శాయంపేట: మండలంలోని ప్రజలకు తాగునీటి సమస్య తలెత్తకుండా సురక్షిత నీరందేలా చర్యలు తీసుకోవాలని హమకొండ కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. శనివారం మండలంలోని జోగంపల్లిలోని మిషన్‌ భగీరథ తాగునీటి శుద్ధీకరణ ప్లాంట్‌ను ఆమె పరిశీలించారు. ఈసందర్భంగా రా వాటర్‌ ఎక్కడి నుంచి వస్తుంది? నీటి సరఫరా పరిస్థితి ఎలా ఉంది? పంపుల పనితీరు క్లోరినేషన్‌, ఇన్‌ట్రా డిస్ట్రిబ్యూషన్‌ వ్యవస్థ, పంపింగ్‌ తీరును అధికారులను కలెక్టర్‌ అడిగి తెలుసుకున్నారు. మిషన్‌ భగీరథ నీరు కలుషితమవుతోందని పలువురు కలెక్టర్‌ దృష్టికి తీసుకెళ్లగా.. స్పందించిన కలెక్టర్‌ ప్రజలకు స్వచ్ఛమైన నీరందించాలని అధికారులను ఆదేశించారు. ప్లాంట్‌ నుంచి వచ్చే వ్యర్థ జలాలు పంట పొలాల్లోకి వస్తున్నాయని, పంటలు దెబ్బతింటున్నాయని రైతులు కలెక్టర్‌ దృష్టికి తీసుకొచ్చారు. వ్యర్థ జలాలు పంట పొలాలకు వెళ్లకుండా చూడాలని కలెక్టర్‌ అధికారులకు సూచించారు. ఆమె వెంట మిషన్‌ భగీరథ ఇంట్రా ఆర్‌డబ్ల్యూఎస్‌ ఈఈ గాయత్రి, వాటర్‌ గ్రిడ్‌ ఈఈ సురేందర్‌, సాగు నీటిపారుదల శాఖ ఈఈ సునీత, ఇతర అధికారులు ఉన్నారు. ● కలెక్టర్‌ చాహత్‌ బాజ్‌పాయ్‌ ● జోగంపల్లి మిషన్‌ భగీరథ ప్లాంట్‌ పరిశీలన

నర్సంపేట: నేను చావలేదు... పడిపోయినా అంతే.. బతకాలని తపిస్తున్న.. ప్రకృతి ప్రేమికులారా నన్ను లేపి మరోచోటికి తరలించి పూర్తిస్థాయిలో సంరక్షించండి.. ఇది నర్సంపేట పట్టణ శివారులో నేలకొరిగిన ఓ మర్రి వృక్షం మౌన వేదన. ఏడాది క్రితం వీచిన భారీ గాలులకు కూకటి వేళ్లతో సహా నేలకొరిగిన ఆ మహా వృక్షం అందరూ చనిపోయిందనుకున్నారు. కొమ్మలు విరిగి నేలను తాకుతూ వేర్లు తెగిపోయి కనిపించేలా పడి ఉంది. కానీ, ఆ ప్రకృతి ఎప్పుడూ ఓటమిని ఒప్పుకోదు కదా. పడిపోయినా ప్రాణంతోనే ఆ చెట్టు తిరిగి చిగురించింది. వందేళ్ల వయస్సు.. ఈ మర్రి చెట్టు వయస్సు సుమారు వంద ఏళ్లు ఉంటుందని స్థానికులు చెబుతున్నారు. గాలివానకు కూలిపోయాక చెట్టును తొలగించాలని కొందరు భావించారు. భారీగా ఉండడంతో సాధ్య పడలేదు. దీంతో లేత ఆకులతో చిగురిస్తూ తనను కాపాడమని వేడుకున్నట్లు ఉంది. బతకాలని తపిస్తూ.. ఇది కేవలం చెట్టు కాదు.. ఒక జీవ వైవిధ్య కేంద్రం. ఇలా నేలకొరిగిన చెట్టు చిగురించడమంటే బతకాలని ఎంతగా తపిస్తుందో అర్థమవుతోంది. అధికారులు జేసీబీతో తొలగించకుండా నిపుణుల సాయంతో మరో చోటికి తరలించి సంరక్షించాలని పర్యావరణవేత్తలు వేడుకుంటున్నారు. నన్ను నిలబెడితే మీకు నీడనిస్తా ఓ మర్రి వృక్షం మౌన వేదన

● మాజీ మంత్రి ఎర్రబెల్లి దయాకర్‌రావునర్సంపేట: ఎన్నికల ముందు ఇచ్చిన హామీలను నెరవేర్చడంలో ప్రభుత్వం పూర్తిగా విఫలమైందని మాజీ మంత్రి ఎర్రబెల్లి దయాకర్‌రావు ఆరోపించారు. ఈ మేరకు శనివారం నర్సంపేటలో విద్యార్థులతో ధర్నా నిర్వహించారు. ఈ సందర్భంగా దయాకర్‌రావు మాట్లాడుతూ మోసపూరిత హామీలు ఇచ్చి కాంగ్రెస్‌ ప్రభుత్వం అధికారంలోకి వచ్చిందన్నారు. ఫీజు రీయింబర్స్‌మెంట్‌ బకాయిలు విడుదల చేయకపోవడంతో విద్యార్థులు తీవ్ర ఇబ్బందులు పడుతున్నారని పేర్కొన్నారు. మాజీ ఎమ్మెల్యే ముత్తిరెడ్డి యాదగిరిరెడ్డి మాట్లాడుతూ కాంగ్రెస్‌ ప్రభుత్వం హామీలను నెరవేర్చకుండా విద్యార్థులు, నిరుద్యోగ యువతను మోసం చేస్తోందని ఆరోపించారు. జాబ్‌ క్యాలెండర్‌, ఫీజు రీయింబర్స్‌మెంట్‌ తక్షణమే విడుదల చేయాలని డిమాండ్‌ చేశారు. పాలిటెక్నిక్‌ విద్యార్థుల భవిష్యత్‌ను దెబ్బతీసే జీఓ 97ను వెంటనే రద్దు చేసి, విద్యారంగం సమస్యలను పరిష్కరించాలని కోరారు. కార్యక్రమంలో బీఆర్‌ఎస్‌ నాయకులు రాయిడి రవీందర్‌రెడ్డి, లెక్కల విద్యాసాగర్‌రెడ్డి, తక్కళ్లపల్లి రవీందర్‌రావు, నాడెం శాంతికుమార్‌, బాల్నె వెంకన్న, నాగిశెట్టి ప్రసాద్‌, రాయిడి దుశ్యంత్‌రెడ్డి, శానబోయిన రాజ్‌కుమార్‌ తదితరులు పాల్గొన్నారు.

ఆదివారం శ్రీ 6 శ్రీ సెప్టెంబర్‌ శ్రీ 2026నయీంనగర్‌: కాకతీయ అర్బన్‌ డెవలప్‌మెంట్‌ అథారిటీ (కుడా) చైర్‌పర్సన్‌గా గుండు సుధారాణి శనివారం హనుమకొండ ‘కుడా’ కార్యాలయంలో పదవీ బాధ్యతలు చేపట్టారు. వరంగల్‌ పశ్చిమ, ఘన్‌పూర్‌, వర్ధన్నపేట, పరకాల ఎమ్మెల్యేలు నాయిని రాజేందర్‌రెడ్డి, కడియం శ్రీహరి, కేఆర్‌.నాగరాజు, రేవూరి ప్రకాశ్‌రెడ్డి, హనుమకొండ కలెక్టర్‌, ‘కుడా’ వైస్‌ చైర్‌పర్సన్‌ చాహత్‌ బాజ్‌పాయ్‌, జీడబ్ల్యూఎంసీ కమిషనర్‌ వెంకన్న, కాంగ్రెస్‌ పార్టీ మహిళా విభాగం రాష్ట్ర అధ్యక్షురాలు ఎర్రబెల్లి స్వర్ణ, తదితరుల సమక్షంలో ఆమె బాధ్యతలు స్వీకరించారు. ఈసందర్భంగా సుధారాణి మాట్లాడుతూ.. సీఎం రేవంత్‌రెడ్డి ఆశయాలకు అనుగుణంగా, బీసీల అభ్యున్నతికి, మహిళా సాధికారతకు చిత్తశుద్ధితో పనిచేస్తానన్నారు. ప్రణాళికాబద్ధమైన అభివృద్ధి కోసం ప్రజాప్రతినిధులు, అధికారుల సమన్వయంతో కృషి చేస్తానన్నారు. కుడా పరిధిలో పట్టణాభివృద్ధి, మౌలిక వసతుల కల్పన, ప్రజలకు మెరుగైన సౌకర్యాలు అందించడంపై ప్రత్యేక దృష్టి సారిస్తానని తెలిపారు. కాగా, ప్రమాణ స్వీకార కార్యక్రమంలో డీసీసీ అధ్యక్షుడు ఇనగాల వెంకట్రామ్‌రెడ్డి, మాజీ మంత్రి కొండా సురేఖ పాల్గొనలేదు. సీఎం రేవంత్‌రెడ్డి బీసీల పక్షపాతి: గుండు సుధారాణి

నయీంనగర్‌: ‘కుడా’ చైర్‌పర్సన్‌గా గుండు సుధారాణి శనివారం హనుమకొండ ‘కుడా’ కార్యాలయంలో శనివారం బాధ్యతలు చేపట్టారు. వరంగల్‌ పశ్చిమ, ఘన్‌పూర్‌, వర్ధన్నపేట, పరకాల ఎమ్మెల్యేలు నాయిని రాజేందర్‌రెడ్డి, కడియం శ్రీహరి, కేఆర్‌.నాగరాజు, రేవూరి ప్రకాశ్‌రెడ్డి, హనుమకొండ కలెక్టర్‌, ‘కుడా’ వైస్‌ చైర్‌పర్సన్‌ చాహత్‌ బాజ్‌పాయ్‌, జీడబ్ల్యూఎంసీ కమిషనర్‌ వెంకన్న, కాంగ్రెస్‌ పార్టీ మహిళా విభాగం రాష్ట్ర అధ్యక్షురాలు ఎర్రబెల్లి స్వర్ణ సమక్షంలో ఆమె బాధ్యతలు స్వీకరించారు. ఈసందర్భంగా సుధారాణి మాట్లాడుతూ సీఎం రేవంత్‌రెడ్డి ఆశయాలకు అనుగుణంగా పనిచేస్తానన్నారు. కాగా, డీసీసీ అధ్యక్షుడు ఇనగాల వెంకట్రాంరెడ్డి, మాజీ మంత్రి కొండా సురేఖ పాల్గొనలేదు.

వరంగల్‌ చౌరస్తా: వరంగల్‌లోని కాళోజీ నారాయణరావు ఆరోగ్య విశ్వవిద్యాలయంలో ఎంబీబీఎస్‌ ఫైనల్‌ ఇయర్‌ ఉత్తీర్ణత సాధించిన విద్యార్థులకు సర్టిఫికెట్ల జారీలో తీవ్ర జాప్యం చేయడంపై శనివారం వర్సీటీ ఆవరణలో తీవ్ర నిరసన వ్యక్తం చేశారు. స్లాట్‌ బుక్‌ చేసుకున్నామని, అపాయింట్‌మెంట్‌ రావడంతో పూణే, బెంగళూరు, ముంబై తదితర ప్రాంతాల నుంచి సుమారు 200 మంది విద్యార్థులు, తల్లిదండ్రులు ఉదయం 9 గంటలకే యూనివర్సిటీకి చేరుకున్నారు. సంతకం కాలేదనే సాకుతో ఉదయం నుంచి సాయంత్రం వరకు లిస్ట్‌ వెల్లడించకపోవడంపై విద్యార్థులు, వారి తల్లిదండ్రులు అసహనం వ్యక్తం చేశారు. సిబ్బంది కొరత ఉందని, కేవలం నలుగురు స్టాఫ్‌తోనే పనులు చూసుకోవాల్సి వస్తోందని అధికారులు చేతులెత్తేశారు. ఇంత పెద్ద యూనివర్సిటీలో ఇలాంటి నిర్లక్ష్యం సరికాదని, దూర ప్రాంతాల నుంచి వచ్చిన వారికి త్వరగా సర్టిఫికెట్లు ఇచ్చి సౌకర్యాలు కల్పించాలని విద్యార్థులు, తల్లిదండ్రులు డిమాండ్‌ చేస్తున్నారు. వరంగల్‌ చౌరస్తా: ఎస్‌ఐఆర్‌ ప్రక్రియలో సామాన్యుల కష్టాలు వర్ణనాతీతం. వరంగల్‌ తహసీల్దార్‌ కార్యాలయం అధికారులు, సిబ్బంది ఎస్‌ఐఆర్‌ క్లియరెన్స్‌పై తీవ్ర నిర్లక్ష్యంగా వ్యవహరిస్తున్నారనేది ఈ ఘటన మచ్చుతునక. శనివారం ఎస్‌ఐఆర్‌ ఓటు అప్లికేషన్‌ క్లియరెన్స్‌ కోసం ఓ తల్లి తన నాన్న, తన పసికందుతో కలిసి కార్యాలయానికి వచ్చారు. రెండు గంటలకుపైగా వేచి ఉండడం.. మరోవైపు పసికందు ఏడుస్తుండడంతో ఆ తల్లి తల్లడిల్లిపోయింది. పక్కనే ఉన్న టేబుల్‌పై పడుకోబెట్టి అప్పటికప్పుడు బాటిల్‌, పాలు కొని ఆకలి తీర్చింది. ఈ దృశ్యం తహసీల్దార్‌ కార్యాలయానికి వచ్చి న పౌరులను కలచివేసింది. ప్రభుత్వ కార్యాలయాల్లో సామాన్యులకు సౌకర్యంగా, వేగవంతమైన సేవలు అందించాల్సిన అవసరం ఉందని పలువురు అభిప్రాయపడుతున్నారు. ఎమ్మెల్యే నాయిని రాజేందర్‌ రెడ్డి కాజీపేట: పేద, బడుగు బలహీన వర్గాల ప్రజలపై మదర్‌ థెరిస్సా చూపిన ప్రేమ, ఆప్యాయతలను ప్రతిఒక్కరూ అలవర్చుకోవా లని వరంగల్‌ పశ్చిమ ఎమ్మెల్యే నాయిని రాజేందర్‌ రెడ్డి అన్నారు. మదర్‌ థెరిస్సా వర్ధంతిని పురస్కరించుకుని కాజీపేట 61వ డివిజన్‌ ఫాతిమానగర్‌ జంక్షన్‌లోని విగ్రహానికి కెథ్రడల్‌ చర్చి విచారణ గురువు ఫాదర్‌ కాసు మర్రెడ్డితో కలిసి ఎమ్మెల్యే పూలమాలలు వేసి శనివారం నివాళులర్పించారు. కార్యక్రమంలో ఆర్‌.రాజ్‌మోహన్‌ రావు, సాగరిక రెడ్డి, బొక్క దయసాగర్‌, టీడీ టామి, తిరుణహరి శేషు, పుల్లూరు సుధాకర్‌, అల్లం ప్రకాశ్‌ రెడ్డి, ఇన్నారెడ్డి తదితరులు పాల్గొన్నారు. వరంగల్‌ అర్బన్‌: నగరవ్యాప్తంగా ఉన్న నిమజ్జన ప్రదేశాల్లో ఏర్పాట్లు పకడ్బందీగా చేపట్టాలని జీడబ్ల్యూఎంసీ కమిషనర్‌ టి.వెంకన్న అధికారులను ఆదేశించారు. వినాయక నవరాత్రి ఉత్సవాలు, విగ్రహాల నిమజ్జన కార్యక్రమాన్ని దృష్టిలో ఉంచుకుని క్షేత్రస్థాయిలో ఏర్పాట్లు పరిశీలించారు.

యునెస్కో గుర్తింపుతో రామప్ప కళ నలుదిశలా పరివ్యాప్తి చెందింది. ఇక్కడ కట్టడాలను చూసేందుకు ప్రపంచ నలుమూలల నుంచి పర్యాటకులు వస్తున్నారు. అదే తరహాలో గత నెలలో రామప్ప సమీపంలోని గొల్లాల గుడిని, జూలైలో శివ తారకేశ్వరాలయాన్ని జాతీయ స్మారక చిహ్నంగా కేంద్ర ప్రభుత్వం ప్రకటించింది. ఈనేపథ్యంలో రామప్పకు మరింత పర్యాటక శోభ సంతరించుకోనుంది. ఈ ప్రాంతం సైతం అభివృద్ధి చెందనుంది. ఈనేపథ్యంలో పురావస్తు శాఖ పరిధిలోకి వెళ్లిన ఈ రెండు ఆలయాల ప్రత్యేకతలే ‘సాక్షి’ సండే స్పెషల్‌.. శివ తారకేశ్వరస్వామి(శివాలయం) ఆలయాన్ని జాతీయ ప్రాముఖ్యత స్మారక చిహ్నంగా గుర్తిసూ గత జూలై 6న భారత పురావస్తు సర్వేక్షణ (ఏఎస్‌ఐ) సంస్కృతి మంత్రిత్వ శాఖ, భారత ప్రభుత్వం గెజిట్‌ జారీ చేసింది. ఇందులోనూ కాకతీయ కట్టడాల నిర్మాణశైలి ఉంటుంది. కాగా, ప్రస్తుతం ఈ ఆలయంలో కొంతభాగం కూలిపోగా, ఇనుపస్తంభాలు పెట్టి నిలబెట్టారు. కాకతీయ కాలపు నిర్మాణ చాతుర్యాన్ని ప్రదర్శించే రామప్పలోని 10 ఉప ఆలయాలను కూడా జాతీయ సంపదగా గుర్తించాలని పర్యాటకులు కోరుతున్నారు.

పరకాల: మున్సిపల్‌ కొత్త పాలకవర్గం కొలువుదీరి ఆరు నెలలు కూడా కాలేదు.. అధికార పార్టీ కౌన్సిలర్లు రెండు వర్గాలుగా ఏర్పడ్డారు. శనివారం పరకాల మున్సిపల్‌ కౌన్సిల్‌ సమావేశానికి ఏకంగా ఆరుగురు కాంగ్రెస్‌ కౌన్సిలర్లు డమ్మా కొట్టడమే ఇందుకు సాక్ష్యంగా చెప్పవచ్చు. అభివృద్ధి పనుల విషయంలో చైర్మన్‌ పావుశెట్టి సునీల్‌కుమార్‌కు.. అధికార పార్టీలోని కొందరు కౌన్సిలర్లకు కొంతకాలంగా అభివృద్ధి పనుల విషయంలో వివాదం చోటుచేసుకుందనే ఆరోపణలు వెల్లువెత్తుతున్నా యి. పరకాలలో జరుగుతున్న సీసీ రోడ్లు, డ్రెయినేజీల నిర్మాణం.. కేటాయింపుల విషయంలో చైర్మన్‌ ఏక పక్షంగా నిర్ణయాలు తీసుకున్నారంటూ స్వయంగా కొందరు కాంగ్రెస్‌ కౌన్సిలర్లు ఎమ్మెల్యే రేవూరి ప్రకాశ్‌రెడ్డికి మొర పెట్టుకున్నట్లు సమాచారం. మరోసారి ఇలాంటి పరిస్థితి రాకుండా చైర్మన్‌తో మాట్లాడతానన్న ఎమ్మెల్యే హామీతో సయోధ్యకు వచ్చినట్లు తెలిసింది. కానీ, పరిస్థితిలో మార్పు లేకపోవడంతో మున్సిపల్‌ కౌన్సిల్‌కు గైర్హాజరైనట్లు ప్రచారం జరుగుతోంది. కౌన్సిల్‌ సమావేశానికి ఎమ్మెల్యే హాజరైనప్పటికీ.. అలిగిన కౌన్సిలర్లు రాకపోవడం చర్చనీయాంశంగా మారింది. కాంగ్రెస్‌ కౌన్సిలర్లలో వాటాల గొడవలు: ఎమ్మెల్సీ పోచంపల్లి శ్రీనివాస్‌రెడ్డి కాంగ్రెస్‌ కౌన్సిలర్ల మధ్య వాటాల గొడవలు చోటుచేసుకున్నాయని ఎమ్మెల్సీ పోచంపల్లి శ్రీనివాస్‌రెడ్డి అన్నారు. తెలంగాణ సీఎం రేవంత్‌రెడ్డి పరకాలకు వచ్చినా పరకాల పట్టణాభివృద్ధికి పైసా నిధులు ఇవ్వకపోవడం విడ్డూరంగా ఉందని, సీఎం రాక సందర్భంగా పరకాల మున్సిపాలిటీ తరఫున రూ.30 లక్షలు ఖర్చుపెట్టినట్లు చూపించారన్నారు. కానీ, పరకాలకు సీఎం వచ్చి ఎలాంటి నిధులు కేటాయించకపోవడం.. పరకాల అభివృద్ధిపై ఎంత చిత్తశుద్ధి ఉందో అర్థమవుతోందన్నారు. పరకాలలో నేషనల్‌ గ్రీన్‌ ఫీల్డ్‌ హైవే ఎగ్జిట్‌ పరకాలలో ఇచ్చి జంక్షన్‌గా మార్చాలని, పరకాల మార్కెట్‌ను ఏ–1గా అభివృద్ధి చేయాలని, ఎడ్యుకేషన్‌ హాబ్‌గా మార్చాలంటే నర్సంపేట తరహాలో పరకాలకు మెడికల్‌ కళాశాల మంజూరు చేయాలని సూచనలు చేసినట్లు ఎమ్మెల్సీ పోచంపల్లి శ్రీనివాస్‌రెడ్డి తెలిపారు. కాగా, పట్టణ ప్రజల సమస్యల పరిష్కారానికి వేదికగా ఉండే మున్సిపాలిటీ కౌన్సిల్‌కు అధికార పార్టీ కౌన్సిలర్లే గైర్హాజరు కావడం చర్చనీయాంశంగా మారింది. సమావేశంలో వినాయక చవితి ఏర్పాట్లు, శానిటేషన్‌ నిర్వహణ, కొత్త సీసీ రోడ్లు, రెవెన్యూ కలెక్షన్స్‌, నూతన డ్రెయినేజీల నిర్మాణం, పట్టణంలోని అమరధామంలో అమరవీరుల విగ్రహాలకు మరమ్మతులు, నేషనల్‌ గ్రీన్‌ ఫీల్డ్‌ అంశంపై చర్చ జరిగింది. మున్సిపల్‌ చైర్మన్‌ పావుశెట్టి సునీల్‌ అధ్యక్షతన నిర్వహించిన సమావేశంలో ముఖ్య అతిథిగా ఎమ్మెల్యే రేవూరి ప్రకాశ్‌రెడ్డి, ఎమ్మెల్సీ పోచంపల్లి శ్రీనివాస్‌రెడ్డి, మున్సిపల్‌ కమిషనర్‌ పవన్‌, వైస్‌ చైర్‌పర్సన్‌ ఏకు దివ్యతో పాటు కౌన్సిలర్లు హాజరయ్యారు. చైర్మన్‌ తీరుపై అధికార పార్టీ కౌన్సిలర్ల నుంచి వ్యతిరేకత అభివృద్ధి పనుల విషయంలో వివాదమే కారణం! ఎమ్మెల్యే జోక్యం చేసుకున్నా కుదరని సయోధ్య

యునెస్కో గుర్తింపుతో రామప్ప కళ నలుదిశలా పరివ్యాప్తి చెందింది. ఇక్కడి కట్టడాలను చూసేందుకు ప్రపంచ నలుమూలల నుంచి పర్యాటకులు వస్తున్నారు. అదే తరహాలో గత నెలలో రామప్ప సమీపంలోని గొల్లాల గుడిని, జూలైలో శివ తారకేశ్వరాలయాన్ని జాతీయ స్మారక చిహ్నంగా కేంద్ర ప్రభుత్వం ప్రకటించింది. ఈనేపథ్యంలో రామప్పకు మరింత పర్యాటక శోభ సంతరించుకోనుంది. ఈ ప్రాంతం సైతం అభివృద్ధి చెందనుంది. ఈనేపథ్యంలో పురావస్తు శాఖ పరిధిలోకి వెళ్లిన ఈ రెండు ఆలయాల ప్రత్యేకతలే ‘సాక్షి’ సండే స్పెషల్‌.. శివ తారకేశ్వరస్వామి(శివాలయం) ఆలయాన్ని జాతీయ ప్రాముఖ్యత స్మారక చిహ్నంగా గుర్తిసూ గత జూలై 6న భారత పురావస్తు సర్వేక్షణ (ఏఎస్‌ఐ) సంస్కృతి మంత్రిత్వ శాఖ, భారత ప్రభుత్వం గెజిట్‌ జారీ చేసింది. ఇందులోనూ కాకతీయ కట్టడాల నిర్మాణశైలి ఉంటుంది. కాగా, ప్రస్తుతం ఈ ఆలయంలో కొంతభాగం కూలిపోగా, ఇనుపస్తంభాలు పెట్టి నిలబెట్టారు. కాకతీయుల కాలపు నిర్మాణ చాతుర్యాన్ని ప్రదర్శించే రామప్పలోని 10 ఉప ఆలయాలను కూడా జాతీయ సంపదగా గుర్తించాలని పర్యాటకులు కోరుతున్నారు.

దుగ్గొండి: మండలంలోని మర్రిపల్లి గ్రామానికి చెందిన దానం రఘు–శ్రీలత దంపతుల కూతురు అక్షర మెడిసిన్‌లో సీటు సాధించింది. ఇటీవల జరిగిన నీట్‌ పరీక్షలో 488 మార్కులు పొంది యాదాద్రి భవనగిరి ప్రభుత్వ వైద్య కళాశాలలో సీటు సాధించింది. ఈమేరకు అక్షరను పలువురు ప్రజాప్రతినిధులు, అధికారులు, విద్యావేత్తలు శనివారం అభినందించారు. ఇద్దరికి చూపును ప్రసాదించిన సిరివెన్నెలనల్లబెల్లి: మండల కేంద్రంలో ఓ బాలిక విద్యుదాఘాతంతో శుక్రవారం మృతి చెందింది. ఆమె కళ్లను దానం చేసి ఇద్దరికి చూపును ప్రసాదించారు కుటుంబ సభ్యులు. అవయవ దానంపై తరచుగా పలువురికి అవగాహన కల్పించే కుమార్తె నేత్రాలను దానం చేసిందుకు తల్లిదండ్రులు ముందుకు వచ్చారు. నర్సంపేట ప్రభుత్వ ఆస్పత్రిలో శుక్రవారం ఎల్‌వీ ప్రసాద్‌ ఐ బ్యాంకు వారు నేత్రాలను సేకరించి హైదరాబాద్‌కు తరలించారు. మృతురాలి కుటుంబ సభ్యులను ఎల్‌వీ ప్రసాద్‌ ఐ బ్యాంకు ప్రతినిధులతోపాటు స్థానికులు అభినందించారు. దరఖాస్తుల ఆహ్వానంకాళోజీ సెంటర్‌: జిల్లాలో జీఈసీఓ పోస్టు భర్తీ కోసం అర్హులైన మహిళా గెజిటెడ్‌ ప్రధానోపాధ్యాయులు, మహిళా స్కూల్‌ అసిస్టెంట్ల నుంచి దరఖాస్తులను ఆహ్వానిస్తున్నట్లు డీఈఓ రంగయ్యనాయుడు ఒక ప్రకటనలో తెలిపారు. ఐదు సంవత్సరాల అనుభవం కలిగిన మహిళా గెజిటెడ్‌ ప్రధానోపాధ్యాయులు, మహిళా స్కూల్‌ అసిస్టెంట్లు ఈనెల 8వ తేదీలోగా డీఈఓ కార్యాలయంలో దరఖాస్తులు సమర్పించాలని సూచించారు. పట్టా మార్పిడికి అంగీకరించని తల్లి● కొడుకు భూమి విక్రయిస్తే సంతకాలకు ససేమిరా ● అక్క, బావ అడ్డుకుంటున్నారని బాధితుడి ఆవేదన ● కిడ్నీలు పాడైనా న్యాయం కోసం సోదరి ఇంటి ఎదుట ఆందోళన ఖానాపురం: వ్యవసాయ భూమికి సంబంధించిన వివాదంలో అక్క ఇంటి ఎదుట తమ్ముడు చావుబతుకుల మధ్య ఆందోళనకు దిగిన సంఘటన అశోక్‌నగర్‌లో శనివారం చోటుచేసుకుంది. స్థానికులు, బాధితుల కథనం ప్రకారం.. అశోక్‌నగర్‌ గ్రామానికి చెందిన ఇరుకు సరోజన–వెంకటయ్య దంపతులకు కుమారుడు వీరారావు, ఇద్దరు కుమార్తెలు ఉన్నారు. కూతుళ్ల వివాహాలు చేయగా 3.10 ఎకరాల భూమి తల్లి పేరిట ఉంది. వీరారావుకు వారసత్వంగా 2.34 ఎకరాల వ్యవసాయ భూమిని తల్లి సరోజన గత ఏప్రిల్‌లో రాసి ఇచ్చినప్పటికీ తల్లి పేరు మీదనే పట్టా ఉంది. ఈ క్రమంలో వీరారావుకు కొంతకాలంగా రెండు కిడ్నీలు పాడై పోవడంతో డయాలసిస్‌ చేసుకుంటూ జీవనం సాగిస్తున్నాడు. వారసత్వంగా వచ్చిన భూమిని నెల రోజుల క్రితం విక్రయించాడు. ఈ క్రమంలో విక్రయించిన స్థలానికి సంబంధిత పత్రాలపై, తహసీల్దార్‌ కార్యాలయంలో వేలి ముద్రలు వేయాల్సి ఉంది. పట్టా మార్పిడి కోసం తల్లి సంతకాలు చేయడానికి అంగీకరించడం లేదు. కాగా, విక్రయపత్రాలపై తల్లితో సంతకాలు అక్క, బావ పెట్టనీయడం లేదని అశోక్‌నగర్‌లోని అక్క ఇంటి ఎదుట మంచంపై చావు బతుకుల మధ్య వీరారావు, అతడి భార్య శనివారం న్యాయం కోసం పోరాటానికి దిగారు. అశోక్‌నగర్‌కు వచ్చిన ఎస్సై రామ్మోహన్‌ విషయం తెలుసుకుని సీఐ శంకర్‌రావు దృష్టికి తీసుకెళ్లారు. బాధితుల వద్దకు వెళ్లి వివరాలు సేకరించి వీరారావును వరంగల్‌ ఆస్పత్రికి తరలించారు. తల్లితో పాటు అక్కను పోలీస్‌ స్టేషన్‌కు పిలిపించి పట్టా చేయాలని సూచించారు. మిగిలిన 36 గుంటలను తన ఇష్టానుసారంగా విక్రయానికి అనుమతిస్తే సంతకం చేస్తానని తల్లి పోలీసులకు తెలిపింది. గడువులోగా రీసర్వే పూర్తిచేయాలిసంగెం: నిబంధనలకు అనుగుణంగా రీ సర్వేను నిర్దేశించిన గడువులోగా పూర్తి చేయాలని సర్వే, లాండ్‌ రికార్డ్స్‌ అసిస్టెంట్‌ డైరెక్టర్‌ శ్రీనివాస్‌ సూచించారు. సంగెం మండలంలోని ముమ్మడివరం, గీసుకొండ మండలం ఎలుకుర్తి హవేలిలో రీసర్వే పనులను శనివారం ఆయన పరిశీలించి మాట్లాడారు. రీసర్వేను తప్పులు దొర్లకుండా నిర్వహించాలని సూచించారు. రీ సర్వే పనుల పురోగతి, సర్వే నిర్వహణ తీరును పరిశీలించి సంబంధిత సర్వేయర్లకు పలు సూచనలు చేశారు.

ఉత్తమ టీచర్ల ఎంపికపై కలెక్టర్‌కు ఫిర్యాదుకాళోజీ సెంటర్‌: విద్యార్థుల భవిష్యత్‌ను తీర్చిదిద్దే అపారమైన శక్తి గురువు చేతుల్లో ఉంటందని వర్ధన్నపేట ఎమ్మెల్యే కేఆర్‌ నాగరాజు అన్నారు. మాజీ రాష్ట్రపతి సర్వేపల్లి రాధాకృష్ణన్‌ జయంతిని పురస్కరించుకొని జిల్లావిద్యాశాఖ ఆధ్వర్యంలో వరంగల్‌ ఉర్సుగుట్ట ఆకుతోట కన్వెన్షన్‌లో శనివారం ఘనంగా ఉపాధ్యాయ దినోత్సవం నిర్వహించారు. ఈ సందర్భంగా ఎమ్మెల్యే జ్యోతిప్రజ్వలన చేసి రాధాకృష్ణన్‌ చిత్రపటానికి పూలమాల వేసి ఘనంగా నివాళులర్పించారు. డీఈఓ రంగయ్యనాయుడు అధ్యక్షతన వహించిన కార్యక్రమంలో ఎమ్మెల్యే నాగరాజు మాట్లాడుతూ ప్రస్తుత కాలంలో ఉపాధ్యాయుల చేతిలో బెత్తం, పోలీసుల చేతిలో లాఠీ లేదని పేర్కొన్నారు. విద్యార్థి దశలో తనను ఉపాధ్యాయుడు కొడితే చేతివేలు పగిలి రక్తం వస్తే తల్లిదండ్రులకు కూడా చెప్పలేదని చెప్పారు. ఇంకా కొట్టినా ఫర్వాలేదు అని తన తండ్రి ఉపాధ్యాయుడికి అనుకూలంగా మాట్లాడిన సందర్భాలు ఉంటే.. నేడు అందుకు భిన్నంగా హత్యచేసే పరిస్థితి వచ్చిందని ఆందోళన వ్యక్తం చేశారు. డ్రగ్స్‌, మాదకద్రవ్యాలకు బానిసగా మారి పిల్లలు భవిష్యత్‌ను నాశనం చేసుకుంటున్నారని అన్నారు. ప్రభుత్వ పాఠశాలల్లో పిల్లలను చదివించాలని ఆయన తల్లిదండ్రులను కోరారు. ఉపాధ్యాయుల సమస్యలను కొడంగల్‌ సభలో సీఎం ప్రకటించారని తెలిపారు. ప్రభుత్వం ఇంటిగ్రేటెడ్‌ స్కూల్‌ మంజూరు చేస్తే ఉప్పరపల్లిలో ఏర్పాటుకు ప్రయత్నాలు చేస్తున్నట్లు వివరించారు. ఎమ్మెల్సీ బస్వరాజు సారయ్య మాట్లాడుతూ ఉపాధ్యాయులు తరగతి గదిలో ఎక్కువ సమయం కేటాయించి, విద్యార్థుల భవిష్యత్‌ను తీర్చి దిద్దుతారని, ఉపాధ్యాయుడి స్థానం గొప్పదని పేర్కొన్నారు. కుడా చైర్‌పర్సన్‌ గుండు సుధారాణి, కలెక్టర్‌ డాక్టర్‌ సత్యశారద మాట్లాడుతూ విద్యార్థులను ఉన్నతంగా తీర్చిదిద్దే గొప్ప అవకాశం ఉపాధ్యాయులకే దక్కుతుందని చెప్పారు. అనంతరం 50 మంది ప్రభుత్వ పాఠశాలల ఉపాధ్యాయులు, ఐదుగురు ప్రైవేట్‌ పాఠశాలల ఉపాధ్యాయులకు అవార్డులు అందజేసి ఘనంగా సత్కరించారు. మేర కార్పొరేషన్‌ చైర్మన్‌ వెంకట్రాజం, అదనపు కలెక్టర్‌ వైవీ గణేశ్‌, డీఆర్డీఓ నాగపద్మజ, జెడ్పీ సీఈఓ వసంతకుమారి, గ్రంథాలయ సంస్థ చైర్మన్‌ మీసాల ప్రకాశ్‌, ఉపాధ్యాయులు డీపీఆర్‌ఓ ప్రేమలత, ఖిలా వరంగల్‌ తహసీల్దార్‌ ఇక్బాల్‌, సీఎంఓ శ్రీనివాస్‌ తదితరులు పాల్గొన్నారు ఉపాధ్యాయ దినోత్సవంలో వర్ధన్నపేట ఎమ్మెల్యే కేఆర్‌ నాగరాజు ఆకుతోట కన్వెన్షన్‌లో 55 మందికి అవార్డుల ప్రదానం, హాజరైన ఎమ్మెల్సీ బస్వరాజు సారయ్య, ‘కుడా’ చైర్‌పర్సన్‌ గుండు సుధారాణి, కలెక్టర్‌ సత్యశారద, అధికారులుపాఠశాల అభివృద్ధి, విద్యార్థుల విద్యా వికాసానికి విశేష కృషి చేసిన ఉపాధ్యాయులను ఉత్తమ అవార్డులకు ఎంపిక చేస్తారు. ఇందుకు ముందుగా అర్హులైనవారినుంచి రెందు ప్రతుల నివేదిక తీసుకోవాలి. దీనిపై లోతుగా పరిశీలించాలి. కాగా, జిల్లాలో ఉత్తమ ఉపాధ్యాయుల ఎంపికలో పారదర్శకత లోపించిందని, అనర్హులను ఎంపిక చేసినట్లు ఆరోపణలు వినిపిస్తున్నాయి. వరంగల్‌ నగరంలోని లక్ష్మీపురం ప్రభుత్వ ఉన్నత పాఠశాలలోని ఓ ఉపాధ్యాయుడి పేరు జిల్లా ఉత్తమ ఉపాధ్యాయుల అవార్డు జాబితాలో ఉండడాన్ని గ్రహించిన ఒకరు కలెక్టర్‌ సత్యశారదకు శుక్రవారం రాత్రి ఫిర్యాదు చేసినట్లు సమాచారం. ఆయన తోటి ఉపాధ్యాయురాలిని అవమానించారంటూ జనవరిలో ఫిర్యాదు చేయగా విచారణ ఎదుర్కొంటున్నట్లు తెలిసింది. చివరికి ఈ విషయం డీఈఓకు కలెక్టర్‌ చెప్పడంతో ఆ పేరును తొలగించారు.

విద్యార్థులతో ప్రయోగం చేయిస్తున్న ఉపాధ్యాయుడు రామ సంతోశ్‌ కుమార్‌ విద్యార్థులు తయారు చేసిన కృత్యాధార చిత్రాలతో ఉపాధ్యాయుడు రవి కృత్యాధార బోధన.. సామర్థ్యాల సాధనమహబూబాబాద్‌ రూరల్‌: విద్యార్థుల్లో భయాన్ని పోగొట్టి పాఠ్యాంశంలోని విషయాలను అర్థం చేసుకుని సామర్థ్యాలను సాధించేలా విద్యా బోధన చేస్తున్నారు మహబూబాబాద్‌ మండలం కంబాలపల్లి ప్రభుత్వ ప్రాథమిక పాఠశాల ఉపాధ్యాయుడు ఆవునూరి రవి. 14 ఏళ్లుగా ప్రయోగాత్మక కృత్యాధార బోధన చేస్తున్నారు. కృత్యాధార బోధనతో విద్యార్థుల్లో ఆంగ్ల భాషపై ఇష్టం పెంచుతున్నారు. నల్లబెల్లి: వరంగల్‌ జిల్లా నల్లబెల్లి మండలం జెడ్పీఎస్‌ఎస్‌లో స్కూల్‌ అసిస్టెంట్‌గా విధులు నిర్వహిస్తున్న రామ సంతోశ్‌ కుమార్‌ బోధనలో వినూత్న పద్ధతులు అవలంబిస్తున్నారు. పదో తరగతి విద్యార్థులు మెరుగైన ఫలితాలు సాధించాలనే లక్ష్యంతో ఆయన నిత్యం ఉదయం 5 గంటలకే జూమ్‌ తరగతులు నిర్వహిస్తున్నారు. యూట్యూబ్‌ చానల్‌ ప్రారంభించి ఇప్పటి వరకు దాదాపు 50 పాఠ్యంశాల వీడియోలు అప్‌లోడ్‌ చేశారు. రాష్ట్ర స్థాయి ఇన్‌స్పైర్‌, సైన్స్‌ఫేర్‌ గైడ్‌ టీచర్‌గా పాల్గొని విద్యార్థులను ప్రోత్సహించారు. అంతరిక్ష విజ్ఞానంపై విద్యార్థుల్లో ఆసక్తి పెంచేందుకు ఇస్రో శాస్త్రవేత్తలతో అతిథి ఉపన్యాసాలు నిర్వహించారు. ఎన్‌సీఈఆర్టీ నిర్వహించే ఆన్‌లైన్‌ పోర్టల్‌ కోసం ఈ–కంటెంట్‌ రూపొందించి 40కి పైగా వీడియోలు అందించారు. మన టీవీలో ప్రత్యక్ష ప్రసారాల ద్వారా పాఠ్యాంశాలు బోధించారు.ఏటూరునాగారం: ములుగు మండలం జంగాలపల్లి క్రాస్‌కు చెందిన పోతు రాజశేఖర్‌ ఏటూరునాగారం నార్త్‌ ప్రభుత్వ ప్రాథమిక పాఠశాలలో ఎస్‌జీటీగా విధులు నిర్వర్తిస్తున్నారు. ఆయన ఆ పాఠశాలలో చేరినప్పుడు విద్యార్థుల సంఖ్య 90 మాత్రమే. ప్రస్తుతం 170 మందికి చేరింది. దాతల సహకారంతో పాఠశాలలో నూతనంగా కంప్యూటర్‌ ల్యాబ్‌, రేకుల షెడ్డు, ప్రొజెక్టర్‌, టాయిలెట్ల నిర్మాణాలు చేపట్టారు. పాఠశాలలో గ్రంథాలయం ఏర్పాటు చేసి పుస్తక పఠనంపై మక్కువ పెంచుతున్నారు. ఇప్పటికీ ఏ విద్యార్థి బడికి రాకపోయినా ఇంటికి వెళ్లి బండిమీద పాఠశాలకు తీసుకొస్తున్నారు. ఉమ్మడి జిల్లాలో పలువురు ఉపాధ్యాయుల అంకితభావం విద్యార్థుల నమోదు పెంపు.. అకుంఠిత దీక్షతో విధులు ఆదర్శంగా నిలుస్తూ బడులను కాపాడుతున్న టీచర్లు నేడు జాతీయ ఉపాధ్యాయ దినోత్సవం

వరంగల్‌ అర్బన్‌/నయీంనగర్‌ : సీఎం రేవంత్‌ రెడ్డిపై ఎవరైనా నోరు జారితే ఊరుకునే ప్రసక్తే లేదని కుడా చైర్‌పర్సన్‌ గుండు సుధారాణి హెచ్చరించారు. శుక్రవారం వరంగల్‌లో ఆమె మీడియోతో కొద్దిసేపు ముచ్చటించారు. పార్టీ ఆదేశాలను ధిక్కరించడంతోనే అధిష్టానం మంత్రి పదవి నుంచి కొండా సురేఖను బర్తరఫ్‌ చేశారన్నారు. ఎమ్మెల్సీ బస్వరాజు సారయ్య, పార్టీ వరంగల్‌ జిల్లా నాయకులు, కార్యకర్తలతో కలిసి పార్టీని బలోపేతం చేస్తామని పేర్కొన్నారు. అదేవిధంగా సుధారాణి హనుమకొండ డీసీసీ అధ్యక్షుడు ఇనగాల వెంకట్రాంరెడ్డిని ఆయన నివాసంలో మర్యాదపూర్వకంగా కలిసి పుష్పగుచ్ఛం అందించారు. కాగా, హనుమకొండలోని కుడా కార్యాలయంలో శనివారం ఉదయం 10 గంటలకు చైర్‌పర్సన్‌గా గుండు సుధారాణి పదవీ బాధ్యతలు స్వీకరించనున్నారు.

ఎగుమతుల బాటలో ఓరుగల్లు ఉత్పత్తులు వరంగల్‌ బ్రాండ్‌..సాక్షి, వరంగల్‌: చేనేత, టెక్స్‌టైల్‌, వ్యవసాయ ఉత్పత్తులతో ఇప్పటికే ప్రత్యేక గుర్తింపు పొందిన జిల్లా.. ఎగుమతి కేంద్రంగా అభివృద్ధి చేందేందుకు అడుగులు పడుతున్నాయి. ఈ మేరకు కేంద్ర ప్రభుత్వం పంపిన ఎక్స్‌పోర్ట్‌ హబ్‌ ప్రతిపాదనలకు రాష్ట్ర ప్రభుత్వం సానుకూలంగా స్పందిస్తే జిల్లా ఉత్పత్తులకు అంతర్జాతీయ మార్కెట్‌లో డిమాండ్‌ ఏర్పడనుంది. స్థానిక చేనేత ఉత్పత్తులతోపాటు మామిడి, మొక్కజొన్న, వరి, పత్తి వంటి వ్యవసాయ ఉత్పత్తులకు అంతర్జాతీయ మార్కెట్లను అనుసంధానం చేస్తే జిల్లాలోని వేలాది కుటుంబాలకు ఉపాధి, ఆదాయం మరింత పెరిగే అవకాశముంది. ఉత్పత్తుల నాణ్యతా ప్రమాణాలు, బ్రాండింగ్‌, ప్యాకేజింగ్‌, నిల్వ, కోల్డ్‌స్టోరేజీ, రవాణా, అంతర్జాతీయ మార్కెటింగ్‌ వంటి మౌలిక సదుపాయాలను కల్పిస్తే స్థానిక ఉత్పత్తుల విలువ పెరుగుతుంది. ప్రస్తుతం ఢిల్లీ, ముంబై, కోల్‌కతా, కాన్పూర్‌ వంటి దేశీయ మార్కెట్లకు చేరుతున్న వరంగల్‌ ఉత్పత్తులు.. భవిష్యత్‌లో అంతర్జాతీయ మార్కెట్లకు చేరుతాయి. కేంద్రం ప్రతిపాదనకు రాష్ట్ర ప్రభుత్వం నుంచి సానుకూల స్పందన, అవసరమైన మౌలిక వసతులు కల్పిస్తే చేనేత, టెక్స్‌టైల్‌, వ్యవసాయ ఉత్పత్తుల సమ్మిళిత ఎగుమతి కేంద్రంగా వరంగల్‌ కొత్త పారిశ్రామిక అధ్యాయానికి నాంది పలికే అవకాశం ఉంది. రూ.40.25 కోట్ల చేనేత వ్యాపారం.. ఉమ్మడి వరంగల్‌ జిల్లాలో 92 చేనేత, మ్యాక్స్‌ సొసైటీలు ఉన్నాయి. వీటి ద్వారా ఏటా సుమారు రూ.40.25 కోట్ల విలువైన వ్యాపారం జరుగుతోంది. రూ.17.50 కోట్ల విలువైన సుమారు ఐదు లక్షల కార్పెట్లు ఉత్పత్తి అవుతున్నాయి. అలాగే, 5.50 లక్షల బెడ్‌షీట్లు ఉత్పత్తి చేసి రూ.19.25 కోట్ల వ్యాపారం చేస్తున్నారు. ఇక షర్టింగ్‌ విభాగంలో సుమారు 1.60 లక్షల మీటర్ల ఉత్పత్తి ఉండగా రూ.1.27 కోట్లు, టవల్స్‌ 80 వేల వరకు ఉత్పత్తి అవుతుండగా రూ.92 లక్షల వ్యాపారం జరుగుతోంది. డోర్‌ మ్యాట్స్‌, కలంకారి, ఇంటర్‌లాక్‌, పట్టుచీరలు తదితర ఉత్పత్తుల ద్వారా మరో రూ.1.31 కోట్ల మేర వ్యాపారం సాగుతోంది. వరంగల్‌లోని కొత్తవాడ, కమలాపూర్‌, శాయంపేట మండలాల్లో బెడ్‌షీట్లు, కార్పెట్ల ఉత్పత్తి అధికంగా ఉండగా.. జనగామ, మహదేవపూర్‌ ప్రాంతాల్లో పట్టుచీరల తయారీకి ప్రాధాన్యం ఉంది. మొత్తంగా సుమారు 7,500 కుటుంబాలు చేనేత రంగంపై ఆధారపడి జీవిస్తున్నాయి. మెగా టెక్స్‌టైల్‌ పార్కుతో కొత్త ఊపు.. చేనేతకు తోడు జిల్లాలో టెక్స్‌టైల్‌ రంగం వేగంగా విస్తరిస్తోంది. మడికొండ, రాంపూర్‌, కాకతీయ మెగా టెక్స్‌టైల్‌ పార్కు పరిధిలో రెడీమేడ్‌ దుస్తుల తయారీకి సంబంధించిన పరిశ్రమలు ఏర్పాటవుతున్నాయి. దక్షిణ కొరియాకు చెందిన యంగ్‌వన్‌న్‌ సంస్థ ఇక్కడ తయారయ్యే కాటన్‌న్‌ టీషర్టులను విదేశాలకు ఎగుమతి చేసే స్థాయిలో కార్యకలాపాలు నిర్వహిస్తోంది. కేరళకు చెందిన కై టెక్స్‌ సంస్థ చిన్నపిల్లల రెడీమేడ్‌ దుస్తుల తయారీ రంగంలో కార్యకలాపాలు సాగిస్తోంది. ఉత్తరప్రదేశ్‌కు చెందిన గణేశ్‌ ఎకోటెక్‌ వంటి సంస్థలు ప్లాస్టిక్‌ వ్యర్థాల నుంచి దారం తయారు చేసే ప్రక్రియలో ఉన్నాయి. దీంతో వరంగల్‌ టెక్స్‌టైల్‌ పరిశ్రమకు ఉత్పత్తి నుంచి ఎగుమతి వరకు ఏటా రూ.వందల కోట్లలో వ్యాపారం జరుగుతోంది. మామిడి, ఇతర పంటలకు అంతర్జాతీయ మార్కెట్‌.. జిల్లాలో 5,964 ఎకరాల్లో మామిడి తోటలున్నాయి. 2025–26 సీజన్‌న్‌లో 1,16,878 క్వింటాళ్ల మామిడి దిగుబడి వచ్చినట్లు గణాంకాలు సూచిస్తున్నాయి. ఇందులో 72.867 క్వింటాళ్ల సరుకును ఢిల్లీ, మధ్యప్రదేశ్‌, బిహార్‌ తదితర ప్రాంతాలకు ఎగుమతి చేశారు. స్థానిక మామిడికి ఇతర రాష్ట్రాల్లో ఇప్పటికే మార్కెట్‌ ఉంది. కోల్డ్‌ స్టోరేజీ, ప్యాకింగ్‌, గ్రేడింగ్‌, రవాణా సదుపాయాలు పెంచితే విదేశీ మార్కెట్లకు కూడా విస్తరించే అవకాశం ఉంది. మొక్కజొన్న 18,966 ఎకరాల్లో సాగవుతుండగా సుమారు 4.82 లక్షల క్వింటాళ్ల దిగుబడి వస్తుందని అంచనా. 69,542 ఎకరాల్లో వరి, 1,20,044 ఎకరాల్లో పత్తి సాగవుతుండగా లక్షల క్వింటాళ్ల దిగుబడి వచ్చే అవకాశం ఉంది. దీంతో వ్యవసాయ ఆధారిత ప్రాసెసింగ్‌, ప్యాకేజింగ్‌, ఎగుమతి పరిశ్రమల విస్తరణతో స్థానికంగా ఉపాధి అవకాశాలు పుష్కలంగా ఉండనున్నాయి. చేనేత, టెక్స్‌టైల్‌, మామిడి, పత్తి, వరి తదితరపంటలకు ప్రాధాన్యం ‘ఎక్స్‌పోర్ట్‌ హబ్‌’కు కేంద్రం ప్రతిపాదనలు రాష్ట్ర ప్రభుత్వం స్పందిస్తే పెరగనున్న ఉపాధి అవకాశాలు, ఆదాయం

సాక్షి ప్రతినిధి, వరంగల్‌: కాంగ్రెస్‌ పార్టీ ఓరుగల్లు రాజకీయాల్లో ఆట మొదలైంది. ఒకవైపు కొండా సురేఖ రాజకీయ భవిష్యత్‌పై చర్చ.. మరోవైపు వరంగల్‌ తూర్పులో అంతర్గత సమీకరణాలపై ఆసక్తి.. వెరసి ‘కొండా’ దంపతులకు ‘అక్కడ సెగ.. ఇక్కడ పొగ..’ అన్నట్టుగా పరిస్థితి మారింది. తాజా పరిణామాల నేపథ్యంలో సురేఖ పార్టీకి, ఎమ్మెల్యే పదవికి రాజీనామా చేస్తారనే ప్రచారానికి ఆమె స్వయంగా తెరదించారు. కాంగ్రెస్‌లోనే కొనసాగుతానని స్పష్టం చేశారు. దీంతో తక్షణ రాజకీయ సంక్షోభంపై కొంత స్పష్టత వచ్చింది. వరంగల్‌ తూర్పుపై ఎమ్మెల్సీ బస్వరాజు సారయ్య, ‘కుడా’ చైర్మన్‌ గుండు సుధారాణి పట్టు బిగిస్తుండడం.. వేగంగా మారుతున్న రాజకీయ పరిణామాల నేపథ్యంలో కొండా దంపతుల వ్యూహం ఏంటన్నది ఆసక్తికరంగా మారింది. ఇదే సమయంలో తూర్పులో కొండా కుటుంబానికి భిన్నంగా వేగమందుకున్న కాంగ్రెస్‌ నేతల కదలికలపై చర్చ మొదలైంది. కాంగ్రెస్‌లోనే.. సురేఖ స్పష్టత పార్టీ మారతారనే ప్రచారం, ఎమ్మెల్యే పదవికి రాజీనామా చేస్తారనే చర్చ మధ్య సురేఖ తన వైఖరిని స్పష్టం చేశారు. ప్రస్తుతానికి కాంగ్రెస్‌లోనే కొనసాగుతానని ప్రకటించారు. దీంతో వెంటనే పార్టీ మార్పు, ఎమ్మెల్యే పదవికి రాజీనామా వంటి అంశాలపై నెలకొన్న ఉత్కంఠకు తెరపడినట్టయింది. ఆమె ఎమ్మెల్యేగా కొనసాగుతూ కాంగ్రెస్‌లోనే తన రాజకీయ ప్రస్థానాన్ని ముందుకు తీసుకెళ్లనున్నారు. మంత్రి పదవి లేకుండా ఎమ్మెల్యేగా కొనసాగుతున్న నేపథ్యంలో.. పార్టీలో తన ప్రాధాన్యాన్ని ఎలా కొనసాగిస్తారు? తన వర్గాన్ని ఎలా సమన్వ యం చేసుకుంటారు? అన్నది కీలకంగా మారింది. పెరుగుతున్న వ్యతిరేక స్వరం.. వరంగల్‌ తూర్పు కాంగ్రెస్‌లో కొండా సురేఖకు భిన్నమైన రాజకీయ వర్గాలు గతంలోనూ ఉన్నాయి. మాజీ మంత్రి బస్వరాజు సారయ్య, మాజీ మేయర్‌ గుండు సుధారాణి వంటి నేతలు వరంగల్‌ తూర్పు రాజకీయాల్లో తమదైన ప్రాధాన్యం కలిగిన నాయకులు. గత రాజకీయ పరిణామాల్లో కొండా కుటుంబంతో వీరికి భిన్నాభిప్రాయాలు కనిపించిన సందర్భాలున్నాయి. తాజాగా శుక్రవా రం మీడియాతో మాట్లాడిన గుండు సుధారాణి.. సీఎం రేవంత్‌ రెడ్డిపై అనుచిత వ్యాఖ్యలు చేస్తే ఊరుకునేది లేదని గట్టిగా హెచ్చరించారు. దమ్ముంటే రాజీనామా చేసి ఇండిపెండెంట్‌ పోటీ చేయాలని, తాను సైతం ఇండిపెండెంట్‌గా బరిలో ఉంటానని బస్వరాజు సారయ్య.. సురేఖకు సవాల్‌ విసిరారు. ఈ పరిస్థితుల్లో వీరి రాజకీయ వైఖరి ఎలా ఉంటుంది? కొండా సురేఖతో పార్టీ అంతర్గతంగా సమన్వయం జరుగుతుందా? లేక కాంగ్రెస్‌లో వేర్వేరు రాజకీయ శక్తులుగా కొనసాగుతారా? అన్నది ఆసక్తికరంగా మారింది. పార్టీ, ఎమ్మెల్యే పదవులకు రాజీనామా చేయబోనని స్పష్టత ‘తూర్పు’ రాజకీయాల్లో వేగంగా పెరిగిన పరిణామాలు కొండా దంపతుల భవిష్యత్‌ వ్యూహం ఏంటి?

విద్యార్థులతో ప్రయోగం చేయిస్తున్న ఉపాధ్యాయుడు రామ సంతోశ్‌ కుమార్‌ విద్యార్థులు తయారు చేసిన కృత్యాధార చిత్రాలతో ఉపాధ్యాయుడు రవి నడక నేర్పే నాన్న.. నడవడిక నేర్పే చదువు.. పలుకు నేర్పే అమ్మ. పలుకుబడినిచ్చే సమాజం. అజ్ఞానంనుంచి అందరూ కీర్తించేలా మార్చే దిక్సూచి.. నాలుగు గోడల నడుమ భవిష్యత్‌ను తీర్చిదిద్దే నిర్మాత.. చాక్‌పీస్‌ ముక్కలతో తలరాతను మార్చే ఆధునిక బ్రహ్మ అన్నీ ఉపాధ్యాయుడే. ఉమ్మడి వరంగల్‌ జిల్లాలో జ్ఞాన తరంగాలను.. విజ్ఞాన భాండాగారాలను తయారు చేస్తున్న వారి సేవలకు సలాం పలుకుతూ నేడు (శనివారం) ఉపాధ్యాయ దినోత్సవం సందర్భంగా ‘సాక్షి’ ప్రత్యేక కథనాలు. కృత్యాధార బోధన.. సామర్థ్యాల సాధనమహబూబాబాద్‌ రూరల్‌: విద్యార్థుల్లో భయాన్ని పోగొట్టి పాఠ్యాంశంలోని విషయాలను అర్థం చేసుకుని సామర్థ్యాలను సాధించేలా విద్యా బోధన చేస్తున్నారు మహబూబాబాద్‌ మండలం కంబాలపల్లి ప్రభుత్వ ప్రాథమిక పాఠశాల ఉపాధ్యాయుడు ఆవునూరి రవి. 14 ఏళ్లుగా ప్రయోగాత్మక కృత్యాధార బోధన చేస్తున్నారు. కృత్యాధార బోధనతో విద్యార్థుల్లో ఆంగ్ల భాషపై ఇష్టం పెంచుతున్నారు. నల్లబెల్లి: వరంగల్‌ జిల్లా నల్లబెల్లి మండలం జెడ్పీఎస్‌ఎస్‌లో స్కూల్‌ అసిస్టెంట్‌గా విధులు నిర్వహిస్తున్న రామ సంతోశ్‌ కుమార్‌ బోధనలో వినూత్న పద్ధతులు అవలంబిస్తున్నారు. పదో తరగతి విద్యార్థులు మెరుగైన ఫలితాలు సాధించాలనే లక్ష్యంతో ఆయన నిత్యం ఉదయం 5 గంటలకే జూమ్‌ తరగతులు నిర్వహిస్తున్నారు. యూట్యూబ్‌ చానల్‌ ప్రారంభించి ఇప్పటి వరకు దాదాపు 50 పాఠ్యంశాల వీడియోలు అప్‌లోడ్‌ చేశారు. రాష్ట్ర స్థాయి ఇన్‌స్పైర్‌, సైన్స్‌ఫేర్‌ గైడ్‌ టీచర్‌గా పాల్గొని విద్యార్థులను ప్రోత్సహించారు. అంతరిక్ష విజ్ఞానంపై విద్యార్థుల్లో ఆసక్తి పెంచేందుకు ఇస్రో శాస్త్రవేత్తలతో అతిథి ఉపన్యాసాలు నిర్వహించారు. ఎన్‌సీఈఆర్టీ నిర్వహించే ఆన్‌లైన్‌ పోర్టల్‌ కోసం ఈ–కంటెంట్‌ రూపొందించి 40కి పైగా వీడియోలు అందించారు. మన టీవీలో ప్రత్యక్ష ప్రసారాల ద్వారా పాఠ్యాంశాలు బోధించారు.ఏటూరునాగారం: ములుగు మండలం జంగాలపల్లి క్రాస్‌కు చెందిన పోతు రాజశేఖర్‌ ఏటూరునాగారం నార్త్‌ ప్రభుత్వ ప్రాథమిక పాఠశాలలో ఎస్‌జీటీ ఉపాధ్యాయుడిగా విధులు నిర్వర్తిస్తున్నారు. ఆయన ఆ పాఠశాలలో చేరినప్పుడు విద్యార్థుల సంఖ్య 90 మాత్రమే. ప్రస్తుతం 170 మందికి చేరింది. దాతల సహకారంతో పాఠశాలలో నూతనంగా కంప్యూటర్‌ ల్యాబ్‌, రేకుల షెడ్డు, ప్రొజెక్టర్‌, టాయిలెట్ల నిర్మాణాలు చేపట్టారు. పాఠశాలలో గ్రంథాలయం ఏర్పాటు చేసి పుస్తక పఠనంపై మక్కువ పెంచుతున్నారు. ఇప్పటికీ ఏ విద్యార్థి బడికి రాకపోయినా ఇంటికి వెళ్లి బండిమీద పాఠశాలకు తీసుకొస్తున్నారు. ఉమ్మడి జిల్లాలో పలువురు ఉపాధ్యాయుల అంకితభావం విద్యార్థుల నమోదు పెంపు.. అకుంఠిత దీక్షతో విధులు బడులను కాపాడుతూ ఆదర్శంగా నిలుస్తున్న టీచర్లు నేడు జాతీయ ఉపాధ్యాయ దినోత్సవం

తాజా పరిణామాల తర్వాత కొండా సురేఖకు మద్దతుగా ఉండే నాయకులు, కార్యకర్తల నుంచి పెద్దగా బహిరంగ ప్రకటనలు కనిపించకపోవడం రాజకీయ వర్గాల్లో చర్చకు దారితీస్తోంది. దీన్ని మొత్తం అనుచరవర్గం మౌనంగా ఉందని చెప్పడం కంటే.. ప్రస్తుత రాజకీయ పరిస్థితుల్లో ఆచితూచి వ్యవహరిస్తున్న వాతావరణంగా చూడాల్సి ఉంటుందన్న వాదన వినిపిస్తోంది. కొండా సురేఖ కాంగ్రెస్‌లోనే కొనసాగుతానని స్పష్టం చేసిన నేపథ్యంలో.. ఆమె అనుచరుల రాజకీయ వైఖరి కూడా పార్టీ నిర్ణయాలకు అనుగుణంగానే ఉండే అవకాశముంది. భవి ష్యత్తులో ఏదైనా కీలక రాజకీయ నిర్ణయం వస్తే.. స్థానికంగా ఆమె వెంట ఎవరెవరు నిలు స్తారన్నది అప్పుడే స్పష్టం కానుంది. కాంగ్రెస్‌లో కొనసాగుతున్న కొండా సురేఖకు ఇప్పుడు ప్రధాన సవాలు పార్టీ బయట కంటే సొంత పార్టీలోనే తన రాజకీయ స్థానాన్ని నిలబెట్టుకోవడమే. కాంగ్రెస్‌లోనే ఉంటూ రాజకీయ బలాన్ని పునర్నిర్మించుకోవడమా? పార్టీలోని విభేదాలను అధిష్టానం దృష్టికి తీసుకెళ్లడమా? తూర్పులో తన కేడర్‌ను మరింత బలోపేతం చేసుకోవడమా? వీటిలో ఏ మార్గాన్ని ఎంచుకుంటారన్నది వారి తదుపరి రాజకీయ చర్యలతోనే స్పష్టం కానుంది.

సాక్షి ప్రతినిధి, వరంగల్‌: కాంగ్రెస్‌ పార్టీ ఓరుగల్లు రాజకీయాల్లో ఆట మొదలైంది. ఒకవైపు కొండా సురేఖ రాజకీయ భవిష్యత్తుపై చర్చ.. మరోవైపు వరంగల్‌ తూర్పులో అంతర్గత సమీకరణాలపై ఆసక్తి.. వెరసి ‘కొండా’ దంపతులకు ‘అక్కడ సెగ.. ఇక్కడ పొగ..’ అన్నట్టుగా పరిస్థితి మారింది. తాజా పరిణామాల నేపథ్యంలో సురేఖ పార్టీకి, ఎమ్మెల్యే పదవికి రాజీనామా చేస్తారనే ప్రచారానికి ఆమె స్వయంగా తెరదించారు. కాంగ్రెస్‌లోనే కొనసాగుతానని స్పష్టం చేశారు. దీంతో తక్షణ రాజకీయ సంక్షోభంపై కొంత స్పష్టత వచ్చింది. వరంగల్‌ తూర్పుపై ఎమ్మెల్సీ బసవరాజు సారయ్య, ‘కుడా’ చైర్మన్‌ గుండు సుధారాణి పట్టు బిగిస్తుండడం.. వేగంగా మారుతున్న రాజకీయ పరిణామాల నేపథ్యంలో కొండా దంపతుల వ్యూహం ఏమిటన్నది ఆసక్తికరంగా మారింది. ఇదే సమయంలో తూర్పులో కొండా కుటుంబానికి భిన్నంగా వేగమందుకున్న కాంగ్రెస్‌ నేతల కదలికలపై చర్చ మొదలైంది. కాంగ్రెస్‌లోనే.. సురేఖ స్పష్టత పార్టీ మారతారనే ప్రచారం, ఎమ్మెల్యే పదవికి రాజీనామా చేస్తారనే చర్చ మధ్య సురేఖ తన వైఖరిని స్పష్టం చేశారు. ప్రస్తుతానికి కాంగ్రెస్‌లోనే కొనసాగుతానని ప్రకటించారు. దీంతో వెంటనే పార్టీ మార్పు, ఎమ్మెల్యే పదవికి రాజీనామా వంటి అంశాలపై నెలకొన్న ఉత్కంఠకు తెరపడినట్లయ్యింది. ఆమె ఎమ్మెల్యేగా కొనసాగుతూ కాంగ్రెస్‌లోనే తన రాజకీయ ప్రస్థానాన్ని ముందుకు తీసుకెళ్లనున్నారు. ఎమ్మెల్యేగా తన వర్గాన్ని ఎలా సమన్వయం చేసుకుంటారు? అన్నది ఇప్పుడు కీలకంగా మారింది. పెరుగుతున్న వ్యతిరేక స్వరం.. వరంగల్‌ తూర్పు కాంగ్రెస్‌లో కొండా సురేఖకు భిన్నమైన రాజకీయ వర్గాలు గతంలోనూ ఉన్నా యి. మాజీ మంత్రి బస్వరాజు సారయ్య, మాజీ మేయర్‌ గుండు సుధారాణి వంటి నేతలు ప్రాధాన్యం కలిగిన నాయకులు. గత రాజకీయ పరిణామాల్లో కొండా కుటుంబంతో వీరికి భిన్నాభిప్రాయాలు కనిపించిన సందర్భాలున్నాయి. తాజాగా శుక్రవారం మీడియాతో మాట్లాడిన గుండు సుధారాణి.. సీఎం రేవంత్‌రెడ్డిపై అనుచిత వ్యాఖ్యలు చేస్తే ఊరుకునేది లేదని గట్టిగానే హెచ్చరించారు. దమ్ముంటే రాజీనామా చేసి ఇండిపెండెంట్‌గా పోటీ చేయాలని, తాను సైతం ఇండిపెండెంట్‌గా బరిలో ఉంటానని బస్వరాజు సారయ్య.. సురేఖకు సవాల్‌ విసిరారు. ఈ పరిస్థితుల్లో వీరి రాజకీయ వైఖరి ఎలా ఉంటుంది? కొండా సురేఖతో పార్టీ అంతర్గతంగా సమన్వయం జరుగుతుందా? లేక కాంగ్రెస్‌లో వేర్వేరు రాజకీయ శక్తులుగా కొనసాగుతారా? అన్నది ఆసక్తికరంగా మారింది. ఒక్కటవుతున్న ‘కొండా’ వ్యతిరేక వర్గీయులు పార్టీ, ఎమ్మెల్యే పదవులకు రాజీనామా చేయబోనని స్పష్టత ‘తూర్పు’ రాజకీయాల్లో వేగంగా మారుతున్న పరిణామాలు కొండా దంపతుల భవిష్యత్‌ వ్యూహం ఏమిటి? ‘కొండా’ అనుచరవర్గంలో మౌనం.. తాజా పరిణామాల తర్వాత కొండా సురేఖకు మద్దతుగా ఉండే నాయకులు, కార్యకర్తల నుంచి పెద్దగా బహిరంగ ప్రకటనలు కనిపించకపోవడం రాజకీయ వర్గాల్లో చర్చకు దారితీస్తోంది. దీనిని మొత్తం అనుచరవర్గం మౌనంగా ఉందని చెప్పడం కంటే.. ప్రస్తుత రాజకీయ పరిస్థితుల్లో ఆచితూచి వ్యవహరిస్తున్న వాతావరణంగా చూడాల్సి ఉంటుందన్న వాదన వినిపిస్తోంది. కొండా సురేఖ కాంగ్రెస్‌లోనే కొనసాగుతానని స్పష్టం చేసిన నేపథ్యంలో.. ఆమె అనుచరుల రాజకీయ వైఖరి కూడా పార్టీ నిర్ణయాలకు అనుగుణంగానే ఉండే అవకాశముంది. భవిష్యత్తులో ఏదైనా కీలక రాజకీయ నిర్ణయం వస్తే.. స్థానికంగా ఆమె వెంట ఎవరెవరు నిలుస్తారన్నది అప్పుడే స్పష్టం కానుంది. దీంతోపాటు కాంగ్రెస్‌లో కొనసాగుతున్న కొండా సురేఖకు ఇప్పుడు ప్రధాన సవాలు పార్టీ బయట కంటే సొంత పార్టీలోనే తన రాజకీయ స్థానాన్ని నిలబెట్టుకోవడమే. కాంగ్రెస్‌లోనే ఉంటూ రాజకీయ బలాన్ని పునర్నిర్మించుకోవడమా? పార్టీలోని విభేదాలను అధిష్టానం దష్టికి తీసుకెళ్లడమా? వరంగల్‌ తూర్పులో తన కేడర్‌ను మరింత బలోపేతం చేసుకోవడమా? వీటిలో ఏ మార్గాన్ని ఎంచుకుంటారన్నది వారి తదుపరి రాజకీయ చర్యలతోనే స్పష్టం కానుంది.

