుట్టు పట్టేస్తారు

సాక్షి, హైదరాబాద్‌: చిక్కడపల్లిలో దారుణం జరిగింది. ఒంటరిగా ఉ‍న్న యువతిపై రామ్మోహన్‌ అనే డీఆర్‌డీఓ ఉద్యోగి లైంగిక వేధింపులకు పాల్ప‌డ్డాడు. అత‌డిపై బాధిత యువ‌తి బంధువు దాడి చేయగా తలకు తీవ్ర గాయాలై, ఆస్ప‌త్రిలో చికిత్స పొందుతూ గురువారం మృతిచెందాడు. వివరాల్లోకి వెళితే.. చిక్కడపల్లి వెంకటేశ్వర స్వామి దేవాలయం వీధిలో రెండేళ్లుగా నివాసముంటున్న రామ్మోహన్ (55) డిఆర్‌డీఓలో ఉద్యోగం చేస్తున్నాడు. అతడు గత కొంతకాలంగా ఇంటి పక్కనే ఉన్న ఓ యువతి పట్ల అసభ్యకరంగా ప్రవర్తిస్తూ వేధిస్తున్నాడు.ఈ క్రమంలో నిన్న (బుధవారం) రాత్రి కూడా రామ్మోహన్ యువతిని వేధించడంతో పక్కనే నివాసం ఉంటున్న తన బంధువైన అభిజిత్‌కు విష‌యం చెప్పింది. ఎందుకు వేధిస్తున్నావ‌ని రామ్మోహన్‌ను అభిజిత్ నిల‌దీశాడు. ఇరువురి మధ్య మాట మాట పెరిగి గొడవ జరగడంతో రామ్మోహన్‌ను అభిజిత్ తోసేసాడు.తలకు గాయాలైన రామ్మోహన్‌ను చికిత్స నిమిత్తం కాచిగూడ లోని సీసీ షరాఫ్ ఆస్పత్రికి చికిత్స కోసం తరలించారు. చికిత్స పొందుతూ అత‌డు ఈరోజు చ‌నిపోయిన‌ట్టు చిక్కడపల్లి పోలీసులు తెలిపారు. రామ్మోహన్ భార్య ఇచ్చిన ఫిర్యాదు మేరకు చిక్కడపల్లి పోలీసులు కేసు నమోదు చేసుకుని దర్యాప్తు చేస్తున్నారు. ఇదీ చదవండి: చెల్లెలి పెళ్లయి రెండు రోజులే..

జిమ్‌లో పనిచేసే ఒక వ్యక్తి, కోట్ల రూపాయల విలువ చేసే లగ్జరీ లంబోర్ఘిని (Lamborghini) కారును ఎంతో ఆసక్తిగా గమనిస్తుండటాన్ని గమనించిన కారు యజమాని స్పందించిన తీరు నెట్టింట విశేషంగా నిలుస్తోంది. హైదరాబాద్‌కు చెందిన పారిశ్రామికవేత్త కురపాటి నాగ వెంకట రాకేష్ కుమార్ తీసుకున్న ఒక ఆసక్తికర నిర్ణయం నెటిజనులను ఆలోచింప చేస్తోంది. ఈ సంఘటనకు సంబంధించిన వీడియోను స్వయంగా రాకేష్‌ ఇన్‌స్టాగ్రామ్‌లో పంచుకున్నారు. ఈ వీడియోకు 2.7 కోట్లకు పైగా వ్యూస్ రావడం విశేషం. అసలేం జరిగిందంటే..జిమ్‌లో ప్రతిరోజూ జరిగే ఒక సాధారణ సందర్భాన్ని, క్లీనర్‌గా పనిచేస్తున్న వ్యక్తికి జీవితాంతం గుర్తుంచుకోదగ్గ మధుర జ్ఞాపకంగా ఎందుకు మార్చాలనుకున్నారో రాకేష్‌ తన పోస్ట్‌లో వివరించారు. రోజూ జిమ్‌లో తన లంబోర్గిని సూపర్‌కారును ఆరాధనగా చూసే జిమ్‌ క్లీనర్‌ను గమనించారు. తన రాగానే సంతోషంగా తనవైపు చూడటంతోపాటు, ఒకరోజు దానితో ఫోటోలు దిగడం రాకేష్‌ కంట పడింది. ఈ సందర్బంగా ఒకప్పుడు సేల్స్‌మన్‌గా పనిచేస్తూ కేవలం 800 రూపాయల వేతనం పొందుతున్న రోజులను రాకేష్ కుమార్ గుర్తు చేసుకున్నారు. తాను కూడా ఒక సూపర్ కార్ సొంతం చేసుకోవాలని కలలు కన్న జ్ఞాపకాలు మనసులో కదలాడాయి. అందుకే అతని మనుసులోని కోరికను అర్థం చేసుకున్నారు. అందుకే తనకి ఒక మధురమైన అనుభూతిని మిగల్చాలనుకుని బహుశా క్లీనర్‌ ఎప్పుడూ ఊహించని పని చేశారు. తన కారు తాళాలు అతని చేతికిచ్చి డ్రైవర్ సీట్లో కూర్చోబెట్టి కారులో కూర్చునే అవకాశం కల్పించారు. ఫలితంగా ఆ క్లీనర్ కళ్లలో కనిపించిన ఆనందాన్ని ఆస్వాదించారు. ఈ ఆనందాన్ని తన ఫాలోయర్లతో కూడా పంచుకోవాలని భావించారు.ఇదీ చదవండి: ఆయుధపూజలో ఏకే-47తో ‘లేడీ సింగం’ వీడియో వైరల్‌గతంలో తాను రూ. 800 జీతానికి సేల్స్‌మన్‌గా పనిచేసే రోజుల్లో సూపర్‌కార్ల యజమానులను చూసి ముచ్చటపడేవాడినని,కానీ అప్పట్లో యజమానులు తన్ను పట్టించుకోలేదని, భవిష్యత్తులో తాను విజయవంతమైతే ఎవరినీ అలా నిర్లక్ష్యం చేయకూడదని నిర్ణయించుకున్నట్లు రాకేష్‌ వెల్లడించారు. ఈ హృదయపూర్వక సంఘటనకు సంబంధించిన వీడియో సోషల్ మీడియాలో షేర్‌ చేయడంతో అది విపరీతంగా వైరల్ అయింది. నెటిజన్లుఆ వ్యాపారవేత్త వినయవిధేయతను, మంచి మనసును ప్రశంసించారు.ఎంత ఎత్తుకు ఎదిగినా తాము నడిచి వచ్చిన దారిని మర్చిపోకూడదని, హోదా పెరిగినా పాత రోజులను మర్చిపోకుండా వినయం, మానవత్వంతో వ్యవహరించిన వ్యాపారవేత్తపై సోషల్ మీడియాలో ప్రశంసల వర్షం కురుస్తోంది.ఇదీ చదవండి: కన్నతల్లి చేతిలో చిన్నారి హత్య : కన్నీరుమున్నీరవుతున్న తండ్రి View this post on Instagram A post shared by Kurapati Naga Venkata Rakesh Kumar (@rakesh_knv)

సాక్షి, హైదరాబాద్‌: తీవ్ర వర్షాభావం రీత్యా భూగర్భ జలాలు వేగంగా అడుగంటుతున్నాయి. క్యూర్‌ పరిధిలో అపార్టుమెంట్లలోని బోర్లు మొరాయిస్తున్నాయి. వచ్చే రుతుపవనాల వరకు ఉన్న 8 నెలలు అత్యంత కీలకం. దీంతో అధికార యంత్రాంగం నీటి వృథాపై చర్యలకు దిగింది. కొత్త బోర్ల తవ్వకాలపై నిషేధం విధించింది. విషయంలో క్షేత్రస్థాయి తనిఖీలకూ సిద్ధమైంది. నిర్మాణ రంగానికి శుద్ధి చేసిన నీటి వినియోగాన్ని తప్పనిసరి చేసింది. ఈ ఆంక్షలు తాగునీటికే కాక నిర్మాణాలు, ఇతర అవసరాలకు వర్తిస్తాయి.రోజుకు 200 పైనే తవ్వకం.. క్యూర్‌లో సుమారు 13 నుంచి 15 లక్షలకు పైగా బోర్లున్నాయని అంచనా. రికార్డుల్లో మాత్రం 2.43 లక్షల బోర్లే. నిబంధనలకు విరుద్ధంగా రోజుకు సగటున 200పైగా కొత్త బోర్ల తవ్వకాలు జరుగుతున్నాయని సమాచారం. రోజుకు 100 బోర్లు ఎండిపోతున్నాయి. కొండాపూర్, బంజారాహిల్స్, బండ్లగూడ జాగీర్‌ వంటి ప్రాంతాల్లో అపార్ట్‌మెంట్‌వాసులు 400 అడుగుల పరిమితిని దాటి తవ్వుతున్నారు. కొన్నిచోట్ల వెయ్యి అడుగులకు మించుతున్నారు. ఫలితంగా భూగర్భ జలాల వినియోగం 102 శాతానికి చేరింది. నేలలోకి చేరుతున్న నీటి కంటే ఎక్కువ తోడేస్తుండడంతో భూగర్భ జల లభ్యత ‘క్రిటికల్‌’గా ఉన్నట్లు పలు నివేదికలు స్పష్టం చేస్తున్నాయి. –భూగర్భ జల పరిరక్షణకు నీరు–భూమి–చెట్టు చట్టం (వాల్టా) పకడ్బందీ అమలుకు యంత్రాంగం సిద్ధమైంది. సొంతంగా బోరు వేసుకోవాలన్నా రెవెన్యూ శాఖ అనుమతి తప్పనిసరి. 400 అడుగుల పరిమితి ఉంది. కానీ, 500–1,500 అడుగుల వరకు తవ్వుతున్నారు. ఈ నేపథ్యంలో తహసీల్దార్, భూగర్భ జల శాఖ అధికారులు క్షేత్రస్థాయిలో పర్యటించి ఉల్లంఘనులపై కేసులు నమోదు చేయడంతో పాటు రూ.5 వేల నుంచి రూ.లక్ష వరకు జరిమానాలు విధించే అవకాశం ఉంది.

హైదరాబాద్‌: కుటుంబ సభ్యుల మధ్య వివాదం నేపథ్యంలో మరిది తనను బెదిరించడమే కాకుండా చేతులు, కాళ్లపై కొరికినట్లు మహిళ ఇచ్చిన ఫిర్యాదు మేరకు ఫిలింనగర్‌ పోలీసులు కేసు నమోదు చేశారు. పోలీసులు తెలిపిన వివరాల ప్రకారం.. ఫిలింనగర్‌కు చెందిన విజయ్‌కుమార్, సౌమ్య భార్యాభర్తలు. విజయ్‌కుమార్‌ ఉద్యోగం చేయకుండా భార్య బంగారు ఆభరణాలు, ఆస్తి పత్రాలు తీసుకోవడంతో పాటు ఆమె పేరు మీద రుణాలు తీసుకుని ఆర్థికంగా ఇబ్బందులు గురిచేస్తున్నాడు. ఈ నేపథ్యంలో ఈ నెల 20న కుటుంబసభ్యుల మధ్య వివాదం జరగగా.. మరిది సురేష్‌ కుమార్‌ తనను బెదిరించడంతో పాటు చేతులు, కాళ్లపై కొరికాడని, చంపుతామంటూ బెదిరించారని బాధితురాలు సౌమ్య పోలీసులకు ఫిర్యాదు చేశారు. తన తాళిబోట్టును సైతం రుణం కోసం వినియోగించారని, ఆస్తి పత్రాలను దాచిపెట్టి డబ్బుల కోసం వేధిస్తున్నారని ఆరోపించారు. విడాకులు ఇవ్వాలంటూ ఒత్తిడి చేస్తున్నారని ఆమె పేర్కొన్నారు. కాగా.. కుటుంబ వివాదంలో తనపైనా దాడి చేశారంటూ సురేష్‌ కుమార్‌ సైతం సౌమ్యపై పోలీసులకు ఫిర్యాదు చేశారు. పరస్పర ఫిర్యాదులు స్వీకరించిన పోలీసులు కేసులు నమోదు దర్యాప్తు చేస్తున్నారు.

హైదరాబాద్‌: చెల్లెలి పెళ్లయిన రెండు రోజులకే అక్క మరణించడంతో ఆ కుటుంబంలో విషాద ఛాయలు అలుముకున్నాయి. ఈ ప్రమాదంలో పెళ్లి కోసం ఒంగోలు నుంచి వచ్చిన మరో యువకుడు తీవ్ర గాయాలకు గురై ఆసుపత్రిలో చికిత్స పొందుతున్నాడు. రాజేంద్రనగర్‌ ఎస్‌ఐ రాఘవేందర్‌ తెలిపిన వివరాల ప్రకారం బండ్లగూడ కాళీమందిర్‌ అభ్యుదయ నగర్‌లో పరిశుద్ధరావు తన కుటుంబ సభ్యులతో నివసిస్తున్నాడు. పెద్ద కుమార్తె ఐశ్వర్య (25) ప్రైవేటు స్కూల్‌లో టీచర్‌గా పనిచేస్తోంది. రెండవ కుమార్తె వివాహం రెండు రోజుల క్రితం జరిగింది. ఈ క్రమంలో ఒంగోలు నుంచి పెళ్లికి వచ్చిన మాథ్యూస్‌(26) తో కలసి మంగళవారం టిఫిన్‌ చేయడానికి కాళీమందిర్‌ వద్దకు బైక్‌పై వచ్చారు. టిఫిన్‌ చేసి తిరిగి అభ్యుదయ నగర్‌ వైపు వెళుతున్నారు. ఓ లారీకి కాళీమందిర్‌ వద్ద పూజలు చేసుకుని కిస్మత్‌పూర్‌ వైపు వెళుతుండగా బైక్‌ నడుపుతున్న మాథ్యూస్‌ లారీని దాటుకుని వెళ్లాలనుకుని అదుపుతప్పి పడిపోయారు. ఈ సంఘటనలో లారీ కింద పడిన ఐశ్వర్య అక్కడికక్కడే మృతి చెందింది. మాథ్యూస్‌ తీవ్రంగా గాయపడ్డాడు. ఎస్‌ఐ రాఘవేందర్‌ సంఘటన స్థలానికి చేరుకుని లారీని స్వాధీనం చేసుకున్నారు. లారీ నడుపుతున్న యువకుడు పారిపోయాడు. కేసు నమోదు చేసుకున్న పోలీసులు దర్యాప్తు చేస్తున్నారు.

రంజీ ట్రోఫీలో హైదరాబాద్ జట్టు ఆంధ్రపై 267 పరుగుల భారీ విజయాన్ని నమోదు చేసింది. తనయ్ త్యాగరాజన్ రెండు ఇన్నింగ్స్‌ల్లో కలిపి 11 వికెట్లు పడగొట్టి జట్టు విజయంలో కీలక పాత్ర పోషించాడు. తొలి ఇన్నింగ్స్‌లో ఐదు వికెట్లు తీసిన తనయ్, రెండో ఇన్నింగ్స్‌లో ఆరు వికెట్లతో ఆంధ్ర పతనాన్ని శాసించాడు. 398 పరుగుల లక్ష్యంతో బరిలోకి దిగిన ఆంధ్ర 130 పరుగులకే కుప్పకూలింది. తనయ్ రెండో ఇన్నింగ్స్‌లో అర్ధశతకం కూడా సాధించాడు.మిగతా మ్యాచ్‌ విషయానికొస్తే.. కేరళ జట్టు ఒడిశాపై ఇన్నింగ్స్‌ 36 పరుగుల తేడాతో గెలిచింది. జలజ్ సక్సేనా ఐదు వికెట్లతో సత్తాచాటాడు. ముంబై జట్టు హిమాచల్ ప్రదేశ్‌పై ఇన్నింగ్స్‌ 97 పరుగుల తేడాతో విజయం సాధించింది. పంజాబ్ ఏడు వికెట్ల తేడాతో ఛత్తీస్‌గఢ్‌ను ఓడించింది. మేఘాలయ మూడు పరుగుల తేడాతో మణిపూర్‌పై ఉత్కంఠ విజయం సాధించింది.మహారాష్ట్ర-జార్ఖండ్, ఢిల్లీ-గుజరాత్, రైల్వేస్-రాజస్థాన్, కర్ణాటక-సౌరాష్ట్ర మ్యాచ్‌లు డ్రాగా ముగిశాయి. తొలి ఇన్నింగ్స్ ఆధిక్యంతో మహారాష్ట్ర, ఢిల్లీ, సౌరాష్ట్ర పైచేయి సాధించాయి. మిజోరం నిర్దేశించిన 581/9 స్కోరుకు బదులుగా నాగాలాండ్ 516 పరుగులు చేసి తొలి ఇన్నింగ్స్‌లో వెనుకబడింది. మిజోరం బ్యాటర్ చిన్మయ్ సుతార్ 400 పరుగులతో అజేయంగా నిలిచాడు.ఇదీ చదవండి: ముంబై డబుల్‌ బోనస్‌

హైదరాబాద్‌ నలుమూలలా ఏ అఘాయిత్యం జరిగినా, ఎక్కడ బందోబస్తు అవసరమైనా, ఏ ప్రత్యేక కేసు విచారణకైనా తక్షణం స్పందిస్తూ కర్తవ్యాన్ని నిర్వర్తిస్తూ నిరంతరం అప్రమత్తంగా ఉండే టాస్క్‌ఫోర్స్‌లో కొత్త శకం ఆరంభమైంది. తొలిసారిగా క్షేత్రస్థాయి విధుల నిర్వహణకు ఓ మహిళను ఎస్‌ఐగా నియమిస్తూ హైదరాబాద్‌ నగర పోలీస్‌ కమిషనర్‌ వీసీ సజ్జనర్‌ ఉత్తర్వులు జారీ చేశారు. ఖైరతాబాద్‌ జోన్ లోని సైఫాబాద్‌ పోలీసుస్టేషన్ లో పనిచేస్తున్న వి.పరమేశ్వరిని టాస్క్‌ఫోర్స్‌ కొత్త ఎస్‌ఐగా నియమించారు.నల్లగొండ జిల్లా అనుముల మండలం హాలియాకు చెందిన వి.పరమేశ్వరి తండ్రి మల్లయ్య సీఆర్‌పీఎఫ్‌లో హెడ్‌–కానిస్టేబుల్‌గా పని చేశారు. ఇంటర్‌ పూర్తిచేసిన పరమేశ్వరికి 2011లోనే పెళ్లి అయింది. ఇద్దరు పిల్లలు పుట్టాక డిగ్రీ, ఎంబీఏ పట్టాలు పొందారు. బ్యాకింగ్‌ రంగంలోకి ప్రవేశించాలనే ఉద్దేశంతో ఎంబీఏ రెండో సంవత్సరంలో ఉండగానే సంబంధిత పరీక్షలకోసం నగరంలో కోచింగ్‌ తీసుకున్నారు. అయితే 2020లో ఎస్‌ఐ పోస్టులకు దరఖాస్తు చేసిన తన సోదరుణ్ణి చూసిన ఉత్సాహంతో ఇద్దరు పిల్లల తల్లి అయినప్పటికీ పట్టుదలతో శారీరక దారుఢ్య పరీక్షలు, రాత పరీక్షల్లో ఉత్తీర్ణురాలై ఎస్‌ఐగా ఎంపికయ్యారు. హైదరాబాద్‌ సిటీ పోలీసు విభాగంలో నియమితులైన పరమేశ్వరి తుకారాంగేట్, గోపాలపురం, సైఫాబాద్‌ ట్రాఫిక్, సైఫాబాద్‌ లో విధులు నిర్వర్తించారు. పురుష అధికారులతో పోటీపడుతూ గంటల తరబడి నిర్విరామంగా పని చేయడం, బందోబస్తు స్కీమ్స్‌ రూపొందించడంలో పరమేశ్వరికి ప్రత్యేక నైపుణ్యం ఉంది. – శ్రీరంగం కామేష్, సాక్షి

సాక్షి, హైదరాబాద్‌ : ప్రపంచంలోని టాప్‌ 10 సెమీకండక్టర్‌ సంస్థలలో ఏడింటికి ఇప్పటికే ఆతిథ్యం ఇస్తూ, చిప్‌ డిజైన్‌ నియామకాలలో బెంగళూరును అధిగమిస్తున్న హైదరాబాద్, భారత దేశ ప్రధాన సెమీకండక్టర్‌ డిజైన్‌ కేంద్రంగా ఆవిర్భవించే దిశగా పయనిస్తోంది. దీనిని ముందుకు తీసుకెళ్లడానికి, ఇండియన్‌ ఇన్ స్టిట్యూట్‌ ఆఫ్‌ టెక్నాలజీ హైదరాబాద్‌ (ఐఐటీహెచ్‌) తన వధ్వానీ ఇన్నోవేషన్‌ నెట్‌వర్క్‌ సెంటర్‌ ఆఫ్‌ ఎక్సలెన్స్ (డబ్లు్యఐఎన్‌–సిఓఇ) ద్వారా, తాజాగా గుజరాత్‌లోని కేన్స్ సెమికాన్ తో రెండేళ్ల అవగాహన ఒప్పందం కుదుర్చుకుంది.ఈ సందర్భంగా "సాక్షి"తో వధ్వానీ ఇన్నోవేషన్‌ నెట్‌వర్క్‌ (డబ్ల్యూయఐఎన్‌) మేనేజింగ్‌ డైరెక్టర్‌ డాక్టర్‌ శిర్షెందు ముఖర్జీ మాట్లాడుతూ, ఈ ఒప్పందంలో ఉమ్మడి పరిశోధన,అభివృద్ధి అధ్యాపకులు, పరిశోధకుల మార్పిడి, కేన్స్ కేంద్రాలలో విద్యార్థుల ఇంటర్న్‌షిప్‌లు, పాఠ్య ప్రణాళిక అభివృద్ధి వంటి అంశాలు ఉన్నాయని, మంచి పరిశోధన దానంతట అదే మంచి ఉత్పత్తిగా మారదు. కాబట్టి, ఈ ప్రయాణంలో మొదటి నుంచే ప్రణాళికాబద్ధంగా పరివర్తన ప్రక్రియను అందులో భాగం చేయాలి’’ అని అన్నారు.డిజైన్, యంత్రాలు, మెటీరియల్స్, ప్యాకేజింగ్, పరిశోధన అభివృద్ధి (ఆర్‌ అండ్‌ డి), నైపుణ్యాభివృద్ధి వంటి విభిన్న రంగాలను విస్తరించే ప్రభుత్వ సెమికాన్‌ 2.0 కార్యక్రమాన్ని స్వాగతిస్తూన్నామని, ఈ వ్యవస్థకు తోడ్పడగల పరిశోధన, సాంకేతికతలు, మేధో సంపత్తి, నైపుణ్యం కలిగిన మానవ వనరుల నిరంతర సరఫరా కూడా అవసరం’’ అని అన్నారాయన.ఈ సందర్భంగా ఐఐటీ హైదరాబాద్‌ డైరెక్టర్‌ ప్రొఫెసర్‌ బి.ఎస్‌. మూర్తి మాట్లాడుతూ, విద్యాసంస్థల్లో జరిగే పరిశోధనకు, పరిశ్రమకు మధ్య ఏర్పడిన ఈ భాగస్వామ్యం అధునాతన మెటీరియల్స్, ఎలక్ట్రికల్‌ ఇంజినీరింగ్, సిలికాన్‌ సాంకేతికతల రంగాల్లోని పరిశోధనలను ఆచరణాత్మక అనువర్తనాలుగా మార్చేందుకు దోహదపడుతుందన్నారు. సెమీకండక్టర్లకు సంబంధించిన పరిశోధన, అభివృద్ధి కార్యకలాపాలకు తోడ్పడటంలో సంస్థ పరిశోధన, ఆవిష్కరణల వ్యవస్థ పోషించే పాత్రను కూడా ఆయన వివరించారు.శిర్షెందు ముఖర్జీ

