Jogulamba District News

ధన్వాడ: మండలంలోని కొండాపూర్‌ గిరిజన గురుకుల పాఠశాలలో శనివారం రాష్ట్రస్థాయి 70వ అండర్‌–19 ఎస్‌జీఎఫ్‌ నెట్‌బాల్‌ పోటీలు శనివారం అట్టహాసంగా ప్రారంభమయ్యాయి. ప్రభుత్వ ఆస్పత్రి అభివృద్ధి కమిటీ సభ్యుడు శివకుమార్‌రెడ్డి ముఖ్యఅతిథిగా హాజరై పోటీలను ప్రారంభించారు. మూడురోజుల పాటు పోటీలు కొనసాగనుండగా.. ఉమ్మడి 10 జిల్లాల నుంచి 240 క్రీడాకారులు, 40 మంది కోచ్‌లు, మేనేజర్లు, 20 మంది అధికారులు, 20 మంది సాంకేతిక సిబ్బంది పాల్గొన్నారు. ఈ సందర్భంగా ఆయన మాట్లాడుతూ.. రాష్ట్ర ప్రభుత్వం క్రీడలకు ఇస్తున్న ప్రోత్సాహాన్ని విద్యార్థులు సద్వినియోగం చేసుకోవాలని కోరారు. ప్రతి జిల్లా నుంచి ఒక పురుషుల జట్టు, ఒక మహిళల జట్టు పాల్గొన్నాయి. ఉత్తమ ప్రతిభ కనబర్చిన క్రీడాకారులను రాష్ట్రస్థాయి జట్టుకు ఎంపిక చేయనున్నారు. రాష్ట్ర పరిశీలకులు మోనాలిస, నిర్వాహకులు డా. రామ్మోహన్‌గౌడ్‌, ఎస్‌జీఎఫ్‌ ఉమ్మడి జిల్లా అధ్యక్షుడు శ్రీనివాస్‌రెడ్డి, వేణుగోపాల్‌, ప్రిన్సిపాల్‌ రాజారాం, పీడీలు నర్సింహారెడ్డి, బాలరాజు, రవికుమార్‌, అనంతసేన, సాయినాథ్‌, ఎం.బాలరాజు, స్వప్న, సౌమ్య, వివిధ గ్రామాల సర్పంచులు పాల్గొన్నారు.

సాక్షి, హైదరాబాద్‌/ గద్వాల క్రైం/ అలంపూర్‌: జోగుళాంబ గద్వాల జిల్లా సమీకృత కోర్టు భవన సముదాయం నిర్మాణ పనులను ఏమాత్రం జాప్యం చేయకుండా చేపట్టి, వీలైనంత త్వరగా పూర్తి చేయాలని రాష్ట్ర ప్రభుత్వాన్ని హైకోర్టు ఆదేశించింది. ప్రస్తుత కోర్టు ప్రాంగణంలోనూ అవసరమైన మౌలిక సదుపాయాలు కల్పించాలని స్పష్టం చేసింది. జిల్లాలోని వివిధ ప్రాంతాల్లో ఉన్న కోర్టుల్లో మహిళా న్యాయవాదులకు తగిన వసతులు ఏర్పాటు చేయాలని సూచించింది. గద్వాల జిల్లా కోర్టు సమీకృత భవన సముదాయం నిర్మాణం కోసం ప్రభుత్వం 10 ఎకరాల భూమిని కేటాయించినప్పటికీ, పనులు ప్రారంభించకపోవడాన్ని సవాల్‌ చేస్తూ న్యాయవాది సైఫుల్లా హైకోర్టులో ప్రజాప్రయోజన వ్యాజ్యం దాఖలు చేశారు. దీనిపై తాత్కాలిక ప్రధాన న్యాయమూర్తి జస్టిస్‌ శామ్‌కోషి, జస్టిస్‌ సుద్దాల చలపతిరావు ధర్మాసనం విచారణ చేపట్టింది. పిటిషనర్‌ న్యాయవాది పూజారి శ్రీలేఖ వాదనలు విన్న ధర్మాసనం. కోర్టు భవన సముదాయం నిర్మాణానికి అవసరమైన నిధులు, ఇతర అనుమతులు మంజూరైన నేపథ్యంలో నిర్మాణ ప్రక్రియను వేగవంతం చేయాల్సిన అవసరం ఉందని పేర్కొంది. వీలైనంత త్వరగా నిర్మాణాన్ని పూర్తి చేయాలని ప్రభుత్వానికి ఆదేశాలు జారీ చేసింది. అప్పటివరకు ప్రస్తుత కోర్టు ఆవరణలో న్యాయవాదులు, కక్షిదారులకు అవసరమైన మౌలిక సదుపాయాలు కల్పించాలని స్పష్టం చేసింది. అదేవిధంగా జిల్లాలోని వివిధ ప్రాంతాల్లో పనిచేస్తున్న మహిళా న్యాయవాదులకు అవసరమైన సౌకర్యాలు కల్పించాలని ప్రభుత్వాన్ని ఆదేశించింది. ఈ మేరకు ఉత్తర్వులు జారీ చేసిన ధర్మాసనం, ప్రజాప్రయోజన వ్యాజ్యంపై విచారణను ముగించింది. నూతన కోర్టు భవన నిర్మాణ పనుల పరిశీలన నూతన జిల్లా కోర్టు సముదాయాల భవన నిర్మాణ స్థల, పనులను శనివారం హైకోర్టు న్యాయమూర్తి పుల్ల కార్తీక్‌ పరిశీలించారు. గద్వాల మండలంలోని పూడూరు గ్రామ శివారులో ప్రభుత్వం భవన నిర్మాణ పనులకు ఆదేశాలు జారీ చేసింది. దీంతో అక్కడ జరుగుతున్న పనులు, ఎంత మేర విస్తీర్ణంలో పనులు చేపడుతున్న అంశాలపై కలెక్టర్‌ రిజ్వాన్‌బాషాషేక్‌ను అడిగి తెలుసుకున్నారు. నిర్మాణ పనుల విషయంలో ఎలాంటి నిర్లక్ష్యం లేకుండా అనుకున్న గడువులోగా పనులు పూర్తిచేసేలా చర్యలు తీసుకోవాలన్నారు. అంతకు ముందు జిల్లా అధికారులు ఆయనకు ఘన స్వాగతం పలికారు. న్యాయమూర్తి వెంట జిల్లా ప్రధాన న్యాయమూర్తి కల్యాణ్‌ చక్రవర్తి, అదనపు న్యాయమూర్తి శ్రీనివాసులు, సీనియర్‌ సివిల్‌ జడ్జి నాగరాజు, అదనపు సీనియర్‌, జూనియర్‌ సివిల్‌ జడ్జిలు లక్ష్మి, వెంకటేష్‌, నిష్కాపాత్రుడు, ఆర్డీఓ శ్రీనివాసరావు, డీఎస్పీ మొగిలయ్య తదితరులున్నారు. ఆలయాల్లో ప్రత్యేక పూజలు అలంపూర్‌ క్షేత్ర ఆలయాలను హైకోర్టు జడ్జి పుల్లా కార్తీక్‌, జిల్లా జడ్జి కల్యాణ చక్రవర్తి, జూనియర్‌ సివిల్‌ కోర్టు జడ్జి మిథున్‌ తేజతో కలిసి శనివారం దర్శించుకున్నారు. అధికారులు, అర్చకులతో కలిసి స్వాగతం పలికారు. ఈ సందర్భంగా హైకోర్టు జడ్జి బాలబ్రహ్మేశ్వరస్వామిని దర్శించుకొని ప్రత్యేక పూజలు చేశారు. అనంతరం జోగుళాంబదేవిని దర్శించుకొని విశేష పూజలు నిర్వహించారు. అర్చకులు వారిని శేషవస్త్రాలతో సత్కరించి.. తీర్థ ప్రసాదాలు అందజేసి ఆశీర్వచనం చేశారు.

గద్వాల వ్యవసాయం: జీవాల (గొర్రెలు, మేకలు) బీమా పథకం ధీమా ఇవ్వడం లేదు. అసలు బీమా చేయించడానికి పెంపకదారులే వెనకడుగు వేస్తున్నారు. బీమాలో భాగంగా వేస్తున్న ట్యాగ్‌ల వల్ల జీవాలకు గాయాలు కావడంతోపాటు.. మృతిచెందిన తర్వాత అడిగే ఫొటోలు ఇవ్వలేమని నిర్ణయించుకొని అసలు జీవాలకు బీమా వద్దని పెంపకందారులు పశుసంవర్ధక శాఖ అధికారులకు తేల్చిచెబుతున్నారు. దీంతో చేసేది లేక బీమా ట్యాగ్‌లను అధికారులు వెనక్కి పంపారు. 6 నెలల నుంచి నాలుగేళ్ల వయసు.. కేంద్ర ప్రభుత్వ రంగ సంస్థ భారత వ్యవసాయ బీమా కంపెనీ (అగ్రికల్చర్‌ ఇన్సూరెన్స్‌ కంపెనీ ఆఫ్‌ ఇండియా, ఏఐసీ) ద్వారా జీవాలకు బీమా పథకాన్ని అమలు చేయాలని ప్రభుత్వం నిర్ణయించింది. ఈ మేరకు రూ.3 వేల నుంచి రూ.8 వేల వరకు ఇన్సూరెన్స్‌ క్లెయిం అయ్యేలా పథకాన్ని రూపొందించారు. ప్రీమియంలో 50 శాతం శాతం డబ్బును కేంద్రం, 35 శాతం రాష్ట్ర ప్రభుత్వం, మిగలిన 15 శాతం లబ్ధిదారుడు చెల్లించాల్సి ఉంటుంది. బీమా 6 నెలల నుంచి నాలుగేళ్ల వయస్సు ఉన్న గొర్రెలు, మేకలు, పొట్టేళ్లకు చేయించవచ్చు. ఒక్కో పెంపకందారుడు వంద జీవాల వరకు బీమా చేయించడానికి అవకాశం కల్పించారు. ప్రీమియం రేటు 2.95 శాతంగా ఉంది. నిబంధనలు, ప్లాస్టిక్‌ ట్యాగ్‌లు.. జీవాలకు బీమా పథకాన్ని అమలు చేసేందుకు రాష్ట్ర ప్రభుత్వం జోగుళాంబ గద్వాల జిల్లాను పైలెట్‌ ప్రాజెక్ట్‌గా ఎంపిక చేసింది. ఇక్కడ సక్సెస్‌ అయితే రాష్ట్రం మొత్తం అమలు చేయాలని భావించింది. బీమా పథకాన్ని గడిచిన సెప్టెంబర్‌ రెండో వారంలో పశుసంవర్ధక శాఖ అధికారులు ఇక్కడ ఆరంభించారు. పథకంపై విస్తృత ప్రచారం కల్పించారు. అయితే బీమా చేసే జీవాల చెవులకు పశువైద్యాధికారులు ప్రత్యేకంగా ట్యాగ్‌లు వేయాలి. ట్యాగ్‌ నంబర్‌ కనిపించేలా జీవాల తల ఫొటోతోపాటు వాటి శరీరం అంతా కనిపించే విధంగా కుడి, ఎడమ వైపుల నుంచి మరో రెండు ఫొటోలు తీయాలి. ఈ మూడు ఫొటోలతోపాటు పెంపకందారుని ఫొటో అప్‌లోడ్‌ చేయాలి. ఇక్కడే తీవ్రమైన ఇబ్బందులు ఏర్పడ్డాయి. జీవాలకు వేసే ట్యాగ్‌లు ప్లాస్టిక్‌వి కావడం, అవి కూడా పెద్దగా ఉండటంతో.. పశువైద్యాధికారులు ట్యాగ్‌లు వేసి, ప్రెస్‌ చేసే సమయంలో చెవులకు గాయాలు అవుతున్నాయి. పెద్ద రంద్రం ఏర్పడి అవి త్వరగా మానడం లేదు. పెంపకందారులు బీమా చేయించకపోవడానికి ఇది కూడా ఒక కారణంగా చెప్పవచ్చు. అలాగే ఒకవేళ జీవాలు మృతి చెందితే క్లెయిమ్‌ చేయడానికి ట్యాగ్‌ నంబర్‌ కనబడేలా తల ఫొటో, కుడి, ఎడమ వైపుల నుంచి మరో రెండు ఫొటోలు తీసి అప్‌లోడ్‌ చేయాలి. అలా చేస్తేనే క్లెయిం వస్తుంది. ఈ నిబంధనను సైతం పెంపకందారులు వ్యతిరేకిస్తున్నారు. సాధారణంగా జీవాలను మేపడానికి గడ్డి ఉన్న ప్రదేశాలు ఎక్కడుంటే అక్కడికి తీసుకెళ్తారు. జిల్లాలోని ధరూరు, కేటీదొడ్డి, గట్టు, మల్దకల్‌, గద్వాల, అయిజ మండలాల పెంపకందారులు కర్ణాటకలోని రాయచూర్‌ శివారు ప్రాంతాలకు, మిగిలిన మండలాల వారు కూడా దూర ప్రదేశాలకు తీసుకెళ్తారు. ఇలాంటి పరిస్థితుల్లో జీవాల ఫొటోలు ట్యాగ్‌ నంబర్‌ కనబడేలా తీయడం, వాటిని ఫోన్‌ ద్వారా పంపించడం ఇబ్బంది అవుతుందని చెబుతున్నారు. దీనికితోడు బీమా చేసినప్పుడు, మృతిచెందినప్పుడు పంపే ఫొటోలు సరిగా ఉండాలి. ఇదంతా అంత సులువు కావని, బీమా చేసినా ప్రయోజనం లేదని కాపరులు పేర్కొంటున్నారు. జిల్లావ్యాప్తంగా 6,700 మంది పెంపకందారులు ఉంటే కేవలం 23 మంది మాత్రమే బీమా చేయించారంటే పరిస్థితి అర్థం చేసుకోవచ్చు. 321 జీవాలకు ట్యాగ్‌లు వేసిన తర్వాత బీమా మాకొద్దు అని సంబంధిత పెంపకందారులు వెనక్కి వెళ్లారు. ఇదిలా ఉంటే జిల్లాలో ఎవరూ బీమా చేయించడం లేదని అధికారులు గ్రహించి ట్యాగ్‌లను వెనక్కి పంపించారు. జిల్లాలో జీవాల బీమాకుముందుకు రాని పెంపకందారులు సాంకేతిక నిబంధనలు కష్టతరంగా ఉన్నాయని భావన ట్యాగ్‌లతో జీవాల చెవులకు గాయాలు కావడంతో వెనకడుగు సామగ్రిని తిరిగి పంపిస్తున్న జిల్లా అధికారులు జోగుళాంబ జిల్లాను పైలెట్‌ ప్రాజెక్ట్‌గా ఎంపిక చేసిన రాష్ట్ర ప్రభుత్వం

ఇంతకు ముందు కూడా జీవాలకు బీమా ఇచ్చారు. అప్పుడు జీవాలు చనిపోతే ఇన్ని నిబంధనలు ఉండేవి కావు. చెవికి వేసే పోగు లాంటి ట్యాగ్‌ ఫొటో మాత్రమే పంపించేవాళ్లం. ఇప్పుడు మూడు, నాలుగు ఫొటోలు పంపాలంటా. ఇవన్నీ ఇబ్బంది. నాకు జీవాలు ఉన్న బీమా చేయించలేదు. – జానకిరాములు, పెంపకందారు, అమరవాయి, మల్దకల్‌ ఫొటోలు తీయడం ఇబ్బందే.. నాకు 200 జీవాలు ఉన్నాయి. బీమా చేసేందుకు డాక్టర్లు వచ్చారు. చెవికి వేసే ప్లాస్టిక్‌ ట్యాగ్‌ పెద్దగా ఉంది. దీనిని ఒత్తినప్పుడు రంద్రం అయి పుండుగా మారింది. చాలా జీవాలకు ఇలా పుండ్లు అయ్యాయి. దీనివల్ల ఇబ్బంది పడ్డాం. జీవాలను మేత కోసం ఎక్కడెక్కడో తీసుకెళ్తాం. అప్పుడు వాటికి ఏమైనా జరిగి చనిపోతే ఫొటోలు తీయడం కూడా మాకు ఇబ్బందే. – మనోజ్‌, పెంపకందారుడు, గార్లపాడు, ఇటిక్యాల మండలం ఉన్నతాధికారులకు వివరించాం.. పైలెట్‌ ప్రాజెక్ట్‌గా జిల్లా ను ఎంపిక చేసి ప్రభు త్వం గొర్రెలు, మేకలు, పొట్టేళ్లకు బీమా పథకాన్ని ప్రవేశపెట్టింది. ఈ పథకంపై విస్తృతంగా ప్రచారం కల్పించాం. అయితే ట్యాగ్‌ల వల్ల జీవాలకు గాయాలు కావడం, కొన్ని నిబంధనల వల్ల పెంపకందారులు ఆసక్తి కనబర్చలేదు. ఈ విషయాన్ని ఉన్నతాధికారుల దృష్టికి తీసుకెళ్లాం. – వెంకటనారాయణ, జిల్లా పశువైద్య, సంవర్ధక శాఖాధికారి ●

అలంపూర్‌: ఇంటర్‌మీడియట్‌ను పాఠశాల విద్యలో విలీనం చేయడాన్ని స్వాగతిస్తామని టీఎస్‌ యూటీఎఫ్‌ జిల్లా అధ్యక్షుడు రమేష్‌ అన్నారు. అలంపూర్‌ చౌరస్తాలోని ఓ ప్రైవేటు పాఠశాలలో నిర్వహించిన టీఎస్‌ యూటీఎఫ్‌ ఉండవెల్లి మండల మహాసభలో ఆయన పాల్గొని మాట్లాడారు. ప్రభుత్వం తక్షణమే పీఆర్‌సీని ప్రకటించాలని, 51 శాతం ఫిట్‌మెంట్‌ అమలు చేయాలన్నారు. లేదంటే రాబోయే పట్టభద్రుల ఎమ్మెల్సీ ఎన్నికల్లో ప్రభుత్వానికి తగిన గుణపాఠం చెబుతామన్నారు. ప్రభుత్వ ఉద్యోగులకు ఉన్న ఈహెచ్‌ఎస్‌ను కర్నూలులో ఇంప్లిమెంటేషన్‌ అయ్యేలా చూడాలన్నారు. రాబోయే విద్యా సంవత్సరంలో ఇంటర్మీడియట్‌ను పాఠశాల విద్యలో విలీనం చేయడానికి స్వాగతిస్తున్నామన్నారు. కానీ, విలీనం చేసినంత మాత్రాన విద్యార్థుల సంఖ్య ఒక్కసారిగా పెరగదన్నారు. హయ్యర్‌, సెకండరీ అనే ము క్కలు చేస్తే ప్రయోజనం ఉండదన్నారు. పాఠశాలల్లో నెలకొన్న సమస్యలను పరిష్కరిస్తేనే ఫలితం ఉంటుందని అభిప్రాయపడ్డారు. అన ంతరం సమావేశంలో గతేడాదిగా శాఖాపరంగా చేపడుతున్న కార్యక్రమాలపై చర్చించి.. భవిష్యత్‌ కార్యాచరణ ప్రకటించి ఉపాధ్యాయ, ఉద్యోగ సమస్యలపై పోరాటం చేస్తామన్నారు. అనంతరం మండల కమిటీని ఏకగ్రీవంగా ఎన్నుకున్నారు. అధ్యక్షుడిగా నరేష్‌, ఉపాధ్యక్షులుగా అరుణతార, గరీబ్‌బాష, ప్రధాన కార్యదర్శిగా మునిస్వామి ఎన్నికయ్యారు. 1,152 క్వింటాళ్ల వేరుశనగ రాక గద్వాల వ్యవసాయం: జిల్లాకేంద్రంలోని వ్యవసాయ మార్కెట్‌ యార్డుకు శనివారం 1,152 క్వింటాళ్ల వేరుశనగ అమ్మకానికి వచ్చింది. కాగా క్వింటాల్‌ గరిష్టంగా రూ.9,680, కనిష్టంగా రూ.5,129, సరాసరిగా రూ.7,190 ధరలు లభించాయి. అలాగే 18 క్వింటాళ్ల ఆముదాలు రాగా.. క్వింటాల్‌ గరిష్టంగా రూ.7,779, కనిష్టంగా రూ.7,739, సరాసరిగా రూ.7,759 చొప్పున పలికాయి. 1,268 క్వింటాళ్ల వరి (సోన) రాగా.. క్వింటాల్‌ గరిష్టంగా రూ.3,472, కనిష్టంగా రూ.2,588, సరాసరిగా రూ.3,321 ధరలు వచ్చాయి. రూ.4వేల చేరువలో ధాన్యం ధర జడ్చర్ల: బాదేపల్లిలోని వ్యవసాయ మార్కెట్‌యార్డుకు శనివారం ధాన్యం పోటెత్తింది. వివిధ ప్రాంతాల నుంచి రైతులు 14,103 బస్తాల ధాన్యం విక్రయానికి తెచ్చారు. కాగా.. క్వింటా గరిష్టంగా రూ.3,989, కనిష్టంగా రూ.2,479 ధరలు లభించాయి.

అలంపూర్‌: ప్రభుత్వ ఆస్పత్రిలో అత్యవసర రక్ష పరీక్షల సేవలు అందుబాటులోకి రానున్నట్లు ఆస్పత్రి సూపరింటెండెంట్‌ సయ్యద్‌ బాషా తెలిపారు. అలంపూర్‌ చౌరస్తాలోని ప్రభుత్వ ఏరియా వంద పడకల ఆస్పత్రిలోకి గ్లోబల్‌ ఇండస్ట్రీస్‌ సంస్థ ఎస్‌ఏఆర్‌ ఫౌండేషన్‌ ఆధ్వర్యంలో శుక్రవారం రక్త పరీక్షల యంత్రాలను అందజేశారు. ఆస్పత్రిలో రక్త పరీక్షలకు కోసం సెల్‌ కౌంటర్‌, బయోకెమికల్‌ అనలైజర్స్‌ను బహూకరించగా.. ఏస్‌ఏఆర్‌ ఫౌండేషన్‌ సంస్థ ప్రతినిధి, యువజన కాంగ్రెస్‌ రాష్ట్ర ఉపాధ్యక్షుడు దీపక్‌ప్రజ్ఞ నూతన యంత్రాలను సూపరింటెండెంట్‌తోపాటు డీసీహెచ్‌ఎస్‌ వరలక్ష్మి స్థానిక నాయకులతో కలిసి ప్రారంభించారు. ఈ సందర్భంగా దీపక్‌ ప్రజ్ఞ మాట్లాడుతూ మాజీ ఎమ్మెల్యే సంపత్‌కుమార్‌ సూచన మేరకు రక్త పరీక్షల యంత్రాలను ఫౌండేషన్‌ ద్వారా అందజేసినట్లు వివరించారు. ఆస్పత్రిలో చికిత్స కోసం వచ్చే గర్భిణులు, దీర్ఘకాలిక రోగులు, అత్యవసర రక్త పరీక్షలకు సరైన యంత్రాలు లేక ఇబ్బందులు పడుతున్నారని, ఈ క్రమంలో సకాలంలో రక్త పరీక్షల రిపోర్టులు అందించాలనే సంకల్పంతో ఈ యంత్రాలను అందించినట్లు వెల్లడించారు. రక్త పరీక్షల నమూనాల పరీక్షల సేవలు అందుబాటులోకి రావడంతో స్థానిక ప్రజలకు ఎంతో ప్రయోజనం చేకూరుతుందన్నారు. కార్యక్రమంలో జిల్లా గ్రంథాలయ చైర్మన్‌ శ్రీనివాసులు, మార్కెట్‌ యార్డు చైర్మన్‌ దొడ్డప్ప, ఉండవెల్లి సర్పంచ్‌ నాగరాజు, జిల్లా ఎస్టీ, ఎస్సీ విజిలెన్స్‌ కమిటీ సభ్యుడు నర్సింహ, నాయకులు వెంకటేష్‌గౌడ్‌, మద్దిలేటి, గోపాల్‌, రమణ, రాము, నయీం, మెక్తార్‌బాష, శంకర్‌, మహేష్‌ తదితరులు పాల్గొన్నారు.

గద్వాల: రాబోయే రబీ సీజన్‌లో నీటి లభ్యతను దృష్టిలో ఉంచుకుని ఆరుతడి పంటలు మాత్రమే సాగు చేసేలా ప్రణాళికలు రూపొందించించాలని, ఆ దిశ గా రైతులను ప్రోత్సహించాలని కలెక్టర్‌ రిజ్వాన్‌బాషాషేక్‌ అన్నారు. శుక్రవారం హైదరాబాద్‌ నుంచి సీఎస్‌ సంజయ్‌జాజు నిర్వహించిన వీసీలో పాల్గొని అనంతరం జిల్లా అధికారులతో మాట్లాడారు. రైతులను ఉద్యాన, ఆయిల్‌పాం, సూక్ష్మసేద్య పంటలు సాగువైపు ప్రోత్సహించాలన్నారు. పాఠశాలలో వి ద్యార్థులు వందశాతం హాజరు ఉండాలని, అలాగే ఉపాధ్యాయలు, సిబ్బంది తప్పనిసరిగా హాజరుకావాలన్నారు. విద్యార్థులలో అభ్యసన సామర్థ్యాలు, విద్యా ప్రమాణాలు మెరుగుపర్చేలా చర్యలు తీసుకోవాలన్నారు. జిల్లావ్యాప్తంగా ఉన్న సాగునీటి ప్రా జెక్టుల పరిధిలో చేపట్టాల్సిన భూ సేకరణ ప్రక్రియ నిర్ణీత గడువులోగా పూర్తిచేయాలన్నారు. గ్రామాలు, పట్టణాల్లో వీధికుక్కల సమస్యను సుప్రీంకోర్టు జారీ చేసిన మర్గాదర్శకాలకు అనుగుణంగా పరిష్కరించాలని చెప్పారు. వీబీజీ రాంజీ పథకం కింద అర్హులైన ప్రతిఒక్కరికీ పని కల్పించాలన్నారు. అలాగే భూగర్భ జలాల పెంపునకు ఉపయోగపడే పనులను విస్తృతంగా చేపట్టాలని, అన్ని సాగునీటి కాల్వల్లో పూడికతీత పనులు చేపట్టాలన్నారు. జిల్లాలో రోడ్డు ప్రమాదాల నివారణకు ప్రత్యేక చర్యలు చేపట్టాలని కలెక్టర్‌ రిజ్వాన్‌బాషాషేక్‌ అన్నారు. ప్రమాదాలు ఎక్కువగా జరిగే బ్లాక్‌స్పాట్లను గుర్తించి అవసరమైన భద్రతా చర్యలు చేపట్టాలన్నారు. జాతీయ రహదారితోపాటు అంతర్రాష్ట్ర, గ్రామీణ ప్రాంతాలకు వెళ్లే రహదారుల్లోనూ ప్రమాదాల నివారణ చర్యలు చేపట్టాలని, అసంపూర్తిగా ఉన్న రహదారుల పనులు త్వరితగతిన పూర్తిచేయాలన్నారు. ఆర్టీఓ అధికారులు క్రమం తప్పకుండా తనిఖీలు నిర్వహించాలని, పోలీసు, ఆర్టీసీ, ఆర్‌అండ్‌బీ శాఖల అధికారులు సమన్వయంతో పనిచేసి ప్రమాదాలను అరికట్టాలన్నారు. ఆయా సమావేశాల్లో అదనపు కలెక్టర్లు మధుమోహన్‌, నర్సింగరావు, ఆర్డీఓ శ్రీనివాసరావు, ఎస్‌డీసీ కృష్ణ, ఏఎస్పీ శంకర్‌, డీటీఓ రాధిక, ఈఈ ప్రగతి తదితరులు పాల్గొన్నారు.

● మూడేళ్ల తర్వాత కొత్తవారికి ప్రభుత్వం ‘చేయూత’ ● తాజాగా 10,170 లబ్ధిదారులకు ఆసరా పింఛన్ల మంజూరు ● మున్సిపాలిటీలు, మండలాల వారీగా ప్రొసీడింగ్స్‌ పంపిణీకి ఏర్పాట్లు ● ఈ నెల 19న లబ్ధిదారుల ఖాతాలో సొమ్ము జమకు చర్యలు ● జిల్లావ్యాప్తంగా 12,269 మంది దరఖాస్తు గద్వాల న్యూటౌన్‌: చేయూత పింఛన్ల కోసం దరఖాస్తు చేసుకున్న వారికి రాష్ట్ర ప్రభుత్వం తీపికబురు అందించింది. కొత్త పింఛన్ల కోసం లబ్ధిదారులు ఏళ్లుగా ఎదురుచూస్తున్నారు. కాంగ్రెస్‌ ప్రభుత్వం అధికారంలోకి వచ్చిన తర్వాత కొత్త పింఛన్ల ఇస్తామని చెప్పినా మూడేళ్లు గడిచిపోయింది. ఈ క్రమంలోనే అర్హులైన లబ్ధిదారుల జాబితాను సిద్ధం చేసి పంపిణీకి ఏర్పాట్లు చేస్తోంది. ఈ మేరకు గురువారంలోగా లబ్ధిదారులకు ప్రొసీడింగ్స్‌ అందించనున్నారు. 19న లబ్ధిదారుల ఖాతాల్లో పింఛన్‌ సొమ్ము జమ కానుంది. జిల్లావ్యాప్తంగా 13 మండలాలు, నాలుగు మున్సిపాలిటీల్లో 12,269 మంది పింఛన్ల కోసం దరఖాస్తు చేసుకున్నారు. వివిధ స్థాయిల్లో పరిశీలన, విచారణ అనంతరం 10,170 మందికి కొత్తగా మంజూరు లభించగా.. మరో 112 దరఖాస్తులు పెండింగ్‌లో ఉంచారు. వేల సంఖ్యలో అర్హులు.. చేయూత పథకం కింద అర్హులైన వారు వేల సంఖ్య లో ఉన్నప్పటికీ అధికారంలో ఉన్న ప్రభుత్వాలు నా లుగేళ్ల నుంచి కొత్త వాటిని మంజూరు చేయలేదు. దీంతో వితంతువులు, ఒంటరి మహిళలు, గీత, నేత కార్మికులు, డయాలసిస్‌ బాధితులు, దివ్యాంగులు నానా అవస్థలు పడ్డారు. ఇలా ఇబ్బందులు పడ్డవారికి ఎట్టకేలకు చేయూత అందించాలని రాష్ట్ర ప్రభు త్వం నిర్ణయించింది. ఇందులో భాగంగా ఒంటరి మహిళలు, వితంతువులు,గీత, నేత కార్మికులు, ఫై లేరియా, డయాలసిస్‌ రోగులు,దివ్యాంగుల నుంచి కొత్త పింఛన్ల కోసం ప్రభుత్వం ఆగస్టు 10 నుంచి దరఖాస్తులు స్వీకరించింది. ఆ తర్వాత క్షేత్రస్థాయి లో సిబ్బంది, అధికారులు విచారణ చేశారు. అక్టోబ ర్‌ చివరి నాటికి అర్హులను గుర్తించి పోర్టలో వివరా లు నమోదు చేసి, తుది జాబితా విడుదల చేశారు. వృద్ధులకు మొండిచేయి కొత్త పింఛన్ల మంజూరు వితంతువులు, దివ్యాంగు లు, ఒంటరి మహిళలు, కల్లుగీత కార్మికులకు సంతో షం కలిగిస్తే.. వృద్ధులకు మాత్రం నిరాశే మిగిల్చింది. గతం ప్రభుత్వం పింఛన్‌ వయోపరిమితిని 60 ఏళ్ల నుంచి 57 ఏళ్లకు తగ్గిస్తూ నిర్ణయం తీసుకున్నప్పటికీ.. ప్రస్తుతం 57 ఏళ్లు నిండిన వారు దరఖాస్తు చేసుకునేందుకు ప్రభుత్వం అవకాశం కల్పించలేదు. దీంతో చాలామంది అర్హులైన వృద్ధులు తీవ్ర అసహనం వ్యక్తం చేస్తున్నారు. 57 ఏళ్లు దాటి 60లో పడినా పింఛన్‌ వచ్చే పరిస్థితి కనిపించడం లేదని పలువురు వృద్ధులు ఆందోళన చెందుతున్నారు.

జోగుళాంబ గద్వాలనీళ్లు నిల్‌.. ఉమ్మడి పాలమూరులో యాసంగిలో క్రాప్‌ హాలిడే ● అడుగంటిన జలాశయాలు.. ఆగిన సాగు ● ఖరీఫ్‌లో 8 లక్షల ఎకరాలకుగాను 6.50 లక్షల ఎకరాల్లోనే సాగు ● జూరాల చరిత్రలో తొలిసారిగా నవంబర్‌లోనే నీటి ఎద్దడి ● ఐదు ప్రధాన ప్రాజెక్టుల పరిధిలో రెండో పంటకు నీళ్లివ్వలేని దుస్థితి ● వచ్చే వర్షాకాలం వరకు తాగునీటి అవసరాలకే ప్రాజెక్టుల నీరు ● ఆరుతడి పంటలే సాగు చేయాలంటున్న అధికారులు హ్యాండ్‌బాల్‌ టోర్నీ ప్రారంభం మహబూబ్‌నగర్‌ హైస్కూల్‌లో శుక్రవారం ఎస్‌జీఎఫ్‌ బాల, బాలికల అండర్‌–17 రాష్ట్రస్థాయి హ్యాండ్‌బాల్‌ టోర్నీ ప్రారంభమైంది. శనివారం శ్రీ 14 శ్రీ నవంబర్‌ శ్రీ 2026–8లో uచిన్నారుల కోసం ప్రత్యేక ప్రజావాణి గద్వాల: బాలల వారోత్సవాల్లో భాగంగా సోమవారం చిన్నారుల కోసం ప్రత్యేకంగా ప్రజావాణి కార్యక్రమం నిర్వహించనున్నట్లు కలెక్టర్‌ రిజ్వాన్‌బాషాషేక్‌ శుక్రవారం ఒక ప్రక టనలో తెలిపారు. బాలల హక్కుల పరిరక్షణ, వారి సమస్యల పరిష్కారం, సంక్షేమం సంబంధించిన అంశాలపై ప్రత్యేక దృష్టిసారిస్తూ ఈ కార్యక్రమాన్ని నిర్వహిస్తున్నట్లు చెప్పారు. జిల్లాలోని 18 ఏళ్లలోపు పిల్లలు స్వయంగా కాని, వారి తల్లిదండ్రులు, ఉపాధ్యాయులు లేదా వారి సంక్షేమం కోసం పనిచేస్తున్న స్వచ్ఛంద సంస్థల ప్రతినిధుల సహాయంతో ప్రజావాణిలో తమ సమస్యలపై ఫిర్యాదు చేయవచ్చని సూచించారు. రికార్డుల నిర్వహణపై ప్రత్యేక దృష్టిపెట్టాలి మానవపాడు: ఆయుష్మాన్‌ భారత్‌కు సంబంధించిన పనులన్నీ త్వరగా పూర్తిచేయడంతోపాటు వ్యాక్సిన్‌ రికార్డుల నిర్వహణ పక్కాగా చూసుకోవాలని రాష్ట్ర జాయింట్‌ డైరెక్టర్‌ ఎంహెచ్‌ఎన్‌ సుధీర అన్నారు. శుక్రవారం స్థానిక ప్రాథమిక ఆరోగ్య కేంద్రాన్ని ఆకస్మికంగా సందర్శించి.. మాట్లాడారు. ఫార్మసీ రికార్డులను సరిగా నిర్వహించాలని, ల్యాబ్‌లో అన్ని రకాల పరీక్ష కిట్లు అందుబాటులో ఉంచాలని సూచించారు. ప్రజలకు వైద్యసేవలు అందించేందుకు అందరూ సమన్వయంతో పనిచేయాలని వైద్యసిబ్బందిని ఆదేశించారు. కార్యక్రమంలో ఏపీఓ కీర్తి, రాము, రాజేష్‌, ప్రోగాం ఆఫీసర్‌ రాధిక, రామాంజనేయులు, యాకుబ్‌బాషా, వైద్య సిబ్బంది తదితరులు పాల్గొన్నారు. పల్లీ @ రూ.10,131 గద్వాల వ్యవసాయం: జిల్లాకేంద్రంలోని వ్యవసాయ మార్కెట్‌ యార్డుకు శుక్రవారం 873 క్వింటాళ్ల వేరుశనగ అమ్మకానికి వచ్చింది. కాగా.. క్వింటాల్‌ గరిష్టంగా రూ.10,131, కనిష్టంగా రూ.5,090, సరాసరిగా రూ.8,899 ధర లు లభించాయి. అలాగే 37 క్వింటాళ్ల ఆముదాలు రాగా.. క్వింటాల్‌ గరిష్టంగా రూ.7,749, కనిష్టంగా రూ.7,569, సరాసరిగా రూ.7,639 పలికాయి. 734 క్వింటాళ్ల వరి (సోన) రాగా.. క్వింటాల్‌ గరిష్టంగా రూ.3,423, కనిష్టంగా రూ.2,829, సరాసరిగా రూ.3,369 చొప్పున వచ్చాయి. బాదేపల్లి యార్డుకు పోటెత్తిన ధాన్యం జడ్చర్ల: బాదేపల్లి వ్యవసాయ మా ర్కెట్‌ యార్డుకు శుక్రవారం ధా న్యం పోటెత్తింది. వివిధ ప్రాంతాల నుంచి 12 వేల బస్తాల ధాన్యం విక్రయానికి వచ్చింది. క్వింటా గరిష్టంగా రూ.3,959, కనిష్టంగా రూ.2,479 ధరలు లభించాయి. అదేవిధంగా 1854 బస్తాల మొక్కజొన్న రాగా గరిష్టంగా రూ.3,214, కనిష్టంగా రూ.2,869, వేరుశనగ రూ.8,013 ధరలు పలికాయి. ప్రియదర్శిని జూరాల జలాశయంలో ప్రస్తుత నీటిమట్టంగద్వాల: ఎల్‌నినో ప్రభావం.. వర్షాభావ పరిస్థితులు.. ఫలితంగా అడుగంటిన జలాశయాలు! ఉమ్మడి పాలమూరు జిల్లాలో సాగునీటి ప్రాజెక్టుల కింద ఈసారి ఖరీఫ్‌ సాగుకే నీటి కష్టాలు ఎదురుకాగా.. రబీ సీజన్‌లో రెండో పంటకు పూర్తిగా నీళ్లందించలేని పరిస్థితి నెలకొంది. సాధారణంగా ఖరీఫ్‌లో సుమారు 8 లక్షల ఎకరాల్లో పంటలు సాగవుతుండగా.. ఈసారి 6.50 లక్షల ఎకరాలకే పరిమితమైంది. సాగైన పంటలకూ సెప్టెంబర్‌, అక్టోబర్‌ నుంచే నీటి ఎద్దడి మొదలైంది. రైతులు రోడ్డెక్కి ఆందోళనలు చేయాల్సిన పరిస్థితి ఏర్పడింది. చివరకు వారబందీ విధానంలో నీటిని విడుదల చేసినా పూర్తిస్థాయిలో పంటలను కాపాడలేకపోయారు. ఇప్పుడు రబీ సీజన్‌లోనూ సాగుకు నీరిచ్చే పరిస్థితి లేకపోవడంతో అధికారులు క్రాప్‌ హాలిడే ప్రకటించే దిశగా రైతులకు అవగాహన కల్పిస్తున్నారు. జూరాల చరిత్రలోనే తొలిసారిగా నవంబర్‌లో నీటి నిల్వలు అడుగంటడం పరిస్థితి తీవ్రతకు అద్దం పడుతోంది. సంగంబండ రిజర్వాయర్‌సంగంబండ రిజర్వాయర్‌ పూర్తి నీటి నిల్వ సామర్థ్యం 3 టీఎంసీలు కాగా ప్రస్తుతం 1.50 టీఎంసీలే అందుబాటులో ఉంది. దీని కింద 65 వేల ఎకరాల ఆయకట్టుకు గాను ఖరీఫ్‌లో 50 వేల ఎకరాల్లో సాగు చేశారు. భూత్పూర్‌ జలాశయం సామర్థ్యం 1 టీఎంసీ కాగా ప్రస్తుతం 0.50 టీఎంసీల నీరు మాత్రమే ఉంది. ఈ ప్రాజెక్టు కింద 45 వేల ఎకరాల ఆయకట్టుకు గాను 30 వేల ఎకరాల్లో పంటలు సాగయ్యాయి. ఈ రెండు జలాశయాల పరిధిలోనూ ఖరీఫ్‌ పంటలకు వారబందీ విధానంలోనే నీటిని విడుదల చేయాల్సి వచ్చింది. ఉమ్మడి పాలమూరు జిల్లాకు వరప్రదాయినిగా ఉన్న ప్రియదర్శిని జూరాల ప్రాజెక్టులో ఈసారి అసాధారణ పరిస్థితి నెలకొంది. ప్రాజెక్టు కుడి, ఎడమ ప్రధాన కాలువల కింద 1.10 లక్షల ఎకరాల ఆయకట్టు ఉంది. సాధారణంగా ఖరీఫ్‌లో ఈ ఆయకట్టు పరిధిలో వరి సాగవుతుండగా నవంబర్‌, డిసెంబర్‌ మొదటి వారంలో పంట చేతికొచ్చేది. ఈసారి లక్ష ఎకరాలకు పైగా వరి సాగు చేసిన రైతులకు సెప్టెంబర్‌, అక్టోబర్‌లోనే నీటి కష్టాలు మొదలయ్యాయి. నీటి విడుదల కోసం రైతులు రోడ్డెక్కి ఆందోళనలు చేయడంతోపాటు స్వయంగా కాలువలకు నీటిని విడుదల చేసుకున్న ఘటనలూ చోటుచేసుకున్నాయి. ఈ క్రమంలో కేసులు సైతం నమోదయ్యాయి. ప్రభుత్వం కర్ణాటకతో చర్చలు జరిపినా ఆశించిన ఫలితం లేకపోయింది. చివరకు వారబందీ విధానంలో నవంబర్‌ 6 వరకు నీటిని విడుదల చేశారు. అయినప్పటికీ చివరి ఆయకట్టు పరిధిలోని సుమారు 5 వేల ఎకరాల పంటల పరిస్థితి ప్రశ్నార్థకంగా మారింది. చరిత్రలో ఎన్నడూ లేనివిధంగా నవంబర్‌లోనే జూరాలలో నీటి నిల్వలు అడుగంటడం ఆందోళన కలిగిస్తోంది. వర్షాభావ పరిస్థితులతో జూరాల, భీమా, కేఎల్‌ఐ, కోయిల్‌సాగర్‌, నెట్టెంపాడు ప్రాజెక్టుల పరిధిలోని జలాశయాల్లో అందుబాటులో ఉన్న నీటిని తాగునీటి అవసరాల కోసం కేటాయించాలని అధికారులు నిర్ణయించారు. సుమారు 9 టీఎంసీల నీటి నిల్వలను వచ్చే వర్షాకాలం వరకు తాగునీటి అవసరాల కోసం వినియోగించేలా ప్రణాళిక రూపొందించారు. కలెక్టర్ల నేతృత్వంలో అధికారులు క్షేత్రస్థాయిలో పర్యటిస్తూ రైతులకు పరిస్థితిని వివరిస్తున్నారు. రబీలో వరి వంటి అధిక నీటి అవసరమయ్యే పంటలు సాగు చేయకుండా.. బావులు, బోర్లలో నీటి లభ్యతను బట్టి ఆరుతడి పంటలకే పరిమితం కావాలని సూచిస్తున్నారు. సాగునీటి ప్రాజెక్టుల కింద రెండో పంటకు నీరందించలేని పరిస్థితి ఏర్పడటం రైతులను ఆందోళనకు గురిచేస్తోంది. నెట్టెంపాడు ప్రాజెక్టు పూర్తి ఆయకట్టు 2 లక్షల ఎకరాలు కాగా, అసంపూర్తి పనుల కారణంగా ప్రస్తుతం 1.58 లక్షల ఎకరాలకు మాత్రమే సాగునీరు అందుతోంది. గుడ్డెందొడ్డి జలాశయం సామర్థ్యం 1.32 టీఎంసీలు కాగా, ర్యాలంపాడు సామర్థ్యం 4 టీఎంసీలు. రిపేర్ల కారణంగా ర్యాలంపాడులో 2 టీఎంసీల నీటినే నిల్వ చేస్తున్నారు. ఈ ప్రాజెక్టు కింద సాధారణంగా ఖరీఫ్‌లో 1.58 లక్షల ఎకరాలకు సాగునీరు అందించి రబీలో క్రాప్‌ హాలిడే అమలు చేస్తున్నారు. ఈసారి ఖరీఫ్‌లోనే నీటి కొరత ఏర్పడటంతో వారబందీ విధానంలో నీటిని విడుదల చేశారు. ప్రస్తుతం ర్యాలంపాడులో 0.96 టీఎంసీలు, గుడ్డెందొడ్డిలో 0.36 టీఎంసీల నీరు మాత్రమే అందుబాటులో ఉంది. కోయిల్‌సాగర్‌ జలాశయం పూర్తి నీటి నిల్వ సామర్థ్యం 2.27 టీఎంసీలు కాగా ప్రస్తుతం 1.15 టీఎంసీలే అందుబాటులో ఉంది. దీని కింద 50,250 ఎకరాల ఆయకట్టు ఉండగా.. ఈ ఖరీఫ్‌లో కేవలం 12 వేల ఎకరాల్లోనే పంటలు సాగు చేశారు. నీటి లభ్యత తక్కువగా ఉండటంతో సాగైన పంటలకు సైతం వారబందీ పద్ధతిలో నీటిని విడుదల చేశారు.

కురుమూర్తిస్వామి బ్రహ్మోత్సవాల్లో భాగంగా శుక్రవారం రాత్రి స్వామివారు పద్మావతిదేవి సమేతంగా గజవాహనంపై ఊరేగారు. కురుమూర్తి కొండల్లో స్వామివారి సేవ అత్యంత వైభవంగా కొనసాగింది. మంగళ వాయిద్యాలు, అర్చకుల వేదమంత్రాల నడుమ పల్లకీలో ఆశీనులైన స్వామివారు ఒంటిపాదం మెట్టు వరకు విహరించారు. వివిధ ప్రాంతాల నుంచి తరలివచ్చిన భక్తులు శ్రీనివాసుడి గజవాహన సేవను తిలకించి.. తరించారు. కార్యక్రమం కొనసాగినంత వరకు కురుమూర్తిరాయుడు కొలువుదీరిన ఏడుకొండలు గోవింద నామస్మరణతో మార్మోగాయి. కార్యక్రమంలో ఆలయ ఈఓ మధనేశ్వర్‌రెడ్డి, కమిటీ సభ్యలు తదితరులు పాల్గొన్నారు. – చిన్నచింతకుంట

అమరచింత: ప్రియదర్శిని జూరాల ప్రాజెక్టుకు ఎగువ నుంచి 3,500 క్యూసెక్కుల నీరు వచ్చి చేరుతున్నట్లు ప్రాజెక్టు ఏఈ సుదర్శన్‌ తెలిపారు. ఎగువన ఉన్న నారాయణపూర్‌ డ్యాం నుంచి వరద ప్రవాహం పూర్తిగా నిలిచిపోయినప్పటికీ.. ఆయకట్టు పరిధిలోని పంట పొలాల నుంచి దిగువకు చేరుతున్న నీరు నదిలో కలుస్తుండటంతో జూరాలకు ప్రవాహం మొదలైందని వివరించారు. ప్రస్తుతం ప్రాజెక్టులో 2.221 టీఎంసీల నీరు మాత్రమే నిల్వ ఉందన్నారు. ప్రధాన కుడి, ఎడమ కాలువలతో పాటు ఎత్తిపోతల పథకాలకు నీటి విడుదలను నిలిపివేసినట్లు పేర్కొన్నారు. జూరాల ఆయకట్టు పరిధిలో ప్రస్తుతం 1.15 లక్షల ఎకరాల్లో వరి సాగులో ఉందని తెలిపారు.

గట్టు: వీబీజీ రాంజీ పథకంలో జలసిరి పనులకు ప్రాధాన్యత ఇవ్వాలని అదనపు కలెక్టర్‌ నర్సింగరావు అన్నారు. గురువారం మండలంలోని తుమ్మలచెరువు గ్రామ శివారులో కొనసాగుతున్న వీబీజీ రాంజీ పనులను ఆయన పరిశీలించి.. వివరాలు తెలుసుకున్నారు. అనంతరం ఆయన మాట్లాడుతూ ప్రతి గ్రామంలో 100 మందికి తక్కువ కాకుండా కూలీలకు పనులు కల్పించాలన్నారు. ఎల్‌నినో పరిస్థితుల నేపథ్యంలో జలసిరి పనుల్లో భాగంగా ప్రతి రైతు పొలంలో తప్పనిసరిగా నీటి కుంటలు, గ్రామంలో ప్రతి ఇంటి దగ్గర ఇంకుడు గుంతలను తప్పనిసరిగా తవ్వించాలని చెప్పారు. అలాగే చెరువులు, కుంటల్లో ఒండ్రుమట్టి తొలగింపు, ఫీడర్‌ చానల్‌, నీటి సంరక్షణ పనులు తప్పనిసరిగా చేపట్టాలన్నారు. వీబీజీ రాంజీ పథకాన్ని కూలీలు వినియోగించుకోవాలని సూచించారు. గ్రామాల్లో తాగునీటి ఇబ్బంది లేకుండా ముందస్తు చర్యలు చేపట్టాలని అధికారులను ఆదేశించారు. కార్యక్రమంలో సర్పంచు రాజు, ఏపీడీ శ్రీనివాస్‌, ఎంపీడీఓ మహ్మద్‌అబ్దుల్‌సయ్యద్‌ఖాన్‌, ఎంపీఓ సయ్యద్‌బాసిత్‌, ఏపీఓ స్వామి, కార్యదర్శి నాగరాజు తదితరులు పాల్గొన్నారు.

పత్తి ధర పెరిగినా అన్నదాతకు వచ్చిన లాభం పెద్దగా లేదనే చెప్పవచ్చు. బోర్లు, బావులు, వర్షాధారంగా సాగు చేసి.. ఎకరాకు రూ.30 వేల నుంచి రూ.45 వేల వరకు పెట్టుబడులు పెట్టారు. ఎల్‌నినో ప్రభావంతో అనేక అడ్డంకులు ఎదురవడంతో దిగుబడులు గణనీయంగా తగ్గాయి. ఎకరాకు 7 క్వింటాళ్లు వచ్చిన రైతు కూడా ఆర్థికంగా నష్టపోయాడు. ఆశించిన మేర దిగుబడులు వచ్చి మద్దతు ధరలు లభిస్తేనే రైతులకు ఆర్థికంగా ప్రయోజనం ఉంటుందని చెప్పవచ్చు. ●స్లాట్‌ బుకింగ్‌ కాలేదు.. జిల్లాలోని సీసీఐ కేంద్రాల్లో పత్తి విక్రయం కోసం ఇప్పటి వరకు రైతులు ఎవరూ స్లాట్‌ బుకింగ్‌ చేసుకోలేదు. పత్తికి బయటి మార్కెట్‌లోనే ఎక్కువ ధరలు లభిస్తున్నాయి. దీని వల్లే రైతులు సీసీఐ కొనుగోలు కేంద్రాల్లో విక్రయించడానికి ఆసక్తి చూపడం లేదు. – పుష్ప, జిల్లా మార్కెటింగ్‌ అధికారి రూ.9 వేలకు విక్రయించినా నష్టమే.. మూడు ఎకరాలు కౌలుకు తీసుకుని పత్తి సాగు చేశాను. బోరులో నీళ్లు ఉన్నప్పటికీ వాతావరణ పరిస్థితులు అనుకూలించక ఎకరాకు 7 క్వింటాళ్ల దిగుబడి మాత్రమే వచ్చింది. కింటా రూ.9 వేల చొప్పున మంచి ధరకు రాయచూర్‌లో అమ్మాను. కానీ, పెట్టిన పెట్టుబడులు, కౌలు డబ్బులు లెక్క వేస్తే నష్టమే మిగిలింది. – కుమార్‌నాయుడు, పత్తిరైతు, గద్వాల స్థానిక వ్యాపారులకు అమ్మాను.. ఆరు ఎకరాల్లో వర్షాధారంగా పత్తి పంట వేశాను. వర్షాలు లేకపోవడంతో పంటపై తీవ్ర ప్రభావం పడింది. ఎకరాకు రెండు క్వింటాళ్లలోపే దిగుబడి వచ్చింది. పురుగు మందులు, కూలీలకు బాగా ఖర్చు అయ్యింది. దిగుబడి తక్కువగా రావడంతో స్థానిక వ్యాపారులకే కింటా రూ.8,200 నుంచి రూ.8,600 వరకు పత్తిని అమ్మాను. – ఖలీమ్‌, పత్తిరైతు, మానవపాడు

కురుమూర్తి స్వామి బ్రహ్మోత్సవాలు వైభవంగా కొనసాగుతున్నాయి. ఉత్సవాల్లో భాగంగా గురువారం నిర్వహించిన శేషవాహన సేవ భక్తులను విశేషంగా ఆకట్టుకుంది. ఆదిశేషుడిపై కొలువుదీరిన శ్రీనివాసుడి దివ్యమంగళ రూపాన్ని దర్శించుకునేందుకు భక్తులు పెద్ద సంఖ్యలో తరలిరావడంతో కురుమూర్తి గిరులు ఆధ్యాత్మిక శోభను సంతరించుకున్నాయి. సంప్రదాయబద్ధంగా స్వామివారి ప్రధానాలయం నుంచి పల్లకీ సేవ ప్రారంభమైంది. దాసులు భక్తిశ్రద్ధలతో ఉత్సవమూర్తిని పల్లకిలో మోస్తూ ఒంటిపాదం వరకు ఊరేగింపుగా తీసుకెళ్లారు. మంగళవాయిద్యాలు, వేదమంత్రోచ్ఛారణల నడుమ సాగిన ఈ ఊరేగింపు తిరుమల తిరుపతి పురవీధుల్లో జరిగే వాహన సేవలను తలపించింది. మార్గమంతా భక్తులు కర్పూర హారతులు సమర్పిస్తూ ఏడుకొండలవాడా.. వెంకటరమణా.. గోవిందా.. గోవిందా అంటూ నామస్మరణ చేశారు. భక్తుల గోవింద నామస్మరణతో కురుమూర్తి గిరులు మార్మోగాయి. కార్యక్రమంలో చైర్మన్‌ బత్తుల బాలరాజు, సురేందర్‌రెడ్డి, వావిళ్ల శ్రీనివాస్‌రెడ్డి, ప్రదీప్‌కుమార్‌రెడ్డి, పాలక మండలి సభ్యులు పాల్గొన్నారు. – చిన్నచింతకుంట

గద్వాల క్రైం: ప్రభుత్వ ఆస్పత్రుల్లో కాంట్రాక్టు కార్మికులుగా పనిచేస్తున్న సిబ్బందికి రూ.26 వేతనం ఇవ్వాలని ఏఐటీయూసీ నాయకులు డిమాండ్‌ చేశారు. గురువారం జిల్లా ప్రభుత్వ ఆస్పత్రి ఎదుట తెలంగాణ మెడికల్‌ కాంట్రాక్టు వర్కర్స్‌ యూనియన్‌ కార్మికుల ఆధ్వర్యంలో ధర్నా చేపట్టారు. ఈ సందర్భంగా సంఘం జిల్లా అధ్యక్షుడు ఆంజనేయులు మాట్లాడుతూ ప్రభుత్వ ఆస్పత్రుల్లో 10 నుంచి 20 సంవత్సరాలుగా పనిచేస్తున్న కార్మికులకు వేతనాలు పెంచకపోవడం దారుణమన్నారు. కొత్తగా విధుల్లో చేరే కార్మికులకు రూ.16 వేల వేతనం నిర్ణయించిన నేపథ్యంలో.. సుదీర్ఘకాలంగా అనుభవంతో పనిచేస్తున్న కార్మికులకు రూ.26 వేల వేతనం చెల్లించాలన్నారు. నిబంధనల ప్రకారం ఇవ్వాల్సిన సెలవులు అమలు చేయాలని, ప్రతి కార్మికుడికి రెండు జతల యూనిఫాంలు ఇవ్వాలన్నారు. ఈఎస్‌ఐ, పీఎఫ్‌ సొమ్ము ఖాతాల్లో జమచేయడం లేదని, ప్రతినెలా 1న జీతం అందజేస్తామని ఇచ్చిన హామీని సైతం తుంగలో తొక్కారని విమర్శించారు. కార్మికులకు ప్రభుత్వం కనీస వేతనం, ఇతరత్రా అలవెన్స్‌లు తక్షణమే అమలు చేయాలని, లేనిపక్షంలో ప్రభుత్వ తీరును ప్రజల్లో ఎండగడతామని హెచ్చరించారు. కార్యక్రమంలో రంగన్న, వెంకటరామిరెడ్డి, ఆశన్న, కృష్ణ, ప్రవీణ్‌ తదితరులు పాల్గొన్నారు.

ఉండవెల్లి: గురుకుల పాఠశాలలోని విద్యార్థులకు నాణ్యమైన భోజనం అందించాలని డీపీఓ శ్రీకాంత్‌ అన్నారు. గురువారం స్థానిక మైనార్టీ గురుకుల పాఠశాలను తనిఖీ చేసిన ఆయన విద్యార్థుల భోజన వసతి, బియ్యం నాణ్యత లేకపోవడంతో ఆగ్రహం వ్యక్తం చేశారు. విద్యార్థినులతో కలిసి భోజనం చేశారు. బియ్యం నాణ్యత లేక భోజనం మామూలుగా ఉంటే విద్యార్థినులు ఎలా తింటారని ఆవేదన వ్యక్తం చేశారు. నాణ్యత లోపించిన బియ్యాన్ని వెనక్కి పంపించాలని సూచించారు. అనంతరం ఉండవెల్లి పంచాయతీ కార్యాలయంలో రికార్డులను పరిశీలించారు. ఈ సందర్భంగా ఎంపీడీఓ కార్యాలయంలో ఎంపీడీఓ తిరుపతన్న ఆధ్వర్యంలో డీపీఓ, పంచాయతీ కార్యదర్శులతో రివ్యూ మీటింగ్‌ నిర్వహించి జలసిరి కార్యక్రమంపై సూచనలు, సలహాలు ఇచ్చారు. ఈ క్రమంలోనే డీపీఓ, ఓ పంచాయతీ కార్యదర్శికి వెంచర్‌ విషయంలో వాగ్వాదం జరిగినట్లు తెలిసింది. కార్యక్రమంలో ఎంపీఓ ఖాజా, సర్పంచు నాగరాజు, పంచాయతీ కార్యదర్శులు తదితరులు పాల్గొన్నారు.

అలంపూర్‌: జాతీయ రహదారి పక్కనున్న రెస్టారెంట్లు, హోటళ్లలో బుధవారం ఫుడ్‌ సేఫ్టీ అధికారులు ఆకస్మిక దాడులు నిర్వహించారు. టీజీ సేఫ్‌ స్పెషల్‌ డ్రైవ్‌లో భాగంగా అసిస్టెంట్‌ ఫుడ్‌ కంట్రోలర్‌ విజయ్‌ కుమార్‌, డీఓలు నీలిమ, నాయక్‌, ఎఫ్‌ఎస్‌ఓ కరుణాకర్‌తో కూడిన బృందం అలంపూర్‌ చౌరస్తా సమీపంలోని పుల్లూరు టోల్‌ప్లాజా వద్ద ఉన్న లేపాక్షి, కంచి కేఫ్‌, తాజ్‌ హోటల్‌తో పాటు సమీపంలోని ఉన్న దొడ్ల పాల డెయిరీ కేంద్రాన్ని తనిఖీ చేశారు. నాణ్యతా ప్రమాణాలు పాటించని కంచి కేఫ్‌, లేపాక్షి రెస్టారెంట్ల యజమానులకు నోటీసులు జారీ చేసినట్లు ఎఫ్‌ఎస్‌ఓ తెలిపారు. నోటీసులు అందుకున్న రెస్టారెంట్లలో నాణ్యతా ప్రమాణాలను సరి చేసుకోవడానికి నిర్ణీత సమయం ఉంటుందని.. అప్పటికీ మార్పు లేకపోతే శాఖాపరమైన చర్యలు తీసుకుంటామని ఆయన తెలిపారు.

మహబూబ్‌నగర్‌ మున్సిపాలిటీ: ఉమ్మడి జిల్లాలోనే అతి పెద్దదైన మహబూబ్‌నగర్‌ ప్రధాన రైల్వేస్టేషన్‌ను స్వాతంత్య్రానికి ముందే నిజాం కాలంలో నిర్మించారు. ప్రస్తుత అవసరాలకు ఏమాత్రం సరిపోనందున ఈ స్టేషన్‌ను అమృత్‌ పథకం కింద సుమారు రూ.44 కోట్లతో ఆధునికీకరిస్తున్నారు. ఏడాది క్రితమే ఈ పనులు ఆరంభమైనప్పటికీ కొన్ని నెలలుగా ఎంతో నెమ్మదిగా కొనసా..గుతున్నాయి. మొదట్లో వచ్చే నెలాఖరు నాటికే ఈ పనులన్నీ పూర్తవుతాయని దక్షిణమధ్య రైల్వే ఉన్నతాధికారులు భావించారు. అయితే ఇప్పటివరకు కేవలం 45 శాతం మాత్రమే చేపట్టారు. కాగా, గత ఆగస్టు 31న జిల్లాకేంద్రానికి వచ్చి పరిశీలించిన కేంద్ర బొగ్గు, గనుల శాఖ మంత్రి కిషన్‌రెడ్డి వచ్చే ఏడాది మార్చి నాటికి ఎలాగైనా పూర్తవుతాయని ప్రకటించారు. అయితే వాస్తవానికి ఈ ఐదు నెలల్లో అయ్యే పరిస్థితులు కనిపించడం లేదు. పూర్తయింది ఫుట్‌ ఓవర్‌ బ్రిడ్జి ఒక్కటే.. ఆధునికీకరణలో భాగంగా రెండు నెలల క్రితం ఎలాగోలా పాదచారుల వంతెన (ఫుట్‌ ఓవర్‌ బ్రిడ్జి)ను అందుబాటులోకి తెచ్చారు. అప్పట్లో ఇక్కడ ఎడమ వైపు ఒకే పాదచారుల వంతెన ఎంతో ఇరుకుగా ఉండేది. దీనిపై నుంచే ప్రయాణికులు ఎన్నో ఇబ్బందులు పడుతూ రాకపోకలు సాగించారు. ప్రస్తుతం విశాలమైన కొత్తది నిర్మించడంతో పాత దానిని పూర్తిగా తొలగించారు. దీని నుంచే ప్రయాణికులు రెండు, మూడు, నాలుగో ప్లాట్‌ ఫారాలకు చేరుకుంటున్నారు. పక్కనే అధునాతన లిఫ్ట్‌ నిర్మిస్తుండటంతో పూర్తయ్యాక దీనికి అనుసంధానం చేయనున్నారు. సునాయసంగా పైకి, కిందికి వెళ్లడానికి ఎస్కలేటర్లు సైతం ఏర్పాటు చేయాల్సి ఉంది. ఇంకా ఈ పనులు మొదలు కాలేదు. పాత భవనం స్థానంలో అధునాతన టర్మినల్‌తో పాటు ప్రయాణికులు కూర్చునేందుకు కుడి, ఎడమ వైపున భారీ స్థాయిలో లాన్‌లను ఏర్పాటు చేస్తున్నారు. ఇదిలాఉండగా టికెట్‌ బుకింగ్‌ కౌంటర్‌, రిజర్వేషన్‌, విచారణ విభాగాలను ప్రవేశద్వారం వద్ద ఉన్న తాత్కాలిక భవనాల్లోనే నిర్వహిస్తున్నారు. ఇక పరిపాలన భవనాన్ని సమీపంలోని రైల్వే విశ్రాంతి భవనం (ఫంక్షన్‌ హాల్‌)లో కొనసాగిస్తున్నారు. అమృత్‌ పథకం కింద రూ.44 కోట్లతో పనులు ఏడాది గడిచినా 45 శాతమే పూర్తి మార్చి నాటికి పూర్తయ్యేనా? అందుబాటులోకి వచ్చిన ఫుట్‌ ఓవర్‌ బ్రిడ్జి ఒక్కటే ప్రయాణికులకు తప్పని ఇబ్బందులు

మహబూబ్‌నగర్‌లోని ప్రధాన రైల్వే స్టేషన్‌ ఆధునికీకరణ పనులను గడువులోగా పూర్తి చేసి అన్ని సౌకర్యాలతో అందుబాటులోకి తేవాలి. ప్రస్తుతం ఈ పనులు కొన్ని నెలలుగా జరుగుతున్నందున ప్రయాణికుల రాకపోకలకు పలు ఇబ్బందులు తలెత్తుతున్నాయి. ముఖ్యంగా మహిళలకు టాయిలెట్లు ఎక్కడ ఉన్నాయో తెలియని పరిస్థితి నెలకొంది. అంతా గజిబిజిగా ఉండటంతో ఎక్కాల్సిన రైలు కోసం సంబంధిత ప్లాట్‌ఫారం వరకు సకాలంలో వెళ్లడం ఎలా అని ప్రయాణికులు వాపోతున్నారు. – డి.గోపాల్‌ నారాయణ, డీఆర్‌యూసీసీ సభ్యుడు, హైదరాబాద్‌ డివిజన్‌, షాద్‌నగర్‌ ●

మల్దకల్‌: ప్రతి విద్యార్థి తమ హక్కులపై పూర్తి అవగాహన కలిగి ఉండి, సురక్షిత వాతావరణంలో చదువుకోవాలని జిల్లా న్యాయ సేవాధికార సంస్థ కార్యదర్శి, జూనియర్‌ సివిల్‌జడ్జి నిష్కాపాత్రుడు సూచించారు. జాతీయ న్యాయ సేవా దినోత్సవం సందర్భంగా బుధవారం జిల్లా న్యాయ సేవాధికార సంస్థ ఆధ్వర్యంలో మల్దకల్‌ రైతువేదికలో జెడ్పీహెచ్‌ఎస్‌, కేజీబీవీ విద్యార్థులకు చట్టాలపై అవగాహన కల్పించారు. ఈ సందర్భంగా న్యాయమూర్తి మాట్లాడుతూ.. బాలికలపై లైంగిక వేధింపులకు పాల్పడితే చట్టరీత్యా కఠిన చర్యలు ఉంటాయన్నారు. అలాంటి ఘటనలు ఎదురైతే ధైర్యంగా తల్లిదండ్రులు లేదా అధికారులకు తెలియజేయాలని విద్యార్థులకు సూచించారు. క్షేత్రస్థాయిలో బాల్యవివాహాలు, బాలకార్మిక వ్యవస్థను పూర్తిగా రూపుమాపేందుకు అందరూ కృషి చేయాలని తెలిపారు. సమాజంలో ప్రతి ఒక్కరికీ న్యాయం అందుబా టులో ఉండాలనే ఉద్దేశంతోనే జాతీయ న్యాయ సేవాధికార సంస్థ పనిచేస్తోందన్నారు. ఆర్థికంగా వెనుకబడిన వారు, దివ్యాంగులు, మహిళలు, పిల్ల లు, షెడ్యూల్డ్‌ కులాలకు చెందిన వారు ఉచితంగా న్యాయ సహాయం పొందవచ్చని తెలిపారు. న్యాయ సేవలకు సంబంధించిన సమాచారం పొందడానికి హెల్ప్‌లైన్‌ 15100 నంబర్‌ అందుబాటులో ఉంటుందన్నారు. అనంతరం పోక్సో చట్టంపై అవగాహన కల్పించారు. కార్యక్రమంలో సర్పంచ్‌ చిట్టెమ్మ, ఎంఈఓ సురేశ్‌, హెచ్‌ఎం రాజేశ్వర్‌రెడ్డి, కేజీబీవీ ఎస్‌ఓ విజయలక్ష్మి పాల్గొన్నారు.

