Jogulamba District News

గద్వాల: ప్రభుత్వం వయోవృద్ధుల సంక్షేమంపై ప్రత్యేక దృష్టిసారించి.. అనేక పథకాలు అమలు చేస్తోందని కలెక్టర్‌ రిజ్వాన్‌ బాషా షేక్‌ అన్నారు. బుధవారం జిల్లా కేంద్రంలోని ఇండోర్‌ స్టేడియంలో మహిళా, శిశు, దివ్యాంగులు, వయోవృద్ధుల సంక్షేమశాఖ ఆధ్వర్యంలో యోగా కార్యక్రమం నిర్వహించారు. ఈ సందర్భంగా కలెక్టర్‌ మాట్లాడుతూ.. వయోవృద్ధులు ఆరోగ్య సంరక్షణ కోసం నిత్యం యోగా, నడకకు కొంత సమయం కేటాయించాలని సూచించారు. అలాగే పుస్తకాలు చదవడం, కుటుంబంతో సంతోషంగా గడపడం ద్వారా జీవిత చరమాంకాన్ని ఆనందంగా గడపవచ్చన్నారు. అనంతరం చేపట్టిన ర్యాలీని జిల్లా సంక్షేమ అధికారి సునందతో కలిసి కలెక్టర్‌ ప్రారంభించారు. అంతర్జాతీయస్థాయిలో రాణించాలి.. ప్రత్యేక అవసరాలు గల విద్యార్థులను క్రీడల్లో ప్రోత్సహిస్తే అంతర్జాతీయ స్ధాయిలో రాణిస్తారని కలెక్టర్‌ రిజ్వాన్‌ బాషా షేక్‌ అన్నారు. జిల్లా కేంద్రంలో దివ్యాంగ విద్యార్థులకు జిల్లాస్ధాయి క్రీడా పోటీలను ఆయన ప్రారంభించి మాట్లాడారు. చదువుతో పాటు క్రీడల్లో రాణించే దివ్యాంగులు పారాలింపిక్స్‌ వరకు వెళ్లి పతకాలు సాధించే అవకాశం ఉందన్నారు. పోటీల్లో పాల్గొన్న విద్యార్ధులందరికీ పార్టీసిపేషన్‌ సర్టిఫికెట్‌ అందజేయాలని నిర్వాహకులకు సూచించారు. అనంతరం స్టేడియంలో చేపట్టిన సింథటిక్‌ మ్యాట్‌, పెయింటింగ్స్‌ పనులను కలెక్టర్‌ పరిశీలించారు. కార్యక్రమాల్లో డీఈఓ విజయలక్ష్మి, రెడ్‌క్రాస్‌ సొసైటీ చైర్మన్‌ అయ్యప్పరెడ్డి పాల్గొన్నారు.

జిల్లాలో స్టెరాయిడ్‌ల వాడకం విచ్చలవిడిగా మారింది. ముఖ్యంగా కర్ణాటక సరిహద్దులో ఉన్న కేటీదొడ్డి, ధరూరు, గట్టు, అయిజ మండలాల్లోని కొన్ని గ్రామాల్లో యువత వైద్యుల సిఫార్సు లేకుండానే స్టెరాయిడ్స్‌ వాడుతున్నారు. చేతిరాళ్ల పోటీల్లో పాల్గొనే యువకులు ఎక్కువగా స్టెరాయిడ్స్‌కు బానిసగా మారుతున్నారు. స్టెరాయిడ్‌ను ఎక్కించుకుని అవలీలగా బరువులను ఎత్తుతుంటారు. మరికొందరు వీటి కారణంగా కుటుంబ సభ్యులపై దాడులకు పాల్పడుతున్న సంఘటనలు చోటు చేసుకుంటున్నాయి. డోస్‌ ఎక్కువై ప్రాణాలను పోగొట్టుకున్న సంఘటనలు లేకపోలేదు. నేరుగా ఇంటి వద్దకే.. కర్ణాటక నుంచి ఆన్‌లైన్‌ ద్వారా స్టెరాయిడ్స్‌ను నేరుగా ఇంటి వద్దకే తెప్పించుకుంటున్నారు. గ్రామీణ ప్రాంతాల్లో నిర్వహించే ఉర్సులు, జాతర్లు, ఊర దేవర్లు, ఇతర పండుగల సందర్భంలో నిర్వహించే చేతిరాళ్ల పోటీల్లో పాల్గొనే యువకులు స్టెరాయిడ్స్‌ను ఎక్కువగా వినియోగిస్తున్నట్లు తెలుస్తోంది. గ్రామాల్లో చేతిరాళ్లు ఎత్తే సాధన సందర్భంగా కొందరు యువకులు స్టెరాయిడ్స్‌ను శరీరానికి ఎక్కించుకొని.. ఆ మత్తు దిగే దాకా చేతిరాళ్లతో పోటీ పడుతుంటారు. ఎంతటి బరువునైనా అవలీలగా ఎత్తేస్తుంటారు. ఆన్‌లైన్‌ ద్వారా వచ్చే వాటిపై పెద్దగా నిఘా లేకపోవడంతో గ్రామాల్లోని యువత స్టెరాయిడ్స్‌ తెప్పించుకుని, సిరంజీల ద్వారా శరీరంలోకి ఎక్కించుకుంటున్నారు. ఆ తర్వాత సిరంజీలను ఎక్కడ పడితే అక్కడ పడేస్తుంటారు. ఇటీవల యల్లందొడ్డి గ్రామంలో స్టెరాయిడ్స్‌ను ఉపయోగించుకున్న తర్వాత సిరంజీలను పాఠశాల పరిసరాల్లో పడేయడంతో విద్యార్థులు, గ్రామస్తుల కాళ్లకు గుచ్చుకున్న సంఘటనలు వెలుగుచూశాయి. అవగాహన లేకపోవడంతో.. ఎంతో మంది యువకులు క్రమంగా మత్తుకు బానిసగా మారుతూ.. రోగాల బారిన పడుతున్నారు. స్టెరాయిడ్స్‌ వాడడం వలన కలిగే అనర్థాలపై గ్రామీణ ప్రాంతాల వారికి అవగాహన లేకపోవడంతో వీటిని విచ్చలవిడిగా వినియోగిస్తున్నారు. ఈ క్రమంలో వైద్యులు, పోలీసులు సంయుక్తంగా స్టెరాయిడ్స్‌ వాడకం వలన కలిగే దుష్ప్రభావాల గురించి అవగాహన కల్పించాల్సిన అవసరం ఉంది. ఇదిలాగే కొనసాగితే పరిస్థితి మరోలా మారే ప్రమాదం లేకపోలేదని గ్రామీణ ప్రాంతాల ప్రజలు తీవ్ర ఆందోళన చెందుతున్నారు. అవగాహన కల్పిస్తాం.. ఏ మందులు వాడాల్సి వచ్చినా వైద్యుల సూచన మేరకే ఉండాలి. ఇష్టం వచ్చినట్లు మందులు వాడితే మేలు కంటే కీడే ఎక్కువ జరుగుతుంది. గ్రామీణ ప్రాంతాల్లోని యువకులు బల ప్రదర్శనకు ముందు స్టెరాయిడ్స్‌ వాడడం వలన తాత్కాలికంగా వారిలో ఉత్తేజం కలిగినా.. దీర్ఘకాలింగా శరీర ప్రధాన అవయవాలు (కాళ్లు, చేతులు) పని చేయకుండా పోయే ప్రమాదం పొంచి ఉంటుంది. ఇతర అవయవాలపై కూడా ప్రభావం చూపిస్తుంది. వీటిని వాడకుండా వైద్య బృందం చేత గ్రామాల్లో అవగాహన కల్పించేలా చర్యలు తీసుకుంటాం. మెడికల్‌ దుకాణాలు, గ్రామీణ వైద్యశాలలు నిర్వహించే చోట తనిఖీలు చేపడుతాం. అక్రమంగా స్టెరాయిడ్స్‌ నిల్వ చేసినా.. డాక్టర్‌ ప్రిస్కిప్షన్‌ లేకుండా విక్రయించిన వారిపై చర్యలు తీసుకుంటాం. – సంధ్యాకిరణ్మయి, డీఎంహెచ్‌ఓ విచారణ జరుపుతున్నాం.. జిల్లాలో గ్రామీణ ప్రాంతాల్లో స్టెరాయిడ్స్‌ వాడకం యువతకు అలవాటుగా మారింది. దీనిపై ఇప్పటికే పోలీసులు దృష్టిసారించారు. స్టెరాయిడ్స్‌ ఎక్కడ నుంచి సరఫరా చేస్తున్నారనే దానిపై నిఘా పెట్టి విచారణ జరుపుతున్నాం. యల్లందొడ్డి గ్రామ పాఠశాల ఆవరణలో స్టెరాయిడ్స్‌ వాడి పారేసిన సిరంజీల విషయం మా దృష్టికి రావడంతో గ్రామానికి వెళ్లి యువకులకు అవగాహన కల్పించాం. చట్ట వ్యతిరేక పనులకు పాల్పడే వారిపై కఠినంగానే వ్యవహరిస్తాం. మత్తు పదార్థాలకు వ్యతిరేకంగా ఇప్పటికే ఎస్పీ ఆదేశాల మేరకు జిల్లావ్యాప్తంగా పోలీస్‌ కళా బృందం చేత గ్రామాల్లో అవగాహన కార్యక్రమాలు నిర్వహిస్తున్నాం. – మొగులయ్య, డీఎస్పీ, గద్వాల జిల్లాలో విచ్చలవిడిగాస్టెరాయిడ్ల వాడకం కర్ణాటక నుంచి ఆన్‌లైన్‌లో దిగుమతి సరిహద్దు గ్రామాల్లో మరింత ఎక్కువగా వినియోగం ఎక్కడ పడితే అక్కడ నీడిల్‌, సిరంజీలు పారబోత ఆదిలోనే అరికట్టకపోతే భవిష్యత్‌లో పెను విపత్తు

అలంపూర్‌: రాష్ట్ర సరిహద్దులో అక్రమ రవాణాకు అవకాశం లేకుండా పటిష్ట నిఘా ఉంచాలని ఎస్పీ శ్రీనివాసరావు సూచించారు. బుధవారం అలంపూర్‌ పోలీస్‌స్టేషన్‌ తనిఖీ చేశారు. ముందుగా స్థానిక పోలీసుల నుంచి గౌరవ వందనం స్వీకరించారు. అనంతరం స్టేషన్‌ పరిసరాలు, రికార్డుల నిర్వహణ, యూనిఫామ్‌ టర్న్‌ ఔట్‌, సిబ్బంది కిట్‌ ఆర్టికల్స్‌, బ్యారక్స్‌ పరిశీలించారు. ఈ సందర్భంగా ఎస్పీ మాట్లాడుతూ.. ఫిర్యాదుదారుల నుంచి వచ్చే సానుకూల స్పందనే పోలీస్‌ పనితీరుకు నిదర్శనంగా నిలుస్తుందన్నారు. స్టేషన్‌కు వచ్చే ప్రజలతో మర్యాదగా వ్యవహరించడంతో పాటు ప్రతి ఫిర్యాదును ఆన్‌లైన్‌లో నమోదు చేయాలని ఆదేశించారు. ప్రతి కేసులో నాణ్యమైన దర్యాప్తు చేపట్టాలని తెలిపారు. ఆస్తి సంబంధిత, అధిక నేరాలు జరిగే ప్రాంతాలను బ్లాక్‌ స్పాట్స్‌గా గుర్తించాలన్నారు. బీట్‌ డ్యూటీల ద్వారా నిఘా కట్టుదిట్టం చేయాలన్నారు. రాష్ట్ర సరిహద్దు పోలీస్‌స్టేషన్‌ చెక్‌పోస్టుల వద్ద అక్రమ రవాణాకు అడ్డుకట్ట వేయాలన్నారు. విలేజ్‌ పోలీస్‌ అధికారులు గ్రామాలపై పూర్తి అవగాహన కలిగి ఉండాలని సూచించారు. రౌడీ షీటర్స్‌, అనుమానితులపై నిఘా ఉంచడంతో పాటు గ్రామీణ ప్రజలతో మమేకం కావాలన్నారు. నేరాల నియంత్రణ, కేసుల దర్యాప్తుకు కీలకంగా ఉండే సీసీ కెమెరాల ప్రాధాన్యతను ప్రజలకు వివరించాలన్నారు. బ్లూకోల్ట్‌ సిబ్బంది ప్రతి పాయింట్‌ను తనిఖీ చేయాలన్నారు. స్టేషన్‌ రికార్డులు పార్ట్‌–1, 5 పెండింగ్‌ లేకుండా చూడాలన్నారు. రోడ్డు ప్రమాదాలు, సైబర్‌ నేరాల నియంత్రణకు పాఠశాలలు, కళాశాలలు, పని ప్రదేశాల్లో కమ్యూనిటీ పోలీసింగ్‌ ద్వారా అవగాహన కల్పించాలని సూచించారు. అలాగే నిత్యం వాహనాల తనిఖీ చేప ట్టాలని ఆదేశించారు. డయల్‌–112 కాల్స్‌కు సత్వ రం స్పందించాలని తెలిపారు. అలంపూర్‌ క్షేత్రానికి వచ్చే భక్తులకు అసౌకర్యం కలుగకుండా ట్రాఫిక్‌, పార్కింగ్‌, భద్రతపై ప్రత్యేక దృష్టిసారించాలని సూచించారు. ఎస్పీ వెంట డీఎస్పీ మొగిలయ్య, సీఐ ప్రదీప్‌, ఎస్‌ఐ రామకృష్ణ ఉన్నారు.

గద్వాల న్యూటౌన్‌: క్రీడల్లో గెలుపోటమలు సహజమని, ప్రతి క్రీడాకారుడు క్రీడాస్ఫూర్తిని అలవర్చుకోవాలని జిల్లా హకీ అసోసియేషన్‌ అధ్యక్షుడు త్యాగరాజు అన్నారు. స్థానిక నల్ల సోమనాద్రి స్టేడియంలో బుధవారం ఎస్‌జీఎఫ్‌ఏ ఉమ్మడి జిల్లా స్థాయి అండర్‌ –17 హకీ టోర్నమెంట్‌ను ఆయన ప్రారంభించారు. టోర్నీలో గద్వాల జిల్లాతో పాటు వనపర్తి, మహబూబ్‌నగర్‌, నాగర్‌కర్నూల్‌ నుంచి సుమారు 100 మంది క్రీడాకారులు పాల్లొన్నారు. ఈసందర్భంగా ఏర్పాటు చేసిన సమావేశంలో ఆయయన మాట్లాడారు. ఓటమిని నిరుత్సాహంగా భావించకుండా, మరింత పట్టుదలతో ముందుకు సాగాలని క్రీడాకారులకు సూచించారు. ప్రతిభ కల్గిన క్రీడాకారులను గుర్తించి, వారి భవిష్యత్‌కు ఉపయోగపడే విధంగా నిష్పక్షపాతంగా ఎంపికలు చేపట్టాలని సెలక్షన్‌ కమీటీకి సూచించారు. క్రీడాకారులు ఆటపై పూర్తి శ్రద్ధ పెట్టడంతో పాటు క్రమశిక్షణ పాటించాలన్నారు. గాయాలు కాకుండా తగిన జాగ్రత్తలు తీసుకోవాలన్నారు. ఈ టోర్నీ ద్వారా ప్రతిభావంతులైన క్రీడాకారులను గుర్తించి వారికి భవిష్యత్‌లో ఉన్నత స్థాయి పోటీల్లో అవకాశాలు కల్పించేందుకు నిర్వాహకులు కృషి చేయాలన్నారు. కార్యక్రమంలో అసోసియేషన్‌ సెక్రటరీ ఆనంద్‌కుమార్‌, పీడీ నాగేష్‌ పాల్గొన్నారు.

నాగర్‌కర్నూల్‌: సన్నబియ్యం ధరలకు రెక్కలొచ్చాయి. పది నెలల్లో క్వింటాకు రూ. 2,500 వరకు అధికం కాగా.. రెండు నెలల్లో మాత్రం రూ. 1,700 పెరిగింది. ఎల్‌నినో ప్రభావంతో వరిసాగు విస్తీర్ణం తక్కువగా ఉందని.. ఆశించినంత దిగుబడి రాకపోవచ్చనని వ్యాపారులు అంచనా వేసి ధరలు పెంచేశారు. ఇటీవల కొన్ని రైస్‌మిల్లులు మూతపడటాన్ని కూడా వ్యాపారులు తమకు అనుకూలంగా మార్చుకున్నారు. బియ్యం కృత్రిమ కొరత సృష్టించి, అధిక ధరలతో సొమ్ము చేసుకుంటున్నారనే మిమర్శలు ఉన్నాయి. బియ్యం ధరల పెరుగుదలతో ఉమ్మడి జిల్లాలోనే రోజు రూ.15 లక్షలకు పైగా ప్రజలపై అదనపు భారం పడుతోంది. రేషన్‌ లబ్ధిదారులకు ప్రభుత్వం ఉచితంగా బియ్యం ఇస్తుండటం కొంత ఉపశమనం కలిగిస్తుండగా.. ఇతర వర్గాలపై బియ్యం ధరల ప్రభావం బాగానే ఉంది. వానాకాలం వరికోతలు ప్రారంభమైతే కొంత మేర ధరలు తగ్గే అవకాశం ఉంది. ఇతర రాష్ట్రాలకు ఎగుమతి.. తెలంగాణలో పండే సన్నబియ్యం (ఆర్‌ఎన్‌ఆర్‌) రకానికి మంచి డిమాండ్‌ ఉంది. ప్రధానంగా పాలమూరులో ఆర్‌ఎన్‌ఆర్‌ సాగుకు మంచి పేరుంది. ఇక్కడ పండే పంట ఇతర రాష్ట్రాలకు ఎగుమతి అవుతుంది. ప్రధానంగా కర్ణాటక రాష్ట్రానికి ఇక్కడి నుంచి ఎక్కువగా ఈ రకం బియ్యాన్ని వ్యాపారులు ఎగుమతి చేస్తుంటారు. దీంతో ఇక్కడ సన్నబియ్యానికి డిమాండ్‌ ఏర్పడి, రేట్లు పెంచారనే ఆరోపణలు ఉన్నాయి. హైదరాబాద్‌, మిర్యాలగూడ ప్రాంత వ్యాపారుల ఆజమాయిషీలోనే బియ్యం రేట్ల నిర్ణయం ఉంటుందని తెలుస్తోంది. కారణాలు అనేకం.. వానాకాలంలో వరిసాగు చాలా తక్కువగా ఉంది. ఉన్న పంటకు సైతం కరెంటు కోతలు, నీటి సమస్యలతో ఆశించిన దిగుబడి వచ్చే అవకాశాలు లేవు. ఉమ్మడి జిల్లాలో దాదాపు 6 లక్షల ఎకరాల్లో వరిసాగు అంచనా కాగా.. కాల్వలకు నీరు రావడంతో 4 లక్షల ఎకరాల్లో మాత్రమే సాగైంది. అయితే వర్షాభావం, కేఎల్‌ఐ కాల్వలకు నీటి విడుదలలో అంతరాయం, కరెంటు కోతలతో పంట దిగుబడి తగ్గే పరిస్థితి ఏర్పడింది. దీంతో బియ్యం కొరత ఉంటుందనే అంచనాతో వ్యాపారులు ధరలు పెంచారు. ● ప్రభుత్వం రేషన్‌ దుకాణాలు, వసతి గృహాలు, పాఠశాలలు, కళాశాలలకు సన్నబియ్యం సరఫరా చేస్తోంది. సన్న వడ్లను సీఎంఆర్‌ కోసం మిల్లర్లు కొనుగోలు చేయడంతో మార్కెట్‌లో నిల్వలు తగ్గాయి. ఫలితంగా కొరత పెరిగి ధరలు పెరిగాయని వ్యాపారులు చెబుతున్నారు. ప్రజలపై రూ.లక్షల్లో భారం.. ఉమ్మడి జిల్లాలో రోజుకు 1,400–1,600 క్వింటాళ్ల బియ్యం విక్రయమవుతోంది. క్వింటాకు రూ.1,000 పెరిగితే రోజుకు సుమారు రూ. 15లక్షలకు పైగా అ దనపు భారం ప్రజలపై పడుతోంది. ధరల పెరుగుదలతో హోటళ్లలోనూ ధరలు పెరిగాయి. పది నెలల్లో పెరుగుదల ఇలా.. పది నెలలుగా సన్నబియ్యం ధరలను పరిశీలిస్తే, ప్రజల గుండె గుభేలుమంటోంది. గతేడాది నవంబర్‌లో కింటా బియ్యం ధర రూ. 4,400 ఉండగా.. ప్రస్తుతం రూ. 6,400 నుంచి రూ. 6,600 వరకు విక్రయిస్తున్నారు. అయితే మార్చి నుంచి ధరల పెరుగుదల ప్రారంభమైంది. ఫిబ్రవరి వరకు రూ. 4,600 ఉండగా.. ఏప్రిల్‌లో ఏకంగా క్వింటాకు రూ. 300 పెరిగి, రూ. 4,900కి విక్రయించారు. మే నుంచి జూలై వరకు రూ.200 పెరుగుకుంటూ వచ్చింది. జూలైలో రూ. 5,500 ఉండగా.. ఆగస్టులో చివ రి వారంలో రూ. 6,300కు చేరింది. సెప్టెంబర్‌ లో రూ. 7వేల ధర పలుకుతోంది. ఈ రేట్లు కేవ లం హోల్‌సెల్‌ వ్యాపారులకు మాత్రమే. వారికి హమాలీ, రవాణా ఖర్చుతో క్వింటాకు మరో రూ. 200 వరకు పెరుగుతుంది. ఈ లెక్కన ప్రజలకు రూ. 7,100 నుంచి రూ.7,300 వరకు బియ్యం విక్రయిస్తున్నారు. 10 నెలల్లోనే క్వింటాకు రూ.2,500 దాక పెంపు గతేడాది ఇదే నెలలో రూ 4,500 ధర.. ప్రస్తుతం రూ.7,100కు విక్రయం ఉమ్మడి జిల్లా ప్రజలపై రోజు రూ.15లక్షలకు పైగా భారం ఎల్‌నినో ప్రభావంతో వరిసాగు విస్తీర్ణం తగ్గడమే కారణం

గద్వాలన్యూటౌన్‌: క్రీడలతో మానసిక వికాసం, శారీరక దారుఢ్యం పెంపొందుతాయని అడిషనల్‌ కలెక్టర్‌ నర్సింగ్‌రావు అన్నారు. బుధవారం స్థానిక ఇండోర్‌ స్టేడియంలో పీఎంశ్రీ పాఠశాలల ఆధ్వర్యంలో సీడబ్ల్యూఎస్‌ఎన్‌ విద్యార్థులకు క్రీడా పోటీలు నిర్వహించారు. అండర్‌–14, 17 విభాగాల్లో బాలబాలికలకు 50 మీ. 100 మీ. పరుగుపందెం, క్యారమ్స్‌, చెస్‌, లాంగ్‌జంప్‌, ఫ్రాగ్‌ జంప్‌, షాట్‌ఫుట్‌, జిగ్‌జాగ్‌ రన్‌ తదితర పోటీలు నిర్వహించగా.. జిల్లాలోని వివిధ పాఠశాలలకు చెందిన 129 మంది విద్యార్థులు ఉత్సాహంగా పాల్గొని ప్రతిభ చాటారు. ఈ సందర్భంగా అడిషనల్‌ కలెక్టర్‌ మాట్లాడుతూ.. సీడబ్ల్యూఎస్‌ఎన్‌ విద్యా ర్థుల్లో దాగి ఉన్న క్రీడా ప్రతిభను వెలికి తీయ డంతో పాటు ఆత్మవిశ్వాసం, స్వయం ప్రతిభ, క్రమశిక్షణ, క్రీడాస్ఫూర్తిని పెంపొందించడమే పోటీల ప్రధాన ఉద్దేశమన్నారు. క్రీడల్లో విజ యం సాధించడం కంటే.. ప్రయత్నించడం, ప్రతిభను ప్రదర్శించడం ముఖ్యమని తెలిపారు. అనంతరం పోటీల్లో గెలుపొందిన క్రీడాకారులకు సర్టిఫికెట్లు, మెమోంటోలను ప్రదా నం చేశారు. కార్యక్రమంలో డీఈఓ విజయలక్ష్మి, వ్యాయామ ఉపాధ్యాయులు పాల్గొన్నారు. వాడీవేడిగా మున్సిపల్‌ కౌన్సిల్‌ సమావేశం గద్వాల: గద్వాల మున్సిపల్‌ కౌన్సిల్‌ సమావేశం వాడీవేడిగా జరిగింది. బుధవారం చైర్‌పర్సన్‌ జయలక్ష్మి అధ్యక్షతన నిర్వహించిన సమావేశంలో నిధుల దుర్వినియోగం, పదిశాతం స్థలాల ఆక్రమణపై దుమారం రేగింది. సమావేశం ప్రారంభమైన వెంటనే కౌన్సిలర్‌ రామలింగేశ్వర్‌ కామ్లే మాట్లాడుతూ.. భీంనగర్‌లోని పదిశాతం స్థలం ఉన్న సర్వేనం. 453పై కోర్టు స్టే ఉందని అంటున్నారని, ఆ పక్కనే ఉన్న 454పై ఎలాంటి స్టే లేదని, అక్కడ ఇంటి నిర్మాణం చేస్తున్నా ఎందుకు ఆపడం లేదని కమిషనర్‌ను ప్రశ్నించారు. సర్వేనం. 56/68లోని పదిశాతం స్థలం కూడా అన్యాక్రాంతమయ్యే పరిస్థితి ఉందని ఆయన ఆందోళన వ్యక్తంచేశారు. అలాగే మున్సిపల్‌ ఖాతాలో జమ చేయకుండా దుర్వినియోగమైన రూ. 11.28లక్షలపై సుదీర్ఘంగా చర్చ జరిగింది. దీనిపై బీజేపీ కౌన్సిలర్లు రామాంజనేయులు, కుమ్మరి శ్రీనివాసులు మాట్లాడుతూ.. వసూలు చేసిన దుకాణాల అద్దె డబ్బులను ఎప్పటికప్పుడు ఖాతాలో ఎందుకు జమ చేయలేదని కమిషనర్‌ను ప్రశ్నించారు. సరైన పర్యవేక్షణ లేకపోవడంతోనే నిధుల దుర్వినియోగం జరిగిందని ఆరోపించారు. ఇందుకు బాధ్యులుగా ముగ్గురు ఉద్యోగులను సస్పెండ్‌ చేసి చేతులు దులుపుకోవడం సరైంది కాదన్నారు. సమగ్ర విచారణ జరిపించాలని డిమాండ్‌ చేశారు. ఖాతాలో నిధులు జమచేసే విషయంలో కమిషనర్‌ నిర్లక్ష్యంగా వ్యవహరించారని.. ఆయనపై కూడా చర్యలు తీసుకోవాల ని పలువురు బీఆర్‌ఎస్‌ కౌన్సిలర్లు అన్నారు. సమావేశంలో వైస్‌చైర్మన్‌ శంకర్‌, కమిషనర్‌ జానకీ రాంసాగర్‌ ఉన్నారు.

మహబూబ్‌నగర్‌ ఎడ్యుకేషన్‌: ఉమ్మడి మహబూబ్‌నగర్‌ జిల్లా వ్యాప్తంగా ఎస్‌ఏ–1 (సమ్మేటివ్‌ అసెస్‌మెంట్‌) పరీక్షలు నేటి నుంచి(గురువారం) ప్రారంభం కానున్నాయి. ప్రాథమిక స్థాయి నుంచి ఉన్నత పాఠశాలల వరకు విద్యార్థులకు పరీక్షలు నిర్వహించనున్నారు. తొలిసారిగా పరీక్షల జవాబు పత్రాలను మండల విద్యావనరుల కేంద్రాల్లో (ఎమ్మార్సీ) మూల్యాంకనం చేయనున్నారు. ప్రభుత్వ, ప్రైవేటు పాఠశాలలకు ప్రశ్నాపత్రాలను ఎమ్మార్సీల నుంచే పంపించనున్నారు. పరీక్షలు పూర్తయిన అనంతరం జవాబు పత్రాలను తిరిగి ఎమ్మార్సీలకు తరలించి మూల్యాంకనం చేపడతారు. ప్రాథమిక స్థాయి జవాబు పత్రానికి రూ.2, హైస్కూల్‌ స్థాయికి రూ.3 చొప్పున పారితోషికం చెల్లించనున్నారు. ఉమ్మడి జిల్లాలో 2,200 ప్రభుత్వ పాఠశాలల్లో 1.80 లక్షల మంది, 1,230 ప్రైవేటు పాఠశాలల్లో 1.10 లక్షల మంది విద్యార్థులు చదువుతున్నారు. మొత్తంగా 2.90 లక్షల మంది పరీక్షలకు హాజరుకానున్నారు. మూల్యాంకనం అనంతరం మార్కులను నమోదు చేసి, ప్రక్రియను అధికారులు పర్యవేక్షించనున్నారు. కాగా.. దీనిపై ఉపాధ్యాయసంఘాల నుంచి కొంత వ్యతిరేకత రావడంతో బుధవారం రాత్రి మూల్యాంకనానికి సంబంధించిన నిబంధనలు మార్చారు. రాష్ట్రంలోని అన్ని జిల్లాల్లో తొమ్మిదో తరగతి విద్యార్థుల జవాబు పత్రాలను మూల్యాంకనం చేయనున్నారు. ఆరో తరగతి విద్యార్థుల జవాబు పత్రాల మూల్యాంకన కూడా ఎమ్మార్సీలో మూల్యాంకనం చేయాల్సి ఉన్నా.. కేవలం తొమ్మిది జిల్లాలను మాత్రమే ఎంపిక చేస్తూ రాష్ట్ర పాఠశాల విద్యా మరియు సమగ్ర శిక్షా డైరెక్టర్‌ జారీ చేసిన ఉత్తర్వులు జారీ చేసింది. ఇందులో ఉమ్మడి పాలమూరు జిల్లాలకు మినహాయింపు ఇచ్చారు. ప్రైవేటు బడుల్లో అనుమానాలు ప్రైవేటు పాఠశాలల్లో అధిక శాతం యాజమాన్యాలు ప్రభుత్వ సిలబస్‌కు అనుగుణంగా బోధన సాగించడం లేదన్న ఆరోపణలు ఉన్నాయి. సొంత సిలబస్‌, పుస్తకాలను అమలు చేస్తున్న నేపథ్యంలో ప్రభుత్వం రూపొందించిన ప్రశ్నాపత్రాలతో పరీక్షలు నిర్వహిస్తారా అనే సందేహాలు వ్యక్తమవుతున్నాయి. గతంలో కొన్ని పాఠశాలల్లో ప్రశ్నాపత్రాలను ముందుగానే విద్యార్థులకు ఇచ్చి జవాబులు రాసుకుని రావాలని సూచించారన్న ఆరోపణలు కూడా ఉన్నాయి. కొత్త మూల్యాంకన విధానంతో ఇలాంటి అక్రమాలకు అడ్డుకట్ట పడుతుందా అనే చర్చ జరుగుతోంది. ప్రభుత్వ ప్రశ్నాపత్రాలతోనే పరీక్షలు సమ్మేటివ్‌ అసెస్‌మెంట్‌ పరీక్షలకు తొలిసారిగా జవాబు పత్రాల మూల్యాంకన విధానాన్ని అమలు చేస్తున్నాం. పరీక్షలు పూర్తయ్యాక తొమ్మిదో తరగతికి చెందిన విద్యార్థుల జవాబు పత్రాలను ఎమ్మార్సీలకు తరలించి అక్కడే మూల్యాంకనం చేపడతాం. ప్రభుత్వం పంపించిన ప్రశ్నాపత్రాల ఆధారంగానే పాఠశాలలు పరీక్షలు నిర్వహించాలి. నిబంధనలకు విరుద్ధంగా వ్యవహరిస్తే చర్యలు తీసుకుంటాం. – విజయకుమారి, డీఈఓ, మహబూబ్‌నగర్‌ తొలిసారి ఎమ్మార్సీల్లో 9వ తరగతి జవాబు పత్రాల మూల్యాంకనం ప్రక్రియను పరిశీలించనున్న అధికారులు.. మార్కుల నమోదు ప్రభుత్వ సిలబస్‌ను పట్టించుకోని ప్రైవేటు యాజమాన్యాలు

20ఏళ్ల నుంచి బియ్యం వ్యాపారం చేస్తున్నా. ఈ విధంగా ధరల పెంపు ఎప్పుడు చూడలేదు. గతంలో ప్రతినెలా క్వింటాపై రూ.100 పెరిగేది. ఈ స్థాయిలో పెరగడం ఇదే మొదటి సారి. బియ్యం కొనుగోలు చేసేవారు చాలా ఇబ్బంది పడుతున్నారు. ఇక్కడ పండే సన్నరకం ధాన్యాన్ని ఇతర రాష్ట్రాలకు ఎగుమతి చేయకుండా ఉంటే కొంతమేర రేట్లు తగ్గే అవకాశం ఉంది. – గుబ్బ ఈశ్వర్‌, బియ్యం వ్యాపారి, కల్వకుర్తి ధరలు తగ్గించాలి.. కొన్ని రోజుల నుంచి బియ్యం రేట్లు విపరీతంగా పెరిగాయి. కిలో రూ. 60 నుంచి రూ. 70 వరకు అమ్ముతున్నారు. మధ్యతరగతి కుటుంబాలు కొనుగోలుచేసే పరిస్థితి లేదు. వాటితో పాటు నిత్యావసరాల ధరలు కూడా విపరీతంగా పెరిగాయి. సామాన్యులు చాలా ఇబ్బందులు పడుతున్నారు. ప్రభుత్వం స్పందించి ధరలు తగ్గించాలి. – పరమేశ్వర్‌, నాగర్‌కర్నూల్‌ ●

గద్వాల క్రైం: యువత భవిష్యత్‌, సంరక్షణ మన చేతుల్లోనే ఉందని ఈగల్‌ ఫోర్స్‌ విభాగ అధికారి పీవీ పద్మజ, ఎస్పీ శ్రీనివాసరావు అన్నారు. మంగళవారం ఎస్పీ కార్యాలయంలో మాదకద్రవ్యాల అంశాలపై నిర్వహించిన సమావేశంలో వారు పాల్గొని మాట్లాడారు. మత్తు పదార్థాల వినియోగం, అక్రమ రవాణాను కట్టడి చేసేందుకు ప్రతిఒక్కరు కృషిచేయాలన్నారు. జిల్లావ్యాప్తంగా నమోదైన గంజాయి కేసులు, సరఫరా చేసిన నిందితుల వివరాలపై ఆరా తీశారు. మత్తు వ్యసనాలకు బానిసలైన వారిని గుర్తించి వారిలో మార్పునకు తీసుకున్న చర్యలు, అవసరమైన చర్యలను ప్రత్యేకంగా అడిగి తెలుసుకున్నారు. రెండు రాష్ట్రాలకు సరిహద్దు కావడం, కొందరు వ్యవసాయేత భూములలో గంజాయి సాగు చేయడం, వారికి ఎక్కడి నుంచి విత్తనాలు సరఫరా అయ్యాయి.. పోలీసులు తీసుకున్న చర్యలపై వాకబు చేశారు. డ్రగ్స్‌ సమస్యను కేవలం పోలీసింగ్‌ అంశంగా కాకుండా భవిష్యత్‌ తరాల భద్రతకు సంబంధించిన సామాజిక బాధ్యతగా చూడాలన్నారు. యువత, విద్యార్థులు మాదకద్రవ్యాల బారిన పడకుండా విద్యాసంస్థలు, కుటుంబ సభ్యులు, స్వచ్ఛంద సంస్థల ప్రతినిధులు సంయుక్తంగా పనిచేయాలన్నారు. ప్రజల్లో చైతన్యం వచ్చేలా అవగాహన కార్యక్రమాలు నిర్వహించాలన్నారు. మత్తు పదార్థాల కట్టడికి ఈగల్‌ ఫోర్స్‌ రాష్ట్రవ్యాప్తంగా పని చేస్తుందని, వివిధ అంశాలను సిబ్బందితో వారు తెలుసుకున్నారు. సమావేశంలో డీఎస్పీ మొగిలయ్య, సీఐలు శ్రీను, ప్రదీప్‌కుమార్‌ తదితరులు పాల్గొన్నారు.

ఇటీవల జూరాల ఆయకట్టు రైతులు నీటి కోసం ఎందుకు ఆందోళనలకు దిగాల్సి వచ్చిందో పాలకులు, ప్రతిపక్షాలు గ్రహించాలి. ఎల్‌నినో, వర్షాభావం వల్ల అని భావించినా.. నీటి నిర్వహణ, ప్రాజెక్ట్‌లు, రిజర్వాయర్ల నిర్మాణంలో నిర్లక్ష్యం, ప్రభుత్వాల బాధ్యతారాహిత్యమే ప్రధానం కారణాలు. స్వరాష్ట్రంలో 12 ఏళ్లు గడిచినా పాలమూరు–రంగారెడ్డి ప్రాజెక్ట్‌ పూర్తికాకపోవడం విచారకరం. ఇప్పటికే రాంగ్‌ ఇంజినీరింగ్‌తో సమస్యలు ఎదుర్కొంటున్నాం. జిల్లా రైతులకు మేలు చేసేలా ప్రాజెక్ట్‌లు, రిజర్వాయర్ల నిర్మాణంలో వేగం పెంచాలి. – రాజేందర్‌రెడ్డి, ఉమ్మడి జిల్లా పెండింగ్‌ ప్రాజెక్టుల సాధన జేఏసీ చైర్మన్‌

అధికారం మనదే.. బీసీ రాజ్యాధికారాన్ని సాధించడమే తెలంగాణ రాజ్యాధికార పార్టీ లక్ష్యమని అధినేత, ఎమ్మెల్సీ తీన్మార్‌ మల్లన్న అన్నారు. వాతావరణం ఉదయం ఆకాశం మేఘావృత్తమై ఉంటుంది. మధ్యాహ్నం ఎండగా ఉంటుంది. సాయంత్రం వర్షం పడే అవకాశం ఉంది. –8లో uగద్వాల: గద్వాల మున్సిపాలిటీ అంటేనే ఆది నుంచి అక్రమాలకు నెలవు. ఇక్కడ అధికారం ఉన్నోడిదే రాజ్యం. వారు చెప్పిందే శాసనం. ఇదే అదునుగా కొందరు అధికారులు, ఔట్‌సోర్సింగ్‌ సిబ్బంది ఆడిందే ఆట.. పాడిందే పాట అన్న తరహాలో సాగుతుంది. ఈ క్రమంలోనే కొందరు అధికారులు, సిబ్బంది అవినీతిని ఒంటబట్టించుకుని వసూళ్లకు తెగబడుతున్నారు. సాధారణంగా మున్సిపాలిటీలకు షాపుల అద్దె, పన్నులు (ఇంటి, నీటి) వంటివి ప్రధాన ఆదాయవనరు. వీటిని వసూలు చేసే రెవెన్యూ సెక్షన్‌లో కీలకంగా పనిచేస్తున్న ఓ అధికారి లంచావతారం ఎత్తాడు. ఏకంగా ఓ ఇంటికి నంబర్‌ కేటాయించడానికి రూ.3 లక్షలు వసూలు చేశాడంటే సదరు అధికారి వసూళ్ల తీవ్రతను స్పష్టం చేస్తుంది. సందులో సడేమియా అన్నతరహాలో కిందిస్థాయి ఉద్యోగులు, ఔట్‌సోర్సింగ్‌ సిబ్బంది సైతం దోచేస్తూ జల్సాలు చేస్తున్నారు. ఇలా అప్పనంగా వచ్చిన డబ్బుతో బెట్టింగ్‌లు, పేకాట వంటి జల్సాలకు పాల్పడుతున్నారు. ఈ క్రమంలోనే తాజాగా రెవెన్యూ వసూళ్లలో రూ.11.50 లక్షలు దోచేశారని బయటకు పొక్కడం, ఇందులో అసలు దోషులు పక్కకు తప్పుకుని కిందిస్థాయి ఔట్‌సోర్సింగ్‌ ఉద్యోగిని బలి చేశారనే ప్రచారం వినిపిస్తుంది. ఇదిలా ఉండగానే మున్సిపాలిటీలో పనిచేస్తున్న ఓ జూనియర్‌ అసిస్టెంట్‌ ఉద్యోగి తాను సొంతానికి వాడుకున్న రూ.10 లక్షలు గుట్టుచప్పుడు కాకుండా రెండు రోజుల కిందట మున్సిపల్‌ ఖాతాలో జమచేయగా, మరో ఉద్యోగి తాను వాడుకున్న డబ్బులో తనకున్న సొంత ద్విచక్రవాహనాన్ని విక్రయించి రూ.50 వేలు జమ చేసి నట్లు తెలిసింది. ఈ క్రమంలో గద్వాల మున్సిపాలిటీలో జరుగుతున్న అక్రమాలు అటు ఉన్నతాధికారులకు కనిపించడం లేదా.. కనిపిస్తే ఎవరికి బెదిరిపోయి మౌనంగా ఉంటున్నారనే ప్రశ్న తలెత్తుతోంది. అక్రమాలకు పుట్ట రెవెన్యూ సెక్షన్‌.. గద్వాల మున్సిపాలిటీకి నెలకు రూ.కోట్లలో ఆదాయం వస్తుంది. ఇది గ్రహించిన రెవెన్యూ సెక్షన్‌లో కీలక అధికారి తనకున్న రాజకీయ పలుకుబడితో చక్రం తిప్పి గత కౌన్సిల్‌లో అయిజ నుంచి గద్వాలకు బదిలీపై వచ్చాడు. అప్పటి నుంచి రోజువారిగా టార్గెట్‌ పెట్టుకుని మరీ ప్రతి పనికి ఓ రేటు ఫిక్స్‌ చేసి వసూళ్లకు తెగబడుతున్నట్లు సమాచారం. ఇదే క్రమంలో ఓ ఇంటికి నంబర్‌ కేటాయింపులో రూ.3 లక్షలు వసూలు చేసినట్లు తెలుసుకున్న మున్సిపల్‌ ముఖ్య నేత భర్త తీవ్ర ఆగ్రహం వ్యక్తం చేస్తూ ఇలాంటి పనులు చేస్తే సహించేది లేదని బదిలీ చేసుకుని వెళ్లాలని హెచ్చరించినట్లు సమాచారం. దీనికి ఇటీవల మున్సిపాలిటీకి పన్నుల రూపంలో వచ్చే డబ్బులలో రూ.11 లక్షలు పక్కదారి పట్టినట్లు వెలుగుచూసిన ఘటనే ఇందుకు ప్రత్యక్ష నిదర్శనం. వాస్తవానికి పన్నులు వసూలు చేసేందుకు రెండు విధానాలు పాటిస్తుంటారు. పన్నులు వసూలు చేసేందుకు మిషన్లు, రసీదు పుస్తకాలను వినియోగిస్తుంటారు. రోజువారిగా వసూలు చేసిన పన్ను డబ్బులను ఏరోజుకారోజు మున్సిపల్‌ సాధారణ ఖాతాలో జమచేయాలి. మిషన్లు, రసీదుల ద్వారా వచ్చినది ఆర్‌ఐ, ఆర్‌వో చెక్‌ చేయాలి. వచ్చిన డబ్బులను చిట్టాపద్దులు చూసే అధికారికి అప్పగించాలి. ఆ అధికారి అదేరోజు లేదా మర్చంట్‌ రోజు బ్యాంకులో జమ చేయాల్సి ఉంటుంది. ఈ మొత్తం వ్యవహారాన్ని ప్రతిరోజు మున్సిపల్‌ కమిషనర్‌ పర్యవేక్షించాలి. అయితే ఇక్కడ దీనికి పూర్తి విరుద్ధంగా జరుగుతుంది. పన్ను రూపంలో వచ్చే డబ్బులను రెవెన్యూ సెక్షన్‌లో పనిచేసే ముఖ్య అధికారి మొదలుకొని ఔట్‌సోర్సింగ్‌ సిబ్బంది వరకు సొంతానికి వాడుకోవడం చాలాకాలంగా కొనసాగుతోంది. ఇక్కడ కూడా మున్సిపాలిటీలోని ముఖ్యనేత భర్తకు అనుమానం వచ్చి చెక్‌ చేయగా అసలు విషయం వెలుగు చూసింది. ఇదే విషయాన్ని కమిషనర్‌కు తెలియజేసి.. ఆ తర్వాత కిందిస్థాయి ఔట్‌సోర్సింగ్‌ ఉద్యోగిపై కేసు, సస్పెండ్‌ చేశారు. అయితే ఇందులో రెగ్యులర్‌ ఉద్యోగులైన ముగ్గురు బిల్‌ కలెక్టర్లు, ఓ జూనియర్‌ అసిస్టెంట్‌ ఉద్యోగి కీలకంగా ఉన్నట్టు సమాచారం. ఈ క్రమంలోనే రెండు రోజుల కిందట జూనియర్‌ అసిస్టెంట్‌ తాను సొంతానికి వాడుకున్న రూ.10 లక్షలు మున్సిపల్‌ ఖాతాలో జమచేసినట్లు తెలిసింది. ‘పసిడి’ పరుగుల రాణి హనుమకొండలో జరిగిన 12వ తెలంగాణ రాష్ట్ర అథ్లెటిక్స్‌ చాంపియన్‌షిప్‌లో స్వప్న రెండు స్వర్ణ పతకాలు సాధించింది. –8లో uముగ్గురు ఉద్యోగులపై వేటు గద్వాల మున్సిపాలిటీలో ముగ్గురు ఉద్యోగులపై సస్పెన్షన్‌ వేటు పడింది. వివరాలిలా.. మున్సిపల్‌ షాపుల అద్దెకు సంబంధించి వసూలు చేసిన రూ.11.28 లక్షలు సంబంధిత అధికారులు మున్సిపల్‌ ఖాతాలో జమ చేయకపోవడాన్ని తీవ్ర తప్పిదంగా పరిగణిస్తూ.. కలెక్టర్‌ రిజ్వాన్‌బాషా షేక్‌ మంగళవారం చర్యలు తీసుకున్నారు. ఈ వ్యవహరంలో రెవెన్యూ ఆఫీసర్‌ రాజేష్‌కుమార్‌, సీనియర్‌ అసిస్టెంట్‌, ఇన్‌చార్జి రెవెన్యూ ఇన్‌స్పెక్టర్‌ రాజవర్ధన్‌, జూనియర్‌ అసిస్టెంట్‌, ఇన్‌చార్జి షరాఫ్‌ రాజవర్ధన్‌ నాయుడులను సస్పెండ్‌ చేస్తూ ఉత్తర్వులు జారీ చేశారు. ఈ వ్యవహారంపై సమగ్ర విచారణకు అదనపు కలెక్టర్‌ నర్సింగరావును విచారణ అధికారిగా నియమించారు. సంబంధిత రశీదు పుస్తకాలు, రికార్డులు, రిమిటెన్స్‌ వివరాలను పరిశీలించి సమగ్ర నివేదిక అందించాలని ఆదేశించారు. గద్వాల మున్సిపాలిటీలో అవినీతి బాగోతం కొందరు అక్రమ వసూళ్లకు తెరలేపితే.. మరికొందరు సొంతానికి వాడుకుంటున్న డబ్బులు ఇటీవల రూ.11 లక్షలు సొంతానికి వాడుకున్న ఔట్‌ సోర్సింగ్‌ ఉద్యోగి మరో ఘటనలో గుట్టుచప్పుడు కాకుండా రూ.10 లక్షలు ఖాతాలో జమచేసిన మరో జూనియర్‌ అసిస్టెంట్‌ రెవెన్యూ సెక్షన్‌లో లంచావతారం ఎత్తిన ముఖ్య అధికారి

మహబూబ్‌నగర్‌ క్రీడలు: జాతీయస్థాయి యోగా పోటీల్లో ఉమ్మడి జిల్లా క్రీడాకారులు ప్రతిభచాటి పతకాలు సాధించాలని ఉమ్మడి జిల్లా ఒలింపిక్‌ సంఘం ప్రధాన కార్యదర్శి కురుమూర్తిగౌడ్‌ అన్నారు. జిల్లా కేంద్రంలోని మెయిన్‌ స్టేడియంలో మంగళవారం జాతీయస్థాయి యోగా పోటీల్లో పాల్గొంటున్న ఉమ్మడి జిల్లా క్రీడాకారులు రిత్విక్‌రెడ్డి (8–10 ఏళ్ల విభాగం), దౌసిక్‌ ప్రసాద్‌ (10–12 ఏళ్ల విభాగం), ఎం.శివతేజ (14–16 ఏళ్ల విభాగం), సీహెచ్‌ అఖిల్‌ (16–18 ఏళ్ల విభాగం)లకు మ్యాట్‌లు అందజేసి అభినందించారు. ఈ సందర్భంగా మాట్లాడుతూ ష్ట్రంలోనే ఉమ్మడి జిల్లాకు మంచి గుర్తింపు ఉందని, మీరు జాతీయస్థాయిలో పతకాలు సాధించి పేరు ప్రతిష్టలు తీసుకురావాలని ఆకాంక్షించారు. ఉమ్మడి జిల్లా యోగా సంఘం ప్రధాన కార్యదర్శి టి.చంద్రశేఖర్‌ మాట్లాడుతూ అక్టోబర్‌ 1వ తేదీ నుంచి 5వ తేదీ వరకు రాజస్తాన్‌లో జాతీయస్థాయి యోగా పోటీలు జరుగుతాయని తెలిపారు. చెన్న వీరయ్య, జిల్లా యువజన, క్రీడలశాఖ అథ్లెటిక్స్‌ కోచ్‌ సునీల్‌కుమార్‌, బాల్‌రాజు పాల్గొన్నారు.

గద్వాల క్రైం: పెండింగ్‌ కేసుల పరిష్కారం కోసం జిల్లా న్యాయ సేవాధికార సంస్థ ఉచిత మధ్యవర్తిత్వ సేవలు అందిస్తుందని గద్వాల సివిల్‌ జడ్జి నిష్కా పత్రుడు అన్నారు. మంగళవారం కోర్టు ఆవరణలో నిర్వహించిన విలేకరుల సమావేశంలో ఆయన మాట్లాడారు. కేంద్ర న్యాయ సేవాధికార సంస్థ ఆదేశాల మేరకు అక్టోబర్‌ 1 నుంచి డిసెంబర్‌ 31 వరకు జిల్లావ్యాప్తంగా ఉచిత మధ్యవర్తిత్వ సేవల గురించి ప్రజలకు తెలియజేసేందుకు చర్యలు తీసుకున్నామన్నా రు. కేసుల పరిష్కారం కోసం నిపుణులైన 11 మంది సిబ్బందికి శిక్షణ అందించామన్నారు. వైవాహిక, ఆస్తి, కుటుంబ, పొలం తగాదాలతోపాటు రాజీ కాదగిన కేసులను మధ్యవర్తిత్వం ద్వారా ఇరువర్గాల కక్షిదారులతో మాట్లాడి పరిష్కారం కోసం చర్యలు తీసుకుంటామన్నారు. జిల్లాలో ఇప్పటి వరకు మధ్యవర్తిత్వానికి అనుకూలమైన 2 వేల కేసులను గుర్తించి 148 కేసులను న్యాయమూర్తికి తెలియజేశామన్నారు. ఈ అవకాశాన్ని కక్షిదారులు సద్వినియోగం చేసుకోవాలని సూచించారు. 2న జూనియర్‌ బాలికల కబడ్డీ జట్టు ఎంపికలు గద్వాల న్యూటౌన్‌: జిల్లాకేంద్రంలోని ఇండోర్‌ స్టేడియంలో శుక్రవారం ఉదయం 8 గంటలకు జూనియర్‌ బాలికల కబడ్డీ జట్టు ఎంపికలు నిర్వహించనున్నట్లు జిల్లా అసోసియేషన్‌ అధ్యక్షురాలు డీకే స్నిగ్ధారెడ్డి, కార్యదర్శి నర్సింహ ఒక ప్రకటనలో తెలిపారు. 05.11.2006 తర్వాత జన్మించి, 65 కిలోల లోపు బరువున్న బాలికలు అర్హులన్నారు. ఎంపికలకు వచ్చే క్రీడాకారులు పదో తరగతి ఒరిజినల్‌ మెమో, బర్త్‌ సర్టిఫికెట్‌, ఆధార్‌కార్డు, బోనోఫైడ్‌ తీసుకురావాలన్నారు. జిల్లా జట్టుకు ఎంపికై న క్రీడాకారులు అక్టోబర్‌ 10 నుంచి 12 వరకు భద్రాద్రి కొత్తగూడెం జిల్లా అశ్వారావుపేటలో జరిగే రాష్ట్రస్థాయి పోటీల్లో పాల్గొంటారని పేర్కొన్నారు. పూర్తి వివరాలకు సెల్‌ నంబర్లు 94407 26887, 99511 03371లను సంప్రదించాలని సూచించారు. 266 క్వింటాళ్ల వేరుశనగ రాక గద్వాల వ్యవసాయం: జిల్లా కేంద్రంలోని వ్యవసాయ మార్కెట్‌ యార్డుకు మంగళవారం 266 క్వింటాళ్ల వేరుశనగ అమ్మకానికి వచ్చింది. కాగా.. క్వింటాల్‌ గరిష్టంగా రూ.7,109, కనిష్టంగా రూ.4,890, సరాసరిగా రూ.5,131 ధరలు లభించాయి. అలాగే 53 క్వింటాళ్ల ఆముదాలు రాగా.. క్వింటాల్‌ గరిష్టంగా రూ.7,159, కనిష్టంగా రూ.6,809, సరాసరిగా రూ.7,159 ధరలు పలికాయి. ఎరువుల దుకాణాల్లో ఆకస్మిక తనిఖీలు మానవపాడు: ఎరువుల సరఫరా, బుకింగ్‌, నకిలీ ఎరువుల సమస్యల నేపథ్యంలో మంగళవారం అలంపూర్‌ వ్యవసాయ సహాయ సంచాలకులు శివాంగిరెడ్డి ఎరువుల విక్రయ కేంద్రాలను ఆకస్మికంగా తనిఖీలు నిర్వహించారు. ఈ సందర్భంగా ఆయన మాట్లాడుతూ మానవపాడులోని మన గ్రోమోర్‌ను సందర్శించి ఎరువుల నిల్వలు, రైతులకు జరుగుతున్న సరఫరా బుకింగ్‌ ప్రక్రియను పరిశీలించారు. ఫర్టిలైజర్‌ బుకింగ్‌ యాప్‌లో రైతులు ఎదుర్కొంటున్న సాంకేతిక ఇబ్బందులపై ఆరా తీశారు. అదేవిధంగా స్టాక్‌ రిజిస్టర్‌, పీఓ వివరాలు, భౌతిక నిల్వల మధ్య సమన్వయం పరిశీలన, రైతుల నుంచి బుకింగ్‌పై ఫీడ్‌ బ్యాక్‌ సేకరణ, నకిలీ ఎరువుల సరఫరాను అరికట్టేందుకు నాణ్యతా ప్రమాణాలను పరిశీలించామని చెప్పారు. కార్యక్రమంలో మండల వ్యవసాయాధికారి సందీప్‌కుమారు తదితరులు పాల్గొన్నారు. అకాడమిక్‌ రికార్డులు సమర్పించాలి: వీసీ మహబూబ్‌నగర్‌ ఎడ్యుకేషన్‌: అకాడమిక్‌ రికార్డులను ఎప్పటికప్పుడు యూనివర్సిటీకి సమర్పించాలని పీయూ వీసీ శ్రీనివాస్‌ పేర్కొన్నారు. ఈమేరకు పీయూలో వివిధ కళాశాలల ప్రిన్సిపాల్‌తో నిర్వహించిన సమీక్ష కార్యక్రమంలో ఆయన మాట్లాడారు. టీచింగ్‌ డైరీలు క్రమం తప్పుకుండా నిర్వహించాలని, విద్యార్థులకు నాణ్యమైన విద్యను అందించేందుకు కృషి చేయాలని, విద్యార్థుల హాజరు శాతం పెంచడంతో పాటు అకాడమిక్‌ డెవలప్‌మెంట్‌పై ప్రత్యేక చర్యలు తీసుకోవాలన్నారు. కళాశాలల అభివృదికధ అవసరమైన చర్యలు చేపట్టాలని, అకాడమిక్‌ ప్రమాణాలపై మరింత మెరుగుపర్చాలని సూచించారు. కార్యక్రమంలో ప్రిన్సిపాళ్లు చంద్రకిరణ్‌, భూమయ్య, తదితరులు పాల్గొన్నారు.

