Kakinada District Latest News

వైఎస్సార్‌ సీపీ అభ్యర్థులకు బెదిరింపులు? జగ్గంపేట: మండలంలో కూటమి నేతలు వారి పార్టీల అభ్యర్థులను ఏకగ్రీవం చేసుకునేందుకు వైఎస్సార్‌ సీపీ అభ్యర్థులను బెదిరించి, నామినేషన్లు ఉపసంహరించుకునేలా చేస్తున్నారని వైఎస్సార్‌ సీపీ మండల అధ్యక్షుడు, జెడ్పీటీసీ అభ్యర్థి రావుల గణేష్‌రాజా ఆరోపించారు. జగ్గంపేట మండలం జె.కొత్తూరులో టీడీపీ అభ్యర్థి ఏకగ్రీవం కావడం వెనుక కూటమి నేతలు కుట్ర ఉందని ఆరోపించారు. ఆ గ్రామం నుంచి వైఎస్సార్‌ సీపీ అభ్యర్థులుగా నిడమర్తి వేణి, జ్యోతి మువ్వల (డమ్మి) నామినేషన్లు దాఖలు చేశారన్నారు. వారిని కూటమి నేతలు బెదిరించి, భయపెట్టి నామినేషన్లు ఆదివారం ఉపసంహరించుకునేలా చేశారన్నారు. మండలంలో మరికొన్ని చోట్ల కూడా వైఎస్సార్‌ సీపీ ఎంపీటీసీ అభ్యర్థులకు ఇలాంటి ఒత్తిడే వస్తోందన్నారు. కాగా..జె.కొత్తూరులో ఎంపీటీసీ స్థానానికి వైఎస్సార్‌ సీపీ నుంచి నిడమర్తి వేణి, జ్యోతి మువ్వల (డమ్మి), టీడీపీ నుంచి సైనం రామలక్ష్మి, సైనం మరియమ్మ (డమ్మి), ఇండిపెండెంట్‌ అభ్యర్థిగా వల్లూరి పార్వతి నామినేషన్లు దాఖలు చేశారు. వీరిలో ఆదివారం వైఎస్సార్‌ సీపీ 2, టీడీపీ1, ఇండిపెండెంట్‌ 1 నామినేషన్లు ఉపసంహరించుకున్నారు. దీనితో టీడీపీ అభ్యర్థి రామలక్ష్మి నామినేషన్‌ ఒక్కటే మిగిలింది. దీనితో ఆమె ఏకగ్రీవమైనట్టు టీడీపీ నేతలు చెబుతున్నారు. దీన్ని అధికారులు ధ్రువీకరించాల్సి ఉంది.

● కమలంలో కుమ్ములాటలు ● స్థానిక పోరులో వర్గాలుగా మహిళా నేతలు ● టికెట్ల కోసం బహిరంగంగా విమర్శలు బోట్‌క్లబ్‌ (కాకినాడ సిటీ): కమలంలో కుమ్ములాటలు తారాస్థాయికి చేరుకున్నాయి.. స్థానిక సంస్థల ఎన్నికల్లో అంతర్గత విభేదాలు ఒక్కసారిగా భగ్గుమన్నాయి. కూటమి పార్టీల మధ్య సీట్ల సర్దుబాటు వ్యవహారం ఒకవైపు కొనసాగుతుండగా, మరోవైపు బీజేపీలో టికెట్ల కోసం నేతల మధ్య పోటీ నెలకొంది. తమకు అవకాశం కల్పించాలంటూ ఎవరికి వారు పట్టుబడుతుండటంతో వర్గపోరు మొదలైంది. సీట్ల పంపకాలపై ఏకాభిప్రాయం కుదరక కొందరు బహిరంగంగానే ఒకరిపై ఒకరు విమర్శలు చేసుకుంటున్నారు. దీంతో స్థానిక ఎన్నికల వేళ బీజేపీలో గందరగోళం నెలకొంది. ఈ ఎన్నికల్లో టీడీపీ, జనసేన, బీజేపీ మధ్య సీట్ల సర్దుబాటు అంశం ఇప్పటికే చర్చనీయాంశంగా మారింది. ఈ క్రమంలో జిల్లాలో బీజేపీకి రెండు జెడ్పీటీసీ, ఎనిమిది ఎంపీటీసీ స్థానాలు కేటాయించేలా అంతర్గత సమావేశంలో నిర్ణయం తీసుకున్నట్లు సమాచారం. అయితే, ఆయా స్థానాల్లో ఎవరికి అవకాశం కల్పించాలనే అంశంపై ఆ పార్టీలో ఏకాభిప్రాయం కుదరడం లేదని తెలుస్తోంది. టికెట్లపై ఆశలు పెట్టుకున్న నాయకులు ఇప్పటికే ఆయా మండలాల్లో నామినేషన్లు దాఖలు చేయడంతో పరిస్థితి మరింత క్లిష్టంగా మారింది. సీట్ల పంపకాలపై పార్టీ నాయకుల మధ్య చర్చలు పూర్తికాక ముందే టికెట్‌ తమకే ఇవ్వాలంటూ ఆశావహులు పట్టుబడుతున్నారు. వారికి అవకాశం కల్పించకపోతే రాజకీయంగా నష్టపోతామనే ఆందోళనతో కొందరు నాయకులు అధిష్టానంపై ఒత్తిడి పెంచుతున్నట్లు తెలుస్తోంది. ఈ పరిణామాలు పార్టీ ఐక్యతపై ప్రభావం చూపుతుందనే చర్చ జరుగుతోంది. పదవికి రాజీనామా చేయలేదంటూ ఫిర్యాదు ప్రభుత్వ పదవిలో ఉన్న తుమ్మల పద్మ, సివిల్‌ సప్లయిస్‌ కార్పొరేషన్‌ డైరెక్టర్‌ పదవికి రాజీనామా చేయకుండానే జెడ్పీటీసీ స్థానానికి నామినేషన్‌ దాఖలు చేశారని కరెడ్ల దేవి ఆరోపించారు. ఈ అంశంపై తుమ్మల పద్మ నామినేషన్‌ను తిరస్కరించాలని కోరుతూ జిల్లా కలెక్టర్‌కు ఫిర్యాదు చేశారు. అయితే, ఈ ఆరోపణలపై సంబంధిత అధికారుల పరిశీలన, నిబంధనల ప్రకారం తీసుకునే నిర్ణయం కీలకం కానుంది. పార్టీ తరఫున అభ్యర్థులను ఖరారు చేసి, సీట్ల పంపకాలపై స్పష్టత ఇవ్వాల్సిన సమయంలో నాయకులు ఇలా బహిరంగంగా పోటీ పడటం చర్చకు దారితీస్తోంది. పార్టీ నిర్ణయానికి కట్టుబడి ఉండాల్సిన నేతలే తమకు టికెట్‌ కావాలంటూ పట్టుబడుతుండటం, పరస్పరం ఫిర్యాదులు చేసుకోవడం బీజేపీ అంతర్గత పరిస్థితిని బయటపెడుతోందనే అభిప్రాయాలు వ్యక్తమవుతున్నాయి. కూటమిలో సీట్ల సర్దుబాటు ఒక సవాలుగా మారిన వేళ, సొంత పార్టీలోనే ఆశావహుల మధ్య పోటీ పెరగడం నాయకత్వానికి కొత్త సమస్య అయ్యింది. నామినేషన్లు దాఖలు చేసిన వారిలో ఎవరికి పార్టీ మద్దతు లభిస్తుందనేది ప్రశ్నార్థకంగా మారింది. పెద్దాపురం జెడ్పీటీసీ స్థానంపై వివాదం ఎలా పరిష్కారమవుతుంది, అసంతృప్తి నేతలను బుజ్జగించి పార్టీని ఏకతాటిపైకి తీసుకురావడంలో నాయకత్వం ఏ మేరకు విజయం సాధిస్తుందనేది రాజకీయ వర్గాల్లో ఆసక్తికరంగా మారింది. సొంత పార్టీ నాయకురాలి నామినేషన్‌ విషయంలో కలెక్టర్‌కు ఫిర్యాదు చేసిన విషయం కూడా పార్టీ అధిష్టానం సీరియస్‌గా తీసుకొంటున్నట్లు తెలిసింది. ఏదైనా విషయం ఉంటే పార్టీ పెద్దలకు తెలియజేయాలని, అంతేకానీ ఫిర్యాదు చేయడం సరికాదని ఆ పార్టీ నాయకులు బహిరంగంగానే చెబుతున్నారు.

సాక్షి ప్రతినిధి, కాకినాడ: జెడ్పీ చైర్మన్‌ పీఠం కోసం జనసేన, టీడీపీలు పాకులాడుతున్నాయి. ఈ స్థానం తమకంటే తమకే దక్కుతుందంటూ ఇరు పార్టీలు ఆశల పల్లకిలో ఊగుతున్నాయి. ఈ సర్దుబాట్లపై తాజాగా పవన్‌, చంద్రబాబు జరిపిన చర్చల్లో ఓ క్లారిటీ వచ్చినట్లు ఆయా పార్టీల నేతలు స్పష్టం చేస్తున్నారు. కాకినాడ జెడ్పీ చైర్మన్‌ సీటు జనసేనకు ఖరారు చేయడం దాదాపు లాంఛనమేనంటూ ఆ పార్టీ నేతలు వెల్లడిస్తున్నారు. నేడో, రేపో అధికారిక ప్రకటన సైతం వెలువడే అవకాశం ఉందని చెబుతున్నారు. ఈ పరిణామం టీడీపీ శ్రేణులకు మింగుడుపడటం లేదు. పిఠాపురం నేతకు అవకాశం జెడ్పీ చైర్మన్‌ స్థానం జనసేనకు కేటాయించినట్లు తెలిసింది. ఈ మేరకు పిఠాపురం జనసేన మహిళా నేత బుర్రా దివ్యరాజ్‌ పేరు దాదాపు ఖాయమైనట్లు తెలిసింది. ఇందులో భాగంగానే ఆమె కాకినాడ రూరల్‌, పెద్దాపురం, యు.కొత్తపల్లి జెడ్పీటీసీ స్థానాలకు నామినేషన్లు దాఖలు చేసినట్లు సమాచారం. జెడ్పీ చైర్మన్‌ స్థానం తమకే దక్కాలంటూ కొందరు జనసేన నేతలు పవన్‌కు దృష్టికి తీసుకెళ్లడం, చంద్రబాబు వద్ద జనసేన పెద్దలు పంచాయితీ పెట్టడంతో సీటు పక్కా అన్న సంకేతాలు అధిష్టానం నుంచి వెలువడినట్లు తెలిసింది. ఈ పరిణామం టీడీపీ నేతల్లో అగ్రహావేశాలు నింపుతోంది. కాకినాడ జిల్లాకు చెందిన కీలక పదవులన్నీ జనసేనకు కేటాయిస్తే తమ పరిస్థితేంటని మండిపడుతున్నారు. బహిరంగంగా విమర్శిస్తే అధిష్టానం నుంచి ఎలాంటి పరిస్థితులు ఎదుర్కోవాల్సి వస్తుందోనన్న భయంతో అంతర్గతంగా కుమిలిపోతున్నారు. జెడ్పీ చైర్మన్‌ టీడీపీకి కేటాయించాలంటూ అధిష్టానంపై ఒత్తిడి పెంచేందుకు సిద్ధమవుతున్నట్లు తెలిసింది. మేయర్‌ స్థానం కూడా.. సీట్ల సర్దుబాటులో భాగంగా ఇప్పటికే కాకినాడ మేయర్‌ జనసేనకు కేటాయించడంపై టీడీపీ శ్రేణులు గుర్రుగా ఉన్నారు. ప్రస్తుతం ఎన్నికలు నిర్వహించనప్పటికీ.. జనసేనకు కేటాయింపుపై తీవ్ర అసంతృప్తితో ఉన్నారు. టీడీపీ ఆవిర్భావం నుంచి పార్టీ బలోపేతానికి శక్తి వంచన లేకుండా శ్రమిస్తున్న వారిని కాదని జనసేనకు ప్రాధాన్యం ఇవ్వడంపై అంతర్గతంగా రగిలిపోతున్నారు. ఈ విషయమై టీడీపీ ఎమ్మెల్యేల వద్ద కొందర నేతలు గళం విప్పుతున్నట్లు తెలిసింది. వారు మాత్రం చేసేది లేక పొత్తు ధర్మం, అధిష్టాన నిర్ణయం పాటించాలంటూ ఉచిత సలహా ఇస్తున్నట్లు సమాచారం. ఇప్పటికే జిల్లాలో కీలకమైన డీసీసీబీ, కౌడా చైర్మన్లు, రాష్ట్ర స్థాయిలో సివిల్‌ సప్లయిస్‌ కార్పొరేషన్‌, నీటిపారుదల వంటి పదవులు కట్టబెట్టారని, అవి చాలదన్నట్లు మేయర్‌, జెడ్పీ చైర్మన్‌ కూడా జనసేనకు వదిలేస్తే.. కాకినాడ జిల్లాలో టీడీపీ మనుగడ ప్రశ్నార్థకంగా మారుతుందని ఆవేదన చెందుతున్నారు. జెడ్పీ స్థానం జనసేనకు కేటాయిస్తే.. కాకినాడ మేయర్‌ స్థానమైనా టీడీపీకి ఇవ్వాలంటూ కొందరు పట్టుబడుతున్నట్లు తెలిసింది. టీడీపీకి భంగపాటు జెడ్పీ చైర్మన్‌ స్థానాన్ని టీడీపీ ఆశించి భంగపాటుకు గురైంది. ఈ స్థానాన్ని మాజీ ఎమ్మెల్యే పిల్లి అనంతలక్ష్మి ఆశించారు. కాకినాడ రూరల్‌ జెడ్పీటీసీగా నామినేషన్‌ సైతం దాఖలు చేశారు. తొలుత ఆమె పేరును ఐవీఆర్‌ఎస్‌ సర్వే ద్వారా అభిప్రాయ సేకరణ సైతం చేపట్టారు. ఇంకే మంది జెడ్పీ పీఠం టీడీపీకే దక్కుతుందని అందరూ భావించారు. కానీ తాజాగా జరిగిన చర్చల్లో జనసేనకు కేటాయిస్తున్నట్లు వార్తలు రావడంతో టీడీపీ శ్రేణులకు భంగపాటు తప్పడం లేదు. జెడ్పీ చైర్మన్‌ స్థానానికి జనసేన, టీడీపీ పట్టు జనసేనకు ఖరారు చేసినట్లు ఊహాగానాలు రగిలిపోతున్న తెలుగు తమ్ముళ్లు

తుని 14వ వార్డు గరువువీధిలో ప్రచారం చేస్తున్న శంకర్‌ మల్లిక్‌ తుని 16వ వార్డు సమితి ఆఫీసు వీధిలో ఎన్నికల ప్రచారం చేస్తున్న మాజీ మంత్రి దాడిశెట్టి రాజా తుని: స్థానిక మున్సిపల్‌ ఎన్నికల్లో అభ్యర్థుల తుది జాబితాను ప్రకటించడంతో రాజకీయ పార్టీలు ప్రచారాన్ని ఉధృతం చేశాయి. వైఎస్సార్‌ సీపీ తరఫున మాజీ మంత్రి దాడిశెట్టి రాజా, తనయుడు శంకర్‌ మల్లిక్‌లు ప్రచార బాధ్యతలను ముమ్మరం చేశారు. ఆదివారం తుని 16వ వార్డులో అభ్యర్థి కనిగిరి వెంకటరమణతో కలిసి రాజా ఎన్నికల ప్రచారం చేశారు. మార్కెట్‌ యార్డు లక్ష్మీగణపతి ఆలయంలో పూజలు చేసి సమితి ఆఫీస్‌ వీధిలో ఇంటింటా ప్రచారం నిర్వహించారు. ఫ్యాను గుర్తుపై ఓటు వేసి వైఎస్సార్‌ సీపీ చైర్‌పర్సన్‌, కౌన్సిలర్‌ అభ్యర్థులను గెలిపించాలని కోరారు. యువనేత దాడిశెట్టి శంకర్‌ మల్లిక్‌ 14వ వార్డులో చైర్‌పర్సన్‌ అభ్యర్ధి పిట్ల రామతులసి, కౌన్సిలర్‌ అభ్యర్థి గొల్లపూడి శివానితో కలిసి ప్రచారం నిర్వహించారు. ఫీడర్‌ రోడ్డు అష్టలక్ష్మీ గణపతి ఆలయంలో పూజలు చేసి, గరువువీధిలో ఇంటింటా ప్రచారం చేశారు. వైఎస్సార్‌ సీపీతోనే అభివృద్ధి సాధ్యమని, ప్రతి ఒక్కరూ రెండు ఓట్లను ఫ్యాన్‌ గుర్తుపై వేయాలని విజ్ఞప్తి చేశారు. పట్టణంలోని అన్ని వార్డుల్లోనూ అభ్యర్థులు ఉత్సాహంగా ప్రచారంలో నిమగ్నమయ్యారు. పట్టణ పార్టీ అధ్యక్షుడు అన్నవరం శ్రీను, మున్సిపల్‌ వింగ్‌ రాష్ట్ర కార్యదర్శి రేలంగి రమణాగౌడ్‌, నాయకులు, కార్యకర్తలు పాల్గొన్నారు. ఏలేశ్వరం 25వ వార్డులో ప్రచారం చేస్తున్న వైఎస్సార్‌ సీపీ చైర్‌పర్సన్‌ అభ్యర్థి ఆశాలతఏలేశ్వరం: స్థానిక మున్సిపల్‌ ఎన్నికల్లో వైఎస్సార్‌ సీపీని గెలిపించాలని ఆ పార్టీ చైర్‌పర్సన్‌ అభ్యర్థి బదిరెడ్డి ఆశాలత కోరారు. స్థానిక 25వ వార్డులో కౌన్సిలర్‌ అభ్యర్థి గెద్ద శ్రీనుతో కలసి ఆదివారం ఆమె ఇంటింటా ప్రచారం నిర్వహించారు. ఈ సందర్భంగా ఆశాలత మాట్లాడుతూ వైఎస్సార్‌ సీపీకి పట్టంకడితే పట్టణాభివృద్ధికి బాటలు వేస్తామన్నారు. పట్టణంలో ప్రధాన సమస్యలను పరిష్కారిస్తామన్నారు. అనంతరం పట్టణ పరిధిలోని చర్చిల్లో పార్టీ నేతలు శిడగం వెంకటేశ్వరరావు, బదిరెడ్డి గోవిందు, సామంతుల సూర్యకుమార్‌, సుంకర రాంబాబు పార్టీ శ్రేణులు ప్రార్థనలు చేశారు.

● పార్టీలు మారొచ్చిన వారికే పదవులు, సీట్లు ● రసవత్తరంగా పిఠాపురంలో రాజకీయం పిఠాపురం: గత ఎన్నికల్లో జెండా మోసిన జనసేన నేతలను పక్కకు నెట్టేయడం ఆ పార్టీలో లుకలుకలకు కారణమవుతోంది. పార్టీలు మారి వచ్చిన వారికి పదవులు, సీట్లు ఎలా కేటాయిస్తారంటూ పలువురు ప్రశ్నిస్తున్నారు. కూటమి అధికారం చేపట్టిన కొద్ది కాలానికి పిఠాపురం మాజీ ఎమ్మెల్యే పెండెం దొరబాబు తన అనుచర వర్గంతో పవన్‌ కళ్యాణ్‌ సమక్షంలో జనసేనలో చేరారు. చేరిన కొత్తలో చాపకింద నీరులా వ్యవహరించి, ఎన్నికలు సమీపించే నాటికి ఒక్కసారిగా తెరపైకి వచ్చి కూటమిలో పదవులు, సీట్లు కేటాయింపు చేపట్టే స్థాయికి ఎదిగారు. ఎంతలా అంటే పార్టీ కోసం కష్టపడి పనిచేసిన అసలైన జనసేన కార్యకర్తలను పక్కన పెట్టి, పిఠాపురం మున్సిపల్‌ ఎన్నికల్లో అత్యధిక వార్డు స్థానాలను తన అనుచర వర్గానికి కేటాయించుకునేలా ‘చక్రం’ తిప్పే వరకు ఎదిగారు. చివరకు వార్డు స్థానాల రిజర్వేషన్ల ఖరారు సైతం ఆయన చెప్పినట్టే జరిగియన్న ప్రచారం సాగింది. వార్డు స్థానాల కేటాయింపులో సైతం టీడీపీకి తీవ్ర అన్యాయం చేశారంటూ ఆ పార్టీ నాయకులు తీవ్ర ఆవేదన వ్యక్తం చేశారు. ఈ పరిణామాలతో టీడీపీ సీనియర్‌ నాయకులు దేవరపల్లి రామారావు, నల్లా శ్రీను, అల్లవరపు నగేష్‌, రాయుడు శ్రీను వంటి వారు ఆ పార్టీకి రాజీనామా చేశారు. ఎన్నికల్లో కూటమికి పని చేయాలని టీడీపీ పెద్దలు కోరినా నో చెప్పినట్లు తెలుస్తుంది. ఈ పరిణామాలు పిఠాపురం రాజకీయాల్లోనే కాకుండా కూటమి పార్టీలైన జనసేన, టీడీపీల మధ్య, జనసేన పాత, కొత్త నాయకుల మద్య చిచ్చురేపాయి. ఎన్నికలకు ముందు నా గెలుపు వర్మ చేతుల్లో పెట్టానని పవన్‌ కళ్యాణ్‌ అనడంతో వర్మ, టీడీపీ క్యాడర్‌ పవన్‌కళ్యాణ్‌ గెలుపు కోసం అహర్నిశలు కష్టించి పనిచేశారు. విజయం సాధించిన తరువాత జరిగిన రాజకీయ చదరంగంలో వర్మ పావుగా మారడంపై టీడీపీ క్యాడర్‌ అసంతృప్తి వ్యక్తం చేస్తుంది. ఇటీవల పిఠాపురంలో జరిగిన సభలో పవన్‌ తన విజయానికి పనిచేసిన దొరబాబు అనడంతో రాజకీయాలు ఈ విధంగా ఉంటాయా అన్న చర్చ మొదలైంది. దీంతో ప్రస్తుతం పిఠాపురం మున్సిపల్‌ ఎన్నికలు మాజీ ఎమ్మెల్యేలు దొరబాబు, వర్మ మధ్య జరుగుతున్నట్టు ఉన్నాయి. మున్సిపల్‌ చైర్మన్‌ స్థానానికి కూటమి తరఫున ఎంపిక చేసిన అభ్యర్థి పట్ల టీడీపీ నాయకులు, పాత జనసేన నేతలు అసంతృప్తి వ్యక్తం చేస్తున్నారు.

● తప్పుడు ఆరోపణలు చేస్తే సహించం ● ఎమ్మెల్యేలు వనమాడి, పంతం నానాజీలపై ద్వారంపూడి ఫైర్‌ సాక్షి ప్రతినిధి, కాకినాడ: కొచ్చి డ్రగ్స్‌ వ్యవహారంలో రాజకీయ లబ్ధి కోసం తప్పుడు ఆరోపణలు చేస్తే సహించేది లేదని మాజీ ఎమ్మెల్యే, వైఎస్సార్‌ సీపీ కాకినాడ సిటీ కోఆర్డినేటర్‌ ద్వారంపూడి చంద్రశేఖర్‌రెడ్డి హెచ్చరించారు. డ్రగ్స్‌ కేసులో తనకు సంబంధం ఉందంటూ కాకినాడ సిటీ, రూరల్‌ ఎమ్మెల్యేలు వనమాడి కొండబాబు, పంతం నానాజీ పదేపదే నిరాధారమైన ఆరోపణలు చేస్తున్నారని ద్వారంపూడి మండిపడ్డారు. ఆదివారం స్థానికంగా తన కార్యాలయంలో ఆయన విలేకరులతో మాట్లాడుతూ అబద్ధాల కొండబాబుకు ఇప్పుడు పంతం నానాజీ తోడయ్యారని దుయ్యబట్టారు. అబద్ధాన్ని పదేపదే చెప్పి నిజమని నమ్మించే ప్రయత్నం చేస్తున్నారని మండిపడ్డారు. డ్రగ్స్‌ కేసులో ఆరోపణలు ఎదుర్కొంటున్న రోకళ్ల సత్యనారాయణతో కలిసి తాను ప్రయాణించానంటూ పంతం నానాజీ చేసిన ఆరోపణలను ఆయన తీవ్రంగా ఖండించారు. రోకళ్ల సత్యనారాయణతో కలిసి తానెప్పుడూ విదేశీ పర్యటనలు చేయలేదన్నారు. కావాలంటే తన పాస్‌పోర్ట్‌ ఇస్తానని, ఇమిగ్రేషన్‌ అధికారుల ద్వారానో.. ఇతర మార్గాల ద్వారానో విచారణ చేసుకోవచ్చని సవాల్‌ చేశారు. పదేపదే తప్పుడు ఆరోపణలు చేయడం మానుకోవాలని హితవు పలికారు. కాకినాడ సిటీ, రూరల్‌ ఎమ్మెల్యేలకు దమ్ముంటే సీఎం చంద్రబాబు వద్దకు వెళ్లి కొచ్చి డ్రగ్స్‌ కేసు విషయమై సీబీఐ విచారణ జరిపించాలని కోరగలరా అని ప్రశ్నించారు. ఆ విచారణలో తనపై వచ్చిన ఆరోపణలు రుజువు చేయలేకపోతే రాజకీయాల నుంచి తప్పుకోవాలన్నారు. ఆరోపణల్లో ఏమాత్రం నిజం ఉన్నట్లు తేలినా తాను రాజకీయాలను వదిలేస్తానని ద్వారంపూడి స్పష్టం చేశారు.

పెద్దాపురం: పెద్దాపురం మండల వైఎస్సార్‌ సీపీ జెడ్పీటీసీ అభ్యర్థిగా పల్ల రాజ్యలక్ష్మిని పార్టీ ఆదివారం ప్రకటించింది. పార్టీ అధినేత వైఎస్‌ జగన్‌మోహన్‌రెడ్డి సూచనల మేరకు పార్టీ కో ఆర్డినేటర్‌ దవులూరి దొరబాబు ఆదేశాలతో రాజ్యలక్ష్మి నామినేషన్‌ దాఖలు చేశారు. ఆమె భర్త కాండ్రకోట వైఎస్సార్‌ సీపీ గ్రామ కమిటీ అధ్యక్షుడిగా పనిచేస్తున్నారు. అలాగే గతంలో సొసైటీ అధ్యక్షుడిగా ఆయన పనిచేశారు. అమ్మో... అర్ణబ్‌ భయపెడుతున్న తుపాను హెచ్చరికలు కాకినాడ రూరల్‌: బంగాళాఖాతంలో ఏర్పడిన అల్పపీడనం వాయుగుండం మారి తీవ్ర తుపానుగా మారుతుందనే హెచ్చరికలు భయపెడుతున్నాయి. తుపానుకు అర్ణబ్‌గా నామకరణం చేయడంతో పాటు కాకినాడ సమీపంలో తీరం దాటే అవకాశం ఉంటుందని అంచనాల నేపథ్యంలో అధికార యంత్రాంగం అప్రమత్తమైంది. తుపాన్‌ ప్రభావం మంగళవారం నుంచి ఎక్కువ ఉంటుందని వాతావరణ శాఖ పేర్కొనడంతో మత్స్యకారులు సముద్రం నుంచి ఒడ్డుకు చేరుకుంటున్నారు. భారీ వర్షాలు, గాలులతో పాటు సముద్రం అల్లకల్లోలంగా మారే అవకాశం ఉండడంతో మత్స్యకారులు చేపల వేటకు వెళ్లవద్దని అధికారులు హెచ్చరిస్తున్నారు. మరోవైపు ఖరీఫ్‌ వరి చేలు ఈనిక, గింజ తోడుకునే దశలో ఉండడంతో రైతుల్లో ఆందోళన నెలకొంది. ఈదురు గాలులు బలంగా వీస్తే వరి చేలు నేలకొరిగే ప్రమాదం ఉందని, తద్వారా పంట సష్టం వాటిల్లుతుందని భయపడుతున్నారు. తుపాన్‌ను సమర్థవంతంగా ఎదుర్కొనేలా జిల్లా కలెక్టర్‌ ఆదేశాలతో రెవెన్యూతో పాటు అన్ని శాఖలు అధికారులు అప్రమత్తమయ్యారు. ముందస్తు చర్యలు తీసుకోండి బోట్‌క్లబ్‌ (కాకినాడ సిటీ): తుపాను హెచ్చరికల నేపథ్యంలో ఈ నెల 27, 28న జిల్లాలోని తీర ప్రాంతాలతో పాటు ఇతర మండలాల్లో భారీ వర్షాలు కురిసే అవకాశం ఉందని జాయింట్‌ కలెక్టర్‌ అపూర్వ భరత్‌ ఆదివారం తెలిపారు. ఈ నేపథ్యంలో ప్రజలకు ఎలాంటి అసౌకర్యం కలగకుండా నిత్యావసర సరుకులు, ఇంధనం, వంట గ్యాస్‌కు కొరత రాకుండా పటిష్టమైన ఏర్పాట్లు చేయాలని అధికారులను ఆదేశించారు. అలాగే విద్యుత్‌ అంతరాయం ఏర్పడినప్పుడు ఇబ్బంది లేకుండా జనరేటర్లు సిద్ధంగా ఉంచాలని ఆదేశించారు. రేషన్‌ దుకాణాల ద్వారా పంపిణీ చేసే సరకులు వర్షపు నీటిలో తడిచిపోకుండా రక్షణ చర్యలు తీసుకోవాలని ఆదేశించారు. భారీ వర్షాల నేపథ్యంలో పౌర సరఫరాల శాఖ డిప్యూటీ తహసీల్దార్లు సెలవులు పెట్టరాదని, తమ మండల కేంద్రాల్లోనే అందుబాటులో ఉండి పరిస్థితిని పర్యవేక్షించాలని అన్నారు. నేడు పోలీస్‌ పీజీఆర్‌ఎస్‌ రద్దు కాకినాడ క్రైం: స్థానిక ఎస్పీ కార్యాలయంలో సోమవారం నిర్వహించాల్సిన పోలీస్‌ పీజీఆర్‌ఎస్‌ రద్దు అయ్యింది. దీనిని ఎన్నికల కోడ్‌ కారణంగా రద్దు చేసినట్లు జిల్లా ఎస్పీ బిందుమాధవ్‌ ఆదివారం ఓ ప్రకటనలో పేర్కొన్నారు. ఓటరు నమోదు వేగవంతం చేయండి అమలాపురం రూరల్‌: వచ్చే నెల 6లోపు ఉపాధ్యాయులంతా ఫారం–19 ద్వారా ఉపాధ్యాయ ఎమ్మెల్సీ ఓటరుగా నమోదు కావాలని డీఆర్‌ఓ సుబ్బారావు సూచించారు. ఆదివారం అమలాపురం కలెక్టరేట్‌లో జిల్లా విద్యాశాఖ అధికారి షేక్‌ మహబూబ్‌ బాషా, డీఆర్వో సుబ్బారావు ఆధ్వర్యంలో ఉపాధ్యాయ సంఘాల ప్రతినిధులతో సమావేశం నిర్వహించారు. ఈ సందర్భంగా ఉపాధ్యాయ ఎమ్మెల్సీ ఓటరు నమోదు ప్రక్రియను వేగవంతం చేయాలని సూచించారు. సమావేశంలో ఆంధ్రప్రదేశ్‌ టీచర్స్‌ ఫెడరేషన్‌ జిల్లా అధ్యక్షుడు ఎస్‌ఎన్‌ మునేశ్వరరావు, ఎస్టీయూ జిల్లా అధ్యక్షుడు పోతంశెట్టి దొరబాబు తదితరులు పాల్గొన్నారు.

తొండంగి: పెరుమాళ్లపురం బీచ్‌లో సముద్రస్నానానికి వెళ్లి గల్లంతైన యశ్వంతిక మృతదేహం శుక్రవారం అర్ధరాత్రి లభ్యమైంది. శుక్రవారం బాలిక గల్లంతైన తర్వాత మత్స్యకారులు సాయంత్రం వరకూ సముద్రంలో వెతికినప్పటికీ ఆచూకీ లభించలేదు. అయితే గల్లంతైన ప్రదేశానికి సమీప తీరంలో బాలిక మృతదేహాన్ని గుర్తించారు. వెంటనే కుటుంబ సభ్యులకు, పోలీసులకు సమాచారం అందించారు. ఎస్సై జగన్మోహన్‌రావు, ఇతర సిబ్బంది మృతదేహాన్ని పరిశీలించి పోస్టుమార్టమ్‌కు తరలించారు. అనంతరం కుటుంబ సభ్యులకు మృతదేహాన్ని అప్పగించారు.

మండల పరిధిలోని ఆర్‌అండ్‌బీ రహదారిపై శనివారం ఒక భారీ కొండచిలువ హల్‌చల్‌ చేసింది. నిడదవోలు – పంగిడి ప్రధాన రహదారిపై అది రోడ్డు దాటుతుండడాన్ని గమనించిన వాహనచోదకులు, బాటసారులు వెంటనే అప్రమత్తమయ్యారు. అది సురక్షితంగా రోడ్డు దాటే వరకు ఇరువైపులా రాకపోకలు సాగిస్తున్న వాహనాలను నిలిపివేశారు. స్థానిక షుగర్‌ ఫ్యాక్టరీ క్వార్టర్స్‌ వైపు నుంచి వచ్చిన ఆ కొండచిలువ మెల్లగా రోడ్డు దాటి ఫ్యాక్టరీ ప్రాంగణం వైపు వెళ్లిపోయింది. ఈ లోగా పాదచారులు, వాహన చోదకులు దాని గమనాన్ని వారి కెమేరాలలో భద్రపరచుకున్నారు. – చాగల్లుగణపతినగరం వాటర్‌ ట్యాంకుల వద్ద చేపట్టిన పనులుస్థానిక గణపతినగరం వాటర్‌ ట్యాంకుల వద్ద ఇప్పటి వరకు గుర్తు రాని పనులు ఎన్నికల కోడ్‌ అమలులో ఉండగా చేపట్టడం విమర్శలకు తావిస్తోంది. ట్యాంకుల వద్ద ప్రహారీ కూలి రెండు నెలలవుతున్నా అధికారులు పట్టించకోలేదు. మున్సిపల్‌ కోడ్‌ అమలులో ఉండగా ఈ పనులు చేపట్టడంపై ప్రభుత్వానికి అనుకూలంగా ఓట్లు పడడానికే అన్న అభిప్రాయాలు వ్యక్తమవుతున్నాయి. ఈ పనులపై కలెక్టరుకు ఫిర్యాదు చేయనున్నట్లు స్థానికులు చెప్తున్నారు. – సామర్లకోట

● సింగారమ్మచింత వద్ద టిప్పర్‌ బీభత్సం ● ఆర్టీసీ బస్సును వెనుక నుంచి ఢీకొన్న వైనం ● అన్నా చెల్లెళ్లకు తీవ్ర గాయాలు ● తోటి ప్రయాణికులకు స్వల్ప గాయాలు ● ప్రయాణికుల కేకలతో దద్దరిల్లిన ఘటనాస్థలం గోకవరం: ప్రకృతిని ఆస్వాదిద్దామని బస్సు ఎక్కి చివరిసీటులో కూర్చున్న ఆ అన్నా చెల్లెళ్లు లారీ ఢీకొన్న ప్రమాదంలో తీవ్ర గాయాలపాలై ఆస్పత్రిలో చికిత్స పొందుతున్నారు. వివరాల్లోకి వెళితే గోకవరం డిపోకు చెందిన ఆర్టీసీ బస్సు సుమారు 50 మంది ప్రయాణికులతో జగ్గంపేట నుంచి గోకవరం వస్తుండగా సింగారమ్మచింత వద్ద ప్రయాణికులను దించేందుకు ఆగింది. ఈ క్రమంలో జగ్గంపేట వైపు నుంచి వస్తున్న టిప్పర్‌ లారీ బస్సును ఢీకొట్టి ఈడ్చుకువెళ్లింది. దీంతో బస్సు వెనుక భాగం నుజ్జయ్యి వెనుక సీట్లో కూర్చున్న తొమ్మిదేళ్ల వాసుదేవ అనీష్‌, 13 ఏళ్ల వాసుదేవ ప్రభల్‌ సీట్ల మధ్య ఇరుక్కుపోయారు. ఈ ఘటనతో ప్రయాణికుల ఆర్తనాదాలు మిన్నంటాయి. సీట్ల మధ్య ఇరుక్కుపోయిన ఆ అన్నాచెల్లెళ్లు నరకయాతన అనుభవించారు. సమాచారం అందుకున్న ఎస్సై పవన్‌కుమార్‌తో పాటు ఆర్టీసీ అధికారులు ఘటనా స్థలానికి వెళ్లి గంట పాటు శ్రమించి చిన్నారులను బయటకు తీశారు. వారిద్దరికీ తీవ్ర గాయాలు కావడంతో ఆస్పత్రికి తరలించి కేసు నమోదు చేసి దర్యాప్తు చేస్తున్నారు. అమ్మమ్మగారి ఇంటికి వస్తూ ప్రమాదంలో గాయపడిన చిన్నారులు ప్రభల్‌, అనీష్‌ తమ తల్లితో వీరలంకపల్లిలోని అమ్మమ్మ ఇంటికి వచ్చే క్రమంలో ఉదయం విశాఖ నుంచి జగ్గంపేటకు వచ్చి ఈ బస్సు ఎక్కి వెనుక సీట్‌లో కూర్చున్నారు. అటవీ ప్రాంతం కావడంతో ప్రకృతి అందాలు తిలకిస్తున్న వీరు ఈ ప్రమాదంలో తీవ్ర గాయాలపాలై ఆస్పత్రిలో చికిత్స పొందుతున్నారు. ఉప్పాడ–కోనపాపపేట మార్గంలో.. లారీ ఢీకొని ముగ్గురు మత్స్యకారులకు తీవ్ర గాయాలు కొత్తపల్లి: ఉప్పాడ– కోనపాపపేట బీచ్‌ రోడ్డులో శనివారం తెల్లవారు జామున జరిగిన రోడ్డు ప్రమాదంలో ముగ్గురు మత్స్యకారులకు గాయాలయ్యాయి. మండలంలోని ఉప్పాడ గ్రామానికి చెందిన రాజపల్లి జాన్‌, రాచపల్లి శ్రీను, రాచపల్లి యల్లాజీ తెల్లవారు జామున రెండు మోటరు సైకిళ్లపై రామన్నపాలెం సమీపంలోని ఉప్పుటేరులో లంగరు వేసిన బోటు వద్దకు వెళుతున్నారు. ఉప్పాడ వైపు నుంచి కోనపాపపేట వైపు వెళుతున్న వారిని లారీ ఢీకొట్టింది. ఈ ప్రమాదంలో ఆ ముగ్గురికి తీవ్రగాయలు కావడంతో చికిత్స నిమిత్తం పిఠాపురం ప్రైవేటు ఆసుపత్రికి తరలించారు. లారీ డ్రైవర్‌ అతివేగం, నిర్లక్ష్యంగా రావడం వలనే ప్రమాదం జరిగిందని బంధువులు ఆరోపించారు.

తుని రూరల్‌: కురాష్‌ రాష్ట్రస్థాయి పోటీలకు తమ విద్యార్థినులు ఎంపికై నట్టు వి.కొత్తూరు కస్తూర్బా గాంధీ విద్యాలయం ప్రిన్సిపాల్‌ అమృతవాణి శనివారం తెలిపారు. జిల్లా స్థాయిలో జరిగిన అండర్‌–14 పోటీల్లో కొల్లు ప్రశాంతి (24 కేజీలు) ప్రధమస్థానం, మదాడ సారిక (36 కేజీలు) ప్రధమ స్థానం, లాలం లోష్మిత (36 కేజీలు) ద్వితీయ స్థానం, లాలం మనస్విని (48 కేజీలు) ప్రధమ స్థానం, కొల్లు శాంతిప్రియ (48 కేజీలు) ప్రధమ స్థానం, పెద్దాడ అను (40 కేజీలు) ప్రధమ స్థానంలో గెలుపొందారన్నారు. అండర్‌–17 విభాగంలో ఎస్‌కే సమీరా (52 కేజీలు) ప్రధమ స్థానంలో నిలిచినట్టు ఆమె వివరించారు. ప్రధమ స్థానంలో నిలిచిన విద్యార్థినులు రాష్ట్రస్థాయి పోటీలకు ఎంపికై నట్టు తెలిపారు.

జిల్లా వ్యాప్తంగా 800 మంది హాజరు నాగమల్లితోట జంక్షన్‌ (కాకినాడ సిటీ): పాఠశాల క్రీడా సమాఖ్య అండర్‌–14, 17 ఆధ్వర్యంలో శనివారం జిల్లా క్రీడామైదానంలో జిల్లా స్థాయి ఎంపికలు ఉత్సాహంగా జరిగాయి. ఈ ఎంపికలను జిల్లా పాఠశాల క్రీడా సమాఖ్య అండర్‌–14, 17 కార్యదర్శలు పి.శ్రీనివాస్‌, శేషుకుమారి ప్రారంభించారు. రైఫిల్‌ షూటింగ్‌, కురాషూ, హ్యాండ్‌బాల్‌, హాకీలో నిర్వహించిన ఎంపికలకు ఉమ్మడి తూర్పుగోదావరి జిల్లా పరిఽధిలో అండర్‌–14, 17 బాలురు, బాలికల విభాగంలో 800 మంది హాజరయ్యారు. డీఎస్‌ఏ హాకీ కోచ్‌ నాగేంద్ర, రైఫిల్‌ షూటింగ్‌ కోచ్‌ సమీర్‌ ఈ ఎంపిలకు టెక్నికల్‌ ఆఫీషియల్స్‌గా వ్యవహరించారు. ఎంపికల నిర్వహణలో పీడీలు రవిరాజు, రవికౌర్‌, నాగలింగేశ్వరరావు, కె.పట్టాభిరాం, గుత్తుల శ్రీనివాస్‌, స్వామి, కె.శ్రీనివాస్‌, సురేష్‌రాజు, ఇస్రాయేల్‌ రాజు, మాచరరావు, హరిబాబు, ప్రసాద్‌, మాజీ స్కూల్‌ గేమ్స్‌ కార్యదర్శి బి.ప్రసాద్‌ తదితరులు పాల్గొన్నారు.

బోట్‌క్లబ్‌ (కాకినాడ సిటీ): జిల్లాలో పరిషత్‌ ఎన్నికలకు సంబంధించి వేసిన నామినేషన్లలో కొన్ని సక్రమంగా లేక తిరస్కరించారు. జెడ్పీటీసీలకు సంబంధించి 42, ఎంపీటీసీలకు సంబంధించి 81 నామినేషన్లు తిరస్కరించారు. జిల్లాలో మూడు రోజుల వ్యవధిలో 401 ఎంపీటీసీ స్థానాలకు 2,218 నామినేషన్లు దాఖలు కాగా తిరస్కరించిన అనంతరం 2,137 మంది అభ్యర్థులు బరిలో ఉన్నారు. 20 జెడ్పీటీసీలు స్థానాలకు గాను 230 మంది నామినేషన్లు దాఖలు చేశారు. 42 నామినేషన్లను వివిధ కారణాలతో తిరస్కరించడంతో జెడ్పీటీసీలకు సంబంధించి 188 బరిలో ఉన్నారు. పోలవరం జిల్లాకు పులి భయం! దేవీపట్నం: చిక్కకుండా, దొరక్కుండా ముప్పుతిప్పలు పెడుతున్న పులి మళ్లీ పోలవరం జిల్లాలో అడుగుపెట్టే అవకాశం ఉందని అటవీ శాఖ అధికారులు అభిప్రాయపడుతున్నారు. సుమారు 20 రోజుల క్రితం ఈ ప్రాంతంలో సంచరించి, సరిహద్దులోని సీతానగరం మండలంలో గోదావరిని దాటుకుని ఉమ్మడి పశ్చిమ గోదావరి జిల్లాకు పులి వెళ్లిన విషయం తెలిసిందే. ఈ క్రమంలో శనివారం ఆ జిల్లాలోని పాపికొండల అభయారణ్యానికి చేరుకున్నట్లు సమాచారం. ఏలూరు జిల్లాలోని గోదావరి నది పరివాహక ప్రాంతమైన కొరుటూరు, శివగిరి ప్రాంతంలో ఉన్న పెద్దపులి రాత్రికి గోదావరిని దాటి పోలవరం జిల్లా దేవీపట్నం మండలంలో అడుగుపెట్టే సూచనలు కనిపిస్తున్నాయి. కిటకిటలాడిన రత్నగిరి అన్నవరం: ప్రముఖ పుణ్యక్షేత్రం అన్నవరంలోని శ్రీవీర వెంకట సత్యనారాయణ స్వామివారి ఆలయం శనివారం భక్తులతో కిటకిటలాడింది. రాష్ట్రంలోని పలు ప్రాంతాల నుంచి వేలాదిగా తరలివచ్చిన భక్తులతో స్వామివారి ఆలయం, ఆల య ప్రాంగణం రద్దీగా మారింది. వ్రత మండపా లు నిండిపోయాయి. సత్యదేవుని దర్శనానికి రెండు గంటలు, రూ.200 టిక్కెట్‌తో అంతరాలయ దర్శనానికి గంట సమయం పట్టింది. సుమారు 40 వేల మంది స్వామివారిని దర్శించుకున్నారు. సత్యదేవుడిని దర్శించిన అనంతరం సప్త గోకులంలో గోవులకు ప్రదక్షిణ చేసి రావిచెట్టు వద్ద జ్యోతులు వెలిగించారు. స్వామివారి వ్రతాలు మూడు వేలు నిర్వహించారు. అన్ని విభాగాల ద్వారా దేవస్థానానికి రూ.40 లక్షల ఆదాయం సమకూరింది. ఐదు వేల మంది భక్తులకు సత్యదేవుని నిత్యాన్నదాన పథకంలో ఉచిత భోజన సౌకర్యం కల్పించారు. కాగా, ఆదివారం విద్యా సంస్థలు, ప్రభుత్వ కార్యాలయాలకు సెలవు కావడంతో భక్తుల రద్దీ కొనసాగనుంది. దానికి తగ్గట్టు అధికారులు ఏర్పాట్లు చేస్తున్నారు. లింగ సమానత్వాన్ని పెంపొందించండి బోట్‌క్లబ్‌ (కాకినాడ సిటీ): సమాజంలో లింగ సమానత్వాన్ని పెంపొందించడం ప్రతి ఒక్కరి బాధ్యత అని కలెక్టర్‌ హరేంధిర ప్రసాద్‌ అన్నారు. శనివారం స్థానిక కలెక్టరేట్‌లో జిల్లా స్థాయి గర్భస్థ– పిండ లింగ నిర్ధారణ నిషేధిత చట్టం అమలు తీరుపై సమీక్ష సమావేశం నిర్వహించారు. కలెక్టర్‌ మాట్లాడుతూ ఈ చట్టాన్ని పకడ్బందీగా అమలు చేస్తూ, గర్భస్థ శిశువు లింగ నిర్ధారణను నిరోధించాలని అధికారులను ఆదేశించారు. జన్యుపరమైన లోపాలు, వంశపారంపర్య వ్యాధులు, క్రోమోజోమ్‌ సంబంధిత అసాధారణతలను గుర్తించడం వంటి చట్టబద్ధమైన వైద్య అవసరాల కోసమే ప్రీ–నేటల్‌ డయాగ్నస్టిక్‌ పరీక్షలను నిర్వహించాలని స్పష్టం చేశారు. భ్రూణ హత్యలను అరికట్టి, బాలికా లింగ నిష్పత్తిని మెరుగుపరచడంతో పాటు, బాలికల పట్ల వివక్షను నిర్మూలించడమే లింగ నిర్ధారణ నిషేధిత చట్టం ప్రధాన లక్ష్యమన్నారు. లింగ నిర్ధారణ చేయడం చట్టరీత్యా నేరమన్నారు.

వైఎస్సార్‌ సీపీలోకి 100 కుటుంబాల చేరిక గోకవరం: స్థానిక సంస్థల ఎన్నికల వేళ గోకవరం మండలం కొత్తపల్లిలో టీడీపీకి భారీ షాక్‌ తగిలింది. ఆ పార్టీకి చెందిన సుమారు 100 కుటుంబాలు వైఎస్సార్‌ సీపీలో చేరారు. వైఎస్సార్‌ సీపీ నియోజకవర్గ ఇన్‌చార్జి, మాజీ మంత్రి తోట నరసింహం సమక్షంలో ఈ కార్యక్రమం జరిగింది. పార్టీ గ్రామ అధ్యక్షుడు కాలేపు నాగ సూర్యచంద్రరావు ఆధ్వర్యంలో దిండి వెంకటేశ్వరరావు, వేముల రాజబాబు, దిండి సూరిబాబు, ముని వెంకట్రావు, దిండి ప్రసాదరావు, దిండి ప్రభాకర్‌రావు, మూత్తా శ్రీనివాసరావు, వేముల చిన సూరిబాబు, ముదిలి శంకర్‌, భవిరిశెట్టి వెంకట్రావు తదితరులు పార్టీలో చేరారు. వీరికి నరసింహం పార్టీ కండువాలు వేసి సాదరంగా ఆహ్వానించారు. స్థానిక సంస్థల ఎన్నికల్లో పార్టీ విజయమే లక్ష్యంగా పనిచేయాలని తోట నరసింహం పిలుపునిచ్చారు. కార్యక్రమంలో పార్టీ మండలాధ్యక్షుడు పాటి రాంబాబు, సీనియర్‌ నాయకులు దాసరి చినబాబు, గుల్లా ఏడుకొండలు, నరాలశెట్టి నర్శయ్య, నున్నం రాంబాబు, కరుటూరి వీర్రాజు, అంబటి అబ్రహం, సమ్మెటి మోహన్‌ తదితరులు పాల్గొన్నారు.

కన్నీరు పెట్టుకున్న వైఎస్సార్‌ సీపీ కార్యకర్త కిర్లంపూడి: ఎన్నికల్లో స్వేచ్ఛగా పోటీ చేసే హక్కు ప్రతిపక్షాలకు లేదా? అధికార పార్టీకి వ్యతిరేకంగా పోటీ చేస్తే భయభ్రాంతులకు గురిచేస్తారా..? అంటూ ముక్కొల్లు గ్రామానికి చెందిన వైఎస్సార్‌ సీపీ కార్యకర్త మేడిబోయిన నాగార్జున కన్నీటి పర్యంతమయ్యాడు. శనివారం స్థానిక ఎంపీడీఓ కార్యాలయంలో ఆయన మాట్లాడుతూ ముక్కొల్లు ఎంపీటీసీ అభ్యర్థిగా తాను ప్రతిపదించిన వ్యక్తిని కూటమి నాయకులు భయభ్రాంతులకు గురిచేసి అన్యాయంగా నామినేషన్‌ ఉపసంహరించుకునేలా చేశారని అన్నారు. ఎన్నికల్లో వైఎస్సార్‌ సీపీని ఎదుర్కొనే శక్తి లేక అక్రమాలకు పాల్పడుతున్నారన్నారు. మూడు రోజులుగా తనను మానసికంగా అనేక ఇబ్బందులకు గురిచేస్తున్నారని ఆవేదన వ్యక్తం చేశారు.

బోట్‌క్లబ్‌ (కాకినాడ సిటీ): స్థానిక సంస్థల ఎన్నికలను స్వేచ్ఛాయుత, నిష్పక్షపాత వాతావరణంలో నిర్వహించేందుకు పటిష్ట ఏర్పాట్లు చేయాలని జిల్లా ఎన్నికల సాధారణ పరిశీలకులు బి.లావణ్యవేణి అధికారులను ఆదేశించారు. శనివారం స్థానిక కలెక్టరేట్‌లో మున్సిపల్‌, ఎంపీటీసీ, జెడ్పీటీసీ ఎన్నికల నిర్వహణపై స్థానిక సంస్థల ఎన్నికల సాధారణ పరిశీలకురాలు, వ్యయ పరిశీలకులు గరుడ్‌ సంకేత్‌ సునీల్‌, జిల్లా కలెక్టర్‌ ఎంఎన్‌ హరేంధిర ప్రసాద్‌, ఎస్పీ బిందుమాధవ్‌తో కలసి సంబంధిత అధికారులతో సమీక్ష సమావేశం నిర్వహించారు. ఈ సందర్భంగా కలెక్టర్‌ ఎన్నికల నిర్వహణకు సంబంధించి చేపట్టిన ముందస్తు ఏర్పాట్లు, పోలింగ్‌ కేంద్రాల గుర్తింపు, సిబ్బంది నియామకం, శిక్షణ, పోస్టల్‌ బ్యాలెట్‌ ప్రక్రియ, భద్రతా చర్యలు తదితర అంశాలను పవర్‌ పాయింట్‌ ప్రజెంటేషన్‌ ద్వారా సాధారణ పరిశీలకులకు, వ్యయ పరిశీలకులకు వివరించారు. లావణ్యవేణి మాట్లాడుతూ ఎన్నికల నిర్వహణలో అన్ని శాఖల అధికారులు సమన్వయంతో పనిచేయాలన్నారు. జిల్లాలో మొత్తం 1,312 పోలింగ్‌ కేంద్రాలు ఉన్నాయని, గత ఎన్నికల్లో సమస్యలు తలెత్తిన, సున్నితమైన ప్రాంతాల్లోని 626 పోలింగ్‌ కేంద్రాలను గుర్తించి ప్రత్యేక దృష్టి సారించినట్లు తెలిపారు. సంబంధిత అధికారుల సమన్వయంతో ఇప్పటికే 257 కేంద్రాల్లో సమస్యలను పరిష్కరించామని, మిగిలిన కేంద్రాల్లోనూ రానున్న ఒకటి, రెండు రోజుల్లో అవసరమైన చర్యలు చేపడతామని వివరించారు.

ఆదివారం శ్రీ 25 శ్రీ అక్టోబర్‌ శ్రీ 2026‘కూటమి’గా ఏర్పడ్డారు.. స్థానిక ఎన్నికల వేళ అడ్డదారులు తొక్కుతున్నారు.. చివరికి ఎంతకై నా తెగిస్తున్నారు.. రాజకీయ విలువలను కాలరాస్తున్నారు. అధికారంలో ఉండి మరీ, గెలుపుపై ధీమా లేక ఇలా ప్రలోభాల పర్వానికి తెరలేపారు.. వైఎస్సార్‌ సీపీ అభ్యర్థులను ప్రలోభాలకు గురిచేసేందుకు సర్వప్రయత్నాలు చేస్తున్నారు. చివరికి ఎవరూ దిగిరాకపోవడంతో బెదిరింపులకు పాల్పడుతున్నారు. జిల్లాలో ఎన్నికలు ప్రజాస్వామ్య విలువలను మంటగలిపేలా సాగుతున్నాయని ప్రజలు మండిపడుతున్నారు. ● వైఎస్సార్‌ సీపీ అభ్యర్థులే లక్ష్యంగా ప్రలోభాలు ● ఓటమి భయంతో తెర వెనుక ‘కూటమి’ మంతనాలు ● నామినేషన్లు ఉపసంహరించుకోవాలని బెదిరింపులు ● ముక్కొల్లు ఎంపీటీసీ అభ్యర్థిని ప్రలోభాలకు గురిచేసి నామినేషన్‌ ఉపసంహరణ ● పిఠాపురంలోనూ ఇదే తంతు ● మూడు రోజులుగా పార్టీ జిల్లా అధ్యక్షుడు దాడిశెట్టి రాజా గృహ నిర్బంధం సాక్షి ప్రతినిధి, కాకినాడ: స్థానిక సంస్థల ఎన్నికల్లో కూటమి శ్రేణులు బరితెగిస్తున్నారు. ఓటమి భయంతో ప్రత్యర్థి వైఎస్సార్‌ సీపీ అభ్యర్థులను తమ వైపు తిప్పుకొనేందుకు తెర వెనుక వ్యూహాలు రచిస్తున్నారు. మున్సిపల్‌ ఎన్నికలకు నామినేషన్ల ఉపసంహరణ, తుది జాబితా సైతం సిద్ధమైంది. జెడ్పీటీసీ, ఎంపీటీసీ నామినేషన్ల పరిశీలన పూర్తయ్యింది. ఉపసంహరణ ప్రక్రియ పూర్తయిన వెంటనే ప్రలోభాలకు గురిచేందుకు సిద్ధమవుతున్నట్లు తెలిసింది. మరికొన్ని ప్రాంతాల్లో ఇప్పటికే ప్రలోభాల పర్వానికి తెర తీసినట్లు సమాచారం. అంతర్గతంగా ఒక్కో అభ్యర్థిని సంప్రదిస్తున్నట్లు తెలుస్తోంది. వాటికి లొంగని పక్షంలో బెదిరింపులకు సైతం వెనుకాడటం లేదన్న విషయం రాజకీయ వర్గాల్లో ఆందోళన కలిగిస్తోంది. నామినేషన్లు ఉపసంహరించుకోవాలని ఆదేశిస్తున్నట్లు తెలిసింది. అభ్యర్థులు ప్రలోభాలకు లొంగకపోతే, వారి కుటుంబ సభ్యులను బెదిరించి, వారి ద్వారా నామినేషన్‌ దాఖలు చేసిన అభ్యర్థిపై ఒత్తిడి తెస్తున్నట్లు సమాచారం. పదవి, డబ్బు ఆశ చూపి అడ్డగోలు వ్యవహారానికి తెర తీస్తున్నారు. ఎలాగైనా నామినేషన్లు ఉపసంహరించుకోవాలని సూచిస్తున్నారు. లేదంటే భవిష్యత్తులో ఇబ్బందులు పడతారంటూ, వార్నింగ్‌ సైతం ఇస్తున్నట్లు తెలిసింది. కూటమి నేతల ప్రలోభాలకు వైఎస్సార్‌ సీపీ శ్రేణులు ఎవరూ నామినేషన్ల ఉపసంహరించుకోకపోవడంతో ఏం చేయాలో దిక్కుతోచని పరిస్థితుల్లో కొట్టుమిట్టాడుతున్నారు. ముక్కొల్లులో తెరపైకి వివాదం కిర్లంపూడి మండలం ముక్కొల్లు ఎంపీటీసీ స్థానానికి వైఎస్సార్‌ సీపీ అభ్యర్థి కొండ ఆదినారాయణ నామినేషన్‌ దాఖలు చేశారు. అధికార పార్టీ నేతలు ఆ అభ్యర్థిని ప్రలోభాలకు గురిచేసినట్లు ఆరోపణలున్నాయి. నామినేషన్‌ విత్‌డ్రా చేసుకోవాలని బలవంతం చేయడం, సదరు అభ్యర్థిని ఎన్నికల రిటర్నింగ్‌ అధికారి విచారణ చేయడం చర్చనీయాంశంగా మారింది. ఈ ఘటనపై వైఎస్సార్‌ సీపీ జగ్గంపేట కోఆర్డినేటర్‌ తోట నరసింహం ఆగ్రహం వ్యక్తం చేశారు. ఓటమి భయంతో కూటమి ప్రభుత్వం కుట్రలకు తెర తీస్తోందన్నారు. బలాబలాలు అనేవి ప్రజల్లో తేల్చుకోవాలే తప్ప ఇలాంటి అడ్డదారులు తొక్కడం సరికాదని హితవు పలికారు. కూటమి కుట్రలకు పోలీసులు భాగస్వాములు అవుతున్నారని దుయ్యబట్టారు. ఎత్తుకెళ్లి.. బెదిరించి డిప్యూటీ సీఎం పవన్‌ ప్రాతినిథ్యం వహిస్తున్న పిఠాపురంలో బదిరింపుల పర్వానికి తెర లేచింది. మున్సిపల్‌ ఎన్నికల సందర్భంగా 27వ వార్డులో కూటమి నేతలు కుట్రకు తెర తీశారు. వైఎస్సార్‌ సీపీ అభ్యర్థి కంభంపాటి శ్రీరామ్‌ను ఎత్తుకెళ్లారు. కారులో దాచి, విత్‌డ్రా ఫారంపై సంతకం పెట్టించుకున్నారు. ఆ పత్రాన్ని ఎన్నికల అధికారులకు అప్పగించారు. ఈ ఘటన అనంతరం ఎంపీ ఉదయ్‌ శ్రీనివాస్‌ సదరు అభ్యర్థికి జనసేన కండువా కప్పుతున్న దృశ్యాలు హల్‌చల్‌ కావడంతో రాజకీయ నేతలంతా ముక్కునవేలేసుకున్నారు. అధికారం కోసం ఇంతటి అడ్డదారులు తొక్కడం ఏంటని ప్రశ్నిస్తున్నారు. అభివృద్ధి చేస్తే ప్రజలు పట్టం కడతారు కదా..? ఇలాంటి బెదిరింపు ధోరణులు ఎందుకంటూ నిట్టూరుస్తున్నారు. ఏదేమైనా ఈ రాజకీయాలను గమనిస్తున్న ప్రజలు కూటమి అభ్యర్థులకు తగిన బుద్ధి చెప్పేందుకు సిద్ధంగా ఉన్నారు. ఎన్నికల సమయంలో గృహ నిర్బంధమా! తుని: ఎన్నికల వేళ కూటమి నేతల కుట్రలు రోజురోజుకూ పెచ్చుమీరుతున్నాయి. వైఎస్సార్‌ సీపీ శ్రేణులకు అందుబాటులో ఉండాల్సిన పార్టీ జిల్లా అధ్యక్షుడిని మూడు రోజులుగా గృహ నిర్బంధంలో ఉంచడంపై తీవ్ర విమర్శలు వ్యక్తమవుతున్నాయి. నామినేషన్ల సందర్భంగా పార్టీ క్యాడర్‌తో కలసి అభ్యర్థుల నామినేషన్ల ప్రక్రియలో కీలకంగా వ్యవహరించాల్సిన వైఎస్సార్‌ సీపీ కాకినాడ జిల్లా అధ్యక్షుడు దాడిశెట్టి రాజాను గురు, శుక్రవారాల్లో గృహ నిర్బంధంలో ఉంచడం, శనివారం కూడా పోలీసులతో ఆయన్ని గృహ నిర్బంధం చేయడం తీవ్ర చర్చనీయాంశంగా మారింది. పార్టీ అభ్యర్థుల తరఫున ఎన్నికల ప్రచారంలో పాల్గొనడం, ఎన్నికల్లో విజయం సాధించేందుకు అభ్యర్థుల్లో ఉత్సాహాన్ని పెంపొందించడం కోసం వారితో కలసి ప్రజలను కలవడం వంటి కార్యక్రమాల్లో పాల్గొనే అవకాశం లేకుండా నిర్బంధం విధించడం గమనార్హం. మూడు మండలాలు, పట్టణంలో ఎన్నికల ప్రచారం నిర్వహించడానికి సమయం లేకుండా పోలీసులు చేస్తున్నారని ఈ సందర్భంగా మాజీ మంత్రి, వైఎస్సార్‌ సీపీ జిల్లా అధ్యక్షుడు దాడిశెట్టి రాజా విమర్శించారు. పార్టీ జిల్లా అధ్యక్ష పదవిలో ఉన్న నాయకుడిని ఎందుకు హౌస్‌ అరెస్ట్‌ పేరుతో ఇబ్బంది పెడుతున్నారో ప్రభుత్వం తరఫున పోలీసులు సమాధానం చెప్పాలని ఆయన డిమాండ్‌ చేశారు. ఆంక్షలు ఎత్తివేసి కార్యకర్తలను కలుసుకునే అవకాశం కల్పించాలని అన్నారు.

కాకినాడ క్రైం: పోలీస్‌ అమరవీరుల వారోత్సవాల్లో భాగంగా జిల్లా పోలీస్‌ శాఖ ఆధ్వర్యంలో శనివారం ఓపెన్‌ హౌస్‌ ఆయుధ ప్రదర్శన నిర్వహించారు. స్థానిక పోలీస్‌ పెరేడ్‌ మైదానంలో నిర్వహించిన ఈ కార్యక్రమంలో జిల్లాలో విఽవిధ పాఠశాలలకు చెందిన విద్యార్థులు హాజరయ్యారు. ఆయుధాల పనితీరును ఎస్పీ బిందుమాధవ్‌ వివరించారు. అమరవీరుల సంస్మరణార్థం సాయంత్రం భానుగుడి కూడలిలో నిర్వహించిన పోలీస్‌ బ్యాండ్‌ షో అబ్బురపరిచింది. ఈ కార్యక్రమాన్ని ప్రజలు ఆసక్తిగా తిలకించారు. అడ్మిన్‌ ఎస్పీ కిషోర్‌కుమార్‌ బ్యాండ్‌ షో ప్రాధాన్యతను వివరించారు.

● రైతన్నకు తుపాను గండం ● కోత దశలో ఖరీఫ్‌ పంట ● భారీ వర్షాలు కురిస్తే తీవ్ర నష్టం బోట్‌ క్లబ్‌ (కాకినాడ సిటీ): బంగాళాఖాతంలో ఏర్పడిన అల్పపీడనం తుపానుగా మారే అవకాశం ఉందని వాతావరణ శాఖ హెచ్చరికలు రైతుల్లో గుబులు రేపుతున్నాయి. ఇప్పటికే కోత దశకు చేరుకున్న వరి పంటకు తుపాను ముప్పు పొంచి ఉండటంతో కలవరపడుతున్నారు. ఆదివారం నుంచి 29 వరకూ జిల్లాలో వర్షాలు పడే అవకాశం ఉందని అధికారులు హెచ్చరిస్తున్నారు. కాకినాడ సమీపంలో తుపాను తీరం దాటే అవకాశం ఉందని వాతావరణ శాఖ జిల్లా అధికారులను అప్రమత్తం చేసింది. జిల్లా వ్యాప్తంగా ఖరీఫ్‌లో 90,298 హెక్టార్ల సాగు విస్తీర్ణానికి గాను, వర్షాభావ పరిస్థితుల కారణంగా కేవలం 87,023 హెక్టార్లలో మాత్రమే వరి సాగు అయ్యింది. ప్రస్తుతం వాతావరణం అనుకూలించడంతో పంటలు బాగా పండాయని, దీనివల్ల పంటకు మంచి గిట్టుబాటు ధర లభిస్తుందని రైతులు ఆశిస్తున్నారు. 75 కిలోల ధాన్యం బస్తాకు రూ.2,500 నుంచి రూ.3 వేల వరకు ధర లభిస్తుందని ఆశతో ఎదురుచూస్తున్న రైతులకు తుపాను హెచ్చరికలు ఆందోళన కలిగిస్తున్నాయి. పంట చేతికొచ్చే సమయంలో భారీ వర్షాలు కురిస్తే తమ కష్టమంతా వృథా అవుతుందని వారు ఆవేదన చెందుతున్నారు. జిల్లాలోని సామర్లకోట, పెద్దాపురం పరిసర ప్రాంతాలు, పెదపూడి, కిర్లంపూడి, గండేపల్లి మండలాల్లో ఇప్పటివరకు సుమారు 563 హెక్టార్లలో వరి కోతలు పూర్తయ్యాయి. మరో వారం నుంచి పది రోజుల్లో సుమారు 30 వేల నుంచి 40 వేల హెక్టార్లలో వరి కోతలు జరిగే అవకాశం ఉందని వ్యవసాయ శాఖ అధికారులు అంచనా వేస్తున్నారు.ఇలాంటి కీలక సమయంలో తుపాను ముప్పు పొంచి ఉండడం ఆందోళన కలిగిస్తోంది. భారీ వర్షాలు కురిస్తే కోతకు సిద్ధంగా ఉన్న వరి పంట నేలకొరిగే ప్రమాదం ఉందని, ధాన్యం తడిసిపోతే నాణ్యత దెబ్బతిని ధర తగ్గే అవకాశం ఉందని రైతులు ఆందోళన చెందుతున్నారు. వివిధ రంగాలపై ప్రభావం భారీ వర్షాలు, ఈదురు గాలులు వ్యవసాయ రంగంపై తీవ్ర ప్రభావం చూపే అవకాశం ఉంది. ముఖ్యంగా అరటి, కొబ్బరి, కూరగాయల సాగు ప్రాంతాల్లో నీరు నిలిచిపోవడం, పంటలు నేలకొరగడం, తోటలకు నష్టం వాటిల్లడం వంటి సమస్యలు తలెత్తవచ్చు. విద్యుత్‌ సరఫరా, రవాణా వ్యవస్థలపైనా ప్రతికూల ప్రభావం పడే అవకాశం ఉంది. కోత దశలో ఉన్న పంటలను, ఇప్పటికే కోసి నిల్వ చేసిన ధాన్యాన్ని వర్షానికి తడవకుండా జాగ్రత్తలు తీసుకోవాలని వ్యవసాయ శాఖ అధికారులు రైతులకు సూచిస్తున్నారు. తుపాను ప్రభావం తగ్గే వరకు వరి కోతలను వాయిదా వేసుకోవాలని, ధాన్యాన్ని సురక్షిత ప్రాంతాల్లో నిల్వ చేసుకోవాలని అవగాహన కల్పిస్తున్నారు. సహాయక చర్యలకు సిద్ధం కావాలి తుపాను నేపథ్యంలో జిల్లాలోని అన్ని శాఖల అధికారులు అప్రమత్తంగా ఉండాలని, ప్రజల ప్రాణ, ఆస్తి నష్టాలను నివారించేందుకు ముందస్తు జాగ్రత్త చర్యలు చేపట్టాలని కలెక్టర్‌ హరేంధిర ప్రసాద్‌ ఆదేశించారు. స్థానిక కలెక్టరేట్‌లో జిల్లాస్థాయి అధికారులతో ఆయన సమీక్ష నిర్వహించారు. తుపాను ప్రభావంతో గంటకు 100 కిలోమీటర్ల వేగంతో ఈదురు గాలులు వీస్తాయని, 24 గంటల్లో 20 నుంచి 25 సెంటీమీటర్ల వర్షపాతం నమోదయ్యే అవకాశం ఉందని తెలిపారు. 27వ తేదీ రాత్రి, 28వ తేదీ ఉదయం తుపాను తీరం దాటే అవకాశం ఉందని, తీరం దాటే ప్రాంతంపై ఈ నెల 26వ తేదీ సోమవారం ఉదయం స్పష్టత వచ్చే అవకాశం ఉందని తెలిపారు. తీర ప్రాంతాల్లోని మత్స్యకారులు సముద్రంలో వేటకు వెళ్లకుండా స్పష్టమైన ఆదేశాలు జారీ చేయాలని సూచించారు. వ్యవసాయ, ఉద్యాన శాఖల అధికారులు రైతులను అప్రమత్తం చేసి కోతకు సిద్ధంగా ఉన్న పంటలను వీలైనంత త్వరగా కోసుకునేలా సూచనలు ఇవ్వాలన్నారు. ఈదురు గాలుల కారణంగా విద్యుత్‌ స్తంభాలు నేలకూలే ప్రమాదం ఉన్నందున తగినన్ని విద్యుత్‌ స్తంభాలు, వైర్లు, ఇతర సామగ్రి, మరమ్మతు సిబ్బందిని ముందుగానే సిద్ధంగా ఉంచాలని విద్యుత్‌ శాఖ అధికారులను ఆదేశించారు. తుపాను సన్నద్ధత చర్యల్లో భాగంగా ఈ నెల 29 వరకు ఎలాంటి సెలవులు మంజూరు చేయరాదని అధికారులకు ఆదేశాలు జారీ చేశారు.