దసరా పండుగ సందర్భంగా హైదరాబాద్‌ కమిషనర్‌ వీసీ సజ్జనార్‌ కీలక హెచ్చరిక చేశారు. ఆకాశంలో స్వేచ్ఛగా ఎగరాల్సిన తెలంగాణ రాష్ట్ర పక్షి పాలపిట్టను దసరా వేళ కొందరు స్వార్థం కోసం ఇనుప బోనుల్లో బంధించడం, ఇబ్బందులకు గురి చేయడం నేరమని స్పష్టం చేశారు. అంతే కాదు వన్యప్రాణులకు హాని తలపెట్టే ఘటనలు ఎక్కడ కనిపించినా వెంటనే 18004255364, 9803338666 టోల్‌ఫ్రీ నంబర్లకు ఫోన్‌ చేయాలి, లేదా డయల్ 112 కు సమాచారం అందించి బాధ్యతాయుత పౌరులుగా వ్యవహరించాలని కోరుతూ ట్వీట్‌ చేయడం విశేషంగా నిలిచింది.ఆకాశంలో స్వేచ్ఛగా ఎగరాల్సిన తెలంగాణ రాష్ట్ర పక్షి పాలపిట్టను దసరా వేళ కొందరు స్వార్థం కోసం ఇనుప బోనుల్లో బంధించారు. మూగజీవులను హింసిస్తే చట్టప్రకారం కఠిన చర్యలు తప్పవని మేం ముందుగానే స్పష్టంగా హెచ్చరించినప్పటికీ.. కొందరు పెడచెవిన పెట్టి ఆ నిస్సహాయ పక్షులను తీవ్ర ఇబ్బందులకు గురిచేశారు. అప్రమత్తమైన పౌరుల నుంచి అందిన పక్కా సమాచారంతో హైదరాబాద్ సిటీ పోలీసులు తక్షణమే స్పందించి, మూడు వేర్వేరు ప్రాంతాల్లో దాడులు జరిపి మొత్తం 4 పాలపిట్టలను ప్రాణాలతో కాపాడారు. లంగర్‌హౌస్ బాపుఘాట్ సమీపంలోని ఆలయం వద్ద ఇరుకైన బోనుల్లో నరకయాతన అనుభవిస్తున్న రెండు పాలపిట్టలను విడిపించి కేబీఆర్ పార్క్ అటవీ అధికారులకు అప్పగించగా.. ఛత్రినాక శ్రీ చిత్రగుప్త స్వామి ఆలయం వద్ద చెట్టుకు బోను వేలాడదీసి నిర్బంధించిన ఒక పాలపిట్టను, అలాగే మంగళహాట్ బాలాజీనగర్ గుడి సమీపంలో బోనులో ఉంచిన మరో పాలపిట్టను రెస్క్యూ చేసి ఫారెస్ట్ అధికారులకు అప్పగించారు. బాధ్యులపై అటవీశాఖ సమన్వయంతో కఠిన చట్టపరమైన చర్యలు తీసుకోవడం జరుగుతుంది. పండుగ పేరుతో ఒక నిస్సహాయ పక్షిని బంధించి, ఆహార నీళ్లు లేకుండా చిత్రహింసలకు గురిచేసి చూడటం ఎవరికీ మంచి చేయదు.. ఇది మన సమాజానికి ఏమాత్రం శ్రేయస్కరం కాదు. ప్రాణభయంతో బోను చువ్వల మధ్య విలవిల్లాడుతున్న పక్షి రోదనలో శుభం ఎలా కనిపిస్తుంది? నిజమైన భక్తి అంటే జీవకారుణ్యమే తప్ప, ప్రకృతిని బందీ చేయడం కాదు! మూగప్రాణుల స్వేచ్ఛను హరిస్తూ, కాసుల వేటకు తెరలేపే ఇలాంటి అమానవీయ పోకడలను ఎవరూ ప్రోత్సహించవద్దు. వన్యప్రాణులకు హాని తలపెట్టే ఘటనలు ఎక్కడ కనిపించినా వెంటనే టోల్‌ఫ్రీ నంబర్లు 18004255364, 9803338666 లేదా డయల్ 112 కు సమాచారం అందించి బాధ్యతాయుత పౌరులుగా వ్యవహరించాలని కోరుతున్నాం.— V.C. Sajjanar, IPS (@SajjanarVC_IPS) October 21, 2026 పాలపిట్టను బోనుల్లో బంధించేవారిపై కఠిన చర్యలు తీసుకుంటామని పోలీసులు హెచ్చరించినప్పటికీ, దసరా సమయంలో కొందరు ఆ పక్షిని ఇనుప బోనుల్లో బంధించిన ఘటనలు చోటుచేసుకున్నాయి. జంతువులకు, పక్షులకు హాని తలపెట్టేవారిపై కఠినమైన చట్టపరమైన చర్యలు తీసుకుంటామని హైదరాబాద్ పోలీస్ కమిషనర్ వి.సి. సజ్జనార్ గతంలోనే స్పష్టంగా హెచ్చరించారు. అప్రమత్తంగా ఉన్న పౌరుల నుండి అందిన విశ్వసనీయ సమాచారం మేరకు హైదరాబాద్ నగర పోలీసులు వెంటనే స్పందించి, మూడు వేర్వేరు ప్రాంతాలపై దాడులు చేసి నాలుగు పక్షులను రక్షించారు. వాటిని అటవీ అధికారులకు అప్పగించారు. "పండుగ పేరుతో నిస్సహాయ పక్షిని బంధించి, దానికి ఆహారం, నీరు లేకుండా చేసి, హింసించడం వల్ల ఎవరికీ మంచి జరగదు. ఇది మన సమాజానికి మంచిది కాదు," అని హైదరాబాద్ సీపీ వీసీ సజ్జనార్ 'ఎక్స్‌'లో పంచుకున్న ఒక పోస్ట్‌లో పేర్కొన్నారు. "కేవలం డబ్బు కోసం పంజరం కడ్డీల మధ్య భయంతో విలవిలలాడుతున్న పక్షి అరుపులలో ఎవరైనా ఎలా శుభాన్ని చూడగలరు? నిజమైన భక్తి అంటే జీవుల పట్ల కరుణ కలిగి ఉండటమే తప్ప, ప్రకృతిని బంధించడం కాదు," అని ఆయన పేర్కొన్నారు..

సాక్షి, హైదరాబాద్‌: పీపుల్స్ ప్లాజా, గార్డెన్ పాయింట్, జలవిహార్, సంజీవయ్య పార్క్‌లోని బేబీ పాండ్స్ (కృత్రిమ గుంటల) వద్ద దుర్గామాత విగ్రహాల నిమజ్జనం దృష్ట్యా ట్రాఫిక్‌ ఆంక్షలు విధించారు. ఇవాళ(21వ తేదీ బుధవారం) మధ్యాహ్నం 3 గంటల గంటల నుంచి 24వ తేదీ ఉదయం 6:00 గంటల వరకు ఈ ప్రాంతాల్లో ట్రాఫిక్ మళ్లింపులు అమలులో ఉంటాయని.. హైదరాబాద్‌ ట్రాఫిక్‌ పోలీసులు తెలిపారుట్రాఫిక్‌ మళ్లింపులు ఇలా.. 👉పంజాగుట్ట, రాజ్‌భవన్ రోడ్డు వైపు నుండి ఖైరతాబాద్ ఫ్లైఓవర్ వైపు వచ్చే ట్రాఫిక్‌ను వి.వి. విగ్రహం వద్ద నిరంకారి జంక్షన్ వైపు మళ్లిస్తారు (ఈ మార్గంలో అమ్మవారి విగ్రహాల వాహనాలకు మాత్రమే అనుమతి ఉంటుంది).👉నిరంకారి జంక్షన్ నుండి ఇక్బాల్ మినార్ వైపు వచ్చే ట్రాఫిక్‌ను పాత పి.ఎస్. సైఫాబాద్ వద్ద రవీంద్ర భారతి మరియు మాసాబ్‌ట్యాంక్ వైపు మళ్లిస్తారు (ఇక్బాల్ మినార్ వైపు కేవలం అమ్మవారి విగ్రహాల వాహనాలను మాత్రమే అనుమతిస్తారు).👉ఇక్బాల్ మినార్ నుండి సెక్రటేరియట్ జంక్షన్ వైపు వచ్చే ట్రాఫిక్‌ను తెలంగాణ తల్లి ఫ్లైఓవర్ ప్రారంభం వద్ద తెలంగాణ తల్లి ఫ్లైఓవర్ మీదుగా లోయర్ ట్యాంక్ బండ్ వైపు మళ్లిస్తారు.👉ఖైరతాబాద్ బడా గణేష్ లేన్, మింట్ కాంపౌండ్ నుండి నెక్లెస్ రోటరీ వైపు ట్రాఫిక్‌ను అనుమతించరు. ప్రింటింగ్ ప్రెస్ జంక్షన్ వద్ద మింట్ కాంపౌండ, రాజీవ్ గాంధీ విగ్రహం వైపు మళ్లిస్తారు.👉అప్పర్ ట్యాంక్ బండ్ నుండి సెక్రటేరియట్ జంక్షన్ వైపు వచ్చే ట్రాఫిక్‌ను పాత అంబేద్కర్ విగ్రహం వద్ద లిబర్టీ వైపు మళ్లిస్తారు.👉లిబర్టీ నుండి సెక్రటేరియట్ జంక్షన్ వైపు వచ్చే ట్రాఫిక్‌ను అనుమతించరు. పాత అంబేడ్కర్ విగ్రహం వద్ద అప్పర్ ట్యాంక్ బండ్ వైపు మళ్లిస్తారు (పాత అంబేద్కర్ విగ్రహం – సెక్రటేరియట్ జంక్షన్ – ఎన్టీఆర్ మార్గ్ – నెక్లెస్ రోడ్డు వైపు కేవలం అమ్మవారి విగ్రహాల వాహనాలను మాత్రమే అనుమతిస్తారు).👉అప్పర్‌ ట్యాంక్ నుండి నల్లగుట్ట బ్రిడ్జ్ మరియు పి.వి. మార్గ్ (నెక్లెస్ రోడ్డు) వైపు వచ్చే ట్రాఫిక్‌ను సోనాబీ అబ్దుల్లా మసీదు వద్ద మినిస్టర్ రోడ్డు (కార్బాలా - రాణిగంజ్ మీదుగా) వైపు మళ్లిస్తారు.👉రాణిగంజ్. మినిస్టర్ రోడ్డు నుంచి నెక్లెస్ రోడ్డు వైపు వచ్చే ట్రాఫిక్‌ను నల్లగుట్ట 'ఎక్స్' రోడ్స్ వద్ద మినిస్టర్ రోడ్డు, రాణిగంజ్ వైపు మళ్లిస్తారు. వాహనదారులు పై జంక్షన్ల వైపు వెళ్లకుండా ఇతర ప్రత్యామ్నాయ మార్గాలను ఎంచుకోవాల్సిందిగా పోలీసులు తెలిపారు.ఇదీ చదవండి: భారీగా పెరిగిన సన్న బియ్యం ధర..!

సాక్షి ప్రతినిధి, కామారెడ్డి: సన్న బియ్యం ధరలు చూసి సామాన్యులు షాక్‌ తింటున్నారు. ఇప్పటికే నిత్యావసరాల ధరలు పెరిగాయి. బియ్యం ధరలు సైతం పెరుగుతుండటం ఆందోళన కలిగిస్తోంది. గడచిన నెల రోజులుగా బియ్యం ధరలు రోజుకో రికార్డు సృష్టిస్తున్నాయి.జైశ్రీరాం రకం నిన్న మొన్నటి వరకు క్వింటాలుకు రూ.8 వేలు ఉండగా, సోమవారం రూ.9,200 లకు చేరింది. గతంలో ఆరు నెలలు, ఏడాదికి సరిపడా బియ్యం కొనుగోలు చేసి ఇళ్లలో నిల్వ చేసుకునేవారు. అయితే బియ్యంలో పురుగులు తయారవుతున్నాయని చాలామంది ఇంట్లో బియ్యం అయిపోగానే 25 కిలోల బస్తా కొనడం అలవాటైంది. దాదాపు ప్రతీ కుటుంబంలో నెలకు ఒక బస్తా బియ్యం అవసరం అవుతుంది. నెలనెలా బియ్యం ధరల్లో పెరుగుదలను చూసి అవాక్కవుతున్నారు.కామారెడ్డి మార్కెట్‌లో నాలుగు రోజుల క్రితం బియ్యం బస్తా ధర రూ.2 వేలు ఉండగా, సోమవారం రూ.2,300 విక్రయిస్తున్నారు. ఒక్కసారిగా బస్తాపై రూ.300 పెరిగింది. క్వింటాలుకు రూ.1,200 పెరగడంతో సామాన్యులు ఆందోళన చెందుతున్నారు. బియ్యం ధరలు మరింత పెరిగే చాన్స్‌ ఉందంటూ వ్యాపార వర్గాలు చెబుతున్నాయి. ధరల నియంత్రణ విషయంలో అధికార యంత్రాంగం నోరుమెదపకపోవడంతో సామాన్యుడు ఇబ్బందులు పడాల్సి వస్తోంది. ఎల్‌నినో పేరిట బియ్యం ధరలను పెంచుతుండడం ఆందోళన కలిగిస్తోంది.బియ్యం ధరలు అడ్డగోలుగా పెరుగుతుండడంతో భవిష్యత్తుపై జనంలో ఆందోళన మొదలైంది. వానాకాలం పంట చేతికి రావడంతో చాలా మంది రైస్‌మిల్లర్లు, వ్యాపారులు సన్న వడ్లను పెద్ద మొత్తంలో కొనుగోలు చేసి నిల్వ చేస్తున్నారు. ఇతర జిల్లాల నుంచి వ్యాపారులు వచ్చి పచ్చి వడ్లను పెద్దఎత్తున కొనుగోలు చేసుకొని లారీల్లో తరలించుకువెళ్లారు. ఇంకా కొనుగోలు చేస్తూనే ఉన్నారు. బియ్యం ధరలు మరింత పెరుగుతాయనే సంకేతాలతో వ్యాపారులు వడ్లను అధిక ధరలకు కొనుగోలు చేస్తున్నారు. ఇప్పటికే వేల క్వింటాళ్ల ధాన్యం గోదాములకు చేరాయి. దీంతో బియ్యం ధరలపై మరింత ప్రభావం చూపే అవకాశం ఉందని భావిస్తున్నారు.ఇదీ చదవండి: రోహిత్‌ శర్మ రికార్డును బద్దలు కొట్టిన బవుమా

సాక్షి, హైదరాబాద్‌: నాగోల్‌ మెట్రోస్టేషన్‌ సమీపంలో కారు బీభత్సం సృష్టించింది. హయత్‌నగర్‌కు చెందిన ఓ వ్యక్తి.. కారుతో వాటర్‌ పైపు లైన్‌ను ఢీకొట్టాడు. దీంతో ఆ వ్యక్తి అక్కడికక్కడే మృతి చెందాడు. కారు ఢీకొనడంతో జల మండలి ప్రధాన పైపు లైను పగిలిపోగా.. రోడ్డును నీరు ముంచెత్తింది. భారీగా ట్రాఫిక్‌ జామ్‌ అయ్యింది. కొంతసేపు నీటి సరఫరా ఆగిపోయింది. జలమండలి సిబ్బంది పైప్‌లైన్‌కు మరమ్మతులు చేపట్టారు.మరో ఘటనలో..దురుగా వేగంగా వచ్చిన బొలేరో వాహనం కారును ఢీకొన్న ఘటనలో ఓ వ్యక్తి మృతి చెందగా మరో వ్యక్తి తీవ్రంగా గాయపడ్డాడు. ఈ సంఘటన దుండిగల్‌ పోలీస్‌ స్టేషన్‌ పరిధిలో చోటుచేసుకుంది. పోలీసులు తెలిపిన మేరకు.. సంగారెడ్డి జిల్లా అన్నారం గ్రామానికి చెందిన కావలి రాజేష్‌ (30) ప్రైవేటు ఉద్యోగం చేస్తున్నాడు. రాజేష్‌ తన స్నేహితుడు పాల్నాటి రాకేష్‌తో కలిసి ఈ నెల 18న కారులో గండిమైసమ్మకు వెళ్లారు. రాత్రి 11 గంటల సమయంలో గండిమైసమ్మ నుంచి అన్నారం వైపు వస్తున్నారు. గాగిల్లాపూర్‌ చౌరస్తా వద్ద ఎదురుగా వచ్చిన బొలేరో వాహనం కారును ఢీకొట్టింది.ఈ ఘటనలో తీవ్రంగా గాయపడిన రాజేష్‌ అక్కడికక్కడే మృతి చెందగా, గాయపడిన రాకే‹Ùను ఓ ప్రైవేటు ఆస్పత్రికి తరలించారు. మృతుడి తండ్రి మల్లేష్‌ ఇచి్చన ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు. కాగా బొలేరో వాహనం డ్రైవర్‌ మద్యం మత్తులో వాహనాన్ని నడిపి ప్రమాదానికి కారణమయ్యాడని పోలీసులు భావిస్తున్నారు.ఇదీ చదవండి: మాజీ ఐపీఎస్‌ భార్య హత్య కేసులో కీలక పరిణామం

హైదరాబాద్‌: సీతారాంబాగ్‌లో సోమవారం చారిత్రాత్మక ఆలయం వద్ద బీఆర్‌ఎస్‌వీ నాయకుడు నవీన్‌ ఆధ్వర్యంలో కొందరు గోషామహాల్‌ నియోజకవర్గానికి చెందిన జి.శ్రీనివాస్‌ యాదవ్‌తో కలిసి రావణాసురుడి తరహాలో సీఎం రేవంత్‌ దిష్టిబొమ్మను దహనం చేయడంతో తీవ్ర ఉద్రిక్తత నెలకొంది. శ్రీరాముడి తరహాలో మాజీ సీఎం కేసీఆర్‌ బొమ్మను చిత్రీకరించారు. రేవంత్‌కు వ్యతిరేకంగా నినాదాలిస్తూ దిష్టిబొమ్మను దహనం చేశారు. ఈ సంగతి తెలిసి కాంగ్రెస్‌ ఫిషరీష్‌ విభాగం చైర్మన్‌ మెట్టు సాయికుమార్‌ అనుచరులతో వచ్చారు. బీఆర్‌ఎస్‌వీ నాయకులపై విరుచుకుపడ్డారు. కొంతమందిని నెట్టివేశారు. ఇరు వర్గాల మధ్య ఘర్షణ కొనసాగింది. బీఆర్‌ఎస్‌ నాయకులు ఇచి్చన ఫిర్యాదు మేరకు నవీన్‌తో మరో పదిమందిని మంగళ్‌హాట్‌ పోలీసులు అదుపులోకి తీసుకున్నారు. బీఆర్‌ఎస్‌ నాయకులపై కేసు నమోదు, నిరసనకారులను అరెస్టు చేశామని ఇన్‌స్పెక్టర్‌ రాఘవేంద్ర వెల్లడించారు. ఇదీ చదవండి: షేర్‌ మార్కెట్‌లో రూ.35 లక్షల నష్టం.. సాఫ్ట్‌వేర్‌ ఉద్యోగి ఆత్మహత్య

హైదరాబాద్‌: పండగవేళ ఆనందంగా గడపాల్సిన కుటుంబంలో ఓ యువకుడి తొందరపాటు నిర్ణయం విషాదాన్ని నింపింది. షేర్‌మార్కెట్‌లో నష్టపోయి మనస్థాపంతో సాఫ్ట్‌వేర్‌ ఉద్యోగి బలవన్మరణానికి పాల్పడ్డాడు. చైతన్యపురి ఎస్‌ఐ రమేష్‌ తెలిపిన మేరకు.. చైతన్యపురి సాయినగర్‌ కాలనీలో నివసించే రిటైర్డ్‌ ప్రభుత్వ ఉద్యోగి తమ్మిశేట్టి శ్రీనివాస్‌ కుమారుడు ప్రవీణ్‌ (34) సాఫ్ట్‌వేర్‌ కంపెనీలో ఉద్యోగం చేస్తున్నాడు. ఇతనికి మూడు నెలల క్రితం వివాహం జరిగింది. షేర్‌ మార్కెట్‌లో పెట్టుబడి పెట్టి ప్రవీణ్‌ తీవ్రంగా నష్టపోయాడు. ఆదివారం ఇంట్లో నుంచి బయటకు వెళ్లిన ప్రవీణ్‌ రాత్రి వరకు తిరిగి రాకపోవటంతో చైతన్యపురి పోలీసులు మిస్సింగ్‌ కేసు నమోదు చేశారు. పెట్రోల్‌ బంక్‌ సమీపంలో బిల్డింగ్‌ వద్ద మృతదేహం చైతన్యపురి పెట్రోల్‌ బంక్‌ సమీపంలోని ఎయిర్‌టెల్‌ షోరూం బిల్డింగ్‌ వద్ద ఓ వ్యక్తి చనిపోయి ఉన్న విషయాన్ని స్థానికులు సోమవారం ఉదయం పోలీసులకు సమాచారం ఇచ్చారు. సంఘటనా స్థలానికి చేరుకున్న పోలీసులు ప్రవీణ్‌ మృతదేహంగా గుర్తించి కుటుంబ సభ్యులకు సమాచారం ఇచ్చారు. మృతదేహాన్ని పోస్ట్‌మార్టంకు తరలించారు. షేర్‌ మార్కెట్‌లో పెట్టుబడుల వల్ల సుమారు రూ.35 లక్షల వరకు నష్టపోయిన ప్రవీణ్‌ కుటుంబంలో, బంధువులలో పరువు పోతుందని మనస్థాపంతో ఆత్మహత్యకు పాల్పడినట్లు విచారణలో తెలిసిందని ఎస్‌ఐ తెలిపారు. ఇదీ చదవండి: జీతం బాగున్నా జాబ్‌ వదిలేస్తున్నారు.. అసలు కారణం ఇదే!

