Cinema News

కీర్తి సురేశ్‌, రాధికా ఆప్టే ప్రధాన పాత్రల్లో నటించిన వెబ్‌సిరీస్‌ ‘అక్క’. యష్‌రాజ్‌ ఫిలింస్‌ సమర్పణలో ధర్మరాజ్‌ శెట్టి దర్శకత్వం వహిస్తున్నారు. ఈ సిరీస్‌ అక్టోబరు 30 నుంచి నెట్‌ఫ్లిక్స్‌లో స్ట్రీమింగ్‌ కానుంది. ఈ నేపథ్యంలో చిత్రబృందం తాజాగా ట్రైలర్‌ను విడుదల చేసింది.గ్యాంగ్‌ లీడర్‌గాఈ సిరీస్‌లో కీర్తి సురేశ్‌ గ్యాంగ్‌ లీడర్‌గా కనిపించనున్నారు. తన గ్యాంగ్‌తో కలిసి దందాలు చేస్తూ అందరినీ భయపెట్టే ‘అక్క’ పాత్రలో ఆమె నటిస్తున్నారు. మరోవైపు.. ఆమె గ్యాంగ్‌ను అంతమొందించేందుకు సుపారీ తీసుకొని వచ్చిన మహిళగా రాధికా ఆప్టే కనిపించనున్నారు. ఈ ఇద్దరు నటీమణుల మధ్య జరిగే పోరాటం, ఉత్కంఠభరిత సన్నివేశాలు ట్రైలర్‌లో ఆసక్తిని పెంచుతున్నాయి.కథలో కీలక మలుపులు, యాక్షన్‌ సన్నివేశాలతో రూపొందిన ఈ సిరీస్‌పై ప్రేక్షకుల్లో ఆసక్తి నెలకొంది. కీర్తి సురేశ్‌, రాధికా ఆప్టే తమ పాత్రల్లో ఎలా ఆకట్టుకుంటారో తెలియాలంటే అక్టోబరు 30 వరకు వేచి చూడాల్సిందే.(ఇదీ చదవండి: ‘రియాలిటీ’ నుంచి కొత్త పాట రిలీజ్‌)

కిరణ్ అబ్బవరం స్వీయ దర్శకత్వంలో తెరకెక్కిస్తున్న చిత్రం ‘రియాలిటీ’. ఈ సినిమాలో దేవికా భట్‌, శరత్ కుమార్‌, సాయికుమార్‌ ప్రధాన పాత్రల్లో నటిస్తున్నారు. తాజాగా ఈ చిత్రం నుంచి ‘భజగోవిందం.. బ్రతుకే కోలాహలం..’ అంటూ సాగే పాటను చిత్రబృందం విడుదల చేసింది.‘ఉన్నంతలో మనకున్నంతలో బతికితే అదే సుఖము.. ఎవరికి తలొంచక నువ్వు నీ కాళ్లపై నిలబడే గుణం వరము..’ అంటూ సాగే ఈ గీతం జీవితానికి సంబంధించిన విలువైన సందేశాన్ని అందిస్తోంది. ఉన్నదానితో సంతృప్తిగా జీవించడం, ఆత్మగౌరవంతో సొంత కాళ్లపై నిలబడటంలోని గొప్పతనాన్ని ఈ పాటలో వివరించారు. సందేశాత్మక సాహిత్యంతో సాగుతున్న ఈ గీతం శ్రోతలను ఆకట్టుకుంటోంది. ‘రియాలిటీ’ సినిమాపై ప్రేక్షకుల్లో ఆసక్తిని పెంచేలా ఈ పాట నిలుస్తోంది.(ఇదీ చదవండి: విధి విసిరిన సవాళ్లు.. వ్యాధులను జయించిన తారలు..)

రజనీకాంత్ హీరోగా వచ్చిన లేటేస్ట్ మూవీ జైలర్-2. గతంలో రిలీజైన జైలర్‌కు సీక్వెల్‌గా ఈ మూవీని తెరకెక్కించారు. నెల్సన్ దిలీప్ కుమార్ డైరెక్షన్‌లో వచ్చిన ఈ సినిమా బాక్సాఫీస్ వద్ద కాసుల వర్షం కురిపిస్తోంది. మొదటి రోజే వందకోట్లకు పైగా వసూళ్లు రాబట్టిన ఈ చిత్రం.. మూడు రోజుల్లోనే సరికొత్త రికార్డ్ సృష్టించింది. కేవలం త్రీ డేస్‌లోనే ప్రపంచవ్యాప్తంగా రూ. 300 కోట్ల వసూళ్లు దాటేసింది. ప్రస్తుతం అదే దిశగా దూసుకెళ్తోంది. ఈ సందర్భంగా అల్లు అర్జున్.. రజనీకాంత్ నటించిన ‘జైలర్ 2’ సినిమాపై ప్రశంసలు కురిపించారు.ఫిదా అయ్యా‘రజనీ స్టైల్, స్వాగ్, స్క్రీన్ ప్రెజెన్స్‌కు నేను ఫిదా అయ్యా. ఈ సినిమా ప్రేక్షకుల్లో ఉత్సాహాన్ని నింపే కమర్షియల్ ఎంటర్‌టైనర్ జైలర్‌ 2. అనిరుధ్ సంగీతం, నెల్సన్ దర్శకత్వం, చిత్రబృందం కృషి కనిపిస్తోంది. చొక్కా నలగకుండా రూ.500 కోట్లకు పైగా వసూళ్లు సాధించడం ఒక్క రజినీకాంత్ గారికే సాధ్యం’ అంటూ ఎక్స్‌ వేదికగా పోస్ట్‌ చేశారు. బన్నీ చేసిన ఈ వ్యాఖ్యలు అభిమానుల దృష్టిని ఆకర్షిస్తోంది.కాగా అల్లు అర్జున్ ప్రస్తుతం ‘రాకా’ చిత్రీకరణలో బిజీగా ఉన్నారు. డైరెక్టర్ అట్లీ దర్శకత్వం వహిస్తున్న ఈ మూవీపై ఇప్పటికే భారీ అంచనాలు నెలకొన్నాయి. ఈ సినిమాకు సంబంధించిన అప్డేట్ కోసం ఫ్యాన్స్ ఎంతో ఆసక్తిగా ఎదురు చూస్తున్నారు. చేస్తున్నారు.(ఇదీ చదవండి: అర్ధరాత్రి బన్నీకి ఫోన్‌.. లేచే ఉన్నావా అన్నా..: విజయ్‌ దేవరకొండ) #Jailer2 is 🔥🔥🔥 A true showcase of @rajinikanth sir’s star power, swag & aura! A Commercial Entertainer that keeps the adrenaline pumping! Brother... @anirudhofficial KILLED IT! All the artists, technicians & the producer have poured their hearts into this film. The Showman @Nelsondilpkumar garu delivers the coolest hit with a BANG! చొక్కా నలగకుండా 500 CR+ కొట్టడం ఒక్క రజినీ గారికే సాధ్యం! 🖤 Congratulations to the entire team! @sunpictures— Allu Arjun (@alluarjun) October 22, 2026

టాలీవుడ్‌ స్టార్‌ హీరోలు అల్లు అర్జున్‌, విజయ్‌ దేవరకొండ మధ్య ఉన్న అనుబంధం మరోసారి బయటపడింది. కరణ్‌ జోహార్‌ హోస్ట్‌గా వ్యవహరిస్తున్న ప్రముఖ సెలబ్రిటీ టాక్‌ షో ‘కాఫీ విత్‌ కరణ్‌’లో విజయ్‌ దేవరకొండ, రష్మిక మందన్న పాల్గొన్నారు. ఈ సందర్భంగా జరిగిన ఓ ఆసక్తికరమైన ఫోన్‌ కాల్‌ ప్రస్తుతం సోషల్‌ మీడియాలో వైరల్‌గా మారింది.ఈ షోలో భాగంగా నిర్వహించిన గేమింగ్‌ రౌండ్‌లో సెలబ్రిటీ స్నేహితుడికి ఫోన్‌ చేయాలని విజయ్‌ దేవరకొండకు టాస్క్‌ ఇచ్చారు. దీంతో ఆయన ఏమాత్రం ఆలస్యం చేయకుండా అల్లు అర్జున్‌కు కాల్‌ చేశారు. అప్పుడు సమయం రాత్రి 11.40 గంటలు. అయినప్పటికీ బన్నీ వెంటనే ఫోన్‌ లిఫ్ట్‌ చేసి విజయ్‌తో మాట్లాడారు.బన్నీ అన్నా.. నిద్ర లేచే ఉన్నారా?ఈ క్రమంలో ‘బన్నీ అన్న.. నిద్ర లేచే ఉన్నారా?’ అని విజయ్‌ అడగ్గా.. ‘లేచే ఉన్నాను’ అని అల్లు అర్జున్‌ సమాధానమిచ్చారు. ఇంత రాత్రి సమయంలో ఫోన్‌ చేయడానికి గల కారణాన్ని విజయ్‌ సరదాగా వివరించారు.‘నేను కాఫీ విత్‌ కరణ్‌ షోలో ఉన్నాను. వీళ్లకు టైమ్‌ సెన్స్‌, సందర్భం అసలేమీ లేదు. రాత్రి 11.40 గంటలకు ఎవరికైనా ఫోన్‌ చేయమన్నారు. నన్ను ఇష్టపడే వారిలో ఈ సమయంలో ఫోన్‌ చేస్తే తిట్టకుండా ఎవరు లిఫ్ట్‌ చేస్తారా అని ఆలోచించాను. ఇండస్ట్రీలో మనల్ని ప్రేమించేవాళ్లు ఎవరు ఉన్నారు? ఎవరితో అంత చనువు ఉంది? అని అనుకుని మొదట మీకే కాల్‌ చేశాను’ అని విజయ్‌ తెలిపారు.అల్లు అర్జున్‌ నవ్వుతూదీనికి అల్లు అర్జున్‌ నవ్వుతూ స్పందించారు. ‘ఇట్స్‌ ఓకే.. పర్వాలేదు. నువ్వు కాల్‌ చేయడం చాలా స్వీట్‌’ అంటూ విజయ్‌తో అన్నారు. ఆ తర్వాత కరణ్‌ జోహార్‌, రష్మిక మందన్నతోనూ బన్నీ మాట్లాడారు. ఈ సంభాషణతో షోలో సందడి నెలకొంది.కాగా హీరో విజయ్ దేవరకొండ, నేషనల్ క్రష్ రష్మిక మందన్న జంటగా నటించిన చిత్రం ‘రణబాలి’ బాక్సాఫీస్ వద్ద దూసుకెళ్తోంది. దసరా కానుకగా ఈ నెల 16న ప్రేక్షకుల ముందుకు వచ్చిన ఈ సినిమాకు విడుదల రోజున మిశ్రమ స్పందన వచ్చినప్పటికీ మంచి వసూళ్లను రాబడుతోంది.(ఇదీ చదవండి: ఈ ట్విస్ట్‌ మెసేజ్‌ చేస్తే రూ.కోటి ఇస్తా..: స్టార్‌ డైరెక్టర్‌)Calling him Bunny Anna on #KoffeeWithKaran shows that brotherly bond ❤️‍🔥 #AlluArjun Anna, we know you’re busy with your shoot, but when you get a moment, please watch #Ranabaali. Your favourite @TheDeverakonda has poured his heart, soul & immense hard work into this film. ❤️‍🔥 It would means the Lots Of World to us 🫂❤️ #VijayDeverakonda https://t.co/SvFSz8RbJM— Vijay Deverakonda Fans Club (@VJDeverakondaFC) October 21, 2026

జ్యోతి పూర్వాజ్‌, పూర్వాజ్‌ ప్రధాన పాత్రల్లో నటిస్తున్న సైన్స్‌ ఫిక్షన్‌ థ్రిల్లర్‌ చిత్రం ‘కిల్లర్‌’. మనీష్‌ గిలాడా, చంద్రకాంత్‌ కొల్లు, విశాల్‌ రాజ్‌, అర్చన అనంత్‌, గౌతమ్‌ చక్రధర్‌ కొప్పిశెట్టి తదితరులు కీలక పాత్రలు పోషిస్తున్నారు. పూర్వాజ్‌, పద్మనాభ రెడ్డి.ఏ నిర్మిస్తున్న ఈ సినిమాకు పూర్వాజ్‌ దర్శకత్వం వహించారు. ఈ నెల 30న ఈ చిత్రం ప్రేక్షకుల ముందుకు రానుంది.ఈ నేపథ్యంలో తాజాగా సినిమా ట్రైలర్‌ను విడుదల చేశారు. ఈ సందర్భంగా నిర్వహించిన కార్యక్రమంలో దర్శకుడు ఆసక్తికరమైన ప్రకటన చేశారు. సాధారణంగా సినిమా విడుదలకు ముందు కొందరు దర్శకులు తమ చిత్రంపై నమ్మకంతో సవాళ్లు విసురుతుంటారని, అయితే తాను అలాంటి వ్యాఖ్యలు చేయనని తెలిపారు.ద్వితీయార్ధంలో వచ్చే ట్విస్ట్‌‘కిల్లర్‌’ చిత్రంలో ఇంటర్వెల్‌ సమయంలో, ద్వితీయార్ధంలో వచ్చే ట్విస్ట్‌ను ఎవరైనా ముందుగా కనిపెట్టి 15 నిమిషాల లోపల తమకు మెసేజ్‌ పంపిస్తే రూ.కోటి బహుమతిగా ఇస్తానని ప్రకటించారు. ఈ మొత్తాన్ని సినిమా సక్సెస్‌ మీట్‌లో అదే వేదికపై అందజేస్తానని చెప్పారు. దీనికి సంబంధించిన వాట్సప్‌ నెంబర్‌ను ప్రీ రిలీజ్‌ ఈవెంట్‌ రోజు తెలియాజేస్తానని తెలిపారు. దీంతో దర్శకుడు ప్రకటించిన ఈ భారీ ఆఫర్‌ ఇప్పుడు ఆసక్తికరంగా మారింది.(ఇదీ చదవండి: ‘B’ కేటగిరీ వాళ్లమే కదా.. ఆ అవకాశాలైనా ఇవ్వండి: తెలుగు నటి రజిత)

పచ్చ కామెర్లు వచ్చినవాడికి లోకమంతా పచ్చగానే కనిపిస్తుందంటారు. అలాగే సినీ తారల్లో తప్పులే వెతికేవారికి వాళ్లు చేసే ప్రతి పనిలోనూ నెగెటివిటీనే కనిపిస్తుంది. చిన్న విషయాన్ని సైతం పెద్దది చేస్తూ సోషల్‌ మీడియాలో ట్రోలింగ్‌కు దిగుతుంటారు. అలా రష్మిక విషయంలోనూ జరుగుతోంది. ఆమె యాసను హేళన చేస్తూ ట్రోల్‌ చేస్తున్నారు. హిందీ సినిమాల్లో దక్షిణాది యాసతో మాట్లాడుతుందని హేళన చేస్తూ పోస్టులు పెడుతున్నారు. తాజాగా ఈ ట్రోలింగ్‌పై రష్మిక స్పందించింది. తను దక్షిణాది నుంచి వచ్చిన అమ్మాయిని కాబట్టి..సహజంగానే తనలో ఆ యాస ఉంటుందని చెప్పింది. తాజాగా భర్త విజయ్‌ దేవరకొండతో కలిసి ‘కాఫీ విత్‌ కరణ్‌’ టాక్‌ షోలో పాల్గొన్న ఆమె.. తన యాసపై వచ్చిన ట్రోల్‌ గురించి మాట్లాడుతూ.. ‘ఇలాంటి విమర్శలను తాను ఎన్నో చూశానని.. వాటి కారణంగా తనను తాను ఎప్పుడూ హద్దులు విధించుకోవాలని ఆలోచించలేదని చెప్పింది.(ఇదీ చదవండి: పెళ్లి చేసుకోమని 100 సార్లు అడిగితే.. అప్పుడు ఓకే చేశా: విజయ్‌ దేవరకొండ)‘నేను సౌత్‌ యాసలో మాట్లాడుతున్నానని ట్రోల్‌ చేస్తున్నారు. అది నిజమే.. నేను దక్షిణాది నుంచి వచ్చాను. అందుకే నాలో ఆ యాస సహజంగానే ఉంటుంది. అలా కాకుండా మరోలా మాట్లాడాలనుకోవడం సమంజసం కాదు. ఇలాంటి ట్రోల్‌ నాకు కొత్తేమి కాదు. సినిమా ఇండస్ట్రీలోకి వచ్చినప్పటి నుంచి ఏదో రకంగా నన్ను ట్రోల్‌ చేస్తూనే ఉన్నారు. నా మాట, నటన, యాస..ఇలా దేనిని వదలడం లేదు. కానీ నేను వాటిని పట్టించుకోను. వారి కోసం నాకొచ్చిన అవకాశాలను మిస్‌ చేసుకోవాలనుకోలేదు’ అని రష్మిక అన్నారు.

షాలిని రీఎంట్రీ ఇవ్వడం ఒకెత్తు అయితే.. ఆమె చేసిన హంగామా మరో ఎత్తు. టాస్క్‌లో భాగంగా దక్షిపై బూతులతో రెచ్చిపోయింది. ఒకానొక దశలో వాట్‌..వాట్‌ అంటూ పైపైకి వెళ్లింది. ఇంకా ఎపిసోడ్‌ 46లో జరిగిన హైలెట్స్‌పై ఓ లుక్కేయండి.→ ఎలిమినేట్‌ అయిందని చెప్పిన షాలిని మళ్లీ హౌస్‌లోకి ఎంట్రీ ఇచ్చింది. ఆమెను సీక్రెట్‌ రూమ్‌ నుంచి హౌస్‌లోకి ఎంట్రీ ఇవ్వడంతో హౌస్‌మేట్స్‌ అంతా షాకయ్యారు. ఇక రోహిత్‌ అయితే..ఆనందంతో ఆమెను గట్టిగా హగ్‌ చేసుకోని, బుగ్గపై ముద్దు పెట్టాడు. అనంతరం ఎప్పటిమాదిరే షాలిని తనదైన స్టైల్లో ఆట మొదలు పెట్టింది.→ ఇక హౌస్‌మేట్స్‌కి బిగ్‌బాస్‌ బిగ్‌ షాక్‌ ఇచ్చాడు. ఈ వారం కేవలం ఆడియన్స్‌ ఇచ్చే ఓట్ల ద్వారనే కాకుండా నేరుగా మరో ఎలిమేషన్‌ ఉంటే అవకాశం ఉందని చెప్పాడు. అంతేకాదు ఇప్పటి వరకు సభ్యుల ఆట తీరుని పరిశిలించి సభ్యులను ఎల్లో లెవల్‌, రెడ్‌ లెవల్‌గా విభజించాడు. రెడ్‌ లెవన్‌ లో ఉన్నవారు ఆడియన్స్‌ ఇచ్చే ఓట్లతో పాటు నేరుగా చేసే ఎలిమినేషల్‌లో ఉంటారని, ఎల్లోలో ఉన్నవారు కేవలం ఆడియన్స్‌ ఇచ్చే తీర్పు ద్వారనే ఎలిమేట్‌ అవుతారని చెప్పాడు.→ రెడ్ లెవల్ కంటెస్టెంట్స్‌లో ఝాన్సీ, రామ్ ప్రసాద్, రోహిత్, శ్వేత, సుధీర్, ఆర్కే, షాలిని, వంశీ ఉన్నారు. ఎల్లో లెవల్ కంటెస్టెంట్స్‌లో త్రిగున్, నరేష్, వర్షిణి, ముకేశ్, దేబ్జానీ, అమన్, శివ కుమార్ ఉన్నారు.→ గ్రీన్‌లెవల్‌..అంటే తన కొత్త అవతారం గోట్‌ అని. అక్కడికి వెళ్లినవారికి కేవలం ఈ వారమే కాదు వచ్చేవారం కూడా ఎలిమినేషన్‌ నుంచి మినహాయింపు ఉంటుందని చెప్పాడు. గ్రీన్‌ లెవల్‌ వెళ్లడానికి ఓ టాస్క్‌ ఇచ్చాడు.→ టాస్క్‌లో భాగంగా సర్కిల్ మధ్యలో ఉంచిన బోన్‌ను బజర్ మోగగానే దక్కించుకున్నవారికి బాక్సులు పగలగొట్టే అవకాశం లభించింది. ఆ బాక్సుల నుంచి ఎల్లో కలర్ వస్తే బిగ్‌బాస్ చెప్పిన నిబంధనల ప్రకారం గేమ్‌లోని ఇతర సభ్యులను తొలగించే అవకాశం కూడా ఉండేది.→ టాస్క్ సందర్భంగా దక్షిపై తీవ్రంగా ఆగ్రహం వ్యక్తం చేసింది. అసభ్య పదజాలం కూడా వాడబోయి చివరిక్షణంలో కంట్రోల్‌ అయింది. పరిస్థితి మరింత ఉద్రిక్తంగా మారకుండా ఇతర సభ్యులు ఆమెను శాంతింపజేయడానికి ప్రయత్నించారు.→ ఈ టాస్క్‌లో చివరికి రామ్ ప్రసాద్, ఝాన్సీ మధ్య జరిగిన ఫైనల్ రౌండ్‌లో రామ్ ప్రసాద్ పైచేయి సాధించి విజేతగా నిలిచాడు.దీంతో రెడ్‌లో ఉన్న రాంప్రసాద్‌.. ఎల్లో లెవల్‌కి ప్రమోట్‌ అయ్యాడు.

టాలీవుడ్‌ బ్యూటిఫుల్‌ కపుల్‌లో విజయ్‌ దేవరకొండ-రష్మిక జంట ఒకటి. కొన్నేళ్లుగా ప్రేమలో ఉన్న ఈ స్టార్‌ జంట.. ఈ ఏడాది ఫిబ్రవరిలో పెద్దల సమక్షంలో పెళ్లి చేసుకొని వివాహ బంధంలోకి అడుగుపెట్టింది. పెళ్లి తర్వాత కలిసి నటించిన తొలి సినిమా ‘రణబాలి’ ఇటీవల ప్రేక్షకుల ముందుకు వచ్చింది. ఈ సినిమా ప్రమోషన్స్‌ కోసం విజయ్‌, రష్మిక ఇద్దరు.. వేరు వేరుగా పలు ఇంటర్వ్యూలు ఇచ్చారు.అయితే పెళ్లి తర్వాత జంటగా కలిసి ‘కాఫీ విత్‌ కరణ్‌’ టాక్‌ షోకు వెళ్లారు. ఈ సందర్భంగా తమ లవ్‌స్టోరీ,పెళ్లి గురించి పలు ఆసక్తికరమైన విషయాలు పంచుకున్నారు. పెళ్లికి ముందు రష్మికకు ప్రత్యేకంగా ప్రపోజ్‌ చేయలేకపోయానని విజయ్‌ చెప్పారు. అంతేకాదు పెళ్లి ప్రపోజల్‌ కూడా తొలుత రష్మికనే చేసిందట. ‘రొమాంటిక్‌ విషయాలు ప్లాన్‌ చేయడంలో నేను వీక్‌. కానీ నా వల్ల రష్మిక ఓ అందమైన మూమెంట్‌ మిస్‌ కాకూడదని ప్రత్యేకంగా ప్రపోజ్‌ చేద్దామనుకున్నా. ఇద్దరం కలిసి ఇటలీ వెళ్లినప్పుడు ఆమెకు సర్‌ప్రైజ్‌ చేద్దామని ప్లాన్‌ చేశా. అయితే సరైన ఉంగరం దొరకలేదు. దీంతో అక్కడ ప్రపోజ్‌ చేయలేకపోయా. కానీ పెళ్లికి ముందు నిర్వహించిన సంగీత్‌లో మాత్రం రష్మికకు నేనే ప్రపోజ్‌ చేశా. స్నేహితులందరి సమక్షంలో మోకాళ్లపై నిలబడి పెళ్లి చేసుకోవాలని కోరాను. ఆ క్షణాలు ఆమె జీవితంలో ఎప్పటికీ గుర్తిండిపోతాయి’ అని విజయ్‌ అన్నారు. ఇక ఇద్దరిలో పెళ్లి ప్రపోజ్‌ ముందుగా చేసిందెవరని హోస్ట్‌ అడగ్గా.. రష్మికనే అని విజయ్‌ బదులిచ్చాడు. ‘నేను ఒకే చేసేలోపే వందసార్లు అడిగేసింది’అని విజయ్‌ చెప్పడంతో పక్కనే ఉన్న రష్మిక నవ్వుతూ.. ‘అవును, నేను నిజంగానే పెళ్లి కోసం ఆయన్ని ఒప్పించడానికి ఏడాది పాటు అడుగుతూనే ఉన్నాను’ అని అనడంతో. ‘చూశారా.. తనే నన్ను వందసార్లు అడిగింది. అందుకే నేను ఓకే చెప్పాను. నేనేం అంత బ్యాడ్ పర్సన్‌ని కాదు’ అంటూ విజయ్ నవ్వులు పూయించారు.(ఇదీ చదవండి: రెగ్యులర్‌ ముఖాలంటూ పక్కన పెడుతున్నారు: రజిత)

కామెడీ ఎంటర్‌టైనర్‌ ‘దొంగ నా కొడుకు’తో ప్రేక్షకుల ముందుకు వచ్చేందుకు సిద్ధమవుతున్నారు మౌళి. మైత్రీ మూవీ మేకర్స్‌ నిర్మించిన ఈ చిత్రం నవంబర్‌ 13న థియేటర్లలో విడుదల కానుంది. ఈ నేపథ్యంలో తాజాగా టీజర్‌ను విడుదల చేశారు. ఈ సినిమాలో ప్రముఖ నటి రజిత పాల్గొని మూవీ అవకాశాలపై ఆసక్తికర వ్యాఖ్యలు చేశారు.హీరోయిన్‌ పాత్రలు కావాలని కోరుకోవడం లేదుసీనియర్‌ మగ నటులకు ప్రతి సినిమాలోనూ వరుసగా అవకాశాలు వస్తుంటే.. అదే వయసున్న నటీమణులను మాత్రం రెగ్యులర్‌గా కనిపించే ముఖాలంటూ పక్కన పెడుతున్నారని డైరెక్టర్లను ప్రశ్నించారు. ‘హీరోయిన్‌ పాత్రలు కావాలని కోరుకోవడం లేదు. ‘A’ కేటగిరీలో ఉన్న నదియా, ఖుష్బూ వంటి సీనియర్‌ నటీమణులకు లభించే పాత్రలు కూడా అవసరం లేదు. కనీసం ‘B’ కేటగిరీల కిందకైనా మేము వస్తాం కదా? ఆ అవకాశాలైనా కల్పించాలి. ఇది విజ్ఞప్తి మాత్రమే.‘ అని రజితా అన్నారు. అవకాశాలు కల్పించడంపై ఆమె చేసిన వ్యాఖ్యలు చర్చనీయాంశంగా మారాయి.(ఇదీ చదవండి: పెద్ద ఫ్యామిలీ నటుడైతే ఇలా అనేవారా?: మౌళి) రెగ్యులర్ అయిపోయారు.. రెగ్యులర్ అయిపోయారు అని సినిమాలకు పిలవడం లేదు. మేల్ ఆర్టిస్టులు రెగ్యులర్‌గా కనిపించినప్పుడు మేము మాత్రం రెగ్యులర్ అయిపోతామా? మాకు అవకాశాలు ఇవ్వండి.. దయచేసి - #Rajitha https://t.co/vo6fxySaqc— greatandhra (@greatandhranews) October 21, 2026

ప్రముఖ నటి ప్రియాంక చోప్రా విజయదశమి పర్వదినాన్ని సంప్రదాయబద్ధంగా నిర్వహించుకున్నారు. లాస్‌ ఏంజెలెస్‌లోని తన నివాసంలో భర్త, హాలీవుడ్‌ నటుడు నిక్‌ జోనాస్‌, కుమార్తె మాలతీ మేరీ చోప్రా జోనాస్‌తో కలిసి పూజలు నిర్వహించారు. ఈ సందర్భంగా చిన్నారి మాలతీ ఫొటోలను ప్రియాంక సోషల్‌ మీడియాలో పంచుకున్నారు. ఈ చిత్రాలు అభిమానులను ఆకట్టుకుంటున్నాయి.విదేశాల్లో నివసిస్తున్నప్పటికీ ప్రియాంక చోప్రా, నిక్‌ జోనాస్‌ 2018లో జోధ్‌పుర్‌లో వివాహ బంధంలోకి అడుగుపెట్టారు. 2022లో సరోగసీ ద్వారా వీరికి కుమార్తె మాలతీ జన్మించింది. విదేశాల్లో నివసిస్తున్నప్పటికీ భారతీయ పండగలు, సంప్రదాయాలకు ప్రియాంక ఎంతో ప్రాధాన్యం ఇస్తుంటారు. హిందూ సంస్కృతి, సంప్రదాయాలను నిక్‌ గౌరవిస్తారని, ఆ పరస్పర గౌరవమే తమ బంధాన్ని మరింత బలోపేతం చేసిందని ప్రియాంక గతంలో ఓ సందర్భంలో పేర్కొన్నారు.ఇక సినిమాల విషయానికొస్తే.. ప్రియాంక ప్రస్తుతం దర్శకధీరుడు ఎస్‌.ఎస్‌. రాజమౌళి తెరకెక్కిస్తున్న ‘వారణాసి’లో నటిస్తున్నారు. సూపర్‌స్టార్‌ మహేశ్‌బాబు కథానాయకుడిగా నటిస్తున్న ఈ చిత్రంపై ఇప్పటికే భారీ అంచనాలు నెలకొన్నాయి. అంతర్జాతీయ స్థాయిలో గుర్తింపు తెచ్చుకున్న ప్రియాంక.. ఈ సినిమాతో భారతీయ ప్రేక్షకులకు మరింత చేరువ కానున్నారు.(ఇదీ చదవండి: ఫౌజీ అప్‌డేట్‌.. ఆ హారర్‌ సినిమాకి వెళ్లి చూడచ్చు: నిర్మాత) View this post on Instagram A post shared by Priyanka (@priyankachopra)

మౌళి తనుజ్ హీరోగా నటించిన 'దొంగ నా కొడుకు' టీజర్ లాంచ్ ఈవెంట్‌ ఈ రోజు జరిగింది. ఈవెంట్‌లో పాల్గొన్న మైత్రీ మూవీ మేకర్స్ అధినేతల్లో ఒకరైన ఎర్నేని రవిశంకర్.. ప్రభాస్ 'ఫౌజీ' అప్‌డేట్‌పై స్పష్టత ఇచ్చారు.‘ప్రభాస్ బర్త్‌డే (అక్టోబర్‌23) కానుకగా ఫౌజీ నుంచి ఒక ప్రత్యేక షార్ట్ వీడియోను విడుదల చేస్తున్నాం​. ఈ వీడియో ద్వారా సినిమా కథా నేపథ్యం ఏంటి? దర్శకుడు హను రాఘవపూడి ఎలాంటి ప్రపంచాన్ని ఆవిష్కరించబోతున్నారు? ప్రభాస్ పాత్ర స్వభావం ఎలా ఉండబోతోందనే విషయాలపై ప్రేక్షకులకు ఒక స్పష్టమైన అవగాహన వస్తుంది’అని తెలిపారు. అయితే ఆ వీడియోను బాహుబలి రేంజ్ లో ఊహించుకోవద్దని అభిమానులకు విజ్ఞప్తి చేశారు.అయితే ఆ వీడియోను వెండి తెరపై చూడలనుకునేవారు.. హారర్ చిత్రం '418' ప్రదర్శితమయ్యే థియేటర్లలో చూడవచ్చు అని తెలిపారు. తద్వారా మంచి ఫీల్‌ కలుగుతుందని తెలిపారు. కాగా 418 చిత్రం అక్టోబర్‌ 23న విడుదల కానుంది.సినిమా విషయానికి వస్తే..కాగా ప్రభాస్ హీరోగా నటిస్తోన్న పాన్ ఇండియా మూవీ ఫౌజీ. ఈ సినిమాకు హను రాఘవపూడి దర్శకత్వం వహిస్తున్నారు. ఈ చిత్రంలో ఇమాన్వీ హీరోయిన్‌గా కనిపించనుంది. ఈ మూవీలో అనుపమ్‌ ఖేర్, మిథున్‌ చక్రవర్తి, జయప్రద, భానుచందర్‌ కీలక పాత్రలు పోషిస్తున్నారు. (ఇదీ చదవండి: పెద్ద ఫ్యామిలీ నటుడు అయితే ఇలా అనేవారా?: మౌళి) Mythri Ravi Drops an Interesting Update on Prabhas’ #Fauji at Donga Naa Koduku Event #MythriRavi #Prabhas #DongaNaaKoduku https://t.co/oG31IY1mgv— Telugu360 (@Telugu360) October 21, 2026

యూట్యూబర్‌గా గుర్తింపు తెచ్చుకున్న మౌళి.. ‘లిటిల్‌ హార్ట్స్‌’ సినిమాతో హీరోగా మారి విజయాన్ని అందుకున్నారు. ఇప్పుడు మరో కామెడీ ఎంటర్‌టైనర్‌ ‘దొంగ నా కొడుకు’తో ప్రేక్షకుల ముందుకు వచ్చేందుకు సిద్ధమవుతున్నారు. మైత్రీ మూవీ మేకర్స్‌ నిర్మించిన ఈ చిత్రం నవంబర్‌ 13న థియేటర్లలో విడుదల కానుంది. ఈ నేపథ్యంలో తాజాగా చిత్ర టీజర్‌ను విడుదల చేశారు. ఈ కార్యక్రమంలో పాల్గొన్న మౌళి.. తనపై వస్తున్న ట్రోల్స్‌, విమర్శల గురించి ఆసక్తికర వ్యాఖ్యలు చేశారు.చాలా బాధపడ్డానుతన ఎదుగుదలను కొందరు తట్టుకోలేకపోతున్నారని ఓ జర్నలిస్ట్‌ అడిగిన ప్రశ్నకు మౌళి స్పందించారు. ‘చాలా బాధపడ్డాను. ఓ పెద్ద కుటుంబం నుంచి వచ్చిన నటుడైతే ఇలాగే మాట్లాడేవారా? వీడు ఏం చేయగలడు? అన్నట్లుగా చాలా కామెంట్లు చేశారు. నిజానికి నేను ఏం చేయలేను. నాకు సినిమా అంటే ఇష్టం. అందుకే ఇవన్నీ భరిస్తున్నాను’ అని చెప్పారు.‘లిటిల్‌ హార్ట్స్‌’ విజయం తర్వాత ఓ ఛానల్‌ కార్యక్రమానికి నన్ను పలిచారు. ఆ సమయంలో ఆరోగ్యం బాగోలేకపోవడంతో రాలేనని చెప్పా. అప్పుడు నీ తర్వాతి సినిమాకు నెగిటివ్‌ ప్రచారం జరిగే అవకాశం ఉందమో చూసుకో అని వాళ్లు హెచ్చరించారు. దీంతో చేసేది ఏమీ లేక ఆ కార్యక్రమానికి కూడా వెళ్లాను. ఎవరేమనుకున్నా నేను మౌనంగానే ఉంటాను. తిడితే పడతాను. ఎందుకంటే నేను ఏం చేయలేను ‍కాబట్టి’ అని మౌళి పేర్కొన్నారు. ప్రస్తుతం ఆయన చేసిన ఈ వ్యాఖ్యలు సామాజిక మాధ్యమాల్లో చర్చనీయాంశంగా మారాయి.(ఇదీ చదవండి: టైగర్‌ ష్రాఫ్‌పై కాల్పులు.. సల్మాన్‌కు కీలక సూచన)

బాలీవుడ్‌లో టైగర్‌ ష్రాఫ్‌ ప్రయాణిస్తున్న కారుపై కాల్పుల ఘటన కలకలం రేపిన విషయం తెలిసిందే. ఈ ఘటనపై ప్రముఖ గాయకుడు, నటుడు అనూప్‌ జలోటా స్పందించారు. ఈ వివాదానికి ముగింపు పలకాలంటే సల్మాన్‌ ఖాన్‌.. బిష్ణోయ్‌ వర్గానికి క్షమాపణ చెప్పాలని సూచించారు. సల్మాన్‌ గతంలో చేసిన పనుల కారణంగా ఆ వర్గం బాధపడిందని, వారి మనోభావాలను గౌరవిస్తూ క్షమాపణ చెప్పడం అవసరమని అభిప్రాయపడ్డారు. వారి కుటుంబాలు కూడా ఇబ్బందులు ‘ఈ కాల్పుల ఘటన నన్ను తీవ్రంగా బాధించింది. ఈ వివాదం ఇలాగే కొనసాగితే సల్మాన్‌ ఖాన్‌తో కలిసి పనిచేసే వ్యక్తులతో పాటు వారి కుటుంబాలు కూడా ఇబ్బందులు ఎదుర్కోవాల్సి వస్తుంది. ఈ వివాదం ఆగాలంటే సల్మాన్‌.. బిష్ణోయ్‌ వర్గానికి క్షమాపణ చెప్పడమే మార్గం. గతంలోనూ సల్మాన్‌కు ఇదే సూచన చేశాను. ఇప్పటికైనా ఆయన ఓ నిర్ణయానికి రావాలి’ అని అనూప్‌ తెలిపారు. కాగా అక్టోబర్‌ 18న ముంబైలోని జుహు ప్రాంతంలో టైగర్‌ ష్రాఫ్‌ ప్రయాణిస్తున్న కారును లక్ష్యంగా చేసుకుని కాల్పులు జరిగాయి. ఈ ఘటనపై పోలీసులు దర్యాప్తు చేపట్టి పలువురిని అరెస్టు చేశారు.(ఇదీ చదవండి: అసలు టార్గెట్ సల్మాన్.. ష్రాఫ్‌పై కాల్పులు ఎందుకంటే..)1998లో జోధ్‌పూర్‌లో1998లో జోధ్‌పూర్‌లో సినిమా షూటింగ్ సమయంలో సల్మాన్ ఖాన్ కృష్ణజింకను (బ్లాక్‌బక్) వేటాడారన్న ఆరోపణలతో ఈ వివాదం మొదలైంది. రాజస్థాన్‌లోని బిష్ణోయ్ సమాజం కృష్ణజింకను పవిత్రంగా భావిస్తుంది. గతంలో 2024 ఏప్రిల్‌లో సల్మాన్ ఖాన్ ఇంటి బయట మోటార్‌సైకిల్‌పై వచ్చిన ఇద్దరు దుండగులు నాలుగు రౌండ్లు కాల్పులు జరపగా, పన్వేల్‌లోని ఆయన ఫామ్‌హౌస్‌ను కూడా గ్యాంగ్ సభ్యులు పలుమార్లు రెక్కీ చేశారు.(ఇదీ చదవండి: సిగ్గుండాలి.. నా బాడీ ఎలా ఉంటే మీకెందుకు: స్టార్‌ హీరోయిన్‌)

పాయల్‌ రాజ్‌పుత్ శరీరాకృతిపై అసభ్యకర వ్యాఖ్యలు చేస్తూ, కొన్ని వీడియోలను సామాజిక మాధ్యమాల్లో పంచుకుంటున్న వారిపై ఆమె తీవ్ర ఆగ్రహం వ్యక్తం చేశారు. తన శరీరం, తన రూపం గురించి వ్యాఖ్యానించే హక్కు ఎవరికీ లేదని స్పష్టం చేశారు. ఈ మేరకు బుధవారం అర్ధరాత్రి ఎక్స్‌లో ఘాటుగా స్పందించారు.‘నా శరీరం, నా సైజు, నా గర్వం. ఇవి మీకు సంబంధించిన విషయాలు కావు. మీ హద్దుల్లో మీరు ఉండండి. మీ పని మీరు చేసుకోండి’ అంటూ బాడీ షేమింగ్‌కు పాల్పడుతున్న వారికి గట్టిగా బదులిచ్చారు. ప్రస్తుతం ఆమె చేసిన పోస్ట్ సామాజిక మాధ్యమాల్లో చర్చనీయాంశంగా మారింది. సినిమాల విషయానికి వస్తే..తెలుగులో ‘ఆర్ఎక్స్ 100’ తర్వాత ఆమె వరుసగా ‘ఆర్డీఎక్స్ లవ్’, ‘వెంకీ మామ’, ‘డిస్కో రాజా’ వంటి సినిమాల్లో నటించింది. 2023లో వచ్చిన మంగళవారం సినిమాలో మరో సారి మంచి గుర్తింపు తెచ్చుకుంది. తర్వాత ‘రక్షణ’చిత్రంలో పోలీస్ ఆఫీసర్‌గా మెప్పించింది.(ఇదీ చదవండి: హీరోయిన్‌ కాయదు ఎంగిలి చేసిన బాటిల్ రూ.3 లక్షలా?)Shame on you people 👊🏻 Shame on everyone sharing these videos and leaving disgusting comments about my body. My body, my size, and my pride. It’s not up for your debate, your opinions, or your vulgarity. Stay in your lane and mind your own business. 👆🏼 #bodyshaming #shameonyou— paayal rajput (@starlingpayal) October 20, 2026

మెగాస్టార్ చిరంజీవి హీరోగా దర్శకుడు బాబీ తెరకెక్కిస్తున్న తాజా చిత్రం ‘కాకా’. వీరిద్దరి కలయికలో గతంలో వచ్చిన ‘వాల్తేరు వీరయ్య’ మంచి విజయాన్ని అందుకోవడంతో ఈ సినిమాపై అభిమానుల్లో భారీ అంచనాలు నెలకొన్నాయి. ఈ చిత్రం వచ్చే ఏడాది సంక్రాంతి కానుకగా ప్రేక్షకుల ముందుకు రానుంది.అయితే తాజాగా ఓ షూటింగ్‌లో చిరంజీవికి సంబంధించిన ఓ సన్నివేశం వీడియో లీక్‌ అయినట్లు తెలుస్తోంది. ఈ వీడియోలో చిరంజీవి గతంలో ఎన్నడూ చూడని విధంగా యంగ్ లుక్‌లో కనిపిస్తున్నారు. చేతిలో సిగార్‌తో స్టైలిష్‌గా మురళీధర్‌ గౌడ్‌తో మాట్లాడుతున్న సన్నివేశాలు అభిమానులను విశేషంగా ఆకట్టుకుంటున్నాయి. ప్రస్తుతం ఈ వీడియో సామాజిక మాధ్యమాల్లో వైరల్‌గా మారింది. ఇందులో మెగాస్టార్‌ కనిపించడంతో అభిమానులు ఆసక్తిగా చూస్తున్నారు. అయితే ఈ వీడియోలోని సన్నివేశం ఈ సినిమాకు సంబంధించిందేనా? అనేది తెలియాల్సి ఉంది. ఇప్పటి వరకు చిత్రబృందం ఏవిధంగా స్పందించలేదు. ఇదీ చదవండి: ‘ఆదర్శ కుటుంబం’ నుంచి మరో క్రేజీ సాంగ్

హీరో తిరువీర్, హీరోయిన్ ఫరియా అబ్దుల్లా నటిస్తున్న తాజా చిత్రం ‘భగవంతుడు’. ఈ సినిమాకు జి.జి. విహారి దర్శకుడు. కన్నడ నటుడు రిషి కీలక పాత్రలో కనిపించనున్నారు. ఈ చిత్రాన్ని రవి పనస ఫిలిం కార్పొరేషన్ (పనస మీడియా ఇండియా ప్రైవేట్ లిమిటెడ్) బ్యానర్‌పై రవి కుమార్ పనస, విద్యా శ్రీ పనస నిర్మిస్తున్నారు. ఈ సినిమా త్వరలోనే ప్రపంచవ్యాప్తంగా గ్రాండ్ థియేట్రికల్ రిలీజ్‌కు రాబోతోంది.అయితే ఈ రోజు(సోమవారం) ఈ సినిమా నుంచి సెకండ్ సింగిల్ 'ఓ యెల్లమ్మ' పాటను మేకర్స్ రిలీజ్ చేశారు. ఈ పాటను ఎస్. కృష్ణ ప్రసాద్ డివైన్ ట్యూన్ తో కంపోజ్ చేయగా అడ్డుల జంగిరెడ్డి పాడారు. (ఇదీ చదవండి: ‘ఆదర్శ కుటుంబం’ నుంచి మరో క్రేజీ సాంగ్‌)

కులమత భేదాలకు అతీతంగా మనుషులందరూ సమానమే అనే భావన సమాజానికి ఎప్పటికీ అవసరమే. మనుషుల మధ్య ఐక్యత, పరస్పర గౌరవం, మానవత్వం వంటి విలువలను ప్రోత్సహించిన మహనీయుల జీవితాలు నేటి తరానికి కూడా ఎంతో స్ఫూర్తినిస్తాయి. అలాంటి ఆధ్యాత్మిక తత్వవేత్త, సామాజిక సంస్కర్త రామానుజాచార్యుల జీవిత కథతో రూపొందిన చిత్రమే ‘జయహో రామానుజ’.లయన్ డా. సాయి వెంకట్ హీరోగా నటిస్తూ దర్శకత్వం వహిస్తున్న ఈ చిత్రాన్ని సుదర్శనం ప్రొడక్షన్స్‌పై సాయిప్రసన్న, ప్రవళ్లిక నిర్మిస్తున్నారు. అమెరికా నటి జో శర్మ కథానాయికగా నటిస్తుండగా, సుమన్, ప్రవళ్లిక ఇతర ముఖ్య పాత్రల్లో కనిపించనున్నారు. అక్టోబర్ 24న ఈ సినిమాను ప్రపంచవ్యాప్తంగా గ్రాండ్‌గా విడుదల కానుంది. తెలుగు, తమిళ, కన్నడ, మలయాళ, హిందీ, సంస్కృత భాషల్లో ఈ సినిమాని విడుదల చేయాలని చిత్రబృందం సిద్ధమవుతోంది.

విక్టరీ వెంకటేశ్‌ హీరోగా త్రివిక్రమ్‌ దర్శకత్వంలో ఆయన నటిస్తున్న ఫ్యామిలీ యాక్షన్‌ ఎంటర్‌టైనర్‌ ‘ఆదర్శ కుటుంబం’. ఈ సినిమాలో శ్రీనిధి శెట్టి కథానాయికగా నటిస్తుండగా.. నివేదా పేతురాజ్‌ కీలక పాత్ర పోషిస్తున్నారు. తాజాగా ఈ చిత్రం నుంచి ‘మాల వచ్చా చూడు..’ అంటూ సాగే లిరికల్‌ వీడియోను చిత్రబృందం విడుదల చేసింది.‘నీ ఒంట్లో ఉంది కరెంటు.. వెలిగించవే నా ఫిలమెంట్‌’ అంటూ సాగే ఈ పాటలో వెంకటేశ్‌, నివేదా పేతురాజ్‌ మధ్య సన్నివేశాలు ఆకట్టుకునేలా ఉన్నాయి. తమన్‌ సంగీతం అందించిన ఈ పాటకు రామజోగయ్య శాస్త్రి సాహిత్యం అందించారు. ధనుంజయ సీపాన, రనైనా రెడ్డి, తమన్‌ కలిసి ఆలపించారు. ఎస్‌. రాధాకృష్ణ నిర్మిస్తున్న ఈ చిత్రంలో నారా రోహిత్‌, రావు రమేశ్‌ తదితరులు కీలక పాత్రలు పోషిస్తున్నారు. సినిమా విడుదల తేదీ రావాల్సి ఉంది.(ఇదీ చదవండి: మోహన్‌లాల్‌తోనే పుట్టినరోజు.. ఆ రెండు కోరికలు తీరకుండానే మృతి)

మలయాళ సినీ పరిశ్రమలో తనకంటూ ప్రత్యేక గుర్తింపు తెచ్చుకున్న నటీమణుల్లో చిత్ర ఒకరు. మమ్ముట్టి కథానాయకుడిగా నటించిన ‘అమరం’ సినిమాతో పాటు ఎన్నో చిత్రాల్లో కీలక పాత్రలు పోషించి ప్రేక్షకులకు దగ్గరయ్యారు. మోహన్‌లాల్‌కు కథానాయికగా పరిచయమయ్యారు. ఇలా నటిగా ఎన్నో విజయాలు అందుకున్నారు. ఇది ఇలా ఉంటే ఆమె మరణానికి కొన్ని గంటల ముందు స్నేహితురాలికి చేసిన ఫోన్‌ కాల్‌పై అప్పట్లో పెద్ద చర్చ జరిగింది. అసలు ఈమె ఎవరో ఏంటో ఒకసారి తెలుసుకుందాం!మోహన్‌లాల్‌తో ఒకే పుట్టినరోజుచిత్ర అసలు పేరు శ్రుతి చిత్ర. కొచ్చిలో జన్మించిన ఆమె తండ్రి రైల్వే ఇంజినీర్‌గా పనిచేసేవారు. చిత్ర చిన్నతనంలోనే సినిమాల్లోకి అడుగుపెట్టారు. 1983లో విడుదలైన ‘ఆట్టకలాశం’ చిత్రంతో హీరోయిన్‌గా పరిచయమయ్యారు. ఈ సినిమాలో మోహన్‌లాల్‌కు జోడీగా నటించారు. తొలి సినిమా విజయంతో ఆమెకు వరుస అవకాశాలు వచ్చాయి. ఆసక్తికరమైన విషయం ఏమిటంటే.. చిత్ర, మోహన్‌లాల్‌ ఇద్దరూ మే 21నే జన్మించారు.తెలుగులో..మలయాళంతో పాటు తమిళం, తెలుగు, కన్నడ చిత్రాల్లోనూ చిత్ర నటించారు. అమావాస్య చంద్రుడు (1981) కమల్ హాసన్ ప్రధాన పాత్రలో నటించిన ఈ క్లాసిక్ సినిమాలో సులోచన అనే పాత్రను పోషించారు. అంతేకాకుండా ‘గాజు బొమ్మలు’, ‘పదహారేళ్ల అమ్మాయి’, ‘నేటి స్వాతంత్ర్యo’ ‘ఇంద్ర ధనస్సు’ ‘చట్టంతో చదరంగం’ ‘ప్రేమించాక’ వంటి తదితర తెలుగు చిత్రాల్లో నటించారు.నెరవేరని రెండు కోరికలు2021 ఆగస్టు 21న చెన్నైలోని తన నివాసంలో గుండెపోటుతో చిత్ర కన్నుమూశారు. అప్పటికి ఆమె వయసు 56 ఏళ్లు. ఉత్తమ నటిగా రాష్ట్ర పురస్కారం అందుకోవాలన్నది ఆమె పెద్ద కోరికల్లో ఒకటి. అలాగే ప్రముఖ దర్శకుడు ఫాజిల్‌ దర్శకత్వంలో ఓ సినిమాలో నటించాలని ఆశపడ్డారు. ఈ మేరకు పలు ఇంటర్వ్యూలో తెలిపారు. కానీ ఆ రెండు కోరికలు నెరవేరకుండానే ఆమె కన్నుమూశారు.ఆ నాలుగు గంటల ముందు..చిత్ర మరణం తర్వాత ఆమె సన్నిహితురాలు, నటి కుట్టి పద్మిని పలు ఆసక్తికర విషయాలు వెల్లడించారు. మృతికి సుమారు నాలుగు గంటల ముందు చిత్ర ఆమెకు ఫోన్‌ చేసి తన కుమార్తెను జాగ్రత్తగా చూసుకోవాలని కోరిందట. ఈ విషయం అప్పట్లో పెద్ద చర్చనీయాంశం అయింది. కాగా చిత్ర మరణంతో ఆమె భర్త విజయరాఘవన్‌ తీవ్ర మనోవేదనకు గురయ్యారని, ఆయన కూడా దాదాపు నెల రోజులకే కన్నుమూశారని సమాచారం. ప్రస్తుతం వారి కుమార్తె మహాలక్ష్మి బాధ్యతలను కుట్టి పద్మిని, నటి శరణ్య పొన్నవన్నన్‌ చూసుకుంటున్నట్లు తెలుస్తోంది. ఇదిలా ఉండగా.. 1990లో వ్యాపారవేత్త విజయరాఘవన్‌ను పెళ్లి చేసుకున్నారు. వీరికి మహాలక్ష్మి అనే కుమార్తె జన్మించింది. పెళ్లి తర్వాత సినిమాలకు దూరమైన ఆమె.. కొంతకాలానికి మళ్లీ నటనలోకి వచ్చారు. అయితే తొలి దశలో వచ్చినంత గుర్తింపు రెండో ఇన్నింగ్స్‌లో దక్కలేదు.(ఇదీ చదవండి: గరివిడి లక్ష్మి.. ‘పికిలి పిట్టకు పీక సన్నము’ పాట అర్థం ఇదే!)

తెలుగు జానపద పాటలకు ఉండే ప్రత్యేకతే వేరు. వినసొంపైన పదాలు, చమత్కారమైన పోలికలు, గ్రామీణ యాసతో సాగే పాటలు శ్రోతలను ఇట్టే ఆకట్టుకుంటాయి. ప్రస్తుతం ‘గరివిడి లక్ష్మి’ సినిమాలోని ‘పికిలి పిట్టకు పీక సన్నము.. ఉర్ల భామకు ఉరకలందము.. ఆడదానికి అలకలందము’ అంటూ సాగే పాట కూడా అందరి దృష్టిని ఆకర్షిస్తోంది. అయితే కొంతమందికి ఈ సాంగ్‌ అర్థంకాకపోవడంతో ఈ పాటలోని పదప్రయోగం, పోలికలపై ఆసక్తిగా చర్చించుకుంటున్నారు.పాటలోని పోలికల ప్రత్యేకత ఇదే!ఈ పాటలో అమ్మాయి అందాన్ని ప్రకృతిలోని జీవులతో పోలుస్తూ చమత్కారంగా వర్ణించారు. పికిలి పిట్టకు సన్నని మెడ అందమైతే, ఉత్సాహంగా, చురుగ్గా ఉండే అమ్మాయిల కదలికలను మరో పోలికతో చెప్పే ప్రయత్నం చేశారు. అలాగే ‘ఆడదానికి అలకలందము’ అంటూ అమ్మాయిల అలకను కూడా అందమైన లక్షణంగా అభివర్ణించారు. సాధారణంగా కనిపించే విషయాలను సరదాగా, లయబద్ధమైన పదాలతో చెప్పడం ఈ పాటలోని ప్రత్యేకత. గ్రామీణ జీవితంలో వినిపించే మాటలు, స్థానిక యాసను గుర్తుచేసే పదాలు పాటకు మరింత సహజత్వాన్ని తీసుకొచ్చాయి.సోషల్ మీడియాలో ఎందుకింత ఆసక్తి?జానపద పాటల్లో పదాల ఎంపిక, వాటి వెనుక దాగి ఉండే భావాలు శ్రోతలను ఆకట్టుకుంటుంటాయి. ఈ పాటలోని వినూత్నమైన పోలికలు కూడా అలాంటి ఆసక్తినే రేకెత్తిస్తున్నాయి. పాడుకోవడానికి సులభంగా ఉండే పదాలు, చమత్కారమైన వర్ణన పాటకు ప్రత్యేక గుర్తింపును తీసుకొస్తున్నాయి. అయితే కొంతమందికి ఈ పాట అర్థం తెలియక నెట్‌లో తెగ సెర్చ్‌ చేస్తున్నారు. సినిమా విషయానికి వస్తే.. ఉత్తరాంధ్రలో బుర్రకథలతో చాలా గుర్తింపు తెచ్చుకున్న గరివిడి లక్ష‍్మి జీవితం ఆధారంగా తెరకెక్కించిన సినిమా 'గరివిడి లక్ష్మి '. పీపుల్స్ మీడియా నిర్మాణంలో వచ్చిన ఈ మూవీ అక్టోబర్ 17న థియేటర్లలో రిలీజైంది. ఈ చిత్రంలో ఆనంది కీలక పాత్రలో నటించారు. ఆనందితో పాటు రాగ్ మయూర్, నరేష్, శరణ్య ప్రదీప్, రాశి తదితరులు కీలక పాత్రలు చేశారు. 90స్ లో ఏకంగా 10 వేలకు పైగా ప్రోగ్రామ్స్ చేసి గుర్తింపు తెచ్చుకున్న గరివిడి లక్ష‍్మి జీవిత కథ ఈ సినిమా.(ఇదీ చదవండి: జైలర్‌-2.. రజనీ మనవడికి రెమ్యునరేషన్‌ ఎంతంటే?) Kudos to PMF for choosing the story of Garividi Lakshmi to bring her life to the big screen! 👏 The first half of #GarividiLakshmi impressed me with its authentic village atmosphere and Burra Katha songs. Looking forward to the second half! ❤️🎬 https://t.co/Gz0TP3UPjo— Mohan Kumar (@ursmohan_kumar) October 12, 2026

సూపర్‌స్టార్‌ రజనీకాంత్‌ హీరోగా నటించిన తాజా చిత్రం ‘జైలర్‌-2’. నెల్సన్‌ దిలీప్‌కుమార్‌ దర్శకత్వంలో వచ్చిన ఈ సినిమా బాక్సాఫీస్‌ వద్ద మంచి వసూళ్లు రాబెడుతోంది. గతంలో విడుదలైన ‘జైలర్‌’కు సీక్వెల్‌గా ఈ చిత్రాన్ని తెరకెక్కించారు. ఇందులో పలువురు ప్రముఖ నటీనటులు కీలక పాత్రల్లో కనిపించారు.రమ్యకృష్ణ, మోహన్‌లాల్‌, శివరాజ్‌కుమార్‌, జాకీ ష్రాఫ్‌, విజయ్‌ సేతుపతి, మిథున్‌ చక్రవర్తి, యోగిబాబు తదితరులు ఈ సినిమాలో నటించారు. అయితే వీరితో పాటు ఏడేళ్ల రిత్విక్‌ కూడా ప్రేక్షకుల దృష్టిని ఆకర్షించాడు. ఇందులో రజనీకాంత్‌ మనవడి పాత్రలో కనిపించిన అతడు తన క్యూట్‌ ఎక్స్‌ప్రెషన్స్‌తో ఆకట్టుకున్నాడు.రిత్విక్‌ పారితోషికం ఎంతంటే?ఈ నేపథ్యంలో జైలర్‌-2లో నటించినందుకు రిత్విక్‌ ఎంత పారితోషికం అందుకున్నాడనే ఆసక్తి నెలకొంది. ఈ సినిమా కోసం అతడికి సుమారు రూ.5 లక్షల నుంచి రూ.10 లక్షల వరకు పారితోషికం ఇచ్చినట్లు సమాచారం. అయితే అధికారికంగా ధ్రువీకరణ కాలేదు. కాగా రిత్విక్‌ గతంలోనూ పలు చిత్రాల్లో బాలనటుడిగా కనిపించాడు. దుల్కర్‌ సల్మాన్‌ నటించిన ‘లక్కీ భాస్కర్‌’, నయనతార ప్రధాన పాత్రలో వచ్చిన ‘ఓ2’, కార్తీ నటించిన ‘సర్దార్‌’ వంటి సినిమాల్లో నటించి గుర్తింపు తెచ్చుకున్నాడు. ఇప్పుడు జైలర్‌-2తో మరోసారి ప్రేక్షకుల దృష్టిని ఆకర్షించాడు.(ఇదీ చదవండి: రామ్‌ కొత్త సినిమాలో విలన్‌గా బాలీవుడ్‌ హీరో..!)

టాలీవుడ్‌ హీరో రామ్‌ పోతినేని తొలిసారి దర్శకుడిగా మెగా ఫోన్‌ పట్టిన చిత్రం ‘రాపో23’ (వర్కింగ్‌ టైటిల్‌). ఈ సినిమాతో ప్రేక్షకులకు సరికొత్త అనుభూతిని అందించేందుకు ఆయన సిద్ధమవుతున్నారు. రాపో సినిమాటిక్స్‌ బ్యానర్‌పై కృష్ణ పోతినేని దాదాపు రూ.100 కోట్ల భారీ బడ్జెట్‌తో ఈ చిత్రాన్ని నిర్మిస్తున్నారు.తాజాగా ఈ సినిమాకు సంబంధించి ఓ ఆసక్తికరమైన విషయం చిత్రబృందం ప్రకటించింది. బాలీవుడ్‌ నటుడు రితేశ్‌ దేశ్‌ముఖ్‌ ఈ ప్రాజెక్టులో భాగమయ్యారని తెలిపింది. ఈ మేరకు ఆయనకు స్వాగతం పలుకుతూ ఓ ప్రత్యేక వీడియోను విడుదల చేసింది. ఈ సినిమాలో రితేశ్‌ ప్రతినాయకుడి పాత్రలో కనిపించనున్నట్లు సమాచారం. అయితే దీనిపై అధికారిక స్పష్టత రావాల్సి ఉంది.కాగా ఈ చిత్రంలో రామ్‌ ‘వీర’ అనే పాత్రలో స్టైలిష్‌గా కనిపించనున్నారు. సంయుక్త కథానాయికగా నటిస్తున్నారు. తొలిసారి దర్శకత్వ బాధ్యతలు చేపడుతున్న రామ్‌.. ఈ సినిమాతో ఎలాంటి విజయాన్ని అందుకుంటారో చూడాలి. రామ్‌, రితేశ్‌ దేశ్‌ముఖ్‌ కలయికలో తెరకెక్కుతున్న ఈ చిత్రంపై ప్రేక్షకుల్లో ఆసక్తి నెలకొంది.(ఇదీ చదవండి: 'ప్యారడైజ్'లో హిట్ పాట వీడియో రిలీజ్)Welcoming the ever-versatile @Riteishd on board for a very EXCITING ROLE ❤️‍🔥 #RAPO23 New Schedule Begins 💥 -- https://t.co/ZbWI1YzeEy #HappyDussehra Written & Directed by #𝙍𝘼𝙋𝙊 Produced by Krishna Pothineni A @RAPO_Cinematics Production. Energetic Star @ramsayz 🐺🖤 @iamsamyuktha_ @SamCSmusic @DOP_Tirru #ASPrakash #KevinKumar @PeterHeinOffl— RAPO Cinematics (@RAPO_Cinematics) October 19, 2026

బాలీవుడ్‌ స్టార్‌ సల్మాన్‌ ఖాన్‌ తన వ్యక్తిగత జీవితానికి సంబంధించిన ఆసక్తికర విషయాలను బిగ్‌బాస్‌ వేదికగా పంచుకున్నారు. తన తండ్రి సలీమ్‌ ఖాన్‌కు క్షమాపణలు చెప్పినట్లు తెలిపారు. అలాగే తన తల్లిదండ్రుల వివాహాన్ని తాతయ్య ఎందుకు వ్యతిరేకించారు? పెళ్లి తర్వాత ఐదేళ్ల పాటు సలీమ్‌ ఖాన్‌తో ఎందుకు మాట్లాడలేదు? అనే విషయాలను ఆ రియాల్టీ షో వేదికగా గుర్తుచేసుకున్నారు.బాధపడి ఉంటే క్షమించమని కోరా..‘ఇటీవలే మా నాన్నకు క్షమాపణలు చెప్పాను. నా ప్రవర్తన వల్ల ఆయన ఎప్పుడైనా బాధపడి ఉంటే క్షమించమని కోరాను. మా అమ్మానాన్నల పెళ్లి విషయంలో మతం అడ్డురాలేదు. మా నాన్న చూడటానికి అందంగా ఉండేవారు. పైగా నటుడు కావాలనుకున్నారు. దీంతో సినిమా వాతావరణంలో తన కుమార్తె ఎలా జీవిస్తుందోనని మా అమ్మ తండ్రి ఆందోళన చెందారు. అందుకే వారి పెళ్లికి అంగీకరించలేదు. అయితే మా అమ్మ తోబుట్టువులందరికీ మా నాన్న అంటే అభిమానం ఉండేది’ అని సల్మాన్‌ తెలిపారు.పెళ్లి తర్వాత ఐదేళ్ల పాటు..పెళ్లి తర్వాత ఐదేళ్ల పాటు తన తాతయ్య, తండ్రితో మాట్లాడలేదని సల్మాన్‌ గుర్తుచేసుకున్నారు. తన తమ్ముడు సోహైల్‌ పుట్టిన తర్వాత తాతయ్య స్వీట్స్‌ తీసుకుని ఇంటికి వచ్చారని చెప్పారు. మనవళ్లతో ఇన్నాళ్లూ గడపలేకపోయానని ఆయన బాధపడ్డారని తెలిపారు.‘అమ్మానాన్నల మధ్య ఎప్పుడైనా గొడవ జరిగి అమ్మ అలిగి పుట్టింటికి వెళ్తే.. తాతయ్య ఆమెను ఇంట్లోకి రానిచ్చేవారు కాదు. సాధారణంగా ఎప్పుడైనా రావచ్చని, కానీ గొడవపడి మాత్రం ఇంటికి రావొద్దని చెప్పేవారు’ అని సల్మాన్‌ వివరించారు.కాగా సలీమ్‌ ఖాన్‌ 1964లో సుశీలను వివాహం చేసుకున్నారు. పెళ్లి తర్వాత ఆమె తన పేరును సల్మాగా మార్చుకున్నారు. వీరికి సల్మాన్‌, అర్బాజ్‌, సోహైల్‌, అల్విరా సంతానం. అనంతరం సలీమ్‌ ఖాన్‌ ప్రముఖ నటి, నర్తకి హెలెన్‌ను 1981లో వివాహం చేసుకున్నారు. తొలినాళ్లలో ఈ నిర్ణయాన్ని కుటుంబం అంగీకరించడానికి ఇబ్బందిపడినా.. ఆ తర్వాత సల్మాన్‌, ఆయన తోబుట్టువులు హెలెన్‌ను తమ కుటుంబ సభ్యురాలిగా స్వీకరించారు.