అలంపూర్‌: గ్రామీణ ప్రాంత విద్యార్థులు విద్యతోపాటు జాతీయస్థాయి క్రీడల్లో రాణించాలని ఎమ్మెల్యే విజయుడు అన్నారు. అలంపూర్‌లోని మాంటిస్సోరి పాఠశాలలో మంగళవారం నిర్వహించిన 70వ జిల్లాస్థాయి స్కూల్‌ గేమ్స్‌ ఫెడరేషన్‌ పోటీలకు ఆయన ముఖ్య అతిథిగా హాజరయ్యారు. ముందుగా ధ్యాన్‌చంద్‌ చిత్రపటానికి పూలమాల వేసి నివాళులర్పించారు. అనంతరం ఎమ్మెల్యే విజయుడు క్రీడాకారులను పరిచయం చేసుకొని పోటీలను ప్రారంభించారు. ఈ సందర్భంగా ఎమ్మెల్యే మాట్లాడుతూ క్రీడలతో విద్యార్థుల్లో క్రమశిక్షణ పెంపొందుతుందన్నారు. క్రీడలతో నాయకత్వ లక్షణాలు అందిపుచ్చుకోనే అవకాశం ఉంటుందన్నారు. విద్యార్థులు గ్రామస్థాయి నుంచి జాతీయస్థాయి వరకు ఎదగడానికి ఈ క్రీడలు ఎంతో ఉపయోగపడతాయని అభిప్రాయపడ్డారు. జిల్లాస్థాయి క్రీడలు.. మండల స్థాయిలో ఎంపికై న విద్యార్థులు హాజరయ్యారు. అండర్‌–14 విభాగంలో ఖోఖో విన్నర్‌గా ఎర్రవల్లి, రన్నర్‌గా వడ్డేపల్లి విద్యార్థులు నిలిచారు. వాలీబాల్‌లో విన్నర్‌గా మల్దకల్‌, రన్నర్‌గా కేటీదొడ్డి, కబడ్డీలో విన్నర్‌గా ధరూరు, రన్నర్‌గా మల్దకల్‌ పాఠశాలలు నిలిచాయి. అండర్‌– 17 ఖోఖో విభాగంలో విన్నర్‌గా వడ్డేపల్లి, రన్నర్‌గా కేటీదొడ్డి, కబడ్డీలో విన్నర్‌గా గద్వాల, రన్నర్‌గా వడ్డేపల్లి, వాలీబాల్‌లో విన్నర్‌గా కేటీదొడ్డి, రన్నర్‌గా గట్టు పాఠశాలలు నిలిచాయి. ఆయా కార్యక్రమాల్లో మున్సిపల్‌ చైర్మన్‌ జయరాముడు, వైస్‌ చైర్మన్‌ విక్రమ్‌, నాయకులు నారాయణరెడ్డి, శ్రీనివాస్‌రెడ్డి, శేఖర్‌రెడ్డి, వెంకట్రామయ్యశెట్టి, ఎంఈఓ అశోక్‌కుమార్‌, ఎస్‌జీఎఫ్‌ కార్యదర్శి శ్రీనివాసులు, టోర్నమెంట్‌ కన్వీనర్‌ భరత్‌కుమార్‌ పాల్గొన్నారు.

2022– 23, 2024– 25 సీజన్‌లకు సంబంధించి రబీలో కేటాయించిన ధాన్యానికి గాను 11,852 మె.ట., సీఎమ్మార్‌ బియ్యం ప్రభుత్వానికి రావాల్సి ఉంది. అలాగే 2022– 23లో వానాకాలం సంబంధించి 440.491 మె.ట., 2024– 25లో వానాకాలం సీజన్‌కు గాను 3,814.53 మె.ట., సీఎమ్మార్‌ బియ్యం రావాలి. అయితే మిల్లర్లకు ఇచ్చిన కాలపరిమితి ముగిసినా ప్రభుత్వానికి సీఎమ్మార్‌ బియ్యం మాత్రం అప్పగించలేదు. అలాగే 2025– 26 వానాకాలం సీజన్‌కు గాను 1.34 లక్షల మె.ట., సీఎమ్మార్‌ బియ్యం రావాల్సి ఉండగా కేవలం 35 శాతం మాత్రమే కేటాయించారు.

వనపర్తి: గత పాలకులు తీసుకొచ్చిన ధరణి దరిద్రాన్ని దూరం చేసేందుకే సీఎం రేవంత్‌రెడ్డి ప్రభుత్వం భూముల రీ సర్వేకు శ్రీకారం చుట్టిందని రాష్ట్ర రెవెన్యూ, గృహనిర్మాణశాఖ మంత్రి పొంగులేటి శ్రీనివాస్‌రెడ్డి చెప్పారు.రీసర్వేను అధికారులు అత్యంత ప్రాధాన్యతతో, పూర్తి బాధ్యతతో నిర్వహించాలని ఆదేశించారు. ముందుగా గ్రామాల సరిహద్దులను పక్కాగా నిర్ధారించుకుని, ఆ తర్వాత భూముల సర్వేను పక్కాగా చేపట్టాలన్నారు. సోమవారం వనపర్తి ఐడీఓసీ సమావేశ మందిరంలో రెవెన్యూ, గృహనిర్మాణం, భూముల రీసర్వే అంశాలపై నిర్వహించిన ఉమ్మడి జిల్లాస్థాయి సమావేశానికి రాష్ట్ర ఎకై ్సజ్‌, పర్యాటకశాఖ మంత్రి జూపల్లి కృష్ణారావు, పశుసంవర్ధకశాఖ మంత్రి వాకిటి శ్రీహరి, ఎమ్మెల్యేలతో కలిసి ఆయన హాజరై అధికారులతో సమీక్షించారు. ఈ సందర్భంగా మండలాల వారీగా భూముల రీసర్వే ప్రక్రియ పురోగతిపై తహసీల్దార్లు, సర్వేయర్లతో ఆరా తీశారు. అలాగే రైతుల నుంచి వ్యక్తమవుతున్న అనుభవాలను అడిగి తెలుసుకున్నారు. ఉమ్మడి జిల్లాస్థాయి సమీక్ష అనంతరం మంత్రి పొంగులేటి విలేకర్లతో మాట్లాడారు. సుమారు 120 ఏళ్ల క్రితం భూముల సర్వే నిర్వహించారని.. మళ్లీ ఇప్పుడు భూ సమస్యలకు శాశ్వత పరిష్కారం కల్పించాలనే లక్ష్యంతో రాష్ట్ర ప్రభుత్వం సమగ్ర రీసర్వే ప్రక్రియను చేపట్టిందన్నారు. తహసీల్దార్‌ స్థాయి నుంచి కలెక్టర్‌ వరకు అధికారులందరూ క్షేత్రస్థాయికి వెళ్లి ఈ ప్రక్రియను తప్పనిసరిగా పర్యవేక్షించాలన్నారు. నవంబర్‌ 15వ తేదీలోగా ప్రక్రియను పూర్తి చేయాలని ఆదేశించారు. సర్వే విషయంలో అటవీ, రెవెన్యూశాఖలు సమన్వయంతో పనిచేయాలని తెలిపారు. రీసర్వే ప్రక్రియకు సంబంధించి రైతులకు ఎప్పటికప్పుడు సమగ్ర సమాచారాన్ని అందిస్తూ.. ఎలాంటి ఇబ్బందులు కలుగకుండా చూడాలన్నారు. అధికారులు నిర్లక్ష్యంగా వ్యవహరించినా, అవినీతికి పాల్పడినా ఉపేక్షించేది లేదని హెచ్చరించారు. కాగా, కొన్ని ప్రాంతాల్లో ఆశించిన స్థాయిలో ముందుకు సాగకపోవడంపై మంత్రి అసంతృప్తిని వ్యక్తం చేశారు. అర్హులందరికీ ఇందిరమ్మ ఇళ్లు మంజూరు చేస్తామని మంత్రి పొంగులేటి అన్నారు. మొదటి విడతలో ప్రతి నియోజకవర్గానికి 3,500 ఇళ్లు కేటాయించగా.. రెండో విడతలో మరో 2వేల ఇళ్లను కేటాయిస్తున్నట్లు తెలిపారు. తొలి దశలో చేసిన తప్పులు రెండో దశలో పునరావృతం కానివ్వొద్దని అధికారులకు సూచించారు. మూడు, నాలుగో విడతల్లోనూ ఇందిరమ్మ ఇళ్ల మంజూరు ఉంటుందన్నారు. రాష్ట్రంలోని ఏ జనావాస ప్రాంతంలో పూరిగుడిసె ఉండనియ్యమన్నారు. కలెక్టర్లు బాధ్యత తీసుకోవాలి: యెన్నం ప్రజా సమస్యల పరిష్కారంలో అధికారులు నిర్లక్ష్యం వహించకుండా బాధ్యతగా పనిచేయాలని ప్రభుత్వ విప్‌, మహబూబ్‌నగర్‌ ఎమ్మెల్యే యెన్నం శ్రీనివాస్‌రెడ్డి పేర్కొన్నారు. కలెక్టర్‌ నుంచి క్షేత్రస్థాయి సిబ్బంది వరకు ప్రజలకు అందుబాటులో ఉండాలని.. అభివృద్ధి కార్యక్రమాల అమలుపై కలెక్టర్లు పూర్తి బాధ్యత తీసుకోవాలని కోరారు. సమావేశంలో కలెక్టర్లు ఖుష్బూగుప్తా, ఆదర్శ్‌ సురభి, రిజ్వాన్‌ బాషా షేక్‌, హేమంత కేశవ్‌ పాటిల్‌, సీహెచ్‌ ప్రియాంక, కార్పొరేషన్‌ చైర్మన్‌ సరిత, రెవెన్యూ శాఖ ముఖ్య కార్యదర్శి లోకేష్‌ కుమార్‌, రిజిస్ట్రేషన్లు, స్టాంప్స్‌ ప్రత్యేక కార్యదర్శి రాజీవ్‌ హనుమంతు, గృహనిర్మాణశాఖ ఎండీ గౌతమ్‌, ఎమ్మెల్యేలు మేఘారెడ్డి, మధుసూదన్‌రెడ్డి, అనిరుధ్‌రెడ్డి, బండ్ల కృష్ణమోహన్‌రెడ్డి, చిక్కుడు వంశీకృష్ణ, కూచుకుళ్ల రాజేశ్‌రెడ్డి, కసిరెడ్డి నారాయణరెడ్డి తదితరులు ఉన్నారు. పరిష్కార మార్గాలు చూపాలి మంత్రి జూపల్లి కృష్ణారావు మాట్లాడుతూ.. ప్రజల నుంచి వచ్చే అర్జీలను అధికారులు క్రమబద్ధమైన విధానంలో పరిశీలించి, పరిష్కార మార్గాలు చూపాలన్నారు. ప్రతి నెలలో ఒక్కో మండలానికి ఒక రోజు కేటాయించి, ఆ మండలానికి సంబంధించిన ప్రజా సమస్యలపై సమీక్షించాలన్నారు. అక్కడికక్కడే సమస్యల పరిష్కారానికి చర్యలు తీసుకోవాలని అధికారులకు సూచించారు. అర్జీల స్వీకరణ కోసం ప్రత్యేక వాట్సాప్‌ నంబర్‌ ఏర్పాటుచేసి ప్రజలకు తెలియజేయాలన్నారు. ప్రజల నుంచి వచ్చిన అర్జీలు వారం రోజులకు మించి పెండింగ్‌లో ఉండకూడదన్నారు. మంత్రి వాకిటి శ్రీహరి మాట్లాడుతూ.. మక్తల్‌ నియోజకవర్గంలో ప్రతిపాదిత పవర్‌ ప్లాంట్‌కు సంబంధించిన భూ సమస్యను పరిష్కరించే దిశగా సంబంధిత అధికారులు చర్యలు తీసుకోవాలని సూచించారు. ధరణి దరిద్రాన్ని దూరం చేసేందుకే రీ సర్వే భూ సమస్యలకు శాశ్వత పరిష్కారమే లక్ష్యం నవంబర్‌ 15లోగా పూర్తిచేయాలి అలసత్వం ప్రదర్శించే అధికారులపై చర్యలు రాష్ట్ర రెవెన్యూ, గృహ నిర్మాణశాఖ మంత్రి పొంగులేటి శ్రీనివాస్‌రెడ్డి

గద్వాల న్యూటౌన్‌: కేంద్ర ఎన్నికల సంఘం చేపట్టిన సర్‌ ప్రక్రియలో అనేక అవకతవకలు, అక్రమాలు చోటుచేసుకుంటున్నాయని డీసీసీ అధ్యక్షుడు రాజీవ్‌రెడ్డి అన్నారు. కేంద్ర ఎన్నికల కమిషనర్‌ జ్ఞానేష్‌కుమార్‌ ఏకపక్షంగా వ్యవహరిస్తున్నారని ఆరోపిస్తూ సోమవారం స్థానిక వైఎస్సార్‌ సర్కిల్‌ వద్ద కాంగ్రెస్‌ శ్రేణులు నిరసన కార్యక్రమం నిర్వహించాయి. ఈ సందర్భంగా రాజీవ్‌రెడ్డి మాట్లాడుతూ ఓటుహక్కు ప్రజాస్వామ్యానికి పునాది అని, ఓటుహక్కును కాపాడుకోవడం ప్రతి పౌరుడి బాధ్యత అన్నారు. అలాంటి ఓటుహక్కును ఎన్నికల సంఘం బలహీనపరిచే చర్యలు చేపట్టిందని విమర్శించారు. ప్రజాస్వామ్యంలో అధికారం ప్రజల ఓటుతో వస్తుందని, ఆ ఓటుహక్కును స్వేచ్ఛగా, నిష్పక్షపాతంగా వినియోగించుకునే వాతావరణాన్ని కల్పించాల్సిన బాధ్యత ఎన్నికల సంఘంపై ఉందన్నారు. అక్కడే కేంద్ర ప్రభుత్వ దిష్టిబొమ్మను దగ్ధం చేశారు. అనంతరం అక్కడి నుంచి కలెక్టరేట్‌ వరకు భారీ నిరసన ర్యాలీ చేపట్టి అక్కడ మరోసారి ఆందోళన చేశారు. అనంతరం సర్‌ ప్రక్రియ సమగ్రంగా పరిశీలించి, ప్రజల అనుమానాలను నివృత్తి చేసే విధంగా చర్యలు చేపట్టాలని డిమాండ్‌ చేస్తూ అదనపు కలెక్టర్‌ నర్సింగరావుకు వినతిపత్రం అందజేశారు. కార్యక్రమంలో మున్సిపల్‌ చైర్‌పర్సన్‌ జయలక్ష్మి, వైస్‌ చైర్మన్‌ శంకర్‌, గ్రంథాలయ సంస్థ చైర్మన్‌ శ్రీనివాసులు, మాజీ చైర్మన్‌ రామన్‌గౌడ్‌, నాయకులు రామేశ్వరమ్మ, కుర్మన్న, మద్దిలేటి, లక్ష్మణ్‌, మధునాయుడు, రవి, నర్సిరెడ్డి, నర్సింగరావు, నరేందర్‌ తదితరులు పాల్గొన్నారు.

అచ్చంపేట: ఓటర్ల జాబితా ప్రత్యేక సమగ్ర సవరణ (సర్‌)పై ప్రజల్లో నెలకొన్న సందేహాలు, ఆందోళనలను తీర్చేందుకు కేంద్ర ఎన్నికల సంఘం కీలక నిర్ణయం తీసుకుంది. నోటీసులు అందుకున్న వారు వ్యక్తిగతంగా హాజరు కావాల్సిన అవసరం లేదని సూచించింది. అన్‌మ్యాప్డ్‌, వ్యత్యాసాల కారణంగా నోటీసులు అందుకున్న ఓటర్లు.. ఇకపై ఎలక్టోరల్‌ రిజిస్ట్రేషన్‌ ఆఫీసర్‌ (ఈఆర్‌ఓ) కార్యాలయానికి వెళ్లి వివరణ ఇవ్వాల్సిన అవసరం లేదు. నోటీసులు అందుకున్న ఓటర్ల ఇంటికే బీఎల్‌ఓలు వెళ్లి వారి వివరాలు, పత్రాలు సేకరించాలని ఆదేశించారు. సేకరించిన పత్రాలను బీఎల్‌ఓలు ఈసీఐసెట్‌ పోర్టల్‌లో అప్‌లోడ్‌ చేస్తే వాటిని ఈఆర్‌ఓ పరిశీలించి నిర్ణయం తీసుకోనున్నారు. కొన్ని ప్రత్యేక సందర్భాల్లో మాత్రమే నోటీసులు అందుకున్న ఓటర్లు విచారణ (హియరింగ్‌)కు హాజరు కావాల్సి ఉంటుంది. హియరింగ్‌ కూడా ఆన్‌లైన్‌లో నిర్వహించేందుకు అవకాశం ఉండగా.. వ్యక్తి బదులు కుటుంబ సభ్యులు హాజరు కావొచ్చని పేర్కొంది. సాఫ్ట్‌వేర్‌ లోపాలు.. సర్‌ ప్రక్రియలో చోటుచేసుకుంటున్న సాంకేతిక లోపాలు, సాఫ్ట్‌వేర్‌ అనువాద పొరపాట్లు గ్రామీణ ప్రాంత ప్రజలకు తీవ్ర ఇబ్బందులు సష్టిస్తున్నాయి. నోటీసులు రావడానికి గతంలో క్షేత్రస్థాయిలో సాఫ్ట్‌వేర్‌ వైఫల్యం వల్లే అనేది బహిరంగ రహస్యం. గ్రా మాల్లో ఓటర్లు భౌతిక డిక్లరేషన్‌ ఫారాలను సరిగ్గా నింపి ఇచ్చినప్పటికీ.. సిస్టంలోని ఆటో– ట్రాన్స్‌లేషన్‌ లోపాల కారణంగా వేలాది మందికి నోటీసులు జారీ అవుతుండటం తీవ్ర ఆందోళనకు గురిచేస్తోంది. సమస్యను పరిష్కరించుకోవడానికి సామాన్యులకు గుర్తింపు కార్డులు చూపడం భారంగా మారింది. దశాబ్దాలుగా అదే ఊరిలో ఉంటూ ఓటు హక్కు వినియోగించుకుంటున్న వారికి కూడా అదనంగా గుర్తింపు కార్డులు తీసుకురావాలని నోటీసులు ఇవ్వడం వారిని తీవ్ర ఇబ్బందులకు గురిచేస్తోంది. పేర్ల అనువాదంలో తప్పులు ప్రజలు సర్వే ఫాంలో తమ పేర్లను తెలుగులో స్పష్టంగా రాసిచ్చినప్పటికీ.. పాత రికార్డుల్లోని ఇంగ్లిష్‌ పేర్లను ఆటోమేటిక్‌ సాఫ్ట్‌వేర్‌ ద్వారా తెలుగులోకి తర్జుమా చేయడం వల్ల తీవ్ర వ్యత్యాసాలు వచ్చాయి. ఇంటి పేర్లు మారడం, పేర్లలో ఒత్తులు, దీర్ఘాలు ఎగిరిపోవడం వంటి చిన్నచిన్న తప్పులను కూడా సాఫ్ట్‌వేర్‌ తేడాగా గుర్తించి ఆటోమేటిక్‌గా నోటీసులు జనరేట్‌ చేసింది. అధికారులు క్షేత్రస్థాయిలో సేకరించిన కొత్త భౌతిక డిక్లరేషన్‌ ఫారాల డేటాను పక్కనబెట్టి, పాత ఆటోమేషన్‌ సిస్టంనే వాడటంతో సమస్య మొదటికి వచ్చింది. సర్టిఫికెట్ల కోసం.. ఎన్నికల సంఘం ఓటరు గుర్తింపు ధ్రువీకరణకు 14 రకాల కార్డుల్లో ఒకటి ఆధారంగా చూపవచ్చని తెలిపింది. అయితే క్షేత్రస్థాయి అధికారులు మాత్రం కులం సర్టిఫికెట్‌ తీసుకురావాలని ఒత్తిడి చేస్తుండటంతో కార్యాలయాల చుట్టూ తిరగాల్సి వస్తోంది. పరిశీలనతో పరిష్కారం.. పాత ఇంగ్లిష్‌– తెలుగు ఆటో– ట్రాన్స్‌లేషన్‌ను నిలిపివేసి.. ఏఐ ఆధారిత వాయిస్‌, తెలుగు టైపింగ్‌ టూల్స్‌ ద్వారా డేటా సరిచేయాలి. ఓటర్లు బీఎల్‌ఓలకు అందించిన భౌతిక డిక్లరేషన్‌ ఫారాల ఆధారంగానే సిస్టంలో మార్పులు చేపట్టాలి. సాఫ్ట్‌వేర్‌ పంపే నోటీసులపైనే ఆధారపడకుండా క్షేత్రస్థాయి విచారణ జరిపి సవరణ చేయాలి. వేగవంతం చేస్తాం.. ఎన్నికల కమిషన్‌ నిబంధనల ప్రకారం నోటీసుల విచారణ వేగవంతం చేస్తాం. బీఎల్‌ఓలు ఇంటింటికి వెళ్లి పత్రాలు, వివరాలు సేకరించి ఈసీఐసెట్‌ పోర్టల్‌లో అప్‌లోడ్‌ చేస్తే వాటిని ఈఆర్వో పరిశీలించి పరిష్కరిస్తారు. డేటా నమోదులో ఎక్కడ లోపం ఉందో గుర్తించే ప్రక్రియ ఇప్పటికే ప్రారంభమైంది. జిల్లాలోని అన్ని పోలింగ్‌ కేంద్రాల్లో బీఎల్‌ఓలు అందుబాటులో ఉంటారు. అన్‌మ్యాప్డ్‌, తేడాలుండి నోటీసులు అందుకున్న ఓటర్ల పత్రాలు సమర్పించి పరిష్కారం కోసం సహకరించాలి. – హేమంత కేశవ్‌ పాటిల్‌, కలెక్టర్‌, నాగర్‌కర్నూల్‌ ప్రజల్లో నెలకొన్న సందేహాలనేపథ్యంలో ఈసీ కీలక నిర్ణయం హియరింగ్‌ కోసం ఓటర్లు ఈఆర్‌ఓ వద్దకు వెళ్లాల్సిన అవసరం లేదు బీఎల్‌ఓలే ఓటర్ల ఇంటికి వచ్చి పత్రాల పరిశీలన, వివరాల సేకరణ

రాజోళి: తుమ్మిళ్ల ఎత్తిపోతల పథకం ద్వారా ఆదివారం ఆర్డీఎస్‌ కెనాల్‌కు నీటిని విడుదల చేశారు. ఇటీవల సుంకేసుల జలాశయం నుంచి టీబీ డ్యాం మధ్య కురిసిన వర్షాల కారణంగా వాగులు, వంకలు ప్రవహించి నదిలోకి నీరు వచ్చి చేరింది. అదే నీరు రాజోళి డైవర్షన్‌ స్కీం వద్ద నదిలోకి, ఆర్డీఎస్‌ కెనాల్‌లోకి ప్రవహిస్తున్న క్రమంలో తుమ్మిళ్ల ఎత్తిపోతల ద్వారా డీ–24 కెనాల్‌కు అధికారులు నీటి పంపింగ్‌ను ప్రారంభించారు. ఇటు నదిలో నీరు ఉండటంతో పాటు ఆయకట్టుకు నీరు రావడంతో రైతులు తమ పంటలకు నీటితడులు అందించే పనిలో పడ్డారు. నదిలో నీరు వస్తుందని తెలిసినప్పటి నుంచే తమ డిస్ట్రిబ్యూటరీ వరకు వచ్చేందుకు ఎంత సమయం పడుతుందోనని లెక్కలు వేసుకున్న రైతులు.. ఆ సమయానికి తమ పొలాల్లో నీటితడులు అందించేందుకు సిద్ధమయ్యారు. తుమ్మిళ్లలోని జీరో పాయింట్‌ వద్ద నిర్ణీత సామర్థ్యానికి నీటిమట్టం చేరుకోగానే అప్రోచ్‌ కెనాల్‌ ద్వారా పంపింగ్‌ చేస్తున్నారు. తనగల సమీపంలోని డీ–23 వద్ద ఉన్న డెలవరీ సిస్టర్న్‌ దగ్గర ఆర్డీఎస్‌ కెనాల్‌లోకి నీరు విడుదల కావడంతో రైతులు హర్షం వ్యక్తం చేస్తున్నారు.

గద్వాలన్యూటౌన్‌: విద్యకు అత్యంత ప్రాధాన్యత సంతరించుకుంది. ప్రతి ఒక్కరికీ కనీసంగా చదవడం, రాయడం అవసరమైన పరిస్థితులు ఏర్పడ్డాయి. ఈ నేపథ్యంలో ‘అమ్మకు అక్షరమాల’ పేరుతో ఆదివారం జిల్లావ్యాప్తంగా రెండోవిడత నిర్వహించిన ఉల్లాస్‌ పరీక్షకు 28,840 మహిళలు హాజరయ్యారు. గ్రామీణాభివృద్ధి సంస్థ (సెర్ప్‌) ఆధ్వర్యంలో జిల్లాలోని 13 మండలాల్లో జరిగిన పరీక్షకు 33,783 మందికి గాను 26,103 మంది (77శాతం) హాజరు కాగా.. పట్టణ పేదరిక నిర్మూలన సంస్థ (మెప్మా) ఆధ్వర్యంలో నాలుగు మున్సిపాలిటీల్లో 3,077 మందికి గాను 2,737 మంది (89శాతం) హాజరయ్యారు. ఆయా గ్రామాలు, పట్టణాల్లోని ప్రభుత్వ పాఠశాలలు, కమ్యూనిటీ హాళ్లను పరీక్ష కేంద్రాలుగా ఏర్పాటుచేశారు. ఉదయం 7 నుంచి సాయంత్రం 7గంటల వరకు పరీక్ష నిర్వహణకు ప్రభుత్వం అనుమతి ఇవ్వగా.. మహిళల సమయానికి అనుకూలంగా అధికారులు పరీక్ష నిర్వహించారు. ఆయా మండలాల్లో ఏపీఎంలు, సీసీలు, పట్టణాల్లో మెప్మా టీఎంసీలు పరీక్షల నిర్వహణ బాధ్యతలు చేపట్టారు. ఇటిక్యాల మండలం మునగాల పరీక్ష కేంద్రాన్ని రాష్ట్ర అబ్జర్వర్‌ భాస్కర్‌, అడల్ట్‌ ఎడ్యుకేషన్‌ డిప్యూటీ డైరెక్టర్‌ శ్రీనివాస్‌రెడ్డి తనిఖీ చేశారు. ఉండవెల్లి పరీక్ష కేంద్రాన్ని డీఆర్డీఓ ముషాహిదా బేగం పరిశీలంచారు. అడల్ట్‌ ఎడ్యుకేషన్‌ జిల్లా కోఆర్డినేటర్‌ వెంకటేశ్‌, ఏపీడీ శ్రీనివాసులు, మెప్మా ఏడీఎంసీ వెంకటేశ్వర్లు జిల్లా కేంద్రంతోపాటు పలు గ్రామాల్లోని పరీక్ష కేంద్రాలను పర్యవేక్షించారు.

అమరచింత: ప్రియదర్శిని జూరాల ప్రాజెక్టు వద్ద వరద నీటిని తరలించేందుకు ఏర్పాటు చేసిన సమాంతర కాల్వ షట్టర్ల మరమ్మతు పూర్తిగాకపోవడంతో ప్రాజెక్టులో ఉన్న నిల్వనీరు వృథాగా పారుతోంది. ప్రభుత్వం మూడేళ్ల కిందట షట్టర్ల మరమ్మతుకు రూ.20 లక్షలు మంజూరు చేసింది. ప్రాజెక్టులో నీటిమట్టం తగ్గుముఖం పడుతున్న సమయంలో కాల్వ ప్రధాన హెడ్‌ రెగ్యులేటరీ వద్ద షట్టర్లకు నీటి సరఫరా నిలిపివేసేందుకు రింగ్‌బండ్‌ ఏర్పాటు చేయాల్సి ఉంది. ప్రతిసారి రింగ్‌బండ్‌ ఏర్పాటు చేయడం.. వచ్చిన వరద ప్రవాహంతో మొర్రం కొట్టుకుపోవడంతో మరమ్మతు పూర్తి కావడం లేదు. ప్రస్తుత సమయంలో ఆయకట్టుకు నీటిని విడుదల చేయక చేతులెత్తేస్తున్న అధికారులు.. సమాంతర కాల్వ నుంచి రోజు 60 నుంచి 100 క్యూసెక్కుల నీరు లీకేజీ రూపంలో వృథాగా పారుతున్నా అరికట్టలేకపోతున్నారు. ఇప్పటికై నా స్పందించి సమాంతర కాల్వ షట్టర్ల మరమ్మతు పూర్తిచేసి నీటి వృథాకు అడ్డుకట్ట వేయాలని ఆయకట్టు రైతులు కోరుతున్నారు.

ఎర్రవల్లి: తెలంగాణ రాష్ట్ర సాధనతో పాటు ప్రజలకు కొండా లక్ష్మణ్‌ బాపూజీ అందించిన సేవలు స్ఫూర్తిదాయకమని ఇన్‌చార్జి కమాండెంట్‌ ఆదినారాయణ అన్నారు. ఆదివారం బీచుపల్లి పదో బెటాలియన్‌లో కొండా లక్ష్మణ్‌ బాపూజీ జయంతిని ఘనంగా నిర్వహించారు. ఈ సందర్భంగా ఆయన చిత్రపటానికి పూలమాలలు వేసి నివాళులర్పించారు. అనంతరం ఇన్‌చార్జి కమాండెంట్‌ మాట్లాడుతూ.. స్వాతంత్య్ర సమరయోధుడిగా, తెలంగాణ ఉద్యమానికి ఆద్యుడిగా ప్రజాసేవకు అంకితమైన మహోన్నత వ్యక్తి కొండా లక్ష్మణ్‌ బాపూజీ అని కొనియాడారు. సామాజిక న్యాయం, ప్రజల హక్కుల కోసం ఆయన చేసిన పోరాటం చిరస్మరణీయమన్నారు. ఆయన ఆశయాలను స్ఫూర్తిగా తీసుకొని ప్రతి ఒక్కరూ దేశ, రాష్ట్ర అభివృద్ధిలో తమవంతు బాధ్యత నిర్వర్తించాలని సూచించారు. కార్యక్రమంలో అసిస్టెంట్‌ కమాండెంట్‌ పార్థసారధిరెడ్డి, ఆర్‌ఐలు శ్రీనివాస్‌, ఆర్‌ఎస్‌ఐలు భార్గవరెడ్డి, లక్ష్మణ్‌, రవికుమార్‌ తదితరులు పాల్గొన్నారు.

సీఎం సొంత మండలం నుంచే మొదలైన పోరు ● పాలమూరును ఆగం చేయొద్దని జేఏసీ ఆధ్వర్యంలో కదిలిన రైతాంగం ● సంఘీభావం తెలిపిన మహబూబ్‌నగర్‌ ఎంపీ డీకే అరుణ, ఎమ్మెల్సీ కోదండరాం, ప్రొ.హరగోపాల్‌ నాగర్‌కర్నూల్‌/కల్వకుర్తి రూరల్‌: ఉమ్మడి మహబూబ్‌నగర్‌ జిల్లా రైతుల పాలిట శాపంగా మారిన డిండి ప్రాజెక్టును రద్దుచేసే వరకు ఉద్యమిస్తామని పెండింగ్‌ ప్రాజెక్టుల సాధన జేఏసీ నేతలు పునరుద్ఘాటించారు. వంగూరు మండలం ఉల్పర నుంచి ఆదివారం ఉమ్మడి పాలమూరు పెండింగ్‌ ప్రాజెక్టుల సాధన జేఏసీ ఆధ్వర్యంలో చేపట్టిన పాదయాత్రను ప్రొ.హరగోపాల్‌ జెండా ఊపి ప్రారంభించారు. రైతులు ఫ్లకార్డులను చేతబూని పాలమూరు నీరు ఇక్కడి రైతులకే దక్కాలని.. నల్లగొండ జిల్లాకు తరలించొద్దని నినదించారు. అక్కడి నుంచి పాదయాత్ర కోనాపూర్‌కు చేరుకోగా.. ఎమ్మెల్సీ కోదండరాం సంఘీభావం తెలిపారు. ఈ ప్రాంత రైతాంగం చేస్తున్న సాగునీటి సాధన ఉద్యమానికి ఎల్లవేళలా అండగా ఉంటానని ప్రకటించారు. ఈ ప్రాంతానికి అన్యాయంచేసి, నల్లగొండ జిల్లాకు నీటిని తీసుకుపోవడాన్ని వ్యతిరేకిస్తున్నట్లు చెప్పారు. ఆ ప్రాంతానికి మరో మార్గం ద్వారా నీరందించాలని ప్రభుత్వాన్ని కోరారు. కోనాపూర్‌ నుంచి రంగాపూర్‌ మీదుగా ఎల్లికల్‌ వరకు పాదయాత్ర సాగింది. అక్కడ ప్రజలకు పాదయాత్ర ప్రాధాన్యత, డిండి ప్రాజెక్టుతో జరిగే నష్టాన్ని జేఏసీ నాయకులు వివరించారు. ప్రజలు చైతన్యవంతులై ఉద్యమంలో కదం తొక్కాలని పిలుపునిచ్చారు. అక్కడి నుంచి కల్వకుర్తి సమీపానికి చేరుకున్న పాదయాత్రలో మహబూబ్‌నగర్‌ ఎంపీ డీకే అరుణ పాల్గొని సంఘీబావం ప్రకటించారు. అక్కడి నుంచి కల్వకుర్తి ఆర్డీఓ కార్యాలయానికి జేఏసీ నాయకులు చేరుకొని డీఏఓకు వినతిపత్రం అందజేశారు. కాగా, సీఎం రేవంత్‌రెడ్డి సొంత మండలం నుంచే రైతన్నలు సాగునీటి కోసం పోరుబాట పట్టడం చర్చనీయాంశంగా మారింది. డిండి ప్రాజెక్టు ఆపే బాధ్యత సీఎందే.. పాలమూరుకు అన్యాయం చేసే డిండి ప్రాజెక్టు ఆపే బాధ్యత ఈ ప్రాంతానికి చెందిన ముఖ్యమంత్రి రేవంత్‌రెడ్డిదే అని మహబూబ్‌నగర్‌ ఎంపీ డీకే అరుణ అన్నారు. గత ప్రభుత్వంలో ఆగిపోయిన డిండి ఎత్తిపోతల పథకాన్ని మొదలుపెట్టడం అంటే, ఈ ప్రాంతానికి అన్యాయం చేయడమేనని అన్నారు. ఉమ్మడి పాలమూరు రైతాంగానికి పూర్తిస్థాయిలో నీళ్లు ఇవ్వాల్సింది పోయి నల్లగొండకు తరలించాలని చూడటం ఏమిటో అర్థం కావడం లేదన్నారు. పాలమూరుకు నష్టం చేస్తామంటే చూస్తూ ఊరుకోమని.. ప్రజల తరఫున ఉద్యమిస్తామని ఆమె హెచ్చరించారు. కల్వకుర్తి ఆర్డీఓ కార్యాలయం వద్ద నిర్వహించిన సభలో జేఏసీ నాయకులు ప్రొ.హరగోపాల్‌, రాఘవాచారి, రాజేందర్‌రెడ్డి, బెక్కెం జనార్దన్‌ మాట్లాడుతూ.. పాలమూరు–రంగారెడ్డి ప్రాజెక్టు నుంచి డిండి ఎత్తిపోతల ద్వారా నల్లగొండ ప్రాంతానికి సాగునీరు తీసుకుపోతే ఉమ్మడి పాలమూరుకు తీవ్ర అన్యాయం జరుగుతుందన్నారు. నల్లగొండకు నాగార్జునసాగర్‌ ప్రాజెక్టు ద్వారా నీటిని తీసుకెళ్లే అవకాశం ఉన్నప్పటికీ డిండి ప్రాజెక్టు పేరుతో జలదోపిడీ చేస్తున్నారని ఆరోపించారు. ఉమ్మడి రాష్ట్రంలో జరిగిన అన్యాయంతో ఉమ్మడి పాలమూరు జిల్లా ఎంతో నష్టపోయిందని.. ప్రత్యేక తెలంగాణ రాష్ట్రంలోనూ అదే పరిస్థితి రావడం దారుణమన్నారు. ప్రభుత్వం డిండి ప్రాజెక్టు నిర్మాణం ఆపాలని డిమాండ్‌ చేశారు. కార్యక్రమంలో మాజీ ఎమ్మెల్యేలు జైపాల్‌ యాదవ్‌, గువ్వల బాలరాజు, జాతీయ బీసీ కమిషన్‌ మాజీ సభ్యుడు తల్లోజు ఆచారి, జేఏసి నాయకులు వెంకట్‌గౌడ్‌, సదానందంగౌడ్‌, వీరబ్రహ్మాచారి, బీజేపీ నాయకులు నరేందర్‌రావు, వెల్దండ శ్రీనివాస్‌, బండె ల రామచంద్రారెడ్డి, దుర్గాప్రసాద్‌, జంగయ్య, దేవీలాల్‌ చౌహాన్‌, నాగేష్‌ గౌడ్‌, బ్రహ్మం, పులిజాల పరుశరాములు పాల్గొన్నారు. తరలివచ్చిన రైతులు.. పాదయాత్రకు వివిధ గ్రామాల నుంచి రైతులు తరలివచ్చారు. కార్వంగ, ఉల్పర, కోనాపూర్‌, ఎల్లికల్‌, రంగాపూర్‌, కల్వకుర్తి తదితర గ్రామాల రైతులు పాదయాత్రలో పాల్గొన్నారు. చారకొండ మండలం ఎర్రవల్లి నుంచి అధికంగా వచ్చారు. డిండి ఎత్తిపోతల పథకంతో తమ గ్రామం ముంపునకు గురవుతుందని.. ఆ ప్రాజెక్టు వద్దని ప్రభుత్వానికి విజ్ఞప్తి చేశారు.

–8లో uఅయిజ: పత్తి రైతుల ఆశలపై తుఫాన్‌ నీళ్లు చల్లింది. పంట చేతికొచ్చిన సమయంలో కురిసిన వర్షాలతో తెల్లబంగారం నల్లబడటంతో అన్నదాతలు తీవ్రంగా నష్టపోతున్నారు. తుఫాన్‌కు ముందు క్వింటాకు రూ. 10,200 నుంచి రూ. 10,500 వరకు పలికిన పత్తి ధర.. ప్రస్తుతం రూ. 8,200 నుంచి రూ. 9,200 వరకు పడిపోయింది. ఇటీవల కురిసిన వర్షాలు కొంతమంది రైతులకు మేలు చేకూర్చగా.. పత్తిని సాగుచేసిన రైతులకు మాత్రం శాపంగా మారాయి. కొనుగోలు కేంద్రాల కోసం ఎదురుచూపులు.. మార్కెట్లలో నాణ్యతలేని పత్తిని కొనేందుకు నిరాకరిస్తుండటంతో రైతులు ఆందోళన చెందుతున్నారు. ఈ నేపథ్యంలో ప్రభుత్వం ఆదుకోకుంటే రైతులకు మరింత నష్టం కలిగే అవకాశముందని వాపోతున్నారు. ప్రభుత్వం ప్రత్యేకంగా కొనుగోలు కేంద్రాలను ఏర్పాటుచేసి, రంగుమారిన పత్తిని మద్దతు ధరకు కొనుగోలు చేయాలని.. లేనిచో తుఫాన్‌ విపత్తుగా పరిగణించి, రైతులకు పంట నష్టపరిహారం చెల్లించాలని కోరుతున్నారు. నల్లబడిన పత్తిని పరిశీలిస్తున్న రైతులు తుఫాన్‌తో నల్లబడిన తెల్లబంగారం మార్కెట్‌లో గణనీయంగా పడిపోయిన ధర కొనుగోలుకు నోచుకోని రంగుమారిన పత్తి చేసేది లేక తక్కువ ధరకు దళారులకు విక్రయం

● వచ్చేది మన ప్రభుత్వమే.. రైతులకు అండగా ఉంటాం ● బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ కందనూలు: రైతులకు సాగునీరు ఇవ్వలేని దుస్థితిలో కాంగ్రెస్‌ ప్రభుత్వం ఉందని బీఆర్‌ఎస్‌ వర్కింగ్‌ ప్రెసిడెంట్‌ కల్వకుంట్ల తారకరామారావు అన్నారు. ఆదివారం కొల్లాపూర్‌ మాజీ ఎమ్మెల్యే బీరం హర్షవర్ధన్‌రెడ్డి తండ్రి లక్ష్మారెడ్డి దశదిన కర్మకు హాజరైన ఆయన తిరుగు ప్రయాణంలో మాజీ మంత్రులు జగదీశ్వర్‌రెడ్డి, శ్రీనివాస్‌గౌడ్‌, లక్ష్మారెడ్డి, మాజీ ఎమ్మెల్యే మర్రి జనార్దన్‌రెడ్డితో కలిసి నాగర్‌కర్నూల్‌ మున్సిపాలిటీ పరిధిలోని దేశిటిక్యాల వద్ద మొక్కజొన్న, పత్తి పంటలను పరిశీలించారు. ఈ సందర్భంగా పలువురు రైతులు నీరు లేక పంటలు ఎండిపోతున్నాయని కేటీఆర్‌ వద్ద వాపోయారు. వ్యాపారుల వద్ద మిత్తికి అప్పులు తెచ్చి పంటలు సాగు చేశామని, ఆ మిత్తి పైసలు కూడా వచ్చే పరిస్థితి లేదని తమ గోసను వెలిబుచ్చారు. ఒకపక్క సాగునీరు, కరెంట్‌ లేక ఇబ్బందులు పడుతుంటే.. మరోపక్క యూరియా దొరకక అవస్థలు పడుతున్నామని ఆవేధన వ్యక్తం చేశారు. అనంతరం కేటీఆర్‌ మీడియాతో మాట్లాడుతూ రైతులు సాగునీరు లేక ఇబ్బందులు పడుతుంటే అధికార పార్టీకి చెందిన ఒక్క నాయకుడు కూడా వారిని పట్టించుకునే ప్రయత్నం చేయడం లేదని, ఇది ప్రకృతి తెచ్చిన కరువు కాదు.. కాంగ్రెస్‌ ప్రభుత్వం కావాలని సృష్టించిన విపత్తు అని దుయ్యబట్టారు. రైతుల పంటలకు సరిపడా నీరు ఇస్తే పంటలు పండితే ధాన్యాన్ని కొనాల్సి వస్తుందని, అలాగే వారికి డబ్బులు చెల్లించాల్సి వస్తుందనే ఉద్దేశంతో రేవంత్‌రెడ్డి ప్రభుత్వం రైతులను ఇబ్బంది పెడుతుందని విమర్శించారు. కేసీఆర్‌ ప్రభుత్వం ఉన్నప్పుడు జిల్లాలో 8.30 లక్షల ఎకరాలకు నీరు అందించి రైతులకు ఇబ్బందులు లేకుండా చూశామని గుర్తుచేశారు. నదులు, ప్రాజెక్టులలో పుష్కలంగా నీరున్నా.. రైతుల పంటలకు అందించలేని దుస్థితిలో కాంగ్రెస్‌ ప్రభుత్వం ఉందని ఆగ్రహం వ్యక్తం చేశారు. పంటలు ఎండిపోతుంటే అధికార పార్టీకి చెందిన ఏ నాయకుడికి రైతులను పలకరించే తీరిక లేకుండాపోయిందని ఆవేదన వెలిబుచ్చారు. పాలమూరు జిల్లా రైతులకు ఎండబెట్టి ఆంధ్ర ప్రభుత్వానికి నీటిని ధారాదత్తం చేస్తున్నారని ఆరోపించారు. రైతుల పక్షాన నిలబడి తప్పనిసరిగా న్యాయం జరిగే విధంగా పోరాటం చేస్తామని, రాష్ట్రంలో వచ్చేది మన ప్రభుత్వమే.. అండగా ఉంటామని కేటీఆర్‌ రైతులకు భరోసానిచ్చారు. కేటీఆర్‌ వెంట ఉమ్మడి జిల్లాలోని మాజీ ఎమ్మెల్యేలు మర్రి జనార్దన్‌రెడ్డి, ఆల వెంకటేశ్వర్‌రెడ్డి తదితరులున్నారు.

వర్షాలకు తడిసి రంగు మారిన పత్తిని వ్యాపారు లు కొనుగోలు చేయడం లేదు. పత్తి రైతులను ఆదుకునేందుకు ప్రభుత్వం ప్రత్యేక కొనుగోలు కేంద్రా లను ఏర్పాటు చేయాలి. నాణ్యతలేని పత్తిని కూడా మద్దతు ధరకు కొనుగోలు చేయాలి. – సత్యారెడ్డి, రైతు, అయిజ ఈసారి సరైన వర్షాలు కు రువలేదు. బోరుబావులు, కాల్వల ద్వారా నీటితడులిచ్చి, అష్టకష్టాలు పడి పత్తిని పండిస్తే తుఫాన్‌ పత్తిపంటను నాశనం చే సింది. ప్రభుత్వం పత్తి రైతులను ఆదుకోవాలి. – వరలక్ష్మి, మహిళా రైతు, అయిజ ఇటీవల కురిసిన వర్షాలకు తడిసిన పత్తిని వెంటనే నిల్వ చేయకూడదు. తేమశాతం తగ్గేంత వరకు ఎండలో ఆరబెట్టాలి. రంగు మారిన, నాణ్యతను కోల్పోయిన పత్తిని వేరుచేయాలి. చెత్తాచెదారం కలువకుండా రైతులు జాగ్రత్తలు పాటించాలి. – వీరప్ప, జిల్లా వ్యవసాయశాఖ అధికారి ●

అలంపూర్‌ రూరల్‌: బ్రాహ్మణుల ఐక్యత, సామాజిక చైతన్యం, అన్ని రంగాల్లో అభివృద్ధికి బ్రాహ్మిణ్‌ ఆర్గనైజేషన్‌ ఫర్‌ సోషల్‌ సర్వీస్‌ (బాస్‌) కీలక పాత్ర పోషిస్తుందని జిల్లా అధ్యక్షుడు మోహన్‌రావు అన్నారు. బాస్‌ ఆధ్వర్యంలో ఉమ్మడి జిల్లావ్యాప్తంగా చేపట్టిన చైతన్య యాత్రలో భాగంగా ఆదివారం అలంపూర్‌లో నిర్వహించిన జిల్లాస్థాయి ముఖ్యకార్యకర్తల సమావేశంలో ఆయన మాట్లాడారు. ఉమ్మడి మహబూబ్‌నగర్‌ జిల్లాలోని వివిధ బ్రాహ్మణ సంఘాలను బాస్‌ ఆధ్వర్యంలో ఒకే వేదికపైకి తీసుకొచ్చి ఐక్యతకు బాటలు వేస్తున్నట్లు తెలిపారు. బ్రాహ్మణుల మధ్య సమన్వయం, పరస్పర సహకారం పెంపొందించడంతో పాటు సామాజికంగా, విద్యాపరంగా, ఆర్థికంగా అభివృద్ధి సాధించేలా ప్రణాళికాబద్ధంగా ముందుకెళ్తామన్నారు. అక్టోబర్‌ 25న మహబూబ్‌నగర్‌లో సుమారు 2,500 మంది బ్రాహ్మణులతో సమావేశం నిర్వహించనున్నట్లు తెలిపారు. సమావేశంలో గొండ్యాల రాఘవేంద్ర శర్మ, ప్రమోద్‌ కొటారి, బాస్‌ కోఆర్డినేటర్‌ వెల్దండ ప్రదీప్‌, భీమ్‌సేనరావు, భక్షి శ్రీధర్‌, జ్యోషి గోపాలకృష్ణ, వర్నె చంద్రకాంత్‌, బోరవెల్లి ప్రవీణ్‌, రాజు, సాయికిరణ్‌, ప్రహ్లాదాచారి, ఆనంద్‌ శర్మ ఉన్నారు. మార్కెట్‌ పరిసరాల్లో వ్యర్థాలు వేయొద్దు అలంపూర్‌: మున్సిపాలిటీలోని చేపల మార్కెట్‌ పరిసరాల్లో వ్యర్థాలు వేయొద్దని పుర కమిషనర్‌ రాజేశ్‌ వ్యాపారులకు సూచించారు. ఆదివారం చేపల మార్కెట్‌ను ఆయన పరిశీలించి.. వ్యాపారులకు పలు సూచనలు చేశారు. మార్కెట్‌ను ఎల్లప్పుడు శుభ్రంగా ఉంచుకోవాలని సూచించారు. చేపలను రవాణాచేసే క్రమంలో నీటిని బయటకు వదులుతుండటంతో పారిశుద్ధ్య సమస్య ఉత్పన్నమవుతుందన్నారు. చేపల రవాణా, చేపల కోసం వినియోగించే నీరు బయటికి రాకుండా తగు చర్యలు తీసుకోవాలని కమిషనర్‌ సూచించారు. ఆయన వెంట మున్సిపల్‌ సిబ్బంది ఉన్నారు. నేడు మంత్రుల రాక వనపర్తి: జిల్లాలో సోమవారం మంత్రులు పొంగులేటి శ్రీనివాస్‌రెడ్డి, జూపల్లి కృష్ణారావు, వాకిటి శ్రీహరితో పాటు ఎంపీ మల్లు రవి పర్యటించనున్నట్లు స్థానిక ఎమ్మెల్యే తూడి మేఘారెడ్డి ఆదివారం ఒక ప్రకటనలో తెలిపారు. జిల్లాకేంద్రంలోని నల్లచెరువులో చేప పిల్లలను వదిలి కలెక్టరేట్‌ నుంచే వర్చువల్‌గా సబ్‌ రిజిస్ట్రార్‌ కార్యాలయం, శ్రీరంగాపురం తహసీల్దార్‌ కార్యాలయ భవన నిర్మాణాలకు శంకుస్థాపన చేస్తారని పేర్కొన్నారు. అలాగే తెలంగాణ పబ్లిక్‌ స్కూల్‌, బీసీ గురుకులం జూనియర్‌ కళాశాల భవన నిర్మాణానికి శంకుస్థాపన చేస్తారని, అనంతరం హౌసింగ్‌, రెవెన్యూ అంశాలపై ఉమ్మడి జిల్లా కలెక్టర్లు, అధికారులతో సమీక్ష నిర్వహించనున్నారని వివరించారు.