గద్వాల: ప్రభుత్వం నిర్దేశించిన ధరలకే బియ్యం విక్రయించాలని అదనపు కలెక్టర్‌ మధుమోహన్‌ అన్నారు. బుధవారం ఐడీఓసీలోని అదనపు కలెక్టర్‌ చాంబర్‌లో బియ్యం వ్యాపారులు, రైస్‌మిల్లర్లతో నిర్వహించిన సమావేశంలో ఆయన మాట్లాడారు. బియ్యం అక్రమ నిల్వలు, బ్లాక్‌ మార్కెటింగ్‌ కృత్రిమ కొరత సృష్టించి.. దురుద్దేశంతో ధరలు పెంచే కార్యకలాపాలపై పటిష్ట నిఘా ఉంచనున్నట్లు తెలిపారు. బీపీటీ, కేఎన్‌ఎం రకం బియ్యాన్ని కిలో రూ.66 ఆర్‌ఎన్‌ఆర్‌, తెలంగాణ సోన రూ.74, హెచ్‌ఎంటీ, జేఎస్‌ రకం కిలో రూ. 79కు మాత్రమే విక్రయించాలని ఆదేశించారు. అధిక లాభాల కోసం వ్యాపారులు కుమ్మకై బియ్యం సరఫరా నిలిపివేయడం, ప్రభుత్వ బియ్యాన్ని అక్రమంగా దారి మళించడం, కృత్రిమ కొరత సృష్టించడం, తప్పుడు బిల్లులు లేదా రికార్డులతో అక్రమ వ్యాపారం నిర్వహించడం వంటి వాటికి పాల్పడితే చట్టపరమైన చర్యలు తప్పవని ఆయన హెచ్చరించారు. ● దేశ తొలి విద్యాశాఖ మంత్రి మౌలానా అబుల్‌ కలాం ఆజాద్‌ అందించిన సేవలు చిరస్మరణీయమని అదనపు కలెక్టర్లు మధుమోహన్‌, నర్సింగ్‌రావు అన్నారు. అబుల్‌ కలాం ఆజాద్‌ జయంతి సందర్భంగా ఐడీఓసీ కార్యాలయంలో ఆయన చిత్రపటానికి పూలమాలలు వేసి ఘనంగా నివాళులర్పించారు. విద్యారంగం అభివృద్ధికి ఆయన చేసిన విశేష కృషిని కొనియాడారు. కార్యక్రమంలో మైనార్టీ సంక్షేమశాఖ అధికారి సయ్యద్‌ అక్బర్‌ పాషా తదితరులు పాల్గొన్నారు.

● రూ.8కోట్ల విలువైన ధాన్యం మాయం గద్వాల: ప్రభుత్వం నుంచి తీసుకున్న ధాన్యాన్ని కొందరు రైస్‌మిల్లర్లు బ్లాక్‌ మార్కెట్‌కు తరలించి రూ.కోట్లు కొల్లగొడుతున్నారు. ఈ క్రమంలోనే బుధవారం సివిల్‌ సప్లయ్‌శాఖ అధికారులు చేపట్టిన దాడుల్లో రూ. 8కోట్ల విలువైన ధాన్యం బస్తాలు మాయమైనట్లు గుర్తించారు. డీసీఎస్‌ఓ స్వామికుమార్‌ వివరాల మేరకు.. అలంపూర్‌ చౌరస్తాలోని జోగుళాంబ రైస్‌ మిల్లుకు గత వానాకాలంలో 2125.480 మెట్రిక్‌ టన్నుల ధాన్యాన్ని కేటాయించారు. ఇందుకు సంబంధించి రైస్‌మిల్లర్‌ ప్రభుత్వానికి సీఎంఆర్‌ పెట్టాల్సి ఉంది. అయితే ప్రభుత్వం నుంచి తీసుకున్న ధాన్యంలో 80వేల బస్తాలను బ్లాక్‌ మార్కెట్‌కు తరలించి, రూ. 8కోట్లు సొమ్ము చేసుకున్నట్లు ఆయన తెలిపారు. ఈ మేరకు సమగ్ర నివేదిక తయారు చేసి, ఉన్నతాధికారులకు సమర్పించనున్నట్లు స్వామికుమార్‌ పేర్కొన్నారు. వారి ఆదేశాల మేరకు సంబంధిత రైస్‌మిల్లర్‌పై చట్టపరమైన చర్యలు తీసుకుంటామని ‘సాక్షి’కి తెలిపారు. ఇందిరమ్మ ఇళ్లు.. పేదలకు వరం గట్టు: గూడు లేని నిరుపేదలకు ప్రభుత్వం మంజూరు చేస్తున్న ఇందిరమ్మ ఇళ్లు ఓ వరమని గద్వాల ఎమ్మెల్యే బండ్ల కృష్ణమోహన్‌రెడ్డి అన్నారు. బుధవారం గట్టు మండలం చిన్నోనిపల్లెలో లబ్ధిదారులు నిర్మించుకున్న ఇందిరమ్మ ఇళ్ల గృహప్రవేశాలకు ఆయన హాజరై మాట్లాడారు. గద్వాల నియోజకవర్గంలో 3,500 ఇందిరమ్మ ఇళ్లు మంజూరు కాగా.. 2వేల నిర్మాణాలు వివిధ దశల్లో కొనసాగుతున్నట్లు తెలిపారు. లబ్ధిదారులు వేగవంతంగా నిర్మాణ పనులను పూర్తిచేసి, గృహప్రవేశాలు చేయాలని ఆయన కోరారు. అనంతరం లబ్ధిదారులకు నూతన వస్త్రాలు అందజేశారు. కార్యక్రమంలో సర్పంచ్‌ దేవేందర్‌, మాజీ ఎంపీపీ విజయకుమార్‌, నాయకులు మైలగడ్డ చంద్రశేఖర్‌, నర్సింహులు, ఉప్పరి శ్రీనివాసులు, రామచంద్రగౌడ్‌, జయరాంగౌడ్‌, తిమ్మప్ప, మధుసూదన్‌రెడ్డి, నారాయణరెడ్డి, తిమ్మారెడ్డి, అన్మిరెడ్డి, బసిరెడ్డి, బజారి, బోయ తిమ్మప్ప, నాగరాజు, ఇంజన్న తదితరులు పాల్గొన్నారు. వేరుశనగ క్వింటా రూ.10,042 గద్వాలవ్యవసాయం: జిల్లా కేంద్రంలోని వ్యవసాయ మార్కెట్‌యార్డుకు బుధవారం 518 క్వింటాళ్ల వేరుశనగ అమ్మకానికి వచ్చింది. క్వింటాకు గరిష్టంగా రూ. 10,042, కనిష్టంగా రూ. 4,359, ధర పలికింది. అలాగే 11 క్వింటాళ్ల ఆముదాలు రాగా.. గరిష్టంగా రూ. 7,739, కనిష్టంగా రూ. 7,719 ధరలు లభించాయి. 654 క్వింటాళ్ల వరి (సోన) రాగా.. గరిష్టంగా రూ. 3,359, కనిష్టంగా రూ. 2,769, సరాసరి రూ. 3,272 ధరలు పలికాయి.

అలంపూర్‌: ఆర్డీఎస్‌ చివరి ఆయకట్టుకు సాగునీరు అందించాలని ఉమ్మడి మహబూబ్‌నగర్‌ పపెండింగ్‌ ప్రాజెక్టుల సాధన సమితి జేఏసీ నియోజకవర్గ చైర్మన్‌ రామ్మోహన్‌ డిమాండ్‌ చేశారు. అలంపూర్‌ చౌరస్తాలోని విశ్వశాంతి డిగ్రీ కళాశాలలో బుధవారం ఎల్‌నినో, కరువు సాయం, పెండింగ్‌ ప్రాజెక్టులపై చర్చావేదిక ఏర్పాటు చేశారు. ఈ సందర్భంగా వారు మాట్లాడుతూ.. ఆర్డీఎస్‌ను ఆధునికీకరించి, చివరి ఆయకట్టు వరకు సాగునీరు అందేలా చర్యలు తీసుకోవాలన్నారు. అదే విధంగా తుమ్మిళ్ల ఎత్తిపోతల పథకం కాల్వలను విస్తరించి, అలంపూర్‌ వరకు సాగునీరు పారించడంతో పాటు మారమునగాల వద్ద ఎత్తిపోతల పథకం నిర్మించి.. అలంపూర్‌, ఉండవెల్లి మండలాల్లోని 27వేల ఎకరాలకు సాగునీరు అందించాలని కోరారు. ఆర్డీఎస్‌ డిస్ట్రిబ్యూటరీల వారీగా కమిటీలను ఏర్పాటుచేసి, ఈ నెల 25వ తేదీ వరకు పలు కార్యక్రమాలు నిర్వహించాలని ప్రతిపాదించినట్లు తెలిపారు. ఎల్‌నినో ప్రభావంతో నష్టపోయిన పంటలకు ఎకరానికి రూ. 50వేలు, కౌలు రైతులకు రూ. 70వేలు అందించాలని డిమాండ్‌ చేశారు. పంట సాగుకు తీసుకున్న వ్యవసాయ రుణాలను మాఫీ చేయాలన్నారు. కాగా, ఉండవెల్లి మండల సర్పంచుల సంఘం మాజీ అధ్యక్షుడు, సాధన సమితి జేఏసీ నాయకుడు సురవరం లోకేశ్వర్‌రెడ్డి మృతిపై రెండు నిమిషాలు మౌనం పాటించారు. సమావేశంలో జేఏసీ నాయకులు గోపాల్‌రెడ్డి, నగేశ్‌ ఆచారి, శేషన్‌ గౌడ్‌, ఈశ్వర్‌, సుంకన్న, రాఘవేంద్ర, సురేశ్‌ యాదవ్‌, రఘు, గొంగళ్ల ఈశ్వర్‌, బోస్‌ ఉన్నారు.

గద్వాల క్రైం: అనుమతులు లేని వాహనాలకు జరిమానా విధించడంతో పాటు సీజ్‌చేసే అధికారం రవాణాశాఖ అధికారులకు ఉంది. ఈ నేపథ్యంలో కొందరు అధికారులు వాహనాల తనిఖీల పేరుతో అక్రమ వసూళ్లకు తెర తీస్తున్నారు. ఇప్పటికే జిల్లా రవాణాశాఖ కార్యాలయంలో ప్రతి పనికి ఓ రేటు నిర్ణయించి దండుకుంటున్నారనే విమర్శలు వెల్లువెత్తుతున్నాయి. తాజాగా అయిజ మండలంలో వెలుగుచూసిన అక్రమ వసూళ్ల పర్వం సామాజిక మాధ్యమాల్లో వైరల్‌గా మారింది. ఇదీ జరిగింది.. అయిజ మండలం తుపత్రాల గ్రామానికి చెందిన ఇద్దరు రైతులు మిర్చి పంట సాగుచేశారు. వర్షా భావ పరిస్థితులతో పంట మొత్తం ఎండుముఖం పట్టింది. ఎలాగైనా పంటను కాపాడుకోవాలని సదరు రైతులు ప్రైవేటు ట్యాంకర్ల ద్వారా పెద్దవాగు నుంచి నీటిని తరలించి, పంట పొలంలో పారిస్తున్నారు. ఈ క్రమంలో అయిజ – బల్గెర మార్గంలో మంగళవారం వాహనాల తనిఖీలు చేపట్టిన మోటారు వెహికిల్‌ ఇన్‌స్పెక్టర్‌, హోంగార్డు వాటర్‌ ట్యాంకర్‌ను నిలిపివేశారు. వాహనానికి సంబంధించి ఎలాంటి అనుమతి పత్రాలు లేవని గుర్తించిన సదరు అధికారి.. అనుమతులు లేకుండా వాహనం నడిపితే భారీ మొత్తంలో జరిమానాతో పాటు సీజ్‌ చేసి, కేసులు నమోదు చేస్తామని రైతులను హెచ్చరించారు. దీంతో పంటను కాపాడుకునేందుకు ట్యాంకర్‌ ద్వారా నీటిని తరలిస్తున్నామని.. కేసులు, జరిమానా అంటే చెల్లించే స్థోమత లేదని వారు వేడుకున్నారు. చివరకు ట్యాంకర్‌ విడిచి పెట్టేందుకు ఇద్దరు రైతులు కలిసి రూ. 10వేలు ఇస్తే వదులుతామని తెలియజేయడంతో వారు నగదు అందజేశారు. ఈ తతంగాన్ని బాధిత రైతులు సామాజిక మాధ్యమాల్లో వైరల్‌ చేశారు. పంటను కాపాడేందుకు చేస్తున్న పొరాటంలో ఇలాంటి పరిస్థితి ఎదుర్కోవడం మనోవేదనకు గురిచేసిందని వాపోయారు. ఈ ఘటనపై స్పందించిన కలెక్టర్‌ రిజ్వాన్‌ బాషా షేక్‌.. పూర్తిస్థాయిలో విచారణ చేపట్టి నివేదిక సమర్పించాలని జిల్లా రవాణాశాఖ ఇన్‌చార్జి అధికారి రాధికను ఆదేశించారు. అధికారుల తీరుపై విమర్శల వెల్లువ.. ఎలాంటి అనుమతులు లేకుండా నడుపుతున్న వాహనాలతో పట్టుబడిన క్రమంలో అధికారులు వ్యవహరించే తీరుపై విమర్శలు వెల్లువెత్తుతున్నాయి. తాము చెప్పినట్లు మామూలు ఇస్తే సరే.. లేకుంటే భారీ మొత్తంలో జరిమానా రూపంలో విధిస్తారనే ఆరోపణలు ఉన్నాయి. జరిమానా కట్టినా ఆ వాహనం బయటకు రావాలంటే ఏజెంట్‌ ద్వారా వెళ్లాల్సిందే. మరోవైపు ఏజెంట్లు చెప్పినంత ఇవ్వకుంటే ఫైల్‌ అక్కడే ఉంటుంది. గతంలో ఓ బైక్‌ రిజిస్ట్రేషన్‌ విషయంలో అవకతవకలకు పాల్పడిన షోరూం నిర్వాహకుడితో పాటు ఆర్టీఏ ఏజెంట్‌, ముగ్గురు రవాణాశాఖ అధికారులపై కేసులు నమోదయ్యాయి. అలాగే నకిలీ ఇన్సురెన్స్‌ పత్రాలు సృష్టించి, రిజిస్ట్రేషన్‌ చేయించినట్లు వెలుగులోకి రావడంతో 16 మంది ఏజెంట్లపై క్రిమినల్‌ కేసులు నమోదు చేశారు. రూ.400 నుంచి రూ.2వేల వరకు.. జిల్లా రవాణాశాఖ కార్యాలయంలో ప్రతి ఫైల్‌కు రూ. 400 నుంచి రూ. 2వేల వరకు వసూలు చేస్తున్నారనే విమర్శలు ఉన్నాయి. ప్రభుత్వానికి పూర్తి ఫీజులు చెల్లించినప్పటికీ అధికారులు, సిబ్బంది చెయ్యి తడపాలనేది బహిరంగ రహస్యం. కార్యాలయ సమీపంలో దుకాణాలు ఏర్పాటుచేసుకున్న ఆర్టీఏ ఏజెంట్ల ద్వారా ఫైల్‌ వెళ్తే ఎలాంటి కొర్రీలు లేకుండా చకచకా అనుమతులు లభిస్తాయి. ఎవరైనా వాహనదారుడు నేరుగా వెళ్తే మాత్రం సవాలక్ష ప్రశ్నలు, కావాల్సిన పత్రాలు లేవనే సాకుతో కార్యాలయం చుట్టూ తిప్పించుకుంటారు. అయితే ఇటీవల ఓ ఏజెంట్‌ అక్రమ వసూళ్లపై బహిరంగంగా మాట్లాడిన వీడియో వైరల్‌ అయింది. కొన్ని రోజుల తర్వాత ఆ ఏజెంట్‌ కార్యాలయంలో విధులకు ఆటంకం కలిగించాడని రూరల్‌ పోలీసులకు ఫిర్యాదు చేయగా.. కేసు నమోదైన విషయం తెలిసిందే. జిల్లా రవాణాశాఖలో అక్రమ వసూళ్ల జోరు వాహనాల తనిఖీల పేరుతో దందా తాజాగా రైతుల నుంచి రూ.10వేలు వసూలు సామాజిక మాధ్యమాల్లోవైరల్‌గా మారిన వైనం విచారణకు ఆదేశించిన కలెక్టర్‌

కేటీదొడ్డి: మండలంలోని వెంకటాపురంలో శ్రీపాగుంట లక్ష్మీవేంకటేశ్వరస్వామి బ్రహ్మోత్సవాలు బుధవారం శాస్త్రోక్తంగా ముగిశాయి. చివరిరోజు ఉద్వాస ప్రదక్షిణం, చక్రస్నాన ఘట్టం భక్తుల సమక్షంలో వైభవంగా జరిగింది. ఉదయం స్వామి వారికి సుప్రభాత సేవ అనంతరం నిత్యహోమం, శ్రీహయగ్రీవ ఇష్టి, లఘు పూర్ణాహుతి కార్యక్రమాలు ఆగమశాస్త్రం ప్రకారం కొనసాగాయి. అనంతరం ఆలయ సమీపంలోని పుష్కరిణిలో వేద మంత్రోచ్చారణల నడుమ ఉత్సవ మూర్తులకు చక్రస్నానం, దేవతోద్వాసన, ప్రత్యేక అభిషేకాలు నిర్వహించారు. రాత్రి 7 గంటలకు ధ్వజావరోహణ కార్యక్రమంతో బ్రహ్మోత్సవాలకు ముగింపు పలికారు. కాగా, లక్ష్మీవేంకటేశ్వరస్వామి దర్శనానికి భక్తులు భారీగా తరలివచ్చారు. వివిధ ప్రాంతాల నుంచి వచ్చిన భక్తులతో ఆలయ ప్రాంగణంతో పాటు జాతర మైదానం కిక్కిరిసింది. జాతరకు వచ్చిన భక్తులకు ఎలాంటి అసౌకర్యం, అవాంఛనీయ ఘటనలు చోటు చేసుకోకుండా పోలీసులు భద్రతా చర్యలు చేపట్టారు.

గొర్రెలు 6,87,052రాజోళి: ఎల్‌నినో ప్రభావం మూగజీవాలకు తీవ్ర కష్టాలను తెచ్చి పెట్టే పరిస్థితులు కనిపిస్తున్నాయి. ఇప్పటికే పంటల సాగును ఆగం చేసిన తీవ్రమైన వర్షాభావ పరిస్థితులు.. గ్రాసం కొరతతో మూగజీవాలకు గుక్కెడు నీరు, ఆహారం దొరకనివ్వని రోజు లు స్పష్టంగా కనిపిస్తున్నాయని జిల్లాలోని పాడి రైతులు ఆందోళన వ్యక్తం చేస్తున్నారు. ఈ ఏడాది స రైన వర్షాలు లేకపోవడంతో సాగు పంటలపై ప్రభా వం చూపింది. దీంతో చాలా వరకు పంటలు ఎండిపోగా.. ఇప్పటికే వాటిని రైతులు పశువులకు గ్రా సంగా వదిలేశారు. దీంతో అక్కడక్కడ చేతికొచ్చిన పంటల గ్రాసాన్ని పశు పోషకులు అధిక ధరలు చె ల్లించి ముందస్తుగా కొనుగోలు చేసుకుంటున్నారు. ఆది నుంచి నిరాశే.. ఈ ఏడాది ఆది నుంచే వానలు ఆశాజనకంగా లేవు. వర్షాకాలంలో పంటలు వేసినప్పటికీ, సరైన వర్షాలు లేకపోవడంతో పాడి రంగానికి అవసరమయ్యే కంది, వరి పంటలు పూర్తిగా దెబ్బతిన్నాయి. కేవలం బోర్లు, నీటి వనరులు ఉన్న చోట మాత్రమే అరకొరగా సాగయ్యాయి. ప్రస్తుత సీజన్‌లో జిల్లాలోని తుంగభద్ర, కృష్ణానది పరివాహక ప్రాంతాల్లో వరి నాట్లు పెద్దఎత్తున వేసేవారు. నదుల్లో నీరుండంటతో పంటలు సమృద్ధిగా పండేవి. వరితోపాటు, మొక్కజొన్న, వేరుశనగ పంటలు కూడా అధిక మొత్తంలో సాగు చేయడం వల్ల పశు పోషణకు సరిపడా గ్రాసం లభించేంది. దీంతో పశువులకు అవసరమయ్యే గ్రాసం గతేడాది రూ.1,400 ధర ఉన్న తౌడు బస్తా.. ప్రస్తుతం రూ.1,800– 2 వేల దాకా పలుకుతుంది. అలాగే కంది నూక రూ.వెయ్యి ఉండగా.. ప్రస్తుతం రూ.1,450లకు పెరిగింది. గతేడాది రూ.11 వేలు ఉన్న ట్రాక్టర్‌ వరి గడ్డి ప్రస్తుతం రూ.18 వేలకు పెరిగింది. దీంతో పాడి రైతులు విలవిలలాడుతున్నారు. ఒక ట్రాక్టర్‌ వరి గడ్డి 14 గేదెలకు 2 నుంచి 3 నెలలు మాత్రమే వస్తుంది. దీనికితోడు అసలు గ్రాసమే అందుబాటులో లేకపోవడంతో జిల్లాలోని పశు పోషకులు కొత్తకోట, కొల్లాపూర్‌, పెబ్బేరు పరిసర ప్రాంతాల నుంచి వరి గడ్డిని తీసుకువస్తున్నారు. ● మరోవైపు జిల్లాలో ఉన్న నీటి తొట్టెలు సైతం చాలా వరకు శిథిలావస్థకు చేరి నీటి నిల్వ లేని పరిస్థితి నెలకొంది. ప్రస్తుతం వేలల్లో ఉండే జీవాలకు తాగునీరు ఎలా అందిస్తుందో అర్థం కావడం లేదని రైతులు పేర్కొంటున్నారు. నివారణ చర్యలు ఫలించేనా? రానున్న ఇబ్బందులను దృష్టిలో పెట్టకుని ప్రభుత్వం పాడి రైతుల కోసం ప్రత్యేక కార్యాచరణ రూపొందించింది. కానీ, అది ఎంత వరకు రైతులకు అక్కరకు వస్తుందనే అనుమానాలు వ్యక్తమవుతున్నాయి. వీబీజీ రాంజీ పథకంలో భాగంగా గ్రాసం పెంచేందుకు అవకాశం కల్పించింది. నీటి వనరులు ఉన్నచోట ఎకరాకు రూ.14 వేలు అందించనుంది. దీని ద్వారా ఫర్టిలైజర్‌, విత్తనాలు కొనుక్కొని గడ్డిని పెంచేలా ప్రోత్సహించేలా చర్యలు చేపట్టింది. దీనికోసం గ్రామాల వారీగా దరఖాస్తులు తీసుకుంటుంది. వీటితోపాటు పశువులకు షెడ్లు వేసుకునేందుకు రూ.80 వేలు ఇవ్వనుంది. వీటికి సంబంధించి జిల్లాలో ఇప్పటికే 157 దరఖాస్తులు వచ్చినట్లు అధికారులు చెబుతున్నారు. గ్రాసం కొరత తీవ్రమైతే మాత్రం క్యాంపులు ఏర్పాటు చేసేందుకు చర్యలు చేపట్టనుంది. ఇందులో భాగంగా నీటి వనరులు ఉన్నచోట గ్రాసం అందిస్తూ.. రెండు, మూడు గ్రామాల పశువులను ఒకే చోట క్యాంపుగా ఏర్పాటు చేసి, వారికి గ్రాసం కొరత రాకుండా కడపు నింపేలా ప్రణాళిక రూపొందిస్తున్నారు. కానీ, జిల్లాలో ఉన్న పశువుల సంఖ్యకు ఈ క్యాంపులు ఎంత వరకు కాపాడగలవని రైతులు అనుమానం వ్యక్తం చేస్తున్నారు. ఎల్‌నినో ప్రభావంతోతీవ్రమైన గ్రాసం కొరత అక్కడక్కడ లభిస్తున్న గ్రాసానికి భారీగా పెరిగిన ధరలు గ్రామాల్లో నీటి తొట్టెలకు కూడా దక్కని మోక్షం ఇటు గ్రాసం.. అటు నీటి ఎద్దడితో మనుగడే ప్రశ్నార్థకం ప్రత్యామ్నాయంగా క్యాంపుల ఏర్పాటుకు ప్రభుత్వం సన్నాహాలు గేదెలు 70,564 ఆవులు 60,125మేకలు 79,259

● మార్మోగిన గోవింద నామస్మరణ ● వైభవంగా కొనసాగుతున్న వేంకటేశ్వరస్వామి జాతర భక్తులతో కలిసి స్వామివారి రథాన్ని లాగుతున్న ఎమ్మెల్యే బండ్ల కృష్ణమోహన్‌రెడ్డి కేటీదొడ్డి: మండలంలోని వెంకటాపురంలో వెలసిన పాగుంట లక్ష్మీవేంకటేశ్వరస్వామి బ్రహ్మోత్సవాలు వైభవంగా కొనసాగుతున్నాయి. ఈ క్రమంలో మంగళవారం స్వామివారు హంస వాహన రథోత్సవం నిర్వహించారు. కార్యక్రమానికి ముఖ్య అతిథిగా ఎమ్మెల్యే బండ్ల కృష్ణమోహన్‌రెడ్డి హాజరై ప్రత్యేక పూజలు చేసి.. రథోత్సవాన్ని లాగారు. భక్తులు అధిక సంఖ్యలో తరలివచ్చి స్వామివారికి మొక్కులు చెల్లించుకున్నారు. రథాన్ని ఆలయం నుంచి ఆంజనేయస్వామి ఆలయం వరకు లాగారు. అలాగే స్వామివారిని మహబూబ్‌నగర్‌ ఎంపీ డీకే అరుణ, బీజేపీ నాయకురాలు డీకే స్నిగ్ధారెడ్డి స్వామివారిని దర్శించుకున్నారు. ఆలయ ఈఓ, అర్చకులు పూర్ణకుంభంతో ఘన స్వాగతం పలికారు. అలాగే రాష్ట్ర షీప్‌ అండ్‌ గోట్‌ చైర్‌పర్సన్‌ సరిత, తెలంగాణ రక్షణ సేన సమితి రాష్ట్ర నాయకుడు బుచ్చిబాబు స్వామివార్లను వేర్వేరుగా దర్శించుకొని మొక్కులు చెల్లించుకున్నారు. జాతరకు పటిష్ట భద్రత పాగుంట జాతరలో ఎలాంటి అవాంచనీయ ఘటనలు జరగకుండా పటిష్ట భద్రత చర్యలు చేపట్టాలని ఎస్పీ శ్రీనివాసరావు అన్నారు. మంగళవారం ఆయన స్వామివారిని దర్శించుకొని ప్రత్యేక పూజలు చేశారు. అనంతరం ఆయన మాట్లాడుతూ రథోత్సవానికి భక్తులు అధిక సంఖ్యలో వచ్చే అవకాశం ఉన్నందున ఎక్కడా కూడా ఎలాంటి పొరపాట్లు జరగకుండా కట్టుదిట్టమైన చర్యలు తీసుకోవాలని, పార్కింగ్‌ ప్రదేశాల వద్ద ట్రాఫిక్‌ జాం కాకుండా చూసుకోవాలని చెప్పారు. రాత్రి సమయంలో చోరీలు జరగకుండా నిఘా ఉంచాలని ఆదేశించారు. ఎస్పీ వెంట సీఐ శ్రీను, ఎస్‌ఐలు శ్రీనివాసులు, శ్రీకాంత్‌, శ్రీహరి, తారక తదితరులున్నారు.

గద్వాల న్యూటౌన్‌: మనిషికి ఎన్ని ఆస్తులున్నా.. చదువు లేకపోతే అవన్నీ వృథా అవుతాయని.. విద్యే నిజమైన సంపద అని మహబూబ్‌నగర్‌ ఎంపీ డీకే అరుణ అన్నారు. మంగళవారం స్థానిక డీకే బంగ్లాలో శ్రీరామ్‌ గ్రూప్‌ ఆధ్వర్యంలో నిర్వహించిన ‘చదువుకో తెలంగాణ’ కార్యక్రమంలో భాగంగా గతేడాది పదో తరగతి పరీక్ష ఫలితాల్లో ప్రతిభకనబర్చిన ప్రభుత్వ పాఠశాలల విద్యార్థులను సన్మానించారు. జిల్లా టాపర్‌గా నిలిచిన ఉత్తనూరు జెడ్పీహెచ్‌ఎస్‌ విద్యార్థిని పవిత్రను డీకే అరుణ, డీకే స్నిగ్ధారెడ్డి సన్మానించి.. శ్రీరామ్‌ గ్రూప్‌ సహకారంతో రూ.లక్ష చెక్కును అందించారు. మండల స్థాయిలో ప్రతిభ కనబర్చిన ప్రభుత్వ పాఠశాలల విద్యార్థులకు రూ.10 వేల చొప్పున చెక్కులు అందజేశారు. అనంతరం ఎంపీ మాట్లాడుతూ గ్రామీణ ప్రాంత విద్యార్థులను ప్రోత్సహించేందుకు శ్రీరామ్‌ గ్రూప్‌ సంస్థ చదువుకో తెలంగాణ అనే కార్యక్రమం చేపట్టడం అభినందనీయమన్నారు. కార్యక్రమంలో బీజేపీ జిల్లా అధ్యక్షుడు రామాంజనేయులు, నాయకులు వెంకట్రాములు, రవికుమార్‌ ఎక్బోటే, వెంకటేశ్వర్‌రెడ్డి, బాబుల్‌రెడ్డి, శ్రీరామ్‌ గ్రూప్‌ ప్రతినిధులు, విద్యార్థులు పాల్గొన్నారు. సామాజిక సేవా కార్యక్రమాలు చేపట్టాలి నడిగడ్డ రెడ్డి సేవాసమితి సామాజిక సేవా కార్యక్రమాలు చేపట్టాలని ఎంపీ డీకే అరుణ అన్నారు. ఇటీవల నూతనంగా ఎన్నికై న సమితి కార్యవర్గ సభ్యులు స్థానిక డీకే బంగ్లాలో డీకే అరుణ, డీకే స్నిగ్ధారెడ్డిలను మర్యాదపూర్వకంగా కలిశారు. నూతన కార్యవర్గసభ్యులకు ఎంపీ శుభాకాంక్షలు తెలిపి మాట్లాడారు. నడిగడ్డలోని పేద రెడ్ల అభివృద్ధికి తనవంతు సహకారం అందిస్తానని చెప్పారు. నడిగడ్డ రెడ్డిసేవా సమితి అధ్యక్షుడు సురేందర్‌రెడ్డి, ప్రధాన కార్యదర్శి పరమేశ్వర్‌రెడ్డి, ఉపాధ్యక్షులు మోహన్‌రెడ్డి, చంద్రశేఖర్‌రెడ్డి, కోశాధికారి అశోక్‌కుమార్‌రెడ్డి, అసోసియేట్‌ అధ్యక్షుడు శ్రీనివాసరెడ్డి తదితరులున్నారు.

శ్రీదేవి, భూదేవి సమేతంగా మయూర వాహనంపై కొలువుదీరిన శ్రీకురుమూర్తి స్వామివారు మంగళవాయిద్యాలు, భక్తుల గోవింద నామస్మరణల నడుమ కొండపై వైభవంగా ఊరేగారు. మంగళవారం రాత్రి స్వామివారి దివ్యమంగళ రూపాన్ని దర్శించుకునేందుకు భక్తులు పోటీపడ్డారు. అడుగడుగునా కర్పూర హారతులు సమర్పిస్తూ, పూలతో స్వాగతం పలుకుతూ భక్తులు తమ భక్తిప్రపత్తులను చాటుకున్నారు. గోవింద నామస్మరణతో కురుమూర్తి కొండలు మారుమోగగా, మయూర వాహనసేవ భక్తులను విశేషంగా ఆకట్టుకుంది. ప్రధాన ఆలయం నుంచి ఉద్దాల మండపం కమాను వరకు ఈ ఊరేగింపు కొనసాగింది. కార్యక్రమంలో ఆలయ ఈఓ మధనేశ్వరెడ్డి, ఆలయ కమిటీ చైర్మన్‌ బత్తుల బాల్‌రాజు, కమిటీ సభ్యులు పాల్గొన్నారు. – చిన్నచింతకుంట

నర్వ: మహిళలు ఆర్థిక స్వాలంబన సాధించేందుకు ప్రభుత్వం మరిన్ని స్వయం సహాయక సంఘాల ఏర్పాటుకు శ్రీకారం చుట్టింది. రాష్ట్ర పేదరిక నిర్మూలన సంస్థ (సెర్ప్‌) అధికారులు సుమారు ఏడాదిన్నరగా సంఘాల ఏర్పాటులో నిమగ్నమయ్యారు. ఇప్పటికే మహిళలు పొదుపు సంఘాల ద్వారా రుణాలు పొంది చిరు వ్యాపారాలు, స్వయం ఉపా ధి పనులు చేపడుతూ లబ్ధి పొందుతున్నారు. మిగిలిన అర్హులైన మహిళలను గుర్తించి వీరికి అవగాహన కల్పించి రుణాలు అందించాలనే లక్ష్యంతో కొత్త సంఘాల ఏర్పాటుకు అంకురార్పణ చేసింది. ఇవీ మార్గదర్శకాలు.. కొన్నిరోజులుగా జిల్లా గ్రామీణాభివృద్ధి సంస్థ (డీఆర్డీఏ), ఇందిరా క్రాంతి పథకం(ఐకేపీ) సంస్థల అధికారులు కొత్త మహిళా సంఘాల ఏర్పాటుకు అర్హులైన వారిని గుర్తించే పనులో నిమగ్నమయ్యారు. నిరు పేద, మధ్యతరగతి కుటుంబాలకు చెందిన 18 ఏళ్ల నుంచి 58 ఏళ్లలోపు మహిళలు సంఘాల్లో చేరే అవకాశం కల్పించారు. గతంలోని ఓటరు జాబితా ఆధారంగా మహిళలను గుర్తించి కొత్త సంఘాల్లో చేరే విధంగా అవగాహన కల్పించి ప్రోత్సహిస్తున్నారు. సంస్థ మార్గదర్శకాల ప్రకారం ఒక్కో గ్రూపులో 10 సభ్యులు తప్పనిసరిగా ఉండాలన్నదే నిబంధన. 18 ఏళ్లు నిండిన మహిళందరూ పొదుపు సంఘాల్లో సభ్యులుగా ఉండాలనే లక్ష్యంతో స్వయం సహాయక సంఘాలను ఏర్పాటు చేస్తోంది. ఇప్పటికే ఆయా జిల్లాల్లో ఐకేపీ అధికారులు క్షేత్రస్థాయిలో మహిళలను గుర్తించి సంఘాలు ఏర్పాటు చేశారు. బ్యాంకు ఖాతాలు ప్రారంభించి పొదుపు ప్రారంభించారు. అయితే వీరిని మరింత ప్రోత్సహించేందుకు ప్రత్యేక నిధులు (రివాల్వింగ్‌ఫండ్‌) అందించనుంది. ఈ మేరకు కొత్త సంఘాల వివరాలు పంపాలని సెర్ప్‌ ఆదేశాలు జారీ చేసింది. ఇది పూర్తయితే నెలఖరులోగా ఆయా సంఘాల ఖాతాల్లో నిధులు జమకానున్నాయి. ఉమ్మడి జిల్లాలో ఇలా.. ఉమ్మడి జిల్లావ్యాప్తంగా 2,076 గ్రామైఖ్య సంఘాలు, 50,637 పొదుపు సంఘాలు ఉన్నాయి. సుమారు ఏడాదిన్నరగా ఏపీఎం, సీసీలు, వీఓఏలు ఇప్పటి వరకు 3,420 కొత్త సంఘాలను ఏర్పాటు చేశారు. అత్యధికంగా జోగుళాంబ గద్వాల జిల్లాలో 947.. అత్యల్పంగా నారాయణపేట జిల్లాలో 499 సంఘాలున్నాయి. ఒక్కో సంఘానికి రూ.15 వేల చొప్పున రూ.5.13 కోట్లను ప్రభుత్వం ప్రత్యేక నిధిని ప్రోత్సాహకంగా జమ చేయనుంది. ఇందుకుగాను ఆయా సంఘాల వివరాలను సేకరించి ఆన్‌లైన్‌లో నమోదు చేస్తున్నారు. వివరాల సేకరణ పూర్తయితే నేరుగా సంఘాల ఖాతాల్లో డబ్బులు జమకానున్నాయి. నిబంధనలు ఇవి.. 18 ఏళ్లు నిండి వివాహాం అయిన వారు మాత్రమే అర్హులు. ప్రభుత్వ ఉద్యోగులు, ఉద్యోగుల భార్యలకు అవకాశం లేదు. దారిద్య్రరేఖకు దిగువన ఉన్న మహిళలకే ప్రథమ ప్రాధాన్యం. వివరాలు సేకరిస్తున్నాం.. కొత్తగా ఏర్పాటైన స్వయం సహాయక సంఘాల వివరాలు సేకరిస్తున్నాం. సంఘాల ఆధార్‌, బ్యాంకు ఖాతాల వివరాలను ఆన్‌లైన్‌లో నమోదు చేస్తున్నాం. ప్రభుత్వ ఆదేశాల మేరకు సంఘాల వివరాలన్నీ సేకరించి పంపిస్తాం. వివరాల క్రోడీకరణ అనంతరం ప్రభుత్వం నుంచి నేరుగా సంఘాల బ్యాంకు ఖాతాలో రివాల్వింగ్‌ ఫండ్‌ జమయ్యే అవకాశం ఉంది. – గోవిందు, డీపీఎం, నారాయణపేట ఉమ్మడి జిల్లాలో 3,420 కొత్త సంఘాల ఏర్పాటు మహిళల ఆర్థిక సంఘటితమే లక్ష్యంగా ముందుకు.. ఒక్కో సంఘానికి రూ.15 వేల రివాల్వింగ్‌ ఫండ్‌ వివరాల సేకరణలో అధికారులు

ఎల్‌నినో కారణంగా నెలకొన్న కరువు నేపథ్యంలో పాడి రైతులకు అన్ని విధాలుగా అండగా నిలుస్తాం. ప్రభుత్వం నిర్దేశించిన ప్రకారం తీవ్ర ప్రభావం ఉన్న చోట కరువు నివారణ చర్యలు చేపట్టేందుకు సిద్ధంగా ఉన్నాం. ప్రధానంగా గ్రాసం వృథా కాకుండా ఎలా పొదుపుగా వాడుకోవాలనే దానిపై రైతులకు అవగాహన కల్పిస్తున్నాం. – వెంకటనారాయణ, జిల్లా పశు సంవర్ధక శాఖాధికారి 14 గేదెలు ఉన్నాయి.. మాకు 14 గేదెలు ఉన్నాయి. జిల్లాలో గడ్డి దొరకడం లేదు. కంది నూక, తౌడు, దాన, గ్రాసం ధరలు భారీగా పెరిగాయి. ఎలాగోలా ఇతర ప్రాంతాల నుంచి గడ్డి కొని తెచ్చినా 2, 3 నెలల్లోనే అయిపోతోంది. దీనిని ఎండాకాలం మొత్తం ఎలా నెట్టుకురావాలో తెలుస్తలేదు. ప్రభుత్వమే ప్రత్యామ్నాయ చర్యలు చేపట్టి పాడి సంపదను కాపాడాలి. – రామకృష్ణారెడ్డి, పాడిరైతు, శాంతినగర్‌ ●

మహబూబ్‌నగర్‌ రూరల్‌: కార్తీక మాసం ప్రారంభం సందర్భంగా మన్యంకొండ శ్రీ లక్ష్మీ వేంకటేశ్వరస్వామి దేవస్థానంలో కార్తీక దీపోత్సవం ప్రారంభమైంది. ఆలయ సంప్రదాయ ప్రకారం ప్రతి ఏటా కార్తీక మాసంలో నిర్వహించే దీపారాధనలో భాగంగా మంగళవారం అర్చకులు రాజగోపురం ఎదుట ప్రత్యేకంగా కార్తీక దీపాన్ని వెలిగించారు. ఈ దీపం నెల రోజుల పాటు నిరంతరంగా వెలుగనుంది. కార్తీక మాసం సందర్భంగా స్వామివారి దర్శనానికి వచ్చే భక్తులకు ఆధ్యాత్మిక వాతావరణం కల్పించేలా ఆలయంలో ప్రత్యేక ఏర్పాట్లు చేస్తున్నట్లు ఆలయ చైర్మన్‌ అళహరి మధుసూదన్‌కుమార్‌, ఈఓ శ్రీనివాసరాజు తెలిపారు.

గ్రామీణ విద్యార్థులకు శాసీ్త్రయ దృక్పథం, పరిశోధన ఆలోచనలను పెంపొందించాలి ● బిర్లా సైన్స్‌ సెంటర్‌ ఆధ్వర్యంలో విద్యార్థుల కోసం ప్రత్యేక శిక్షణ ● కోస్గిలో సైన్స్‌ మ్యూజియం ప్రారంభోత్సవంలో సీఎం రేవంత్‌రెడ్డి ● 106 ఇంటారాక్టివ్‌ సైన్స్‌ ప్రదర్శనలతో విజ్ఞానం పెంపు కోస్గి: గ్రామీణ ప్రాంత విద్యార్థులకు ఆధునిక విజ్ఞాన శాస్త్రాన్ని చేరువ చేయడంతో పాటు వారిలో శాసీ్త్రయ దృక్పథం, పరిశోధనాత్మక ఆలోచనా విధానాన్ని పెంపొందించడమే లక్ష్యం అని ముఖ్యమంత్రి ఎనుముల రేవంత్‌రెడ్డి అన్నారు. ఈ మేరకు నారాయణపేట జిల్లా కోస్గిలో రూ.6.6 కోట్లతో 106 ఇంటారాక్టివ్‌ సైన్స్‌ ప్రదర్శనలను నిర్మించిన సర్‌ సీవీ రామన్‌ సైన్స్‌ మ్యూజియంను ఆదివారం సీఎం ప్రారంభించారు. అంతకు ముందు నారాయణపేట కలెక్టర్‌ ప్రియాంక సీఎంకు పుష్పగుచ్ఛం అందించి స్వాగతం పలికారు. సైన్స్‌ మ్యూజియంలో సీవీ రామన్‌ విగ్రహానికి వారు నివాళులర్పించారు. ఫిజిక్స్‌ అండ్‌ ఫన్‌ సైన్స్‌ గ్యాలరీ, బయాలజీ అండ్‌ లైఫ్‌ సైన్స్‌ గ్యాలరీ, మేథమెటిక్స్‌ గ్యాలరీ, ఖగోళశాస్త్రం గ్యాలరీ, ప్రముఖ శాస్త్రవేత్తల విగ్రహాలు, డిజిటల్‌ టచ్‌ స్క్రీన్‌ తదితర వాటిని సందర్శించారు. విజ్ఞానశాస్త్ర పరికరాలు, వాటి నమునాలు, ఇంటారాక్టివ్‌ ప్రదర్శనలు, వాటి పనితీరు, ప్రత్యేకతలు, విద్యార్థులకు కలిగే ప్రయోజనాలను జిల్లా సైన్స్‌ అధికారి, కోస్గి బాలుర ఉన్నత పాఠశాల విద్యార్థులు సీఎంకు వివరించారు. విద్యార్థులు పాఠ్య పుస్తకాల్లోని శాసీ్త్రయ సిద్ధాంతాలను ప్రత్యక్షంగా పరిశీలించి.. ప్రయోగాల ద్వారా అర్థం చేసుకొనే అరుదైన అవకాశాన్ని మ్యూజియం కల్పిస్తుందన్నారు. విద్యార్థుల్లో పరిశీలనాశక్తి, ప్రశ్నించేతత్వం, విమర్శనాత్మక ఆలోచనను పెంపొందించడంతోపాటు పరిశోధనలు, నూతన ఆవిష్కరణల పట్ల ఆసక్తి కలుగుతోందన్నారు. గ్రామీణ ప్రాంత విద్యార్థులకు నాణ్యమైన విజ్ఞాన వనరులను చేరువ చేయడం ద్వారా భావి శాస్త్రవేత్తలు, సాంకేతిక నిపుణులుగా ఎదిగేందుకు కోస్గిలోని మ్యూజియం ప్రేరణగా నిలుస్తుందని అభిప్రాయపడ్డారు. బీఎం బిర్లా సైన్స్‌ సెంటర్‌ ఆధ్వర్యంలో రూ.6.6 కోట్ల వ్యయంతో సైన్స్‌ మ్యూజియాన్ని రూపొందించగా.. ఇందులో హండ్‌– ఆన్‌ శాసీ్త్రయ పరికరాలు, ప్రత్యేక విజ్ఞాన ప్రదర్శనల ఏర్పాటుకు రూ.2.5 కోట్లు కేటాయించారు. కార్యక్రమంలో ఎకై ్సజ్‌, పర్యాటక శాఖ మంత్రి జూపల్లి కృష్ణారావు, పరిగి ఎమ్మెల్యే రామ్మోహన్‌రెడ్డి, డైరెక్టర్‌ ఆఫ్‌ స్కూల్‌ ఎడ్యుకేషన్‌ కమిషనర్‌ నవీన్‌ నికోలస్‌, ఆర్జేడీ సోమిరెడ్డి, అదనపు కలెక్టర్‌ శ్రీను, ఎస్పీ డాక్టర్‌ వినీత్‌, కడా ప్రత్యేకాధికారి వెంకట్‌రెడ్డి, బిర్లా సైన్స్‌ సెంటర్‌ డైరెక్టర్‌ మృత్యుంరెడ్డి, ప్రాజెక్టు ఆఫీసర్‌ సుబ్రమణ్యం, డీఈఓ గోవిందరాజులు, గ్రంథాలయ సంస్థ చైర్మన్‌ విజయ్‌కుమార్‌, మండలాధ్యక్షుడు రఘువర్ధన్‌రెడ్డి, మున్సిపల్‌ చైర్మన్‌ నరేందర్‌, కమిషనర్‌ నాగరాజు తదితరులు పాల్గొన్నారు. ముఖ్యమంత్రి ఎనుముల రేవంత్‌రెడ్డి కోస్గి పర్యటన నేపథ్యంలో భద్రత, బందోబస్తు ఏర్పాట్లను జోగుళాంబ జోన్‌–7 ఇన్‌చార్జి డీఐజీ చందనాదీప్తి, నారాయణపేట ఎస్పీ డాక్టర్‌ వినీత్‌ పర్యవేక్షించారు. అధికారులకు భద్రతాపరంగా పలు సూచనలు చేశారు. అధికారులు సమన్వయంతో నిర్వహించిన బందోబస్తు ఫలితంగా కోస్గిలో ముఖ్యమంత్రి పర్యటన ప్రశాంతంగా ముగిసిందని తెలిపారు. ప్రజలకు ఎలాంటి ఇబ్బందులు కలగకుండా పర్యటనను విజయవంతంగా నిర్వహించడంలో కృషిచేసిన పోలీసు అధికారులు, సిబ్బందిని అభినందించారు. కార్యక్రమంలో వికారాబాద్‌ జిల్లా ఎస్పీ స్నేహ మెహ్రా, ఏఎస్పీ రియాజ్‌ హుల్‌హక్‌, డీఎస్పీలు మహేష్‌, లింగయ్య, సీఐలు సైదులు, భగవంతురెడ్డి, రాంలాల్‌ తదితరులు పాల్గొన్నారు.

మా 37వ వార్డులో రోజుల తరబడి డ్రెయినేజీలు శుభ్రం చేయకపోవడంతో మురుగునీరు రోడ్లపై పారుతోంది. దీంతో దోమలు, పందులు అందులో చేరి స్వైరవిహారం చేస్తున్నాయి. తీవ్రమైన దుర్వాసనతో చుట్టుపక్కల వారు ఇబ్బందులు పడుతున్నాయి. దీని గురించి పట్టించుకునే నాథుడే లేకుండాపోయారు. ఇప్పటికై నా అధికారులు స్పందించి పారిశుద్ధ్య చర్యలు చేపట్టాలి. – నవీన్‌, గద్వాల ముక్కు మూసుకోవాలి.. అయిజ పట్టణంలోని పశువుల దవాఖానా వద్ద ఉన్న పెద్దవాగులో మురుగు పొంగిపొర్లుతుంది. దుర్వాసన వస్తుండడంతో అటువైపు వెళ్లాలంటే ముక్కు మూసుకుని వెళ్లాలి. చాలా రోజుల నుంచి పారిశుద్ధ్య చర్యలు చేపట్టకపోవడంతో ఈ పరిస్థితి నెలకొంది. అధికారులు స్పందించి పారిశుద్ధ్య చర్యలు చేపట్టడంతోపాటు ఇతరత్రా సమస్యలను పరిష్కరించాలి. – నజీర్‌, అయిజ రోడ్లపై మురుగు.. కొత్తగా ఏర్పడిన వడ్డేపల్లి మున్సిపాలిటీలో సరైన డ్రెయినేజీ వ్యవస్థ లేకపో వడంతో మురుగు నీరు మొత్తం రోడ్లపైనే పారుతుంది. దీనికి తోడు అంతర్గత రహదారులు నిర్మించకపోవడంతో తీవ్ర ఇబ్బందులు పడాల్సి వస్తుంది. దీనిపై అధికారులకు విన్నవించినా పట్టించుకోవడం లేదు. మురుగు వల్ల చిన్నారులు, వృద్ధులు రోగాల బారిన పడుతున్నారు. – కల్యాణ్‌, వడ్డేపల్లి చర్యలు తీసుకుంటాం.. మున్సిపాలిటీల్లో రోజువారిగా పారిశుద్ధ్య పనులు చేయాలి. నెలల తరబడి డ్రెయినేజీలు క్లీన్‌ చేయకుండా ఉండటం సరైంది కాదు. దీనిపై సంబంధిత అధికారులతో మాట్లాడి.. క్రమం తప్పకుండా పారిశుద్ధ్యం పనులు, కనీస సదుపాయాలు కల్పించేలా చూస్తాం. అలాగే గద్వాల కమిషనర్‌ తీరు మార్చుకోవాలని చాలాసార్లు చెప్పాం. జిల్లాకేంద్రంలో అన్ని సమస్యలు పరిష్కరించేలా కృషిచేస్తాం. – నర్సింగరావు, అదనపు కలెక్టర్‌

గద్వాల: జిల్లాలోని మున్సిపాలిటీల్లో పౌరులకు కల్పించాల్సిన కనీస సౌకర్యాలు, పారిశుద్ధ్యం, అంతర్గత రహదారులు, వీధిలైట్లు నిర్వహణ పూర్తిగా అస్తవ్యస్తంగా మారింది. డ్రెయినేజీల్లో పూడికతీత చేపట్టకపోవడంతో ఎక్కడికక్కడ మురుగునీరు రోడ్లపై పారుతోంది. అదేవిధంగా శివారు కాలనీల్లో అంతర్గత రహదారులు లేకపోవడంతో ప్రజలను ఇబ్బందులకు గురిచేస్తుంది. ఈ పరిస్థితి జిల్లాలోని నాలుగు మున్సిపాలిటీల్లోనూ నెలకొనగా.. జిల్లాకేంద్రమైన గద్వాలలో పరిస్థితి మరింత దుర్భరంగా తయారైంది. ఇక్కడ ఉన్న కమిషనర్‌ ఒక్కరోజు కూడా ఉదయం వేళలో పారిశుద్ధ్య నిర్వహణను పరిశీలించిన పాపాన పోలేదు. కేవలం అధికార పార్టీ నాయకుల చుట్టూ ప్రదక్షిణలు చేయడానికే పరిమితమయ్యారన్న విమర్శలు వ్యక్తమవుతున్నాయి. ఎక్కడెక్కడ.. ఎలా గద్వాల మున్సిపాలిటీలో జనాభా సుమారు 60 వేలు కాగా.. 37 వార్డులు ఉన్నాయి. ఇక్కడి చాలా వార్డుల్లో నెలల తరబడి డ్రెయినేజీల్లో పేరుకుపోయిన పూడికను తీయడం లేదు. ఇటీవల జరిగిన మున్సిపల్‌ సమావేశంలో డ్రెయినేజీలు క్లీన్‌ చేయడం లేదని ఆవేదన వ్యక్తం చేస్తూ కౌన్సిలర్లు మున్సిపల్‌ పాలకవర్గాన్ని, కమిషనర్‌ను నిలదీశారు. గతంలో ఎప్పుడూ కూడా ఇంతటి దుర్భర పరిస్థితి చూడలేదని వాపోయారు. ఇదిలా ఉంటే జిల్లాకేంద్రమైన గద్వాల మున్సిపాలిటీలో కలెక్టర్‌ మొదలుకొని ఎస్పీ, అదనపు కలెక్టర్లు, ఎమ్మెల్యే, మున్సిపల్‌ చైర్‌పర్సన్‌ వరకు ఇక్కడే నివాసం ఉంటారు. అయితే వీరికి రోడ్లపై దుమ్ము, దూళి, డ్రెయినేజీల్లో పేరుకుపోయిన మురుగు ఏవీ కనిపించవు. కేవలం రోజువారి కార్యక్రమాలకు హాజరు కావడం, ఫొటోలు దిగడంతో తమ పని పూర్తయిందనే పరిస్థితిలో ఉన్నారనే విమర్శలు వెల్లువెత్తుతున్నాయి. ఇక ఇక్కడి మున్సిపల్‌ కమిషనర్‌ జానకిరాం వ్యవహార శైలి నా రూటే సెపరేటు అన్న తరహాలో సాగుతోంది. కేవలం అధికార పార్టీ నాయకులకు అందుబాటులో ఉంటూ.. సామాన్య ప్రజలు, ప్రతిపక్ష పార్టీల నాయకులు, కౌన్సిలర్లకు కనీసం కనిపించరనే ఆరోపణలు ఉన్నాయి. ఈ క్రమంలోనే ఇటీవల జరిగిన మున్సిపల్‌ సమావేశంలో కమిషనర్‌ తీరుపై బీఆర్‌ఎస్‌ కౌన్సిలర్లు నేలపై కూర్చుని నిరసన వ్యక్తం చేశారు. ● అయిజలో సుమారు 28వేల జనాభా ఉండగా మొత్తం 20వార్డులున్నాయి. ఇక్కడ పట్టణ ప్రజలను కూడా డ్రెయినేజీ, అంతర్గత రోడ్ల సమస్యలు తీవ్రంగా వేధిస్తున్నాయి. ప్రధానంగా బస్టాండ్‌, పశువుల ఆస్పత్రి తదితర ప్రాంతాల్లో ఉన్న అధ్వానపు డ్రెయినేజీ వ్యవస్థతతో ప్రజలు ఇబ్బందులు పడుతున్నారు. పాలకవర్గం నిర్లక్ష్యంగా వ్యవహరిస్తూ అంతర్గత కుమ్ములాటలతోనే పాలన సాగిస్తుందనే విమర్శలున్నాయి. ● అలంపూర్‌లో మొత్తం జనాభా సుమారు 12 వేలు ఉండగా ఇక్కడ 10 వార్డులున్నాయి. ఇక్కడ కూడా సరైన డ్రెయినేజీ వ్యవస్థ లేకపోవడం, అంతర్గత రోడ్లు లేకపోవడంతో ప్రజలు తీవ్ర ఇబ్బందులు పడుతున్నారు. పాలకులు సైతం నిర్లక్ష్యంగా వ్యవహరిస్తూ వస్తున్నారు. ● కొత్తగా ఏర్పడిన వడ్డేపల్లి మున్సిపాలిటీలో జనాభా సుమారు 13 వేలు ఉండగా మొత్తం 10 వార్డులున్నాయి. ఇక్కడ కూడ కనీస మౌళిక సదుపాయాలు లేక ప్రజలు తీవ్ర ఇబ్బందులు పడుతున్నారు. ప్రధానంగా డ్రెయినేజీ వ్యవస్థ తీవ్ర ఇబ్బందులకు గురిచేస్తోంది. జిల్లాలోని నాలుగు మున్సిపాలిటీల్లో లోపించిన పారిశుద్ధ్యం అస్తవ్యవస్తంగా పనులు.. రోడ్లపైనే పారుతున్న మురుగు అంతర్గత రోడ్లు.. వసతులకు నోచుకోని శివారు కాలనీలు జిల్లాకేంద్రంలో మరింత అధ్వాన పరిస్థితులు నాయకుల చుట్టూ ప్రదక్షిణలకే పరిమితమైన కమిషనర్‌

● స్వామివారికి పట్టువస్త్రాలు సమర్పించిన ఎమ్మెల్యే బండ్ల కృష్ణమోహన్‌రెడ్డి కేటీదొడ్డి: మండలంలోని వెంకటాపురం గ్రామంలో వెలసిన పాగుంట లక్ష్మీవేంకటేశ్వరస్వామి బ్రహ్మోత్సవాలు సోమవారం వైభవంగా ప్రారంభమయ్యాయి. అంతకు ముందు ఆదివారం రాత్రి సంప్రదాయం ప్రకారం స్వామివారికి ఎమ్మెల్యే బండ్ల కృష్ణమోహన్‌రెడ్డి వాల్మీకి రాష్ట్ర ఫెడరేషన్‌ చైర్మన్‌ గట్టు తిమ్మప్పతో కలిసి పట్టువస్త్రాలు సమర్పించారు. ఈ సందర్భంగా వారికి ఆలయ ఈఓ, అర్చకులు పూర్ణకుంభంతో స్వాగతం పలికారు. అనంతరం స్వామివారికి ప్రత్యేక పూజలు నిర్వహించి దర్శించుకుని మాట్లాడుతూ స్వామివారి బ్రహ్మోత్సవాలను అంగరంగ వైభవంగా నిర్వహించడానికి అన్ని ఏర్పాట్లు చేయాలని సూచించారు. బ్రహ్మోత్సవాలకు వచ్చే భక్తులకు ఎలాంటి ఇబ్బందులు లేకుండా చర్యలు తీసుకోవాలన్నారు. కార్యక్రమంలో మార్కెట్‌ యార్డు చైర్మన్‌ హనుమంతు, నాయకులు గడ్డం కృష్ణారెడ్డి, శ్రీధర్‌గౌడ్‌, బండారి భాస్కర్‌, రామకృష్ణనాయుడు, ఉరుకుందు, వెంకన్‌గౌడ్‌, రాజేష్‌, గోపి, యుగందర్‌గౌడ్‌, ఆంజనేయులు, శేఖర్‌రెడ్డి తదితరులు పాల్గొన్నారు. కల్యాణోత్సవం.. ప్రభోత్సవం సోమవారం స్వామివారి కల్యాణోత్సవాన్ని కనులపండువగా నిర్వహించారు. జాతరకు తెలంగాణ, ఆంధ్రప్రదేశ్‌తోపాటు పక్కనే ఉన్న కర్ణాటక రాష్ట్రాల నుంచి భక్తులు పెద్దఎత్తున తరలివచ్చారు. గతేడాదితో పోల్చితే ఈసారి భక్తుల రద్దీ పెరిగిందని ఆలయ అధికారులు తెలిపారు. కొండపై, దిగువన ఎటు చూసినా భక్తజన సందోహమే కనిపించింది. ఈ ప్రాంతవాసులు తమ ఇంటి ఇలవేల్పుగా కొలిచే లక్ష్మీవేంకటేశ్వరస్వామి దర్శనం అనంతరం తీర్థ ప్రసాదాలు స్వీకరించారు. దాసంగాలు పెట్టి.. తలనీలాలు సమర్పించేందుకు భక్తులు పెద్దఎత్తున తరలివచ్చారు. సాయంత్రం ప్రత్యేక అలంకరణల మధ్య ప్రభోత్సవం నిర్వహించారు.

● చిరునామా మారిన వారికి మార్గం సుగమం ● ఫారం–8 అవసరం లేకుండానే ప్రక్రియ ● ఈ నెల 21 వరకు దరఖాస్తుల సమర్పణకు గడువు ● ఏఎస్‌డీడీ జాబితా ఓటర్లకు ఊరట అచ్చంపేట: ఓటరు జాబితాలో పేరు లేని వారు చింతించాల్సిన అవసరం లేదు. ప్రత్యేక ఓటరు జాబితా సవరణ (సర్‌)– 2026 ప్రక్రియలో భాగంగా ముసాయిదా ఓటరు జాబితా నుంచి పేర్లు గల్లంతైన, చిరునామా మారిన ఓటర్లకు ఎన్నికల సంఘం (ఈసీ) మరో అవకాశం కల్పించింది. ఇప్పటికే ప్రచురించిన సర్‌ ముసాయిదా జాబితాలో ఆబ్సెంట్‌, షిఫ్టెడ్‌, డెడ్‌, డూప్లికేట్‌ (ఏఎస్‌డీడీ) కారణాలతో పేర్లు తొలగిపునకు గురైన వారు మళ్లీ దరఖాస్తు చేసుకోవచ్చు. వీరి దరఖాస్తులను పరిశీలించి తుది జాబితాలో చేరుస్తామని ఈసీ ప్రకటించింది. గత ఆగస్టు 17న విడుదల చేసిన ముసాయిదా జాబితా ప్రకారం ఉమ్మడి మహబూబ్‌నగర్‌ జిల్లాలో 4,63,155 మంది ఏఎస్‌డీడీ (గైర్హాజరు, చిరునామా మార్పు, మృతి చెందిన, డూప్లికేట్‌) కేటగిరీలో ఉండగా.. వారిలో అత్యధికంగా 2,41,883 మంది శాశ్వత చిరునామా మారినవారే. వీరు తిరిగి ఓటరు జాబితాలో చోటు దక్కించుకునేందుకు ప్రక్రియను సులభతరం చేశారు. మరణించిన వారు 88,198, అన్‌కలెక్టబుల్‌/ ఆబ్సెంట్‌ 50,828, ఇతరులు 3,723, చిరునామా మార్పు కోసం 78,477 మంది ఉన్నారు. చిరునామా మార్పు కోసం ప్రత్యేకంగా ఫారం–8 సమర్పించాల్సిన అవసరం లేదు. ఇప్పటికే ఫారం–6 ద్వారా ఓటరు నమోదుకు దరఖాస్తు చేసుకున్నవారు ఎన్యుమరేషన్‌ ఫారం సమర్పించాల్సిన అవసరం లేదు. కొత్త చిరునామాకు సంబంధించిన ఆధారాన్ని సమర్పిస్తూ ఎన్యూమరేషన్‌ ఫారంలో వివరాలు నమోదు చేయవచ్చు. కొత్త చిరునామా, సంబంధిత అసెంబ్లీ నియోజకవర్గం వివరాలను స్పష్టంగా పేర్కొనాల్సి ఉంటుంది. ఈ వెసులుబాటుతో చిరునామా మారినవారు తిరిగి ఓటర్ల జాబితాలో చేరేందుకు అవకాశం ఏర్పడింది. ఇలాంటి వారు ఈ నెల 21లోగా సంబంధిత పత్రాలను సమర్పించాల్సి ఉంటుంది. ఫారం తప్పనిసరి కాదు.. సాధారంగా ఓటరు జాబితాలో పేరు గల్లంతైతే మళ్లీ కొత్తగా చేరేందుకు ఫారం–6 సమర్పించడం తప్పనిసరి. అయితే ప్రత్యేక ఓటరు జాబితా సవరణ ప్రక్రియలో గైర్జాజర్‌,చిరునామా అందుబాటులో లేకపోవడం, మరణం, నకిలీ నమోదులు తదితర సాంకేతిక కారణాలతో పేర్లు కోల్పోయిన వారి ఇబ్బందులను దృష్టిలో ఉంచుకుని ఎన్నికల సంఘం నిబంధనలను సడలించింది. ఇకపై అర్హులైన ఓటర్లు ఫారం–6 సమర్పించాల్సిన పనిలేదు. సంబంధిత ఎన్యుమరేషన్‌ పత్రంతోపాటు అవసరమైన స్వీయ ధ్రువీకరణ పత్రాన్ని సమర్పిస్తే సరిపోతుందని వెల్లడించారు. ఎవరిని సంప్రదించాలి.. గతంలో ఎన్యుమరేషన్‌ ఫారాలు జారీ చేసినప్పటికీ పలు కారణాలతో ముసాయిదా జాబితాలో చోటు దక్కని వారి కోసం ఈ ప్రక్రియ చేపట్టారు. క్షేత్రస్థాయి పరిశీలన సమయంలో అందుబాటులో లేని వారు, నివాసం మారినవారు, మరణించినట్లు త ప్పుగా నమోదైనవారు, ఒకటి కంటే ఎక్కువ చోట్ల నమోదైన వారి పేర్లు ముసాయిదా ఓటర్ల జాబితా లో లేవని, సంబంధిత పౌరులు వెంటనే తమ వివరాలను ముసాయిదా జాబితాలో సరిచేసుకోవాలని ఎన్నికల సంఘం ఆదేశించింది. ఓటుహక్కు కోల్పో యిన పౌరులు బూత్‌ లెవెల్‌ అధికారి, ఎన్నికల న మోదు అధికారి లేదా సహాయక ఎన్నికల నమోదు అధికారిని సంప్రదించవచ్చు. వీరికి అవసరమైన పత్రాలను అందజేసి జాబితాలో పేరును పునరుద్ధరించుకోవచ్చు. ఇప్పటికే ఎన్యుమరేషన్‌ పత్రం సమర్పించిన వారు మళ్లీ దరఖాస్తు చేయాల్సిన అవసరం లేదు. నివాసం లేదా చిరునామా మారిన ఓటరు తమ కొత్త చిరునామాతోపాటు నియోజకవర్గ సమాచారాన్ని స్పష్టంగా జతచేయాలి.