ఉత్తరాంధ్ర జానపద కళాకారిణి రెడ్డి విజయ లక్ష్మి( గరివిడి లక్షి) జీవిత కథ ఆధారంగా తెరకెక్కిన చిత్రం ‘గరివిడి లక్ష్మి’. పీపుల్ మీడియా ఫ్యాక్టరీ బ్యానర్‌పై టి.జి.విశ్వప్రసాద్, కృతి ప్రసాద్ నిర్మించిన ఈ చిత్రంలో ఆనంది ప్రధాన పాత్ర పోషించారు. గౌరీ నాయుడు దర్శకత్వం వహించారు. ఈ సినిమా ఇటీవల విడుదలై మంచి స్పందన అందుకుంది. తాజాగా సక్సెస్‌ మీట్‌ను చిత్రబృందం నిర్వహించింది. ఈ కార్యక్రమంలో భావోద్వేగ సన్నివేశం చోటుచేసుకుంది. ప్రముఖ నటుడు షకలక శంకర్.. అసలైన గరివిడి లక్ష్మి కాళ్లపై పడి సాష్టాంగ నమస్కారం చేశారు. ఆమె కళను కొనియాడుతూ కన్నీటిపర్యంతమయ్యారు.కళాకారులందరినీ ఆశీర్వదించు తల్లి..‘మెగాస్టార్ చిరంజీవి డ్యాన్స్ తర్వాత అంతటి వేగం, ఉత్సాహంతో కూడిన నృత్యాన్ని గరివిడి లక్ష్మి ప్రదర్శనలోనే చూశాను. నిజమైన నృత్యం, స్వచ్ఛమైన జానపద కళ గురించి తెలుసుకోవాలంటే యూట్యూబ్‌లో లక్ష్మమ్మ బుర్రకథలు చూడాలి. కళాకారులను బతికించడానికే ఆ తల్లి ఇంకా మన మధ్య ఉంది. తెలుగు ప్రేక్షకులు ఉన్నంతకాలం ఆమె పేరు చిరస్థాయిగా నిలిచిపోతుంది’ అని భావోద్వేగంగా చెప్పారు. అనంతరం ‘మా కళాకారులందరినీ ఆశీర్వదించు తల్లీ’ అంటూ గరివిడి లక్ష్మి పాదాలకు నమస్కరించారు. (ఇదీ చదవండి: నా ముఖం ఉబ్బినట్లు ఉందని.. ఏడాదిగా గ్యాలరీలో..: హీరోయిన్‌)Watch Actor Shakalaka Shankar heartfelt speech at the #GarividiLakshmi Success Press Meet ✨ Book your tickets now! 🎟️ https://t.co/pCZrhVy8I1 @peoplemediafcy @vishwaprasadtg #KrithiPrasad @anandhiactress @smayurk @gowrinaidujammu @CharanArjunwave @ItsActorNaresh @AnkithKoyyaLive @sujithkolli #Raasi @Ananyabhat14 #SharanyaPradeep @kishorepolimera @BonguSathi @tseriessouth @shreyasgroup— People Media Factory (@peoplemediafcy) October 17, 2026

సినిమా తారలు సైతం తమ రూపం(బాడీ) గురించి ఇతరులు ఏమనుకుంటారోనని భయపడుతుంటారు. తాజాగా హీరోయిన్‌ నివేదా థామస్‌ చేసిన ఓ పోస్ట్‌లో ఇదే విషయాన్ని వెల్లడించింది. ఈ ఏడాది మొదట్లోనే దిగిన కొన్ని ఫొటోలను ఇప్పటివరకు సోషల్‌ మీడియాలో పంచుకోలేకపోయానని ఆమె తెలిపింది. తన ముఖం ఉబ్బినట్లు కనిపిస్తుందేమో.. ఇతరులు ఏమనుకుంటారోననే ఆలోచనలతో వాటిని తన గ్యాలరీలోనే ఉంచేసినట్లు తెలిపింది.అందంగా అనిపించినా.. ఆలోచనలతోనే..‘ఆ రోజు తాను ఎంతో అందంగా కనిపించాను.. ఆ ఫొటోలను చూసిన ప్రతిసారీ అప్పటి జ్ఞాపకాలు, నవ్వులు, ఉదయాన్నే నిద్రలేవడం, కాఫీ కౌంటర్‌ దగ్గరకు వెళ్లడం, సంతోషనంగా గడిపిన క్షణాలు గుర్తుకొచ్చేవి. అయినప్పటికీ నన్ను చూసిన ఇతరులు ఏమంటారో అనే ఆలోచన అప్పటి ఫొటోలను పోస్ట్‌ చేయకుండా అడ్డుకున్నాయి. ఇన్ని నెలలపాటు వాటిని దాచిపెట్టడం బాధగా ఉంది’ అని పేర్కొంది.‘ప్రస్తుతం ప్రతిదీ కృత్రిమంగానే మారుతోంది. నిజమైన మనిషిలా మన భావోద్వేగాలతో సహా సహజంగా ఉండటమే అందమైన విషయం. మనలో కలిగే ఆలోచనలను పట్టించుకోకుండా ఉండడం కాదని.. వాటి అంగికరిస్తూనే జీవితాన్ని ఆస్వాదించాలి’ అని చెప్పింది. స్వేచ్ఛగా ఉండాలని పోస్ట్‌ ద్వారా సందేశమిచ్చింది. ప్రస్తుతం ఆమె చేసిన పోస్ట్‌ వైరల్‌ అవుతోంది. (ఇదీ చదవండి: కమెడియన్‌కు అండగా ఆ హీరో .. ఎన్టీఆర్ సాయం కోరిన రామచంద్ర..) View this post on Instagram A post shared by Nivetha Thomas (@i_nivethathomas)

టాలీవుడ్‌ కమెడియన్‌ రామచంద్ర అనారోగ్యంతో బాధపడుతున్నారు. బ్రెయిన్‌ ట్యూమర్‌, పక్షవాతంతో చికిత్స పొందుతున్న ఆయనకు హీరో సంజోష్‌ అండగా నిలిచారు. తాజాగా రామచంద్రను పరామర్శించిన సంజోష్‌.. వైద్య ఖర్చుల కోసం 15000 ఆర్థిక సాయం అందించారు. అంతేకాకుండా, ఆయనకు మరింత సాయం అందేలా కృషి చేస్తానని హామీ ఇచ్చారు.చికిత్సకు మరో రూ.8 లక్షలు..కమెడియన్‌ రామచంద్ర చికిత్స కోసం ఇంకా సుమారు రూ.8 లక్షలు అవసరమని తెలుసుకున్న సంజోష్‌.. ఆయనకు సాయం చేసేందుకు ముందుకొచ్చారు. ఈ విషయాన్ని జూనియర్‌ ఎన్టీఆర్‌ దృష్టికి తీసుకెళ్లాలని కోరగా.. ఎన్టీఆర్‌ అన్నకు తెలియజేసేందుకు ప్రయత్నిస్తానని సంజోష్‌ చెప్పారు.సినీ ప్రముఖులకు సంజోష్‌ విజ్ఞప్తిఆరోగ్య సమస్యలతో ఇబ్బందులు పడుతున్న రామచంద్రకు సినీ పరిశ్రమకు చెందిన వారంతా అండగా నిలవాలని సంజోష్‌ కోరారు. సినిమా కుటుంబమంతా ఒక్కటై సాయం చేస్తే ఆయన చికిత్సకు అవసరమైన నిధులు సమకూరుతాయని పేర్కొన్నారు. గతంలోనూ పలువురికి ఆర్థిక సాయం అందించిన సంజోష్‌.. మరోసారి తన మంచి మనసును చాటుకున్నారు.కాగా వెంకీ సినిమాలో ‘బుజ్జి’ పాత్రతో రామచంద్రకు మంచి గుర్తింపు వచ్చింది. వెంకీ, దుబాయ్ శీను, సొంతం, దరువు వంటి పలు హిట్ సినిమాల్లో హాస్య పాత్రల్లో నటించారు. రామచంద్ర త్వరగా కోలుకోవాలని అభిమానులు ఆకాంక్షిస్తున్నారు.(ఇదీ చదవండి: జైలర్‌2లో అవకాశం.. నటి పూర్ణ ఎమోషనల్‌)

రజనీకాంత్ హీరోగా వచ్చిన లేటేస్ట్ మూవీ జైలర్-2. గతంలో రిలీజైన జైలర్‌కు సీక్వెల్‌గా ఈ మూవీని తెరకెక్కించారు. నెల్సన్ దిలీప్ కుమార్ డైరెక్షన్‌లో వచ్చిన ఈ సినిమా బాక్సాఫీస్ వద్ద కాసుల వర్షం కురిపిస్తోంది. మొదటి రోజే వందకోట్లకు పైగా వసూళ్లు రాబట్టిన ఈ చిత్రం.. మూడు రోజుల్లోనే సరికొత్త రికార్డ్ సృష్టించింది. కేవలం త్రీ డేస్‌లోనే ప్రపంచవ్యాప్తంగా రూ. 300 కోట్ల వసూళ్లు దాటేసింది. అయితే ఈ చిత్రంలో నటి పూర్ణ చేసిన డ్యాన్స్‌కు ప్రేక్షకుల నుంచి విశేష స్పందన లభిస్తోంది. దీంతో ఈ అవకాశం రావడంపై చిత్ర బృందానికి థ్యాంక్స్‌ పూర్ణ పోస్ట్‌ చేసింది. ఇప్పుడీ పోస్ట్‌ వైరల్‌ అవుతోంది.అందరూ ఇలానే కోరుకుంటారు‘రజనీకాంత్‌తో నటించాలని అందరూ కోరుకుంటారు. ఆ అవకాశం నాకూ వస్తుందని కలలో కూడా ఊహించలేదు. ఆయనకు నేను పెద్ద వీరాభిమానిని. ఆయన నటించిన ‘నరసింహ’ ఎంతో ఇష్టం. జైలర్‌2 ప్రాజెక్టులో పాట చేసే అవకాశం వస్తుందని అనుకోలేదు. దీనికి డైరెక్టర్‌ నెల్సన్‌ సార్‌కు చాలా థ్యాంక్స్‌. ప్రేక్షకుల స్పందన చూశాను. వారికి కృతజ్ఞతలు . మన కష్టం, పని పట్ల ఉన్న అంకితభావానికి ఎప్పటికైనా తగిన ఫలితం దక్కుతుంది. ఇప్పుడు నాకు అలాంటి ఫలితమే దక్కింది’ అని ఆమె ఎమోషనల్‌ అయ్యారు. (ఇదీ చదవండి: ప్రభాస్‌ ‘స్పిరిట్‌’ రిలీజ్‌ డేట్‌ వచ్చేసింది..) View this post on Instagram A post shared by Shamna Kkasim ( purnaa ) (@shamnakasim)

పాన్‌ ఇండియా హీరో ప్రభాస్‌ నటిస్తున్న భారీ బడ్జెట్‌ చిత్రాల్లో స్పిరిట్‌ ఒకటి. సందీప్‌ రెడ్డి వంగా దర్శకత్వం వహిస్తున్న ఈ మూవీలో త్రిప్తి డిమ్రి హీరోయిన్‌. వివేక్‌ ఒబెరాయ్‌, సీనియర్‌ నటి కాంచన కీలక పాత్రలు పోషిస్తున్నారు. చిత్రానికి హర్షవర్ధన్‌ రామేశ్వర్‌ సంగీతం అందిస్తున్నాడు. భూషణ్‌ కుమార్‌, ప్రణయ్‌ రెడ్డి వంగా, కృష్ణన్‌ కుమార్‌, ప్రభాకర్‌ రెడ్డి వంగా నిర్మాతలుగా వ్యవహరిస్తున్నారు. అయితే గతంలో ఈ చిత్రాన్ని వచ్చే ఏడాది 2027 మార్చి 5న విడుదల చేయనున్నట్లు మేకర్స్ ప్రకటించారు. తాజాగా ఈ సినిమాను వాయిదా వేస్తూ సరికొత్త పోస్టర్‌ను విడుదల చేశారు. 2027 అక్టోబర్ 29న దీపావళి​కి ఈ చిత్రాన్ని ప్రపంచవ్యాప్తంగా విడుదల చేయనున్నట్లు స్పష్టం చేశారు. ఈ మేరకు సోషల్ మీడియా వేదికగా దర్శకుడు సందీప్‌ ప్రత్యేక పోస్టర్‌ను పంచుకున్నారు. (ఇదీ చదవండి: జైలర్‌2లో అవకాశం.. నటి పూర్ణ ఎమోషనల్‌)Check this out........ 😊 #Spirit #InSpiritMode @TSeries @VangaPictures #IndiasBiggestSuperStar 29TH OCTOBER DIWALI 2027 💥 Worldwide RELEASE DATE 👆 https://t.co/SmPjKHzuVE— Sandeep Reddy Vanga (@imvangasandeep) October 18, 2026

బుల్లితెరపై సుడిగాలి సుధీర్‌కి ఉన్న క్రేజ్‌ గురించి ప్రత్యేకంగా చెప్పనక్కర్లేదు. కమెడియన్‌గా కెరీర్ ప్రారంభించిన సుధీర్ ..తనదైన మ్యానరిజంతో బుల్లితెరపై స్టార్‌గా ఎదిగాడు.కేవలం కమెడియన్‌గానే కాకుండా యాంకర్‌గా, హోస్ట్‌గానూ తన ప్రత్యేకతను చాటుకున్నాడు. బుల్లితెరపై వచ్చిన ఫేమ్‌తో హీరోగా మారాడు. సినిమాల్లోనూ తనదైన శైలిలో ప్రేక్షకులను అలరిస్తున్నారు. అయితే, సుధీర్‌ ఏ షో చేసిన ఆయన పెళ్లి, ప్రేమ గురించి చర్చ జరుగుతూనే ఉంటుంది. జబర్దస్త్‌ షో చేసినప్పుడు..యాంకర్‌ రష్మితో ప్రేమలో ఉన్నట్లు ప్రచారం జరిగింది. వీరిద్దరు ప్రేమలో ఉన్నట్లు స్కిట్లు చేయడం..పంచులు వేయడంతో నిజంగానే సుధీర్‌, రష్మి రిలేషన్‌లో ఉన్నారనే వార్తలు పుట్టుకొచ్చాయి. అయితే ఇదంతా షో టీఆర్పీ పెంచడం కోసం చేసిన స్టంట్స్‌ మాత్రమే. వినోదం పంచడం కోసమే అలా నటించామని అటు సుధీర్‌, ఇటు రష్మి చెబుతూనే ఉన్నారు. అయినప్పటికీ సుధీర్‌ పెళ్లి గురించి సోషల్‌ మీడియాలో వార్తలు పుట్టుకొస్తునే ఉన్నాయి.(చదవండి: ‘ఇట్స్‌ థ్రిల్లింగ్‌ టైమ్‌’ అంటున్న బాలీవుడ్‌ స్టార్స్‌!)తాజాగా సుధీర్‌కి 2014లోనే పెళ్లి అయిందనే వార్తలు బయటకు వచ్చాయి. దానికి సంబంధించిన ఫోటోలు కూడా నెట్టింట వైరల్‌ అవుతున్నాయి. అయితే అసలు విషయం ఏంటే.. సుధీర్‌కి 2014లో ఓ అమ్మాయితో నిజంగానే పెళ్లి ఫిక్స్‌ అయింది. ఎంగేజ్‌మెంట్‌ కూడా జరిగింది. కానీ కొన్ని కారణాల వల్ల ఆ సంబంధం పెళ్లి పీటల దాకా వెళ్లకుండానే మధ్యలోనే రద్దయిపోయింది. ఇద్దరు ఇష్టపూర్వకంగానే పెళ్లిని రద్దు చేసుకున్నట్టు తెలుస్తోంది. ఇప్పుడు నెట్టింట వైరల్‌ అవుతున్న ఫోటోలు ఎంగేజ్‌మెంట్‌కి సంబంధించినవి. జబర్దస్త్‌ నటుడు రాకేజ్‌... నిశ్చితార్థం వేడుకకి వెళ్లి..ఆ ఫోటోలను సోషల్‌ మీడియాలో షేర్‌ చేశాడు. ఇప్పుడు ఆ ఫోటోలను బయటకు తీసి..నెట్టింట వైరల్‌ చేస్తున్నారు. ఇక సుధీర్ సినిమాల విషయానికొస్తే.. ఆయన నటించిన గోట్ రిలీజ్ కి సిద్ధమవుతుండగా.. హైలెస్సో సెట్స్ మీద ఉంది.

బాలీవుడ్‌లో ఎక్కువగా యాక్షన్‌ సినిమాలు వస్తుంటాయి. అయితే ఇటీవలి కాలంలో మైథాలజీ, హారర్‌ జానర్‌లో సినిమాలు ఎక్కువగా ప్రేక్షకుల ముందుకు వచ్చాయి. తాజాగా కొందరు బాలీవుడ్‌ స్టార్స్‌ ‘ఇట్స్‌ థ్రిల్లింగ్‌ టైమ్‌’ అంటూ థ్రిల్లర్‌ జానర్‌ వైపు మొగ్గు చూపుతున్నారు. ఈ జానర్‌లో రానున్న కొన్ని సినిమాలపై ఓ లుక్‌ వేద్దాం. విలన్‌ కింగ్‌ యాక్షన్‌ థ్రిల్లర్‌ సినిమాలు చేయడం షారుక్‌ ఖాన్‌కు కొత్త కాదు... ఎప్పటి చిత్రాలో ఎందుకు? ఇటీవలి కాలంలో ఆయన హీరోగా నటించిన ‘పఠాన్‌’ (2023), ‘జవాన్‌’ (2023) చిత్రాలు మంచి యాక్షన్‌ థ్రిల్లర్స్‌గా ప్రేక్షకులను అలరించాయి. ఏ స్థాయిలో అంటే... ఈ రెండు చిత్రాలూ రూ. 1000 కోట్లకు పైగా కలెక్షన్స్‌ సాధించాయి. తాజాగా ‘కింగ్‌’ అనే మరో యాక్షన్‌ థ్రిల్లర్‌ సినిమా చేస్తున్నారు షారుక్‌ ఖాన్‌. ఈ సినిమా ప్రత్యేకత ఏంటంటే... ఇందులో షారుక్‌ ఖాన్‌ క్యారెక్టర్‌లో నెగటివ్‌ షేడ్స్‌ ఉంటాయి. ఓ హంతకుడు పాత్రలో ఆయన కనిపిస్తారట.(చదవండి: ‘రణబాలి’పై సందీప్‌ రెడ్డి వంగా రివ్యూ) ‘పఠాన్‌’ సినిమాతో షారుక్‌ ఖాన్‌కు హిట్‌ ఇచ్చిన సిద్ధార్థ్‌ ఆనంద్‌ ఈ ‘కింగ్‌’ సినిమాకు దర్శకత్వం వహిస్తున్నారు. షారుక్‌ ఖాన్‌ తనయ సుహానా ఖాన్‌ ఈ చిత్రంలో మరో లీడ్‌ రోల్‌ చేయగా, దీపికా పదుకోన్, అభిషేక్‌ బచ్చన్, రాణీ ముఖర్జీ, అనిల్‌ కపూర్‌ ఇతర ప్రధాన ప్రాతల్లో నటిస్తున్నారు. ఈ చిత్రంలో షారుక్‌ ఖాన్‌ – సుహానా ఖాన్‌ గురుశిష్యుల పాత్రల్లో నటిస్తున్నారు. గౌరీ ఖాన్, సిద్ధార్థ్‌ ఆనంద్, మమతా ఆనంద్‌ నిర్మించిన ‘కింగ్‌’ ఈ ఏడాది డిసెంబరు 24న విడుదల కానుంది. ఈ సంగతి ఇలా ఉంచితే... థియేట్రికల్‌గా సుహానా ఖాన్‌కు ఇది తొలి చిత్రం కావడం విశేషం. విదేశాల్లో థ్రిల్‌ అక్షయ్‌ కుమార్‌ సరికొత్త జానర్‌లోకి ఎంట్రీ అయ్యారు. ఏలియన్‌ సర్వైవల్‌ యాక్షన్‌ థ్రిల్లర్‌గా రానున్న ‘సమూక్‌’ సినిమాలో అక్షయ్‌ కుమార్‌ నటిస్తున్నారు. గతంలో యాక్షన్, థ్రిల్లర్‌ జానర్స్‌లో సినిమాలు చేసినప్పటికీ కథలో గ్రహాంతరవాసుల ప్రస్తావన మిళితమైన చిత్రంలో అక్షయ్‌ కుమార్‌ నటించలేదు. ఈ విషయాన్నే ఇటీవల అక్షయ్‌ కుమార్‌ కూడా ప్రస్తావించారు. ‘సమూక్‌’ తనకొక సరికొత్త జానర్‌ అని, యాక్టర్‌గా కొత్తగా నటించబోతున్నానని పేర్కొన్నారు. ఈ సినిమా విశేషం ఏంటంటే... దాదాపు 70 శాతం షూటింగ్‌ లండన్‌లో జరుగుతుంది. మిగిలిన పది శాతం చిత్రీకరణ ముంబైలో ప్లాన్‌ చేశారు. ఆల్రెడీ లండన్‌లో ఈ సినిమా చిత్రీకరణ ప్రారంభమైంది. ఈ చిత్రంలో వివాన్‌ అహుజా పాత్రలో నటిస్తున్నారు అక్షయ్‌ కుమార్‌. మిలి టరీ రియలిజమ్, సర్వైవల్‌ హారర్, ఏలియన్‌ మైథాలజీ అంశాల మేళవింపుతో ఈ సినిమా ఉంటుంది. విపుల్‌ అమృత్‌లాల్‌ షా నిర్మిస్తున్న ‘సమూక్‌’ వచ్చే ఏడాది రిలీజ్‌ కానుంది. ప్రళయ్‌ ‘ధురంధర్, ధురంధర్‌: ది రివెంజ్‌’ వంటి బ్లాక్‌బస్టర్‌ సినిమాల తర్వాత రణ్‌వీర్‌ సింగ్‌ మరో కమర్షియల్‌ మూవీ చేస్తారేమో అనే టాక్‌ బాలీవుడ్‌లో బలంగా వినిపించింది. కానీ రణ్‌వీర్‌ సింగ్‌ డిఫరెంట్‌గా ఆలోచించారు. సర్వైవల్‌ థ్రిల్లర్‌ జానర్‌లో ఓ ప్రయోగాత్మక సినిమా చేస్తున్నారు. ఆల్రెడీ ఈ సినిమా చిత్రీకరణ ప్రారంభమైందని తెలిసింది. ఈ చిత్రానికి జై మెహతా దర్శకత్వం వహిస్తుండగా, కళ్యాణీ ప్రియదర్శన్‌ హీరోయిన్‌గా నటిస్తున్నారు. ఈ సినిమాకు ‘ప్రళయ్‌’ అనే టైటిల్‌ను పరిశీలిస్తున్నారని బాలీవుడ్‌ సమాచారం. అనన్య బిర్లా, హన్సల్‌ మెహతా, సాహిల్‌ సైగల్, రణ్‌వీర్‌ సింగ్‌ ఈ సినిమాను దాదాపు రూ. 300 కోట్ల బడ్జెట్‌తో నిర్మిస్తున్నారని సమాచారం. తొలి షూటింగ్‌ షెడ్యూల్‌ను మేకర్స్‌ ఆస్ట్రేలియాలో ప్లాన్‌ చేశారు. కానీ కొన్ని కారణాల వల్ల షూటింగ్‌ ముంబైలోనే మొదలైంది. ప్రపంచం అంతమయ్యే సమయంలో సర్వైవల్‌ కోసం భార్యభర్తలు చేసే పోరాటం నేపథ్యంలో ఈ సినిమా కథనం సాగుతుందనే ప్రచారం వినిపిస్తోంది. కన్‌ఫ్యూజన్‌ గురు బాలీవుడ్‌లో యాక్షన్‌ హీరోగా పేరున్న జాన్‌ అబ్రహాం సైకలాజికల్‌ థ్రిల్లర్‌ జానర్‌లో ఓ సినిమా చేస్తున్నారు. ఈ చిత్రానికి ‘గురు’ అనే టైటిల్‌ అనుకుంటున్నారు మేకర్స్‌. ఈ చిత్రానికి రిబుదాస్‌ గు΄్తా దర్శకత్వం వహిస్తున్నారు. ఆల్రెడీ లండన్‌లో షూటింగ్‌ ్ర΄ారంభమైందని తెలిసింది. ఈ చిత్రంలో కొంత కన్‌ఫ్యూజన్‌తో కూడిన క్యారెక్టరైజేషన్‌లో నటిస్తున్నారట జాన్‌ అబ్రహాం. అంటే... తన చుట్టూ ఉన్నవారిపై అతనికి నమ్మకం ఉండదు... అలాగే పదే పదే జ్ఞాపకాలను గుర్తు చేసుకుంటూ ప్రస్తుతంలో ఇబ్బంది పడుతుంటాడు. చె΄్పాలంటే... ‘గజిని’ చిత్రంలో సూర్య క్యారెక్టర్‌లా ‘గురు’ సినిమాలో జాన్‌ అబ్రహాం క్యారెక్టర్‌ ఉంటుందట. వచ్చే ఏడాది ఈ సినిమా రిలీజ్‌ కానుంది. మైథాలజీ థ్రిల్లర్‌ దాదాపు ఎనిమిది సంవత్సరాల క్రితం ఎలాంటి అంచానలు లేకుండా ప్రేక్షకుల ముందుకు వచ్చిన హారర్‌ ఫ్యాంటసీ థ్రిల్లర్‌ సినిమా ‘తుంబాడ్‌’ బాక్సాఫీస్‌ వద్ద సూపర్‌ హిట్‌గా నిలిచింది. 2024లో ‘తుంబాడ్‌’ సినిమా రీ రిలీజైతే, ఈ చిత్రానికి దాదాపు రూ. 35 కోట్ల కలెక్షన్స్‌ వచ్చాయి. రిలీజైనప్పటి కంటే రీ రిలీజ్‌లో ఈ ‘తుంబాడ్‌’ చిత్రానికి అత్యధిక కలెక్షన్స్‌ రావడం విశేషం. ఇంత క్రేజ్‌ ఉన్న ‘తుంబాడ్‌’ను మేకర్స్‌ క్యాష్‌ చేసుకోకుండా ఉండరు. అందుకే సీక్వెల్‌గా ‘తుంబాడ్‌ 2’ను ప్రకటించారు. ‘తుంబాడ్‌’లో నటించిన సోహమ్‌ షా సీక్వెల్‌లోనూ లీడ్‌ రోల్‌ చేస్తున్నారు. ఆలియా భట్, నవాజుద్దీన్‌ సిద్ధిఖీ ఇతర ప్రధాన పాత్రల్లో నటిస్తున్నారు. అయితే సీక్వెల్‌కు మాత్రం దర్శకుడు మారారు. తొలి భాగానికి రాహి అనిల్‌ బర్వే దర్శకత్వం వహించగా, మలి భాగాన్ని మాత్రం ఆదేశ్‌ ప్రసాద్‌ తెరకెక్కిస్తున్నారు. ఇప్పటికే ఈ సినిమా చిత్రీకరణ ప్రారంభమైంది. సోహమ్‌ షా, జయంతిలాల్‌ గడా నిర్మిస్తున్న ఈ సినిమా వచ్చే ఏడాది డిసెంబరు 3న విడుదల కానుంది. ఇలా బాలీవుడ్‌లో థ్రిల్లర్‌ జానర్‌లో రూపొందుతున్న సినిమాలు మరికొన్ని ఉన్నాయి.

ఏఐ టెక్నాలజీ అందుబాటులోకి వచ్చాక ఏది నిజమైన ఫొటో.. ఏది నకిలీ వీడియోనో గుర్తించడం కష్టంగా మారుతోంది. ముఖ్యంగా సినీ తారలను టార్గెట్‌ చేస్తూ కొందరు ఏఐతో అసభ్యకరమైన ఫొటోలు, వీడియోలు సృష్టించి సోషల్‌ మీడియాలో వైరల్‌ చేస్తున్నారు. ఇప్పటికే ఇలాంటి ఘటనలపై జాన్వీ కపూర్‌తో పాటు పలువురు నటీమణులు తీవ్ర ఆగ్రహం వ్యక్తం చేశారు. తాజాగా నటి నేహా శర్మ కూడా ఈ వ్యవహారంపై స్పందించింది. (చదవండి: ‘రణబాలి’పై సందీప్‌ రెడ్డి వంగా రివ్యూ)తన ఫొటోలు, వీడియోలను మార్ఫింగ్‌ చేస్తున్నవారికి గట్టి హెచ్చరిక జారీ చేసింది.సోషల్‌ మీడియాలో ఇప్పటికే అలాంటి అసభ్యకర కంటెంట్‌ పోస్ట్‌చేసిన వారు వెంటనే డిలీట్‌ చేయాలని..లేదంటే తివ్ర ఇబ్బందులు ఎదుర్కొంటారని వార్నింగ్‌ ఇచ్చారు. ఈ మేరకు తన ఇన్‌స్టాగ్రామ్‌ ఖాతాలో ఓ పోస్ట్‌ పెట్టారు.‘నా అనుమతి లేకుండా ఏఐ సాయంతో ఫోటోలు, వీడియోలు క్రియేట్‌ చేస్తున్నవారికి సీరియస్‌ వార్నింగ్‌ ఇస్తున్నా. వెంటనే ఆపేయండి. నా ప్రతిష్ఠకు భంగం కలిగించేలా ఉండే ఫోటోలను, వీడియోలను క్రియేట్‌ చేస్తున్నవారితో పాటు షేర్‌ చేసిన వాళ్లను కూడా వదిలిపెట్టను. దీని వెనుక ఉన్న ప్రతి ఒక్కరిపై చట్టపరమైన చర్యలు తీసుకుంటాను. ఫేక్ అకౌంట్ల వెనుక దాక్కున్నా సరే ఎవరూ తప్పించుకోలేరు’ అని నేహాశర్మ రాసుకొచ్చింది.

ఇండియన్‌ సినిమాలో యాక్షన్‌ హీరో అంటే విజయ్‌ దేవరకొండ గురించే చెప్పుకుంటారని దర్శక–నిర్మాత సందీప్‌ రెడ్డి వంగా పేర్కొన్నారు. విజయ్‌ దేవరకొండ, రష్మకా మందన్నా హీరో హీరోయిన్లుగా నటించిన సినిమా ‘రణబాలి’. ఈ పీరియాడికల్‌ యాక్షన్‌ డ్రామాకు రాహుల్‌ సంకృత్యాన్‌ దర్శకత్వం వహించారు. టీ సిరీస్‌ సమర్పణలో నవీన్‌ ఎర్నేని, వై. రవిశంకర్‌ నిర్మించిన ఈ చిత్రం ఈ నెల 16న విడుదలైంది. ఈ సినిమాను దర్శకుడు సందీప్‌ రెడ్డి వంగా వీక్షించి, తన స్పందనను ‘ఎక్స్‌’ వేదికగా ఆయన తెలిపారు.(చదవండి: రణబాలి మూవీ రివ్యూ)‘‘విజయ్‌... నీ యాక్షన్, ఫెరోషియస్‌ పెర్ఫార్మెన్స్‌ అద్భుతంగా ఉన్నాయి. సిల్వర్‌ స్క్రీన్‌పై నీ ఫైట్స్‌ చూస్తుంటే ఆ ఇంటెన్సిటీ ఫీల్‌ అయ్యాం. ఇకపై ఇండియన్‌ సినిమాలో యాక్షన్‌ హీరో అంటే నీ గురించే చెప్పుకుంటారు. కంగ్రాట్స్‌ విజయ్‌... ప్రేక్షకులు ‘రణబాలి’ చిత్రాన్ని విజయ్‌ ఔట్‌ స్టాండింగ్‌ పెర్ఫార్మెన్స్‌ కోసం చూడాలి. జయమ్మ పాత్రలో రష్మిక ఆకట్టుకుంది. ఆమె పాత్ర ఎంతో రియలిస్టిక్‌ ఫీల్ను కలిగించింది. అజయ్‌ – అతుల్‌ మ్యూజిక్‌ మరో హైలైట్‌ గా నిలిచింది. చరిత్ర నుంచి ఇలాంటి ఒక నేపథ్యాన్ని ఎంచుకుని సినిమాగా రూపొందించిన డైరెక్టర్‌ రాహుల్‌ సంకృత్యాన్‌ ప్రయత్నాన్ని అభినందిస్తున్నా. పాఠ్యపుస్తకాల్లో చెప్పని చారిత్రక అధ్యాయాన్ని ‘రణబాలి’ చూపించింది’’ అని సందీప్‌రెడ్డి వంగా ‘ఎక్స్‌’ వేదికగా స్పందించారు. (చదవండి: 'రణబాలి' జంట దుర్గమ్మ దర్శనం)అలాగే సందీప్‌ రెడ్డి వంగాకు విజయ్‌ దేవరకొండ ‘ఎక్స్‌’ వేదికగానే బదులు ఇచ్చారు. ‘‘వంగా... నువ్వు సినిమా చూశావు... నీ రివ్యూను చెప్పావు. మన కాంబినేషన్‌లో వచ్చిన ‘అర్జున్‌ రెడ్డి’ సినిమా ప్రీమియర్స్‌ తర్వాత మన హగ్, నీ వాయిస్‌ నాకు ఇంకా గుర్తుంది. పది సంవత్సరాల తర్వాత ఇప్పుడు అదే ఫీలింగ్‌ కలిగింది. ‘రణబాలి’ సినిమా నీకు నచ్చుతుందని నాకు తెలుసు. ఈ సినిమాపై నువ్వు ఇలా స్పందించడం నాకు చాలా కిక్‌ ఇచ్చింది’’ అని విజయ్‌ దేవరకొండ ‘ఎక్స్‌’ వేదికగా స్పందించారు. ఆనందం ఉప్పొంగుతోంది: రష్మికా మందన్నా ఈ సంగతి ఇలా ఉంచితే...రణబాలి సినిమాలో జయమ్మ పాత్రను పోషించడం పట్ల రష్మిక మందన్నా ఓ సుధీర్ఘమైన ఎమోషనల్‌ నోట్‌ను సామాజిక మాధ్యమాల వేదికగా షేర్‌ చేశారు. ‘‘జయమ్మ..ఆమె ప్రేమ ఎంతో స్వచ్ఛమైనది. ఓ మహిళగా ఉండటమంటే ఏంటో ఆమె నాకు నేర్పింది. తన ప్రజల కోసం నిలవడం, తన వారిని కాపాడుకోవడం, ప్రేమను పంచడం..ఇదే నిజమైన స్త్రీతత్వానికి అర్థమని తెలిపింది. మన సామాజిక శక్తిని, దేవుడిపై విశ్వాసాన్ని, సమష్టిగా పోరాడే స్ఫూర్తిని ‘రణబాలి’ సినిమా చాటిచెబుతోంది. ఇక దర్శకుడు రాహుల్‌ కృషికి ప్రశంసలు వస్తుంటే చాలా ఆనందంగా ఉంది. విజయ్‌...నేను ఎప్పుడూ చెబుతూనే ఉంటాను. ఇప్పుడూ చెబుతున్నాను. నువ్వు కష్టపడే గుణానికి నేను నీకు అభిమానిని. ఇప్పుడు నీ కష్టాన్ని అందరు మెచ్చుకుంటుంటే నాలో ఆనందం ఉప్పొంగుతోంది. ఇప్పటికే ‘రణబాలి’ సినిమా చూసిన వారికి నా ప్రేమను తెలియజేస్తున్నాను. ప్రేమ తో..మీ జయమ్మ..’ అంటూ రష్మిక మందన్నా స్పందించారు.

నటుడు, ‘జబర్దస్త్’ఫేం ఇమ్మాన్యుయేల్‌ లీడ్‌ రోల్‌లో నటిస్తున్న సినిమా ‘డెస్టినీ’ (విధి). కె. రాఘవేంద్ర రెడ్డి సమర్పణలో చెందు ముద్దు దర్శకత్వంలో దినేష్‌ కుర్ర ఈ సినిమాను నిర్మిస్తున్నారు. త్వరలోనే ఈ చిత్రం విడుదల కానుంది. తాజాగా ఈ సినిమా ఫస్ట్‌ లుక్‌ పోస్టర్‌ను దర్శకురాలు నందినీ రెడ్డి రిలీజ్‌ చేసి, చిత్రబృందానికి శుభాకాంక్షలు తెలిపారు.పోస్టర్‌ను గమనిస్తుంటే.. ‘డెస్టినీ’ టైటిల్‌కి తగ్గట్టుగా సరిగ్గా డిజైన్ చేసినట్టు కనిపిస్తోంది. పోస్టర్‌లో కనిపించే సంకెళ్లు.. ఇమాన్యుయేల్ కనిపించే తీరు, పక్కనే ఉన్న కానిస్టేబుల్.. ఆ దారి.. ఆ అడవి ఇవన్నీ చూస్తుంటే.. ఇంట్రెస్టింగ్ పాయింట్ ఏదో చెప్పబోతోన్నారని అర్థం అవుతోంది. టైటిల్‌‌ లోగోలోనూ ఈ ఇద్దరే కనిపిస్తున్నారు. అలా ఈ ఇద్దరి ప్రయాణమే సినిమాగా తెలుస్తోంది. త్వరలోనే ఈ మూవీకి సంబంధించిన ఇతర అప్డేట్‌లను ప్రకటించనున్నారు.‘‘ఓ ఆసక్తికరమైన పాయింట్‌తో ఈ సినిమా ప్రేక్షకులను అలరిస్తుంది’’ అని యూనిట్‌ పేర్కొంది.

విధి ఎంత విచిత్రమో. నిన్నటి వరకు తన సృజనతో ప్రేక్షకులను అలరించిన ఆయన.. నేడు విగతజీవిగా మారారు. ఆయన దర్శకత్వం వహించిన వెబ్‌ సిరీస్‌ నిన్ననే(అక్టోబర్‌ 16) విడుదలైంది. ఇంతలోనే ఆయన మరణవార్త సినీలోకాన్ని విషాదాన్ని నింపింది. 27 ఏళ్ల వయసులో మలయాళ దర్శకుడు బేల్‌ రాజ్‌ గుండెపోటుతో మృతి చెందాడు. కొన్నేళ్లపాటు అసిస్టెంట్‌ డైరెక్టర్‌గా పనిచేసిన ఆయన.. ‘కప్పి స్క్వాడ్‌’ చిత్రంతో దర్శకుడిగా మారాడు. (చదవండి: విషాదం.. ప్రముఖ సంగీత దర్శకుడు కన్నుమూత)శుక్రవారం జియో హాట్‌స్టార్‌లో ఈ వెబ్‌ సిరీస్‌ రిలీజ్‌ అయింది. అయితే ఆ అనందాన్ని పూర్తిగా ఆస్వాదించకుండానే కన్నుమూశాడు. మరో విషాదకరమైన విషయం ఏంటంటే..నెల క్రితమే ఆయన వివాహం జరిగింది. ఆరేళ్లుగా ప్రేమలో ఉన్న ఆయన పెద్దలను ఒప్పించి ప్రియురాలిని పెళ్లి చేసుకున్నాడు. పెళ్లయిన నెల రోజులకే దర్శకుడి మరణం ఆయన కుటుంబాన్ని, స్నేహితులను, చిత్ర పరిశ్రమను శోకంలో ముంచేసింది.

విజయ్‌ దేవరకొండ, రష్మిక జంటగా నటించిన తాజా చిత్రం రణబాలి. రాహుల్‌ సంకృత్యాన్‌ దర్శకత్వం వహించిన ఈ చిత్రం నిన్న(అక్టోబర్‌ 16)న ప్రేక్షకుల ముందుకు వచ్చింది. తొలి రోజు ఈ మూవీకి మిక్స్‌డ్‌ టాక్‌ వచ్చింది. విజయ్‌, రష్మిక యాక్టింగ్‌, స్టోరీ బాగున్నప్పటికీ.. నిడివి, స్లోనెరేషన్‌ కొంత ఇబ్బందికరంగా మారాయని పలు వెబ్‌సైట్లు తమ రివ్యూల్లో పేర్కొన్నాయి. ఫలితంగా తొలి రోజు ఈ చిత్రం అనుకున్న రేంజ్‌లో కలెక్షన్స్‌ రాబట్టలేకపోయిందని ట్రేడ్ వర్గాలు విశ్లేషిస్తున్నాయి.(చదవండి: ‘రణబాలి’ మూవీ రివ్యూ అండ్‌ రేటింగ్‌)సాక్నిల్క్ వెబ్‌సైట్ అందించిన సమాచారం ప్రకారం...తొలి రోజు ఈ చిత్రం రూ. 16.15 కోట్ల గ్రాస్ వసూళ్లను రాబట్టింది. భారత్‌లో తొలిరోజున 9.25 కోట్ల రూపాయల నెట్.. 10.75 కోట్ల రూపాయల గ్రాస్ కలెక్ట్ చేసింది. ఓవర్సీస్‌లో రూ. 5.75 కోట్ల గ్రాస్ కలెక్షన్లు దక్కాయి. తెలుగు రాష్ట్రాలలో రూ. 9.25 కోట్లు, తమిళనాడులో రూ.15 లక్షలు, కర్ణాటకలో రూ. 1.10 కోట్లు వసూలు చేసింది.దేశవ్యాప్తంగా దాదాపు 2,515 స్క్రీన్లలో ప్రదర్శితమైన ఈ సినిమాకు తొలిరోజు సగటున 57 శాతం వరకు ఆక్యుపెన్సీ నమోదైంది. మొదటి రోజు మొత్తం 7.11 లక్షల మందికి పైగా ప్రేక్షకులు థియేటర్లకు తరలివచ్చారు. ఉదయం షోలు కాస్త నెమ్మదిగా (40.92%) మొదలైనప్పటికీ, నైట్ షోల సమయానికి ఆక్యుపెన్సీ 67.92 శాతానికి పుంజుకోవడం గమనార్హం.

ప్రముఖ సంగీత దర్శకుడు దేవ(75) కన్నుమూశారు. అయితే దేవా, గానగంధర్వుడు ఎస్పీ బాలసుబ్రహ్మణ్యం కలయికలో ఎన్నో మధురమైన పాటలను ప్రేక్షకులు గుర్తు చేసుకుంటున్నారు. గతంలో దేవా అందించిన ఎన్నో బాణీలకు బాలు తన గాత్రంతో ప్రాణం పోశారు. ముఖ్యంగా రజనీకాంత్‌ కథానాయకుడిగా నటించిన ‘బాషా’ సినిమాలోని పాటలు విశేష ఆదరణ పొందాయి. మళ్లీ పాడిన ఎస్పీ..బాషా చిత్రంలోని ‘నేను ఆటో వాణ్ని’ పాటకు ఇప్పటికీ అభిమానులు ఉన్నారు. వీరి కలయికలో వచ్చిన ‘తొలిప్రేమ’, ‘ఇందు’ వంటి చిత్రాల్లోని పాటలు కూడా సంగీత ప్రియులను అలరించాయి. ఇలా దేవా స్వరాలు, బాలు గాత్రం కలిసి ఎన్నో మధురమైన సంగీత జ్ఞాపకాలను అందించాయి. రజనీకాంత్‌ నటించిన ‘అన్నామలై’ సినిమాలోని ఓ పాట విషయంలో ఆసక్తికర సంఘటన జరిగింది. ఈ చిత్రంలోని ‘పెన్ పురా’ పాటను దేవా తొలుత యేసుదాస్‌తో పాడించారు. దీనిపై ఎస్పీబీ సరదాగా స్పందిస్తూ.. ఆ ఒక్క పాట తనకు ఎందుకు ఇవ్వలేదని అడిగారట. ఆ తర్వాత అదే పాటను కన్నడంలో ఎస్పీ బాలుతో పాడించినట్లు దేవా ఓ ఇంటర్వ్యూలో గుర్తు చేసుకున్నారు. తరాలు మారినా తగ్గని క్రేజ్‌!ఇలా దేవా సంగీతం, ఎస్పీ బాలు గాత్రం కలిసిన పాటలు ఇప్పటికీ శ్రోతలను ఆకట్టుకుంటూనే ఉన్నాయి. పాటలోని భావానికి తగ్గట్టుగా తన గాత్రాన్ని మలచడం బాలు ప్రత్యేకత కాగా.. ప్రేక్షకుల అభిరుచికి అనుగుణంగా బాణీలు అందించడం దేవా శైలి. ఈ ఇద్దరు దిగ్గజాల కలయికలో వచ్చిన పాటలు కాలంతో సంబంధం లేకుండా సంగీత ప్రియుల మనసుల్లో నిలిచిపోయాయి. (ఇదీ చదవండి: జైలర్‌2 బ్లాక్‌ బస్టర్‌.. హృతిక్‌కి భారీ రెమ్యునరేషన్!)

దక్షిణాది సినీ సంగీత ప్రపంచంలో మరో విషాదం చోటుచేసుకుంది. మూడున్నర దశాబ్దాలపాటు తన సంగీతంతో ప్రేక్షకులను ఉర్రూతలూగించిన సంగీత దర్శకుడు దేవా (75) కన్నుమూశారు. అభిమానులు ‘తేనిసై తెన్రల్‌’గా ఆప్యాయంగా పిలుచుకునే ఆయన శనివారం (అక్టోబర్‌ 17) చెన్నైలో తుదిశ్వాస విడిచారు. ఆయన మరణవార్తతో సినీ పరిశ్రమలో విషాదం నెలకొంది.మూడు దశాబ్దాలకు పైగా సాగిన తన సంగీత ప్రయాణంలో వందలాది చిత్రాలకు స్వరాలు అందించి, దక్షిణాది సినిమా సంగీతంలో ప్రత్యేక గుర్తింపు సంపాదించారు. దేవా అసలు పేరు దేవనేసన్‌ చొక్కలింగం. 1950 నవంబర్‌ 20న జన్మించారు. చిన్నతనం నుంచే సంగీతంపై ఆసక్తి పెంచుకున్న ఆయన.. సినీ రంగంలోకి అడుగుపెట్టి తనదైన బాణీలతో గుర్తింపు తెచ్చుకున్నారు. ముఖ్యంగా తమిళ చిత్రసీమలో అగ్ర సంగీత దర్శకుల్లో ఒకరిగా ఎదిగారు. తన కెరీర్‌లో 400కు పైగా సినిమాలకు సంగీతం అందించారు. రజినీకాంత్‌ కెరీర్‌ను మలుపు తిప్పిన ‘అన్నామలై, ఆ తర్వాత బాషా, అరుణాచలం లాంటి చిత్రాలకు ఆయన అందించిన మ్యూజిక్‌ ఎంతో ప్రత్యేకం. మ్యూజిక్‌తో దేవా ఇచ్చిన ఎలివేషన్లు.. ఒకరకంగా రజినీ స్టార్‌డమ్‌కి ఎంతో సహకరించాయి.ఎన్నో హిట్‌ ఆల్బమ్స్‌తమిళంలో దేవా సంగీతం అందించిన చిత్రాల్లో రజనీకాంత్‌ నటించిన ‘అన్నామలై’, ‘బాషా’, ‘అరుణాచలం’ ప్రత్యేకంగా చెప్పుకోవాలి. వీటితో పాటు ‘ఆసై’, ‘కాదల్‌ కోట్టై’, ‘నేరుక్కు నేర్‌’, ‘నినైత్తేన్‌ వందాయ్‌’, ‘ప్రియముడన్‌’, ‘వాలి’, ‘ఖుషి’ వంటి చిత్రాల పాటలు ప్రేక్షకులను విశేషంగా ఆకట్టుకున్నాయి. కథలోని భావోద్వేగాలకు అనుగుణంగా స్వరాలు అందించడంతో పాటు, మాస్‌ ప్రేక్షకులను ఉర్రూతలూగించే పాటలను రూపొందించడంలోనూ ఆయన ప్రత్యేకత చూపించారు.(చదవండి: తనూశ్రీ ఆరోపణలు.. స్పందించిన నానా పటేకర్‌ కుమారుడు)తమిళంలో ఘన విజయం సాధించిన బాణీలతో పాటు, తెలుగు సినిమాల్లోనూ తన సంగీత ప్రతిభను చాటుకున్నారు. తెలుగు ప్రేక్షకులకూ దేవా సంగీతం సుపరిచితమే. పవన్‌ కల్యాణ్‌ నటించిన ‘తొలిప్రేమ’తో పాటు చిరంజీవి ‘మాస్టర్‌’, నాగార్జున ‘ఆటో డ్రైవర్‌’, దాసరి అరుణ్‌ ‘గ్రీకు వీరుడు’ ఉన్నాయి. కన్నడలో అమృతవర్షిణి, రాజా, కోటిగొబ్బ వంటి చిత్రాలకు పనిచేశారు. మలయాళంలో ‘ది ప్రిన్స్‌’, ‘ఫాంటమ్‌’ వంటి చిత్రాలకు సంగీతం అందించారు.గానా సంగీతానికి ప్రత్యేక గుర్తింపుదేవా పేరు చెప్పగానే గుర్తొచ్చేది ఆయన ప్రత్యేకమైన సంగీత శైలి. జానపద బాణీలు, వేగవంతమైన బీట్స్‌, సులభంగా గుర్తుండిపోయే ట్యూన్లతో ఆయన పాటలు సామాన్య ప్రేక్షకులకు చేరువయ్యాయి. ముఖ్యంగా చెన్నై ప్రాంతానికి చెందిన ‘గానా’ సంగీతాన్ని మెయిన్‌స్ట్రీమ్‌ సినిమాల్లోకి తీసుకురావడంలో దేవా కీలక పాత్ర పోషించారు. స్థానిక సంగీత శైలికి సినిమా పాటల రూపంలో విస్తృత ఆదరణ తీసుకొచ్చారు. అందుకే అభిమానులు ఆయనను ‘తేనిసై తెన్రల్‌’గా పిలిచేవారు. ఆయన పాటలు థియేటర్లలోనే కాకుండా పండుగలు, వేడుకలు, ప్రజా కార్యక్రమాల్లోనూ మారుమోగేవి. మెలోడీ పాటల నుంచి మాస్‌ నంబర్ల వరకు విభిన్నమైన బాణీలను అందిస్తూ తనదైన ముద్ర వేశారు.అవార్డులు.. కొనసాగుతున్న సంగీత వారసత్వంసినీ సంగీత రంగంలో చేసిన సేవలకు దేవాకు పలు గుర్తింపులు లభించాయి. తమిళనాడు రాష్ట్ర చలనచిత్ర పురస్కారంతో పాటు 1992లో ‘కలైమామణి’ గౌరవం కూడా అందుకున్నారు. ఆయన సంగీత ప్రయాణం కుటుంబంలోనూ కొనసాగింది. దేవా కుమారుడు శ్రీకాంత్‌ దేవా కూడా సంగీత దర్శకుడిగా సినీ రంగంలో గుర్తింపు పొందారు.దశాబ్దాల పాటు ప్రేక్షకులను అలరించిన దేవా ఇక లేరన్న వార్త సంగీత ప్రియులను కలచివేస్తోంది. తమిళంతో పాటు తెలుగు, కన్నడ, మలయాళ చిత్రాల్లోనూ తన బాణీలతో అభిమానులను సంపాదించుకున్న ఆయన.. దక్షిణాది సినీ సంగీత చరిత్రలో ఓ చెరిగిపోని ముద్ర వేసి వెళ్లిపోయారు.

బాలీవుడ్‌ సీనియర్‌ నటుడు నానా పటేకర్‌ మరణం తర్వాత నటి తనూశ్రీ దత్తా చేసిన వ్యాఖ్యలపై ఆయన కుమారుడు మల్హార్‌ పటేకర్‌ స్పందించారు. పేరు ప్రస్తావించకుండానే ఆమె వ్యాఖ్యలకు సమాధానమిచ్చారు. అలాగే తన తల్లిదండ్రుల బంధంపై వస్తున్న పుకార్లను ఖండించారు.కేసు ఎప్పుడో ముగిసింది..తనూశ్రీ దత్తా చేసిన ఆరోపణలపై మల్హార్‌ మాట్లాడుతూ.. సంబంధిత కేసు ఎప్పుడో ముగిసిందని, న్యాయస్థానం నుంచి స్పష్టత వచ్చిందని పేర్కొన్నారు. అయినప్పటికీ కొందరు అదే విషయాన్ని పదేపదే ప్రస్తావిస్తున్నారని అన్నారు. అలాంటి వారికి తానేమీ చెప్పదలుచుకోలేదని, నిజం ఎప్పటికీ నిజంగానే ఉంటుందని, దేవుడు వారికి మంచి చేయాలని వ్యాఖ్యానించారు.కాగా, 2018లో ‘హార్న్‌ ఓకే ప్లీజ్‌’ సినిమా షూటింగ్‌ సమయంలో నానా పటేకర్‌ తనను లైంగికంగా వేధించారని తనూశ్రీ దత్తా ఆరోపించిన సంగతి తెలిసిందే. ఈ వ్యవహారం అప్పట్లో బాలీవుడ్‌లో మీటూ ఉద్యమానికి మరింత ప్రాధాన్యం తీసుకొచ్చింది. నానా పటేకర్‌తో పాటు కొరియోగ్రాఫర్‌ గణేశ్‌ ఆచార్య, చిత్ర నిర్మాతపైనా ఆమె ఆరోపణలు చేశారు. నానా పటేకర్‌ మరణం తర్వాత కూడా ఈ అంశంపై తన అభిప్రాయాలను వెల్లడించారు.(ఇదీ చదవండి: ‘గరివిడి లక్ష్మి’మూవీ రివ్యూ అండ్‌ రేటింగ్‌)తల్లిదండ్రుల బంధంపై..తన తల్లిదండ్రులు నానా పటేకర్‌, నీలకాంతి పటేకర్‌ మధ్య సంబంధాలపై వస్తున్న వార్తలను కూడా మల్హార్‌ ఖండించారు. సోషల్‌ మీడియాలో కుటుంబ ఫొటోలు పంచుకోనంత మాత్రాన తమ మధ్య అనుబంధం లేదని భావించకూడదన్నారు. తాను ప్రేమానురాగాల మధ్య పెరిగానని, తన తల్లిదండ్రులు తనకు మంచి బాల్యాన్ని అందించారని తెలిపారు. వారి మధ్య దాదాపు 38-39 ఏళ్ల అనుబంధం ఉందని, బయటకు కనిపించే విషయాలన్నీ వాస్తవాలు కావని పేర్కొన్నారు.సామాజిక సేవే సంతోషాన్నిచ్చింది..ఇటీవలి కాలంలో నానా పటేకర్‌ సామాజిక సేవకు ఎక్కువ సమయం కేటాయించారని మల్హార్‌ తెలిపారు. కశ్మీర్‌లో పాఠశాలల ఏర్పాటుకు కృషి చేయడంతో పాటు రైతులకు సహాయం చేసే కార్యక్రమాల్లో పాల్గొన్నారని వెల్లడించారు. ఇవే ఆయనకు ప్రశాంతతను, సంతోషాన్ని ఇచ్చాయని చెప్పారు. ఇకపై తండ్రి చేపట్టిన సేవా కార్యక్రమాలను కొనసాగించడం తన బాధ్యతగా భావిస్తున్నానని పేర్కొన్నారు.దాదాపు ఐదు దశాబ్దాల సినీ ప్రయాణంలో నానా పటేకర్‌ ‘పరిందా’, ‘క్రాంతివీర్‌’, ‘అగ్ని సాక్షి’, ‘యశ్వంత్‌’, ‘అబ్‌ తక్‌ ఛప్పన్‌’, ‘వెల్‌కమ్‌’, ‘రాజ్‌నీతి’ వంటి చిత్రాలతో ప్రేక్షకులను ఆకట్టుకున్నారు. ఆయన నటనతో పాటు సామాజిక సేవ కూడా ప్రజల మదిలో నిలిచిపోయింది.(ఇదీ చదవండి: బిగ్‌బాస్‌లో త్రిగుణ్‌ వెన్నుపోటు.. కెప్టెన్‌గా రాంప్రసాద్‌!)

ఆనంది, రాగ్‌ మయూర్‌ జంటగా, వీకే నరేష్‌, రాశి, శరణ్య, అంకిత్‌ కొయ్య ప్రధాన పాత్రల్లో నటించిన చిత్రం `గరివిడి లక్ష్మి`. ఉత్తరాంధ్ర బుర్రకథ జానపద కళాకారిణి గరివిడి లక్ష్మి జీవితం ఆధారంగా ఈ చిత్రాన్ని రూపొందించారు దర్శకుడు గౌరీ నాయుడు జమ్ము. పీపుల్స్ మీడియా ఫ్యాక్టరీ పతాకంపై టీజీ విశ్వప్రసాద్‌, కృతి ప్రసాద్‌ నిర్మించారు. దీనికి చరణ్ అర్జున్‌ సంగీతం అందించారు. బయోపిక్‌ తరహాలో రూపొందిన ఈ చిత్రం దసరా కానుకగా నేడు శనివారం (అక్టోబర్‌ 17)న విడుదలైంది. మరి ఈ సినిమా ప్రేక్షకులను ఎంతవరకు మెప్పించింది? రివ్యూ లో చూద్దాం.90వ దశకంలో జానపద గీతాలు అనగానే గుర్తొచ్చే పేర్లలో కళాకారిణి గరివిడి విజయలక్ష్మి ఒకరు. నేటి జెన్‌జీ తరానికి ఆమె గురించి పెద్దగా తెలియకపోవచ్చు. కానీ 90స్‌ కిడ్స్‌కు మాత్రం ఆమె పాటలతో ప్రత్యేకమైన అనుబంధం ఉంటుంది. ఎప్పుడో ఒక సందర్భంలో ఆమె గొంతు వినే ఉంటారు. అలాంటి ప్రముఖ జానపద కళాకారిణి జీవిత కథ ఆధారంగా తెరకెక్కిన చిత్రమే ‘గరివిడి లక్ష్మి’. బుర్రకథ, జానపద కళలపై పెద్దగా అవగాహన లేని నేటి తరానికి ఆమె జీవితాన్ని పరిచయం చేసే ప్రయత్నం ఇది. కథేంటంటే?ఉమ్మడి ఆంధ్రప్రదేశ్‌ కాలం నాటి విజయనగరం జిల్లా గరివిడి ప్రాంతంలో పుట్టిన కళాకారిణి జీవిత కథే ఈ చిత్రం. దేవుడమ్మ (రాశి), తాత నాయుడులకు పుట్టిన గారాలపట్టి విజయలక్ష్మి (ఆనంది). చదువు పెద్దగా అబ్బకపోయినా.. ఒక్కసారి వింటే చాలు, ఆ విషయాన్ని ఇట్టే పట్టేసే ప్రతిభ ఆమె సొంతం. చిన్నప్పటి నుంచే కళలపై ఆసక్తి ఉన్న లక్ష్మి జీవితంలో అనుకోని పరిస్థితులు ఎదురవుతాయి. పలు కారణాలతో భర్తకు దూరమైన దేవుడమ్మ ఆమెకు అన్నీ తానే అయి పెంచుతుంది.అయితే లక్ష్మికి 12 ఏళ్ల వయసులోనే పెళ్లి చేయాల్సి వస్తుంది. ఆ పెళ్లి ఆమె జీవితాన్ని ఎలాంటి మలుపు తిప్పింది? లక్ష్మి జానపద కళల వైపు అడుగులు వేయడానికి కారణమేంటి? బుర్రకథ నేర్చుకున్న తర్వాత ఆమె జీవితంలో ఎలాంటి ఒడిదొడుకులు ఎదురయ్యాయి? గరివిడి లక్ష్మిగా ఆమె ఎలా గుర్తింపు తెచ్చుకుంది? అనేది తెలియాలి అంటే తెరపై చూడాల్సిందే.(ఇదీ చదవండి: ‘రణబాలి’మూవీ రివ్యూ అండ్‌ రేటింగ్‌)ఎలా ఉందంటే?90స్ లో జానపద కళతో ప్రేక్షకులను ఉర్రూతలూగించిన గరివిడి విజయలక్ష్మి జీవితాన్ని వెండితెరపై ఆవిష్కరించడం దర్శకుడు గౌరీ నాయుడు జమ్ము సాహసమనే చెప్పాలి. ప్రస్తుతం కొత్త తరహా సంగీత ప్రపంచంలో కనుమరుగవుతున్న బుర్రకథ, జానపద కళల నేపథ్యంలో ఓ సినిమాను తెరకెక్కించడం ఆసక్తికరమైన ప్రయత్నం అనే చెప్పాలి .ఒక కళాకారిణి జీవితాన్ని మాత్రమే కాకుండా.. ఆమె ఎదుగుదల వెనుక ఉన్న కష్టాలు, కన్నీళ్లు, వ్యక్తిగత సంఘర్షణలను చూపించాలనే ప్రయత్నం ఇందులో కనిపిస్తుంది. కొన్ని సన్నివేశాలు చూస్తున్నప్పుడు ‘మహానటి’ సినిమా గుర్తుకు వస్తుంది. అయితే ఇక్కడ కథానాయిక ప్రయాణం, జానపద కళ చుట్టూ అల్లుకున్న భావోద్వేగాలే ప్రధాన ఆకర్షణగా నిలుస్తుంది.సినిమా తొలి భాగంలో పాత్రల పరిచయానికే ఎక్కువ సమయం కేటాయించారు. లక్ష్మి బాల్యం, కుటుంబ పరిస్థితులు, ఆమె జీవితంలో చోటుచేసుకునే పరిణామాలను చూపిస్తూ కథ ముందుకు సాగుతుంది. దీంతో అక్కడక్కడా కథనం నెమ్మదించినట్లు అనిపిస్తుంది. అయినప్పటికీ గరివిడి లక్ష్మి జీవిత ప్రయాణం సినిమా పై ఆసక్తిని పెంచుతుంది. మధ్యమధ్యలో వినిపించే జానపద గేయాలు 90స్‌ ప్రేక్షకులకు పాత జ్ఞాపకాలను గుర్తుచేస్తాయి. ఆ పాటల్లోని సహజత్వం, అప్పటి కళా వాతావరణం సినిమాకు ప్రత్యేకమైన అనుభూతిని అందిస్తాయి. కొంత ఓపికతో చూస్తే తొలి భాగం ముగిసే సమయానికి కథపై ఆసక్తి పెరుగుతుంది.ద్వితీయార్ధం ఊరటనిస్తుందిఏదో మిస్‌ అయిందనే భావనతో విరామం తీసుకున్న ప్రేక్షకులకు ద్వితీయార్ధం కొంత ఊరటనిస్తుంది. లక్ష్మి జీవితంలో ప్రేమ చిగురించడం, ఆ క్రమంలో ఎదురయ్యే పరిస్థితులు కథకు భావోద్వేగాన్ని జోడిస్తాయి. ప్రేమ కోసం ఆమె పడే తపన, కన్నీళ్లు కొన్ని సన్నివేశాల్లో ఆలోచింపజేస్తాయి.అయితే ఒక దశలో కథనం కాస్త పక్కదారి పట్టినట్లు అనిపిస్తుంది. ఆ సమయంలో వచ్చే భావోద్వేగ సన్నివేశాలు, లక్ష్మి అమాయకత్వాన్ని ఆసరాగా చేసుకుని మోసం చేసే పరిణామాలు కథపై ప్రేక్షకుడికి అనుబంధాన్ని పెంచుతాయి. ఆమె పడే బాధను చూస్తుంటే ఆ పాత్రతో మనమూ ప్రయాణిస్తున్న భావన కలుగుతుంది. ద్వితీయార్ధంలో వచ్చే మలుపులు సినిమా ముగిసే వరకు ఆసక్తిని కొనసాగిస్తాయి. ముఖ్యంగా చివరి ఘట్టాలు లక్ష్మి జీవితంలోని సంఘర్షణలను మరింత బలంగా చూపిస్తాయి.అయితే కొన్ని సన్నివేశాల్లో కథనం నెమ్మదించడం, కొన్ని భావోద్వేగాలను మరింత ప్రభావవంతంగా చూపించే అవకాశం ఉన్నా పూర్తిస్థాయిలో ఉపయోగించుకోకపోవడం లోపాలుగా అనిపిస్తాయి. అయినప్పటికీ జానపద కళను కథలో భాగం చేసిన తీరు, ఓ కళాకారిణి జీవితంలోని మరో కోణాన్ని పరిచయం చేయాలనే ప్రయత్నం సినిమాకు బలాన్నిస్తాయి.ఎవరెలా చేశారంటే?గరివిడి లక్ష్మి పాత్రలో ఆనంది అద్భుతంగా నటించింది. భావోద్వేగ సన్నివేశాల్లో కన్నీళ్లు పెట్టించేలా నటించడంతో పాటు.. అమాయకత్వం, పట్టుదల, కళపై ప్రేమను తన హావభావాలతో చక్కగా పలికించింది. కొన్ని సన్నివేశాల్లో ఆమె నటనే సినిమాకు ప్రధాన బలంగా నిలుస్తుంది. పాత్రలోకి పూర్తిగా ఒదిగిపోయి, లక్ష్మి జీవితాన్ని ప్రేక్షకులకు దగ్గర చేసే ప్రయత్నంలో విజయవంతమైంది.రాంబాబు పాత్రలో నరేశ్‌ తనదైన నటనతో ఆకట్టుకున్నాడు. కథలో తన పాత్రకు ఉన్న ప్రాధాన్యానికి న్యాయం చేశాడు. సీనియర్‌ నటి రాశి దేవుడమ్మగా మరోసారి తన అనుభవాన్ని చూపించింది. తల్లి పాత్రలో భావోద్వేగాలను చక్కగా పలికించింది. సకలక శంకర్‌, శ్రీరామ్‌ తదితరులు తమ పాత్రల పరిధి మేరకు నటించారు.సంగీత దర్శకుడు చరణ్ అర్జున్ అందించిన పాటలు, నేపథ్య సంగీతం సినిమాకు ప్రాణం పోశాయి . ముఖ్యంగా జానపద గేయాలు కథకు తగ్గట్టుగా అందించాడు . నిర్మాణ విలువలు పరవాలేదు. దర్శకుడు ఎంచుకున్న కథాంశం, దాన్ని తెరపై చూపించిన విధానం ప్రశంసించదగ్గవే.చివరిగా..అక్కడక్కడా నెమ్మదించే కథనం కొంత ఇబ్బంది పెట్టినా.. గరివిడి లక్ష్మి జీవితం, ఆమె ఎదుర్కొన్న కష్టాలు, జానపద కళకు ఉన్న ప్రాధాన్యాన్ని గుర్తుచేసే ప్రయత్నం ఈ సినిమా. 90స్‌ ప్రేక్షకులకు పాత జ్ఞాపకాలను మళ్లీ గుర్తుచేసే చిత్రంగా నిలుస్తుంది. జానపద కళలపై ఆసక్తి ఉన్నవారితో పాటు, ఓ కళాకారిణి జీవితంలో దాగున్న సంఘర్షణలను తెలుసుకోవాలనుకునేవారికి ఈ సినిమా నచ్చే అవకాశం ఉంది.రేటింగ్‌: 2.75/5-ప్రశాంత్‌ కందా

బిగ్‌బాస్‌ తెలుగు 10వ సీజన్‌లో ఆటలు, వ్యూహాలు, గొడవలు మరింత ఆసక్తికరంగా మారుతున్నాయి. కెప్టెన్సీ పోటీదారులను నిర్ణయించే టాస్క్‌లో మూడు టీమ్‌ల మధ్య హోరాహోరీ పోరు జరగ్గా.. త్రిగుణ్‌ వేసిన వ్యూహం ఇంట్లో పెద్ద చర్చకు దారితీసింది. ఒక టీమ్‌తో ఒప్పందం చేసుకుని మరో టీమ్‌కు సాయం చేయడంతో సభ్యుల మధ్య మాటల యుద్ధం మొదలైంది. మొత్తానికి రాంప్రసాద్‌ కెప్టెన్‌గా నిలిచాడు. మరి నిన్నటి ఎపిసోడ్‌లో ఏం జరిగిందో ఒకసారి చూద్దాం. దక్షికి పసుపు.. దేబ్జానీ అలక!ఎప్పుడూ సరదాగా ఉంటూ ఇంట్లో నవ్వులు పూయించే నరేశ్‌.. ఈసారి దక్షితో సరదాగా మాట్లాడాడు. ఆమె చేతికి గాయం కావడంతో అందరి ముందే పసుపు పెట్టాడు. ఆ తర్వాత సరదాగా ఆమె నుదుటిపై కూడా పసుపు పెట్టడంతో దేబ్జానీ అలిగిపోయింది. దీంతో నరేశ్‌ ఆమెను ఆటపట్టిస్తూ మరింత ఏడిపించాడు. అనంతరం ముకేశ్‌, వర్షిణిల దగ్గర ఈ విషయం ప్రస్తావించగా.. అమ్మాయిలు ఇలాంటి చిన్న విషయాలకే అలుగుతారని వర్షిణి సరదాగా చెప్పింది.‘సమరానికి సై’..మూడు టీమ్‌లకు చివరి టాస్క్‌గా ‘సమరానికి సై’ ఇచ్చారు. ఇందులో భాగంగా ఒక్కో టీమ్‌ నుంచి ఒక సభ్యుడు మట్టి గుంటలో ఉన్న బంతిని దక్కించుకుని తమకు కేటాయించిన బాక్స్‌లో వేయాలి. అలా చేసిన టీమ్‌కే ఆ రౌండ్‌లో పాయింట్లు లభిస్తాయి. ప్రతి రౌండ్‌లో సంచాలకుడు నిర్ణయించిన చోట 20 బోనస్‌ కాయిన్స్‌ ఉంచుతారు. వాటిని దక్కించుకున్నవారికి అదనపు ప్రయోజనం ఉంటుంది. అయితే బంతిని బాక్స్‌లో వేయకపోతే ఏ టీమ్‌కూ పాయింట్లు రావు.మొదటి రౌండ్‌లో వంశీ, రామకృష్ణ, రోహిత్‌ పోటీపడగా.. నీతూ మాస్టర్‌ సంచాలకురాలిగా వ్యవహరించింది. ఈ రౌండ్‌లో ఏ టీమ్‌కూ పాయింట్లు దక్కలేదు.రెండో రౌండ్‌లో మహిళా సభ్యులను బరిలోకి దించాలని నిర్ణయించుకున్నారు. గ్రీన్‌ టీమ్‌ నుంచి ఝాన్సీ, గోల్డ్‌ టీమ్‌ నుంచి శ్వేత బరిలోకి దిగగా.. మరో టీమ్‌ నుంచి సుధీర్‌ పోటీకి వచ్చాడు. రాంప్రసాద్‌ సంచాలకుడిగా వ్యవహరించాడు. ఈ రౌండ్‌లో ఝాన్సీ అద్భుతంగా ఆడి బంతిని బాక్స్‌లో వేసి విజయం సాధించింది. దీంతో గోల్డ్‌ టీమ్‌ నుంచి నాలుగు కుర్చీలను తీసుకునే అవకాశం గ్రీన్‌ టీమ్‌కు దక్కింది.త్రిగుణ్‌ డబుల్‌ గేమ్‌.. ఇంట్లో రచ్చ!మూడో రౌండ్‌లో శివ్‌, త్రిగుణ్‌, అమన్‌ బరిలోకి దిగారు. ఆటలో శివ్‌ త్రిగుణ్‌కు సహకరించగా.. త్రిగుణ్‌ మాత్రం అమన్‌కు సాయం చేసి బంతిని అతడికి అందించాడు. దీంతో అమన్‌ బంతిని బాక్స్‌లో వేసి తన టీమ్‌కు పాయింట్లు సాధించాడు. త్రిగుణ్‌ తమతో ఒక ఒప్పందం చేసుకుని ఇప్పుడు మరో టీమ్‌కు సాయం చేశాడని శివ్‌ ఆగ్రహం వ్యక్తం చేశాడు.‘వెన్నుపోటు పొడవడం మీ దగ్గరే నేర్చుకోవాలా?’త్రిగుణ్‌, సుధీర్‌ వ్యవహారంపై రోహిత్‌, షాలిని తీవ్రంగా స్పందించారు. సొంత టీమ్‌నే మోసం చేస్తారా? వెన్నుపోటు పొడవడం ఎలా ఉంటుందో తెలుసుకోవాలంటే సుధీర్‌, త్రిగుణ్‌లనే అడగాలని షాలిని ఘాటుగా వ్యాఖ్యానించింది. మరోవైపు సుధీర్‌పై రోహిత్‌ తీవ్ర ఆగ్రహం వ్యక్తం చేశాడు. కుటుంబంపై ఒట్టేసి మరీ న్యాయంగా ఆడుతున్నానని చెప్పావు.. కానీ మాట తప్పావంటూ నిలదీశాడు. ఈ పరిణామాలతో ఇంట్లో వాతావరణం ఒక్కసారిగా వేడెక్కింది. చివరకు గోల్డ్‌ టీమ్‌ నుంచి మూడు కుర్చీలు, బ్లూ టీమ్‌ నుంచి ఒక కుర్చీ తొలగించడంతో గ్రీన్‌ టీమ్‌ సభ్యులందరికీ కెప్టెన్సీ పోటీలో పాల్గొనే అవకాశం లభించింది.కెప్టెన్సీ టాస్క్‌.. ఏడుగురి మధ్య హోరాహోరీ!గ్రీన్‌ టీమ్‌ సభ్యులతో పాటు వైల్డ్‌ఫైర్‌ టీమ్‌కు చెందిన శివ్‌ దగ్గర 70 పాయింట్లు ఉండటంతో అతడికి కూడా కెప్టెన్సీ పోటీలో పాల్గొనే అవకాశం దక్కింది. దీంతో ముకేశ్‌, వంశీ, వర్షిణి, శివ్‌, రాంప్రసాద్‌, అమన్‌, ఝాన్సీ కెప్టెన్సీ రేసులో నిలిచారు. ఏడుగురు గోడకు ఏర్పాటు చేసిన హ్యాండిల్స్‌ను పట్టుకుని వేలాడుతూ తమ పట్టును నిరూపించుకోవాల్సిన టాస్క్‌ ఇది. రామకృష్ణ సంచాలకుడిగా వ్యవహరించాడు. పోటీదారులు ఒక్కొక్కరుగా తమ ప్రత్యర్థులకు అందుతున్న సహాయాన్ని తొలగించే ప్రయత్నం చేశారు. త్రిగుణ్‌ శివ్‌ను టార్గెట్‌ చేయగా.. రోహిత్‌, షాలిని వంశీని లక్ష్యంగా చేసుకున్నారు. చివరి వరకు ముకేశ్‌, రాంప్రసాద్‌ మాత్రమే టాస్క్‌లో మిగిలారు. రాంప్రసాద్‌ చివరి వరకు పట్టుదలతో నిలిచి విజయం సాధించి ఇంటి కొత్త కెప్టెన్‌గా నిలిచాడు.(ఇదీ చదవండి: నాగార్జున చెప్పిన నిష్ఠూరమైన 'నిజాలు')

అనీష్, అనస్వర రాజన్‌ హీరో హీరోయిన్లుగా నటించిన సినిమా ‘ఇట్లు అర్జున’. మహేశ్‌ ఉప్పల దర్శకత్వంలో వెంకీ కుడుముల నిర్మించిన ఈ చిత్రం అక్టోబరు 30న విడుదల కానుంది. ఈ సినిమాను నాగార్జున స్వయంగా సమర్పిస్తున్నారు. ఈమేరకు ఈ రోజు (శుక్రవారం) మీడియా సమావేశం నిర్వహించింది చిత్ర బృందం. ఈ ఈవెంట్‌లో పాల్గొన్న హీరో నాగార్జున.. చేసిన కామెంట్స్‌ ప్రస్తుతం వైరల్‌ అవుతున్నాయి.పెద్ద సినిమాలు వస్తున్నాయంటూఅక్టోబర్ 30న ‘ఆదర్శ కుటుంబం’ సినిమా రిలీజ్ అవుతున్నప్పటికీ మీ ‘ఇట్లు అర్జున’ థియేటర్లలోకి వస్తుందా? అని ఓ జర్నలిస్ట్‌ అడిగిన ప్రశ్నకు నాగార్జున తనదైన శైలిలో బదులిచ్చారు. ‘మొదట అక్టోబర్ 2 అన్నారు. ఆ తర్వాత అక్టోబర్ 9 వస్తున్నట్లు ప్రకటించారు. తీరా చూస్తే పెద్ద సినిమాలు వస్తున్నాయంటూ వాయిదా వేసుకున్నారు. ఇప్పుడు మళ్లీ అక్టోబర్ 30 అంటున్నారు. ఈసారైనా అక్టోబర్ 30న వాయిదా పడకుండా రావాలని నేను కోరుకుంటున్నాను’ అంటూ నాగార్జున తన అభిప్రాయాన్ని వెల్లడించారు.అయితే కావాలని ఎవరూ డేట్లు బ్లాక్ చేయరని, పరిస్థితుల వల్ల మిస్ అవుతాయని సర్దిచెప్పారు. ‘నేను డిసెంబర్ 24న వస్తున్నానని చెప్పాను. అందుకే ఆ మాట నిలబెట్టుకోవడానికి రాత్రి పగలు కష్టపడి సినిమా పనిమీదనే ఉన్నా. చెప్పిన తేదీకి రాకపోతే ఆ డేట్స్‌ ప్రకటించకూడదు’ అని చెప్పారు. (ఇదీ చదవండి: ‘జైలర్‌2’కు పైరసీ భూతం.. ఆన్‌లైన్‌లో HD ప్రింట్‌)Small Films Struggle Due to the Irresponsible Postponements of #AadarshaKutumbam!! https://t.co/QHt5UFZjoa— cinee worldd (@Cinee_Worldd) October 16, 2026

సూపర్‌స్టార్‌ రజనీకాంత్‌ కథానాయకుడిగా నటించిన ‘జైలర్‌ 2’ సినిమా ప్రస్తుతం ప్రేక్షకులను అలరిస్తోంది. ఈ చిత్రంలో మలయాళ స్టార్‌ మోహన్‌లాల్‌ మ్యాథ్యూ పాత్రలో కనిపించి అభిమానులను అలరించారు. అయితే ఆయన పాత్రకు సంబంధించిన కొన్ని సన్నివేశాలు, లుక్స్‌ ఫైనల్‌ కట్‌లో తొలగించడంపై కాస్ట్యూమ్‌ డిజైనర్‌ జిషాద్‌ షంసుద్దీన్‌ అసహనం వ్యక్తం చేశారు. ఏకంగా మూడు విభిన్నమైన లుక్స్‌ను తొలగించారని ఆరోపిస్తూ సోషల్‌ మీడియాలో పోస్ట్‌ పెట్టారు.మూడు లుక్స్‌ తొలగించారంటూ..2023లో విడుదలైన ‘జైలర్‌’ సినిమాలో మోహన్‌లాల్‌ మ్యాథ్యూ పాత్రలో కనిపించిన సంగతి తెలిసిందే. స్టైలిష్‌ షర్టులు, సన్‌గ్లాసెస్‌తో స్మగ్లర్‌గా కనిపిస్తూ రజనీకాంత్‌ పోషించిన టైగర్‌ ముత్తువేల్‌ పాండియన్‌కు స్నేహితుడిగా అలరించారు. ‘జైలర్‌ 2’లోనూ ఆయన కీలక పాత్రలో నటించారు. ముఖ్యంగా క్లైమాక్స్‌లో కనిపించే సన్నివేశంపై అభిమానుల్లో ఆసక్తి నెలకొంది. అయితే చిత్రీకరణ సమయంలో సిద్ధం చేసిన మూడు విభిన్నమైన లుక్స్‌ను పూర్తిగా తొలగించారని జిషాద్‌ పేర్కొన్నారు.మద్దతుగా నిలుస్తున్న ప్రతి ఒక్కరికీ ఈ మేరకు గురువారం సాయంత్రం ఇన్‌స్టాగ్రామ్‌లో మోహన్‌లాల్‌ కోసం రూపొందించిన పలు లుక్స్‌ను పంచుకుంటూ ఓ నోట్‌ రాశారు. ‘ చిత్రీకరించిన సన్నివేశాలను చూసినప్పుడు పనిపై ఎంతో నమ్మకం కలిగింది. ట్రైలర్‌లో కేవలం రెండు సెకన్ల పాటు మాత్రమే కనిపించినప్పటికీ నా నమ్మకాన్ని కొల్పోలేదు. అయితే సినిమా విడుదలయ్యాక మూడు లుక్స్‌తో పాటు ట్రైలర్‌లో చూపించిన సన్నివేశాన్ని కూడా కుదించారు. సినిమా పరిశ్రమలో డబ్బు సంపాదించేందుకు, కోట్ల వసూళ్లు, స్టార్‌డమ్‌ కోసం నేను పనిచేయడం లేదు. అభిమానులు, కళను ప్రేమించేవారు, మోహన్‌లాల్‌ కోసమే పని చేస్తున్నాను. ఒకవేళ జైలర్‌3 తెరకెక్కితే ఇందులో భాగం కాను. ఈ ప్రయాణంలో మద్దతుగా నిలుస్తున్న ప్రతి ఒక్కరికీ కృతజ్ఞతలు’ అని ఆవేదన వ్యక్తం చేశారు. (ఇదీ చదవండి: ‘జైలర్‌2’కు పైరసీ భూతం.. ఆన్‌లైన్‌లో HD ప్రింట్‌) View this post on Instagram A post shared by JISHAD SHAMSUDEEN (@jishadshamsudeen)

సూపర్ స్టార్ రజినీకాంత్ హీరోగా వచ్చిన లేటేస్ట్ యాక్షన్‌ మూవీ జైలర్-2. గతంలో రిలీజైన జైలర్‌కు సీక్వెల్‌గా ఈ మూవీని ప్రేక్షకుల ముందుకు తీసుకొచ్చారు. నెల్సన్ దిలీప్‌ కుమార్ ఈ మూవీకి దర్శకత్వం వహించారు. దసరా కానుకగా ఈనెల 15న థియేటర్లలోకి వచ్చిన ఈ మూవీ బాక్సాఫీస్ వద్ద సందడి చేస్తోంది.అయితే ఇప్పుడీ సినిమా పైరసీ బారీన పడింది. విడుదలైన రెండో రోజే హెచ్‌డీ క్వాలిటీతో ఆన్‌లైన్ లో దర్శనమిచ్చింది. దీంతో మూవీ మేకర్స్‌తో పాటు అభిమానులు ఆందోళన వ్యక్తం చేస్తున్నారు. వెంటనే చర్యలు తీసుకోవాలని కోరుతున్నారు. కాగా ఈ చిత్రంలో రజనీకాంత్‌ ప్రధాన పాత్రలో నటించగా.. రమ్యకృష్ణ, యోగిబాబు కీలక పాత్రల్లో కనిపించారు. మిథున్‌ చక్రవర్తి, మోహన్‌లాల్‌, శివరాజ్‌కుమార్‌ తదితరులు ఈ చిత్రంలో భాగమయ్యారు. ఈ చిత్రాన్ని సన్‌ పిక్చర్స్‌ నిర్మించింది. అనిరుధ్‌ రవిచందర్‌ సంగీతాన్ని అందించారు. వివిధ సినీ పరిశ్రమలకు చెందిన ప్రముఖ నటులు ఈ సినిమాలో భాగం కావడంతో బాక్సాఫీస్‌లో భారీ వసూళ్లు రాబెడుతోంది. (ఇదీ చదవండి: ‘జైలర్‌2’ ఓటీటీ డేట్‌ ఫిక్స్‌? స్ట్రీమింగ్‌ ఎక్కడంటే?)