సాక్షి ప్రతినిధి, మహబూబ్‌నగర్‌: పాలమూరు–రంగారెడ్డి ఎత్తిపోతల పథకం నుంచి డిండికి నీటి తరలింపుపై అగ్గి రాజుకోనుంది. పాలమూరు ప్రజలు, రైతాంగానికి నష్టం వాటిల్లుతుందని.. అడ్డుకోవాలంటూ ఇప్పటికే ప్రజాప్రతినిధులకు బహిరంగ లేఖలతో యుద్ధం మొదలు పెట్టిన ఉమ్మడి జిల్లా పెండింగ్‌ ప్రాజెక్ట్‌ల సాధన జేఏసీ ఉద్యమ కార్యాచరణకు శ్రీకారం చుట్టింది. ప్రజల్లో చైతన్యం తేవడంతో పాటు లీడర్లలో చలనం వచ్చేలా ఆందోళన కార్యక్రమాలకు రూపకల్పన చేసినట్లు తెలుస్తోంది. ఈ నేపథ్యంలో డిండి ప్రాజెక్ట్‌ పూర్వపరాలు, ప్రస్తుత పరిస్థితులు, జాయింట్‌ యాక్షన్‌ కమిటీ పోరు సన్నాహాలపై ‘సాక్షి’ ఫోకస్‌.. ఉమ్మడి ఏపీలో ఇలా.. ఉమ్మడి ఆంధ్రప్రదేశ్‌లో ఉమ్మడి నల్లగొండ, మహబూబ్‌నగర్‌ జిల్లాల్లో ఫ్లోరైడ్‌ పీడిత ప్రాంతాలకు సాగు, తాగు నీరందించేందుకు శ్రీశైలం ఎడమగట్టు కాల్వ (ఎస్‌ఎల్‌బీసీ)కు శ్రీకారం చుట్టిన విషయం తెలిసిందే. శ్రీశైలం రిజర్వాయర్‌ నుంచి పంపింగ్‌ లేకుండా గ్రావిటీ ద్వారా నీటిని తరలించేలా ఎస్‌ఎల్‌బీసీ భూగర్భ టన్నెల్‌ తవ్వకానికి శ్రీకారం చుట్టారు. ఎస్‌ఎల్‌బీసీ ప్రధాన కాల్వ ద్వారా వచ్చే నీటిలో కొంత భాగాన్ని అక్కంపల్లి బ్యాలెన్సింగ్‌ రిజర్వాయర్‌ నుంచి లింక్‌ కాల్వల ద్వారా ఎగువన ఉన్న డిండి రిజర్వాయర్‌కు మళ్లించేలా డిజైన్‌ చేశారు. అయితే టన్నెల్‌ నిర్మాణంలో అనేక అడ్డంకులు ఎదురుకావడం.. నిధుల విడుదలలో జాప్యంతో పనులు కొనసాగుతూనే ఉన్నాయి. బీఆర్‌ఎస్‌లో తెరపైకి.. అభ్యంతరాలతో వెనుకడుగు తెలంగాణ ఆవిర్భావం అనంతరం అధికారంలోకి వచ్చిన బీఆర్‌ఎస్‌ ప్రభుత్వం కృష్ణా జలాల పునర్విభజన, రీడిజైన్‌ వ్యూహాన్ని తెరపైకి తీసుకొచ్చింది. పాత డిండి లింక్‌ ప్రతిపాదనను రీడిజైన్‌ చేసి రూ.6 వేల కోట్లకు పైగా అంచనాతో ప్రత్యేక ఎత్తిపోతల పథకాన్ని రూపొందించింది. ఎస్‌ఎల్‌బీసీపైనే ఆధారపడకుండా పాలమూరు–రంగారెడ్డి ఎత్తిపోతల పథకంలోని ఏదుల నుంచి డిండికి కృష్ణా జలాలను ఎత్తిపోసేలా మార్పు చేశారు. దీనిపై ఉమ్మడి పాలమూరు జిల్లా నుంచి అభ్యంతరాలు రావడంతో ప్రభుత్వం వెనుకడుగు వేసింది. కాంగ్రెస్‌.. వచ్చీ రావడంతో.. 2023లో అధికారంలోకి వచ్చిన కాంగ్రెస్‌.. పీఆర్‌ఎల్‌ఐలో భాగంగా వనపర్తి జిల్లాలో నిర్మిస్తున్న ఏదుల రిజర్వాయర్‌ నుంచి డిండికి నీళు్‌ల్‌ తరలించేలా ప్రతిపాదించిన ఏదుల–ఉల్పర లింక్‌ పనుల కోసం గతేడాది రూ.1,800 కోట్లతో పరిపాలనా అనుమతులు ఇచ్చింది. అయితే డిండికి నీటి తరలింపుపై తొలి నుంచీ వ్యతిరేకంగా ఉన్న పాలమూరు రైతులు, ప్రజలు, జల సాధన సమితి, అధ్యయన వేదిక రేవంత్‌ ప్రభుత్వ నిర్ణయంపై ఆగ్రహం వ్యక్తం చేశారు. అప్పుడు వ్యతిరేకం, ఇప్పుడు మౌనమా? తెలంగాణలో బీఆర్‌ఎస్‌ ప్రభుత్వం అధికారంలోకి వచ్చిన తర్వాత ఏదుల నుంచి డిండికి నీటి మళ్లింపు తెరపైకి రాగా పెద్ద ఎత్తున అభ్యంతరాలు వెల్లువెత్తాయి. ఆ సమయంలో పార్టీలకతీతంగా రాజకీయ నేతలు, ప్రజాప్రతినిధులు వ్యతిరేకిస్తూ.. ఎట్టి పరిస్థితుల్లోనూ ఒప్పుకొనేది లేదని.. ఈ ప్రతిపాదనను విరమించుకోవాలని విన్నవించడంతో పాటు హెచ్చరికలు సైతం జారీ చేశారు. అప్పుడు డిండికి పాలమూరు నుంచి నీటిని తరలించొద్దని జూపల్లి కృష్ణారావు లేఖ రాశారు. ఇప్పుడు కాంగ్రెస్‌ ప్రభుత్వంలో ఆయన మంత్రిగా ఉండి.. ఏదుల నుంచి డిండికి నీటి తరలింపుపై నోరు మెదకపోవడంపై జేఏసీ నేతలు మండిపడుతున్నారు. ఉద్యమ తీవ్రత పెంచేలా.. డిండి ప్రాజెక్ట్‌కు వ్యతిరేక ఉద్యమంలో అధికార పార్టీ ప్రజాప్రతినిధులతో పాటు రాజకీయ పార్టీల నేతలు కలిసి వచ్చేలా జేఏసీ చైర్మన్‌ రాజేందర్‌రెడ్డి, ప్రతినిధులు వీరబ్రహ్మచారి, బెక్కెం జనార్దన్‌, చెన్న కిష్టయ్య, బండెల రాంచంద్రారెడ్డి, పాలమూరు అధ్యయన వేదిక ఉమ్మడి జిల్లా కన్వీనర్‌ రాఘవాచారి తదితరులు చర్చించుకుని తమ వ్యూహాన్ని అమలు చేస్తున్నట్లు తెలుస్తోంది. ఇందులో భాగంగా ఉద్యమాన్ని తీవ్రతరం చేసేలా ఆదివారం ఉల్పర నుంచి కల్వకుర్తికి పాదయాత్ర చేపట్టనుంది. ఈ యాత్రకు ఎమ్మెల్సీ కోదండరాంతో పాటు పాలమూరు అధ్యయన వేదిక రాష్ట్ర కన్వీనర్‌, ప్రొఫెసర్‌ హరగోపాల్‌ హాజరుకానున్నారు. యాత్ర వేదికగా సీఎం రేవంత్‌రెడ్డి పేరిట బహిరంగ లేఖలు విడుదల చేయనున్నారు. కల్వకుర్తిలో ఆర్డీఓ తదితర అధికారులకు వినతిపత్రాలు అందించనున్నారు. దశల వారీగా ప్రజాప్రతినిధుల ఇళ్ల ముట్టడి, వంటావార్పు, నిరసనలు.. ఇలా పోరు కార్యాచరణను వెల్లడించనున్నట్లు సమాచారం. పోరుకు శ్రీకారం చుట్టిన జేఏసీ డిండికి నీటి తరలింపునకు సంబంధించి పాలమూరు–రంగారెడ్డి ఎత్తిపోతలలోని ఏదుల నుంచి 2.52 కిలోమీటర్ల మేర ఓపెన్‌ కాల్వతో పాటు 16 కి.మీల సొరంగం.. ఆ తర్వాత 3.05 కి.మీల మేర కాల్వను నిర్మించి దుందుభీ నదిలోకి నీళ్లు పోస్తారు. అక్కడ నీటిని మళ్లించేందుకు పోతిరెడ్డిపల్లి వద్ద రబ్బర్‌ డ్యాం నిర్మించనున్నారు. ఈ క్రమంలో ఆయా చోట్ల రిజర్వాయర్లు, కాల్వల పనులు మొదలు కాగా.. ఉమ్మడి పాలమూరు జిల్లా పెండింగ్‌ ప్రాజెక్ట్‌ల సాధన జేఏసీ పోరుకు శ్రీకారం చుట్టింది. పాలమూరు నీళ్లను డిండికి తరలించొద్దని కోరుతూ ఉమ్మడి మహబూబ్‌నగర్‌ ప్రజాప్రతినిధులకు బహిరంగ లేఖలు రాసింది. అంతేకాదు.. పోరు కార్యాచరణను రూపొందించుకుని ముందుకుసాగుతోంది. ఈ మేరకు డిండి పరిధిలో రిజర్వాయర్లు, కాల్వల సందర్శన చేపట్టి.. రైతులు, వివిధ సంఘాల నేతలతో సమావేశాలు నిర్వహిస్తూ ప్రజల్లో చైతన్యం తెచ్చేలా పోరు సన్నాహాలు ముమ్మరం చేసింది. డిండికి పాలమూరు నీటి తరలింపుపై జేఏసీ పోరు బాట ప్రజల్లో చైతన్యంతోపాటు ప్రజాప్రతినిధులపై ఒత్తిడి పెంచేలా కార్యాచరణ ఇప్పటికే అడ్డుకోవాలని బహిరంగలేఖలు.. రైతులు, సంఘాల నేతలతో భేటీ నేడు ఉల్పర నుంచి కల్వకుర్తికి పాదయాత్ర... సీఎం పేరిట విజ్ఞాపన పత్రం హాజరుకానున్న ఎమ్మెల్సీ కోదండరాం, ప్రొఫెసర్‌ హరగోపాల్‌

జోగుళాంబ గద్వాలఆదివారం శ్రీ 27 శ్రీ సెప్టెంబర్‌ శ్రీ 2026ఆడబిడ్డ అని అధైర్యపడలేదు.. కూతురు అనే లింగ వివక్ష చూపలేదు.. వారిలోనే కుమారులను చూసుకుంటూ.. ఆడపిల్లలకు అండగా నిలుస్తున్నారు పలువురు తల్లిదండ్రులు.. ఉన్నత విద్యకు బాటలు వేస్తూ.. ఉన్నతంగా తీర్చిదిద్దుతున్నారు.. తల్లిదండ్రుల ఆశలయాలనే తమ కలలుగా భావించిన కూతుళ్లు సైతం పెద్ద పెద్ద చదువులు చదువుతూ.. జీవితంలో స్థిరపడుతూ.. తమ తల్లిదండ్రులను గర్వపడే స్థాయిలో నిలబెడుతున్నారు. ఆదివారం జాతీయ కూతుళ్ల దినోత్సవాన్ని పురస్కరించుకొని జిల్లాలో స్ఫూర్తిగా నిలుస్తున్న పలువురు తల్లిదండ్రులు, కూతుళ్లపై ప్రత్యేక కథనం.. – గద్వాల/ అలంపూర్‌ ప్రస్తుత ఆధునిక కాలంలోనూ లింగవివక్ష చూపే సమాజంలో.. కూతురు అంటే ప్రాణంగా చూసుకునే తల్లిదండ్రులూ ఉన్నారు. మగపిల్లాడితో సమానంగా ఇంకా చెప్పాలంటే అంతకు మించి ఉన్నత చదువులు చదివించి వారిని సమాజంలో ఉన్నత స్థాయిలో నిలబడేలా ప్రోత్సహించారు. తండ్రి ఇచ్చిన ప్రోత్సాహం, ధైర్యంతో తిరిగి అదే తండ్రికి బాసటగా నిలుస్తున్నారు ఈ కూతుళ్లు. గద్వాల పట్టణానికి చెందిన న్యాయవాది పి.శ్రీధర్‌కు ఇద్దరు కూతుళ్లు శ్రీనిత, శ్రీలేఖ. పెద్ద కూతురు శ్రీనిత పంజాబ్‌లోని రాజీవ్‌గాంధీ నేషనల్‌ యూనివర్సిటీలో న్యాయశాస్త్రంలో పీజీ పూర్తి చేయగా.. చిన్న కూతురు శ్రీలేఖ హైదరాబాద్‌లోని సింబసియస్‌ ఇంటర్నేషనల్‌ యూనివర్సిటీలో న్యాయశాస్త్రంలో ఎల్‌ఎల్‌బీ, నల్సార్‌ యూనివర్సిటీలో ఎల్‌ఎల్‌ఎం పీజీ పూర్తి చేసింది. ప్రస్తుతం వీరు హైకోర్టులో న్యాయవాదులుగా రాణిస్తూ మంచి పేరు తెచ్చుకున్నారు. వీరిలో పెద్ద కూతురు భర్త టాటా టెలీ సర్వీసెస్‌లో ఎంటర్‌ ప్రైజేస్‌ మేనేజర్‌గా పనిచేస్తున్నారు. అదేవిధంగా చిన్న కూతురు శ్రీలేఖ భర్త సాయికిరణ్‌ ఐఏఎస్‌ అధికారిగా మహారాష్ట్రలోని భండారా జిల్లాలో సబ్‌ కలెక్టర్‌గా పనిచేస్తున్నారు. తమ తండ్రి శ్రీధర్‌ ఆడపిల్లలు అనే బేధం లేకుండా ఎంతో ప్రేమ, ఆప్యాయతతో పెంచారని, అదేవిధంగా ఉన్నత చదువులు చదివించారని శ్రీనిత, శ్రీలేఖలు చెబుతున్నారు. అలాగే తల్లి సునీత కూడా తమకు అన్ని రకాలుగా అండగా నిలిచి.. ఉన్నత చదువులు చదివేందుకు దోహదపడిందని పేర్కొన్నారు. తమను ఉన్నత స్థాయిలో నిలబెట్టేందుకు తండ్రి శ్రీధర్‌ చాలా కష్టాలు పడ్డారని వాటిని చూస్తూ పెరిగామని, తమ జీవిత చరమాంకం వరకు తల్లిదండ్రులకు అండగా నిలబడతామని ‘సాక్షి’కి తెలిపారు. దుర్మార్గమైన పాలన రాష్ట్రంలో కాంగ్రెస్‌ పార్టీ దుర్మార్గమైన పాలన సాగిస్తుందని బీఆర్‌ఎస్‌ రాష్ట్ర ప్రధాన కార్యదర్శి ప్రవీణ్‌కుమార్‌ అన్నారు. –8లో uన్యాయ వ్యవస్థలో రాణింపు.. లింగవివక్ష చూపకుండా ఉన్నత విద్యకు దోహదం తల్లిదండ్రుల ఆశయాలకు అనుగుణంగా రాణిస్తున్న కూతుళ్లు న్యాయవాదులుగా సత్తాచాటుతున్న శ్రీనిత, శ్రీలేఖ తండ్రి కోరిక నెరవేర్చిన హరితకుమారి నేడు జాతీయ కూతుళ్ల దినోత్సవం

గద్వాల క్రైం: భూ పోరాట యోధురాలు, పేదల తరపున పెత్తందారులతో పోరాడిన వీరనారి చాకలి ఐలమ్మ అని ఎస్పీ శ్రీనివాసరావు అన్నారు. శనివారం ఐలమ్మ 131 జయంతిని పురస్కరించుకొని ఎస్పీ కార్యాలయంలో ఆమె చిత్రపటానికి పూలమాల వేసి ఘనంగా నివాళులర్పించారు. ఈ సందర్భంగా ఎస్పీ మాట్లాడుతూ నిరుపేదల సమస్యలపై నిరంతరం పోరాటం చేసిన యోధురాలు అన్నారు. ఆధిపత్య వాదంపై ఎర్రజెండాతో ఎదురునిలిచి తన ప్రాణాన్ని సైతం లెక్క చేయకుండా పోరాటం చేసిందన్నారు. ఆమె ఆశయాలను ప్రతిఒక్కరు స్ఫూర్తిగా తీసుకోవాలని చెప్పారు. అంతకు ముందు అంతర్జాతీయ వయో వృద్ధుల దినోత్సవం సందర్భంగా వారి భద్రతకు పోలీసుశాఖ కృషి చేస్తుందన్నారు. ఎవరైనా వారిని నిర్లక్ష్యం చేస్తే చట్టపరమైన చర్యలు తప్పవని హెచ్చరించారు. వయోవృద్ధుల సంక్షేమానికి కృషి గద్వాల న్యూటౌన్‌: వయోవృద్ధుల సంక్షేమం, ఆరోగ్యం, సంతోషకరమైన జీవనం కోసం ప్రతి ఒక్కరూ కృషి చేయాలని జిల్లా సంక్షేమ అధికారి సునంద అన్నారు. అంతర్జాతీయ వయోవృద్ధుల వారోత్సవాల్లో భాగంగా శనివారం స్థానిక ప్రణామ్‌ వయోవృద్ధుల డే కేర్‌ సెంటర్‌ సందర్శించి.. అక్కడి వసతులను పరిశీలించారు. వయోవృద్ధులతో మాట్లాడి యోగక్షేమాలు తెలుసుకున్నారు. అక్కడున్న ఖాళీ స్థలంలో మొక్కలు నాటాలని సిబ్బందికి సూచించారు. సుంకేసులకు స్వల్ప ఇన్‌ఫ్లో రాజోళి: సుంకేసుల డ్యాంకు ఎగువ నుంచి వరద నీరు వచ్చి చేరుతుంది. ఎగువన ఉన్న వాగులు, వంకలు, నది పరివాహకంలో కురిసిన వర్షాలతో నదిలో నీరు వస్తున్నట్లు అధికారులు తెలిపారు. కాగా శనివారం డ్యాంకు ఎగువ నుంచి 11 వేల క్యూసెక్కులు ఇన్‌ఫ్లో రాగా.. కేసీ కెనాల్‌కు మాత్రం 2,445 క్యూసెక్కులు విడుదల చేశారు. డ్యాంలోని స్పిల్‌ వే గేట్లు తెరవలేదని జేఈ మహేంద్ర తెలిపారు.

మల్దకల్‌: ఆదిశిలా క్షేత్రంలో శనివారం పౌర్ణమిని పురస్కరించుకుని ఆదిశిలావాసుడి కల్యాణోత్సవాన్ని వేదపండితులు మంత్రోచ్ఛరణాల మధ్య కనులపండువగా నిర్వహించారు. ఈ సందర్భంగా వేదపండితులు మధుసూదనాచారి, రవిచారి స్వామివారి ఉత్సవమూర్తులకు ప్రత్యేక పూజలు, హోమాలు చేశారు. అనంతరం స్వామివారి కల్యాణోత్సవంను వైభవంగా చేపట్టారు. ఈ వేడుకను తిలకించేందుకు వివిధ ప్రాంతాల నుంచి భక్తులు పెద్దసంఖ్యలో హాజరయ్యారు. అదేవిధంగా ఆదిశిలా వాసుడికి భక్తులు ప్రత్యేక పూజలు చేశారు. భక్తులకు ఎలాంటి ఇబ్బందులు లేకుండా ఆలయ చైర్మన్‌ ప్రహ్లాదరావు అన్ని ఏర్పాట్లు చేశారు. మండలంలోని సద్దలోనిపల్లి కృష్ణస్వామి, పాల్వాయి అడవి ఆంజనేయస్వామి, కుర్తిరావులచెర్వు గట్టు తిమ్మప్పస్వామి ఆలయాల్లో భక్తులు ప్రత్యేక పూజలు చేశారు. భక్తులకు అన్నదాన కార్యక్రమం నిర్వహించారు.

గద్వాల న్యూటౌన్‌: విద్యార్థులు జిల్లాలోని చారిత్రక, సాంస్కృతిక, పర్యాటక ప్రదేశాల విశిష్టతను తెలుసుకొని, వాటి ప్రాధాన్యతపై సోషల్‌ మీడియా ద్వారా ప్రపంచానికి తెలియజేయాలని కలెక్టర్‌ రిజ్వాన్‌బాషా షేక్‌ అన్నారు. ప్రపంచ పర్యాటక దినోత్సవాన్ని పురస్కరించుకొని శనివారం స్థానిక ప్రభుత్వ ఎంఏఎల్‌డీ డిగ్రీ కళాశాలలోని సెమినార్‌ హాల్‌లో నిర్వహించిన కార్యక్రమానికి ఎస్పీ శ్రీనివాసరావు, ఎమ్మెల్యే బండ్ల కృష్ణమోహన్‌రెడ్డితో కలిసి పాల్గొన్నారు. ఈ సందర్భంగా కలెక్టర్‌ మాట్లాడుతూ రాష్ట్రంలో వెలుగులోకి రాని పర్యాటక ప్రాంతాల్లో ప్రభుత్వం పెద్దఎత్తున అభివృద్ధి పనులు చేపట్టి పర్యాటక రంగాన్ని ముందుకు తీసుకెళ్లేందుకు కృషి చేస్తుందన్నారు. జిల్లాలోని నిజాంకొండ, బీచుపల్లి, అలంపూర్‌ ఆలయాలను మరింత అభివృద్ది చేసేందుకు నిధులు మంజూరు చేసిందన్నారు. ప్రభుత్వం టూరిస్టు గైడ్‌ల నియామకానికి నోటిఫికేషన్‌ విడుదల చేసి, యువతకు ఉపాధి అవకాశాలు మెరుగుపరుస్తుందన్నారు. ఎస్పీ శ్రీనివాసరావు మాట్లాడుతూ పర్యాటక రంగం అభివృద్ధితో స్థానిక యువతకు ఉపాధి లభించడంతోపాటు ప్రభుత్వానికి ఆదాయం వస్తుందన్నారు. ప్రపంచంలో అనేక దేశాలు పర్యాటక రంగాన్ని ఆర్థికాభివృద్ధికి ప్రధాన ఆధారంగా చేసుకొని ముందుకు సాగుతున్నాయని పేర్కొన్నారు. ఎమ్మెల్యే కృష్ణమోహన్‌రెడ్డి మాట్లాడుతూ జిల్లాలో పర్యాటక అభివృద్ధికి అపార అవకాశాలు ఉన్నాయని చెప్పారు. అనంతరం పర్యాటక దినోత్సవాన్ని పురస్కరించుకొని వివిధ పోటీల్లో విజేతలుగా నిలిచిన విద్యార్థులకు ప్రశంసాపత్రాలు అందించారు. అలాగే వైద్య కళాశాలలో ఉద్యోగాలకు ఎంపికై న అభ్యర్థులకు నియామక పత్రాలు అందించారు. కార్యక్రమంలో ట్రెయినీ డిప్యూటీ కలెక్టర్‌ మనోజ్‌ కుమార్‌రెడ్డి, జిల్లా పర్యాటక శాఖ అధికారి రామలింగేశ్వర్‌గౌడ్‌, మున్సిపల్‌ చైర్‌పర్సన్‌ జయలక్ష్మి, ప్రిన్సిపాల్‌ షేక్‌ కలందర్‌ బాష తదితరులు పాల్గొన్నారు.

తుంగభద్ర నదికి ప్రస్తుతం వస్తున్న వరదతో పరివాహక గ్రామాల్లో పూర్తి ఉపశమనం లభించదు. నది తీర గ్రామాల్లో ఇప్పటికే ఎక్కడికక్కడ పంటలు ఎండు ముఖం పట్టాయి. వచ్చిన నీరు వచ్చినట్లుగా వాడుతుంటే దిగువకు ఏమాత్రం రాదు. కాకపోతే ఈ నీటితో తాత్కాలిక ఉపశమనం లభిస్తుంది. అది కూడా కొన్ని ప్రాంతాలకు మాత్రమే. – వీరన్న, రైతు, పెద్దధన్వాడ, రాజోళి మండలం స్పష్టత ఇవ్వలేం.. టీబీ డ్యాం, సుంకేసుల మధ్యలో కురిసిన వర్షాల కారణంగా ఈ వరద వస్తుంది. ఇది ఒక రకంగా రైతులకు కొంత ఉపశమనం కలిగిస్తుంది. పూర్తి ప్రయోజనమని చెప్పలేం. కానీ, వస్తున్న నీటిని పొదుపుగా వాడుకోవాల్సిన అవసరం ఉంది. ఇంకా ఇండెంట్‌పై స్పష్టత ఇవ్వలేం. శుక్రవారం నాటికి తుంగభద్ర నదికి 17,100 క్యూసెక్కులు, ఆర్డీఎస్‌ కెనాల్‌కు 565 క్యూసెక్కుల నీరు వచ్చింది. – రామదాసు, ఆర్డీఎస్‌ అధికారి ●

● రబీలో వరికి బదులు ప్రత్యామ్నాయ పంటలు వేయాలి గద్వాల న్యూటౌన్‌: జూరాల ప్రాజెక్ట్‌ నుంచి నవంబర్‌ వరకు వారాబందీ పద్ధతిలో ప్రతి మూడు రోజులకు ఒకసారి నీటిని విడుదల చేస్తామని నీటిపారుదల శాఖ డీఈ శివకృష్ణ తెలిపారు. కలెక్టరేట్‌లోని జిల్లా వ్యవసాయశాఖ అధికారి చాంబర్‌లో శుక్రవారం రబీ సీజన్‌ కార్యాచరణ ప్రణాళికపై జిల్లా వ్యవసాయాధికారి వీరప్ప ఆధ్వర్యంలో నిర్వహించిన సాంకేతిక సమావేశానికి టీఆర్‌వీకే గద్వాల సమన్వయకర్త డాక్టర్‌ అర్చన, నీటి పారుదలశాఖ డీఈ శివకృష్ణ, డీహెచ్‌ఎస్‌ఓ రాజ్‌కుమార్‌, కేవీకే మదానాపురం ప్రోగాం కోఆర్డినేటర్‌ రాజేందర్‌రెడ్డిలు హాజరయ్యారు. ఈ సందర్భంగా జిల్లాలో రబీ సీజన్‌కు సంబంధించి మండలాల వారీగా పంటల అంచనా విస్తీర్ణాన్ని ఖరారు చేయడంతోపాటు జూరాల ప్రాజెక్ట్‌ నుంచి సాగునీరు అందుబాటులో లేని పరిస్థితుల్లో ప్రత్యామ్నాయ పంటల ప్రణాళికపై చర్చించారు. అనంతరం నీటి లభ్యతపై స్పష్టమైన సమాచారం లేనందున, నీటి లభ్యత లేని ప్రాంతాల్లో వరికి బదులుగా ప్రత్యామ్నాయ పంటలు సాగు చేయాలని అధికారులు సూచించారు. నీటి లభ్యత, నేల, వాతావరణ పరిస్థితులు పరిగణలోకి తీసుకొని మండలాల వారీగా ప్రత్యామ్నాయ పంటలను గుర్తించారు. ముఖ్యంగా మినుములు, శనగలు, మొక్కజొన్న, జొన్న పంటల విస్తీర్ణం పెంచేలా ప్రత్యామ్నాయ పంటల ప్రణాళిక రూపొందించారు. దీంతోపాటు ఆత్మ నిర్భర కార్యక్రమం అమలు, పప్పుదినుసుల సాగు ప్రోత్సాహం, ప్రకృతి వ్యవసాయ పద్ధతుల అవలంబన, ప్రస్తుత పరిస్థితులకు అనుగుణంగా రబీ పంట ప్రణాళికపై చర్చించారు.

అలంపూర్‌ : పెండింగ్‌ ప్రాజెక్టుల సాధనకు ఈనెల 27న చేపట్టనున్న పాదయాత్రను విజయవంతం చేద్దామని పెండింగ్‌ ప్రాజెక్టుల సాధన సమితి నియోజకవర్గ జేఏసీ చైర్మన్‌ రామ్మోహన్‌ పిలుపునిచ్చారు. ఈ మేరకు అలంపూర్‌ చౌరస్తాలోని జాతీయరహదారి నాలుగు రోడ్ల కూడలిలో శుక్రవారం పాదయాత్ర పోస్టర్లను ఆవిష్కరించారు. ఈ సందర్భంగా జేఏసీ చైర్మన్‌ మాట్లాడుతూ....ఉమ్మడి మహబూబ్‌నగర్‌ జిల్లాలో పెండింగ్‌లో ఉన్న సాగునీటి ప్రాజెక్టులను తక్షణమే పూర్తి చేయాలన్నారు. రైతులకు న్యాయం చేయడానికి చర్యలు చేపట్టాలన్నారు. చంద్రసాగర్‌, అమ్రాబాద్‌, జూరాల, గట్టు, శేరుపల్లి ప్రాంతాల్లో ఎత్తిపోతల పథకాలు నిర్మించాలన్నారు. జీఓ 72తో తంగడి లిఫ్ట్‌ పథకాలు చేపట్టాలని డిమాండ్‌ చేశారు. లక్ష్మిదేవిపల్లి రిజర్వాయర్‌, వెల్టూరు. గొందిమల్ల బ్యారేజీల నిర్మించాలన్నారు. చిన్నోనుపల్లి రిజర్వాయర్‌ నుంచి ఆర్డీఎస్‌ కాలువకు సాగునీరు అందించాలన్నారు. పెండింగ్‌లో ఉన్న 99, 100 ప్యాకేజీల పనులు పూర్తి చేయాలన్నారు. పీఆర్‌ఎల్‌ఐ నీటిని నలగొండకు తరలించే ఎత్తిపోతల పథకాన్ని రద్దు చేయాలన్నారు.ఎండిపోతున్న పంటలను కాపాడేందుకు జూరాల నుంచి నీటిని సాగు నీరు విడదల చేయాలన్నారు. రైతులు, అన్ని రాజకీయ పార్టీల నాయకులు, ప్రజలు పెద్ద ఎత్తన హజరై జయప్రదం చేయాలని విజ్ఞప్తి చేశారు. కార్యక్రమంలో జేఏసీ వైస్‌ చైర్మన్‌ గోపాల్‌రెడ్డి, సర్పంచ్‌ గొంగోళ్ల ఈశ్వర్‌, మాజీ సర్పంచ్‌ శేషన్‌ గౌడు, రైతులు రంగస్వామి, సుబ్బారెడ్డి, హీరోజీరావు ఉన్నారు.

రాజోళి: తడారుతున్న గొంతుకు చల్లటి నీరు అందినట్లు.. ఎండిపోతున్న పంటలకు తుంగభద్ర నదికి వచ్చిన వరద ఊరటనిచ్చింది. ఇటు ఆర్డీఎస్‌ ఆయ కట్టుతోపాటు అటు తుంగభద్ర నది తీర గ్రామాల్లో సాగు చేయగా.. నీరు లేక ఎండిపోతున్న పంటలకు జీవం పోస్తుందని రైతులు అంటున్నారు. తీర గ్రామాల్లో నది నీటిని నమ్ముకుని వేసిన విత్తనాలు ఎండిపోగా.. నాట్లు వేసిన చోట నీటి కోసం రైతులు ఎదురుచూస్తున్నారు. నదిలో గతంలో ఎన్నడూ లేని విధంగా పెద్ద మోటార్లను ఏర్పాటు చేసి నీటిని తరలించుకుని పంటలకు తడులు అందించేందుకు ప్రయత్నాలు చేశారు. అయినప్పటికీ కూడా నదిలో నుంచి నీరు అందలేదు. దీంతో రైతులు తమ పంటలకు నీరు అందక చాలా వరకు పంటలను నష్టపోయారు. ప్రతి ఏడాది ఈ సమయానికే పచ్చని పంటలు ఉండే గ్రామాల్లో ఎండిన పంటలు, నీటి కోసం నోరు తెరుచుకున్న భూములే కనిపిస్తున్నాయని రైతులు వాపోతున్నారు. ఈ ఏడాది వర్షాకాలంలో మొదటిసారిగా తుంగభద్ర నదికి ఎగువ నుంచి వరద రావడం కొంత ఊరట కలిగించిందని రైతులు సంతోషం వ్యక్తం చేస్తున్నారు. పరివాహకంలో కురిసిన వర్షాలతో.. అలంపూర్‌ నిమోజకవర్గంలోని ఇటు ఆర్డీఎస్‌ కెనాల్‌ పరిధితోపాటు తుంగభద్ర నది పరివాహక గ్రామాల్లో ఎండుతున్న పంటలకు ఈ నీటితో శాశ్వత ప్రయోజనం కలగదు. కానీ, పూర్తి చివరి దశకు చేరుకుని ఎండుతున్న పంటలకు ఈ నీటితో తడులు అందించి ఊపిరి పోయవచ్చని రైతులు అంటున్నారు. తమ గోడును అధికారులు, ప్రభుత్వం వినకపోయినా దేవుడే కరుణించి.. నీటిని పంపాడని ఆనందం వ్యక్తం చేస్తున్నారు. ఎగువన ఉన్న టీబీ డ్యాం నుంచి దిగువకు నీరు అధికారికంగా విడుదల చేయకపోయినా.. ఆర్డీఎస్‌ ఆయకట్టు, నది పరివాహక గ్రామాల్లో సాగు చేస్తున్న పంటలకు కనీసం తడులు అందించే విధంగా నదిలో వరద రావడం సంతోషంగా ఉందని పేర్కొంటున్నారు. సుంకేసుల డ్యాం నుంచి ఎగువన ఉన్న టీబీ డ్యాం మధ్యలో కురిసిన వర్షాల కారణంగా ఈ నీరు వస్తుందని హర్షం వ్యక్తం చేస్తున్నారు. ఈ వరద నీరే శుక్రవారం నాటికి రాజోలి డైవర్షన్‌ స్కీం దగ్గర తుంగభద్ర నదికి 17,100 క్యూసెక్కులు వస్తుండగా.. ఆర్డీఎస్‌ కెనాల్‌కు 565 క్యూసెక్కులు వస్తున్నట్లు అధికారులు తెలిపారు. కాగా శుక్రవారం సాయంత్రానికి జిల్లాలోని ఆర్డీఎస్‌ ఆయకట్టు ప్రారంభమయ్యే సిందనూర్‌ దగ్గర నీరు రాగా.. అధికారులు అక్కడికి చేరుకొని కెనాల్‌ వెంట పర్యవేక్షణ చేసి నీటి ప్రవాహానికి అడ్డంకులు తొలగించారు. ఈ ఏడాది మొదటిసారి నదిలో ప్రవాహం సుంకేసుల– టీబీ డ్యాం మధ్యలో కురిసిన వర్షాలతో పారుతున్న నీరు నదికి 17,100.. ఆర్డీఎస్‌కు 565 క్యూసెక్కులు రాక నెర్రెలిచ్చిన భూములు.. ఎండుతున్న పంటలకు జీవకళ ఆయకట్టు, నది పరివాహక గ్రామాల్లో రైతుల హర్షం

అలంపూర్‌: అలంపూర్‌కు అదనపు కోర్టు మంజూరైనట్లు బార్‌ అసోసియేషన్‌ అధ్యక్షుడు శ్రీనివాసులు, మాజీ అధ్యక్షుడు, సీనియర్‌ న్యాయవాది నారాయణరెడ్డి తెలిపారు. ఈ మేరకు శుక్రవారం స్థానిక జూనియర్‌ సివిల్‌ కోర్టులోని న్యాయవాదుల సమావేశ మందిరంలో అదనపు కోర్టు రావడంపై న్యాయవాదులు కేక్‌ కట్‌ చేసి సంబరాలు జరుపుకొన్నారు. కార్యక్రమంలో సీనియర్‌ న్యాయవాదులు శోభారాణి, నారాయణరెడ్డి, శ్రీధర్‌రెడ్డి, తిమ్మారెడ్డి, నాగరాజ్‌యాదవ్‌, ఆంజనేయులు, మధు, గజేందర్‌గౌడు, హుస్సేన్‌, వెంకటేష్‌, భీమేష్‌గౌడు, అఖిల్‌ తదితరులు పాల్గొన్నారు. భక్తిశ్రద్ధలతో పద్మనాభస్వామి వ్రతం ధరూరు/మల్దకల్‌ : మండల పరిధిలోని పెద్ద చింతరేవుల ఆంజనేయస్వామి ఆలయంలో అనంత పద్మనాభస్వామి వ్రతం శుక్రవారం కనుల పండువగా జరిపించారు. ఉడిపి పీఠాధిపతులతో వేద యుక్తంగా పూజలను నిర్వహించినట్లు ఆలయ ప్రధాన అర్చకులు ఆద్య చక్రవర్తి కేశవాచార్యులు తెలిపారు. ఉడిపి పలిమారు మఠం పీఠాధిపతులు విద్యాదీశ తీర్థ శ్రీపాదులు, రాజేశ్వర తీర్థ శ్రీపాదులు ముందుగా మూల రాముల వారికి ప్రత్యేక పూజలు నిర్వహించారు. అనంతరం ఆంజనేయ స్వామి వారికి సంస్థాన పూజ, నవగ్రహ పూజ, పవమాన హోమాలు, జంట ఆవులకు గోపూజలు జరిపించారు. అనంతరం పద్మనాభ స్వామి వ్రతం నిర్వహించి కుటుంబసమేతంగా సుఖ సంతోషాలతో ఉండాలని పూజలు చేశారు. కా ర్యక్రమానికి కర్ణాటక, తెలంగాణ, ఆంధ్ర ప్రాంతాలకు చెందిన భక్తులు అధిక సంఖ్యలో పాల్గొ న్నారు. పూజల్లో గద్వాల బీఆర్‌ఎస్‌ నియోజకవర్గ ఇన్‌చార్జి బాసు హనుమంతు నాయుడు దంపతులు ప్రత్యేక పూజలు జరిపించారు. బాల్యవివాహాల నిర్మూలనకు కృషిచేయాలి గద్వాల: బాల్యవివాహాల నిర్మూలనకు కృషి చేయాలని, బాల్య వివాహ్‌ ముక్త్‌ భారత్‌ పోర్టల్‌పై పంచాయతీ కార్యదర్శులకు అవగాహన కార్యక్రమం నిర్వహిస్తున్నట్లు సంక్షేమ అధికారి జిల్లా అధికారి సునంద అన్నారు. శువ్రవారం కలెక్టరేట్‌లో నిర్వహించిన అవగాహన సదస్సులో ఆమె పాల్గొని మాట్లాడారు. జిల్లాలో బాల్య వివాహాలను పూర్తిగా నిర్మూలించి బాలికలకు విద్య, ఆరోగ్యం, భద్రత మెరుగైన భవిష్యత్‌ అందించేందుకు గ్రామస్థాయి నుంచే సమన్వయంతో పనిచేయాలన్నారు. గ్రామాల్లో బాలల పరిరక్షణ కమిటీల ద్వారా బాల్య వివాహాల నివారణకు చర్యలు చేపట్టాలని, సమాచారం అందిన వెంటనే అధికారులకు తెలియజేసి వివాహాలు జరగకుండా ముందస్తు చర్యలు తీసుకోవాలని సూచించారు. అలాగే గ్రామంలో జరిగే ప్రతి వివాహాన్ని తప్పనిసరిగా నమోదు చేయాలని తద్వారా బాల్య వివాహాలను గుర్తించి నివారించడంలో సహాయపడుతుందని చెప్పారు. బీవీఎంబీలో భాగంగా గ్రామసభలు నిర్వహించి బాల్యవివాహ రహిత గ్రామాలుగా తీర్మానం చేసి వివరాలను బీవీఎంబీ పోర్టల్‌ (ట్టౌ ఞఛిజిజీ ఛీఝ్చటటజ్చీజ్ఛ.ఠ్ఛీఛీ.జౌఠి.జీ ుఽ)లో అప్‌లోడ్‌ చేయాలని, అన్ని గ్రామాలను అక్టోబర్‌ 2న బాల్యవివాహా నిరోధక ఽఅధికారులు (సీఎంపీఓ) బాల్య వివాహ రహిత గ్రామాలుగా ప్రకటించేలా చర్యలు చేపట్టాలని ఆదేశించారు. కార్యక్రమంలో డీఆర్‌డీఓ ముసాయిదాబేగం, డీపీఓ శ్రీరాం, డీసీపీఓ నర్సింహ తదితరులు పాల్గొన్నారు. 80 క్వింటాళ్ల వేరుశనగ గద్వాల వ్యవసాయం: జిల్లాకేంద్రంలోని వ్యవసాయ మార్కెట్‌ యార్డుకు శుక్రవారం 80 క్వింటాళ్ల వేరుశనగ అమ్మకానికి వచ్చింది. కాగా క్వింటాల్‌ గరిష్టంగా రూ.7,901, కనిష్టంగా రూ.3,889, సరాసరిగా రూ.4,479 ధరలు లభించాయి. అలాగే 3 క్వింటాళ్ల ఆముదాలు రాగా.. క్వింటా రూ.7,151 ఒకే ధర పలికింది.

నారాయణపేట: వర్షాకాలం ముగింపు దశకు చేరుకున్నా ఉమ్మడి పాలమూరు జిల్లాను వర్షాభావ పరిస్థితులు వీడటం లేదు. వానాకాలం ముగియడానికి వారం రోజులే ఉండటంతో.. రైతుల్లో ఆందోళన నెలకొంది. జూన్‌ 1 నుంచి సెప్టెంబర్‌ 23 వరకు నమోదైన వర్షపాత గణాంకాలను పరిశీలిస్తే నారాయణపేట, వనపర్తి జిల్లాల్లో 35 శాతం, జోగుళాంబ గద్వాలలో 42 శాతం, మహబూబ్‌నగర్‌లో 29 శాతం, నాగర్‌కర్నూల్‌లో 32 శాతం లోటు నమోదైంది. మండలాల వారీగా పరిశీలిస్తే.. నారాయణపేట జిల్లాలోని 11 మండలాల్లో జూన్‌ 1 నుంచి సెప్టెంబర్‌ 23 వరకు జిల్లా సగటు సాధారణ వర్షపాతం 469.5 మి.మీ. కాగా.. ఇప్పటి వరకు 306.6 మి.మీ. మాత్రమే నమోదైంది. మద్దూర్‌, కోస్గి మండలాల్లో మాత్రమే సాధారణ వర్షపాతం నమోదైంది. అధిక వర్షపాతం నమోదైన మండలం ఒక్కటీ లేకపోవడం గమనార్హం. మండలాల వారీగా పరిశీలిస్తే నర్వలో అత్యధికంగా 47 శాతం, ఊట్కూర్‌, మాగనూర్‌, మక్తల్‌లో 42 శాతం చొప్పున లోటు ఉంది. మరికల్‌లో 42, ధన్వాడలో 41, నారాయణపేటలో 38, దామరగిద్దలో 37, కృష్ణాలో 35, గుండుమాల్‌లో 29, కొత్తపల్లిలో 31 శాతం లోటు నమోదైంది. మద్దూర్‌ మండలంలో సాధారణ వర్షపాతం 421.2 మి.మీ.గాను 377.7 మి.మీ. నమోదై 10 శాతం లోటుతో సాధారణ స్థితిలో ఉంది. కోస్గిలో సాధారణ వర్షపాతం 519.2 మి.మీ.కుగాను 452.7 మి.మీ. నమోదై 13 శాతం లోటుతోనూ సాధారణ వర్షపాతం కేటగిరీలో ఉంది. వర్షాకాలం ముగింపు దశకు చేరుతున్నా జిల్లాలో 35 శాతం వర్షపాతం లోటు కొనసాగుతుండటంతో వర్షాధార పంటలపై ఆందోళన నెలకొంది. నాగర్‌కర్నూల్‌ జిల్లాలో.. నాగర్‌కర్నూల్‌ జిల్లాలో సాధారణ వర్షపాతం 444 మి.మీ.కాగా.. ఇప్పటివరకు 301.6 మి.మీ. మాత్రమే నమోదైంది. మండలాల వారీగా పరిశీలిస్తే పదరలో 60 శాతం, పెంట్లవెల్లిలో 56 శాతం, అమ్రాబాద్‌లో 53 శాతం, లింగాలలో 51 శాతం, పెద్దకొత్తపల్లిలో 51 శాతం లోటు నమోదైంది. మరోవైపు కొల్లాపూర్‌లో 27 శాతం, కల్వకుర్తిలో 36 శాతం, తాడూరులో 37 శాతం లోటు కొనసాగుతోంది. కోడేర్‌లో 14 శాతం, నాగర్‌కర్నూల్‌లో 16 శాతం, చారకొండలో 16 శాతం, వంగూర్‌లో 11 శాతం లోటు ఉండటంతో ఆయా మండలాలు సాధారణ వర్షపాతానికి దగ్గరగా ఉన్నాయి. ఉప్పునుంతలలో కేవలం 5 శాతం లోటు మాత్రమే నమోదైంది. వనపర్తి జిల్లాలో.. వనపర్తి జిల్లాలో సాధారణ వర్షపాతం 474.3 మి.మీ. కాగా.. ఇప్పటి వరకు 306.4 మి.మీ. మాత్రమే నమోదైంది. బుధవారం జిల్లావ్యాప్తంగా సగటున 6.3 మి.మీ. వర్షం కురిసింది. దీంతో ఒక్కరోజు వర్షపాతం సాధారణం కంటే 125 శాతం అధికంగా నమోదైంది. అయినప్పటికీ గతంలో ఉన్న లోటు పూడ్చలేకపోయింది. ఆత్మకూర్‌లో అత్యధికంగా 64 శాతం, అమరచింతలో 53 శాతం, పాన్‌గల్‌లో 52 శాతం, చిన్నంబావిలో 46 శాతం, వనపర్తిలో 36 శాతం, ఏదులలో 35 శాతం లోటు వర్షపాతం నమోదైంది. రేవల్లి మండలంలో మాత్రమే ఇప్పటి వరకు 463.4 మి.మీ. వర్షపాతం నమోదై సాధారణ వర్షపాతం 452.5 మి.మీ.తో పోలిస్తే 2 శాతం అధికంగా ఉంది. మహబూబ్‌నగర్‌ జిల్లాలో.. మహబూబ్‌నగర్‌ జిల్లాలోని 17 మండలాల్లో 11 మండలాల్లో లోటు వర్షపాతం, ఒక మండలంలో తీవ్ర లోటు నమోదుకాగా.. ఐదు మండలాల్లో సాధారణ వర్షపాతం నమోదైంది. జిల్లా సాధారణ వర్షపాతం 487.7 మి.మీ. కాగా.. ఇప్పటి వరకు 345.5 మి.మీ. మాత్రమే నమోదైంది. బుధవారం జిల్లాలో 3.9 మి.మీ. వర్షపాతం నమోదైంది. చిన్నచింతకుంట మండలంలో అత్యంత దారుణ పరిస్థితి నెలకొంది. సాధారణంగా 433.8 మి.మీ. వర్షపాతం నమోదు కావాల్సి ఉండగా కేవలం 171.1 మి.మీ. మాత్రమే కురిసింది. 61 శాతం లోటు నమోదై ‘లార్జ్‌ డెఫిషియెంట్‌’గా నమోదైంది. మహబూబ్‌నగర్‌ రూరల్‌లో 52 శాతం, అడ్డాకులలో 51 శాతం, మహబూబ్‌నగర్‌ అర్బనన్‌లో 49 శాతం, కౌకుంట్ల, ముసాపేటలో 43 శాతం, భూత్పూర్‌లో40 శాతం, కోయిల్‌కొండలో 37 శాతం లోటు నమోదైంది. గండీడ్‌, నవాబ్‌పేట, బాలానగర్‌, జడ్చర్ల, మహ్మదాబాద్‌ మండలాల్లో సాధారణ వర్షపాతం నమోదైంది. గండీడ్‌, నవాబ్‌పేటలో సాధారణానికి 2 శాతం అధికంగా వర్షపాతం నమోదైంది. జోగుళాంబ గద్వాల జిల్లాలో.. జోగుళాంబ గద్వాల జిల్లాలో సాధారణ వర్షపాతం 421.6 మి.మీ. కాగా.. ఇప్పటి వరకు 244.1 మి.మీ. మాత్రమే నమోదైంది. వడ్డేపల్లిలో అత్యధికంగా 71 శాతం, ఉండవెల్లిలో 56 శాతం, మానవపాడులో 58 శాతం, గద్వాలలో 50 శాతం, మల్దకల్‌లో 50 శాతం, ఎరవ్రల్లిలో 59 శాతం, రాజోలిలో 46 శాతం, ఇటిక్యాలలో 41 శాతం, ధరూరులో 37 శాతం, అయిజలో 30 శాతం లోటు నమోదైంది. కేటీదొడ్డిలో 3 శాతం, గట్టులో 3 శాతం అధిక వర్షపాతం నమోదైంది. సాధారణ వర్షపాతం పరిధిలో ఉన్న ఈ రెండు మండలాలు జిల్లా సగటుతో పోలిస్తే మెరుగైన పరిస్థితిలో ఉన్నాయి. తుదిదశకు చేరుకున్న వానాకాలం ఉమ్మడి జిల్లాను వీడని వర్షాభావం చెరువులు వెలవెల.. భూగర్భ జలం తగ్గుముఖం వాడుముఖం పట్టిన పంటలు.. ఆందోళనలో అన్నదాతలు

గద్వాల: జిల్లాలో భూ సంబంధ సమస్యలపై వచ్చిన దరఖాస్తులను ఎప్పటికప్పుడు పరిశీలించి పరిష్కరించాలని కలెక్టర్‌ రిజ్వాన్‌బాషా షేక్‌ అన్నారు. భూముల రీ సర్వే, భూ భారతి, సాదాబైనామా తదితర రెవెన్యూ అంశాలపై శుక్రవారం తహసీల్దార్లతో సమీక్షించారు. ఈ సందర్భంగా కలెక్టర్‌ మాట్లాడుతూ రెవెన్యూ అంశాలపై సమీక్షించడానికి ఈ నెల 28న వనపర్తిలో జరిగే ఉమ్మడి జిల్లాస్థాయి సమావేశానికి రెవెన్యూ శాఖ మంత్రి పొంగులేటి శ్రీనివాసరెడ్డి హాజరవుతారని, ఈ నేపథ్యంలో జిల్లాకు సంబంధించి సమగ్ర రెవెన్యూ సమాచారంతో హాజరు కావాలన్నారు. భూభారతి, సాదాబైనామా తదితర దరఖాస్తులను పెండింగ్‌లో ఉంచకుండా పరిష్కరించాలన్నారు. రీసర్వే పనులు వేగవంతంగా చేయాలని లైసెన్స్‌ సర్వేయర్ల సేవలను వినియోగించుకోవాలని సూచించారు. ఇప్పటి వరకు తొమ్మిది గ్రామాల్లో రీ సర్వే ప్రారంభించగా రెండు గ్రామాల్లో మాత్రమే పూర్తయిందని మిగిలిన చోట్ల పూర్తి చేయాలని ఆదేశించారు. సమావేశంలో అదనపు కలెక్టర్‌ మధుమోహన్‌, ఏడీ నూకరాజు, తహసీల్దార్లు తదితరులు పాల్గొన్నారు. జాతీయ స్థాయిలో జిల్లా ఖ్యాతి ఉత్తమ నీటి నిర్వహణపై ఢిల్లీలో తనకు ప్రసగించే అవకాశం లభించడంతో జాతీయస్థాయిలో జోగుళాంబ జిల్లా ఖ్యాతి ఇనుమడించిందని కలెక్టర్‌ రిజ్వాన్‌బాషా షేక్‌ అన్నారు. కేంద్ర జలశక్తి మంత్రిత్వ శాఖ ఆధ్వర్యంలో ఢిల్లీలో జరుగుతున్న ఇండియా ఇంటర్నేషనల్‌ వాటర్‌ వీక్‌లో ఈ నెల 24న కలెక్టర్‌ పాల్గొని వచ్చిన నేపథ్యంలో శుక్రవారం జిల్లా అధికారులు కలెక్టరేట్‌లో కలెక్టర్‌ను ఘనంగా సన్మానించారు. అనంతరం కలెక్టర్‌ మాట్లాడుతూ నీటి వనరులను సరంక్షించేందుకు ప్రణాళిక రూపొందించడమే కాకుండా వాటిని క్షేత్రస్థాయిలో అమలు చేసినప్పుడే అనుకున్న ఫలితాలు వస్తాయన్నారు. ఎల్‌నినో ప్రభావంతో వర్షాలు తక్కువగా కురుస్తున్నందున ఉన్ననీటి వనరులను కాపాడుకునేందుకు ప్రజల భాగస్వామ్యంతో చిత్తశుద్ధితో పనిచేయాలన్నారు. కార్యక్రమంలో అదనపు కలెక్టర్లు మధుమోహన్‌, నర్సింగ్‌రావు, డీపీఓ శ్రీకాంత్‌, పరిశ్రమల శాఖ అధికారి రామలింగేశ్వర్‌గౌడ్‌, సీఈఓ నాగేంద్రం తదితరులు పాల్గొన్నారు.

ఇటిక్యాల: గణేశ్‌ ఉత్సవాల్లో భాగంగా విశేష పూజలందుకున్న గణనాథులను క్రమంగా బీచుపల్లి వద్ద కృష్ణానదిలో భక్తులు నిమజ్జనం చేశారు. గురువారం తొమ్మిదో రోజు కావడంతో నిమజ్జనం కోసం వివిధ ప్రాంతాల నుంచి వందల సంఖ్యలో గణనాథులను నిమజ్జనానికి తీసుకువచ్చారు. అక్కడ ప్రత్యేకంగా ఏర్పాటు చేసిన క్రేను సహాయంతో అర్ధరాత్రి నుంచి శుక్రవారం ఉదయం వరకు దాదాపు వందకుపైగా గణనాథులను కృష్ణానదిలో నిమజ్జనం చేశారు. నిమజ్జనం ప్రాంతాన్ని రాత్రి 9 గంటల సమయంలో ఎస్పీ శ్రీనివాసరావు, డీఎస్పీ మొగులయ్య, సీఐ ప్రదీప్‌కుమార్‌తో కలిసి సందర్శించారు. నిమజ్జనం దృష్ట్యా బీచుపల్లి పరిసర ప్రాంతాల్లో ఎలాంటి అవాంచనీయ ఘటనలు జరగకుండా అన్ని శాఖల అధికారులు అప్రమత్తంగా ఉంటూ కార్యక్రమం నిర్వహించాలని సూచించారు. అలాగే జాతీయ రహదారిపై ట్రాఫిక్‌జాం కాకుండా ప్రత్యేకంగా ఏర్పాటు చేసిన 40 మంది సిబ్బందితో భధ్రత కల్పించి నిరంతరం పెట్రోలింగ్‌ నిర్వహించాలని ఇటిక్యాల ఎస్‌ఐ రవినాయక్‌కు ఎస్పీ సూచించారు.

మల్లమ్మకుంట రిజర్వాయర్‌ పనుల్లో రైతులకు ఇబ్బంది కలగకుండా పనులు ప్రారంభించి వేగంగా పూర్తిచేయాలని మాజీ ఎమ్మెల్యే సంపత్‌కుమార్‌ అధికారులను ఆదేశించారు. గురువారం మల్లమ్మకుంట భూ పరిహారం విషయంలో ఆర్డీఓ శ్రీనివాసరావు, స్పెషల్‌ డిప్యూటీ కలెక్టర్‌ కృష్ణ రైతులతో సమావేశమైన విషయం తెలుసుకున్న ఆయన వెంటనే హైదరాబాద్‌లో నీటి పారుదల శాఖ మంత్రి ఉత్తమ్‌కుమార్‌రెడ్డిని కలిశారు. మల్లమ్మకుంట రిజర్వాయర్‌ ఆవశ్యకత, పనులు జరుగుతున్న తీరును ఆయన మంత్రికి వివరించారు. మల్లమ్మకుంట భూసేకరణపై కలెక్టర్‌తో మాట్లాడి.. అక్కడికక్కడే రైతుల డిమాండ్లను పరిగణలోకి తీసుకోవాలని, భూముల ధరలో పునరాలోచించి వారికి న్యాయం చేయాలని విజ్ఞప్తి చేశారు. ఈ సందర్భంగా ల్యాండ్‌ ఆక్వజేషన్‌ కమిషనర్‌ శివకుమార్‌తో ఫోన్‌లో మాట్లాడి మల్లమ్మకుంటపై తగిన ఆదేశాలను మంత్రి జారీ చేసినట్లు సంపత్‌కుమార్‌ స్థానిక విలేకరులకు వెల్లడించారు.