వైఎస్సార్‌ సీపీకి మద్దతిస్తాం : సీపీఐ పిఠాపురం: స్థానిక సంస్థల ఎన్నికల్లో ఓటమి భయంతోనే కూటమి కుట్రలకు పాల్పడుతుందని సీపీఐ నాయకుడు సాకా రామకృష్ణ విమర్శించారు. శనివారం స్థానిక విలేకరులతో ఆయన మాట్లాడుతూ ఎన్నికల తీరుపై తీవ్ర అసంతృప్తి వ్యక్తం చేశారు. కూటమి ప్రభుత్వం అధికారాన్ని అడ్డుపెట్టుకుని ప్రత్యర్థులను కొనుగోలు చేసే ధోరణి అవలంబిస్తుందని ఆరోపించారు. రాష్ట్రంలో అభివృద్ధి, ఉద్యోగాలు, ఉపాధి అవకాశాలు ఆశించిన స్థాయిలో లేవని, రైతులకు గిట్టుబాటు ధరలు అందడం లేదన్నారు. నిత్యావసర వస్తువుల ధరల పెరుగుదలతో పాటు పన్నులు, విద్యుత్‌ చార్జీల భారంతో ప్రజలు ఇబ్బందులు పడుతున్నారని అన్నారు. ఎన్నికల సమయంలో ఇచ్చిన హామీలను అమలు చేయడంలో కూటమి ప్రభుత్వం విఫలమైందని ఆరోపించారు. రెండున్నరేళ్లుగా ఇళ్ల స్థలాలు, నిరుద్యోగ యువతకు ఉద్యోగ, ఉపాధి అవకాశాలు, నిరుద్యోగ భృతి కింద నెలకు రూ.3 వేల చెల్లింపు, మహిళలకు నెలకు రూ.1,500 ఆర్థిక సాయం వంటి హామీల అమలుపై ప్రజలకు సమాధానం చెప్పాలని డిమాండ్‌ చేశారు. పప్పు నుంచి ఉప్పు వరకు, బియ్యం, పంచదార, వంటనూనెలు, కూరగాయల ధరలు పెరగడంతో ప్రజలు తీవ్ర ఇబ్బందులు ఎదుర్కొంటున్నారని అన్నారు. చదువు, సంస్కారం, ప్రజాసేవ పట్ల నిబద్ధత ఉన్న అభ్యర్థులను గుర్తించి ఎన్నుకోవాలని ప్రజలకు విజ్ఞప్తి చేశారు. స్థానిక ఎన్నికల్లో వైఎస్సార్‌ సీపీ అభ్యర్థులకు మద్దతు తెలిపి, కూటమి ప్రభుత్వ విధానాలపై తమ అభిప్రాయాన్ని ఓటు ద్వారా వెల్లడించాలని సీపీఐ తరఫున పిలుపునిచ్చారు.

కాకినాడ లీగల్‌: కాకినాడ నగరపాలక సంస్థ పరిధిలో వార్డుల వారీగా ఎస్సీ, ఎస్టీ, బీసీ, ఓసీ, మహిళా ఓటర్ల గణనను పారదర్శకంగా చేపట్టాలని నగరపాలక సంస్థ కమిషనర్‌ ఎన్‌వీవీ సత్యనారాయణ అధికారులను ఆదేశించారు. కాకినాడ స్మార్ట్‌ సిటీ కార్యాలయంలో శనివారం సచివాలయ అడ్మిన్లు, వీఆర్వోలు, మహిళా ప్రొటెక్షన్‌ అండ్‌ వెల్ఫేర్‌ సెక్రటరీలతో సమీక్ష సమావేశం నిర్వహించారు. ఈ నెల ఆది, సోమవారాల్లో ఇంటింటా వెరిఫికేషన్‌ నిర్వహించి, 27న ప్రాథమిక వివరాలను ప్రచురించాలని, వాటిపై అభ్యంతరాలు, అభ్యర్థనలు వస్తే మరోసారి పరిశీలించి 29వ తేదీకి ప్రక్రియను పూర్తి చేయాలని సూచించారు. సర్వే బృందాలు ఇంటింటికీ వెళ్లి ఓటర్ల వివరాలను క్షేత్రస్థాయిలో నిర్ధారించాలని, కులాలకు సంబంధించిన సందేహాలు తలెత్తితే వీఆర్వోలు సంబంధిత రికార్డులు, ప్రభుత్వ ఉత్తర్వుల ఆధారంగా పరిశీలించాలని ఆదేశించారు. గణనలో ఎలాంటి పొరపాట్లకు తావివ్వరాదని, విధుల్లో నిర్లక్ష్యం వహించినా, తప్పుడు సమాచారం నమోదు చేసినా బాధ్యులపై తగిన చర్యలు తీసుకుంటామని హెచ్చరించారు.

● జీఓ 291ని సస్పెండ్‌ చేసిన హైకోర్టు ● వెల్లడించిన వైఎస్సార్‌ సీపీ నేత దవులూరి దొరబాబు సామర్లకోట: పేదల ఇళ్ల స్థలాల్లో పరిశ్రమ ఏర్పాటు చేసే ప్రయత్నాలకు హైకోర్టు బ్రేక్‌ వేసింది. వివరాలి వీ.. పెద్దాపురం మండలంలోని 11 గ్రామాల పేదలకు రామేశ్వరం మెట్ట వద్ద గత వైఎస్సార్‌ సీపీ ప్రభుత్వం ఇళ్ల స్థలాలిచ్చింది. ఇక్కడ రెండో విడతలో ఇళ్ల నిర్మా ణం చేపట్టాల్సి ఉండగా 2024లో సార్వత్రిక ఎన్నికలు జరిగాయి. అనంతరం అధికారంలోకి వచ్చిన కూటమి ప్రభుత్వం జిల్లాలో జిందాల్‌ సంస్థ ఆధ్వర్యాన చెత్త నుంచి విద్యుత్తు తయారు చేసే పరిశ్రమ స్థాపించాలని నిర్ణయించింది. దీనికి ఉమ్మడి తూర్పు గోదావరి జిల్లాలోని ఏ నియోజకవర్గంలోనూ ఎమ్మెల్యేలు అంగీకరించకపోగా, పెద్దాపురంలో ఈ పరిశ్రమ ఏర్పాటుకు అంగీకారం తెలిపారు. దీంతో, రామేశ్వరం మెట్ట వద్ద గత ప్రభుత్వం పేదలకు ఇచ్చిన స్థలాల వద్ద జిందాల్‌ పరిశ్రమ నిర్మాణానికి చంద్రబాబు ప్రభుత్వం జీఓ 291 జారీ చేసింది. ఆ వెంటనే పరిశ్రమ నిర్మాణం ప్రారంభించారు. వైఎస్సార్‌ సీపీ నియోజకవర్గ కో ఆర్డినేటర్‌ దవులూరి దొరబాబు జిందాల్‌ అధికారులకు వాస్తవాలు తెలిపి, పరిశ్రమ నిర్మాణం నిలిపివేయాలని సూచించారు. స్పందన లేకపోవడంతో ఆ ప్రాంతంలో ఇళ్ల స్థలాలు పొందిన వారితో కలసి పెద్దాపురం ఆర్‌డీఓ కార్యాలయం వద్ద భారీ ధర్నా నిర్వహించి, ఆర్‌డీఓకు వినతిపత్రం అందజేశారు. అయినప్పటికీ ప్రభుత్వం పట్టించుకోకపోవడంతో పేదల తరఫున దొరబాబు హైకోర్టును ఆశ్రయించారు. విషయాన్ని పరిశీలించిన హైకోర్టు ప్రభుత్వ ఉత్తర్వులను శుక్రవారం సస్పెండ్‌ చేసిందని ఆయన విలేకర్లకు తెలిపారు. పేదలకు తాత్కాలిక రక్షణ లభించిందని, నవంబర్‌ 25న తుది తీర్పు వస్తుందని తెలిపారు. కాగా, జిందాల్‌ ఫ్యాక్టరీని వ్యతిరేకిస్తూ కమ్యూనిస్టు పార్టీల నాయకులు కూడా ఆందోళనలు నిర్వహించారు.

అమలాపురం రూరల్‌: అమలాపురం ఈదరపల్లిలో జిల్లా పరిషత్‌ కార్యాలయం సమీపంలోని పోలీస్‌ చెక్‌పోస్టు వద్ద శుక్రవారం ఓ బైక్‌ నుంచి మంటలు చెలరేగాయి. దానిని నడుపుతున్న వ్యక్తి బైక్‌ను కింద పడేసి పరుగులు తీశాడు. ఓ పార్టీ ఊరేగింపుగా వచ్చిన సమయంలో ఈ ఘటన చోటుచేసుకుంది. వెంటనే అప్రమత్తమైన పోలీసులు, స్థానికులు మంటలను అదుపు చేశారు. బైక్‌ వేగంగా ఎక్కువ దూరం నడపడంతో ఇంజిన్‌ వేడెక్కి మంటలు వచ్చి ఉండవచ్చని పోలీసులు తెలిపారు. ఇలాంటి ఘటనలు జరగకుండా పార్టీ శ్రేణులు అప్రమత్తంగా ఉండాలని సూచించారు.

కరప: నామినేషన్ల ఉపసంహరణ గడువు ఈ నెల 27న ముగుస్తుందని, ఆలోగా ఎంపీటీసీ అభ్యర్థులు తమ పార్టీ బీ–ఫారాలు అందజేయాలని జిల్లా ఎన్నికల పరిశీలకురాలు, సాంఘిక సంక్షేమ శాఖ డైరెక్టర్‌ బి.లావణ్యవేణి సూచించారు. మండల ప్రజాపరిషత్‌ కార్యాలయంలో నామినేషన్ల స్వీకరణ ప్రక్రియను ఆమె శుక్రవారం పరిశీలించారు. నామినేషన్ల స్వీకరణ విధానం, ఇప్ప టి వరకూ దాఖలైన నామినేషన్లు, ఎన్నికల నిర్వహణ ఏర్పాట్లపై మండల ఎన్నికల రిటర్నింగ్‌ అధికారి జి.శ్రీనివాసరావును అడిగి వివరాలు తె లుసుకున్నారు. నామినేషన్ల ప్రక్రియకు సంబంధించిన ప్రతి అంశాన్నీ అధికారులను అడిగి తెలుసుకుని, ఎన్నికల నిర్వహణలో నిబంధనలు పక్కాగా పాటించాలని సిబ్బందికి సూచించారు. కార్యక్రమంలో ఎంపీడీఓ జె.శ్రీనివాస్‌, తహసీల్దార్‌ ఆకుల లక్ష్మీ సరస్వతి, డిప్యూటీ ఎంపీడీఓ ఎస్‌వీ శ్రీనివాసరావు, మండల సచివాలయాల అధికా రి కర్రి శ్రీనివాసరావు తదితరులు పాల్గొన్నారు. పోలింగ్‌ నిర్వహణలో నిబంధనలు పాటించాలి సామర్లకోట: మున్సిపల్‌ ఎన్నికల పోలింగ్‌ విధుల నిర్వహణలో సిబ్బంది, అధికారులు నియమ నిబంధనలు కచ్చితంగా పాటించాలని కలెక్టర్‌ ఎంఎన్‌ హరేంధిర ప్రసాద్‌ ఆదేశించారు. మున్సిపల్‌ కార్యాలయంలో పోలింగ్‌ అధికారులు (పీఓ), ఏపీఓలకు నిర్వహిస్తున్న శిక్షణలో శుక్రవారం ఆయన పాల్గొన్నారు. ఎన్నికల అధికారులు హ్యాండ్‌ బుక్‌ను ఒకటికి రెండు పర్యాయాలు చదివి అవగాహన పెంచుకోవాలన్నారు. ఎన్నికల సామగ్రి తీసుకునే సమయం నుంచి పోలింగ్‌ అనంతరం తిరిగి రిసెప్షన్‌ కేంద్రంలో అప్పగించేంత వరకు బ్యాలెట్‌ పేపర్లు, బాక్సుల భద్రతకు అధికారులు పూర్తి బాధ్యత వహించాలని స్పష్టం చేశారు. పోలింగ్‌ వివరాల నివేదికలు క్రమం తప్పకుండా అందించాలని సూచించారు. కార్యక్రమంలో పెద్దాపురం ఆర్‌డీఓ పి.కృష్ణమూర్తి, మున్సిపల్‌ కమిషనర్‌ ఎన్‌.కనకరావు, రిసోర్సు పర్సన్లు పాల్గొన్నారు.

ఆత్రేయపురం: కోనసీమ తిరుమల వాడపల్లి వేంకటేశ్వర స్వామివారి 14వ వార్షిక బ్రహ్మోత్సవాలు ఈ నెల 29 నుంచి నవంబర్‌ 6 వరకు వైభవంగా నిర్వహించేందుకు ఏర్పాటు చేస్తున్నట్లు దేవదాయ శాఖ ఉప కమిషనర్‌ ఆలయ ఈఓ నల్లం సూర్యచక్రధరరావు తెలిపారు. ఈ మేరకు స్వామివారి బ్రహ్మోత్సవాల ఆహ్వాన పత్రికలను పంపిణీ చేస్తున్నట్లు వివరించారు. శేష వాహన సేవతో ఉత్సవాలు ప్రారంభిస్తామని తెలిపారు. ఆయా రోజుల్లో ఆలయంలో ఆర్జిత సేవలు, సామూహిక అష్టోత్తర పూజలు, ఐశ్వర్య లక్ష్మీ హోమాలు, కల్యాణాలు రద్దు చేశామన్నారు. నిందితులపై హత్యాయత్నం కేసు నమోదు అమలాపురం టౌన్‌: అమలాపురం దసరా ఉత్సవాల్లో ఐ.పోలవరం ఎస్సై రవీంద్రబాబును కత్తితో పొడిచి దాడికి పాల్పడిన నిందితులపై పట్టణ పోలీస్‌ స్టేషన్‌లో హత్యాయత్నం కేసు నమోదు చేసినట్లు సీఐ పి.వీరబాబు తెలిపారు. ఎస్సైపై దాడికి పాల్పడిన కొంకాపల్లి దసరా ఉత్సవ కమిటీకి చెందిన ఐదుగురిని ప్రధాన నిందితులుగా, మరి కొంతమందిపై కేసు నమోదు చేసినట్లు సీఐ చెప్పారు. ఉరేసుకుని ఒడిశా వాసి మృతి చింతూరు: స్థానిక వినాయకుడి గుడి ముందు భాగంలో ఉన్న వరండాలో ఐరన్‌ పైపునకు ఉరేసుకుని ఒడిశా రాష్ట్రం మల్కనగిరి జిల్లా తోపగూడకు చెందిన గంగా మాడి (54) అనే వ్యక్తి మృతి చెందాడు. ఈ ఘటన శుక్రవారం కలకలం రేపింది. గురువారం రాత్రి గుడి వద్దకు వచ్చిన సదరు వ్యక్తి దేవుడిని దర్శించుకుని వెళ్లాడని, ఉదయం చూసేసరికి వరండాలో ఐరన్‌ దూలానికి ఉరేసుకుని మృతి చెంది ఉన్నట్లు ప్రత్యక్ష సాక్షులు తెలిపారు. ఘటనా స్థలాన్ని పరిశీలించిన చింతూరు ఎస్సై సంతోష్‌ కుమార్‌ కేసు నమోదు చేసి దర్యాప్తు చేస్తున్నారు. విద్యుత్‌ స్తంభం విరిగిపడి వ్యక్తి మృతి కొత్తపల్లి: ప్రమాదవశాత్తూ విద్యుత్‌ స్తంభం విరిగిపడడంతో ఓ వ్యక్తి మృతి చెందాడు. పోలీసులు తెలిపిన వివరాల ప్రకారం.. కొత్తపల్లి మండలం నాగులపల్లి గ్రామానికి చెందిన ముప్పిడి నూకరాజు (80) తన ఇంటి వద్ద అరుగు వద్ద టిఫిన్‌ చేస్తుండగా, చెట్టుకొమ్మ విరిగి విద్యుత్‌ స్తంభంపై పడింది. ఆ విద్యుత్‌ స్తంభం నూకరాజుపై పడడంతో అక్కడికక్కడే మృతి చెందాడు. దీనిపై ఎస్సై వెంకటేష్‌ కేసు నమోదు చేసి దర్యాప్తు చేస్తున్నారు. కాలువలో పడి వ్యక్తి మృతి పెద్దాపురం: మండలంలోని ఉలిమేశ్వరం గ్రామంలో శుక్రవారం తెల్లవారు జామున పంట కాలువలోకి జారిపడి ఓ వ్యక్తి మృతి చెందాడు. స్థానికులు, పోలీసుల కథనం ప్రకారం.. ఆ గ్రామానికి చెందిన దనువురెడ్డి అచ్చన్న (48) ఉదయాన్ని బయటకు వెళ్లి పంట కాలువలో జారిపడిపోయాడు. దీనిని స్థానికులు గుర్తించి అతన్ని బయటకు తీసి, ప్రైవేటు వాహనంలో పెద్దాపురం ఆసుపత్రికి తీసుకువెళ్లారు. అప్పటికే అచ్చన్న మృతి చెందినట్టు వైద్యులు ధ్రువీకరించారు. మృతుడు భార్య నాగమణి ఫిర్యాదు మేరకు పెద్దాపురం పోలీసులు కేసు నమోదు చేసి, దర్యాప్తు చేస్తున్నారు. సినిమా చూసి వచ్చేసరికి ఇంట్లో చోరీ! గొల్లప్రోలు (పిఠాపురం రూరల్‌): కుటుంబ సభ్యులతో కలిసి సినిమాకు వెళ్లిన ఓ వ్యక్తి తిరిగి వచ్చేసరికి ఇల్లు గుల్ల అయిన వైనమింది. ఈ ఘటన గొల్లప్రోలు పోలీస్‌ స్టేషన్‌ పరిధిలో చోటుచేసుకుంది. పోలీసుల కథనం ప్రకారం.. స్థానికంగా నివాసం ఉంటున్న ఊటుకూరి సుబ్రహ్మణ్యం తన కుటుంబ సభ్యులతో కలసి 22వ తేదీ రాత్రి 9 గంటల సమయంలో సినిమా చూసేందుకు పిఠాపురం వెళ్లారు. తిరిగి అర్ధరాత్రి 12.20 గంటలకు ఇంటికి తిరిగి వచ్చేసరికి తలుపులు పగులగొట్టి ఉండటాన్ని గుర్తించారు. లోపలికి వెళ్లి పరిశీలించగా, బీరువాలోని 204 గ్రాముల బంగారు ఆభరణాలు, 850 గ్రాముల వెండి వస్తువులతో పాటు కొంత నగదు కనిపించలేదు. దీంతో గుర్తుతెలియని దుండగులు ఇంట్లోకి చొరబడి చోరీకి పాల్పడినట్లు గుర్తించి పోలీసులకు ఫిర్యాదు చేశారు. ఘటనా స్థలాన్ని డీఎస్పీ ఎన్‌.దుర్గారావు పరిశీలించారు. బాధితుడి ఫిర్యాదు మేరకు గొల్లప్రోలు ఎస్‌ఐ రామకృష్ణ కేసు నమోదు చేశారు.

● వారికి నిబంధనలు వర్తించవా? ● ఎన్నికల నిబంధనలను తుంగలో తొక్కిన జనసేన శ్రేణులు కొత్తపల్లి: ఎంపీటీసీ నామినేషన్ల స్వీకరణలో అధికార కూటమిలోని జనసేన నాయకులు ఎన్నికల నిబంధనలను తుంగలో తొక్కారు. స్థానిక మండల పరిషత్‌ కా ర్యాలయంలో చివరి రోజైన శుక్రవారం నామినేష న్లు వేసేందుకు పలువురు అభ్యర్థులు వచ్చారు. నిబంధనల ప్రకారం వైఎస్సార్‌ సీపీ నుంచి అభ్యర్థితో పా టు మరో ఇద్దరిని మాత్రమే నామినేషన్‌ కేంద్రం లోపలకు అనుమతించారు. కానీ, జనసేన పార్టీ అభ్యర్థులు మా త్రం నిబంధనలను అతిక్రమించి, భారీ సంఖ్యలో పా ర్టీ జెండాలతో వచ్చినప్పటికీ అధికారులు, పోలీసులు ఏమాత్రం పట్టించుకోకపోవడం విమర్శలకు తావిచ్చింది. వారి తీరుతో పిఠాపురం – ఉప్పాడ రోడ్డులో మండల పరిషత్‌ కార్యాలయం నుంచి కొత్తపల్లి ఊర చెరువు సెంటర్‌ వరకూ భారీగా వాహనాలు నిలిచిపోయాయి. ఎంత అధికారంలో ఉంటే మాత్రం నిబంధనలను పట్టించుకోరా అని పలువురు ప్రశ్నిస్తున్నారు.

ఫ ఇది కూటమి ప్రభుత్వానికి మాయని మచ్చ ఫ ప్రముఖ న్యాయవాది జగ్గారపు మల్లికార్జున బోట్‌క్లబ్‌ (కాకినాడ సిటీ): రాష్ట్రంలో స్థానిక సంస్థల ఎన్నికల నిర్వహణ అత్యంత దుర్మార్గంగా ఉందని, ఇది కూటమి ప్రభుత్వానికి మాయని మచ్చలాందని జైభీమ్‌ రావ్‌ భారత్‌ పార్టీ రాష్ట్ర వర్కింగ్‌ ప్రెసిడెంట్‌, ప్రముఖ న్యాయవాది జగ్గారపు మల్లికార్జున అన్నారు. స్థానిక ఆ పార్టీ కార్యాలయంలో శుక్రవారం విలేకరుల సమావేశం నిర్వహించారు. ఈ సందర్భంగా ఆయన మాట్లాడుతూ పదేళ్లుగా తాను రాజకీయాల్లో ఉన్నానని.. కాకినాడ రూరల్‌, పిఠాపురం నియోజకవర్గాల్లో ఎమ్మెల్యే అభ్యర్థిగా పోటీ చేశానన్నారు. రాష్ట్రంలో జెడ్పీటీసీ, ఎంపీటీసీ ఎన్నికలలో భాగంగా నామినేషన్ల ప్రక్రియ చూస్తే బాధ కలుగుతుందని అన్నారు. కనీసం నామినేషన్లు వేసే పరిస్థితి కూటమి ప్రభుత్వం కల్పించలేదని, ఇతర అభ్యర్థులపై ఆయుధాలతో దాడులకు దిగడం సిగ్గు చేటన్నారు. దీనికి ముఖ్యమంత్రి చంద్రబాబు పూర్తి బాధ్యత వహించాలని డిమాండ్‌ చేశారు. కాకినాడ జిల్లా తుని, తొండంగి మండలాల్లో కూటమి అభ్యర్థులు కాకుండా మిగతా ఎవరైనా నామినేషన్లు వేయడానికి ప్రయత్నిస్తే, వారిపై అధికారులు, పోలీస్‌ వ్యవస్థ ముందే దాడులకు దిగడం దారుణమన్నారు. దీనిపై ఇప్పటివరకు ప్రభుత్వం స్పందించకపోవడం విడ్డూరంగా ఉందన్నారు. అన్ని వ్యవస్థలను ప్రభుత్వం సర్వనాశనం చేసిందన్నారు. 50 నుంచి 60 శాతం నామినేషన్లు వేయకుండా అడ్డుపడిందన్నారు. కూటమిలో 30 శాతం టికెట్లు అడిగే ప్రయత్నంలో జనసేన ఉందని, కానీ రాష్ట్రంలో ఏం జరుగుతుందో ఉప ముఖ్యమంత్రి పవన్‌ కళ్యాణ్‌ దృష్టి పెట్టడం లేదన్నారు. షాడో సీఎంగా ఉన్న లోకేష్‌ ఇప్పటివరకు రాష్ట్రంలో జరుగుతున్న దారుణాలపై నోరు విప్పలేదని, చంద్రబాబు మద్దతుతోనే ప్రత్యర్థులపై దాడులు చేస్తున్నారన్నారు. కత్తులు, గొడ్డళ్లతో బెదిరిస్తే నామినేషన్లు ఎలా వేస్తారని, దీనిపై సీట్ల కోసం పాకులాడుతున్న పవన్‌ కళ్యాణ్‌ దృష్టి పెట్టాలన్నారు. తమ పార్టీ స్థానిక సంస్థల ఎన్నికలలో పోటీ చేయదని, కానీ కూటమి అభ్యర్థులను ఓడించే ప్రయత్నం చేస్తామన్నారు.

● చివరి రోజూ భారీగా నామినేషన్లు ● జెడ్పీ, మండల పరిషత్‌ కార్యాలయాల్లో సందడి బోట్‌క్లబ్‌ (కాకినాడ సిటీ): జెడ్పీటీసీ, ఎంపీటీసీ ఎన్నికల నామినేషన్ల పర్వం శుక్రవారం ముగిసింది. చివరి రోజు కావడంతో వివిధ రాజకీయ పార్టీలకు చెందిన వారితో పాటు స్వతంత్ర అభ్యర్థులు పెద్ద సంఖ్యలో నామినేషన్లు వేశారు. జెడ్పీటీసీ నామినేషన్లకు తరలి వచ్చిన వారితో జెడ్పీ కార్యాలయంలో సందడి నెలకొంది. అభ్యర్థులు ఉదయం 10.30 నుంచి రాత్రి 9.30 గంటల వరకూ తమ నామినేషన్లను రిటర్నింగ్‌ అధికారి, జాయింట్‌ కలెక్టర్‌ అపూర్వ భరత్‌కు సమర్పించారు. నామినేషన్లు వేసేందుకు అభ్యర్థులు భారీ సంఖ్యలో రావడంతో వారికి టోకెన్లు జారీ చేశారు. సాయంత్రం 5 గంటల వరకూ నామినేషన్ల దాఖలుకు అవకాశం ఉండటంతో ఆలోగా వచ్చిన వారందరికీ టోకెన్లు జారీ చేసి, క్రమ పద్ధతిలో నామినేషన్లు స్వీకరించారు. జిల్లాలోని మండల పరిషత్‌ కార్యాలయాల్లో కూడా ఎంపీటీసీ నామినేషన్ల దాఖలుకు వచ్చిన అభ్యర్థులతో కోలాహలం నెలకొంది. జెడ్పీటీసీలకు 230 నామినేషన్లు జిల్లాలోని 20 జెడ్పీటీసీలకు మొత్తం 230 మంది అభ్యర్థులు నామినేషన్లు వేశారు. వైఎస్సార్‌ సీపీ నుంచి 56 మంది, జనసేన 81, టీడీపీ 37, బీఎస్పీ 5, బీజేపీ 16, కాంగ్రెస్‌ 14, వామపక్షాలు, ఇతరులు 21 చొప్పున నామినేషన్లు దాఖలు చేశారు. ఎంపీటీసీలకు 2,218 మంది.. జిల్లాలోని 401 ఎంపీటీసీ స్థానాలకు ఎన్నికలు జరుగుతూండగా మొత్తం 2,218 నామినేషన్లు వేశారు. వైఎస్సార్‌ సీపీ నుంచి 871 మంది, టీడీపీ 656, జనసేన 471, బీజేపీ 50, కాంగ్రెస్‌ 6, ఆమ్‌ ఆద్మీ పార్టీ 1, బీఎస్పీ 5, వామపక్షాలు 9, స్వతంత్రులు 146, బీసీవై నుంచి ముగ్గురు నామినేషన్లు దాఖలు చేశారు. కూటమిలో కుదరని సీట్ల సర్దుబాటు జెడ్పీటీసీ స్థానాలకు సంబంధించి అధికార కూటమిలో సీట్ల సర్దుబాటు కొలిక్కి రాలేదు. దీంతో, టీడీపీ, జనసేన, బీజేపీ నేతలు ఎవరికి వారుగా నామినేషన్లు దాఖలు చేశారు. అభ్యర్థుల ఎంపిక కూటమి పార్టీలకు తలనొప్పిగా మారింది. జెడ్పీటీసీ స్థానాల కేటాయింపుపై టీడీపీ, జనసేన, బీజేపీ నేతల మధ్య స్పష్టత రానప్పటికీ ఆశావహులు ఏమాత్రం వెనక్కి తగ్గలేదు. తమకే పార్టీ టికెట్టు వస్తుందన్న ఆశతో పలువురు నాయకులు నామినేషన్లు వేశారు. దీంతో, అనేక మండలాల్లో కూటమి పార్టీలకు చెందిన అభ్యర్థులు పరస్పరం బరిలో నిలుస్తున్న పరిస్థితి ఏర్పడింది. ముఖ్యంగా కాకినాడ రూరల్‌, యు.కొత్తపల్లి, సామర్లకోట తదితర మండలాల్లో టీడీపీ, జనసేన నాయకులు పోటాపోటీగా నామినేషన్లు వేశారు. పెద్దాపురం జెడ్పీటీసీ స్థానానికి సైతం టీడీపీ, జనసేన, బీజేపీ నాయకులు నామినేషన్లు వేశారు. సీట్ల పంపకాలపై ఏకాభిప్రాయం కుదరకపోవడం కూటమి పార్టీల కార్యకర్తలను అయోమయానికి గురి చేస్తోంది. మరోవైపు వైఎస్సార్‌ సీపీ పలు మండలాల్లో జెడ్పీటీసీ అభ్యర్థులను ముందుగానే ఖరారు చేసింది. దీంతో, ఆ పార్టీ అభ్యర్థులు ఎటువంటి టెన్షన్‌ లేకుండా నామినేషన్లు వేశారు. ఉపసంహరణపై ఆసక్తి నామినేషన్ల ప్రక్రియ ముగియడంతో ఇప్పుడు రాజకీయ పార్టీల దృష్టి బరిలో నిలిచిన అభ్యర్థులపై పడింది. కూటమి పార్టీల మధ్య సీట్ల సర్దుబాటు చర్చలు ఏ మేరకు ఫలిస్తాయో వేచి చూడాలి. ఒకే స్థానంలో నామినేషన్లు వేసిన కూటమి అభ్యర్థుల్లో ఎవరు వెనక్కి తగ్గుతారు, రెబల్‌ అభ్యర్థులను బుజ్జగించగలరా అనే అంశాలు ఆసక్తికరంగా మారాయి. ఎంపీటీసీ, జెడ్పీటీసీ నామినేషన్లను శనివారం పరిశీలించనున్నారు. నామినేషన్ల ఉపసంహరణకు ఈ నెల 27 ఆఖరు తేదీ. అదే రోజు బరిలో ఉన్న అభ్యర్థుల పేర్లు ఖరారు చేస్తారు. నవంబర్‌ 3న ఎన్నికలు నిర్వహించనున్నారు.

రౌతులపూడి: మండలంలోని ములగపూడిలో టీడీపీకి చెందిన 100 మంది వైఎస్సార్‌ సీపీ ప్రత్తిపాడు నియోజకవర్గ కో ఆర్డినేటర్‌ ముద్రగడ గిరిబాబు సమక్షంలో శుక్రవారం ఆ పార్టీలో చేరారు. వారికి గిరిబాబు పార్టీ కండువాలు కప్పి సాదరంగా ఆహ్వానించారు. గ్రామానికి చెందిన న్యాయవాది కాపారపు నిర్మల్‌ కుమార్‌, మార్కెట్‌ యార్డు డైరెక్టర్‌ కాపారపు నూకరాజు, ఎస్సీ పేటలోని పాఠశాల అభివృద్ధి కమిటీ చైర్మన్‌ కాపారపు శ్రీనివాప్‌, మాజీ స్కూల్‌ చైర్మన్‌ కాపారపు అర్జునుడు తదితరులు పార్టీలో చేరిన వారిలో ఉన్నారు. ఈ సందర్భంగా గిరిబాబు మాట్లాడుతూ, తన తండ్రి ఆదేశాల మేరకు ములగపూడిలోనే తన రాజకీయ ఆరంగేట్రం ప్రారంభించానని, ఈ ఎన్నికల్లో అందరూ పార్టీ విజయానికి కృషి చేసి ఇక్కడి నుంచే తన విజయానికి నాంది పలకాలని కోరారు. జెడ్పీటీసీ అభ్యర్థి గొల్లు శారదను, ఎంపీటీసీ అభ్యర్థి అంకంరెడ్డి కల్యాణ రాజేశ్వరిని ఫ్యాన్‌ గుర్తుపై ఓట్లు వేసి అత్యధిక మెజారిటీతో గెలిపించాలని గిరిబాబు అభ్యర్థిచారు. కార్యక్రమంలో వైఎస్సార్‌ సీపీ రాష్ట్ర కార్యదర్శి, ఎంపీపీ అభ్యర్థి వాసిరెడ్డి జమీలు, మాజీ జెడ్పీటీసీ సభ్యుడు గొల్లు చినదివాణం, పార్టీ సీనియర్‌ నాయకుడు వాసిరెడ్డి భాస్కరబాబు, మండల కన్వీనర్‌ సీహెచ్‌వీవీ సత్యనారాయణ, మాజీ సర్పంచ్‌ అంకంరెడ్డి సతీష్‌ కుమార్‌ తదితరులు పాల్గొన్నారు.

● అప్పటి వరకు నీకు నోరెత్తే అర్హత లేదు ● అడిగే ప్రశ్నలకు నేరుగా సమాధానం చెప్పలేక అవాకులు చెవాకులు ● నిప్పులు చెరిగిన మాజీ ఎమ్మెల్యే ద్వారంపూడి సాక్షి ప్రతినిధి, కాకినాడ: ‘కేంద్రం, రాష్ట్రంలో కూటమి ప్రభుత్వాలే ఉన్నాయి. కొచ్చిన్‌ డ్రగ్స్‌ కేసులో నాపై వచ్చిన ఆరోపణలకు సీబీఐతో విచారణ చేయించి, నిజాలు నిగ్గుతేల్చు. విచారణ పూర్తయ్యేదాకా నోరెత్తి విమర్శించే అర్హత నీకు లేదు. పసలేని ఆరోపణలు చేస్తే ఊరుకునేది లేదు’ అని కాకినాడ సిటీ ఎమ్మెల్యే వనమాడి కొండబాబుపై మాజీ ఎమ్మెల్యే, వైఎస్సార్‌ సీపీ సిటీ కో ఆర్డినేటర్‌ ద్వారంపూడి చంద్రశేఖరరెడ్డి నిప్పులు చెరిగారు. తన కార్యాలయంలో శుక్రవారం ఏర్పాటు చేసిన విలేకర్ల సమావేశంలోలాయన మాట్లాడారు. డ్రగ్స్‌ కేసులో తనపై వచ్చిన ఆరోపణలపై దమ్ముంటే సీబీఐ విచారణ వేయించుకోవాలే తప్ప పస లేని ఆరోపణలు చేయొద్దని హితవు పలికారు. కొండబాబు అవినీతిపై తాను అడిగిన ప్రశ్నలకు సమాధానం చెప్పలేక, తీవ్ర ఒత్తిడికి లోనై దిక్కు తోచని స్థితిలో అవాకులు చెవాకులు పేలుతున్నారని దుయ్యబట్టారు. న్యాయబద్ధంగా సంపాదించుకుంటే ఎవరూ ప్రశ్నించరని, నీ చీకటి వ్యాపారాలేమిటో ప్రజలకు తెలుసని ఆయనన్నారు. నీ రాజకీయానికి పునాది వేసిందే నేను ‘నీ రాజకీయ జీవితానికి పునాది వేసి, నిన్ను తెర పైకి తెచ్చిందే నేను. 2024 ఎన్నికల్లో పవన్‌ కల్యాణ్‌ ఇమేజ్‌, ఈవీఎంల సహకారంతో గట్టెక్కి ఇప్పుడు నీతులు మాట్లాడుతున్నావా?’ అంటూ ద్వారంపూడి ధ్వజమెత్తారు. నగరంలో అడుగడుగునా ‘కొండబాబు ట్యాక్స్‌’ దందాయే రాజ్యమేలుతోందన్నారు. మద్యం దుకాణాల్లో ఎంఆర్‌పీ కంటే ఎక్కువ రేట్లకు అమ్ముతూ జనాన్ని నిలువునా దోచుకుంటున్నారన్నారు. ‘నగర ప్రజలు ఆహ్లాదంగా గడిపే ఎగ్జిబిషన్‌ నిర్వాహకుల నుంచి రూ.30 లక్షలు నొక్కేసింది నిజం కాదా? గతంలో ఒక్కొక్కరికి రూ.30 ఉన్న టికెట్‌ ఇప్పుడు రూ.80కి ఎందుకు చేరింది?’ అని ద్వారంపూడి ప్రశ్నించారు. వెంటనే ఎగ్జిబిషన్‌ టికెట్‌ రేట్లు తగ్గించాలని డిమాండ్‌ చేశారు. చివరకు రక్షణ కల్పించే పోలీస్‌ డిపార్ట్‌మెంట్‌ నుంచి, పెట్రోలు బంకులు, రేషన్‌ షాపుల నుంచి కూడా వసూళ్లకు తెగబడటం సిగ్గుచేటని ఎద్దేవా చేశారు. ‘2014లో అప్పుల్లో ఉన్న నువ్వు ఎమ్మెల్యే అయ్యాక ధనవంతుడివి ఎలా అయ్యావ్‌? ఆ అప్పు ఎలా తీర్చావ్‌?’ అని ప్రశ్నించారు. ప్రజలను దోపిడీ చేయడం మాని, నీతిగా సంపాదించుకోవాలని హితవు పలికారు. కాకినాడ సిటీలో ఇంత అవినీతి ఎమ్మెల్యేని తాను ఎప్పుడూ చూడలేదన్నారు. చివరకు తిరుమల టికెట్లు సైతం అమ్ముకుంటున్నారని దుయ్యబట్టారు. సింహాచలానికి తాను పాదయాత్రగా వెళ్తే విమర్శలు చేయడం దారుణమని మండిపడ్డారు. అమ్మకానికి కార్పొరేటర్‌ టిక్కెట్లు కాకినాడ కార్పొరేషన్‌ ఎన్నికలంటే కొండబాబుకు పండగలా కనిపిస్తోందని, ఇప్పటి నుంచే కార్పొరేటర్‌ టిక్కెట్లకు బేరాలు పెట్టి మరీ వసూళ్లకు తెర తీశారని ద్వారంపూడి ఆరోపించారు. ‘కాకినాడ పో ర్టులో అన్ని రకాల సౌకర్యాలూ ఉన్నప్పటికీ, నీ బ్లా క్‌మెయిల్‌ దందాల వల్లే రా రైస్‌ (ముడి బియ్యం) ఎగుమతులు నిలిచిపోయాయి. ఫలితంగా వేలాది మంది కార్మికులు రోడ్డున పడి అల్లాడుతున్నారు’ అని మండిపడ్డారు. ఏటిమొగ నుంచి మూడో వంతెన పేరుతో ఏమాత్రం అవసరం లేకపోయినా భూసేకరణ కోసం ఏకంగా రూ.300 కోట్లు కాజేయాలని పన్నిన కుట్రను అడ్డుకోవడంతో ప్రజాధనం మిగిలిందని ద్వారంపూడి చెప్పారు.

కొబ్బరి రకం ధర (రూ.) కొత్త కొబ్బరి (క్వింటాల్‌) 16,000 – 17,000 కొత్త కొబ్బరి (రెండో రకం) 15,000 – 16,000 కురిడీ కొబ్బరి (పాతవి) గండేరా (వెయ్యి) 26,500 గటగట (వెయ్యి) 23,500 కురిడీ కొబ్బరి (కొత్తవి) గండేరా (వెయ్యి) 25,500 గటగట (వెయ్యి) 22,500 నీటికాయ పాత (ముక్కుడు)కాయ (వెయ్యి) 20,000 – 21,000 కొత్త (పచ్చి)కాయ (వెయ్యి)20,000 – 21,000 కొబ్బరి నూనె (15 కిలోలు) 5,000 కిలో 350

ఏలేశ్వరం/కిర్లంపూడి: మున్సిపల్‌ ఎన్నికల నేపథ్యంలో టీడీపీ, జనసేన పార్టీలకు చెందిన పలువురు గురువారం వైఎస్సార్‌ సీపీలో చేరారు. జనసేన నుంచి ఏలేశ్వరం 28వ వార్డుకు చెందిన మాజీ వైస్‌ చైర్‌పర్సన్‌ మసిరపు బుజ్జి, ఆమె భర్త నాగేశ్వరరావుతో పాటు పలువురు వైఎస్సార్‌ సీపీకి జైకొట్టారు. అలాగే, 26వ వార్డులో టీడీపీకి చెందిన తాపీమేసీ్త్ర సంఘం అధ్యక్షుడు గెద్ద అప్పన్నతో పాటు సుమారు 30 మంది మహిళలు వైఎస్సార్‌ సీపీలో చేరారు. వీరికి ఆ పార్టీ నియోజకవర్గ కో ఆర్డినేటర్‌ ముద్రగడ గిరిబాబు కండువాలు కప్పి సాదరంగా ఆహ్వానించారు. మున్సిపల్‌ ఎన్నికల్లో వైఎస్సార్‌ సీపీ ఘన విజయం ఖాయమని ఆయనన్నారు. కార్యక్రమంలో పార్టీ నేతలు బదిరెడ్డి గోవిందు, దళే కిషోర్‌, లోగీసు శేఖర్‌, బీశెట్టి రాజా తదితరులు పాల్గొన్నారు. కాగా, ఏలేశ్వరం మండలంలో వైఎస్సార్‌ సీపీ భద్రవరం గ్రామ అధ్యక్షుడు బందిల అంకాలు, మాజీ సర్పంచ్‌ కూనపురెడ్డి సుబ్బారావు, కాకర రాంబాబు, ఇసుకపల్లి బుజ్జి ఆధ్వర్యాన టీడీపీకి చెందిన 50 కుటుంబాలు ఫ్యాన్‌ నీడకు చేరాయి. వారికి కిర్లంపూడిలోని తన నివాసంలో ముద్రగడ గిరిబాబు వైఎస్సార్‌ సీపీ కండువాలు వేసి పార్టీలోకి సాదరంగా ఆహ్వానించారు. కార్యక్రమంలో పార్టీ మండల అధ్యక్షుడు గొల్లపల్లి సురేష్‌ తదితరులు పాల్గొన్నారు.

ప్రత్తిపాడు రూరల్‌: వైఎస్సార్‌ సీపీ నుంచి మండల ఎంపీపీ, జెడ్పీటీసీ అభ్యర్థులుగా పోటీ చేసే వారి పేర్లను ఆ పార్టీ నియోజకవర్గ కో ఆర్డినేటర్‌ ముద్రగడ గిరిబాబు గురువారం ప్రకటించారు. ఎంపీపీ అభ్యర్థిగా ప్రత్తిపాడుకు చెందిన మాజీ జెడ్పీటీసీ బెహరా రాజరాజేశ్వరి (జనరల్‌ మహిళ), జెడ్పీటీసీ అభ్యర్థిగా చిలకమర్తి వెంకట రమణ(బీసీ జనరల్‌)ను ఎంపిక చేశారు. బెహరా రాజరాజేశ్వరి, ఆమె భర్త వైఎస్సార్‌ సీపీ జిల్లా ఉపాధ్యక్షుడు దొరబాబు రాజకీయంగా మండలంలో సుపరిచితులు. రాజరాజేశ్వరి ప్రత్తిపాడు–3, ఆమె కుమార్తె లక్ష్మీ ప్రసన్న ప్రత్తిపాడు–2 నుంచి ఎంపీటీసీ అభ్యర్థులుగా బరిలోఉన్నారు. జెడ్పీటీసీ అభ్యర్థి చిలకమర్తి వెంకట రమణ పార్టీ నాయకుడిగా, దస్తావేజు లేఖరిగా స్థానికంగా గుర్తింపు పొందారు. వీరికి ఉన్న రాజకీయ పరిచయాలు, పార్టీ శ్రేణుల మద్దతు ఎన్నికల్లో అనుకూలంగా మారే అవకాశం ఉందనే రాజకీయ వర్గాల్లో జరుగుతోంది. భద్రతా ప్రమాణాలు పాటించాలి బోట్‌క్లబ్‌ (కాకినాడ సిటీ): దీపావళి పండగ సందర్భంగా బాణసంచా తయారీ, నిల్వ, విక్రయాలు, వినియోగంలో ఎలాంటి ప్రమాదాలు జరగకుండా సంబంధిత శాఖల అధికారులు పటిష్టమైన ముందస్తు చర్యలు చేపట్టాలని కలెక్టర్‌ హరేంధిర ప్రసాద్‌ ఆదేశించారు. దీపావళి బాణసంచా తయారీ యూనిట్లు, విక్రయ కేంద్రాలు, నిల్వకు సంబంధించిన లైసెన్సుల జారీ, రెన్యువల్‌ ప్రక్రియ, భద్రతా ఏర్పాట్ల సన్నద్ధతపై కలెక్టరేట్‌లో గురువారం నిర్వహించిన సమీక్షలో ఆయన మాట్లాడారు. గతంలో జరిగిన విషాద ఘటనలను దృష్టిలో ఉంచుకుని ఆయా శాఖల అధికారులు అన్ని జాగ్రత్తలూ తీసుకోవాలని ఆదేశించారు. అసిస్టెంట్‌ కలెక్టర్‌ ప్రియ, వివిధ శాఖల జిల్లా స్థాయి అధికారులు ఈ సమావేశంలో పాల్గొన్నారు. ముంచెత్తిన భారీ వర్షం ఐ.పోలవరం: జిల్లాలో గురువారం భారీ వర్షం కురిసింది. ఉదయం 8.30 నుంచి మధ్యాహ్నం 11 గంటల వరకూ దాదాపు రెండున్నర గంటల పాటు ఏకధాటిగా వర్షం కురవడంతో జనజీవనం స్తంభించిపోయింది. జిల్లా కేంద్రమైన అమలాపురంలో సుమారు 12 మిల్లీమీటర్ల వర్షపాతం నమోదైనట్లు అధికారులు అంచనా వేశారు. ఉరుములు, మెరుపులతో కూడిన భారీ వర్షం కురవడంతో లోతట్టు ప్రాంతాలు జలమయమయ్యాయి. అమలాపురం, ఐ.పోలవరం, కాట్రేనికోన, ఉప్పలగుప్తం, అయినవిల్లి, అల్లవరం తదితర మండలాల్లో ప్రధాన రహదారుల పైకి, పలు ప్రభుత్వ కార్యాలయాల ఆవరణల్లోకి భారీగా నీరు చేరింది. రోడ్లపై నీరు నిలిచిపోవడంతో వాహనదారులు తీవ్ర ఇబ్బందులు పడ్డారు. ఖరీఫ్‌ వరి కోతలకు సిద్ధమవుతున్న వేళ.. కోతకు సిద్ధంగా ఉన్న వరి పొలాల్లో వర్షపు నీరు నిలిచిపోవడంతో రైతుల్లో ఆందోళన నెలకొంది. మరోవైపు ఉద్యాన పంటల రైతులకు మాత్రం ఈ వర్షం ఊరటనిచ్చింది. కొబ్బరి, అరటి, కూరగాయల పంటలకు ఈ వర్షం మేలు చేస్తుందని అంటున్నారు. నామినేషన్‌ తిరస్కరణపై సంసాని నాని ఫిర్యాదు అమలాపురం రూరల్‌: మున్సిపాలిటీలోని 15వ వార్డు వైఎస్సార్‌ సీపీ అభ్యర్థి సంసాని చంద్రశేఖర్‌ (నాని) తన నామినేషన్‌ తిరస్కరణపై కలెక్టర్‌ ఆర్‌.మహేష్‌ కుమార్‌ను మరోసారి ఆశ్రయించారు. మాజీ మంత్రి, వైఎస్సార్‌ సీపీ పీఏసీ సభ్యుడు పినిపే విశ్వరూప్‌, రాష్ట్ర కార్యదర్శి చెల్లుబోయిన శ్రీనివాస్‌, వైఎస్సార్‌ సీపీ మైనార్టీ సెల్‌ జిల్లా అధ్యక్షుడు షేక్‌ అబ్దుల్‌ ఖాదర్‌తో కలెక్టర్‌ను గురువారం కలసి వినతిపత్రం సమర్పించారు. నామినేషన్‌ తిరస్కరణకు సంబంధించిన అభ్యంతరాలను సమగ్రంగా పునఃపరిశీలించి తనకు న్యాయం చేయాలని కోరారు. తన నామినేషన్‌ తిరస్కరణ కూటమి ప్రభుత్వం చేసిన ప్రయత్నంలో భాగమని అన్నారు. ఈ వ్యవహారాన్ని అధికారులు క్షుణ్ణంగా పరిశీలించి, నిబంధనల ప్రకారం తనకు ఎన్నికల్లో పోటీ చేసే అవకాశం కల్పించాలని విజ్ఞప్తి చేశారు. ఎన్నికల కమిషన్‌ తాజా ఉత్తర్వుల ప్రకారం నో అబ్జెక్షన్‌ సర్టిఫికెట్‌ (ఎన్‌ఓసీ) అవసరం లేదని తెలియడంతో నామినేషన్‌ ప్రక్రియకు సంబంధించి వెసులుబాటు కలిగిందని ఆయన పేర్కొన్నారు.చిలకమర్తి వెంకట రమణబెహరా రాజరాజేశ్వరి

తొండంగి: స్థానిక సంస్థల ఎన్నికల్లో టీడీపీ గూండాలు స్వైరవిహారం చేస్తూ.. కొంత మంది అధికారులు, పోలీసు అధికారుల అండతో.. ప్రజాస్వామ్యాన్ని ఖూనీ చేస్తున్నా రాష్ట్ర ఎన్నికల కమిషన్‌ పట్టించుకోకపోవడంపై సుప్రీంకోర్టు కన్నెర్ర చేసిన విషయం తెలిసిందే. ఈ నేపథ్యంలో పోలీసులు కాస్త అప్రమత్తమయ్యారు. దీంతో, తొండంగి మండలంలో నామినేషన్ల ప్రక్రియ పోలీసు పహారా నడుమ గురువారం ప్రశాంతంగా సాగింది. ఎన్నికల నోటిఫికేషన్‌ ప్రకారం బుధవారం నుంచే నామినేషన్ల స్వీకరణకు అధికారులు ఎంపీడీఓ కార్యాలయంలో ఏర్పాట్లు చేశారు. కానీ, నామినేషన్‌ వేసేందుకు వచ్చిన వైఎస్సార్‌ సీపీ ఎంపీటీసీ అభ్యర్థులపై ఎంపీడీఓ కార్యాలయం ఎదుట టీడీపీ నాయకుడు యనమల రాజేష్‌ ఆధ్వర్యాన ఆ పార్టీ వర్గీయులు దాడి చేసి, నామినేషన్‌ పత్రాలు లాక్కొని చించివేశారు. ఈ గూండాగిరీపై బాధిత అభ్యర్థులు వైఎస్సార్‌ సీపీ జిల్లా అధ్యక్షుడు, మాజీ మంత్రి దాడిశెట్టి రాజాకు ఫిర్యాదు చేయడంతో ఆయన నామినేషన్లు దాఖలు చేయడానికి వచ్చిన అభ్యర్థులతో కలసి ఎంపీడీఓ కార్యాలయానికి చేరుకున్నారు. టీడీపీ వర్గీయులు బారికేడ్లను అడ్డం పెట్టి దాడికి యత్నించగా ఇరు వర్గాల మధ్య ఘర్షణ వాతావరణం నెలకొంది. టీడీపీ వర్గీయులను అదుపు చేయాలని, సుప్రీంకోర్టు ఆదేశాల ప్రకారం తమ అభ్యర్థులకు రక్షణ కల్పించాలని పోలీసులను దాడిశెట్టి రాజా కోరారు. లేకుంటే చట్టపరంగా ఫిర్యాదు చేస్తామని హెచ్చరించారు. ఈ తరుణంలో టీడీపీ వర్గీయులు రాళ్ల దాడికి పాల్పడ్డారు. ఈ ఘటనల నేపథ్యంలో ఎస్పీ జి.బిందుమాధవ్‌ ఆదేశాల మేరకు అడిషనల్‌ ఎస్పీ మహంతి కిషోర్‌ ఆధ్వర్యాన తొండంగి ఎంపీడీఓ కార్యాలయం వద్ద గురువారం భారీ పోలీసు బందోబస్తు ఏర్పాటు చేశారు. సుమారు 120 మంది పోలీసులను ఉంచి, టీడీపీ వర్గీయులు రాకుండా పటిష్ట భద్రత కల్పించారు. దీంతో, వైఎస్సార్‌ సీపీకి చెందిన సీతారాంపురం ఎంపీటీసీ అభ్యర్థి, ఎంపీపీ అభ్యర్థి పెండ్యాల గంగారత్నం నామినేషన్‌ దాఖలు చేశారు. అలాగే, మండల వ్యాప్తంగా 25 ఎంపీటీసీ స్థానాలకు సంబంధించి వైఎస్సార్‌ సీపీ, కూటమి పార్టీల అభ్యర్థులు 79 నామినేషన్లు దాఖలు చేసినట్లు రిటర్నింగ్‌ అధికారి సీహెచ్‌ లక్ష్మి తెలిపారు. వైఎస్సార్‌ సీపీ నుంచి 35, టీడీపీ నుంచి 30, జనసేన నుంచి 11, బీజేపీ నుంచి 1, స్వతంత్రులు 2 కలిపి మొత్తం 79నామినేషన్లు దాఖలయ్యాయని వివరించారు. అలాగే, తొండంగి జెడ్పీటీసీ స్థానానికి శృంగవృక్షం గ్రాామానికి చెందిన వైఎస్సార్‌ సీపీ యువజన విభాగం మండల కన్వీనర్‌ పప్పల వెంకట్‌మూర్తి నామినేషన్‌ వేశారు. ‘సాక్షి’ విలేకరిపై దాడికి జర్నలిస్టుల ఖండనఎంపీడీఓ కార్యాలయం వద్ద బుధవారం జరిగిన ఘర్షణలకు సంబంధించిన వార్త కవర్‌ చేసేందుకు వచ్చిన ‘సాక్షి’ విలేకిరి పోతుల జోగేష్‌పై టీడీపీకి చెందిన అంబుజాలపు సంతోష్‌ కుమార్‌, మరో వ్యక్తి దాడి చేసి, దౌర్జన్యంగా సెల్‌ఫోన్‌ లాక్కున్నారు. దీనిపై ఫిర్యాదు చేయడంతో ఎస్పీ బిందుమాధవ్‌ ఆదేశాల మేరకు ఎస్సై జగన్మోహన్‌రావు ఆ సెల్‌ఫోన్‌ రికవరీ చేసి, జోగేష్‌కు అప్పగించారు. రాజకీయాలకు అతీతంగా వార్తలు కవర్‌ చేస్తున్న జర్నలిస్టులపై దాడులకు పాల్పడిన వారిపై కఠిన చర్యలు తీసుకోవాలని పలువురు సీనియర్‌ జర్నలిస్టులు డిమాండ్‌ చేశారు. ఫ తొండంగిలో ఎట్టకేలకు నామినేషన్ల పర్వం ప్రారంభం ఫ ఎంపీటీసీ స్థానాలకు 79 మంది దాఖలు ఫ 120 మందికి పైగా పోలీసుల బందోబస్తు ఫ పరిశీలించిన అడిషనల్‌ ఎస్పీ, డీఎస్పీ తుని: ప్రజాస్వామ్యం అంటే పట్టింపు లేదు.. రాజ్యాంగం అంటే గౌరవం లేదు.. దీనికి అధికార మదం తోడైంది. ఆ అహంకారం ఫలితంగా తొండంగిలో ఎంపీటీసీ నామినేషన్ల పర్వం కాస్తా టీడీపీ గూండాగిరీ, దౌర్జన్యకాండకు వేదికగా మారింది. వైఎస్సార్‌ సీపీ ఎంపీటీసీ అభ్యర్థులను నామినేషన్లు వేయనీయకుండా అడ్డుకోవడమే లక్ష్యంగా.. ప్రజాస్వామిక విలువలకు పాతర వేస్తూ.. ఆ పార్టీ నేతలు, కార్యకర్తలపై అధికార టీడీపీ శ్రేణులు దాడులకు తెగబడ్డాయి. తొండంగి మండల పరిషత్‌ కార్యాలయం వద్ద పోలీసుల సమక్షంలోనే బుధవారం సాగిన ఈ అరాచకం తుని నియోజకవర్గంలో టెన్షన్‌ వాతావరణాన్ని సృష్టించింది. దీనికి కొనసాగింపా అన్నట్టుగా.. మాజీ మంత్రి దాడిశెట్టి రాజాను పోలీసులు తుని మండలం ఎస్‌.అన్నవరంలో గురువారం హౌస్‌ అరెస్టు చేశారు. ఆయన బయటకు వస్తే శాంతిభద్రతలకు విఘాతం కలుగుతుందన్న పోలీసు ఉన్నతాధికారుల ఆదేశాల మేరకు పోలీసులు ఈ నిర్బంధ చర్యకు ఉపక్రమించారు. ఈ వరుస సంఘటనలతో ఎప్పుడు ఏం జరుగుతుందోనని నియోజకవర్గ ప్రజలు ఆందోళన చెందుతున్నారు. ఉప ముఖ్యమంత్రి పవన్‌ సమాధానం చెప్పాలి తొండంగి ఘటనలపై వైఎస్సార్‌ సీపీ జిల్లా అధ్యక్షుడు, మాజీ మంత్రి దాడిశెట్టి రాజా మండిపడ్డారు. రాష్ట్రంలో చంద్రబాబు ప్రభుత్వం ఆటవిక పాలన సాగిస్తోందని దుయ్యబట్టారు. తుని నియోజకవర్గంలో కూటమి నేతల అరాచకాలకు జిల్లాకు చెందిన మంత్రిగా పవన్‌ కల్యాణ్‌ సమాధానం చెప్పాలని డిమాండ్‌ చేశారు. తొండంగిలో దాడులకు తెగబడటం ద్వారా టీడీపీ నాయకులు ప్రజాస్వామ్య వ్యవస్థకు భంగం కలిగించారని ధ్వజమెత్తారు. యాదవ సామాజికవర్గానికి చెందిన వృద్ధురాలు నామినేషన్‌ వేయడానికి వస్తే, బలవంతంగా లాక్కుని వెళ్లి నామినేషన్‌ పత్రాలు చించేశారని, అదేమిటని ప్రశ్నిస్తే భౌతిక దాడులకు పాల్పడుతున్నారని ఆగ్రహం వ్యక్తం చేశారు. చంద్రబాబు ప్రభుత్వంపై ప్రజల్లో తీవ్ర వ్యతిరేకత నెలకొందని, ఫలితంగా వైఎస్సార్‌ సీపీ విజయం సాధిస్తుందనే ఆందోళనతోనే కూటమి నేతలు పోలీసుల అండతో భయభ్రాంతులకు గురి చేస్తున్నారని అన్నారు. దాడికి ప్రతిదాడి జరిగే ఎవరు బాధ్యులవుతారని ప్రశ్నించారు. దీనిపై పవన్‌ కల్యాణ్‌ నోరు విప్పి, ప్రజలకు వాస్తవాలు చెప్పాలని డిమాండ్‌ చేశారు. సుప్రీంకోర్టు ఆదేశాలను సైతం పోలీసులు బేఖాతరు చేస్తున్నారని మండిపడ్డారు. అన్ని ఎంపీటీసీ, జెడ్పీటీసీ స్థానాల్లో వైఎస్సార్‌ సీపీ అభ్యర్థులు పోటీ చేస్తారని రాజా స్పష్టం చేశారు.

పిఠాపురం: డిప్యూటీ సీఎం, జనసేన అధ్యక్షుడు పవన్‌ కల్యాణ్‌ ప్రాతినిధ్యం వహిస్తున్న పిఠాపురంలో ఆ పార్టీ మున్సిపల్‌ చైర్మన్‌ అభ్యర్థి దానం లాజరుబాబుకు సొంత పార్టీ శ్రేణుల నుంచే నిరసన సెగ తగిలింది. స్థానిక ఎనిమిదో వార్డులో ప్రచారానికి వెళ్లిన లాజరుబాబును, కాకినాడ నగరాభివృద్ధి సంస్థ (కౌడా) చైర్మన్‌ తలాటం సత్యను జనసేన నాయకులు, కార్యకర్తలు అడ్డుకున్నారు. తమ వార్డులో ప్రచారం చేయడానికి వీల్లేదని హెచ్చరించారు. పార్టీలో కష్టపడిన వారికి స్థానం లేదని, పైరవీలు సాగించే నాయకులకే ప్రాధాన్యం ఇస్తున్నారని ఆవేదన వ్యక్తం చేశారు. ఎనిమిదో వార్డులో పార్టీ కోసం పని చేసిన వారిని కాదని, పైరవీకారుడికి సీటు ఎలా ఇచ్చారని ప్రశ్నించారు. జనసేన కోసం కష్టపడిన నాయకులను, కార్యకర్తలను పక్కన పెట్టి, అధికారం చేపట్టిన తరువాత పార్టీలో చేరిన పైరవీకారులకు ప్రాధాన్యం ఇస్తున్నారని మండిపడ్డారు. ఫ మా వార్డులో ప్రచారం చేయొద్దు ఫ చైర్మన్‌ అభ్యర్థికి సొంత పార్టీ నుంచే నిరసన సెగ ఫ పిఠాపురంలో అడ్డుకున్న జనసేన శ్రేణులు

● అధికారంలోకి వచ్చినప్పటి నుంచీ సిటీ ఎమ్మెల్యేది ఇదే తీరు ● కాకినాడలో విచ్చలవిడిగా సింగిల్‌ నంబర్‌, పేకాట ● అభివృద్ధిపై చర్చకు సిద్ధమా? ● కొండబాబుపై నిప్పులు చెరిగిన మాజీ ఎమ్మెల్యే ద్వారంపూడి సాక్షి ప్రతినిధి, కాకినాడ: అధికారంలోకి వచ్చినప్పటి నుంచీ ఎలా సంపాదిద్దాం, ఎలా దోచుకుందా, ఎలా దాచుకుందామనే పంథానే కాకినాడ సిటీ ఎమ్మెల్యే వనమాడి కొండబాబు కొనసాగిస్తున్నారని మాజీ ఎమ్మెల్యే, వైఎస్సార్‌ సీపీ సిటీ కో ఆర్డినేటర్‌ ద్వారంపూడి చంద్రశేఖరరెడ్డి నిప్పులు చెరిగారు. తన కార్యాలయంలో బుధవారం ఏర్పాటు చేసిన విలేకర్ల సమావేశంలో ఆయన మాట్లాడారు. కొండబాబు, ఆయన కుమారులకు కార్లు ఎలా వచ్చాయని, అవినీతి సొమ్ముతో చైన్నైలో ఆస్తులు కొనలేదా అని ప్రశ్నించారు. నగరంలోని ఒక్కో మద్యం షాపు నుంచి ఎమ్మార్పీపై రూ.10 కొండబాబు ట్యాక్స్‌ వసూలు చేస్తున్నారని అన్నారు. స్మార్ట్‌ సిటీ నిధుల విడుదల పేరిట కాంట్రాక్టర్ల వద్ద 4 శాతం పర్సంటేజీలు గుంజుతున్నది ఎవరో ప్రజలందరికీ తెలుసన్నారు. శానిటరీ ఇన్‌స్పెక్టర్ల నుంచి లంచాలు గుంజలేదా అని ప్రశ్నించారు. రేషన్‌ షాపుల వద్ద సైతం డబ్బులు తీసుకుంటున్నారని దుయ్యబట్టారు. ఎన్నికలకు ముందు, తర్వాత కొండబాబు వియ్యంకుడి ఆస్తులను పరిశీలిస్తే అవినీతి బండారం బయట పడుతుందని అన్నారు. నగరంలో పగటిపూటే సింగిల్‌ నంబర్‌ లాటరీలు, క్లబ్బుల్లో పేకాట మాఫియా రాజ్యమేలుతున్నాయని ఫైరయ్యారు. ఈ దోపిడీపై జిల్లా ఎస్పీ, ఎకై ్సజ్‌ శాఖ తక్షణమే ఉక్కుపాదం మోపాలని డిమాండ్‌ చేశారు. డ్రగ్స్‌ కేసులో సీబీఐ విచారణకు సిద్ధమా? కొచ్చిన్‌ విమానాశ్రయం డ్రగ్స్‌ కేసులో తన ప్రమేయం ఉందని ఆరోపిస్తున్న ఎమ్మెల్యే కొండబాబు, దమ్ముంటే దీనిపై సీబీఐ విచారణ జరిపించాలని ద్వారంపూడి సవాల్‌ విసిరారు. విచారణ చేయించి, నిరూపిస్తే రాజకీయాల నుంచి శాశ్వతంగా తప్పుకొంటానని, లేకపోతే రాజకీయ సన్యాసం చేస్తారా అని ప్రశ్నించారు. అధికారంలో ఉన్నామనే అహంకారంతో బురద జల్లితే సహించేది లేదని హెచ్చరించారు. కొచ్చిన్‌లో తమ ప్రభుత్వం ఉంటే తనను అరెస్టు చేయించేవాడినని ఎమ్మెల్యే కొండబాబు చెప్పడం హాస్యాస్పంగా ఉందన్నారు. శ్రీకేంద్రం, రాష్ట్రంలో మీ ప్రభుత్వమే ఉంది. దమ్ముంటే విచారణ జరిపించాలిశ్రీ అని అన్నారు. డ్రగ్స్‌ కేసులో అరుణ్‌ కుమార్‌ అనే వ్యక్తి మాజీ కార్పొరేటర్‌ సత్యనారాయణ బ్యాగ్‌లో నిషేధిత సరకు పెట్టినట్లు డీఆర్‌ఐ రిమాండ్‌ రిపోర్టులో వెల్లడైందని, అందుకు సంబంధించిన పత్రాలను ద్వారంపూడి చూపించారు. ఆరోపణలు వెలువడిన వెంటనే సత్యనారాయణను వైఎస్సార్‌ సీపీ నుంచి సస్పెండ్‌ చేశామని ద్వారంపూడి చెప్పారు. అనాథరైజ్డ్‌ డ్రగ్స్‌ కొనాలంటూ హాస్పిటల్స్‌పై ఒత్తిడి తెస్తున్నారని ఆరోపించారు. డంపింగ్‌ యార్డు సమీపంలో తాను డ్రగ్స్‌ వ్యాపారం చేశానంటూ కొండబాబు ఆరోపిస్తున్నారని, రెండున్నరేళ్లుగా ఒక్కటైనా నిరూపించలేకపోయారని ద్వారంపూడి అన్నారు. వాస్తవాలు తెలుసుకోకుండా తనపై బురద జల్లడం కొండబాబుకు అలవాటుగా మారిందని ధ్వజమెత్తారు. గతంలో బియ్యం ఎగుమతుల్లో అవినీతి జరిగిందంటూ గగ్గోలు పెట్టారని, కూటమి ప్రభుత్వం వచ్చి రెండేళ్లు దాటినా ఏమైనా కనిపెట్టారా అని ప్రశ్నించారు. శ్రీమీరు చేసిన అల్లరికి కాకినాడ పోర్టు, ఆయా సంఘాల కార్మికులు రూ.వెయ్యి కోట్లు నష్టపోయారు. బియ్యం ఎగుమతిదారులు కాకినాడ పోర్టును వదిలేసి విశాఖపట్నం, చైన్నె, కాండ్లా పోర్టుల నుంచి ఎక్స్‌పోర్ట్‌ చేస్తున్నారు. యాంకరేజ్‌ పోర్ట్‌ అభివృద్ధికి రూ.80 కోట్లు వెచ్చించి, బియ్యం ఎగుమతిదారులకు అనుకూలమైన వాతావరణం కల్పిస్తే.. కూటమి అధికారంలోకి వచ్చి నాశనం చేసిందిశ్రీ అని మండిపడ్డారు. పోర్టు అభివృద్ధి, కార్మికుల సంక్షేమానికి పాటు పడాల్సింది పోయి, తమపై బురద జల్లడం మానుకోవాలని ఆయన హితవు పలికారు.అభివృద్ధిపై చర్చకు సిద్ధమా? తాము అధికారంలో ఉన్నప్పుడు పేదల కోసం 550 ఎకరాలు కొనుగోలు చేసి, 36 వేల మందికి ఇళ్ల పట్టాలు ఇచ్చామని ద్వారంపూడి గుర్తు చేశారు. రెండున్నరేళ్లలో ఒక్క సెంటు భూమి అయినా ఇచ్చినట్లు చూపించగలరా అని ఎమ్మెల్యేని ప్రశ్నించారు. చేతకాని అసత్య ప్రచారాలు, బురదజల్లే రాజకీయాలు కట్టిపెట్టి, చేతనైతే ప్రజా సమస్యల పరిష్కారంపై దృష్టి పెట్టాలని హితవు పలికారు. మత్స్యకారులకు రాయితీలు అందడం లేదని, వారి సమస్యలను ప్రభుత్వం పరిష్కరించాలని డిమాండ్‌ చేశారు. మత్స్యకార భరోసా అందలేదని ఇంటి వద్ద ధర్నా చేసినా స్పందించిన దాఖలాల్లేవన్నారు. కాకినాడలో మూడో బ్రిడ్జి నిర్మాణం ఏమైందని ప్రశ్నించారు. నగర అభివృద్ధి, ఇతర అంశాలపై ప్రజలకు సమాధానం చెప్పాలని డిమాండ్‌ చేశారు. హత్యకు గురైన సతీష్‌రెడ్డి భార్య ఆరోపణలు చేసిన తర్వాత కటౌట్‌ శ్రీనును తప్పించారని అన్నారు. కాకినాడలో జరుగుతున్న పరిణామాలపై ఎమ్మెల్యే కొండబాబు ప్రజలకు స్పష్టత ఇవ్వాలని కోరారు. ఎమ్మెల్యేగా కొండబాబు ఎలా గెలిచారో అందరికీ తెలుసని, జనసేన మద్దతు లేకపోతే కాకినాడలో ఆయనకు రాజకీయ స్థానం ఉండదని ద్వారంపూడి అన్నారు. విలేకర్ల సమావేశంలో వైఎస్సార్‌ సీపీ నాయకులు సుంకర విద్యాసాగర్‌, మీసాల ఉదయ్‌ కుమార్‌, సంగాని బ్రహ్మం, జేడీ పవన్‌ కుమార్‌, గద్దేపల్లి దాసు తదితరులు పాల్గొన్నారు.