సూపర్ స్టార్ రజినీకాంత్ హీరోగా వచ్చిన లేటేస్ట్ యాక్షన్‌ మూవీ జైలర్-2. గతంలో రిలీజైన జైలర్‌కు సీక్వెల్‌గా ఈ మూవీని ప్రేక్షకుల ముందుకు తీసుకొచ్చారు. నెల్సన్ దిలీప్‌ కుమార్ ఈ మూవీకి దర్శకత్వం వహించారు. దసరా కానుకగా ఈనెల 15న థియేటర్లలోకి వచ్చిన ఈ మూవీ బాక్సాఫీస్ వద్ద సందడి చేస్తోంది.తొలిరోజే పాజిటివ్ టాక్ రావడంతో వసూళ్లపరంగా దూసుకెళ్తోంది. చిత్రం విడుదలైన మొదటి రోజే ప్రపంచవ్యాప్తంగా సుమారు రూ. 125.25 కోట్లు వసూలు చేసిందని సమాచారం. ప్రస్తుతం ప్రేక్షకులను అలరిస్తున్న ఈ చిత్రం ఓటీటీలోకి ఎప్పుడు వస్తుంది? ఏ వేదికపై స్ట్రీమింగ్‌ కానుందనే ఆసక్తి సినీ ప్రియుల్లో నెలకొంది.(ఇదీ చదవండి: తొలి రోజే కలెక్షన్ల సునామీ.. జైలర్ 2కు ఎన్ని కోట్లంటే?)అమెజాన్‌ ప్రైమ్‌ వీడియోలో..!‘జైలర్‌ 2’ డిజిటల్‌ స్ట్రీమింగ్‌ హక్కులను అమెజాన్‌ ప్రైమ్‌ వీడియో సొంతం చేసుకున్నట్లు సమాచారం. ఈ డీల్‌ రూ.160 కోట్లకు కుదిరినట్లు తెలుస్తోంది. అంతేకాదు.. ఈ సినిమా నవంబర్‌ 12, 2026న ఓటీటీలోకి వచ్చే అవకాశం ఉందని ప్రచారం జరుగుతోంది. థియేటర్లలో విడుదలైన నాలుగు వారాల తర్వాత డిజిటల్‌ ప్రీమియర్‌ ఉండేలా ఒప్పందం కుదిరినట్లు తెలుస్తోంది. అయితే అధికారిక ప్రకటన రావాల్సి ఉంది.కాగా ఈ చిత్రంలో రజనీకాంత్‌ ప్రధాన పాత్రలో నటించగా.. రమ్యకృష్ణ, యోగిబాబు కీలక పాత్రల్లో కనిపించారు. మిథున్‌ చక్రవర్తి, మోహన్‌లాల్‌, శివరాజ్‌కుమార్‌ తదితరులు ఈ చిత్రంలో భాగమయ్యారు. ఈ చిత్రాన్ని సన్‌ పిక్చర్స్‌ నిర్మించింది. అనిరుధ్‌ రవిచందర్‌ సంగీతాన్ని అందించారు. వివిధ సినీ పరిశ్రమలకు చెందిన ప్రముఖ నటులు ఈ సినిమాలో భాగం కావడంతో తమిళంతో పాటు ఇతర భాషల ప్రేక్షకుల్లోనూ ఆసక్తి పెరిగింది.(ఇదీ చదవండి: ‘జైలర్‌ 2’ మూవీ రివ్యూ అండ్‌ రేటింగ్‌)

బిగ్‌బాస్‌ తెలుగు 10 హౌస్‌లో గొడవలు, నామినేషన్లతో పాటు నవ్వులు పూయించే వినోదం కూడా కావాల్సిందే. అలాంటి వినోదాన్ని అందించడంలో జబర్దస్త్‌ నరేష్‌ తనదైన శైలిలో దూసుకుపోతున్నాడు. తనదైన కామెడీ టైమింగ్‌తో హౌస్‌మేట్స్‌నే కాదు.. ప్రేక్షకులను సైతం కడుపుబ్బా నవ్విస్తున్నాడు. అందుకే హోస్ట్‌ నాగార్జున సైతం నరేష్‌ను ఎవరెస్ట్‌తో పోలుస్తూ ప్రశంసించారు. తాజాగా విడుదలైన ప్రోమోలో నరేష్‌, దేబ్జానీ, దక్ష మధ్య సరదా ప్రేమకథతో హౌస్‌లో నవ్వుల సందడి నెలకొంది.దేబ్జానీ సీరియల్‌ యాక్టింగ్‌ !దేబ్జానీకి సీరియల్‌ నటనలో మంచి గుర్తింపు ఉంది. గతంలో ‘ఎన్నెన్నో జన్మల బంధం’ సీరియల్‌తో బుల్లితెర ప్రేక్షకులను ఆకట్టుకున్న ఆమె.. ఇప్పుడు బిగ్‌బాస్‌ హౌస్‌లోనూ తనదైన శైలిలో అలరిస్తోంది. ఆమె హావభావాలు, చిలిపి మాటలు, క్యూట్‌ ఎక్స్‌ప్రెషన్స్‌ ప్రేక్షకులను ఆకట్టుకుంటున్నాయి. తాజాగా ప్రోమోలోనూ తన సీరియల్‌ నటనను బయటకు తీసి నవ్వులు పూయించింది.నరేష్‌, దేబ్జానీ, దక్షల మధ్య లవ్‌ ట్రాక్‌!తాజా ప్రోమోలో నరేష్‌, దేబ్జానీ, దక్షలతో ఓ సరదా ట్రైయాంగిల్‌ లవ్‌ స్టోరీని క్రియేట్‌ చేశారు. ఎప్పుడూ గొడవలు, వాదోపవాదాలే కాకుండా ఇలాంటి ఫన్‌ టాస్కులు కూడా ఉంటేనే బిగ్‌బాస్‌ షో మరింత ఆసక్తికరంగా మారుతుందని ఈ ఎపిసోడ్‌ గుర్తుచేస్తోంది. ఈ క్రమంలో దేబ్జానీ తన సీరియల్‌ నటనను పీక్స్‌కు తీసుకెళ్లింది. ‘దక్షతో ట్రాక్‌ కోసం నన్ను వదిలేసి వెళ్లిపోతావా నరేష్‌?’ అంటూ కళ్ల నిండా నీళ్లు తెచ్చుకుని మరీ డైలాగులు చెప్పింది. దీనికి తగ్గట్టుగా బ్యాక్‌గ్రౌండ్‌ మ్యూజిక్‌ కూడా జతకావడంతో సీన్‌ మరింత వినోదాత్మకంగా మారింది.‘పసుపు పెడతావా? కుంకుమ పెడతావా?’ అంటూ దేబ్జానీ తన నటనతో సీరియల్‌ వాతావరణాన్ని సృష్టిస్తే.. నరేష్‌ మాత్రం తనదైన కామెడీ టైమింగ్‌తో అదిరిపోయే కౌంటర్‌ ఇచ్చాడు. ‘ఒక్క నిమిషం.. దేబ్జానీ సీరియల్‌.. డైలీ 9.30 నుంచి 10.30 వరకు ’ అంటూ ఆమె నటనను ఆటపట్టించి నవ్వులు పూయించాడు.‘ఐ లవ్యూ దక్ష’ అంటూ ట్విస్ట్‌!ఇంతటితో ఆగకుండా నరేష్‌తో ‘ఐ లవ్యూ దక్ష’ అని చెప్పించారు. దీంతో దేబ్జానీ మరోసారి తన నటనను బయటకు తీసింది. ‘నేను గుర్తుకు రాలేదా? ఎలా చెప్పావ్‌?’ అంటూ ప్రశ్నించింది. దీంతో నరేష్‌ చేసిన తప్పుకు తానే శిక్ష అనుభవిస్తానన్నట్టుగా ‘విషం తాగుతా’ అంటూ వాటర్‌ తాగి కిందపడిపోయాడు. అతడి ఓవర్‌ యాక్షన్‌, కామెడీ టైమింగ్‌ ప్రోమోకు హైలైట్‌గా నిలిచాయి.(ఇదీ చదవండి: 4000 కోట్ల సినిమా.. చూడకుండానే ట్రోల్స్‌ చేయడం సరికాదు: యశ్‌)

రామాయణం ఆధారంగా నితీష్‌ తివారి దర్శకత్వంలో రూపొందుతున్న హిందీ సినిమా ‘రామాయణ’. ఈ చిత్రం రెండు భాగాలుగా విడుదల కానున్న విషయం తెలిసిందే. ఈ చిత్రంలో శ్రీరాముడిగా రణ్‌బీర్‌ కపూర్, సీతగా సాయిపల్లవి, లక్ష్మణుడిగా రవి దుబే, హనుమంతుడిగా సన్నీ డియోల్, రావణుడిగా యశ్‌ నటించారు. ‘రామాయణ పార్ట్‌ 1’ని ఈ నవంబరు 5న రిలీజ్‌ చేయనున్నట్లు ప్రకటించి, కొత్త పోస్టర్‌ను రిలీజ్‌ చేశారు మేకర్స్‌. ఇప్పటికీ విడుదలైన రెండు ట్రైలర్లు ఆకట్టుకున్నాయి.సినిమాపై నిర్మాణాత్మక విమర్శలు ఉండవచ్చుఅయితే ఈ సినిమాపై సోషల్‌ మీడియాలో వస్తున్న ట్రోల్స్‌కు యశ్‌ తనదైన శైలిలో సమాధానమిచ్చారు. ఓ ఈవెంట్‌లో పాల్గొన్న ఆయన.. సుమారు 4000 కోట్లతో తెరకెక్కుతున్న ఈ గొప్ప ప్రాజెక్టుకు అందరి మద్దతు అవసరమని తెలిపారు. అంతేకాని సోషల్‌ మీడియాలో ట్రోల్స్‌ చేయడం సరికాదన్నారు.‘సినిమాపై నిర్మాణాత్మక విమర్శలు ఉండవచ్చు. అసలు మూవీని చూడకుండానే ముందుగానే దాన్ని తప్పుబట్టడం సరికాదు. భారతీయ సినిమాను అందరూ ఆదరించాలి’ అని యాశ్‌ అన్నారు. దీంతో పాటు ఆయన గత చిత్రం టాక్సిక్‌ గురించి ప్రస్తావిస్తూ.. అన్ని అడ్డంకులను ఎదుర్కొని ప్రేక్షకులు ఆ సినిమాను ఎన్నోసార్లు చూసి, భారీ కలెక్షన్లు వచ్చేందుకు సహకరించారని గుర్తుచేసుకుంటూ ఆనందం వ్యక్తం చేశారు.(ఇదీ చదవండి: తొలి రోజే కలెక్షన్ల సునామీ.. జైలర్ 2కు ఎన్ని కోట్లంటే?)

టైటిల్‌: రణబాలి నటీనటులు: విజయ్‌ దేవరకొండ, రష్మిక మందన్నా, ఆర్నాల్డ్‌ వోస్లూ, ఈశ్వరీరావు తదితరులునిర్మాణ సంస్థ: మైత్రీ మూవీ మేకర్స్నిర్మాతలు: నవీన్ యెర్నేని, వై. రవిశంకర్దర్శకుడు: రాహుల్ సంకృత్యాన్సంగీతం: అజయ్–అతుల్ఎడిటర్: కార్తిక శ్రీనివాస్ ఆర్విడుదల తేది: అక్టోబర్‌ 16, 2026కథేంటంటే.. 1876–78 మధ్యకాలంలో మద్రాసు ప్రెసిడెన్సీలో వచ్చిన భయంకరమైన కరువు నేపథ్యంలో ఈ సినిమా సాగుతుంది. మద్రాసుకు కొత్తగా వచ్చిన కమిషనర్‌(ఆర్నాల్డ్‌ వోస్లూ)..అధికారులకు కొత్త కండీషన్‌ పెడతారు. ఇక్కడ పండించిన ప్రతి గింజా బ్రిటన్‌కు వెళ్లాల్సిందేనని ఆదేశిస్తాడు. ఎదురు తిరిగిన వాళ్లను దారుణంగా చంపేస్తాడు. ధాన్యాన్ని దేశం దాటించడానికి రైల్వే పనులు ప్రారంభిస్తాడు. కరువు సృష్టించి.. అక్కడ ప్రజలను పనికి వచ్చేలా చేస్తాడు. ఈ విషయం రాయలసీమ ప్రాంతానికి చెందిన పాలెగాడు సింగనమల బొబ్బిలి రణబాలి (విజయ్ దేవరకొండ) దృష్టికి వెళ్తుంది. భద్రమల్లన్న స్వామి ఆయుష్షుతో పెరిగిన రణబాలి.. బ్రిటీష్‌ పాలకులకు ఎలా ఎదురుదిరిగాడు? తినడానికి తిండిలేక అతి భయంకరమైన కరువుతో బాధపడుతున్న ప్రజలకు ఎలా అండగా నిలిచాడు? కరువుకు కారణమైన మద్రాసు కమిషనర్‌ని ఎలా అంతం చేశాడు? ఈ కథలో జయమ్మ(రష్మిక) పాత్ర ఏంటి? అనేది తెలియాలంటే సినిమా చూడాల్సిందే.ఎలా ఉందంటే.. బ్రిటిష్ పాలనలో దేశ ప్రజలు ఎన్నో కష్టాలు పడ్డారు.వాళ్లు చేసిన అరచకాలు అంతా ఇంత కాదు. అందులో కొన్ని మాత్రమే బయటి ప్రపంచానికి తెలిశాయి. చాలా వరకు చరిత్రలో లేకుండా చేశారు. అలా చరిత్రలో లేకుండా చేసిన కొన్ని సంఘటనల ఆధారంగా తెరకెక్కిన చిత్రమే ఈ రణబాలి. 1876–78 మధ్యకాలంలో మద్రాసు ప్రాంతంలో అతిపెద్ద కరువు వచ్చిందన్న విషయం మాత్రమే చరిత్రలో ఉంది. అయితే ఆ కరువుకు గల కారణం.. చావుల సంఖ్య విషయంలో సృష్టత లేదు. ఈ సినిమాలో ఆ కరువు కష్టాలను కళ్లకు కట్టినట్లుగా చూపిస్తూనే దానికి గల కారణాన్ని వివరించారు. స్వాతంత్య్రానికి పూర్వం జరిగిన పోరాటాల నేపథ్యంలో చాలా కథలు వచ్చాయి. అయితే వాటిల్లో ఎక్కువగా హీరో వీరత్వాన్ని మాత్రమే చూపించారు. కానీ రణబాలిలో మాత్రం ప్రజలు ఎందుకు తిరగబడాల్సి వచ్చింది? వాళ్లకు జరిగిన అన్యాయం ఏంటి? అనేది ప్రేక్షకుడికి అర్థమయ్యేలా చూపించారు. అయితే నేరేష‌న్ అనేది పూర్తిగా ఇబ్బంది పెట్టింది. ప్ర‌తీ విష‌యాన్నీ డీటైల్డ్ గా చెప్పాల‌న్న ఉద్దేశంతో నిడివి పెంచుకొంటూ పోయాడు.దర్శకుడు ఎంచుకున్న కథలో విషయం ఉంది. బాగానే రిసెర్చ్‌ చేసి స్టోరీ రాసుకున్నాడు. డాక్యూమెంటరీ అనే ఫీలింగ్‌ రాకుండా సినిమాటిక్‌ లిబర్టీ తీసుకొని సన్నివేశాలను పేర్చాడు. ఈ విషయంలో ఆయనను అభినందించొచ్చు. అయితే కథనాన్ని ఆసక్తికరంగా నడిపించడంలో మాత్రం పూర్తిగా సఫలం కాలేదు. టీజర్‌, ట్రైలర్‌ చూస్తే.. సినిమా ఎలా సాగుతుందో అర్థమైపోతుంది. దాదాపు సినిమా మొత్తం ఊహకందేలా సాగుతుంది. అయితే ఈ క్రమంలో వచ్చే కొన్ని సీన్లు మాత్రం ఆకట్టుకుంటాయి. కొన్నీ సీన్లు చూస్తే.. బ్రిటీష్‌ పాలకులు ఇంతదారణంగా వ్యవహరించారా? అని తిట్టుకుంటాం. మరికొన్ని చోట్ల బాధపడతాం. అయితే స్లో నెరేషన్‌తో పాటు నిడివి ఎక్కువగా ఉండడంతో కొంత సాగదీతగా అనిపిస్తుంది. బుర్రకథ రూపంలో రణబాలి నేపథ్యాన్ని వివరిస్తూ చాలా ఎమోషనల్‌గా సినిమా ప్రారంభం అవుతుంది. ఈశ్వరీరావు పురిటి నొప్పులతో బిడ్డకు జన్మనివ్వడం.. ఆ చిన్నారికి భద్రమల్లన్న తాత నామకరణం పెట్టి.. ఓ షాకింగ్‌ విషయాన్ని చెప్పడం.. ఇలా మొదటి పావుగంట స్లోగా సాగుతుంది. రణబాలిగా విజయ్‌ దేవరకొండ ఎంట్రీ సీన్‌, యాక్షన్‌ సన్నివేశం కథలో వేగం పుంజుకుంటుంది. ఆ తర్వాత కరువు రాక్షసుడు అంటూ ఆర్నాల్డ్‌ వోస్లూ పాత్రను పరిచయం చేసి.. అసలు కథను ప్రారంభించాడు. ఒకవైపు బ్రిటీష్‌ అరచకాలను చూపిస్తూనే మరోవైపు జయమ్మ పాత్రని పరిచయం చేసి.. కొంత ఫన్‌ క్రియేట్‌ చేసేందుకు ప్రయత్నించాడు. మొదటి రాత్రి రోజు రణబాలి చేసే పనులు.. జయమ్మ రియాక్షన్‌ నవ్వులు పూయిస్తాయి. ఇంటర్వెల్‌కు ముందు వచ్చే సన్నివేశం ఆసక్తికరంగా సాగుతుంది. విరామం తర్వాత 20 నిమిషాల వరకు కథనం వేగంగా సాగుతుంది. కానీ ఆ తర్వాత కథనం నెమ్మదిస్తుంది. కరువు కష్టాలను పదే పదే చూపించడంతో చూసిన సీన్లను మళ్లీ చూసినట్లుగా అనిపిస్తుంది. గుహలో వచ్చే యాక్షన్ సీన్‌ మాత్రం అదిరిపోతుంది. ఇలా కొన్ని గూస్‌బంప్స్‌ వచ్చే సీన్లు ఉన్నాయి కానీ.. కథనం నెమ్మదిగా సాగడంతో అవి ఆశించిన స్థాయిలో ఆకట్టుకోలేవు. ఇక క్లైమాక్స్‌లో భద్రమల్లన్న చుట్టూ సాగే సీన్లు సాగదీతగా అనిపిస్తాయి. సెకండాఫ్‌ని ఇంకాస్త ఆసక్తికరంగా మలిచి..నిడివి తగ్గిస్తే ఫలితం ఇంకాస్త మెరుగ్గా ఉండేది. ఎవరెలా చేశారంటే..రణబాలి పాత్రలో విజయ్‌ దేవరకొండ పరకాయ ప్రవేశం చేశాడు. తన ఇమేజ్‌కి దూరంగా ఉన్న పాత్ర ఇది. ఆ పాత్ర కోసం ఆయన పడిన కష్టమంతా తెరపై కనిపించింది. యాక్షన్‌ సీన్లు మాత్రమే కాదు ఎమోషనల్‌ సన్నివేశాల్లోనూ అదరగొట్టేశాడు. నటుడిగా ఈ సినిమాతో విజయ్‌ ఓ మెట్టు ఎక్కేశాడని చెప్పొచ్చు. ఇక జయమ్మ పాత్రకు రష్మిక పూర్తి న్యాయం చేసింది. నిడివి తక్కువగా ఉన్నప్పటికీ.. ఒకటి రెండు బలమైన సీన్లు పడ్డాయి. విజయ్‌తో ఆన్‌స్క్రీన్‌ కెమిస్ట్రీ కూడా బాగా వర్కౌట్‌ అయింది. మద్రాసు కమిషనర్‌గా ఆర్నాల్డ్‌ విలనిజం బాగానే పండించాడు. ఈశ్వరీరావుతో పాటు మిగిలిన నటీనటులు తమ పాత్రల పరిధిమేర చక్కగా నటించారు.సాంకేతికంగా సినిమా బాగుంది. జిష్ను భట్టాచార్జీ, నీరవ్ షా సినిమాటోగ్రఫి ఈ సినిమాకు మరో ప్రధాన బలం. అప్పటి పరిస్థితులను తెరపై చాలా సహజంగా కనిపించేలా చిత్రీకరించారు. అజయ్–అతుల్ నేపథ్య సంగీతం జస్ట్‌ ఓకే. సరైన బీజీఎం లేకపోవడం వల్లే కొన్ని సీన్లు ఎలివేట్‌ కాలేకపోయాయి. పాటలు బాగున్నాయి. ఆర్ట్‌ డిపార్ట్‌మెంట్‌ పనితీరు బాగుంది. ఎడిటర్‌ తన కత్తెరకు ఇంకాస్త పని చెప్పాల్సింది. సెకండాఫ్‌లో కొన్ని సీన్లను కట్‌ చేసి నిడివి తగ్గిస్తే బాగుండేదేమో. నిర్మాణ విలువలు బాగున్నాయి. - అంజి శెట్టె, సాక్షి వెబ్‌డెస్క్‌

టైటిల్‌: క్రేజీ కల్యాణంనటీనటులు:డా. నరేష్ విజయ కృష్ణ, అనుపమ పరమేశ్వరన్, తరుణ్ భాస్కర్, అఖిల్ ఉడ్డెమారి, తదితరులునిర్మాణ సంస్థ: యారో సినిమాస్నిర్మాత: బూసం జగన్ మోహన్ రెడ్డిదర్శకత్వం: బద్రప్ప గాజుల సంగీతం: సురేష్‌ బొబ్బిలిసినిమాటోగ్రఫీ: శ్యామ్‌ దూపాటిఎడిటర్‌: శ్రావణ్‌ కటికనేనివిడుదల తేది: అక్టోబర్‌ 16, 2026కథేంటంటే..మెదక్ జిల్లాకు చెందిన పర్వతాలు(నరేష్)కు ఇద్దరు కూతుళ్లు. పెద్ద కూతురికి పెళ్లి చేసి ఇంట్లోనే ఉంచుకుంటాడు. అల్లుడు బాలరాజు(తరుణ్‌ భాస్కర్‌) పెద్ద తాగుబోతు. నిత్యం తాగుతూ..ఊర్లో వాళ్ళతో గొడవలు చేసి మామ పరువు తీస్తుంటాడు. దీంతో తన చిన్న కూతురు కీర్తి కు మంచి సంబంధం చూసి పెళ్లి చేసి పోయిన తన పరువుని కాపాడుకోవాలనుకుంటాడు. కానీ కీర్తి కాలేజీ లో ఉదయ్(అఖిల్‌ రాజ్‌)ని ప్రేమిస్తుంది. బాగా చదువుకొని జాబ్ వచ్చిన తరువాత ప్రేమ విషయం చెప్పి పెళ్లి చేసుకోవాలనుకుంటుంది. ఈ లోపు నాన్న పర్వతాలు ఒక అమెరికా సంబంధం చూసి పెళ్లి ఫిక్స్ చేస్తాడు. నాన్న కోరిక మేరకు కీర్తి ఆ అమెరికా సంబంధం ఓకే చేసిందా? లేదా ప్రేమించిన ఉదయ్‌ని పెళ్లి చేసుకుందా? బాగా చదువుకొని ప్రభుత్వ ఉద్యోగం సంపాదించాలకున్న తన లక్ష్యం నెరవేరిందా? లేదా? కూతురి ప్రేమ విషయం తెలిసిన తర్వాత పర్వతాలు ఏం చేశాడు? చివరకు కీర్తి పెళ్లి ఎవరితో జరిగింది? అనేది తెలియాలంటే సినిమా చూడాల్సిందే.ఎలా ఉందంటే.. ఆడపిల్ల పుట్టినప్పటి నుంచే ఆంక్షలు మొదలవుతాయి. చదువు పూర్తవగానే పెళ్లి చేసి తమ బాధ్యత తీరిపోయిందని భావించే తల్లిదండ్రులు ఎంతోమంది. పైచదువుల కోసం లక్ష రూపాయలు ఖర్చు చేయడానికి వెనకడుగు వేసేవారే.. పెళ్లి విషయానికొచ్చేసరికి లక్షల రూపాయలు కట్నంగా ఇవ్వడానికి వెనకాడరు. అదే డబ్బులో పదో వంతు అమ్మాయి చదువుపై ఖర్చు చేస్తే.. ఆమె జీవితమే కాదు, కుటుంబ భవిష్యత్తు కూడా మారిపోతుంది. ఆడపిల్ల అంటే బాధ్యత మాత్రమే కాదు.. తల్లిదండ్రుల గర్వాన్ని నిలబెట్టగల సత్తా ఉన్న వ్యక్తి అని చాటిచెప్పే చిత్రమే ఈ క్రేజీ కళ్యాణం. దర్శకుడు బద్రప్ప ఎంచుకున్న పాయింట్‌ పాతదే కానీ..కానీ తెలంగాణ నేపథ్యంలో ఈ కథను నడిపించడం కొంతవరకు కొత్తదనం తెచ్చిపెట్టింది. సందేశం బాగున్నా..దాన్ని ఆకట్టుకునేలా చెప్పడంలో మాత్రం దర్శకుడు కొంతవరకు మాత్రమే సఫలం అయ్యాడు. తాగుబోతు అల్లుడుతో మామ పడే ఇబ్బందుల సీన్‌తో కథ ప్రారంభం అవుతుంది. మొదటి పది నిమిషాలు పాత్రల పరిచయానికే పోతుంది. ఆ తర్వాత నరేశ్‌, తరుణ్‌ భాస్కర్ల మధ్య వచ్చే సన్నివేశాలు నవ్వులు పూయిస్తాయి. చిన్న కూతురు పెళ్లి కోసం పర్వతాలు పడే ఆరాటం కామెడీగా చూపిస్తూనే.. మరోవైపు కీర్తి, ఉదయ్‌ల లవ్‌ట్రాక్‌ని నడిపించాడు. అయితే ఈ లవ్‌ట్రాక్‌ రొటీన్‌గానే ఉండడంతో కొంతవరకు బోరింగ్‌గా అనిపిస్తుంది. తరుణ్‌ భాస్కర్‌ చేసే కామెడీ ఆ మైనస్‌ని పూడ్చుకొచ్చింది. ఓ ఎమోషనల్‌ సీన్‌తో ఇంటర్వెల్‌ పడుతుంది. ఇక ద్వితియార్థం కొంతవరకు సీరియస్‌గా సాగుతుంది. ఎమోషనల్‌ సీన్లు బాగానే ఉంటాయి. అయితే కామెడీ సీన్లు వర్కౌట్‌ అయినట్లుగా అవి కాలేదు. చివరి అరగంట సినిమా పూర్తిగా ఎమోషనల్‌ టర్న్‌ తీసుకుంటుంది. అక్కడ నరేశ్‌ నటన అదిరిపోతుంది. మధ్యలో తరుణ్‌ భాస్కర్‌ చేసే యాక్షన్‌ సీన్‌ కొంతవరకు నవ్వులు పూయిస్తుంది. క్లైమాక్స్‌ రొటీన్‌గానే ఉంటుంది. రొటీన్‌ కథే అయినా సందేశం బాగుంటుంది. రెండు భారీ సినిమాల(జైలర్‌ 2, రణబాలి) మధ్య రిలీజ్‌ అవ్వడం ఈ సినిమాకు కొంత మైనస్‌. సోలోగా వచ్చి ఉంటే..ఫలితం మరింత మెరుగ్గా ఉండేదేమో!ఎవరెలా చేశారంటే..మధ్యతరగతి కుటుంబానికి చెందిన తెలంగాణ గ్రామీణ యువతి కీర్తిగా అనుపమ పరమేశ్వరన్‌ చక్కగా నటించింది. తెలంగాణ యాసతో పాటు ఎమోషనల్‌ సన్నివేశాల్లోనూ ఆకట్టుకుంది. తెరపై పక్కింటి అమ్మాయిలా అందంగా కనిపించింది. ఇక నరేశ్‌ అయితే మిడిల్‌ క్లాస్‌ నాన్న పర్వతాలు పాత్రలో జీవించేశాడు. అయితే తెలంగాణ యాసలో మాట్లాడడం కొంతవరకు కృతంగా అనిపించింది. బాలరాజు పాత్రలో తరుణ్‌ భాస్కర్‌ పండించిన కామెడీ ఈ సినిమాకు మరో ప్రధాన బలం. కీర్తి బాయ్‌ఫ్రెండ్‌ ఉదయ్‌ పాత్రకు అఖిల్‌ రాజ్‌ న్యాయం చేశాడు. కీర్తి అక్క పాత్రతో పాటు మిగిలిన వారంతా తమ తమ పాత్రల పరిధిమేర చక్కగా నటించారు. సాంకేతికంగా సినిమా పర్వాలేదు. సురేష్‌ బొబ్బిలి పాటలు, నేపథ్య సంగీతం ఓకే. సినిమాటోగ్రఫీ బాగుంది. ఎడిటర్‌ తన కత్తెరకు ఇంకాస్త పని చెప్పాల్సింది. నిర్మాణ విలువలు బాగున్నాయి.

హీరో సందీప్ కిషన్‌ కథానాయకుడిగా నటిస్తున్న కొత్త చిత్రం ‘కరికాల’ ఘనంగా ప్రారంభమైంది. యుగంధర్ ముని దర్శకత్వంలో తెరకెక్కుతున్న ఈ చిత్రాన్ని షైనింగ్ పిక్చర్స్‌ బ్యానర్‌పై మహిధర్ రెడ్డి, రాజశేఖర్ అన్నభీమోజు నిర్మిస్తున్నారు. భారీ ఊహా ప్రపంచం నేపథ్యంలో రెండు భాగాలుగా రూపొందనున్న ఈ సినిమాలో కేథరిన్ థ్రెసా, గాయత్రి భరద్వాజ్, సాక్షి మడోల్కర్ కథానాయికలుగా నటిస్తున్నారు. గురువారం నిర్వహించిన పూజా కార్యక్రమంతో ఈ సినిమా ప్రారంభమైంది. తొలి సన్నివేశానికి నటుడు ఆది సాయి కుమార్ గౌరవ దర్శకత్వం వహించారు. వచ్చే వారం నుంచి చిత్రీకరణ ప్రారంభించనున్నట్లు నిర్మాతలు వెల్లడించారు.కెరీర్‌లోనే ఉత్తమ చిత్రంగా..ఈ సందర్భంగా సందీప్ కిషన్ మాట్లాడుతూ.. ‘కరికాల’ కథను రెండు భాగాలుగా చెప్పినా ఎక్కడా బోర్ అనిపించలేదని తెలిపారు. గత ఆరు, ఏడు నెలలుగా దర్శకుడు యుగంధర్ ముని ప్రీ ప్రొడక్షన్ కోసం ఎంతో కష్టపడుతున్నారని ప్రశంసించారు. ఈ చిత్రం తన కెరీర్‌లోనే ఉత్తమ చిత్రంగా నిలుస్తుందనే ఆశాభావం వ్యక్తం చేశారు. శ్రీచరణ్ పాకాల అద్భుతమైన సంగీతాన్ని అందిస్తున్నారని పేర్కొన్నారు.తేదీలు ఖరారు‘కరికాల’ చిత్రాన్ని రెండు భాగాలుగా ప్రేక్షకుల ముందుకు తీసుకురానున్నారు. మేకర్స్ గతంలో ప్రకటించిన షెడ్యూల్ ప్రకారం తొలి భాగం 2027 జూలై 2న, రెండో భాగం అదే ఏడాది అక్టోబర్ 28న విడుదల కానుంది. సందీప్ కిషన్ కెరీర్‌లో ప్రత్యేకమైన చిత్రంగా నిలుస్తుందని భావిస్తున్న ఈ సినిమాలో ముగ్గురు కథానాయికలు నటిస్తుండటం, నాగలోకం, వానర లోకం వంటి విభిన్న నేపథ్యాలు ఉండటం ఆసక్తిని పెంచుతున్నాయి.(ఇదీ చదవండి: ’రణబాలి‘ ఫీవర్‌.. జయమ్మగా సుమ ఫొటోలు వైరల్‌)

టాలీవుడ్‌లో ‘రణబాలి’ సందడి మొదలైంది. విజయ్ దేవరకొండ, నేషనల్ క్రష్ రష్మిక మందన్న జంటగా నటించిన ఈ చిత్రం రేపు (అక్టోబర్ 16) ప్రేక్షకుల ముందుకు రానుంది. ఇప్పటికే ఈ సినిమాపై అభిమానుల్లో భారీ అంచనాలు నెలకొన్నాయి. విడుదలకు ముందే థియేటర్ల వద్ద సందడి కనిపిస్తోంది. తాజాగా ‘రణబాలి’ ప్రీ రిలీజ్ ఈవెంట్‌లోనూ సుమ తన లుక్‌తో అందరి దృష్టిని ఆకర్షించారు. ఈ సినిమాలో రష్మిక మందన్న పోషించిన జయమ్మ పాత్రను గుర్తు చేసేలా సంప్రదాయ దుస్తుల్లో ముస్తాబై సందడి చేశారు. ఈ సందర్భంగా దిగిన పలు ఫొటోలను సుమ సోషల్ మీడియాలో పంచుకున్నారు.‘ప్రతి వేదికా జీవితంలోనూ, వేదికపై కూడా ఒక కొత్త అనుభవమే. జీవించి ఉన్న ప్రతి క్షణాన్ని ఆస్వాదిస్తూ, ప్రేమిస్తూ ముందుకు సాగుతున్నా’ అంటూ తన ఆనందాన్ని వ్యక్తం చేశారు. ప్రస్తుతం ఈ ఫొటోలు నెటిజన్లను ఆకట్టుకుంటున్నాయి. జయమ్మ లుక్‌లో సుమను చూసి అభిమానులు ఆసక్తికరంగా స్పందిస్తున్నారు. (ఇదీ చదవండి: రేపే రణబాలి విడుదల.. అంచనాలు పెంచేసిన హీరో నాని) View this post on Instagram A post shared by Suma Kanakala (@kanakalasuma)

సూపర్‌స్టార్‌ రజనీకాంత్‌ హీరోగా నటించిన ‘జైలర్‌ 2’ ఈరోజు(గురువారం) ప్రేక్షకుల ముందుకు వచ్చింది. భారీ అంచనాల మధ్య విడుదలైన ఈ చిత్రానికి తొలి షో నుంచే మంచి స్పందన వస్తోందని అభిమానులు సందడి చేస్తున్నారు. నెల్సన్‌ దిలీప్‌ కుమార్‌ తెరకెక్కించిన ఈ యాక్షన్‌ కామెడీ చిత్రంలో పలువురు ప్రముఖ నటీనటులు కీలక పాత్రల్లో కనిపించారు. అయితే ఈ సినిమాలో టాలీవుడ్‌ నటి పూర్ణ కూడా భాగమైంది. ఆమెకు సంబంధించిన ఓ ఆసక్తికర విషయం ఇప్పుడు సినీ వర్గాల్లో చర్చనీయాంశంగా మారింది.(ఇదీ చదవండి: రేపే రణబాలి విడుదల.. అంచనాలు పెంచేసిన నాని)రజనీతో కలిసి పూర్ణ స్టెప్పులు..‘జైలర్‌ 2’లోని ‘అలా బోలేలో’ పాటలో రజనీకాంత్‌తో కలిసి పూర్ణ డ్యాన్స్‌ చేసింది. మాస్‌, క్లాసికల్‌ నృత్యాల మేళవింపుతో ఆమె వేసిన స్టెప్పులు ప్రేక్షకుల దృష్టిని ఆకర్షించాయి. ముఖ్యంగా సంప్రదాయ కేరళ చీరకట్టులో పూర్ణ కనిపించిన తీరు, ఆమె నృత్యం ప్రత్యేక ఆకర్షణగా నిలిచాయి. దీంతో ఈ పాటకు సంబంధించిన దృశ్యాలు సామాజిక మాధ్యమాల్లో వైరల్‌గా మారాయి.పూర్ణకు భారీ కటౌట్‌.. ‘జైలర్‌ 2’ విడుదల సందర్భంగా సాధారణంగా రజనీకాంత్‌ భారీ కటౌట్లు, అభిమానుల సందడి కనిపిస్తుంటాయి. అయితే ఈసారి నటి పూర్ణకు కూడా నిలువెత్తు కటౌట్‌ ఏర్పాటు చేయడం ఆసక్తికరంగా మారింది. కేరళలోని తిరువనంతపురంలో ఓ థియేటర్‌ సమీపంలో షమ్నా కాసిమ్‌ ఫ్యాన్స్‌ అండ్‌ వెల్ఫేర్‌ అసోసియేషన్‌ ఆధ్వర్యంలో ఈ కటౌట్‌ను ఏర్పాటు చేశారు. రజనీకాంత్‌ సినిమాలో పూర్ణ కనిపించడంతో ఆమె అభిమానులు ఇలా తమ అభిమానాన్ని చాటుకున్నారు.పూర్ణ తెలుగు ప్రేక్షకులకు సుపరిచితమే. పలు చిత్రాల్లో నటించి తనకంటూ ప్రత్యేక గుర్తింపు సంపాదించుకుంది. నటనతో పాటు నృత్యంలోనూ తన ప్రతిభను చాటుకుంటున్న ఆమె.. ‘జైలర్‌ 2’ పాటతో మరోసారి వార్తల్లో నిలిచింది. (ఇదీ చదవండి: నటి కోసం భార్యని కోమాకి వెళ్లేలా కొట్టాడు: పూనమ్‌) Shamna Fans Association #Jailer2 #RajiniKanth https://t.co/hfP13aRSDk— Milagro Movies (@MilagroMovies) October 13, 2026

టాలీవుడ్‌లో ‘రణబాలి’ సందడి మొదలైంది. విజయ్ దేవరకొండ, నేషనల్ క్రష్ రష్మిక మందన్న జంటగా నటించిన ఈ చిత్రం రేపు (అక్టోబర్ 16) ప్రేక్షకుల ముందుకు రానుంది. ఇప్పటికే ఈ సినిమాపై అభిమానుల్లో భారీ అంచనాలు నెలకొన్నాయి. విడుదలకు ముందే థియేటర్ల వద్ద సందడి కనిపిస్తోంది. ఈ నేపథ్యంలో నేచురల్ స్టార్ నాని ‘రణబాలి’ చిత్ర బృందానికి శుభాకాంక్షలు తెలుపుతూ ఆసక్తికరమైన పోస్ట్ చేశారు. ఇప్పుడీ పోస్ట్‌ వైరల్‌ అవుతోంది.‘రణబాలి’ అనే ఉగ్రరూపం దాల్చిన వ్యక్తిగా‘రణబాలి’ సినిమా కోసం చిత్ర బృందం ఎంతో కష్టపడింది. కథ ప్రాధాన్యతను గుర్తించి, ప్రతి విషయంలోనూ ఎంతో శ్రద్ధ తీసుకున్నట్లు సినిమా ప్రచార చిత్రాలు చూస్తుంటే అర్థమవుతోంది. ఇప్పటివరకు అందరికీ తెలిసిన కూల్ విజయ్ దేవరకొండ నుంచి ‘రణబాలి’ అనే ఉగ్రరూపం దాల్చిన వ్యక్తిగా ఆయన మారిన తీరు స్ఫూర్తిదాయకంగా ఉంది. విజయ్ తన పాత్ర కోసం ఎంతో సహజంగా మారిపోయాడు. జయమ్మగా రష్మిక ఎంతో సహజంగా, ఆకట్టుకునేలా ఉంది. దర్శకుడు రాహుల్ సంకృత్యన్‌ ప్రతిభ కనిపిస్తోంది’ అని నాని ఎక్స్‌ వేదికగా ప్రశంసించారు.రేపు విడుదల కానున్న ‘రణబాలి’ చిత్ర బృందం మొత్తానికి నాని తన ప్రేమాభిమానాలతో కూడిన శుభాకాంక్షలు తెలిపారు. ఆయన చేసిన ఈ పోస్ట్‌ ప్రస్తుతం సినీ అభిమానుల దృష్టిని ఆకర్షిస్తోంది. ‘గీత గోవిందం’తో ప్రేక్షకులను అలరించిన విజయ్ దేవరకొండ, రష్మిక మందన్న మరోసారి జంటగా కనిపిస్తుండటంతో ఈ సినిమాపై ఆసక్తి నెలకొంది. మరి భారీ అంచనాల మధ్య విడుదలవుతున్న ‘రణబాలి’ ప్రేక్షకులను ఏ మేరకు మెప్పిస్తుందో తెలియాలంటే రేపటి వరకు వేచి చూడాల్సిందే.(ఇదీ చదవండి: ‘జైలర్‌ 2’పై హీరో ధనుష్‌ మూవీ రివ్యూ..!) Tomorrow we have release of #Ranabaali . Everything about the film shows how much effort the team has put in to make this important film. The way Vijay @TheDeverakonda has transformed himself so effortlessly from the super cool guy we know to this ferocious man called Ranabaali is inspiring. @iamRashmika as Jayamma is as adorable and authentic as it gets. @Rahul_Sankrityn is so good with such stories which need research and detailing and it shows that he has put his heart in to this one. My love and best wishes to the whole team. @MythriOfficial— Nani (@NameisNani) October 15, 2026

సూపర్‌స్టార్‌ రజనీకాంత్‌ ప్రధాన పాత్రలో నటించిన ‘జైలర్‌ 2’ ప్రేక్షకుల ముందుకు వచ్చేసింది. బ్లాక్‌బస్టర్‌ ‘జైలర్‌’కు సీక్వెల్‌గా తెరకెక్కిన ఈ సినిమాపై భారీ అంచనాలు నెలకొన్నాయి. అక్టోబర్‌ 15న థియేటర్లలో విడుదలైన ఈ చిత్రం అభిమానులను అలరిస్తోంది. ఇప్పటికే పలువురు సినీ ప్రముఖులు సినిమాను వీక్షించి తమ అభిప్రాయాలను సామాజిక మాధ్యమాల వేదికగా పంచుకుంటున్నారు. తాజాగా హీరో ధనుష్‌ సైతం ఈ చిత్రంపై తన రివ్యూను వెల్లడించారు. ఈ పోస్ట్‌ ఇప్పుడు వైరల్‌గా మారింది.‘ప్రతి అభిమానికీ విందు’రజనీకాంత్‌కు ధనుష్‌ వీరాభిమాని అన్న సంగతి తెలిసిందే. తలైవర్‌ సినిమా విడుదలైతే తొలి రోజే చూసేందుకు ఆయన ఆసక్తి చూపిస్తుంటారు. గతంలోనూ పలు సందర్భాల్లో తన అభిమానాన్ని చాటుకున్నారు. ‘జైలర్‌ 2’ కోసం కూడా ఎంతో ఉత్సాహంగా ఎదురుచూశారు. ఈ క్రమంలోనే బుధవారం (అక్టోబర్‌ 14) ‘రేపు తలైవర్‌ దర్శనం’ అంటూ ఎక్స్‌ వేదికగా పోస్ట్‌ చేశారు. గురువారం చెన్నైలోని రోహిణి థియేటర్‌లో ‘జైలర్‌ 2’ సినిమాను వీక్షించారు. అనంతరం తన అభిప్రాయాన్ని పంచుకుంటూ.. ఈ చిత్రం తప్పక చూడాల్సిన సినిమా అని పేర్కొన్నారు. ‘బ్లాక్‌బస్టర్‌.. ప్రతి తలైవర్‌ అభిమానికీ ఒక విందు’ అంటూ ప్రశంసించారు. దీంతో ధనుష్‌ చేసిన ఈ పోస్ట్‌ అభిమానుల దృష్టిని ఆకర్షిస్తోంది.(ఇదీ చదవండి: నటి కోసం భార్యని కోమాకి వెళ్లేలా కొట్టాడు: పూనమ్‌)థియేటర్‌కు రజనీ కుటుంబ సభ్యులుధనుష్‌ సినిమా చూసిన రోహిణి థియేటర్‌లోనే రజనీకాంత్‌ సతీమణి లత, కుమార్తె ఐశ్వర్యతో పాటు ఆయన కుటుంబ సభ్యులు కూడా చిత్రాన్ని వీక్షించారు. ధనుష్‌, ఐశ్వర్య వేర్వేరు కార్లలో థియేటర్‌కు వచ్చిన దృశ్యాలు సామాజిక మాధ్యమాల్లో చక్కర్లు కొడుతున్నాయి.రజనీ కోసం సినిమా వాయిదా!ఇదిలా ఉంటే.. ధనుష్‌ ప్రస్తుతం నటిస్తున్న ‘ఓం’ (OM) సినిమాను తొలుత దసరా సందర్భంగా అక్టోబర్‌ 16న ప్రపంచవ్యాప్తంగా విడుదల చేయాలని చిత్రబృందం భావించింది. అందుకు తగ్గట్టుగానే ప్రచార కార్యక్రమాలనూ ప్రారంభించింది. అయితే రజనీకాంత్‌ ‘జైలర్‌ 2’ విడుదల తేదీ అక్టోబర్‌ 15గా ప్రకటించడంతో ధనుష్‌ తన సినిమా విడుదలను వాయిదా వేసుకున్నారు. (ఇదీ చదవండి: ‘జైలర్‌ 2’ మూవీ రివ్యూ అండ్‌ రేటింగ్‌)JAILER 2 is a MUST MUST MUST watch. BLOCKBUSTER 🔥🔥🔥🔥🔥🔥🔥🔥 A FEAST for every Thalaivar fan.— Dhanush (@dhanushkraja) October 15, 2026

సూపర్‌స్టార్‌ రజనీకాంత్‌ ప్రధాన పాత్రలో నటించిన ‘జైలర్‌ 2’ ఈ రోజు విడుదలైంది. థియేటర్ల వద్ద అభిమానుల సందడి నెలకొంది. అయితే ఈ సినిమా చూసేందుకు చెన్నైలోని రోహిణి థియేటర్‌కు రజనీకాంత్‌ భార్య లత, కుమార్తె ఐశ్వర్యతో పాటు హీరో ధనుష్‌ కూడా వచ్చారు. అయితే ధనుష్‌, ఐశ్వర్య వేర్వేరు కార్లలో థియేటర్‌కు చేరుకోవడం ప్రస్తుతం చర్చనీయాంశంగా మారింది. ఇందుకు సంబంధించిన దృశ్యాలు సామాజిక మాధ్యమాల్లో వైరల్‌గా మారాయి.కాగా నెల్సన్‌ దిలీప్‌కుమార్‌ దర్శకత్వంలో తెరకెక్కిన ఈ చిత్రంలో మిథున్‌ చక్రవర్తి, మోహన్‌లాల్‌, రమ్యకృష్ణ, విద్యాబాలన్‌, ఎస్‌.జె.సూర్య తదితరులు కీలక పాత్రల్లో నటించారు.కథేంటంటే.. విగ్రహాల అక్రమ వ్యాపారం చేస్తున్న వర్మ(వినాయకన్)ని, అతనితో చేతులు కలిపిన కొడుకు ఏసీపీ అర్జున్‌(వసంత్‌ రవి) ని రిటైర్డ్ జైలర్ ముత్తువేల్ పాండ్యన్ (రజనీకాంత్) తుది ముట్టించడంతో ‘జైలర్‌’ సినిమా ముగుస్తుంది. జైలర్‌ 2 కథ అక్కడ నుంచి ప్రారంభం అవుతుంది. తన కొడుకు చావుకు కారణం అయిన వర్మ వెనుక ఉన్న బాస్‌ ఎవరో తెలుసుకోవాలని ముత్తువేల్‌ పాండ్యన్‌ ప్రయత్నిస్తుంటాడు. ఇందులో భాగంగానే లోకల్‌ రౌడీ మూర్తి దగ్గర డ్రైవర్‌గా చేరి.. అతని ద్వారా దిలీప్‌ (సురాజ్ వెంజారమూడు)ని కలుస్తాడు. దిలీప్‌ ద్వారా వర్మ బాస్‌ బోధి (ఎస్.జె. సూర్య) గురించి తెలుసుకోవాలనుకుంటాడు. మరి ఆ ప్రయత్నం ఫలించిందా? బోధి అక్రమ వ్యాపారాలను మత్తువేల్ పాండ్యన్ ఎలా కూల్చాడు? ఈ క్రమంలో తన స్నేహితులు మాథ్యూ(మోహన్‌ లాల్‌), నరసింహా(శివరాజ్‌ కుమార్‌), రోలీ(హృతిక్‌ రోషన్‌), కామదేవ్‌(జాకీ ష్రాప్‌) ఎలాంటి సహాయం చేశారు? ఈ కథలో చక్రి కల్పక్‌ (మిథున్ చక్రవర్తి), కాంత కల్పక్‌(విద్యాబాలన్‌) పాత్రలు ఏమిటి? అనేది తెలియాలంటే సినిమా చూడాల్సిందే. (పూర్తి రివ్యూ : ‘జైలర్‌ 2’ మూవీ రివ్యూ అండ్‌ రేటింగ్‌)Chennai, Tamil Nadu: Actor Rajinikanth’s daughter Aishwarya Rajinikanth, his grandsons Yatra and Linga, and actor Dhanush arrive at Rohini Silver Screens in Koyambedu to watch the superstar’s film ‘Jailer 2’ on its release day https://t.co/cIEwlM6SIv— IANS (@ians_india) October 15, 2026

టాలీవుడ్‌ నటి పూనమ్‌ కౌర్‌ మరోసారి దర్శకుడు త్రివిక్రమ్‌ శ్రీనివాస్‌ను ఉద్దేశిస్తూ చేసిన వ్యాఖ్యలు చర్చనీయాంశంగా మారాయి. సోషల్‌ మీడియా వేదికగా ఆమె పెట్టిన పోస్టులు ప్రస్తుతం వైరల్‌ అవుతున్నాయి. గతంలోనూ పలు సందర్భాల్లో త్రివిక్రమ్‌పై పరోక్ష వ్యాఖ్యలు చేసిన పూనమ్‌.. తాజాగా మరోసారి ఆసక్తికరమైన కామెంట్స్‌ చేసింది.ఒకప్పుడు త్రివిక్రమ్‌ సినిమాల్లో కనిపించిన వినోదం, మాటల చమత్కారం ఇప్పుడు కనిపించడం లేదని ఆమె వ్యాఖ్యానించింది. ‘నీలో ఫన్‌ లేదు త్రివిక్రమ్‌ శ్రీనివాస్‌. ఆ స్థానానికి మళ్లీ నువ్వు వెళ్లలేవు’ అంటూ పోస్ట్‌ పెట్టింది. దీంతో ఆమె వ్యాఖ్యలు నెట్టింట చర్చకు దారితీశాయి.గురూజీ’ అని పిలుస్తుండటంతోఇదిలా ఉండగా.. మరో పోస్ట్‌లో ఓ నటి కోసం తన భార్య కోమాకి వెళ్లేలా దాడి చేశాడంటూ ఓ వ్యక్తిని ఉద్దేశించి పూనమ్‌ కౌర్‌ సంచలన ఆరోపణలు చేసింది. అయితే గురుజీ అని చెప్తూ ఆ వ్యక్తి పేరును మాత్రం ఆమె ప్రస్తావించలేదు. అయితే టాలీవుడ్‌లో త్రివిక్రమ్‌ను చాలామంది ‘గురూజీ’ అని పిలుస్తుండటంతో ఈ పోస్టు ఆయనను ఉద్దేశించే పెట్టిందా? అంటూ కొందరు నెటిజన్లు చర్చించుకుంటున్నారు. కాగా పూనమ్‌ తన పోస్టులో నేరుగా పేరు వెల్లడించకపోవడంతో ఆమె వ్యాఖ్యలు ఎవరిని ఉద్దేశించాయన్నది స్పష్టత రావాల్సి ఉంది. (ఇదీ చదవండి: త్రివిక్రమ్.. నా కుటుంబ బలహీనతని వాడుకున్నారు)

టైటిల్: జైలర్‌ 2నటీనటులు: రజనీకాంత్‌, ఎ.జే. సూర్య, మిథున్‌ చక్రవర్తి, రమ్యకృష్ణ, విద్యాబాలన్‌, మోహన్‌ లాల్‌, హృతిక్‌ రోషన్‌, శివరాజ్‌ కుమార్‌, సూరజ్‌ వెంజరమూడు, హకీమ్ షాజహాన్, యోగిబాబు తదితరులునిర్మాణ సంస్థ: సన్‌ పిక్చర్స్‌నిర్మాత: కళానిధి మారన్‌దర్శకత్వం: నెల్సన్‌ దిలీప్‌ కుమార్‌సంగీతం: అనిరుధ్‌ రవిచందర్‌విడుదల తేది: అక్టోబర్‌ 15, 2026కథేంటంటే.. విగ్రహాల అక్రమ వ్యాపారం చేస్తున్న వర్మ(వినాయకన్)ని, అతనితో చేతులు కలిపిన కొడుకు ఏసీపీ అర్జున్‌(వసంత్‌ రవి) ని రిటైర్డ్ జైలర్ ముత్తువేల్ పాండ్యన్ (రజనీకాంత్) తుది ముట్టించడంతో ‘జైలర్‌’ సినిమా ముగుస్తుంది. జైలర్‌ 2 కథ అక్కడ నుంచి ప్రారంభం అవుతుంది. తన కొడుకు చావుకు కారణం అయిన వర్మ వెనుక ఉన్న బాస్‌ ఎవరో తెలుసుకోవాలని ముత్తువేల్‌ పాండ్యన్‌ ప్రయత్నిస్తుంటాడు. ఇందులో భాగంగానే లోకల్‌ రౌడీ మూర్తి దగ్గర డ్రైవర్‌గా చేరి.. అతని ద్వారా దిలీప్‌ (సురాజ్ వెంజారమూడు)ని కలుస్తాడు. దిలీప్‌ ద్వారా వర్మ బాస్‌ బోధి (ఎస్.జె. సూర్య) గురించి తెలుసుకోవాలనుకుంటాడు. మరి ఆ ప్రయత్నం ఫలించిందా? బోధి అక్రమ వ్యాపారాలను మత్తువేల్ పాండ్యన్ ఎలా కూల్చాడు? ఈ క్రమంలో తన స్నేహితులు మాథ్యూ(మోహన్‌ లాల్‌), నరసింహా(శివరాజ్‌ కుమార్‌), రోలీ(హృతిక్‌ రోషన్‌), కామదేవ్‌(జాకీ ష్రాప్‌) ఎలాంటి సహాయం చేశారు? ఈ కథలో చక్రి కల్పక్‌ (మిథున్ చక్రవర్తి), కాంత కల్పక్‌(విద్యాబాలన్‌) పాత్రలు ఏమిటి? అనేది తెలియాలంటే సినిమా చూడాల్సిందే. ఎలా ఉందంటే..జైలర్‌ సినిమా అంత పెద్ద హిట్‌ కావడానికి కారణం.. దిలీప్‌ కుమార్‌ అల్లుకున్న కథ, కథనం అని చెప్పాలి. రజనీకాంత్‌ని తెరపై అలా పెట్టి కథను ముందుకు నడిపించాడు. ఆయనతో యాక్షన్‌ చేయించకుండానే యాక్షన్‌ సినిమా చూపించాడు. ఆయనకున్న ఇమేజ్‌కి తగ్గట్లుగా ఎలివేషన్‌ సీన్లను రాసుకున్నాడు. పార్ట్‌ 2కి కూడా దిలీప్‌ కుమార్‌ ఆపనే చేశాడు. రజనీకాంత్‌ని అలా తెరపై పెట్టి తనదైన స్క్రీన్‌ప్లేతో మ్యాజిక్‌ చేశాడు. (చదవండి: ఐటమ్‌ సాంగ్‌లో శృతిహాసన్.. ఏ సినిమానో తెలుసా?)సినిమాలో యాక్షన్‌ సీన్లు ఉంటాయి కానీ రజనీకాంత్‌ చేయడు. అలా నిలబడి..విలన్లుకు చమటలు పట్టిస్తాడు. సరైన సమయానికి క్యామియోలను దించి.. ఎక్కడా బోర్‌ కొట్టించకుండా కథనాన్ని నడిపించాడు. కథగా చూస్తే ఇందులో కొత్తదనం ఉండదు. ఇంకా చెప్పాలంటే జైలర్‌ సినిమాలాగే ఉంటుంది. అయితే స్క్రీన్‌ప్లే మాత్రం అదిరిపోతుంది. మోహన్‌లాల్‌, శివరాజ్‌ కుమార్‌, హృతిక్‌ రోషన్‌ లాంటి స్టార్‌ హీరోలను కథకు అవసరం అయిన చోట చక్కగా వాడుకున్నాడు. ఫస్టాఫ్‌లో అసలు కథే ఉండదు. కానీ ఎక్కడ బోర్‌ కొట్టడు. ఒకవైపు యోగిబాబు కామెడీతో పాటు మరోవైపు మూర్తి పాత్ర చేసే అతి నవ్వులు పూయిస్తుంది. చిన్న చిన్న ట్విస్టులతో మొదటి భాగం ఫుల్‌ ఎంటర్‌టైనింగ్‌గా సాగుతుంది. అయితే అసలు విలన్‌ మాత్రం ఇంటర్వెల్‌ ముందు వరకు ఎంట్రీ ఇవ్వడు. ఇక విలన్‌ ఎంట్రీ ఇచ్చిన తర్వాత కథనం పరుగులు పెడుతుంది. ఇంటర్వెల్‌ సీన్‌ సెకండాఫ్‌పై ఆసక్తి పెంచుతుంది. ద్వితియార్థం మొత్తం ఎస్‌.జే సూర్య, రజనీకాంత్‌ పాత్రల చుట్టూనే తిరుగుతుంది. అయితే ప్రతిసారి హీరో మనుషులను విలన్‌ బంధించడం.. వారిని విడిపించేందుకు విలన్‌ మనుషులను హీరో బంధించడం ఇలానే సాగుతుంది. ఈ క్రమంలో కొన్ని సీన్లు కొంత సాగదీతగా అనిపిస్తుంది. విద్యాబాలన్‌, రజనీకాంత్‌ పాత్రల మధ్య జరిగే ఇగో సంభాషణలు, సీన్లు ఆకట్టుకుంటాయి. కొన్ని చోట్లు నవ్వులు పూయిస్తాయి కూడా. కామియోల్లో హృతిక్‌ రోషన్‌ని గట్టిగా వాడుకున్నారు. మోహ‌న్ లాల్, శివ రాజ్ కుమార్ పాత్ర‌ల్నీ స‌రిగా వాడుకోలేదు. క్లైమాక్స్‌ సింపుల్‌గా ముగిసినట్లుగా అనిపిస్తుంది. ఇక చివరిల్లో జైలర్‌ 3 పై హింట్‌ ఇచ్చే సీన్‌ మాములుగానే ఉంటుంది. అయితే ఈ కథ, పాత్రలతో కనెక్ట్‌ కావాలంటే ముందుగా జైలర్‌ సినిమా చూడాల్సిందే. లేదంటే కొంత గందరగోళ పరిస్థితి ఏర్పడుతుంది. ప్రధాన పాత్రల వెనుక ఉన్న నేపథ్యం అర్థం కాదు. జైలర్‌ చూసి ఈ సినిమాకు వెళ్తే బాగా ఎంజాయ్‌ చేస్తారు. ఫస్టాఫ్‌ మాదిరే సెకండాఫ్‌ కూడా ఉండి ఉంటే.. ఈ సినిమా ఫలితం మరో రేంజ్‌లో ఉండేది. ఎవరెలా చేశారంటే..ఈ సినిమాలో రజనీకాంత్‌ కాంత్‌ చాలా సింపుల్‌గా, స్టైలీష్‌గా కనిపించాడు. వయసు దగ్గట్టుగా ఆయన పాత్రను మలిచారు. దానికి రజనీకాంత్‌ న్యాయం చేశాడు. ఇక ప్రధాన విలన్‌గా ఎస్‌.జే సూర్య తనదైన నటనతో ఆకట్టుకున్నాడు. అతని ఎంట్రీ అదిరిపోతుంది. అయితే కొన్ని చోట్ల రొటీన్‌ డైలాగ్స్‌తో విసుగు తెప్పిస్తాడు. విద్యా బాలన్‌ పాత్ర బాగుంది.ఆమెను రజనీకాంత్‌ టీజ్‌ చేసే సీన్‌ థియేటర్‌లో ఈళలు వేయిస్తుంది. అయితే ఇందులో ఆమె నిడివి తక్కువే కానీ.. పార్ట్‌లో 3 ఎక్కువగా ఉండబోతున్నట్లు తెలుస్తోంది. మిథున్‌ చక్రవర్తి రొటీన్‌ పాత్రను చేశాడు. క్యామియోల్లో హృతిక్‌ని గట్టిగా వాడుకున్నాడు. జాకీష్రాఫ్‌ , మోహన్‌ లాల్‌, శివరాజ్‌ కుమార్‌లకు కూడా ఒకటి రెండు సీన్లు అంతే. అవి కూడా పెద్దగా ఆకట్టుకోవు. రమ్యకృష్ణకు కూడా బలమైన సీన్లు పడలేదు. యోగిబాబు, మూర్తి పాత్ర చేసిన నటుడు కామెడీ ఈ సినిమాకు ప్లస్‌ అయింది. విజయ్‌ సేతుపతి చివరి సీన్‌లో అలా మెరుస్తాడు అంతే. మిగిలిన నటీనటులు తమ పాత్రల పరిధిమేర చక్కగా నటించారు.సాంకేతికంగా సినిమా బాగుంది. అనిరుధ్‌ నేపథ్య సంగీతం ఈ సినిమాకు మరో ప్రధానబలం. తనదైన బీజీఎంతో మరోసారి మ్యూజిక్‌ చేశాడు. సినిమాలో ఉన్న రెండు పాటలు అంతగా ఆకట్టుకోలేవు. యాక్షన్‌ సీన్లు స్టైలీష్‌గా ఉన్నాయి. సినిమాటోగ్రఫీ బాగుంది. ఎడిటింగ్‌ షార్ప్‌గానే ఉంది. నిర్మాణ విలువలు సినిమా స్థాయికి తగ్గట్లు ఉన్నతంగా ఉన్నాయి.-అంజి శెట్టె, సాక్షి వెబ్‌డెస్క్‌

‘శంబాల’ లాంటి బ్లాక్‌ బస్టర్‌ తర్వాత యుగంధర్‌ ముని దర్శకత్వం వహిస్తున్న చిత్రం ‘కరికాల’. సందీప్ కిషన్ హీరోగా నటిస్తున్న ఈ చిత్రాన్ని షైనింగ్ పిక్చర్స్ బ్యానర్‌పై మహిధర్ రెడ్డి, రాజశేఖర్ అన్నభీమోజు నిర్మిస్తున్నారు. రెండు భాగాలుగా తెరకెక్కుతున్న ఈ చిత్రం మొదటి చాప్టర్‌ 2027 జూలై 2న విడుదల కానుంది. ఇక రెండో చాప్టర్ 2027 అక్టోబర్ 28న విడుదల కాబోతోన్నట్టుగా మేకర్స్ ప్రకటించిన సంగతి తెలిసిందే. ఇప్పటి వరకు రిలీజ్ చేసిన పోస్టర్లు సినిమాపై బజ్‌ను క్రియేట్ చేశాయి.రీసెంటుగా ఈ చిత్రం నుంచి కేథరిన్ థ్రెసా, సాక్షి మడోల్కర్‌ నటించనున్నట్టుగా ప్రకటించారు. తాజాగా ఈ సినిమాలో గాయత్రి భరద్వాజ్ కూడా ముఖ్య పాత్రను పోషించబోతోన్నారని మేకర్స్ ప్రకటించారు. ఈ మేరకు వెల్కమ్ ఆన్ బోర్డ్ అంటూ ‘కరికాల’ టీం స్పెషల్ పోస్టర్‌ను రిలీజ్ చేసింది.వరల్డ్ క్లాస్ టెక్నాలజీ, అత్యాధునిక విజువల్ ఎఫెక్ట్స్, అద్భుతమైన ప్రొడక్షన్ డిజైన్, అత్యద్భుతమైన కథనంతో 'కరికాల' పాన్ ఇండియన్ సినిమాగా రాబోతోంది. భారతీయ ప్రేక్షకులకు ఒక ప్రత్యేకమైన సోషియో-ఫాంటసీ అనుభవాన్ని అందించాలని లక్ష్యంగా ‘కరికాల’ టీం పని చేస్తోంది. ఈ సినిమాకి శ్రీచరణ్ పాకాల సంగీతం అందిస్తున్న సంగతి తెలిసిందే. అక్టోబర్ 15న ఈ చిత్రానికి సంబంధించిన పూజా కార్యక్రమాలు ఘనంగా జరగబోతోన్నాయి. ఈ కార్యక్రమంలో అతిరథ మహారథులంతా పాల్గొని సందడి చేయనున్నారు.