హన్మకొండ: సామాన్య, మధ్యతరగతి ప్రజల జీవితాలతో చెలగాటమాడుతున్న, వారి ఇళ్లను కూల్చేస్తున్నందుకు, ఎన్నికల హామీలు అమలు చేయనందుకు సీఎం రేవంత్‌రెడ్డిని పదవి నుంచి బర్తరఫ్‌ చేయాలని మాజీ ఎమ్మెల్యే దాస్యం వినయ్‌ భాస్కర్‌ అన్నారు. శుక్రవారం హనుమకొండ బాలసముద్రంలోని ఏకశిల పార్కు వద్ద బీఆర్‌ఎస్‌ ఆధ్వర్యంలో మహిళలు, వృద్ధులు, దివ్యాంగులకు ఇచ్చిన హామీలు అమలు చేయనందుకు నిరసనగా ధర్నా, వంటవార్పు కార్యక్రమం నిర్వహించారు. సహపంక్తి భోజనం చేశారు. ఈసందర్భంగా వినయ్‌ భాస్కర్‌ మాట్లాడుతూ.. కాంగ్రెస్‌ ప్రభుత్వం అధికారంలోకి వచ్చి వెయ్యి రోజులు పూర్తయ్యిందని సంబరాలు చేసుకునే ముందు, తెలంగాణ ప్రజలకు ఇచ్చిన హామీలను ఎందుకు అమలు చేయలేదో సీఎం రేవంత్‌రెడ్డి సమాధానం చెప్పాలని డిమాండ్‌ చేశారు. హామీల అమలుకు ప్రజలు రోడ్లపైకి రావాల్సిన పరిస్థితి ఎందుకు వచ్చిందో ప్రభుత్వం సమాధానం చెప్పాలని డిమాండ్‌ చేశారు. కార్యక్రమంలో బీఆర్‌ఎస్‌ నాయకులు మర్రి యాదవరెడ్డి, జోరిక రమేశ్‌, పోలెపల్లి రామ్మూర్తి, నయీముద్దీన్‌, రంగారెడ్డి, మహిళలు, వృద్ధులు, దివ్యాంగులు పాల్గొన్నారు. ప్రజల కన్నీళ్లపై కాంగ్రెస్‌ సంబరాలా? మాజీ ఎమ్మెల్యే దాస్యం వినయ్‌ భాస్కర్‌

● వంటావార్పులో ఎమ్మెల్యే పాడి కౌశిక్‌రెడ్డి కమలాపూర్‌: కాంగ్రెస్‌ ప్రభుత్వ ఆరు గ్యారంటీలు, 420 హామీలు ఏమయ్యాయని హుజూరాబాద్‌ ఎమ్మెల్యే పాడి కౌశిక్‌రెడ్డి రాష్ట్ర ప్రభుత్వాన్ని ప్రశ్నించారు. వెయ్యి రోజుల కాంగ్రెస్‌ పాలన వైఫల్యాలపై బీఆర్‌ఎస్‌ చేపట్టిన పోరుబాటలో భాగంగా శుక్రవారం కమలాపూర్‌లో నిర్వహించిన వంటావార్పు కార్యక్రమానికి కౌశిక్‌రెడ్డి ముఖ్య అతిథిగా హాజరయ్యారు. అంబేడ్కర్‌ విగ్రహానికి పూలమాల వేసిన అనంతరం బస్టాండ్‌ కూడలి వరకు బీఆర్‌ఎస్‌ శ్రేణులతో కలిసి భారీ ర్యాలీ నిర్వహించారు. బస్టాండ్‌ కూడలి వద్ద రోడ్డుపై బైఠాయించి కాంగ్రెస్‌ పార్టీ ఎన్నికల మేనిఫెస్టోలో ఇచ్చిన హామీలను ప్రస్తావిస్తూ బాకీ కార్డులు ప్రదర్శిస్తూ ధర్నా నిర్వహించారు. స్థానిక బస్టాండ్‌ ఆవరణలో వంటావార్పు కార్యక్రమాన్ని ప్రారంభించి భోజనాలు వడ్డించారు. అనంతరం ఎమ్మెల్యే కౌశిక్‌రెడ్డి మీడియాతో మాట్లాడుతూ.. కమలాపూర్‌లో రూ.1.75 కోట్లతో కేసీఆర్‌ బస్టాండ్‌ పనులు ప్రారంభిస్తే మరో రూ.కోటి కేటాయించి నిర్మాణం పూర్తి చేయాలని అసెంబ్లీ సాక్షిగా తాను ఎన్నోసార్లు కొట్లాడినా ఇప్పటి వరకు పట్టించుకోని వారికి కేసీఆర్‌ను విమర్శించే స్థాయి లేదన్నారు. కేసీఆర్‌పై నోటికొచ్చినట్లు మాట్లాడితే తాట తీస్తాం.. కేసీఆర్‌పై మాట్లాడే నైతిక హక్కు సీఎం రేవంత్‌రెడ్డి, మంత్రి పొంగులేటికి లేదని, కేసీఆర్‌, కేటీఆర్‌ హరీశ్‌రావుపై నోటికొచ్చినట్లు మాట్లాడితే తాట తీస్తామని కౌశిక్‌ రెడ్డి హెచ్చరించారు. రూ.20 కోట్లతో కమలాపూర్‌, గూడూరు, మర్రిపల్లిగూడెం గ్రామాల్లో కేసీఆర్‌ కట్టించిన డబుల్‌ బెడ్రూం ఇళ్లను మంత్రి పొంగులేటి శ్రీనివాస్‌రెడ్డి ప్రారంభించి వారం రోజుల్లో లబ్ధిదారులను డబుల్‌ ఇళ్లల్లోకి పంపిస్తామన్నారని, ఇన్ఫ్రాస్టక్చర్‌ కోసం రూ.4.92 కోట్లు మంజూరు చేసినప్పటికి ఇప్పటికి టెండర్‌ వేయకుండా దాట వేస్తున్న చేతగాని దద్దమ్మ పొంగులేటి అని ఎద్దేవా చేశారు. మీరు ఎక్కడకు చర్చకు వస్తారో రావాలని, కేసీఆర్‌ చేసిన అభివృద్ధి కంటే ఒక్క రంగంలో మీరు ఎక్కువ చేసిన అభివృద్ధిని చూపిస్తే తన ఎమ్మెల్యే పదవికి రాజీనామా చేసి ముక్కు భూమికి రాకి క్షమాపణ చెప్తానని, లేకుంటే మీరు క్షమాపణ చెబుతారా? అని సవాల్‌ విసిరారు. కార్యక్రమాల్లో పీఏసీఎఎస్‌ చైర్మన్‌ సంపత్‌రావు, వైస్‌ చైర్మన్‌ ఇంద్రసేనారెడ్డి, సర్పంచుల ఫోరం మండల అధ్యక్షడు రాజేశ్‌, నాయకులు లక్ష్మణ్‌రావు, నవీన్‌కుమార్‌, శ్రీనివాస్‌, కృష్ణప్రసాద్‌, రమేశ్‌, పలు గ్రామాల సర్పంచులు, మాజీ సర్పంచులు, మాజీ ఎంపీటీసీలు, బీఆర్‌ఎస్‌ నాయకులు, కార్యకర్తలు పాల్గొన్నారు.

హన్మకొండ చౌరస్తా: పదేళ్లలో చేయని అభివృద్ధిని రెండున్నరేళ్లలో చేసి చూపించామని పశ్చిమ ఎమ్మెల్యే నాయిని రాజేందర్‌రెడ్డి అన్నారు. రాష్ట్ర ప్రభుత్వం వెయ్యి రోజుల పాలన పూర్తి చేసుకున్న సందర్భంగా గురువారం హనుమకొండలోని డీసీసీ భవన్‌లో సంబురాలు జరుపుకున్నారు. డీసీసీ భవన్‌ నుంచి అశోకా జంక్షన్‌ వరకు ప్రదర్శనగా వచ్చిన కాంగ్రెస్‌ శ్రేణులు బాణసంచా కాల్చి, స్వీట్లు తినిపించుకున్నారు. ఎమ్మెల్యే రాజేందర్‌రెడ్డి మాట్లాడుతూ.. గత పాలనకు, ప్రస్తుత కాంగ్రెస్‌ పాలనకు ఉన్న వ్యత్యాసాన్ని ప్రజలు గమనిస్తున్నారన్నారు. డీసీసీ అధ్యక్షుడు ఇనగాల వెంకట్రాంరెడ్డి, టీపీసీసీ సభ్యుడు బత్తిని శ్రీనివాసరావు, మాజీ కార్పొరేటర్లు, డివిజన్‌ అధ్యక్షులు, శ్రేణులు పాల్గొన్నారు.

● ఎమ్మెల్యే రేవూరి ప్రకాశ్‌రెడ్డి ● కాంగ్రెస్‌ వెయ్యి రోజుల పాలనపై భారీ ర్యాలీ పరకాల: జిల్లాల పునర్విభజన సమయంలో విదేశాల్లో దాక్కుని పరకాలకు తీరని అన్యాయం చేసిన ద్రోహి మాజీ ఎమ్మెల్యే చల్లా ధర్మారెడ్డి అని పరకాల ఎమ్మెల్యే రేవూరి ప్రకాశ్‌రెడ్డి అన్నారు. వ్యాపారవేత్తగా పనికి వస్తాడే తప్ప.. ప్రజాప్రతినిధిగా పనికిరాడని మండిపడ్డారు. కాంగ్రెస్‌ ప్రభుత్వం 1,000 రోజులు పూర్తి చేసుకున్న సందర్భంగా టీపీసీసీ ఆదేశాల మేరకు పరకాలలోని ఎమ్మెల్యే క్యాంపు కార్యాలయం నుంచి అంబేడ్కర్‌ విగ్రహం వరకు భారీ ర్యాలీ నిర్వహించారు. ఈసందర్భంగా ఆయన మాట్లాడుతూ ప్రజల ఆశీర్వాదంతో కాంగ్రెస్‌ ప్రభుత్వానికి 1,000 రోజుల విజయపథంతో ముందుకు వెళ్తుంటే.. ప్రతిపక్షాలు జీర్ణించుకోలేక తప్పుడు ప్రచారాలు చేస్తున్నాయన్నారు. తెలంగాణ సెంటిమెంట్‌తో అధికారంలోకి వచ్చిన బీఆర్‌ఎస్‌ ధనిక రాష్ట్రాన్ని అప్పుల కుప్పగా మార్చిందన్నారు. తక్కువ ధరలకు పేదల భూములు కొని ప్రభుత్వ సొమ్మతో రోడ్డు వేసి ఎక్కువ ధరకు అ మ్ముకున్న చరిత్ర ధర్మారెడ్డిదని అన్నారు. కార్యక్రమ ంలో పరకాల మున్సిపల్‌ చైర్మన్‌ పావుశెట్టి సునీల్‌కుమార్‌, వైస్‌ చైర్మన్‌ ఏకు దివ్య, వ్యవసాయ మార్కెట్‌ చైర్మన్‌ చందుపట్ల రాజిరెడ్డి, కాంగ్రెస్‌ పార్టీ పట్టణ, మండల అధ్యక్షుడు బొచ్చు శ్రవణ్‌, చందు, కాంగ్రెస్‌ కౌన్సిలర్లు, మండల నాయకులు పాల్గొన్నారు.

● స్టేషన్‌ ఘన్‌పూర్‌ ఎమ్మెల్యే కడియం శ్రీహరి ధర్మసాగర్‌: ప్రభుత్వ పాఠశాలల విద్యార్థులకు పౌష్టికాహారం, నాణ్యమైన విద్యనందించడమే రాష్ట్ర ప్రభుత్వ లక్ష్యమని స్టేషన్‌ ఘన్‌పూర్‌ ఎమ్మెల్యే కడియం శ్రీహరి అన్నారు. గురువారం ధర్మసాగర్‌ మండలం కాషాగూడెం ప్రాథమిక పాఠశాలలో కలెక్టర్‌ చాహత్‌ బాజ్‌పాయ్‌తో కలిసి ఆయన సీఎం బ్రేక్‌ ఫాస్ట్‌ పథకాన్ని ఘనంగా ప్రారంభించారు. ఈసందర్భంగా ఎమ్మెల్యే, కలెక్టర్‌ విద్యార్థులకు స్వయంగా అల్పాహారం వడ్డించి, చిన్నారుల మధ్య కూర్చొని బ్రేక్‌ ఫాస్ట్‌ చేశారు. అనంతరం రూ.12 లక్షల వ్యయంతో నిర్మించనున్న అంగన్‌వాడీ భవన నిర్మాణానికి శంకుస్థాపన చేశారు. ఈసందర్భంగా ఎమ్మెల్యే కడియం శ్రీహరి మాట్లాడుతూ.. కాషాగూడెం ప్రాథమిక పాఠశాలను అప్పర్‌ ప్రైమరీ పాఠశాలగా అప్‌గ్రేడ్‌ చేసేందుకు కృషి చేస్తానన్నారు. కాగా, కాషాగూడెం గ్రామాన్ని కాసీం నగర్‌గా మార్చాలని, కొత్త పంచాయతీ భవనం, సీసీ రోడ్ల కోసం రూ.20 లక్షలు కేటాయించాలని కలెక్టర్‌ను స్థానికులు కోరారు. కలెక్టర్‌ చాహత్‌ బాజ్‌పాయ్‌ మాట్లాడుతూ.. హరేకృష్ణ సంస్థ భాగస్వామ్యంతో రోజుకో మెనూతో తాజా అల్పాహారాన్ని విద్యార్థులకు అందిస్తున్నామన్నారు. కార్యక్రమంలో గ్రామ సర్పంచ్‌ సయ్యద్‌ సత్తార్‌, డీఈఓ గిరిరాజ్‌ గౌడ్‌, తహసీల్దార్‌ భావ్‌సింగ్‌, ఎంపీడీఓ అనిల్‌ కుమార్‌, ఎంఈఓ శ్రీదేవి, పాఠశాల హెచ్‌ఎం యాస్మిన్‌ జహాన్‌, ఉపాధ్యాయులు, స్థానిక నాయకులు పాల్గొన్నారు.

సాక్షిప్రతినిధి, వరంగల్‌ : పదవులు రావడం.. పోవడం రాజకీయాల్లో సహజమే. కానీ కొందరిని మాత్రం అదృష్టం వెంటాడుతూనే ఉంటుంది. వరంగల్‌ రాజకీయాల్లో గుండు సుధారాణి పరిస్థితి ఇందుకు తాజా ఉదాహరణగా నిలుస్తోంది. ఇటీవల గ్రేటర్‌ వరంగల్‌ మేయర్‌ పదవినుంచి మాజీ అయిన ఆమెకు.. కొద్ది రోజుల వ్యవధిలోనే మరో కీలక పదవి దక్కింది. సామాజిక సమీకరణల్లో భాగంగా ‘కుడా’ (కాకతీయ అర్బన్‌ డెవలప్‌మెంట్‌ అథారిటీ) చైర్మన్‌ పదవి ఆమెను వరించింది. టీడీపీలో రాజ్యసభ సభ్యురాలిగా, బీఆర్‌ఎస్‌ హయాంలో మేయర్‌గా ఎన్నికై ప్రభుత్వం ఏర్పాటు తర్వాత కాంగ్రెస్‌ పార్టీలో చేరిన ఇప్పుడు ‘కుడా’ చైర్‌పర్సన్‌ పదవి వరించింది. కాగా, ప్రస్తుతం ఈ పదవిలో హనుమకొండ డీసీసీ అధ్యక్షుడు ఇనగాల వెంకట్రాంరెడ్డి కొనసాగుతున్నారు. ఆయనను తప్పించి సుధారాణికి బాధ్యతలు అప్పగించారు. సురేఖ బర్తరఫ్‌.. సమీకరణాల్లో మార్పు కొండా సురేఖను రాష్ట్ర మంత్రివర్గంనుంచి తప్పించడంతో ఉమ్మడి వరంగల్‌ రాజకీయాల్లో సామాజిక, ప్రాంతీయ సమీకరణలపై చర్చ మొదలైంది. ఈ నేపథ్యంలో ఇప్పటికే పద్మశాలి సామాజికవర్గానికి చెందిన గుండు సుధారాణికి కుడా చైర్మన్‌ పదవి ఇవ్వడం ద్వారా ఆ వర్గానికి రాజకీయ ప్రాధాన్యం కొనసాగించాలనే ఉద్దేశంతో ప్రభుత్వం నిర్ణయం తీసుకున్నట్లు రాజకీయ వర్గాల్లో చర్చ జరుగుతోంది. కాగా, ఉమ్మడి వరంగల్‌ రాజకీయాల్లో కీలకంగా ఉన్న గుండు సుధారాణికి రాజకీయంగా కీలక పదవులు కొత్తేమీ కాదు. గ్రేటర్‌ వరంగల్‌ మేయర్‌గా పనిచేసిన ఆమె.. ఇటీవల మేయర్‌ పదవీకాలం ముగియడంతో ఆ పదవికి వీడ్కోలు పలికారు. దీంతో ఇక ఆమె రాజకీయ భవిష్యత్‌ ఏమిటన్న చర్చ జరుగుతున్న సమయంలోనే మరో కీలక బాధ్యత దక్కడం విశేషం. వరంగల్‌ రాజకీయాల్లో గుండు సుధారాణికి ‘ఒక పదవి పోతే.. మరో పదవి వెతుక్కుంటూ వచ్చిన’ పరిస్థితి ఏర్పడింది. అందుకే ప్రస్తుతం వరంగల్‌ రాజకీయ వర్గాల్లో ఆమెకు ‘అదృష్టం మరోసారి వరించింది’ అన్న చర్చ సాగుతోంది. ఇంటివద్ద సంబురాలు వరంగల్‌ చౌరస్తా : కుడా చైర్‌పర్సన్‌గా గుండు సుధారాణి నియామకం పట్ల ఆ పార్టీ నాయకులు, కార్యకర్తలు పెద్ద ఎత్తున సంబురాలు జరుపుకున్నారు. గురువారం సాయంత్రం రామన్నపేటలోని సుధారాణి ఇంటి ఎదుట బాణసంచా పేల్చి, స్వీట్లు పంపిణీ చేసుకున్నారు. గుండు సుధారాణికి మరో కీలక పదవి.. ‘కుడా’ చైర్‌పర్సన్‌గా నియామకం సురేఖ బర్తరఫ్‌తో మారిన సామాజిక సమీకరణలు పద్మశాలి వర్గానికి మళ్లీ ప్రాధాన్యం.. సీఎం రేవంత్‌రెడ్డికి కృతజ్ఞతలు.. కాకతీయ అర్బన్‌ డెవలప్‌మెంట్‌ అథారిటీ (కుడా) చైర్‌పర్సన్‌గా పదవి ఇచ్చి నాపై సీఎం రేవంత్‌రెడ్డి ఉంచిన నమ్మకాన్ని నిలబెడతా. ఆయనకు కృతజ్ఞతలు. బీసీల అభ్యున్నతి, మహిళా సాధికారతకు కృషి చేస్తా. నా నియామకానికి సహకరించిన ఉమ్మడి జిల్లా ఇన్‌చార్జ్‌ మంత్రి పొంగులేటి శ్రీనివాస్‌రెడ్డి, మంత్రులు సీతక్క, పొన్నం ప్రభాకర్‌, రాజ్యసభ సభ్యుడు వేం నరేందర్‌ రెడ్డి, ఎమ్మెల్సీ బస్వరాజు సారయ్య, ఏఐసీసీ, టీపీసీసీ నేతలు, ఎంపీలు, ఎమ్మెల్యేలు, డీసీసీ అధ్యక్షులకు ప్రత్యేక ధన్యవాదాలు. – గుండు సుధారాణి

హనుమకొండ జిల్లా ఎన్నికల అధికారి, కలెక్టర్‌ చాహత్‌ బాజ్‌పాయ్‌ హన్మకొండ అర్బన్‌: నోటీసులు జారీ అయిన ఓటర్లతో విచారణ అనంతరం ధ్రువపత్రాల పరిశీలన ప్రక్రియను వేగవంతం చేయాలని హనుమకొండ జిల్లా ఎన్నికల అధికారి, కలెక్టర్‌ చాహత్‌ బాజ్‌పాయ్‌ ఆదేశించారు. జిల్లాలోని పరకాల, వరంగల్‌ పశ్చిమ నియోజకవర్గాల్లో ఎస్‌ఐఆర్‌ ప్రక్రియపై గురువారం కలెక్టరేట్‌లో ఈఆర్‌ఓలు, ఆర్డీఓలు, ఏఈఆర్‌ఓలు, తహసీల్దార్లు, నాయబ్‌ తహసీల్దార్లు, ఎంపీడీఓలు, ఇతర అధికారులతో కలెక్టర్‌ సమీక్ష నిర్వహించారు. నో మ్యాపింగ్‌, అనామలీస్‌ జాబితాలోని ఓటర్లకు నోటీసుల జారీ, విచారణ కేంద్రాల ద్వారా ధ్రువపత్రాల స్వీకరణ, వాటిని డీఈఓ/కలెక్టర్‌ లాగిన్‌కు పంపే అంశాలపై సమీక్షించారు. సమావేశంలో అదనపు కలెక్టర్‌ ఎన్‌.రవి, ట్రెయినీ స్పెషల్‌ డిప్యూటీ కలెక్టర్‌ రోహిత్‌ నేత, హనుమకొండ, పరకాల ఆర్డీఓలు వెంకటేశ్‌, డీఎస్‌.వెంకన్న, కాజీపేట డిప్యూటీ కమిషనర్‌ బిర్రు శ్రీనివాస్‌, ఎన్నికల విభాగం సూపరింటెండెంట్‌ జగత్‌సింగ్‌, ఏఈఆర్‌ఓలు తదితరులు పాల్గొన్నారు. భూసేకరణ వేగవంతం చేయాలి.. జాతీయ రహదారుల నిర్మాణానికి అవసరమైన భూసేకరణ ప్రక్రియను వేగవంతం చేయాలని హనుమకొండ కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. పెండింగ్‌ భూసేకరణ కేసులను సంబంధిత రైతులతో మాట్లాడి త్వరగా పరిష్కరించాలని సూచించారు. పరకాల డివిజన్‌లో జాతీయ రహదారులకు సంబంధించి చేపట్టాల్సిన భూసేకరణపై కలెక్టర్‌ చాహత్‌ బాజ్‌పాయ్‌ గురువారం కలెక్టరేట్‌లో ఆర్డీఓలు, తహసీల్దార్లతో సమీక్ష నిర్వహించారు. సమావేశంలో పరకాల ఆర్డీఓ వెంకన్న, భూసేకరణ విభాగం సూపరింటెండెంట్‌ జగత్‌సింగ్‌, పరకాల డివిజన్‌ తహసీల్దార్లు పాల్గొన్నారు. త్వరగా పూర్తి చేయండి: బల్దియా కమిషనర్‌ టి.వెంకన్న వరంగల్‌ అర్బన్‌: ‘భద్రకాళి బండ్‌ అభివృద్ధి ప నులు ఇంకా ఎన్నేళ్లు చే స్తారు’ అని గ్రేటర్‌ వరంగల్‌ కమిషనర్‌ టి.వెంకన్న అధికారులపై ఆగ్రహం వ్యక్తం చేశారు. వరంగల్‌ నగరంలోని భద్రకాళి బండ్‌పై కొనసాగుతున్న అభివృద్ధి పనులను గురువారం ఆయన బల్దియా ఇంజనీరింగ్‌, ‘కుడా’ అధికారులతో కలిసి బండ్‌పై కొనసాగుతున్న పనులు తనిఖీ చేశారు. బండ్‌పై నిర్మిస్తున్న టాయిలెట్లు, పరిసరాల సుందరీకరణ పనులు త్వరితగతిన పూర్తి చేయాలని ఆదేశించారు. తనీఖీల్లో ‘కుడా’ సీపీఓ అజిత్‌రెడ్డి, బల్దియా ఎస్‌ఈ రాజ్‌కుమార్‌, ఈఈ రవికుమార్‌ పాల్గొన్నారు.

సాక్షి ప్రతినిధి, వరంగల్‌: మంత్రి పదవినుంచి బర్తరఫ్‌తో సుమారు 18 రోజుల కొండా సురేఖ ఎపిసోడ్‌కు గురువారం ఎండ్‌ కార్డు పడింది. పరకాల వేదికగా మొదలైన రాజకీయ వివాదం.. రాష్ట్ర రాజధాని హైదరాబాద్‌ను దాటి ఢిల్లీకి చేరింది. అక్కడ కాంగ్రెస్‌ అధిష్టానం స్థాయిలో జరిగిన చర్చలు.. మంత్రివర్గం నుంచి బయటకు పంపే స్థాయికి చేరాయి. కూతురు కొండా సుస్మిత చేసిన వ్యాఖ్యలతో మొదలైన ఈ వివాదం.. ఆ తర్వాత వరుస ఫిర్యాదులు, ఎమ్మెల్యేల నివేదికలు, క్రమశిక్షణ కమిటీ రిపోర్ట్‌, ఆమె మాజీ ఓఎస్డీ సుమంత్‌ వ్యవహారం.. హైకమాండ్‌ను ఆగ్రహానికి గురి చేశాయి. చివరకు సురేఖను కేబినెట్‌ నుంచి తప్పించారు. ఆగస్టు 16 తర్వాత మొదలైన పరిణామాలు గురువారం నాటి కొండా సురేఖ బర్తరఫ్‌ వరకు జరిగిన తంతు ఉమ్మడి వరంగల్‌ కాంగ్రెస్‌ వర్గాల్లో హాట్‌ టాపిక్‌గా మారింది. కూతురు మాటలనుంచి కేబినెట్‌ వేటు దాకా.. ఆగస్టు 16న సీఎం రేవంత్‌రెడ్డి పరకాల పర్యటన తర్వాత చోటుచేసుకున్న పలు ఘటనలు కొండా సురేఖ రాజకీయ ప్రస్థానంలో మరో కీలక మలుపునకు నాంది పలికాయి. సురేఖ జన్మదినం సందర్భంగా ఆగస్టు 19న ఆమె కుమార్తె సుస్మిత.. ముఖ్యమంత్రి రేవంత్‌రెడ్డి, మంత్రి పొంగులేటిని ఉద్దేశించి సుస్మిత చేసిన వ్యాఖ్యలు కాంగ్రెస్‌లో తీవ్ర అసంతృప్తికి కారణమయ్యాయి. అధిష్టానం సీరియస్‌గా తీసుకుంది. తన కుమార్తె చేసిన వ్యాఖ్యలకు తాను బాధ్యురాలిని కాదని, వాటితో తనకు సంబంధం లేదని ఆమె స్పష్టం చేసినా ప్రయోజనం లేకుండా పోయింది. పార్టీ వర్గాల్లో మాత్రం సురేఖ వైఖరిపై భిన్నాభిప్రాయాలు వ్యక్తమయ్యాయి. సురేఖపై ఈ ఒక్క అంశమే కాకుండా.. మరికొన్నింటితో కూడిన ఫిర్యాదుల ఫైల్‌ అధిష్టానం ముందుకు వెళ్లినట్లు ప్రచారం. కూతురు చేసిన వ్యాఖ్యల వివాదంపై రంగంలోకి దిగిన టీపీసీసీ క్రమశిక్షణ కమిటీ సైతం సురేఖపై చర్యలు తీసుకోవాలని సిఫారసు చేయడం ఈ వ్యవహారంలో కీలక మలుపుగా మారింది. ఇదే సమయంలో సురేఖ మాజీ ఓఎస్డీ సుమంత్‌పై నమోదైన కేసు, అందులో వెలుగులోకి వచ్చిన ఆరోపణలు అధిష్టానం దృష్టికి వెళ్లినట్లు చెబుతున్నారు. వీటన్నింటిపై సుదీర్ఘంగా చర్చించిన తర్వాత సురేఖ స్వచ్ఛందంగా తప్పుకునే పరిస్థితి లేదని భావించి బర్తరఫ్‌ నిర్ణయం తీసుకున్నట్లు ప్రకటించడం గమనార్హం. ఇప్పటికై తే ఇంతే.. ఎమ్మెల్యేగా సురేఖ మంత్రి పదవి పోయినా.. సురేఖ రాజకీయ ప్రస్థానం ముగి సినట్లు కాదు. ఇప్పటికే ఈ విషయమై మీడియా సమావేశంలో క్లారిటీ ఇచ్చారు. తానేమీ తప్పు చేయలేదని, పదవిపోతే బాధ పడాల్సిన అవసరం లేదన్న ఆమె.. వరంగల్‌ తూర్పు నియోజకవర్గ ప్రజల కోసం ఎమ్మెల్యేగా కొనసాగుతానన్నా రు. కేబినెట్‌ నుంచి బర్తరఫ్‌ అయినప్పటికీ సోనియా, రాహు ల్‌, ప్రియాంకా గాంధీలంటే ఇష్టమన్న ఆమె.. ఎమ్మెల్యేగా తన తదుపరి అడుగులు ఎలా ఉంటాయన్నది ఇప్పుడే చెప్పలేమనడం ఆసక్తికరంగా మారాయి. ఉమ్మడి వరంగల్‌ కాంగ్రెస్‌ రాజకీయాలపై ఈ పరిణామాలు భవిష్యత్‌లో ఎలాంటి ప్రభావం చూపుతాయన్న చర్చ పార్టీ శ్రేణుల్లో జరుగుతోంది. హనుమకొండ రాంనగర్‌లో నిర్మానుష్యంగా ఉన్న తాజా మాజీ మంత్రి కొండా సురేఖ నివాసం ‘పరకాల’నుంచి మొదలైన మాటల దాడి.. ఎమ్మెల్యేల నివేదికలతో ముదిరిన పంచాయితీ క్రమశిక్షణ కమిటీ సిఫారసుతో కీలక మలుపు ఉత్కంఠ రేపిన ఢిల్లీ మంతనాలు.. చివరకు కేబినెట్‌నుంచి వేటు 18రోజులపాటు ఉమ్మడి జిల్లా కాంగ్రెస్‌లో రాజకీయ ప్రకంపనలు

సాక్షి, వరంగల్‌: గ్రేటర్‌ వరంగల్‌ మున్సిపల్‌ కార్పొరేషన్‌ ఎన్నికలు ముందుండడంతో కాంగ్రెస్‌లో రగిలిన అసంతృప్తి జ్వాలలు ఆ పార్టీని పుట్టి ముంచుతాయోనన్న ఆందోళన వ్యక్తమవుతోంది. సురేఖను మంత్రి పదవినుంచి బర్తరఫ్‌ చేయడంతో ఏకంగా ముఖ్యమంత్రి రేవంత్‌ రెడ్డిని లక్ష్యంగా చేసుకొని విమర్శలు చేసిన కొండా సురేఖ ఎమ్మెల్యేగా ప్రాతినిఽథ్యం వహిస్తున్న వరంగల్‌ తూర్పు నియోజకవర్గం గ్రేటర్‌ వరంగల్‌ మున్సిపల్‌ కార్పొరేషన్‌ పరిధిలో ఉండడం పొలిటికల్‌ హీట్‌ పుట్టిస్తోంది. ఇప్పటికే బీఆర్‌ఎస్‌నుంచి కాంగ్రెస్‌ పార్టీలో చేరి కొద్ది నెలల క్రితం వరకు బల్దియా మేయర్‌గా పనిచేసిన గుండు సుధారాణికి కాకతీయ అర్బన్‌ డెవలప్‌మెంట్‌ అథారిటీ (కుడా) చైర్‌పర్సన్‌గా రాష్ట్ర ప్రభుత్వం నియమించడం రాజకీయ వ్యూహంలో భాగంగానే కనిపిస్తున్నా ఆమె ప్రభావం బల్దియా ఎన్నికల్లో ఏమేరకు ఉంటుందనేది అంచనా వేయడం కష్టమే. గతంలో బీఆర్‌ఎస్‌ పార్టీలో ఉన్న సమయంలో అప్పటి వరంగల్‌ తూర్పు ఎమ్మెల్యే నన్నపునేని నరేందర్‌తో విభేదాలు తారస్థాయిలో ఉండడంతో అప్పుడు కార్పొరేటర్లు ఆమెకు పెద్దగా సహకరించిన దాఖలాలు లేవనే చర్చ కూడా ఉంది. ఇంకో వైపు బీఆర్‌ఎస్‌నుంచి కాంగ్రెస్‌లో చేరిన ఎమ్మెల్సీ సారయ్య, కాంగ్రెస్‌ పార్టీ విధేయురాలిగా ఉంటూ వస్తున్న ఎర్రబెల్లి స్వర్ణ కూడా కొండాను వ్యతిరేకిస్తూ వస్తున్నా క్షేత్రస్థాయిలో వీరు ఎంతవరకు బల్దియా ఎన్నికల్లో పార్టీని గాడినపెడతారోనన్నది కూడా ఆసక్తికరంగా మారింది. ఏ రకంగా చూసుకున్న ఫైర్‌బ్రాండ్‌గా పేరున్న కొండా సురేఖ ఇప్పటికే గత పంచాయతీ ఎన్నికల్లో గీసుకొండ మండలం నుంచి ఏడుగురు తమ వర్గీయులను గెలిపించుకున్నారు. వీరు కాంగ్రెస్‌ పార్టీలోనే ఉంటే మాత్రం కొండా వర్గీయులను కార్పొరేటర్లుగా బరిలోకి దింపి హస్తం పార్టీని ఇబ్బంది పెట్టే అవకాశాలు లేకపోలేదన్న చర్చ రాజకీయవర్గాల్లో జరుగుతోంది. ఇలా ఒకే పార్టీ లో వేర్వేరు రాజకీయాలతో బల్దియా ఎన్నికలు కొండంత ఆందోళన కలిగిస్తున్నాయి. కొండా వర్గం బరిలో ఉంటుందనే ప్రచారం కాంగ్రెస్‌ పార్టీ అధికారంలోకి వచ్చినప్పటినుంచి కొండా దంపతులు తమ వర్గీయులకు డివిజన్లలో ప్రాధాన్యమిస్తూ వస్తున్నారు. బస్వరాజు సారయ్య, గుండు సుధారాణి, ఎర్రబెల్లి స్వర్ణ అసంతృప్తి వ్యక్తం చేసినా అవేమీ పట్టించుకోకుండా బల్దియా ఎన్నికల కోసం ఇప్పటికే ఓ బృందాన్ని రెడీ చేశారనే చర్చ జరుగుతోంది. తాజా రాజకీయ పరిణామాల నేపథ్యంలో కొండా అడుగులు ఎటువైపు ఉంటాయోనన్న చర్చ జోరుగా సాగుతోంది. కాంగ్రెస్‌ పార్టీలోనే ఉంటూ తమ సొంత ఎజెండాను అమలు చేస్తారా? లేదా ఇతరత్రా రాజకీయ నిర్ణయాలు తీసుకొని ముందుకు వెళ్తారా అన్నది వేచి చూడాలి. కాంగ్రెస్‌ పార్టీలో పుట్టిన ఈ కల్లోలాన్ని గ్రేటర్‌ ఎన్నికల్లో తమకు అనుకూలంగా మలచుకోవాలని అటు బీఆర్‌ఎస్‌, ఇటు బీజేపీ భావిస్తుండడం పొలిటికల్‌ హీట్‌ను పెంచుతున్నాయి. తూర్పులో పోలీసుల భారీ బందోబస్తువరంగల్‌ చౌరస్తా : కొండా సురేఖ బర్తరఫ్‌ నేపథ్యంలో వరంగల్‌ పరిధి పోచమ్మమైదాన్‌, వరంగల్‌ చౌరస్తా, హెడ్‌ పోస్టాఫీస్‌, ఆర్టీసీ బస్‌ స్టేషన్‌, వెంకట్రామా జంక్షన్‌, లేబర్‌ కాలనీ, కాశిబుగ్గ తదితర ప్రాంతాల్లో మట్టెవాడ, ఇంతేజార్‌గంజ్‌ స్టేషన్ల పో లీసులు గురువారం సాయంత్రం భారీ బందోబస్తు నిర్వహించారు. ఎలాంటి అవాంఛనీయ ఘటనలు చోటుచేసుకోకుండా ముందస్తు చర్యలు చేపట్టారు. కార్పొరేషన్‌ ఎన్నికల ప్రభావంపై చర్చ మంత్రిగా సురేఖ బర్తరఫ్‌తో మారిన లెక్కలు వరంగల్‌ తూర్పు నియోజకవర్గంలో అలజడి అందుకే కుడా చైర్‌పర్సన్‌గా గుండు సుధారాణికి చాన్స్‌ కొండా, కాంగ్రెస్‌ వర్గాలుగా పోటీ ఉంటుందనే చర్చ

● స్మార్ట్‌ రేషన్‌కార్డుల పంపిణీలో వర్ధన్నపేట ఎమ్మెల్యే కేఆర్‌ నాగరాజు వర్ధన్నపేట: కాంగ్రెస్‌ ప్రభుత్వం పారదర్శకంగా సంక్షేమ పథకాలను అమలుచేస్తోందని వర్ధన్నపేట ఎమ్మెల్యే కేఆర్‌ నాగరాజు అన్నారు. పట్టణంలోని ఎంఎంఆర్‌ ఫంక్షన్‌ హాలులో లబ్ధిదారులకు గురువారం ఆయన స్మార్ట్‌ రేషన్‌కార్డులు పంపిణీ చేసి మాట్లాడారు. అర్హులకు రైతు రుణమాఫీ, ఇందిరమ్మ ఇళ్లు, సన్నబియ్యం వంటి పథకాలు అందిస్తున్నామని చెప్పారు. ప్రతి పేద కుటుంబానికి న్యాయం చేయడమే ప్రభుత్వ ధ్యేయమన్నారు. అనంతరం వెయ్యి రోజుల పాలన సందర్భంగా బాణసంచా కాల్చారు. పండ్లు పంపిణీ చేశారు. కార్యక్రమంలో కాంగ్రెస్‌ జిల్లా అధికార ప్రతినిధి నిమ్మాని శేఖర్‌రావు, మున్సిపల్‌ చైర్మన్‌ పాలకుర్తి సారంగపాణి, వైస్‌ చైర్‌పర్సన్‌ నేతావత్‌ షీభారాణి, పీఏసీఎస్‌ చైర్మన్‌ కౌడగాని రాజేశ్‌ఖన్నా, నాయకులు నరుకుడు వెంకటయ్య, కమ్మగోని ప్రభాకర్‌, ఈగ దామోదర్‌, పోశాల వెంకన్న, ఎద్దు సత్యనారాయణ తదితరులు పాల్గొన్నారు.

సాక్షిప్రతినిధి, వరంగల్‌ : పదవులు రావడం.. పోవడం రాజకీయాల్లో సహజమే. కానీ కొందరిని మాత్రం అదృష్టం వెంటాడుతూనే ఉంటుంది. వరంగల్‌ రాజకీయాల్లో గుండు సుధారాణి పరిస్థితి ఇందుకు తాజా ఉదాహరణగా నిలుస్తోంది. ఇటీవల గ్రేటర్‌ వరంగల్‌ మేయర్‌ పదవినుంచి మాజీ అయిన ఆమెకు.. కొద్ది రోజుల వ్యవధిలోనే మరో కీలక పదవి దక్కింది. సామాజిక సమీకరణల్లో భాగంగా ‘కుడా’ (కాకతీయ అర్బన్‌ డెవలప్‌మెంట్‌ అథారిటీ) చైర్మన్‌ పదవి ఆమెను వరించింది. టీడీపీలో రాజ్యసభ సభ్యురాలిగా, బీఆర్‌ఎస్‌ హయాంలో మేయర్‌గా ఎన్నికై ప్రభుత్వం ఏర్పాటు తర్వాత కాంగ్రెస్‌ పార్టీలో చేరిన ఇప్పుడు ‘కుడా’ చైర్‌పర్సన్‌ పదవి వరించింది. కాగా, ప్రస్తుతం ఈ పదవిలో హనుమకొండ డీసీసీ అధ్యక్షుడు ఇనగాల వెంకట్రాంరెడ్డి కొనసాగుతున్నారు. ఆయనను తప్పించి సుధారాణికి బాధ్యతలు అప్పగించారు. సురేఖ బర్తరఫ్‌.. సమీకరణాల్లో మార్పు కొండా సురేఖను రాష్ట్ర మంత్రివర్గంనుంచి తప్పించడంతో ఉమ్మడి వరంగల్‌ రాజకీయాల్లో సామాజిక, ప్రాంతీయ సమీకరణలపై చర్చ మొదలైంది. ఈ నేపథ్యంలో ఇప్పటికే పద్మశాలి సామాజికవర్గానికి చెందిన గుండు సుధారాణికి కుడా చైర్మన్‌ పదవి ఇవ్వడం ద్వారా ఆ వర్గానికి రాజకీయ ప్రాధాన్యం కొనసాగించాలనే ఉద్దేశంతో ప్రభుత్వం నిర్ణయం తీసుకున్నట్లు రాజకీయ వర్గాల్లో చర్చ జరుగుతోంది. కాగా, ఉమ్మడి వరంగల్‌ రాజకీయాల్లో కీలకంగా ఉన్న గుండు సుధారాణికి రాజకీయంగా కీలక పదవులు కొత్తేమీ కాదు. గ్రేటర్‌ వరంగల్‌ మేయర్‌గా పనిచేసిన ఆమె.. ఇటీవల మేయర్‌ పదవీకాలం ముగియడంతో ఆ పదవికి వీడ్కోలు పలికారు. దీంతో ఇక ఆమె రాజకీయ భవిష్యత్‌ ఏమిటన్న చర్చ జరుగుతున్న సమయంలోనే మరో కీలక బాధ్యత దక్కడం విశేషం. వరంగల్‌ రాజకీయాల్లో గుండు సుధారాణికి ‘ఒక పదవి పోతే.. మరో పదవి వెతుక్కుంటూ వచ్చిన’ పరిస్థితి ఏర్పడింది. అందుకే ప్రస్తుతం వరంగల్‌ రాజకీయ వర్గాల్లో ఆమెకు ‘అదృష్టం మరోసారి వరించింది’ అన్న చర్చ సాగుతోంది. ఇంటివద్ద సంబురాలు వరంగల్‌ చౌరస్తా : కుడా చైర్‌పర్సన్‌గా గుండు సుధారాణి నియామకం పట్ల ఆ పార్టీ నాయకులు, కార్యకర్తలు పెద్ద ఎత్తున సంబురాలు జరుపుకున్నారు. గురువారం సాయంత్రం రామన్నపేటలోని సుధారాణి ఇంటి ఎదుట బాణసంచా పేల్చి, స్వీట్లు పంపిణీ చేసుకున్నారు. గుండు సుధారాణికి మరో కీలక పదవి.. ‘కుడా’ చైర్‌పర్సన్‌గా నియామకం సురేఖ బర్తరఫ్‌తో మారిన సామాజిక సమీకరణలు పద్మశాలి వర్గానికి మళ్లీ ప్రాధాన్యం.. సీఎం రేవంత్‌రెడ్డికి కృతజ్ఞతలు.. కాకతీయ అర్బన్‌ డెవలప్‌మెంట్‌ అథారిటీ (కుడా) చైర్‌పర్సన్‌గా పదవి ఇచ్చి నాపై సీఎం రేవంత్‌రెడ్డి ఉంచిన నమ్మకాన్ని నిలబెడతా. ఆయనకు కృతజ్ఞతలు. బీసీల అభ్యున్నతి, మహిళా సాధికారతకు కృషి చేస్తా. నా నియామకానికి సహకరించిన ఉమ్మడి జిల్లా ఇన్‌చార్జ్‌ మంత్రి పొంగులేటి శ్రీనివాస్‌రెడ్డి, మంత్రులు సీతక్క, పొన్నం ప్రభాకర్‌, రాజ్యసభ సభ్యుడు వేం నరేందర్‌ రెడ్డి, ఎమ్మెల్సీ బస్వరాజు సారయ్య, ఏఐసీసీ, టీపీసీసీ నేతలు, ఎంపీలు, ఎమ్మెల్యేలు, డీసీసీ అధ్యక్షులకు ప్రత్యేక ధన్యవాదాలు. – గుండు సుధారాణి

సంగెం: కలెక్టర్‌ డాక్టర్‌ సత్యశారద ఉపాధ్యాయురాలిగా మారారు. మండలంలోని లోహిత ఎంపీపీఎస్‌ను గురువారం ఆమె సందర్శించారు. ఈ సందర్భంగా పాఠశాలలోని 4, 5 తరగతుల విద్యార్థులలో ఆత్మీయంగా మమేకమై తెలుగు, ఇంగ్లిష్‌, గణితం బోధించారు. విద్యార్థుల అభ్యసనస్థాయిని పరిశీలించడంతోపాటు విద్యపై ఆసక్తిని పెంపొందించేలా డిక్టేషన్‌ పెట్టారు. విద్యార్థులు రాసిన జవాబు పత్రాలను మూల్యంకనం చేసి, బాగా రాసి మంచి మార్కులు సాధించిన వారికి స్టిక్కర్‌ అంటించి అభినందించారు. తరగతి గదిలో విద్యార్థులతో కలిసి కూర్చుని వారి చదువు తీరును పరిశీలించారు. పలు అంశాలు సులభంగా అర్థమయ్యేలా బోధించారు. విద్యార్థులను పలు ప్రశ్నలు అడిగి వారి సామర్థ్యాలను పరిశీలించారు. ఉదయం టిఫిన్‌, మధ్యాహ్న భోజనం నాణ్యతగా ఉంటుందా లేదా అని అడిగి తెలుసుకున్నారు. విద్యార్థులు క్రమం తప్పకుండా నిత్యం పాఠశాలకు హాజరుకావాలని సూచించారు. విద్యార్థులకు మరింత నాణ్యమైన విద్యాబోధన చేసి, వారిలో దాగి ఉన్న ప్రతిభను వెలికి తీసి సమగ్ర అభివృద్ధికి పాటుపడాలని ఉపాధ్యాయులు రజని, సునీతకు సూచించారు. అనంతరం అంగన్‌వాడీ కేంద్రాన్ని పరిశీలించి చిన్నారులతో ముచ్చటించారు. కలెక్టర్‌ స్వయంగా ఉపాధ్యాయురాలిగా మారి 45 నిమిషాల పాటు చేసిన బోధనను విద్యార్థులు ఎంతో ఆసక్తిగా విని, కలెక్టర్‌ అడిగిన ప్రశ్నలకు జవాబులు చెప్పారు. డీబీసీ డీఓ పుష్పలత, ఉద్యానశాఖ అధికారి శ్రీనివాస్‌రావు తదితరులు పాల్గొన్నారు.

వర్ధన్నపేట: భూసరిహద్దుల నిర్ధారణలో పూర్తి కచ్చితత్వం పాటిస్తూ రికార్డులను సమగ్రంగా పరిశీ లించాలని ల్యాండ్‌ సర్వే అదనపు సర్వే అధికారి ఎం.శ్రీనివాసులు సర్వే సిబ్బందికి సూచించారు. చెన్నారం, వర్ధన్నపేటలో నక్షా ఆర్‌ఓఆర్‌ పనులను క్షేత్రస్థాయిలో ఆయన గురువారం పరిశీలించారు. సర్వే పనుల పురోగతిపై సంబంధిత అధికారులను అడిగి తెలుసుకున్నారు. అనంతరం ఆయన మాట్లాడుతూ రీసర్వే పనులను పారదర్శకంగా, వేగవంతంగా పూర్తిచేయాలని అధికారులను ఆదేశించారు. భూ యజమానులకు ఎలాంటి ఇబ్బందులు కలగకుండా సర్వే పక్రియ నిర్వహించాలన్నారు.

వరంగల్‌ పోలీస్‌ కమిషనర్‌ ఎన్‌.శ్వేత వరంగల్‌ చౌరస్తా: మత్తు పదార్థాలకు బానిసై తమ భవిష్యత్‌ను అంధకారంలోకి నెట్టుకుంటున్న యువతను తిరిగి సాధారణ జీవితంలోకి తీసుకురావాలని వరంగల్‌ పోలీస్‌ కమిషనర్‌ ఎన్‌.శ్వేత కోరారు. వరంగల్‌ ఎంజీఎం ఆస్పత్రిలో ఆధునికీకరించిన అడిక్షన్‌ ట్రీట్‌మెంట్‌ ఫెసిలిటీ (ఏటీఎఫ్‌) కేంద్రాన్ని గురువారం ఈగల్‌ ఫోర్స్‌ సహకారంతో పునఃప్రారంభించారు. ఈ సందర్భంగా సీపీ మాట్లాడుతూ పోలీస్‌ కమిషనరేట్‌ పరిధిలో మాదకద్రవ్యాల అక్రమ రవాణా, నిల్వ, విక్రయాలపై డ్రగ్స్‌ కంట్రోల్‌ టీం కఠిన చర్యలు తీసుకుంటుందని తెలిపారు. మత్తు పదార్థాల వ్యసనానికి సంబంధించిన ఏదైనా సాయం, సమాచారం లేదా మార్గదర్శకత్వం కోసం 87125 84473, 87126 85299 నంబర్లలో సంప్రదించాలని సీపీ సూచించారు. కార్యక్రమంలో ఈస్ట్‌ జోన్‌ డీసీపీ అంకిత్‌కుమార్‌, ఎంజీఎం సూపరింటెండెంట్‌ డాక్టర్‌ కె.రాంకుమార్‌రెడ్డి, ఎస్‌బీ ఇన్‌చార్జ్‌ ఏసీపీ మధుసూదన్‌, డ్రగ్స్‌ కంట్రోల్‌ టీం ఇన్‌న్‌స్పెక్టర్‌ సాయిరాం, ఆర్‌ఐ శివకేశవులు, ఈగల్‌ టీం ఇన్‌స్పెక్టర్‌ రవీందర్‌, ఐటీ కోర్‌ ఇన్‌న్‌స్పెక్టర్‌ కిరణ్‌కుమార్‌, ఈగల్‌ టీం ఎస్‌ఐ శ్రీకాంత్‌, ఆర్‌ఎస్‌ఐలు పూర్ణ చందర్‌రెడ్డి, మనోజ్‌ రెడ్డి, నాగరాజు పాల్గొన్నారు. భద్రకాళి బండ్‌ పనులు త్వరగా పూర్తిచేయండివరంగల్‌ అర్బన్‌: ‘భద్రకాళి బండ్‌ అభివృద్ధి పనులు ఇంకా ఎన్నేళ్లు చేస్తారు’ అని గ్రేటర్‌ వరంగల్‌ కమిషనర్‌ టి.వెంకన్న అధికారులపై ఆగ్రహం వ్యక్తం చేశారు. వరంగల్‌ నగరంలోని భద్రకాళి బండ్‌పై కొనసాగుతున్న అభివృద్ధి పనులను గురువారం ఆయన బల్దియా ఇంజనీరింగ్‌, ‘కుడా’ అధికారులతో కలిసి బండ్‌పై కొనసాగుతున్న పనులు తనిఖీ చేశారు. బండ్‌పై నిర్మిస్తున్న టాయిలెట్లు, పరిసరాల సుందరీకరణ పనులు త్వరితగతిన పూర్తి చేయాలని ఆదేశించారు. ‘ఏఎన్‌ఎంలపై పనిఒత్తిడి తగ్గించాలి’గీసుకొండ: ఏఎన్‌ఎంలపై పనిఒత్తిడిని తగ్గించాలని, సమాన పనికి సమాన వేతనం ఇవ్వాలని తెలంగాణ యునైటెడ్‌ మెడికల్‌ అండ్‌ హెల్త్‌ ఎంప్లాయీస్‌ యూనియన్‌ రాష్ట్ర ప్రధాన కార్యదర్శి కె.యాదానాయక్‌ డిమాండ్‌ చేశారు. ఏఎన్‌ఎంల సమస్యలు పరిష్కరించాలని సీఐటీయూ ఆధ్వర్యంలో గురువారం డీఎంహెచ్‌ఓ కార్యాలయం ఎదుట ధర్నా నిర్వహించారు. అనంతరం డీఎంహెచ్‌ఓ బి.రాజారెడ్డికి వినతిపత్రం అందజేశారు. ఈ సందర్భంగా యాదానాయక్‌ మాట్లాడుతూ వైద్య, ఆరోగ్యశాఖలో పనిచేస్తున్న రెగ్యులర్‌, కాంట్రాక్ట్‌, ఔట్‌సోర్సింగ్‌ ఏఎన్‌ఎంల సమస్యలను ప్రభుత్వం పరిష్కరించాలని కోరారు. యూనియన్‌ రాష్ట్ర ఉపాధ్యక్షుడు జిల్లపల్లి సుధాకర్‌, నాయకులు దాసరి నర్మద, సంధ్యారాణి, రాజేశ్వరి, బి.జ్యోతి, టి.విజయ, జయమణి, ఆర్‌.అనిత, పెనినా, చంద్రకళ, ఏఎన్‌ఎంలు పాల్గొన్నారు. రోడ్డు ప్రమాదంలో మల్టీపర్పస్‌ వర్కర్‌ మృతి నల్లబెల్లి: పండుగపూట ఆ ఇంటి ఆనందం ఆవిరైంది. కూతురు, అల్లుడితో కలిసి సంతోషంగా గడిపిన కొద్ది క్షణాల్లోనే జరిగిన రోడ్డు ప్రమాదం ఆ కుటుంబంలో తీవ్ర విషాదాన్ని నింపింది. ఎస్సై మోడెం సాయి ప్రసన్నకుమార్‌ తెలిపిన వివరాల ప్రకారం.. రేలకుంట గ్రామానికి చెందిన జూనూరి చిన్న రాజు (38) మల్టీపర్పస్‌ వర్కర్‌గా విధులు నిర్వర్తిస్తున్నాడు. గ్రామంలో బుధవారం పోచమ్మ బోనాలు నిర్వహించారు. మహ్మద్‌గౌస్‌పల్లిలో ఉండే తన కూతురు శైలజ, అల్లుడు శివను ఆయన ఇంటికి ఆహ్వానించాడు. కుటుంబ సభ్యులందరూ కలిసి వేడుకను ఘనంగా జరుపుకున్నారు. అందరూ కలిసి భోజనాలు చేసిన తర్వాత సాయంత్రం చిన్న రాజు స్వయంగా అల్లుడు, కూతురిని తన ద్విచక్రవాహనంపై ఎక్కించుకొని మహ్మద్‌గౌస్‌పల్లిలోని వారి నివాసంలో క్షేమంగా దింపాడు. అక్కడి నుంచి ఒంటరిగా తిరిగి ద్విచక్రవాహనంపై రేలకుంటకు బయలుదేరాడు. రేలకుంట శివారులోని కల్వర్టు వద్దకు చేరుకోగానే ఆయన ప్రయాణిస్తున్న ద్విచక్రవాహనం అదుపుతప్పింది. ఈ ప్రమాదంలో కిందపడిపోగా తీవ్రంగా గాయపడ్డాడు. విషయం తెలుసుకున్న కుటుంబ సభ్యులు రాత్రి 108 వాహనంలో ఎంజీఎం ఆస్పత్రికి తరలించగా అప్పటికే ప్రాణాలు కోల్పోయినట్లు వైద్యులు తెలిపారు. చిన్న రాజు మృతితో కుటుంబ సభ్యుల రోదనలు మిన్నంటాయి. ఆయనకు భార్య ధనలక్ష్మి, కుమారుడు శశికాంత్‌ ఉన్నారు. కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

హన్మకొండ కల్చరల్‌: డాక్టర్‌ చింతపల్లి వసుంధరరెడ్డి జానపద విజ్ఞాన సాఫల్య పురస్కారాన్ని సురవరం ప్రతాపరెడ్డి తెలుగు విశ్వవిద్యాలయం వరంగల్‌ జానపద గిరిజన విజ్ఞాన పీఠంలో అసిస్టెంట్‌ ప్రొఫెసర్‌గా విధులు నిర్వహిస్తున్న డాక్టర్‌ బాసని సురేశ్‌కు ప్రదానం చేశారు. ఈమేరకు హైదరాబాద్‌ కూకట్‌పల్లిలోని కృష్ణసింధూరి సంకల్ప లలితా కళానిలయంలో డాక్టర్‌ చింతపల్లి వసుంధరరెడ్డి అధ్యక్షతన బుధవారం జరిగిన కార్యక్రమంలో ముఖ్య అతిథిగా తెలంగాణ భాషా సాంస్కృతిక శాఖ సంచాలకుడు డాక్టర్‌ ఏనుగు నరసింహారెడ్డి, ఆత్మీయ అతిథిగా పమిడికాల్వ మధుసూదన్‌ పాల్గొని సురేశ్‌కు పురస్కారం ప్రదానం చేశారు. ఈసందర్భంగా సురేశ్‌కు రాష్ట్ర తెలుగు అకాడమీ డైరెక్టర్‌ ఆచార్య భట్టు రమేశ్‌, కేయూ విశ్రాంత ఆచార్యులు పాకనాటి జ్యోతి, జానపద గిరిజన విజ్ఞానపీఠం పీఠాధిపతి ఆచార్య గడ్డం వెంకన్న, జూనియర్‌ అసిస్టెంట్‌ అమేర్‌ అలీఖాన్‌, అధ్యాపకులు, సిబ్బంది అభినందనలు తెలిపారు.

వర్ధన్నపేట: ఎన్నికల్లో ఇచ్చిన ఆరు గ్యారంటీలు, 420 హామీలను నెరవేర్చడంలో కాంగ్రెస్‌ ప్రభుత్వం విఫలమైందని వర్ధన్నపేట మాజీ ఎమ్మెల్యే అరూరి రమేశ్‌ ధ్వజమెత్తారు. పట్టణంలో వివేకానంద విగ్రహం నుంచి ప్రభుత్వ ఆస్పత్రి వరకు బుధవారం 420 ఫీట్ల భారీ ఫ్లెక్సీ ప్రదర్శిస్తూ బీఆర్‌ఎస్‌ శ్రేణులతో కలిసి ఆయన నిరసన తెలిపారు. ఇంటింటికి కాంగ్రెస్‌ బాకీకార్డులను పంపిణీ చేశారు. అనంతరం పట్టణంలోని అంబేడ్కర్‌ సెంటర్‌ వద్ద మానవహారం, రాస్తారోకో, ధర్నా నిర్వహించారు. ఈ సందర్భంగా పోలీసులకు బీఆర్‌ఎస్‌ నాయకులకు మధ్య తోపులాట జరిగింది. ధర్నా ముగించాలని పోలీసులు కోరగా మాజీ ఎమ్మెల్యే అరూరి రమేశ్‌ రోడ్డుపై పడుకుని నిరసన తెలిపారు. అనంతరం ఆయన మాట్లాడారు. పోరాటాలు బీఆర్‌ఎస్‌కు కొత్త కాదని, పోలీసులతో ఇబ్బందులకు గురిచేసినా, అరెస్టు చేసినా ప్రజలకు ఇచ్చిన హామీలు నెరవేర్చేవరకూ ప్రభుత్వం వెంటపడతామని స్పష్టం చేశారు. 420 హామీలు 100 రోజుల్లో అమలు చేస్తామని చెప్పి 1000 రోజులు గడిచినా ఎందుకు అమలు చేయలేదని ప్రశ్నించారు. బీఆర్‌ఎస్‌ ప్రభుత్వ హయాంలోని సంక్షేమ పథకాలు ప్రస్తుతం నిర్వీర్యమయ్యాయని ఆరోపించారు. తాము అధికారంలో ఉండగా 100 పడకల ప్రభుత్వ ఆస్పత్రిని ఏర్పాటు చేస్తే స్థానిక ఎమ్మెల్యే 30 పడకల ఆస్పత్రిగా డౌన్‌గ్రేడ్‌ చేయడం విడ్డూరంగా ఉందని విమర్శించారు. కార్యక్రమంలో పార్టీ మండల అధ్యక్షుడు తూళ్ల కుమారస్వామి, పట్టణ అధ్యక్షుడు గోధుమల మధుసూదన్‌, మాజీ జెడ్పీటీసీ మార్గం భిక్షపతి, నాయకులు పూజారి రఘు, తుమ్మల శ్రీధర్‌, కౌన్సిలర్లు గుజ్జ వీరన్న, సిలివేరు కుమారస్వామి, తిరుపతి, సురేశ్‌ తదితరులు పాల్గొన్నారు. వర్ధన్నపేట మాజీ ఎమ్మెల్యే అరూరి రమేశ్‌ పట్టణంలో బీఆర్‌ఎస్‌ శ్రేణులతో కలిసి నిరసన.. బాకీ కార్డుల పంపిణీ

గురువారం శ్రీ 3 శ్రీ సెప్టెంబర్‌ శ్రీ 2026విద్యార్థులకు నాణ్యమైన విద్యే లక్ష్యం విద్యార్థుల ఉజ్వల భవిష్యతే లక్ష్యంగా మౌలిక వసతుల కల్పనకు చర్యలు తీసుకుంటున్నామని కొండా లక్ష్మణ్‌ తెలంగాణ రాష్ట్ర ఉద్యాన విశ్వవిద్యాలయం డీన్‌ చీనానాయక్‌ అన్నారు. ఇసుక లారీలో మె.టన్నుకు అదనంగా.. రూ.2వేల మోతసాక్షిప్రతినిధి, వరంగల్‌: ఇసుక లారీల్లో ఓవర్‌లోడ్‌కు ఇక భారీ మూల్యం చెల్లించాల్సిందే. ఇసుక రవాణాలో నిర్ణీత సామర్థ్యానికి మించి తరలించే ప్రతీ మెట్రిక్‌ టన్ను ఇసుకకు రూ.2 వేల చొప్పున జరిమానా విధించాలని ప్రభుత్వం నిర్ణయించింది. అంతేకాకుండా ఒకే వాహనం రెండుసార్లకు మించి ఓవర్‌లోడ్‌ ఉల్లంఘనలకు పాల్పడితే సాండ్‌ మేనేజ్‌మెంట్‌ సిస్టమ్‌లో ఆ వాహనాన్ని తదుపరి బుకింగ్‌లకు బ్లాక్‌ చేయనున్నారు. మైన్స్‌ సర్వేలెన్స్‌ సిస్టం ద్వారా ఓవర్‌లోడ్‌ను గుర్తించి జరిమానాను ఆన్‌లైన్‌లో వసూలు చేయాలని ప్రభుత్వం జారీ చేసిన జీఓ నంబర్‌ 28లో స్పష్టం చేసింది.ఈ నిబంధనలతో ఉమ్మడి జిల్లాలోని రీచ్‌ల నుంచి అదనపు ఇసుక తరలించే వందలాది లారీలకు చెక్‌ పడనుంది. క్వారీ నుంచి స్టాక్‌యార్డు వరకు.. కొన్ని రీచ్‌ల్లో నేరుగా భారీ వాహనాల్లో ఇసుక లోడ్‌ కాకుండా రీచ్‌ నుంచి స్టాక్‌యార్డుకు ట్రాక్టర్లు/చిన్న వాహనాల ద్వారా తరలించి, అక్కడినుంచి లారీ ల్లోకి రీలోడ్‌ చేసే విధానం ఉంది. తాడిచెర్ల తాజా టెండర్లలోనూ రీచ్‌ నుంచి స్టాక్‌యార్డుకు ఇసుక తరలించి, తిరిగి లారీల్లోకి లోడ్‌ చేయాల్సి ఉందని పేర్కొన్నారు. కొత్త నిబంధన కేవలం లారీ డ్రైవర్‌పైనే కాకుండా రీచ్‌–స్టాక్‌యార్డు–లోడింగ్‌–రవాణా మొత్తం వ్యవస్థపై జాగ్రత్త పెంచే అవకాశం ఉంది. ఇదిలా ఉండగా ఓవర్‌లోడ్‌ పూర్తిగా నియంత్రితమైతే ఒక్క ట్రిప్పులో తరలించే ఇసుక పరిమాణం తగ్గుతుంది. మరోవైపు రోడ్లపై ఒత్తిడి, రోడ్డు నష్టం, ప్రమాదాల ముప్పు తగ్గే అవకాశం ఉంది. ఓవర్‌లోడ్‌ లారీలకే సమస్య.. కొత్త జీఓతో అసలు సమస్య ఓవర్‌లోడ్‌ చేసే లారీలకే. ఒక లారీలో నిర్ణీత పరిమితికి మించి టన్ను ఇసుక ఉంటే రూ.2వేల జరిమానా. 3 టన్నులు అదనంగా ఉంటే రూ.6వేలు, ఐదు టన్నులు అయితే రూ.10వేలు.. అంటే ఒక్క ట్రిప్పులో ఎక్కువ ఇసుక వేసుకుని అదనపు ఆదా యం పొందాలనుకునే ప్రయత్నం జరిమానాతో పోలిస్తే నష్టదాయకంగా మారే అవకా శంఉంది. జీఓ ప్రకారం జరిమానా అదనంగా తరలించిన ఇసుక పరిమాణంపై విధించనున్నారు. లారీ యజమానులకు ఇది మరింత కీలకమైన నిబంధన. రెండుకంటే ఎక్కువ ఓవర్‌లోడ్‌ ఉల్లంఘనలు గుర్తించిన వాహనాన్ని సాండ్‌ మేనేజ్‌మెంట్‌ సిస్టమ్‌లో తదుపరి బుకింగ్‌ల నుంచి బ్లాక్‌ చేయనున్నారు. ఆ వాహనంతో టీజీఎండీసీ ఇసుకను బుక్‌ చేసుకునే అవకాశమే కోల్పోయే పరిస్థితి ఏర్పడుతుంది. రెండుసార్లు ఓవర్‌.. మూడోసారికి బుకింగ్‌ కట్‌ రీచ్‌ నుంచి స్టాక్‌యార్డు.. అక్కడి నుంచి లారీ వరకు నిఘా కొత్త నిబంధనలు విధించిన ప్రభుత్వం తారుమారు కానున్న వ్యాపారుల లెక్కలుఉమ్మడి జిల్లాలో ఇసుక రీచ్‌లు ఇలా.. గోదావరి పరీవాహక ప్రాంతం కారణంగా ఉమ్మడి వరంగల్‌లోని ముఖ్యంగా ములుగు, జయశంకర్‌ భూపాలపల్లి జిల్లాల్లో ఇసుక తవ్వకాలు, రవాణా కార్యకలాపాలు సాగుతున్నాయి. టీజీఎండీసీ వివరాల ప్రకారం.. ములుగు జిల్లాలో టీజీఎండీసీ రికార్డుల్లో మారికాల, సూరవీడు, ముత్తారం, కొండాపురం, కొరకల్లు వంటి ఇసుక రీచ్‌ల వివరాలు ఉన్నాయి. ఉదాహరణకు మారికాల రీచ్‌కు1,59,680 మెట్రిక్‌ టన్నులు, కొరకల్లు రీచ్‌కు 99,948 క్యూబిక్‌ మీటర్ల పరిమాణం కేటాయించారు. సూరవీడు రీచ్‌కు 70 వేల క్యూబిక్‌ మీటర్లు, ముత్తారం రీచ్‌కు 99,400 క్యూబిక్‌ మీటర్ల ఇసుక తరలింపునకు అనుమతి ఉంది. జేఎస్‌ భూపాలపల్లి జిల్లాలో ఈ ఏడాది కూడా భారీ స్థాయిలో ఇసుక డీ–సిల్టేషన్‌ పనులకు టీజీఎండీసీ టెండర్లు పిలిచింది. తాడిచెర్ల–1, తాడిచెర్ల–2 రీచ్‌లలో సుమారు 14 లక్షల మెట్రిక్‌ టన్నుల ఇసుక డీ–సిల్టేషన్‌కు సంబంధించిన టెండర్‌ అయ్యింది. ఆయా రీచ్‌ల నుంచి ఇసుక తరలించే లారీలకు ‘ఓవర్‌లోడ్‌’ నిబంధన ప్రభావం పడనుంది. దీంతో ఇసుక వ్యాపారుల, లారీ ఓనర్ల లెక్కలు తారుమారు కానున్నాయి.

● డీఎంహెచ్‌ఓ డాక్టర్‌ రాజారెడ్డి గీసుకొండ/సంగెం: ప్రభుత్వ ఆస్పత్రుల్లో ప్రజలకు నాణ్యమైన, వైద్యసేవలు అందించాలని డీఎంహెచ్‌ఓ డాక్టర్‌ బి.రాజారెడ్డి వైద్య, ఆరోగ్య సిబ్బందిని ఆదేశించారు. గీసుకొండ మండలంలోని ధర్మారం ఆయుష్మాన్‌ ఆరోగ్య మందిరం, గీసుకొండ పీహెచ్‌సీ, సంగెం మండలంలో చింతలపల్లి పల్లె దవాఖానా, సంగెం పీహెచ్‌సీని బుధవారం ఆయన తనిఖీ చేశారు. ఈ సందర్భంగా ఆయన మాట్లాడుతూ చిన్నారులు, గర్భిణులకు నిర్దేశిత టీకాలు సకాలంలో అందేలా చర్యలు తీసుకోవాలని పేర్కొన్నారు. అన్ని రికార్డులను సక్రమంగా నిర్వహిస్తూ, జాతీయ ఆరోగ్య కార్యక్రమాల్లో లక్ష్యాలను సాధించేలా పనిచేయాలని ఆదేశించారు. గీసుకొండ పీహెచ్‌సీ పరిసరాలను శుభ్రం చేయించాలని వైద్యాధికారి శౌర్య శరణ్యకు సూచించారు. మాతాశిశు ఆరోగ్య సేవలకు ప్రాధాన్యతనిస్తూ సాధారణ ప్రసవాలు ప్రభుత్వ ఆస్పత్రుల్లో జరిగేలా ప్రోత్సహించాలని కోరారు. ప్రజలకు అందుబాటులో ఉండి సేవలందించకుంటే చర్యలు తీసుకుంటామని డీఎంహెచ్‌ఓ రాజారెడ్డి ఈ సందర్భంగా సిబ్బందిని హెచ్చరించారు. ఆయన వెంట స్థానిక వైద్యాధికారులు డాక్టర్‌ వంశీకృష్ణ, డాక్టర్‌ జి.నవీన్‌, హెచ్‌ఈఓ సాంబయ్య, జిల్లా వైద్య, ఆరోగ్యశాఖ కార్యాలయం నుంచి ఎస్‌.వెంకటేశ్వర్లు, డిప్యూటీ డెమో, హెచ్‌ఈఓ సదానందం, సిబ్బంది సాంబయ్య తదితరులు ఉన్నారు.

● జిల్లా మేనేజర్‌ మండ శ్రీనివాస్‌ దామెర: ప్రజలు 108 సేవలను వినియోగించుకోవాలని జిల్లా మేనేజర్‌ మండ శ్రీనివాస్‌ అన్నారు. మండల కేంద్రంలో 108 వాహనాన్ని బుధవారం ఆయన తనిఖీ చేశారు. ఈసందర్భంగా రిజిస్టర్‌, వాహన కండీషన్‌, పరికరాల పనితీరును పరిశీలించారు. అనంతరం ఆయన మాట్లాడుతూ.. ఈ సంవత్సరం జనవరి నుంచి ఆగస్టు వరకు 704 ప్రాణాలు కాపాడినట్లు పేర్కొన్నారు. ఆపద సమయంలో 108 నంబర్‌కు కాల్‌చేసి సేవలను వినియోగించుకోవాలని కోరారు. ఆయన వెంట మెడికల్‌ ఆఫీసర్‌ డాక్టర్‌ మహేంద్ర, 108 మెడికల్‌ టెక్నీషియన్‌ బంక శ్రీనివాస్‌, ఎల్‌.సురేశ్‌, పైలట్స్‌ వి.మహేందర్‌, టి.సాంబమూర్తి తదితరులున్నారు.