సాక్షి, తెలంగాణ: సంప్రదాయం ప్రకారం దసరా రోజు తప్పకుండా నాన్‌ వెజ్‌ తింటారు. దీంతో మార్కెట్లలో రద్దీ పెరిగింది. ప్రస్తుతం నాటుకోడి లైవ్‌ ధర కిలో రూ.800–850, పుంజు రూ.1000 వరకు ఉంది. మాంసంగా లెక్కిస్తే కిలో రూ.1000 నుంచి రూ.1200 అవుతోంది. మటన్‌ కిలో రూ.850–950 మధ్యనే ఉంది.దీంతో నాటుకోడి రేటు మటన్‌ను దాటేసిందనే చర్చ జరుగుతోంది. సరఫరా తక్కువ, వైరల్‌ వ్యాధులతో కోళ్లు చనిపోవడం ధర పెరుగుదలకు కారణమని వ్యాపారులు చెబుతున్నారు. ఈసారి పిండి వంటల ధరలు కూడా సామాన్యుడికి చుక్కలు చూపిస్తున్నాయి. దీనికి ప్రధాన కారణం ముడిసరుకుల ధరలు.మార్కెట్‌ వర్గాల సమాచారం ప్రకారం.. చక్కెర ధర గత నెల రూ.46–48 ఉండగా ఇప్పుడు రూ.60కు చేరింది. వంట నూనె ధరలు, బియ్యం కిలో రూ.55 నుంచి రూ.80కి చేరడంతో పిండి వంటల తయారీ ఖర్చు భారమైంది. అరిసె, లడ్డూ, గారెల ధరలు కిలోపై రూ.80 నుంచి రూ.150 వరకు పెరిగాయి.ఇదీ చదవండి: పండుగవేళ పాలపిట్ట కనిపించాలంటే ఈ ప్రాంతాలకు వెళ్లాల్సిందే!

దసరా వచ్చిందంటే జమ్మిచెట్టు పూజలు.. పెద్దల ఆశీర్వాదాలు.. పాలపిట్ట దర్శనం అనేది తెలంగాణలో తరతరాలుగా వస్తున్న సంప్రదాయం. పాలపిట్టను చూసేందుకు ఒకప్పుడు పొలాల గట్లు, చెట్ల కొమ్మలు, విద్యుత్‌ తీగలపై దృష్టి సారించేవారు.అయితే వేగంగా విస్తరిస్తున్న మన నగరంలో ఆ నీలిరంగు రెక్కల అందం అదృశ్యమవుతోంది. దసరా వేళ పాలపిట్ట కోసం నగర శివారు ప్రాంతాల వైపు వెళ్లాల్సి వస్తోంది. ఇది కేవలం ఓ పక్షి జాడ కోసం అన్వేషణ మాత్రమే కాదు.. నగరంలో మారుతున్న జీవ వైవిధ్యానికి అద్దం పట్టే అంశం కూడా!సంప్రదాయంలో ప్రత్యేక స్థానం.. పాలపిట్టగా పిలిచే ఇండియన్‌ రోలర్‌ పక్షిని విజయదశమి రోజున జమ్మిచెట్టు పూజ అనంతరం చూడటం శుభప్రదమనే విశ్వాసం ప్రజల్లో ఉంది. ఒకప్పుడు పల్లెల్లో సహజంగా కనిపించే ఈ పక్షిని ఇప్పుడు ప్రత్యేకంగా వెతుక్కుంటూ వెళ్లాల్సి వస్తోందని పక్షి ప్రేమికులు చెబుతున్నారు. తెలంగాణ, హైదరాబాద్‌లోని శామీర్‌పేట సరస్సు, గండిపేట, ఉస్మానియా విశ్వవిద్యాలయం, ఖాజాగూడ లేక్‌ వంటి పచ్చదనం ఉన్న ప్రాంతాల్లోనే దీని ఉనికి కనబడుతోంది. హైదరాబాద్‌ బర్డ్‌ అట్లాస్‌ తొలి సీజన్‌ సర్వేలో మొత్తం 26 పక్షులను గుర్తించగా, శామీర్‌పేట, పీర్జాదిగూడ, శంషాబాద్‌ పరిసరాల్లో వీటి ఉనికి నమోదైంది. పావురాల వల్ల..హైదరాబాద్‌ చుట్టూ నిర్మాణాలు పెరగడం, ఖాళీ స్థలాలు తగ్గడం, పాత చెట్ల తొలగింపు, పురుగుమందుల వినియోగం వంటి అంశాలు పక్షుల జీవన పరిస్థితులపై ప్రభావం చూపుతున్నాయి. సిటీలో అతిగా పెరిగిన పావురాల వల్ల కూడా ఇతర పక్షుల మనుగడ కొంత వరకు కష్టతరమైతుందని పరిశోధకులు చెబుతున్నారు. స్టేట్‌ ఆఫ్‌ ఇండియాస్‌ బర్డ్స్‌ నివేదికలోనూ ఇండియన్‌ రోలర్‌ జాతీయ స్థాయి దీర్ఘకాలిక ధోరణి తగ్గుదలగా నమోదైంది. పాలపిట్ట దర్శనమే కాకుండా దాని పరిరక్షణనూ మనం బాధ్యతగా తీసుకోవాలని పక్షి ప్రేమికులు అంటున్నారు.ఇదీ చదవండి: రేషన్‌ కార్డుదారులకు గుడ్‌న్యూస్‌.. త్వరలో షాపుల్లో కొత్త సరుకులు!

సాక్షి, హైదరాబాద్‌: రేషన్‌ దుకాణాల ద్వారా గోధుమపిండి, కందిపప్పు, పామాయిల్, చక్కెర, చింతపండు, కారం పొడి తదితర నిత్యావసరాలను సబ్సిడీ ధరలకు పంపిణీ చేసే అంశాన్ని రాష్ట్ర ప్రభుత్వం పరిశీలిస్తోంది. ధరల పెరుగుదలతో ఇబ్బందులు పడుతున్న పేద కుటుంబాలకు ఊరట కల్పించేలా ఈ ప్రతిపాదనపై పౌరసరఫరాల శాఖ కసరత్తు చేస్తోంది.సరుకుల సేకరణ, లబ్ధిదారులకు అందించే పరిమాణాలు, పంపిణీ విధానం, ప్రభుత్వంపై పడే ఆర్థిక భారంపై సమగ్ర అంచనాలు సిద్ధం చేయాలని పౌరసరఫరాలు, నీటిపారుదల శాఖల మంత్రి ఎన్‌.ఉత్తమ్‌కుమార్‌రెడ్డి అధికారులను ఆదేశించారు. సోమవారం సచివాలయంలో నిర్వహించిన సమీక్షలో ఈ అంశంపై చర్చించారు. అధికారుల ప్రతిపాదనలను పరిశీలించిన అనంతరం నిత్యావసరాల పంపిణీపై ప్రభుత్వం నిర్ణయం తీసుకోనుంది.వర్షాభావం ఏర్పడి పంటల దిగుబడులు తగ్గినా, ఆహార ధాన్యాల ధరలు పెరిగినా ప్రజాపంపిణీ వ్యవస్థకు ఆటంకం కలగకుండా ముందస్తు చర్యలు చేపట్టాలని మంత్రి సూచించారు. రాష్ట్రంలో రేషన్‌ ద్వారా లబ్ధి పొందుతున్న 3.42 కోట్ల మంది ప్రజల ఆహార భద్రతకు భరోసా కల్పించేలా 14 నెలలకు సరిపడా నిల్వల సమీకరణకు ప్రణాళిక రూపొందిస్తున్నట్లు తెలిపారు.11.7 నెలలకు సరిపడా బియ్యంరాష్ట్రంలో ప్రజాపంపిణీ వ్యవస్థ, ఇతర సంక్షేమ పథకాలు, మధ్యాహ్న భోజనం తదితర అవసరాలకు నెలకు 2.38 లక్షల మెట్రిక్‌ టన్నుల బియ్యం అవసరం. అక్టోబర్‌ 16 నాటికి బఫర్‌ గోదాముల్లో 9.64 లక్షల మెట్రిక్‌ టన్నుల బియ్యం నిల్వలున్నాయి. మరో 18.39 లక్షల మెట్రిక్‌ టన్నుల బియ్యం సీఎంఆర్, ఇతర వనరుల ద్వారా రావాల్సి ఉంది. ఇవన్నీ అందుబాటులోకి వస్తే మొత్తం 28.03 లక్షల మెట్రిక్‌ టన్నుల బియ్యం లభించనుంది.ఇది సుమారు 11.7 నెలల అవసరాలకు సరిపోతుందని అధికారులు అంచనా వేశారు. మిల్లర్లు, ఇతర వనరుల నుంచి రావాల్సిన బియ్యం నిర్ణీత గడువులోగా ప్రభుత్వ గోదాములకు చేరేలా చర్యలు తీసుకోవాలని మంత్రి ఆదేశించారు. ప్రకృతి వైపరీత్యాలతో భవిష్యత్తులో పంటలు దెబ్బతిన్నా లక్షలాది కుటుంబాల ఆహార భద్రతకు భంగం కలగకుండా చూడాలని స్పష్టం చేశారు. సమీక్షలో పౌరసరఫరాల కమిషనర్‌ స్టీఫెన్‌ రవీంద్ర, ఉన్నతాధికారులు పాల్గొన్నారు.ఇదీ చదవండి: తెలంగాణ ముఖచిత్రాన్ని గ్లోబల్‌ సమ్మిట్‌ మార్చేస్తుంది

సాక్షి, రంగారెడ్డి: గ్లోబల్‌ సమ్మిట్‌ ఏర్పాట్లు అంతర్జాతీయ స్థాయిలో ఉండాలని ముఖ్యమంత్రి రేవంత్‌రెడ్డి అధికారులను ఆదేశించారు. 120 దేశాల నుంచి వచ్చే పారిశ్రామికవేత్తలను ఆకట్టుకునేలా ఉండాలని సూచించారు. నవంబర్‌ నెలాఖరులోగా గ్లోబల్‌ సమ్మిట్‌ ఏర్పాట్లను పూర్తి చేయాలని అధికారులను ఆదేశించారు. ‘ఇది కేవలం వ్యాపార సదస్సు మాత్రమే కాదు. తెలంగాణ రాజకీయ, ఆర్థిక ముఖచిత్రాన్ని మార్చే చారిత్రక వేదికగా నిలుస్తుంది. అందుకే సమ్మిట్‌ ఏర్పాట్లపై ఇప్పటినుంచే ప్రణాళికాబద్ధంగా ముందుకు వెళ్లాలి..’ అని చెప్పారు.యంగ్‌ ఇండియా స్కిల్స్‌ యూనివర్సిటీ నిర్మాణ పనుల్లో వేగం పెంచాలని, వీలైనంత త్వరగా పనులు పూర్తయ్యేలా చూడాలని సూచించారు. సోమవారం భారత్‌ ఫ్యూచర్‌ సిటీలో పర్యటించిన ముఖ్యమంత్రి యంగ్‌ ఇండియా స్కిల్స్‌ యూనివర్సిటీ నిర్మాణ పనులను పరిశీలించారు. డిసెంబర్‌ 7 నుంచి 9 వరకు భారత్‌ ఫ్యూచర్‌ సిటీ వేదికగా జరగనున్న ‘ఇన్వెస్ట్‌ తెలంగాణ గ్లోబల్‌ సమ్మిట్‌ 2026’ ఏర్పాట్లపై అధికారులకు పలు కీలక సూచనలు చేశారు.15 రోజుల్లో పూర్తవ్వాలి.. ‘యంగ్‌ ఇండియా స్కిల్స్‌ యూనివర్సిటీ ప్రాంగణంలో ‘మీ పెట్టుబడులకు మాది భరోసా’ పేరిట ఈ సదస్సు జరగనున్న నేపథ్యంలో యూనివర్సిటీ నిర్మాణ పనులు త్వరగా పూర్తి చేసి సమ్మిట్‌ ఏర్పాట్లపై కసరత్తు చేయాలి. నిర్దేశిత గడువుకు పదిహేను రోజుల ముందుగానే పనులు పూర్తయ్యేలా చూడాలి. అవసరమైతే సిబ్బంది సంఖ్యను పెంచాలి. బహిరంగ ప్రాంగణ పనులను నవంబర్‌ 15లోగా పూర్తి చేసేందుకు చర్యలు తీసుకోవాలి.గ్లోబల్‌ సమ్మిట్‌ ఏర్పాట్లకు సంబంధించి అధికారులు ఒక కమిటీని నియమించుకుని ఎప్పటికప్పుడు పర్యవేక్షించాలి. స్కిల్స్‌ వర్సిటీకి ఎదురుగా ఉన్న 15 ఎకరాల విస్తీర్ణంలో ఏర్పాట్లు చేయాలి. భూమి ఎత్తు పల్లాలను చదును చేసి, పరిసర ప్రాంతాలను అందంగా ముస్తాబు చేయాలి. సమ్మిట్‌ ప్రారంభం నాటికి మీర్‌ఖాన్‌పేట నుంచి స్కిల్స్‌ వర్సిటీ వరకు రోడ్డు పనులను పూర్తి చేయాలి. కుర్మిద్ద తండా రోడ్డు పనులు కూడా వేగంగా పూర్తి చేయాలి. ఏర్పాట్ల విషయంలో ఎట్టి పరిస్థితుల్లోనూ రాజీ పడొద్దు..’ అని ముఖ్యమంత్రి ఆదేశించారు. ఎన్‌ఐయూఎంకు శంకుస్థాపనకురి్మద్దలో రూ.200 కోట్ల పెట్టుబడితో 20 ఎకరాల విస్తీర్ణంలో నిర్మించతలపెట్టిన నేషనల్‌ ఇన్‌స్టిట్యూట్‌ ఆఫ్‌ అర్బన్‌ మేనేజ్‌­మెంట్‌ (ఎన్‌ఐయూఎం)కు మీర్‌ఖాన్‌పేటలోని ఫ్యూచర్‌సిటీ డెవలప్‌మెంట్‌ అ«థారిటీ (ఎఫ్‌సీడీఏ) భవనం సమీపంలో సీఎం శంకుస్థాపన చేశారు. అనంతరం ఎఫ్‌సీడీఏ అధికారుల­తో సమీక్షించారు. సాయంత్రం 4 గంటలకు ఆక్టోపస్‌కు వచ్చి­న రేవంత్‌.. రాత్రి 8 గంటల వరకు ఫ్యూచర్‌సిటీ పరిసర ప్రాంతాల్లోనే కలియతిరిగారు. అధికారులతో సమీక్ష నిర్వహించారు.ఫ్యూచర్‌ సిటీ కమిషనరేట్‌ ప్రారంభంభారత్‌ ఫ్యూచర్‌ సిటీని సందర్శించే ముందు ఇబ్రహీంపట్నంలో నూతనంగా నిర్మించిన ఫ్యూచర్‌ సిటీ పోలీస్‌ కమిషనరేట్‌ భవనా­న్ని సీఎం ప్రారంభించారు. భవనంలోని కమిషనర్‌ ఆఫ్‌ పోలీస్‌ కార్యాలయాన్ని ప్రారంభించి తరుణ్‌ జోషికి శుభాకాంక్షలు తెలిపా­రు. ఈ కార్యక్రమాల్లో శాసనమండలి చీఫ్‌ విప్‌ పట్నం మహేందర్‌రెడ్డి, ఎంపీలు వేం నరేందర్‌ రెడ్డి, మల్లు రవి, చామ­ల కిరణ్‌కుమార్‌ రెడ్డి, ఎమ్మెల్యేలు మల్‌రెడ్డి రంగారెడ్డి, వీర్లపల్లి శంకర్, ప్రకాష్‌ గౌడ్, కాలె యాదయ్య, వివిధ కార్పొరేషన్ల చైర్మ­న్లు, డీజీపీ సీవీ ఆనంద్, ఉన్నతాధికారులు పాల్గొన్నారు.ఇదీ చదవండి: TG: వాతావరణ శాఖ హెచ్చరిక.. మూడురోజులు వర్షాలు?

సాక్షి, హైదరాబాద్‌: అతివేగం ఎంత ప్రమాదకరమో అందరికీ తెలిసిందే. అయినప్పటికీ కొంతమంది అత్యుత్సాహంతో వాహనాలను వేగంగా నడిపి తమ ప్రాణాలపైకి తెచ్చుకుంటారు. ఎంత చెప్పినా వినరూ. తాజాగా అటువంటి ఘటనే హైదరాబాద్‌లో చోటు చేసుకుంది. హైదరాబాద్ శివారు జీనోమ్ వ్యాలీ పోలీస్ స్టేషన్ పరిధిలో ఓవర్‌ స్పీడుతో బైక్‌ నడుపుతూ వచ్చిన ఇద్దరు యువకులు బైక్ కంట్రోల్‌ కాక ఓవర్ స్పీడుతో రోడ్డుపై ఉన్న చెట్టును ఢీకొట్టారు. వేగంతో ఢీకొట్టడంతో ఇద్దరు గాల్లో ఎగిరిపడ్డారు. ఈ ఘటనలో ఇద్దరు యువకులు అక్కడికక్కడే మృతిచెందారు. మృతి చెందిన వారి వివరాలు కాస్మోస్ (22), సుమిత్ (23)గా తెలుస్తోంది. దీనికి సంబంధించిన వీడియో ఇప్పుడు సోషల్‌ మీడియాలో వైరల్‌గా మారింది. ఈ దృశ్యాలు కలవరపరుస్తున్నాయి. ఇదీ చదవండి: మూడు రోజులు వర్షాలుSensitive Video అతివేగం అత్యంత ప్రమాదకరం! ⚠️ హైదరాబాద్ శివారు జీనోమ్ వ్యాలీ పోలీస్ స్టేషన్ పరిధిలో ఘోర ప్రమాదం. అతివేగంతో చెట్టును ఢీకొట్టిన R15 బైక్.. గాల్లో ఎగిరిపడి అక్కడికక్కడే మృతి చెందిన జార్ఖండ్‌కు చెందిన యువకులు కాస్మోస్ (22), సుమిత్ (23) https://t.co/nGq2B4BvjN— greatandhra (@greatandhranews) October 19, 2026

సాక్షి హైదరాబాద్‌: వాతావరణ శాఖ రాష్ట్రానికి కీలక సూచన చేసింది. బంగాళఖాతంలో ఏర్పడిన ఉపరితల ఆవర్తనంతో రాష్ట్రంలో రానున్న మూడు రోజుల పాటు వర్షాలు పడే అవకాశం ఉందని తెలిపింది. ఉరుములు, మెరుపులతో కూడిన జల్లులతో వర్షాలు పడే అవకాశం ఉందని పేర్కొంది. దానితో పాటు గంటకు 30 నుంచి 40 కిలోమీటర్ల వేగంతో గాలులు వీచే అవకాశం ఉందని తెలిపింది. వర్ష సూచన నేపథ్యంలో ప్రజలంతా అప్రమత్తంగా ఉండాలని సూచించింది. ఇదీ చదవండి: మదీనా రోడ్డులో అగ్నిప్రమాదం

సాక్షి, హైదరాబాద్‌: చార్మినార్‌ మదీనా రోడ్డులో భారీ అగ్నిప్రమాదం జరిగింది. బాంబే హౌసరి షాపులో పెద్దఎత్తున మంటలు చెలరేగాయి. దీంతో భయాందోళనకు గురైన స్థానికలుు వెంటనే పరుగులు తీశారు. అగ్నిప్రమాద వివరాలు తెలుసుకున్న అగ్నిమాపక సిబ్బంది వెంటనే అక్కడికి చేరుకొని మంటలను ఆర్పేయత్నం చేస్తుంది. ఈ ప్రమాద ఘటనపై మరిన్ని వివరాలు తెలియాల్సి ఉంది.ఇదీ చదవండి: నా పిల్లల్ని బాగా చూసుకొండి