జూరాల కాల్వలకు నిలిచిన నీటి సరఫరా ● మరో రెండు తడులు అవసరం అంటున్న అన్నదాతలు ● ఇప్పటి వరకు 4 విడతల్లో నీటి విడుదల ● జలాశయంలో 1.687 టీఎంసీల నీటినిల్వ అమరచింత: ప్రియదర్శిని జూరాల జలాశయం ఆయకట్టు రైతుల పరిస్థితి అత్యంత దయనీయంగా మారింది. మరో రెండు తడులుగా వారబందీ విధానంలో వదిలితేనే పంటలు చేతుకొస్తాయని రైతులు చెబుతున్నారు. ప్రస్తుతం జలాశయంలో 1.687 టీఎంసీల నీరు మాత్రమే నిల్వ ఉండటంతో ఈ నెల 3న కాల్వలకు నీటి సరఫరా నిలిపివేశారు. భవిష్యత్‌ తాగునీటి అవసరాల దృష్ట్యా జలాశయంలోని నీటిని నిల్వ చేయాలని ప్రభుత్వం ప్రకటించడంతో కుడి, ఎడమ కాల్వలకు నీటి సరఫరాను అధికారులు నిలిపివేశారు. ఎగువ నుంచి వరద వస్తేనే నవంబర్‌ వరకు కాల్వలకు నీటిని వదులుతామని.. లేకుంటే కష్టమంటున్నారు. ఈ నెలలో 3 రోజుల పాటు కాల్వలకు సాగునీటిని అందించి పూర్తిస్థాయిలో నిలిపివేయనున్నట్లు పీజేపీ సీఈ రహీమోద్దీన్‌ వెల్లడించారు. ప్రస్తుతం వరి పొట్టదశలో ఉందని.. సాగునీరు వదులుతేనే పంటలు చేతికందుతాయని ఆయకట్టు రైతులు అంటున్నారు. ఆయకట్టు రైతులు జూరాల అధికారులతో పాటు ప్రజాప్రతినిధులకు తమ సమస్యలను విన్నవించడంతో కుడి, ఎడమ కాల్వలకు ఇప్పటి వరకు 4 తడులు వారబందీ విధానంలో నీటిని అందించారు. జూరాల ఎడమ కాల్వ పరిధిలో 85 వేల ఎకరాలు, కుడికాల్వ పరిధిలో 30 వేల ఎకరాల పంటలు సాగయ్యాయి. ఎగువ నుంచి వరద రాకపోవడమే నీటి సరఫరా నిలిపివేతకు ప్రధాన కారణం. పొట్టదశలో వరిపైరు.. జూరాల కుడి, ఎడమ కాల్వల ఆయకట్టులోని వరిపైర్లు ప్రస్తుతం పొట్టదశలో ఉన్నాయి. ఇదే సమయంలో తెగుళ్లు సైతం సోకడంతో అన్నదాతలు ఆగమాగం అవుతున్నారు. ఇలాంటి పరిస్థితుల్లో గత నెల 31 నుంచి 4 రోజుల పాటు కాల్వలకు సాగునీటిని వదిలారు. ఇక నుంచి నీటి సరఫరా నిలిచిపోతే చివరిదశలో ఉన్న పంటలను ఎలా కాపాడుకోవాలన్న ఆందోళనలో రైతులున్నారు. నెలాఖరు వరకు రెండు తడులైనా ఇవ్వాలని వేడుకుంటున్నారు. నీరందక పోతే తమకు నష్టాలు తప్పవని.. ప్రభుత్వం తమ బాధలను అర్థం చేసుకొని ఒక్క పంటకై నా పూర్తిస్థాయిలో నీటిని వదలాలని కోరుతున్నారు. నిలిచిన నీటి సరఫరా.. వారబందీ విధానంలో భాగంగా శనివారం జూరాల ఆయకట్టుకు నీటి సరఫరాను పూర్తిస్థాయిలో నిలిపివేశారు. కుడి, ఎడమ కాల్వలకు నిత్యం 1,700 క్యూసెక్కుల నీటిని వదిలేవారు. వారబందీ గడువు ముగియడంతో నీటి సరఫరాను అధికారులు నిలిపివేశారు. ‘ఈ ఫొటోలో కనిపిస్తున్న రైతు పేరు మాసన్న. ఆత్మకూర్‌ మండలం గుంటిపల్లి స్వగ్రామం. జూరాల ఎడమ కాల్వకు అనుసంధానంగా ఉన్న డీ–6 కాల్వ నీటి ఆధారంగా 5 ఎకరాల్లో వరి సాగుచేశారు. ఎకరాకు రూ.30 వేల పెట్టుబడి అయింది. ప్రస్తుతం పంట పొట్టదశలో ఉండగా.. కాల్వలకు నీటి సరఫరా నిలిపివేయడంతో ఆందోళనకు గురవుతున్నారు. ప్రభుత్వం చొరవచూపి నెలాఖరు వరకు నీటిని వదలాలని కోరుతున్నారు.’

గద్వాల క్రైం: నేరస్తులకు న్యాయస్థానా ల్లో శిక్ష పడేలా కోర్టు విధులు నిర్వహిస్తు న్న సిబ్బంది చర్యలు తీసుకోవాలని ఎస్పీ శ్రీనివాసరావు అన్నా రు. శనివారం ఎస్పీ కార్యాలయంలో కోర్టు సిబ్బందితో ఆయన సమావేశం నిర్వహించి మాట్లాడారు. జిల్లా పరిధిలోని న్యాయస్థానాల్లో విధులు నిర్వహిస్తున్న సిబ్బంది కేసుల వేగవంతం, సాక్షులు, అవసరమయ్యే సాక్షులను న్యాయస్థానాల్లో హాజరయ్యేలా చొరవ తీసుకోవాలన్నారు. పోలీసు స్టేషన్లలో నమోదైన కేసుల చార్జీషీట్లను అనుకున్న గడువులోగా విచారణ అధికారుల నుంచి నివేదికలను నిర్లక్ష్యం చేయకుండా తీసుకోవాలన్నారు. బాధితులకు పోలీసు శాఖపై నమ్మకం కలిగేలా వ్యవహరించాలని చెప్పారు. వివిధ కేసులలో బెయిల్‌ పొంది కోర్టుకు హాజరుకాలేని నిందితులను గుర్తించి నాన్‌బెయిలబుల్‌ వారెంట్లు జారీ చేసేలా చొరవ తీసుకోవాలని సూచించారు. సిబ్బంది విధుల పట్ల నిర్లక్ష్యం వహిస్తే శాఖాపరమైన చర్యలు తీసుకుంటామని హెచ్చరించారు.

జోగుళాంబ గద్వాలఆదివారం శ్రీ 8 శ్రీ నవంబర్‌ శ్రీ 2026దరఖాస్తుల ఆహ్వానం గద్వాల: అంతర్జాతీయ దివ్యాంగ దినోత్సవాన్ని పురస్కరించుకుని వచ్చేనెల 3న నిర్వహించనున్న దివ్యాంగుల సాధికారత రాష్ట్ర పురస్కారాలు–2026 ప్రదానానికి వ్యక్తిగత, సంస్థాగత విభాగాల్లో దరఖాస్తులు ఆహ్వానిస్తున్నట్లు జిల్లా సంక్షేమ అధికారి సునంద శనివారం ఒక ప్రకటనలో తెలిపారు. దివ్యాంగుల సంక్షేమం, సాధికారత, అభివృద్ధి కోసం విశేష సేవలందిస్తున్న అర్హులైన వ్యక్తులు, సంస్థలు ఈ పురస్కారాల కోసం దరఖాస్తు చేసుకోవాలన్నారు. దరఖాస్తు ఫారం, అర్హత ప్రమాణాలు, ఇతర మార్గదర్శకాల కోసం రాష్ట్ర ప్రభుత్వ అధికారిక వెబ్‌సైట్‌ https.depwsetgp.telangana.gov.in సందర్శించాలన్నారు. దరఖాస్తు ఫారాన్ని అన్ని ధ్రువపత్రాలను జతచేసి ఈ నెల 16లోగా కలెక్టరేట్‌లోని రూం నం.జీ33లో అందజేయాలని కోరారు. ఫార్మా–డీ, లా పరీక్ష ఫలితాలు విడుదల మహబూబ్‌నగర్‌ ఎడ్యుకేషన్‌: పాలమూరు యూనివర్సిటీ (పీయూ) ఫార్మా–డీ, లా కళాశాల పరీక్ష ఫలితాలను వీసీ శ్రీనివాస్‌ శనివారం విడుదల చేశారు. ఫార్మా–డీ మొదటి సంవత్సరం పరీక్షలకు 29 మందికి గాను 17 మంది, రెండో సంవత్సరం 51 మందికి గాను 46 మంది హాజరయ్యారు. ఎల్‌ఎల్‌బీ ఇంటిగ్రేటెడ్‌ కోర్సు ఆరో సెమిస్టర్‌ పరీక్షలకు 29 మంది హాజరయ్యారు. ఈ సందర్భంగా వీసీ మాట్లాడుతూ విద్యార్థులు క్రమశిక్షణ, పట్టుదలతో చదివి జీవితంలో ఉన్నత స్థాయికి ఎదగాలని సూచించారు. కార్యక్రమంలో రిజిస్ట్రార్‌ రమేష్‌బాబు, ఆడిట్‌ సెల్‌ డైరెక్టర్‌ చంద్రకిరణ్‌, కంట్రోలర్‌ ప్రవీణ, ప్రిన్సిపాల్‌ భూమయ్య, ఈశ్వర్‌కుమార్‌, రవీందర్‌రెడ్డి తదితరులు పాల్గొన్నారు. పల్లీ @ రూ.9,524 గద్వాల వ్యవసాయం: జిల్లాకేంద్రంలోని వ్యవసాయ మార్కెట్‌ యార్డుకు శనివారం 984 క్వింటాళ్ల వేరుశనగ అమ్మకానికి వచ్చింది. కాగా.. క్వింటాల్‌ గరిష్టంగా రూ.9,524, కనిష్టంగా రూ.4,879, సరాసరిగా రూ.7,300 ధరలు లభించాయి. అలాగే 5 క్వింటాళ్ల ఆముదాలు రాగా.. క్వింటాల్‌ గరిష్టంగా రూ.7,719, కనిష్టంగా రూ.7,669, సరాసరిగా రూ.7,719 చొప్పున పలికాయి. 354 క్వింటాళ్ల వరి (సోన) రాగా.. క్వింటాల్‌ గరిష్టంగా రూ.3,159, కనిష్టంగా రూ.2,269, సరాసరిగా రూ.3062 ధరలు వచ్చాయి. గద్వాల న్యూటౌన్‌/ రాజోళి: జ్ఞానానికి.. సంతోషానికి.. నిర్మలత్వానికి ప్రతీక దీపం.. అలాంటి దీపం ప్రాముఖ్యత తెలిపేందుకు వచ్చిందే దీపావళి పర్వదినం. దీంతోపాటు చెడుపై గెలిచిన మంచికి ప్రతీక దీపావళి. ఏటా అశ్వయిజ మాసం అమావాస్య రోజు దీపావళి వస్తుంది. ఆదివారం నుంచి మూడు రోజుల పాటు జిల్లా ప్రజలు సంప్రదాయబద్ధంగా వేడుకలను జరుపుకోనున్నారు. పిల్లలు, మహిళలు, పురుషులు, రైతులు, వ్యాపారులు ఇలా అందరూ.. నరక చతుర్దశి నాడు ఉదయాన్నే స్నానాలు ఆచరించి.. రెండు రోజుల పాటు ఇంటిల్లిపాది పండుగ సందడిలో పాల్గొంటారు. బొమ్మల కొలువులో, దీపాలను వెలిగిస్తూ.. మహిళలు, టపాసులతో.. పిల్లలు, యువత, మహాలక్ష్మిని పూజిస్తూ.. వ్యాపారులు, పశువులను కొలుస్తూ రైతులు అందరూ ఈ పండుగలో సందడిగా గడుపుతారు. ఆకట్టుకునేలా మట్టి ప్రమిదలు.. ఎర్రమట్టితో జీవం పోసుకుంటాయి మట్టి ప్రమిదలు. ప్రాచీన కళా సంప్రదాయమైన ఈ కళా ప్రక్రియకు ఎప్పటికప్పుడు ఆధునికతను జోడిస్తూ.. నిత్యశోభను సంతరించుకునే మట్టి ప్రమిదలు విభిన్న రూపాల్లో ఆకట్టుకుంటాయి. అమావాస్య చీకటిని పారద్రోలి.. వెలుగులు ప్రసరింపజేయడడంలో దీపపు కుందెలు, ప్రమిదలు దీపావళి పండుగలో ముఖ్య భూమిక పోషిస్తుంటాయి. శుభానికి చిరునామాగా పసుపు, పారాణి అలంకరణతో ముస్తాబైన ఇంటి గడప, ప్రహరీ, ప్రాంగణం, వాకిళ్లలో ఒక్కొక్కటిగా జత చేసి.. పసిడి కాంతుల్ని నింపుతూ హిందూ సంప్రదాయాన్ని ఆవిష్కరిస్తుంది ప్రమిదల కొలువు. స్థానికంగా కొంతమంది వ్యాపారులు వివిధ రూపాల్లో రూపొందించిన ప్రమిదలను రాజస్థాన్‌, తమిళనాడు రాష్ట్రాల నుంచి మట్టి, సిరామిక్‌ దీపాలను తీసుకొచ్చి గద్వాలలో విక్రయిస్తున్నారు. చేతిలో ఇమిడిపోయే చిన్నపాటి ప్రమిదలతోపాటు అటు సంప్రదాయాన్ని ఇటు వైవిధ్యం, నవ్యత కలబోసుకున్న ఆకర్షణీయమైన డిజైన్లతో ప్రమిదలు మార్కెట్‌లో అందుబాటులో ఉన్నాయి. డిజైన్‌ను బట్టి రూ.40 నుంచి రూ.150 వరకు ధరలున్నాయి. ప్రమిదల కొనుగోలుతో గద్వాలలోని కూరగాయల మార్కెట్‌, పాతబస్టాండ్‌ ప్రాంతం సందడిగా మారాయి. ఆకర్షణీయమైన డిజైన్లతో కూడిన ప్రమిదలను కొనుగోలు చేయడానికి మహిళలు ఆసక్తి కనబరుస్తున్నారు. మార్కెట్‌లో సందడి.. దీపావళి పండుగ సందర్భంగా మార్కెట్లలో సందడి కనిపించింది. జిల్లాకేంద్రంలోని పూల మార్కెట్‌, పాతబస్టాండ్‌ ప్రాంతాలు, అలంపూర్‌, అయిజ, శాంతినగర్‌ మార్కెట్లలో కొనుగోలుదారులతో సందడి ఏర్పడింది. దీపాలు, బంతిపూలు, మిఠాయిలు, లక్ష్మీదేవి చిత్రపటాలు, గౌరీ నోముల దండలు, చాటలు, కుంకుమ, పూలు, పండ్లు, మామిడి ఆకుల విక్రయాలతోపాటు పటాకులు, బంగారు ఆభరణాలు, కొత్త దుస్తుల కొనుగోళ్లు జోరుగా సాగాయి. దీంతో మార్కెట్లు ప్రజలతో కిక్కిరిసిపోయాయి. స్మార్ట్‌ఫోన్లు, ఫ్రిజ్‌లు, టీవీలు ఇతర గృహోపకరణాల ఎలక్ట్రానిక్‌ వస్తువులకు ఆఫర్లు ఉండటంతో అమ్మకాలు జోరుగా సాగాయి. ఆకర్షణీయంగా వివిధ రూపాల్లో ప్రమిదలు పేలిన బాణాసంచా ధరలు.. దీపావళి అంటేనే బాణాసంచా. గడిచిన ఏడాదితో పోల్చితే ఈసారి 15 నుంచి 20 శాతం వరకు ధరలు పెరిగాయి. జిల్లావ్యాప్తంగా గద్వాల, అయిజ, అలంపూర్‌, శాంతినగర్‌లో లైసెన్స్‌ కలిగిన 43 దుకాణాలకు అగ్నిమాపక శాఖ అనుమతి ఇచ్చింది. పండుగను దృష్టిలో ఉంచుకొని వ్యాపారులు ముందుగానే బాణాసంచా కొనుగోలు చేసి, దుకాణాల్లో అందుబాటులో ఉంచారు. గద్వాలలోని తేరుమైదానంలో ఒకేచోట 15 దుకాణాలు ఏర్పాటు చేసి విక్రయాలు చేపడుతున్నారు. ప్రతి టపాసుల బాక్స్‌పై ఉండే గరిష్ట ధరకు ఐదారు రెట్లు తగ్గించి వ్యాపారులు విక్రయిస్తున్నారు. ఇంత తగ్గించినా భారీగా లాభం ఉంటుందని వ్యాపారులే చెప్పడం కొసమెరుపు. ఏడాదిలో ఒక్కసారి జరిగే వ్యాపారం కావడంతో ఎవరూ దీనిపై పెద్దగా దృష్టిసారించడం లేదనే విమర్శలు వ్యక్తమవుతున్నాయి. నేడు నరక చతుర్దశి, అమావాస్య లక్ష్మిపూజలు అందరి జీవితాల్లో వెలుగులు నింపే పండుగ ఆలయాల్లో పూజలు.. గౌరీ నోములు, వత్రాలకు ప్రత్యేకం ప్రమిదలు, పూలు, టపాసులకు భలే గిరాకీ జిల్లాలోని మార్కెట్లకు పండుగ శోభ

మల్దకల్‌: విద్యార్థుల భవిష్యత్‌కు ఇంటర్‌ విద్య ఎంతో కీలకమని జిల్లా నోడల్‌ అధికారి హృదయరాజు అన్నారు. శనివారం మల్దకల్‌ జూనియర్‌ కళాశాలలో ప్రిన్సిపాల్‌ శ్రీలతరెడ్డి ఆధ్వర్యంలో ఏర్పాటు చేసిన ప్రెషర్స్‌ డే కార్యక్రమంలో ఆయన పాల్గొని మాట్లాడారు. బాల్యం నుంచి బాధ్యత గల భవిష్యత్‌కు విద్యార్థులు నిర్దేశించిన లక్ష్యంతో ముందుకు వెళ్లాలని పేర్కొన్నారు. అదేవిధంగా గురువులను గౌరవించడం, తల్లిదండ్రుల పట్ల బాధ్యతగా ఉండటంతోపాటు సమాజం పట్ల సేవా దృక్పథంను కలిగి ఉండాలన్నారు. ప్రతి విద్యార్థి తమ లక్ష్యాన్ని నిర్దేశించుకొని ఉన్నతంగా ఎదగాలన్నారు. అలాగే మార్కులు మాత్రమే కాకుండా సంస్కారంతో కూడిన విద్యను అభ్యసించాలన్నారు. అనంతరం కళాశాల పరిసరాలను పరిశీలించి సంతృప్తి వ్యక్తం చేశారు. ఈ సందర్భంగా విద్యార్థుల సాంస్కృతిక కార్యక్రమాలు ఎంతగానో ఆకట్టుకున్నాయి. కార్యక్రమంలో అధ్యాపకులు గోవర్ధన్‌శెట్టి, నర్సింహులు, రామాంజనేయులుగౌడ్‌, భాగ్యలక్ష్మి, రాఘవేంద్ర, సుధాకర్‌, శ్రీకాంత్‌, మాధురి, రంగస్వామి, ఇఫ్తాకర్‌, కమలహాసన్‌, విద్యార్థులు పాల్గొన్నారు.

ధరూరు: జిల్లాలో అర్హులైన ప్రతి ఒక్కరికి పింఛన్లు అందించేలా వెరిఫికేషన్‌ ప్రక్రియ పారదర్శకంగా చేపట్టాలని అదనపు కలెక్టర్‌ నర్సింగరావు అన్నారు. శనివారం ఆయన మండలంలోని నాగర్‌దొడ్డి, నెట్టెంపాడు, నీలహళ్లి, ద్యాతదొడ్డి, మాల్‌దొడ్డి, చిన్నపాడు తదితర గ్రామాల్లో పింఛన్‌ వెరిఫికేషన్‌ ప్రక్రియను పరిశీలించి మాట్లాడారు. అర్హత ఉన్న ప్రతి ఒక్కరికి పింఛన్‌ అందించేందుకు చర్యలు తీసుకుంటున్నామన్నారు. ప్రభుత్వ మార్గదర్శకాలకు అనుగుణంగా పింఛన్‌ అందించే విధంగా సంబంధిత అధికారులు చర్యలు తీసుకోవాలన్నారు. పింఛన్‌కు సంబంధించిన వివరాలు, రికార్డులను తనిఖీ చేశారు. ఎలాంటి పొరపాట్లకు తావులేకుండా పింఛన్‌ వెరిఫికేషన్‌ చేపట్టాలన్నారు. అలాగే గ్రామాల్లో అమలవుతున్న ప్రభుత్వ కార్యక్రమాలను పరిశీలించారు. గ్రామీణాభివృద్ధి కోసం చేపడుతున్న పథకం పనులు నిర్ణీత గడువులోగా పూర్తి చేయాలని కోరారు. అలాగే ఎల్‌నినో ప్రభావం కారణంగా గ్రామాల్లో వ్యవసాయం తదితర అంశాలపై మాట్లాడారు. ప్రతి ఒక్కరు నీటిని పొదుపుగా వాడుకోవాలని, ఇంకుడు గుంతలు నిర్మించుకోవాలని సూచించారు. నిర్మాణంలో ఉన్న ఇంగుడు గుంతలను పరిశీలించిన ఆయన త్వరగా బిల్లులు అందించేలా చూడాలని అధికారులను ఆదేశించారు. వాతావరణం ప్రభావం వల్ల పంటలకు నష్టం వాటిళ్లకుండా చూసుకోవాలన్నారు. వీబీజీ రాంజీ పథకం కింద జరుగుతున్న పనులను పరిశీలించి.. కూలీలతో మాట్లాడారు. ఎండల తీవ్రత దృష్ట్యా ఉదయం వేళల్లో పనులకు వెళ్లాలన్నారు. అలాగే గ్రామీణ ప్రాంతాల్లో జరిగే అభివృద్ధి, సంక్షేమ పథకాల అమలుపై నిరంతరం పర్యవేక్షణ చేపట్టి ప్రజలకు ప్రభుత్వ సేవలు సమర్థవంతంగా అందించాలని కోరారు. కార్యక్రమంలో ఆయా గ్రామాల సర్పంచులు సవారన్న, పరమేష్‌, మల్లారెడ్డి తదితరులు పాల్గొన్నారు.

పాలమూరుకు అన్యాయం చేసే డిండి లింక్‌పై ఇప్పటికే ధర్నాలు, పాదయాత్ర, లక్ష సంతకాల సేకరణ వంటి వివిధ పద్ధతుల్లో పోరాడుతున్నాం. 400 మంది రైతులు బండ్లు కట్టుకుని మాడ్గుల తహసీల్‌కు వెళ్లి 4 గంటల పాటు ధర్నా చేశారు. ఎర్రవల్లి రైతులు దీక్షలు చేస్తూనే ఉన్నారు. దీంతో పునరాలోచన చేసిన సీఎం ప్రత్యేక వ్యవస్థ ఏర్పాటు చేస్తున్నామంటూ మళ్లీ ఏదుల–డిండికి లింక్‌ పెట్టడం కరెక్ట్‌ కాదు. మా స్టాండ్‌ మారలేదు.. పోరాటంలోనే ఉన్నాం. భూమి పోరాటం పరిష్కారం కాకుండా ఎవరు ఏం చెప్పినా ఈ స్కీం పూర్తికాదు. – రాఘవాచారి, జిల్లా కన్వీనర్‌, పాలమూరు అధ్యయన వేదిక

గద్వాల క్రైం: చిన్నారులు, యువత.. అనే తేడా లేకుండా అందరికీ ఎంతో ఇష్టమైన దీపావళి పండగ రానే వచ్చేసింది. ఈ నేపథ్యంలో బాణాసంచా కాల్చేందుకు ప్రతిఒక్కరూ ఆసక్తి చూపిస్తారు. అయితే ఆనందోత్సవాల మధ్య జరుపుకొనే ఈ పండుగ.. ఏమాత్రం ఏమారుపాటుగా వ్యవహరించినా విషాదం అలుముకునే అవకాశం లేకపోలేదు. అయితే జిల్లాలోని గద్వాల, అలంపూర్‌ సెగ్మెంట్‌లో ప్రభుత్వ అనుమతి పొందిన నలుగురు లైసెన్స్‌దారులు ఉన్నారు. తాజాగా పండుగా సందర్భంగా బాణసంచా దుకాణాలు ఏర్పాటుకు 35 మంది తాత్కాలిక అనుమతులు పొందేందుకు అగ్నిమాపక శాఖ అధికారులకు దరఖాస్తులు చేసుకోగా.. జిల్లా ఉన్నతాధికారుల ఆదేశాల మేరకు 15 తాత్కాలిక దుకాణాల ఏర్పాటుకు అనుమతించారు. జిల్లాకేంద్రంలోని తేరుమైదానంతోపాటు అలంపూర్‌ మార్కెట్‌ యార్డులో ప్రత్యేకంగా దుకాణాలు ఏర్పాటు చేయనున్నారు. భద్రతకు పెద్దపీట బాణసంచా దుకాణాలు జనావాసాలకు దూరంగా ఏర్పాటు చేయాలి. నివాస సముదాయాలకు కనీసం 50 మీటర్ల దూరం ఉండాలి. దుకాణాల మధ్య మూడు మీటర్లు, తాత్కాలిక షెడ్ల మధ్య పది మీటర్ల దూరం పాటించాలి. జింక్‌, జీఐ రేకులతోనే షెడ్లు నిర్మించాలి. ప్లాస్టిక్‌ కవర్లు, సులభంగా మంటలు అంటుకునే పదార్థాలతో ఏర్పాటు చేయరాదు. ప్రతి దుకాణం వద్ద రెండు అగ్నిమాపక పరికరాలు, 200 లీటర్ల సామర్థ్యం కలిగిన రెండు నీటి డ్రమ్ములు, నాలుగు నీటి బకెట్లు, రెండు ఇసుక బకెట్లు అందుబాటులో ఉంచాలి. విద్యుత్‌ వైరింగ్‌లో ఎలాంటి అతుకులు లేని వైర్లను వినియోగించాలి. పొగతాగడం నిషేధమని సూచించే బోర్డులు, ప్రమాద హెచ్చరిక బోర్డులు ఏర్పాటు చేయాలి. వినియోగదారుల రాకపోకలకు ప్రత్యేక మార్గాలు, వాహనాల పార్కింగ్‌కు ప్రత్యేక స్థలం కేటాయించాలి. అగ్నిమాపక వాహనాలు సులభంగా చేరుకునేలా షెడ్ల చుట్టూ ఖాళీ స్థలం ఉంచాలి. పరిసరాలను పరిశుభ్రంగా ఉంచడంతో పాటు అవసరమైన నీటి సదుపాయం కల్పించాలి. దీపావళి నేపథ్యంలో జోరందుకున్న బాణాసంచా విక్రయాలు జిల్లాలో నలుగురు లైసెన్స్‌దారులు.. మరో 35 మంది తాత్కాలిక దరఖాస్తు భద్రతా ప్రమాణాలు పాటించకుంటే దుకాణాల సీజ్‌

సాక్షి ప్రతినిధి, మహబూబ్‌నగర్‌: ‘పాలమూరు–రంగారెడ్డి ఎత్తిపోతల పథకానికి ఢోకా లేకుండా శ్రీశైలం నుంచి అదనంగా 0.6 టీఎంసీల నీటిని తరలించే వ్యవస్థను ఏర్పాటు చేస్తాం. ఏదుల నుంచి డిండికి 0.5 టీఎంసీలు.. అదేవిధంగా అచ్చంపేట లిఫ్ట్‌కు 0.1 టీఎంసీలు తరలించేలా మధ్యే మార్గంగా ఈ నిర్ణయం తీసుకున్నాం. ఈ వ్యవస్థ ఏర్పాటు దిశగా ఎక్కడెక్కడ పంప్‌లు, పంప్‌ హౌస్‌లు, కెనాళ్లు, టన్నెళ్ల సామర్థ్యం పెంపు కోసం డిజైన్‌ రూపొందించేలా అధ్యయనం చేయాలని అధికారులను ఆదేశించాం.’ ..ముఖ్యమంత్రి రేవంత్‌రెడ్డి గత నెల 23న మంత్రులు, అధికారులతో సమీక్ష సందర్భంగా చేసిన వ్యాఖ్యలివి. ఏదుల నుంచి రెండు పథకాలకు నీరు తరలించేలా ఖర్చు బేరీజు వేసుకుని ప్రత్యేక వ్యవస్థ ఏర్పాటుకు ఈ నిర్ణయం తీసుకున్నట్లు ఆయన వెల్లడించారు. అయితే దీనిపైనా ఉమ్మడి జిల్లాలో భిన్నాభిప్రాయాలు వ్యక్తమవుతున్నాయి. దీంతో పాటు పలు సాంకేతిక సమస్యలు ఉత్పన్నమయ్యే అవకాశం ఉన్నట్లు తెలుస్తోంది. ఏదుల–డిండి లింక్‌పై భిన్నాభిప్రాయాలు శ్రీశైలం నుంచి అదనంగా 0.6 టీఎంసీల తరలింపు పాలమూరుకు ఢోకా లేకుండా ప్రత్యేక వ్యవస్థ ఏర్పాటుకు అడుగులు 0.5 టీఎంసీలు డిండికి, 0.1 టీఎంసీ అచ్చంపేట లిఫ్ట్‌కు అని సీఎం వెల్లడి లేని స్పష్టత.. పునరాలోచన చేసి మళ్లీ లింక్‌ పెట్టడంపై ప్రజాసంఘాల మండిపాటు మౌలికంగా భూమి.. అనుబంధంగా నీటి పోరాటమని వెల్లడి ఈ సమస్య పరిష్కారం కాకుండా స్కీం పూర్తి కాదని స్పష్టం

అయిజ: రైతులు ఎన్నో ఏళ్లుగా ఎదురుచూస్తున్న అలంపూర్‌ వ్యవసాయ మార్కెట్‌ యార్డు, అయిజ వ్యవసాయ మార్కెట్‌ సబ్‌ యార్డుల అభివృద్ధి పనులకు ఎట్టకేలకు రాష్ట్ర ప్రభుత్వం నిధులు మంజూరు చేసింది. వ్యవసాయ మార్కెటింగ్‌ శాఖ డైరెక్టర్‌ ఆమోదించిన ప్రొసీడింగ్స్‌లో 2026– 27 ఆర్థిక సంవత్సరానికి సంబంధించి న్యూవర్క్స్‌ హెడ్‌ కింద రూ.43.50 లక్షల అదనపు బడ్జెట్‌కు పరిపాలన అనుమతులు లభించాయి. ఈ మేరకు కాంట్రాక్టర్‌తో అధికారులు అగ్రిమెంట్‌ చేసుకోవాల్సిన పనులు మాత్రమే మిగిలి ఉన్నాయి. అగ్రిమెంట్‌ అనంతరం నిర్మాణం పనులు చేపట్టాల్సి ఉంది. చేపట్టనున్న పనులు అయిజ మార్కెట్‌ సబ్‌ యార్డులో కార్యాలయ భవనం నిర్మించేందుకు రూ.16 లక్షలు, క్యాటిల్‌ వర్క్‌ షెడ్‌ నిర్మాణానికి రూ.11 లక్షలు, జంగిల్‌ క్లియరింగ్‌, గ్రావెల్‌ ఫిల్లింగ్‌కు రూ.2.50 లక్షల చొప్పున నిధులు మంజూరయ్యాయి. అదేవిధంగా అలంపూర్‌ వ్యవసాయ మార్కెట్‌ యార్డులో జంగిల్‌ క్లియరింగ్‌, పల్లపు ప్రదేశంలో గ్రావెల్‌ ఫిల్లింగ్‌కు రూ.14 లక్షల నిధులు మంజూరయ్యాయి. ఇటీవల టెండర్‌ ప్రక్రియ సైతం పూర్తయ్యింది. కాంట్రాక్టర్‌తో అధికారులు అగ్రిమెంట్‌ చేయించాల్సిన ప్రక్రియ మాత్రమే మిగిలి ఉంది. త్వరలో పనులు ప్రారంభం కానున్నాయి. అలంపూర్‌, అయిజ యార్డుల్లో అభివృద్ధి పనులకు శ్రీకారం రూ.43.50 లక్షలతో పూర్తయిన టెండర్‌ ప్రక్రియ అగ్రిమెంట్‌ అనంతరం ప్రారంభం కానున్న నిర్మాణాలు ఎట్టకేలకు మెరుగుపడనున్న వసతులు, సౌకర్యాలు త్వరగా చేపట్టి.. నాణ్యతగా పూర్తిచేయాలని రైతుల వేడుకోలు

మహబూబ్‌నగర్‌ ఎడ్యుకేషన్‌: పాలమూరు యూనివర్సిటీ (పీయూ) న్యాక్‌ గ్రేడింగ్‌ మెరుగుపరిచేందుకు అధ్యాపకులు, సిబ్బంది సమష్టిగా కృషి చేయాలని వీసీ శ్రీనివాస్‌ సూచించారు. యూనివర్సిటీలో నిర్వహించిన న్యాక్‌ ఏక్యూఏఆర్‌, ఐక్యూఏసీ సమీక్ష సమావేశంలో ఆయన మాట్లాడారు. బోధన, పరిశోధన, విద్యార్థుల అభివృద్ధి, మౌలిక సదుపాయాల కల్పన తదితర అంశాల్లో నాణ్యత పెంచేందుకు అన్ని విభాగాల వారు సమన్వయంతో పనిచేయాలని అన్నారు. రిజిస్ట్రార్‌ రమేష్‌బాబు మాట్లాడుతూ న్యాక్‌ గ్రేడింగ్‌కు సంబంధించి నిర్ణీత గడువులోగా అవసరమైన ఆధారాలతో నివేదికలు సమర్పించాలని సూచించారు. అన్ని క్రైటీరియా కోఆర్డినేటర్లు, హెచ్‌ఓడీలు సమన్వయంతో వ్యవహరించాలన్నారు. కార్యక్రమంలో ఓఎస్డీ మధుసూదన్‌రెడ్డి, ఐక్యూఏసీ డైరెక్టర్‌ రాజ్‌కుమార్‌, ప్రిన్సిపాళ్లు, ఇతర సిబ్బంది పాల్గొన్నారు.

అయిజ వ్యవసాయ మార్కెట్‌ సబ్‌ యార్డు లో పశువుల సంత నిర్వహణ ద్వారానే ఏటా సుమారు రూ.2 కోట్ల ఆదాయం వస్తుంది. కానీ, మార్కెట్‌ సబ్‌ యార్డులో రైతులు, వ్యాపారులకు ఎలాంటి సౌకర్యాలు లేవు. ఇ ప్పుడు అభివృద్ధి పనుల కోసం రూ.29.50 లక్షలు మంజూరు చేశారు. ఇవి ఏమాత్రం సరి పోవు. కనీసం రూ.కోటి మంజూరు చేయాలి. – నర్సింహారెడ్డి, రైతు, అయిజ పనులు చేపట్టాలి.. ఎట్టకేలకు అలంపూర్‌ వ్యవసాయ మార్కెట్‌ యార్డులో అభివృద్ధి పనులు చేపట్టేందుకు రూ.14 లక్షలు, అయిజ మార్కెట్‌ సబ్‌ యార్డు లో అభివృద్ధి పనులు చేసేందుకు రూ.29.50 లక్షలు మంజూరయ్యాయి. కానీ, ఈ నిధులు ఏమాత్రం సరిపోవు. అదనపు నిధులు మంజూరు చేయాలి. వచ్చిన నిధులకు ఇంకా అగ్రి మెంట్‌ కూడా చేసుకోలేదు. ఆ ప్రక్రియ త్వర గా పూర్తిచేసి అభివృద్ధి పనులు పూర్తిచేయాలి. – శ్రీనివాసులు, రైతు, అయిజ త్వరలోనే ప్రారంభిస్తాం అలంపూర్‌, అయిజ వ్యవసాయ మార్కెట్‌ యార్డులలో అభివృద్ధి పనులు చేపట్టేందుకు ప్రభుత్వం మంజూరు చేసిన రూ.43.50 లక్షలకు ఇటీవలే టెండర్‌ పనులు పూర్తయ్యాయి. దీనిపై కాంట్రాక్టర్‌తో అగ్రిమెంట్‌ చేసుకోవాల్సి ఉంది. త్వరలోనే పనులు ప్రారంభించి.. శరవేగంగా పనులు పూర్తి చేసేలా చర్యలు తీసుకుంటాం. – పుష్ప, వ్యవసాయ మార్కెట్‌ జిల్లా ఇన్‌చార్జి అధికారి ●

గద్వాల: ఎల్‌నినో ప్రభావాన్ని ఎదుర్కొనేందుకు జిల్లా అధికార యంత్రాంగం సమష్టిగా కృషిచేయా లని అదనపు కలెక్టర్‌ మధుమోహన్‌ అన్నారు. శుక్రవారం హైదరాబాద్‌ నుంచి రాష్ట్ర ప్రభుత్వ ప్రధాన కార్యదర్శి సంజయ్‌జాజు నిర్వహించిన వీసీలో అదనపు కలెక్టర్‌ పాల్గొని జిల్లాలో పరిస్థితులు వివరించారు. మల్లమ్మకుంట రిజర్వాయర్‌ నిర్మాణానికి అవసరమైన భూ సేకరణను వేగవంతం చేశామని, అవార్డు పాసైన రైతులకు సత్వరమే డబ్బులు చెల్లించేందుకు చర్యలు చేపట్టామన్నారు. ఎల్‌నినో ప్రభావంతో వర్షాలు తక్కువగా కురిసినందున ప్రజలకు తాగునీటి విషయంలో ఇబ్బందులు తలెత్తకుండా ప్రత్యేక కార్యాచరణతో ముందుకెళ్తున్నట్లు చెప్పా రు. రబీ సీజన్‌లో రైతులు తమ బోరు బావుల్లో నీటిలభ్యత ఆధారంగా ఆరుతడి పంటలు మాత్రమే సాగుచేసేలా చర్యలు చేపడుతున్నట్లు వివరించారు. సమావేశంలో ఎస్‌డీసీ కృష్ణ, ఆర్డీఓ శ్రీనివాసరావు, ఏఓ మంజుల తదితరులు పాల్గొన్నారు.

● సీఎం రేవంత్‌రెడ్డికి ఆహ్వాన పత్రిక అందజేసిన మంత్రి వాకిటి శ్రీహరిచిన్నచింతకుంట: కురుమూర్తి స్వామి బ్రహ్మోత్సవాలకు హాజరుకావాలని ముఖ్యమంత్రి రేవంత్‌రెడ్డిని ఎమ్మెల్యే జి.మధుసూదన్‌రెడ్డి ఆహ్వానించారు. గు రువారం హైదరాబాద్‌లో పశుసంవర్ధక, క్రీడా, యువజనశాఖమంత్రి వాకిటి శ్రీహరితో కలిసి సీఎంని కలిశారు. ఈ సందర్భంగా బ్రహ్మోత్సవాల ఆహ్వాన పత్రికను అందజేసి ఉత్సవాలకు రావాలని కోరారు. అనంతరం ముఖ్యమంత్రి చేతుల మీదు గా బ్రహ్మోత్సవాల వాల్‌పోస్టర్‌ను ఆవిష్కరించారు. ● కురుమూర్తి స్వామి ఆలయ అభివృద్ధితోపాటు భక్తులకు అవసరమైన మౌలిక సదుపాయాల కల్పనకు అదనంగా రూ.100కోట్ల నిధులు మంజూరు చేయా లని సీఎం రేవంత్‌రెడ్డికి ఎమ్మెల్యే విజ్ఞప్తి చేశారు. ఆలయ పరిసరాల్లో అభివృద్ధి పనులు, రహదారులు, తాగునీటి సౌకర్యాల కల్పనకు నిధులు కేటాయించాలని కోరినట్లు తెలిపారు. దీనిపై ముఖ్యమంత్రి సానుకూలంగా స్పందించినట్లు ఎమ్మెల్యే వెల్లడించారు. కార్యక్రమంలో టీపీసీసీ ఆర్గనైజింగ్‌ సెక్రటరీ అరవింద్‌కుమార్‌రెడ్డి, ఆలయ చైర్మన్‌ బత్తుల బాల్‌రాజు, ఈఓ మధనేశ్వరరెడ్డి, ఆలయ పూజారులు వెంకటయ్య, సత్యం, కమిటీ సభ్యుడు భరత్‌కుమార్‌రెడ్డి పాల్గొన్నారు.

ఎర్రవల్లి: ఎల్‌నినో పరిస్థితుల దృష్ట్యా రైతులు వరికి బదులుగా ప్రత్యామ్నాయ పంటల సాగు వైపు దృష్టిసారించాలని రైతు విజ్ఞాన కేంద్రం శాస్త్రవేత్త అర్చన అన్నారు. గురువారం మండలంలోని యాక్తాపురం, బీచుపల్లి, ఎర్రవల్లి గ్రామాల్లో మండల వ్యవసాయ అధికారి సురేష్‌గౌడ్‌తో కలిసి ఆమె క్షేత్రస్థాయి పర్యటన నిర్వహించారు. ఈ సందర్భంగా వర్షాభావ పరిస్థితులు, పంటల కీలక దశల్లో నేలలో తేమ అందుబాటులో లేకపోవడం వల్ల పంటలు ఎండిపోవడం, రైతులు ఎదుర్కొంటున్న పంట నష్టాల గురించి చర్చించారు. రైతుల నుంచి ప్రస్తుత సాగు పరిస్థితులను అడిగి తెలుసుకున్నారు. అనంతరం ఎఫ్‌పీఓ రైతులు, మహిళా రైతులతో సమావేశమై ఎఫ్‌పీఓలో సభ్యత్వం పొందడం వల్ల కలిగే ప్రయోజనాలు, సామూహిక మార్కెటింగ్‌, నాణ్యమైన వ్యవసాయ ఉత్పాదకాల లభ్యత, సాంకేతిక సలహాలు, మెరుగైన మార్కెట్‌ అవకాశాల గురించి చెప్పారు. అలాగే వేరుశనగ పొలాన్ని సందర్శించి పంట పూత దశలో ఉన్నందున ఎకరాకు 200 కిలోల జిప్సం, 10 కిలోల యూరియా వేయాలన్నారు. అలాగే వరి పొలాలను సందర్శించగా.. సుమారు 635 ఎకరాల్లో వరి పంట పూర్తిగా ఎండిపోయినట్లు రైతులు ఆమె దృష్టికి తెచ్చారు. ప్రస్తుత వాతావరణ పరిస్థితులు, నీటి లభ్యతను దృష్టిలో ఉంచుకొని రాబోయే కాలంలో వరికి బదులుగా తక్కువ నీరు అవసరమయ్యే జొన్న, పెసర, అలసంద, ఇతర అనుకూల పంటలను సాగు చేయాలని సూచించారు.

మహబూబ్‌నగర్‌ ఎడ్యుకేషన్‌: విద్యార్థులు పుస్తక పఠనాన్ని అలవాటుగా చేసుకోవాలని పీయూ వీసీ శ్రీనివాస్‌ సూచించారు. పీయూ లైబ్రరీలో ఏర్పాటు చేసిన మూడు రోజుల పుస్తక ప్రదర్శనను గురువారం ఆయన ప్రారంభించారు. ఈ సందర్భంగా మాట్లాడుతూ.. పుస్తకాలు చదవడం వల్ల ఉన్నత విద్య, పరిశోధనతో పాటు పోటీ పరీక్షల్లో రాణించేందుకు అవసరమైన జ్ఞానం లభిస్తుందని పేర్కొన్నారు. వ్యక్తిత్వ వికాసం, సృజనాత్మకత పెంపొందించుకోవడానికి పఠనం దోహదపడుతుందన్నారు. పీయూలో పోటీ పరీక్షల పుస్తకాలతో పాటు వివిధ మ్యాగజైన్లు, దినపత్రికలు అందుబాటులో ఉన్నాయని, విద్యార్థులు వాటిని సద్వినియోగం చేసుకోవాలని సూచించారు. గొప్ప వ్యక్తులు పుస్తక పఠనం ద్వారానే ఉన్నత స్థాయికి చేరుకున్నారని గుర్తుచేశారు. కార్యక్రమంలో రిజిస్ట్రార్‌ రమేష్‌బాబు, కంట్రోలర్‌ ప్రవీణ, ప్రిన్సిపాల్‌ మధుసూదన్‌రెడ్డి, ఈశ్వర్‌కుమార్‌, భూమయ్య, కరుణాకర్‌రెడ్డి, ఐక్యూఏసీ డైరెక్టర్‌ రాజ్‌కుమార్‌, అర్జున్‌కుమార్‌, కోఆర్డినేటర్‌ జయనాయక్‌ పాల్గొన్నారు.

గట్టు: వర్షాభావ పరిస్థితుల నేపథ్యంలో రైతులు నీటి వనరులను పొదుపుగా వాడుకోవాలని జిల్లా ఉద్యాన వన అధికారి రాజ్‌కుమార్‌ అన్నారు. గురువారం గట్టులోని రైతువేదికలో జిల్లా ఉద్యాన వన శాఖ ఆధ్వర్యంలో నిర్వహించిన అవగాహన కార్యక్రమంలో ఆయన పాల్గొని మాట్లాడారు. ఎల్‌నినో ప్రభావం వల్ల వచ్చే ఏడాది జూన్‌ వరకు ఇబ్బందికర పరిస్థితులు ఎదురవుతాయని, కాబట్టి రైతులు తక్కువ నీటితో పండించే కూరగాయలు సాగు చేయాలని కోరారు. అలాగే పండ్లతోటలకు డ్రిప్‌ ద్వారానే నీటిని మొక్క లకు అందించాలని, మిరప, టమాట, ఇతర కూరగాయల సాగులో తప్పనిసరిగా మల్చింగ్‌ విధానం వేసుకోవాలని కోరారు. మల్చింగ్‌ను 50 శాతం రాయితీ, తీగజాతి కూరగాయల సాగుకు శాశ్వత పందిరి ఏర్పాటుకు 50 శాతం రాయితీ అందిస్తున్నట్లు చెప్పారు. ఉద్యాన కళాశాల ప్రొఫెసర్‌ రాజశేఖర్‌ మాట్లాడుతూ కూరగాయల సాగులో అధిక ఉష్ణోగ్రతలు, తక్కువ వర్షపాతం, నీటి కొరత ప్రాంతాల్లో తీసుకోవాల్సిన పద్ధతుల గురించి వివరించారు. ఆయిల్‌పాం, పండ్ల తోటల్లో నీటి యాజమాన్య పద్ధతులపై అవగాహన కల్పించారు. అధిక ఉష్ణోగ్రత సమయంలో మొక్కలకు తగినంత తేమ అందించడం ద్వారా అధిక దిగుబడి సాధించవచ్చని చెప్పారు. పల్లీ @ రూ.9,400 గద్వాల వ్యవసాయం: జిల్లాకేంద్రంలోని వ్యవసాయ మార్కెట్‌ యార్డుకు గురువారం 680 క్వింటాళ్ల వేరుశనగ అమ్మకానికి వచ్చింది. కాగా.. క్వింటాల్‌ గరిష్టంగా రూ.9,400, కనిష్టంగా రూ.4,488, సరాసరిగా రూ.7,366 ధరలు లభించాయి. అలాగే 36 క్వింటాళ్ల ఆముదాలు రాగా క్వింటాల్‌ గరిష్టంగా రూ.7,859, కనిష్టంగా రూ.7,719, సరాసరిగా రూ.7,851 చొప్పున వచ్చాయి. 274 క్వింటాళ్ల వరి (సోన) రాగా.. క్వింటాల్‌ గరిష్టంగా రూ.3,289, కనిష్టంగా రూ.2,668, సరాసరిగా రూ.3,289 ధరలు వచ్చాయి. జూరాల కాల్వలకు నీటి సరఫరా బంద్‌ అమరచింత: జూరాల కుడి, ఎడమ కాల్వలకు నీటి సరఫరాను గురువారం తెల్లవారుజాము న నిలిపివేశారు. వారబందీ విధానంలో జూరా ల ఆయకట్టుకు సాగునీటిని అందిస్తున్న ప్రాజె క్టు అధికారులు గత నెల 31న చివరితడి అంటూ ఐదురోజుల పాటు నీటిని వదిలారు. ప్ర స్తుతం జలాశయంలో 1.702 టీఎంసీల నీరు మాత్రమే నిల్వ ఉందని ఏఈ సుదర్శన్‌ తెలిపారు. ప్రధాన ఎడమ కాల్వ పరిధిలో 85 వేల ఎకరాల ఆయకట్టు ఉండగా.. వానాకాలంలో రైతులు అత్యధికంగా వరి సాగుచేశారు. అదేవిధంగా కుడి కాల్వ పరిధిలో 35 వేల ఎకరాలు ఉండగా.. 20 వేలు మాత్రమే సాగైంది. ప్రస్తుతం ఇదే చివరితడి.

గద్వాల న్యూటౌన్‌: రాష్ట్ర ప్రభుత్వం ఈ నెల శనివారం నుంచి సోమవారం వరకు వికారాబాద్‌ జిల్లా దుద్యాల మండలం హకీంపేటలో నిర్వహించనున్న కిసాన్‌ మేళాకు జిల్లా నుంచి రైతులు పెద్దఎత్తున తరలివెళ్లేలా ఏర్పాట్లు చేయాలని కలెక్టర్‌ రిజ్వాన్‌బాషాషేక్‌ అన్నారు. గురువారం ఆయన కలెక్టరేట్‌ నుంచి జిల్లాలోని మండలాల అధికారులతో వెబెక్స్‌ సమావేశం నిర్వహించి.. బస్సుల ఏర్పాట్లు, రైతులకు కల్పించాల్సిన సౌకర్యాలపై మాట్లాడారు. కిసాన్‌ మేళాతో రైతులకు ఆధునిక వ్యవసాయ పద్ధతులపై అవగాహన కలుగుతుందన్నారు. ప్రధానంగా సోమవారం ఉదయం 10 గంటల వరకు బస్సులు అన్ని మండలాలకు చేరుకోవాలని, మొత్తం 50 బస్సుల్లో జిల్లా రైతులు మేళా వెళ్లేందుకు అన్ని ఏర్పాట్లు చేయాలని ఆదేశించారు. ఎక్కవ మంది రైతులు ఆసక్తి చూపితే అదనంగా బస్సులు ఏర్పాటు చేస్తామన్నారు. ప్రతి బస్సుకు ఒక సమన్వయ అధికారి, వైద్య సిబ్బంది, ప్రథమ చికిత్స కిట్‌ అందుబాటులో ఉండాలన్నారు. బస్సులపై ఆయా మండలాల పేర్లు, ఇతర అవసరమైన వివరాలు అతికించాలన్నారు. 10 బస్సులకు ఒక పోలీస్‌ అధికారి పర్యవేక్షణ ఉండాలని, ఎర్రవల్లి చౌరస్తా సమీపంలో మధ్యాహ్న, రాత్రి భోజనాలు ఏర్పాటు చేయాలన్నారు. సమావేశంలో అదనపు కలెక్టర్లు మధుమోహన్‌, నర్సింగరావు, డీఎస్పీ మొగిలయ్య, డీఏఓ వీరప్ప తదితరులు పాల్గొన్నారు. ● పట్టభద్రుల ఓటరు నమోదు కోసం వచ్చిన ఫారం దరఖాస్తుల పరిశీలనను వేగవంతం చేసి, 15 రోజుల్లో పూర్తి చేయాలని కలెక్టర్‌ అన్నారు. హైదరాబాద్‌ నుంచి రాష్ట్ర ఎన్నికల ప్రధాన అధికారి సుదర్శన్‌రెడ్డి కలెక్టర్లతో వీసీ నిర్వహించి ఓటరు జాబితాపై సమీక్షించారు. ఈ సందర్బంగా సీఈఓ మాట్లాడుతూ ఓటర్‌ ఎన్‌రోల్‌మెంట్‌లో వచ్చిన దరఖాస్తులను వెరిఫికేషన్‌ వేగవంతం చేయాలన్నారు. అన్ని జిల్లాల్లో ఎలక్ట్రోరల్‌ లిటరసీ క్లబ్‌ ఏర్పాటు చేసి విద్యార్థులు, యువతకు ఓటుహక్కు ప్రాధాన్యతపై అవగాహన కల్పించాలన్నారు. అనంతరం కలెక్టర్‌ మాట్లాడుతూ జిల్లాలో గ్రాడ్యుయేట్‌ ఎన్నికల కోసం ఇప్పటి వరకు 20,917 దరఖాస్తులు వచ్చినట్లు వివరించారు. గత ఎన్నికల్లో 14 వేల ఓటరు దరఖాస్తులు రాగా.. ఈసారి భారీగా పెరిగా యని చెప్పారు. సమావేశంలో అదనపు కలెక్టర్లు మధుమోహన్‌, ఆర్డీఓ శ్రీనివాసరావు, ఎన్నికల వి భాగ అధికారి మంజుల పాల్గొన్నారు.

గద్వాల న్యూటౌన్‌: ప్రభుత్వ ఆర్థిక లావాదేవీలు, ఉద్యోగుల సర్వీసు వ్యవహరాలన్నీ డిజిటల్‌ విధానంలో పారదర్శకంగా నిర్వహించాలని జిల్లా ట్రెజరీ అధికారి గాయత్రి అన్నారు. ఈ–సాంక్షన్‌, ఈ–హెచ్‌ఆర్‌ఎంస్‌, వర్క్స్‌ అకౌంట్స్‌ మేనేజ్‌మెంట్‌ ఇన్ఫర్మేషన్‌ సిస్టం విధానాల అమలుపై జిల్లాలోని వివిధ ప్రభుత్వ శాఖల డ్రాయింగ్‌ అండ్‌ డిస్బర్సింగ్‌, జిల్లా అధికారులకు గురువారం కలెక్టరేట్‌లో నిర్వహించిన శిక్షణలో ఆమె పాల్గొని మాట్లాడారు. ఐఎఫ్‌ఎంఐఎస్‌ ద్వారా ప్రభుత్వ శాఖల ఆర్థిక లావాదేవీలు, బిల్లుల చెల్లింపులు, ఉద్యోగుల సేవా వ్యవహారాల్లో పారదర్శకత, జవాబుదారీతనం పెంపొందించడమే లక్ష్యమన్నారు. ప్రభుత్వం ప్రవేశపెట్టిన నూతన డిజిటల్‌ విధానాలను అధికారులు పూర్థిస్థాయిలో అర్థం చేసుకొని, నిబంధనల మేరకు సమర్థవంతంగా వినయోగించుకోవాలన్నారు. ఈ–సాంక్షన్‌ విధానం ద్వారా ప్రభుత్వ నిధుల మంజూరు, పరిపాలన అనుమతులు, సంబంధిత ఆర్థిక ఆమోద ప్రక్రియలను ఆన్‌లైన్‌లో నిర్వహించేందుకు వీలుంటుందని చెప్పారు. ఈ–హెచ్‌ఎస్‌ఐఆర్‌ఎంఎస్‌ ద్వారా ప్రభుత్వ ఉద్యోగుల సర్వీసు వివరాలు, రిజిస్టర్లు, ఉద్యోగుల సేవా రికార్డులను డిజిటల్‌ విధానంలో నిర్వహించవచ్చని పేర్కొన్నారు. తద్వారా ఉద్యోగుల వివరాలను సులభంగా పరిశీలించడంతోపాటు, సేవా సంబంధిత వ్యవహారాలను మరింత వేగంగా, పారదర్శకంగా చేపట్టవచ్చన్నారు. డిజిటల్‌ విధానం అమలులో ఎదురయ్యే సందేహాలను శిక్షణలో నివృత్తి చేసుకొని, సాంకేతిక పరిజ్ఞానాన్ని పెంపొందించుకోవాలని సూచించారు.

గద్వాల క్రైం: జిల్లాలో రోడ్డు ప్రమాదాల నివారణకు పోలీసు శాఖ వ్యూహాత్మకంగా చర్యలు చేపట్టాలని ఎస్పీ శ్రీనివాసరావు అన్నారు. గురువారం ఎస్పీ కార్యాలయంలో నేర సమీక్ష సమావేశం నిర్వహించి మాట్లాడారు. శాంతిభద్రతల విషయంలో అప్రమత్తంగా ఉంటూ అనుమానాస్పద కేసులపై వేగంగా విచారణ చేపట్టాలన్నారు. జిల్లాలో అనుమతి లేకుండా నిర్వహిస్తున్న మద్యం సిట్టింగ్‌ దాబాలు, చట్టవ్యతిరేక కార్యకలాపాలపై ఉక్కుపాదం మోపాలన్నారు. నిషేధిత మత్తు పదార్థాల విక్రేతలపై నిఘా ఉంచి క్రిమినల్‌ కేసులు నమోదు చేయాలన్నారు. గంజాయి వంటి వ్యసనాలకు అలవాటు పడిన యువతను గుర్తించి కౌన్సెలింగ్‌ ఇవ్వాలన్నారు. జిల్లావ్యాప్తంగా పెట్రోలింగ్‌, గస్తీ పెంచాలని, వివిధ పోలీసుస్టేషన్లలో నమోదైన కేసులు, సమస్యలపై వచ్చే బాధితులకు న్యాయం అందేలా చూడాలన్నారు. రోడ్డు ప్రమాదాలపై విలేజ్‌ రోడ్డు సేఫ్టీ కమిటీలను ఏర్పాటు చేయాలని సిబ్బందికి ఆదేశించా రు. హిట్‌ అండ్‌ రన్‌ ప్రమాదాలపై ప్రత్యేక విచారణ చేపట్టాలన్నారు. అనుమతి లేకుండా ఇసుక, మట్టి, రేషన్‌ బియ్యం అక్రమ తరలింపు, పేకాట ఆడటం వంటివి కట్టడి చేయాలన్నారు. సరిహద్దు ప్రాంతా ల్లో పట్టిష్టమైన నిఘా పెట్టాలన్నారు. స్టేషనలో నమోదైన కేసుల విషయంలో నిర్లక్ష్యం లేకుండా వీలైనంత త్వరగా కోర్టులో చార్జీషీట్‌ దాఖలు చేసి నిందితులకు శిక్ష పడేలా చర్యలు తీసుకోవాలన్నా రు. సైబర్‌ కేసులపై విస్తృతంగా అవగాహన కల్పించాలని చెప్పారు. సమావేశంలో ఏఎస్పీ శంకర్‌, డీఎస్పీ మొగిలయ్య, సీఐలు శ్రీను, ప్రదీప్‌కుమార్‌, ఎస్‌ఐలు పాల్గొన్నారు. అనంతరం హెడ్‌కానిస్టేబుల్‌గా పదోన్నతి మానవపాడు పోలీసుస్టేషన్‌ కాని స్టేబుల్‌ తిరుమలేష్‌ను ఎస్పీ అభినందించారు.

గద్వాల: ప్రభుత్వ ధాన్యం పక్కదారి పడుతున్నా.. బాధ్యులైన మిల్లర్లపై కేసులు నమోదవుతున్నా.. ఈ అక్రమాలకు సహకరించిన అధికారులపై మాత్రం చర్యలు కనిపించడం లేదన్న విమర్శలు వెల్లువెత్తుతున్నాయి. రైతుల నుంచి ప్రభుత్వం కొనుగోలు చేసిన ధాన్యాన్ని కస్టమ్‌ మిల్లింగ్‌ రైస్‌ (సీఎమ్మార్‌) కింద తిరిగి బియ్యంగా అప్పగించాల్సిన రైస్‌మిల్లర్లు కొందరు అక్రమాలకు పాల్పడుతున్నారనే ఆరోపణలు ఉన్నాయి. ఒక్క గద్వాల జిల్లాలోనే సుమారు రూ.70 కోట్ల విలువైన ప్రభుత్వ ధాన్యం పక్కదారి పట్టినట్లు ఆరోపణలు వినిపిస్తుండగా.. ఉమ్మడి జిల్లావ్యాప్తంగా ఈ మొత్తం రూ.200 కోట్లకు పైగా ఉంటుందని అంచనాలు వ్యక్తమవుతున్నాయి. తాజాగా గద్వాల జిల్లాలో మరో మూడు మిల్లులపై కేసులు నమోదవడం ఈ వ్యవహారాన్ని మరోసారి తెరపైకి తెచ్చింది. మిల్లర్లపై చర్యలు తీసుకుంటున్న అధికారులు.. వారికి సహకరించినట్లు ఆరోపణలు ఎదుర్కొంటున్న తమ శాఖలోని అధికారులపై ఎందుకు విచారణ చేపట్టడం లేదన్న ప్రశ్నలు తలెత్తుతున్నాయి. మిల్లర్ల అవతారంలో అక్రమార్కులు ప్రభుత్వం రైతుల నుంచి ధాన్యం కొనుగోలు చేసేందుకు వేల కోట్ల రూపాయలు ఖర్చు చేస్తోంది. సేకరించిన ధాన్యాన్ని మిల్లుల సామర్థ్యాన్ని బట్టి రైస్‌మిల్లర్లకు కేటాయించి, నిర్ణీత గడువులో సీఎమ్మార్‌ బియ్యం తిరిగి ప్రభుత్వానికి అప్పగించాలని నిబంధనలు విధిస్తోంది. అయితే ఈ ప్రక్రియలో కొందరు మిల్లర్లు అక్రమాలకు పాల్పడుతున్నారనే ఆరోపణలున్నాయి. గతంలో పీడీఎస్‌ బియ్యం అక్రమ రవాణా వ్యవహారాల్లో ఉన్నవారు, మిల్లింగ్‌ రంగంలో అనుభవం లేనివారు సైతం మిల్లుల ఏర్పాటుకు అనుమతులు పొందడం, ధాన్యం కేటాయింపులు దక్కించుకోవడం వెనుక కొందరు అధికారుల సహకారం ఉందన్న విమర్శలు వినిపిస్తున్నాయి. అనుమతులు, ధాన్యం కేటాయింపులు, సీఎమ్మార్‌ బియ్యం స్వీకరణ వరకు ప్రతి దశలోనూ అధికారుల పర్యవేక్షణ అవసరమనే నేపథ్యంలో ఈ ఆరోపణలకు ప్రాధాన్యత ఏర్పడింది. 7.57 లక్షల టన్నుల ధాన్యం 2025–26 ఖరీఫ్‌ సీజన్‌కు సంబంధించి ఉమ్మడి మహబూబ్‌నగర్‌ జిల్లాలో ప్రభుత్వం 7.57 లక్షల మెట్రిక్‌ టన్నుల ధాన్యాన్ని సేకరించి మిల్లులకు కేటాయించింది. అక్టోబర్‌ 31 నాటికి సీఎమ్మార్‌ బియ్యం తిరిగి అప్పగించాల్సి ఉండగా.. అప్పటి వరకు సగం మాత్రమే అందించినట్లు సమాచారం. అందులోనూ సన్నరకం ధాన్యానికి బదులుగా దొడ్డురకం బియ్యాన్ని అప్పగించి ప్రభుత్వాన్ని మోసం చేస్తున్నారనే ఆరోపణలు ఉన్నాయి. నారాయణపేట, జోగుళాంబ గద్వాల, వనపర్తి, మహబూబ్‌నగర్‌, నాగర్‌కర్నూల్‌ జిల్లాల్లో ఈ తరహా అక్రమాలు జరుగుతున్నట్లు విమర్శలు వ్యక్తమవుతున్నాయి. మూడు మిల్లులపై కేసులు గద్వాల జిల్లాలో రాధాకృష్ణ రైస్‌మిల్‌, ఫరీదా రైస్‌మిల్‌, దువాసిపల్లి వెంకటేశ్వర మోడ్రన్‌ రైస్‌మిల్లులపై అక్రమాలకు సంబంధించి కేసులు నమోదయ్యాయి. వీరిలో ఇద్దరు మిల్లర్లు రిమాండ్‌కు వెళ్లారు. ప్రభుత్వ ధాన్యాన్ని పక్కదారి పట్టించినట్లు ఆరోపణలు ఎదుర్కొంటున్న మిల్లర్లపై పోలీసు కేసులు నమోదు చేసి చర్యలు తీసుకుంటున్నప్పటికీ.. ఈ అక్రమాలు జరగడానికి కారణమైన అధికారుల పాత్రపై మాత్రం సమగ్ర విచారణ జరగడం లేదన్న విమర్శలు ఉన్నాయి. 2025–26 ఖరీఫ్‌లో ఉమ్మడి జిల్లా వ్యాప్తంగా కేటాయించిన ధాన్యం వివరాలు.... జిల్లా మిల్లులు కేటాయించిన ధాన్యం (మె.ట) మహబూబ్‌నగర్‌ 77 1,47,938 గద్వాల 49 1,34,495 వనపర్తి 69 2,20,182 నాగర్‌కర్నూల్‌ 56 1,14,442 నారాయణపేట 51 1,40,266 ఉమ్మడి జిల్లాలో రూ.200 కోట్లకుపైగా సీఎమ్మార్‌ ధాన్యం పక్కదారి ఒక్క గద్వాల జిల్లాలోనే రూ.70 కోట్ల విలువైన ధాన్యం స్వాహా అక్రమాలకు పాల్పడిన 3 మిల్లులపై కేసులు.. ఇద్దరు మిల్లర్లకు రిమాండ్‌ మిల్లర్లకు సహకరించిన అధికారుల మాటేమిటి? ఇతర జిల్లాల్లో అధికారులపై చర్యలు.. ఉమ్మడి పాలమూరులో అంతా గప్‌చుప్‌

అలంపూర్‌: ప్రభుత్వ సహకారంతో వ్యవసాయ అభివృద్ధికి సహకార సంఘాల పాలకవర్గాలు తోడ్పాటు అందించాలని ఏఐసీసీ కార్యదర్శి, మాజీ ఎమ్మెల్యే ఎస్‌ఏ సంపత్‌కుమార్‌ సూచించారు. అలంపూర్‌ నియోజకవర్గంలోని ఏడు ప్రాథమిక వ్యవసాయ సహకార సంఘాలకు ప్రత్యామ్నాయ నాన్‌–ఆఫీషియల్‌ పర్సన్స్‌ ఇన్‌చార్జి చైర్మన్లను నియమిస్తూ.. ఈ నెల 3న రాష్ట్ర ప్రభుత్వం ఉత్తర్వులు జారీ చేసింది. ఈ సందర్భంగా హైదరాబాద్‌లో సంపత్‌కుమార్‌ను వారు కలిసి కృతజ్ఞతలు తెలిపారు. అనంతరం ఆయన మాట్లాడుతూ.. సహకార సంఘాలు రైతులకు మరింత చేరువై వారి సంక్షేమమే లక్ష్యంగా పనిచేయాలన్నారు. అలాగే రైతుల సమస్యల పరిష్కారానికి అవసరమైన చర్యలు తీసుకోవాలని సూచించారు. కాగా, తమను పదవులకు ఎంపిక చేసిన సీఎం రేవంత్‌రెడ్డి, జిల్లా ఇన్‌చార్జి మంత్రి దామోదర రాజనర్సింహ, వ్యవసాయశాఖ మంత్రి తుమ్మల నాగేశ్వరరావుకు వారు ధన్యవాదాలు తెలిపారు.