రాజోళి: ‘ఉమ్మడి పాలమూరులోని సీఎం రేవంత్‌రెడ్డి నియోజకవర్గమైన కొడంగల్‌లో ఇచ్చిన పరిహారం అలంపూర్‌లో ఎందుకు ఇవ్వరు.. తనగలలో ఉన్న భూములు వ్యవసాయానికి, ఇతర అన్ని అవసరాలకు సౌకర్యవంతంగా ఉంటాయని దానికి కూడా తక్కువ ధర కేటాయించడం ఎంత వరకు సబబు.. అయినా ఒకే జిల్లాలో రెండు రకాలుగా పరిహారాలు ఇచ్చేందుకు గల కారణాలు తెలియజేయండి.. కొడంగల్‌ నియోజకవర్గంలో ఇచ్చిన విధంగానే మల్లమ్మకుంట కోసం భూములు కోల్పోతున్న మాకూ పరిహారం ఇవ్వండి’ అని భూ నిర్వాసితులు అధికారులకు తేల్చిచెప్పారు. తుమ్మిళ్ల ఎత్తిపోతల పథకంలో అత్యంత కీలకమైన మల్లమ్మకుంట రిజర్వాయర్‌ భూ పరిహారం విషయమై గురువారం వడ్డేపల్లిలోని ఐకేపీ భవనంలో భూములు కోల్పోతున్న రైతులతో గద్వాల ఆర్డీఓ శ్రీనివాసరావు, స్పెషల్‌ డిప్యూటీ కలెక్టర్‌ కృష్ణ, తహసీల్దార్‌ శివకుమార్‌ సమావేశం నిర్వహించారు. ఈ సందర్భంగా 577 ఎకరాల వ్యవసాయ భూములు ఈ రిజర్వాయర్‌ కోసం కోల్పోతున్న తమకు తగిన సరైన పరిహారం ఇవ్వకపోతే తామెలా బతకాలి అంటూ అధికారులను నిలదీశారు. ఎకరాకు రూ.7.50 లక్షలు ఇచ్చారని, దీనిపై కోర్టుకు వెళ్లినా రూ.14 లక్షల వరకే అవకాశం కల్పించారని, ఈ డబ్బుతో కనీసం ఎకర భూమి కూడా కొనుగోలు చేయలేమని రైతులు వాపోయారు. ప్రస్తుతం తనగల, పర్దీపురం గ్రామాల్లో ఎకరా రూ.30 లక్షలు పలుకుతోందని పేర్కొన్నారు. ప్రభుత్వం ఇచ్చిన జీఓలో తనగల రైతులు నిర్వాసితులు కాదని ఉందని, భూములు పోతే సర్వం కోల్పోయినట్లేనని.. తప్పకుండా నిర్వాసితులమే అవుతామని చెప్పారు. భూములు కోల్పోతున్న వారిలో ఒకరిద్దరు మినహాయించి, అందరూ చిన్నకారు రైతులేనని వారికి ఈ భూమి తప్ప ఎలాంటి బతుకుదెరువు లేదని, వారికి కూడా ఈ పరిహారంతో సరిపెట్టాలంటే ఎలా అని ప్రశ్నించారు. రిజర్వాయర్‌ ఏర్పాటు అనంతరం ఫిషరింగ్‌, బోటింగ్‌పై కూడా స్పష్టత ఇవ్వలేదని దుయ్యబట్టారు. ప్రభుత్వం ఎన్ని కొర్రీలు పెట్టినా తమకు రూ.20 లక్షలకు పైగా పరిహారం ఇస్తేనే భూమి ఇస్తామని తేల్చిచెప్పారు. కలెక్టర్‌ దృష్టికి తీసుకెళ్తా.. 2013 చట్టం ప్రకారం మల్లమ్మకుంట రిజర్వాయర్‌ కోసం భూములు కోల్పోతున్న రైతులకు 2013 చట్టం ప్రకారం పరిహారం అందజేస్తామని ఆర్డీఓ శ్రీనివాసరావు చెప్పారు. రూ.14 లక్షల పరిహారం ఇవ్వడంతోపాటు అర్హులైన వారికి ఇందిరమ్మ ఇళ్లు, కుల వృత్తుల వారికి చేయూత, ఫిషరింగ్‌, బోటింగ్‌, జాతీయ రహదారిపై స్థానికులకే అవకాశం వచ్చేలా కృషిచేస్తామన్నారు. అయితే రైతులు మాత్రం తమకు ఎట్టి పరిస్థితుల్లో రూ.20 లక్షలకుపైగా పరిహారం చెల్లిస్తేనే మాట్లాడతామని, లేదంటే కోర్టులో చూసుకుంటామని అన్నారు. ఇక్కడ జరిగిన అంశాలన్ని కలెక్టర్‌ దృష్టికి తీసుకెళ్తానని ఆర్డీఓ చెప్పారు. కార్యక్రమంలో ఆర్డీఎస్‌ మాజీ చైర్మన్‌ సీతారామిరెడ్డి, ఆర్‌ఐ వేణుగోపాల్‌రెడ్డి, నర్సింహరాజు, రైతులు పాల్గొన్నారు. కొడంగల్‌కు ఒకలా.. మాకొకలా ఇవ్వడం ఎంత వరకు సబబు మల్లమ్మకుంట వ్యవహారంపై అధికారులను నిలదీసిన రైతులు సర్వే ముగిశాక మరోమాట చెప్పడంపై మండిపాటు రూ.20 లక్షలపైనే ఇస్తేనే భూములిస్తాం వడ్డేపల్లిలో రైతులతో సమావేశమైన ఆర్డీఓ, స్పెషల్‌ డిప్యూటీ కలెక్టర్‌

● కలెక్టర్‌ రిజ్వాన్‌బాషా షేక్‌ గద్వాల: నీటి పొదుపుపైనే భావితరాల మనుగడ ఆధారపడి ఉంటుందని కలెక్టర్‌ రిజ్వాన్‌బాషా షేక్‌ అన్నారు. కేంద్ర జలశక్తి మంత్రిత్వ శాఖ ఆధ్వర్యంలో న్యూఢిల్లీలోని భారత్‌ మండపంలో ఈ నెల 20 నుంచి శనివారం వరకు నిర్వహిస్తున్న 9వ ఇండియా ఇంటర్నేషనల్‌ వాటర్‌ వీక్‌ వేడుకల్లో ఆయన ప్రత్యేక ఆహ్వానితులుగా పాల్గొన్నారు. గురువారం జరిగిన కార్యక్రమంలో జిల్లాలో అమలవుతున్న ఉత్తమ నీటి నిర్వహణ పద్ధతులపై ఆయన ప్రజెంటేషన్‌ ఇచ్చారు. ఈ సందర్భంగా కలెక్టర్‌ మాట్లాడుతూ రిజర్వాయర్ల నిల్వ సామర్థ్యాన్ని పెంచడం వీబీజీ రాంజీ పథకం ద్వారా జల సంరక్షణ పనులు చేపట్టడం, ఆయిల్‌పాం సాగు విస్తరణ మైక్రో ఇరిగేషన్‌, మత్య్స సంపద అభివృద్ధి వంటి అంశాలు వివరించారు. వీబీజీ రాంజీ పథకంలో నీటి సంరక్షణ పనులను గుర్తించి అమలు చేస్తే కరువు కాటకాలను సమర్థవంతంగా అధిగమించవచ్చన్నారు. గ్రామాల్లో ప్రతిఒక్కరు ఇంటి వద్ద ఇంకుడు గుంతలు, రైతుల పొలాల్లో పంట కుంటలు, ఊట కుంటల నిర్మాణాల ఆవశ్యకతను గుర్తుచేశారు. బిందు సేద్యంతో తక్కువ నీటితో ఆరుతడి పంటలు సాగు చేసే విధానాన్ని ప్రోత్సహించాలని, సామాజిక అడవులు పెంపకం, చెక్‌డ్యాంల నిర్వహణపై దృష్టి సారించాలని, పచ్చదనం పెరిగితే వర్షాలు సమృద్ధిగా కురుస్తాయని, జల సంరక్షణ కేవలం ప్రభుత్వలకే పరిమితం కాకుండా ప్రజలందరి భాగస్వామ్యం ఉంటేనే సఫలమవుతుందని కలెక్టర్‌ పేర్కొన్నారు. జాతీయ వేదికపై మాట్లాడే అవకాశం కల్పించిన నిర్వాహకులకు ఆయన కృతజ్ఞతలు తెలిపారు.

నాగర్‌కర్నూల్‌: రాష్ట్ర ప్రభుత్వం దసరా కానుకగా చేయూత పథకం కింద కొన్ని వర్గాలకు కొత్త పింఛన్లు మంజూరు చేయబోతుంది. ఈ నెల 16 వరకు అర్హులైన లబ్ధిదారుల నుంచి దరఖాస్తులు స్వీకరించిన విషయం తెలిసిందే. అయితే ఎన్నో ఏళ్ల నుంచి పింఛన్‌ కోసం ఎదురుచూస్తున్న వృద్ధులకు మాత్రం ఇవ్వడం లేదు. వారిని నిరాశపర్చచకుండా గ్రామ కార్యదర్శులు కేవలం దరఖాస్తులు మాత్రం తీసుకొన్నారు. కానీ, ఎక్కడా ఆన్‌లైన్‌లో నమోదు చేయలేదు. కేవలం వితంతువులు, ఒంటరి మహిళలు, దివ్యాంగులు, చేనేత, గీతా కార్మికులతోపాటు ఫైలేరియా, డయాలసిస్‌ బాధితులకు మాత్రమే కొత్త పింఛన్లు ఇవ్వనుంది. వీరి దరఖాస్తులను మాత్రమే ఆన్‌లైన్‌ చేయడంతో వాటిని ప్రభుత్వం నిబంధనల ప్రకారం విచారణ చేయడానికి మండల స్థాయి అధికారులకు బాధ్యత అప్పగించారు. వారు శుక్రవారం వరకు విచారణ పూర్తి చేసి సంబంధిత ఎంపీడీఓలకు అప్పగించనున్నారు. వాటిని ఎంపీడీఓ ఆన్‌లైన్‌లో నమోదు చేసిన తర్వాత జిల్లా అధికారులు పరిశీలించి ఆమోదించనున్నారు. ఉమ్మడి జిల్లావ్యాప్తంగా మొత్తం 65,566 మంది పింఛన్ల కోసం దరఖాస్తు చేసుకోగా.. ఫైలేరియా, డయాలసిస్‌ బాధితులను ఇందులో కలపలేదు. అలాగే వృద్ధుల దరఖాస్తులు స్వీకరించి.. ఆన్‌లైన్‌లో నమోదు చేసినా ఈ సంఖ్య రెట్టింపు అయ్యే అవకాశం ఉంది. చేయూత లబ్ధిదారుల దరఖాస్తులను విచారణ చేయడానికి మండల స్థాయిలో ఎంఈఓ, పీఆర్‌ఏఈ, ఆర్‌డబ్ల్యూఎస్‌ ఏఈ, ఎంపీఓలకు బాధ్యత అప్పగించారు. దరఖాస్తులు, గ్రామాల సంఖ్యను పరిగణలోకి తీసుకొని విచారణ అధికారులను ఎంపిక చేశారు. వారికి ముందుగానే పింఛను అర్హతకు సంబంధించి ఎలాంటి నియమ నిబంధనలను పరిగణలోకి తీసుకోవాలో వివరించారు. అంతేకాకుండా నింబంధనలకు సంబంధించిన వివరాలు అందజేశారు. ఒక్కో దరఖాస్తును ప్రభుత్వ నిబంధనల ప్రకారం సమగ్రంగా విచారణ చేసి అర్హులను ఎంపిక చేయాలని సూచించినట్లు నాగర్‌కర్నూల్‌ డీఆర్‌డీఓ ఓబులేష్‌ తెలిపారు. ఉమ్మడి జిల్లాలో 65,566 మంది దరఖాస్తులు క్షేత్రస్థాయిలో పరిశీలిస్తున్న మండలస్థాయి అధికారులు నేటితో ముగియనున్న విచారణ గడువు ప్రభుత్వ నిబంధనల మేరకులబ్ధిదారుల ఎంపిక పండుగ కానుకగా కొత్త పింఛన్లు ఇచ్చేందుకు కసరత్తు

నారాయణపేట: జవహర్‌ నవోదయ విద్యాలయాల్లో 2027–28 విద్యా సంవత్సరం 9, 11వ తరగతుల్లో ఖాళీల భర్తీకి నిర్వహించే ప్రవేశ పరీక్షకు దరఖాస్తులు ఆహ్వానిస్తున్నట్లు కలెక్టర్‌ సీహెచ్‌ ప్రియాంక బుధవారం ఒక ప్రకటనలో తెలిపారు. దరఖాస్తు గడువు ఈ నెల 30తో ముగియనుందని.. అర్హత, ఆసక్తిగల విద్యార్థులు సంబంధిత పోర్టల్‌లో దరఖాస్తు చేసుకోవాలని పేర్కొన్నారు. ప్రవేశ పరీక్ష 2027, ఏప్రిల్‌ 10న జరగనుందని తెలిపారు. జిల్లాలోని ప్రభుత్వ, గుర్తింపు పొందిన ఉన్నత పాఠశాలల ప్రధానోపాధ్యాయులు, జిల్లా విద్యాశాఖ అధికారులు, మండల విద్యాధికారులు విస్తృతంగా అవగాహన కల్పించాలని.. విద్యార్థులు, తల్లిదండ్రులకు పరీక్ష, దరఖాస్తు విధానం తదితర వివరాలను తెలియజేసి గరిష్టంగా దరఖాస్తు చేసుకునేలా చర్యలు చేపట్టాలని సూచించారు.

ఆధ్యాత్మిక కేంద్రమైన శ్రీశైలం వరకు రహదారి విస్తరణ జరిగితే అభివృద్ధికి మార్గం వేసినట్లు అవుతుంది. హైదరాబాద్‌ – శ్రీశైలం – తోకలపల్లి వరకు విస్తరించి ఉన్న 765 జాతీయ రహదారి విస్తరణ జరగాల్సి ఉంది. మన్ననూర్‌ – శ్రీశైలం– దోర్నాల మధ్య పులుల రక్షిత ప్రాంతం ఉండటంతో ఇబ్బందులు వస్తున్నాయి. దీని అధిగమించి రెండు రాష్ట్రాల మధ్య దూరం తగ్గించేందుకు కేంద్ర ప్రభుత్వం దృష్టికి రెండు తెలుగు రాష్టాలు ప్రతిపాదనలు సిద్ధం చేశాయి. ఇందుకోసం సీఎం రేవంత్‌రెడ్డి రతన్‌టాటా గ్రీన్‌ఫీల్డు హైవేను పొడిగిస్తూ ప్రతిపాదిత ఎలివేటెడ్‌ కారిడార్‌ వరకు గ్రీన్‌ ఫీల్డు హైవేతో పాటు బుల్లెట్‌ ట్రైన్‌ కోసం 100 మీటర్ల వెడల్పుతో సర్వే చేశారు. త్వరలోనే డీపీఆర్‌ సిద్ధం చేసి కేంద్ర ప్రభుత్వానికి పంపిస్తారు. – డా.చిక్కుడు వంశీకృష్ణ, ఎమ్మెల్యే, అచ్చంపేట

కందనూలు: ఉమ్మడి పాలమూరు జిల్లాలో పెండింగ్‌ ప్రాజెక్టులను పూర్తి చేసి ఐదేళ్లలో రూ.4 వేల కోట్లు వెచ్చించి 6.5 లక్షల ఎకరాలకు సాగునీరు అందించిన ఘనత బీఆర్‌ఎస్‌ ప్రభుత్వానిదేనని మాజీమంత్రి, బీఆర్‌ఎస్‌ డిప్యూటీ ఫ్లోర్‌లీడర్‌ హరీశ్‌రావు అన్నారు. రేవంత్‌ ప్రభుత్వం చేతగానితనం వల్ల కృష్ణా జలాలను చంద్రబాబు పెన్నా బేసిన్‌కు తరలించుకుపోతున్నారని ఆరోపించారు. కరువు గోదావరి, కృష్ణా నదుల్లో లేదని.. కాంగ్రెస్‌లో ఉందని వ్యాఖ్యానించారు. ప్రస్తుత ప్రభుత్వం మూడేళ్లలో కొత్తగా చేసిందేమీ లేదని, కనీసం 2 లక్షల ఎకరాలకు కూడా సాగునీరు అందించలేదని విమర్శించారు. బుధవారం నాగర్‌కర్నూల్‌లోని బీఆర్‌ఎస్‌ కార్యాలయంలో ఆయన మాట్లాడారు. భీమా, నెట్టెంపాడు, కోయిల్‌సాగర్‌, కేఎల్‌ఐ ఆయకట్టులో గతంలో కేవలం 26 వేల ఎకరాలు మాత్రమే సాగులో ఉండేవని, బీఆర్‌ఎస్‌ హయాంలో పెండింగ్‌ ప్రాజెక్టులను పూర్తి చేసి రన్నింగ్‌ ప్రాజెక్టులుగా మార్చామని తెలిపారు. పాలమూరు–రంగారెడ్డి ఎత్తిపోతల పథకానికి రూ.30 వేల కోట్లు ఖర్చు చేసి పనులు చేపట్టామని, నార్లాపూర్‌, ఏదుల, కర్వెన, వట్టెం రిజర్వాయర్లను 50 టీఎంసీల సామర్థ్యంతో నిర్మించామని చెప్పారు. 2023 సెప్టెంబర్‌ 16న కేసీఆర్‌ బాహుబలి మోటార్‌ను ప్రారంభించగా, నార్లాపూర్‌ రిజర్వాయర్‌లోకి నీరు చేరిందని గుర్తుచేశారు. ప్యాకేజీ–3 కెనాల్‌లో 1.33 కోట్ల క్యూబిక్‌ మీటర్ల మట్టి పని ఉండగా.. బీఆర్‌ఎస్‌ హయాంలో కోటి క్యూబిక్‌ మీటర్ల పని పూర్తయిందన్నారు. మిగిలిన 33 లక్షల క్యూబిక్‌ మీటర్ల పనిని పూర్తి చేయకపోవడంతో 50 టీఎంసీల నీటి నిల్వకు అవకాశం లేకుండా పోయిందని ఆరోపించారు. శ్రీశైలం నుంచి 88 టీఎంసీలు ఎత్తిపోశామని అసెంబ్లీలో ప్రభుత్వం చెప్పిందని, వాస్తవంగా ఎత్తిపోసింది 8.8 టీఎంసీలు మాత్రమేనని పేర్కొన్నారు. ఎక్కడ ఎత్తిపోశారు.. ఎక్కడ నీరు ఇచ్చారో లెక్కలు చెప్పాలని డిమాండ్‌ చేశారు. శ్రీశైలంలో ఇప్పటికీ 56 టీఎంసీలను ఎత్తిపోసే అవకాశం ఉన్నా ప్రభుత్వం పట్టించుకోవడం లేదని హరీశ్‌రావు విమర్శించారు. హర్షవర్దన్‌రెడ్డిని పరామర్శించిన హరీశ్‌రావు కొల్లాపూర్‌: పితృవియోగంతో బాధపడుతున్న మాజీ ఎమ్మెల్యే బీరం హర్షవర్దన్‌రెడ్డిని మాజీ మంత్రి హరీశ్‌రావు పరామర్శించారు. బుధవారం సింగోటలోని హర్షవర్దన్‌రెడ్డి వ్యవసాయ క్షేత్రానికి వెళ్లి సానుభూతి తెలిపారు. ఆయన తండ్రి భీరం లక్ష్మారెడ్డి చిత్రపటానికి పూలమాల వేసి నివాళులర్పించారు. అదేవిధంగా నకిరేకల్‌ మాజీ ఎమ్మెల్యే చిరుమర్తి లింగయ్య, మునుగోడు మాజీ ఎమ్మెల్యే కూసుకుంట్ల ప్రభాకర్‌రెడ్డి, భూపాలపల్లి మాజీ ఎమ్మెల్యే గండ్ర వెంకటరమణారెడ్డి హర్షవర్దన్‌రెడ్డిని పరామర్శించారు. మా హయాంలో ఐదేళ్లలో 6.5 లక్షల ఎకరాలకు నీరందించాం కాంగ్రెస్‌ కొత్తగా చేసిందేమీ లేదు.. మూడేళ్లలో 2 లక్షల ఎకరాలకూ సాగునీరు ఇవ్వలేదు 88 టీఎంసీలు ఎత్తిపోశామన్నారు.. ఎత్తిపోసింది 8.8 టీఎంసీలే మాజీ మంత్రి, బీఆర్‌ఎస్‌ డిప్యూటీ ఫ్లోర్‌లీడర్‌ టి.హరీశ్‌రావు

అచ్చంపేట: శ్రీశైలం ఎలివేటెడ్‌ కారిడార్‌ నిర్మాణం ప్రారంభమయ్యే బ్రాహ్మణపల్లి (మన్ననూర్‌) వరకు నాలుగు వరుసల గ్రీన్‌ ఫీల్డ్‌ హైవే నిర్మించేందుకు ప్రభుత్వం సన్నాహాలు చేపట్టింది. ప్యూచర్‌సిటీ మీదుగా రూ. 4,621 కోట్లతో 41.5 కి.మీ. నిర్మించనున్న గ్రీన్‌ ఫీల్డు రేడియల్‌ రోడ్డుతో హైదరాబాద్‌ నుంచి డిండి, మన్ననూర్‌, శ్రీశైలం మీదుగా ఆంధ్రప్రదేశ్‌కు వెళ్లే ప్రయాణికులకు దూరభారం తగ్గనుంది. భారత్‌ ఫ్యూచర్‌ సిటీకి కీలక అనుసంధానంగా ఈ రోడ్డు నిలవనుంది. భవిష్యత్‌ అవసరాలకు అనుగుణంగా 8 లేన్లకు విస్తరించే సదుపాయంతో పాటు మధ్యలో 20 మీటర్ల విస్తీర్ణాన్ని మెట్రో లేదా ఎంఎంటీఎస్‌ కారిడార్‌ నిర్మాణానికి ప్రత్యేకంగా కేటాయించారు. రేడియల్‌ రోడ్డు మార్గంలోనే ఇప్పుడు హైస్పీడ్‌ బుల్లెట్‌ ట్రైన్‌ ప్రతిపాదన కూడా తీసుకొచ్చారు. ప్రతిపాదిత రహదారిలో సర్వే.. ప్రభుత్వం ఆమనగల్‌ (ఆకుతోటపల్లి) నుంచి బ్రాహ్మణపల్లి (మన్ననూర్‌) వరకు ప్రతిపాదించిన గ్రీన్‌ఫీల్డు హైవేకు అలైన్‌మెంట్‌ కోసం ఆయా గ్రామాల సరిహద్దుల్లో భూముల సర్వే కూడా పూర్తయింది. చారకొండ మండలం జూపల్లి, తిమ్మాయిపల్లి, కమాల్‌పూర్‌తండా మీదుగా వంగూరు మండలం సర్వారెడ్డిపల్లి, కిష్టంపల్లి, తిరుమలగిరి, డిండి, ఉప్పునుంతల మండలం గువ్వలోనిపల్లి, అయ్యవారిపల్లి, రాయిచేడు, అచ్చంపేట మండలం హాజీపూర్‌, బ్రాహ్మణపల్లి శివారుల్లోని వ్యవసాయ పొలాల మీదుగా గ్రీన్‌ ఫీల్డు రహదారి కోసం శాటిలైట్‌, డ్రోన్‌ సర్వే చేసి హద్దురాళ్లు పాతారు. ప్రస్తుతం ఉన్న శ్రీశైలం జాతీయ రహదారికి డిండి నుంచి అటు ఇటుగా ఎడమవైపు 500 మీటర్ల నుంచి కి.మీ. దూరంలో గ్రీన్‌ఫీల్డు హైవే కోసం సర్వే చేశారు. ఇక పిజికల్‌ సర్వే చేయాల్సి ఉంది. గ్రీన్‌ఫీల్డు హైవేని కలుపుతూ.. హైదరాబాద్‌ నుంచి బెంగుళూరు వరకు ప్రతిపాదించిన హైస్పీడ్‌ రైల్వేలైన్‌.. ఆమనగల్‌ – బ్రాహ్మణపల్లి మధ్య ప్రతిపాదిత నాలుగు వరుసల గ్రీన్‌ ఫీల్డు హైవే పక్కపక్కనే వెళ్లనున్నాయి. ఈ రెండు ప్రాజెక్టులకు సంబంధించి ప్రాథమికంగా అందిన వివరాల ప్రకారం.. హైదరాబాద్‌–బెంగుళూరు కారిడార్‌లో శంషాబాద్‌, భారత్‌ ఫ్యూచర్‌ సిటీ, ఆమనగల్‌, నల్లమల (మన్ననూర్‌), సోమశిల వద్ద రైల్వేస్టేషన్లు ఏర్పాటు కానున్నాయి. ఇందుకు సంబంధించి పలుచోట్ల మార్కింగ్‌లు కూడా చేశారు. ఆమనగల్‌ వద్ద ముగిసే గ్రీన్‌ ఫీల్డ్‌ రేడియల్‌ రోడ్డును శ్రీశైలం ఎలివేటెడ్‌ కారిడార్‌ వరకు నాలుగు వరుసల విస్తరణలో నిర్మించాలని సర్కారు నిర్ణయించగా.. జాతీయ రహదారుల ప్రాధికార సంస్థ (ఎన్‌హెచ్‌ఏఐ) మూడు ప్రతిపాదనలను సిద్ధం చేసింది. మొదటి ప్రతిపాదనలో ఆమనగల్‌ రతన్‌ టాటా గ్రీన్‌ఫీల్డు హైవే నుంచి బ్రాహ్మణపల్లి వరకు 75.32 కి.మీ. ఉంటుంది. ఈ మార్గంలో గ్రీనన్‌ఫీల్డ్‌ (కొత్త రోడ్డు) 6.9 కి.మీ. ఇప్పటికే అభివృద్ధి చేసిన పాత రోడ్డు (బ్రౌన్‌ ఫీల్డు) 68.15 కి.మీ. నిర్మాణం చేపట్టాల్సి ఉండగా.. ఇది 20 గ్రామాల గుండా వెళ్తుంది. రెండో ప్రతిపాదన ప్రకారం ఆమనగల్‌ నుంచి బ్రాహ్మణపల్లి వరకు 59.41 కి.మీ. రోడ్డు ఉంటుంది. ఈ విధానంలో గ్రీన్‌ ఫీల్డ్‌ రోడ్డు 46.7 కి.మీ., బ్రౌన్‌ఫీల్డ్‌ రోడ్డు 12.65 కి.మీ. చేపట్టాల్సి ఉంటుంది. గ్రీన్‌ ఫీల్డ్‌ హైవే 11 గ్రామాల మీదుగా వస్తోంది. మూడో ప్రతిపాదనలో 72.35 కి.మీ. ఉండనుంది. ముఖ్యమంత్రి రేవంత్‌రెడ్డి స్వగ్రామం కొండారెడ్డిపల్లి మీదుగా మొత్తం 15 గ్రామాల నుంచి వస్తోంది. ఈ మూడు ప్రతిపాదనల్లో కొత్త రోడ్డు నిర్మాణానికే ఎక్కువ ప్రాధాన్యం ఇస్తున్నారు. రెండో ప్రతిపాదన మేరకు 13 నుంచి 16 కి.మీ. దూరం తగ్గడంతో పాటు యూటిలిటీ భారం తగ్గుతుందని, భూసేకరణ ఖర్చు కూడా కలిసి వస్తోందని భావిస్తున్నారు. ఇదే తుది ప్రతిపాదనగా పేర్కొంటున్నారు. ప్రతిపాదిత ఎలివేటెడ్‌ కారిడార్‌ వరకు రవాణా సౌకర్యం ఆమనగల్‌ నుంచి బ్రాహ్మణపల్లి మధ్య59 కి.మీ. నాలుగు వరుసల రహదారి ఇదే దారిగుండా హైస్పీడ్‌ రైల్వేలైన్‌కు ప్రాథమిక అలైన్‌మెంట్‌ ప్రాథమిక సర్వే పూర్తి.. హద్దు రాళ్లు ఏర్పాటు

కేటీదొడ్డి: భూముల రీసర్వే ప్రక్రియను పకడ్బందీగా నిర్వహించాలని ట్రెయినీ కలెక్టర్‌ రాజ్‌కుమార్‌ అన్నారు. కేటీదొడ్డి మండలం ఈసర్లపాడ్‌లో బుధవారం ప్రారంభమైన భూ సర్వేను ఆయన క్షేత్రస్థాయిలో పరిశీలించారు. గ్రామంలో మొత్తం 73 సర్వేనంబర్లు ఉండగా.. 969.23 ఎకరాల విస్తీర్ణం ఉంది. ఇందులో ప్రభుత్వ భూమి 119.33 ఎకరాలు ఉండగా.. రీసర్వే ద్వారా హద్దులు నిర్ణయిస్తున్నారు. ఈ సందర్భంగా ట్రెయినీ కలెక్టర్‌ మాట్లాడుతూ.. భూ రికార్డులను పక్కాగా నిర్వహించేందుకు, రైతుల భూ సమస్యలకు శాశ్వత పరిష్కరం చూపించేందుకు ప్రభుత్వం ప్రతిష్టాత్మకంగా రీసర్వే చేపట్టిందన్నారు. ఎలాంటి పొరపాట్లకు తావులేకుండా పారదర్శకంగా సర్వేను పూర్తి చేయాలని అధికారులకు సూచించారు. ఆయన వెంట మండల రెవెన్యూ అధికారులు ఉన్నారు.

ఎర్రవల్లి/ధరూరు: బీచుపల్లి ఆయిల్‌ మిల్లులో త్వరలోనే ఆయిల్‌పాం ప్రాసెసింగ్‌ యూనిట్‌ పనులు ప్రారంభించనున్నట్లు జిల్లా ఉద్యానశాఖ అధికారి రాజ్‌కుమార్‌ తెలిపారు. బుధవారం బీచుపల్లి ఆయిల్‌ మిల్లులో ఆయిల్‌పాం ప్రాసెసింగ్‌ యూనిట్‌ ఏర్పాటుకు సంబంధించి ఫ్యాక్టరీ లే అవుట్‌ను ఖరారు చేసేందుకు టీజీ ఆయిల్‌ ఫెడ్‌ మేనేజర్‌ సుధాకర్‌రెడ్డి, మార్కెటింగ్‌ మేనేజర్‌ సత్యనారాయణ, ప్లాంట్స్‌ అండ్‌ ప్రాజెక్ట్స్‌ మేనేజర్‌ శ్రీకాంత్‌రెడ్డి, టెక్నికల్‌ మేనేజర్‌ ఆకుల బాలకృష్ణ తదితరులతో కూడిన సాంకేతిక బృందం క్షేత్రస్థాయిలో సందర్శించింది. ఈ సందర్బంగా ఆయిల్‌పాం యూనిట్‌ ఏర్పాటుకు అవసరమైన మౌలిక వసతులు, యంత్రాల ఏర్పాటు, ఉత్పత్తి ప్రక్రియకు అనుగుణంగా ఫ్యాక్టరీలోని వివిధ విభాగాలను సాంకేతిక బృందం పరిశీలించింది. ముఖ్యంగా సీడ్‌ హౌస్‌లో ప్రాసెసింగ్‌ యూనిట్‌ ఏర్పాటుకు అవసరమైన నమూనా లేఅవుట్‌ను ఖరారు చేసినట్లు తెలిపారు. ఖరారు చేసిన లేఅవుట్‌కు అనుగుణంగా తదుపరి చర్యలు తీసుకుంటామన్నారు. ఇందుకు సంబంధించిన టెండర్‌ ప్రక్రియను త్వరలోనే పూర్తిచేసి, ప్రాజెక్టు పనులను ప్రారంభిస్తామన్నారు. ఆయిల్‌పాం ప్రాసెసింగ్‌ యూనిట్‌ అందుబాటులోకి రావడం ద్వారా జిల్లాలో సాగు విస్తరణకు మరింత ప్రోత్సాహకం లభించడంతో పాటు రైతులకు గెలల సేకరణ, తూకం, రవాణా, ప్రాసెసింగ్‌ సౌకర్యాలు మరింత మెరుగుపడతాయని జిల్లా ఉద్యానశాఖ అధికారి రాజ్‌కుమార్‌ వెల్లడించారు. అదే విధంగా ధరూరు మండలం బూరెడ్డిపల్లిలో నిర్వహించిన కార్యక్రమంలో సమగ్ర యాజమాన్య పద్ధతులను రైతులకు వివరించారు. కార్యక్రమంలో సివిల్‌ ఇంజనీర్‌ నరేశ్‌, ఏఓ శ్రీలత, రోహిత్‌కుమార్‌రెడ్డి, సర్పంచ్‌ విజయుడు పాల్గొన్నారు.

అలంపూర్‌: జోగుళాంబదేవి క్షేత్రంలో దేవీ శరన్నవరాత్రి ఉత్సవాలను ఘనంగా నిర్వహించేందుకు అన్ని ఏర్పాట్లు చేయాలని ఎమ్మెల్యే విజయుడు అన్నారు. బుధవారం అలంపూర్‌ క్షేత్రంలో ఈఓ దీప్తిరెడ్డితో కలిసి దేవీ శరన్నవరాత్రి ఉత్సవాలకు సంబంధించిన పోస్టర్లు, ఆహ్వాన పత్రికలను ఆవిష్కరించారు. ఈ సందర్భంగా ఆయన మాట్లాడుతూ.. జోగుళాంబ క్షేత్రంలో అక్టోబర్‌ 11 నుంచి 20వ తేదీ వరకు జరిగే ఉత్సవాలపై విస్తృతంగా ప్రచారం చే యాలని సూచించారు. ఉత్సవాలకు వచ్చే భక్తులకు ఎలాంటి ఇబ్బందులు కలుగకుండా అన్ని సౌకర్యాలు కల్పించాలని తెలిపారు. మహిళా భక్తులకు రక్షణగా మహిళా పోలీసులు ఉండే విధంగా చూసుకోవాలన్నా రు. అంతకుముందు ఆలయాల్లో ఎమ్మెల్యే ప్రత్యేక పూజలు చేశా రు. కార్యక్రమంలో ము న్సిపల్‌ చైర్మన్‌ జయరాముడు, వైస్‌ చైర్మన్‌ విక్రమ్‌ పాల్గొన్నారు. విద్యార్థులకు సమగ్ర ఆరోగ్య పరీక్షలు గద్వాల క్రైం: జిల్లాలోని ప్రభుత్వ పాఠశాలలు, కేజీబీవీలు, గురుకులాల్లో చదువుతున్న విద్యార్థులకు గురువారం నుంచి సమగ్ర ఆరోగ్య పరీక్షలు నిర్వహించనున్నట్లు జిల్లా వైద్యారోగ్యశాఖ ఇన్‌చార్జి అధికారి సంధ్యాకిరణ్మయి బుధవారం ఒక ప్రటనలో తెలిపారు. గద్వాల, అలంపూర్‌ నియోజకవర్గాల్లో మొత్తం 43,419 విద్యార్థులకు ఆరోగ్య పరీక్షలు నిర్వహించాలని లక్ష్యంగా నిర్దేశించినట్లు పేర్కొన్నారు. ఆర్‌బీఎస్‌కే బృందాలు విద్యార్థుల ఎత్తు, బరువు, రక్తపోటు, చెవి, ముక్కు, గొంతు, గుండె, చర్మవ్యాధులు, కంటి తదితర అంశాలను పరీక్షించనున్నట్లు తెలిపారు. నేడు కలెక్టరేట్‌ ముట్టడి కేటీదొడ్డి: ప్రభుత్వ పాఠశాలల్లో పనిచేస్తున్న స్వీపర్లకు పెండింగ్‌లో ఉన్న వేతనాలను చెల్లించాలని డిమాండ్‌ చేస్తూ గురువారం సీఐటీయూ ఆధ్వర్యంలో కలెక్టరేట్‌ ముట్టడి చేపట్టనున్నట్లు జిల్లా అధ్యక్షుడు ఉప్పేరు నర్శింహ తెలిపారు. బుధవారం కేటీదొడ్డి మండలం నందిన్నెలో నిర్వహించిన సమావేశంలో ఆయన మాట్లాడారు. ప్రభుత్వ పాఠశాలలను పరిశుభ్రంగా ఉంచుతూ.. విద్యార్థులకు అండగా ఉంటున్న స్వీపర్ల సంక్షేమంపై ప్రభుత్వం నిర్లక్ష్యంగా వ్యవహరిస్తుందని విమర్శించారు. వారికి సకాలంలో వేతనాలు చెల్లించకపోవడంతో ఆర్థికంగా ఇబ్బందులు ఎదుర్కొంటున్నారని తెలిపారు. పెండింగ్‌లో ఉన్న వేతనాలను నేరుగా కార్మికుల ఖాతాలో జమ చేయాలని ఆయన డిమాండ్‌ చేశారు. సమస్యల పరిష్కారం కోసం చేపట్టనున్న కలెక్టరేట్‌ ముట్టడిలో స్వీపర్లు అధిక సంఖ్యలో పాల్గొని విజయవంతం చేయాలని పిలుపునిచ్చారు. సమావేశంలో కుంటమ్మ, తాయమ్మ, శివప్ప, నర్సింహులు, నాగేశ్‌ ఉన్నారు.

గద్వాల: నెట్టెంపాడు, గట్టు ఎత్తిపోతల పథకాలతో పాటు మల్లమ్మకుంట రిజర్వాయర్‌ నిర్మాణానికి అవసరమైన భూసేకరణ ప్రక్రియలో వేగం పెంచి.. త్వరగా పూర్తి చేయాలని కలెక్టర్‌ రిజ్వాన్‌ బాషా షేక్‌ ఆదేశించారు. బుధవారం కలెక్టరేట్‌లో సంబంధిత అధికారులతో నిర్వహించిన సమీక్షలో ఆయన మా ట్లాడారు. భూసేకరణ ప్రక్రియకు ఎలాంటి ఇబ్బందులు లేనిచోట రైతులకు నిబంధనల మేరకు అవా ర్డు పాస్‌చేసి ముందుకెళ్లాలన్నారు. మల్లమ్మకుంట రిజర్వాయర్‌ నిర్మాణానికి సంబంధిత రైతులతో గ్రామసభలు నిర్వహించి, ప్రాజెక్టు ఆవశ్యకతను తెలియజేసి అడ్డంకులు లేకుండా చర్యలు తీసుకోవాలన్నారు. గుడ్డెందొడ్డి రిజర్వాయర్‌ సామర్థ్యాన్ని 15 టీఎంసీలకు పెంచుతూ ప్రభుత్వం నిర్ణయించినందున అవసరమైన భూసేకరణ ప్రక్రియను మొదలుపెట్టాలన్నారు. సాగునీటి ప్రాజెక్టులకు భూసేకరణపై ఎట్టి పరిస్థితుల్లోనూ నిర్లక్ష్యం చేయొద్దన్నారు. సమావేశంలో ఎస్‌డీసీ కృష్ణ, ఆర్డీఓ శ్రీనివాసరావు, ఎస్‌ఈ కేశవరావు, ఏడీ నూకరాజు ఉన్నారు. నేడు ఢిల్లీకి కలెక్టర్‌ ఉత్తమ నీటి నిర్వహణ విధానాలపై ప్రజెంటేషన్‌ ఇవ్వడానికి కలెక్టర్‌ రిజ్వాన్‌ బాషా షేక్‌ను కేంద్ర జలశక్తి మంత్రిత్వశాఖ ప్రత్యేకంగా ఆహ్వానించింది. ఈ మేరకు ఆయన గురువారం ఢిల్లీలో నిర్వహించే ప్రత్యేక సెషన్‌కు వెళ్లనున్నారు. ఈ కార్యక్రమం ద్వారా దేశంలోని వివిధ ప్రాంతాల్లో అమలుచేస్తున్న ఉత్తమ నీటి నిర్వహణ విధానాలు, అనుభావాలను తెలుసుకునే అవకాశం లభించనుంది. ఆయా ఉత్తమ పద్ధతులను జిల్లాలో పీఎండీడీకేవై ద్వారా చేపడుతున్న అభివృద్ధి కార్యక్రమాలకు అన్వయించుకునేందుకు ఉపయోగపడనుంది. జాతీయ స్థాయి వేదికపై ప్రజెంటేషన్‌ ఇవ్వడానికి కలెక్టర్‌కు లభించిన ఈ అవకాశంతో జిల్లాకు ప్రాధాన్యత ఏర్పడింది.

● ఎక్కడికక్కడ వివిధ పార్టీల నాయకుల అరెస్టులుగద్వాల క్రైం/ అమరచింత/ ధరూరు: సాగునీటి కోసం రైతులు చేస్తున్న ఆందోళనలతో మంగళవారం జూరాల జలాశయం వద్ద ఉద్రిక్త వాతావరణం నెలకొంది. ఆరు రోజులుగా జూరాల కాల్వలకు సాగునీరు నిలిపివేయడంతో పంటలు కాపాడుకునేందుకు ఆయకట్టు రైతులు, వివిధ రాజకీయ పార్టీల నాయకులు ఆందోళనలు చేస్తున్న విషయం తెలిసిందే. బీజేపీ రాష్ట్ర అధ్యక్షుడు రామచందర్‌రావు, సీపీఎం రాష్ట్ర కార్యదర్శి జాన్‌వెస్లీ మంగళవారం జూరాల ప్రాజెక్టు సందర్శనతోపాటు రైతులతో ముఖాముఖి నిర్వహించేందుకు వస్తున్నారనే సమాచారంతో పోలీసులు అప్రమత్తమయ్యారు. ప్రాజెక్టు వద్ద ప్రత్యేక పోలీసు బలగాలను మోహరించడమే కాకుండా బీజేపీ, సీపీఎం నాయకులను ఎక్కడికక్కడ అదుపులోకి తీసుకొని పోలీస్‌స్టేషన్లకు తరలించారు. పోలీసుల కళ్లుగప్పి ప్రాజెక్టుకు చేరుకున్న పలువురిని బలవంతంగా అరెస్టు చేసి పోలీస్‌ వాహనాల్లో కొత్తకోట పోలీస్‌స్టేషన్‌కు తరలించారు. సమాంతర కాల్వ వద్ద బీజేపీ.. రైతులకు సాగునీరు ఇవ్వాలంటూ బీజేపీ నాయకులు జూరాల సమాంతర కాల్వకు చేరుకున్నారు. నందిమళ్ల క్యాంపు వద్ద బారీకేడ్లు ఏర్పాటుచేసి పహారా కాస్తున్న పోలీసులకు సమాంతర కాల్వ వద్దకు బీజేపీ నాయకులు చేరుకున్నారనే సమాచారంతో అక్కడికి వచ్చి ప్రాజెక్టుపైకి రాకుండా అడ్డుకున్నారు. దీంతో బీజేపీ నాయకులు మాట్లాడుతూ.. సాగునీరు వదలాలని కోరుతున్న రైతులపై ప్రభుత్వం పోలీసు బలగాలతో దాడులు చేయించడం దారుణమన్నారు. సీఎం రేవంత్‌రెడ్డి పాలనలో రైతులు ఆగమయ్యారని, వ్యవసాయం అంటేనే భయపడే పరిస్థితికి చేరుకున్నారని ఆవేదన వ్యక్తం చేశారు. సాగునీరు వదిలే వరకు ఇక్కడి నుంచి కదలమని బైఠాయించడంతో పోలీసులు బలవంతంగా అరెస్టు చేసి పోలీస్‌స్టేషన్‌కు తరలించారు. పీజేపీ క్యాంపు వద్ద సీపీఎం.. సాగునీరు వెంటనే వదలాలని సీపీఎం ఆధ్వర్యంలో రైతులకు మద్దతుగా మంగళవారం ఆందోళన చేపట్టారు. తమ పార్టీ రాష్ట్ర కార్యదర్శి జాన్‌వెస్లీ జూరాలకు రాకుండా కాంగ్రెస్‌ ప్రభుత్వం అడ్డుపడిందని.. భూత్పూర్‌ వద్ద అరెస్ట్‌ చేసి ఠాణాకు తరలించడం ఏమిటని ప్రశ్నించారు. రైతు, ప్రజా ప్రభుత్వమని పత్రికా ప్రకటనలు ఇస్తున్న కాంగ్రెస్‌.. సాగునీరు ఇవ్వడంతో విఫలమైందని ఆరోపించారు. ఆయకట్టు రైతులకు కనీసం వారాబందీ విధానంలోనైనా సాగునీరు ఇవ్వాలని.. అప్పటి వరకు ఇక్కడి నుంచి కదిలేది లేదని చెప్పడంతో పోలీసులు కలుగజేసుకొని బలవంతంగా పోలీస్‌ వాహనంలో ఎక్కించి పోలీస్‌స్టేషన్‌కు తరలించారు. గద్వాల జిల్లాకేంద్రంలో.. జోగుళాంబ గద్వాల జిల్లాకేంద్రంలో బీజేపీ, బీఆర్‌ఎస్‌ పార్టీల నాయకులు స్నిగ్ధారెడ్డి, రామాంజనేయులు, వెంట్రాములు, జయశ్రీ, హన్మంతునాయుడు, శ్యామల, బీఎస్‌ కేశవ్‌ తదితరులను పట్టణ, గద్వాల రూరల్‌ పోలీసులు ఎక్కడికక్కడ హౌస్‌ అరెస్టు చేశారు. అలాగే జూరాల ప్రాజెక్టు వద్ద ధర్నా చేస్తున్న రైతులకు మద్దతు తెలిపేందుకు వెళ్తున్న నాయకులు బీచుపల్లి, దుబ్బన్న, సంటెన్న, లక్ష్మీకాంత్‌రెడ్డి, శంకర్‌గౌడు, పల్లయ్య, రాజు తదితరులను అరెస్టు చేసి స్టేషన్‌కు తరలించారు. అరెస్టులపై సీపీఏం జిల్లా కార్యదర్శి వెంకటస్వామి మాట్లాడుతూ రైతులు సాగు చేసిన పంటలకు నీరు ఇవ్వాలని కోరితే.. ప్రభుత్వం నిర్లక్ష్యంగా వ్యవహరించడం తగదన్నారు. ప్రాజాపాలన అంటే అరెస్టులేనా అని ప్రశ్నించారు. కాంగ్రెస్‌ ప్రభుత్వానికి గుణపాఠం చెప్పే రోజులు త్వరలోనే వస్తాయన్నారు.

గణేశ్‌ మహరాజ్‌కీ జై.. గణపతి బప్పా మోరియా.. అంటూ భక్తుల నినాదాలు.. డీజే చప్పుళ్లు, మహిళల కోలాటాలు, యువతీ, యువకుల నృత్యాల మధ్య గణనాథుల నిమజ్జనోత్సవం నయనానందంగా సాగింది. తొమ్మిది రోజులపాటు భక్తుల చేత విశేష పూజలందుకున్న గణనాథుడు గంగమ్మ ఒడికి చేరుకున్నాడు. జిల్లాకేంద్రంలోని ఆయా వీధుల్లో ప్రతిష్టించిన భారీ గణనాథులను మంగళవారం రాత్రి నిమజ్జనం చేశారు. అలాగే బీచుపల్లి వద్ద కృష్ణానదిలో భారీ సంఖ్యలో గణనాథుల నిమజ్జనం చేశారు. – గద్వాల న్యూటౌన్‌/ ఎరవల్లి

అయిజ: చేనేత కళాకారులకు ప్రభుత్వం అందిస్తున్న సౌకర్యాలు, పథకాలు సక్రమంగా అందాలంటే మగ్గాలకు జిమో ట్యాగింగ్‌ తప్పనిసరిగా చేయించుకోవాలని అసిస్టెంట్‌ డెవలప్‌మెంట్‌ ఆఫీసర్‌ బాలకృష్ణ అన్నారు. చేనేత మగ్గాలకు జిల్లా చేనేత, జౌళి శాఖ సహాయ సంచాలకులు ఇందిర ఆదేశాల మేరకు అసిస్టెంట్‌ డెవలప్‌మెంట్‌ ఆఫీసర్‌ బాలకృష్ణ మంగళవారం అయిజలోని చేనేత కార్మికుల ఇళ్లకు వెళ్లి మగ్గాలను పరిశీలించి, వాటికి జియో ట్యాగింగ్‌ నంబర్లు కేటాయించారు. జియో ట్యాగింగ్‌ లేని చేనేత కార్మికులు ఈనెలాఖరులోగా దరఖాస్తు చేసుకోవాలని సూచించారు. కార్యక్రమంలో చేనేత సహకార సంఘం అధ్యక్షుడు వీరన్న, కార్యదర్శి బసవరాజు, సొసైటీ మేనేజర్‌ సత్యనారాయణ తదితరులు పాల్గొన్నారు. తాగునీటి ఎద్దడి రాకుండా ముందస్తు చర్యలు మానవపాడు: మండలంలోని పల్లెపాడు గ్రామంలో చేపట్టిన అభివృద్ధి పనులను మంగళవారం రాష్ట్ర ఎస్‌బీఎం స్టేట్‌ డైరెక్టర్‌ సురేష్‌బాబు, అదనపు కలెక్టర్‌ నర్సింగరావు పరిశీలించారు. ఈ సందర్భంగా వారు మాట్లాడుతూ జలసిరి కార్యక్రమం కింద తవ్విన గుంతలు, మురుగుదొడ్లు, నీటికుంటలను పరిశీలించి.. భూగర్భజలాలు పెంపొందించేందుకు చేపట్టిన చర్యలపై అధికారులను అడిగి తెలుసుకున్నారు. తాగునీటి ఎద్దడి రాకుండా ముందస్తు చర్యలు ఏ విధంగా తీసుకోవాలో వివరించారు. అనంతరం స్వచ్ఛభారత్‌ మిషన్‌ కింద గ్రామంలో నిర్మించిన వ్యక్తిగత మరుగుదొడ్లను పరిశీలించి.. వినియోగంపై గ్రామస్తులతో మాట్లాడారు. పరిశుభ్రతపై ప్రజలకు అవగాహన కల్పించాలని సూచించారు. మరుగుదొడ్లు లేని ఇళ్లను గుర్తించి వెంటనే నిర్మాణం పూర్తి చేయాలని అధికారులను ఆదేశించారు. గ్రామంలో పారిశుద్ధ్య నిర్వహణ, చెత్త సేకరణ, మురుగు కాల్వల పరిశుభ్రతపై ప్రజలను అడిగి తెలుసుకున్నారు. డ్రెయినేజీలు పూడిక లేకుండా చూడాలని, చెత్తను డంపింగ్‌ యార్డుకు తరలించాలని చెప్పారు. జలసిరి భూగర్భజలాలు పెరిగి రైతులకు మేలు జరుగుతుందన్నారు. పల్లీ @ రూ.7,750 గద్వాల వ్యవసాయం: జిల్లాకేంద్రంలోని వ్యవసాయ మార్కెట్‌ యార్డుకు మంగళవారం 222 క్వింటాళ్ల వేరుశనగ అమ్మకానికి వచ్చింది. క్వింటాల్‌ గరిష్టంగా రూ.7,750, కనిష్టంగా రూ.4,591, సరాసరిగా రూ.6,069 ధరలు లభించాయి. 8 క్వింటాళ్ల ఆముదాలు రాగా.. క్వింటాల్‌ రూ.7,139 ఒకే ధర పలికింది.

గద్వాల: జిల్లాలో చిత్తడి నేలల పరిరక్షణకు పటిష్ట చర్యలు చేపట్టాలని, జలవనరుల హద్దులను క్షేత్రస్థాయిలో పక్కాగా గుర్తించాలని కలెక్టర్‌ రిజ్వాన్‌బాషా షేక్‌ అన్నారు. మంగళవారం కలెక్టరేట్‌లోని వీసీ హాల్‌లో డీఎఫ్‌ఓ నవీన్‌రెడ్డితో కలిసి నిర్వహించిన సమావేశంలో ఆయన మాట్లాడారు. సుప్రీంకోర్టు ఆదేశాల మేరకు జిల్లాలో కుంటలు, చెరువులు, రిజర్వాయర్లు వంటి జలవనరులను క్షేత్రస్థాయిలో పరిశీలించి వాటి విస్తీర్ణం హద్దులను సంబంధిత వివరాలను పక్కాగా నమోదు చేయాలన్నారు. జిల్లాలో 101 చిత్తడి నేలలను గుర్తించామని వాటి సరిహద్దులను క్షేత్రస్థాయిలో పక్కాగా కొలిచి రికార్డులలో నమోదు చేయాల్సి ఉందన్నారు. ఇప్పటికే పలు గ్రామాల్లో రీసర్వే జరుగుతున్నందున వీటి పరిధిలో చిత్తడి నేలలు ఉంటే సర్వే కొంత సులభతరం అవుతుందన్నారు. చిత్తడి నేలల ఆవాసాల పరిధిలోని ప్రజలతో గ్రామసభలు నిర్వహించి అభ్యంతరాలు స్వీకరించడమే కాకుండా ఎలాంటి ఇబ్బందులు తలెత్తకుండా ముందుకెళ్లాలన్నారు. సర్వే, హద్దుల నిర్ధారణ ప్రక్రియ గడువులోగా పూర్తిచేసి సమగ్ర నివేదిక అందజేయాలని ఆదేశించారు. సమావేశంలో అదనపు కలెక్టర్‌ మధుమోహన్‌, ఆర్డీఓ శ్రీనివాసరావు, ఇరిగేషన్‌శాఖ ఎస్‌ఈ కేశవరావు, సర్వే ఏడీ నూకరాజు, డీపీఓ శ్రీకాంత్‌, మత్య్సశాఖ అధికారి షకీలాభాను, ఫారెస్ట్‌ రేంజ్‌ అధికారి పర్వీజ్‌అహ్మద్‌ తదితరులు పాల్గొన్నారు. అర్హులందరికీ సదరం పత్రాలు జిల్లాలో అర్హులైన దివ్యాంగులకు సదరం ధ్రువపత్రాలు అందజేయాలని కలెక్టర్‌ రిజ్వాన్‌బాషా షేక్‌ అన్నారు. జిల్లాకేంద్రంలోని మహిళా సమాఖ్య కార్యాలయం వద్ద దివ్యాంగులకు నిర్వహిస్తున్న ప్రత్యేక మెగా సదరం శిబిరాన్ని కలెక్టర్‌ సందర్శించి.. సూచనలు చేశారు. ప్రతి కేసును సంబంధిత వైద్యులు పూర్తిగా పరిశీలించిన తర్వాతే ధ్రువీకరణ పత్రం జారీ చేయాలన్నారు. శిబిరానికి వచ్చిన దివ్యాంగులకు టోకెన్‌ నంబర్లు కేటాయించి సీరియల్‌ నంబర్‌ ప్రకారం లోపలికి పంపించి వైద్య పరీక్షలు చేయాలన్నారు. బుధవారం సైతం శిబిరం కొనసాగుతుందని పేర్కొన్నారు. కార్యక్రమంలో డీఆర్‌డీఓ ముసాయిదాబేగం, డీపీఎం అరుణ, ఏపీఎం భీమన్న, వైద్యులు హేమలత, ప్రదీప్‌ తదితరులు పాల్గొన్నారు.