కేయూ క్యాంపస్‌: చైన్నెలోని వ్యవసాయ యూనివర్సిటీ ఆధ్వర్యంలో ఈనెల 24, 25 తేదీల్లో నిర్వహించనున్న అగ్రిటెక్‌–20 అంతర్జాతీయ సదస్సుకు యూనివర్సిటీ ఆర్ట్స్‌ అండ్‌ సైన్స్‌ కళాశాల ప్రిన్సిపాల్‌, కెమిస్ట్రీ విభాగం ప్రొఫెసర్‌ ఎస్‌.జ్యోతికి, జర్నలిజం విభాగం అధ్యాపకుడు డాక్టర్‌ ఆర్‌.ఆదిరెడ్డికి ఆహ్వానం అందింది. జ్యోతి, ఆదిరెడ్డి సంయుక్తంగా వ్యవసాయ గ్రామీణాభివృద్ధి, సుస్థిర సమ్మిళిత అభివృద్ధి సమగ్ర రూపకల్పన అంశంపై పరిశోధన పత్రాన్ని ఈ సదస్సులో సమర్పించనున్నారు. వరంగల్‌ చౌరస్తా: వరంగల్‌ సూపర్‌ స్పెషాలిటీ ఆస్పత్రిలో బుధవారం వైద్యులకు, రోగుల బంధువులకు మధ్య వాగ్వాదం చోటు చేసుకుంది. ఆస్పత్రిలోని యూరాలజీ విభాగంలో ముగ్గురు రోగులను ఆపరేషన్‌ కోసం థియేటర్‌కు తీసుకెళ్లి పరికరాలు పనిచేయట్లేదని రోగులను వెనక్కి పంపించారు. దీంతో రోగుల బంధువులు ఆందోళన వ్యక్తం చేశారు. రోజుల తరబడి ఆస్పత్రిలో ఉంచి ఆపరేషన్‌ సమయానికి మరమ్మతులని దాటవేస్తున్నారని రోగుల అటెండెంట్లు నిరసన వ్యక్తం చేశారు. ఈవిషయంమై ఆర్‌ఎంఓ డాక్టర్‌ ప్రదీప్‌ను వివరణ కోరగా, పరికరం మరమ్మతుల కారణంగా ఆపరేషన్లు నిలిపేసినట్లు వెల్లడించారు. నీటి సరఫరా లేకపోవడం వల్ల కొద్ది రోజులుగా న్యూరో సర్జరీ, యూరాలజీ విభాగాల ఆపరేషన్లు నిలిచినట్లు సమాచారం. హన్మకొండ కల్చరల్‌: పందిళ్ల శేఖర్‌బాబు స్మారక నాటకోత్సవ కమిటీ ఆధ్వర్యంలో ప్రముఖ రంగస్థల నటుడు పందిళ్ల శేఖర్‌బాబు 65వ జయంతి సందర్భంగా సంస్మరణ సభ బుధవారం సాయంత్రం హనుమకొండ నయీంనగర్‌లోని వాగ్దేవి కళాశాలలో నిర్వహించారు. కమిటీ అధ్యక్షుడు వనం లక్ష్మీకాంతరావు అధ్యక్షతన జరిగిన సభలో మాజీ ఎమ్మెల్యే దాస్యం వినయ్‌భాస్కర్‌, తెలంగాణ నాటక సమాజాల సమాఖ్య వ్యవస్థాపక అధ్యక్షుడు తడకమళ్ల రామచంద్రరావు, సమాఖ్య రాష్ట్ర అధ్యక్షుడు ఆకుల సదానందం, కమిటీ సహాదారు పందిళ్ల అశోక్‌కుమార్‌, రాధారపు సంజీవరెడ్డి, శ్రీరామోజు సుందరమూర్తి పాల్గొని శేఖర్‌బాబు చిత్రపటానికి పూలమాల వేసి నివాళులు అర్పించారు. ఇటీవల తిరుపతిలో జాతీయస్థాయి నాటకోత్సవాల్లో ఉత్తమ ప్రదర్శనగా ఎంపికై న మహారాణి రుద్రమదేవి పద్యనాటక కళాకారులను, బృందాన్ని కమిటీ సభ్యులు ఘనంగా సన్మానించారు. కేయూ క్యాంపస్‌: కాకతీయ యూనివర్సిటీ పరిధి ఉమ్మడి వరంగల్‌, ఖమ్మం, ఆదిలాబాద్‌ జిల్లాల అన్ని డిగ్రీ, పీజీ, ఫార్మసీ, ఇంజనీరింగ్‌, లా కళాశాలల ఫిజికల్‌ డైరెక్టర్లతో స్పోర్ట్స్‌ బోర్డు ఆధ్వర్యంలో గురువారం ఉదయం 11 గంటలకు జనరల్‌ బాడీ మీటింగ్‌ నిర్వహించనున్నట్లు స్పోర్ట్స్‌ బోర్డ్‌ సెక్రటరీ వై.వెంకయ్య తెలిపారు. 2026–27 సంవత్సరానికి సంబంధించిన అంతర్‌ విశ్వవిద్యాలయాల క్రీడా క్యాలెండర్‌ రూపకల్పన, క్రీడా మైదానాల అభివృద్ధిపై చర్చించనున్నట్లు తెలిపారు. ఫిజికల్‌ డైరెక్టర్లంతా పాల్గొనాలని కోరారు. హన్మకొండ కల్చరల్‌: డాక్టర్‌ చింతపల్లి వసుంధరరెడ్డి జానపద విజ్ఞాన సాఫల్య పురస్కారాన్ని సురవరం ప్రతాపరెడ్డి తెలుగు విశ్వవిద్యాలయం వరంగల్‌ జానపద గిరిజన విజ్ఞాన పీఠం అసిస్టెంట్‌ ప్రొఫెసర్‌ డాక్టర్‌ బాసని సురేశ్‌కు ప్రదానం చేశారు. ఈమేరకు హైదరాబాద్‌లో తెలంగాణ భాషా సాంస్కృతిక శాఖ సంచాలకుడు డాక్టర్‌ ఏనుగు నరసింహారెడ్డి, ఆత్మీయ అతిథి పమిడికాల్వ మధుసూదన్‌ సురేశ్‌కు పురస్కారం ప్రదానం చేశారు. ఈసందర్భంగా సురేశ్‌కు రాష్ట్ర తెలుగు అకాడమీ డైరెక్టర్‌ ఆచార్య భట్టు రమేశ్‌, కేయూ విశ్రాంత ఆచార్యులు పాకనాటి జ్యోతి, జానపద గిరిజన విజ్ఞానపీఠం పీఠాధిపతి ఆచార్య గడ్డం వెంకన్న, జూనియర్‌ అసిస్టెంట్‌ అమేర్‌ అలీఖాన్‌, అధ్యాపకులు, సిబ్బంది అభినందనలు తెలిపారు.

విద్యారణ్యపురి: గతంలో ఎన్నడూ లేనివిధంగా ఈ విద్యాసంవత్సరం (2026–27) ఆరంభంలోనే ప్రభుత్వ జూనియర్‌ కళాశాలల్లోని ప్రయోగశాలలకు ఇంటర్‌ బోర్డు ఇటీవల నిధులు మంజూరు చేసింది. ఈమేరకు ఈవిద్యాసంవత్సరంలో ఇంటర్మీ డియట్‌లో వివిధ సంస్కరణలు చేపట్టిన విషయం తెలిసిందే. ఈసారి ఇంటర్‌ సెకండియర్‌ విద్యార్థులతోపాటు ప్రథమ సంవత్సరం విద్యార్థులకు కూడా ప్రయోగ పరీక్షలు నిర్వహించనున్నారు. ప్రథమ సంవత్సరంలో సైన్స్‌ సబ్జెక్టు ప్రయోగ పరీక్షకు 15 మార్కుల చొప్పున కేటాయించారు. ప్రభుత్వ జూనియర్‌ కళాశాలల్లో ప్రయోగశాలలు బలోపేతం చేసేలా పరికరాలు, కెమికల్స్‌ అవసరమైన సామగ్రి కొనుగోలు కోసం నిధులను ఇంటర్‌బోర్డు మంజూరు చేసింది. విద్యార్థుల సంఖ్య ఆధారంగా.. ఈవిద్యా సంవత్సరంలో జూలై 17వ తేదీ వరకు ప్రభుత్వ జూనియర్‌ కళాశాలల్లో నమోదు అయిన విద్యార్థుల సంఖ్య ఆధారంగా ఇంటర్‌ బోర్డు నిధులను మంజూరు చేసింది. ఒక్కో జూనియర్‌ కళాశాలకు విద్యార్థుల సంఖ్యను బట్టి ఒక్కో కాలేజీకి రూ.24 వేల నుంచి రూ.లక్ష వరకు మంజూరు చేసింది. ఈ నిధుల నుంచి అవసరమైన ప్రాక్టికల్స్‌ నిర్వహణ పరికరాలు, కెమికల్స్‌, ఇతర సామగ్రిని కొనాల్సి ఉంటుంది. జిల్లాల వారీగా కళాశాలలు, మంజూరైన నిధులు (రూ.లక్షల్లో)మొత్తం కళాశాలలునిధులు5.804.64 ప్రభుత్వ కళాశాలల్లోని ప్రయోగశాలలకు నిధులు మంజూరు ఉమ్మడి జిల్లాలోని 48 కళాశాలలకు కేటాయింపు4.803.082.841.84

నర్సంపేట: దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి సేవలు చిరస్మరణీయమని టీపీసీసీ సభ్యుడు పెండెం రామానంద్‌ అన్నారు. నర్సంపేట పట్టణంలో బుధవారం వైఎస్సార్‌ 17వ వర్ధంతి నిర్వహించారు. ఈ సందర్భంగా వైఎస్సార్‌ చిత్రపటానికి పూలమాల వేసి నివాళులర్పించారు. అనంతరం ఆయన మాట్లాడుతూ ఉమ్మడి రాష్ట్రంలో పాదయాత్ర చేపట్టి రెండు పర్యాయాలు కాంగ్రెస్‌ పార్టీని అధికారంలోకి తీసుకొచ్చి సుపరిపాలన అందించిన మహోన్నత వ్యక్తి వైఎస్‌ రాజశేఖరరెడ్డి అని కొనియాడారు. కార్యక్రమంలో కాంగ్రెస్‌ నర్సంపేట పట్టణ అధ్యక్షుడు పంబి వంశీకృష్ణ, నర్సంపేట బ్లాక్‌ కాంగ్రెస్‌ అధ్యక్షుడు చింతల సాంబరెడ్డి, మున్సిపల్‌ వైస్‌ చైర్మన్‌ గంధం నరేందర్‌గుప్తా, కాంగ్రెస్‌ మండల అధ్యక్షుడు కత్తి కిరణ్‌గౌడ్‌, నర్సంపేట సొసైటీ చైర్మన్‌ బొబ్బాల రమణారెడ్డి, కాంగ్రెస్‌ జిల్లా ఉపాధ్యక్షుడు వేముల సాంబయ్యగౌడ్‌, కౌన్సిలర్లు ముత్తినేని వెంకన్న, బీరం భరత్‌రెడ్డి, ఏపూరి శ్రీనివాస్‌రెడ్డి, బాణాల ప్రసన్నశ్రీనివాస్‌, శ్రీరామోజు రోజారాణి, పొన్నాల మనీషాప్రకాష్‌, ఇస్లావత్‌ రమాగోపినాయక్‌, చీకటి స్వరూపఓదెలుగౌడ్‌, సలావుద్దీన్‌, అయూబ్‌ఖాన్‌ పాల్గొన్నారు. టీపీసీసీ సభ్యుడు పెండెం రామానంద్‌

అద్దెకు జిన్నింగ్‌ మిల్లులు..ఖిలా వరంగల్‌: ఉమ్మడి వరంగల్‌ జిల్లాలో 2026–27 సీజన్‌కు సంబంధించి పత్తి కొనుగో ళ్లకు కాటన్‌ కార్పొరేషన్‌ ఆఫ్‌ ఇండియా (సీసీఐ) సన్నాహాలు చేస్తోంది. ఈమేరకు కొనుగోలు కేంద్రాలు ఏర్పాటు చేయడంతోపాటు జిన్నింగ్‌ మి ల్లుల్లో బేళ్ల కోసం టెండర్లు పిలిచి పూర్తి చేసింది. గతంలోని ధరలతోపాటు ఇతర నిబంధనలతో ఒకే టెండర్‌ ప్రకటన ఇచ్చేవారు. ఈ సీజనల్‌లో తొలివిడత ధరల ప్రస్తావన లేకుండా ఆసక్తి గల వారు దరఖాస్తు చేసుకోవాలని టెండర్‌ ప్రకటన వచ్చింది. మరో రెండు నెలల్లో పత్తి పంట చే తికొచ్చి క్రయవిక్రయాలు ప్రారంభించే అవకా శం ఉంది. దీంతో వ్యాపారులతోపాటు సీసీఐ ప త్తి కొనుగోళ్లకు ఏర్పాట్లు చేస్తోంది 7.24 లక్షల ఎకరాల్లో పత్తిసాగు ఉమ్మడి జిల్లాలో ఈ సీజన్‌లో పత్తి సాగు సు మా రు 7.24 లక్షలకు పైగా ఎకరాలకు చేరుకుంది. 50.25 లక్షల క్వింటాళ్ల పత్తి వస్తుందని అధి కా రులు అంచనా వేశారు. మద్దతు ధరతో కొనుగోలు చేసే సీసీఐ.. బేళ్లుగా మార్చి ఎగుమతి చేయడానికి ఏటా టెండర్లు ఆహ్వానిస్తుంది. అదే తరహాలో టెండర్లను పిలిచింది. గతేడాది 6.53 లక్షల బేళ్లను సిద్ధం చేసి ఎగుమతి చేసింది. ఈ సీజనలో పత్తి క్రయవిక్రయాల్లో ఇబ్బందులు లేకుండా చర్యలు తీసుకుంటోంది. ఉమ్మడి వరంగల్‌ జిల్లాలోని 16 మార్కెట్‌ యార్డుల పరిధిలో 19 సీసీఐ కొనుగోలు కేంద్రాలు ఏర్పాటు చేయనున్నారు. ములు గు, కేసముద్రం–ఏ, బీ, తొర్రూరు, మహబూబాబాద్‌, కాటారం, చిట్యాల, భూపాలపల్లి, కొడకండ్ల, నర్సంపేట, జనగామ–ఏ, బీ, ఘన్‌పూర్‌, ఆత్మకూరు, రాంపూర్‌, పరకాల, ఎల్కతుర్తి, వరంగల్‌–ఏ, బీ కేంద్రాలున్నాయి. గత కేంద్రాలను ఈసారీ ఏర్పాటు చేయాలని నిర్ణయం తీసుకున్నా రు. కేంద్రాల వారీగా కొనే పత్తిని బేళ్లుగా మార్చేందుకు ఏటా జిన్నింగ్‌ మిల్లులను అద్దెకు తీసుకుంటున్నారు. జిన్నింగ్‌ మిల్లులు, గిడ్డంగులు, బేళ్ల రవాణాకు వాహనా లు, తాత్కాలిక ఉద్యోగులు తదితర వాటికి కూడా టెండర్లను ఆహ్వానించినట్లు మార్కెటింగ్‌ శాఽఖ అధికారులు తెలిపారు. ఉమ్మడి వరంగల్‌ జిల్లాలో టెండర్లు పూర్తిచేసిన సీసీఐ 16 మార్కెట్‌ యార్డుల పరిధిలో 19 కేంద్రాలు ఏర్పాటు 50.25 లక్షల క్వింటాళ్ల పత్తి వస్తుందని అధికారుల అంచనా

ఇసుక లారీలో మె.టన్నుకు అదనంగా.. రూ.2వేలు వసూలుజ్యోతి ఆదిరెడ్డిసాక్షిప్రతినిధి, వరంగల్‌: ఇసుక లారీల్లో ఓవర్‌లోడ్‌కు ఇక భారీ మూల్యం చెల్లించాల్సిందే. ఇసుక రవాణాలో నిర్ణీత సామర్థ్యానికి మించి తరలించే ప్రతీ మెట్రిక్‌ టన్ను ఇసుకకు రూ.2 వేల చొప్పున జరిమానా విధించాలని ప్రభుత్వం నిర్ణయించింది. అంతేకాకుండా ఒకే వాహనం రెండు సార్లకు మించి ఓవర్‌లోడ్‌ ఉల్లంఘనలకు పాల్పడితే సాండ్‌ మేనేజ్‌మెంట్‌ సిస్టమ్‌లో ఆ వాహనాన్ని తదుపరి బుకింగ్‌లకు బ్లాక్‌ చేయనున్నారు. మైన్స్‌ సర్వేలెన్స్‌ సిస్టం ద్వారా ఓవర్‌లోడ్‌ను గుర్తించి జరిమానాను ఆన్‌లైన్‌లో వసూలు చేయాలని ప్రభుత్వం జారీ చేసిన జీఓ నంబర్‌ 28లో స్పష్టం చేసింది. ఈనిబంధనలతో ఉమ్మడి జిల్లాలోని రీచ్‌ల నుంచి అదనపు ఇసుక తరలించే వందలాది లారీలకు చెక్‌పడనుంది. క్వారీ నుంచి స్టాక్‌యార్డు వరకు.. కొన్ని రీచ్‌ల్లో నేరుగా భారీ వాహనాల్లో ఇసుక లోడ్‌ కాకుండా రీచ్‌ నుంచి స్టాక్‌యార్డుకు ట్రాక్టర్లు/చిన్న వాహనాల ద్వారా తరలించి, అక్కడినుంచి లారీ ల్లోకి రీలోడ్‌ చేసే విధానం ఉంది. తాడిచెర్ల తాజా టెండర్లలోనూ రీచ్‌ నుంచి స్టాక్‌ యార్డుకు ఇసుక తరలించి, తిరిగి లారీల్లోకి లోడ్‌ చేయాల్సి ఉందని పేర్కొన్నారు. కొత్త నిబంధన కేవలం లారీ డ్రైవర్‌పైనే కాకుండా రీచ్‌–స్టాక్‌యార్డు–లోడింగ్‌–రవాణా మొత్తం వ్యవస్థపై జాగ్రత్త పెంచే అవకాశం ఉంది. ఇదిలా ఉండగా ఓవర్‌లోడ్‌ పూర్తిగా నియంత్రితమై తే ఒక్క ట్రిప్పులో తరలించే ఇసుక పరిమాణం త గ్గుతుంది. మరోవైపు రోడ్లపై ఒత్తిడి, రోడ్డు నష్టం, ప్రమాదాల ముప్పు తగ్గే అవకాశం ఉంది. ఓవర్‌లోడ్‌ లారీలకే సమస్య.. కొత్త జీఓతో అసలు సమస్య ఓవర్‌లోడ్‌ చేసే లారీలకే. ఒక లారీలో నిర్ణీత పరిమితికి మించి టన్ను ఇసుక ఉంటే రూ.2వేల జరిమానా. 3 టన్నులు అదనంగా ఉంటే రూ.6వేలు, ఐదు టన్నులు అయితే రూ.10వేలు.. అంటే ఒక్క ట్రిప్పులో ఎక్కువ ఇసుక వేసుకుని అదనపు ఆదా యం పొందాలనుకునే ప్రయత్నం జరిమానాతో పోలిస్తే నష్టదాయకంగా మారే అవకా శంఉంది. జీఓ ప్రకారం అదనంగా తరలించిన ఇసుక పరిమాణంపై జరిమానా విధించనున్నారు. లారీ యజ మానులకు ఇది మరింత కీలకమైన నిబంధన. రెండుకంటే ఎక్కువ ఓవర్‌లోడ్‌ ఉల్లంఘనలు గుర్తించిన వాహనాన్ని సాండ్‌ మేనేజ్‌మెంట్‌ సిస్టమ్‌లో తదుపరి బుకింగ్‌ల నుంచి బ్లాక్‌ చేయనున్నారు. ఆ వాహనంతో టీజీఎండీసీ ఇసుకను బుక్‌ చేసుకునే అవకాశమే కోల్పోయే పరిస్థితి ఏర్పడుతుంది. రెండుసార్లు ఓవర్‌.. మూడోసారికి బుకింగ్‌ కట్‌ రీచ్‌ నుంచి స్టాక్‌యార్డు.. అక్కడినుంచి లారీ వరకు నిఘా కొత్త నిబంధనలు విధించిన ప్రభుత్వం తారుమారు కానున్న వ్యాపారుల లెక్కలుఉమ్మడి జిల్లాలో ఇసుక రీచ్‌లు ఇలా.. గోదావరి పరీవాహక ప్రాంతం కారణంగా ఉమ్మడి వరంగల్‌లోని ముఖ్యంగా ములుగు, జయశంకర్‌ భూపాలపల్లి జిల్లాల్లో ఇసుక తవ్వకాలు, రవాణా కార్యకలాపాలు సాగుతున్నాయి. టీజీఎండీసీ వివరాల ప్రకారం.. ములుగు జిల్లాలో టీజీఎండీసీ రికార్డుల్లో మారికాల, సూరవీడు, ముత్తారం, కొండాపురం, కొరకల్లు వంటి ఇసుక రీచ్‌ల వివరాలు ఉన్నాయి. ఉదాహరణకు మారికాల రీచ్‌కు1,59,680 మెట్రిక్‌ టన్నులు, కొరకల్లు రీచ్‌కు 99,948 క్యూబిక్‌ మీటర్ల పరిమాణం కేటాయించారు. సూరవీడు రీచ్‌కు 70 వేల క్యూబిక్‌ మీటర్లు, ముత్తారం రీచ్‌కు 99,400 క్యూబిక్‌ మీటర్ల ఇసుక తరలింపునకు అనుమతి ఉంది. జేఎస్‌ భూపాలపల్లి జిల్లాలో ఈ ఏడాది కూడా భారీ స్థాయిలో ఇసుక డీ–సిల్టేషన్‌ పనులకు టీజీఎండీసీ టెండర్లు పిలిచింది. తాడిచెర్ల–1, తాడిచెర్ల–2 రీచ్‌లలో సుమారు 14 లక్షల మెట్రిక్‌ టన్నుల ఇసుక డీ–సిల్టేషన్‌కు సంబంధించిన టెండర్‌ అయ్యింది. ఆయా రీచ్‌ల నుంచి ఇసుక తరలించే లారీలకు ‘ఓవర్‌లోడ్‌’ నిబంధన ప్రభావం పడనుంది. దీంతో ఇసుక వ్యాపారుల, లారీ ఓనర్ల లెక్కలు తారుమారు కానున్నాయి.

డీసీసీ అధ్యక్షుడు ఇనగాల వెంకట్రాంరెడ్డి హన్మకొండ చౌరస్తా: ప్రజాసేవలో మాజీ సీఎం వైఎస్సార్‌ది చెరగని ముద్ర అని హనుమకొండ జిల్లా కాంగ్రెస్‌ పార్టీ అధ్యక్షుడు ఇనగాల వెంట్రాంరెడ్డి అన్నారు. దివంగత డాక్టర్‌ వైఎస్‌ రాజశేఖరరెడ్డి వర్ధంతిని పురస్కరించుకుని హనుమకొండలోని డీసీసీ కార్యాలయంలో బుధవారం ఘనంగా నివాళులర్పించారు. డీసీసీ అధ్యక్షుడు వెంకట్రాంరెడ్డి ఆధ్వర్యంలో నిర్వహించిన ఈకార్యక్రమంలో వై ఎస్సార్‌ చిత్రపటానికి పూలమాలలు వేసి ఆయన చేసిన సేవలను స్మరించుకున్నారు. ఈసందర్భంగా ఇనగాల వెంకట్రాంరెడ్డి మాట్లాడుతూ.. పేదలు, రైతులు, మహిళలు, విద్యార్థుల సంక్షేమానికి వైఎస్సార్‌ అనేక కార్యక్రమాలు చేపట్టి ప్రజల హృదయాల్లో చెరగని ముద్ర వేసుకున్నారని కొనియాడారు. కార్యక్రమంలో వర్ధన్నపేట ఎమ్మెల్యే కేఆర్‌.నాగరాజు, టీపీసీసీ ప్రధాన కార్యదర్శి పల్లె శ్రీనివాస్‌గౌడ్‌, బత్తిని శ్రీనివాస్‌రావు, వరంగల్‌ మార్కెట్‌ కమిటీ చైర్మన్‌ పులి ప్రియాంక, ఐవైసీ జాతీయ కార్యదర్శి గొట్టిముక్కుల సాగరిక, డీసీసీ మీడియా కమిటీ చైర్మన్‌ మార్క విజయ్‌కుమార్‌గౌడ్‌ తదితరులు పాల్గొన్నారు.

హన్మకొండ: వినాయక చవితి, గణపతి నవరాత్రి ఉత్సవాలను ఎలాంటి అవాంఛనీయ ఘటనలకు తావులేకుండా నిర్వహించుకోవాలని వరంగల్‌ పోలీస్‌ కమిషనర్‌ ఎన్‌.శ్వేత ఉత్సవ కమిటీలు, మండపాల నిర్వాహకులకు సూచించారు. బుధవారం హనుమకొండ కలెక్టరేట్‌లో హనుమకొండ, వరంగల్‌, జనగామ జిల్లాల్లో గణపతి నవరాత్రి ఉత్సవాల ఏర్పాట్లు, నిర్వహణపై అధికారులతో సమన్వయ సమావేశం నిర్వహించారు. ఈసందర్భంగా సీపీ శ్వేత మాట్లాడుతూ.. ఉత్సవ నిర్వాహకులు పోలీస్‌, అధికారుల సూచనలు పాటిస్తూ భక్తిశ్రద్ధలతో, స్నేహపూర్వక వాతావరణంలో వేడుకలు నిర్వహించాలన్నారు. సాంస్కృతిక కార్యక్రమాలు నిర్వహించాల్సి వస్తే స్థానిక ఏసీపీ అనుమతి తీసుకోవాలని సూచించారు. నిమజ్జన ప్రాంతాల్లో క్రేన్లు, గజ ఈతగాళ్లు, లైటింగ్‌, బారికేడ్లు, వైద్య సిబ్బందిని ముందుగానే ఏర్పాటు చేయాలని ఆదేశించారు. హనుమకొండ కలెక్టర్‌ చాహత్‌ బాజ్‌పాయ్‌ మాట్లాడుతూ ప్రజలు, ఉత్సవ కమిటీలు మట్టి గణపతి విగ్రహాలను ఏర్పాటు చేసేలా ప్రోత్సహించాలని అధికారులకు సూచించారు. వరంగల్‌ కలెక్టర్‌ సత్యశారద మాట్లాడుతూ సమీప ప్రాంతాల్లో నిమజ్జన ప్రాంతాలను గుర్తించాలన్నారు. వరంగల్‌ పోలీస్‌ కమిషనర్‌ ఎన్‌.శ్వేత ఉత్సవాల నిర్వహణపై అధికారులతో సమావేశం

● కలెక్టర్‌ చాహత్‌ బాజ్‌పాయ్‌ ఐనవోలు: రెండు సర్వేలను వేగంగా, పకడ్బందీగా పూర్తి చేయాలని రెవెన్యూ, వ్యవసాయ అధికారులను హనుమకొండ కలెక్టర్‌ చాహత్‌ బాజ్‌పాయ్‌ ఆదేశించారు. భూరికార్డుల పారదర్శకత, కచ్చితత్వం కోసం చేపట్టిన భూముల రీ సర్వే, డిజిటల్‌ క్రాప్‌ సర్వే కార్యక్రమాలను కలెక్టర్‌ బుధవారం మండలంలోని పంథిని, చింతకుంటలో క్షేత్రస్థాయిలో పరిశీలించారు. ఈసందర్భంగా పంథిని గ్రామ పరిధిలో మొత్తం 3,541 ఎకరాలు ఉండగా, ఇప్పటి వరకు 2,144 ఎకరాల భూమికి రీ సర్వే పూర్తయినట్లు సర్వేయర్లు కలెక్టర్‌కు వివరించారు. రోవర్లతో సర్వేయర్లు భూమిని కొలుస్తున్న తీరును పరిశీలించి, ప్రస్తుత పురోగతిపై సంతృప్తి వ్యక్తం చేశారు. రీ సర్వే బాగుందని భూహద్దులు, విస్తీర్ణం, పట్టాదారు వివరాల్లో స్పష్టత రానుందని, భవిష్యత్‌లో భూ సమస్యలు తగ్గుతాయని రైతులు రాజిరెడ్డి, రామరాజు, సంపత్‌రెడ్డి, సునీల్‌ రెడ్డి, మాధవి, సరోజన, నిర్మల ఆనందం వ్యక్తం చేశారు. 15 రోజుల్లో పూర్తి చేయాలి.. భూముల రీ సర్వేను మరో 15 రోజుల్లో పూర్తిచేయాలని సర్వేయర్లను కలెక్టర్‌ చాహత్‌ బాజ్‌పాయ్‌ ఆదేశించారు. రీ సర్వే వివరాలను ల్యాండ్‌ పార్సిల్‌ మ్యాప్‌ (ఎల్పీఎం)లో నమోదు ప్రక్రియను కూడా వెంటనే పూర్తి చేయాలన్నారు. వ్యవసాయశాఖ ఆధ్వర్యంలో జరుగుతున్న డిజిటల్‌ క్రాప్‌ సర్వేను కలెక్టర్‌ పరిశీలించారు. సర్వే నంబర్ల వారీగా వివరాల నమోదు, జియో మ్యాపింగ్‌, పంటల ఫొటోల నమోదు, సాంకేతిక వ్యవస్థ పనితీరును పరిశీలించారు. కలెక్టర్‌ వెంట సర్పంచ్‌ శ్రీరామ్‌ భూపాల్‌, ఏడీఏ రాజ్‌కుమార్‌, ఆర్డీఓ వెంకటేశ్‌, జిల్లా భూముల కొలతల శాఖ ఏడీ నూర్‌ సింగ్‌, తహసీల్దార్‌ విక్రమ్‌కుమార్‌, ఏఓ సునీల్‌కుమార్‌, సర్వేయర్‌ సూరజ్‌, స్థానిక రైతులు పాల్గొన్నారు.

ఖిలా వరంగల్‌: ఉమ్మడి వరంగల్‌ జిల్లాలో 2026–2027 సీజన్‌కు సంబంధించిన పత్తి కొనుగోళ్లకు కాటన్‌ కార్పొరేషన్‌ ఆఫ్‌ ఇండియా (సీసీఐ) సన్నాహాలు చేస్తోంది. ఈమేరకు కొనుగోలు కేంద్రాలు ఏర్పాటు చేయడంతోపాటు జిన్నింగ్‌ మిల్లుల్లో బేళ్ల కోసం టెండర్లు పిలిచి పూర్తి చేసింది. గతంలోని ధరలతోపాటు ఇతర నిబంధనలతో ఒకే టెండర్‌ ప్రకటన ఇచ్చే వారు. ఈ సీజనల్‌లో తొలివిడత ధరల ప్రస్తావన లేకుండా ఆసక్తి గల వారు దరఖాస్తు చేసుకోవాలని టెండర్‌ ప్రకటన వచ్చింది. మరో రెండు నెలల్లో పత్తి పంట చేతికొచ్చి క్రయవిక్రయాలు ప్రారంభించే అవకాశం ఉంది. దీంతో వ్యాపారులతోపాటు సీసీఐ పత్తి కొనుగోళ్లకు ఏర్పాట్లు చేస్తోంది 7.24 లక్షల ఎకరాల్లో పత్తిసాగు.. ఉమ్మడి జిల్లాలో ఈ సీజన్‌లో పత్తి సాగు సుమారు 7.24 లక్షలకు పైగా ఎకరాలకు చేరుకుంది. 50.25 లక్షల క్వింటాళ్ల పత్తి వస్తుందని అధికారులు అంచనా వేశారు. మద్దతు ధరతో పత్తిని కొనుగోలు చేసే సీసీఐ.. పత్తిలో గింజలు తీసి బేళ్లుగా మార్చి ఎగుమతి చేయడానికి ఏటా టెండర్లు ఆహ్వానిస్తుంది. అదే తరహాలో టెండర్లను పిలిచింది. గత ఏడాది 6.53 లక్షల బేళ్లను సిద్ధం చేసి ఎగుమతి చేసింది. ఈ సీజనల్‌లో పత్తి క్రయవిక్రయాల్లో ఇబ్బందులు లేకుండా చర్యలు తీసుకుంటోంది. ఉమ్మడి వరంగల్‌ జిల్లాలో టెండర్లు పూర్తిచేసిన సీసీఐ 16 మార్కెట్‌ యార్డుల పరిధిలో 19 కేంద్రాలు ఏర్పాటు 50.25 లక్షల క్వింటాళ్ల పత్తి వస్తుందని అధికారుల అంచనాఉమ్మడి వరంగల్‌ జిల్లాలోని 16 మార్కెట్‌ యార్డుల పరిధిలో 19 సీసీఐ కొనుగోలు కేంద్రాలు ఏర్పాటు చేయనున్నారు. ములుగు, కేసముద్రం–ఏ, బీ, తొర్రూరు, మహబూబాబాద్‌, కాటారం, చిట్యాల, భూపాలపల్లి, కొడకండ్ల, నర్సంపేట, జనగామ–ఏ,బీ, ఘన్‌పూర్‌, ఆత్మకూరు, రాంపూర్‌, పరకాల, ఎల్కతుర్తి, వరంగల్‌–ఏ,బీ కేంద్రాలు ఉన్నాయి. గతంలో ఏర్పాటు చేసిన కేంద్రాలను ఈసారి కూడా ఏర్పాటు చేయాలని నిర్ణయం తీసుకున్నారు. కేంద్రాల వారీగా కొనుగోలు చేసే పత్తిని బేళ్లుగా మార్చేందుకు ఏటా జిన్నింగ్‌ మిల్లులను అద్దెకు తీసుకుంటున్నారు. జిన్నింగ్‌ మిల్లులు, గిడ్డంగులు, బేళ్ల రవాణాకు వాహనాలు, తాత్కాలిక ఉద్యోగులు తదితర వాటికి కూడా టెండర్లను ఆహ్వానించినట్లు మార్కెటింగ్‌ శాఽఖ అధికారులు తెలిపారు. పత్తిని బేళ్లుగా మార్చేందుకు జిన్నింగ్‌ మిల్లులు అద్దెకు..

హన్మకొండ: కాంగ్రెస్‌ ప్రభుత్వ వేయి రోజుల వైఫల్య పాలనపై బీఆర్‌ఎస్‌ చేపట్టిన నిరసన ఉద్రిక్తతకు దారితీసింది. వారం రోజుల బీఆర్‌ఎస్‌ సమరభేరి కార్యక్రమంలో భాగంగా బుధవారం 420 హామీలతో కూడిన 420 అడుగుల ఫ్లెక్సీతో హనుమకొండ బాలసముద్రంలోని బీఆర్‌ఎస్‌ కార్యాలయం నుంచి ప్రారంభమైన ర్యాలీపై పోలీసులు ముందు నుంచి అభ్యంతరం తెలుపుతూ వచ్చారు. ర్యాలీ కాళోజీ కూడలికి చేరుకోగా పోలీసులు రోప్‌ పార్టీతో అడ్డుకున్నారు. బీఆర్‌ఎస్‌ నాయకులు, కార్యకర్తలు పోలీసు వలయాన్ని ప్రతిఘటిస్తూ ముందుకు సాగారు. ర్యాలీ తెలంగాణ అమరవీరుల స్తూపం కూడలికి చేరుకోగానే ప్రభుత్వ మాజీ చీఫ్‌ విప్‌ దాస్యం వినయ్‌ భాస్కర్‌ను అరెస్ట్‌ చేసేక్రమంలో ఆయన తీవ్ర ఒత్తిడితో నొప్పి భరించలేక కేకలు వేశారు. చివరికి ఆయనను పోలీసు వాహనంలోకి ఎక్కించి సుబేదారి పోలీస్‌ స్టేషన్‌కు తరలిస్తున్న క్రమంలో పార్టీ కార్యకర్తలు వాహనానికి అడ్డుగా బైఠాయించారు. మరోవైపు పార్టీ నాయకులు, కార్యకర్తలు ఫ్లెక్సీతో హనుమకొండ కలెక్టరేట్‌కు చేరుకుని ధర్నా చేశారు. వినయ్‌భాస్కర్‌ను అరెస్ట్‌ చేశారని సమాచారం అందుకున్న మాజీ ఎంపీ బోయినపల్లి వినోద్‌ కుమార్‌ సుబేదారి పోలీస్‌ స్టేషన్‌కు చేరుకుని పరామర్శించారు. అనంతరం వినయ్‌భాస్కర్‌ మాట్లాడుతూ రాష్ట్రంలో ప్రజా పీడిత పాలన సాగుతోందని విమర్శించారు. వేయి రోజుల కాంగ్రెస్‌ పాలన వైఫల్యాలను ఎప్పటికప్పుడు ఎండగడుతునే ఉంటామన్నారు. ఒకరోజు ముందు అనుమతి ఇచ్చిన పోలీసులు నిరసన కార్యక్రమం చేపడితే అక్రమ అరెస్టు చేశారన్నారు. వీధి రౌడీల మాదిరిగా పండ్ల బండ్ల వారి కత్తులతో 420 హామీల ఫ్లెక్సీపై దాడి చేశారని ఆరోపించారు. వినోద్‌కుమార్‌ మాట్లాడుతూ శాంతియుతంగా నిరసన చేస్తున్న నాయకులను అరెస్టు చేయడం ప్రజాస్వామ్య స్ఫూర్తికి విరుద్ధమన్నారు. నిరసనలో నాయకులు మర్రి యాదవరెడ్డి, కేతిరెడ్డి వాసుదేవ రెడ్డి, వద్దిరాజు గణేష్‌, బీరవెళ్లి భరత్‌కుమార్‌, జోరిక రమేష్‌, పోలేపల్లి రామ్మూర్తితోపాటు నాయకులు, కారకర్తలు పాల్గొన్నారు.420 అడుగుల ఫ్లెక్సీతో ర్యాలీ తీస్తున్న బీఆర్‌ఎస్‌ నాయకులు, కార్యకర్తలు 420 అడుగుల ఫ్లెక్సీతో ర్యాలీ, కలెక్టరేట్‌ ఎదుట ధర్నా అడ్డుకున్న పోలీసులు.. ప్రభుత్వ మాజీ చీఫ్‌ విప్‌ దాస్యం వినయ్‌భాస్కర్‌ అరెస్ట్‌

● వరంగల్‌ పోలీస్‌ కమిషనర్‌ ఎన్‌.శ్వేతహన్మకొండ: వినాయక చవితి, గణపతి నవరాత్రి ఉత్సవాలను ఎలాంటి అవాంఛనీయ ఘటనలకు తావులేకుండా నిర్వహించుకోవాలని వరంగల్‌ పోలీస్‌ కమిషనర్‌ ఎన్‌.శ్వేత ఉత్సవ కమిటీలు, మండపాల నిర్వాహకులకు సూచించారు. బుధవారం హనుమకొండ కలెక్టరేట్‌లో హనుమకొండ, వరంగల్‌, జనగామ జిల్లాల్లో గణపతి నవరాత్రి ఉత్సవాల ఏర్పాట్లు, నిర్వహణపై కలెక్టర్లు, అదనపు కలెక్టర్లు, వివిధ శాఖల అధికారులతో సమన్వయ సమావేశం నిర్వహించారు. ఈసందర్భంగా సీపీ శ్వేత మాట్లాడుతూ.. ఉత్సవ నిర్వాహకులు పోలీస్‌, అధికారుల సూచనలు పాటిస్తూ భక్తిశ్రద్ధలతో, స్నేహపూర్వక వాతావరణంలో వేడుకలు నిర్వహించాలన్నారు. సాంస్కృతిక కార్యక్రమాలు నిర్వహించాల్సి వస్తే స్థానిక ఏసీపీ అనుమతి తీసుకోవాలని సూచించారు. హనుమకొండ కలెక్టర్‌ చాహత్‌ బాజ్‌పాయ్‌ మాట్లాడుతూ ప్రజలు, ఉత్సవ కమిటీలు మట్టి గణపతి విగ్రహాలను ఏర్పాటు చేసేలా ప్రోత్సహించాలని అధికారులకు సూచించారు. వరంగల్‌ కలెక్టర్‌ సత్యశారద మాట్లాడుతూ సమీప ప్రాంతాల్లో నిమజ్జన ప్రాంతాలను గుర్తించాలన్నారు. జీడబ్ల్యూఎంసీ కమిషనర్‌ వెంకన్న మాట్లాడుతూ గణపతి నవరాత్రుల సందర్భంగా ఎలాంటి ఇబ్బందులు ఎదుతే పోలీస్‌ కంట్రోల్‌ రూమ్‌ 87126 85048 నంబర్‌కు సమాచారం అందించాలని కోరారు. సమావేశంలో హనుమకొండ అదనపు కలెక్టర్‌ ఎన్‌.రవి, డీసీపీలు దార కవిత, అంకిత్‌కుమార్‌, రాజమహేంద్ర నాయక్‌, జనగామ అదనపు కలెక్టర్‌ బెన్‌ షా లోం, అధికారులు పాల్గొన్నారు.

కాళోజీ సెంటర్‌: జిల్లాలోని పాథమిక వ్యవసాయ సహకార సంఘాలను ఆర్థికంగా బలోపేతం చేయాలని కలెక్టర్‌ డాక్టర్‌ సత్యశారద ఆధికారులను ఆదేశించారు. కలెక్టరేట్‌లో బుధవారం నిర్వహించిన జి ల్లా సహకార అభివృద్ధి కమిటీ సమావేశంలో ప్రాథమిక వ్యవసాయ సహకార సంఘాల అభివృద్ధి, కా ర్యక్రమాలపై విస్తృతంగా చర్చించారు. ఈ సందర్భ ంగా కలెక్టర్‌ మాట్లాడుతూ సహకార సంఘాల ప రిదిలో పెద్ద ఎత్తున గోడౌన్ల నిర్మాణం చేపట్టి నిల్వ సామర్థ్యాన్ని పెంచడంతో పాటు అదనపు ఆదాయ వనరులపై దృష్టి పెట్టాలని సూచించారు. జిల్లాలో సహకార సంఘాల అభివృద్ధికి దోహదపడే ఉత్తమ ప్రాజెక్టులను గుర్తించి, వాటి అమలుకు అవసరమై న కార్యాచరణ రూపొందించాలని కలెక్టర్‌ పేర్కొన్నారు. సమావేశంలో జిల్లా సహకార అధికారి ఎం.నీరజ, పలు శాఖల అధికారులు పేర్కొన్నారు. అదనపు కలెక్టర్‌తోనే ఫైళ ్ల క్లియరెన్స్‌ జిల్లాలోని పలు ప్రభుత్వ శాఖలకు సంబంధించిన పరిపాలనా వ్యవహారాల్లో కలెక్టర్‌ సత్యశారద కీలక నిర్ణయం తీసుకున్నారు. మహిళాశిశు సంక్షేమ శాఖ, పంచాయతీరాజ్‌, గ్రామీణాభివృద్ధి, విద్యాశాఖకు సంబంధించిన ఫైళ్లు ఇకపై అదనపు కలెక్టర్‌ (లోకల్‌ బాడీ) ద్వారానే పంపించాలని ఉత్తర్వులు జారీ చేశారు. సంబంధిత శాఖల జిల్లా అధికారులు తమ ఫైళ్ల ప్రక్రియను తక్షణమే అదనపు కలెక్టర్‌ ద్వారానే నిర్వహించాలని పేర్కొన్నారు. కలెక్టర్‌ డాక్టర్‌ సత్యశారద

● డీఐఈఓ శ్రీధర్‌ సుమన్‌ కాళోజీ సెంటర్‌: ప్రభుత్వ జూనియర్‌ కళాశాలల్లో సిబ్బంది, విద్యార్థుల హాజరును పకడ్బందీగా నమోదు చేసేందుకు నూతన ముఖ గుర్తింపు (ఎఫ్‌ఆర్‌ఎస్‌) విధానాన్ని అమలు చేయనున్నట్లు జిల్లా ఇంటర్మీడియేట్‌ విద్యాధికారి డాక్టర్‌ శ్రీధర్‌ సుమన్‌ తెలిపారు. సోమవారం ఇంటర్‌ విద్యా కార్యాలయం నుంచి ప్రభుత్వ జూనియర్‌ కళాశాలల ప్రిన్సిపాళ్లు, అధ్యాపకులకు టీజీబీఐఈ ఎఫ్‌ఆర్‌ఎస్‌ యాప్‌ వినియోగంపై గూగుల్‌ మీట్‌ ద్వారా శిక్షణ నిర్వహించారు. ఈ సందర్భంగా డీఐఈఓ మాట్లాడుతూ ముఖ గుర్తింపు రిజిస్ట్రేషన్‌, రోజువారీ హాజరు, ఆన్‌ డ్యూటీ నమోదు, ప్రిన్సిపాళ్ల మానిటరింగ్‌, రిపోర్టింగ్‌ తదితర ప్రక్రియలను యాప్‌ ద్వారా నిర్వహించనున్నట్లు తెలిపారు. కొత్త యాప్‌లో అదనపు ఫీచర్లు అందుబాటులోకి రావడంతో విద్యార్థుల హాజరు నమోదు మరింత వేగంగా, సులభంగా జరుగుతుందన్నారు. జిల్లా వ్యాప్తంగా 11 ప్రభుత్వ జూనియర్‌ కళాశాలల్లో 200 మందికి పైగా సిబ్బంది, 2,400 మంది విద్యార్థులకు హాజరు విధానం అమలు చేయనున్నట్లు తెలిపారు. ఈ కార్యక్రమంలో మాస్టర్‌ ట్రైనర్‌ కేశవ్‌ రెడ్డి, ప్రిన్సిపాళ్లు, అధ్యాపక, అధ్యాపకేతర సిబ్బంది పాల్గొన్నారు.

హనుమకొండ uవరంగల్‌ uజనగామ uములుగు uమహబూబాబాద్‌ uభూపాలపల్లి uఆరు జిల్లాల్లోని పాఠశాలలకు రూ.643.20 లక్షల నిధులు ● జీరో నుంచి 10 మంది విద్యార్థులుంటే కేటాయింపుల్లేవువిద్యారణ్యపురి: ఉమ్మడి వరంగల్‌ జిల్లాలోని ప్రభుత్వ, స్థానిక సంస్థల పాఠశాలలు, కేజీబీవీలు, మోడల్‌ స్కూళ్లకు గిరిజన సంక్షేమశాఖ పాఠశాలలకు 2026–27 సంవత్సరానికి కాంపోజిట్‌ స్కూల్‌ గ్రాంట్‌ మంజూరు చేస్తూ ఇటీవల రాష్ట్ర పాఠశాల విద్యాశాఖ డైరెక్టర్‌, సమగ్ర శిక్ష ప్రాజెక్ట్‌ డైరెక్టర్‌ నవీన్‌ నికోలస్‌ ఉత్తర్వులు జారీ చేశారు. జీరో ఎన్‌రోల్‌మెంట్‌ పాఠశాలలకు, పీఎంశ్రీ పాఠశాలలకు, జీరో నుంచి 10 మధ్య విద్యార్థుల నమోదు ఉన్న పాఠశాలలకు ఈ నిధులు మంజూరు చేయలేదు. పాఠశాలల వారీగా నిధులు ఒకటినుంచి 30 మంది విద్యార్థులున్న పాఠశాలలకు రూ.10 వేల చొప్పున, 31 నుంచి 100 మంది విద్యార్థులుంటే రూ.25 వేలు, 101 నుంచి 250 మంది ఉంటే రూ.50 వేలు, 251 నుంచి 1,000 మంది విద్యార్థులుంటే రూ.75 వేలు, 1,000పైన విద్యార్థులుంటే రూ.లక్ష చొప్పున నిధులు కేటాయించారు. ఉమ్మడి వరంగల్‌ జిల్లా పరిధిలోని ఆరు జిల్లాలకు మొత్తం రూ.643.20 లక్షలు గ్రాంటు నిధులు మంజూరు చేశారు. ఈనిధులు వేటికి వినియోగించాలంటే.. ● పాఠశాలలకు అవసరమైన స్టేషనరీ చాక్‌పీస్‌లు, వైట్‌ పేపర్లు, రిజిస్టర్లు తదితరాలు సమకూర్చుకోవడం పరీక్షల నిర్వహణకు వినియోగించుకోవచ్చు. ● స్వాతంత్య్ర, గణతంత్ర దినోత్సవం వంటి జాతీయ పండుగల నిర్వహణకు వినియోగించుకోవచ్చు. ● పాఠశాలలో ఇంటర్నెట్‌ చార్జీలకు వినియోగించుకోవచ్చు. ● కంప్యూటర్లు, ప్రొజెక్టర్‌ కే–యాన్‌ టీవీ, తదితర పరికరాల మరమ్మతులకు వినియోగించుకోవచ్చు. ● తలుపులు, కిటికీలు, ఫ్లోరింగ్‌ వంటి చిన్న చిన్న మరమ్మతులకు వినియోగించుకోవచ్చు. ● తాగునీటి సదుపాయం కల్పించుకునేందుకు కూడా ఈగ్రాంట్‌లో 10 శాతం మొత్తాన్ని స్వచ్ఛత, యాక్షన్‌ప్లాన్‌లో భాగంగా చేతులు కడుక్కునేందుకు లిక్విడ్‌ సోప్‌, టాయిలెట్‌ శుభ్రపర్చే సామగ్రి తప్పనిసరిగా కొనుగోలు చేయాల్సి ఉంటుంది. ● దివ్యాంగ విద్యార్థులున్న పాఠశాలల్లో, పాఠశాల ఆవరణలో సురక్షితమైన అవరోధాలు లేని ప్రవేశం కోసం రెయిలింగ్‌ ఇతర చిన్న సదుపాయాల కోసం గ్రాంటు నుంచి నిధులు వినియోగించుకోవచ్చు. ● పాఠశాలల్లో ఆవరణను క్రమం తప్పకుండా శుభ్రపర్చాలి. శానిటైజ్‌ చేయాలి. తగిన వెంటిలేషన్‌లో డిస్‌ ఇన్‌స్పెక్ట్‌ చేయాలి ● సబ్బు, హ్యాండ్‌ శానిటైజర్‌, క్లోరిన్‌ సొల్యూషన్‌ ఇతర శుభ్రపర్చే సామగ్రిని ఎల్లప్పుడూ నిల్వ ఉంచాలి. ● గ్రాంట్‌ వినియోగానికి సంబంధించి పాఠశాల యాజమాన్య కమిటీ (ఎస్‌ఎంసీ) అమ్మ ఆదర్శ పాఠశాల కమిటీ (ఏఏపీసీ) తీర్మానం చేసి రికార్డుల్లో పేర్కొనాలి. ● గ్రాంటును మార్గదర్శకాలకు అనుగుణంగా సక్రమంగా వినియోగించే బాధ్యత హెచ్‌ఎం/ ప్రిన్సిపాళ్లదే.. మొత్తం పాఠశాలలుమొత్తం గ్రాంటు (రూ.లక్షల్లో)

న్యూశాయంపేట: ప్రజావాణిలో అందించే దరఖాస్తుల పరిష్కారానికి చర్యలు తీసుకోవాలని అదనపు కలెక్టర్‌ (స్థానిక సంస్థలు) వైవీ గణేశ్‌ అన్నారు. కలెక్టర్‌ డాక్టర్‌ సత్యశారద ఆదేశాల మేరకు కలెక్టరేట్‌లోని కాన్ఫరెన్స్‌ హాల్‌లో సోమవారం నిర్వహించిన ప్రజావాణిలో దరఖాస్తులు స్వీకరించారు. అనంతరం ఆయన మాట్లాడుతూ వినతులు సత్వరమే పరిష్కరించాలని ఆయా శాఖల అధికారులను ఆదేశించారు. ప్రజావాణిలో మొత్తం 136 దరఖాస్తులు రాగా రెవెన్యూ 42, జీడబ్ల్యూఎంసీ 26, హౌసింగ్‌ 21, డీఆర్‌డీఓ 16, ఇతర శాఖలకు సంబంధించినవి 31 దరఖాస్తులు వచ్చాయన్నారు. వరంగల్‌ రెవెన్యూ డివిజన్‌ కార్యాలయంలో రెండు దరఖాస్తులు వచ్చాయి. డీఎంహెచ్‌ఓ డాక్టర్‌ రాజారెడ్డి, డీఆర్‌డీఓ నాగపద్మజ, జిల్లా అధికారులు పాల్గొన్నారు. వినతులు ఇలా.. ● తన వాటాకు సంబంధించిన భూమిని అత్తామామ, మరిది కుమారులు అక్రమంగా రిజిస్ట్రేషన్‌ చేసుకున్నారని ఖిలావరంగల్‌ మండలం వసంతా పూర్‌కు చెందిన కె.కవిత వినతిపత్రం అందించారు. ● వరంగల్‌ తూర్పు నియోజకవర్గ పరిధి 37, 38 డివిజన్‌ పరిధి ఖిలావరంగల్‌ పడమర కోట ప్రాంతంలో తాగునీటి ఎద్దడిని నివారించాలని అఖిల పక్ష పోరాట కమిటీ ఆధ్వర్యంలో విన్నవించారు. ● ఇందిరమ్మ ఇల్లు మంజూరు చేయాలని 16వ డివిజన్‌కు చెందిన గొర్రె అరుణ కోరారు. ● హనుమకొండ జిల్లా ఐనవోలు మండలం రెడ్డిపాలెం గ్రామానికి ఎనిమిది నెలల నుంచి గ్యాస్‌ సరఫరా కావడం లేదని గ్రామస్తులు ఫిర్యాదు చేశారు. అదనపు కలెక్టర్‌ వైవీ గణేశ్‌ ప్రజావాణికి 136, రెవెన్యూ డివిజన్‌లో 2 దరఖాస్తులు

సమీక్షలో పాల్గొన్న ఎమ్మెల్యేలు కడియం శ్రీహరి, యశస్వినిరెడ్డి, దొంతి మాధవరెడ్డి, కేఆర్‌ నాగరాజు, నాయిని రాజేందర్‌రెడ్డి, గండ్ర సత్యనారాయణరావు సమావేశంలో మాట్లాడుతున్న మంత్రి పొంగులేటి శ్రీనివాస్‌రెడ్డి, పక్కన మంత్రి ధనసరి సీతక్క, రాజ్యసభ సభ్యుడు వేం నరేందర్‌రెడ్డి, ఎంపీలు బలరాం నాయక్‌, కడియం కావ్య, ప్రభుత్వ విప్‌ రాంచంద్రునాయక్‌, ఎమ్మెల్సీ సారయ్య, ఎమ్మెల్యే మురళీనాయక్‌సాక్షి, మహబూబాబాద్‌ : ‘ఏ గ్రామంలో చూసినా భూ సమస్య కనిపిస్తోంది. భూమి ఒకరికి, హక్కు మరొకరికి అన్నట్లు ఉంది. వీటన్నింటికి పరిష్కారం చూపేందుకు ప్రభుత్వం చిత్తశుద్ధితో చేపట్టిన భూ సర్వేను వడివడిగా చేయాలి. ఈ ప్రక్రియను తహసీల్దార్లనుంచి కలెక్టర్ల వరకు పర్యవేక్షించాలి. ఏమాత్రం నిర్లక్ష్యం చేసినా వారిపై వేటు తప్పదు’ అని ఉమ్మడి వరంగల్‌ జిల్లా ఇన్‌చార్జ్‌ మంత్రి, రాష్ట్ర గృహనిర్మాణ, రెవెన్యూ శాఖ మంత్రి పొంగులేటి శ్రీనివాస్‌రెడ్డి హెచ్చరించారు. ఉమ్మడి వరంగల్‌ జిల్లాలో రెవెన్యూ, రీ–సర్వే, రిజిస్ట్రేషన్‌, హౌసింగ్‌ అంశాలపై మహబూబాబాద్‌ ఐడీఓసీ కార్యాలయంలో సోమవారం ఆయన మంత్రి ధనసరి అనసూయ (సీతక్క), ఉమ్మడి వరంగల్‌ జిల్లా ప్రజాప్రతినిధులు, రెవెన్యూ, రిజిస్ట్రేషన్‌, గృహ నిర్మాణ శాఖల కార్యదర్శులతో సమీక్ష నిర్వహించారు. రిజిస్ట్రేషన్‌ శాఖ కార్యాలయాల నిర్మాణాలు పూర్తిచేయాలి జూలై 7న జారీ చేసిన ప్రభుత్వ ఉత్తర్వుల మేరకు నర్సంపేట, పరకాల, ములుగు, జనగామ, భూపాలపల్లి ప్రాంతాల్లో ఐదు సబ్‌–రిజిస్ట్రార్‌ కార్యాలయాలు, వరంగల్‌లో ఒక డీఐజీ కార్యాలయం మంజూరైనట్లు అధికారులు తెలిపారు. హనుమకొండ జిల్లా పలివేల్పులలో డీఐజీ కార్యాలయం కోసం ఎకరం 20 గుంటల ఎస్సారెస్పీ స్థలాన్ని కేటాయించేందుకు ప్రతిపాదనలు సిద్ధం చేసినట్లు తెలిపారు. పరకాలలో నూతన భవన నిర్మాణం 7 శాతం పూర్తయిందని తెలిపారు. భీమదేవరపల్లి, పరకాల భవన నిర్మాణ పనులను వేగవంతం చేసేందుకు హౌసింగ్‌ శాఖకు అప్పగించాలని నిర్ణయించారు. ఇందిరమ్మ ఇళ్ల నిర్మాణంలో ఆలస్యం వద్దు జనగామ, మహబూబాబాద్‌ జిల్లాల్లో ఇందిరమ్మ ఇళ్ల నిర్మాణాలు సంతృప్తికరంగా కొనసాగుతున్నాయని, ములుగు, భూపాలపల్లి జిల్లాల్లో పురోగతి ఆశించిన స్థాయిలో లేదని మంత్రి పొంగులేటి అసంతృప్తి వ్యక్తం చేశారు. భూపాలపల్లి జిల్లాలో 4,600 ఇళ్లు మంజూరు కాగా, 3,946 ఇళ్లకు ప్రాసెస్‌ పూర్తయినప్పటికీ ఇప్పటివరకు 854 ఇళ్లు మాత్రమే పూర్తయ్యాయని తెలిపారు. ములుగు జిల్లాలోనూ ఇళ్ల పూర్తిశాతం 50 శాతానికిలోపే ఉందని పేర్కొన్నారు. పెండింగ్‌ ఇళ్ల నిర్మాణాలను వేగవంతం చేసి సెప్టెంబర్‌ 15నాటికి గరిష్ట సంఖ్యలో పూర్తి చేసేలా ప్రత్యేక కార్యాచరణ చేపట్టాలని సంబంధిత కలెక్టర్లను ఆదేశించారు. రెండో విడతలో ప్రతీ నియోజకవర్గానికి 2వేల ఇళ్లను ప్రభుత్వం మంజూరు చేసిందని, గుడిసెల్లో నివసిస్తున్న కుటుంబాలకు మొదటి ప్రాధాన్యం ఇవ్వాలని మంత్రి సూచించారు. సమావేశంలో రాజ్యసభ సభ్యుడు వేం నరేందర్‌రెడ్డి, ఎంపీలు బలరాంనాయక్‌, కడియం కావ్య, ప్రభుత్వ విప్‌ రాంచంద్రునాయక్‌, ఎమ్మెల్సీ బస్వరాజు సారయ్య, ఎమ్మెల్యేలు కడియం శ్రీహరి, దొంతి మాధవరెడ్డి, మురళీనా యక్‌, నాయిని రాజేందర్‌రెడ్డి, కేఆర్‌ నాగరాజు, గండ్ర సత్యనారాయణరావు, యశస్వినిరెడ్డి, గ్రంథాల య చైర్మన్లు, వెన్నం శ్రీకాంత్‌ రెడ్డి, మీసాల ప్రకాశ్‌, లాండ్‌ అడ్మినిస్ట్రేషన్‌ చీఫ్‌ కమిషనర్‌ లోకేష్‌ కుమార్‌, రెవెన్యూ, రిజిస్టేషన్‌, స్టాంప్స్‌ ప్రత్యేక కార్యదర్శి రాజీవ్‌గాంధీ హన్మంతు, భూ భారతి డైరెక్టర్‌, గృహనిర్మాణశాఖ ప్రత్యేక కార్యదర్శి గౌతమ్‌, కలెక్టర్లు స్నే హ శబరీష్‌, సత్యశారద, చాహత్‌ బాజ్‌పాయ్‌, సందీప్‌కుమార్‌ ఝా, బోర్ఖడే హేమంత్‌ సహదేవరావు, రాహుల్‌ శర్మ, అన్ని జిల్లాల అధికారులున్నారు. తహసీల్దార్లనుంచి కలెక్టర్ల వరకు పర్యవేక్షించాలి ప్రతీ అంగుళం శాసీ్త్రయంగా ఉండాలి నిర్లక్ష్యం చేసే అధికారులపై వేటు తప్పదు నిరుపేదలకు ఇందిరమ్మ ఇళ్లలో మొదటి ప్రాధాన్యం ఉమ్మడి జిల్లా సమీక్షలో రాష్ట్ర గృహనిర్మాణ, రెవెన్యూ శాఖ మంత్రి పొంగులేటి శ్రీనివాస్‌రెడ్డి హాజరైన మంత్రి సీతక్క, ఎంపీలు, ఎమ్మెల్యేలు ఈసందర్భంగా మంత్రి పొంగులేటి శ్రీనివాస్‌రెడ్డి మాట్లాడుతూ ప్రతీ జిల్లాలో 70 రెవెన్యూ గ్రామాలను లక్ష్యంగా ఎంపిక చేసి మొదటి విడత భూ సర్వేను నవంబర్‌ నెలాఖరు నాటికి పూర్తి చేయాలని స్పష్టం చేశారు. ప్రతీ అంగుళం భూమిని వ్యవసాయ, వ్యవసాయేతర, ఆబాదీ ఆస్తుల వా రీగా శాసీ్త్రయంగా సర్వే చేయడమే ప్రభుత్వ లక్ష్యమన్నారు. ఉమ్మడి వరంగల్‌ జిల్లా పరిధిలోని 31 నాన్‌–కెడస్ట్రల్‌ గ్రామాలకుగాను 18 గ్రామాల్లో రీసర్వే పనులు ప్రారంభమయ్యాయని, వీటిలో 5 గ్రామాల్లో సర్వే పూర్తయిందని, మరో 13 గ్రామాల్లో పనులు కొనసాగుతున్నాయని అధి కారులు మంత్రికి వివరించారు. మిగిలిన 13 గ్రా మాల్లో, భూపాలపల్లి జిల్లాలో 8, జనగామ జిల్లాలో 5 గ్రామాల్లో సర్వే పనులను తక్షణమే ప్రారంభించాలని మంత్రి ఆదేశించారు. సర్వే గ్రామాలకు తహసీల్దార్లు ప్రతీరోజు, నెలలో ఐదు రోజు లు ఆర్డీఓలు, మూడుసార్లు కలెక్టర్లు పరిశీలించాలని, ప్రజల అభిప్రాయాలు తెలుసుకోవాలని చెప్పారు. క్షేత్రస్థాయికి వెళ్లకుండా సర్టిఫికెట్లు జారీ చేయడం, ప్రభుత్వ నిబంధనలకు విరుద్ధంగా వ్యవహరించడం వంటి చర్యలను ఏమాత్రం ఉపేక్షించబోమని హెచ్చరించారు.22–ఏ భూముల విషయంలో జాగ్రత్త ప్రతీ జిల్లాలో 22–ఏ కింద ఉన్న భూములు ఏవి? వాటిలో వ్యవసాయ, వ్యవసాయేతర భూములు ఎన్ని? ఇతర వివరాలు ఏంటి అనే అంశాలను నాలుగు కాలమ్స్‌తో కూడిన సమ గ్ర నివేదికగా సిద్ధం చేయాలని మంత్రి ఆదేశించారు. సర్వేనంబర్ల వారీగా పూర్తి వివరాలను రెండు రోజుల్లో అధికారులకు సమర్పించాలని స్పష్టం చేశారు. 22–ఏ జాబితాలో పొరపాటున చేరిన రైతుల భూముల వివరాలను పరిశీలించి, అర్హత ఉన్న భూములను జాబితా నుంచి తొలగించే ప్రక్రియను వేగవంతం చేయాలని సూచించారు. అటవీ, రెవెన్యూ భూ ముల సరిహద్దు వివాదాలను శాశ్వతంగా పరి ష్కరించాలని ఆదేశించారు. కలెక్టర్లు, అటవీ శాఖ అధికారులు సంయుక్తంగా సమావేశమై, శాసీ్త్రయ పద్ధతుల్లో భూముల కొలతలు చేపట్టి సరిహద్దులు నిర్ధారించాలని సూచించారు.

● మంత్రి పొన్నం ప్రభాకర్‌ ● అంతర్గత సీసీ రోడ్డు ప్రారంభం వేలేరు: కన్నారం గ్రామాన్ని అన్ని రంగాల్లో అభివృద్ధి చేస్తానని మంత్రి పొన్నం ప్రభాకర్‌ అన్నారు. సోమవారం మండలంలోని కన్నారంలో ‘పల్లె పల్లెకు పొన్నం అన్న–పల్లె పల్లెలో ప్రజాపాలన’ కార్యక్రమంలో భాగంగా ఆయన పర్యటించారు. ఈసందర్భంగా మంత్రి మాట్లాడుతూ.. కన్నారం గ్రామానికి సాగునీరందించేందుకు దేవాదుల నీటిని వినియోగించుకునే అవకాశాలను పరిశీలిస్తామన్నారు. హుస్నాబాద్‌ నుంచి కన్నారానికి, హనుమకొండ నుంచి కన్నారం వరకు అవసరమైన బస్సు సర్వీసులపై ప్రతిపాదనలు ఇవ్వాలని అధికారులను ఆదేశించారు. రూ.25 లక్షలతో నిర్మించిన అంతర్గత సీసీ రోడ్డును ప్రారంభించారు. అనంతరం గ్రామస్తుల నుంచి వ్యక్తిగత, సామాజిక సమస్యలపై వినతిపత్రాలు స్వీకరించారు. కార్యక్రమంలో సర్పంచ్‌ జన్నె రవీందర్‌, అధికారులు పాల్గొన్నారు.

● బీజేపీ రాష్ట్ర కార్యవర్గ సభ్యుడు డాక్టర్‌ సిరంగి సంతోశ్‌కుమార్‌ ● రేపు పరకాలలో అమరవీరుల సంస్మరణ సభ పరకాల: దేశం కోసం ప్రాణ త్యాగం చేసిన అమరుల సేవలు చిరస్మరణీయమని బీజేపీ రాష్ట్ర కార్యవర్గ సభ్యుడు డాక్టర్‌ సిరంగి సంతోశ్‌కుమార్‌ అన్నారు. పరకాలలోని బీజేపీ కార్యాలయంలో సోమవారం పార్టీ పరకాల పట్టణ అధ్యక్షుడు గాజుల నిరంజన్‌ అధ్యక్షతన సమావేశం నిర్వహించారు. పరకాల అమరధామంలో ఈనెల 2న జరిగే సంస్మరణ సభపై బీజేపీ శ్రేణులతో చర్చించారు. సంతోశ్‌కుమార్‌ మాట్లాడుతూ.. ఈసభకు బీజేపీ రాష్ట్ర అధ్యక్షుడు రాంచందర్‌రావు హాజరుకానున్నుట్లు తెలిపారు. బీజేపీ జిల్లా ప్రధాన కార్యదర్శులు ఆర్పీ జయంత్‌లాల్‌, దేవునూరి మేఘనాథ్‌, కౌన్సిలర్‌ కుక్కల విజయ్‌కుమార్‌, జిల్లా కోశాధికారి ఎర్ర రామన్న, పీఏసీఎస్‌ వైస్‌ చైర్మన్‌ చందుపట్ల రాజేందర్‌రెడ్డి, రాష్ట్ర నాయకులు కాచం గురుప్రసాద్‌, ఓబీసీ మోర్చా పట్టణ అధ్యక్షుడు పైండ్ల రంజిత్‌, పట్టణ కార్యదర్శి దంచనాదుల కిరణ్‌, నాయకులు దంచనాదుల సత్యణారాయణ, కానుగుల గోపీనాథ్‌, మెంతుల సురేశ్‌ పాల్గొన్నారు.

హనుమకొండ కలెక్టర్‌ చాహత్‌ బాజ్‌పాయ్‌ హన్మకొండ అర్బన్‌: సంచార జాతుల సమస్యల పరిష్కారానికి ప్రత్యేక శ్రద్ధ తీసుకుంటామని హనుమకొండ కలెక్టర్‌ చాహత్‌ బాజ్‌పాయ్‌ హామీ ఇచ్చారు. జిల్లా వెనుకబడిన తరగతుల అభివృద్ధి అధికారి జె.రంగారెడ్డి ఆధ్వర్యంలో సోమవారం హనుమకొండ కలెక్టరేట్‌లో సంచార జాతుల విముక్తి ఉత్సవాన్ని ఘనంగా నిర్వహించారు. ఈసందర్భంగా అణగారిన వర్గాల అభ్యున్నతికి కృషి చేసిన మహాత్మా జ్యోతిబా పూలే, సావిత్రిబాయి పూలే, డాక్టర్‌ బీఆర్‌ అంబేడ్కర్‌ చిత్రపటాలకు కలెక్టర్‌ చాహత్‌, అదనపు కలెక్టర్‌ రవి, తదితరులు పూలమాలలు వేసి నివాళులర్పి ంచారు. కార్యక్రమంలో వెనుకబడిన తరగతుల అభివృద్ధి సహాయ అధికారులు ఎస్‌.లక్ష్మణ్‌, ఆర్‌.సంపూర్ణ, పరిపాలనా అధికారులు తదితరులు పాల్గొన్నారు. రీసర్వే వివరాలు పకడ్బందీగా నమోదు చేయాలి హనుమకొండ జిల్లాలో చేపట్టిన భూముల రీ సర్వే వివరాలను ఎలాంటి లోటుపాట్లు లేకుండా పకడ్బందీగా నమోదు చేయాలని కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. సోమవారం కలెక్టరేట్‌లోని భూములు, కొలతల శాఖ కార్యాలయంలో జిల్లాలోని 70 గ్రామాల్లో చేపట్టిన రీ సర్వే వివరాలు సాఫ్ట్‌వేర్‌లో నమోదు చేస్తున్న ప్రక్రియను ఆమె పరిశీలించారు. రీసర్వేను ఐదు దశల్లో చేపట్టినట్లు అధికారులు వివరించారు.