రోడ్డు ప్రమాదాల నివారణకు పటిష్ట చర్యలు తీసుకుంటున్నాం. రవాణాశాఖ, పోలీసు శాఖ సంయుక్తంగా వాహనదారులకు రోడ్డు నిబంధనలపై అవగాహన సదస్సులు నిర్వహిస్తున్నాం. ముఖ్యంగా గూడ్స్‌ వాహనాల్లో సరుకులను మాత్రమే రవాణా చేయాలి. ప్రజలను గూడ్స్‌ వాహనాలపై ఇతర ప్రాంతాలకు తీసుకెళ్తున్నారు. అలాంటి వాహనదారులపై కఠినంగా వ్యవహరిస్తాం. జిల్లాలో తాజాగా జరిగిన రోడ్డు ప్రమాదాలు మద్యం మత్తులో జరిగినట్లు తేలితే మరిన్ని చర్యలు తీసుకుంటాం. వాహనదారులు తప్పనిసరిగా రోడ్డు భద్రతా నియమాలు పాటించాలి. – శ్రీనివాసరావు, ఎస్పీ

మహబూబ్‌నగర్‌ ఎడ్యుకేషన్‌: ప్రభుత్వ పాఠశాలల్లో చదువుకునే చిన్నారులకు ఉదయమే పౌష్టిక అల్పాహారం అందించాలన్న లక్ష్యం ఇంకా పూర్తిస్థాయిలో కార్యరూపం దాల్చడం లేదు. బడికి వచ్చే విద్యార్థులు ఖాళీ కడుపుతో ఉండకూడదనే ఉద్దేశంతో ప్రభుత్వం ప్రతిష్టాత్మకంగా చేపట్టిన ఈ కార్యక్రమం ఉమ్మడి పాలమూరులోని కొన్ని మండలాలకే పరిమితమైంది. మహబూబ్‌నగర్‌, నారాయణపేట జిల్లాల్లో దశలవారీగా అమలు చేస్తున్నా.. జోగుళాంబ గద్వాల, వనపర్తి, నాగర్‌కర్నూల్‌ జిల్లాల్లో ఇప్పటికీ ప్రారంభం కాలేదు. ప్రస్తుతం రెండు జిల్లాల్లోని పది మండలాల పరిధిలో 263 పాఠశాలల్లో 22,881 మంది విద్యార్థులకు మాత్రమే అల్పాహారం అందుతోంది. మిగతా మండలాల విద్యార్థులకూ ఈ పథకం ఎప్పటికి చేరుతుందన్నది ప్రశ్నార్థకంగా మారింది. కిచెన్‌షెడ్లే కీలకం.. ఉదయం వేళ విద్యార్థులకు ఐదు రకాల అల్పాహారంతోపాటు పాలు, జావ అందించాల్సి ఉంది. ఇందుకోసం పాఠశాలల్లోనే వంట చేయడం కాకుండా.. సమీప ప్రాంతాల్లో ఏర్పాటు చేసిన కిచెన్‌షెడ్లలో ఒకేచోట అల్పాహారం తయారు చేసి పాఠశాలలకు తరలించే ఇంటిగ్రేటెడ్‌ విధానాన్ని అమలు చేస్తున్నారు. హరేకృష్ణ మూవ్‌మెంట్‌ ఫౌండేషన్‌ ఆధ్వర్యంలో ఈ పంపిణీ కార్యక్రమం కొనసాగుతోంది. అయితే అవసరమైన చోట్ల కిచెన్‌షెడ్లు అందుబాటులో లేకపోవడంతో పథకం విస్తరణకు ఆటంకం ఏర్పడుతోంది. ఉన్న కొద్దిపాటి వంటశాలల నుంచే పాఠశాలలకు అల్పాహారం సరఫరా చేస్తున్నారు. ● మహబూబ్‌నగర్‌ జిల్లాలో మొత్తం 17 మండలాలు ఉండగా.. ప్రస్తుతం ఆరు మండలాల్లోని 160 పాఠశాలల్లో ఈ పథకం అమలవుతోంది. మహబూబ్‌నగర్‌ రూరల్‌, అర్బన్‌, చిన్నచింతకుంట, కౌకుంట్ల, నవాబుపేట, హన్వాడ మండలాల్లోని 14,681 మంది విద్యార్థులకు అల్పాహారం అందిస్తున్నారు. గతంలో రూరల్‌, హన్వాడ మండలాల్లోనే మాత్రమే కొనసాగిన ఈ కార్యక్రమాన్ని ఈనెల నుంచి మరో నాలుగు మండలాలకు విస్తరించారు. అయినప్పటికీ మిగతా 11 మండలాల్లోని విద్యార్థులకు ఇంకా ఈ పథకం అందుబాటులోకి రాలేదు. ● నారాయణపేట జిల్లాలోని కోస్గి, మద్దూర్‌, కొత్తపల్లి, గుండుమాల్‌ మండలాల్లో 123 పాఠశాలల పరిధిలో 8,200 మంది విద్యార్థులకు అల్పాహారం అందిస్తున్నారు. రెండు నెలల క్రితం రెండు మండలాల్లో ప్రారంభించిన ఈ కార్యక్రమాన్ని ఈ నెల మొదటి వారం నుంచి మరో రెండు మండలాలకు విస్తరించారు. విస్తరణకు వంటశాలల కొరత.. పథకాన్ని మరిన్ని మండలాలకు విస్తరించాలంటే ముందుగా కిచెన్‌షెడ్లను ఏర్పాటు చేయాల్సి ఉంది. మహబూబ్‌నగర్‌ బోయపల్లి, నవాబుపేటలో తాత్కాలిక వంటశాలల ద్వారా అల్పాహారం తయారు చేసి పాఠశాలలకు సరఫరా చేస్తున్నారు. గతంలో కోడూరు వద్ద ఉన్న కిచెన్‌షెడ్డును రోడ్డు విస్తరణ కారణంగా ఖాళీ చేయాల్సి వచ్చిందని అధికారులు చెబుతున్నారు. మిగతా ప్రాంతాల్లోనూ అవసరమైన వంటశాలలు ఏర్పాటు చేస్తేనే పథకాన్ని విస్తరించే అవకాశం ఉంది. దీంతో కిచెన్‌షెడ్ల నిర్మాణం, ప్రత్యామ్నాయ ఏర్పాట్లపై అధికారులు దృష్టి సారించాల్సిన అవసరం ఉంది. పాఠశాలల్లో అల్పాహారం పథకానికి కిచెన్‌షెడ్ల కొరత ఉమ్మడి పాలమూరులో పది మండలాలకే పరిమితం మహబూబ్‌నగర్‌లో 6, నారాయణపేటలో 4 మండలాల్లో అమలు గద్వాల, వనపర్తి, నాగర్‌కర్నూల్‌ జిల్లాల్లో ఇంకా ప్రారంభం కాని వైనం 22,881 మంది విద్యార్థులకే ఉదయపు అల్పాహారం

గద్వాల: గట్టు ఆస్పిరేషనల్‌ బ్లాక్‌లో అభివృద్ధి కార్యక్రమాలను మరింత వేగవంతం చేసి, నిర్ధేశించిన లక్ష్యాలను సాధించేందుకు అన్ని శాఖల అధికారులు సమన్వయంతో పనిచేయాలని కేంద్ర నోడల్‌ అధికారి లోకేష్‌ ఆదేశించారు. బుధవారం ఐడీఓసీ కార్యాలయంలో అదనపు కలెక్టర్‌ నర్సింగ్‌రావుతో కలిసి గట్టు ఆస్పిరేషనల్‌ బ్లాక్‌పై నిర్వహించిన సమీక్షలో ఆయన మాట్లాడారు. గట్టు ఆస్పిరేషనల్‌ బ్లాక్‌ ను అన్ని రంగాల్లో అభివృద్ధి చేసి, మెరుగైన ఫలితా లు సాధించేలా అధికారులు సమష్టిగా కృషి చేయాలన్నారు. ముఖ్యంగా విద్యార్థుల అభ్యసన సామర్థ్యాలను పెంపొందించి.. పదో తరగతి, ఇంటర్మీడియట్‌ పరీక్షల్లో ఉత్తమ ఫలితాలు సాధించేలా ప్రత్యే క బోధనా కార్యక్రమాలు నిర్వహించాలన్నారు. పాఠశాల స్థాయి నుంచి ఉన్నతవిద్య వరకు విద్యార్థుల చదువు కొనసాగింపుపై ప్రత్యేక శ్రద్ధ వహించాలని సూచించారు. బాలబాలికలు ఎవరూ మధ్య లో చదువు మానేయకుండా పటిష్టమైన పర్యవేక్షణ చేపట్టాలన్నారు. ఐసీడీఎస్‌ ద్వారా గర్భిణులకు పోషకాహారం క్రమం తప్పకుండా అందేలా చూడాలన్నారు. బ్యాంకింగ్‌ సేవలు, స్వయం సహాయక సంఘాలు, శిశు ఆరోగ్యం, గ్రామీణ పారిశుద్ధ్యం, అంగన్‌వాడీ కేంద్రాల్లో మౌలిక సదుపాయాలు, చిన్నారులకు పోషకాహారం, మధుమేహ పరీక్షలు వంటి అంశాలలో సాధించిన పురోగతిని ఇదే విధంగా కొనసాగించాలని తెలిపారు. అలాగే స్థానిక సంప్రదాయ ఉత్పత్తులను గుర్తించి వాటి వివరాలతో ప్రతిపాదనలు సిద్ధం చేయాలని సూచించారు. ఆ కాంక్ష బ్రాండ్‌ ఉత్పత్తులకు విస్తృత ప్రచారంతో మార్కెటింగ్‌ అవకాశాలు కల్పించి, జాతీయ స్థాయి లో గుర్తింపు తీసుకొచ్చేలా కృషి చేయాలన్నారు. తద్వారా స్థానిక కళాకారులు, మహిళా సంఘాలు, గ్రామీణ ప్రజలకు ఉపాధి అవకాశాలు పెంపొందించాలని తెలిపారు. సమావేశంలో డీడబ్ల్యూఓ సునంద, డీఆర్డీఓ ముషాయిదాబేగం, ఎంపీడీఓ మహ్మద్‌ అబ్దుల్‌, ఈఈ ప్రభాకర్‌ ఉన్నారు.

డ్రంకెన్‌ డ్రైవ్‌తో నిత్యకృత్యమైన రోడ్డు ప్రమాదాలు అవగాహన ఏది? అతివేగం కంటే ప్రాణం మిన్న విషయాన్ని కొందరు పెడచెవిన పెడుతున్నారు. రోడ్డు భద్రతా నియమాలపై అవగాహన లేకపోవడం కూడా ఓ రకంగా ప్రమాదాలకు కారణమవుతోంది. ఏ రోడ్డుపై ఎంత మేర స్పీడ్‌ వెళ్లాలి.. ఎటు నుంచి ఇతర వాహనాలను ఓవర్‌ టెక్‌ చేయాలి... ఎదురుగా వస్తున్న వాహనాలతో ప్రమాదాలకు గురికాకుండా ఎలా బయట పడాలనే అంశాలపై యువ డ్రైవర్లకు అవగాహన లేకుండా పోతోంది. పైగా సూచిక బోర్డులను సైతం కొందరు గమనించడం లేదు. మద్యం మత్తులో వాహనాలు నడపడం వ్యామోహంగా మారుతోంది. మరోవైపు నిద్రలేమి కూడా ప్రమాదాలకు కారణంగా చెప్పవచ్చు. గద్వాల క్రైం: మద్యం మత్తులో డ్రైవింగ్‌తో రోడ్డు భద్రత ప్రశ్నార్థకంగా మారుతోంది. కొందరు మత్తులో వాహనం నియంత్రణ కోల్పోయి, తమ ప్రాణాలను ప్రమాదంలో పడేసుకోవడమే కాకుండా.. ఇతరుల ప్రాణాలను బలి తీసుకుంటున్నారు. జిల్లాలో ఇటీవల చోటు చేసుకున్న వరుస ప్రమాదాల ధాటికి ఏడు రోజుల వ్యవధిలోనే ఆరుగురు మృత్యువాత పడ్డారు. మరెందరో గాయాలపాలై ఆస్పత్రులపాలయ్యారు. మద్యం మత్తు, అజాగ్ర త్త, అతివేగం కారణంగా రోడ్డు ప్రమాదాలు నిత్యకృత్యమయ్యాయి. ఇంటి నుంచి బయటకు వెళ్లిన వారు క్షేమంగా వస్తే చాలనుకునే రోజులు వచ్చాయి. మద్యం మత్తులో వాయువేగంతో వాహనాలు నడపడం ద్వారా ప్రమాదాలు చోటు చేసుకోవడం అందరినీ ఆందోళనకు గురిచేస్తోంది. ఇటీవల చోటు చేసుకున్న ఘటనలు.. ఈ నెల 2న ఆంధ్రప్రదేశ్‌ రాష్ట్రం శ్రీసాత్యసాయి జిల్లాకు చెందిన ఓ కుటుంబం కారులో హైదరాబాద్‌కు బయలుదేరారు. మార్గంమధ్యలోని ధర్మవరం స్టేజీ సమీపంలో 44వ జాతీయ రహదారిపై నిలిపిన డీసీఎంను కారు వెనుక నుంచి ఢీకొట్టింది. ప్రమాదంలో ఒకరు మృతిచెందారు. గతనెల 31న మల్దకల్‌ మండలం పాల్వయి గ్రామానికి చెందిన ఓ యువకుడు తన స్నేహితుడితో కలిసి కారులో గద్వాల వైపునకు వస్తూ.. స్థానిక అంబేడ్కర్‌ చౌరస్తాలో గూడ్స్‌ ఆటోను ఢీకొట్టారు. ప్రమాదంలో సదరు యువకుడు అక్కడికక్కడే మృతిచెందాడు. ఈ ప్రమాదం సైతం మద్యం మత్తులోనే చోటు చేసుకుందని వెల్లడైంది. గతనెల 30న నంద్యాల జిల్లాలోని జూపాడు బంగ్లాకు చెందిన ఇద్దరు యువకులు మల్దకల్‌ మండలం నీలిపల్లెలోని బంధువుల గృహప్రవేశ కార్యక్రమానికి హాజరయ్యారు. ఈ క్రమంలో అయిజకు చెందిన బంధువు వారిద్దరిని తాటికుంట స్టేజీ సమీపానికి వస్తే మంచి విందు చేసుకోవచ్చని చెప్పాడు. అక్కడికి వెళ్లిన ఇద్దరు బంధువుతో కలసి మద్యం తాగారు. ఆ తర్వాత ముగ్గురు గృహప్రవేశ కార్యక్రమానికి బైక్‌పై వెళ్తూ.. ఎదురుగా వస్తున్న మరో బైక్‌ను ఢీకొట్టారు. ఈ ప్రమాదంలో జూపాడు బంగ్లాకు చెందిన ఓ యువకుడు, చిన్నతాండ్రపాడుకు చెందిన ఇద్దరు యువకులు మృతిచెందారు. ఇలా జిల్లావ్యాప్తంగా 11 నెలల వ్యవధిలో జరిగిన రోడ్డు ప్రమాదాల్లో 94 మంది మృత్యువాత పడ్డారు. 110 మందికి పైగా గాయాలపాలయ్యారు. తమతో పాటు ఇతరుల ప్రాణాలను బలితీసుకుంటున్న మందుబాబులు 11 నెలల వ్యవధిలోనే 94 మంది మృత్యువాత 110 మందికి పైగా ఆస్పత్రులపాలు

అలంపూర్‌: నియోజకవర్గంలోని పేద ప్రజలకు అన్నివిధాలా అండగా ఉంటామని ఎమ్మెల్యే విజయుడు అన్నారు. అలంపూర్‌ చౌరస్తాలోని క్యాంపు కార్యాలయంలో బుధవారం కల్యాణలక్ష్మి, షాదీముబారక్‌ పథకం లబ్ధిదారులకు చెక్కులను పంపిణీ చేశారు. ఈ సందర్భంగా ఎమ్మెల్యే మాట్లాడుతూ.. ప్రజా సంక్షేమం, నియోజకవర్గ అభివృద్ధికి అహర్నిశలు కృషి చేస్తున్నట్లు చెప్పారు. బడుగు బలహీన వర్గాల అభ్యున్నతే తన లక్ష్యమన్నారు. ప్రజలకు ఎలాంటి సమస్య ఉన్నా తన దృష్టితీసుకురావాలని సూచించారు. కల్యాణలక్ష్మి పథకంతో పేదింటి ఆడపిల్లల వివాహానికి అండగా నిలుస్తున్నట్లు తెలిపా రు. అర్హులందరూ ప్రభుత్వ పథకాలను సద్వినియో గం చేసుకోవాలని ఆయన సూచించారు. కాగా, వడ్డేపల్లి, మానవపాడు మండలాలకు చెందిన 53 మంది లబ్ధిదారులకు చెక్కులను పంపిణీ చేస్తున్నట్లు తెలిపారు. కార్యక్రమంలో ఆయా మండలాల ప్రజాప్రతినిధులు, పాల్గొన్నారు.

గద్వాల: అంగన్‌వాడీ కేంద్రాల్లో చిన్నారులు, బాలింతలు, గర్భిణులకు సక్రమంగా పౌష్టికాహారం అందిస్తూ.. కేంద్రాలను సమర్థవంతంగా నిర్వహించాలని కలెక్టర్‌ రిజ్వాన్‌ బాషా షేక్‌ ఆదేశించారు. బుధవా రం కలెక్టరేట్‌లోని వీసీ హాల్‌లో ఐసీడీఎస్‌ అధికారులు, సిబ్బందితో నిర్వహించిన సమీక్షలో ఆయన మాట్లాడారు. అంగన్‌వాడీ కేంద్రాలు అంటే కేవలం పిల్లలకు పౌష్టికాహారం, పూర్వ ప్రాథమిక విద్య అందించడమే కాకుండా.. చిన్నారుల ఆరోగ్య పరిస్థితులను కూడా గమనించేలా విధులు నిర్వర్తించాలని సూచించారు. జిల్లాలోని అంగన్‌వాడీ కేంద్రాల్లో బరువు, ఎత్తు తక్కువగా ఉన్న చిన్నారులపై ప్రత్యేక దృష్టిసారించి.. వారికి అవసరమైన చికిత్సతో పాటు ప్రత్యేక పౌష్టికాహారాన్ని అందజేయాలన్నా రు. చిన్నారులకు కంటి, చెవి, ఇతరత్రా సమస్యల తో పాటు మానసిక పరిస్థితిపై పర్యవేక్షణ అవసరమన్నారు. జిల్లాలో కొంతమందికి మేనరిక వివాహాల కారణంగా కూడా అంగవైకల్యం, బుద్దిమాంద్యంతో బాధపడే చిన్నారులు ఎక్కువగా ఉన్నారని తెలిపారు. ప్రత్యేక అవసరాలు గల పిల్లలపై ప్రత్యేక శ్రద్ధ చూపాలని సూచించారు. అంగన్‌వాడీ కేంద్రా లకు వచ్చే పిల్లలందరికీ 20 రోజుల్లోగా వివిధ పరీక్షలు పూర్తిచేసి, నివేదికను అందజేయాలన్నారు. అద్దె భవనాల్లో నిర్వహిస్తున్న అంగన్‌వాడీ కేంద్రాలకు పక్కా భవనాలను వీబీ–జీ రామ్‌జీ పథకంలో నిర్మించేందుకు కృషి చేస్తున్నట్లు తెలిపారు. అధికారులు, ప్రజాప్రతినిధులు తరచుగా అంగన్‌వాడీ కేంద్రాలను పర్యవేక్షణ చేయాలని.. ఏమైనా సమస్యలుంటే పరిష్కరించేందుకు కృషి చేయాలన్నారు. అదే విధంగా సఖి సేవలను విస్తరించాలన్నారు. విద్యార్థులకు గుడ్‌, బ్యాడ్‌ టచ్‌పై కౌమర దశలోనే అవగాహన కల్పించాలని సూచించారు. డీడబ్ల్యూఓ సునంద, డీసీపీఓ నర్సింహ, ఐసీడీఎస్‌ సీడీపీఓలు రాజేశ్వరి, హేమలత, సూపర్‌వైజర్లు ఉన్నారు.

కోస్గి రూరల్‌: ముఖ్యమంత్రి రేవంత్‌రెడ్డి ఈ నెల 8న కోస్గి పురపాలికలో పర్యటించనున్న నేపథ్యంలో బందోబస్తు ఏర్పాట్లను బుధవారం డీఎస్పీ లింగయ్య పర్యవేక్షించారు. సర్‌ సీవీ రామన్‌ మ్యూజియం ప్రారంభోత్సవం సందర్భంగా ఆవరణను పరిశీలించారు. భద్రత అంశాలు, పోలీసు విధుల కేటాయింపు, వాహనాల నిర్వహణ, రాకపోకలు, పార్కింగ్‌, ప్రవేశ, నిష్కమణ అంశాలను క్షుణ్ణంగా తనిఖీ చేశారు. ఎలాంటి ఆటంకాలు కలగకుండా పటిష్ట బందోబస్తు కల్పించాలని అధికారులను ఆదేశించారు. పోలీసు అధికారులు, సిబ్బంది తమకు అప్పగించిన బాధ్యతలను సమర్థవంతంగా నిర్వర్తించాలని, అప్రమత్తంగా ఉండాలన్నారు. ఆయన వెంట సీఐ సైదులు ఉన్నారు.

మల్దకల్‌: భూ సమస్యలను శాశ్వతంగా పరిష్కరించేందుకే ప్రభుత్వం రీ సర్వే నిర్వహిస్తోందని అదనపు కలెక్టర్‌ మధుమోహన్‌ అన్నారు. బుధవారం మల్దకల్‌ మండలం బూడిదపాడులో చేపట్టిన భూ సర్వేను ఆయన క్షేత్రస్థాయిలో పరిశీలించి.. వివరాలను తెలుసుకున్నారు. ఈ సందర్భంగా ఆయన మాట్లాడుతూ.. క్షేత్రస్థాయిలో సర్వే ప్రక్రియను పారదర్శకంగా పూర్తి చేయాలన్నారు. ఇందుకు లైసెన్స్‌డ్‌ సర్వేయర్లను సమర్థవంతంగా వినియోగించుకోవాలని మండల అధికారులకు సూచించారు. ఎలాంటి వివాదాలకు ఆస్కారం లేకుండా సర్వేను పూర్తిచేయాలని తెలిపారు. ఆయన వెంట తహసీల్దార్‌ ఝాన్సీరాణి, సర్వే ఏడీ నూకరాజు ఉన్నారు. ప్రైవేటీకరణను అంగీకరించం గద్వాల న్యూటౌన్‌: లాభాల్లో ఉన్న ప్రభుత్వ రంగ సంస్థల ప్రైవేటీకరణను అంగీకరించే ప్రసక్తే లేదని ఇన్సూరెన్స్‌ కార్పొరేషన్‌ ఎంప్లాయిస్‌ యూనియన్‌ (ఐసీఈయూ) హైదరాబాద్‌ డివిజన్‌ ప్రధానకార్యదర్శి మద్దిలేటి అన్నారు. బుధవారం స్థానిక ఎల్‌ఐసీ కార్యాలయంలో నిర్వహించిన ఐసీఈయూ 36 వ కార్యవర్గ సమావేశానికి హాజరైన ఆయన మాట్లా డుతూ.. లాభాలతో ఉన్న ఎల్‌ఐసీ లాంటి ప్రభుత్వ రంగ సంస్థలను ప్రైవేటీకరించి పేద, మధ్య తరగతి ప్రజలకు బీమా సౌకర్యాన్ని దూరం చేస్తామంటే అంగీకరించేది లేదని స్పష్టం చేశారు. అవసరమైన సందర్భాల్లో ఎల్‌ఐసీ ప్రభుత్వాన్ని ఆదుకున్నదే తప్పా.. ప్రభుత్వం ఎల్‌ఐసీకి చేసింది ఏమీ లేదని మండిపడ్డారు. ప్రభుత్వ రంగ సంస్థల ప్రైవేటీకరణ వ్యతిరేకంగా ఐక్యంగా పోరాడాలని ఉద్యోగులకు పిలుపునిచ్చారు. అనంతరం యూనియన్‌ నూతన కమిటీని ఎన్నుకున్నారు. అధ్యక్షుడిగా శివకుమార్‌, ఉపాధ్యక్షుడిగా మల్లికార్జున్‌, ప్రధానకార్యదర్శిగా బంగి రంగారావు, సంయుక్త కార్యదర్శులుగా సూరజ్‌, రాఘవేంద్ర, కోశాధికారి శైలేష్‌, ఉమెన్స్‌ కమిటీ సభ్యురాలిగా పద్మావతి, డివిజనల్‌ కమిటీ సభ్యులుగా ప్రవీణ్‌, మనీష్‌ ఎన్నికయ్యారు. అనంతరం ప్రధాన కార్యదర్శిగా వరుసగా 12వ సారి ఎన్నికై న బంగి రంగారావు మాట్లాడుతూ.. యూనియన్‌ బలోపేతానికి చిత్తశుద్ధితో కృషి చేస్తానన్నారు. కార్యక్రమంలో ఉపాధ్యక్షుడు రాజేశ్వర్‌, సహయకార్యదర్శి రవీందర్‌, సీఐటీయూ జిల్లా అధ్యక్ష, కార్యదర్శులు ఉప్పేర్‌ నరసింహ, వీవీ నరసింహ, ఎల్‌ఐసీ ఉద్యోగులు, ఏజెంట్లు తదితరులు పాల్గొన్నారు.

5-11-2026రేపు అథ్లెటిక్స్‌ క్రీడాకారుల ఎంపికలు మహబూబ్‌నగర్‌ క్రీడలు: హనుమకొండలో ఈనెల 10 నుంచి 12వ తేదీ వరకు జరిగే రాష్ట్రస్థాయి అండర్‌–14 ఎస్‌జీఎఫ్‌ బాలబాలికల అథ్లెటిక్స్‌ పోటీల్లో పాల్గొనే ఉమ్మడి జిల్లా అథ్లెటిక్స్‌క్రీడాకారుల ఎంపికలను జిల్లాకేంద్రంలోని మెయిన్‌ స్టేడియంలో ఈనెల 6వ తేదీన ఉదయం 9 గంటలకు నిర్వహించనున్నట్లు జిల్లా ఎస్‌జీఎఫ్‌ కార్యనిర్వాహక కార్యదర్శి వేణుగోపాల్‌ బుధ వారం ఓ ప్రకటనలో తెలిపారు. ఎంపికల్లో పాల్గొనే బాలబాలికలు అర్హత దరఖాస్తుతో రిపోర్టు చేయాలని సూచించారు.

బల్మూర్‌/అమ్రాబాద్‌/తెలకపల్లి: రాష్ట్రంలో వర్షాభావ పరిస్థితులతో నెలకొన్న కరువు రక్కసి నుంచి రైతాంగాన్ని, ప్రజలను ఆదుకోవాలని సీపీఐ జాతీయ కార్యదర్శి మాజీ ఎమ్మెల్యే పల్లా వెంకట్‌రెడ్డి ప్రభుత్వాన్ని డిమాండ్‌ చేశారు. బుధవారం బల్మూర్‌ మండలంలోని మహాదేవ్‌పూర్‌, అమ్రాబాద్‌ మండలం తిర్మలాపూర్‌ (బీకే), ఉప్పునుంతల (బీకే), పదర మండలం చిట్లంకుంట, పెట్రాల్‌చేన్‌పెంట, తెలకపల్లి మండలం గౌరారం గ్రామాల్లో సీపీఐ రాష్ట్ర బృందం పర్యటించి, ఎండిన పంటలను పరిశీలించింది. ఈ సందర్భంగా ఆయన మాట్లాడుతూ.. వర్షాలు లేక పంటలు పూర్తిగా దెబ్బతిన్నాయన్నారు. ముఖ్యంగా పత్తి, మొక్కజొన్న పంటలకు తీవ్ర నష్టం వాటిల్లడంతో రైతులు అప్పుల ఊబీలో కూరుకుపోయారన్నారు. ప్రభుత్వం జిల్లాను తీవ్ర కరువు ప్రాంతంగా ప్రకటించడంతో పాటు పంటలు ఎండిన రైతులకు పరిహారం అందించి ఆదుకోవాలని కోరారు. అలాగే వచ్చే సీజన్‌లో పంటల సాగుకు పెట్టుబడి సాయం అందించాలన్నారు. చెంచుపెంటలు, గిరిజన తండాల్లో తాగునీటి ఎద్దడిని నివారించేందుకు అవసరమైన చర్యలు తీసుకోవాలని తెలిపారు. కార్యక్రమంలో సీపీఐ రాష్ట్ర కార్యదర్శివర్గ సభ్యుడు ఎం.బాలనర్సింహ, జిల్లా కార్యదర్శి ఎస్‌ఎండీ ఫయాజ్‌, నాయకులు కె.కేశవులుగౌడ్‌, వి.వెంకటయ్య, పి.విజయ్‌, చంద్రమౌళి, రైతు సంఘం జిల్లా కార్యదర్శి సూర్యశంకర్‌గౌడ్‌, జిల్లా అధ్యక్షుడు బి.శ్రీనివాసులు, బి.రవీందర్‌, బండి లక్ష్మీపతి, ఏఐటీయూసీ జిల్లా కార్యదర్శి మారేడు శివశంకర్‌, ఏఐఎస్‌ఎఫ్‌ జిల్లా కార్యదర్శి బి.ప్రేమ్‌కుమార్‌, పి.గోపాల్‌, పరశురాం, నరేందర్‌రెడ్డి, విష్ణు, వంకేశ్వరం శ్రీనివాసులు, వేనేపల్లి రవీందర్‌, మల్లేష్‌, నారాయణరెడ్డి పాల్గొన్నారు.

గద్వాలవ్యవసాయం/జడ్చర్ల/దేవరకద్ర: బాదేపల్లి వ్యవసాయ మార్కెట్‌ యార్డులో బుధవారం పత్తి ధరలు తగ్గాయి. గత వారం క్వింటా రూ.9వేలకు పైగా పలికిన ధరలు దిగువకు పడిపోయాయి.యార్డుకు 1,070 బస్తాల పత్తి రాగా క్వింటా గరిష్టంగా రూ.8,839, కనిష్టంగా రూ.7,609 ధరలు లభించాయి. ధాన్యం ఆర్‌ఎన్‌ఆర్‌ 2,473 బస్తాలు రాగా గరిష్టంగా రూ.3,528, కనిష్టంగా రూ.2,641 పలికింది. మొక్కజొన్న 23,51 బస్తాలు రాగా గరిష్టంగా రూ.3,230, కనిష్టంగా రూ.2,881ఽ ,వేరుశనగ 215 బస్తాలు రాగా గరిష్టంగా రూ.7,722, కనిష్టంగా రూ.6,012, ఆముదాలు రూ.7,762 ధరలు లభించాయి. దేవరకద్ర మార్కెట్‌లో ఆర్‌ఎన్‌ఆర్‌ గరిష్టంగా రూ.3,259, కనిష్టంగా రూ.2,500, కేఎన్‌ఎమ్‌ ధాన్యం ధర గరిష్టంగా రూ.3,159, కనిష్టంగా రూ.2,300గా ధరలు నమోదయ్యావి. మార్కెట్‌కు దాదాపు 4 వేల బస్తాల ధాన్యం అమ్మకానికి వచ్చింది. ఉల్లి ధర రూ.4000 దేవరకద్ర మార్కెట్‌లో బుధవారం ఉల్లి వ్యాపారం జోరుగా సాగింది. చాలా మంది రైతులు మార్కెట్‌ బయటే బస్తాలుగా విక్రయించారు. 50 కేజీ ఉల్లి బస్తా ధర రూ.2000 వరకు విక్రయించారు. కొత్త ఉల్లి దిగుబడులు రావడంతో చాలామంది రైతులు వాహనాలలో ఉల్లిని తెచ్చి క్వింటాల్‌ రూ.3,000 నుంచి రూ.4000 వరకు విక్రయించారు. వ్యాపారులు రైతులతో ధరలు నిర్ణయించి కొనుగోలు చేశారు. వేరుశనగ క్వింటా రూ.9,016 గద్వాల వ్యవసాయ మార్కెట్‌యార్డుకు బుధవారం 657 క్వింటాళ్ల వేరుశనగ అమ్మకానికి వచ్చింది. క్వింటాకు గరిష్టంగా రూ. 9,016, కనిష్టంగా రూ. 5,050, సరాసరి రూ. 7,169 ధరలు లభించాయి. అలాగే 27 క్వింటాళ్ల ఆముదాలు రాగా.. క్వింటాకు గరిష్టంగా రూ. 7,839, కనిష్టం రూ. 7,329, సరాసరి రూ. 7,679 ధరలు పలికాయి. 416 క్వింటాళ్ల వరి (సోన) రాగా.. క్వింటాకు గరిష్టంగా రూ. 3,309, కనిష్టంగా రూ. 2,318, సరాసరి రూ. 2,809 ధరలు వచ్చాయి.

మానవపాడు: ప్రభుత్వ పాఠశాలలో కల్పిస్తున్న మౌలిక వసతులను విద్యార్థులు సద్వినియోగం చేసుకుంటూ ఉన్నత లక్ష్యాలతో ముందుకెళ్లాలని కలెక్టర్‌ రిజ్వాన్‌బాషా షేక్‌ అన్నారు. మంగళవారం ఆయన మండలంలోని జల్లాపురంలో పర్యటించి.. పాఠశాల విద్యార్థులతో మాట్లాడారు. విద్యార్థులు క్రమం తప్పకుండా పాఠశాలకు హాజరుకావాలని సూచించారు. తల్లిదండ్రులతో తరచూ సమావేశాలు నిర్వహించి.. చిన్నారుల ప్రగతి తదితర అంశాలను వివరించారు. పబ్లిక్‌ పరీక్షలో వందశాతం ఉత్తీర్ణత సాధించాలని, విద్యార్థులు అందరూ 550కుపైగా మార్కులు తెచ్చుకోవాలని ఆకాంక్షించారు. మధ్యాహ్న భోజనం పరిశీలించేందుకు మెస్‌ కమిటీ ఏర్పాటు చేయాలని, ఫీడ్‌ బ్యాక్‌ రికార్డులో చాలామంది విద్యార్థుల భోజనం యావరేజ్‌గా ఉందని రాయడంలో సంబంధిత సిబ్బందిపై కలెక్టర్‌ ఆగ్రహం వ్యక్తం చేశారు. పలుచోట్ల చెత్తాచెదారం పేరుకుపోవడంపై అసహనం వెలిబుచ్చారు. గ్రామంలో అభివృద్ధి పనులు వేగవంతం చేయాలని, రోగాలు వ్యాపించకుండా పారిశుద్ధ్యంపై ప్రత్యేక దృష్టి సారించాలని పంచాయతీ కార్యదర్శి శ్రీధర్‌ను ఆదేశించారు. అనంతరం గ్రామంలోని ఆరోగ్య కేంద్రానికి తాళం వేసి ఉండటంతో సిబ్బంది అందరికీ షోకాజ్‌ నోటీసులు జారీ చేయాలని డీఎంహెచ్‌ఓకు ఫోన్‌లో సూచించారు. కార్యక్రమంలో సర్పంచ్‌ నందిని, డీఐఈఓ హృదయరాజ్‌, తహసీల్దార్‌ మాన్సూర్‌ అలీ సిద్ధిఖీ, ఎంపీడీఓ రాఘవ తదితరులు పాల్గొన్నారు.

ధరూరు: విద్యార్థులు క్రీడల్లో జిల్లా ఖ్యాతిని చాటాలని డీఈఓ విజయలక్ష్మి అన్నారు. మంగళవారం ఆమె ధరూరులోని జెడ్పీహెచ్‌ఎస్‌లో జిల్లాస్థాయి బాలికల క్రీడా పోటీలను ప్రారంభించి మాట్లాడారు. విద్యార్థినులు చదువుతోపాటు క్రీడల్లోనూ రాణించాలని సూచించారు. బాలికలు క్రీడల్లో పాల్గొనేందుకు ముందుకురావడం సంతోషకరమైన విషయమన్నారు. క్రీడాకారులను ప్రోత్సహించడంతోపాటు వారికి సహాయ, సహకారాలు అందిస్తామన్నారు. పోటీల్లో గెలుపొందిన విద్యార్థినులకు గురు, శుక్రవారాల్లో పోలీస్‌ అకాడమీ హైదరాబాద్‌లో నిర్వహించే రాష్ట్రస్థాయి పీఎంశ్రీ స్కూల్స్‌ కబడ్డీ పోటీల్లో పాల్గొంటారని చెప్పారు. ● మండలంలోని మన్నాపురం గ్రామ ప్రాథమికోన్నత పాఠశాలను డీఈఓ ఆకస్మికంగా తనిఖీ చేసి.. మధ్యాహ్న భోజనం, విద్యా బోధన, అభ్యసన సామర్థ్యాలను పరిశీలించారు. విద్యార్థులకు అర్థమయ్యే రీతిలో విద్యా బోధన చేయాలని, ప్రతి ఉపాధ్యాయుడు తప్పనిసరిగా టీచింగ్‌ డైరీని క్రమం తప్పకుండా రాయాలని చెప్పారు. పాఠశాల లో విద్యా ప్రమాణాల పెంపుతోపాటు విద్యార్థు లకు నాణ్యమైన విద్య, పౌష్టికాహారం, పరిశుభ్ర మైన వాతావరణం కల్పించాలని సూచించారు.

గద్వాల న్యూటౌన్‌: నడిగడ్డ ప్రాంతంలో ప్రసిద్ధిగాంచిన జములమ్మ ఆలయ అభివృద్ధికి నిధులు మంజూరు చేస్తామని దేవాదాయ శాఖ కమిషనర్‌ హనుమంతురావు అన్నారు. మంగళవారం కమిషనర్‌ దంపతులు ఆలయాన్ని సందర్శించగా.. ఈఓ పురేందర్‌కుమార్‌, అర్చకులు వారికి పూర్ణకుంభంతో స్వాగతం పలికారు. ఈ సందర్భంగా వారు అమ్మవారిని దర్శించుకొని, ప్రత్యేక పూజలు చేసి మొక్కులు తీర్చుకున్నారు. ఈ సందర్భంగా ఈఓ జములమ్మ చరిత్ర, ఆలయ విశిష్టత, భక్తుల విశ్వాసాలు, ఆలయ ప్రాముఖ్యతను వివరించారు. అనంతరం ఆలయ అభివృద్ధికి అవసరమైన నిధుల గురించి ఈఓ ఆయన దృష్టికి తీసుకురాగా.. ప్రతిపాదనలు పంపించాలని, పరిశీలించి అవసరమైన నిధులు మంజూరు చేస్తామని చెప్పారు. జూనియర్‌ సివిల్‌ జడ్జిలకు స్థానచలనం నారాయణపేట: రాష్ట్ర న్యాయశాఖలో జూనియర్‌ సివిల్‌ జడ్జిల బదిలీలు, పోస్టింగ్‌లకు సంబంధించి హైకోర్టు కీలక ఉత్తర్వులు జారీ చేసింది. ఉమ్మడి జిల్లావ్యాప్తంగా పలువురు జ్యుడీషియల్‌ అధికారులకు స్థానచలనం కల్పి స్తూ మంగళవారం హైకోర్టు రిజిస్ట్రార్‌ జనరల్‌ (విజిలెన్స్‌) ఉత్తర్వులు వెలువరించారు. నారాయణపేట అదనపు జూనియర్‌ సివిల్‌ జడ్జి కమ్‌ ఫస్ట్‌ క్లాస్‌ అదనపు జ్యుడీషియల్‌ మెజిస్ట్రేట్‌ కె.అవినాష్‌ను మక్తల్‌ జూనియర్‌ సివిల్‌ జడ్జి కమ్‌ ఫస్ట్‌ క్లాస్‌ జ్యుడీషియల్‌ మెజిస్ట్రేట్‌గా బదిలీ చేస్తూ ఉత్తర్వులు వెలువడ్డాయి. మక్తల్‌లో ప్రస్తుతం ఖాళీగా ఉన్న జూనియర్‌ సివిల్‌ జడ్జి పోస్టులో ఆయన నియమితులయ్యారు. నారాయణపేట అదనపు జూనియర్‌ సివిల్‌ జడ్జి పోస్టు బాధ్యతలను ప్రిన్సిపల్‌ జూనియర్‌ సివిల్‌ జడ్జి కమ్‌ జ్యుడీషియల్‌ ఫస్ట్‌ క్లాస్‌ మెజిస్ట్రేట్‌కు అప్పగించి, కొత్త స్థానంలో బాధ్యతలు స్వీకరించాలని హైకోర్టు ఆదేశించింది. వనపర్తి మొదటి అదనపు జూనియర్‌ సివిల్‌ జడ్జి బండారి శ్రీలత కుమురం భీమ్‌ ఆసిఫాబాద్‌ జిల్లా సిర్పూర్‌ జూనియర్‌ సివిల్‌ జడ్జిగా బదిలీ అయ్యారు. కొల్లాపూర్‌ అదనపు జూనియర్‌ సివిల్‌ జడ్జి ఆర్‌.శరణ్య కల్వకుర్తి జూనియర్‌ సివిల్‌ జడ్జిగా నియమించారు. మహబూబ్‌నగర్‌ మొబైల్‌ కోర్టు ప్రత్యేక జ్యుడీషియల్‌ మెజిస్ట్రేట్‌ మహమ్మద్‌ మునావర్‌ హుస్సేన్‌ సూర్యాపేట జిల్లా తుంగతుర్తి జూనియర్‌ సివిల్‌ జడ్జిగా బదిలీ చేశారు. ఈ మేరకు బదిలీ అయిన జడ్జిలు ప్రస్తుత పోస్టుల నుంచి రిలీవ్‌ అయి, ఈ నెల 12లోగా కొత్త స్థానాల్లో విధుల్లో చేరాలని హైకోర్టు స్పష్టం చేసింది. అదనపు బాధ్యతలు నిర్వహించే అధికారులు, తమకు కేటాయించిన కోర్టులు వేరే ప్రాంతాల్లో ఉంటే బార్‌ అసోసియేషన్‌, కక్షిదారుల సౌకర్యాన్ని దృష్టిలో ఉంచుకుని కనీసం వారానికి ఒకసారైనా కోర్టు కార్యకలాపాలు నిర్వహించాలని ఆదేశించింది. పల్లీ @ రూ.9,170 గద్వాల వ్యవసాయం: జిల్లాకేంద్రంలోని వ్యవసాయ మార్కెట్‌ యార్డుకు మంగళవారం 674 క్వింటాళ్ల వేరుశనగ అమ్మకానికి వచ్చింది. కాగా.. క్వింటాల్‌ గరిష్టంగా రూ.9,170, కనిష్టంగా రూ.4,561, సరాసరిగా రూ.7,669 ధరలు లభించాయి. పీఏసీఎస్‌లకు ఇన్‌చార్జి చైర్మన్ల నియామకం అలంపూర్‌: నియోజకవర్గంలోని 7 ప్రాథమిక వ్యవసాయ సహకార సంఘాల సొసైటీలకు ప్రత్యామ్నాయ నాన్‌ అఫీషియల్‌ పర్సన్‌ ఇన్‌చార్జి చైర్మన్లను నియమిస్తూ రాష్ట్ర ప్రభుత్వం ఉత్తర్వులు జారీచేసిందని జిల్లా సహకార అధికారి టైటస్‌పాల్‌ మంగళవారం ఒక ప్రకటనలో తెలిపారు. రాష్ట్ర సహకార సంఘాల చట్టం, 1964లోని సెక్షన్‌ 32(7)(ఏ) ప్రకారం రాష్ట్ర వ్యవసాయ– సహకార శాఖ జారీ చేసిన జీఓ నంబర్లు 752, 753, 756, 757, 758, 759, 760 మేరకు నియామకాలు చేపట్టి ఉత్తర్వులు జారీ చేసినట్లు చేశామన్నారు. ఈ మేరకు అలంపూర్‌ పీఏసీఎస్‌ ఇన్‌చార్జి చైర్మన్‌గా పెద్ద అయ్యన్న, అయిజ కుర్వ సుజాత, కలుగోట్ల బి.శ్రీకాంత్‌, వడ్డేపల్లి ఈ.నాగరాజు, మానవపాడు బి.రామచంద్రారెడ్డి, క్యాతూర్‌ ఈ.నర్సన్‌గౌడ్‌, పుటాన్‌దొడ్డి బోయ మధునాయుడును నియమించినట్లు చెప్పారు. పీఏసీఎస్‌లు గ్రామీణ ప్రాంత రైతులకు వ్యవసాయ రుణాలు, ఎరువులు, విత్తనాల సరఫరాతోపాటు ఇతర సేవలు అందించడంలో కీలకపాత్ర పోషిస్తున్నట్లు వివరించారు.

పాలమూరు: చూడగానే నోరూరించే వంటకాలు.. తింటే ఆరోగ్యానికి చేటు చేసే పదార్థాలు.. హోటళ్లు, రెస్టారెంట్లు, టిఫిన్‌ సెంటర్లు, బేకరీలు, స్వీట్‌హౌస్‌లలో ఆహార కల్తీ వ్యవహారం ఆందోళన కలిగిస్తోంది. వంటకాలకు రుచి, రంగు కోసం కొన్ని చోట్ల చైనా ఉప్పు (ఎంఎస్‌జీ), కృత్రిమ రంగులు, నాణ్యత లేని మసాలాలు వినియోగిస్తున్నారనే ఆరోపణలున్నాయి. రోజుల తరబడి ఫ్రిజ్‌లలో నిల్వ ఉంచిన మాంసాహారంతో పాటు నకిలీ అల్లం వెల్లుల్లి పేస్టు, కల్తీ నూనెలు ఉపయోగిస్తున్నారనే విమర్శలున్నాయి. ఆహార భద్రత ప్రమాణాలను విస్మరించి వంటకాలు తయారు చేస్తే ప్రజారోగ్యంపై ప్రభావం పడే ప్రమాదముంది. తనిఖీలు లేక.. యథేచ్ఛగా కల్తీ ఉమ్మడి మహబూబ్‌నగర్‌ జిల్లాలో దాదాపు 30 వేల హోటళ్లు, రెస్టారెంట్లు, టిఫిన్‌ సెంటర్లు, బేకరీలు, స్వీట్‌హౌస్‌లు, స్ట్రీట్‌ఫుడ్‌ విక్రయ కేంద్రాలున్నాయి. వీటిపై నిరంతర పర్యవేక్షణ అవసరమైనా ఇటీవల ఆహార తనిఖీలు పెద్దగా కనిపించడం లేదనే విమర్శలున్నాయి. అప్పుడప్పుడు తనిఖీలు నిర్వహించి నమూనాలు సేకరిస్తున్నా.. వాటి ఫలితాలు, ఉల్లంఘనలకు పాల్పడిన వారిపై తీసుకుంటున్న చర్యల వివరాలు బహిర్గతం కావడం లేదనే అభిప్రాయాలున్నాయి. గతంలో హైదరాబాద్‌ ఎన్‌ఫోర్స్‌మెంట్‌ బృందాల తనిఖీల్లో నిల్వ ఉంచిన మాంసాహారం, కృత్రిమ రంగులు, కల్తీ కారం, గడువు ముగిసిన మసాలాలు, కల్తీ నూనెలు గుర్తించినట్లు అధికారులు వెల్లడించారు. వంటకాలకు రుచి పెంచేందుకు ఉపయోగించే చైనా ఉప్పు (ఎంఎస్‌జీ)ని పరిమితికి మించి వినియోగించ వద్దని, ముఖ్యంగా ఆహార తయారీలో ఉపయోగించే పదార్థాల నాణ్య త, నిల్వ విధానాలపై శ్రద్ధ అవసరమని అధికారు లు చెబుతున్నారు. సరైన ఉష్ణోగ్రతల్లో నిల్వ చేయని ఆహార పదార్థాల్లో బ్యాక్టీరియా పెరిగి వాంతులు, విరేచనాలు వంటి ఆహార సంబంధిత అనారోగ్య సమస్యలు తలెత్తే ప్రమాదం ఉందని చెప్పారు. రంగంలోకి ప్రత్యేక బృందాలు ఆహార కల్తీని అరికట్టేందుకు రాష్ట్ర ప్రభుత్వం టీజీ–సేఫ్‌ కార్యక్రమంలో భాగంగా ప్రత్యేక తనిఖీలకు సిద్ధమైంది. ఈ నెల మొదటి వారంలో ఉమ్మడి పాలమూరు జిల్లాలో సుమారు 15 ప్రత్యేక బృందాలతో తనిఖీలు నిర్వహించేందుకు ప్రణాళిక రూపొందించారు. హైదరాబాద్‌, రంగారెడ్డి జిల్లాల నుంచి కూడా ప్రత్యేక బృందాలు రానున్నాయి. హోటళ్లు, రెస్టారెంట్లు, దాబాలు, బేకరీలు, స్వీట్‌హౌస్‌లతో పాటు ఆహార తయారీ కేంద్రాల్లో తనిఖీలు చేపట్టనున్నారు. మరోవైపు నాగర్‌కర్నూల్‌ జిల్లాలో 15 రోజుల ప్రత్యేక డ్రైవ్‌ చేపట్టారు. ఈ నెల 15వ తేదీ వరకు తనిఖీలు నిర్వహించి నమూనాలు సేకరించడంతో పాటు నిబంధనలు ఉల్లంఘించిన వారిపై కేసులు నమోదు చేయనున్నారు. నిబంధనలు ఉల్లంఘిస్తే చర్యలు ఆహార కల్తీని అరికట్టేందుకు మొదట నాగర్‌కర్నూల్‌ జిల్లాలో 15 రోజుల ప్రత్యేక డ్రైవ్‌ చేపట్టాం. ఆహార పదార్థాల నమూనాలు సేకరించడంతో పాటు నిబంధనలు ఉల్లంఘించిన వారిపై కేసులు నమోదు చేస్తాం. ప్రభుత్వం చేపడుతున్న టీజీ–సేఫ్‌ కార్యక్రమంలో భాగంగా ఉమ్మడి మహబూబ్‌నగర్‌ జిల్లాలో నవంబర్‌ మొదటి వారంలో సుమారు 15 ప్రత్యేక బృందాలతో తనిఖీలు నిర్వహించనున్నాం. హైదరాబాద్‌, రంగారెడ్డి జిల్లాల నుంచి కూడా ప్రత్యేక బృందాలు రానున్నాయి. ప్రధానంగా వంటగదుల పరిశుభ్రత, నిల్వ ఉంచిన ఆహార పదార్థాల నాణ్యత, గడువు ముగిసిన వస్తువుల వినియోగం, కల్తీ పదార్థాల వాడకంపై ప్రత్యేకంగా దృష్టి సారిస్తాం. నిబంధనలకు విరుద్ధంగా వ్యవహరించే హోటళ్లపై ఈసారి కఠిన చర్యలు తీసుకుంటాం. – శ్రీలత, ఫుడ్‌సేప్టీ అధికారి చైనా ఉప్పు.. కృత్రిమ రంగులు.. నాసిరకం మసాలాల మోత హోటళ్లు, రెస్టారెంట్లలో యథేచ్ఛగా కల్తీ పదార్థాల వినియోగం ఉమ్మడి జిల్లాలో ఇటీవల కొరవడిన ఆహార తనిఖీలు టీజీ–సేఫ్‌ కింద 15 బృందాలతో ప్రత్యేక తనిఖీలకు సన్నాహాలు

తుంగభద్ర నదికి నీరు వచ్చిందని అంటున్నారు. మళ్లీ రోజులు గడవక ముందే తుమ్మిళ్ల మోటార్లు ఆఫ్‌ చేశారని అంటున్నారు. అప్పుడే ఊరించి.. ఉసూరుమనిపిస్తున్నారు. నీరు కనీసం మా పొలాలకు వచ్చేలోగానే మోటార్‌ ఆఫ్‌ చేశారని తెలిసి ఏం చేయాలో తెలియడం లేదు. ఇప్పటికీ మూడుసార్లు తుమ్మిళ మోటార్‌ ఆన్‌ చేస్తే పూర్తి తడులు అందివ్వలేక.. మా పత్తి పంటను ఆగం చేసుకున్నాను. – నర్సింహారెడ్డి, రైతు, పైపాడు మోటార్‌కు అందట్లేదు.. నదిలో నీరు ఉంటుంది కానీ, తుమ్మిళ్ల లిఫ్టు అధికారులకు ఫోన్‌ చేస్తే మోటార్‌కు నీరు అందడం లేదని అంటారు. దీంతో నీరు ఎప్పుడు అందిస్తారో.. ఎప్పుడు అందించరో అందులో పనిచేసే వారిపై ఆధారపడి ఉంది. అసలే పంటలు ఎండుతూ.. ఇబ్బందులు పడుతున్న రైతులకు, తుమ్మిళ్ల ఎత్తిపోతలలో పనిచేసే సిబ్బంది చెప్పే నిర్లక్ష్యపు సమాధానంతో మరింత ఆగ్రహం చెందాల్సి వస్తుంది. కనీసం నీటి సమాచారం ఇవ్వకపోతే వారు ఎందుకు పని చేస్తున్నట్లో తెలియదు. – శంకర్‌నాయుడు, రైతు, తుమ్మిళ్ల స్పష్టత ఇవ్వలేం.. ప్రస్తుతానికి నదిలో నీరు ఉంది.. కానీ, ఎప్పుడు ఎగువ నుంచి వచ్చే నీరు తగ్గుతుందో చెప్పలేం. రైతులు ఇబ్బందులు పడకూడదనే ఇప్పటికే ఇండెంట్‌ మొత్తం వాడేశాం. ప్రస్తుతం నదిలో ఎగువ నుంచి వస్తున్న వర్షపు నీటితో తుమ్మిళ్ల మోటార్‌ ఆన్‌ చేశాం. – రాందాసు, ఆర్డీఎస్‌ అధికారి ●

అలంపూర్‌: జాతీయ రహదారిపై ప్రమాదాల నివారణకు సమన్వయంతో పటిష్ట చర్యలు తీసుకోవాలని ఎస్పీ శ్రీనివాసరావు అన్నారు. మంగళవారం ఆయన ఎర్రవల్లి మండలంలోని బీచుపల్లి నుంచి ఉండవెల్లి మండలంలోని పుల్లూరు టోల్‌ప్లాజా వరకు డీఎస్పీ మొగలయ్యతో కలిసి తనిఖీ చేశారు. ఈ మధ్యకాలంలో ఎక్కువగా ప్రమాదాలు జరిగిన ప్రదేశాలను క్షేత్రస్థాయిలో పరిశీలించి.. కారణాలను పోలీసు అధికారులను అడిగి తెలుసుకున్నారు. జాతీయ రహదారిపై ప్రమాదాలు, ప్రాణనష్టం జరగకుండా పటిష్ట చర్యలు తీసుకోవాలన్నారు. రోడ్డు ప్రమాదాల నివారణకు అవసరమైన ప్రాంతాల్లో మార్పులు చేపట్టాలని నేషనల్‌ హైవే అథారిటీ అధికారులకు సూచించారు. నిత్యం అత్యంత రద్దీగా ఉండే జాతీయ రహదారిపై అవసరమైన చోట సైన్‌ బోర్డులు, లైటింగ్‌ ఏర్పాటు చేయాలని, రోడ్డులో ఏమైనా డిఫెక్ట్‌ ఉంటే అవసరమైన మార్పులు చేపట్టాలన్నారు. ప్రధాన స్టేజీల వద్ద ఫ్‌లైఓవర్ల జరుగుతున్న నిర్మాణాల చోట్ల సర్వీస్‌ రోడ్ల పక్కన ప్రమాదాల నివారణకు సైడ్‌ స్టాపర్స్‌ రేడియం స్టిక్కర్‌ అతికించాలన్నారు. కార్యక్రమంలో సీఐలు ప్రదీప్‌, శంకర్‌, ఎస్‌ఐలు స్వాతి, రవి, తరుణ్‌కుమార్‌, సురేష్‌, హైవే ప్రాజెక్టు మేనేజర్‌ శ్రీధర్‌ తదితరులు పాల్గొన్నారు.

● అంగన్‌వాడీ, కేజీబీవీ, పీహెచ్‌సీల సందర్శన గట్టు: కేంద్రం బృందం సభ్యుడు, నోడల్‌ అధికారి లోకేష్‌ మంగళవారం సాయంత్రం గట్టులో పర్యటించారు. పీఆర్‌ ఈఈ ప్రభాకర్‌, జిల్లా మహిళా శిశు సంక్షేమ శాఖ అధికారి సునంద, డీఆర్‌డీఓ ముసాయిదాబేగంతో కలిసి మండల పరిషత్‌ కార్యాలయంలో ఏర్పాటు చేసిన సమావేశంలో నోడల్‌ అధికారి మాట్లాడారు. దేశవ్యాప్తంగా వెనకబడిన 513 మండలాలను అభివృద్ధి చేసేందుకు కేంద్ర ప్రభుత్వం గట్టును ఎంపిక చేసిందన్నారు. వివిధ అంశాల ఆధారంగా అభివృద్ధిని అంచనా వేస్తున్నట్లు చెప్పారు. అనంతరం సంతబజారు అంగన్‌వాడీ కేంద్రాన్ని సందర్శించి.. చిన్నారుల హాజరు శాతాన్ని పరిశీలించారు. బరువు తక్కువ పిల్లలను గుర్తించే విధానం, వారి పట్ల తీసుకుంటున్న ప్రత్యేక చర్యల గురించి వివరాలు సేకరించారు. టీహెచ్‌ఆర్‌, కిచెన్‌ గార్డెన్‌, వాష్‌రూం ఉపయోస్తున్నారా లేదా అని తెలుసుకున్నారు. ఆ తర్వాత కేజీబీవీకి చేరుకొని విద్యార్థులకు అందిస్తున్న సౌకర్యాలు, ఇతర అవసరాల గురించి ఆరా తీశారు. అయితే బాలికలు ఎక్కువగా, గదులు తక్కువగా ఉన్న విషయాన్ని గుర్తించి.. మరో కేజీబీవీ ఏర్పాటు చేయాలని సర్పంచు నాగరాజు, వార్డు సభ్యులు నోడల్‌ అధికారి వినతిపత్రాన్ని అందజేశారు. అక్కడి నుంచి పీహెచ్‌సీకి చేరుకొని రోగులకు అందిస్తున్న సేవలు, దీర్ఘకాలిక రోగాలైన షుగర్‌, బీపీ ఇతర వ్యాధులకు మందులు ఆస్పత్రిలో అందుబాటులో ఉన్నాయా.. ప్రతినెల రోగులకు అందిస్తున్నారా అంటూ ఆరాతీశారు. ఇదే క్రమంలో ఆస్పత్రి ఆవరణలోనే రూ.20 లక్షలతో నూతనంగా నిర్మించిన భవనాన్ని పరిశీలించారు.ఆస్పత్రిలోనే ప్రసవాలు అయ్యేలా క్షేత్రస్థాయిలో అవగాహన కల్పించాలని, ప్రసవాలకు తప్పనిసరిగా ఆస్పత్రికి వచ్చేలా వైద్య బృందం చర్యలు తీసుకోవాలని కోరారు. గర్భిణుల నమోదు, ప్రతినెలా చెకప్‌ చేయించుకునేలా గర్భిణులకు అవగాహన కల్పించాలని వైద్య సిబ్బందిని ఆదేశించారు. కార్యక్రమంలో ఎంపీడీఓ మహ్మద్‌ అబ్దుల్‌ సయ్యద్‌ఖాన్‌, ఎంపీఓ సయ్యద్‌బాసిత్‌, ఎంఈఓ వెంకటేశ్వర్లు, అంగన్‌వాడీ సూపర్‌వైజర్‌ వాసంతి తదితరులు పాల్గొన్నారు.