రజనీకాంత్‌ హీరోగా నటించిన తాజా చిత్రం ‘జైలర్‌ 2’. నెల్సన్‌ దిలీప్‌ కుమార్‌ దర్శకత్వం వహించిన ఈ చిత్రంలో రమ్యకృష్ణ, మోహన్‌ లాల్‌, శివరాజ్‌ కుమార్‌, ఎస్‌జే సూర్య, విద్యాబాలన్‌, మిథన్‌ చక్రవర్తి, మిర్నా కీలక పాత్రలు పోషించారు. వీరితో పాటు హృతిక్‌ రోషన్‌, విజయ్‌ సేతుపతిల గెస్ట్‌ గెస్ట్ అప్పియరెన్స్ ఉందట. అనిరుధ్‌ సంగీతం అందించాడు. మూడేళ్ల క్రితం వచ్చిన ‘జైలర్‌’ చిత్రానికి సీక్వెల్‌గా తెరకెక్కిన జైలర్‌ 2..అక్టోబర్‌ 15న ప్రపంచ వ్యాప్తంగా రిలీజ్‌ కానుంది. ఈ క్రమంలో ఇప్పటికే అన్ని దేశాల్లోనూ ఈ చిత్రానికి సెన్సార్‌ పూర్తయింది. ఇండియాలో ఈ చిత్రానికి యూ/ఏ సర్టిఫికెట్‌ వచ్చింది. సినిమ నిడివి 2 గంటల 45 నిమిషాల వరకు ఉంటుందని తెలిసింది. రక్తపాతం ఎక్కువ ఉన్న కొన్ని సీన్లను తొలగించడంతో అభ్యంతరకర డైలాగలను మ్యూట్‌ చేయాలని ఆదేశించారు. ఒకటి రెండు సీన్లు తప్పితే పెద్దగా అభ్యంతరం చెప్పకుండానే సెన్సార్‌ సభ్యులు ఈ సినిమాకు అనుమతి ఇచ్చారట.(చదవండి: విరోష్ జంట గొప్ప నిర్ణయం.. ఏకంగా 400 కుటుంబాలకు..!)ఈ మూవీ ప్రివ్యూ షో రీసెంట్ గా లండన్ లో ప్రదర్శించారట.దీంతో ఈ సినిమా కథ, కథనాలపై సోషల్‌ మీడియాలో పెద్ద ఎత్తున చర్చ జరుగుతోంది. కథ విషయానికొస్తే..కొడుకు మరణం తర్వాత రిటైర్డ్ జైలర్ ముత్తువేల్ పాండ్యన్ (రజనీకాంత్) భార్య విజయ పాండియన్‌(రమ్యకృష్ణ), కోడలు శ్వేతా పాండియన్‌(మిర్నా), మనవడు రిత్విక్‌(రిత్విక్‌)లకు ఎలాంటి అపాయం కలగకుండా కాపాడుకునే ప్రయత్నం చేస్తాడు. ఈ క్రమంలో డ్రగ్స్‌ మాఫియా డాన్‌ (మిథున్‌ చక్రవర్తి), , ఆయన కుమారుడు బోధి కల్పక్ (ఎస్‌జే సూర్య), ఆయన కోడలు కాంతా కల్పక్ (విద్యాబాలన్) నుంచి తన కుటుంబానికి ప్రాణాపాయం ఏర్పడుతుంది. ఆ సమయంలో ముత్తువేల్ పాండ్యన్, ఆయన స్నేహితులు మ్యాథ్యూ (మోహన్ లాల్), నరసింహా (శివ రాజ్ కుమార్), కామదేవ్ (జాకీ ష్రాఫ్), హృతిక్ రోషన్, విజయ్ సేతుపతి సహాయంతో ఎలా వారి ఆట కట్టించాడు అనేది ఈ సినిమా కథ.(చదవండి: ప్రభాస్ గిఫ్ట్ ఇచ్చాడంటే ఇలానే ఉంటుంది)ఇప్పటివరకు ఈ సినిమాకు వచ్చిన టాక్‌ ప్రకారం.. ఫస్టాఫ్‌ రజనీకాంత్‌ మాస్‌ ఎలివేషన్లతో పాటు దిలీప్ కుమార్ మార్కు కామెడీతో సాగుతుదంట. ఎక్కడ బోర్‌ కొట్టించకుండా గ్రిప్పింగ్‌ స్క్రీన్‌ప్లేతో నడిపించినట్లు తెలుస్తోంది. ఇంటర్వెల్‌ ట్విస్ట్‌ అదిరిపోయిందట. సెకండాఫ్‌లో వరుస సర్‌ప్రైజ్‌లతో కథనం పరుగులు పెట్టిస్తుందట. క్లైమాక్స్‌లో హృతిక్‌ రోషన్‌తో వచ్చే సన్నివేశాలు అందరిని ఆకట్టుకుంటాయట. అనిరుధ్‌ నేపథ్య సంగీతం కూడా బాగుందట.మరోవైపు ఈ సినిమాపై నెగెటివ్‌ టాక్‌ కూడా వినిపిస్తుంది. జైలర్‌ మాదిరి ఈ సీక్వెల్‌ ఆకట్టుకోలేదని..ట్విస్టులు కూడా ఈజీగా పసిగట్టేలా ఉన్నాయని చెబుతున్నారు. స్టార్‌ క్యాస్ట్‌ని సరిగా వాడుకోలేకపోయారనే, రజనీకాంత్‌ నిలబడి యాక్షన్‌ చేయించాడే తప్ప.. ఆయన చేసిందేమి లేదనే నెగెటివ్‌ టాక్‌ కూడా వినిపిస్తోంది. మరి ఈ సినిమా ఎలా ఉంది అనేది తెలియాలంటే రేపటి వరకు ఆగాల్సిందే.

ఎంత స్టార్‌డమ్‌ సంపాదించినా ఒదిగి ఉండటం కొందరికే సాధ్యమవుతుంది. అందుకే సూపర్‌స్టార్‌ రజనీకాంత్‌కు కోట్లాది మంది అభిమానులు ఉన్నారు. తెరపై తనదైన స్టైల్‌తో ప్రేక్షకులను అలరించే ఆయన.. నిజ జీవితంలో మాత్రం ఎంతో నిరాడంబరంగా ఉంటారని బాలీవుడ్‌ నటి విద్యాబాలన్‌ అన్నారు. రజనీకాంత్‌తో కలిసి పనిచేసే అవకాశం రావడం తనకు ఎంతో సంతోషాన్నిచ్చిందని తెలిపారు. తాజాగా ఓ ఇంటర్వ్యూలో ఆమె ఈ విషయాలను వెల్లడించారు.రజనీకాంత్‌ ప్రధాన పాత్రలో నటించిన ‘జైలర్‌ 2’లో విద్యాబాలన్‌ కీలక పాత్ర పోషించారు. ఈ సినిమా షూటింగ్‌ సమయంలో సూపర్‌స్టార్‌తో కలిసి పనిచేసిన అనుభవాలను ఆమె పంచుకున్నారు. రజనీకాంత్‌ వ్యక్తిత్వం నుంచి ప్రతి ఒక్కరూ ఎన్నో విషయాలు నేర్చుకోవచ్చని, ఆయనలో ఎలాంటి ఆర్భాటం కనిపించదని ప్రశంసించారు.(చదవండి: అమ్మాయి పుడితే.. రష్మిక వ్యాఖ్యలు వైరల్‌)‘రజనీకాంత్‌ నుంచి నేర్చుకోవడానికి, మన జీవితంలో అలవర్చుకోవడానికి చాలా విషయాలు ఉన్నాయి. అంతటి స్టార్‌డమ్‌ ఉన్నప్పటికీ ఆయన చాలా సాధారణంగా ఉంటారు. ఎలాంటి హంగూ ఆర్భాటాలకు ప్రాధాన్యం ఇవ్వరు. ప్రేక్షకులు ఆయన్ని ఇంతగా ప్రేమించడానికి అదొక ముఖ్యమైన కారణం. అలాంటి గొప్ప నటుడితో కలిసి పనిచేసే అవకాశం రావడం నాకు ఎంతో ఆనందాన్ని ఇచ్చింది’ అని విద్యాబాలన్‌ పేర్కొన్నారు.రజనీకాంత్‌తో పనిచేసే సమయంలో తనకు ఎలాంటి ఒత్తిడి కలగలేదని ఆమె చెప్పారు. ఒకవేళ ఎవరైనా ఆందోళనకు గురైనా, ఆయన తన మాటలతో ఆ పరిస్థితిని సులభంగా మార్చేస్తారని తెలిపారు. సెట్‌లో ప్రతి ఒక్కరినీ చిరునవ్వుతో పలకరిస్తూ, వారిని అభినందిస్తూ ప్రోత్సహించడం ఆయన ప్రత్యేకత అని విద్యాబాలన్‌ వివరించారు.

రాహుల్‌ సంకృత్యాన్‌ దర్శకత్వంలో విజయ్‌ దేవరకొండ, రష్మిక మందన్నా జంటగా నటించిన చిత్రం ‘రణబాలి’. మైత్రీ మూవీ మేకర్స్‌ బ్యానర్‌పై నవీన్‌ యెర్నేని, వై. రవిశంకర్‌ నిర్మించిన ఈ చిత్రం ఈ నెల 16న విడుదలవుతోంది. ఈ సినిమా ప్రీ రిలీజ్‌ ఈవెంట్‌ నిన్న హైదరాబాద్‌లో ఘనంగా జరిగింది. ఈ సందర్భంగా యాంకర్‌ సుమ అడిగిన ప్రశ్నకు రష్మిక చెప్పిన సరదా సమాధానం ఇప్పుడు సోషల్‌ మీడియాలో వైరల్‌గా మారింది. (చదవండి: ' ఆ సినిమా డిజాస్టర్‌.. అందుకే నా ఈగో హార్ట్ అయింది')‘రణబాలి’ చిత్రంలో జయమ్మ పాత్రను రష్మిక పోషించిన సంగతి తెలిసిందే. రియల్‌ లైఫ్‌లో భర్త అయిన విజయ్‌కి.. ఈ చిత్రంలోనూ భార్యగా నటిస్తోంది. అయితే జయమ్మకు ఇన్‌స్టాగ్రామ్‌ ఉంటే ఎలాంటి రీల్స్‌ చేసేదని యాంకర్‌ సుమ అడగ్గా.. ‘ఫుడ్‌ రీల్స్‌ చేసేది’అని రష్మిక సమాధానం చెప్పింది. ఇక ‘జయమ్మగా ఈ ప్రపంచంలోని ఆడవాళ్లకు ఏదైనా చెప్పాలంటే..ఏం చెబుతారు? అంటే.. ‘అమ్మాయి పుడితే ఏం తక్కువ కాదు. అదే ఒక పవర్‌ అని చెబుతా’ అని రష్మిక అనడంతో అక్కడున్నవాళ్లంతా చప్పట్లు కొట్టారు. ఇక ఇలాంటి ప్రశ్నలనే విజయ్‌ని అడిగారు. ‘రణబాలి’ ఎలాంటి వ్యక్తులను క్షమించడు అని అడగ్గా.. ‘రణబాలి నా కంటే పది రెట్లు మంచి మనిషి. రెస్పెక్ట్‌ ఇవ్వని వ్యక్తులను అస్సలు క్షమించడు. ప్రజల కోసం ప్రాణం అయినా ఇస్తాడు’ అని చెప్పాడు.

‘‘దసరా పండగ మొదలైపోయింది. తిరుపతిలో వెంకటేశ్వరస్వామి బ్రహ్మోత్సవాలు, తెలంగాణలో బతుకమ్మ సంబరాలు, విజయవాడలో దుర్గమ్మ ఉత్సవాలు మొదలయ్యాయి. పిల్లలకు సెలవులు కూడా మొదలయ్యాయి. మరో మూడు రోజుల్లో మీరందరూ, తెలుగు సినిమా గర్వపడేలా ‘రణబాలి’ సినిమా వస్తోంది’’ అని హీరో విజయ్‌ దేవరకొండ తెలిపారు. రాహుల్‌ సంకృత్యాన్‌ దర్శకత్వంలో విజయ్‌ దేవరకొండ, రష్మిక మందన్నా జంటగా నటించిన చిత్రం ‘రణబాలి’. మైత్రీ మూవీ మేకర్స్‌ బ్యానర్‌పై నవీన్‌ యెర్నేని, వై. రవిశంకర్‌ నిర్మించిన ఈ చిత్రం ఈ నెల 16న విడుదలవుతోంది. ఈ సినిమా ప్రీ రిలీజ్‌ ఈవెంట్‌లో విజయ్‌ దేవరకొండ మాట్లాడుతూ– ‘‘టాక్సీవాలా, శ్యామ్‌ సింగరాయ్‌’ సినిమాల తర్వాత ‘రణబాలి’ లాంటి పెద్ద సినిమా చేయాలన్నది డైరెక్టర్‌ రాహుల్‌ కల. పీరియాడిక్‌ యాక్షన్‌ ఫిల్మ్‌ని అందమైన విధానంలో చెప్పాలని ‘రణబాలి’ క్రియేట్‌ అయింది. ఈ నెల 16న తన విజన్‌ని అందరూ తెరపై చూస్తారు. 150 ఏళ్ల క్రితం బ్రిటిషర్స్‌ చేసిన పని వల్ల వచ్చిన ఆకలి కరువు కొన్ని లక్షల మంది చావుకు కారణం అయింది. ప్రస్తుతం ఎలినో నడస్తోంది. నీళ్లు, విద్యుత్, తిండి... ఏదైనా వృథా చేయకుండా జాగ్రత్తగా వాడాలి. ‘టాక్సీవాలా’ సినిమాకి ముందు నా ‘నోటా’ సినిమా విడుదలవడం, అది సరిగ్గా ఆడకపోవడం.. అందరూ నన్ను అదోలా మాట్లాడటం జరిగాయి. నేను బ్యాక్‌ అవుతానని ఆ రోజు ఓ లేఖ రాశాను. ‘టాక్సీవాలా’తో కమ్‌బ్యాక్‌ ఇచ్చాను. ఈసారి నేను, రాహుల్‌ అనుకున్నది జరిగిందంటే అనంతపురంలో మీ అందరి ముందు మళ్లీ గుర్తు చేస్తా. మన మీద మనకుండే నమ్మకం, మనం చేసే పనిలో పూర్తిగా ప్రాణం పెట్టి చేయడం మాత్రమే మన చేతుల్లో ఉంటాయి. రవి, నవీన్‌గార్లకు కథ నచ్చితే వారు ఎలాగైనా బిగ్‌ స్కేల్‌లో ప్రజల వద్దకు తీసుకెళతారు. నేను–రష్మిక కలిసి చేసిన మూడో సినిమా ‘రణబాలి’. కెరీర్‌లో రష్మిక ఎదుగుదల చూస్తే నాకు గర్వంగా ఉంటుంది. జయమ్మ పాత్రకు నువ్వు అవసరం. ఈ సినిమా ఒప్పుకున్నందుకు తనకు థ్యాంక్స్‌’’ అని తెలిపారు. రాహుల్‌ సంకృత్యాన్‌ మాట్లాడుతూ–‘‘మైత్రి మూవీ మేకర్స్‌ అన్నది మహాసముద్రం. ఎంతోమంది దర్శకులకు చాన్స్‌ ఇస్తున్నారు, ఎన్నో మంచి సినిమాలు వస్తున్నాయి. ఎన్నో కుటుంబాలు బతుకుతున్నాయి. మీ బ్యానర్‌కి ‘రణబాలి’ మంచి పేరు తీసుకొస్తుందని గర్వంగా చెబుతున్నాను. మైత్రి సంస్థ సహకారం లేక΄ోతే ఆర్నాల్డ్‌లాంటి హాలీవుడ్‌ నటుణ్ణి తీసుకురాలేం. ఈ సినిమాలో జయమ్మ–రణబాలి ΄ాత్రల్లో భార్యాభర్తలుగా అద్భుతంగా చేశారు రష్మిక–విజయ్‌. ఈ సినిమాలో విజయ్‌ దేవరకొండ విశ్వరూపం చూస్తారు’’ అని పేర్కొన్నారు. రష్మిక మందన్నా మాట్లాడుతూ– ‘‘రణబాలిగా విజయ్‌ నటన చూస్తుంటే భయం వేసేది. ఎంతో ప్యాషన్‌తో, ప్రేమతో కష్టపడ్డాడు. ‘గీత గోవిందం, డియర్‌ కామ్రేడ్‌’ చిత్రాలు అద్భుతమైన లవ్‌స్టోరీస్‌. కానీ, ‘రణబాలి’ లవ్‌స్టోరీ కాక΄ోయినప్పటికీ లవ్‌ట్రాక్‌ మాత్రం అత్యద్భుతంగా ఉంటుంది. ఈ సినిమా మాకు (విజయ్‌–రష్మిక) మంచి విజయాన్ని అందించాలి’’ అన్నారు. నవీన్‌ ఎర్నేని మాట్లాడుతూ– ‘‘రణబాలి’లాంటి సినిమాలు అరుదుగా వస్తాయి. ఈ సినిమా మాకు బాగా సంతృప్తినిచ్చింది. ఇందుకు కారణం డైరెక్టర్‌ రాహుల్‌. విజయ్, రష్మికగార్ల పెళ్లి తర్వాత వారిద్దరితో సినిమా చేయాలని ఎవరికైనా ఉంటుంది. ఆ చాన్స్‌ మాకు ఇచ్చినందుకు వారికి థ్యాంక్స్‌’’ అని పేర్కొన్నారు. వై. రవిశంకర్‌ మాట్లాడుతూ– ‘‘రణబాలి’ మన సినిమా, మన మట్టి కథ, మన సంస్కృతితో రాహుల్‌ ఎంతో బాగా తీశాడు. ఈ సినిమాలో విజయ్‌–రష్మిక నటన, డ్రామా సన్నివేశాలు అత్యద్భుతం. ‘ఇరుముడి’ సినిమాలోలా ‘రణబాలి’లోనూ భక్తి నేపథ్యం కూడా ఉంటుంది’’ అని పేర్కొన్నారు.

విభిన్నమైన కథాంశాలతో ప్రేక్షకులను అలరిస్తూ టాలీవుడ్‌లో తనకంటూ ప్రత్యేక గుర్తింపు తెచ్చుకున్నారు నేచురల్ స్టార్ నాని. కమర్షియల్ సినిమాలతో పాటు కొత్త తరహా కథలను ఎంచుకుంటూ ముందుకు సాగుతున్నారు. ఈ నేపథ్యంలో ఆయన మరో ప్రేమకథతో ప్రేక్షకుల ముందుకు రానున్నట్లు ఫిల్మ్ నగర్‌లో టాక్ వినిపిస్తోంది.96 దర్శకుడితో నాని సినిమా?‘96’, ‘సత్యం సుందరం’ వంటి చిత్రాలతో భావోద్వేగభరితమైన కథలను వెండితెరపై అద్భుతంగా ఆవిష్కరించిన దర్శకుడు సి. ప్రేమ్ కుమార్ ఈ ప్రాజెక్ట్‌ను తెరకెక్కించనున్నట్లు సమాచారం. ఆయన దర్శకత్వంలో నాని నటించనున్నారనే వార్త సినీ అభిమానుల్లో ఆసక్తిని పెంచుతోంది. అయితే ఈ ప్రాజెక్ట్‌కు సంబంధించిన పూర్తి వివరాలు ఇంకా తెలియాల్సి ఉంది.హీరోయిన్‌గా రుక్మిణి?ఈ సినిమాలో నాని సరసన హీరోయిన్‌గా రుక్మిణిని ఎంపిక చేయనున్నట్లు ప్రచారం జరుగుతోంది. ఇదే నిజమైతే ఈ జోడీని తెరపై చూడాలని అభిమానులు ఆసక్తిగా ఎదురుచూస్తున్నారు. ప్రస్తుతం నాని దర్శకుడు సుజీత్ తెరకెక్కిస్తున్న ‘బ్లడీ రోమియో’ సినిమాతో బిజీగా ఉన్నారు. ఈ ప్రాజెక్ట్ పూర్తయిన తర్వాత ప్రేమ్ కుమార్‌తో తెరకెక్కనున్న ప్రేమకథ పట్టాలెక్కించే అవకాశం ఉందని సమాచారం. (ఇదీ చదవండి: నా ఫొటోలు దారుణంగా మార్ఫింగ్‌ చేశారు: స్టార్‌ నటి)

విజయ్‌ దేవరకొండ, రష్మిక ప్రధాన పాత్రల్లో నటించిన పీరియాడిక్ యాక్షన్‌ చిత్రం ‘రణబాలి’. రాహుల్‌ సాంకృత్యాన్‌ దర్శకత్వం వహించిన ఈ చిత్రాన్ని మైత్రీ మూవీ మేకర్స్‌ పతాకంపై నవీన్‌ ఎర్నేని, వై.రవిశంకర్‌ నిర్మించారు.ఇందులో విజయ్‌ ఓ శక్తిమంతమైన యోధుడి పాత్రలో కనిపించనున్నారు. ఇప్పటికే చిత్రీకరణ పూర్తి చేసుకున్న ఈ మూవీ దసరా కానుకగా అక్టోబరు 16న ప్రేక్షకుల రానుంది. ఈ నేపథ్యంలో చిత్రబృందం నేడు(అక్టోబర్‌ 13) హైదరాబాద్‌లోని శిల్పకళా వేదికలో ప్రీరిలీజ్‌ ఈవెంట్‌ ఏర్పాటు చేసింది. ప్రత్యక్ష ప్రసారం ద్వారా వీక్షించండి.

‘నేనెప్పుడూ మంచి కథలో, మంచి సినిమాలో నటుడిగా భాగం కావాలని కోరుకుంటాను. నా క్యారెక్టర్ నిడివి ఎంత అనేది చూసుకోను. బాగాలేని సినిమాలో మూడు గంటలు కనిపించే కంటే ఓ మంచి సినిమాలో బాగా కుదిరాడు, బాగా నటించాడనే పేరొస్తే చాలు. మార్కెట్, కమర్షియాలిటీ వీటన్నింటి కంటే నాలాంటి నటులను ఒక మంచి సినిమానే ముందుకు తీసుకెళ్తుందని బలంగా నమ్ముతాను’ అన్నారు యంగ్‌ హీరో, రాజ్ వెడ్స్ రాంబాయి ఫేమ్ అఖిల్‌ రాజ్‌. డా. నరేష్ విజయ కృష్ణ, అనుపమ పరమేశ్వరన్, తరుణ్ భాస్కర్, అఖిల్‌ రాజు ప్రధాన పాత్రల్లో నటించిన తాజా చిత్రం ‘క్రేజీ కల్యాణం’. బద్రప్ప గాజుల దర్శకత్వం వహించిన ఈ చిత్రానికి బూసం జగన్‌ మోహన్‌ రెడ్డి నిర్మాతగా వ్యవహరించాడు. దసరా పండుగ సందర్భంగా అక్టోబర్‌ 16న ఈ చిత్రం రిలీజ్‌ కానుంది. ఈ నేపథ్యంలో తాజాగా అఖిల్‌ రాజ్‌ మీడియాతో ముచ్చటించారు. ఆ విశేషాలు..→ ప్రొడ్యూసర్ జగన్ మోహన్ రెడ్డి నిర్మాణంలో విందు భోజనం అనే సినిమా చేశాను. అప్పటి నుంచి ఆ సంస్థతో, వారితో టచ్ లో ఉంటూ వచ్చాను. క్రేజీ కల్యాణం స్క్రిప్ట్ పనులు జరుగుతున్నప్పుడు పిచ్ డెక్ లో ఈ సినిమాలోని ఉదయ్ పాత్రకు నన్ను అనుకున్నారు. అప్పటికి ఇంకా ఈ సినిమా కాస్టింగ్ లోకి ఎవరూ కన్ఫర్మ్ కాలేదు. ఉదయ్ క్యారెక్టర్ నువ్వు చేస్తావా అని డైరెక్టర్, ప్రొడ్యూసర్ అడిగారు. చేస్తానని చెప్పాను. ఆ తర్వాత నరేష్ , అనుపమ, తరుణ్ భాస్కర్..ఇలా వీళ్లంతా కాస్టింగ్ కన్ఫర్మ్ అయ్యారు.→ తరుణ్ భాస్కర్ చేసిన బాలరాజు క్యారెక్టర్ హిలేరియస్ గా అనిపించింది. నా క్యారెక్టర్ కు ఫన్ అండ్ లవ్ సీన్స్ ఉంటాయి. నరేష్, తరుణ్ భాస్కర్ క్యారెక్టర్స్ కు ధీటుగా నా క్యారెక్టర్ ను పర్ ఫార్మెన్స్ తో నిలబెట్టాలని అనుకున్నాను. నన్ను ఏం ఆశించి బద్రప్ప అన్న తీసుకున్నాడో గానీ వందశాతం ఉదయ్ గా కనిపించేందుకు ప్రయత్నించాను. రాజు వెడ్స్ రాంబాయి రిలీజ్ కు ముందే ఈ చిత్రంతో నరేష్ గారు, అనుపమ, తరుణ్ భాస్కర్ తో కలిసి నటించే అవకాశం రావడం హ్యాపీగా ఫీలవుతున్నా.→ రౌడీ బాయ్స్ సినిమాలో అనుపమ హీరోయిన్ గా నటించింది. నేను చిన్న రోల్ చేశాను. ఆ సినిమా చూస్తున్నప్పుడు నువ్వు హీరో అయ్యాక ఈ అమ్మాయితో కలిసి నటించు అని మా అమ్మ చెప్పింది. ఆమె కోరుకున్నట్లే అనుపమతో నేను ఈ సినిమాలో కలిసి నటించడం హ్యాపీగా ఉంది. అయితే ఆమెతో కలిసి నటించడం మొదట్లో భయమేసింది గానీ తను ఇచ్చిన సపోర్ట్ తో హాఫ్ డేలోనే కంఫర్ట్ గా ఫీలయ్యా. ప్రతి సీన్ చేసే ముందు నేను అనుపమ ఎవరెలా చేయాలనేది డిస్కస్ చేసుకునేవాళ్లం. మేము నటీనటులుగా కాకుండా ఆ క్యారెక్టర్స్ లా చూసుకున్నాం. నేను ఏ సినిమా చేసినా వందశాతం ఎఫర్డ్స్ పెడతాను.→ రాజ్ వెడ్స్ రాంబాయిలో రాజు గా ఎంత ఇన్వాల్వ్ అయి నటించానో ఈ సినిమాలో ఉదయ్ పాత్రలోనూ అంతే హోమ్ వర్క్ చేసి పర్ ఫార్మ్ చేశాను. రాజు వెడ్స్ రాంబాయి లాగే ఈ చిత్రంలో కూడా పక్కింటి కుర్రాడిలాగే కనిపిస్తా. డిగ్రీ పూర్తి చేసుకున్న ఉదయ్ జీవితంలో గొప్ప స్థాయికి ఎదగాలనే లక్ష్యాన్ని పెట్టుకుంటాడు. ఉదయ్ పాత్రను ప్రతి ఒక్కరూ రిలేట్ చేసుకుంటారు. ఉదయ్ అనే పాత్రలో ఒక ఎనర్జీ ఉంది. అది చాలా బాగుంటుందని నేను నమ్మాను.→ నాకు అనుపమకు మధ్య అలసెంద్రవంక సాంగ్ ఉంటుంది. ఆ పాటను డా.గోరటి వెంకన్న గారు రాయడం నా అదృష్టంగా భావిస్తున్నాను. ఇది తెలంగాణ నేపథ్య, యాసతో సాగే సినిమా అయినా అన్ని ప్రాంతాల వారికి కనెక్ట్ అయ్యే ఎమోషన్స్ ఉన్నాయి. కంటెంట్ బాగున్న సినిమా విజయానికి యాస, ప్రాంతం అనే బేధాలు అడ్డురావు. పెళ్లిచూపులు సినిమా తెలంగాణతో పాటు ఏపీ ప్రజలు కూడా ఆదరించారు.→ మనం ఒక లక్ష్యాన్ని నమ్మి కష్టపడి పనిచేస్తే తప్పకుండా రీచ్ అవుతామని నా జర్నీలో తెలుసుకున్నాను. ఈ పండక్కి వచ్చే అన్ని సినిమాలు ఎంజాయ్ చేయండి. మా సినిమాను కూడా థియేటర్స్ కు వెళ్లి చూడండి. మా క్రేజీ కల్యాణం చూస్తూ మీ ఫ్యామిలీ అంతా ఎంజాయ్ చేస్తారు. మా సినిమా ఏ స్టార్ సినిమాకు పోటీ అనుకోవడం లేదు. వాళ్ల సినిమాలు బిర్యానీ అయితే మా సినిమా స్వీట్ లాంటిది. పండక్కి ఎన్ని సినిమాలైనా ఆదరణ పొందుతాయి. నా నెక్ట్స్ మూవీ శనార్తి. శనార్తి రూటెడ్ కోర్ కల్ట్ సినిమా అవుతుందని నమ్ముతున్నా.

ఏఐను ఉపయోగించి సినీ హీరోయిన్లను అసభ్యకరంగా చిత్రీకరిస్తున్న తీరుపై స్టార్‌ హీరోయిన్‌ శ్రియా శరణ​ తీవ్ర స్థాయిలో మండిపడ్డారు. ఇటీవల జాన్వీ కపూర్‌ నటించిన దేవర సినిమాలోని చుట్టమల్లే పాటను ఏఐ ద్వారా మార్ఫింగ్‌ చేసిన సోషల్‌ మీడియాలో అత్యంత దారుణంగా ప్రచారం చేసిన సంగతి విధితమే. ఈ దారుణాన్ని జాన్వీ కపూర్‌తో సహా టాలీవుడ్‌ అగ్రహీరోలు సైతం స్పందించి విరుచుకుపడ్డారు. తాజాగా దీనిపై స్పందించిన శ్రియా ఆసక్తికరమైన వ్యాఖ్యలు చేశారు. ఇప్పుడీ కామెంట్స్‌ వైరల్‌ అవుతున్నాయి.(ఇదీ చదవండి: సినిమా ఆఫర్‌కోసం నన్ను పడుకోమన్నాడు: స్టార్‌ నటి)‘ఒక్కోసారి వైరల్‌ అవుతున్న నా ఫోటోలు చూస్తుంటే.. అందులో ఉన్నది నేనా కాదా అనే సందేహం కలుగుతుంది. శారీరక ఆకృతిని పెంచేస్తూ.. వేసుకున్న దుస్తులు మార్చేస్తూ.. చాలా దారుణంగా మార్ఫింగ్‌ చేస్తుంటారు. ఇది బాధాకరం. ఏఐ అనేది మనుషులకు సహాయం చేయడానికి ఉపయోగపడాలి తప్పా.. ఓ మహిళ గౌరవాన్ని దెబ్బతీయడానికి కాదు’ అని శ్రియా మండిపడ్డారు. కాగా ఆమె ఇటీవల నటించిన చిత్రం దృశ్యం3. ఇటేవలే విడుదలై మంచి విజయాన్ని అందుకుంది. అజయ్‌ దేవగన్‌, టబు కీలక పాత్రల్లో నటించారు. ఈ చిత్రం రూ.490 కోట్లకు పైగా వసూళ్లు సాధించింది.

‘జిమ్ జిమ్ తార..జిమ్‌ జిమ్‌ తార..జిలేబీ తేరా చిన్నోడా’.. ఈ పాట గత కొద్ది రోజులుగా సోషల్‌ మీడియాను ఊపేస్తోంది.ఇప్పటికే ఈ సాంగ్‌పై సోషల్ మీడియాలో వేల కొద్దీ రీల్స్, మీమ్స్ పుట్టుకొచ్చాయి. అయితే అసలు విషయం ఏంటంటే.. ఈ పాట అధికారికంగా ఈ రోజు రిలీజ్‌ అయింది. ‘పర్ణశాల’ మూవీ కోసం జి.ల‌క్ష్మిదేవి రాసి పాడిన పాట ఇది. సాంగ్‌ రిలీజ్‌ సందర్భంగా.. చిత్ర దర్శకుడు వై.జి. భరత్ మాట్లాడుతూ, “మా ప‌ర్ణ‌శాల సినిమా కోసం జి.ల‌క్ష్మిదేవి గారు రాసి పాడిన జిమ్ జిమ్ తార’ పాటకు ప్రేక్షకుల నుంచి వస్తున్న స్పందన ఆనందాన్ని కలిగిస్తోంది. పూర్తి పాట విడుదల త‌ర్వాత అనూహ్య స్పంద‌న వ‌స్తోంది. ఆదిత్య మ్యూజిక్ ద్వారా పాటను అధికారికంగా ప్రేక్షకుల ముందుకు తీసుకురావడం మరింత ఆనందంగా ఉంది. పూర్తి పాటకు కూడా ప్రేక్షకుల నుంచి మంచి స్పందన లభిస్తుందని ఆశిస్తున్నాం” అని తెలిపారు.పూర్తి పాట అధికారికంగా విడుదల కాకముందే, దీనికి సంబంధించిన బాణీ, వీడియోలు సోషల్ మీడియా వేదికలపై విస్తృతంగా ప్రచారంలోకి వచ్చాయి. పలువురు నెటిజన్లు ఈ పాటకు రీల్స్‌, వీడియోలు రూపొందిస్తుండగా, సెలబ్రిటీలు సైతం తమ కంటెంట్‌లో ఉపయోగించడం విశేషం.ఎస్‌ఎల్‌టీ ఫిలిమ్స్‌ బ్యానర్‌పై రూపొందుతున్న ఈ చిత్రాన్ని నిర్మాత మంచి వెంకట్ నిర్మాణంలో వై.జి. భరత్ దర్శకత్వం వహిస్తున్నారు. హారర్ కామెడీతో పాటు సస్పెన్స్ థ్రిల్లర్ అంశాలను మేళవిస్తూ తెరకెక్కిస్తున్న ఈ చిత్రం, ఇప్పటికే తన వినూత్న ప్రచారంతో ప్రేక్షకుల్లో ఆసక్తిని పెంచుతోంది.

బాలీవుడ్‌ స్టార్‌ హీరో సల్మాన్‌ ఖాన్‌.. ప్రముఖ దర్శక నిర్మాత కరణ్‌ జోహార్‌ హోస్ట్‌గా వ్యవహరిస్తున్న ‘కాఫీ విత్‌ కరణ్‌’ షోలో సందడి చేయనున్నారు. ఈ షో తొమ్మిదో సీజన్‌ అక్టోబర్‌ 14 నుంచి జియో హాట్‌స్టార్‌ వేదికగా స్ట్రీమింగ్‌ కానుంది. ఇదే చివరి సీజన్‌ కావడంతో తొలి ఎపిసోడ్‌పై ఆసక్తి నెలకొంది. తాజాగా విడుదలైన టీజర్‌ సోషల్‌ మీడియాలో వైరల్‌గా మారింది.సల్మాన్‌ను ఆటపట్టించిన కరణ్‌‘కాఫీ విత్‌ కరణ్‌’ షోలో సెలబ్రిటీలను తనదైన శైలిలో ప్రశ్నలతో ఇరుకున పెట్టడం కరణ్‌ జోహార్‌కు అలవాటు. ఈసారి కూడా సల్మాన్‌ ఖాన్‌ను పాత ప్రశ్నతో ఆటపట్టించారు. గతంలో అడిగిన ప్రశ్ననే మళ్లీ ప్రస్తావిస్తూ.. ‘మీరు ఇప్పటికీ వర్జినేనా?’ అని అడిగారు. దీనికి సల్మాన్‌ ‘కంట్రోల్‌.. బ్రదర్‌.. కంట్రోల్‌’ అంటూ బదులివ్వడం టీజర్‌లో నవ్వులు పూయిస్తోంది.సల్మాన్‌ కామెంట్స్‌ఈ షో చివరి సీజన్‌ కావడంపై సల్మాన్‌ సరదాగా స్పందించారు. సెలబ్రిటీలను షోకు రప్పించేందుకు కరణ్‌ ఇదో కొత్త ప్లాన్‌ వేసినట్లుందని చమత్కరించారు. అయితే, ‘కాఫీ విత్‌ కరణ్‌’ ముగిసిపోవడం తనకు ఇష్టం లేదని కూడా చెప్పుకొచ్చారు. దీంతో ఈ ఎపిసోడ్‌లో మరిన్ని ఆసక్తికరమైన సంభాషణలు ఉండనున్నాయని అభిమానులు భావిస్తున్నారు.(ఇదీ చదవండి: సినిమా ఆఫర్‌కోసం ఆ డైరెక్టర్‌ నన్ను పడుకోమన్నాడు: స్టార్‌ నటి) View this post on Instagram A post shared by Karan Johar (@karanjohar)

నటి నీతి టేలర్‌ తాజాగా తనకు సినీ పరిశ్రమలో ఎదురైన చేదు అనుభవాన్ని ఓ ఇంటర్వ్యూలో వెల్లడించింది. ఓ దక్షిణాది దర్శకుడు తనను అసభ్యకరమైన రీతిలో సంప్రదించాడని ఆమె పేర్కొంది. ఆ ఘటన తర్వాత తాను సినిమాల్లో నటించకూడదని నిర్ణయించుకున్నానని తెలిపింది.‘ఆ మాటలు విని షాక్‌కు గురయ్యాను’‘దక్షిణాదిలో తాను కేవలం రెండు సినిమాల్లో మాత్రమే నటించాను. మొదటి సినిమాకు దర్శకత్వం వహించిన వ్యక్తే రెండో సినిమాకూ నన్ను సంప్రదాంచారు. మొదటి సినిమా పూర్తయిన తర్వాత ఆ దర్శకుడు ఫోన్‌ చేసి.. సినిమాలో నటించాలంటే నాతో లైంగిక సంబంధం పెట్టుకోవాలని.. ‘నాతో పడుకోవాలి’ అన్నట్లుగా అన్నాడు. ఆ మాటలు విని షాక్‌కు గురయ్యాను. ఆ పరిస్థితుల్లో ఎలా స్పందించాలో కూడా అర్థం కాలేదు. ఆ దర్శకుడిని వెంటనే బ్లాక్‌ చేశానని తెలిపింది. అనంతరం తన తల్లికి ఫోన్‌ చేసి జరిగిన విషయాన్ని చెప్పాను’ అని వెల్లడించింది. ఈ ఘటన తర్వాత ఇకపై సినిమాల్లో నటించకూడదని నిర్ణయించుకున్నానని తెలిపింది. కాగా నీతి టేలర్‌ తెలుగులో ‘మేం వయసుకు వచ్చాం’ సినిమాలో నటించిది. తాజాగా ఆమె చేసిన ఈ వ్యాఖ్యలు సినీ పరిశ్రమలో మరోసారి చర్చకు దారితీశాయి. ​(ఇదీ చదవండి: రజినీ, కమల్‌తో సినిమాలు.. ఆపై వ్యభిచారం..చివరికి ఎయిడ్స్‌తో..!) You have to SLEEP with me THIS time 🥴 Sensational casting couch reveal on Telugu Movie Director by Actress #NitiTaylor. https://t.co/cTyuWs7wnR— Indian Clicks (@IndianClicks) October 13, 2026

సెలెబ్రిటీలైనా సరే.. వాళ్లూ మనలాంటి మనుషులే. పని ఒత్తిడి, వ్యక్తిగత సమస్యలు, మానసిక ఆందోళనలు వాళ్లనూ ఇబ్బంది పెడుతుంటాయి. ఆ ఒత్తిడిని కొంతమంది కోపంతో చూపిస్తే.. మరికొందరు ఎదుటివారిపై అరుస్తారు. ఇంకొందరు చేయి కూడా చేసుకుంటారు. కానీ ఓ నటి మాత్రం వీటన్నింటికీ భిన్నం. కోపం వస్తే ఏకంగా మనుషులపైనే పడి కొరుకుతుందట! అసలు ఆ నటి ఎవరు? ఆమె అలా ప్రవర్తించడం వెనుక కారణమేంటి?హాలీవుడ్‌ నటి సెల్మా బ్లెయిర్‌ ఇటీవల విమానంలో ప్రయాణించారు. లాస్‌ ఏంజెలెస్‌ నుంచి న్యూయార్క్‌ వెళ్తున్న డెల్టా ఎయిర్‌లైన్స్‌ విమానం ఎక్కారు. కాసేపటి తర్వాత విమానంలో వీరంగం సృష్టించారు. ఏమైందో ఏమో.. ఒక్కసారి సిబ్బందిని కొట్టడంతో పాటు ఓ వ్యక్తిని గట్టిగా కొరికేశారు. విమానం దిగిన తర్వాత కూడా ఆమె ఇలానే వింతగా ప్రవర్తించారు. అదుపు చేసేందుకు వచ్చిన పోలీసు అధికారతో పాటు ఆస్పత్రి నర్సుపై కూడా దాడి చేశారు. దీంతో ఆమెపై పోలీసులు కేసు నమోదు చేశారు.(చదవండి: 'అందుకే అప్పుడలా మాట్లాడా.. నటుడితో డేటింగ్‌పై శోభిత')ఒత్తిడితో అలా కొరికేశారు.. ఆ సమయంలో సెల్మా మానసిక పరిస్థితి సరిగ్గా లేదని, అందుకే సిబ్బందిపై దాడి చేసింది ఆమె తరపున న్యాయవాది కోర్డుకు వివరించాడు. ‘ విరామం లేకుండా ఎక్కువ గంటలు పనిచేయడం, అలసటతో పాటు విమానంలో తలకు గాయం కావడంతో ఆమె అలా ప్రవర్తించిందని.. ఉద్దేశపూర్వకంగా ఆమె దాడి చేయలేదని వాదించారు. దీనిపై వచ్చే ఏడాది జనవరి 19న విచారణ జరగనుతంది.గతంలో పలువురి కొరికేసిన సెల్మాఅయితే సెల్మా ఇలా ఓ వ్యక్తిని కొరకడం కొత్తేమి కాదు. గతంలోనూ పలువురు సెలెబ్రెటీలను కొరికినట్లు స్వయంగా ఆమెనే వెల్లడించింది. తను రాసిన పుస్తకంలో విపరీతమైన ఒత్తిడికి లోనైనప్పుడు అలా కొరికేస్తానని రాసుకొచ్చింది. ‘క్రూయల్‌ ఇంటెన్షన్స్‌’, ‘లీగల్లీ బ్లాండ్‌’, ‘హెల్‌బాయ్‌’ వంటి చిత్రాలతో సెల్మా బ్లెయిర్‌ మంచి గుర్తింపు సంపాదించుకుంది.

ఒకప్పుడు వెండితెరపై గ్లామర్‌తో ప్రేక్షకులను ఆకట్టుకుని.. అగ్ర హీరోల సరసన నటించి.. చివరకు అనూహ్య పరిస్థితుల్లో కన్నుమూసిన నటీమణుల జీవితాలు ఎన్నో ఉన్నాయి.అలాంటి కథతోనే తెరకెక్కిన ‘ది డర్టీ పిక్చర్‌’ అప్పట్లో సంచలన విజయాన్ని అందుకుంది. సిల్క్‌ స్మిత జీవితంలోని కొన్ని అంశాల ఆధారంగా రూపొందిన ఈ సినిమా విడుదలై 15 ఏళ్లు పూర్తయిన సందర్భంగా నిర్మాత ఏక్తా కపూర్‌ చేసిన వ్యాఖ్యలు ఇప్పుడు ఆసక్తికరంగా మారాయి. చిత్ర పరిశ్రమలో ఎన్నో సవాళ్లను ఎదుర్కొన్న ఓ మహిళ నిజజీవిత కథతో ‘ది డర్టీ పిక్చర్‌ 2’ను రూపొందించనున్నట్లు ఆమె వెల్లడించారు. దీంతో ఈ సినిమాలో కథానాయికగా కనిపించబోయేది ఎవరనేది ఇప్పుడు ఆసక్తి నెలకొంది. ఒకప్పుడు చిత్ర పరిశ్రమలో వెలిగిన నటి నిషా నూర్‌ జీవితమే ఆధారంగా ఈ సినిమా తీస్తున్నట్లు ప్రచారం జోరందుకుంది.రజనీకాంత్‌, కమల్‌ హాసన్‌ సినిమాల్లో..1980 కాలంలో తమిళ, మలయాళ చిత్ర పరిశ్రమల్లో నిషా నూర్‌ తనకంటూ ప్రత్యేక గుర్తింపు తెచ్చుకున్నారు. రజనీకాంత్‌, కమల్‌ హాసన్‌, మమ్ముట్టి, మోహన్‌లాల్‌ వంటి అగ్ర నటుల సినిమాలతో పాటు పలు ప్రముఖ దర్శకుల చిత్రాల్లో ఆమె నటించారు. అందం, అభినయంతో ప్రేక్షకులను ఆకట్టుకున్న ఆమెకు గ్లామర్‌ పాత్రలతో మంచి గుర్తింపు లభించింది.నిషా నూర్‌ నటించిన చిత్రాల్లో ‘టిక్‌ టిక్‌ టిక్‌’, ‘కళ్యాణ అగతిగళ్‌’, ‘అయ్యర్‌ ది గ్రేట్‌’, ‘ఇళమై కోలంగల్‌’, ‘ఎంగ ఊరు కవల్కారన్‌’ వంటి సినిమాలు ముఖ్యమైనవిగా చెప్పుకోవచ్చు. వీటిలో ‘టిక్‌ టిక్‌ టిక్‌’లో కమల్‌ హాసన్‌ ప్రధాన పాత్రలో నటించగా, ‘కళ్యాణ అగతిగళ్‌’లో నిషా నూర్‌ కీలక పాత్ర పోషించారు. మలయాళ చిత్రాల్లోనూ ఆమె తనదైన ముద్ర వేశారు.అవకాశాలు తగ్గడంతో !సినిమాల్లో వరుసగా అవకాశాలు అందుకుంటూ సాగిన ఆమె కెరీర్‌ ఆ తర్వాత అనూహ్యంగా మలుపు తిరిగింది. అవకాశాలు తగ్గడం, వ్యక్తిగత సమస్యలు, ఆర్థిక ఇబ్బందులు ఆమె జీవితాన్ని తీవ్రంగా ప్రభావితం చేశాయని పలు కథనాలు పేర్కొన్నాయి. ఈ క్రమంలో పరిశ్రమకు చెందిన ఓ వ్యక్తి ఆమెను వ్యభిచారంలోకి నెట్టాడనే ఆరోపణలు కూడా అప్పట్లో వినిపించాయి. ఇలా ఆమెకు ఎయిడ్స్‌ సోకిందని, చివరి రోజుల్లో అత్యంత దయనీయ పరిస్థితుల్లో జీవించారని అప్పట్లో పలు కథనాలు వెలువడ్డాయి. అయితే అధికారికంగా ధ్రువీకరించలేదు. చివరిగా 2007లో ఆమె కన్నుమూశారు.‘ది డర్టీ పిక్చర్‌ 2’ కథ?సిల్క్‌ స్మిత జీవితంలోని కొన్ని అంశాల ఆధారంగా తెరకెక్కిన ‘ది డర్టీ పిక్చర్‌’లో విద్యాబాలన్‌ ప్రధాన పాత్రలో నటించి ప్రశంసలు అందుకున్నారు. 2011లో విడుదలైన ఈ సినిమా బాక్సాఫీస్‌ వద్ద మంచి విజయాన్ని సాధించడంతో పాటు జాతీయ స్థాయిలోనూ గుర్తింపు తెచ్చుకుంది. ఇప్పుడు దానికి కొనసాగింపుగా ‘ది డర్టీ పిక్చర్‌ 2’ తెరకెక్కనుందనే వార్తలు ఆసక్తిని రేకెత్తిస్తున్నాయి. చిత్ర బృందం నుంచి అధికారిక ప్రకటన వచ్చే వరకు వేచి చూడాల్సిందే.(ఇదీ చదవండి: 'ఆ కారణం వల్లే సినిమాలకు బ్రేక్'.. మృణాల్ ఠాకూర్) the dirty picture 2 happening.. confirmed by Ekta Kapoor. https://t.co/zCNqt2cybS— ABID KKC ~ GunmaasterG9 🔫 ~ (@KkcAbid) October 12, 2026

సినీ తారలు, రాజకీయ ప్రముఖుల మధ్య జరిగే భేటీలు ఎప్పుడూ ఆసక్తిని రేకెత్తిస్తుంటాయి. తాజాగా విజయ్ దేవరకొండ, నేషనల్ క్రష్ రష్మిక మందన్న తమిళనాడు ముఖ్యమంత్రి, దళపతి విజయ్‌ను మర్యాదపూర్వకంగా కలిశారు. ఈ సందర్భంగా ఆయనతో గడిపిన సమయాన్ని గుర్తు చేసుకుంటూ విజయ్ దేవరకొండ సోషల్ మీడియాలో చేసిన పోస్ట్ ప్రస్తుతం నెట్టింట వైరల్‌గా మారింది.ఒక్క మీటింగ్‌తోనే ఫేవరెట్ అయిపోయారు!‘దళపతి విజయ్‌తో గడిపిన క్షణాలు ఎంతో ప్రత్యేకం. రోజంతా బిజీగా ఉన్నప్పటికీ తమను ఎంతో ఆప్యాయంగా ఆహ్వానించారు. జీవితం, పని, ప్రపంచానికి సంబంధించిన ఎన్నో వ్యక్తిగత విషయాలతో పాటు విలువైన అనుభవాలను తమతో పంచుకున్నారు. ఒక్క సమావేశంతోనే విజయ్ నాకు ఎంతో ఇష్టమైన వ్యక్తిగా మారిపోయారు’ అని విజయ్‌ పోస్ట్‌లో పేర్కొన్నారు. ఈ మేరకు సోషల్ మీడియాలో చేసిన పోస్ట్ అభిమానులను ఆకట్టుకుంటోంది.అక్టోబర్ 16న రణబాలిగాపెళ్లి తర్వాత విజయ్ దేవరకొండ, రష్మిక కలిసి నటించిన చిత్రం ‘రణబాలి’. గతంలో విజయ్‌తో ‘టాక్సీవాలా’ తెరకెక్కించిన రాహుల్‌ సంకృత్యాన్‌ ఈ సినిమాకు దర్శకత్వం వహిస్తున్నాడు. దసరా కానుకగా అక్టోబర్ 16న ప్రేక్షకుల ముందుకు రానుంది. స్వాతంత్రం రాక ముందు రాయలసీమలోని ఒక ప్రాంతంలో జరిగిన అమానవీయ సంఘటనలను ఆధారంగా ఈ సినిమాను తెరకెక్కించారు.( ఇదీ చదవండి: ‘మండాడి’ తర్వాత సుహాస్‌ కొత్త సినిమా ఇదే)Had the most beautiful time with the dearest Thalapathy @actorvijay Sir. Even after a long day he received us with so much love and shared such personal insights into life, work and the world. One meeting and sir is already a favourite ❤️ Until next time, My love and respect. Vijay Deverakonda :)— Vijay Deverakonda (@TheDeverakonda) October 12, 2026

మండాడితో మంచి విజయాన్ని అందుకున్న సుహాస్‌ మరో సినిమాతో ప్రేక్షకుల ముందుకు రానున్నాడు. సుహాస్‌ ప్రధాన పాత్రలో, రాజేంద్ర బాల దర్శకత్వంలో ఓ సినిమా రూపొందుతోంది. సంజనా కృష్ణమూర్తి కథానాయిక. కార్తికేయన్‌ సంతానం, వార్తికా జైన్‌ నిర్మిస్తున్నారు. తాజాగా ఈ మూవీ టైటిల్‌ని ‘హైడ్‌ అండ్‌ సిల్క్‌’గా ఖరారు చేసింది చిత్రబృందం. ఈ మేరకు సోషల్‌ మీడిమాలో టైటిల్‌ ప్రోమోను విడుదల చేసింది. సుహాస్-సంజన ప్రేమ చిగురించిందని తెలుపుతూ.. విడుదల చేసిన ఫస్ట్ లుక్ పోస్టర్ సోషల్ మీడియాలో అందరినీ ఆకర్షిస్తోంది. ఈ సినిమాలో సుహాస్ సరసన సంజన కృష్ణమూర్తి హీరోయిన్‌గా నటిస్తున్నారు. తనికెళ్ల భరణి, నందు కీలక పాత్రలో కనిపించనున్నారు. ఈ సినిమాతోనే రాజేంద్ర బాల దర్శకుడిగా పరిచయం అవుతున్నారు. తెలుగు, తమిళ భాషల్లో త్వరలోనే విడుదల కానుంది. (ఇదీ చదవండి: దసరా పూజలు.. ఫొటోలు షేర్‌ చేసిన దిల్‌రాజ్‌ భార్య)

దసరా నవరాత్రుల వేళ ఇళ్లలో పండుగ సందడి నెలకొంది. అమ్మవారికి ప్రత్యేక పూజలు చేస్తూ భక్తులు భక్తిశ్రద్ధలతో నవరాత్రి ఉత్సవాలను నిర్వహిస్తున్నారు. ఈ క్రమంలో ప్రముఖ నిర్మాత దిల్ రాజు ఇంట్లోనూ దసరా వేడుకలు ప్రత్యేకంగా జరుగుతున్నాయి. ఆయన భార్య తేజస్విని వ్యాఘ తమ ఇంటి వద్ద అమ్మవారి మండపాన్ని ఏర్పాటు చేసి పూజలు నిర్వహించారు. ఈ మేరకు సోషల్‌ మీడియాలో షేర్‌ చేశారు. ఇప్పుడీ ఫొటోలు వైరల్‌ అవుతున్నాయి.నవరాత్రుల్లో మొదటి రోజు పూజ అనంతరం తేజస్విని తన కుటుంబ సభ్యులతో కలిసి అమ్మవారి మండపం వద్ద ఫొటోలు దిగారు. ఈ ఫొటోలను ఆమె సోషల్ మీడియాలో పంచుకున్నారు. ప్రస్తుతం ఈ చిత్రాలు నెటిజన్ల దృష్టిని ఆకర్షిస్తున్నాయి. సంప్రదాయబద్ధంగా అమ్మవారి పూజలు నిర్వహిస్తూ కుటుంబంతో కలిసి పండగను నిర్వహించుకున్న తేజస్విని ఫొటోలు సోషల్ మీడియాలో సందడి చేస్తున్నాయి.(ఇదీ చదవండి: ‘ఇరుముడి’ లాంటి సినిమా.. తండ్రీకొడుకుల సెంటిమెంట్‌కి 17 రెట్లు వసూళ్లు) View this post on Instagram A post shared by Tejaswini Vundavalli (@tejaswini_vygha)

పెద్ద పెద్ద సినిమాలు భారీ బడ్జెట్‌తో తెరకెక్కి బాక్సాఫీస్‌ వద్ద బోల్తా కొడుతుంటే.. చిన్న సినిమాలు మాత్రం అనూహ్య విజయాలను అందుకుంటున్నాయి. ఇటీవల ‘ఇరుముడి’ మంచి విజయాన్ని అందుకుని భారీ వసూళ్లు సాధించగా.. ఇప్పుడు మరో కన్నడ సినిమా ఇదే బాటలో దూసుకెళ్తోంది. అదే ‘ప్రేమద ఊరాలి’. ( తెలుగులో ప్రేమనే ఊరిలో) కేవలం రూ.2.5 కోట్ల బడ్జెట్‌తో తెరకెక్కిన ఈ చిత్రం.. విడుదలైన 16 రోజుల్లోనే సుమారు రూ.43.45 కోట్ల గ్రాస్‌ వసూళ్లు సాధించినట్లు ట్రేడ్‌ గణాంకాలు చెబుతున్నాయి. అంటే పెట్టిన పెట్టుబడికి దాదాపు 17 రెట్లకు పైగా వసూళ్లు రాబట్టి అందరినీ ఆశ్చర్యపరిచిందనే చెప్పాలి.మొదట్లో తక్కువ వసూళ్లు..శ్రీరామ్‌ హీరోగా తపస్విని పూనచ్చ కథానాయికగా మనోజ్‌ కుమార్‌ దర్శకత్వం వహించిన ఈ సినిమా తొలిరోజు బాక్సాఫీస్‌ వద్ద పెద్దగా ప్రభావం చూపలేకపోయింది. తొలి రోజు సుమారు 60 షోల ద్వారా కేవలం రూ.9 లక్షల వసూళ్లు మాత్రమే సాధించినట్లు సమాచారం. అయితే ఈ సినిమాలో తండ్రీకొడుకుల సెంటిమెంట్‌కి ప్రేక్షకులు కనెక్ట్‌ అయ్యారు. దీంతో క్రమంగా సానుకూల స్పందన రావడంతో సినిమా వసూళ్లు పుంజుకున్నాయి. మౌత్‌టాక్‌ బలపడటంతో థియేటర్ల సంఖ్యను పెంచారు. దీంతో వసూళ్లు కూడా గణనీయంగా పెరిగాయి.(ఇదీ చదవండి: అందుకే బిగ్‌బాస్‌లో షాలినిని ఉంచి నన్ను పంపించేశారు: చరణ్‌)సినిమాకు ప్రేక్షకుల ఆదరణ పెరుగుతుండటంతో ప్రదర్శనల సంఖ్య కూడా భారీగా పెరిగింది. 15వ రోజు నాటికి ఈ చిత్రం 1,178 షోలలో ప్రదర్శితమైనట్లు తెలుస్తోంది. ఆ రోజు థియేటర్లలో ఆక్యుపెన్సీ సుమారు 57 శాతంగా నమోదైనట్లు గణాంకాలు వెల్లడిస్తున్నాయి. ప్రారంభంలో పరిమితమైన వసూళ్లతో మొదలైన ఈ సినిమా.. ఆ తర్వాత ప్రేక్షకుల ఆదరణతో బాక్సాఫీస్‌ వద్ద తన సత్తా చాటింది. మొత్తంగా భారీ బడ్జెట్‌, స్టార్‌ హీరోలు మాత్రమే విజయానికి కొలమానం కాదని ‘ప్రేమద ఒరాలి’ మరోసారి నిరూపిస్తోంది. మంచి కథ, ప్రేక్షకుల ఆదరణ, పాజిటివ్‌ మౌత్‌టాక్‌ తోడైతే చిన్న సినిమాలు సైతం బాక్సాఫీస్‌ వద్ద భారీ విజయాలను అందుకోగలవని ఈ చిత్రం వసూళ్లు స్పష్టం చేస్తున్నాయి.(ఇదీ చదవండి: మమిత పెళ్లిపై నిర్ణయం అతడిదే.. ఈమె రియాక్షన్ ఇది)Sri Krishna Theatre Hagaribommanhalli #PremadaOoralli Yesterday Sunday Scenario overall weekend collection re sounding despite running in 2 theatre due to overcrowded from day before yesterday main theatre is ours this is not gonna stop anytime soon🏃😭🙏🧨... #PremadaOoralli 🎥 https://t.co/PXq4odcTQn— SriVishnu Ambadi... Raya! (@Vishnu36399105) October 12, 2026

బిగ్‌బాస్ తెలుగు 10 ఐదో వారం ముగిసింది. ఈ వారం అపూర్వ, చరణ్ మహాదేవ్ ఎలిమినేట్ కాగా.. ఐదుగురు కొత్త కంటెస్టెంట్లు హౌస్‌లోకి అడుగుపెట్టారు. శివ్, దక్ష, నీతూ మాస్టర్, శ్వేతా నాయుడు, రామకృష్ణ ఎంట్రీతో ఇంటి వాతావరణం మారిపోయింది. ఇక హౌస్ నుంచి బయటకు వచ్చిన చరణ్.. తన జర్నీ, హౌస్‌లోని పరిస్థితులపై ఆసక్తికర వ్యాఖ్యలు చేశాడు.హౌస్‌మేట్స్ ఓటింగ్‌తోనే ఎలిమినేషన్ప్రేక్షకుల ఓట్లతో రెండుసార్లు హౌస్‌లోకి వచ్చా. కానీ రెండు సార్లూ హౌస్‌మేట్స్‌ నిర్ణయం వల్లే బయటకు వచ్చా. ఈ సారి టాస్క్‌ల ప్రదర్శన మెరుగుపడిన టైంలోనే ఎలిమినేట్‌ కావడం బాధగా ఉంది. రీఎంట్రీ అవకాశం చాలా తక్కువ మందికి మాత్రమే వస్తుంది. నాకు, చైత్రకు ఈ అవకాశం దొరికింది. అగ్నిపరీక్ష నుంచి మొదలైన నా ప్రయాణంలో ప్రేక్షకులు చూపించిన ప్రేమ ఎప్పటికీ మర్చిపోలేను. అప్పటి నుంచి ఇప్పటివరకు మద్దతుగా నిలిచిన అభిమానులకు కృతజ్ఞతలు అని తెలిపాడు.కామన్స్‌ వర్సెస్ సెలబ్రిటీలుహౌస్‌లో కామన్స్‌, సెలబ్రిటీల మధ్య వ్యత్యాసం స్పష్టంగా కనిపించిందని చరణ్ అభిప్రాయపడ్డాడు. అందరూ కలిసిమెలిసి ఉన్నప్పటికీ ఓటింగ్ విషయానికి వచ్చేసరికి సెలబ్రిటీలు తమవారికి, కామన్స్‌ తమవారికి మద్దతుగా నిలుస్తారని చెప్పాడు. కెప్టెన్సీ సమయంలోనూ ఈ విషయం బయటపడిందని పేర్కొన్నాడు.షాలిని, రోహిత్ మధ్య ఉన్న బంధం గురించి స్పందిస్తూ.. అది వారి వ్యక్తిగత విషయమని, తాను అందులో జోక్యం చేసుకోలేదని స్పష్టం చేశాడు.షాలినిని ఉంచి తనను పంపించారా?నన్ను బయటకి పంపించేందుకు బలమైన కారణాలు చెప్పలేదు. వైల్డ్‌ కార్డ్‌ కంటెస్టెంట్లు షాలినిని టార్గెట్‌ చేయడం చూస్తుంటే.. ఆమెకు బయట నెగటివిటీ ఎక్కువగా ఉందని హౌస్‌మేట్స్‌ భావించవచ్చు. అందుకే షాలినిని హౌస్‌లో తనని ఉంచి నన్ను బయటకు పంపించి ఉండవచ్చు’అని అభిప్రాయ పడ్డాడు. (ఇదీ చదవండి: 28 రోజుల తర్వాత ఇంటికి.. యూట్యూబర్‌ భావోద్వేగ పోస్ట్‌)

నందూస్‌ వరల్డ్‌ యూట్యూబర్‌, నటి నందన గత కొద్ది కాలంగా సోషల్‌ మీడియాలో వైరల్‌ అవుతోంది. లండన్‌లో ఉద్యోగాలు ఇప్పిస్తామంటూ నిరుద్యోగుల నుంచి భారీగా డబ్బులు వసూలు చేశారనే ఆరోపణలతో ఆమెపై గతంలో కేసు నమోదైన విషయం తెలిసిందే. అయితే ఆమె తాజగా సోషల్‌ మీడియాలో చేసిన భావోద్వేగ పోస్ట్‌ ఆసక్తికరంగా మారింది. 28 రోజుల తర్వాత కుటుంబ సభ్యుల వద్దకు చేరుకున్న ఆమె.. ఈ సమయంలో ఎదురైన అనుభవాలు నేర్చుకున్న పాఠాలు గుర్తుచేసుకుంది.చేదు జ్ఞాపకాలతో కాకుండా..‘28 రోజుల తర్వాత అక్టోబర్‌ 4న నా కుటుంబం వద్దకు తిరిగి వచ్చాను. ఈ 28 రోజులు నాకు ఎన్నో విషయాలు నేర్పించాయి. నిజాయతీగా ఉండటం, సత్యం కోసం నిలబడటం, మనలోని ధైర్యాన్ని నమ్ముకోవడం ఎంత ముఖ్యమో తెలుసుకున్నాను. ఎన్నో సవాళ్లను ఎదుర్కొన్నాను. బాధను అనుభవించాను. కానీ చేదు జ్ఞాపకాలతో కాకుండా విలువైన పాఠాలు, ధైర్యం, ఆశతో తిరిగి వస్తున్నాను.నిజాయతీగా ఉండే మనుషులు ఇప్పటికీ ఉన్నారు. సత్యానికి ఇంకా విలువ ఉంది. మన విలువలను కాపాడుకోవడం ఎప్పుడూ వృథా కాదు. జీవితంలో అనుకోని పరీక్షలు ఎదురైనప్పటికీ.. వాటి కారణంగా మన విలువలను కోల్పోకూడదు. ఈ అనుభవం జీవితాంతం గుర్తుండిపోయే పాఠాలను నేర్పించింది. నన్ను మరింత బలంగా మార్చింది. ఈ దసరా పండుగకి ఓ విషయాన్ని గుర్తు చేయాలి. చీకటి ఎంత బలంగా కనిపించినా.. చివరికి సత్యం, మంచితనమే గెలుస్తాయి’ అని నందన తన పోస్ట్‌లో పేర్కొంది.కాగా మెగాస్టార్‌ చిరంజీవి నటించిన మన శంకర వర ప్రసాద్‌ సినిమాలో ఈమె కీలక పాత్రలో కనిపించారు. తన నటనతో తెలుగు ప్రేక్షకులకు మరింత దగ్గరయ్యారు.(ఇదీ చదవండి: ‘ఇరుముడి గాయిత్రి గుర్తుందా.. సంప్రదాయ దుస్తుల్లో ఫొటోలు చూశారా?) View this post on Instagram A post shared by Nandana (@nandu_world)