హైదరాబాద్‌ రియల్‌ ఎస్టేట్‌ జోరు కాస్త తగ్గింది. నగర రియల్‌ ఎస్టేట్‌ మార్కెట్‌లో సెప్టెంబర్‌ నెలలో ఇళ్ల రిజిస్ట్రేషన్లు గణనీయంగా తగ్గాయి. గత ఏడాది ఇదే నెలతో పోలిస్తే 2026 సెప్టెంబర్‌లో నివాస ఆస్తుల రిజిస్ట్రేషన్లు 15 శాతం క్షీణించి 5,620 యూనిట్లకు పరిమితమయ్యాయి. రిజిస్టర్‌ అయిన ఆస్తుల మొత్తం విలువ కూడా 7 శాతం తగ్గి రూ.4,487 కోట్లకు చేరింది. నైట్‌ ఫ్రాంక్‌ ఇండియా విడుదల చేసిన నివేదికలో ఈ గణాంకాలు వెల్లడయ్యాయి.2025 సెప్టెంబర్‌లో హైదరాబాద్‌ రియల్‌ ఎస్టేట్‌ మార్కెట్‌లో 6,612 రెసిడెన్సియల్‌ ప్రాపర్టీలు రిజిస్టర్‌ కాగా, వాటి విలువ రూ.4,804 కోట్లుగా నమోదైంది. ఈ ఏడాది ఆగస్టుతో పోల్చినా మార్కెట్‌ కార్యకలాపాలు మందగించాయి. ఆగస్టులో 5,937 ఆస్తుల రిజిస్ట్రేషన్లు జరగ్గా, సెప్టెంబర్‌లో ఆ సంఖ్య 5,620కి పడిపోయింది. ఇదే సమయంలో రిజిస్టర్‌ అయిన ఆస్తుల విలువ కూడా నెలవారీగా సుమారు 7 శాతం తగ్గింది.తొమ్మిది నెలల్లో స్థిరంగా లావాదేవీలునెలవారీగా రిజిస్ట్రేషన్లు తగ్గినప్పటికీ, 2026 జనవరి నుంచి సెప్టెంబర్‌ వరకు మార్కెట్‌ పనితీరు స్థిరంగానే ఉంది. గత ఏడాది ఇదే కాలంతో పోలిస్తే మొత్తం రిజిస్ట్రేషన్లు 55,715 యూనిట్ల వద్ద దాదాపు మార్పు లేకుండా కొనసాగాయి. అయితే, ఈ లావాదేవీల మొత్తం విలువ మాత్రం 4 శాతం పెరిగి రూ.39,910 కోట్లకు చేరుకుంది.నైట్‌ ఫ్రాంక్‌ విశ్లేషణ ప్రకారం, ఆస్తుల మార్గదర్శక విలువల సవరణకు సంబంధించి నెలకొన్న పరిణామాల అనంతరం రిజిస్ట్రేషన్‌ కార్యకలాపాల్లో హెచ్చుతగ్గులు కొనసాగుతున్నాయి. హైదరాబాద్‌ రియల్‌ ఎస్టేట్‌ మార్కెట్‌ పరిధిలో హైదరాబాద్‌, మేడ్చల్‌-మల్కాజిగిరి, రంగారెడ్డి, సంగారెడ్డి జిల్లాలు ఉన్నాయి. ఈ గణాంకాల్లో కొత్తగా నిర్మించిన ఇళ్లతో పాటు ఇప్పటికే కొనుగోలు చేసిన ఆస్తుల పునఃవిక్రయ లావాదేవీలు కూడా ఉన్నాయి.నివేదికలో మరికొన్ని ముఖ్యాంశాలు2026 జనవరి-సెప్టెంబర్‌ మధ్య కాలంలో ధరల శ్రేణులవారీగా చూస్తే, రూ.50 లక్షలలోపు ధర ఉన్న ఇళ్లతో పాటు రూ.50 లక్షల నుంచి రూ.కోటి మధ్య ధర ఉన్న ఇళ్ల రిజిస్ట్రేషన్లలో పెద్దగా మార్పు లేదు. రూ.కోటి కంటే ఎక్కువ ధర ఉన్న ప్రీమియం ఇళ్ల రిజిస్ట్రేషన్లు మాత్రం వార్షిక ప్రాతిపదికన 2 శాతం పెరిగాయి.లావాదేవీల విలువ పరంగా రూ.50 లక్షలలోపు ఇళ్ల విభాగం 2 శాతం వృద్ధిని నమోదు చేసింది. రూ.50 లక్షల నుంచి రూ.కోటి మధ్య ఇళ్ల విభాగంలో విలువ దాదాపు స్థిరంగా ఉండగా, రూ.కోటి కంటే ఎక్కువ ధర ఉన్న ఇళ్ల విభాగంలో 6 శాతం వృద్ధి నమోదైంది. ఖరీదైన ఇళ్ల విభాగంలో లావాదేవీల విలువ పెరగడం ఈ మార్కెట్‌లో ప్రీమియం గృహాలకు ఉన్న డిమాండ్‌ను సూచిస్తోంది.సెప్టెంబర్‌ నెలలో మాత్రం అన్ని ధరల శ్రేణుల్లోనూ రిజిస్ట్రేషన్లు తగ్గాయి. రూ.50 లక్షలలోపు ఇళ్ల రిజిస్ట్రేషన్లు అత్యధికంగా 20 శాతం పడిపోయాయి. రూ.కోటి కంటే ఎక్కువ ధర ఉన్న ఇళ్ల విభాగంలో 12 శాతం, రూ.50 లక్షల నుంచి రూ.కోటి మధ్య ధర ఉన్న ఇళ్ల విభాగంలో 6 శాతం క్షీణత నమోదైంది.లావాదేవీల విలువలోనూ ఇదే ధోరణి కనిపించింది. రూ.50 లక్షలలోపు ఇళ్ల విభాగంలో 15 శాతం, రూ.50 లక్షల నుంచి రూ.కోటి మధ్య విభాగంలో 8 శాతం తగ్గుదల నమోదైంది. ప్రీమియం ఇళ్ల విభాగంలోనూ విలువ తగ్గినప్పటికీ, దీనికి సంబంధించిన గణాంకాల్లో 2 శాతం, 15 శాతం అనే రెండు భిన్నమైన వివరాలు ఉన్నాయి.ఇళ్ల విస్తీర్ణం ఆధారంగా చూస్తే, సెప్టెంబర్‌లో 1,000 నుంచి 2,000 చదరపు అడుగుల మధ్య విస్తీర్ణం ఉన్న ఇళ్లు అత్యధికంగా అమ్ముడయ్యాయి. మొత్తం రిజిస్ట్రేషన్లలో ఈ ఇళ్ల వాటా 66 శాతంగా ఉంది. 2,000 చదరపు అడుగులకు మించిన విస్తీర్ణం ఉన్న ఇళ్లు 18 శాతం లావాదేవీల వాటాను దక్కించుకున్నాయి.ఇదీ చదవండి: బెంగళూరులో ఇల్లు అద్దెకు తీసుకోవడమే పాపమా?

హైదరాబాద్‌లోని ఖరీదైన జూబ్లీహిల్స్‌ విల్లాలో అడుగుపెట్టాడు ఇన్‌ స్పెక్టర్‌ అభిమన్యు. దేశవ్యాప్తంగా లక్షలాదిమంది అభిమానులను ఉర్రూతలూగించిన ప్రముఖ పాప్‌ సింగర్‌ ప్రహ్లాద్‌ తన పడకగదిలోనే హత్యకు గురై పడి ఉన్నాడు.శరీరంపై ఎలాంటి తీవ్ర గాయాలు లేవు, మెడపై కొంచెం కమిలిన గుర్తులు మాత్రమే ఉన్నాయి. గది తలుపులు బద్దలుకొట్టి లోపలికి రావాల్సి వచ్చింది, కానీ బాల్కనీ తలుపులు మాత్రం తెరిచే ఉన్నాయి.అభిమన్యు క్రైమ్‌ సీన్‌ ను క్షుణ్ణంగా పరిశీలించడం మొదలుపెట్టాడు. ఫోరెన్సిక్‌ బృందం వేలిముద్రలు సేకరిస్తోంది. మంచంపై పరుపు చెల్లాచెదురుగా ఉంది. అభిమన్యు మోకాళ్లపై వంగి టార్చ్‌లైట్‌ వెలుగును మంచం కిందకు సారించాడు. అక్కడ అంతా మామూలుగానే ఉంది. కానీ కొంతదూరంలో దుమ్ములో మెరుస్తున్న ఒక చిన్న వస్తువు అతని దృష్టిని ఆకర్షించింది. గ్లౌజ్‌ ధరించిన చేత్తో దాన్ని బయటకు తీశాడు. అది ఖరీదైన, సూక్ష్మమైన ఒక సింగిల్‌ బ్లూటూత్‌ ఇయర్‌బడ్‌.దాన్ని తీసుకున్న తర్వాత అభిమన్యు గది మొత్తం కలియచూశాడు. ప్రహ్లాద్‌ ఫోన్‌ టేబుల్‌పైనే ఉంది. కానీ అది ఈ బ్లూటూత్‌తో కనెక్ట్‌ అయి లేదు. ప్రహ్లాద్‌ వస్తువుల జాబితాలో ఇలాంటి మోడల్‌ పరికరం ఏదీ లేదు. అంటే, ఇది హంతకుడిదే అయి ఉండాలి. ఘర్షణ సమయంలో హంతకుడి చెవి నుంచి జారి మంచం కింద పడిపోయి ఉంటుంది.అభిమన్యు వెంటనే సైబర్‌ క్రైమ్‌ నిపుణులను పిలిపించాడు. ఆ బ్లూటూత్‌ కేస్‌కు సంబంధించిన మ్యాక్‌ అడ్రస్, డివైస్‌ లాగ్స్‌ ఆధారంగా దర్యాప్తు వేగవంతం చేశాడు. ఆ పరికరం పేరు ‘స్పైడర్‌–గీ’ అని నమోదై ఉంది. ప్రహ్లాద్‌తో సన్నిహితంగా ఉండే ముగ్గురిని అభిమన్యు విచారణకు పిలిచాడు. ప్రహ్లాద్‌ మేనేజర్‌ కిరణ్, మ్యూజిక్‌ డైరెక్టర్‌ విక్రమ్, కాంపిటీటర్‌ రాకేష్‌.హాలులో ఇన్‌స్పెక్టర్‌ అభిమన్యు ఒక్కడే ఉన్నాడు. హాల్లో వున్న సీక్రెట్‌ కెమెరాలు వాటి పని మొదలుపెట్టాయి.అభిమన్యు ఆ బ్లూటూత్‌ ఇయర్‌బడ్‌ను ఆన్‌ చేసి, ఒక్కొక్కరినీ లోపలికి పిలిచాడు.‘మొదట రాకేష్, విక్రమ్‌లు గదిలోకి వచ్చినప్పుడు బ్లూటూత్‌లో ఎలాంటి కదలిక లేదు. కానీ చివరిగా ప్రహ్లాద్‌ మేనేజర్‌ కిరణ్‌ తన ఐఫోన్‌ తో లోపలికి ప్రవేశించిన క్షణంలోనే, ఆ హాలులోని బ్లూటూత్‌ డిటెక్టర్‌ అలారం మోగింది. కిరణ్‌ ఫోన్‌ ఆటోమేటిక్‌గా ఆ బ్లూటూత్‌ ఇయర్‌బడ్‌తో పెయిర్‌ అయిపోయింది.కిరణ్‌ ముఖం పాలిపోయింది. అయినా తడబడుతూ, ‘నా పాత బ్లూటూత్‌ రెండు రోజుల క్రితమే పోయింది సార్‌’ అన్నాడు.‘కేవలం పెయిరింగ్‌ మాత్రమే కాదు కిరణ్‌! ఈ బ్లూటూత్‌లో ఉన్న ఇంటర్నల్‌ చిప్‌లో చివరిగా కాల్‌ రికార్డ్‌ అయిన ఆడియో డేటా కూడా సేకరించాం. నిన్న రాత్రి 11 గంటల 40 నిమిషాలకు నువ్వు ఎవరితోనో మాట్లాడుతూనే ప్రహ్లాద్‌పై దాడి చేశావు. ప్రహ్లాద్‌ కొత్త మ్యూజిక్‌ ఆల్బమ్‌ కాంట్రాక్ట్‌ క్యాన్సిల్‌ చేసి వేరే కంపెనీకి వెళ్తున్నాడని తెలిసి, అతడిని ఊపిరాడకుండా చేసి చంపావు. ఆ పెనుగులాటలో నీ చెవిలోని బ్లూటూత్‌ మంచం కింద పడిపోయింది. నువ్వు కంగారులో దాన్ని గమనించకుండా బాల్కనీ గుండా పారిపోయావు... పోనీ ఇది కాకుండా నీ దగ్గర వేరే వెర్షన్‌ ఉంటే చెప్పు’ అభిమన్యు అతని వంకే చూస్తూ అన్నాడు.‘కానీ మా బాస్‌ వేరే కంపెనీకి వెళ్తే నాకెందుకు కోపం?’ కిరణ్‌ సమర్థించుకోవడానికి దబాయించాడు.‘ఎందుకంటే... పాత మ్యూజిక్‌ కంపెనీతో ప్రహ్లాద్‌ చేసుకున్న కాంట్రాక్ట్‌ ద్వారా నీకు రావాల్సిన కోట్లాది రూపాయల రహస్య కమీషన్‌ పోతుందన్న కసితో, పైగా నువ్వు చేసిన అకౌంట్స్‌ గోల్‌మాల్‌ బయటపడుతుందన్న భయంతోనే ప్రహ్లాద్‌ను ఊపిరాడకుండా చేసి చంపావు!నీ నేరానికి ఫైనల్‌ వెర్షన్‌ కటకటాలు... ఒక గొప్పగాయకుడిని స్వార్థంతో హత్య చేశావు. నేరస్తుడిగా కటకటాల వెనక్కి వెళ్తున్నావు. పైకి వెళ్ళాక ప్రహ్లాద్‌ కు క్షమాపణ చెప్పుకో అన్నాడు.కేవలం మంచం కింద దొరికిన ఒక చిన్న బ్లూటూత్‌ పరికరం ద్వారా ఒక హై–ప్రొఫైల్‌ హత్య మిస్టరీని గంటల వ్యవధిలోనే ఛేదించిన అభిమన్యు చురుగ్గా ముందుకు కదిలాడు.- శ్రీసుధామయిఇదీ చదవండి: ‘నేను మున్నాను.. నన్ను చంపేశారు’.. వెలుగులోకి వింత కేసు!

సాక్షి హైదరాబాద్‌: మూసుకుపోయిన శ్వాసనాళ భాగాన్ని తొలగించి, యువకునికి పునర్జన్మ ప్రసాదించారు సికింద్రాబాద్‌ గాం«దీఆస్పత్రి వైద్యులు. సూపరింటెండెంట్‌ ప్రొ.ఉషారాణి, డిప్యూటీ సూపరింటెండెంట్‌ ప్రొ.సునీల్‌కుమార్, కార్డియోథోరాసిస్‌ హెచ్‌ఓడీ ప్రొ.రవీంద్రలు తెలిపిన వివరాల ప్రకారం.. భూపాలపల్లికి చెందిన సందీప్‌ 2018లో పురుగుల మందు తాగి ప్రైవేటు ఆస్పత్రిలో చేరగా శ్వాసనాళానికి రంధ్రం చేశారు.ఏడాది తర్వాత శ్వాస తీసుకోవడంలో ఇబ్బంది కాగా కోఠి ఈఎన్‌టీ ఆస్పత్రిలో చేరాడు. ఏడుసార్లు డిలటేషన్‌(వ్యాకోచం) చేసినా శ్వాసనాళం సరికాలేదు. టీ ఆకారంలోని సిలికాన్‌ ట్యూబ్‌ను వేసినా నాలుగేళ్ల తర్వాత మొదటికి వచి్చంది. శ్వాసనాళానికి మరోసారి రంధ్రం చేయడానికి రూ.8 లక్షలు అవుతుందని ఓ కార్పొరేట్‌ ఆస్పత్రిలో చెప్పడంతో బాధితుడు గాం«దీఆస్పత్రిని ఆశ్రయించాడు. 95శాతం మూసుకుపోయిన శ్వాసనాళానికి తక్షణమే సర్జరీ చేయకుంటే ప్రాణాలకే ప్రమాదమని నిర్ధారించారు.గతనెల 30వ తేదీన కారి్థయోథోరాసిస్‌ హెచ్‌ఓడీ ప్రొ.రవీంద్ర నేతృత్వంలో ఈఎన్‌టీ, అనస్టీíÙయా వైద్యులు పద్మలత, రాజశేఖర్, నాగరాజు, రామ్‌జీ, మురళీధర్, సుచరితలు.. మూసుకుపోయిన నాలుగు సెంటీమీటర్ల శ్వాసనాళాన్ని తొలగించి సరిచేశారు. కోలుకోవడంతో శనివారం డిశ్చార్జీ చేశారు. వైద్యులను డీఎంఈ వాణి, గాంధీ సూపరింటెండెంట్‌ ఉషారాణి, ప్రిన్సిపాల్‌ ఇందిర, డిప్యూటీ సూపరింటెండెంట్‌ సునీల్‌కుమార్‌లు అభినందించారు. దివంగత ముఖ్యమంత్రి వైఎస్‌ రాజశేఖర్‌రెడ్డి ప్రవేశపెట్టిన ఆరోగ్యశ్రీ పథకం ద్వారా శస్త్రచికిత్సను ఉచితంగా నిర్వహించడం గమనార్హం.ఇదీ చదవండి: దసరా షాపింగ్‌కు రెడీనా? నగరంలో ఆఫర్లే ఆఫర్లు! అవేంటంటే?

సాక్షి హైదరాబాద్‌: వాహన తనిఖీలు నిర్వహిస్తున్న అత్తాపూర్‌ పోలీసుల పైకి నెంబర్‌ ప్లేట్‌ లేని కారులో దూసుకువచ్చిన యువకుడిని అత్తాపూర్‌ పోలీసులు అరెస్టు చేసి కోర్టులో హాజరపరిచారు. న్యాయమూర్తి యువకుడికి జ్యూడిషియల్‌ రిమాండ్‌కు తరలించారు. ఇన్‌స్పెక్టర్‌ సీతయ్య తెలిపిన మేరకు.. గురువారం అర్ధరాత్రి పిల్లర్‌ నంబర్‌ 133 వద్ద అత్తాపూర్‌ పోలీసులు వాహన తనిఖీలు నిర్వహిస్తుండగా ఓ యువకుడు ‘ఘోస్ట్‌’ అని ఆంగ్లంలో రాసి ఉన్న నెంబర్‌ ప్లేట్‌ లేని కారులో వేగంగా దూసుకువచ్చి పోలీసులను చూసి అదే వేగంతో వెనక్కు వెళ్లాడు. పోలీసులు వాహనాన్ని ఆపేందుకు ప్రయత్నించగా మరింత వేగంతో ముందుకు దూసుకువచ్చాడు.మితిమీరిన వేగంతో ఉండడంతో పోలీసులు అప్రమత్తమై పక్కకు జరగడంతో పెను ప్రమాదం తప్పింది. నెంబర్‌ ప్లేటుపై గోస్ట్‌ అని రాసి ఉంది.శుక్రవారం సీసీ కెమెరాలు జల్లెడ పట్టి చివరకు టోలిచౌకి సాలార్జంగ్‌ కాలనీకి చెందిన మహమ్మద్‌ ఫయాద్‌ఉద్దీన్‌(20)గా గుర్తించారు. సుజుకి ఫ్రాంక్స్‌ కారును, నిందితుడిని అదుపులోకి తీసుకొని కేసులు నమోదు చేశారు.ఇదీ చదవండి: భక్తులపై దూసుకెళ్లిన ట్రక్‌.. 11 మంది మృతి

సాక్షి, హైదరాబాద్‌: నగరంలో పండుగ సందడి జోరుగా సాగుతోంది. ఆదివారం సద్దుల బతుకమ్మ కోసం మహిళలు పెద్ద ఎత్తున పూలు, ఇతర సామాగ్రి కొనుగోలు చేశారు. ఇక మంగళవారం దసరా పండుగ నేపథ్యంలో షాపింగ్‌ మాల్స్, ఇతర దుకాణాలు కిటకిటలాడుతున్నాయ. ఉదయం నుంచి అర్థరాత్రి వరకు అన్ని ప్రధాన వీధులు వినియోగదారులతో కిక్కిరిస్తున్నాయి.సాధారణంగా దసరా సీజన్‌లో పండుగకు అవసరమైన కొత్త దుస్తులు, గృహోపకరణాలు, కొత్త కార్లు, బైకులు, బంగారు నగలు కొనుగోలు చేసేందుకు ప్రజలు ఆసక్తి చూపిస్తారు. చార్మినార్, అబిడ్స్, సుల్తాన్‌ బజార్, కూకట్‌పల్లి, దిల్‌సుఖ్‌నగర్, ఎల్‌బీనగర్, అమీర్‌పేట, బేగంబజార్, కోఠి తదితర ముఖ్య ప్రాంతాల్లో ఈ సందడి ఎక్కువగా ఉంది. గృహిణులు పిండి వంటల కోసం నిత్యావసరాలను అధికంగా కొనుగోలు చేస్తున్నారు.అంచనా రూ.3 వేల కోట్లువ్యాపార వర్గాల అంచనా ప్రకారం ఈ దసరా సీజన్లో నగరంలో సుమారు రూ.2,500 కోట్ల నుంచి రూ.3,000 కోట్ల వరకు వ్యాపారం జరిగే అవకాశం ఉంది. ఇది గతేడాది కంటే 30 శాతం అధికం. అందులో వస్త్ర వ్యాపారం రూ.800 కోట్లు, ఎల్రక్టానిక్స్, గృహోపకరణాలు రూ.600 కోట్లు, బంగారం, నిత్యవసరాలు, ఇతర వస్తువులు కలిపి మరో రూ.1,200 కోట్లకు పైగా వ్యాపారం జరుగుతుందని అంచనా వేస్తున్నారు.ఆఫర్లే ఆఫర్లు..పండుగను దృష్టిలో ఉంచుకుని వ్యాపారులు వినియోగదారులను ఆకట్టుకునేందుకు భారీ ఆఫర్లు ప్రకటించారు. అన్ని రకాల దుస్తులపై 30 నుంచి 50 శాతం వరకు డిస్కౌంట్, ఉచిత గిఫ్ట్‌ హ్యాంపర్లు, లక్కీ డ్రా కూపన్లు తదితర ఆఫర్లు అందుబాటులో ఉన్నాయి. టీవీ, ఫ్రిజ్, వాషింగ్‌ మెషీన్, ఏసీలపైనా భారీ తగ్గింపు రేట్లు ప్రకటిస్తున్నారు. ఈఎంఐ, జీరో డౌన్‌ పేమెంట్‌ ఆఫర్లు ఇస్తున్నారు. బంగారు నగల తరుగు, మేకింగ్‌ చార్జీలపై 25 నుంచి 50 శాతం వరకు తగ్గింపు, ప్రతి కొనుగోలుపై బంగారు నాణెం లేదా వెండి వస్తువులు ఉచితంగా ఇస్తామని ఆఫర్లు ప్రకటిస్తున్నారు. ఇక పండుగ రద్దీ దృష్ట్యా ఉదయం 9 గంటల నుంచి రాత్రి 11 గంటల వరకు అన్ని మార్కెట్లు తెరిచే ఉంచుతున్నట్లు వ్యాపారులు తెలిపారు.ఇదీ చదవండి: పండుగకు ఊరెళ్తున్నారా? బస్సు చార్జీలు చూస్తే షాకే!