వనపర్తి: ‘కరువుతో పంటలు నష్టపోయిన రైతులు, కూలీలకు ఏం సాయం అందిస్తామనేది స్పష్టం చేయకుండా కరువు మండలాలు ప్రకటించడం ఏమిటి.. అని మాజీ మంత్రి తన్నీరు హరీశ్‌రావు అన్నారు. సోమవారం పెద్దమందడి మండలం అల్వాల గ్రామంలో ఎండిన పంటలను ఆయన పరిశీలించారు. ఈ సందర్భంగా రైతులతో మాట్లాడి, వరిసాగు కోసం పెట్టిన పెట్టుబడులు, పంటనష్టం తదితర వివరాలను తెలుసుకున్నారు. అనంతరం ఏర్పాటు చేసిన సభలో హరీశ్‌రావు మాట్లాడుతూ.. పక్కనున్న మహారాష్ట్ర, ఆంధ్రప్రదేశ్‌లో ఎండిన పంటలకు ఇన్‌ఫుట్‌ సబ్సిడీతోపాటు వ్యవసాయ కూలీలకు రూ.12 వేల సాయం అందించనున్నట్లు కరువు మండలాల ప్రకటనతో అక్కడి ప్రభుత్వాలు వెల్లడించాయన్నారు. ఇక్కడ అవగాహన లేని రేవంత్‌రెడ్డి మాత్రం కరువు మండలాలు ప్రకటించి.. చేతులు దులుపుకొన్నారని విమర్శించారు. రైతులు ఎవరూ అధైర్యపడొద్దు.. మిమ్మల్ని ఆదుకునేందుకే పాలమూరు పర్యటనకు వచ్చాం.. పాలకులను నిలదీసి అందరికీ పరిహారం అందించేలా చూస్తామని హరీశ్‌రావు పేర్కొన్నారు. రాష్ట్రంలో పంటలు ఎండిపోయి కన్నీళ్లు పెట్టుకుంటున్న రైతుల సమస్యలను విస్మరించి.. ఢిల్లీలో కూర్చొని మియ్యాపూర్‌ భూముల విక్రయాలు, వచ్చే కమీషన్లపై సుదీర్ఘ చర్చలు చేయడాన్ని రాష్ట్రంలో కడుపు మండిన రైతులు గమనిస్తున్నారన్నారు. వాటాల కోసం ఢిల్లీలో ఓ మంత్రి, ఓ ఎమ్మెల్యే మద్యం తాగి కుమ్ములాడుకోవడం ప్రస్తుతం తెలంగాణలో హాట్‌టాఫిక్‌గా మారిందన్నారు. కప్పం కట్టేందుకే ఢిల్లీకి.. రాష్ట్రంలో కాంగ్రెస్‌ పార్టీ అధికారంలోకి వచ్చిన తర్వాత సుమారు 82 సార్లు సీఎం రేవంత్‌రెడ్డి ఢిల్లీ పర్యటనకు ఎందుకు వెళ్లారని హరీశ్‌రావు ప్రశ్నించారు. రాష్ట్రంలో రైతుల సమస్యలను గాలికి వదిలి.. ఢిల్లీలోని కాంగ్రెస్‌ పెద్దలకు రాష్ట్రం నుంచి కప్పం కట్టేందుకే పదే పదే వెళ్తున్నారని మండిపడ్డారు. కృష్ణా జలాలు పారాల్సిన పాలమూరు గడ్డపై పంటలు ఎండిపోతుంటే గుండె తరుక్కుపోతోందని ఆవేదన వ్యక్తం చేశారు. నాడు కేసీఆర్‌ సుమారు 10 లక్షల ఎకరాలకు నీళ్లిచ్చి పాలమూరును పచ్చగా మారిస్తే.. మూడేళ్ల రేవంత్‌రెడ్డి పాలనలో మళ్లీ కరువుచాయలు, వలస వెళ్తున్న కుటుంబాలే కనిపిస్తున్నాయని ఆరోపించారు. రాష్ట్రంలో కేసీఆర్‌ పాలన ఉన్నప్పుడు ఒక్క కారులోనూ పంటలు ఎండిపోలేదని గుర్తుచేశారు. వరదను దిగువకు వదిలేయడంతో.. ఎగువ నుంచి జూరాలకు వచ్చిన వరద జలాలను కాంగ్రెస్‌ పాలకులు ముందుచూపు లేకుండా దిగువకు వదిలేయడంతో ఏపీ ప్రభుత్వం 100 టీఎంసీలను వేర్వేరు ప్రాజెక్టులతో ఎత్తిపోసుకుని కరువును అధిగమించారని మాజీ మంత్రి సింగిరెడ్డి నిరంజన్‌రెడ్డి అన్నారు. మరొక్క ఏడాది ఓపిక పడితే.. మళ్లీ కేసీఆర్‌ పాలన వచ్చి రైతుల కష్టాలు తీరుతాయని అభిప్రాయపడ్డారు. కార్యక్రమంలో ఎమ్మెల్సీ నవీన్‌రెడ్డి, మాజీమంత్రులు శ్రీనివాస్‌గౌడ్‌, లక్ష్మారెడ్డి, మాజీ ఎమ్మెల్యేలు అంజయ్యయాదవ్‌, ఆల వెంకటేశ్వర్‌రెడ్డి, బీరం హర్షవర్ధన్‌రెడ్డి, మర్రి జనార్దన్‌రెడ్డి పాల్గొన్నారు. రాష్ట్రంలో రైతులను గాలికొదిలేసి సీఎం ఢిల్లీ పర్యటనలు అన్నదాతకు ధైర్యం చెప్పేందుకే పాలమూరుకు వచ్చాం మాజీ మంత్రి తన్నీరు హరీశ్‌రావు

‘ఈసారి వర్షాకాలంలో ఎల్‌నినో ప్రభావంతో జిల్లావ్యాప్తంగా తీవ్ర వర్షాభావం ఏర్పడింది. ఈ నేపథ్యంలో ఏర్పడిన కరువు పరిస్థితులను కలిసికట్టుగా జయిద్దాం.. ఇందుకోసం ప్రతి నీటి బొట్టును ఒడిసిపట్టి సంరక్షించుకుంటేనే భవిష్యత్‌లో ఎదురయ్యే మరిన్ని ఇబ్బందులను అధిగమించవచ్చు. ఇందుకోసం రబీ సీజన్‌లో రైతులు నీటి లభ్యత ఆధారంగా అవసరమైన ఆరుతడి పంటలు మాత్రమే సాగుచేయాలి. అలాగే నీరు, విద్యుత్‌ వినియోగంలోనూ పొదుపు చర్యలు పాటించాలి. ఇది నిత్యావసరాల వినియోగంలోనూ చూపించాలి. ఇక బియ్యం, నిత్యావసరాల కృత్రిమ కొరత సృష్టించి అక్రమాలకు పాల్పడితే వారిపై కఠిన చర్యలు తీసుకుంటాం..’ అని కలెక్టర్‌ రిజ్వాన్‌బాషా షేక్‌ అభిప్రాయపడ్డారు. సోమవారం ఆయన ‘సాక్షి’తో ముఖాముఖిగా మాట్లాడిన వివరాలు ఇలా.. – గద్వాల జిల్లాలోని జూరాల ప్రాజెక్టు కుడి కాల్వ, నెట్టెంపాడు ప్రాజెక్టుల కింద 1,83,573 ఎకరాల్లో పంటలు సాగుచేశారు. జూరాల కింద సాగైన పంటలకు నవంబర్‌ 6వ తేదీ వరకు వారబంధీ విధానంలో సాగునీరు అందిస్తాం. అలాగే నెట్టెంపాడు కింద వారాబంధీ విధానంలో నీటి లభ్యతను బట్టి పంటలకు నీటిని అందిస్తాం. ఈసారి వర్షాలు కురవనందున ప్రాజెక్టులకు నీరు సమృద్ధిగా రాలేదు. ఫలితంగా నీటి ఎద్దడి నెలకొనడంతో పంటలకు సమృద్ధిగా విడుదల చేయలేకపోతున్నాం. సాగునీటి ప్రాజెక్టులు..

అలంపూర్‌: రాష్ట్ర ప్రజలు కేసీఆర్‌ పాలన కోసం ఎదురుచూస్తున్నారని ఎమ్మెల్సీ చల్లా వెంకట్రామిరెడ్డి అన్నారు. అలంపూర్‌ చౌరస్తాలోని ఓ ఫంక్షన్‌ హాల్‌లో బీఆర్‌ఎస్‌ పార్టీ ఆధ్వర్యంలో పట్టభద్రుల ఓటు నమోదుపై నిర్వహించిన అవగాహన సదస్సుకు ఎమ్మెల్సీతోపాటు ఎమ్మెల్యే విజయుడు హాజరయ్యారు. ఈ సందర్భంగా ఎమ్మెల్సీ మాట్లాడుతూ వచ్చే ఏడాది ఫిబ్రవరిలో జరిగే పట్టభద్రుల ఎమ్మెల్సీ ఎన్నికల కోసం ప్రతి పట్టభద్రుడు ఓటును నమోదు చేసుకోవాలన్నారు. ఓటుహక్కు నమోదు చేసుకోవడానికి ఈ నెల 6 వరకు అవకాశం ఉందన్నారు. పట్టభద్రులుగా ఓటుహక్కు నమోదు చేసుకుంటే రాబోయే ఎమ్మెల్సీ ఎన్నికల్లో బీఆర్‌ఎస్‌ అభ్యర్థిని గెలిపించుకునే అవకాశం ఉంటుందన్నారు. పక్కనున్న కర్ణాటక రాష్ట్రంలో నాలుగు ఎమ్మెల్సీ స్థానాలకు ఎన్నికలు జరగగా.. కాంగ్రెస్‌ పార్టీ అధికారంలో ఉన్నప్పటికీ ఒక్కటీ గెలవలేదన్నారు. తెలంగాణలోనూ ఆ పార్టీని ఆదరించే పరిస్థితి లేదన్నారు. రాష్ట్రంలో కాంగ్రెస్‌ ప్రభుత్వ పరిస్థితి ఎలా ఉందంటే ఆ పార్టీకి చెందిన ఎమ్మెల్యేలే మా పనులు కావడం లేదని నిరాహారదీక్ష చేస్తామనే దయనీయ పరిస్థితికి చేరిందన్నారు. రాష్ట్రంలో బీఆర్‌ఎస్‌ నాయకులు, కార్యకర్తలు కాకుండా.. ప్రజలే అసెంబ్లీ ఎన్నికల కోసం ఎదురు చూస్తున్నారన్నారు. ఎప్పుడు ఎన్నికలు వస్తాయా కేసీఆర్‌ను ఎప్పుడు సీఎం చేద్దామా అని నిరీక్షిస్తున్నారన్నారు. వర్షాలు లేక పంటలు వేసిన రైతులు తీవ్రంగా నష్టపోయారన్నారు. ఎమ్మెల్యే విజయుడు మాట్లాడుతూ రాబోయే ఎమ్మెల్సీ ఎన్నికల్లో పట్టుభద్రులు ప్రతి ఒక్కరు తమ ఓటు హక్కును వినియోగించుకోవాలని కోరారు. సమావేశంలో మున్సిపల్‌ చైర్మన్లు జయరాముడు, సురేష్‌, వైస్‌చైర్మన్లు విక్రమ్‌, నర్సింహులు, వెంకట్రాములు, కిషోర్‌ తదితరులు పాల్గొన్నారు.

గద్వాల: జిల్లాలో పెద్దఎత్తున అక్రమాలకు పాల్పడిన రైస్‌మిల్లర్ల గుండెల్లో రైళ్లు పరుగెడుతున్నాయి. రైస్‌మిల్లర్లు ప్రభుత్వ ధాన్యాన్ని కొల్లగొడుతూ అప్పనంగా రూ.కోట్లు కొట్టేస్తున్న వైనంపై ‘సాక్షి’లో ప్రచురితమవుతున్న వరుస కథనాలు ప్రకంపనలు సృష్టిస్తున్నాయి. ఇది వరకే రూ.60 కోట్ల మేర ప్రభుత్వ ధాన్యాన్ని మింగిన రైస్‌మిల్లర్లు తాజాగా 2025– 26 ఖరీఫ్‌కు సంబంధించి కూడా పెద్దఎత్తున కొల్లగొట్టారు. ఈ అక్రమ దందాలో మిల్లర్లతోపాటు సివిల్‌ సప్లయ్‌ అధికారులు సైతం భాగస్వాములుగా ఉన్నారు. ఈ వ్యవహారంపై ‘సాక్షి’లో వరుస కథనాలు వెలువడుతున్నాయి. ఈ క్రమంలోనే రూ.8 కోట్ల విలువ గల ప్రభుత్వ ధాన్యాన్ని మింగిన రైస్‌మిల్లర్‌పై కేసు నమోదు కావడంతో అక్రమాలకు పాల్పడిన మిల్లర్ల గుండెల్లో రైళ్లు పరుగెత్తిస్తున్నాయి. ప్రభుత్వం వద్ద తీసుకున్న ధాన్యంలో 90 వేల బస్తాల (40 కిలోలు) ధాన్యంను బ్లాక్‌మార్కెట్‌లో విక్రయించి సొమ్ముచేసుకున్న వ్యవహారంపై గత నెల 30న దువాసిపల్లి మిల్లుపై చర్యలేవి శీర్షికన కథనం ప్రచురితమైంది. తాజాగా దీనిపై స్పందించిన అధికారులు సోమవారం దువాసిపల్లికి చెందిన శ్రీలక్ష్మీవెంకటేశ్వర మోడ్రన్‌ రైస్‌మిల్లుపై సివిల్‌ సప్లయ్‌ డీఎం విమల కోదండాపురం పోలీసుస్టేషన్‌లో ఫిర్యాదు చేయగా.. కేసు నమోదు చేశారు. అలాగే దొడ్డుబియ్యం పెట్టిన వ్యవహారంలోనూ అధికారులు రహస్యంగా విచారణ చేపట్టినట్లు విశ్వసనీయ వర్గాల ద్వారా తెలిసింది. అలాగే ఈ దొడ్డు బియ్యం వ్యవహారంలో సివిల్‌ సప్లయ్‌ అధికారిపై కూడా రహస్య విచారణ చేపట్టినట్లు సమాచారం. విచారణకు సంబంధించి పూర్తి వివరాలు తెలియాల్సి ఉంది.

జిల్లాలో ఒక నెలకు తాగునీటి అవసరాల కోసం 0.9 టీఎంసీల చొప్పున వచ్చే వానాకాలం వరకు 9 నెలల పాటు మొత్తం 0.81 టీంఎసీల నీరు అవసరమవుతుంది. తాగునీటి సమస్య తలెత్తకుండా ఇప్పటికే అవసరమైన బోర్లు, బావులను వినియోగించుకునేలా ప్రణాళిక సిద్ధం చేశాం. అలాగే ఎక్కడైనా రిపేర్లు ఉంటే వెంటనే మరమ్మతు చేయాలని ఆదేశించాం. ఇందులో భాగంగానే ఈ నెల 15 నుంచి డిసెంబర్‌ 31 వరకు ప్రత్యేక కార్యక్రమం నిర్వహించనున్నాం. ట్యాంకర్ల ద్వారా నీటిని సరఫరా చేసేలా ముందస్తు ప్రణాళిక రూపొందించాం. ప్రస్తుతం జూరాలలో డెడ్‌ స్టోరేజీ కంటే పైన లైవ్‌లో నీటిని వినియోగించుకునేందుకు 3.20 టీఎంసీలు అందుబాటులో ఉంది. ఇక్కడి నుంచి ఉమ్మడి జిల్లావ్యాప్తంగా తాగునీటి అవసరాలకు సరఫరా చేస్తున్నారు. దీనిని దృష్టిలో ఉంచుకుని పంటలకు వారాబంధీ విధానంలో నీటిని విడుదల చేస్తున్నాం. జల సంరక్షణ పనులు ప్రభుత్వం వీబీజీ రాంజీ పథకంలో భాగంగా జలసిరి కింద పెద్దఎత్తున నీటికుంటలు, ఇంకుడు గుంతలు వంటి వాటికి అధిక ప్రాధాన్యత కల్పిస్తూ 375 రకాల పనులు కల్పించడం జరిగింది. ఇందులో భాగంగా జిల్లాలో జలసిరికి సంబంధించి మొత్తం 18 వేల జల సంరక్షణ పనులు మంజూరయ్యాయి. పెండింగ్‌ పనుల పూర్తికి చర్యలు రాబోయే మూడు నెలలో ప్రాజెక్టులకు సంబంధించి జిల్లాలో పెండింగ్‌లో ఉన్న భూ సేకరణ ప్రక్రియను పూర్తి చేసి అసంపూర్తి ప్రాజెక్టులు పూర్తయ్యేలా చర్యలు చేపడుతాం. గట్టు ఎత్తిపోతల కింద వెయ్యి ఎకరాలు, మల్లమ్మకుంట కింద 537 ఎకరాల భూ సేకరణ పూర్తిచేస్తాం.

గద్వాల: ప్రభుత్వ సొమ్మును దర్జాగా దోచేస్తున్న రైస్‌మిల్లర్ల అవినీతి బాగోతంపై ఈ నెల 1న ‘సాక్షిశ్రీలో ప్రచురితమైన ‘నల్లగొండ టు కౌకుంట్ల’ కథనానికి కలెక్టర్‌ రిజ్వాన్‌ బాషా షేక్‌ స్పందించారు. ఈ మేరకు కౌకుంట్ల గోదాంలో రెండు మిల్లులకు సంబంధించిన ధాన్యం నిల్వలను క్షుణ్ణంగా తనిఖీ చేసి, సమగ్ర నివేదిక సమర్పించాలని సివిల్‌ సప్లయ్‌ డీఎం విమలను ఆదేశించారు. అదే విధంగా అక్రమాలకు పాల్పడుతున్న రైస్‌ మిల్లర్లకు కొమ్ముకాస్తున్న సంబంధిత అధికారిపై అంతర్గత విచారణకు ఆదేశించినట్లు తెలిసింది. పూర్తి నివేదిక అనంతరం అక్రమాలకు పాల్పడిన మిల్లర్లపై క్రిమినల్‌ కేసులు నమోదు చేయనున్నట్లు సమాచారం. కాగా, అవినీతి వ్యవహారంపై ‘సాక్షిశ్రీలో ప్రచురితమైన కథనానికి బెంబేలెత్తిపోయిన సదరు మిల్లర్లు పరారీలో ఉన్నట్లు సమాచారం. అయితే ఉన్నతాధికారులు అక్రమాలను నిగ్గుతేల్చుతారా.. లేక గోనె సంచుల కింద కప్పేస్తారో వేచి చూడాలి.

కరువును ఎదుర్కొనేందుకు ప్రభుత్వం చర్యలు ● వీబీ–జీ రామ్‌జీ పథకంతో ప్రతి కూలీకి ఉపాధి కల్పించేలా ప్రణాళిక ● మూడు రకాల పనులకు ప్రాధాన్యం గద్వాల న్యూటౌన్‌: జిల్లాలో కరువు మేఘాలు కమ్ముకున్నాయి. ఎల్‌నినో కారణంగా నెలకొన్న వర్షాభావ పరిస్థితులతో వానాకాలం పంటలు చాలా వరకు దెబ్బతినగా.. యాసంగి సాగు ప్రశ్నార్థకంగా మారింది. నిత్యావసర వస్తువుల ధరలు రోజురోజుకూ పెరుగుతున్నాయి. అన్ని మండలాలు కరువు మండలాల జాబితాలో చేరాయి. ప్రస్తుతం చేయడానికి పనులు లేవు. ఈ పరిస్థితుల్లో ప్రతి కూలీకి పని కల్పించి.. ఆర్థికంగా చేయూత అందించాలని ప్రభు త్వం నిర్ణయించింది. ఈ క్రమంలోనే వీబీ–జీ రామ్‌ జీ కింద ఆరు నెలలపాటు కూలీలకు పెద్ద ఎత్తున పనులు కల్పించాలని సంకల్పించింది. వ్యవసాయ రంగంపై తీవ్ర ప్రభావం.. ఈసారి వానాకాలంలో సాధారణ వర్షపాతం కూడా నమోదు కాలేదు. తద్వారా భూగర్భజలాలు అడుగంటాయి. జలాశయాలు వెలవెలబోతున్నాయి. ఫలితంగా యాసంగి క్రాప్‌ హాలిడేగా ఇప్పటికే రైతులు నిర్ధారించుకున్నారు. వ్యవసాయంతో పాటు అనుబంధ రంగాలపై కూడా ఎల్‌నినో తీవ్ర ప్రభావం చూపింది. వచ్చే జూన్‌ వరకు ఇదే పరిస్థితి ఉంటుందని నిపుణులు అంచనా వేశారు. దీంతో పేద, మధ్యతరగతి ప్రజలు ఆర్థికంగా తీవ్ర ఇక్కట్లు పడే పరిస్థితి ఏర్పడనుంది. ప్రతి గ్రామం నుంచి 100మంది.. ప్రస్తుతం జిల్లావ్యాప్తంగా ప్రతి గ్రామం నుంచి సరాసరి 44 మంది కూలీలు పనులకు వస్తున్నారు. అయితే ప్రతి గ్రామం నుంచి 100 మంది కూలీలు పనులకు వచ్చేలా అధికారులు చర్యలు చేపట్టారు. ఈ మేరకు పనులను గుర్తించడంతో పాటు వెంటనే ప్రతిపాదనలు రూపొందించేందుకు కసరత్తు చేస్తున్నారు. వచ్చే జూన్‌ వరకు కూలీలకు పనులు కల్పించి.. వలసలను నివారించడంతో పాటు ఆర్థికంగా చేయూత అందించేందుకు జిల్లా యంత్రాంగం కృషి చేస్తోంది. యాసంగిలో వ్యవసాయ పనులు ఉండే అవకాశం లేదు. దీనికి తోడు వ్యవసాయేతర పనులు కూడా అంతంత మాత్రంగానే ఉండే పరిస్థితులు ఉన్నాయి. దీంతో కూలీలకు పనులు దొరక్క అవస్థలు పడే అవకాశాలు ఉన్నాయి. ఈ నేపథ్యంలో కరువు పరిస్థితులను ఎదుర్కొనేందుకు ప్రభుత్వం ప్రత్యేక దృష్టి సారించింది. వీబీ–జీ రామ్‌జీ కింద కూలీలకు పెద్ద ఎత్తున పనులు కల్పించాలని ఇటీవల జిల్లా అధికారులకు స్పష్టమైన ఆదేశాలు జారీ చేసింది. వచ్చే జూన్‌ వరకు జాబ్‌కార్డు కలిగిన ప్రతి కూలీకి పని కల్పించేలా చర్యలు తీసుకోవాలని సూచించింది. ఈ మేరకు వీబీ–జీ రామ్‌జీ పథకం కింద ప్రధానంగా నీటి సంరక్షణ పనులు, ఇరిగేషన్‌, వ్యవసాయ పొలాలకు సంబంధించిన మూడు రకాల పనులు పెద్ద ఎత్తున చేపట్టాలని జిల్లా యంత్రాంగం నిర్ణయించింది. డీఆర్డీఓ, ఇరిగేషన్‌, వ్యవసాయశాఖల అధికారులు, సిబ్బందితో కలెక్టర్‌ సమీక్షించి.. దిశానిర్దేశం చేశారు. మూడు శాఖలు సమన్వయంతో పనిచేస్తూ.. ప్రతి కూలీకి పని కల్పించాలని ఆయన ఆదేశాలు జారీ చేశారు. నీటి సంరక్షణ పనులైన ఇంకుడు గుంతలు, పాంపాండ్స్‌ (నీటి కుంటలు), పెర్కోలేషన్‌ ట్యాంక్స్‌, బోర్‌వెల్‌ రీచార్జి, ఓపెన్‌ వెల్స్‌, ప్రభుత్వ కార్యాలయాల వద్ద రూప్‌ టాప్‌ హర్వెస్టింగ్‌ స్ట్రక్చర్స్‌ పనులతో పాటు చెరువులు, సాగుకాల్వల్లో పూడికతీత, జమ్ము తొలగింపు తదితర పనులు చేపట్టనున్నారు. వ్యవసాయానికి సంబంధించి పొలం బాటలు, భూమి చదును తదితర పనులు చేయనున్నారు. మూడు రకాల పనులతో ప్రణాళిక.. అందరికీ పని కల్పిస్తాం.. కరువు పరిస్థితుల నేపథ్యంలో వీబీ–జీ రామ్‌ జీ కింద నీటి సంరక్షణ, ఇరిగేషన్‌, వ్యవసాయ పనులు పెద్ద ఎత్తున కల్పించాలని స్పష్టమైన ఆదేశాలు ఉన్నాయి. ఈ మేరకు జాబ్‌కార్డు కలిగిన ప్రతి కూలీకి పని కల్పించేలా ప్రణాళిక రూపొందించాం. అన్ని గ్రామాల్లో పనులను ఎప్పటికప్పుడు గుర్తిస్తూ.. ఎలాంటి ఆటంకం కలుగకుండా అన్ని చర్యలు తీసుకునేలా సిబ్బందికి దిశానిర్దేశం చేశాం. – ముషాహిదాబేగం, డీఆర్డీఓ

● నడిగడ్డలో మితిమీరుతున్న మోసాలు ● ప్రజల అమాయకత్వం, అత్యాశను పెట్టుబడిగా మార్చుకుంటున్న కేటుగాళ్లు ● తాజాగా రూ. 3కోట్లు కాజేసిన వైనం ● మోసపోయిన వారిలో యువకులే అధికం గద్వాల క్రైం: ‘‘ఆన్‌లైన్‌ ట్రేడింగ్‌లో పలు కంపెనీలు విపరీతమైన లాభాలు ఇస్తు్‌ాన్నయి.. మీరు రూ.లక్ష పెట్టుబడి పెడితే రెండింతల లాభం పొందవచ్చు.. ఇదిగో నా స్నేహితులు రూ.లక్షలు సంపాదించారు.. కావాలంటే చూడు..’’ అంటూ నడిగడ్డలో కేటుగాళ్లు రెచ్చిపోతున్నారు. ప్రజల అమాయకత్వం, అత్యాశను పెట్టుబడిగా మార్చుకుంటున్నారు. తాజాగా ఓ యువకుడు తనకు తెలిసిన వారిని నమ్మించి నట్టేట ముంచాడు. మోసపోయిన బాధితులు న్యాయం కోసం పోలీసులను ఆశ్రయించారు. జిల్లాలో ఇలాంటి ఘటనలు తరచుగా చోటు చేసుకుంటుండటం అందరినీ ఆందోళన కలిగిస్తోంది. మచ్చుకు కొన్ని.. ● జిల్లా కేంద్రానికి ఓ యువకుడు ఆన్‌లైన్‌ మార్కెటింగ్‌లో నైపుణ్యం పొందాడు. తనకు తెలిసిన స్నేహితులతో ముందుగా ఆన్‌లైన్‌ మార్కెటింగ్‌లోని పలు కంపెనీల్లో పెట్టుబడులు పెట్టించాడు. కొన్ని రోజుల వ్యవధిలోనే స్నేహితులకు రెట్టింపు ఆదాయం చేమకూరింది. దీంతో మరికొందరిని నమ్మించి ఆన్‌లైన్‌ ట్రెడింగ్‌ ద్వారా రూ. 3కోట్ల మేర పెట్టుబడులు పెట్టించాడు. ఆ తర్వాత అజ్ఞాతంలోకి వెళ్లాడు. బాధితులు పలుమార్లు వాకబు చేయగా.. నేడు, రేపు అంటూ చెప్పడంతో చివరకు తాము మోసపోయినట్లు గుర్తించి, గతనెల 27న పోలీసులకు ఫిర్యాదు చేశారు. ● శ్రీజోగుళాంబ చిట్‌ఫండ్‌ పేరుతో గద్వాలకు చెందిన టీడీపీ నాయకుడు తన చిట్‌ఫండ్‌ సంస్థలో పెట్టుబడులు పెడితే మంచి వడ్డీ అందజేస్తామని అందరినీ నమ్మించాడు. ఉమ్మడి మహబూబ్‌నగర్‌ జిల్లాకు చెందిన వారితో సుమారు రూ. 4.25 కోట్లు వసూలు చేశాడు. కొన్ని రోజుల తర్వాత తీసుకున్న డబ్బులు చెల్లించేందుకు అయిష్టత చూపాడు. అయితే పెట్టుబడులు పెట్టిన బాధితులు గట్టిగా ప్రశ్నించడంతో గుట్టుగా బోర్డు తిప్పేశాడు. మోసపోయిన బాధితులు గత ఆగస్టులో మహబూబ్‌నగర్‌ టూటౌన్‌ పోలీసులకు ఫిర్యాదు చేశారు. దీంతో ఇద్దరు నిర్వాహకులను అరెస్టు చేసి రిమాండ్‌కు తరలించారు. ● గతేడాది గద్వాల మండలానికి చెందిన పలువురిని ఓ ఏజెంట్‌ స్టాక్‌ మార్కెట్‌లో డబ్బులు పెడితే మంచి లాభాలు వస్తాయని నమ్మించాడు. ఇది నమ్మిన వారు ఏంజెల్‌ వన్‌ లిమిటెడ్‌ కంపెనీలో రూ. 5కోట్ల పెట్టుబడులు పెట్టారు. చివరకు సదరు ఏజెంట్‌ మృతి చెందడంతో బాధితులు అతడి కుటుంబ సభ్యులకు పెట్టుబడుల విషయాన్ని వివరించారు. ఈ క్రమంలో కుటుంబ సభ్యులు తమకేం సబంధం లేదని చెప్పడంతో న్యాయం కోసం రూరల్‌ పోలీసులను ఆశ్రయించారు. యువతే టార్గెట్‌.. ఆన్‌లైన్‌ మార్కెట్‌లో పెట్టుబడులు పెట్టిన వారంతా యువకులే ఉండటం గమనార్హం. తాజాగా మోసపోయిన వారిలో దాదాపు 70మందికి పైగా ఉంటారు. ఒక్కొక్కరు రూ. 5లక్షల నుంచి రూ. 25లక్షల వరకు పెట్టుబడుల రూపంలో సదరు యువకుడికి అందజేసినట్లు ఫిర్యాదులో పేర్కొన్నారు. తమకు ఎలాగైనా న్యాయం అందేలా చూడాలని వేడుకుంటున్నారు. ఇంట్లో తెలియకుండా బంగారు ఆభరణాలను తాకట్టు పెట్టామని చెబుతున్నారు. తమ పేర్లు బయటకు వస్తే సమాజంలో సమస్యలు పడుతామని ‘సాక్షి’తో వివరించారు. అయితే జిల్లాకు చెందిన ఏడుగురు దాదాపు రూ. 55లక్షలు మోసపోయారు. సదరు యువకుడు మహబూబ్‌నగర్‌, హైదరాబాద్‌కు చెందిన వారితో సైతం పెట్టుబడులు పెట్టించారని తెలిపారు.

మల్దకల్‌: కాంగ్రెస్‌ ప్రభుత్వం ప్రతిష్టాత్మకంగా అమలుచేస్తున్న ఇందిరమ్మ ఇళ్ల పథకంతో పేదల సొంతింటి కల సాకారమవుతోందని గద్వాల ఎమ్మెల్యే బండ్ల కృష్ణమోహన్‌రెడ్డి అన్నారు. ఆదివారం మల్దకల్‌ మండలంలోని మేకలసోంపల్లి, పావనంపల్లి గ్రామాల్లో లబ్ధిదారులు నిర్మించుకున్న ఇందిరమ్మ ఇళ్లను ఆయన ప్రారంభించి మాట్లాడారు. ముఖ్యమంత్రి రేవంత్‌రెడ్డి నేతృత్వంలోని ప్రభుత్వం పేదల సంక్షేమానికి పెద్దపీట వేసి పథకాలు అమలు చేస్తోందన్నారు. అందులో భాగంగా దళారుల ప్రమేయం లేకుండా అర్హులైన పేదలందరికీ ఇందిరమ్మ ఇళ్లు మంజూరు చేయడంతో పాటు ఇంటి నిర్మాణాలు చేపట్టిన లబ్ధిదారుల బ్యాంకు ఖాతాల్లోనే నేరుగా బిల్లులు జమ చేయడం జరుగుతుందన్నారు. గద్వాల నియోజకవర్గంలో ఇప్పటి వరకు 2వేలకు పైగా ఇళ్ల నిర్మాణాలు పూర్తిచేసినట్లు చెప్పారు. త్వరలోనే రెండో విడత ఇళ్లను అర్హులకు మంజూరు చేస్తామన్నారు. కార్యక్రమంలో నాయకులు పటేల్‌ ప్రభాకర్‌రెడ్డి, విక్రంసింహారెడ్డి, రాజారెడ్డి, విజయ్‌, ప్రభాకర్‌రెడ్డి, జయరాములు, విష్ణు, భరత్‌రెడ్డి, రమేశ్‌రెడ్డి, అజయ్‌, వెంకటన్న, జయరాములు, జీవన్‌రెడ్డి, శివ పాల్గొన్నారు.

గద్వాలన్యూటౌన్‌: ప్రభుత్వ పాఠశాలల్లో 8వ తరగతి చదువుతున్న విద్యార్థులకు ఆదివారం నిర్వహించిన నేషనల్‌ మీన్స్‌ మెరిట్‌ స్కాలర్‌షిప్‌ (ఎన్‌ఎంఎంఎస్‌) పరీక్ష ప్రశాంతంగా జరిగింది. పరీక్ష నిర్వహణకు జిల్లా కేంద్రంలో నాలుగు కేంద్రాలను ఏర్పాటుచేశారు. ప్రభుత్వ బాలుర ఉన్నత, ప్రభుత్వ బాలికల ఉన్నత పాఠశాల, ప్రభుత్వ అభ్యసన ఉన్నత, బ్రిలియంట్‌ పాఠశాలల్లో ఉదయం 9:30 నుంచి మధ్యాహ్నం వరకు కొనసాగిన పరీక్షకు వివిధ మండలాల నుంచి ఉపాధ్యాయులు విద్యార్థులను కేంద్రాలకు తీసుకొచ్చారు. మొత్తం 954 మంది విద్యార్థులకు గాను 924 మంది హాజరయ్యారు. 51 మంది ఇన్విజిలేటర్లు, నలుగురు చీఫ్‌ సూపరింటెండెంట్లు, నలుగురు డిపార్ట్‌మెంట్‌ అధికారులు పర్యవేక్షించారు. ఆయా కేంద్రాలను పరీక్షల నిర్వహణ విభాగం అధికారి శ్రీనివాసులు తనిఖీ చేశారు. కాగా, ఈ పరీక్షలో అర్హత సాధించిన విద్యార్థులకు 9వ తరగతి నుంచి ఇంటర్మీడియట్‌ పూర్తయ్యే వరకు ఏటా రూ. 12వేల చొప్పున స్కాలర్‌షిప్‌ అందనుంది.

భూ సేకరణలో నిర్లక్ష్యం.. ప్రతిష్టాత్మక ప్రాజెక్టుపై పాలకులు, అధికారుల చిత్తశుద్ధిని వేలెత్తి చూపేలా చేస్తోంది. తెలంగాణ వైపు సోమశిల (మల్లేశ్వరం) 87.360 కి.మీ., నుంచి ఏపీ అవతల సిద్దేశ్వరం గుట్ట 88.437 కి.మీ., వరకు 1,077 మీటర్ల పొడవునా తీగల వంతెన నిర్మాణం చేపట్టాల్సి ఉంది. ఇది పూర్తయితేనే రెండు రాష్ట్రాల మధ్య రాకపోకల సమస్య తీరుతుంది. ఇందుకోసం 59 హెక్టార్ల భూసేకరణ చేయాల్సి ఉండగా.. ఇందులో 25 హెక్టార్ల అటవీ భూమికి ప్రత్యామ్నాయంగా అమ్రాబాద్‌ మండలంలో భూమి కేటాయించారు. మరో 34 హెక్టార్లకు సంబంధించిన పరిహారం చెల్లింపు ఆలస్యమవుతోంది. అచ్చంపేట: ఉమ్మడి తెలుగు రాష్ట్రాలను అనుసంధానించే కల్వకుర్తి – నంద్యాల జాతీయ రహదారి–167కే పనులు ముందుకు సాగడం లేదు. పూర్తిస్థాయిలో భూ సేకరణ జరగకపోవడం పనులకు అడ్డంకిగా మారింది. 2021లో ప్రభుత్వం 173.73 కి.మీ., ఎన్‌హెచ్‌–167కే మంజూరు చేస్తూ.. ఐదు ప్యాకేజీలుగా విభజించింది. మొదటి దశ పనులు 2022 సెప్టెంబర్‌లో కల్వకుర్తి (కొట్రా) నుంచి సోమశిల రహదారి విస్తరణ, బైపాస్‌ నిర్మాణాలకు టెండర్లు ఆహ్వానించారు. ఈ పనులను రూ.436.91 కోట్లకు ఓ సంస్థ దక్కించుకోగా.. 2023 జూలైలో అధికారికంగా పనులను ప్రారంభించారు. ఇప్పటికీ మూడేళ్లు దాటినా జాతీయ రహదారి పనులు నత్తనడకన సాగుతున్నాయి. వంతెన వెడల్పు, ఎత్తు.. నాగర్‌కర్నూల్‌ – శ్రీశైలం వెళ్లే ప్రధాన రహదారి మీదుగా జాతీయ రహదారి–167కే బైపాస్‌ వెళ్తుంది. అయితే కొల్లాపూర్‌ చౌరస్తాలోని జిల్లా పోలీసు కార్యాలయం సమీపంలో చేపడుతున్న బైపాస్‌ ఫ్లైఓవర్‌ నిర్మాణంపై అభ్యంతరాలు వ్యక్తమవుతున్నాయి. వ్యవసాయ ఉత్పత్తులు తరలించే వాహనాలు, భారీ యంత్ర పరికరాలు తరలించే వాహనాలకు తక్కువ ఎత్తున్న వంతెనతో ఇబ్బందులు తలెత్తుతాయని స్థానికులు సందేహిస్తున్నారు. ఈ రహదారిపై మొత్తం నాలుగు వంతెనలు ఉండగా.. కల్వకుర్తి, సింగోటం క్రాస్‌రోడ్డు, పెంట్లవెల్లి రహదారిలో పూర్తి కాగా.. నాగర్‌కర్నూల్‌ వద్ద మాత్రమే పెండింగ్‌లో ఉంది. ప్రస్తుత రహదారిని పరిగణలోకి తీసుకుని 18 ఫీట్ల ఎత్తులో నిర్మిస్తున్నారు. అయితే వంతెన ఎత్తు సరిపోదని.. అలాగే రెండు పిల్లర్ల మధ్య రోడ్డు వెడల్పు 22 మీటర్లు మాత్రమే ఉందని స్థానికులు పేర్కొంటున్నారు. భవిష్యత్‌లో భూత్పూర్‌– మన్ననూర్‌– మద్దిమడుగు రహదారి జాతీయ రహదారిగా మారే అవకాశం ఉందని.. నాగర్‌కర్నూల్‌ ఆర్టీసీ డిపో నుంచి కొల్లాపూర్‌ చౌరస్తా వరకు నాలుగు వరుసల రహదారిగా విస్తరించేందుకు ఇప్పటికే ప్రతిపాదనలు సిద్ధం చేశారని.. ఫ్లైఓవర్‌ బ్రిడ్జి 30 మీటర్ల వెడల్పుతో ఏర్పాటు చేయకుండా, తగ్గించడం వల్ల ఇబ్బందులు తప్పవని అభిప్రాయపడుతున్నారు. నాగర్‌కర్నూల్‌ సమీపంలో మహబూబ్‌నగర్‌– శ్రీశైలం రహదారిపై అసంపూర్తిగా నిలిచిన ఫ్లైఓవర్‌ చట్టపరమైన చర్యలు తప్పవు.. ఆన్‌లైన్‌ ట్రేడింగ్‌ పేరుతో వివిధ కంపెనీల్లో పెట్టుబడుల రూపంలో డబ్బులు వసూలు చేసి మోసం చేస్తే చట్టపరమైన చర్యలు తప్పవు. ఎవరైనా షేర్‌ మార్కెట్‌లో పెట్టుబడులు పెట్టాలంటే లైసెన్స్‌ పొందిన బ్రోకరేజ్‌ సంస్థల ఏజెంట్‌ ద్వారా పెట్టుబడులు పెట్టాలి. తెలిసిన వ్యక్తులే కాదా అని పెడితే ఇలాంటి మోసాలే ఉంటాయి. బాధితులు చెబుతున్న వివరాలను పరిగణనలోకి తీసుకుని విచారణ చేపడుతాం. ప్రజలు అప్రమత్తంగా వ్యవహరించాలి. – మొగిలయ్య, డీఎస్పీ, గద్వాల ఇదీ పరిస్థితి.. కల్వకుర్తి నుంచి కొల్లాపూర్‌ బైపాస్‌లోని సోమశిల రహదారి వరకు 79 కి.మీ., నిర్మాణానికి గాను ఇప్పటి వరకు 74.5 కి.మీ., మేర 10 మీటర్ల వెడల్పుతో రెండు వరుసల బీటీ పనులు పూర్తయ్యాయి. కొట్రా వద్ద శ్రీశైలం జాతీయ రహదారి–765ని కలుపుతూ చేపట్టాల్సిన 600 మీటర్ల రోడ్డు పనులు సైతం కోర్టు కేసు వల్ల నిలిచిపోయాయి. కల్వకుర్తి, సింగోటం క్రాస్‌ రోడ్డు, పెంట్లవెల్లి వద్ద అండర్‌ పాస్‌లు నిర్మించారు. నాగర్‌కర్నూల్‌ వద్ద 11 కి.మీ., బైపాస్‌ నిర్మాణానికి సంబంధించి భూసేకరణ జరగకపోవడంతో పనులు ముందుకు సాగడం లేదు. తాడూరు నుంచి నాగర్‌కర్నూల్‌ వరకు 7 కి.మీ., మేర భూ సేకరణ పూర్తికాగా.. కొల్లాపూర్‌ క్రాస్‌రోడ్‌ నుంచి దేశిఇటిక్యాల వరకు 4 కి.మీ., మేర భూసేకరణ పూర్తి కాలేదు. రోడ్డు నిర్మాణం కోసం 24.28 ఎకరాల భూమి సేకరించాల్సి ఉండగా.. అవసరమైన మేర చెల్లింపులు జరపకపోవడాన్ని పరిశీలించాలని బాధిత రైతులు కలెక్టర్‌కు దరఖాస్తు చేసుకున్నారు. అయితే భూ సేకరణకు ఇచ్చిన 60 రోజుల గడువు పూర్తయినా అడుగు ముందుకు పడటం లేదు. ఫలితంగా నాగర్‌కర్నూల్‌ వద్ద బైపాస్‌ నిర్మాణం పిల్లర్లకే పరిమితమైంది. భూసేకరణ సమస్యతో కొల్లాపూర్‌ వరిదేల రెవెన్యూ శివారు 79 కి.మీ., నుంచి మల్లేశ్వరం (సోమశిల) కృష్ణానది గుట్ట 87,360 కి.మీ (ఐకానిక్‌ వంతెన) వరకు 8 కి.మీ., అప్రోచ్‌ రోడ్డు పనులు కూడా నిలిచిపోయాయి. మందకొడిగా 167కే జాతీయ రహదారి పనులు హైవే నిర్మాణానికి అడ్డంకిగా మారిన భూ సేకరణ నాగర్‌కర్నూల్‌ వద్ద నిలిచినబైపాస్‌ ఫ్లైఓవర్‌ పనులు మూడేళ్లు దాటినా పూర్తికాని రహదారి త్వరలో ప్రక్రియ.. నాగర్‌కర్నూల్‌ వద్ద బైపాస్‌ నిర్మాణానికి 4 కి.మీ., భూసేకరణ పెండింగ్‌లో ఉంది. 24.28 ఎకరాల భూ సేకరణ పూర్తయితే పనులు వేగంగా సాగుతాయి. తాడూరు వైపు నుంచి నిలిచిన పనులు ప్రారంభించాం. కొల్లాపూర్‌ చౌరస్తా నుంచి భూసేకరణ అనంతరం పనులు మొదలవుతాయి. కొట్రా వద్ద 600 మీటర్ల పనులు చేయాల్సి ఉండగా కోర్టు కేసుతో నిలిచింది. జాతీయ రహదారుల నిబంధనల ప్రకారం వంతెనలు నిర్మిస్తున్నాం. – రమేశ్‌, డీఈఈ, జాతీయ రహదారుల సంస్థ

పెద్దకొత్తపల్లి: నాయినోనిపల్లి మైసమ్మ జాతరకు ఆదివారం భక్తులు పోటెత్తారు. వివిధ ప్రాంతాల నుంచి కుటుంబ సమేతంగా తరలివచ్చి.. అమ్మవారి దర్శనానికి క్యూ కట్టారు. ఆలయం వద్ద ప్రదక్షిణ అనంతరం అమ్మవారికి నైవేద్యం సమర్పించి, మొక్కులు తీర్చుకున్నారు. భక్తులతో జాతర మైదానం కిటకిటలాడింది. మైసమ్మ జాతరకు వెళ్లి వచ్చే వాహనాలతో పెద్దకొత్తపల్లిలో ట్రాఫిక్‌ సమస్య ఏర్పడింది. స్థానిక పోలీసులు వాహనాల రాకపోకలను క్రమబద్ధీకరించారు. సుమారు 10వేల మంది భక్తులు అమ్మవారిని దర్శించుకున్నట్లు ఆలయ సిబ్బంది తెలిపారు.

మల్దకల్‌: మారుతున్న కాలానికి అనుగుణంగా ప్రతిఒక్కరూ భక్తిమార్గంలో నడుచుకోవాలని మంత్రాలయ పీఠాధిపతి సుబుదేంద్రతీర్థులు అన్నారు. శనివారం ఆదిశిలా క్షేత్రంలోని స్వయంభూ లక్ష్మీవేంకటేశ్వరస్వామి ఆలయంలో సంస్థాన పూజలు నిర్వహించారు. ఈ సందర్భంగా స్వామీజీ మాట్లాడుతూ యువత చెడుమార్గం వీడి సన్మార్గంలో నడుచుకోవాలన్నారు. ఇంట్లో ఉన్న దేవుడు ఇంటిల్లిపాదిని కాపాడితే.. గుడిలో ఉన్న దేవుడు సమస్త ప్రజలను కాపాడుతాడని అభిప్రాయపడ్డారు. ఇదిలా ఉండగా.. శనివారం ఆయన భక్తులతో కిక్కిరిసింది. ముందుగా అర్చకులు రమేషాచారి, రవిచారి స్వామివారికి అభిషేకాలు నిర్వహించి భక్తులకు తీర్థ ప్రసాదాలు అందజేశారు. కార్యక్రమంలో ఆలయ చైర్మన్‌ ప్రహ్లాదరావు, అర్చకులు మధుసూదనాచారి, నర్సింహులు, చంద్రశేఖర్‌రావు, రాముడు, దీరేంద్రదాసు తదితరులు పాల్గొన్నారు.

అలంపూర్‌: క్రీడలలో జిల్లా ఖ్యాతిని చాటాలని ఎమ్మెల్యే విజయుడు అన్నారు. అలంపూర్‌ చౌరస్తాలోని ప్రయాగ్‌ స్కూల్‌ ఆఫ్‌ ఎక్స్‌లెన్స్‌ పాఠశాల ఆవరణలో ఎస్‌జీఎఫ్‌ 70వ జిల్లాస్థాయి బాలికల క్రీడా పోటీలు శనివారం జరిగాయి. పోటీలను ఎమ్మెల్యే విజయుడు డీఈఓ విజయలక్ష్మి, ఎస్‌జీఎఫ్‌ జిల్లా కార్యదర్శి శ్రీనివాసులుతో కలిసి అండర్‌–14, 17 బాలికల విభాగం ఖోఖో, కబడ్డీ, వాలీబాల్‌ క్రీడలను ప్రారంభించారు. ఇందులో 13 మండలాల నుంచి 936 మంది క్రీడాకారిణులు పాల్గొనగా.. తొలిరోజు పోటీలు హోరాహోరిగా సాగాయి. ఈ సందర్భంగా ఎమ్మెల్యే మాట్లాడుతూ బాలికలు క్రీడలపై ఆసక్తితో ముందుకు రావడం ఎంతో సంతోషంగా ఉందన్నారు. క్రీడాకారులను ప్రొత్సహించి అండగా ఉంటామన్నారు. క్రీడలకు, క్రీడాకారులకు తమవంతుగా సహాయ, సహకారాలు అందిస్తామన్నారు. డీఈఓ విజయలక్ష్మి మాట్లాడుతూ బాలికలు క్రీడలతోపాటు విద్యలోనూ రాణించాలన్నారు. కార్యక్రమంలో ఎంఈఓలు అశోక్‌కుమార్‌, రామకృష్ణ, శివప్రసాద్‌, జీహెచ్‌ఎం జాఫరుల్లా ఖాన్‌, టోర్నీ కన్వీనర్‌ భరత్‌కుమార్‌, ప్రయాగ్‌ స్కూల్‌ హెడ్‌ మాధవి, ప్రిన్సిపల్‌ సుష్మా, పీఈటీలు తదితరులు పాల్గొన్నారు. విజేతలు వీరే.. అండర్‌–14 ఖోఖో విభాగంలో విజేతగా వడ్డేపల్లి మండలం, రన్నర్‌గా మానవపాడు మండలం, కబడ్డీలో విజేతగా గద్వాల, రన్నర్‌గా ఎర్రవల్లి, వాలీబాల్‌ విభాగంలో విజేతగా మల్దకల్‌, రన్నర్‌గా గట్టు మండలాలు నిలిచాయి. అండర్‌–17 విభాగంలో విజేతగా మల్దకల్‌, రన్నర్‌గా గద్వాల, కబడ్డీ విభాగంలో విజేతగా మల్దకల్‌, రన్నర్‌గా ఉండవెల్లి, వాలీబాల్‌ విభాగంలో విజేతగా మల్దకల్‌, రన్నర్‌గా మానవపాడు మండలాలు గెలుపొందాయి. ఎమ్మెల్యే విజయుడు పిలుపు అట్టహాసంగా ఎస్‌జీఎఫ్‌ 70వ జిల్లాస్థాయి క్రీడా పోటీలు 13 మండలాల నుంచి 936 మంది క్రీడాకారుల హాజరు

గద్వాల: ప్రభుత్వం వద్ద తీసుకున్న ధాన్యం లెక్కలను తారుమారు చేసి అధికారులనే బెదిరించే ప్రయత్నం చేసిన ఫరీదా రైస్‌మిల్లర్‌పై కేసు నమోదైంది. శనివారం ‘ఫరీదా రైస్‌మిల్లు జాదుగిరి’ శీర్షికన ‘సాక్షి’లో కథనం ప్రచురితం కాగా దీనిపై స్పందించిన కలెక్టర్‌ రిజ్వాన్‌బాషాషేక్‌ అధికారులు ఇచ్చిన నివేదిక ఆధారంగా సదరు రైస్‌మిల్లర్‌పై కేసు నమోదు చేయాలని సివిల్‌ సప్లయ్‌ అధికారులను ఆదేశించారు. ఇందులో భాగంగా డీఎం విమల శనివారం గద్వాల పట్టణ పోలీస్‌స్టేషన్‌లో ఫిర్యాదు చేయగా.. ఫరీదా రైస్‌మిల్లుపై కేసు నమోదు చేసినట్లు ఎస్‌ఐ శ్రీనివాస్‌ తెలిపారు. సంక్షేమ బోర్డు ఏర్పాటు చేయాలి గద్వాల న్యూటౌన్‌: హమాలీ, అసంఘటిత, కాంట్రాక్ట్‌, ఔట్‌సోర్సింగ్‌ కార్మికులకు సమగ్ర సంక్షేమ బోర్డు ఏర్పాటు చేయాలని ఏఐటీయూసీ జిల్లా అధ్యక్షుడు ఆంజనేయులు అన్నారు. శనివారం ఏఐటీయూసీ 107వ ఆవిర్భావ దినోత్సవాన్ని పురస్కరించుకొని స్థానిక నల్లకుంట లారీ హమాలీ యూనియన్‌ అడ్డా వద్ద కార్మిక సంఘం జెండాను ఆవిష్కరించారు. అనంతరం ఆయన మాట్లాడుతూ ఏఐటీయూసీ కార్మికుల హక్కుల సాధన కోసం ఎన్నో చార్రితాత్మక పోరాటాలు, త్యాగాలు చేసిందన్నారు. కనీస వేతనాలు, పనిగంటల పరిమితి, సామాజిక భద్రత, వంటి హక్కులు కల్పించేందుకు అనేక కార్మిక చట్టాల రూపకల్పన కోసం నిరంతరం పోరాడిందని గుర్తు చేశారు. కార్మికులందరికీ గుర్తింపు కార్డులు జారీ చేసి, సంక్షేమ పథకాలు అందించాలని డిమాండ్‌ చేశారు. కార్యక్రమంలో జిల్లా కార్యదర్శి రంగన్న, ఉపాధ్యక్షుడు నారాయణ, లారీ హమాలీ యూనియన్‌ నాయకులు రాజు, రవి, వెంకట్రాములు, శేఖర్‌, పాండు ధర్మన్న, ప్రభుదాసు తదితరులు పాల్గొన్నారు. టీజీఓ జిల్లా నూతన కమిటీ ఎన్నిక గద్వాల న్యూటౌన్‌: జిల్లా గెజిటెడ్‌ ఆఫీసర్స్‌ అసోసియేషన్‌ (టీజీఓ) నూతన కమిటీని ఏకగ్రీవంగా పునర్నిర్మించారు. శనివారం జిల్లా కమర్షిల్‌ ట్యాక్స్‌ కార్యాలయంలో అసోసియేషన్‌ ఎగ్జిక్యూటీవ్‌ సభ్యుల సమావేశం నిర్వహించారు. ఈ సందర్భంగా ఖాళీగా ఉన్న పదవుల భర్తీ, నూతన బాధ్యతల కేటాయింపుపై పలు తీర్మానాలు ఆమోదించారు. నూతన కార్యవర్గంలో భాగంగా జిల్లా అధ్యక్షుడిగా శశిధర్‌రెడ్డి, ప్రధాన కార్యదర్శి విజయ్‌కుమార్‌, ఉపాధ్యక్షులు (మహిళా విబాగం) భవాని, ఈసీ మెంబర్లుగా సురేష్‌, శ్రీకాంత్‌రెడ్డి, శంకర్‌నాయక్‌లను ఎన్నుకున్నారు. గతంలో ఉన్న ఇతర పదవులను యథావిధిగా కొనసాగించాలని నిర్ణయించారు. జిల్లావ్యాప్తంగా గెజిటెడ్‌ ఆఫీసర్ల సభ్యత్వ నమోదు ప్రక్రియను వేగవంతం చేయాలని, నూతన సంవత్సరం 2027 డైరీ, క్యాలెండర్‌ ఆవిష్కరణ, సీపీఎస్‌ రద్దు, పీఆర్‌సీ కోసం పోరాడాలని తీర్మానించారు. కార్యక్రమంలో కోశాధికారి వెంకటరాజారెడ్డి, ఉపాధ్యక్షుడు భీమ్లా, సహ కార్యదర్శి రామాంజనేయులు, కార్య నిర్వాహక కార్యదర్శి కరుణాకర్‌, ఈసీ సభ్యులు పాల్గొన్నారు. నేడు బీచుపల్లిలో సీతారాముల కల్యాణం ఎర్రవల్లి: బీచుపల్లి పుణ్యక్షేత్రంలోని కోదండరామస్వామి ఆలయంలో పునర్వసు నక్షత్రంను పురస్కరించుకొని ఆదివారం సీతారాముల కల్యాణం నిర్వహించనున్నట్లు ఆలయ మేనేజర్‌ సురేందర్‌రాజు శనివారం ఒక ప్రకటనలో తెలిపారు. ఆలయ చుట్టుపక్కల ప్రాంతాల నుంచి భక్తులు అధిక సంఖ్యలో పాల్గొని రాములోరి కల్యాణాన్ని కనులారా వీక్షించాలని ఆయన కోరారు. పల్లీ @ రూ.8,470 గద్వాల వ్యవసాయం: జిల్లాకేంద్రంలోని వ్యవసాయ మార్కెట్‌ యార్డుకు శనివారం 298 క్వింటాళ్ల వేరుశనగ అమ్మకానికి వచ్చింది. కాగా.. క్వింటాల్‌ గరిష్టంగా రూ.8,470, కనిష్టంగా రూ.5,249, సరాసరిగా రూ.6,539 ధరలు లభించాయి. 29 క్వింటాళ్ల ఆముదాలు రాగా.. క్వింటాల్‌ గరిష్టంగా రూ.7,959, కనిష్టంగా రూ.7,649, సరాసరిగా రూ.7,959 చొప్పున వచ్చాయి. అలాగే 16 క్వింటాళ్ల వరి (సోన) రాగా క్వింటాల్‌ గరిష్టంగా రూ.3,622, కనిష్టంగా రూ.3,308, సరాసరిగా రూ.3,622 ధరలు లభించాయి.

గద్వాల న్యూటౌన్‌: వీబీజీ రాంజీ పథకం కింద జాబ్‌కార్డు కలిగిన ప్రతి కుటుంబానికి 125 రోజుల పని కల్పించాలని అదనపు కలెక్టర్‌ నర్సింగరావు అన్నారు. శనివారం జిల్లా మహిళా సమాఖ్య భవనంలో ఏపీఓలు, ఈసీలు, మేటీలకు శిక్షణ కార్యక్రమంలో భాగంగా టీఓటీ శిక్షణ నిర్వహించారు. ఈ సందర్భంగా ఆయన మాట్లాడుతూ కరువు నేపథ్యంలో గ్రామాల్లో ఎక్కువ పనులకు ఎప్పటికప్పుడు ఎస్టిమేట్లు వేసి, ప్రతి కూలీకి సకాలంలో పని కల్పించేలా సిబ్బందిని సమాయత్తం చేయాలన్నారు. శిక్షణలో భాగంగా మేటీల విధులు, బాధ్యతలు, ఎన్‌ఎంఎంఎస్‌ యాప్‌ ద్వారా కూలీల హాజరు నమోదు, క్షేత్రస్థాయిలో చేపట్టే కొలతలు, పని పరిమాణం, లెక్కించే విధానంపై పూర్తిస్థాయిలో అవగాహన కల్పించాలని సూచించారు. సోమవారం నుంచి అన్ని మండలాల్లో మేటీలకు శిక్షణ కార్యక్రమాలు ప్రారంభించేలా షెడ్యూల్‌ రూపొందించాలన్నారు. కార్యక్రమంలో ఏపీడీ శ్రీనివాసులు, డీటీసీ విద్యాధర్‌, ఏపీఓ కుమార్‌ తదితరులు పాల్గొన్నారు. ఇంకుడు గుంతలు నిర్మించుకోవాలి.. ధరూరు: జలసిరి కార్యక్రమంలో భాగంగా ప్రతిఒక్కరు పంట కుంటలు, ఇంకుడు గుంతలు నిర్మించుకోవాలని అదనపు కలెక్టర్‌ నర్సింగరావు అన్నారు. మండలంలోని ఓబులోనిపల్లి, ర్యాలంపాడు గ్రామాల్లో పర్యటించి.. అర్హులైన లబ్ధిదారులకు పింఛన్లు అందుతున్నాయా.. లేదా.. అని పరిశీలించారు. అనంతరం గ్రామంలో జరుగుతున్న వీబీజీ రాంజీ పథకం పనులను, గ్రామంలోని పాఠశాలలు, అంగన్‌వాడీ కేంద్రాలను సందర్శించి.. విద్యార్థులకు అందుతున్న సౌకర్యాలు, పారిశుద్ధ్య నిర్వహణను పరిశీలించారు. విద్యార్థులకు మెనూ ప్రకారం భోజనం అందించాలని సూచించారు. ప్రాథమిక పాఠశాలలో విద్యార్థులతో కలిసి భోజనం చేశారు. పారిశుద్ధ్య నిర్వహణను పరిశీలించడంతో పాటు ప్రభుత్వ పథకాల అమలులో నాణ్యతా ప్రమాణాలు పాటిస్తూ ముందుకు సాగాలని అధికారులను ఆదేశించారు.

గద్వాల: గద్వాల మున్సిపల్‌ చైర్‌పర్సన్‌ జయలక్ష్మి అధ్యక్షతన శనివారం జరిగిన సాధారణ సమావేశం పట్టణంలోని ప్రధాన సమస్యలపై చర్చ లేకుండా ముగించారు. ప్రధానంగా సమావేశం ఎజెండాలోని 4వ అంశమైన ఇండస్ట్రీయల్‌ జోన్‌ను నివాస జోన్‌గా మార్చాలని పెట్టడంపై బీఆర్‌ఎస్‌ కౌన్సిలర్లు తీవ్ర అభ్యంతరం వ్యక్తం చేశారు. పట్టణంలోని సర్వే నంబర్లు 861/1/2, 861/2/2, 861/1/1/1/2లలో సుమారు 4.29 ఎకరాల భూమి ఇండస్ట్రీయల్‌ జోన్‌ పరిధిలో ఉంది. అయితే ఇందులో ఇటీవల కొందరు వ్యక్తులు రియల్‌ ఎస్టేట్‌ వ్యాపారంలో భాగంగా లేఅవుట్‌ చేసి ప్లాట్లు చేశారు. ఇలా ప్లాట్లు చేసిన వాటిని నివాసయోగ్యంగా విక్రయించాలంటే ఇండస్ట్రీయల్‌ జోన్‌ నిబంధన అడ్డుగా మారడంతో నివాసయోగ్యంగా మార్చాలని మున్సిపాలిటీ అధికారులకు దరఖాస్తు చేసుకున్నారు. దీనిని ఎజెండాలో పొందుపర్చడంపై అధికార పార్టీకి చెందిన కొందరు వ్యక్తులకే మేలుచేకూరేలా ఎలా తీర్మానం చేపడుతారని బీఆర్‌ఎస్‌ కౌన్సిలర్లు తీవ్రంగా అభ్యంతరం తెలిపారు. గద్వాల మున్సిపాలిటీని అభివృద్ధి చేయాలనే ఉద్దేశం ఉంటే ఇంకా 100 ఎకరాల మేర రీక్రియేషన్‌, ఇండస్ట్రీయల్‌ జోన్ల కింద ఉన్నాయని వాటిని కూడా నివాసయోగ్య జోన్‌గా మార్చితే పట్టణ ప్రజలకు పెద్దఎత్తున మేలు చేకూరుతుందని వాదించారు. అదేవిధంగా బీజేపీ కౌన్సిలర్లు సైతం వ్యతిరేకత తెలిపారు. కానీ డిసెంట్‌ ఇవ్వలేదు. మొత్తానికి పట్టణంలో పేరుకుపోయిన ప్రజాసమస్యలను పక్కన పెట్టి కేవలం లాభాపేక్షంగా ఉండే అంశాలపై చర్చించి సమావేశాన్ని మమ అనిపించడంపై పట్టణ ప్రజలు పెద్దఎత్తున విమర్శలు చేస్తున్నారు.

గద్వాల న్యూటౌన్‌: కేంద్ర ప్రభుత్వం, ఎన్నికల సంఘంపై కాంగ్రెస్‌ పార్టీ నిరాధార ఆరోపణలు చేస్తోందని బీజేపీ జిల్లా అధ్యక్షుడు రామాంజనేయులు అన్నారు. శనివారం స్థానిక డీకే బంగ్లాలో ఏర్పాటు చేసిన విలేకరుల సమావేశంలో ఆయన మాట్లాడారు. దేశవ్యాప్తంగా జరుగుతున్న సర్‌ ప్రక్రియపై కాంగ్రెస్‌ నాయకులు కావాలనే తప్పుడు ప్రచారం చేస్తున్నారని ఆరోపించారు. ఓటర్ల జాబితా సవరణ అనేది ఎన్నికల సంఘం ఆధ్వర్యంలో చట్టబద్ధంగా, పారదర్శకంగా కొనసాగుతుందన్నారు. ఓటర్ల జాబితాలో తప్పులు ఉంటే వాటిని సరిచేసుకోవడానికి, అర్హులైన కొత్త ఓటర్ల పేర్లు నమోదు చేసుకోవడానికి ఎన్నికల సంఘం అవకాశం కల్పిస్తుందన్నారు. ఓటర్ల జాబితాపై ఏమైనా అభ్యంతరాలు ఉంటే ఆధారాలతో ఎన్నికల అధికారులను సంప్రదించి, చట్టబద్ధమైన విధానంలో సమస్యలను పరిష్కరించుకోవాలని హితవు పలికారు. సమావేశంలో రాష్ట్ర కౌన్సిల్‌ సభ్యుడు వెంకట్రాములు, రాష్ట్ర మహిళా మోర్చా అధికార ప్రతినిధి రమాదేవి, జిల్లా ప్రధాన కార్యదర్శి శ్యాంరావు, జయశ్రీ తదితరులు పాల్గొన్నారు.

గద్వాల: పింఛన్‌ లబ్ధిదారుడైన భర్త మరణించినప్పుడు ఆయన భార్యకు తక్షణ పింఛన్‌ అందించే సదుపాయాన్ని అర్హులైన మహిళలు సద్వినియోగం చేసుకోవాలని కలెక్టర్‌ రిజ్వాన్‌బాషాషేక్‌ శనివారం ఒక ప్రకటనలో తెలిపారు. పింఛన్‌ పొందుతున్న భర్తలు మరణించిన సందర్భాల్లో వారి భార్యాలకు తక్షణమే సామాజిక భద్రతా పెన్షన్‌ మంజూరు చేసేలా ప్రభుత్వం ఉత్తర్వులు జారీ చేసిందన్నారు. పంచాయతీరాజ్‌, గ్రామీణాభివృద్ధి శాఖ జారీ చేసిన ఉత్తర్వుల ప్రకారం వృద్ధాప్య పింఛన్‌తోపాటు దివ్యాంగులు, గీతా, చేనేత కార్మికులు, డయాలసిస్‌, హెచ్‌ఐవీ, ఫైలేరియా పింఛన్‌ లబ్ధిదారుల భార్యలకు సైతం తక్షణ పింఛన్‌ సదుపాయం వర్తిస్తుందన్నారు. అర్హులైన వారు గ్రామీణ ప్రాంతాల్లో పంచాయతీ కార్యదర్శికి, మున్సిపాలిటీలో బిల్‌కలెక్టర్‌కు దరఖాస్తుతోపాటు ఆధార్‌ కార్డు, బ్యాంకు పాసుబుక్కు జిరాక్స్‌, మరణించిన పింఛన్‌ లబ్ధిదారుడి ఆధార్‌, మరణ ధ్రువీకరణ పత్రాలు జిరాక్స్‌ సమర్పించాలని చెప్పారు.

గద్వాల క్రైం/ ఎర్రవల్లి: భారత తొలి ఉప ప్రధాని సర్ధార్‌ వల్లభాయ్‌ పటేల్‌ జయంతిని శనివారం ఎస్పీ కార్యాలయంలో ఘనంగా నిర్వహించారు. ముందుగా వల్లభాయ్‌ పటేల్‌ చిత్రపటానికి పూలమాల వేసి ఘనంగా నివాళులర్పించారు. అనంతరం ఎస్పీ శ్రీనివాసరావు మాట్లాడుతూ దేశ సంరక్షణ, సమగ్రత కోసం ఆయన చేసిన సేవలు మరువ లేనివన్నారు. వందలాది సంస్థలను ఒక్కటి చేసిన మహనీయుడుగా చరిత్రలో నిలిచిపోయారన్నారు. భారత యూనియన్‌లో కలవడానికి ఇష్టపడని హైదరాబాద్‌ ప్రాంతాన్ని సైనిక చర్య ద్వారా యూనియన్‌లో కలిపి ఇక్కడి ప్రజల మన్నలను పొందారని గుర్తుచేశారు. అనంతరం ప్రతి ఒక్కరిలో ఐక్యతాభావం పెంపొందించేలా సిబ్బందిచే ప్రతిజ్ఞ చేయించారు. ఫ్లాగ్‌ డే సందర్భంగా నిర్వహించిన వ్యాసరచన, షార్ట్‌ ఫిలిం, ఫొటోగ్రఫీ, సైకిల్‌ ర్యాలీలో విజేతలుగా నిలిచిన విద్యార్థులకు ఎస్పీ ప్రశంసాపత్రాలు అందజేశారు. కార్యక్రమంలో ఏఎస్పీ శంకర్‌, డీఎస్పీ మొగిలయ్య, సీఐ శ్రీను తదితరులు పాల్గొన్నారు. బీచుపల్లి పదవ పటాలంలోనూ జాతీయ సమైక్యత దినోత్సవాన్ని పురస్కరించుకొని పటేల్‌ చిత్రపటానికి పూలమాల వేసి ఘనంగా నివాళులర్పించారు. కార్యక్రమంలో అదనపు కమాండెంట్‌ ఆదినారాయణ, అసిస్టెంట్‌ కమాండెంట్‌ పార్థసారధిరెడ్డి, శ్రీను, ఆర్‌ఐలు శ్రీనివాస్‌, రాజేశం తదితరులు పాల్గొన్నారు.