సాక్షి, మహబూబాబాద్‌ : ‘ఏ గ్రామంలో చూసినా భూ సమస్య కనిపిస్తోంది. భూమి ఒకరికి, హక్కు మరొకరికి అన్నట్లు ఉంది. వీటన్నింటికి పరిష్కారం చూపేందుకు ప్రభుత్వం చిత్తశుద్ధితో చేపట్టిన భూ సర్వేను వడివడిగా చేయాలి. ఈ ప్రక్రియను తహసీల్దార్లనుంచి కలెక్టర్ల వరకు పర్యవేక్షించాలి. ఏమాత్రం నిర్లక్ష్యం చేసినా వారిపై వేటు తప్పదు’ అని ఉమ్మడి వరంగల్‌ జిల్లా ఇన్‌చార్జ్‌ మంత్రి, రాష్ట్ర గృహనిర్మాణ, రెవెన్యూ శాఖ మంత్రి పొంగులేటి శ్రీనివాస్‌రెడ్డి హెచ్చరించారు. ఉమ్మడి వరంగల్‌ జిల్లాలో రెవెన్యూ, రీ–సర్వే, రిజిస్ట్రేషన్‌, హౌసింగ్‌ అంశాలపై మహబూబాబాద్‌ ఐడీఓసీ కార్యాలయంలో సోమవారం ఆయన మంత్రి ధనసరి అనసూయ (సీతక్క), ఉమ్మడి వరంగల్‌ జిల్లా ప్రజాప్రతినిధులు, రెవెన్యూ, రిజిస్ట్రేషన్‌, గహ నిర్మాణ శాఖల కార్యదర్శులతో సమీక్ష నిర్వహించారు. భూ సర్వేలో నిర్లక్ష్యం వద్దు.. ఈ సందర్భంగా మంత్రి పొంగులేటి శ్రీనివాస్‌రెడ్డి మాట్లాడుతూ ప్రతీ జిల్లాలో 70 రెవెన్యూ గ్రామాలను లక్ష్యంగా ఎంపిక చేసి మొదటి విడత భూ సర్వేను నవంబర్‌ నెలాఖరు నాటికి పూర్తి చేయాలని స్పష్టం చేశారు. ప్రతీ అంగుళం భూమిని వ్యవసాయ, వ్యవసాయేతర, ఆబాదీ ఆస్తుల వారీగా శాసీ్త్రయంగా సర్వే చేయడమే ప్రభుత్వ లక్ష్యమన్నారు. ఉమ్మడి వరంగల్‌ జిల్లా పరిధిలోని 31 నాన్‌–కెడస్ట్రల్‌ గ్రామాలకుగాను 18 గ్రామాల్లో రీ–సర్వే పనులు ప్రారంభమయ్యాయని, వీటిలో ఐదు గ్రామాల్లో సర్వే పూర్తయిందని, మరో 13 గ్రామాల్లో పనులు కొనసాగుతున్నాయని అధికారులు మంత్రికి వివరించారు. మిగిలిన 13 గ్రామాల్లో, భూపాలపల్లి జిల్లాలో 8, జనగామ జిల్లాలో 5 గ్రామాల్లో సర్వే పనులను తక్షణమే ప్రారంభించాలని మంత్రి ఆదేశించారు. సర్వే గ్రామాలను తహసీల్దార్లు ప్రతీరోజు, నెలలో ఐదు రోజులు ఆర్డీఓలు, మూడు సార్లు కలెక్టర్లు పరిశీలించాలని, ప్రజల అభిప్రాయాలు తెలుసుకోవాలని చెప్పారు. క్షేత్రస్థాయికి వెళ్లకుండా సర్టిఫికెట్లు జారీ చేయడం, ప్రభుత్వ నిబంధనలకు విరుద్ధంగా వ్యవహరించడం వంటి చర్యలను ఏమాత్రమూ ఉపేక్షించబోమని హెచ్చరించారు. 22–ఏ భూముల విషయంలో జాగ్రత్త.. ప్రతీ జిల్లాలో 22–ఏ కింద ఉన్న భూములు ఏవీ? వాటిలో వ్యవసాయ, వ్యవసాయేతర భూములు ఎన్ని? ఇతర వివరాలు ఏమిటి అనే అంశాలను నాలుగు కాలమ్స్‌తో కూడిన సమగ్ర నివేదికగా సిద్ధం చేయాలని మంత్రి ఆదేశించారు. సర్వేనంబర్ల వారీగా పూర్తి వివరాలను రెండు రోజుల్లో అధికారులకు సమర్పించాలని స్పష్టం చేశారు. 22–ఏ జాబితాలో పొరపాటున చేరిన రైతుల భూముల వివరాలను పరిశీలించి, అర్హత ఉన్న భూములను జాబితా నుంచి తొలగించే ప్రక్రియను వేగవంతం చేయాలని సూచించారు. అటవీ, రెవెన్యూ భూముల సరిహద్దు వివా దాలను శాశ్వతంగా పరిష్కరించాలని ఆదేశించారు. కలెక్టర్లు, అటవీశాఖ అధికారులు సంయుక్తంగా సమావేశమై, శాసీ్త్రయ పద్ధతుల్లో భూముల కొలతలు చేపట్టి సరిహద్దులు నిర్ధారించాలని సూచించారు. రిజిస్ట్రేషన్‌ శాఖ కార్యాలయాల నిర్మాణాలు పూర్తిచేయాలి జూలై 7న జారీ చేసిన ప్రభుత్వ ఉత్తర్వుల మేరకు నర్సంపేట, పరకాల, ములుగు, జనగామ, భూపాలపల్లి ప్రాంతాల్లో ఐదు సబ్‌–రిజిస్ట్రార్‌ కార్యాలయాలు, వరంగల్‌లో ఒక డీఐజీ కార్యాలయం మంజూరైనట్లు అధికారులు తెలిపారు. హనుమకొండ జిల్లా పలివేల్పులలో డీఐజీ కార్యాలయం కోసం ఎకరం 20 గుంటల ఎస్సారెస్పీ స్థలాన్ని కేటాయించేందుకు ప్రతిపాదనలు సిద్ధం చేసినట్లు తెలిపారు. పరకాలలో నూతన భవన నిర్మాణం 7 శాతం పూర్తయిందని తెలిపారు. భీమదేవరపల్లి, పరకాల భవన నిర్మాణ పనులను వేగవంతం చేసేందుకు హౌసింగ్‌ శాఖకు అప్పగించాలని నిర్ణయించారు. ఇందిరమ్మ ఇళ్ల నిర్మాణంలో ఆలస్యం వద్దు జనగామ, మహబూబాబాద్‌ జిల్లాల్లో ఇందిరమ్మ ఇళ్ల నిర్మాణాలు సంతృప్తికరంగా కొనసాగుతున్నాయని, ములుగు, భూపాలపల్లి జిల్లాల్లో పురోగతి ఆశించిన స్థాయిలో లేదని మంత్రి పొంగులేటి అసంతృప్తి వ్యక్తం చేశారు. భూపాలపల్లి జిల్లాలో 4,600 ఇళ్లు మంజూరు కాగా 3,946 ఇళ్లకు ప్రాసెస్‌ పూర్తయినప్పటికీ ఇప్పటివరకు 854 ఇళ్లు మాత్రమే పూర్తయ్యాయని తెలిపారు. ములుగు జిల్లాలో కూడా ఇళ్ల పూర్తిశాతం 50 శాతానికిలోపే ఉందని పేర్కొన్నారు. పెండింగ్‌ ఇళ్ల నిర్మాణాలను వేగవంతం చేసి సెప్టెంబర్‌ 15నాటికి గరిష్ట సంఖ్యలో పూర్తి చేసేలా ప్రత్యేక కార్యాచరణ చేపట్టాలని సంబంధిత కలెక్టర్లను ఆదేశించారు. రెండో విడతలో ప్రతీ నియోజకవర్గానికి 2వేల ఇళ్లను ప్రభుత్వం మంజూరు చేసిందని మంత్రి తెలిపారు. గుడిసెల్లో నివసిస్తున్న అర్హులైన కుటుంబాలకు మొదటి ప్రాధాన్యత ఇవ్వాలని సూచించారు. రాజ్యసభ సభ్యుడు వేం నరేందర్‌రెడ్డి, ఎంపీలు బలరాం నాయక్‌, కడియం కావ్య, ప్రభుత్వ విప్‌ రాంచంద్రునాయక్‌, ఎమ్మెల్సీ సారయ్య, ఎమ్మెల్యేలు కడియం శ్రీహరి, దొంతి మాధవరెడ్డి, మురళీనాయక్‌, రాజేందర్‌రెడ్డి, కేఆర్‌ నాగరాజు, గండ్ర సత్యనారాయణరావు, యశస్వినిరెడ్డి, గ్రంథాలయ చైర్మన్లు శ్రీకాంత్‌ రెడ్డి, ప్రకాశ్‌, లాండ్‌ అడ్మినిస్ట్రేషన్‌ చీఫ్‌ కమిషనర్‌ లోకేష్‌ కుమార్‌, రెవెన్యూ, రిజిస్ట్రేషన్‌, స్టాంప్స్‌ ప్రత్యేక కార్యదర్శి రాజీవ్‌గాంధీ హన్మంతు, భూ భారతి డైరెక్టర్‌, గృహనిర్మాణశాఖ ప్రత్యేక కార్యదర్శి గౌతమ్‌, కలెక్టర్లు స్నేహ శబరీష్‌, సత్యశారద, చాహత్‌ బాజ్‌పాయ్‌, సందీప్‌కుమార్‌ ఝా, భోర్ఖడే హేమంత్‌ సహదేవరావు, రాహుల్‌ శర్మ పాల్గొన్నారు. తహసీల్దార్లనుంచి కలెక్టర్ల వరకు పర్యవేక్షించాలి ప్రతీ అంగుళం శాసీ్త్రయంగా ఉండాలి నిర్లక్ష్యం చేసే అధికారులపై వేటు తప్పదు నిరుపేదలకు ఇందిరమ్మ ఇళ్లలో మొదటి ప్రాధాన్యం ఉమ్మడి జిల్లా సమీక్షలో రాష్ట్ర గృహనిర్మాణ, రెవెన్యూ శాఖ మంత్రి పొంగులేటి శ్రీనివాస్‌రెడ్డి హాజరైన మంత్రి సీతక్క, ఎంపీలు, ఎమ్మెల్యేలుపట్టా తె చ్చిన సంబురం

వరంగల్‌ క్రైం: హైదరాబాద్‌లో ఏఐసీసీ అధ్యక్షుడు ఖర్గేపై కులవివక్ష జరిగినట్లు ఆరోపిస్తున్న ఘటనకు బాధ్యులపై ఎస్సీ, ఎస్టీ అట్రాసిటీ చట్టం కింద కేసు నమోదు చేయాలని వరంగల్‌, హనుమకొండ జిల్లాల కాంగ్రెస్‌ ఎస్సీ విభాగం నాయకులు డిమాండ్‌ చేశారు. ఈమేరకు సోమవారం వరంగల్‌ పోలీస్‌ కమిషనర్‌ శ్వేతను కలిసి వినతిపత్రం అందించారు. ఈసందర్భంగా వారు మాట్లాడుతూ.. కులం పేరుతో అవమానించడం రాజ్యాంగ స్ఫూర్తికి విరుద్ధమన్నారు. ఘటనపై సమగ్ర విచారణ జరిపి బాధ్యులపై చట్టపరమైన చర్యలు తీసుకోవాలని కోరారు. కార్యక్రమంలో హనుమకొండ, వరంగల్‌ జిల్లాల ఎస్సీ విభాగం నాయకులు ఆరూరి సాంబయ్య, చిలువేరు శ్రీనివాస్‌, నాయకులు పెరుమాండ్ల రామకృష్ణ, అర్షం అశోక్‌, చిరంజీవి, రవి, రాజభద్రయ్య, రాజు తదితరులు పాల్గొన్నారు. విద్యారణ్యపురి: విద్యార్థుల్లో అభ్యసనా సామర్థ్యాలను పెంచాలని హనుమకొండ డీఈఓ ఎల్‌వీ గిరిరాజ్‌గౌడ్‌ కోరారు. సోమవారం సాయంత్రం డీఈఓ కార్యాలయంలోని డీసీఈబీ భవనంలో ఎఫ్‌ఎల్‌ఎన్‌పై ఎంఈఓలకు, స్కూల్‌ కాంప్లెక్స్‌ హెచ్‌ఎంలతో నిర్వహించిన సమావేశంలో ఆయన మాట్లాడారు. విద్యార్థుల అభ్యసనా సామర్థ్యాల అమలు తీరుపై స్కూల్‌ కంప్లెక్స్‌ హెచ్‌ఎంలు ప్రతినెలా రెండుసార్లు, ఎంఈఓలు ఒకసారి సందర్శించాలని సూచించారు. ఎఫ్‌ఎల్‌ఎన్‌ అమలులో జిల్లాలో ముందు వరుసలో ఉండేలా కృషి చేయాలన్నారు. ఎఫ్‌ఎల్‌ఎన్‌పై రాష్ట్ర స్థాయి పరిశీలనకు సాయికుమార్‌ ఎంఈఓలకు, స్కూల్‌ కాంప్లెక్స్‌ హెచ్‌ఎంలకు ఓరియెంటేషన్‌లో పలు సూచనలిచ్చారు. సమావేశంలో జిల్లా క్వాలిటీ కో–ఆర్డినేటర్‌ డాక్టర్‌ బండారు మన్‌మోహన్‌, ప్లానింగ్‌ కో–ఆర్డినేటర్‌ బి.మహేశ్‌, కమ్యూనిటీ మొబిలైజింగ్‌ కో–ఆర్డినేటర్‌ సుమాదేవి తదితరులు పాల్గొన్నారు. హన్మకొండ కల్చరల్‌: వేయిస్తంభాల ఆలయంలో సోమవారం సంకటహర చతుర్థి పూజలు ఘనంగా నిర్వహించారు. శ్రావణ సోమవారం కావడంతో భక్తులు అధిక సంఖ్యలో ఆలయాన్ని సందర్శించారు. ఆలయ ప్రధానార్చకుడు గంగు ఉపేంద్రశర్మ ఆధ్వర్యంలో వేదపండితులు గంగు మణికంఠశర్మ, అర్చకులు ప్రణవ్‌, వేముగంటి దత్తు శర్మ ఉదయం నుంచి ప్రత్యేక పూజలు నిర్వహించారు. పూజల్లో వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి, నీలిమ దంపతులు పాల్గొని గణపతికి, రుద్రేశ్వరస్వామికి అభిషేకం చేశారు. దాతల సహకారంతో అన్నప్రసాదాల వితరణ జరిగింది. రుద్రేశ్వరసేవా సమితి సభ్యులు పులి రజనీకాంత్‌, వెంకటేశ్వరసేవా సమితి సభ్యులు పాల్గొన్నారు. వరంగల్‌ చౌరస్తా: రాష్ట్ర వైద్య ఆరోగ్య శాఖ మంత్రి దామోదర రాజ నర్సింహ విజ్ఞఫ్తి మేరకు 28 రోజులుగా చేస్తున్న శాంతియుత సమ్మెను ఆయుష్‌ విద్యార్థులు సోమవారం విరమించారు. సమస్యల పరిష్కారానికి హామీ ఇచ్చినట్లు విద్యార్థులు పేర్కొన్నారు.

చేతికి కార్డు.. అయినా సమస్యల్లో లబ్ధిదారులు ● వివరాల వ్యత్యాసాలతో ఆందోళన ● మరికొన్ని కార్డుల్లో పేరు కరెక్ట్‌ ఉన్నా.. డేటాలో తేడాలు ● ఈ–కేవైసీ కూడా కీలకమంటున్న సిబ్బందిసాక్షి, వరంగల్‌: కొత్త స్మార్ట్‌ రేషన్‌ కార్డు చేతికొచ్చిందన్న ఆనందం కొందరు లబ్ధిదారులకు ఎంతో సేపు నిలవడం లేదు. కార్డును పరిశీలిస్తే పేరు, చిరునామా, గ్రామం, వార్డు తదితర వివరాల్లో తప్పులు కనిపిస్తున్నాయి. మరికొన్ని చోట్ల ఇప్పటికే మరణించిన వారి పేర్లు సైతం కొత్త కార్డుల్లో ఉండటం చర్చనీయాంశంగా మారింది. దీంతో ‘చేతిలో కార్డు ఉంది.. కానీ ప్రభుత్వ డేటాలో ఏముంది?’ అన్న సందేహాలు లబ్ధిదారుల్లో వ్యక్తమవుతున్నాయి. జిల్లాలో వందల సంఖ్యలో ఇలాంటి తప్పులు వెలుగులోకి వస్తుండడంతో పౌరసరఫరా విభాగాధికారులు స్మార్ట్‌ రేషన్‌ కార్డుల్లో మార్పులు చేసుకోవచ్చని సూచిస్తున్నారు. ఈ–కేవైసీ ముగిసినా... ఆగస్టు 31వ తేదీతో రేషన్‌కార్డు ఈ–కేవైసీ ప్రక్రియ ముగిసేనాటికి జిల్లాలో 1,52,398 మంది ఈ–కేవైసీ పూర్తి చేసుకోవాల్సి ఉంది. వీరిలో పదేళ్లలోపు పిల్లలు ఎక్కువగా ఉండడం కూడా ఆందోళన కలిగించే అంశంగా మారింది. వీరికి పాత రేషన్‌ కార్డు ప్రకారం స్మార్ట్‌ రేషన్‌ కార్డు ముద్రించడంతో కొన్నింట్లో తప్పులు దొర్లాయి. మొత్తంగా చూసుకుంటే స్మార్ట్‌ కార్డు కంటే ప్రభుత్వ డేటా బేస్‌లో వివరాల ఆధారంగానే పంపిణీ ఉంటుందని అధికారులు సమాధానమిస్తున్నా.. ప్రభుత్వం మాత్రం స్మార్ట్‌ కార్డే ఆధారమంటూ ప్రచారం చేస్తుండటంతో ప్రజలు ఆందోళనకు గురవుతున్నారు. స్కాన్‌ చేస్తే కుటుంబ వివరాలు.. నల్లబెల్లి, నెక్కొండ, ఖానాపురం, నర్సంపేట, చెన్నారావుపేట, వర్ధన్నపేట, పర్వతగిరి, రాయపర్తి, గీసుకొండ, సంగెం, వరంగల్‌, ఖిలావరంగల్‌ మండలాల్లో స్మార్ట్‌ కార్డులు పొందిన వారిలో వందలసంఖ్యలో తప్పులు ఉన్న వారు ఉన్నారు. వీరిలో మృతి చెందినవారు, పెళ్లి చేసుకొని వెళ్లినవారు, ప్రభుత్వ ఉద్యోగులు కూడా కొందరు ఉన్నారని తెలిసింది. ముఖ్యంగా స్మార్ట్‌ కార్డుపై పేరు సరిగా ఉన్నా టీ–రేషన్‌ యాప్‌లో క్యూ ఆర్‌ కోడ్‌ స్కాన్‌ చేస్తేనే మిగిలిన కుటుంబసభ్యుల వివరాలు తెలుసుకునే వీలుంది. ఒకవేళ ఇందులో ఎవరి పేరైన కనిపించకపోతే స్మార్ట్‌ కార్డు, డిజిటల్‌ వివరాల్లో వ్యత్యాసం ఉన్నట్టుగా గుర్తించాలి. అనంతరం తప్పుల సవరణకు సంబంధిత అధికారికి దరఖాస్తు చేసుకునే వీలుంది. అలాగే కార్డులో మరణించిన వ్యక్తి పేరు ఉండి క్యూ ఆర్‌ కోడ్‌ స్కాన్‌ చేసినా అవే వివరాలు కనిపిస్తే అధికారులు పరిశీలించి పక్కన పెట్టే అవకాశం ఉంటుంది. అయితే చాలా మందికి స్మార్ట్‌ కార్డులో యజమాని పేరు సరిగా ఉండటంతో మిగిలిన కుటుంబ సభ్యుల వివరాలు కూడా సరిగానే ఉంటాయన్న ఆలోచనతో మిగిలిన వారి వివరాలు తనిఖీ చేసుకోవడం లేదు. ఏది ఏమైన లబ్ధిదారులు అప్రమత్తమై కార్డుపై ఉన్న క్యూ ఆర్‌ కోడ్‌ స్కాన్‌ చేసి సవరణలు చేసుకుంటేనే మంచిదని సామాజిక వేత్తలు సూచిస్తున్నారు. సవరణ చేసుకోవచ్చు స్మార్ట్‌ రేషన్‌ కార్డుపై ఉన్న క్యూఆర్‌ కోడ్‌ను టీ–రేషన్‌ యాప్‌లో స్కాన్‌ చేస్తే కుటుంబ సభ్యుల డిజిటల్‌ వివరాలను తెలుసుకోవచ్చు. దీంతో చేతిలో ఉన్న కార్డు వివరాలు, ప్రభుత్వ డిజిటల్‌ రికార్డులోని వివరాల మధ్య తేడాలను లబ్ధిదారులు గుర్తింస్తే సవరణకు దరఖాస్తు చేసుకోవచ్చు. అయితే క్యూఆర్‌లో పేరు కనిపించడం మాత్రమే ఈ–కేవైసీ పూర్తయినట్లు భావించకూడదు. – కిష్టయ్య, జిల్లా పౌరసరఫరా విభాగాధికారి

మంగళవారం శ్రీ 1 శ్రీ సెప్టెంబర్‌ శ్రీ 2026వాతావరణం జిల్లాలో ఉదయం వాతావరణం ఆహ్లాదకరంగా ఉంటుంది. పలుచోట్ల ఆకాశం మేఘావృతమై చిరుజల్లులు కురిసే అవకాశం ఉంది. ‘సూపర్‌’కు ‘జయశంకర్‌’ పేరు వరంగల్‌ నగరంలో నిర్మితమవుతున్న 24 అంతస్తుల సూపర్‌ స్పెషాలిటీ ఆస్పత్రికి ప్రొఫెసర్‌ జయశంకర్‌ పేరు పెడతామని సీఎం రేవంత్‌రెడ్డి ప్రకటించారు. హనుమకొండ uవరంగల్‌ uజనగామ uములుగు uమహబూబాబాద్‌ uభూపాలపల్లి uమొత్తం పాఠశాలలుమొత్తం గ్రాంటు (లక్షల్లో)ఆరు జిల్లాల్లోని పాఠశాలలకు రూ.643.20 లక్షల నిధులు జీరో నుంచి 10 మంది విద్యార్థులుంటే కేటాయింపుల్లేవువిద్యారణ్యపురి: ఉమ్మడి వరంగల్‌ జిల్లాలోని ప్రభుత్వ, స్థానిక సంస్థల పాఠశాలలు, కేజీబీవీలు, మోడల్‌ స్కూళ్లకు గిరిజన సంక్షేమశాఖ పాఠశాలలకు 2026–27 సంవత్సరానికి కాంపోజిట్‌ స్కూల్‌ గ్రాంట్‌ మంజూరు చేస్తూ ఇటీవల రాష్ట్ర పాఠశాల విద్యాశాఖ డైరెక్టర్‌, సమగ్ర శిక్ష ప్రాజెక్ట్‌ డైరెక్టర్‌ నవీన్‌ నికోలస్‌ ఉత్తర్వులు జారీ చేశారు. జీరో ఎన్‌రోల్‌మెంట్‌ పాఠశాలలకు, పీఎంశ్రీ పాఠశాలలకు, జీరో నుంచి 10 మధ్య విద్యార్థుల నమోదు ఉన్న పాఠశాలలకు ఈ నిధులు మంజూరు చేయలేదు. పాఠశాలల వారీగా నిధులు ఒకటినుంచి 30 మంది విద్యార్థులున్న పాఠశాలలకు రూ.10 వేల చొప్పున, 31 నుంచి 100 మంది విద్యార్థులుంటే రూ.25 వేలు, 101 నుంచి 250 మంది ఉంటే రూ.50 వేలు, 251 నుంచి 1,000 మంది విద్యార్థులుంటే రూ.75 వేలు, 1,000పైన విద్యార్థులుంటే రూ.లక్ష చొప్పున నిధులు కేటాయించారు. ఉమ్మడి వరంగల్‌ జిల్లా పరిధిలోని ఆరు జిల్లాలకు మొత్తం రూ.643.20 లక్షలు గ్రాంటు నిధులు మంజూరు చేశారు. ఈనిధులు వీటికి వినియోగించుకోవాలి.. పాఠశాలలకు అవసరమైన స్టేషనరీ చాక్‌పీస్‌లు, వైట్‌ పేపర్లు, రిజిస్టర్లు తదితరాలు సమకూర్చుకోవడం, పరీక్షల నిర్వహణకు వినియోగించుకోవడం. స్వాతంత్య్ర, గణతంత్ర దినోత్సవం వంటి జాతీయ పండుగల నిర్వహణకు వినియోగించుకోవచ్చు. పాఠశాలలో ఇంటర్నెట్‌ చార్జీలకు వినియోగించుకోవాలి.. కంప్యూటర్లు, ప్రొజెక్టర్‌ కే–యాన్‌ టీవీ, తదితర పరికరాల మరమ్మతులకు వినియోగించుకోవాలి. తలుపులు, కిటికీలు, ఫ్లోరింగ్‌ వంటి చిన్న చిన్న మరమ్మతులకు వినియోగించుకోవచ్చు. తాగునీటి సదుపాయం కల్పించుకునేందుకు కూడా ఈగ్రాంట్‌లో 10 శాతం మొత్తాన్ని స్వచ్ఛత, యాక్షన్‌ప్లాన్‌లో భాగంగా చేతులు కడుక్కునేందుకు లిక్విడ్‌ సోప్‌, టాయిలెట్‌ శుభ్రపర్చే సామగ్రి తప్పనిసరిగా కొనుగోలు చేయాల్సి ఉంటుంది. దివ్యాంగ విద్యార్థులున్న పాఠశాలల్లో, పాఠశాల ఆవరణలో సురక్షితమైన అవరోధాలు లేని ప్రవేశం కోసం రెయిలింగ్‌ ఇతర చిన్న సదుపాయాల కోసం గ్రాంటు నుంచి నిధులు వినియోగించుకోవచ్చు. పాఠశాలల్లో ఆవరణను క్రమం తప్పకుండా శుభ్రపర్చాలి. శానిటైజ్‌ చేయాలి. తగిన వెంటిలేషన్‌లో డిస్‌ ఇన్‌స్పెక్ట్‌ చేయాలి. సబ్బు, హ్యాండ్‌ శానిటైజర్‌, క్లోరిన్‌ సొల్యూషన్‌ ఇతర శుభ్రపర్చే సామగ్రిని ఎల్లప్పుడూ నిల్వ ఉంచాలి. గ్రాంట్‌ వినియోగానికి సంబంధించి పాఠశాల యాజమాన్య కమిటీ (ఎస్‌ఎంసీ) అమ్మ ఆదర్శ పాఠశాల కమిటీ (ఏఏపీసీ) తీర్మానం చేసి రికార్డుల్లో పేర్కొనాలి. గ్రాంటును మార్గదర్శకాలకు అనుగుణంగా సక్రమంగా వినియోగించే బాధ్యత హెచ్‌ఎం/ప్రిన్సిపాళ్లదే..

మాజీ ఎమ్మెల్యే వినయ్‌ భాస్కర్‌ హన్మకొండ: కాంగ్రెస్‌ వెయ్యి రోజుల వైఫల్య పాలనపై బీఆర్‌ఎస్‌ సమరభేరి చేపట్టనుందని మాజీ ఎమ్మెల్యే దాస్యం వినయ్‌భాస్కర్‌ తెలిపారు. సోమవారం హనుమకొండ బాలసముద్రంలోని బీఆర్‌ఎస్‌ కార్యాలయంలో బీఆర్‌ఎస్‌ ముఖ్య నాయకుల సమావేశం నిర్వహించారు. ఇందులో ఆయన మాట్లాడుతూ.. రేవంత్‌ సర్కార్‌ వైఫల్యాలపై పోరుబాటకు పార్టీ శ్రేణులు సిద్ధం కావాలని పిలుపునిచ్చారు. సెప్టెంబర్‌ 2 నుంచి వారం పాటు కాంగ్రెస్‌ మోసాలపై బీఆర్‌ఎస్‌ పోరుబాట చేపట్టనుందని వివరించారు. వారం పాటు వినూత్న నిరసనలు చేపట్టాలని పార్టీ శ్రేణులకు పిలుపునిచ్చారు. సమావేశంలో ‘కుడా’ మాజీ చైర్మన్‌ మర్రి యాదవరెడ్డి, నాయకులు తాళ్లపల్లి జనార్దన్‌గౌడ్‌, వద్దిరాజు గణేశ్‌, పులి రజనీకాంత్‌, బొంగు అశోక్‌, సోదా కిరణ్‌, కమరున్నీసా బేగం, ఇమ్మడి లోహిత, మాజీ కార్పొరేటర్లు, నాయకులు, కార్యకర్తలు పాల్గొన్నారు.

న్యూశాయంపేట: సంచార జాతుల విముక్తి దినోత్సవాన్ని బీసీ వెల్ఫేర్‌ శాఖ ఆధ్వర్యంలో కలెక్టరేట్‌లోని కాన్ఫరెన్స్‌ హాల్‌లో సోమవారం ఘనంగా నిర్వహించారు. ఈ సందర్భంగా కలెక్టర్‌ సత్యశారద మహాత్మా జ్యోతిరావుపూలే, డాక్టర్‌ బీఆర్‌ అంబేడ్కర్‌ చిత్రపటాలకు పూలమాల వేసి నివాళులర్పించారు. సంచార జాతుల విముక్తికి ప్రభుత్వం పలు సంక్షేమ కార్యక్రమాలు అమలు చేస్తుందని కలెక్టర్‌ తెలిపారు. ఈ కార్యక్రమంలో అదనపు కలెక్టర్లు సంధ్యారాణి, వైవీ.గణేశ్‌, జిల్లా బీసీ అభివృద్ధి అధికారి పుష్పలత, టీపీసీసీ చేనేత విభాగం వర్కింగ్‌ ప్రసిడెంట్‌ చిప్ప వెంకటేశ్వర్లు నేత, వివిధ కుల సంఘాల బాధ్యులు, బీసీ సంఘాల నేతలు పాల్గొన్నారు. సీజనల్‌ వ్యాధులతో అప్రమత్తంగా ఉండాలిదుగ్గొండి: సీజనల్‌ వ్యాధులు ప్రభలకుండా నిరంతరం అప్రమత్తంగా ఉండి వైద్య సేవలు అందించాలని జిల్లా వైద్య ఆరోగ్యశాఖ అధికా రి రాజారెడ్డి అన్నారు. మండల కేంద్రంలోని ప్రాథమిక ఆరోగ్య కేంద్రాన్ని ఆయన సోమవా రం ఆకస్మికంగా తనిఖీ చేశారు. వివిధ రకాల రికార్డులు, రిజిస్టర్లు, ఆరోగ్య కార్యక్రమాల అ మలు తీరును పరిశీలించారు. అనంతరం ఆ యన మాట్లాడుతూ ప్రాథమిక ఆరోగ్య కేంద్రానికి వచ్చే రోగులకు నాణ్యమైన వైద్య సేవలు అందించాలన్నారు. సిబ్బంది సమయపాలన పాటించాలన్నారు. ఈ కార్యక్రమంలో ప్రోగాం ఆఫీసర్‌ డాక్టర్‌ సజిదా, వైద్యాధికారులు కిరణ్‌కుమార్‌, రాకేష్‌, సిబ్బంది పాల్గొన్నారు. నేడు టీపీటీఎస్‌ నిరసనలు కాళోజీ సెంటర్‌: తెలంగాణ ఎంప్లాయీస్‌ జాయింట్‌ యాక్షన్‌ కమిటీ మేరకు నేడు (మంగళవారం) మధ్యాహ్న భోజన సమయంలో నిరసన కార్యక్రమాలు నిర్వహించనున్నట్లు టీపీటీఎఫ్‌ జిల్లా అధ్యక్షుడు ఊటుకూరి అశోక్‌ సోమవారం ఒక ప్రకటనలో పేర్కొన్నారు. ప్రభుత్వం ఎన్నికల సమయంలో సీపీఎస్‌ను రద్దు చేసి ఓపీఎస్‌ను అమలు చేస్తామని హామీ ఇచ్చి మూడేళ్లు గడిచినా అమలు చేయకపోవడంతో ఉద్యోగ, ఉపాధ్యాయ వర్గాల్లో ఆందోళన నెలకొందన్నారు. కలెక్టరేట్‌, మండల తహసీల్దార్‌ కార్యాలయాలు, ప్రభుత్వ కార్యాలయాలు, పాఠశాలల్లో మధ్యాహ్న భోజన సమయంలో నిర్వహించే నిరసన కార్యక్రమాల్లో ఉద్యోగులు, ఉపాధ్యాయులు అధిక సంఖ్యలో పాల్గొని విజయవంతం చేయాలని కోరారు. దొడ్డు బియ్యం వేలానికి సిద్ధం! ఖిలా వరంగల్‌: రేషన్‌ దుకాణాల్లో నిల్వ ఉన్న దొడ్డు బియ్యానికి ప్రభుత్వ ఆదేశాల మేరకు త్వరలో వేలం వేయాలని పౌర సరఫరాల శాఖ అధికారులు నిర్ణయించారు. లక్క పురుగులు.. ఎలుకల స్వైర విహారం పేరుతో సోమవారం సాక్షిలో ప్రచురితమైన కథనానికి అధికారులు స్పందించారు. జిల్లావ్యాప్తంగా 847 మెట్రిక్‌ ట న్నుల దొడ్డుబియ్యం నిల్వ ఉన్నట్లు గుర్తించి ఉ న్నతాధికారులకు నివేదిక పంపించారు. దీంతో వారు ఆన్‌లైన్‌లో టెండర్లు వేసేందుకు చర్యలు చేపట్టినట్లు సమాచారం. దొడ్డు బియ్యానికి కి లో రూ.21.60 ధర నిర్ణయించినట్లు తెలిసింది.

హన్మకొండ చౌరస్తా: ‘నీ వెకిలి చేష్టలతో స్థాయి మరిచి సీఎంపై మాట్లాడుతున్నావు. కర్మకాలి నువ్వు హనుమకొండకు వస్తే నీ గుండు గీయిస్తా బిడ్డా’ అంటూ నిజామబాద్‌ ఎంపీ అర్వింద్‌పై వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి తీవ్రస్థాయిలో విరుచుకుపడ్డారు. హనుమకొండలోని డీసీసీ భవన్‌లో సోమవారం ఆయన విలేకరులతో మాట్లాడుతూ ‘పీసీసీ చీఫ్‌గా మీ నాన్న ఉన్నప్పుడు మీరు బ్లాక్‌ టికెట్లు అమ్మారు.. మరిచిపోయారా’ అని ప్రశ్నించారు. రామాలయాన్ని రూ.2 కోట్లకు కొని రూ.16 కోట్లకు అమ్ముకున్న చరిత్ర, పేపర్ల లీకేజీతో దోచుకున్న చరిత్ర బీజేపీదే అన్నారు. ఉద్యోగులకు సంఘీభావం తెలిపేందుకు హనుమకొండకు హరీశ్‌ రావడం హాస్యాస్పదంగా ఉందన్నారు. సిద్దిపేటను బాగు చేసుకోవడానికి వరంగల్‌ను నాశనం చేసింది వాస్తవం కాదా? అని ప్రశ్నించారు. కేసీఆర్‌, కేటీఆర్‌ వచ్చి అండర్‌గ్రౌండ్‌ డ్రెయినేజీ అన్నరు.. పోయిండ్లు, ఇప్పుడేమో దొంగ ఏడుపులు, సింపతి కోసం ప్రజలను రెచ్చగొట్టేందుకు ప్రయత్నిస్తున్నారని అన్నారు. బీఆర్‌ఎస్‌ హయాంలో అవినీతిని ప్రశ్నించినందుకు తనపై 54 కేసులు బనాయించారన్నారు. నగరాభివృద్ధిపై బీజేపీ, బీఆర్‌ఎస్‌ నేతలు చర్చకు రావాలని సవాల్‌ విసిరారు. సమావేశంలో టీపీసీసీ కార్యదర్శి బొద్దిరెడ్డి ప్రభాకర్‌ రెడ్డి, టీపీసీసీ సభ్యుడు బత్తిని శ్రీనివాసరావు, నాయకులు డాక్టర్‌ పెరుమాండ్ల రామకృష్ణ, అర్శం అశోక్‌, బంక సరళ, రహిమున్నీసా తదితరులు పాల్గొన్నారు. బ్లాక్‌ టికెట్లు అమ్ముకున్న చరిత్ర మీదే ఉద్యోగులకు హరీశ్‌ సంఘీభావం తెలపడం హాస్యాస్పదం వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి

ములుగు మున్సిపాలిటీ పరిధి గణేశ్‌లాల్‌పల్లిలో ఆదివారం విషాదం చోటుచేసుకుంది. గ్రామ సమీపంలోని మొండి కుంటలో పడి మాలోతు వినయ్‌ (15), రాజేశ్‌ (12) అన్నదమ్ములు మృతి చెందారు. మంగపేట మండలం కమలాపురానికి చెందిన వీరు రాఖీ పౌర్ణమి సందర్భంగా తల్లితో కలిసి అమ్మమ్మ ఇంటికి వచ్చారు. ఆదివారం సాయంత్రం బహిర్భూమికి వెళ్లిన సమయంలో ప్రమాదవశాత్తు కుంటలో పడిపోయారు. ఇద్దరూ నీటిలో మునిగిపోవడంతో స్థానికులు బయటకు తీసి ములుగు ఆస్పత్రికి తరలించారు. అప్పటికే వారు మృతి చెందినట్లు వైద్యులు నిర్ధారించారు. ములుగు జిల్లా గణేశ్‌లాల్‌పల్లి మొండికుంటలో మునిగి మృతిచెందిన అన్నదమ్ములు వినయ్‌, రాజేశ్‌ (ఫైల్‌)

17 మాసాలుగా దొడ్డు బియ్యం నిల్వలు జిల్లాలోని మెజార్టీ షాపుల్లో ఉన్నాయి. రేషన్‌ షాపునకు యజమానులు గదులు అద్దెకు ఇచ్చేందుకు ఎవరూ ముందుకు రావటం లేదు. ఉన్న ఇరుకు గదుల్లో దొడ్డు బియ్యం నిల్వలు ఉండగా సన్న బియ్యం దిగుమతి చేసుకోవటానికి తీవ్ర ఇబ్బందులు పడుతున్నారు. దొడ్డు బియ్యం ముక్కిపోయి, రంగు మారడంతోపాటు లక్కపురుగు, ఎలుకలు స్వైర విహారం చేస్తున్నాయి. అధికారులు స్పందించి దొడ్డు బియ్యం నిల్వలను ఎంఎల్‌ఎస్‌ పాయింట్‌కు తరలించాలి. – దారవత్‌ మోహన్‌నాయక్‌, రేషన్‌ డీలర్ల సంక్షేమ సంఘం జిల్లా అధ్యక్షుడుజిల్లాలోని రేషన్‌ షాపుల్లో దొడ్డు బియ్యం నిల్వ లు ఉన్నది వాస్తవమే. గోదాముల్లోకి దొడ్డు బియ్యం తరలింపునకు ఉన్నతాధికారుల నుంచి ఎలాంటి అనుమతి రాలేదు. అనుమతి రాగానే తరలింపునకు చర్యలు తీసుకుంటాం. – కిష్టయ్య, జిల్లా పౌరసరఫరాల శాఖ అధికారి

● వరంగల్‌ లేబర్‌ కాలనీలోని 18వ డివిజన్‌లో 16–12–97/1 ఇంటి నంబర్‌కు నల్లా లేదు. కానీ, బిల్లు రూ.12వేలు ఉంది. బిల్లు మాఫీ చేయాలని యజమాని మాధవి పలుమార్లు దరఖాస్తు చేసుకున్నా ఇంజనీర్లు పట్టించుకోవడం లేదు. ● వరంగల్‌ చింతల్‌లోని 16–11–371/1 ఇంటి నంబర్‌లో నల్లా కనెక్షన్‌ లేకున్నా రూ.7వేల బిల్లు వేశారు. బిల్లు రద్దు చేయాలని మహ్మద్‌ రజీయొద్దీన్‌ అధికారులను కోరారు. ● రంగశాయిపేటలోని 19–9–449/2 ఇంటి నంబర్‌కు రెండు నల్లాలు ఉన్నాయి. ఒకదానిని తొలగించాలని దొడ్డ శ్రీనివాస్‌ పలుమార్లు ఇంజనీర్లను వేడుకున్నా స్పందించడం లేదు. బకాయి చార్జీలు నెలనెల వస్తున్నాయి. ● నల్లా కనెక్షన్‌ లేదు. బిల్లు రూ.7,200 వేశారని హనుమకొండ లష్కర్‌బజార్‌కు చెందిన విజయలక్ష్మి పలుమార్లు విజ్ఞప్తి చేసినా స్పందన రాలేదు. ● గుండ్లసింగారంలో 39–1–18 ఇంటి నంబర్‌కు నల్లా కనెక్షన్‌ లేకున్నా బిల్లు వస్తోందని మినహాయించాలని రవీందర్‌రెడ్డి కోరారు.వరంగల్‌ అర్బన్‌: ఒకవైపు నల్లా మీటర్లు లేని వాణిజ్యసంస్థలు, అపార్ట్‌మెంట్లు, మరోవైపు అక్రమ కనెక్షన్లతో గ్రేటర్‌ వరంగల్‌ ఆదాయానికి గండి కొడుతున్న జలగలను చూసీచూడనట్లుగా విడిచిపెడుతున్న ఇంజనీర్లు.. ఇంకో వైపు లేని నల్లాలకు మాత్రం బిల్లులు పంపుతున్నారని ఆరోపణలు వస్తున్నాయి. నాడు మెప్మా రిసోర్స్‌ పర్సన్స్‌ (ఆర్పీలు) చేసిన తప్పిదాలు సరిచేసుకోకుండా.. వారు అనుకున్నదే తడవుగా బిల్లులు జారీ చేసి చేతులు దులుపుకున్నారు. తప్పు ఎక్కడ జరిగింది? కొందరు ఆర్పీలు వాస్తవాలను పరిగణనలోకి తీసుకోకుండా ఉన్నా లేనట్లుగా బల్దియా వెబ్‌సైట్‌లో నల్లా కనెక్షన్లు నమోదు చేశారు. నల్లా కనెక్షన్‌ అసలే తీసుకొని ఇంటి నంబర్లకు, నల్లా ఉన్నప్పటికీ అదనపు కనెక్షన్‌ జోడించారు. ఇళ్లకే కాదు అపార్ట్‌మెంట్లలోని ఫ్లాట్లకు నల్లా కనెక్షన్లు ఉన్నట్లు చూపడం దారుణం. దీంతో నగర వ్యాప్తంగా సుమారు 8వేల ఇళ్లకు అదనపు కనెక్షన్లు ఉన్నట్లు అంచనా. ఈవిషయమై బల్దియా ఎస్‌ఈ రాజ్‌కుమార్‌ను వివరణ కోరగా విచారణ చేసి నల్లా కనెక్షన్లను రద్దుచేస్తామని పేర్కొన్నారు. గ్రేటర్‌ వరంగల్‌ నగరంలో నల్లా లేకున్నా బిల్లులు! నాటి తప్పులతో నగర ప్రజలకు తప్పని ఇబ్బందులు తొలగించాలని బల్దియా గ్రీవెన్స్‌లో వేలాది ఫిర్యాదులు పట్టించుకోని గ్రేటర్‌ వరంగల్‌ మున్సిపల్‌ ఉన్నతాధికారులునల్లా కనెక్షన్‌ ఇవ్వకముందే, నల్లా లేకున్నా, ఒక ఇంటికి ఒక కనెక్షన్‌ ఉండగా, అదనపు కనెక్షన్‌ ఇలా.. లేని నల్లాలకు బిల్లులు మంజూరు చేశారని తొలగించండి మహాప్రభో అంటూ వినియోగదారులు బల్దియా ప్రధాన కార్యాలయం గ్రీవెన్స్‌లో ప్రతి వారం పెద్ద ఎత్తున దరఖాస్తులు అందిస్తున్నారు. గతంలో ఉన్న నల్లా కనెక్షన్‌, అదనపు నల్లా, లేని నల్లాలకు బిల్లులు చేస్తే తొలగిస్తామని ఇంజనీర్లు పేర్కొంటున్నారు. అయినప్పటికీ కొంతమంది ముందుకొచ్చి బిల్లులు చెల్లించినా కూడా రద్దు చేయడంలో తీవ్ర జాప్యం చేస్తున్నారు. కానీ, బల్దియా ఇంజనీర్లు క్షేత్రస్థాయిలో విచారణ చేయడంలో తాత్సరం చేస్తున్నారు. లేని కనెక్షన్లు తొలగించాలని సుమారు 4వేల దరఖాస్తులు పెండింగ్‌లో ఉన్నట్లు విశ్వసనీయ వర్గాల సమాచారం. ప్రతి నెల నల్లా బిల్లు రూ.150 చొప్పన పెరిగి తడిసిమోపెడవుతోంది.

విద్యారణ్యపురి: ఉపాధ్యాయుల పెండింగ్‌ సమస్యలను పరిష్కరించాలని ఉమ్మడి వరంగల్‌, నల్గొండ, ఖమ్మం జిల్లాల ఉపాధ్యాయ ఎమ్మెల్సీ పింగిళి శ్రీపాల్‌రెడ్డి ప్రభుత్వాన్ని డిమాండ్‌ చేశారు. హనుమకొండలోని జిల్లా పరిషత్‌ సమావేశ మందిరంలో ఆదివారం పీఆర్‌టీయూ టీఎస్‌ హనుమకొండ జిల్లాస్థాయి సర్వసభ్య సమావేశం నిర్వహించారు. ముఖ్య అతిథిగా ఆయన పాల్గొని మాట్లాడారు. ఎన్నికల మేనిఫెస్టోలో అనేక హామీలిచ్చి అధికారంలోకి వచ్చిన కాంగ్రెస్‌ ఉద్యోగుల సమస్యలను పరిష్కరించడం లేదని పేర్కొన్నారు. పెండింగ్‌లో ఉన్న ఉద్యోగ, ఉపాధ్యాయులకు సంబంధించిన రూ.14 వేల బిల్లులు చెల్లించాలని, 50 శాతం ఫిట్‌మెంట్‌లో నూతన పీఆర్సీ అమలు చేయాలని డిమాండ్‌ చేశారు. సమస్యలు పరిష్కరించాలని పీఆర్‌టీయూ ఆధ్వర్యంలో సెప్టెంబర్‌ 1న హైదరాబాద్‌లోని ఇందిరాపార్కు వద్ద మహాధర్నా నిర్వహించనున్నట్లు వివరించారు. పీఆర్‌టీయూ జిల్లా అధ్యక్షుడు మంద తిరుపతిరెడ్డి అధ్యక్షత వహించగా జిల్లా ప్రధాన కార్యదర్శి ఫలిత శ్రీహరి నివేదికను ప్రవేశపెట్టారు. రాష్ట్ర ఆడిట్‌ కమిటీ చైర్మన్‌ శ్రీనివాస్‌రెడ్డి, నియమావళి కమిటీ చైర్మన్‌ రేగూరి సుభాకర్‌రెడ్డి, పీఆర్‌టీయూ ఉమ్మడి జిల్లా బాధ్యులు, ఉపేందర్‌రెడ్డి, రవీందర్‌రెడ్డి, పట్టాభి మహేందర్‌, మహిపాల్‌రెడ్డి, సతీష్‌రెడ్డి, కిరణ్‌, యాకూబ్‌రెడ్డి, తిరునగరి శ్రీనివాస్‌ పాల్గొన్నారు. రేపు పీఆర్‌టీయూ మహాధర్నా ఉపాధ్యాయ ఎమ్మెల్సీ శ్రీపాల్‌రెడ్డి

కాళోజీ సెంటర్‌: వరంగల్‌ జిల్లావ్యాప్తంగా ప్రభుత్వ జూనియర్‌ కళాశాలల్లో ప్రతీ సంవత్సరం అడ్మిషన్లు పెరుగుతున్నాయి. విద్యార్థులకు నాణ్యమైన విద్యతో పాటు ఉచిత పాఠ్యపుస్తకాలు, నోట్‌ బుక్స్‌, బ్యాగులు, షూస్‌ అందించడంతో విద్యార్థులు ఆయా కళాశాలల్లో చేరేందుకు మొగ్గుచూపుతున్నారు. అలాగే అధ్యాపకుల కృషితో ఉత్తమ ఫలితాలు వస్తున్నాయి. ఫలితంగా ప్రభుత్వ కళాశాలల్లో ఇంటర్‌ అడ్మిషన్లు గణనీయంగా పెరుగుతున్నాయని జిల్లా ఇంటర్మీడియట్‌ విద్యాధికారి డాక్టర్‌ శ్రీధర్‌ సుమన్‌ తెలిపారు. జిల్లావ్యాప్తంగా 11 ప్రభుత్వ జూనియర్‌ కళాశాలల్లో మొత్తం 2,704 మంది విద్యార్థులకు త్వరలో యూనిఫాం కూడా అందుబాటులోకి రానున్నట్లు ఆయన వివరించారు.

హన్మకొండ: వినియోగదారులకు మరింత నాణ్యమైన, విశ్వసనీయమైన విద్యుత్‌ సేవలను అందించడంతో పాటు సంస్థ పనితీరును మరింత మెరుగుపర్చేందుకు టీజీ ఎన్పీడీసీఎల్‌ సమగ్ర చర్యలు చేపట్టింది. ఇంధన శాఖ ప్రభుత్వ ప్రత్యేక ప్రధాన కార్యదర్శి నవీన్‌మిట్టల్‌ మార్గదర్శకత్వంలో ఉద్యోగుల సమర్థవంతమైన పనితీరు, నాణ్యతా ప్రమాణాలకు కొలమానం విధించారు. వంద మార్కుల పనితీరుకు ప్రోత్సాహం అందించనున్నారు. టీజీ ఎన్‌న్పీడీసీఎల్‌లోని సెక్షన్ల పనితీరును మరింత పారదర్శకంగా కొలిచే విధంగా అంచనా వేయడానికి వంద మార్కుల ఆధారిత ఉద్యోగుల పనితీరు నిర్వహణ వ్యవస్థ అమలు చేసున్నారు. సంస్థ ప్రాధాన్యతలకు అనుగుణంగా వివిధ అంశాలకు మార్కులు కేటాయించి, వాటి ఆధారంగా సెక్షన్లకు ర్యాంకులు, గ్రేడ్లు నిర్ణయిస్తున్నారు. కొత్త సర్వీసుల విడుదల, రెవెన్యూ వసూళ్లు, పెండింగ్‌ వర్క్‌ ఆర్డర్ల ముగింపు, ట్రాన్‌న్స్‌ఫార్మర్‌ వైఫల్యాల నియంత్రణ, ట్రాన్‌న్స్‌ఫార్మర్ల నిర్వహణ, ఎనర్జీ ఆడిట్‌, నష్టాల తగ్గింపు, సైది, సైఫీ, నిలిపివేతకు సంబంధించిన తనిఖీలు, వినియోగదారుల ఫిర్యాదుల పరిష్కారం, కాలిపోయిన, పనిచేయని మీటర్ల మార్పిడి, బిల్‌స్టాప్‌ తనిఖీల వంటి అంశాలు, పనితీరును పరిగణనలోకి తీసుకుంటున్నారు. పనితీరు అంచనాలో ప్రస్తుత ఫలితాలతోపాటు గత నెలతో పోలిస్తే సాధించిన పురోగతికి కూడా అదనపు మార్కులు ఇవ్వడం ఈ విధానంలో ప్రత్యేకత. దీంతో వెనుకబడిన సెక్షన్లు కూడా తమ పనితీరును క్రమంగా మెరుగుపర్చుకునే అవకాశం కలుగుతుందని యాజమాన్యం భావిస్తోంది. ఉద్యోగులు తమ ర్యాంకు స్కోర్‌ గ్రేడ్‌తో పాటు ఏ అంశంలో మార్కులు తగ్గాయో, గత నెలతో పోలిస్తే పనితీరు ఎలా ఉందో తెలుసుకునేలా ఉద్యోగుల పనితీరు మూల్యాంకన డ్యాష్‌ బోర్డ్‌ అందుబాటులో ఉంచుతారు. బలహీనంగా ఉన్న అంశాలను గుర్తించి, వాటిపై ప్రత్యేక దృష్టి సారించి మెరుగైన ర్యాంకు సాధించేందుకు ఇది అవకాశం కల్పిస్తుంది. ఆధునిక అవసరాలకు అనుగుణంగా ఉద్యోగుల నైపుణ్యాలను పెంపొందించేందుకు మాస్టర్‌ శిక్షకులచే శిక్షణ కార్యక్రమాల నిర్వహణకు ప్రత్యేక ప్రాధాన్యం ఇస్తున్నారు. అకౌంట్స్‌, రెవెన్యూ, టెక్నికల్‌, ఆపరేషన్‌, నిర్వహణ, సేఫ్టీ, స్టోర్స్‌, కమర్షియల్‌, బెస్ట్‌ ప్రాక్టీసెస్‌, జనరల్‌ అడ్మినిస్ట్రేషన్‌న్‌, సివిల్‌ విభాగాలకు శిక్షణ కార్యక్రమాలను యాజమాన్యం రూపొందించింది. క్వాలిటీ కంట్రోల్‌ విభాగం ద్వారా క్షేత్రస్థాయిలో చేపట్టిన విద్యుత్‌ పనుల నాణ్యతను నిరంతరం తనిఖీ చేసేలా, ఎర్తింగ్‌, జంపర్‌ బైండింగ్‌, ఫ్యూజ్‌ వైర్‌ తదితర పునరావృత లోపాలను తగ్గించేందుకు కామన్‌ ఫీల్డ్‌ చెక్‌లిస్ట్‌ విధానాన్ని అమలు చేసేలా కార్యాచరణ రూపొందించారు.ఉద్యోగుల నైపుణ్యాభివృద్ధికి టీజీ ఎన్పీడీసీఎల్‌ చర్యలు పలు అంశాలకు మార్కులు.. సెక్షన్లకు ర్యాంకులు, గ్రేడ్లు ఆధునిక అవసరాలకు అనుగుణంగా శిక్షణ కార్యక్రమాలుసాంకేతికంగా నైపుణ్యం కలిగిన మానవవనరులను తయారు చేయడం ద్వారా వినియోగదారులకు మెరుగైన విద్యుత్‌ సేవలు అందుతాయి. ఉద్యోగుల పనితీరు మెరుగుదల, క్షేత్రస్థాయి పనుల నాణ్యత, సాంకేతిక పరిజ్ఞానం వినియోగం, వినియోగదారులకు పారదర్శక సేవల కోసం వంద మార్కుల విధానం తీసుకొచ్చాం. తద్వారా విద్యుత్‌ అధికారులు, ఉద్యోగులు పోటీతత్వంతో మరింత మెరుగైన సేవలు అందిస్తారు. విద్యుత్‌ పంపిణీ వ్యవస్థ మరింత సమర్థవంతంగా పనిచేస్తుంది. – కర్నాటి వరుణ్‌రెడ్డి, టీజీ ఎన్పీడీసీఎల్‌ సీఎండీ

సాక్షిప్రతినిధి, వరంగల్‌: నీటితో కళకళలాడాల్సిన చెరువులు, కుంటలు విషాదాలు నింపుతున్నాయి. ఈత రాకపోవడం, నీటి లోతు తెలియకపోవడం, చెరువుల చుట్టూ రక్షణ చర్యలు లేకపోవడం.. కారణం ఏదైనా నిండు ప్రాణాలను నీటిగుంతలు బలితీసుకుంటున్నాయి. తాజాగా ములుగు మున్సిపాలిటీ పరిధిలో ఆదివారం ఇద్దరు అన్నదమ్ములు కుంటలో పడి మృతి చెందడం ఉమ్మడి వరంగల్‌లో చెరువులు, కుంటల వద్ద భద్రతా చర్యలపై మరోసారి ప్రశ్నలు రేకెత్తిస్తున్నాయి. తమ్ముడిని కాపాడబోయి అన్న.. ములుగు మున్సిపాలిటీ పరిధి గణేశ్‌లాల్‌పల్లిలో ఆదివారం విషాదం చోటుచేసుకుంది. గ్రామ సమీపంలోని మొండి కుంటలో పడి మాలోతు వినయ్‌ (15), రాజేశ్‌ (12) అన్నదమ్ములు మృతి చెందారు. మంగపేట మండలం కమలాపురానికి చెందిన వీరు రాఖీ పౌర్ణమి సందర్భంగా తల్లితో కలిసి అమ్మమ్మ ఇంటికి వచ్చారు. ఆదివారం సాయంత్రం బహిర్భూమికి వెళ్లిన సమయంలో ప్రమాదవశాత్తు కుంటలో పడిపోయారు. ఇద్దరూ నీటిలో మునిగిపోవడంతో స్థానికులు బయటకు తీసి ములుగు ఆస్పత్రికి తరలించారు. అప్పటికే వారు మృతి చెందినట్లు వైద్యులు నిర్ధారించారు. చిన్నగురిజాలలో ఘటన విషాదకరం.. 2022 మార్చి 13న నర్సంపేట మండలం చిన్నగురిజాలలో జరిగిన ఘటన మరింత విషాదకరం. పొలం పనులు ముగించుకుని కాళ్లు, చేతులు కడుక్కునేందుకు చెరువు వద్దకు వెళ్లిన కృష్ణమూర్తి (65) ప్రమాదవశాత్తు నీటిలో పడిపోయాడు. అతడిని కాపాడేందుకు మనవడు దీపక్‌ అలియాస్‌ లక్కీ (12) నీటిలోకి వెళ్లాడు. ఇద్దరూ మునిగిపోతుండడాన్ని చూసిన నాగరాజు (35) వారిని కాపాడేందుకు చెరువులోకి దూకాడు. చివరకు ముగ్గురూ నీటిలో మునిగి మృతి చెందారు. ఒకే కుటుంబానికి చెందిన తాత, కొడుకు, మనవడు ఒకేసారి మృత్యువాత పడడం అప్పట్లో తీవ్ర విషాదాన్ని మిగిల్చింది. చేపల వేటకు వెళ్లి.. ముగ్గురు చిన్నారులు 2020 జనవరి 30న వరంగల్‌ జిల్లా గొర్రెకుంట శివారులోని కట్టమల్లన్న చెరువులో చేపలు పట్టేందుకు వెళ్లిన ముగ్గురు చిన్నారులు ప్రమాదవశాత్తు నీటిలో పడిపోయారు. బరిగెల రుచిత (7), ప్రణయ్‌పాల్‌ (9), రణధీర్‌ (11) మృతి చెందారు. కోటచెరువులో.. 2023 మార్చి 31న వరంగల్‌ నగరంలోని ఏనుమాముల ప్రాంతం కోటచెరువు వద్ద మరో విషాదం జరిగింది. బహిర్భూమికి వెళ్లిన కిరణ్‌సింగ్‌ (12), దీపక్‌సింగ్‌ (9) ప్రమాదవశాత్తు చెరువులో పడిపోయారు. స్థానికులు వారిని బయటకు తీసి ఎంజీఎం ఆస్పత్రికి తరలించినా అప్పటికే మృతి చెందినట్లు వైద్యులు నిర్ధారించారు. దశదినకర్మకు వచ్చి.. 2022 డిసెంబర్‌లో జయశంకర్‌ భూపాలపల్లి జిల్లా రేగొండ మండలం దుంపిల్లపల్లిలో విషాదం చోటుచేసుకుంది. బంధువు దశదినకర్మకు వచ్చిన వర్షిత్‌ (7), మరో 11 ఏళ్ల బాలుడు ఇంటి సమీపంలోని కుంట వద్దకు వెళ్లారు. ప్రమాదవశాత్తు నీటిలో పడి ఇద్దరూ మృతి చెందారు. పశువులను కాపాడబోయి.. కాపరి మృతి 2024 సెప్టెంబర్‌ 5న జయశంకర్‌ భూపాలపల్లి జిల్లా కాటారం మండలం ప్రతాపగిరి పరిధిలోని మర్రిపల్లిలో ననుబోతుల రాజు (25) బర్రెలను చెరువులో నుంచి బయటకు పంపించే క్రమంలో నీటిలో పడిపోయి మృతి చెందాడు. పశువులను కాపాడే ప్రయత్నమే అతడి ప్రాణాలను బలిగొంది. తల్లీకొడుకును మింగిన రెడ్డికుంట 2026 ఆగస్టు 14న మహబూబాబాద్‌ జిల్లా కురవి మండలం పిల్లిగుండ్ల తండాలోని మొగిలిచెర్ల రెడ్డికుంటలో విషాదం చోటుచేసుకుంది. కుంటలో పడి భూక్యా నవ్య (26), ఆమె కుమారుడు అన్వేష్‌ (9) మృతి చెందారు. హెచ్చరికల బోర్డులెక్కడ? ఉమ్మడి వరంగల్‌ జిల్లా పరిధి గ్రామీణ ప్రాంతాల్లో చెరువులు, కుంటలు, నీటి గుంతలు విస్తారంగా ఉన్నాయి. వర్షాకాలంలో నీరు చేరితే ప్రమాదం మరింత పెరుగుతుంది. ముఖ్యంగా బహిర్భూమికి వెళ్లే సమయంలో, చేపలు పట్టేందుకు వెళ్లినప్పుడు, పశువులను నీటిలో నుంచి బయటకు తీసే క్రమంలో, స్నానానికి వెళ్లినప్పుడు ప్రమాదాలు చోటుచేసుకుంటున్నాయి. చెరువులు, కుంటల వద్ద హెచ్చరిక బోర్డులు, ప్రమాద ప్రాంతాల గుర్తింపు, రక్షణ కంచెలు, అవసరమైన చోట్ల గస్తీ వంటి చర్యలు లేకపోవడం వల్ల ప్రమాదం జరిగిన తర్వాతే అధికారులు స్పందిస్తున్నారన్న విమర్శలు వినిపిస్తున్నాయి. ఈత రాక.. లోతు తెలియక చిన్నారులు ఎక్కువగా ప్రమాదాలకు గురవడానికి కారణం ఈత రాకపోవడం, నీటి లోతుపై అవగాహన లేకపోవడం. ఒకరు నీటిలో పడితే వారిని రక్షించే క్రమంలో మరొకరు కూడా మునిగిపోయిన ఘటనలు అనేకం.చెరువులు, కుంటల వద్ద ప్రమాదకర ప్రాంతాలను ముందుగానే గుర్తించి హెచ్చరిక బోర్డులు ఏర్పాటు చేయడం, లోతైన ప్రాంతాల వద్ద కంచెలు ఏర్పాటు చేయడం, గ్రామాల్లో అవగాహన సదస్సులు నిర్వహించడం వంటి చర్యలు చేపట్టాల్సిన అవసరం ఉంది. ముఖ్యంగా పాఠశాలలు, గ్రామపంచాయతీలు, స్థానిక సంస్థలు కలిసి చిన్నారులు చెరువుల వద్దకు వెళ్లకుండా తల్లిదండ్రులకు, విద్యార్థులకు అవగాహన కల్పించాల్సిన అవసరం ఉంది. నీరు జీవనాధారం.. కానీ, అప్రమత్తత లేకుంటే అదే నీరు ప్రాణాంతకంగా మారుతోంది. ఉమ్మడి వరంగల్‌లో వరుసగా చోటుచేసుకుంటున్న జల ప్రమాదాలు దీనికి నిదర్శనం.చెరువులు, కుంటల్లో పలువురి జలసమాధి! పిల్లలు, రైతులు, కాపరులు.. ఒకరిని కాపాడబోయి మరొకరు ఒకే కుటుంబంలో మూడు తరాల వారు మృత్యువాత ఉమ్మడి వరంగల్‌లో విషాదం నింపిన పలు ఘటనలు

భీమదేవరపల్లి: సంక్షేమం, అభివృద్ధే ప్రజాపాలన ప్రభుత్వ ప్రధాన ధ్యేయమని రవాణా, బీసీ సంక్షేమ శాఖ మంత్రి పొన్నం ప్రభాకర్‌ స్పష్టం చేశారు. పల్లెపల్లెకు పొన్నం అన్న–పల్లెలో ప్రజాపాలన కార్యక్రమంలో భాగంగా ఆదివారం ఆయన మండలంలోని ముత్తారం, గొల్లపల్లి, ముస్తఫాపూర్‌, వీరభద్రనగర్‌, గట్లనర్సింగాపూర్‌, బుల్లోనిపల్లి గ్రామాల్లో విస్తృతంగా పర్యటించారు. ముత్తారంలో అంబేడ్కర్‌ విగ్రహానికి నివాళులర్పించిన మంత్రి.. ముత్తారం చౌరస్తా నుంచి గట్లనర్సింగాపూర్‌ మీదుగా లంబాడీ తండా వరకు రూ.3.74 కోట్ల వ్యయంతో చేపట్టిన రోడ్డు అభివృద్ధి పనులకు శంకుస్థాపన చేశారు. గొల్లపల్లిలో ఉచిత పశువైద్య శిబిరాన్ని ప్రారంభించారు. ఆయా గ్రామాల్లో సమస్యలపై ప్రజల నుంచి వినతులు స్వీకరించారు. ఈసందర్భంగా మంత్రి మాట్లాడుతూ హుస్నాబాద్‌ నియోజకవర్గాన్ని సస్యశ్యామలం చేసే గౌరవెల్లి ప్రాజెక్టును పూర్తిచేసి త్వరలోనే నీళ్లు నింపే బాధ్యత తనదేనని భరోసా ఇచ్చారు. ఆయా గ్రామాల్లో ఇందిరమ్మ ఇళ్ల నిర్మాణాలు శరవేగంగా సాగుతున్నాయని, రెండో విడతలో మరిన్ని ఇళ్లు మంజూరు చేస్తామని మంత్రి హామీ ఇచ్చారు. కొత్త పెన్షన్ల కోసం అర్హులు ఈనెల 31లోగా దరఖాస్తు చేసుకోవాలని సూచించారు. కార్యక్రమాల్లో జెడ్పీ సీఈఓ గురవయ్య, జిల్లా వ్యవసాయ అధికారి సత్యనారాయణరెడ్డి, ఉద్యానశాఖ అధికారి కమలాకర్‌రెడ్డి, సర్పంచ్‌లు ఊరడి భారతి జైపాల్‌ రెడ్డి, నేతుల చంద్రమోహన్‌, గడ్డం సుజాత రఘుపతిరెడ్డి, కొర్ర గోపాల్‌, బొల్లంపల్లి అజయ్‌ కుమార్‌, బొల్లి మానస, కాంగ్రెస్‌ మండల అధ్యక్షుడు పోచంపల్లి రాజిరెడ్డి, సర్పంచ్‌ల ఫోరం మండల అధ్యక్షుడు కేతిరి లక్ష్మారెడ్డి, వ్యవసాయ కమిటీ వైస్‌ చైర్మన్‌ బొక్కల స్రవంతి, వీరన్న, శ్రీకాంత్‌ ఉన్నారు. గౌరవెల్లి ప్రాజెక్టును త్వరలో పూర్తిచేస్తాం రవాణా, బీసీ సంక్షేమ శాఖ మంత్రి పొన్నం ప్రభాకర్‌

జిల్లాలో సాగు వివరాలిలా.. ఖిలా వరంగల్‌: జిల్లాలో పంటల సాగు వివరాలను పక్కాగా నమోదు చేసేందుకు వ్యవసాయ శాఖ డిజిటల్‌ పంటల సర్వేకు శ్రీకారం చుట్టింది. కేంద్ర ప్రభుత్వ నిబంధనల ప్రకారం జియో ట్యాగింగ్‌ విధానంలో క్షేత్రస్థాయిలో పంటల వివరాలను రాష్ట్ర ప్రభుత్వం నమోదు చేస్తుండడంతో సాగు విస్తీర్ణంపై ఇక కచ్చితమైన గణాంకాలు అందుబాటులోకి రానున్నాయి. జిల్లా వ్యాప్తంగా ప్రతీ సర్వే నంబర్‌లోని ప్రతీ ప్లాట్‌ను పరిశీలించి పంట రకం, సాగు విస్తీర్ణం తదితర వివరాలను డిజిటల్‌గా నమోదు చేస్తున్నారు. పంటల సాగులో స్పష్టత జిల్లాలో పంట సాగు వివరాల సేకరణకు పంట సర్వేను ఈనెల 24న వ్యవసాయశాఖ ప్రారంభించింది. ఈసారి సర్వేను మరింత పారదర్శకంగా నిర్వహించేందుకు డిజిటల్‌ సాంకేతికతను వినియోగిస్తున్నారు. జియో ట్యాగింగ్‌ ద్వారా క్షేత్రస్థాయిలో పంటల వివరాలను నమోదు చేస్తూ సాగు విస్తీర్ణాన్ని పక్కాగా లెక్కిస్తున్నారు. దీంతో పంటల వాస్తవ పరిస్థితిపై స్పష్టమైన సమాచారం అందుబాటులోకి రానుంది. జిల్లాలో 13 మండలాలు ఉండగా 184 గ్రామాలు ఉన్నాయి. గ్రామాల్లో ఇంటర్‌, డిగ్రీ పూర్తిచేసి వ్యవసాయ అనుభవం, సాంకేతిక పరిజ్ఞానం గల 184 మందిని సర్వే సిబ్బందిగా నియమించారు. వారి ద్వారా ఈనెల 24న జిల్లాలో గ్రామాల వారీగా సర్వే ప్రక్రియను ప్రారంభించారు. మొత్తం 3.70 లక్షల ప్లాట్లు ఉండగా ఇప్పటి వరకు 16,049 ప్లాట్లలో డిజిటల్‌ పంటల సర్వే పూర్తిఅయింది. మిగిలిన ప్లాట్లలో సర్వేను వేగవంతం చేశారు. జిల్లాలో మొత్తం 1,56,396 మంది రైతులకు సంబంధించిన సర్వే నంబర్లులోని పంటల వివరాలను సిబ్బంది సేకరిస్తున్నారు. జిల్లాలో ప్రధాన పంటగా వరి సాగువుతోంది. ఇప్పటి వరకు నమోదైన వివరాల ప్రకారం 64,293 ఎకరాల్లో వరిని రైతులు సాగు చేశారు. మరో 33,438 ఎకరాల్లో ఆరుతడి పంటలు సాగవుతున్నాయి. సర్వే పూర్తయితే జిల్లాలో ఏ పంట ఎంత విస్తీర్ణంలో సాగువుతోందన్న దానిపై పూర్తి స్పష్టత రానుంది. జియో ట్యాగింగ్‌తో పారదర్శకత పంటల సర్వేలో జియో ట్యాగింగ్‌ వినియోగిస్తుండడంతో క్షేత్రస్థాయిలో నమోదైన వివరాలను మరింత కచ్చితంగా గుర్తించే అవకాశం ఉంటుంది. సర్వే సిబ్బంది నేరుగా పొలాల వద్దకు వెళ్లి సర్వే నంబర్ల ఆధారంగా పంటలను పరిశీలించి డిజిటల్‌ విధానంలో ఫొటోలు అప్‌లోడ్‌ చేసి సాగు వివరాలను నమోదు చేస్తున్నారు. దీంతో సాగు విస్తీర్ణంలో తేడాలు లేకుండా చూడడంతోపాటు ప్రభుత్వానికి అవసరమైన పంటల గణాంకాలు అందుబాటులోకి రానున్నాయి. ప్రతీ రైతు సాగు చేస్తున్న పంట, విస్తీర్ణాన్ని కచ్చితంగా నమోదు చేయడం, సాగు భూమిని భౌగోళికంగా గుర్తించడం, రైతు, భూమి, పంట వివరాలను ఒకే డిజిటల్‌ డేటా బేస్‌లో అనుసంధానం చేయడం ఈ సర్వే ఉద్దేశం.జియో ట్యాగింగ్‌తో పంటల నమోదు కొనసాగుతున్న డిజిటల్‌ సర్వే వరిసాగుకే రైతుల మొగ్గు 3.70 లక్షల ప్లాట్లు సర్వే పూర్తిఅయిన ప్లాట్లు 16,049 వరి సాగు 64,293 ఎకరాలు ఆరుతడి పంటలు 33,438 ఎకరాలు రైతుల సంఖ్య 1,56,396

ధర్మసాగర్‌/వేలేరు: స్టేషన్‌ఘన్‌పూర్‌ నియోజకవర్గంలో గోదాముల నిర్మాణానికి స్థల పరిశీలన చేసినట్లు ఎమ్మెల్యే కడియం శ్రీహరి తెలిపారు. ధర్మసాగర్‌ మండలంలోని ముప్పారం, వేలేరు మండలంలోని సోడాషపల్లిలో మార్కెట్‌ కమిటీ అధీనంలో ఉన్న స్థలాలను ఎమ్మెల్యే కడియం శ్రీహరి, ఏనుమాముల మార్కెట్‌ కమిటీ చైర్‌పర్సన్‌ ఎర్ర ప్రియాంక అనిల్‌, అధికారులు శనివారం పరిశీలించారు. ఈ సందర్భంగా ఎమ్మెల్యే కడియం శ్రీహరి మాట్లాడుతూ ముప్పారంలో మోడల్‌ స్కూల్‌, ప్రస్తుత గోదాములకు పోగా ఎంత స్థలం అందుబాటులో ఉందో 15 రోజుల్లో సర్వే చేయాలని రెవెన్యూ అధికారులను ఆదేశించారు. సరిహద్దులు నిర్ణయించి పూర్తిస్థాయి లేఅవుట్‌ మ్యాప్‌ సిద్ధం చేయాలని సూచించారు. 5 వేల నుంచి 10 వేల మెట్రిక్‌ టన్నుల సామర్థ్యంతో గోదాముల నిర్మాణానికి ప్రతిపాదనలు సిద్ధం చేయాలని ఏనుమాముల మార్కెట్‌ అధికారులను ఆదేశించారు. సోడాషపల్లిలో రూ.2 కోట్లతో నిర్మించిన సబ్‌మార్కెట్‌ యార్డు ఎందుకు నిరుపయోగంగా మారిందని అధికారులను ప్రశ్నించారు. కార్యక్రమాల్లో మార్కె ట్‌ యార్డు వైస్‌ చైర్మన్‌ బండి జనార్దన్‌, సెక్రటరీ శ్రీనివాస్‌, తహసీల్దార్లు కోమి, భావుసింగ్‌, ఎంపీడీఓలు కిషన్‌, అనిల్‌కుమార్‌, ఏఓ కవిత, సర్పంచ్‌లు గుంటిపల్లి రేణుక, బిల్లా యాదగిరి, అశోక్‌, శ్రీనివాస్‌, అనిత, మానస, రమాదేవి, రాజు, సాంబయ్య తదితరులు పాల్గొన్నారు. స్టేషన్‌ఘన్‌పూర్‌ ఎమ్మెల్యే కడియం శ్రీహరి ముప్పారం, సోడాషపల్లిలో అధికారులతో స్థలాల పరిశీలన

సీఎంతో భేటీ ఆధారంగా పార్టీ వివాదం సమసిపోయిందని చెప్పలేని పరిస్థితి. సుస్మిత వ్యాఖ్యలతో సంబంధం లేదన్న మంత్రి సురేఖ పేర్కొనగా.. కొండా మురళీధర్‌రావు ‘సుస్మితకు ప్లాన్‌–ఎ అది.. ప్లాన్‌–బీ ఏముందో చెప్పలేం కదా’ అని చేసిన వ్యాఖ్యలపై కూడా వారి వ్యతిరేకవర్గంలో చర్చ జరుగుతోంది. అమెరికా పర్యటనలో ఉన్న ఏఐసీసీ ప్రధాన కార్యదర్శి కేసీ వేణుగోపాల్‌ తిరిగొచ్చిన తర్వాతే హైకమాండ్‌ నిర్ణయం వెలువడే అవకాశం ఉందని సమాచారం. రోజుకో మలుపు తిరుగుతున్న ఈ వివాదానికి ఎప్పుడు తెరపడుతుంది? సురేఖపై చర్యలు ఉంటాయా? ఉంటే ఎలాంటి నిర్ణయం వెలువడుతుంది? ప్రస్తుతం ఉమ్మడి వరంగల్‌ కాంగ్రెస్‌ వర్గాల్లో ఇదే హాట్‌టాపిక్‌గా మారింది.