కోట్లు రూ.7,325గద్వాల న్యూటౌన్‌: ప్రతి ఆర్థిక సంవత్సరంలో వివిధ రంగాల్లో అవసరమైన లబ్ధిదారులకు రుణాలు అందించి.. వారికి ఆర్థికంగా చేయూతనందించడంతోపాటు పరోక్షంగా ఉద్యోగ, ఉపాధి అవకాశాలు మెరుగుపర్చి.. ఆర్థిక స్వావలంబన సాధనలో భాగంగా ప్రతి జిల్లాలో లీడ్‌ బ్యాంక్‌ అధికారులు వార్షిక రుణ ప్రణాళిక రూపొందిస్తారు. ఇందులో భాగంగా జిల్లాలో వివిధ రంగాలు, వాటి విభాగాలకు 2026–27 ఆర్థిక సంవత్సరంలో అందించాల్సిన వార్షిక రుణ ప్రణాళిక ఖరారైంది. ఇందులో విద్య, వ్యవసాయం, అనుబంధ రంగాలు, గృహ నిర్మాణాలు, వివిధ వ్యాపారాలు, సంస్థల నిర్వహణకు గాను లబ్ధిదారులకు బ్యాంకుల ద్వారా రుణాలు అందించేందుకు ప్రణాళిక రూపొందించారు. ఆయా రంగాల్లోని విభాగాల్లో 1,74,410 మంది లబ్ధిదారులకు రూ.7,325 కోట్లు అందించేలా ప్రణాళికలో లక్ష్యంగా నిర్దేశించగా.. ఇటీవల కలెక్టర్‌ అధ్యక్షతన జరిగిన డీసీసీ సమావేశంలో వార్షిక రుణ ప్రణాళికను ఖరారు చేసి.. ఆమోదించారు. కాగా.. 2025– 26 ఆర్థిక సంవత్సరానికి సంబంధించి వివిధ రంగాల్లో 2,01,300 మంది లబ్ధి దారులకు రూ.6,472 కోట్ల రుణాలు అందించాల్సి ఉండగా...1,83,3003 మందికి రూ.5,622.72 కోట్లు మాత్రమే అందించారు. రుణాలతోనే ప్రగతి.. నడిగడ్డ వ్యవసాయ ఆధారిత జిల్లా. ఇక్కడ మొత్తం 1,82,860 మంది రైతులు ఉండగా ఇందులో 90 శాతం సన్న, చిన్నకారు రైతులే. రైతు భరోసా, కిసాన్‌ సమ్మాన్‌ యోజన లాంటి పెట్టుబడి సాయం పథకాలు ఉన్నప్పటికీ అన్ని అవసరాలు తీరవు. దీంతో వీరంతా బ్యాంకులు అందించే పంట రుణాలపైనే ఆధారపడి వ్యవసాయం చేస్తారు. అయితే రైతులకు సకాలంలో పంట రుణాలు అందిస్తేనే ప్రయోజనం చేకూరుతుంది. గోదాంలు, శీతలీకరణ కేంద్రాల ఏర్పాటు కూడా జిల్లాలో అవసరం ఉంది. వీటి నిర్మాణాల కోసం అవసరమైన రుణాలు అందించి.. ప్రోత్సహించాల్సిన బాధ్యత బ్యాంకర్లపై ఉంది. ఇక నడిగడ్డ రెండు జీవనదుల మధ్య ఉండగా.. ఏళ్ల తరబడి పాడి రైతులు అదే రంగంపై జీవిస్తున్నారు. పాడి రైతులకు విరివిగా రుణాలు అందిస్తేనే జిల్లాలో పాలు, పాల పదార్థాల ఉత్పత్తి పెరిగి రైతుల ఆర్థికపరిస్థితి మెరుగుపడుతుంది. ఇక పౌల్ట్రీ రంగంపై కూడా చాలామంది ఔత్సాహికులకు ఇష్టం ఉన్నా.. తగినంత పెట్టుబడి లేక ముందుకు రాలేకపోతున్నారు. ఇలాంటి వారికి రుణాలు అందించి, పౌల్ట్రీ రంగాన్ని జిల్లాలో అభివృద్ధి చేయాల్సిన అవసరం ఉంది. ఉన్నత చదువులకు.. జిల్లాలో చాలామంది విద్యార్థులు, యువత ఉన్నత చదువుల కోసం విదేశాలకు వెళ్లాలని ఉన్నా.. ఆర్థిక పరిస్థితుల కారణంగా వెళ్లలేకపోతున్నారు. ఇలాంటి విద్యార్థులు, యువతకు బ్యాంకర్లు రుణాలు అందిస్తేనే వారు ఉన్నత చదువులు చదుకొని అనుకున్న లక్ష్యాన్ని చేరుకోగలుతారు. అలాగే చాలామందికి సొంతిల్లు అనే కల ఉంటుంది. ఇందులో మధ్య తరగతి వారి సంఖ్య ఎక్కువ కాగా.. ప్రస్తుత పరిస్థితుల్లో మార్కెట్‌లో గృహ నిర్మాణానికి కావాల్సిన వస్తువుల ధరలు బాగా పెరిగాయి. గృహ నిర్మాణానికి చేతినిండా డబ్బు ఉంటేనే సాధ్యపడుతుంది. ఈ నేపథ్యంలో బ్యాంకుల ద్వారా రుణాలు పొంది, గృహాలు నిర్మించుకోవాలని ప్రయత్నాలు చేస్తున్నారు. ఇక సూక్ష్మ, చిన్న, మధ్య తరహా సంస్థల స్థాపనను ప్రోత్సహించాల్సిన ఆవశ్యకత ఎంతైనా ఉంది. స్థానికంగా ఉద్యోగ, ఉపాధి అవకాశాలు లేక చాలామంది నిరుద్యోగులు ఇతర ప్రాంతాలకు వెళ్తున్నారు. పునరుత్పాదక రంగానికి రుణాలు అందించి చేయూత ఇవ్వాలి. ప్రధానంగా ఈ రంగంలో రుణాలు అందించి సౌర విద్యుత్‌, గోబర్‌ గ్యాస్‌ లాంటి ఉత్పాదనలు ప్రోత్సహించాలి. ● కాగా.. 2025– 26 ఆర్థిక సంవత్సరానికి సంబంధించి వివిధ రంగాల్లో 2,01,300 మంది లబ్ధిదారులకు రూ.6,472 కోట్ల రుణాలు అందించాల్సి ఉండగా...1,83,3003 మంది అబ్దిదారులకు రూ. 5622.72కోట్లు అందించారు. వార్షిక ప్రణాళిక ఖరారు చేసిన లీడ్‌ బ్యాంక్‌ అధికారులు విద్య, వ్యవసాయం, వ్యాపారాలు,గృహ నిర్మాణాలకు ప్రాధాన్యం 1,74,410 మంది లబ్ధిదారులకు అందించేలా కసరత్తు విరివిగా అందిస్తేనే ఆర్థిక సాధికారతకు అవకాశం గతేడాది నెరవేరని లక్ష్యం మేర రుణ పంపిణీ

అలంపూర్‌: ప్రాచీన వారసత్వ సంపదను కాపాడుకుందామని ప్రభుత్వ జూనియర్‌ కళాశాల ప్రిన్సిపల్‌ దేవేందర్‌రెడ్డి అన్నారు. మంగళవారం అలంపూర్‌లో పురావస్తు శాఖ ఆధ్వర్యంలో ప్రభుత్వ జూనియర్‌ కళాశాల విద్యార్థులతో కలిసి అంతర్జాతీయ పర్యాటక వారోత్సవాలు నిర్వహించారు. ఈ సందర్భంగా బాలబ్రహ్మేశ్వరస్వామి, జోగుళాంబదేవి, నవబ్రహ్మ ఆలయాల సముదాయంలోని ప్రాంగణాలను విద్యార్థులు శుభ్రం చేశారు. అనంతరం ప్రిన్సిపల్‌ మాట్లాడుతూ అంతర్జాతీయ పర్యాటక దినోత్సవ వారోత్సవాలను దృష్టిలో ఉంచుకొని క్షేత్రానికి వచ్చిన యాత్రికులకు ప్రాముఖ్యతను తెలియజేశామన్నారు. పర్యాటక కేంద్రంగా అభివృద్ధి చెందాలంటే పురాతన చరిత్ర కలిగిన ప్రాంతాలు పరిశుభ్రంగా, మౌలిక వసతులు ఉండాలన్నారు. విద్యార్థుల్లో సైతం పురాతన వారసత్వ సంపద ప్రాముఖ్యతతోపాటు సేవా దృక్పథం కల్పించడానికి ఈ కార్యక్రమం చేపట్టినట్లు వివరించారు. కార్యక్రమంలో కోఆర్డినేటర్‌ రాజు, అధ్యాపకులు వెంకటరాణి, సుధారాణి, మౌనిక, పూర్ణిమ, రామచంద్రయ్య, రాముడు, ఆర్‌.రాముడు, రఘువీర్‌కుమార్‌, మల్లయ్య, విద్యార్థులు పాల్గొన్నారు.

● రాష్ట్రస్థాయి టోర్నీలకు ఐదు జిల్లాలకు కేటాయింపులు ● అండర్‌–14, 17, 19 విభాగాల్లో పోటీలు ● సెలక్షన్స్‌ అనంతరం టోర్నీల నిర్వహణ మహబూబ్‌నగర్‌ క్రీడలు: ఉమ్మడి మహబూబ్‌నగర్‌ జిల్లాలో స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) క్రీడా సందడి మొదలుకానుంది. ఇప్పటికే మండలస్థాయి పోటీలు ముగింపు దశకు చేరుకోగా.. త్వరలో జిల్లాస్థాయి, ఉమ్మడి జిల్లా సెలక్షన్స్‌ నిర్వహించనున్నారు. ఈ క్రమంలో ఉమ్మడి జిల్లాలోని మహబూబ్‌నగర్‌, వనపర్తి, నారాయణపేట, నాగర్‌కర్నూల్‌, జోగుళాంబ గద్వాల జిల్లాలకు వివిధ క్రీడల్లో రాష్ట్రస్థాయి ఎస్‌జీఎఫ్‌ టోర్నీలు కేటాయించారు. గత నెలలో జిల్లా ఎస్‌జీఎఫ్‌ కార్యదర్శులు పంపిన ప్రతిపాదనల ఆధారంగా మంగళవారం టోర్నీలను కేటాయించారు. ఉమ్మడి జిల్లా సెలక్షన్స్‌ అనంతరం ఆయా పోటీలు నిర్వహించనున్నారు. ● మహబూబ్‌నగర్‌ జిల్లాలో అండర్‌–19 బాల, బా లికల వాలీబాల్‌, అండర్‌–17 బాల, బాలికల హ్యా ండ్‌బాల్‌, అండర్‌–19 బాలుర క్రికెట్‌, అండర్‌–19 బాల, బాలికల నెట్‌బాల్‌ పోటీలు జరగనున్నాయి. ● వనపర్తి జిల్లాలో అండర్‌–19 బాలికల హాకీ, అండర్‌–19 బాల, బాలికల హ్యాండ్‌బాల్‌ టోర్నీలు కేటాయించారు. ● నారాయణపేటలో అండర్‌–14 బాల, బా లికల రెజ్లింగ్‌ (ఫ్రీస్టైల్‌), అండర్‌–14, 17 బాల, బాలికల బీచ్‌వాలీబాల్‌ పోటీలు నిర్వహించనున్నారు. ● నాగర్‌కర్నూల్‌ జిల్లాలో అండర్‌–17 బాల, బాలికల చెస్‌, అండర్‌–17 బాల, బాలికల కబడ్డీతో పాటు అండర్‌–14, 17, 19 బాల, బాలికల మల్కంబ్‌ పోటీలు జరగనున్నాయి. ● జోగుళాంబ గద్వాల జిల్లాలో అండర్‌–14 బాల, బాలికల చెస్‌, అండర్‌–17 బాలుర క్రికెట్‌, అండర్‌–17 బాల, బాలికల సెపక్‌తక్రా, అండర్‌–17 బాలుర హాకీ, అండర్‌–14 బాల, బాలికల తైక్వాండో పోటీలు కేటాయించారు.

గద్వాల: ఓటరు జాబితా ప్రత్యేక సమగ్ర సవరణ ప్రక్రియలో భాగంగా జారీ చేసిన నోటీసులకు (నోమ్యాపింగ్‌, అనామలీస్‌) సంబంధించిన పెండింగ్‌ హియరింగ్స్‌ను త్వరితగతిన పూర్తి చేసి అర్హత కలిగిన ఓటర్ల వివరాలను తుది ముసాయిదా ఓటర్ల జాబితా ప్రచురణకు సిద్ధం చేయాలని కలెక్టర్‌ రిజ్వాన్‌బాషా షేక్‌ అన్నారు. సోమవారం రాష్ట్ర ప్రధాన ఎన్నికల అధికారి సుదర్శన్‌రెడ్డి నిర్వహించిన వీసీలో పాల్గొని అనంతరం జిల్లా అధికారులతో సమీక్షించారు. ఈ సందర్భంగా కలెక్టర్‌ మాట్లాడుతూ నోటీసులు అందుకున్న ప్రతి ఓటరుకు సంబంధించిన విచారణను నిర్ణీత గడువులోగా పూర్తి చేయాలని సూచించారు. విచారణకు హాజరైన ఓటర్ల నుంచి అవసరమైన పత్రాలను స్వీకరించి వాటిని క్షుణ్ణంగా పరిశీలించిన అనంతరం వివరాలను సంబంధిత యాప్‌లో నమోదు చేయాలని ఆదేశించారు. అన్ని వివరాలు సక్రమంగా ఉన్న ఓటర్ల దరఖాస్తులను పరిశీలించి పూర్తి చేయాలని, అలాగే ఫారం–6, 7, 8 దరఖాస్తులను త్వరితగతిన పరిష్కరించాలన్నారు. సమావేశంలో అదనపు కలెక్టర్‌ మధుమోహన్‌, ఆర్డీఓ శ్రీనివాసరావు, ఎన్నికల విభాగం అధికారులు పాల్గొన్నారు. నిర్వాసితులకు పరిహారం.. జిల్లాలో ఇరిగేషన్‌ ప్రాజెక్టులకు సంబంధించి భూ సేకరణ, నిర్వాసితులకు పునరావాస కేంద్రాల్లో అవసరమైన మౌళిక వసతుల ఏర్పాటుకు భూములు కోల్పోయిన రైతులకు పరిహారం అందజేసేందుకు అవసరమైన చర్యలు తీసుకుంటున్నట్లు కలెక్టర్‌ తెలిపారు. రాష్ట్ర భారీ నీటిపారుదల శాఖ మంత్రి ఉత్తమ్‌కుమార్‌రెడ్డి, సీఎస్‌ సంజయ్‌జాజు నిర్వహించిన వీసీలో పాల్గొన్న ఆయన మాట్లాడుతూ నెట్టెంపాడు, గట్టు ఎత్తిపోతలతోపాటు మల్లమ్మకుంట రిజర్వాయర్‌ నిర్మాణానికి అవసరమైన భూసేకరణ నిమిత్తం రైతులను ఒప్పించి ముందుకెళ్తున్నామన్నారు. భూసేకరణ పూర్తయిన రైతులకు అవార్డు పాస్‌ చేసి పరిహారం ఇచ్చేందుకు చర్యలు తీసుకుంటున్నట్లు వివరించారు. తహసీల్దార్‌ కార్యాలయం తనిఖీ ఎర్రవల్లి: తహసీల్దార్‌ కార్యాలయాన్ని కలెక్టర్‌ రిజ్వాన్‌బాషా షేక్‌ ఆకస్మికంగా సందర్శించి పలు రికార్డులు తనిఖీ చేశారు. భూ భారతి, సాదాబైనామా దరఖాస్తులను పెండింగ్‌లో ఉంచకుండా ఎప్పటికప్పుడు పరిష్కరించాలని అధికారులకు సూచించారు. కార్యక్రమంలో తహసీల్దార్‌ నరేష్‌ తదితరులు పాల్గొన్నారు.

● కిలోమీటర్ల మేర నిలిచిన వాహనాలు ● ఇబ్బందులు ఎదుర్కొన్న ప్రయాణికులు మదనాపురం: రైల్వేగేట్‌కు సాంకేతిక సమస్య.. వేలాది మంది ప్రయాణికులకు అరగంటపాటు చుక్కలు చూపించింది. సోమవారం సాయంత్రం 5:25 గంటల సమయంలో మదనాపురం సమీపంలోని ప్రధాన రైల్వేగేట్‌ ఒక్కసారిగా మొరాయించడంతో వనపర్తి–ఆత్మకూరు రహదారిపై రాకపోకలు పూర్తిగా నిలిచిపోయాయి. గేటుకు ఇరువైపులా కిలోమీటర్ల మేర వాహనాలు నిలిచిపోయి ప్రయాణికులు తీవ్ర ఇబ్బందులు పడ్డారు. అసలేం జరిగింది? సాయంత్రం కాచిగూడ నుంచి తిరుపతి వెళ్లే ఎక్స్‌ప్రెస్‌, (ట్యూటికోరిన్‌ ఎక్స్‌ప్రెస్‌ రైళ్లు) వెళ్లిన అనంతరం గేటు తీసేక్రమంలో సాంకేతిక సమస్య తలెత్తింది. దీంతో గేట్లు పైకి లేవలేదు. విషయం తెలుసుకున్న సిగ్నల్‌ టెక్నికల్‌ అసిస్టెంట్‌ బాల్‌రాజు వెంటనే ఘటనా స్థలానికి చేరుకుని, దాదాపు అరగంటపాటు శ్రమించి సమస్యను సరిచేశారు. అనంతరం గేట్లు ఎత్తడంతో ట్రాఫిక్‌ నెమ్మదిగా పునరుద్ధరించబడింది. దీనిపై స్టేషన్‌ మాస్టర్‌ వీరన్నను వివరణ కోరగా.. కేవలం సాంకేతిక లోపం వల్లే ఈ పరిస్థితి ఎదురైందని వెల్లడించారు. కీలకమైన రహదారి.. నిత్యం రాకపోకల రోదసి ఈ రహదారి సాధారణమైనది కాదు. జిల్లా కేంద్రమైన వనపర్తి నుంచి ఆత్మకూరు, చిన్నచింతకుంట మండలాలకు మాత్రమే కాకుండా, మహబూబ్‌నగర్‌, నారాయణపేట జిల్లాల్లోని పలు ప్రాంతాలకు అనుసంధానంగా ఉన్న ప్రధాన లింక్‌ రోడ్డు. నేషనల్‌ హైవేకు దగ్గర ఉండడంతో ప్రతిరోజూ వందలాది ఆటోలు, బస్సులు, ప్రైవేటు వాహనాలు దీనిపై నుంచే వెళ్తుంటాయి. అంతేకాకుండా ప్రముఖ పుణ్యక్షేత్రం కురుమూర్తి స్వామి ఆలయానికి వెళ్లే భక్తుల వాహన రద్దీ ఈ మార్గంలో నిత్యం అధికంగా ఉంటుంది. పదేపదే గేట్లు పడటం, ట్రాఫిక్‌ స్తంభించిపోవడంతో ప్రయాణికులు, వాహనదారులు తీవ్ర అసహనం వ్యక్తం చేస్తున్నారు. ఇక్కడ వెంటనే రైల్వే ఓవర్‌ బ్రిడ్జి (ఆర్‌ఓబీ) నిర్మాణం చేపడితేనే ఈ సమస్యకు శాశ్వత పరిష్కారం లభిస్తుందని స్థానికులు, ప్రయాణికులు ప్రభుత్వాన్ని డిమాండ్‌ చేస్తున్నారు.

ధరూరు: తూకాల్లో మోసాలు చేస్తే సహించేది లేదని జిల్లా తూనికలు, కొలత శాఖాధికారి అశోక్‌రావు అన్నారు. సోమవారం ఆయన స్థానికంగా పలు దుకాణాలను తనిఖీ చేసి.. మోసపూరితంగా వినియోగిస్తున్న కాంటాలను వాడుతున్న వారిపై కేసులు నమోదు చేశారు. ఈ సందర్భంగా ఆయన మాట్లాడుతూ వ్యాపారులు కాంటాలను వాడటంలో తప్పు లేదని, కానీ మోసపూరితంగా వాడి జనాలను నిలువు దోపిడి చేస్తున్న వారిపై చట్టపరమైన చర్యలు తీసుకుంటామని హెచ్చరించారు. ప్రతి ఏటా తమ తూకాల రాళ్లకు ముద్రలు వేయించుకోవాలన్నారు. ముఖ్యంగా ఏళ్ల తరబడిగా తూకాలకు సీల్‌ లేకుండా వినియోగిస్తున్న వారిపై కేసులు నమోదు చేశామన్నారు. మండల వ్యాప్తంగా ఒక్క రోజులోనే 8 మంది వ్యాపారులపై కేసులు నమోదు చేశామన్నారు. ఉత్సాహంగా క్రీడా పోటీలు గద్వాల న్యూటౌన్‌: జిల్లాకేంద్రంలోని ఇండోర్‌ స్టేడియంలో జిల్లా అథ్లెటిక్స్‌ అసోసియేషన్‌ ఆధ్వర్యంలో సోమవారం ఉదయం 8 గంటల నుంచి వివిధ క్రీడా విభాగాల్లో ఎంపికల కోసం బాలురు, బాలికలకు జిల్లా స్థాయి పోటీలు నిర్వహించారు. అండర్‌–14కు ట్రయాథ్లాన్‌ (ఏ, బీ, సీ) విభాగాల్లో, అండర్‌–16కు 100, 200, 400, 600 మీటర్ల లాంగ్‌ జంప్‌, షాట్‌పుట్‌, హైజంప్‌, జావెలిన్‌త్రో, అండర్‌–18, 20కు 100, 200, 400, 800, 1500 మీటర్ల హైజంప్‌, లాంగ్‌జంప్‌, షాట్‌పుట్‌, జావెలిన్‌త్రో విభాగాల్లో పోటీలు నిర్వహించగా.. 450 మంది క్రీడాకారులు పాల్గొన్నారు. ఇందులో ఆయా విబాగాల్లో అత్యుత్తమ ప్రతిభ కనబర్చిన 40 మంది క్రీడాకారులను ఎంపిక చేశారు. వీరిని ఈ నెల 26, 27 తేదీల్లో వరంగల్‌లో జరిగే రాష్ట్రస్థాయి అథ్లెటిక్స్‌ పోటీలకు పంపనున్నట్లు అసోసియేషన్‌ అధ్యక్షుడు బీసన్న, కార్యదర్శి సతీష్‌కుమార్‌ తెలిపారు. ఎంపికై న క్రీడాకారులు రాష్ట్రస్థాయిలో ప్రతిభకనబర్చి జిల్లాకు మంచి పేరు తేవాలని ఆకాంక్షించారు. కార్యక్రమంలో అసోసియేషన్‌ ఆర్గనైజింగ్‌ సెక్రెటరీ ఆంజనేయులు, కోశాధికారి అశోక్‌, పీఈటీలు ప్రవీణ, రాధ, ధర్మతేజ తదితరులు పాల్గొన్నారు. నేడు సదరం క్యాంపు గద్వాల: జిల్లాలోని మానసిక దివ్యాంగులకు మంగళవారం సదరం క్యాంపు నిర్వహిస్తున్నట్లు అదనపు కలెక్టర్‌ నర్సింగ్‌రావు సోమవా రం ప్రకటనలో తెలిపారు. జిల్లాకేంద్రంలోని రెండో రైల్వేగేటు వద్ద ఉన్న జిల్లా మహిళా సమాఖ్య భవనం వద్ద నిర్వహించే శిబిరానికి దివ్యాంగులు హాజరుకావాలని సూచించారు. 252 క్వింటాళ్ల వేరుశనగ రాక గద్వాల వ్యవసాయం: జిల్లాకేంద్రంలోని వ్యవసాయ మార్కెట్‌ యార్డుకు సోమవారం 252 క్వింటాళ్ల వేరుశనగ అమ్మకానికి వచ్చింది. కాగా.. క్వింటాల్‌ గరిష్టంగా రూ.7,499, కనిష్టంగా రూ.4,529, సరాసరిగా రూ.7,219 ధరలు లభించాయి. అలాగే 19 క్వింటాళ్ల ఆముదాలు రాగా.. క్వింటాల్‌ గరిష్టంగా రూ.7,059, కనిష్టంగా రూ.6,989, సరాసరిగా రూ.7,019 ధర పలికింది.

నాకు 2017 నుంచి వికలాంగుల పింఛన్‌ వస్తుంది. అయితే రెండు నెలల నుంచి పింఛన్‌ ఆపేశా రు. దీనిపై అధికారుల ను అడిగితే వికలాంగుల పింఛన్‌కు అవసరమైన పర్సంటేజీ లేదని, పింఛన్‌ ఆపేశామని చెబుతున్నారు. నాకు ఒక కన్నుపూర్తిగా కనిపించడం లేదు. ఇదే విషయం చెబితే సర్టిఫికేట్‌ కావాలంటున్నారు. దీనిపై కలెక్టర్‌కు ఫిర్యాదు చేశాను. నాకు ఎలాంటి ఆధారం లేదు. ఈ వయసులో పనిచేసుకునే శక్తి కూడా లేదు. నాకు పింఛన్‌ వచ్చేలా చూడండి. – తిమ్మోజి, తనగల, రాజోళి మండలం లోన్‌ ఇవ్వడం లేదు.. నేను మేస్త్రి పనిచేసుకుంటూ జీవనం సాగిస్తున్నా. 2024లో పీఎం విశ్వకర్మ పథకం కింద రూ.లక్ష లోను కోసం దరఖాస్తు చేసుకున్నా ను. అయితే ఇప్పటి వరకు లోను మంజూరు కాలేదు. ఇప్పటికే పలుమార్లు అధికారుల దృష్టికి తీసుకెళ్లాను. కలెక్టర్‌కు రెండుసార్లు ఫిర్యాదు చేశాను. నాకు లోను వచ్చేలా చేయండి. – సుధాకర్‌, నాగర్‌దొడ్డి, మల్దకల్‌ మండలం

గద్వాల: ఫిర్యాదుల పరిష్కారానికి ప్రతి సోమవారం నిర్వహించే ప్రజావాణి కార్యక్రమం ప్రహసనంగా మారింది. తమ సమస్యలకు పరిష్కారం చూపెడతారంటూ గంపెడాశతో వచ్చే ఫిర్యాదుదారుల సమస్యలు బుట్టదాఖలవుతున్నాయి. దీనిపై కలెక్టర్‌ రిజ్వాన్‌బాషాషేక్‌ హెచ్చరిస్తూ, ప్రతి సోమవారం అన్ని మండలాల తహసీల్దార్‌ కార్యాలయాల్లో ఫిర్యాదుల దినోత్సవం నిర్వహిస్తున్నారు. అయినప్పటికీ ఫిర్యాదు మాత్రం పరిష్కారానికి నోచుకోలేకపోతున్నాయి. దీనిద్వారా ప్రభుత్వం ప్రజావాణి కార్యక్రమాన్ని ఎంతో ప్రతిష్టాత్మకంగా నిర్వహిస్తుందని వచ్చిన ఫిర్యాదులను కచ్చితంగా పరిష్కారం చూపాలని కలెక్టర్‌ హెచ్చరించినా.. కొన్ని మండలాల్లో అధికారులు తీరు మార్చుకోవడం లేదు. తాజాగా 32 అర్జీలు.. సోమవారం కలెక్టరేట్‌లో అదనపు కలెక్టర్లు మధుమోహన్‌, నర్సింగ్‌రావు ప్రజావాణిని నిర్వహించి.. ప్రజల నుంచి 32 ఫిర్యాదులు స్వీకరించారు. అదేవిధంగా మండలాల స్థాయిలో నిర్వహించే ప్రజావాణిలో వచ్చే ఫిర్యాదులను ఎప్పటికప్పుడు పరిష్కరించాలన్నారు. ప్రజావాణి పోర్టల్‌లో ఫిర్యాదుల వివరాలను అప్‌లోడ్‌ చేస్తుండడంతో రాష్ట్రస్థాయిలోనూ ఉన్నతాధికారులు వీటిని పర్యవేక్షిస్తుంటరన్నారని, వెంటనే సమీక్ష సమావేశాలు నిర్వహించి ఫిర్యాదులను పరిష్కరించేందుకు అవసరమైన చర్యలు తీసుకోవాలని ఆదేశించారు. ఫిర్యాదులకు పరిష్కారం చూపకుండా పెండింగ్‌లో ఉంచితే షోకాజ్‌ నోటీసులు జారీ చేస్తామని హెచ్చరించారు. పరిష్కారానికి నోచుకోని ప్రజావాణి దరఖాస్తులు కలెక్టర్‌ హెచ్చరించినా తీరు మార్చుకోని అధికారులు ఇళ్లు, భూమి, పింఛన్‌ సమస్యలపైనే అర్జీలు

గద్వాల క్రైం/ అమరచింత/ ధరూరు: రోజురోజుకూ జూరాల ప్రాజెక్టు వద్ద జల వివాదం ముదురుతోంది. ఆయకట్టుకు సాగునీరు విడుదల చేయాలని రైతులు రెండు, మూడు రోజులుగా నిరసనలు, ధర్నాలు చేస్తుండగా.. వీరికి వివిధ పార్టీల నాయకులు తోడు కావడంతో ఆందోళనలు తీవ్రరూపం దాలుస్తున్నాయి. ఈ క్రమంలో సోమవారం బీఆర్‌ఎస్‌ ఇచ్చిన పిలుపుమేరకు ఆయకట్టు రైతులు, వివిధ ప్రాంతాల నాయకులు పెద్దఎత్తున జూరాల ప్రాజెక్టుకు చేరుకున్నారు. బీఆర్‌ఎస్‌ మాజీమంత్రులు నిరంజన్‌రెడ్డి, శ్రీనివాస్‌గౌడ్‌, లక్ష్మారెడ్డిలను హౌస్‌ అరెస్టు చేయగా.. పోలీసుల నుంచి తప్పించుకుని జూరాల ప్రాజెక్టుకు చేరుకున్న మక్తల్‌ మాజీ ఎమ్మెల్యే చిట్టెం రామ్మోహన్‌రెడ్డిని నందిమళ్ల క్యాంపు వద్ద పోలీసులు అడ్డుకున్నారు. దీంతో ఆందోళనకు వచ్చిన రైతులు ఒక్కసారిగా పోలీసులపై విరుచుకుపడటంతో తోపులాటలు చోటుచేసుకొని రణరంగాన్ని తలపించింది. పోలీసులు మాజీ ఎమ్మెల్యేను జీపులో ఎక్కించుకుని వెళ్తుండగా రైతులు, బీఆర్‌ఎస్‌ నాయకులు రహదారికి అడ్డంగా రాళ్లు, ముళ్లకంచె వేయడంతో పోలీసులు స్వల్ప లాఠీచార్జి చేసి.. చిట్టెంను కొత్తకోట పోలీస్‌స్టేషన్‌కు తరలించారు. ఎక్కడికక్కడ అరెస్టులు.. జూరాల ఆయకట్టుకు సాగునీరు ఇవ్వాలని డిమాండ్‌ చేస్తూ సోమవారం బీఆర్‌ఎస్‌ ఆందోళనకు పిలుపునిచ్చింది. దీంతో సీఐ శివకుమార్‌ ఆధ్వర్యంలో సోమవారం తెల్లవారుజాము నుంచే అమరచింత, ఆత్మకూర్‌ మండలాల్లోని బీఆర్‌ఎస్‌ ముఖ్య నాయకులను అరెస్టు చేసి పోలీస్‌స్టేషన్‌కు తరలించారు. జిల్లాలోని ఆయా మండలాల్లోని బీఆర్‌ఎస్‌ నాయకులను సైతం ముందస్తుగా అరెస్టు చేయడంతో ముఖ్య నాయకులు ఎవరూ జూరాలకు చేరుకోలేకపోయారు. ఆత్మకూర్‌, అమరచింత మండలాల నుంచి వచ్చిన రైతులతో నందిమళ్ల క్యాంపు కాలనీ కిక్కిరిసిపోయింది. ఉదయం 6 గంటల నుంచే ప్రాజెక్టుపై ట్రాఫిక్‌ ఆంక్షలను పెట్టడంతో ప్రయాణికులు తీవ్ర ఇబ్బందులు పడ్డారు. భారీగా పోలీసుల మోహరింపు జూరాల ప్రాజెక్టుకు చేరుకొనే ప్రధాన రహదారులపై పోలీసులు బారీకేడ్లు ఏర్పాటు చేశారు. అమరచింత మండలం మస్తీపురం, కిష్టంపల్లి, నందిమళ్ల ఎక్స్‌రోడ్లతోపాటు ఆత్మకూర్‌ మండలం మూలమళ్ల శివారు వద్ద బారీకేడ్లు ఏర్పాటు చేసి భారీగా పోలీసులను మోహరింపజేశారు. దీంతో ప్రాజెక్టు రహదారిపై నుంచి ఇతర గ్రామాలకు వెళ్లే వాహనాల రాకపోకలకు తీవ్ర అంతరాయం కలిగింది. ● డీఎస్పీ పర్యవేక్షణలో ఇద్దరు సీఐలు, 10 మంది ఎస్‌ఐలు పోలీసులు, స్పెషల్‌ బెటాలియన్‌తో కట్టుదిట్టమైన భద్రత ఏర్పాటు చేశారు. పరిస్థితులను సమీక్షించడానికి వనపర్తి ఎస్పీ సునీతరెడ్డి జూరాల ఎడమ కాల్వ వద్దకు చేరుకున్నారు. సీఐ శివకుమార్‌ను అడిగి ఎస్పీ వివరాలు తెలుసుకున్నారు. 10 కి.మీ., మేర ట్రాఫిక్‌ జాం మరోవైపు గద్వాల– ఎర్రవల్లి రహదారి మార్గంలోని జమ్మిచేడ్‌ వద్ద జూరాల కుడి కాల్వ నుంచి నీటిని విడుదల చేయాలని రైతులు పెద్దఎత్తున రోడ్డుపై ఉదయం 10 గంటల నుంచి సాయంత్రం 4 గంటల వరకు బైఠాయించి ధర్నా చేశారు. దీంతో ఆ మార్గంలో సుమారు 10 కి.మీ. మేర ట్రాఫిక్‌ నిలిచిపోయింది. రైతుల ధర్నాకు వివిధ పార్టీల నాయకులు స్నిగ్ధారెడ్డి, బాసు శ్యామల తదితరులు మద్దతు ప్రకటించి మాట్లాడారు. అలాగే రైతుల వద్దకు అదనపు కలెక్టర్‌ మధన్‌మోహన్‌, ఎస్‌ఈ కేశవరావు వచ్చి సమస్య పరిష్కారం కోసం ఉన్నతాధికారుల దృష్టికి తీసుకెళ్తామని రైతులకు చెప్పారు. ఈ క్రమంలో మహిళా రైతులు కంటతడి పెడుతూ అదనపు కలెక్టర్‌ కాళ్లు మొక్కి నీటిని విడుదల చేయాలని కోరారు. 24 గంటల్లోగా నీటిని విడుదల చేయకపోవడంతో ఆందోళనలు మరింత ఉధృతం చేస్తామని హెచ్చరించారు. అనంతరం పోలీసులు తీవ్రంగా శ్రమించి ట్రాఫిక్‌ను క్రమబద్ధీకరించారు. రేవులపల్లి, భీంపురం, పెద్దచింతరేవుల గ్రామాల రైతులు కుడి కాల్వ వద్ద ధర్నా చేసందుకు సిద్ధపడగా.. పోలీసులు వారిని మిషన్‌ భగీరథ హెడ్‌ వర్క్స్‌ గట్టు సమీపంలోని జీరో పాయింట్‌ వద్ద అడుక్డకున్నారు. దీంతో రైతులు అక్కడే కూర్చొని ధర్నా చేశారు. వీరికి వివిధ పార్టీల నాయకులు పద్మ, హన్మంతు, గోపాల్‌రెడ్డి తదితరులు మద్దతు తెలిపి ధర్నాలో కూర్చున్నారు. జూరాల వద్ద ముదురుతున్న సాగునీటి వివాదం బీఆర్‌ఎస్‌ పిలుపుతో తరలివచ్చిన అన్నదాతలు ఎక్కడికక్కడే నాయకుల అరెస్టు రైతులు, పోలీసుల మధ్య తోపులాట.. ఉద్రిక్తం ప్రాజెక్టు వెళ్లే దారుల చుట్టూ పోలీసుల పహారా

అలంపూర్‌: అలంపూర్‌ క్షేత్ర ఆలయాలకు సంబంధించిన వేలంపాటలు ముగిసినట్లు ఈఓ దీప్తిరెడ్డి తెలిపారు. జోగుళాంబ, బాలబ్రహ్మేశ్వరస్వామి ఆలయంలో సోమవారం 9 రకాల సీల్డ్‌ కవర్‌ ఆన్‌లైన్‌ బహిరంగ వేలం పాటలు నిర్వహించగా.. ఫొటోలు, క్యాసెట్లు అమ్ముకునే హక్కును అలంపూర్‌కు చెందిన వెంకట్రామరెడ్డి రూ.29.55 లక్షలకు దక్కించుకున్నారు. అలాగే కొబ్బెర చిప్పలు నల్లగొండకు చెందిన శ్రీనివాసరావు రూ.18,18 లక్షలకు, శౌచాలయాల నిర్వహణ అలంపూర్‌కు చెందిన శివరాముడు రూ.9.16 లక్షలకు, క్యాంటీన్‌ అలంపూర్‌కు చెందిన నరేందర్‌రెడ్డి రూ.9.29 లక్షలకు, డాలర్లు, కంకణాలు అమ్మకం బీచుపల్లికి చెందిన నరేష్‌గౌడ్‌ రూ.18 లక్షలకు కై వసం చేసుకున్నారు. వేలం ద్వారా మొత్తం రూ.84.18 లక్షల ఆదాయం సమకూరింది. గతేడాది రూ.70.96 లక్షల ఆదాయం రాగా.. ఈసారి రూ.13.21 లక్షలు అదనంగా వచ్చింది. అయితే ఈ సారి కొత్తగా నిర్వహించిన మొబైల్స్‌, లగేజీ డిపాజిట్‌ కౌంటర్‌ నిర్వహణను అలంపూర్‌కు చెందిన సుబ్రమణ్యంకుమార్‌ రూ.6.10 లక్షలకు దక్కించుకున్నారు. వివిధ కారణాలతో టెంకాయలు, పూజా సామగ్రి అమ్మకం, చీరలు, ఒడిబియ్యం సేకరణ వేలంలో తక్కువ మంది పాల్గొనడంతో వాటిని వాయిదా వేసినట్లు వివరించారు. కార్యక్రమంలో కురుమూర్తిస్వామి ఆలయ ఈఓ మదనేశ్వర్‌రెడ్డి తదితరులు పాల్గొన్నారు.

అభివృద్ధి చేయాలి.. గద్వాల కోట తెలంగాణ రాష్ట్రంలో చెప్పుకోదగిన చారిత్రక ప్రదేశం. గద్వాల కోటకు లోతైన ఘన చరిత్ర ఉంది. చరిత్రను భావితరాలు మరిచిపోకుండా ఉండేందుకు గద్వాల కోటను అంతర్జాతీయ స్థాయిలో పర్యాటక కేంద్రంగా అభివృద్ధి చేయాలి. – త్రివిక్రమరెడ్డి, సింధనూరు కోటను పునరుద్ధరించాలి.. గద్వాల కోట శిథిలావస్థకు చేరుకుంది. ఇంతటి ప్రాశస్త్యం కలిగిన కోటను కాపాడుకోవాల్సిన బాధ్యత ప్రభుత్వంపై ఉంది. ఇప్పటికే కోటలోని అనేక కట్టడాలు చెదిరిపోయాయి. కాబట్టి అధికారులు, ప్రజాప్రతినిధులు ప్రభుత్వంపై ఒత్తడి తెచ్చి గద్వాల కోటను పునరుద్ధరించాలి. – ఆంజనేయులు, అయిజ నిధులు రాలేదు.. స్వదేశీ దర్శన్‌ పథకంలో భాగంగా పర్యాటక కేంద్రాలుగా అబివృద్ధి చేసేందుకు గద్వాల కోటతోపాటు జూరాల ప్రాజెక్ట్‌, బీచుపల్లి ఆలయం, తుంగభద్ర నదీ పర్యాటక కేంద్రాల జాబితాలో ఉన్నాయి. అయితే ఇప్పటి వరకు నిధులు మంజూరు కాలేదు. నిధులు మంజూరైన వెంటనే అభివృద్ధి పనులు పారంభిస్తాం. – రామలింగేశ్వరగౌడ్‌, పర్యాటక శాఖ జిల్లా అధికారి అయిజ: జోగుళాంబ గద్వాల జిల్లా కేంద్రమైన గద్వాల పట్టణం నడిబొడ్డున ఉన్న గద్వాల కోట చరగని చరిత్ర లిఖిస్తోంది. 17వ శతాబ్దంలో నిర్మించబడిన చారిత్రక వారసత్వ సంపద అయిన ఈ కోట కేంద్ర పర్యాటక శాఖ ‘స్వదేశీ దర్శన్‌’ పథకం కింద అభివృద్ధి చేయడానికి అనుమతులు లభించాయి. గద్వాల కోటను రాజా పెద్ద సోమభూపాలుడు (నల్ల సోమనాద్రి) 1662లో నిర్మించారు. ఇతను పూడూరును రాజధానిగా పరిపాలించేవాడు. పూడూరు కోట మరమ్మతు సమయంలో గుప్తనిధి లభించడంతో శత్రుదుర్భేద్యంగా ఉండాలనే ఉద్దేశంతో గద్వాలలో మట్టికోట నిర్మించారు. కోటల నిర్మాణంలో ఎన్నో అవాంతరాలు ఎదురయ్యాయని, చెన్నకేశవస్వామి ఆలయాన్ని నిర్మించి తర్వాత రాజధానిని పూడూరు నుంచి గద్వాలకు మార్చినట్లు చరిత్ర చెబుతోంది. ప్రధాన ఆకర్షణలు కోటలోని చెన్నకేశవస్వామి ఆలయం గద్వాల సంస్థాన ప్రభువుల ఇలవేల్పు. 90 అడుగుల గాలి గోపురం, 3 కి.మీ., చుట్టు కొలత కలిగిన మట్టికోట గోడలు, బయట వైపు ఎత్తైన బురుజులు, రాజభవన శిథిలాలు, పాతరాజభవనాల శిథిలాలు, ఆర్కాకార ద్వారాలు, అలంకార నిచ్ఛీలు ఉన్నాయి. ఇదే కోటలో శివాలయం, ఎల్లమ్మ దేవాలయం సైతం ఉన్నాయి. కోట లోపల పురాతన బావి, ఆలయ గోడలపై అద్భుతమైన శిల్పకళ, దేవతల విగ్రహాలు దర్శనమిస్తాయి. గద్వాల కోట తెలంగాణ చారిత్రక వైభవానికి నిలువెత్తు నిదర్శనంగా నిలుస్తోంది. ఏకీకృత పర్యాటక సర్క్యూట్‌.. కేంద్ర పర్యాటక శాఖ ‘స్వదేశీ దర్శన్‌’ ‘ప్రసాద్‌’ పథకాల కింద తెలంగాణలోని పలు పర్యాటక ప్రాంతాల అభివృద్ధికి నిధులు మంజూరయ్యాయి. ఈ మేరకు ఈ ఏడాది ఆగస్టు 31న కేంద్ర మంత్రి కిషన్‌రెడ్డి గద్వాలలో పర్యాటక ప్రాజ్టెలను ప్రకటిస్తూ.. తెలంగాణలోని 15 ప్రధాన పర్యాటక ప్రాజెక్టులకు రూ.614.32 కోట్లు మంజూరయ్యాయని వెల్లడించారు. ఇందులో గద్వాల కోట, అలంపూర్‌ జోగుళాంబ దేవాలయం, జూరాల ప్రాజెక్ట్‌, బీచుపల్లి ఆంజనేయస్వామి దేవాలయం, తుంగభద్ర నదీ తీరాన్ని అనుసంధానిస్తూ ఏకీకృత పర్యాటక సర్క్యూట్‌ అభివృద్ధి చేయడానికి ప్రతిపాదనలు ఉన్నాయని చెప్పారు. అయితే అలంపూర్‌ జోగుళాంబ దేవాలయానికి మాత్రం నిధులు మంజూరు కావడంతో పనులు కూడా పూర్తిచేసి ప్రారంభించారు. స్వదేశీ దర్శన్‌ పథకం 2.0కు గద్వాల కోట ఎంపిక పర్యాటక కేంద్రంగా అభివృద్ధికి అడుగులు 1662లో పెద్ద సోమభూపాలుడు హయాంలో నిర్మాణం కోటలోని చెన్నకేశవస్వామి ఆలయం, అద్భుతమైన శిల్పకళా నైపుణ్యం నిధుల మంజూరులో ఆలస్యంతో నిరాశ

గద్వాలన్యూటౌన్‌: దేశంలో సంపద ను వికేంద్రీకరించి.. కుల, మత, సామాజిక, ఆర్థిక అసమానతల నిర్మూలన, రాజ్యాంగ పరిరక్షణ సీపీఎంతోనే సాధ్యమని ఆ పార్టీ రాష్ట్ర నేత ప్రసాద్‌ అన్నారు. ఆదివారం స్థానిక భీంనగర్‌లో నిర్వహించిన సీపీఎం జిల్లాస్థాయి రాజకీయ శిక్షణ తరగతులకు ఆయన హాజరై మాట్లాడారు. దేశంలో ఉత్పత్తి సృషిస్తున్న వర్గాలకే ఆ ఉత్పత్తిపై పూర్తి అధికారం ఉండాలన్నారు. దేశ ఐక్యత, అభివృద్ధికి ఆటంకంగా ఉన్న కుల సమస్యను గుర్తించి.. కుల నిర్మూలన పోరాటాలు నిర్వహించిన ఘనత సీపీఎంకు ఉందన్నారు. దేశ స్వాతంత్య్ర ఉద్యమంలో రాజీలేని సమరశీల పోరాటాలు చేసింది కమ్యూనిస్టులేనని అన్నారు. భూసంస్కరణల అమలు, ప్రభుత్వరంగ సంస్థల పరిరక్షణకు పాటుపడటంతో పాటు వెట్టిచాకిరీకి వ్యతిరేకంగా, ప్రతి పౌరుడికి భూమి, ఉండటానికి ఇల్లు రాజ్యాంగ హక్కుగా కల్పించాలని జరిపిన పోరాటంలో వేలాది మంది సీపీఎం కార్యకర్తలు అసువులు బాశారని తెలిపారు. సామ్యవాద సమాజ స్థాపనే లక్ష్యంగా కార్యకర్తలు పనిచేయాలని ఆయన సూచించారు. జిల్లా కమిటీ సభ్యులు పరంజ్యోతి, రాజు అధ్యక్షతన వహించిన కార్యక్రమంలో నాయకులు వెంకటస్వామి, నర్సింహ, విజయ్‌కుమార్‌, తిమ్మప్ప, గోవిందు, మధు తదితరులు పాల్గొన్నారు.

గద్వాలన్యూటౌన్‌/అలంపూర్‌: రాష్ట్రంలోని ఉపాధ్యాయుల పెండింగ్‌ సమస్యల పరిష్కారానికి చిత్తశుద్ధితో కృషి చేస్తున్నట్లు ఉపాధ్యాయ ఎమ్మెల్సీ పింగలి శ్రీపాల్‌రెడ్డి అన్నారు. ఆదివారం జిల్లా కేంద్రంలోని ఓ ఫంక్షన్‌హల్‌లో నిర్వహించిన పీఆర్టీయూ టీఎస్‌ జిల్లాశాఖ సర్వసభ్య సమావేశానికి స్థానిక ఎమ్మెల్యే బండ్ల కృష్ణమోహన్‌రెడ్డితో పాటు ఆయన ముఖ్య అతిథిగా హాజరై మాట్లాడారు. పెండింగ్‌లో ఉన్న పీఆర్సీని మంచి ఫిట్‌మెంట్‌ అమలు చేయించడంతో పాటు పెండింగ్‌లో ఉన్న ఆరు డీఏలను ఇప్పించే బాధ్యత తనదేనని చెప్పారు. సీఎంతో జరగనున్న సమావేశంలో ఉపాధ్యాయుల సమస్యలపై చర్చలు సఫలీకృతం కాకపోతే.. పీఆర్టీయూ టీఎస్‌ పక్షాన ఉద్యమ కార్యాచరణ ప్రకటిస్తామని తెలిపారు. అనంతరం అలంపూర్‌ ఆలయాలను ఎమ్మెల్సీ దర్శించుకుని ప్రత్యేక పూజలు చేశారు. ఆలయ అర్చక స్వాములు తీర్థ ప్రసాదాలను అందజేసి అశీర్వచనం పలికారు. ● ఎమ్మెల్యే బండ్ల కృష్ణమోహన్‌రెడ్డి మాట్లాడుతూ.. ఉపాధ్యాయులు విద్యాభివృద్ధికి నిరంతరం కృషి చేస్తూ, పేద విద్యార్థులను ఉన్నత స్థాయికి తీసుకెళ్లాలని సూచించారు. ఉపాధ్యాయులపై ఉన్న విద్యా బాధ్యతను సమర్థవంతంగా నిర్వర్తించాలని తెలిపారు. ఉపాధ్యాయులు ఎదుర్కొంటున్న సమస్యలను ప్రభుత్వం దృష్టికి తీసుకెళ్లి పరిష్కారానికి తనవంతు కృషి చేస్తానన్నారు. యూనియన్‌ జిల్లా అధ్యక్షుడు పచ్చర్ల తిమ్మారెడ్డి, ప్రధాన కార్యదర్శి వేణుగోపాల్‌ అధ్యక్షతన జరిగిన సమావేశంలో డీసీసీ అధ్యక్షుడు రాజీవ్‌రెడ్డి, పెన్షనర్ల సంఘం రాష్ట్ర అధ్యక్షుడు వెంకట్‌రెడ్డి, ఉమ్మడి జిల్లా మాజీ అధ్యక్షుడు బుచ్చారెడ్డి, పరమేశ్వర్‌రెడ్డి, నర్సింహారెడ్డి, వెంకటేశ్వర్‌రెడ్డి ఉన్నారు.