సాక్షి, హైదరాబాద్‌: నగరం పల్లెబాట పట్టింది. సద్దుల బతుకమ్మ, దసరా పండగ రద్దీ పోటెత్తింది. వారం రోజులుగా కొనసాగుతున్న పండుగ రద్దీ శనివారం భారీగా పెరిగింది. ఆదివారం సద్దుల బతుకమ్మ కావడంతో ఆర్టీసీ బస్సులు, రైళ్లు, ప్రైవేట్‌ వాహనాల్లో జనం సొంత ఊరు బాట పట్టారు. మహాత్మాగాం«దీ, జూబ్లీ బస్‌స్టేషన్‌లతో పాటు నగరంలోని వివిధ ప్రాంతాల నుంచి రెగ్యులర్‌గా రాకపోకలు సాగించే బస్సులతో పాటు 50 శాతం అదనపు చార్జీలతో ఆర్టీసీ ప్రత్యేక బస్సులను నడుపుతోంది.శనివారం ఒక్కరోజే సుమారు 1,100కు పైగా ప్రత్యేక బస్సులను ఏర్పాటు చేసినట్లు అధికారులు తెలిపారు. ఆదివారం కూడా ప్రయాణికుల రద్దీ కొనసాగే అవకాశం ఉందని అధికారులు అంచనా వేస్తున్నారు. ఆర్టీసీ బస్సులు, ప్రైవేట్‌ వాహనాలతో పాటు సికింద్రాబాద్, నాంపల్లి, కాచిగూడ స్టేషన్‌ల నుంచి వివిధ ప్రాంతాలకు రాకపోకలు సాగించే రైళ్లు సైతం ప్రయాణికుల రద్దీతో కిక్కిరిశాయి. మరోవైపు సొంత వాహనాల్లో బయలుదేరారు. కార్లు, బైక్‌లు తదితర వాహనాలు నగర ప్రధాన రహదారులపై బారులు తీరాయి.కిక్కిరిసిన జనరల్‌ బోగీలు.. దసరా, దీపావళి పండుగల రద్దీ దృష్ట్యా దక్షిణమధ్య రైల్వే సుమారు 600 రైళ్లను అదనంగా నడిపేందుకు ఏర్పాట్లు చేసింది. తెలంగాణ మీదుగా వివిధ ప్రాంతాలకు బయలుదేరే అన్ని రైళ్లలో సాధారణ బోగీలు ప్రయాణికులతో కిటకిటలాడాయి. చర్లపల్లి, నాంపల్లి, కాచిగూడ, మల్కాజిగిరి, హైటెక్‌సిటీ, లింగంపల్లి, తదితర స్టేషన్‌ల నుంచి ప్రత్యేక రైళ్లను ఏర్పాటు చేశారు.భారీగా పెరిగిన చార్జీలు.. పండుగలు, ప్రత్యేక వేడుకలు, తదితర సందర్భాలను దృష్టిలో ఉంచుకొని ప్రతిసారి ప్రయాణికులపై భారం మోపుతున్న ఆర్టీసీ.. ఈసారి సాధారణ చార్జీలపై 50 శాతం అదనపు వసూళ్లకు దిగింది. ఉప్పల్, ఎల్‌బీనగర్, జూబ్లీబస్‌స్టేషన్, తదితర ప్రాంతాల నుంచి తెలంగాణలోని వివిధ ప్రాంతాలకు రాకపోకలు సాగించే ట్రావెల్స్‌ వాహనాలు సైతం చార్జీలను అడ్డగోలుగా పెంచాయి. ఎక్కువ చార్జీలు తీసుకొనే ప్రైవేట్‌ బస్సులపై కేసులు నమోదు చేయనున్నట్లు రవాణాశాఖ అధికారులు హెచ్చరించారు. ప్రైవేట్‌ వాహనాల అక్రమ రవాణాను అరికట్టనున్నట్లు చెబుతున్నా.. ఆచరణలో ఎక్కడా నియంత్రణ చర్యలు కనిపించలేదు. దీంతో ప్రైవేట్‌ వాహనాల దారిదోపిడీ యథావిధిగా కొనసాగింది.ఇదీ చదవండి: బడ్జెట్‌ తక్కువ.. బ్రాండ్లు ఎక్కువ!

సాక్షి,హైదరాబాద్: న‌గ‌ర‌ శివార్లలోని నాదర్‌గుల్ మాటూరి వెంక‌ట సుబ్బారావు (MVSR) ఇంజినీరింగ్ కాలేజీలో దసరా ఉత్సవాల సందర్భంగా నిర్వహించిన దాండియా వేడుకల్లో ఘోర ప్రమాదం చోటుచేసుకుంది. విద్యార్థులు ఉత్సాహంగా దాండియా నృత్యాలు చేస్తుండగా.. భారీ లైటింగ్ సిస్టమ్ అమర్చిన ఇనుప క్రేన్ ఒక్కసారిగా కుప్పకూలింది. ఈ దుర్ఘటనలో ఇద్దరు ప్రాణాలు కోల్పోగా.. పలువురు తీవ్రంగా గాయపడ్డారు.కాలేజీ ప్రాంగణంలో విద్యార్థులు, సిబ్బంది భారీ ఎత్తున చేరి దాండియా నృత్యాల్లో మునిగిపోయిన సమయంలో ఈ ప్రమాదం సంభవించింది. పెద్ద శబ్దంతో లైటింగ్ సిస్టమ్ కుప్పకూలడంతో అక్కడ ఒక్కసారిగా తొక్కిసలాట లాంటి వాతావరణం నెలకొంది. ఈ ప్రమాద తీవ్రతకు అక్కడికక్కడే ఇద్దరు వ్యక్తులు మృతి చెందినట్లు ప్రాథమిక సమాచారం అందుతోంది.ప్రమాదం జరిగిన వెంటనే కాలేజీ యాజమాన్యం, తోటి విద్యార్థులు అప్రమత్తమయ్యారు. శిథిలాల క్రింద చిక్కుకున్న వారిని వెలికితీసి, తీవ్రంగా గాయపడిన క్షతగాత్రులను అత్యవసర చికిత్స నిమిత్తం సమీపంలోని ప్రైవేట్ ఆసుపత్రికి తరలించారు. గాయపడిన వారిలో కొందరి పరిస్థితి విషమంగా ఉన్నట్లు తెలుస్తోంది.దర్యాప్తు ప్రారంభించిన పోలీసులుసమాచారం అందుకున్న వెంటనే స్థానిక పోలీసులు ఘటనా స్థలానికి చేరుకుని సహాయక చర్యలను పర్యవేక్షించారు. లైటింగ్ సిస్టమ్ ఏర్పాటులో నిర్వాహకుల నిర్లక్ష్యం ఉందా, లేదా సాంకేతిక లోపం వల్ల ఈ ప్రమాదం జరిగిందా అనే కోణంలో పోలీసులు కేసు నమోదు చేసుకుని దర్యాప్తు చేస్తున్నారు. కాలేజీలో జరిగిన ఈ ఘోర ప్రమాదంతో విద్యార్థుల కుటుంబాలలో విషాద ఛాయలు అలుముకున్నాయి.

సాక్షి, రంగారెడ్డి: దసరా నేపథ్యంలో హైదరాబాద్‌- విజయవాడ హైవేపై భారీగా ట్రాఫిక్‌ జామయ్యింది. దీంతో చౌటుప్పల్ వద్ద హైవే-65 పై వాహనాలు నెమ్మదిగా కదులుతున్నాయి. భారీ ట్రాఫిక్ నేపథ్యంలో పోలీసులు వాహనాలను దారిమళ్లించారు.చౌటుప్పల్ ఆర్డీఓ ఆఫీస్ నుంచి మార్కండేయ నగర్, వలిగొండ, తాళ్లసింగారం, లింగోజిగూడెం, అంకిరెడ్డిగూడెం పంతంగి మీదుగా వాహనాల మళ్లింపు చేపడుతున్నారు. దానికి తోడు చౌటుప్పల్ వద్ద ఫ్లై ఓవర్ నిర్మాణ పనులు నత్త‌ నడకన సాగుతుండటంతో నిత్యం ట్రాఫిక్ జామ్ జరుగుతుందని వాహనదారులు తీవ్ర అసహనం వ్యక్తం చేస్తున్నారు.ఇదీ చదవండి: హైదరాబాద్‌కు భారీ వర్ష సూచన

సాక్షి, హైదరాబాద్‌: హైదరాబాద్‌లో పలు ప్రాంతాల్లో భారీ వర్షం పడుతుంది. ప్యూచర్‌ సిటీతో పాటు పలు ప్రాంతాల్లో వర్షం దంచికొడుతుంది. ఒక్కసారిగా భారీ వాన రావడంతో వాహనదారులు తీవ్ర అవస్థలు ఎదుర్కొంటున్నారు. రోడ్లపైకి భారీగా నీరు చేరడంతో పలు చోట్ల ట్రాఫిక్‌ జామయ్యింది.కాగా కాసేపటి క్రితమే వాతావరణ శాఖ హెదరాబాద్‌కు భారీ వర్ష సూచన చేసింది. నగరంలో రానున్న రెండు గంటలపాటు భారీ వర్షం పడే అవకాశం ఉందని పేర్కొంది. పలు ప్రాంతాల్లో పెద్దఎత్తున ఈదురుగాలులు వీచే అవకాశం ఉందని తెలిపింది. ఈ నేపథ్యంలో ఆరెంజ్ అలర్ట్ జారీ చేసింది. ఈదురు గాలుల నేపథ్యంలో ప్రజలంతా అప్రమత్తంగా ఉండాలని హోర్డింగుల వద్ద నిల్చోవద్దని సూచించింది.ఇదీ చదవండి: తెలంగాణలో కరువు మంటలు

హైదరాబాద్: అపార్ట్‌మెంట్‌లో ఓ మహిళ పెంచుకుంటున్న కుక్క దాడి చేయడంతో తాత, మనవడు తీవ్ర గాయాల పాలయ్యారు. బాధితులు, అపార్ట్‌మెంట్‌ వాసులు తెలిపిన వివరాల ప్రకారం.. నాచారం స్నేహపురి కాలనీలోని సూర్యటవర్స్‌ ‘ఎ’ బ్లాక్‌ పెంట్‌హౌస్‌లో ఆశ అనే మహిళ ఉంటున్నారు. ఆమె రోట్‌వీలర్‌ జాతి పెంపుడు కుక్కను పెంచుకుంటున్నారు. ఇదే అపార్ట్‌మెంట్‌లో ఎదురుగా ‘బి’ బ్లాక్‌లో నివాసం ఉండే 78 ఏళ్ల వృద్ధుడు వాసుదేవరావును, ఆయన మనవడు ఏడేళ్ల ధృవను గురువారం లిఫ్ట్‌ వద్ద ఆశ పెంపుడు శునకం రెచ్చిపోయి కరవడంతో వారి కాళ్లు, చేతులకు తీవ్ర గాయాలయ్యాయి. భారీగా రక్తస్రావమైంది. విషయాన్ని కుక్క యజమానురాలు ఆశకు చెప్పగా.. ఎవరికి చెప్పుకొంటారో చెప్పుకోండి అంటూ బెదిరిస్తోందని బాధిత కుటుంబం ఆవేదన వ్యక్తం చేసింది. ప్రమాదకరంగా మారిన పెంపుడు కుక్కను పంపించి వేయాలని డిమాండ్‌ చేస్తూ శుక్రవారం అపార్ట్‌మెంట్‌ వాసులు బాధితులతో కలిసి ఆందోళనకు దిగారు. అనంతరం నాచారం పోలీసులకు ఫిర్యాదు చేసినట్లు అపార్ట్‌మెంట్‌ వాసులు రత్నాకర్, ప్రవీణ్, విజయ రాఘవన్, శ్రీనివాస్‌ తెలిపారు.

హైదరాబాద్‌, సాక్షి : హైదరాబాద్‌లో రెస్టారెంట్లు, హెటళ్లపై వరుసదాడులు, పలు ఆరోపణలు, ఆహార ఉత్పత్తుల నాణ్యతపై చెలరేగిన ఆందోళనల మధ్య మరో దారణం వెలుగులోకి వచ్చింది. ఒక పాపులర్‌ మాల్‌లో కొనుగోలు చేసిన కిట్‌క్యాట్ చాక్లెట్‌లో పురుగులున్నాయి ఒక వినియోగదారు ఫిర్యాదు చేయడం కలకలం రేపింది. దీనికి సంబంధించి వీడియో నెట్టింట హల్‌ చల్‌ చేస్తోంది. కూకట్‌పల్లిలో లులూ మాల్‌లో పిల్లల కోసం కొనుగోలు చేసినకిట్‌క్యాట్ చాక్లెట్‌లో సజీవ పురుగులు ఉన్నాయంటూ ఒక యూజర్‌ ఆందోళన వ్యక్తం చేశారు. పండుగ షాపింగ్ కోసం మాల్‌లో తమకు ఆ అనుభవం ఎదురైందని వాపోయారు. దీనిపై కిట్‌ క్యాట్‌ కంపెనీగానీ, లూలూమాల్‌ యాజమాన్యం గానీ ఇంకా అధికారికంగా స్పందించలేదు. 𝐂𝐮𝐬𝐭𝐨𝐦𝐞𝐫 𝐟𝐢𝐧𝐝𝐬 𝐰𝐨𝐫𝐦𝐬 𝐢𝐧 𝐊𝐢𝐭𝐊𝐚𝐭 𝐜𝐡𝐨𝐜𝐨𝐥𝐚𝐭𝐞 𝐛𝐨𝐮𝐠𝐡𝐭 𝐚𝐭 𝐋𝐮𝐥𝐮 𝐌𝐚𝐥𝐥 A customer has reported finding worms inside a KitKat chocolate purchased at Lulu Mall in Kukatpally during festive shopping, raising concerns about food safety. According to the customer, the chocolate was bought for children. After returning home and opening the pack, the customer noticed worms moving inside it. The discovery caused concern among family members. The customer said a complaint had been lodged with the company. The incident has also raised questions about the storage and quality checks of food products sold at the mall. Consumers have urged food safety officials to inspect the mall and take action if any violations are found. The incident has prompted calls for caution while buying chocolates and sweets during the festive season. Consumers are advised to check expiry dates and ensure that packaging is intact before purchasing food products. The company and Lulu Mall management are yet to respond to the reported incident. #Kitkat #Lulumall #Kukatpally #Hyderabad— Sudhakar Udumula (@sudhakarudumula) October 16, 2026ఇదీ చదవండి: మీరట్‌ బ్లూడ్రమ్‌ కేసు తరువాత మరో సంచలనం : భార్య, ప్రియుడికి ఉరి శిక్ష

సాక్షి, హైదరాబాద్‌: నగరంలో శాంతిభద్రతల పరిరక్షణే ధ్యేయంగా హైదరాబాద్‌ సిటీ పోలీసు కమిషనరేట్‌ పరిధిలో అర్ధరాత్రి వేళ పోలీసులు ఆపరేషన్‌ కవచ్‌ పేరిట నాకా బందీ తనిఖీలు నిర్వహించారు. ఈ నెల 15న (గురువారం) నిన్న అర్ధరాత్రి 1:00 గంట నుంచి తెల్లవారుజామున 3:00 గంటల వరకు జరిగాయి. నగరంలోని ప్రధాన కూడళ్ల వద్ద చేపట్టిన ఈ ఆపరేషన్‌లో 100కు పైగా బృందాలు, దాదాపు 3,000 మంది పోలీస్ సిబ్బంది పాల్గొన్నారు.సిటీ కమిషనరేట్ వ్యాప్తంగా జరుగుతున్న తనిఖీలను హైదరాబాద్ సీపీ వీసీ సజ్జనార్, స్వయంగా క్షేత్రస్థాయిలో పర్యటించి పరిశీలించారు. చాంద్రాయణగుట్ట పరిసరాల్లో కాలినడకన తిరిగి వాహనాల తనిఖీలను క్షుణ్ణంగా పరిశీలించారు.అనంతరం మైలార్‌దేవ్‌పల్లి మెహఫిల్ హోటల్ సమీపంలో, ఆరాంఘర్ / ఆర్‌జీఐఓ పోలీస్ స్టేషన్ పరిధిలోని శంషాబాద్ సతమ్రాయ్ ,హైదర్‌గూడ పిల్లర్ నెం. 133 వద్ద, బండ్లగూడ, రాజేంద్రనగర్ ప్రాంతాల్లో వాహన తనిఖీలను పరిశీలించి అధికారులకు తగిన మార్గదర్శకాలు అందించారు.ఈ ప్రత్యేక డ్రైవ్‌లో నిబంధనలు ఉల్లంఘించిన మొత్తం 725 వాహనాలను పోలీసులు డిటైన్ చేయగా, 48 మంది అనుమానితులను అదుపులోకి తీసుకున్నారు. అలాగే 5 మైనర్ డ్రైవింగ్ కేసులు, ఒక ఆయుధం, 2 గంజాయి సంబంధిత కేసులతో సహా పలు ఇతర కేసులు నమోదయ్యాయి. జోన్ల వారీగా పరిశీలిస్తే.. గోల్కొండ జోన్‌లో అత్యధికంగా 213 వాహనాలు డిటైన్ కాగా, ఒకరిని అదుపులోకి తీసుకున్నారు. ఇక్కడ 2 మైనర్ డ్రైవింగ్, ఒక గంజాయి కేసు నమోదైంది. శంషాబాద్ జోన్‌లో 182 వాహనాలను డిటైన్ చేశారు. చార్మినార్ జోన్‌లో 127 వాహనాలను డిటైన్ చేసి, ముగ్గురు అనుమానితులను అదుపులోకి తీసుకోవడంతో పాటు ఒక ఆయుధాన్ని స్వాధీనం చేసుకున్నారు.రాజేంద్రనగర్ జోన్‌లో 100 వాహనాలను డిటైన్ చేసి, 21 మంది అనుమానితులను అదుపులోకి తీసుకున్నారు. ఇక్కడ ఒక గంజాయి కేసు, ఒక డ్రంక్ అండ్ డ్రైవ్, 23 ఈ-పెట్టీ కేసులు నమోదయ్యాయి. సికింద్రాబాద్ జోన్‌లో 45 వాహనాలు డిటైన్ కాగా, 2 మైనర్ డ్రైవింగ్, ఒక COTPA కేసు నమోదైంది. ఖైరతాబాద్ జోన్‌లో 40 వాహనాలు, జూబ్లీహిల్స్ జోన్‌లో 18 వాహనాలను డిటైన్ చేసి, 23 మంది అనుమానితులను అదుపులోకి తీసుకున్నారు. జూబ్లీహిల్స్‌లో ఒక మైనర్ డ్రైవింగ్, 8 డ్రంక్ అండ్ డ్రైవ్ కేసులు నమోదయ్యాయి.ఈ సందర్భంగా సజ్జనార్ మాట్లాడుతూ... నేరస్థులు పోలీసుల నిఘా నుంచి తప్పించుకోవడానికి నంబర్ ప్లేట్లను వంచడం, అక్షరాలు కనిపించకుండా చేయడం వంటి చర్యలకు పాల్పడుతున్నారని తెలిపారు. దీనివల్ల వారు తీవ్రమైన నేర కేసుల్లో చిక్కుకునే ప్రమాదం ఉందన్నారు. నంబర్ ప్లేట్లను ఉద్దేశపూర్వకంగా మార్చే వారిపై చీటింగ్, ఫోర్జరీ వంటి క్రిమినల్ కేసులు నమోదు చేస్తామని హెచ్చరించారు. రవాణా శాఖ నిబంధనల ప్రకారం నంబర్ ప్లేట్లను స్పష్టంగా ఉంచుకోవాలని, వాహనం నడుపుతూ ఇయర్‌ఫోన్లు ధరించకూడదని, వాహన సంబంధిత ధ్రువపత్రాలను ఎల్లప్పుడూ వెంట ఉంచుకోవాలని సూచించారు. నగరంలో ఎక్కడైనా అనుమానాస్పద వ్యక్తులు, వాహనాలు లేదా వస్తువులు కనిపిస్తే వెంటనే డయల్ 112కు సమాచారం అందించాలని ప్రజలను కోరారు. నగరంలో శాంతిభద్రతల పరిరక్షణకు, నేరాల నియంత్రణకు పౌరులంతా పోలీసులకు సహకరించాలని విజ్ఞప్తి చేశారు.ఈ ఆపరేషన్ కవచ్ తనిఖీల్లో అదనపు సీపీలు ఎం.శ్రీనివాసులు (క్రైమ్స్), తఫ్ఫ్సీర్ ఇక్బాల్ (లా అండ్ ఆర్డర్), జాయింట్ సీపీ డి.జోయల్ డెవిస్ (ట్రాఫిక్), డీసీపీలు ఆర్.వెంకటేశ్వర్లు, ఎస్.చైతన్య కుమార్, కిరణ్ ఖారే, కె.శిల్పవల్లి, ఎస్.శ్రీనివాస్, జె.రాఘవేందర్ రెడ్డి, ఎ.రమణారెడ్డి, బి.రాజేష్, కె.వెంకటలక్ష్మి, లావణ్య నాయక్ జాదవ్ తదితర ఉన్నతాధికారులు, సిబ్బంది పాల్గొన్నారు. ఇదీ చదవండి: పీవీ ఎక్స్‌ప్రెస్‌పై కార్ల బీభత్సం

సాక్షి, హైదరాబాద్‌: నగరంలోని రాజేంద్రనగర్‌ పీవీ ఎక్స్‌ప్రెస్‌వేపై అర్థరాత్రి రోడ్డు ప్రమాదం చోటుచేసుకుంది. ఉప్పరపల్లి సమీపంలో వేగంగా వెళ్తున్న కార్లు వరుసగా ఒకదానికొకటి ఢీకొన్నాయి. ఈ ప్రమాదంలో పలువురికి స్వల్ప గాయాలయ్యాయి. ప్రమాదం జరిగిన వెంటనే వాహనదారులు అప్రమత్తమయ్యారు. అయితే, వరుసగా కార్లు ఢీకొనడంతో అక్కడ కొద్దిసేపు గందరగోళ పరిస్థితి నెలకొంది.ఈ ప్రమాదం కారణంగా పీవీ ఎక్స్‌ప్రెస్‌వేపై భారీగా ట్రాఫిక్‌ జామ్‌ ఏర్పడింది. దీంతో వాహనాలు ఎక్కడికక్కడ నిలిచిపోయి ప్రయాణికులు తీవ్ర ఇబ్బందులు ఎదుర్కొన్నారు. అలాగే, రద్దీ కారణంగా వాహనాల రాకపోకలకు అంతరాయం కలిగింది. అయితే, ప్రమాదానికి గల అసలు కారాణాలు ఇంకా తెలియాల్సి ఉంది.ఇదీ చదవండి: పిల్లల్ని మాట్లాడనివ్వాలి.. అప్పుడే ఇలాంటివి బయటపడతాయి!