తుని/తుని రూరల్‌: టీడీపీ, జనసేన పార్టీలకు చెందిన పలువురు నాయకులు ఆ పార్టీలకు గుడ్‌బై చెప్పి, వైఎస్సార్‌ సీపీకి జైకొట్టారు. తుని పట్టణానికి చెందిన టీడీపీ సీనియర్‌ నాయకుడు కుసనంపూడి శ్రీనివాసవర్మ, ఆయన కుమారుడు నరసింహవర్మ; తొండంగి మండలానికి చెందిన జనసేన పార్టీ స్థానిక సంస్థల ఎన్నికల జిల్లా పరిశీలకుడు గరికిన రాజబాబు, మండల అధికార ప్రతినిధి పెదిరెడ్ల దుర్గా ప్రసాద్‌ వైఎస్సార్‌ సీపీలో చేరారు. వారికి ఆ పార్టీ జిల్లా అధ్యక్షుడు, మాజీ మంత్రి దాడిశెట్టి రాజా పార్టీ కండువాలు వేసి, స్వాగతం పలికారు. వైఎస్సార్‌ సీపీ జిల్లా అధికార ప్రతినిధి రాయి మేరీ అవినాష్‌, మాజీ సర్పంచ్‌ అత్తి వెంకట రమణ ఆధ్వర్యాన హంసవరానికి చెందిన బీజేపీ, టీడీపీకి చెందిన నాయకులు కూడా పార్టీలో చేరారు. ఈ సందర్భంగా దాడిశెట్టి రాజా మాట్లాడుతూ, స్థానిక సంస్థల ఎన్నికల్లో వైఎస్సార్‌ సీపీ అభ్యర్థులను గెలిపించాలని, పార్టీ బలోపేతానికి కృషి చేయాలని కోరారు. చాంబర్‌ ఆఫ్‌ కామర్స్‌ మాజీ చైర్మన్‌ కలిదిండి సత్యనారాయణరాజు, నాయకులు పాల్గొన్నారు. కిర్లంపూడి: ఏలేశ్వరం మండలం యర్రవరంలో కూటమికి చెందిన మాజీ ఉప సర్పంచ్‌, మాజీ డైరెక్టర్‌ దాసరి రాము, మరో 20 కుటుంబాల వారు బుధవారం కిర్లంపూడిలోని ముద్రగడ నివాసంలో వైఎస్సార్‌ సీపీలో చేరారు. వారికి ప్రత్తిపాడు నియోజకవర్గ కో ఆర్డినేటర్‌ ముద్రగడ గిరిబాబు పార్టీ కండువాలు వేసి స్వాగతం పలికారు. మాధవపట్నంలో.. సామర్లకోట: స్థానిక సంస్థల ఎన్నికలు జరుగుతున్న తరుణంలో మాధవపట్నం గ్రామంలో జనసేనకు చెందిన ఏడు కుటుంబాలు బుధవారం వైఎస్సార్‌ సీపీలో చేరాయి. ఆ గ్రామానికి చెందిన వైఎస్సార్‌ సీపీ యువజన విభాగం జిల్లా నాయకుడు మేడిశెట్టి బుజ్జి ఆధ్వర్యాన వీరు పార్టీ లో చేరారు. తోటకూర రాజు, తోటకూర వీర సత్యనారాయణ, చింతపల్లి నాగరాజు, మద్దిల నాగులు, మందపాటి శివ, వనపర్తి వాసులకు సామర్లకోటలోని పార్టీ కార్యాలయంలో నియోజకవర్గ కో ఆర్డినేటర్‌ దవులూరి దొరబాబు కండువాలు వేసి, స్వాగతం పలికారు. ఎంపీపీటీసీ, జెడ్పీటీసీ, గ్రామ పంచాయతీ ఎన్నికల్లో వైఎస్సార్‌ సీపీ మద్దతుదారులు గెలిచేలా కృషి చేస్తామని వారు ఈ సందర్భంగా తెలిపారు.

పెద్దాపురం: స్థానిక సంస్థల ఎన్నికల్లో ఎవరైన అల్లర్లు, గొడవలు సృష్టిస్తే చట్టపరమైన చర్యలు తీసుకుంటామని ఏలూరు రేంజ్‌ ఐజీ అశోక్‌కుమార్‌ అన్నారు. పెద్దాపురం రామారావుపేటలోని మున్సిపల్‌ ఎన్నికల స్ట్రాంగ్‌ రూమును, కౌంటింగ్‌ కేంద్రాన్ని ఎస్పీ జి.బిందుమాధవ్‌తో కలసి బుధవారం ఆయన పరిశీలించారు. అక్కడ భద్రతాపరంగా తీసుకోవలసిన చర్యలపై పోలీసు అధికారులకు తగిన ఆదేశాలు జారీ చేశారు. ఈ సందర్భంగా మీడియాతో మాట్లాడుతూ, ఎంపీటీసీ, జెడ్పీటీసీ నామినేషన్ల కేంద్రాల వద్ద పటిష్ట బందోబస్తు ఏర్పాటు చేశామన్నారు. నామినేషన్ల సమయంలో రద్దీని తగ్గించేందుకు అభ్యర్థులు వేర్వేరు సమయాల్లో వచ్చి, పోలీసులకు సహకరించాలని కోరారు. గొడవలకు పాల్పడే అవకాశం ఉన్న వారిపై బైండోవర్‌, నాన్‌ బెయిలబుల్‌ వారెంట్లు అమలు చేస్తున్నామని వెల్లడించారు. కార్యక్రమంలో డీఎస్పీ ఏబీజీ తిలక్‌, సీఐ వైఆర్‌కే శ్రీనివాస్‌, ఎస్సై యు.పాపారావు తదితరులు పాల్గొన్నారు.

టీడీపీ అత్యుత్సాహం! ద్వారకాతిరుమల: ఎన్నికల నామినేషన్ల తొలిరోజు టీడీపీ నేతలు అత్యుత్సాహం ప్రదర్శించారు. నిబంధనల ప్రకారం వ్యవహరిస్తున్న పోలీసులపై వాగ్వాదానికి దిగారు. ఆ వివరాల్లోకి వెళితే.. ఎంపీటీసీ, జెడ్పీటీసీ నామినేషన్ల నేపథ్యంలో ద్వారకాతిరుమల ఎంపీడీఓ కార్యాలయం వద్ద పోలీసులు పటిష్ట బందోబస్తు ఏర్పాటు చేశారు. కార్యాలయానికి సుమారు 100 అడుగుల దూరంలో పోలీస్‌ స్టేషన్‌ సమీపాన రహదారిపై బారికేడ్లు పెట్టారు. ఎలాంటి అవాంఛనీయ ఘటనలు చోటుచేసుకోకుండా ఎస్సై టి.సుధీర్‌ సిబ్బందితో పర్యవేక్షణ చేపట్టారు. నామినేషన్‌ వేసే అభ్యర్థులు, వారి ఇద్దరు ప్రతిపాదకులు, డమ్మీ అభ్యర్థులను మాత్రమే లోపలకు అనుమతించారు. ఈ క్రమంలో పంగిడిగూడెం నుంచి వైఎస్సార్‌ సీపీ శ్రేణులు అక్కడికి చేరుకున్నాయి. దీంతో అక్కడికి వచ్చిన కొందరు టీడీపీ నాయకులు వైఎస్సార్‌ సీపీ అభ్యర్థులతో పాటు మాజీ ఎంపీపీ, మరో బీసీ సామాజికవర్గ నాయకుడిని ఎలా అనుమతించారంటూ పోలీసులను నిలదీశారు. వారు అభ్యర్థుల ప్రతిపాదకులని ఎస్సై, సిబ్బంది స్పష్టం చేసినా ఏమాత్రం తగ్గకుండా వాగ్వాదానికి దిగారు. ఎన్నికల నిబంధనల అమలులో భాగంగా పోలీసులు తీసుకున్న చర్యలపై ఇలా అభ్యంతరం వ్యక్తం చేయడం అక్కడున్న వారిని విస్మయానికి గురిచేసింది. అధికారం చేతిలో ఉంటే దేనినైనా మార్చేయవచ్చు.. నిబంధనలను పక్కన బెట్టేయచ్చని కూటమి నేతలు నిరూపిస్తున్నారు.. ఎన్నికల వేళ కోడ్‌ను ఉల్లంఘిస్తూ ఇష్టానుసారంగా ప్రవర్తిస్తున్నారు.. ప్రతిపక్ష పార్టీకి సవాలక్ష నిబంధనలు పెట్టి ఇబ్బంది పెడుతున్న అధికారులు, ఈ కోడ్‌ ఉల్లంఘనులపై ఎలాంటి చర్యలు తీసుకోకపోవడం శోచనీయం. కాకినాడ రూరల్‌: కాకినాడ రూరల్‌లో అధికార పార్టీ నాయకులు నిబంధనలకు పాతర వేశారు. అనుమతులు లేకుండా భారీ బైక్‌ ర్యాలీని బుధవారం నిర్వహించారు. ఎంపీటీసీ ఎన్నికల నామినేషన్ల పర్వం ప్రారంభం కావడంతో తొలిరోజే మండలంలోని టీడీపీ నాయకులు ఆ పార్టీ జెండాలను కట్టుకుని బైక్‌ ర్యాలీ చేపట్టారు. సర్పవరం గ్రామం నుంచి ఎంపీడీఓ కార్యాలయం వరకు భారీ ర్యాలీ కొనసాగింది. వీరంతా ఇటీవలే టీడీపీ కండువాలు వేసుకున్నారు. సర్పంచ్‌ పదవి కోసం టీడీపీ పక్షాన చేరిన చందు ఆధ్వర్యంలో బైక్‌ ర్యాలీ నిర్వహించడంతో అనుమతి లేకపోయినా, సర్పవరం పోలీసులు నిలువరించలేదు. మరోవైపు చందు తీరు కూటమి భాగస్వామ్య పార్టీ జనసేనకు మింగుడు పడడం లేదు. జనసేన, టీడీపీ మధ్య సీట్ల పంపకం తేలక ముందే సర్పవరంలోని నాలుగు ఎంపీటీసీ స్థానాలకు టీడీపీ నుంచి నామినేషన్లను వేయించడంతో జనసేన నాయకులు గుర్రుగా ఉన్నారు. ‘కోడ్‌’ వర్తించదా అంబాజీపేట: పుల్లేటికుర్రు జెడ్పీ హైస్కూల్‌ ప్రహరీపై పల్లె పండుగ అంటూ పవన్‌ కళ్యాణ్‌ వాల్‌ పోస్టర్‌ దర్శనమిస్తుంది. ఇది పంచాయతీ కార్యాలయానికి కూతవేటు దూరంలో ఉంది. అధికార పార్టీ చెందిన వారికి ఎన్నికల్‌ కోడ్‌ వర్తించదా? లేక అధికారుల నిర్లక్ష్యమా అంటూ ప్రజలు ప్రశ్నిస్తున్నారు.

● బస్సుల కోసం ప్రయాణికుల ఎదురుచూపు ● సకాలానికి రాకపోవడంతో ఇబ్బందులు ● నిర్వహణలో అధికారుల అలసత్వం రాజమహేంద్రవరం సిటీ: బస్సులు సమయ వేళలు పాటించకపోవడంతో స్థానిక ఆర్టీసీ కాంప్లెక్స్‌లో ప్రయాణికులు తీవ్ర అవస్థలు ఎదుర్కొంటున్నారు. దసరా సెలవులు ముగియడంతో ఇక్కడి నుంచి ఇతర ప్రాంతాలకు వెళ్లే ప్రయాణికులు బస్సుల ఆలస్యంతో బుధవారం తీవ్ర అసౌకర్యానికి గురయ్యారు. మహిళలు అధిక సంఖ్యలో ప్రయాణిస్తున్న నేపథ్యంలో ఆర్టీసీ బస్సులు కిక్కిరిసి నడుస్తున్నాయి. పండగ రద్దీ దృష్ట్యా సరిపడినన్ని బస్సులు నడపడం లేదని ప్రయాణికులు వాపోతున్నారు. ప్రయాణికుల సౌకర్యార్థం అవసరమైన ఏర్పాటు చేస్తున్నట్లు అధికారులు ప్రకటించినప్పటికీ ఆచరణలో కనిపించడం లేదని ప్రయాణికులు గగ్గోలు పెడుతున్నారు. తిరుగు ప్రయాణాలకు 100 ప్రత్యేక బస్సులు దసరా పండగకు వచ్చిన ప్రయాణికుల తిరుగు ప్రయాణాలకు వంద ప్రత్యేక బస్సులు నడపనున్నట్టు డీపీటీఓ మనోహర్‌ తెలిపారు. రాజమహేంద్రవరం డిపో 70, కొవ్వూరు 10, నిడదవోలు 10, గోకవరం డిపో 10 బస్సులను ఆదివారం వరకు నడిపేందుకు అవసరమైన చర్యలు చేపట్టినట్లు ఆయన వెల్లడించారు దసరా ఆదాయం రూ.34 లక్షలు దసరా సందర్భంగా రాజమహేంద్రవరం, కొవ్వూరు, నిడదవోలు, గోకవరం ఆర్టీసీ డిపో నుంచి హైదరాబాద్‌, విజయవాడ, విశాఖపట్నం నగరాలకు నడిపిన 150 ప్రత్యేక బస్సుల ద్వారా సుమారు రూ.34 లక్షల ఆదాయం లభించిదని డీపీటీఓ మనోహర్‌ తెలిపారు. 70 వేల కిలోమీటర్లు రాకపోకలు సాగించిన ఈ బస్సుల్లో 25 వేల మంది ప్రయాణికులు తమ గమ్యస్థానాలకు చేరినట్టు వెల్లడించారు.

● కిరోసిన్‌ డబ్బాలతో ఉన్న వ్యాన్‌ దగ్ధం ● ఇద్దరికి తీవ్ర గాయాలు అమలాపురం టౌన్‌: దసరా ఊరేగింపుల్లో మహిపాల వీధిలో బుధవారం రాత్రి అగ్ని ప్రమాదం సంభవించడంతో ఉత్సవ కమిటీ పెద్దలు ఆందోళనకు గురయ్యారు. స్థానిక వెంకటేశ్వర దేవస్థానం సమీపంలో 216 జాతీయ రహదారిపై ఈ ప్రమాదం జరిగింది. ఈ ప్రమాదంలో ఇద్దరు తీవ్రంగా గాయపడి స్థానిక కిమ్స్‌ ఆస్పత్రిలో చికిత్స పొందుతున్నారు. ఊరేగింపులో చెడీ తాలింఖానా ప్రదర్శనల్లో ఉపయోగించే అగ్గి బరాటాల కోసం ఉపయోగించే కిరోసిన్‌ను డబ్బాలలో నింపి వ్యాన్‌లో తరలిస్తుండగా ఓ తారాజువ్వ వచ్చి పడింది. దీంతో వ్యాన్‌లో మంటలు చెలరేగినట్టు ఉత్సవ కమిటీ ప్రతినిధులు చెప్తున్నారు. ఈ ప్రమాదంలో కిరోసిన్‌తో వస్త్రాలు అందించే వ్యక్తులు మోర్త శ్రీనివాసరావు, గోసంగి రాజు తీవ్రంగా గాయపడ్డారు. వీరికి శరీరంపై పలు చోట్ల కాలిన గాయాలయ్యాయి. వ్యాన్‌ నుంచి మంటలు ఎగిసి పడడంతో జనం బెంబేలెత్తారు. మంటల ధాటికి పక్కనే ఉన్న ఓ రేకుల గోడ స్వల్పంగా దెబ్బతింది. అమలాపురం అగ్నిమాపక దళం, ఊరేగింపు నిర్వాహకులు మంటలను అదుపు చేశారు.

కాకినాడ రూరల్‌: దేవీ శరన్నవరాత్రుల సందర్భంగా కాకినాడ శ్రీపీఠంలో వరుసగా నాలుగో సంవత్సరం కూడా పది రోజుల పాటు నిర్వహించిన మహాశక్తియాగం విజయ దశమి పర్వదినమైన మంగళవారం ఘనంగా ముగిసింది. వేలాదిగా తరలివచ్చిన భక్తులతో ఒకసారి లలితా సహస్ర నామ పారాయణతో పీఠాధిపతి పరిపూర్ణానంద స్వామి కుంకుమార్చనలు చేయించారు. తద్వారా వంద కోట్ల కుంకుమార్చనలు పూర్తయ్యాయి. ఈ సందర్భంగా సహస్ర కలశాల్లో పవిత్ర జలాలనుంచి శివపార్వతులకు అభిషేకం, అనంతరం శాంతి కల్యాణం జరిపించారు. 2030 నాటికి వెయ్యి కోట్ల కుంకుమార్చనలు లక్ష్యంగా ఈ మహాయాగం కొనసాగుతుందని స్వామీజీ చెప్పారు. ప్రతి మనిషీ అహంకారాన్ని వీడి, దైవాన్ని ఆరాధించాలని, నేను అనే భావన తొలగితే అమ్మకు స్థానం లభిస్తుందని అన్నారు. ప్రాణమంటే తన దృష్టిలో దైవమని చెప్పారు. పీఠంలో కొలువుదీరిన ఐశ్వర్యాంబిక అమ్మవారు స్వర్ణ కవచాలంకరణలో భక్తులకు దర్శనమిచ్చారు.

పిఠాపురం: మున్సిపల్‌ ఎన్నికల సందర్భంగా స్థానిక 27వ వార్డులో అధికార కూటమిలోని జనసేన పార్టీ నాయకులు సరికొత్త కుట్రకు తెర తీశారు. వైఎస్సార్‌ సీపీ అభ్యర్థిని తమతో తీసుకుపోయి, కారులో దాచి, విత్‌డ్రా ఫారంపై సంతకం పెట్టించుకుని, దానిని అధికారులకు అందజేసి, ఏకగ్రీవం చేసుకునే కుయుక్తికి బరితెగించారు. వివరాలివీ.. 27వ వార్డు నుంచి తమ అభ్యర్థిగా కంభంపాటి శ్రీరామ్‌ను వైఎస్సార్‌ సీపీ ఎంపిక చేసింది. ఆ మేరకు ఆయన నామినేషన్‌ కూడా వేశారు. నామినేషన్ల దాఖలు ఘట్టం ముగిసినప్పటి నుంచి వార్డుల్లో ఏకగ్రీవాలు చేసుకునేందుకు జనసేన నాయకులు తీవ్ర ప్రయత్నాలు చేస్తున్నారు. పలువురికి ఫోన్ల ద్వారా, మరికొందరికి రాయబారాలు, మరికొందరు అభ్యర్థుల ఇళ్లకు నేరుగా వెళ్లి బెదిరింపులకు దిగిన ఘటనలు చోటు చేసుకున్నాయి. ఈ క్రమంలో నామినేషన్ల ఉపసంహరణ రోజైన బుధవారం నాటకీయ పరిణామాలకు తెర లేపారు. 27వ వార్డు వైఎస్సార్‌ సీపీ అభ్యర్థి శ్రీరామ్‌ను కాకినాడ జనసేన ఎంపీ తంగెళ్ల ఉదయ్‌ శ్రీనివాస్‌ అనుచరులు తమ కారులో ఎక్కించుకుని తీసుకుపోయారు. అక్కడే నామినేషన్‌ ఉపసంహరణ పత్రాలపై సంతకాలు చేయించి, ఆయన లేకుండానే అధికారులకు అందించారు. అప్పటికే ఉపసంహరణ సమయం ముగిసిపోయినప్పటికీ అధికారులు ఆ పత్రానికి ఆమోదం తెలిపి, తుది జాబితా ప్రకటించారు. అయితే, అందులో తమ అభ్యర్థి శ్రీరామ్‌ పేరు లేకపోవడంతో వైఎస్సార్‌ సీపీ నాయకులు ప్రశ్నించారు. ఆయన నామినేషన్‌ విత్‌డ్రా అయినట్లు అధికారులు చెప్పడంపై ఆ పార్టీ నాయకులు రావుల మాధవరావు, ముమ్మిడి శ్రీను తదితరులు అభ్యంతరం వ్యక్తం చేశారు. నిబంధనలకు విరుద్ధంగా అధికారులు వ్యవహరించారని మండిపడ్డారు. ఈ విషయాన్ని వైఎస్సార్‌ సీపీ పిఠాపురం నియోజకవర్గ ఇన్‌చార్జి వంగా గీత కలెక్టర్‌ దృష్టికి తీసుకు వెళ్లారు. నామినేషన్ల ఉపసంహరణ సమయం ముగిసేసరికి పోటీలో ఉన్న తమ అభ్యర్థి ఆ తరువాత నామినేషన్‌ ఉపసంహరించుకున్నట్లు అధికారులు ఏవిధంగా ప్రకటిస్తారని వైఎస్సార్‌ సీపీ నాయకులు ప్రశ్నిస్తున్నారు. వార్డుల్లో ఏకగ్రీవాలు చేసేందుకు స్థానిక అధికార పార్టీ నాయకులు అడ్డదారులు తొక్కుతున్నారనడానికి ఈ ఘటన తార్కాణంగా నిలుస్తోంది. కాగా, ఈ ఘటన అనంతరం శ్రీరామ్‌కు ఎంపీ ఉదయ్‌ శ్రీనివాస్‌ జనసేన కండువా కప్పుతున్న ఫొటోలు సోషల్‌ మీడియాలో హల్‌చల్‌ చేశాయి. వైఎస్సార్‌ సీపీ అభ్యర్థిని తీసుకుపోయిన జనసేన నాయకులు విత్‌డ్రా పత్రంపై బలవంతంగా సంతకం ఆపై ఆయన లేకుండానే నామినేషన్‌ ఉపసంహరణ పిఠాపురం 27వ వార్డులో అధికారుల అత్యుత్సాహం మండిపడిన వైఎస్సార్‌ సీపీ నేతలు కలెక్టర్‌కు వంగా గీత ఫిర్యాదు

ఎటపాక: అనుమతులు లేకుండా తెల్లరాయి తరలిస్తున్న రెండు లారీలను అటవీశాఖ అధికారులు సోమవారం రాత్రి పట్టుకున్నారు. మండల పరిధిలో నెల్లిపాక జాతీయ రహదారిపై ఉన్న అటవీశాఖ చెక్‌పోస్టు వద్ద వాహనాలను తనిఖీ చేస్తుండగా తెల్లరాయితో చింతూరు మండలం గూడూరు నుంచి వస్తున్న రెండు లారీలను గుర్తించి నిలిపివేశారు. వాహనాల డ్రైవర్ల వద్ద ఎటువంటి అనుమతులు లేకపోవడంతో లారీలను పురుషోత్తపట్నంలోని నెల్లిపాక రేంజ్‌ కార్యాలయానికి తరలించారు. తెల్లరాయి లారీల సమాచారాన్ని మైనింగ్‌ అధికారులకు తెలియజేసినట్లు రేంజర్‌ సత్యనారాయణమూర్తి తెలిపారు. తెల్లరాయిని గూడూరు నుంచి తెలంగాణ రాష్ట్రంలోని సత్తుపల్లికి తరలిస్తున్నట్లు తెలిపారు.

జాతీయ రగ్బీ జట్టుకు హరిణి తుని రూరల్‌: వి.కొత్తూరు గ్రామానికి చెందిన రొంగల హరిణి ఎస్‌జీఎఫ్‌ఐ జాతీయ స్థాయి అండర్‌–14 జట్టుకు ఎంపికై నట్టు జెడ్పీ హైస్కూల్‌ హెచ్‌ఎం వి.అప్పారావు బుధవారం తెలిపారు. చిత్తూరులో నిర్వహించిన రాష్ట్రస్థాయి పోటీల్లో విశేష ప్రతిభకనబర్చడంతో హరిణి జాతీయస్థాయికి ఎంపికై నట్టు తెలిపారు. ఈ నెల 23 నుంచి 28 వరకు న్యూ ఢిల్లీ త్యాగరాజు స్టేడియంలో జరిగే పోటీల్లో పాల్గొంటుందన్నారు. పీడీ సీహెచ్‌ లోవలక్ష్మి అండర్‌–14 రగ్బీ బాలికల ఆంధ్ర ప్రదేశ్‌ జట్టుకు మేనేజరుగా ఎంపికై నట్టు ఆయన పేర్కొన్నారు.

చింతూరు: దసరా పండగ అందరి ఇళ్లలో సరదా నింపితే.. ఆ రెండు ఇళ్లలో రోదనలు.. కన్నీటి ప్రవాహాలను పారించింది. మేనత్తకు కొత్త దుస్తులు ఇచ్చి తిరిగి వస్తూ ఒకరు.. ఏదో పనిపై వెళ్తూ మరొకరు వారి వారి వాహనాలపై వెళ్తూ ఎదురెదురుగా ఢీకొని మృతి చెందారు. వివరాల్లోకి వెళితే మండలం పోతనపల్లి సమీపంలో మంగళవారం ఎదురెదురుగా వస్తున్న రెండు బైక్‌లు ఢీకొన్న ఘటనలో సుకుమామిడికి చెందిన పల్లాల రమణారెడ్డి (40), చూటూరుకు చెందిన పాయం అశోక్‌ (26) మృతిచెందారు. చింతూరు మండలం ఎర్రంపేటలో అరకు కాఫీ దుకాణం నిర్వహిస్తున్న రమణారెడ్డి పండగకని తన మేనత్తకు కొత్త దుస్తులు ఇచ్చేందుకు బైక్‌పై స్వగ్రామం సుకుమామిడి వెళ్లి తిరిగి వస్తుండగా చింతూరు వైపు నుండి రాజమహేంద్రవరం వైపు వెళ్తున్న చూటూరుకు చెందిన పాయం అశోక్‌ బైక్‌ ఎదురెదురుగా ఢీకొన్నాయి. ఈ ఘటనలో రమణారెడ్డి అక్కడికక్కడే మృతిచెందగా అశోక్‌ను చింతూరు ఆసుపత్రికి తరలిస్తుండగా మార్గమధ్యలో మృతిచెందాడు. ఎస్‌ఐ సంతోష్‌కుమార్‌ కేసు దర్యాప్తు చేస్తున్నారు. రెండు బైక్‌లు ఢీకొని ఇద్దరి మృతి

మంచిని బతికిద్దాం.. చెడును అంతం చేద్దాం.. మంచితనపు వెలుగును నింపుకొందాం అనే నినాదంతో సాగిన రావణాసుర దహనం ఆకట్టుకుంది. మంగళవారం రాత్రి విజయదశమి రోజున స్థానిక సూర్యారావుపేట బీచ్‌లో 40 అడుగుల రావణాసురుని కటౌట్‌ను దహనం చేశారు. ప్రత్తిపాడు మండలం చింతలూరు గ్రామానికి చెందిన కర్రి మురళి నిర్వహణలో శ్రీశ్యామలాదేవి స్వచ్ఛంద సంస్థ ఆధ్వర్యంలో ఈ కార్యక్రమం ఏర్పాటు చేశారు. బెంగాల్‌ నుంచి వచ్చిన నిపుణులు నాలుగు రోజులపాటు శ్రమించి ఈ కటౌట్‌ తయారు చేసి వారి సమక్షంలో దహనం చేశారు. రెండేళ్లుగా అన్నవరంలో రావణ వధ చేపడుతున్నామని, తొలిసారిగా కాకినాడ బీచ్‌లో నిర్వహించినట్టు నిర్వాహకులు తెలిపారు. – కాకినాడ రూరల్‌

సాక్షి ప్రతినిధి, కాకినాడ: మున్సిపల్‌ ఎన్నికల నామినేషన్ల ఉపసంహరణ ప్రక్రియ బుధవారం ముగిసింది. జిల్లాలోని 6 మున్సిపాలిటీల్లో ఎన్నికలు జరుగుతూండగా చైర్‌పర్సన్‌ స్థానాలకు వివిధ పార్టీలు, స్వతంత్ర అభ్యర్థులుగా 52 మంది నామినేషన్లు దాఖలు చేశారు. వీరిలో 20 మంది ఉపసంహరించుకోవడంతో చైర్‌పర్సన్ల బరిలో చివరకు 32 మంది పోటీలో మిగిలారు. గొల్లప్రోలు చైర్మన్‌ స్థానానికి 4, పిఠాపురం 5, తుని 7, ఏలేశ్వరం 5, పెద్దాపురం 7, సామర్లకోటలో నలుగురు బరిలో ఉన్నారు. మొత్తం ఈ ఆరు మున్సిపాలిటీల పరిధిలోని 191 వార్డు కౌన్సిలర్‌ స్థానాలకు 905 మంది నామినేషన్లు వేయగా, ఏకంగా 430 మంది ఉపసంహరించుకున్నారు. వివిధ కారణాలతో 6 నామినేషన్లను అధికారులు తిరస్కరించడంతో 469 మంది పోటీలో మిగిలారు. అత్యధికంగా పిఠాపురం నుంచి 108 బరిలోకి దిగనుండగా.. సామర్లకోట నుంచి 88 మంది, తుని 88, గొల్లప్రోలు 55, ఏలేశ్వరం 61, పెద్దాపురం 69 మంది పోటీలో ఉన్నారు. వీరందరూ గురువారం నుంచి ఇంటింటి ప్రచారానికి అన్ని అస్త్రాలూ సిద్ధం చేసుకుంటున్నారు.పంచారామ క్షేత్రంలో తెలంగాణ హైకోర్టు జడ్జి సామర్లకోట: స్థానిక పంచారామ క్షేత్రమైన బాలా త్రిపుర సుందరీ సమేత చాళుక్య కుమారారామ భీమేశ్వరస్వామి ఆలయాన్ని తెలంగాణ హైకోర్టు న్యాయమూర్తి జస్టిస్‌ జి.ప్రవీణ్‌ కుమార్‌ దంపతులు బుధవారం సందర్శించారు. స్వామి, అమ్మవార్లను దర్శించుకున్న ప్రవీణ్‌ కుమార్‌ దంపతులకు పండితులు ఆశీర్వచనాలు, స్వామి వారి ఫొటో, ప్రసాదాన్ని ఆలయ సూపరింటెండెంట్‌ ఈశ్వరరావు అందజేశారు. ‘స్థానిక’ అరాచకాలపై ‘సుప్రీం’ స్పందన శుభపరిణామంకాకినాడ రూరల్‌: స్థానిక సంస్థల ఎన్నికల నామినేషన్ల సందర్భంగా రాష్ట్రంలో చోటు చేసుకున్న అరాచకాలపై సుప్రీంకోర్టు స్పందించడం శుభ పరిణామమని వైఎస్సార్‌ సీపీ మహిళా విభాగం రాష్ట్ర ఉపాధ్యక్షురాలు జమ్మలమడక నాగమణి బుధవారం ఒక ప్రకటనలో పేర్కొన్నారు. నామినేషన్లు దాఖలు చేయకుండా ‘పచ్చ’మూకలు చేసిన అరాచకాన్ని సుప్రీంకోర్టు సైతం తప్పు పట్టినా రాష్ట్ర ఎన్నికల సంఘానికి, ప్రభుత్వానికి చీమ కుట్టినట్టు కూడా లేదని విమర్శించారు. హింస జరిగిన 19 మున్సిపాలిటీల్లో ఈ నెల 25వ తేదీ వరకూ అభ్యర్థుల తుది జాబితా వెల్లడించకుండా సుప్రీంకోర్టు రాష్ట్ర ఎన్నికల సంఘాన్ని ఆదేశించి, ఆయా ప్రాంతాల్లో నామినేషన్ల దాఖలుకు 48 గంటల అదనపు సమయం కేటాయించడం హర్షణీయమన్నారు. అభ్యర్థులకు పోలీసులు రక్షణ కల్పించాలని నాగమణి డిమాండ్‌ చేశారు. రత్నగిరికి.. వేలాదిగా.. అన్నవరం: దసరా సెలవులు ముగియడంతో స్వస్థలాలకు తిరిగి వెళ్తున్న వారు, ఇతర భక్తులు వేలాదిగా బుధవారం రత్నగిరికి పోటెత్తారు. సుమారు 40 వేల మంది భక్తులు సత్యదేవుని దర్శనానికి తరలివచ్చారు. స్వామివారి వ్రతాలు 2,500 జరిగాయి. అన్ని విభాగాల ద్వారా దేవస్థానానికి రూ.40 లక్షల ఆదాయం సమకూరింది. సత్యదేవున్ని అన్న ప్రసాదాన్ని 5 వేల మంది భక్తులు స్వీకరించారు.

ఆత్రేయపురం: స్థానిక ఎన్నికల కోడ్‌ అమలులో అధికారులు వెనకడుగు వేస్తున్నారు. ఆత్రేయపురం మండలంలో ఎక్కడపడితే అక్కడ ఉన్న పసుపు రంగు దిమ్మలు, ఫ్లెక్సీల తొలగింపులో అలసత్వం ప్రదర్శిస్తున్నారు. ర్యాలి గ్రామంలో వైఎస్సార్‌ సీపీకి చెందిన దివంగత మహానేత వైఎస్‌ రాజశేఖరరెడ్డి విగ్రహానికి మాత్రం కోడ్‌ అమల్లోకి రావడంతోనే ముసుగు వేసేశారు. ఆత్రేయపురం రావిచెట్టు సెంటర్లో ఇప్పటికీ టీడీపీ దిమ్మకు ముసుగు వేయలేదు. అధికారులు వివక్ష చూపకుండా ఎన్నికల కోడ్‌ అమలు చేయాలని స్థానికులు కోరుతున్నారు.

అనపర్తి: స్థానిక విశ్రాంత ఉపాధ్యాయిని ఇంట్లో జరిగిన చోరీలో దుండగులు నగదు, నగలు దోచుకుపోయారు. స్థానిక వీరుళ్లమ్మ అమ్మవారి ఆలయం సమీపంలో నివసిస్తున్న విశ్రాంత ఉపాధ్యాయిని బేబి తల్లి ఇంట్లో బుధవారం రాత్రి జరిగిన చోరీలో సుమారు రూ.3 లక్షల నగదు, 50 గ్రాముల బంగారు ఆభరణాలు దోపిడికి గురైనట్టు చెబుతున్నారు. ఈ విషయమై ఎస్సై వినయ్‌ ప్రతాప్‌ను వివరణ కోరగా ఎన్నికల విధుల్లో ఉన్నందున ఉదయం ఘటనా స్థలాన్ని పరిశీలించి వివరాలు వెల్లడిస్తామని తెలిపారు. కోటసత్తెమ్మకు బంగారు గొలుసు సమర్పణ నిడదవోలు రూరల్‌: మండలంలోని తిమ్మరాజుపాలెం గ్రామంలో కొలువైన కోటసత్తెమ్మ తల్లికి దేవరపల్లి మండలం త్యాజంపూడి గ్రామానికి చెందిన యర్రంశెట్టి నాగదుర్గారావు రూ.2 లక్షలు విలువచేసే 16 గ్రాముల బంగారు గొలుసును బుధవారం సమర్పించారు. దాత కుటుంబ సభ్యులను ఆలయ అధికారులు సన్మానించి అమ్మవారి చిత్ర పటాన్ని అందజేశారు. కార్యక్రమంలో ఆలయ ఈఓ, అసిస్టెంట్‌ కమిషనర్‌ కె.లలిత తదితరులు పాల్గొన్నారు. చెట్టుపై కొండచిలువ హల్‌చల్‌ రాజమహేంద్రవరం రూరల్‌: మోరంపూడి సాయినగర్‌ శివారు బుచ్చియ్యనగర్‌కు వెళ్లే దారిలో ఒక చెట్టుపై మంగళవారం రాత్రి ఒక భారీ కొండచిలువ హల్‌చల్‌ చేసింది. రోడ్డు పక్కన ఉండే చెట్టుపై కొండచిలువ కనపడడంతో స్థానికులు భయబ్రాంతులకు గురయ్యారు. కొండచిలువ కదులుతున్న దృశ్యాలను చిత్రీకరించి వైరల్‌ చేశారు. మోరంపూడి పరిసర ప్రాంతాల్లో గుట్టలు, చెట్లు ఉండడంతో కొండచిలువల సంచారానికి అనువుగా ఉంటాయని నగరానికి చెందిన స్నేక్‌ క్యాచర్‌ ఈశ్వర్‌ తెలిపారు.

● చిన్న తిరుపతిలో ప్రారంభమైన దివ్య బ్రహ్మోత్సవాలు ● గజ వాహనంపై గోవిందుడి విహారం ద్వారకాతిరుమల: కలియుగ వైకుంఠనాథుడు కొలువైన చిన్నతిరుపతి క్షేత్రంలో శ్రీవారి ఆశ్వయుజ మాస దివ్య బ్రహ్మోత్సవాలు బుధవారం వైభవంగా ప్రారంభమయ్యాయి. తొలిరోజు స్వామి, అమ్మవార్లను వరుడు, వధువుగా చేసే వేడుక అట్టహాసంగా జరిగింది. స్వామి, అమ్మవార్ల ఉత్సవ మూర్తులను తొళక్క వాహనంపై నిత్య కల్యాణ మండపం వద్దకు తీసుకువచ్చి అలంకరించారు. ఆలయ ఈఓ సతీమణి భాగ్యలక్ష్మి స్వామి, అమ్మవార్లకు పూలు, పండ్లు, అర్చకులు, పండితులకు నూతన వస్త్రాలను అందజేశారు. ఈ సందర్భంగా నిర్వహించిన సాంస్కృతిక కార్యక్రమాలు భక్తులను అలరించాయి. రాత్రి గజవాహనంపై స్వామివారి తిరువీధి సేవ వైభవంగా సాగింది. ఆలయ ముఖ మండపంలో స్వామివారు శ్రీ భూ సమేత మహావిష్ణువు అలంకారంలో భక్తులకు దర్శనమిచ్చారు. దేవస్థానం డీఈఓ వై.భద్రాజీ, ఏఈఓ పి.నటరాజారావు ఏర్పాట్లను పర్యవేక్షించారు. బ్రహ్మోత్సవాల్లో భాగంగా గురువారం రాత్రి 9 గంటలకు ధ్వజారోహణ, అనంతరం హంసవాహన సేవ నిర్వహించనున్నారు.

కాకినాడ క్రైం: పోలీసు అమర వీరులకు కలెక్టర్‌ ఎంఎన్‌ హరీంధర్‌ ప్రసాద్‌, ఎస్పీ జి.బిందుమాధవ్‌, ఇతర అధికారులు ఘనంగా నివాళులర్పించారు. జిల్లా పోలీసు శాఖ ఆధ్వర్యాన స్థానిక పోలీసు పరేడ్‌ మైదానంలో పోలీసు అమర వీరుల సంస్మరణ దినోత్సవం బుధవారం జరిగింది. విధి నిర్వహణలో ప్రాణాలు కోల్పోయిన పోలీసు అమర వీరులకు కలెక్టర్‌, ఎస్పీ తదితరులు నివాళులర్పించారు. అమర వీరుల కుటుంబ సభ్యులకు జ్ఞాపికలు, పండ్లు, నగదు సాయాన్ని కలెక్టర్‌, ఎస్పీ అందజేశారు. కార్యక్రమంలో దేవిన సిస్టర్స్‌ సోహిత, ధన్యతలు అమరుల త్యాగాలను ప్రతిబింబించేలా రూపొందించిన సైతక శిల్పం ప్రత్యేక ఆకర్షణగా నిలిచింది. మూడో బెటాలియన్‌లో.. కాకినాడ రూరల్‌: ఏపీఎస్పీ మూడో బెటాలియన్‌లో జరిగిన పోలీసు అమర వీరుల సంస్మరణ దినోత్సవంలో దేశం కోసం, ప్రజల రక్షణ కోసం ప్రాణత్యాగం చేసిన 154 మంది పోలీసు అమర వీరులకు కమాండెంట్‌ కె.నవీన్‌ కుమార్‌, సిబ్బంది నివాళులర్పించారు. బెటాలియన్‌లో పని చేస్తూ విధి నిర్వహణలో ప్రాణాలు కోల్పోయిన అమర వీరులకు వారి కుటుంబ సభ్యుల సమక్షంలో నివాళులర్పించారు. కార్యక్రమంలో అడిషనల్‌ కమాండెంట్‌ దేవానందరావు తదితరులు పాల్గొన్నారు.

సామర్లకోట: స్థానిక ఎన్నికలు జరుగుతున్న వేళ పలువురు వైఎస్సార్‌ సీపీలో చేరుతున్నారు. నిత్యావసర వస్తువుల ధర లు విపరీతంగా పెరిగిపోవడంతో పాటు, సార్వత్రిక ఎన్నికల్లో ఇచ్చిన హామీలను రాష్ట్ర ప్రభుత్వం అమలు చేయక పోవడంతో కూటమి పార్టీలకు గుడ్‌బై చెబుతున్నారు. సామర్లకోట గణేష్‌ కాలనీకి చెందిన పలువురు సోమవారం ఆ పార్టీకి జైకొట్టారు. వారికి స్థానిక కార్యాలయంలో వైఎస్సార్‌ సీపీ నియోజకవర్గ కో ఆర్డినేటర్‌ దవులూరి దొరబాబు పార్టీ కండువాలు వేసి స్వాగతం పలికారు. కార్యక్రమంలో పార్టీ మున్సిపల్‌ విభాగం నియోజకవర్గ అధ్యక్షుడు ఇరుసుమళ్ల సాయి, మాజీ కౌన్సిలర్‌ మర్రి శేషారావు, నాయకులు పాలిక చంటి, కచ్చా రాజు తదితరులు పాల్గొన్నారు.

అన్నవరం: దసరా వేడుకల తొమ్మిదో రోజున మహర్నవమి పర్వదినం సందర్భంగా రత్నగిరి సోమవారం భక్తులతో కిటకిటలాడింది. సుమారు 40 వేల మంది భక్తులు సత్యదేవుని దర్శించుకున్నారు. వీరిలో భవానీ దీక్షాధారులే అధికంగా ఉన్నారు. విజయవాడ కనకదుర్గ అమ్మవారి దర్శనానికి వెళ్తూ, మార్గం మధ్యలో స్వామివారి ఆలయానికి విచ్చేశారు. సత్యదేవుని వ్రతాలు 2,500 జరిగాయి. అన్ని విభాగాల ద్వారా దేవస్థానానికి రూ.40 లక్షల ఆదాయం సమకూరిందని అధికారులు తెలిపారు. విజయ దశమి పర్వదినం సందర్భంగా మంగళవారం కూడా ఆలయంలో భక్తుల రద్దీ అధికంగా ఉండనుంది. ‘పరిషత్‌’ ఎన్నికలకు పటిష్ట భద్రత బోట్‌క్లబ్‌ (కాకినాడ సిటీ): జెడ్పీటీసీ, ఎంపీటీసీ ఎన్నికల నిర్వహణకు జిల్లాలో పకడ్బందీగా ఏర్పాట్లు చేస్తున్నామని కలెక్టర్‌ హరేంధిర ప్రసాద్‌ తెలిపారు. ఈ ఎన్నికల నిర్వహణపై ఎస్పీ బిందుమాధవ్‌, జాయింట్‌ కలెక్టర్‌ అపూర్వ భరత్‌, జిల్లా స్థానిక సంస్థల ఎన్నికల వ్యయ పరిశీలకుడు గరుడ్‌ సంకేత్‌ సునీల్‌లతో కలసి కలెక్టరేట్‌లో సోమవారం నిర్వహించిన సమావేశంలో ఆయన మాట్లాడారు. జెడ్పీటీసీ ఎన్నికలకు జిల్లా పరిషత్‌ కార్యాలయం వద్ద, ఎంపీటీసీలకు ఆయా మండల కేంద్రాల్లోను నామినేషన్లు వేసేందుకు ఏర్పాట్లు చేశామన్నారు. జనసేనకు కీలక నేత గుడ్‌బై మలికిపురం: స్థానిక సంస్థల ఎన్నికల వేళ రాజోలు నియోజకవర్గంలో జనసేన నుంచి కీలక వికెట్‌ పడింది. తమ కంచుకోట అని ఆ పార్టీ చెప్పుకొనే ఈ నియోజకవర్గంలో పార్టీ ఆవిర్భావం నుంచీ జనసేన విజయానికి విశేష కృషి చేసిన సీనియర్‌ నాయకుడు ఆరేటి మురళీకృష్ణ ఆ పార్టీకి గుడ్‌బై చెప్పారు. జనసేన పార్టీ సభ్యత్వానికి రాజీనామా చేసినట్లు సోమవారం ప్రకటించారు. ఈ మేరకు పార్టీ మలికిపురం మండల అధ్యక్షుడు మల్లిపూడి సత్తిబాబుకు తెలిపానని పేర్కొన్నారు. మలికిపురం మండలం విశ్వేశ్వరాయపురంలోని తన ఇంటి వద్ద సోమవారం ఏర్పాటు చేసిన విలేకర్ల సమావేశంలో మురళి ఈ విషయం తెలిపారు. జనసేన అభివృద్ధికి 2009 నుంచీ అహర్నిశలూ పని చేశామని, ప్రస్తుతం పార్టీలో పరిస్థితులు తనకు నచ్చడం లేదని అన్నారు. జనసేన నిర్ణయాలు కూడా సరైనవి కాకపోవడం వల్ల ఆ పార్టీ నుంచి బయటకు వచ్చానని ఆయన చెప్పారు.

కాకినాడ రూరల్‌: మనసులో కల్మషం, ద్వేషం, కుట్రలకు తావీయకుండా ముందుగా మనల్ని మనం మార్చుకోవడానికి ప్రయత్నించాలని కాకినాడ శ్రీపీఠం అధిపతి పరిపూర్ణానంద స్వామి అన్నారు. మహాశక్తి యాగం విజయ దశమి పర్వదినమైన మంగళవారం ముగియనుంది. వంద కోట్ల కుంకుమార్చనలే లక్ష్యంగా దేవీ శరన్నవరాత్రుల ప్రారంభం రోజున ఈ మహాక్రతువు ప్రారంభమైన విషయం తెలిసిందే. ఈ కుంకుమార్చనలు పదో రోజుతో వంద కోట్ల లక్ష్యానికి చేరుకోనున్నాయి. తొమ్మిదో రోజైన సోమవారం వేలాదిగా హజరైన మహిళలతో స్వామీజీ మూడుసార్లు కుంకుమార్చనలు జరిపించారు. హోమశాలలో మహాపూర్ణాహుతి నిర్వహించారు. పీఠం అధిష్టాన దేవత ఐశ్వర్యాంబిక అమ్మవారు మహాలక్ష్మీదేవిగా భక్తులకు దర్శనమిచ్చారు. ఈ సందర్భంగా మహాలక్ష్మి అమ్మవారికి వెయ్యి శ్రీసూక్త పారాయణలు జరిపించారు. స్వామీజీ మాట్లాడుతూ, అమ్మ దయ ఉంటే అన్ని ఉన్నట్టేనని అన్నారు. ప్రతి రోజూ 24 నిమిషాలు కేటాయించి, లలితా సహస్ర నామ పారాయణ చేయడం ద్వారా అమ్మ వెన్నంటే ఉంటుందని చెప్పారు. మంగళవారం సహస్ర కలశాభిషేకం, దీక్షాంత స్నపనం, సాయంత్రం దీక్షాంత కల్యాణం నిర్వహిస్తామన్నారు. మహాశక్తి యాగం సజావుగా జరిగేందుకు సహకరించిన ప్రతి ఒక్కరికీ ధన్యవాదాలు తెలిపారు.

కాకినాడ క్రైం: జిల్లా మార్కెట్‌ను నాసిరకం మందులు ముంచెత్తుతున్నాయి. ఇబ్బడిముబ్బడిగా ప్రాపగండా కమ్‌ డిస్ట్రిబ్యూషన్‌ (పీడీ) కంపెనీలుగా పిలిచే నాణ్యతా ప్రమాణాలు లేని డొల్ల ఫార్మసూటికల్‌ కంపెనీలు పుట్టగొడుగుల్లా పుట్టుకొచ్చాయి. వీటికి కొందరు వైద్యులు అమ్ముడుపోతూ, ఇవి తయారు చేసే నాసిరకం మందులను తమ వద్దకు వచ్చే రోగులకు రాస్తున్నారు. జిల్లావ్యాప్తంగా 150 హోల్‌సేల్‌, 1,050 రిటైల్‌ మెడికల్‌ షాపులున్నాయి. జిల్లా మార్కెట్లో 200 కంపెనీలు ఔషధాలు విక్రయిస్తున్నాయి. వీటిలో 50 నుంచి 60 మాత్రమే బ్రాండెడ్‌ కంపెనీలు. మిగిలినవన్నీ పీడీ కంపెనీలే కావడం గమనార్హం. ‘పీడీ’ కంపెనీల పీడ ప్రతి మందులో కీలకమైనది క్రియాశీల ఔషధ పదార్థం (యాక్టివ్‌ ఫార్మాసిటికల్‌ ఇన్‌గ్రేడియంట్‌ – ఏపీఐ). దీని పరిమాణం, నాణ్యతలో లోపం ఉంటే ఆ మందు ఎందుకూ పని చేయదు. నాసిరకం మందుల్లో ఈ ఏపీఐ సరైన మోతాదులో ఉండదు. ఉదాహరణకు మాత్ర ప్యాకింగ్‌ స్ట్రిప్‌పై పారాసిటమాల్‌ 500 ఎంజీ అని ఉంటే, మాత్ర లోపల 500 ఎంజీ ఉండదు. అంతకు తక్కువ ఉండొచ్చు. ఒక మాత్ర వేసుకోవడానికి బదులు కనీసం రెండు మూడు వాడాల్సి వస్తుంది. దీంతో, రోగికి కొనుగోలు ఖర్చు పెరుగుతుంది. ఇటువంటి మాత్రల తయారీలో బాగా తక్కువ నాణ్యత ఉన్న ముడి పదార్థాలనే వాడతారు. వీటిలో మలినాల స్థాయి ఎక్కువగా ఉంటుంది. ఇది మందు పనితీరుపై ప్రతికూల ప్రభావం చూపుతుంది. మందు శరీరంలో కరిగే గుణం (డిసొల్యూషన్‌) నాసిరకం మందుల్లో లోపిస్తుంది. నాణ్యత ఉంటే నిర్ణీత సమయానికే శరీరంలో కరిగి, రక్తంలో కలిసి మందు పని చేయడం మొదలవుతుంది. పీడీ కంపెనీలు విక్రయించే మందుల తయారీ గుడ్‌ మాన్యుఫ్యాక్చరింగ్‌ ప్లాంట్స్‌ (జీఎంపీ) సర్టిౖఫైడ్‌ పరిశ్రమల్లో జరగదు. వీటిని తక్కువ ధరకు, గుర్తింపు లేని ప్లాంట్లలో తయారు చేయిస్తారు. ఇటువంటి నాసిరకం మందులు గడువు పూర్తి కాకుండానే నాణ్యత కోల్పోవచ్చు. వేడి, తేమకు ఇట్టే ప్రభావితమైపోవడంతో వీటి పనితీరు మందగిస్తుంది. వీటి పనితీరుపై పరీక్షలు సరిగా నిర్వహించరు. దీంతో, వీటితో ఆశించిన పనితీరు (థెరపాటిక్‌ ఎఫెక్ట్‌) ఉండదు. దీంతో, నాణ్యమైన మాత్ర ఒకటి వాడితే వచ్చే ఫలితం.. కనీసం పీడీ మాత్రలు కనీసం మూడు నాలుగు వాడితేనే కానీ రాదు. యాంటీ బయోటిక్స్‌, అత్యవసర చికిత్సలో వినియోగించే, దీర్ఘకాలిక వ్యాధులకు ఉపయోగించే మందుల విషయంలో నాణ్యత అత్యంత కీలకం. జనరిక్‌కు ప్రోత్సాహమేదీ! బ్రాండెడ్‌ జనరిక్‌ మందులు పూర్తి నాణ్యమైనవి. ఇవి 40 నుంచి 80 శాతం మేర తక్కువ ధరకే లభిస్తాయి. వీటిని ప్రోత్సహించేందుకు అధికారులు ఎటువంటి చర్యలూ తీసుకోవడం లేదు. జనరిక్‌ మందుల వినియోగం పెరిగితే వైద్యులు, మామూలు మందుల వ్యాపారుల లాభాలకు గండి పడుతుంది. దీనివలన వారి నుంచి కొంత మంది అధికారులకు వచ్చే తాయిలాలు తరిగిపోతాయి. అందుకే జనరిక్‌ మందులు విపణిలోకి వచ్చి పదేళ్లు దాటినా ఇప్పటికీ తగిన ఆదరణ లేదనే విమర్శ ఉంది. అటాచ్డ్‌ కౌంటర్ల దందా ప్రతి ప్రైవేటు ఆసుపత్రికి దాదాపుగా అక్కడి యజమాని లేదా వైద్యుడికి చెందిన ఓ అటాచ్డ్‌ కౌంటర్‌ ఉంటోంది. వీటిలో అన్ని మందులూ దొరకవు. తన వద్దకు వచ్చే మందుల కంపెనీల ప్రతినిధులు ఎరజూపే ప్రయోజనాల ఆధారంగా సదరు వైద్యులు వారికి ఆర్డర్లు ఇస్తారు. ఆ మందులే రాస్తారు. బ్రాండెడ్‌ కంపెనీవి కాకపోవడంతో ఆ మందులు ఆ అటాచ్డ్‌ కౌంటర్లలో తప్ప బయట మరెక్కడా దొరకవు. మార్కెట్‌ అంతటా కొనుగోలుదారులకు 10 నుంచి 20 శాతం డిస్కౌంట్‌ లభిస్తూంటే అటాచ్డ్‌ కౌంటర్లలో నయాపైసా కూడా డిస్కౌంట్‌ ఇవ్వరు. పైగా ఈ దుకాణదారులు డిమాండ్‌ చేసి మరీ బయట దుకాణాల కంటే ఎక్కువగా కంపెనీల నుంచి మార్జిన్లు పొందుతారు. ఈ అటాచ్డ్‌ కౌంటర్‌ దందాను పర్యవేక్షించే వ్యవస్థ చతికిలబడటంతో వాళ్లు చెప్పిన ధరలకే రోగులు మందులు కొనాల్సిన పరిస్థితి. శాంపిల్స్‌ విక్రయం ఫార్మా కంపెనీలు తమ మందులను శాంపిళ్ల రూపంలో వైద్యులకు ఇస్తూంటాయి. వీటిని కొందరు వైద్యులు, ఆర్‌ఎంపీలు, మందులు దుకాణదారులు యథేచ్ఛగా విక్రయిస్తారు. ఇవి అమ్మేందుకు కాదని స్ట్రిప్స్‌పై రాసి ఉన్నా ఆ భాగాన్ని కత్తిరించి అమ్ముతారు. వీటి వల్ల ఏవైనా సమస్యలు తలెత్తితే బిల్లులు లేక రోగులు అన్యాయమైపోతారు. చట్టపరమైన చర్యలకు కూడా అవకాశం ఉండదు. ప్రభుత్వ మందులు వాడదామంటే.. నాసిరకం కాకుండా ప్రభుత్వ మందులు వాడదామన్నా మరో సమస్య ఎదురవుతోంది. ఈ మందుల తయారీలో ఎటువంటి మేకింగ్‌ టెక్నాలజీ వినియోగించరు. దీనివలన ఆ మందులోని రసాయనం రుచిని రోగి భరించాల్సి వస్తుంది. దీంతో, ఈ మందుల వాసన, గాఢత తీవ్రంగా ఉంటున్నాయని రోగులు వాపోతున్నారు. స్ట్రిప్‌లు, వాటిపై ప్రింటింగ్‌ కూడా తగిన నాణ్యతతో లేకపోవడం, పనితీరు కూడా అంతంత మాత్రంగానే ఉండటంతో ప్రభుత్వ మందులు ప్రజల నమ్మకాన్ని చూరగొనలేకపోతున్నాయి. ఫ మార్కెట్‌ను ముంచెత్తుతున్న నాసిరకం మందులు ఫ అడ్రస్‌ లేని కంపెనీల మందులు రాస్తున్న కొందరు వైద్యులు ఫ వారితో వ్యాపారుల కుమ్మక్కు ఫ తనిఖీలు మరచిన అధికారులు ఫ రోగుల ప్రాణాలతో చెలగాటం నాసిరకం మందులు గుర్తించడం ఇలా..ఫ సీసా లేదా స్ట్రిప్‌లపై గడువు తేదీ తప్పక చూడాలి. ఫ తేదీలు చెరిపేసినట్లు, మార్చినట్లు, అస్పష్టంగా ఉంటే అప్రమత్తంగా ఉండాలి. ఫ స్ట్రిప్‌పై ఉన్న వివరాలు అవి ఉంచిన పెట్టెతో సరిపోలుతున్నాయో లేదో చూసుకోవాలి, అక్షర దోషాలు, ముద్రణ లోపాలుంటే నాసిరకం కావచ్చు. ఫ క్యాప్సుల్‌ పగలడం, స్ట్రిప్‌కు అంటుకోవడం, లీకేజీ, సీల్‌ తెరచుకోవడం, బాటిల్‌ మూత దెబ్బ తినడం, సిరప్‌లో అసాధారణ కణాలు, రంగు మార్పు లేదా గడువు ముగియక ముందే అనూహ్య మార్పులు కనిపిస్తే నాసిరకంగా గుర్తించాలి. ఫ కోల్డ్‌ చైన్‌ నిర్వహణ లేకపోయినా, అధిక వేడిమి లేదా చల్లదనంలో ఉన్నా, లేబుల్‌పై రాసి ఉన్న ఉష్ణోగ్రతలో ఉంచకుండా విక్రయించినా మందుల్లో నాణ్యతా లోపాలు తలెత్తవచ్చు. ఫ భారత ప్రభుత్వ ఔషధ నియంత్రణ మండలి (సీడీఎస్‌సీవో) ప్రతి నెలా నాట్‌ ఆఫ్‌ స్టాండర్డ్‌ క్వాలిటీ (ఎన్‌ఎస్‌క్యూ) మందుల జాబితాను సీడీఎస్‌సీవో వెబ్‌సైట్‌లో ప్రకటిస్తుంది. ఇందులోనే వివిధ మందులపై అందిన ఫిర్యాదుల వివరాలు కూడా ఎప్పటికప్పుడు పొందుపరుస్తారు. నాసిరకం ఔషధాలను గుర్తిస్తే స్థానిక ఔషధ నియంత్రణాధికారి, సీడీఎస్‌సీవో వెబ్‌సైట్‌, డీసీఐ.ఎన్‌ఐసీ.ఇన్‌ లేదా టోల్‌ ఫ్రీ నంబర్‌ 1800–11–1454కు ఫిర్యాదు చేయాలి.

జయహో దుర్గాభవానీ అంటూ గ్రామాలు దేవీ శరన్నవరాత్రి ఉత్సవాల శోభతో సందడిగా కనిపిస్తున్నాయి. మహర్నవమి పర్వదినం సందర్భంగా సోమవారం ఉదయం వివిధ ఆలయాల్లో భక్తులు కుంకుమార్చనలు, ప్రత్యేక పూజలు నిర్వహించారు. రమణయ్యపేట రెల్లిపేటలో దసరా ఉత్సవాలు కోలాహలంగా జరిగాయి. వాకలపూడి సంతోష్‌ నగర్‌ కనకదుర్గ ఆలయంలో పాలపర్తి జోగారావు ఆధ్వర్యాన 108 మంది మహిళలు కలశాలతో ఊరేగింపు నిర్వహించారు. రమణయ్యపేట శేషాద్రి నగర్‌లో ప్రత్యేక అలంకరణలో దర్శనమిచ్చిన బాల కనక దుర్గమ్మను భక్తులు మనసారా కొలిచారు. – కాకినాడ రూరల్‌

పెద్దాపురం: సమయానికి అనుగుణంగా నడుకోవాలంటారు పెద్దలు. అలాంటి సమయం మించిపోవడంతో ఓ అభ్యర్థి ఎన్నికల్లో పోటీ చేసేందుకు అవకాశాన్ని కోల్పోయింది. పెద్దాపురం మున్సిపల్‌ ఎన్నికలకు నామినేషన్‌ వేయడానికి ఆదివారం చివరి రోజు. స్థానిక బచ్చు గురుమూర్తి మున్సిపల్‌ ఆడిటోరియంలో అభ్యర్థులు నామినేషన్లు దాఖలు చేశారు. మధ్యాహ్నం మూడు గంటల లోపు నామినేషన్లు వేయడానికి వచ్చిన అభ్యర్థులను మాత్రమే పోలీసులు లోపలకు అనుమతి ఇచ్చారు. ఈ క్రమంలో ఓ యువతి తన తండ్రితో కలసి స్వతంత్ర అభ్యర్థిగా నామినేషన్‌ వేసేందుకు పరుగులెత్తుకుంటూ మూడు గంటల దాటిన తరువాత నామినేషన్‌ కేంద్రం వద్దకు చేరుకుంది. అయితే అప్పటికే గడుపు ముగిసిందని, నిబంధనల ప్రకారం కుదరదని అధికారులు సృష్టం చేయడంతో, చేసేది లేక ఆ తండ్రీ కూతుర్లు తీవ్ర నిరాశతో వెనుతిరిగారు. నేడు ఎంపీటీసీ, జెడ్పీటీసీ ఎన్నికలకు నోటిఫికేషన్‌బోట్‌క్లబ్‌ (కాకినాడ సిటీ): జిల్లాలో ఎంపీటీసీ, జెడ్పీటీసీ ఎన్నికలకు సంబంధించి ఎన్నికల నోటిఫికేషన్‌ సోమవారం విడుదల కానుంది. దీనికి సంబంధించి ఈ నెల 21 నుంచి 23 వరకూ నామినేషన్లు అందజేయవచ్చు. ఎంపీటీసీలకు సంబంధించిన నామినేషన్లను ఆయా మండల కేంద్రాల్లోని మండల పరిషత్‌ కార్యాలయాల్లో ఆర్వోలు ఉంటారు. జెడ్పీటీసీ నామినేషన్లను కాకినాడలోని జెడ్పీ కార్యాలయంలో రిటర్నింగ్‌ అధికారి, జేసీ అపూర్వ భరత్‌ స్వీకరిస్తారు. 24న నామినేషన్లు స్క్రూట్నీ, 25న అభ్యంతరాల స్వీకరణ, 26న అభ్యంతరాల పరిష్కారం, 27న నామినేషన్ల ఉపసంహరణ ఉంటుంది. నవంబర్‌ 3న పోలింగ్‌, 5న ఓట్ల లెక్కింపు నిర్వహించనున్నారు. జిల్లాలోని 20 మండలాల్లో ఎంపీటీసీలు, జెడ్పీటీసీ ఎన్నికలు నిర్వహించనున్నారు. ఆయా మండలాల్లోని గ్రామాల్లో 1,426 పోలింగ్‌ కేంద్రాలు ఏర్పాటు చేయనున్నారు. ఫొటో ఓటర్ల జాబితా ప్రచురణకు 24 గడువు కాకినాడ లీగల్‌: కాకినాడ నగరపాలక సంస్థలో వార్డుల వారీగా ఫొటో ఓటర్ల జాబితా తయారీ, ప్రచురణకు రాష్ట్ర ఎన్నికల సంఘం చర్యలు చేపట్టింది. ఈ మేరకు ఈ నెల 24న వార్డుల వారీగా ఫొటో ఓటర్ల జాబితా ప్రచురణకు గడువు ఇచ్చింది. నగరపాలక సంస్థలో వార్డుల వారీగా ఫొటో ఓటర్ల జాబితా సిద్ధం చేయాలని గతంలో రాష్ట్ర ఎన్నికల సంఘం ఆదేశాలు జారీ చేసింది. అయితే ఎన్నికలకు సంబంధించిన కోర్టు కేసులు, ఇతర సమస్యల కారణంగా ఓటర్ల జాబితా తయారీ ప్రక్రియ పూర్తి కాలేదు. ఈ నేపథ్యంలో 2026 జనవరి 1న ప్రామాణిక తేదీగా తీసుకుని ఓటర్ల జాబితా రూపొందించాలని అధికారులను ఆదేశించింది. అసెంబ్లీ ఓటర్ల జాబితాలోని సంబంధిత వివరాలను ఆధారంగా తీసుకుని నగరపాలక సంస్థ పరిధిలోని వార్డుల వారీగా ఫొటో ఓటర్ల జాబితాలను సిద్ధం చేయాల్సి ఉంది. రాష్ట్ర ఎన్నికల సంఘం తాజా ఆదేశాల ప్రకారం ఈ నెల 24న జాబితా ప్రచురణకు గడువు ఇచ్చారు.

కాకినాడ రూరల్‌: వాకలపూడి ఫిషింగ్‌ హార్బర్‌ను జిల్లా కలెక్టర్‌ హరేంధిర ప్రసాద్‌ ఆదివారం పరిశీలించారు. హార్బర్‌ నుంచి మత్స్య ఎగుమతులు, సముద్రంలో చేపల వేట, వ్యాపార లావాదేవీలు, మౌలిక సదుపాయాల గురించి మత్స్యశాఖ అధికారి కృష్ణారావును అడిగి తెలుసుకున్నారు. షిషింగ్‌ హార్బర్‌కు ప్రస్తుతం ఎన్ని బోట్లు వస్తున్నాయి.. రోజూ ఎంత మేర వ్యాపార లావాదేవీలు జరుగుతున్నాయి... రొయ్యలు, చేపలు ఏ ఏ ప్రాంతాలకు ఎగుమతి అవుతున్నాయనేది తెలుసుకున్నారు. అంతర్జాతీయ ఎగుమతులకు సంబంధించి నిబంధనలకు అనుగుణంగా హార్బర్‌ను మరింత అభివృద్ధి చేసేందుకు అవసరమైన అంశాలపై అధికారులతో చర్చించారు. అనంతరం కుంభాబిషేకం షిష్‌ ల్యాండింగ్‌ సెంటర్‌ను సందర్శించారు. ఈ కేంద్రం నుంచి చేపల వేటకు వెల్లే బోట్లు ఏ ఏ రకాల చేపలను వేటాడుతున్నాయనే విషయాలను అధికారులను అడిగి తెలుసుకున్నారు.