న్యూశాయంపేట: ఓటర్ల ప్రత్యేక సమగ్ర సవరణ ప్రక్రియలో భాగంగా నోటీసుల పంపిణీని వేగవంతం చేసి ఫిర్యాదులు, అభ్యంతరాలపై నిర్ధిష్ట గడువులో విచారణ చేపట్టాలని రాష్ట్ర ప్రధాన ఎన్నికల అధికారి సుదర్శన్‌రెడ్డి ఆదేశించారు. ఈ మేరకు కలెక్టర్లు, జిల్లా ఎన్నికల అధికారులు, ఈఆర్‌ఓలతో హైదరాబాద్‌ నుంచి శనివారం వీడియో కాన్ఫరెన్స్‌ ద్వారా ఆయన సమీక్షించారు. ఈ సందర్భంగా కలెక్టర్‌ సత్యశారద వీసీలో పాల్గొని జిల్లాలో ఎస్‌ఐఆర్‌ ప్రక్రియకు సంబంధించిన చర్యలను వివరించారు. జిల్లా వ్యాప్తంగా 1,94,399 నోటీసులకుగాను ఇప్పటివరకు 11,173 మంది ఓటర్లకు నోటీసులు జారీ చేసినట్లు తెలిపారు. నోటీసులు అందుకున్న ఓటర్లు అవసరమైన పత్రాలతో గడువులోపు ఈఆర్‌ఓ, ఏఈఆర్‌ఓ కార్యాలయాల్లో సమర్పించేలా అధికారులు అవగాహన కల్పిస్తున్నట్లు కలెక్టర్‌ వివరించారు. వీసీలో అదనపు కలెక్టర్‌ వైవీ గణేష్‌, డీఆర్‌ఓ విజయలక్ష్మి, వరంగల్‌, నర్సంపేట ఆర్డీఓలు సుమ, ఉమారాణి, ఎన్నికల సూపరింటెండెంట్‌ రజిని, అధికారులు పాల్గొన్నారు. గ్రూప్స్‌ పరీక్షలకు మైనార్టీలకు ఉచిత కోచింగ్‌ న్యూశాయంపేట: తెలంగాణ మైనార్టీ స్టడీ సర్కిల్‌ అండ్‌ కెరీర్‌ కౌన్సెలింగ్‌ సెంటర్‌ ద్వారా టీజీపీఎస్సీ గ్రూప్‌ –1,2,3,4 ఉద్యోగాల కోసం నిర్వహించే పరీక్షల్లో ప్రతిభ కనబరిచేందుకు మైనార్టీలకు ఉచిత కోచింగ్‌ ఇవ్వనున్నట్లు హనుమకొండ జిల్లా ఇన్‌చార్జ్‌ మైనార్టీ సంక్షేమాధికారి మేన శ్రీను, వరంగల్‌ జిల్లా మైనార్టీ సంక్షేమాధికారి టి.రమేష్‌ శనివారం వేర్వేరు ప్రకటనల్లో తెలిపారు. డిగ్రీ పాసైన మైనార్టీ కమ్యూనిటీకి చెందిన (ముస్లిం, క్రిస్టియన్‌, సిక్కులు, జైనులు, పార్సీలు, బౌద్ధులు) అభ్యర్థులు అర్హులని పేర్కొన్నారు. సెప్టెంబర్‌ 1నుంచి 14వ తేదీ వరకు దరఖాస్తు చేసుకోవాలని తెలిపారు. మరిన్ని వివరాలకు 040–23236112, 90590 50062 నంబర్లలో లేదా ఆయా జిల్లా మైనార్టీ సంక్షేమాధికారి కార్యాలయాల్లో సంప్రదించాలని వారు సూచించారు. ఆర్థికంగా ఎదగాలి వర్ధన్నపేట: ప్రభుత్వ సంక్షేమ పథకాలతో మహిళలు ఆర్థికంగా ఎదగాలని డీఆర్‌డీఓ నాగపద్మజ సూచించారు. మండలంలోని వెంకట్రావ్‌పల్లి, కొత్తపల్లి గ్రామాలను శనివారం సందర్శించారు. ఈ సందర్భంగా వెంకట్రావ్‌పల్లిలో ఇందిరమ్మ మహిళా శక్తి కుట్టు మిషన్‌ కేంద్రాన్ని సందర్శించి కార్యకలాపాలను పరిశీలించారు. అనంతరం, కొత్తపల్లి గ్రామాన్ని సందర్శించి పంచాయతీ పరిధిలోని వీఓ భవనం, పీఎస్‌సీ కాంప్లెక్స్‌ను పరిశీలించారు. వెంకట్రావ్‌పల్లిలో వీఓ భవనం, అంగన్‌వాడీ భవన నిర్మాణ పనుల పురోగతిని పరిశీలించి అధికారులను వివరాలు అడిగి తెలుసుకున్నారు. ఆమె వెంట ఎంపీడీఓ వెంకటరమణ, ఏపీఓ నాగేశ్వర్‌, సర్పంచ్‌లు కుల్ల పావని యాకాంతం, కౌడగాని సునీత, రాజేష్‌ఖన్నా, పంచాయతీ సిబ్బంది పాల్గొన్నారు. నీట్‌ పరీక్ష కేంద్రాల వద్ద పటిష్టమైన బందోబస్తు వరంగల్‌ క్రైం: వరంగల్‌ కమిషనరేట్‌ పరిధిలో ఆదివారం నిర్వహించే నీటీ పీజీ ప్రవేశ పరీక్ష 2026కు అయా పరీక్ష కేంద్రాల వద్ద ఉదయం 6నుంచి సాయంత్రం 6 గంటల వరకు సెక్షన్‌ 163 బీఎన్‌ఎస్‌ అమలులో ఉంటుందని వరంగల్‌ పోలీస్‌ కమిషనర్‌ శ్వేత శనివారం ఒక ప్రకటనలో తెలిపారు. పరీక్ష కేంద్రాలకు 500 మీటర్ల దూరం వరకు ఐదుగురికి మించి గుంపులుగా ఉండరాదని సూచించారు. ఎలాంటి సభలు, సమావేశాలు, ర్యాలీలకు, మైకులు, డీజేలతో ఊరేగింపులు, ధర్నాలు, ప్రచారాలు నిర్వహించరాదని పేర్కొన్నారు. పరీక్ష సమయంలో పరిసరాల్లోని ఇంటర్నెట్‌ సెంటర్లు, జిరాక్స్‌ షాపులు, స్టేషనరీ దుకాణాలు మూసివేయాలని ఆదేశించారు. కేంద్రాల వద్ద పటిష్టమైన బందోబస్తుతోపాటు ట్రాఫిక్‌ ఆంతరాయం కలగకుండా పోలీసులు పకడ్బందీ చర్యలు తీసుకుంటున్నట్లు తెలిపారు. నీట్‌ ఎగ్జామ్‌ సెంటర్‌ పరిశీలన నర్సంపేట: బిట్స్‌ కళాశాలలో ఏర్పాటు చేసిన నీట్‌ పీజీ ఎంట్రెన్స్‌ ఎగ్జామ్‌ సెంటర్‌ను ఏసీపీ రవీందర్‌రెడ్డి, సీఐ ముస్కు శ్రీనివాస్‌ శనివారం పరిశీలించారు. ఈ సందర్భంగా పరీక్షల కేంద్రంలో ఏర్పాట్లను పరిశీలించి నిర్వాహకులకు వారు తగు సూచనలు చేశారు. కాగా, ఈ కేంద్రంలో 132మంది విద్యార్థులు ఆదివారం పరీక్ష రానున్నారు.

● ఇద్దరి మృతితో పరకాలలో విషాదం పరకాల: పట్టణంలో మూడు సంవత్సరాల కిత్రం తండ్రి, ఇప్పడు కొడుకు మృతితో విషాదఛాయలు అలుముకున్నాయి. స్థానికుల కథనం ప్రకారం.. పరకాలలోని 14వ వార్డుకు చెందిన రాగుల రాజు (28) ఓ దుకాణంలో పనిచేస్తూ కుటుంబాన్ని పోషిస్తున్నాడు. తల్లి ఆండాలు కూలి పనులకు వెళ్తోంది. ఈక్రమంలో రాజు అనారోగ్యంతో అస్వస్థతకు గురయ్యాడు. పేద కుటుంబం కావడంతో కనీసం ఆస్పత్రికి తీసుకెళ్లే పరిస్థితి కూడా లేదు. దీంతో ఇంట్లోనే శనివారం ఆయన మృతిచెందాడు. కాగా, మూడు సంవత్సరాల క్రితం రాజు తండ్రి రోడ్డుపై నడుచుకుంటూ వెళ్తూ కుప్పకూలి చనిపోయాడు. నాడు భర్త, నేడు కొడుకు మృతితో ఆండాలు కన్నీరుమున్నీరుగా విలపించింది. రాజు అంత్యక్రియలు చేయడానికి ఆమె వద్ద డబ్బులు లేవు. నాలుగో వార్డు కౌన్సిలర్‌ కొక్కిరాల దీప్తి భర్త బీఆర్‌ఎస్‌ నాయకుడు రాకేశ్‌రావు ముందుకు వచ్చి దహన సంస్కారాలు నిర్వహించే బాధ్యత తీసుకున్నారు. శ్మశానవాటిక వరకు మృతదేహాన్ని తీసుకెళ్లి అంత్యక్రియలు చేయించారు.

హన్మకొండ: రాఖీ పండుగతో టీజీఎస్‌ ఆర్టీసీకి భారీ ఆదాయం సమకూరింది. వరంగల్‌ రీజియన్‌లో రెగ్యులర్‌ బస్సులతో పాటు వివిధ రూట్‌లలో ప్రత్యేక బస్సులు నడిపి పెద్ద సంఖ్యలో ప్రయాణికులను గమ్యస్థానాలకు చేర్చింది. ఈ నెల 26 నుంచి 28వ తేదీ వరకు రీజియన్‌ పరిధిలో రెగ్యులర్‌ బస్సులకు తోడు 386 ప్రత్యేక సర్వీసులు నడిపారు. బస్సులు మొత్తం 12,52,897 కిలోమీటర్లు తిరిగి, 15,44,158 మంది ప్రయాణికులను గమ్యస్థానాలకు చేరవేసి రూ.8,62,41,648 ఆదాయం రాబట్టుకుంది. వరంగల్‌ ఆర్‌ఎం భవాని ప్రసాద్‌ నేతృత్వంలో డిప్యూటీ ఆర్‌ఎంలు, డిపో మేనేజర్లు ప్రయాణికుల రద్దీకి అనుకూలంగా డిమాండ్‌ ఉన్న రూట్లలో అదనపు, ప్రత్యేక బస్సులు సమకూర్చి సురక్షితంగా ప్రయాణికులను గమ్యస్థానాలకు చేరవేశారు. అధికారులు బస్టాండ్‌లో ఉండి ఎప్పటికప్పుడు పర్యవేక్షించారు.

వరంగల్‌ చౌరస్తా: బాలలతో స్నేహపూర్వకంగా వ్యవహరిస్తూ, సానుకూల దృక్పథంతో వారి భవిష్యత్‌కు బాటలు వేయాలని జిల్లా న్యాయ సేవాధికార సంస్థ కార్యదర్శి కందుకూరి పూజ సూచించారు. వరంగల్‌ ఆటోనగర్‌లోని బాలుర పరిశీలక వసతి గృహాన్ని శనివారం సాయంత్రం ఆమె తనిఖీ చేశారు. ఈ సందర్భంగా సదుపాయాలను పరిశీలించారు. బాలలతో మాట్లాడి వారి సమస్యలు, అవసరాలు, వారికి అందుతున్న సేవలను అడిగి తెలుసుకున్నారు. బాలల హక్కుల పరిరక్షణ, ఉచిత న్యాయ సహాయంపై కృషి చేయాలని హోం సూపరింటెండెంట్‌ శ్రీదేవికి పూజ పలు సూచనలు చేశారు. తనిఖీల్లో లీగల్‌ ఎయిడ్‌ కౌన్సిల్‌ ఆర్‌.రజినీ, సిబ్బంది, తదితరులు పాల్గొన్నారు. జిల్లా న్యాయ సేవాధికార సంస్థ కార్యదర్శి కందుకూరి పూజ

వరంగల్‌ స్పోర్ట్స్‌: హనుమకొండను స్పోర్ట్స్‌ హబ్‌గా తీర్చిదిద్దే దిశగా అడుగులు పడుతున్నాయని, క్రీడాకారులు త్వరలోనే తీపి కబురు వింటారని వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి అన్నారు. జాతీయ క్రీడా దినోత్సవాన్ని పురస్కరించుకుని హనుమకొండ బాలసముద్రంలో పునర్నిర్మించిన స్విమ్మింగ్‌పూల్‌, జేఎన్‌ ఇండోర్‌ స్టేడియంలోని షటిల్‌ బ్యాడ్మింటన్‌ కోర్టులను శనివారం ఎంపీ కడియం కావ్య, కలెక్టర్‌ చాహత్‌ బాజ్‌పాయ్‌తో కలిసి ఆయన ప్రారంభించారు. అనంతరం ఇండోర్‌స్టేడియంలో హాకీ దిగ్గజం మేజర్‌ ధ్యాన్‌చంద్‌ చిత్రపటానికి పూలమాల వేసి నివాళులర్పించారు. ఈ సందర్భంగా ఎమ్మెల్యే నాయిని మాట్లాడుతూ స్పోర్ట్స్‌ స్కూల్‌కు సొంత భవనం నిర్మించేందుకు చర్యలు తీసుకుంటున్నామని పేర్కొన్నారు. తెలంగాణ బ్యాడ్మింటన్‌ అసోసియేషన్‌ ప్రెసిడెంట్‌ బొద్దిరెడ్డి ప్రభాకర్‌రెడ్డి అధ్యక్షతన జరిగిన కార్యక్రమంలో ఏసీపీ జితేందర్‌రెడ్డి, హనుమకొండ డీవైఎస్‌ఓ కొత్త ప్రశాంత్‌, తెలంగాణ జూడో అసోసియేషన్‌ బాధ్యుడు బి.కైలాశ్‌యాదవ్‌, వాలీబాల్‌ సంఘం రాష్ట్ర బాధ్యుడు మర్కాల యాదిరెడ్డి, వరంగల్‌ క్లబ్‌ ప్రధాన కార్యదర్శి డాక్టర్‌ ప్రవీణ్‌, బ్యాడ్మింటన్‌ సంఘం జిల్లా కార్యదర్శి రమేష్‌రెడ్డి, విష్ణువర్ధన్‌రెడ్డి, డీఎస్‌ఏ కోచ్‌లు పాల్గొన్నారు. క్రీడల అధికారిపై కలెక్టర్‌ ఆగ్రహం.. ఇండోర్‌స్టేడియంలో ఏర్పాటు చేసిన సభా వేదికపై ఏర్పాటు చేసిన ఫ్లెక్సీలో కలెక్టర్‌ చాహత్‌బాజ్‌పాయ్‌ ఫొటో స్థానంలో మరో అధికారి ఫొటోను ఏర్పాటు చేయడం చర్చనీయాంశమైంది. వేదిక పైకి రాగానే ఫొటోను గమనించిన కలెక్టర్‌ అక్కడే ఉన్న డీవైఎస్‌ఓ ప్రశాంత్‌ను పిలిచి ఇదేంటని ప్రశ్నించారు. తనకు ఆ ఫొటోకు ఏమైనా సంబంధం ఉందా అంటూ సీరియస్‌ అయ్యారు. ఇదిలా ఉండగా ప్రారంభోత్సవ ఉపన్యాసం చేసిన బొద్దిరెడ్డి ప్రభాకర్‌రెడ్డి పై అసహనం వ్యక్తం చేశారు. స్పోర్ట్స్‌ స్కూల్‌ పిల్లలు చాలాసేపు నుంచి నిలబడి ఉన్నారు, ప్రసంగాన్ని త్వరితగతిన పూర్తి చేయాలని సూచించారు. ఫ్లెక్సీలో ఎంపీ ఫొటో లేకపోవడంపై చర్చ.. ప్లెక్సీలో వరంగల్‌ ఎంపీ కడియం కావ్య ఫొటో లేకపోవడం చర్చకు దారి తీసింది. ఇండోర్‌ స్టేడియం వద్ద ఏర్పాటు చేసిన ఫ్లెక్సీలో ఫొటో లేదన్న విషయం తెలుసుకుని స్విమ్మింగ్‌ పూల్‌ వద్దకు వచ్చిన ఎంపీ కావ్య స్టేడియం ప్రారంభోత్సవానికి రాకుండానే వెళ్లిపోయారు. పశ్చిమ ఎమ్మెల్యే నాయిని రాజేందర్‌రెడ్డి

సీఎంతో భేటీ ఆధారంగా పార్టీ వివాదం సమసిపోయిందని చెప్పలేని పరిస్థితి. సుస్మిత వ్యాఖ్యలతో సంబంధం లేదన్న మంత్రి సురేఖ పేర్కొనగా.. కొండా మురళీధర్‌రావు ‘సుస్మితకు ప్లాన్‌–ఎ అది.. ప్లాన్‌–బీ ఏముందో చెప్పలేం కదా’ అని చేసిన వ్యాఖ్యలపై కూడా వారి వ్యతిరేకవర్గంలో చర్చ జరుగుతోంది. అమెరికా పర్యటనలో ఉన్న ఏఐసీసీ ప్రధాన కార్యదర్శి కేసీ వేణుగోపాల్‌ తిరిగొచ్చిన తర్వాతే హైకమాండ్‌ నిర్ణయం వెలువడే అవకాశం ఉందని సమాచారం. రోజుకో మలుపు తిరుగుతున్న ఈ వివాదానికి ఎప్పుడు తెరపడుతుంది? సురేఖపై చర్యలు ఉంటాయా? ఉంటే ఎలాంటి నిర్ణయం వెలువడుతుంది? ప్రస్తుతం ఉమ్మడి వరంగల్‌ కాంగ్రెస్‌ వర్గాల్లో ఇదే హాట్‌టాపిక్‌గా మారింది.

వరంగల్‌ చౌరస్తా: విద్యార్థుల ఫీజు రీయింబర్స్‌మెంట్‌ బకాయిలను వెంటనే విడుదల చేయాలని బీజేపీ వరంగల్‌ జిల్లా అధ్యక్షుడు గంట రవికుమార్‌ డిమాండ్‌ చేశారు. విద్యార్థుల జీవితాలతో రాష్ట్ర ప్రభుత్వం చెలగాటమాడుతోందని ఆరోపించారు. రాష్ట్ర పార్టీ పిలుపు మేరకు వరంగల్‌ చౌరస్తాలో బీజేవైఎం జిల్లా ఆధ్వర్యంలో 12గంటల నిరసన దీక్షను శనివారం చేపట్టారు. ఈ సందర్భంగా ఆయన మాట్లాడుతూ కనీసం విద్యాశాఖ మంత్రి కూడా లేని దుస్థితి ఒక్క తెలంగాణ రాష్ట్రంలోనే ఉందని విమర్శించారు. విద్యార్థుల సమస్యలను పట్టించుకోని పాలకులు తక్షణమే రాజీనామా చేయాలన్నారు. కార్యక్రమంలో బీజేవైఎం జిల్లా అధ్యక్షుడు ఎర్రగొల్ల భరత్‌ వీర్‌, బీజేవైఎం రాష్ట్ర కార్యవర్గ సభ్యుడు ఎలగందుల శ్రవణ్‌, నాయకులు ఆడెపు రవిరాము, రాళ్లబండి మున్నా, మహంత్‌, బాశెట్టి సాయి, బీజేపీ రాష్ట్ర కార్యవర్గ సభ్యుడు రత్నం సతీష్‌ షా, జిల్లా ప్రధాన కార్యదర్శులు బాకం హరిశంకర్‌, బన్న ప్రభాకర్‌, గోగుల రాణాప్రతాప్‌ రెడ్డి, జిల్లా ఉపాధ్యక్షుడు నాగరాజు పాల్గొన్నారు. బీజేపీ జిల్లా అధ్యక్షుడు గంటా రవికుమార్‌ బీజేవైఎం ఆధ్వర్యంలో 12 గంటల నిరసన దీక్ష

ఎల్కతుర్తి: సమస్యల పరిష్కారమే ప్రజాపాలన ప్రభుత్వ లక్ష్యమని రవాణా, బీసీ సంక్షేమ శాఖ మంత్రి పొన్నం ప్రభాకర్‌గౌడ్‌ స్పష్టం చేశారు. సూరారం, దండేపల్లి, వీరనారాయణపూర్‌, వల్భాపూర్‌, ఇందిరానగర్‌ గ్రామాల్లో పల్లెపల్లెకు పొన్నం అన్న–పల్లెపల్లెలో ప్రజాపాలన కార్యక్రమం శనివారం నిర్వహించారు. మంత్రి ఈ కార్యక్రమాల్లో పాల్గొని సంక్షేమ పథకాలు, అభివృద్ధిపై అధికారులతో సమీక్షించారు. సమస్యలపై ప్రజల నుంచి వినతిపత్రాలు సేకరించారు. ఈ సందర్భంగా మంత్రి మాట్లాడారు. కొత్త పెన్షన్ల కోసం అర్హులు దరఖాస్తులు చేసుకోవాలని సూచించారు. ఎల్‌నినోతో రైతులు ఆరుతడి పంటలు సాగు చేసుకోవాలన్నారు. విద్యుత్‌ అవసరాలను దృష్టిలో ఉంచుకొని రైతులు ఆయిల్‌పామ్‌ సాగువైపు దృష్టి సారించాలని పేర్కొన్నారు. ప్రతి ఇంటి ఆవరణలో ఇంకుడు గుంత నిర్మించుకోవాలని, జలసిరి పథకంపై ప్రజలకు అవగాహన కల్పించాలని, ప్లాస్టిక్‌కు స్వస్తి పలికి స్టీల్‌ బ్యాంకును వినియోగించుకోవాలని కోరారు. ప్రభుత్వ పాఠశాలలను బలోపేతం చేసి విద్యార్థుల సంఖ్య పెంచాలని సూచించారు. యువత ఫోన్లకు బానిసకాకుండా క్రీడామైదానాలకు వెళ్లాలని మంత్రి పిలుపునిచ్చారు. గతంలో రేషన్‌కార్డుల కోసం సంవత్సరాలుగా ఎదురుచూడాల్సి వచ్చేదని, ప్రజా ప్రభుత్వం అధికారంలోకి వచ్చిన తర్వాత అర్హులకు రేషన్‌కార్డులు అందించే ప్రక్రియ చేపట్టిందని తెలిపారు. జెడ్పీ సీఈఓ గురువయ్య, ఆర్డీఓ వెంకటేశ్‌, డీఆర్డీఓ మేన శ్రీను, అడిషనల్‌ కలెక్టర్‌ శేషాద్రి, ఏడీఏ ఆదిరెడ్డి, ఎంపీడీఓ విజయ్‌కుమార్‌ తదితరులు పాల్గొన్నారు. రవాణా, బీసీ సంక్షేమ శాఖ మంత్రి పొన్నం ప్రభాకర్‌గౌడ్‌

హన్మకొండ: రాఖీ పండుగతో టీజీఎస్‌ ఆర్టీసీకి భారీ ఆదాయం సమకూరింది. వరంగల్‌ రీజియన్‌లో రెగ్యులర్‌ బస్సులతో పాటు వివిధ రూట్‌లలో ప్రత్యేక బస్సులు నడిపి పెద్ద సంఖ్యలో ప్రయాణికులను గమ్యస్థానాలకు చేర్చింది. ఈ నెల 26 నుంచి 28వ తేదీ వరకు రీజియన్‌ పరిధిలో రెగ్యులర్‌ బస్సులకు తోడు 386 ప్రత్యేక సర్వీసులు నడిపారు. బస్సులు మొత్తం 12,52,897 కిలోమీటర్లు తిరిగి, 15,44,158 మంది ప్రయాణికులను గమ్యస్థానాలకు చేరవేసి రూ.8,62,41,648 ఆదాయం రాబట్టుకుంది. వరంగల్‌ ఆర్‌ఎం భవాని ప్రసాద్‌ నేతృత్వంలో డిప్యూటీ ఆర్‌ఎంలు, డిపో మేనేజర్లు ప్రయాణికుల రద్దీకి అనుకూలంగా డిమాండ్‌ ఉన్న రూట్లలో అదనపు, ప్రత్యేక బస్సులు సమకూర్చి సురక్షితంగా ప్రయాణికులను గమ్యస్థానాలకు చేరవేశారు. అధికారులు బస్టాండ్‌లో ఉండి ఎప్పటికప్పుడు పర్యవేక్షించారు.

వరంగల్‌ పోలీస్‌ కమిషనర్‌ శ్వేత వరంగల్‌ క్రైం: వరంగల్‌ కమిషనరేట్‌ పరిధిలో ఆదివారం నిర్వహించే నీట్‌ పీజీ ప్రవేశ పరీక్ష 2026కు అయా పరీక్ష కేంద్రాల వద్ద ఉదయం 6నుంచి సాయంత్రం 6 గంటల వరకు సెక్షన్‌ 163 బీఎన్‌ఎస్‌ అమలులో ఉంటుందని వరంగల్‌ పోలీస్‌ కమిషనర్‌ శ్వేత శనివారం ఒక ప్రకటనలో తెలిపారు. పరీక్ష కేంద్రాలకు 500 మీటర్ల దూరం వరకు ఐదుగురికి మించి గుంపులుగా ఉండరాదని సూచించారు. ఎలాంటి సభలు, సమావేశాలు, ర్యాలీలకు, మైకులు, డీజేలతో ఊరేగింపులు, ధర్నాలు, ప్రచారాలు నిర్వహించరాదని పేర్కొన్నారు. పరీక్ష సమయంలో పరిసరాల్లోని ఇంటర్నెట్‌ సెంటర్లు, జిరాక్స్‌ షాపులు, స్టేషనరీ దుకాణాలు మూసివేయాలని ఆదేశించారు. కేంద్రాల వద్ద పటిష్టమైన బందోబస్తుతోపాటు ట్రాఫిక్‌కు అంతరాయం కలగకుండా పోలీసులు పకడ్బందీ చర్యలు తీసుకుంటున్నట్లు తెలిపారు. కేయూ క్యాంపస్‌: హనుమకొండలోని యూనివర్సిటీ ఆర్ట్స్‌ అండ్‌ సైన్స్‌ కళాశాల, మహిళా పీజీ కళాశాలలో ఎంబీఏ, ఎంసీఏ కోర్సుల్లో ఖాళీ సీట్లకు స్పాట్‌ అడ్మిషన్లు నిర్వహించనున్నట్లు కళాశాలల ప్రిన్సిపాల్‌ ఎస్‌.జ్యోతి శనివారం తెలిపారు. ఆర్ట్స్‌ కళాశాలలో ఎంసీఏ, మహిళా పీజీ కళాశాలలో ఎంబీఏ, ఎంసీఏలో సీట్లు ఖాళీగా ఉన్నాయని ఆమె పేర్కొన్నారు. టీఎస్‌ ఐసెట్‌–2026లో ఉత్తీర్ణత సాధించిన, ఉత్తీర్ణత సాధించని విద్యార్థుల కోసం ఆయా కళాశాలల్లో ఈనెల 31 నుంచి సెప్టెంబర్‌ 3 వరకు స్పాట్‌ అడ్మిషన్లు నిర్వహించనున్నట్లు వివరించారు. ఒరిజినల్‌ సర్టిఫికెట్లతో హాజరై ఫీజు చెల్లించి ప్రవేశాలు పొందాలని సూచించారు. స్పాట్‌ అడ్మిషన్లలో ప్రవేశాలు పొందే విద్యార్థులకు ఫీజు రీయింబర్స్‌మెంట్‌ స్కాలర్‌షిప్‌లు రావని తెలిపారు. హన్మకొండ కల్చరల్‌: ఆలయాల ఆభరణాలు, భూముల విషయంలో దేవాదాయశాఖ అధికారులు అప్రమత్తంగా ఉండాలని రాష్ట్ర దేవాదాయ ధర్మాదాయశాఖ రీజినల్‌ జాయింట్‌ కమిషనర్‌ మల్లెల రామకృష్ణారావు ఆదేశించారు. ఈ మేరకు శనివారం హనుమకొండలోని వేయిస్తంభాల దేవాలయాన్ని మల్లెల రామకృష్ణారావు దంపతులు సందర్శించారు. ప్రధానార్చకుడు గంగు ఉపేంద్రశర్మ, అర్చకులు, సిబ్బంది ఆయనను ఆలయ మర్యాదలతో స్వాగతించారు. రుద్రేశ్వరస్వామికి పూజలు చేసిన అనంతరం ఆయనకు అర్చకులు తీర్థప్రసాదాలు, శేషవస్త్రాలు అందజేశారు. కేయూ క్యాంపస్‌: కాకతీయ యూనివర్సిటీ పరిధిలో 16 పీరియడ్‌ల వర్క్‌లోడ్‌తో విధులు నిర్వర్తిస్తున్న పార్ట్‌టైం అధ్యాపకుల ముఖ గుర్తింపు హాజరు నమోదును సోమవారం చేపట్టనున్నట్లు రిజిస్ట్రార్‌ వి.రామచంద్రం తెలిపా రు. ఉదయం 10–30 నుంచి సాయంత్రం 5 గంటలవరకు యూనివర్సిటీ పరిపాలనా భవనంలోని సెనెట్‌హాల్‌లో నమోదు ఉంటుందని తెలిపారు. ప్రతి పార్ట్‌టైం అధ్యాపకుడు తప్పనిసరిగా ముఖ గుర్తింపు హాజరు కోసం నమోదు చేసుకోవాలని రిజిస్ట్రార్‌ కోరారు.హన్మకొండ: వరంగల్‌ సర్కిల్‌ పరిధిలో 919, హనుమకొండ సర్కిల్‌ పరిధిలో 98 అంగన్‌వాడీ కేంద్రాలకు ఉచితంగా విద్యుత్‌ కనెక్షన్‌ అందించినట్లు ఆయా సర్కిళ్ల ఎస్‌ఈలు ఎ.అనందం, బి.సామ్యానాయక్‌ ఒక ప్రకటనలో తెలిపారు. అంగన్‌వాడీ కేంద్రాల్లో ఫ్యాన్లు, లైట్లు, తాగునీటి మోటార్లు, ఇతర విద్యుత్‌ పరికరాలు వినియోగించుకునే అవకాశం ఏర్పడిందని పేర్కొన్నారు. చిన్నారులు వేడి, ఉక్కపోత వంటి ఇబ్బందులు లేకుండా సౌకర్యవంతమైన వాతావరణంలో ఉండొచ్చని తెలిపారు.

న్యూశాయంపేట: టీజీ–ఐపాస్‌ ద్వారా దరఖాస్తు చేసుకున్న పరిశ్రమలకు నిబంధనల మేర త్వరితగతిన అనుమతులు వచ్చేలా చర్యలు తీసుకోవాలని అధికారులను కలెక్టర్‌ డాక్టర్‌ సత్యశారద ఆదేశించారు. కలెక్టరేట్‌లో జిల్లా పారిశ్రామిక ప్రోత్సాహక కమిటీ సమావేశం శనివారం జరిగింది. సమావేశంలో టీజీ–ఐపాస్‌ ద్వారా పారిశ్రామిక అనుమతుల కోసం చేసుకున్న దరఖాస్తులు, ఇతర అంశాలపై వివిధ శాఖల అధికారులతో కలెక్టర్‌ సమీక్షించారు. ఇటీవల దరఖాస్తు చేసుకున్న 19 పరిశ్రమలకు సంబంధించి 16.03 కోట్ల పెట్టుబడులతో ఏర్పాటు చేయనున్న పరిశ్రమల్లో 152 మందికి ఉపాధి అవకాశాలు కల్పించనున్నట్లు ఆమె తెలిపారు. ఈ సందర్భంగా టీప్రైడ్‌ పథకం కింద ఎస్సీ, ఎస్టీ అభ్యర్థులకు సంబంధించిన 9 వాహనాలకు 31.52 లక్షల రాయితీని కమిటీ ద్వారా మంజూరు చేశారు. సమావేశంలో ఇండస్ట్రీయల్‌ జీఎం నరసింహమూర్తి, లీడ్‌ బ్యాంక్‌ మేనేజర్‌ జీవన్‌కుమార్‌, కమిటీ సభ్యులు, తదితరులు పాల్గొన్నారు. హాకీ దిగ్గజం మేజర్‌ ధ్యాన్‌చంద్‌కు నివాళి భారత హాకీ దిగ్గజం మేజర్‌ ధ్యాన్‌చంద్‌ జయంతిని పురస్కరించుకుని జాతీయ క్రీడా దినోత్సవాన్ని కలెక్టరేట్‌లో శనివారం నిర్వహించారు. ఈ సందర్భంగా ధ్యాన్‌చంద్‌ చిత్రపటానికి కలెక్టర్‌ సత్యశారద, అధికారులు పూలమాలలు వేసి నివాళులర్పించారు. భారత హాకీ రంగానికి ఆయన అందించిన సేవలను గుర్తుచేసుకున్నారు. ఈ సందర్భంగా పలువురు క్రీడాకారులను సన్మానించారు. ఈ కార్యక్రమంలో ఆర్డీఓలు సుమ, ఉమారాణి, ఒలింపిక్‌ అసోసియేషన్‌ సెక్రటరీ కై లాసం యాదవ్‌, డీవైఎస్‌ఓ అనిల్‌కుమార్‌ తహసీల్దార్లు, కోచ్‌లు, తదితరులు పాల్గొన్నారు. కలెక్టర్‌ డాక్టర్‌ సత్యశారద

హన్మకొండ : ఫీజు రీయింబర్స్‌మెంట్‌ పథకాన్ని రేవంత్‌ సర్కార్‌ నీరుగారుస్తోందని బీజేపీ నాయకులు ధ్వజమెత్తారు. ‘ఫీజుల బకాయి–బీజేపీ లడాయి’లో భాగంగా విద్యార్థుల భవిష్యత్‌ కోసం, పెండింగ్‌లో ఉన్న ఫీజు బకాయిలు వెంటనే విడుదల చేయాలని డిమాండ్‌ చేస్తూ బీజేవైఎం ఆధ్వర్యంలో శనివారం హనుమకొండ బాలసముద్రంలోని ఏకశిల పార్కు వద్ద ఒక రోజు నిరాహార దీక్ష చేశారు. ఈ దీక్షను బీజేపీ హనుమకొండ జిల్లా అధ్యక్షుడు కొలను సంతోష్‌ రెడ్డి, ఆ పార్టీ రాష్ట్ర కార్యవర్గ సభ్యురాలు రావు పద్మ, మాజీ ఎమ్మెల్యే మార్తినేని ధర్మారావు ప్రారంభించి మాట్లాడారు. ప్రభుత్వం రూ.15వేల కోట్ల బకాయిలు చెల్లించకపోవడంతో కళాశాల యాజమాన్యాలు విద్యార్థుల సర్టిఫికెట్లను నిలిపివేస్తున్నాయని, దీంతో వేల మంది విద్యార్థులు చేతికి వచ్చిన ఉద్యోగ అవకాశాలను కోల్పోతున్నారని ఆవేదన వ్యక్తం చేశారు. ఢిల్లీ వేదికగా జెన్‌ జడ్‌ విద్యార్థుల భవిష్యత్‌ గురించి గొప్పలు చెప్పే రాహుల్‌ గాంధీ.. తెలంగాణలో కాంగ్రెస్‌ పాలనలో రోడ్డున పడ్డ విద్యార్థుల గోడును ఎందుకు పట్టించుకోవడం లేదని ప్రశ్నించారు. నిరాహార దీక్షలో బీజేవైఎం జిల్లా అధ్యక్షుడు పున్నం వేణు, నాయకులు డాక్టర్‌ పగడాల కాళీప్రసాద్‌, చాడ స్వాతి, పెసరు విజయ్‌చందర్‌ రెడ్డి, రావుల కిషన్‌, ఆర్పీ జయంతి లాల్‌, కందగట్ల సత్యనారాయణ, కార్యకర్తలు తదితరులు పాల్గొన్నారు.

కాజీపేట రూరల్‌/ఖిలా వరంగల్‌: కాజీపేట రూరల్‌ : సికింద్రాబాద్‌–కాజీపేట మధ్య శుక్రవారం రాత్రినుంచి శనివారం తెల్లవారుజాము వరకు దక్షిణ మధ్య రైల్వే జనరల్‌ మేనేజర్‌ సంజయ్‌కుమార్‌ శ్రీ వాస్తవ సికింద్రాబాద్‌ నుంచి మణుగూర్‌ వెళ్లే ఎక్స్‌ప్రెస్‌ రైలు ఇంజన్‌లో ప్రయాణిస్తూ నైట్‌ పుట్‌ప్లేట్‌ తనిఖీ నిర్వహించారు. కాజీపేట వరకు రైలు ఇంజన్‌లో తనిఖీలో భాగంగా రైల్వే జీఎం సిగ్నల్స్‌, వాటి స్పష్టత, ఓవర్‌హెడ్‌ ట్రాక్షన్‌ ట్రాక్‌ పరిస్థితి, వేగ పరిమితి, హెచ్చరికలు, వేగాలు తదితర వాటిని సమీక్షించారు. రైలు నడుపుతున్న లోకోపైలెట్‌లు, ట్రైన్‌ మేనేజర్ల పని విధానం, సిగ్నల్స్‌ మార్పిడి చేయడంలో మాస్టర్స్‌ పాయింట్స్‌మెన్‌, గేట్‌మెన్‌ వంటి మార్గమధ్య సిబ్బంది అప్రమత్తతను గమనించారు. కాజీపేటలో దిగిన ఆయన రోడ్డు మార్గంలో నేరుగా వరంగల్‌ రైల్వేస్టేషన్‌కు వెళ్లారు. డీఆర్‌ఎం గోపాల కృష్ణన్‌తో కలిసి ఆయన స్టేషన్‌లోని ప్లాట్‌ఫారాలు, ప్రాంగణం, వెయిటింగ్‌ హాళ్లు పరిశీలించారు. స్టేషన్‌లో పారిశుద్ధ్య నిర్వహణ, ప్రయాణికుల సౌకర్యాలపై అధికారులను అడిగి వివరాలు తెలుసుకున్నారు. పరిశుభ్రత, తాగునీరు, ఇతర మౌలిక వసతుల నిర్వహణపై ప్రత్యేక దృష్టి సారించాలని సూచించారు. అమృత్‌ భారత్‌స్టేషన్‌ పథకంలో భాగంగా రూ.25.41 కోట్ల వ్యయంతో చేపట్టిన పనుల్లో ఫుట్‌ఓవర్‌ బ్రిడ్జి, ఆధునిక ప్రవేశ ద్వారం, వెయిటింగ్‌ హాళ్లు, ప్లాట్‌పామ్స్‌ షెల్టర్లు, లిఫ్టులు, ఎస్కలేటర్లను పరిశీలించి వివరాలను అడిగి తెలుసుకున్నారు. సాయంత్రం కాజీపేట జంక్షన్‌కు చేరుకుని ప్రత్యేక రైలులో సికింద్రాబాద్‌కు తరలివెళ్లారు. రెండు స్టేషన్ల మేనేజర్లు అగ్గి రవీందర్‌, వి.సుదర్శన్‌రావు, డీఓఎం నరేందర్‌ వర్మ, ఆర్పీఎఫ్‌, జీఆర్పీఎఫ్‌ ఇన్‌స్పెక్టర్లు శ్రీనివాస్‌గౌడ్‌, వడ్డె నరేష్‌కుమార్‌, ఇన్‌స్పెక్టర్లు జాఫర్‌, మధు, సిగ్నలింగ్‌ అధికారి రాంఖీ తదితరులు పాల్గొన్నారు. దక్షణ మధ్య రైల్వే జీఎం సంజయ్‌కుమార్‌ శ్రీవాస్తవ సికింద్రాబాద్‌–కాజీపేట మధ్య నైట్‌ పుట్‌ప్లేట్‌ తనిఖీ కాజీపేట, వరంగల్‌ రైల్వే స్టేషన్ల సందర్శన

కాజీపేట రూరల్‌/ఖిలా వరంగల్‌: కాజీపేట రూరల్‌ : సికింద్రాబాద్‌–కాజీపేట మధ్య శుక్రవారం రాత్రినుంచి శనివారం తెల్లవారుజాము వరకు దక్షిణ మధ్య రైల్వే జనరల్‌ మేనేజర్‌ సంజయ్‌కుమార్‌ శ్రీ వాస్తవ సికింద్రాబాద్‌ నుంచి మణుగూరు వెళ్లే ఎక్స్‌ప్రెస్‌ రైలు ఇంజన్‌లో ప్రయాణిస్తూ నైట్‌ పుట్‌ప్లేట్‌ తనిఖీ నిర్వహించారు. కాజీపేట వరకు రైలు ఇంజన్‌లో తనిఖీలో భాగంగా రైల్వే జీఎం సిగ్నల్స్‌, వాటి స్పష్టత, ఓవర్‌హెడ్‌ ట్రాక్షన్‌ ట్రాక్‌ పరిస్థితి, వేగ పరిమితి, హెచ్చరికలు, వేగాలు తదితర వాటిని సమీక్షించారు. రైలు నడుపుతున్న లోకోపైలట్లు, ట్రైన్‌ మేనేజర్ల పనివిధానం, సిగ్నల్స్‌ మార్పిడి చేయడంలో మాస్టర్స్‌ పాయింట్స్‌మెన్‌, గేట్‌మెన్‌ వంటి మార్గమధ్య సిబ్బంది అప్రమత్తతను గమనించారు. కాజీపేటలో దిగిన ఆయన రోడ్డు మార్గంలో నేరుగా వరంగల్‌ రైల్వేస్టేషన్‌కు వెళ్లారు. డీఆర్‌ఎం గోపాల కృష్ణన్‌తో కలిసి స్టేషన్‌లోని ప్లాట్‌ఫారాలు, ప్రాంగణం, వెయిటింగ్‌ హాళ్లు పరిశీలించారు. స్టేషన్‌లో పారిశుద్ధ్య నిర్వహణ, ప్రయాణికుల సౌకర్యాలపై అధికారులను అడిగి తెలుసుకున్నారు. పరిశుభ్రత, తాగునీరు, ఇతర మౌలిక వసతుల నిర్వహణపై ప్రత్యేక దృష్టి సారించాలని సూచించారు. అమృత్‌ బారత్‌స్టేషన్‌ పథకంలో భాగంగా రూ.25.41 కోట్ల వ్యయంతో చేపట్టిన పనుల్లో ఫుట్‌ఓవర్‌ బ్రిడ్జి, అధునిక ప్రవేశ ద్వారం, వెయిటింగ్‌ హాళ్లు, ప్లాట్‌ఫామ్స్‌ షెల్టర్లు, లిప్టులు, ఎస్కలేటర్లను పరిశీలించి..వాటి వివరాలను అధికారులను అడిగి తెలుసుకున్నారు. సాయంత్రం కాజీపేట జంక్షన్‌కు చేరుకుని ప్రత్యేక రైలులో సికింద్రాబాద్‌కు తరలివెళ్లారు. కార్యక్రమంలో రెండు స్టేషన్ల మేనేజర్లు ఆగ్గి రవీందర్‌, వి.సుదర్శన్‌రావు, డీఓఎం నరేందర్‌ వర్మ, ఆర్పీఎఫ్‌, జీఆర్పీఎఫ్‌ ఇన్‌స్పెక్టర్లు శ్రీనివాస్‌గౌడ్‌, వడ్డె నరేష్‌కుమార్‌, ఇన్‌స్పెక్టర్లు జాఫర్‌, మధు, సిగ్నలింగ్‌ అధికారి రాంఖీ తదితరులు పాల్గొన్నారు. దక్షిణ మధ్య రైల్వే జీఎం సంజయ్‌కుమార్‌ శ్రీవాస్తవ సికింద్రాబాద్‌–కాజీపేట మధ్య నైట్‌ పుట్‌ప్లేట్‌ తనిఖీ కాజీపేట, వరంగల్‌ రైల్వే స్టేషన్ల సందర్శన

అన్నాచెల్లెళ్లు, అక్కాతమ్ముళ్ల అనుబంధానికి ప్రతీకగా నిలిచే రక్షాబంధన్‌ వేడుకలను జిల్లాలో శుక్రవారం ఘనంగా జరుపుకున్నారు. సోదరులకు సోదరీమణులు రాఖీలు కట్టి కానుకలు స్వీకరించారు. హారతి ఇచ్చి ఆశీర్వదించారు. రాఖీ పౌర్ణమి సందర్భంగా వరంగల్‌ నగరం, నర్సంపేట, వర్ధన్నపేట, మండల కేంద్రాలు, గ్రామాల్లో ఇంటింటా సందడి నెలకొంది. ఆలయాల్లో ప్రత్యేక పూజలు చేశారు. ఉదయం నుంచి సాయంత్రం వరకు మిఠాయి, రాఖీ దుకాణాలు కిటకిటలాడాయి. – సాక్షి, నెట్‌వర్క్‌– మరిన్ని ఫొటోలు 8లో

కాళోజీ సెంటర్‌: విద్యార్థి విద్యాప్రస్థానం ఒకే డిజి టల్‌ ప్లాట్‌ఫాం కిందకు తెచ్చేందుకు కేంద్ర ప్రభుత్వం రూపొందించిన అపార్‌ ఐడీ నమోదు ప్రక్రియ జిల్లాలో కొనసాగుతోంది. ప్రతి విద్యార్థికి 12 అంకెల ప్రత్యేక గుర్తింపు సంఖ్యను తప్పనిసరిగా కేటాయించాలని జిల్లా విద్యాశాఖ అన్ని యాజమాన్యాల పాఠశాలలను ఆదేశించింది. అపార్‌ ఐడీ కేటాయింపులో ఎవరు నిర్లక్ష్యం చేయవద్దని, 100 శాతం నమోదు పూర్తి చేయాలని డీఈఓ సూచించారు. జిల్లాలో 872 ప్రభుత్వ, ప్రైవేట్‌ విద్యాసంస్థలు ఉన్నాయి. యూడైస్‌ ప్రకారం 1,27,149 మంది విద్యార్థులు అడ్మిషన్లు తీసుకున్నారు. విద్యార్థుల డేటాను ఏకీకృతం చేసేందుకు.. దేశవ్యాప్తంగా విద్యార్థుల డేటాను ఏకీకృతం చేసేందుకు కేంద్రం అపార్‌ను ప్రవేశపెట్టింది. డిజిటల్‌ లాకర్‌ పద్ధతిన ఆరో తరగతి నుంచి ఉన్నత చదువుల వరకు మార్కులు, గ్రేడ్లు, స్కాలర్‌షిప్‌లు, క్రీడా ప్రావీణ్య పత్రాలన్నీ ఒకే చోట భద్రపరిచేందుకు పర్మనెంట్‌ ఎడ్యుకేషన్‌ నంబర్‌ (పెన్‌) ప్రక్రియ ప్రారంభించింది. నమోదు ప్రక్రియ ఇలా.. ఆధార్‌కార్డు, తల్లిదండ్రుల సమ్మతి అవసరం. డీజిలాకర్‌ లేదా అకడమిక్‌ బ్యాంక్‌ ఆఫ్‌ క్రెడిట్స్‌ (ఏబీసీ) పోర్టల్‌ ద్వారా ఉచిత సేవలు పొందవచ్చు. పాఠశాలల హెచ్‌ఎంలు, ప్రిన్సిపాళ్లు ప్రత్యేక డ్రైవ్‌ నిర్వహించి విద్యార్థులందరికీ ఐడీ జనరేట్‌ అయ్యేలా బాధ్యత తీసుకోవాలి. ప్రతి విద్యార్థి ప్రొఫైల్‌ పర్మనెంట్‌ ఎడ్యుకేషన్‌ నంబర్‌ (పెన్‌) ద్వారా 6వ తరగతి నుంచి పదో తరగతి వరకు 12 అంకెల గల అపార్‌ ఐడీ సిద్ధం చేస్తే ఇంటర్మీడియట్‌లో అడ్మిషన్‌ పొందడానికి సులువు అవుతుంది. పాఠశాలలు విద్యార్థులు ఐడీ పొందిన విద్యార్థులు ప్రభుత్వ 593 46,048 31,185 ప్రైవేట్‌ 279 81,101 51,508 మొత్తం 872 1,27,149 82,693సులువైన అడ్మిషన్లు, ఒక పాఠశాల, కళాశాల నుంచి మరోదానికి మారినప్పుడు ఫిజికల్‌ సర్టిఫికెట్ల రీవెరిఫికేషన్‌ శ్రమ తగ్గుతుంది. నకిలీలకు, దొంగ సర్టిఫికెట్లతో సాగే అక్రమాలకు చెక్‌పెట్టవచ్చు. స్కాలర్‌షిప్‌లు, విద్యార్థి అర్హతను సులభంగా నిర్ధారించి సంక్షేమ పథకాలు వేగంగా అందించవచ్చు. వన్‌ నేషన్‌–వన్‌ స్టూడెంట్‌ కింద 12 అంకెల ప్రత్యేక గుర్తింపు జిల్లాలో 100 శాతం నమోదుకు విద్యాశాఖ ఆదేశాలు

కాశిబుగ్గ: హనుమకొండ జిల్లా కాకతీయ వైద్యకళాశాల కార్యాలయంలోని వీఆర్‌డీఎల్‌ పథకం కింద ఆరోగ్య పరిశోధన శాఖలో ఒక సైంటిస్ట్‌–బీ (మెడికల్‌) పోస్టుకు దరఖాస్తులు ఆహ్వానిస్తున్న ప్రిన్సిపాల్‌ డాక్టర్‌ మోహన్‌దాసు ఒక ప్రకటనలో తెలిపారు. దరఖాస్తులను ఈ నెల 31 నుంచి www.kmcwgl.com వెబ్‌సైట్‌లో డౌన్‌లోడ్‌ చేసుకోవాలని ఆయన సూచించారు. ఈ దరఖాస్తులను పూర్తి చేసి, అవసరమైన ధ్రువపత్రాలను జతచేసి కేఎంసీ కార్యాలయంలో సెప్టెంబర్‌ 9వరకు సమర్పించాలని పేర్కొన్నారు. హనుమకొండ కలెక్టర్‌ అధ్యక్షతన ఏర్పాటు చేయనున్న జిల్లా కమిటీ ద్వారా ఎంపిక చేస్తారని పేర్కొన్నారు. ఈ పోస్టు 11 నెలల కాలానికి గాని, అభ్యర్థి సంతృప్తికరమైన పనితీరు, ప్రాజెక్టు కొనసాగింపును బట్టి పొడిగించే అవకాశం ఉంటుందని ఆయన తెలిపారు. 31 నుంచి కేయూలో ఎంబీఏ స్పాట్‌ అడ్మిషన్లు కేయూ క్యాంపస్‌: కాకతీయ యూనివర్సిటీలోని కామర్స్‌ అండ్‌ బిజినెస్‌ మేనేజ్‌మెంట్‌ కళాశాలలో ఈ విద్యాసంవత్సరం (2026–2027) ఎంబీఏ కోర్సులో ప్రవేశాలకు స్పాట్‌ అడ్మిషన్ల ప్రక్రియ నిర్వహించనున్నట్లు ఆ కళాశాల ప్రిన్సిపాల్‌ ఎస్‌.నర్సింహాచారి శుక్రవారం ఒక ప్రకటనలో పేర్కొన్నారు. ఈ స్పాట్‌ అడ్మిషన్లు ఈనెల 31నుంచి సెప్టెంబర్‌ 3వ తేదీ వరకు ఉంటాయన్నారు. టీఎస్‌ఐసెట్‌–2026లో అర్హత సాధించిన అభ్యర్థులతో పాటు అర్హత సాఽధించని వారు కూడా హాజరుకావొచ్చునని తెలిపారు. అభ్యర్థులు తమ ఒరిజినల్‌ ధ్రువపత్రాలతో పాటు అవసరమైన ఫీజు తీసుకురావాలని ఆయన సూచించారు. స్పాట్‌ అడ్మిషన్ల ద్వారా ఎంబీఏ కోర్సులో ప్రవేశాలు పొందే అభ్యర్థులకు ఫీజు రీయింబర్స్‌మెంట్‌కు అర్హులు కాదని పేర్కొన్నారు. మార్గదర్శకాలు టీజీఐసెట్‌ అధికారిక వెబ్‌సైట్‌తో పాటు కాకతీయ యూనివర్సిటీలోని కామర్స్‌ అండ్‌ బిజినెస్‌ మేనేజ్‌మెంట్‌ కళాశాల నోటీస్‌ బోర్డులో ఉంచామని ప్రిన్సిపాల్‌ నర్సింహాచారి వివరించారు. స్కూల్‌ ఆఫ్‌ లెర్నింగ్‌లోనూ.. కాకతీయ యూనివర్సిటీలోని దూరవిద్య కేంద్రంలోని స్కూల్‌ ఆఫ్‌ లెర్నింగ్‌ (కేయూ ఎస్‌ఎల్‌)లో ఈ విద్యాసంవత్సరానికి ఎంబీఏ, ఎంసీఏ కోర్సుల్లో ప్రవేశాలకు స్పాట్‌ అడ్మిషన్ల ప్రక్రియ నిర్వహించనున్నట్లు దూరవిద్య కేంద్రం డైరెక్టర్‌ బి.సురేశ్‌లాల్‌ ఒక ప్రకటనలో పేర్కొన్నారు. టీజీఐసెట్‌–2026 అర్హత సాధించిన, అర్హత సాధించని అభ్యర్థులు కూడా తమతమ సర్టిఫికెట్లతో ఈనెల 31నుంచి సెప్టెంబర్‌ 3వరకు హాజరై ప్రవేశాలు పొందవచ్చని తెలిపారు. నిట్‌లో తెలుగు భాషా దినోత్సవం కాజీపేట అర్బన్‌: నిట్‌ వరంగల్‌ని కెమికల్‌ ఇంజనీరింగ్‌ విభాగం సెమినార్‌ హాల్‌లో శుక్రవారం తెలుగు భాషా దినోత్సవం నిర్వహించారు. స్టూడెంట్స్‌ యాక్టివిటీస్‌ సెంటర్‌ అధ్యక్షుడు ప్రొఫెసర్‌ వెలగపూడి వాసు అధ్యక్షతన జరిగిన కార్యక్రమంలో అసిస్టెంట్‌ ప్రొఫెసర్‌ మార్క శంకర్‌ మాట్లాడుతూ.. నాడు గ్రంథాల్లో అచ్చమైన తెలుగు ఉండాలని గిడుగు రామ్మూర్తి పోరాడారని గుర్తు చేశారు. తెలుగు భాష కమ్మనైనది అనే పాటను ప్రొఫెసర్‌ వెలగపూడి వాసు ఆలపించారు. కార్యక్రమంలో ప్రొఫెసర్లు సోమశేఖర్‌, రాజమోహన్‌, సూర్యనారాయణ, విద్యార్థులు పాల్గొన్నారు. తీజ్‌ వేడుకల్లో విషాదంబైక్‌ ఢీకొని వ్యక్తి దుర్మరణం రాయపర్తి: తీజ్‌ వేడుకల్లో విషాదం చోటు చేసుకుంది. ఎస్సై ముత్యం రాజేందర్‌ కథనం ప్రకారం.. పర్వతగిరి మండలం గోరుగుట్టతండాకు చెందిన బానోత్‌ రవి (48) తన అత్తగారి గ్రామం ఏకేతండాలో ఈనెల 27న నిర్వహించిన తీజ్‌ వేడుకలకు హాజరయ్యాడు. తీజ్‌ ఊరేగింపులో భాగంగా దుర్గమ్మ ఆలయం వద్ద నిల్చున్నాడు. ఏకేతండాకు చెందిన హలావత్‌ నితిన్‌ తన బైక్‌తో అజాగ్రత్తగా అతివేగంగా ఢీకొట్టడంతో రవికి తీవ్ర గాయాలయ్యాయి. చికిత్స నిమిత్తం 108 వాహనంలో వర్ధన్నపేట ప్రభుత్వ ఆస్పత్రికి తరలించేలోగా మార్గమధ్యలో మృతిచెందాడు. మృతుడి కుమారుడు నరేశ్‌ ఫిర్యాదు మేరకు కేసు నమోదు చేసుకుని, శవపంచనామా నిర్వహించినట్లు ఎస్సై తెలిపారు.

న్యూశాయంపేట: భద్రకాళి చెరువు వరద నివారణ పనులు చేపట్టాలని కలెక్టర్‌ డాక్టర్‌ సత్యశారద అధికారులను ఆదేశించారు. నీటిపారుదల, రెవెన్యూ అధికారులతో శుక్రవారం కలెక్టరేట్‌లో కలెక్టర్‌ సమీక్ష నిర్వహించారు. చెరువు నీటి ప్రవాహం, వరద పరిస్థితులు, కాల్వలు, నీటి విడుదల మార్గాలు తదితర వివరాలను అధికారులను అడిగి తెలుసుకున్నారు. ఈ సందర్భంగా కలెక్టర్‌ మాట్లాడుతూ ప్రజలకు ఇబ్బందులు కలగకుండా అధికారులు సమన్వయంతో పనులు చేపట్టాలని సూచించారు. సమావేశంలో వరంగల్‌ ఆర్డీఓ సుమ, ఇరిగేషన్‌ ఎస్‌ఈ రాంప్రసాద్‌, ఈఈ కిరణ్‌, డీఈ మధుసూదన్‌రెడ్డి, వరంగల్‌, ఖిలావరంగల్‌ తహసీల్దార్లు శ్రీకాంత్‌, ఇక్బాల్‌ తదితరులు పాల్గొన్నారు. కొత్త పింఛన్లకు దరఖాస్తు చేసుకోవాలి కాళోజీ సెంటర్‌: సామాజిక భద్రత పింఛన్లు పొందేందుకు ఈనెల 31 వరకు దరఖాస్తు చేసుకోవాలని వరంగల్‌ కలెక్టర్‌ డాక్టర్‌ సత్యశారద సూచించారు. డీఆర్‌డీఓ నాగపద్మజ, డీఆర్‌ఓ విజయలక్ష్మితో కలిసి కొత్త పింఛన్ల పోస్టర్‌ను శుక్రవారం కలెక్టరేట్‌లో ఆవిష్కరించారు. ఈ సందర్భంగా కలెక్టర్‌ మాట్లాడుతూ అర్హులు పింఛన్లకు దరఖాస్తు చేసుకునేందుకు గ్రామీణ, పట్టణ ప్రాంతాల్లో విస్తృత ప్రచారం చేయాలని అధికారులను ఆదేశించారు. కార్యక్రమంలో అదనపు డీఆర్‌డీఓ శ్రీనివాస్‌, పెన్షన్‌ డీపీఎం రేవతి పాల్గొన్నారు. కలెక్టర్‌ డాక్టర్‌ సత్యశారద కలెక్టరేట్‌లో అధికారులతో సమీక్ష

సాక్షిప్రతినిధి, వరంగల్‌: గ్రేటర్‌ వరంగల్‌ నగరంలో ప్రతిష్టాత్మకంగా చేపట్టనున్న సమగ్ర భూగర్భ మురుగునీటి పారుదల వ్యవస్థ (కాంప్రెన్సీవ్‌ అండర్‌ గ్రౌండ్‌ డ్రెయినేజీ స్కీం) పనులకు రాష్ట్ర ప్రభుత్వం కీలక ముందడుగు వేసింది. ఈ ప్రాజెక్టులో భాగంగా ఎస్టీపీలు, మురుగునీటి పంపింగ్‌ స్టేషన్లు (ఎస్‌పీఎస్‌), లిఫ్ట్‌ స్టేషన్లు, సెప్టిక్‌ ట్యాంకుల నిర్మాణానికి అవసరమైన ప్రైవేట్‌ భూముల సేకరణకు మార్గం సుగమం చేసింది. భూసేకరణ, పునరావాస చట్టం–2013 కింద సాధారణంగా చేపట్టాల్సిన సామాజిక ప్రభావ అంచనా (సోషల్‌ ఇంపాక్ట్‌ అసెసెమెంట్‌ (ఎస్‌ఐఏ)) ప్రక్రియ నుంచి ఈ ప్రాజెక్టుకు మినహాయింపు ఇస్తూ మున్సిపల్‌ పరిపాలన శాఖ శుక్రవారం జీఓ ఎంఎస్‌ నంబర్‌ 225 జారీ చేసింది. నగరానికి కీలకం ఈ ప్రాజెక్టు... గ్రేటర్‌ వరంగల్‌ పరిధి విస్తరిస్తున్న కొద్దీ నివాస, వాణిజ్య ప్రాంతాలు పెరుగుతున్నాయి. దీంతో రోజురోజుకూ మురుగునీటి ఉత్పత్తి కూడా పెరుగుతోంది. ప్రస్తుతం అనేక ప్రాంతాల్లో స్థానిక డ్రెయినేజీలు, నాలాలు, సెప్టిక్‌ ట్యాంకులపైనే ఆధారపడాల్సి వస్తోంది. కొన్ని ప్రాంతాల్లో మురుగునీరు వర్షపు నీటి కాలువల్లోకి చేరుతుండటంతో పారిశుద్ధ్య సమస్యలు తలెత్తుతున్నాయి. ఈ నేపథ్యంలో నగరానికి ఒక సమగ్ర అండర్‌గ్రౌండ్‌ డ్రెయినేజీ నెట్‌వర్క్‌ అవసరం ఏర్పడింది. కాగా కొత్త వ్యవస్థలో మురుగునీటిని నేరుగా బయటకు వదలకుండా వివిధ ప్రాంతాలనుంచి సేకరించి శుద్ధి కేంద్రాలకు తరలించేందుకు ఏర్పాట్లు చేయనున్నారు. ఐదు ప్రాంతాల్లో భూములు.. తాజా ఉత్తర్వుల ప్రకారం బొల్లికుంట, ఉర్సు, ఖిలా వరంగల్‌, దేశాయిపేట, పైడిపల్లి ప్రాంతాల్లోని ప్రైవేట్‌ భూములను సేకరించనున్నారు. మొత్తం 11 నిర్మాణాలకు భూములు అవసరమని ప్రభుత్వం గుర్తించింది. అందులో బొల్లికుంటలో ఎస్టీపీ–7 కోసం 2 ఎకరాల 8.8 గుంటలు సేకరించనుండడం అత్యధిక విస్తీర్ణం. మిగిలిన ప్రాంతాల్లో ఎస్‌పీఎస్‌లు, లిఫ్ట్‌ స్టేషన్లు, సెప్టిక్‌ ట్యాంకుల కోసం కొన్ని వందల చదరపు గజాల చొప్పున భూములు తీసుకోనున్నారు. కాగా ప్రాజెక్టు ప్రజాప్రయోజనాలకు సంబంధించినదిగా పేర్కొంటూ, తెలంగాణ సవరణ చట్టం–2016లోని సెక్షన్‌ 10ఏ (బీ) కింద సోషల్‌ ఇంపాక్ట్‌ అసెస్‌మెంట్‌ (ఎస్‌ఐఏ) ప్రక్రియ నుంచి మినహాయింపు ఇచ్చారు. భూసేకరణ కోసం అవసరమైన భూమిని సాధ్యమైనంత కనిష్ట విస్తీర్ణంలోనే తీసుకుంటున్నట్లు ప్రభుత్వ కార్యదర్శి టీకే శ్రీదేవి ఆ ఉత్తర్వుల్లో పేర్కొన్నారు. ఎస్‌ఐఏ మినహాయింపుతో భూసేకరణ ప్రక్రియలో ఒక దశ తగ్గడంతో ప్రాజెక్టు పనులు వేగంగా ముందుకు తీసుకెళ్లేందుకు అవకాశం ఏర్పడుతుంది. ‘గ్రేటర్‌’లో యూజీడీకి కీలక ముందడుగు ఐదు ప్రాంతాలు, 11నిర్మాణాలకు ప్రైవేట్‌గా భూముల సేకరణకు ప్రభుత్వం ఓకే సామాజిక ప్రభావ అంచనానుంచి మినహాయింపు ప్రజాప్రయోజనాల దృష్ట్యా నిర్ణయం.. తక్షణమే గెజిట్‌ ప్రచురణకు ఆదేశాలు ఉత్తర్వులు జారీ చేసిన ప్రభుత్వ కార్యదర్శి టీకే శ్రీదేవి ప్రభుత్వానికి కృతజ్ఞతలు సమగ్ర భూగర్భ మురుగునీటి పారుదల వ్యవస్థకు అవసరమైన ప్రైవేట్‌ భూముల సేకరణకు ప్రభుత్వం అనుమతి ఇవ్వడంతో పనులు వేగంగా ముందుకు సాగే అవకాశం ఏర్పడింది. నగరం వేగంగా విస్తరిస్తున్న నేపథ్యంలో మురుగునీటి పారుదల వ్యవస్థను ఆధునికీకరించడం చాలా అవసరం. ఇందుకోసం సీఎం రేవంత్‌రెడ్డిని అందరం కలిసి చాలాసార్లు విన్నవించాం. ప్రజలు ఎదుర్కొంటున్న డ్రెయినేజీ సమస్యలకు శాశ్వత పరిష్కారం చూపిన ముఖ్యమంత్రికి, ప్రభుత్వ పెద్దలకు ధన్యవాదాలు. – నాయిని రాజేందర్‌రెడ్డి, ఎమ్మెల్యే

సాక్షి ప్రతినిధి, వరంగల్‌: ఒక అసిస్టెంట్‌ డైరెక్టర్‌.. 12 జిల్లాల పర్యవేక్షణకు ఇన్‌చార్జ్‌.. భూపాలపల్లి మైన్స్‌ ఏడీగా పనిచేసి గురువారం ఏసీబీ దాడులకు గురైన బొజ్జ జయరాజు ములుగు జిల్లా మైన్స్‌ బాధ్యతల్లోనూ కొద్ది రోజులు ఇన్‌చార్జ్‌గా ఉన్నారు. 2024 మార్చి 15న భూపాలపల్లి ఏడీగా వచ్చిన ఆయన 2025 అక్టోబర్‌ 8న వరంగల్‌ రీజియన్‌ (ఉమ్మడి వరంగల్‌, కరీంనగర్‌, ఖమ్మం)కు డిప్యూటీ డైరెక్టర్‌గా ఇన్‌చార్జ్‌ బాధ్యతల్లోకి వచ్చారు. రాజకీయ పలుకుబడి, ఉన్నతాధికారుల అండదండలతోనే ఈ అదనపు బాధ్యతలు దక్కాయన్న ఆరోపణలు అప్పట్లో వచ్చాయి. దీంతో ఏడీతోపాటు పూర్వ వరంగల్‌, కరీంనగర్‌, ఖమ్మంలకు చెందిన 12 జిల్లాల మైనింగ్‌ పర్యవేక్షణ బాధ్యతలు కూడా డీడీగా ఈయనకే. ఇదిలా ఉండగా ఉమ్మడి వరంగల్‌లో ఏడీలకు వరంగల్‌, హనుమకొండలకు చాలాకాలం ఒక్కరే ఏడీగా బాధ్యతలు నిర్వహించారు. భూపాలపల్లి, ములుగులకు కూడా ఒక్కరే ఉన్నారు. ఇటీవల హనుమకొండకు పూర్తి కాలపు ఏడీ రాగా, మిగతా చోట్ల హెడ్‌ ఆఫీసు కనుసన్నల్లో ఉండే ఏజీలను ఏడీలుగా నియమించారంటే గనులశాఖలో పోస్టింగ్‌ల తీరును అర్థం చేసుకోవచ్చు. ‘మినరల్స్‌’ ఉన్న చోటే ఎందుకీ ఆసక్తి? ఉమ్మడి వరంగల్‌లోని అన్ని జిల్లాల్లో ఖనిజ వనరులు ఒకే రకంగా లేవు. భూపాలపల్లి, ములుగు ప్రాంతాల్లో గోదావరి పరీవాహక ప్రాంతం కారణంగా ఇసుక కార్యకలాపాలకు ప్రాధాన్యం ఉండగా.. ఇతర జిల్లాల్లో గ్రానైట్‌, బిల్డింగ్‌ స్టోన్‌, రోడ్‌ మెటల్‌, లేటరైట్‌, ఇతర ఖనిజాల తవ్వకాలు జరుగుతున్నాయి. మహబూబాబాద్‌లో ఇనుప ఖనిజం, లేటరైట్‌తోపాటు బ్లాక్‌, కలర్‌ గ్రానైట్‌, బిల్డింగ్‌ స్టోన్‌, రోడ్‌ మెటల్‌, ఎర్త్‌, గ్రావెల్‌ వంటి ఖనిజాలు ఉన్నట్లు అధికారిక మైన్స్‌ శాఖ వివరాలు చెబుతున్నాయి. అక్కడ 168 బ్లాక్‌ గ్రానైట్‌ మైనర్‌ మినరల్‌ లీజులు నమోదై ఉండగా.. 66 పనిచేస్తున్నట్లు జిల్లా శాఖ వివరాలు పేర్కొంటోంది. అందుకే ఖనిజ వనరులు ఎక్కువగా ఉన్న ప్రాంతాల్లో మైన్స్‌ అధికారుల పోస్టింగులు సహజంగానే ప్రాధాన్యం సంతరించుకుంటాయి. ఈ నేపథ్యంలోనే మినరల్స్‌ బాగా ఉన్న ‘మంచి పోస్టింగ్‌’ల కోసం పైరవీలు చేసుకుని వస్తున్నట్లు ప్రచారం ఉంది. వారికి రాజకీయ పలుకుబడి, ఉన్నతస్థాయి అండదండలు పుష్కలంగా ఉంటాయన్న ఆరోపణలు వినిపిస్తున్నాయి. దీంతో మీడియాకు కూడా శాఖాపరమైన సమాచారం ఇవ్వకుండా ‘టూర్‌’ల పేరిట తప్పుకున్న సందర్భాలు పలుసార్లు విమర్శలకు దారి తీశాయి. కాగా, ఇటీవల ఏసీబీ దాడులు, అక్రమాస్తుల కేసులు వెలుగులోకి వస్తుండడంతో మైనింగ్‌ శాఖలో అధికారుల పోస్టింగులు, వారి పనితీరుపై మరోసారి చర్చ మొదలైంది. గనులశాఖలో కొందరు అధికారుల తీరిది పొలిటికల్‌ అండ, ఉన్నతాధికారుల సపోర్టు ఒక్కొక్కరికీ రెండేసి జిల్లాలు.. ఏడీలకు డీడీ బాధ్యతలు ఆదాయానికి మించిన ఆస్తులు.. అక్రమ వ్యాపారులతో చెట్టాపట్టాల్‌ ఏసీబీ సోదాలతో మళ్లీ చర్చకు వచ్చిన పోస్టింగ్‌ల దందాఆరు జిల్లాల్లో.. మూడుచోట్ల ఇన్‌చార్జ్‌లే.. ఆగస్టు 2026లో ఆయా జిల్లాల అధికారిక వెబ్‌సైట్లలో కనిపిస్తున్న వివరాలను పరిశీలిస్తే ఉమ్మడి వరంగల్‌లోని ఆరు జిల్లాల్లో మూడు చోట్ల ఇన్‌చార్జ్‌ వ్యవస్థ కనిపిస్తోంది. హనుమకొండ జిల్లాలో ఏడీ బాధ్యతలు ఇన్‌చార్జ్‌కి ఉండగా ఇటీవల రెగ్యులర్‌ ఏడీని నియమించారు. వరంగల్‌లో రెగ్యులర్‌ ఏడీ ఉన్నట్లు జిల్లా వెబ్‌సైట్‌ పేర్కొంటోంది. జనగామలో జిల్లా వెబ్‌సైట్‌, కేంద్ర మైన్స్‌ శాఖ డేటాలో అధికారి హోదాకు సంబంధించి వ్యత్యాసం కనిపిస్తోంది. ఇక్కడ కూడా అసిస్టెంట్‌ జియాలజిస్టు(ఏజీ)నే ఇన్‌చార్జ్‌ ఏడీగా నియమించినట్లు తెలిసింది. మహబూబాబాద్‌లో రెగ్యులర్‌ ఏడీ ఉన్నారు. భూపాలపల్లిలో డిప్యూటీ డైరెక్టర్‌ స్థాయి అధికారి ఇన్‌చార్జి ఏడీగా ఉన్నారు. ఆయన (బి.జయరాజు) గురువారం ఆదాయానికి మించిన ఆస్తుల కేసులో ఏసీబీకి చిక్కారు. ఇందులో కొన్ని చోట్ల అసిస్టెంట్‌ జియాలజిస్ట్‌లు ఇన్‌చార్జ్‌ అసిస్టెంట్‌ డైరెక్టర్లుగా పోస్టింగ్‌లు తెచ్చుకున్నారు. ములుగులో ఇన్‌చార్జ్‌ ఏడీగా ఉన్న అసిస్టెంట్‌ జియాలజిస్ట్‌ భద్రాద్రి కొత్తగూడెం ఇన్‌చార్జ్‌ ఏడీగా కూడా వ్యవహరిస్తున్నారు.