హైదరాబాద్‌: తెలంగాణ సంస్కృతి, సంప్రదాయాలు, స్త్రీశక్తికి, సౌభాగ్యానికి ప్రతీకగా నిలిచే బతుకమ్మ పండుగ రాష్ట్ర ప్రజల్లో ప్రకృతి పట్ల ఆరాధనాభావాన్ని, సాంస్కృతిక వారసత్వం పట్ల గౌరవాన్ని, సామాజిక ఐక్యతను పెంపొందిస్తుందని గవర్నర్‌ శివప్రతాప్‌ శుక్లా అన్నారు. పుష్పాలనే దైవ స్వరూపంగా భావించి పూజించే ప్రకృతి ఉత్సవం బతుకమ్మ పండుగ అని గవర్నర్ పేర్కొన్నారు.గురువారం లోక్‌భవన్‌లో నిర్వహించిన బతుకమ్మ వేడుకల్లో ఆయన తన సతీమణి శ్రీమతి జానకి శుక్లాతో కలిసి పాల్గొని, గౌరమ్మకు ప్రత్యేక పూజలు నిర్వహించారు. తెలంగాణ రాష్ట్రం సుభిక్షంగా ఉండాలని, ప్రజలందరికీ సుఖసంతోషాలు, శాంతి, ఆరోగ్యం, సమృద్ధి కలగాలని అమ్మవారిని ప్రార్థించారు. ఈ సందర్భంగా గవర్నర్‌ శివ ప్రతాప్ శుక్లా మాట్లాడుతూ.. పూలతో అలంకరించిన బతుకమ్మ ప్రకృతి సౌందర్యానికి, జీవన వైభవానికి, మానవాళికి ప్రకృతితో ఉన్న విడదీయరాని అనుబంధానికి ప్రతిబింబమని అన్నారు. ప్రకృతిని పరిరక్షించడం, సహజ వనరులను గౌరవించడం, పర్యావరణం పట్ల బాధ్యతాయుతంగా వ్యవహరించడం వంటి విలువలను ఈ పండుగ చాటిచెబుతుందని తెలిపారు.బతుకమ్మ మహిళల సృజనాత్మకతకు, ఆత్మగౌరవానికి, సామాజిక భాగస్వామ్యానికి ప్రతీకగా నిలుస్తుందని అన్నారు. జానపద గీతాలు, కళలు, సంప్రదాయ ఆచారాల ద్వారా తెలంగాణ సాంస్కృతిక వైభవాన్ని సజీవంగా నిలుపుతున్న మహిళల పాత్ర ప్రశంసనీయమని పేర్కొన్నారు. ఈ అమూల్యమైన వారసత్వాన్ని పరిరక్షించి, భావితరాలకు అందించడం ప్రతి ఒక్కరి బాధ్యత అని స్పష్టం చేశారు. ప్రకృతి పరిరక్షణ, మహిళా సాధికారత, సాంస్కృతిక వారసత్వ పరిరక్షణ, సామాజిక సామరస్యానికి ప్రాధాన్యమిస్తూ తెలంగాణ పురోగతి ప్రతి ఒక్కరూ భాగస్వాములు కావాలని గవర్నర్‌ పిలుపునిచ్చారు. బతుకమ్మ పండుగ ప్రజల మధ్య ప్రేమాభిమానాలు, ఐక్యతను మరింత బలోపేతం చేయాలని ఆకాంక్షించారు.

సాక్షి, హైదరాబాద్‌: నగరం నడిబొడ్డున 35 అంతస్తుల భారీ భవన నిర్మాణానికి అనుమతులు ఇవ్వడంపై తెలంగాణ‌ హైకోర్టు ఆశ్చర్యం వ్యక్తం చేసింది. చారిత్రక మొజంజాహీ మార్కెట్‌కు సమీపంలోని అబిడ్స్‌ గన్‌ఫౌండ్రిలో చేపట్టిన ‘మీనాక్షి ఎలీసియా’కు అనుమతుల మంజూరు ప్రక్రియను నిశితంగా పరిశీలించాల్సిన అవసరం ఉందని అభిప్రాయపడింది. దీనిపై సమగ్ర వివరాలతో కౌంటర్‌ దాఖలు చేయా లని ప్రతివాదులైన అధికారులతో పాటు మీనాక్షి సంస్థను ఆదేశించింది. తదుపరి విచారణను రెండు వారాలకు వాయిదా వేసింది.నగరం నడిబొడ్డున భారీ నిర్మాణానికి అనుమతులు ఇవ్వడాన్ని సవాల్‌ చేస్తూ సొసైటీ ఫర్‌ క్రూసేడ్‌ ఎగైనెస్ట్‌ కరప్షన్‌ పిటిషన్‌ దాఖలు చేసింది. ఈ పిటిషన్‌పై జస్టిస్‌ బి.విజయసేన్‌రెడ్డి ధర్మాసనం విచారణ చేపట్టింది. చట్టప్రకారం అనుసరించాల్సిన విధివిధానాలను పాటించకుండా, భద్రతా ప్రమాణాలను సమగ్రంగా పరిశీలించకుండానే జీహెచ్‌ఎంసీ అనుమతులు మంజూరు చేసిందని పిటిషనర్‌ తరఫు న్యాయవాది వాదించారు. వాదనలు విన్న న్యాయమూర్తి.. కౌంటర్‌ దాఖలు చేయా లని ప్రతివాదులను ఆదేశిస్తూ, విచారణ వాయిదా వేశారు.ఇదీ చ‌ద‌వండి: ఎన్‌హెచ్‌ 563పై ఇక టోల్‌ వలుచుడే..

వెస్టిండీస్‌తో నాలుగో టీ20 మ్యాచ్‌లో ఓటమి నేపథ్యంలో భారత స్పిన్‌ దిగ్గజం రవిచంద్రన్‌ అశ్విన్‌ టీమిండియా యాజమాన్యం తీరును విమర్శించాడు. చైనామన్‌ బౌలర్‌ కుల్దీప్‌ యాదవ్‌ను పక్కనపెట్టి ఘోరమైన తప్పు చేశారన్నాడు. కాగా భారత జట్టు స్వదేశంలో వెస్టిండీస్‌తో టీ20 సిరీస్‌తో బిజీగా ఉన్న సంగతి తెలిసిందే.ఇప్పటికి నాలుగు మ్యాచ్‌లు పూర్తి కాగా.. రెండింట భారత్‌.. రెండింట విండీస్‌ గెలిచి 2-2తో సమంగా ఉన్నాయి. ఇదిలా ఉంటే.. వెస్టిండీస్‌తో తొలి రెండు టీ20లలో భాగమైన స్పిన్నర్‌ కుల్దీప్‌ యాదవ్‌ను.. గత రెండు మ్యాచ్‌ల నుంచి యాజమాన్యం పక్కనపెట్టింది.రెండు మ్యాచ్‌లలో ప్రదర్శన ఇలాలక్నో వేదికగా కరేబియన్‌ జట్టుతో తొలి టీ20లో కాస్త పొదుపుగా బౌలింగ్‌ రెండు వికెట్లు తీసిన కుల్దీప్‌ యాదవ్‌.. రాంచిలో జరిగిన రెండో టీ20లో మాత్రం 53 పరుగులు ఇచ్చి ఒకే ఒక్క వికెట్‌ తీశాడు. ఈ క్రమంలో ఇండోర్‌లో జరిగిన మూడో టీ20.. తాజాగా బుధవారం నాటి నాలుగో టీ20 నుంచి ఈ లెఫ్టార్మ్‌ స్పిన్నర్‌ను తప్పించింది యాజమాన్యం.ఈ నేపథ్యంలో దిగ్గజ స్పిన్నర్‌ రవిచంద్రన్‌ అశ్విన్‌ మేనేజ్‌మెంట్‌ తీరుపై ఆగ్రహం వ్యక్తం చేశాడు. ‘‘ఉప్పల్‌ వికెట్‌ కాస్త బౌన్సీగా ఉంటుందని అనుకుంటాం. అక్కడ స్పిన్నర్లు కూడా కాస్త ప్రభావం చూపగలరు. అలాంటి చోట కుల్దీప్‌ యాదవ్‌ను పక్కనపెట్టడం నన్ను ఆశ్చర్యపరిచింది. కామన్‌సెన్స్‌ కాస్త లోపించిందిఈ లెప్టార్మ్‌ స్పిన్నర్‌ బౌలింగ్‌లో వెస్టిండీస్‌ బ్యాటర్లు కచ్చితంగా ఇబ్బంది పడేవారే. అతడి గూగ్లీలను ఎదుర్కోలేకపోయేవారు. కానీ యాజమాన్యం మాత్రం అతడినే పక్కనపెట్టింది. కుల్దీప్‌ను ఆడించకపోవడం చూస్తుంటే.. మేనేజ్‌మెంట్‌లో కామన్‌సెన్స్‌ కాస్త లోపించింది అని అనిపిస్తోంది.హైదరాబాద్‌ మ్యాచ్‌లో కుల్దీప్‌ యాదవ్‌ ఉండి ఉంటే.. కచ్చితంగా 15-20 పరుగుల తేడా అయినా కనిపించేది. ఇండోర్‌లో బౌండరీ చిన్నగా ఉంటుంది కాబట్టి కుల్దీప్‌ను ఆడించకపోవడాన్ని తప్పుపట్టాల్సిన పనిలేదు. కానీ హైదరాబాద్‌లో మాత్రం ఇలా చేయడం సరికాదు. రాంచిలో భారత్‌ ఓటమికి కుల్దీప్‌ మాత్రం కారణం కాదు. అయినా సరే ఎందుకో అతడిని పక్కనపెడుతున్నారు’’ అని అశూ యాజమాన్యాన్ని విమర్శించాడు.చదవండి: IND vs WI: నీకసలు మానవత్వం, క్రీడాస్ఫూర్తి లేవా?: టీమిండియా దిగ్గజం ఫైర్‌

ఉప్ప‌ల్ వేదిక‌గా టీమిండియాతో జ‌రిగిన నాలుగో టీ20లో 24 ప‌రుగుల తేడాతో విజ‌యాన్ని అందుకున్న వెస్టిండీస్ ఐదు మ్యాచ్‌ల టీ20 సిరీస్‌ను 2-2తో స‌మం చేసింది. కెప్టెన్ షై హోప్ అజేయ సెంచ‌రీతో భార‌త్‌కు మ‌రోసారి కొర‌క‌రాని కొయ్య‌లా త‌యార‌య్యాడు. కెప్టెన్ అంటే జ‌ట్టును న‌డిపించ‌డ‌మే కాకుండా బ్యాట్‌తోనూ రాణిస్తూ భార‌త్ పాలిట విల‌న్‌గా త‌యార‌య్యాడు. టీ20 సిరీస్‌లో హోప్‌కు ఇది రెండో సెంచ‌రీ కాగా, అంత‌క‌ముందు వ‌న్డే సిరీస్‌లోనూ రెండు సెంచ‌రీలు సాధించగా.. ఓవ‌రాల్‌గా భార‌త్ ప‌ర్య‌ట‌న‌లో హోప్ నాలుగు సెంచ‌రీలు సాధించడం విశేషం. తాజాగా నాలుగో టీ20లో సెంచ‌రీతో మెరిసిన హోప్ 'ప్లేయ‌ర్ ఆఫ్ ది మ్యాచ్8 అవార్డు గెలుచుకున్నాడు. ఓవ‌రాల్‌గా హోప్‌కు ఇది మూడో 'ప్లేయ‌ర్ ఆఫ్ ది మ్యాచ్' అవార్డు కావ‌డం విశేషం. ఈ నేప‌థ్యంలో మ్యాచ్ విజ‌యం అనంత‌రం అవార్డు అందుకున్న హోప్ మాట్లాడుతూ.. అవార్డుల‌తో త‌న లగేజీ మొత్తం నిండిపోతుంద‌ని, అంత బరువును విండీస్‌కు తీసుకెళ్ల‌డం క‌ష్ట‌మ‌వుతుందేమోన‌ని, ఈ అవార్డులకు ఎక్స్‌ట్రా లగేజీ తీసుకెళ్లాల్సి వస్తుందేమోనంటూ స‌ర‌దాగా వ్యాఖ్యానించాడు. ఇక త‌న ప్ర‌ద‌ర్శ‌న ప‌ట్ల సంతృప్తి వ్య‌క్తం చేసిన హోప్ జ‌ట్టు బౌల‌ర్ల‌పై ప్ర‌శంస‌ల వ‌ర్షం కురిపించాడు.ఇది బౌలర్ల విజయం..‘‘టీమిండియా వంటి పటిష్టమైన జట్టుపై పిచ్‌ స్వభావాన్ని బట్టి చూస్తే మేము చేసిన 247 పరుగుల భారీ స్కోరు కూడా సరిపోదేమోనని మొదట భావించాను. కానీ మా బౌలర్లు అద్భుతంగా రాణించారు. ముఖ్యంగా పిచ్ కాస్త భిన్నంగా ఉంది. మేం ఊహించిన దానికంటే కాస్త నెమ్మదిగా ఉంది. బంతి ఆగుతూ వచ్చింది. కొత్త బంతితో బౌలింగ్ చేస్తే కొన్ని బౌన్స్ అయితే.. మరికొన్ని లో-హైట్‌లో వచ్చాయి. ఆ తర్వాత స్పిన్నర్లు, పేసర్ బౌలింగ్ చేసినప్పుడు షాట్స్ కొట్టడం చాలా కష్టమైంది. దీంతో 247 ప‌రుగుల టార్గెట్ ఆ త‌ర్వాత‌ స‌రైన‌దే అనిపించింది. భారత్‌లో ఒకే బౌలర్‌తో వరుసగా 3 ఓవర్లు వేయించడం కొంచెం కష్టం. ఇంకో ఓవర్ ఇస్తే బాగుండేదేమో అని అనిపించినా.. కొన్నిసార్లు మైదానంలో కుదరదు. గుడకేష్ మోటీ రెండు ఓవర్లలో 2 వికెట్లు తీసినా.. పరిస్థితుల కారణంగా మరో ఓవర్ ఇవ్వలేకపోయాను. సెకండ్ ఇన్నింగ్స్‌లో మంచు ప్రభావం ఎక్కువగా ఉంటుంది. మ‌రోవైపు కీమో పాల్ కూడా ఐదు వికెట్లతో భార‌త్‌పై ఒత్తిడిని పెంచాడు. అది ఛేజింగ్ టీమ్‌కు అడ్వాంటేజ్‌గా మారుతుంది. ఏదేమైనా ఇది చాలా మంచి మ్యాచ్. భారత్ కూడా అన్ని విభాగాల్లోనూ చాలా బాగా ఆడింది. వారికి క్రెడిట్ ఇవ్వాల్సిందే. కానీ మేం గట్టి పోటీ ఇచ్చి సిరీస్‌ అవకాశాలను సజీవంగా ఉంచుకున్నాం. ఇక బెంగళూరులో జరిగే ఆఖరి మ్యాచ్‌లోనూ గెలిచి సిరీస్‌ను సొంతం చేసుకునేందుకు ప్రయత్నిస్తాం’’ అని హోప్‌ చెప్పుకొచ్చాడు.Shai Hope is going back home with a lot of extra luggage 😂 https://t.co/qG92O9vBiR— Cricinfo (@cricinfo) October 15, 2026ఇదీ చ‌ద‌వండి:IND vs WI: ఇలాంటి జట్టుతో ప్రపంచకప్‌ గెలవడం అసాధ్యం!ఐదు వికెట్ల ప్రదర్శన.. చరిత్ర సృష్టించిన విండీస్‌ బౌలర్‌

వెస్టిండీస్‌తో నాలుగో టీ20లో టీమిండియాకు చేదు అనుభవం ఎదురైంది. హైదరాబాద్‌లో బుధవారం జరిగిన మ్యాచ్‌లో అనూహ్య రీతిలో భారత్‌ 24 పరుగుల తేడాతో ఓటమిపాలైంది. ఫలితంగా విండీస్‌ 2-2తో సిరీస్‌ను సమం చేయగలిగింది. దీంతో శనివారం నాటి ఆఖరి టీ20లో టీమిండియా చావోరేవో తేల్చుకోవాల్సి పరిస్థితిలో నిలిచింది.ఈ నేపథ్యంలో నాలుగో టీ20లో ఓటమిపై భారత ఓపెనర్‌ సంజూ శాంసన్‌ స్పందించాడు. ఉప్పల్‌ మ్యాచ్‌లో తమ జట్టు ఆఖరి వరకు పోరాడిందని.. అయితే, లోకల్‌ బాయ్స్‌ తిలక్‌ వర్మ, నితీశ్‌ కుమార్‌ రెడ్డి అవుట్‌ కావడం తీవ్ర ప్రభావం చూపిందని పేర్కొన్నాడు.చెలరేగిన హోప్‌కాగా రాజీవ్‌ గాంధీ స్టేడియంలో టాస్‌ గెలిచిన టీమిండియా తొలుత బౌలింగ్‌ చేయగా.. విండీస్‌ బ్యాటింగ్‌కు దిగింది. నిర్ణీత 20 ఓవర్లలో కేవలం మూడు వికెట్లు నష్టపోయి 247 పరుగులు సాధించింది. కెప్టెన్‌ షాయీ హోప్‌ శతకంతో (50 బంతుల్లో 102)చెలరేగాడు.అనంతరం లక్ష్య ఛేదనకు దిగిన భారత్‌ 19.3 ఓవర్లలో 223 పరుగులకే ఆలౌట్‌ అయింది. ఈ మ్యాచ్‌లో ఓపెనర్‌ సంజూ శాంసన్‌ మెరుపు అర్ధ శతకం (23 బంతుల్లో 56; 6 ఫోర్లు, 4 సిక్స్‌లు) సాధించగా.. వైస్‌ కెప్టెన్‌ తిలక్‌ వర్మ (25 బంతుల్లో 43), ఆల్‌రౌండర్‌ నితీశ్‌ కుమార్‌ రెడ్డి (20 బంతుల్లో 41) ఇన్నింగ్స్‌ చక్కదిద్దే ప్రయత్నం చేశారు.Fighting it out in the middle 💪 Vice-captain @TilakV9 at it 👊 Updates ▶️ https://t.co/ksuQbTW6n5 #TeamIndia | #INDvWI | @mflone_ https://t.co/1XOO24YxkR— BCCI (@BCCI) October 14, 2026అయితే, మిగిలిన వారి నుంచి వీరికి సహకారం లభించకపోవడంతో టీమిండియాకు ఓటమి తప్పలేదు. భారత ఇన్నింగ్స్‌లో 17వ ఓవర్లో రొమారియో షెఫర్డ్‌ తిలక్‌ వర్మను అవుట్‌ చేయగా.. 19వ ఓవర్‌ రెండో బంతికి కీమో పాల్‌ నితీశ్‌ రెడ్డిని పెవిలియన్‌కు చేర్చాడు. వీరిద్దరి క్యాచ్‌లను రోవ్‌మన్‌ పావెల్‌ అందుకోవడం గమనార్హం.వాళ్లిద్దరు క్రీజులో ఉన్నంత వరకు మాదే పైచేయిఈ నేపథ్యంలో మ్యాచ్‌ అనంతరం సంజూ శాంసన్‌ మాట్లాడుతూ.. ‘‘సుమారు 250 పరుగుల లక్ష్యాన్ని ఛేదించే క్రమంలో యాంకర్‌ ఇన్నింగ్స్‌ ఆడితే పనికాదు. అందుకే ప్రతీ ఒక్కరు మొదటి బంతి నుంచే దూకుడు ప్రదర్శించారు. తిలక్‌, రెడ్డి బ్యాటింగ్‌ చేస్తున్నంత సేపు మేము పోటీలోనే ఉన్నాము.అప్పటికి ఓవర్‌కు 12-13 పరుగులు మాత్రమే అవసరం. కాబట్టి మేము గెలుపు రేసులో ఉన్నామనే అనుకున్నాం. కానీ తిలక్‌ అవుట్‌ కావడంతో మ్యాచ్‌ కీలక మలుపు తీసుకుంది. విజయానికి చేరువగా వచ్చి మేము ఓడిపోవాల్సి వచ్చింది.అద్భుతంగా బ్యాటింగ్‌ చేశారుఏదేమైనా తీవ్రమైన ఒత్తిడిలోనూ తిలక్‌, రెడ్డి అద్భుతంగా బ్యాటింగ్‌ చేశారు’’ అని పేర్కొన్నాడు. అదే విధంగా శతక వీరుడు షాయీ హోప్‌పై సంజూ ప్రశంసలు కురిపించాడు. అతడు అత్యద్బుతంగా ఆడుతున్నాడు‘‘అతడు అత్యద్బుతంగా ఆడుతున్నాడు. అందుకు మనం అతడిని గౌరవించి తీరాల్సిందే. అద్భుతమైన షాట్లతో వరుస సెంచరీలు చేశాడు’’ అని సంజూ.. విండీస్‌ సారథిని కొనియాడాడు. కాగా టీమిండియాతో వన్డే సిరీస్‌లో రెండు శతకాలు బాదిన హోప్‌.. తాజాగా టీ20 సిరీస్‌లోనూ రెండు సెంచరీలు పూర్తి చేసుకున్నాడు.చదవండి: IND vs WI: నీకసలు మానవత్వం, క్రీడాస్ఫూర్తి లేవా?: టీమిండియా దిగ్గజం ఫైర్‌