తుని: ప్రభుత్వ వైఫల్యాలు కూటమికి చెంపపెట్టులా మారాయని, అవే మున్సిపల్‌ ఎన్నికల్లో వైఎస్సార్‌ సీపీ విజయానికి బలమైన బాటలు వేస్తాయని మాజీ మంత్రి, పార్టీ జిల్లా అధ్యక్షుడు దాడిశెట్టి రాజా అన్నారు. ఆదివారం తుని పాత బజారువీధిలోని వేంకటేశ్వరస్వామి ఆలయంలో ప్రత్యేక పూజలు నిర్వహించి ప్రచారానికి శ్రీకారం చుట్టారు. వైఎస్సార్‌ సీపీ మున్సిపల్‌ చైర్‌పర్సన్‌ అభ్యర్థి పిట్ల రామతులసి, పలువురు కౌన్సిలర్‌ అభ్యర్థులతో కలసి ఇంటింటా ప్రచారం చేపట్టారు. ఈ సందర్భంగా అడుగడుగునా మహిళలు మంగళ హారతులు పట్టారు. గత వైఎస్సార్‌ సీపీ ప్రభుత్వంలోనే సంక్షేమం అందిందని పలువురు మహిళలు రాజా ఎదుట చెప్పారు. పథకాలు అందించడంలో జగన్‌మోహన్‌రెడ్డికి ఎవరూ సాటిరారని, కూటమి ప్రభుత్వంలో నిత్యావసర సరకుల ధరలు ఆకాశానికి చేరాయన్నారు. ఎన్నికల్లో విజయం సాధించాలంటే ప్రజా మద్దతు ఉండాలని, ఒకసారి కూటమికి ఓటు వేసి మోసపోయారని, మళ్లీ ఆ పని చేయవద్దని రాజా విజ్ఞప్తి చేశారు. గత ప్రభుత్వ హయాంలో ప్రస్తుత 25వ వార్డులో ఎన్నో సీసీ రోడ్లు, కాలువలు నిర్మించామన్నారు. కూటమి ప్రభుత్వం ఇచ్చిన హామీలను అమలు చేయలేదని, ప్రజల్లో తీవ్ర వ్యతిరేకత రావడంతో వైఎస్సార్‌ సీపీ పోటీ చేస్తే ఓడిపోతామనే భయం వచ్చిందన్నారు. అందుకే పోలీసులను అడ్డుపెట్టుకుని టీడీపీ గూండాలతో అరాచకాలు చేయిస్తుందని మండిపడ్డారు. తునిలో టీడీపీ చరిత్రకు బ్రేక్‌ పడిందన్నారు. జనసేనకు చైర్‌పర్సన్‌ పదవిని కేటాయించిన మాజీ మంత్రి యనమల రామకృష్ణుడు కిమ్మనలేదన్నారు. టీడీపీ నాయకులు, కార్యకర్తలు నిరాశలో కొట్టుమిట్టాడుతున్నారన్నారు. రెండు ఓట్లను ఫ్యాను గుర్తుపై వేసి వైఎస్సార్‌ సీపీ చైర్‌పర్సన్‌, కౌన్సిలర్ల అభ్యర్థులను గెలిపించాలని కోరారు. మున్సిపల్‌ చైర్‌పర్సన్‌ అభ్యర్థి పిట్ల రామతులసి, 25వ వార్డు కౌన్సిలర్‌ అభ్యర్థి మర్నీడి వెంకట సూర్యామణి, పట్టణ పార్టీ అధ్యక్షుడు అన్నవరం శ్రీను, మున్సిపల్‌ వింగ్‌ రాష్ట్ర కార్యదర్శి రేలంగి రమణాగౌడ్‌, పలువురు కౌన్సిలర్ల అభ్యర్థులు, నాయకులు పాల్గొన్నారు.ఫ వైఎస్సార్‌ సీపీ జిల్లా అధ్యక్షుడు దాడిశెట్టి రాజా ఫ మున్సిపల్‌ ఎన్నికల్లో కూటమికి పరాభవమే

కాకినాడ రూరల్‌: స్థానిక సంస్థల ఎన్నికల వేళ మండలంలోని రేపూరు గ్రామానికి చెందిన టీడీపీ, జనసేనలకు చెందిన నాయకులు, కార్యకర్తలు ఆదివారం రాత్రి వైఎస్సార్‌ సీపీలో చేరారు. కాకినాడ వైద్యనగర్‌లోని వైఎస్సార్‌ సీపీ రూరల్‌ కార్యాలయంలో మాజీ మంత్రి, పార్టీ నియోజకవర్గ కో ఆర్డినేటర్‌ కురసాల కన్నబాబు సమక్షంలో రేపూరు గ్రామానికి చెందిన నేతలు చేరారు. వీరికి కన్నబాబు పార్టీ కండువాలు వేసి సాదరంగా ఆహ్వానించారు. వైఎస్సార్‌ సీపీలో చేరిన వారిలో ముద్రగడ మాణిక్యాల దేవి, ముద్రగడ తిరుపతిరావు, ముద్రగడ వీరరాఘవులు, పెండెం వీర్రాజు, పెండెం శ్రీను, వెలుగుబంట్ల సత్తిబాబు, తలాటం నాగేశ్వరరావు, తలాటం రామకృష్ణ, తలాటం పెదకాపు, తలాటం తాతీలు ఎడాకుల అక్షయ్‌, దామలంక పేర్రాజు తదితరులు సుమారు 50 మంది ఉన్నారు. ఈ సందర్భంగా కన్నబాబు మాట్లాడుతూ స్థానిక సంస్థల ఎన్నికల్లో వైఎస్సార్‌ సీపీ అభ్యర్థులు ప్రజా బలంతో విజయం సాధిస్తారన్నారు. రేపూరు గ్రామ వైఎస్సార్‌ సీపీ నాయకులు తలాటం ధర్మరాజు, నల్లా సత్యనారాయణ, ముద్దన సూరిబాబు, ముమ్మిడి కనకరాజు, అడపా బాబ్జీ తదితరులు పాల్గొన్నారు. ఆహ్వానించిన మాజీ మంత్రి కన్నబాబు

కాకినాడ రూరల్‌: దసరా ఉత్సవాల్లో దుర్గాష్టమి రోజు ఆదివారం రమణయ్యపేటలోని శ్రీపీఠం భక్తజన సంద్రంగా మారింది. మహాశక్తి యాగంలో భాగంగా కుంకుమార్చనలతో పాటు విశేష పూజలను పరిపూర్ణానంద స్వామి ఆధ్వర్యంలో నిర్వహించారు. 2030 నాటికి వెయ్యి కోట్ల కుంకుమార్చనలు పూర్తి చేసే లక్ష్యంతో మహాశక్తి యాగం ప్రారంభించగా, ఈ సంవత్సరంతో 400 కోట్లు పూర్తవ్వనున్నాయి. 8వ రోజు వర్షాన్ని సైతం లెక్క చేయకుండా వేలాదిగా తరలివచ్చిన భక్తులతో మూడు సార్లు లలితా సహస్ర నామాల పారాయణ చేయించడంతో 74 కోట్లకు కుంకుమార్చనలు చేరుకున్నాయి. మరో రెండో రోజుల్లో వంద కోట్ల కుంకుమార్చనలు పూర్తవుతాయని పరిపూర్ణానంద స్వామి వెల్లడించారు. దుర్గాష్టమి సందర్భంగా అమ్మవారు దుర్గాదేవిగా దర్శనమిచ్చారు. ఐశ్వర్య పూజలో భాగంగా చండీ సప్తశతిలోని కవచం, అర్గళం, కీలకం, స్తోత్ర చతుష్టయం, సిద్ధ కుంజికా స్తోత్రం తదితర పారాయణ చేశారు. దీపాన్ని దైవ స్వరూపంగా భావించి, దాని కాంతిలో దర్శనమిచ్చే అమ్మవారి రూపం భక్తుల హృదయాల్లో శాశ్వతంగా నిలిచిపోవాలనే సంకల్పంతో ఈ పూజ నిర్వహించినట్టు పరిపూర్ణానంద స్వామి తెలిపారు. మనిషి జీవితంలో కోరికలు వయసు, కుటుంబ పరిస్థితులను బట్టి మారుతాయని పేర్కొన్నారు. దసరా రోజున సహస్ర కలశాభిషేకం నిర్వహిస్తామన్నారు. సోమవారం నవమి రోజున అమ్మవారికి లక్ష బూరెలతో అభిషేకం చేస్తామని, భక్తులు స్వయంగా ఐదు బూరెలు చొప్పున వండి తీసుకురావాలని కోరారు. ఫ దుర్గాదేవిగా ఐశ్వర్యాంబిక అమ్మవారు ఫ వంద కోట్లకు చేరువలో కుంకుమార్చనలు

సాక్షి ప్రతినిధి, కాకినాడ: డిప్యూటీ సీఎం పవన్‌కళ్యాణ్‌ ప్రాతినిథ్యం వహిస్తున్న పిఠాపురం నియోజకవర్గంలో టీడీపీ, జనసేన మధ్య పొత్తు పెటాకులైంది. ఏకంటా ఇరు పార్టీ అధినాయకత్వ నిర్ణయాన్ని టీడీపీ శ్రేణులు ధిక్కరించారు. టీడీపీ సభ్యతానికి గుడ్‌బై చెప్పారు. స్వతంత్ర అభ్యర్థులుగా మున్సిపల్‌ ఎన్నికల్లో పోటీ చేసేందుకు నామినేషన్లు దాఖలు చేశారు. స్వతంత్ర అభ్యర్థులుగా జనసేన నేతలపై పోరుకు దిగుతున్నట్లు ప్రకటించారు. పట్టణ సంగ్రామం వేళ చోటుచేసుకున్న కీలక పరిణామం ఆయా పార్టీల నేతల్లో చర్చనీయాంశంగా మారింది. మూకుమ్మడి రాజీనామాలకు.. పిఠాపురం నియోజకవర్గంలో పిఠాపురం, గొల్లప్రోలు మున్సిపాలిటీల్లో ఎన్నికలు జరుగుతున్నాయి. రెండు పురపాలక సంఘాలు జనసేనకు కేటాయించారు. ఈ పరిణామం టీడీపీ శ్రేణుల్లో అసమ్మతి సెగ రగిల్చింది. అనేక ఏళ్లుగా టీడీపీ కోసం శ్రమిస్తుంటే.. తమను కనీసం పట్టించుకోవడం లేదని ధ్వజమెత్తారు. సార్వత్రిక ఎన్నికల్లో పవన్‌కళ్యాణ్‌ విజయం కోసం వాడుకుని.. గద్దెనెక్కాక తమను విస్మరిస్తున్నారని మండిపడుతున్నారు. రెండు మున్సిపల్‌ పీఠాలు సైతం జనసేనకు కేటాయించడంపై జీర్ణించుకోలేకపోయారు. కనీసం ఒక్క మున్సిపల్‌ పీఠమైనా టీడీపీకి కేటాయించరా..? అంటూ ప్రశ్నించారు. కూటమిలో తమకు కనీసం గౌరవం లేదనప్పుడు ఎందుకు ఉండాలంటూ నిర్ణయించుకున్నారు. కూటమిలో ఉంటే కూటమి ధర్మాన్ని పాటించి జనసేన నేతల విజయానికి పనిచేయాలని, జనసేన పల్లకీ మోసే ఓపిక తమకు లేదని ప్రకటించారు. కష్టం మాది.. పదవులు మాత్రం మీరు అనుభవిస్తారా..? అని ఆవేదన చెందారు. నియోజకవర్గంలో తమ సత్తా ఏంటో జనసేనకు చూపిస్తామని అల్టిమేటం జారీ చేశారు. బీ– ఫారాలు తమకు ఇవ్వకపోతే టీడీపీలో తమ పదవులకు మూకుమ్మడి రాజీనామాలు చేయనున్నట్లు హెచ్చరించారు. పార్టీ పదవులకు రాజీనామాలు చేసి రెబల్‌ అభ్యర్థులుగా బరిలో దిగనున్నట్లు ప్రకటించారు. ఈ తరుణంలో వ్యూహాత్మకంగా ఇప్పటికే అన్ని వార్డుల్లోనూ నామినేషన్లు దాఖలు చేశారు. పిఠాపురం మున్సిపాలిటీలో 36 వార్డులు, గొల్లప్రోలు మున్సిపాలిటీలోని 23 వార్డులకు స్వతంత్ర అభ్యర్థులుగా నామినేషన్లు వేశారు. ముందస్తు జాగ్రత్తగా ఒక్కో వార్డులో కనీసం ముగ్గురు అభ్యర్థులు నామినేషన్లు వేయడాన్ని బట్టి చూస్తుంటే, జనసేనపై అంతర్గతంగా టీడీపీ నేతలు రగిలిపోతున్న తీరు అర్థమవుతుంది. వార్డు సభ్యులతో ఆగకుండా మున్సిపల్‌ చైర్మన్‌ స్థానాలకు సైతం జన సైనికులకు పోటీగా ధీటైన అభ్యర్థులను బరిలోకి దింపుతున్నారు. పదవుల్లో ఉంటే కూటమి కట్టుబాట్లకు కట్టుబడి ఉండాలని, అందుకే పార్టీ పదవులను వదులుకొని స్వతంత్ర అభ్యర్థులుగా బరిలోకి దిగుతున్నట్లు బహిరంగ ప్రకటన చేయడం కలకలం రేపుతోంది. నామినేషన్లు పూర్తయిన సందర్భంలో ఈ ప్రకటన చేయడం జనసేన శ్రేణులకు మింగుడుపడటం లేదు. దీని వెనుక టీడీపీ సీనియర్‌ నేత వర్మ ఉన్నట్లు తెలిసింది. వర్మ వర్గానికి ప్రాధాన్యం దక్కలేదన్న ఉద్దేశంతో పోరుకు తమ సొంత వర్గాన్ని సిద్ధం చేసినట్లు సమాచారం. కొనసాగుతున్న ముసలం గొల్లప్రోలు, పిఠాపురం మున్సిపల్‌ సీట్ల కేటాయింపు విషయంలో ఇప్పటికే టీడీపీ, జనసేన మధ్య అసమ్మతి సెగ కొనసాగుతోంది. చంద్రబాబు నిర్ణయాన్ని వ్యతిరేకిస్తూ ఇప్పటికే గొల్లప్రోలులో టీడీపీ నేతలు రోడ్డెక్కిన విషయం తెలిసిందే. పార్టీ కోసం కేసులు, దెబ్బలు తిన్నా కనికరం లేదా..? అని ప్రశ్నించారు. మంత్రి లోకేష్‌ సమాధానం చెప్పాలని డిమాండ్‌ చేసినా.. టీడీపీ అధిష్టానం స్పందించకపోవడంపై అగ్గిమీద గుగ్గిలవుతున్నారు. సొంత ప్రయోజనాల కోసం కార్యకర్తలను బలిచేస్తున్నారా..? అన్న అనుమానం కలుగుతోందని టీడీపీ శ్రేణులు ఆరోపిస్తున్నారు. అసలేం జరుగుతోంది..? జనసేనలో అసలు ఏం జరుగుతుందో అంతుచిక్కని ప్రశ్నగా మారింది. జనసేన రెబల్‌ అభ్యర్థిగా డాక్టర్‌ ఏళ్ల వినయ్‌ నామినేషన్‌ దాఖలు చేయడం చర్చనీయాంశంగా మారింది. పిఠాపురం మున్సిపల్‌ చైర్మన్‌ అభ్యర్థుల రేసులో మొదటి నుంచి డాక్టర్‌ విజయశేఖర్‌తో పాటు, ఏళ్ల వినయ్‌, దానం లాజర్‌బాబు పేర్లు ప్రచారంలో ఉన్నాయి. తొలుత డాక్టర్‌ విజయశేఖర్‌ను చైర్మన్‌ అభ్యర్థిగా ప్రకటించిన జనసేన, అనంతరం రాత్రికి రాత్రే రెండో పేరుగా దానం లాజర్‌బాబును ప్రకటించింది. ఇదిలా ఉంటే.. చైర్మన్‌ రేసులో మూడో వ్యక్తిగా ప్రచారంలో ఉన్న అభ్యర్థి డాక్టర్‌ ఏళ్ల వినయ్‌ సైతం నామినేషన్‌ వేయడంపై జనసేన నేతలు తలలుపట్టుకుంటున్నారు. దీనికితోడు వినయ్‌ సైతం తాను చైర్మన్‌ స్థానం కోసం ప్రయత్నాలు చేస్తున్నానని, పార్టీ బీఫారం తనకే లభిస్తుందని తన సన్నిహితుల వద్ద చెప్పినట్లు సమాచారం. జనసేన అధిష్టానం ఆదేశాలతోనే వినయ్‌ నామినేషన్‌ వేసినట్లు తెలిసింది. దీనిని బట్టి చూస్తే జనసేనకు స్పష్టమైన వైఖరి ఉందా..? అన్న ప్రశ్న తలెత్తుతోంది. ఇదిలా ఉంటే.. ఆదివారం మధ్యాహ్నం ఎంపీ ఉదయ్‌ శ్రీనివాస్‌, ఎమ్మెల్యే పంతం నానాజీ, పెండెం దొరబాబు సమక్షంలో దానం లాజరుబాబు నామినేషన్‌ దాఖలు చేయడం పార్టీ శ్రేణులకు అంతుచిక్కని ప్రశ్నగా మారింది. నామినేషన్ల ఉపసంహరణకు రెండు రోజులు ఉండటంతో జనసేన చైర్మన్‌ అభ్యర్థి విషయంలో ఏం జరుగుతుందోననే ఉత్కంఠ నెలకొంది. ఫ డిప్యూటీ సీఎం పవన్‌ ఇలాకాలో రెబల్స్‌ ఫ పొత్తు ధర్మాన్ని ధిక్కరించి టీడీపీ నేతల నామినేషన్లు ఫ గొల్లప్రోలు, పిఠాపురం మున్సిపాలిటీల్లో స్వతంత్రులుగా రంగంలోకి.. ఫ ఒక్కో వార్డుకు ఇద్దరు నుంచి ముగ్గురు అభ్యర్థుల నామినేషన్‌ ఫ తెరవెనుక మంత్రాంగం నడిపించిన టీడీపీ సీనియర్‌ నేత వర్మ ఫ తలలు పట్టుకుంటున్న జనసేన నాయకులు నమ్మించి.. నట్టేట ముంచి పిఠాపురం మున్సిపల్‌ చైర్మన్‌ పదవి అభ్యర్థిత్వం ఖరారు చిచ్చు రేపింది. ఈ విషయంలో జనసేన అధినేత పవన్‌ కళ్యాణ్‌ నమ్మించి మోసం చేశారు. మున్సిపల్‌ పీఠం దక్కుతుందనే భరోసా, పార్టీ పెద్దల నుంచి వచ్చిన స్పష్టమైన ఆదేశాల నేపథ్యంలో డాక్టర్‌ బీరా విజయశేఖర్‌ చైర్మన్‌ పోటీకి సిద్ధమయ్యారు. ఇందులో భాగంగా తన ప్రభుత్వ ఉద్యోగానికి సైతం రాజీనామా చేశారు. ఇక నామినేషన్‌ వేద్దామని ఏర్పాట్లు చేసుకున్నారు. ఇంతలోనే పవన్‌ చివరి నిమిషంలో విజయశేఖర్‌ను చైర్మన్‌ రేసు నుంచి తప్పించారు. దానం లాజర్‌కు అవకాశం కల్పించారు. ఈ పరిణామంతో విజయశేఖర్‌ అవాక్కయ్యారు. తనను రాజకీయంగా నిండా ముంచారని, ఇచ్చిన మాట తప్పి నడిరోడ్డుపై నిలబెట్టారంటూ ఆయన సన్నిహితుల వద్ద కన్నీటి పర్యంతమైనట్లు తెలిసింది.

సామర్లకోట చైర్మన్‌ అభ్యర్థిగా జాన్‌మోజెస్‌ సామర్లకోట: వైఎస్సార్‌ సీపీ సామర్లకోట చైర్మన్‌ అభ్యర్థిగా ఉబా జాన్‌మోజెస్‌ నామినేషన్‌ దాఖలు చేశారు. శనివారం రెండు సెట్ల నామినేషన్లు దాఖలు చేయగా, ఆదివారం మరో రెండు సెట్లు వేశారు. సామర్లకోట మున్సిపల్‌ చైర్మన్‌ పదవి ఎస్సీ జనరల్‌కు రిజర్వు అయ్యింది. దాంతో వైఎస్సార్‌ సీపీ నుంచి ఉబా జాన్‌మోజెస్‌, కూటమి నుంచి పిట్టా జానకిరామారావు (జనసేన), కాంగ్రెస్‌ అభ్యర్థిగా నూతాటి అశోక్‌ నామినేషన్లు వేశారు. ఉబా జాన్‌మోజెస్‌ వైఎస్సార్‌ సీపీలో సీనియర్‌ నాయకుడిగా, పార్టీ రాష్ట్ర సహాయ కార్యదర్శిగా కొనసాగుతున్నారు. రెండు పర్యాయాలు ఆయన కౌన్సిలర్‌గా, ఒక పర్యాయం కోఆప్షన్‌ సభ్యుడిగా, గత పాలక మండలిలో వైస్‌ చైర్మన్‌గా పని చేశారు. మోజెస్‌కు సుదీర్ఘ రాజకీయ అనుభవం ఉండటంతో సులభంగా ఆయన విజయం సాధించే అవకాశాలున్నాయి. ఎస్సీ సామాజికవర్గంతో పాటు ఇతర సామాజిక వర్గాల్లోనూ మోజెస్‌కు మంచి పట్టు ఉంది. ప్రతిపక్షంలో ఉన్న సమయంలో ప్రజా సమస్యలపై పోరాటం చేసి గుర్తింపు పొందారు. వైస్‌ చైర్మన్‌గా మున్సిపాలిటీలో అనేక అభివృద్ధి కార్యక్రమాలకు ఆయన శ్రీకారం చుట్టారు. డిగ్రీ చదివిన ఆయనకు భార్య, ఇద్దరు కుమార్తెలు, ఇద్దరు సోదరులు ఉన్నారు. సుమారు 25 ఏళ్ల క్రితం ఆయన రాజకీయ ప్రవేశం చేశారు. పెద్దాపురం చైర్మన్‌ అభ్యర్థిగా సౌందర్యలక్ష్మి పెద్దాపురం: స్థానిక మున్సిపల్‌ ఎన్నికలకు సంబంధించి వైఎస్సార్‌ సీపీ చైర్‌పర్సన్‌ అభ్యర్థిగా మాజీ కౌన్సిలర్‌ కాపుగంటి సౌందర్యలక్ష్మి పార్టీ అధిష్టానం సూచనలతో నామినేషన్‌ వేశారు. ఈ మేరకు పెద్దాపురం బచ్చు గురుమూర్తి మున్సిపల్‌ ఆడిటోరియంలో ఏర్పాటు చేసిన కేంద్రంలో ఆమె నామినేషన్‌ దాఖలు చేశారు. గతంలో వైఎస్సార్‌ సీపీ తరఫున ఆరో వార్డు కౌన్సిలర్‌గా పోటీ చేసి ఆమె విజయం సాధించారు. అలాగే ఆమె అత్తయ్య కాపుగంటి విమల మున్సిపల్‌ వైఎస్‌ చైర్మన్‌గా పనిచేశారు. దీంతో రాజకీయంగా మంచి పరిచయాలు ఉన్నాయి. అదే ఆమె విజయానికి బాటలు వేస్తాయని భావిస్తున్నారు.

సాక్షి, ప్రతినిధి, కాకినాడ: కూటమిలో కమలం కుమిలిపోతోంది.. పట్టణ పోరులో ప్రధాన మిత్రపక్షమైన బీజేపీకి భంగపాటు ఎదురైంది.. సీట్ల సర్దుబాటు విషయంలో అన్యాయాన్ని తలచుకుని అగ్గి మీద గుగ్గిలమవుతోంది.. ఆశించిన స్థాయిలో కేటాయింపులు లేకపోవడంతో సొంత బలాన్ని నిరూపించుకోవాలని చూస్తోంది.. తమకు బలమున్న చోట ఒంటరి పోరుకు సమాయత్తమవుతోందని రాజకీయ విశ్లేషకులు, కొందరు బీజేపీ శ్రేణులు అంటున్నారు. మున్సిపల్‌ ఎన్నికల నేపథ్యంలో కూటమిలోని ప్రధాన నేతలు సీట్ల సర్దుబాటుపై మేధోమథనం చేశారు. ఉమ్మడి తూర్పుగోదావరి జిల్లా వ్యాప్తంగా (కాకినాడ, కోనసీమ, తూర్పుగోదావరి) 12 మున్సిపాలిటీలు, 2 కార్పొరేషన్లు ఉన్నాయి. ఇందులో జనసేనకు ఏడు మున్సిపాలిటీలు కేటాయించిన చంద్రబాబు, మిత్రపక్షమైన బీజేపీకి మాత్రం ఒక్క మున్సిపల్‌ చైర్మన్‌ స్థానం సైతం ఇవ్వలేదు. నిర్ణయం ఆయా పార్టీల రాష్ట్ర నేతల సమక్షంలో జరిగినా.. జిల్లా నేతలు, పార్టీ శ్రేణులు మాత్రం అసంతృప్తి వ్యక్తమవుతోంది. కేంద్ర ప్రభుత్వాన్ని, బీజేపీ నేతలను చంద్రబాబు ఏటీఎంలా వాడుకోవడమే తప్ప తగిన ప్రాధాన్యం ఇవ్వడం లేదన్న ఆరోపణలు వెల్లువెత్తుతున్నాయి. ఉమ్మడి జిల్లా వ్యాప్తంగా తమకున్న బలానికి అనుగుణంగా సీట్లు కేటాయించాలని బీజేపీ నేతలు కోరినా.. టీడీపీ నేతలు అంగీకరించకపోవడంపై బీజేపీ శ్రేణులు మండిపడుతున్నారు. పైగా రాష్ట్ర స్థాయిలో నిర్ణయించిన వాటా ప్రకారమే జిల్లాలోనూ సీట్లు కేటాయిస్తామని టీడీపీ నేతలు పేర్కొంటున్నారు. ఈ పరిణామం బీజేపీ జిల్లా నేతల్లో అసంతృప్తికి ఆజ్యం పోసినట్లు సమాచారం. వార్డు కౌన్సిలర్లలోనూ అదే తంతు..! ఉమ్మడి జిల్లా వ్యాప్తంగా 378 వార్డులు ఉన్నాయి. ఇందులో ఒక్క వార్డు సైతం బీజేపీకి అధికారికంగా కేటాయింపులు చేసిన దాఖలాలు లేవు. అనధికారికంగా అయినా సర్దుబాటు చేస్తారా..? అంటే ఆ ఊసెత్తడం లేదన్న వాదన వినిపిస్తోంది. అన్ని వార్డుల్లోనూ టీడీపీ, జనసేన నేతలు సర్దుబాట్లు చేసుకోవడంలోనే మునిగితేలుతున్నారు తప్ప.. కమలనాథులపై కన్నెత్తి చూడటం లేదన్న ఆవేదన వ్యక్తమవుతోంది. కూటమంటే.. కేవలం జనసేన, టీడీపీనేనా..? అని బీజేపీ నేతలు నిట్టూర్పు వదులుతున్నారు. బహిరంగంగా ప్రశ్నిస్తే పార్టీ అధినాయకత్వంతో తలనొప్పులు తప్పవని భావించి లోలోన మదన పడుతున్నట్లు సమాచారం. అభివృద్ధి కార్యక్రమాల సమయంలో గుర్తుకొస్తున్న బీజేపీ నేతలు ఎన్నికల సమయంలో ఎందుకు గుర్తుకురావడం లేదన్న ప్రశ్నలు తలెత్తుతున్నాయి. ఆ ఒక్కటితో సరి సీట్ల సర్దుబాటులో భాగంగా ఉమ్మడి జిల్లా వ్యాప్తంగా కేవలం రాజమహేంద్రవరం మేయర్‌ స్థానం మాత్రమే బీజేపీకి కేటాయించారు. అది కూడా ప్రస్తుతం ఎన్నికలకు దూరంగా ఉన్న స్థానం. ఎన్నికలకు అనేక చిక్కులున్న కార్పొరేషన్‌ కేటాయింపులపై బీజేపీ శ్రేణులు గుర్రుగా ఉన్నారు. ఒంటరి పోరుకు సిద్ధం..?జిల్లా మున్సి వార్డులు బీజేపీకి పాలిటీలు కేటాయింపు కాకినాడ 06 191 0 తూర్పుగోదావరి 03 96 0 కోనసీమ 03 91 0 ఫ పట్టణ పోరులో వికసించని ‘కమలం’ ఫ కూటమిలో కుమిలిపోతున్న బీజేపీ ఫ ఉమ్మడి జిల్లాలో కేవలం ఓ కార్పొరేషన్‌తో సరి ఫ అదీ ఎన్నికలు జరగవని తెలిసి రాజమహేంద్రవరం మేయర్‌ స్థానం కేటాయింపు ఫ ఒక్క వార్డు కౌన్సిలర్‌ స్థానం ఇవ్వని వైనం టీడీపీ, జనసేన నేతల నుంచి ఆశించిన మేర సీట్ల సర్దుబాట్లు కాకపోవడంతో తమ దారి తాము చూసుకునేందుకు వ్యూహాత్మకంగా వ్యవహరిస్తున్నట్లు తెలిసింది. వారికి సొంత బలం ఉన్న వార్డుల్లో నామినేషన్లు వేసేందుకు సిద్ధమవుతున్నట్లు సమాచారం. మున్సిపల్‌ చైర్మన్‌, కౌన్సిలర్‌, జెడ్పీటీసీ, ఎంపీటీసీ, సర్పంచ్‌, వార్డు సభ్యుల స్థానాల్లో పార్టీకి బలం ఉన్నచోట అభ్యర్థులను బరిలోకి దించాలని పార్టీ అధినాయకత్వం ఇప్పటికే పిలుపునిచ్చిన విషయం తెలిసిందే. కూటమిలో భాగస్వామిగా ఉన్నా తమకు తగిన రాజకీయ ప్రాధాన్యం కల్పించడం లేదనే భావనతోనే ఈ నిర్ణయానికి వచ్చినట్లు తెలిసింది. పొత్తుల కోసం ఎదురుచూస్తూ పార్టీ శ్రేణులను నిరుత్సాహపరచడం కంటే.. సొంతంగా పోటీ చేసి బలాన్ని నిరూపించుకోవడమే ఉత్తమమని భావిస్తున్నట్లు సమాచారం. ఉమ్మడి జిల్లా వ్యాప్తంగా ఇప్పటికే అక్కడక్కడ నామినేషన్లు దాఖలు చేసినట్లు తెలిసింది. నేటితో నామినేషన్ల గడువు ముగియనుండటంతో నామినేషన్లు దాఖలు చేసేందుకు అవసరమైన ధ్రువీకరణ పత్రాలను ముందుగానే సమకూర్చుకోవాలని కార్యకర్తలకు పిలుపునిచ్చారు. బలం ఉన్నచోట మున్సిపల్‌ వార్డ్‌ కౌన్సిలర్‌, జెడ్పీటీసీ ఎంపీటీసీ, సర్పంచ్‌, వార్డు సభ్యుల స్థానాలకు అభ్యర్థులను నిలబెట్టేందుకు బీజేపీ నేతలు సన్నాహాలు చేస్తున్నట్లు తెలిసింది. పార్టీకి అనుకూలంగా ఉన్న ప్రాంతాలను గుర్తించే పనిలో నిమగ్నమైనట్లు తెలిసింది. అక్కడ పోటీకి సిద్ధమవ్వాలని కార్యకర్తలకు అధిష్టానం నుంచి ఆదేశాలు అందినట్లు సమాచారం. ప్రస్తుతానికి ఒంటరిగా పోటీ చేయాలన్న నిర్ణయానికి వచ్చినప్పటికీ టీడీపీ నాయకత్వం నుంచి సంతృప్తికరణమైన సీట్ల కేటాయింపు ప్రతిపాదన వస్తే నిర్ణయం తీసుకునే అవకాశం ఉందని జిల్లా నేతలు చెబుతున్నారు. సీట్ల కేటాయింపులో తమకు సంతృప్తికర నిర్ణయం జరిగితే నామినేషన్ల ఉపసంహరణపై ఆలోచిస్తామని పేర్కొంటున్నారు. నామినేషన్లకు ఒక రోజు మాత్రమే ఉండటంతో చివరి నిమిషంలో సీట్ల సర్దుబాటుపై బీజేపీ, జనసేన, టీడీపీలో ఏకాభిప్రాయం వస్తుందా..? బీజేపీ అభ్యర్థులు స్వతంత్రంగా బరిలోకి దిగుతారా..? అనేది తేలాల్సి ఉంది.

బాలాజీచెరువు: స్థానిక సంస్థల ఎన్నికల నేపథ్యంలో దీర్ఘకాలిక వ్యాధులతో బాధపడుతున్న ఉపాధ్యాయులకు, 60 ఏళ్లు పైబడిన వారికి ఎన్నికల విధుల నుంచి మినహాయింపు ఇవ్వాలని కోరుతూ స్టేట్‌ టీచర్స్‌ యూనియన్‌ (ఎస్టీయూ) కాకినాడ జిల్లా శాఖ నాయకులు కలెక్టర్‌ హరేంధిర ప్రసాద్‌కు వినతిపత్రం సమర్పించారు. ఈ సందర్భంగా ఎస్టీయూ జిల్లా అధ్యక్షుడు శేశెట్టి సత్యనారాయణ, ప్రధాన కార్యదర్శి పోతు రామకృష్ణ మాట్లాడుతూ ఎన్నికల విధుల్లో తీవ్రమైన శారీరక, మానసిక ఒత్తిడి ఉంటుందని, అనారోగ్య సమస్యలతో బాధపడుతున్న ఉపాధ్యాయులు, వయో భారం కలిగిన సీనియర్‌ ఉపాధ్యాయులు ఈ విధులు నిర్వర్తించడం ఎంతో శ్రమతో కూడుకున్న విషయమన్నారు. ఆరోగ్య పరిస్థితిని పరిగణనలోకి తీసుకుని, వారికి మినహాయింపు ఇవ్వాలని కలెక్టర్‌ను కోరారు. ఉపాధ్యాయుల సమస్యలపై కలెక్టర్‌ సానుకూలంగా స్పందించి, నిబంధనల ప్రకారం పరిశీలించి తగిన చర్యలు తీసుకుంటామని హామీ ఇచ్చారని సంఘ నాయకులు తెలిపారు. కార్యక్రమంలో ఎస్టీయూ నాయకుడు గుమ్మాపు రామతేజ్‌ తదితరులు పాల్గొన్నారు. పీజీఆర్‌ఎస్‌ రద్దు బోట్‌క్లబ్‌ (కాకినాడ సిటీ): జిల్లాలో స్థానిక సంస్థల ఎన్నికల నేపథ్యంలో ఎలక్షన్‌ కోడ్‌ అమలులో ఉన్నందున ప్రతి సోమవారం కాకినాడ కలెక్టరేట్‌లో నిర్వహిస్తున్న పీజీఆర్‌ఎస్‌ను రద్దు చేశారు. ఎన్నికలు పూర్తయ్యే వరకూ ఈ రద్దు కొనసాగుతుందని కలెక్టర్‌ హరేంధిర ప్రసాద్‌ శనివారం ఓ ప్రకటనలో పేర్కొన్నారు.

పిఠాపురం: స్థానిక వైఎస్సార్‌ సీపీ మున్సిపల్‌ చైర్మన్‌ అభ్యర్థిగా పెదపాటి రాజేష్‌ కుమార్‌ను ఆ పార్టీ ప్రకటించింది. దీంతో స్థానిక రాజకీయాల్లో ప్రాధాన్యం సంతరించుకుంది. ఆదివారం ఆయన నామినేషన్‌ దాఖలు చేయనున్నారు. సౌమ్యుడిగా గుర్తింపు పొందిన రాజేష్‌ కుమార్‌ బీఎస్సీ, బీఈడీ, ఎంఏల్‌ పూర్తి చేశారు. 2014, 2019, 2024 అసెంబ్లీ ఎన్నికల సందర్భంగా పార్టీ కార్యక్రమాల్లో కీలకంగా పనిచేశారు. 2021 మున్సిపల్‌ ఎన్నికల్లో పిఠాపురం మున్సిపాలిటీలోని 16వ వార్డు నుంచి కౌన్సిలర్‌గా విజయం సాధించారు. ప్రస్తుతం వైఎస్సార్‌ సీపీ జిల్లా అధికార ప్రతినిధిగా బాధ్యతలు నిర్వహిస్తున్నారు. పార్టీ కార్యక్రమాల్లో చురుగ్గా పాల్గొంటూ స్థానిక రాజకీయాల్లో తనదైన గుర్తింపు తెచ్చుకున్నారు. తనను మున్సిపల్‌ చైర్మన్‌ అభ్యర్థిగా ఎంపిక చేయడం పట్ల పార్టీ అధినేత, మాజీ ముఖ్యమంత్రి వైఎస్‌ జగన్‌మోహన్రెడ్డికి, పిఠాపురం నియోజకవర్గ ఇన్‌చార్జ్‌ వంగా గీతకు రాజేష్‌ కుమార్‌ కృతజ్ఞతలు తెలిపారు. శ్రేణుల్లో ఉత్సాహం మున్సిపల్‌ చైర్మన్‌ అభ్యర్థిగా రాజేష్‌ కుమార్‌ ఎంపికతో వైఎస్సార్‌ సీపీ శ్రేణుల్లో ఉత్సాహం నెలకొంది. గతంలో కౌన్సిలర్‌గా పనిచేసిన అనుభవం, పార్టీ కార్యక్రమాల్లో ఆయనకు ఉన్న పరిచయాలు ఎన్నికల ప్రచారంలో కలిసి వస్తాయని పార్టీ వర్గాలు భావిస్తున్నాయి. నామినేషన్‌ దాఖలుతో ఎన్నికల ప్రక్రియలో కీలక ఘట్టానికి తెరలేవనుంది. గెలుపు దిశగా అడుగులు పిఠాపురం మున్సిపాలిటీలో విజయం సాధించాలనే లక్ష్యంతో వైఎస్సార్‌ సీపీ నాయకత్వం అభ్యర్థి ఎంపికపై దృష్టి సారించింది. సీనియర్‌ నాయకుడు గండేపల్లి రామారావు (బాబి), పట్టణ అధ్యక్షుడు రావుల మాధవరావు ఇతర సీనియర్‌ నాయకులు వైఎస్సార్‌ సీపీ ఇన్‌చార్జ్‌ వంగా గీత ఆధ్వర్యంలో గెలుపుపై వ్యూహాత్మకంగా వ్యవహరిస్తున్నారు. వార్డుల వారీగా పార్టీ శ్రేణులను సమన్వయం చేసుకోవడం, స్థానిక సమస్యలను ప్రజల్లోకి తీసుకెళ్లడం, ఓటర్ల మద్దతు కూడగట్టడం ఎన్నికల్లో కీలకం కానున్నాయి. ఫ వైఎస్సార్‌ సీపీ నుంచి బలమైన అభ్యర్థి ఫ నేడు నామినేషన్‌ దాఖలుకు సన్నాహాలు

అన్నవరం: శుభములివ్వు సత్యదేవా అంటూ అన్నవరంలోని వీర వెంకట సత్యనారాయణ స్వామివారిని భక్తులు కొలిచారు. శనివారం రత్నగిరి భక్తులతో కిటకిటలాడింది. ఆలయ ప్రాంగణం, వ్రతమండపాలు, విశ్రాంత మండపాలు నిండిపోయాయి. సత్యదేవుని దర్శనానికి రెండు గంటలు, రూ.200 టిక్కెట్‌తో అంతరాలయ దర్శనానికి గంట సమయం పట్టింది. సుమారు 40 వేల మంది భక్తులు స్వామివారిని దర్శించారు. స్వామివారి వ్రతాలు 1,500 జరిగాయి. అన్ని విభాగాల ద్వారా దేవస్థానానికి రూ.25 లక్షల ఆదాయం సమకూరింది. ఐదు వేల మంది భక్తులకు సత్యదేవుని నిత్యాన్నదాన పథకంలో ఉచిత భోజన సౌకర్యం కల్పించారు.

సామర్లకోట: పెద్దాపురం ఎమ్మెల్యే నిమ్మకాయల చినరాజప్ప అనుచరుడు నూతాటి అశోక్‌ సామర్లకోట మున్సిపల్‌ చైర్మన్‌ స్థానానికి స్వతంత్ర అభ్యర్థిగా శనివారం నామినేషన్‌ దాఖలు చేశారు. ఈ స్థానం ఎస్సీ జనరల్‌కు రిజర్వు అయ్యింది. దాంతో చైర్మన్‌ టిక్కెట్‌ కూటమిలో భాగంగా జనసేనకు కేటాయించారు. కాగా ఎమ్మెల్యేకు సన్నిహితుడిగా ఉన్న అశోక్‌ స్వతంత్ర అభ్యర్థిగా నామినేషన్‌ దాఖలు చేయడంతో జనసేనలో గుబులు రేగుతోంది. నిబంధనలు గాలికి.. రారు వారి జోలికి పెద్దాపురం: ఎన్నికల వేళ అధికార పార్టీ నేతలే నిబంధనలను ఉల్లంఘిస్తున్నారు. అయినా పోలీసులు చోద్యం చూస్తున్నారు. పెద్దాపురం మున్సిపాలిటీ ఎన్నికల్లో భాగంగా శనివారం రెండో రోజు నామినేషన్ల ప్రక్రియ కొనసాగింది. ఈ సందర్భంగా కూటమి నేతలు అడుగడుగునా ఎన్నికల కోడ్‌ను ఉల్లంఘించారు. 144 సెక్షన్‌ అమల్లో ఉందని హెచ్చరికలు జారీ చేసినా, రాజకీయ పార్టీల నాయకులు పట్టించుకోలేదు. నామినేషన్ల ప్రక్రియ సందర్భంగా భారీ ర్యాలీలు, ఊరేగింపులకు అనుమతి లేదని పోలీసులు చెప్పినా కూటమి నాయకులు పెడచెవిన పెట్టారు. నియోజకవర్గానికి ప్రాతినిత్యం వహిస్తున్న ఓ ప్రజాప్రతినిధి నేరుగా మున్సిపల్‌ కార్యాలయంలోకి వెళ్లి, కమిషనర్‌ గదిలో కూర్చోవడంపై సర్వత్రా విమర్శలు వెల్లువెత్తాయి. స్థానిక సంస్థల ఎన్నికలకు పటిష్ట భద్రత కాకినాడ క్రైం: స్థానిక సంస్థల ఎన్నికల నేపథ్యంలో నియమావళి ఉల్లంఘనకు పాల్పడిన వారిని ఉపేక్షించేది లేదని జిల్లా ఎస్పీ బిందుమాధవ్‌ స్పష్టం చేశారు. జిల్లాలో ఈ నెల 28న పెద్దాపురం, సామర్లకోట, పిఠాపురం, తుని, గొల్లప్రోలు, ఏలేశ్వరం నగర పంచాయతీలకు ఎన్నికలు జరగనున్నాయని తెలిపారు. ఎన్నికల విధుల కోసం అవసరమైన మేరకు పోలీస్‌ అధికారులు, సిబ్బందితో పాటు రూట్‌ మొబైల్స్‌, స్ట్రైకింగ్‌ ఫోర్స్‌, ఫ్లయింగ్‌ స్క్వాడ్స్‌, తనిఖీ కేంద్రాలు, షాడో పార్టీలను ఏర్పాటు చేసేందుకు ఏర్పాట్లు పూర్తయ్యాయన్నారు. కోరింగ పీఎస్‌ పరిధిలో పి.మల్లవరం, కరప పోలీస్‌స్టేషన్‌ పరిధిలోని వెలంపేట, గండేపల్లి పోలీస్‌స్టేషన్‌ పరిధిలోని రామేశంపేట, మురారి గ్రామాల మధ్య 5 ఎన్నికల చెక్‌ పోస్టులు ఇప్పటికే ఏర్పాటు చేశామన్నారు. ఓటర్లను ప్రలోభపెట్టేందుకు ప్రయత్నిస్తే చర్యలు తప్పవని హెచ్చరించారు. ఎన్నికల వేళ శాంతి భద్రతలకు విఘాతం కలిగించే అవకాశం ఉన్న 1,418 మందిని బైండోవర్‌ చేసినట్లు తెలిపారు. కాకినాడలోని జిల్లా పోలీస్‌ కార్యాలయంలో ప్రత్యేక ఎలక్షన్‌ సెల్‌ ఏర్పాటు చేశామన్నారు. సమస్యలు, ఫిర్యాదుల కోసం 94906 19297, డయల్‌ 112ను నంబరును సంప్రదించాలని కోరారు. మమ్మేలు.. మహాలక్ష్మి అమలాపురం టౌన్‌: దేవీ శరన్నవ రాత్రి మహోత్సవాల్లో భాగంగా ఏడో రోజు శనివారం అమలాపురం శ్రీదేవి ఆలయంలో అమ్మవారు శ్రీమహాలక్ష్మిగా భక్తులకు దర్శనమిచ్చారు. అమ్మవారిని కరెన్సీ నోట్లతో ప్రత్యేకంగా అలంకరించారు.

కాకినాడ రూరల్‌: చదువుల తల్లి.. మా కల్పవల్లి అంటూ దేవీ శరన్నవరాత్రి ఉత్సవాల్లో భాగంగా రమణయ్యపేట శ్రీపీఠంలో వేలాది మంది విద్యార్థులు మహా సరస్వతి పూజ చేశారు. శనివారం శ్రీపీఠం పరిపూర్ణానంద స్వామి విద్యార్థుల్లో సరస్వతి ఉపాసన చేసి శాస్త్రోక్తంగా సంకల్పం, పూజ చేయించారు. ఉదయం ఆరు గంటల నుంచే జిల్లా నలుమూలల నుంచి విద్యార్థిని, విద్యార్థులు తరలి రావడంతో ట్రాఫిక్‌ సమస్య లేకుండా సర్పవరం పోలీసులు, కాకినాడ ట్రాఫిక్‌ పోలీసులు బందోబస్తు నిర్వహించారు. విద్యార్థులకు సరస్వతీ కటాక్షం కలగాలని, భవిష్యత్తులో ఉన్నత విద్యావంతులుగా ఎదగాలని సరస్వతీ హోమం జరిపించారు. ఐశ్వర్యాంబికా అమ్మవారిని సరస్వతీదేవిగా అలంకరించారు. ఈ సందర్భంగా పరిపూర్ణానంద స్వామి మాట్లాడుతూ నవరాత్రుల్లో మహా సరస్వతి పూజకు ప్రాధాన్యాన్ని వివరించారు. చిన్నతనం నుంచే పిల్లలకు మంచి సంస్కారం, ఆధ్యాత్మిక విలువలు నేర్పించాల్సిన అవసరం ఉందన్నారు. మహాశక్తి యాగంలో భాగంగా 7వ రోజు ఉదయం 10 గంటల నుంచి వేలాది మంది మహిళలతో కుంకుమార్చనలు జరిపించారు.శ్రీపీఠంలో విద్యార్థులతో మహా సరస్వతి పూజ

కిర్లంపూడి: ఎన్నికల వేళ ఫ్యాన్‌ గూటికి కూటమి నేతలు చేరుతున్నారు. వైఎస్సార్‌ సీపీపై నమ్మకంతో పార్టీలో చేరేందుకు క్యూ కడుతున్నారు. ప్రత్తిపాడు నియోజకవర్గంలోని టీడీపీ, జనసేన నాయకులు, కార్యకర్తలు పెద్దఎత్తున వైఎస్సార్‌ సీపీలో చేరి ఆ పార్టీ నియోజకవర్గ కో ఆర్డినేటర్‌ ముద్రగడ గిరిబాబుతో కలిసి పనిచేసేందుకు ఆసక్తి చూపుతున్నారు. శనివారం శంఖవరం మండలం కత్తిపూడికి చెందిన జనసేన ముఖ్య నాయకుడు గాబు కృష్ణ, ఆయనతో పాటు మరో 30 కుటుంబాలు కిర్లంపూడిలోని మాజీ మంత్రి, వైఎస్సార్‌ సీపీ పీఏసీ సభ్యుడు దివంగత ముద్రగడ పద్మనాభం నివాసంలో వైఎస్సార్‌ సీపీలో చేరారు. వారికి కో ఆర్డినేటర్‌ ముద్రగడ గిరిబాబు పార్టీ కండువాలు వేసి సాదరంగా అహ్వానించారు. ఈ సందర్భంగా గాబు కృష్ణ మాట్లాడుతూ పార్టీ విజయమే లక్ష్యంగా గిరిబాబుతో కలిసి పనిచేస్తామని తెలిపారు. జగ్గంపేట మండలంలో.. జగ్గంపేట: మండలంలోని భావవరం గ్రామానికి చెందిన మరికొంత మంది టీడీపీని వీడి వైఎస్సార్‌ సీపీలో చేరారు. రెండు రోజుల క్రితం 50 కుటుంబాలు టీడీపీకి గుడ్‌ బై చెప్పడం తెలిసిందే. శనివారం మరికొన్ని కుటుంబాలు ఇర్రిపాక గ్రామంలో మాజీ ఎమ్మెల్యే, సీఈసీ మెంబర్‌ జ్యోతుల చంటిబాబు సమక్షంలో వైఎస్సార్‌ సీపీలో చేరారు. చంటిబాబు వారందరికీ పార్టీ కండువాలు వేసి ఆహ్వానించారు. కార్యక్రమంలో భావవరం గ్రామానికి చెందిన కంచి లక్ష్మణదొర, గ్రామ ప్రముఖులు పాల్గొన్నారు. క్యూ కడుతున్న కూటమి నేతలు

నాగమల్లితోట జంక్షన్‌ (కాకినాడ సిటీ): హాకీ ఇండియా సహకారంతో కోకనాడ కోస్టర్‌ స్పోర్ట్స్‌ క్లబ్‌ ఆధ్వర్యంలో జరిగే ఖేలో ఇండియా మహిళా సౌత్‌ జోన్‌ హాకీ పోటీలకు కాకినాడ వేదిక కానుంది. ఈ నెల 27 నుంచి నవంబరు 6 వరకు జరిగే ఈ పోటీల్లో ఏపీ, తెలంగాణ, కర్ణాటక, తమిళనాడు, పాండిచ్చేరి, కోకనాడ కోస్టర్‌ స్పోర్ట్స్‌ క్లబ్‌, ఆడిటి అనంతపురం జట్లు పాల్గొంటున్నాయి. తొలిసారి ఈ పోటీలు కాకినాడలో జరుగుతుండడంతో నిర్వాహకులు వివిధ కమిటీలను ఏర్పాట చేసి నిర్వహణ ఏర్పాట్లు మొదలు పెట్టారు. పోటీల నిర్వహణ కమిటీ చీఫ్‌ ప్యాట్రన్‌గా ఎమ్మెల్సీ కర్రి పద్మశ్రీ, నిర్వహణ కార్యదర్శిగా ఒలింపియన్‌ రజని, కమిటీ ఉపాధ్యక్షురాలిగా సుధారాణి వ్యవహరిస్తున్నారు. సబ్‌ జూనియర్స్‌, జూనియర్స్‌ విభాగంలో ప్రతి రోజు నాలుగు మ్యాచ్‌లు నిర్వహిస్తారు. 30 మంది సాంకేతినిక నిపుణులు, 70 లోకల్‌ ఆఫీషియల్స్‌ పోటీల నిర్వహణ ఏర్పాట్లలో విధులు నిర్వహించనున్నారు. ఈ సందర్భంగా కోకనాడ కోస్టర్‌ స్పోర్ట్స్‌ క్లబ్‌ వ్యవస్థాపకుడు రవిచంద్ర శనివారం డీఎస్‌ఏలో విలేకర్ల సమావేశంలో మాట్లాడుతూ కోకనాడ కోస్టర్‌ స్పోర్ట్స్‌ క్లబ్‌ ఇటీవల హైదరాబాద్‌లో డిపార్డ్‌మెంట్‌ హాకీ పోటీలు నిర్వహించిందన్నారు. హాకీ ఇండియాలో ఆఫిలియేటెడ్‌ క్లబ్‌ కావడంతో హాకీ ఇండియా ఈ టోర్నమెంట్‌ నిర్వహణను కోకనాడ కోస్టర్‌ స్పోర్ట్స్‌ క్లబ్‌కు కేటాయించిందన్నారు. వుమెన్‌ ఎంపవర్‌మెండ్‌, మహిళా క్రీడాకారిణులను ప్రోత్సహించాలనే ఉద్దేశంతో మినిస్టర్‌ ఆఫ్‌ యూత్‌ ఎఫైర్స్‌ పర్యవేక్షణలో గవర్నమెంట్‌ ఆఫ్‌ ఇండియా ఈ పోటీలు నిర్వహిస్తుందన్నారు. సమావేశంలో కోకనాడ కోస్టర్‌ స్పోర్ట్స్‌ క్లబ్‌ ప్రతినిధులు బాబ్జీ, సుధారాణి, సూరిబాబు, రాజు పాల్గొన్నారు. 27 నుంచి ఖేలో ఇండియా మహిళా సౌత్‌ జోన్‌ పోటీలు 5 రాష్ట్రాల నుంచి క్రీడాకారుల హాజరు కోకనాడ కోస్టర్‌ స్పోర్ట్స్‌ క్లబ్‌కు నిర్వహణ బాధ్యతలు

బోట్‌క్లబ్‌ (కాకినాడ సిటీ): ఎంపీటీసీ, జేడ్పీటీసీ ఎన్నికల నిర్వహణకు సంబంధించి కాకినాడలోని పీఆర్‌ ప్రభుత్వ డిగ్రీ కళాశాలలో ఏర్పాటు చేయనున్న స్ట్రాంగ్‌ రూమ్‌లు, ఓట్ల లెక్కింపు కేంద్రాలను శనివారం జిల్లా కలెక్టర్‌ హరేంధిర ప్రసాద్‌ పరిశీలించారు. ఎన్నికల ప్రక్రియ అత్యంత పారదర్శకంగా సాగేందుకు వీలుగా కళాశాల ప్రాంగణంలో ఏర్పాటు చేయనున్న స్ట్రాంగ్‌ రూమ్‌లు, ఓట్ల లెక్కింపు కేంద్రాలకు స్థల పరిశీలన చేశారు. ఓట్ల లెక్కింపు కేంద్రాల వద్ద కల్పించాల్సిన మౌలిక సదుపాయాలు, భద్రతా ప్రమాణాలు, ప్రవేశ మార్గాలు ఇతర ఏర్పాట్లపై అధికారులతో చర్చించారు. స్ట్రాంగ్‌ రూమ్‌ల వద్ద సీసీ కెమెరాల నిఘా, 24 గంటల పోలీస్‌ బందోబస్తుతో పాటు అవసరమైన సాంకేతిక వసతులను సమకూర్చాలని ఆదేశించారు. పకడ్బందీగా విధులు నిర్వర్తించండిస్థానిక సంస్థల ఎన్నికల్లో అత్యంత పకడ్బందీగా విధులు నిర్వర్తించాలని కలెక్టర్‌ హరేంధిర ప్రసాద్‌ ఆదేశించారు. స్థానిక జెడ్పీ సమావేశ మందిరంలో స్థానిక సంస్థల ఎన్నికల నిర్వహణపై జోనల్‌, రూట్‌ అధికారులు, ఫ్లయింగ్‌ స్క్వాడ్‌లు తదితర బృందాలకు శిక్షణ చ్చారు. ఈ సందర్భంగా ఎన్నికల ప్రవర్తనా నియమావళి అమలు, నిబంధనల ఉల్లంఘనల గుర్తింపు, తనిఖీల నిర్వహణ, సీజింగ్‌ ప్రక్రియ, నివేదికల సమర్పణ తదితర కీలక అంశాలపై అవగాహన కల్పించారు. సిబ్బంది నియామకం జిల్లా పరిషత్‌ పరిధిలో జెడ్పీటీసీ, ఎంపీటీసీ ఎన్నికలకు సంబంధించి రిటర్నింగ్‌ అధికారులు, అసిస్టెంట్‌ రిటర్నింగ్‌ అధికారులు, పోలింగ్‌ సిబ్బందిని నియమిస్తూ కలెక్టర్‌ ఉత్తర్వులు జారీ చేశారు.

రూ.9 లక్షలతో.. కరప మండలం అరట్లకట్ట గ్రామంలోని భ్రమరాంబా సమేత మల్లేశ్వరస్వామివారి ఆలయంలో అమ్మవారిని, ప్రాంగణంలోని దేవతామూర్తులను రూ.లక్షల కరెన్సీ నోట్లతో అలంకరించారు. అమ్మవారికి మహాలక్ష్మి అలంకారం చేసి అర్చకులు కొంతేటి సత్యనారాయణమూర్తి, కొంతేటి శివ ప్రత్యేక పూజలు జరిపారు. – కరప కోటి కాంతులు శ్రీదేవి శరన్నవరాత్రి ఉత్సవాల్లో భాగంగా రావులపాలెంలోని కేఎస్‌ఆర్‌ కాంప్లెక్స్‌లో అమ్మవారితో పాటు మండపాన్ని శనివారం రూ.కోటితో అలంకరించారు. ఒక్క రూపాయి నుంచి 10, 20, 50, 100 రూపాయల నోట్లు వినియోగించారు. మహాలక్ష్మి అలంకరణలో ఉన్న అమ్మవారిని దర్శించుకునేందుకు భక్తులు పెద్ద సంఖ్యలో తరలిరావచ్చారు. – రావులపాలెంఅనపర్తిలో 9 లక్షలతో.. అనపర్తిలోని శేషగిరిరావుపేట సాయిబాబా మందిరంలో నెలకొల్పిన విజయ కనకదుర్గ పీఠంలో శనివారం అమ్మవారు మహాలక్ష్మీదేవిగా భక్తులకు దర్శనమిచ్చారు. అమ్మవారిని రూ.9 లక్షల విలువైన రూ.50, రూ.100, రూ.500 నోట్లతో ప్రత్యేకంగా అలంకరించారు. పీఠం అర్చకుడు ఈశ్వర్‌ శర్మ ఆధ్వర్యంలో ప్రత్యేక పూజలు నిర్వహించారు. – అనపర్తి లోవ దేవస్థానంలో కొలువైన తలుపులమ్మ మహాలక్ష్మీదేవిగా దర్శనమిచ్చారు. వేద పండితులు సామూహిక కుంకుమ పూజలు నిర్వహించారు. అనంతరం దీపాలంకర సేవ వైభవోపేతంగా జరిగింది. – తుని రూరల్‌ అన్నవరంలోని రత్నగిరిపై కొలువైన వనదుర్గమ్మను శనివారం సరస్వతీ దేవిగా అలంకరించి, పూజలు చేశారు. భక్తులు పెద్ద సంఖ్యలో తరలివచ్చి అమ్మవారిని దర్శించుకున్నారు. – అన్నవరం

● ఆక్వా రైతులపై అదనపు భారం ● సీపీఐ రాష్ట్ర కార్యదర్శి వర్గ సభ్యుడు మధు బోట్‌క్లబ్‌(కాకినాడసిటీ): రాష్ట్రంలో రొయ్యల మేత (ఫీడ్‌) కంపెనీలు మరోసారి ధరలను పెంచి, ఆక్వా రైతులపై తీవ్ర ఆర్థిక భారం మోపడం దుర్మార్గమని సీపీఐ రాష్ట్ర కార్యదర్శి వర్గ సభ్యుడు తాటిపాక మధు అన్నారు. స్థానిక సీపీఐ కార్యాలయంలో శనివారం ఆయన విలేకర్ల సమావేశంలో మాట్లాడారు. వెనామీ రొయ్యల ఫీడ్‌పై టన్నుకు ఎమ్మార్పీ ప్రకారం రూ.9,350, టైగర్‌ రొయ్యల ఫీడ్‌పై రూ.12,870 చొప్పున ధర పెంచడం వల్ల రైతులు తీవ్ర ఇబ్బందులకు గురవుతున్నారన్నారు. తాజా పెంపుతో వెనామీ ఫీడ్‌ ధర టన్ను సుమారు రూ.1.23 లక్షలకు, టైగర్‌ ఫీడ్‌ ధర సుమారు రూ.1.39 లక్షలకు చేరిందన్నారు. ఈ ఏడాది ఫిబ్రవరిలో టన్నుకు రూ.4 వేలు, జూన్‌లో రూ.12 వేల చొప్పున ఫీడ్‌ ధరలను కంపెనీలు పెంచాయని, తాజాగా మరోసారి ధరలు పెంచడంతో ఎనిమిది నెలల వ్యవధిలోనే రైతులపై అదనపు భారం గణనీయంగా పెరిగిందన్నారు. ఒక వైపు పెట్టుబడులు పెరుగుతుండగా, మరో వైపు మార్కెట్‌లో రొయ్యలకు ఆశించిన ధర లభించక పోవడంతో ఆక్వా రైతులు అప్పుల ఊబిలో కూరుకుపోతున్నారని ఆవేదన వ్యక్తం చేశారు. నెల రోజుల కాలంలో కోనసీమ జిల్లాలో ఒకరు, కృష్ణా జిల్లా మరో ఆక్వా రైతు ఆత్మహత్య చేసుకున్నారన్నారు. ఆంధ్రప్రదేశ్‌ ఆక్వా కల్చర్‌ డెవలప్‌మెంట్‌ అథారిటీ చట్టం స్ఫూర్తికి విరుద్ధంగా, రైతుల అభిప్రాయాలను పరిగణనలోకి తీసుకోకుండా ఫీడ్‌ కంపెనీలు ఏక పక్షంగా ధరలు పెంచడం అన్యాయమని విమర్శించారు. ధరల పెంపును నియంత్రించాల్సిన రాష్ట్ర ప్రభుత్వం ప్రేక్షక పాత్ర వహించడం వల్లే కంపెనీలు ఇష్టారాజ్యంగా వ్యవహరిస్తున్నాయని మండిపడ్డారు.

బోట్‌క్లబ్‌ (కాకినాడ సిటీ): స్థానిక సంస్థల ఎన్నికల విధులను నోడల్‌ అధికారులు పూర్తి అవగాహనతో, సమన్వయంతో, జవాబుదారీతనంతో నిర్వహించాలని కలెక్టర్‌ హరేంధిర ప్రసాద్‌ ఆదేశించారు. ఎన్నికల నిర్వహణకు సంబంధించిన నోడల్‌ అధికారులకు కలెక్టరేట్‌లో శుక్రవారం నిర్వహించిన శిక్షణా కార్యక్రమంలో ఆయన ముఖ్య అతిథిగా పాల్గొన్నారు. ఈ సందర్భంగా మాట్లాడుతూ, ఎన్నికల ప్రక్రియలో ప్రతి అంశాన్నీ నిర్దేశిత కాలపరిమితిలో పూర్తి చేయాలని సూచించారు. ఎన్నికల సంఘం మార్గదర్శకాలను కచ్చితంగా పాటించాలన్నారు. సమస్యలుంటే తన దృష్టికి తీసుకురావాలన్నారు. నామినేషన్ల ఉపసంహరణ అనంతరం, అభ్యర్థుల గుర్తులు కేటాయించి, బ్యాలెట్‌ పేపర్ల ముద్రణ చేపట్టాలన్నారు. పోలింగ్‌ కేంద్రాల్లో అన్ని సౌకర్యాలపై దృష్టి పెట్టాలన్నారు. పోలింగ్‌ నిర్వహణకు 9,900 మంది ఉద్యోగులను నియమించామని చెప్పారు. అత్యవసర పరిస్థితులను సమర్థంగా ఎదుర్కొనేందుకు అవసరమైన సమాచార వ్యవస్థను సిద్ధంగా ఉంచుకోవాలని కలెక్టర్‌ సూచించారు. కార్యక్రమంలో అసిస్టెంట్‌ కలెక్టర్‌ ప్రియ పాల్గొన్నారు. అప్రమత్తంగా ఎన్నికల విధి నిర్వహణ పిఠాపురం: మున్సిపల్‌ ఎన్నికల విధుల నిర్వహణలో అధికారులు, సిబ్బంది అప్రమత్తంగా ఉండాలని కలెక్టర్‌ ఎంఎన్‌ హరేంధిర ప్రసాద్‌ ఆదేశించారు. గొల్లప్రోలులోని శేఠ్‌ పేరాజీ లుంబాజీ జెడ్పీ బాలుర హైస్కూలులో ఏర్పాటు చేసిన డిస్ట్రిబ్యూషన్‌, రిసెప్షన్‌ సెంటర్లు, స్ట్రాంగ్‌ రూము, కౌంటింగ్‌ కేంద్రాలను శుక్రవారం ఆయన పరిశీలించారు. ఎన్నికల ఏర్పాట్లపై సమీక్షించి, అధికారులు, సిబ్బందికి సూచనలు చేశారు. కార్యక్రమంలో గొల్లప్రోలు మున్సిపల్‌ కమిషనర్‌ దివిజా సంపతి తదితరులు పాల్గొన్నారు. పోలింగ్‌ కేంద్రాలను పరిశీలించిన ఎస్పీ పిఠాపురంలోని పలు పోలింగ్‌ కేంద్రాలను ఎస్పీ బిందుమాధవ్‌ పరిశీలించారు. ఇందిరా నగర్‌తో పాటు ఒకటో వార్డు సచివాలయంలో ఏర్పాటు చేసిన పోలింగ్‌ కేంద్రాలను పరిశీలించి పరిస్థితులను సమీక్షించారు. ఎన్నికల నిర్వహణలో శాంతిభద్రతలకు విఘాతం కలగకుండా అవసరమైన చర్యలు చేపట్టాలని అధికారులను ఆదేశించారు. కార్యక్రమంలో సీఐ సత్యనారాయణ, సిబ్బంది పాల్గొన్నారు.

కిర్లంపూడి: ప్రత్తిపాడు నియోజకవర్గంలో పలువురు టీడీపీ నాయకులు, కార్యకర్తలు వైఎస్సార్‌ సీపీలో చేరా రు. శంఖవరం మండలం జి.కొత్తపల్లికి చెందిన ఈగల అప్పారావు, ఈగల గంగా వెంకట సతీష్‌ ఆధ్వ ర్యాన టీడీపీ సీనియర్‌ నాయకుడు మఠం సత్యనారాయణతో పాటు మరో 40 కుటుంబాల వారు శుక్రవారం వైఎస్సార్‌ సీపీకి జైకొట్టారు. వారికి పార్టీ ప్రత్తిపాడు నియోజకవర్గ కో ఆర్డినేటర్‌ ముద్రగడ గిరిబాబు వైఎస్సార్‌ సీపీ కండువాలు వేసి సాదరంగా ఆహ్వానించారు. కిర్లంపూడిలోని ఆయన నివాసంలో జరిగిన ఈ కార్యక్రమంలో సత్యనారాయణమాట్లాడుతూ, రానున్న స్థానిక ఎన్నికల్లో గిరిబాబు నాయకత్వంలో పని చేసేందుకు తాము సిద్ధంగా ఉన్నా మని తెలిపారు. పార్టీ విజయమే లక్ష్యంగా నాయకులు, కార్యకర్తలు శక్తివంచన లేకుండా కృషి చేయాలని గిరిబాబు పిలుపునిచ్చారు. ఇదిలా ఉండగా, ఏలేశ్వరం మండలం లింగంపర్తి సొసైటీ మాజీ అధ్యక్షుడు చిక్కాల లక్ష్మణరావు, ఆయన భార్య, మాజీ వైస్‌ ఎంపీపీ చిక్కాల రాజ్యలక్షితో పాటు టీడీపీకి చెందిన మరో 45 కుటుంబాల వారు గిరిబాబు సమక్షంలో వైఎస్సార్‌ సీపీలో చేరారు.

కాకినాడ రూరల్‌: స్థానిక సంస్థల ఎన్నికల షెడ్యూల్‌ను ప్రకటించినప్పటికీ ప్రవర్తనా నియమావళి (కోడ్‌) అమలును అధికారులు పట్టించుకోవడం లేదు. కాకినాడ నగరంలో పలుచోట్ల అధికార కూటమి నేతల ఫొటోలతో ఫ్లెక్సీలున్నప్పటికీ తొలగించడం లేదు. కాకినాడ 42వ డివిజన్‌ స్వామి నగర్‌తో పాటు దుమ్ములపేట తదితర ప్రాంతాల్లో అధికార కూటమి నాయకుల ఫ్లెక్సీలు తొలగించకపోవడం విమర్శలకు తావిస్తోంది.తొలి రోజు 17 నామినేషన్లుసాక్షి ప్రతినిధి, కాకినాడ: మున్సిపల్‌ ఎన్నికల నామినేషన్ల ప్రక్రియ శుక్రవారం ప్రారంభమైంది. జిల్లావ్యాప్తంగా పెద్దాపురం, సామర్లకోట, పిఠాపురం, తుని, గొల్లప్రోలు, ఏలేశ్వరం మున్సిపాలిటీల్లోని 191 వార్డులకు తొలి రోజు 17 నామినేషన్లు దాఖలయ్యాయి. నామినేషన్ల ప్రక్రియ ఉదయం 11 గంటల నుంచి మధ్యాహ్నం 3 గంటల వరకూ ఆయా మున్సిపల్‌ కార్యాలయాల్లో జరిగింది. పెద్దాపురం మున్సిపాలిటీలో వైఎస్సార్‌ సీపీ నుంచి 1, గొల్లప్రోలులో జనసేన నుంచి 6, పిఠాపురంలో టీడీపీ 2, ఏలేశ్వరంలో వైఎస్సార్‌ సీపీ నుంచి 1, తునిలో వైఎస్సార్‌ సీపీ నుంచి 6, టీడీపీ నుంచి ఒకటి చొప్పున నామినేషన్లు దాఖలయ్యాయి. రేపు మంచి రోజు కావడంతో నామినేషన్లు జోరందుకునే అవకాశం ఉంది. కలెక్టరేట్‌లో కంట్రోల్‌ రూము ఏర్పాటు బోట్‌క్లబ్‌ (కాకినాడ సిటీ): స్థానిక సంస్థల ఎన్నికల నేపధ్యంలో కలెక్టరేట్‌లోని పీజీఆర్‌ఎస్‌ భవన్‌లో జిల్లా స్థాయి కంట్రోల్‌ రూము ఏర్పాటు చేశారు. మున్సిపల్‌ ఎన్నికలకు సంబంధించి 89788 75559, గ్రామ పంచాయతీ, ఎంపీటీసీ, జెడ్పీటీసీ ఎన్నికలకు 89788 45559 మొబైల్‌ నంబర్లతో వీటిని ఏర్పాటు చేశారు. ఆయా ఎన్నికలకు సంబంధించిన ఏ సమాచారమైనా, ఫిర్యాదులైనా 24 గంటలూ పని చేసే ఈ కంట్రోల్‌ రూముకు తెలియజేయవచ్చని కలెక్టర్‌ హరేంధిర ప్రసాద్‌ తెలిపారు. ఓటర్లకు ఎన్నికల్లో డబ్బులు, మద్యం, బహుమతులు పంచినా ఫిర్యాదు చేయవచ్చన్నారు. ఆలయాల్లో భక్తులకు మెరుగైన సదుపాయాలు బోట్‌క్లబ్‌ (కాకినాడ సిటీ): ఆలయాల్లో భక్తులకు మెరుగైన సదుపాయాలు కల్పించేందుకు తన వంతు కృషి చేస్తానని జిల్లా దేవదాయ శాఖ అధికారి కవిటపు లక్ష్మీ సుధారాణి తెలిపారు. విశాఖపట్నం నుంచి బదిలీపై వచ్చిన ఆమె దేవదాయ శాఖ జిల్లా కార్యాలయంలో శుక్రవారం ఆమె బాధ్యతలు స్వీకరించారు. 1991లో ఆ శాఖలో జూనియర్‌ అసిస్టెంట్‌గా పని చేసిన ఆమె విశాఖపట్నం, శ్రీకాకుళం, పార్వతీపురం మన్యం, అల్లూరి సీతారామరాజు జిల్లాల్లో పని చేశారు. బాధ్యతలు స్వీకరించిన ఆమెను దేవదాయశాఖ తనిఖీదారు వడ్డి ఫణీంద్ర కుమార్‌, నగరంలోని పలు ఆలయాలు, సత్రాలకు చెందిన ఈఓలు, కార్యాలయ సిబ్బంది మర్యాద పూర్వకంగా కలుసుకుని అభినందనలు తెలిపారు. పారదర్శకంగా ధాన్యం సేకరణ బోట్‌క్లబ్‌ (కాకినాడ సిటీ): ఖరీఫ్‌ ధాన్యం కొనుగోలు ప్రక్రియను రైస్‌ మిల్లర్లు అత్యంత వేగవంతంగా, పూర్తి పారదర్శకతతో నిర్వహించాలని జాయింట్‌ కలెక్టర్‌ అపూర్వ భరత్‌ అన్నారు. జిల్లాలోని రైస్‌ మిల్లుల యజమానులు, ప్రతినిధులతో కలెక్టరేట్‌లో శుక్రవారం నిర్వహించిన సమీక్షా సమావేశంలో ఆయన మాట్లాడారు. ధాన్యం సేకరణలో ఎలాంటి ఆలస్యం జరగకుండా మిల్లర్లు ముందస్తు ఏర్పాట్లు పూర్తి చేయాలన్నారు. తక్షణం బ్యాంక్‌ గ్యారెంటీలు సమర్పించాలని, ఒప్పంద ప్రక్రియలు పూర్తి చేయాలని ఆదేశించారు. రైతులకు అవసరమైన గోనె సంచులను కొనుగోలు కేంద్రాల వద్ద అందుబాటులో ఉంచాలని చెప్పారు. మిల్లుల వద్ద వాహనాల రద్దీ సమస్యలు తలెత్తకుండా, ధాన్యం బస్తాలు దింపడానికి హమాలీలను పెంచాలని సూచించారు. నిబంధనలకు విరుద్ధంగా పని చేసే మిల్లర్లపై కఠినంగా వ్యవహరిస్తామని హెచ్చరించారు. సమావేశంలో పౌర సరఫరాల సంస్థ, పౌర సరఫరాలు, ఇతర శాఖల అధికారులు కూడా పాల్గొన్నారు.