గద్వాల: గట్టు ఎత్తిపోతల పథకంలో భూములు కోల్పోతున్న గట్టు, కేటీదొడ్డి మండలాల రైతులకు అనువైన భూములు లేదా ఎకరాకు రూ. 30లక్షల పరిహారం చెల్లించాలని సీపీఎం జిల్లా కార్యదర్శి వెంకటస్వామి డిమాండ్‌ చేశారు. ఈ మేరకు శుక్రవారం బాధిత రైతులతో కలిసి కలెక్టరేట్‌లో ఎస్‌డీసీకి వినతిపత్రం అందజేశారు. ఈ సందర్భంగా ఆయన మాట్లాడుతూ.. గట్టు ఎత్తిపోతల పథకం కుడి కాల్వ పరిధిలో కేటీదొడ్డి శివారులో 94 ఎకరాలు, ఎడమ కాల్వ పరిధిలో కుచ్చినెర్ల, రాయాపురం, చింతలకుంట, అప్పకొండహల్లి, మాచర్ల, బలిగెర గ్రామాల శివారులో 156 ఎకరాల భూములు ముంపునకు గురవుతున్నట్లు తెలిపారు. ఆయా గ్రామాలకు చెందిన సుమారు 800 మంది రైతులకు నష్టం వాటిల్లుతుందన్నారు. గతంలో భూమి సేక రించే సందర్భంగా ఎకరాకు రూ. 12లక్షల చొప్పున ఇస్తామని చెప్పి, కేవలం రూ. 6లక్షలు ఇచ్చి రైతులను నిలువునా మోసం చేశారన్నారు. ఈసారి అ లాంటి పరిస్థితిని ఎదుర్కొనేందుకు రైతులు సిద్ధంగా లేరన్నారు. ఇప్పటికే జూరాల, నెట్టెంపాడు, ఆర్డీఎస్‌ ప్రాజెక్టు పరిధిలో వేల ఎకరాల భూములు కోల్పోయ్యారని గుర్తుచేశారు. ప్రభుత్వం, ప్రజాప్రతినిధులు సానుభూతితో వ్యవహరించి.. 2013 భూసేకరణ చట్టం ప్రకారం సీఎం రేవంత్‌రెడ్డి నియోజకవర్గంలో రైతులకు చెల్లించిన తరహాలో ఎకరాకు రూ. 30లక్షల చొప్పున పరిహారం ఇవ్వాలని ఆయన డిమాండ్‌ చేశారు. కార్యక్రమంలో పార్టీ నాయకుడు వీవీ నర్సింహ పాల్గొన్నారు.

గద్వాల: తాను చేసిన మోసం నుంచి కప్పిపుచ్చుకు నేందుకు ఏకంగా అధికారులనే దొంగలుగా ముద్రవేసేందుకు కుట్రలు పన్నాడో రైస్‌మిల్లు ఓనర్‌. తనవద్ద ప్రభుత్వం తీసుకున్న ధాన్యం బస్తాలు సక్రమంగానే ఉన్నాయని బుకాయిస్తూ.. మళ్లీ ఒకసారి కౌంటింగ్‌ చేయాలని కలెక్టర్‌కు దరఖాస్తు పెట్టుకున్నాడు. కలెక్టర్‌ ఆదేశాల మేరకు శుక్రవారం సివిల్‌ సప్లయ్‌శాఖ అధికారులు రీకౌంటింగ్‌ చేపట్టారు. ఈ క్రమంలో సదరు రైస్‌మిల్లర్‌ చేసిన మోసం వెలుగు చూడటంతో అధికారులు అవాక్కయారు. ఇంతకీ మోసం చేసిన రైస్‌మిల్లర్‌ ఎవరు? ఏమిటా ధాన్యం బస్తాల లెక్కింపు కథ ఏమిటో మీరే చదవండి. ● గద్వాల మండలం కొత్తపల్లికి వెళ్లే మార్గంలో ఫరీదా రైస్‌మిల్లు ఉంది. ప్రభుత్వం నుంచి తీసుకున్న ధాన్యం బస్తాలను లెక్కించేందుకు ఈ నెల 17న సివిల్‌ సప్లయ్‌శాఖ అధికారులు ఆ రైస్‌మిల్లుకు వెళ్లారు. అయితే ప్రభుత్వం వద్ద తీసుకున్న ధాన్యంలో 30వేల బస్తాలు తక్కువగా ఉన్నాయని అధికారులు గుర్తించి, నివేదికను ఉన్నతాధికారుల కు పంపడంతో సదరు ఫరీదా రైస్‌మిల్లుపై పోలీసులకు ఫిర్యాదు చేశారు. అయితే తాను ఎలాంటి అక్రమాలకు పాల్పడలేదని.. తనవద్ద ధాన్యం బస్తాలన్నీ సరిగ్గానే ఉన్నాయని.. అధికారులే తప్పుడు లెక్కలు చేశారని పేర్కొంటూ మళ్లీ కౌంటింగ్‌ చేయాల్సిందిగా కలెక్టర్‌కు దరఖాస్తు చేసుకున్నాడు. చేసిన మోసాన్ని కప్పిపుచ్చుకునే ప్రయత్నం అధికారులపైనే దబాయింపు రీ కౌంటింగ్‌లో బయటపడిన రైస్‌మిల్లర్‌ తతంగం

నాణ్యమైన విద్య.. పీయూ పరిధిలో చదువుతున్న విద్యార్థులకు నాణ్యమైన విద్యను అందించే లక్ష్యతో పనిచేస్తున్నాం. అలాగే విద్యార్థుల చదువులు పూర్తయిన వెంటనే ఉద్యోగాలు సాధించేలా చర్యలు తీసుకుంటన్నాం. అందుకోసం ఇప్పటికే పలు సంస్థలతో ఎంఓయూలు చేసుకున్నాం. శుక్రవారం పాలమూరు బయోటెక్‌ సంస్థను సందర్శించి.. పీయూ విద్యార్థులకు పరిశోధన పరమైన శిక్షణ ఇవ్వాలని కోరాం. తద్వారా విద్యార్థులు ఏ సంస్థకు వెళ్లినా వెంటనే మంచి వేతనంతో సులువుగా ఉద్యోగాలు సాధించేలా తీర్చిదిద్దుతున్నాం. మరో సంస్థ ఆధ్వర్యంలో 100 రోజుల స్కిల్‌ డెవలప్‌మెంట్‌ శిక్షణ ఇస్తున్నాం. – జీఎన్‌ శ్రీనివాస్‌, వీసీ, పీయూ మహబూబ్‌నగర్‌ ఎడ్యుకేషన్‌: పీయూలో ఉన్నత విద్య అభ్యసిస్తున్న విద్యార్థులకు నాణ్యమైన విద్య, ఉపాధి అవకాశాలు కల్పించేందుకు అధికారులు చర్యలు తీసుకుంటున్నారు. అందుకోసం జాతీయ, అంతర్జాయ, రాష్ట్రస్థాయి సంస్థలతో అధికారులు ఎంఓయూ (మెమోరాండం ఆఫ్‌ అండర్‌ స్టాండింగ్‌)లు కుదుర్చుకుంటున్నారు. అందులో భాగంగా పీయూ వైస్‌ చాన్స్‌లర్‌ శ్రీనివాస్‌ పాలమూరు బయోసైన్స్‌ను సందర్శించి.. ఇక్కడ చేపడుతున్న పరిశోధనలు, ప్రయోగాల గురించి సంస్థ ప్రతినిధులతో వివరాలు తెలుసుకున్నారు. యూనివర్సిటీలో చదువుతున్న విద్యార్థులకు పరిశోధన పరిజ్ఞానం అందించాలని విన్నవించారు. యూనివర్సిటీ పరిధిలోని గద్వాల, కొల్లాపూర్‌, వనపర్తి, పీజీ కళాశాలల్లో పలు సైన్స్‌ కోర్సులు నిర్వహిస్తున్నారు. వీటితోపాటు పీయూ పరిధిలో మొత్తం 110 కళాశాలల్లో చదువుతున్న 25 వేల మంది విద్యార్థులకు ఈ ఎంఓయూలు వర్తించనున్నాయి. కెమిస్ట్రీ విద్యార్థులకు శిక్షణ గత నెలలో పీయూ అధికారులు ప్రతిష్టాత్మక జాతీయ స్థాయి సీఎస్‌ఐఆర్‌ (ఇండియన్‌ ఇనిస్టిట్యూట్‌ ఆఫ్‌ కెమికల్‌ టెక్నాలజీ) హైదరాబాద్‌ వారితో ఎంఓయూ కుదుర్చుక్నునారు. ఇందులో కెమిస్ట్రీ చదువుతున్న విద్యార్థులకు పరిశోధన పరంగా శిక్షణ ఇచ్చేందుకు అవగాహన ఒప్పందం చేసుకున్నారు. ఈ మేరకు పీయూలో చదివిన 12 మంది సీనియర్‌ విద్యార్థులు అక్కడ రీసెర్చిలో పాల్గొనడం గమనార్హం. ఇంటిగ్రేటెడ్‌ కెమిస్ట్రీతోపాటు పలు సంస్థల్లో ఇలాంటి అవకాశాలు విద్యార్థులకు లభిస్తున్నాయి. ఇక మ్యాజిక్‌ బస్‌ వంటి ఫౌండేషన్ల ఆధ్వర్యంలో విద్యార్థులకు క్యాంపస్‌ సెలక్షన్స్‌ నిర్వహించి వెంటనే ఉద్యోగావకాశాలు కల్పించేందుకు ఒప్పందం చేసుకున్నారు. వీటితోపాటు ఎక్స్‌టెల్‌ టెక్‌ ప్రైవేటు లిమిటెడ్‌, డాక్టర్‌ ఎమ్మెస్కే రావు రీసెర్చి అండ్‌ ఇన్నోవేషన్‌ సొల్యూషన్స్‌, క్లినోసాల్‌ రీసెర్చి ప్రైవేట్‌ లిమిటెడ్‌, పాలమూరు రైతు డెవలప్‌మెంట్‌ సొసైటీ, మహబూబ్‌నగర్‌, కల్పవృక్ష మ్యూచువల్‌ ఎయిడ్‌ మల్టీపర్సస్‌ కోఆపరేటివ్‌ సొసైటీ, మహబూబ్‌నగర్‌, ఏరో ఫైన్‌ సొల్యూషన్స్‌ ప్రైవేట్‌ లిమిటెడ్‌ వారితో ఎంఓయూలు కుదుర్చుకున్నారు. వందరోజుల శిక్షణ.. పీయూ పరిధిలోని విద్యార్థులకు స్కిల్‌ డెవలప్‌మెంట్‌ కోసం కోడ్‌తంత్ర అనే సంస్థ ఆధ్వర్యంలో శిక్షణ ఇస్తున్నారు. ఆన్‌లైన్‌లో నిర్వహించే శిక్షణలో విద్యార్థులకు బిహేవియర్‌, లాంగ్వేజ్‌, పర్సనాలిటీ, ప్రొఫీషియన్సీ, కమ్యూనికేషన్‌ స్కిల్స్‌ వంటి వాటిపై శిక్షణ ఇస్తున్నారు. ఇందులో ఏవైనా సందేహాలు ఉంటే.. విద్యార్థులు తమకు నచ్చిన భాషలో ప్రశ్నలు వేస్తే అది తిరిగి సమాధానం చెబుతుంది. ఇలా విద్యార్థులకు ఉద్యోగాల కోసం ఇంటర్వ్యూలకు వెళ్లినప్పుడు ఎలాంటి ప్రశ్నలు వస్తాయి. ఎలాంటి సమాధానాలు చెప్పాలి అనే అంశంపై వందరోజుల శిక్షణ ఇస్తున్నారు. శిక్షణ పొందిన వారికి సంస్థ సర్టిఫికెట్‌ సైతం అందించనుంది. వీటి ద్వారా విద్యార్థులు సులువుగా ఉద్యోగావకాశాలు పొందేందుకు ఆస్కారం ఉంది. ఇప్పటికే సుమారు 8 వేల మంది శిక్షణ తీసుకుంటున్నారు. రీసెర్చి ఫెసిలిటీ భవనం.. ఇటీవల కేంద్ర ప్రభుత్వం విడుదల చేసిన రూ.100 కోట్ల నుంచి రీసెర్చి ఫెసిలిటీ భవనాన్ని నిర్మించారు. ఇలాంటి రీసెర్చి ఫెసిలిటీ భవనం హైదరాబాద్‌ మినహా ఎక్కడా అందుబాటులో లేదు. ఇందులో రూ.కోట్లు వెచ్చించి అత్యాధునిక పరికరాలు, మైక్రోస్కోప్‌లు తదితర వాటిని ఏర్పాటు చేయనున్నారు. ఇప్పటికే వీటి కోసం సుమారు రూ.10 కోట్లతో టెండర్‌ పిలిచారు. విదేశాల నుంచి పరికరాలు త్వరలో దిగుమతి కానున్నాయి. ఇది అందుబాటులోకి వస్తే ప్రైవేటు కంపెనీలు, సంస్థలు, రీసెర్చి స్కాలర్స్‌ ఇక్కడ కొత్త అంశాలపై రీసెర్చి చేసుకునేందుకు వెసులుబాటు కలుగుతుంది. అలాగే దీనిని వినియోగించుకున్నందుకు కొంత మొత్తాన్ని కూడా వసూలు చేయనున్నారు. అంతేకాకుండా పలు ప్రాజెక్టులు సైతం యూనివర్సిటీకి వచ్చే అవకాశం ఉంది. వివిధ సంస్థల ఆధ్వర్యంలో శిక్షణకు పీయూ ఎంఓయూలు తద్వారా విద్యార్థుల రీసెర్చి, ట్రైనింగ్‌కు విరివిగా అవకాశాలు రెండేళ్లలో 9 సంస్థలతో ఒప్పందాలు.. తాజాగా పాలమూరు బయోసైన్స్‌ ప్రతినిధులతో చర్చలు చదువు పూర్తయిన వెంటనే క్యాంపస్‌ రిక్రూట్‌మెంట్లకు ఆస్కారం డిగ్రీ స్థాయిలోనే స్కిల్‌ డెవలప్‌మెంట్‌ శిక్షణకు శ్రీకారం చుట్టిన అధికారులు

గద్వాల: జిల్లాను సురక్షిత్‌ ప్లస్‌ హోదా దిశగా ముందుకు తీసుకెళ్లేందుకు కృషి చేయాలని కలెక్టర్‌ రిజ్వాన్‌ బాషా షేక్‌ అన్నారు. మొబిలైజేషన్‌ ఫర్‌ ఎయిడ్స్‌ సురక్ష కార్యక్రమంలో భాగంగా హెచ్‌ఐవీ, ఎయిడ్స్‌ నివారణకు కృషి చేసిన అధికారులు, సిబ్బందిని శుక్రవారం కలెక్టర్‌ తన చాంబర్‌లో అభినందించారు. ఈ సందర్భంగా ఆయన మాట్లాడుతూ.. జిల్లా సాధించిన సురక్షిత్‌ హోదా ముఖ్యమైన విజయమని, ఈ గుర్తింపుతో బాధ్యత మరింత పెరిగిందన్నారు. ఇప్పటి వరకు సాధించిన ప్రగతితో సంతృప్తి చెందకుండా, ఇదే స్ఫూర్తి అంకితాభావంతో ముందుకు సాగాలన్నారు. హెచ్‌ఐవీ, ఎయిడ్స్‌ నివారణపై నిరంతర అవగాహన కార్యక్రమాలు నిర్వహించాలని ఆయన సూచించారు. ముఖ్యంగా క్షేత్రస్థాయిలో ప్రజలకు చేరువయ్యేలా మొబిలైజేషన్‌ కార్యక్రమాలు విస్తృతం చేయాలన్నారు. ప్రభుత్వ శాఖలు, ఐసీటీసీ కేంద్రాలు, స్వచ్ఛంద సంస్థలు, కమ్యూనిటీ ఆధారిత సంస్థలు పరస్పర సమన్వయంతో పనిచేయడం ద్వారానే ఆశించిన ఫలితాలను సాధించగలమన్నారు. ప్రతి ఒక్కరు తమకు అప్పగించిన బాధ్యతలను సమర్థవంతంగా నిర్వర్తిస్తూ, అవసరమైన సేవలు అందించాలని తెలిపారు. అనంతరం జిల్లాను సురక్షిత్‌ ప్లస్‌ హోదా దిశగా తీసుకెళ్లేందుకు కృషిచేసిన అధికారులు, సిబ్బందికి జ్ఞాపికలతో ఘనంగా సన్మానించి అభినందించారు. కార్యక్రమంలో డీఎంహెచ్‌ఓ డా.సంధ్య, ప్రోగ్రాం ఽఅధికారి డా.రాజు, రమేశ్‌, రవీందర్‌రెడ్డి, సాయికుమార్‌ పాల్గొన్నారు. ● విద్యార్థుల్లో అభ్యసన సామర్థ్యాలు మెరుగుపడేందుకు ఉపాధ్యాయులు కృషి చేయాలని కలెక్టర్‌ రిజ్వాన్‌ బాషా షేక్‌ అన్నారు. గద్వాల మండలం వీరాపురం సమీపంలోని సాంఘిక సంక్షేమ బాలుర గురుకుల పాఠశాలను ఆయన ఆకస్మికంగా తనిఖీ చేశారు. ఈ సందర్భంగా విద్యార్థులతో మాట్లాడి ఇటీవల నిర్వహించిన పరీక్షల ఫలితాలపై ఆరా తీశారు. విద్యార్థులు వెనుకబడిన సబ్జెక్టులపై ప్రత్యేక దృష్టి సారించాలని సూచించారు. ప్రస్తుత పోటీ ప్రపంచంలో ఏరంగంలో రాణించాలన్నా నైపుణ్యాలు అవసరమని.. అందుకు అనుగుణంగా విద్యార్థులకు కెరీర్‌ గైడెన్స్‌పై అవగాహన కల్పించాలని ఉపాధ్యాయులకు సూచించారు. ముఖ్యంగా డ్రగ్స్‌, బెట్టింగ్‌ తదితర వ్యసనాల బారిన పడకుండా జాగ్రత్తలు తీసుకోవాలన్నారు. క్రమశిక్షణతో చదువుకుని ఉన్నతస్థాయిలో స్థిరపడే వయసులో వ్యసనాల బారిన పడితే భవిష్యత్‌ నాశనమవుతుందని తెలిపారు.

గద్వాలన్యూటౌన్‌: జాతీయ కబడ్డీ జట్టుకు జిల్లా క్రీడాకారుడు అజిత్‌కుమార్‌ ఎంపికయ్యారు. అక్టోబర్‌ 2 నుంచి 5 వరకు వేములవాడలో జరిగిన రాష్ట్రస్థాయి కబడ్డీ టోర్నీలో అజిత్‌కుమార్‌ పాల్గొని అత్యుత్తమ ప్రతిభకనబర్చడంతో నవంబర్‌ 1 నుంచి 4వ తేదీ వరకు బీహార్‌ రాష్ట్రంలోని పాట్నాలో జరిగే జాతీయస్థాయి కబడీ పోటీలకు ఎంపిక చేశారు. అజిత్‌కుమార్‌ ఎంపికపై జిల్లా కబడ్డీ అసోసియేషన్‌ అధ్యక్షురాలు డీకే స్నిగ్దారెడ్డి, జనరల్‌ సెక్రటరీ నర్సింహ, ట్రెజరర్‌ చందు, జాయింట్‌ సెక్రటరీ రవి, పీడీలు స్రవంతి, హేమావతి, నగేష్‌, కోచ్‌ ఉషన్‌, మేనేజర్‌ బుచ్చిబాబు, నాయకులు మీర్జాపురం వెంకటేశ్వర్‌రెడ్డి, బండల వెంకట్రాములు హర్షం వ్యక్తం చేశారు.

మహబూబ్‌నగర్‌ మున్సిపాలిటీ: ఆర్టీసీ కార్మికులు ఎదుర్కొంటున్న సమస్యలను పరిష్కరించాలని ఎస్‌డబ్ల్యూఎఫ్‌ రీజినల్‌ కార్యదర్శి వెంకటయ్య కోరారు. ఈ మేరకు శుక్రవారం ఆర్‌ఎం సంతోష్‌కుమార్‌ను కలిసి వినతిపత్రం అందజేశారు. రీజియన్‌ పరిధిలో పెండింగ్‌లో ఉన్న సిబ్బంది బదిలీల దరఖాస్తులను పరిశీలించాలన్నారు. ప్రతి డిపోలో ఆర్‌ఓ ప్లాంట్‌ ఏర్పాటుతోపాటు శాసీ్త్రయంగా రోడ్డు సర్వే నిర్వహించి పనిగంటలు మార్పు చేయాలన్నారు. కార్మికులకు వారంలో తప్పనిసరిగా ఒక స్పెషల్‌ ఆఫ్‌ డ్యూటీ కల్పించాలని, హైదరాబాద్‌ రూట్‌లోని స్టేజీల మార్పు ఆలోచనను విరమించుకోవాలని కోరారు. కార్యక్రమంలో సంఘం నాయకులు ప్రభాకర్‌, కృష్ణయ్య, వెంకటయ్య, శ్రీనివాసులు, నారాయణ, అంబయ్య, అశోక్‌గౌడ్‌, వెంకటేశ్వర్లు, బాల్‌నారాయణ, తిరుపతి, ఎండీ ఖయ్యూం తదితరులు పాల్గొన్నారు.

అలంపూర్‌: మున్సిపాలిటీలోని ప్రభుత్వ పాఠశాలలు, వసతిగృహాలు పరిశుభ్రంగా ఉండాలని మున్సిపల్‌ కమిషనర్‌ రాజేశ్‌ అన్నారు. శుక్రవారం అలంపూర్‌ ప్రభుత్వ బాలుర ఉన్నత పాఠశాల, బీసీ వసతిగృహంలో ఆయన ఆకస్మిక తనిఖీలు చేపట్టారు. ఈ సందర్భంగా వంట గదులను క్షుణ్ణంగా పరిశీలించారు. పాఠశాల, వసతిగృహంలోని వ్యర్థాలను మున్సిపాలిటీ వాహనంలో వేయాలని సిబ్బందికి సూచించారు. అనంతరం బేకరీలను తనిఖీ చేశారు. బేకరీలో శుభ్రత పాటించకపోతే చర్యలు తప్పవని హెచ్చరించారు. కమిషనర్‌ వెంట మున్సిపల్‌ మేనేజర్‌ వెంకటయ్య, వార్డు ఆఫీసర్‌ ఈశ్వరయ్య, సిబ్బంది రమేశ్‌, లక్ష్మీనారయణ, హరిప్రసాద్‌ ఉన్నారు. ఓటరు నమోదు వేగవంతం చేయాలి కేటీదొడ్డి: గ్రాడ్యుయేట్‌ ఎమ్మెల్సీ ఎన్నికల్లో అర్హులైన ప్రతి ఒక్కరికీ ఓటు హక్కు కల్పించేలా ఓటరు నమోదు ప్రక్రియను వేగవంతం చేయాలని బీజేపీ జిల్లా అధ్యక్షుడు రామాంజనేయులు అన్నారు. శుక్రవారం కేటీదొడ్డిలో ఆ పార్టీ మండల అధ్యక్షుడు శ్రీపాదరెడ్డి అధ్యక్షతన నిర్వహించిన పట్టభద్రుల ఎమ్మెల్సీ ఎన్నికల సన్నాహక సమావేశంలో ఆయన మాట్లాడారు. ప్రతి పట్టభద్రుడిని ఓటరుగా నమోదు చేయించడంలో పార్టీ శ్రేణులు చురుకుగా పనిచేయాలని ఆయన సూచించారు. కార్యక్రమంలో జిల్లా ప్రధాన కార్యదర్శి రవికుమార్‌, ఎక్బోటే, హన్మిరెడ్డి, ఎర్ర భీంరెడ్డి, దేవేందర్‌రెడ్డి ఉన్నారు. కూలీల సంఖ్య పెంచండి అయిజ: వీబీ–జీ రామ్‌జీ పథకం ద్వారా చేపడుతున్న ఉపాధి పనుల్లో కూలీల సంఖ్య పెంచాలని డీపీఓ శ్రీకాంత్‌ అన్నారు. శుక్రవారం అయిజ మండలం వెంకటాపురం గ్రామ శివారులో చేపట్టిన పనులను ఆయన పరిశీలించారు. ఈ సందర్భంగా మాట్లాడుతూ.. జలసిరి కార్యక్రమంలో భాగంగా వ్యవసాయ పొలాల్లో నీటి కుంటలు, ప్రతి ఇంటి వద్ద ఇంకుడు గుంతలు, బోర్‌వెల్‌ రీచార్జ్‌ పనులను వేగవంతంగా చేపట్టాలని సిబ్బందికి సూచించారు. ఆయన వెంట ఎంపీఓ మనోహర్‌, పంచాయతీ కార్యదర్శి స్వాతి ఉన్నారు. పల్లీ క్వింటా రూ.8,444 గద్వాలవ్యవసాయం: జిల్లా కేంద్రంలోని వ్యవసాయ మార్కెట్‌యార్డుకు శుక్రవారం 329 క్వింటాళ్ల వేరుశనగ విక్రయానికి వచ్చింది. క్వింటాకు గరిష్టంగా రూ. 8,444, కనిష్టంగా రూ. 4,850, సరాసరి రూ. 8,444 ధరలు లభించాయి. అలాగే 15 క్వింటాళ్ల ఆముదాలు రాగా.. క్వింటాకు గరిష్టంగా రూ. 7,972, కనిష్టంగా రూ. 7,790, సరాసరి రూ. 7,960 ధరలు పలికాయి. 34 క్వింటాళ్ల వరి (సోన) రాగా.. క్వింటాకు గరిష్టంగా రూ. 3,452, కనిష్టంగా రూ. 3,271 ధరలు వచ్చాయి. నేడు జూరాల కాల్వలకు నీటి విడుదల అమరచింత: జూరాల కాల్వలకు శనివారం నీటిని విడుదల చేయనున్నట్లు ప్రాజెక్టు సీఈ రహిమొద్దీన్‌ శుక్రవారం ఒక ప్రకటనలో తెలిపారు. ప్రభుత్వ ఆదేశాల మేరకు శనివారం నుంచి నవంబర్‌ 4 వరకు ప్రధాన ఎడమ, కుడి కాల్వలకు వదులుతున్నట్లు పేర్కొన్నారు. జలాశయానికి ఎగువ నుంచి వరద భారీగా రాకపోవడంతో వానాకాలంలో ఆయకట్టు కింద సాగుచేసిన వరి పంటలకు చివరితడిగా నీటిని అందించేందుకు ప్రభుత్వం ఆదేశించినట్లు వివరించారు. భవిష్యత్‌ తాగునీటి అవసరాల దృష్ట్యా ప్రాజెక్టులోని నీటిని పొదుపుగా వినియోగిస్తున్నామన్నారు.

గద్వాల క్రైం: ప్రతి విద్యార్థి ధైర్యంగా లైంగిక వేధింపులను కట్టడి చేయాలని పోక్సో, సెషన్‌ కోర్టు న్యాయమూర్తి వి.శ్రీనివాస్‌ అన్నారు. సురక్షిత్‌ బచ్‌పన్‌ అభియాన్‌ కార్యక్రమంలో భాగంగా శనివారం జిల్లా కేంద్రంలోని పలు ప్రభుత్వ, ప్రైవేటు పాఠశాలల్లో బాలలపై లైంగిక నేరాలు, చట్టాలపై అవగాహన కార్యక్రమం నిర్వహించారు. ఈ సందర్భంగా న్యాయమూర్తి మాట్లాడుతూ.. ప్రస్తుత పరిస్థితుల్లో విద్యార్థులు బాలల హక్కులు, సైబర్‌ నేరాలు, భద్రత అంశాలపై అవగాహన కలిగి ఉండాల్సిన అవసరం ఉందన్నారు. మారుతున్న కాలానికి అనుగుణంగా విద్యార్థి దశలోనే సమాజంలో జరుగుతున్న వికృత చేష్టలు, సమస్యలను గుర్తించాలని సూచించారు. బాలికలతో ఎవరైనా అనుచితంగా వ్యవహరించినా, వేధింపులకు పాల్పడినా ఎలాంటి భయాందోళన లేకుండా తల్లిదండ్రులకు తెలియజేయాలని తెలిపారు. సామాజిక మాధ్యమాల్లో వచ్చే ప్రకటనలు, ఫ్రెండ్‌ రిక్వెస్ట్‌లకు ఎట్టి పరిస్థితుల్లో స్పందించవద్దన్నారు. అపరిచితుల మాటలను నమ్మి విలువైన జీవితాన్ని నాశనం చేసుకోవద్దని తెలిపారు. కార్యక్రమంలో జూనియర్‌ సివిల్‌జడ్జి నిష్కా పాత్రుడు, డీఎస్పీ మొగిలయ్య, సీఐ శ్రీను, ఉపాధ్యాయుడు బీచుపల్లి తదితరులు పాల్గొన్నారు.

గద్వాలన్యూటౌన్‌: బ్యాంకులు అందించే సేవలను ఖాతాదారులు సద్వినియోగం చేసుకోవాలని మెప్మా ఏడీఎంసీ వెంకటేశ్వర్లు, డీఆర్డీఏ డీపీఎం సలోమి సూచించారు. శుక్రవారం జిల్లా మహిళా సమాఖ్య భవనంలో స్వయం సహాయక సంఘాల మహిళలకు ఎస్‌ఐఆర్‌డీ స్వచ్ఛంద సంస్థ ఆధ్వర్యంలో నిర్వహించిన ఆర్థిక అక్షరాస్యత అవగాహన కార్యక్రమంలో వారు మాట్లాడారు. సామాజిక భద్రతలో భాగంగా పలు రకాల బీమా పథకాలను తక్కువ ప్రీమియంతో బ్యాంకులు అందిస్తున్నాయని చెప్పారు. బ్యాంకుల్లో నగదు నిల్వ ఉంచితే ప్రయోజనం కలుగుతుందన్నారు. నిబంధనలకు అనుగుణంగా అన్ని ధ్రువపత్రాలు సమర్పిస్తే, వివిధ వ్యాపారాల కోసం రుణాలు అందిస్తాయని తెలిపారు. అనంతరం ట్రెయినీ శశికళారెడ్డి, సురేశ్‌రెడ్డి కళాజాత బృందం ఆర్థిక అక్షరాస్యతపై శిక్షణ అందించారు. కార్యక్రమంలో ఎస్‌ఐఆర్‌డీ సంస్థ కార్యదర్శి కుర్మయ్య, అరుణ, వెంకటేశ్‌, కమ్యూనిటీ ఆర్గనైజర్లు నిజాముద్దీన్‌, మహాలక్ష్మి, డీఈఓ తిమ్మన్న పాల్గొన్నారు.

నాలుగు రిజర్వాయర్లలో.. కుడికిళ్ల, తీర్నాంపల్లి గ్రామాల మధ్య కొనసాగుతున్న పనులు ఇప్పటికే పూర్తయి ఉంటే నార్లాపూర్‌ నుంచి ఏదుల రిజర్వాయర్‌కు, అక్కడి నుంచి లిఫ్టింగ్‌ ద్వారా వట్టెం రిజర్వాయర్‌కు, అటు నుంచి గ్రావిటీ ద్వారా కర్వెన రిజర్వాయర్‌ వరకు నీటిని తరలించే వెసులుబాటు ఉండేది. ఈ నాలుగు రిజర్వాయర్లలో 49.50 టీఎంసీల మేరకు నీటిని నిల్వ చేసుకోవచ్చు. అంటే ప్యాకేజీ–3 పనుల్లో జరిగిన జాప్యం కారణంగా 43 టీఎంసీల మేరకు నీటిని ఈ ఏడాది పాలమూరు– రంగారెడ్డి ప్రాజెక్టు పరిధిలోని ప్రజలు నష్టపోయారన్నమాట. ఇప్పుడు వినియోగంలోకి తీసుకొచ్చిన 2 మోటార్లను రెండు నెలల క్రితమే ప్రారంభించి ఉంటే రోజుకు 0.50 టీఎంసీ చొప్పున కనీసం 30 టీఎంసీల నీటినైనా ఎత్తిపోసుకునే అవకాశం ఉండేదని నిపుణులు వివరిస్తున్నారు. కొల్లాపూర్‌: పాలమూరు– రంగారెడ్డి ఎత్తిపోతల పథకం పనుల్లో అధికార యంత్రాంగం నిర్లక్ష్యం స్పష్టంగా కనిపిస్తోంది. ముందుచూపుతో వ్యవహరించకపోవడం.. నిధుల లేమి, గుత్తేదారుల ఇష్టారాజ్యం వంటి కారణాలతో శ్రీశైలం బ్యాక్‌వాటర్‌ను వినియోగించుకోలేని దుస్థితి ఏర్పడింది. ఎల్‌నినో ప్రభావంతో నదుల్లో నీటినిల్వలు తగ్గుతున్న సంగతి తెలిసిందే. నదిలో ఉన్న నీటిని ఒకవైపు ఏపీలోని వివిధ ప్రాజెక్టులకు అక్కడి ప్రభుత్వం నిరాంటకంగా తరలిస్తుండగా.. తెలంగాణలో మాత్రం చిన్నచిన్న కారణాలతో నీటిని ఎత్తిపోసుకోలేని పరిస్థితి దాపురించింది. మూడేళ్ల క్రితమే ప్రారంభం.. పాలమూరు– రంగారెడ్డి ప్రాజెక్టును 2023 సెప్టెంబర్‌ 16న అప్పటి ముఖ్యమంత్రి కేసీఆర్‌ ప్రారంభించారు. ఎల్లూరు సమీపంలోని పంప్‌హౌజ్‌లో ఒక మోటారు ఆన్‌చేసి.. నీటి ఎత్తిపోతలు చేపట్టారు. అప్పట్లో 2 టీఎంసీల నీటిని నార్లాపూర్‌ రిజర్వాయర్‌లో నింపారు. కాంగ్రెస్‌ ప్రభుత్వం అధికారంలోకి వచ్చాక రెండో మోటారును లాంఛనంగా ప్రారంభించారు. డ్రై రన్‌ నిర్వహించి, కొంతమేరకు నీటిని ఎత్తిపోశారు. అయితే నార్లాపూర్‌ రిజర్వాయర్‌లో ముంపునకు గురయ్యే గ్రామాల ప్రజలు తమ ఇళ్లను ఖాళీ చేయకపోవడం.. ప్రాజెక్టు అవసరాలకు సరిపడా విద్యుత్‌ సరఫరా వ్యవస్థ లేకపోవడంతో నీటి ఎత్తిపోతలకు అడ్డంకులు ఏర్పడ్డాయి. ఆ సమస్యలు పరిష్కారం కావడంతో ఈ నెల 14న రాష్ట్ర ఎకై ్సజ్‌శాఖ మంత్రి జూపల్లి కృష్ణారావు రెండు మోటార్ల ద్వారా నీటి ఎత్తిపోతలు ప్రారంభించారు. 5 రోజులపాటు పంపింగ్‌ కొనసాగింది. ప్రస్తుతం నార్లాపూర్‌ రిజర్వాయర్‌లో 6.2 టీఎంసీల నీరు నిల్వ ఉంది. నిధులు కేటాయించినా.. నార్లాపూర్‌ రిజర్వాయర్‌ నుంచి ఏదుల రిజర్వాయర్‌ వరకు 21.816 కి.మీ. పొడవునా కాల్వలు తవ్వుతున్నారు. అందులో 5.92 కి.మీ. ఓపెన్‌ కెనాల్‌ కాగా.. 15.89 కి.మీ., టన్నెల్‌ ద్వారా నీటిని తరలించేందుకు పనులు చేపట్టారు. టన్నెల్‌ పనులు దాదాపుగా తుదిదశకు చేరాయి. తీర్నాంపల్లి సమీపంలో ఓపెన్‌ కెనాల్‌కు అనుసంధానంగా 50 మీటర్ల మట్టి తవ్వకం మాత్రమే పెండింగ్‌లో ఉంది. 400 మీటర్ల మేరకు లైనింగ్‌ చేయాల్సి ఉంది. అయితే ఓపెన్‌ కెనాల్‌ ప్యాకేజీ–3 కింద చేపట్టగా.. ఈ పనులను ఏపీకి చెందిన ఓ కంపెనీ దక్కించుకుంది. బీఆర్‌ఎస్‌ హయాంలో కాల్వ తవ్వకాలను 50 శాతానికి పైగా పూర్తిచేసింది. అయితే తవ్వకాల్లో ఎక్కువ శాతం రాళ్లు వస్తున్నాయని.. తమకు కేటాయించిన నిధులు సరిపోవడం లేదని, భూ సేకరణ సమస్యల పేరుతో పనులను సదరు కాంట్రాక్టు కంపెనీ మధ్యలోనే నిలిపివేసింది. కుడికిళ్ల శివారు నుంచి తీర్నాంపల్లి సమీపంలోని టన్నెల్‌ వరకు దాదాపుగా 3 కి.మీ., మేరకు పనులను అసంపూర్తిగా వదిలేసింది. దీంతో ఏడాది క్రితం అసంపూర్తిగా ఉన్న కాల్వను రాష్ట్ర నీటిపారుదలశాఖ మంత్రి ఉత్తమ్‌కుమార్‌రెడ్డి పరిశీలించి.. పనుల పూర్తికి రూ.100 కోట్లకు పైగా అదనపు నిధులు కేటాయించారు. అయినప్పటికీ పనులు నత్తనడకనే కొనసాగాయి. సదరు కంపెనీ ఉద్దేశపూర్వకంగానే పనులను నిదానంగా కొనసాగిస్తోందని.. ఏపీ ప్రభుత్వానికి ప్రయోజనం చేకూర్చే దురాలోచన ఇందులో ఉందని నీటిపారుదల రంగానికి చెందిన నిపుణులు అభిప్రాయపడుతున్నారు. ‘పాలమూరు’ ప్రధాన కాల్వ అసంపూర్తితో నీటిని ఎత్తిపోసుకోలేని దుస్థితి ప్యాకేజీ–3 పనుల్లోతీవ్ర జాప్యమే ప్రధాన కారణం మరోవైపు నిధుల లేమి, గుత్తేదారుల ఇష్టారాజ్యం కెనాల్‌ పూర్తయ్యింటే 40 టీఎంసీలకు పైగా నీటి నిల్వకు అవకాశం ప్రాజెక్టు పనుల్లో ప్రభుత్వానికి కొరవడిన ముందుచూపు ముందుకు పారించలేని దుస్థితి.. ప్రభుత్వం ఆలస్యంగా స్పందించి పాలమూరు ప్రాజెక్టు ద్వారా ఎత్తిపోతలు చేపట్టినప్పటికీ ఆ నీటిని ముందుకు పారించలేని పరిస్థితి ఏర్పడింది. కేవలం ఆ నీటిని మిషన్‌ భగీరథ అవసరాల కోసం మాత్రమే వినియోగించనున్నారు. ఇది కూడా రోజుకు 0.2 టీఎంసీ మాత్రమే. నార్లాపూర్‌ రిజర్వాయర్‌ నుంచి ఏదుల రిజర్వాయర్‌కు నీటిని తరలించే ప్రధాన కాల్వ పనులను పూర్తిచేయకపోవడంతోనే ఈ దుస్థితి నెలకొంది. డిసెంబర్‌లోగా పూర్తిచేస్తాం.. ప్యాకేజీ–3 పనులు తీర్నాంపల్లి సమీపంలో కొనసాగుతున్నాయి. కొన్ని రోజులుగా పను ల్లో వేగం పెంచాం. ఇంకా 4 లక్షల క్యూబిక్‌ మీటర్ల మేర తవ్వకాలు జరపాలి. డిసెంబర్‌ నెలాఖరు నాటికి పనులు పూర్తయ్యే అవకాశం ఉంది. కాల్వ తవ్వకాలు పూర్తయితే టన్నెల్‌ ప్రారంభంలో ఉన్న మట్టిని తొలగించి, నార్లాపూర్‌ నుంచి ఏదుల రిజర్వాయర్‌కు నీటిని తరలించే ప్రక్రియ ప్రారంభమవుతుంది. – అమర్‌సింగ్‌,ఈఈ, నీటిపారుదలశాఖ

ఎర్రవల్లి మండలం దువాసిపల్లిలోని రైస్‌మిల్లులో సుమారు 90వేల ధాన్యం బస్తాలు మాయమైనట్లు అధికారులు గుర్తించారు. వీటి విలువ రూ. 10కోట్ల మేరకు ఉంటుంది. అయితే ఈ మిల్లుపై అధికారులు ఎలాంటి చర్యలు తీసుకోలేదు. పైగా సదరు రైస్‌మిల్లు యజమాని కొత్తగా గద్వాల మండలం అనంతపురం గ్రామ పరిధిలో మరో రైస్‌మిల్లు నిర్మాణ పనులకు శ్రీకారం చుట్టాడు. ఇప్పటికే ప్రభుత్వం వద్ద తీసుకున్న ధాన్యం బ్లాక్‌మార్కెట్‌లో విక్రయించి సొమ్ము చేసుకున్నప్పటికీ.. అధికారుల నుంచి ఉలుకూ పలుకు లేదు. తాజాగా మరో బినామీ పేరుమీద కొత్త మిల్లు ఏర్పాటు చేసుకుని తనకున్న పలుకుబడితో పెద్దఎత్తున ధాన్యం కేటాయించుకునేందుకు కుట్రలు చేస్తున్నట్లు తెలిసింది. ఇదంతా బాహాటంగానే సాగుతున్నప్పటికీ అధికారులు మాత్రం కళ్లు మూసుకుని నిద్రపోతున్నట్టు నటిస్తుండటం విమర్శలకు దారితీస్తోంది.

అలంపూర్‌: శాసీ్త్రయ సస్యరక్షణ పద్ధతులు పాటించడం ద్వారా పంట నష్టాలను తగ్గించుకోవచ్చని తెలంగాణ రైతు విజ్ఞాన కేంద్రం శాస్త్రవేత్త, కోఆర్డినేటర్‌ పి.అర్చన అన్నారు. అలంపూర్‌ మున్సిపాలిటీతో పాటు మండలంలోని బుక్కాపురంలో గురువారం టీఆర్‌వీకే, ఆర్‌ఏఆర్‌ఎస్‌ శాస్త్రవేత్తలు పంట పొలాలను పరిశీలించి.. రైతులకు పలు సూచనలు చేశారు. ఈ సందర్భంగా శాస్త్రవేత్త అర్చన మాట్లాడుతూ.. పంటల్లో చీడపీడలను ప్రారంభ దశలోనే గుర్తించి, శాసీ్త్రయ సస్యరక్షణ పద్ధతులు పాటించడం ద్వారా పంట నష్టాలను నివారించడానికి అవకాశం ఉంటుందన్నారు. మిరప పంటలో బొరాన్‌, మెగ్నీషియం లోపాలను గుర్తించినట్లు చెప్పారు. వాటి నివారణకు లీటరు నీటిలో ఒక గ్రాము బొరాన్‌, 4–5 గ్రాముల మెగ్నీషియం కలిపి పిచికారీ చేయాలని రైతులకు సూచించారు. నాలుగు రోజుల వ్యవధిలో అగ్రోమిన్‌ మ్యాక్స్‌, మరో నాలుగు రోజుల తర్వాత ఫార్ములా–7 పిచికారీ చేయాలన్నారు. పత్తి పంటలో గులాబీ రంగు, కాయతొలుచు పురుగు ఉనికిని గుర్తించామని.. రెండవ ఏరివేత పూర్తయిన తర్వాత పంటను కొనసాగించడానికి ఆర్థికంగా లాభదాయకం కాని పరిస్థితుల్లో పూర్తిగా తొలగించి, పత్తి అవశేషాలను సక్రమంగా తొలగించాలని సూచించారు. దాదాపు 50 రోజుల వయసు ఉన్న మినుము పంటలో పసుపు రంగు మొజాయిక్‌ వైరస్‌ వ్యాప్తిని తగ్గించేందుకు రసం పీల్చే పురుగులను నియంత్రించాలన్నారు. అలాగే మారుకా పురుగు నివారణకు ఎకరానికి 80 మి.లీ. యాంప్లిగో వినియోగించాలని రైతులకు సూచించారు. దాదాపు 30 రోజుల వయసు ఉన్న శనగ పంటలో బీట్‌ ఆర్మీవార్మ్‌ పురుగు ఉనికిని గుర్తించినట్లు తెలిపారు. గుడ్ల సమూహాలు, చిన్న లార్వాలను సేకరించి నాశనం చేయాలన్నారు. అవసరమైనప్పుడు సిఫారసు చేసి న జీవ నియంత్రణ పద్ధతులు, పురుగు మందులను వినియోగించాలని తెలిపారు. కార్యక్రమంలో పాలెం శాస్త్రవేత్తలు మమత, మాధురి, శ్రీరామ్‌, శంకర్‌, ఏఓ నాగార్జునరెడ్డి పాల్గొన్నారు.

మల్దకల్‌: బాలకార్మిక వ్యవస్థను రూపుమాపడమే తమ ప్రధాన లక్ష్యమని జిల్లా అసిస్టెంట్‌ లేబర్‌ కమిషనర్‌ వేణుగోపాల్‌ అన్నారు. గురువారం మండలంలోని నేతువానిపల్లి, పెద్దొడ్డితో పాటు పలు గ్రామాల్లో ఆయన ఆకస్మిక దాడులు నిర్వహించారు. ఈ సందర్భంగా 14మంది బాలకార్మికులను గుర్తించి, స్థానిక పోలీస్‌స్టేషన్‌ వద్ద వారి తల్లిదండ్రులకు కౌన్సెలింగ్‌ ఇచ్చారు. పిల్లలతో హోటళ్లు, ఇటుక బట్టీలు, వ్యవసాయ పనులు చేయిస్తే కఠిన చర్యలు తప్పవని ఆయన హెచ్చరించారు. బాలకార్మిక వ్యవస్థను పూర్తిస్థాయిలో రూపుమాపేందుకు అందరూ సహకరించాలని కోరారు. ముఖ్యంగా రైతులు పిల్లలతో పొలం పనులు చేయించొద్దని తెలిపారు. బాలలతో పనులు చేయించుకునే వారికి రెండేళ్ల జైలుశిక్షతో పాటు రూ. 20వేల నుంచి రూ. 50వేల జరిమానా విధించే అవకాశం ఉంటుందన్నారు. బాలల హక్కులను కాపాడి, వారి బంగారు భవిష్యత్‌కు తమవంతుగా కృషి చేయాలన్నారు. కార్యక్రమంలో సీనియర్‌ అసిస్టెంట్‌ అబ్రహం, జిల్లా బాలల పరిరక్షణ విభాగం అధికారి సురేశ్‌, సిబ్బంది లక్ష్మీదేవి, నవీన్‌, లక్ష్మి పాల్గొన్నారు.

–8లో uగద్వాల: జిల్లాలో ప్రభుత్వం నుంచి తీసుకున్న వరిధాన్యాన్ని కొందరు రైస్‌మిల్లర్లు బ్లాక్‌మార్కెట్‌కు తరలించి పెద్దఎత్తున దోపిడీకి పాల్పడుతున్నారు. ఈ అక్రమాలపై ఈ నెల 27న ‘సాక్షి’లో ప్రచురితమైన ‘అక్రమార్కులు, అధికారులు.. చెట్టాపట్టాల్‌’ కథనంపై కలెక్టర్‌ రిజ్వాన్‌ బాషా షేక్‌ స్పందించారు. అక్రమాలకు పాల్పడిన మిల్లర్లపై వెంటనే క్రిమినల్‌ కేసులు నమోదు చేయాలని సివిల్‌ సప్లయ్‌శాఖ అధికారులను ఆదేశించారు. అక్రమార్కులతో పాటు వారికి సహకరించే అధికారులు తప్పకుండా మూ ల్యం చెల్లించుకుంటారని తీవ్ర హెచ్చరికలు చేశారు. దీంతో హడలెత్తిపోయిన అధికారులు.. విజిలెన్స్‌ అధికారుల నివేదిక ఆధారంగా మిల్లర్లపై క్రిమినల్‌ కేసులు నమోదు చేయాలని ఫిర్యాదు చేశారు. ప్రభుత్వ సొమ్ము దోపిడీ.. ప్రభుత్వం రూ. వేల కోట్లతో రైతుల వద్ద మద్దతు ధరకు ధాన్యం కొనుగోలు చేస్తుండగా.. సీఎంఆర్‌ పేరుతో రైస్‌మిల్లర్లు సివిల్‌ సప్లయ్‌శాఖ అధికారులతో జతకలిసి యథేచ్ఛగా దోపిడీకి పాల్పడుతున్నారు. ప్రభుత్వం నుంచి తీసుకున్న ధాన్యానికి సంబంధించి కస్టమ్‌ రైస్‌ ఇవ్వాల్సి ఉండగా.. నిబంధనలను తుంగలో తొక్కి ధాన్యాన్ని బ్లాక్‌మార్కెట్‌కు తరలించి సొమ్ము చేసుకుంటున్నారు. ఇదివరకే కేటీదొడ్డిలో సుమారు రూ. 40కోట్లు, శాంతినగర్‌, కాకులారం, అయిజలలో మరో రూ. 13కోట్ల ఽవిలువైన ధాన్యం పక్కదారి పట్టించిన ఘటనలో క్రిమినల్‌ కేసులున్నాయి. వీటిపై అధికారులు ఆర్‌ఆర్‌ యాక్టు కింద కేసులు నమోదుచేసి చేతులు దులిపేసుకున్నారు. తాజాగా మూడు మిల్లులపై కేసులు.. ఇటీవల జిల్లాలో విజిలెన్స్‌ ఎన్‌ఫోర్స్‌మెంట్‌ అధికారులు రైస్‌మిల్లుల్లో తనిఖీలు చేపట్టారు. ప్రభుత్వం నుంచి తీసుకున్న ధాన్యం నిల్వలు ఉన్నాయా.. లేదా అని క్షుణ్ణంగా పరిశీలించారు. అయితే అయిజలోని శ్రీనివాస రైస్‌మిల్లు, జిల్లా కేంద్రంలోని డీవీఆర్‌ మిల్లు, ఽరాధాకృష్ణ రైస్‌మిల్లు, గద్వాల మండలం కొత్తపల్లికి వెళ్లే మార్గంలోని ఫరీదా రైస్‌మిల్లులో రూ.కోట్లు విలువజేసే ధాన్యం మాయమైనట్లు విజిలెన్స్‌ అధికారులు గుర్తించారు. దీనిపై సివిల్‌ సప్లయ్‌శాఖ అధికారులు మూడు మిల్లులపై క్రిమినల్‌ కేసులు నమోదు చేయాలని పోలీసులకు ఫిర్యాదు చేశారు. కేసులతోనే సరిపెడుతారా? ఐదేళ్ల కాలంలో జిల్లావ్యాప్తంగా సుమారు రూ. 50కోట్ల ధాన్యాన్ని బ్లాక్‌ మార్కెట్‌కు తరలించి సొమ్ము చేసుకున్నారు. అందులో కేటీదొడ్డి, శాంతినగర్‌, అయిజ, గద్వాల మండలం కాకులారం మిల్లుల యజమానులపై కేసులు నమోదయ్యాయి. కానీ రూ. 50కోట్ల ధాన్యం రికవరీ చేయడాన్ని అధికారులు మర్చిపోయారు. తాజాగా మూడు మిల్లులపై నమోదైన కేసుల్లో సైతం అధికారులు ఇదే తీరు వ్యవహరిస్తారనే అనుమానాలు వ్యక్తమవుతున్నాయి. రికవరీ చేస్తాం.. ప్రభుత్వం వద్ద తీసుకున్న ధాన్యానికి సంబంధించి అక్రమాలకు పాల్పడిన రాధాకృష్ణ రైస్‌మిల్లు, డీవీఆర్‌ రైస్‌మిల్లు, ఫరీదా రైస్‌మిల్లులపై పోలీసులకు ఫిర్యాదు చేశాం. మూడు మిల్లుల యజమానులపై క్రిమినల్‌ కేసులు నమోదు చేసి, ఆర్‌ఆర్‌ యాక్ట్‌ ద్వారా ప్రభుత్వ సొమ్మును రికవరీ చేస్తాం. అదే విధంగా అయిజలోని శ్రీనివాస రైస్‌మిల్లు యజమాని డబ్బులు చెల్లిస్తానని గడువు కోరాడు. అప్పటిలోగా డబ్బులు చెల్లించకపోతే సదరు మిల్లుపై కూడా కేసు నమోదు చేస్తాం. అలాగే దువాసిపల్లి రైస్‌మిల్లులో అక్రమాలు జరిగాయని గుర్తించాం. పూర్తినివేదిక రావాల్సి ఉంది. నివేదిక ఆధారంగా సదరు మిల్లుపై కేసు నమోదు చేస్తాం. అనంతపురంలో కొత్త మిల్లు నిర్మాణ విషయం నా దృష్టికి రాలేదు. విచారణ జరిపి నిబంధనలకు విరుద్ధంగా ఉంటే చర్యలు తీసుకుంటాం. – విమల, డీఎం, సివిల్‌ సప్లయ్‌శాఖ ప్రభుత్వ ధాన్యాన్ని పక్కదారి పట్టించిన రైస్‌మిల్లర్లపై కేసులు నాలుగు మిల్లుల్లో రూ.10కోట్ల ధాన్యం మాయంపై ‘సాక్షి’ వరుస కథనాలు మూడు మిల్లులపై మాత్రమే చర్యలు మరో మిల్లర్‌పై కేసు నమోదు చేసేందుకు అధికారుల తాత్సారం గద్వాల మండలంలో మరో మిల్లు నిర్మిస్తున్న సదరు మిల్లర్‌

● కూలీలకు ఉపాధి కల్పించడంలో నిర్లక్ష్యంపై కలెక్టర్‌ చర్యలు గద్వాల: కూలీలకు ఉపాధిహామీ పనులు కల్పించడంలో నిర్లక్ష్యం వహించిన ఏడుగురు ఫీల్డ్‌ అసిస్టెంట్లపై కలెక్టర్‌ రిజ్వాన్‌ బాషా షేక్‌ కొరడా ఝుళిపించారు. వారిపై సస్పెన్షన్‌ వేటు వేస్తున్నట్లు ప్రకటించారు. అదే విధంగా కూలీలకు వందశాతం ఉపాధి కల్పించాలని.. నిర్లక్ష్యం వహిస్తే కఠిన చర్యలు తప్పవని కలెక్టర్‌ హెచ్చరించారు. గురువారం కలెక్టరేట్‌లో వీబీ–జీ రామ్‌జీ పథకంపై అధికారులతో సమీక్షించారు. ఈ సందర్భంగా ఆయన మాట్లాడుతూ.. జిల్లాలో రైతు కూలీలకు పెద్దఎత్తున జాబ్‌కార్డులను అందజేసి, వారికి సరిపడా ఉపాధి పనులను కల్పించాలన్నారు. జలసిరి కార్యక్రమంలో భాగంగా చేపట్టిన నీటి కుంటలు, ఇంకుడుగుంతలు, రూప్‌టాప్‌ హార్వేస్టింగ్‌ తదితర పనులను వందశాతం పూర్తిచేయాలని ఆదేశించారు. జిల్లాలోని జూరాల ప్రాజెక్టు కుడి కాల్వతో పాటు ఆర్డీఎస్‌ కాల్వల్లో పూడికతీత పనులు చేపట్టాలని సూచించారు. వీబీ–జీ రామ్‌జీ పథకం ద్వారా సుమారు 375 రకాల పనులను చేయవచ్చన్నారు. సంబంధిత అధికారులు చిత్తశుద్ధితో పనిచేసి కూలీలకు 125 రోజులు పూర్తిస్థాయిలో పనులు కల్పించాలన్నారు. స్వగ్రామంలోనే కూలీలు ఉపాధిహామీతో లబ్ధిపొందేలా చర్యలు తీసుకోవాలని.. ఎవరైనా వలసలు వెళ్లే పరిస్థితులు ఏర్పడితే సంబంధిత అధికారులపై కఠిన చర్యలు తీసుకుంటామని కలెక్టర్‌ హెచ్చరించారు. ● పాఠశాలల్లో విద్యా ప్రమాణాల పెంపునకు సమగ్ర పర్యవేక్షణ చేపట్టాలని కలెక్టర్‌ రిజ్వాన్‌ బాషా షేక్‌ అధికారులను ఆదేశించారు. కలెక్టరేట్‌లో సంబంధిత అధికారులతో నిర్వహించిన సమీక్షలో ఆయన మాట్లాడారు. ప్రతి పాఠశాలలో విద్యార్థుల ప్రగతి, మౌలిక వసతులను తనిఖీ చేయడంతో పాటు ఉపాధ్యాయులు , విద్యార్థుల హాజరును తప్పనిసరిగా పరిశీలించాలని సూచించారు. పదో తరగతి విద్యార్థులు మెరుగైన ఫలితాలు సాధించేలా ప్రత్యేక కార్యాచరణతో బోధన చేపట్టాలన్నారు. వారి అభ్యసన ప్రగతిపై సబ్జెక్టుల వారీగా సమగ్ర నివేదికలు సమర్పించాలని ఆదేశించారు. పాఠశాలల్లో మరుగుదొడ్లు, తాగనీటివసతి సౌకర్యాల వివరాలను ఎప్పటికప్పుడు యూ–డైస్‌ పోర్టల్‌లో అప్‌డేట్‌ చేయాలని తెలిపారు. సమావేశంలో డీఈఓ విజయలక్ష్మి ఉన్నారు. పత్తి రైతులకు ఇబ్బందులు లేకుండా కొనుగోలు.. జిల్లాలోని పత్తి రైతులకు ఎలాంటి ఇబ్బందులు తలెత్తకుండా కొనుగోలు కేంద్రాలు ఏర్పాటు చేస్తున్నట్లు కలెక్టర్‌ రిజ్వాన్‌ బాషా షేక్‌ అన్నారు. సీసీఐ ఆధ్వర్యంలో హరిత, బాలాజీ పత్తి మిల్లుల్లో ఏర్పాటుచేసిన పత్తి కొనుగోలు కేంద్రాలను ఆయన పరిశీలించారు. ఈ సందర్బంగా పత్తి కొనుగోలు, మార్కెట్‌ ధరలు వంటి వివరాలను తెలుసుకున్నారు. అనంతరం కలెక్టర్‌ మాట్లాడుతూ.. రైతులు పత్తిని విక్రయించేందుకు ఇతర ప్రాంతాలకు వెళ్లడం ద్వారా అనవసరమైన రవాణా ఖర్చులతో నష్టపోతారన్నారు. స్థానికంగా పత్తి కొనుగోళ్లను ప్రోత్సహించడం ద్వారా రైతులకు లాభం చేకూరుతుందన్నారు. సీసీఐ ద్వారా క్వింటాకు రూ. 8,667 ధర లభిస్తుందని.. రైతులు సద్వినియోగం చేసుకోవాలని సూచించారు. కలెక్టర్‌ వెంట మార్కెటింగ్‌ అధికారి పుష్పమ్మ, కార్యదర్శి ఎల్లస్వామి, రాహు ల్‌, మిల్లు యజమాని సత్యారెడ్డి ఉన్నారు.

గద్వాల క్రైం: ప్రతి ఒక్కరికీ చట్టాలపై తప్పనిసరిగా అవగాహన ఉండాలని జిల్లా న్యాయ సేవాధికార సంస్థ కార్యదర్శి, జూనియర్‌ సివిల్‌జడ్జి నిష్కాపాత్రుడు సూచించారు. గురువారం జిల్లా న్యాయ సేవాధికార సంస్థ ఆధ్వర్యంలో జిల్లా కేంద్రంలోని పలు ప్రభుత్వ, ప్రైవేటు పాఠశాలల్లో విద్యార్థులకు బాలల హక్కులు, సైబర్‌ నేరాలు, భద్రత అంశాలపై అవగాహన కార్యక్రమం నిర్వహించారు. ఈ సందర్భంగా న్యాయమూర్తి మాట్లాడుతూ.. చట్టాలపై అవగాహనతో నేరాలను నియంత్రించవచ్చన్నారు. బాలబాలికలపై లైంగిక వేధింపులకు పాల్పడే వారిపై కఠిన చర్యలు ఉంటాయన్నారు. ఎవరైనా అనుచితంగా వ్యవహరించినా, వేధింపులకు పాల్పడినా ఎలాంటి భయాందోళన లేకుండా తల్లిదండ్రులకు తెలియజేయాలని విద్యార్థులకు సూచించారు. కార్యక్రమంలో రాంభూపాల్‌రెడ్డి, రాఘవేంద్ర, సవరన్న పాల్గొన్నారు. జిల్లాస్థాయి టెన్నికాయిట్‌ క్రీడాకారుల ఎంపిక గద్వాలన్యూటౌన్‌: జిల్లా టెన్నికాయిట్‌ అసోసియేషన్‌ ఆద్వర్యంలో గురువారం స్థానిక ఇండోర్‌ స్టేడియంలో జిల్లాస్థాయి టెన్నికాయిట్‌ క్రీడాకారుల ఎంపికలు నిర్వహించారు. అండర్‌–18 బాలబాలికల విభాగంలో జరిగిన ఎంపిక పోటీలకు జిల్లాలోని అన్ని మండలాల నుంచి 85 మంది క్రీడాకారులు హాజరై ప్రతిభ చాటారు. వీరిలో అత్యుత్తమ ప్రతిభ కనబర్చిన వారిని శుక్రవారం నారాయణపేటలో జరిగే ఉమ్మడి జిల్లాస్థాయి, జోనల్‌ స్థాయి పోటీలకు ఎంపిక చేసినట్లు నిర్వాహకులు తెలిపారు. కార్యక్రమంలో ఎస్‌జీఎఫ్‌ జిల్లా కార్యదర్శి శ్రీనివాసులు, టెన్నికాయిట్‌ అసోసియేషన్‌ అధ్యక్షుడు భరత్‌కుమార్‌, రాష్ట్ర ఉపాధ్యక్షుడు గోపాలం, కార్యదర్శి రాజు, హైమావతి, ప్రభాకర్‌, అరుణ, సునీత, రాధ, మల్లేశ్వరి, శ్రీనివాసులు పాల్గొన్నారు. వేరుశనగ క్వింటా రూ.8,070 గద్వాలవ్యవసాయం: జిల్లా కేంద్రంలోని వ్యవసాయ మార్కెట్‌యార్డుకు గురువారం 254 క్వింటాళ్ల వేరుశనగ అమ్మకానికి వచ్చింది. క్వింటాకు గరిష్టంగా రూ. 8,070, కనిష్టంగా రూ. 5,320, సరాసరి రూ. 6,390 ధరలు లభించాయి. అలాగే 19 క్వింటాళ్ల ఆముదాలు రాగా.. క్వింటాకు గరిష్టంగా రూ. 7,950, కనిష్టంగా రూ. 7,839, సరాసరి రూ. 7930 ధరలు పలికాయి. 19 క్వింటాళ్ల వరి (సోన) రాగా.. రూ. 3,227 ధర వచ్చింది.

అలంపూర్‌: నియోజకవర్గ ప్రజల సంక్షేమానికి నిరంతరం కృషి చేస్తున్నట్లు ఎమ్మెల్యే విజయుడు అన్నారు. అలంపూర్‌ చౌరస్తాలోని క్యాంపు కార్యాలయంలో గురువారం కల్యాణలక్ష్మి, షాదీముబారక్‌ పథకం లబ్ధిదారులకు చెక్కులను పంపిణీ చేశారు. ఈ సందర్భంగా ఆయన మాట్లాడుతూ.. పేద, మధ్యతరగతి కుటుంబాలకు ఆర్థిక భరోసా కల్పిస్తూ, ప్రభుత్వ సంక్షేమ పథకాలు అందిస్తున్నట్లు తెలిపారు. పేదింటి ఆడపిల్లల వివాహానికి కల్యాణలక్ష్మి పథకంతో అండగా నిలుస్తున్నట్లు చెప్పారు. అర్హులందరూ ప్రభుత్వ పథకాలను సద్వినియోగం చేసుకోవాలని సూచించారు. కాగా, ఉండవెల్లి, రాజోళి మండలాలకు చెందిన 76మంది లబ్ధిదారులకు కల్యాణలక్ష్మి చెక్కులు మంజూరైనట్లు తెలిపారు. కార్యక్రమంలో ఆయా మండలాల అధికారులు, ప్రజాప్రతినిధులు పాల్గొన్నారు.

కేటీదొడ్డి: గట్టు ఎత్తిపోతల పథకం నిర్మాణంలో భూములు కోల్పోతున్న కేటీదొడ్డి, గట్టు మండలాల రైతులకు 2013 భూసేకరణ చట్టం ప్రకారం న్యాయమైన పరిహారం చెల్లించాలని సీపీఎం జిల్లా కార్యదర్శి వెంకటస్వామి డిమాండ్‌ చేశారు. గురువారం సీపీఎం పార్టీ బృందం గట్టు రిజర్వాయర్‌ను పరిశీలించింది. ఈ సందర్భంగా ఆయన మాట్లాడుతూ.. గతంలో భారత్‌మాల రోడ్డు నిర్మాణంలో రూ. 6 లక్షల నుంచి రూ. 12లక్షల పరిహారం ఇస్తామని చెప్పి, కేవలం రూ. 6 లక్షలే ఇచ్చి రైతులను మోసం చేశారన్నారు. మళ్లీ గట్టు ఎత్తిపోతల కాల్వ నిర్మాణానికి భూములు సేకరిస్తున్నారని.. వ్యవసాయాన్నే జీవానాధారంగా బతుకుతున్న రైతులకు సరైనా పరిహారం ఇవ్వకపోతే వారి జీవితాలు అంధకారమవుతాయని ఆందోళన వ్యక్తం చేశారు. ప్రభుత్వం స్పందించి న్యాయమైన పరిహారం చెల్లించాలని కోరారు. కార్యక్రమంలో సీపీఎం జిల్లా కమిటీ సభ్యుడు వీవీ నర్సింహ, తిమ్మప్ప, ఆంజనేయులు, శంకరన్న తదితరులు పాల్గొన్నారు.