అచ్చంపేట: ఇటు తెలంగాణ, అటు ఏపీ రాష్ట్రాల్లో లక్షలాది ఎకరాలకు సాగునీరు, కోట్లాది మందికి తాగునీటిని అందించడంతో నిరంతర విద్యుత్‌ సరఫరాకు దోహదపడే శ్రీశైలం జలాశయంలో డేంజర్‌ బెల్స్‌ మోగుతున్నాయి. ఈ ఏడాది ఎల్‌నివో ప్రభావంతో తీవ్ర వర్షాభావ పరిస్థితులు నెలకొనడమే ఇందుకు కారణం. ఎగువ నుంచి ఆశించిన స్థాయిలో వరద ప్రవాహం లేకపోవడంతోపాటు.. వచ్చిన కొద్దిపాటి నీటిని రెండు తెలుగు రాష్ట్రాలు విచ్చలవిడిగా తోడేస్తుండటంతో నీటి నిల్వలు డెడ్‌ స్టోరేజ్‌ దశకు చేరుకుంటున్నాయి. గతేడాది నిండా నీటితో కళకళలాడిన జలాశయం.. నీటిమట్టం వేగంగా క్షీణించి 861.10 అడుగులకు చేరింది. ఈసారి ఎగువనున్న ఆల్మటి, నారాయణపూర్‌, జూరాల ప్రాజెక్టుల నుంచి వరద ప్రవాహం లేకపోవడంతో శ్రీశైలంలో ఎండీడీఎల్‌ 834 అడుగుల చేరువలోకి వచ్చింది. ఇలాంటి పరిస్థితుల్లో తాగునీటికే ప్రాధాన్యత ఇవ్వాల్సిన అవసరం ఉంది. తాగు, సాగునీటికి కష్టాలే.. ఎల్‌నినో ప్రభావంతో ప్రస్తుత వానాకాలంలో తీవ్ర వర్షాభావ పరిస్థితులు నెలకొన్నాయి. దీంతో ఈ ఏడాది సాగునీటికి కష్టాలు తప్పేలా లేవు. శ్రీశైలం జలాశయం గరిష్ట నిల్వ మట్టం 885 అడుగులు కాగా.. పూర్తిస్థాయి నిల్వ సామర్థ్యం 215.81 టీఎంసీలు. అయితే గురువారం నాటికి 861.1 అడుగుల వద్ద 109.5400 టీఎంసీల నీరు నిల్వ ఉంది. ఇందులో 834 అడుగులు, 30 టీఎంసీలు డెడ్‌ స్టోరేజ్‌ కాగా వినియోగానికి వీలుండేది కేవలం 27.1 అడుగులు, 79.5400 టీఎంసీలు మాత్రమే. నాగర్‌కర్నూల్‌, వనపర్తి, మహబూబ్‌నగర్‌, రంగారెడ్డి జిల్లాలకు కృష్ణా జలాలనే కేఎల్‌ఐ పంపుల ద్వారా ఎత్తిపోసి తాగునీటి కోసం మిషన్‌ భగీరథ పథకానికి తరలిస్తారు. ఏడాదికి సుమారు 10– 12 టీఎంసీలు అవసరం అవుతాయి. వరదల సమయంలో ఏటా 35 నుంచి 45 టీఎంసీల నీటిని కేఎల్‌ఐ పంపుల ద్వారా ఎత్తిపోసేవారు. ఇందులో దాదాపు సాగునీటికి 35 టీఎంసీల వరకు వినియోగించేవారు. ఈసారి కేఎల్‌ఐ పంపుహౌస్‌ల్లో ఐదు మోటార్లకు గాను మూడింటితోనే ఎల్లూరు, జొన్నలబొగుడ, గుడిపల్లి రిజర్వాయర్లకు తాగు, సాగునీటి అవసరాల కోసం 10 టీఎంసీల నీటిని మాత్రమే వాడుకున్నారు. శ్రీశైలం బ్యాక్‌వాటర్‌ నుంచి కేఎల్‌ఐ ద్వారా నాగర్‌కర్నూల్‌, అచ్చంపేట, కల్వకుర్తి, కొల్లాపూర్‌, వనపర్తి, దేవరకద్ర, జడ్చర్ల నియోజకవర్గాలతోపాటు ఇతర ప్రాంతాల్లో 3.65 లక్షల ఎకరాలకు సాగునీరు అందించాల్సి ఉంటుంది. ఈ ఏడాది వ ర్షాకాలంలో నాగర్‌కర్నూల్‌ జిల్లాలో 1.25 లక్షల ఎకరాల్లో రైతులు వరిపంట సాగు చేశారు. శ్రీశైలంలో ఆశించిన స్థాయిలో నీరు లేకపోవడంతో పంటలకు సాగునీరు అందడం ప్రశ్నార్థకంగా మారింది. శ్రీశైలం జలాశయంలో ప్రస్తుత నీటిమట్టం ఇలా.. శ్రీశైలానికి వరదలు వచ్చిన సమయంలో ఈ ఏడాది ఇప్పటి వరకు తాగు, సాగునీటి అవసరాల కోసం 10 టీఎంసీల నీటిని ఎత్తిపోశాం. మూడు మోటార్ల ద్వారా రోజుకు 800 నుంచి 2,400 క్యూసెక్కుల నీటిని ఎల్లూరు, జొన్నలబొగుడ, గుడిపల్లి రిజర్వాయర్లకు తరలించాం. రిజర్వాయర్లతోపాటు డిస్ట్రిబ్యూటరీ కాల్వల ద్వారా నీటిని విడుదల చేస్తున్నాం. – అమర్‌సింగ్‌, ఈఈ, సాగునీటి పారుదలశాఖ కృష్ణానది పరివాహకంలో కురిసిన వర్షాలతో మహారాష్ట్రలోని ఉజ్జయిని, కర్ణాటకలోని ఆల్మ టి, నారాయణపూర్‌ జలాశయాలు నిండిన తర్వాత విడుదల చేసిన నీళ్లు గత జూలై చివరి నాటికి జూరాల మీదుగా శ్రీశైలానికి చేరుకున్నాయి. దీంతో వానాకాలం ప్రారంభానికి ముందు శ్రీశైలంలో 39 టీఎంసీల నీరు నిల్వ ఉండగా.. ఆగస్టు 12 నాటికి ఎగువ నుంచి 185.5 టీఎంసీల నీరు వచ్చింది. దీంతో శ్రీశైలంలో 215.11 టీఎంసీల నీరు చేరగా.. తెలంగాణ కేఎల్‌ఐ, ఏపీ పోతిరెడ్డిపాడు, మల్యాల నుంచి హంద్రీనీవా సుజల స్రవంతి (హెచ్‌ఎన్‌ఎస్‌), వెలుగోడు, ముచ్చుమర్రి పథకాలకు వాడుకుంటోంది. దీంతో రెండు తెలుగు రాష్ట్రాలు శ్రీశైలం నుంచి ఇప్పటి వరకు 145 టీఎంసీల నీటిని వాడుకున్నట్లు శ్రీశైలం గేజింగ్‌ అధికారుల లెక్కలు చెబుతున్నాయి. మరోవైపు రెండు రాష్ట్రాలు పోటాపోటీగా విద్యుదుత్పత్తి ద్వారా పెద్దఎత్తున నీటిని దిగువనున్న నాగార్జునసాగర్‌కు విడుదల చేశాయి. తెలంగాణ శ్రీశై లం ఎడమ గట్టు జలవిద్యుత్‌ కేంద్రం ద్వారా తెలంగాణ జెన్‌కో 446.13 మి.యూ., ఏపీ 72.62 మి.యూ., విద్యుదుత్పత్తి చేసింది. ప్రస్తుతానికి వచ్చిన వరదలతో కాస్త ఉపశమనం పొందినా భవిష్యత్‌ పరిస్థితులపై ఆందోళనలు వ్యక్తమవుతున్నాయి. శ్రీశైలంలో అతి తక్కువ నీటిమట్టం ప్రస్తుతం జలాశయంలో 861.10 అడుగుల వద్ద 109.5400 టీఎంసీలు డేంజర్‌ బెల్స్‌.. ఎండీడీఎల్‌కు కేవలం 79.5400 టీఎంసీలే ఇలాగే కొనసాగితే సాగు, తాగునీటిపై తీవ్ర ప్రభావం వచ్చే జూన్‌ వరకు తాగునీటికే ప్రాధాన్యం అంటున్న ప్రభుత్వం

జోగుళాంబ గద్వాలఆదివారం శ్రీ 20 శ్రీ సెప్టెంబర్‌ శ్రీ 2026రాష్ట్రంపై ఎల్‌నినో ప్రభావం తీవ్రంగానే ఉండబోతుంది.. వర్షపాతం సాధారణ స్థాయిలో లేకపోవడంతో ప్రాజెక్టులు, రిజర్వాయర్లలోకి వచ్చే నీటి ప్రవాహాలు తగ్గాయి.. దీని ప్రభావంతో కృష్ణా, గోదావరి బేసిన్‌లో గతంలో కంటే నీటి లభ్యత భారీగా తగ్గిపోయింది. కాబట్టి ప్రస్తుతం అందుబాటులో నీటిని కరువు పరిస్థితుల దృష్ట్యా ప్రభుత్వం తొలి ప్రాధాన్యతగా తాగునీటి సరఫరాకే వెచ్చిస్తుంది. – ఈ నెల 18న అసెంబ్లీ సాక్షిగా రాష్ట్ర ఇరిగేషన్‌ శాఖ మంత్రి ఉత్తమ్‌కుమార్‌రెడ్డి చెప్పిన మాటలివి..వానాకాలం సీజన్‌ మధ్యలో కృష్ణానదికి పెద్దఎత్తున వరద రావడంతో వారాబందీ పద్ధతిలో సాగుకోసం నీటిని వదులుతామని అధికారులు చెప్పారు. దీంతో ఆయకట్టు పరిధిలోని రైతులం వరిపంట సాగు చేశాం. ప్రస్తుతం పంట పొట్ట దశలో ఉంది. మరో నాలుగైదు తడులిస్తే పంట చేతికొస్తుంది. ఇప్పుడేమో అధికారులు కాల్వలకు నీటిని వదలడం లేదు. కాబట్టి ఎట్టి పరిస్థితుల్లోనూ సాగునీరు వదలాల్సిందే. – శుక్ర, శనివారాల్లో జూరాల ఆయకట్టు రైతులు రోడ్డెక్కి ధర్నా చేపట్టి చెబుతున్న మాటలివి.. గద్వాల: ఈసారి వరుణుడు కరుణించకపోవడంతో జిల్లాలో సాధారణం కంటే తక్కువ వర్షపాతం నమోదైంది. వాస్తవానికి వానాకాలంలో జూన్‌ ఆఖరి వారం మొదలుకొని జూలై, ఆగస్టు, సెప్టెంబర్‌ నెలల్లో వర్షాలు సమృద్ధిగా కురుస్తాయి. కానీ, ఈసారి ఎల్‌నినో ప్రభావంతో పరిస్థితి పూర్తి భిన్నంగా మారింది. జూలై, ఆగస్టు మాసాల్లో 63 మి.మీ., వర్షపాతం తక్కువ నమోదైందంటే పరిస్థితి తీవ్రత ఏ స్థాయిలో ఉందో అర్థం చేసుకోవచ్చు. ఇదిలా ఉంటే.. ఖరీఫ్‌లో జిల్లావ్యాప్తంగా 3.28 లక్షల ఎకరాల్లో వివిధ రకాల పంటలు సాగయ్యాయి. ఇందులో అత్యధికంగా 1.72 లక్షల ఎకరాల్లో పత్తి, 78 వేల ఎకరాల్లో వరి పంటలు సాగుచేశారు. అయితే సాగునీటి విడుదల నిలిపివేయడంతో ప్రాజెక్టుల కింద సాగు చేసిన ఆయకట్టుతోపాటు తీవ్రమైన కరెంట్‌ కోతలతో బోర్లు బావుల ఆధారంగా పండిస్తున్న పంటలు సైతం ఎండుముఖం పట్టాయి. దీంతో ఆయా పంటలను కాపాడుకునేందుకు రైతన్నలు నిత్యం రోడ్డెక్కి ధర్నాలు చేయాల్సిన పరిస్థితులు దాపురించాయి. పంట చేతికొచ్చేది ఎలా..? జిల్లాలోని జూరాల, నెట్టెంపాడు ప్రాజెక్టుల కింద 1,83,573 ఎకరాల్లో రైతులు వరిపంట సాగచేశారు. ప్రస్తుతం జూరాల ప్రాజెక్టులో 9 టీఎంసీల నీరు ఉండగా.. లైవ్‌లో మాత్రం 6 టీఎంసీలు మాత్రమే ఉంటుంది. ప్రాజెక్టుల కింద సాగైన పంటలు పూర్తిస్థాయిలో చేతికి రావాలంటే కనీసం ఇంకా రెండు నెలల పాటు సాగునీరు అందించాల్సి ఉంది. ప్రస్తుతం జూరాలలో ఉన్నవాటిలో తాగునీటికే మొదటి ప్రాధాన్యత ఇవ్వనున్నారు. ఈ నీటినే వచ్చే వానాకాలం వరకు తాగునీటి కోసం వినియోగించాల్సి ఉంటుంది. మరి ఈ లెక్కన రెండు నెలల పాటు పంటలకు సాగునీరు అందాలంటే ఎగువ నుంచి వరద రావాల్సిందే. ఈ నేపథ్యంలో పంటలు చేతికొచ్చేది ఎలా అని అన్నదాతలు ఆందోళన చెందుతున్నారు. విద్యుత్‌ కోతలతో.. బోరు, బావుల కింద సాగుచేసిన పంటలకు సాగునీటిని అందించాలంటే ప్రధానంగా విద్యుత్‌ మోటార్లు అవసరం. జిల్లాలో సుమారు 85 వేల వరకు వ్యవసాయ మోటార్లు ఉండగా.. వీటికి ప్రతిరోజుకు 293.80 మెగావాట్ల విద్యుత్‌ అవసరం అవుతుంది. అయితే డిమాండ్‌కు అనుగుణంగా విద్యుత్‌ సరఫరా లేకపోవడంతో బావులు, బోర్ల కింద పంటలు సాగుచేసిన పంటలు సైతం ఎండుముఖం పడుతున్నాయి. అధికారులేమో 12 గంటల పాటు కరెంటు ఇస్తున్నామని చెబుతుండగా.. కేవలం ఐదారు గంటలే ఇస్తున్నారని, అది కూడా లోఓల్టేజీతో సరఫరా చేస్తుండడంతో మోటార్లు కాలిపోతున్నాయని రైతులు వాపోతున్నారు. ..న్యాయవాదులే దేశ స్వాతంత్రోద్యమంలో పోరాడిన గొప్ప నాయకులంతా న్యాయవాదులే అని జిల్లా జడ్జి ప్రేమలత అన్నారు. –8లో uవర్షాధార పంటలు.. ప్రాజెక్టుల కింద ఉన్న పంటల పరిస్థితి ఇలా ఉంటే.. వర్షాధారిత పంటలు కూడా ఆందోళన కరంగానే ఉన్నాయి. మొత్తం 1.45 లక్షల ఎకరాల్లో వివిధ రకాల పంటలు సాగుచేశారు. అయితే ఎల్‌నిన్‌ ప్రభావంతో జిల్లాలో సాధారణం కంటే తక్కువ వర్షపాతం నమోదైంది. ప్రస్తుత సెప్టెంబర్‌లోనూ ఇదే పరిస్థితి ఉంటుందని వాతావరణ శాఖ అధికారులు చెబుతున్నారు. దీంతో సాగుచేసిన 1.45 లక్షల ఎకరాల పంటలు పూర్తిస్థాయిలో చేతికి రావాలంటే వరుణుడు కరుణించాల్సిందే. ప్రాజెక్టుల కింద కాల్వలకు సాగునీటి నిలిపివేత నీటిని వదలాలని ఆయకట్టు రైతుల ఆందోళన నాలుగైదు తడులిస్తే పంట చేతికొస్తుందని ఆక్రందన తాగునీటికే తొలి ప్రాధాన్యం అంటున్న ప్రభుత్వం మరోవైపు తీవ్రమైన విద్యుత్‌ కోతలతో ఎండుతున్న పంటలు

జూరాల ఆయకట్టు పరిధిలో నాకున్న 16 ఎకరాల్లో వరిపంట సాగు చేశాను. ఇక్కడ వరి మాత్రమే పండుతుంది. మొదట్లో మూడురోజులకు ఒకసారి నీటిని వదులుతామని అధికారులు, రాజకీయ నాయకులు చెప్పారు. ఇప్పుడేమో మొత్తానికే నీళ్లు నిలిపేశారు. వేసుకున్న పంట ఎండిపోతుంది. గత్యంతరం లేక రోడ్డెక్కి ధర్నా చేస్తున్నాం. ప్రభుత్వం స్పందించి పంటలు కాపాడాలి. – హన్మంతు, రైతు, రేవులపల్లి, ధరూరు మండలం మూడు రోజులకోసారైనా వదలాలి.. నెట్టెంపాడు కింద అర ఎకరా పొలంలో వరిపంట వేసుకున్నాను. మొదట్లో మూడురోజులకోసారి నీటిని ఇస్తామని చెప్పారు. ఇప్పుడు ఒక్కరోజు కూడా నీటిని ఇస్తలేరు. కనీసం పంట చేతికొచ్చే వరకు అయినా మూడురోజుకోసారి నీటిని విడుదల చేస్తే పెట్టిన పెట్టుబడి నష్టపోకుండా పంట చేతికొస్తుంది. లేకపోతే పెట్టుబడిపోయి అప్పులు మిగులుతాయి. – రాములు, రైతు, మార్లబీడు, ధరూరు మండలం ఆరుతడి పంటలే వేయాలి.. ఎల్‌నినో ప్రభావంతో ఈసారి జిల్లాలో తక్కువ వర్షపాతం నమోదైంది. కాబట్టి ప్రస్తుతం జూరాలలో అందుబాటులో నీటిని తాగునీటికే మొదటి ప్రాధాన్యత ఇస్తాం. రైతులు ఇబ్బంది పడకుండా ఉన్ననీటిని పొదుపుగా వినియోగించుకుంటూ ఆరుతడి పంటలే సాగుచేసుకోవాలి. – కేశవరావు, ఎస్‌ఈ, ఇరిగేషన్‌శాఖ

గద్వాల క్రైం: లోక్‌ అదాలత్‌ విజయవంతం చేసేందుకు కృషిచేసిన సిబ్బందిని జిల్లా జడ్జి కల్యాణ్‌ చక్రవర్తి, ఎస్పీ శ్రీనివాసరావు అభినందించారు. ఈ సందర్భంగా శనివారం జిల్లా కోర్టు ఆవరణలో సిబ్బందితో నిర్వహించిన సమావేశంలో వారు మాట్లాడారు. కక్షిదారులకు కేసుల నుంచి విముక్తి కల్పించి వారిని రాజీ అయ్యేలా కృషి చేశారన్నారు. లక్ష్యలను సాధించేందుకు అంకితభావంతో పనిచేసి.. న్యాయ, పోలీసు శాఖలపై ప్రజలకు నమ్మకం కలిగేలా చొరవ తీసుకోవడంలో సిబ్బంది ఎంతో శ్రమించారన్నారు. ఫలితంగా రాష్ట్రస్థాయిలో జోగుళాంబ గద్వాల జిల్లాకు నాలుగో స్థానం దక్కడం అభినందనీయమన్నారు. పెండింగ్‌ కేసుల పరిష్కారం, ప్రజలకు సత్వర న్యాయం అందించారన్నారు. ఇదే స్ఫూర్తితో అన్ని శాఖల అధికారులు సమన్వయంతో పనిచేసి మరిన్ని విజయాలు చేకూర్చాలని ఆకాంక్షించారు. అనంతరం కోర్టు విధులు నిర్వహించిన సిబ్బందికి ప్రశంసాపత్రాలు అందజేశారు. కార్యక్రమంలో అదనపు కలెక్టర్‌ మధుమోహన్‌, కృష్ణ, ఏఎస్పీ శంకర్‌, డీఎస్పీ మొగిలయ్య తదితరులు పాల్గొన్నారు.

గద్వాల: జూరాల ప్రాజెక్టు పరిధిలోని గద్వా ల, ఆత్మకూరు ప్రాంతాల్లో సాగుచేసిన పంటలు కాపాడేందుకు ప్రభుత్వం వెంటనే నీటిని విడుదల చేయాలని మహబూబ్‌నగర్‌ ఎంపీ డీకే అరుణ అన్నారు. ఈ మేరకు ఆమె శనివారం మంత్రి ఉత్తమ్‌కుమార్‌రెడ్డికి ఫోన్‌ చేసి మాట్లాడారు. జూరాల ఆయకట్టుకు సాగునీరు అందక ఎండిపోతుండటంతో గద్వాల, ఆత్మకూరు ప్రాంతాల రైతులు తీవ్ర ఆందోళన చెందుతున్నారని తెలిపారు. నీరు విడుదల చేయాలని కోరుతూ రోడ్డెక్కి ధర్నా, నిరసన చేస్తున్నారన్నారు. మానవీయ కోణంలో ఆలోచించి.. రైతాంగం ప్రయోజనాలు దృష్టిలో ఉంచుకుని పంటలకు వెంటనే నీటిని విడుదల చేయాలన్నారు. దీనిపై మంత్రి సానుకూలంగా స్పందించారని, ఇరిగేషన్‌ శాఖ అధికారులతో సమీక్షించి అవసరమైన చర్యలు తీసుకుంటామని చెప్పినట్లు ఎంపీ ‘సాక్షి’కి తెలిపారు.

ధరూరు: జూరాల ప్రాజెక్టు పరిధిలోని కుడి కాల్వకు సాగునీటిని విడుదల చేయాలని డిమాండ్‌ చేస్తూ రేవులపల్లి, భీంపురం, పెద్ద చింతరేవుల తదితర గ్రామాల రైతులు రైతులు ప్రాజెక్టు రహదారిపై బైఠాయించి ధర్నా చేశారు. శనివారం ఉదయం 10 గంటల నుంచి ఒంటిగంట వరకు దాదాపు మూడు గంటల పాటు బైఠాయించారు. సాగునీటిని విడుదల చేసే వరకు కదిలే ప్రసక్తే లేదని రైతులు భీష్మించి కూర్చున్నారు. విషయం తెలుసుకున్న రేవులపల్లి, పోలీసులు, పీజేపీ అధికారులు అక్కడికి చేరుకుని రైతులకు నచ్చజెప్పే ప్రయత్నం చేశారు. ఈ సందర్భంగా రైతులు మాట్లాడుతూ పంట సాగు కంటే ముందు అధికారులు ఆరుతడి పంటలు సాగు చేసుకోవాలని చెప్పారని, వాటికి వారబందీ పద్ధతిలో నీరిస్తామని చెప్పి ఇప్పుడు కాల్వను పూర్తిగా మూసేశారని ఆగ్రహం వ్యక్తం చేశారు. రోజు విడిచి రోజు సాగు నీరందించాలని కోరారు. అనంతరం పీజేపీ డీఈ రమేష్‌బాబు అక్కడికి చేరుకుని రైతులతో మాట్లాడారు. సాగునీటి విషయంలో తామేమి చేయలేమని, ఉన్నతాధికారుల నుంచి ఆదేశాలు వస్తే నీటి విడుదల చేస్తామన్నారు. ధర్నా చేస్తున్న రైతులకు బీజేపీ జిల్లా అధ్యక్షుడు రామాంజనేయులు, చింతరేవుల సర్పంచు రాజేష్‌ తదితరులు అక్కడికి చేరుకొని సంఘీభావం తెలిపారు. ఈ సందర్భంగా ఎస్‌ఈతో ఫోన్‌లో మాట్లాడారు. 24 గంటల్లో ఉన్నతాధికారులతో మాట్లాడి సమస్యను పరిష్కరించేలా చర్యలు తీసుకుంటామని హామీ ఇవ్వడంతో రైతులు ధర్నా విరమించారు.

సాక్షి ప్రతినిధి, మహబూబ్‌నగర్‌: గత బీఆర్‌ఎస్‌ ప్రభుత్వం ఉమ్మడి జిల్లాకు అన్యాయం చేస్తే.. ఇప్పుడున్న కాంగ్రెస్‌ ప్రభుత్వం కూడా పాలమూరు రైతుల పట్ల వివక్ష చూపుతోంది. నల్లగొండ లీడర్లు చెప్పిన మాటలు విని ఈ ప్రాంతానికి అన్యాయం చేస్తున్నారు. డిండి లిఫ్ట్‌ ఇరిగేషన్‌ను ఎట్టి పరిస్థితుల్లో ఒప్పుకోం.. పాలమూరు నీటిని తరలించే కుట్రను ఇక సహించేది లేదు.. మా నీళ్లు మాకే కావాలి. ఈ మేరకు తెలంగాణ మలిదశ ఉద్యమ స్ఫూర్తితో పోరాడుతాం.’ అని ఉమ్మడి జిల్లా పెండింగ్‌ ప్రాజెక్ట్‌ల సాధన జేఏసీ చైర్మన్‌ రాజేందర్‌రెడ్డి స్పష్టం చేశారు. యూఎంపీపీఎస్‌ జేఏసీ ప్రతినిధులు శనివారం మీడియాతో కలిసి డిండి లిఫ్ట్‌ ఇరిగేషన్‌లో భాగమైన ఉల్పర నుంచి గొట్టిముక్కల రిజర్వాయర్‌ వరకు జరుగుతున్న పనులను సందర్శించారు. అనంతరం చారకొండ వద్ద ఏర్పాటు చేసిన విలేకరుల సమావేశంలో రాజేందర్‌రెడ్డి మాట్లాడారు.జూరాల ప్రాజెక్ట్‌ నుంచి పాలమూరు–రంగారెడ్డి ప్రాజెక్ట్‌కు నీటిని తీసుకొని ఉంటే సమస్య ఉండేది కాదన్నారు. శ్రీశైలం సోర్స్‌ ఆధారంగా కేసీఆర్‌ డిజైన్‌ మార్పు చేయడంతోనే సమస్య ఉత్పన్నమైందన్నారు. తొమ్మిదన్నరేళ్లు అధికారంలో ఉండి ప్రాజెక్ట్‌ పూర్తి చేయలేదని.. ఆ తర్వాత అధికారంలోకి వచ్చిన కాంగ్రెస్‌ ప్రభుత్వం కూడా ఈ ప్రాజెక్ట్‌ పట్ల నిర్లక్ష్యం వహిస్తోందన్నారు. అంతేకాదు ఈ జిల్లాలో ఒక్క పెండింగ్‌ ప్రాజెక్ట్‌ కూడా పూర్తి చేయకుండా.. డిండి ప్రాజెక్ట్‌ పనులు యుద్ధప్రాతిపదికన చేపట్టడం అన్యాయమని.. ఉమ్మడి మహబూబ్‌నగర్‌ జిల్లా రైతాంగానికి నష్టం వాటిల్లే డిండి లిఫ్ట్‌ ఇరిగేషన్‌ను ఎట్టి పరిస్థితుల్లో ఒప్పుకొనేది లేదన్నారు. సొంత జిల్లాకు చెందిన సీఎం రేవంత్‌రెడ్డి దీనిపై స్పందించాలన్నారు. మంత్రి జూపల్లి స్పందించాలి: రాఘవాచారి ఏపీలోని రాయలసీమలో చేపట్టిన పోతిరెడ్డిపాడు హెడ్‌ రెగ్యులేటర్‌ నిర్మాణంతో పాలమూరుకు ఎంత అన్యాయం జరిగిందో.. నల్లగొండ జిల్లా కోసం చేపడుతున్న డిండి లిఫ్ట్‌ వల్ల కూడా జిల్లాకు అంతే అన్యాయం జరుగుతుందని కన్వీనర్‌ రాఘవాచారి తెలిపారు. ఉమ్మడి మహబూబ్‌నగర్‌ జిల్లాకు సాగు నీటి రంగంలో అన్యాయం చేశారని 2023 ఎన్నికల్లో ఇక్కడి ప్రజలు బీఆర్‌ఎస్‌ను ఓడించి.. ఉమ్మడి జిల్లా నుంచి 12 మంది కాంగ్రెస్‌ ఎమ్మెల్యేలను గెలిపించారన్నారు. కానీ ఈ ఎమ్మెల్యేలు డిండిపై, పాలమూరు రైతాంగానికి కృష్ణా జలాలను అందించే విషయంలో పట్టింపులేని ధోరణితో వ్యవహరిస్తున్నారని మండిపడ్డారు. బీఆర్‌ఎస్‌ హయాంలో డిండికి నీటి తరలింపుపై అడ్డుకున్నామని వివరించారు. అప్పటి నాయకుడు, ఇప్పటి మంత్రి జూపల్లి, కాంగ్రెస్‌ నేతలు డిండిని వ్యతిరేకిస్తూ లేఖ రాశారని గుర్తు చేశారు. ఇప్పుడు వారే నల్లగొండ లీడర్ల చేతిలో దాసోహమయ్యారని.. మీరు రాజీనామా చేస్తే ప్రభుత్వం కూలిపోతుందని.. ఈ బలం ఉన్నా ఇక్కడి రైతుల పక్షాన ఎందుకు పోరాటం చేయడం లేదని ప్రశ్నించారు. మంత్రి జూపల్లి ఇప్పటికై నా డిండి ప్రాజెక్ట్‌పై ఆయన వైఖరిని తెలియజేయాలన్నారు. 27న ఉల్పర నుంచి కల్వకుర్తికి పాదయాత్ర.. డిండి లిఫ్ట్‌ పనులను ఆపే వరకు తమ పోరాటం కొనసాగుతుందని.. ఈ నెల 27న యూఎంపీపీఎస్‌ జేఏసీ ఆధ్వర్యంలో నాగర్‌కర్నూల్‌ జిల్లా ఉల్పర నుంచి కల్వకుర్తికి పాదయాత్ర చేపట్టనున్నట్లు రాజేందర్‌రెడ్డి, రాఘవాచారి పిలుపునిచ్చారు. ఉదయం ఆరు గంటలకు ఉల్పరలో పాలమూరు అధ్యయన వేదిక రాష్ట్ర కన్వీనర్‌ హరగోపాల్‌ ప్రారంభిస్తారని, ఎమ్మెల్సీ కోదంరాం కూడా హాజరుకానున్నట్లు వెల్లడించారు. అదే రోజు కల్వకుర్తిలో సాయంత్రం బహిరంగసభ ఉంటుందని.. రైతులు, ప్రజలు అధిక సంఖ్యలో పాల్గొని విజయవంతం చేయాలని పిలుపునిచ్చారు. పీఆర్‌ఎల్‌ఐ నుంచి డిండికి నీరు తరలించొద్దు.. ఈ లిఫ్ట్‌ను ఒప్పుకొనేది లేదు.. మలి దశ తెలంగాణ ఉద్యమస్ఫూర్తితో పోరాటం ఉమ్మడి జిల్లా పెండింగ్‌ ప్రాజెక్ట్‌ల సాధన జేఏసీ చైర్మన్‌ రాజేందర్‌రెడ్డి జేఏసీ ఆధ్వర్యంలో ఉల్పర నుంచి గొట్టిముక్కల వరకు రిజర్వాయర్ల సందర్శన

వనపర్తి: రైతులు సాగునీటి కోసం అరిగోసపడేలా.. యూరియా కోసం క్యూలైన్‌లో నిలబడేలా.. పెట్టుబడి సాయం ఎగొట్టి ముఖ్యమంత్రి రేవంత్‌రెడ్డి మునుపటి కాంగ్రెస్‌ పాలన తీసుకొచ్చారని.. ఇదేనా ఇందిరమ్మ పాలనా అని బీఆర్‌ఎస్‌ పార్టీ కార్యనిర్వాహక అధ్యక్షుడు కల్వకుంట్ల తారకరామారావు ప్రశ్నించారు. కొల్లాపూర్‌ మాజీ ఎమ్మెల్యే బీరం హర్షవర్ధన్‌రెడ్డి తండ్రి మరణవార్త తెలుసుకొని శనివారం పరామర్శించేందుకు వచ్చిన ఆయన తిరుగు ప్రయాణంలో పెబ్బేరు మండలం గుమ్మడం, పెబ్బేరులోని విద్యుత్‌ సబ్‌స్టేషన్లను సందర్శించి విద్యుత్‌ సరఫరా లాగ్‌బుక్‌ను పరిశీలించారు. అనంతరం పెబ్బేరులోని సుభాష్‌ చౌరస్తాలో నిర్వహించిన కార్నర్‌ మీటింగ్‌లో మాట్లాడుతూ.. వ్యవసాయానికి కేవలం ఐదారు గంటలు మాత్రమే సరఫరా ఇస్తున్నట్లు, రోజుకు పదిసార్ల కంటే ఎక్కువ కోతలు విధిస్తున్నట్లు రైతులు, లాగ్‌బుక్‌లో నమోదు చేసిన వివరాలతో స్పష్టమవుతోందన్నారు. తన రాజకీయ గురువు చంద్రబాబు కోసం వరద జలాలను వదిలేసి.. సకాలంలో మోటార్లు ఆన్‌ చేయలేదని, దీంతో ఆంధ్రాకు సాగునీరు.. తెలంగాణ ప్రాంత రైతులకు కరువును మిగిల్చారని ఆరోపించారు. ఆంధ్రా పాలకులు ముందుచూపుతో ఇప్పటికే వెలుగొండ, పొతిరెడ్డిపాడు నుంచి నీళ్లు తరలించుకొని రిజర్వాయర్లు నీటితో నింపుకొంటున్నారన్నారు. మోటార్లు రెండ్రోజులు నడిస్తే వారం పాటు బంద్‌ చేసే కాంగ్రెస్‌ పాలకులకు రైతులపై ప్రేమ ఎలా ఉన్నట్లు అవుతుందని ప్రశ్నించారు. రాష్ట్రంలో ప్రస్తుతం ఉత్పన్నమైన కరవు కాంగ్రెస్‌ పాలకుల పుణ్యమేనని.. ముందస్తు ఆలోచనతో కృష్ణా జలాలను మొదటిరోజు నుంచి ఒడిసిపట్టుకుని నిల్వ చేసుకొని ఉంటే ప్రస్తుతం పంటలకు కావాల్సిన సాగునీరు అందుబాటులో ఉండటంతో పాటు భూగర్భ జలాలు అడుగంటేవి కావని కేటీఆర్‌ పేర్కొన్నారు. రైతుబీమాకు దిక్కులేదు.. రైతులకు ఆపత్కాలంలో సాయంగా ఉండేలా.. కేసీఆర్‌ రూపొందించిన రైతుబీమా పథకాన్ని కాంగ్రెస్‌ ప్రభుత్వం నీరుగారుస్తోందని, ఇప్పటికింకా ఇన్స్యూరెన్స్‌ సంస్థలకు చెల్లించాల్సిన రూ.1,700 కోట్లు చెల్లించకుండా కాలయాపన చేస్తుండటంతో బీమా వర్తించడం లేదన్నారు. కార్యక్రమంలో అలంపూర్‌ ఎమ్మెల్యే విజయుడు, మాజీ మంత్రులు సింగిరెడ్డి నిరంజన్‌రెడ్డి, శ్రీనివాస్‌గౌడ్‌, మాజీ ఎమ్మెల్యే ఆల వెంకటేశ్వర్‌రెడ్డి తదితరులు పాల్గొన్నారు. రైతులకు సాగునీరు లేదు.. యూరియా కోసం క్యూలైన్లా..? కృష్ణా జలాలు ఒడిసిపట్టుకుని ఉంటే కరువు వచ్చేది కాదు బీఆర్‌ఎస్‌ వర్కింగ్‌ ప్రెసిడెంట్‌ కల్వకుంట్ల తారకరామారావు

అలంపూర్‌: రైతులకు సకాలంలో సాగునీరు అందించాలని ఎమ్మెల్యే విజయుడు అన్నారు. గురువారం జిల్లాకేంద్రంలో ఎమ్మెల్యే విజయుడు రైతులతోపాటు కలెక్టర్‌ రిజ్వాన్‌ బాషా షేక్‌, ఇరిగేషన్‌ ఎస్‌ఈ కేశవరావును కలిసి.. ఇటిక్యాల, ఎర్రవల్లి మండలంలోని రైతుల సమస్యలను వారికి వివరించినట్లు చెప్పారు. జూరాల మెయిన్‌ కెనాల్‌తోపాటు నెట్టెంపాడు 100, 106 ప్యాకేజీల పరిధిలోని రైతుల సమస్యలను ఏకరువు పెట్టారు. ప్రస్తుతం సాగులో ఉన్న పంటలకు, సాగు చేయాల్సిన పంటలకు అవసరమైన సాగునీటిని అందించాలని కోరారు. అనంతరం జిల్లా విద్యుత్‌ శాఖ ఎస్‌ఈ అబ్దుల్‌ కరీంని ఎమ్మెల్యే కలిసి నియోజకవర్గంలోని రైతుల సమస్యలపై చర్చించినట్లు తెలిపారు. పంట సాగుకు 24 గంటలు నాణ్యమైన విద్యుత్‌ను సరఫరా చేయాలని, ప్రభుత్వం రైతులకు సబ్సిడీపై అందిస్తున్న ట్రాన్స్‌ఫార్మర్లు మంజూరు చేయాలని, కొన్ని గ్రామాల్లో విద్యుత్‌ స్తంభాలు, వీధిదీపాలు లేక ప్రజలు ఇబ్బందులు పడుతున్న విషయాన్ని ఎస్‌ఈ దృష్టికి తెచ్చారు. 80 ఫీట్ల వద్దనే రెండో ఆర్వోబీ నిర్మాణం గద్వాల: జిల్లాకేంద్రంలో పెరుగుతున్న జనాభా దృష్ట్యా గద్వాల మార్గం మీదుగా అనేక రైళ్లు తిరుగుతున్న నేపథ్యంలో రెండో ఆర్వోబీ నిర్మాణం కావాలని ఎంపీ డీకే అరుణ కేంద్ర రైల్వే శాఖ మంత్రికి వివరించి పాతహౌసింగ్‌బోర్డు కాలనీ ప్రాంతంలో 80 ఫీట్ల రోడ్డు వద్ద ఆర్వోబీ నిర్మాణం ఏర్పాటుకు ఒప్పించారని బీజేపీ జిల్లా అధ్యక్షుడు రామాంజనేయులు అన్నారు. గురువారం ఆయన డీకే బంగ్లాలో విలేకరుల సమావేశంలో మాట్లాడారు. కొందరు స్వార్థం కోసం రాజకీయ దురుద్దేశంతో ప్రజలను తప్పుదోవ పట్టించేలా అపోహలు సృష్టిస్తున్నారని మండిపడ్డారు. పాతహౌసింగ్‌ బోర్డు కాలనీలోని 80 ఫీట్ల రోడ్డు వద్దనే రెండో ఆర్వోబీ నిర్మాణం చేపడతారని, ఇందుకోసం అన్నిరకాల అనుమతులు సైతం ఎంపీ డీకే అరుణ సాధించారని వివరించారు. గద్వాల జిల్లాను అభివృద్ధి చేసేందుకు ఎంపీ డీకే అరుణ కేంద్ర ప్రభుత్వం ద్వారా పెద్దఎత్తున నిధులు మంజూరు చేయించినట్లు గుర్తుచేశారు. అలాగే సేవా సంకల్ప్‌ అభియాన్‌లో భాగంగా పార్టీ రాష్ట్ర ముఖ్య అధికార ప్రతినిధి సుభాష్‌ పాల్గొన్నట్లు తెలిపారు.

జోగుళాంబ గద్వాలశుక్రవారం శ్రీ 18 శ్రీ సెప్టెంబర్‌ శ్రీ 2026గద్వాల: రాష్ట్ర అభివృద్ధి, సంక్షేమమే లక్ష్యంగా కాంగ్రెస్‌ ప్రభుత్వం ప్రజా రంజక పాలన సాగిస్తుందని ఢిల్లీలో రాష్ట్ర ప్రభుత్వ ప్రత్యేక ప్రతినిధి, క్రీడల సలహాదారు ఏపీ జితేందర్‌రెడ్డి అన్నారు. గురువారం కలెక్టరేట్‌ ఆవరణలో నిర్వహించిన తెలంగాణ ప్రజాపాలన దినోత్సవం కార్యక్రమానికి ఆయన ముఖ్య అతిథిగా హాజరయ్యారు. ముందుగా పోలీసు గౌరవవందనం స్వీకరించి.. అనంతరం జాతీయ నాయకుల చిత్రపటాలకు పూలమాల వేసి నివాళులర్పించారు. వందేమాతరం గీతం ఆలపించిన తర్వాత జాతీయ పతాకాన్ని ఆవిష్కరించారు. ఈ సందర్భంగా ఆయన మాట్లాడుతూ జిల్లా అభివృద్ధి పథంలో ముందుకు దూసుకెళ్తుందన్నారు. అర్హులైన ప్రతిఒక్కరికి ప్రభుత్వ సంక్షేమ, అభివృద్ధి పథకాలు అందిస్తున్నట్లు వెల్లడించారు. ఆర్టీసీ బస్సులో ఆడపడుచులకు ఉచిత ప్రయాణ పథకంలో భాగంగా జిల్లాలో ఇప్పటి వరకు రూ.3.36 కోట్ల మంది ఉచిత రవాణా సౌకర్యాన్ని వినియోగించుకున్నట్లు చెప్పారు. దీని ద్వారా రూ.129.03 కోట్లు ఖర్చు చేసినట్లు తెలిపారు. రాజీవ్‌ ఆరోగ్యశ్రీ పథకాన్ని మరింత పకడ్బందీగా అమలు చేయడంతోపాటు, పథకం కింద పేదలకు కార్పొరేట్‌ వైద్యం అందిస్తున్నామని, జిల్లాలో ఇప్పటి వరకు 18,431 మందికి వివిధ రకాల వైద్యసేవలు అందించామని, ఇందుకోసం రూ.53.29 కోట్లు వెచ్చించామని పేర్కొన్నారు. రాష్ట్రంలోనే మొదటిస్థానం.. జిల్లాలో 311 గ్రామ సంఘాల పరిధిలో 8,015 స్వయం సహాయక సంఘాలలో 85,633 మంది మహిళలు సభ్యులుగా ఉన్నారన్నారు. 2026–27 ఆర్థిక సంవత్సరంలో 7,222 స్వయం సహాయక సంఘాలకు రూ.92.88 కోట్ల రుణాలు మంజూరు చేశామన్నారు. జాతీయ కుటుంబ ప్రయోజన పథకం అమలులో జోగుళాంబ జిల్లా రాష్ట్రంలోనే మొదటిస్థానంలో నిలిచిందన్నారు. జిల్లాలో ఇప్పటి వరకు 827 మంది లబ్ధిదారులకు రూ.1.65 కోట్ల ఆర్థిక సహాయం అందించినట్లు తెలిపారు. ఇందిరా మహిళా శక్తి కార్యక్రమంలో మొదటి విడతలో జిల్లాకు రూ.4.68 కోట్లతో 13 బస్సులు కేటాయించడం జరిగిందన్నారు. నెట్టెంపాడు ఎత్తిపోతల పథకంలో భాగంగా నిర్మించిన గుడ్డెందొడ్డి రిజర్వాయర్‌ నీటినిల్వ సామర్థ్యాన్ని 1.19 టీఎంసీల నుంచి 15 టీఎంసీలకు పెంచేందుకు ప్రభుత్వం నిర్ణయించి, భూసేకరణకు అవసరమైన రూ.165 కోట్ల నిధులు విడుదల చేసిందన్నారు. గట్టు ఎత్తిపోతల పథకం సామర్థ్యం 1.3 నుంచి 3 టీఎంసీలకు పెంచి.. రూ.1,781 కోట్లతో ప్రాజెక్టు రీడిజైన్‌ అనుమతులు ఇచ్చినట్లు తెలిపారు. మల్లమ్మకుంట రిజర్వాయర్‌, వేగవంతం చేసి పూర్తి చేస్తామన్నారు. జిల్లావ్యాప్తంగా హ్యామ్‌ రోడ్ల నిర్మాణానికి రూ.339.39 కోట్ల నిధులు మంజూరు చేశామన్నారు. మెడికల్‌ కళాశాలలో అకడమిక్‌ బ్లాక్‌తోపాటు వసతి గృహాల నిర్మాణాలకు రూ.128 కోట్ల నిధులు మంజూరు చేసినట్లు తెలిపారు. అలాగే సర్‌ ప్రక్రియను పకడ్బందీగా వేగవంతంగా చేపడుతున్నట్లు పేర్కొన్నారు. అక్షరాస్యతలో ముందుకు తీసుకెళ్లే క్రమంలో జ్ణానదీప్తి పేరుతో వివిధ అంశాలపై ఉపాధ్యాయులందరికీ శిక్షణ ఇచ్చినట్లు చెప్పారు. తెలంగాణ రైజింగ్‌–2047 లక్ష్యంతో ముందుకు సాగుతుందన్నారు. అనంతరం వివిధ విద్యాసంస్థల చిన్నారులచే నిర్వహించిన సాంస్కృతిక కార్యక్రమాలు అలరించాయి. ప్రతిభచాటిన చిన్నారులకు ప్రశంసాపత్రాలు, బహుమతులు అందజేశారు. కార్యక్రమంలో కలెక్టర్‌ రిజ్వాన్‌బాషా షేక్‌, ఎస్పీ శ్రీనివాసరావు, ఎమ్మెల్యే విజయుడు, కార్పొరేషన్‌ చైర్మన్లు సరిత, గట్టు తిమ్మప్ప, అదనపు కలెక్టర్లు మధుమోహన్‌, ఆర్డీఓ శ్రీనివాసరావు, మున్సిపల్‌ చైర్‌పర్సన్‌ జయలక్ష్మి తదితరులు పాల్గొన్నారు. జాతీయ పతాకానికి సెల్యూట్‌ చేస్తున్న ఏపీ జితేందర్‌రెడ్డి, కలెక్టర్‌ రిజ్వాన్‌బాషా షేక్‌, ఎస్పీ శ్రీనివాసరావు, కార్పొరేషన్‌ చైర్మన్లు సరిత, గట్టు తిమ్మప్ప తదితరులు అత్యవసరమైతే.. అవస్థలే! మహబూబ్‌నగర్‌ జనరల్‌ ఆస్పత్రి ఐసీయూలో సరిపడా పడకలు లేక రోగులు ఇబ్బందులు పడుతున్నారు. –8లో uరైతులకు వెన్నుదన్ను.. రాష్ట్రంలో అధికారంలోకి వచ్చిన కాంగ్రెస్‌ ప్రభుత్వం రైతులకు వెన్నుదన్నుగా నిలుస్తోందని జితేందర్‌రెడ్డి చెప్పారు. తమ ప్రభుత్వం అధికారంలోకి వచ్చిన ఎనిమిది నెలల వ్యవధిలోనే జిల్లాలో 58,113 మంది రైతులకు రూ.513.99 కోట్ల పంట రుణమాఫీ చేశామన్నారు. రైతులకు పెట్టుబడి సాయంగా రైతుభరోసా పథకం కింద ఎకరాకు రూ.12 వేల చొప్పున జిల్లాలో 2026– 27 వానాకాలం సీజన్‌లో 1,72,417 మంది రైతులకు రూ.263 కోట్లు నేరుగా వారి ఖాతాలో జమ చేసినట్లు తెలిపారు. ధాన్యం కొనుగోలు ద్వారా యాసంగి సీజన్‌లో 7,091 మంది రైతుల నుంచి 50,725 మెట్రిక్‌ టన్నుల వరిధాన్యం కొనుగోలు చేసి రూ.121.18 కోట్లను నేరుగా రైతుల ఖాతాలో జమ చేయడం జరిగిందన్నారు. వ్యవసాయ శాఖకు సంబంధించి వివిధ పథకాల అమలులో ఉత్తమ పనితీరు కనబర్చి రాష్ట్రంలో 5వ స్థానం నిలిచామన్నారు.

రాజోళి: విఘ్నాధిపతి.. తొలిపూజలు స్వీకరించే నాథుడు.. గణపయ్యకు చవితి పూజలను ప్రజలు ఘనంగానే నిర్వహించారు. స్వామి రాకను కాంక్షిస్తూ.. ఊరేగింపుగా అంగరంగ వైభవంగా కొలువుదీర్చారు. శక్తి మేరకు కొలిచిన భక్తజనులకు గణపయ్యను నిమజ్జనం పంపడం పెద్ద సమస్యగా మారింది. గతంలో వినాయక నిమజ్జనం అంటే స్థానికంగా చెరువులు, వాగులు, నదుల్లో పుష్కలంగా నీరు ఉండేది. కానీ, ఈసారి ఎల్‌నినో ప్రభావంతో వర్షాల జాడే లేకపోవడంతో చెరువులు, కుంటలు, వాగులు నీటి జాడే లేకపోగా.. జీవనదులు కృష్ణా, తుంగభద్ర సైతం ఒట్టిపోయి కనిపిస్తున్నాయి. దీంతో గణనాథుడిని గంగమ్మ ఒడికి చేర్చడం ఎలా అన్న ప్రశ్న నిర్వాహకులను కలవరపెడుతోంది. కాగా.. అధికారులు మాత్రం జిల్లాలోని బీచుపల్లి వద్దే పెద్ద వినాయకుల నిమజ్జనానికి ఏర్పాట్లు చేస్తున్నారు. అడుగంటిన తుంగభద్ర.. జిల్లాలో కృష్ణా, తుంగభద్ర నదులు ఉండగా.. వీటి నుంచి ఎత్తిపోతల ద్వారా ఎన్నో చెరువులు, కుంటలు జలకళ సంతరించుకుంటాయి. అయితే ఉమ్మడి జిల్లాతోపాటు హైదరాబాద్‌ పరిసర ప్రాంతాల నుంచి గణనాథుడిని నిమజ్జనం చేసేందుకు తుంగభద్ర, కృష్ణానదులకే వస్తారు. ఏటా బీచుపల్లి వద్ద వేలాది సంఖ్యలో భక్తులు వస్తుంటారు. అయితే ఈ ఏడాది ఎల్‌నినో కారణంగా వర్షాలు కురవని కారణంగా నదిలో నీరు లేకపోవడంతో నిమజ్జనంకు వచ్చే వారు ఎలాంటి ఇబ్బందులు ఎదుర్కోవాల్సింది వస్తుందోనని ఆందోళన చెందుతున్నారు. కృష్ణా బేసిన్‌లో కురిసిన అరకొర వర్షాలతో వస్తున్న వరదతో జిల్లా పరిధిలోని కృష్ణానదిలో కొద్ది మేర నీరు ఉండగా.. తుంగభద్ర నదిలో మాత్రం పూర్తిగా ఒట్టిపోయింది. ప్రధానంగా నిమజ్జనం చేసే ప్రదేశాల్లో కూడా వినాయక విగ్రహాలు నీటిలో మునిగే స్థాయిలో కూడా నీరు లేకపోవడం గమనార్హం. జిల్లాలో నిమజ్జన ప్రదేశాలు.. ఏటా నిమజ్జనం చేసేందుకు జిల్లా అధికారుల నేతృత్వంలో కృష్ణా, తుంగభద్ర నది పరివాహకాల్లో కొన్ని ప్రదేశాలు గుర్తించేవారు. ఈసారి కూడా కృష్ణానది పరివాహకంలో జూరాల డ్యాం, నది అగ్రహారం, బీచుపల్లితోపాటు తుంగభద్ర నది పరివాహకంలో సుంకేసుల డ్యాం, అలంపూర్‌, గొందిమల్ల, క్యాతూరు పుష్కర ఘాట్లను గుర్తించారు. వీటితోపాటు ఆయా గ్రామాల శివారుల్లో నదుల్లో నీరు ఉన్న చోట కూడా.. స్థానికంగా సిబ్బందిని ఏర్పాటు చేస్తున్నారు. అందులో తుంగభద్ర నదితీరంలోని పెద్దధన్వాడ, చిన్నధన్వాడ, రాజోళి, తుమ్మిళ్ల, కొర్విపాడు, మద్దూరు తదితర గ్రామాలు ఉండగా ఆ గ్రామాల్లో నది మొత్తం ఒట్టిపోయింది. ఆ గ్రామాల వారు ప్రతిఏటా స్థానికంగానే నదిలో నిమజ్జనం చేసేవారు. ప్రస్తుతం వారికి కూడా నిమజ్జనం ప్రశ్నార్థకంగా మారింది. రాజోళి వద్ద నీరు లేక ఎండిపోయిన తుంగభద్ర నది గణపయ్య నిమజ్జనానికి సవాళ్లు వర్షాభావ పరిస్థితులతో చెరువుల్లో కానరాని నీటి జాడ నడిగడ్డలో ఎండుదశకు చేరుకున్న రెండు జీవనదులు నెర్రెలు బారి 10 అడుగుల కనిష్టానికి నీటిమట్టం అయినప్పటికీ కృష్ణానదికే తరలింపు?

అలంపూర్‌: పట్టణంలోని హరిత హోటల్‌కు గురువారం రాత్రి రాష్ట్ర ఎస్సీ, ఎస్టీ చైర్మన్‌ బక్కి వెంకటయ్య, కమిటీ సభ్యులతో అలంపూర్‌ ఆలయాల సందర్శనార్థం వచ్చారు. ఈ మేరకు వారికి అదనపు కలెక్టర్లు నర్శింగ్‌రావ్‌, మధుమోహన్‌, ఆర్డీఓ శ్రీనివాసులు, ఏఎస్పీ శంకర్‌, డీఎస్పీ మొగలయ్య ఘనంగా స్వాగతం పలికారు. శుక్రవారం అలంపూర్‌ ఆలయాలను చైర్మన్‌ సందర్శిస్తారని చెప్పారు. కార్యక్రమంలో సీఐ ప్రదీప్‌, తహసీల్దార్‌ ప్రభాకర్‌ తదితరులు పాల్గొన్నారు. అత్యుత్తమ పనితీరులో రాజోళి పోలీస్‌స్టేషన్‌ రాజోళి: దేశంలో అత్యుత్తమ పనితీరు కనబరుస్తున్న పోలీస్‌స్టేషన్లను గుర్తించేందుకు కేంద్రస్థాయిలో నిర్వహించే వార్షిక సర్వేకు రాజోళి పోలీస్‌స్టేషన్‌ ఎంపికై నట్లు పోలీసు అధికారులు తెలిపారు. ఈ మేరకు గురువారం కేంద్ర ప్రభుత్వం నియమించిన సర్వే అధికారి సయ్యద్‌ మహ్మద్‌ హసన్‌ గురువారం రాజోళి పోలీస్‌స్టేషన్‌ను సందర్శించారు. పోలీస్‌ స్టేషన్‌లో రికార్డుల పరిశీలన, కేసుల సత్వర పరిష్కారం, బాధితులకు న్యాయం అందించడంలో పోలీసుల పాత్ర, అమాయక ప్రజలకు స్టేషన్లో అందించే న్యాయ సేవ, వారి పట్ల పోలీసులు ప్రవర్తించే తీరు గురించి ఆయన వివరాలు సేకరించారు. స్టేషన్‌కు వచ్చిన వారితోపాటు, స్థానికులతో ఆయన మాట్లాడారు. అత్యవసర సమయంలో ఏ విధంగా స్పందిస్తున్నారు.. ఫిర్యాదుదారుల పట్ల సిబ్బంది వ్యవహరించే తీరు గురించి ఆరాతీశారు. కాగా రాష్ట్రంలో అత్యుత్తమ పనితీరు కనబరిచే మూడు పోలీస్‌స్టేషన్లలో జిల్లాలోని రాజోళి స్టేషన్‌ కూడా ఉండటంతో ఈ సర్వే నిర్వహించినట్లు అధికారులు చెప్పారు. కార్యక్రమంలో శాంతిగనర్‌ సీఐ శంకర్‌, ఎస్‌ఐ కిరణ్‌కుమార్‌, పోలీస్‌ సిబ్బంది పాల్గొన్నారు. పల్లీ @ రూ.7,089 గద్వాల వ్యవసాయం: జిల్లాకేంద్రంలోని వ్యవసాయ మార్కెట్‌ యార్డుకు గురువారం 194 క్వింటాళ్ల వేరుశనగ అమ్మకానికి వచ్చింది. కాగా.. క్వింటాల్‌ గరిష్టంగా రూ.7,089, కనిష్టంగా రూ.5,270, సరాసరిగా రూ.5,719 ధరలు లభించాయి. అలాగే 13 క్వింటాళ్ల ఆముదాలు రాగా.. క్వింటాల్‌ రూ.7,021 ఒకే ధర పలికింది. ప్రధాని మోదీ పాలనలోనే దేశం అభివృద్ధి ఎర్రవల్లి: ప్రధానమంత్రి నరేంద్రదాని మోదీ పాలనలోనే దేశం అభివృద్ధి జరుగుతుందని మాజీ ఎమ్మెల్యే రావుల రవీంద్రనాథ్‌రెడ్డి అన్నారు. దేశ ప్రధాని నరేంద్రమోదీ జన్మదినాన్ని పురస్కరించుకొని గురువారం జింకలపల్లి కేఆర్‌ఆర్‌ ఆస్పత్రి వద్ద రాష్ట్ర డాక్టర్‌ సెల్‌ కన్వీనర్‌ రాజశేఖర్‌రెడ్డి ఆధర్యంలో రక్తదానం, ఉచిత వైద్య శిబిరం, అన్నదానం వంటి పలు సేవా కార్యక్రమాలు చేపట్టారు. ఈ కార్యక్రమానికి మాజీ ఎమ్మెల్యే రావుల రవీంద్రనాథ్‌రెడ్డి హాజరై నాయకులతో కలిసి సేవా కార్యక్రమాలను ప్రారంభించి మాట్లాడారు. ప్రధాని మోదీ నాయకత్వంలో దేశం అభివృద్ధి, మౌళిక వసతులు, డిజిటల్‌ సేవలు, పేదల సంక్షేమం వంటి రంగాల్లో ముందుకు సాగుతుందన్నారు. స్వచ్ఛ భారత్‌, ఆయుష్మాన్‌ భారత్‌, ప్రధానమంత్రి జన్‌ ధన్‌ యోజన, ఉజ్వల యోజన, జల్‌ జీవన శక్తి వంటి పథకాల ద్వారా ప్రజలకు అనేక సేవలు అందుతున్నాయన్నారు. పేదలు, రైతులు, మహిళలు, యువత, వెనుకబడిన వర్గాల సంక్షేమం కోసం పలు పథకాలను అమలు చేస్తోందని కొనియాడారు. కార్యక్రమంలో నాయకులు స్నిగ్ధారెడ్డి, వెంకటరాముడు, రవికుమార్‌, సంజీవరెడ్డి, బాబురెడ్డి, మమత, మధుగౌడ్‌, జగదీష్‌, శ్రీనివాసులు తదితరులు పాల్గొన్నారు.

ఎర్రవల్లి: మహనీయుల ఆశయాలను ప్రతిఒక్కరూ కొనసాగించాలని పదో పటాలం అసిస్టెంట్‌ కమాండెంట్‌ పార్థసారధిరెడ్డి అన్నారు. గురువారం మండలంలోని బీచుపల్లి పదో పటాలంలో నిర్వహించిన ప్రజాపాలన దినోత్సవ కార్యక్రమానికి ఆయన ముఖ్య అతిథిగా హాజరై జాతీయ పతాకాన్ని ఆవిష్కరించారు. అలాగే దేశ నాయకుల చిత్రపటాలకు పూలమాలలు వేసి ఘనంగా నివాళులర్పించారు. అనంతరం ఆయన మాట్లాడుతూ 1947 ఆగస్టు 15న బ్రిటీష్‌ పాలన నుంచి దేశ ప్రజలకు విముక్తి కలిగినా.. తెలంగాణ ప్రజలకు విముక్తి కలగలేదన్నారు. కానీ, అప్పటి హోంమంత్రి సర్ధార్‌ వల్లభాయ్‌ పటేల్‌ చాకచక్యంతో నిజాం నిరంకుశ పాలన నుంచి 1948 సెప్టెంబర్‌ 17 నాడు తెలంగాణ ప్రజలకు విముక్తి కలిగిందన్నారు. తెలంగాణ భారతదేశంలో విలీనమైన ఈ రోజును తెలంగాణ ప్రభు త్వం ప్రజాపాలన దినోత్సవంగా జరుపుకోవడం ఎంతో సంతోషకరమన్నారు. కార్యక్రమంలో అసిస్టెంట్‌ కమాండెంట్‌ వెంకటరమణ, ఆర్‌ఐలు రాజు, శ్రీనివాస్‌, వెల్ఫేర్‌ అధికారి లక్ష్మణ్‌ పాల్గొన్నారు.