ఇరుముడి సినిమాలో గాయత్రి పాత్రలో నటించి ప్రేక్షకులకు గుర్తుండిపోయేలా చేసింది సామ్‌. ఆ ఒక్క సినిమాతోనే మంచి గుర్తింపు తెచ్చుకుంది. తనదైన నటనతో ప్రేక్షకులను ఆకట్టుకున్న ఈ నటి.. తాజాగా సంప్రదాయ దుస్తుల్లో మెరిసిపోయింది. ఇందుకు సంబంధించిన ఫొటోలను సోషల్ మీడియాలో పంచుకోగా.. ప్రస్తుతం అవి వైరల్‌గా మారాయి.సాంప్రదాయ దుస్తుల్లో అందంగా..ఇటీవల ఓ కార్యక్రమంలో పాల్గొన్న సామ్‌.. సంప్రదాయ దుస్తుల్లో ప్రత్యేక ఆకర్షణగా నిలిచింది. ఎంతో అందంగా ముస్తాబై దిగిన ఫొటోలను అభిమానులతో పంచుకుంది. ఈ ఫొటోల్లో ఆమె లుక్‌ అందరినీ ఆకట్టుకుంటోంది. సాధారణంగా తెరపై తన నటనతో అలరించే ఆమె.. ఇలా సంప్రదాయ దుస్తుల్లో కనిపించడంతో అభిమానులు ఆసక్తిగా చూస్తున్నారు.ఇరుముడితో గుర్తింపు..ఇరుముడి సినిమాలో గాయత్రి పాత్ర ఈ నటికి మంచి గుర్తింపును తీసుకొచ్చింది. ఆ పాత్ర ద్వారా ప్రేక్షకులకు దగ్గరైన ఆమె.. తన నటనతో ప్రత్యేకంగా నిలిచింది. దీంతో ఈ సినిమాలో ఆమె పోషించిన పాత్రను ప్రేక్షకులు ఇప్పటికీ గుర్తు చేసుకుంటున్నారు. ప్రస్తుతం ఈ ఫొటోలు సోషల్ మీడియాలో వైరల్‌గా మారడంతో అభిమానులు తమదైన శైలిలో స్పందిస్తున్నారు. ఆమె అందం, సంప్రదాయ లుక్‌ను ప్రశంసిస్తున్నారు.(ఇదీ చదవండి: పెళ్లిపై అనుపమ షాకింగ్‌ కామెంట్స్‌)

అనుపమా పరమేశ్వరన్, నరేష్‌ వీకే, తరుణ్‌ భాస్కర్, అఖిల్‌ ఉడ్డెమారి ప్రధాన పాత్రల్లో నటించిన సినిమా ‘క్రేజీ కల్యాణం’. బద్రప్ప గాజుల దర్శకత్వంలో బూసం జగన్‌ మోహన్‌రెడ్డి నిర్మించారు. ఈ సినిమా ఈ నెల 16న విడుదల కానుంది. ఈ మేరకు తాజాగా ట్రైలర్ లాంచ్ ఈవెంట్ హైదరాబాద్‌లో ఘనంగా జరిగింది. ఈ వేడుకకు హాజరైన నరేష్ నేటితరం పెళ్లిళ్లు, బంధాలపై తనదైన శైలిలో స్పందించారు. ఇప్పుడీ కామెంట్స్‌ వైరల్‌ అవుతున్నాయి. పెళ్లి చెసుకోకపోయినా..‘ఈ రోజుల్లో పెళ్లి చేసుకోవడం చాలా కష్టంగా మారింది. తల్లిదండ్రులు ఎంత ప్రయత్నించినా పెళ్లిళ్లు కావడం లేదు. గ్రామాల్లో కూడా ఇదే పరిస్థితి ఉంది. కేవలం పెళ్లి కోసమే కోట్ల రూపాయలు ఖర్చు చేయడం, ఆ తర్వాత విడాకుల కోసం మళ్లీ కోర్టుల చుట్టూ తిరుగుతూ అంతే డబ్బు ఖర్ఛు చేస్తున్నారు. ఇప్పుడు సహజీవనం కూడా చట్టబద్ధం అయిపోయింది. అందుకే కనీసం పెళ్లి చెసుకోకపోయినా పిల్లలు అయినా కనండి’ అని యువతని ఉద్దేశించి మాట్లాడారు.ఇదే ప్రశ్నను అనుపామ పరమేశ్వరన్‌ ని అడగ్గా.. ‘ మీ పెళ్లి అయ్యి రెండు నెలలే అవుతుంది కదా. అందుకే ఇంత క్యూరియాసిటీ ఉంది. ముందు మీ పెళ్లి లైఫ్‌ ఎలా ఉందో చెప్పండి. మీరే చెప్పండి..పెళ్లి చేసుకోవాలా వద్దా? అని అనుపమ ఓ జర్నలిస్ట్‌ అడిగిన ప్రశ్నకు తనదైన శైలిలో కౌంటర్‌ ఇచ్చింది.(ఇదీ చదవండి: ఈ వారం ఓటీటీల్లోకి 26 సినిమాలు.. ఆ ఐదు మిస్ అవ్వొద్దు)“పెళ్లిళ్లు చేసుకున్నా, చేసుకోకపోయినా పర్లేదు… పిల్లల్ని అయితే కనండి!” – Navarasa Raya Naresh | #CrazyKalyanam https://t.co/pMwUZf1ho6— cinee worldd (@Cinee_Worldd) October 11, 2026

బిగ్‌బాస్ తెలుగు సీజన్‌ 10లో ఐదో వారం ఉత్కంఠకు తెరపడింది. వైల్డ్ కార్డ్ కంటెస్టెంట్‌గా హౌస్‌లోకి అడుగుపెట్టిన అపూర్వ ప్రయాణం ముగిసింది. బయట జరుగుతున్న ఆటను చూసి వచ్చినా.. హౌస్‌లో తనదైన ముద్ర వేయడంలో ఆమె విఫలమైంది. ముఖ్యంగా షాలినీ, త్రిగుణ్‌లతో వివాదాలకే పరిమితం కావడంతో ప్రేక్షకుల నుంచి ఆశించిన స్థాయిలో మద్దతు పొందలేకపోయింది. దీంతో ఐదో వారం ఓటింగ్‌లో వెనుకబడిన అపూర్వ ఎలిమినేట్‌ అయింది. అయితే హౌస్‌ నుంచి బయటకు వెళ్లే ముందు పలువురు కంటెస్టెంట్లకు ఆమె ఇచ్చిన సలహాలు, చేసిన వ్యాఖ్యలు ఆసక్తికరంగా మారాయి.ఝాన్సీ ఎమోషనల్‌.. ఐదో వారం ఎలిమినేషన్‌లో భాగంగా అపూర్వ పేరు ప్రకటించడంతో హౌస్‌లో భావోద్వేగ వాతావరణం నెలకొంది. ఆమె బయటకు వెళ్తుందని తెలిసిన ఝాన్సీ కన్నీళ్లు పెట్టుకుంది. ఈ ఇంట్లో నీ గురించే ఎక్కువగా బాధపడతానని చెబుతూ అపూర్వకు వీడ్కోలు పలికింది. ఆటను జాగ్రత్తగా ఆడాలని ఝాన్సీకి సూచించిన అపూర్వ.. హౌస్‌ నుంచి బయటకు వచ్చింది.స్టేజ్‌పైకి వచ్చిన తర్వాత తన బిగ్‌బాస్‌ ప్రయాణానికి సంబంధించిన వీడియోను చూసి అపూర్వ భావోద్వేగానికి గురైంది. ఈ సందర్భంగా ఇంట్లోకి అడుగుపెట్టే ముందు తన తండ్రి చెప్పిన మాటలను గుర్తు చేసుకుంది. ‘మా నాన్న ఇంట్లోకి వచ్చే ముందు పరువు తీయకు.. పరువు నిలబెట్టు చాలు అని చెప్పారు. నేను అదే చేశానని అనుకుంటున్నా’ అని అపూర్వ చెప్పుకొచ్చింది.రోహిత్‌కు హద్దుల్లో ఉండాలని హితవుఅనంతరం నాగార్జున సూచనతో అపూర్వ హౌస్‌మేట్స్‌కు బిట్టర్‌ షాట్స్‌ ఇస్తూ వారి ఆటపై తన అభిప్రాయాలను వెల్లడించింది. మొదట రోహిత్‌కు బిట్టర్‌ షాట్‌ ఇచ్చింది. పక్కన ఉన్నవారిని తక్కువగా చూడొద్దని, తనను తాను ఎక్కువగా అంచనా వేసుకోవడం తగ్గించుకోవాలని సూచించింది. ఆటలో సమీకరణాలు ఎప్పుడైనా మారవచ్చని హెచ్చరించింది. తన ఆటపై నమ్మకం ఉండటం మంచిదే కానీ, అది హద్దులు దాటకూడదని రోహిత్‌కు హితవు పలికింది.రామ్‌ ప్రసాద్‌పై అపూర్వ ఘాటు వ్యాఖ్యలుఆ తర్వాత రామ్‌ ప్రసాద్‌కు బిట్టర్‌ షాట్‌ ఇచ్చిన అపూర్వ.. రిలేషన్స్‌ కారణంగా ఆటలో ఇతరులపై ఆధిపత్యం చెలాయిస్తున్నావంటూ విమర్శించింది. నీ స్వభావంలో స్వార్థం కనిపిస్తోందని, ఒకరి కోసం మరొకరికి అన్యాయం చేస్తున్నావని వ్యాఖ్యానించింది. ఆటలో వ్యక్తిగత సంబంధాల ప్రభావం ఎక్కువ కాకుండా చూసుకోవాలని పరోక్షంగా సూచించింది.షాలినీకి కీలక సలహాషాలినీ ఆట తీరుపైనా అపూర్వ తన అభిప్రాయాన్ని స్పష్టంగా చెప్పింది. ‘నిన్ను నువ్వు కోల్పోయావ్‌.. అగ్నిపరీక్షలో ఉన్నది వేరు, ఇక్కడ ఆట వేరు. చెట్టు చాటున ఉంటున్నావ్‌.. నీ కోసం నువ్వు ఆడు. ఆటలోకి దిగు.. వేరే విషయాల్లోకి వెళ్లిపోయావ్‌’ అంటూ సూచించింది. ఎదుటివారు చెప్పేది పూర్తిగా విన్న తర్వాతే స్పందించాలని సలహా ఇచ్చింది. తన మాటలు నచ్చితే స్వీకరించాలని, లేదంటే వదిలేయవచ్చని షాలినీకి చెప్పింది.

‘ఇరుముడి’తో హిట్‌ ట్రాక్‌ ఎక్కాడు రవితేజ. శివ నిర్వాణ దర్శకత్వం వహించిన ఈ చిత్రం రవితేజ కెరీర్‌కు ఓ కొత్త ఊపునిచ్చింది. ఇప్పుడు అదే జోష్‌తో కొత్త సినిమాను ప్రారంభించాడు. ఈ చిత్రానికి వివేక్‌ ఆత్రేయ దర్శకత్వం వహిస్తున్నాడు. ఈ రోజు (అక్టోబర్‌ 11) ఈ చిత్రం పూజా కార్యక్రమం ఘనంగా జరిగింది. ఈ సందర్భంగా సినిమా టైటిల్‌ని రివీల్‌ చేశారు మేకర్స్‌. ఈ చిత్రానికి ‘తులాభారం’అనే టైటిల్‌ని ఖరారు చేశారు. ఈ కార్యక్రమానికి రవితేజ కూతురు మోక్షద కూడా హాజరై ప్రత్యేక ఆకర్షణగా నిలిచింది. ఇప్పుడీ ఫొటోలు వైరల్‌ అవుతున్నాయి. ఈ చిత్రంలో రవితేజ సరసన ప్రియాంక మోహన్, అనస్వర రాజన్ హీరోయిన్లుగా నటిస్తున్నారు. టాలీవుడ్ సీనియర్ నటుడు జె.డి. చక్రవర్తి విలన్ పాత్రలో కనిపిస్తుండగా డైరెక్టర్ కమ్ నటుడు తరుణ్ భాస్కర్ కీలక పాత్రలో మెరవనున్నాడు.(ఇదీ చదవండి: ‘జైలర్‌2’ రజినీకాంత్‌ రెమ్యునరేషన్‌ ఎంతంటే..?)Ravi Teja’s Daughter at the #RT78 Launch Event with #AnaswaraRajan❤️✨ Watch Here : The Title Documentary https://t.co/XJE0KPnizt #RaviTeja #VivekAthreya #Laxman https://t.co/5M9mJ2eRnN— YouWe Media (@MediaYouwe) October 11, 2026

సూపర్‌స్టార్‌ రజినీకాంత్‌ హీరోగా నటిస్తున్న క్రేజీ సీక్వెల్‌ ‘జైలర్‌ 2’ కోసం అభిమానులు ఆసక్తిగా ఎదురుచూస్తున్నారు. నెల్సన్‌ దిలీప్‌కుమార్‌ దర్శకత్వంలో తెరకెక్కుతున్న ఈ చిత్రంపై భారీ అంచనాలు ఉన్నాయి. తొలి భాగం బాక్సాఫీస్‌ వద్ద మంచి విజయాన్ని అందుకోవడంతో.. రెండో భాగంపై ఆసక్తి నెలకొంది. అయితే రజినీకాంత్‌ పారితోషికానికి సంబంధించిన వివరాలు ఇప్పుడు సినీ వర్గాల్లో చర్చనీయాంశంగా మారాయి.రూ.300 కోట్ల వరకు బడ్జెట్‌?ఈ సినిమా బడ్జెట్‌ నటీనటుల పారితోషికాలతో కలిపి సుమారు రూ.240 కోట్ల నుంచి రూ.300 కోట్ల వరకు ఉండొచ్చని తెలుస్తోంది. అయితే నిర్మాణానికి అయ్యే అసలు ఖర్చును రూ.100 కోట్ల లోపే ఉంచినట్లు సమాచారం. ఈ సినిమాలో రజినీకాంత్‌కు సుమారు రూ.110 కోట్ల పారితోషికం తీసుకుంటున్నట్లు తెలుస్తోంది. అదనంగా సినిమా లాభాల్లో కూడా వాటా దక్కే అవకాశం ఉందట. ఈ వివరాలపై చిత్ర నిర్మాణ సంస్థ నుంచి అధికారిక ప్రకటన రావాల్సి ఉంది.ఈ సినిమాలో రజినీకాంత్‌తో పాటు మోహన్‌లాల్‌, శివరాజ్‌కుమార్‌, రమ్యకృష్ణన్‌, విద్యాబాలన్‌, ఎస్‌జే సూర్య, సూరజ్‌ వెంజరమూడు, విజయ్‌ సేతుపతి తదితరులు నటిస్తున్నారు. అనిరుధ్‌ రవిచందర్‌ సంగీతం అందిస్తున్నారు. సన్‌ పిక్చర్స్‌ ఈ చిత్రాన్ని నిర్మిస్తోంది.(ఇదీ చదవండి: నటితో బలవంతంగా వ్యభిచారం.. రక్షించిన పోలీసులు)

ప్యాంట్‌, షర్ట్‌ వేసుకొని మగ రాయుడిలా కనిపిస్తూ తనదైన నటనతో మంచి గుర్తింపు సంపాదించుకున్న నటి స్నిగ్ధ నయని. 'అలా మొదలైంది' సినిమాతో తన కెరీర్‌ని ప్రారంభించి... మేం వయసుకు వచ్చాం, దమ్ము, ప్రేమ ఇష్క్‌ కాదల్‌, చందమామ కథలు, టైగర్‌, కళ్యాణ వైభోగమే, ఓ బేబీ లాంటి చిత్రాలతో తెలుగు ప్రేక్షకులకు మరింత దగ్గరైంది. ఈ మధ్య సినిమాల్లో నటించడం లేదు కానీ.. సింగర్‌గా మాత్రం పలు షోలు చేస్తుంది. అయితే ఇటీవల ఈ నటికి సంబంధించిన ఓ వీడియో క్లిప్‌ నెట్టింట తెగ వైరల్‌ అయింది. ఆమె ఓ అమ్మాయిని పెళ్లి చేసుకున్నట్లుగా ఆ వీడియో ఉంది. తాజాగా ఆ వైరల్‌ వీడియోపై స్నిగ్ధ, తన పెళ్లిపై స్పందించింది. రీల్స్‌ కోసం చేసిన వీడియో చూసి నిజంగానే నేను అమ్మాయిని పెళ్లి చేసుకున్నట్లుగా ప్రచారం చేస్తున్నారని ఆమె క్లారిటీ ఇచ్చింది.(ఇదీ చదవండి: ఈ రోజుకు 84 ఏళ్లు.. రూ.90కోట్ల అప్పు.. రూ.4000 కోట్ల సామ్రాజ్యం!)తాజాగా ఆమె ఓ ఇంటర్వ్యూలో మాట్లాడుతూ.. ‘ఈ మధ్య చిన్న చిన్న గొడవలకే విడిపోతున్నారు. మంచి ప్రేమను కోల్పోతున్నారు. అలా చేయొద్దని చెప్పేందుకే ఓ రీల్‌ చేశాను. అందులో అమ్మాయిని పెళ్లి చేసుకున్నట్లుగా నటించాను. దీంతో అందరూ నా పెళ్లి అయిపోయిందని అనుకుంటున్నారు. నా గురించి మొత్తం తెలిసిన రిలేటివ్స్‌ కూడా ‘పెళ్లి చేసుకున్నావా..మాకెందుకు చెప్పలేదు’అని అడుగుతున్నారు. మంచి సందేశం ఇచ్చేందుకు రీల్‌ చేస్తే.. ఇలా వైరల్‌ చేశారు’ అని స్నిగ్ధ చెప్పుకొచ్చింది. ఇక ‘మీరు లెస్బియన్‌ హా? అని యాంకర్‌ అడగగా.. ‘ప్రస్తుతానికి అయితే అమ్మాయినే. నాకు పీరియడ్స్‌ వస్తాయి. కానీ, పీసీఓడీ ఉండడం వల్ల రెండు, మూడు నెలలకు ఒకసారి పీరియడ్స్‌ వస్తాయి. పీసీఓడీ వల్లనే ముఖంపై అవాంచిత రోమాలు వస్తాయి. నాకే కాదు చాలా మంది అమ్మాయిలకు ఇలానే వస్తాయి. థ్రెడింగ్‌ చేసుకుంటారు. ఇది చాలా మామూలు విషయం’ అని స్నిగ్ధ చెప్పుకొచ్చింది. ఇక పెళ్లి గురించి అడగ్గా.. ‘నాకు మంచి మనసు ఉన్న పర్సన్‌ దొరికితే కచ్చితంగా చేసుకుంటా. జెండర్‌తో సంబంధం లేదు. అమ్మాయిని అయినా పెళ్లి చేసుకుంటా. నాకు మంచి తోడు కావాలి. అలా దొరికినప్పుడు పెళ్లి చేసుకుంటా. లేదంటే ఇలానే సింగిల్‌గా ఉంటా’ అని అన్నారు.

బాలీవుడ్‌ స్టార్‌ హీరో సల్మాన్‌ ఖాన్‌ ఓ కొత్త యూట్యూబ్‌ ఛానల్‌ని ఏర్పాటు చేసిన విషయం తెలిసిందే. అయితే తాజాగా ఈ ‘బీయింగ్‌ సల్మాన్‌ ఖాన్‌’ ఛానల్‌పై ఆయన ఆసక్తికర వ్యాఖ్యలు చేశారు. ఈ మేరకు ఇన్‌స్టాగ్రామ్‌లో పోస్ట్‌ చేశారు.‘నా ఛానల్‌ చూస్తున్నందుకు చాలా థ్యాంక్స్‌. అందులో ఉండే కంటెంట్‌ మీకు అంతగా నచ్చకపోవచ్చు. ఎందుకంటే అది మీకోసం కాదు. కేవలం చిన్న పిల్లల కోసమే. వినోదం, ప్రేమ, కుటుంబ బంధాలతో పాటు పిల్లలకు విద్య కూడా ఎంతో అవసరం కదా’ అని సల్మాన్‌ ఖాన్‌​ పేర్కొన్నారు.కాగా ఇందులో సల్మాన్‌ఖాన్‌ రెండు రకాల పాత్రల్లో కనిపిస్తారు. ఒకటి నటన నేర్పించే గురువుగా.. రెండోది విద్యార్థిగా.. బాడీ లాంగ్వేజ్‌, డైలాగ్‌ డెలివరీ, హావభావాలు తదితర అంశాలను పిల్లలకు అర్థమయ్యే విధంగా నేర్పించనున్నారు. (ఇదీ చదవండి: బిగ్‌బీకి 84 ఏళ్లు.. రూ.90కోట్ల అప్పు.. రూ.4000 కోట్ల సామ్రాజ్యం!) View this post on Instagram A post shared by Salman Khan (@beingsalmankhan)

బాలీవుడ్‌ బిగ్‌ బీ అమితాబ్‌ బచ్చన్‌.. ఈ పేరు భారతీయ సినీ చరిత్రలో ఒక ప్రత్యేక అధ్యాయం. ఎన్నో దశాబ్దాలుగా వెండితెరపై తనదైన ముద్ర వేసిన ఆయన ప్రయాణంలో విజయాలు, అపజయాలు రెండూ ఉన్నాయి. ఒకప్పుడు ఆర్థిక కష్టాలతో అప్పుల ఊబిలో చిక్కుకున్న ఆయన.. నేడు వేల కోట్ల ఆస్తి ఉన్న కుటుంబానికి ప్రతినిధిగా నిలిచారు. అక్టోబర్‌ 11, 2026 నాటికి 84వ పడిలోకి అడుగుపెడుతున్న అమితాబ్‌ బచ్చన్‌ పుట్టినరోజు సందర్భంగా ఆయన సంపాదన, ఆస్తులు, ఆర్థిక సంక్షోభం నుంచి తిరిగి పుంజుకున్న తీరు గురించి తెలుసుకుందాం.రూ.4 వేల కోట్ల ఆస్తి..సినిమాల్లో స్టార్‌డమ్‌ సంపాదించడం ఒక ఎత్తయితే.. ఆ విజయాన్ని ఆర్థికంగా నిలబెట్టుకోవడం మరో ఎత్తు. అమితాబ్‌ బచ్చన్‌ కెరీర్‌ ఈ విషయానికి ఉదాహరణగా నిలుస్తుంది. అక్టోబర్‌ 2026లో ఇండియన్‌ ఎక్స్‌ప్రెస్‌ ప్రచురించిన హురున్‌ ఇండియా రిచ్‌ లిస్ట్‌ 2026 వివరాల ప్రకారం.. బచ్చన్‌ కుటుంబ సంపద సుమారు రూ.4,000 కోట్లుగా పేర్కొనబడింది. అయితే ఇది అమితాబ్‌ వ్యక్తిగత ఆస్తి మాత్రమే కాదు.. ఆయన కుటుంబానికి చెందిన మొత్తం సంపద.రూ.90 కోట్ల అప్పులు..ఈ రోజు వేల కోట్ల సంపద గురించి మాట్లాడుకుంటున్న అమితాబ్‌ జీవితంలో ఒకప్పుడు గడ్డు పరిస్థితులు ఎదురయ్యాయి. 1990ల చివర్లో ఆయన స్థాపించిన ఏబీసీఎల్‌ (అమితాబ్‌ బచ్చన్‌ కార్పొరేషన్‌ లిమిటెడ్‌) తీవ్ర ఆర్థిక ఇబ్బందుల్లో చిక్కుకుంది. కంపెనీ వ్యాపార ప్రయత్నాలు ఆశించిన ఫలితాలు ఇవ్వకపోవడంతో అప్పులు పెరిగిపోయాయి. పరిస్థితి ఎంతగా దిగజారిందంటే.. సుమారు రూ.90 కోట్ల అప్పుల భారం ఆయనను ఉక్కిరిబిక్కిరి చేసింది.‘కౌన్‌ బనేగా కరోడ్‌పతి’తో కొత్త జీవితం!ఆర్థిక ఇబ్బందుల నుంచి బయటపడేందుకు అమితాబ్‌ మళ్లీ తన బలమైన ఆయుధమైన నటనను నమ్ముకున్నారు. యశ్‌ చోప్రా దర్శకత్వంలో తెరకెక్కిన ‘మొహబ్బతేన్‌’ చిత్రంలో కీలక పాత్ర పోషించి ప్రేక్షకుల ముందుకు వచ్చారు. ఈ సినిమా ఆయన కెరీర్‌కు మళ్లీ ఊపునిచ్చింది. ‘కౌన్‌ బనేగా కరోడ్‌పతి’ కార్యక్రమానికి హోస్ట్‌గా వ్యవహరించడం ద్వారా అమితాబ్‌ ప్రేక్షకులకు మరింత చేరువయ్యారు. సినిమాలతో పాటు టెలివిజన్‌ ద్వారా కూడా ఆదాయాన్ని సంపాదించే అవకాశాలు పెరిగాయి.84 ఏ‍ళ్ల వయసులోనూ అదే జోరు!|వయసు పెరుగుతున్నా అమితాబ్‌ బచ్చన్‌ సినీ ప్రయాణం మాత్రం కొనసాగుతూనే ఉంది. సినిమాలు, టెలివిజన్‌ కార్యక్రమాలు, ప్రకటనలతో ప్రేక్షకులకు చేరువగా ఉంటున్నారు. ఎన్నో తరాల ప్రేక్షకుల అభిమానాన్ని సంపాదించుకున్న ఆయన.. విజయాన్ని మాత్రమే కాదు, అపజయం ఎదురైనప్పుడు మళ్లీ ఎలా నిలబడాలో కూడా తన జీవిత ప్రయాణంతో చూపించారు.(ఇదీ చదవండి: ‘రిపోర్టింగ్‌ లైవ్‌’ రివ్యూ: నెట్‌ఫ్లిక్స్‌లోకి వచ్చిన థ్రిల్లర్ మూవీ ఎలా ఉందంటే?)

ఓటీటీలో ‘ఇది చూడొచ్చు’ అనే ప్రాజెక్ట్స్‌ చాలా ఉంటాయి. ప్రస్తుతం స్ట్రీమ్‌ అవుతున్న వాటిలో హిందీ చిత్రం ‘రిపోర్టింగ్‌ లైవ్‌’ ఒకటి. నెట్‌ ఫ్లిక్స్‌లో స్ట్రీమ్‌ అవుతున్న ఈ చిత్రం గురించి తెలుసుకుందాం.సమాచారం... ప్రతి ఒక్కరికీ ప్రస్తుత ప్రపంచంలో ఈ సమాచారం అత్యవసరం. ఆ సమాచారాన్ని సేకరించి అందించడానికి ఉన్నవే మీడియా సంస్థలు, ప్రతినిధులు. సరిహద్దుల్లో సైనికుడు శత్రువుతో పోరాటం జరిపేటప్పుడు ఇదమిద్ధమైన కొన్ని లెక్కలుంటాయి. కాని ఓ వార్తను తీసుకురావడానికి వెళ్ళే జర్నలిస్టు తన జీవితాన్నే ఆ పోరాటపు లెక్కలో దింపుతాడు. నిజానికి విలువగల వార్తలను సేకరించి కాపు కాసేవాడు విలేకరి, అలాగే తమ కంటికి కనిపించిన ప్రతి సున్నితమైన సన్నివేశాన్ని అతి కష్టంతో చిత్రీకరించి, ఆ పై ప్రేక్షకులకు తమ వాక్చాతుర్యంతో ఆర్తిగా తెలిపి చూపేవే వార్తలు.తెరపై కొన్ని నిమిషాల సమాచారాన్ని తెర వెనుక తమ జీవితాలను పణంగా పెట్టి తీసుకువస్తున్న అసలు సిసలైన జర్నలిస్టుల జీవితానుభవాలను చూపించిన సినిమానే ‘రిపోర్టింగ్‌ లైవ్‌’. ఈ సినిమా చూస్తున్నంతసేపు ప్రేక్షకులు కూడా రిపోర్లు అయిపోతారు. అలా ప్రేక్షకులను ప్రభావితం చేస్తుందీ సినిమా. అంతలా ఏముందో ఈ సినిమాలో ఓసారి చూద్దాం. ఓ ఛానల్‌ లో పని చేసే సంధ్యాయాదవ్‌ తన కెమెరామేన్‌ అయిన వినోద్‌ శర్మతో కలిసి ముంబైలో జరిగిన ఓ బస్సు ప్రమాదాన్ని కవర్‌ చేయడానికి వెళుతుంది. మహారాష్ట్రలో జరిగిన ఈ బస్సు ప్రమాదం ఓ బ్రిడ్జి కూలిపోవడం వల్ల జరుగుతుంది. ఆ బస్సులో చాలా వరకు స్కూల్‌ పిల్లలే ప్రయాణికులు. ప్రమాదంలో బస్సు డ్రైవర్‌ సహా, టీచర్లతో పాటు పిల్లలంతా నీళ్ళలో మునిగి చనిపోతారు. ఇది కవర్‌ చేసిన సంధ్య ఆ బ్రిడ్జి నాణ్యతా లోపం వల్లే కూలిందని, అది కూడా అక్కడ జరిగే ఇసుక మాఫియా దందా వల్లనేనని తెలుసుకుంటుంది. దాంతో వినోద్‌తో కలిసి ఈ ప్రమాదానికి సంబంధించి ఎన్నో సాక్ష్యాలు సేకరిస్తుంది. మరి... సంధ్య సేకరించిన ఈ వార్తను సదరు సంస్థ ప్రసారం చేసిందా? చేస్తే సంధ్యకు, వినోద్‌కు ఎటువంటి అవరోధాలు ఎదురయ్యాయి? అన్న విషయాలను నెట్‌ఫ్లిక్స్‌లో స్ట్రీమ్‌ అవుతున్న ‘రిపోర్టింగ్‌ లైవ్‌ ’ సినిమాలోనే చూడాలి. బాలీవుడ్‌ రచయితలు ధ్రువ్‌ త్రిపాఠి, మిహిర్‌ జాదవ్‌ సంయుక్తంగా రాసిన కథను ధ్రువ్‌ త్రిపాఠి తెరకెక్కించారు. ప్రముఖ బాలీవుడ్‌ నటి పరిణీతీ చోప్రా ప్రధాన పాత్రలో నటించి, అలరించారు. రోజూ మనం చూసే వార్తల వెనుక ఉన్న కష్టాన్ని ఓ సారైనా చూడాలనుకుంటే ఈ సినిమా సరైన ఛాయిస్‌. మస్ట్‌ వాచ్‌ ఫర్‌ ద వీకెండ్‌.– హరికృష్ణ ఇంటూరు

‘‘మన చరిత్రలో ప్రజల కోసం నిలబడిన గొప్ప వీరులు ఉన్నారు. ఆ వీరుల్లో చాలామంది మూడు పదుల వయసులోనే చనిపోయారు. అలాంటివారే మా ‘రణబాలి’ సినిమాకు స్ఫూర్తి. ఆ వీరుల గొప్పదనం, మన పూర్వీకులు ఎదుర్కొన్న దారుణాలు, బ్రిటిషర్స్‌ ఈ విశాల దేశాన్ని ఎలా ఆక్రమించుకున్నారు? వీటన్నింటినీ మేం ‘రణబాలి’ సినిమా ద్వారా బిగ్‌ స్క్రీన్‌ పై ప్రపంచవ్యాప్తంగా ప్రేక్షకులకు చూపించబోతున్నాం’’ అని విజయ్‌ దేవరకొండ అన్నారు. విజయ్‌ దేవరకొండ, రష్మిక మందన్నా హీరో హీరోయిన్లుగా నటించిన చిత్రం ‘రణబాలి’. టీ సిరీస్‌ సమర్పణలో రాహుల్‌ సంకృత్యాన్‌ దర్శకత్వంలో నవీన్‌ ఎర్నేని, వై. రవిశంకర్‌ నిర్మించిన ఈ చిత్రం ఈ నెల 16న విడుదల కానుంది. ఈ సందర్భంగా విజయ్‌ దేవరకొండ చెప్పిన సంగతులు... → మన చరిత్ర గురించి మనం తెలుసుకోవాలనే ఆలోచనతో ‘రణబాలి’ సినిమా తీశాం. అనంతపురంలో జరిగే ఓ జాతరలో కొంతమంది వీరుల గురించి విన్న బుర్రకథల ఆధారంగా దర్శకుడు రాహుల్‌ ఈ కథను రెడీ చేశారు. ‘రణబాలి’ ఓ బుర్రకథతోనే ప్రారంభం అవుతుంది. మన దేశ భవిష్యత్‌ గురించి మనం ఆలోచించాలంటే చరిత్ర తెలియడం ముఖ్యం. మన చరిత్రలో మనకు తెలియకుండా రహస్యంగా మిగిలి΄ోయిన అధ్యాయాలను సినిమా మాధ్యమం ద్వారా వెలికి తీసే ప్రయత్నాలు జరుగుతుంటాయి. లేదంటే ఇంకెవరూ ఇలాంటి కథల్ని ముట్టుకోరు.→ ఈ సినిమాలో కొన్ని యాక్షన్‌ సన్నివేశాలు ఉన్నాయి. అయితే ఒకప్పుడు బ్రిటిషర్లు చేసిన దారుణాల కంటే మా సినిమాలో చూపించనవి తక్కువే. ఇది సాఫ్ట్‌గా చెప్పే కథ కాదు, సాఫ్ట్‌గా చూపించే ప్రపంచం కాదు. ఈ సినిమా కోసం యాస, గుర్రపు స్వారీ నేర్చుకోవడం చాలెంజింగ్‌గా అనిపించింది. నేను పుట్టపర్తిలో చదువుకున్నాను కాబట్టి రాయలసీమ యాస కొంత పరిచయమే. అయితే ఈ సినిమా కోసం పర్ఫెక్ట్‌గా ఉండేలా నేర్చుకున్నాను. → నేను హీరోగా చేసే సినిమాల్లో హీరోయిన్‌గా రష్మిక పేరును దర్శకులు సూచిస్తుంటారు. అయితే నాకు ‘రణబాలి’లోని జయమ్మ పాత్రకు రష్మిక అయితే కరెక్ట్‌ అనిపించింది. ఎందుకంటే ఈ సినిమాలో రణబాలి, జయమ్మ (రష్మిక పాత్ర పేరు) పాత్రల మధ్య మంచి ఎమోషనల్‌ డ్రామా ఉంది. మేమిద్దరం చేయడం వల్ల ఈ పాత్రలకు ఇంకాస్త ఎమోషనల్‌ డెప్త్‌ వచ్చింది. ఆ పాత్రలపై మా రియల్‌ లైఫ్‌ ఇంపాక్ట్‌ కూడా పడుతుంది. సినిమా చూస్తున్నప్పుడు ప్రేక్షకులు ఇదే ఫీల్‌ అవుతారు. → సినిమా టికెట్‌ ధరల పెంపు నాకు ఎప్పట్నుంచో ఇష్టం లేదు. కానీ ఇది నిర్మాతలకు సంబంధించిన విషయం. అయితే ప్రొడ్యూసర్‌కు కంట్రోల్‌ ఉన్నంతవరకు నేను హీరోగా చేసే ఏ సినిమాకు టికెట్‌ రేట్స్‌ హైక్‌ వద్దనే చెబుతాను. ‘బిజి నెస్‌ పరంగా మనం వర్కౌట్‌ చేసుకుందాం. నేను తక్కువ చేయడం (పారితోషికం ఉద్దేశించి కావొచ్చు), లాభాల్లో వాటా గురించి మాట్లాడుకోవడం వంటివి మనం చూసుకుందాం’ అని నిర్మాతలతో అంటుంటాను. విజయ్‌ దేవరకొండ సినిమాకు టికెట్‌ రేట్స్‌ హైక్‌ అనేది ఉండదు. ఒకవేళ నేను రాజమౌళిగారితో సినిమా చేస్తే అప్పుడు తెలియదు. ఇది ఇప్పుడే ఎందుకు చెప్తున్నానంటే ‘రణబాలి’ సినిమా అప్పుడు విజయ్‌ అలా చెప్పాడు. మళ్లీ ఇప్పుడు ఇలా ఏంటి? అనే చర్చ జరగకూడదు. ఇక ‘రణబాలి’ సినిమాకు రావాల్సిన డబ్బులు వస్తాయి. అయితే ఆ డబ్బులు ఎక్కువగా ఈ సినిమాను థియేటర్స్‌లో చూసి, ప్రేక్షకుల నుంచి వస్తే మంచిదని భావిస్తున్నాను. ఎందుకంటే ‘రణబాలి’ సినిమా ఉద్దేశం అందరికీ తెలియాలి. → తెలంగాణను ఎక్కువగా విలన్‌ క్యారెక్టర్స్‌కు చూపించారు. ఒక స్లాంగ్‌ను ఎక్కువగా కామెడీగా చూపించారు. రాయలసీమ స్లాంగ్‌ను విలన్, ఫ్యాక్షన్‌కు చూపించారు. రాహుల్‌ ‘రణబాలి’ చేశాడు. దర్శకుడు రవికిరణ్‌ నాతో గోదావరి బ్యాక్‌డ్రాప్‌లో ‘రౌడీ జనార్ధన’ సినిమా చేస్తున్నాడు. ఈ ఇద్దరూ ఆ ప్రాంతాల యాసల్లోని హీరోయిజం కనిపించేలా సినిమా చేస్తామని చెప్పారు. ఈ రెండు సినిమాలూ అలానే ఉంటాయి.→ బయోపిక్‌ చేయాలనే ఆకాంక్ష ఉంది. అయితే సత్య సాయిబాబా బయోపిక్‌కు న్యాయం చేయలేను. అందుకు కారణం ఆయనలో ఉన్న స్వచ్ఛత, సున్నితత్వం నాలో లేవన్నది నా ఫీలింగ్‌. నేను చేయగలిగే బయోపిక్‌లు వస్తే తప్పక చేస్తాను.

‘ఇరుముడి’తో హిట్‌ ట్రాక్‌ఎక్కాడ రవితేజ. శివ నిర్వాణ దర్శకత్వం వహించిన ఈ చిత్రం రవితేజ కెరీర్‌కు ఓ కొత్త ఊపునిచ్చింది. ఇప్పుడు అదే జోష్‌తో కొత్త సినిమాను ప్రారంభించాడు. ఈ చిత్రానికి వివేక్‌ ఆత్రేయ దర్‌శకత్వం వహిస్తున్నాడు. ఈ రోజు (అక్టోబర్‌ 11) ఈ చిత్రం పూజా కార్యక్రమం ఘనంగా జరిగింది. ఈ సందర్భంగా సినిమా టైటిల్‌ని రివీల్‌ చేశారు మేకర్స్‌. ఈ చిత్రానికి ‘తులాభారం’అనే టైటిల్‌ని ఖరారు చేశారు. ఓ ప్రత్యేక వీడియో ద్వారా ఈ విషయాన్ని తెలియజేశారు. ఇరుముడి టైటిల్‌ మాదిరే తులాభారం కూడా కాస్త డిఫరెంట్‌గా ఉంది. రవితేజకు ఉన్న మాస్‌ ఇమేజ్‌కి ఈ టైటిల్‌కి సంబంధం లేదు. ఇది పక్కా ఫ్యామిలీ ఎంటర్‌టైనర్‌లా ఉన్నట్లు తెలుస్తోంది. అయితే ఈ చిత్రంలో పొలిటికల్‌ టచ్‌ కూడా ఉంటుందట. అలాగే క్రైమ్‌ కామెడీతో పాటు లవ్‌స్టోరీ కూడా ఉండబోతుందట. అన్నింటిని బ్యాలెన్స్‌ చేయడానికే ‘తులాభారం’ అనే టైటిల్‌ని ఫిక్స్‌ చేసినట్లు వీడియో ద్వారా చెప్పారు.ఈ చిత్రంలో రవితేజ సరసన ప్రియాంక మోహన్, అనస్వర రాజన్ హీరోయిన్లుగా నటిస్తున్నారు. టాలీవుడ్ సీనియర్ నటుడు జె.డి. చక్రవర్తి విలన్ పాత్రలో కనిపిస్తుండగా డైరెక్టర్ కమ్ నటుడు తరుణ్ భాస్కర్ కీలక పాత్రలో మెరవనున్నాడు.

ప్రముఖ బ్యాడ్మింటన్ క్రీడాకారిణి పీవీ సింధు తనకు ఎంతో ప్రత్యేకమైన జెర్సీలు, దుస్తులను విక్రయానికి ఉంచారు. అయితే ఇది సాధారణ విక్రయం కాదు. మానసిక ఆరోగ్యంపై అవగాహన కల్పించడంతో పాటు, ఆ దిశగా సేవలందిస్తున్న దీపికా పదుకొణె ఫౌండేషన్‌కు నిధులు సమకూర్చేందుకు ఆమె ఈ నిర్ణయం తీసుకున్నారు. ఇంతకీ సింధు తన సేకరణలోని ఏయే దుస్తులను విక్రయానికి ఉంచారు? వాటి ధరలు ఎంత? వాటి వివరాలు తెలుసుకుందాం.ప్రపంచ మానసిక ఆరోగ్య దినోత్సవం సందర్భంగా..బాలీవుడ్ నటి దీపికా పదుకొణె మానసిక ఆరోగ్యంపై అవగాహన కల్పించేందుకు కొన్నేళ్లుగా కృషి చేస్తున్న విషయం తెలిసిందే. ఇందులో భాగంగా ఆమె స్థాపించిన ‘ది లివ్ లవ్ లాఫ్ ఫౌండేషన్’ (TLLLF) పలు కార్యక్రమాలు నిర్వహిస్తోంది. అయితే అక్టోబర్ 10న ప్రపంచ మానసిక ఆరోగ్య దినోత్సవం సందర్భంగా దీపికా తన వ్యక్తిగత దుస్తుల సేకరణకు సంబంధించిన కార్యక్రమాన్ని మరింత తెలిసేలా చేశారు. గతంలో తన వార్డ్‌రోబ్‌లోని దుస్తులను విక్రయించి ఫౌండేషన్‌కు నిధులు సమకూర్చేవారు. ఇప్పుడు ‘ఫీచర్డ్ క్లోసెట్స్’ పేరుతో క్రీడలు, వినోదం తదితర రంగాలకు చెందిన ప్రముఖులు కూడా తమ వ్యక్తిగత దుస్తులను ఈ కార్యక్రమానికి అందించేలా కొత్త ప్రయత్నాన్ని ప్రారంభించారు. ఈ కార్యక్రమంలో భాగంగా తొలి అతిథిగా పీవీ సింధు నిలివడం విశేషం.రూ.850 నుంచి రూ.1,100 వరకు..పీవీ సింధు తనకు ప్రత్యేకమైన జెర్సీలు, జెర్సీ సెట్లు, ఇతర దుస్తులను ఈ కార్యక్రమం కోసం అందించారు. వీటి ధరలు రూ.850 నుంచి రూ.1,100 వరకు ఉన్నట్లు సమాచారం. అభిమానులు ఈ దుస్తులను కొనుగోలు చేయడం ద్వారా తమ అభిమాన క్రీడాకారిణికి సంబంధించిన జ్ఞాపకాలను సొంతం చేసుకోవడంతో పాటు, మానసిక ఆరోగ్య కార్యక్రమాలకు పరోక్షంగా మద్దతు ఇచ్చేందుకు అవకాశముంటుంది.(ఇదీ చదవండి: రాజమౌళికి సిగ్గు ఎక్కువ.. మా ప్రేమ అలా మొదలైంది: రమా రాజమౌళి)ఈ విషయాన్ని దీపికా పదుకొణె తన ఇన్‌స్టాగ్రామ్ ఖాతా ద్వారా వెల్లడించారు. ‘ ఏడేళ్ల క్రితం ప్రపంచ మానసిక ఆరోగ్య దినోత్సవం సందర్భంగా ప్రారంభించిన ఈ కార్యక్రమానికి ఎంతోమంది మద్దతుగా నిలిచారు. ఇప్పుడు ఇతర ప్రముఖుల వ్యక్తిగత దుస్తులను కూడా అభిమానులకు అందుబాటులోకి తీసుకురావడం ఆనందంగా ఉంది. పీవీ సింధును తొలి అతిథిగా ఎంపిక చేసుకోవడం ప్రత్యేకం. ఆమె పట్టుదల, పోరాట స్ఫూర్తి, అంకితభావం ఎంతోమందికి స్ఫూర్తినిచ్చాయి.అని పేర్కొన్నారు.సింధు ఏమన్నారంటే?క్రీడాకారులను మానసికంగా ఎంతో దృఢంగా ఉండే వ్యక్తులుగా చూస్తుంటారు. అయితే వారు కూడా ఎన్నో సందర్భాల్లో ఒత్తిడిని ఎదుర్కొంటారు. ఇబ్బందులు ఎదురైనప్పుడు వాటి గురించి మాట్లాడటం ఎంతో అవసరం. మానసిక ఆరోగ్య సమస్యలను ఎదుర్కొంటున్నవారికి మరింత అర్థం చేసుకునే మనస్తత్వం, సహకారం లభించేలా ఈ కార్యక్రమం ఉపయోగపడుతుంది అని ఆశాభావం వ్యక్తం చేశారు.ఎలా ఉపయోగపడుతుంది?దీపికా పదుకొణె ప్రారంభించిన ఈ కార్యక్రమం ద్వారా ప్రముఖులు తమ వ్యక్తిగత దుస్తులను అందిస్తారు. వాటిని అభిమానులు కొనుగోలు చేయవచ్చు. ఈ విక్రయాల ద్వారా వచ్చే ఆదాయం లివ్ లవ్ లాఫ్ ఫౌండేషన్ నిర్వహించే కార్యక్రమాలు, అవగాహన ప్రచారాలు, మానసిక ఆరోగ్య సహాయక సేవలకు ఉపయోగపడుతుంది.ఇదీ చదవండి: మాకు పిల్లలు పుట్టేలోపు.. గుర్రాలను పెంచుకుంటా: విజయ్‌ దేవరకొండ View this post on Instagram A post shared by दीपिका पादुकोण (@deepikapadukone)

విజయ్ దేవరకొండ, రష్మిక జంటగా వస్తోన్న పీరియాడికల్ మూవీ రణబాలి. ఈ చిత్రాన్ని రాయలసీమలో బ్రిటీష్ కాలం నాటి పరిస్థితుల ఆధారంగా తెరకెక్కించారు. ఈ మూవీకి రాహుల్ సాంకృత్యాన్ దర్శకత్వం వహిస్తున్నారు. ఇప్పటికే షూటింగ్‌ పూర్తయిన ఈ సినిమా దసరా కానుకగా ఈ నెల 16న థియేటర్లలో సందడి చేయనుంది. దీంతో మూవీ టీమ్ ప్రమోషన్స్‌తో ఫుల్ బిజీగా ఉంది. దీనిలో భాగంగా ఈ రోజు(శనివారం) మీడియా సమావేశం నిర్వహించింది చిత్రబృందం. ఇందులో పాల్గొన్న విజయ్‌ తనదైన శైలిలో నవ్వూతూ పుట్టబోయే పిల్లలపై కామెంట్స్‌ చేశారు.మాకు పిల్లలు పుట్టేలోపు..‘రణబాలి ఎంతో కష్టపడి చేసిన సినిమా. దీని కోసం హార్స్‌ రైడింగ్‌ నేర్చుకున్నాను. చాలా సార్లు కింద పడ్డాను. కానీ గుర్రంతో మంచి బాండిగ్‌ ఏర్పడింది. అప్పుడే అనుకున్నా నేనూ ఒక గుర్రాన్ని పెంచుకోవాలని. అయితే ఒక్క గుర్రాన్ని పెంచితే మళ్లీ అది డిప్రెషన్‌లోకి వెళ్తుంది. దానికి తోడుగా ఇంకోటికూడా ఉండాలి. మాకు పిల్లలు పుట్టేలోపు గుర్రాలను తెచ్చుకొని​ పెంచుకుంటాను’ అని సరదాగా అంటూ నవ్వులు పూయించారు.రణబాలి విషయానికొస్తే.. 1854 నుంచి 1878 మధ్య జరిగిన వాస్తవ సంఘటనల ఆధారంగా ఈ చిత్రాన్ని రూపొందించారు. పాన్‌ ఇండియా స్థాయిలో తెరకెక్కుతున్న ఈ సినిమాలో విజయ్‌ దేవరకొండ యోధుడి పాత్రలో కనిపించనున్నాడు. అజయ్‌, అతుల్‌ సంగీతం అందిస్తున్న ఈ చిత్రాన్ని టీ-సిరీస్‌ సమర్పణలో మైత్రీ మూవీ మేకర్స్‌ బ్యానర్‌లో నిర్మించారు. (ఇదీ చదవండి: ‘ఆ డైరెక్టర్లు క్రిమినల్స్‌తో సమానం.. వారిని బ్యాన్‌ చేయాలి’)

‘టాక్సీవాలా’ తర్వాత రాహుల్ సంకృత్యన్ దర్శకత్వంలో విజయ్‌ దేవరకొండ హీరోగా నటించిన చిత్రం ‘రణబాలి’. రష్మిక మందన్నా హీరోయిన్‌గా నటిస్తుంది. పెళ్లి తర్వాత వీరిద్దరు కలిసి నటిస్తున్న చిత్రం కావడంతో ‘రణబాలి’పై భారీ అంచనాలు ఏర్పడ్డాయి. విజయ్‌ పాత్రకే కాదు రష్మిక పోషించిన జయమ్మ పాత్రకు సినిమాలో చాలా ప్రాధాన్యత ఉండబోతున్నట్లు సమాచారం. అయితే ఆ పాత్రకు రష్మికను తీసుకోవాలని విజయ్‌ చెప్పలేదట. దర్శకుడు రాహుల్‌ పట్టుపట్టి రష్మికను హీరోయిన్‌గా ఒప్పించారట. (ఇదీ చదవండి: రాజమౌళితో సినిమా చేస్తే తప్ప.. టికెట్ల రేట్లు పెంచను: విజయ్‌ దేవరకొండ)ఈ విషయాన్ని స్వయంగా విజయ్‌ దేవరకొండనే చెప్పాడు. తాజాగా ఆయన మీడియాతో ముచ్చటించారు. ఈ సందర్భంగా రష్మిక పాత్ర గురించి మాట్లాడుతూ.. ‘జయమ్మగా రష్మిక పేరును డైరెక్టర్ రాహుల్ సూచించాడు. నాకు కూడా ఆమె అయితేనే బాగుంటుంది అనిపించింది. గతంలోనూ నా సినిమాల్లో హీరోయిన్ గా రష్మిక ప్రస్తావన వచ్చినా ఆ సినిమాలకు తను కరెక్ట్ కాదు అనిపించింది. మేము కలిసి చేసే సినిమా స్పెషల్ గా ఉండాలని అనుకున్నాను. రణబాలి సినిమాలో మా ఇద్దరి మధ్య అలాంటి మంచి డ్రామా ఎమోషన్ ఉంది. మేము కలిసి చేయడం వల్ల ఈ పాత్రలకు ఇంకాస్త ఎమోషనల్ డెప్త్ వచ్చింది. ఎందుకంటే ఆ పాత్రలపై మా రియల్ లైఫ్ ఇంపాక్ట్ కూడా పడుతుంది. సినిమా చూస్తున్నప్పుడు మీరు కూడా ఇదే ఫీల్ అవుతారు’ అని విజయ్‌ అన్నారు.

తాజాగా శ్రీవిష్ణు హీరోగా, కోన వెంకట్ సమర్పణలో కోన ఫిల్మ్ కార్పొరేషన్, స్కంద వాహన మోషన్ పిక్చర్స్ బ్యానర్లపై సంయుక్తంగా రూపొందిన చిత్రం ‘కామ్రేడ్ కళ్యాణ్’. శుక్రవారమే ప్రేక్షకుల ముందుకొచ్చిన చిత్రం పాజిటివ్ టాక్‌ని సొంతం చేసుకుంది. ఈ సినిమా ప్రమోషన్లలో భాగంగా కోన వెంకట్‌ ఓ ఇంటర్వ్యూలో పాల్గొని ఆసక్తికరమైన కామెంట్స్‌ చేశారు. ఇప్పుడీ కామెంట్స్‌ వైరల్‌ అవుతున్నాయి.‘దాదాపు 3 గంటల 50 నిమిషాలతో సినిమా తీసి, ఆ తర్వాత ఎడిటింగ్ లో ఏకంగా 1 గంట 50 నిమిషాల ఫుటేజీని కట్‌ చేసేస్తే ఏం ఉపయోగం?. అలాంటప్పుడు అంత ఖర్చు పెట్టి తీయడం ఎందుకు, మళ్లీ దాన్ని కట్ చేయడం ఎందుకు?" అని తీవ్ర ఆగ్రహం వ్యక్తం చేశారు. ‘ఆ తొలగించిన గంటన్నర ఫుటేజీ తీయడానికి రూ.కోట్లు ఖర్చవుతాయి. ఆ వృథా అయ్యే రూ.కోట్లు ఎవరివి?, అప్పులు తెచ్చి పెట్టుబడి పెట్టిన నిర్మాతవి కాదా?.. ఆ డబ్బంతా నిర్మాత కుటుంబానికి చెందినవి కాదా?, హిట్‌ ప్లాప్‌లతో డైరెక్టర్‌కి సంబంధం లేదు. అయితే దాన్ని ప్లాన్‌ చేయాల్సి పని డైరెక్టర్‌దే. అలాంటి వాళ్లని ఇండస్ట్రీలో బ్యాన్‌ చేయాలి’ అని మండిపడ్డారు. (ఇదీ చదవండి: రాజమౌళికి సిగ్గు ఎక్కువ.. మా ప్రేమ అలా మొదలైంది: రమా రాజమౌళి )Ban these directors from Industry. --- Kona Venkat https://t.co/dgogyaFt5R— The Cine Gossips (@TheCineGossips) October 10, 2026

టైటిల్‌: బా బా బ్లాక్ షీప్నటీనటులు: టిను ఆనంద్, ఉపేంద్ర లిమాయె, రాజా రవీంద్ర, అక్షయ్ లగుసాని, విష్ణు ఓయ్, కార్తికేయ, విస్మయ శ్రీ, మాల్వీ మల్హోత్రా, సమృద్ధి ఆర్యల్, శుభలేఖ సుధాకర్, జార్జ్ మరియన్, కె.ఎల్. దామోదర్ ప్రసాద్, శివన్నారాయణ, అనీష్ కురువిల్లా తదితరునిర్మాణ సంస్థ: చిత్రాలయం స్టూడియోస్నిర్మాత: వేణు దోనేపూడిదర్శకత్వం: గుణి మంచికంటిసంగీతం: ఎలక్ట్రానిక్ కిలి, ఆనంద్ (ఆర్కాడొ)సినిమాటోగ్రఫీ: అజయ్ అబ్రహం జార్జ్ఎడిటింగ్: విజయ్ ముక్తవరపువిడుదల తేది: అక్టోబర్‌ 9, 2026కథేంటంటే.. సత్యనారాయణ అలియాస్ సత్తిపండు (విష్ణు ఓయ్) మేఘాలయాలో తన ప్రియురాలు మేరి (సమృద్ధి ఆర్యల్)ను పెళ్లి చేసుకోవడాని రెడీ అవుతుంటాడు. పెళ్లికి ముందు స్నేహితుడు సందీప్‌ (అక్షయ్‌ లగుసాని)తో కలిసి పార్టీ చేసుకోవాలనుకుంటాడు. మధ్యలోనే పోలీసులు రావడంతో పారిపోయేందుకు ప్రయత్నిస్తారు. ఈక్రమంలో సత్తిపండు కారు ప్రమాదానికి గురవుతుంది. అక్కడే సందీప్‌కి ఓ పెట్టె దొరుకుతుంది. దాన్ని తీసుకొని సత్తిపండు పెళ్లికి వెళ్తాడు. అక్క‌డికి గ్యాంగ్ స్ట‌ర్ జాన్‌(ఉపేంద్ర లిమాయో) వస్తాడు. పెట్టె కనిపించకపోవడంతో సందీప్, సత్తిపండులను కిడ్నాప్ చేసి తనదైన శైలిలో వేధిస్తాడు. బాక్స్‌ ఇవ్వకపోతే సత్తిపండుని చంపేస్తానని బెదిరిస్తాడు. ఫ్రెండ్ కోసం సందీప్‌.. మ‌రో ఫ్రెండ్ జాన్వీ(విస్మ‌య‌శ్రీ)తో ఆ బాక్స్‌ని వెతకడానికి వెళ్తాడు. మరి ఆ బాక్స్‌ దొరికిందా? అందులో ఏముంది? బాక్స్ కోసం జాన్ ఏం చేశాడు? చివరికి ఆ బాక్స్‌ ఎవరికి దొరికింది? సత్తిపండు పెళ్లి చివరకు ఏమైంది? ఈ కథలో శుభలేక సుధాకర్‌, రాజా రవీంద్ర పాత్రలు ఏంటి? అనేది తెలియాలంటే సినిమా చూడాల్సిందే. ఎలా ఉందంటే..క్రైమ్ కామెడీ కథకు వినోదాన్ని జోడిస్తూ దర్శకుడు గుణి మంచికంటి సినిమాను తెరకెక్కించారు. కథలోని ప్రధాన అంశం చుట్టూ పాత్రలను, సంఘటనలను నడిపిస్తూ ప్రేక్షకుల్లో ఆసక్తిని పెంచే ప్రయత్నం చేశారు. కథ ప్రారంభమైన తీరు బాగుంది. కొన్ని సన్నివేశాల్లో కామెడీ మెప్పిస్తుంది. కథలో వచ్చే మలుపులు కూడా ఆసక్తిని రేకెత్తిస్తాయి. క్రైమ్ కామెడీ అంటే ఆడియెన్స్ మైండ్‌లో సినిమాను ఇలాగే తెర‌కెక్కించి ఉంటార‌నే ఆలోచ‌న ఉంటుంది. దానికి తగ్గట్లుగానే ఈ కథనం సాగుతుంది. అయితే కథను ఆసక్తికరంగా మలచాల్సిన సన్నివేశాలు మాత్రం సాధారణంగా అనిపిస్తాయి. పాత్రల మధ్య జరిగే సంఘటనలు ప్రేక్షకులను పూర్తిస్థాయిలో కథలోకి తీసుకెళ్లలేవు.కామెడీ మాత్రం బాగానే వర్కౌట్‌ అయింది. లాజిక్కులు, కొత్తదనం ఆశించకుండా వెళ్తే.. ఈ సినిమా వినోదం పంచుతుంది.ఎవరెలా చేశారంటే..సందీప్ పాత్రకి అక్షయ్ లగుసాని న్యాయం చేశాడు. తెరపై ఉత్సాహంగా కనిపించాడు. డ్యాన్స్‌ కూడా బాగానే చేశాడు. సత్తిపండుగా విష్ణు ఓయ్ తనదైన బాడీ లాంగ్వేజ్, డైలాగ్ డెలివరీతో నవ్వులు పంచాడు. అతడి పాత్రలోని వైవిధ్యం కొన్ని సన్నివేశాల్లో బాగా కనిపిస్తుంది. గ్యాంగ్‌స్టర్ జాన్ పాత్రలో ఉపేంద్ర లిమాయె మరోసారి తన అనుభవాన్ని చూపించారు. కథలో కీలకమైన ఈ పాత్రను తనదైన నటనతో రక్తికట్టించే ప్రయత్నం చేశారు. విస్మయ శ్రీ, మాల్వీ మల్హోత్రా తమ పాత్రలకు న్యాయం చేశారు. పోలీస్ ఆఫీసర్‌గా రాజా రవీంద్ర, మూర్తిగా శుభలేఖ సుధాకర్ తమదైన నటనతో ఆకట్టుకున్నారు. మిగతా నటీనటులు కూడా కథకు తగ్గట్టుగా నటించారు.సాంకేతికంగా ఈ సినిమా పర్వాలేదు. సినిమాటోగ్రఫీ బాగుంది. మేఘాలయా లోకేషన్లను తెరపై మరింత అందంగా చూపించారు. ఎలక్ట్రానిక్ కిలి, ఆనంద్ (ఆర్కాడొ) అందించిన పాటలు, నేపథ్య సంగీతం కథకు అనుగుణంగా సాగాయి. ‘సమయమే ఇంద్రజాలం’, ‘వే వేల’, ‘ఆజా మేరి జాన్’ పాటలు ప్రేక్షకులను ఆకట్టుకుంటాయి.నేపథ్య సంగీతం ఓకే. ఎడిటింగ్‌ పర్వాలేదు. నిర్మాణ విలువలు సినిమాస్థాయికి తగ్గట్లుగా ఉన్నాయి.

నేచురల్ స్టార్ నాని ప్రస్తుతం వరుస సినిమాలతో బిజీగా ఉన్నారు. ఇటీవలే ‘ది ప్యారడైజ్’తో ప్రేక్షకులను పలకరించిన ఆయన.. త్వరలోనే దర్శకుడు సుజీత్ తెరకెక్కిస్తున్న ‘బ్లడీ రోమియో’తో సందడి చేయనున్నారు. ఇప్పటికే విడుదలైన టైటిల్ గ్లింప్స్‌కు మంచి స్పందన వచ్చింది. ప్రస్తుతం ప్రీ-ప్రొడక్షన్‌ దశలో ఉన్న ఈ చిత్రానికి సంబంధించి నాని పాత్ర లుక్‌ టెస్ట్‌ చేశారు. దసరా కానుకగా ఈ లుక్‌ను విడుదల చేయాలని చిత్ర బృంద భావిస్తోంది. ఈమేరకు సోషల్‌ మీడియా వేదికంగా ఓ ప్రత్యేక వీడియో పంచుకుంది. దీనిని ఎక్స్‌ వేదికంగా హీరో నాని షేర్‌ చేశారు. ఇప్పుడీ వీడియో వైరల్‌ అవుతోంది. కాగా తాజాగా ఓ ఇంటర్వ్యూలో నాని మాట్లాడుతూ ‘బ్లడీ రోమియో’ గురించి పలు ఆసక్తికర విషయాలు వెల్లడించారు. ఈ సినిమా చాలా యూనిక్‌గా, స్టైలిష్‌గా ఉంటుందని చెప్పారు. ఇందులో యాక్షన్, వైలెన్స్ ఉన్నప్పటికీ మరీ రా అండ్ రస్టిక్‌గా ఉండదని తెలిపారు.‘ఇది చాలా చమత్కారమైన సినిమా. స్టైలిష్ యాక్షన్ ఉంటుంది. సుజీత్ ఈ సినిమాకి ఓ కొత్త ట్రీట్‌మెంట్‌ ఇవ్వనున్నాడు. కేవలం తెలుగులోనే కాదు.. ఈ జానర్‌లో ఇలాంటి సినిమా ఇంతవరకూ ఎక్కడా చూడలేదు. ఈ చిత్రం థియేటర్లలో మంచి ఎక్స్‌పీరియన్స్ ఇస్తుంది. ‘ది ప్యారడైజ్’కు పూర్తి కాంట్రాస్ట్‌గా, చాలా రెఫ్రెషింగ్‌గా ఉంటుంద’ అని పేర్కొన్నారు. నాని చేసిన ఈ వ్యాఖ్యలతో ‘బ్లడీ రోమియో’పై అంచనాలు మరింత పెరిగాయి.ఇదీ చదవండి: ఓటీటీలోకి నాని ‘ది ప్యారడైజ్‌’.. ​కొత్త మార్పులతో స్ట్రీమింగ్‌..!I AM #BloodyRomeo Let’s go. @SujeethSign @BloodyRomeoFilm https://t.co/2ZEqwIONIg— Nani (@NameisNani) October 10, 2026

హీరోయిన్‌ నివేదా థామస్‌ విభిన్నమైన పాత్రలతో ప్రేక్షకుల్లో తనకంటూ ప్రత్యేక గుర్తింపు తెచ్చుకున్నారు. తక్కువ సమయంలోనే వరుస అవకాశాలు అందుకుని మంచి నటిగా పేరు సంపాదించారు. ఆ తర్వాత కొంతకాలం సినిమాలకు దూరంగా ఉన్న ఆమె.. 2024లో విడుదలైన ‘35 చిన్న కథ కాదు’ చిత్రంతో మరోసారి తన నటనతో ఆకట్టుకున్నారు. ఈ సినిమాతో ప్రశంసలతో పాటు పలు అవార్డులను అందుకున్నారు. కొంత విరామం తర్వాత ఇప్పుడు ‘శ్రీమతి’ అనే ఫ్యామిలీ డ్రామాతో ప్రేక్షకుల ముందుకు వచ్చేందుకు సిద్ధమవుతున్నారు. ఈ నేపథ్యంలో తాజాగా ఆమె చేసిన ఓ పోస్ట్ సోషల్ మీడియాలో చర్చనీయాంశంగా మారింది. విశ్వక్ ఖండేరావ్ దర్శకత్వంలో తెరకెక్కుతున్న ఈ చిత్రాన్ని ప్రైమ్ షో ఎంటర్‌టైన్‌మెంట్స్‌ సంస్థ నిర్మిస్తోంది. ఇప్పటికే విడుదలైన ఫస్ట్‌లుక్ పోస్టర్ సినిమాపై ఆసక్తిని పెంచింది. త్వరలోనే ఈ మూవీ చిత్రీకరణ ప్రారంభం కానుంది. ఈ క్రమంలో కొత్త సినిమా ప్రయాణం గురించి నివేదా థామస్‌ సోషల్ మీడియా వేదికగా స్పందించారు.‘కొత్త ప్రపంచంలోకి అడుగుపెడుతున్నా’‘అంతా సిద్ధమైంది! ఓ కొత్త ప్రపంచంలోకి అడుగుపెట్టేందుకు సిద్ధమవుతున్నాను. అది అంతా నాకు తెలిసినప్పటికీ ఇది ఎంతో అవసరమైనది. ఓ గొప్ప ప్రత్యేకతను కలిగి ఉంది. కొత్త సినిమా సెట్‌లో మొదటి రోజు దగ్గరపడుతుండటంతో నాలో ఓ రకమైన ఆందోళనగా భయంగా ఉంది. ఇది ఆత్రుత కాదు.. పని మొదలుపెట్టాలనే ఉత్సాహం. ఓ అమ్మాయి సినిమా చిత్రీకరణ కోసం బయలుదేరింది’ అని నివేదా థామస్‌ రాసుకొచ్చారు.ప్రస్తుతం ఈ పోస్ట్ అభిమానుల దృష్టిని ఆకర్షిస్తోంది. ‘35 చిన్న కథ కాదు’ తర్వాత నివేదా ఎలాంటి పాత్రతో ప్రేక్షకుల ముందుకు వస్తారన్న ఆసక్తి నెలకొంది. ‘శ్రీమతి’ చిత్రంతో ఆమె మరోసారి తన నటనతో మెప్పిస్తారని అభిమానులు ఆశిస్తున్నారు. ఈ సినిమా చిత్రీకరణ ఎప్పుడు ప్రారంభమవుతుంది? కథలో నివేదా పాత్ర ఎలా ఉండబోతోంది? అనే విషయాలపై మరింత స్పష్టత రావాల్సి ఉంది.(ఇదీ చదవండి: ఓటీటీలోకి నాని ‘ది ప్యారడైజ్‌’.. ​కొత్త మార్పులతో స్ట్రీమింగ్‌..!)All ready! Prepping to step into a new world. A familiar one but undeniably necessary and strongly original in its own way. There’s this nervous energy I feel nearing day one in a new set. Not anxious but excitement, to begin. A girl is off to film a movie 😊 https://t.co/AFAGR0TuQ4— Nivetha Thomas (@i_nivethathomas) October 10, 2026

సినిమా చూడాలని ఆసక్తి ఉన్నా.. టికెట్‌ ధరలు చూస్తేనే సామాన్య ప్రేక్షకుడు వెనకడుగు వేస్తున్నాడు. స్టార్‌ హీరోల సినిమాలకు ప్రీమియర్స్‌ నుంచి మొదటి వారం వరకు టికెట్‌ రేట్లను భారీగా పెంచేస్తుండటంతో థియేటర్‌లో సినిమా చూడటం చాలామందికి భారంగా మారింది. దీంతో కంటెంట్‌ బాగున్నా, యావరేజ్‌ టాక్‌ వచ్చిన సినిమాలు థియేటర్స్‌లో ఆడడం లేదు. ఈ వాస్తవాన్ని గుర్తించిన కొందరు నిర్మాతలు టికెట్‌ ధరలు పెంచకుండా సినిమాలను విడుదల చేస్తున్నారు. అయినా స్టార్‌ హీరోల చిత్రాల విషయంలో మాత్రం ఈ ట్రెండ్‌ మారడం లేదు. ఇలాంటి పరిస్థితుల్లో విజయ్‌ దేవరకొండ ఓ కీలక నిర్ణయం తీసుకున్నాడు. తన సినిమాలకు టికెట్‌ ధరలు పెంచబోనని ప్రకటించి ప్రేక్షకులకు ఊరటనిచ్చాడు.ఆయన నటించిన తాజా చిత్రం ‘రణబాలి’ ఈ నెల 16న ప్రేక్షకుల ముందుకు రాబోతుంది. ఈ నేపథ్యంలో తాజాగా ఆయన మీడియాతో ముచ్చటించారు. ఈ సందర్భంగా టికెట్ల రేట్ల గురించి మాట్లాడుతూ.. ‘రణబాలి చిత్రానికే కాదు ఇకపై నేను నటించిన ఏ చిత్రానికి కూడా టికెట్ల రేట్స్‌ పెంచను. ఒకవేళ నా సినిమాకు బడ్జెట్‌ ఎక్కువైతే.. నిర్మాతతో కలిసి మాట్లాడతాను. రెమ్యునరేషన్‌ కాస్త తగ్గించుకోవడమో లేదా ఇంకా ఏదైనా మార్గం ఉంటే చూస్తాను. ఒకవేళ రాజమౌళి సర్‌తో సినిమా చేస్తే తప్ప.. నా సినిమాలకు టికెట్ల రేట్ల పెంపు ఉండదు’ అని విజయ్‌ దేవరకొండ స్పష్టం చేశాడు. రణబాలి విషయానికొస్తే.. విజయ్ దేవరకొండ, రష్మిక మందన్నా జంటగా నటిస్తున్న భారీ పాన్ ఇండియా మూవీ ఇది. ఈ సినిమాకు రాహుల్ సంకృత్యన్ దర్శకత్వం వహిస్తున్నారు. టీ సిరీస్ సమర్పణలో మైత్రీ మూవీ మేకర్స్ బ్యానర్ పై నవీన్ యెర్నేని, వై రవిశంకర్ నిర్మించిన ఈ చిత్రం విజయదశమి పర్వదినం సందర్భంగా అక్టోబర్‌ 16న ప్రేక్షకుల ముందుకు రానుంది.