హన్మకొండ అర్బన్‌ : భవన నిర్మాణ అనుమతుల ప్రకారం కేటాయించిన పార్కింగ్‌ స్థలాలను ఇతర అవసరాలకు వాడితే కఠిన చర్యలు తప్పని హనుమకొండ కలెక్టర్‌, జీడబ్ల్యూఎంసీ ప్రత్యేక అధికారి చాహత్‌ బాజ్‌పాయ్‌ హెచ్చరించారు. నగరంలోని స్కానింగ్‌, డయాగ్నొస్టిక్‌ సెంటర్లను శుక్రవారం ఆమె ఆకస్మికంగా తనిఖీ చేశారు. కాకాజీ కాలనీలోని మెప్సన్‌, న్యూ విజయ డయాగ్నొస్టిక్‌ సెంటర్లను పరిశీలించారు. మెప్సన్‌లో ఆల్ట్రాసౌండ్‌, సీటీ స్కాన్‌, ఎంఆర్‌ఐ గదులను తనిఖీ చేసి పరీక్షల వివరాలను నిర్వాహకులను అడిగి తెలుసుకున్నారు. పరీక్షల ధరల పట్టికను ప్రజలకు స్పష్టంగా కనిపించేలా ప్రదర్శించాలని ఆదేశించారు. న్యూ విజయ డయాగ్నొస్టిక్‌ సెంటర్‌కు తాళం వేసి ఉండటంతో సెల్లార్‌ను కలెక్టర్‌ పరిశీలించారు. ఈ సందర్భంగా రెండు కేంద్రాల్లోనూ భవన నిర్మాణ అనుమతుల ప్రకారం పార్కింగ్‌కు కేటాయించిన స్థలాలను డయాగ్నొస్టిక్‌ సేవలకు వినియోగిస్తున్నట్లు గుర్తించారు. దీంతో ఆయా కేంద్రాలకు నోటీసులు జారీ చేయాలని డీఎంహెచ్‌ఓ డాక్టర్‌ ఎ.అప్పయ్యను ఆదేశించారు. కలెక్టర్‌ ఆదేశాల మేరకు డీఎంహెచ్‌ఓ డాక్టర్‌ అప్పయ్య కాకతీయ కిడ్నీ సెంటర్‌, సిద్ధార్థ కార్డియాక్‌ సెంటర్‌, వినోద డెంటల్‌, మల్లిక చిల్డ్రన్స్‌ ఆస్పత్రులను కూడా తనిఖీ చేశారు. పార్కింగ్‌ ప్రదేశాలను మెడికల్‌ షాపులు, ఇతర అవసరాలకు వినియోగిస్తున్న ఆస్పత్రులకు నోటీసులు జారీ చేయనున్నట్లు తెలిపారు. వైద్య సిబ్బంది సందీప్‌, రంజిత్‌ . తదితరులు పాల్గొన్నారు. కలెక్టర్‌, జీడబ్ల్యూఎంసీ ప్రత్యేక అధికారి చాహత్‌ బాజ్‌పాయ్‌ పలు డయాగ్నొస్టిక్‌ సెంటర్లకు నోటీసులు ఇవ్వాలని ఆదేశం

మినరల్స్‌ ఎక్కడో.. గనులశాఖలో కొందరు అధికారుల తీరిది సాక్షి ప్రతినిధి, వరంగల్‌: మైనింగ్‌ అంటేనే కోట్లాది రూపాయల విలువైన ఖనిజ సంపద. ఇసుక, క్వారీలు, గ్రానైట్‌, బిల్డింగ్‌ స్టోన్‌, రోడ్‌ మెటల్‌.. ఇలా ప్రభుత్వానికి భారీగా ఆదాయం తెచ్చిపెట్టేవి. వీటికి అనుమతులు ఇవ్వడం, లీజులను పర్యవేక్షించడం, రాయల్టీ వసూలు చేయడం, అక్రమ మైనింగ్‌, అక్రమ రవాణాను అడ్డుకోవడం మైన్స్‌ అండ్‌ జియాలజీ శాఖ పరిధిలోని కీలక బాధ్యతలు. అలాంటి శాఖలో జిల్లాస్థాయి అధికారుల పోస్టింగులు ఇప్పుడు చర్చనీయాంశంగా మారాయి. వనరులు, ఆదాయం ఎక్కువగా ఉన్న ప్రాంతాల్లో పోస్టింగ్‌ కోసం పైరవీలు, రాజకీయ పలుకుబడి, లావాదేవీలు జరుగుతున్నాయన్న ఆరోపణలు చాలాకాలంగా వినిపిస్తున్నాయి. తాజాగా భూపాలపల్లి జిల్లా మైన్స్‌ ఏడీ బొజ్జ జయరాజ్‌కు సంబంధించిన వ్యవహారంలో ఏసీబీ సోదాలు జరగడం ఈ చర్చకు మరింత ఊతమిచ్చింది. ఒక అసిస్టెంట్‌ డైరెక్టర్‌.. 12 జిల్లాల పర్యవేక్షణకు ఇన్‌చార్జ్‌.. భూపాలపల్లి మైన్స్‌ ఏడీగా పనిచేసి గురువారం ఏసీబీ దాడులకు గురైన బొజ్జ జయరాజు ములుగు జిల్లా మైన్స్‌ బాధ్యతల్లోనూ కొద్ది రోజులు ఇన్‌చార్జ్‌గా ఉన్నారు. 2024 మార్చి 15న భూపాలపల్లి ఏడీగా వచ్చిన ఆయన 2025 అక్టోబర్‌ 8న వరంగల్‌ రీజియన్‌ (ఉమ్మడి వరంగల్‌, కరీంనగర్‌, ఖమ్మం)కు డిప్యూటీ డైరెక్టర్‌గా ఇన్‌చార్జ్‌ బాధ్యతల్లోకి వచ్చారు. రాజకీయ పలుకుబడి, ఉన్నతాధికారుల అండదండలతోనే ఈ అదనపు బాధ్యతలు దక్కాయన్న ఆరోపణలు అప్పట్లో వచ్చాయి. దీంతో ఏడీతోపాటు పూర్వ వరంగల్‌, కరీంనగర్‌, ఖమ్మంలకు చెందిన 12 జిల్లాల మైనింగ్‌ పర్యవేక్షణ బాధ్యతలు కూడా డీడీగా ఈయనకే. ఇదిలా ఉండగా ఉమ్మడి వరంగల్‌లో ఏడీలకు వరంగల్‌, హనుమకొండలకు చాలాకాలం ఒక్కరే ఏడీగా బాధ్యతలు నిర్వహించారు. భూపాలపల్లి, ములుగులకు కూడా ఒక్కరే ఉన్నారు. ఇటీవల హనుమకొండకు పూర్తి కాలపు ఏడీ రాగా, మిగతా చోట్ల హెడ్‌ ఆఫీసు కనుసన్నల్లో ఉండే ఏజీలను ఏడీలుగా నియమించారంటే గనులశాఖలో పోస్టింగ్‌ల తీరును అర్థం చేసుకోవచ్చు. ‘మినరల్స్‌’ ఉన్న చోటే ఎందుకీ ఆసక్తి? ఉమ్మడి వరంగల్‌లోని అన్ని జిల్లాల్లో ఖనిజ వనరులు ఒకే రకంగా లేవు. భూపాలపల్లి, ములుగు ప్రాంతాల్లో గోదావరి పరీవాహక ప్రాంతం కారణంగా ఇసుక కార్యకలాపాలకు ప్రాధాన్యం ఉండగా.. ఇతర జిల్లాల్లో గ్రానైట్‌, బిల్డింగ్‌ స్టోన్‌, రోడ్‌ మెటల్‌, లేటరైట్‌, ఇతర ఖనిజాల తవ్వకాలు జరుగుతున్నాయి. మహబూబాబాద్‌లో ఇనుప ఖనిజం, లేటరైట్‌తోపాటు బ్లాక్‌, కలర్‌ గ్రానైట్‌, బిల్డింగ్‌ స్టోన్‌, రోడ్‌ మెటల్‌, ఎర్త్‌, గ్రావెల్‌ వంటి ఖనిజాలు ఉన్నట్లు అధికారిక మైన్స్‌ శాఖ వివరాలు చెబుతున్నాయి. అక్కడ 168 బ్లాక్‌ గ్రానైట్‌ మైనర్‌ మినరల్‌ లీజులు నమోదై ఉండగా.. 66 పనిచేస్తున్నట్లు జిల్లా శాఖ వివరాలు పేర్కొంటోంది. అందుకే ఖనిజ వనరులు ఎక్కువగా ఉన్న ప్రాంతాల్లో మైన్స్‌ అధికారుల పోస్టింగులు సహజంగానే ప్రాధాన్యం సంతరించుకుంటాయి. ఈ నేపథ్యంలోనే మినరల్స్‌ బాగా ఉన్న ‘మంచి పోస్టింగ్‌’ల కోసం పైరవీలు చేసుకుని వస్తున్నట్లు ప్రచారం ఉంది. వారికి రాజకీయ పలుకుబడి, ఉన్నతస్థాయి అండదండలు పుష్కలంగా ఉంటాయన్న ఆరోపణలు వినిపిస్తున్నాయి. దీంతో మీడియాకు కూడా శాఖాపరమైన సమాచారం ఇవ్వకుండా ‘టూర్‌’ల పేరిట తప్పుకున్న సంధర్భాలు పలుసార్లు విమర్శలకు దారి తీశాయి. కాగా ఇటీవల ఏసీబీ దాడులు, అక్రమాస్తుల కేసులు వెలుగులోకి వస్తుండటంతో మైనింగ్‌ శాఖలో అధికారుల పోస్టింగులు, వారి పనితీరుపై మరోసారి చర్చ మొదలైంది. పొలిటికల్‌ అండ, ఉన్నతాధికారుల సపోర్టు ఒక్కొక్కరికీ రెండేసి జిల్లాలు.. ఏడీలకు డీడీ బాధ్యతలు ఆదాయానికి మించిన ఆస్తులు.. అక్రమ వ్యాపారులతో చెట్టాపట్టాల్‌ ఏసీబీ సోదాలతో మళ్లీ చర్చకు వచ్చిన పోస్టింగ్‌ల దందాఆరు జిల్లాల్లో.. మూడుచోట్ల ఇన్‌చార్జ్‌లే.. ఆగస్టు 2026లో ఆయా జిల్లాల అధికారిక వెబ్‌సైట్లలో కనిపిస్తున్న వివరాలను పరిశీలిస్తే ఉమ్మడి వరంగల్‌లోని ఆరు జిల్లాల్లో మూడు చోట్ల ఇన్‌చార్జ్‌ వ్యవస్థ కనిపిస్తోంది. హనుమకొండలో ఏడీ బాధ్యతలు ఇన్‌చార్జ్‌కి ఉండగా ఇటీవల రెగ్యులర్‌ ఏడీని నియమించారు. వరంగల్‌లో రెగ్యులర్‌ ఏడీ ఉన్నట్లు జిల్లా వెబ్‌సైట్‌ పేర్కొంటోంది. జనగామలో జిల్లా వెబ్‌సైట్‌, కేంద్ర మైన్స్‌ శాఖ డేటాలో అధికారి హోదాకు సంబంధించి వ్యత్యాసం కనిపిస్తోంది. ఇక్కడ కూడా అసిస్టెంట్‌ జియోలజిస్టు(ఏజీ)నే ఇన్‌చార్జ్‌ ఏడీగా నియమించినట్లు తెలిసింది. మహబూబాబాద్‌లో రెగ్యులర్‌ ఏడీ ఉన్నారు. భూపాలపల్లిలో డిప్యూటీ డైరెక్టర్‌ స్థాయి అధికారి ఇన్‌చార్జి ఏడీగా ఉన్నారు. ఆయన (బి.జయరాజు) గురువారం ఆదాయానికి మించిన ఆస్తుల కేసులో ఏసీబీకి చిక్కారు. ఇందులో కొన్ని చోట్ల అసిస్టెంట్‌ జియాలజిస్ట్‌లు ఇన్‌చార్జ్‌ అసిస్టెంట్‌ డైరక్టర్‌లుగా పోస్టింగ్‌లు తెచ్చుకున్నారు. ములుగులో ఇన్‌చార్జ్‌ ఏడీగా ఉన్న అసిస్టెంట్‌ జియోలజిస్ట్‌ భద్రాద్రి కొత్తగూడెం ఇన్‌చార్జ్‌ ఏడీగా కూడా వ్యవహరిస్తున్నారు.

రాఖీ కానుకగా హెల్త్‌ ఇన్సూరెన్స్‌ ● చెల్లెలి కుటుంబానికి బాండ్‌ అందించిన అన్న వేలేరు : సాధారణంగా రాఖీ పండుగకు చెల్లెలికి బహుమతులు, నగదు అందించడం ఆనవాయితీ. కానీ, తనకు రాఖీ కట్టిన చెల్లికి ఓ అన్న.. వినూత్న కానుక ఇచ్చారు. చెల్లి కుటుంబానికి మొత్తం ఆరోగ్య బీమా చేయించి బాండ్‌ అందించాడు. వేలేరు మండలం మల్లికుదుర్ల గ్రామానికి చెందిన జక్కుల సంపత్‌ తన చెల్లెలి కుటుంబానికి ఆరోగ్య భద్రతే ముఖ్యమని భావించి గత నాలుగేళ్లుగా హెల్త్‌ ఇన్సూరెన్స్‌ పాలసీని రాఖీ కానుకగా అందజేస్తున్నారు. శుక్రవారం కూడా తనకు రాఖీ కట్టిన చెల్లెలు బేతి మౌనిక కుటుంబానికి మొత్తం రూ.10 లక్షల విలువ గల హెల్త్‌ ఇన్సూరెన్స్‌ పాలసీ చేసి అందించారు. ఈ సందర్భంగా జక్కుల సంపత్‌ మాట్లాడుతూ.. తన చెల్లెలు, బావతోపాటు కుటుంబ సభ్యులకు అనారోగ్య సమస్యలు ఎదురైనప్పుడు వైద్యఖర్చుల విషయంలో ఇబ్బందులు కలగకుండా ఉండేందుకు ప్రతీ సంవత్సరం రాఖీ పండుగ రోజున హెల్త్‌ ఇన్సూరెన్స్‌ పాలసీ చేయిస్తున్నట్లు తెలిపారు. అన్న ఇచ్చిన రాఖీ కానుక తమకు ఎంతో విలువైనదని చెల్లెలు మౌనిక పేర్కొంది.రాఖీతో ప్రేమ.. హెల్మెట్‌తో భద్రత ● సోదరులకు కానుకగా ఇచ్చిన సోదరి భీమదేవరపల్లి : రాఖీ పౌర్ణమి వేళ ఓ సోదరి తన అనుబంధాన్ని చాటడంతోపాటు సమాజానికి ఆదర్శంగా నిలిచే సందేశాన్ని ఇచ్చారు. భీమదేవరపల్లి మండలం ముల్కనూర్‌ గ్రామానికి చెందిన దిడ్డి విజయ శుక్రవారం తన సోదరులు గౌడ బాలాజీ, గౌడ చంద్రబాబులకు రాఖీ కట్టి శుభాకాంక్షలు తెలిపారు. అనంతరం వారి క్షేమాన్ని ఆకాంక్షిస్తూ హెల్మెట్లను కానుకగా అందించారు. ఈ సందర్భంగా విజయ మాట్లాడుతూ తన సోదరులు తప్పనిసరిగా హెల్మెట్‌ ధరించి వాహనాలు నడపాలని సూచించారు. రోడ్డు భద్రతా నియమాలు పాటిస్తూ ప్రాణాలను కాపాడుకోవడం ప్రతీ ఒక్కరి బాధ్యతని గుర్తుచేశారు. రాఖీ పండుగ కేవలం అనుబంధాలకే కాకుండా పరస్పర బాధ్యతను తెలియజేస్తుందని, సోదరుల రక్షణే అక్కాచెల్లెళ్లకు అత్యంత ముఖ్యమని ఆమె పేర్కొన్నారు. భద్రతా సందేశాన్ని చాటిన సోదరి విజయ ఆలోచనను పలువురు అభినందించారు.

పేస్కేల్‌ విషయంలో మంత్రి సీతక్క గతంలో స్పష్టమైన హామీ ఇచ్చారు. అయితే, ఇప్పటికీ హామీ నెరవేర్చలేదు. సిబ్బంది దీర్ఘకాలిక సమస్యను ఇకపై వాయిదా వేయకుండా ప్రభుత్వం స్పష్టమైన నిర్ణయం తీసుకోవాలి. ముఖ్యమంత్రి రేవంత్‌రెడ్డి పేస్కేల్‌ విధానాన్ని అమలు చేసి సమస్యను పరిష్కరించాలి. – తిరుమలదేవి, కంప్యూటర్‌ ఆపరేటర్‌, నల్లబెల్లి ప్రభుత్వ హామీ అమలు కోసం ఎదురుచూస్తున్నాం. 20 ఏళ్లుగా విధులు నిర్వర్తిస్తున్నా ప్రభుత్వం చాలీచాలని వేతనాలు అందిస్తోంది. ప్రభుత్వ లక్ష్యానికి అనుగుణంగా గ్రామీణ ప్రాంతాల్లో కూలీలకు పనులు కల్పించేందుకు కృషి చేస్తున్నాం. పెరిగిన నిత్యావసర ధరలతో కుటుంబ పోషణ చాలా భారంగా మారింది. జిల్లాలో 78 మంది విధులు నిర్వర్తిస్తున్నారు. వారందరికీ పేస్కేల్‌ అమలుకు అవసరమైన చర్యలు తీసుకోవాలి. – జాకబ్‌, జేఏసీ జిల్లా చైర్మన్‌●

నల్లబెల్లి: గ్రామీణ ప్రాంతాల్లో జాబ్‌కార్డు కలిగి ఉన్న ప్రతి కుటుంబానికి సంవత్సరానికి 125 రోజులు పని కల్పించాలనే లక్ష్యంతో విధులు నిర్వర్తిస్తున్న సిబ్బందికి ఏళ్ల తరబడి ఉద్యోగ భద్రత కరువైంది. మహాత్మాగాంధీ జాతీయ గ్రామీణ ఉపాధి హామీ స్థానంలో కేంద్ర ప్రభుత్వం వీబీజీ రాం జీ (వికసిత్‌ భారత్‌–గ్యారంటీ ఫర్‌ రోజ్‌గార్‌ అండ్‌ అజీవికా మిషన్‌) చట్టాన్ని తీసుకొచ్చింది. ఇందులో పనిచేస్తున్న క్షేత్రస్థాయి, సాంకేతిక సిబ్బంది పనిభారంతో ఇబ్బందులు ఎదుర్కొంటున్నారు. కాంట్రాక్ట్‌, ఔట్‌సోర్సింగ్‌ పద్ధతిలో పనిచేస్తున్న 78 మందికి ఉద్యోగ భద్రత కరువైంది. పేస్కేల్‌ అమలుపై స్పష్టమైన నిర్ణయం తీసుకోవాలని రాష్ట్ర పంచాయతీరాజ్‌, గ్రామీణాభివృద్ధి శాఖ మంత్రి సీతక్కను కలిసి సిబ్బంది ఇటీవల విజ్ఞప్తి చేశారు. తమ సమస్యలు, ఆకాంక్షలను మంత్రి దృష్టికి తీసుకెళ్లారు. రాష్ట్ర ప్రభుత్వం గతంలో ఇచ్చిన హామీ మేరకు పేస్కేల్‌ ప్రకటించి, తమ జీవితాల్లో కొత్త వెలుగులు నింపాలని కోరారు. ఎన్నో ఏళ్లుగా ఈ పథకంలో సేవలందిస్తున్న సాంకేతిక సహాయకులు తగిన గుర్తింపు, ఉద్యోగ భద్రత కోసం ఎదురుచూస్తున్నారని పేర్కొన్నారు. సమస్యలపై చర్చించి పేస్కేల్‌ వర్తింపజేస్తామని ప్రభుత్వం భరోసా కల్పించింది. ఉద్యోగ సంఘాల ప్రతినిధులతో చర్చించి పేస్కేల్‌ సమస్యను ముఖ్యమంత్రి దృష్టికి తీసుకువెళ్లి పరిష్కరించేందుకు చర్యలు తీసుకుంటామని, ప్రభుత్వంపై ఎంతభారం పడినా వెనక్కి తగ్గేదిలేదని మంత్రి సీతక్క వారికి భరోసా కల్పించారు. కాగా, ఇటీవల పెండింగ్‌లో ఉన్న వేతన బకాయిలను ప్రభుత్వం విడుదల చేసినా.. ఆ హామీ నేటికి నెరవేరలేదని ఉద్యోగ సంఘాల ప్రతినిధులు ఆవేదన వ్యక్తం చేస్తున్నారు. చిరకాల డిమాండ్‌ అయినా పేస్కేల్‌ ప్రకటన కోసం సిబ్బంది ఎదురు చూస్తున్నామని, చాలీచాలని వేతనాలతో కుటుంబ పోషణ భారంగా మారుతోందని ఆందోళన చెందుతున్నారు. ఇప్పటికై నా ప్రభుత్వం స్పందించి పేస్కేల్‌ అమలు చేయాలని వీబీజీ రాం జీ సిబ్బంది కోరుతున్నారు. జిల్లాలో పనిచేస్తున్న సిబ్బంది వివరాలు..ఏపీఎంలు 11సీఓ, ఏఏలు 22ఈసీలు 7జేఈలు 3డీబీటీఎం 1టీఏలు 34 సంవత్సరాలుగా వీబీజీ రాంజీ సిబ్బంది ఎదురుచూపులు చాలీచాలని జీతాలతో కుటుంబ పోషణకు ఇబ్బందులు

దుగ్గొండి: మండలంలోని తొగర్రాయి గ్రామానికి చెందిన పీరాల భగవత్‌ ఆరు నెలల క్రితం రోడ్డు ప్రమాదంలో మృతి చెందాడు. దీంతో భగవత్‌ బాల్య మిత్రులు 14 మంది కలిసి భగవత్‌ పేరిట తొగర్రాయి స్టేజీ వద్ద బస్టాప్‌ నిర్మించారు. దీనిని శుక్రవారం ఎస్సై రావుల రణధీర్‌రెడ్డి, సర్పంచ్‌ రాస రమతో కలిసి ప్రారంభించారు. అనంతరం ఎస్సై మాట్లాడారు. మిత్రుడి గుర్తుగా బస్టాప్‌ నిర్మించడం అభినందనీయమన్నారు. మిత్రులు కస్తూరి అరవింద్‌ పటేల్‌, బల్దు అశోక్‌, అమ్మ హరీశ్‌, ఇజ్జగిరి మధుకర్‌, బుసాని నరేందర్‌, చీర్ల నరేశ్‌రెడ్డి, బుసాని నవీన్‌రాజ్‌, మేకిరి పృథ్వీరాజ్‌, ఎలగొండ రాజేందర్‌, బొబ్బాల రాజేశ్‌రెడ్డి, చెల్పూరి రాజేశ్‌, తుమ్మలపల్లి రంజిత్‌, కంతిరి సతీశ్‌, లింగదారి శ్రీకాంత్‌, భగవత్‌ తండ్రి పీరాల మల్లయ్య, రవి, ఉప సర్పంచ్‌ బుసాని రాజు, మాజీ సర్పంచ్‌ ఓడేటి తిరుపతిరెడ్డి, తుమ్మలపల్లి మహేందర్‌, అమ్మ రోహిత్‌ తదితరులు పాల్గొన్నారు.

● కుమారుడి మృతి ● ఐనవోలులో ఘటన ఐనవోలు: తల్లి మరణం తట్టుకోలేక కుమారుడు మృతి చెందాడు. ఈ విషాదకర ఘటన ఐనవోలులో చోటు చేసుకుంది. స్థానికులు, బంధువుల కథనం ప్రకారం.. మండల కేంద్రానికి చెందిన కొండేటి మల్లికాంబ(65) కొంతకాలంగా అనారోగ్య కారణాలతో ఇబ్బంది పడుతోంది. ఈ క్రమంలో ఎంజీఎంలో చికిత్స పొందుతూ గురువారం రాత్రి మృతిచెందగా మృతదేహాన్ని అర్ధరాత్రి స్వగ్రామం తీసుకొచ్చారు. మల్లికాంబకు ఇద్దరు కుమారులు సమ్మయ్య, రవి ఉన్నారు. రవి(32) కూడా అనారోగ్యంతో బాధపడుతున్నాడు. తల్లి మృతితో రాత్రంతా ఏడుస్తూ మనోవేదనకు గురై అస్వస్థతకు గురయ్యాడు. ఈ క్రమంలో శుక్రవారం ఉదయం తల్లికి అంత్యక్రియలు చేపట్టడానికి శ్మశానవాటిక వద్దకు ఆటోలో వెళ్లి కర్రవేసి వచ్చాడు. అతను నడి చే పరిస్థితి లేక పోవడంతో రవి కుమారుడు దక్షిత్‌తో మల్లికాంబతో అంత్యక్రియలు నిర్వహించాలని కుటుంబీకులు నిర్ణయించారు. మల్లికాంబ అంతిమయాత్ర చేపడుతుండగా మార్గమధ్యలో రవి పరిస్థితి విషమంగా ఉందని సమాచారం రావడంతో కొందరు బంధువులు ఇంటికి చేరుకోగా అప్పటికే అపస్మారక స్థితిలోకి వెళ్లాడు. ఆస్పత్రికి తరలించే ప్రయత్నం చేయగా అప్పటికే మృతిచెందినట్లు అంబులెన్స్‌ సిబ్బంది నిర్ధారించడంతో కుటుంబ సభ్యులు కన్నీరు మున్నీరుగా విలపించారు. నానమ్మ మల్లికాంబ అంత్యక్రియలు పూర్తి చేసుకుని ఇంటికి చేరుకున్న దక్షిత్‌.. తండ్రి రవి మృతదేహాన్ని చూసి బోరున విలపించాడు. అనంతరం తండ్రివి కూడా అంత్యక్రియలు నిర్వహించాడు. కాగా, తల్లి, కుమారుడి మృతితో గ్రామంలో విషాదఛాయలు అలుముకున్నాయి. కాగా, మల్లికాంబ గతంలో, రవి ప్రస్తుతం గ్రామ పంచాయతీ సిబ్బందిగా విధులు నిర్వర్తిస్తున్నారు.

● కలెక్టర్‌ చాహత్‌ బాజ్‌పాయ్‌ ఆత్మకూరు: అర్హులందరి పేర్లు ఓటరు జాబితాలో ఉండాలని, సర్‌ ప్రక్రియను విజయవంతంగా పూర్తి చేయాలని కలెక్టర్‌ చాహత్‌ బాజ్‌పాయ్‌ అన్నారు. మండల కేంద్రంలో గురువారం జరిగిన సర్‌ గ్రామసభకు హాజరై ఓటర్ల డాక్యుమెంట్ల సమర్పణ, అప్‌ లోడింగ్‌ను క్షేత్రస్థాయిలో పరిశీలించారు. కలెక్టర్‌ మాట్లాడుతూ నోటీసు అందుకున్న వారు తగిన డాక్యుమెంట్‌ సమర్పించి ఓటు హక్కు పొందాలన్నారు. పెండింగ్‌ పనులు పూర్తి చేయాలి.. మండలంలోని కొత్తగట్టులో నర్సరీ, రెయిన్‌వాటర్‌ హార్వెస్టింగ్‌ స్ట్రక్చర్‌, డ్రెయినేజీ సోక్‌పిట్‌, ఇంకుడు గుంతలను పరిశీలించారు. మండల కేంద్రంలో ప్లాస్టిక్‌ వేస్ట్‌ మేనేజ్‌మెంట్‌ యూనిట్‌ను నిర్మాణాన్ని పరిశీలించారు. కొత్తగట్టులో వీఓ భవన నిర్మాణ పనులు వేగవంతం చేయాలని సూచించారు. కార్యక్రమంలో డీఆర్డీఓ మేన శ్రీను, డీపీఓ లక్ష్మీరమాకాంత్‌, ఎంపీడీఓ శ్రీనివాస్‌రెడ్డి, తహసీల్దార్‌ జగన్మోహన్‌రెడ్డి, పీఆర్‌ డీఈ యుగంధర్‌, ఈజీఎస్‌ ఏపీఓ రాజిరెడ్డి, సర్పంచ్‌ పర్వతగిరి మహేశ్వరి, బీఎల్‌ఓలు సాజీదాబేగం, సారంగం, అశోక్‌, దేవమ్మ, శ్రీవిద్య, బీఎల్‌ఏలు పరికిరాల వాసు, రేవూరి జయపాల్‌రెడ్డి తదితరులు పాల్గొన్నారు. మేడం.. పింఛన్‌ ఆత్మకూరు: మండలంలోని అగ్రంపహాడ్‌ గ్రామానికి చెందిన మాదాసి అశోక్‌, మాదాసి నవిత తమకు దివ్యాంగుల పింఛన్‌ ఇప్పించాలని మండల కేంద్రంలో కలెక్టర్‌ను వేడుకున్నారు. పరిశీలించా లని ఎంపీడీఓ శ్రీనివాస్‌రెడ్డిని కలెక్టర్‌ ఆదేశించారు. స్కానింగ్‌ సెంటర్లపై నిఘా పెంచాలి హన్మకొండ అర్బన్‌: గర్భస్థ పిండ లింగ నిర్ధారణ పరీక్షల నియంత్రణ చట్టాన్ని పటిష్టంగా అమలు చేయాలని, అనుమానాస్పద ఆస్పత్రులు, స్కానింగ్‌ సెంటర్లపై ప్రత్యేక నిఘా పెట్టాలని హనుమకొండ కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. గురువారం కలెక్టరేట్‌లో గర్భస్థ పిండ లింగ నిర్ధారణ పరీక్షల నియంత్రణ చట్టం కమిటీ సమావేశం నిర్వహించారు. గత మూడు నెలల్లో జిల్లాలోని స్కానింగ్‌ సెంటర్లలో నిర్వహించిన తనిఖీల వివరాలను డీఎంహెచ్‌ఓ అప్పయ్యను అడిగి తెలుసుకున్నారు. తనిఖీల నివేదికలను పరిశీలించడంతో పాటు కొత్త అనుమతుల కోసం వచ్చిన దరఖాస్తులను సమీక్షించారు. అనంతరం కలెక్టర్‌ మాట్లాడుతూ.. లింగ నిర్ధారణ సమాచారం అందించిన వారికి రూ.50 వేల పారితోషికం అందిస్తామని తెలిపారు. సమావేశంలో ట్రెయినీ స్పెషల్‌ డిప్యూటీ కలెక్టర్‌ రోహిత్‌ నేత, జిల్లా సంక్షేమ అధికారి విశ్వజ, మాతా శిశు సంక్షేమ కార్యక్రమ అధికారి డాక్టర్‌ రజిత, ఎస్‌బీ ఇన్‌స్పెక్టర్‌ ఒంటేరు రమేశ్‌, బన్ను స్వచ్ఛంద సంస్థ ప్రతినిధి నీతా, డెమో వి.అశోక్‌రెడ్డి, పద్మజ ఉన్నారు.

నల్లబెల్లి: పట్టు సాగులో రైతులు శాసీ్త్రయ పద్ధతులు అవలంబిస్తూ, అధిక దిగుబడి సాధించాలని పట్టు పరిశ్రమ శాఖ సహాయ సంచాలకులు తిరుపతిరెడ్డి సూచించారు. కేంద్ర పట్టు బోర్డు (సీఎస్‌బీ) మండలంలోని మేడపల్లిలో రైతులకు గురువారం అవగాహన సదస్సు నిర్వహించింది. మల్బరీ సాగులో నూతన సాంకేతికత, శాసీ్త్రయ పద్ధతులు, ప్రభుత్వం అందిస్తున్న రాయితీలను వివరించారు. ఈ సందర్భంగా తిరుపతిరెడ్డి మాట్లాడుతూ మల్బరీ సాగుచేసే రైతులు నేల ఆరోగ్య పరిరక్షణపై దృష్టి పెట్టాలని, తగిన యాజమాన్య పద్దతులు పాటించాలని సూచించారు. పట్టు పురుగుల పెంపకంలో ఎదురయ్యే ప్రధాన సమస్యలు రాకుండా తీసుకోవాల్సిన ముందస్తు జాగ్రత్తలను వివరించారు. శాస్త్రవేత్త భువన, సెరికల్చర్‌ అధికారి మల్లయ్య, ఏఓ బన్న రజిత, ఏఈఓలు రాకేశ్‌ పాల్గొన్నారు. పట్టు పరిశ్రమ శాఖ సహాయ సంచాలకులు తిరుపతిరెడ్డి

డోర్నకల్‌: డోర్నకల్‌లోని బ్యాంక్‌ స్ట్రీట్‌కు చెందిన కాలా యశోధర్‌ జైన్‌కు తొమ్మిది మంది అక్కాచెల్లెళ్లు. వీరంతా తెలంగాణ, మహారాష్ట్ర, ఛత్తీస్‌గఢ్‌, మధ్యప్రదేశ్‌, తమిళనాడు తదితర రాష్ట్రాల్లో నివాసం ఉంటున్నారు. ఏటా రాఖీ పండుగను పురస్కరించుకుని అక్కాచెళ్లెళ్లలో ఒకరి ఇంటికి తమ సోదరుడిని పిలిపించుకుంటారు. అందరూ అతడికి రాఖీలు కట్టి ఆనందంగా గడుపుతారు. ఇటీవల మహారాష్ట్రలోని అమరావతి జిల్లా పరత్వాడాలోని సోదరి ఇంటికి అందరూ చేరుకుని సోదరుడు యశోధర్‌జైన్‌కు రాఖీలు కట్టి దీవెనలు అందుకున్నారు.

హన్మకొండ : ఆర్టీసీ కార్గో పార్సిల్‌ ద్వారా వచ్చి.. ఎవరూ తీసుకెళ్లని వస్తువులను ఈనెల 29న మధ్యాహ్నం 2 గంటలకు వేలం వేయనున్నట్లు ఆర్టీసీ హనుమకొండ డిపో మేనేజర్‌ భూక్య ధరమ్‌సింగ్‌ గురువారం ఒక ప్రకటనలో పేర్కొన్నారు. ఆర్టీసీ హనుమకొండ డిపోలో నిర్వహించే ఈ వేలంలో ఆసక్తి కలిగిన వారు నేరుగా పాల్గొనవచ్చని సూచించారు. కేయూ క్యాంపస్‌: హనుమకొండ సుబేదారిలోని యూనివర్సిటీ పీజీ కళాశాలలో ఈవిద్యాసంవత్సరం (2026–27)లో ఎంబీఏ, ఎంసీఏ కోర్సుల్లో ప్రవేశాలకు ఈనెల 31 నుంచి సెప్టెంబర్‌ 3వ తేదీ వరకు స్పాట్‌ అడ్మిషన్ల ప్రక్రియ నిర్వహిస్తున్నట్లు యూనివర్సిటీ పీజీ కళాశాల ప్రిన్సిపాల్‌ నిర్మల గురువారం ఒక ప్రకటనలో తెలిపారు. ఒరిజినల్‌ సర్టిఫికెట్లతోపాటు స్పాట్‌ అడ్మిషన్లకు ఆయా తేదీల్లో ఉదయం 10:30 గంటల నుంచి సాయంత్రం 5:30 గంటల వరకు సంప్రదించి అడ్మిషన్లు పొందాలని కోరారు. కాశిబుగ్గ: కేఎంసీలోని క్షయ నివారణ కేంద్రాన్ని హనుమకొండ ట్రెయినీ స్పెషల్‌ డిప్యూటీ కలెక్టర్‌ టి.రోహిత్‌ నేత గురువారం సందర్శించారు. ఈసందర్భంగా క్షయ నియంత్రణ కార్యక్రమంలో భాగంగా నిర్వహిస్తున్న స్క్రీనింగ్‌ పరీక్షలు, వ్యాధి నిర్ధారణ, చికిత్స విధానం గురించి ఇన్‌చార్జ్‌ టీబీ నివారణ అధికారి డాక్టర్‌ ప్రదీప్‌రెడ్డి వివరించారు. అదేవిధంగా ఓపీ పేషెంట్ల సేవలు, ట్రునాట్‌ ల్యాబ్‌ గురించి తెలిపారు. కార్యక్రమంలో టీబీ, కల్చర్‌ ల్యాబ్‌ సిబ్బంది పాల్గొన్నారు. హన్మకొండ అర్బన్‌: ఎస్‌ఐఆర్‌ ప్రక్రియలో నో మ్యాపింగ్‌, అనామలీస్‌ జాబితాలో ఉన్న ఓటర్లకు నోటీసుల జారీ కొనసాగుతోందని హనుమకొండ అదనపు కలెక్టర్‌ రవి తెలిపారు. ఇప్పటివరకు 15,574 మందికి నోటీసులు అందించినట్లు పేర్కొన్నారు. గురువారం కలెక్టరేట్‌లో ఎస్‌ఐఆర్‌ పురోగతిపై రాజకీయ పార్టీల ప్రతినిధులతో ఆయన సమావేశం నిర్వహించారు. సమావేశంలో ట్రైనీ స్పెషల్‌ డిప్యూటీ కలెక్టర్‌ రోహిత్‌ నేత, హనుమకొండ ఈఆర్‌ఓ/ఆర్డీఓ వెంకటేశ్‌, ఎన్నికల విభాగం సూపరింటెండెంట్‌ జగత్‌సింగ్‌, రాజకీయ పార్టీల ప్ర తినిధులు ఎండీ.నేహాల్‌, కె.సంపత్‌రెడ్డి, కె.శ్యాంసుందర్‌, సయ్యద్‌ ఫైజుల్లా, అబ్దుల్‌ సత్తార్‌ పాల్గొన్నారు. విద్యారణ్యపురి: రాష్ట్ర ప్రభుత్వ ఉద్యోగ, ఉపాధ్యాయుల సమస్యల పరిష్కారానికి ప్రభుత్వం దృష్టి సారించాలని తెలంగాణ స్కూల్‌ టీచర్స్‌ ఫెడరేషన్‌ (టీజీఎస్‌టీఎఫ్‌) రాష్ట్ర అధ్యక్షుడు, ఎంప్లాయీస్‌ హెల్త్‌కేర్‌ ట్రస్టు సభ్యులు, తెలంగాణ ఎంప్లాయీస్‌ జాయింట్‌ స్టాఫ్‌ కౌన్సిల్‌ సభ్యులు దేవరకొండ సైదులు డిమాండ్‌ చేశారు. గురువారం హనుమకొండలోని ప్రభుత్వ ఒకేషనల్‌ జూనియర్‌ కళాశాలలో ఆ ఫెడరేషన్‌ ఆధ్వర్యంలో నిర్వహించిన ప్రాంతీయ సదస్సులో ఆయన ముఖ్య అతిథిగా హాజరై మాట్లాడారు. ఉద్యోగ, ఉపాధ్యాయులకు వెంటనే పీఆర్సీ ప్రకటించాలన్నారు. అలాగే సీపీఎస్‌ను రద్దుచేసి పాత పెన్షన్‌ విధానాన్ని పునరుద్ధరించాలని డిమాండ్‌ చేశారు. సదస్సులో వివిధ జిల్లాల అధ్యక్షులు దిల్షాద్‌, గుండ యాదగిరి, షేక్‌ మన్సూర్‌, మంగ నర్సింహులు, సునీల్‌కుమార్‌, రవి, వృత్తి విద్య కాంట్రాక్టు అధ్యాపకులు, టీజీఎస్‌టీఎఫ్‌ నాయకులు, ఉపాధ్యాయులు పాల్గొన్నారు. హన్మకొండ అర్బన్‌: హనుమకొండ జిల్లాలో ఇందిరమ్మ ఇళ్ల నిర్మాణాలు వేగవంతం చేయాలని రాష్ట్ర గృహ నిర్మాణ శాఖ చీఫ్‌ ఇంజినీర్‌ ఎం.చైతన్యకుమార్‌ అధికారులను ఆదేశించారు. గురువారం కాజీపేట, ఫాతిమానగర్‌, మచిలీబజార్‌, సుధానగర్‌, యాదవనగర్‌ ప్రాంతాల్లో ఆయన పర్యటించి ఇందిరమ్మ ఇళ్ల నిర్మాణాల పురోగతిని క్షేత్రస్థాయిలో పరిశీలించారు. లబ్ధిదారులతో మాట్లాడి త్వరగా నిర్మాణాలు పూర్తి చేసుకోవాలని సూచించారు. అనంతరం కలెక్టరేట్‌లో హనుమకొండ, వరంగల్‌ జిల్లాల గృహ నిర్మాణ శాఖ అధికారులతో సమీక్ష నిర్వహించారు. కార్యక్రమంలో ప్రాజెక్టు డైరెక్టర్‌ సిద్ధార్థ నాయక్‌, డీఈలు రవీందర్‌, కిషన్‌ నాయక్‌, విష్ణువర్ధన్‌, ఏఈలు, సీఎల్టీ సీలు, మేనేజర్లు పాల్గొన్నారు.

కాళోజీ సెంటర్‌: ప్రభుత్వ ఉద్యోగులు, ఉపాధ్యాయులు, గెజిటెడ్‌ అధికారులు, కార్మికులు, పెన్షనర్ల దీర్ఘకాలిక సమస్యలు తక్షణమే పరిష్కరించాలని జేఏసీ ప్రతినిధుల డిమాండ్‌ చేశారు. ఈ మేరకు టీజీఈజేఏసీ ఆధ్వర్యంలో గురువారం ఉదయం 10 నుంచి సాయంత్రం 5 గంటల వరకు కలెక్టరేట్‌ ఎదుట మహాధర్నా నిర్వహించారు. ఈ సందర్భంగా జేఏసీ ప్రతినిధులు మాట్లాడుతూ రెండో పీఆర్సీ నివేదికను వెంటనే అమలు చేయాలని, పెండింగ్‌లో ఉన్న 6 డీఏలను విడుదల చేయాలని, సుమారు రూ.10 వేల కోట్ల పెండింగ్‌ బిల్లులు చెల్లించాలని, సీపీఎస్‌ రద్దు చేసి పాతపెన్షన్‌ విధానాన్ని పునరుద్ధరించాలి, ఎన్‌ఈహెచ్‌ఎస్‌ను సమర్థవంతంగా అమలు చేయాలని కోరారు. అనంతరం కలెక్టర్‌ డాక్టర్‌ సత్యశారదకు వినతిపత్రం అందజేశారు. జేఏసీ చైర్మన్‌ గాజే వేణుగోపాల్‌, టీఎన్జీవోస్‌ జిల్లా గౌరవాధ్యక్షుడు గజ్జెల రాంకిషన్‌, టీఎస్‌ యూటీఎఫ్‌ జిల్లా అధ్యక్షుడు తాటికాయల కుమార్‌, కార్యదర్శి సుజన ప్రసాద్‌, డీటీఎఫ్‌ జిల్లా అధ్యక్ష,, కార్యదర్శులు మహేందర్‌రెడ్డి, గోవిందరావు, పీఆర్‌టీయూ తెలంగాణ రాష్ట్ర అధ్యక్షుడు శ్రీనివాస్‌రెడ్డి, జిల్లా అధ్యక్షుడు రవీందర్‌రెడ్డి, కార్యదర్శి మహేందర్‌రెడ్డి, హెడ్‌మాస్టర్ల సంఘం అధ్యక్షుడు రవీందర్‌, డీటీహెచ్‌ రాష్ట్ర ప్రధాన కార్యదర్శి లింగారెడ్డి, టీపీటీఎఫ్‌ రాష్ట్ర ప్రధాన కార్యదర్శి తిరుపతి, టీఎన్జీవోస్‌ జిల్లా కార్యదర్శి పాలకుర్తి సదానందం, కోశాధికారి కిరణ్‌, టీఆర్‌టీఎఫ్‌ అధ్యక్షులు కిషన్‌, టీపీటీఎఫ్‌ జిల్లా అధ్యక్షుడు అశోక్‌, ఎస్‌జీపీటీ సంఘం అధ్యక్షు డు సదానందం, పెన్షనర్ల సంఘం బాధ్యులు సార య్య, బాలరాజు, ధర్మరాజు సోమయ్య, టీజీఓ రాష్ట్ర కార్యదర్శి కోలా రాజేశ్‌, కిరణ్‌గౌడ్‌, టీజీఓ సెక్రటరీ రాజీవ్‌రెడ్డి, సారంగపాణి, నాలుగో తరగతి ఉద్యోగుల సంఘం అధ్యక్ష, కార్యదర్శులు సాంబయ్య, భానుప్రకాష్‌, సిటీ అధ్యక్షుడు రాజేశ్‌, ఎస్టీయూ అధ్యక్షుడు మధు లీమియా ఉన్నారు. కలెక్టరేట్‌ ఎదుట మహా ధర్నాలో జేఏసీ ప్రతినిధుల డిమాండ్‌

చలో.. రాఖీరాఖీ పండుగ సందర్భంగా సోదరులకు రాఖీలు కట్టేందుకు మహిళలు గురువారం వివిధ ప్రాంతాలకు వెళ్లడంతో హనుమకొండ, వరంగల్‌ బస్టాండ్లు, కాజీపేట, వరంగల్‌ రైల్వేస్టేషన్లు కిటకిటలాడాయి. హనుమకొండ బస్‌స్టేషన్‌లో బస్సులు ఎక్కేందుకు పోటీలు పడడంతో కొంత తోపులాట జరిగింది. కాజీపేట స్టేషన్‌ ఎంట్రెన్స్‌ వద్ద ఆటోమెటిక్‌ టికెట్‌ వెండింగ్‌ మిషన్‌, జనరల్‌ టికెట్‌ కౌంటర్ల వద్ద బారులుదీరారు. ప్లాట్‌ఫామ్‌ సందడిగా మారింది. – సాక్షి స్టాఫ్‌ ఫొటోగ్రాఫర్‌ హనుమకొండ/కాజీపేట రూరల్‌ గురువారం వరంగల్‌ రామన్నపేట, బట్టలబజార్‌, పిన్నావారి వీధి, హనుమకొండ చౌరస్తా, టైలర్‌ స్ట్రీట్‌, కాజీపేట చౌరస్తా తదితర ప్రాంతాలు రాఖీలు, స్వీట్స్‌ కొనుగోళ్లతో రద్దీ ఏర్పడింది. – హన్మకొండ కల్చరల్‌

● వివాహ వేడుకకు వెళ్లొస్తుండగా ఘటన.. మహిళ మృతి భీమదేవరపల్లి: ఓ వివాహ వేడుకకు హాజరై తిరిగి వస్తుండగా.. కారు అదుపుతప్పి వ్యవసాయ బావిలో పడడంతో ఓ మహిళ మృతి చెందింది. మరో ముగ్గురికి తీవ్ర గాయాలయ్యాయి. ఈ ఘటన భీమదేవరపల్లి మండలం రాంనగర్‌ (మంగళపల్లి) శివారులో గురువారం జరిగింది. కరీంనగర్‌ జిల్లా సైదాపూర్‌ మండలం బొమ్మకల్‌కు చెందిన ఏలూరి రవీందర్‌రెడ్డి, వీరారెడ్డి, కిరణ్‌, రాధ హుస్నాబాద్‌ మండలం పోతారాంలో ఓ వివాహ వేడుకకు హాజరయ్యారు. అనంతరం కారులో తిరిగి వస్తుండగా.. రాంనగర్‌ శివారులో కారు అదుపుతప్పి వ్యవసాయ బావిలోకి దూసుకెళ్లింది. ఈ ప్రమాదంలో రాధ అక్కడికక్కడే మృతి చెందగా.. మిగిలిన ముగ్గురికి తీవ్ర గాయాలయ్యాయి. సమాచారం అందుకున్న పోలీసులు ఘటనా స్థలికి చేరుకుని సహయక చర్యలు చేపట్టారు. గాయపడ్డ వారిని చికిత్స నిమిత్తం ఆస్పత్రికి తరలించారు.

సంగెం: ప్రేమ విఫలమై ఓ యువకుడు ఆత్మహత్య చేసుకున్నాడు. స్థానికులు, పోలీసులు తెలిపిన వివరాల ప్రకారం.. మండలంలోని నల్లబెల్లి శివారు కొత్తపల్లి గ్రామానికి చెందిన ఇమ్మడి నవీన, రవీందర్‌ దంపతులకు కుమారుడు శ్రీకాంత్‌ (26), ఒక కూతురు ఉన్నారు. 12 ఏళ్ల క్రితం రవీందర్‌ అనారోగ్యంతో మృతి చెందాడు. నవీన కూతురు వివాహం జరిపించగా కుమారుడు హైదరాబాద్‌లో ప్రైవేట్‌ ఉద్యోగం చేస్తున్నాడు. మూడేళ్లుగా మంచిర్యాల జిల్లా హాజిపూర్‌కు చెందిన గౌరిశెట్టి సాహితి, శ్రీకాంత్‌ ప్రేమించుకుంటున్నారు. ఆమె తల్లిదండ్రులకు శ్రీకాంత్‌ చాలా సార్లు డబ్బులు పంపించాడు. ఇటీవల సాహితి తల్లిదండ్రులు కొత్తపల్లికి వచ్చి వెళ్లారు. అప్పటి నుంచి ఆమె పోన్‌ లిఫ్ట్‌ చేయడం లేదు. తనపై కేసులు పెడతామని బెదిరింపులకు పాల్పడుతున్నారని, ప్రేమ పేరుతో డబ్బులు తీసుకొని మోసం చేశారని శ్రీకాంత్‌ తల్లితో చెప్పి ఆవేదన చెందుతుండేవాడు. మనస్తాపం చెందిన ఆయన మూడు పేజీల సూసైడ్‌ నోట్‌ రాసి వాట్సాప్‌ స్టేటస్‌లో పెట్టుకుని, ఈ నెల 26న ఇంట్లో ఉన్న గడ్డి మందు తాగి తల్లికి చెప్పాడు. వెంటనే నర్సంపేటలోని ఆస్పత్రికి, అనంతరం మెరుగైన చికిత్స కోసం హనుమకొండలోని ఓ ప్రైవేట్‌ ఆస్పత్రికి తరలించారు. చికిత్స పొందుతూ గురువారం తెల్లవారుజామున శ్రీకాంత్‌ మృతి చెందాడు. మృతుడి తల్లి ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్సై వంశీకృష్ణ తెలిపారు. శ్రీకాంత్‌ మృతితో కొత్తపల్లి గ్రామంలో విషాదఛాయలు అలుముకున్నాయి. సూసైడ్‌ నోట్‌లో శ్రీకాంత్‌ రాసుకున్న వివరాలు.. ‘ప్రశాంతంగా సాగుతున్న నా జీవితంలోకి ప్రేమ పేరుతో ఒక బంధం వచ్చింది. మంచిర్యాల జిల్లా హాజిపూర్‌కు చెందిన అమ్మాయిని ప్రేమించి పెళ్లి చేసుకోవాలనుకున్నా. ఆమె తల్లిదండ్రులను ఒప్పించడానికి నా వంతు ప్రయత్నం చేశా. కానీ, చివరికి ఆమె కుటుంబ సభ్యులు నా దగ్గర ఉన్న డబ్బులు మొత్తం తీసుకున్నారు. పెళ్లి కోసం 25 తులాల బంగారం పెట్టాలని ఒత్తిడి చేశారు. హైదరాబాద్‌లో ప్లాట్‌ తీసుకోవాలని చెప్పగా ప్లాట్‌ తీసుకున్నా. బావమరిది కూడా కట్నం పేరుతో 10 తులాల బంగారం కావాలని ఒత్తిడి చేశాడు. నాదగ్గర ఉన్నదంతా పెట్టడానికి ఒప్పుకున్నా. అంతేకాకుండా ఆస్తి పత్రాలను తీసుకుని వాటిని అమ్మాయి పేరుపై మార్చాలని చెప్పారు. చివరికి సాహితి కుటుంబం నన్ను మోసం చేసింది. నా మీద కేసు నమోదు చేయిస్తాను అని బెదిరించింది. నేను భరించిన బాధకు ముగింపు ఇవ్వు. మరో జన్మ ఉంటే ఈ బాధలు లేని జన్మ ఇవ్వు దేవుడా ఇక సెలవు’ అని శ్రీకాంత్‌ సూసైడ్‌ నోట్‌ రాసి వాట్సాప్‌ స్టేటస్‌లో పెట్టుకున్నాడు. సంగెం మండలం కొత్తపల్లిలో విషాదం మరో జన్మ ఉంటే బాధలు లేని జీవితం ఇవ్వు అని దేవుడిని ప్రార్థిస్తూ సూసైడ్‌ నోట్‌.. వాట్సాప్‌లో స్టేటస్‌

ఉద్యోగుల ఆందోళన..హన్మకొండ అర్బన్‌ : ఉద్యోగుల పెండింగ్‌ సమస్యలను వెంటనే పరిష్కరించాలని డిమాండ్‌ చేస్తూ జిల్లా ఉద్యోగ సంఘాల జేఏసీ ఆధ్వర్యంలో గురువారం హనుమకొండ కలెక్టరేట్‌ ఎదుట నిర్వహించిన మహాధర్నాతో ఆ ప్రాంతం దద్దరిల్లింది. ఉదయం 9 గంటల నుంచి సాయంత్రం 5 గంటల వరకు కొనసాగిన ధర్నాలో ఉద్యోగులు, గెజిటెడ్‌ అధికారులు, ఉపాధ్యాయులు, పెన్షనర్లు, కార్మికులు, కాంట్రాక్టు, ఔట్‌సోర్సింగ్‌ ఉద్యోగులు, అంగన్‌వాడీ, ఆశా కార్యకర్తలు భారీ సంఖ్యలో పాల్గొన్నారు. నల్ల బ్యాడ్జీలు, నల్ల దుస్తులు ధరించి నిరసన తెలిపారు. జేఏసీలోని వివిధ ఉద్యోగ సంఘాల ప్రతినిధులతో పాటు ప్రజాసంఘాలు కూడా సంఘీభావం ప్రకటించాయి. అధికార పార్టీ నేతలు సమస్యలు పరిష్కరిస్తామని హామీ ఇవ్వగా, ప్రతిపక్ష నేతలు ప్రభుత్వ తీరుపై విమర్శలు చేశారు. భారీగా ఉద్యోగులు తరలిరావడంతో కలెక్టరేట్‌ పరిసరాలు జనసందోహంగా మారాయి. హనుమకొండ–హైదరాబాద్‌ ప్రధాన రహదారిపై తీవ్ర ట్రాఫిక్‌ జామ్‌ ఏర్పడగా పోలీసులు క్రమబద్ధీకరించారు. ఈసందర్భంగా ఉద్యోగ సంఘాల జేఏసీ జిల్లా అధ్యక్షుడు ఆకుల రాజేందర్‌ మాట్లాడుతూ ఆరు డీఏలు విడుదల చేయడం, మెరుగైన పీఆర్సీ ప్రకటించడం, పాత పెన్షన్‌ విధానాన్ని పునరుద్ధరించాలన్నారు. పీఆర్టీయూ జిల్లా అధ్యక్షుడు తిరుపతిరెడ్డి మాట్లాడుతూ.. ఉద్యోగ విరమణ చేసిన ఉద్యోగులకు రావాల్సిన ప్రయోజనాలను కూడా ఆలస్యం చేయకుండా అందించాలని డిమాండ్‌ చేశారు. డీటీఎఫ్‌ రాష్ట్ర ప్రధాన కార్యదర్శి లింగారెడ్డి మాట్లాడుతూ.. రాష్ట్ర జేఏసీ పిలుపు మేరకు ఉద్యోగులు పెద్ద సంఖ్యలో పాల్గొని మహాధర్నాను విజయవంతం చేశారని తెలిపారు. అనంతరం కలెక్టర్‌ చాహత్‌ బాజ్‌పాయ్‌కు వినతిపత్రం అందజేశారు. సమస్యల పరిష్కారానికి ప్రభుత్వం సానుకూలం: ఎమ్మెల్యే నాయిని ధర్నాకు హాజరైన వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి మాట్లాడుతూ.. ఉద్యోగుల సమస్యలపై ముఖ్యమంత్రి రేవంత్‌రెడ్డితో ఇప్పటికే చర్చించానన్నారు. రెండో పీఆర్సీ, పెండింగ్‌ డీఏలు, పాత పెన్షన్‌ విధానం, హెల్త్‌కార్డులు, రిటైర్మెంట్‌ బెనిఫిట్స్‌ తదితర అంశాలు ప్రభుత్వం దృష్టిలో ఉన్నాయని తెలిపారు. ఆరు డీఏలు వెంటనే విడుదల చేయాలి: మాజీ మంత్రి హరీశ్‌రావు కాంగ్రెస్‌ ప్రభుత్వం అధికారంలోకి వచ్చి మూడేళ్లు కావొస్తున్నా సీపీఎస్‌ రద్దు, పీఆర్సీ అమలు, ఉద్యోగులకు ఇచ్చిన హామీలు నెరవేర్చలేదని మాజీ మంత్రి, బీఆర్‌ఎస్‌ శాసనసభాపక్ష ఉపనేత హరీశ్‌రావు విమర్శించారు. ఆరు డీఏలు పెండింగ్‌లో ఉండడం సిగ్గుచేటన్నారు. ఈహెచ్‌ఎస్‌ పేరుతో ఉద్యోగుల జీతాల నుంచి డబ్బులు కట్‌ చేస్తున్నా ఆస్పత్రులతో ఒప్పందాలు లేక సేవలు అందడం లేదని ఆరోపించారు. పెండింగ్‌ డీఏలు విడుదల చేయడంతోపాటు మెరుగైన పీఆర్సీ, రిటైర్మెంట్‌ బెనిఫిట్స్‌ వెంటనే ఇవ్వాలని డిమాండ్‌ చేశారు. ఉద్యోగులు, ఉపాధ్యాయుల న్యాయమైన పోరాటానికి బీఆర్‌ఎస్‌ అండగా ఉంటుందని తెలిపారు. హాజరైన అన్ని ఉద్యోగ సంఘాలు.. సంఘీభావం తెలిపిన ప్రజాసంఘాలు ఉదయం నుంచి సాయంత్రం వరకు మహాధర్నా.. అక్కడే భోజనాలు అధికార, ప్రతిపక్ష నేతల హామీలు.. విమర్శలతో వేడెక్కిన వేదిక మాజీ మంత్రి హరీశ్‌రావుతోపాటు బీఆర్‌ఎస్‌ నాయకుల అరెస్ట్‌.. స్టేషన్‌కు తరలింపు

కాశిబుగ్గ: వరంగల్‌ ఎంజీఎం ఆస్పత్రిలో రోగుల వైద్యసేవల్లో నిర్లక్ష్యం చేస్తున్న సిబ్బంది తీరు, ఆస్పత్రి సమస్యలపై డీఎంఈ (డైరెక్టర్‌ ఆఫ్‌ మెడికల్‌ ఎడ్యుకేషన్‌) డాక్టర్‌ వాణి ఆరా తీశారు. అలాగే, కలెక్టర్‌ డాక్టర్‌ సత్యశారద కూడా అధికారుల నుంచి నివేదిక తెప్పించుకున్నట్లు సమాచారం. ఆయా వార్డుల్లో విధులు నిర్వర్తిస్తున్న సిబ్బందిపై ఎంజీఎం అధికారులు ఆగ్రహం వ్యక్తం చేసినట్లు తెలిసింది. ‘మహాత్మా’.. మారేదెప్పుడు? శీర్షికన సాక్షిలో గురువారం ప్రచురితమైన కథనానికి అధికారులు స్పందించారు. వైద్యసేవల్లో నిర్లక్ష్యం చేస్తున్న మందలించారు. అలాగే, ఓపీ విభాగాలు, వార్డుల్లో రౌండ్‌ నిర్వహించారు. ఈ సందర్భంగా డీఎంఈ వాణి మాట్లాడుతూ ఎంజీఎంలో సమస్యలు పరిష్కరించడానికి ప్రయత్నాలు జరుగుతున్నాయని, పేషంట్లకు ఇబ్బందులు రాకుండా ఉండేందుకు అదనపు వైద్యుల నియామకానికి చర్యలు తీసుకుంటామన్నారు. ఈనెల 30న పీజీ సంబంధించిన ప్రక్రియ పూర్తయిన తర్వాత ఎంబీబీఎస్‌ పూర్తి చేసిన వైద్యులను ఆస్పత్రిలో నియమిస్తామని పేర్కొన్నారు. అలాగే, ఆర్‌ఎంఓలు పూర్తిగా ఉండేవిధంగా చూస్తామని, వైద్యసేవలను మె రుగుపరిచేందుకు అదనపు ఆర్‌ఎంఓల నియామకానికి ఆదేశాలు ఇస్తామని వివరించారు. స్టెచర్లు, వీల్‌చైర్లు అందుబాటులో ఉండేవిధంగా చూస్తామని, త్వరలో తాను ఎంజీఎంను సందర్శించి అధికారులతో సమీక్ష చేస్తామని ఆమె వెల్లడించారు.

ఎస్‌ఎస్‌తాడ్వాయి: తాడ్వాయి మండల కేంద్రంలోని ఇందిరానగర్‌కు చెందిన దుబ్బాక శ్రీనివాస్‌కు ఇద్దరు చెల్లెళ్లు స్వప్న, రవళి. శ్రీనివాస్‌ 17 ఏళ్ల వయస్సులో ఉన్న సమయంలో తల్లిదండ్రులను కోల్పోయారు. దీంతో చిన్న వయస్సులోనే కుటుంబ బాధ్యతలను భుజాన వేసుకున్నాడు. ఇద్దరు చెల్లెళ్లను కంటికి రెప్పలా చూసుకుంటూ వారిపి ఉన్నత చదువులు చదివించాడు. ఇద్దరికీ పెళ్లిళ్లు చేసి తన వంతుగా బాధ్యత నెరవేర్చాడు. తమ కోసం అన్న పడిన కష్టాలను మరచిపోని స్వప్న, రవళి ప్రతీ ఏడాది ఎక్కడున్నా.. రాఖీ పండుగకు వచ్చి అన్నకు రాఖీ కడుతున్నారు. తల్లిదండ్రులు లేకపోయినా.. మేమున్నాం అని చెల్లెళ్లకు భరోసా ఇచ్చిన అన్నకు రాఖీ కట్టి కృతజ్ఞతలు చెబుతున్నారు.