గద్వాల: ఎల్‌నినో ప్రభావం గ్రామీణ ప్రాంతాలపై పడకుండా వీబీజీ రాంజీ పనులు ప్రణాళికాబద్ధంగా చేపట్టాలని అదనపు కలెక్టర్‌ నర్సింగరావు అన్నారు. బుధవారం హైదరాబాద్‌ నుంచి రాష్ట్ర పంచాయతీరాజ్‌ గ్రామీణ అభివృద్ధి శాఖ మంత్రి సీతక్క నిర్వహించిన వీసీలో ఆయన పాల్గొని అనంతరం జిల్లా అధికారులతో సమీక్ష నిర్వహించారు. ఈ సందర్భంగా ఆయన మాట్లాడుతూ గ్రామీణ పేదలకు ఉపాధి కల్పించి ఆర్థికంగా అండగా నిలుస్తూ నీటి భద్రతను పెంపొందించేలా చర్యలు చేపట్టాలని అధికారులకు సూచించారు. ప్రధానంగా చెరువుల పరిరక్షణకు ప్రాధాన్యత ఇస్తూ పనులు చేపట్టి నీటినిల్వ సామర్థ్యాన్ని పెంపొందించాలన్నారు. పశుగ్రాసం సాగుకు ఎకరాకు రూ.14 వేలు ఆర్థిక సాయం అందించనున్నట్లు వెల్లడించారు. జలసిరిలో భాగంగా ప్రతి ఇంటికి ఇంకుడు గుంతలు, ఊరికి ఊటకుంటలు, ప్రతిపంటకు నీటికుంటలు నిర్మించి వర్షపు నీటిని నిల్వచేసి భూగర్భ జలాలను పెంచే చర్యలు చేపట్టాలన్నారు. గ్రామ పంచాయతీలు, అంగన్‌వాడీ, గ్రామీణ ఆర్గనైజేషన్‌ భవనాల పనులు వేగవంతం చేయాలన్నారు. పనులన్నీంటిని నిర్దేశిత లక్ష్యం మేరకు పూర్తిచేయాలని సూచించారు. సమావేశంలో గ్రామీణ అభివృద్ధి అధికారి ముషాయిదాబేగం, డీపీఓ శ్రీకాంత్‌, డీఏఓ వీరప్ప, ఈఈ ప్రభాకర్‌, శ్రీధర్‌రెడ్డి, పరమేశ్వరి తదితరులు పాల్గొన్నారు.

అలంపూర్‌: బాలల సంరక్షణ ప్రతి ఒక్కరి బాధ్యత అని జూనియర్‌ సివిల్‌ కోర్టు జడ్జి, న్యాయ సేవల కమిటీ చైర్మన్‌ ఆర్‌వీఎస్‌ఎస్‌ మిథున్‌తేజ అన్నారు. పట్టణంలోని మాంటిస్సోరి పాఠశాలలో మండల న్యాయ సేవల కమిటీ అధ్వర్యంలో సురక్షిత్‌ బచ్‌పన్‌ అభియాన్‌ కార్యక్రమంలో భాగంగా బాలల చట్టాలు, హక్కులపై బుధవారం అవగాహన కల్పించారు. ఈ సదస్సుకు జూనియర్‌ సివిల్‌ కోర్టు జడ్జి మిథున్‌ తేజ, పాఠశాల డైరెక్టర్‌ కేఎన్‌వీ రవిప్రకాష్‌ హాజరై జ్యోతిప్రజ్వలన చేసి ప్రారంభించారు. ఈ సదస్సులో విద్యార్థులకు బాలల హక్కులు, భద్రత, లైంగిక వేధింపు నేరాల రక్షణ చట్టం–2012(పోక్సోచట్టం) గురించి వివరించారు. అనంతరం జూనియర్‌ సివిల్‌ కోర్టు జడ్జి మాట్లాడుతూ.. బాలలు తమ హక్కుల గురించి తెలుసుకోవాలన్నారు. కార్యక్రమంలో బార్‌ అసోసియేషన్‌ అధ్యక్షుడు శ్రీనివాసులు, ప్రధాన కార్యదర్శి నరసింహ, ఏజీపీ మధు, ఎస్‌ఐ రామకృష్ణ, లోక్‌అదాలత్‌ ఇన్‌చార్జీలు సాయితేజ, జహంగీర్‌, పరశురాం తదితరులు ఉన్నారు.

జడ్చర్ల: బాదేపల్లి మార్కెట్‌ యార్డులో బుధ వారం పత్తి క్వింటా గరిష్టంగా రూ.9,060, కనిష్టంగా రూ.8,860 ధర పలికింది. అలాగే ధాన్యం ఆర్‌ఎన్‌ఆర్‌ రకం గరిష్టంగా రూ. 3,301, కనిష్టంగా రూ.2,071, మొక్కజొన్న గరిష్టంగా రూ.3,072, కనిష్టంగా రూ.2,651, ఆముదాలు గరిష్టంగా రూ.7,966, కనిష్టంగా రూ.7,825 ధరలు లభించాయి. పెరగని హంస ధాన్యం దేవరకద్ర: సన్నరకం ధాన్యం ఒక్క సారిగా ధరలు పెరిగిపోతుండగా దొడ్డు రకం హంస ధాన్యం ధరలు మాత్రమే పెరగకుండా నిలకడగా ఉన్నాయి. బుధవారం దేవరకద్ర మార్కెట్‌కు దాదాపు మూడు వేల బస్తాల ధాన్యం అమ్మకానికి వచ్చింది. ఆర్‌ఎన్‌ఆర్‌ ధాన్యం ధర క్వింటా గరిష్టంగా రూ.3,256, కనిష్టంగా రూ.2,819గా ధరలు పలికాయి. కేఎన్‌ఎమ్‌ రకం ధాన్యం గరిష్టంగా రూ.3,303, కనిష్టంగా రూ.2,869గా ధరలు లభించాయి. హంస ధాన్యం ధర క్వింటా గరిష్టంగా రూ.2109గా ఒకే ధర నమోదైంది.

గద్వాల న్యూటౌన్‌: వానాకాలం సీజన్‌లో పండించిన వరి పంట వచ్చేనెలలో చేతికి రానుంది. ఈ క్రమంలో ధాన్యాన్ని కొనుగోలు చేసేందుకు అవసరమైన కసరత్తును అధికారులు కొద్దిరోజుల క్రితమే ఆరంభించారు. ఐకేపీ, మెప్మా, పీఏసీఎస్‌ల ఆధ్వర్యంలో 88 కొనుగోలు కేంద్రాలు ఏర్పాటు చేయనుండగా.. ఆయా శాఖల అధికారులతో కలెక్టర్‌ ఇప్పటికే కేంద్రాల నిర్వహణ, తీసుకోవాల్సిన చర్యలపై దిశానిర్దేశం చేశారు. ఈ నెలాఖరున కేంద్రాలు ప్రారంభం కానున్నాయి. అయితే ఈ ఏడాది తీవ్ర వర్షాభావ పరిస్థితుల నేపథ్యంలో వరి దిగుబడులు గణనీయంగా తగ్గనున్నాయి. తగ్గనున్న దిగుబడులు.. నడిగడ్డలో ఏటా వానాకాలం సీజన్‌లో పత్తి తర్వాత ఎక్కువగా వరిని సాగు చేస్తారు. అయితే ఈ ఏడాది ఎల్‌నినో ప్రభావంతో వర్షాలు కురవవన్న ముందస్తు సమాచారం ఉన్నప్పటికీ బోర్లు, బావుల కింద, ఆయకట్టు రైతులు జూలైలో వరినారు మడులు పోసుకున్నారు. ఇదే సమయంలో ఎగువన కురిసిన వర్షాలతో జూరాల జలాశయం జలకళ సంతరించుకుంది. దీంతో అధికారులు నెట్టెంపాడు ఎత్తిపోతల కింద ఉన్న రిజర్వాయర్లు, జూరాల కాల్వల ద్వారా ఆయకట్టుకు నీటిని వదిలారు. రైతులు పంటను వేశారు. అయితే ఆగస్టు రెండో వారం నాటికి పరిస్థితి మారిపోయింది. వర్షాలు లేక పంట ఎదుగుదల లోపించింది. భూగర్భజలాలు అడుగంటాయి. ఇదే సమయంలో అప్రకటిత విద్యుత్‌ కోతలు మొదలయ్యాయి. దీంతో బోర్లు, బావుల కింద సైతం పంటకు నీళ్లు అందించలేకపోయారు. సెప్టెంబర్‌ మొదటి వారం నాటికి పరిస్థితులు పూర్తిగా మారిపోయి.. ఆయకట్టు నుంచి నీటి విడుదల ఆగిపోయింది. రైతుల ఆందోళనలతో వారబందీ పద్ధతిన మళ్లీ వదిలినప్పటికీ వరి పంటపై తీవ్ర ప్రభావం పడింది. నల్ల కంకి, పొడవిరుపు తెగుళ్లు పంటకు విపరీతంగా ఆశించాయి. ఫలితంగా వరి దిగుబుడులు తగ్గనున్నాయి. ఎకరాకు 25 నుంచి 30 క్వింటాళ్లు రావాల్సి ఉండగా.. 18 నుంచి 20 క్వింటాళ్లు మాత్రమే వచ్చే పరిస్థితి నెలకొంది. మొత్తంగా జిల్లాలో 1.42 లక్షల మెట్రిక్‌ టన్నుల ధాన్యం దిగుబడి వచ్చే అవకాశం ఉందని అధికారులు అంచనా వేస్తున్నారు. ఫీజుకు ఎగనామం! ప్రభుత్వానికి చెల్లించాల్సిన మార్కెట్‌ ఫీజును ఎగవేస్తూ కొందరు వ్యాపారులు యథేచ్ఛగా జీరో దందా సాగిస్తున్నారు. –8లో uకోతలు ప్రారంభం.. జిల్లాలో వరి పంటను కొన్ని ప్రాంతాల్లో జూన్‌ మొదటివారం, ఇంకొన్ని చోట్ల జూలై మొదటి, చివరి వారాల్లో వేశారు. వచ్చే నెల మొదటి, రెండో వారం కొంత, చివరి వారం నుంచి చాలాచోట్ల పంట కోతలు ప్రారంభం కానున్నాయి. ఆర్‌ఎన్‌ఆర్‌, బీపీటీ, కేఎన్‌ఎం 1638, తెలంగాణ సోన తదితర ఏడు సన్న రకాలను మాత్రమే వేయాలని, వీటినే కొనుగోలు చేస్తామని ప్రభుత్వం ప్రకటించింది. ఈ ఏడాది మద్దతు ధర ఏ గ్రేడ్‌ రకానికి క్వింటాకు రూ.2,461 ఉంది. దీనికితోడు రూ.500 బోనస్‌ ఇస్తారు. గ్రామీణ ప్రాంతాల్లో ఐకేపీ, పీఏసీఎస్‌లు, పట్టణ ప్రాంతాల్లో మెప్మా ఆధ్వర్యంలో కొనుగోలు కేంద్రాలు ఏర్పాటు చేయనున్నారు. కేంద్రాల్లో అన్ని వసతులు ఏర్పాటు చేసి, ఈ నెలాఖరున ప్రారంభించాలని అధికారులను కలెక్టర్‌ ఆదేశించారు. ఇందుకు అనుగుణంగా కోతలు పూర్తయిన వెంటనే కొనుగోళ్లు జరిగేలా అధికారులు చర్యలు చేపట్టారు. ఇప్పటికే కేంద్రాల సిబ్బందికి శిక్షణ పూర్తి చేసి, తేమ మిషన్‌, ఇతర సామగ్రి, రికార్డులు అందించారు. మొదటి వారంలో ప్రారంభం కానున్న వరిధాన్యం సేకరణ ఇప్పటికే సిబ్బందికి శిక్షణ, మిషన్ల అప్పగింత కేంద్రాల నిర్వహణపై కలెక్టర్‌పై దిశానిర్దేశం రైతులకు ఎలాంటి ఇబ్బందులు కలగకుండా చర్యలకు ఆదేశం జిల్లాలో నెల మధ్యలో మొదలుకానున్న వరికోతలు

గద్వాల: వినియోగదారుల హక్కుల పరిరక్షణపై విస్తృతస్థాయిలో అవగాహన కల్పించేందుకు ఆసరా సంస్థ చేస్తున్న కృషి అభినందనీయమని కలెక్టర్‌ రిజ్వాన్‌బాషా షేక్‌ అన్నారు. ఆసరా ఆధ్వర్యంలో నవంబర్‌ 27, 28 తేదీల్లో గోవాలో నిర్వహించనున్న 8వ జాతీయ సదస్సు వాల్‌పోస్టర్‌ బుధవారం కలెక్టరేట్‌లోని ఆయన చాంబర్‌లో ఆవిష్కరించారు. ఈ సదస్సులో వినియోగదారుల హక్కులు, న్యాయ పరిరక్షణ, సమస్యలు– పరిష్కార మార్గాలు తదితర అంశాలపై చర్చించనున్నారు. వస్తువు కొనుగోలు సమయంలో బిల్లు తీసుకోవడం, ఎమ్మార్పీ పరిశీలించడం, మోసాలపై ఫిర్యాదు చేయడం వంటి అంశాలపై ప్రజల్లో చైతన్యం తేవడమే సంస్థ ప్రధాన ఉద్దేశమని నిర్వాహకులు తెలిపారు. కార్యక్రమంలో ఆసరా జిల్లా అధ్యక్షుడు భరత్‌, ఉపాధ్యక్షుడు జగదీష్‌ తదితరులు పాల్గొన్నారు.

ఇటిక్యాల: మండలంలోని చాగాపురంలో చేపట్టిన అభివృద్ధి పనులను బుధవారం పంచాయతీరాజ్‌ శాఖ కమిషనర్‌ వెస్లీ పరిశీలించారు. ఈ సందర్భంగా ఆయన మాట్లాడుతూ.. కేంద్ర ప్రభుత్వం నుంచి గురువారం సెంట్రల్‌ టీమ్‌ గ్రామాన్ని సందర్శించనున్న నేపథ్యంలో ఉత్తమ గ్రామ పంచాయతీ ఎంపిక కావడానికి నిర్ధేశించిన అర్హతలు, ప్రమాణాలకు అనుగుణంగా గ్రామంలో చేపట్టిన పనులు, పారిశుద్ధ్యం, మౌలిక సదుపాయాలు తదితర అంశాల గురించి ఆరా తీశారు. కేంద్ర బృందం పర్యటనకు అవసరమైన అన్ని ఏర్పాట్లను సమన్వయంతో చేపట్టాలని సంబంధించిన అధికారులకు సూచించారు. కార్యక్రమంలో అదనపు కలెక్టర్‌ నర్సింగరావు, డీపీఓ శ్రీకాంత్‌, డీఎల్‌పీఓ ప్రవీణ్‌, సర్పంచ్‌ సావిత్రమ్మ, ఎంపీడీఓ రమాదేవి, ఎంపీఓ సునీల్‌, పంచాయతీ కార్యదర్శులు, వివిధ శాఖల అధికారులు పాల్గొన్నారు. నిబంధనలు ఉల్లంఘిస్తే చర్యలు అయిజ: ప్రైవేటు పాఠశాలలు నిబంధనలు ఉల్లంఘిస్తే చర్యలు తప్పవని జిల్లా విద్యాశాఖ అధికారి విజయలక్ష్మి అన్నారు. బుధవారం మండల కేంద్రంలోని భూంపురం, ఉత్తనూరు ప్రభుత్వ పాఠశాలలతో పాటు ప్రైవేటు పాఠశాలలను డీఈఓ తనిఖీ చేశారు. ఈసందర్భంగా ఆమె మాట్లాడుతూ.. ప్రైవేటు పాఠశాలలు ఇరుకై న గదులు, గాలి, వెలుతురు సరిగా లేకపోవడం, తగిన భద్రతా ఏర్పాట్లు చేయకపోవడం, ఇసుకలో విద్యార్థులను కూర్చోబెట్టి చదువు చెప్పడం, ఆటస్థలం లేకపోవడం వంటి సమస్యలు ఉన్నాయని యాజమాన్యంపై మండిపడ్డారు. ఇకపై నిబంధనలు కచ్చితంగా పాటించాలని, అతిక్రమిస్తే పాఠశాలల అనుమతులను రద్దు చేస్తామని హెచ్చరించారు.

మహబూబ్‌నగర్‌ ఎడ్యుకేషన్‌: రాష్ట్రంలోని యూనివర్సిటీల్లో పనిచేస్తున్న కాంట్రాక్టు అధ్యాపకులను ప్రభుత్వం వెంటనే క్రమబద్ధీకరించి, ఉద్యోగ భద్రత కల్పించాలని అధ్యాపకులు కోరారు. పీయూలో నిర్వహించిన కార్యక్రమంలో వారు మాట్లాడుతూ.. వివిధ యూనివర్సిటీల్లో సుమారు 1,200 మంది కాంట్రాక్టు అధ్యాపకులు ఏళ్లుగా సేవలందిస్తున్నారని తెలిపారు. నెట్‌, సెట్‌, పీహెచ్‌డీ వంటి అర్హతలున్నప్పటికీ ఉద్యోగ భద్రత లేక ఇబ్బందులు పడుతున్నామని ఆవేదన వ్యక్తం చేశారు. రెగ్యులర్‌ అధ్యాపకుల నియామక ప్రక్రియలో తమకు న్యాయం చేయాలని ప్రభుత్వాన్ని కోరారు. ఈనెల 30న నిర్వహించే అఖిలపక్ష సమావేశానికి కాంట్రాక్టు అధ్యాపకులు పెద్ద సంఖ్యలో హాజరుకావాలని పిలుపునిచ్చారు. కార్యక్రమంలో భూమయ్య, శ్రీధర్‌రెడ్డి, రవికుమార్‌, సోమేశ్వర్‌, సుదర్శన్‌రెడ్డి, జ్ఞానేశ్వర్‌, రామ్మోహన్‌, ప్రభాకర్‌రెడ్డి, శ్రీలత, మృదుల తదితరులు పాల్గొన్నారు.

గద్వాల క్రైం: గద్వాల సర్కిల్‌ పరిధిలోని గద్వాల, గద్వాల రూరల్‌, ధరూరు, గట్టు, కేటీదొడ్డి, మల్దకల్‌ పోలీసు స్టేషన్‌లలో నమోదైన కేసులపై వేగవంతంగా విచారణ చేపట్టి చట్టపరమైన చర్యలు తీసుకోవాలని ఎస్పీ శ్రీనివాసరావు అన్నారు. బుధవారం వార్షిక తనిఖీలో భాగంగా గద్వాల సర్కిల్‌ కార్యాలయాన్ని సందర్శించి పెండింగ్‌ కేసుల వివరాలను సీఐ శ్రీనును అడిగి తెలుసుకున్నారు. ఇప్పటి వరకు నమోదైన కేసుల వివరాలను సిబ్బందితో ఆరా తీశారు. పోక్సో కేసుల విషయంలో నిర్లక్ష్యం వహించకుండా నిందితులపై కఠినంగా వ్యవహరించాలన్నారు. వీలైనంత త్వరగా చార్జిషీట్‌ దాఖలు చేసి నిందితులకు శిక్షలు పడేలా నివేదికలను న్యాయస్థానంలో అందజేయాలన్నారు. చోరీలపై ప్రత్యేక నిఘా ఉంచాలని, సైబర్‌ కేసులు, హత్యలు, మిస్సింగ్‌, దాడులు, చీటింగ్‌ తదితర కేసుల వివరాలపై ఆరాతీశారు. బాధితులకు మెరుగైన సేవలను అందించాలని సూచించారు. ఎస్పీ వెంట డీఎస్పీ మొగిలయ్య, సిబ్బంది తదితరులున్నారు.

జడ్చర్ల: దళిత యువతకు ఉపాధి కల్పించడంతోపాటు చర్మ ఉత్పత్తుల పరిశ్రమలను అభివృద్ధి చేయాలన్న లక్ష్యంతో ఏర్పాటు చేసిన లెదర్‌ పార్కులు నిరుపయోగంగా మారాయి. ఉమ్మడి పాలమూరులోని పోలేపల్లి, నాగర్‌కర్నూల్‌ జిల్లా జినుకుంటలో కలిపి 50 ఎకరాలు కేటాయించగా, భవనాలు శిథిలావస్థకు చేరాయి. సుమారు రూ.2 కోట్లతో సమకూర్చిన యంత్రాలు తుప్పుపట్టాయి. యువతకు శిక్షణ ఇచ్చినా పరిశ్రమలు ప్రారంభం కాకపోవడంతో ఉపాధి అవకాశాలు దక్కలేదు. రెండు చోట్లా 25 ఎకరాలు చర్మ ఉత్పత్తుల పరిశ్రమల ద్వారా రాష్ట్రవ్యాప్తంగా లక్ష మందికి ఉపాధి కల్పించాలనే లక్ష్యంతో 2002లో జడ్చర్ల మండలం పోలేపల్లి సెజ్‌ సమీపంలో లిడ్‌క్యాప్‌కు 25 ఎకరాల అసైన్డ్‌ భూమిని కేటాయించారు. నాగర్‌కర్నూల్‌ జిల్లా బల్మూరు మండలం జినుకుంటలో మరో 25 ఎకరాలు ఇచ్చారు. పోలేపల్లిలో 2004లో ‘మలుపు’ పథకం కింద రూ.10 లక్షలతో, జినుకుంటలో రూ.25 లక్షలతో భవనాలు నిర్మించారు. యంత్రాల కోసం సుమారు రూ.2 కోట్లు ఖర్చు చేసినా పరిశ్రమలు ఏర్పాటు కాలేదు. రూ.60 లక్షలు ఏమయ్యాయి? పోలేపల్లిలోని లిడ్‌క్యాప్‌ శిక్షణ కేంద్రాన్ని పునఃప్రారంభించేందుకు 2022లో ప్రభుత్వం రూ.60 లక్షలు కేటాయించినట్లు అధికారులు ప్రకటించారు. సీఎల్‌ఆర్‌ఐ ఆధ్వర్యంలో శిక్షణ కార్యక్రమాల నిర్వహణకు ఈ నిధులు కేటాయించినట్లు తెలిపారు. అయితే నిధుల వినియోగం, శిక్షణ కేంద్రం పునఃప్రారంభంపై స్పష్టత లేదు. మరోవైపు పోలేపల్లిలో భవనం శిథిలావస్థకు చేరగా, జినుకుంటలోనూ భవనం దెబ్బతింది. యంత్రాలు తుప్పుపట్టి నిరుపయోగంగా మారాయి. భూముల విలువ పెరిగినా.. పోలేపల్లి భూమిని 2008లో లెదర్‌ పార్కు ఏర్పాటుకు లిడ్‌క్యాప్‌ అప్పటి ఏపీఐఐసీకి అప్పగించింది. అభివృద్ధి జరగకపోవడంతో 2013లో ప్రభుత్వం తిరిగి లిడ్‌క్యాప్‌కు బదలాయించింది. అయినా పనులు ముందుకు సాగలేదు. సెజ్‌, జాతీయ రహదారికి సమీపంలో ఉండటంతో ఇక్కడ ఎకరం ధర రూ.3 కోట్లకు పైగా పలుకుతున్నట్లు అంచనా. ఇంత విలువైన భూమిని పరిరక్షిస్తూ పరిశ్రమల ఏర్పాటుకు ప్రభుత్వం చర్యలు తీసుకోవాల్సి ఉంది. యంత్రాలను పునరుద్ధరించి, శిక్షణ కేంద్రాలను ప్రారంభించి, పెట్టుబడిదారులను ఆకర్షిస్తే స్థానిక యువతకు ఉపాధి అవకాశాలు లభించే వీలుంది. శిక్షణ ఇచ్చారు.. ఉపాధి మరిచారు చర్మ ఉత్పత్తుల తయారీలో నిరుద్యోగ దళిత యువతకు శిక్షణ ఇచ్చారు. జడ్చర్ల పారిశ్రామిక పార్కులో సుమారు 250 మందికి, జినుకుంటలో 400 మందికి శిక్షణ అందించారు. కొందరిని చైన్నెకి కూడా పంపించారు. శిక్షణ సమయంలో నెలకు రూ.1,500 స్టైపెండ్‌ ఇచ్చి ధ్రువీకరణ పత్రాలు అందజేశారు. అనంతరం ఎస్సీ కార్పొరేషన్‌ ద్వారా ఒక్కొక్కరికి రూ.7,500 రుణసదుపాయం కల్పించారు. లెదర్‌ పార్కుల్లో పరిశ్రమలు ఏర్పాటైతే ఉపాధి లభిస్తుందని ఆశించిన యువతకు నిరాశే మిగిలింది. ఉపాధి అవకాశాలు కల్పించాలి చర్మ ఉత్పత్తుల తయారీలో పొందిన శిక్షణ నిరుపయోగంగా మారింది. శిక్షణతో ఉద్యోగ, ఉపాధి అవకాశాలు మెరుగుపడతాయని, లెదర్‌ పార్కుల్లో ఏర్పాటయ్యే పరిశ్రమలు తమ జీవితాలకు బాటలు వేస్తాయని ఆశించాం. కానీ పాలకులు వీటి అభివృద్ధిపై దృష్టి సారించలేదు. తెలంగాణ ఏర్పాటైన తర్వాత కూడా మాకు న్యాయం జరగలేదు. ఇప్పటికై నా ప్రభుత్వం స్పందించి దళితులకు ఉపాధి అవకాశాలు కల్పించాలి. – కృష్ణయ్య, చర్మకారుల సంఘం అధ్యక్షుడు, జడ్చర్ల ప్రభుత్వం దృష్టికి తీసుకెళ్తాం పోలేపల్లి గ్రీన్‌ ఇండస్ట్రియల్‌ పార్కులో లెదర్‌ పార్కు అభివృద్ధికి చర్యలు చేపడతాం. ఇప్పటికే ఈ సమస్యను ప్రభుత్వం దృష్టికి తీసుకెళ్లినా నిధులు విడుదల కాలేదు. మరోసారి ముఖ్యమంత్రి రేవంత్‌రెడ్డి దృష్టికి తీసుకెళ్లి, దళితులకు ఉద్యోగ, ఉపాధి అవకాశాలు కల్పించేలా కృషి చేస్తాం. – అనిరుధ్‌రెడ్డి, ఎమ్మెల్యే, జడ్చర్ల ఉపాధి హామీ ఉత్తిమాటే.. పోలేపల్లి, జినుకుంటలో50 ఎకరాలు నిరుపయోగం రూ.2 కోట్ల యంత్రాలు తుప్పు.. శిథిలావస్థలో భవనాలు

జోగుళాంబ గద్వాలబుధవారం శ్రీ 28 శ్రీ అక్టోబర్‌ శ్రీ 2026గద్వాల: ప్రభుత్వం వద్ద తీసుకున్న ధాన్యంలో అక్రమాలకు పాల్పడితే క్రిమినల్‌ కేసులు నమోదు చేసి కఠిన చర్యలు తీసుకుంటానని, అదేవిధంగా అక్రమార్కులకు సహకరిస్తే అధికారులు సైతం మూల్యం చెల్లించుకోవాల్సి వస్తుందని కలెక్టర్‌ రిజ్వాన్‌బాషా షేక్‌ అన్నారు. జిల్లాలోని పలు మిల్లుల్లో ఇటీవల విజిలెన్స్‌ అధికారులు తనిఖీలు నిర్వహించగా ధాన్యం నిల్వలలో తేడాలున్నాయని వాటన్నింటిపై చట్టపరమైన చర్యలు తీసుకుంటామని స్పష్టం చేశారు. మంగళవారం కలెక్టరేట్‌లో సివిల్‌ సప్లయ్‌ అధికారులు, మిల్లర్లతో సమీక్షించారు. ఈ సందర్భంగా మిల్లర్ల అక్రమాలపై ‘సాక్షి’లో ‘అక్రమార్కులు.. అధికారులు చెట్టాపట్టాల్‌’ శీర్షికన ప్రచురితమైన కథనాన్ని ప్రస్తావిస్తూ ఆగ్రహం వ్యక్తం చేశారు. జిల్లాలో కొన్నేళ్లుగా ప్రభుత్వం వద్ద తీసుకున్న ధాన్యం సంబంధించి మిల్లర్లు సీఎంఆర్‌ను ప్రభుత్వానికి అప్పగించడంలో నిర్లక్ష్యం వహిస్తున్నారని ఆగ్రహించారు. అలాగే తీసుకున్న ధాన్యానికి సంబంధించి నిల్వలు కూడా ఉండడం మండిపడ్డారు. తీసుకున్న ధాన్యానికి సీఎంఆర్‌ బియ్యం అప్పగించకుండా, ధాన్యం స్టాక్‌ లేకుండా మిల్లర్లు ఇష్టానుసారంగా అక్రమాలకు పాల్పడుతున్నారని పేర్కొన్నారు. ప్రభుత్వం వద్ద తీసుకున్న ధాన్యానికి సంబంధించి స్టాక్‌ వివరాలపై మిల్లుల వారిగా యజమానులతో మాట్లాడారు. ధాన్యం నిల్వలలో వ్యత్యాసం ఉన్న మిల్లుల యజమానులపై మండిపడ్డారు. అలాగే గతంలో వేలం వేసిన ధాన్యానికి సంబంధించిన డబ్బులను ప్రభుత్వానికి చెల్లించాలని ఆదేశించారు. నిల్వలలో వ్యత్యాసం ఉన్న మిల్లులపై చట్టపరమైన చర్యలు తీసుకుని ప్రభుత్వ సొమ్మును రికవరీ చేయాలని సివిల్‌ సప్లయ్‌ అధికారులను ఆదేశించారు. అధికారులపై తీవ్ర ఆగ్రహం.. జిల్లాలోని నాలుగు మిల్లుల్లో ప్రభుత్వ వద్ద తీసుకున్న ధాన్యం నిల్వలలో వ్యత్యాసం ఉందని విజిలెన్స్‌ అధికారులు చెప్పినప్పటికీ ఇప్పటి వరకు ఎందుకు చర్యలు తీసుకోలేదని, ఈ విషయాన్ని తన దృష్టికి తీసుకురాకుండా గోప్యత పాటించడంపై అధికారులపై తీవ్రస్థాయిలో మండిపడ్డారు. వెంటనే సదరు మిల్లులపై క్రిమినల్‌ కేసులు నమోదు చేసి.. ఆర్‌ఆర్‌ యాక్ట్‌ ద్వారా ప్రభుత్వ సొమ్ము రికవరీ చేయాలని ఆదేశించారు. అలాగే కొన్నేళ్లుగా ప్రభుత్వం తీసుకున్న ధాన్యానికి సంబంధించి చెల్లించాల్సిన సీఎంఆర్‌ బియ్యం అప్పగించని మిల్లర్లపై ఎందుకు చర్యలు తీసుకోవడం లేదని సివిల్‌సప్లయ్‌ అధికారులను నిలదీశారు. మూడు, నాలుగేళ్లుగా పెండింగ్‌లో పెట్టుకున్న మిల్లులకు మళ్లీ ఎందుకు ధాన్యాన్ని కేటాయిస్తున్నారని ప్రశ్నించారు. కలెక్టర్‌ మాటలకు సమాధానం ఇవ్వడానికి తడబడిన అధికారులు నీళ్లు నమిలారు. అదేవిధంగా మిల్లుల సామర్థ్యానికి మించి ధాన్యం కేటాయించడంపై విస్మయం వ్యక్తం చేశారు. నిబంధనలు ఉల్లంఘిస్తే శాఖాపరమైన చర్యలు తప్పవని హెచ్చరించారు. మిల్లర్ల అక్రమాలపై సీరియస్‌గా ఉన్నానని, ఎవరినీ సహించేంది లేదని, అక్రమాలకు పాల్పడే మిల్లర్లకు సహకరించే అధికారులపై మండిపడ్డారు. ప్రభుత్వం వద్ద తీసుకున్న సొమ్ముకు భద్రత కల్పించి కాపాడాల్సిన అధికారులే ఇలా నిర్లక్ష్యంగా వ్యవహరిస్తూ అక్రమాలకు పరోక్షంగా సహకరిస్తే తగిన మూల్యం చెల్లించక తప్పదన్నారు. మిల్లర్ల అక్రమాలపై ప్రభుత్వం చాలా సీరియస్‌గా ఉందని ఇందులో ఎవరిని సహించేది లేదని ఘాటుగా వ్యాఖ్యానించారు. ‘సాక్షి’ దినపత్రికలో ప్రచురితమైన కథనంఉత్సాహంగా క్రికెట్‌ టోర్నీ గద్వాలలో ఎస్‌జీఎఫ్‌ ఆధ్వర్యంలో నిర్వహిస్తున్న 70వ రాష్ట్రస్థాయి అండర్‌–17 క్రికెట్‌ టోర్నీ ఉత్సాహంగా సాగుతోంది. –8లో uషోకాజ్‌ నోటీసులు.. గత కొన్నేళ్లుగా ప్రభుత్వం వద్ద తీసుకున్న ధాన్యానికి సంబంధించి చెల్లించాల్సిన సీఎంఆర్‌ బియ్యం పెట్టకుండా పెండింగ్‌లో ఉన్న మిల్లులకు వెంటనే షోకాజ్‌ నోటీసులు జారీ చేయాలని కలెక్టర్‌ అధికారులను ఆదేశించారు. అదేవిధంగా సీఎంఆర్‌ ధాన్యాన్ని పక్కన పెట్టి ప్రైవేటు ధాన్యాన్ని మిల్లింగ్‌ చేసే మిల్లులను తక్షణమే గుర్తించి చర్యలు తీసుకోవాలన్నారు. డిఫాల్టర్స్‌పై ఇదివరకే జరిమానాలు విధించినట్లు, బకాయి చెల్లించకుంటే వారిపై క్రిమినల్‌ కేసులు నమోదు చేస్తామని, అదేవిధంగా ఆర్‌ఆర్‌ యాక్ట్‌ ద్వారా ఆస్తులు జప్తు చేసి ప్రభుత్వానికి రావాల్సిన సొమ్మును రికవరీ చేసుకోనున్నట్లు వెల్లడించారు. గతేడాది ఖరీఫ్‌, రబీ సీజన్లలో ప్రభుత్వం వద్ద తీసుకున్న ధాన్యానికి సంబంధించి సీఎంఆర్‌ బియ్యాన్ని 20రోజుల్లో చెల్లించాలని, లేనిపక్షంలో మిల్లులపై చర్యలు తప్పవన్నారు. దీంతోపాటు ఏళ్లతరబడి పెండింగ్‌లో ఉన్న మిల్లుల వివరాలతో 15 రోజుల్లో సమగ్ర నివేదిక ఇవ్వాలని సివిల్‌సప్లయ్‌ అధికారులను ఆదేశించారు. ఈ ఏడాది 2026– 27 ఖరీఫ్‌కు సంబంధించి బ్యాంకు గ్యారంటీ ఇచ్చే మిల్లులకే ధాన్యం కేటా యింపులు ఉంటాయని, మిల్లర్లు నవంబర్‌ 15లో గా గ్యారంటీ ఇవ్వాలన్నారు. ఎల్‌నినో పరిస్థితుల నేపథ్యంలో సీఎంఆర్‌ ధాన్యం ప్రభుత్వానికి అవస రమని చెప్పారు. అలాగే చౌకధర దుకాణాల ద్వారా తెల్లరేషన్‌ కార్డుదారులకు వచ్చే సంవత్సరం ప్రతినెలా బియ్యం సరఫరా చేయాల్సి ఉంటుందని, వస తి గృహాలు, విద్యాసంస్థలు వంటి ప్రభుత్వ అవసరాలకు బియ్యం నిల్వలు తప్పనిసరి అన్నారు. సమావేశంలో సివిల్‌సప్లయ్‌ డీఎం విమల, డీటీలు ప్రశాంత్‌గౌడ్‌, రాజేష్‌, రైస్‌ మిల్లర్లు పాల్గొన్నారు. సీఎమ్మార్‌ అప్పగింతలో నిర్లక్ష్యం వహించే మిల్లర్లకు కలెక్టర్‌ వార్నింగ్‌ అక్రమార్కులకు సహకరిస్తే ఇక అంతే సంగతులు ఆర్‌ఆర్‌ యాక్ట్‌ అమలు చేస్తామని హెచ్చరిక ఇకపై బ్యాంకు గ్యారంటీ ఇచ్చే మిల్లులకే ధాన్యం కేటాయిస్తామని స్పష్టీకరణ

నారాయణపేట: ప్రస్తుత వానాకాలం సీజన్‌లో నెలకొన్న వర్షాభావ పరిస్థితుల నేపథ్యంలో ఉమ్మడి పాలమూరులో 63 మండలాలను కరువు ప్రభావిత ప్రాంతాలుగా ప్రకటిస్తూ రాష్ట్ర ప్రభుత్వ ప్రధాన కార్యదర్శి సంజయ్‌జాజు ఉత్తర్వులు జారీ చేశారు. ఈ మేరకు రెవెన్యూ (విపత్తు నిర్వహణ) శాఖ జీఓ ఎంఎస్‌ నంబర్‌ 3ను విడుదల చేసింది. ఎల్‌నినో ప్రభావం, నైరుతి రుతుపవనాల సమయంలో నమోదైన వర్షపాత లోటు, పంటల కీలక ఎదుగుదల దశల్లో నెలకొన్న దీర్ఘకాలిక పొడి వాతావరణం, నేలలో తేమశాతం తగ్గిపోవడం వంటి అంశాలను పరిగణలోకి తీసుకుని ఈ నిర్ణయం తీసుకుంది. ఈ నేపథ్యంలో కొన్నింటిని తీవ్ర, మరికొన్ని మధ్యస్థ ప్రభావిత మండలాలుగా గుర్తించింది. ఇందులో భాగంగానే ఉమ్మడి పాలమూరులోని నారాయణపేట, మహబూబ్‌నగర్‌, నాగర్‌కర్నూల్‌, వనపర్తి, జోగుళాంబ గద్వాల జిల్లాల్లో కలిపి మొత్తం 63 కరువు మండలాలుగా ప్రకటించింది. ఇందులో 44 మండలాలు తీవ్ర కరువు ప్రభావిత, 19 మధ్యస్థ కరువు మండలాలుగా ప్రభుత్వం గుర్తించింది. జూన్‌ 1 నుంచి.. జాతీయ కరువు నిర్వహణ మాన్యువల్‌– 2016 (డిసెంబర్‌ 2020 వరకు నవీకరించిన మార్గదర్శకాలు) ప్రకారం ప్రభుత్వం మండలాల వారీగా కరువు పరిస్థితులను అంచనా వేసింది. ఇందులో జూన్‌ 1 నుంచి సెప్టెంబర్‌ 30 వరకు నమోదైన స్వయంచాలక వర్షపాత గణాంకాలు, వర్షాభావ కాలవ్యవధి వివరాలను పరిశీలించింది.వ్యవసాయ సాగు విస్తీర్ణంలో లోటు, ఉపగ్రహ ఆధారిత వృక్షసంపద పరిస్థితి, నేలలో తేమ వంటి ప్రభావ సూచికలను కూడా పరిగణలోకి తీసుకున్నట్లు ఉత్తర్వుల్లో పేర్కొంది. ఈ మేరకు కరువు ప్రభావిత మండలాల్లో తక్షణ చర్యలు చేపట్టేందుకు అవసరమైన భౌతిక, ఆర్థిక వనరుల వివరాలతో కార్యాచరణ ప్రణాళిక సమర్పించాలని కలెక్టర్లు, వ్యవసాయ, ఉద్యాన వన, పశు సంవర్ధక శాఖల అధికారులను ఆదేశించింది. కేంద్రం నుంచి జాతీయ విపత్తు ప్రతిస్పందన నిధి కింద సహాయం కోరేందుకు అవసరమైన నివేదికలను సిద్ధం చేసి పంపేలా ప్రభుత్వం చర్యలు చేపట్టింది. జిల్లాల వారీగా ఇలా.. ఉమ్మడి జిల్లాలో 63 మండలాలను ప్రకటించిన ప్రభుత్వం 44 మండలాల్లో తీవ్రం.. 19 చోట్ల మధ్యస్థ కరువు వర్షాభావం, నేలలో తగ్గిన తేమతో పంటలకు ముప్పు జోగుళాంబ గద్వాల జిల్లాలో కాలూరు తిమ్మన్‌దొడ్డి, ధరూరు, గద్వాల, ఇటిక్యాల, మల్దకల్‌, గట్టు, అయిజ, రాజోళి, వడ్డేపల్లి, మానవపాడు, ఉండవెల్లి, అలంపూర్‌, ఎర్రవల్లి మండలాలు ఉన్నాయి. నాగర్‌కర్నూల్‌ జిల్లాలో పదింటిని తీవ్ర కరువు మండలాలుగా గుర్తించారు. ఊర్కొండ, వెల్దండ, చారకొండ, వంగూరు, అమ్రాబాద్‌, పదర, బల్మూర్‌, లింగాల, పెద్దకొత్తపల్లి, కోడేరు, మధ్యస్థంగా బిజినేపల్లి, కల్వకుర్తి, అచ్చంపేట మండలాలను ప్రకటించారు. నారాయణపేట జిల్లాలోని 13 మండలాలను తీవ్ర కరువు ప్రభావిత ప్రాంతాలుగా ప్రకటించారు. ఇందులో నారాయణపేట, ధన్వాడ, దామరగిద్ద, మరికల్‌, కోస్గి, గుండుమాల్‌, కొత్తపల్లి, మద్దూరు, మక్తల్‌, ఊట్కూర్‌, మాగనూర్‌, కృష్ణ, నర్వ మండలాలు ఉన్నాయి. వనపర్తి జిల్లాలో 6 మండలాలను తీవ్ర కరువు ప్రభావిత ప్రాంతాలుగా గుర్తించారు. ఇందులో అమరచింత, పాన్‌గల్‌, కొత్తకోట, ఆత్మకూర్‌, వీపనగండ్ల, ఏదుల మండలాలు ఉన్నాయి. మధ్యస్థంగా పెద్దమందడి, ఖిల్లాఘనపూర్‌, గోపాల్‌పేట, వనపర్తి, పెబ్బేరు మండలాలను నిర్ధారించారు. మహబూబ్‌నగర్‌ జిల్లాలో చిన్నచింతకుంట, కోయిలకొండ తీవ్ర కరువు మండలంగా గుర్తించగా.. మిగతా 11 మండలాలు మధ్యస్థ కరువు ప్రాంతాలుగా నిర్ధారించారు. ఇందులో గండేడ్‌, హన్వాడ, మహబూబ్‌నగర్‌ రూరల్‌, దేవరకద్ర, అడ్డాకుల, మూసాపేట, మహబూబ్‌నగర్‌ అర్బన్‌, బాలానగర్‌, రాజాపూర్‌, జడ్చర్ల, కౌకుంట్ల ఉన్నాయి.

గద్వాల క్రైం/ ఎర్రవలి: పోలీసు అమరవీరుల త్యాగం అజరామరమని కలెక్టర్‌ రిజ్వాన్‌బాషా షేక్‌, ఎస్పీ శ్రీనివాసరావు అన్నారు. పోలీసు అమరవీరుల సంస్మరణ దినం (ఫ్లాగ్‌ డే)ను పురస్కరించుకుని మంగళవారం జిల్లా పోలీసు కార్యాలయం నుంచి నిర్వహించిన బైక్‌ ర్యాలీలో ఎస్పీ పాల్గొని మాట్లాడారు. పోలీసు ఫ్లాగ్‌ డే వారోత్సవాల సందర్భంగా బీచుపల్లి పదో బెటాలియన్‌, పోలీసుశాఖ సంయుక్తంగా ఈ కార్యక్రమం నిర్వహించామన్నారు. దేశవ్యాప్తంగా ప్రజా సంక్షేమం కోసం విధులు నిర్వహిస్తూ అమరులైన పోలీసు సిబ్బంది సేవలు మరువలేనివన్నారు. ఏ సమస్య వచ్చినా ముందుగా పోలీసు ఉన్నాడనే ధైర్యంతో ప్రజలు నమ్మకంగా ఉన్నారన్నారు. విపత్కర సమయాల్లోనూ బాధితులకు మనోధైర్యం ఇవ్వడంతోపాటు వారి అభ్యున్నతికి కృషి చేసేది పోలీసులు అన్నారు. అనంతరం జిల్లాకేంద్రంలో బైక్‌ ర్యాలీ చేపట్టారు. అలాగే పోలీసు పరేడ్‌ గ్రౌండ్‌లో రక్తదాన శిబిరాన్ని కలెక్టర్‌, ఎస్పీ ప్రారంభించారు. కార్యక్రమంలో బెటాలియన్‌ కమాండెంట్‌ ఆదినారాయణ, అసిస్టెంట్‌ కమాండెంట్లు వెంకటరమణ, సారధిరెడ్డి, ఏఎస్పీ శంకర్‌, డీఎస్పీలు మొగిలయ్య, నరేందరావు, సీఐలు శ్రీను, ప్రదీప్‌కుమార్‌ తదితరులు పాల్గొన్నారు. ● బీచుపల్లి పదో పటాలంలో సరస్వతి పాఠశాల విద్యార్థులకు పోలీస్‌ సిబ్బంది వినియోగించే వివిధ పరికరాలపై అవగాహన కల్పించారు. కార్యక్రమానికి ముఖ్య అతిథిగా అడిషనల్‌ కమాండెంట్‌ ఆదినారాయణ హాజరై మాట్లాడారు. ఓపెన్‌ హౌస్‌ కార్యక్రమం నిర్వహించడం వల్ల విద్యార్థులకు పోలీసులు అంటే భయం పోతుందన్నారు. అలాగే సమాజంలో ఫ్రెండ్లీ పోలీసింగ్‌ కూడా బలపడుతుందని అభిప్రాయపడ్డారు. అనంతరం విద్యార్థులకు వివిధ రకాల ఆయుధాలపై స్వయంగా అవగాహన కల్పించి, పోలీసుల పనితీరు గురించి వివరించారు.

వనపర్తి: జిల్లాలో మట్టి అక్రమ తవ్వకాలకు అడ్డుకట్ట పడటం లేదు. అక్రమార్కులు పట్టణ, గ్రామీణ ప్రాంతాలనే తేడా లేకుండా ప్రైవేట్‌ అవసరాలు, వెంచర్లు, ఇతర నిర్మాణాలకు ఇష్టానుసారంగా గుట్టలను తవ్వి మట్టి విక్రయిస్తూ సొమ్ము చేసుకుంటున్నారు. ఫిర్యాదు చేసేందుకు, ప్రశ్నించేందుకు యత్నించిన వారిపై ఎదురుదాడికి తెగబడుతున్నట్లు అధికారులకు ఫిర్యాదులు అందాయి. ఇటీవలి కాలం వరకు పట్టణంలోని శ్రీనివాసపురం శివారు, పాన్‌గల్‌ రోడ్డులోని గుట్టల్లో తవ్వకాలు జరిగాయి. తాజాగా పది రోజుల నుంచి రాజపేట శివారులో ఎలాంటి అనుమతి లేకుండానే గుట్టలను తవ్వేసి మట్టిని కొత్తకోట శివారులోని ఓ ప్రైవేట్‌ స్థలానికి తరలిస్తూ సొమ్ము చేసుకోవడం అధికారుల కంట పడినా.. ఎవరైనా ఫిర్యాదు చేస్తేనే స్పందించేలా ప్రవర్తించడం గమనార్హం. అనుమతులు, నిబంధనల పర్యవేక్షణ మాట ఎలా ఉన్నా.. మట్టి తవ్వకాలు, తరలింపుపై అధికారుల నిఘా ఎక్కడుందన్న ప్రశ్నలు తలెత్తుతున్నాయి. ఈ వ్యవహారంలో రూ.లక్షల్లో అక్రమార్జన జరుగుతోందన్న ఆరోపణలు వినిపిస్తున్నాయి. రూ.లక్షల్లో దందా.. మట్టి అక్రమ తవ్వకాలు, రవాణా వెనుక భారీగా అక్రమార్జన జరుగుతోందన్నది వాస్తవ విషయం. ప్రభుత్వ నిబంధనల ప్రకారం అనుమతి విషయా న్ని పక్కన పెట్టి తవ్వకాలు చేపడితే ప్రభుత్వానికి రావాల్సిన ఆదాయం కోల్పోయే అవకాశం ఉందనే విషయం తెలిసినా.. అధికారులు నిమ్మకుండటం పలు అనుమానాలకు తావిస్తోంది. అనుమతించినా పరిమాణానికి మించి తవ్వకాలు చేపడుతూ.. రా యల్టీ చెల్లింపుల్లోనూ కోతపెడుతూ ప్రభుత్వ ఖజానాకు గండి కొడుతున్నారు. ఈ వ్యవహారంలో వాస్తవంగా ఎంత మేర తవ్వకాలు జరిగాయి? ఎంత న ష్టం వాటిల్లింది? అనే అంశాలపై అధికారులు సమ గ్ర విచారణ చేయాలని ప్రజలు కోరుతున్నారు. మైనింగ్‌శాఖ నిఘా ఏమైంది? మట్టి తవ్వకాలు ఎక్కడ జరుగుతున్నాయి? ఎవరు నిర్వహిస్తున్నారు? ఎలాంటి అనుమతులు ఉన్నాయి? నిబంధనల ప్రకారం తవ్వకాలు సాగుతున్నాయా? అనే అంశాలను ఎప్పటికప్పుడు పరిశీలించాల్సిన మైనింగ్‌శాఖ అధికారులు కనీసం పట్టింపులేనట్లు వ్యవహరించటం గమనార్హం. సరిపడా సిబ్బంది లేకనే.. పదోన్నతిపై వరంగల్‌లో విధులు నిర్వర్తిస్తున్నా. జి ల్లాలో పర్యవేక్షణ ఇబ్బంది అవుతుంది. ఇక్కడి కా ర్యాలయం టైపిస్టు, అటెండర్‌తో మాత్రమే నడుస్తోంది. క్షేత్రస్థాయిలో పర్యటించే సిబ్బంది ఎవరూ లేరు. అందరు అధికారులు ఉంటేనే అక్రమ తవ్వకాలకు అడ్డుకట్ట వేయగలం. సమస్య తీవ్రతను ఉన్నతాధికారుల దృష్టికి తీసుకెళ్తాం. – గోవిందరాజు, జిల్లా మైనింగ్‌శాఖ అధికారి శ్రీనివాసపురం, రాజపేట శివారుల్లో జోరుగా అక్రమ తవ్వకాలు రూ.లక్షల్లో అక్రమార్జన.. ప్రభుత్వ ఖజానాకు గండి మైనింగ్‌శాఖ పర్యవేక్షణపై అనుమానాలు ఏళ్లుగా ఇన్‌చార్జి అధికారితోనే నెట్టుకొస్తున్న వైనం

అయిజ/ రాజోళి: దేశంలో సర్‌ కార్యక్రమాన్ని చేపట్టి కాంగ్రెస్‌ పార్టీకి ఓట్లు వేసే చాలామందిని జాబితా నుంచి తొలగించారని ఎంపీ మల్లు రవి అన్నారు. మంగళవారం అయిజలోని కాంగ్రెస్‌ పార్టీ కార్యాలయంలో నిర్వహించిన ఓటు బచావో– దేశ్‌ బచావో కార్యక్రమానికి ఎంపీ మల్లు రవితోపాటు అలంపూర్‌ ఇన్‌చార్జి దేవేంద్రదాస్‌, ఏఐసీసీ కార్యదర్శి సంపత్‌కుమార్‌ హాజరయ్యారు. ఈ సందర్భంగా ఎంపీ మాట్లాడుతూ దేశంలో బీజేపీ అనుకూల ఓట్లను కాకుండా కాంగ్రెస్‌ పార్టీ అనుకూల ఓట్లను మాత్రమే తొలగించారని ఆరోపించారు. డిగ్రీ పూర్తిచేసిన వారిని కాంగ్రెస్‌ పార్టీ నాయకులు, కార్యకర్తలు గుర్తించి పట్టభద్రుల ఎమ్మెల్సీ ఎన్నికలకు ఓటు నమోదు చేయించాలని మల్లురవి అన్నారు. రాజోళిలో పట్టభద్రుల ఎమ్మెల్సీ ఎన్నికల సహాయ కేంద్రాన్ని ఏర్పాటు చేసి మాట్లాడారు. డిగ్రీ పూర్తి చేసుకున్న పట్టభద్రులను గుర్తించి.. వారిని ఓటర్లుగా నమోదు చేయాలన్నారు. మహబూబ్‌నగర్‌– రంగారెడ్డి– హైదరాబాద్‌ ఎమ్మెల్సీ ఎన్నికల్లో ఓటు వేసేందుకు డిగ్రీ పూర్తిచేసిన పట్టభద్రులను గుర్తించడం బాధ్యతగా తీసుకోవాలని చెప్పారు. ఆయా కార్యక్రమాల్లో డీసీసీ అధ్యక్షుడు రాజీవ్‌రెడ్డి, ప్రధాన కార్యదర్శి రాముడు తదితరులు పాల్గొన్నారు.

మానవపాడు: అలంపూర్‌ కాంగ్రెస్‌లో అసమ్మతి సెగ రాజుకుంది. కాంగ్రెస్‌ అధికారంలోకి వచ్చిన తర్వాత మానవపాడు మండలంలో కలుకుంట్ల నుంచి అమరవాయి మీదుగా జాతీయ రహదారి–44 వరకు దాదాపు రూ.3.33 కోట్లతో రోడ్డు పనులు చేపట్టగా.. ఇప్పటి వరకు పనులు శంకుస్థాపనకే పరిమితమయ్యాయని రాష్ట్ర రోడ్డు అథారిటీ మెంబర్‌ సతీష్‌రెడ్డి విమర్శించారు. ప్రస్తుతం ఎమ్మెల్సీ ఎన్నికల నేపథ్యంలో గ్రామాల్లో ఓటును ఏ విధంగా అడగాలని ఆయన ప్రశ్నించారు. మంగళవారం మండలంలోని కలుకుంట్లలో రోడ్డు నిర్మాణ శిలాఫలకం ముందు మాట్లాడారు. అప్పట్లో హడావుడి చేసి మంత్రులు రాకముందే శంకుస్థాపన చేసిన ఎమ్మెల్యే విజయుడు ఇప్పుడు ఈ రోడ్డు గురించి మాట్లాడకపోవడంపై మండిపడ్డారు. కనీసం తన సొంత గ్రామానికై నా జాతీయ రహదారి నుంచి పుల్లూరు, కలుగోట్ల గ్రామాలకు రోడ్డు కూడా వేయించుకోలేని పరిస్థితిలో ఎమ్మెల్యే ఉన్నారని ఎద్దేవా చేశారు. ప్రతిపక్ష పార్టీ ఎమ్మెల్యే మారిపోయిన.. అధికారంలో ఉన్నా తామే ప్రజల కోసం మీడియా ముందుకు వచ్చి మాట్లాడుతున్నామని చెప్పారు. మంత్రులు కోమటిరెడ్డి వెంకట్‌రెడ్డి, దామోదర రాజనర్సింహ తక్షణమే స్పందించి రోడ్డు పనులు పూర్తి చేయించాలని కోరారు. కార్యక్రమంలో నాయకులు తేజేశ్వర్‌గౌడ్‌, సిరాజ్‌ అహ్మద్‌ తదితరులు పాల్గొన్నారు.

జెడ్పీ సెంటర్‌ (మహబూబ్‌నగర్‌): కాంగ్రెస్‌ ప్రభుత్వంపై ప్రజల్లో తీవ్ర వ్యతిరేకత ఉందని, వచ్చే ఎమ్మెల్సీ ఎన్నికల్లో బీఆర్‌ఎస్‌ అభ్యర్థి విజయం కోసం పార్టీ శ్రేణులు సమన్వయంతో పనిచేయాలని మాజీ డిప్యూటీ సీఎం మహమూద్‌ అలీ అన్నారు. సోమవారం స్థానిక బీఆర్‌ఎస్‌ పార్టీ కార్యాలయంలో నిర్వహించిన సమావేశంలో ఆయన మాట్లాడారు. పట్టభద్రుల ఎమ్మెల్సీ ఎన్నికల్లో పార్టీ అభ్యర్థి గెలుపునకు ప్రతి ఒక్కరూ కృషి చేయాలని పిలుపునిచ్చారు. ఓటరు నమోదుకు సమయం తక్కువగా ఉన్నందున డిగ్రీ పూర్తి చేసిన పట్టభద్రులందరూ ఓటర్లుగా నమోదు చేసుకోవాలని సూచించారు. మాజీ మంత్రి శ్రీనివాస్‌గౌడ్‌ మాట్లాడుతూ.. పార్టీ కోసం పనిచేసిన వారికి రానున్న రోజుల్లో తగిన గుర్తింపు లభిస్తుందన్నారు.మైనార్టీ ప్రాంతాల్లో స్థానిక నాయకులు ఓటరు నమోదుపై ప్రత్యేక శ్రద్ధ చూపాలన్నారు. డివిజన్లు, వార్డులు, గ్రామాల వారీగా డిగ్రీ పూర్తి చేసిన వారి వివరాలు సేకరించి, ఓటు హక్కు కోసం దరఖాస్తు చేసుకున్నారా లేదా పరిశీలించాలని సూచించారు. క్షేత్రస్థాయిలో కాంగ్రెస్‌ ప్రభుత్వంపై ఉన్న వ్యతిరేకతను బీఆర్‌ఎస్‌కు అనుకూలంగా మలుచుకోవాలన్నారు. ఏడాదిన్నర తర్వాత బీఆర్‌ఎస్‌ ప్రభుత్వం అధికారంలోకి వచ్చాక అన్ని వర్గాల సంక్షేమానికి ప్రాధాన్యం ఇస్తుందని పేర్కొన్నారు.

ఎర్రవల్లి/ ఉండవెల్లి/ అలంపూర్‌ రూరల్‌: జిల్లాలో ని పట్టభద్రులు ఓటరుగా నమోదు చేసుకునేలా కాంగ్రెస్‌ నాయకులు ప్రోత్సహించాలని ఏఐసీసీ కార్యదర్శి, మాజీ ఎమ్మెల్యే సంపత్‌కుమార్‌ అన్నా రు. సోమవారం ఎర్రవల్లి, ఉండవెల్లి, అలంపూర్‌ పట్టణంలో నిర్వహించిన ఓటరు నమోదు హెల్ప్‌ డెస్క్‌ కార్యక్రమాల్లో ఆయన పాల్గొని మాట్లాడారు. సీఎం రేవంత్‌రెడ్డి ఆదేశాల మేరకు మహబూబ్‌నగర్‌– రంగారెడ్డి– హైదరాబాద్‌ పట్టభద్రుల ఎమ్మెల్సీ అభ్యర్థి సామ రామ్మోహన్‌రెడ్డికి మద్దతుగా పార్టీ నాయకులు, కార్యకర్తలు క్షేత్రస్థాయిలో సమన్వయంతో పనిచేయాలన్నారు. పట్టభద్రులు పెద్దసంఖ్యలో ఓటర్లుగా నమోదు కావడం ప్రజాస్వామ్య ప్రక్రియలో ఎంతో కీలకం అని చెప్పారు. 2023 నా టికి డిగ్రీ పూర్తి చేసిన అందరూ వచ్చేనెల 6వ తేదీలోగా ఓటర్లుగా నమోదు చేయించాలని సూచించారు. ఎల్‌నినో ప్రభావంతో రాష్ట్రంలో కరువు పరిస్థితులు నెలకొన్నాయని, అందరూ అప్రమత్తంగా ఉండాలని, గ్రామాల్లో ప్రజలకు అవగాహన కల్పించాల్సిన బాధ్యత కార్యకర్తలపై ఉందన్నారు. అనంతరం కోదండాపురంలో వాల్మీకి మహర్షి విగ్రహానికి పూలమాల వేసి ఘనంగా నివాళులర్పించారు.

గద్వాల: ప్రజావాణిలో ఇచ్చిన దరఖాస్తులను పెండింగ్‌లో ఉంచకుండా ఎప్పటికప్పుడు పరిష్కరించాలని కలెక్టర్‌ రిజ్వాన్‌బాషాషేక్‌ అన్నారు. సోమవారం కలెక్టరేట్‌లో నిర్వహించిన ప్రజావాణిలో ప్రజల నుంచి మొత్తం 27 ఫిర్యాదులు స్వీకరించారు. జిల్లాస్థాయి ప్రజావాణిలో వచ్చిన 94 ఫిర్యాదులలో ప్రస్తుతం పెండింగ్‌లో ఉన్నాయని వీటిని పరిష్కరించాలని సూచించారు. కార్యక్రమంలో అదనపు కలెక్టర్‌ నర్సింగ్‌రావు, ట్రైనీ డీసీ రాజ్‌కుమార్‌ తదితరులు పాల్గొన్నారు. పోలీస్‌ గ్రీవెన్స్‌కు 13 ఫిర్యాదులు గద్వాల క్రైం: జిల్లా పోలీసు కార్యాలయంలో నిర్వహించిన గ్రీవెన్స్‌ కార్యక్రమానికి వివిధ గ్రామాల నుంచి అర్జీదారులు పలు సమస్యలపై 13 అర్జీలను ఎస్పీ శ్రీనివాసరావుకు అందజేశారు. ఇందులో ఆస్తి వివాదం, భూ సంబంధ, మోసాలు తదితర అంశాలపై ఉన్నాయి. ఈ సందర్భంగా ఎస్పీ మాట్లాడుతూ అన్ని ఫిర్యాదులను ఆయా స్టేషన్‌ అధికారులకు సిఫార్సు చేస్తూ పరిష్కరించాలని సూచించారు. భూ వివాద సమస్యలపై కోర్టు ద్వారా పరిష్కారం పొందాలని చెప్పారు. దరఖాస్తుల ఆహ్వానం గద్వాల: జిల్లాలోని ఉండవెల్లి మైనార్టీ గురుకుల పాఠశాలలో ఖాళీగా ఉన్న టీజీటీ ఇంగ్లిష్‌ పోస్టుకు అర్హులైన మహిళా అభ్యర్థుల నుంచి దరఖాస్తులు ఆహ్వానిస్తున్నట్లు కలెక్టర్‌ రిజ్వాన్‌బాషాషేక్‌ సోమవారం ప్రకటనలో తెలిపారు. ఆసక్తి గల అర్హులైన మహిళా అభ్యర్థులు తమ దరఖాస్తులను కలెక్టరేట్‌లోని మైనార్టీ సంక్షేమ శాఖ కార్యాలయంలో ఈ నెల 31 వరకు అందజేయాలన్నారు. పూర్తి వివరాలకు సెల్‌ నం.80990 59007ను సంప్రదించాలని సూచించారు. ఆదిశిలావాసుడికి బంగారం బహూకరణ మల్దకల్‌: ఆదిశిలా క్షేత్రమైన స్వయంభూ లక్ష్మీవేంకటేశ్వరస్వామికి సోమవారం గద్వాలకు చెందిన దాత విజయసారధి, దీపిక దంపతులు ఆలయ చైర్మన్‌ ప్రహ్లాదరావు 10 గ్రాముల బంగారు కౌస్తుభం బిళ్లను బహూకరించారు. అనంతరం దాత కుటుంబ సభ్యులు ఆలయంలో ప్రత్యేక పూజలు నిర్వహించగా.. ఆలయ చైర్మన్‌ వారిని శాలువాతో సత్కరించి జ్ఞాపిక అందజేశారు. పల్లీ క్వింటా ధర రూ.7,869 గద్వాల వ్యవసాయం: జిల్లా కేంద్రంలోని వ్యవసాయ మార్కెట్‌ యార్డుకు సోమవారం 227 క్వింటాళ్ల వేరుశనగ అమ్మకానికి వచ్చింది. కాగా.. క్వింటాల్‌ గరిష్టంగా రూ.7,869, కనిష్టంగా రూ.5,819, సరాసరిగా రూ.6,389 ధరలు లభించాయి. అలాగే 33 క్వింటాళ్ల ఆముదాలు రాగా.. క్వింటాల్‌ గరిష్టంగా రూ.8,031, కనిష్టంగా రూ.7,869, సరాసరిగా రూ.7,959 చొప్పున వచ్చాయి.

ఎర్రవల్లి: ప్రతిఒక్కరూ వాల్మీకి మహర్షి ఆశయాలను స్ఫూర్తిగా తీసుకొని మంచి మార్గంలో నడవాలని పదో బెటాలియన్‌ అదనపు కమాండెంట్‌ ఆదినారాయణ అన్నారు. సోమవారం మండలంలోని బీచుపల్లి పదో పటాలంలో వాల్మీకి జయంతి వేడుకలను పురస్కరించుకొని నిర్వహించిన కార్యక్రమంలో మహర్షి చిత్రపటానికి పూలమాల వేసి ఘనంగా నివాళులర్పించారు. అనంతరం ఆయన మాట్లాడుతూ వాల్మీకి జీవితం ప్రతి ఒక్కరికీ ఆదర్శప్రాయం అన్నారు. ఆయన జీవితంలో జరిగిన పరివర్తన ద్వారా రామాయణ మహాకావ్యాన్ని రచించి ఆదికవిగా ప్రసిద్ధి చెందారని కొనియాడారు. మనిషి తన ఆలోచనలు, ప్రవర్తనను మార్చుకోవడం ద్వారా ఉన్నత స్థాయికి చేరుకోవచ్చని వాల్మీకి మహర్షి జీవితం తెలియజేస్తుందని అభిప్రాయపడ్డారు. ఆయన రచించిన రామాయణం ధర్మం, సత్యం, నైతిక విలువలు, ఆదర్శ జీవన విధానాలకు మార్గదర్శకం అని పేర్కొన్నారు. కార్యక్రమంలో అసిస్టెంట్‌ కమాండెంట్లు పార్థసారధిరెడ్డి, వెంకటరమణ, ఆర్‌ఐలు నర్సింహరాజు, శ్రీనివాస్‌, రాజేశం, తిరుపతి, యూనిట్‌ ఆస్పత్రి వైద్యాధికారి సాయి తదితరులు పాల్గొన్నారు.