సాక్షి ప్రతినిధి, కాకినాడ: మున్సిపల్‌ ఎన్నికల సీట్ల సర్దుబాటుపై కూటమిలో చెలరేగిన అసమ్మతి సెగలు చల్లారడం లేదు. టీడీపీ, జనసేన అధినేతలు చంద్రబాబు నాయుడు, పవన్‌ కల్యాణ్‌లు తమ ప్రయోజనాల కోసం తీసుకున్న నిర్ణయాలు క్షేత్ర స్థాయి నేతల్లో ఆగ్రహావేశాలు నింపుతున్నాయి. నామినేషన్ల ప్రక్రియ ప్రారంభమైనా ఇరు పార్టీల శ్రేణుల మధ్య ఆధిపత్య పోరు కొనసాగుతూనే ఉంది. తమకు దక్కాల్సిన మున్సిపల్‌ పీఠాన్ని తన్నుకుపోతున్నారంటూ ఒకరిపై మరొకరు దుమ్మెత్తి పోసుకుంటున్నారు. తమను కాదని ఎలా పోటీ చేస్తారో, ఎలా గెలుస్తారో చూస్తామంటూ అల్టిమేటం జారీ చేస్తున్నారు. కూటమి నిర్ణయాన్ని సైతం ధిక్కరిస్తున్నారు. రెబల్‌ అభ్యర్థులుగా రంగంలోకి దిగుతామంటూ హెచ్చరిస్తున్నారు. ఈ పరిణామం రెండు పార్టీలకు తలనొప్పిగా మారింది. గొల్లప్రోలులో తిరుగుబాటు సీట్ల సర్దుబాటులో భాగంగా గొల్లప్రోలు మున్సిపాలిటీ చైర్మన్‌ స్థానాన్ని జనసేనకు కట్టబెట్టడం టీడీపీ శ్రేణుల్లో అసమ్మతి చిచ్చు రగిల్చింది. ఏళ్ల తరబడి టీడీపీ కోసం శ్రమిస్తూంటే.. చైర్మన్‌ స్థానాన్ని జనసేనకు కేటాయించడాన్ని జీర్ణించుకోలేకపోయారు. టీడీపీలో తమకు కనీస ప్రాధాన్యం కూడా ఇవ్వకపోవడంతో రోడ్డెక్కారు. తమను అవసరానికి వాడుకుని ఇప్పుడు బయటకు పొమ్మంటారా అంటూ అధిష్టానం తీరుపై మండిపడుతూ తిరుగుబాటు అస్త్రం సంధించారు. ఈ అన్యాయానికి మంత్రి లోకేష్‌ సమాధానం చెప్పాలని డిమాండ్‌ చేశారు. మున్సిపాలిటీలోని 23 వార్డుల్లోనూ రెబల్‌ అభ్యర్థులుగా రంగంలోకి దిగుతామని ప్రకటించి, మిత్రపక్షం జనసేనకు కూడా షాక్‌ ఇచ్చారు. శని, ఆదివారాల్లో నామినేషన్లు వేసేందుకు అన్ని ఏర్పాట్లూ చేసుకున్నామని వెల్లడించారు. సామర్లకోటలో సై అంటే సై సామర్లకోట మున్సిపాలిటీ తమకే దక్కుదని టీడీపీ శ్రేణులు భావించగా.. జనసేనకే కేటాయించడంతో ఒక్కసారిగా భంగపాటుకు గురయ్యారు. పార్టీ కోసం కష్టపడిన తమ అభిప్రాయాలను పరిగణనలోకి తీసుకోకుండా గ్లాసు పార్టీకి ఎలా కేటాయిస్తారంటూ మండిపడుతున్నారు. తమకు న్యాయం చేయాలనే డిమాండుతో ఎస్సీ సామాజికవర్గానికి చెందిన టీడీపీ నేతలు రోడ్డెక్కారు. చైర్మన్‌ పీఠం తమకు దక్కాల్సిందేనని, అధిష్టానం నుంచి సరైన నిర్ణయం వెలువడే వరకూ కదలబోమని హెచ్చరించారు. ఈ తరుణంలో లంక భగవాన్‌ అనే కార్యకర్త ఒంటిపై పెట్రోలు పోసుకుని హంగామా చేశాడు. పెద్దాపురం ఎమ్మెల్యే నిమ్మకాయల చినరాజప్ప సర్దిచెప్పడంతో ఆందోళన విరమించారు. ఇదిలా ఉండగా తమ పార్టీలోనే తమకు అవమానం జరిగిందని, ఈ ఎన్నికలకు దూరంగా ఉంటామని టీడీపీ నేతలు వెల్లడించారు. తునిలో సీన్‌ రివర్స్‌ తుని మున్సిపల్‌ పీఠం కేటాయింపులో సీన్‌ రివర్స్‌ అయింది. టీడీపీ సీనియర్‌ నేత యనమల రామకృష్ణుడి సొంత నియోజకవర్గంలోనే ఆ పార్టీకి గట్టి ఎదురు దెబ్బ తగిలింది. తుని మున్సిపాలిటీ చైర్మన్‌ స్థానం తమకే దక్కుతుందని టీడీపీ నేతలు భావించారు. కానీ, దీనిని జనసేనకు కట్టబెట్టడంతో వారికి భంగపాటు తప్పలేదు. ఇక్కడ టీడీపీ నుంచి చైర్మన్‌ కుర్చీ ఆశించిన మళ్ల గణేష్‌ దంపతులు రాత్రికి రాత్రి జనసేనలో చేరిపోయారు. అనంతరం గణేష్‌ భార్య మీనాక్షిని చైర్‌పర్సన్‌ అభ్యర్థిగా జనసేన ప్రకటించింది. ఫ సీట్ల సర్దుబాటుపై కూటమిలో చిచ్చు ఫ గొల్లప్రోలు జనసేనకా? ఫ టీడీపీ నేతల తిరుగుబాటు ఫ అన్ని వార్డుల్లోనూ పోటీ చేస్తామని ప్రకటన ఫ తుని, పిఠాపురాల్లో అభ్యర్థుల కరువు ఫ ఎస్సీలకు న్యాయం చేయాలంటూ సామర్లకోటలో రోడ్డెక్కిన నేతలు పిఠాపురంలో టీడీపీ దుకాణం బంద్‌ పిఠాపురం మున్సిపాలిటీలో టీడీపీ దుకాణం క్రమంగా బంద్‌ అవుతోంది. ఇప్పటికే కీలక పదవులన్నీ జనసేన నేతలకే దక్కడంతో నియోజకవర్గంలో అసలు టీడీపీ ఉందా అనే అనుమానం కలుగుతోందని ఆ పార్టీ శ్రేణులు అంతర్గతంగా ఆవేదన చెందుతున్నాయి. జనసేన అధినేత పవన్‌ కల్యాణ్‌ ప్రాతినిధ్యం వహిస్తూండటం, టీడీపీ సీనియర్‌ నేత, మాజీ ఎమ్మెల్యే ఎస్‌వీఎస్‌ఎన్‌ వర్మను సైతం పక్కన పెట్టేయడంతో ఈ పరిస్థితి తలెత్తిందన్న విమర్శలు వెల్లువెత్తుతున్నాయి.

గొల్లప్రోలు (పిఠాపురం రూరల్‌): గొల్లప్రోలు మున్సిపల్‌ ఎన్నికల్లో 23 వార్డుల్లోనూ పోటీకి సిద్ధమని టీడీపీ పట్టణ అధ్యక్షుడు గుండ్ర సుబ్బారావు ప్రకటించారు. జనసేన కారణంగా టీడీపీ కార్యకర్తలకు, నాయకులకు అన్యాయం జరుగుతోందని ఆయన ఆవేదన వ్యక్తం చేశారు. పట్టణ కార్యాలయంలో ఆ పార్టీ నాయకులు, కార్యకర్తలతో శుక్రవారం జరిగిన సమావేశంలో పలువురు నాయకులు సుబ్బారావును నిలదీశారు. టీడీపీ నాయకులకు, కార్యకర్తలకు అడుగడుగునా అవమానాలు ఎదురవుతున్నాయని, ఎంత కాలం ఓపిక పట్టాలని ప్రశ్నించారు. గత ఎన్నికల్లో పవన్‌ కల్యాణ్‌ ఓటమికి పని చేసిన వారే ఇప్పుడు జనసేన నుంచి సీట్లు పొంది పోటీలో నిలిచేందుకు ప్రయత్నిస్తున్నారని, కూటమి వచ్చాక రాజకీయం సర్వనాశనమైందని మండిపడ్డారు. పార్టీకి అధిక సంఖ్యలో సభ్యత్వాలు చేయించి, అహర్నిశలూ కష్టపడి చేశామని, తామందరం కచ్చితంగా అన్ని వార్డుల్లోనూ పోటీలో ఉంటామని స్పష్టం చేశారు. పిఠాపురం నుంచి కొంత మంది నాయకులు గొల్లప్రోలు చేరుకుని సముదాయించే ప్రయత్నం చేసినా ఫలితం లేకపోయింది. వారి ముందే సుబ్బారావుతో స్థానిక నాయకులు వాగ్వాదానికి దిగారు. ఈ నేపథ్యంలో మున్సిపల్‌ ఎన్నికల్లో 23 వార్డుల్లోనూ పోటీకి సిద్ధమని సుబ్బారావు ప్రకటించారు. ఒకవైపు కూటమి పెద్దలు సీట్ల సర్దుబాటు అయిందని ప్రకటిస్తున్నా క్షేత్ర స్థాయిలో ఇరు పార్టీల మధ్య సీట్ల పంపకం కొలిక్కిరాలేదు. నామినేషన్ల తొలి రోజు ముగిసినా ఎవరికెన్ని సీట్లు, చైర్మన్‌ అభ్యర్థి ఎవరు వంటి అంశాలపై స్పష్టత లేకపోవడంతో పోటీకి సిద్ధమైన నాయకులు ఇదెక్కడి కూటమి అంటూ తలలు పట్టుకుంటున్నారు. ఫ గొల్లప్రోలులో అన్ని స్థానాల్లో పోటీకి సిద్ధమన్న టీడీపీ నేతలు ఫ కార్యకర్తలకు అన్యాయం జరుగుతున్నా పట్టించుకోవడం లేదని ఆవేదన ఫ లోకేష్‌ సమాధానం చెప్పాలని డిమాండ్‌

వైఎస్సార్‌ సీపీలో జోష్‌ మరోవైపు మున్సి పల్‌ ఎన్నికల్లో సత్తా చాటేందుకు వైఎస్సార్‌ సీపీ సన్నద్ధమవుతోంది. మున్సిపల్‌ చైర్మన్‌, వార్డు కౌన్సిలర్‌ స్థానాల్లో అభ్యర్థుల నియామకానికి వేగంగా అడుగులు వేస్తోంది. జిల్లావ్యాప్తంగా ఆరు మున్సిపాలిటీల్లోనూ ఇప్పటికే అభ్యర్థులను సిద్ధం చేసింది. తుని మున్సిపాలిటీలో చైర్‌పర్సన్‌, మెజారిటీ వార్డు సభ్యుల జాబితాను వైఎస్సార్‌ సీపీ జిల్లా అధ్యక్షుడు, మాజీ మంత్రి దాడిశెట్టి రాజా ఇప్పటికే ప్రకటించారు. వీరందరూ నామినేషన్లకు సిద్ధమవుతున్నారు. మిగిలిన మున్సిపాలిటీల్లో సైతం అభ్యర్థుల ఎంపిక ఓ కొలిక్కి వచ్చింది. కూటమి ప్రభుత్వం అధికారంలోకి వచ్చినప్పటి నుంచీ ప్రజా వ్యతిరేక విధానాలు, దోపిడీకే ప్రాధాన్యం ఇస్తోంది. దీనిని ప్రజలు తీవ్రంగా వ్యతిరేకిస్తున్నారు. ఇదే అంశాన్ని అస్త్రంగా చేసుకు ని ప్రజల్లోకి వెళ్లేందుకు వైఎస్సార్‌ సీపీ వ్యూహాలు రచిస్తోంది. దీనికి తోడు రెండున్నరేళ్లుగా ప్రజల సమస్యలపై వారి పక్షాన పోరాడుతూండటంతో ఆ పార్టీకి మంచి ఆదరణ లభిస్తోంది. ఫ కూటమిలో తేలని కౌన్సిలర్‌ అభ్యర్థుల ఎంపిక ఫ నామినేషన్లు ప్రారంభమైనా వీడని గందరగోళం ఫ చైర్మన్‌ స్థానాల పైనే నేతల దృష్టి ఫ సీట్ల సర్దుబాటుపై ఉత్కంఠ సాక్షి ప్రతినిధి, కాకినాడ: పురపాలక పోరులో నామినేషన్ల ఘట్టం ఆరంభమై ఒక రోజు గడిచినా కూటమిలో వార్డు కౌన్సిలర్‌ అభ్యర్థుల సర్దుబాటు వ్యవహారం కొలిక్కిరావడం లేదు. టీడీపీ, జనసేన నేతల మధ్య పొత్తుల వ్యవహారం కొలిక్కి రాకపోవడం.. మరోవైపు సర్దుబాటు తీరుపై టీడీపీ నేతలు ఆందోళనలకు దిగుతూండటంతో సీట్ల పంపకాలు, అభ్యర్థుల ఎంపిక కూటమి నేతలకు సవాలుగా మారుతోంది. దీనిపై పదవులు ఆశిస్తున్న నేతల్లో సర్వత్రా గందరగోళం నెలకొంది. త్వరగా అభ్యర్థులను ప్రకటించకపోతే ఎప్పుడు నామినేషన్లు దాఖలు చేయాలి.. ప్రచారం ఎప్పుడు చేసుకోవాలనే అయోమయాన్ని వారు ఎదుర్కొంటున్నారు. పొత్తులో భాగంగా సామర్లకోట మున్సిపాలిటీ చైర్మన్‌ పదవిని జనసేనకు కేటాయించారు. కానీ, తెర వెనుక టీడీపీ పెద్ద మంత్రాంగమే నడుపుతోంది. మెజార్టీ వార్డులను తమ పార్టీ వారికే కట్టబెడుతోంది. సామర్లకోట మున్సిపాలిటీలో మొత్తం 36 వార్డులుండగా.. జనసేన 12 ఆశిస్తోంది. కానీ, ఆ పార్టీని ఎనిమిది వార్డులకే పరిమితం చేసి, మిగిలిన వాటిలో టీడీపీ నేతలు రంగంలోకి దిగేందుకు సిద్ధమవుతున్నట్లు సమాచారం. పెద్దాపురం మున్సిపాలిటీలో 32 వార్డులుండగా.. ఇక్కడ కూడా జనసేనకు 8 వార్డులు మాత్రమే విదిలిస్తున్నట్లు తెలుస్తోంది. ఏలేశ్వరం మున్సిపాలిటీలో చైర్మన్‌ అభ్యర్థి కోసం కుస్తీ పడుతున్నారు. ఇక్కడ జనసేనకు ఒక్క వార్డు కూడా ఇచ్చే పరిస్థితి కనిపించడం లేదు. బీజేపీ నేతలు 3 వార్డులు అడుగుతున్నారు. తుని మున్సిపాలిటీలో 36 వార్డులుండగా టీడీపీ, జనసేన నేతలు చెరి సగం వార్డుల్లో పోటీకి దిగనున్నట్లు సమాచారం. టీడీపీ కీలక నేత నియోజకవర్గంలోనూ జనసేన పోటీ చేసే పరిస్థితి తలెత్తిందని ‘పచ్చ’ నేతలు భగ్గుమంటున్నారు. గొల్లప్రోలు పంచాయతీలో గందరగోళ పరిస్థితులు నెలకొన్నాయి. జనసేనకు చైర్మన్‌ స్థానం కేటాయించడంతో మెజార్టీ కౌన్సిలర్‌ స్థానాలు తమకే ఇవ్వాలని టీడీపీ శ్రేణులు డిమాండ్‌ చేస్తున్నాయి. పిఠాపురంలో అభ్యర్థుల ఎంపికకు టీడీపీ, జనసేన మల్లగుల్లాలు పడుతున్నాయని చెబుతున్నారు. ఇక్కడ పోటీ చేసేందుకు ఇరు పార్టీల నుంచి దాదాపు ఎవ్వరూ ముందుకు రాకపోవడంతో ఇతర పార్టీల నేతలకు ఆ పార్టీల తీర్థం ఇచ్చి, బరిలోకి దింపాలని భావిస్తున్నట్లు తెలుస్తోంది. చైర్మన్‌ స్థానంపై ఇంకా స్పష్టత రాకపోవడాన్ని బట్టి ఇక్కడ పరిస్థితి ఎలా ఉందో అర్థం చేసుకోవచ్చు.

గొల్లప్రోలులో గగ్గోలు గొల్లప్రోలు నగర పంచాయతీలో తానే చైర్మన్‌ అవుతానని ఓ టీడీపీ నేత భావించారు. రిజర్వేషన్‌ సైతం ఆయనకు అనుకూలంగా తెచ్చుకునేందుకు ప్రయత్నించి, సఫలమైనట్లు సమాచారం. అన్నీ సక్రమంగా ఉన్నాయని భావిస్తున్న తరుణంలో గొల్లప్రోలు పీఠాన్ని సైతం జనసేన ఆశించడంపై టీడీపీ నేతలు గుర్రుగా ఉన్నారు. ఎంత పవన్‌ కల్యాణ్‌ నియోజకవర్గమైనా.. తమ పార్టీ నేతలకు పదవులు ఉండకూడదా అని టీడీపీ ప్రశ్నిస్తోంది. కాకినాడ మేయర్‌ సైతం.. కాకినాడ నగర మేయర్‌ స్థానాన్ని సైతం జనసేన ఆది నుంచీ ఆశిస్తోంది. ఈ సీటు తమకే ఖాయమని ఆ పార్టీ నేతలు బహిరంగంగా ప్రకటనలు గుప్పించారు. రిజర్వేషన్‌ ఓసీ జనరల్‌ అవుతుందని భావించి, కాపు ఉద్యమ నేత, మాజీ మంత్రి దివంగత ముద్రగడ పద్మనాభం కుమార్తె బార్లపూడి క్రాంతిని బరిలోకి దింపే యోచన చేశారు. అయితే, రిజర్వేషన్‌ తారుమారు కావడంతో ఒక్కసారిగా స్తబ్దత నెలకొంది. తిరిగి అభ్యర్థిని వెతికే పనిలో ఆ పార్టీ నాయకులు పడ్డారు. మరోవైపు టీడీపీ శ్రేణులు సైతం మేయర్‌ పీఠం తమదేనని ఢంకా బజాయించి మరీ చెబుతున్నారు. జెడ్పీపై పీటముడి రిజర్వేషన్ల తారుమారుతో కాకినాడ మేయర్‌ సీటు చేజారడంతో.. బార్లపూడి క్రాంతిని జిల్లా పరిషత్‌ చైర్‌పర్సన్‌గా బరిలోకి దింపేందుకు జనసేన నేతలు రంగం సిద్ధం చేస్తున్నారు. వాస్తవానికి కాకినాడ మేయర్‌ పదవి జనసేనకు వెళ్తే, జెడ్పీ చైర్‌పర్సన్‌ అభ్యర్థిగా టీడీపీ జిల్లా అధ్యక్షుడు జ్యోతుల నవీన్‌ భార్యను బరిలోకి దింపాలని ఆ పార్టీ నేతలు అనుకున్నారు. తాజాగా జెడ్పీ చైర్‌పర్సన్‌ పదవిని సైతం జనసేన ఎత్తుకుపోతూండటంపై టీడీపీ మండిపడుతున్నారు. జనసేన అధినేత పవన్‌ కల్యాణ్‌ ప్రాతినిధ్యం వహిస్తున్న జిల్లా అయితే మాత్రం కీలక పదవులన్నీ ఆ పార్టీకే కట్టబెట్టాలా అని వారు ప్రశ్నిస్తున్నారు. సాక్షి ప్రతినిధి, కాకినాడ: మున్సిపల్‌ ఎన్నికల వేళ జనసేన, టీడీపీ నేతల మధ్య సీటు ఫైట్‌ తీవ్ర స్థాయిలో సాగుతోంది. చైర్మన్‌ స్థానం తమకంటే తమకంటూ ఇరు పార్టీలూ రచ్చరచ్చ చేస్తున్నాయి. పొత్తు ధర్మం పాటించాలని జనసేన అంటూండగా.. తమ ఎమ్మెల్యేలున్న స్థానాల్లో జనసేన పెత్తనమేమిటంటూ టీడీపీ నాయకులు, కార్యకర్తలు మండిపడుతున్నారు. జిల్లా లోని మెజార్టీ స్థానాల్లో జనసేన పాగా వేసేందుకు చేస్తున్న ప్రయత్నాలపై ఆగ్రహోదగ్రులవుతున్నారు. ఆ ఐదూ మాకే ఇవ్వాలి కాకినాడ మేయర్‌తో పాటు తుని, పిఠాపురం, పెద్దాపురం మున్సిపాలిటీలు, గొల్లప్రోలు నగర పంచాయతీ చైర్మన్‌ స్థానాలు తమకే ఇచ్చేయాలని జనసేన నేతలు పట్టుబడుతున్నారు. ఈ విషయం ఇటీవల చంద్రబాబు, పవన్‌ కల్యాణ్‌ భేటీలో నిర్ధారణ అయినట్లు ప్రకటిస్తున్నారు. అంతటితో ఆగకుండా ఆయా స్థానాల్లో పోటీకి అభ్యర్థులను సైతం సిద్ధం చేస్తున్నారు. ఈ పరిణామాలపై టీడీపీ శ్రేణులు భగ్గుమంటున్నాయి. టీడీపీ ఎమ్మెల్యేలు ప్రాతినిధ్యం వహిస్తున్న మున్సిపల్‌ స్థానాలను సైతం జనసేనకు కట్టబెట్టడమేమిటని వారు ప్రశ్నిస్తున్నారు. దీంతో, ఇరు పార్టీల మధ్య విభేదాల అగ్గి రాజుకుంటోంది. పెద్దాపురం.. గరంగరం.. చివరకు టీడీపీ పరం సామర్లకోట, పెద్దాపురం మున్సిపల్‌ చైర్మన్లుగా టీడీపీ అభ్యర్థులే పోటీ చేస్తారని ఆ పార్టీ నేతలు తొలుత చెప్పడంతో జనసేన శ్రేణుల్లో ఆగ్రహావేశాలు వెల్లువెత్తాయి. పెద్దాపురంలోని మొత్తం 32 వార్డులకు గాను తమకు ఏడు మాత్రమే కేటాయిస్తారని తెలియడంతో వారు మండిపడ్డారు. దీనిపై జనసేన జిల్లా అధ్యక్షుడు తుమ్మల బాబు ఆ పార్టీ నాయకులు, కార్యకర్తలతో పెద్దాపురంలో బుధవారం సమావేశమయ్యారు. అనంతరం విలేకర్ల సమావేశంలో మాట్లాడుతూ, టీడీపీ పొత్తు ధర్మం పాటించకపోతే ఒంటరిగానైనా పోటీ చేస్తాం తప్ప.. సర్దుకుపోయే పరిస్థితే లేదని తెగేసి చెప్పారు. ఈ నేపథ్యంలో పెద్దాపురం మున్సిపల్‌ చైర్మన్‌ స్థానాన్ని జనసేనకు కేటాయిస్తున్నారనే విషయం వెల్లడి కావడంతో గురువారం టీడీపీ శ్రేణుల్లో ఆగ్రహం ఒక్కసారిగా కట్టలు తెంచుకుంది. ఈ పదవిని టీడీపీ అభ్యర్థికే కేటాయించాలంటూ ఆ పార్టీ నేతలు రోడ్డుపై బైఠాయించి నిరసన తెలిపారు. జనసేన నేతలకు వ్యతిరేకంగా పెద్ద ఎత్తున నినాదాలు చేశారు. ఈ సీటు టీడీపీకి ఇవ్వకపోతే పార్టీ పదవులకు మూకుమ్మడిగా రాజీనామాలు చేస్తామని అల్టిమేటం జారీ చేశారు. రాత్రి వరకూ వేచి చూసి, రాజీనామాలు చేయాలని నిర్ణయించారు. చర్చోప చర్చల అనంతరం పెద్దాపురం మున్సిపల్‌ చైర్మన్‌ స్థానాన్ని తమకే ఉంచుకోవాలని టీడీపీ అధిష్టానం నిర్ణయించింది. దీనికి బదులుగా సామర్లకోటను జనసేనకు సమర్పించుకున్నారు. క్రాంతి ఓటు బదిలీపై వివాదం ఇదిలా ఉండగా బార్లపూడి క్రాంతి తన ఓటును తూర్పు గోదావరి నుంచి కాకినాడ జిల్లాకు బదిలీ చేసుకున్నారనే విషయం వివాదాస్పదంగా మారింది. ఆమె జెడ్పీ చైర్‌పర్సన్‌ రేసులో ఉండటంతో ఏలేశ్వరం జెడ్పీటీసీగా జనసేన తరఫున పోటీ చేయనున్నట్లు సమాచారం. ఇందులో భాగంగానే ఆమె తన ఓటును ఏలేశ్వరం మండలం పెద్దనాపల్లికి రాత్రికి రాత్రే బదిలీ చేయించుకోవడానికి ప్రయత్నాలు చేస్తున్నట్లు తెలిసింది. క్రాంతి అమ్మమ్మ గారి ఊరు పెద్దనాపల్లి. అన్‌ రిజర్వ్‌డ్‌గా ఉన్న జెడ్పీటీసీ స్థానం ఏలేశ్వరం. అందుకే అక్కడికి మార్చుకునేందుకు ప్రయత్నాలు చేస్తున్నారని సమాచారం. క్రాంతి ఓటును బదిలీ చేసేందుకు కొందరు ఉన్నతాధికారులు ముమ్మరంగా ప్రయత్నాలు చేస్తున్నట్లు తెలుస్తోంది. నామినేషన్ల గడువు సమీపిస్తున్న సమయంలో ఓటు బదిలీపై అధికారులు హైరానా పడుతున్నట్లు చెబుతున్నారు. ఇప్పటికే ఓటు బదిలీ చేసేశారా.. లేదంటే రాత్రికి రాత్రి చేస్తారా.. అనే ప్రశ్నలు తలెత్తుతున్నాయి. ఎంత అధికారంలో ఉన్నా.. ఇంతలా అధికార దుర్వినియోగానికి పాల్పడతారా అనే విమర్శలు వినిపిస్తున్నాయి. 4

● తొలి జాబితాలో 23 మంది కౌన్సిలర్‌ అభ్యర్థులు ● ప్రకటించిన మాజీ మంత్రి దాడిశెట్టి రాజా ● పట్టణాన్ని రూ.300 కోట్లతో అభివృద్ధి చేస్తామని వెల్లడి తుని: వైఎస్సార్‌ సీపీ నుంచి మున్సిపల్‌ చైర్‌పర్సన్‌ అభ్యర్థిగా పిట్లకంచి రామతులసి పేరును ఆ పార్టీ జిల్లా అధ్యక్షుడు, మాజీ మంత్రి దాడిశెట్టి రాజా ప్రకటించారు. దీంతో పాటు మున్సిపాలిటీలోని 23 వార్డుల నుంచి కౌన్సిలర్లుగా పోటీ చేసే పార్టీ అభ్యర్థుల జాబితాను వెల్లడించారు. ఎస్‌.అన్నవరంలోని పార్టీ కార్యాలయంలో గురువారం ఆయన మీడియా సమావేశంలో మాట్లాడారు. తమ ప్రభుత్వం అధికారంలోకి వచ్చాక తుని పట్టణాన్ని రూ.300 కోట్లతో అన్ని రంగాల్లోనూ అభివృద్ధి చేస్తామని చెప్పారు. పట్టణాభివృద్ధిని దృష్టిలో పెట్టుకుని బలమైన అభ్యర్థులను ఎంపిక చేశామన్నారు. ప్రస్తుతం ప్రకటించిన జాబితాలో యువతకు ప్రాధాన్యం కల్పించామన్నారు. గత ప్రభుత్వ హయాంలో జరిగిన అభివృద్ధిని చూసి ప్రజలు వైఎస్సార్‌ సీపీ అభ్యర్థులను గెలిపించాలని విజ్ఞప్తి చేశారు. ప్రస్తుత చంద్రబాబు ప్రభుత్వ పాలనలో నిత్యావసర సరకుల ధరలు ఆకాశానికి చేరాయని గుర్తు చేశారు. ఆహార పదార్థాల కల్తీ నియంత్రణకు ప్రత్యేక ప్రణాళిక రూపొందిస్తామన్నారు. పట్టణ పరిధిలోని సచివాలయాల్లో ఫుడ్‌ సేఫ్టీకి సంబంధించి ప్రత్యేక అధికారిని నియమిస్తామని చెప్పారు. పట్టణాభివృద్ధికి మాస్టర్‌ ప్లాన్‌ తయారు చేసి, టీడీపీ ఎమ్మెల్యే యనమల దివ్య సహకారం తీసుకుంటామని తెలిపారు. పట్టణానికి శాశ్వత డంపింగ్‌ యార్డుకు తుని మండలం హంసవరంలో రెండెకరాల భూమి సేకరించామని, ఇంతలో ఎన్నికలు రావడంతో అది కార్యరూపం దాల్చలేదన్నారు. పారిశుధ్యం, రోడ్లు, కాలువలు, తాగునీటి సౌకర్యం కల్పించడంతో పాటు వరద నీటి నుంచి పట్టణాన్ని కాపాడేందుకు కరకట్ట నిర్మాణానికి కృషి చేస్తామని రాజా వెల్లడించారు. సమావేశంలో పార్టీ తుని పట్టణ అధ్యక్షుడు అన్నవరం శ్రీను, మున్సిపల్‌ విభాగం రాష్ట్ర కార్యదర్శి రేలంగి రమణా గౌడ్‌, నాయకులు పోతల రమణ, పిట్లకంచి కామేశ్వరరావు, కలిదిండి సత్యనారాయణరాజు పాల్గొన్నారు. కౌన్సిలర్‌ అభ్యర్థులు వీరే.. వార్డు అభ్యర్థి కేటగిరీ 1 చిట్టిబోయిన మంగాదేవి బీసీ మహిళ 2 చింతల సునీత ఎస్సీ జనరల్‌ 3 నందికోళ్ల దివ్యవాణి ఎస్సీ మహిళ 5 మర్రా రవికుమార్‌ ఎస్సీ జనరల్‌ 7 పిట్ల లక్ష్మి బీసీ మహిళ 8 రేలంగి విజయదుర్గ జనరల్‌ మహిళ 9 అసనాల పద్దేష్‌ ఎస్టీ జనరల్‌ 10 వడ్లమూరి అరుణ జనరల్‌ మహిళ 11 పిల్యాణం నూకరాజు బీసీ జనరల్‌ 12 షేక్‌ నూరున్సీసా బీసీ మహిళ 13 రొంగల యేసు జనరల్‌ 15 షేక్‌ సత్తార్‌ మున్నీసా బీసీ మహిళ 16 కనిగిరి వెంకట రమణ జనరల్‌ 17 కన్నూరి శ్రీనివాసరావు బీసీ జనరల్‌ 19 కొప్పర్తి రాజు జనరల్‌ 22 కొండ ఉమ జనరల్‌ మహిళ 24 ఆర్సి ప్రవీణ్‌ నాగ చిన్నబాబు జనరల్‌ 25 మార్నీడి వెంకట సూర్యామణి జనరల్‌ మహిళ 30 చింతమనేడి జోగారావు జనరల్‌ 31 తేజోమూర్తుల ఉమాశంకర్‌ శర్మ జనరల్‌ 32 అడిగర్ల రాజ్యలక్ష్మి జనరల్‌ మహిళ 33 నడింపల్లి సుమంత్‌ వర్మ జనరల్‌ 35 రొంగల రాజేశ్వరి బీసీ మహిళ

బోట్‌క్లబ్‌ (కాకినాడ సిటీ): జిల్లాలోని ఆరు మున్సిపాలిటీల పరిధిలో 191 వార్డులకు సంబంధించి 321 పోలింగ్‌ కేంద్రాల్లో ఎన్నికల నిర్వహణకు సర్వం సిద్ధం చేశామని కలెక్టర్‌ హరేంధిర ప్రసాద్‌ తెలిపారు. కలెక్టరేట్‌లో గురువారం నిర్వహించిన విలేకర్ల సమావేశంలో ఆయన మాట్లాడారు. ఈ నెల 28న జరిగే ఎన్నికల్లో ఆరు మున్సిపాలిటీల పరిధిలో మొత్తం 2,18,054 మంది ఓటర్లు ఓటు హక్కు వినియోగించుకోనున్నారని తెలిపారు. వార్డు సభ్యుల ఎన్నికకు పింక్‌, చైర్మన్‌ ఎన్నికకు తెలుపు రంగు బ్యాలెట్‌ పేపర్లు ఉపయోగిస్తామని చెప్పారు. పోలింగ్‌ ముగిసిన 45 రోజుల్లోగా అభ్యర్థులు ఎన్నికల ఖర్చుల వివరాలు సమర్పించాలన్నారు. లేకుంటే భవిష్యత్తులో జరిగే ఎన్నికల్లో అనర్హతకు గురయ్యే అవకాశముంటుందని హెచ్చరించారు. ఎన్నికలకు సంబంధించి జిల్లా స్థాయి లో 89788 75559 ఫోన్‌ నంబర్‌తో కంట్రోల్‌ రూము ఏర్పాటు చేస్తున్నామని చెప్పారు. అభ్యర్థులు ఊరేగింపులకు సింగిల్‌ విండో విధానంలో అనుమతులు తీసుకోవాలన్నారు. జెడ్పీటీసీ, ఎంపీటీసీ స్థానాలకు సంబంధించి మొత్తం 12,61,063 మంది ఓటర్లు 1,426 పోలింగ్‌ కేంద్రాల్లో ఓటు హక్కు వినియోగించుకోను న్నారని కలెక్టర్‌ తెలిపారు. జిల్లాలో 430 ఎంపీటీసీ స్థానాలుండగా, వివిధ కారణాలు, కోర్టు కేసుల నేపథ్యంలో 29 స్థానాలకు ఎన్నికలు జరగడం లేదని వివరించారు. స్ట్రాంగ్‌ రూముల వద్ద రెండంచెల భద్రత ఏర్పాటు చేస్తామన్నారు. స్ట్రాంగ్‌ రూములు, ఓట్ల లెక్కింపు కేంద్రాలను కాకినాడ జేఎన్‌టీయూ, పెద్దాపురం ఎంఆర్‌ కళాశాలల్లో ఏర్పాటు చేస్తున్నామని తెలిపారు. జెడ్పీటీసీ, ఎంపీటీసీ ఎన్నికలకు సంబంధించి 436 సమస్యాత్మక, 270 అత్యంత సమస్యాత్మక పోలింగ్‌ కేంద్రాలను గుర్తించామని వెల్లడించారు. మున్సిపల్‌ ఎన్నికలకు సంబంధించి 151 సమస్యాత్మక, 27 అత్యంత సమస్యాత్మక పోలింగ్‌ కేంద్రాలను గుర్తించామని, ఆయా కేంద్రాల్లో ప్రత్యేక పర్యవేక్షణ చర్యలు చేపడుతున్నామని కలెక్టర్‌ తెలిపారు. ఎస్పీ బిందుమాధవ్‌ మాట్లాడుతూ, సమస్యాత్మక, అత్యంత సమస్యాత్మక పోలింగ్‌ కేంద్రాల వద్ద అదనపు పోలీసు బందోబస్తు ఏర్పాటు చేస్తున్నామని చెప్పారు. రౌడీ షీటర్లను బైండోవర్‌ చేస్తున్నామని చెప్పారు. పకడ్బందీగా కోడ్‌ అమలు స్థానిక సంస్థల ఎన్నికల ప్రవర్తనా నియమావళి(కోడ్‌)ని పకడ్బందీగా అమలు చేయాలని కలెక్టర్‌ ఎంఎన్‌ హరేంధిర ప్రసాద్‌ అధికారులను ఆదేశించారు. జెడ్పీ సీఈఓ, జిల్లా పంచాయతీ అధికారి, మున్సిపల్‌ పరిపాలన అధికారులతో కలెక్టరేట్‌లో నిర్వహించిన సమావేశంలో ఆయన మాట్లాడారు. ఎన్నికల నిర్వహణపై శనివారం ప్రత్యక్ష శిక్షణ నిర్వహించాలని ఆదేశించారు. ఎంపీటీసీ, జెడ్పీటీసీ ఎన్నికల పోలింగ్‌ సిబ్బందికి ఈ నెల 26న మొదటి, 30న రెండో విడత శిక్షణ ఇవ్వాలని తెలిపారు. మున్సిపల్‌ ఎన్నికల పోలింగ్‌ సిబ్బందికి ఈ నెల 22న మొదటి, 26న రెండో విడత శిక్షణ ఇవ్వాలని సూచించారు.

● చంద్రబాబు పాలనపై ప్రజల్లో తీవ్ర అసంతృప్తి ● వైఎస్సార్‌ సీపీకి జై అంటున్న జనం ● పలు ప్రాంతాల్లో ఆ పార్టీలో భారీగా చేరికలుకిర్లంపూడి/ఏలేశ్వరం/జగ్గంపేట/పెద్దాపురం: చంద్రబాబు ప్రభుత్వ ప్రజావ్యతిరేక విధానాలపై తీవ్ర అసంతృప్తి చెందుతున్న ప్రజలు అధికార టీడీపీని వీడి.. పెద్ద సంఖ్యలో వైఎస్సార్‌ సీపీలో చేరుతున్నారు. స్థానిక సంస్థల ఎన్నికల నేపథ్యంలో వివిధ ప్రాంతాల్లో వందలాది మంది గురువారం వైఎస్సార్‌ సీపీకి జైకొట్టారు. వైఎస్సార్‌ సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి విధానాలకు ఆకర్షితులై ఆ పార్టీలో చేరారు. ● ప్రత్తిపాడు నియోజకవర్గం ఏలేశ్వరం మండలంలో టీడీపీకి చెందిన లింగంపర్తి సొసైటీ మాజీ చైర్మన్‌ చిక్కాల లక్ష్మణరావు, మాజీ వైస్‌ ఎంపీపీ చిక్కాల రాజ్యలక్ష్మితో పాటు ఆ మండల నేత అడపా పార్థసారథి, మరో 30 కుటుంబాల వారు వైఎస్సార్‌ సీపీకి జైకొట్టారు. కిర్లంపూడిలోని మాజీ మంత్రి, వైఎస్సార్‌ సీపీ నేత దివంగత ముద్రగడ పద్మనాభం నివాసానికి తరలివచ్చి, ఆయన కుమారుడు, వైఎస్సార్‌ సీపీ ప్రత్తిపాడు కో ఆర్డినేటర్‌ ముద్రగడ గిరిబాబు సమక్షంలో ఆ పార్టీలో చేరారు. ఈ సందర్భంగా లక్ష్మణరావు మాట్లాడుతూ, స్థానిక ఎన్నికల్లో వైఎస్సార్‌ సీపీ విజయానికి శక్తివంచన లేకుండా కృషి చేస్తామని తెలిపారు. ● ఏలేశ్వరం నగర పంచాయతీ చైతన్య నగర్‌కు చెందిన భజంతుల లక్ష్మణరావు, నాగమణి, మీసాల ఆంజనేయులు, ముత్యాల సత్తిబాబుతో పాటు 50 మంది.. అంబేడ్కర్‌ నగర్‌కు చెందిన పలివెల నూకరాజుతో పాటు సుమారు 100 మంది గిరిబాబు సమక్షంలో వైఎస్సార్‌ సీపీలో చేరారు. ఏలేశ్వరంలో జరిగిన ఈ కార్యక్రమంలో గిరిబాబు మాట్లాడుతూ, కూటమి ప్రభుత్వం అన్ని వర్గాలకూ మొండిచెయ్యి చూపిందని, స్థానిక సంస్థల ఎన్నికల్లో వైఎస్సార్‌ సీపీ విజయం ఖాయమని అన్నారు. కార్యక్రమంలో పార్టీ నాయకులు శిడగం వెంకటేశ్వరరావు, బదిరెడ్డి గోవిందు, సామంతుల సూర్యకుమార్‌, దళే కిషోర్‌, పైల విజయ్‌ కుమార్‌ తదితరులు పాల్గొన్నారు. ● జగ్గంపేట మండలం భావవరం గ్రామానికి చెందిన పాఠశాల నిర్వహణ కమిటీ (ఎస్‌ఎంసీ) చైర్మన్‌ కోట గణపతితో పాటు ఆయన మద్దతుదారులైన 50 కుటుంబాల వారు టీడీపీకి బై చెప్పారు. వారందరూ ఆ గ్రామానికి చెందిన వైఎస్సార్‌ సీపీ నేత కంచి లక్ష్మణదొర నేతృత్వాన మాజీ ఎమ్మెల్యే జ్యోతుల చంటిబాబు సమక్షంలో ఆ పార్టీలో చేరారు. ఇర్రిపాకలో జరిగిన ఈ కార్యక్రమంలో వారికి చంటిబాబు పార్టీ కండువాలు కప్పి వైఎస్సార్‌ సీపీలోకి స్వాగతించారు. స్థానిక సంస్థల ఎన్నికల్లో వైఎస్సార్‌ సీపీ అభ్యర్థుల విజయానికి సమష్టిగా కృషి చేద్దామని చెప్పారు. ● పెద్దాపురంలోని వైఎస్సార్‌ సీపీ కార్యాలయంలో 8, 11 వార్డులకు చెందిన సుమారు 40 కుటుంబాల వారు వైఎస్సార్‌ సీపీ పార్టీలో చేరారు. వారికి పెద్దాపురం నియోజకవర్గ కో ఆర్డినేటర్‌ దవులూరి దొరబాబు పార్టీ కండువాలు వేసి, సాదరంగా ఆహ్వానం పలికారు. ఈ సందర్బంగా మాట్లాడుతూ, నిత్యావసర వస్తువుల ధరల పెరుగుదల, కూటమి ప్రభుత్వ ప్రజా వ్యతిరేక విధానాలపై ప్రజలు తీవ్ర అసంతృప్తితో ఉన్నారని అన్నారు. వైఎస్‌ జగన్‌మోహన్‌రెడ్డి సంక్షేమ రాజ్యం కోసం వారందరూ ఎదురు చూస్తున్నారని చెప్పారు.

● మున్సిపల్‌ చైర్మన్‌ పదవుల కోసం కూటమిలో కుమ్ములాటలు ● కాకినాడ మేయర్‌, తుని, పిఠాపురం, పెద్దాపురం, గొల్లప్రోలు చైర్మన్‌ పదవులు ఆశిస్తున్న జనసేన ● అవసరమైతే ఒంటరి పోరుకు సిద్ధమని అల్టిమేటం ● ‘గ్లాసు’ తీరుపై టీడీపీ నేతల మండిపాటు ● పెద్దాపురంలో తామే పోటీ చేస్తామని స్పష్టీకరణ ● రోడ్డెక్కి ఆందోళన.. పెట్రోలు పోసుకుని మరీ నిరసన ● చివరకు పెద్దాపురం టీడీపీకి, సామర్లకోట జనసేనకు కట్టబెడుతూ ప్రకటన

నందివాడ: కృష్ణా జిల్లా నందివాడ మండలం జనార్దనపురంలోని ఓ ఇంట్లో జరిగిన చోరీ కేసును పోలీసులు ఛేదించారు. దీంతో పాటు మరో రెండు దొంగతనం కేసుల్లో సంబంధం ఉన్న ముగ్గురు నిందితులను బుధవారం అరెస్టు చేశారు. ఎస్సై సుబ్రహ్మణ్యం కథనం ప్రకారం.. జనార్దనపురానికి చెందిన మేకల ఏడుకొండలు ఇంటి తాళాలను ఇటీవల ఆగంతకులు పగులగొట్టి, లోపలకు చొరబడి, బంగారు వస్తువులు, రూ.5 వేల నగదు, ఒక సెల్‌ఫోన్‌ చోరీ చేశారు. బాధితుడి ఫిర్యాదు మేరకు ఈ ఘటనపై నందివాడ పోలీస్‌ స్టేషన్‌లో కేసు నమోదైంది. గుడివాడ రూరల్‌ సీఐ ఎస్‌ఎల్‌ఆర్‌ సోమేశ్వరరావు పర్యవేక్షణలో పోలీసులు దర్యాప్తు చేపట్టారు. క్లూస్‌ టీమ్‌ ఎస్సై ఆర్‌.త్రివర్ణ బృందం అందించిన శాసీ్త్రయ ఆధారాలతో నిందితుల ఆచూకీ కోసం ప్రత్యేక బృందాలను ఏర్పాటు చేశారు. మంగళవారం సాయంత్రం కాకినాడ జిల్లా సామర్లకోటలోని పెన్షన్‌ లైన్‌, స్టీల్‌ కంపెనీ రోడ్డులో ఉన్న చిన్న దుర్గమ్మ ఆలయం వద్ద ప్రధాన నిందితుడు చుక్కపల్లి బాబీ అలియాస్‌ ప్రవీణ్‌ కుమార్‌, అతడికి సహకరించిన పెద్దాడ హరికృష్ణ అలియాస్‌ పండు, మసకపల్లి విజయదుర్గలను పోలీసులు అరెస్టు చేశారు. నందివాడలో నమోదైన రెండు కేసులతో పాటు వీరవల్లి పోలీస్‌ స్టేషన్‌లో నమోదైన మరో రెండు కేసుల్లో చుక్కపల్లి బాబీ, పెద్దాడ హరికృష్ణ, మసకపల్లి విజయదుర్గకు సంబంధం ఉన్నట్లు గుర్తించారు. వారి నుంచి 16 గ్రాముల బంగారం, రూ.20 వేల నగదు స్వాధీనం చేసుకున్నారు. సామర్లకోటలోని ముత్తూట్‌ ఫైనాన్స్‌ వద్ద తనఖా పెట్టిన మరో 26 గ్రాముల బంగారం స్వాధీనానికి చర్యలు చేపట్టారు. ముగ్గురు నిందితులను గుడివాడ కోర్టులో హాజరు పరచగా వారికి న్యాయమూర్తి 15 రోజుల రిమాండ్‌ విధించారు. ఈ కేసు దర్యాప్తు చేసిన ఎస్సై సుబ్రహ్మణ్యంతో పాటు ఇతర సిబ్బందిని పోలీసు ఉన్నతాధికారులు అభినందించారు. జనార్దనపురం చోరీ కేసును ఛేదించిన పోలీసులు 16 గ్రాముల బంగారం, రూ.20 వేల నగదు స్వాధీనం మరో 26 గ్రాముల బంగారం రికవరీకి చర్యలు

కొబ్బరి రకం ధర (రూ.) కొత్త కొబ్బరి (క్వింటాల్‌) 16,000 – 17,000 కొత్త కొబ్బరి (రెండో రకం) 15,000 – 16,000 కురిడీ కొబ్బరి (పాతవి) గండేరా (వెయ్యి) 26,500 గటగట (వెయ్యి) 23,500 కురిడీ కొబ్బరి (కొత్తవి) గండేరా (వెయ్యి) 25,500 గటగట (వెయ్యి) 22,500 నీటికాయ పాత (ముక్కుడు)కాయ (వెయ్యి) 20,000 – 21,000 కొత్త (పచ్చి)కాయ (వెయ్యి)20,000 – 21,000 కొబ్బరి నూనె (15 కిలోలు) 5,000 కిలో 350

అన్నవరం: స్థానిక సంస్థల ఎన్నికల కోడ్‌ అమలులోకి రావడంతో అన్నవరం దేవస్థానంలో మంత్రులు, ప్రజాప్రతినిధుల ప్రొటోకాల్‌కు బ్రేక్‌ పడింది. పూర్ణకుంభ స్వాగతాలు, వేదాశీర్వచనాలు, శాలువాలు కప్పడం వంటి వాటికి తాత్కాలికంగా తెర పడింది. ఎన్నికల ప్రవర్తనా నియమావళిని అనుసరించి దేవస్థానం అభివృద్ధిపై ప్రజాప్రతినిధులు ఎటువంటి సమీక్షలూ నిర్వహించరాదు. ఎన్నికల షెడ్యూల్‌ డిసెంబర్‌ రెండో తేదీ వరకూ అమలులో ఉంటుంది. అప్పటి వరకూ ఎన్నికలను ప్రభావితం చేసే ఎటువంటి అధికారిక నిర్ణయాలూ తీసుకోవడానికి వీలు లేదు. ప్రతి నెలా నిర్వహించే ట్రస్ట్‌ బోర్డు సమావేశాలకు కూడా తాత్కాలికంగా బ్రేక్‌ పడింది. ట్రస్ట్‌ బోర్డు గత సమావేశం సెప్టెంబర్‌ 30న నిర్వహించారు. ఇప్పుడు ఎన్నికల కోడ్‌ అమలులోకి వచ్చినందు అక్టోబర్‌, నవంబర్‌ నెలల్లో ఈ సమావేశాలు నిర్వహించేందుకు వీలు లేదు. ఒకవేళ అత్యవసర నిర్ణయం తీసుకోవలసిన అంశాలేవైనా ఉంటే రాష్ట్ర ఎన్నికల అధికారి దృష్టికి తీసుకువెళ్లాల్సి ఉంటుంది. కార్తిక మాస ఉత్సవాల్లో మంత్రులు, ఎమ్మెల్యేలు, ఇతర ప్రజాప్రతినిధులకు ఎటువంటి ప్రొటోకాల్‌ ఉండదు. కోనసీమ జిల్లా వాడపల్లి దేవస్థానం ఈఓ నల్లం సూర్యచక్రధరరావు ఏడు నెలలుగా సత్యదేవుని సన్నిధిలో ఇన్‌చార్జి ఈఓగా ఉన్నారు. ఆయన స్థానంలో రెగ్యులర్‌ ఈఓను నియమిస్తారనే ప్రచారం జరుగుతున్నా ఎన్నికల కోడ్‌ ముగిసేంత వరకూ ఆ అవకాశం లేదు. వచ్చే రెండు నెలలకు సంబంధించి గత ట్రస్ట్‌బోర్డు సమావేశంలో పలు నిర్ణయాలు తీసుకున్నామని ఈఓ సూర్యచక్రధరరావు తెలిపారు. అలాగే, కార్తిక మాస ఉత్సవాలపై కూడా దేవస్థానం, ప్రభుత్వ శాఖల అధికారుల సమావేశంలో నిర్ణయాలు తీసుకున్నామని ఆయన చెప్పారు.అన్నవరం దేవస్థానం

అయినవిల్లి: స్కూల్‌ గేమ్స్‌ ఫెడరేషన్‌ ఆఫ్‌ ఇండియా (ఎస్‌జీఎఫ్‌ఐ) ఆధ్వర్యాన ప్రకాశం జిల్లా ఒంగోలులో ఇటీవల నిర్వహించిన రాష్ట్ర స్థాయి బాక్సింగ్‌ పోటీల్లో అయినవిల్లి మండలం నల్లచెరువు జెడ్పీ హైస్కూల్‌ విద్యార్థి గుత్తుల మహేష్‌ కృష్ణ రజత పతకం సాధించాడు. పాఠశాలలో తొమ్మిదో తరగతి చదువుతున్న అతడు అండర్‌–14 విభాగంలో 42–44 కిలోల కేటగిరీలో పోటీ పడి ఈ ఘనత సాధించాడు. పాఠశాల పీడీ పాయసం శ్రీనివాసరావు ఈ వివరాలు తెలిపారు. మహేష్‌ కృష్ణను జిల్లా విద్యాశాఖ అధికారి (డీఈఓ) ఎస్‌కే మహబూబ్‌ బాషా, జిల్లా ఎస్‌జీఎఫ్‌ఐ కార్యదర్శులు కె.గణేశ్వరరావు, వైఎస్‌ఎస్‌ ఉషారాణి, కొత్తపేట డివిజన్‌ ఉప విద్యా శాఖ అధికారి కె.వెంకటేశ్వరరావు, ఎంఈఓలు బండారు శేషగిరిరావు, పెచ్చెట్టి శ్రీనివాసరావు, ప్రధానోపాధ్యాయురాలు వై.ఝాన్సీ నాగజ్యోతి, ఉపాధ్యాయులు అభినందించారు. మహేష్‌ కృష్ణ్ణతో పాటు రాష్ట్ర స్థాయి పోటీల్లో పాల్గొన్న ఇతర విద్యార్థులను కూడా వారు ప్రశంసించారు.

● పెద్దాపురం, సామర్లకోటల్లో ‘ఫ్యాన్‌’ కిందకు చేరిన నేతలు ● పార్టీ కండువాలు వేసి, స్వాగతం పలికిన కో ఆర్డినేటర్‌ దొరబాబుపెద్దాపురం: మున్సిపాలిటీ పరిధిలోని పలువురు టీడీపీ సీనియర్‌ నాయకులు వైఎస్సార్‌ సీపీకి జైకొట్టారు. వైఎస్సార్‌ సీపీ నియోజకవర్గ కో ఆర్డినేటర్‌ దవులూరి దొరబాబు నేతృత్వంలో వారు బుధవారం ఆ పార్టీలో చేరారు. వారికి దొరబాబు పార్టీ కండువా వేసి సాదరంగా స్వాగతం పలికారు. తొలి నుంచీ టీడీపీలో ఉన్న కురందాసు దుర్గాప్రసాద్‌, మరికొంత మంది టీడీపీ కార్యకర్తలు వైఎస్సార్‌ సీపీలో చేరారు. ఈ సందర్భంగా దొరబాబు మాట్లాడుతూ, ఈ నెలలో జరిగే మున్సిపల్‌ ఎన్నికల్లో గెలుపే లక్ష్యంగా ప్రతి కార్యకర్తా పని చేయాలని పిలుపునిచ్చారు. నాయకులు, కార్యకర్తలు ఆయా వార్డుల్లో అన్ని వర్గాల వారినీ కలుపుకొనిపోతూ, వివాదాలకు దూరంగా ఉంటూ, పార్టీ గెలుపే లక్ష్యంగా పని చేయాలని విజ్ఞప్తి చేశారు. కార్యక్రమంలో వైఎస్సార్‌ సీపీ బీసీ విభాగం నియోజకవర్గ అధ్యక్షుడు పప్పల బుజ్జి, మైనార్టీ విభాగం జిల్లా నాయకుడు కరీం జానీ, పార్టీ పట్టణ నాయకుడు పలివెల జనార్దన్‌, యువజన విభాగం పట్టణ అధ్యక్షుడు బూరెడ్డి వెంకటేష్‌ తదితరులు పాల్గొన్నారు. సామర్లకోటలో.. సామర్లకోట: దవులూరి దొరబాబు ఆధ్వర్యాన సామర్లకోట మున్సిపాలిటీలోని వివిధ వార్డుల నుంచి పలువురు వైఎస్సార్‌ సీపీలో చేరారు. 30వ వార్డు నుంచి మార్నిడి సూర్య సత్య హరినాథ్‌, 4వ వార్డుకు చెందిన కాతేటి అరుణ కుమార్‌లకు దొరబాబు పార్టీ కండువా వేసి ఆహ్వానించారు. కార్యక్రమంలో పార్టీ బీసీ అయ్యరక సంఘ రాష్ట్ర అధ్యక్షుడు ఆవాల లక్ష్మీనారాయణ, దివ్యాంగ విభాగం రాష్ట్ర అధికార ప్రతినిధి పిడుగు కృష్ణ, పార్టీ పట్టణ అధ్యక్షుడు పాగా సురేష్‌ కుమార్‌, మాజీ మున్సిపల్‌ వైస్‌ చైర్మన్లు ఉబా జాన్‌మోజెస్‌, గుణ్ణం రాజబ్బాయి, మాజీ మున్సిపల్‌ కో ఆప్షన్‌ సభ్యుడు మన్యం చంద్రరావు, మున్సిపల్‌ వింగ్‌ నియోజకవర్గ అధ్యక్షుడు ఇరుసుమళ్ల సాయి, పట్టణ యూత్‌, బీసీ, ఐటీ విభాగాల అధ్యక్షులు పెదిరెడ్ల కృష్ణ, రెడ్డి శ్రీనివాసరావు, దర్శిపాటి సత్యానందం, పట్టణ ఉపాధ్యక్షుడు బీవీ రమణ, నాయకులు నేతల హరిబాబు, పుట్టా సూరిబాబు, నాతిపాముల సూరిబాబు, చిట్టుమాని శ్రీనివాసరావు తదితరులు పాల్గొన్నారు. ఈ సందర్భంగా ఆయా వార్డుల్లో పోటీ చేయడానికి సిద్ధంగా ఉన్న అభ్యర్థుల నుంచి దొరబాబు దరఖాస్తులు స్వీకరించారు.

సాక్షి ప్రతినిధి, కాకినాడ: కొన్నాళ్లుగా ఎదురు చూస్తున్న స్థానిక సంస్థల సంగ్రామానికి ఎట్టకేలకు నగారా మోగింది. మున్సిపల్‌, జిల్లా, మండల పరిషత్‌ ఎన్నికల షెడ్యూల్‌ను రాష్ట్ర ఎన్నికల కమిషనర్‌ అనిల్‌ చంద్ర పునేఠా బుధవారం విడుదల చేశారు. దీంతో, ఎన్నికల ప్రవర్తనా నియమావళి (కోడ్‌) తక్షణం అమలులోకి వచ్చింది. కోడ్‌ ముగిసేంత వరకూ ఎటువంటి శంకుస్థాపనలు, అభివృద్ధి పనులు చేపట్టకూడదు. ఓటర్లను ప్రభావితం చేసేలా ఎలాంటి కార్యక్రమాలూ నిర్వహించకూడదు. దశలవారీగా.. ఈ ఎన్నికలు దశల వారీగా నిర్వహిస్తారు. తొలుత పురపాలక సంఘాల ఎన్నికలు జరుగుతాయి. రెండో దశలో మండల పరిషత్‌ ప్రాదేశిక నియోజకవర్గాలు (ఎంపీటీసీ), జిల్లా పరిషత్‌ ప్రాదేశిక నియోజకవర్గాలు (జెడ్పీటీసీ), అనంతరం గ్రామ పంచాయతీ ఎన్నికలు జరగనున్నాయి. ఎన్నికల షెడ్యూల్‌ విడుదల కావడంతో పట్టణ, గ్రామీణ ప్రాంతాల్లో రాజకీయాలు మరింత వేడెక్కాయి. మున్సిపాలిటీలు, గ్రామ పంచాయతీ ఎన్నికల్లో పోటీ చేసేందుకు ఆశావహులు సిద్ధమవుతున్నారు. వ్యూహాలకు పదును పెడుతున్నారు. ఆయా పార్టీల తరఫున సీట్లు దక్కించుకునేందుకు నేతల వద్దకు క్యూ కడుతున్నారు. జిల్లాలో 6 పట్టణ స్థానిక సంస్థలకు.. జిల్లాలో కాకినాడ నగర పాలక సంస్థ; పిఠాపురం, పెద్దాపురం, సామర్లకోట, తుని మున్సిపాలిటీలు; ఏలేశ్వరం, గొల్లప్రోలు నగర పంచాయతీలు ఉన్నాయి. విలీన గ్రామాల వివాదం, వార్డుల విభజన, ఓటర్ల జాబితా రూపకల్పన తదితర అంశాల నేపథ్యంలో కాకినాడ కార్పొరేషన్‌లో ప్రస్తుతం ఎన్నికలు జరగడం లేదు. మిగిలిన మున్సిపాలిటీల్లో మొదటి దశలో ఎన్నికల నిర్వహణకు అధికారులు ఇప్పటికే అన్ని ఏర్పాట్లూ పూర్తి చేశారు. సామాజికవర్గాల వారీగా ఓటర్ల విభజన, రిజర్వేషన్ల కేటాయింపు, వార్డుల విభజన ప్రక్రియ ఇప్పటికే పూర్తయింది. పోలింగ్‌ కేంద్రాలను సైతం గుర్తించారు. రెండో దశలో పరిషత్తులకు.. రెండో దశలో జెడ్పీటీసీ, ఎంపీటీసీ స్థానాలకు ఎన్నికలు నిర్వహించనున్నారు. జిల్లావ్యాప్తంగా 20 జెడ్పీటీసీ, 430 ఎంపీటీసీ స్థానాలున్నాయి. ఈ ఎన్నికలకు సంబంధించి ఇప్పటికే ఓటర్ల జాబితా సిద్ధంగా ఉండగా.. బ్యాలెట్‌ పేపర్లను సైతం అధికారులు అందుబాటులో ఉంచారు. గ్రామ పంచాయతీలకు మూడు విడతల్లో.. స్థానిక ఎన్నికల్లో భాగంగా జిల్లావ్యాప్తంగా 385 గ్రామ పంచాయతీల ఎన్నికలను మూడు దశల్లో నిర్వహిస్తారు. నవంబర్‌ 13న తొలి దశ, 16న రెండో దశ, 19న మూడో దశ ఎన్నికల నోటిఫికేషన్‌ ఇవ్వనున్నారు. 26న తొలి దశ, 29న రెండో దశ, డిసెంబర్‌ 2వ తేదీన మూడో దశ పోలింగ్‌, కౌంటింగ్‌ ప్రక్రియలు చేపడతారు. అభ్యర్థుల వేట ఎన్నికల షెడ్యూల్‌ విడుదలవడంతో రాజకీయ పార్టీల నేతలు మున్సిపల్‌ చైర్మన్‌, జెడ్పీ చైర్మన్‌ అభ్యర్థుల వేటలో పడ్డారు. ఇప్పటికే కూటమిలో జనసేన, టీడీపీ నేతల మధ్య విభేదాలు భగ్గుమంటున్నాయి. తమకు అనుకూలమైన స్థానాల్లో రిజర్వేషన్లు మార్చేశారంటూ జనసేన నాయకులు టీడీపీపై పెద్ద ఎత్తున విమర్శలు గుప్పిస్తున్నారు. ఫలితంగా అభ్యర్థుల ఖరారు ప్రక్రియ గందరగోళంగా మారింది. ఎవరికి వారే చైర్మన్‌ పీఠం తమకంటే తమకంటూ ప్రచారం చేస్తున్నారు. మరోవైపు అభ్యర్థుల ఎంపికలో వైఎస్సార్‌ సీపీ ముందంజలో ఉంది. ప్రజాదరణ ఉన్న అభ్యర్థుల జాబితాను ఇప్పటికే సిద్ధం చేసింది. పుర, పంచాయతీ పోరులో సత్తా చాటేందుకు సిద్ధమవుతోంది. మహిళలే నిర్ణేతలు స్థానిక సంస్థల ఎన్నికల్లో మహిళల ఓట్లే కీలకంగా మారనున్నాయి. జిల్లాలోని మున్సిపాలిటీలు, పంచాయతీలు, ఎంపీటీసీ, జెడ్పీటీసీ ఎన్నికల ఓటర్ల జాబితాలో మహిళలే అధికంగా ఉన్నారు. వారు ఎటువైపు మొగ్గు చూపితే ఆ పార్టీకే విజయం వరించనుంది. దీంతో, మహిళా ఓటర్లను ప్రసన్నం చేసుకునేందుకు రాజకీయ పార్టీలు వ్యూహాలకు పదును పెడుతున్నాయి. జిల్లావ్యాప్తంగా ఓటర్ల వివరాలు మొత్తం ఓటర్లు 12,61,063 పురుషులు 6,26,318 మహిళలు 6,34,696 ఇతరులు 49 కేటగిరీల వారీగా.. ఎస్సీ 2,11,379 ఎస్టీ 18,393 బీసీ 5,54,060 ఇతరులు 4,77,231 జిల్లావ్యాప్తంగా గ్రామ పంచాయతీలు 385 జెడ్పీటీసీ స్థానాలు 20 ఎంపీటీసీ స్థానాలు 430 స్థానిక సంస్థల ఎన్నికలకు నోటిఫికేషన్‌ విడుదల మూడు దశల్లో నిర్వహణ తొలుత మున్సిపాలిటీలకు.. తర్వాత జెడ్పీటీసీ, ఎంపీటీసీ, ఎంపీపీలకు పోలింగ్‌ చివరి దశలో గ్రామ పంచాయతీ ఎన్నికలు అమలులోకి ఎన్నికల కోడ్‌ మున్సిపాలిటీల వివరాలు మున్సిపాలిటీ వార్డులు ఎస్టీ ఎస్సీ బీసీ ఇతరులు పోలింగ్‌ ఓటర్లు ఓటర్లు ఓటర్లు కేంద్రాలు తుని 36 210 7,247 20,489 15,090 56 ఏలేశ్వరం 28 747 5,698 12,231 6,796 34 సామర్లకోట 36 454 8,331 14,862 20,218 72 గొల్లప్రోలు 23 46 2,685 4,339 13,776 23 పిఠాపురం 36 377 8,284 16,219 18,427 72 పెద్దాపురం 32 415 3,291 25,996 11,826 64

అన్నవరం: దేవస్థానం ఆసుపత్రిని ఈఓ నల్లం సూర్యచక్రధరరావు బుధవారం ఆకస్మికంగా తనిఖీ చేశారు. ఫార్మసీలో మందుల ఎక్స్‌పైరీ తేదీలను పరిశీలించారు. ఆసుపత్రిలో ఉన్న మందుల వివరాలను ఫార్మసీ సూపర్‌వైజర్‌ వల్లూరి మాధవిని అడిగి తెలుసుకున్నారు. అత్యవసర మందులు సిద్ధంగా ఉంచుకోవాలని ఆదేశించారు. ఆసుపత్రి చుట్టూ పిచ్చి మొక్కలు పెరిగిపోవడంతో దేవస్థానంలో శానిటరీ కాంట్రాక్ట్‌ నిర్వహిస్తున్న పద్మావతి సంస్థ సిబ్బందిపై ఆగ్రహం వ్యక్తం చేశారు. రెండు రోజుల్లో ఆసుపత్రి ఆవరణంతా శుభ్రం చేయాలని ఆదేశించారు. కాగా, దేవస్థానం వైద్యాధికారి పాండురంగారావు ఉదయం నుంచి మధ్యాహ్నం వరకూ రత్నగిరి పైనే సేవలందిస్తున్న విషయం తెలిసిందే. ఆయన దేవస్థానం ఆసుపత్రికి రాకపోవడంతో భక్తులు, గ్రామస్తులు ఇబ్బంది పడుతున్నారు. ఈ అంశాన్ని గత సెప్టెంబర్‌ 25న ప్రచురించిన కథనంలో ‘సాక్షి’ ప్రస్తావించింది. వైద్యాధికారి శని, ఆదివారాలు, దశమి, ఏకాదశి వంటి పర్వదినాల్లో రత్నగిరి పైన, మిగిలిన రోజుల్లో దేవస్థానం ఆసుపత్రిలోను సేవలందిస్తే బాగుంటుందని సూచించింది. తన తనిఖీలో గ్రామస్తుల ఇబ్బందిని ఈఓ స్వయంగా తెలుసుకున్నారు. దీంతో, ఉదయం 11 నుంచి మధ్యాహ్నం 2 గంటల వరకూ డాక్టర్‌ పాండురంగారావు దేవస్థానం ఆసుపత్రిలో సేవలందించాలని ఆదేశించారు.