హైదరాబాద్‌: ఓవైపు నగరంలోని రెస్టారెంట్లు, హోటళ్లపై తెలంగాణ స్టాండర్డ్స్‌ అథారిటీ ఫర్‌ ఫుడ్‌ అండ్‌ ఎసెన్షియల్‌ డ్రగ్స్‌ (టీజీ సేఫ్‌) అధికారులు విస్తృతంగా దాడులు చేస్తూ, చర్యలు తీసుకుంటుండగా మరోవైపు ఓ రెస్టారెంట్‌లో విస్తుపోయే ఘటన వెలుగులోకి వచ్చింది. బాధితుడి వివరాల మేరకు.. చందానగర్‌కి చెందిన శ్యామ్‌ప్రసాద్‌ తన స్నేహితులతో కలిసి మాదాపూర్‌లోని ది జాయింట్‌ ఆల్‌ మండీ రెస్టారెంట్‌కు వెళ్లారు. మటన్‌ బిర్యానీ సగం తిన్నాక ఆహారంలో ఏదో గట్టిగా తగిలింది. దీంతో తీసి చూడగా మనిషి దంతం కనిపించింది. ఇదేంటని రెస్టారెంట్‌ యజమానిని అడగ్గా, నిర్లక్ష్యంగా సమాధానం ఇచ్చాడు. శ్యామ్‌ప్రసాద్‌ ఫుడ్‌ సేఫ్టీ అధికారులకు ఫిర్యాదు చేశాడు. రెస్టారెంట్‌లో మాదాపూర్‌ సర్కిల్‌ ఫుడ్‌ సేఫ్టీ ఆఫీసర్‌ నిహారిక తనిఖీలు చేపట్టారు. మనిషి కృత్రిమ పన్ను క్యాప్‌గా అనుమానిస్తున్నట్టు తెలిపారు. ఈ ఘటనపై చట్టపరమైన చర్యలు తీసుకుంటామని చెప్పారు. ఇదీ చదవండి: అశోక్‌నగర్‌లో దారుణ హత్య

సాక్షి, హైదరాబాద్‌: తెలంగాణలో కొత్త ఓటర్లుగా నమోదు చేసుకోవాలనుకునేవారికి ఎన్నికల అధికారులు అవకాశం కల్పిస్తున్నారు. ఇవాళ, రేపు (అక్టోబర్‌ 15, 16 తేదీల్లో) రాష్ట్రంలోని అన్ని పోలింగ్‌ కేంద్రాల్లో బూత్‌ లెవల్‌ అధికారులు (BLO) అందుబాటులో ఉండనున్నారు. అర్హులైన వారు ఈ అవకాశాన్ని వినియోగించుకుని ఓటరుగా నమోదు చేసుకోవచ్చు.కొత్తగా ఓటరు జాబితాలో పేరు చేర్చుకోవాలనుకునేవారు ఫామ్‌-6 నింపి బీఎల్వోలకు అందజేయాలి. పోలింగ్‌ కేంద్రాలకు వెళ్లి నమోదు ప్రక్రియకు సంబంధించిన వివరాలను తెలుసుకోవచ్చు. ఓటరు జాబితాలో పేరు లేని అర్హులు ఈ అవకాశాన్ని సద్వినియోగం చేసుకోవాలని అధికారులు సూచిస్తున్నారు.సర్‌ నేపథ్యంలో..ఓటరు జాబితా ప్రత్యేక సమగ్ర సవరణ (ఎస్‌ఐఆర్‌) ప్రక్రియ, ఓట్ల తొలగింపుపై వివిధ ప్రాంతాల్లో నెలకొన్న ఆందోళనలు, గందరగోళం నేపథ్యంలో ఓటరు జాబితాలో పేరు ఉందో లేదో సరిచూసుకోవడం కీలకంగా మారింది. అర్హత ఉన్నప్పటికీ జాబితాలో పేరు నమోదు కానివారు ఫామ్‌-6 ద్వారా దరఖాస్తు చేసుకోవచ్చు. తమ పేరు తొలగించబడిందని అనుమానం ఉన్నవారు బీఎల్వోను సంప్రదించి వివరాలను నిర్ధారించుకోవాలి.ఓటు హక్కు ప్రజాస్వామ్యంలో కీలకమైనది. అర్హులైన ప్రతి ఒక్కరూ ఓటరు జాబితాలో తమ పేరు ఉండేలా చూసుకోవడంతోపాటు, అవసరమైన సవరణల కోసం సంబంధిత అధికారులను సంప్రదించాలని సూచిస్తున్నారు.ఇదీ చదవండి: కరెంట్‌ పోతే ఐఏఎస్‌లపై వేటా?

వయసు అనేది కేవలం ఒక సంఖ్య. 77 ఏళ్ల హేమమాలిని అదే నిరూపిస్తున్నారు. దసరా నవరాత్రుల తొలిరోజు, హైదరాబాద్‌లోని వేదికపై హేమమాలిని మాతా పార్వతిగా, ఆ తర్వాత దుర్గాదేవిగా మారి ప్రేక్షకులను మంత్రముగ్ధులను చేశారు.‘నా అత్యంత ప్రజాదరణ పొందిన బ్యాలే ‘దుర్గ’ను నవరాత్రి మొదటి రోజున ప్రదర్శించడం చాలా గొప్ప అనుభూతి ఇచ్చింది. నేను నిజంగా ధన్యురాలిని’... హేమమాలిని తన సోషల్‌ మీడియాలో రాసుకున్న మాటలివి.మొన్నటి శనివారం హైదరాబాద్‌లో ‘అగర్వాల్‌ సమాజ్‌’ వారి ‘నవరాత్రి వేడుకల్లో’ ఆమె తన అత్యంత ప్రసిద్ధ నృత్యనాటిక ‘దుర్గ’ను ప్రదర్శించాక ఆమె రాసుకున్న పదాలివి.హేమమాలిని వయసు 77. నటిగా, రాజకీయవేత్తగా, తల్లిగా ఎన్నో బాధ్యతలు ఉన్నాయి. అదీగాక నాట్యానికి చాలా శక్తి, ఓర్పు కావాలి. అయినప్పటి హేమమాలిని ఎప్పుడూ తన మొదటి ప్రాధాన్యం అయిన నృత్యాన్ని ఒదులుకోలేదు. కొనసాగిస్తూనే ఉన్నారు. అలా కొనసాగడమే ఆరోగ్యం అని సూచిస్తున్నారు. వయసు ఎంతైనా ఇష్టమైన పని చేయడమే జీవితాన్ని అందంగా మార్చగలదు అంటున్నారామె.శాంతం నుంచి ఉగ్రానికి‘దుర్గ’ బ్యాలే ముఖ్యాంశం దుర్గాదేవి శక్తిని చూపించింది. అందుకే ‘దుర్గ’లో హేమమాలిని ముందు శాంత స్వరూపిణి పార్వతిగా కనిపించి, తర్వాత మహిషాసురుడిని సంహరించే ఉగ్రరూప దుర్గగా మారతారు. రెండు సందర్భాలలో ఆమె నృత్యమే కాదు ఆహార్యం కూడా ప్రత్యేక ఆకర్షణగా నిలిచింది. గులాబీ రంగు చీర, భారీ ఆభరణాలు, కిరీటం, పూలమాలలతో దుర్గగా; మరో ఘట్టంలో ఆకుపచ్చ చీర, చేతిలో త్రిశూలంతో పార్వతిగా ఆమె నృత్యం చేశారు. ఈ ప్రదర్శన చూసిన నెటిజన్లు ‘బ్యూటిఫుల్లీ డివైన్‌’ అని కొనియాడుతున్నారు. ‘ఈ బ్యాలే దివ్య స్త్రీ శక్తికి నివాళి’ అంటారు హేమ.అందానికి మురిసిపోలేదు‘నా అందం, రూపాలను నేనెప్పుడూ తలకెక్కించుకోలేదు. నా ఉచ్ఛ దశలో కూడా అద్దంలో చూసుకుని అరే, ఏమిటీ అందం... అని ఆశ్చర్యపోలేదు. ఇటీవలే నా పాత సినిమాలు చూస్తూ తెరపై ఉన్న ఆ అందమైన అమ్మాయి ఎవరు? అని ముచ్చటపడుతున్నాను’ అన్నారామె. మహిళలు ఆరోగ్యంగా ఉండాలంటే ఏం చేయాలో చెప్పారు హేమమాలిని. ‘క్రమశిక్షణతో కూడిన జీవనశైలి ముఖ్యం. సరైన సమయానికి తినడం, నిద ప్రోవడం. అర్ధరాత్రి వరకు మెలకువగా ఉండకపోవడం పాటించగలగాలి. అన్నీ తినండి, కానీ మితంగా తినండి. అన్నిటి కంటే ముఖ్యంగా సానుకూల ఆలోచనలు కలిగి ఉండండి. ప్రతికూల వ్యక్తులతో సహవాసం చేయకండి’ అన్నారామె. 77 ఏళ్ల వయసులోనూ భక్తితో, క్రమశిక్షణతో వేదికపై తన తేజస్సును ప్రదర్శిస్తున్న హేమమాలిని నిజమైన లెజెండ్‌. ప్రతి మహిళకు స్ఫూర్తి. నృత్యమే మొదటి ప్రేమ హేమమాలిని కేవలం ‘డ్రీమ్‌ గర్ల్‌’ కాదు. ఆమె భరతనాట్య కళాకారిణి. తన తండ్రి సూచనతో కెరీర్‌ ప్రారంభంలోనే బ్యాలేల వైపు మళ్లారు. తను స్థాపించిన నాట్యవిహార్‌ కళా కేంద్రం నుంచి ‘మీరా’ను తొలి బ్యాలేగా తీర్చిదిద్దారు. తర్వాత రామాయణ గాథను బ్యాలేగా మలిచారు. కూచిపూడి, మోహినీయాట్టంలో శిక్షణ పొందిన హేమమాలిని ఒడిస్సీలో శిక్షణ పొందిన తన కుమార్తెలు ఈషా, అహనాతో కలిసి ‘పరంపర’ అనే నృత్య ప్రదర్శన ఇచ్చారు. నృత్య రూపకాల్లో నరసింహుడు, రాముడి పాత్రలు కూడా పోషించిన హేమమాలిని 2024లో అయోధ్య రామమందిర ప్రారంభోత్సవంలో సీతగా నటించారు. రెండేళ్లక్రితం మధురలో నవరాత్రి సందర్భంగా రెండు గంటల పాటు దుర్గ రూపాలను పోషించి ప్రేక్షకులను మెప్పించారు. ఇలా ఎలా చేయగలరు అనంటే సాధన ద్వారానే అంటారామె. ముంబైలోని తన సొంత ఇల్లు ‘అద్వితీయ’లోని విశాలమైన హాల్‌లో ప్రత్యేక ఫ్లోరింగ్‌ ఉంది. ఆ హాల్‌లో దాదాపు 30 మంది కలిసి సాధన చేసే సదుపాయం ఉంది. అక్కడే ఆమె తన విద్యార్థులతో ప్రాక్టీసు కొనసాగిస్తుంటారు.

టీమిండియాతో నాలుగో టీ20లో వెస్టిండీస్‌ భారీ స్కోరు సాధించింది. హైదరాబాద్‌ వేదికగా నిర్ణీత 20 ఓవర్లలో కేవలం మూడు వికెట్లు నష్టపోయి ఏకంగా 247 పరుగులు చేసింది. కెప్టెన్‌ షాయీ హోప్‌ 50 బంతుల్లో సెంచరీ చేశాడు.హెట్‌మైర్‌ మెరుపులుఉప్పల్‌ స్టేడియంలో టాస్‌ గెలిచిన భారత్‌ తొలుత బౌలింగ్‌ ఎంచుకోగా.. విండీస్‌ బ్యాటింగ్‌కు దిగింది. ఓపెనర్లలో జువెల్‌ ఆండ్రూ (16 బంతుల్లో 21) వేగంగా ఆడే క్రమంలో అక్షర్‌ పటేల్‌కు వికెట్ల ముందు దొరికిపోయాడు. ఈ క్రమంలో మరో ఓపెనర్‌, కెప్టెన్‌ షాయీ హోప్‌నకు తోడైన షిమ్రన్‌ హెట్‌మైర్‌ మెరుపులు (12 బంతుల్లో 33) మెరిపించాడు.BREAKTHROUGH WHEN INDIA NEEDED IT MOST! 💪 #PrinceYadav with a game-changing caught & bowled to break the flow and send #ShimronHetmyer back! #INDvWI 4th T20I | LIVE NOW 👉 https://t.co/u6TUkXnpvZ https://t.co/piPnGp3LU2— Star Sports (@StarSportsIndia) October 14, 2026రూథర్‌ఫర్డ్‌ ధనాధన్‌హోప్‌తో కలిసి రెండో వికెట్‌కు 24 బంతుల్లో 58 పరుగులు జోడించాడు. ఇక రోవ్‌మన్‌ పావెల్‌ (17 బంతుల్లో 24) ఫర్వాలేదనిపించగా.. హోప్‌తో కలిసి షెర్ఫానే రూథర్‌ఫర్డ్‌ స్కోరు బోర్డును పరుగులు పెట్టించాడు. ఇద్దరూ కలిసి నాలుగో వికెట్‌కు 43 బంతుల్లో 91 పరుగుల భాగస్వామ్యం నెలకొల్పారు.శతక్కొట్టిన హోప్‌ఈ క్రమంలో రూథర్‌ఫర్డ్‌ 26 బంతుల్లో 4 ఫోర్లు, 3 సిక్సర్లు బాది 49 పరుగులతో అజేయంగా నిలిచాడు. ఇక హోప్‌ ఇన్నింగ్స్‌ ఆఖరి బంతికి సిక్సర్‌ బాది శతకం పూర్తి చేసుకున్నాడు. మొత్తంగా 50 బంతులు ఎదుర్కొన్న ఈ వికెట్‌ కీపర్‌ బ్యాటర్‌.. 4 ఫోర్లు, 9 సిక్సర్లు బాది 102 పరుగులతో నాటౌట్‌గా నిలిచాడు. కాగా హోప్‌నకు ఈ సిరీస్‌లో ఇది రెండో సెంచరీ కావడం విశేషం. అంతేకాదు ఈ సెంచరీతో అతడు అంతర్జాతీయ పొట్టి క్రికెట్లో రెండు వేల పరుగుల మైలురాయిని చేరుకున్నాడు. ఇక భారత బౌలర్లలో అక్షర్‌ పటేల్‌, అర్ష్‌దీప్‌ సింగ్‌, ప్రిన్స్‌ యాదవ్‌ తలా ఒక వికెట్‌ తీశారు. కాగా ఐదు మ్యాచ్‌ల టీ20 సిరీస్‌లో భారత్‌ 2-1తో ఆధిక్యంలో ఉన్న సంగతి తెలిసిందే.చదవండి: పాకిస్తాన్‌ కెప్టెన్‌ ప్రపంచ రికార్డు

సాక్షి ఎడ్యుకేషన్: దసరా పండుగను పురస్కరించుకుని టీజీపీఎస్సీ ఉద్యోగాలకు సన్నద్ధమవుతున్న అభ్యర్థులకు 'సాక్షి ఎడ్యుకేషన్' తరుపున శుభవార్త. పోటీ పరీక్షలకు తీవ్రంగా శ్రమిస్తున్న నిరుద్యోగుల కోసం టీజీపీఎస్సీ ఆన్‌లైన్ కోర్సులు మరియు టెస్ట్ సిరీస్‌లపై బంపర్ ఆఫర్లను ప్రకటిస్తూ ప్రత్యేక 'దసరా డిస్కౌంట్ సేల్' ను అందుబాటులోకి తీసుకొచ్చింది.ప్రభుత్వ ఉద్యోగమే లక్ష్యంగా చదువుతున్న అభ్యర్థులు తమ ప్రిపరేషన్‌ను మరింత సులభతరం చేసుకునేందుకు ఈ డిస్కౌంట్ సేల్ ఎంతగానో ఉపయోగపడుతుంది. ఈ ఆఫర్ ద్వారా నిపుణులైన ఫ్యాకల్టీ రూపొందించిన అత్యుత్తమ ఆన్‌లైన్ క్లాసులు, తాజా ఎగ్జామ్ ప్యాట్రన్‌కు అనుగుణంగా తయారుచేసిన టెస్ట్ సిరీస్‌లను అభ్యర్థులు చాలా తక్కువ ధరకే పొందవచ్చు. 👉పూర్తి వివరాలకు క్లిక్‌ చేయండి..

హైదరాబాద్‌: ఓ చిన్నారిని కన్నతల్లే హుస్సేన్‌ సాగర్‌లోకి తోసి, చంపేయాలనుకుందని హైదరాబాద్‌ సీపీ సజ్జనార్‌ తెలిపారు. ఆ సమయంలో ముగ్గురు వ్యక్తులు ఆ చిన్నారిని కాపాడారని చెప్పారు. వారిని సత్కరించిన నేపథ్యంలో సజ్జనార్‌ ఇందుకు సంబంధించిన వివరాలను ఎక్స్‌లో పోస్ట్‌ చేశారు.‘‘కన్నతల్లే నిస్సహాయతతో హుస్సేన్‌సాగర్‌లోకి నెట్టేసి మృత్యుఒడికి చేర్చాలని చూసిన వేళ.. ఏమాత్రం ఆలోచించకుండా ప్రాణాలకు తెగించి ఆరేళ్ల చిన్నారి ప్రాణాలను కాపాడిన ఆటో డ్రైవర్ ఫక్రుద్దీన్, ప్రైవేట్ ఉద్యోగి బాలకృష్ణ, వ్యాపారి మహ్మద్ అఫ్సర్‌ను మనస్ఫూర్తిగా అభినందించి, సత్కరించాను.ఆపదలో ఉన్న తోటి మనుషులను చూసి మొబైల్ ఫోన్లలో వీడియోలు తీస్తూ ఉండిపోయే నేటి రోజుల్లో.. ఈ ముగ్గురు పౌరులు ప్రదర్శించిన తెగువ, సమయస్ఫూర్తి నిజమైన మానవత్వానికి నిలువెత్తు నిదర్శనం, సమాజానికే ఆదర్శం.ఇదీ చదవండి: ఏపీలో స్థానిక సంస్థల ఎన్నికల షెడ్యూల్‌ విడుదలక్షణాల్లో స్పందించి ఒక చిన్నారికి పునర్జన్మనిచ్చిన ఈ నిజమైన హీరోల సాహసానికి నా సెల్యూట్! పిల్లల అనారోగ్యం, ఆర్థిక ఇబ్బందులు తల్లిదండ్రులకు ఎంతటి మానసిక క్షోభను కలిగించినా.. కన్నబిడ్డల ప్రాణాలు తీయడం ఎప్పటికీ పరిష్కారం కాదు. ఎంతటి కష్టమొచ్చినా అధైర్యంతో కర్కశ నిర్ణయాలు తీసుకోకండి. నైరాశ్యంలో చేతులెత్తేయకుండా సమాజ సాయం కోరండి. ఆదుకోవడానికి సమాజం ఎప్పుడూ ముందుంటుంది. లోకంలో ప్రాణం కంటే విలువైనది ఏదీ లేదు’’ అని తెలిపారు.కన్నతల్లే నిస్సహాయతతో హుస్సేన్‌సాగర్‌లోకి నెట్టేసి మృత్యుఒడికి చేర్చాలని చూసిన వేళ.. ఏమాత్రం ఆలోచించకుండా ప్రాణాలకు తెగించి ఆరేళ్ల చిన్నారి ప్రాణాలను కాపాడిన ఆటో డ్రైవర్ ఫక్రుద్దీన్, ప్రైవేట్ ఉద్యోగి బాలకృష్ణ, వ్యాపారి మహ్మద్ అఫ్సర్‌లను మనస్ఫూర్తిగా అభినందించి, సత్కరించాను. ఆపదలో ఉన్న తోటి మనుషులను చూసి మొబైల్ ఫోన్లలో వీడియోలు తీస్తూ ఉండిపోయే నేటి రోజుల్లో.. ఈ ముగ్గురు పౌరులు ప్రదర్శించిన తెగువ, సమయస్ఫూర్తి నిజమైన మానవత్వానికి నిలువెత్తు నిదర్శనం, సమాజానికే ఆదర్శం. క్షణాల్లో స్పందించి ఒక చిన్నారికి పునర్జన్మనిచ్చిన ఈ నిజమైన హీరోల సాహసానికి నా సెల్యూట్! పిల్లల అనారోగ్యం, ఆర్థిక ఇబ్బందులు తల్లిదండ్రులకు ఎంతటి మానసిక క్షోభను కలిగించినా.. కన్నబిడ్డల ప్రాణాలు తీయడం ఎప్పటికీ పరిష్కారం కాదు. ఎంతటి కష్టమొచ్చినా అధైర్యంతో కర్కశ నిర్ణయాలు తీసుకోకండి. నైరాశ్యంలో చేతులెత్తేయకుండా సమాజ సాయం కోరండి; ఆదుకోవడానికి సమాజం ఎప్పుడూ ముందుంటుంది. లోకంలో ప్రాణం కంటే విలువైనది ఏదీ లేదు! #HyderabadCityPolice #GoodSamaritans #Humanity #Hyderabad #SaluteToHeroes— V.C. Sajjanar, IPS (@SajjanarVC_IPS) October 14, 2026