గద్వాల వ్యవసాయం: వినూత్న పంటలతో ఆర్థికంగా ఎదిగేందుకు రైతు విజ్ఞాన యాత్రలు దోహదపడతాయని కలెక్టర్‌ రిజ్వాన్‌బాషా షేక్‌ అన్నారు. ఉద్యాన, పట్టు పరిశ్రమ శాఖ ఆధ్వర్యంలో జిల్లాకు చెందిన పలువురు రైతుల మహారాష్ట్ర విజ్ఞాన యాత్రను కలెక్టరేట్‌ వద్ద జెండా ఊపి ప్రారంభించారు. ఈ సందర్భంగా కలెక్టర్‌ మాట్లాడుతూ మారుతున్న కాలానికి అనుగుణంగా రైతులు సాంకేతికతపై అవగాహన పెంచుకోవాలని సూచించారు. ఆర్థికంగా ఎదిగేందుకు లాభసాటి పంటలపై దృష్టి సారించాలని చెప్పారు. రైతులు మహారాష్ట్రలోని నాసిక్‌ వద్ద ఉన్న నేషనల్‌ హార్టికల్చర్‌ రీసెర్చ్‌ డెవలప్‌మెంట్‌ ఫౌండేషన్‌, రైతు ఉత్పత్తిదారుల సంస్థలు, నాందేడ్‌లోని కృషి విజ్ఞాన కేంద్రాలను సందర్శించి పంటల వైవిధ్యం, ఇతర అంశాలపై అవగాహన పెంచుకోవాలని కోరారు. కార్యక్రమంలో జిల్లా ఉద్యానశాఖ అధికారి రాజ్‌కుమార్‌, రాజశేఖర్‌, మహేష్‌, ఇమ్రాన్‌, వినీత్‌, రైతులు పాల్గొన్నారు.

అమరచింత: ప్రియదర్శిని జూరాల ప్రాజెక్టుకు ఎగువ నుంచి వరద పూర్తిగా నిలిచిపోవడంతో ఆయకట్టు రైతుల పరిస్థితి దయనీయంగా మారింది. ప్రస్తుతం జూరాలలో 2.862 టీఎంసీల నీరు మాత్రమే నిల్వ ఉండటంతో ఆయకట్టు సాగు ప్రశ్నార్థకంగా మారుతోంది. రానున్న గడ్డుకాలాన్ని దృష్టిలో ఉంచుకుని ఇక తాగునీటి అవసరాలకే జలాశయంలోని నీటిని నిల్వ ఉంచుకోవాలని ప్రభుత్వం ప్రకటించడంతో అధికారులు జూరాల కుడి, ఎడమ కాల్వలకు శనివారం సాగునీటిని నిలిపివేశారు. ఎగువ నుంచి వరదలు వస్తేనే నవంబర్‌ వరకు సాగునీటిని విడుదలచేసే అవకాశాలు ఉన్నాయని.. వరద రాకపోతే ఈ నెలాఖరులో 4 రోజులపాటు కాల్వలకు సాగునీటిని అందించి, ఆ తర్వాత పూర్తిస్థాయిలో నిలిపివేయనున్నట్లు పీజేపీ సీఈ రహీముద్దీన్‌ వెల్లడించారు. అయితే ప్రస్తుతం వరిపైరు పొట్టదశలో ఉందని.. నవంబర్‌ వరకు సాగునీరు అందిస్తేనే పంట చేతికొస్తుందని ఆయకట్టు రైతులు ఆందోళన చెందుతున్నారు. ఎగువ నుంచి వరద రాకపోవడంతోనే.. జూరాలకు ఎగువ నుంచి చుక్క నీరు కూడా రాకపోవడమే ఆయకట్టుకు సాగునీటి నిలిపివేతకు ప్రధాన కారణం. సాగునీటి కోసం రైతులు చేపట్టిన ఆందోళనలతో రాష్ట్ర మంత్రులు కర్ణాటక ప్రభుత్వంతో చర్చించి.. 5 టీఎంసీల నీరు వదలాలని కోరిన విషయం తెలిసిందే. ఇందుకు కర్ణాటక ప్రభుత్వం 3 టీఎంసీలను వారాబందీ విధానంతో అందిస్తామని ఇచ్చిన హామీ మేరకు మొదట పది రోజులు 5వేల క్యూసెక్కులను జూరాలకు వదిలింది. ఈ క్రమంలో అక్కడి రైతుల ఆందోళనతో కర్ణాటక ప్రభుత్వం జూరాలకు సాగునీటిని నిలిపివేసిందనే ప్రచారం సాగుతోంది. అయితే జూరాల ఆయకట్టుకు సాగునీటి సమస్యను అధిగమించేందుకు అధికారులు వారాబందీని రోజుల వారీగా కుదించాలని నిర్ణయించి అమలు చేస్తున్నారు. మొదట 5 రోజులు, రెండవ సారి 4 రోజులు, మూడో సారి 3 రోజులు, ఇలా రెండు రోజుల పాటు కాల్వలకు నీటిని వదలాలనే ప్రతిపాదనలో ఉన్నారు. ఇప్పటికే కుడి, ఎడమ కాల్వలకు 3 తడులు వారాబందీతో సాగునీటిని అందించారు. అత్యంత క్లిష్ట పరిస్థితుల్లో వారాబందీ విధానంతో ముందుకెళ్తున్నా ప్రాజెక్టులో కేవలం రెండున్నర టీఎంసీల నీరు మాత్రమే నిల్వ ఉండటంతో సమస్యను ఎలా అధిగమించాలనే ఆలోచనలో అధికారులు ఊగిసలాడుతున్నారు. పొట్టదశలో వరిపైరు.. జూరాల ఎడమ కాల్వ పరిధిలో 85 వేలు, కుడి కాల్వ పరిధిలో 30 వేల ఎకరాల్లో వరిసాగు చేశారు. ప్రస్తుతం వరిపైరు పొట్ట దశలో ఉంది. అయితే ఈ నెల 31 నుంచి 4 రోజులపాటు మాత్రమే కాల్వలకు సాగునీటిని వదులుతామని అధికారులు ప్రకటించడంతో ఆయకట్టు రైతులు ఆందోళన చెందుతున్నారు. నవంబర్‌ చివరి నాటికి రెండు తడులైనా అందించాలని వేడుకుంటున్నారు. సకాలంలో వరిపంటకు నీరు అందకపోతే తీవ్ర నష్టం వాటిల్లుతుందని వాపోతున్నారు. ప్రభుత్వం ఆయకట్టు రైతుల బాధను అర్థం చేసుకుని ఈ ఒక్క పంటకై నా పూర్తిస్థాయిలో సాగునీటిని వదలాలని కోరుతున్నారు. జూరాలకు పూర్తిగా నిలిచిన వరద ప్రాజెక్టులో కేవలం 2.862 టీఎంసీలు మాత్రమే నిల్వ ఈనెల 31 నుంచి 4 రోజులు మాత్రమే చివరి తడి అందిస్తామని అధికారుల ప్రకటన ఆందోళనలో ఆయకట్టు రైతులు నవంబర్‌ వరకు సాగునీరు అందించాలని వేడుకోలు కుడి, ఎడమ కాల్వల పరిధిలో 1.15 లక్షల ఎకరాల్లో వరిసాగు

అమరచింత ఎత్తిపోతల ద్వారా ఆయకట్టుకు వస్తున్న సాగునీటిపై ఆధారపడి 4 ఎకరాల్లో వరిసా గు చేస్తున్నా. మొదట్లో సాగునీరు వస్తుందో.. రాదో అన్న సందేహాలతో కాస్త ఆలస్యంగా వరిసాగు చేశా. ఎకరం సాగుకు ఇప్పటికే రూ. 25వేల వరకు ఖర్చు పెట్టాను. నీటి సరఫరా నిలిచిపోతే పంట ఎండిపోవడం ఖాయం. – కిరణ్‌కుమార్‌రెడ్డి, రైతు, అమరచింత ఇక చివరి తడి మాత్రమే.. ప్రభుత్వ ఆదేశాల మేరకు జూరాల ఆయకట్టుకు సాగునీటిని విడుదల చేస్తున్నాం. ఎగువ నుంచి వరద రాకపోవడంతో నిల్వ ఉన్న నీటితో ఇప్పటి వరకు సాగునీటిని వారాబందీ ద్వారా అందించాం. ప్రస్తుతం ప్రాజెక్టులో రెండున్నర టీఎంసీల నీరు మాత్రమే నిల్వ ఉంది. ఈ నెలాఖరు నుంచి 4 రోజుల పాటు మాత్రమే చివరి తడిగా కాల్వలకు సాగునీరు అందిస్తాం. – చంద్రశేఖర్‌, ఎస్‌ఈ ●

జిల్లాలోని నాలుగు మిల్లుల్లో రూ.10 కోట్ల ధాన్యం మాయం అక్రమార్కులు.. అధికారులు.. గద్వాల: అక్రమాలకు పాల్పడుతున్న రైస్‌మిల్లర్లపై విజిలెన్స్‌ ఎన్‌ఫోర్స్‌మెంట్‌ అధికారులు దాడులు నిర్వహిస్తూ.. మింగిన ధాన్యాన్ని కక్కించే చర్యలు చేపడుతున్నారు. ఈ క్రమంలోనే జిల్లాలో చేపట్టిన తనిఖీల్లో నాలుగు రైస్‌మిల్లులో సుమారు రూ.10 కోట్ల ధాన్యం మాయం చేశారని గుర్తించి సదరు మిల్లులపై కేసులు నమోదు చేయాలని జిల్లా సివిల్‌ సప్లయ్‌ శాఖకు ఆధారాలు ఇచ్చారు. అయితే కేసులు నమోదు చేసి అక్రమార్కుల నుంచి మాయమైన ధాన్యాన్ని రాబట్టాల్సిన జిల్లా అధికారులు మాత్రం మిల్లర్లతో చెట్టాపట్టాలేసుకుని పంచుకుతింటున్నారు. పైపెచ్చుగా ఈ ఖరీఫ్‌లోనూ ప్రభుత్వం నుంచి ధాన్యం పెట్టించుకునేందుకు పావులు కదుపుతున్నారు. అసలు చేసిందెవరంటే.. ఇటీవల జిల్లాలో విజిలెన్స్‌ ఎన్‌ఫోర్స్‌మెంట్‌ అధికారులు రైస్‌మిల్లులో తనిఖీలు చేపట్టారు. ప్రభుత్వం వద్ద తీసుకున్న ధాన్యం సరిపడా నిల్వలు ఉన్నాయా.. లేదా.. అని తనిఖీలు చేపట్టారు. ఈ క్రమంలో అయిజలో ఏడుకొండల దేవుడి పేరిట ఉన్న ఓ మిల్లు, గద్వాల పట్టణంలో కృష్ణుడిపేరిట ఉన్న రైస్‌మిల్లు, మాజీ మున్సిపల్‌ చైర్మన్‌గా పనిచేసిన ఓ నాయకుడి పేరిట ఉన్న రైస్‌మిల్లు, గద్వాల మండలం కొత్తపల్లికి వెళ్లే మార్గంలో ఉన్న మరో రైస్‌మిల్లులో సుమారు రూ.10 కోట్లు విలువ చేసే ధాన్యం మాయమైనట్లు విజిలెన్స్‌ అధికారులు గుర్తించారు. కేసులు నమోదుకు సిఫారసు.. రూ.10 కోట్ల విలువ గల ధాన్యాన్ని మాయం చేసి అక్రమాలకు పాల్పడిన నాలుగు మిల్లులపై కేసులు నమోదు చేసి ఆర్‌ఆర్‌ యాక్టు కింద ధాన్యాన్ని రికవరీ చేయాలని గత నెల 23న జిల్లా సివిల్‌ సప్లయ్‌ శాఖ అధికారులకు వివరాలు అందించారు. అయితే అధికారులు మాత్రం అక్రమార్కులకే వత్తాసు పలుకుతున్నారు. వాస్తవానికి ప్రతినెలా మిల్లులు తనిఖీ చేసి ధాన్యం నిల్వలు సరిచూడాల్సిన అధికారులు.. అవినీతిపరులైన రైస్‌మిల్లులతో చెట్టాపట్టాలేసుకుని తిరుగుతున్నారు. మరీ దారుణమైన విషయం ఏమిటంటే విజిలెన్స్‌ అధికారులు అక్రమాలకు పాల్పడినట్లు స్పష్టమైన ఆధారాలు ఇచ్చినప్పటికీ జిల్లా అధికారులు తాత్సారం చేస్తున్నారు. అక్రమాలకు పాల్పడిన మిల్లర్లతో బేరసారాలు చేస్తూ వసూళ్లకు తెగబడుతున్నారనే బలమైన ఆరోపణలు వినిపిస్తున్నాయి. నెలరోజులైనా మిల్లర్లపై ఎలాంటి చర్యలు తీసుకోకపోవడమే ఇందుకు నిదర్శనం. ‘కృష్ణా’లోకి మట్టి రోడ్డు! అక్రమ ఇసుక రవాణా కోసం కృష్ణానది మధ్యలోకి వెళ్లేందుకు మట్టి రోడ్డు నిర్మించడం కలకలం రేపుతోంది. –8లో uరూ.60 కోట్లపైనే.. ప్రభుత్వం రైతులకు మద్దతు ధర చెల్లించి ధాన్యం కొనుగోలు చేస్తుంటే.. మరోవైపు రైస్‌మిల్లర్లు మాత్రం సివిల్‌ సప్లయ్‌ శాఖ అధికారులతో కలిసి యథేచ్ఛగా దోపిడికి పాల్పడుతున్నారు. ఇప్పుడు జిల్లాలో సరిగ్గా ఇదే జరుగుతుంది. ప్రభుత్వం వద్ద తీసుకున్న ధాన్యానికి కస్టమ్‌ రైస్‌ ఇవ్వాల్సిన కొందరు రైస్‌మిల్లర్లు నిబంధనలను తుంగలో తొక్కి ధాన్యాన్ని బ్లాక్‌ మార్కెట్‌కు తరలించి సొమ్ము చేసుకుంటున్నారు. అక్రమాలకు అడ్డువేయాల్సిన అధికారులు వారికే కొమ్ముకాస్తున్నారు. ఇది వరకే కేటీదొడ్డిలో సుమారు రూ.40 కోట్ల ధాన్యాన్ని పక్కదారి పట్టించగా.. శాంతినగర్‌, కాకులారం, అయిజలో మరో రూ.13 కోట్ల విలువైన ధాన్యం మాయం చేసిన ఘటనలున్నాయి. వీటిపై అధికారులు ఆర్‌ఆర్‌ యాక్టు కింద కేసులు నమోదు చేసుకుని చేతులు దులిపేసుకున్నారు. విజిలెన్స్‌ అధికారుల తనిఖీల్లో వెలుగుచూసిన అక్రమాలు కేసులు నమోదు చేయాలని సివిల్‌ సప్లయ్‌ శాఖకు సూచన ఆదేశాలు బేఖాతర్‌ చేస్తున్న జిల్లా అధికారులు ఆ ఇద్దరు అధికారులకు రూ.కోటి మామూళ్లు? ఎవరినీ ఉపేక్షించం.. ప్రభుత్వం వద్ద తీసుకున్న ధాన్యానికి సంబంధించి రైస్‌ మిల్లర్లు కచ్చితంగా సీఎంఆర్‌ బియ్యం పెట్టాలి. ధాన్యాన్ని ఎవరైనా నిబంధనలకు విరుద్ధంగా విక్రయించి అక్రమాలకు పాల్పడితే వారిపై కఠిన చర్యలు తీసుకుంటాం. క్రిమినల్‌ కేసులు నమోదు చేస్తాం. అదేవిధంగా మీరు చెప్పినట్లు విజిలెన్స్‌ నివేదిక వివరాలు తెలుసుకుని అవసరమైన చర్యలు చేపడుతాం. ఈ వ్యవహారంలో ఎవరినీ ఉపేక్షించేది లేదు. – రిజ్వాన్‌బాషాషేక్‌, కలెక్టర్‌

గద్వాల: ఓటర్ల జాబితా ప్రత్యేక సవరణ పేరుతో కేంద్ర ప్రభుత్వం సామన్య ప్రజల ఓట్లను తొలగించే కుట్ర చేస్తోందని ఏఐసీసీ కార్యదర్శి రవీంద్రదాస్‌, ఎమ్మెల్యే బండ్ల కృష్ణమోహన్‌రెడ్డి అన్నారు. జిల్లాకేంద్రంలోని ఓ ఫంక్షన్‌ హాల్‌లో ఆదివారం నిర్వహించిన ఓటు బచావో విస్తృత స్థాయి సమావేశంలో వారు పాల్గొని మాట్లాడారు. ఓటుహక్కు పరిరక్షణ కోసం ప్రతి కార్యకర్త పోరాడాలని చెప్పారు. ఇందులో భాగంగా ప్రజాస్వామ్యాన్ని రాజ్యాంగాన్ని కాపాడుకునేందుకు నవంబర్‌ 1న ఢిల్లీలో నిర్వహించనున్న మహాధర్నాకు రాష్ట్రం నుంచి 15 వేల మంది కాంగ్రెస్‌ శ్రేణులు తరలివెళ్లాలని పిలుపునిచ్చారు. త్వరలో రానున్న ఎమ్మెల్సీ ఎన్నికలను దృష్టిలో ఉంచుకుని బూత్‌స్థాయి ఏజెంట్లు అప్రమత్తంగా ఉండాలని అభిప్రాయపడ్డారు. సమావేశంలో డీసీసీ అధ్యక్షుడు రాజీవ్‌రెడ్డి, మున్సిపల్‌ చైర్‌పర్సన్‌ జయలక్ష్మి తదితరులు పాల్గొన్నారు.

డిఫాల్ట్‌ మిల్లులకు ధాన్యం కేటాయించం.. జిల్లావ్యాప్తంగా 198 రైస్‌మిల్లులు ఉండగా.. కేవలం 45 మాత్రమే ధాన్యం కేటాయింపులకు అర్హత సాధించాయి. మిగతా మిల్లులన్నీ డిఫాల్ట్‌ కేటగిరీలో ఉన్నాయి. కాబట్టి ఈ సీజన్‌లో సేకరించిన ధాన్యం 45 మిల్లులకు సామర్థ్యం మేర కేటాయించి మిగతా ధాన్యాన్ని గోదాముల్లో నిల్వ చేసేందుకు ఏర్పాట్లు చేస్తున్నాం. జిల్లా సమీపంలోని ఏపీ ప్రాంతంలో సుమారు 50 వేల మెట్రిక్‌ టన్నుల ధాన్యం నిల్వ చేసేందుకు గోదాంలు అందుబాటులో ఉన్నాయని, అద్దెకు ఇచ్చేందుకు అక్కడి అధికారులు సముఖంగా ఉన్నారు. ఇక్కడి గోదాములు నిండితే వాటిని వినియోగించుకునేందుకు ఆలోచిస్తాం. – హరీశ్‌, డీఎం, జిల్లా పౌరసరఫరాల కార్పొరేషన్‌ వనపర్తి: జిల్లాలో వానాకాలం వరి ధాన్యం కొనుగోళ్లు ఊపందుకోనున్న నేపథ్యంలో నిల్వ సామర్థ్యాన్ని పెంచేందుకు అధికారులు ప్రత్యేక ఏర్పాట్లు చేస్తున్నారు. జిల్లావ్యాప్తంగా 2.60 లక్షల మెట్రిక్‌ టన్నుల ధాన్యం కొనుగోలు చేయాలని లక్ష్యంగా నిర్దేశించారు. కొనుగోలు కేంద్రాలకు భారీగా ధాన్యం తరలివచ్చే అవకాశం ఉండటంతో ఇప్పటికే ఉన్న గోదాంలతో పాటు అదనపు నిల్వ సదుపాయాలను అందుబాటులోకి తీసుకురావడంపై ప్రత్యేక దృష్టి సారించారు. జిల్లాలో అత్యధిక మిల్లులు డిఫాల్ట్‌ జాబితాలో ఉన్న కారణంగా కొనుగోలు చేసిన ధాన్యం నిల్వకు తాత్కాలిక కేంద్రాలు కీలకంగా మారనున్నాయి. అందుబాటులో ఉన్న గోదాముల సామర్థ్యం సరిపోకపోతే కొనుగోలు కేంద్రాల్లోనే ధాన్యం పేరుకుపోయే అవకాశం ఉంటుంది. దీనిని అరికట్టేందుకు సుమారు లక్ష మెట్రిక్‌ టన్నుల ధాన్యం నిల్వ చేసేలా అద్దె, తాత్కాలిక గో దాంలను ఏర్పాటు చేయాలని నిర్ణయించారు. ఇందు కోసం అనువైన ప్రాంతాలను గుర్తించడం, అక్కడ ధా న్యం నిల్వకు అవసరమైన మౌలిక వసతులు కల్పించడం, వర్షం, తేమ నుంచి ధాన్యాన్ని సంరక్షించే ఏర్పా ట్లు చేయడంపై అధికారులు కసరత్తు చేస్తున్నారు. ఎస్‌డబ్ల్యూసీ పర్యవేక్షణలో.. అద్దె, తాత్కాలిక గోదాంల ఏర్పాటు, ధాన్యం నిల్వకు సంబంధించిన బాధ్యతలను స్టేట్‌ వేర్‌హౌసింగ్‌ కార్పొరేషనన్‌ (ఎస్‌డబ్ల్యూసీ)కు పౌరసరఫరాలశాఖ అప్పగించింది. ధాన్యం నిల్వ సామర్థ్యాన్ని అంచనా వేసి అవసరమైన చోట్ల అదనపు వసతులను సిద్ధం చేయనున్నారు. కొనుగోలు కేంద్రాల నుంచి గోదాంలకు ధాన్యం తరలింపు, నిల్వ, అవసరమైన సమయంలో మిల్లులకు తరలించే ప్రక్రియను సమన్వయం చేయనున్నారు. రైతులకు ఇబ్బందులు కలగకుండా.. ధాన్యం కొనుగోలు సమయంలో రైతులు పంట విక్రయించిన తర్వాత రోజుల తరబడి కేంద్రాల వద్ద వేచి ఉండాల్సిన పరిస్థితి రాకుండా అధికారులు చర్యలు చేపడుతున్నారు. కేంద్రాల్లో సేకరించిన ధాన్యాన్ని ఎప్పటికప్పుడు గోదాములు, మిల్లులకు తరలించి కొనుగోలు ప్రక్రియను వేగవంతం చేయాలని భావిస్తున్నారు. ఇందుకు కావాల్సిన ఏర్పాట్లలో అధికారులు నిమగ్నమయ్యారు. ఈ విషయంపై ఇటీవల కలెక్టర్‌, జిల్లాస్థాయి అధికారులు జిల్లా పౌరసరఫరాలు, రవాణా, ఐకేపీ, డీఆర్డీఓ, మెప్మా, మార్కెటింగ్‌ అధికారులతో సమీక్షలు నిర్వహించి సూచనలు చేశారు. నవంబర్‌ 1 నుంచి ధాన్యం కొనుగోళ్లు ప్రారంభించేందుకు సరిపడా గన్నీబ్యాగులు, ఎలక్ట్రానిక్‌ కాంటాలు, టార్ఫాలిన్లు సిద్ధం చేశారు. 2.60 లక్షల మెట్రిక్‌ టన్నుల కొనుగోలే లక్ష్యం వనపర్తి జిల్లాలో అధికంగా డిఫాల్డ్‌ మిల్లర్లు ఉండటమే కారణం నిల్వ సామర్థ్యం పెంపుపై కార్పొరేషన్‌ ప్రత్యేక దృష్టి లక్ష మెట్రిక్‌ టన్నుల ధాన్యం నిల్వ చేసే గోదాంల ఏర్పాటుకు అవకాశం 50 వేల టన్నుల నిల్వకుఏపీ సర్కారు గ్రీన్‌సిగ్నల్‌ 50 వేల టన్నులకు ఏపీ అనుమతి.. ఇదిలా ఉండగా 50 వేల మెట్రిక్‌ టన్నుల వరి ధాన్యాన్ని నిల్వ చేసేందుకు సరిపడా గోదాంలను ఆంధ్రప్రదేశ్‌ ప్రభుత్వం సమకూర్చే ఏర్పాట్లు చేస్తున్నట్లు సమాచారం. ఏపీలో సాగు చాలా తగ్గిపోవడంతో ఇక్కడి నుంచి ధాన్యం సేకరించే యోచనతో పక్క రాష్ట్ర పాలకులు ముందస్తు ప్రణాళికతో గోదాంలను ఇచ్చే ప్రయత్నం చేస్తోంది. దీంతో జిల్లాలో అదనపు నిల్వ సామర్థ్యాన్ని సమకూర్చుకునే అవకాశాలు మరింత పెరగనున్నాయి. ధాన్యం నిల్వకు సంబంధించి రెండు రాష్ట్రాల మధ్య సమన్వయంతో ఏర్పాట్లు కొనసాగనున్నాయి. ప్రతి బస్తాకు రూ.2.50 అద్దె ఇవ్వనున్నారు.

గద్వాల: ఉమ్మడి గట్టు మండలం (గట్టు, కేటీదొడ్డి మండలాలు)లోని బీడు భూములకు సాగునీరు అందించేందుకు 2018లో అప్పటి బీఆర్‌ఎస్‌ ప్రభు త్వం గట్టు ఎత్తిపోతల పథకానికి శంకుస్థాపన చేయడం, తర్వాత పనులు దక్కించుకున్న గుత్తేదారు సుమారు 30 శాతం మేర పూర్తిచేయడం చకచకా జరిగిపోయాయి. అయితే హఠాత్తుగా గట్టు ఎత్తిపోతల పథకం పనులకు బ్రేక్‌ పడింది. 2022లో 1.32 టీఎంసీల సామర్థ్యంతో రూ.650 కోట్లతో మొదలుపెట్టిన పనులు మధ్యలోనే అర్ధంతరంగా ఆగిపోయాయి. దీంతో గట్టు, కేటీదొడ్డి మండలాల్లోని బీడు భూములకు సాగునీరు పారడమే ప్రశ్నార్థకంగా మారిన పరిస్థితి. ఈ క్రమంలో ఎమ్మెల్యే బండ్ల కృష్ణమోహన్‌రెడ్డి ప్రత్యేక చొరవ తీసుకుని గట్టు, కేటీదొడ్డి మండలాల్లోని బీడు భూముల స్థితిగతులు, సాగునీటి ఆవశ్యకతను పలుమార్లు ప్రభుత్వం దృష్టికి తీసుకెళ్లారు. ఈ నేపథ్యంలో రాష్ట్ర ప్రభుత్వం గట్టు ఎత్తిపోతల పథకాన్ని 1.32 టీఎంసీల నుంచి 3 టీంఎసీల సామర్థ్యానికి పెంచుతూ నిర్ణయం తీసుకోవడమే కాకుండా జీఓను విడుదల చేసింది. దీంతో వలసలకు పేరుగాంచిన గట్టు, కేటీదొడ్డి మండలాల్లోని 33 వేల ఎకరాల బీడు భూములకు సాగునీరు అందనుంది. 2018లో శంకుస్థాపన.. రూ.650 కోట్లతో 1.32 టీఎంసీల సామర్థ్యంతో 33 వేల ఎకరాలకు సాగునీరు అందించాలనే లక్ష్యంతో 2018లో గట్టు ఎత్తిపోతల పథకానికి శంకుస్థాపన చేయగా 2022 వరకు 30 శాతం పనులు పూర్తయి మధ్యలోనే ఆగిపోయాయి. అయితే 1.32 టీఎంసీలతో 33 వేల ఎకరాల ఆయకట్టుకు సాగునీరు అందించడం సాధ్యం కాదని ఎమ్మెల్యే బండ్ల కృష్ణమోహన్‌రెడ్డి సాగునీటి పారుదల శాఖ అధికారులు ప్రభుత్వానికి విన్నవించారు. అసంపూర్తి నిర్మాణం వల్ల భవిష్యత్‌లో సమస్యలు ఉత్పన్నమవుతాయని వివరించారు. దీనిపై సమీక్షించిన సీఎం రేవంత్‌రెడ్డి సాగునీటి పారుదలశాఖ ఉన్నతాధికారులతో చర్చించారు. 33 వేల ఎకరాలకు సాగునీటిని అందించే సాధ్యాసాధ్యాలపై నివేదిక ఇవ్వాలని ఆదేశించారు. ఒక టీఎంసీ నీటితో 11 వేల ఎకరాలకు సాగునీరు అందించవచ్చని.. ఈ క్రమంలో 33 వేల ఎకరాలకు సాగునీరు అందించాలంటే 3 టీఎంసీల నీరు అవసరం అవుతుందని పేర్కొంటూ సాగునీటి పారుదల శాఖ అధికారులు ప్రభుత్వానికి నివేదించారు. దీనిపై సమీక్షించిన అనంతరం రాష్ట్ర క్యాబినేట్‌ గట్టు ఎత్తిపోతలను 1.32 టీఎంసీల నుంచి 3 టీఎంసీలకు పెంచుతూ ఆమోదం తెలిపింది. ఇందుకు సంబంధించి అవసరమైన రూ.1,200.84 కోట్ల నిధులు విడుదల చేసేలా ప్రభుత్వం ఉత్తర్వులు జారీ చేసింది. దీంతో గట్టు ఎత్తిపోతల వ్యయం రూ.1,781.9 కోట్లకు పెరిగినట్లయింది. ఇందులో భూ సేకరణ, జరిగిన 30 శాతం పనులకు రూ.193.24 కోట్లు ఖర్చు చేశారు. డిజైన్‌లో మరికొన్ని మార్పులు 1.32 టీఎంసీల సామర్థ్యంతో చేపట్టిన గట్టు ఎత్తిపోతల నిర్మాణంలో పెరిగిన సామర్థ్యంతో అదనంగా డిజైన్‌లో కొన్ని మార్పులు చోటుచేసుకోనున్నట్లు సాగునీటి పారుదల శాఖ అధికారులు చెబుతున్నారు. ముఖ్యంగా గట్టు ఎత్తిపోతల పథకానికి నీటిని ర్యాలంపాడు జలాశయం నుంచి తరలించేలా డిజైన్‌ చేయగా ఇందులో స్వల్ప మార్పులు జరగనున్నాయి. ఆలూరు సమీపంలో పంపుహౌజ్‌, అక్కడి నుంచి 12 మెగావాట్ల సామర్థ్యం గల 2 మోటార్లు సాయంతో గ్రావిటీ కెనాల్‌ ద్వారా గట్టు ఎత్తిపోతల రిజర్వాయర్‌లోకి నీటిని తోడేలా డిజైన్‌ చేశారు. కృష్ణానదికి వరద వచ్చే సమయంలో రోజుకు 700– 800 క్యూసెక్కుల నీటిని ఎత్తిపోసేలా డిజైన్‌ చేయగా.. ఇందుిలో స్వల్ప మార్పులు చోటుచేసుకోవచ్చు. ఈ మేరకు నూతన డీపీఆర్‌ను తయారు చేసి ఆమోదం కోసం సెంట్రల్‌ డిజైనింగ్‌ ఆర్గనైజేషన్‌కు పంపితే అక్కడి నుంచి క్లియరెన్స్‌ వచ్చిన తర్వాత పనులు చేపడుతారు. గట్టు ఎత్తిపోతల అప్‌గ్రేడ్‌తో జలసిరులు 1.32 టీఎంసీల నుంచి 3 టీఎంసీలకు పెంపు ఇప్పటికే ఉత్తర్వులు జారీచేసిన ప్రభుత్వం గట్టు, కేటీదొడ్డి పరిధిలో 33 వేల ఎకరాలకు సాగునీరు అదనంగా రూ.1,200 కోట్లు మంజూరు

ధరూరు: జిల్లా ప్రజలకు స్వచ్ఛమైన తాగునీరందించడంతోపాటు తాగునీటి నాణ్యత పరీక్షలను నిరంతరం పరీక్షించాలని కలెక్టర్‌ రిజ్వాన్‌బాషాషేక్‌ అన్నారు. శనివారం ఆయన మండలంలోని జూరాల డ్యాం వద్ద ఉన్న మిషన్‌ భగీరథ హెడ్‌ వర్క్స్‌ను సందర్శించారు. ఈ సందర్భంగా జూరాల ప్రాజెక్టు వద్ద ప్రస్తుతం నిల్వ ఉన్న నీరు, జూరాల నుంచి ఎంత మేర నీరు దిగువకు, తాగునీటి అవసరాలకు వినియోగించుకుంటున్నారనే దానిపై ఇరిగేషన్‌ అధికారులతో చర్చించారు. అంతకు ముందు జూరాల ప్రాజెక్టుపై వరద నియంత్రణ పరికరాలను పరిశీలించి.. ఫ్లడ్‌ కంట్రోల్‌ రూంలో అధికారులతో సమీక్షించారు. అనంతరం మిషన్‌ భగీరథ హెడ్‌ వర్క్స్‌ను సందర్శించి.. సిబ్బంది హాజరు, రికార్డుల నిర్వహణలో నిర్లక్ష్యం వహిస్తే చర్యలు తీసుకుంటామని హెచ్చరించారు. ప్రాజెక్టులో నీటినిల్వ తక్కువగా ఉన్నందున వినియోగంపై అధికారులతో చర్చించారు. అలాగే అక్రమ నీటి కనెక్షన్లను అరికట్టాలని సూచించారు. నిబంధనల ప్రకారం నీటిని వినియోగించుకునేలా చర్యలు తీసుకోవాలని సూచించారు. కార్యక్రమంలో మిషన్‌ భగీరథ ఈఈ శ్రీధర్‌రెడ్డి, ఇరిగేషన్‌ ఈఈ సంజీవప్రసాద్‌, తహసీల్దార్‌ నందిని, ఇంజినీర్లు తదితరులు పాల్గొన్నారు. వందశాతం ఉత్తీర్ణత సాధించాలి పదో తరగతి పబ్లిక్‌ పరీక్షల్లో వందశాతం ఉత్తీర్ణత సాధించాలని కలెక్టర్‌ అన్నారు. రేవులపల్లి ఉన్నత పాఠశాలను ఆకస్మికంగా తనిఖీ చేసిన ఆయన విద్యార్థులతో మాట్లాడారు. చదువులో ఏ విద్యార్థి ఏ సబ్జెక్టులో వెనకబడి ఉన్నారో తెలుసుకుని ప్రత్యేకంగా దృష్టిసారించాలన్నారు. పరీక్షలకు ఇంకా 5 నెలల సమయం ఉందని, ఇప్పటి నుంచే సాధన చేయాలని సూచించారు. ఎప్పటికప్పుడు సందేహాలను ఉపాధ్యాయులతో నివృత్తి చేసుకుని ముందుకు సాగాలన్నారు. తల్లిదండ్రులు సైతం తమ పిల్లల చదువుపై దృష్టిపెట్టాలన్నారు. కార్యక్రమంలో ఎంఈఓ రవీంద్రబాబు, ఇన్‌చార్జి హెచ్‌ఎం తిరుమల్‌రెడ్డి తదితరులు పాల్గొన్నారు. సిబ్బంది హాజరు, రికార్డుల నిర్వహణలో నిర్లక్ష్యం వహిస్తే చర్యలు అక్రమ నీటి కనెక్షన్లను అరికట్టేందుకు చర్యలు మిషన్‌ భగీరథ హెడ్‌ వర్క్స్‌ను పరిశీలించిన కలెక్టర్‌

గట్టు, కేటీదొడ్డి మండలాల్లోని 33 వేల ఎకరాలకు సాగునీరు అందించేలా గట్టు ఎత్తిపోతల పథకం మంజూరైంది. అయితే 1.32 టీఎంసీలతో 33 వేల ఎకరాలకు సాగునీరు అందించడం కష్టసాధ్యమని గత ప్రభుత్వం పెద్దలకు చెప్పాను. ప్రస్తుత ప్రభుత్వం దృష్టి తీసుకెళ్లాను. ప్రస్తుత ప్రభుత్వ క్యాబినేట్‌ 3 టీఎంసీలకు పెంచుతూ ఆమోదం తెలపడమే కాకుండా జీఓ కూడా విడుదల చేసింది. పనులు వేగవంతంగా పూర్తి చేసి 33 వేల ఎకరాల ఆయకట్టుకు సాగునీటిని అందించేలా కృషిచేస్తాను. – బండ్ల కృష్ణమోహన్‌రెడ్డి, ఎమ్మెల్యే, గద్వాల ఆమోదం తెలిపింది.. గట్టు ఎత్తిపోతల పథకాన్ని 1.32 టీఎంసీల నుంచి 3 టీఎంసీలకు పెంచుతూ రాష్ట్ర ప్రభుత్వం ఆమోదం తెలిపి జీఓ విడుదల చేసింది. ఇప్పటికే సివిల్‌ వర్క్స్‌, భూ సేకరణ పనులు 30 శాతం మేర పూర్తయ్యాయి. పెంచిన సామర్థ్యానికి అనుగుణంగా పనులు చేపట్టి త్వరితగతిన పూర్తయ్యేలా చర్యలు తీసుకుంటాం. – రహీముద్దీన్‌, సీఈ, ఇరిగేషన్‌ శాఖ●

● జిల్లావ్యాప్తంగా అవగాహన సదస్సులు ● ముమ్మరంగా కొనసాగుతున్న సర్వే ● రోగులకు మందులు, పౌష్టికాహారం పంపిణీ గద్వాల క్రైం: కుష్ఠువ్యాధి నిర్మూలనకు ప్రభుత్వం పటిష్ట చర్యలు చేపడుతోంది. ఇందులో భాగంగా 2027 నాటికి దేశంలో మహమ్మారిని అంతమొందించడమే లక్ష్యంగా పూర్తిస్థాయిలో ప్రణాళికలు రూపొందించింది. ఈ మేరకు జిల్లాలోని కుష్టు వ్యాధిగ్రస్తులను గుర్తించేందుకు స్పర్శ పేరుతో ఇంటింటి సర్వే చేపడుతూ అవగాహన కల్పిస్తున్నారు. అనుమానితులను గుర్తించి పరీక్షలు నిర్వహిస్తుండగా.. ప్రతినెలా వ్యాధిగ్రస్తులకు మందులను అందజేస్తున్నారు. అలాగే జిల్లా ఆరోగ్యశాఖ అధికారులు ఈ వ్యాధిపై గ్రామీణ, పట్టణ ప్రాంతాల్లో విస్తృతంగా అవగాహన సదస్సులు చేపడుతున్నారు. పాఠశాలలు, అంగన్‌వాడీ కేంద్రాలు, గ్రామాల్లో వ్యాధి గురించి ప్రజలకు వివరిస్తూ చైతన్యం చేస్తున్నారు. ఈ వ్యాధి సోకిన వారికి మనోధైర్యం కల్పించి భవిష్యత్‌లో ఎలాంటి ఇబ్బందులు లేకుండా చర్యలు చేపడుతున్నారు. కేసుల గుర్తింపు.. కుష్ఠువ్యాధిని పూర్తిస్థాయిలో నిర్మూలన లక్ష్యంగా కేంద్ర ప్రభుత్వం 2027 నాటికి దేశంలో వ్యాధిగ్రస్తులు లేకుండా ఉండేలా ప్రణాళికలు రూపొందించింది. జిల్లాలో ప్రస్తుతం 65 మంది కుష్టువ్యాధిగ్రస్తులు ఉన్నట్లు వైద్య, ఆరోగ్యశాఖ అధికారులు ధ్రువీకరించారు. ఈ వ్యాధి మైక్రో బ్యాక్టీరియం లెప్రే అనే బ్యాక్టీరియా వల్ల వ్యాపిస్తుంది. రెండు రకాలుగా ఉండగా.. పాసీ బాసిల్లరి, మల్టీ బాసిల్లరిగా గుర్తించారు. ఈ మేరకు జిల్లాలో సిబ్బంది అనుమానిత వ్యక్తుల రక్త నమూనాలను సేకరించి పరీక్షలు నిర్వహించారు. ప్రాథమిక ఆరోగ్య కేంద్రాల్లో వ్యాధిబారిన పడిన వారికి మందులు, పౌష్టికాహారం, వంట సరుకులు దాతల సహకారంతో అందజేస్తున్నారు. ప్రభుత్వం నుంచి ఆర్థిక సహాయం అందుతుంది. వ్యాధి లక్షణాలు ఇలా.. కుష్ఠువ్యాధి లక్షణాలు ఉన్నవారు సమీపంలోని ప్రాథమిక ఆరోగ్య కేంద్రంలో పరీక్షలు చేయించుకోవాలని వైద్య శాఖ అధికారులు సూచిస్తున్నారు. చర్మంపై స్పర్శ లేని మచ్చలు, మందమైన మెరిసే జిడ్డుగల చర్మం, చెవులు, వీపు, చాతిపై నొప్పిలేని బొడిపెలు, కనురెప్పల వెంట్రుకలు రాలిపోవడం, కనురెప్పలు మూతపడక పోవడం, ముక్కుదిబ్బడ, ముక్కు నుంచి రక్తం కారడం, కాళ్లు, చేతులకు తిమ్మిర్లు రావడం, అరిచేతులు, అరికాళ్లలో బొబ్బలు రావడం, చేతివేళ్లు, కాలివేళ్లు వంకర్లు తిరిగి అంగవైకల్యం రావడం వంటి లక్షణాలు ఉంటే వెంటనే సమీపంలోని పీహెచ్‌సీలో వైద్య పరీక్షలు చేయించుకోవాలని చెబుతున్నారు. ఈ వ్యాధి నొప్పి లేనిది కావడంతో సమాజంలో దాగి ఉన్న కేసులను గుర్తించి వీలైనంత త్వరగా చికిత్స అందించడం వల్ల అంగవైకల్యాన్ని అరికట్టవచ్చని పేర్కొన్నారు.

ఎర్రవల్లి: రైతులు ప్రకృతి వ్యవసాయ పద్ధతులను అలవర్చుకొని నేల ఆరోగ్యాన్ని కాపాడితేనే పంటల దిగుబడి పెరుగుతుందని జిల్లా వ్యవసాయ శాఖ అధికారి వీరప్ప అన్నారు. శనివారం మండలంలోని పుటాన్‌దొడ్డి రైతువేదికలో వ్యవసాయశాఖ ఆధ్వర్యంలో ఖేతీ బచావో అభియాన్‌ కార్యక్రమం నిర్వహించారు. ఈ సందర్భంగా సేంద్రియ వ్యవసాయం, నేల ఆరోగ్యం, పంటల దిగుబడి, రసాయనిక ఎరువుల వినియోగం తగ్గించడం, మిశ్రమ పంటల సాగు వంటి అంశాలపై రైతులకు అవగాహన కల్పించారు. అనంతరం డీఏఓ మాట్లాడుతూ నేల ఆరోగ్యాన్ని కాపాడుకోవడం ద్వారా నేల సారవంతం పెరిగి పంటల దిగుబడి మెరుగుపడుతుందన్నారు. రైతులు రసాయనిక ఎరువుల వినియోగాన్ని తగ్గించి, మిశ్రమ పంటల సాగును ప్రోత్సహించాలని సూచించారు. ప్రకృతి వ్యవసాయ పద్ధతులను పాటించి పచ్చిరొట్టె ఎరువులను వినియోగించాలన్నారు. రసాయనిక ఎరువులకు బదులుగా సేంద్రియ ఎరువుల వాడకాన్ని పెంచడం ద్వారా నేలలో సేంద్రియ కర్బనం పెరిగి నేల ఆరోగ్యంగా ఉంటుందన్నారు. నేల సారాన్ని కాపాడుతూ పర్యావరణానికి అనుకూలమైన వ్యవసాయ పద్ధతులను అనుసరించాలని చెప్పారు. ఏడీఏ శివనాగిరెడ్డి మాట్లాడుతూ నేలలు ఆరోగ్యంగా ఉంటేనే పంటలు ఆరోగ్యంగా పెరిగి మంచి దిగుబడులు వస్తాయని, తద్వారా రైతుల ఆర్థిక పరిస్థితి మెరుగుపడుతుందని పేర్కొన్నారు. ప్రతి రైతు నేల సంరక్షణకు ప్రాధాన్యత ఇస్తూ భవిష్యత్‌ తరాలకు సారవంతమైన భూమిని అందించేలా బాధ్యతగా వ్యవహరించాలని సూచించారు. యాసంగిలో ఆరుతడి పంటలు మాత్రమే వేయాలని, ఎట్టి పరిస్థితుల్లో వరి పంట వేయరాదని కోరారు. కార్యక్రమంలో ఏఓ సురేష్‌గౌడ్‌, ఎంపీడీఓ మహేష్‌, సర్పంచ్‌ నారాయణ తదితరులు పాల్గొన్నారు.

సీబీఎస్‌ఈ స్కూళ్లుగా మార్చేందుకు రాష్ట్ర ప్రభుత్వం కసరత్తు ● ఉమ్మడి జిల్లావ్యాప్తంగా 8 మోడల్‌ స్కూళ్లు ● ఒక్కో పాఠశాలలో 820 మందికి ప్రవేశం ● ఈ ఏడాది నుంచి ఐఐటీ– జేఈఈ, నీట్‌ కోచింగ్‌ ● వచ్చే విద్యా సంవత్సరం నుంచి అమలుకు చర్యలు సీబీఎస్‌ఈ సిలబస్‌ అందించేందుకు మోడల్‌ స్కూళ్లు ఏర్పాటు చేశారు. స్టేట్‌ సిలబస్‌తో నడుస్తున్నప్పటికీ విద్యార్థులు రాణిస్తున్నారు. ఈ ఏడాది జాతీయ పోటీ పరీక్షలు ఐఐటీ– జేఈఈ, నీట్‌ కోచింగ్‌ ఇచ్చేందుకు మా స్కూల్‌ ఎంపిక చేశారు. ఇప్పటికే మోడల్‌ స్కూళ్లలో భౌతిక మౌలిక సదుపాయాలు ఉన్నాయి. గతేడాది ఎస్సెస్సీలో 97 శాతం, ఇంటర్‌లో 68 శాతం ఉత్తీర్ణత సాధించాం. మా పాఠశాలలో చదివిన వారు ఎంతో మంది డాక్టర్లుగా, ఇంజినీర్లుగా పని చేస్తున్నారు. – శ్రీధర్‌, మోడల్‌ స్కూల్‌ ప్రిన్సిపాల్‌, వెల్దండ అచ్చంపేట: ఆదర్శ పాఠశాలల బలోపేతమే లక్ష్యంగా రాష్ట్ర ప్రభుత్వం నూతన చర్యలకు శ్రీకారం చుడుతోంది. ఇక మీదట సీబీఎస్‌ఈ స్కూళ్లుగా మార్చేందుకు పాఠశాల విద్యాశాఖ ప్రభుత్వానికి ప్రతిపాదనలు పంపించింది. అలాగే 2027– 28 నుంచి ప్రీ ప్రైమరీతోపాటు ప్రాథమిక పాఠశాలలు కూడా ప్రారంభించడానికి సన్నాహాలు చేస్తోంది. తద్వారా విద్యార్థుల సంఖ్య పెరుగుతుందని భావిస్తోంది. గ్రామీణ విద్యార్థులకు ఆంగ్ల మాధ్యమంలో విద్యనందించాలన్న లక్ష్యంతో కేంద్ర ప్రభుత్వం 2013లో మోడల్‌ స్కూళ్లను ఏర్పాటు చేసింది. ఆరో తరగతి నుంచి ఇంటర్మీడియట్‌ వరకు విద్యనందిస్తున్నారు. ప్రస్తుతం ఆరో తరగతి నుంచి ఇంటర్మీడియట్‌ వరకు ఆంగ్ల బోధన ఉన్నప్పటికీ రాష్ట్రస్థాయి సిలబస్‌లోనే ఉంది. ఉమ్మడి జిల్లాలోని వెల్దండ, కోడేరు, కొత్తకోట, పెబ్బేరు, ఖిల్లాఘనపురం, ధన్వాడ, కోస్గి, గండేడ్‌ మండలాల్లో ఆదర్శ పాఠశాలలున్నాయి. ఇందులో సీబీఎస్‌ఈ సిలబస్‌ ప్రారంభిస్తే విద్యార్థుల సంఖ్య పెరగవచ్చని విద్యాశాఖ భావిస్తోంది. విద్యార్థుల సంఖ్య పెంపు.. ఉమ్మడి పాలమూరు జిల్లాలో ప్రస్తుతం 8 మోడల్‌ స్కూళ్లు ఉండగా.. 6 వేల మంది విద్యను అభ్యసిస్తున్నారు. ఒక్కో పాఠశాలలో 820 విద్యార్థుల ప్రవేశానికి అవకాశం ఉంది. 5 నుంచి 10 తరగతి వరకు 500, ఇంటర్మీడియట్‌లో 320 విద్యార్థులు ప్రవేశం పొందవచ్చు. ప్రతి స్కూల్‌లో 100 విద్యార్థినులకు హాస్టల్‌ వసతి ఉంటుంది. అయితే కొన్నిచోట్ల పాఠశాలలు దూరంగా ఉండటం, రోజురోజుకూ గురుకులాలు, కేజీబీవీలు పెరుగుతుండటంతో మోడల్‌ స్కూళ్లలో విద్యార్థుల సంఖ్య తగ్గుతుందన్న అభిప్రాయాలు వ్యక్తమవుతున్నాయి. పోటీ పరీక్షలకు కోచింగ్‌ ప్రభుత్వ పాఠశాలల్లో చదువుతున్న విద్యార్థులకు జాతీయస్థాయి పోటీ పరీక్షల కోచింగ్‌ అందించాలని ప్రభుత్వం నిర్ణయించింది. మోడల్‌ స్కూళ్లలో 29 యంగ్‌ ఇండియా ఇనిస్టిట్యూట్‌ ఆఫ్‌ ఎక్స్‌లెన్స్‌ కేంద్రాలను ఏర్పాటు చేయనుంది. 2026– 27 విద్యా సంవత్సరంలోనే దీనిని అమలు చేస్తామని పాఠశాల విద్యా శాఖ డైరెక్టర్‌ డాక్టర్‌ నవీన్‌ నికోలస్‌ ప్రకటించారు. జిల్లాకు ఒకటి చొప్పున ఏర్పాటు చేసి ఈ కేంద్రాల ద్వారా విద్యార్థులకు ఐఐటీ– జేఈఈ, నీట్‌, క్లాట్‌ వంటి పోటీ పరీక్షలకు ప్రత్యేక శిక్షణ ఇవ్వనున్నారు. ఇందుకోసం 6మంది చొప్పున బోధనా సిబ్బందిని నియమిస్తారు. ఎంపికై న అధ్యాపకులు గంట ప్రాతిపదికన 152 పనిదినాలపాటు విద్యార్థులకు బోధించనున్నారు. కాన్సెప్ట్‌ ఆధారిత బోధన, పోటీ పరీక్షలకు ప్రత్యేక శిక్షణ, సందేహాల నివృత్తి, అసైన్‌మెంట్లు, మాక్‌ టెస్టులు, వెనుకబడిన విద్యార్థులకు అదనపు సహాయం అందించనున్నారు. ఇందుకు సంబంధించి ఇప్పటికే ప్రభుత్వం ఈ నెల 14న నిధులు సైతం విడుదల చేసింది. సెంట్రల్‌ బోర్డు ఆఫ్‌ సెకండరీ ఎడ్యుకేషన్‌ (సీబీఎస్‌ఈ) సిలబస్‌ను అనుసరిస్తే పాఠశాలలో విద్యార్థుల సంఖ్య పెరిగేందుకు అవకాశం ఉంటుందని అధికారులు అంచనా వేస్తున్నారు. కాంపిటేటివ్‌ పరీక్షలు, సివిల్స్‌ లాంటి ప్రవేశ పరీక్షలకు సీబీఎస్‌ఈ సిలబస్‌ తోడ్పడుతుందని విద్యావేత్తలు అభిప్రాయపడుతున్నారు. అందుకే మోడల్‌ స్కూళ్లలో సీబీఎస్‌ఈ సిలబస్‌తోపాటు ప్రీ ప్రైమరీ, ప్రైమరీ పాఠశాలల ఏర్పాటు కోసం ప్రభుత్వానికి ప్రతిపాదనలు పంపారు. అయితే సీబీఎస్‌ఈ బోర్డు నుంచి ఎఫిలియేషన్‌ పొందాల్సి ఉందని సమాచారం. ప్రీ ప్రైమరీతోపాటు 1 నుంచి 5వ తరగతి వరకు ఈ ఏడాది నుంచే అమలుకు సన్నాహాలు చేసినా సీబీఎస్‌ఈ నుంచి అనుమతులు పొందాల్సి ఉంది. దీనిపై రాష్ట్ర విద్యాశాఖ ప్రభుత్వానికి ప్రతిపాదన పంపించింది. ప్రభుత్వం అనుమతిస్తే వచ్చే విద్యా సంవత్సరం నుంచి అమలు చేయనున్నారు.

గద్వాల న్యూటౌన్‌: జిల్లాకేంద్రంలోని ఇండోర్‌ స్టేడియంలో శనివారం జిల్లా సీనియర్‌ మహిళా కబడ్డీ జట్టును ఎంపిక చేశారు. జిల్లా కబడ్డీ అసోసియేషన్‌ ఆధ్వర్యంలో జరిగిన ఈ ఎంపికలకు ముఖ్య అతిథిగా ఎస్‌జీఎఫ్‌ శ్రీనివాసులు హాజరయ్యారు. ఎంపికలకు 60 మంది క్రీడాకారులు పాల్గొనగా.. ఇందులో ప్రతిభకనబర్చిన 14 మంది క్రీడాకారులను ఎంపిక చేశారు. ఎంపికై న జట్టు అక్టోబర్‌ 28 నుంచి 30 వరకు ఖమ్మం జిల్లాలో జరిగే రాష్ట్రస్థాయి కబడ్డీ టోర్నీలో పాల్గొంటుందని అసోసియేషన్‌ ప్రధాన కార్యదర్శి నర్సింహ తెలిపారు. కార్యక్రమంలో కోశాధికారి చందు, సహ కార్యదర్శి రవి, ఈసీ సభ్యులు వెంకటన్న, పాషా, హైమావతి, పీడీ బీసన్న, హుస్సేన్‌, బుజ్జిబాబు, క్రీడాకారులు పాల్గొన్నారు. పల్లీ @ రూ.7,489 గద్వాల వ్యవసాయం: జిల్లాకేంద్రంలోని వ్యవసాయ మార్కెట్‌ యార్డుకు శనివారం 183 క్వింటాళ్ల వేరుశనగ అమ్మకానికి వచ్చింది. కాగా.. క్వింటాల్‌ గరిష్టంగా రూ.7,489, కనిష్టంగా రూ.5,089, సరాసరిగా రూ.6,440 ధరలు లభించాయి. అలాగే 18 క్వింటాళ్ల ఆముదాలు రాగా.. క్వింటాల్‌ గరిష్టంగా రూ.8,029, కనిష్టంగా రూ.7,889, సరాసరిగా రూ.7,929 చొప్పున పలికాయి. పత్తి క్వింటా రూ.9,210 జడ్చర్ల: బాదేపల్లి వ్యవసాయ మార్కెట్‌ యార్డులో శనివారం పత్తికి క్వింటా గరిష్టంగా రూ.9,210, కనిష్టంగా రూ.8,630 ధరలు లభించాయి. అదేవిధంగా మొక్కజొన్న క్వింటాల్‌కు గరిష్టంగా రూ.2,936, కనిష్టంగా రూ.2,316, వేరుశనగకు రూ.5,656, ఆముదాలు రూ.7,710, మినుములు రూ.9,000 ధరలు లభించాయి. 45 అసిస్టెంట్‌ ప్రొఫెసర్‌ పోస్టులకు ఈసీ ఆమోదం మహబూబ్‌నగర్‌ ఎడ్యుకేషన్‌: పాలమూరు యూనివర్సిటీలో ఖాళీగా ఉన్న 45 అసిస్టెంట్‌ ప్రొఫెసర్‌ పోస్టుల భర్తీకి సంబంధించి ఎగ్జిక్యూటివ్‌ కౌన్సిల్‌ (ఈసీ) ఆమోదం తెలిపింది. హైదరాబాద్‌లో నిర్వహించిన పీయూ ఎగ్జిక్యూటివ్‌ కౌన్సిల్‌ సమావేశంలో ఈ మేరకు నిర్ణయం తీసుకున్నారు. వివిధ విభాగాల్లో పోస్టుల భర్తీకి తదుపరి రోస్టర్‌, రిజర్వేషన్ల ప్రక్రియ చేపట్టనున్నారు. వీటితోపాటు యూనివర్సిటీలో విద్యుత్‌ సంబంధిత పనుల కోసం సుమారు రూ.13 లక్షల నిధుల కేటాయింపునకు ఈసీ ఆమోదం తెలిపింది. ఇతర అభివృద్ధి పనులకు సంబంధించిన ప్రతిపాదనలకూ అనుమతులు మంజూరు చేసింది. యూనివర్సిటీలో పనిచేస్తున్న టీచింగ్‌, నాన్‌టీచింగ్‌ సిబ్బందికి ప్రభుత్వం ప్రకటించిన రెండు డీఏలకు కూడా ఈసీ ఆమోదం తెలిపింది. సమావేశంలో అధికారులు యోగితారాణా, సిక్తా పట్నాయక్‌, పీయూ వీసీ శ్రీనివాస్‌, రిజిస్ట్రార్‌ రమేష్‌బాబు తదితరులు పాల్గొన్నారు.

● గద్వాల జిల్లాలో 150 మంది మహిళలు, 36 మంది పురుషులు క్యాన్సర్‌ బారిన పడ్డారు. ● నాగర్‌కర్నూల్‌ జిల్లాలో కడుపు, పేగు సంబంధిత క్యాన్సర్‌ బారిన పడిన వారు ఎనిమిది మంది, లుకేమియాతో ఆరుగురు, నాలుకకు సంబంధించి 11 మంది మహమ్మారి బారిన పడి చికిత్స పొందుతున్నారు. 264183176175121129111103977671514420361513మహబూబ్‌నగర్‌నాగర్‌కర్నూల్‌గద్వాలనారాయణపేటవనపర్తిగర్భాశయ ముఖద్వారం రొమ్ము నోరు ఇతర

ఉమ్మడి పాలమూరు జిల్లాలో నమోదైన క్యాన్సర్‌ బాధితుల గణాంకాలను పరిశీలిస్తే వనపర్తి జిల్లా మొదటి స్థానంలో నిలిచింది. నమోదైన మొత్తం కేసుల్లో 23.68 శాతం మంది బాధితులు ఈ జిల్లాలోనే ఉన్నారు. ఆ తర్వాత నాగర్‌కర్నూల్‌ జిల్లా 23.27 శాతంతో రెండో స్థానంలో నిలిచింది. మహబూబ్‌నగర్‌, నారాయణపేట జిల్లాలు 20.84 శాతం చొప్పున మూడు, నాలుగో స్థానంలో ఉండగా.. జోగుళాంబ గద్వాల జిల్లాలో అత్యల్పంగా 11.38 శాతం మంది క్యాన్సర్‌ బాధితులు చికిత్స తీసుకుంటున్నారు. మహిళలే అధికం.. ఎన్‌సీడీ సర్వే ప్రకారం ఉమ్మడి పాలమూరులో నమోదైన మొత్తం క్యాన్సర్‌ బాధితుల్లో మహిళలే అధిక సంఖ్యలో ఉన్నారు. అన్ని జిల్లాల్లోనూ ఇదే పరిస్థితి ఉంది. ప్రధానంగా గర్భాశయ ముఖద్వారం (సర్వైకల్‌), రొమ్ము (బ్రెస్ట్‌) క్యాన్సర్‌ బారిన పడ్డవారే 972 మంది ఉన్నారు. సర్వేలో నమోదైన మొత్తం బాధితులతో పోలిస్తే 56.41 శాతం మంది మహిళలు క్యాన్సర్‌ బారిన పడడం ఆందోళన కలిగిస్తోంది. పాలమూరులో క్యాన్సర్‌ మహమ్మారి బెంబేలెత్తిస్తోంది. జన్యుపరమైన లోపాలతో పాటు మారుతున్న జీవనశైలి, అలవాట్లు, పర్యావరణ ప్రభావం కేన్సర్‌ ముప్పును పెంచుతున్నాయి. ఉమ్మడి జిల్లావ్యాప్తంగా సుమారు 1,723 మంది క్యాన్సర్‌ బాధితులు వివిధ దశల్లో చికిత్స పొందుతున్నారు. ఇటీవల నాన్‌ కమ్యూనికబుల్‌ డిసీజెస్‌ (ఎన్‌సీడీ– అసంక్రమిత వ్యాధులు) విభాగం నిర్వహించిన సర్వేలో ఈ విషయం బహిర్గతమైంది. – సాక్షి ప్రతినిధి, మహబూబ్‌నగర్‌ ● మహబూబ్‌నగర్‌ జిల్లాలో గర్భాశయ, రొమ్ము, నోటి క్యాన్సర్లు పోనూ తల, మెడకు సంబంధించి 29 మంది క్యాన్సర్‌ మహమ్మారి బారిన పడి చికిత్స పొందుతున్నారు. అదేవిధంగా గట్‌ (పేగు) క్యాన్సర్‌ బాధితులు 20 మంది వరకు ఉన్నారు. లుకేమియా కేన్సర్‌ బారిన పడిన వారు 11 మంది వరకు ఉన్నట్లు ఎన్‌సీడీ సర్వేలో తేలింది. వనపర్తిలో అత్యధికంగా 408, గద్వాలలో అత్యల్పంగా 196 కేసులు అన్ని జిల్లాల్లోనూ మహిళలే అధికం.. ఎక్కువగా రొమ్ము, అండాశయానికి సంబంధించినవే.. ఎన్‌సీడీ సర్వేలో బహిర్గతం

గద్వాల: విద్యార్థులు చదువులో రాణించేందుకు క్రమం తప్పకుండా పాఠశాలకు వచ్చేలా ఉపాధ్యాయులు చర్యలు తీసుకోవాలని కలెక్టర్‌ రిజ్వాన్‌బాషాషేక్‌ అన్నారు. శుక్రవారం జిల్లాకేంద్రంలోని ప్రభుత్వ బాలుర ఉన్నత పాఠశాలను ఆయన ఆకస్మికంగా తనిఖీ చేశారు. ఈ సందర్భంగా ఆయన మాట్లాడుతూ పాఠశాలకు రాని విద్యార్థుల తల్లిదండ్రులకు ఫోన్లు చేసి పాఠశాలకు వచ్చేలా చర్యలు తీసుకోవాలన్నారు. అలాగే విద్యార్థులు వెనకబడిన సబ్జెక్టులలో ప్రత్యేక దృష్టి సారించాలన్నారు. అనంతరం పాఠశాలలో జరుగుతున్న అభివృద్ధి పనుల వివరాలు దాతల సహకారంతో నిర్మించిన స్టేజీ షెడ్‌, మరుగుదొడ్ల నిర్మాణాన్ని పరిశీలించారు. పకడ్బందీగా రీసర్వే.. జిల్లాలో భూముల రీసర్వే ప్రక్రియను కచ్చితత్వంతో పకడ్బందీగా పూర్తి చేయాలని కలెక్టర్‌ అన్నారు. మండలంలోని సంగాల గ్రామ పంచాయతీలో జరుగుతున్న రీసర్వే పనులను పరిశీలించారు. సరిహద్దుల నిర్ధారణకు అందుబాటులో ఉన్న పాతరికార్డులతోపాటు క్షేత్రస్థాయిలో పరిస్థితులను పరిగణలోకి తీసుకోవాలన్నారు. ప్రభుత్వ, అసైన్డ్‌ భూములు, రహదారులు, గ్రామకంఠం, చెరువులు, కుంటలు, గట్టు తదితరాలను ప్రత్యేకంగా గుర్తించి రికార్డులలో నమోదు చేయాలన్నారు. గ్రామంలో ప్రైవేటు భుముల సర్వే చేపట్టే తేదీని ముందుగానే రైతులకు తెలియజేయాలన్నారు. ఆయా కార్యక్రమాల్లో సర్వే ఏడీ నూకరాజు, తహసీల్దార్‌ హరికృష్ణ, డీటీ అజిత్‌, ఆర్‌ఐ వెంకటేశ్వర్‌రెడ్డి, ఎంఈఓ శ్రీనివాస్‌గౌడ్‌ తదితరులు పాల్గొన్నారు.

గద్వాల క్రైం: నడిగడ్డ సాగు, తాగునీటి వనరులకు ఆయువు పట్టుగా ఉన్న ప్రియదర్శిని జూరాల ప్రాజెక్ట్‌, జవహార్‌ నెట్టెంపాడు, తుమ్మిళ్ల ఎత్తిపోతల పథకాలు, రాజోళి బండ డైవర్షన్‌ స్కీం వంటి ప్రాజెక్టుల నిర్మాణ వ్యయం.. కాల్వల మరమ్మతు, టెండర్లు కోట్‌ చేసిన విలువైన ఫైళ్లు, రికార్డులు దగ్ధమైన సంఘటన జిల్లా ఇరిగేషన్‌ శాఖలో చోటుచేసుకుంది. మరోవైపు రూ.లక్ష విలువైన ప్రొజెక్టు సైతం మాయమైంది. ఈ విషయాలన్నీ ఎక్కడా బహిర్గతం కాకుండా సంబంధిత అధికారులు గోప్యంగా ఉంచడం జోగుళాంబ జిల్లాలో కలకలం రేపింది. ఈ క్రమంలో ఇరిగేషన్‌ కార్యాలయంలో అసలు ఏం జరుగుతుందోనన్న ఆందోళన, అనుమానాలు వ్యక్తమవుతున్నాయి. విచారణ చేపట్టాం.. ఇరిగేషన్‌ శాఖ కార్యాయలంలో జరిగిన సంఘటనపై ఆ శాఖ అధికారులు గురువారం ఫిర్యాదు చేశారు. రికార్డులు కాలిపోయిన వ్యవహారం మా దృష్టికి రాలేదు. ప్రొజెక్టర్‌ అపహరణపైనే విచారణ చేపడ్తున్నాం. క్లూస్‌ టీం బృందం అనుమానితుల ఫింగర్‌ ప్రింట్స్‌ సేకరించారు. పూర్తి వివరాలు త్వరలో వెల్లడిస్తాం. – శ్రీనివాసులు, పట్టణ ఎస్‌ఐ, గద్వాల జిల్లా ఇరిగేషన్‌ కార్యాలయంలో రికార్డులు దగ్ధం రూ.లక్ష విలువ గల ప్రొజెక్టర్‌ మాయం గోప్యంగా ఉంచడంపై రేకెత్తుతున్న అనుమానాలు పోలీసులకు ఫిర్యాదుతో వెలుగులోకి వచ్చిన వైనం అవినీతిని కప్పిపుచ్చేందుకు ఫైళ్ల దగ్ధం నాటకం?