ప్రతిఏటా తుంగభద్ర నదిలోనే నిమజ్జనం చేసేవాళ్లం. ఈసారి కూడా అక్కడే చేయాలనుకున్నాం. కానీ, తుంగభద్ర నదిలో నీరు లేదు. అక్కడక్కడ ఉన్న కొద్దిపాటి నీటిలో వినాయకుడిని వేసినా విగ్రహం కూడా మునిగిపోయే పరిస్థితి కనిపించడం లేదు. బీచుపల్లికి వెళ్లాలంటే అక్కడికి ఎక్కువ మొత్తంలో విగ్రహాలు నిమజ్జనంకు వచ్చే అవకాశం ఉంది. దీంతో మా సభ్యులు ఆలోచనలో పడ్డారు. – అశోక్‌, శాంతినగర్‌ మేమే కరిగిస్తాం.. ఈసారి వర్షాభావ పరిస్థితుల కారణంగా, నదిలో నీరు లేదని గ్రహించాం. మీడియాలో వస్తున్న కథనాలు చూసి.. మట్టి గణపతిని తయారు చేసి, పూజలు నిర్వహించాం. ఈ గణపతినే ఒకచోట నీటితో కరిగించి, అందులో మొక్క నాటి, గ్రామంలో అందరికీ గణపతి నిమజ్జనం గుర్తుగా మొక్కను అందించేందుకు ఏర్పాట్లు చేస్తున్నాం. దీనివల్ల పర్యావరణ పరిరక్షణతోపాటు నిమజ్జనం ఇబ్బందులు తప్పుతాయి. – జాని, అమరవాయి ఏర్పాట్లు చేస్తున్నాం.. నిమజ్జనం సమయంలో భక్తులకు ఎలాంటి ఇబ్బందులు కలగకుండా.. జిల్లాలో నిమజ్జనంకు కేటాయించిన ప్రదేశాల్లో ఏర్పాట్లు చేశాం. విగ్రహాలు ఎక్కువగా వచ్చినప్పటికీ.. ట్రాఫిక్‌ ఇతర ఇబ్బందులు రాకుండా చర్యలు తీసుకుంటాం. గ్రామాల్లో కొన్నిచోట్ల నీటి వనరులు ఉన్నాయి. వారు అక్కడే నిమజ్జనం చేసుకోవచ్చు. నిమజ్జనం చేసే సందర్భంలో తప్పనిసరిగా స్వీయ జాగ్రత్తలు కూడా చాలా అవసరం. – శ్రీనివాసరావు, ఎస్పీ ●

కొల్లాపూర్‌ రూరల్‌: మండలంలోని ఎల్లూరు గ్రామ శివారు పాలమూరు– రంగారెడ్డి ప్రాజెక్టు మొదటి లిఫ్టు మొదటి పంపు ద్వారా గురువారం అధికారులు నార్లాపూర్‌ రిజర్వాయర్‌లోకి నీటిని విడుదల చేశారు. ఈ సందర్భంగా ఈఈ లోకిలాల్‌ మాట్లాడుతూ ప్యారామీటర్‌ చెక్‌ చేసుకోవడంలో భాగంగా 2 గంటలపాటు నీటిని విడుదల చేసి.. మరోసారి మోటార్‌ను చెక్‌ చేసుకున్నామని చెప్పారు. వచ్చే వారం నుంచి రిజర్వాయర్‌లోకి నీటిని నిరంతరాయంగా విడుదల చేస్తామని పేర్కొన్నారు. కార్యక్రమంలో ప్రాజెక్టు అధికారులు, సిబ్బంది పాల్గొన్నారు.

ప్రస్తుతం ప్రయాణాలు, ఫోన్‌, విద్యుత్‌, పెట్రోల్‌ వంటి చెల్లింపులు ప్రతి ఒక్కరి నిత్యజీవితంలో భాగమయ్యాయి. ఈ నేపథ్యంలో యూపీఐ ద్వారా రూ.2 వేలకుపైగా చేసే చెల్లింపులపై ఎండీఆర్‌ చార్జీలు వసూలు చేస్తే మాలాంటి మధ్యతరగతి ప్రజలపై అదనపు భారం పడుతుంది. ఇప్పటికే సైబర్‌ నేరాలతో ఆర్థికంగా నష్టపోతున్న పరిస్థితి ఉంది. వీటన్నింటినీ పరిగణనలోకి తీసుకుంటే డిజిటల్‌ చెల్లింపుల కంటే పాత విధానమైన నగదు లావాదేవీలే మేలు, సురక్షితం. – రమేష్‌, గద్వాల ప్రభుత్వం పునరాలోచించాలి.. రోజు 20 నుంచి 25 వరకు యూపీఐ పేమెంట్స్‌ ద్వారా ప్రజలు కొనుగోలు చేస్తుంటారు. యూపీఐ పేమెంట్‌ రూ.2వేల వరకు మాత్రమే మినహాయింపుతో వినియోగదారుడు నష్టపోయే అవకాశం ఉంది. అంతకంటే ఎక్కువ పేమెంట్‌ చేసినప్పుడు వినియోగదారుడిపైనే భారం వేస్తారు. కేంద్ర ప్రభుత్వం పునరాలోచించాలి. – సురేశ్‌బాబు, సురభి సూపర్‌ మార్కెట్‌, నాగర్‌కర్నూల్‌

జోగుళాంబ గద్వాల.. కంపెనీలతో కాలుష్యం కృష్ణా మండల సరిహద్దులోని కెమికల్‌ ఫ్యాక్టరీల నుంచి వచ్చే దుర్వాసనతో ప్రజలు శ్వాసకోశ ఇబ్బందులకు గురవుతున్నారు. వాతావరణం ఉదయం నుంచే ఎండ తీవ్రత అధికంగా ఉంటుంది. ఉక్కపోత పెడుతుంది. సాయంత్రం జల్లులు కురిసే అవకాశం ఉంది. –8లో uగద్వాల: కులాంతర వివాహం చేసుకున్న దళితుడి ఇల్లు కూల్చివేత.. గద్వాల పోలీసులు వేధిస్తున్నారంటూ ఓ యువకుడు ఆత్మహత్యకు పాల్పడటం.. విచారణ పేరిట మరో వ్యక్తిని హింసించడంతో మనస్తాపానికి గురై చెట్టుకు ఉరేసుకున్న ఘటనలో పోలీసులపై ఫిర్యాదు చేస్తూ, బాధిత కుటుంబం హైకోర్టును ఆశ్రయించడం.. ఇసుక, మట్టి మాఫియాతో కొందరు ఖాకీలు ముడుపులు తీసుకుంటున్నారనే ఆరోపణలు.. భూ పంచాయితీలపై కొన్ని ఠాణాల్లో ఖాకీలే నేరుగా తీర్పులు ఇవ్వడం వంటి ఘటనలను చూస్తే.. జిల్లాలో చట్టం కట్టుతప్పుతోందా? చట్టాన్ని కాపాడాల్సిన అధికారులే కంచె దాటుతున్నారా? అనే ప్రశ్నలకు అవుననే సమాధానం వినిపిస్తోంది. గద్వాలలో చోటు చేసుకుంటున్న వరుస ఘటనలపై ‘సాక్షి’ ప్రత్యేక కథనం. సెటిల్‌మెంట్ల దందా.. 2023 సెప్టెంబర్‌ 27న గట్టుకు చెందిన ఓ ఏఆర్‌ కానిస్టేబుల్‌కు సంబంధించిన భూ పంచాయితీని గట్టు, గద్వాల రూరల్‌, కేటీదొడ్డి మండలాలకు చెందిన పోలీసు అధికారులు బెదిరింపులకు పాల్పడి అక్రమంగా సెటిల్‌మెంట్‌ చేశారు. ఈ ఘటన గట్టు మండల కేంద్రంలోని ఓ ముఖ్యనేత ఇంట్లో కూర్చుని మరీ తీర్పునివ్వడం అప్పట్లో సంచలనంగా మారింది. ● కేటీదొడ్డి మండలం పాతపాలెంలో భూ తగాదా వ్యవహారం కోర్టు పరిధిలో ఉండి, ఇంజక్షన్‌ ఆర్డర్‌ ఉన్నప్పటికీ పోలీసులు జోక్యం చేసుకుని దౌర్జన్యం చేస్తూన్నారంటూ బాధితులు హైకోర్టును ఆశ్రయించారు. మాఫియాలతో స్నేహం.. మరోవైపు ఇసుక, మట్టి మాఫియాకు కొందరు పోలీసులు కొమ్ముకాస్తున్నారనే ఆరోపణలు పెద్ద ఎత్తున వినిపిస్తున్నాయి. జిల్లాలో ఇసుక దందాతో కాసులు వెనకేసుకోవచ్చనే కారణంతో కొన్ని ఠాణాలకు పోలీసు అధికారులు పైరవీలు చేసి మరీ పోస్టింగ్‌లు తీసుకుంటున్నారనే బలమైన ప్రచారం ఉంది. నేటికీ అంటరానితనం.. నడిగడ్డ రాష్ట్ర సరిహద్దులోని ప్రాంతం. నిరక్షరాస్యతలో ఆసియా ఖండంలోనే అగ్రస్థానం. ఎస్సీ, ఎస్టీలకు సంబంధించి ఈ ప్రాంతంలో అంటరానితనం, కులవివక్షత ప్రస్పుటంగా కనిపిస్తాయి. అంతేకాకుండా జోగిని వ్యవస్థ కూడా కొనసాగుతోంది. నేటికీ గట్టు, కేటీదొడ్డి, మల్దకల్‌, ఎర్రవల్లి, మానవపాడు తదితర మండలాల్లో రెండు గ్లాసుల విధానం కనిపిస్తోంది. తాజాగా కులాంతర వివాహం చేసుకున్నారనే నెపంతో గద్వాల మండలం రేపల్లెలో దళితుడి ఇంటిని జేసీబీలతో కూల్చివేశారంటే నడిగడ్డలో కులవివక్షత ఏస్థాయిలో ఉందో స్పష్టమవుతోంది. గురువారం శ్రీ 17 శ్రీ సెప్టెంబర్‌ శ్రీ 2026పోలీసులే కారణమంటూ ఆత్మహత్య.. గద్వాల పట్టణ ఎస్‌ఐ కళ్యాణ్‌కుమార్‌, ఏఆర్‌ కానిస్టేబుల్‌ బాలు వేధింపులకు పాల్పడుతున్నారంటూ ధరూరు మండలం బూరెడ్డిపల్లికి చెందిన కమ్మరి నరేశ్‌ ఈ నెల 5న హైదరాబాద్‌లో ఆత్మహత్యకు యత్నించాడు. అతడు చికిత్స పొందుతూ మృతిచెందడం స్థానికంగా కలకలం రేపుతోంది. ఓ కేసులో వ్యక్తి ఆచూకీ పేరిట ఆరు నెలల క్రితం మల్దకల్‌కు చెందిన కుమ్మరి శేషన్నను పోలీసులు అదుపులోకి తీసుకుని విచారణ జరిపారు. అయితే ఆ కేసుకు తనకు ఎలాంటి సంబంధం లేనప్పటికీ పోలీసులు అదుపులోకి తీసుకోవడంతో తీవ్ర మనస్తాపానికి గురైన అతడు.. ఉరేసుకుని ఆత్మహత్య చేసుకున్నాడు. అయితే తన భర్త మృతికి పోలీసులే కారణమని పేర్కొంటూ మృతుడి భార్య కుమ్మరి పద్మ హైకోర్టును ఆశ్రయించింది. ఆరోపణలు అవాస్తవం.. కమ్మరి నరేశ్‌పై ఎలాంటి వేధింపులకు పాల్పడలేదు. తనపై చేసిన ఆరోపణలు అవాస్తవం. ఆయన భార్య ఫిర్యాదు మేరకే నరేశ్‌ను కౌన్సెలింగ్‌ కోసం పిలవడం జరిగింది. ఆత్మహత్యకు గల కారణాలపై విచారణ జరిపి, చట్టపరమైన చర్యలు తీసుకుంటాం. – కళ్యాణ్‌కుమార్‌, ఎస్‌ఐ, గద్వాలటౌన్‌ కన్నెత్తి చూడని అధికారులు.. గద్వాల మండలం రేపల్లెలో ప్రేమ వివాహం చేసుకున్న యువకుడి ఇంటిని జేసీబీలతో కూల్చివేసి, బీభత్సం సృష్టించడం రాష్ట్రవ్యాప్తంగా సంచలనంగా మారింది. ఈ ఘటనలో ఏడుగురిపై కేసు నమోదు చేసి, రిమాండ్‌కు తరలించారు. అయితే బాధిత కుటుంబానికి రక్షణ కల్పించి.. గ్రామంలో అంటరానితనం, కులవివక్షతను అడ్డుకట్ట వేసేలా, సాధారణ స్థితిని నెలకొల్పేలా చర్యలు తీసుకోవాల్సిన పోలీసు, రెవెన్యూ శాఖలకు చెందిన జిల్లాస్థాయి ఉన్నతాధికారులు కనీసం గ్రామాన్ని కూడా సందర్శించలేదు. ఎలాంటి గ్రామసభ నిర్వహించలేదు. భగ్గుమంటున్న దళిత సంఘాలు.. రేపల్లె ఘటనపై దళిత సంఘాల నాయకులు భగ్గుమంటున్నారు. నేటికీ కులవివక్షత, అంటరానితనం కొనసాగడం అధికారుల అచేతన స్థితిని తెలియజేస్తుందని మండిపడ్డారు. ఇప్పటి వరకు కలెక్టర్‌, ఎస్పీలు గ్రామాన్ని సందర్శించలేదని.. కుటుంబాన్ని పరామర్శించలేదని ఆవేదన వ్యక్తం చేశారు. అలాగే బీఆర్‌ఎస్‌ రాష్ట్ర ప్రధాన కార్యదర్శి ఆర్‌ఎస్‌ ప్రవీణ్‌కుమార్‌ తీవ్రంగా ఖండించారు. నిందితులపై కఠిన చర్యలు తీసుకుని ఇలాంటి ఘటనలు పునరావృతం కాకుండా చర్యలు తీసుకోవడంతో పాటు దళితులకు సామాజిక భద్రత కల్పించాలని డిమాండ్‌ చేశారు. దీనిపై అసెంబ్లీలో చర్చించాలన్నారు. జిల్లాలో అబాసుపాలవుతున్న వైనం గద్వాల పోలీసులు వేధిస్తున్నారంటూ ఓ యువకుడు ఆత్మహత్య ఆరు నెలల క్రితం మరో వ్యక్తి బలవన్మరణం.. హైకోర్టును ఆశ్రయించిన బాధిత కుటుంబం ఇసుక, మట్టి మాఫియాతో ముడుపుల ఆరోపణలు పోలీసుల వ్యవహార తీరుపై సర్వత్రా విమర్శలు

అక్టోబర్‌ 15 నుంచి అమల్లోకి రానున్న ఈ విధానం అన్ని రకాల వ్యాపారులపై ప్రభావం చూపనుంది. యూపీఐ లావాదేవీలపై విధించే ఛార్జీలు సగటు వ్యాపారిపై తెలియకుండానే పడే అదనపు ఆర్థిక భారం. ముఖ్యంగా మెడికల్‌ దుకాణాల్లో తీవ్ర పోటీ ఉన్న ప్రస్తుత పరిస్థితుల్లో ఇది వ్యాపారులపై మరింత ప్రభావం చూపుతుంది. వినియోగదారులపై భారం పడకుండా, ప్రతి నెలా మా లాభాల్లోంచే ఈ ఖర్చును భరించాల్సి రావచ్చు. ఈ విధానం అమల్లోకి వచ్చిన తర్వాత ఎదురయ్యే సమస్యలు, ఆర్థిక భారం ఏ స్థాయిలో ఉంటాయో స్పష్టమవుతుంది. – దేవరశెట్టి రమేష్‌, మెడికల్‌ షాపు నిర్వాహకుడు, మహబూబ్‌నగర్‌

గద్వాల: డిజిటల్‌ చెల్లింపులకు అలవాటుపడిన సామాన్యులపై యూపీఐ చార్జీల భారం పడనుంది. రూ.2 వేల వరకు యూపీఐ లావాదేవీలకు ఎలాంటి ఎండీఆర్‌ (మర్చంట్‌ డిస్కౌంట్‌ రేట్‌) ఉండదు. ఆపై జరిగే కొన్ని రకాల చెల్లింపులపై కనిష్టంగా రూ.12 నుంచి గరిష్టంగా రూ.300 వరకు చార్జీలు విధించనున్నారు. అక్టోబర్‌ 15 నుంచి అమల్లోకి రానున్న ఈ విధానంపై జనంలో భిన్నాభిప్రాయాలు వ్యక్తమవుతున్నాయి. ఉమ్మడి మహబూబ్‌నగర్‌ జిల్లా పరిధిలో వివిధ రకాల లావాదేవీలు నెలకు సుమారు రూ.2,500–3,000 కోట్ల మేర జరుగుతున్నట్లు అంచనా. వీటిపై ఎస్‌ఎస్‌టీ, సీఎస్‌టీ తదితర పన్నుల రూపంలో కేంద్ర, రాష్ట్ర ప్రభుత్వాలకు ఇప్పటికే రూ.200–300 కోట్ల వరకు ఆదాయం సమకూరుతున్నట్లు అధికారులు చెబుతున్నారు. ఈ నేపథ్యంలో కొత్తగా యూపీఐ చెల్లింపులపై ఎండీఆర్‌ అమలుతో ఉమ్మడి జిల్లాలో ప్రభుత్వానికి రూ.20 కోట్లకుపైగా అదనపు ఆదాయం వచ్చే అవకాశం ఉందని అధికార వర్గాల అంచనా. అయితే కొత్త చార్జీలపై ప్రజల్లో భిన్నాభిప్రాయాలు వినిపిస్తున్నాయి. డిజిటల్‌ చెల్లింపులు సులభతరం కావడంతో నగదు అవసరం తగ్గిందని కొందరు చెబుతుండగా, అదనపు చార్జీల నేపథ్యంలో మళ్లీ నగదు చెల్లింపుల వైపు మళ్లే అవకాశం ఉందని మరికొందరు అంటున్నారు. ‘నగదు వద్దు.. డిజిటల్‌ ముద్దు’ అంటూ చెప్పి ఇప్పుడు భారం వేయొద్దు యూపీఐ చార్జీల వడ్డనపైవినియోగదారులు, వ్యాపారుల్లో భిన్నాభిప్రాయాలు ఎండీఆర్‌ అమలుతో ఉమ్మడి జిల్లాలో ప్రభుత్వానికి రూ.20 కోట్లకుపైగా ఆదాయం

గద్వాల/ఎర్రవల్లి: గణేశ్‌ విగ్రహాల నిమజ్జనాన్ని ప్రశాంతంగా, ఎలాంటి అవాంఛనీయ ఘటనలు చోటుచేసుకోకుండా నిర్వహించేందుకు అవసరమైన అన్ని ఏర్పాట్లు చేయాలని కలెక్టర్‌ రిజ్వాన్‌ బాషా షేక్‌ అధికారులను ఆదేశించారు. బుధవారం ఆయన ఎస్పీ శ్రీనివాసరావుతో కలిసి జిల్లాకేంద్రం సమీపంలోని నదీ అగ్రహారం, బీచుపల్లి క్షేత్రంలోని పుష్కరఘాట్లను పరిశీలించారు. నిమజ్జనం చేసే క్రమంలో ఎలాంటి ఇబ్బందులు లేకుండా బారీకేడ్స్‌ ఏర్పాటు చేయాలని అధికారులకు సూచించారు. గజ ఈతగాళ్లు, వైద్య, అగ్నిమాపక సిబ్బంది అందుబాటులో ఉండాలన్నారు. విద్యుత్‌ సరఫరాలో అంతరాయం లేకుండా చూడాలన్నారు. వారి వెంట ఆర్డీఓ శ్రీనివాసరావు, డీఎస్పీ మొగిలయ్య, మున్సిపల్‌ కమిషనర్‌ జానకీరామ్‌ ఉన్నారు. పకడ్బందీగా ధాన్యం సేకరణ.. వానాకాలంలో పండించిన వరిధాన్యం సేకరణకు అన్ని ఏర్పాట్లు చేయాలని కలెక్టర్‌ రిజ్వాన్‌ బాషా షేక్‌ ఆదేశించారు. కలెక్టరేట్‌లో సంబంధిత అధికారులతో నిర్వహించిన సమీక్షలో ఆయన మాట్లాడారు. ధాన్యం దిగుబడిని దృష్టిలో ఉంచుకుని కొనుగోలు కేంద్రాలు ఏర్పాటు చేయాలన్నారు. అక్టోబర్‌ 1 నుంచే కొనుగోళ్లకు ఏర్పాటుచేసి, రైతులకు ఇబ్బందులు తలెత్తకుండా చర్యలు తీసుకోవాలన్నారు. అనంతరం ఎస్పీ శ్రీనివాసరావు మాట్లాడుతూ.. ధాన్యం అక్రమ రవాణాను అడ్డుకట్ట వేసేందుకు సరిహద్దుల వద్ద చెక్‌పోస్టులను ఏర్పాటు చేస్తున్నట్లు తెలిపారు. సమావేశంలో అదనపు కలెక్టర్‌ మధుమోహన్‌, డీఎస్‌వో స్వామికుమార్‌, డీఎం విమల, డీఏవో వీరప్ప, డీసీఎస్‌వో శ్రీనివాస్‌, ఎల్‌డీఎం శ్రీనివాసరావు ఉన్నారు. ● బాల్యవివాహాల నిర్మూలనకు రూరల్‌ డెవలప్‌మెంట్‌ సొసైటీ చేస్తున్న కృషి ప్రశంసనీయమని కలెక్టర్‌ అన్నారు. కలెక్టరేట్‌లో సంబంధిత అధికారులతో కలిసి పోస్టర్‌ ఆవిష్కరించారు. అనంతరం ఆయన మాట్లాడుతూ.. నవంబర్‌ 27న అంతర్జాతీయ బాల్యవివాహాల నిర్మూలన దినోత్సవంగా పాటించాలని ఐక్యరాజ్య సమితి జనరల్‌ అసెంబ్లీ నిర్ణయించినట్లు తెలిపారు. జిల్లా యంత్రాంగం బాల్యవివాహాలపై నిఘా ఉంచి, కట్టడి చేస్తున్నట్లు చెప్పారు. బాల్యవివాహాల వల్ల కలిగే అనర్థాలపై ప్రజలకు అవగాహన కలిగించేలా కార్యక్రమాలు చేపట్టాలని సూచించారు. కార్యక్రమంలో డీడబ్ల్యూఓ సునంద, ఆర్డీఎస్‌ అధ్యక్షురాలు చిన్నమ్మ, కోఆర్డినేటర్‌ ఎడ్విన్‌, చంద్రశేఖర్‌, ధనలక్ష్మి, సాత్విక్‌, విద్యుల్లత పాల్గొన్నారు. దళారులను నమ్మొద్దు.. 2025–26 ఆర్థిక సంవత్సరానికి గాను జిల్లాలో దివ్యాంగులకు ఉపకరణాల పంపిణీ కోసం ఎలాంటి నిధుల కేటాయింపులు లేవని.. దళారులను నమ్మి మోసపోవద్దని కలెక్టర్‌ రిజ్వాన్‌ బాషా షేక్‌ తెలిపారు. దివ్యాంగుల సంక్షేమ పథకాలు, ఉపకరణాలు లేదా ఇతర ప్రభుత్వ పథకాలపై సమాచారం కోసం https.tgobmms.cgg.gov.in వెబ్‌సైట్‌ లేదా జిల్లా సంక్షేమ అధికారిని సంప్రదించాలని ఆయన సూచించారు. ఎవరైనా డబ్బులు డిమాండ్‌ చేస్తే వెంటనే ఫిర్యాదు చేయాలన్నారు.

గద్వాల క్రైం: సైబర్‌ మోసాలపై ప్రజలకు విస్తృతంగా అవగాహన కల్పించాలని జిల్లా న్యాయ సేవాధికార సంస్థ కార్యదర్శి నిశిక పాత్రుడు అన్నారు. బుధవారం జిల్లా కోర్టు ఆవరణలో సైబర్‌ వారియర్స్‌ విభాగం సిబ్బందితో నిర్వహించిన సమావేశంలో న్యాయమూర్తి మాట్లాడారు. సాంకేతికత పెరుగుతున్న కొద్దీ సరికొత్త పంథాలో సైబర్‌ మోసాలకు పాల్పడుతున్నారన్నారు. సెల్‌ఫోన్‌కు వచ్చే సందేశాలకు స్పందించి వ్యక్తిగత సమాచారం ఇవ్వడం, ఎక్కువ లాభాలు వస్తాయని షేర్‌ మార్కెట్‌లో పెట్టుబడులు పెట్టడం వంటి వాటి ద్వారా మోసాలకు గురవుతున్నారని తెలిపారు. సైబర్‌ వారియర్స్‌ అప్రమత్తంగా ఉంటూ.. ప్రజలకు సైబర్‌ మోసాలను వివరించాలని సూచించారు. ముఖ్యంగా యువత, ఉద్యోగులు అప్రమత్తంగా ఉండాలని తెలిపారు.

గద్వాలన్యూటౌన్‌/అయిజ: తెలంగాణ విమోచన (సాయుధ) పోరాటంలో నడిగడ్డ ప్రాంతం విశిష్టమైన పాత్ర పోషించింది. తుంగభద్ర, కృష్ణానదుల మధ్య విస్తరించి ఉన్న భౌగోళిక ప్రాధాన్యత కారణంగా ఈ ప్రాంతం నిరంకుశ పాలనకు, రజాకార్ల అరాచకాలకు వ్యతిరేకంగా జరిగిన పోరాటంలో వ్యూహాత్మక కేంద్రంగా నిలిచింది. నాటి ఎన్నో వీరోచిత పోరాటాలు.. సంఘటిత కార్యక్రమాలు నేటికీ ఆదర్శంగా నిలుస్తున్నాయి. గద్వాల మహారాణి ఆది లక్ష్మీదేవమ్మ పోలీసు చర్యలకు అనుకూలంగా రాసిన లేఖతో విమోచనానికి మొదటి అడుగు పడటమే కాకుండా.. భారత ప్రభుత్వంలో తెలంగాణ విలీనానికి మార్గం సుగమమైంది. ప్రజల్లో స్ఫూర్తి నింపి.. నడిగడ్డలో జరిగిన ఎన్నో పోరాటాలు, ఉద్యమాలు ప్రజల్లో స్ఫూర్తిని నింపాయి. 1927లో తేరుమైదానంలో జరిగిన జాతీయ జెండావిష్కరణ, 1947లో అయిజలో జరిగిన లెవీ సహాయ నిరాకరణ ఉద్యమం, కర్నూలు నుంచి నైజాం రైలు వస్తున్న సమయంలో ఇటిక్యాల రైల్వేస్టేషన్‌ కాల్చడం, మానవపాడు స్టేషన్‌ వరకు ఉన్న పట్టాలు తొలగించడం, రైల్వే టెలిఫోన్‌ వైరింగ్‌ కత్తిరించడం వంటి ఘటనలను ఉద్యమంలో ముఖ్యమైనవిగా చెప్పవచ్చు. మహారాణి సాహసోపేత నిర్ణయం.. దేశానికి 1947లో స్వాంతంత్య్రం సిద్ధించినా నిజాం పాలనలో ఉన్న హైదరాబాద్‌ సంస్థానంతో పాటు తెలంగాణలోని మరికొన్ని సంస్థానాలు భారత యూనియన్‌లో విలీనం కాలేదు. అప్పటి నిజాం నవాబు భారత యూనియన్‌ విలీనానికి సుముఖంగా లేకపోగా.. పాకిస్థాన్‌లో చేరేందుకు అనుకూలమైన చర్యలు చేపట్టాడు. ఈ విషయాన్ని తెలుసుకున్న అప్పటి యూనియన్‌ హోంశాఖ మంత్రి సర్ధార్‌ వల్లబాయ్‌ పటేల్‌ సంస్థానాలను భారత యూనియన్‌లో విలీనం చేసేందుకు ప్రత్యేక సైన్యంతో కర్నూలు తుంగభద్ర నదీ తీరాన మోహరించారు. నిజాం నిరంకుశత్వాన్ని వ్యతిరేకించి, స్వతంత్ర సంస్థానంగా కొనసాగుతున్న గద్వాల సంస్థాన మహారాణి ఆది లక్ష్మీదేవమ్మ విషయం తెలిసింది. గద్వాల సంస్థానంలోని కృష్ణానది తీరానికి సైన్యానికి పంపాలని పటేల్‌కు మహారాణి లేఖ రాసింది. ఆ లేఖతో తెలంగాణ విమోచనానికి తొలి అడుగు పడింది. అనంతరం 1948 సెప్టెంబర్‌ 17న అనేక సంస్థానాలతో పాటు గద్వాల సంస్థానం భారత యూనియన్‌లో విలీనమైంది. ఏడుగురి ప్రాణత్యాగం.. నిజాం నవాబుల దుర్మార్గపు పాలనకు వ్యతిరేకంగా చేసిన పోరాటంలో ఎందరో యోధులు తమ ప్రాణాలను ఫణంగా పెట్టారు. 1947 డిసెంబర్‌ 12న పోలీసులు జరిపిన కాల్పుల్లో అయిజకు చెందిన రైతులు నాయకి చిన్న తిమ్మప్ప, కల్లె బీచుగాడు, కొండాపురం నర్స ప్ప, పాగుంట వెంకటయ్య, బలిజ నాగయ్య ప్రాణాలను కోల్పోయారు. అయినప్పటికీ అయిజ రైతులు పోరాటాన్ని ఆపలేదు. నాటి అమరవీరులకు గుర్తుగా 1955లో స్థూపాన్ని నిర్మించారు. అదే స్థూపాన్ని 1999లో ఆధునికీకరించి, గాంధీ విగ్రహాన్ని ఆవిష్కరించారు. నిజాం నిరంకుశ పాలనకు వ్యతిరేకంగా వీరోచిత పోరు ఉమ్మడి జిల్లాలోనే మొట్టమొదటగా లేవీ పన్ను వ్యతిరేకిస్తూ ఉద్యమం పోలీసు చర్యలకు అనుకూలంగా గద్వాల మహారాణి లేఖ సంఘటితం చేసిన మరెన్నో పోరాటాలు

నాగర్‌కర్నూల్‌: పాలమూరు–రంగారెడ్డి ఎత్తిపోతల పథకం (పీఆర్‌ఎల్‌ఐ) నీటిని కేఎల్‌ఐ ఆయకట్టుకు అనుసంధానించే మరో మార్గం అందుబాటులో ఉంది. నార్లాపూర్‌ రిజర్వాయర్‌ నుంచి కేఎల్‌ఐ పరిధిలోని ఎల్లూరు రిజర్వాయర్‌కు నీటిని మళ్లించేలా గతంలోనే ఏర్పాటు చేసిన ఇంటర్‌లింక్‌ స్లూయిస్‌ ఇందుకు ఉపయోగపడనుంది. నార్లాపూర్‌–ఎల్లూరు రిజర్వాయర్లను జంట జలాశయాలుగా పరిగణించేలా ఈ అనుసంధానం ఏర్పాటు చేసినట్లు అధికారులు చెబుతున్నారు. ప్రస్తుతం దీన్ని వినియోగంలోకి తీసుకొస్తే పీఆర్‌ఎల్‌ఐ ద్వారా నార్లాపూర్‌లోకి వచ్చే నీటిని ఎల్లూరుకు మళ్లించి.. అక్కడి నుంచి కేఎల్‌ఐ పరిధిలోని ఇతర రిజర్వాయర్లకు ఎత్తిపోసే అవకాశం ఉంది. పీఆర్‌ఎల్‌ఐ నీటితో కొత్త వెసులుబాటు శ్రీశైలం నుంచి ప్రస్తుతం కేఎల్‌ఐ ద్వారా నీటిని ఎత్తిపోస్తున్నారు. ఒక పంపు పనిచేస్తే సుమారు 800 క్యూసెక్కులు, రెండు పంపులు పనిచేస్తే 1,600 క్యూసెక్కుల వరకు నీటిని తరలించే సామర్థ్యం ఉంది. అయితే విద్యుత్‌ సమస్యలు, పంపుల నిర్వహణ, మరమ్మతుల కారణంగా నిరంతరాయంగా పంపింగ్‌ చేయడం కష్టంగా మారుతోంది. దీంతో కేఎల్‌ఐ కాల్వలకు ఆశించిన స్థాయిలో నీరు చేరడం లేదని తెలుస్తోంది. ఈ పరిస్థితిలో పీఆర్‌ఎల్‌ఐ ద్వారా శ్రీశైలం నుంచి నీటిని నార్లాపూర్‌ రిజర్వాయర్‌లోకి ఎత్తిపోసి.. అక్కడి నుంచి ఎల్లూరుకు మళ్లించే అవకాశం ఉందని సంబంధిత ఇంజినీర్లు చెబుతున్నారు. రోజుకు 0.3 టీఎంసీ ఎత్తిపోత పీఆర్‌ఎల్‌ఐలో ఒక పంపును రోజంతా నడిపితే సుమారు 0.3 టీఎంసీ నీటిని నార్లాపూర్‌ రిజర్వాయర్‌లోకి ఎత్తిపోసే అవకాశం ఉంది. నార్లాపూర్‌ రిజర్వాయర్‌ పూర్తి సామర్థ్యం 6.4 టీఎంసీలు. ప్రస్తుతం ఇందులో సుమారు 4 టీఎంసీల నీరు ఉన్నట్లు అంచనా. రిజర్వాయర్‌లోకి మరింత నీటిని తీసుకొచ్చే అవకాశం ఉండటంతో.. అవసరమైనప్పుడు ఇంటర్‌లింక్‌ ద్వారా ఎల్లూరుకు తరలించవచ్చని అధికారులు పేర్కొంటున్నారు. ఎల్లూరు రిజర్వాయర్‌ సామర్థ్యం 0.35 టీఎంసీలు. నార్లాపూర్‌ నుంచి స్లూయిస్‌ ద్వారా నీటిని ఎల్లూరులోకి విడుదల చేసి.. అక్కడి నుంచి సింగోటం, జొన్నలబొగడ, గుడిపల్లి రిజర్వాయర్లకు ఎత్తిపోసే అవకాశం ఉంది. గుడిపల్లి నుంచి కేఎల్‌ఐ కాల్వల ద్వారా ఆయకట్టుకు నీటిని విడుదల చేయవచ్చు. అటు నుంచి నీటి తరలింపు.. ఇటు వినియోగంపై ఆందోళన శ్రీశైలం ప్రాజెక్టులో నీటి లభ్యత ఉన్నప్పటికీ.. కృష్ణా జలాల వినియోగంపై తెలంగాణ, ఆంధ్రప్రదేశ్‌ మధ్య పోటీ కొనసాగుతోంది. ఏపీ ప్రభుత్వం శ్రీశైలం నుంచి వివిధ ఎత్తిపోతల పథకాల ద్వారా నీటిని తరలిస్తున్నదని తెలంగాణకు చెందిన నీటిపారుదల వర్గాలు చెబుతున్నాయి. పోతిరెడ్డిపాడు ద్వారా 8 వేల క్యూసెక్కులు, వెలిగొండ ద్వారా 3,500 క్యూసెక్కులు, హంద్రీ–నీవా, ముచ్చుమర్రి తదితర మార్గాల ద్వారా మరో 3,500 క్యూసెక్కుల వరకు నీటిని తరలించే అవకాశం ఉందని పేర్కొంటున్నాయి. మొత్తం మీద సుమారు 15 వేల క్యూసెక్కుల వరకు నీరు తరలిపోతే శ్రీశైలం నిల్వలు వేగంగా తగ్గే ప్రమాదం ఉంటుందని ఆందోళన వ్యక్తం చేస్తున్నారు. ఈ నేపథ్యంలో తెలంగాణ తనకు అందుబాటులో ఉన్న నీటిని సమర్థంగా వినియోగించుకోవాల్సిన అవసరం ఉందని నీటిపారుదల నిపుణులు చెబుతున్నారు. పీఆర్‌ఎల్‌ఐ పంపులను అందుబాటులోకి తెచ్చి, నార్లాపూర్‌–ఎల్లూరు అనుసంధానాన్ని వినియోగిస్తే కేఎల్‌ఐకి నీటి లభ్యత పెంచేందుకు అవకాశం ఉంటుందని పేర్కొంటున్నారు. ఆ అవకాశం ఉంది నార్లాపూర్‌ రిజర్వాయర్‌ నుంచి ఎల్లూరు రిజర్వాయర్‌కు నీటిని పంపించే అవకాశం ఉంది. రెండు రిజర్వాయర్ల మధ్య ఇంటర్‌లింక్‌ నిర్మించారు. పాలమూరు–రంగారెడ్డి నీటిని స్లూయిస్‌ ద్వారా కేఎల్‌ఐకి సంబంధించిన ఎల్లూరు రిజర్వాయర్‌కు పంపించడానికి వీలుంది. – లోకిలాల్‌ నాయక్‌, కేఎల్‌ఐ డీఈఈ నార్లాపూర్‌ నుంచి ఎల్లూరు రిజర్వాయర్‌కు మళ్లించే అవకాశం ఇంటర్‌లింక్‌ స్లూయిస్‌తో రోజు 800 క్యూసెక్కుల వరకు తరలింపునకు వీలు కేఎల్‌ఐ పరిధిలో పెరగనున్న నీటి లభ్యత.. ఆయకట్టుకు ప్రయోజనం

పాలన సూపర్‌ అంటే చాలు.. నజరానాగా కీలక పోస్టుల్లో నియామకం.. మీ వెనుకే ఉంటాం అంటే అందలం.. ప్రశ్నిస్తే మాత్రం పనిష్మెంట్‌.. ..పాలమూరు యూనివర్సిటీలో బోధన, బోధనేతర సిబ్బంది, విద్యార్థుల్లో ఇటీవల జరుగుతున్న చర్చ ఇది. విశ్వవిద్యాలయ పరిపాలనలో ముఖ్య భూమిక వహిస్తున్న వారు సీనియర్లు, రెగ్యులర్‌ అధ్యాపకులపై వివక్ష ప్రదర్శిస్తూ.. అనుభవం లేకున్నా తమ అనుకూల వర్గానికి కీలక పోస్టులు కట్టబెట్టడమే ఇందుకు కారణంగా తెలుస్తోంది. ఫలితంగా అధ్యాపకులు, సిబ్బంది రెండు (రెగ్యులర్‌, కాంట్రాక్ట్‌) గ్రూప్‌లుగా చీలిపోగా.. అంతర్గత వార్‌ ముదిరినట్లు సమాచారం. పాలకుల ఏకపక్ష వైఖరి, అసమర్థ నిర్ణయాలతో పీయూలో పాలనగాడి తప్పిందనే విమర్శల నేపథ్యంలో ప్రత్యేక కథనం.. – సాక్షి ప్రతినిధి, మహబూబ్‌నగర్‌ పాలమూరు యూనివర్సిటీలో ఇష్టారాజ్యంగా పాలన సీనియర్లు, రెగ్యులర్‌ అధ్యాపకులపై వివక్ష 8 ప్రిన్సిపాల్‌ పోస్టుల్లో ఐదింట కాంట్రాక్ట్‌ లెక్చరర్లే.. ఆరుగురు ప్రొఫెసర్లలో ఒక్కరికే కీలక బాధ్యతలు అనుభవం ఉన్నా.. మిగతా వారికి మొండిచేయి

పాలమూరు యూనివర్సిటీలో అకడమిక్‌, అడ్మినిస్ట్రేషన్‌ పరంగా ఆరుగురు ప్రొఫెసర్లు పిండి పవన్‌కుమార్‌, కిషోర్‌కుమార్‌, నూర్జహాన్‌, జైపాల్‌రెడ్డి, మధుసూదన్‌రెడ్డి, చంద్రకిరణ్‌కు అనుభవం ఉంది. వీరిలో ప్రొఫెసర్‌ చంద్రకిరణ్‌కు తప్ప.. మిగతా ఐదుగురు సీనియర్లకు ఏ రకమైన కీలక బాధ్యతలు ఇవ్వకుండా మొండిచేయి చూపడం చర్చనీయాంశంగా మారింది. గతంలో రిజిస్ట్రార్‌గా సుదీర్ఘ అనుభవం ఉన్న ప్రొఫెసర్‌ మధుసూదన్‌రెడ్డికి పీజీ కళాశాల ప్రిన్సిపాల్‌తో పాటు వీసీ ఓఎస్‌డీగా అదనపు బాధ్యతలు అప్పగించారు. ఒక్కరికి 2, 3 బాధ్యతలు.. యూనివర్సిటీ పరిధిలోని ఎనిమిది ప్రిన్సిపాల్‌ పోస్టుల్లో ఏకంగా ఐదింటిని కాంట్రాక్ట్‌ అధ్యాపకులతో భర్తీ చేయడం.. ఒక్కరికి రెండు, మూడు పోస్టుల చొప్పున ఇవ్వడం.. ప్రొఫెసర్‌ హోదాలో ఉన్న సీనియర్లను కీలక బాధ్యతల నుంచి తప్పించడం, నామమాత్రపు పోస్టుల్లో నియమించడం విమర్శలకు తావిస్తోంది. రెగ్యులర్‌ పోస్టుల్లో పనిచేస్తున్న వారిని కాదని.. కాంట్రాక్ట్‌ అధ్యాపకులకు ప్రాధాన్యమివ్వడంపై విద్యార్థుల్లో అనుమానాలు వ్యక్తమవుతున్నాయి.

● మృతుడి సూసైడ్‌ నోట్‌లో ఆరోపణలు.. పోలీసుశాఖలో కలకలం ● భార్య ఫిర్యాదుతో కేసు.. సఖి సెంటర్‌లో కౌన్సెలింగ్‌ ● మనస్తాపంతో ఈ నెల 5న బూరెడ్డిపల్లి గ్రామవాసి నరేశ్‌చారి ఆత్మహత్యయత్నం.. చికిత్స పొందుతూ మృతి గద్వాల క్రైం: భార్యతో వివాదాలు, పోలీసుల వ్యవహార తీరుతో తీవ్ర మనస్తాపానికి గురైన ఓ యువకుడు ఆత్మహత్యకు పాల్పడ్డాడు. తన మృతికి భార్య కుటుంబసభ్యులతో పాటు కొందరు పోలీసులు కారణమంటూ అతడు రాసినట్లు చెబుతున్న లేఖ వెలుగులోకి రావడం జిల్లాలో చర్చనీయాంశమైంది. అయితే మృతుడు చేసిన ఆరోపణల్లో వాస్తవం లేదని పోలీసులు చెబుతున్నారు. ఆరోపణలపై విచారణ కొనసాగుతున్నట్లు పేర్కొన్నారు. వివరాల్లోకి వెళ్తే.. ధరూరు మండలం బూరెడ్డిపల్లికి చెందిన వడ్ల నరేశ్‌చారి (34) కేటీదొడ్డి మండలానికి చెందిన రాణిని ప్రేమించి వివాహం చేసుకున్నాడు. కొంతకాలం హైదరాబాద్‌లో ప్రైవేటు ఉద్యోగం చేసిన దంపతులు అనంతరం గద్వాలలోని రెండో రైల్వేగేట్‌ సమీపంలో అద్దెకు ఉంటున్నారు. కొంతకాలంగా ఇద్దరి మధ్య తరచూ గొడవలు జరుగుతున్నాయి. దీంతో సుమారు రెండు నెలల క్రితం నరేశ్‌చారి ప్రవర్తనపై రాణి పట్టణ పోలీసులకు ఫిర్యాదు చేసింది. పోలీసులు కేసు నమోదు చేసి సఖీ సెంటర్‌లో కౌన్సెలింగ్‌ ఇచ్చారు. పోలీసులపై ఆరోపణలు ఈ క్రమంలో తన భార్యకు ఓ ఏఆర్‌ కానిస్టేబుల్‌తో సన్నిహిత సంబంధాలు ఉన్నాయని నరేశ్‌చారి ఆరోపించినట్లు సమాచారం. తనపై తప్పుడు కేసు నమోదుకు కానిస్టేబుల్‌తో పాటు తన తల్లి, భార్య తమ్ముడు కారణమని పేర్కొంటూ గత జూన్‌ 25న ఆత్మహత్యకు యత్నించాడు. పోలీసులు అక్కడికి చేరుకుని న్యాయం చేస్తామని హామీ ఇచ్చారు. అనంతరం పట్టణ ఎస్‌ఐ కల్యాణ్‌కుమార్‌, ఏఆర్‌ కానిస్టేబుల్‌ బాలు, అత్త సరిత, కిట్టుపై చర్యలు తీసుకోవాలని ఉన్నతాధికారులను కోరినట్లు కుటుంబసభ్యులు తెలిపారు. భార్య తిరిగి తనతో కాపురానికి రావాలని నరేశ్‌చారి కోరినప్పటికీ ఆమె అందుకు అంగీకరించలేదని సమాచారం. ఈ నేపథ్యంలో తీవ్ర మనస్తాపానికి గురైన ఆయన ఈ నెల 5న శంషాబాద్‌ ప్రాంతంలో ఒంటిపై పెట్రోల్‌ పోసుకొని ఆత్మహత్యాయత్నానికి పాల్పడ్డాడు. తీవ్రంగా గాయపడిన ఆయనను ఆస్పత్రికి తరలించగా.. పది రోజుల పాటు చికిత్స పొందుతూ సోమవా రం మృతి చెందాడు. సూసైడ్‌ నోట్‌లో ప్రస్తావన తన మృతికి భార్య కుటుంబ సభ్యులు, కొందరు పోలీసులు కారణమంటూ నరేశ్‌చారి లేఖ రాసినట్లు కుటుంబసభ్యులు తెలిపారు. తనకు న్యాయం జరగలేదని, తన మృతితోనైనా న్యాయం జరుగుతుందని అందులో పేర్కొన్నట్లు సమాచారం. దీంతో ఈ వ్యవహారం పోలీసుశాఖలో చర్చనీయాంశంగా మారింది. మృతదేహం తరలింపులో హైడ్రామా నరేశ్‌చారి మృతదేహాన్ని సోమవారం రాత్రి గద్వాలలోని ఆయన అద్దె ఇంటి వద్దకు తీసుకురాగా.. ఇంటి యజమాని అభ్యంతరం వ్యక్తం చేశారు. దీంతో మృతదేహాన్ని భార్య ఉంటున్న ప్రాంతానికి తీసుకెళ్లే ప్రయత్నం చేశారు. విషయం పోలీసులకు తెలియడంతో ఎస్‌ఐ కుటుంబసభ్యులతో ఫోన్‌లో మాట్లాడారు. మృతదేహాన్ని స్వగ్రామానికి తీసుకెళ్లాలని సూచించిన క్రమంలో కొంత గందరగోళం చోటుచేసుకుంది. చివరకు మృతదేహాన్ని స్వగ్రామానికి తరలించగా.. మంగళవారం అంత్యక్రియలు నిర్వహించారు. విచారణ కొనసాగుతోంది.. నరేశ్‌చారిపై భార్య ఫిర్యాదు మేరకు కేసు నమోదు చేసి కౌన్సెలింగ్‌ ఇచ్చామని ఎస్‌ఐ కల్యాణ్‌కుమార్‌ తెలిపారు. ఇందులో ఎలాంటి తప్పిదం లేదన్నారు. కానిస్టేబుల్‌పై చేసిన ఆరోపణలపై విచారణ కొనసాగుతోందని చెప్పారు. ఆత్మహత్యకు పోలీసులను కారణంగా పేర్కొనడం సరైనది కాదని, మృతుడు చేసిన ఆరోపణల్లో వాస్తవం లేదన్నారు. ఏఆర్‌ కానిస్టేబుల్‌ మాట్లాడుతూ.. నరసింహాచారి ఎవరో తనకు తెలియదని, తనపై ఏదైనా ఆరోపణ ఉంటే న్యాయపరంగా ఎదుర్కొంటానని తెలిపారు.

గద్వాలన్యూటౌన్‌: వినాయక చవితి ఉత్సవాలను సోమవారం జిల్లా ప్రజలు అత్యంత భక్తిశ్రద్ధలతో జరుపుకొన్నారు. జిల్లావ్యాప్తంగా సుమా రు వెయ్యికి పైగా వినాయక ప్రతిమలను ప్రతి ష్ఠించారు. రంగురంగుల విద్యుద్దీపాలు, పలు రకాల పుష్పాలతో గణేశ్‌ మండపాలను శోభా యమానంగా తీర్చిదిద్ది.. బొజ్జ గణపయ్యకు ప్రత్యేక పూజలు చేశారు. గణనాథుడికి ఇష్టమైన వంటకాలతో నైవేద్యాలు సమర్పించారు. వాడవాడలా భక్తి గీతాలు, భజనలతో హోరెత్తాయి. జిల్లా కేంద్రంతో పాటు పలు గ్రామాల్లో గణనాథులను ఎమ్మెల్యే బండ్ల కృష్ణమోహన్‌రెడ్డి దర్శించుకున్నారు. ఆయా మండపాల వద్ద పార్వతీ తనయుడికి ప్రత్యేక పూజలు చేశారు. సకాల విఘ్నాలు తొలిగి ప్రజలంతా సుభిక్షంగా ఉండాలని ఆయన ఆకాంక్షించారు. డీసీసీ అధ్య క్షుడు రాజీవ్‌రెడ్డి, కౌన్సిలర్లు, రాజకీయ పార్టీల ప్రతినిధులు వేడుకల్లో పాల్గొన్నారు.

గద్వాల: కేంద్ర ఎన్నికల సంఘం మార్గదర్శకాల మేరకు ఓటరు జాబితా ప్రత్యేక సమగ్ర సవరణ ప్రక్రియను వేగవంతంగా చేపట్టాలని కలెక్టర్‌ రిజ్వాన్‌ బాషా షేక్‌ ఆదేశించారు. మంగళవారం కలెక్టరేట్‌లో సంబంధిత అధికారులతో నిర్వహించిన సమీక్షలో ఆయన మాట్లాడారు. సర్‌ ప్రక్రియలో భాగంగా అన్‌మ్యాపింగ్‌, అనామలీస్‌ జాబితాలో ఉన్న వారందరికీ నోటీసులు జారీ చేయాలన్నారు. హియరింగ్‌కు రాని వారి ఇంటికి బీఎల్‌ఓలు స్వయంగా వెళ్లి అవసరమైన డాక్యుమెంట్స్‌ సేకరించాలని సూచించారు. అదే విధంగా చేయూత పింఛన్‌కు దరఖాస్తు చేసుకునే భవిత కేంద్రాల్లోని వికలాంగులైన పిల్లలకు అత్యంత ప్రాధాన్యత ఇవ్వాలన్నారు. ఇతర వర్గాల వారు కూడ పెద్ద ఎత్తున దరఖాస్తు చేసుకున్నందున అర్హులైన వారిని పారదర్శకంగా ఎంపిక చేసేలా చర్యలు తీసుకోవాలన్నారు. దరఖాస్తుల పరిశీలన అనంతరం ఆయా మండలాల వారీగా దరఖాస్తుదారుల వివరాలను నోటీసు బోర్డులో ప్రకటించాలని తెలిపారు. వీటిపై వచ్చిన అభ్యంతరాలను పరిశీలించి, అర్హులైన వారికి మంజూరు చేయాలన్నారు. 15వ ఆర్థిక సంఘం నిధులకు సంబంధించి గ్రామ పంచాయతీల్లో చేసిన పనుల బిల్లులను పరిశీలించి, జిల్లా పంచాయతీ కార్యాలయానికి పంపించాలన్నారు. జలసిరి కార్యక్రమంలో భాగంగా పంట పొలాల్లో నీటికుంటలు, కమ్యూనిటీ ఇంకుడు గుంతలు, బోర్‌వెల్స్‌ రీచార్జ్‌ పనులను చేపట్టాలన్నారు. ఈ నెల 17న అన్ని కార్యాలయాల్లో ప్రజాపాలన దినోత్సవం నిర్వహించాలని తెలిపారు. వినాయక నిమజ్జన కార్యక్రమానికి పకడ్బందీ ఏర్పాట్లు చేయాలన్నారు. ● ఆరోగ్యవంతమైన సమాజ నిర్మాణానికి పౌష్టికాహారం ఎంతో ముఖ్యమని కలెక్టర్‌ రిజ్వాన్‌ బాషా షేక్‌ అన్నారు. ఐడీవోసీ కార్యాలయంలో అధికారులతో నిర్వహించిన సమీక్షలో ఆయన మాట్లాడారు. శిశువులకు ఆరునెలల వరకు తల్లిపాల ఆవశ్యకత, అంగన్‌వాడీ చిన్నారులు బాలమృతం సద్వినియోగం చేసుకోవడంపై అవగాహన కల్పించాలన్నారు. ఈ నెల 22 నుంచి ఉన్నత, రెసిడెన్షియల్‌ విద్యాసంస్థల్లోని సుమారు 40వేల మంది విద్యార్థులకు హెల్త్‌కార్డులు పంపిణీ చేయడంతో పాటు వివిధ రకాల పరీక్షలను నిర్వహించి, వివరాలను నమోదు చేయాలన్నారు. అనంతరం బలమైన బాల్యానికి వెయ్యి మెట్లు అనే గోడపత్రికను విడుదల చేశారు. సమావేశంలో అదనపు కలెక్టర్‌ నర్సింగ్‌రావు, డీడబ్ల్యూఓ సునంద, డీఈఓ విజయలక్ష్మి, డీఆర్డీఓ ముసాయిదాబేగం, డీపీవో శ్రీకాంత్‌, బీసీ సంక్షేమశాఖ అధికారి అక్బర్‌పాషా పాల్గొన్నారు.

గద్వాల క్రైం: కులాంతర వివాహాన్ని జీర్ణించుకోలేకే అమ్మాయి కుటుంబ సభ్యులు అబ్బాయి ఇంటిని కూల్చివేశారని, ఈ మేరకు నిందితులను శనివారం అరెస్టు చేశామని డీఎస్పీ మొగిలయ్య తెలిపారు. డీఎస్పీ కార్యాలయంలో ఏర్పాటు చేసిన విలేకరుల సమావేశంలో ఆయన వివరాలు వెల్లడించారు. గద్వాల మండలం రేపల్లె గ్రామానికి చెందిన దళిత యువకుడు రంగముని, బోయ మహేశ్వరి హైదరాబాద్‌లో ప్రేమ వివాహం చేసుకున్నారు. ఈ విషయం తెలుసుకున్న అమ్మాయి కుటుంబ సభ్యులు ఈ నెల 10న రంగముని ఇంటిని జేసీబీ సహాయంతో కూల్చివేశారు. ఈ సంఘటనపై రంగముని చిన్నాన్న చిన్నగోపాల్‌ అదేరోజు రూరల్‌ పోలీసులకు ఫిర్యాదు చేయగా కేసు నమోదు చేశామన్నారు. ఇంటిని ధ్వంసం చేసి తప్పించుకుని తిరుగుతున్న వీరన్న, పరుశ, వెంకటేష్‌, పరుశ, రామాంజనేయులు, గోపాల్‌, తిమ్మన్నలను శనివారం సాయంత్రం గ్రా మ శివారులో ఉన్నట్లు సమాచారం మేరకు సి బ్బంది వారిని అదుపు లోకి తీసుకున్నారన్నా రు. నిందితులను విచారణ చేయగా నేరం అంగీకరించడంతో ఎస్సీ, ఎస్టీ సెక్షన్ల కింద కేసు నమోదు చేశామన్నారు. నిందితులను అలంపూర్‌ కోర్టులో హాజరుపరచగా.. న్యాయమూర్తి ఆదేశాల మేరకు రిమాండ్‌కు తరలి స్తున్నట్లు వెల్లడించారు. జిల్లాలో ప్రజలందరూ సోదరభావంతో కలసిమెలసి ఉండాలన్నారు. ప్రజ ల ప్రాణాలు, ఆస్తులపై దాడులు చేస్తే క్రిమినల్‌ కే సులు నమోదు చేస్తామని హెచ్చరించారు. ప్రస్తు తం రేపల్లె గ్రామంలో శాంతియుత వాతావరణం నెలకొందని డీఎస్పీ చెప్పారు.