అత్యంత నిర్లక్ష్యంగా ఆటో నడుపుతున్న ఆటో డ్రైవర్‌పై హైదరాబాద్ సిటీ పోలీస్ కమిషనర్ వీసీ సజ్జనార్‌ తీవ్ర ఆగ్రహం వ్యక్తం చేశారు. ఈ ఘటనకు సంబంధించిన వీడియోను ఎక్స్‌లో షేర్‌ చేసిన ఆయన సదరు ఆటో డ్రైవర్‌ను గుర్తించి, చట్ట ప్రకారం కఠిన చర్యలు తీసుకోవాలని ట్రాఫిక్ పోలీసులను ఆదేశించారు. ఈ వీడియో సోషల్ మీడియాలో చర్చనీయాంశంగా మారింది. విషయం ఏమిటంటే.. ఈ వైరల్ వీడియోలో ఆటో డ్రైవర్ ఒక ఫోన్‌లో డెస్టినేషన్‌లో వెళ్లే నావిగేషన్ రూట్ ఉండగా, మరో మొబైల్‌లో దర్జాగా సినిమా చూస్తున్నాడు. అంతేకాకుండా చెవులకు హెడ్‌ఫోన్లు పెట్టుకున్నాడు. రోడ్డుమీద డ్రైవింగ్‌పై దృష్టిపెట్టాల్సిన డ్రైవర్‌ అలా మొబైల్‌ ఫోన్లలో మునిగిపోవడం తీవ్ర ఆందోళనకు దారి తీసింది. ట్రాఫిక్‌ నిబంధనల విషయంలో ఇప్పటికే చాలా సార్లు స్పందించిన సజ్జనార్‌ ఈ ఉదంతంపై మరింత సీరియస్‌ అయ్యారు. ఇతనిపై చర్య తీసుకోవాలని సంబంధిత అధికారులను కోరుతూ తన ట్విట్‌లో రాసుకొచ్చారు. మరోవైపు ఇది చాలా ప్రమాదకరమని నెటిజన్లు మండిపడుతున్నారు. ఇది ఆటోలో ప్రయాణిస్తున్న వారికే కాదు, మిగిలిన వాహన చోదకుల ప్రాణలమీదకి తెలుస్తుందనే ఆందోళన వ్యక్తమవుతోంది.ఇదీ చదవండి: బీజేపీ నేతను బంధించి మరీ రూ. 50 లక్షలు చోరీ.. కలకలం <blockquote class="twitter-tweet"><p lang="te" dir="ltr">రెండు కళ్లకు ఎదురుగా రెండు ఫోన్లు.. ఒకదాంట్లో గమ్యం చూపించే నేవిగేషన్ రూట్, మరోదాంట్లో నాన్‌స్టాప్ వినోదాన్ని పంచే సినిమా! ఇక చెవులకేమో బాహ్య ప్రపంచంతో సంబంధం లేకుండా రంగురంగుల లైట్లు వెలిగే పెద్ద హెడ్‌ఫోన్లు! ఇది ఒక ఆటో డ్రైవర్ అధునాతన సెటప్. ఒక నెటిజన్ సోషల్ మీడియా ద్వారా ఈ వీడియోను నాకు పంపించారు. చూడటానికి ఇది మల్టీ-స్క్రీన్ గేమింగ్ విన్యాసంలా అనిపించినా, వెనుక కూర్చున్న ప్రయాణికుల పాలిట మాత్రం ఇది నడుస్తున్న మృత్యుశకటం. డ్రైవింగ్ చేస్తున్నప్పుడు దృష్టి క్షణకాలం రోడ్డుపై నుంచి పక్కకు మళ్లినా ఘోర ప్రమాదాలు ముంచుకొస్తాయి. అలాంటిది నేరుగా సినిమా చూస్తూ, చెవుల్లో హెడ్‌ఫోన్లు పెట్టుకుని వాహనం నడపడం కేవలం నిర్లక్ష్యం మాత్రమే కాదు.. క్షమించరాని నేరం. ఎంవీ యాక్ట్ ప్రకారం ఇది డేంజరస్ డ్రైవింగ్ కిందకు వస్తుంది. దీనికి భారీ జరిమానాతో పాటు డ్రైవింగ్ లైసెన్స్ రద్దయ్యే అవకాశమూ ఉంది. వినోదం కోసం ప్రయాణికుల ప్రాణాలను పణంగా పెట్టడం భావ్యం కాదు. ఆటోను థియేటర్‌గా మార్చి జీవితాలకు ది ఎండ్ కార్డు వేయొద్దని గుర్తుంచుకోవాలి. వాహనం ఏదైనా.. టూవీలర్, కారు, ఆటో, బస్, లారీ.. డ్రైవింగ్ సమయంలో మొబైల్, హెడ్ ఫోన్స్, ఇయర్ బడ్స్ వాడకం ప్రాణాంతకం. ఈ క్రమంలో ప్రయాణం ఆటో అయినా, కారు అయినా, బస్సు అయినా ప్రయాణికులు కూడా ఎల్లప్పుడూ అప్రమత్తంగా ఉండాలి. డ్రైవర్ ఫోన్ చూస్తున్నా, చెవుల్లో హెడ్‌ఫోన్లు లేదా ఇయర్‌బడ్స్ పెట్టుకున్నా చూస్తూ మౌనంగా ఉండిపోకండి. అది ప్రాణాలకే ప్రమాదమని వెంటనే ప్రశ్నించండి, వారించండి. ఒకవేళ వారు వినకపోతే ఏమాత్రం నిర్లక్ష్యం చేయకుండా వెంటనే డయల్ 112కు కాల్ చేసి పోలీసులకు సమాచారం అందించండి. ప్రయాణంలో మీ నిర్లక్ష్యం మీ ప్రాణాలకే ముప్పు తెస్తుంది.. అదే సమయంలో మీ అప్రమత్తత మీతో పాటు ఎందరో అమాయకుల ప్రాణాలను కాపాడుతుందని గ్రహించాలి.రెండు కళ్లకు ఎదురుగా రెండు ఫోన్లు.. ఒకదాంట్లో గమ్యం చూపించే నేవిగేషన్ రూట్, మరోదాంట్లో నాన్‌స్టాప్ వినోదాన్ని పంచే సినిమా! ఇక చెవులకేమో బాహ్య ప్రపంచంతో సంబంధం లేకుండా రంగురంగుల లైట్లు వెలిగే పెద్ద హెడ్‌ఫోన్లు! ఇది ఒక ఆటో డ్రైవర్ అధునాతన సెటప్. ఒక నెటిజన్ సోషల్ మీడియా ద్వారా ఈ వీడియోను నాకు పంపించారు. చూడటానికి ఇది మల్టీ-స్క్రీన్ గేమింగ్ విన్యాసంలా అనిపించినా, వెనుక కూర్చున్న ప్రయాణికుల పాలిట మాత్రం ఇది నడుస్తున్న మృత్యుశకటం. డ్రైవింగ్ చేస్తున్నప్పుడు దృష్టి క్షణకాలం రోడ్డుపై నుంచి పక్కకు మళ్లినా ఘోర ప్రమాదాలు ముంచుకొస్తాయి. అలాంటిది నేరుగా సినిమా చూస్తూ, చెవుల్లో హెడ్‌ఫోన్లు పెట్టుకుని వాహనం నడపడం కేవలం నిర్లక్ష్యం మాత్రమే కాదు.. క్షమించరాని నేరం. ఎంవీ యాక్ట్ ప్రకారం ఇది డేంజరస్ డ్రైవింగ్ కిందకు వస్తుంది. దీనికి భారీ జరిమానాతో పాటు డ్రైవింగ్ లైసెన్స్ రద్దయ్యే అవకాశమూ ఉంది. వినోదం కోసం ప్రయాణికుల ప్రాణాలను పణంగా పెట్టడం భావ్యం కాదు. ఆటోను థియేటర్‌గా మార్చి జీవితాలకు ది ఎండ్ కార్డు వేయొద్దని గుర్తుంచుకోవాలి. వాహనం ఏదైనా.. టూవీలర్, కారు, ఆటో, బస్, లారీ.. డ్రైవింగ్ సమయంలో మొబైల్, హెడ్ ఫోన్స్, ఇయర్ బడ్స్ వాడకం ప్రాణాంతకం. ఈ క్రమంలో ప్రయాణం ఆటో అయినా, కారు అయినా, బస్సు అయినా ప్రయాణికులు కూడా ఎల్లప్పుడూ అప్రమత్తంగా ఉండాలి. డ్రైవర్ ఫోన్ చూస్తున్నా, చెవుల్లో హెడ్‌ఫోన్లు లేదా ఇయర్‌బడ్స్ పెట్టుకున్నా చూస్తూ మౌనంగా ఉండిపోకండి. అది ప్రాణాలకే ప్రమాదమని వెంటనే ప్రశ్నించండి, వారించండి. ఒకవేళ వారు వినకపోతే ఏమాత్రం నిర్లక్ష్యం చేయకుండా వెంటనే డయల్ 112కు కాల్ చేసి పోలీసులకు సమాచారం అందించండి. ప్రయాణంలో మీ నిర్లక్ష్యం మీ ప్రాణాలకే ముప్పు తెస్తుంది.. అదే సమయంలో మీ అప్రమత్తత మీతో పాటు ఎందరో అమాయకుల ప్రాణాలను కాపాడుతుందని గ్రహించాలి. Instructed @HYDTP to trace the auto (TG15U2657) driver and take stringent legal action as per the law. #RoadSafety #HyderabadTraffic #PassengerSafety #Dial112 #DriveSafe— V.C. Sajjanar, IPS (@SajjanarVC_IPS) October 14, 2026

ఉప్పల్ వేదికగా మరికొన్ని గంటల్లో భారత్‌, వెస్టిండీస్ మధ్య నాలుగో టీ20 మ్యాచ్ జరగనుంది. ఇప్పటికే ఇరుజట్లు ఉదయమే మైదానానికి చేరుకొని ముమ్మర సాధన చేశాయి. ఐదు మ్యాచ్‌ల టీ20 సిరీస్‌లో 2-1తో ఆధిక్యంలో ఉన్న టీమిండియా ఈ మ్యాచ్‌లోనూ గెలిచి మరో మ్యాచ్ ఉండగానే సిరీస్ కైవసం చేసుకోవాలని భావిస్తోంది. మరోవైపు వెస్టిండీస్ మాత్రం మూడో టీ20లో విజయానికి చేరువగా వచ్చి ఓడిపోయినప్పటికీ, నేటి వన్డేలో మాత్రం ఎలాంటి పొరపాట్లకు తావివ్వకుండా మ్యాచ్‌ను గెలిచి సిరీస్‌ను సమం చేయాలని చూస్తోంది.ఈ నేపథ్యంలో నాలుగో టీ20కి టీమిండియా జట్టు ఎలాంటి మార్పులు లేకుండానే బరిలోకి దిగే అవకాశముంది. అభిషేక్ శర్మ సూపర్ ఫామ్‌లో ఉండడంతో పాటు ఐపీఎల్‌లో తన హొంగ్రౌండ్ కావడం అతడికి సానుకూలాంశం. ఇక మరో ఓపెనర్‌ సంజూ సామ్సన్ విఫలమవుతున్నప్పటికీ, ఉప్పల్ మైదానంలో అతడికి ఉన్న ట్రాక్ రికార్డు దృశ్యా అభిషేక్‌తో కలిసి మరోసారి ఓపెనింగ్ చేయనున్నాడు. దీంతో ఈ మ్యాచ్‌కు కూడా వైభవ్ సూర్యవంశీ మరోసారి బెంచ్‌కే పరిమితం కానున్నాడు. వన్‌డౌన్‌లో ఇషాన్ కిషన్‌, నాలుగో స్థానంలో కెప్టెన్ శ్రేయస్ అయ్యర్ మరోసారి కీలకం కానున్నారు. మ్యాచ్‌లో కళ్లన్నీ లోకల్ బాయ్ తిలక్ వర్మపైనే నెలకొన్నాయి. 73 అంతర్జాతీయ మ్యాచ్‌ల కెరీర్‌ తర్వాత తొలిసారి తన సొంతగడ్డపై భారత్‌ తరఫున బరిలోకి దిగుతున్న తిలక్‌వర్మపై అందరి దృష్టీ నిలిచింది. గత టీ20లో అనూహ్యంగా రనౌటైన తిలక్‌ ఈసారి గుర్తుండిపోయే ఇన్నింగ్స్‌ ఆడాలని పట్టుదలగా ఉన్నాడు. ఆల్‌రౌండర్లుగా అక్షర్‌పటేల్‌, నితీశ్‌కుమార్‌రెడ్డి, నమన్ ధీర్‌లు మంచి ఆటను కనబరుస్తున్నారు. బౌలింగ్ విభాగంలో అర్షదీప్ వైడ్లు ఎక్కువగా వేస్తుండడం ఆందోళన కలిగిస్తోంది. మయాంక్ యాదవ్‌, ప్రిన్స్ యాదవ్‌లు మరోసారి చెలరేగితే విండీస్‌కు కష్టాలు తప్పవనిపిస్తోంది.నాలుగో టీ20కి భారత జట్టు అంచనాఅభిషేక్ శర్మ, సంజూ సామ్సన్ (వికెట్ కీపర్‌), ఇషాన్ కిషన్‌, శ్రేయస్ అయ్యర్ (కెప్టెన్‌), తిలక్ వర్మ, నితీశ్‌కుమార్ రెడ్డి, నమన్ ధీర్‌, అక్షర్ పటేల్‌, ప్రిన్స్ యాదవ్‌, అర్షదీప్ సింగ్‌, మయాంక్ యాదవ్‌.ఇదీ చదవండి:న్యూజిలాండ్‌తో సిరీస్‌.. ఆ ముగ్గురి వల్లే జ‌ట్ల ఎంపిక ఆల‌స్యం!నాలుగో టీ20.. స‌హచ‌రుల‌కు వైస్ కెప్టెన్ తిల‌క్ వ‌ర్మ వార్నింగ్‌!

సాక్షి, రంగారెడ్డిజిల్లా: ‘సీఎం నా మేనమామ.. చాలా దగ్గరి బంధువు.. నేనేం చేసినా నన్నెవరూ ఏమీ చేయలేరు’ అంటూ తోటి తహసీల్దార్లు, స్థానిక ప్రజాప్రతినిధులు, సామాన్య ప్రజల ముందు విర్రవీగారు. చివరికి ఏసీబీకి అడ్డంగా దొరికి చంచల్‌గూడజైలు ఊచలు లెక్కిస్తున్నారు. ఆయనే అబ్దుల్లాపూర్‌మెట్‌ తహసీల్దార్‌ సుదర్శన్‌రెడ్డి. కందుకూరు మండలం జైత్వారం ఆయన సొంతూరు. తండ్రి విధినిర్వహణలో చనిపోవడంతో కారుణ్య నియామకాల్లో భాగంగా ఉద్యోగం వచ్చింది. ఏడాది క్రితమే బాధ్యతలు రెవెన్యూ విభాగంలో అడుగుపెట్టారు. హయత్‌నగర్‌ మండలంలో వీఆర్‌ఓగా, ఆర్‌ఐగా, జూనియర్‌ అసిస్టెంట్‌గా, కందుకూరు మండల డిప్యూటీ తహసీల్దార్‌గా, కందుకూరు ఆర్‌డీఓ ఆఫీసులో డీటీగా, చేవెళ్ల ఆర్‌డీఓ ఆఫీసులో ఏఓగా, కలెక్టరేట్‌లో సెక్షన్‌ ఇన్‌చార్జీగా పని చేశారు. 2024 ఆగస్టుల్లో అబ్దుల్లాపూర్‌మెట్‌ తహసీల్దార్‌గా బాధ్యతలు స్వీకరించారు. అప్పటికే ఇక్కడ వీఆర్‌ఓ, ఆర్‌ఐగా పని చేసిన అనుభవం ఉండడం, భూములపై పూర్తి అవగాహన కలిగి ఉండడం కలిసి వచ్చింది. అప్పట్లోనే భారీగా ముడుపులు ఏడాది క్రితం అబ్దుల్లాపూర్‌మెట్‌ మండలం పసుమాముల రెవెన్యూ సర్వే నంబర్‌ 137లోని 9.34 ఎకరాలు, సర్వే నంబర్‌ 175లోని ఆరు గుంటల భూమి (మొత్తం పది ఎకరాలు) కొండలు, గుట్టలతో ఔటర్‌కు ఆనుకుని ఉంది. ఇది పూర్తిగా ప్రభుత్వ భూమి. అప్పట్లో కొంతమంది స్వాతంత్య్ర సమరయోధులకు కేటాయించింది. ఎన్‌ఓసీ పొంది కొనుగోలు చేసిన రియల్టర్లు ఏడాది క్రితం నాలా కన్వర్షన్‌ కోసం దరఖాస్తు చేసుకున్నారు. అప్పటికే ఈ భూములపై పూర్తి అవగాహన ఉన్న సుదర్శన్‌రెడ్డి పెద్ద మొత్తంలో డిమాండ్‌ చేశారు. చేసేది లేక సదరు రియల్టర్లు ఆయన అడిగినంత ముట్టజెప్పినట్లు విశ్వసనీయంగా తెలిసింది.ఇదీ చదవండి: మిమ్మల్ని ఎందుకు ప్రాసిక్యూట్‌ చేయకూడదు?ఇంజనీర్లు ముందే సంతకాలు తర్వాత ఆ భూమిలో వెంచర్‌ కోసం హెచ్‌ఎండీఏకు దరఖాస్తు చేశారు. ఇరిగేషన్, రెవెన్యూ, సర్వే అధికారుల జాయింట్‌ ఇన్‌స్పెక్షన్‌ చేసి ఎన్‌ఓసీ జారీ చేయాల్సి ఉంది. నిజానికి రెవెన్యూ అధికారులు భూమి సరిహద్దులు, స్వభావం గుర్తించి నివేదిక ఇచి్చన తర్వాతే ఇరిగేషన్‌ అధికారులు ఎన్‌ఓసీ జారీ చేయాలి. కానీ ఇటీవలే ఇక్కడి నుంచి బదిలీపై వెళ్లిన ఓ ఇరిగేషన్‌ ఇంజనీరు సైతం పెద్ద మొత్తంలో ముడుపులు పుచ్చుకుని రెవెన్యూ కంటే ముందే ఎన్‌ఓసీపై సంతకం చేసినట్లు తెలిసింది. మూడు నెలల క్రితమే వచ్చి.. సర్వేయర్‌ శ్రీనివాస్‌ మూడు నెలల క్రితం నల్లగొండ నుంచి ఇక్కడికి బదిలీపై వచ్చారు. వచ్చిరావడంతోనే చేతివాటాన్ని ప్రదర్శించారు. ముడుపులు ముట్టజెప్పిన వారికి ఒకలా.. నిరాకరించిన వారికి మరోలా సర్వే నివేదికలు ఇచ్చేవారు. చివరికి తహసీల్దార్‌ సుదర్శన్‌రెడ్డి ఆదేశాల మేరకు సోమవారం సాయంత్రం రూ.20 లక్షలు లంచం తీసుకుంటూ ఏసీబీకి పట్టుబడ్డారు. ఇద్దరి మధ్య జరిగిన ఫోన్‌ సంభాషణను ఏసీబీ సేకరించింది. ఈ వ్యవహారంలో ఓ స్థానిక విలేకరి ప్రమేయంపై పిలిచి విచారించినట్లు సమాచారం.ఇదీ చదవండి: రూ. 20 లక్షలు లంచం తీసుకుంటూ..సంచలనాలకు కేంద్రం అబ్దుల్లాపూర్‌మెట్‌ తహసీల్దార్‌ కార్యాలయం నిత్యం ఏదో ఒక విషయంలో వార్తల్లోకి ఎక్కుతోంది. బాచారం భూమికి సంబంధించిన వివాదంలో 2019 నవంబర్‌ 4న విజయారెడ్డిపై పెట్రోల్‌ పోసి నిప్పంటించారు. ఈ ఘటనను స్థానికులు ఇంకా పూర్తిగా మరిచిపోలేదు. రెవెన్యూ అధికారుల్లో మార్పు రాలేదని చెప్పడానికి తాజా ఏసీబీ కేసుల ఉదంతమే ఉదాహరణ. ప్రభుత్వ, భూదాన్, అసైన్డ్‌ భూములు ఇక్కడ ఎక్కువగా ఉన్నాయి. మెజార్టీ భూ భాగం కొండలు, గుట్టలతో నిండి ఉంటుంది. ఇక్కడ భూ ఆక్రమణలు, వివాదాలు తరచూ వెలుగు చూస్తుంటాయి. సీఎం సిఫార్సుతో వచ్చి .. ఏసీబీకి చిక్కిన డీఎంహెచ్‌ఓ వికారాబాద్‌ డీఎంహెచ్‌ఓగా పనిచేసిన డాక్టర్‌ స్వర్ణకుమారి సీఎం సిఫార్సుతో రంగారెడ్డి డీఎంహెచ్‌ఓగా వచ్చారు. అప్పటికే ఉన్న డాక్టర్‌ లలితా దేవిని మరో చోటికి బదిలీ చేయించారు. ఆరు నెలలు తిరక్కముందే ఎల్బీనగర్‌లోని ఓ ఫిజియో థెరపీ సెంటర్‌ రీ ఓపెన్‌ కోసం తన డ్రైవర్, సూపర్‌ వైజర్‌ల ద్వారా రూ.లక్ష తీసుకుంటూ ఏసీబీకి చిక్కారు. ప్రస్తుతం ఆమె చంచల్‌గూడ జైల్లో ఊచలు లెక్కిస్తున్నారు. గతంలో ఆమె ఇదే జైల్లోని రోగులకు వైద్య సేవలు అందించడం గమనార్హం. ఏసీబీకి చిక్కిన పలువురు జిల్లా సర్వే లాండ్స్‌ ఏడీ శ్రీనివాసులు సహా గతంలో యాచారం తహసీల్దార్‌గా పని చేసిన సుచరిత, శేరిలింగంపల్లి డిప్యూటీ కలెక్టర్‌ వంశీమోహన్‌పై ఆదాయానికి మించి ఆస్తులు కూడబెట్టిన కేసు నమోదు చేసి, వారిని అరెస్ట్‌ చేసింది. సేవలకు ప్రతిఫలంగా బాధితుల నుంచి డబ్బులు తీసుకుంటూ పలువురు అధికారులు ఏసీబీకి రెడ్‌హ్యాండెడ్‌గా పట్టుబడారు. వీరిలో అదనపు కలెక్టర్‌ భూపాల్‌రెడ్డి, సీనియర్‌ అసిస్టెంట్‌ మదన్‌మోహన్‌రెడ్డి, ఇబ్రహీంపట్నం రెవెన్యూ డివిజన్‌ ఆఫీసు ఏఓ శ్రీనివాసరెడ్డి, ఆమనగల్లు తహసీల్దార్‌ లలిత సహా సర్వేయర్‌ రవిపై ఏసీబీ కేసు నమోదు చేసింది. కేశంపేట తహసీల్దార్‌ లావణ్య సహా వీఆర్‌ఓ అనంతయ్యను ఏసీబీ అరెస్ట్‌ చేసింది. తలకొండపల్లి తహసీల్దార్‌ నాగార్జున, వీఆర్‌ఏ యాదగిరి సైతం ఇదే కేసులో అరెస్ట్‌ అయ్యారు. గండిపేట మండల సర్వేయర్‌ గణేశ్, ఇరిగేషన్‌ ఈఈ బన్సీలాల్, ఏఈ కార్తిక్, సెక్షన్‌ ఏఈ నిఖేష్‌కుమార్‌ అరెస్ట్‌ అయ్యారు. తాజాగా మరికొంత మంది తహసీల్దార్లు, సర్వేయర్లపై ఏసీబీ దృష్టిపెట్టినట్లు విశ్వసనీయంగా తెలిసింది.