శుక్రవారం శ్రీ 28 శ్రీ ఆగస్టు శ్రీ 2026తండ్రి బాధ్యత నెరవేర్చిన అన్న కష్టమే రానివ్వనని ఒకరు. ఆపదొస్తే అండగా నిలుస్తానని మరొకరు. నీకు నేనున్నానంటూ ఇంకొకరు.. తోబుట్టువుకు సగం ఆస్తి రాసిచ్చిన అన్న ఒకరు. అక్కతో రాఖీ కట్టించుకోవడానికి విదేశాల నుంచి సొంతూరికి వచ్చిన తమ్ముడొకరు. ఇలా ఉమ్మడి వరంగల్‌ జిల్లాలో అక్కాచెల్లెళ్లు, అన్నాదమ్ములు ప్రేమకు ప్రతిరూపంగా నిలుస్తున్నారు. రాఖీ పండుగకు అసలైన అర్థం చెబుతున్న వీరందరి గురించి రక్షాబంధన్‌ సందర్భంగా ‘సాక్షి’ స్పెషల్‌ స్టోరీ. వాతావరణం జిల్లాలో ఉదయం వాతావరణం ఆహ్లాదకరంగా ఉంటుంది. మధ్యాహ్నం ఎండతో పాటు కాస్త ఉక్కపోతగా ఉంటుంది. ఆ ‘ఉత్తమ’అధికారి.. అవినీతి ‘గని’!? ఆదాయానికి మించిన ఆస్తుల ఆరోపణల నేపథ్యంలో గనులశాఖ ఏడీ జయరాజు కార్యాలయంతో పాటు సన్నిహితుల ఇళ్లలో ఏసీబీ అధికారులు సోదాలు చేశారు. కాశిబుగ్గ: కొత్తవాడకు చెందిన దువ్వ సాంబమూర్తి–రమాదేవి దంపతులకు ఇద్దరు కుమారులు, ఒక కుమార్తె. ఒక కుమారుడు చనిపోగా, ఒక కుమారుడు రాజ్‌కుమార్‌, కుమార్తె శీరిష ఉన్నారు. వికలాంగుడైన తండ్రి సాంబమూర్తి కుమార్తె పెళ్లి చేసిన తర్వాత మరణించాడు. చెల్లెలిపై ప్రేమతో అన్న రాజ్‌కుమార్‌ (సాఫ్ట్‌వేర్‌ ఇంజనీర్‌) చెల్లి, బావకు కొత్తవాడలోని ఇంట్లోనే నివాసం కల్పించాడు. చెల్లెలిపై ప్రేమతో ఆరునెలల క్రితం పుర ప్రముఖుల సమక్షంలో 180 గజాల ఇంటి స్థలంలో సగం 90 గజాల స్థలం రిజిస్ట్రేషన్‌ చేసి, కాగితాలు అప్పగించాడు. చెల్లిని కంటికి రెప్పలా చూసుకుంటున్న రాజ్‌కుమార్‌ను అందరూ అభినందిస్తున్నారు. లింగాలఘణపురం: జనగామ జిల్లా లింగాలఘణపురం మండల కేంద్రానికి చెందిన నక్కపల్లి ప్రసాద్‌ తల్లిదండ్రులు చనిపోయినప్పటికీ చెల్లెళ్లను ఉన్నత చదువులు చదివించాడు. అతడి చెల్లెళ్లు రాజేశ్వరి, అరుణ పెళ్లి చేశాడు. అమ్మానాన్న లోటు లేకుండా పెంచి పెద్ద చేసిన అన్న ప్రసాద్‌ అంటే వారికి ఎనలేని ప్రేమ. ఎక్కడున్నా అన్నకు ప్రతీ ఏడాది రాఖీ కడతారు. చెల్లెళ్లకు సైతం ప్రసాద్‌ తోచిన సాయం చేస్తూ అండగా నిలుస్తున్నాడు.అమ్మానాన్న అన్నీ అన్నయ్యే..దుగ్గొండి: చిన్నతనంలోనే తల్లిదండ్రులు అనారోగ్యంతో మరణించారు. అమ్మానాన్న లేని లోటు ఉండొద్దని అన్నీ తానై చెల్లికి అండగా నిలిచాడు అన్నయ్య. నాచినపల్లి గ్రామానికి చెందిన నంగునూరి చేరాలు– స్వరూప దంపతులు అనారోగ్యంతో 20 ఏళ్ల క్రితం మృతి చెందారు. అప్పటికి వారికి 8 సంవత్సరాల కుమారుడు హరీశ్‌, ఐదు సంవత్సరాల కుమార్తె, ప్రత్యూష ఉన్నారు. ఎలాంటి ఇల్లు, ఆస్తిపాస్తులు, లేవు. చేరాలు అన్నదమ్ములు వారిని కొంతకాలం ఆదరించారు. హరీశ్‌ గుండె ధైర్యంతో ముందుకు సాగాడు. స్వచ్ఛంద సంస్థ బడిలో చేరి చదివాడు. దాతల సహకారంతో చెల్లిని ఢిల్లీలోని నేషనల్‌ కాలేజీలో ఎమ్మెస్సీ ఫోరెన్సిక్‌ సైన్స్‌ చదివించాడు. హరీశ్‌ బెంగళూరులో న్యాయవిద్యను పూర్తిచేశాడు. వీరు యువతకు ఆదర్శంగా నిలుస్తున్నారు. పర్వతగిరి: పర్వతగిరి మండల కేంద్రానికి చెందిన శ్రీపాద వెంకటేశ్వర్లు, సరోజ దంపతులకు ఐదుగురు కుమారులు, ఒక కుమార్తె. చిన్న కుమారుడు శ్రీపాద సురేశ్‌ ఆస్ట్రేలియాలో నివసిస్తున్నప్పటికీ చెల్లితో రాఖీ కట్టించుకోవడానికి ప్రతీ సంవత్సరం పర్వతగిరికి వస్తుంటాడు. మిగిలిన నలుగురు అన్నదమ్ములు సతీశ్‌, రఘు, రవి, రాము పర్వతగిరికి వచ్చి రాఖీ కట్టించుకుంటారు. ఐదుగురు అన్నదమ్ములంటే తనకు ప్రాణమని ఏటా వారికి రాఖీ కడతానని ప్రియాంక చెబుతోంది. డోర్నకల్‌: డోర్నకల్‌లోని బ్యాంకు స్ట్రీట్‌కు చెందిన కాలా యశోధర్‌ జైన్‌కు తొమ్మిది మంది అక్కాచెల్లెళ్లు. వీరంతా తెలంగాణ, మహారాష్ట్ర, ఛత్తీస్‌గఢ్‌, మధ్యప్రదేశ్‌, తమిళనాడు తదితర రాష్ట్రాల్లో నివాసం ఉంటున్నారు. ఏటా రాఖీ పండుగను పురస్కరించుకుని అక్కాచెల్లెళ్లలో ఒకరి ఇంటికి తమ సోదరుడిని పిలిపించుకుంటారు. అందరూ అతడికి రాఖీలు కట్టి ఆనందంగా గడుపుతారు. ఇటీవల మహారాష్ట్రలోని అమరావతి జిల్లా పరత్వాడాలోని సోదరి ఇంటికి అందరూ చేరుకుని సోదరుడు యశోధర్‌జైన్‌కు రాఖీలు కట్టి దీవెనలు అందుకున్నారు.తండ్రి ప్రేమను పంచిన పలువురు అన్నలు ఆస్తి కాదు.. అనుబంధమే ముఖ్యమంటున్న ఓ సోదరుడు అక్కాచెల్లెళ్లకు అండగా నిలుస్తున్న సోదరులు రాఖీ కట్టి రక్షగా నిలుస్తామంటున్న సోదరీమణులు నేడు రాఖీ పౌర్ణమి

గ్రామ, వార్డు సభల్లో వేలాది మందికి జారీఈ ఫొటోలో కనిపిస్తున్న వ్యక్తి వైనాల శ్రీనివాస్‌ నల్లబెల్లి మండలం నందిగామ గ్రామానికి చెందిన దివ్యాంగుడు. వీరి కుటుంబ సభ్యులు మూడు తరాలుగా ఇదే గ్రామంలో నివసిస్తూ ఓటు హక్కు వినియోగించుకుంటున్నారు. సర్‌ ప్రక్రియలో వివరాలు నమోదు చేసినప్పుడు 2002 ఓటరు జాబితాలో శ్రీనివాస్‌, వారి వారసుల వివరాలు లభించలేదు. దీంతో అధికారులు నోమ్యాపింగ్‌లో చేర్చారు. ఈనెల 25న అధికారులు నోటీసు ఇవ్వడంతో ఆధార్‌కార్డు, నివాసం సర్టిఫికెట్‌, జిరాక్స్‌ పత్రాలతో తహసీల్దార్‌ కార్యాలయానికి వచ్చి అధికారులకు వివరాలు సమర్పించారు. ఈ ఫొటోలో కనిపిస్తున్నది వరంగల్‌లోని విద్యానగర్‌కు చెందిన గొల్లపల్లి రజినీకాంత్‌. ఇతడు నింపిన ఎన్యూమరేషన్‌ పత్రంలో తల్లిదండ్రులకు సంబంధించి 2002 ఓటరు జాబితా వివరాలు సరిగా లేవు. అయినా డ్రాఫ్ట్‌ ఓటరు జాబితాలో పేరు వచ్చింది. నోలింకేజీ కింద వివరాలు సరిపోలవడం లేదని నోటీసు ఇచ్చారు. ఫోర్ట్‌రోడ్డు విద్యానగర్‌ కాలనీ 126 పోలింగ్‌ బూత్‌ పరిధిలోనే నివాసముంటున్న ఇతడు పాత, ప్రస్తుతం సమర్పించే ధ్రువీకరణ పత్రాలను క్షుణ్ణంగా అధికారులు పరిశీలించి ఓటు ఉండేలా చూడాలంటున్నాడు.సాక్షి, వరంగల్‌: జిల్లాలో గురువారం జరిగిన సర్‌ వార్డు, గ్రామ సభల్లో నోటీసుల పరంపర కొనసాగింది. అడ్రస్‌లు సరిగా లేనివారు, పొలింగ్‌ స్టేషన్లు సరిగా చెప్పనివారు, పేర్ల అక్షరాల్లో తప్పులుండడం, ఇంటి పేరులో తప్పిదాలు, అద్దె ఇళ్లలో ఉంటున్నవారు 2002 నాటి ఓటరు జాబితా సరిగా తెలియని వారు.. తదితర కారణాలున్నవారికి నోలింకేజీ పేరుతో నోటీసులు ఇచ్చారు. గ్రామసభ, వార్డు సభలకు వచ్చినవారికి నోటీసులిస్తూనే రానివారికి కూడా దశలవారీగా నోటీసుల ప్రక్రియ పూర్తి చేయడంపై జిల్లా యంత్రాంగం దృష్టి సారించింది. ఇందులో భాగంగానే జిల్లావ్యాప్తంగా 1,94,399 మందికి సర్‌లో తప్పిదాలు ఉన్నాయంటూ నోటీసులు ఇస్తున్నారు. నోటీసుల్లో పొందుపరిచిన తేదీ ప్రకారం కేటాయించిన పొలింగ్‌ కేంద్రానికి వచ్చి బీఎల్‌ఓలకు ధ్రువీకరణ పత్రాలు అందిస్తే ఓటు ఉండే అవకాశముంది. ఏమాత్రం నిర్లక్ష్యంగా వ్యవహరించినా ఓటరు జాబితా నుంచి పేరు తొలగిపోనుంది. అందుకే రాజకీయ పార్టీలు అన్ని కూడా ఓటర్లను మార్గదర్శనం చేస్తూ ఓటరు జాబితాలో ఉండేలా దృష్టి కేంద్రీకరించాయి. సిటీలో రెంటర్స్‌కే ఎక్కువ నోటీసులు.. వరంగల్‌ సిటీలో చాలావరకు నోలింకేజీ కింద ఎక్కువ నోటీసులు అద్దెదారులకు వచ్చినట్లు తెలుస్తోంది. 2002లో ఎక్కడో నివసించారో అనే వివరాలు, అప్పటిఓటరు జాబితాలో అడ్రస్‌ ఎక్కడుందో తెలియక చాలా మంది ఎన్యూమరేషన్‌ పత్రంలో కుటుంబసభ్యుల వివరాలు నమోదు చేయలేదు. వీరిలో చాలా మంది ఇప్పుడూ సొంతిళ్లు కట్టుకున్నారు. 2002 నాటి ఓటరు జాబితా వివరాలు లేకపోవడంతో అత్యధిక మంది రెంటర్స్‌కు నోటీసులు అందుకున్నారు. రాష్ట్ర ప్రభుత్వం సూచించిన ధ్రువీకరణ పత్రాల్లో ఏదో ఒకటి సమర్పిస్తే ఓటు పదిలంగా ఉండనుంది. ఇతర ప్రాంతాల్లో ఇన్నాళ్లు ఉద్యోగం చేసి కొద్ది సంవత్సరాల క్రితం ఇక్కడా శాశ్వత నివాసం ఏర్పరుచుకున్నవారు సైతం 2002 ఓటరు జాబితా వివరాలు తెలియనివారు నోటీసులు అందుకున్నవారిలో ఉన్నారని నగరంలోని ఓ బీఎల్‌ఓ శశికళ తెలిపారు. ఆంధ్రావాళ్లు సైతం ఏపీలో తల్లిదండ్రులు, ఇక్కడా పిల్లలు సర్‌లో పేరు నమోదు చేసున్నవారు సైతం ఉన్నారు. పట్టణాలు, గ్రామాల్లో సైతం 2002 ఓటరు జాబితాలో కుటుంబ వివరాలు సరిగా నమోదు చేయనివారు, వాటితో వివరాలు అనుసంధానం కానివారే ఎక్కువగా ఉండడం గమనార్హం. 2002 నాటి ఓటరు జాబితా ప్రకారం లేనివారే ఎక్కువ కుటుంబ సభ్యుల వివరాలు లేక అయోమయం అడ్రస్‌లు, ఇంటిపేర్లు, పీఎస్‌ల తప్పులు సైతం

ఖిలా వరంగల్‌: జిల్లాలో ఆరుతడి పంటల సాగును ప్రోత్సహించాలని కలెక్టర్‌ డాక్టర్‌ సత్యశారద వ్యవసాయ శాఖ అధికారులకు ఆదేశించారు. కలెక్టరేట్‌లో గురువారం వ్యవసాయ అధికారులతో కలిసి క్షేత్రస్థాయిలో వీడియో కాన్ఫరెన్స్‌ ద్వారా కలెక్టర్‌ సమీక్ష నిర్వహించారు. ఈసందర్భంగా కలెక్టర్‌ మాట్లాడుతూ జిల్లాలో మొత్తం 1,39,997 ఎకరాల్లో గత సంవత్సరం వరి సాగు చేయగా.. ఈఏడాది ఇప్పటి వరకు 64,293 ఎకరాల్లో వరి సాగు చేసినట్లు వివరించారు. వరిసాగు చేయాల్సిన మిగిలిన 75,704 ఎకరాల్లో 33,438 ఎకరాల్లో మాత్రమే ఆరుతడి పంటలు సాగు చేసినట్లు తెలిపారు. పాకాల సరస్సు ఆయకట్టు కింద వరిసాగు చేయవద్దని రైతులకు సూచించినా కొందరు సాగుచేసినట్లు తెలిపారు. ఎరువులను అక్రమంగా విక్రయించకుండా కట్టుదిట్టమైన చర్యలు తీసుకోవాలని, ఫార్మర్‌ రిజిస్ట్రీని 100 శాతం పూర్తి చేయాలన్నారు. జిల్లా వ్యవసాయాధికారి విజయభాస్కర్‌, ఉద్యానశాఖ ఆధికారి శ్రీనివాస్‌రావు పాల్గొన్నారు. భూసర్వేను క్షేత్రస్థాయిలో చేపట్టాలి భూసర్వేను క్షేత్రస్తాయిలో సమగ్రంగా చేపట్టాలని కలెక్టర్‌ డాక్టర్‌ సత్యశారద అధికారులను ఆదేశించారు. ఈమేరకు గురువారం ఖిలా వరంగల్‌ మండలం అల్లీపురం గ్రామంలో భూరీసర్వే పనులను కలెక్టర్‌ క్షేత్రస్థాయిలో పరిశీలించారు. కార్యక్రమంలో ఏడీ సర్వే అధికారి శ్రీనివాస్‌, తహసీల్దార్‌ ఇక్బాల్‌ పాల్గొన్నారు. ‘సూపర్‌ స్పెషాలిటీ’ పనులు పూర్తిచేయాలి కాశిబుగ్గ: వరంగల్‌లోని సూపర్‌ స్పెషాలిటీ ఆస్పత్రి పనులను గడువులోగా పూర్తి చేయాలని కలెక్టర్‌ సత్యశారద అధికారులను ఆదేశించారు. సూపర్‌ స్పెషాలిటీ ఆస్పత్రి పనులను గురువారం ఆమె పరిశీలించారు. భవన నిర్మాణం, మౌలిక వసతులు, విద్యుత్‌ తదితర పనుల పురోగతిని అధికారులను అడిగి తెలుసుకున్నారు. సూపరింటెండెంట్‌ డాక్టర్‌ రాంకుమార్‌రెడ్డి, ఆర్‌ఎంఓ డాక్టర్‌ అశ్విన్‌, ఆర్‌అండ్‌బీ ఈఈ రాజేందర్‌, ఎలక్ట్రిసిటీ ఎస్‌ఈ ఆనందం, వరంగల్‌ తహసీల్దార్‌ శ్రీకాంత్‌ పాల్గొన్నారు. కలెక్టర్‌ డాక్టర్‌ సత్యశారద

ఖానాపురం: ప్రభుత్వ కళాశాలల్లో ఉత్తమ విద్యాబోధన చేస్తారని జిల్లా ఇంటర్మీడియట్‌ విద్యాశాఖాధికారి శ్రీధర్‌సుమన్‌ అన్నారు. మండల కేంద్రంలోని ప్రభుత్వ జూనియర్‌ కళాశాలలో విద్యార్థులకు గురువారం నోట్‌బుక్స్‌, బ్యాగులు, షూ పంపిణీ చేశారు.ఈ సందర్భంగా ఆయన మాట్లాడుతూ విద్యార్థులు ప్రభుత్వం కల్పిస్తున్న వసతులను సద్వి నియోగం చేసుకోవాలని, సమయాన్ని వృథా చేయకుండా ఉత్తమ ఫలితాల సాధన కోసం నిరంతరం కృషి చేయాలని సూచించారు. అనంతరం వృక్ష రక్షాబంధన్‌, మొక్కలు నాటే కార్యక్రమాలు చేపట్టారు. ఇన్‌చార్జ్‌ ప్రిన్సిపాల్‌ రాగి రవికుమార్‌, ఎన్‌ఎస్‌ఎస్‌ పీఓ పరాచికపు సదానందం, అధ్యాపకులు శోభ, విజయ్‌కుమార్‌; తిరుపతమ్మ, రమాదేవి, సంజీవ, రాజేశ్‌, కేశవరెడ్డి, అనిల్‌, పాల్గొన్నారు. గుట్కాలు స్వాధీనంనర్సంపేట: నర్సంపేట పట్టణంలోని నవదుర్గ ఎంటర్‌ ప్రైజెస్‌ షాపులో గురువారం పోలీసులు దాడులు చేశారు. రూ.2.20 లక్షల విలువైన గుట్కా, అంబర్‌ ప్యాకెట్లను పోలీసులు స్వాధీనం చేసుకున్నారు. షాపు యజమాని పరమార్‌ పూరన్‌సింగ్‌పై కేసు నమోదు చేసి దర్యాప్తు చేస్తున్నట్లు ఎస్సై అరుణ్‌కుమార్‌ తెలిపారు. దొంగ అరెస్ట్‌గీసుకొండ: డీసీఎం వాహనంలోని నగదును దొంగిలించిన వ్యక్తిని అరెస్టు చేసినట్లు గీసుకొండ సీఐ విశ్వేశ్వర్‌ తెలిపారు. ఆయన కథనం ప్రకారం.. గీసుకొండ మండలం గొర్రెకుంట గ్రామానికి చెందిన తాటికంటి భాస్కర్‌ నాలుగు సంవత్సరాలుగా స్థానిక బెల్‌బ్రాండ్‌ కంపెనీలో సేల్స్‌మన్‌గా పని చేస్తున్నాడు. ఈ నెల 21న డ్రైవర్‌ కుళ్ల సురేశ్‌, వరంగల్‌ కొత్తవాడకు చెందిన హెల్పర్‌ యాద గణేశ్‌తో కలిసి ఆయన డీసీఎం వాహనంలో స్వీట్లు, బేకరీ తినుబండారాలు విక్రయించేందుకు విజయవాడ, మచిలీపట్నం ప్రాంతాలకు వెళ్లాడు. అమ్మకాలు పూర్తి చేసుకుని ఈ నెల 23న సాయంత్రం 5 గంటలకు జాన్‌పాక వద్ద గల ఇండియన్‌ ఆయిల్‌ పెట్రోల్‌పంపు వద్ద డీజిల్‌ పోయించడానికి డీసీఎం ఆపాడు. వాహనంలోని నగదు ఉన్న బ్యాగుకు తాళం వేసి కిందికి దిగాడు. బిల్లు తీసుకుని తిరిగి వాహనం వద్దకు రాగా అందులో హెల్పర్‌ గణేశ్‌ కనిపించలేదు. నగదు బ్యాగును కోసి రూ.1.50 లక్షల నగదును గణేశ్‌ దొంగిలించి పరారైనట్లు గుర్తించాడు. ఈ విషయమై బాధితుడి ఫిర్యాదు మేరకు పోలీసులు గురువారం గణేశ్‌ను అరెస్టు చేశారు. అతడి నుంచి రూ.20 వేల నగదు, సెల్‌ఫోన్‌ను స్వాధీనం చేసుకున్నారు. నిందితుడిని రిమాండ్‌కు తరలించినట్లు సీఐ తెలిపారు. రోడ్డు ప్రమాదంలో రైతు మృతిగీసుకొండ: రోడ్డు ప్రమాదంలో రైతు మృతి చెందిన ఘటన వరంగల్‌–నర్సంపేట రహదారిపై గురువారం చోటు చేసుకుంది. గీసుకొండ సీఐ విశ్వేశ్వర్‌ కథనం ప్రకారం.. సంగెం మండలం వంజరుపల్లి గ్రామానికి చెందిన గోనె సమ్మయ్య (70) మధ్యాహ్నం 3 గంటలకు తన మోపెడ్‌పై వ్యవసాయ పనిముట్ల వెల్డింగ్‌ కోసం వరంగల్‌–నర్సంపేట రహదారిలో కొమ్మాల వైపు వెళ్తున్నాడు. అదే సమయంలో వరంగల్‌ వైపు వెళ్తున్న కారు కొమ్మాల స్టేజీ సమీపంలో వేగంగా వచ్చి సమ్మయ్య వెళ్తున్న మోపెడ్‌ను ఢీకొంది. ఈ ప్రమాదంలో సమ్మయ్యతోపాటు మోపెడ్‌ను కారు కొంత దూరం ఈడ్చుకుంటూ వెళ్లింది. ఈఘటనలో అతడు అక్కడే మృతి చెందాడు. కారును అజాగ్రత్తగా నడిపిన గంగారం మండలం కోమట్లగూడేనికి చెందిన డ్రైవర్‌ వనం ప్రమోద్‌కుమార్‌పై మృతుడి భార్య సరోజన ఫిర్యాదు మేరకు కేసు నమోదు చేసినట్లు సీఐ తెలిపారు. ‘కేఎంసీ’ సందర్శనకాశిబుగ్గ: కేఎంసీలోని క్షయ నివారణ కేంద్రాన్ని హనుమకొండ ట్రెయినీ స్పెషల్‌ డిప్యూటీ కలెక్టర్‌ టి.రోహిత్‌ నేత గురువారం సందర్శించారు. ఈసందర్భంగా క్షయ నియంత్రణ కార్యక్రమంలో భాగంగా నిర్వహిస్తున్న స్క్రీనింగ్‌ పరీక్షలు, వ్యాధి నిర్ధారణ, చికిత్స విధానం గురించి ఇన్‌చార్జ్‌ టీబీ నివారణ అధికారి డాక్టర్‌ ప్రదీప్‌రెడ్డి వివరించారు. అదేవిధంగా ఓపీ సేవలు, ట్రునాట్‌ ల్యాబ్‌ గురించి తెలిపారు.

హసన్‌పర్తి: బంజారాల సంస్కృతీ, సంప్రదాయానికి ప్రతీక తీజ్‌ అని ఎమ్మెల్సీ శ్రీపాల్‌రెడ్డి అన్నారు. గోపాలపురంలోని బంజారా సేవాసమితి ఆధ్వర్యంలో బాలాజీనగర్‌లో నిర్వహిస్తున్న తీజ్‌ ఉత్సవాల్లో భాగంగా మంగళవారం రాత్రి జరిగిన కార్యక్రమంలో ఆయన మాట్లాడారు. గిరిజనుల ఆచారాలు, పండుగలు ప్రత్యేకతను చాటుతాయన్నారు. సేవా లాల్‌ మహరాజ్‌ చిత్రపటానికి పూలమాల వేసి నివాళులర్పించారు. అనంతరం ఎమ్మెల్సీని సత్కరించారు. కార్యక్రమంలో పరకాల ఆర్డీఓ వెంకన్న, పీఆర్టీయూ నాయకులు తిరుపతిరెడ్డి, ఈదునూరి రవీందర్‌రెడ్డి, పి.శ్రీహరి, మహేందర్‌, కామిడి సతీ శ్‌రెడ్డి, పరిపూర్ణచారి, బిల్లా రఘునాథ్‌, కృష్ణ, వెంకటేశ్వర్లు, సుధాకర్‌, సేవాలాల్‌ సంఘం అధ్యక్షుడు రామెల్‌ నాయక్‌, రాజారామ్‌ నాయక్‌ పాల్గొన్నారు. ఎమ్మెల్సీ శ్రీపాల్‌రెడ్డి

గురువారం శ్రీ 27 శ్రీ ఆగస్టు శ్రీ 2026సమస్యలపై సమరభేరి.. ఉద్యోగుల సమస్యల పరిష్కారం కోసం రాష్ట్ర ఉద్యోగ సంఘాల జేఏసీ దశలవారీ ఉద్యమానికి శ్రీకారం చుట్టింది. కాజీపేట అర్బన్‌ : ‘నా దారి రహదారి.. బెటర్‌ డోంట్‌ కమిన్‌ టు మై వే’ అనే సినిమా డైలాగ్‌ను తలపిస్తూ ‘మెరుగైన రహదారుల నిర్మాణానికి అవసరమైన డేటా అందించడమే నా దారి’ అంటూ ఆధునిక టెక్నాలజీతో రూపొందించిన సప్తగాన్‌ వాహనం ఇటీవల నిట్‌ వరంగల్‌కు చేరుకుంది. భారతదేశంలోనే తొలిసారిగా హరియాణా, గురుగ్రామ్‌లో అడ్వాన్స్‌ టెక్నాలజీ, రూ.30 కోట్ల వ్యయంతో దీన్ని రూపొందించారు. నిట్‌తో ఎంఓయూ..ఆధునిక టెక్నాలజీతో రూపకల్పన మెరుగైన రహదారుల నిర్మాణంలో కీలకం నిట్‌ వరంగల్‌తో ఎంఓయూ.. ఇటీవల పనితీరును పరిశీలించిన విద్యార్థులు ట్రాన్స్‌పోర్ట్‌ ఇంజనీరింగ్‌ విద్యార్థుల పరిశోధనకు ఉపయుక్తంమెరుగైన రవాణా సౌకర్యం, రహదారుల నిర్మాణాల్లో లోపాన్ని పసిగట్టడం, ట్రాన్స్‌పోర్ట్‌ ఇంజనీరింగ్‌ పరిశోధనలకు దేశవ్యాప్తంగా ఈ సప్తగాన్‌ ప్రయాణం చేస్తోంది. ఇందులో మన ట్రాన్స్‌పోర్ట్‌ ఇంజనీరింగ్‌ విద్యార్థులను భాగస్వాములను చేసేందుకు ఇటీవల సప్తగాన్‌ ఏషియా సంస్థ నిర్వాహకులు, నిట్‌ డైరెక్టర్‌ బిద్యాధర్‌ సుబుదీతో ఎంఓయూ కుదుర్చుకున్నారు. భారత ప్రభుత్వం వికసిత్‌ భారత్‌, మేక్‌ ఇన్‌ ఇండియా విజన్‌లో భాగంగా ఈ వాహనాన్ని ఇక్కడికి తీసుకురాగా, వాహన పనితీరును విద్యార్థులు ప్రత్యక్షంగా వీక్షించారు. వాహన పనితీరుపై పూర్తిస్థాయిలో అవగాహన ఏర్పర్చుకున్నారు.

రాయపర్తి: మండల కేంద్రంలోని ప్రాథమిక ఆరోగ్య కేంద్రం, ప్రభుత్వ ఆయుష్మాన్‌ ఆరోగ్య మందిర్‌ను కలెక్టర్‌ సత్యశారద బుధవారం ఆకస్మికంగా తనిఖీ చేశారు. పల్లె దవాఖానాలో చిన్నారుల వ్యాక్సినేషన్‌, మందుల నిల్వలు, సురక్షితంగా భద్రపరిచే తీరును పరిశీలించారు. వైద్య సామగ్రి గురించి ల్యాబ్‌ ఇన్‌చార్జ్‌ని అడిగి తెలుసుకున్నారు. ల్యాబ్‌, ఆస్పత్రి పరిసర ప్రాంతాలు పరిశుభ్రంగా ఉంచాలని అధికారులను ఆదేశించారు. ప్రజలకు నాణ్యమైన వైద్యసేవలు అందించాలని సూచించారు. కలెక్టర్‌ వెంట డిప్యూటీ డీఎంహెచ్‌ఓ డాక్టర్‌ ప్రకాశ్‌, సర్పంచ్‌ గారె సహేంద్ర భిక్షపతి, మెడికల్‌ ఆఫీసర్‌ డాక్టర్‌ అరుణ్‌ఆనంద్‌ తదితరులు పాల్గొన్నారు.అంబులెన్స్‌లో ప్రసవం చెన్నారావుపేట: అంబులెన్స్‌లో ఓ మహిళ సుఖప్రసవం అయ్యింది. 108 సిబ్బంది పైలట్‌ నాగరాజు కథనం ప్రకారం.. పాపయ్యపేట గ్రామానికి చెందిన పుప్పాల లావణ్య బుధవారం పురిటి నొప్పులతో బాధపడుతుండగా కుటుంబ సభ్యులు వెంటనే 108 సిబ్బందికి సమాచారం అందించారు. పైలట్‌ నాగరాజు, ఏటీఎం ప్రవీణ్‌ గ్రామానికి చేరుకున్నారు. లావణ్యను ఆస్పత్రికి తరలిస్తుండగా మార్గమధ్యలో పురిటి నొప్పులు తీవ్రం కావడంతో ఏటీఎం ప్రవీణ్‌ సమయస్ఫూర్తితో వ్యవహరించి ప్రసవం చేయించారు. లావణ్య ఆడశిశువుకు జన్మనిచ్చింది. అనంతరం తల్లి, శిశువును నర్సంపేటలోని ప్రభుత్వ ఆస్పత్రికి తరలించారు. వైద్యులు సైతం 108 సిబ్బందిని అభినందించారు. ఇల్లందలో షార్ట్‌సర్క్యూట్‌ వర్ధన్నపేట: మండలంలోని ఇల్లంద గ్రామంలో షార్ట్‌సర్క్యూట్‌తో బుధవారం రాత్రి మంటలు చెలరేగాయి. సుమారు 50 ఇళ్లలో విద్యుత్‌ మీటర్లు, వైరింగ్‌, గృహోపకరణాలు పూర్తిగా కాలిపోయాయి. ఒక్కసారిగా మంటలు ఎగిసిపడడంతో ప్రజలు భయాందోళనలకు గురై ఇళ్ల నుంచి బయటకు పరుగులు తీశారు. అప్రమత్తమైన సిబ్బంది విద్యుత్‌ సరఫరా నిలిపివేసి మరమ్మతులు చేపట్టారు. ప్రమాదంలో ప్రాణనష్టం నష్టం లేకున్నా ఆస్తి నష్టం జరిగి నట్లు తెలుస్తోంది. రహదారిపై అధిక లోడ్‌తో ప్రయాణించే వాహనాలు 11 కేవీ తీగలకు తగలడంతోనే ప్రమాదం జరిగిందని గ్రామస్తులు తెలిపారు. హన్మకొండ కల్చరల్‌: తిరుమల తిరుపతి దేవస్థానం, హిందూ ధర్మ ప్రచార పరిషత్‌ హనుమకొండ ఆధ్వర్యంలో మన గుడి శ్రావణ మాసోత్సవాల ప్రచార బ్యానర్‌ను బుధవారం ఆవిష్కరించారు. ఈమేరకు బుధవారం సాయంత్రం హనుమకొండలోని రెడ్డి కాలనీ లోని అభయాంజనేయ స్వామి దేవాలయంలో జరిగిన కార్యక్రమంలో ఆలయ కమిటీ ప్రధాన కార్యదర్శి బత్తిని వెంకటయ్య, అర్చకుడు కొండపాక శ్రీనివాసాచారి, టీటీడీ ధర్మ ప్రచార పరిషత్‌ కార్యక్రమ నిర్వాహకుడు రామిరెడ్డి కృష్ణమూర్తి ప్రచార బ్యానర్‌ను ఆవిష్కరించారు. అనంతరం కృష్ణమూర్తి మాట్లాడుతూ.. ఈ నెల 28న హనుమకొండ రెడ్డికాలనీలోని అభయాంజనేయ స్వామి ఆలయంలో విదూషిమణి గుదిమెళ్ల హారావళి, వరంగల్‌ జిల్లా దుగ్గొండి మండలంలో బి.శ్రీనివాసులురెడ్డిచే ప్రవచన కార్యక్రమాలు ఉంటాయని తెలిపారు. ప్రభుత్వ ఆస్పత్రిలో పాము నర్సంపేట రూరల్‌: నర్సంపేట ప్రభుత్వ ఆస్పత్రి ఆవరణలో బుధవారం రాత్రి పాము కలకలం సృష్టించింది. స్థానికుల కథనం ప్రకారం.. నర్సంపేట ప్రభుత్వ జనరల్‌ ఆస్పత్రి, వైద్య కళాశాల వద్ద ఒక గేటు, ఐపీ బ్లాక్‌ వద్ద మరో గేటు ఉంది. ఆ గేటు మూసివేయడంతో రోగులు వైద్య కళాశాల గేట్‌ నుంచి వస్తున్నారు. ఐపీ బ్లాక్‌ ఎదుట ఉన్న గేటు పక్కనే ఉన్న ప్రహరీకి నల్లాలను ఏర్పాటుచేశారు. ఆస్పత్రికి వచ్చిన రోగి బంధువులు భోజనం చేసి చేతులు కడుక్కునేందుకు నల్లాల వద్దకు వెళ్లగా పాము కనిపించింది. దీంతో ఒక్కసారిగా కేకలు వేయడంతో స్థానికులు గమనించి పామును చంపేశారు.

సంగెం: పరిహారం అందించిన తర్వాతనే విజయవాడ–నాగ్‌పూర్‌ గ్రీన్‌ఫీల్డ్‌ ఎక్స్‌ప్రెస్‌ హైవే పనులు ప్రారంభించాలని భూనిర్వాసిత రైతులు డిమాండ్‌ చేశారు. ఈ మేరకు బుధవారం మండల కేంద్రంలో పనులను అడ్డుకున్నారు. ఈ సందర్భంగా మండల కేంద్రానికి చెందిన రైతులు నాల్లం సూరయ్య, నాల్లం సాంబయ్య, ఫారం కుమారస్వామి తదితర రైతులు మాట్లాడుతూ పనులు అడ్డుకుంటే తమపైనే కేసులు పెడతామని అధికారులు బెదిరిస్తున్నట్లు ఆవేదన వ్యక్తం చేశారు. తాము సాదాబైనామాలో ఉన్నామని, పట్టాలున్న రైతులకే పరిహారం చెల్లించారని పేర్కొన్నారు. పట్టా ఉంటేనే పరిహారం చెల్లిస్తామని తిప్పుకుంటున్నారని ఆవేదన వ్యక్తం చేశారు. కొందరికి భూమి తక్కువగా పోగా ఎక్కువ మొత్తంలో డబ్బులు చెల్లించారని, ఎక్కువ భూమి పోయినవారికి తక్కువగా చెల్లించారని తెలిపారు. ఒక్కో రైతుకు వాస్తవంగా పోతున్న భూమి ఎంత, పరిహారం అందింది ఎంత అనేది బహిరంగ పరచాలని డిమాండ్‌ చేశారు. పట్టాలు లేవనే కారణంతో తాతాల కాలం నుంచి సాగుచేసుకుంటున్న భూములకు పైసా చెల్లించలేదని, పరిహారం ఇవ్వకుండా పనులు చేయవద్దని కోరారు. భూములు కోల్పోయిన రైతులకు కాకుండా బినామీలకు పరిహారం చెల్లించారని ఆగ్రహం వ్యక్తం చేశారు. ఇప్పటికై నా తహసీల్దార్‌, ఆర్డీఓ, కలెక్టర్‌, ఎమ్మెల్యే స్పందించి గ్రీన్‌ఫీల్డ్‌ హైవేలో కోల్పోతున్న భూముల లెక్కలు తేల్చాలని, అర్హులకు పరిహారం అందించాలని డిమాండ్‌ చేశారు. లేనిపక్షంలో కుటుంబాలతో కలిసి ఆందోళన చేస్తామని రైతులు హెచ్చరించారు. గ్రీన్‌ఫీల్డ్‌ ఎక్స్‌ప్రెస్‌ హైవే భూనిర్వాసిత రైతుల డిమాండ్‌ సంగెం మండల కేంద్రంలో నిలిచిపోయిన నిర్మాణం

ప్రధాని మోదీ చేతుల మీదుగా ఎయిర్‌పోర్టు భూమి పూజకు ఏఏఐ సన్నాహాలుసాక్షి, వరంగల్‌: గ్రేటర్‌ వరంగల్‌ మున్సిపల్‌ కార్పొరేషన్‌ ఎన్నికల వేళ మామునూరు ఎయిర్‌పోర్ట్‌కు ఏళ్లుగా పట్టిన గ్రహణం వీడనుంది. ఇప్పటికే కార్యాలయం, అభివృద్ధి పనుల కోసం ఎయిర్‌పోర్టు అథారిటీ ఆఫ్‌ ఇండియా (ఏఏఐ) రూ.496.86 కోట్లతో అంచనాలు వేసింది. విమానాశ్రయ నిర్మాణం కోసం రూ.203.49 కోట్లతో పిలిచిన టెండర్‌ పనులు జనవరిలో ప్రారంభించేందుకు సన్నాహాలు చేస్తోంది. ఇందులో భాగంగానే జనవరిలో ప్రధాని నరేంద్రమోదీ చేతుల మీదుగా భూమిపూజ చేసేందుకు ఏర్పాట్లు చేసినట్లు ఏఏఐ వర్గాల్లో చర్చ జరుగుతోంది. గ్రేటర్‌ వరంగల్‌ మున్సిపల్‌ ఎన్నికల వేళ మామునూరు విమానాశ్రయ నిర్మాణంలో కేంద్రం కీలకపాత్రపై చర్చ జరిగేలా చేసి, అనుకూలంగా మలుచుకునేందుకు ఉపయోగపడుతోందని బీజేపీ వర్గాలు అంచనా వేస్తున్నాయి. అదేవిధంగా పీఎంమిత్ర కింద ఎంపిక చేసిన కాకతీయ మెగా టెక్స్‌టైల్‌ పార్కుకు దశల వారీగా విడుదల చేస్తున్న నిధులతో చేపట్టిన అభివృద్ధి పనులు ప్రధాని మోదీ స్పీచ్‌లో చర్చకు వచ్చేలా చూసి, వరంగల్‌ నగర ఓటరు నాడీని పట్టుకోవాలనుకుంటోంది. స్మార్ట్‌సిటీ నిధుల విషయమై కూడా చర్చ పెట్టడం ద్వారా వరంగల్‌ నగర అభివృద్ధిలో కేంద్రం మార్క్‌ ఉందనడం ద్వారా పార్టీకి రాజకీయంగా కలిసొచ్చే అవకాశముందని భావిస్తున్నారు. ఇప్పటికే వరంగల్‌ నగర వేదికగా అధికార కాంగ్రెస్‌ పార్టీలో చెలరేగిన అసంతృప్తి జ్వాలలు కూడా ఆ పార్టీకి నష్టం కలిగించే సమయంలోనే తమకు లాభించే అవకాశముందని బీజేపీ లెక్కలు వేసుకుంటోంది. ఏదిఏమైనా కరీంనగర్‌ మున్సిపల్‌ కార్పొరేషన్‌ మాదిరిగానే గ్రేటర్‌ వరంగల్‌ మున్సిపల్‌ కార్పొరేషన్‌ను కై వసం చేసుకుంటే రాబోయే అసెంబ్లీ ఎన్నికల్లో, ఉమ్మడి వరంగల్‌ జిల్లాలో తమ ప్రభావాన్ని చూపాలనుకుంటోంది. విమానాశ్రయ నిర్మాణం కోసం భూమి సేకరించి ఇచ్చిన రాష్ట్ర ప్రభుత్వమైనా కాంగ్రెస్‌ పార్టీ దీనిని ఓన్‌ చేసుకోవడంలో విఫలమవుతుండడం కూడా బీజేపీకి ప్లస్‌గా మారిందనే చర్చ రాజకీయ పార్టీల్లో జోరుగా సాగుతోంది. కాంగ్రెస్‌లో కుమ్మలాటలు లాభిస్తుందని బీఆర్‌ఎస్‌ భావిస్తోంది. ఏఏఐ ఏం చేయనుందంటే.. ఈనెల 18న టెక్నికల్‌ బిడ్‌ ఓపెన్‌ చేయగా, సెప్టెంబర్‌ 7వ తేదీన ఫైనాన్షియల్‌ బిడ్‌ను తెరవనున్నట్లు ఇప్పటికే జూన్‌లో పిలిచిన టెండర్‌ నోట్‌లో పేర్కొన్నారు. ఇప్పటికే పర్యావరణ అనుమతుల ప్రక్రియ సాగుతోంది. జనవరిలో ఈ నిర్మాణ పనులు మొదలై 15 నెలల్లో పూర్తి చేసే అవకాశముంది. మెయింటెనెన్స్‌ రిపేర్‌ అండ్‌ ఓవర్‌ హాల్‌, ఫ్లయింగ్‌ ట్రైనింగ్‌ ఆర్గనైజేషన్‌ సహా మరికొన్ని నిర్మాణాలకు త్వరలోనే టెండర్లు పిలవనున్నారు. గ్రేటర్‌ ఎన్నికల వేళ భూమిపూజ.. వరంగల్‌లో చర్చ పీఎంమిత్ర టెక్స్‌టైల్‌ పార్కు, స్మార్ట్‌సిటీ అభివృద్ధిపై కూడా ప్రచారం

భీమదేవరపల్లి: కటుంబ సభ్యురాలు మరణంతో తీవ్ర వేదనలో ఉన్నా సమాజహితం కోరి ఆ కుటుంబం నేత్రదానం చేసి ఆదర్శంగా నిలిచింది. మండలంలోని కొత్తకొండకు చెందిన లక్ష్మి అనారోగ్యంతో మంగళవారం మృతి చెందింది. జాతీయ నేత్ర దాన వారోత్సవాల ప్రారంభం రోజే ఆమె మరణించింది. ఆమె కుమార్తె లక్ష్మీదేవి మిగతా కుటుంబ సభ్యులకు అవగాహన కల్పించారు. దీంతో మృతురాలి కుమారుడు బుర్ర సమ్మయ్య, కోడలు సరళ కలిసి లక్ష్మీ కళ్లను దానం చేసేందుకు మందుకొచ్చారు. సదాశయ ఫౌండేషన్‌ జాతీయ అధ్యక్షుడు టి.శ్రవణ్‌కుమార్‌, ఎల్వీ ప్రసాద్‌ నేత్ర వైద్య విజ్ఞాన సంస్థ టెక్నీషియన్‌ రాజేంద్రప్రసాద్‌ మంగళవారం రాత్రి కళ్లను సేకరించారు. మరణంలోనూ అంధుల జీవితాల్లో వెలుగులు నింపినందుకు లక్ష్మీ కుటుంబ సభ్యులను సదాశయ ఫౌండేషన్‌ ప్రతినిధులు అభినందించారు. కార్యక్రమంలో సంస్థ ప్రధాన కార్యదర్శులు కుమారస్వామి, లింగమూర్తి, జిల్లా అధ్యక్షులు శంకర్‌ రావు, వేణుమాధవ్‌, ఉమ్మడి వరంగల్‌ జిల్లా కో–ఆర్డినేటర్‌ దళపతి తదితరులున్నారు.

నిట్‌ వరంగల్‌లోని ట్రాన్స్‌పోర్ట్‌ ఇంజనీరింగ్‌ విద్యార్థుల పరిశోధనలకు సప్తగాన్‌ ఏషియా వాహన పనితీరు తోడ్పడుతుంది. మెరుగైన రహదారులు, రవాణా సౌకర్యం నిర్మాణానికి ఆయా ప్రదేశాల డేటా అవసరం. అలాంటి డేటాను సప్తగాన్‌ అందజేస్తుంది. నేషనల్‌ హైవేలో నిర్మించే రహదారులపై అవసరమైన సూచనలు, పరిశీలన వివరాలను భారత ప్రభుత్వం.. నిట్‌ వరంగల్‌నుంచి కోరుతోంది. అలాంటి పరిశీలనలకు సప్తగాన్‌ ఏషియాతో ఒప్పందం ఎంతో ఉపయోగపడుతుంది. – శంకర్‌, సివిల్‌ ఇంజనీరింగ్‌ ప్రొఫెసర్‌, సప్తగాన్‌ ఏషియా కో–ఆర్డినేటర్‌ ●

కాజీపేట అర్బన్‌ : ‘నా దారి రహదారి.. బెటర్‌ డోంట్‌ కమిన్‌ టు మై వే’ అనే సినిమా డైలాగ్‌ను తలపిస్తూ ‘మెరుగైన రహదారుల నిర్మాణానికి అవసరమైన డేటా అందించడమే నా దారి’ అంటూ ఆధునిక టెక్నాలజీతో రూపొందించిన సప్తగాన్‌ వాహనం ఇటీవల నిట్‌ వరంగల్‌కు చేరుకుంది. భారతదేశంలోనే తొలిసారిగా హరియాణా, గురుగ్రామ్‌లో అడ్వాన్స్‌ టెక్నాలజీ, రూ.30 కోట్ల వ్యయంతో దీన్ని రూపొందించారు. నిట్‌తో ఎంఓయూ..ఆధునిక టెక్నాలజీతో రూపకల్పన మెరుగైన రహదారుల నిర్మాణంలో కీలకం నిట్‌ వరంగల్‌తో ఎంఓయూ.. ఇటీవల పనితీరును పరిశీలించిన విద్యార్థులు ట్రాన్స్‌పోర్ట్‌ ఇంజనీరింగ్‌ విద్యార్థుల పరిశోధనకు ఉపయుక్తంమెరుగైన రవాణా సౌకర్యం, రహదారుల నిర్మాణాల్లో లోపాన్ని పసిగట్టడం, ట్రాన్స్‌పోర్ట్‌ ఇంజనీరింగ్‌ పరిశోధనలకు దేశవ్యాప్తంగా ఈ సప్తగాన్‌ ప్రయాణం చేస్తోంది. ఇందులో మన ట్రాన్స్‌పోర్ట్‌ ఇంజనీరింగ్‌ విద్యార్థులను భాగస్వాములను చేసేందుకు ఇటీవల సప్తగాన్‌ ఏషియా సంస్థ నిర్వాహకులు, నిట్‌ డైరెక్టర్‌ బిద్యాధర్‌ సుబుదీతో ఎంఓయూ కుదుర్చుకున్నారు. భారత ప్రభుత్వం వికసిత్‌ భారత్‌, మేక్‌ ఇన్‌ ఇండియా విజన్‌లో భాగంగా ఈ వాహనాన్ని ఇక్కడికి తీసుకురాగా, వాహన పనితీరును విద్యార్థులు ప్రత్యక్షంగా వీక్షించారు. వాహన పనితీరుపై పూర్తిస్థాయిలో అవగాహన ఏర్పర్చుకున్నారు.

హన్మకొండ: సన్న రకం వరి వంగడాల సాగుపై ప్రభుత్వం ప్రత్యేక దృష్టి సారించింది. సన్నరకాలు సాగు చేసిన రైతుల వివరాలు, సాగు విస్తీర్ణం పక్కాగా ఉండేలా చర్యలు తీసుకుంది. ఈక్రమంలో వానాకాలం సాగు నుంచి విత్తనాల కొనుగోలు, నారు పోసుకునే, నాటు వేస్తున్న సమయంలో ఆన్‌లైన్‌లో వివరాలు నమోదు చేస్తోంది. రాష్ట్ర ప్రభుత్వం సన్న రకాల వరి సాగు చేసే రైతులకు క్వింటా ధాన్యానికి రూ.500 బోనస్‌ అందిస్తోంది. ఈక్రమంలో ప్రభుత్వం నిర్దిష్టమైన ప్రాధాన్య సన్న రకాలను సాగు చేయాలని, ఆ వివరాలను వ్యవసాయ శాఖ నిబంధనల ప్రకారం ఆన్‌లైన్‌ లేదా ఈ–క్రాప్‌ వెబ్‌సైట్‌లో నమోదు చేసుకోవాలని సూచించింది. విత్తనాలు కొనుగోలు చేసిన రైతుల వివరాలు, సాగు విస్తీర్ణం వివరాలను ఆనన్‌లైన్‌లో నమోదు చేయడం తప్పనిసరి చేసింది. నమోదు తప్పనిసరి.. విత్తనాలు విక్రయించిన క్రమంలో సంబంధిత డీలర్లు ఆన్‌లైన్‌లో నమోదు చేస్తున్నారు. దీని కోసం ప్రభుత్వం డీలర్లకు లాగిన్‌ సౌకర్యం కల్పించింది. సొంతగా విత్తనోత్పత్తి చేసి సాగు చేసిన రైతులు, తెలిసిన వారి నుంచి సేకరించి సాగు చేసిన వారు, ప్రాంతీయ వ్యవసాయ పరిశోధన స్థానం, ఇతర మార్గాల్లో సన్న రకాల వరి వంగడాలు సేకరించి వరి సాగు చేస్తున్న రైతులకు ఆన్‌లైన్‌లో నమోదు చేసుకునే సౌకర్యాన్ని ప్రభుత్వం, వ్యవసాయ శాఖ కల్పించింది. సన్న రకాల వరి సాగు చేసిన రైతులు సంబంధిత వ్యవసాయ విస్తరణాధికారి (ఏఈఓ)ని కలిసి ఫోన్‌ నంబర్‌, ఆధార్‌ నంబర్‌, సాగు వివరాలు అందించి ఆన్‌లైన్‌లో నమోదు చేసుకోవాలి. ఆన్‌లైన్‌లో నమోదు చేసుకోవడానికి ప్రభుత్వం సెప్టెంబర్‌ 10వ తేదీ వరకు గడువు విధించింది. ఆన్‌లైన్‌తో వివరాలు సరిపోలితేనే బోనస్‌ చెల్లిస్తారు. ఆన్‌లైన్‌ నమోదు ద్వారా దుర్వినియోగం కాకుండా రైతులు బోనస్‌ పొందడానికి మార్గం సులువవుతుంది. ప్రభుత్వం నిర్దేశించిన ప్రత్యేక సన్నరకాల వరి వంగడాలను మాత్రమే సాగు చేయాలి. బీపీటీ 5204, ఆర్‌ఎన్‌ఆర్‌ 15048, హెచ్‌ఎంటీ సోనా, జై శ్రీరాం, కెఎన్‌ఎం 7715, కెఎన్‌ఎం 1638, డబ్ల్యుజిఎల్‌44 వరి విత్తనాలు సాగు చేసుకున్న రైతులు వివరాలు నమోదు చేసుకుంటే బోనస్‌ పొందడానికి అర్హులవుతారు. పంట చేతికి వచ్చిన తర్వాత ధాన్యం అమ్ముకునే సమయంలో ఆన్‌లైన్‌లో ఏ విత్తనం సాగు చేశాలో సరి చూసుచూస్తారు.సన్నాల సాగుపై ప్రభుత్వం ప్రత్యేక దృష్టి విత్తన కొనుగోలు నుంచే ఆన్‌లైన్‌లో నమోదు సొంత విత్తనాలు సాగు చేసిన రైతుల వివరాల నమోదుకు అవకాశం వచ్చేనెల 10లోపు ఆన్‌లైన్‌ చేయించుకోవాలి నమోదు కాని రైతులకు బోనస్‌ లేనట్లే! వివరాలు సేకరిస్తున్న ప్రభుత్వంసన్న రకం వరి వంగడాలు సాగు చేసిన రైతులు తమ వివరాలు ఆన్‌లైన్‌లో నమోదు చేయించుకోవాలి. డీలర్ల వద్ద కాకుండా ఇతర మార్గాల్లో సన్న రకం విత్తనాలు సేకరించి వరి సాగు చేసిన ప్రతీ రైతులు వ్యవసాయ విస్తరణాధికారులను కలిసి త్వరగా.. వివరాలు నమోదు చేసుకోవాలి. ప్రభుత్వం రైతు వారీగా వివరాలు సేకరిస్తోంది. వచ్చే నెల 10వ తేదీలోపు నమోదు పూర్తి చేయాలి. ఈఅవకాశాన్ని రైతులు సద్వినియోగం చేసుకోవాలి. – వి.విజయ్‌ చంద్ర, జిల్లా వ్యవసాయాధికారి

కాశిబుగ్గ: ఉత్తర తెలంగాణకు పెద్ద దిక్కయిన వరంగల్‌ మహాత్మాగాంధీ ఆస్పత్రి (ఎంజీఎం)లో రోగులకు తిప్పలు తప్పట్లేదు. వ్యయప్రయాసలకోర్చి దూర ప్రాంతాల నుంచి వచ్చిన వారు సరైన వైద్యం అందట్లేదని వాపోతున్నారు. ఆస్పత్రిలోని పలు వార్డులను బుధవారం ‘సాక్షి’ పరిశీలించగా.. అనేక సమస్యలు వెలుగుచూశాయి. బుధవారం పిల్లల వార్డులో సైలెన్‌ బాటిల్‌ను గోడకు వేలాడదీసి చికిత్స అందించారు. మరోవైపు ఓ చిన్నారికి పెట్టిన సైలెన్‌ బాటిల్‌ను తల్లి చేత్తో పట్టుకుని డాక్టర్‌ దగ్గరికి వెళ్లడం వంటి దృశ్యాలు కనిపించాయి. ఇన్ని కష్టాలకోర్చినా వార్డు సిబ్బందికి అంతో ఇంతో ముట్టజెప్పక తప్పట్లేదని వాపోతున్నారు. ఆర్థో, కార్డియాలజీ, డయాలసిస్‌ వార్డుతోపాటు సీఓటీలో ముడుపులు ఇవ్వాల్సి వస్తోందని రోగుల బంధువులు వాపోతున్నారు. ఆర్థ్ధోపెడిక్‌ విభాగంతోపాటు న్యూరో సర్జరీ విభాగంలో ప్రధాన శస్త్ర చికిత్సలను ఎప్పుడో నిలిపివేసినట్లు తెలుస్తోంది. రోగుల వెతలు ఇలా.. పర్వతగిరి మండలం కొంకపాకకు చెందిన ఓ రోగి రెండో అంతస్తులోని ఆర్థోపెడిక్‌ వార్డులో చికిత్స పొందుతున్నాడు. అతడికి ఎక్స్‌రే అవసరం ఉందని వైద్యులు చెప్పారు. నర్సింగ్‌ సిబ్బంది సూచన మేరకు సదరు బాధితుడిని కింద ఉన్న రేడియాలజీ విభాగంలో ఎక్స్‌రే విభాగానికి తీసుకెళ్లాలి. 92వ నంబర్‌ గదిలో ఎక్స్‌రే తీయించడానికి స్ట్రెచర్‌పై పేషెంట్‌ను కుటుంబ సభ్యులే తీసుకెళ్లి తిరిగి వార్డుకు తీసుకొచ్చారు. ఈ విషయమై రోగి అటెండెంట్‌తో మాట్లాడగా.. ‘ఏం చేయాలి సార్‌, ఎక్స్‌రే కోసం తీసుకెళ్లడానికి ఎవరూ రావట్లేదు. మేమే కష్టాలు పడుతూ తీసుకెళ్లి తిరిగి తీసుకొస్తున్నాం’ అంటూ వాపోయారు. పేషెంట్‌ను రోడ్డుపై వదిలేశారు.. ఎంజీఎంలో చికిత్స పొందుతున్న రోగుల అవసరాన్ని బట్టి టుడీ ఇకో కోసం ఆస్పత్రి అంబులెన్స్‌లో సూపర్‌ స్పెషాలిటీ ఆస్పత్రికి తీసుకెళ్లి పరీక్ష చేయించి తిరిగి ఎంజీఎం ఆస్పత్రికి తీసుకురావాలి. బుధవారం శివనగర్‌కు చెందిన ఓ రోగికి సూపర్‌ ఆస్పత్రిలో టుడీ ఇకో చేయించి, ఎంజీఎం వద్ద రోడ్డుపై వదలేసి వెళ్లారు. దీంతో పేషెంట్‌ అటెండెంట్‌ గత్యంతరం లేక ఎండలో స్ట్రెచర్‌పై పడుకోబెట్టిన పేషెంట్‌ను తానే నెట్టుకుంటూ వార్డుకు తీసుకెళ్లాడు. దీనిపై అటెండెంట్‌ మాట్లాడుతూ.. ‘సర్కార్‌ దవాఖానలో ఇట్లా ఉంది. అంబులెన్స్‌లో తీసుకెళ్లిన తర్వాత అక్కడ రూ.50 తీసుకున్నారు. ఇక్కడ ఏమీ ఇవ్వలేదని రోడ్డుపై వదిలేశారు’ అని తెలిపారు. రోగిని ఆర్థో వార్డుకు తీసుకెళ్తున్న అటెండెంట్‌ఎంజీఎంలో అడుగడుగునా రోగులకు కష్టాలు వైద్యసేవలు అందించడంలో నిర్లక్ష్యం ప్రజాప్రతినిధుల పట్టింపు కరువు ‘సాక్షి’ పరిశీలనలో పలు సమస్యలు వెలుగులోకి..ఆపదలో ఆదుకునే 108 అంబులెన్స్‌లో తరచూ పేషెంట్లను అత్యవసర చికిత్స కోసం క్యాజువాలిటికి తీసుకొస్తారు. వాహనం నుంచి ఆస్పత్రిలో చేర్పించేందుకు ఎంజీఎం ఆస్పత్రికి సంబంధించిన పేషెంట్‌ కేర్‌, వార్డుబాయ్‌లు సహాయం చేయడానికి రారనే ఆరోపణలున్నాయి. ఇలా చెప్పుకుంటే పోతే ఏ వార్డులో చూసినా సమస్యలు తాండవిస్తున్నట్లు రోగులే చెబుతున్నారు. ఇకనైనా ఉన్నతాధికారులు నిత్యం ఓపీ సమయాల్లో రౌండ్‌లు వేయాలని, ప్రతీ వార్డుపై పర్యవేక్షణ పెంచాలని పలువురు కోరుతున్నారు. నిర్లక్ష్యం చేసే సిబ్బందిపై చర్యలు తీసుకుంటాం.. ఎంజీంఎం ఆస్పత్రి పేషంట్ల సేవల విషయంలో ఎవరు నిర్లక్ష్యం చేసినా చర్యలు తీసుకుంటాం. అయితే క్యాజువాలిటీతో పాటు వార్డుల్లో విధులు నిర్వహిస్తున్న సిబ్బంది ఇబ్బందులకు గురిచేస్తే వారి గురించి భయపడకుండా నేరుగా ఫిర్యాదు చేయాలి. 108 అంబులెన్స్‌లో చికిత్స కోసం తీసుకొచ్చే సిబ్బందితో పాటు ఎంజీఎం సిబ్బంది కూడా సహకరించి, సేవలందించాలి. పేషెంట్ల వద్ద నుంచి ఎవరు డబ్బులడిగినా సహించేది లేదు. పేషెంట్ల సేవలు మెరుగుపర్చడం, అసంపూర్తి పనులన్నింటినీ దశలవారీగా పూర్తి చేస్తాం. – డాక్టర్‌ రాంకుమార్‌రెడ్డి, ఎంజీఎం సూపరింటెండెంట్‌

సాక్షిప్రతినిధి, వరంగల్‌ : పోలీస్‌శాఖలో ఇన్‌స్పెక్టర్ల బదిలీలు మరోసారి రాజకీయ సిఫారసుల చర్చకు తెరలేపాయి. మల్టీజోన్‌–1 పరిధిలో తొమ్మిది మంది ఇన్‌స్పెక్టర్లను బదిలీ చేస్తూ పోలీస్‌ ఎస్టాబ్లిష్‌మెంట్‌ బోర్డు ఉత్తర్వులు జారీ చేసింది. అధికారికంగా పరిపాలనా కారణాలతోనే బదిలీలు చేపట్టినట్లు ఉత్తర్వుల్లో పేర్కొన్నప్పటికీ.. కొందరు ఇన్‌స్పెక్టర్లు ఎమ్మెల్యేల సిఫారసు లేఖలతో తమకు అనుకూలమైన పోస్టింగుల కోసం ప్రయత్నించారన్న ఆరోపణలు పోలీస్‌ వర్గాల్లో వినిపిస్తున్నాయి. భూపాలపల్లిలో కీలక మార్పులు భద్రాద్రి కొత్తగూడెం జిల్లాలో ఎస్‌బీ ఇన్‌స్పెక్టర్‌గా పనిచేస్తున్న చెన్నూరి శ్రీనివాస్‌ను జయశంకర్‌ భూపాలపల్లి ఎస్‌హెచ్‌ఓగా నియమించారు. అక్కడ చిట్యాల సర్కిల్‌లో పనిచేస్తున్న దగ్గు మల్లేశ్‌ను మల్టీజోన్‌–1, హైదరాబాద్‌కు రిపోర్ట్‌ చేయాలని ఆదేశించారు. ఆయన స్థానంలో యడ్లపల్లి సతీష్‌ చిట్యాల సర్కిల్‌ ఇన్‌స్పెక్టర్‌గా నియమించారు. ఇదే జోన్‌ పరిధిలోని నిజామాబాద్‌, కామారెడ్డి జిల్లాలకు చెందిన ముగ్గురు ఇన్‌స్పెక్టర్‌లకు స్థానచలనం కలిగింది. వరంగల్‌కు ముగ్గురు.. ఒకరు బయటకు.. వరంగల్‌ కమిషనరేట్‌కు తాజా బదిలీల్లో ముగ్గురు ఇన్‌స్పెక్టర్లు వచ్చారు. రామగుండం కమిషనరేట్‌ టాస్క్‌ఫోర్స్‌లో పనిచేస్తున్న తెల్లబోయిన కిరణ్‌, రామగుండం కమిషనరేట్‌ లీగల్‌ సెల్‌లో పనిచేస్తూ మల్టీజోన్‌–1 కంట్రోల్‌ రూమ్‌కు అటాచ్‌ అయి ఉన్న అనుముల శ్రీనివాస్‌ను కూడా వరంగల్‌ కమిషనరేట్‌కు పంపారు. హైదరాబాద్‌ టీజీఐసీసీసీ ఇన్‌స్పెక్టర్‌ భరత్‌ సుమన్‌ను కూడా కమిషనరేట్‌లో రిపోర్టు చేయాలన్నారు. మరోవైపు వరంగల్‌ కమిషనరేట్‌ సీఎస్‌బీలో పనిచేస్తున్న యడ్లపల్లి సతీష్‌ను జయశంకర్‌ భూపాలపల్లి జిల్లా చిట్యాల సర్కిల్‌కు బదిలీ చేశారు. అధికారికంగా మాత్రం ‘అడ్మినిస్ట్రేటివ్‌ గ్రౌండ్స్‌’.. మల్టీజోన్‌–1 పోలీస్‌ ఎస్టాబ్లిష్‌మెంట్‌ బోర్డు జారీ చేసిన ఉత్తర్వుల్లో ఈ తొమ్మిది మంది బదిలీలను ‘ఆన్‌ అడ్మినిస్ట్రేటివ్‌ గ్రౌండ్స్‌’గా పేర్కొంది. దీంతో అధికారిక ఉత్తర్వుల్లో పరిపాలనా కారణాలే కనిపిస్తున్నప్పటికీ.. క్షేత్రస్థాయిలో మాత్రం రాజకీయ సిఫారసులపై చర్చ సాగుతుండటం ఆసక్తికరంగా మారింది. ఎవరి సిఫారసు పనిచేసింది? ఎవరి పోస్టింగ్‌ మారింది? అన్నదానిపై పోలీస్‌ శాఖలోనే కాకుండా రాజకీయ వర్గాల్లోనూ ఆసక్తి నెలకొంది. భవిష్యత్‌లో జరగనున్న బదిలీలు, పోస్టింగ్‌ల ఉత్తర్వులు వెలువడితే గాని మరింత స్పష్టత వచ్చే అవకాశం ఉందన్న చర్చ జరుగుతోంది. పోలీస్‌ పోస్టింగుల్లో తీవ్ర చర్చ మల్టీజోన్‌–1లో 9 మంది ఇన్‌స్పెక్టర్ల బదిలీ వరంగల్‌ కమిషనరేట్‌కు ముగ్గురు.. ఇక్కడినుంచి ఒకరు బయటకు ఎమ్మెల్యేల సిఫారసు లేఖలతో పోస్టింగులంటూ ఆరోపణలు.. గతంలోనూ ఇదే తరహా వివాదాలుఇన్‌స్పెక్టర్ల బదిలీలు జరిగిన ప్రతీసారి రాజకీయ సిఫారసుల అంశం తెరపైకి వస్తుండటం పోలీస్‌ శాఖలో చర్చనీయాంశంగా మారుతోంది. ముఖ్యంగా తమకు అనుకూలమైన సర్కిల్‌, కమిషనరేట్‌ లేదా కీలక విభాగంలో పోస్టింగ్‌ కోసం ప్రజాప్రతినిధుల సిఫారసులు తీసుకొస్తున్నారన్న ఆరోపణలు గతంలోనూ వినిపించాయి. తాజాగా మల్టిజోన్‌–1 పరిధిలోని 9 మందికి బదిలీ కాగా.. తమకు అనుకూలమైన పోస్టింగ్‌ల కోసం మరికొందరు ఇన్‌స్పెక్టర్‌లు తీవ్రంగా ప్రయత్నిస్తున్నట్లు ప్రచారం. త్వరలోనే వరంగల్‌ కమిషనరేట్‌, జేఎస్‌ భూపాలపల్లి, ములుగు, మహబూబాబాద్‌ జిల్లాలకు చెందిన కొందరికి బదిలీలు ఉంటాయంటున్నారు. భద్రాద్రి కొత్తగూడెం, ఉమ్మడి కరీంనగర్‌ల నుంచి కొందరు వరంగల్‌ ప్రయత్నాలు చేస్తున్నట్లు ప్రచారం ఉంది.

సాక్షి, వరంగల్‌: గ్రేటర్‌ వరంగల్‌ మున్సిపల్‌ కార్పొరేషన్‌ ఎన్నికల వేళ ‘మామునూరు ఎయిర్‌పోర్ట్‌’కు ఏళ్లుగా పట్టిన గ్రహణం వీడనుంది. ఇప్పటికే కార్యాలయం, అభివృద్ధి పనుల కోసం ఎయిర్‌పోర్ట్‌ అథారిటీ ఆఫ్‌ ఇండియా (ఏఏఐ) రూ.496.86 కోట్లతో అంచనాలు వేసింది. విమానాశ్రయ నిర్మాణం కోసం రూ.203.49 కోట్లతో పిలిచిన టెండర్‌ పనులు జనవరిలో ప్రారంభించేందుకు సన్నాహాలు చేస్తోంది. ఇందులో భాగంగానే జనవరిలో ప్రధాని నరేంద్రమోదీ చేతుల మీదుగా భూమిపూజ చేసేందుకు ఏర్పాట్లు చేసినట్లు ఏఏఐ వర్గాల్లో చర్చ జరుగుతోంది. గ్రేటర్‌ వరంగల్‌ మున్సిపల్‌ ఎన్నికల వేళ మామునూరు విమానాశ్రయ నిర్మాణంలో కేంద్రం కీలకపాత్రపై చర్చ జరిగేలా చేసి, అనుకూలంగా మలుచుకునేందుకు ఉపయోగపడుతోందని బీజేపీ వర్గాలు అంచనా వేస్తున్నాయి. అదేవిధంగా పీఎం మిత్ర కింద ఎంపిక చేసిన కాకతీయ మెగా టెక్స్‌టైల్‌ పార్కుకు దశల వారీగా విడుదల చేస్తున్న నిధులతో చేపట్టిన అభివృద్ధి పనులు ప్రధాని మోదీ స్పీచ్‌లో చర్చకు వచ్చేలా చూసి, వరంగల్‌ నగర ఓటరు నాడిని పట్టుకోవాలనుకుంటోంది. స్మార్ట్‌సిటీ నిధుల విషయమై కూడా చర్చ పెట్టడం ద్వారా వరంగల్‌ నగర అభివృద్ధిలో కేంద్రం మార్క్‌ ఉందనడం ద్వారా పార్టీకి రాజకీయంగా కలిసొచ్చే అవకాశముందని భావిస్తున్నారు. ఇప్పటికే వరంగల్‌ నగరం వేదికగా అధికార కాంగ్రెస్‌ పార్టీలో చెలరేగిన అసంతృప్తి జ్వాలలు కూడా ఆ పార్టీకి నష్టం కలిగించే సమయంలోనే తమకు లాభించే అవకాశముందని బీజేపీ లెక్కలు వేసుకుంటోంది. ఏదిఏమైనా కరీంనగర్‌ మున్సిపల్‌ కార్పొరేషన్‌ మాదిరిగానే గ్రేటర్‌ వరంగల్‌ మున్సిపల్‌ కార్పొరేషన్‌ను కై వసం చేసుకుంటే రాబోయే అసెంబ్లీ ఎన్నికల్లో, ఉమ్మడి వరంగల్‌ జిల్లాలో తమ ప్రభావాన్ని చూపాలనుకుంటోంది. విమానాశ్రయ నిర్మాణం కోసం భూమి సేకరించి ఇచ్చిన రాష్ట్ర ప్రభుత్వమైన కాంగ్రెస్‌ పార్టీ దీన్ని ఓన్‌ చేసుకోవడంలో విఫలమవుతుండడం కూడా బీజేపీకి ప్లస్‌గా మారిందనే చర్చ రాజకీయ పార్టీల్లో జోరుగా సాగుతోంది. కాంగ్రెస్‌లో కుమ్ములాటలు లాభిస్తుందని బీఆర్‌ఎస్‌ భావిస్తోంది. ఏఏఐ ఏం చేయనుందంటే.. ఈనెల 18న టెక్నికల్‌ బిడ్‌ ఓపెన్‌ చేయగా, సెప్టెంబర్‌ 7వ తేదీన ఫైనాన్షియల్‌ బిడ్‌ను తెరవనున్నట్లు ఇప్పటికే జూన్‌లో పిలిచిన టెండర్‌ నోట్‌లో పేర్కొన్నారు. ఇప్పటికే పర్యావరణ అనుమతుల ప్రక్రియ సాగుతోంది. జనవరిలో ఈ నిర్మాణ పనులు మొదలై 15 నెలల్లో పూర్తి చేసే అవకాశముంది. మెయింటెనెన్స్‌ రిపేర్‌ అండ్‌ ఓవరాల్‌, ఫ్లయింగ్‌ ట్రైనింగ్‌ ఆర్గనైజేషన్‌ సహా మరికొన్ని నిర్మాణాలకు త్వరలోనే టెండర్లు పిలవనున్నారు. ప్రధాని మోదీ చేతుల మీదుగా ఎయిర్‌పోర్ట్‌ భూమి పూజకు ఏఏఐ సన్నాహాలు గ్రేటర్‌ ఎన్నికల వేళ భూమిపూజతో వరంగల్‌లో చర్చ పీఎంమిత్ర టెక్స్‌టైల్‌ పార్కు, స్మార్ట్‌సిటీ అభివృద్ధిపై కూడా ప్రచారం

కాళోజీ సెంటర్‌: ప్రభుత్వ జూనియర్‌ కళాశాలల్లోని ప్రయోగశాలలను విద్యార్థులు సద్వినియోగం చేసుకోవాలని జిల్లా ఇంటర్మీడియట్‌ విద్యాధికారి డాక్టర్‌ శ్రీధర్‌ సుమన్‌ సూచించారు. ఖిలా వరంగల్‌ ప్రభుత్వ జూనియర్‌ కళాశాలలో ఆధునీకరించిన ప్రయోగశాలను డీఐఈఓ బుధవారం ప్రారంభించి మాట్లాడారు. ప్రభుత్వం ఇటీవల కళాశాలల్లో ప్రయోగశాలల నవీకరణకు నిధులు మంజూరు చేసిందని, ల్యాబ్‌లను వినియోగంలోకి తీసుకురావడం అభినందనీయమన్నారు. కార్యక్రమంలో కళాశాల ప్రిన్సిపాల్‌ పుష్పలత, మార్కెట్‌ కమిటీ డైరెక్టర్‌ శ్యాంకుమార్‌, అడ్వకేట్‌ జీవన్‌గౌడ్‌ తదితరులు పాల్గొన్నారు.

నిట్‌ వరంగల్‌లోని ట్రాన్స్‌పోర్ట్‌ ఇంజనీరింగ్‌ విద్యార్థుల పరిశోధనలకు సప్తగాన్‌ ఏషియా వాహన పనితీరు తోడ్పడుతుంది. మెరుగైన రహదారులు, రవాణా సౌకర్యం నిర్మాణానికి ఆయా ప్రదేశాల డేటా అవసరం. అలాంటి డేటాను సప్తగాన్‌ అందజేస్తుంది. నేషనల్‌ హైవేలో నిర్మించే రహదారులపై అవసరమైన సూచనలు, పరిశీలన వివరాలను భారత ప్రభుత్వం.. నిట్‌ వరంగల్‌నుంచి కోరుతోంది. అలాంటి పరిశీలనలకు సప్తగాన్‌ ఏషియాతో ఒప్పందం ఎంతో ఉపయోగపడుతుంది. – శంకర్‌, సివిల్‌ ఇంజనీరింగ్‌ ప్రొఫెసర్‌, సప్తగాన్‌ ఏషియా కో–ఆర్డినేటర్‌ ●

ఖిలా వరంగల్‌: మహమ్మద్‌ ప్రవక్త ప్రపంచానికి శాంతి, ప్రేమ, కరుణ, సోదరభావం, మానవతా విలువలు బోధించారని, ఆయన చూపిన మార్గంలో ప్రతి ఒక్కరూ నడుస్తూ సమాజంలో శాంతి, సౌభ్రాతృత్వం, కుల, మత సామర్యాన్ని పెంపొందించాలని మంత్రి కొండా సురేఖ సూచించారు. మిలాద్‌ ఉన్‌ నబీ సందర్భంగా బుధవారం వరంగల్‌ పోచమ్మ మైదాన్‌ ప్రాంతం, ఉర్సు కరీమాబాద్‌లోని హజరత్‌ మాషూక్‌ ఏ రబ్బానీ దర్గాలో పీఠాధిపతులు ఉబేద్‌బాబా, నవీద్‌బాబా ఆధ్వర్యంలో వేర్వేరుగా వేడుకలు నిర్వహించారు. ముఖ్య అతిథిగా మంత్రి సురేఖ హాజరై మాషూక్‌ రబ్బానీ దర్గాను దర్శించుకునే భక్తులకు కోసం నిర్మించిన విశ్రాంతి గదులను ప్రారంభించారు. అనంతరం దర్గాను దర్శించుకుని ఖీర్‌ పంపిణీ చేశారు. మంత్రి మాట్లాడుతూ.. మిలాద్‌ ఉన్‌ నబీ పర్వదినం ప్రజలందరిలో ప్రేమ, సోదరభావం, మానవతా దృక్పథాన్ని మరింతగా పెంపొందించాలని ఆకాంక్షించారు. కార్యక్రమంలో జిల్లా గ్రంథాలయ చైర్మన్‌ మీసాల ప్రకాశ్‌, కాంగ్రెస్‌ నేత గోపాల నవీన్‌రాజు, ఎంఏ జబ్బార్‌, మహమ్మద్‌ ముక్దుమ్‌, నాగపూరి కల్పన, సంజయ్‌బాబు తదితరులు పాల్గొన్నారు. మిలాద్‌ ఉన్‌ నబీ వేడుకల్లో మంత్రి కొండా సురేఖ

గీసుకొండ: మండలంలోని పలు గ్రామాల్లో జలసిరి కింద చేపడుతున్న పనులను స్థానిక సంస్థల అదనపు కలెక్టర్‌ గణేశ్‌ మంగళవారం పరిశీలించారు. కొమ్మాల, నందనాయక్‌తండా, విశ్వనాథపురం, గంగదేవిపల్లి గ్రామాల్లోని కమ్యూనిటీ ఇంకుడు గుంతలు, రూప్‌టాప్‌ హార్వెస్టింగ్‌ నిర్మాణాలను, కొత్తగా ముగ్గు పోసే పనులను పరిశీలించారు. ఎంపీడీఓ కృష్ణవేణి, తహసీల్దారు ఎండీ రియాజుద్దీన్‌, స్పెషల్‌ ఆఫీసర్‌ సురేశ్‌, ఈజీఎస్‌ ఏపీఓ చంద్రకాంత్‌, సర్పంచ్‌లు, పంచాయతీ కార్యదర్శులు తదితరులు పాల్గొన్నారు. టీబీఎస్‌ఎఫ్‌ బ్లాగ్‌ ఆవిష్కరణ కాళోజీ సెంటర్‌: తెలంగాణ బయోలాజికల్‌ సైన్స్‌ ఫోరం (టీబీఎస్‌ఎఫ్‌) జిల్లా శాఖ రూపొందించిన ఆన్‌లైన్‌ బ్లాగ్‌ను మంగళవారం డీఈఓ రంగయ్యనాయుడు తన కార్యాలయంలో ఆవిష్కరించారు. ఈ సందర్భంగా డీఈఓ మాట్లాడుతూ పోర్టల్‌లో జిల్లాతో పాటు రాష్ట్రస్థాయిలో ఉపాధ్యాయులకు, ఉపాధ్యాయులకు ఉన్నతమైన డిజిటల్‌ రిసోర్స్‌ సెంటర్‌గా ఉపయోగపడాలని ఆకాంక్షించారు. బ్లాగ్‌ రూపకర్త గుమ్మడి రాజుతో పాటు ఫోరం చొరవను అభినందించారు. కార్యక్రమంలో జిల్లా కమ్యూనిటీ మొబిలైజేషన్‌ అధికారి డాక్టర్‌ కట్ల శ్రీనివాస్‌, జిల్లా సైన్స్‌ అధికారి పి.సురేష్‌ బాబు, ఫోరం జిల్లా అధ్యక్షుడు చిప్ప పరమేశ్వర్‌, ప్రధాన కార్యదర్శి గోనెల రమేశ్‌, కోశాధికారి గుమ్మడి రాజు తదితరులు పాల్గొన్నారు. న్యూశాయంపేట: ప్రత్యేక ఓటరు జాబితా సవరణ (ఎస్‌ఐఆర్‌) ముసాయిదా జాబితా విడుదల అనంతరం వివరాల్లో వ్యత్యాసాలు (అనామలీస్‌, అన్‌మ్యాపింగ్‌) విభాగాల కింద గుర్తించిన ఓటర్లకు నోటీసులు జారీ కానున్నాయి. జిల్లాలోని మూడు నియోజకవర్గాల్లో మొత్తంగా 1,94,399 మంది ఓటర్లకు జిల్లా ఎన్నికల అధికారులు నోటీసులు జనరేట్‌ చేశారు. ఇందులో 1,71,207 మంది ఓటర్లకు నోటీసులు అందించేందుకు ప్రింట్‌ తీసి సిద్ధం చేశారు. నర్సంపేట నియోజకవర్గంలో 51,880 ఓటర్లు, వరంగల్‌ తూర్పులో 75,755, వర్ధన్నపేటలో 66,764 మంది ఓటర్లకు నోటీసులు జనరేట్‌ చేశారు. ఇందులో మంగళవారం వరకు నర్సంపేటలో 207, వరంగల్‌ తూర్పులో 42, వర్ధన్నపేట నియోజకవర్గంలో 14 మంది ఓటర్లకు ఇప్పటికే నోటీసులు అందించారు. కాగా బీఎల్‌ఓల ద్వారా నోటీసులు అందుకున్న వారు గుర్తింపు పొందిన 11 రకాల గుర్తింపు కార్డుల్లో ఏదో ఒకటి చూపించి నిర్ణీత గడువులోగా వివరణ ఇవ్వాల్సి ఉంటుంది. పంచాయతీ కార్యదర్శిపై దాడి ఖానాపురం: పంచాయతీ కార్యదర్శిపై సర్పంచ్‌ దాడి చేసిన సంఘటన మండలంలో చోటుచేసుకుంది. బాధితుడు తెలిపిన వివరాల ప్రకా రం.. మండలంలోని బోటిమీదితండా పంచాయతీ కార్యదర్శిగా ఆవుల రవి విధులు నిర్వహిస్తున్నారు. ఈ క్రమంలో మంగళవారం విధులకు వెళ్తుండగా సర్పంచ్‌ భానుప్రసాద్‌ అకారణంగా దూషిస్తూ దాడికి పాల్పడ్డాడు. దీంతో సర్పంచ్‌ భానుప్రసాద్‌పై చట్టపరమైన చర్య తీసుకోవాలని కోరుతూ ఎస్సై రామ్మోహన్‌, ఎంపీడీఓ అద్వైతలకు ఫిర్యాదు చేశారు. కేసు దర్యాప్తు చేస్తున్నట్లు ఎస్సై తెలిపారు. మిరపసాగుపై అవగాహన దుగ్గొండి: మండలంలోని తిమ్మంపేట గ్రామంలో జిల్లా ఉద్యానశాఖ ఆధ్వర్యంలో మంగళవారం మిరప పంట సాగుపై రైతులకు అవగాహన సదస్సు నిర్వహించారు. ఈ సందర్భంగా సీనియర్‌ శాస్త్రవేత్త రాజుకుమార్‌ మాట్లాడారు. మిరప సాగులో మెళకువలు, నల్లతామర నివారణ పద్ధతులు, సేంద్రియ ఎరువుల వాడకంపై వివరించారు. జిల్లా ఉద్యానశాఖ అధికారి శ్రీనివాసరావు మాట్లాడుతూ మార్కెట్‌లో మంచి డిమాండ్‌ ఉన్న పంటల సాగువైపు రైతులు కదలాలని సూచించారు. కేవీకే మల్యాల శాస్త్రవేత్త మిరప పంటలో చీడపీడలు, తెగుళ్లు నివారణ పద్ధతులు, చేపట్టాల్సిన సమగ్ర సస్యరక్షణ పద్ధతులను వివరించారు. అనంతరం 50 మంది రైతులకు అర్క తేజస్వి మిరప విత్తనాలు అందించారు. సర్పంచ్‌ మోడెం శ్రీలత, డివిజన్‌ ఉద్యానశాఖ అధికారి జ్యోతి, పీఏసీ ఎస్‌ చైర్మన్‌ చెన్నూరి కిరణ్‌రెడ్డి, ఏఓ శ్యామ్‌, రైతులు పాల్గొన్నారు.