అలాగైతే..● పొత్తు ధర్మం పాటించకపోతే ఒంటరిగా పోటీ ● టీడీపీకి జనసేన నేత తుమ్మల బాబు వార్నింగ్‌ ● పెద్దాపురం కూటమిలో రగులుతున్న రగడ సామర్లకోట: స్థానిక సంస్థల ఎన్నికల వేళ అధికార కూటమిలో పొత్తుల రగడ ప్రారంభం అయింది. కీలక పదవులన్నీ తమకే కావాలంటున్న టీడీపీ వైఖరిపై మిత్రపక్షమైన జనసేన శ్రేణుల్లో తీవ్ర ఆగ్రహం వ్యక్తమవుతోంది. పొత్తు ధర్మం పాటించకపోతే తమ దారి తాము చూసుకోవడానికి కూడా సిద్ధమని ఆ పార్టీ నేతలు ప్రకటించడం చర్చనీయాంశమైంది. ఆశ పెట్టి.. జెల్ల కొట్టి.. పెద్దాపురం నియోజకవర్గంలో పెద్దాపురం, సామర్లకోట మున్సిపాలిటీలు ఉన్నాయి. సామర్లకోట చైర్‌పర్సన్‌ స్థానం ఎస్సీ జనరల్‌కు రిజర్వు అయింది. పెద్దాపురం జనరల్‌కు కేటాయించారు. రిజర్వేషన్లు ప్రకటించిన వెంటనే సామర్లకోట మున్సిపల్‌ చైర్‌పర్సన్‌ పదవి జనసేనకు ఇవ్వాలని నిర్ణయించారు. ఈ మేరకు జనసేన నాయకులు ఎస్సీ అభ్యర్థిని నిర్ణయించి, ఆ పేరును కాకినాడ ఎంపీ తంగెళ్ల ఉదయ్‌ శ్రీనివాస్‌కు తెలియజేశారు. అయితే, మంగళవారం రాత్రికి రాత్రే సామర్లకోట చైర్మన్‌ సీటు కేటాయింపుపై నిర్ణయం మారిపోయింది. సామర్లకోట, పెద్దాపురం మున్సిపాలిటీల్లో టీడీపీ అభ్యర్థులు చైర్మన్‌గా పోటీ చేస్తారని ఆ పార్టీ అధిష్టానం ప్రకటించింది. దీనికితోడు సామర్లకోటలో వైస్‌ చైర్మన్‌ పదవి కూడా జనసేనకు దక్కదని తేలిపోయింది. దీంతో, పెద్దాపురం పైనే జనసేన నాయకులు ఆశలు పెట్టుకున్నారు. ఏడు వార్డులతో సరిపెట్టుకోండి ఇదే తరుణంలో పెద్దాపురంలో టీడీపీకి చెందిన మాజీ మున్సిపల్‌ చైర్మన్‌ రాజా సూరిబాబురాజు కౌన్సిలర్‌ అభ్యర్థులను ఎంపిక చేస్తున్నారు. దీనిపై జనసేనను ఏమాత్రం సంప్రదించడం లేదు. దీనిపై ఆ పార్టీలోకి కొత్తగా వచ్చిన నాయకులు గుర్రుగా ఉన్నారు. ఈ విషయాన్ని జనసేన జిల్లా అధ్యక్షుడు, జిల్లా సహకార కేంద్ర బ్యాంకు (డీసీసీబీ) చైర్మన్‌, నియోజకవర్గ కో ఆర్డినేటర్‌ తుమ్మల బాబు దృష్టికి తీసుకు వెళ్లారు. పెద్దాపురంలో సైతం చైర్మన్‌, వైస్‌ చైర్మన్‌ పదవులు తమకేనని టీడీపీ నాయకులు చెప్పడంతో జనసేన నాయకుల్లో ఆగ్రహం వ్యక్తమవుతోంది. పెద్దాపురం మున్సిపాలిటీలో 32 వార్డులు ఉండగా తమకు 12 కేటాయిస్తారని జనసేన ఆశించింది. కానీ, ఏడు వార్డులకు మించి ఇచ్చేది లేదని టీడీపీ నాయకులు కరాఖండీగా చెప్పడంపై జనసేన నాయకులు మండిపడుతున్నారు. ఈ నేపథ్యంలో పెద్దాపురంలో పార్టీ నాయకులు, కార్యకర్తలతో తుమ్మల బాబు బుధవారం సమావేశమయ్యారు. అనంతరం విలేకర్ల సమావేశంలో మాట్లాడుతూ, అవసరమైతే ఒంటరి పోరుకు సిద్ధమని చెప్పేశారు. స్థానిక టీడీపీ ఎమ్మెల్యే నిమ్మకాయల చినరాజప్ప నిర్ణయంపై తమ వైఖరి ఆధారపడి ఉంటుందని స్పష్టం చేశారు. డిప్యూటీ సీఎం ఆదేశాలను తప్పనిసరిగా పాటించాలని కార్యకర్తలను సముదాయించారు. జనసేనకు జరుగుతున్న అన్యాయాన్ని ఎమ్మెల్యే రాజప్పకు గురువారం వివరిస్తామని, అప్పటికీ మార్పు లేకపోతే జనసేన ఒంటరిగా పోటీ చేస్తుందని ప్రకటించారు. పొత్తు ధర్మాన్ని పాటించి, తమకు గౌరవప్రదమైనన్ని సీట్లు ఇస్తే కలసి ఉంటామని, లేదంటే తమ దారి తాము చూసుకుంటామని చెప్పకనే చెప్పారు. దీంతో కూటమి ఐక్యతకు బీటలు పెద్దాపురం నుంచే పడతాయా అనే చర్చ జోరుగా జరుగుతోంది. ఇప్పటి వరకూ ఒక ప్రధాన పార్టీలో రాష్ట్ర స్థాయి పదవిలో ఉన్న వ్యక్తి ఇటీవల జనసేనలో చేరడం, అతనికి తగిన ప్రాధాన్యం లభిచని నేపథ్యంలోనే ఈ రగడ ప్రారంభమైనట్లు తెలుస్తోంది. ఏది ఏమైనా టీడీపీ కూటమి ధర్మాన్ని పాటించాలని జనసేన నాయకులు డిమాండ్‌ చేస్తున్నారు. పెద్దాపురం, సామర్లకోట చైర్మన్‌ టిక్కెట్లలో ఏదో ఒకటి జనసేనకు కేటాయించాలనే డిమాండ్‌ ఉంది. వివాదం తీవ్రంగా ఉండటంతో పెద్దాపురం చైర్మన్‌ పదవిని తమకు కేటాయించాలనే డిమాండును కూటమి నాయకుల ముందు జనసేన ఉంచుతోంది. ఎమ్మెల్యే ఏ నిర్ణయం తీసుకుంటారో వేచి చూడాలి.

అంబాజీపేట/అమలాపురం రూరల్‌: హైదరాబాద్‌ నుంచి అమలాపురం వస్తున్న ఓ ప్రైవేటు ట్రావెల్స్‌ బస్సు బుధవారం అదుపు తప్పి, కముజువారిలంక పంచాయతీ సమీపాన ఉన్న ప్రధాన పంట కాలువ అంచుల వరకూ దూసుకెళ్లింది. స్థానికుల కథనం ప్రకారం.. గ్రామం నుంచి ఓ సైక్లిస్ట్‌ ప్రధాన రహదారికి అడ్డంగా వచ్చాడు. అదే సమయంలో ఓ లారీ కూడా ఎదురుగా రావడంతో ప్రైవేట్‌ బస్సు డ్రైవర్‌ ఈశ్వరరాజు బస్సును చాకచక్యంగా ఎడమ వైపు తిప్పాడు. దీంతో, ఆ బస్సు ప్రధాన కాలువ పంట అంచు వరకూ వెళ్లి ఆగింది. అత్యవసర మార్గం ద్వారా బస్సులోని 15 మంది ప్రయాణికులు క్షేమంగా బయట పడ్డారు. ఎవ్వరికీ ఎటువంటి ప్రమాదం జరగకపోవడంతో అందరూ ఊపిరి పీల్చుకున్నారు. ప్రయాణికుల ప్రాణాలను కాపాడిన బస్సు డ్రైవర్‌ ఈశ్వరరాజును జిల్లా రవాణా అధికారి (డీటీఓ) శ్రీనివాసరావు అమలాపురంలో సత్కరించారు. డ్రైవింగ్‌ అంటే వాహనం నడపటమే కాదని, మెళకువతో వ్యవహరించి, రోడ్డు ప్రమాదం జరగకుండా చూడడమేనని అన్నారు. రోడ్లపై తప్పులు చేసే డ్రైవర్లను శిక్షించడంతో పాటు ప్రయాణికుల ప్రాణాల్ని కాపాడి ఇటువంటి డ్రైవర్లను సత్కరించే బాధ్యత కూడా తమపై ఉందని చెప్పారు. కార్యక్రమంలో మోటార్‌ వెహికల్‌ ఇన్‌స్పెక్టర్లు రవికుమార్‌, వరప్రసాద్‌ కూడా పాల్గొన్నారు.

సఖినేటిపల్లి: సఖినేటిపల్లిలంక వద్ద వశిష్ట గోదావరి నదిలో చేపలు మృత్యువాత పడి బుధవారం ఒడ్డుకు చేరాయి. చిన్న సైజు నుంచి పెద్ద సైజు వరకూ చేపలు నీటిలో తేలుతూ ఒడ్డుకు అధికంగా వస్తూండటంతో కలకలం రేగింది. వాటి నుంచి తీవ్ర దుర్గంధంతో వెలువడుతూండటంతో స్థానికులు ఇబ్బందులు పడుతున్నారు. చేపల మృతికి కారణాలు తెలియాల్సి ఉంది. నదీ జలాలు కలుషితం కావడం వల్లనే చేపలు చనిపోతున్నాయని స్థానిక మత్స్యకారులు చెబుతున్నారు. నదిలో నీటి నమూనాలు సేకరించి, పరీక్షలు నిర్వహించాలని గ్రామస్తులు కోరుతున్నారు.

● రెండున్నరేళ్ల పాలనలో హామీలు ఏమయ్యాయి? ● వైఎస్సార్‌ సీపీ ఎంప్లాయీస్‌ విభాగం రాష్ట్ర అధ్యక్షుడు చంద్రశేఖరరెడ్డి బోట్‌క్లబ్‌ (కాకినాడ సిటీ): ఎన్నికల ముందు ఉద్యోగులు, పెన్షనర్లకు ఇచ్చిన హామీల అమలులో చంద్రబాబు ప్రభుత్వం విఫలమైందని వైఎస్సార్‌ సీపీ ఎంప్లాయీస్‌ విభాగం రాష్ట్ర అధ్యక్షుడు నలమారు చంద్రశేఖరరెడ్డి అన్నారు. కాకినాడలోని వైఎస్సార్‌ సీపీ కార్యాలయంలో బుధవారం ఆయన విలేకర్లతో మాట్లాడారు. ఉద్యోగులకు వంద శాతం కరవు భత్యం, హెచ్‌ఆర్‌ఏ, ఇతర బకాయిలు పూర్తి స్థాయిలో చెల్లించాలని డిమాండ్‌ చేశారు. ఎన్నికల సమయంలో ఉద్యోగులకు మెరుగైన వేతన సవరణ, మధ్యంతర భృతి, కరవు భత్యం ఇస్తామంటూ కూటమి నేతలు హామీ ఇచ్చారని గుర్తు చేశారు. ఆ హామీల అమలుపై ఉద్యోగులకు స్పష్టత లేదని, వేతనాలు, భత్యాల చెల్లింపుల విషయంలో ఎదురు చూపులు కొనసాగుతున్నాయని అన్నారు. ఉద్యోగ విరమణ చేసిన వారికి ఆర్థిక ప్రయోజనాలు సకాలంలో అందేలా చర్యలు తీసుకోవాలని ప్రభుత్వాన్ని డిమాండ్‌ చేశారు. నర్సులు, వైద్య, ఆరోగ్య శాఖలోని ఇతర సిబ్బంది సమస్యల పరిష్కారంలో ప్రభుత్వం బాధ్యతాయుతంగా వ్యవహరించాలని కోరారు. కోవిడ్‌ సమయంలో ప్రాణాలను సైతం పణంగా పెట్టి ప్రజలకు సేవలు అందించిన సిబ్బంది విషయంలో ప్రభుత్వ వైఖరి ఆందోళన కలిగిస్తోందని అన్నారు. అర్హత, అనుభవం ఉన్న కింది స్థాయి ఉద్యోగులకు ప్రమోషన్లు ఇచ్చేందుకు చర్యలు చేపట్టాలని ఆయన సూచించారు. ఉద్యోగోన్నతుల కోసం ఎదురు చూస్తున్న సిబ్బందికి న్యాయం చేయడంతో పాటు ఖాళీ పోస్టులు భర్తీ చేయాలని డిమాండ్‌ చేశారు. నిరుద్యోగులకు ఉద్యోగ అవకాశాలు కల్పిస్తామంటూ ఎన్నికల సమయంలో ఇచ్చిన హామీ నిలబెట్టుకోవాలని చంద్రశేఖరరెడ్డి కోరారు. వైఎస్సార్‌ సీపీ ఎంప్లాయీస్‌, పెన్షనర్ల విభాగం రాష్ట్ర ప్రధాన కార్యదర్శి పిల్లి రామారావు మాట్లాడుతూ, ఉద్యోగుల సమస్యలను కేవలం రాజకీయ విమర్శలకే పరిమితం చేయకుండా, ఏయే బకాయిలున్నాయి, వాటి చెల్లింపులకు ప్రభుత్వం ఏ చర్యలు తీసుకోవాలి, వైద్య, ఆరోగ్య శాఖలో పని చేసిన సిబ్బందికి ఎలాంటి భరోసా కల్పించాలనే విషయంపై స్పష్టమైన కార్యచరణ అవసరమని అన్నారు. స్థానిక సంస్థల ఎన్నికలే వేదికగా ప్రభుత్వానికి సమాధానం చెప్పాలంటూ పిలుపునిచ్చారు. స్థానిక సంస్థల ఎన్నికల్లో వైఎస్సార్‌ సీపీ అభ్యర్థుల విజయంలో అందరూ కీలక పాత్ర పోషించాలని కోరారు. ఈ ప్రభుత్వం ఉద్యోగులకు, పెన్షనర్లకు చేస్తున్న మోసాన్ని ప్రజలకు వివరించి స్థానిక ఎన్నికల్లో బుద్ధి చెప్పాలని విజ్ఞప్తి చేశారు. సమావేశంలో రాష్ట్ర కార్యదర్శి కండెల పెద్దిరాజు, సభ్యులు రమణ, ఎల్‌.సోమినాయుడు, పి.శ్రీనివాస్‌, డి.వెంకట రమణ, సి.అర్జునరావు, తుమ్మల నూకరాజు, నాగేశ్వరరావు తదితరులు పాల్గొన్నారు.

అమలాపురం టౌన్‌: ఇటీవల కాకినాడలో స్కూల్‌ గేమ్స్‌ ఫెడరేషన్‌ ఆధ్వర్యాన జరిగిన రాష్ట్ర స్థాయి వెయిట్‌ లిఫ్టింగ్‌ పోటీల్లో అమలాపురం హెల్త్‌ అండ్‌ ఫిట్‌నెస్‌ జిమ్‌లో శిక్షణ పొందుతున్న ముగ్గురు క్రీడాకారులు వివిధ విభాగాల్లో విజేతలుగా నిలిచారు. వాసంశెట్టి మేఘన (అండర్‌–17 విభాగం 86+ కేజీల కేటగిరీ), గుంటూరు దినేష్‌ ప్రసాద్‌ (అండర్‌–17 విభాగం 76 కేజీల కేటగిరీ), కొండేటి వేణు మానస్‌ (అండర్‌–19 విభాగం 76 కేజీల కేటగిరీ) విజేతలుగా నిలిచారని కోచ్‌ డాక్టర్‌ కంకిపాటి వెంకటేశ్వరరావు తెలిపారు. జిమ్‌లో బుధవారం జరిగిన అభినందన కార్యక్రమంలో విజేతలను వెయిట్‌ లిఫ్టింగ్‌ అసోసియేషన్‌ ప్రతినిధులు, తోటి బాడీ బిల్డర్లు, క్రీడాకారులు అభినందించారు. విజేతలకు రూ.8 వేల విలువైన పోష్టికాహార టిన్‌లను జిమ్‌ లైఫ్‌ మెంబర్‌ గారపాటి చంద్రశేఖర్‌ అందజేశారు. విజేతలను నేషనల్‌ వెయిట్‌ లిఫ్టర్లు మారే వీరేంద్ర, బి.యశ్వంత్‌, దివ్యతేజ, విద్యా నికేతన్‌ స్కూలు కరస్పాడెంట్‌ ముమ్మిడి ప్రతాప్‌ తదితరులు సత్కరించారు.

సాక్షి, రాజమహేంద్రవరం: కేంద్ర, రాష్ట్ర ప్రభుత్వాల్లో అధికార భాగస్వామ్యం.. ఎంపీ, ఎమ్మెల్యే, ఎమ్మెల్సీ వంటి ప్రజాప్రతినిధుల బలంతో అండగా నిలిచినా స్థానిక ఎన్నికల్లో పోటీకి అవకాశం లేకుండా పోయింది. తూర్పు గోదావరి జిల్లాలో బీజేపీ దుస్థితి ఇది. ఎంపీగా దగ్గుబాటి పురందేశ్వరి, అనపర్తి ఎమ్మెల్యేగా నల్లమిల్లి రామకృష్ణారెడ్డితో పాటు ఎమ్మెల్సీగా సోము వీర్రాజు వంటి సీనియర్లు జిల్లాలో బీజేపీ నుంచి ప్రాతినిధ్యం వహిస్తున్నా రాజమహేంద్రవరం నగర పాలక సంస్థతో పాటు నిడదవోలు, మండపేట, కొవ్వూరు మున్సిపాలిటీల్లో పోటీ చేసేందుకు ఆ పార్టీకి చంద్రబాబు అవకాశం ఇవ్వడం లేదు. పోనీ సొంతంగా పోటీ చేద్దామంటే రాత్రికి రాత్రే మార్చేసిన వార్డుల రిజర్వేషన్లు అనుకూలించక, కమల దళం అసంతృప్తితో రగిలిపోతోంది. తమ సత్తా ఏంటో చూపిస్తామని హెచ్చరిస్తోంది. బీజేపీ రాష్ట్ర నాయకత్వం స్వప్రయోజనాలు చూసుకోవడంతో పాటు, వారి అసమర్థత వల్లే ఈ పరిస్థితి తలెత్తిందని కొందరు కార్యకర్తలు ఆగ్రహం వ్యక్తం చేస్తున్నారు. వంద జెండాల పండగ చేసినా... రాజమహేంద్రవరం నగర పాలక సంస్థతో పాటు నిడదవోలు, మండపేట, కొవ్వూరు మున్సిపాలిటీల్లో ఏదో ఒకచోటైనా పోటీ చేసే అవకాశం దక్కుతుందని బీజేపీ నాయకులు ఆశలు పెట్టుకున్నారు. కొన్ని వార్డుల్లో పోటీకి ఏర్పాట్లు కూడా చేసుకున్నారు. ముఖ్యంగా రాజమహేంద్రవరం కార్పొరేషన్‌లో పోటీ చేసేందుకు వీలుగా వంద జెండాల పండగ ఉత్సాహంగా నిర్వహించారు. ఎంపీ పురందేశ్వరి కూడా ఎప్పటికప్పుడు నగరంలోని కార్యక్రమాల్లో పాల్గొన్నారు. స్థానికంగా పార్టీని బలోపేతం చేసుకోవడానికి, కొత్త నాయకత్వాన్ని తయారు చేసుకోవడానికి ఈ ఎన్నికలు కీలకమని భావించారు. అయితే, కూటమిలో సీట్ల సర్దుబాటు వ్యవహారంలో టీడీపీ ఆధిపత్యం కొనసాగడంతో పాటు బీజేపీని అసలు పరిగణనలోకి తీసుకోకపోవడంతో పోటీ చేసే అవకాశం కోల్పోయామని ఆ పార్టీ నాయకులు, కార్యకర్తలు ఆవేదన వ్యక్తం చేస్తున్నారు. కేడర్‌కు దక్కని భరోసా ఎన్నికల్లో పోటీ చేయడం ద్వారా మాత్రమే పార్టీ శ్రేణులకు ప్రజల మధ్య పని చేసే అవకాశం, రాజకీయ గుర్తింపు లభిస్తాయి. ముఖ్యంగా మున్సిపల్‌ ఎన్నికల్లో కౌన్సిలర్‌ స్థానాలు, కార్పొరేటర్‌ స్థానాలు స్థానిక నాయకత్వానికి కీలకం. వార్డుల స్థాయిలో ప్రజలతో సంబంధాలు పెంచుకోవడానికి, పార్టీ సంస్థాగత బలాన్ని విస్తరించుకోవడానికి ఇవి దోహదపడతాయి. అయితే కూటమి రాజకీయాల్లో భాగంగా సీట్ల కేటాయింపులు జరుగుతున్నప్పుడు బీజేపీకి ఎన్ని స్థానాలు దక్కుతాయన్న దానిపై స్పష్టత లేకపోవడం కార్యకర్తలకు నిరుత్సాహానికి గురి చేస్తోంది. కూటమి ధర్మం పేరుతో ప్రతి ఎన్నికలోనూ త్యాగాలు చేయాల్సి వస్తే తమ రాజకీయ భవిష్యత్‌ ఏమిటని కొందరు శ్రేణులు ప్రశ్నిస్తున్నట్లు తెలుస్తోంది. కేంద్రం నుంచి వచ్చే నిధులు, పథకాల ప్రయోజనాలను ప్రజల్లోకి తీసుకెళ్లే బాధ్యత బీజేపీ ప్రజాప్రతినిధులు, కార్యకర్తలపై ఉంటుందని.. అలాంటప్పుడు స్థానిక ఎన్నికల్లో పోటీ చేసే అవకాశాలు కూడా కల్పించకపోతే పార్టీని క్షేత్ర స్థాయిలో ఎలా విస్తరించుకోవాలనే ప్రశ్న కార్యకర్తల నుంచి వినిపిస్తోంది. కేంద్రం నుంచి నిధులు తీసుకుంటూ రాష్ట్రంలో మాత్రం తమను కరివేపాకులా చూస్తున్నారన్న అసంతప్తి బీజేపీ శ్రేణుల్లో వ్యక్తమవుతున్నట్లు రాజకీయ వర్గాల్లో చర్చ సాగుతోంది. రాష్ట్ర నాయకత్వం స్వప్రయోజనాల వల్లే... స్థానిక సంస్థల ఎన్నికల్లో పార్టీ నాయకులు, కార్యకర్తలకు తగిన ప్రాధాన్యం కల్పించడంలో బీజేపీ రాష్ట్ర నాయకత్వం అసమర్థత, స్వప్రయోజనాల వల్లే తమకు పోటీ చేసే అవకాశాలు లేకుండా పోయాయని ఆ పార్టీ శ్రేణులు ఆవేదన వ్యక్తం చేస్తున్నారు. కూటమిలో భాగస్వామిగా ఉన్నప్పుడు తమ పార్టీ బలాన్ని, స్థానికంగా ఉన్న నాయకత్వాన్ని, కార్యకర్తల శ్రమను పరిగణనలోకి తీసుకుని సీట్ల కోసం చర్చించాల్సి అభిప్రాయపడుతున్నారు. పార్టీ జిల్లా అధ్యక్షుడు పోటీ చేద్దామనుకునే వార్డుల రిజర్వేషన్లే రాత్రికి రాత్రి మార్చేస్తే కూటమి ధర్మం ఎక్కడుందని రగిలిపోతున్నారు. జిల్లాలోని నాయకులు, కార్యకర్తలు కూటమికి వ్యతిరేకంగా పని చేసే అవకాశం ఉందనే అభిప్రాయం సర్వత్రా వినిపిస్తోంది. స్థానిక సమరంలో బీజేపీ పోటీ ప్రశ్నార్థకం చంద్రబాబు కూటమిలో ఆ పార్టీకి కష్టకాలం మున్సిపాలిటీలు, కార్పొరేషన్‌లో పోటీలో లేనట్టే ప్రజాప్రాతినిధ్యం ఉన్నా కేడర్‌కు దక్కని భరోసా కేంద్రం సాయం పొందుతూ క్షేత్ర స్థాయిలో నిర్లక్ష్యంపై కమల దళం మండిపాటు

బోట్‌క్లబ్‌ (కాకినాడ సిటీ): శాసన మండలి ఉమ్మడి తూర్పు, పశ్చిమ గోదావరి జిల్లాల ఉపాధ్యాయ నియోజకవర్గానికి సంబంధించి నూతన ఓటర్ల జాబితాను అత్యంత పకడ్బందీగా రూపొందించాలని కలెక్టర్‌ ఎంఎన్‌ హరేంధిర ప్రసాద్‌ అధికారులను ఆదేశించారు. ఉమ్మడి ఉభయ గోదావరి జిల్లాల పరిధిలోని ఆరు జిల్లాల రెవెన్యూ, ఎన్నికల విభాగం, విద్య, ఇంటర్మీడియెట్‌ తదితర శాఖల అధికారులతో కలెక్టరేట్‌ నుంచి బుధవారం ఆయన వీడియో కాన్ఫరెన్స్‌ నిర్వహించారు. నూతన ఓటర్ల జాబితా రూపకల్పనకు అనుసరించాల్సిన విధివిధానాలపై అవగాహన కల్పించి, ఓటు నమోదు ప్రక్రియను వేగవంతం చేయాలని ఆదేశించారు. గత ఎన్నికలతో పోలిస్తే ప్రస్తుతం దరఖాస్తు చేసుకున్న వారి సంఖ్య చాలా తక్కువగా ఉందన్నారు. అర్హత కలిగిన ప్రతి ఉపాధ్యాయుడినీ ఓటరుగా నమోదు చేయించాల్సిన బాధ్యత అధికారులపై ఉందని అన్నారు. కొత్త ఓటర్ల నమోదుకు వచ్చే నెల ఆరో తేదీ వరకూ దరఖాస్తులు స్వీకరిస్తారని తెలిపారు. వచ్చే నెల 25న ముసాయిదా ఓటర్ల జాబితా ప్రచురించి, డిసెంబర్‌ పదో తేదీ వరకూ అభ్యంతరాలు స్వీకరిస్తామని చెప్పారు. పార్ట్‌టైమ్‌ టీచర్లకు, బోధనేతర సిబ్బందికి ఈ ఓటు హక్కు ఉండదని చెప్పారు. అర్హులైన వారు ఫారం–19 ద్వారా దరఖాస్తు చేసుకోవాలని సూచించారు. ఎంపీడీవోలు, మున్సిపల్‌ కమిషనర్లు దరఖాస్తులు స్వీకరించి, క్షుణ్ణంగా పరిశీలించిన తర్వాతే తదుపరి ప్రక్రియకు అందించాలని కలెక్టర్‌ ఆదేశించారు. సమావేశంలో అసిస్టెంట్‌ కలెక్టర్‌ ప్రియ, ఉమ్మడి ఉభయ గోదావరి ఉపాధ్యాయ నియోజకవర్గ ఈఆర్‌ఓ, కాకినాడ డీఆర్‌వో డి.తిప్పేనాయక్‌ తదితరులు పాల్గొన్నారు.

కాకినాడ రూరల్‌: అమ్మవారికి మనసును అర్పించడమే నిజమైన ఆధ్యాత్మిక సాధన అని కాకినాడ శ్రీపీఠం అధిపతి పరిపూర్ణానంద స్వామి అన్నారు. మనసు అనే పీఠంపై అహంకారం ఉన్నంత కాలం దైవ చింతనకు సంపూర్ణ స్థానం కల్పించలేమని చెప్పారు. రమణయ్యపేటలోని శ్రీపీఠంలో మహాశక్తి యాగంలో భాగంగా కుంకుమ పూజలు బుధవారం నాలుగో రోజుకు చేరుకున్నాయి. వేలాదిగా వచ్చిన భక్తులనుద్దేశించి స్వామీజీ మాట్లాడుతూ, శ్రీపీఠం యాగశాలలో ప్రతి రోజూ వారాహి, బగళాముఖి, ప్రత్యంగిర తదితర దేవతలకు నవశక్తి హోమాలు నిర్వహిస్తున్నామని చెప్పారు. శరభేశ్వరుడు, ప్రత్యంగిర, మార్తాండ భైరవుడు, క్షేత్రపాలుడు, నకులేశ్వరి, దండిని తదితర దేవతల ఆరాధనలోని ఆధ్యాత్మిక భావనలను వివరించారు. బెంగళూరు, చైన్నె, హైదరాబాద్‌తో పాటు ఇతర ప్రాంతాలు, వివిధ రాష్ట్రాల నుంచి సేకరించిన కమలాలతో అష్టమి నాడు అమ్మవారికి విశేష అలంకరణ చేస్తామన్నారు. సాయంత్రం హరిద్ర (పసుపు) అలంకరణలో అమ్మవారు దర్శనమిస్తారని చెప్పారు. దాతల సహకారంతో ప్రతి రోజూ వేలాది మందికి అన్న ప్రసాదం వితరణ చేస్తున్నామని స్వామీజీ తెలిపారు.

పిఠాపురం: ఓటు హక్కు పరిరక్షణకు చర్యలు తీసుకోవాలని, కేంద్ర ఎన్నికల సంఘం ప్రధాన కమిషనర్‌ (సీఈసీ) జ్ఞానేశ్‌ కుమార్‌ వెంటనే రాజీనామా చేయాలనే డిమాండ్లతో సీఐటీయూ ఆధ్వర్యాన స్థానిక ఉప్పాడ బస్టాండ్‌ వద్ద మంగళవారం ధర్నా నిర్వహించారు. ఢిల్లీలో విద్యార్థులు, యువత చేపడుతున్న ఉద్యమాలకు మద్దతు ప్రకటించారు. ఈ సందర్భంగా సీఐటీయూ జిల్లా ప్రధాన కార్యదర్శి సీహెచ్‌ రాజ్‌కుమార్‌, మండల కన్వీనర్‌ కె.చిన్న, రైతు సంఘం జిల్లా కార్యదర్శి జి.అప్పారెడ్డి మాట్లాడుతూ, ఓటర్ల జాబితా ప్రత్యేక సమగ్ర సవరణ (ఎస్‌ఐఆర్‌) పేరిట దేశవ్యాప్తంగా 13.30 కోట్ల మంది ఓట్లు తొలగించారని ఆరోపించారు. ఈ వ్యవహారంపై సమగ్ర పరిశీలన జరిపి, అర్హులైన ఓటర్ల హక్కులకు భంగం కలగకుండా చర్యలు తీసుకోవాలని డిమాండ్‌ చేశారు. కొద్ది రోజులుగా ఢిల్లీ, ముంబయి తదితర ప్రాంతాల్లో విద్యార్థులు, యువత, న్యాయవాదులు, ప్రజాసంఘాలు నిరసనలు చేపడుతున్న నేపథ్యంలో జ్ఞానేశ్‌ కుమార్‌ వెంటనే తన పదవికి రాజీనామా చేయాలని కోరారు. ప్రజాస్వామ్యంలో నిరసన తెలిపే హక్కును గౌరవించాలని, ఆందోళనకారులపై అణచివేత చర్యలు చేపట్టడం సరికాదని అన్నారు. రాజ్యాంగం కల్పించిన భావప్రకటన స్వేచ్ఛ, జీవించే హక్కు, స్వేచ్ఛగా సంచరించే హక్కులను పరిరక్షించాల్సిన బాధ్యత ప్రభుత్వాలపై ఉందన్నారు. కార్యక్రమంలో సీఐటీయూ, ఎస్‌ఎఫ్‌ఐ, రజక వృత్తిదారుల, భవన నిర్మాణ కార్మిక, రిటైర్డ్‌ మున్సిపల్‌ ఉద్యోగుల సంఘాల నాయకులు పాల్గొన్నారు.

కాకినాడ లీగల్‌: బీసీలకు 34 శాతం రిజర్వేషన్లు కల్పిస్తామంటూ చంద్రబాబు ప్రభుత్వం బూటకపు జీవో తీసుకొచ్చి ఆ వర్గాన్ని మభ్యపెట్టే ప్రయత్నం చేస్తోందని వైఎస్సార్‌ సీపీ లీగల్‌ సెల్‌ జిల్లా అధ్యక్షుడు పితాని శ్రీనివాసరావు విమర్శించారు. బీసీ రిజర్వేషన్ల అంశంపై కాకినాడ గాంధీనగర్‌లో ఆ వర్గం న్యాయవాదులు మంగళవారం నిర్వహించిన సమావేశంలో ఆయన మాట్లాడారు. బీసీలకు అధిక శాతం రిజర్వేషన్లు కల్పిస్తున్నట్లు నమ్మకం కలిగించేందుకు ప్రభుత్వం ప్రయత్నిస్తోందని విమర్శించారు. బీసీలకు 34 శాతం రిజర్వేషన్లు కల్పిస్తామంటూ ఇచ్చిన జీవో న్యాయస్థానంలో నిలబడదని తెలిసినప్పటికీ ప్రభుత్వం తీసుకొచ్చిందని అన్నారు. బీసీలకు పెద్దపీట వేస్తున్నట్లు ప్రచారం చేసుకుంటూ, ఎన్నికల్లో రాజకీయ లబ్ధి పొందేందుకు చంద్రబాబు ప్రభుత్వం ప్రయత్నిస్తోందని ధ్వజమెత్తారు. రిజర్వేషన్ల విషయంలో బీసీలకు న్యాయం చేయకుండా, అధిక రిజర్వేషన్లు కల్పిస్తున్నట్లు చూపించడం మభ్యపెట్టడమేనని అన్నారు. బీసీలకు రాజకీయంగా తగిన ప్రాతినిధ్యం కల్పించాలంటే చట్టపరంగా నిలబడే నిర్ణయాలు తీసుకోవాలని శ్రీనివాసరావు డిమాండ్‌ చేశారు. పలువురు బీసీ న్యాయవాదులు కూడా బీసీ రిజర్వేషన్లు, రాజకీయ ప్రాతినిధ్యం, న్యాయపరమైన అంశాలపై తమ అభిప్రాయాలు వ్యక్తం చేశారు. సమావేశంలో ప్రసన్నకుమార్‌, సాలార్‌, త్రిమూర్తులు, బహదూర్‌ షా, ఏసుబాబు, లక్ష్మీ నారాయణ, శ్రీదేవి, సునీత శ్రీనివాస్‌, సతీష్‌ కుమార్‌ తదితరులు పాల్గొన్నారు.

మాలాంటి వృద్ధుల జీవితానికి పెన్షనే ఆధారం. దీనిని సక్రమంగా చెల్లించకపోతే ఎలా బతకాలి? ప్రస్తుత మా జీవనం దుర్భరంగా ఉంది. అనారోగ్య సమస్యలతో బాధ పడుతున్న మాకు సత్వరం పెన్షన్‌ చెల్లించాలి. – గట్టి వెంకట్రావు, గ్రంథాలయ శాఖ పెన్షనర్‌, ఆలమూరు ఉద్యోగులను ఆదుకోవాలి రెండు నెలల నుంచి వేతనాలు లేక అల్లాడిపోతున్న గ్రంథాలయ ఉద్యోగులు, పింఛన్‌దారులను రాష్ట్ర ప్రభుత్వం సత్వరమే ఆదుకోవాలి. గ్రంథాలయ సంస్థ ఉద్యోగులు, రిటైర్డ్‌ సిబ్బందికి వైఎస్సార్‌ టీయూసీ అండగా ఉంటుంది. – గొలుగూరి సూర్రెడ్డి, ప్రధాన కార్యదర్శి, వైఎస్సార్‌ టీయూసీ, డాక్టర్‌ బీఆర్‌ అంబేడ్కర్‌ కోనసీమ జిల్లా

బాలుర విజేతగా శ్రీకాకుళం నాగమల్లితోట జంక్షన్‌ (కాకినాడ సిటీ): జిల్లా స్కూల్‌ గేమ్స్‌ ఫెడరేషన్‌ ఆధ్వర్యాన నిర్వహించిన 70వ రాష్ట్ర స్థాయి అండర్‌–17, అండర్‌–19 బాలబాలికల రగ్బీ పోటీలు మంగళవారం ముగిశాయి. కాకినాడలోని జిల్లా స్పోర్ట్స్‌ అథారిటీ గ్రౌండ్స్‌లో జరిగిన ముగింపు వేడుకల్లో కాకినాడ డివిజన్‌ ఉప విద్యాశాఖాధికారి కేవీవీ సత్యనారాయణ విజేతలకు ట్రోఫీలు, మెడల్స్‌ అందజేసి, అభినందించారు. విజేతల వివరాలను ఆర్గనైజింగ్‌ సెక్రటరీ పి.శ్రీనివాస్‌, అడ్మిన్‌ సెక్రటరీ వీపీఎస్‌ శేషుకుమారి వెల్లడించారు. బాలికల విభాగంలో తూర్పు గోదావరి జిల్లా జట్టు విజయకేతనం ఎగురవేసింది. ద్వితీయ స్థానం(రన్నర్స్‌)లో గుంటూరు, తృతీయ స్థానంలో విశాఖపట్నం జిల్లాల జట్లు నిలిచాయి. బాలుర విభాగం విజేతగా శ్రీకాకుళం నిలిచింది. ద్వితీయ స్థానం(రన్నర్స్‌)లో నెల్లూరు, తృతీయ స్థానంలో తూర్పు గోదావరి జిల్లాల జట్లు నిలిచాయి. కార్యక్రమంలో వ్యాయామోపాధ్యాయ సంఘం కార్యదర్శి వి.మాచరిరావు, కోశాధికారి నాగలింగేశ్వరరావు, ప్రధానోపాధ్యాయులు ఎల్‌.గోవిందరాజులు, అబ్జర్వర్‌ కుమార్‌, వ్యాయామోపాధ్యాయులు వి.రవిరాజు, కె.శ్రీనివాసరావు, శ్రీనివాస్‌ కుమార్‌, బంగార్రాజు, పట్టాభిరామం, వెంకటేష్‌, సుబ్రహ్మణ్యం, జయలక్ష్మి, చంద్రావతి, సువర్చల, మంగమ్మ పాల్గొన్నారు.

● రోజుకో చోటు మార్చుతున్న టైగర్‌ ● ప్రస్తుతం కరగపాడు అటవీ ప్రాంతంలో మకాం ● పట్టుకునేందుకు కొనసాగుతున్న చర్యలు దేవరపల్లి: రోజుకో చోటు మార్చుతూ, యథేచ్ఛగా సంచరిస్తున్న పులిని పట్టుకోవడానికి అధికారులు ముప్పుతిప్పలు పడుతున్నారు. పంట పొలాల నుంచి మెట్ట ప్రాంతానికి, అక్కడి నుంచి రిజర్వ్‌ ఫారెస్ట్‌లోకి పులి చేరింది. ప్రస్తుతం గోపాలపురం మండలం కరగపాడు రిజర్వ్‌ ఫారెస్ట్‌లో ఉన్నట్టు అధికారులు గుర్తించారు. ఎన్‌ఎస్‌టీఆర్‌ (శ్రీశైలం), త్రిపుల్‌ఆర్‌ రాజమహేంద్రవరం, పూనే రెస్క్యూ బృందాలు, అటవీ శాఖ అధికారులు, సిబ్బంది దాదాపు 80 మంది జీపీఎస్‌ ట్రాకర్‌ ద్వారా గాలింపు చర్యలు చేపట్టారు. ఎట్టి పరిస్థితిలోనూ టైగర్‌ను పట్టుకుని తీరతామని పూనే రెస్క్యూ టీం చెబుతున్నప్పటికీ అది చిక్కడం లేదు. జీపీఎస్‌ ట్రాకర్‌ ద్వారా కదలికలను ఎప్పటికప్పుడు అధికారులు గమనిస్తున్నారు. మెట్టపై బోను ఏర్పాటు గోపాలపురం మండలం కోమటికుంట ప్రాంతంలోని మాతంగమ్మ మెట్టపై సోమవారం రాత్రి వరకు తిష్ట వేసి న పులిని పట్టుకోవడానికి అధికారులు ఏర్పాట్లు చేశా రు. మెట్టపై కర్రలతో బడ్డీ ఏర్పాటు చేసి, దానిపై నుంచి మత్తు ఇంజెక్షన్‌ ఇవ్వడానికి రెస్క్యూ బృందం సభ్యులు చర్యలు చేపట్టారు. మెట్టపై బోను ఏర్పాటు చేశారు. పులి దాగిన ప్రదేశాన్ని డ్రోన్‌ కెమెరాతో పరిశీలించారు. కాగా.. పులి అక్కడి నుంచి రాత్రి 10 గంటలకు నెమ్మదిగా బయలుదేరి ఉదయానికి మండలంలోని కరగపాడు రిజర్వు పారెస్ట్‌లోకి చేరినట్టు గుర్తించారు. ముందు పులి, వెనుక అధికారులు పయనిస్తున్నారు. పులి అక్కడి నుంచి పోలవరం ప్రాంతానికి వెళ్లే అవకాశం ఉందని భావిస్తున్నారు.

కాకినాడ రూరల్‌: అమ్మవారు కాల స్వరూపమని, ఆమె ఆయుష్షును లెక్క కట్టలేమని కాకినాడ శ్రీపీఠం అధిపతి పరిపూర్ణానంద అన్నారు. ప్రతి ఒక్కరూ కాలాన్ని సద్వినియోగం చేసుకోవాలన్నారు. ప్రాణం చాలా విలువైనదనే విషయం తెలుసుకుని మసులుకోవాలని హితవు పలికారు. రమణయ్యపేటలోని శ్రీపీఠంలో నిర్వహిస్తున్న మహాశక్తి యాగానికి మూడో రోజైన మంగళవారం సుమారు 28 వేల మంది భక్తులు తరలివచ్చారు. వారితో స్వామీజీ ఆరోగ్యం సంకల్పం చేయించారు. తొలి రెండు రోజులూ రెండుసార్లు చొప్పున మాత్రమే లలితా నామాలతో కుంకుమార్చనలు చేపట్టగా.. మంగళవారం మూడుసార్లు లలితా నామాలు చదివిస్తూ కుంకుమార్చనలు చేయించారు. మూడు రోజులకు 19 కోట్ల కుంకుమార్చనలు పూర్తయ్యాయని స్వామీజీ తెలిపారు. పది రోజుల దసరా ఉత్సవాల్లో భాగంగా అష్టమి నాటికి వంద కోట్ల కుంకుమార్చనలు పూర్తవుతాయని చెప్పారు. లలితా సహస్ర నామాలను విడవవద్దని, అవి మహాశక్తికి ప్రతీక అని అన్నారు.

ఎంపీ వ్యవహారశైలిపై గుర్రు ఎంపీ ఉదయ్‌ శ్రీనివాస్‌ వ్యవహార శైలిపై జనసేనలోని ఓ వర్గం గుర్రుగా ఉన్నట్లు తెలుస్తోంది. ఎమ్మెల్సీ హరిప్రసాద్‌ ప్రస్తుతం నియోజకవర్గానికి దూరంగా ఉండటంతో ఎంపీ అన్నీ తానై వ్యవహరిస్తున్నారన్న ఆరోపణలున్నాయి. తనకు పెత్తనం వచ్చాక, పార్టీ ఆవిర్భావం నుంచీ ఉన్న నేతలను పక్కన పెట్టి, సొంత వర్గాన్ని మాత్రమే ప్రోత్సహించడాన్ని కార్యకర్తలు జీర్ణించుకోలేకపోతున్నారు. పార్టీ పదవుల భర్తీలో సైతం తన వర్గానికే ప్రాధాన్యం ఇవ్వడంపై బహిరంగంగానే విమర్శలు గుప్పిస్తున్నారు. తాము ఏం చేసినా ఎంపీ చూసుకుంటారనే ధోరణితో ఆయన రెచ్చిపోతోందంటూ మరో వర్గం మండిపడుతోంది. ఈ పరిణామాలు ఏ మలుపు తీసుకుంటాయోనని నియోజకవర్గ ప్రజలు ఆసక్తిగా ఎదురు చూస్తున్నారు. సాక్షి ప్రతినిధి, కాకినాడ: జనసేన అధ్యక్షుడు, డిప్యూటీ సీఎం పవన్‌ కల్యాణ్‌ ప్రాతినిధ్యం వహిస్తున్న పిఠాపురం నియోజకవర్గంలో ఆ పార్టీ నేతల మధ్య విభేదాల అగ్గి రాజుకుంటోంది. జెండా మోసి పార్టీ కోసం శ్రమించిన తమను కాదని కొత్తగా వచ్చిన వారికి అందలం ఎక్కించడంపై అందలం ఎక్కించడంపై నాయకులు, కార్యకర్తలు ఆగ్రహంతో రగిలిపోతున్నారు. పరిస్థితిని చక్కదిద్దాల్సిన ఫైవ్‌మెన్‌ కమిటీ సైతం తమ వర్గాలను ప్రోత్సహించే పనిలో పడటంతో.. ప్రస్తుత స్థానిక సంస్థల ఎన్నికల వేళ ఈ వ్యవహారం అధిష్టానానికి తలనొప్పిగా మారింది. గత సార్వత్రిక ఎన్నికల్లో పిఠాపురం నియోజకవర్గం నుంచి గెలిచిన పవన్‌ కల్యాణ్‌ డిప్యూటీ సీఎంతో పాటు, ఐదు శాఖలకు మంత్రిగా బాధ్యతలు నిర్వర్తిస్తున్నారు. దీంతో, తమ సమస్యలన్నీ తీరిపోతాయని పిఠాపురం ప్రజలు భావించారు. అయితే, అసలు కథ అప్పుడే మొదలైంది. డిప్యూటీ సీఎం అయ్యాక పవన్‌ నియోజకవర్గానికి అప్పుడప్పుడు చుట్టపుచూపుగా మాత్రమే వచ్చి వెళ్లడం మొదలు పెట్టారు. దీనిపై విమర్శలు వెల్లువెత్తడంతో పార్టీ, ప్రభుత్వ వ్యవహారాలను సమన్వయం చేసుకునేందుకు తొలుత మర్రెడ్డి శ్రీనివాస్‌ను ఇన్‌చార్జిగా నియమించారు. ఆయన పని తీరు నచ్చకపోవడంతో కాకినాడ ఎంపీ తంగెళ్ల ఉదయ్‌ శ్రీనివాస్‌, జనసేన జిల్లా అధ్యక్షుడు తుమ్మల బాబు, ఎమ్మెల్సీ హరిప్రసాద్‌, మాజీ ఎమ్మెల్యే పెండెం దొరబాబు, ఓదూరి కిశోర్‌లతో ఫైవ్‌మెన్‌ కమిటీ ఏర్పాటు చేశారు. పవన్‌ వద్దకు పంచాయితీ? ఈ విభేదాల నేపథ్యంలో ఫైవ్‌మెన్‌ కమిటీతో పవన్‌ భేటీ అయ్యారు. పదవులు, సొంత వ్యాపకాలే తప్ప పార్టీని పట్టించుకోరా అంటూ సభ్యులపై మండిపడినట్లు సమాచారం అంతటితో ఆగకుండా బహిరంగ సభలో సైతం కమిటీపై అసంతృప్తి వ్యక్తం చేస్తూ ప్రసంగించడం చర్చకు దారి తీసింది. తన పర్యటన ముగిసిన వెంటనే యు.కొత్తపల్లి మండలానికి చెందిన అక్షయ్‌, నిఖిల్‌ వర్గాలను జనసేన ప్రధాన కార్యాలయానికి పిలిపించి, సయోధ్య కుదిర్చారు. వెంటనే మండలానికి వెళ్లి ఇరు వర్గాలూ ఐక్యంగా మీడియా సమావేశం పెట్టాలని సలహా ఇచ్చారు. ఆయన ఆదేశాలతో ఇటీవల రెండు వర్గాల నేతలు కలిసి కొత్తపల్లిలోని ఓ కల్యాణ మండపంలో మీడియా సమావేశం ఏర్పాటు చేశారు. అప్పుడే మరో వర్గం నాయకులు లేచి రచ్చ లేపారు. ఎంపీ ఉదయ్‌ శ్రీనివాస్‌పై విమర్శలు చేశారు. పార్టీ సమావేశాలకు సంబంధించిన సమాచారం ఇవ్వడం లేదంటూ అసహనం వ్యక్తం చేశారు. ఆగ్రహం పట్టలేక ఏకంగా కుర్చీలు సైతం విసిరేశారు. ఒకరిని ఒకరు కొట్టుకునే స్థాయికి వెళ్లారు. ఆగ్రహం వ్యక్తం చేసిన వారందరూ జనసేన గ్రామ కమిటీ, బూత్‌ కన్వీనర్లే కావడం గమనార్హం. ఇంత జరుగుతున్నా ఈ వివాదాన్ని చక్కదిద్దలేక ఫైవ్‌మెన్‌ కమిటీ చేతులెత్తేసింది. ఈ రచ్చ కాస్తా పవన్‌ వద్దకు చేరింది. ఈ వ్యవహారం ఆయనకు సైతం తలనొప్పిగా మారినట్లు సమాచారం. ఈ నేపథ్యంలో ఫైవ్‌మెన్‌ కమిటీ రద్దుకు ఆయన సిద్ధమవుతున్నట్లు తెలిసింది. కమిటీ స్థానంలో మరో ఇన్‌చార్జిని నియమించే అవకాశం ఉందన్న చర్చ నియోజకవర్గంలో విస్తృతంగా జరుగుతోంది. పార్టీ అధ్యక్షుడి మాటనే లెక్క చేయని నేతలపై ఎలాంటి చర్యలు తీసుకుంటారోననే ఉత్కంఠ మొదలైంది. కొరవడిన సమన్వయం పార్టీ, ప్రభుత్వ కార్యక్రమాలను చక్కదిద్దాల్సిన ఫైవ్‌మెన్‌ కమిటీలోనే సమన్వయం కరువైంది. ఇందులోని ఐదుగురు సభ్యుల్లో ఎవరికి వారు తమతమ వర్గాలకు ప్రాధాన్యం ఇవ్వడం, పదవుల్లో వారికే పెద్దపీట వేయడం మొదలుపెట్టారు. ఆది నుంచీ పార్టీలో ఉన్నవారికి ఈ పరిణామం మింగుడు పడని అంశంగా మారింది. ఇటీవల పవన్‌ పిఠాపురం పర్యటన నేపథ్యంలో వర్గపోరు ఒక్కసారిగా తారస్థాయికి చేరింది. పవన్‌ పర్యటనకు ముందు రోజే యు.కొత్తపల్లి మండలంలో జనసేన నాయకుల మధ్య విభేదాలు రచ్చకెక్కాయి. ఎంపీ ఉదయ్‌ శ్రీనివాస్‌, ఆయన ముఖ్య అనుచరుడైన రావు అక్షయపై వేగిశెట్టి నిఖిల్‌ వర్గం మండిపడింది. పథకాలన్నీ అక్షయ్‌ వర్గానికే కట్టబెడుతున్నారని, పార్టీలో సీనియర్లను విస్మరిస్తున్నారని ఆగ్రహం వ్యక్తం చేస్తూ వివాదాస్పద వ్యాఖ్యలు చేశారు. ఈ విషయం నియోజకవర్గంలో చర్చనీయాంశంగా మారింది. జనసేనలో భగ్గుమంటున్న విభేదాలు పిఠాపురంలో వర్గాలుగా విడిపోయిన నేతలు ఎంపీ ఉదయ్‌ శ్రీనివాస్‌, అనుచరుల వ్యవహార శైలిపై గుర్రు పార్టీ కోసం కష్టపడిన వారిని పక్కన పెడుతున్నారని ఆగ్రహం కొత్తవాళ్లను అందలం ఎక్కించడంపై రగిలిపోతున్న కార్యకర్తలు చేతులెత్తేసిన ఫైవ్‌మెన్‌ కమిటీ

● పొంచి ఉన్న నీటి ఎద్దడి ముప్పు ● సాగునీటి ప్రణాళికలో లోపం ● గోదావరిలో తగ్గుతున్న ఇన్‌ఫ్లో ● ఇప్పటికీ ఫ్లషింగ్‌ ఆపరేషన్‌ లేదు ● గతంలో 50–60 వేల క్యూసెక్కుల ప్రవాహంలో 48 గంటల పాటు పూడిక తొలగింపు ● గత కొన్నేళ్లుగా 6 గంటలకే పరిమితం సాక్షి, అమలాపురం: రాష్ట్ర ధాన్యాగారానికి ఆయువు పట్టుగా నిలిచిన గోదావరి డెల్టాను చంద్రబాబు ప్రభుత్వం గాలికొదిలేసింది. లక్షలాది ఎకరాలకు సాగునీరందించే ధవళేశ్వరం బ్యారేజ్‌ నిర్వహణను ప్రభుత్వం పట్టించుకోకపోవడం, ధవళేశ్వరం ఇరిగేషన్‌ సర్కిల్‌ అధికారులు నిర్లక్ష్యంగా వ్యవహరిస్తుండటం డెల్టా ఆయకట్టు రైతులకు శాపంగా మారుతోంది. రబీ సాగుకు నీటి ఎద్దడి ముప్పు పొంచి ఉన్న తరుణంలో బ్యారేజ్‌ పాండ్‌లో పేరుకుపోయిన ఇసుక, ఒండ్రు మట్టి, బురదను తొలగించేందుకు ఫ్లషింగ్‌ ఆపరేషన్‌ను చంద్రబాబు ప్రభుత్వం అధికారంలోకి వచ్చిన తరువాత నామమాత్రం చేసింది. ఈ ఏడాది ఇన్‌ఫ్లో పడిపోతున్నా ఆపరేషన్‌ ఊసే లేకుండా అధికారులు వ్యవహరిస్తుండడంతో వచ్చే రబీలో రైతుల నీటి ఎద్దడి కష్టాలు రెట్టింపు కానున్నాయి. ధవళేశ్వరం బ్యారేజ్‌ వద్ద గతంలో 50 వేల నుంచి 60 వేల క్యూసెక్కుల ప్రవాహం ఉన్నప్పుడే 48 గంటల పాటు ఏకధాటిగా ఫ్లషింగ్‌ ఆపరేషన్‌ నిర్వహించేవారు. తూర్పు, మధ్య, పశ్చిమ డెల్టాల స్కవర్‌ స్లూయిజ్‌ల ద్వారా ఒకేసారి వేగంగా నీరు వదలడంతో మట్టి, ఒండ్రు, ఇసుక కొట్టుకుపోయేవి. దీనివల్ల బ్యారేజ్‌ వద్ద పూడిక తొలగిపోవడంతో పాటు బ్యారేజ్‌ నుంచి ప్రధాన పంట కాలువలకు నీరు వెళ్లేందుకు అప్రోచ్‌ ఛానల్‌ (బ్యారేజ్‌లో ఉండే కాలువ) వద్ద పూడిక మొత్తం తొలగిపోయేది. వరదల సమయంలో వేసిన మేటలు కూడా కొట్టుకుపోయేవి. ఇంత కీలకమైన ఈ ఆపరేషన్‌ వ్యవధిని 6 గంటలకే కుదించేశారు. ఫలితంగా పూడిక తొలగింపు పూర్తిస్థాయిలో జరగడం లేదు. పూడికతో తగ్గుతున్న నిల్వ సామర్థ్యం ధవళేశ్వరం బ్యారేజ్‌ పాండ్‌లో గతంలో 2.93 టీఎంసీల నీటిని నిల్వ చేసే సామర్థ్యం ఉండగా, పూడిక పేరుకుపోవడంతో ప్రస్తుతం అది 1.90 టీఎంసీలకు పడిపోయినట్టు అంచనా. అంటే సుమారు ఒక టీఎంసీ నీటి నిల్వ సామర్థ్యం తగ్గిపోయింది. ఒక టీఎంసీ నీటితో దాదాపు 10,800 ఎకరాల వరి పంటకు నీరందించవచ్చు. రబీ సమయంలో అదనంగా ఒక టీఎంసీ నీరు అందుబాటులో ఉండటం కూడా రైతులకు ఎంతో ప్రయోజనకరం. 10.60 లక్షల ఎకరాల ఆయకట్టుకు ముప్పు గోదావరి డెల్టా పరిధిలో సుమారు 10.60 లక్షల ఎకరాల ఆయకట్టు ఉంది. ఇందులో వరి సాగు 8.96 లక్షల ఎకరాలు కాగా, వాస్తవంగా సాగయ్యే విస్తీర్ణం సుమారు 7.50 లక్షల ఎకరాలుగా అంచనా. ఖరీఫ్‌లో సుమారు 18 లక్షల మెట్రిక్‌ టన్నులు, రబీలో 28 లక్షల మెట్రిక్‌ టన్నుల ధాన్యం ఉత్పత్తి అవుతోంది. వీటితో పాటు కొబ్బరి వంటి ఉద్యాన పంటలు, ఆక్వా చెరువులకు కూడా గోదావరి నీరే ఆధారం. ఇంతటి విస్తృత ఆయకట్టుకు నీరందించే ధవళేశ్వరం బ్యారేజ్‌ నిర్వహణను నిర్లక్ష్యం చేయడం తమ భవిష్యత్తుతో చెలగాటమాడటమేనని రైతులు వాపోతున్నారు. ఎల్‌నినో ప్రభావంతో వర్షాలు తగ్గి, రబీకి గోదావరి నుంచి వచ్చే నీరు పరిమితమైతే ప్రతి నీటి చుక్కా కీలకంగా మారనుంది. ఈ పరిస్థితుల్లో బ్యారేజ్‌ పాండ్‌లో పేరుకుపోయిన పూడిక తొలగించకపోవడంపై ఆయకట్టు రైతులు మండిపడుతున్నారు. దీనిపై ఇరిగేషన్‌ అధికారుల నుంచి స్పందన ఎలాంటి స్పందనా లేదు.ఇప్పుడు చేసినా.. మమ అనిపించడమే.. ధవళేశ్వరం బ్యారేజ్‌ వద్ద సర్‌ప్లస్‌ కనీసం 30 వేల క్యూసెక్కులకు పైగా ఉన్న సమయంలో ఫ్లషింగ్‌ ఆపరేషన్‌ చేయాలి. ప్రస్తుతం ఇన్‌ఫ్లో 29,401 క్యూసెక్కులకు పడిపోగా, పంట కాలువలకు 14,400 క్యూసెక్కులు, సర్‌ప్లస్‌గా 15,001 క్యూసెక్కులు మాత్రమే దిగువకు వదులుతున్నారు. ఈ సమయంలో ఫ్లషింగ్‌ ఆపరేషన్‌ చేసినా ప్రయోజనం లేదని నిపుణులు చెబుతున్నారు. ఇప్పుడు చేసినా మమ అనిపించడమేనని అంటున్నారు. ఎందుకంటే.. నీటి ప్రవాహం తగ్గినప్పుడు, కేవలం ఆరు గంటల పాటు స్లూయిజ్‌లు తెరిచి ఉంచడం వల్ల ఇసుక మేటలు పూర్తిగా కొట్టుకుపోవడం కష్టమవుతుందని చెబుతున్నారు. దీంతో బ్యారేజ్‌ పాండ్‌లో పూడిక అలాగే పేరుకుపోయి, నీటి నిల్వ సామర్థ్యం మరింత తగ్గే ప్రమాదం ఉందని అంటున్నారు. ఇప్పుడు చేసినా ప్రయోజనం లేదు ధవళేశ్వరం బ్యారేజ్‌ వద్ద ఫ్లషింగ్‌ ఆపరేషన్‌ కీలకం. రబీకి ముందు సరైన పద్ధతిలో చేయకపోతే పంట కాలువల ద్వారా శివారు, మెరక ప్రాంతాలకు నీరందదు. సర్‌ప్లస్‌ కనిష్టంగా 25 వేలు ఉన్నప్పుడైనా చేయాలి. ఇప్పుడు ఇన్‌ఫ్లో లేనందున చేసినా ప్రయోజనం లేదు. ఇది ముమ్మాటికీ నిర్లక్ష్యమే. – విప్పర్తి వేణుగోపాలరావు, జెడ్పీ మాజీ చైర్మన్‌, ధవళేశ్వరం ఇరిగేషన్‌ సర్కిల్‌ రిటైర్డ్‌ ఎస్‌ఈ

బోట్‌క్లబ్‌ (కాకినాడ సిటీ): డ్వామా పీడీగా ఆర్‌.విజయరాజు మంగళవారం బాధ్యతలు స్వీకరించారు. ఇప్పటి వరకూ ఇక్కడ పీడీగా పని చేసిన మధుసూదన్‌ నెల్లూరు జిల్లా పరిషత్‌ సీఈఓగా బదిలీ కావడంతో ఆయన స్థానంలో తూర్పు గోదావరి జిల్లా డ్వామా కార్యాలయంలో విజిలెన్స్‌ అధికారిగా పని చేస్తున్న విజయరాజును ప్రభుత్వం నియమించింది. బాధ్యతలు స్వీకరించిన అనంతరం విజయరాజు కలెక్టర్‌ హరేంధిర ప్రసాద్‌ను మర్యాదపూర్వకంగా కలుసుకున్నారు. విజయరాజును కార్యాలయ సిబ్బంది కూడా మర్యాదపూర్వకంగా కలిసి అభినందనలు తెలిపారు.

సామర్లకోట: స్థానిక సంస్థల ఎన్నికలు ప్రశాంతంగా నిర్వహించేందుకు అందరూ సహకరించాలని ఎస్పీ జి.బిందుమాధవ్‌ విజ్ఞప్తి చేశారు. మండలంలో అత్యంత సమస్యాత్మక గ్రామమైన వేట్లపాలెంలోని పోలింగ్‌ కేంద్రాలను ఆయన మంగళవారం పరిశీలించారు. బేతాళస్వామి ఆలయం సమీపంలోని జెడ్పీ హైస్కూల్‌లోని పోలింగ్‌ కేంద్రాలను పరిశీలించి, సిబ్బందికి సూచనలు ఇచ్చారు. ఇక్కడ సుమారు 4 వేల ఓట్లు ఉన్నాయని, ఓటు వేసిన తరువాత ఓటర్లు మరో మార్గంలో బయటకు వెళ్లేలా ఏర్పాట్లు చేయాలని సూచించారు. గ్రామంలోని పోలింగ్‌ కేంద్రాలకు సంబంధించిన ఓట్ల లెక్కింపు హైస్కూల్‌లోనే జరుగుతోందని గమనించి, కౌంటింగ్‌కు నూతన భవనంలో ఏర్పాట్లు చేసుకోవాలని స్పష్టం చేశారు. గ్రామంలోని ఎస్సీ పేటలో సుమారు రెండేళ్ల క్రితం ముగ్గురు హత్యకు గురైన విషయం తెలుసుకుని, అక్కడి పోలింగ్‌ కేంద్రాలను ఎస్పీ పరిశీలించారు. మంగాయ్యమ్మపేట ప్రాథమిక పాఠశాలలోని పోలింగ్‌ కేంద్రాన్ని కూడా సందర్శించారు. ప్రతి పోలింగ్‌ కేంద్రంలో లైటింగ్‌, క్యూ లైన్లు, సీసీ కెమెరాలు, దివ్యాంగులకు ర్యాంపులు, ఇంటర్నెట్‌, మరుగుదొడ్లు, తాగునీరు, వైద్య సదుపాయాలు ఏర్పాటు చేయాలని సూచించారు. కార్యక్రమంలో స్పెషల్‌ బ్రాంచి డీఎస్పీ కేవీవీ సత్యనారాయణ, సీఐ ఎ.కృష్ణభగవాన్‌ తదితరులు పాల్గొన్నారు.

బోట్‌క్లబ్‌ (కాకినాడ సిటీ): జిల్లాలో జెడ్పీటీసీ, ఎంపీపీ రిజర్వేషన్లు ఖరారు చేస్తూ కలెక్టర్‌ మంగళవారం ఉత్తర్వులు జారీ చేశారు. ఎంపీపీల రిజర్వేషన్లు ఇలా.. గొల్లప్రోలు (అన్‌ రిజర్వ్‌డ్‌), కాజులూరు (బీసీ), కాకినాడ రూరల్‌ (బీసీ), కరప (జనరల్‌), పెదపూడి (జనరల్‌), పిఠాపురం (జనరల్‌), తాళ్లరేవు (బీసీ మహిళ), కొత్తపల్లి (బీసీ), గండేపల్లి (ఎస్సీ మహిళ), జగ్గంపేట (బీసీ మహిళ), కిర్లంపూడి (జనరల్‌ మహిళ), కోటనందూరు (జనరల్‌ మహిళ), పెద్దాపురం (ఎస్సీ), ప్రత్తిపాడు (జనరల్‌ మహిళ), రౌతులపూడి (జనరల్‌), సామర్లకోట (జనరల్‌ మహిళ), శంఖవరం (జనరల్‌), తొండంగి (బీసీ మహిళ), తుని రూరల్‌ (బీసీ మహిళ), ఏలేశ్వరం (ఎస్సీ మహిళ). జెడ్పీటీసీల రిజర్వేషన్లు గొల్లప్రోలు (బీసీ మహిళ), కాజులూరు (ఎస్సీ మహిళ), కాకినాడ రూరల్‌ (జనరల్‌ మహిళ), కరప (బీసీ మహిళ), పెదపూడి (బీసీ), పిఠాపురం (ఎస్సీ మహిళ), తాళ్లరేవు (జనరల్‌ మహిళ), యు. కొత్తపల్లి (జనరల్‌ మహిళ), గండేపల్లి (బీసీ మహిళ), జగ్గంపేట (జనరల్‌), కిర్లంపూడి (జనరల్‌), కోటనందూరు (ఎస్సీ), పెద్దాపురం (జనరల్‌ మహిళ), ప్రత్తిపాడు (బీసీ), రౌతులపూడి (బీసీ మహిళ), సామర్లకోట (జనరల్‌), శంఖవరం (బీసీ), తొండంగి (జనరల్‌), తుని రూరల్‌ (జనరల్‌), ఏలేశ్వరం (జనరల్‌).వీఆర్‌ఏల వినూత్న నిరసన ఏలేశ్వరం: తమ డిమాండ్లు పరిష్కరించాలని కోరుతూ 28 రోజులుగా సమ్మె చేస్తున్న గ్రామ రెవెన్యూ సహాయకులు (వీఆర్‌ఏ) మంగళవారం మోకాళ్లపై నిలుచుని వినూత్నంగా నిరసన తెలిపారు. స్థానిక తహసీల్దార్‌ కార్యాలయం వద్ద వారు రిలే దీక్షలు నిర్వహిస్తున్నారు. ఈ సందర్భంగా నాయకులు మాట్లాడుతూ, వీఆర్‌ఏలకు పేస్కేల్‌, అర్హులైన వారికి ప్రమోషన్లు ఇవ్వాలని, నామినీలుగా పని చేస్తున్న వారిని వీఆర్‌ఏలుగా నియమించాలని డిమాండ్‌ చేశారు. కేవలం రూ.10 వేల జీతంతో జీవనం కష్టంగా ఉందని, ప్రభుత్వం వెంటనే సానుకూలంగా స్పందించాలని కోరారు. కార్యక్రమంలో పలువురు వీఆర్‌ఏలు పాల్గొన్నారు.ఉద్యోగ, ఉపాధ్యాయ సమస్యల పరిష్కారానికి కృషి బోట్‌క్లబ్‌ (కాకినాడ సిటీ): ఉద్యోగ, ఉపాధ్యాయ సంఘాల సమస్యల పరిష్కారానికి సమన్వయంతో కృషి చేస్తామని కలెక్టర్‌ హరేంధిర ప్రసాద్‌ తెలిపారు. కలెక్టరేట్‌లో మంగళవారం జిల్లా స్థా యిలో నిర్వహించిన రెండో జాయింట్‌ స్టాఫ్‌ కౌన్సిల్‌ సమావేశానికి ఆయన అధ్యక్షత వహించారు. ఈ సందర్భంగా వివిధ ఉద్యోగ, ఉపాధ్యా య సంఘాల ప్రతినిధులు తమ సమస్యలు ప్రస్తావించారు. 12వ పీఆర్‌సీ అమలు, డీఏ బకాయిల చెల్లింపు, ఉద్యోగుల ఆరోగ్య పథకం (ఈహెచ్‌ఎస్‌) ద్వారా మెరుగైన వైద్య సేవలు, కారుణ్య నియామకాలు, ఉద్యోగోన్నతులు, బదిలీలు, సీనియారిటీ, బకాయిల చెల్లింపు తదితర సమస్యలపై వినతులు సమర్పించారు. జిల్లా స్థాయిలోని సమస్యలను త్వరితగతిన పరిష్కరించేందుకు చర్యలు తీసుకుంటామని, రాష్ట్ర స్థాయికి సంబంధించిన అంశాలను సంబంధిత శాఖల అధికారుల దృష్టికి తీసుకెళ్తామని కలెక్టర్‌ తెలిపారు. ఈహెచ్‌ఎస్‌ ఇబ్బందుల పరిష్కారంపై ప్రత్యేకంగా దృష్టి సారిస్తామని, ఆసుపత్రుల్లో అత్యవసర వైద్య సేవలు సకాలంలో అందేలా చర్యలు తీసుకుంటామని చెప్పారు.అంకితభావంతో పని చేయాలి బోట్‌క్లబ్‌ (కాకినాడ సిటీ): విభిన్న ప్రతిభావంతులు అంకితభావంతో పని చేయాలని కలెక్టర్‌ ఎంఎన్‌ హరేంధిర ప్రసాద్‌ అన్నారు. జిల్లాలో ఖాళీగా ఉన్న 24 విభిన్న ప్రతిభావంతుల బ్యాక్‌లాగ్‌ పోస్టులకు ఎంపికైన అభ్యర్థులకు ఆయన కలెక్టరేట్‌లో మంగళవారం నియామక పత్రాలు అందజేశారు. ఈ సందర్భంగా మాట్లాడుతూ, ఉమ్మడి తూర్పు గోదావరి జిల్లా పరిధిలో 4వ తరగతి, పరిపాలనా విభాగం కింద 11, ఇతర కేటగిరీల పరిధిలో 13 పోస్టులు భర్తీ చేశామని వివరించారు. ఎంపికైన వారిలో అంధత్వ లోపం ఉన్నవారు ఏడుగురు, చెముడు, మూగ బాధితులు 12 మంది, శారీరక వైకల్యం ఉన్నవారు ఇద్దరు, మానసిక దివ్యాంగులు ముగ్గురు ఉన్నారని తెలిపారు. వీరందరినీ ఉమ్మడి జిల్లాలోని వివిధ ప్రభుత్వ శాఖల పరిధిలో నియమించామని కలెక్టర్‌ చెప్పారు.