దర్శకధీరుడు ఎస్‌.ఎస్‌. రాజమౌళి అంటే గుర్తొచ్చేది అద్భుతమైన సినిమాలు.. బాక్సాఫీస్‌ రికార్డులు.. ప్రపంచవ్యాప్తంగా తెలుగు సినిమా ఖ్యాతిని చాటిన విజయాలు. కానీ, ఆయన వ్యక్తిగత జీవితం గురించి తెలుసుకోవాలనే ఆసక్తి కూడా అభిమానుల్లో ఎప్పుడూ ఉంటుంది. ముఖ్యంగా భార్య రమా రాజమౌళితో ఆయన ప్రేమకథ ఎలా మొదలైంది? ఒకరినొకరు ఎలా అర్థం చేసుకున్నారు? వారి దాంపత్య జీవితం ఇన్నేళ్లుగా ఇంత అన్యోన్యంగా సాగడానికి కారణమేంటి? గతంలో ఓ ఇంటర్వ్యూలో రమా రాజమౌళి పంచుకున్న విషయాలు ఈరోజు రాజమౌళి పుట్టినరోజు సందర్భంగా మరోసారి వైరల్‌ అవుతున్నాయి.కుటుంబ పరిచయం నుంచి ప్రేమ వరకు..రమా రాజమౌళి మాట్లాడుతూ.. తమ బంధం ఎలా మొదలైందో వివరించారు. రాజమౌళి, ఎం.ఎం. కీరవాణి బంధువులని, కీరవాణి భార్య వల్లి ద్వారా ఆయనతో తమ కుటుంబానికి పరిచయం ఏర్పడిందని తెలిపారు. అలా మొదలైన పరిచయం కొన్నేళ్లపాటు కుటుంబ స్నేహంగా కొనసాగిందన్నారు. ఆ సమయంలో తమ మధ్య ప్రత్యేకమైన భావాలు ఏమీ లేవని చెప్పారు. అయితే, కాలక్రమేణా ఒకరినొకరు మరింత దగ్గరగా అర్థం చేసుకున్నామని, జీవితాంతం కలిసి ప్రయాణించగలమనే నమ్మకం కలిగిందని వెల్లడించారు. తమది పెద్ద ప్రేమకథ కాదని, ఒకరిపై మరొకరికి ఏర్పడిన అవగాహనే బంధాన్ని బలపరిచిందని వివరించారు.(ఇదీ చదవండి: జెర్సీలు అ‍మ్మకానికి పెట్టిన పీవీ సింధు.. దీపికకు ఆర్థిక సాయం)‘శాంతినివాసం’ రోజుల్లో మరింత దగ్గరగా..రాజమౌళి, రమా రాజమౌళి మధ్య పరిచయం మరింత బలపడటంలో ‘శాంతినివాసం’ రోజులూ కీలకంగా మారాయి. ఆ సమయంలో ఒకరినొకరు మరింత దగ్గరగా తెలుసుకున్నారని ఆమె గుర్తుచేసుకున్నారు. ఆ తర్వాత రాజమౌళికి ‘స్టూడెంట్ నంబర్‌ 1’ సినిమాకు దర్శకత్వం వహించే అవకాశం రావడంతో వారి బంధంపై మరింత స్పష్టత ఏర్పడిందని తెలిపారు. ‘రాజమౌళి చాలా సిగ్గుపడే వ్యక్తి. ఆయన పనిపైనే ఎక్కువగా దృష్టి పెడతారు. సినిమాలే ఆయన ప్రపంచం. అయితే కుటుంబానికి కూడా అంతే ప్రాధాన్యం ఇస్తారు. దర్శకుడిగా ఎంతటి పనిలో ఉన్నా కుటుంబ బంధాలను ప్రేమగా చూసుకుంటారు. ఇద్దరి మధ్య వ్యక్తిగత విషయాల్లో పెద్దగా అభిప్రాయ భేదాలు ఉండవు. దాదాపు 99 శాతం విషయాల్లో తమ అభిప్రాయాలు కలుస్తాయి. సినిమాలకు సంబంధించిన పనుల విషయంలో అప్పుడప్పుడు చిన్నచిన్న భేదాలు వచ్చినప్పటికీ, వ్యక్తిగత జీవితంలో మాత్రం ఒకే ఆలోచనతో ముందుకు సాగుతాం’ అని వెల్లడించారు.సినిమాలే కాదు.. ప్రయాణాలంటేనూ ఇష్టం!రాజమౌళి, రమా రాజమౌళికి సినిమాలతో పాటు ప్రయాణాలంటే కూడా ఎంతో ఇష్టమట. సెలవులు దొరికినప్పుడు వివిధ దేశాలను సందర్శించడం తమకు ఇష్టమైన వ్యాపకమని రమా రాజమౌళి వెల్లడించారు. భవిష్యత్తులో రిటైర్మెంట్‌ తర్వాత ఏయే ప్రాంతాలు, దేశాలు చూడాలనే విషయంపై కూడా తరచూ మాట్లాడుకుంటామని చెప్పారు. అంతేకాదు.. తాము సందర్శించిన దేశాలకు సంబంధించిన నాణేలను సేకరించి, వాటిని ఒక ఫ్రేమ్‌లో భద్రపరచుకోవాలని ముందుగానే ప్రణాళిక వేసుకున్నామని తెలిపారు. సినిమాల ప్రపంచంలో నిరంతరం బిజీగా ఉండే రాజమౌళి దంపతులు వ్యక్తిగత జీవితానికి, ప్రయాణాలకు కూడా సమయం కేటాయించాలనుకోవడం విశేషం.(ఇదీ చదవండి: రణబాలి బడ్జెట్ 120 కోట్లు.. విజయ్‌, రష్మికల రెమ్యునరేషన్‌ ఎంతంటే?)

పెళ్లి తర్వాత విజయ్ దేవరకొండ, రష్మిక కలిసి నటించిన చిత్రం ‘రణబాలి’. గతంలో విజయ్‌తో ‘టాక్సీవాలా’ తెరకెక్కించిన రాహుల్‌ సంకృత్యాన్‌ ఈ సినిమాకు దర్శకత్వం వహిస్తున్నాడు. దసరా కానుకగా అక్టోబర్ 16న ప్రేక్షకుల ముందుకు రాబోతుంది.స్వాతంత్రం రాక ముందు రాయలసీమలోని ఒక ప్రాంతంలో జరిగిన అమానవీయ సంఘటనలను ఆధారంగా ఈ సినిమాను తెరకెక్కించాడు దర్శకుడు రాహుల్ సంకృత్యాన్. రణబాలి పాత్ర డిమాండ్ అనుగుణంగా వయొలెన్స్ కూడా అవసరమైన మోతాదు కంటే ఎక్కువే పెట్టినట్టు టీజర్‌, ట్రైలర్‌ చూస్తే అర్థమవుతుంది. ఇక పీరియాడిక్‌ బ్యాక్‌ డ్రాప్‌ కాబట్టి.. ఖర్చు కూడా భారీగానే పెట్టారట. మొదట ఈ చిత్రాన్ని రూ. 80 కోట్ల బడ్జెట్‌తో తెరకెక్కించాలని అనుకున్నారట. అయితే షూటింగ్‌ తర్వాత ఖర్చులు పెరిగి.. ఆ బడ్జెట్‌ కాస్త రూ. 120 కోట్లకు చేరినట్లు సమాచారం. ఇందులో విజయ్‌ దేవరకొండ, రష్మికల పారితోషికాలే దాదాపు రూ. 30 కోట్ల వరకు ఉంటుందట. (ఇదీ చదవండి: త్రివిక్రమ్.. నా కుటుంబ బలహీనతని వాడుకున్నారు)అయితే షూటింగ్‌ ప్రారంభం అయినప్పుడే ఓటీటీ బిజినెస్‌ కావడంతో నిర్మాతలకు ఊపిరి పీల్చుకున్నారు. నెట్‌ఫ్లిక్స్‌ భారీ ధరకు ఓటీటీ రైట్స్‌ దక్కించుకుంది. శాటిలైట్‌, ఆడియో రైట్స్‌తో కలిపి మొత్తంగా నాన్‌ థ్రియేట్రికల్‌ రూపంలో రూ. 60 కోట్ల వరకు వెనక్కి వచ్చినట్లు తెలుస్తోంది. ఇక మిగిలిన 60 కోట్లను రిలీజ్‌ తర్వాత రాబట్టాల్సి ఉంటుంది. ఇప్పటివరకు ఈ సినిమాపై బజ్‌ భారీగానే ఉంది. రిలీజ్‌ తర్వాత హిట్‌ టాక్‌ వస్తే.. రూ. 60 కోట్ల కలెక్షన్స్‌ ఈజీగానే వచ్చేస్తుంది. విజయ్‌ ఖాతాలో హిట్‌ పడి చాలా కాలమైంది. మరి ఈ చిత్రంలో అయినా హిట్‌ ట్రాక్‌ ఎక్కుతాడా లేదా? చూడాలి.

బిగ్‌బాస్ తెలుగు సీజన్‌ 10లో టాస్కులు, గొడవలు, గ్రూప్‌ గేమ్స్‌ ప్రేక్షకులను అలరిస్తున్నాయి. అయితే తాజాగా హౌస్‌లో కొందరు కంటెస్టెంట్లు ప్రవర్తిస్తున్న తీరుపై సోషల్‌ మీడియాలో విమర్శలు వెల్లువెత్తుతున్నాయి. ముఖ్యంగా షాలిని–రోహిత్‌, వర్షిణి–ముఖేష్‌ మధ్య కనిపిస్తున్న సన్నిహిత సన్నివేశాలు ఇప్పుడు నెట్టింట చర్చనీయాంశంగా మారాయి. దీంతో అసలు హౌస్‌లో ఏం జరుగుతోంది? కెమెరాలు ఉన్నాయన్న విషయం కంటెస్టెంట్లకు గుర్తుందా? అంటూ నెటిజన్లు ప్రశ్నిస్తున్నారు.సన్నిహిత సన్నివేశాలపై చర్చ..బిగ్‌బాస్‌ హౌస్‌లో కంటెస్టెంట్ల మధ్య స్నేహం, అనుబంధాలు ఏర్పడటం సహజమే. అయితే ఆ సాన్నిహిత్యం హద్దులు దాటుతోందంటూ కొందరు ప్రేక్షకులు అభిప్రాయపడుతున్నారు. ముఖ్యంగా షాలిని–రోహిత్‌, వర్షిణి–ముఖేష్‌ మధ్య కనిపిస్తున్న క్లోజ్‌ మూమెంట్స్‌పై సోషల్‌ మీడియాలో రకరకాల కామెంట్లు చేస్తున్నారు. ఈ రెండు జంటల మధ్య ప్రేమాయణం నడుస్తోందంటూ కొందరు ట్రోల్‌ చేస్తుండగా.. మరికొందరు మాత్రం అవి స్నేహానికి సంబంధించిన సన్నివేశాలేనని అంటున్నారు.స్విమ్మింగ్‌ పూల్‌ వద్ద..ఇటీవల ప్రసారమైన ఎపిసోడ్‌లో స్విమ్మింగ్‌ పూల్‌ వద్ద కంటెస్టెంట్లు సందడి చేయడం ప్రత్యేక ఆకర్షణగా నిలిచింది. కొందరు షర్టులు లేకుండా కనిపించడం, మరికొందరు హగ్‌ చేసుకోవడం వంటి సన్నివేశాలు ప్రేక్షకుల దృష్టిని ఆకర్షించాయి. అయితే ఈ దృశ్యాలపైనే ఇప్పుడు భిన్నాభిప్రాయాలు వ్యక్తమవుతున్నాయి. వినోదం కోసం చేసే పనులకు, కెమెరాల ముందు ప్రవర్తించే తీరుకు మధ్య తేడా ఉండాలంటూ కొందరు నెటిజన్లు వ్యాఖ్యానిస్తున్నారు.వర్షిణి–ముఖేష్‌ కెమిస్ట్రీపై రచ్చ!వర్షిణి, ముఖేష్‌ కలిసి ‘జలజల జలపాతం’ పాటకు అనుగుణంగా చేసిన సందడి కూడా నెట్టింట చర్చకు దారితీసింది. వీరిద్దరి మధ్య కనిపిస్తున్న సాన్నిహిత్యాన్ని చూసి కొందరు ప్రేమ అంటూ కామెంట్లు చేస్తుంటే.. మరికొందరు మాత్రం అదంతా సరదా కోసమేనని అభిప్రాయపడుతున్నారు. ఇంకొందరైతే ప్రేక్షకుల దృష్టిని ఆకర్షించేందుకే ఇలాంటి సన్నివేశాలకు ప్రాధాన్యం ఇస్తున్నారా? అంటూ ప్రశ్నిస్తున్నారు. అయితే ఈ సన్నివేశాలపై వస్తున్న వ్యాఖ్యలు ప్రేక్షకుల వ్యక్తిగత అభిప్రాయాలే. అవి నిజంగా ప్రేమకు సంకేతాలా? లేక స్నేహంలో భాగంగా చేసిన సరదా పనులా? అనేది సంబంధిత కంటెస్టెంట్లకే తెలియాలి. రాబోయే ఎపిసోడ్లలో వీరి ప్రవర్తన ఎలా ఉండబోతోందో చూడాలి.(ఇదీ చదవండి: ‘ఇరుముడి’ తర్వాత రవితేజ సినిమా ఇదే!) Orrey asaluu em jaruguthundi raa ee house la 😳 BiggBoss eh na idi #BiggBossTelugu10 #Mukesh #Muva https://t.co/Gf5XsR1slg— DRAGON 🦚🐉 (@Flash_Man18) October 8, 2026 Thuu entra babu intha sepu hug entra adi kuda antha tight ga Last lo lips ki unna lipstick kuda shirt ki antinchukunav #BiggBossTelugu10 https://t.co/6w4VBTXnYx— ⚡ (@UnfilteredEra3) October 9, 2026

మాస్‌ మహారాజా రవితేజ అభిమానులకు మరో ఆసక్తికరమైన అప్‌డేట్‌ వచ్చేసింది. తన తదుపరి సినిమాపై వస్తున్న వార్తలకు చిత్రబృందం అధికారిక ప్రకటనతో తెరదించింది. యువ దర్శకుడు వివేక్‌ ఆత్రేయ దర్శకత్వంలో రవితేజ తన 78వ సినిమా చేయబోతున్నారు. ఈ చిత్రానికి సంబంధించిన వివరాలను నిర్మాణ సంస్థ బ్రిడ్స్‌ ప్రొడక్షన్స్‌ సోషల్‌ మీడియా వేదికగా వెల్లడించింది.రవితేజ – వివేక్‌ ఆత్రేయ కాంబోలోరవితేజ కెరీర్‌లో 78వ చిత్రంగా తెరకెక్కనున్న ఈ ప్రాజెక్ట్‌కు (RT78) వివేక్‌ ఆత్రేయ దర్శకత్వం వహించనున్నారు. లక్ష్మణ్‌, శ్రీనిరావు ఈ చిత్రాన్ని నిర్మించనున్నారు. కొంతకాలంగా ఈ కాంబినేషన్‌పై ప్రచారం జరుగుతుండగా.. తాజాగా నిర్మాణ సంస్థ అధికారిక ప్రకటనతో ఈ వార్తలకు బలం చేకూరింది. ఈ సినిమాకు సంబంధించిన టైటిల్‌ను అక్టోబరు 11న ప్రకటించనున్నట్లు చిత్రబృందం వెల్లడించింది.కథానాయిక ఎవరు?ఈ చిత్రంలో రవితేజ సరసన నటించబోయే కథానాయిక ఎవరు? ఇతర కీలక పాత్రల్లో ఎవరెవరు కనిపించనున్నారు? అనే విషయాలపై ఇంకా స్పష్టత రావాల్సి ఉంది. టైటిల్‌ ప్రకటనతో పాటు సినిమా గురించి మరిన్ని వివరాలు వెల్లడవుతాయా? అన్న ఆసక్తి అభిమానుల్లో నెలకొంది. దర్శకుడు వివేక్‌ ఆత్రేయ తనదైన కథాకథనంతో ఈ చిత్రాన్ని ఎలా తెరకెక్కించనున్నారో చూడాలి.(ఇదీ చదవండి: రాజ్యసభకు రజినీకాంత్‌ భార్య?)Okadu Horror Cinema antadu.. Inkokadu edo antadu.. Inkokadu vachi Inkedo antadu.. Inthaki title emayyuntundho - 11th October 10:30AM ki chuddamu 😉 #RT78 M̶a̶s̶s̶ ̶M̶a̶h̶a̶r̶a̶j̶a̶ @RaviTeja_offl #VivekAthreya #Laxman #SriniRao @BridgeProdoffl https://t.co/AQQ7RGsaNs— Bridge Productions (@BridgeProdoffl) October 9, 2026

తమిళనాడులో రాజకీయం అంటే సినీ ప్రముఖులే గుర్తువస్తారు. ఎందుకంటే తమిళ హీరోలు ఇప్పటికే ప్రత్యేక సభలు ఏర్పాటు చేశారు. రాజకీయాల వైపు వస్తున్నట్లు హింట్‌ ఇచ్చారు. అయితే తాజాగా రజినీకాంత్‌ కుటుంబం గురించి ఓ వార్త తెరపైకి వచ్చింది. ఆయన భార్య లతా రజినీకాంత్‌కు రాజ్యసభ పదవి దక్కే అవకాశముందని ప్రచారం జోరుగా సాగుతోంది. ఇప్పటికే ఈ విషయంపై ఢిల్లీ పెద్దలు రజినీకాంత్‌, లతా రజనీకాంత్‌లతో చర్చలు జరిపినట్లు పలు కథనాలు వచ్చాయి. అయితే ఈ ప్రచారంపై ఇప్పటివరకు అధికారిక స్పష్టత లేదు. అసలు లతా రజినీకాంత్‌ పేరు ఎందుకు తెరపైకి వచ్చింది? ఇప్పుడు చూద్దాం..రాజ్యాంగం ప్రకారం 12 మందినిభారత రాజ్యాంగంలోని ఆర్టికల్‌ 80 ప్రకారం రాజ్యసభకు రాష్ట్రపతి 12 మంది సభ్యులను నామినేట్ చేయవచ్చు. సాహిత్యం, విజ్ఞానశాస్త్రం, కళలు, సామాజిక సేవ వంటి రంగాల్లో ప్రత్యేక పరిజ్ఞానం, అనుభవం ఉన్నవారిని ఈ కోటా కింద ఎంపిక చేస్తారు. సాధారణంగా కేంద్ర ప్రభుత్వం సిఫారసు చేసిన పేర్ల ఆధారంగా ఈ నియామకాలు జరుగుతాయి. గతంలో క్రికెట్‌ దిగ్గజం సచిన్‌ టెండూల్కర్‌, సంగీత దర్శకుడు ఇళయరాజా, సినీ రచయిత విజయేంద్ర ప్రసాద్‌ వంటి ప్రముఖులు ఈ విధంగా రాజ్యసభకు వెళ్లారు. ఇప్పుడు అదే కోటాలో లతా రజినీకాంత్‌ పేరు పరిశీలనలో ఉందనే ప్రచారం సాగుతోంది.లతా రజనీకాంత్‌ పేరుపై చర్చలతా రజినీకాంత్‌ కేవలం సూపర్‌స్టార్‌ భార్యగానే కాకుండా.. గాయని, విద్యారంగంతో అనుబంధం ఉన్న వ్యక్తిగా, సామాజిక కార్యక్రమాల్లో పాల్గొన్నవారిగా గుర్తింపు పొందారు. ఈ నేపథ్యంలో సామాజిక సేవా రంగంలో ఆమె చేసిన కృషిని పరిగణనలోకి తీసుకుని రాజ్యసభకు నామినేట్ చేసే అవకాశం ఉందనే ఊహాగానాలు వినిపిస్తున్నాయి. అయితే ఆమె పేరును అధికారికంగా సిఫారసు చేశారా? లేదా? అనే విషయంపై స్పష్టత రావాల్సి ఉంది. రజినీకాంత్‌ గతంలో రాజకీయాల్లోకి వస్తానని, సొంత పార్టీ ఏర్పాటు చేస్తానని ప్రకటించారు. అయితే ఆ తర్వాత ఆరోగ్య పరిస్థితులు, ఇతర కారణాలను ప్రస్తావిస్తూ రాజకీయ ప్రవేశ ప్రయత్నాన్ని విరమించుకున్నారు. (ఇదీ చదవండి: ఎన్టీఆర్‌ ఫ్యాన్స్‌కు కమిషనర్‌ సజ్జనార్‌ బిగ్‌ వార్నింగ్‌..)

జూనియర్‌ ఎన్టీఆర్‌ అభిమానుల తీరుపై హైదరాబాద్‌ పోలీస్‌ కమిషనర్‌ సజ్జనార్‌ అసంతృప్తి వ్యక్తం చేశారు. దేవర సినిమాలోని ‘చుట్టమల్లే’ పాటకు సంబంధించిన వివాదం నేపథ్యంలో ఓ వ్యక్తిని అరెస్టు చేసినట్లు సోషల్‌ మీడియాలో ఓ ఫొటో ప్రచారంలోకి వచ్చింది. అయితే, ఆ ఫొటో ఏఐతో సృష్టించిన నకిలీ చిత్రమని సజ్జనార్‌ స్పష్టం చేశారు. దీనిపై స్పందిస్తూ నేరుగా ఎన్టీఆర్‌ను ట్యాగ్‌ చేసి ట్వీట్‌ చేయడం చర్చనీయాంశంగా మారింది. ‘ గుడ్డిగా నమ్మకుండా‘ఏఐతో రూపొందించే నకిలీ చిత్రాలు అసలైన ఫొటోలగే కనిపిస్తున్నాయి. ఇలాంటి ఫోటోలు చూసి ప్రజలు మోసపోవద్దు. వాటి నిజానిజాలను తెలుసుకోకుండా ఇతరులకు పంపించవద్దు. సోషల్‌ మీడియాలో కనిపించే ప్రతి సమాచారాన్ని గుడ్డిగా నమ్మకుండా, వాస్తవాలను పరిశీలించిన తర్వాతే స్పందించాలి. ఫ్యాక్ట్‌ చెక్‌ చేయకుండా కంటెంట్‌ను షేర్‌ చేయడం వల్ల తప్పుడు సమాచారం వ్యాప్తిచెందుతోంది. నా ఫొటోను మార్ఫింగ్‌ చేసి ప్రచారం చేస్తున్న విషయాన్ని జూనియర్‌ ఎన్టీఆర్‌ గమనించాలి. ఈ తరహాలో నా ఫొటోను దుర్వినియోగం చేస్తున్న మీ అభిమానుల తీరును మీ దృష్టికి తీసుకువస్తున్నాను. ఏఐతో మార్ఫింగ్‌ చేసిన చిత్రాలు, వీడియోల ద్వారా వ్యక్తుల ప్రతిష్ఠకు భంగం కలిగించడం సరైన పద్ధతికాదు. డీప్‌ఫేక్‌లను గుర్తించడం, తప్పుడు సమాచారాన్ని అడ్డుకోవడం ప్రతి ఒక్కరి బాధ్యత. అందరూ సహకరించాలని ప్రతి ఒక్కరికీ విజ్ఞప్తి చేస్తున్నాను' అని ఎక్స్ లో పేర్కొన్నారు.(ఇదీ చదవండి: బిగ్‌బాస్‌లో దోమల గోల.. ముకేశ్‌, నరేశ్‌ కామెడీ మామూలుగా లేదుగా..!)This is an AI-generated image, not a genuine photograph. Please do not fall for such deepfakes or share them without verifying their authenticity. With AI-generated images becoming increasingly realistic, it is important to question what we see online. Just because a photograph looks convincing does not mean it is real. Misinformation spreads faster when people share content without checking the facts. I ask @tarak9999 garu take note of the misuse of my image by some of his fans. CC: @CyberCrimeshyd @hydcitypolice— V.C. Sajjanar, IPS (@SajjanarVC_IPS) October 8, 2026

టాలీవుడ్‌లో మరో ఆసక్తికరమైన చిత్రం ప్రేక్షకుల ముందుకు వచ్చేందుకు సిద్ధమవుతోంది. అనీష్‌, అనస్వర రాజన్‌ జంటగా నటిస్తున్న సినిమా ‘ఇట్లు అర్జున’. మహేశ్‌ ఉప్పల దర్శకత్వం వహిస్తున్న ఈ చిత్రాన్ని వెంకీ కుడుముల నిర్మిస్తున్నారు. అక్టోబర్‌ 30న ఈ సినిమా థియేటర్లలో విడుదల కానుంది. ఇప్పటికే ఈ మూవీ నుంచి విడుదలైన పాటలు, టీజర్‌ ప్రేక్షకులను ఆకట్టుకుంటున్నాయి.తాజాగా ఈ చిత్ర బృందం విశాఖపట్నంలోని గీతం కళాశాలలో మూడో పాట విడుదల కార్యక్రమాన్ని నిర్వహించింది. ఈ ఈవెంట్‌లో సంగీత దర్శకుడు తమన్‌, హీరోయిన్‌ అనస్వర రాజన్‌ కలిసి స్టేజ్‌పై డ్యాన్స్‌ చేశారు. వీరిద్దరి సందడి అక్కడున్న వారిని అలరించింది. ప్రస్తుతం ఇందుకు సంబంధించిన వీడియో సామాజిక మాధ్యమాల్లో వైరల్‌గా మారింది.మూగవాడిగా అనీష్‌..‘ఇట్లు అర్జున’ సినిమాలో అనీష్‌ మూగవాడైన అర్జున పాత్రలో కనిపించనున్నాడు. అనస్వర రాజన్‌ కీర్తి పాత్రలో ప్రేక్షకులను పలకరించనుంది. ఇప్పటికే విడుదలైన ప్రచార చిత్రాలు, పాటలతో ఈ సినిమాపై ఆసక్తి నెలకొంది. మరి అక్టోబర్‌ 30న ప్రేక్షకుల ముందుకు రానున్న ఈ చిత్రం బాక్సాఫీస్‌ వద్ద ఎలాంటి స్పందన అందుకుంటుందో చూడాలి. (ఇదీ చదవండి: నానా పటేకర్‌ మృతి.. పాకిస్తాన్‌ మాజీ క్రికెటర్‌ ఎమోషనల్‌)Thaman & Anaswara Dance for #MaheshBabu's Kalavathi 😅 @MusicThaman @AnaswaraRajan_ #SSThaman #AnaswaraRajan #IttluArjuna https://t.co/J2UYQlit98— Jadal Targaryen (@ParodyPeaks) October 8, 2026

దిగ్గజ నటుడు నానా పటేకర్‌ మరణవార్తతో సినీ పరిశ్రమతో పాటు ఆయనతో అనుబంధం ఉన్నవారు తీవ్ర విషాదంలో మునిగిపోయారు. పాకిస్థాన్‌ మాజీ క్రికెటర్‌ బాసిత్‌ అలీ సైతం ఈ వార్త విని దిగ్భ్రాంతికి గురయ్యారు. నానా పటేకర్‌తో తనకున్న అనుబంధాన్ని గుర్తు చేసుకుంటూ భావోద్వేగానికి లోనయ్యారు. ఆయన తన జీవితంలో చెప్పిన ఓ మంచి మాటను ఇప్పటికీ మర్చిపోలేకపోతున్నానని ఎక్స్‌ వేదికగా వెల్లడించారు.1994లో పరిచయం..‘ఉదయాన్నే నానా పటేకర్‌ మరణవార్త వినగానే ఏమీ తోచలేదు. ఆయన నాకు మంచి మిత్రుడు. ఓ లివింగ్‌ లెజెండ్‌. 1994లో ఆయనతో పరిచయం ఏర్పడింది. అప్పటి నుంచి తమ మధ్య మంచి అనుబంధం కొనసాగింది. ఆయన నాతో పాత జ్ఞాపకాలను పంచుకునేవారు. ఆయనతో గడిపిన క్షణాలు ఇప్పటికీ గుర్తున్నాయి’ అని పేర్కొన్నారు. తన తల్లితోనూ ఎంతో ఆప్యాయంగా మాట్లాడేవారని బాసిత్‌ అలీ తెలిపారు. తల్లి మరణించినప్పుడు..తన తల్లి మరణించిన సమయంలో నానా పటేకర్‌ చేసిన ఫోన్‌కాల్‌ను బాసిత్‌ అలీ ప్రత్యేకంగా గుర్తు చేసుకున్నారు. ఆ సమయంలో తనకు ఫోన్‌ చేసిన నానా.. ఇకపై జాగ్రత్తగా ఉండాలని, తనను తాను చూసుకోవాలని చెప్పారట. నానా చెప్పిన ఆ మాటలు ఇప్పటికీ తన మనసులో నిలిచిపోయాయని భావోద్వేగానికి గురయ్యారు. కష్టకాలంలో మనకు అండగా నిలిచే వ్యక్తులు చాలా అరుదుగా ఉంటారని, అలాంటి వారిలో నానా పటేకర్‌ ఒకరని బాసిత్‌ అలీ పేర్కొన్నారు. ఆయన తనపై చూపిన ఆప్యాయతను ఎప్పటికీ మర్చిపోలేనని చెప్పారు.అనారోగ్య సమయంలోనూ..‘గుండె సంబంధిత సమస్యతో ఆసుపత్రిలో చికిత్స పొందిన తర్వాత ఇంటికి తిరిగి వచ్చిన టైంలో నానా పటేకర్‌ నుంచి ఓ మెసేజ్‌ వచ్చింది. నా ఆరోగ్యం ఎలా ఉందో అడిగి తెలుసుకున్నారు. పూర్తిగా కోలుకున్నాక ఫోన్‌ చేయాలని కోరారు. ఆ తర్వాత నానాకు ఫోన్‌ చేశాను. ఆయన ఎంతో సమయం కేటాయించి తన ఆరోగ్య పరిస్థితి గురించి వివరంగా అడిగి తెలుసుకున్నారు. ఇతరుల పట్ల శ్రద్ధ చూపడం, మనుషులతో సంబంధాలకు విలువ ఇవ్వడం నానా పటేకర్‌లోని గొప్ప లక్షణాలు’ అని ప్రశంసించారు.సరదాగా ‘యంగ్ మ్యాన్‌’ అని పిలిచేవాడు..నానా పటేకర్‌కు 75 ఏళ్లు అంటే ఎవరూ నమ్మలేరని బాసిత్‌ అలీ అన్నారు. తాను ఆయన్ను ఎప్పుడూ సరదాగా ‘యంగ్ మ్యాన్‌’ అని పిలిచేవాడినని గుర్తు చేసుకున్నారు. దానికి నానా కూడా నవ్వుతూ.. ‘నువ్వూ ముసలివాడివే, నేనూ ముసలివాడినే’ అని బదులిచ్చేవారని చెప్పారు. తెరపై తన నటనతో ప్రేక్షకులను మెప్పించిన నానా పటేకర్‌.. నిజ జీవితంలోనూ మనుషుల పట్ల ప్రేమాభిమానాలు చూపించే గొప్ప వ్యక్తి అని బాసిత్‌ అలీ కొనియాడారు. అలాంటి మంచి మనిషిని కోల్పోవడం తీరని లోటని, ఆయనతో తనకున్న అనుబంధం, జ్ఞాపకాలు ఎప్పటికీ తన మనసులో నిలిచిపోతాయని ఆవేదన వ్యక్తం చేశారు.(ఇదీ చదవండి:నాని-నితిన్ 'అలియాస్ రుక్మిణీ' రిలీజ్ డేట్) Former Pakistan cricketer Basit Ali’s emotional tribute to Nana Patekar is a beautiful reminder of a friendship that transcended borders. He recalled how the Bollywood legend stayed in touch for decades, checked on his mother during her illness, and reached out after Basit’s own heart surgery. Beyond the screen, Basit remembered Nana as a warm, caring and genuinely good human being. His words also showed just how deeply Nana Patekar was admired in Pakistan. Some artists belong to everyone. Nana Patekar was loved equally on both sides of the border. 🇮🇳❤️🇵🇰— Brutal Truth (@sarkarstix) October 8, 2026

కోన వెంకట్ సమర్పణలో వెంటక కృష్ణ కర్నాటి, సీతా కర్నాటి సంయుక్తంగా నిర్మించిన చిత్రం ‘కామ్రేడ్ కళ్యాణ్’. భాను, నందు రచయితలుగా జానకిరామ్ మారెళ్ల తెరకెక్కించిన ఈ సినిమాలో శ్రీవిష్ణు, మహిమా నంబియార్, రాధికా శరత్ కుమార్, షైన్ టాం చాకో, ఉపేంద్ర లిమాయే ముఖ్య పాత్రల్ని పోషించారు. ఈ చిత్రాన్ని అక్టోబర్ 9న ఆడియెన్స్ ముందుకు తీసుకు వచ్చారు. మరి ఈ సినిమా కథ ఏంటి? ఎలా ఉంది? అన్నది ఓ సారి చూద్దాం.కథ ఏంటంటే?1994 నేపథ్యంలో సాగే ఈ కథ మాడుగుల అనే ప్రాంతంలో జరుగుతుంది. ఆ ఊర్లోని థియేటర్‌లో ఆపరేటర్‌గా పని చేస్తుంటాడు కళ్యాణ్ (శ్రీ విష్ణు). కళ్యాణ్ తల్లి సరస్వతమ్మ బాలయ్య అభిమాని. ఎప్పుడూ ఏదో ఒక ఫ్యాన్ వార్ పెట్టుకుని పోలీస్ స్టేషన్‌కి వెళ్తుంటుంది. ఆమెని విడిపించేందుకు కళ్యాణ్ నానా తంటాలు పడుతుంటాడు. ఎప్పటికైనా థియేటర్‌కి యజమాని అవ్వాలని కళ్యాణ్ అనుకుంటాడు. అతని జీవితంలోకి సితార (మహిమా నంబియార్) ఒరియా అమ్మాయిగా వస్తుంది. భాష అడ్డంకిగా ఉందని తన ప్రేమను తెలిపేందుకు కళ్యాణ్ అష్టకష్టాలు పడుతుంటాడు. అయితే అలాంటి సమయంలోనే సితార తెలుగమ్మాయి అని తెలుస్తుంది. సితారకు బిష్వాస్ (ఉపేంద్ర లిమాయే) నుంచి ఆపద గురించి తెలుస్తుంది. ఆ ఆపద నుంచి సితారను బయట పడేసేందుకు కళ్యాణ్ కాస్త కామ్రేడ్ కళ్యాణ్ అవుతాడు. ఆ తర్వాత కథ ఎలాంటి మలుపులు తిరుగుతుంది? కళ్యాణ్ చివరకు తన ప్రేయసిని తిరిగి చేరుకున్నాడా? అసలు ఈ కథలో స్పెషల్ టాస్క్ ఫోర్స్ ఆఫీసర్‌ జార్జ్ కుట్టి (షైన్ టాం చాకో), శంకరన్న (శత్రు), మాస్టర్ (సాయి చంద్), సత్తి బాబు (సత్య), పళ్లం రాజు (ప్రభాస్ శీను), ఎస్సై అప్పలనాయుడు (బ్రహ్మాజీ) పాత్రలు ఏంటి? అన్నది తెరపై చూడాల్సిందే.ఎలా ఉందంటే?ఓ సీరియస్ సబ్జెక్ట్‌ని ఎంత సిల్లీగా, కామెడీగా చెప్పాలో.. అంత సిల్లీగా, కామెడీగా చెప్పారు. తీసుకున్నది 90వ దశకం అయినా మాటలు, చేష్టలు అన్నీ కూడా ఈ జెన్ జీ బ్యాచ్‌కి తగ్గట్టుగా అనిపిస్తాయి. 90స్ బ్యాక్ డ్రాప్ అని చెప్పడం తప్పా.. మాటలు, కదలికలు, ఆ వాతావరణం ఎక్కడా కూడా కనిపించదు. చాలా వరకు డైలాగ్స్‌లో ద్వంద్వార్థాలు కనిపిస్తుంటాయి. పేరుకే 90వ దశకం కానీ.. ఈ కథ ఇప్పటి ట్రెండ్‌కి తగ్గట్టుగా ఉంటుంది. నక్సలిజం, పోలీస్ వ్యవస్థ మధ్య ఎప్పుడూ ఓ సన్నని గీత ఉంటుంది. సినిమాల్లో ఎవరిది ఒప్పు? ఎవరిది తప్పు అని చెప్పలేం. చాలా సినిమాల్లో అన్నల్ని హీరోలుగా చూపించారు.. ఎన్నో సినిమాల్లో పోలీసుల్ని హీరోలుగా చూపించారు.అయితే ఈ కామ్రేడ్ కళ్యాణ్ సినిమాని మాత్రం పూర్తి వినోదాత్మకంగా తెరకెక్కించారు. ఆ కామెడీ ట్రాక్‌లో ఎమోషన్ నలిగిపోయినట్టు అనిపిస్తుంది. చివరకు మనం అన్నల సైడ్ గానీ, పోలీసుల సైడ్ గానీ ఆలోచించం. అసలు ఇందులో అలా ఆలోచించడానికి అంత ఆస్కారం కూడా ఇవ్వలేదు. మొత్తం శ్రీ విష్ణు, సత్య కామెడీతోనే లాగించేశారు. ఫస్ట్ హాఫ్ అంతా కూడా శ్రీ విష్ణు, సత్య, సుదర్శన్ డామినేషన్ కనిపిస్తుంది. సెకండాఫ్ అయినా ఎమోషనల్‌గా, కాస్త హార్ట్ టచింగ్‌గా ఉంటుందని అనుకుంటే.. అక్కడా మళ్లీ అదే సిల్లీ, లాజిక్ లెస్ కామెడీనే పెట్టారు. ఇక క్లైమాక్స్‌కి అటు వాళ్లు, ఇటు వీళ్లు అందరూ మంచివారు అయిపోతారు. హీరో ఇచ్చే స్పీచ్‌తో అందరూ మారిపోవడం మన తెలుగు సినిమాల్లో కామన్ అన్న సంగతి తెలిసిందే.ఎవరెలా చేశారంటే..?ఆర్టిస్టుల విషయానికి వస్తే శ్రీ విష్ణు ఎప్పటిలానే తనకు అలవాటైన పాత్రలో కనిపించి మెప్పిస్తాడు. తన వెరైటీ డైలాగ్ డెలివరీతో ప్రేక్షకుల్ని నవ్వించేస్తాడు. సత్య కామెడీ టైమింగ్ గురించి కొత్తగా చెప్పాల్సిన పని లేదు. సుదర్శన్, ఉపేంద్ర, బలగం మురళీధర్ గౌడ్, శ్రీకాంత్ అయ్యంగార్ ఇలా అన్ని పాత్రలు నవ్విస్తాయి. హీరోయిన్‌గా మహిమా నంబియార్‌కి పెద్దగా ప్రాధాన్యం దక్కనట్టు అనిపిస్తుంది. షైన్ టాం చాకో పాత్ర కూడా కొత్తగా కనిపించదు. బ్రహ్మాజీ, ప్రభాస్ శ్రీను, రఘు బాబు ఇలా అందరూ తమ పరిధి మేరకు ఆకట్టుకుంటారు.టెక్నికల్‌గా చూసుకుంటే విజువల్స్ బాగుంటాయి. కానీ 90స్ బ్యాక్ డ్రాప్ సినిమా అన్నట్టుగా మాత్రం కనిపించదు. తెరపై పాటలు బాగానే అనిపిస్తాయి. మాటలు మాత్రం 90వ దశకంలా కాకుండా.. ఇప్పటి జబర్దస్త్ ట్రెండ్, పంచ్ డైలాగ్స్‌లా అనిపిస్తాయి. ఆర్ట్, క్యాస్టూమ్, ఎడిటింగ్ ఇలా అన్నీ పర్వాలేదనిపిస్తాయి. నిర్మాణ విలువలు సినిమా స్థాయికి తగ్గట్టుగా ఉన్నాయి.

విజయ్‌ దేవరకొండ, రష్మిక జంటగా నటించిన తాజా చిత్రం ‘రణబాలి’. రాహుల్‌ సంకృత్యాన్‌ దర్శకత్వం వహించిన ఈ చిత్రాన్ని మైత్రీ మూవీ మేకర్స్‌ పతాకంపై నవీన్‌ ఎర్నేని, వై.రవిశంకర్‌ నిర్మించారు. విజయదశమి సందర్భంగా అక్టోబర్‌ 16న ఈ చిత్రం ప్రేక్షకుల ముందుకు రానుంది. ఈ నేపథ్యంలో ఈ రోజు(అక్టోబర్‌ 8) ఈ మూవీ ట్రైలర్‌ రిలీజ్‌ చేశారు. ఈ సందర్భంగా హైదరాబాద్‌లో ఏర్పాటు చేసిన ట్రైలర్‌ రిలీజ్‌ ఈవెంట్‌కి విజయ్‌ దేవరకొండతో పాటు దర్శకుడు రాహుల్‌, నిర్మాతలు నవీన్‌, రవి హాజరయ్యారు. వేరే సినిమా షూటింగ్‌లో బిజీగా ఉండడంతో రష్మిక ఈ ఈవెంట్‌కి రాలేకపోయింది. ఈ విషయాన్ని తెలియజేస్తూ.. రష్మిక తరపున అభిమానులకు క్షమాపణలు చెప్పారు విజయ్‌. (ఇదీ చదవండి: ట్రైలర్ రాకముందే నెగెటివ్ ప్రచారం.. మైత్రి రవి కామెంట్స్)ఈవెంట్‌లో విజయ్‌ మాట్లాడుతూ.. ‘రష్మిక కూడా ఈ ఈవెంట్‌కు రావాల్సింది. కానీ షూటింగ్‌లో బిజీగా ఉండడంతో రాలేకపోయింది. ఆమె తరపున అందరికి నేను క్షమాపణలు చెబుతున్నా’అని అన్నారు. రష్మిక ఎలాగో రాలేదు కాబట్టి..ఫోన్‌లో అయినా ఆమెతో మాట్లాడిస్తే బాగుంటుందని యాంకర్‌ చెప్పడంతో.. విజయ్‌ వెంటనే రష్మికకు ఫోన్‌ చేశాడు.అయితే ఆమె మాత్రం లిఫ్ట్‌ చేయలేదు. షూట్‌లో బిజీగా ఉండడం వల్లే ఆమె ఫోన్‌ లిఫ్ట్‌ చేయలేదు. మళ్లీ చేసినప్పుడు చూద్దాంలే’ అని విజయ్‌ ఫోన్‌ కట్‌ చేశాడు.

దర్శకధీరుడు రాజమౌళి నుంచి సినిమా వస్తుందంటేనే ఏదో ఒక కొత్తదనం ఉంటుందనే అంచనాలు ఉంటాయి. కథ రొటీన్‌గా అనిపించినా.. తనదైన మేకింగ్‌తో దాన్ని కొత్తగా ఆవిష్కరించడం రాజమౌళి స్టైల్‌. అంతేకాదు.. తన కథలకు తగ్గట్టుగా కొత్త ప్రపంచాలను, కొత్త భాషలను సృష్టించడంలోనూ ఆయనది ప్రత్యేకమైన శైలి. ‘బాహుబలి’లో కిలికిలి భాషతో ప్రేక్షకులను సర్‌ప్రైజ్‌ చేసిన జక్కన్న.. ఇప్పుడు ‘వారణాసి’ కోసం కూడా మరో కొత్త భాషను పరిచయం చేయబోతున్నాడట. (ఇదీ చదవండి: ఇండియన్‌-2 డిజాస్టర్‌.. పార్ట్‌-3పై ఊహించని నిర్ణయం..!)సినిమాలోని టైమ్‌ ట్రావెల్‌ ఎపిసోడ్‌లో భాగంగా హీరో మహేశ్‌ బాబు ఓ గుహలోకి ప్రవేశిస్తాడట. అక్కడ గోడలపై ఎవరీకి తెలియని ఓ కొత్త లిపితో రాతలు ఉంటాయట. వాటిని డీకోడ్‌ చేసి..అందులో దాగిఉన్న రహస్యాలను ఛేదించడం కథలో చాలా కీలకమైన అంశంగా మారుతున్నట్లు సమాచారం. దీని కోసం రాజమౌళి ప్రత్యేకంగా ఓ కొత్త భాషని క్రియేట్‌ చేయాలని ఫిక్స్‌ అయ్యారట. భాషా నిపుణులను రంగంలోకి దింపి కొత్త భాష, లిపిని రెడీ చేయిస్తున్నారట. ‘బాహుబలి’లో కిలికిలికి భాష ఎంత ఫేమస్‌ అయిందో..అంతకు మించేలా వారణాసిలో కొత్త లాంగ్వేజ్‌ ఉండబోతున్నట్లు సమాచారం. (ఇదీ చదవండి: ఏఐతో అసభ్యక పోస్టులు.. కోర్టుకెక్కిన నటి)‘వారణాసి’ విషయానికొస్తే.. పాన్‌ వరల్డ్‌ స్థాయిలో అత్యంత భారీ బడ్జెట్‌తో రూపొందుతున్న ఈ చిత్రంలో మహేశ్‌ బాబు.. రుద్ర, శ్రీరాముడిగా రెండు పాత్రల్లో కనిపించనున్నారు. ప్రియాంకా చోప్రా, పృథ్వీరాజ్‌ కుమార్‌ తదితరులు కీలక పాత్రల్లో ఎస్‌ఎస్‌ కార్తికేయ, కేఎల్‌ నారాయణ నిర్మిస్తున్న ‘వారణాసి’ 2027 ఏప్రిల్‌ 7న విడుదల కానుంది. దాదాపు 120 దేశాల్లో ఈ చిత్రాన్ని విడుదల చేయనున్నారు.

నటి, బీజేపీ ఎంపీ కంగనా రనౌత్‌ ఢిల్లీ హైకోర్టును ఆశ్రయించారు. తనపై సోషల్‌ మీడియాలో ప్రచారం అవుతున్న కొన్ని అశ్లీల, అసభ్యకరమైన కంటెంట్‌తో పాటు ఏఐ (AI) ద్వారా రూపొందించిన నకిలీ కంటెంట్‌ను తొలగించాలని కోరుతూ పిటిషన్‌ దాఖలు చేశారు. ఇలాంటి కంటెంట్‌ పరువుకు భంగం కలిగించడంతో పాటు వ్యక్తిత్వ హక్కులను ఉల్లంఘిస్తోందని ఆమె తరఫు న్యాయవాది కోర్టు దృష్టికి తీసుకెళ్లారు.అశ్లీల కంటెంట్‌తో పాటు..కంగనా రనౌత్‌ ప్రస్తుతం హిమాచల్‌ప్రదేశ్‌లోని మండి లోక్‌సభ నియోజకవర్గానికి ప్రాతినిధ్యం వహిస్తున్నారు. గురువారం ఆమె తరఫు న్యాయవాది ఢిల్లీ హైకోర్టులో ఈ అంశాన్ని ప్రస్తావించారు. ఇంటర్నెట్‌లో తనకు సంబంధించిన లైంగిక, అశ్లీల కంటెంట్‌తో పాటు.. తాను చెప్పని మాటలను చెప్పినట్లుగా చూపించే ఫేక్‌ న్యూస్‌, AI ద్వారా రూపొందించిన పోస్టులు కూడా ఉన్నాయని కోర్టుకు తెలిపారు. కంగనా దాఖలు చేసిన వ్యక్తిత్వ హక్కుల పరిరక్షణ పిటిషన్‌ను విచారించిన ఢిల్లీ హైకోర్టు న్యాయమూర్తి జస్టిస్‌ వికాస్‌ మహాజన్‌.. ప్రతివాదులకు సమన్లు జారీ చేశారు. ఈ కేసులో మధ్యంతర ఉత్తర్వులు జారీ చేస్తామని కోర్టు వెల్లడించినట్లు సమాచారం.విజయ్‌ దేవరకొండ కూడా..ఇదే విచారణ సందర్భంగా హీరో విజయ్‌ దేవరకొండ దాఖలు చేసిన వ్యక్తిత్వ హక్కుల కేసును కూడా ఢిల్లీ హైకోర్టు ప్రస్తావించింది. విజయ్‌ వ్యక్తిత్వాన్ని అనుమతి లేకుండా వాణిజ్యపరంగా ఉపయోగిస్తున్నారని ఆయన తరఫు న్యాయవాది ఆరోపించారు. ఇప్పటికే పలువురుకి రక్షణవ్యక్తిత్వ హక్కుల పరిరక్షణ కోసం కోర్టును ఆశ్రయించిన సెలబ్రిటీల్లో కంగనా ఒక్కరే కాదు. ఐశ్వర్య రాయ్‌ బచ్చన్‌, అభిషేక్‌ బచ్చన్‌, సల్మాన్‌ ఖాన్‌, ఆంధ్రప్రదేశ్‌ డిప్యూటీ సీఎం, నటుడు పవన్‌ కల్యాణ్‌ తదితరులు కూడా తమ వ్యక్తిత్వ హక్కుల పరిరక్షణ కోసం న్యాయస్థానాన్ని ఆశ్రయించారు. ఆర్ట్‌ ఆఫ్‌ లివింగ్‌ వ్యవస్థాపకుడు శ్రీశ్రీ రవిశంకర్‌, పాడ్‌కాస్టర్‌ రాజ్‌ శమానీ, క్రికెటర్‌ అభిషేక్‌ శర్మ కూడా ఇదే తరహాలో కోర్టును ఆశ్రయించారు. వీరిలో పలువురికి హైకోర్టు మధ్యంతర రక్షణ కల్పించింది. (ఇదీ చదవండి: రూ.750తో పెళ్లి.. విషాదమే వెంటాడింది.. నానా భార్య ఎవరో తెలుసా?)

భారతీయ చలనచిత్ర పరిశ్రమలో తనదైన నటనతో ప్రత్యేక గుర్తింపు తెచ్చుకున్న దిగ్గజ నటుడు నానా పటేకర్. దశాబ్దాల పాటు విభిన్న పాత్రల్లో నటిస్తూ ప్రేక్షకుల మనసుల్లో చెరగని ముద్ర వేసిన ఆయన గురువారం ఉదయం గుండెపోటుతో కన్నుమూశారు. ఆయన మృతితో సినీ పరిశ్రమలో విషాదం నెలకొంది. నానా పటేకర్ సినీ ప్రస్థానం గురించి చాలామందికి తెలుసు. కానీ ఆయన భార్య నీలకంటి పటేకర్ గురించి మాత్రం పెద్దగా తెలియదు.ఐఐటీ ర్యాంకర్‌.. అయినా నటన వైపేపుణేకు చెందిన నీలకంటి పటేకర్ చిన్నతనం నుంచే చదువులో ప్రతిభావంతురాలు. దేశంలోనే అత్యంత కఠినమైన ప్రవేశ పరీక్షల్లో ఒకటైన ఐఐటీ ప్రవేశ పరీక్షలో ర్యాంకు సాధించారు. మంచి విద్య, ఉద్యోగ అవకాశాలు ఆమె ముందున్నప్పటికీ.. నాటకరంగంపై ఉన్న ఆసక్తి ఆమెను కళల వైపు నడిపించింది. ఇంజినీరింగ్, సైన్స్ రంగాల్లో కెరీర్‌ను ఎంచుకునే అవకాశం ఉన్నా.. ఆమె థియేటర్ ఆర్టిస్ట్‌గా కొనసాగాలని నిర్ణయించుకున్నారు.ఉత్తమ నటిగా గోల్డ్ మెడల్సినిమాల్లోకి రాకముందే నీలకంటి మరాఠీ నాటకరంగంలో తనకంటూ ప్రత్యేక గుర్తింపు తెచ్చుకున్నారు. 1973లో జరిగిన మహారాష్ట్ర స్టేట్ డ్రామా కాంపిటీషన్‌లో ఉత్తమ నటిగా గోల్డ్ మెడల్ అందుకున్నారు. ఆ తర్వాత కూడా నాటకరంగంలో తన ప్రయాణాన్ని కొనసాగించారు. 1989లో సచిన్ పిల్గాంకర్ దర్శకత్వంలో తెరకెక్కిన ‘ఆత్మవిశ్వాస్’ చిత్రంలో నటించారు. ఈ సినిమాలో ఆమె నటనకు ప్రశంసలు దక్కగా.. మహారాష్ట్ర ప్రభుత్వం ఉత్తమ నటి పురస్కారం అందజేసింది.నాటకాలతోనే నానాతో పరిచయంనీలకంటి పటేకర్‌కు నాటకరంగంతో ఉన్న అనుబంధమే నానా పటేకర్‌తో పరిచయానికి కారణమైంది. నాటకాల సమయంలో ఏర్పడిన పరిచయం క్రమంగా ప్రేమగా మారింది. 1978లో వీరిద్దరూ వివాహం చేసుకున్నారు. అత్యంత సాదాసీదాగా జరిగిన ఈ పెళ్లికి అప్పట్లో కేవలం రూ.750 మాత్రమే ఖర్చయిందట. అయితే పెళ్లి తర్వాత వారి జీవితంలో తీవ్ర విషాదం చోటుచేసుకుంది. వారి మొదటి కుమారుడు రెండున్నరేళ్ల వయసులోనే కన్నుమూశారు. అనంతరం వారికి మల్హర్ పటేకర్ జన్మించారు.ఛావా సినిమాతో..కుటుంబ బాధ్యతల కారణంగా నీలకంటి పటేకర్ చాలా కాలం పాటు నటనకు దూరంగా ఉన్నారు. నాటకరంగంలో ప్రతిభను చాటిన ఆమె.. సినిమాలకు కూడా కొంతకాలం దూరమయ్యారు. అయితే ఇటీవలే ‘ఛావా’ సినిమాతో వెండితెరపైకి తిరిగి వచ్చారు. విక్కీ కౌశల్, రష్మిక మందన్న ప్రధాన పాత్రల్లో నటించిన ఈ చిత్రంలో ‘ధరావు’ పాత్రను పోషించారు. చాలా ఏళ్ల తర్వాత తెరపై కనిపించినప్పటికీ.. తన నటనతో మరోసారి ప్రేక్షకుల దృష్టిని ఆకర్షించారు.(ఇదీ చదవండి: నవరసాల నానా.. మీమ్స్‌లో ఎప్పటికీ కేరాఫ్‌! )

తెరపై ఎన్నో విలక్షణ పాత్రలు.. ఒక్కో పాత్రలో ఒక్కో రకమైన హావభావాలు. సీరియస్‌ సన్నివేశమైనా.. కామెడీ సీన్‌ అయినా.. తన ఎక్స్‌ప్రెషన్స్‌తో ప్రేక్షకులను కట్టిపడేయడం నానా పటేకర్‌ ప్రత్యేకత. ఆయన నటించిన కొన్ని సన్నివేశాలు సినిమాలకే పరిమితం కాలేదు. సోషల్‌ మీడియాలో మీమ్‌ టెంప్లేట్లుగా మారి ఇప్పటికీ నెటిజన్లను నవ్విస్తూనే ఉన్నాయి. నానా పటేకర్‌ మరణంతో ఆయన లేని లోటు కనిపిస్తున్న వేళ.. ఆ ఫేమస్‌ సీన్లు మరోసారి గుర్తుకొస్తున్నాయి.‘క్రాంతివీర్‌’లో ఆ నవ్వు..1994లో విడుదలైన ‘క్రాంతివీర్‌’ నానా పటేకర్‌ కెరీర్‌లోనే ప్రత్యేకమైన సినిమా. ఇందులో ఆయన పోషించిన ప్రతాప్‌ పాత్రకు భారీ గుర్తింపు వచ్చింది. అయితే ఈ సినిమాలోని ఓ సీరియస్‌ సన్నివేశం మాత్రం ఏళ్ల తర్వాత మీమ్‌ మెటీరియల్‌గా మారింది. మంచంపై పడుకుని నానా పటేకర్‌ పగలబడి నవ్వే సీన్‌ ఇప్పటికీ సోషల్‌ మీడియాలో కనిపిస్తూనే ఉంటుంది.ఎవరైనా చెప్పిన మాటను నమ్మలేనప్పుడు.. ‘ఇదేం కామెడీ రా బాబు’ అనే భావాన్ని వ్యక్తం చేయాలన్నా.. ఎదుటివారిని సరదాగా ఎగతాళి చేయాలన్నా ఈ సీన్‌ను నెటిజన్లు ఉపయోగిస్తుంటారు. ఈ సినిమా తెలుగులో మోహన్‌బాబు హీరోగా ‘పుణ్యభూమి నా దేశం’ పేరుతో రీమేక్‌ అయింది.కాఫీ కప్పుతో ‘కంట్రోల్‌ ఉదయ్‌’2007లో వచ్చిన ‘వెల్‌కమ్‌’లో ఉదయ్‌ శెట్టి పాత్ర నానా పటేకర్‌కు మరో రేంజ్‌లో క్రేజ్‌ తీసుకొచ్చింది. కోపం వచ్చిన ప్రతిసారీ తనను తానే కంట్రోల్‌ చేసుకుంటూ ‘కంట్రోల్‌ ఉదయ్‌.. కంట్రోల్‌’ అంటూ చెప్పే సన్నివేశం ఇప్పటికీ సోషల్‌ మీడియాలో ఫేమస్‌.కోపాన్ని ఆపే సందర్భాల్లో ఈ డైలాగ్‌ను మీమ్‌గా ఉపయోగించడం నెటిజన్లకు అలవాటుగా మారిపోయింది. అదే సినిమాలో చాయ్‌ తాగుతూ ఒక్కసారిగా నవ్వే నానా పటేకర్‌ ఎక్స్‌ప్రెషన్‌ కూడా సోషల్‌ మీడియాలో విపరీతంగా వైరల్‌ అయింది. ఎవరి మాట విని నవ్వాలో.. ఏడవాలో అర్థం కాని పరిస్థితులను చూపించడానికి ఈ సీన్‌ను మీమ్స్‌లో ఉపయోగిస్తుంటారు.‘ఏ దేనా..’ అంటూ డ్యాన్స్‌2010లో వచ్చిన ‘తుమ్‌ మిలో తో సహీ’లోనూ నానా పటేకర్‌ కామెడీ టైమింగ్‌ ఆకట్టుకుంటుంది. డబ్బుల కోసం ఓ హిజ్రా డ్యాన్స్‌ చేస్తూ నానాను కవ్వించే సన్నివేశంలో ఆయన కూడా అదే తరహాలో డ్యాన్స్‌ చేస్తూ నవ్వులు పూయిస్తారు.‘ఏ దేనా.. మైం తేరే లియే నాచీ’ అంటూ డబ్బులు అడిగే ఈ సీన్‌ కూడా సోషల్‌ మీడియాలో మీమ్స్‌ రూపంలో చక్కర్లు కొడుతోంది. సరదాగా ఎవరినైనా ఆటపట్టించే సందర్భాల్లో ఈ సన్నివేశాన్ని నెటిజన్లు ఉపయోగిస్తుంటారు.చిల్లరకు చాక్లెట్‌ ఇస్తే..నానా పటేకర్‌ నటించిన మరో సన్నివేశం నవ్వించడమే కాకుండా ఆలోచింపజేస్తుంది. షాపింగ్‌ చేసిన తర్వాత తిరిగి ఇవ్వాల్సిన చిల్లరకు బదులుగా చాక్లెట్‌ ఇవ్వడంతో ఆయన తీవ్రంగా స్పందిస్తారు. డబ్బులకు బదులు చాక్లెట్‌ ఎందుకు తీసుకోవాలంటూ.. తన చెప్పులనే చిల్లరగా ఇస్తానన్నట్టుగా ఆయన ఇచ్చే రియాక్షన్‌ ఈ సీన్‌కు ప్రత్యేక ఆకర్షణ. ఈ సన్నివేశం కూడా చాలాకాలంగా సోషల్‌ మీడియాలో మీమ్‌గా వైరల్‌ అవుతోంది.నానా ఎక్స్‌ప్రెషన్స్‌కు తిరుగులేదు!సినిమా మారింది.. పాత్ర మారింది.. సందర్భం మారింది.. కానీ నానా పటేకర్‌ ఎక్స్‌ప్రెషన్స్‌ మాత్రం ఎప్పటికీ ప్రత్యేకమే. విలన్‌గా భయపెట్టినా.. సీరియస్‌ పాత్రలో ఆలోచింపజేసినా.. కామెడీ సన్నివేశంలో నవ్వించినా తన ముఖ కవళికలతో సన్నివేశానికి ప్రాణం పోయడం ఆయనకు మాత్రమే సాధ్యమైంది. అందుకే నానా పటేకర్‌ నటించిన కొన్ని సీన్లు థియేటర్లలో ప్రేక్షకులను అలరించడంతో ఆగిపోలేదు. ఏళ్ల తర్వాత కూడా సోషల్‌ మీడియాలో కొత్త సందర్భాలకు కొత్త అర్థాలతో మీమ్స్‌గా పుట్టుకొస్తూనే ఉన్నాయి. నటుడిగా ఆయన తెరపై వదిలిన ముద్రకు ఇవి కూడా ఓ నిదర్శనమే.(ఇదీ చదవండి: బిగ్‌బాస్‌లో కొత్త ట్విస్ట్‌.. నామినేషన్స్‌లో ఉన్నవారికి..)