సాక్షి ప్రతినిధి, వరంగల్‌: వరంగల్‌ తూర్పు ఎమ్మెల్యే, రాష్ట్ర మంత్రి కొండా సురేఖ కుటుంబాన్ని చుట్టుముట్టిన పరిణా మాలు ఉమ్మడి వరంగల్‌ కాంగ్రెస్‌ రాజకీయాల్లో తీవ్ర ఉత్కంఠ రేపుతున్నాయి. ఒకవైపు ముఖ్యమంత్రి ఎ.రేవంత్‌రెడ్డి, ఇతర కాంగ్రెస్‌ నేతలపై మంత్రి కుమార్తె సుస్మిత చేసిన వ్యాఖ్యల వ్యవహారంలో క్రమశిక్షణ సంఘం నివేదిక పీసీసీ చీఫ్‌కు చేరడం.. మరోవైపు మంత్రి మాజీ ఓఎస్‌డీ సుమంత్‌పై నమోదైన హత్యాయత్నం కేసులో వరుస అరెస్టులు, జూబ్లీహిల్స్‌ ఇన్‌స్పెక్టర్‌ ముత్తు యాదవ్‌ సస్పెన్షన్‌.. ఇలా ఒకదాని వెంట ఒకటి పరిణామాలు చోటుచేసుకోవడంతో ‘ఇక కొండాపై ఏం తేల్చనున్నారు?’ అన్న చర్చ పొలిటికల్‌ సర్కిళ్లలో సాగుతోంది. టీపీసీసీకి ‘క్రమశిక్షణ’ నివేదిక.. ‘కొండా’ శిబిరంలో కలకలం.. కొండా సుస్మిత వ్యాఖ్యలు, తదుపరి పరిణామాలపై విచారణ పూర్తి చేసి నివేదికను పీసీసీ అధ్యక్షుడు మహేశ్‌కుమార్‌ గౌడ్‌కు అందించినట్లు టీపీసీసీ క్రమశిక్షణ సంఘం చైర్మన్‌ మల్లు రవి మంగళవారం సాయంత్రం మీడియా సమావేశంలో వెల్ల డించారు. మంత్రి సురేఖకు నోటీసులు జారీ చేయడం, ఆమె వివరణ ఇవ్వడం, అనంతరం కమిటీ తన అభిప్రాయాలను నివేదిక రూపంలో సిద్ధం చేసి సమర్పించడం వరకూ వ్యవహారం చేరింది. క్రమశిక్షణ చర్యలు కఠినంగా ఉండాలని కోరినట్లు మల్లు రవి ప్రకటించడంతో కొండా సురేఖ ఎపిసోడ్‌లో ఏం జరుగుతుంది? అనేది మరింత ఆసక్తికరంగా మారింది. రెండు పరిణామాలు ఒకే సమయంలో.. రాజకీయంగా సుస్మిత వ్యాఖ్యల వ్యవహారం.. పరిపాలనా, పోలీసు కోణంలో నార్ల సుమంత్‌ కేసు.. రెండూ ఒకే సమయంలో తెరపైకి రావడంతో కొండా కుటుంబంపై రాజకీయ ఒత్తిడి పెరిగిందన్న చర్చ సాగుతోంది. ఆయన గతంలో మంత్రి సురేఖకు ఓఎస్‌డీగా పనిచేసినందునే ఈ కేసు రాజకీయంగా ప్రాధాన్యం సంతరించుకుంది. రియల్‌ ఎస్టేట్‌ వ్యాపారిపై దాడి, ‘హత్యాయత్నం’ ఆరోపణలతో నమోదైన కేసులో సుమంత్‌ డ్రైవర్‌ నవీన్‌తోపాటు మరో ముగ్గురు అనుచరులను పోలీసులు అరెస్టు చేశారు. సుమంత్‌ కోసం ప్రత్యేక బృందాలు గాలిస్తున్నాయి. కేసు నమోదులో జాప్యం చేశారన్న ఆరోపణల నేపథ్యంలో జూబ్లీహిల్స్‌ సీఐ ముత్తు యాదవ్‌ను సస్పెండ్‌ చేయడం ఈ వ్యవహారానికి మరింత ప్రాధాన్యం తెచ్చింది.అసలు టార్గెట్‌ ఎవరు? ఓరుగల్లులో ఉత్కంఠ ఇప్పటి వరకు కుమార్తె వ్యాఖ్యల వ్యవహారంలో మంత్రి సురేఖను బాధ్యురాలిని చేయాలా? లేదా అది సుస్మిత వ్యక్తిగత వ్యాఖ్య లుగానే పరిగణించాలా? అన్నది కాంగ్రెస్‌లో చర్చ జరిగినా..చివరకు క్రమశిక్షణ సంఘం నివేదికలో సురేఖ వ్యవహారంపైనా అభ్యంతరాలు వ్యక్తం చేసినట్లు సమాచారం. ఇప్పటికే మూడు పర్యాయాలు ఇలాంటి పరిణామాలు చోటుచేసుకున్నాయని కమిటీ ప్రస్తావించడం.. ఈసారి కఠిన చర్యలకు సిఫారసు చేశామనడం.. కొండా శిబిరంలో కలకలం రేపుతోంది. ఇదే సమయంలో సుమంత్‌ కేసులో పోలీసులపై చర్యలు తీసుకోవడం కూడా చర్చకు దారితీసింది. ఈ రెండు పరిణామాల మధ్య పార్టీ అధిష్టానం ఎలాంటి రాజకీయ సమీకరణాన్ని ఎంచుకుంటుందన్నది ఆసక్తికరంగా మారింది. ఇదే సమయంలో ఉమ్మడి వరంగల్‌ ప్రజాప్రతినిధులను హైదరాబాద్‌కు పిలిపించడం.. క్రమశిక్షణ సంఘం నివేదిక తీవ్రత.. పీసీసీ స్థాయిలో తదుపరి కసరత్తుపై జరుగుతున్న ప్రచారం.. ఇవన్నీ కలిపి చూస్తే త్వరలోనే కీలక నిర్ణయం వెలువడే అవకాశముందన్న చర్చ సాగుతోంది. మంత్రి పదవిపై ప్రభావమా? పార్టీ పరంగా చర్యా? వివాదానికి ఫుల్‌స్టాపా? లేక సర్దుబాటా? కాంగ్రెస్‌ అధిష్టానం ఏం తేల్చబోతోందన్నదే ఇప్పుడు ఉమ్మడి వరంగల్‌ రాజకీయ వర్గాల్లో హాట్‌టాపిక్‌గా మారింది.సాక్షి, వరంగల్‌ : వన మహోత్సవంలో పాల్గొనేందుకు మంగళవారం వరంగల్‌కు వచ్చిన మంత్రి కొండా సురేఖను సుస్మిత వ్యాఖ్యలు, సీఎంతో వివాదంపై మీడియా ప్రతినిధులు ప్రశ్నించినా ఆమె స్పందించకుండా మౌనం పాటించడం ఆసక్తికరంగా మారింది. సాధారణంగా రాజకీయ అంశాలపై ఘాటుగా స్పందించే మంత్రి ఈసారి ఎలాంటి వ్యాఖ్యలు చేయకపోవడంతో పార్టీ వర్గాల్లో మరిన్ని ఊహాగానాలు మొదలయ్యాయి. కాగా, అధిష్టానం కదలికలను బట్టే కొండా ఆలోచనలుంటాయని అనుచరులు అంటున్నారు. డ్రైవర్‌ సహా నలుగురు అరెస్టు.. నిర్లక్ష్యం చేసిన సీఐపై వేటు ఒకేసారి రాజకీయ రచ్చ.. పోలీసు కేసు.. హైదరాబాద్‌కు ఉమ్మడి వరంగల్‌ ప్రజాప్రతినిధులు

నర్సంపేట: నర్సంపేట మున్సిపాలిటీలో భూముల వినియోగ మార్పు (ల్యాండ్‌ యూజ్‌ చేంజ్‌) వ్యవహారం ఇప్పుడు వివాదంగా మారింది. పట్టణ పరిధిలోని పలు సర్వే నంబర్లకు సంబంధించిన సుమారు 16,438 చదరపు గజాల భూ వినియోగాన్ని మార్చాలని మంగళవారం జరిగిన కౌన్సిల్‌ సమావేశంలో ప్రతిపాదన తేవడంపై బీఆర్‌ఎస్‌ పార్టీ కౌన్సిలర్లు అభ్యంతరం వ్యక్తం చేశారు. ఇది అక్రమమా..సక్రమమా! పూర్తి వివరాలు తెలియజేసే వరకు ఆమోదించొద్దని బీఆర్‌ఎస్‌ కౌన్సిలర్లతో పాటు బీజేపీ, ఇండిపెండెంట్‌ కౌన్సిలర్లు కమిషనర్‌కు డీసెంట్‌ నోటీసు అందించారు. దీంతో సందిగ్ధత నెలకొంది. బీఆర్‌ఎస్‌ కౌన్సిలర్ల ఆందోళన ఐలుప్‌ మ్యాప్‌ ఉద్దేశాన్ని దెబ్బతీసేలా ఈ మార్పు ఉందని, ఇది పట్టణ భవిష్యత్‌ ప్రణాళికపై తీవ్ర ప్రభావం చూపుతుందని బీఆర్‌ఎస్‌ కౌన్సిలర్లు ఆందోళన వ్యక్తం చేశారు. ఈ మార్పుతో భవిష్యత్‌లో రోడ్లు, పార్కులు, డ్రెయినేజీలు, ఓపెన్‌ స్పేస్‌లకు కేటాయించాల్సిన స్థలాలు కనుమరుగయ్యే ప్రమాదం ఉందన్నారు. సమీప ప్రాంత ప్రజలపై, ట్రాఫిక్‌, తాగునీరు, మౌలిక వసతులపై పడే భారం గురించి ఎలాంటి నివేదికను కౌన్సిల్‌ సమావేశంలో పేర్కొనలేదన్నారు. దీనికి సంబంధించిన మ్యాపులు, టెక్నికల్‌ రిపోర్టులు, అధికారుల అభిప్రాయాలు కౌన్సిలర్లకు ఇవ్వకుండా హడావుడిగా తీర్మానం చేయాలని చూడడం వెనుక అభ్యంతరం ఏమిటని ప్రశ్నిస్తున్నారు. ఇది ప్రజా ప్రయోజనాల కోసమా.. లేదా వ్యక్తిగత ప్రయోజనాల కోసమా? అనే అనుమానాలు కమిషనర్‌కు ఇచ్చిన వినతిలో పేర్కొన్నారు. ఇప్పటికై నా ఈ భూ వినియోగ మార్పుపై టౌన్‌ ప్లానింగ్‌, ఇంజనీరింగ్‌ విభాగాల నుంచి పూర్తి సాంకేతిక నివేదిక తెప్పించి, పారదర్శకంగా వ్యవహారించాలని బీఆర్‌ఎస్‌ కౌన్సిలర్లు డిమాండ్‌ చేస్తూ మున్సిపల్‌ కార్యాలయంలో అభ్యంతర పత్రాన్ని అందించారు. ఈ విషయంపై అధికార పార్టీ కౌన్సిలర్లు, అధికారులు ఏం సమాధానం చెబుతారో వేచి చూడాల్సిందే. సర్వే నంబర్లు ఇవే..కౌన్సిల్‌ సమావేశంలో తీర్మానం కోసం ప్రవేశపెట్టిన సర్వే నంబర్లు 719/1, 722/1, 722/2, 722/1/3, 738/1, 738/2,/1/2, 738/2/2, 739/1/2, 739/2/1/1/2, 739/2/2లో ఉన్న భూములను ఐలుప్‌ మ్యాప్‌లో ఉన్న ప్రస్తుత కేటగిరీ నుంచి వేరే కేటగిరీకి మార్చేందుకు ప్రవేశపెట్టారు. నర్సంపేట కౌన్సిల్‌ సమావేశంలో బీఆర్‌ఎస్‌ కౌన్సిలర్ల అభ్యంతరం కమిషనర్‌కు డీసెంట్‌ నోటీసు అందజేత

కాళోజీ సెంటర్‌: ప్రతీఒక్కరూ మొక్కలు నాటి సంరక్షించాలని జిల్లా ఇంటర్మీడియేట్‌ విద్యాశాఖ అధికారి డాక్టర్‌ శ్రీధర్‌ సుమన్‌ తెలిపారు. మంగళవారం నగరంలోని రంగశాయిపేట, వర్ధన్నపేట ప్రభుత్వ జూనియర్‌ కళాశాలలో వనమహోత్సవంలో భాగంగా మొక్కలు నాటారు. అనంతరం విద్యార్థులకు ఉచితంగా షూ, బ్యాగులను పంపిణీ చేశా రు. ఈ సందర్భంగా డీఐఈఓ మాట్లాడుతూ ప్రభు త్వ జూనియర్‌ కళాశాలల్లో ఉచిత నోట్‌ బుక్స్‌తో పాటు బ్యాగ్స్‌, షూస్‌ తదితర అన్ని సదుపాయాలు అందుబాటులోకి వచ్చాయన్నారు. ఏక్‌ పేడ్‌ మా కే నామ్‌ అనే కార్యక్రమం కింద ప్రతిఒక్కరూ మొక్క నాటి జియో ట్యాగింగ్‌ చేయాలన్నారు. ఈ కార్యక్రమంలో ప్రిన్సిపాల్స్‌ సంపత్‌ కుమార్‌, సుజా త, అధ్యాపకులు, సిబ్బంది పాల్గొన్నారు. డీఐఈఓ శ్రీధర్‌ సుమన్‌

కాశిబుగ్గ: మనిషి మరణించాక నేత్రదానం చేస్తే మరో ఇద్దరికి కంటి చూపు వస్తుందని ప్రాంతీయ నేత్ర వైద్యశాల సూపరింటెండెంట్‌ డాక్టర్‌ రవిశేఖర్‌ అన్నారు. వరంగల్‌లోని కంటి దవాఖానలో మంగళవారం 41వ జాతీయ నేత్రదాన పక్షోత్సవాల ర్యాలీని ఆయన ప్రారంభించారు. అనంతరం ఆయన మాట్లాడుతూ మనిషి మరణించిన తర్వాత కళ్లను దానం చేస్తే మరో ఇద్దరికి కంటి వెలుగు వస్తుందని తెలిపారు. రెండు వారాల పాటు నేత్రదానంపై అవగాహన కల్పించనున్టన్లు పేర్కొన్నారు. వైద్యశాల డాక్టర్లు, సిబ్బంది ఆధ్వర్యంలో ప్రధాన కూడళ్లు, పాఠశాలలు, కళాశాలలు, వృత్తి విద్యా కళాశాలలో నేత్రదానం ఆవశ్యకతపై పలు కార్యక్రమాలు చేపడుతామని ఆయన వివరించారు. వైద్యులు హరిదేవ్‌, చంద్రభాను, అర్చన, విద్యార్థులు, సిబ్బంది పాల్గొన్నారు. కాజీపేట/కాశిబుగ్గ/హన్మకొండ అర్బన్‌: ప్రభుత్వ పారిశ్రామిక శిక్షణ సంస్థ (ఐటీఐ)లు, అడ్వాన్స్‌డ్‌ టెక్నికల్‌ సెంటర్లలో పలు కోర్సుల్లో ప్రవేశాల కోసం దరఖాస్తులు ఆహ్వానిస్తున్నట్లు కాజీపేట, ములుగురోడ్డులోని హనుమకొండ ఐటీఐల ప్రిన్సిపాళ్లు పొన్నాల వేణు, సురేందర్‌ మంగళవారం వేర్వేరు ప్రకటనల్లో తెలిపారు. విద్యార్థులు iti. telangana.gov.inలో సెప్టెంబర్‌ 5 వరకు దరఖాస్తు చేసుకోవాలని వారు పేర్కొన్నారు. దరఖాస్తు చేసుకున్న విద్యార్థులు ఆగస్టు 29 నుంచి సెప్టెంబర్‌ 5 వరకు సంబంధిత కళాశాలలకు హాజరై ధ్రువీకరణ పూర్తి చేసుకోవాలని ప్రిన్సిపాళ్లు కోరారు. కేయూ క్యాంపస్‌: కాకతీయ యూనివర్సిటీ స్పోర్ట్స్‌బోర్డు సెక్రటరీగా బయోటెక్నాలజీ విభాగం అసోసియేట్‌ ప్రొఫెసర్‌ శాస్త్రిని నియమిస్తూ రిజిస్ట్రార్‌ రామచంద్రం మంగళవారం ఉత్తర్వులు జారీచేశారు. ఇప్పటివరకు స్పోర్ట్స్‌బోర్డు సెక్రటరీగా బాధ్యతలు నిర్వర్తించిన వై.వెంకయ్య నుంచి బాధ్యతలు స్వీకరించనున్నారు. ప్రస్తుతం శాస్త్రి బయోటెక్నాలజీ విభాగం అధిపతిగా, బీఓఎస్‌గా, ఫారిన్‌రిలేషన్స్‌ ఆఫీసర్‌గా, తెలంగాణ అకాడమీ ఆఫ్‌ సైన్సెస్‌ ఫెల్లోగా కొనసాగుతున్నారు. వీసీ ప్రతాప్‌రెడ్డి చేతుల మీదుగా ఆయన ఉత్తర్వుల కాపీ అందుకున్నారు. హన్మకొండ అర్బన్‌ : ప్రధానమంత్రి సూక్ష్మ ఆహార పరిశ్రమల పథకం అమలులో ఉత్తమ ప్రతిభ కనబరిచిన హనుమకొండ డీఆర్‌డీఓ రిసోర్స్‌పర్సన్‌ సంగ సంతోష్‌కు కేంద్ర ఫుడ్‌ ప్రాసెసింగ్‌ పరిశ్రమలశాఖ అవార్డు లభించింది. ఢిల్లీలో సోమవారం జరిగిన ఓ కార్యక్రమంలో కేంద్ర ఫుడ్‌ ప్రాసెసింగ్‌ పరిశ్రమల శాఖ మంత్రి చిరాగ్‌ పాశ్వాన్‌ చేతుల మీదుగా ఆయన ఈ అవార్డు అందుకున్నారు. శ్రీప్రియకు సేవానంది పురస్కారంఖిలా వరంగల్‌: వరంగల్‌ ఎరువుల నియంత్రణ ప్రయోగశాలలో అగ్రికల్చర్‌ ఆఫీసర్‌గా విధులు నిర్వర్తిస్తున్న కొత్త శ్రీప్రియకు నందిసేవా పురస్కారం లభించింది. 80వ స్వాతంత్య్ర దినోత్సవం సందర్భంగా హైదరాబాద్‌కు చెందిన గ్లోబల్‌ కల్చరల్‌, యోగా, విద్యా ఫౌండేషన్‌ బాధ్యులు సోమవారం సాయంత్రం హైదరాబాద్‌ త్యాగరాయ గానసభలో ఆమెకు పురస్కారాన్ని అందజేశారు. విద్యారణ్యపురి: హనుమకొండలోని ప్రభుత్వ ప్రాక్టీసింగ్‌ హైస్కూల్‌లో ఎస్‌ఏ1, ఎస్‌ఏ2, ప్రీఫైనల్‌ పరీక్షల కోసం 9, 10 తరగతుల విద్యార్థుల నుంచి రూ.110కి బదులు రూ.150 ఫీజు వసూలు వసూలు చేశారని టీయూటీఎఫ్‌ హనుమకొండ జిల్లా అధ్యక్షుడు నూతనకంటి బాబు మంగళవారం డీఈఓ ఎల్వీ గిరిరాజ్‌గౌడ్‌కు ఫిర్యాదు చేశారు. ఈ విషయమై డీఈఓ ఎల్వీ గిరిరాజ్‌గౌడ్‌ను సాక్షి వివరణ కోరగా విచారణ జరిపించి బాధ్యులపై చర్య తీసుకుంటామన్నారు.

వరంగల్‌ లీగల్‌: రాజీమార్గం ద్వారా కేసులు పరిష్కరించేందుకు లోక్‌ అదాలత్‌ చక్కని అవకాశమని జిల్లా ప్రధాన న్యాయమూర్తి, జిల్లా న్యాయసేవాధికారి సంస్థ చైర్మన్‌ వి.బి నిర్మలా గీతాంబ తెలిపారు. మంగళవారం జిల్లా కోర్టు ప్రాంగణంలో న్యాయసేవా సదనం బిల్డింగ్‌లో జిల్లా న్యాయ సేవాధికార సంస్థ ఆధ్వర్యంలో నిర్వహించిన సమావేశంలో ఆమె పాల్గొని మాట్లాడారు. జాతీయ, రాష్ట్ర న్యాయ సేవాధికార సంస్థల ఆదేశాల మేరకు సెప్టెంబర్‌ 12న (శనివారం) జిల్లా కోర్టు, నర్సంపేట కోర్టులో జాతీయ లోక్‌ అదాలత్‌ నిర్వహించేందుకు అన్ని ఏర్పాట్లు పూర్తి చేసినట్లు తెలిపారు. లోక్‌ అదాలత్‌ ద్వారా ఇరుపక్షాల పరస్పర అంగీకారంతో రాజీపడదగిన క్రిమినల్‌, సివిల్‌, భూ తగాదాలు, మోటార్‌ వాహన ప్రమాద పరిహార కేసులు, వివాహ, కుటుంబ వివాదాలు, బ్యాంకింగ్‌, చెక్‌ బౌన్స్‌, విద్యుత్‌, చిట్‌ఫండ్‌, డిజాస్టర్‌ మేనేజ్‌మెంట్‌, తదితర కేసులను పరిష్కరించేందుకు అవకాశం కల్పిస్తున్నట్లు వివరించారు. కక్షిదారులు ఈ అవకాశాన్ని సద్వినియోగం చేసుకొని, తమ న్యాయవాదులతో కలిసి కేసులను సత్వరమే పరిష్కరించుకోవాలన్నారు. ఈ సమావేశంలో జిల్లా న్యాయ సేవాధికార సంస్థ కార్యదర్శి కందుకూరి పూజ, వరంగల్‌ బార్‌ అసోసియేషన్‌ అధ్యక్షుడు చకిలం ఉపేందర్‌ తదితరులు పాల్గొన్నారు. జిల్లా ప్రధాన న్యాయమూర్తి నిర్మలా గీతాంబ సెప్టెంబర్‌ 12న లోక్‌ అదాలత్‌

న్యూశాయంపేట: రాష్ట్రవ్యాప్తంగా ఎంపిక చేసిన 27 ప్రత్యేక పర్యాటక ప్రాంతాలను ప్రాధాన్యతా క్రమంలో అభివృద్ధి చేయాలని, ప్రతీ జిల్లాలోని పర్యాటక ప్రాంతాలను అనుసంధానిస్తూ సమగ్ర అభివృద్ధి ప్రణాళికలు రూపొందించాలని రాష్ట్ర ప్రభుత్వ ప్రధాన కార్యదర్శి సంజయ్‌జాజు సూచించారు. మంగళవారం హైదరాబాద్‌ నుంచి వీడియో కాన్ఫరెన్స్‌ ద్వారా జిల్లా కలెక్టర్లతో వర్షాభావ పరిస్థితులు, నీట్‌ పీజీ పరీక్ష ఏర్పాట్లు, పర్యాటక అభివృద్ధి తదితర అంశాలపై సమీక్ష నిర్వహించారు. ఈ సందర్భంగా కలెక్టర్‌ డాక్టర్‌ సత్యశారద మాట్లాడుతూ జిల్లాలో నర్సంపేట బిట్స్‌ కాలేజీలో నీట్‌ పీజీ పరీక్ష కేంద్రంలో 132 అభ్యర్థులు పరీక్ష రాయనున్నట్లు తెలిపారు. నిబంధనల మేరకు సంబంధిత అధికా రులతో సమన్వయం చేసుకుని ఏర్పాట్లు పూర్తి చేసినట్లు వివరించారు. వీసీలో కలెక్టర్‌తో పాటు డీసీపీ అంకిత్‌కుమార్‌, అదనపు కలెక్టర్‌ సంధ్యారాణి, డీఆర్‌ఓ విజయలక్ష్మి, ఇన్‌చార్జ్‌ పర్యాటక శాఖా ధికారి విజయభాస్కర్‌, జిల్లా పరిశ్రమల అధి కారి నరసింహామూర్తి, తదితరులు పాల్గొన్నారు. వీసీలో రాష్ట్ర ప్రభుత్వ ప్రధాన కార్యదర్శి సంజయ్‌జాజు

పరకాల: పర్యావరణ పరిరక్షణకు మొక్కలు నాటి సంరక్షించాల్సిన బాధ్యత ప్రతి ఒక్కరిపై ఉందని పరకాల ఎమ్మెల్యే రేవూరి ప్రకాశ్‌రెడ్డి పిలుపునిచ్చారు. వనమహోత్సవంలో భాగంగా వెల్లంపల్లి గ్రామం, పరకాల ప్రభుత్వ డిగ్రీ కళాశాల ఆవరణలో మంగళవారం ఆయన మొక్కలు నాటారు. ఈ సందర్భంగా ఎమ్మెల్యే మాట్లాడుతూ పచ్చదనాన్ని పెంపొందించడం ద్వారా పరిశుభ్రమైన, ఆరోగ్యకరమైన వాతావరణం పొందవచ్చని పేర్కొన్నారు. ప్రజలు విద్యార్థులు, అధ్యాపకులు వనమహోత్సవంలో ఉత్సాహంగా పాల్గొని పర్యావరణ పరిరక్షణ కోసం పాటుపడాలని ఆయన కోరారు. కార్యక్రమంలో పరకాల మున్సిపల్‌ చైర్మన్‌ పావుశెట్టి సునీల్‌కుమార్‌, వైస్‌ చైర్మన్‌ ఏకు దివ్య, తహసీల్దార్‌ టి.విజయలక్ష్మి, ప్రభుత్వ డిగ్రీ కళాశాల ప్రిన్సిపాల్‌ ప్రొఫెసర్‌ సంతోష్‌కుమార్‌, ఇన్‌చార్జ్‌ కమిషనర్‌ సీహెచ్‌ గిరిబాబు, టీఓ డి.రాము, శానిటేషన్‌ అధికారి జి.వెంకట్‌రెడ్డి, మున్సిపల్‌ కౌన్సిలర్లు అల్లె దశరథం, పసుల లావణ్య, గూడెల్లి సదన్‌కుమార్‌, బండి శ్రీధర్‌, బొచ్చు సుభద్ర, పాలకుర్తి శ్రీనివాస్‌, సుదమల్ల రమేష్‌ తదితరులు పాల్గొన్నారు. వనమహోత్సవంలో పరకాల ఎమ్మెల్యే రేవూరి ప్రకాశ్‌రెడ్డి

వరంగల్‌ జిల్లా ప్రధాన న్యాయమూర్తి నిర్మలా గీతాంబ వరంగల్‌ లీగల్‌: రాజీమార్గం ద్వారా కేసులు పరిష్కరించేందుకు లోక్‌ అదాలత్‌ చక్కని అవకాశమని వరంగల్‌ జిల్లా ప్రధాన న్యాయమూర్తి, జిల్లా న్యాయసేవాధికారి సంస్థ చైర్‌పర్సన్‌ వీబీ నిర్మలా గీతాంబ తెలిపారు. మంగళవారం జిల్లా కోర్టు ప్రాంగణంలో న్యాయసేవా సదనం బిల్డింగ్‌లో జిల్లా న్యాయ సేవాధికార సంస్థ ఆధ్వర్యంలో నిర్వహించిన సమావేశంలో ఆమె పాల్గొని మాట్లాడారు. సెప్టెంబర్‌ 12న (శనివారం) జిల్లా కోర్టు, నర్సంపేట కోర్టులో జాతీయ లోక్‌ అదాలత్‌ నిర్వహించేందుకు అన్ని ఏర్పాట్లు పూర్తి చేసినట్లు తెలిపారు. కక్షిదారులు ఈ అవకాశాన్ని సద్వినియోగం చేసుకొని, తమ న్యాయవాదులతో కలిసి కేసులను సత్వరమే పరిష్కరించుకోవాలన్నారు. సమావేశంలో జిల్లా న్యాయ సేవాధికార సంస్థ కార్యదర్శి కందుకూరి పూజ, వరంగల్‌ బార్‌ అసోసియేషన్‌ అధ్యక్షుడు చకిలం ఉపేందర్‌ తదితరులు పాల్గొన్నారు. జానపద గిరిజన విజ్ఞానపీఠం పీఠాధిపతి ఆచార్య గడ్డం వెంకన్న హన్మకొండ కల్చరల్‌: జానపద సాహిత్య అధ్యయనానికి ప్రత్యేక గౌరవం లభించిందని సురవరం ప్రతాపరెడ్డి తెలుగు విశ్వవిద్యాలయం జానపద గిరిజన విజ్ఞానపీఠం ఆచార్య గడ్డం వెంకన్న అన్నారు. 2025 సంవత్సరానికి జానపద సాహిత్య పరిషత్‌ హైదరాబాద్‌ వారు ప్రదానం చేసే జానపద విజ్ఞాన సాఫల్య పురస్కారానికి జిల్లాలోని తెలుగు విశ్వవిద్యాలయం అసిస్టెంట్‌ ప్రొఫెసర్‌ డాక్టర్‌ బాసని సురేశ్‌ ఎంపికయ్యారు. ఈ సందర్భంగా మంగళవారం హంటర్‌రోడ్డులోని విజ్ఞానపీఠంలో జరిగిన కార్యక్రమంలో పీఠాధిపతి ఆచార్య గడ్డం వెంకన్న, అసిస్టెంట్‌ ప్రొఫెసర్లు, సిబ్బంది సురేశ్‌ను శాలువాతో సన్మానించి అభినందించారు. పీఠం అసిస్టెంట్‌ ప్రొఫెసర్లు డాక్టర్‌ శ్రీమంతుల దామోదర్‌, డాక్టర్‌ చూరేపల్లి రవికుమార్‌, అబ్బు గోపాల్‌రెడ్డి, డాక్టర్‌ గంపా సతీశ్‌, పరిశోధకుడు సోనబోయిన సతీశ్‌, విద్యార్థులు పాల్గొన్నారు.

నెక్కొండ: డిజిటల్‌ క్రాప్‌ సర్వేకు రైతులు సహకరించాలని జిల్లా వ్యవసాయశాఖ అధికారి విజయభాస్కర్‌ అన్నారు. ఈ మేరకు మంగళవారం మండలకేంద్రంలో నిర్వహిస్తున్న డిజటల్‌ క్రాప్‌ సర్వేను ఆయన పరిశీలించారు. ఈ సందర్భంగా డీఏఓ మాట్లాడుతూ ఈ నెల 24 నుంచి మొదలైన సర్వేలో నమోదైన పంటల సాగు వివరాల ఆధారంగా కొనుగోలుకు వివరాలు ఉపయోగపడుతాయన్నారు. ఎల్‌నీనో ప్రభావంతో ప్రత్యామ్నాయ పంటల గురించి అవగాహన కల్పించారు. రాబోయే రోజు ల్లో సోయాబీన్‌ పంట విస్తీర్ణం పెంచాలన్నారు. ఈ కార్యక్రమంలో ఏఓ నాగరాజు, ఏఈఓలు వసంత, అఖిల్‌, అరుణ్‌, రైతులు, తదితరులు పాల్గొన్నారు. పర్యావరణ పరిరక్షణకు పాటుపడాలి మొక్కలు పెంచి పర్యావరణ పరిరక్షణకు పాటుపడాలని డీఏఓ, మండల ప్రత్యేక అధికారి విజయభా స్కర్‌ అన్నారు. మండలంలోని నెక్కొండ తండా ప రిధిలోని పోస్ట్‌ మెట్రిక్‌ హాస్టల్‌ ఆవరణలో మంగళవారం వన మహోత్సవంలో భాగంగా పలువురితో కలిసి మొక్కలు నాటారు. ఈ కార్యక్రమంలో నెక్కొ ండ పీఏసీఎస్‌ చైర్మన్‌ చల్లా శ్రీపాల్‌రెడ్డి, స్థానిక ఏ ఎంసీ చైర్మన్‌ రావుల హరీశ్‌రెడ్డి, ఎంపీడీఓ యాసం లావణ్య, ఏపీఓ జాకబ్‌, సిబ్బంది తదితరులు పాల్గొన్నారు. డీఏఓ విజయభాస్కర్‌

సాక్షి, వరంగల్‌: హైదరాబాద్‌–వరంగల్‌ జాతీయ రహదారి... రెండు నగరాల మధ్య రాకపోకలకు కీలకమైన కారిడార్‌. పారిశ్రామిక, వాణిజ్య కార్యకలాపాలు విస్తరిస్తుండడం.. నగరాల చుట్టూ జనాభా, వాహనాల సంఖ్య పెరుగుతుండటంతో ఈ మార్గంపై రద్దీ కూడా క్రమంగా పెరుగుతోంది. ఈ నేపథ్యంలో నాలుగు లేన్లుగా ఉన్న రహదారిని భవిష్యత్‌ అవసరాలకు అనుగుణంగా ఆరు లేన్లుగా విస్తరించాలని నేషనల్‌ హైవే అథారిటీ ఆఫ్‌ ఇండియా (ఎన్‌హెచ్‌ఏఐ) అధికారులు నిర్ణయించారు. ప్రస్తుతం హైదరాబాద్‌–యాదగిరిగుట్ట సెక్షన్‌లో 35.65 కిలోమీటర్ల మేర నాలుగు లేన్ల రహదారిని ఆరు లేన్లుగా మార్చేందుకు సమగ్ర ప్రాజెక్టు నివేదిక (డీపీఆర్‌) తయారీకి కన్సల్టెన్సీ టెండర్‌ పిలిచింది. ఇదీ వరంగల్‌కు పరోక్ష ప్రయోజనం.. నాలుగు లేన్ల రహదారిపై వాహనాల సంఖ్య పెరిగే కొద్దీ ఓవర్‌ టేకింగ్‌, లేన్‌ మార్పులు, జంక్షన్ల వద్ద రద్దీ పెరిగే అవకాశం ఉంటుంది. ఆరు లేన్లుగా విస్తరిస్తే వాహనాలకు అదనపు లేన్‌ సామర్థ్యం అందుబాటులోకి వస్తుంది. ఫలితంగా రద్దీని మెరుగ్గా నిర్వహించేందుకు అవకాశం ఉంటుంది. ముఖ్యంగా హైదరాబాద్‌ శివారు ప్రాంతాలనుంచి యాదగిరిగుట్ట, జనగామ, వరంగల్‌ వైపు నిత్యం రాకపోకలు సాగించే ప్రయాణికులకు ప్రయోజనం కలగవచ్చు. హైదరాబాద్‌– యాదగిరి భాగం ఆరు లేన్లుగా అభివృద్ధి చెందితే హైదరాబాద్‌ నుంచి వరంగల్‌ వైపు వచ్చే మొత్తం కారిడార్‌ సామర్థ్యం పెంచే దిశలో ఇది ఒక ముఖ్యమైన కీలక అడుగుగా మారనుంది. పారిశ్రామిక ప్రాంతాలకు సరకు రవాణా, వ్యాపార వాహనాల రాకపోకలు, అంతర్‌నగర ప్రయాణాలకు మెరుగైన మౌలిక వసతులు అందుబాటులోకి రావడానికి దోహదపడే అవకాశం ఉంది. భవిష్యత్‌లోనూ యాదగిరి నుంచి వరంగల్‌ రహదారి కూడా ఆరు లేన్ల విస్తరణకు అవకాశముంది. హైదరాబాద్‌–వరంగల్‌ కారిడార్‌కు పెరగనున్న సామర్థ్యం హైదరాబాద్‌–యాదగిరిగుట్ట వరకు 35.65 కి.మీ. విస్తరణకు డీపీఆర్‌ టెండర్‌ రాబోయే రోజుల్లో యాదగిరిగుట్టనుంచి వరంగల్‌ రహదారి విస్తరణకు చాన్స్‌

సాక్షిప్రతినిధి, వరంగల్‌: ఓటర్ల జాబితాలో ఉండేదెవరు? పోయేదెవరు? అన్నది తేల్చేందుకు రంగం సిద్ధమైంది. ఎస్‌ఐఆర్‌లో భాగంగా ముసాయిదా జాబితాలో గుర్తించిన వివిధ కేటగిరీల ఓటర్లపై రేపటి (27వ తేదీ) నుంచి విచారణ ప్రారంభం కానుంది. ఇప్పటికే గుర్తించిన అస్పష్ట వివరాలున్న ఓటర్లకు నోటీసులు జారీ చేస్తున్నారు. నోటీసులు అందుకున్న వారి నుంచి వివరణ తీసుకుని, అవసరమైన ఆధారాలను పరిశీలించిన అనంతరం తుది ఓటర్ల జాబితాలో ఎవరిని కొనసాగించాలి? ఎవరిని తొలగించాలి? అనేది అధికారులు నిర్ణయించనున్నారు. జూన్‌ 10 నాటికి ఉమ్మడి వరంగల్‌లో 30,53,238 మంది ఓటర్లు ఉండగా.. ఆగస్టు 17 నాటి ముసాయిదా జాబితాలో ఆ సంఖ్య 26,77,498కు తగ్గింది. అంటే 3,75,740 ఓట్లు.. 12.30 శాతం తగ్గాయి. నోటీసులు.. విచారణ.. తేలేదెవరు.. ఓటర్లకు నోటీసులు జారీ చేసి.. వారు అదే చిరునామాలో నివసిస్తున్నారా? ఓటరుగా కొనసాగేందుకు అర్హత ఉందా? ఇప్పటికే మరోచోట ఓటరుగా నమోదయ్యారా? అని అధికారులు ఈనెల 27 నుంచి విచారణ చేయనున్నారు. శాశ్వతంగా తరలివెళ్లినట్లు గుర్తించిన వారి విషయంలో చిరునామా, ప్రస్తుత నివాసం తదితర వివరాలను పరిశీలించనున్నారు. చనిపోయినవారి వివరా లను సంబంధిత రికార్డులతో సరిపోల్చనున్నారు. ఆన్‌ ట్రెసబుల్‌/ఆబ్సెంట్‌ కేటగిరీలో ఉన్నవారి విషయంలో క్షేత్రస్థాయి విచారణ కీలకం కానుంది. మరోవైపు జాబితాలో కొనసాగుతున్నప్పటికీ అనామలీస్‌ ఉన్నట్లు గుర్తించిన ఓటర్లపైనా విచారణ జరగనుంది. ఉమ్మడి వరంగల్‌లో ఇలాంటి వారు 4,83,803 మంది ఉన్నారు. అలాగే 1,61,935 మంది ఓటర్లకు నో మ్యాపింగ్‌ ఉన్నట్లు గుర్తించారు. మరోచోట ఇప్పటికే ఓటరుగా నమోదైన 47,177 మంది కూడా కీలక కేటగిరీలో ఉన్నారు. సంబంధిత ఆధారాలు, చిరునామా, ఓటరు వివరాలు పరిశీలించిన తర్వాతే వీరిపై తుది నిర్ణయం తీసుకోనున్నారు. అప్పీల్‌కు ప్రత్యేక సెల్‌.. సెప్టెంబర్‌ 20 నాటికి ప్రక్రియ పూర్తి.. తమ పేరు తొలగించే అవకాశం ఉందని భావించే వారు, అధికారుల నిర్ణయంపై అభ్యంతరం ఉన్నవారు అప్పీల్‌ చేసుకునే అవకాశం కల్పించనున్నారు. ఇందుకోసం జిల్లా ఎన్నికల అధికారి (డీఈఓ) కార్యాలయాల్లో ఏర్పాటు చేసిన ప్రత్యేక సెల్‌లు వినియోగించుకోవచ్చు. కాగా, నోటీసులు, విచారణ, అభ్యంతరాలు, అప్పీళ్ల ప్రక్రియను సెప్టెంబర్‌ 20 నాటికి ఈ ప్రక్రియను పూర్తి చేసేలా అధికారులు లక్ష్యంగా పెట్టుకున్నట్లు సమాచారం. అనంతరం తుది జాబితా రూపకల్పన దిశగా ముందుకు వెళ్లనున్నారు. తుది జాబితాతోనే అసలు లెక్క ప్రస్తుతం ఉన్నవి ముసాయిదా జాబితా గణాంకాలు మాత్రమే. విచారణలో అర్హత నిర్ధారణ అయితే కొందరు ఓటర్లు తుది జాబితాలో తిరిగి చేరవచ్చు. సరైన ఆధారాలు లేకపోవడం, మర ణం, శాశ్వత వలస, డూప్లికేట్‌ నమోదు తదితరాలు నిర్ధారణ అయితే మరికొందరి పేర్లు తొలగిపోవచ్చు. అందుకే ప్రస్తుతం కనిపిస్తున్న 3.75 లక్షల తగ్గింపు తుది సంఖ్య కాదు. విచారణ, నోటీసులు, క్లెయిమ్‌లు–అభ్యంతరాలు, అప్పీళ్ల తర్వాతే ఉమ్మడి వరంగల్‌లో తుది ఓటర్ల సంఖ్యపై స్పష్టత రానుంది. ఈనెల 27 నుంచి జరిగే విచారణతో ఈ ప్రశ్నకు సమాధానం మొదలు కానుంది. సెప్టెంబర్‌ 20 నాటికి పూర్తయ్యే ప్రక్రియతో వివిధ కేటగిరీల్లోని ఓటర్లలో ఎవరు జాబితాలో ఉంటారు? ఎవరి పేర్లు తొలగుతాయి? అన్నదానిపై స్పష్టత రానుంది. చనిపోయింది 79,275తగ్గిన ఓటర్లు 3,75,740వలసవెళ్లింది 2,34,122ఆన్‌ట్రెసబుల్‌ 14,362ఇతర కేటగిరీ 804మరోచోట నమోదు 47,177 అనామలీస్‌, డూప్లికేట్‌, వలస ఓటర్లు, ఆన్‌ట్రెసబుల్‌కు నోటీసులు రేపటి నుంచి అధికారుల విచారణ

సీపీ శ్వేత, హనుమకొండ కలెక్టర్‌ చాహత్‌ హన్మకొండ అర్బన్‌: రోడ్డు ప్రమాదాల నివారణకు పటిష్ట చర్యలు చేపట్టాలని వరంగల్‌ పోలీస్‌ కమిషనర్‌ ఎన్‌న్‌.శ్వేత, హనుమకొండ కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. హనుమకొండ కలెక్టరేట్‌లో మంగళవారం జిల్లాస్థాయి రోడ్డు భద్రతా కమిటీ సమావేశం నిర్వహించారు. ఈ సందర్భంగా సీపీ శ్వేత మాట్లాడుతూ వాహనదారులు తప్పనిసరిగా రోడ్డు భద్రతా నిబంధనలు పాటించేలా చూడాలని సూచించారు. ప్రైవేట్‌ బస్సులు, టాక్సీలను రంగలీల మైదానం, హయగ్రీవాచారి మైదానాల్లో పార్కింగ్‌ చేసేలా చర్యలు చేపట్టాలని అన్నారు. కలెక్టర్‌ చాహత్‌బాజ్‌పాయ్‌ మాట్లాడుతూ హసన్‌పర్తి చెరువు కట్ట వద్ద రోడ్డు విస్తరణ పూర్తయినందున డివైడర్లు ఏర్పాటు చేయాలని, పోతననగర్‌లో డ్రైనేజీ పనులు పూర్తి చేయాలని సూచించారు. మట్టి గణపతి విగ్రహాలపై అవగాహన కల్పించాలని కోరారు. సెంట్రల్‌ జోన్‌ డీసీపీ దార కవిత, అదనపు కలెక్టర్లు ఎన్‌..రవి, శేషాద్రి, గ్రేటర్‌ కమిషనర్‌ వెంకన్న, ఎన్‌హెచ్‌ ప్రాజెక్టు డైరెక్టర్‌ భరద్వాజ్‌, ట్రాఫిక్‌ ఏసీపీ సత్యనారాయణ, కుడా సీపీఓ అజిత్‌రెడ్డి ఉన్నారు. అభివృద్ధి పనులు వేగవంతం చేయాలి జిల్లాలో పంచాయతీరాజ్‌ ఇంజనీరింగ్‌ విభాగం చేపట్టిన అభివృద్ధి పనులను వేగవంతం చేయాలని హనుమకొండ కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. కలెక్టరేట్‌లో మంగళవారం పలు శాఖల అధికారుల సమీక్షలో కలెక్టర్‌ మాట్లాడారు. ఇంకా మొదలుకాని సీసీ రోడ్లు, డ్రైనేజీలు, వీఓ భవనాల నిర్మాణ పనులు త్వరగా ప్రారంభించాలన్నారు. మళ్లీ వారం రోజుల్లో సమీక్ష నిర్వహించనున్నట్లు తెలిపారు. సమావేశంలో జిల్లా స్థానిక సంస్థల అదనపు కలెక్టర్‌ (ఇన్‌చార్జ్‌) శేషాద్రి, డీఆర్‌డీఓ మేన శ్రీను, పంచాయతీరాజ్‌ ఎస్‌ఈ శ్రీనివాస్‌రావు, డీఈలు శ్రీనివాసరావు, రాజ గోపాల్‌, శిరీష, శ్రీనివాస్‌రెడ్డి పాల్గొన్నారు.

సాక్షి, వరంగల్‌: హైదరాబాద్‌–వరంగల్‌ జాతీయ రహదారి... రెండు నగరాల మధ్య రాకపోకలకు కీలకమైన కారిడార్‌. పారిశ్రామిక, వాణిజ్య కార్యకలాపాలు విస్తరిస్తుండడం.. నగరాల చుట్టూ జనా భా, వాహనాల సంఖ్య పెరుగుతుండటంతో ఈ మార్గంపై రద్దీ కూడా క్రమంగా పెరుగుతోంది. ఈ నేపథ్యంలో నాలుగు లేన్లుగా ఉన్న రహదారిని భ విష్యత్‌ అవసరాలకు అనుగుణంగా ఆరు లేన్లుగా వి స్తరించాలని నేషనల్‌ హైవే అథారిటీ ఆఫ్‌ ఇండియా (ఎన్‌హెచ్‌ఏఐ) అధికారులు నిర్ణయించారు. ప్రస్తు తం హైదరాబాద్‌–యాదగిరిగుట్ట సెక్షన్‌లో 35.65 కిలోమీటర్ల మేర నాలుగు లేన్ల రహదారిని ఆరు లేన్లుగా మార్చేందుకు సమగ్ర ప్రాజెక్టు నివేదిక (డీపీఆర్‌) తయారీకి కన్సల్టెన్సీ టెండర్‌ పిలిచింది. ఇదీ వరంగల్‌కు పరోక్ష ప్రయోజనం.. నాలుగు లేన్ల రహదారిపై వాహనాల సంఖ్య పెరిగే కొద్దీ ఓవర్‌ టేకింగ్‌, లేన్‌ మార్పులు, జంక్షన్ల వద్ద రద్దీ పెరిగే అవకాశం ఉంటుంది. ఆరు లేన్లుగా విస్తరిస్తే వాహనాలకు అదనపు లేన్‌ సామర్థ్యం అందుబాటులోకి వస్తుంది. ఫలితంగా రద్దీని మెరుగ్గా ని ర్వహించేందుకు అవకాశం ఉంటుంది. ముఖ్యంగా హైదరాబాద్‌ శివారు ప్రాంతాలనుంచి యాదగిరిగుట్ట, జనగామ, వరంగల్‌ వైపు నిత్యం రాకపోకలు సాగించే ప్రయాణికులకు ప్రయోజనం కలగవచ్చు. హైదరాబాద్‌– యాదగిరి భాగం ఆరు లేన్లుగా అభివృద్ధి చెందితే హైదరాబాద్‌ నుంచి వరంగల్‌ వైపు వచ్చే మొత్తం కారిడార్‌ సామర్థ్యం పెంచే దిశలో ఇది ఒక ముఖ్యమైన కీలక అడుగుగా మారనుంది. పారిశ్రామిక ప్రాంతాలకు సరకు రవాణా, వ్యాపార వాహనాల రాకపోకలు, అంతర్‌నగర ప్రయాణా లకు మెరుగైన మౌలిక వసతులు అందుబాటులోకి రావడానికి దోహదపడే అవకాశం ఉంది. హైదరాబాద్‌–వరంగల్‌ కారిడార్‌కు పెరగనున్న సామర్థ్యం హైదరాబాద్‌–యాదగిరిగుట్ట వరకు 35.65 కి.మీ. విస్తరణకు డీపీఆర్‌ టెండర్‌ రాబోయే రోజుల్లో యాదగిరిగుట్టనుంచి వరంగల్‌ రహదారి విస్తరణకు చాన్స్‌

న్యూశాయంపేట: ఓటరు జాబితా ప్రత్యేక సవరణ (ఎస్‌ఐఆర్‌) ప్రక్రియలో భాగంగా రాజకీయ పార్టీల ప్రతినిధులతో మంగళవారం కలెక్టర్‌ డాక్టర్‌ సత్యశారద సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ ఈనెల 27న అన్ని పోలింగ్‌ కేంద్రాల పరిధిలోని గ్రామ, వార్డుల్లో సభలు నిర్వహించనున్నట్లు తెలిపారు. ఈ సమావేశాల్లో బీఎల్‌ఓలు తమ పరిధిలోని ఓటర్ల జాబితాలను ప్రజల ముందు ప్రదర్శించి తప్పులు, మార్పులు, కొత్త ఓటర్ల నమోదుకు సంబంధించిన వివరాలు తెలియజేస్తారన్నారు. ఆయా పార్టీల ప్రతినిధులు ఓటర్ల జాబితా వివరాలను పరిశీలించి అర్హతలేని పేర్లు జాబితాలో ఉంటే బీఎల్‌ఓలకు తెలియజేయాలన్నారు. ఈ సమావేశంలో అదనపు కలెక్టర్లు సంధ్యారాణి, వైవీ.గణేశ్‌, డీఆర్‌ఓ విజయలక్ష్మి, ఆర్డీఓలు సుమా, ఉమారాణి, తదితరులు పాల్గొన్నారు. ఆర్‌అండ్‌ఆర్‌ సమస్యలు పరిష్కరించాలి పెండింగ్‌ భూ సేకరణ, ఆర్‌ అండ్‌ ఆర్‌ సమస్యలను పరిష్కరించాలని రాష్ట్ర నీటి పారుదల శాఖ మంత్రి ఉత్తమ్‌కుమార్‌రెడ్డి కలెక్టర్లను ఆదేశించారు. మంగళవారం హైదరాబాద్‌ సచివాలయం నుంచి వీడియో కాన్ఫరెన్స్‌ ద్వారా అన్ని జిల్లా కలెక్టర్లతో సాగునీటి ప్రాజెక్టుల పరిధిలో పెండింగ్‌ భూసేకరణ, ఆర్‌ అండ్‌ ఆర్‌ సమస్యలపై సమీక్ష నిర్వహించారు. జిల్లా నుంచి కలెక్టర్‌ సత్యశారద, అదనపు కలెక్టర్‌ సంధ్యారాణి, ఆర్డీఓలు సుమ, ఉమారాణి, అధికారులు పాల్గొన్నారు. వివిధ పార్టీల ప్రతినిధులతో కలెక్టర్‌ సమావేశం

సాక్షి ప్రతినిధి, వరంగల్‌: వరంగల్‌ తూర్పు ఎమ్మెల్యే, రాష్ట్ర మంత్రి కొండా సురేఖ కుటుంబాన్ని చుట్టుముట్టిన పరిణా మాలు ఉమ్మడి వరంగల్‌ కాంగ్రెస్‌ రాజకీయాల్లో తీవ్ర ఉత్కంఠ రేపుతున్నాయి. ఒకవైపు ముఖ్యమంత్రి ఎ.రేవంత్‌రెడ్డి, ఇతర కాంగ్రెస్‌ నేతలపై మంత్రి కుమార్తె సుస్మిత చేసిన వ్యాఖ్యల వ్యవహారంలో క్రమశిక్షణ సంఘం నివేదిక పీసీసీ చీఫ్‌కు చేరడం.. మరోవైపు మంత్రి మాజీ ఓఎస్‌డీ సుమంత్‌పై నమోదైన హత్యాయత్నం కేసులో వరుస అరెస్టులు, జూబ్లీహిల్స్‌ ఇన్‌స్పెక్టర్‌ ముత్తు యాదవ్‌ సస్పెన్షన్‌.. ఇలా ఒకదాని వెంట ఒకటి పరిణామాలు చోటుచేసుకోవడంతో ‘ఇక కొండాపై ఏం తేల్చనున్నారు?’ అన్న చర్చ పొలిటికల్‌ సర్కిళ్లలో సాగుతోంది. టీపీసీసీకి ‘క్రమశిక్షణ’ నివేదిక.. ‘కొండా’ శిబిరంలో కలకలం.. కొండా సుస్మిత వ్యాఖ్యలు, తదుపరి పరిణామాలపై విచారణ పూర్తి చేసి నివేదికను పీసీసీ అధ్యక్షుడు మహేశ్‌కుమార్‌ గౌడ్‌కు అందించినట్లు టీపీసీసీ క్రమశిక్షణ సంఘం చైర్మన్‌ మల్లు రవి మంగళవారం సాయంత్రం మీడియా సమావేశంలో వెల్ల డించారు. మంత్రి సురేఖకు నోటీసులు జారీ చేయ డం, ఆమె వివరణ ఇవ్వడం, అనంతరం కమిటీ తన అభిప్రాయాలను నివేదిక రూపంలో సిద్ధం చేసి సమర్పించడం వరకూ వ్యవహారం చేరింది. క్రమశిక్షణ చర్యలు కఠినంగా ఉండాలని కోరినట్లు మల్లు రవి ప్రకటించడంతో కొండా సురేఖ ఎపిసోడ్‌లో ఏం జరుగుతుంది? అనేది మరింత ఆసక్తికరంగా మారింది. రెండు పరిణామాలు ఒకే సమయంలో.. రాజకీయంగా సుస్మిత వ్యాఖ్యల వ్యవహారం.. పరిపాలనా, పోలీసు కోణంలో నార్ల సుమంత్‌ కేసు.. రెండూ ఒకే సమయంలో తెరపైకి రావడంతో కొండా కుటుంబంపై రాజకీయ ఒత్తిడి పెరిగిందన్న చర్చ సాగుతోంది. ఆయన గతంలో మంత్రి సురేఖకు ఓఎస్‌డీగా పనిచేసినందునే ఈ కేసు రాజకీయంగా ప్రాధాన్యం సంతరించుకుంది. రియల్‌ ఎస్టేట్‌ వ్యాపారిపై దాడి, ‘హత్యాయత్నం’ ఆరోపణలతో నమోదైన కేసులో సుమంత్‌ డ్రైవర్‌ నవీన్‌తోపాటు మరో ముగ్గురు అనుచరులను పోలీసులు అరెస్టు చేశారు. సుమంత్‌ కోసం ప్రత్యేక బృందాలు గాలిస్తున్నాయి. కేసు నమోదులో జాప్యం చేశారన్న ఆరోపణల నేపథ్యంలో జూబ్లీహిల్స్‌ సీఐ ముత్తు యాదవ్‌ను సస్పెండ్‌ చేయడం ఈ వ్యవహారానికి మరింత ప్రాధాన్యం తెచ్చింది.అసలు టార్గెట్‌ ఎవరు? ఓరుగల్లులో ఉత్కంఠ ఇప్పటి వరకు కుమార్తె వ్యాఖ్యల వ్యవహారంలో మంత్రి సురేఖను బాధ్యురాలిని చేయాలా? లేదా అది సుస్మిత వ్యక్తిగత వ్యాఖ్య లుగానే పరిగణించాలా? అన్నది కాంగ్రెస్‌లో చర్చ జరిగినా..చివరకు క్రమశిక్షణ సంఘం నివేదికలో సురేఖ వ్యవహారంపైనా అభ్యంతరాలు వ్యక్తం చేసినట్లు సమాచారం. ఇప్పటికే మూడు పర్యాయాలు ఇలాంటి పరిణామాలు చోటుచేసుకున్నాయని కమిటీ ప్రస్తావించడం.. ఈసారి కఠిన చర్యలకు సిఫారసు చేశామనడం.. కొండా శిబిరంలో కలకలం రేపుతోంది. ఇదే సమయంలో సుమంత్‌ కేసులో పోలీసులపై చర్యలు తీసుకోవడం కూడా చర్చకు దారితీసింది. ఈ రెండు పరిణామాల మధ్య పార్టీ అధిష్టానం ఎలాంటి రాజకీయ సమీకరణాన్ని ఎంచుకుంటుందన్నది ఆసక్తికరంగా మారింది. ఇదే సమయంలో ఉమ్మడి వరంగల్‌ ప్రజాప్రతినిధులను హైదరాబాద్‌కు పిలిపించడం.. క్రమశిక్షణ సంఘం నివేదిక తీవ్రత.. పీసీసీ స్థాయిలో తదుపరి కసరత్తుపై జరుగుతున్న ప్రచారం.. ఇవన్నీ కలిపి చూస్తే త్వరలోనే కీలక నిర్ణయం వెలువడే అవకాశముందన్న చర్చ సాగుతోంది. మంత్రి పదవిపై ప్రభావమా? పార్టీ పరంగా చర్యా? వివా దానికి ఫుల్‌స్టాపా? లేక సర్దుబాటా? కాంగ్రెస్‌ అధిష్టానం ఏం తేల్చబోతోందన్నదే ఇప్పుడు ఉమ్మడి వరంగల్‌ రాజకీయ వర్గాల్లో హాట్‌టాపిక్‌గా మారింది.సాక్షి, వరంగల్‌ : వన మహోత్సవంలో పాల్గొనేందుకు మంగళవారం వరంగల్‌కు వచ్చిన మంత్రి కొండా సురేఖను సుస్మిత వ్యాఖ్యలు, సీఎంతో వివాదంపై మీడియా ప్రతినిధులు ప్రశ్నించినా ఆమె స్పందించకుండా మౌనం పాటించడం ఆసక్తికరంగా మారింది. సాధారణంగా రాజకీయ అంశాలపై ఘాటుగా స్పందించే మంత్రి ఈసారి ఎలాంటి వ్యాఖ్యలు చేయకపోవడంతో పార్టీ వర్గాల్లో మరిన్ని ఊహాగానాలు మొదలయ్యాయి. కాగా, అధిష్టానం కదలికలను బట్టే కొండా ఆలోచనలుంటాయని అనుచరులు అంటున్నారు. డ్రైవర్‌ సహా నలుగురి అరెస్టు.. నిర్లక్ష్యం చేసిన సీఐపై వేటు ఒకేసారి రాజకీయ రచ్చ.. పోలీసు కేసు.. హైదరాబాద్‌కు ఉమ్మడి వరంగల్‌ ప్రజాప్రతినిధులు

● కలెక్టర్‌ చాహత్‌ బాజ్‌పాయ్‌ హన్మకొండ అర్బన్‌: ఈనెల 30న నిర్వహించనున్న నీట్‌ పీజీ–26 పరీక్షకు పకడ్బందీ ఏర్పాట్లు పూర్తి చేయాలని కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. హనుమకొండ కలెక్టరేట్‌లోని మినీ కాన్ఫరెన్స్‌ హాల్‌లో సోమవారం పరీక్ష నిర్వహణ ఏర్పాట్లపై వివిధ శాఖల అధికారులతో సమన్వయ సమావేశం నిర్వహించారు. ఇందులో డీసీపీ దారా కవిత, డీఎంహెచ్‌ఓ అప్పయ్య, ఇతర అధికారులు పాల్గొన్నారు. ఎస్‌ఐఆర్‌ ప్రక్రియ వేగవంతానికి చర్యలు జిల్లాలో ప్రత్యేక ఓటర్ల సమగ్ర సర్వే (సర్‌) మ్యాపింగ్‌ కాని, అనామలీస్‌ ఓటర్ల జాబితా ప్రక్రియ వేగవంతానికి పటిష్ట చర్యలు తీసుకుంటున్న కలెక్టర్‌, జిల్లా ఎన్నికల అధికారి చాహత్‌ బాజ్‌పాయ్‌ తెలిపారు. సోమవారం ఎస్‌ఐఆర్‌ ప్రక్రియపై రాష్ట్ర ప్రధాన ఎన్నికల అధికారి సి.సుదర్శన్‌రెడ్డి కలెక్టర్లు, జిల్లా ఎన్నికల అధికారులతో వీడియో కాన్ఫరెన్స్‌ ద్వారా సమీక్ష నిర్వహించారు. సమావేశంలో కలెక్టరేట్‌ నుంచి పాల్గొన్న కలెక్టర్‌ చాహత్‌ బాజ్‌ పాయ్‌ మాట్లాడుతూ... జిల్లాలో ఎస్‌ఐఆర్‌లో మ్యాపింగ్‌ కాని, అనామలీస్‌ జాబితాలో ఉన్న 1.32 లక్షల మంది ఓటర్లకు నోటీసులు జారీ చేస్తున్నట్లు తెలిపారు. వీడియో కాన్ఫరెన్స్‌ అనంతరం కలెక్టర్‌ సంబంధిత అధికారులతో సమీక్ష నిర్వహించారు. అర్జీల పరిష్కారానికి చర్యలు చేపట్టాలి హన్మకొండ అర్బన్‌: ప్రజావాణిలో ప్రజల నుంచి స్వీకరించిన అర్జీలను పెండింగ్‌లో ఉంచకుండా గడువులోగా పరిష్కరించాలని హనుమకొండ కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. సోమవారం కలెక్టరేట్‌లో నిర్వహించిన ప్రజావాణిలో కలెక్టర్‌, అదనపు కలెక్టర్‌ ఎన్‌.రవి ప్రజల నుంచి అర్జీలు స్వీకరించారు. ఈసందర్భంగా కలెక్టర్‌ చాహత్‌ బాజ్‌పాయ్‌ మాట్లాడుతూ.. ప్రజావాణి పోర్టల్‌లో పెండింగ్‌లో ఉన్న దరఖాస్తులను వెంటనే పరిష్కరించాలన్నారు. ప్రజావాణికి అధికారులు సమయానికి హాజరు కావాలని, కారుణ్య నియామకాల భర్తీకి శాఖల వారీగా వివరాలు అందించాలని ఆదేశించారు. మంగళవారం నిర్వహించే వన మహోత్సవాన్ని విజయవంతం చేయాలని సూచించారు. కలెక్టరేట్‌తో పాటు హనుమకొండ, పరకాల ఆర్డీఓ కార్యాలయాలు, మండల పరిషత్‌ అభివృద్ధి కార్యాలయాల్లోనూ ప్రజావాణి నిర్వహించారు. జిల్లా అటవీ శాఖ అధికారి ముకుందరెడ్డి వన మహోత్సవం ఏర్పాట్లపై అధికారులకు వివరించారు. కార్యక్రమంలో అదనపు కలెక్టర్‌ శేషాద్రి, డీఆర్‌ఓ శ్రీనివాస్‌, డీఆర్డీఓ మేన శ్రీను, సీపీఓ సత్యనారాయణరెడ్డి పాల్గొన్నారు.

వరంగల్‌ లీగల్‌: జాతీయ, రాష్ట్ర న్యాయసేవాధికార సంస్థల ఆదేశాల మేరకు హనుమకొండ జిల్లా న్యాయ సేవాధికార సంస్థ ఆధ్వర్యంలో సెప్టెంబర్‌ 12న నిర్వహించే జాతీయ లోక్‌ అదాలత్‌ను విజయవంతం చేయాలని న్యాయవాదులు, కక్షిదారులకు హనుమకొండ జిల్లా ప్రధాన న్యాయమూర్తి మంత్రి రామకృష్ణ సునీత పిలుపునిచ్చారు. రాజీపడదగు క్రిమి నల్‌, సివిల్‌ కేసులు, భూ తగాదాల కేసులు, మోటార్‌ వెహికిల్‌ యాక్సిడెంట్‌ కేసులు, వివాహ, కుటుంబ తగాదా కేసులు, బ్యాంకు, ఇన్సూరెన్స్‌ కేసులు, ఎకై ్సజ్‌ కేసులు, ప్రీ–లిటిగేషన్‌ కేసులు, ఇతర కేసులను ఇరుపక్షాల అంగీకారంతో పరిష్కరించేందుకు సిద్ధంగా ఉన్నట్లు పేర్కొన్నారు. లోక్‌ అదాలత్‌పై ఎలాంటి సలహాలు, సందేహాలు, సూచనలకు హనుమకొండ జిల్లా న్యాయసేవాధికార సంస్థను ఆశ్రయించి, ఉచిత న్యాయ సలహాలు, సూచనలు పొందాలని కోరారు. లోక్‌ అదాలత్‌లో భాగంగా హనుమకొండ కోర్టులో 9, పరకాల కోర్టులో 1 బెంచ్‌ ఏర్పాటు చేసినట్లు ఆమె వివరించారు. జిల్లాలో మోస్తరు వర్షం హన్మకొండ: హనుమకొండ జిల్లాలో తేలికపాటి నుంచి మోస్తరు వర్షం కురిసింది. బంగాళాఖాతంలో ఏర్పడిన అల్పపీడనంతో రెండు రోజులుగా ఆకాశం మేఘావృతమై చిరు జల్లులు కురుస్తున్నాయి. ఆదివారం ఉదయం 8.30 నుంచి సోమవారం ఉదయం 8.30 వరకు జిల్లాలో సగటున 13.9 మిల్లీ మీటర్ల వర్షం కురిసింది. అత్యధికంగా ధర్మసాగర్‌లో 50.4 మిల్లీమీటర్ల వర్షపాతం నమోదైంది. ఐనవోలులో 40.1 మిల్లీమీటర్లు, కాజీపేటలో 24.6, హనుమకొండలో 13.5, దామెరలో 11.8, వేలేరులో 10.6, భీమదేవరపల్లిలో 9.6, ఎల్కతుర్తిలో 7.1, కమలాపూర్‌లో 1.6, హసన్‌పర్తిలో 4.2, పరకాలలో 6, ఆత్మకూరులో 6.1, శాయంపేటలో 5, నడికూడలో 3.7 మిల్లీమీటర్ల వర్షపాతం నమోదైంది. కూలిన పాఠశాల ప్రహరీధర్మసాగర్‌: మండల కేంద్రంలోని(పెద్దబడి) బాలుర ఉన్నత పాఠశాల ప్రహరీ వర్షాల ధాటికి కుప్పకూలింది. రెండు రోజులుగా కురుస్తున్న వర్షాలకు గోడ నానుతూ బలహీనపడడంతో ఒక భాగం పూర్తిగా నేలమట్టమైంది. గోడ కూలిపోవడంతో పాఠశాల ఆవరణకు రక్షణ కరువై విద్యార్థులు, ఉపాధ్యాయులు తీవ్ర భయాందోళనలు వ్యక్తం చేస్తున్నారు. ఈఘటనతో పాఠశాల భద్రత ప్రమాదంలో పడిందని విద్యార్థుల తల్లిదండ్రులు తీవ్ర ఆందోళన చెందుతున్నారు. అధికారులు తక్షణమే స్పందించి ప్రమాదకరంగా మారిన మిగిలిన గోడలను పరిశీలించి మరమ్మతులు చేపట్టాలని, కూలిన స్థానంలో కొత్త కాంపౌండ్‌ గోడను అత్యవసరంగా నిర్మించాలని కోరుతున్నారు. వరంగల్‌ స్పోర్ట్స్‌: మరమ్మతుల కారణంగా సుమారు ఏడాది పాటు మూతపడిన హనుమకొండలోని డీఎస్‌ఏ స్విమ్మింగ్‌ పూల్‌, ఇండోర్‌ స్టేడియాన్ని ఈనెల 29న పునఃప్రారంభిస్తున్నట్లు డీవైఎస్‌ఓ ప్రశాంత్‌ సోమవారం ఒక ప్రకటనలో తెలిపారు. ఎమ్మెల్యే నాయిని రాజేందర్‌రెడ్డి, కలెక్టర్‌ చాహత్‌ చేతుల మీదుగా ప్రారంభించనున్నట్లు పేర్కొన్నారు. పోక్సో కేసు నమోదు హసన్‌పర్తి: హాస్టల్‌లో విద్యార్థిని పట్ల అసభ్యంగా ప్రవర్తించిన వార్డెన్‌పై పోక్సో కేసు నమోదైంది. పోలీసులు తెలిపిన వివరాల ప్రకారం.. హసన్‌పర్తి పోలీస్‌స్టేషన్‌ పరిధిలోని ఓ రెసిడెన్షియల్‌ స్కూల్‌లో విధులు నిర్విహిస్తున్న వార్డెన్‌ కొంతకాలంగా విద్యార్థినుల పట్ల అసభ్యకరంగా వ్యవహరిస్తున్నాడు. అతడి తీరుతో విసిగిపోయిన ఓ విద్యార్థిని తన తల్లిదండ్రులకు విషయం తెలిపింది. దీంతో వారు పాఠశాలకు వచ్చిన నిలదీశారు. బాధిత విద్యార్థిని తల్లిదండ్రుల ఫిర్యాదు మేరకు వార్డెన్‌పై పోక్సో కేసు నమోదు చేసినట్లు పోలీసులు తెలిపారు. ఖిలా వరంగల్‌: మద్యం మత్తులో ఉన్న టీజీఎస్సీ కానిస్టేబుల్‌ను చితకబాదిన మిల్స్‌కాలనీ బీట్‌ కానిస్టేబుల్‌పై ఉన్నతాధికారులు విచారణకు ఆదేశించినట్లు విశ్వసనీయ సమాచారం. ఈఘటనకు సంబంధించిన వీడియో సామాజిక మధ్యమాల్లో వైరల్‌ కావడంతో దీనిపై ఉన్నతాధికారులు మరింత సీరియస్‌గా ఉన్నట్లు తెలుస్తోంది.

పరకాల: పాలిటెక్నిక్‌ విలీన నిర్ణయాన్ని వెనక్కి తీసుకోవాలని పరకాలలో ఏబీవీపీ ఆధ్వర్యంలో వందలాది మంది పాలిటెక్నిక్‌ విద్యార్థులు అంబేడ్కర్‌ కూడలిలో మహాధర్నా నిర్వహించారు. ఈధర్నాతో గంటసేపు వాహనాలు నిలిచి ట్రాఫిక్‌ అంతరాయం ఏర్పడింది. ధర్నా విరమింపజేసేందుకు పోలీసులు ప్రయత్నించగా.. ఏబీవీపీ నాయకులకు, పోలీసులకు మధ్య వాగ్వాదం చోటుచేసుకుంది. ఈధర్నాను ఉద్దేశించి ఏబీవీపీ పరకాల కార్యదర్శి బాల్సుకూరి కార్తీక్‌ మాట్లాడుతూ యంగ్‌ ఇండియా స్కిల్స్‌ యూనివర్సిటీని పీపీపీ విధానంలో కాకుండా ప్రభుత్వమే నిర్వహించాలని కోరారు. పాలిటెక్నిక్‌ విద్యార్థులు, అధ్యాపకులకు న్యాయం జరిగే వరకు ఏబీవీపీ పోరాటం కొనసాగుతుందన్నారు. మంగళవారం (నేడు) నిర్వహించనున్న రాష్ట్ర వ్యాప్త పాలిటెక్నిక్‌ కళాశాలల బంద్‌ను విజయవంతం చేయలని పిలుపునిచ్చారు. ధర్నాలో ఏబీవీపీ రాష్ట్ర నాయకులు ఆకుతోట భానుప్రసాద్‌రావు, భాషబోయిన జశ్వంత్‌, భరణి, గౌతమ్‌, అభి, అజయ్‌, ఏబీవీపీ కార్యకర్తలు, విద్యార్థులు పాల్గొన్నారు.