కొబ్బరి రకం ధర (రూ.) కొత్త కొబ్బరి (క్వింటాల్‌) 16,000 – 17,000 కొత్త కొబ్బరి (రెండో రకం) 15,000 – 16,000 కురిడీ కొబ్బరి (పాతవి) గండేరా (వెయ్యి) 26,500 గటగట (వెయ్యి) 23,500 కురిడీ కొబ్బరి (కొత్తవి) గండేరా (వెయ్యి) 25,500 గటగట (వెయ్యి) 22,500 నీటికాయ పాత (ముక్కుడు)కాయ (వెయ్యి) 20,000 – 21,000 కొత్త (పచ్చి)కాయ (వెయ్యి)20,000 – 21,000 కొబ్బరి నూనె (15 కిలోలు) 5,000 కిలో 350

అమలాపురం రూరల్‌: తూర్పు గోదావరి జిల్లా రాజానగరంలోని గోదావరి గ్లోబల్‌ యూనివర్సిటీ కులపతి, అమలాపురం కిమ్స్‌ వైద్య కళాశాల అధినేత, చైతన్య గ్రూప్‌ వ్యవస్థాపక చైర్మన్‌ కేవీవీ సత్యనారాయణరాజు(చైతన్యరాజు)కు అమెరికాలోని డల్లాస్‌ అడాప్ట్‌ ఏ విలేజ్‌ గ్లోబల్‌ ఫౌండేషన్‌ జీవిత సాఫల్య పురస్కారం ప్రకటించింది. వైద్యం, విద్య, సామాజిక సేవా రంగాలతో పాటు తెలుగు భాషా వికాసానికి చేస్తున్న కృషికి గాను ఆయనకు ఈ పురస్కారం ప్రకటించినట్లు సంస్థ ప్రతినిధులు మంగళవారం వెల్లడించారు. చైతన్యరాజు ఎమ్మెల్సీగా, ప్రభుత్వ విప్‌గా, ఈబీసీ కార్పొరేషన్‌ చైర్మన్‌గా వివిధ బాధ్యతలు నిర్వహించారు. జీవిత సాఫల్య పురస్కారం ప్రకటించిన సంస్థ సభ్యుడు భూపతిరాజు పండిత్‌కు చైతన్యరాజు కృతజ్ఞతలు తెలిపారు.

విజ్ఞాన కాంతుల్ని పంచే గ్రంథాలయాలకు ‘చంద్ర’గ్రహణం పట్టుకుంది. ప్రభుత్వం తగినన్ని నిధులు కేటాయించక.. అవసరమైన పుస్తకాలు కొనలేక.. చాలినంత మంది సిబ్బంది లేక ఈ సరస్వతీ నిలయాలు సతమతమవుతున్నాయి. గత వైఎస్సార్‌ సీపీ ప్రభుత్వ హయాంలో గ్రంథాలయాల అభివృద్ధికి పెద్ద పీట వేయగా.. ప్రస్తుత చంద్రబాబు ప్రభుత్వం వీటిని పూర్తిగా నిర్లక్ష్యం చేస్తోంది. ఈ పరిస్థితిపై పుస్తకాభిమానులు ఆవేదన వ్యక్తం చేస్తున్నారు. ఆలమూరు: విద్యార్థులకు ఎంతో బాసటగా నిలుస్తూ.. జ్ఞాన దీపాలను వెలిగిస్తున్న గ్రంథాలయాలను చంద్రబాబు సర్కారు నిర్లక్ష్యం చేస్తోంది. గత వైఎస్సార్‌ సీపీ ప్రభుత్వం గ్రంథాలయాల అభివృద్ధికి, ఉద్యోగుల జీతభత్యాలకు రాష్ట్ర బడ్జెట్‌లో రూ.130 కోట్లు కేటాయించింది. దీనిని ప్రస్తుత కూటమి ప్రభుత్వం రూ.30 కోట్లకు తగ్గించింది. బడ్జెట్‌ కేటాయింపుల్లో ఏకంగా రూ.100 కోట్ల మేర కోత పెట్టింది. దీనికితోడు ఉమ్మడి తూర్పు గోదావరి జిల్లావ్యాప్తంగా ఉన్న స్థానిక సంస్థలు గ్రంథాలయ సెస్‌ను జిల్లా గ్రంథాలయ సంస్థకు చెల్లించడం లేదు. వీటన్నింటి ఫలితంగా ఉమ్మడి జిల్లావ్యాప్తంగా గ్రంథాలయాలు ఆర్థిక ఇబ్బందులతో సతమతమవుతున్నాయి. రూ.30 కోట్లు పైగా సెస్‌ బకాయిలు నగర పాలక సంస్థలు, మున్సిపాలిటీలు, నగర, గ్రామ పంచాయతీల్లో నివసిస్తున్న ప్రజలు ఏటా క్రమం తప్పకుండా 8 శాతం మేర గ్రంథాలయ పన్ను (సెస్‌) చెల్లిస్తున్నారు. కానీ, ఆ మొత్తాన్ని ఆయా స్థానిక సంస్థలు జిల్లా కేంద్ర గ్రంథాలయ సంస్థకు జమ చేయడం లేదు. ఈవిధంగా ఉమ్మడి జిల్లావ్యాప్తంగా రూ.30 కోట్లకు పైగా బకాయిలున్నాయి. అటు ప్రభుత్వం నుంచి బడ్జెట్‌ కేటాయింపులు దారుణంగా తగ్గిపోవడం.. ఇటు స్థానిక సంస్థలు సెస్‌ సక్రమంగా చెల్లించకపోవడంతో గ్రంథాలయాల్లో అభివృద్ధి పూర్తిగా స్తంభించిపోయింది. కొత్త పుస్తకాలు కొనుగోళ్లు పూర్తిగా నిలిచిపోవడంతో వివిధ పోటీ పరీక్షలకు సన్నద్ధమవుతున్న వారి పరిస్థితి అగమ్యగోచరంగా మారింది. దీనికితోడు గ్రంథాలయ ఉద్యోగులకు ప్రభుత్వం ఒక నెల వేతనాలు బకాయి పెట్టింది. రిటైర్డ్‌ ఉద్యోగులకై తే ఏకంగా రెండు నెలలుగా పింఛన్లు చెల్లించడం లేదు. ఈవిధంగా గ్రంథాలయ ఉద్యోగులు, రిటైర్డ్‌ సిబ్బందికి సుమారు రూ.3.2 కోట్ల వరకూ సర్కారు చెల్లించాల్సి ఉంది. మరోవైపు ఖాళీ పోస్టులను కూడా భర్తీ చేయడం లేదు. ఫలితంగా గ్రంథాలయాల్లో పాఠకులకు సక్రమంగా సేవలు అందడం లేదు. దుర్భరంగా పింఛన్‌దారుల జీవనం ప్రభుత్వం రెండు నెలలుగా పెన్షన్‌ చెల్లించకపోవడంతో గ్రంథాలయాల్లో పని చేసి, రిటైరైన ఉద్యోగులు దుర్భర జీవితం గడుపుతున్నారు. నిత్యావసర వస్తువులు, వృద్ధాప్యంలో అవసరమైన మందుల కొనుగోళ్లకు వారు అప్పుల పాలవుతున్నారు. గత వైఎస్సార్‌ సీపీ ప్రభుత్వం మాదిరిగా ప్రతి నెలా ఠంచన్‌గా ఒకటో తేదీనే పెన్షన్‌ ఎందుకు చెల్లించడం లేదని వారు ప్రశ్నిస్తున్నారు. సామాజిక పింఛన్ల మాదిరిగానే తమకు కూడా ప్రతి నెలా ఒకటో తేదీకి పెన్షన్‌ చెల్లించాలని ప్రభుత్వాన్ని డిమాండ్‌ చేస్తున్నారు. ఉమ్మడి తూర్పు గోదావరి జిల్లాలో గ్రంథాలయాల వివరాలు మొత్తం గ్రంథాలయాలు 102 గ్రామీణ గ్రంథాలయాలు 3 పుస్తక నిక్షిప్త కేంద్రాలు 161 ఉండాల్సిన ఉద్యోగులు 294 ప్రస్తుతం ఉన్న వారు 57 ఖాళీ పోస్టులు 237 పింఛన్‌దారులు 167 బడ్జెట్‌ కేటాయింపులపై గణనీయంగా వేటు గత వైఎస్సార్‌ సీపీ ప్రభుత్వంలో రూ.130 కోట్లు దీనిని రూ.30 కోట్లకే పరిమితం చేసిన కూటమి సర్కారు సక్రమంగా అందని వేతనాలు ఆర్థిక కష్టాల్లో పెన్షనర్లు, ఉద్యోగులు

అన్నవరం: సత్యదేవుని సన్నిధిలో రికార్డు అసిస్టెంట్లుగా పని చేస్తున్న ఎనిమిది మందికి జూనియర్‌ అసిస్టెంట్లుగా ఉద్యోగోన్నతి కల్పించారు. ఈ మేరకు ఆ సిబ్బందికి అన్నవరం దేవస్థానం ఈఓ నల్లం సూర్యచక్రధరరావు మంగళవారం ఉత్తర్వులు అందశారు. భక్తులకు ఇబ్బంది కలుగకుండా సేవలందించి, దేవస్థానానికి మంచి పేరు తేవాలని వారిని ఆదేశించారు. చేపల వేటకు వెళ్లి వ్యక్తి మృతి కోరుకొండ: చేపల వేటకు వెళ్లిన వ్యక్తి ప్రమాదవశాత్తూ తొర్రిగెడ్డ కాలువలో పడి మృతి చెందాడు. ఎస్సై ఆర్‌.శివాజీ కథనం ప్రకారం.. మధురపూడికి చెందిన జగంధం ఏడుకొండలు (43) చేపల వేటపై ఆధారపడి జీవనం సాగిస్తున్నాడు. ఈ నెల 11న బుచ్చెంపేట శివారున ఉన్న తొర్రిగెడ్డ కాలువలో చేపలు వేటాడుతూ ప్రమాదవశాత్తూ దానిలో పడిపోయాడు. సమాచారం అందుకున్న బంధువులు.. స్థానికుల సహకారంతో 12వ తేదీన గాలించగా, 13న ఏడుకొండలు మృతదేహం దొరికింది. వారి సమాచారం మేరకు పోలీసులు సంఘటనా స్థలాన్ని పరిశీలించారు. మృతుడి బంధువుల ఫిర్యాధు మేరకు కేసు నమోదు చేసి, దర్యాప్తు చేస్తున్నట్టు ఎస్సై తెలిపారు. ఏడుకొండలుకు భార్య, ఇద్దరు కుమారులు ఉన్నారు.

అంబాజీపేట: కాట్రేనికోన మండలం చెయ్యేరుకు చెందిన ఉల్లంగి సందేశ్‌ ఆంధ్ర క్రికెట్‌ జట్టుకు ఎంపికయ్యాడు. అంబాజీపేట క్రికెట్‌ కోచింగ్‌ సబ్‌ సెంటర్‌ కోచ్‌లు మట్టా సత్తిబాబు, ఎన్‌.నగేష్‌ మంగళవారం ఈ విషయం తెలిపారు. ఈ నెల 12 నుంచి జరగనున్న కల్నల్‌ సీకే నాయుడు క్రికెట్‌ ట్రోఫీ పోటీల్లో సందేశ్‌ పాలొంటాడని చెప్పారు. ఉమ్మడి తూర్పు గోదావరి జిల్లాతో పాటు, వివిధ జోన్లలో జరిగిన పోటీల్లో బౌలింగ్‌లో ప్రతిభ చూపడంతో రాష్ట్ర ఎంపికయ్యాడని వివరించారు. రాష్ట్ర స్థాయి రెజ్లింగ్‌లో కాంస్యంతుని రూరల్‌: రాష్ట్ర స్థాయి ఎస్‌జీఎఫ్‌ఐ అండర్‌–14 రెజ్లింగ్‌ పోటీల్లో తుని మండలం వి.కొత్తూరులోని కస్తూర్బా గాంధీ విద్యాలయం ఎనిమిదో తరగతి విద్యార్థిని ఎల్‌.మనస్విని కాంస్య పతకం సాధించింది. ఈ నెల 12న పల్నాడులో జరిగిన పోటీల్లో ఆమె మూడో స్థానంలో నిలిచి, ఈ పతకం సాధించిందని ప్రిన్సిపాల్‌ అమృతవాణి మంగళవారం తెలిపారు. మనస్వినిని ప్రిన్సిపాల్‌, పీఈటీ, ఉపాధ్యాయులు అభినందించారు. గుర్తు తెలియని వ్యక్తి మృతదేహం లభ్యంసఖినేటిపల్లి: సఖినేటిపల్లిలంక గ్రామంలో గునెశెట్టివారి పుంత రోడ్డు సమీపాన గోదావరి ఒడ్డుకు గుర్తు తెలియని ఓ పురుషుడి మృతదేహం మంగళవారం కొట్టుకువచ్చిందని ఎస్సై హరికోటి శాస్త్రి తెలిపారు. మృతుడి వయస్సు సుమారు 45 నుంచి 55 సంవత్సరాలు ఉండవచ్చన్నారు. ఆచూకీ తెలిసిన వారు సమాచారం అందించాలని కోరారు.

సాక్షి ప్రతినిధి, కాకినాడ: పుర పోరుకు తొలి అడుగు పడింది. పట్టణ స్థానిక సంస్థల ఎన్నికల్లో కీలక ఘట్టమైన మేయర్‌, చైర్మన్‌ అభ్యర్థుల రిజర్వేషన్లు ఖరారయ్యాయి. జిల్లాలోని కాకినాడ నగర పాలక సంస్థలో మేయర్‌తో పాటు పిఠాపురం, పెద్దాపురం, సామర్లకోట, తుని మున్సిపాలిటీలు, ఏలేశ్వరం, గొల్లప్రోలు నగర పంచాయతీల చైర్మన్‌ పదవులకు రిజర్వేషన్లను ప్రభుత్వం ప్రకటించింది. దీని తరువాత వార్డు రిజర్వేషన్లు కూడా ఖరారై, నోటిఫికేషన్‌ వెలువరిస్తే ‘పుర’ సంగ్రామం ప్రారంభం కానుంది. రిజర్వేషన్ల ప్రకటనతో ఆయా పట్టణాల్లో రాజకీయ వేడి మొదలైంది. వివిధ రాజకీయ పార్టీల నాయకులు అభ్యర్థుల వేటలో పడ్డారు. మరోవైపు రాజకీయ పార్టీల నేతల ఊహలకు అందని విధంగా రిజర్వేషన్లు ఖరారు కావడంపై భిన్నాభిప్రాయాలు వ్యక్తమవుతున్నాయి. తాము ఒకటనుకుంటే.. మరొకటి అయ్యిందంటూ పలువురు నిట్టూరుస్తున్నారు. కాగా, ఈ ఎన్నికల్లో ఆయా పట్టణ స్థానిక సంస్థల నుంచి బలమైన అభ్యర్థులను బరిలోకి దింపేందుకు వైఎస్సార్‌ సీపీ రంగం సిద్ధం చేస్తోంది. కూటమి ప్రభుత్వంపై ఉన్న వ్యతిరేకతను ప్రజల్లోకి తీసుకెళ్లేందుకు సిద్ధమవుతోంది. ‘ఆమె’కే కాకినాడ కాకినాడ మేయర్‌ పీఠంపై గత కొన్ని రోజులుగా ఎడతెగని ఉత్కంఠ నెలకొంది. ఈ పదవి తమకంటే తమకంటూ టీడీపీ, జనసేన, బీజేపీ పోటీ పడ్డాయి. ఎట్టకేలకు జనసేనకు ఖరారైందంటూ తాజాగా ప్రకటనలు సైతం వెలువడ్డాయి. రిజర్వేషన్‌ తమకు అనుకూలంగా ఉంటుందని ఎవరికి వారే భావించారు. కానీ, వారి అంచనాలకు భిన్నంగా కాకినాడ మేయర్‌ స్థానాన్ని బీసీ–మహిళకు కేటాయించారు. దీంతో, టీడీపీ, జనసేన, బీజేపీల్లో స్తబ్దత నెలకొంది. బీసీ మహిళా నేతను వెతికే పనిలో ఆయా పార్టీల నేతలు నిమగ్నమయ్యారు. గత ఎన్నికల్లో కార్పొరేషన్‌ పీఠాన్ని టీడీపీ కై వసం చేసుకుంది. తమకు అనుకూలమైన రిజర్వేషన్‌ వస్తుందని భావించిన ఇతర సామాజిక వర్గాలకు చెందిన ఆశావహులు ఇప్పుడు ప్రత్యామ్నాయాలపై దృష్టి సారిస్తున్నారు. ఏలేశ్వరంలో ముచ్చటగా మూడోసారి.. ఏలేశ్వరం నగర పంచాయతీ చైర్‌పర్సన్‌ పదవిని గతంలో బీసీ–మహిళకు కేటాయించగా.. ప్రస్తు తం ఎస్సీ–మహిళకు కేటాయించారు. దీంతో, వ రుసగా మూడుసార్లూ మహిళలకే ఈ పదవి దక్కే చాన్స్‌ లభించినట్లయ్యింది. నగర పంచాయతీలో 20 వార్డులుండగా.. గత ఎన్నికల్లో 16 వైఎస్సార్‌ సీపీ, 4 టీడీపీ కై వసం చేసుకున్నాయి. కూటమి అధికారంలోకి వచ్చాక కుట్రలకు తెర తీసి, ఆరుగురు సభ్యులను ప్రలోభాలకు గురి చేసి, చైర్‌పర్సన్‌ పదవిని బలవంతంగా లాక్కున్నారు. గొల్లప్రోలు గొల్లప్రోలు చైర్మన్‌ పదవిని బీసీ–జనరల్‌ నుంచి అన్‌ రిజర్వ్‌డ్‌కు కేటాయించారు. మొత్తం 20 వార్డులకు గాను గత ఎన్నికల్లో వైఎస్సార్‌ సీపీ 18 చోట్ల విజయఢంకా మోగించింది. టీడీపీ రెండు వార్డులకే పరిమితమైంది. ప్రస్తుతం అదే విజయోత్సాహంతో వైఎస్సార్‌ సీపీ శ్రేణులు ప్రచారం ముమ్మరం చేస్తున్నాయి.బీసీ–మహిళకు తుని తుని మున్సిపాలిటీ చైర్మన్‌ స్థానాన్ని గతంలో ఓసీ మహిళకు రిజర్వు చేయగా.. వైఎస్సార్‌ సీపీ బీసీ మహిళకు అవకాశం ఇచ్చింది. ఈసారి ఈ స్థానాన్ని బీసీ–మహిళకే కేటాయించారు. గత మున్సిపల్‌ ఎన్నికల్లో తునిలోని 30కి 30 వార్డుల్లోనూ వైఎస్సార్‌ సీపీ క్లీన్‌ స్వీప్‌ చేసింది. కూటమి ప్రభుత్వం అధికారంలోకి వచ్చిన తర్వాత మున్సిపల్‌ పీఠంపై కుట్రలు ప్రాంభించింది. ఒక్క కౌన్సిలర్‌ బలం లేకపోయినా.. ప్రలోభాలు, బెదిరింపులకు గురి చేసి చైర్మన్‌ పీఠాన్ని లాగేసుకుంది. ప్రస్తుతం రిజర్వేషన్లు ఖరారు చేయడంతో చైర్మన్‌ అభ్యర్థిని వెతికే పనిలో పడ్డాయి. వైఎస్సార్‌ సీపీ మాత్రం వ్యూహాత్మకంగా అడుగులు వేస్తోంది. ఎన్నికల్లో గట్టి పోటీ ఇచ్చేందుకు సమాయత్తమవుతోంది. పిఠాపురం.. ఎస్సీ జనరల్‌కు పిఠాపురం మున్సిపల్‌ చైర్‌పర్సన్‌ పదవిని గతంలో ఓసీ–మహిళకు కట్టబెట్టగా.. ప్రస్తుతం ఎస్సీ–జనరల్‌కు కేటాయించారు. కూటమిలోని జనసేన, టీడీపీల నుంచి చైర్మన్‌ రేసులో ముగ్గురు డాక్టర్లు పోటీకి సిద్ధంగా ఉన్నారు. ఈ రెండు పార్టీల మధ్య వర్గపోరు నడుస్తూండటంతో మున్సిపల్‌ చైర్మన్‌ అభ్యర్థి ఎంపికపై ఆసక్తి నెలకొంది. పిఠాపురం మున్సిపాలిటీలో 30 వార్డులకు గాను గతంలో జరిగిన ఎన్నికల్లో 26 చోట్ల వైఎస్సార్‌ సీపీ విజయకేతనం ఎగురవేసింది. త్వరలో జరిగే ఎన్నికల్లో సైతం విజయం సాధించేందుకు సిద్ధమవుతోంది. మున్సిపల్‌ ఎన్నికలకు తొలి అడుగు మేయర్‌, చైర్మన్‌ పదవులకు రిజర్వేషన్ల ఖరారు బీసీ–మహిళకు కాకినాడ మేయర్‌ పీఠం మేయర్‌, చైర్మన్‌ అభ్యర్థుల వేటలో పార్టీలు

● విచ్చలవిడిగా కూటమి నేతల మట్టి తవ్వకాలు ● టేకి డ్రెయిన్‌ గట్టును ఆనుకుని యథేచ్ఛగా గోతులు ● లే అవుట్లకు తరలింపుకాజులూరు: మండలంలోని పల్లిపాలెంలో అధికార కూటమి నాయకులు టేకి డ్రెయిన్‌ గట్టును ఆనుకుని ఉన్న మట్టి దిమ్మలను విచ్చలవిడిగా తవ్వేస్తున్నారు. వాస్తవానికి పొలాల్లో ట్రక్కు మట్టి తీయాలన్నా రెవెన్యూ, గనుల శాఖ అనుమతులుండాలి. కానీ, అటువంటి అనుమతులేవీ లేకుండా అక్రమంగా మట్టి తవ్వేసి, తరలించుకుపోతున్నారు. దీనిపై ఫిర్యాదులు చేస్తున్నా రెవెన్యూ అధికారులు ఏమీ పట్టనట్టు వ్యవహరిస్తున్నారని స్థానిక ప్రజలు వాపోతున్నారు. దీనిపై సంబంధిత వీఆర్‌ఓలు జె.రాధాకృష్ణ, కె.సత్యనారాయణలను వివరణ కోరగా.. టేకి డ్రెయిన్‌లో పూడికల తొలగింపునకు నీటి పారుదల శాఖ అధికారులు 2021లో డ్రెడ్జింగ్‌ చేశారని చెప్పారు. ఆ సందర్భంగా తొలగించిన ఇసుక, మట్టిని గట్టును ఆనుకుని ఉన్న పట్టా భూముల్లో వేశారని అన్నారు. ఆ భూముల పట్టాదారుల కోరిక మేరకే అధికార పార్టీ నాయకులు ఆ మట్టిని తొలగిస్తున్నారని చెప్పారు. అయితే, పట్టా భూమిలో మెరక తొలగించే వంకతో కూటమి నాయకులు పొలంలో మట్టిని ఇష్టానుసారం తవ్వేసి, పొరుగున ఉన్న యానాంతో పాటు రామచంద్రపురం, కాకినాడ తదితర ప్రాంతాల్లోని లే అవుట్లకు తరలిస్తున్నారని స్థానికులు చెబుతున్నారు. ఇప్పటి వరకూ రూ.35 లక్షల మేర మట్టి అమ్ముకున్నారని ఆరోపిస్తున్నారు. కొంత మంది అధికారులు కాసులకు కక్కుర్తిపడి, మట్టి అక్రమ తవ్వకాలను చూసీ చూడనట్లు వదిలేస్తున్నారనే విమర్శలు వస్తున్నాయి. ట్రాక్టర్లు, లారీలతో మట్టి రవాణా జోరుగా సాగిస్తూండటంతో రోడ్లు ధ్వంసమవుతున్నాయి. ఈ వాహనాల ధాటికి పలుచోట్ల రోడ్లపై తిరిగే చిన్నారులు ప్రమాదాలకు గురవుతున్నారని స్థానికులు ఆందోళన వ్యక్తం చేస్తున్నారు. మట్టి మాఫియాకు వెంటనే కళ్లెం వేయాలని డిమాండ్‌ చేస్తున్నారు.టేకి డ్రెయిన్‌ గట్టుకు మట్టి అక్రమార్కులు తూట్లు పొడిచారిలా..

కాకినాడ రూరల్‌: రాష్ట్రంలో బీసీలను అడ్డం పెట్టుకుని చంద్రబాబు కుటిల రాజకీయానికి తెర తీశారని వైఎస్సార్‌ సీపీ మహిళా విభాగం రాష్ట్ర ఉపాధ్యక్షురాలు జమ్మలమడక నాగమణి అన్నారు. ఒక చేత్తో బీసీలకు 34 శాతం రిజర్వేషన్‌ అని ప్రకటిస్తూ, మరోవైపు ప్రతాప్‌రెడ్డి లాంటి వారితో కోర్టుల్లో కేసులు వేయించడమే చంద్రబాబు కుటిల రాజకీయానికి తార్కాణమని ధ్వజమెత్తారు. ఆమె సోమవారం మీడియాతో మాట్లాడుతూ, స్థానిక సంస్థల ఎన్నికల వేళ బీసీల పట్ల చంద్రబాబు కపట ప్రేమ చూపిస్తున్నారని మండిపడ్డారు. బీసీల తోకలు కత్తిరిస్తానంటూ గతంలో చంద్రబాబు అవమానించారని గుర్తు చేశారు. వాస్తవానికి బీసీలకు రాజకీయంగా, ఆర్థికంగా వెన్నుదన్నుగా నిలిచింది వైఎస్సార్‌ సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి అని స్పష్టం చేశారు. గత ప్రభుత్వంలో 139 బీసీ ఉప కులాలకు 58 కార్పొరేషన్లు ఏర్పాటు చేసి, వారి అభ్యున్నతికి నాంది పలికారని చెప్పారు. నామినేటెడ్‌ పదవులు మొదలు, కాంట్రాక్టులు, చట్ట సభల్లో ఎస్సీ, ఎస్టీ, బీసీ, మైనారిటీలకు సముచిత స్థానం కల్పించి, సామాజిక న్యాయం చేసింది ఒక్క జగన్‌ మాత్రమేనని అన్నారు. గత ప్రభుత్వంలో బీసీలకు రూ.4 లక్షల కోట్లకు పైగా చేయూతనందించిన ఘనత ఆయనదేనన్నారు. సున్నా వడ్డీ, ఆసరా, చేయూత, నేతన్న నేస్తం, మత్స్యకార భరోసా వంటి పథకాలను బీసీలకు అందించారని గుర్తు చేశారు. డిప్యూటీ సీఎం మొదలు వార్డు మెంబర్ల వరకూ బీసీలను బ్యాక్‌బోన్‌గా భావించి పట్టం కట్టారని చెప్పారు. ఏం చేశారని చంద్రబాబును బీసీల పక్షపాతి అనుకోవాలని ప్రశ్నించారు. 2014–19 మధ్య బీసీలకు ఒక్క రాజ్యసభ స్థానమైనా ఇచ్చారా అని ప్రశ్నించారు. బీసీ రిజర్వేషన్‌ అమలు సాధ్యం కాదని తెలిసినా వారిని మోసం చేసేందుకు మరోసారి కపట ప్రేమ చూపిస్తున్నారని చంద్రబాబుపై నాగమణి ధ్వజమెత్తారు.

పెద్దాపురం మున్సిపల్‌ చైర్మన్‌ పీఠాన్ని గత ఎన్నికల్లో బీసీ మహిళకు కేటాయించారు. ఈసారి అన్‌ రిజర్వ్‌ చేశారు. దీంతో, పోటీ తీవ్రం కానుంది. మున్సిపాలిటీలో అత్యధికంగా బీసీ సామాజికవర్గం ఓటర్లు ఉండటంతో ఇక్కడ ఆ వర్గానికి చెందిన అభ్యర్థినే పోటీకి దింపే సూచనలు కనిపిస్తున్నాయి. గతంలో రెండుసార్లు మున్సిపల్‌ చైర్మన్‌గా పని చేసిన రాజా సూరిబాబు కూటమి అభ్యర్థిగా ఇప్పుడు బరిలో ఉన్నారు. జనసేన నుంచి కమ్మ సామాజికవర్గానికి చెందిన నెక్కంటి సాయిప్రసాద్‌ ఉన్నట్లు తెలిసింది. ఇదిలా ఉండగా చైర్మన్‌ పీఠం కోసం కూటమిలో విభేదాలు మొదలయ్యాయి. ఈ పదవి తమకు దక్కాలంటే తమకంటూ జనసేన, టీడీపీ నేతలు పావులు కదుపుతున్నారు. వైఎస్సార్‌ సీపీ నుంచి దీటైన అభ్యర్థిని రంగంలోకి దింపేందుకు అన్ని ఏర్పాట్లూ పూర్తయ్యాయి. సామర్లకోట.. ఎన్నడూ లేని రీతిలో.. సామర్లకోట మున్సిపాలిటీ 1956లో ఏర్పడింది. అప్పటి నుంచి ఇప్పటి వరకూ చైర్మన్‌ స్థానం బీసీ మహిళకు దక్కలేదు. ఈసారి బీసీ మహిళకు కేటాయిస్తారని అందరూ భావించగా.. అందుకు భిన్నంగా ఎస్సీ–జనరల్‌కు కేటాయించారు. సామర్లకోటను జనసేన ఆశిస్తూండటం, అందుకు చంద్రబాబు నుంచి సైతం గ్రీన్‌ సిగ్నల్‌ రావడంతో ఎస్సీ రిజర్వ్‌ చేసినట్లు ఆరోపణలున్నాయి. చైర్మన్‌ రేసులో జనసేన నుంచి పిట్టా జానకి రామారావు, టీడీపీ నుంచి పాతపూడి కృష్ణబాబు ఉన్నట్లు తెలిసింది. సామర్లకోట మున్సిపాలిటీలో 31 వార్డులుండగా గత ఎన్నికల్లో వైఎస్సార్‌ సీపీ ఏకంగా 29 వార్డులు కై వసం చేసుకుంది. టీడీపీ కేవలం రెండు వార్డులకే పరిమితమైంది.

కాకినాడ క్రైం: వైద్యుల నిర్లక్ష్యానికి కాకినాడ జీజీహెచ్‌లో మరో వ్యక్తి బలైపోయాడు. స కాలంలో ఐసీయూలో చేర్చకపో వడంతో ప్రాణాలు కోల్పోయా డు. వివరాలివీ.. స్థానిక దుమ్ములపేటకు చెందిన సయ్యద్‌ ర బ్బానీ (38) ఓ ఆటో డ్రైవర్‌. అతడికి భార్య ఫర్జా నా, ఇద్దరు కుమార్తెలు యాస్మిన్‌, మెహబూబ్‌ ఉన్నీసా ఉన్నారు. భార్యాభర్తల మధ్య జరిగిన ఓ ఘర్షణలో రబ్బానీ ఈ నెల 9న శుభ్రత కోసం వాడే ఓ రసాయనం తాగాడు. కుటుంబ సభ్యులు జీజీహెచ్‌లో చేర్చగా ఎం–2 వార్డులో చికిత్స అందిస్తున్నారు. రబ్బానీ ఆరోగ్యం విషమించిందని, ఐసీయూలో చేర్చాలని సిబ్బందికి డ్యూటీ డాక్టర్‌ సోమవారం ఉదయం చెప్పి విధులు ముగించుకుని వెళ్లారు. తర్వాత వచ్చిన డ్యూటీ వైద్యుడు తాను ఐసీయూలో చేర్చనని, ముందున్న వైద్యు డు మాత్రమే వచ్చి చేర్చాలని చెప్పి వార్డులోనే ఉంచేశాడు. రబ్బానీ భార్య ఫర్జానా ఎంత వేడుకున్నా పట్టించుకోలేదు. కొద్దిసేపటికి బాధితుడు అరుస్తూ మంచంపై నుంచి కిందికి దిగి వెళ్లిపోయేందుకు ప్రయత్నించాడు. వైద్యులు వచ్చి, మ త్తు ఇంజక్షన్‌ ఇచ్చినా నియంత్రణ రాకపోవడంతో వెంటనే మరో ఇంజక్షన్‌ ఇచ్చారు. ఆ వెంటనే రబ్బానీ ఒక్కసారిగా కుప్పకూలిపోయాడు. అతడు మరణించినట్లు వైద్యులు నిర్ధారించారు. దీంతో, ఫర్జానా సహా కుటుంబ సభ్యులు ఆందో ళనకు దిగారు. వారిని అధికారులు సముదాయించి రబ్బానీ మృతదేహాన్ని మార్చురీకి తరలించారు. తన భర్తను సకాలంలో ఐసీయూలో చేర్చకుండా వైద్యులు నిర్లక్ష్యంతో పొట్టన పెట్టుకున్నారని, ఫర్జానా విలపించింది. ఐసీయూలో బెడ్‌లు లేవని కొందరు, మీ డ్యూటీ డాక్టర్‌ తాను కాదని మరికొందరు వైద్యం చేయకుండా ప్రాణాలు తీశారని రోదించింది. ఈ ఘటనపై సర్పవరం పోలీస్‌ స్టేషన్‌లో కేసు నమోదైంది. ఒంటి కాలిపై వీఆర్‌ఏల నిరసన ప్రత్తిపాడు: తమ న్యాయమైన సమస్యలు పరిష్కరించాలనే డిమాండుతో సమ్మె చేపట్టిన గ్రామ రెవెన్యూ సహాయకులు (వీఆర్‌ఏ) సోమవారం ఒంటి కాలిపై నిరసన చేపట్టారు. వీఆర్‌ఏల సంఘం మండల అధ్యక్షుడు కొమరగిరి కృష్ణ నాయకత్వంలో ప్రత్తిపాడులో వారు కొద్ది రోజులుగా ఆందోళన చేస్తున్నారు. ఈ సందర్భంగా కృష్ణ మాట్లాడుతూ, తెలంగాణ మాదిరిగా తమ సర్వీసు రెగ్యులర్‌ చేసి, పే స్కేలు అమలు చేయాలని కోరుతున్నామన్నారు. నామినీలుగా పని చేస్తున్న వారందరినీ వన్‌ టైం సెటిల్‌మెంట్‌గా వీఆర్‌ఓలుగా నియమించాలని, 70 శాతం వీఆర్‌ఏలకు పదోన్నతులు కల్పించాలని డిమాండ్‌ చేశారు. ఓపెన్‌ స్కూల్‌ పరీక్ష ఫీజు గడువు పెంపు బాలాజీచెరువు (కాకినాడ సిటీ): ఏపీ సార్వత్రిక విద్యాపీఠం నిర్వహించే ఓపెన్‌ స్కూల్‌ పదో తరగతి, ఇంటర్మీడియెట్‌ పరీక్ష ఫీజు గడువును రూ.200 ఫైన్‌తో ఈ నెల 31 వరకూ పెంచినట్లు జిల్లా విద్యాశాఖాధికారి పిల్లి రమేష్‌ సోమవారం ఒక ప్రకటనలో తెలిపారు. ఆన్‌లైన్‌లో దరఖాస్తు చేసుకున్న వారు సంబంధిత కో ఆర్డినేటర్‌ను తప్పకుండా సంప్రదించాలని సూచించారు. సందేహాలుంటే జిల్లా కో ఆర్డినేటర్‌ను 63045 95699 నంబరులో సంప్రదించాలని తెలిపారు. స్పెషల్‌ టెట్‌కు 967 మంది హాజరు బాలాజీచెరువు (కాకినాడ సిటీ): జిల్లావ్యాప్తంగా సోమవారం రెండు సెషన్లలో నిర్వహించిన స్పెషల్‌ టీచర్‌ ఎలిజిబులిటీ టెస్ట్‌(టెట్‌)కు 967 మంది హాజరయ్యారు. డీఈఓ పిల్లి రమేష్‌ సోమవారం ఒక ప్రకటనలో ఈ విషయం తెలిపారు. ఉదయం పరీక్షకు 674 మంది, మధ్యాహ్నం 293 మంది హాజరయ్యారన్నారు. రిటైర్డ్‌ బ్యాంకు ఉద్యోగికి సైబర్‌ టోకరాకాకినాడ క్రైం: రిటైర్డ్‌ బ్యాంకు ఉద్యోగి ఒకరు సైబర్‌ ఉచ్చులో చిక్కుకుని డబ్బు కోల్పోయాడు. కాకినాడ శారదా దేవి గుడి సమీపాన నివాసం ఉంటున్న జయంతి శ్రీనివాస్‌ 212 ట్రేడ్‌ పేరిట ఉన్న ఓ స్టాక్‌ మార్కెట్‌ ట్రేడింగ్‌ కంపెనీలో ఆరు నెలల వ్యవధిలో దశల వారీగా రూ.5 లక్షల పెట్టుబడి పెట్టారు. ఎటువంటి రాబడీ రాకపోవడంతో ఆ సంస్థ సిబ్బందితో మాట్లాడాడు. మీ ధనం అనుమానాస్పదమైందని, సక్రమ సంపాదన కాకపోవచ్చని, మరో రూ.15 లక్షలు పెట్టుబడి పెడితో మొత్తం వెనక్కి వస్తాయని అవతలి వ్యక్తి చెప్పాడు. దీనిపై అనుమానం వచ్చిన శ్రీనివాస్‌కు తెలిసిన వారిని సంప్రదించగా.. అది ఓ ఫేక్‌ కంపెనీ అని తేల్చారు. దీంతో, కంగు తిన్న బాధితుడు సీఐడీకి ఫిర్యాదు చేశారు. వారి సిఫారసు మేరకు, బాధితుడి ఫిర్యాదుతో సోమవారం రాత్రి త్రీ టౌన్‌ పోలీసులు కేసు నమోదు చేశారు.

బోట్‌క్లబ్‌ (కాకినాడ సిటీ): నగర పాలక సంస్థలో విలీనం చేయడం సాధ్యం కాకపోతే కాకినాడ రూరల్‌ నియోజకవర్గ పరిధిలోని తూరంగి, ఇంద్రపాలెం, వాకలపూడి, వలసపాకల, రమణయ్యపేట, చీడిగ పంచాయతీల్లో ఎన్నికల నిర్వహణకు నోటిఫికేషన్‌ తక్షణమే ఇవ్వాలని సామాజికవేత్త దూసర్లపూడి రమణరాజు డిమాండ్‌ చేశారు. ఈ మేరకు జిల్లా పంచాయతీ కార్యాలయం వద్ద సోమవారం విలీన ప్రతిపాదిత గ్రామస్తులతో కలిసి ఆయన నిరసన తెలిపారు. ఈ సందర్భంగా మాట్లాడుతూ, ఆర్డినెన్స్‌ ద్వారా పంచాయతీరాజ్‌ నుంచి వేరు చేసినందున ఎన్నికల నోటిఫికేషన్‌ ఇచ్చే అవకాశాన్ని ఆ శాఖ ఎప్పుడో కోల్పోయిందని అన్నారు. 2016లో విలీన గ్రామాల రికార్డులు తెచ్చినట్టే తెచ్చి ఇచ్చేసి పెద్ద తప్పు చేశారని, ఇప్పుడు పూర్వ భౌగోళిక ప్రదేశానికి విలీనం లేకుండా మరింత తప్పు చేస్తున్నారని చెప్పారు. పంచాయతీరాజ్‌ శాఖ మంత్రి పట్టించుకోకపోవడంతో ఆ శాఖ తుది నివేదిక ఇన్నాళ్లూ ఇవ్వలేదని, దీంతో, అడ్వొకేట్‌ జనరల్‌ నివేదిక హైకోర్టుకు వెళ్లలేదని తెలిపారు. దీనివలన పుర పరిపాలన డైరెక్టరేట్‌ పంచాయతీ ఆస్తులు, అప్పులు, సిబ్బందిని స్వాధీనం చేసుకుని, కార్పొరేషన్‌ పాలనలోకి తెచ్చే ప్రక్రియ పూర్తి చేయడం లేదని చెప్పారు. ప్రభుత్వ శాఖలు హైకోర్టు ఆదేశాలను ధిక్కరిస్తున్న విషయం ఉప ముఖ్యమంత్రి పవన్‌ కల్యాణ్‌కు తెలియలేదా అని సూటిగా ఆయన ప్రశ్నించారు. ఆరు గ్రామాల పౌరులకు 15 ఏళ్ల నుంచి స్థానిక ప్రజా ప్రభుత్వ పాలన లేకుండా చేసి, గ్రామ స్వరాజ్యానికి సంకెళ్లు కొనసాగిస్తున్న తీరుపై నిరసన వ్యక్తం చేశారు. 2024 డిసెంబర్‌ 20న కలెక్టరేట్‌ వద్ద 48 గంటల నిరాహార దీక్ష చేపట్టినప్పుడు డిప్యూటీ సీఎం స్పందించి, కలెక్టర్‌ ద్వారా నివేదిక పంపి, హామీ ఇచ్చి, దీక్ష విరమింపజేశారని గుర్తు చేశారు. నాడు ఇచ్చిన హామీ ప్రకారం ఆయా గ్రామాలకు ఎన్నికలు జరిపించే బాధ్యత పవన్‌ కల్యాణ్‌పై ఉందని స్పష్టం చేశారు. లేకుంటే గాంధేయ మార్గంలో తమ పోరాటం కొనసాగిస్తామని తెలిపారు. ఈ నిరసనకు సీనియర్‌ నాయకులు చింతపల్లి అజయ్‌ కుమార్‌, పెద్దింశెట్టి రామకృష్ణారెడ్డి, జుత్తుక శ్రీనివాసరావు, వాసంశెట్టి విజయ్‌ కుమార్‌, అంబటి రామకృష్ణ, త్రినాథరావు మహేష్‌, సతీష్‌ కుమార్‌ మద్దతు తెలిపారు.

● జిల్లాలు విడివడినా జట్లు మాత్రం ఉమ్మడిగానే ● ఎస్‌జీఎఫ్‌ఐ పోటీలపై ప్రభుత్వం నిర్లక్ష్యం ● రెండు నెలల ఆలస్యంగా షెడ్యూల్‌ విడుదల ● విడుదల కాని నిధులు.. ● దాతల సాయంతో పోటీల నిర్వహణ ● ఎన్నో అవకాశాలు కోల్పోతున్న విద్యార్థులు నాగమల్లితోట జంక్షన్‌ (కాకినాడ సిటీ): పాఠశాల స్థాయి విద్యార్థుల్లో క్రీడా ప్రతిభకు పదును పెట్టి ఉత్తమ క్రీడాకారులుగా తీర్చిదిద్ది, రాష్ట్ర, జాతీయ స్థాయి పోటీల్లో పతకాలు సాధించాలనే ఉద్దేశంతో పాఠశాల క్రీడా సమాఖ్య (ఎస్‌జీఎఫ్‌ఐ) పోటీల నిర్వహణకు సన్నద్ధమవుతోంది. అండర్‌–14, 17, 19 విభాగాల్లో బాలికలు ఈ పోటీల్లో పాల్గొని ప్రతిభ నిరూపించుకుంటున్నారు. క్రీడలకు పెద్దపీట వేస్తున్నాం, క్రీడా కోటాను మూడు శాతం పెంచాము, క్రీడాకారులకు ప్రోత్సాహాన్ని అందిస్తున్నాం అని చెబుతున్న రాష్ట్ర ప్రభుత్వం ప్రస్తుతం పాఠశాల క్రీడలకు కేటాయించిన నిధులు, రాష్ట్ర స్థాయి పోటీలు జరుగుతున్న తీరు, రాష్ట్ర, జాతీయస్థాయి పోటీలకు జిల్లా జట్లను పంపడంతో ఎదురౌతున్న ఇబ్బందులును చూస్తే ప్రభుత్వానికి క్రీడలపై ఎంత శ్రద్ధ ఉందో అర్ధమవుతోంది. వివరాల్లోకి వెళితే.. ఏటా సెప్టెంబర్‌లో విడుదలయ్యే ఎంపికల షెడ్యూలు రెండు నెలల ఆలస్యంగా విడుదల చేసి ఎస్‌జీఎఫ్‌ఐ ఆధ్వర్యంలో 12 క్రీడాంశాల్లో అమరావతి చాంపియన్‌షిప్‌ పోటీలు నిర్వహించింది. జూలైలో నియమించాల్సిన కార్యదర్శుల నియామకాలు సెప్టెంబరులో నిర్వహించడం కూడా షెడ్యూలు ఆలస్యానికి ఒక కారణమని పలువురు పేర్కొటున్నారు. మరోవైపు జాతీయ స్థాయి పోటీల తేదీలు రావడంతో జిల్లా ఎంపికలు నిర్వహించి, రాష్ట్ర స్థాయి పోటీలకు జిల్లా జట్లు పంపడం నిర్వాహకులకు కత్తిమీద సాములా తయారైంది. గత ఏడాది రాష్ట్ర విద్యాశాఖ రాష్ట్ర వ్యాప్తంగ ఉన్న జిల్లాలకు ఎస్‌జీఎఫ్‌ఐ క్రీడలకు సుమారు 7 కోట్ల బడ్జెట్‌ను కేటాయించింది. ఈ నిధులతో రాష్ట్ర, జాతీయ స్థాయి పోటీల నిర్వహణ, వివిధ రాష్ట్ర, జాతీయస్థాయి పోటీలకు వెళ్లే జిల్లా క్రీడాకారులకు రవాణా ఖర్చులు, స్పోర్ట్స్‌ కిట్లను (డ్రస్‌, షూ) అందించారు. ఈ ఏడాది రెండు నెలలు ఆలస్యంగా షెడ్యూలు ప్రారంభమైనా ఇప్పటి వరకు రాష్ట్ర విద్యాశాఖ నుంచి ఎస్‌జీఎఫ్‌ఐ బడ్జెట్‌ కేటాయించక పోవడంతో ఆయా జిల్లాలో రాష్ట్రస్థాయి పోటీలను దాతల సాయంతో నిర్వహించాల్సిన పరిస్థితి ఏర్పడింది. రాష్ట్ర, జాతీయ స్థాయి పోటీలకు వెళ్లే జట్లకు రవాణా ఖర్చులు ఎస్‌జీఎఫ్‌ఐ నిర్వహణను కార్యదర్శులే తమ సొంత డబ్బులతో ఏర్పాటు చేసుకుని జట్లను పంపాల్సిన పరిస్థితి నెలకొంది. ఈ ఏడాది 11 క్రీడాంశాల్లో రాష్ట్రస్థాయి పోటీలకు జిల్లా జట్లను పంపించారు. జిల్లాలు విభజించినా ఎంపికలు ఉమ్మడిగానే రాష్ట్రంలోని 13 జిల్లాలు 26 జిల్లాలుగా పునర్విభజన జరిగి ఉమ్మడి తూర్పు గోదావరి జిల్లా కాకినాడ, రాజమహేంద్రవరం, కోనసీమ, పోలవరం జిల్లాలుగా విభజించిన విషయం తెలిసిందే. ఏటా ఎస్‌జీఎఫ్‌ఐ పోటీలను డీఈఓ అధ్యక్షతన జిల్లాలోని సీనియర్‌ పీడీలను కార్యదర్శులుగా నియమించి నిర్వహించేవారు. కాగా రెండేళ్లుగా ఇద్దరు కార్యదర్శులను విద్యాశాఖ రాష్ట్ర సంచాలకుడు నియమిస్తూ ఉత్తర్వులు జారీ చేస్తున్నారు. ఒకరు నిర్వహణ కార్యదర్శి కాగా, రెండో వారు అడ్మిన్‌ కార్యదర్శి. నిధుల వినియోగం, నిధులు అందుకోవడం వంటి చెక్‌ పవర్‌ డీఈఓ, అడ్మిన్‌ కార్యదర్శికి ఉమ్మడిగా కల్పించారు. గతంలో కార్యదర్శుల పదవీ కాలం రెండేళ్లు ఉండేది. దానిని ప్రస్తుతం ఏడాదికి కుదించారు. ప్రస్తుతం కాకినాడ, కోనసీమ, రాజమహేంద్రవరం జిల్లాలకు ఎస్‌జీఎఫ్‌ఐ కార్యదర్శులను వేరువేరుగా నియమించినా జట్ల ఎంపిక మాత్రం ఉమ్మడిగానే సాగిస్తున్నారు. క్రీడాకారులకు తీవ్ర అన్యాయం ఎస్‌జీఎఫ్‌ఐ (స్కూల్‌ గేమ్స్‌ ఫెడరేషన్‌ ఆఫ్‌ ఇండియా) ఆధ్వర్యంలో అండర్‌–14, 17, 19 విభాగాల్లో ఏటా సుమారు 34 క్రీడాంశాల్లో క్రీడాకారులను జిల్లా స్థాయిలో ఎంపిక చేసి రాష్ట్ర, జాతీయస్థాయికి పంపిస్తారు. ప్రతి క్రీడలో అండర్‌–14, 17, 19లో బాలుర జట్లు వేరుగా, బాలికల జట్లు వేరుగా ఆయా క్రీడలను బట్టి ఎంపిక చేస్తారు. ఉదాహరణకు హాకీలో 16 మంది సభ్యులతో జట్టు ఉంటుంది. అంటే అండర్‌–14లో బాలురు 18 మంది, బాలికలు 18 మంది, అండర్‌–17లో బాలురు 18 మంది చొప్పున, అండర్‌–19లో బాల బాలికలు 18 మంది చొప్పున ఒకొక్క జిల్లా నుంచి ఎంపిక చేయాలి. ఖోఖో, కబడ్డీ, ఫుట్‌బాల్‌ పోటీలకు ఒక్కొక్క విభాగంలో 12 మంది చొప్పున ఎంపిక చేయాలి. కానీ నేడు ఉమ్మడి తూర్పు గోదావరి జిల్లా పరిధిలో మూడు జిల్లాలకు కలిపి ఒకే జట్టును ఎంపిక చేయాల్సిరావడంతో ఎక్కువ మంది బాల బాలికలు పోటీలకు వెళ్లే అవకాశాలను కోల్పోతున్నారు. విద్యాశాఖ ఉన్నతాధికారులు దీనిపై దృష్టి పెట్టి పోటీలకు నిధులు విడుదల, ఉమ్మడి జిల్లాల ప్రాతిపదికన కాకుండా విభజిత జిల్లాల వారీగా ఎంపికలు జరిగేలా చూడాలని పీడీలు, క్రీడా సంఘాల ప్రతినిధులు, సీనియర్‌ క్రీడాకారులు కోరుతున్నారు.

సఖినేటిపల్లి: పల్లిపాలెం ఫిషింగ్‌ హార్బర్‌కు ఆదివారం మగ కచిడి చేప వచ్చింది. సముద్రంపై వేటకు వెళ్లిన మత్స్యకారుల వలకు ఈ చేప చిక్కింది. 24 కిలోల బరువున్న ఈ చేపను నరసాపురానికి చెందిన ఒక వ్యాపారస్తుడు రూ.80 వేలకు కొనుగోలు చేసుకున్నాడు. అరుదుగా దొరికే మగ కచిడి చేప ఔషధ గుణాలు కలిగి ఉంటుంది. కచిడి చేపను గోల్డెన్‌ ఫిష్‌గా కూడా పిలుస్తారు. దీని కొనుగోలు ధరలో ఒక వంతు చేపకు వర్తిస్తే, రెండొంతులు పొట్ట భాగానికి వర్తిస్తుంది. దీని పొట్ట భాగంతో ఆపరేషన్‌ సమయంలో కుట్లు వేసే ధారం తయారీ చేస్తారు. దీనివల్ల మగ చేపకు డిమాండ్‌ ఉంటుంది.

సీపీఐ రాష్ట్ర కార్యదర్శి వర్గ సభ్యుడు తాటిపాక మధు బోట్‌క్లబ్‌ (కాకినాడసిటీ): అక్రమ అరెస్టులతో ప్రజా ఉద్యమాలను అణచలేరని సీపీఐ రాష్ట్ర కార్యదర్శివర్గ సభ్యుడు తాటిపాక మధు విమర్శించారు. సీఈసీ రాజీనామా కోరుతూ శనివారం ఢిల్లీలో ఆందోళన చేసిన విద్యార్థులు, యువజనులపై పోలీసులు లాఠీచార్జి చేయడం, అక్రమంగా నిర్బంధించడం అప్రజాస్వామికమన్నారు. స్థానిక సీపీఐ జిల్లా సమితి ఆధ్వర్యంలో నిరసన ప్రదర్శన స్థానిక మదర్‌ థెరిస్సా విగ్రహం వద్ద నుంచి కోకిల సెంటర్‌ వరకు ర్యాలీ నిర్వహించారు. ప్రజల ఓటు హక్కు, ఎన్నికల పారదర్శకత, రాజ్యాంగ పరిరక్షణ కోసం గొంతెత్తే వారిని లాఠీలతో భయపెట్టలేరన్నారు. రాజ్యాంగం కల్పించిన హక్కులను కాపాడుకునే వరకు ప్రజాస్వామ్య పోరాటం కొనసాగుతుందన్నారు. కార్యక్రమంలో ఆ పార్టీ జిల్లా కార్యదర్శి కె.బోడకొండ, సహాయ కార్యదర్శి తోకల ప్రసాద్‌, మహిళా సమాఖ్య జిల్లా వర్కింగ్‌ ప్రెసిడెంట్‌ కేత అరుణ, మల్లాల్సి శ్యామ్‌ పాల్గొన్నారు.

● సత్యదేవుని దర్శించిన 30 వేల మంది ● అన్నప్రసాద నాణ్యతపై ఈఓ ఆరా అన్నవరం: దసరా వేడుకలు, విద్యా సంస్థలకు సెలవులు కావడం, ఆదివారం కలసిరావడంతో రత్నగిరి భక్తులతో పోటెత్తింది. సత్యదేవుని దర్శనానికి సుమారు 30 వేల మంది భక్తులు రావడంతో స్వామివారి దర్శనానికి గంట, ప్రత్యేక దర్శనానికి అరగంట సమయం పట్టింది. స్వామివారి వ్రతాలు 1,600 జరగగా, అన్ని విభాగాల ద్వారా దేవస్థానానికి రూ.30 లక్షల ఆదాయం సమకూరింది. ఐదు వేల మంది నిత్యాన్నదాన పథకంలో అన్న ప్రసాదాన్ని స్వీకరించారు. అన్నప్రసాదం నాణ్యతపై ఆల య ఈఓ నల్లం సూర్య చక్రధరరావు భక్తుల నుంచి అభిప్రాయాలు తెలుసుకున్నారు. నేడు సీఐఐ భాగస్వామ్య సదస్సు బాలాజీచెరువు: జేఎన్‌టీయూకేలో సోమవారం 31వ భారత పరిశ్రమల భాగస్వామ్య సదస్సు నిర్వహిస్తున్నట్టు ఏపీ ఆర్థిక అభివృద్ధి సంస్థ సీఈఓ ఎస్‌.షణ్మోహన్‌ తెలిపారు. సమావేశ వేదిక, స్టాల్స్‌ నిర్వహణ తదితర అంశాలపై సంబంధిత అధికారులతో చర్చించి ఏర్పాట్ల పురోగతిపై నివేదికను కోరారు. సదస్సుకు ముఖ్య అతిథిగా రాష్ట్ర ఉప ముఖ్యమంత్రి పవన్‌కల్యాణ్‌, రాష్ట్ర ప్రభుత్వ ప్రధాన కార్యదర్శులు హాజరవుతున్నారని తెలిపారు. ఈయన వెంట ఏపీఐఐసీ జోనల్‌ మేనేజర్‌ రమణారెడ్డి, జిల్లా పరిషత్‌ సీఈఓ లక్ష్మణరావు, జిల్లా పరిశ్రమల కేంద్ర మేనేజర్‌ గణపతి ఉన్నారు. చీకుధార వద్ద పర్యాటకుల సందడి రాజవొమ్మంగి: రాజవొమ్మంగి అటవీ ప్రాంతంలో కిమ్మిలిగెడ్డ గ్రామ సమీపంలోని చీకుధార వద్ద పర్యాటకులు ఆదివారం సందడి చేశారు. రాజవొమ్మంగి నుంచి 6 కిలోమీటర్ల దూరంలోని ఈ జలపాతం పర్యాటకులకు కనువిందు చేస్తోంది. ఈ జలపాతం వద్ద ప్రతిష్టించిన శివలింగం, గ్రామదేవతలు, అనేక ఇతర దేవుళ్ల విగ్రహాలు ప్రత్యేక ఆకర్షణగా నిలుస్తున్నాయి. ఇళ్ల స్థలాలు అప్పగించే వరకూ పోరాటంసాక్షి, రాజమహేంద్రవరం: వైఎస్సార్‌ సీపీ ప్రభుత్వ హయాంలో వైఎస్‌ జగన్‌మోహన్‌రెడ్డి పేదలకు అందజేసిన రూ.వందల కోట్ల విలువైన స్థలాలను లబ్ధిదారులకు స్వాధీనం చేసే వరకూ పోరాటానికి పార్టీ వార్డు ఇన్‌చార్జులు, కార్యకర్తలు సిద్ధం కావాలని మాజీ ఎంపీ, పార్టీ జాతీయ అధికార ప్రతినిధి, సిటీ ఇన్‌చార్జి మార్గాని భరత్‌రామ్‌ పిలుపునిచ్చారు. త్వరలో కార్పొరేషన్‌ ఎన్నికలు జరగనున్న నేపథ్యంలో 72 డివిజన్ల ఇన్‌చార్జులు, పార్టీ ముఖ్య నాయకులతో స్థానిక వీఎల్‌ పురంలోని కార్యాలయంలో ఆదివారం సమావేశం నిర్వహించారు. ఈ సందర్భంగా ఆయన మాట్లాడుతూ సోమవారం మున్సిపల్‌ కార్పొరేషన్‌ వద్ద జరిగే మహాధర్నాకు ప్రతి డివిజన్‌ నుంచి ఇళ్ల పట్టాలు పొందిన లబ్ధిదారులను తీసుకురావాలని సూచించారు. రైతులకు నాటి సీఎం వైఎస్‌ జగన్‌మోహన్‌రెడ్డి రూ.వందల కోట్లు చెల్లించి కానవరం, బూరుగుపూడి, కాపవరం గ్రామాల్లో భూములు సేకరించారని, కుటుంబానికి 50 గజాల చొప్పున రూ.8 లక్షల నుంచి రూ.10 లక్షల విలువైన ఆస్తిని పట్టాల రూపంలో అందజేశారని గుర్తుచేశారు. ఇప్పుడు అధికారంలో ఉన్న కూటమి ప్రభుత్వం ఆ స్థలాలను లబ్ధిదారులకు అప్పగించకుండా, వాటిని రద్దు చేసి టిడ్కో ఇళ్ల పేరుతో మోసం చేయడానికి కుట్ర పన్నుతోందని ఆరోపించారు. కార్పొరేషన్‌ ఎన్నికలు జరుగుతున్నందున కూటమి ప్రభుత్వానికి ఎన్నికల్లో ఓట్లు పడవేమోననే భయంతో కచ్చితంగా ఆ స్థలాలు లబ్ధిదారులకు అప్పగించి తీరుతుందన్నారు. ప్రభుత్వాలు మారినా.. ముఖ్యమంత్రిగా ఎవరున్నా సర్వే నంబర్లు, ప్లాట్‌ నంబర్లతోపాటు అందజేసిన ఆ స్థలాలపై హక్కు పేదలదేనని తెలిపారు.

● శ్రీపీఠం నిర్వాహకుడు పరిపూర్ణానంద స్వామీజీ ● తొలిరోజు వేలాదిగా వచ్చిన మహిళలు కాకినాడ రూరల్‌: అమ్మవారి అనుగ్రహ సాధనలో కాలం, మాట, అవకాశం ఎంతో ముఖ్యమైనవని శ్రీపీఠం నిర్వాహకుడు పూజ్యశ్రీ పరిపూర్ణానంద స్వామీజీ పేర్కొన్నారు. పీఠంలో ఆదివారం నుంచి దసరా ఉత్సవాలు ప్రారంభమై ఆధ్యాత్మిక సందడి నెలకొంది. స్వామిజీ ఆధ్వర్యంలో మూడేళ్ల కిందట ప్రారంభించిన మహాశక్తి యాగం నాలుగో ఏడాదికి చేరింది. ఈ దసరా ఉత్సవాలలో వంద కోట్ల కుంకుమార్చలు చేపట్టేందుకు మహాశక్తి యాగం–2026కు భారీ ఏర్పాట్లు చేశారు. ఆదివారం వేలాది బహిళలు దీక్షా వస్త్రాలను ధరించి పీఠానికి హాజరయ్యారు. భక్తుల సంఖ్యను బట్టి సప్తమి లేదా అష్టమి నాటికే శత కోటి కుంకుమార్చనలు పూర్తవుతాయని భావిస్తున్నట్టు స్వామీజీ పేర్కొన్నారు. మహాశక్తి యాగ ప్రాంగణంలోని వేదికపై ఉన్న లలితా అమ్మవారు, లక్ష్మి దేవి, వారాహి దేవి, శ్రీ భూ దేవి సమేత వెంకటేశ్వరస్వాములకు ఆయన హారతి ఇచ్చి, భక్తులతో సంకల్పం చేయించి రెండు సార్లు లలితా సహస్ర నామాలతో కుంకుమార్చలు చేయించారు.

● అటు కార్పొరేషన్‌లో చేరక.. ● ఇటు పంచాయతీలోనూ లేక.. ● గాలిలో దీపంలా ఆరు గ్రామాలు ● 66 డివిజన్ల పునర్విభజనలోనూ దక్కని స్థానం ● స్థానిక ఎన్నికల నిర్వహణ సందిగ్ధమే కాకినాడ రూరల్‌: కాకినాడ కార్పొరేషన్‌, విలీన ప్రతిపాదిత గ్రామాల ప్రజల్లో స్థానిక ఎన్నికలపై సందిగ్ధత నెలకొంది. గ్రామీణ మండలంలో 14 ఏళ్లుగా స్థానిక ఎన్నికలకు దూరంగా ఉంటున్న ఆరు గ్రామాలతో పాటు స్వామినగర్‌, ఎస్‌.అచ్యుతాపురం ప్రజలు కార్పొరేషన్‌లో విలీనం కాక, పంచాయతీగా కొనసాగక రెంటికీ చెడ్డ రేవడిలా మారారు. కార్పొరేషన్‌లో ప్రతిపాదిత గ్రామాల విలీనానికి ఉన్న అడ్డంకులను తొలగించేందుకు పురపాలక శాఖ ఉన్నతాధికారులు చర్యలు తీసుకోకపోవడం, సదరు గ్రామాలు తమ ఆధీనంలో లేవని పంచాయతీరాజ్‌ విభాగం అడ్వకేట్‌ జనరల్‌ నివేదిక ఇవ్వకపోవడంతో ఆయా గ్రామాల పంచాయితీ ఎటూ తేలడం లేదు. 15ఏళ్ళగా జాప్యం: కాకినాడ రూరల్‌ మండల పరిధిలోని రమణయ్యపేట, వాకలపూడి, వలసపాకల, తూరంగి, ఇంద్రపాలెం, చీడిగ, స్వామినగర్‌, ఎస్‌.అచ్యుతాపురం గ్రామాలను కార్పొరేషన్‌లో విలీనం చేసేందుకు 2012లో ఆయా గ్రామాల పాలకవర్గాలు, ప్రత్యేక అధికారులు తీర్మానాలు చేయగా స్వామినగర్‌, ఎస్‌.అచ్యుతాపుం గ్రామాల టీడీపీ నేతలు తమను పంచాయతీలుగానే ఉంచాలని కోర్టుకెక్కడంతో 2017లో జరిగిన కార్పొరేషన్‌ ఎన్నికల్లో ఆ గ్రామాలను చేర్చలేదు. దీంతో అవి నేటికీ ప్రత్యేకాధికారుల పాలనలోనే కొనసాగుతున్నాయి. తరువాత ఇద్దరు నాయకులు తమ పిటిషన్లను ఉప సంహరించుకున్నప్పటికీ మున్సిపల్‌ స్టాండింగ్‌ కౌన్సిల్‌ ద్వారా న్యాయ స్థానాల నుంచి నేటికీ ఆయా వ్యాజ్యాలపై తుది నిర్ణయాన్ని తీసుకురాలేదు. ప్రతిపాదిత విలీన గ్రామాల పిటిషన్లను ఇటీవల హైకోర్టు కొట్టివేయడంతో తమ గ్రామాల్లోనూ ఎన్నికలు జరుగుతాయని ప్రజలు భావించారు. కానీ ఆ విషయమై నేటికీ స్పష్టత లేదు. తాజాగా కార్పొరేషన్‌ అధికారులు ప్రస్తుతమున్న 50 డివిజన్లను 66గా పెంచి ఈ నెల 14వ తేదీ లోగా అభ్యంతరాలు తెలపాలని పిలుపునిచ్చారు. అయితే ఆ 66 గ్రామాల్లో స్వామినగర్‌, ఎస్‌ అచ్యుతాపురం గ్రామాలను పరిగణనలోకి తీసుకోకపొవడం గమనార్హం. అయితే రమణయ్యపేట, వాకలపూడి, తూరంగి, ఇంద్రపాలెం, చీడిగ గ్రామాలను ఏ డివిజన్లలో కలుపుతారన్నది నేటికీ సందిగ్ధంగానే ఉంది. ఈ విషయమై స్థానిక పౌర సంక్షేమ సంఘం కన్వీనర్‌, సామాజికవేత్త దూసర్లపూడి రమణరాజు శనివారం బ్యాండేజీ కట్లతో 8 విలీన గ్రామాలతో కార్పొరేషన్‌ ఎన్నికలు నిర్వహించాలని నినదించారు. 42, 48 డివిజన్లపై నిర్లక్ష్యం డివిజన్ల పునర్విభజనలో 42వ డివిజన్‌లోని స్వామినగర్‌, 48వ డివిజన్‌లోని ఎస్‌.అచ్యుతాపురంపై కార్పొరేషన్‌ అధికారుల నిర్లక్ష్యంగా వ్యవహరిస్తున్నారు. టీడీపీ నాయకులు పిటిషన్లు విరమించుకున్నప్పటికీ న్యాయస్థానం నుంచి అనుమతి లేదు. మున్సిపల్‌ స్టాండింగ్‌ కమిటీ సత్వర చర్యలు తీసుకుని ఎన్నికలు జరిగేలా చూడాలి. – పెదపాటి నాగబాబు, 48వ డివిజన్‌

ఉత్సాహంగా రాష్ట్రస్థాయి పోటీల ప్రారంభం అమలాపురం రూరల్‌: రాష్ట్రస్థాయి సెపక్‌తక్రా క్రీడల్లో జిల్లా మహిళా క్రీడాకారులు సత్తా చాటి సెమీ ఫైనల్స్‌కు చేరారు. స్థానిక ఎస్‌కేబీఆర్‌ కళాశాలలో 36వ సీనియర్‌ అంతర్‌ జిల్లాల మెన్‌ అండ్‌ ఉమెన్‌ సెపక్‌తక్రా పోటీలను ఎంపీ హరీష్‌మాధుర్‌ శనివారం ప్రారంభించారు. రెండు రోజుల పాటు జరిగే ఈ పోటీల్లో సుమారు 20 జిల్లాల నుంచి 250 మంది పాల్గొన్నారు. తొలిరోజు కోనసీమతో పాటు అనంతపురం, కృష్ణా జిల్లాల మహిళా జట్లు సెమీ ఫైనల్స్‌కు చేరాయి. పురుషుల విభాగంలో కర్నూలు, తూర్పుగోదావరి, కోనసీమ, ఒంగోలు జిల్లాల జట్లు క్వార్టర్‌ ఫైనల్స్‌కు చేరుకున్నాయి. తొలి దశ లీగ్‌ పోటీలు హోరాహోరీగా సాగాయి. తొలిరోజు పురుషుల విభాగంలో 22 మ్యాచ్‌లు, మహిళల విభాగంలో 18 మ్యాచ్‌లు జరిగినట్లు సెపక్‌తక్రా జిల్లా అధ్యక్షుడు జవ్వాది తాతబాబు, టోర్నమెంట్‌ ఆర్గనైజింగ్‌ సెక్రటరీ యండ్ర గౌతమ్‌ తెలిపారు. కార్యక్రమంలో ఎస్‌కేబీఆర్‌ కళాశాల పాలకవర్గ అధ్యక్షుడు ఎన్‌. సుబ్బరాజు, ప్రతినిధి టీఎస్‌ఎన్‌ రాజు, వైఎస్సార్‌ సీపీ రాష్ట్ర కార్యదర్శి చెల్లుబోయిన శ్రీనివాసరావు తదితరులు పాల్గొన్నారు. బీచ్‌ ఫుట్‌బాల్‌ పోటీలు ప్రారంభం చీరాల రూరల్‌: ఆంధ్రప్రదేశ్‌ ఫుట్‌బాల్‌ అసోసియేషన్‌ ఆధ్వర్యంలో చీరాల రామాపురం బీచ్‌లో ఏపీ అంతర్‌ జిల్లా బీచ్‌ ఫుట్‌బాల్‌ చాంపియన్‌ షిప్‌ పోటీలు శుక్రవారం రాత్రి అట్టహాసంగా ప్రారంభమయ్యాయి. రాష్ట్ర ఫుట్‌బాల్‌ అసోసియేషన్‌ అధ్యక్షుడు, మాజీ ఎంపీ కోటగిరి శ్రీధర్‌, స్థానిక ఎమ్మెల్యే ఎంఎం కొండయ్య ప్రారంభించిన పోటీల్లో 17 జిల్లాల క్రీడాకారులు హాజరైనట్లు పోటీల నిర్వాహకుడు, నాలుగు జిల్లాల నల్లమల జోన్‌ ఇన్‌చార్జి నూతలపాటి దేవదాసు తెలిపారు. ఫ్లడ్‌లైట్ల వెలుగులలో నిర్వహించిన పోటీల్లో రెండు మ్యాచ్‌లు డ్రాగా ముగిశాయి. పోటీల్లో ఎన్‌టీఆర్‌ జిల్లా జట్టు 2–1 తేడాతో తూర్పు గోదావరి జట్టుపై గెలవగా, కాకినాడ జిల్లా జట్టు 2–1 తేడాతో శ్రీకాకుళం జట్టుపై గెలిచింది. అలాగే కృష్ణాజిల్లా, అంబేడ్కర్‌ కోనసీమ జిల్లా జట్ల మధ్య జరిగిన మ్యాచ్‌ డ్రాగా ముగిసింది. పోటీలను ఆర్గనైజర్‌ నూతలపాటి దేవదాసు, నూతలపాటి విజయ్‌ కుమార్‌ తదితరులు పర్యవేక్షించారు.