బిగ్‌బాస్ తెలుగు 10లో రోజురోజుకూ ఆట మరింత రసవత్తరంగా మారుతోంది. నామినేషన్స్‌లో ఉన్న కంటెస్టెంట్లకు ఎలిమినేషన్ భయం వెంటాడుతుండగా.. తాజాగా బిగ్‌బాస్ ఇచ్చిన టాస్క్‌తో హౌస్‌లో పరిస్థితులు మరింత వేడెక్కాయి. ఈసారి కేవలం ప్రేక్షకుల ఓటింగ్ మాత్రమే కాకుండా.. టాస్కుల్లో గెలుపు కూడా కంటెస్టెంట్లను సేఫ్ చేసే తాళంగా మారింది. దీంతో గెలిచి తీరాలనే పట్టుదలతో కంటెస్టెంట్లు బరిలోకి దిగారు. ఈ క్రమంలో అపూర్వ, షాలినీ మధ్య మాటల యుద్ధం జరగడంతో పాటు.. సుధీర్ పెళ్లి టాపిక్ మరోసారి తెరపైకి వచ్చింది. మరి నిన్నటి ఎపిసోడ్‌లో ఏం జరిగిందో ఇప్పుడు చూద్దాం..బిగ్‌బాస్ కీలక హెచ్చరిక..నామినేషన్స్‌లో ఉన్న కంటెస్టెంట్లకు బిగ్‌బాస్ కీలక హెచ్చరిక చేశాడు. ఇంట్లోకి కొత్త కంటెస్టెంట్లు వచ్చేందుకు సిద్ధంగా ఉన్నారని, ఇప్పటికే నామినేషన్స్‌లో ఉన్నవారు జాగ్రత్తగా ఉండాలని సూచించాడు. దీంతో హౌస్‌లో ఒక్కసారిగా ఉత్కంఠ నెలకొంది. నామినేషన్స్‌లో ఉన్న దేబ్జానీ, వంశీ, సుధీర్, వర్షిణి ఫొటోలను ఎండిపోయిన చెట్టుపై ఉంచారు. మరోవైపు వికసించిన చెట్టును ఏర్పాటు చేశారు. ఆటల్లో గెలిచి ఎండిపోయిన చెట్టు నుంచి వికసించిన చెట్టు మీదకు చేరితేనే సేఫ్ అవుతారని బిగ్‌బాస్ ప్రకటించాడు. ఈసారి ఎలిమినేషన్ రెండు తాళాలపై ఆధారపడి ఉంటుందని చెప్పాడు. అందులో ఒక తాళం ప్రేక్షకుల చేతిలో ఉంటే.. మరో తాళం ఈ టాస్కుల చేతిలో ఉంటుందని వివరించాడు.దీంతో కంటెస్టెంట్లను జంటలుగా విడిపోయి ఆట ఆడాలని బిగ్‌బాస్ ఆదేశించాడు. అమన్-త్రిగుణ్, రోహిత్-షాలినీ, అపూర్వ-చరణ్, నరేష్-రాంప్రసాద్, ముకేశ్-ఝాన్సీ జంటలుగా బరిలోకి దిగారు. ఈ ఆటకు వర్షిణి, సుధీర్ సంచాలకులుగా వ్యవహరించారు.అపూర్వ, షాలినీ మధ్య గొడవఈ టాస్క్‌లో అపూర్వ, చరణ్ జోడీ మొదట విజయం సాధించింది. మరోవైపు రోహిత్, షాలినీ ఓటమి పాలయ్యారు. అయితే అంతకుముందు రోహిత్‌తో కలిసి ఆడాలని అపూర్వ కోరగా.. అందుకు అతడు అంగీకరించలేదు. దీంతో తనను వారి గ్రూపులో సరిగ్గా స్వాగతిస్తున్నట్లు కూడా అనిపించడం లేదని అపూర్వ అసహనం వ్యక్తం చేసింది. ఈ విషయంలో షాలినీ, అపూర్వ మధ్య మాటల యుద్ధం మొదలైంది. ఈ క్రమంలో త్రిగుణ్ పేరు కూడా చర్చలోకి వచ్చింది. ఇద్దరి మధ్య వాగ్వాదం కాస్తా పెద్ద గొడవగా మారింది. దీంతో హౌస్‌లో వాతావరణం వేడెక్కింది.(ఇదీ చదవండి: నానా పటేకర్‌.. అందుకే ఆయన ఎంతో ప్రత్యేకం: ప్రధాని మోదీ)సుధీర్ పెళ్లి టాపిక్‌తో మరో గొడవఆ తర్వాత సుధీర్‌తో పెళ్లి చేసుకోవాలనుకుంటున్నట్లు గతంలో అపూర్వ చెప్పిన మాటలు చర్చకు వచ్చాయి. రాంప్రసాద్ ఈ విషయాన్ని ప్రస్తావించడంతో.. తాను సరదాగా ఆ మాట చెప్పానని అపూర్వ క్లారిటీ ఇచ్చింది. అయితే ఆ మాటలపై చర్చ కొనసాగడంతో ఆమె తీవ్రంగా ఎమోషనల్ అయింది. తాను సరదాగా అన్న మాటలను సీరియస్‌గా తీసుకుని తనను ఇబ్బంది పెడుతున్నారని అపూర్వ కన్నీళ్లు పెట్టుకుంది. ఇప్పటి వరకు ఏడ్చానని.. ఇకపై తాను ఏడిపిస్తానంటూ ఘాటుగా స్పందించింది.నరేష్ కామెడీ.. టైటానిక్మరోవైపు నరేష్ తనదైన శైలిలో సామ్రాజ్యం, రాజు అంటూ ఓ కథ చెప్పి ఇంటి సభ్యులను నవ్వించాడు. గొడవల మధ్య కాస్త వినోదం పంచే ప్రయత్నం చేశాడు. షాలినీ, అపూర్వ మధ్య వాగ్వాదం కొనసాగుతున్న సమయంలోనే నరేష్, వర్షిణి కలిసి టైటానిక్ సన్నివేశాన్ని చేసి అందరినీ నవ్వించారు. ఇలా ఓ వైపు నామినేషన్స్ టాస్క్‌తో ఉత్కంఠ.. మరోవైపు అపూర్వ, షాలినీ గొడవతో వేడి.. మధ్యలో నరేష్, వర్షిణి కామెడీతో 31వ రోజు ఎపిసోడ్ సాగింది. (ఇదీ చదవండి: నానా పటేకర్ మృతి.. ఎన్టీఆర్‌ ఎమోషనల్ పోస్ట్)

ప్రముఖ బాలీవుడ్ నటుడు నానా పటేకర్‌ మృతిపై యంగ్ టైగర్ జూనియర్ ఎన్టీఆర్‌ తీవ్ర దిగ్భ్రాంతి వ్యక్తం చేశారు. భారతీయ సినిమా రంగానికి నానా పటేకర్‌ చేసిన సేవలను గుర్తు చేసుకుంటూ సోషల్ మీడియా వేదికగా సంతాపం తెలిపారు.నటన తరతరాల పాటు గుర్తుండిపోతాయి..‘భారతీయ సినిమా రంగంలోని అత్యుత్తమ నటులలో ఒకరైన నానా పటేకర్‌ గారి మరణ వార్త విని తీవ్రంగా విచారిస్తున్నాను. ఆయన పోషించిన ప్రతి పాత్రలోనూ స్పష్టమైన నిజాయితీ, తీవ్రత కనిపించేవి. ఆయన నటన ఎప్పుడూ నటనలా అనిపించేది కాదు. తెరపై ఆవిష్కృతమవుతున్న జీవంలా ఉండేది’ అంటూ నానా పటేకర్‌ నటనా ప్రతిభను ఎన్టీఆర్‌ కొనియాడారు. భారతీయ సినిమాకు ఆయన చేసిన సేవలు, ఆయన అందించిన అద్భుతమైన నటన తరతరాల పాటు గుర్తుండిపోతాయని పేర్కొన్నారు. నానా పటేకర్‌ కుటుంబ సభ్యులకు, ఆత్మీయులకు జూనియర్ ఎన్టీఆర్‌ ప్రగాఢ సానుభూతి తెలిపారు. Deeply saddened by the passing of Nana Patekar sir, one of Indian cinema’s finest actors. There was an unmistakable honesty and intensity in every character he portrayed. His performances never felt like acting, but life unfolding on screen. A remarkable artist whose contribution to Indian cinema will be remembered for generations. Heartfelt condolences to his family and loved ones. Om Shanti 🙏— Jr NTR (@tarak9999) October 8, 2026

నటుడిగా నానా పటేకర్‌ గురించి అందరికీ తెలిసిందే. ప్రత్యేకంగా చెప్పనక్కర్లేదు. తెరపై ఆయన చెప్పే పవర్‌ఫుల్ డైలాగ్స్‌, పోషించే విభిన్న పాత్రలు ప్రేక్షకులపై చెరగని ముద్ర వేశాయి. అయితే సినిమాలకు అవతల నానా పటేకర్‌లో మరో కోణం ఉందని కొంతమందికే తెలుసు. దేశ సైనికులంటే ఆయనకు అపారమైన గౌరవం ఉండేది. మరో పక్క రైతుల సమస్యలపై కూడా అంతే స్థాయిలో స్పందించేవారు. నటుడిగా సంపాదించిన గుర్తింపును మించి.. ఓ మనిషిగా తన బాధ్యతను నెరవేర్చేందుకు ఆయన చేసిన ప్రయత్నాలు ప్రత్యేకంగా నిలిచాయి.కార్గిల్‌ యుద్ధ సమయంలో ఆర్మీతో..భారత్‌-పాకిస్థాన్‌ మధ్య 1999లో జరిగిన కార్గిల్‌ యుద్ధ సమయంలో నానా పటేకర్‌ ఆర్మీతో కలిసి పనిచేశారు. అప్పటి రక్షణ మంత్రి జార్జ్‌ ఫెర్నాండెజ్‌ అనుమతి తీసుకుని సైనికులతో కలిసి ఉండేందుకు వెళ్లారు. దాదాపు 60 రోజుల పాటు క్విక్‌ రియాక్షన్‌ టీమ్‌తో ఉన్నట్లు నానా పటేకర్‌ స్వయంగా గతంలో తెలిపారు. అంతేకకుండా ఆర్మీపై ఆయనకున్న గౌరవం సినిమాల్లోనూ కనిపించింది. ‘ప్రహార్‌: ది ఫైనల్‌ అటాక్‌’లో ఆర్మీ అధికారి పాత్ర కోసం నానా పటేకర్‌ కఠినమైన సైనిక శిక్షణ తీసుకున్నారు.(ఇదీ చదవండి: 13 ఏళ్లకే పెళ్లి.. 14 ఏళ్లకే తల్లి.. భర్త వదిలేశారు.. ఈ నటి జీవితంలో..)రైతుల కోసం ‘నామ్‌ ఫౌండేషన్‌’నానా పటేకర్‌ జీవితంలో మరో ముఖ్యమైన అధ్యాయం రైతుల కోసం చేసిన సేవ అనే చెప్పాలి. మహారాష్ట్రలో కరువు, రైతుల ఆత్మహత్యలు, నీటి కొరత వంటి సమస్యలను చూసి చలించిన ఆయన.. నటుడు మకరంద్‌ అనాస్పురేతో కలిసి 2015లో ‘నామ్‌ ఫౌండేషన్‌’ను ప్రారంభించారు. రైతులకు ఆర్థిక సహాయం అందించడంతో పాటు నీటి సంరక్షణ, గ్రామాల అభివృద్ధి, రైతుల కుటుంబాలకు అండగా నిలవడం వంటి కార్యక్రమాలను ఈ సంస్థ చేపట్టింది. రైతులకు మానసికంగా అండగా ఉండేందుకు నామ్‌ ఫౌండేషన్‌ ద్వారా కార్యక్రమాలు చేపట్టారు. నీటి సంరక్షణ, ఎండిపోయిన బావులను పునరుద్ధరించడం, గ్రామాల్లో నీటి నిర్వహణ వంటి పనులపై కూడా దృష్టి పెట్టారు. ‘రైతు దేశానికి అన్నం పెడతాడు’..రైతుల పరిస్థితిపై నానా పటేకర్‌ చాలా సందర్భాల్లో తీవ్రంగా స్పందించారు. 2024లో నాసిక్‌లో జరిగిన రైతు సమావేశంలో మాట్లాడుతూ.. ‘ రైతులు పండించే పంటకు సరైన ధర ఇవ్వాలి. దేశం మొత్తానికి ఆహారం అందించే రైతుల సమస్యలను పట్టించుకోవాల్సిన అవసరం ఉంది’ అని అన్నారు. సమస్య ఎంత పెద్దదైనా ప్రాణాలు తీసుకోవద్దని, అందరూ కలిసి పరిస్థితులను మార్చేందుకు ప్రయత్నించాలి’ అని పిలుపునిచ్చారు. ఇలా సినిమాలో నటుడిగా కనిపించిన నానా పటేకర్‌.. నిజ జీవితంలో మాత్రం సైనికుడి పట్ల గౌరవం, రైతు పట్ల బాధ్యత ఉన్న మనిషిగా తనదైన ముద్ర వేశారు.(ఇదీ చదవండి: మాధురీపై మనసు పారేసుకున్న నానా పటేకర్‌..) @JaikyYadav16 🚨Actor Nana Patekar served the Indian Army during the 1999 Kargil War. He did patrolling, hospital duty, and was part of the Quick Reaction Team. He lost 20 kg in 2 months but never spoke about it until a recent interview with The Lallantop. https://t.co/NJO23FSC3s— Prashant (@prashant10gaur) May 16, 2025

బాలీవుడ్‌ సీనియర్ నటుడు, ప్రముఖ రంగస్థల కళాకారుడు నానా పటేకర్ (75) కన్నుమూశారు. గురువారం ఉదయం గోవాలో గుండెపోటుతో మృతి చెందారు. నానా పటేకర్ మరణవార్తతో హిందీ, మరాఠీ సినీ పరిశ్రమల్లో విషాదం నెలకొంది. తన విలక్షణమైన నటన, శక్తివంతమైన సంభాషణలతో దశాబ్దాలుగా ప్రేక్షకులను అలరించిన ఆయన.. ఎన్నో గుర్తుండిపోయే పాత్రల్లో నటించారు.రంగస్థలం నుంచి వెండితెరకు..1951 జనవరి 1న మహారాష్ట్రలోని మురుడ్‌లో జన్మించిన నానా పటేకర్‌ ముంబైలోని సర్ జె.జె. స్కూల్ ఆఫ్ ఆర్ట్‌లో విద్యాభ్యాసం చేశారు. నటనపై ఆసక్తితో రంగస్థలంపై తన ప్రయాణాన్ని ప్రారంభించారు. 1978లో వచ్చిన ‘గమన్’ సినిమాతో వెండితెరపై అడుగుపెట్టారు. ఆ తర్వాత చిన్న చిన్న పాత్రలు చేస్తూనే తన నటనా ప్రతిభను నిరూపించుకున్నారు. 1988లో వచ్చిన ‘సలామ్ బాంబే!’ ఆయన కెరీర్‌కు మంచి గుర్తింపు తీసుకొచ్చింది. ఆ తర్వాత ‘పరిందా’ సినిమాలో పోషించిన పాత్ర నానా పటేకర్‌కు దేశవ్యాప్తంగా ప్రత్యేక గుర్తింపు తెచ్చింది. ఈ సినిమాకు గాను ఉత్తమ సహాయ నటుడిగా జాతీయ చలనచిత్ర అవార్డును అందుకున్నారు. ‘క్రాంతివీర్’తో మరో స్థాయికి..నానా పటేకర్ కెరీర్‌లో ‘క్రాంతివీర్’ అత్యంత కీలకమైన చిత్రాల్లో ఒకటి.(తెలుగులో మోహన్‌బాబు నటించిన పుణ్యభూమి నా దేశం) ఇందులో ఆయన పోషించిన పాత్ర, చెప్పిన సంభాషణలు ప్రేక్షకులను ఎంతగానో ఆకట్టుకున్నాయి. ఈ సినిమాతో ఆయనకు మరింత భారీ స్థాయిలో అభిమానులు ఏర్పడ్డారు. ‘అబ్ తక్ ఛప్పన్’లో పోలీస్ అధికారిగా చేసిన పాత్ర కూడా ఆయన కెరీర్‌లో ప్రత్యేకంగా నిలిచిపోయింది. తీవ్రమైన పాత్రలను మాత్రమే కాకుండా కామెడీ, కుటుంబ కథా చిత్రాల్లోనూ తన మార్క్ చూపించారు. ‘వెల్‌కమ్’ సినిమాలో ఉదయ్ భాయ్‌గా ఆయన చేసిన నటన ప్రేక్షకులను విపరీతంగా నవ్వించింది. ఈ పాత్ర నానా పటేకర్‌లోని మరో కోణాన్ని ప్రేక్షకులకు పరిచయం చేసింది. ‘పరిందా’, ‘క్రాంతివీర్’, ‘ప్రహార్’, ‘అబ్ తక్ ఛప్పన్’, ‘వెల్‌కమ్’, ‘నటసమ్రాట్’ వంటి సినిమాలు ఆయన సినీ ప్రస్థానంలో ప్రత్యేకంగా నిలిచాయి.నటుడిగానే కాదు.. దర్శకుడిగానూనానా పటేకర్ కేవలం నటుడిగా మాత్రమే కాకుండా దర్శకుడిగానూ తన ప్రతిభను చాటుకున్నారు. ‘ప్రహార్: ది ఫైనల్ అటాక్’ సినిమాతో దర్శకుడిగా కూడా తన సత్తా చూపించారు. దాదాపు ఐదు దశాబ్దాల సినీ ప్రయాణంలో నానా పటేకర్ ఎన్నో అవార్డులు అందుకున్నారు. మూడు జాతీయ చలనచిత్ర అవార్డులు, ఫిల్మ్‌ఫేర్ అవార్డులతో పాటు 2013లో భారత ప్రభుత్వం ఆయనకు పద్మశ్రీ పురస్కారాన్ని అందించింది. నానా పటేకర్‌ చివరిగా 2024లో వచ్చిన ‘వన్వాస్‌’లో కీలక పాత్ర పోషించారు. ఇలా రంగస్థలం నుంచి మొదలై ఆయన ప్రయాణం.. బాలీవుడ్‌లో అగ్ర నటుడిగా ఎదిగే వరకు సాగింది. శక్తివంతమైన సంభాషణలు, సహజమైన నటన, పాత్రకు తగ్గట్టుగా తనను తాను మార్చుకునే తీరు ఆయనకు ప్రత్యేక గుర్తింపు తెచ్చాయి. ఇప్పుడు ఆయన మరణంతో భారతీయ సినిమా ఓ విలక్షణ నటుడిని కోల్పోయింది.👉 :​​​​​​​ (ఫోటో గ్యాలరీ కోసం ఇక్కడ క్లిక్ చేయండి)

నేచురల్ స్టార్ నాని ప్రస్తుతం వరుస సినిమాలతో బిజీగా ఉన్నారు. ఇటీవలే ‘ది ప్యారడైజ్’తో ప్రేక్షకులను పలకరించిన ఆయన.. త్వరలోనే దర్శకుడు సుజీత్ తెరకెక్కిస్తున్న ‘బ్లడీ రోమియో’తో సందడి చేయనున్నారు. నాని పుట్టినరోజు సందర్భంగా ఈ ఏడాది ఫిబ్రవరిలో ఈ సినిమాను మేకర్స్ అధికారికంగా ప్రకటించిన విషయం తెలిసిందే. ఇప్పటికే విడుదలైన టైటిల్ గ్లింప్స్‌కు మంచి స్పందన వచ్చింది.తాజాగా ఓ ఇంటర్వ్యూలో నాని మాట్లాడుతూ ‘బ్లడీ రోమియో’ గురించి పలు ఆసక్తికర విషయాలు వెల్లడించారు. ఈ సినిమా చాలా యూనిక్‌గా, స్టైలిష్‌గా ఉంటుందని చెప్పారు. ఇందులో యాక్షన్, వైలెన్స్ ఉన్నప్పటికీ మరీ రా అండ్ రస్టిక్‌గా ఉండదని తెలిపారు.ఇది చాలా చమత్కారమైన సినిమా. స్టైలిష్ యాక్షన్ ఉంటుంది. సుజీత్ ఈ సినిమాకి ఓ కొత్త ట్రీట్‌మెంట్‌ ఇవ్వనున్నాడు. కేవలం తెలుగులోనే కాదు.. ఈ జానర్‌లో ఇలాంటి సినిమా ఇంతవరకూ ఎక్కడా చూడలేదు. ఈ చిత్రం థియేటర్లలో మంచి ఎక్స్‌పీరియన్స్ ఇస్తుంది. ‘ది ప్యారడైజ్’కు పూర్తి కాంట్రాస్ట్‌గా, చాలా రెఫ్రెషింగ్‌గా ఉంటుందని పేర్కొన్నారు. నాని చేసిన ఈ వ్యాఖ్యలతో ‘బ్లడీ రోమియో’పై అంచనాలు మరింత పెరిగాయి.ఇప్పటివరకు విభిన్న జానర్లలో తనదైన ముద్ర వేసుకున్న నాని, శ్రీకాంత్‌ ఓడెలతో కలిసి ఇటీవల రగ్డ్ పీరియాడిక్ టచ్ ఉన్న ‘పారడైజ్’ తరహా కథ తర్వాత సుజీత్‌తో పూర్తిగా స్టైలిష్ యాక్షన్ జోన్‌లోకి అడుగుపెడుతున్నారు. గన్స్, గర్ల్స్, స్టైలిష్ టేకింగ్, ఎలివేషన్ సీన్స్ అన్నీ కలిపి ఈ చిత్రం ఫుల్ క్లాస్ యాక్షన్ ఎంటర్‌టైనర్‌గా రూపొందనుందని టాక్. యూత్‌కు నచ్చేలా స్టైలిష్‌గా సినిమా తీయగల దర్శకుడిగా సుజీత్ ఇప్పటికే తన సామర్థ్యాన్ని నిరూపించుకున్నారు. ఇప్పుడు నాని వంటి నటుడితో కలయిక మరింత ఆసక్తిని రేకెత్తిస్తోంది.ఈ చిత్రం టాలీవుడ్‌కు కొత్త స్టైలిష్ యాక్షన్ ఫేజ్‌ను తెచ్చిపెడుతుందా? అన్నది చూడాలి.

పాయల్ చెంగప్ప ప్రధాన పాత్రలో నటిస్తున్న సినిమా ‘మయూఖ’.. సినిమా బండి ప్రొడక్షన్స్ బ్యానర్ పై పలు ఇంట్రెస్టింగ్ మూవీస్ నిర్మించిన శ్రీకాంత్ కాండ్రేగుల... శ్రీతేజ్ ఎస్.కె. గా స్క్రీన్ నేమ్ మార్చుకుని ఈ చిత్రానికి దర్శకత్వం వహించాడు. ప్రశ్విత ఎంటర్‌టైన్‌మెంట్ బ్యానర్ పై శశిధర్ నల్ల నిర్మించిన ఈ మూవీ ఈ నెల 9న ప్రపంచ వ్యాప్తంగా విడుదల కానుంది. ఈ నేపథ్యంలో డైరెక్టర్‌ శ్రీతేజ్‌ ఎస్‌.కే మీడియాతో ముచ్చటించారు. ఆ విశేషాలు..→ ‘మయూఖ’ అంటే ఆశాకిరణం. సినిమా చివరి వరకు చూసిన తర్వాత టైటిల్‌ను ఎందుకు పెట్టామో ప్రేక్షకులకు అర్థమవుతుంది. నేను రూపొందించిన చివరి షార్ట్‌ఫిలిం పేరు కూడా ‘మయూఖ’. ఆ షార్ట్‌ఫిలింను పూర్తి చేయకుండానే అమెరికా వెళ్లాను. ఆ సమయంలో రాజమౌళి గారు ఒక పాపను దత్తత తీసుకుని ఆమెకు మయూఖ అనే పేరు పెట్టారు. ఆ తర్వాత నా ప్రొఫెషనల్ కెరీర్ కొనసాగుతున్న సమయంలో నిర్మాత శశిధర్ నల్లకు ఈ కథ చెప్పాను. కథ ఆయనకు నచ్చడంతో సినిమా చేయడానికి ముందుకొచ్చారు.→ మా ‘మయూఖ’ సినిమాకు ఇటీవల న్యూయార్క్ ఫిలిం ఫెస్టివల్‌లో బెస్ట్ మిస్టరీ మూవీగా అవార్డు వచ్చింది. థ్రిల్లర్ కేటగిరీలో సెకండ్ బెస్ట్‌గా నిలిచింది. ఈ అవార్డు వస్తుందని మేము అసలు ఊహించలేదు. మా సినిమా అవార్డుకు ఎంపికైందని తెలిసినప్పుడు టీమ్ అంతా చాలా సంతోషించింది. ప్రస్తుతం ‘మయూఖ’ను కేన్స్ ఫిలిం ఫెస్టివల్‌కు కూడా అప్లై చేశాం.→ మా ప్రమోషనల్ కంటెంట్ చూస్తే కొరియన్, హాలీవుడ్ సినిమాల తరహా స్టోరీ టెల్లింగ్, కలర్ గ్రేడింగ్ కనిపిస్తుంది. కథను ఒకేసారి చెప్పకుండా కొద్దికొద్దిగా రివీల్ చేస్తూ సెకండాఫ్‌కు వచ్చే సరికి పీక్స్‌కు తీసుకెళ్లాం. ప్రస్తుతం ప్రేక్షకులు ఓటీటీల్లో థ్రిల్లర్ వెబ్‌సిరీస్‌లు, సినిమాలు విపరీతంగా చూస్తున్నారు. అలాంటి ఆడియెన్స్‌ను మెప్పించాలంటే కొత్తగా, క్వాలిటీగా ప్రయత్నించాలి. ‘మయూఖ’ విషయంలో మేము అదే చేశాం.→ ఎక్కడో స్మశానంలో దెయ్యాలు ఉన్నాయని చెబితే మనసు ముందుగానే భయానికి సిద్ధమవుతుంది. కానీ మనం ప్రతిరోజూ ఉండే ఇంట్లోకి ఒక అపరిచిత వ్యక్తి వస్తే ఆ భయం మరింత ఎక్కువగా ఉంటుంది. ‘మయూఖ’ హారర్ సినిమా కాదు.. థ్రిల్లర్ మూవీ. హీరోయిన్ ఉండే ఫ్లాట్‌లోకి ఒక అపరిచిత వ్యక్తి ఎందుకు వచ్చాడు? అతను ఏం చేశాడు? హీరోయిన్ పాత్రతో అతనికి ఉన్న సంబంధం ఏమిటి? అనే అంశాల చుట్టూ కథ ఆసక్తికరంగా సాగుతుంది.→ ఇలాంటి థ్రిల్లర్స్ గతంలో వచ్చినప్పటికీ ‘మయూఖ’లో స్క్రీన్‌ప్లే, కథను ప్రజెంట్ చేసిన విధానం కొత్తగా ఉంటుంది. అదే మా సినిమాకు ప్రత్యేకత. ప్రెజెంటేషన్ కొత్తగా ఉండటం వల్లే న్యూయార్క్ ఫిలిం ఫెస్టివల్‌లో అవార్డు దక్కిందని భావిస్తున్నాం.→ ఈ కథను మొదట నటి మహేశ్వరి (గులాబీ ఫేమ్)కు చెప్పాం. ఆమెకు మేము చెప్పిన రెండు కథలు నచ్చాయి. అయితే మరో కథను ఆమె ఎంచుకున్నారు. ఆ తర్వాత ‘మయూఖ’ పాత్రకు పాయల్ చెంగప్ప అయితే బాగా సరిపోతుందని అనిపించింది.→ పాయల్ కన్నడలో మంచి ఎంటర్‌టైనింగ్ సినిమాలు చేశారు. ఆమె చేసిన వెబ్‌సిరీస్‌ల ద్వారా ఇప్పటికే తెలుగు ప్రేక్షకులకు కూడా చేరువయ్యారు. ఈ సినిమాలో ఆమె పాత్రను ప్రేక్షకులు బాగా రిలేట్ చేసుకుంటారు. ఆమె క్యారెక్టర్ ఎదుర్కొనే స్ట్రగుల్స్‌కు స్పందిస్తారని నమ్మాం. మయూఖగా పాయల్ అద్భుతంగా నటించారు. ఈ సినిమాతో ఆమె నటనకు మంచి గుర్తింపు వస్తుందని భావిస్తున్నాను.→ ఒక సినిమా హిట్ అయితే అదే జానర్‌లో వరుసగా సినిమాలు వస్తుంటాయి. మనం ఆ జానర్‌లో సినిమా చేసేలోపు ట్రెండ్ మారిపోయే అవకాశం ఉంటుంది. అందుకే లవ్, ఫ్యామిలీ ఎంటర్‌టైనర్ చేయగలిగినా.. కొత్తగా ఏదైనా ప్రయత్నిద్దామనే ఉద్దేశంతో ‘మయూఖ’ను రూపొందించాను.→ తదుపరి నా దర్శకత్వంలో ఒక ఎమోషనల్ సైన్స్ ఫిక్షన్ మూవీ చేయబోతున్నాను. అది క్లీన్ యు సర్టిఫికెట్ పొందేలా ఉండే సినిమా. ‘

కమెడియన్ రామచంద్ర.. ఒకప్పుడు ఆయన వెండితెరపై కనిపిస్తే చాలు, నవ్వుల జల్లు కురిసేది. అమాయకంగా డైలాగులు చెబుతూ, తనదైన శైలిలో కామెడీ పండిస్తే.. ప్రేక్షకులు కడుపుబ్బా నవ్వుకునేవారు. స్టార్‌ హీరోల సినిమాల్లోనూ తన మార్క్‌ కామెడీతో ప్రత్యేక గుర్తింపు తెచ్చుకున్న ఆ కమెడియన్‌.. ఇప్పుడు మాత్రం దీనస్థితిలో ఉన్నారు. ఒకప్పుడు నవ్వులు పంచిన ఆయన జీవితంలో ఇప్పుడు కన్నీళ్లు నిండిపోయాయి. అనారోగ్యంతో పాటు ఆర్థిక ఇబ్బందులు ఎదుర్కొంటూ.. సహాయం కోసం వేడుకుంటున్నాడు.‘ఆనందం’, ‘సొంతం’, ‘వెంకీ’, ‘కింగ్’, ‘దుబాయ్ శీను’, ‘లౌక్యం’ లాంటి ఎన్నో సూపర్‌ హిట్‌ చిత్రాల్లో కమెడియన్‌గా నటించిన రామచంద్ర..కొన్నాళ్ల క్రితం పక్షవాతం బారిన పడ్డాడు. బ్రెయిన్‌లో రక్తం గడ్డకట్టి ఆయన ఎడమ చేయి, కాలు పూర్తిగా పడిపోయాయి. దీంతో ఆయన నడవలేని, కదలలేని స్థితిలో మంచానికే పరిమితమయ్యారు. పెళ్లి కాలేదు. పెరెంట్స్‌ కన్నమూశారు. ప్రస్తుతం తమ్ముడే తన బాగోగులు చూసుకుంటున్నారు. తాజాగా రామచంద్రను ‘సాక్షి డిజిటల్‌’ ఇంటర్వ్యూ చేసింది. దానికి సంబంధించిన వీడియో ఇప్పుడు నెట్టింట వైరల్‌గా మారింది. రామచంద్ర దీనస్థితి చూసి ప్రతి ఒక్కరు చలించిపోతున్నారు.ఖర్చులు భరించలేకపోతున్నాంసాక్షి డిజిటల్‌కు ఇచ్చిన ఇంటర్వ్యూలో రామచంద్ర తమ్ముడు మాట్లాడుతూ.. ‘దాదాపు ఏడాదిగా రిహాబిలిటేషన్ సెంటర్‌లోనే రామచంద్ర ఉన్నాడు. ఫిజియోథెరపీ చేయిస్తున్నాం. ఇప్పటికే పలువు సినీ ప్రముఖులు ఆర్థిక సాయం చేశారు. వారి సహాయం వల్లే ఇప్పుడు ఇలా ఉన్నాం. అయితే ఇప్పుడు మాకు నెలకు రూ. 2-2.5 లక్షల వరకు ఖర్చు అవుతుంది. ఇంకో రెండు మూడు నెలలు వరకు ఇక్కడే ఉండాలి. ప్రతిరోజూ అయ్యే వైద్య ఖర్చులు, థెరపీకి డబ్బులు లేక ఇబ్బంది పడుతున్నాం. దాతలు స్పందించి ఎంతో కొంత ఆర్థికసాయం అందిస్తే..వైద్యానికి ఉపయోగపడుతుంది’ అని విజ్ఞప్తి చేశారు.

సినిమా అనేది రంగుల ప్రపంచం. తెరపై ముఖానికి రంగులు వేసుకుని ప్రేక్షకులను అలరించే నటీనటుల వెనుక ఎన్నో కష్టాలు, కన్నీళ్లు, జీవిత పోరాటాలు ఉంటాయి. ఆ బాధలను అధిగమించి తమకంటూ ఓ గుర్తింపు తెచ్చుకున్నవారే నిజమైన స్ఫూర్తిగా నిలుస్తారు. నటి రాగిణి కూడా అలాంటి వారిలో ఒకరు. బుల్లితెరతో పాటు వెండితెరపైనా తన నటనతో అలరిస్తున్న ఆమె వ్యక్తిగత జీవితం.. నిజంగా ఇప్పటి తరానికి ఆదర్శంగా నిలుస్తుంది. కేవలం 13 ఏళ్ల వయసులోనే పెళ్లి.. 14 ఏళ్లకే తల్లిగా మారిన రాగిణి.. ఆ తర్వాత ఎన్నో ఒడిదుడుకులను ఎదుర్కొన్నారు. భర్త దూరమైనా వెనక్కి తగ్గలేదు. కొడుడును తండ్రి లేని లోటు తెలియకుండా పెంచడమే కాదు.. తన కాళ్లపై తాను నిలబడి నటిగా ఎదిగి, నలుగురూ గుర్తించే స్థాయికి చేరుకున్నారు. జీవితంలో ఎన్ని కష్టాలు ఎదురైనా ధైర్యంగా ముందుకు సాగితే విజయం సాధించవచ్చని ఆమె ప్రయాణం చెబుతుంది. తన వ్యక్తిగత జీవితంలో ఎదురైన అనుభవాల గురించి రాగిణి గతంలో ఓ ఇంటర్వ్యూలో వెల్లడించిన విషయాలు ఇప్పుడు మరోసారి సోషల్‌ మీడియాలో వైరల్‌గా మారాయి.సినిమా, టీవీ రంగాల్లో తనదైన గుర్తింపు తెచ్చుకున్న నటి రాగిణి గురించి ప్రత్యేకంగా పరిచయం అవసరం లేదు. ముఖ్యంగా ‘అమృతం’ సీరియల్‌లో అంజి భార్య శాంతగా నవ్వులు పంచిన ఆమె.. ప్రేక్షకులకు ఎంతో దగ్గరయ్యారు. దాదాపు 30 ఏళ్లుగా చిత్ర పరిశ్రమలో కొనసాగుతున్నారు. ఇప్పటివరకు 550కు పైగా సీరియల్స్‌తో పాటు సుమారు 190 సినిమాల్లో నటించారు. బుల్లితెర, వెండితెరపై తన నటనతో ప్రేక్షకులను అలరిస్తూనే ఉన్నారు. అయితే ఆమె వ్యక్తిగత జీవితం గురించి తెలుసుకుంటే మాత్రం.. ఈ స్థాయికి చేరుకోవడం వెనుక ఎంతటి పోరాటం ఉందో అర్థమవుతుంది.13 ఏళ్లకే పెళ్లి.. 14 ఏళ్లకే తల్లిగతంలో ఓ ఇంటర్వ్యూలో రాగిణి చెప్పిన వివరాల ప్రకారం.. 14 మంది పిల్లలున్న కుటుంబంలో ఆమె 12వ సంతానం. చిన్న వయసులోనే ఆమెకు పెళ్లి చేశారు. కేవలం 13 ఏళ్ల వయసులో వివాహం కాగా.. 14 ఏళ్లకే మగబిడ్డకు జన్మనిచ్చారు. పెళ్లైన తర్వాత భర్త నుంచి శారీరకంగా, మానసికంగా వేధింపులు ఎదురయ్యాయి. ముఖ్యంగా డబ్బు కోసం తనను వేధించేవాడట. పెళ్లైన కొద్దికాలానికే భర్త తనను వదిలి మరో మహిళను వివాహం చేసుకున్నాడని రాగిణి తెలిపారు. దీంతో చిన్న వయసులోనే బిడ్డతో ఒంటరిగా మిగిలిపోయారు. అయినప్పటికీ ఆమె కుంగిపోలేదు. తన జీవితాన్ని తానే చక్కదిద్దుకోవాలని నిర్ణయించుకున్నారు.(ఇదీ చదవండి: సైలెంట్‌గా వచ్చి రూ. 150 కోట్లు కొల్లగొట్టిన తమిళ సినిమా)డ్యాన్సర్‌గా కెరీర్ ప్రారంభంభర్త వదిలేసిన తర్వాత రాగిణి తన చిన్న కుమారుడిని తీసుకుని కర్ణాటక నుంచి హైదరాబాద్‌కు వచ్చారు. అనారోగ్యంతో బాధపడుతున్న తన తండ్రితో పాటు తల్లిని కూడా హైదరాబాద్‌కు తీసుకొచ్చి కుటుంబ బాధ్యతలను భుజాన వేసుకున్నారు. జీవనం సాగించేందుకు తొలుత డ్యాన్స్‌ ప్రోగ్రామ్స్‌ చేసేవారు. ఒక్కో డ్యాన్స్‌ ప్రోగ్రామ్‌కు అప్పట్లో రూ.500 పారితోషికం వచ్చేదని రాగిణి చెప్పుకొచ్చారు. నెలకు ఆరు ప్రోగ్రామ్స్‌ చేస్తే సుమారు రూ.3 వేల వరకు సంపాదించేవారు. అందులో రూ.750 ఇంటి అద్దెకు, రూ.1,000 తండ్రి మందులకు, మరో రూ.1,000 కుటుంబ అవసరాలకు ఖర్చు చేసేవారు. మిగిలిన రూ.200-300ను దాచుకునేవారు. ఆ డబ్బుతో బస్సులో టీవీ కార్యాలయాలు, స్టూడియోల చుట్టూ తిరుగుతూ నటించే అవకాశాల కోసం ప్రయత్నించేవారట.అక్క పిల్లలకు కూడా అన్నీ తానై.. తన పిల్లల భవిష్యత్తు కోసం రాగిణి ఎంతో కష్టపడ్డారు. ఒంటరిగానే పిల్లలను పెంచుతూ వారి చదువుకు ప్రాధాన్యం ఇచ్చారు. తన కొడుకుని మాత్రమే కాదు.. తన ఆరో అక్క పిల్లలను కూడా ఆమె చదివించారు. అక్క చనిపోవడంతో ఆ పిల్లలకు కూడా అన్నీ తానై చూసుకున్నారట.వారంతా బాగా చదువుకొని సాఫ్ట్‌వేర్ ఇంజినీర్లు అయ్యారని.. పిల్లలు జీవితంలో స్థిరపడటం తనకు ఎంతో సంతోషాన్ని ఇచ్చిందని రాగిణి ఓ ఇంటర్వ్యూలో చెప్పుకొచ్చారు.క్యాస్టింగ్ కౌచ్‌పై రాగిణి వ్యాఖ్యలుఇండస్ట్రీలో తొలి రోజుల్లో ఎదురైన అనుభవాల గురించి కూడా రాగిణి ఓ ఇంటర్వ్యూలో మాట్లాడారు. ముఖ్యంగా క్యాస్టింగ్ కౌచ్‌ అంశంపై ఆమె చేసిన వ్యాఖ్యలు అప్పట్లో చర్చనీయాంశంగా మారాయి. మహిళలు తమ హద్దులను స్పష్టంగా నిర్ణయించుకోవాలని ఆమె సూచించారు. తన అభిప్రాయం ప్రకారం.. ఎవరితో ఎలా ప్రవర్తిస్తున్నామనేది కూడా చాలా ముఖ్యమని రాగిణి చెప్పారు. ఎదుటివారితో అతిగా చనువుగా ఉండకుండా, గౌరవప్రదమైన దూరాన్ని పాటిస్తే అనవసరమైన ఇబ్బందులు తగ్గుతాయని ఆమె పేర్కొన్నారు. తాను మాత్రం ఎప్పుడూ హద్దులు దాటకుండా, తన ప్రవర్తన విషయంలో జాగ్రత్తగా ఉండేదానినని తెలిపారు.

తమిళ నటుడు సూరి, తెలుగు హీరో సుహాస్‌ ప్రధాన పాత్రల్లో నటించిన తాజా చిత్రం ‘మండాడి’. ఎల్రెడ్ కుమార్ నిర్మించిన ఈ తమిళ చిత్రంలో సూరి, సుహాస్, మహిమా నంబియార్, సత్యరాజ్, రవీంద్ర విజయ్, మిథున్, బాల శరవణన్ తదితరులు కీలక పాత్రలను పోషించారు. తెలుగులో ఈ చిత్రాన్ని మైత్రి మూవీ డిస్ట్రిబ్యూటర్స్ ఎల్ఎల్‌పి సెప్టెంబర్ 10న రిలీజ్ చేసింది. తమిళ, తెలుగు భాషల్లోనే కాకుండా రిలీజ్ చేసిన అన్ని చోట్లా ‘మండాడి’కి మంచి రెస్పాన్స్ దక్కించుకుంది. ఇప్పటి వరకు ఈ సినిమాకి తమిళనాడులో వంద కోట్లకు పైగా గ్రాస్ వచ్చింది. ఇక ప్రపంచ వ్యాప్తంగా లెక్కల్ని చూసుకుంటే రూ. 150 కోట్లకు పైగా గ్రాస్ వచ్చింది. సూరి, సుహాస్ కెరీర్‌లోనే బిగ్గెస్ట్ బ్లాక్ బస్టర్‌గా ‘మండాడి’ నిలిచింది.‘మండాడి’ సినిమాలోని బోట్ సీక్వెన్స్, రేసింగ్ సీన్స్‌కి అదిరిపోయే రెస్పాన్స్ వచ్చింది. ‘మండాడి’ సినిమాకి కథిర్ అందించిన విజువల్స్, జీవీ ప్రకాష్ బీజీఎం, పీటర్ హెయిన్, దిలీప్ సుబ్బురాయన్, మహేష్ మాథ్యూ కంపోజ్ చేసిన యాక్షన్ సీక్వెన్స్ సినిమాకి హైలెట్‌గా నిలిచాయి. సూరి, సుహాస్ నటన, వారి పాత్రలు సినిమాని నిలబెట్టాయి. ఇక ఈ చిత్రాన్ని వీక్షించి రజినీకాంత్, వెట్రిమారన్ వంటి వారు ప్రశంసలు కురిపించిన సంగతి తెలిసిందే.

విక్రమ్‌ సహిదేవ్, సంధ్యా వశిష్ట, తారక్‌ పొ​న్నప్ప నటించిన సినిమా ‘అనకాపల్లి’. దర్శక–నిర్మాత త్రినాథరావు నక్కిన కథ, స్క్రీన్‌ప్లే అందించి, నిర్మించి, నటించిన ఈ సినిమాకు ఖగేష్‌ తమ్మినేని దర్శకత్వం వహించారు. కాండ్రేగుల నాయుడు మరో నిర్మాతగా వ్యవహరించిన ఈ సినిమాకు కాండ్రేగుల కుమార్‌ రాజా సహ–నిర్మాతగా వ్యవహరించారు. అక్టోబరు 2న ఈ సినిమా విడుదలైంది. (చదవండి: 'ప్యారడైజ్' ఎఫెక్ట్.. చిరుతో సినిమాపై నాని కామెంట్స్)ఈ సందర్భంగా మంగళవారం జరిగిన సక్సెస్‌ మీట్‌లో విక్రమ్‌ సహిదేవ్‌ మాట్లాడుతూ– ‘‘మా సినిమాకు మంచి స్పందన లభిస్తోంది. థియేటర్స్‌ పెరుగుతున్నాయి’’ అని చెప్పారు. ‘‘మా సినిమాకు మంచి ఫ్లోటింగ్‌ ఉంది. చాలా చోట్ల హౌస్‌ఫుల్స్‌ పడుతున్నాయి’’ అని తెలిపారు నక్కిన త్రినాథరావు. ‘‘ఎవడి గోల వాడిదే’ సినిమాని ఫస్ట్‌ వీక్‌కే తీసేస్తామని అన్నారు. కానీ అదే థియేటర్‌లో ఆ సినిమా చివరకు సిల్వర్‌ జూబ్లీ జరిగింది. అలానే ‘అనకాపల్లి’ కూడా గొప్ప విజయాన్ని సాధిస్తుంది. ఈ సినిమా దసరా ధమాకాగా నిలుస్తుంది’’ అన్నారు లగడపాటి శ్రీధర్‌. ‘‘మా చిత్రానికి మంచి స్పందన లభిస్తున్నప్పటికీ ఇతర భాషల సినిమాలకు థియేటర్స్‌ కేటాయిస్తున్నారు. మా సినిమాకు ఇంకా థియేటర్స్‌ కేటాయించాలని డిస్ట్రిబ్యూటర్లను కోరుతున్నాను’’ అన్నారు కాండ్రేగుల నాయుడు.

‘‘గరివిడి లక్ష్మి’ సినిమా ట్రైలర్‌ లాంచ్‌ వేడుకలో చేసిన కళా ప్రదర్శన చాలా ఆకట్టుకుంది. ఈ పాటలు వింటుంటే నా బాల్యం గుర్తుకొచ్చింది. ఈ చిత్రానికి మంచి పేరొస్తుందని నమ్ముతున్నాను’’ అని అడివి శేష్‌ అన్నారు. ఆంధ్రప్రదేశ్‌కి చెందిన ప్రముఖ జానపద గాయని గరివిడి లక్ష్మి జీవితం ఆధారంగా రూపొందిన సినిమా ‘గరివిడి లక్ష్మి’. గరివిడి లక్ష్మి పాత్రలో ఆనంది నటించారు. గౌరీ నాయుడు జమ్ము దర్శకత్వంలో టీజీ విశ్వప్రసాద్, కృతీ ప్రసాద్‌ నిర్మించిన ఈ సినిమా ఈ నెల 17న విడుదల కానుంది. ఈ చిత్రం ట్రైలర్‌ లాంచ్‌ ఈవెంట్‌కు హీరో అడివి శేష్, దర్శకులు బాబీ కొల్లి, హరీష్‌ శంకర్, మారుతి అతిథులుగా హాజరయ్యారు. ‘‘ఈ సినిమా నాకు దేవుడు ఇచ్చిన వరం’’ అన్నారు ఆనంది. ‘‘గరివిడి లక్ష్మి’ మాకు ప్రత్యేకమైన సినిమా’’ అని చెప్పారు కృతీ ప్రసాద్‌. ‘‘గరివిడి లక్ష్మి’ పాత్రకు ఆనంది సరైన ఎంపిక అనిపించింది’’ అని చె΄్పారు విశ్వప్రసాద్‌. ‘‘మా గరివిడి లక్ష్మి మీతో (ప్రేక్షకులు) పాడిస్తుంది... ఆడిస్తుంది... నవ్విస్తుంది... కన్నీళ్లు పెట్టిస్తుంది’’ అని చె΄్పారు గౌరీ నాయుడు. ‘‘ఇందులో స్పెషల్‌ రోల్‌ చేశాను’’ అన్నారు రాగ్‌ మయూర్‌. సంగీత దర్శకుడు చరణ్‌ అర్జున్, నటుడు వీకే నరేష్‌ తదితరులు ΄ాల్గొన్నారు.

అక్కినేని నాగార్జున, రామ్ గోపాల్ వర్మ కాంబినేషన్‌లో తెరకెక్కిన కల్ట్ క్లాసిక్ ‘శివ’ 4K డాల్బీ అట్మాస్ వెర్షన్‌గా జపాన్‌లో రీ-రిలీజ్ అయింది. 1989లో విడుదలైన ఈ చిత్రం 37 ఏళ్ల తర్వాత కూడా జపాన్‌ ప్రేక్షకులను ఆకట్టుకుంటోంది. దీంతో ‘శివ’ గ్లోబల్ ఆడియన్స్‌లోనూ తన ప్రభావాన్ని కొనసాగిస్తున్నట్లు సినీ పరిశ్రమ వర్గాలు భావిస్తున్నాయి. ముఖ్యంగా కింగ్‌ నాగార్జున స్క్రీన్ ప్రెజెన్స్, స్టైల్, యాక్షన్ సన్నివేశాలకు జపాన్ ప్రేక్షకుల నుంచి విశేష స్పందన లభిస్తోంది. అక్కడి అభిమానులు నాగార్జునను గౌరవంగా ‘నాగ్ సామా’ అని సంబోధించడం ప్రత్యేక ఆకర్షణగా మారింది.అధునాతన 4K విజువల్స్, డాల్బీ అట్మాస్ సౌండ్‌తో మరోసారి ప్రేక్షకుల ముందుకు శివ చిత్రం వచ్చింది. తన ప్రభావం కాలంతో పాటు ఏమాత్రం తగ్గలేదని నిరూపిస్తోంది. ఈ క్రైమ్ యాక్షన్ డ్రామా అప్పట్లో సౌండ్ డిజైన్, టేకింగ్, యాక్షన్ ప్రెజెంటేషన్ పరంగా టాలీవుడ్ దిశను మార్చిన చిత్రంగా నిలిచింది. అప్పట్లో టాలీవుడ్‌ ట్రెండ్‌సెట్టర్‌గా నిలిచిన ఈ చిత్రం ఇప్పుడు జపాన్‌లోనూ కొత్త తరం ప్రేక్షకులను ఆకట్టుకోవడం విశేషమనే చెప్పాలి.

టాలీవుడ్‌ యంగ్‌ హీరో తేజ సజ్జ హోస్ట్‌గా డిజిటల్‌ స్పేస్‌లోకి గ్రాండ్‌గా ఎంట్రీ ఇస్తున్నారు. గ్లోబల్‌ హిట్‌ రియాలిటీ ఫార్మాట్‌ ఆధారంగా ‘ది ట్రైటర్స్‌ తెలుగు’ ట్రైలర్‌ను ప్రైమ్‌ వీడియో తాజాగా విడుదల చేసింది. 20 మంది ప్రముఖ సెలబ్రిటీలతో సాగే ఈ మైండ్‌ గేమ్‌ షో అక్టోబర్‌ 15 నుంచి స్ట్రీమింగ్‌ కానుంది. బిగ్‌బాస్‌కు భిన్నమైన కాన్సెప్ట్‌తో తెరకెక్కిన ఈ షోలో విజేతకు భారీ ప్రైజ్‌మనీ ఉండటంతో ఇప్పటికే ఆసక్తి నెలకొంది. మరి ఈ షోలో పాల్గొంటున్న ఆ 20 మంది ఎవరు? అసలు ‘ది ట్రైటర్స్‌’ కాన్సెప్ట్‌ ఏంటి?20 మంది సెలబ్రిటీల లిస్ట్ఈ షోలో పాల్గొంటున్న కంటెస్టెంట్స్ లిస్ట్ ఆడియన్స్‌ను విపరీతంగా ఆకట్టుకుంటోంది. ప్రముఖ సింగర్ కమ్ డబ్బింగ్ ఆర్టిస్ట్ చిన్మయి శ్రీపాద, పాపులర్ యాక్టర్ హర్షవర్ధన్, తెలుగు సీనియర్ నటి ప్రగతి మహావది, నటుడు విష్ణు ఓయ్, కమెడియన్ విద్యుల్లేఖా రామన్ ఇందులో మెయిన్ అట్రాక్షన్‌గా నిలవనున్నారు. వీరితో పాటు నిఖిల్ విజయేంద్ర సింహ, శ్రీదేవి చౌదరి, శ్రావ్య వర్మ, డాక్టర్ మేఘనాథ్ రెడ్డి, మౌనీషా చౌదరి, స్వీకార్ అగస్తి, ఆషికా పదుకోన్, వర్ష డిసౌజా, ప్రణవ్ (అభినవకవి), ఎస్ఎస్ వర్ధన్, రహత్ అచంట, గౌరవ్ సునీల్, సాయి రోనక్, పుప్పాల ధనంజయ్, ఫల్గుణి బంగేరా ఈ క్రేజీ గేమ్ ఆడనున్నారు.'ది ట్రైటర్స్' కాన్సెప్ట్ ఏంటి?గ్లోబల్ లెవెల్లో సంచలనం సృష్టించిన ఇంటర్నేషనల్ రియాలిటీ ఫార్మాట్ ఆధారంగా ఈ ‘ది ట్రైటర్స్’ షో రూపొందింది. హిందీ వర్షన్ సక్సెస్ సాధించిన తర్వాత, ఇప్పుడు తెలుగు నేటివిటీకి తగ్గట్టుగా ప్రైమ్ వీడియో దీనిని సరికొత్తగా డిజైన్ చేసింది. ఈ షోలో పాల్గొనే 20 మంది సెలబ్రిటీలను 'ఇన్నోసెంట్స్', 'ట్రైటర్స్' అని రెండు గ్రూపులుగా విడదీస్తారు. సీక్రెట్‌గా ఉండే 'ట్రైటర్స్' ఎవరనేది కనిపెట్టడం ఇన్నోసెంట్స్ ముందున్న అసలు ఛాలెంజ్. ఒకరినొకరు నమ్మడం, వెన్నుపోటు పొడవడం, సైకలాజికల్ మైండ్ గేమ్‌లతో నామినేట్ చేసుకోవడం లాంటి ఊహించని ట్విస్టులు ఈ 10 ఎపిసోడ్లలో రచ్చ చేయబోతున్నాయి. ప్రతీ సంభాషణ ఒక క్లూ ఇవ్వచ్చు, లేదా తప్పుడు వ్యక్తిని ప్రమాదంలో పడేయవచ్చు. 10 ఎపిసోడ్లుగా సాగే ఈ షోలో ప్రేక్షకులకు వరుస ట్విస్టులు ఎదురుకానున్నాయి.(ఇదీ చదవండి: స్టేటస్‌ కోసం ఐఫోన్‌ కొంటున్నారా..? హీరో విజయ్‌ సూచనలు ఇవే..)

తేజ సజ్జా హోస్ట్‌గా వ్యవహరిస్తున్న తొలి రియాలిటీ గేమ్‌ షో ‘ది ట్రైటర్స్‌ తెలుగు’ స్ట్రీమింగ్‌కు సిద్ధమైంది. ఈ షో నాలుగు వారాల పాటు తెలుగు భాషలో ఇంగ్లిష్‌ సబ్‌ టైటిల్స్‌తో అమెజాన్‌ ప్రైమ్‌ వీడియో ఓటీటీ ప్లాట్‌ఫామ్‌లో అక్టోబరు 15 నుంచి స్ట్రీమింగ్‌ కానుంది. పది ఎపిసోడ్స్‌తో ఈ సిరీస్‌లో రూపొందుతోంది. మోసం, మారుతున్న స్నేహాలు, ఊహించని ట్విస్టులతో సాగనున్న ‘ది ట్రైటర్స్‌ తెలుగు’ ట్రైలర్‌ను తాజాగా విడుదల చేశారు. ఈ షో మరింత ఆసక్తికరంగా సాగనున్నట్లు ట్రైలర్‌ చూస్తే అర్థమవుతోంది.ఈ రియాలిటీ షోలో వివిధ రంగాలకు చెందిన 20 మంది ప్రముఖులు పాల్గొన్నారు. చిన్మయి శ్రీపాద, హర్షవర్ధన్‌, ప్రగతి మహావాది, శ్రీదేవి చౌదరి, నిఖిల్‌ విజయేంద్ర సింహా, విద్యు రామన్‌, విష్ణు ఓయ్‌, శ్రావ్య వర్మ, డా. మేఘనాథ్‌ రెడ్డి, మౌనీషా చౌదరి, స్వీకర్‌ అగస్తి, ఆశికా పదుకొనే, వర్షా డిసౌజా, ప్రణవ్‌ అలియాస్‌ అభినవకవి, ఎస్‌ఎస్‌ వర్ధన్‌, రహత్‌ ఆచంట, గౌరవ్‌ సునీల్‌, సాయి రోనక్‌, పుప్పాల ధనుంజయ, ఫల్గుణి బంగేరా ఇందులో కనిపించనున్నారు.ఎవరు ట్రైటర్స్‌.. ఎవరు ఇన్నోసెంట్స్‌?షోలో కొందరు ‘ట్రైటర్స్‌’గా, మరికొందరు ‘ఇన్నోసెంట్స్‌’గా వ్యవహరిస్తారు. తమ మధ్య దాగి ఉన్న ట్రైటర్స్‌ను ఇన్నోసెంట్స్‌ గుర్తించాలి. అయితే ఎవరిని నమ్మాలో, ఎవరిని అనుమానించాలో తెలియని పరిస్థితులు ఏర్పడతాయి. ప్రతి సంభాషణ, ప్రతి స్నేహం, ప్రతి కూటమి వెనుక ఏదో ఒక వ్యూహం ఉండేలా ట్రైలర్‌ను రూపొందించారు. ట్రైలర్‌లో కంటెస్టెంట్ల మధ్య అనుమానాలు, వాగ్వాదాలు, ఉత్కంఠభరితమైన పరిస్థితులు కనిపిస్తున్నాయి. అయితే షోలోని అసలు ట్విస్టులను మాత్రం బయటపెట్టకుండా ఆసక్తిని పెంచేలా ట్రైలర్‌ను కట్‌ చేశారు. ఊహించని మలుపులతో సాగే ఈ రియాలిటీ షోలో తేజ సజ్జ హోస్టింగ్‌ ఎంతవరకు ఆకట్టుకుంటుందో చూడాలి.(ఇదీ చదవండి: స్టేటస్‌ కోసం ఐఫోన్‌ కొంటున్నారా..? హీరో విజయ్‌ సూచనలు ఇవే..)

స్మార్ట్‌ఫోన్‌ ఇప్పుడు కేవలం అవసరం మాత్రమే కాదు.. చాలామందికి స్టేటస్‌ సింబల్‌గా మారిపోయింది. ముఖ్యంగా ఐఫోన్‌ విషయంలో ఈ క్రేజ్‌ మరింత ఎక్కువగా కనిపిస్తోంది. కొత్త మోడల్‌ మార్కెట్‌లోకి వచ్చిందంటే చాలు.. దాన్ని కొనుగోలు చేసి సోషల్‌ మీడియాలో చూపించాలనే ఆసక్తి చాలామందిలో ఉంటుంది. తమ ఆర్థిక పరిస్థితి అంతంతమాత్రంగా ఉన్నా అప్పులు చేసి మరీ ఖరీదైన ఫోన్లు కొనేవారు కూడా ఉన్నారు. మరో కొద్ది రోజుల్లో బిగ్‌బెలియన్‌ డేస్‌ అంటూ ఆఫర్లు రానున్నాయి. ఈ నేపథ్యంలో నటుడు విజయ్‌ దేవరకొండ ఇటీవల చెప్పిన మాటలు ఇప్పుడు వైరల్‌ అవుతున్నాయి.‘కొత్త ఫోన్‌ ఎందుకు?’ఇటీవల ఓ ఇంటర్వ్యూలో విజయ్‌ దేవరకొండకు తన స్మార్ట్‌ఫోన్‌ గురించి ఆసక్తికరమైన ప్రశ్న ఎదురైంది. విరాట్‌ కోహ్లీ వంటి పలువురు ప్రముఖులు కొత్త మోడళ్లు వచ్చినా పాత ఐఫోన్లనే ఉపయోగిస్తున్న విషయాన్ని యాంకర్‌ ప్రస్తావించారు. మీరు కూడా మంచి సంపాదన ఉన్న నటుడే కదా.. మరి కొత్త ఫోన్‌ ఎందుకు కొనడం లేదని విజయ్‌ని ప్రశ్నించారు. దీనికి విజయ్‌ ప్రస్తుతం తన దగ్గర ఉన్న ఫోన్‌ బాగానే పనిచేస్తోందని, అది తన అవసరాలను తీర్చుతున్నప్పుడు కొత్త ఫోన్‌ కొనాల్సిన అవసరం ఏముందని బదులిచ్చారు.(ఇదీ చదవండి: ‘40 సినిమాలకు డైలాగ్స్‌ రాశా.. 500 చిత్రాల్లో నటించా.. కానీ..’)సెలబ్రిటీలకు ఉచితంగానే..అయితే పెద్ద హీరోలు, ప్రముఖులకు పలు సంస్థలు ఫోన్లు, గ్యాడ్జెట్లు, ఇతర ఖరీదైన వస్తువులను బహుమతులుగా ఇస్తుంటాయని చెప్పారు. అందుకే సెలబ్రిటీలు ఉపయోగించే ప్రతి వస్తువును వారు సొంత డబ్బుతో కొనుగోలు చేస్తారని భావించకూడదని స్పష్టం చేశారు.అప్పు చేసి ఖరీదైన ఫోన్‌ కొనొద్దు..ఖరీదైన ఫోన్‌ కొనుగోలు చేసి దాన్ని సోషల్‌ మీడియాలో చూపించుకోవాలనే ఆలోచనపై కూడా విజయ్‌ తన అభిప్రాయాన్ని చెప్పారు. ఇంటి ఖర్చులను కూడా సరిగా నిర్వహించలేని పరిస్థితుల్లో కేవలం స్టేటస్‌ కోసం అప్పు చేసి ఖరీదైన ఫోన్‌ కొనడం సరైన నిర్ణయం కాదని అన్నారు. నిజంగా అవసరమైతేనే డబ్బు ఖర్చు చేయాలని.. కేవలం ఇతరులకు చూపించుకోవడం కోసం అనవసరమైన వస్తువులు కొనుగోలు చేయకూడదన్న సందేశాన్ని విజయ్‌ ఇచ్చారు. ప్రస్తుతం ఆయన చెప్పిన ఈ మాటలు సోషల్‌ మీడియాలో వైరల్‌గా మారడంతో.. ‘ఫోన్‌ విషయంలో విజయ్‌ ఆలోచన కరెక్ట్‌’ అంటూ పలువురు కామెంట్లు చేస్తున్నారు.

బిగ్‌బాస్‌ ఇంట్లో ఐదో వారం నామినేషన్స్‌ ప్రక్రియను కాస్త కొత్తగా నిర్వహించారు. ఈసారి అందరికీ ఇద్దరు కంటెస్టెంట్లను నామినేట్ చేసే అవకాశం ఇవ్వలేదు. టాస్క్‌లో గెలిచిన వారికి మాత్రమే ఇద్దరిని నామినేట్ చేసే పవర్‌ దక్కేలా నామినేషన్స్‌ ప్రక్రియను రూపొందించారు.ఈ టాస్క్‌లో భాగంగా ఓ కంటెస్టెంట్‌ను పిలిచిన బిగ్‌బాస్‌.. గార్డెన్‌ ఏరియాలో ఏర్పాటు చేసిన బాక్సుల్లో ఓ పండును దాచిపెట్టాలని సూచించాడు. ఆ పండును ఎవరు ముందుగా కనిపెడితే వారికి ఇద్దరు కంటెస్టెంట్లను నామినేట్‌ చేసే అవకాశం లభిస్తుంది.రోహిత్‌ వర్సెస్‌ సుధీర్‌..తాజాగా విడుదలైన ప్రోమో ప్రకారం చరణ్‌, సుధీర్‌ ఈ టాస్క్‌లో పాల్గొన్నారు. అయితే సుధీర్‌ పండును కనిపెట్టి ఇద్దరిని నామినేట్‌ చేసే పవర్‌ సొంతం చేసుకున్నాడు. తన నామినేషన్స్‌లో భాగంగా సుధీర్‌ ముందుగా రోహిత్‌ను ఎంపిక చేశాడు. రోహిత్‌ మాట్లాడే సమయంలో టంగ్‌ స్లిప్‌ అయ్యాడని, కొన్ని సందర్భాల్లో మర్యాద తప్పినట్లు అనిపించిందని తన నామినేషన్‌ కారణాలను చెప్పాడు. అయితే సుధీర్‌ చేసిన వ్యాఖ్యలపై రోహిత్‌ వెంటనే స్పందించాడు. ‘కొన్ని మాటలు వదిలాడు’ అని సుధీర్‌ చెప్పడంతో.. ఆ మాటలు ఏంటో కూడా చెప్పాలని రోహిత్‌ ప్రశ్నించాడు. దీంతో ఇద్దరి మధ్య వాగ్వాదం చోటుచేసుకున్నట్లు ప్రోమోలో కనిపించింది.అపూర్వ వర్సెస్‌ ముకేష్‌..ఇక మరోవైపు అపూర్వ తన నామినేషన్‌లో ముకేష్‌ను టార్గెట్‌ చేసినట్లు తెలుస్తోంది. ముకేష్‌ను ఉద్దేశించి ‘పులిచొక్కా వేసుకున్న గుంటనక్క’ అంటూ అపూర్వ ఘాటు వ్యాఖ్యలు చేసింది. దీనికి ముకేష్‌ కూడా అదే స్థాయిలో కౌంటర్‌ ఇచ్చాడు. ‘నక్క అయినప్పుడు నాతో ఎందుకు ఫ్లర్ట్‌ చేశావు? ఈ గుంటనక్క దగ్గరకు ఎందుకు వచ్చావు?’ అంటూ అపూర్వను ప్రశ్నించాడు. అంతేకాదు.. తన దగ్గర డ్యాగర్స్‌ పెట్టుకుంటే అపూర్వ తన దగ్గరకు వస్తుందని, తనతో ఫ్లర్ట్‌ చేస్తుందని ముకేష్‌ భావించాడని అపూర్వ ఆరోపించింది. దీంతో వీరిద్దరి మధ్య కూడా మాటల యుద్ధం జరిగినట్లు ప్రోమోలో కనిపిస్తోంది.ఇదీ చదవండి: ‘ఎవరికోసమో నేను మారలేను’.. రష్మిక స్ట్రాంగ్‌ రిప్లైఝాన్సీకి మరోసారి టార్గెట్‌..ఇక ఝాన్సీ కూడా నామినేషన్స్‌లో తనపై వచ్చిన విమర్శలకు గట్టిగానే బదులిచ్చింది. తన ఆట దెబ్బతిని ఉంటే మూడు సార్లు కెప్టెన్సీ కంటెండర్‌గా ఎలా నిలుస్తానని ప్రశ్నించింది. అంతేకాదు.. అందులో రెండు సార్లు టాప్‌-2లోకి వచ్చానని గుర్తుచేసింది.చరణ్‌పై నరేష్‌ కామెంట్స్‌..మరోవైపు చరణ్‌ను నరేష్‌ నామినేట్‌ చేసినట్లు ప్రోమోలో కనిపించింది. ‘హోస్ట్‌ నీ గురించి చెప్పినప్పుడల్లా ఏదో పొడిచేస్తావ్‌ అనుకుంటాం. కానీ నువ్వేం పొడవలేకపోతున్నావ్‌ ’ అంటూ నరేష్‌ ఘాటు వ్యాఖ్యలు చేశాడు. దీనికి చరణ్‌ కూడా గట్టిగానే స్పందించాడు. ‘చరణ్‌ ఏం చేస్తున్నాడు.. ఏం చేయడం లేదు అనేది నన్‌ ఆఫ్‌ యువర్‌ బిజినెస్‌’ అంటూ కౌంటర్‌ ఇచ్చాడు.మొత్తానికి ఐదో వారం నామినేషన్స్‌లో కంటెస్టెంట్ల మధ్య మాటల యుద్ధం గట్టిగానే జరిగినట్లు తాజా ప్రోమోలు చూస్తే తెలుస్తోంది. పూర్తి ఎపిసోడ్‌లో ఈ గొడవలు ఏ స్థాయికి చేరతాయో చూడాలి.

విజయ్‌ దేవరకొండ, రష్మిక మందన్న జంటగా నటిస్తున్న పీరియాడికల్ యాక్షన్ డ్రామా ‘రణబాలి’. రాహుల్‌ సాంకృత్యాయన్‌ దర్శకత్వంలో తెరకెక్కుతున్న ఈ చిత్రం అక్టోబరు 16న ప్రేక్షకుల ముందుకు రానుంది. విడుదలకు సమయం దగ్గర పడుతుండటంతో చిత్రబృందం ప్రమోషన్స్‌లో జోరు పెంచింది. ఈ క్రమంలో తనపై సోషల్‌ మీడియాలో వచ్చే ట్రోలింగ్స్‌పై రష్మిక చేసిన వ్యాఖ్యలు ప్రస్తుతం వైరల్‌గా మారాయి.తాను అందరితో సరదాగా, స్నేహపూర్వకంగా ఉండటాన్ని కొందరు మరోలా అర్థం చేసుకుంటున్నారని రష్మిక తెలిపారు. అందరితో మంచిగా ఉండటం తన బలహీనత కాదని స్పష్టం చేశారు. తాను ఎక్కడ ఉంటే అక్కడ సానుకూల వాతావరణం ఉండాలని కోరుకుంటానని చెప్పారు.ఉన్న చోట పాజిటివిటీ ఉండాలని..‘అందరితో మంచిగా ఉండటం నా బలహీనత కాదు. నేను ఉన్న చోట పాజిటివిటీ ఉండాలని, సరదాగా ఉండాలని అనుకుంటాను. దీనికి ఎవరు ఏ పేరు పెట్టినా నాకు పెద్దగా పట్టింపు లేదు. అందరికీ నేను నచ్చాల్సిన అవసరం లేదు. ఎవరి కోసం నేను మారలేను. సరదాగా ఉండటం వల్ల నా కుటుంబం, స్నేహితులు సంతోషంగా ఉంటారు’ అని రష్మిక తెలిపారు. ప్రస్తుతం ఆమె వ్యాఖ్యలు సోషల్‌ మీడియాలో చర్చనీయాంశంగా మారాయి.రణబాలి విషయానికొస్తే..ఇక ‘రణబాలి’ విషయానికొస్తే.. సినిమా నేపథ్యం, కథ ఎలా ఉండబోతుందనే విషయాలను ప్రేక్షకులకు పరిచయం చేసేందుకు చిత్రబృందం ఇప్పటికే నాలుగు భాగాలుగా డాక్యుమెంటరీ సిరీస్‌ను విడుదల చేసింది. 1854 నుంచి 1878 మధ్య జరిగిన వాస్తవ సంఘటనల ఆధారంగా ఈ చిత్రాన్ని రూపొందించారు. పాన్‌ ఇండియా స్థాయిలో తెరకెక్కుతున్న ఈ సినిమాలో విజయ్‌ దేవరకొండ యోధుడి పాత్రలో కనిపించనున్నాడు. అజయ్‌, అతుల్‌ సంగీతం అందిస్తున్న ఈ చిత్రాన్ని టీ-సిరీస్‌ సమర్పణలో మైత్రీ మూవీ మేకర్స్‌ నిర్మిస్తోంది.(ఇదీ చదవండి: ‘40 సినిమాలకు డైలాగ్స్‌ రాశా.. 500 చిత్రాల్లో నటించా.. కానీ..’)