నాగమల్లితోట జంక్షన్‌ (కాకినాడ సిటీ): జిల్లా పాఠశాల క్రీడా సమాఖ్య అండర్‌–17, 19 ఆధ్వర్యంలో కాకినాడ డీఎస్‌ఏ మైదానంలో రాష్ట్ర స్థాయి ఎస్‌జీఎఫ్‌ఐ వెయిట్‌ లిఫ్టింగ్‌ పోటీలు శనివారం రెండో రోజు ఉత్సాహంగా జరిగాయి. ఈ పోటీలను కాకినాడ అర్బన్‌ ఎంఈఓ సీహెచ్‌ రవి ప్రారంభించారు. ప్రతిభను నిరూపించుకోవడానికి ఎస్‌జీఎఫ్‌ఐ పోటీలను బాటగా మార్చుకోవాలని క్రీడాకారులకు సూచించారు. ఎస్‌జీఎఫ్‌ఐ కార్యదర్శి పి.శ్రీనివాస్‌ మాట్లాడుతూ అండర్‌–17, 19 కేటగిరీల్లో పోటీలు జరుగుతున్నాయన్నారు. అండర్‌–19 బాలికల విభాగంలో దీక్షిత (పశ్చిమ), లేఖ్యశ్రీ (కడప), టి.అంకిత (తూర్పు) మొదటి మూడు స్థానాలు దక్కించుకున్నారు. అండర్‌–17 బాలికల విభాగంలో బి.శ్రీచందన (కడప), భాగ్యశ్రీ (తూర్పు), పద్మావతి (పశ్చిమ) బంగారు, వెండి, రజత పతకాలు గెలుచుకున్నారు. 48 కిలోల విభాగంలో ఎం.పావని(పశ్చిమ), ఎం.తనీహ (శ్రీకాకుళం), కె.లిఖిత (తూర్పు)లు, అండర్‌–19 బాలుర విభాగంలో ఎస్‌కే అబ్దుల్‌ అషీద్‌ (కడప), వి.రామచరణ్‌ (విజయనగరం), ఎం.మురళి (శ్రీకాకుళం) మొదటి మూడు స్థానాలు కై వసం చేసుకున్నారు. రెండో రోజు విజేతలకు ఎంఈఓ రవి మెడల్స్‌, సర్టిఫికెట్లు అందజేశారు. కార్యక్రమంలో డీఎస్‌డీఓ సతీష్‌కుమార్‌, వ్యాయామ ఉపాధ్యాయ సంఘ కార్యదర్శి మాచరరావు, పీడీలు రవిరాజు, బంగార్రాజు, కె.శ్రీనివాసరావు, పట్టాభి, వెంకటేష్‌, ఎస్‌జీఎఫ్‌ఐ అడ్మిన్‌ కార్యదర్శి కుమారి తదితరులు పాల్గొన్నారు.

బోట్‌క్లబ్‌ (కాకినాడ సిటీ): దేశంలో అప్రకటిత ఎమర్జెన్సీని తొలగించాలని సీపీఎం ఆధ్వర్యంలో స్థానిక అంబేడ్కర్‌ విగ్రహం వద్ద శనివారం రాత్రి కొవ్వొత్తులతో నిరసన తెలిపారు. ఈ సందర్భంగా సీపీఎం జిల్లా కమిటీ సభ్యులు దువ్వా శేషుబాబ్జీ, చెక్కల రాజ్‌కుమార్‌ మాట్లాడుతూ చీఫ్‌ ఎలక్షన్‌ కమిషనర్‌ రాజీనామా చేయాలని డిమాండ్‌ చేస్తూ సీపీఎం సహా వివిధ రాజకీయ పక్షాలు, కాక్రోచ్‌ జనతా పార్టీ, విద్యార్థి, యువజన సంఘాల ఆధ్వర్యంలో ఢిల్లీ జంతర్‌ మంతర్‌ వద్ద ఆందోళనకు పిలుపునిచ్చారన్నారు. ఈ నేపథ్యంలో కేంద్ర ప్రభుత్వం ఢిల్లీ వైపు వచ్చే రైళ్లను రద్దు చేయడం, మెట్రో సర్వీసులు నిలిపివేయడం ఎమర్జెన్సీ కాలం కంటే నిరంకుశంగా ఉందన్నారు. సీపీఎం ప్రధాన కార్యదర్శితో సహా అనేక మంది వివిధ ప్రజా సంఘాల నాయకులను, సీనియర్‌ సిటిజన్స్‌ అని కూడా చూడకుండా ఢిల్లీ పోలీసులు వ్యవహరించడం దారుణమన్నారు. విద్యార్థినులపై పోలీసు ప్రవర్తన తీవ్ర అభ్యంతరకరంగా ఉందన్నారు. అదేవిధంగా విజయవాడలో కూడా విద్యార్థి నాయకులను అక్రమంగా అరెస్టు చేశారన్నారు. ప్రజలంతా కేంద్ర, రాష్ట్ర ప్రభుత్వాల నిరంకుశ చర్యలను ఖండించాలని విజ్ఞప్తి చేశారు. కార్యక్రమంలో సీపీఎం జిల్లా కమిటీ సభ్యుడు కేఎస్‌ శ్రీనివాస్‌, నగర కన్వీనర్‌ పలివెల వీరబాబు, నగర కమిటీ సభ్యుడు మలక వెంకటరమణ పాల్గొన్నారు.

బోట్‌క్లబ్‌ (కాకినాడ సిటీ): తమ సమస్యలు పరిష్కరించాలని కోరుతూ స్థానిక ధర్నా చౌక్‌ వద్ద ఏపీ మెడికల్‌ అండ్‌ హెల్త్‌ కాంట్రాక్టు ఉద్యోగుల జేఏసీ నాయకులు చేస్తున్న ఆందోళన శనివారం కూడా కొనసాగింది. తమ సమస్యల పరిష్కారంలో ప్రభుత్వం కాలయాపన చేస్తోందని, చర్చలకు పిలిచిన ప్రభుత్వం తమ డిమాండ్లను ఇంకా పరిష్కరించలేదన్నారు. కార్యక్రమంలో జేఏసీ నాయకులు జీవన్‌, రాజు, టి.ప్రశాంతి, జగదీష్‌, భవాని, స్వాతి, కేఎస్‌ ప్రభాకర్‌, ఆర్‌ సురేష్‌, ఆర్‌ రాణి పాల్గొన్నారు. బెదిరింపు నోటీసులతో ఆందోళన విరమణ

సామర్లకోట: స్థానిక విస్తరణ శిక్షణ కేంద్రంలో జల్‌ జీవన్‌ మిషన్‌ 2.0పై గ్రామీణ తాగునీటి సరఫరా విభాగాల ఇంజినీర్లకు ఈ నెల 12 నుంచి మూడు రోజుల పాటు శిక్షణ ఇవ్వనున్నట్టు విస్తరణ శిక్షణ కేంద్రం ప్రిన్సిపాల్‌ కేఎన్‌వీ ప్రసాదరావు శనివారం ఒక ప్రకటనలో తెలిపారు. శ్రీకాకుళం, విజయనగరం, విశాఖపట్నం, అనకాపల్లి, పార్వతీపురం మన్యం, అల్లూరి సీతారామరాజు, కాకినాడ, అంబేడ్కర్‌ కోనసీమ, తూర్పుగోదావరి, పశ్చిమ గోదావరి, పోలవరం, ఏలూరు జిల్లాల్లోని 269 మందికి ఈ శిక్షణ ఇవ్వనున్నారు. బ్యాచ్‌కు మూడు రోజుల చొప్పున ఐదు బ్యాచ్‌లలో శిక్షణ ఇవ్వనున్నట్టు ప్రసాదరావు తెలిపారు. తాగునీటి సరఫరా విభాగంలో పని చేసే ఇంజినీర్లు తప్పని సరిగా శిక్షణలో పాల్గొనాలన్నారు.అక్రమ అరెస్టులు దారుణం ప్రత్తిపాడు: ఢిల్లీలో శనివారం జరిగిన ఆందోళనలో పాల్గొన్న న్యాయవాదులు, యువతపై మోదీ సర్కార్‌ చేసిన దాడిని ఆల్‌ ఇండియా లాయర్స్‌ అసోసియేషన్‌ ఫర్‌ జస్టిస్‌ (ఐలాజ్‌) తీవ్రంగా ఖండించింది. ఈ మేరకు ప్రత్తిపాడులో ఐలాజ్‌ రాష్ట్ర కార్యదర్శి బుగత శివ మాట్లాడుతూ, ఓట్ల అవకతవకలకు పాల్పడిన చీఫ్‌ ఎలక్షన్‌ కమిషనర్‌ను కాపాడేందుకు ఢిల్లీని పోలీస్‌ రాజ్యంగా మార్చేశారని ఆరోపించారు. శాంతియుతంగా నిరసన తెలిపే హక్కును కాలరాస్తూ, యువతను, న్యాయవాదులను అక్రమంగా అరెస్టు చేయడం దారుణమన్నారు. అరెస్టు చేసిన వారందరినీ తక్షణం విడుదల చేయాలని, చీఫ్‌ ఎలక్షన్‌ కమిషనర్‌ వెంటనే తన పదవికి రాజీనామా చేయాలని ఆయన డిమాండ్‌ చేశారు. కేంద్ర ప్రభుత్వం పోలీసు బలగాలను ఉపయోగించి ప్రజాస్వామ్యబద్ధమైన నిరసనలను అణచివేయాలని చూడడం పట్ల శివ నిరసన వ్యక్తం చేశారు. వైద్య సేవలకు అంతరాయంకిర్లంపూడి: తమను రెగ్యులరైజ్‌ చేయడంతో పాటు న్యాయమైన డిమాండ్లను అమలు చేయాలంటూ ప్రభుత్వ ఆసుపత్రుల్లో పనిచేస్తున్న కాంట్రాక్ట్‌ సిబ్బంది విధులు బహిష్కరించి నిరసన బాట పట్టారు. దీంతో వైద్య సేవలకు ఇబ్బంది తప్పడం లేదు. మండలంలోని కిర్లంపూడి, గెద్దనాపల్లి, వీరవరం ప్రభుత్వ ఆసుపత్రుల్లో 15 మంది కాంట్రాక్ట్‌ ప్రాతిపదికన స్టాఫ్‌ నర్సులు, ఫార్మాసిస్టులు, ల్యాబ్‌ టెక్నీషియన్లు పనిచేస్తున్నారు. కొన్ని రోజులుగా తమ డిమాండ్‌లు నెరవేర్చాలంటూ నల్లబ్యాడ్జీలతో నిరసన తెలుపుతూ విధులు నిర్వహించారు. దీనిపై ప్రభుత్వం స్పందించకపోవడంతో నాలుగు రోజుల నుంచి విధులు బహిష్కరించారు. దీంతో ఆసుపత్రిలో పలు సేవలు స్తంభించిపోవడంతో రోగులు ఇబ్బందులు ఎదుర్కొంటున్నారు. ఫీల్డ్‌ హెల్త్‌ సిబ్బంది, నర్సింగ్‌ విద్యార్థులతో అసంపూర్ణ వైద్య సేవలు అందిస్తున్నారు. అనుభవం లేని సిబ్బందితో వైద్యం అందించడంతో ఎలాంటి ఇబ్బందులు వస్తాయోనని రోగులు ఆందోళన చెందుతున్నారు.

తొండంగి: మండలంలోని గోపాలపట్నంలో శనివారం పిచ్చికుక్క దాడిలో రెండేళ్ల బాలుడు సహా మరో ఐదుగురు తీవ్రంగా గాయపడ్డారు. గోపాలపట్నం ఎస్సీపేట, పాత ఊరు ప్రాంతాల్లో సంచరిస్తున్న ఆ కుక్క ఎస్సీపేటలో రెండేళ్ల బాలుడు కాకాడ సంజీవ్‌రాయ్‌ తొడపై కరిచింది. అలాగే పలివెల లచ్చబాబు, పలివెల శరణ్య, వలజంగి రాజు, ఐదేళ్ల బాలుడు పోతుల నందకిషోర్‌ను సైతం తీవ్రంగా గాయపరిచింది. సరిహద్దు గ్రామం అన్నవరం శివారు సుబ్బరాయపురంలో బూసాల రాముడును సైతం గాయపరిచింది. దీంతో సంజీవ్‌ రాయ్‌, పలివెల లచ్చబాబు, శరణ్య, వలజంగిరాజులు సమీపంలో రావికంపాడు పీహెచ్‌సీకి వెళ్లగా వైద్యులు ఏఆర్వీ ఇంజెక్షన్‌ చేశారు. సంజీవ్‌రాయ్‌ను మెరుగైన చికిత్స కోసం కాకినాడ జీజీహెచ్‌కు తరలించారు.

అన్నవరం: దసరా ఉత్సవాలకు రత్నగిరి ముస్తామైంది. ఆదివారం నుంచి సత్యదేవుని ఆలయంతో పాటు వనదుర్గ, కనకదుర్గ ఆలయాల్లో ప్రత్యేక పూజలు జరగనున్నాయి. దీనికోసం ఆయా ఆలయాలను ప్రత్యేకంగా అలంకరించారు. 20వ తేదీ మంగళవారం విజయ దశమి వరకు ఈ వేడుకలు నిర్వహించనున్నారు. ప్రతి రోజూ అమ్మవార్లకు కుంకుమ పూజలు చేస్తారు. విజయ దశమి రోజున ఉదయం 11 గంటలకు రత్నగిరిపై చండీహోమం జరుపుతారు. అదే రోజు రాత్రి కొండదిగువన శమీ పూజతో ఉత్సవాలు ముగుస్తాయి. ఆయా రోజుల్లో వనదుర్గమ్మ, కనకదుర్గ అమ్మవార్లు విశేష అలంకరణలో భక్తులకు దర్శనమివ్వనున్నారు. దసరా తొలిరోజు ఆదివారం బాలాత్రిపురసుందరి అమ్మవారిగా అలంకరణ ఉంటుంది. ఉదయం తొమ్మిది గంటలకు సత్యదేవుని ఆలయంలో పండితులు కలశస్థాపన చేసి దసరా వేడుకలకు అంకురార్పణ చేస్తారు. ఈ సందర్భంగా గణపతి పూజ, స్వామి, అమ్మవార్లకు ప్రత్యేక పూజలు నిర్వహిస్తారు. కుంకుమ పూజలు, వైదిక కార్యక్రమాలు నిర్వహించే 44 మంది రుత్విక్కులు, 16 మంది అర్చకస్వాములకు అధికారులు దీక్షా వస్త్రాలు అందజేయనున్నారు.నేటి నుంచి దసరా ఉత్సవాలు

● సాఫ్ట్‌వేర్‌ ఇంజినీర్‌ మృతి ● తండ్రికి తీవ్ర గాయాలు ధవళేశ్వరం: కోటి ఆశలతో కొత్త జీవితంలోకి అడుగుపెట్టింది. చదువు పూర్తవ్వగానే ఉద్యోగం లభించడంతో బాగా స్థిరపడి తల్లిదండ్రులను చక్కగా చూసుకోవాలని తపించింది. అయితే అనుకోని ప్రమాదం ఆమెను అనంతలోకాలకు తీసుకెళ్లింది. రోడ్డు ప్రమాదంలో యువ సాఫ్ట్‌వేర్‌ ఇంజినీర్‌ మృతితో ఆ కుటుంబంలో విషాదం అలముకుంది. ఈ సంఘటనకు సంబంధించి ధవళేశ్వరం పోలీసుల కథనం ప్రకారం. రావులపాలేనికి చెందిన గుండారపు గోవిందరాజు కుమార్తె శాంభవి(22). ఆమె చదువు పూర్తి చేసుకొని విశాఖపట్నంలో సాఫ్ట్‌వేర్‌ ఇంజినీర్‌గా విధులు నిర్వహిస్తుంది. అయితే ఇంటికి వచ్చిన ఆమె విశాఖపట్నం వెళ్లేందుకు పయనమైంది. రాజమహేంద్రవరం రైల్వే స్టేషన్‌లో ట్రైన్‌ ఎక్కేందుకు బైక్‌పై రావులపాలెం నుంచి తండ్రి గోవిందరాజుతో బయలుదేరింది. ఈ నేపథ్యంలో ధవళేశ్వరం పోలీస్‌ స్టేషన్‌ సమీపానికి వచ్చే సరికి ఆర్టీసీ బస్సు ఢీకొంది. దీంతో బైక్‌ వెనుక కూర్చున్న శాంభవి బస్సు టైరు కింద పడటంతో తీవ్ర గాయాలతో అక్కడికక్కడే మృతి చెందింది. బైక్‌ నడుపుతున్న గోవిందరాజు ఎడమ మోచేతికి గాయమైంది. కళ్ల ముందే కూతురు మృతి చెందడంతో ఆ తండ్రి రోదన అక్కడి వారిని కంటతడి పెట్టించింది. మృతదేహాన్ని పోస్టుమార్టం నిమిత్తం ఆసుపత్రికి తరలించగా, కేసును ధవళేశ్వరం సీఐ టి.గణేష్‌ ఆధ్వర్యంలో ఎస్సై బి.హరిబాబు దర్యాప్తు చేస్తున్నారు. ప్రమాదాలకు నిలయంగా...: ధవళేశ్వరం ప్రధాన రహదారి ఇటీవల కాలంలో ప్రమాదాలకు నిలయంగా మారింది. ఇసుక లారీలతో ప్రధాన రహదారి రద్దీగా ఉంటోంది. దీనికితోడు అధిక ఇసుక లోడుతో వెళుతున్న లారీల నుంచి రోడ్డుపై ఇసుక పడటంతో ప్రమాదాలు జరుగుతున్నాయి.

తుని: ఓ మహిళ బ్యాగ్‌ను మరిచిపోగా, తిరిగి ఆమెకు తుని జీఆర్పీ, ఆర్పీఎఫ్‌ పోలీసులు అప్పగించారు. శుక్రవారం రాత్రి జరిగిన సంఘటనకు సంబంధించి జీఆర్పీ ఎస్సై వి.సత్తిబాబు కథనం ప్రకారం.. అనకాపల్లి జిల్లా చిన్న గుమ్ములూరుకు చెందిన ఎర్ర దుర్గా అంబికాదేవి సికింద్రాబాద్‌ నుంచి జన్మభూమి ఎక్స్‌ప్రెస్‌లో తుని రైల్వే స్టేషన్‌లో దిగింది. రెండో నంబరు ప్లాట్‌ఫామ్‌ నుంచి ఒకటో నంబరు ప్లాట్‌ఫామ్‌కు వచ్చి టికెట్‌ బుకింగ్‌ కౌంటర్‌ వద్ద బ్యాగులు పెట్టింది. సామాన్లు తీసుకువెళ్లే సమయంలో హ్యాండ్‌ బ్యాగ్‌ను మరిచిపోయి ఇంటికి వెళ్లిపోయింది. జీఆర్పీ, ఆర్పీఎఫ్‌ పోలీసులు సాధారణ తనిఖీలు నిర్వహిస్తున్న సమయంలో బుకింగ్‌ కౌంటర్‌ దగ్గర హ్యాండ్‌ బ్యాగ్‌ కనిపించింది. బ్యాగ్‌ తెరిచి చూడగా, అందులో 52 గ్రాముల బంగారు వస్తువులు, 250 గ్రాముల వెండి వస్తువులు, రూ.3,200 నగదుతో పాటు ఆధార్‌కార్డు, సెల్‌ఫోన్‌ ఉన్నాయి. ఆధార్‌కార్డులో చిరునామా ప్రకారం పోలీసులు ఫోన్‌ ద్వారా బాధిత మహిళకు సమాచారం అందించారు. ఆ బ్యాగ్‌ను దుర్గా అంబికాదేవికి అప్పగించడంతో పోలీసులకు కృతజ్ఞతలు తెలిపారు.ఘాట్‌ రోడ్డులో ఆటో బోల్తా ● ఇద్దరు భవానీలకు గాయాలు అన్నవరం: సత్యదేవుని దర్శనానికి వస్తున్న భవానీ భక్తుల ఆటో శనివారం దేవస్థానం ఘాట్‌ రోడ్డులో బోల్తా పడింది. ఈ ప్రమాదంలో ఇద్దరు భవానీలకు గాయాలయ్యాయి. ఆ వివరాల్లోకి వెళ్తే.. అనకాపల్లి జిల్లా నక్కపల్లి మండలం రేవు పోలవరం శివారు గుడివాడకు చెందిన ఐదుగురు భవానీలు దీక్ష పూర్తి చేసుకుని, శనివారం సత్యదేవుని ఆలయానికి బయల్దేరారు. వారు ప్రయాణిస్తున్న ఆటో రత్నగిరి మొదటి ఘాట్‌ రోడ్డు రెండో మలుపులో బోల్తా పడింది. ఈ ప్రమాదంలో భవానీలు సంజయ్‌, సురంధర్‌ గాయపడ్డారు. ఈ విషయం తెలిసిన వెంటనే దేవస్థానం అధికారులు 108 ఆంబులెన్స్‌కు ఫోన్‌ చేసి ప్రమాద స్థలానికి రప్పించి క్షతగాత్రులను తుని ప్రభుత్వ ఆసుపత్రికి తరలించారు. వారికి ఎటువంటి ప్రాణాపాయం లేదని వైద్యులు తెలిపారు.

బోట్‌క్లబ్‌ (కాకినాడ సిటీ): కాకినాడ డ్వామా పీడీగా ఆర్‌.విజయరాజు నియమితులయ్యారు. ప్రస్తుతం డ్వామా పీడీగా పనిచేస్తున్న మధుసూదన్‌ను నెల్లూరు జిల్లా జెడ్పీ సీఈవోగా బదిలీ చేశారు. ప్రస్తుతం విజయరాజు తూర్పుగోదావరి జిల్లా డ్వామా విజిలెన్స్‌ ఆఫీసర్‌గా పనిచేస్తున్నారు. పశ్చిమ గోదావరి జెడ్పీ సీఈఓగా రమణ సామర్లకోట: పశ్చిమ గోదావరి జిల్లా పరిషత్తు ముఖ్య కార్యనిర్వాహణాధికారిగా జి.రమణను నియమిస్తూ ఉత్తర్వులు వచ్చాయి. ఆయన సామర్లకో విస్తరణ శిక్షణ కేంద్రంలో వైస్‌ ప్రిన్సిపాల్‌గా పని చేస్తున్నారు. ఈ కేంద్రంలో గెజిటెడ్‌ ఇన్‌స్ట్రక్టర్‌గా వివిధ శాఖల ఉద్యోగులకు శిక్షణ ఇస్తున్నారు. ఉమ్మడి జిల్లాలో కాకినాడ జెడ్పీని మూడుగా విభజించడంతో సీనియర్‌ అధికారి రమణను పశ్చిమ గోదావరి జిల్లా సీఈఓగా నియమించారు. ఆయన సోమవారం పశ్చిమ గోదావరి జిల్లాలో బాధ్యతలు స్వీకరించనున్నారు. ఈ మేరకు ఆయనను కేంద్రం ప్రిన్సిపాల్‌ ఫ్యాకల్టీలు అభినందించారు.

కాకినాడ క్రెం: తాకట్టు బంగారం దుర్వినియోగానికి పాల్పడిన స్థానిక బ్యాంక్‌ ఆఫ్‌ బరోడా జీజీహెచ్‌ బ్రాంచ్‌ గోల్డ్‌ అప్రైజర్‌ను పోలీసులు అరెస్ట్‌ చేశారు. స్థానిక పోలీసు కార్యాలయంలో శనివారం ఎస్పీ బిందుమాధవ్‌ ఏర్పాటు చేసిన సమావేశంలో మాట్లాడుతూ కాకినాడ రూరల్‌ మండలం చీడిగ గ్రామం బైబిల్‌ మిషన్‌ చర్చి ఎదురుగా నివసిస్తున్న 50 ఏళ్ల నరవ సూరిబాబు జీజీహెచ్‌ బ్యాంక్‌ ఆఫ్‌ బరోడా శాఖలో గోల్డ్‌ అప్రైజర్‌గా పనిచేస్తున్నాడు. ఖాతా దారులు రుణాల కోసం తాకట్టు పెట్టిన బంగారు ఆభరణాలను దొంగిలించి అవే నమూనాల్లో నకిలీ ఆభరణాలు చేయించి లాకర్లలో పెట్టేవాడు. ఇలా 1056.90 గ్రాముల బంగారు ఆభరణాలను దుర్వినియోగం చేశాడు. ఖాతాదారులు విడిపించుకున్న బంగారం నకిలీదని తేలడంతో ఆ గుట్టు బయటపడి పోలీసులు లోతైన విచారణ చేసి 1020.53 గ్రాముల బంగారాన్ని రికవరీ చేశారు. 44 మంది ఖాతాదారుల బంగారం విలువ సుమారు రూ.1.45 కోట్లని పోలీసులు తెలిపారు. ఏఎస్పీ మహంతి కిశోర్‌కుమార్‌ పర్యవేక్షణలో వన్‌ టౌన్‌ సీఐ ఎం.నాగ దుర్గారావు ఆధ్వర్యంలో ప్రత్యేక పోలీస్‌ బృందాలు కేసు దర్యాప్తు చేపట్టి బంగారాన్ని స్వాధీనం చేసుకున్నట్టు ఎస్పీ తెలిపారు. శనివారం ఉదయం నిందితుడిని అరెస్టు చేసినట్టు తెలిపారు. రేపటి పీజీఆర్‌ఎస్‌ రద్దు బోట్‌క్లబ్‌ (కాకినాడసిటీ): స్థానిక జేఎన్‌టీయూకేలో సీఐఐ ప్రాంతీయ సదస్సు జరగనున్న నేపథ్యంలో అధికారులు అంతా ఆ కార్యక్రమంలో నిమగ్నం కానుండడంతో సోమవారం జిల్లా కేంద్రంలో జరిగే పీజీఆర్‌ఎస్‌ రద్దు చేస్తున్నట్టు కలెక్టర్‌ హరేంధిర ప్రసాద్‌ తెలిపారు. శనివారం ఈ మేరకు ఆయన ఒక ప్రకటన విడుదల చేశారు. అర్జీదారులు ఈ విషయాన్ని గమనించి వ్యయ ప్రయాసలకు పడి జిల్లా కేంద్రానికి రావద్దని కోరారు. ఒంటికాలిపై వీఆర్‌ఏల నిరసన పిఠాపురం రూరల్‌: కనీస వేతనం అమలు చేయాలని కోరుతూ స్థానిక తహసీల్దార్‌ కార్యాలయం ఎదుట వీఆర్‌ఏలు చేస్తున్న సమ్మె 25వ రోజుకు చేరింది. శనివారం వారు ఒంటి కాలిపై నిలుచుని వినూత్న నిరసన చేపట్టారు. ప్రభుత్వం తమ డిమాండ్లపై స్పందించి సమస్యలను పరిష్కరించాలని కోరారు. శ్రీను కుటుంబానికి పరిహారం చెల్లించాలిబోట్‌క్లబ్‌ (కాకినాడ సిటీ): నక్కపల్లి వద్ద గుండెపోటుతో మరణించిన కాకినాడ డిపో ఆన్‌ కాల్‌ డ్రైవర్‌ జట్ల శ్రీను (34) కుటుంబానికి రెగ్యులర్‌ ఉద్యోగిలా రూ.80 లక్షల పరిహారం చెల్లించాలని ఏపీఎస్‌ఆర్టీసీ కాంట్రాక్ట్‌ వర్కర్స్‌ యూనియన్‌ నాయకులు డిమాండ్‌ చేశారు. కుటుంబంలో ఒకరికి రెగ్యులర్‌ ఉద్యోగం ఇవ్వాలని కోరుతూ యూనియన్‌ ఆధ్వర్యంలో స్థానిక డిపో వద్ద శనివారం ధర్నా చేశారు. అనంతరం అసిస్టెంట్‌ మేనేజర్‌కి వినతిపత్రం సమర్పించారు. సీఐటీయూ జిల్లా ప్రధాన కార్యదర్శి చెక్కల రాజకుమార్‌, ఆర్టీసీ కాంట్రాక్ట్‌ కార్మికుల సంఘ నాయకుడు మలకా రమణ మాట్లాడుతూ గురువారం కాకినాడ డిపో నుంచి విశాఖకు బయలుదేరిన ఆర్టీసీ బస్సులో గుండెపోటు వచ్చినా ప్రయాణికుల ప్రాణాలు కాపాడి మృతి చెందిన జట్ల శ్రీను కుటుంబానికి ప్రగాఢ సానుభూతిని తెలియజేశారు. ప్రయాణికుల భద్రతకు బీమా కల్పించే ఆర్టీసీ యాజమాన్యం కాంట్రాక్టు, అవుట్‌సోర్సింగ్‌, రోజువారీ వేతన, ఆన్‌ కాల్‌ సిబ్బందికి ఎటువంటి భద్రతా లేకుండా బానిసల్లా పనిచేయించుకుని కష్టం వచ్చినప్పుడు వదిలేయడం దారుణమన్నారు. కార్యక్రమంలో పలివెల వీరబాబు, మేడిశెట్టి వెంకటరమణ, ప్రభాకర్‌ వర్మ, తలుపులమ్మ, ఆవుల కాశి, చెక్కల వేణి, మలకా నాగలక్ష్మి, కె.చిట్టిబాబు, టి.రాణి పాల్గొన్నారు.

ముఖ్యమంత్రి చంద్రబాబునాయుడు పచ్చి మోసకారి. కుటుంబానికి ఎంతో కొంత చేదోడుగా ఉంటామని వలంటీర్‌ ఉద్యోగంపై ఆధారపడితే అధికారంలోకి రాగానే తమను చెప్పా పెట్టకుండా తొలగించాడు. కరోనా కష్టకాలంలోనూ వలంటీర్లు ప్రజలకు ఎంతో సేవ చేశారు. వలంటీర్లను తొలగించం, జీతాలు పెంచుతామని చెప్పిన కూటమి నాయకులు నేడు ఎటువంటి సమాధానం చెప్పకుండా తిరుగుతున్నారు. –బండారు రామశివ, మాజీ వలంటీర్‌, దివిలి, పెద్దాపురం మండలం నిరుద్యోగ యువతకు వెన్నుపోటు జీతాలు 10 వేలకు పెంచుతామని సీఎం చంద్రబాబు నిరుద్యోగ యువతను వెన్నుపోటు పొడిచారు. నిరుద్యోగ భృతి ఇస్తామన్నారు. అధికారంలోకి వచ్చాక వలంటీర్లను తొలగించి అన్యాయం చేశారు. ప్రభుత్వ సొమ్ము దుబారా చేస్తూ సోషల్‌ మీడియాలో సొంత డప్పు కొట్టడానికి ఇన్ఫ్లయెన్సర్లకు డబ్బులు ఇస్తామనడం బాధాకరం. ఇచ్చిన హామీలన్నీ పక్కన పెట్టి, ప్రభుత్వ సొమ్ము పచ్చ నేతలకు దోచిపెడుతున్నారు. గతంలో వైఎస్సార్‌ సీపీ ప్రభుత్వంలో యువకులకు ఉపాధి లభించింది. ఆయన చొరవతో కరోనా కాలంలోనూ విశేష సేవలు అందించాము. –నైనాల విష్ణువర్ధన్‌, మాజీ వలంటీర్‌, ఆత్రేయపురం

ప్రజలు అప్రమత్తంగా ఉండాలి పెద్ద పులి సంచారం నేపథ్యంలో చాగల్లు, మీనానగరం గ్రామాల ప్రజలు అప్రమత్తంగా ఉండాలని కొవ్వూరు ఆర్డీఓ కె.ఆనందరావు సూచించారు. అవసరం లేని సమయంలో పొలాలు, పామాయిల్‌ తోటలు, చీకటి ప్రాంతాల వైపు వెళ్లవద్దని, పులి కనిపించినా దాని దగ్గరకు వెళ్లడం, గుంపులుగా చుట్టుముట్టడం, ఫొటోలు లేదా వీడియోల కోసం ప్రయత్నించడం చేయవద్దని అన్నారు. ముఖ్యంగా పొలాల్లో పనిచేసే రైతులు, వ్యవసాయ కూలీలు, పామాయిల్‌ తోటలకు వెళ్లేవారు మరింత జాగ్రత్తగా ఉండాల్సిన అవసరం ఉందని తెలిపారు. ఫ రోజుకో చోట ప్రత్యక్షం ఫ పట్టుకునేందుకు అధికారుల ప్రయత్నం చాగల్లు: పులి హడలెత్తిస్తోంది.. రోజుకో చోట ప్రత్యక్షమవుతూ ప్రజలను ఆందోళనకు గురిచేస్తుండగా, అధికారులను ముప్పుతిప్పలు పెడుతోంది. రెండు రోజులుగా దేవరపల్లి, చాగల్లు, నిడదవోలు, ఉండ్రాజవరం మండలాల పరిధిలోని పలు గ్రామాల మీదుగా సంచరించిన పెద్ద పులి శనివారం తిరిగి చాగల్లు శివారు ప్రాంతానికి చేరుకుంది. ముఖ్యంగా వ్యవసాయ పనుల కోసం పొలాలకు వెళ్లే రైతులు, కూలీలు అప్రమత్తంగా ఉండాల్సిన పరిస్థితి ఏర్పడింది. గమ్యం మార్చుతూ.. రెండు రోజుల క్రితం దేవరపల్లి మండలం నుంచి చాగల్లు మండలంలోని చిక్కాల మీదుగా నిడదవోలు, ఉండ్రాజవరం మండలాల పరిధిలోని గ్రామాల వైపు పెద్ద పులి వెళ్లింది. తిరిగి శనివారం నిడదవోలు మండలం కాటకోటేశ్వరం, చాగల్లు మండలం కలవలపల్లి మీదుగా చాగల్లు శివారు పొలాల్లోకి ప్రవేశించినట్టు అధికారులు గుర్తించారు. శనివారం ఉదయం సుమారు తొమ్మిది గంటల సమయంలో చాగల్లు –లక్ష్మీపురం రహదారి సమీపంలోని మేడ ప్రసాద్‌కు చెందిన పొలం పక్కన ఉన్న పామాయిల్‌ తోటలోకి పులి ప్రవేశించింది. స్థానికులు దూరం నుంచి పులిని చూసినట్టు చెబుతున్నారు. అక్కడే సాయంత్రం వరకు సేదతీరిందని తెలిపారు. జనావాసాలకు, వ్యవసాయ భూములకు సమీపంలో పులి సంచరిస్తుండటంతో పరిసర గ్రామాల ప్రజలు ఆందోళన చెందుతున్నారు. పెద్ద పులి ఎప్పుడు, ఏ దిశగా కదులుతుందోనని చాగల్లు, మీనానగరం పరిసర ప్రాంతాల ప్రజలు ఆందోళనలో ఉన్నారు. రంగంలోకి ప్రత్యేక బృందాలు పెద్ద పులిని సురక్షితంగా పట్టుకునేందుకు అటవీ శాఖ అధికారులు చర్యలు చేపట్టారు. చాగల్లు –లక్ష్మీపురం రహదారిలో రాకపోకలు నిలిపివేశారు. సుమారు 50 మంది అటవీ శాఖ సిబ్బందితో పాటు 10 మంది పూణే నుంచి వచ్చిన ప్రత్యేక బృందం పులి కదలికలను ఎప్పటికప్పుడు పర్యవేక్షిస్తోంది. పులి సంచారాన్ని గుర్తించేందుకు ట్రాప్‌ కెమెరాలు, డ్రోన్లను ఏర్పాటు చేయడంతో పాటు పట్టుకునేందుకు బోనును కూడా సిద్ధం చేసినట్టు సమాచారం. రాజమహేంద్రవరం సీసీఎఫ్‌ టి.జ్యోతి, డీఎఫ్‌ఓ ప్రభాకర్‌, ఎఫ్‌ఆర్‌ఓ డేవిడ్‌రాజ్‌ నాయుడు, చాగల్లు తహసీల్దార్‌ ఎం.మెరీకమ్మ తదితర అధికారులు శనివారం రాత్రి ఎనిమిది గంటల వరకు పులి సంచరించిన ప్రాంతంలోనే ఉండి పరిస్థితిని పర్యవేక్షించారు. పులిని పట్టుకునే క్రమంలో ప్రజలకు ఎలాంటి ప్రమాదం జరగకుండా చర్యలు చేపడుతున్నామని వారు తెలిపారు.

● వైఎస్సార్‌ సీపీ జగ్గంపేట ఇన్‌చార్జి తోట నరసింహం ● గంగంపాలెంలో టిడిపి, జనసేన నుంచి పార్టీలో భారీగా చేరికలు గోకవరం: మాజీ ముఖ్యమంత్రి జగన్‌పై ప్రజలకు మరింత విశ్వాసం పెరుగుతోందని వైఎస్సార్‌ సీపీ జగ్గంపేట ఇన్‌చార్జి తోట నరసింహం అన్నారు. మండలంలోని గంగంపాలెం గ్రామంలో పార్టీ నాయకుల ఆధ్వర్యంలో టీడీపీ, జనసేన నుంచి సుమారు వంద మందికి పైగా వైఎస్సార్‌ సీపీలో చేరారు. వీరికి తోట నరసింహం పార్టీ కండువాలు వేసి పార్టీలోకి ఆహ్వానించారు. జగన్‌ నాయకత్వలో పనిచేయడానికి ప్రజలు ముందుకు వస్తున్నారని, పార్టీలో కొనసాగుతున్న వారు, నూతనంగా చేరిన వారు సమష్టిగా పని చేసి రానున్న స్థానిక ఎన్నికల్లో పార్టీ విజయకేతనం ఎగురవేయాలని పిలుపునిచ్చారు. 2029లో జగన్‌ను మరోసారి ముఖ్యమంత్రిగా గెలిపించేందుకు ప్రతి ఒక్కరూ శ్రమించాలన్నారు. కార్యక్రమంలో పార్టీ నాయకులు దాసరి చినబాబు, సుంకర వీరబాబు, సమ్మెటి మోహన్‌, అధికారి బుజ్జి, బత్తుల శ్రీను, రౌతు జోగేశ్వరావు తదితరులు పాల్గొన్నారు.

● ముంపు బాధితులకు కుళ్లిన ఉల్లి, బంగాళదుంపల పంపిణీ ● కాలువల్లో పడేస్తున్న మత్స్యకారులు ● ఇదేం సహాయమని ఆవేదన కొత్తపల్లి: ఇటీవల కురిసిన భారీ వర్షాలకు ముంపునకు గురైన బాధితులకు, మత్స్యకార కుటుంబాలకు ప్రభుత్వం ప్రకటించిన సహాయంలో నిర్లక్ష్యం కనిపిస్తోంది. వారికి కుళ్లిన కూరగాయలు అందించడంతో బాధితులు ఆవేదన వ్యక్తం చేస్తున్నారు. మండలంలోని ఉప్పాడ, అమీనాబాదు, మూలపేట, అమరవల్లి, పొన్నాడల్లోని 8492 బాధిత కుటుంబాలకు ఒక్కింటికి 50 కేజీల బియ్యం, కిలో కందిపప్పు, పంచదార, వంటనూనె, ఉల్లిపాయలు, బంగాళదుంపలను ప్రభుత్వం అందజేయాల్సి ఉంది. వారికి రేషన్‌ షాపు ద్వారా ఇచ్చే ఉల్లిపాయలు, బంగాళదుంపలు కుళ్లిన దశలో ఉండడంతో వాటిని లబ్ధిదారులు కాలువల్లో పడేస్తున్నారు. మిగిలిన సరకులైనా నాణ్యమైనవి ఇవ్వాలని బాధితులు కోరుతున్నారు. రాష్ట్ర ఉప ముఖ్యమంత్రి, స్థానిక ఎమ్మెల్యే పవన్‌కల్యాణ్‌ నియోజకవర్గంలో తీరప్రాంత మత్స్యకార కుటుంబాలకు అందించే సరకులు నాణ్యత లేకపోవడంలో అధికారుల నిర్లక్ష్యం కనిపిస్తోంది. దీనిపై తహసీల్దారు చిన్నారావును వివరణ కోరగా బాధిత మత్స్యకారులకు మొదటి విడతగా ఐదు వేల కుటుంబాలకు ఉల్లిపాయలు, బంగాళ దుంపలు వచ్చాయని, ఇప్పటికే వాటిని పంపిణీ చేశామని, పాడైనవి పంపిణీ చేయవద్దని సిబ్బందిని ఆదేశించినట్టు తెలిపారు. మిగిలిన సరకులు సత్వరం పంపిణీ చేస్తామని ఆయన తెలిపారు.

బోట్‌క్లబ్‌ (కాకినాడ సిటీ): సర్‌ ప్రక్రియను రద్దు చేయాలని, శాంతియుత ర్యాలీకి పిలుపునిస్తే అక్రమ నిర్బంధాలకు పాల్పడడం సరికాదని ఎస్‌ఎఫ్‌ఐ రాష్ట్ర సహాయ కార్యదర్శి ఎం.గంగాసూరిబాబు అన్నారు. ఐక్య విద్యార్థి సంఘాల ఆధ్వర్యంలో 10న ఢిల్లీలో జరుగుతున్న ర్యాలీకి మద్దతుగా శుక్రవారం కాకినాడలో ర్యాలీకి పిలుపునిస్తే రాష్ట్ర ప్రభుత్వం నిర్బంధం విధించడం దుర్మార్గమన్నారు. ఈ సందర్భంగా ఆయన విలేకర్లతో మాట్లాడుతూ ప్రస్తుతం సాగుతున్న సర్‌ ప్రక్రియపై అనేక అనుమానాలు వ్యక్తమవుతున్నాయని, అర్హుల పేర్లు తొలగించకుండా జాబితాలో పేరు ఉందో లేదో తెలుసుకునే అవకాశం కల్పించాలన్నారు. ఎన్నికల ప్రక్రియపై ప్రజల్లో నమ్మకం బలపడేలా ఎన్నికల సంఘం నిష్పక్షపాతంగా వ్యవహరించాల్సిన అవసరం ఉందన్నారు. ఈ నేపథ్యంలో ప్రధాన ఎన్నికల కమిషనర్‌ జ్ఞానేష్‌ కుమార్‌ రాజీనామా చేయాలని డిమాండ్‌ చేశారు. కాకినాడలో ఆందోళనలు, నిరసనలు అణగదొక్కడం కోసం పోలీసులతో ప్రభుత్వం అప్రకటిత ఎమర్జెన్సీని అమలు చేస్తుందని అన్నారు. ర్యాలీ జరగకుండా ఏఐవైఎఫ్‌, పీడీఎస్‌యూ నాయకులను ముందస్తు అరెస్టు చేయడం దుర్మార్గమన్నారు. ఎస్‌ఎఫ్‌ఐ జిల్లా అధ్యక్షుడు పి.సత్యం, జిల్లా కార్యదర్శి సీహెచ్‌ లోవరాజు పాల్గొన్నారు.

బోట్‌క్లబ్‌ (కాకినాడ సిటీ)/ రాజమహేంద్రవరం రూరల్‌: రిజర్వేషన్ల పేరుతో చంద్రబాబు నాటకాలు ఆడుతున్నారని వైఎస్సార్‌ సీపీ రాష్ట్ర బీసీ సెల్‌ వర్కింగ్‌ ప్రెసి డెంట్‌ నౌడు వెంకటరమణ శుక్రవారం ఓ ప్రకటనలో విమర్శించారు. రాజ్యాంగ నిబంధనలు, గత సుప్రీంకోర్టు తీర్పులు వెన్నుపోటు బాబుకు తెలిసినా బీసీ ఓటర్లను బుట్టలో వేసుకునేందుకు పబ్లిసిటీ స్టంట్‌ డ్రామాతో ప్రజాధనాన్ని దుర్వినియోగం చేయడం క్షమించరాని నేరమని అన్నారు. ఏపీ స్థానిక సంస్థల ఎన్నికల్లో బీసీ రిజర్వేషన్ల పేరుతో చంద్రబాబు పొలిటికల్‌ గేమ్‌ దేశ సర్వోన్నత న్యాయస్థానం తీర్పుతో బట్టబయలైందని తెలిపారు. బాబుకు బీసీలపై అంత ప్రేమే ఉంటే రెండు రోజుల ఢిల్లీ పర్యటనలో ప్రధాని మోదీ, హోంమంత్రి అమిత్‌ షాలతో భేటీ అయినప్పుడైనా రిజర్వేషన్లపై వారికి వినతిపత్రం ఎందుకు ఇవ్వలేదని ప్రశ్నించారు. కానీ అవేమీ లేకుండా బీసీలను వలలో వేసుకునే నాటకం ఆడారని విమర్శించారు. స్టాన్‌ఫోర్డ్‌ మెచ్చిన శాస్త్రవేత్తలు బాలాజీచెరువు (కాకినాడ సిటీ): స్టాన్‌పోర్డ్‌ యూనివర్సిటీ, ఎల్స్వియర్‌ ప్రచురణ సంస్థలు సంయుక్తంగా ప్రతి ఏటా ప్రకటించే వరల్డ్‌ టాప్‌ శాస్త్రవేత్తల జాబితా విడుదలైంది. ఇందులో జేఎన్‌టీయూ కాకినాడ ఇంజినీరింగ్‌ కళాశాల ప్రొఫెసర్‌, ఐఎస్‌టీ డైరెక్టర్‌ బత్తుల తిరుమలకృష్ణ (ఈసీఈ), జేఎన్‌టీయూకే రిజిస్ట్రార్‌ రాయపూడి శ్రీనివాసరావు (ఈఈఈ) స్థానం పొందారు. శ్రీనివాసరావు 2022 నుంచి 25 వరకూ ఇప్పటికి ఐదుసార్లు స్థానం సాధించగా, తిరుమలకృష్ణ 2024 నుంచి 26 వరకూ మూడు సార్లు చోటు దక్కించుకున్నారు. ఎనర్జీ విభాగంలో శ్రీనివాసరావుకు 6,057 ర్యాంక్‌, తిరుమలకృష్ణ ఇన్ఫర్మేషన్‌ అండ్‌ టెక్నాలజీ విభాగంలో 7,551 ర్యాంక్‌ సాధించారు. ఈ సందర్భంగా వారిని జేఎన్‌టీయూకే వీసీ సీఎస్‌ఆర్‌కే ప్రసాద్‌, టీచింగ్‌, నాన్‌ టీచింగ్‌ సిబ్బంది శుక్రవారం అభినందించారు. స్పెషల్‌ టెట్‌ నిర్వహణకు పటిష్ట ఏర్పాట్లు బోట్‌క్లబ్‌ (కాకినాడ సిటీ): జిల్లాలో ఈ నెల 11 నుంచి 15 వరకు ఏపీ స్పెషల్‌ ఉపాధ్యాయ అర్హత పరీక్ష (స్పెషల్‌ టెట్‌–2026) ను ప్రశాంత వాతావరణంలో నిర్వహించేందుకు పటిష్ట ఏర్పాట్లు చేసినట్లు జేసీ అపూర్వ భరత్‌ తెలిపారు. శుక్రవారం స్థానిక కలెక్టరేట్‌లో స్పెషల్‌ టెట్‌ నిర్వహణకు సంబంధించి వివిధ శాఖల అధికారులతో సమన్వయ కమిటీ సమావేశం నిర్వహించారు. ఇన్‌ సర్వీస్‌ ఉపాధ్యాయుల కోసం నిర్వహించే ఈ కంప్యూటర్‌ ఆధారిత పరీక్షలకు హాజరయ్యే అభ్యర్థులకు ఎలాంటి అసౌకర్యాలు కలగకుండా అన్ని శాఖల అధికారులు సమన్వయంతో పని చేయాలని ఆదేశించారు. ఈ పరీక్షలు రోజూ రెండు షిఫ్టుల్లో నిర్వహించనున్నట్లు తెలిపారు. పరీక్ష కేంద్రాల్లో కంప్యూటర్‌ వ్యవస్థ, ఇంటర్నెట్‌ కనెక్టివిటీ సక్రమంగా పనిచేసేలా ముందస్తు తనిఖీలు నిర్వహించాలని సంబంధిత అధికారులను ఆదేశించారు. జిల్లాలో రెండు పరీక్ష కేంద్రాల్లో మొత్తం 4,465 మంది అభ్యర్థులు స్పెషల్‌ టెట్‌ రాయనున్నారని చెప్పారు.

నమ్మించారు.. నట్టేట ముంచారు.. వైద్య ఆరోగ్యశాఖలో కాంట్రాక్టు పారామెడికల్‌ సిబ్బందిని నిలువునా దగా చేస్తున్నారు.. వారి డిమాండ్లు పరిష్కరిస్తామంటూ చంద్రబాబు సర్కారు మూడుసార్లు గడువు తీసుకుని, అంతా అయ్యాక నోరెత్తితే, ఉద్యోగాలు ఉండవని నోటీసులు ఇవ్వడం సర్వత్రా విమర్శలకు దారితీస్తుంది. గొడ్డుచాకిరీ చేస్తున్నా అరకొర జీతమే.. ఉద్యోగ భద్రత లేదు, ప్రాణాలు పోతే పట్టించుకునే దిక్కు లేదని పారామెడికల్‌ సిబ్బంది వాపోతున్నారు. కాకినాడ క్రైం: వైద్య ఆరోగ్యశాఖలో కాంట్రాక్టు పారామెడికల్‌ సిబ్బంది ఆందోళన బాట పట్టారు. గురువారం నుంచి అత్యవసర సేవలకు బంద్‌ ప్రకటించారు. 24 ఏళ్ల నుంచి తమ శ్రమ దోపిడీ చేస్తున్నామని వారు ఆందోళన చేస్తున్నారు. అరకొర జీతాలిచ్చి గొడ్డుచాకిరీ చేయిస్తున్నారని వాపోతున్నారు. ఒకే పని ప్రదేశంలో రెగ్యులర్‌ ఉద్యోగులకు రెండేసి లక్షలు జీతాలిస్తూ, తమకు మాత్రం రూ.32 వేల నుంచి రూ.39 వేల మధ్య మాత్రమే ఇస్తున్నామని అంటున్నారు. మధ్యలో ఒకసారి రూ.28 వేలకు కూడా తగ్గించి ఇచ్చారు. ఎప్పుడో పదేళ్ల క్రితం బేసిక్‌ పే, టీఏ, హెచ్‌ఆర్‌ కలిపి మొత్తం గ్రాస్‌ శాలరీగా ప్రస్తుతం ఇస్తున్న రూ.32–39 వేల మధ్య మొత్తాన్ని ఇచ్చేవారు. మధ్యలో తగ్గించి, గ్రాస్‌ శాలరీకి బదులుగా కన్సాలిడేటెడ్‌ పే అని, ప్రస్తుతం మినిమం టైం స్కేల్‌ అని ఆ మొత్తాన్నే ఇస్తున్నారు. పదేళ్లుగా ఎదుగుదల లేదు, దీంతో ఉద్యోగులు ఉద్యమ బాట పట్టారు. గడువు తీసుకుని మరీ.. పారామెడికల్‌ జేఏసీ ఆధ్వర్యంలో ఈ ఏడాది జూన్‌ 17న రాష్ట్ర వ్యాప్తంగా తరలి వెళ్లిన ఉద్యోగులు విజయవాడలో మహాధర్నా నిర్వహించారు. జూలై 6న సమ్మెకు వెళతామని విలేకరుల సమావేశంలో చెప్పారు. ఆ వెంటనే డీఎంఈ, డీఎస్‌హెచ్‌, డీపీహెచ్‌లకు సెప్టెంబర్‌ 9 నుంచి సమ్మెలోకి వెళతామని వినతిపత్రం ఇచ్చారు. ఈ నేపథ్యంలో ఆగస్టు 31న ప్రిన్సిపల్‌ సెక్రటరీ సహా ఉన్నతాధికారులు పిలిచి ప్రభుత్వం తరఫున 30 రోజుల గడువు అడిగారు. గడువు ముగిశాక మంత్రి సత్యకుమార్‌తో మరోసారి సమావేశం అని చెప్పారు. ఈ సారి ఆయనే స్వయంగా మరో 30 రోజులు సమయం ఇవ్వాలని కోరారు. రాష్ట్ర వ్యాప్తంగా ఉన్న 14,600 మంది పారామెడికల్‌ ఉద్యోగుల సమస్యలు పరిష్కరిస్తామని హామీ ఇచ్చారు. రెండో సారి కూడా గడువు ముగిశాక కమిటీ పేరుతో మరోసారి కాలయాపన చేశారు. సమావేశం అని చెప్పి 28 రోజుల తర్వాత, అదీ ఒత్తిడి తెస్తే ఆరుగురు అధికారులు, 10 మంది జేఏసీ నాయకులతో కలిసి సమావేశం నిర్వహించారు. ఆ సమావేశంలో ఏ ఒక్కటీ చేయమని చెప్పి చేతులెత్తేశారు. సమ్మెకు మద్దతు ఈ సమ్మెకు ఏపీ ఎన్‌జీజీఓ జిల్లా అధ్యక్ష, కార్యదర్శులు గుద్దటి రామ్మోహన్‌, పాలపర్తి మూర్తిబాబులు మద్దతు ప్రకటించారు. సీఐటీయూ తరఫున ఆల్‌ ఇండియా వైస్‌ ప్రెసిడెంట్‌ జి.బేబీరాణి, జిల్లా అధ్యక్ష, ప్రధాన కార్యదర్శులు దువ్వా శేషబాబ్జీ, సీహెచ్‌ రాజ్‌కుమార్‌, నగర కన్వీనర్‌ మలక వెంకటరమణ, కో కన్వీనర్‌లు మద్దతు తెలిపారు. ఐలూ నగర అధ్యక్ష, కార్యదర్శులు కె.వీరభద్రరావు, కె.నాగజ్యోతి, యూటీఎఫ్‌ పూర్వ రాష్ట్ర కార్శదర్శి ప్రభాకర్‌వర్మ, అంబేడ్కర్‌ ఉద్యమ నేత అయితాబత్తుల రామేశ్వరరావు, టీఎన్‌టీయూసీ నాయకులు మద్దతు తెలిపిన వారిలో ఉన్నారు. సమ్మె నేపథ్యంలో కాకినాడ జీజీహెచ్‌లో అనుభవం లేని పారామెడికల్‌ విద్యార్థులతో రోగులకు వైద్య సేవలు అందిస్తున్నారు. వీరిలో ఎక్కువ మంది 17 ఏళ్లు దాటిన పిల్లలే.సమ్మెలో 600 మంది ఉద్యోగులుకాకినాడ జీజీహెచ్‌ సేవల్లో సింహ భాగం కాంట్రాక్టు ఉద్యోగుల శ్రమే. రెగ్యులర్‌ ఉద్యోగులు పారామెడికల్‌లో 150 మంది ఉండగా, 600 మంది కాంట్రాక్టు సిబ్బందే. వీరు దశల వారీగా నిరసన చేపడుతున్నారు. ప్రభుత్వం మాత్రం గడువు పేరుతో మూడు నెలల ఉద్దేశపూర్వక జాప్యం చేస్తూ, నమ్మించి నెట్టుకొచ్చింది. దీంతో ఫార్మాసిస్టులు మినహా జీజీహెచ్‌ నుంచి స్టాఫ్‌ నర్సులు, ఈసీజీ టెక్నీషియన్లు, ల్యాబ్‌, క్యాథ్‌ ల్యాబ్‌, కార్డియాక్‌ టెక్నీషియన్లు సమ్మెలో పాల్గొంటున్నారు. ఫ పాపం పారామెడికల్‌ సిబ్బంది ఫ సమస్యలు పరిష్కరిస్తామంటూ మూడు సార్లు గడువు కోరిన ప్రభుత్వం ఫ తీరా గడువు ముగిశాక నోరెత్తితే ఉద్యోగాలు ఉండవని నోటీసులు ఫ రెగ్యులర్‌ చేసేవరకూ సమ్మె కొనసాగిస్తామంటున్న ఉద్యోగులు

వైఎస్‌ జగన్‌ హయాంలోనే పదవులు సుప్రీం కోర్టు తీర్పుతో వెన్నుపోటు పార్టీ నాయకుడు చంద్రబాబు నిజ స్వరూపం బట్టబయలైంది. స్థానిక సంస్థల ఎన్నికల్లో లబ్ధి పొందేందుకు గొప్పగా రిలీజ్‌ చేసిన రెండు జీఓలు 105, 1,065లు కొట్టి వేస్తూ హైకోర్టు తీర్పు చెప్పడం వెన్నుపోటు పార్టీకి చెంపపెట్టు. అది చాలదన్నట్లు సుప్రీంకు వెళ్లారు. అక్కడ చుక్కెదురైంది. ఆది నుంచీ బాబుకు బీసీలంటే చిన్నచూపు. – అల్లి రాజబాబు, వైఎస్సార్‌ సీపీ బీసీ సెల్‌ జిల్లా అధ్యక్షుడు అన్యాయం చేస్తున్న చంద్రబాబు బీసీలను ఉపయోగించుకుంటూ వారికి అన్యాయం చేయడం చంద్రబాబుకు వెన్నతో పెట్టిన విద్య. 34 శాతం రిజర్వేషన్లు అమలు చేయడం సాధ్యం కాదని తెలిసీ బీసీలను నమ్మించడానికి సుప్రీంకోర్టుకు వెళ్లారు. చంద్రబాబుకు చిత్తశుద్ధి ఉంటే మంత్రి, కార్పొరేషన్‌ పదవుల్లోనూ ప్రాధాన్యం ఇవ్వాలి. వైఎస్‌ జగన్‌ పాలనలో బీసీలకు అత్యధిక ప్రాధాన్యం ఇచ్చారు. – ఆవాల లక్ష్మీనారాయణ, రాష్ట్ర బీసీ అయ్యరక సంఘ అధ్యక్షుడు, సామర్లకోట చట్టబద్ధమైన హక్కులు కావాలి హైకోర్టు తీర్పును సవాలు చేస్తూ బీసీలను మరోసారి వెన్నుపోటు పొడవడానికి చంద్రబాబు సుప్రీంకోర్టును ఆశ్రయించారు. బీసీలను ఎన్నికల సమయంలో గుర్తు చేసుకుని, ఆ తర్వాత వారి హక్కులను విస్మరించడం తగదు. నిజంగా న్యాయం చేయాలంటే జగన్‌ ప్రభుత్వం అమలు చేసిన రాజకీయ సాధికారత చర్యల నుంచి నేర్చుకోండి. బీసీలకు పదవులు ఇవ్వండి, నిధులు కేటాయించండి, స్థానిక సంస్థల్లో చట్టబద్ధమైన రిజర్వేషన్లు కల్పించేందుకు పకడ్బందీ చర్యలు తీసుకోండి. – ఒమ్మి రఘురామ్‌, వైఎస్సార్‌ సీపీ రాష్ట్ర కార్యదర్శి సాక్షి ప్రతినిధి, కాకినాడ: బీసీలకు రిజర్వేషన్ల పేరుతో చంద్రబాబు ఆడుతున్న డ్రామాకు అత్యున్నత న్యాయస్థానం బ్రేక్‌లు వేసింది. ఇప్పటికే స్థానిక సంస్థల ఎన్నికల్లో 34 శాతం రిజర్వేషన్‌ కల్పిస్తూ, జారీ చేసిన ప్రభుత్వ ఉత్తర్వులను హైకోర్టు రద్దు చేసిన సంగతి తెలిసిందే. హైకోర్టు తీర్పును సవాల్‌ చేస్తూ ప్రభుత్వం సుప్రీంకోర్టులో పిటీషన్‌ దాఖలు చేసింది. దీనిపై తాజాగా సుప్రీంకోర్టు నుంచి సైతం చుక్కెదురైంది. బీసీ రిజర్వేషన్లపై దాఖలు చేసిన పిటీషన్‌ను శుక్రవారం డిస్మిస్‌ చేసింది. దీంతో చంద్రబాబు బీసీల వంచనకు చేస్తున్న ప్రయత్నాలకు చరమగీతం పాడినట్లు అయ్యింది. ఈ పరిణామం ఆ వర్గాల్లో అగ్రహావేశాలు నింపుతోంది. సాధ్యం కాదని తెలిసి కూడా బీసీలను మోసం చేసి, స్థానిక ఎన్నికల్లో లబ్ధి పొందాలని భావించడంపై ఆయా సంఘాలు మండిపడుతున్నాయి. సాధ్యం కాదని తెలిసినా వంచన సుప్రీంకోర్టు మార్గదర్శకాలకు అనుగుణంగా బీసీ రిజర్వేషన్‌ సాధ్యం కాదని తెలిసినా.. స్థానిక ఎన్నికల్లో బీసీల ఓట్లు కొల్లగొట్టేందుకు కపట ప్రేమ చూపించారు. సుప్రీం మార్గదర్శకాల మేరకు చట్టబద్ధం చేయాల్సిన బాబు.. డెడికేషన్‌ కమిషన్‌ ఏర్పాటు పేరుతో మరో నాటకానికి తెరలేపారు. ఆ కమిటీ నివేదిక ఇవ్వకముందే జీఓలు జారీ చేయడం ఏంటన్న ప్రశ్న తలెత్తుతోంది. బీసీలకు 34 శాతం రిజర్వేషన్లు కల్పిస్తామని సార్వత్రిక ఎన్నికల మేనిఫెస్టోలో హామీ ఇచ్చారు చంద్రబాబు. అందుకు అనుగుణంగా చట్టం చేయాల్సి ఉన్నా.. అదేమీ పట్టించుకున్న పాపానపోలేదు. అధికారంలోకి వచ్చిన అనంతరం కూడా నామినేటెడ్‌ పదవుల్లో బీసీలకు తగిన ప్రాధాన్యం ఇవ్వలేదు. గతంలో వ్యతిరేకించి.. స్థానిక సంస్థల్లో బీసీల రిజర్వేషన్లకు సంబంధించి 2019లో గత వైఎస్సార్‌ సీపీ ప్రభుత్వం జీఓ నంబర్‌ 176 జారీ చేసి, బీసీలకు 34 శాతం రిజర్వేషన్లు ఇచ్చి ఎన్నికలకు సిద్ధమైంది. అప్పట్లో చంద్రబాబు తన పార్టీ నాయకుడు, అంతకు ముందు తన ప్రభుత్వంలో ఏపీ స్టేట్‌ ఎంపాయిమెంట్‌ గ్యారంటీ కౌన్సిల్‌ (ఏపీఎస్‌ఈజీసీ) సభ్యుడిగా ఉన్న వ్యక్తితో హైకోర్టు, సుప్రీంకోర్టులోనూ కేసులు వేయించారు. సుప్రీంకోర్టు ఆదేశాల మేరకు రిజర్వేషన్లు 50 శాతం దాటకూడదన్న ఆదేశాలతో బీసీ రిజర్వేషన్లు కొట్టేస్తున్నామని హైకోర్టు అప్పట్లో తీర్పు ఇచ్చింది. రిజర్వేషన్లు 50 శాతం దాటకూడదని హైకోర్టులు, సుప్రీంకోర్టు తీర్పులు ఉన్నాయని తెలిసి, ఇదే ఆంధ్రప్రదేశ్‌ హైకోర్టు కొట్టేసిందని తెలిసి, మరోసారి మహా డ్రామాకు చంద్రబాబు తెరలేపడం ఏంటన్న ప్రశ్న తలెత్తుతోంది. జిల్లాలో ప్రాధాన్యమిలా.. కాకినాడ స్మార్ట్‌ సిటీ చైర్మన్‌గా బీసీలకు అవకాశం ఇచ్చారు. తుని మున్సిపల్‌ చైర్మన్‌ ఓసీ అయినా బీసీకి ఇచ్చారు. వివిధ కార్పొరేషన్‌ డైరెక్టర్లుగా 10 మందికి అవకాశం కల్పించారు. పెద్దాపురం అయ్యరక కార్పొరేషన్‌ చైర్మన్‌, కాకినాడ కార్పొరేషన్‌ వైస్‌ చైర్మన్‌గా అకాశం ఇచ్చారు. అన్నవరంలో దేవస్థానంలో ఇద్దరిని బోర్డ్‌ మెంబర్లుగా, లోవ చైర్మన్‌గా నియమించారు. కార్పొరేటర్లుగా, పెద్దాపురం మున్సిపాలిటీ వైస్‌ చైర్మన్‌గా అవకాశం కల్పించారు. ఫ బీసీలకు 34 శాతం రిజర్వేషన్‌ కపట ప్రేమే ఫ న్యాయస్థానాల్లో చుక్కెదురవుతుందని తెలిసీ మోసం చేసేందుకు కుట్ర ఫ స్థానిక సంస్థల్లో బీసీల తిరుగుబాటు తప్పదనే ఈ డ్రామా ఫ వైఎస్సార్‌ సీపీ హయాంలో నామినేటెడ్‌ పదవుల్లో అగ్రస్థానం బీసీల పక్షపాతి వైఎస్‌ జగన్‌ వైఎస్‌ జగన్‌మోహన్‌రెడ్డి ముఖ్యమంత్రిగా ఉన్న సమయంలో బీసీలకు సంక్షేమం, రాజకీయ ప్రాధాన్యం కల్పించారు. బీసీల కోసం ప్రత్యేక కార్పొరేషన్లు ఏర్పాటు చేయడం, నామినేటెడ్‌ పదవుల్లో అవకాశాలు కల్పించడం, బీసీ నాయకులకు ఉన్నత రాజకీయ బాధ్యతలు అప్పగించడం వంటి చర్యల ద్వారా బీసీలను పాలనలో భాగస్వాములను చేశారు. బీసీ రిజర్వేషన్‌ను కోర్టులు కొట్టేసినా.. బీసీలకు ఆ మేరకు రాజకీయంగా ప్రోత్సాహం ఇవ్వాలన్న ఉద్దేశంతో స్వతహాగా 34 శాతం కంటే ఎక్కువగా ప్రాతినిధ్యం కల్పించింది. రాష్ట్ర క్యాబినెట్‌లో 25 మంత్రులు ఉంటే అందులో 11 మంది బీసీలు, రాష్ట్ర కోటాలో భర్తీ అయిన 11 రాజ్యసభ సీట్లకు నలుగురు బీసీలను పంపించింది. చంద్రబాబు 2014–19 మధ్య ఒక్క బీసీని కూడా రాజ్యసభకు పంపలేదు. బీసీలకు చట్టసభల్లో 50 శాతం సీట్లు కేటాయించాలని కోరుతూ పార్లమెంట్‌లో వైఎస్సార్‌ సీపీ ఎంపీలతో ప్రైవేట్‌ బిల్లును పెట్టించిన ఘనత వైఎస్సార్‌ సీపీకే దక్కుతుంది.

కరోనా వంటి విపత్కర పరిస్థితుల్లో సైతం ప్రజలకు విశేష సేవలందించాం. వలంటీర్ల జీతాలు రూ.10 వేలకు పెంచుతామని గత ఎన్నికల్లో చంద్రబాబు హామీ ఇచ్చారు. అధికారంలోకి వచ్చాక మమ్మల్ని పూర్తిగా తొలగించి మోసం చేశారు. ఇప్పుడేమో నిరుద్యోగులకు భృతి కూడా ఇవ్వడం లేదు. సొంత డప్పు కొట్టుకోవడానికి మాత్రం సోషల్‌ మీడియా ఇన్‌ఫ్లుయెన్సర్లకు రూ.లక్షల ప్రజాధనం ఇవ్వడానికి సిద్ధమవుతున్నారు. –జిత్తుగ రామస్వామి, మాజీ వలంటీర్‌, వానపల్లి, కొత్తపేట మండలంవలంటీర్లకు తీవ్ర అన్యాయంఎన్నికల ముందు వలంటీర్లకు ఎన్నో హామీలు ఇచ్చిన చంద్రబాబు అధికారం చేపట్టాక దగా చేశారు. ఇప్పుడేమో సోషల్‌మీడియా ఇన్‌ఫ్లుయెన్సర్ల పేరిట ప్రభుత్వ ప్రచారం కోసం ప్రజల సొమ్ము దుబారా చేసేందుకు ప్రయత్నిస్తున్నారు. గత ప్రభుత్వంలో కరోనా వంటి విపత్కర సమయాల్లో ప్రజలకు అనేక సేవలు అందించాం. అలాంటి మమ్మల్ని తొలగించి తీవ్ర అన్యాయం చేశారు. ఉన్న కొద్దిపాటి ఉపాధి లేకుండా చేసి ఇబ్బందులు పెట్టారు. –పాలింగి కమల, మాజీ వలంటీర్‌, ర్యాలి, ఆత్రేయపురం మండలం

సామర్లకోట: హామీలు ఇవ్వడం, ఆనక మరిచిపోవడం సీఎం చంద్రబాబు నైజమని వైఎస్సార్‌ సీపీ పెద్దాపురం నియోజకవర్గ కోఆర్డినేటర్‌ దొరబాబు అన్నారు. గత వైఎస్సార్‌ సీపీ ప్రభుత్వంలో మున్సిపాలిటీ పరిధిలోని 22 నుంచి 31 వార్డులకు చెందిన అనేక మందికి వేట్లపాలెంలో పట్టాలు ఇచ్చామని, వాటిని తీసుకోవద్దని కూటమి నాయకులు చెప్పిన మాటలు లబ్ధిదారులు నిరాకరించారన్నారు. అప్పట్లో కూటమి ప్రభుత్వం అధికారంలోకి వస్తే, తాము పట్టణంలోనే స్థలాలు ఇస్తామని చెప్పి లబ్ధిదారులను మోసం చేశారని ఆయన అన్నారు. రెండున్నరేళ్లు పూర్తవుతున్నా ఇప్పటి వరకు కూటమి నాయకులు న్యాయం చేయకపోవడంతో స్థానిక మెహర్‌ కాంప్లెక్స్‌ గణపతి ఆలయం వద్ద లబ్ధిదారులు ధర్నా నిర్వహించారు. ఈ ధర్నాకు వైఎస్సార్‌ సీపీ మద్దతు తెలియజేసింది. ఈ సందర్భంగా దొరబాబు మాట్లాడుతూ చంద్రబాబు ప్రభుత్వం పేదలకు గూడును దూరం చేస్తుందన్నారు. తాము అధికారంలోకి వస్తే సామర్లకోటలోనే ఇళ్ల స్థలాలు ఇస్తామని అన్నారు. కార్యక్రమంలో నాయకులు పాగా సురేష్‌కుమార్‌, ఆవాల లక్ష్మీనారాయణ, గోపు మురళీ, ఉబా జాన్‌మోజెస్‌, రాకరణం భాను, దవులూరి సుబ్బారావు, మన్యం చంద్రరావు తదితరులు పాల్గొన్నారు. పెద్దాపురం నియోజకవర్గ కోఆర్డినేటర్‌ దొరబాబు