టాలీవుడ్‌లో తనదైన నటన, రచనతో ప్రత్యేక గుర్తింపు తెచ్చుకున్న సీనియర్‌ నటుడు, రచయిత ఎల్బీ శ్రీరామ్‌. ఎన్నో సినిమాల్లో వైవిధ్యమైన పాత్రలతో ప్రేక్షకులను నవ్వించి, మెప్పించిన ఆయన.. కొంతకాలంగా వెండతెరకు దూరంగా ఉంటున్నారు. తాజాగా హైదరాబాద్‌లో జరిగిన ‘గరివిడి లక్ష్మి’ ట్రైలర్‌ లాంచ్‌ కార్యక్రమంలో పాల్గొన్నారు. సినిమాలకు దూరం కావడానికి గల కారణాలను వెల్లడిస్తూ భావోద్వేగానికి గురయ్యారు. అంతే కాకుండా తన సినీ ప్రయాణాన్ని గుర్తుచేసుకుంటూ ఆసక్తికర విషయాలు పంచుకున్నారు.10 నుంచి 15 ఏళ్లు రంగస్థలంపై..‘సినిమాల్లో రాకముందు దాదాపు 10 నుంచి 15 ఏళ్లు రంగస్థలంపై నటించాను. నాటకరంగంలో ఎంతో అనుభవం సంపాదించిన తర్వాతే సినీ పరిశ్రమలోకి అడుగుపెట్టాను. ఆ అనుభవంతోనే నటుడిగా దాదాపు 500 సినిమాల్లో విభిన్నమైన పాత్రలు పోషించే అవకాశం లభించింది. ‘హలో బ్రదర్‌’, ‘హిట్లర్‌’ ఇలా సుమారు 40 సూపర్‌హిట్‌ చిత్రాలకు డైలాగ్స్‌ రాశాను. ప్రస్తుతం స్థాయికి తగ్గట్లుగా నటించేందుకు సరైన పాత్రలు రావడం లేదు. అందుకే వెండి తెరకు కొంత కాలంగా దూరంగా ఉంటున్నా. దీంతో యూట్యూబ్‌లో షార్ట్‌ఫిలిమ్స్‌ చేస్తున్నాను. కమర్షియల్‌ సినిమాల్లో అవకాశాలు తగ్గినా.. డిజిటల్‌ కంటెంట్‌ ద్వారా ప్రేక్షకులకు దగ్గరగానే ఉంటా’ అని ఎల్బీ శ్రీరామ్‌ భావోద్వేగంగా మాట్లాడారు.‘గరివిడి లక్ష్మి’ సినిమాతో.. కాగా ఎల్బీ శ్రీరామ్‌ ‘గరివిడి లక్ష్మి’ సినిమాతో మరోసారి వెండితెరపై సందడి చేయనున్నారు. పీపుల్‌ మీడియా ఫ్యాక్టరీ నిర్మించిన ఈ చిత్రంలో ఆయన ‘బుర్రకథ గురువు’ పాత్రలో కనిపించనున్నారు. ఉత్తరాంధ్రకు చెందిన ప్రముఖ బుర్రకథ కళాకారిణి గరివిడి లక్ష్మి జీవితం ఆధారంగా ఈ చిత్రాన్ని తెరకెక్కించారు. ఆనంది ప్రధాన పాత్రలో నటించారు. ఈ చిత్రం అక్టోబర్ 17న ప్రపంచ వ్యాప్తంగా ప్రేక్షకుల ముందుకు రానుంది.(ఇదీ చదవండి: మెగా, నందమూరి మల్టీస్టారర్.. దర్శకుడిగా బోయపాటి రెడీ!) Memorable Frames with the Esteemed Guests & Team #GarividiLakshmi at the Trailer Launch Event ❤️‍🔥 WATCH TRAILER HERE! -- https://t.co/f9vANVZgm9 GRAND RELEASE IN THEATRES ON 17th OCTOBER 2026 ❤️ #GarividiLakshmionOct17th https://t.co/XtFKqdGzel— People Media Factory (@peoplemediafcy) October 5, 2026

మాస్‌ సినిమాలకు కేరాఫ్‌ అడ్రస్‌గా నిలిచిన అగ్ర దర్శకుడు బోయపాటి శ్రీను. తనదైన మాస్‌ టేకింగ్‌తో టాలీవుడ్‌లో ప్రత్యేక గుర్తింపు తెచ్చుకున్నారు. తాజాగా తిరుమల శ్రీవారిని దర్శించుకున్నారు. సోమవారం ఉదయం స్వామివారి సేవలో పాల్గొన్న అనంతరం మీడియాతో మాట్లాడారు. ఈ సందర్భంగా తన తదుపరి ప్రాజెక్టులతో పాటు టాలీవుడ్‌లో ఎప్పటి నుంచో చర్చలో ఉన్న ఓ క్రేజీ మల్టీస్టారర్‌ కాంబినేషన్‌పై ఆసక్తికర వ్యాఖ్యలు చేశారు.చిరు-బాలయ్యతో సినిమా..చిరంజీవి, బాలకృష్ణ విషయంపై దర్శకుడు బోయపాటి శ్రీను స్పందించారు. ‘అవకాశం వస్తే మెగాస్టార్‌ చిరంజీవి, బాలకృష్ణ కాంబినేషన్‌లో ఓ ఊరమాస్‌ మల్టీస్టారర్‌ చిత్రాన్ని తెరకెక్కించడానికి నేను సిద్ధంగా ఉన్నాను’ అని స్పష్టం చేశారు. దీంతో పాటు ‘అఖండ’ ఫ్రాంచైజీపై కూడా బోయపాటి కీలక ప్రకటన చేశారు. ‘అఖండ 3’ కచ్చితంగా ఉంటుందని స్పష్టం చేశారు. ఈ ప్రతిష్టాత్మక ప్రాజెక్ట్‌కు సంబంధించిన పూర్తి వివరాలను సరైన సమయంలో బాలకృష్ణతో కలిసి వేదికపై అధికారికంగా వెల్లడిస్తానని తెలిపారు. దీంతో బాలయ్య అభిమానుల్లో ‘అఖండ 3’పై అంచనాలు మరింత పెరిగాయి. (ఇదీ చదవండి: చిరంజీవి ‘కాకా’లో బాలీవుడ్‌ స్టార్‌ నటుడు) అఖండ 3 అనుకున్న సమయానికే వస్తుంది :- Director బోయపాటి శ్రీను #Akhanda3 #BoyapatiSreenu #NBK #Balayya https://t.co/zhgE9UL1Ou— Milagro Movies (@MilagroMovies) October 5, 2026

చిరంజీవి ప్రధాన పాత్రలో, దర్శకుడు బాబీ తెరకెక్కిస్తున్న చిత్రం ‘కాకా’. ఈ సినిమా 2027 జనవరి 13న ప్రేక్షకుల ముందుకు రానుంది. ఇందులో చిరంజీవి ‘కదిరి కాళిదాస్‌’గా కనిపించనున్నారు. అయితే తాజాగా మేకర్స్‌ ఈ సినిమా నుంచి ఓ ఆసక్తికర విషయాన్ని వెల్లడించారు. ఈ చిత్రంలో బాలీవుడ్‌ దర్శక, నటుడు అనురాగ్‌ కశ్యప్‌ కీలక పాత్ర పోషిస్తున్నట్లు తెలిపారు. ఈ మేరకు అధికారిక ప్రకటన విడుదల చేశారు. దర్శకుడు బాబీ ఎక్స్‌ వేదికగా ఓ పోస్ట్‌ పెట్టారు.‘ఓ పవర్‌ఫుల్ పాత్ర కోసం ప్రముఖ దర్శక, నటుడు అనురాగ్ కశ్యప్‌ను ‘కాకా’ చిత్రబృందం ఎంపిక చేసింది. ఈ సినిమాలో ఆయన అత్యంత కీలకమైన పాత్రలో కనిపించనున్నారు’ అని ఆయన పేర్కొన్నారు. (ఇదీ చదవండి: రణ్‌బీర్‌ కపూర్‌ ‘రామాయణ’ సెట్‌లో భారీ అగ్ని ప్రమాదం) Some characters are meant to leave a lasting impact. 🔥 Delighted to welcome the POWERHOUSE @anuragkashyap72 garu on board #Kaaka for a pivotal role. His presence is sure to add another intense layer to this high-voltage entertainer. 🙌 Worldwide Grand Release on January 13th, 2027❤️‍🔥 Produced by @TheKVNofficial @KvnProductions Megastar @KChiruTweets #AnaswaraRajan @Nivetha_Tweets @MusicThaman @vijaykartikdop @AntonyLRuben @artkolla @saranyapotla @konavenkat99 @Chakrif1 @vforvineeth @UrsVamsiShekar @HaashtagMedia @KaakaMovie @zeemusicsouth #KAAKAOnJan13— Bobby (@dirbobby) October 5, 2026

బాలీవుడ్ స్టార్ హీరో రణ్‌బీర్ కపూర్, టాలెంటెడ్ హీరోయిన్ సాయిపల్లవి జంటగా నటిస్తున్న అత్యంత ప్రతిష్టాత్మక భారీ బడ్జెట్ చిత్రం ‘రామాయణ’. నితీశ్‌ తివారీ దర్శకత్వంలో తెరకెక్కుతున్న ఈ సినిమాలో రణ్‌బీర్ రాముడిగా, సాయిపల్లవి సీతగా నటిస్తుండగా.. కన్నడ స్టార్‌ యశ్‌ రావణుడి పాత్రలో కనిపించనున్నారు.ప్రస్తుతం ముంబైలోని గోరేగావ్ ఫిల్మ్ సిటీలో ఈ సినిమా షూటింగ్ శరవేగంగా జరుగుతోంది. ఈ క్రమంలో చిత్రబృందానికి ఊహించని షాక్ తగిలింది.సోమవారం మధ్యాహ్నం 4:02 గంటలకు ఫిల్మ్ సిటీలోని రిలయన్స్ మీడియా వర్క్స్, ప్రైమ్ ఫోకస్ వెనుక భాగంలో అగ్ని ప్రమాదం సంభవించినట్లు ముంబై ఫైర్ విభాగం వెల్లడించింది. ప్రైమ్ ఫోకస్ స్టూడియో వెనుక ఉన్న వంద అడుగుల తాత్కాలిక సెట్‌‌లోని పీసీఆర్ యూనిట్‌లో ఈ మంటలు చెలరేగాయి. ఎలక్ట్రిక్ వైరింగ్, కేబుల్స్, తలుపులు, చెక్కపలకలు, ఏసీ యూనిట్లు, బాంబులు, ప్లాస్టిక్ సామగ్రి, సౌండ్ సిస్టమ్స్, షూటింగ్ పరికరాలు ఈ అగ్నిప్రమాదంలో పూర్తిగా దగ్ధమయ్యాయి.సమాచారం అందుకున్న ముంబై ఫైర్ సిబ్బంది, పోలీసులు, బీఎంసీ వార్డ్ కంట్రోల్, 108 అంబులెన్స్ సిబ్బంది వెంటనే అప్రమత్తమై ఘటనా స్థలానికి చేరుకుని సహాయక చర్యలు చేపట్టారు. సాయంత్రం 4:55 గంటల కల్లా మంటలను పూర్తిగా అదుపులోకి తెచ్చారు. అదృష్టవశాత్తూ ఈ ప్రమాదంలో ఎలాంటి ప్రాణనష్టం జరగలేదని అధికారులు తెలిపారు.ఇతర సెట్లకూ నష్టం..‘రామాయణ’ సెట్టే కాకుండా, పక్కనే ఉన్న స్టూడియోలలో షూటింగ్ జరుపుకుంటున్న ఎంటీవీ ‘హస్టిల్ 5’, ‘పతి పత్నీ ఔర్ పంగా 2’ సెట్లు కూడా ఈ ప్రమాదం కారణంగా దెబ్బతిన్నాయి. ప్రాథమిక సమాచారం ప్రకారం.. ‘పతి పత్నీ ఔర్ పంగా 2’ సెట్‌లో మొదలైన మంటలు క్రమంగా ‘హస్టిల్ 5’ సెట్ వైపు కూడా వ్యాపించినట్లు తెలుస్తోంది. అయితే ఈ రెండు సెట్లకు ఎంత మేర నష్టం వాటిల్లిందనే దానిపై ఇంకా అధికారిక స్పష్టత రావాల్సి ఉంది.సినిమా విశేషాలు..ఇదిలా ఉంటే.. ఇండియన్ సినిమా చరిత్రలోనే అత్యంత భారీ బడ్జెట్ తో తెరకెక్కుతున్న ఈ చిత్రంపై భారీ అంచనాలున్నాయి. ఈ సినిమాను రెండు భాగాలుగా విడుదల చేయనుండగా.. తొలి భాగం ఈ ఏడాది దీపావళికి ప్రేక్షకుల ముందుకు రానుంది. అలాగే, రెండో భాగం 2027 దీపావళికి విడుదల కానుంది.

సూపర్ స్టార్ రజినీకాంత్‌ హీరోగా నెల్సన్‌ దిలీప్‌కుమార్‌ దర్శకత్వంలో రూపొందించిన యాక్షన్‌ ఎంటర్‌టైనర్‌ ‘జైలర్‌-2’. 2023లో విడుదలైన జైలర్‌కు సీక్వెల్‌గా ఈ మూవీని తెరకెక్కించారు. ఇప్పటికే షూటింగ్ పూర్తయిన ఈ సినిమా దసరా కానుకగా థియేటర్లలో సందడి చేయనుంది. ఇప్పటికే రిలీజైన సాంగ్స్‌కు ఆడియన్స్‌ నుంచి అద్భుతమైన రెస్పాన్స్ వచ్చింది. ఈ నేపథ్యంలో మరో అప్‌డేట్‌తో అభిమానులను ఉత్సాహపరించింది చిత్రబృందం. ఈ రోజు( సోమవారం) ఈసినిమా నుంచి ట్రైలర్‌ను విడుదల చేసింది. కాగా ఈ సినిమాకి అనిరుధ్‌ సంగీతం అందిస్తున్నారు. ఈ సినిమాలో ఎస్‌జే సూర్య, విద్యా బాలన్, హృతిక్‌ రోషన్, రమ్యకృష్ణ, యోగిబాబు, మిర్నా మీనన్‌ ప్రధాన పాత్రల్లో నటించారు. (ఇదీ చదవండి: అమ్మాయిగా నేటికి పదేళ్లు.. ‘బిగ్‌బాస్‌’ ఫేమ్‌ ప్రియాంక ఎమోషనల్‌ పోస్ట్‌)

బుల్లితెరపై తనదైన కామెడీ, అల్లరితో ప్రేక్షకులను అలరించిన ప్రియాంక సింగ్‌.. తన జీవితంలో ఎన్నో సవాళ్లను దాటి ఈ స్థాయికి చేరుకుంది. ‘జబర్దస్త్‌’ కామెడీ షోతో తెలుగు ప్రేక్షకులకు పరిచయమైన ఆమె.. ఆ తర్వాత ‘బిగ్‌బాస్‌’ ఐదో సీజన్‌లో అడుగుపెట్టి మరింత దగ్గరైంది. అయితే తెరపై ఎప్పుడూ నవ్వుతూ కనిపించే ప్రియాంక జీవితం వెనుక ఎన్నో కన్నీళ్లు, నిద్రలేని రాత్రులు, ఒంటరి పోరాటం ఉన్నాయని కొంతమందికే తెలుసు.ఇదే విషయాన్ని.. తాను కోరుకున్న జీవితాన్ని సొంతం చేసుకునేందుకు పదేళ్ల క్రితం వేసిన అడుగు గురించి తాజాగా సోషల్‌మీడియాలో భావోద్వేగ పోస్ట్‌ పెట్టింది. ఇప్పుడీ పోస్ట్‌ అభిమానులకు కన్నీరు తెప్పిస్తోంది. అసలు ఆమె ఎవరు.. అని నెటిజన్లు తెగ సెర్చ్‌ చేస్తున్నారు. ఈ విషయాలు ఒకసారి చూద్దాం.(ఇదీ చదవండి: సోషల్ మీడియాకు భయపడి 'ఆదర్శ కుటుంబం' వాయిదా)‘అప్పటి రోజులు గుర్తుకొస్తున్నాయి’‘పదేళ్లు గడిచాయంటే ఇప్పటికీ నమ్మలేకపోతున్నా. అప్పట్లో నేను ఎదుర్కొన్న బాధ, కన్నీళ్లు, నిద్రలేని రాత్రులు, ఒంటరితనం అన్నీ ఇప్పటికీ నా కళ్ల ముందు కనిపిస్తున్నాయి. ‘ఏం చేయాలి? అసలు నేను ఎవరు?’ అని ఎన్నోసార్లు నన్ను నేను ప్రశ్నించుకున్నా. అయినప్పటికీ నేను కోరుకున్న వ్యక్తిగా జీవించాలనే పట్టుదలతో ముందుకు సాగాను’ అని ప్రియాంక పేర్కొంది.‘నేను సాధించాను’గడిచిన పదేళ్లలో వ్యక్తిగత జీవితంతో పాటు కెరీర్‌లోనూ ఎన్నో కష్టాలను ఎదుర్కొన్నానని ఆమె తెలిపింది. ఎలాంటి పరిస్థితులు ఎదురైనా తాను కృంగిపోలేదని చెప్పింది. ‘ఈ రోజు అద్దంలో నన్ను నేను చూసుకుంటూ ‘నేను సాధించాను’ అని గర్వంగా చెప్పుకోగలను. ఎవరికీ ఎలాంటి హాని తలపెట్టకుండా ప్రశాంతంగా, సంతోషంగా జీవిస్తున్నాను. ఈ అందమైన జీవితాన్ని, ముందుకు సాగే ధైర్యాన్ని ఇచ్చిన విశ్వానికి ధన్యవాదాలు’ అని రాసుకొచ్చింది.తన పదేళ్ల క్రితం ప్రారంభించిన ప్రయాణాన్ని ఇప్పుడు వెనక్కి తిరిగి చూసుకుంటే తనకు తానే గర్వంగా అనిపిస్తోందని ప్రియాంక తెలిపింది. ఈ పోస్ట్‌ ప్రస్తుతం సోషల్‌మీడియాలో వైరల్‌గా మారింది. ఆమె అభిమానులు, నెటిజన్లు ప్రియాంక ధైర్యాన్ని మెచ్చుకుంటూ అభినందనలు తెలుపుతున్నారు.(ఇదీ చదవండి: తమిళ రాజకీయాల్లోకి మరో హీరో.. పొలిటికల్‌ ఎంట్రీకి సిద్ధమా?) View this post on Instagram A post shared by Priyanka Singh (@priyankasingh.official_)

తమిళనాడు రాజకీయాల్లో సినీ ప్రముఖుల ఎంట్రీపై ఆసక్తి పెరుగుతోంది. ఇప్పటికే హీరో విజయ్‌ రాజకీయాల్లోకి వచ్చి తన పార్టీతో రాజకీయ కార్యకలాపాలను ముమ్మరం చేశారు. మరోవైపు ప్రముఖ కొరియోగ్రాఫర్‌, నటుడు రాఘవ లారెన్స్‌ సైతం తాను రాజకీయాల్లోకి వచ్చేందుకు సిద్ధంగా ఉన్నట్లు గతంలో ప్రకటించారు. తాజాగా ఈ జాబితాలోకి హీరో శివకార్తికేయన్‌ పేరు కూడా వినిపిస్తోంది.ఈ నేపథ్యంలో శివకార్తికేయన్‌ తన అభిమానులతో ప్రత్యేకంగా సమావేశం కావడం ప్రాధాన్యత సంతరించుకుంది. ఆదివారం చెన్నైలోని పోరూర్‌లో నిర్వహించిన ఈ సమావేశానికి సుమారు 3 వేల మంది అభిమానులు, ఫ్యాన్స్‌ అసోసియేషన్‌ నిర్వాహకులు హాజరయ్యారు. అయితే శివకార్తికేయన్‌ తన రాజకీయ ప్రవేశంపై ఈ సమావేశంలో ఎలాంటి స్పష్టమైన ప్రకటన చేయలేదు.బాగా చదవండి. మంచి డబ్బు సంపాదించండి.అభిమానులను ఉద్దేశించి ఆయన మాట్లాడుతూ.. ‘నేను ఈ స్థాయికి రావడానికి మీరే కారణం. ఏ రంగంలోనైనా విజయం సాధించాలంటే మన లక్ష్యంపై స్పష్టత ఉండాలి. విమర్శించే వాళ్లు ఎప్పుడూ ఉంటారు. వాటిని పట్టించుకోకుండా మన లక్ష్యం దిశగా ముందుకు సాగాలి’ అని సూచించారు.విద్యార్థులతో మాట్లాడుతూ. ‘బాగా చదవండి. మంచి డబ్బు సంపాదించండి. మీ కుటుంబానికి మొదటి ప్రాధాన్యత ఇవ్వండి. మనం ఎంత ఎక్కువ చదివితే.. మన ఆలోచనా విధానం అంత మెరుగవుతుంది. తద్వారా సామాజిక మాధ్యమాలకు కూడా కొంత దూరంగా ఉండొచ్చు’ అని అన్నారు.భవిష్యత్తులో రాజకీయాల్లోకి వస్తారా?అయితే భారీ సంఖ్యలో అభిమానులతో సమావేశం నిర్వహించడం, వారికి లక్ష్యం, క్రమశిక్షణ వంటి అంశాలపై సూచనలు చేయడంతో శివకార్తికేయన్‌ రాజకీయ రంగ ప్రవేశంపై మరోసారి చర్చ మొదలైంది. ప్రస్తుతం ఆయన సినిమాలతో బిజీగా ఉన్నప్పటికీ.. భవిష్యత్తులో రాజకీయాల్లోకి వస్తారా? అన్నది ఆసక్తికరంగా మారింది. ఇదీ చదవండి: బిగ్‌బాస్ 10: ఈ వారం నామినేట్ అయింది వీళ్లేనా? The Massy Frame of #Sivakarthikeyan with his Fans at Fans Meet..🔥👌 https://t.co/8DfEeLkuBw— Laxmi Kanth (@iammoviebuff007) October 4, 2026

కిరణ్‌ అబ్బవరం దర్శకుడిగా, కథానాయకుడిగా రూపొందుతోన్న చిత్రం ‘రియాలిటీ’. ఈ సినిమా డిసెంబర్‌ 25న విడుదల కానుంది. ఈ మేరకు టైటిల్‌ గ్లింప్స్‌ను విడుదల చేశారు. ఇందులో మధ్యతరగతి వ్యక్తిగా కిరణ్‌ కనిపించనున్నారు.గ్లింప్స్ చూస్తుంటే ఫ్యామిలీ ఎంటర్‌టైనర్‌గా రాబోతోందని అర్థమవుతోంది. ఓ మిడిల్ క్లాస్ కుర్రాడిగా, హోటల్లో వంటవాడిగా, తన ఇంటిపై ఉన్న అప్పులన్నీ తీర్చిన బాధ్యత గల యువకుడిగా కనిపించారు. ఇప్పటివరకు లవర్ బాయ్‌గా, మాస్ కుర్రాడిగా కనిపించిన కిరణ్.. ఓ విభిన్నమైన రోల్‌లో కనిపించి ఆకట్టుకున్నాడు.

హారర్‌ సినిమాలను ఇష్టపడేవారికి ‘క్యారీ’ పేరు ప్రత్యేకంగా పరిచయం అవసరం లేదు. ప్రముఖ రచయిత స్టీఫెన్‌ కింగ్‌ 1974లో రాసిన ఈ నవల ఆధారంగా ఇప్పటికే పలుమార్లు సినిమాలు, టీవీ చిత్రాలు వచ్చాయి. ఇప్పుడు మరోసారి ఈ కథను ఎనిమిది ఎపిసోడ్‌ల సిరీస్‌గా ప్రేక్షకుల ముందుకు తీసుకొస్తున్నారు.అయితే ప్రముఖ హారర్‌ దర్శకుడు మైక్‌ ఫ్లానగన్‌ రూపొందించిన ఈ సిరీస్‌ ప్రైమ్‌ వీడియోలో విడుదలకు సిద్ధమవుతోంది. ట్రైలర్‌, పోస్టర్లు బయటకు వచ్చినప్పటి నుంచే కొందరు అభిమానులు అసంతృప్తి వ్యక్తం చేస్తున్నారు. ముఖ్యంగా క్యారీ పాత్రను పుస్తకంలో ఉన్నట్టుగా కాకుండా భిన్నంగా చూపించడంపై సోషల్‌ మీడియాలో చర్చ మొదలైంది.స్టీఫెన్‌ కింగ్‌ నవలలో క్యారీ వైట్‌ 16 ఏళ్ల అమ్మాయి. చిన్నప్పటి నుంచి పాఠశాలలో తోటి విద్యార్థుల వేధింపులు ఎదుర్కొంటూ ఉంటుంది. ఇంట్లోనూ ఆమెకు ప్రశాంతత ఉండదు. కఠినమైన మత విశ్వాసాలు కలిగిన తల్లి ఆమెను ఇబ్బందులకు గురిచేస్తుంటుంది. క్యారీకి తన ఆలోచనలతో వస్తువులను కదిలించే టెలికైనెటిక్‌ శక్తి ఉంటుంది. భయం, కోపం, ఒత్తిడి పెరిగినప్పుడు ఈ శక్తి మరింత తీవ్రంగా బయటపడుతుంది. అయితే పుస్తకంలో క్యారీని చాలా సాధారణంగా, ఆకర్షణీయంగా లేని అమ్మాయిగా రచయిత చూపించారు. కానీ ఇప్పటివరకు వచ్చిన తెర రూపాల్లో మాత్రం క్యారీ పాత్రను అందంగా కనిపించే నటీమణులే పోషించారు. ఇదే విషయంపై అభిమానులు ప్రశ్నలు సంధిస్తున్నారు.అంతేకాదు.. పుస్తకంలోని క్యారీకి, తెరపై కనిపించే క్యారీకి మరో ముఖ్యమైన తేడా ఉంది. నవలలో ఆమె అమాయకంగా మాత్రమే కాకుండా చాలా కోపంతో, తనపై జరిగిన అవమానాలకు ప్రతీకారం తీర్చుకోవాలనే ఆలోచనతో ఉంటుంది. తనలోని శక్తితో ఏం చేయగలనో ఆమెకు తెలుసు. కానీ సినిమాలు, టీవీ వెర్షన్లలో క్యారీని ఎక్కువగా బాధపడే, అమాయకమైన అమ్మాయిగానే చూపించారు. కొత్త సిరీస్‌లోనూ కొన్ని కీలక మార్పులు చేశారు. ఇందులో క్యారీ చిన్నప్పటి నుంచి ఇంట్లోనే చదువుకుని, తండ్రి మరణించిన తర్వాత తొలిసారి పాఠశాలలో అడుగుపెడుతుంది. దీనివల్ల ఆమెకు కొత్త ప్రపంచాన్ని చూసే సమయంలోనే తోటి విద్యార్థుల వేధింపులు ఎదురవుతాయి. ప్రస్తుత కాలానికి తగ్గట్టుగా సోషల్‌ మీడియా వేధింపులను కూడా కథలో చేర్చారు.అయితే పుస్తకం ఆధారంగా సినిమా లేదా సిరీస్‌ తీసేటప్పుడు కొన్ని మార్పులు చేయడం సహజమేనని సినీ నిపుణులు చెబుతున్నారు. ప్రస్తుత ప్రేక్షకులకు కథను దగ్గర చేయడంతో పాటు, మార్కెట్‌ అవసరాలు కూడా పాత్రల ఎంపికపై ప్రభావం చూపుతాయని అంటున్నారు. అదే సమయంలో పుస్తకాన్ని అచ్చుగుద్దినట్టుగా తెరపై చూపించాల్సిన అవసరం లేదని దర్శకుడు లియామ్‌ గావిన్‌ అభిప్రాయపడ్డారు. మొత్తానికి కొత్త ‘క్యారీ’ పాత కథను కొత్త తరానికి పరిచయం చేసే ప్రయత్నం చేస్తోంది. అయితే పుస్తకంలోని క్యారీ పాత్రకు భిన్నంగా కనిపిస్తున్న కొత్త రూపం అభిమానులకు ఎంతవరకు నచ్చుతుందనేది సిరీస్‌ విడుదలైన తర్వాతే తేలనుంది.ఇదీ చదవండి: థియేటర్లలో డిజాస్టర్.. ఓటీటీలో ఊహించని రెస్పాన్స్..!

‘దేవర’ సినిమాలోని ‘చుట్టమల్లే..’ పాటను ఏఐ సాంకేతికతతో అసభ్యకరంగా మార్ఫింగ్‌ చేసి వైరల్‌ చేయడంపై చిత్ర పరిశ్రమ తీవ్రంగా స్పందిస్తోంది. మహిళలను కించపరిచేలా ఇలాంటి కంటెంట్‌ రూపొందించడాన్ని పలువురు సినీ ప్రముఖులు ఖండించారు. ఎన్టీఆర్‌, చిరంజీవి, విజయ్‌ దేవరకొండ, ఖుష్బూ తదితరులు ఈ ఘటనపై ఆగ్రహం వ్యక్తం చేశారు. ఈ నేపథ్యంలో కథానాయిక జాన్వీ కపూర్‌ ‘ఎక్స్‌’లో పోస్ట్‌ పెట్టారు.మహిళలను కించపరిచేలా కంటెంట్‌‘ఏఐ సాంకేతికతను ఉపయోగించి మహిళలను కించపరిచేలా కంటెంట్‌ను రూపొందించి, ప్రచారం చేయడం అత్యంత అవమానకరమైన విషయం. ఇలాంటి ఘటనలు జరగడం బాధాకరం. ఇది లైంగిక వేధింపులకు ఏమాత్రం తీసిపోని తీవ్రమైన ఉల్లంఘన. చిత్ర పరిశ్రమలోని ప్రతి నటి ఏదో ఒక రూపంలో ఇలాంటి అనుభవాలను ఎదుర్కొంటూనే ఉంది. ఒక మహిళకు, ఆమె శరీరానికి గౌరవం ఇవ్వడం మానవత్వంలో అత్యంత ప్రాథమికమైన విషయం. ఒక మహిళ ‘వద్దు’ అని చెబితే ఆ నిర్ణయాన్ని ప్రతి ఒక్కరూ గౌరవించాలి. ఆమె ఎలాంటి దుస్తులు ధరించాలి? తన శరీరానికి సంబంధించిన నిర్ణయాలు ఎలా తీసుకోవాలి? అనేది పూర్తిగా ఆమె వ్యక్తిగత హక్కు. ఒక మహిళ మినీ స్కర్ట్‌ ధరించిందని, ఆమెను అసభ్యకరంగా చిత్రీకరించడానికి అనుమతి ఇచ్చినట్లు కాదు’ అని జాన్వీ పేర్కొన్నారు.కొన్ని రోజులుగా ఎదురైన ఏఐ వీడియోల సమస్య..తనకు గత కొన్ని రోజులుగా ఎదురైన ఏఐ వీడియోల సమస్యకే ఈ విషయం పరిమితం కాదని ఆమె అన్నారు. ‘నా కెరీర్‌ మొత్తంలో వ్యక్తిగతంగా ఎదుర్కొన్న అనుభవాలకు కూడా ఇది సంబంధించినదే. మహిళలను ఇబ్బందికరంగా చూడటం, వారిని జడ్జ్‌ చేయడం, భద్రత విషయంలో రాజీపడాలని ఒత్తిడి చేయడం, వారి హద్దులను నిర్ణయించడం వంటివి ఇప్పటికీ కొనసాగుతున్నాయి. నిజ జీవితంలో మహిళలను వెంటాడుతున్న ఈ భయాలు ఇప్పుడు డిజిటల్‌ ప్రపంచంలోకి కూడా వచ్చాయి.‘మీ కూతురిని కాపాడుకోండిఇలాంటి పరిస్థితుల్లో ‘మీ కూతురిని కాపాడుకోండి’ అని చెప్పడం మాత్రమే పరిష్కారం కాదు. కుటుంబ సభ్యుల ఆలోచనా విధానం, పిల్లల పెంపకం, మన చుట్టూ ఉన్న సామాజిక పరిస్థితుల్లో మార్పు రావాలి. ఏది సరైనది? ఏది తప్పు? అనే విషయాలను స్పష్టంగా చెప్పేందుకు పురుషులు కూడా ముందుకు రావాలి’’ అని జాన్వీ రాసుకొచ్చారు. ఈ వ్యవహారంపై వెంటనే స్పందించిన ఎన్టీఆర్‌కు ఆమె ప్రత్యేకంగా ధన్యవాదాలు తెలిపారు. ‘తనకు నేరుగా సంబంధం లేని విషయం గురించి కూడా స్పష్టంగా మాట్లాడిన వ్యక్తిని లక్షలాది మంది అభిమానిస్తారు. అలాంటి వ్యక్తి మహిళలకు మద్దతుగా నిలవడం ఎంతో ధైర్యాన్నిస్తుంది. అలాగే చిరంజీవి సర్‌, విజయ్‌, ఖుష్బూ మేడమ్‌ ఇలాంటి అనైతిక చర్యలను ఖండిస్తూ మద్దతుగా నిలిచినందుకు ధన్యవాదాలు. మన చుట్టూ జరుగుతున్న ఇలాంటి ఘటనలపై ప్రతి ఒక్కరూ ఆత్మపరిశీలన చేసుకోవాలి. ఒక మహిళను కేవలం ఒక మనిషిగా చూసి, గౌరవించాలని కోరుకోవడం నిజంగా అంత పెద్ద కోరికేనా?’ అని జాన్వీ ప్రశ్నించారు. Thank You All :) https://t.co/HTkFRIVwtM— Jahnavi Kapoor (@JanhvikapoorFC_) October 4, 2026

మలయాళంలో ఇటీవల విడుదలై ప్రేక్షకుల నుంచి మంచి స్పందన సొంతం చేసుకున్న క్రైమ్‌ థ్రిల్లర్‌ ‘ప్రథమ దృష్ట్య కుట్టక్కర్‌’. షాహాద్‌ దర్శకత్వం వహించిన ఈ చిత్రంలో నటి పార్వతి తిరువోతు ప్రధాన పాత్రలో నటించారు. సెప్టెంబర్‌ 11న థియేటర్లలో విడుదలైంది. ఈ సినిమా బాక్సాఫీస్‌ వద్ద రూ.50 కోట్లకుపైగా వసూళ్లు సాధించినట్లు ట్రేడ్‌ వర్గాల సమాచారం. థియేటర్లలో ఆకట్టుకున్న ఈ మూవీ ఇప్పుడు ఓటీటీ విడుదలకు సిద్ధమైంది. అక్టోబరు 9 నుంచి నెట్‌ఫ్లిక్స్‌లో స్ట్రీమింగ్‌ కానుంది. మలయాళంతో పాటు తెలుగు భాషలోనూ ఈ చిత్రాన్ని వీక్షించవచ్చు.ఇదీ కథ..కారుణ్య నియామకం కింద పోలీస్‌ ఉద్యోగం సంపాదించిన అలీనా అబ్రహాం (పార్వతి తిరువోతు) చుట్టూ ఈ కథ సాగుతుంది. ఓ పోలీస్‌ స్టేషన్‌లో రాత్రి విధులు నిర్వహిస్తున్న కొందరు పోలీసుల చేతుల్లో అనుకోకుండా ఓ నేరం జరుగుతుంది. అయితే నేరాన్ని బయటకు రాకుండా చేసేందుకు అదే పోలీస్‌ డిపార్ట్‌మెంట్‌కు చెందిన వారు తమకున్న పరిజ్ఞానాన్ని ఉపయోగించుకుంటారు. క్రైమ్‌ సీన్‌ గురించి, పోలీస్‌ శాఖలోని విధివిధానాల గురించి పూర్తిగా తెలిసిన వారు కావడంతో.. ఆధారాలు దొరకకుండా నేరాన్ని కప్పిపుచ్చేందుకు ప్రయత్నిస్తారు. మరోవైపు ఈ కేసు దర్యాప్తు బాధ్యతలను సీనియర్‌ క్రైమ్‌ బ్రాంచ్‌ అధికారి (విజయరాఘవన్‌) చేపడతారు. దీంతో నేరానికి పాల్పడిన పోలీసులకు, దర్యాప్తు అధికారికి మధ్య మొదలయ్యే మైండ్‌గేమ్‌ కథను ఆసక్తికరంగా నడిపిస్తుంది.ఎవరికి తెలియకుండా చేసిన నేరాన్ని పోలీసులు ఎలా దాచారు? దర్యాప్తు అధికారి వారికి ఎలా చెక్‌ పెట్టారు? చివరికి అసలు నిజం ఎలా బయటపడింది? అనేది సినిమా చూసి తెలుసుకోవాల్సిందే. ఉత్కంఠభరితమైన కథనం, ఊహించని మలుపులతో దర్శకుడు షాహాద్‌ ఈ క్రైమ్‌ థ్రిల్లర్‌ను తెరకెక్కించారు. మ్యాథ్యూ థామస్‌, వినయ్‌ ఫోర్ట్‌ తదితరులు కీలక పాత్రల్లో నటించారు.ఇదీ చదవండి: అభిమానులకే ఝలక్‌ ఇచ్చిన జక్కన్న.. ‘ఆర్‌ఆర్‌ఆర్‌’ని బ్రేక్‌ చేసేలా..

విజయ్‌ దేవరకొండ, రష్మిక మందన్నా జంటగా నటించిన చిత్రం ‘రణబాలి’ రాహుల్‌ సాంకృత్యాన్‌ దర్శకత్వం వహిస్తున్నారు. ఈ సినిమా అక్టోబర్‌ 16న విడుదల కానుంది. ఈ చిత్రంపై భారీ అంచనాలు ఉన్నాయి. దీనికి తగ్గట్లుగానే ప్రమోషన్లు సరవేగంగా చేస్తోంది చిత్రబృందం. ఈ సందర్భంగా ఓ ఇంటర్వ్యూలో పాల్గొన్న ఈ జంట యాంకర్‌ సుమతో ప్రత్యేకంగా చిటిచాట్‌ చేసింది. సినిమాకు సంబంధించిన ఆసక్తికర విషయాలు పంచుకోవడంతో పాటు పలు వ్యక్తిగత విషయాలు వెల్లడించారు. ఇలా విజయ్‌పై రష్మిక చేసిన కామెంట్స్‌ ఇప్పుడు వైరల్‌ అవుతున్నాయి.ఇంట్లో విజయ్ ఎలా ఉంటాడు?‘ఇంట్లో విజయ్ ఎలా ఉంటాడు?’ అని సుమ రష్మికను అడిగారు. దీంతో రష్మిక అతడి స్టైల్‌ను తనదైన శైలిలో ఇమిటేట్‌ చేసి చూపించింది. విజయ్ కింద హాల్‌లోకి వచ్చి ఫుడ్ ఏంటి అని అడుగుతాడని చెప్పింది. అంతేకాదు.. తాను ‘బేబీ.. బేబీ’ అని పిలిచినా విజయ్ వెంటనే స్పందించడని, కానీ ‘ఒరేయ్’ అని పిలిస్తే మాత్రం వెంటనే పలుకుతాడని సరదాగా చెప్పుకొచ్చింది. దీనిపై విజయ్ ఫ్యాన్స్ కూడా సరదాగా కామెంట్స్ చేస్తున్నారు. వదినమ్మా ఏంటి మా అన్నయ్యని పట్టుకుని ఒరేయ్‌ అంటున్నావా అంటూ సరదా కామెంట్స్‌ చేస్తున్నారు. Vijay Deverakonda at Home. #Rashmika imitates #VijayDeverakonda https://t.co/V61TzWxGIY— cinee worldd (@Cinee_Worldd) October 4, 2026

దర్శకధీరుడు ఎస్‌ఎస్‌ రాజమౌళి సినిమా అంటేనే అనుకున్న టైంకి రాదులే అనుకుంటారు. దీనికి తగ్గట్లుగానే ఇతర డైరెక్టర్లు కొన్ని నెలల్లో సినిమా పూర్తి చేస్తే.. రాజమౌళి మాత్రం తన సినిమాలను ఏళ్ల తరబడి తీస్తాడన్నది అందరూ నమ్మబలికే సత్యమే. దీనికి బాహుబలి, ఆర్‌ఆర్‌ఆర్‌ చిత్రాలే నిదర్శనం. అయితే ఈసారి మాత్రం జక్కన్న ట్రేడ్‌ మార్క్‌కు భిన్నంగా వారణాసి ప్రాజెక్టను ఊహించని రీతిలో పట్టాలెక్కించాడంటే తప్పక నమ్మాల్సి వస్తోంది.మొత్తం 1000 రోజలకు..సూపర్‌స్టార్‌ మహేశ్‌బాబు హీరోగా రాజమౌళి దర్శకత్వంలో తెరకెక్కుతున్న భారీ చిత్రం వారణాసి. ఈ సినిమా 2027 ఏప్రిల్‌ 7న ప్రేక్షకుల ముందుకు రానుంది. తేదీని ప్రకటించారే గాని అభిమానుల్లో నమ్మకాలైతే లేవు. అయితే సినిమాపై భారీగానే అంచనాలను ఉన్నాయి. వీరి అంచనాలకు తగ్గట్లుగానే సినిమాను తీర్చిదిద్దుతున్నట్లు ఇప్పటికే రాజమౌళి పలు దఫాలు తెలిపాడు. ఈ సినిమా షూటింగ్‌ 90% పూర్తిచేసినట్లు ఇటీవలే జక్కన్న స్వయంగా వెల్లడించారు. ఇది విన్న అభిమానులు సంబరపడుతున్నారు.రాజమౌళి గత చిత్రం ‘ఆర్ఆర్ఆర్’ షూటింగ్ మొత్తం 1011 రోజుల పాటు కొనసాగింది. 2018 నవంబర్ 19న ప్రారంభమైన షూటింగ్.. 2021 ఆగష్టు 26న పూర్తయింది. అయితే వారణాసి మేజర్ షూటింగ్ మాత్రం 606 రోజుల్లోనే కంప్లీట్‌ అయింది. 2025 జనవరి 24న ప్రారంభమైన షూటింగ్ 2026 సెప్టెంబర్ 22 నాటికి 90% పూర్తిచేసినట్లు తెలుస్తోంది. ఇదే జరిగితే షూటింగ్ వ్యవధి పరంగా వారణాసి కొత్త రికార్డ్స్ నెలకొల్పే అవకాశముంది.నిర్మాణ పనులను కూడాకాగా మిగిలిన షూటింగ్‌తో పాటు పోస్ట్ ప్రొడక్షన్,విజువల్ ఎఫెక్ట్స్, ఇతర నిర్మాణ పనులను కూడా వేగంగా పూర్తి చేసేందుకు చిత్రబృందం సిద్ధమవుతోంది. ఇప్పటికే మహేష్‌ బాబు లుక్, రాజమౌళి టేకింగ్, భారీ నిర్మాణ విలువలు సినిమాపై అంచనాలను మరింత పెంచుతున్నాయి. వారణాసిలో మహేష్‌ బాబుకు సరసన ప్రియాంక చోప్రా నటిస్తోంది. మలయాళ స్టార్ పృథ్వీరాజ్ సుకుమారన్ కీలక పాత్రలో కనిపించనున్నారు. ఇదీ చదవండి: లైంగిక కార్మికులది తప్పైతే. . అక్కడికి వెళ్లిన వారి సంగతేంటి?: సమంత

లెజెండరీ ఫిల్మ్‌ డైరెక్టర్‌ సింగీతం శ్రీనివాసరావు అంత్యక్రియలు ముగిశాయి. చెన్నైలోని నేసపాక్కం శ్మశానవాటికలో కుటుంబ సభ్యులు ఆయన అంత్యక్రియలను నిర్వహించారు. అంతకుముందు ఆయన పార్థివదేహాన్ని అభిమానులు, సినీ ప్రముఖులు, సన్నిహితుల సందర్శనార్థం చెన్నై విరుగంబాక్కంలోని నివాసంలో ఉంచారు. పలువురు సినీ ప్రముఖులు, అభిమానులు సింగీతం శ్రీనివాసరావుకు నివాళులర్పించారు. ఆయనతో తమకు ఉన్న అనుబంధాన్ని, సినీ రంగంలో ఆయన అందించిన అద్భుతమైన సేవలను గుర్తుచేసుకుని భావోద్వేగానికి గురయ్యారు.

మా ఇంటి బంగారంతో సూపర్ హిట్‌ కొట్టిన టాలీవుడ్ బ్యూటీ సమంత. ఈ మూవీ బాక్సాఫీస్‌ వద్ద రూ.100 కోట్లకు పైగా వసూళ్లు సాధించింది. నందిని రెడ్డి దర్శకత్వం వచ్చిన ఈ చిత్రం ఆడియన్స్ ఆదరణ దక్కించుకుంది. తర్వాత సమంత అభిమానులకు మరో గుడ్ న్యూస్ చెప్పింది. తాను ప్రెగ్నెన్సీతో ఉన్నానని ప్రకటించి డబుల్‌ సర్‌ప్రైజ్ ఇచ్చింది. ప్రస్తుతం ప్రెగ్నెన్సీ లైఫ్‌ను ఆస్వాదిస్తోంది. అయితే ఎప్పటికప్పుడు సోషల్ మీడియాలో అభిమానులతో టచ్‌లోనే ఉంటోంది. ఈసారి సమాజంలో మహిళలపై జరిగే అన్యాయాలపై పోస్ట్‌ చేశారు.అత్యాచారం జరిగినప్పుడు బాధితురాలినే..‘సమాజంలో లైంగిక కార్మికులను తప్పుపడతారు. కానీ వారి దగ్గరికి వెళ్లేవారిని ఏమీ అనరు. ఒంటరి తల్లులను విమర్శిస్తారు. కానీ పిల్లల బాధ్యత తీసుకోని తండ్రులను ఎవరూ అడగని కూడా అడగరు. అత్యాచారం జరిగినప్పుడు బాధితురాలినే తప్పుపడతారు. కానీ తప్పు చేసిన వారిని ప్రశ్నించరు’ అని అలాంటి సమాజంలో మనం బతుకుతున్నాం అంటూ సోషల్‌ మీడియా వేదికగా పోస్ట్‌ పెడుతూ అసహనం వ్యక్తం చేశారు. ప్రస్తుతం ఈ పోస్ట్‌ వైరల్‌ అవుతోంది.

బిగ్‌బాస్‌ తెలుగు 10లో ఆదివారం ఎపిసోడ్‌ ఫుల్‌ ఫన్‌తో సాగినట్లు తాజా ప్రోమోలను చూస్తే అర్థమవుతోంది. ఎలిమినేషన్‌ టెన్షన్‌కు కాస్త బ్రేక్‌ ఇచ్చిన హోస్ట్‌ నాగార్జున.. కంటెస్టెంట్లతో సరదా గేమ్స్‌ ఆడించారు. డ్యాన్స్‌లు చేయిస్తూ, ప్రశ్నలు అడుగుతూ.. మధ్యలో చాక్లెట్లు ఇస్తూ ఇంట్లో నవ్వులు పూయించారు.సినిమా పాటలకు డ్యాన్స్‌లు‘సండే ఫన్‌డే’ గేమ్‌లో భాగంగా నాగార్జున కొన్ని ప్లేకార్డ్స్‌ చూపించారు. వాటిని చూసి సినిమా పేరును కంటెస్టెంట్లు గుర్తించాలని చెప్పారు. సరైన సమాధానం చెప్పిన తర్వాత ఆ సినిమాలోని పాటలకు డ్యాన్స్‌ చేయించారు. దీంతో కంటెస్టెంట్లు ఉత్సాహంగా స్టెప్పులేయగా.. నాగార్జున కూడా వారితో కలిసి సందడి చేశారు.చాక్లెట్ల కోసం ఝాన్సీ ఎదురుచూపులుమరో ప్రోమోలో నాగార్జున కంటెస్టెంట్లతో మరో సరదా గేమ్‌ ఆడించారు. ‘ఓ ప్రశ్న అడుగుతా.. దానికి సరైన సమాధానం చెబితే చాక్లెట్‌ ఇస్తా’ అని చెప్పారు. ప్రశ్నలకు సమాధానాలు చెప్పిన దేబ్జానీ, నరేశ్‌లకు నాగార్జున చాక్లెట్లు అందించారు. అయితే చాక్లెట్ల కోసం ప్రతిసారీ ముందుకొచ్చిన రైతుబిడ్డ ఝాన్సీకి మాత్రం ఒక్కసారి కూడా చాక్లెట్‌ దక్కలేదు. దీంతో ‘ఇదేంటి సార్‌.. నాకు మాత్రం రావడం లేదు’ అంటూ ఝాన్సీ చెప్పడంతో అక్కడ నవ్వులు పూశాయి.పడవలో ఎవరిని ముంచుతారు?ఇక మరో సరదా ప్రశ్నతో కంటెస్టెంట్లను ఇరుకున పెట్టారు నాగార్జున. ‘మీ పడవకు ప్రమాదం వచ్చింది. పడవలో ఎవరిని కాపాడతారు? ఎవరిని ముంచేస్తారు?’ అని అడిగారు. దానికి ముకేశ్‌ స్పందిస్తూ.. వర్షిణిని సేవ్‌ చేస్తానని, సుదీర్‌ను ముంచేస్తానని చెప్పాడు. ఆ తర్వాత నరేశ్‌ను ఇదే ప్రశ్న అడగ్గా.. రాంప్రసాద్‌ను ముంచేస్తానని, దేబ్జానీని సేవ్‌ చేస్తానని చెప్పాడు. అందుకు కారణం ఏంటని నాగార్జున అడగ్గా.. ‘అతనికి ఈత వచ్చు సార్‌’ అంటూ నరేశ్‌ ఇచ్చిన సమాధానం అందరినీ నవ్వించింది. ఇలా ఆదివారం ఎపిసోడ్‌లో నాగార్జునతో కలిసి కంటెస్టెంట్లు చేసిన సందడి, సరదా గేమ్స్‌ ప్రేక్షకులను అలరించేలా కనిపిస్తున్నాయి.ఇదీ చదవండి: షారుక్‌, అమితాబ్‌లను మించిన సంపన్నుడు.. ఏకంగా 36000 కోట్లు

బాలీవుడ్‌లో అత్యధిక పారితోషికం తీసుకునే నటుల జాబితాలో షారుక్‌ ఖాన్‌, అమితాబ్‌ బచ్చన్, సల్మాన్‌ ఖాన్‌ వంటి అగ్ర కథానాయకుల ఉంటారు. ఇది జగమెరుగని సత్యం అనే చెప్పాలి. అయితే సంపద విషయంలో మాత్రం సినిమా హీరోలను మించిన ఆస్తి ఓ నిర్మాత కుటుంబం ఉందని కొంతమందికే తెలుసు. సినిమాలతో పాటు వ్యాపారాలు, బ్రాండ్‌లు, పెట్టుబడులు ఇలా భారీగా కూడబెట్టడంతో ఆ కుటుంబం బాలీవుడ్‌లోనే అత్యంత ధనికంగా నిలిచింది. మరి వారు ఎవరు? ఏంటో ఒకసారి చూద్దామా...టీ సిరీస్‌ ఛైర్మన్‌..2026 టీ-సిరీస్‌ ఛైర్మన్‌, మేనేజింగ్‌ డైరెక్టర్‌ భూషణ్‌ కుమార్‌, ఆయన కుటుంబం మొత్తం సంపద విలువ సుమారు రూ.36,300 కోట్లుగా ఉన్నట్లు హురున్‌ ఇండియా రిచ్‌ లిస్ట్‌ నివేదిక(2026) వెల్లడించింది. దీంతో బాలీవుడ్‌లో అత్యంత ధనవంతుడిగా భూషణ్‌ కుమార్‌ కుటుంబం ఉండడంతో పాటు టాప్‌ 100 సంపన్నుల జాబితాలో భూషణ్‌ కుమార్‌ 87వ స్థానంలో ఉన్నట్లు తెలుస్తోంది.షారుక్‌ ఖాన్‌ను మించిన సంపదభారత్‌లో అత్యంత ధనిక నటుడిగా కొనసాగుతున్న షారుక్‌ ఖాన్‌ సంపదతో పోలిస్తే భూషణ్‌ కుమార్‌ కుటుంబ ఆస్తులు భారీగా ఉన్నాయి. షారుక్‌ ఖాన్‌ నికర సంపద సుమారు రూ.10,000 కోట్లుగా హురున్‌ నివేదిక పేర్కొంది. అంటే భూషణ్‌ కుమార్‌ కుటుంబ సంపద షారుక్‌ కంటే మూడు రెట్లకు పైగా ఉండటం విశేషం.అయితే గత ఏడాదితో పోలిస్తే షారుక్‌ ఖాన్‌ సంపదలో సుమారు రూ.2,490 కోట్ల మేర తగ్గుదల నమోదైనట్లు నివేదిక తెలిపింది. అయినప్పటికీ 2026 హురున్‌ గ్లోబల్‌ జాబితాలో చోటు దక్కించుకున్న ఏకైక భారతీయ సెలబ్రిటీగా షారుక్‌ నిలిచారు. అంతర్జాతీయంగా జే-జెడ్‌, టేలర్‌ స్విఫ్ట్‌, రిహానా వంటి ప్రముఖులతో ఆయన ఈ జాబితాలో ఉన్నారు.అమితాబ్‌ బచ్చన్‌ సంపద ఎంతంటే?బాలీవుడ్‌ దిగ్గజ నటుడు అమితాబ్‌ బచ్చన్‌ కూడా భారీగా సంపద పెంచుకున్నారు. 2025లో సుమారు రూ.1,630 కోట్లుగా ఉన్న ఆయన ఆస్తులు.. 2026లో రూ.4,000 కోట్లకు చేరినట్లు హురున్‌ జాబితా వెల్లడించింది. ముఖ్యంగా రియల్‌ ఎస్టేట్‌ పెట్టుబడుల ద్వారా ఆయన సంపద గణనీయంగా పెరిగినట్లు తెలుస్తోంది.సల్మాన్‌, హృతిక్‌ కూడా టాప్‌లో..బాలీవుడ్‌ స్టార్‌ హీరో సల్మాన్‌ ఖాన్‌ ఈ ఏడాది తొలిసారి హురున్‌ రిచ్‌ లిస్ట్‌లో చోటు దక్కించుకున్నారు. ఆయన సంపద విలువ సుమారు రూ.3,000 కోట్లుగా నమోదైంది. ఇక హృతిక్‌ రోషన్‌ సుమారు రూ.2,500 కోట్ల ఆస్తులతో ఆయన తర్వాతి స్థానంలో ఉన్నారు.ఇదీ చదవండి: సుకుమార్ ఇంటిచుట్టూ మూడేళ్లు తిరిగితే చివరకు

దిగ్గజ దర్శకుడు సింగీతం శ్రీనివాసరావు (94) మృతిపై ప్రముఖ నటుడు జూ. ఎన్‌టీఆర్ (Jr NTR) తీవ్ర విచారం వ్యక్తం చేశారు. ఈ మేరకు సోషల్ మీడియా (X) వేదికగా ఆయన శ్రద్ధాంజలి ఘటించారు. సింగీతం శ్రీనివాసరావు గారు ఇక లేరన్న వార్త ఎంతో బాధాకరం. ఆదిత్య 369, పుష్పక విమానం, మయూరి… కాలానికి ముందే ఆలోచించి, తరాలు మారినా కొత్తగా అనిపించే సినిమాలు అందించిన దార్శనికుడు. వారి కుటుంబ సభ్యులకు నా ప్రగాఢ సానుభూతి. ఓం శాంతి 🙏— Jr NTR (@tarak9999) October 3, 2026సింగీతం శ్రీనివాసరావు గారు ఇక లేరన్న వార్త ఎంతో బాధాకరం. ఆదిత్య 369, పుష్పక విమానం, మయూరి వంటి ఎన్నో చిత్రాలను కాలానికి ముందే ఆలోచించి, తరాలు మారినా కొత్తగా అనిపించే సినిమాలు అందించిన దార్శనికుడు ఆయన. వారి కుటుంబ సభ్యులకు ప్రగాఢ సానుభూతి తెలుపున్నాను.. ఓం శాంతి.. అంటూ ఎన్‌టీఆర్ తన ట్వీట్‌ను ముగించారు.సింగీతం శ్రీనివాసరావు చెన్నైలోని కావేరి హాస్పిటల్లో వయోభారంతో తుదిశ్వాస విడిచారు. చివరిగా ఆయన నాగ్ అశ్విన్ నిర్మాణంలో సింగ్ గీతం అనే సినిమాకి దర్శకత్వం వహించారు. 95ఏళ్ళ వయసులో కూడా దర్శకత్వం వహించి విమర్శకుల ప్రశంసలు సైతం అందుకున్నారు. సింగీతం శ్రీనివాసరావు తెలుగుతోపాటు కన్నడ , తమిళం , హిందీ, ఇంగ్లిష్‌తో సహా పలు భాషలలో సుమారు 60 పైగా చిత్రాలకు దర్శకత్వం వహించారు. ప్రయోగాత్మక చిత్రాలతో దక్షిణ భారత సినిమాను విప్లవాత్మకంగా మార్చిన ఘనత ఆయనకు దక్కింది.

స్టార్ కపుల్ విజయ్ దేవరకొండ, రష్మిక మందన్న జంటగా నటించిన తాజా చిత్రం ‘రణబాలి’. పెళ్లి తర్వాత వీరిద్దరూ కలిసి నటించిన ఈ సినిమా కోసం అభిమానులు ఆసక్తిగా ఎదురుచూస్తున్నారు. పీరియాడికల్ యాక్షన్ డ్రామాగా తెరకెక్కుతున్న ఈ మూవీ అక్టోబరు 16న దసరా కానుకగా ప్రేక్షకుల ముందుకు రానుంది. ప్రస్తుతం చిత్రబృందం ప్రచార కార్యక్రమాలతో బిజీగా ఉంది. ఈ క్రమంలో ఓ ఇంటర్వ్యూలో పాల్గొన్న విజయ్, రష్మిక తమ వైవాహిక జీవితం, వ్యక్తిగత ఆలోచనల్లో వచ్చిన మార్పుల గురించి ఆసక్తికర విషయాలు వెల్లడించారు.ఇదీ చదవండి: విజయ్‌ను ఇమిటేట్‌ చేసిన రష్మిక.. ఈ క్యూట్‌ వీడియో చూశారా..?ఆయన దేన్నీ పెద్దగా సెలబ్రేట్ చేసుకోరుపెళ్లి తర్వాత మీ ఇద్దరి కలయికలో వస్తున్న ‘రణబాలి’ మీ జీవితంలో కొత్త అధ్యాయమా? అని యాంకర్ ప్రశ్నించగా.. విజయ్ దేవరకొండ తనదైన శైలిలో స్పందించారు. ఇలాంటి పదాలను తాను పెద్దగా నమ్మనని చెప్పారు. దీనిపై రష్మిక మాట్లాడుతూ.. విజయ్ ఏ విషయాన్నీ పెద్దగా సెలబ్రేట్ చేసుకోరని, కానీ తనకు మాత్రం ప్రతి చిన్న సందర్భం కూడా ప్రత్యేకమేనని చెప్పింది.‘నా దృష్టిలో ప్రతి పుట్టినరోజూ ముఖ్యమే. చిన్న చిన్న క్షణాలను కూడా ఆస్వాదించాలి. వయసు పెరుగుతున్న కొద్దీ మనకు ఎంత సమయం మిగిలి ఉందో ఎవరికీ తెలియదు. అందుకే పెద్ద వేడుకలు చేయాల్సిన అవసరం లేదు. చిన్న కేక్ కట్ చేసినా ఆ క్షణాన్ని ప్రత్యేకంగా మార్చుకోవచ్చు. ఎప్పటికీ మనం ఇలాగే శక్తితో, ఆరోగ్యంతో ఉండలేం. వయసు పెరిగే కొద్దీ ఇప్పుడు ఉన్నంత స్వేచ్ఛ కూడా ఉండకపోవచ్చు. అందుకే అన్నీ ఉన్నప్పుడే జీవితంలో ఆనందకరమైన జ్ఞాపకాలను పోగు చేసుకోవాలి’అని రష్మిక పేర్కొన్నారు.ఇదీ చదవండి: జ్యోతిష్కుడు వేణుస్వామి.. సన్నీలియోన్‌తో పోల్చుకుంటూ.. (వీడియో)నా జీవితంలోకి సెలబ్రేషన్స్ తీసుకొచ్చింది ఆమేరష్మిక మాటలకు విజయ్ స్పందిస్తూ.. తన జీవితంలోకి సెలబ్రేషన్స్ తీసుకొచ్చింది రష్మికేనని చెప్పారు. ఇద్దరూ ఒక్కటైన తర్వాత తరచూ హాలిడే ట్రిప్స్ ప్లాన్ చేసుకోవాలని నిర్ణయించుకున్నట్లు తెలిపారు.‘గతంలో ప్రతి రోజును ఓ పోరాటంలా, యుద్ధంలా చూసేవాడిని. పని, కెరీర్, ఇంకా ఏదో సాధించాలి అనే ఆలోచనలతోనే బతికాను. కానీ కష్టపడి సంపాదించింది జీవితాన్ని ఆస్వాదించడానికే అని ఇప్పుడు అర్థమైంది. సంపాదించిన డబ్బును మన సంతోషం కోసం ఖర్చు చేయడం, జీవితాన్ని ఆస్వాదించడం ఇప్పుడు నా మొదటి ప్రాధాన్యత’ అని విజయ్ చెప్పుకొచ్చారు. వాస్తవ సంఘటనల ఆధారంగా..కాగా సినిమా ఎలా ఉండబోతుందనేది ఇప్పటికే డాక్యుమెంటరీ సిరీస్‌ని నాలుగు భాగాలుగా రిలీజ్ చేసింది చిత్రబృందం. ఈ చిత్రం1854 నుంచి 1878 మధ్యకాలంలో జరిగిన వాస్తవ సంఘటనల ఆధారంగా, పాన్‌ ఇండియా స్థాయిలో ఈ సినిమా తెరకెక్కింది. విజయ్‌ ఇందులో యోధుడి పాత్రలో కనిపించనున్నాడు. ఈ సినిమాకి రాహుల్‌ సాంకృత్యాయన్ దర్శకుడు.అజయ్‌, అతుల్‌ సంగీతం అందించారు. టీ సిరీస్‌ సమర్పణలో మైత్రీ మూవీ మేకర్స్‌ సంస్థ నిర్మించింది. ఇదీ చదవండి: చుట్టమల్లె సాంగ్ వివాదం.. జాన్వీ కపూర్ రియాక్షన్..

మార్వెల్ సినిమాటిక్ యూనివర్స్‌ నుంచి వచ్చే సినిమాలకు ప్రపంచవ్యాప్తంగా ప్రత్యేక క్రేజ్ ఉంటుంది. అందులో ‘స్పైడర్‌ మ్యాన్‌’ సినిమాలంటే అభిమానుల్లో ఉండే ఆసక్తి మరింత ఎక్కువ. తాజాగా ప్రేక్షకుల ముందుకొచ్చిన ‘స్పైడర్‌ మ్యాన్‌: బ్రాండ్ న్యూ డే’ థియేటర్లలో సందడి చేసిన సంగతి తెలిసిందే. ఇప్పుడు ఈ సినిమా డిజిటల్‌ రిలీజ్‌కు సిద్ధమవుతోంది.ఓటీటీలోకి ఎప్పుడంటే..‘స్పైడర్‌ మ్యాన్‌: బ్రాండ్ న్యూ డే’ అక్టోబర్‌లోనే అమెజాన్‌ ప్రైమ్‌ వీడియోలో అందుబాటులోకి రానున్నట్లు సమాచారం. అయితే తొలుత రెంట్‌, బై ఆప్షన్లతో మాత్రమే సినిమా స్ట్రీమింగ్‌కు వచ్చే అవకాశం ఉందని తెలుస్తోంది. అంటే సాధారణ ప్రైమ్‌ సబ్‌స్క్రిప్షన్‌ ఉన్నప్పటికీ సినిమాను చూడాలంటే అదనంగా చెల్లించాల్సి ఉంటుంది. ఇతర దేశాల్లో ఇప్పటికే డిజిటల్‌గా అందుబాటులోకి వచ్చిన ఈ చిత్రం.. భారత్‌లోనూ అక్టోబర్‌లో స్ట్రీమింగ్‌కు రానున్నట్లు సమాచారం.ఇదీ చదవండి: జ్యోతిష్కుడు వేణుస్వామి.. సన్నీలియోన్‌తో పోల్చుకుంటూ.. (వీడియో)కథేంటంటే..‘స్పైడర్‌ మ్యాన్‌: నో వే హోమ్‌’ ముగింపులో పీటర్‌ పార్కర్‌ను ప్రపంచం మొత్తం మర్చిపోతుంది. ‘బ్రాండ్‌ న్యూ డే’ కథ అక్కడి నుంచి నాలుగేళ్ల తర్వాత మొదలవుతుంది. తన స్నేహితుడు నెడ్‌, ప్రేమించిన ఎంజే తనను గుర్తుపట్టకపోవడంతో పీటర్‌ ఒంటరి జీవితాన్ని గడుపుతుంటాడు.తన బాధను మర్చిపోయేందుకు పూర్తిస్థాయిలో స్పైడర్‌ మ్యాన్‌గా మారి న్యూయార్క్‌ నగరంలో నేరాలను అరికట్టడంపై దృష్టి పెడతాడు. అయితే ఈ క్రమంలో ఎదురయ్యే పరిస్థితులు అతడిపై తీవ్ర ప్రభావం చూపుతాయి. మరోవైపు అతడిలోని సాలీడు డీఎన్‌ఏలో చోటుచేసుకునే మార్పులు సరికొత్త శక్తులకు దారితీస్తాయి. ఆ కొత్త శక్తులు పీటర్‌ జీవితాన్ని ఎలా మార్చాయి? వాటితో అతడు ఏం చేశాడు? అనేదే సినిమా.

సెలబ్రిటీలు, రాజకీయ నాయకుల జాతకాలు చెబుతూ నిత్యం ఏదో ఒక వివాదంతో సోషల్ మీడియాలో సెన్సేషన్ క్రియేట్ చేస్తుంటారు ప్రముఖ జ్యోతిష్కుడు వేణుస్వామి. ఈయన మరోసారి వార్తల్లో నిలిచారు. తనపై వచ్చే ట్రోలింగ్స్, కాంట్రవర్సీలపై ఎవరూ ఊహించని రీతిలో సమాధానం ఇచ్చారు. తాజాగా జరిగిన ‘చంద్రయాన్’ సినిమా ప్రెస్ మీట్‌లో ఆయన మాట్లాడిన మాటలు, తనను తాను బాలీవుడ్ నటి సన్నీ లియోన్‌తో పోల్చుకుంటూ చేసిన వ్యాఖ్యలు వైరల్‌ అవుతున్నాయి.తెలుగు రాష్ట్రాల్లో బతకాలంటే..తెలుగు రాష్ట్రాల్లో బతకాలంటే 2+2=4 అంటే కుదరదు. 2+2=5 అనాల్సిందే! నేను నీ బట్టలు విప్పొచ్చు కానీ నువ్వు నావి విప్పడానికి వీల్లేదు.అలా ఉంది పరిస్థితి. అసలు దుకాణమే రోడ్డు మీద పెట్టుకున్నాం. నేను సన్నీ లియోన్‌ లాంటోడిని.. ఆల్రెడీ అన్నీ ఇప్పేసుకున్నా.. ఇక నాదగ్గర కొత్తగా విప్పడానికి ఏం లేదు. కాంట్రవర్సీ చేస్తేనే సోషల్‌ మీడియాలో పైకి వెళ్తాం’ అని తీవ్ర వ్యాఖ్యలు చేశారు. ఇప్పుడీ కామెంట్స్‌ వైరల్‌ అవుతున్నాయి. ఇదీ చదవండి: విజయ్‌ను ఇమిటేట్‌ చేసిన రష్మిక.. ఈ క్యూట్‌ వీడియో చూశారా..? నేను Sunny Leone లాంటోడిని… ఇప్పటికే అన్నీ విప్పేశా, ఇక దాచడానికి కూడా ఏమీ లేదు!— Venu Swamy pic.twitter.com/C0W6NAGgYk— No Filter (@nofilter207) October 3, 2026

శ్రీ విష్ణు హీరోగా వస్తోన్న లేటేస్ట్ మూవీ కామ్రేడ్‌ కల్యాణ్‌. ఈ సినిమాకు జానకీరామ్ మారెళ్ల దర్శకత్వం వహిస్తున్నారు. ఈమూవీ అక్టోబరు 9న ప్రేక్షకుల ముందుకు రానుంది. ఈ మూవీలో మహిమా నంబియార్ హీరోయిన్‌గా కనిపించనుంది. ఈ చిత్రాన్ని స్కంద వాహన మోషన్ పిక్చర్స్ ఎల్‌ఎల్‌పీ అండ్ కోన ఫిల్మ్ కార్పొరేషన్ బ్యానర్లపై వెంకట కృష్ణ కర్నాటి, సీతా కర్నాటి నిర్మిస్తున్నారు. ఇప్పటికే ఈ మూవీ నుంచి పలు పాటలను విడుదల చేశారు. తాజాగా టైటిల్‌ సాంగ్‌ను చిత్ర బృందం విడుదల చేసింది. విజయ్‌ బుల్గానిన్‌ స్వరాలు సమకూర్చిన ఈ పాటకు భాస్కరభట్ల సాహిత్యం అందించారు. రాహుల్‌ సిప్లిగంజ్‌ ఆలపించారు. కాగా ఈ చిత్రంలో రాధిక శరత్‌కుమార్, షైన్ టామ్ చాకో, ఉపేంద్ర లిమాయే కీలక పాత్రలు పోషిస్తున్నారు.

విజయ్‌ దేవరకొండ రష్మిక జంటగా నటించిన పీరియాడికల్ యాక్షన్ డ్రామా ‘రణబాలి’. అక్టోబరు 16న థియేటర్లలో విడుదల కానుంది. ఈ క్రమంలో మూవీ మేకింగ్‌ వెనుక విశేషాలను చిత్ర బృందం పంచుకుంటోంది. ఈ సందర్భంగా సినిమాలో విజయ్‌ చెప్పిన ‘సింగనమల బొబ్బిలి రణబాలి’ డైలాగ్‌ను రష్మిక రీ-క్రియేట్‌ చేసిన వీడియో విడుదల చేసింది. ఇప్పుడీ వీడియో వైరల్‌ అవుతోంది.కాగా సినిమా ఎలా ఉండబోతుందనేది ఇప్పటికే డాక్యుమెంటరీ సిరీస్‌ని నాలుగు భాగాలుగా రిలీజ్ చేసింది చిత్రబృందం. ఈ చిత్రం1854 నుంచి 1878 మధ్యకాలంలో జరిగిన వాస్తవ సంఘటనల ఆధారంగా, పాన్‌ ఇండియా స్థాయిలో ఈ సినిమా తెరకెక్కింది. విజయ్‌ ఇందులో యోధుడి పాత్రలో కనిపించనున్నాడు. విజయ్‌, రష్మిక పెళ్లి తరువాత వస్తున్న తొలి చిత్రం కావడంతో అభిమానులు ఆసక్తిగా ఎదురుచూస్తున్నారు. ఈ సినిమాకి రాహుల్‌ సాంకృత్యాయన్ దర్శకుడు.అజయ్‌, అతుల్‌ సంగీతం అందించారు. టీ సిరీస్‌ సమర్పణలో మైత్రీ మూవీ మేకర్స్‌ సంస్థ నిర్మించింది. ఇదీ చదవండి: రష్మిక వంట చేస్తే.. ఓ యుద్ధం చేసినట్లే: విజయ్‌ దేవరకొండBest Couple 💕👌🏻#VijayDeverakonda #Rashmika pic.twitter.com/Qphqm0JnqQ— Anonymous (@__GirDhar) October 3, 2026

తెలుగు సినీ పరిశ్రమలో విలక్షణ నటుడిగా,క్యారెక్టర్ ఆర్టిస్టుగా తనదైన ముద్ర వేశారు అజయ్ ఘోష్ . ఇటీవల ఓ వేదికపై నటుడు నవదీప్‌ ఆస్తులు, వారి రియల్ ఎస్టేట్ వ్యవహారాలపై చేస్తున్న వ్యాఖ్యలు టాలీవుడ్ వర్గాల్లో తీవ్ర చర్చనీయాంశంగా మారాయి.‘నవదీప్ తండ్రి రామారావు 2002వ సంవత్సరంలోనే బాపట్ల జిల్లాలోని చీరాల బీచ్ సమీపంలో ‘రామాపురం రిసార్ట్స్’ కట్టారు. ఆ కుటుంబం పూర్తిగా హైదరాబాద్‌కు తరలిరావాల్సి రావడంతో ఆ ప్రాపర్టీని అమ్మేశారు. అలా అమ్మకుండా ఉండుంటే ఈరోజు రూ.100కోట్ల విలువ చేసేది. నవదీప్‌ అధిపతి అయ్యేవాడు. దాన్ని చూసినప్పుడల్లా ఇది నవదీప్‌ది కదా అని బాధపడుతుంటా’ అని వ్యాఖ్యానించాడు. కాగా ప్రస్తుతం ఆ తీర ప్రాంతం పర్యాటకంగా భారీగా విస్తరించి ‘ఆంధ్రా గోవా’గా విశేష గుర్తింపు పొందింది.Actor #Ajayghosh intersting words about Hero #Navadeep pic.twitter.com/PiipLJMD06— Maduri Madhu (@madurimadhu1) October 3, 2026