భూత్పురు కాల్వ ద్వారా వచ్చే సాగునీటితో అమరచింత పెద్ద చెరువు నిండి అలుగు పారేది. ఈసా రి కాల్వకు సాగునీరు విడుదల చేస్తున్నా ఎగువలో ఉన్న రైతులు దిగువకు నీరు వెళ్లకుండా తూములను మూసివేసి, నీటిని తమ తమ గ్రామాలకు మళ్లించుకుంటున్నారు. దీంతో అమరచింత పెద్ద చెరువు నీరులేక బోసిపోయింది. బోరుబావులు కూడా రీచార్జి కావడం లేదు. పంటలు ఎండుముఖం పడుతున్నాయి. – లక్ష్మీనారాయణ, రైతు, అమరచింత లష్కర్‌తో పర్యవేక్షణ.. మక్తల్‌ మండలం నుంచి నర్వ, అమరచింత, ఆత్మకూర్‌ మండలాల వరకు విస్తరించి ఉన్న భూత్పురు కాల్వ వెంట లష్కర్లు నిత్యం పర్యవేక్షణ చేస్తున్నారు. 32 కి.మీ. పొడవునా ఉన్న కాల్వ వెంట ముగ్గురు లష్కర్లు మాత్రమే ఉన్నారు. తూముల షట్టర్లు ధ్వంసం చేశారని తెలుసుకున్నాం. బాధ్యులపై చర్యలు తీసుకుంటాం. నిత్యం కాల్వకు 200 క్యూసెక్కుల నీటిని వదులుతున్నాం. – బాలకృష్ణ, ఏఈ, ఇరిగేషన్‌శాఖ ●

అచ్చంపేట: నల్లమల గిత్తగా పేరొందిన తూర్పు పొడ జాతి పశువులకు ఎన్నో ప్రత్యేకతలు ఉన్నాయి. ఉమ్మడి రాష్ట్రంలో ఒంగోలు గిత్తకు ప్రత్యేక గుర్తింపు ఉండగా.. తెలంగాణలో నల్లమల ప్రాంతంలోని మన్ననూర్‌ గిత్తకు ప్రత్యేక హోదాకు నోచుకోలేకపోతోంది. రాష్ట్రానికి గర్వకారణమైన ఈ జాతికి అరుదైన గౌరవం ఇచ్చేందుకు ప్రభుత్వం నిర్ణయం తీసుకోవాల్సి ఉంది. ఈ ప్రాంత పశువుకు గౌరవం కల్పించేందుకు అచ్చంపేట ఎమ్మెల్యే వంశీకృష్ణ 2025 మే నెలలో అమ్రాబాద్‌ మండలం మాచారం వచ్చిన సందర్భంగా సీఎం రేవంత్‌రెడ్డి దృష్టికి సైతం తీసుకెళ్లారు. లోతట్టు అభయారణ్యంలో.. నల్లమల లోతట్టు అటవీ ప్రాంతంలోని చెంచుపెంటల్లో ఉండే మేలురకం పొడ జాతి పశువులకు వందేళ్లకుపైగా చరిత్ర ఉంది. అమ్రాబాద్‌, పదర మండలాల పరిధిలోని మద్దిమడుగు, ఇప్పలపల్లి, మారడుగు, ఉడిమిళ్ల, చిట్లంకుంట, వంకేశ్వరం, పదర, లక్ష్మాపూర్‌, తిర్మలాపూర్‌, ఉప్పునుంతల, మాధవానిపల్లి, అమ్రాబాద్‌, మన్ననూర్‌, వటువర్లపల్లి, దోమలపెంట గ్రామాలతోపాటు మల్లాపూర్‌, అప్పాపూర్‌, ఈర్లపెంట, మేడిమొల్కల, ఆగర్లపెంట, పుల్లాయిపల్లి, సంగండిగుండాలు చెంచుపెంటల్లో ఈ పశుజాతి ఉంది. ఈ గ్రామాల రైతులు వ్యవసాయంతోపాటు పశుపోషణ ప్రధాన వృత్తిగా ఎంచుకుని పనిచేస్తున్నారు. కోడె దూడలకు డిమాండ్‌ వ్యవసాయ అనుబంధమైన పశు పోషణలో ఈ ప్రాంత రైతులు ప్రగతి సాధిస్తున్నారు. నల్లమల తూర్పు పశు సంపదకు తెలంగాణతోపాటు ఆంధ్ర, రాయలసీమ, కర్ణాటక రాష్ట్రంలో మంచి డిమాండ్‌ ఉంది. కర్నూలు, గుంటూరు, నెల్లూరు, అనంతపూర్‌, రాయచూర్‌తోపాటు కోస్గి, కొడంగల్‌ రైతులు దశాబ్దాల కాలంగా మేలుజాతి కోడెలను కొనేందుకు ఆసక్తి చూపుతున్నారు. వ్యాపారులు ఈ ప్రాంతంలో ఉంటూ పశువులను పరిశీలించి నచ్చిన వాటిని కొనుగోలు చేసేవారు. ప్రతిఏటా దీపావళి తర్వాత జరిగే కురుమూర్తి జాతరలోనూ నల్లమల పశువులను అమ్ముతారు. అటవీ ప్రాంతంలో రాళ్లు, రప్పలు, ఎత్తైన గుట్టలు, లోయ ప్రాంతంలోనూ నడిచే శక్తి ఉంటుంది. కాళ్ల గిట్టలు గుర్రం గిట్టలను పోలి బలంగా ఉండటంతో బాగా నడుస్తాయి. అటవీ మేతతో దృఢంగా ఉండడం, 20– 25 ఏళ్లపాటు వ్యవసాయ పనులు చేసే సామర్థ్యం కలిగి ఉండటం వల్ల వీటిపై ఆసక్తి చూపుతారు. రోగ నిరోధక శక్తి కలిగి ఉండి పాలు సైతం బాగా ఇస్తాయి. తెలంగాణ బ్రాండ్‌గా తూర్పు పొడ జాతి పశువులు లోతట్టు ప్రాంతంలో మేలురకం పశు సంపద అమ్రాబాద్‌ గిత్తకు వందేళ్లకుపైగా చరిత్ర 500 మంది రైతులు.. 20 వేల పశువుల పెంపకం 2020లో ప్రత్యేక పశువుగా గుర్తింపు రాష్ట్ర ప్రభుత్వం నుంచి అరుదైన గౌరవం కోసం ఎదురుచూపు

గద్వాల క్రైం: జాతీయ లోక్‌ అదాలత్‌లో వివాదాలను పరిష్కరించుకుంటే కక్షిదారుల్లో సోదరభావం పెంపొందడంతోపాటు సమయం, డబ్బు, ఆదా అవుతుందని జిల్లా కోర్టు న్యాయమూర్తి కల్యాణ్‌ చక్రవర్తి అన్నారు. సుప్రీంకోర్టు ఆదేశాల మేరకు శనివారం గద్వాల కోర్టు ఆవరణలో జాతీయ మెగా లోక్‌ అదాలత్‌ నిర్వహించారు. ఈ సందర్భంగా ఆయన మాట్లాడుతూ ఏళ్ల తరబడి కేసులు పరిష్కారం చేసుకోకుంటే ప్రయోజనం లేదన్నా రు. సాంకేతిక విప్లవంలో కేసుల పరిష్కారం విషయంలో నిర్లక్ష్యం చేయవద్దన్నారు. ఇరువర్గాల కక్షిదారులు తమ విలువైన భవిష్యత్‌ను దృష్టిలో ఉంచుకుని కేసుల నుంచి విముక్తి పొందేందుకు కలిసిరావాలన్నారు. ఈ లోక్‌ అదాలత్‌లో 8,486 కేసులు పరిష్కరించినట్లు ఆయన చెప్పారు. క్రిమినల్‌, సివిల్‌, సైబర్‌ క్రైం, బ్యాంకు లిటిగేషన్‌, ప్రమాద తదితర పెండింగ్‌ కేసు లకు సంబంధించి ఇరువర్గాల వారిని రాజీ కు దిర్చినట్లు వెల్లడించారు. 16న కబడ్డీ జట్ల ఎంపిక గద్వాల న్యూటౌన్‌: జిల్లా కబడ్డీ అసోసియేషన్‌ ఆధ్వర్యంలో బుధవారం ఉదయం 8 గంటలకు జిల్లాకేంద్రంలోని ఇండోర్‌ స్టేడియంలో జిల్లా కబడ్డీ జట్ల ఎంపికలు నిర్వహించనున్నట్లు అసోసియేషన్‌ జిల్లా అధ్యక్షరాలు డీకే స్నిగ్ధారెడ్డి, ప్రధాన కార్యదర్శి నర్సింహ ఒక ప్రకటనలో తెలిపారు. జూనియర్‌ బాలుర, సబ్‌ జూనియర్‌ బాలికల కబడ్డీ జట్ల ఎంపికలు ఉంటాయన్నారు. ఎంపికలకు వచ్చే జూనియర్‌ బాలురు 5.11.2006 తర్వాత జన్మించి, 75 కిలోల లోపు బరువు, సబ్‌ జూనియర్‌ బాలికలు 13.12.2010 తర్వాత జన్మించి, 55 కిలోల లోపు బరువు ఉన్నవారు అర్హులు అన్నారు. ఎంపికలకు వచ్చే క్రీడాకారులు 10వ తరగతి సర్టిఫికెట్‌, ఆధార్‌కార్డు, బోనోఫైడ్‌ ఒరిజినల్‌ తీసుకురావాలని సూచించారు. జిల్లా జట్లకు ఎంపికై న క్రీడాకారులు ఈ నెల 26 నుంచి 29 వరకు రాజన్న సిరిసిల్ల జిల్లా వేములవాడలో జరిగే రాష్ట్రస్థాయి టోర్నీలో పాల్గొనాల్సి ఉంటుందన్నారు. పూర్తి వివరాలకు సెల్‌ నంబర్లు 94407 26887, 99511 03371లను సంప్రదించాలని కోరారు. దళితులపై సీఎంది కపట ప్రేమ గద్వాల: దళితులపై సీఎం రేవంత్‌రెడ్డికి ఉన్నది కపట ప్రేమ అని, మరో కులానికి చెందిన యువతిని ప్రేమించి పెళ్లి చేసుకున్న దళితుడి ఇళ్లు కూలగొట్టించిన సర్పంచ్‌ని ప్రభుత్వం కాపాడుతుండడమే ఇందుకు నిదర్శనమని బీఆర్‌ఎస్‌ రాష్ట్ర ప్రధాన కార్యదర్శి ఆర్‌ఎస్‌.ప్రవీణ్‌కుమార్‌ ఎక్స్‌ వేదికగా స్పందించారు. ఈ సందర్భంగా ఆయన మాట్లాడుతూ జిల్లాలో కులాంతర వివాహాం చేసుకున్న ఎస్సీ యువకుడి ఇంటిని సర్పంచ్‌ అండతోనే యువతి కుటుంబ సభ్యులు కూల్చివేశారన్నారు. ఇది పూర్తిగా సభ్య సమాజం సిగ్గుతో తలదించుకునే నేరమని, అమావనవీయ ఘటన అని ఆవేదన వ్యక్తం చేశారు. బాధ్యులందరీపై ఎస్సీ, ఎస్టీ అట్రాసిటీ కేసు నమోదు చేసి వెంటనే అరెస్ట్‌ చేయాలని డిమాండ్‌ చేశారు. సర్పంచ్‌ కుట్రతోనే విధ్వంసం జరిగిందని యువతి తెలిపారన్నారు. అయినా ఎఫ్‌ఐఆర్‌లో ఇప్పటి వరకు సర్పంచ్‌ పేరు ఎందుకు చేర్చలేదని ప్రశ్నించారు. ఈ అంశంపై అసెంబ్లీలో ప్రత్యేక చర్చ జరగాల్సిన అవసరం ఉందన్నారు.

మన్ననూర్‌ గిత్తగా గుర్తింపు రావడం సంతోషంగా ఉంది. వ్యవసాయ పనుల్లో ఈ పశువులు మంచి నైపుణ్యం ప్రదర్శిస్తాయి. ఎంత కష్టమైన పనులైనా చేస్తాయి. 35 ఏళ్లుగా పశువుల వ్యాపారం చేస్తున్నా. ఈ ప్రాంత రైతుల నుంచి దూడలు కొనుగోలు చేసి ఇతర ప్రాంతాలకు తీసుకెళ్లి అమ్ముతా. వివిధ కారణాలతో పశుజాతి తగ్గడంతో వ్యాపారం కూడా తగ్గింది. నల్లమల పశువులకు నాటు పశువులుగా గుర్తింపు ఉంది. – హన్మంతు, పశువుల వ్యాపారి, తూర్పు పొడజాతి గోవు సంఘం అధ్యక్షుడు ప్రభుత్వ ప్రోత్సాహం అవసరం.. నాకు 50 వరకు పశువులు ఉన్నాయి. వాటిలో చాలా వరకు పొడ జాతి పశువులు ఉన్నాయి. ఈ పశు సంతతిని పెంచేందుకు ప్రభుత్వం చొరవ తీసుకోవాలి. నల్లమల రైతులకు పశుపోషణ భారంగా మారింది. పశుగ్రాసం, నీటి కొరత ప్రధాన కారణంగా మారాయి. రాష్ట్ర ప్రభుత్వం పశు జాతిని సంరక్షించేందుకు పునరావాస, పశుగ్రాసం పంపిణీ కేంద్రాలు ఏర్పాటు చేయాలి. ఈ పశువుల వల్ల నల్లమల అడవికి ఎలాంటి నష్టం ఉండదు. అడవిలో మేపుకొనేందుకు అనుమతి ఇవ్వాలి. – శివాజీ గెలువయ్య, మన్ననూర్‌, అమ్రాబాద్‌ మండలంప్రత్యేక హోదా కల్పిస్తాం.. నల్లమల పొడజాతి మన్ననూర్‌ గిత్తకు ప్రత్యేక హోదా కల్పిస్తాం. ప్రత్యేకమైన మచ్చలపై పరిశోధన చేయిస్తాం. ఇక్కడ సంతానోత్పత్తి కేంద్రం ఏర్పాటు చేసేందుకు సీఎం రేవంత్‌రెడ్డి దృష్టికి తీసుకెళ్లాం. నల్లమల పశువులకు మంచి డిమాండ్‌ ఉంది. ఈ జాతి పశువులను సంరక్షించేందుకు ప్రభుత్వ పరంగా చొరవ తీసుకుని నల్లమలకు గుర్తింపు తెస్తాం. – వంశీకృష్ణ, ఎమ్మెల్యే, అచ్చంపేట

అమరచింత: భూత్పురు రిజర్వాయర్‌ ప్రధాన ఎడమ కాల్వ పరిధిలో చివరి ఆయకట్టు సాగు ప్రశ్నార్థకంగా మారుతోంది. ఎగువన ఉన్న రైతులు కాల్వ తూముల షట్టర్లను పగులగొట్టి సాగునీటిని తమ తమ గ్రామాలకు తీసుకెళ్తుండటంతో దిగువన ఉన్న పంట పొలాలకు సాగునీరు అందక రైతులు ఆందోళన చెందుతున్నారు. భూత్పురు రిజర్వాయర్‌ నుంచి అమరచింత, ఆత్మకూర్‌ మండలాలకు సాగునీరు అందించే భూత్పురు కాల్వ వెంట ఆయకట్టు రైతులు నిత్యం తిరగాల్సిన దుస్థితి నెలకొంది. 32వేల ఎకరాల ఆయకట్టు.. భూత్పురు రిజర్వాయర్‌ ప్రధాన ఎడమ కాల్వ పరిధిలో మక్తల్‌, నర్వ, అమరచింత, ఆత్మకూర్‌ మండలాలు ఉండగా.. మొత్తం 35 గ్రామాల్లోని 32వేల ఎకరాల ఆయకట్టుకు సాగునీరు అందించాల్సి ఉంది. ప్రతి వర్షాకాలంలో జూరాల ప్రాజెక్టుకు వచ్చే వరద నీటిని భూత్పుర్‌ రిజర్వాయర్‌కు.. అక్కడి నుంచి కాల్వల ద్వారా ఆయకట్టుకు సాగునీటిని వదులుతున్నారు. ఈసారి గత జూలైలో ప్రధాన ఎడమ కాల్వకు సాగునీటిని విడుదల చేశారు. అయితే చివరన ఉన్న అమరచింత పెద్ద చెరువు, పిన్నంచర్ల గ్రామ చెరువుల్లోకి సాగునీరు చేరుకోలేకపోవడంతో ఆయా గ్రామాల రైతులు ఆవేదనకు గురవుతున్నారు. ఏడాది పొడవునా కేవలం ఒకే ఒక పంటను పండించుకునే రైతులకు ఈసారి సాగునీరు వస్తుందని ఆరుతడి పంటలను సాగుచేసుకున్నారు. తీరా కాల్వ ద్వారా సాగునీరు రాకపోవడం.. నీటిని ఎగుమ గ్రామాల రైతులు మళ్లించుకుని వెళ్తున్నారా అనే విషయాన్ని తెలుసుకునేందుకు అమరచింత, పిన్నంచర్ల గ్రామాల రైతులు నిత్యం నర్వ మండలం నాగిరెడ్డిపల్లి, యాంకి గ్రామాల వరకు కాల్వ వెంట వెళ్లాల్సిన పరిస్థితులు నెలకొన్నాయి. ఆందోళనలో రైతులు.. భూత్పురు కాల్వ నీటిని మళ్లించుకునే యత్నంలో భాగంగా నీరు ముందుకు వెళ్లకుండా తూముల షట్టర్లను పగులగొట్టి మూసి ఉంచుతుండటంతో చివరి ఆయకట్టు రైతుల్లో ఆందోళన నెలకొంది. అమరచింత మండలంలోని ధర్మపురం గ్రామానికి సాగునీటిని మళ్లించే తూముతో పాటు మస్తీపురం గ్రామానికి సాగునీటిని మళ్లించే తూమును గుర్తుతెలియని వ్యక్తులు పగులగొట్టడంతో సమస్య జటిలంగా మారింది. మూడు నెలలుగా కాల్వ ద్వారా సాగునీటిని విడుదల చేస్తున్నా సమీప చెరువులకు సైతం నీరు చేరకపోవడం ఏమిటని రైతన్నలు ప్రశ్నిస్తున్నారు. 32.5 కి.మీ. పొడవునా ఉన్న కాల్వ వెంట అడుగుకో పంపుసెట్‌ ఏర్పాటు చేసుకుని పొలాలకు సాగునీటిని మళ్లించుకుని వెళ్తున్నా అరికట్టే వారే కరువయ్యారని రైతులు ఆవేదన చెందుతున్నారు. భూత్పురు రిజర్వాయర్‌ చివరి ఆయకట్టుకు అందని సాగునీరు ఎగువన ఎడమ కాల్వ తూముల షట్టర్ల ధ్వంసం మూడు నెలలుగా నీరు పారుతున్నా నిండని చెరువులు అమరచింత, పిన్నంచర్ల రైతులకు తప్పని సాగునీటి కష్టాలు

మానవపాడు: రాష్ట్ర ప్రభుత్వం అత్యంత ప్రతిష్టాత్మకంగా చేపట్టిన వనమహోత్సవ కార్యక్రమం క్షేత్రస్థాయిలో అభాసుపాలవుతోంది. అడవులు పెంచాలని, చెట్టను పెంచడమే లక్ష్యంగా ముందుకు సాగుతున్నా.. క్షేత్రస్థాయిలో అధికారుల నిర్లక్ష్యం మూలంగా నీరుగారుతోంది. ప్రతిఏటా వన మహోత్సవం పేరుతో లక్షల్లో మొక్కలు నాటుతున్నామని అధికారులు గొప్పగా చెప్పుకొంటున్నా.. నాటిన మొక్కలను సంరక్షించడంలో మాత్రం పూర్తిగా విఫలమవుతున్నారు. నాటడం వరకే తమ బాధ్యత అన్నట్లుగా అధికారులు వ్యవహరిస్తున్నారు. మొక్కలు నాటుతూ ఫొటోలకు ఫోజులు ఇవ్వడం.. లెక్కల్లో చూపించడం తప్ప క్షేత్రస్థాయిలో పచ్చదనం కనిపించడం లేదని ప్రజలు విమర్శిస్తున్నారు. అధికారులు ప్రతిఏటా నాటిన మొక్కల సంఖ్యను లెక్కల్లో కలుపుకొంటూ పొతున్నారు. కానీ, వాస్తవంగా బతికి ఉన్న మొక్కలపై ఎప్పుడూ సర్వే చేయడం లేదు. నాటిన ప్రతి మొక్క ప్రభుత్వం ఖర్చు చేస్తున్నా.. క్షేత్రస్థాయిలో బతికి ఉన్నా మొక్కల సంఖ్య జిల్లావ్యాప్తంగా కోట్లలో ఉండాలి. లక్షలో నాటి.. లెక్కల్లో చూపి బతికి ఉన్న మొక్కల వివరాలు మాత్రం లెక్కలు లేకుండా పోయాయని జిల్లా ప్రజలు ఆరోపిస్తున్నారు. ప్రతి వర్షాకాలంలో మొక్కలు నాటే కార్యక్రమాలకు అధికారులు, ప్రజాప్రతినిధులు పెద్దఎత్తున ప్రచారం కల్పిస్తున్నారు. రోడ్ల వెంట, ప్రభుత్వ కార్యాలయాల పరిసరాలు, ఖాళీ ప్రదేశాల్లో మొక్కలు నాటుతున్నారు. కార్యక్రమం పూర్తయిన తర్వాత వాటి సంరక్షణను పట్టించుకునే పరిస్థితి లేకపోవడంతో అనేక మొక్కలు ఎండిపోయి.. ఖాళీ ప్రదేశాలుగా దర్శనమిస్తున్నాయి. నాటుతారు.. నరుకుతారు జిల్లావ్యాప్తంగా ఆయా మండలాల్లో గ్రామాల్లోని విద్యుత్‌ స్తంభాల కింద, పంట పొలాల గెట్ల కింద మొక్కలు నాటడం.. ఆ తర్వాత పెరిగి.. వాటికి అడ్డుగా మారాయని నరకడం పరిపాటిగా మారింది. ఫలితంగా ప్రజాధనం వృథా అవుతున్నా ప్రజాప్రతినిధులు, అధికారులు నిర్లక్ష్య వైఖరిని మాత్రం మార్చుకోవడం లేదు. ఒక ప్రణాళిక, లక్ష్యంగా ముందుకు సాగి.. ఎలాంటి అడ్డంకులు లేకుండా ఏపుగా పెరిగేలా మొక్కలు నాటాలన్న విచక్షణ కూడా లేకపోవడం బాధాకరం. ఇకనైనా ఈ తీరు మారి మొక్కలు నాటడంతోపాటు సంరక్షణ చర్యలు చేపట్టాల్సిన బాధ్యత జిల్లా యంత్రాంగంపై ఉంది. నాటడమే కానీ, సంరక్షణ మరిచిన అధికారులు లక్షల్లో నాటుతున్నట్లు లెక్కల్లో చూపుతున్న వైనం బతుకుతున్నవెన్నో చెప్పలేని దుస్థితి ఆనవాళ్లు లేకుండాపోయిన గతంలో నాటిన మొక్కలు క్షేత్రస్థాయిలో నీరుగారుతున్న వనమహోత్సవ లక్ష్యం

ప్రభుత్వం పచ్చదనం పెంపునకు ప్రాధాన్యం ఇస్తున్న నేపథ్యంలో మొక్కలు నాటడమే లక్ష్యంగా కాకుండా అవి పెరిగే వరకు సంరక్షించేలా అధికారులు చర్యలు తీసుకోవాలని ప్రజలు కోరుతున్నారు. ఎండిపోయిన మొక్కల స్థానంలో కొత్తవి నాటడంతోపాటు నీటి వసతి, రక్షణ చర్యలు చేపట్టాలని సూచిస్తున్నారు. లక్షలో మొక్కలు నాటినట్లు లెక్కలు చెబుతున్నా.. క్షేత్రస్థాయిలో బతికి ఉన్నవి ఎన్ని.. వాటి జాడ ఎక్కడ.. అనే దానిపై అధికారులు సమగ్రంగా వివరాలు వెల్లడించాల్సి ఉంది. కానీ, ఇంత వరకు బతికిన మొక్కల వివరాలు లేకపోవడం గమనార్హం. ఈ ఏడాది జిల్లాకు వన మహోత్సవంలో భాగంగా 11 లక్షల మొక్కలు నాటాలని లక్ష్యం నిర్దేశించగా.. ఇప్పటికే 10 లక్షల మేర మొక్కలు నాటినట్లు అధికారుల లెక్కలు చెబుతున్నారు. మరి ఇందులో ఎన్ని బతుకుతాయో వేచిచూడాలి.

ఈ ఏడాది పత్తిపంట బాగా వస్తుందని ఆశించాం. కానీ కాయలు పండకముందే పా డవుతున్నాయి. కొన్ని కాయ లు బయటకు మామూలుగానే కనిపిస్తున్నా.. లోపల చీల్చి చూస్తే పురుగు కనిపిస్తోంది. మందులు వినియోగించినా పూర్తిగా ఆగడం లేదు. – సత్యారెడ్డి, రైతు, అయిజ పత్తి పువ్వులు ముడుచుకుంటున్నాయి. కొని బోళ్లు ముందే తెరుచుకుంటున్నాయి. నూలు కూడా మచ్చలుగా మారుతోంది. ఈ ఒక సమ స్యే కాదు. రెండు సమస్యలు కలిసి వచ్చినట్లు ఉంది. అధికారులు పంట పొ లాలను పరిశీలించి రైతులకు సలహాలు ఇవ్వాలి – లింగన్న, రైతు, అయిజ ఉష్ణోగ్రతల్లో మార్పుతో పత్తిపంట ఎరుపు రంగులోకి మారింది. మెగ్నీషియం లోపంతో మరింతగా ఎర్రబారుతుంది. ఈ సమయంలో క్రిమికీటకాలు పంటపై ఎక్కువగా దాడి చేస్తాయి. పంటకు మెగ్నీషియం సల్ఫేట్‌, అసిపేట్‌ పిచికారీ చేయాలి. తేలికపాటి తడులు ఇచ్చి.. మొక్కల మొదళ్ల వద్ద నీరు నిలువకుండా చూసుకోవాలి. పుష్కలంగా నీరు ఉన్న రైతులు మాత్రమే ఇవి పాటించాలి. నీరు లేని వారు పంటను వదిలేయాలి. – వీరయ్య, జిల్లా వ్యవసాయశాఖ అధికారి ●

ఎర్రవల్లి: రైతులు క్రమం తప్పకుండా పంటలను పరిశీలిస్తూ.. సమగ్ర సస్యరక్షణ చర్యలు పాటించాలని వ్యవసాయ శాస్త్రవేత్తలు సూచించారు. శుక్రవారం మండలంలోని కోదండాపురం, వేముల గ్రామాల్లో పంట పొలాలను టీఆర్‌వీకే సమన్వయకర్త డా.అర్చన, ఆర్‌ఏఆర్‌ఎస్‌ పాలెం శాస్త్రవేత్తలు శ్రీరామ్‌, మమత క్షేత్రస్థాయిలో పరిశీలించారు. ఈ సందర్భంగా పత్తిలో రసం పీల్చే పురుగు ఉధృతి.. తేమ ఒత్తిడి, మిరపలో త్రిప్స్‌ కారణంగా ఆకులు పైకి ముడుచుకోవడం.. కందిలో స్టెరిలిటీ మొసాయిక్‌ తెగులు, హెలికోవర్పా పురుగు ఉధృతిని గమనించారు. రసం పీల్చే పురుగుల నివారణకు చేపట్టాల్సిన చర్యలను రైతులకు వివరించారు. పురుగు ఉధృతి అధికంగా ఉన్నప్పుడు ఎసిటమాప్రైడ్‌ 20శాతం ఎస్‌పీ ఎకరాకు 100 గ్రాములు లేదా థయోమెథాక్సమ్‌ 25శాతం డబ్ల్యూజీ ఎకరాకు 100 గ్రాములు వినియోగించాలని సూచించారు. అధిక మోతాదులో నత్రజని ఎరువులు వాడరాదని సూచించారు. మిరపలో త్రిప్స్‌, దోమ, నల్లి నివారణకు నీలి, పసుపు, తెలుపు జిగురు అట్టలు ఏర్పాటు చేసుకోవాలన్నారు. అవసరమైనప్పుడు స్పినెటోరమ్‌ 11.7శాతం ఎస్‌ఈ ఎకరాకు 160 ఎం.ఎల్‌. లేదా స్సినోసాడ్‌ 45శాతం ఎస్‌ఈ ఎకరాకు 75 ఎం.ఎల్‌. పిచికారీ చేయాలని సూచించారు. వైరస్‌ లక్షణాలతో తీవ్రంగా ప్రభావితమైన మొక్కలను తొలగించి నాశనం చేయాలన్నారు. కందిలో స్టెరిలిటి మొసాయిక్‌ తెగులును వ్యాప్తిచేసే ఎరియోఫైడ్‌ మైట్‌ను నియంత్రించేందకు సిఫార్సు చేసిన అకారిసైడ్‌ను వినియోగించాలని తెలిపారు. పురుగు ఉధృతి అధికంగా ఉన్నప్పుడు ఇమామెక్టిన్‌ బెంజోయేట్‌ 5శాతం ఎస్‌జీ ఎకరాకు 100 గ్రాములు, క్లోరాంట్రనిలిప్రోల్‌ 18.5 శాతం ఎస్‌ఈ ఎకరాకు 60 ఎం.ఎల్‌. సిఫార్సు మేరకు ఉపయోగించాలని సూచించారు. వారి వెంట ఏఓ సురేశ్‌గౌడ్‌, ఏఈఓలు ఉన్నారు.

ఇటిక్యాల: ప్రజలకు ప్రభుత్వ సేవలను మరింత వేగంగా, పారదర్శకంగా అందించడమే లక్ష్యంగా రెవెన్యూ యంత్రాగం పనిచేయాలని ఆర్డీఓ శ్రీనివాసరావు అన్నారు. శుక్రవారం ఇటిక్యాల తహసీల్దార్‌ కార్యాలయాన్ని ఆయన ఆకస్మికంగా తనిఖీ చేశారు. ఈ సందర్భంగా పలు రికార్డులను పరిశీలించంతో పాటు ప్రజలకు అందిస్తున్న సేవలపై ఆరా తీశారు. అనంతరం ఆయన మాట్లాడుతూ.. వివిధ సమస్యలపై ప్రజలు అందించే అర్జీల పరిష్కారంపై నిర్ల క్ష్యం చేయొద్దన్నారు. పెండింగ్‌ దరఖాస్తులను ని బంధనల ప్రకారం నిర్ణీత గడువులోగా పరిష్కరించాలని సూచించారు. రెవెన్యూ కార్యాలయానికి వ చ్చే సామాన్య ప్రజలకు ఎలాంటి ఇబ్బందులు కలుగకుండా సిబ్బంది సమయపాలన పాటించాలన్నా రు. సర్‌ ప్రక్రియను నిర్దేశిత సమయంలో పూర్తిచేసే లా అధికారులు సమన్వయంతో పనిచేయాలని సూచించారు. ఆర్డీఓ వెంట తహసీల్దార్‌ శ్రీకాంత్‌రెడ్డి, ఆర్‌ఐలు మధు, మనోహర్‌ ఉన్నారు.

అలంపూర్‌: పర్యావరణ పరిరక్షణ కోసం మట్టి గణపతులను ప్రతిష్ఠించి పూజించాలని ప్రముఖ సంగీత దర్శకుడు వీడీ శ్రీకాంత్‌ దేవా పిలుపునిచ్చారు. అలంపూర్‌ జోగుళాంబ బాలబ్రహ్మేశ్వర స్వామి క్షేత్రంలో శుక్రవారం తెలంగాణ కాలుష్య నియంత్రణ మండలి ఆధ్వర్యంలో అవగాహన కార్యక్రమం నిర్వహించగా.. దేవాదాయ, ధర్మాదాయశాఖ ప్రోత్సాహంతో సంగీత దర్శకుడు శ్రీకాంత్‌ దేవా, గాయకులు మహతి, లక్ష్మీగాయంత్రి హాజరయ్యారు ఈ సందర్భంగా తమ పాటల ద్వారా పర్యావరణంపై అవగాహన కల్పించారు. భక్తులు మట్టి వినాయకులను ప్రతిష్ఠించి పర్యావరణ పరిరక్షణలో భాగస్వాములు కోరారు. ఆలయాల్లో పర్యావరణ పరిరక్షణకు సహకరించిన ఈఓ దీప్తికి వారు కృతజ్ఞతలు తెలిపారు.

ర్యాలీ నిర్వహిస్తున్న బ్యాంకు ఉద్యోగులు గద్వాలన్యూటౌన్‌: వారానికి ఐదు రోజుల పనిదినాలను కల్పించాలని బ్యాంకు ఉద్యోగులు డిమాండ్‌ చేశారు. శుక్రవారం యునైటెడ్‌ ఫోరం ఆఫ్‌ బ్యాంక్‌ యూనియన్‌ ఆధ్వర్యంలో వాణిజ్య బ్యాంకులతోపా టు గ్రామీణ బ్యాంకుల ఉద్యోగులు సమ్మె చేపట్టా రు. ఈ సందర్భంగా స్థానిక ఎస్‌బీఐ నుంచి యూ బీఐ వరకు ర్యాలీ నిర్వహించారు.అనంతరం యూ నియన్‌ నాయకులు ప్రభాకర్‌రెడ్డి, రవికుమార్‌, కృష్ణారెడ్డి మాట్లాడుతూ.. బ్యాంకు ఉద్యోగులకు ఐదు రోజుల పనిదినాల విధానాన్ని అమలు చేయాలనే తమ డిమాండ్‌పై కేంద్ర ప్రభుత్వం సానుకూలంగా స్పందించాలని కోరారు. ఈ విధానం అమలైతే ఉద్యోగుల పని–వ్యక్తిగత జీవన సమతుల్యత మెరుగుపడటంతో పాటు మరింత ఉత్పాహంతో ఖాతా దారులకు మెరుగైన సేవలు అందించే అవకాశం ఉంటుందన్నారు. తమ న్యాయమైన డిమాండ్‌ను నెరవేర్చాలని కోరారు. కార్యక్రమంలో యూనియన్‌ నాయకులు సందీప్‌, దిల్కరన్‌, శ్రీకాంత్‌రెడ్డి, విజయ్‌కుమార్‌, విశ్వేశ్వర్‌ పాల్గొన్నారు.

ధరూరు: ప్రభుత్వం విద్యుత్‌ సంస్థల ప్రైవేటీకరణను విరమించుకోవాలని జెన్‌కో ఉద్యోగుల సంఘం నాయకులు డిమాండ్‌ చేశారు. తెలంగాణ విద్యుత్‌ ఉద్యోగుల ఐక్య కార్యాచరణ సమితి ఆధ్వర్యంలో విద్యుత్‌ సంస్థల ప్రైవేటీకరణను వ్యతిరేకిస్తూ శుక్రవారం జూరాల హైడ్రో విద్యుత్‌ కేంద్రంలో జెన్‌కో ఉద్యోగులు నిరసన కార్యక్రమం చేపట్టారు. ఈ సందర్భంగా సూపరింటెండెంట్‌ కార్యాలయంలో ఉద్యోగులు బైఠాయించి నిరసన వ్యక్తం చేశారు. ఈ సందర్భంగా వారు మాట్లాడుతూ.. గత ఆగస్టు 29న టీజీపీఈజేఏసీ ప్రతినిధులు, ట్రాన్స్‌కో, జెన్‌కో డిస్కంల ఎండీలతో నిర్వహించిన సంయుక్త సమావేశంలో పలు అంశాలపై విస్తృతంగా చర్చింనట్లు తెలిపారు. ఆయా సమస్యలపై రెండు వారాల్లో మరోసారి సమావేశం నిర్వహించి.. చర్చిస్తామని యాజమాన్యం హామీ ఇచ్చిందన్నారు. అయితే ఇచ్చిన హామీకి విరుద్ధంగా జెన్‌కో యాజమాన్యం యాదాద్రి థరమల్‌ విద్యుత్‌ కేంద్రంలో బూడిద నిర్వహణ విభాగం, బొగ్గు నిర్వహణ విభాగాలను ప్రైవేటు సంస్థలకు అప్పగించేందుకు టెండర్లు పిలిచేందుకు ప్రయత్నించడం సరైంది కాదన్నారు. ప్రభుత్వం ప్రైవేటీకరణ నిర్ణయాన్ని విరమించుకోకపోతే పెద్దఎత్తున ఉద్యమిస్తామని వారు హెచ్చరించారు.

మల్దకల్‌లో ధర్నా చేస్తున్న రైతులు మల్దకల్‌: వ్యవసాయానికి విద్యుత్‌ కోతలను నిరసి స్తూ రైతులు ఆందోళనకు దిగారు. శుక్రవారం మల్దకల్‌ బస్టాండ్‌ చౌరస్తాలో అయిజ – గద్వాల ప్రధాన రహదారిపై బైఠాయించి ధర్నా చేపట్టారు. వివిధ గ్రామాలకు చెందిన రైతులు పెద్ద సంఖ్యలో రో డ్డుపైకి చేరి ప్రభుత్వానికి వ్యతిరేకంగా నినాదాలు చేశారు. ఈ సందర్భంగా పలువురు మాట్లాడుతూ.. కొన్ని రోజులుగా విద్యుత్‌ సమస్య తీవ్రంగా మారిందన్నారు. వ్యవసాయానికి విద్యుత్‌ సరఫరాలో ఎలాంటి కారణాలు లేకుండానే కోతలు విధిస్తున్నారన్నారు. విద్యుత్‌ సరఫరా సక్రమంగా లేకపోవడంతో చేతికొచ్చిన పంటలు ఎండిపోయే పరిస్థితి నెలకొందన్నారు. వ్యవసాయానికి నిరంతర విద్యుత్‌ అందించి.. పంటలను కాపాడాలని ప్రభుత్వాన్ని కోరారు. కాగా, బీజేపీ, బీఆర్‌ఎస్‌ నాయకులు రైతులకు సంఘీభావం తెలిపారు. రైతుల ఆందోళనతో ఎక్కడి వాహనాలు అక్కడే నిలిచిపోయాయి. పోలీసులు రైతులకు నచ్చజెప్పేందుకు ప్రయత్నించినా ఫలితం లేకపోయింది. విద్యుత్‌ ఏఈ రాజేశ్‌ ధర్నా స్థలానికి చేరుకుని రైతులతో మాట్లాడారు. సమస్యను ఉన్నతాధికారులకు వివరించి, పరిష్కారానికి చర్యలు తీసుకుంటామని హామీ ఇవ్వడంతో ఆందోళన విరమించారు. కార్యక్రమంలో ఆయా పార్టీల నాయకులు తిరుపతిరెడ్డి, వెంకటేశ్‌, నాగరాజు, కృష్ణారెడ్డి, తిమ్మన్న పాల్గొన్నారు.

–8లో uఅయిజ: తెల్లబంగారం ఎర్రబారుతోంది. కొన్ని రోజులుగా తీవ్రమైన ఎండలతో పాటు రాత్రి ఉష్ణోగ్రతలు పెరగడంతో పంటపై తీవ్ర ప్రభావం చూపుతోంది. జిల్లాలో ఈ సారి రైతులు 1,72,572 ఎకరాల్లో పత్తిసాగు చేశారు. అయితే పగలు ఎండ ఎక్కువగా ఉండటం.. రాత్రి ఉష్ణోగ్రతలు పెరగడంతో పంటపై తీవ్ర ఒత్తిడి ఏర్పడుతోంది. దీనికి తోడు రసంపీల్చే పురుగులు, దోమలు (జాసీడ్స్‌) వంటి కీటకాలు దాడి చేయడంతో పంట మరింత వేగంగా దెబ్బతింటోంది. జిల్లాలోని అనేక శివార్లలో పత్తిపంట ఎర్రబారి కనిపిస్తోంది. మొదట ఆకులు పసుపు రంగులోకి మారి, తర్వాత గులాబీ ఎరుపు రంగును సంతరించుకుని రాలిపోతున్నాయి. కాయలు తెరుచుకుని తెల్లని పత్తి కనిపించిన్పటికీ.. ఆకులు రాలడం ద్వారా దిగుబడిపై తీవ్ర ప్రభావం చూపుతోంది. అయితే రైతులు దీన్ని ఎర్ర తెగులుగా భావిస్తున్నారు. భయపడి నీరు కడితే మొత్తం పంటకు వ్యాపిస్తుందని.. నీటి తడులు పెట్టడం ఆపేస్తున్నారు. అలంపూర్‌ 2,090 ధరూరు 4.630 గద్వాల 14,200 గట్టు 14,408 అయిజ 21,525 ఇటిక్యాల 13,170 కేటీదొడ్డి 6,050 మల్దకల్‌ 27,488 మానవపాడు 21,485 రాజోళి 9,400 ఉండవెల్లి 10,244 వడ్డేపల్లి 19,075 ఎర్రవల్లి 8,807 అధిక ఉష్ణోగ్రతలతో రంగు మారుతున్న తెల్లబంగారం పంట దిగుబడిపై తీవ్ర ప్రభావం ఆందోళనలో పత్తి రైతులు జిల్లావ్యాప్తంగా 1,72,572 ఎకరాల్లో సాగు

మహబూబ్‌నగర్‌ ఎడ్యుకేషన్‌: పాలమూరు యూనివర్సిటీలో హాస్టల్‌ డిపాజిట్‌ ఫీజు (మెస్‌) ను తగ్గించాలని బీసీ విద్యార్థి సంఘం అధ్యక్షుడు తాయప్ప డిమాండ్‌ చేశారు. ఈ మేరకు శుక్రవారం పీయూ రిజిస్ట్రార్‌ పి.రమేష్‌బాబును కలిసి వినతిపత్రం అందజేశారు. ఈ సందర్భంగా మాట్లాడుతూ గత ఏడాది బీసీలు బాలురకు రూ.12,100, బాలికలకు రూ.9,100, ఎస్సీ, ఎస్టీలు బాలురకు రూ.11,100, బాలికలకు రూ.9,100, ఓసీలు బాలురకు రూ.18,100, బాలికలకు రూ.16,109 ఉండేదన్నారు. ఈ ఏడాది నుంచి రిజర్వేషన్లతో సంబంధం లేకుండా బాలురకు రూ.18,000, బాలికలకు రూ.16,100 చొప్పున చెల్లించాలని ఉత్తర్వులు జారీ చేశారన్నారు. ఇంత మొత్తం చెల్లించలేరని రూ.12 వేలకు తగ్గించాలన్నారు.

చిన్నచింతకుంట: మండలంలోని అమ్మాపురం కురుమూర్తిస్వామి ఆలయంలో భక్తులకు అందించే లడ్డు ప్రసాదం తయారీ కేంద్రంలో శుక్రవారం తూనికల అధికారులు తనిఖీలు నిర్వహించారు. లడ్డు పరిమాణం తక్కువగా ఉందని నిర్వాహకులపై కేసు నమోదు చేశారు. ఈ సందర్భంగా తూనికల జిల్లా అధికారి రవీందర్‌ మాట్లాడుతూ లడ్డూల తయారీలో అవకతవకలకు పాల్పడితే చట్టపరమైన చర్యలు తప్పవన్నారు. కురుమూర్తిస్వామి ఆలయం వద్ద భక్తులకు అందించే లడ్డు పరిమాణం 100 గ్రాములకు గాను 80 గ్రాములు మాత్రమే ఉన్నట్లు గుర్తించామన్నారు. ఈ మేరకు నిర్వాహకులపై కేసు నమోదు చేసినట్లు ఆయన వెల్లడించారు.

నాగర్‌కర్నూల్‌: బీఆర్‌ఎస్‌ ప్రభుత్వం ఎంతో ప్రతిష్టాత్మకంగా చేపట్టిన పాలమూరు– రంగారెడ్డి ఎత్తిపోతల పనులు కొనసా..గుతూనే ఉన్నాయి. ప్రస్తుతం అధికారంలో ఉన్న కాంగ్రెస్‌ ప్రభుత్వం వచ్చిన తర్వాత పనులు వేగవంతం చేయడంలో నిర్లక్ష్యం చేసిందనే విమర్శలున్నాయి. గతేడాది మే నెలలో ఇరిగేషన్‌ శాఖ మంత్రి ఉత్తమ్‌కుమార్‌రెడ్డి పర్యటించి 2025 డిసెంబర్‌ నాటికి పనులు పూర్తి చేయాలని ఆదేశించినా.. ఇంకా చాలా వరకు పనులు పెండింగ్‌లోనే ఉన్నాయి. దీంతో ఈ ఏడాది రెండు పంపుసెట్లు ప్రారంభించినా.. కేవలం నార్లాపూర్‌ రిజర్వాయర్‌లోకి రెండు టీఎంసీలు ఎత్తిపోసి నిలిపివేశారు. ఏదుల రిజర్వాయర్‌కు నీటిని సరఫరా చేయడానికి ఓపెన్‌ కాల్వ పనులు అసంపూర్తిగా ఉండటమే ఇందుకు కారణం. కుడికిళ్ల, తిర్నాంపల్లి వద్ద దాదాపు 8 లక్షల క్యూబిక్‌ మీటర్ల గట్టి రాయి ఉండటంతో నీరు వదలడానికి వీలు కాలేదని, ప్రస్తుతం రాయి తొలగింపు పనులు కొనసాగుతున్నాయని అధికారులు చెబుతున్నారు. అసంపూర్తిగా ప్రధాన కాల్వ.. నార్లాపూర్‌ నుంచి ఏదుల మధ్యలో 6.4 కి.మీ., ప్రధాన కాల్వ ఉంది. దాదాపు 40– 25 మీటర్ల వెడల్పు, లోతు ఉంటుంది. కాల్వ తవ్వకాలు జరిగినా కుడికిళ్ల, తిర్నాంపల్లి వద్ద హార్డ్‌ రాక్‌ ఉండటంతో పనుల్లో వేగం తగ్గింది. దాదాపు ఆ రెండు చోట్ల 8 లక్షల క్యూబిక్‌ మీటర్ల రాయి, మట్టి ఉందని అధికారుల అంచనా. గతేడాది మే నెలలో నీటి పా రుదల శాఖ మంత్రి ఉత్తమ్‌కుమార్‌రెడ్డి పర్యటించి కాల్వ పనులు వేగవంతం చేయాలని ఆదేశించారు. గతేడాది డిసెంబర్‌లోగా పనులు పూర్తి చేస్తే ఈ ఏడాది వానాకాలం సీజన్‌లో నీళ్లు తరలించాలని ప్రభుత్వం నిర్ణయించినా.. పనులు కాలేదు. ఇంకా ఓపెన్‌ కాల్వలో కుడికిళ్ల వద్ద హార్డ్‌ రాక్‌తో కాల్వ త వ్వకాలు నెమ్మదించాయి. ఇందుకు ప్రభుత్వం శ్రద్ధ చూపకపోవడం, కాంట్రాక్టర్ల నిర్లక్ష్యమే కారణమని విమర్శలున్నాయి. తాజాగా పనులు డిసెంబర్‌లో గా పూర్తి చేయాలని అధికారులు లక్ష్యంగా నిర్దేశించినా.. ప్రస్తుత పరిస్థితి చూస్తే వచ్చే ఏడాది మార్చి వరకు కొనసాగే అవకాశం కనిపిస్తోంది. అయితే సీఎం రేవంత్‌రెడ్డి ఉమ్మడి జిల్లాలోని ప్రాజెక్ట్‌ల సమీక్షకు వచ్చిన తర్వాత పనుల్లో కొంత వేగిరం పెరిగిందనే చెప్పవచ్చు. ఏదేమైనా రిజర్వాయర్లలోకి నీళ్లు వచ్చేది 2027 వానాకాలం సీజన్‌లోనే. అప్పటి వరకు పాలమూరు– రంగారెడ్డి వినియోగంలోకి రాదు. కేవలం నార్లాపూర్‌ రిజర్వాయర్‌ నుంచి మిషన్‌ భగీరథ కోసం ఉపయోగించుకునే విధంగా పనులు జరుగుతున్నాయి. ఇక నార్లాపూర్‌– ఏదుల మధ్య ఓపెన్‌ కాల్వతోపాటు 16 కి.మీ., పొడవు సొరంగం ఉంది. సొరంగం పని దాదాపుగా పూర్తి కాగా.. ముందు భాగంలో 50 మీటర్ల పొడవు పని చేయాల్సి ఉంది. నార్లాపూర్‌ రిజర్వాయర్‌లో ఉన్న వడ్డెర గుడిసెలు, సున్నపుతండా వాసులను ఇటీవల ఖాళీ చేయించారు. వచ్చే ఏడాది నాలుగు రిజర్వాయర్లకు నీళ్లు తరలనున్నాయి. ‘పాలమూరు–రంగారెడ్డి’ నీటికోసం తప్పని నిరీక్షణ నార్లాపూర్‌– ఏదుల మధ్య పూర్తికాని కాల్వ పనులు దాదాపు 8 లక్షల క్యూబిక్‌ మీటర్ల మట్టి తొలగింపునకు చర్యలు డిసెంబర్‌ నాటికి లక్ష్యం నిర్దేశం.. మార్చి వరకు కొనసాగే అవకాశం ఆ మట్టి తొలిగిస్తేనే ఏదుల రిజర్వాయర్‌కు సాఫీగా నీరు నార్లాపూర్‌– ఏదుల రిజర్వాయర్‌ మధ్య ఓపెన్‌ కాల్వలో కుడికిళ్ల, తిర్నాంపల్లి వద్ద ఉన్న రాయిని తొలిగింపు పనులు వేగవంతం చేశాం. డిసెంబర్‌ చివరిలోగా తొలిగింపు పూర్తి చేయాలని కాంట్రాక్టర్‌కు సూచించాం. రాయి బ్లాస్టింగ్‌ చేసి లోతు నుంచి బయటకు రాళ్లు తీసుకెళ్లడం కొంత ఇబ్బందిగా ఉంది. కాల్వలో హార్డ్‌ రాక్‌ తొలిగిస్తే నార్లాపూర్‌ నుంచి ఏదుల రిజర్వాయర్‌కు నీళ్లు తరలించవచ్చు. ఏదుల నుంచి వట్టెం రిజర్వాయర్‌కు అక్కడి నుంచి కర్వెనకు ఎత్తిపోయడానికి పంపుసెట్లు బిగింపు సైతం పూర్తి అయ్యింది. అన్ని పనులు పూర్తయ్యి.. శ్రీశైలం ప్రాజెక్ట్‌లో నీళ్లు ఉంటే రిజర్వాయర్‌లోకి తరలించవచ్చు. – పార్థసారధి, ఇరిగేషన్‌ ఎస్‌ఈ ఉమ్మడి మహబూబ్‌నగర్‌తో పాటు నల్లగొండ, రంగారెడ్డి జిల్లాల్లో 12.30 లక్షల ఎకరాలకు సాగు, వందలాది గ్రామాలకు తాగునీరు అందించే లక్ష్యంతో పాలమూరు– రంగారెడ్డి ప్రాజెక్ట్‌ను 2015లో రూ.35,200 కోట్ల అంచనాలతో అప్పటి సీఎం కేసీఆర్‌ పనులు ప్రారంభించారు. ఈ ప్రాజెక్ట్‌ కింద నార్లాపూర్‌ నుంచి ఏదుల, ఏదుల నుంచి వట్టెం, మరోవైపు ఏదుల నుంచి కర్వెన, అక్కడి నుంచి ఉదండాపూర్‌ రిజర్వాయర్లకు నీళ్లు తరలిస్తారు. ప్రస్తుతం నార్లాపూర్‌, ఏదుల, కర్వెన, వట్టెం రిజర్వాయర్లు దాదాపుగా పూర్తవగా.. ఉదండాపూర్‌ పనులు కొనసాగుతున్నాయి. పంపుహౌస్‌ల్లో మోటార్లు బిగింపు సైతం పూర్తి అయ్యింది. నీళ్లు వస్తే చాలు ఉదండాపూర్‌ రిజర్వాయర్‌ మినహాయిస్తే మిగతా రిజర్వాయర్లు ఏదుల, వట్టెం, కర్వెన నీటితో కళకళలాడుతూ.. భూగర్భజలాలు గణనీయంగా పెరుగుతాయి.

గద్వాల క్రైం: గణేష్‌ మండపాల వద్ద పటిష్ట నిఘా ఏర్పాటు చేసి.. నేరస్తుల విషయంలో కఠినంగా వ్యవహరించాలని ఎస్పీ శ్రీనివాసరావు అన్నారు. గురువారం ఎస్పీ కార్యాలయంలో నేర సమీక్ష నిర్వహించి మాట్లాడారు. జిల్లాలో శాంతిభద్రతల విషయాల్లో సిబ్బంది అప్రమత్తంగా ఉండాలన్నారు. గ్రామీణ ప్రాంతాల్లో పోలీసు పికెటింగ్‌ నిర్వహించి అనుమానిత వ్యక్తులను గుర్తించాలన్నారు. గణేష్‌ ఉత్సవాలు శాంతియుతంగా జరిగేలా చర్యలు తీసుకోవాలని, నిమజ్జన ఏర్పాట్లు, ఊరేగింపులో అల్ల ర్లు, ఘర్షణలకు తావులేకుండా ప్రార్థనా మందిరాల వద్ద పోలీసు బలగాలను నియమించాలన్నారు. పోలీసుల అనుమతి లేకుండా మండపాలు, భారీ శబ్ధంతో కూడిన సౌండ్‌ బాక్స్‌లు పెట్టిన వారిపై చట్టపరమైన కేసులు నమోదు చేయాలన్నారు. చెక్‌పోస్టుల వద్ద నిఘా ఉంచి ప్రతి గూడ్స్‌ వాహనాలు, కంటైనర్లను తనిఖీ చేయాలన్నారు. సమస్యలపై వచ్చే బాధితులకు న్యాయం అందేలా చర్యలు తీసుకోవాలన్నారు. రోడ్డు ప్రమాదాలపై ప్రత్యేక విచార ణ చేపట్టాలని, అనుమతి లేకుండా ఇసుక, మట్టి, రేషన్‌ బియ్యం, నిషేధిత మత్తు పదార్థాలు, పేకాట స్థావరాలను గుర్తించి కట్టడి చేయాలన్నారు. పోలీ సులపై బాధితులు ఫిర్యాదు చేస్తే చర్యలు తప్పవన్నారు. అనంతరం జిల్లా న్యాయశాఖలో విధులు నిర్వహిస్తున్న పబ్లిక్‌ ప్రాసిక్యూటర్లతో సమావేశం ఏర్పాటు చేసి కేసుల్లో నిందితులకు శిక్ష పడేలా వాదనలు వినిపించాలని, బాధితుల సమస్యలు వీలైనంత త్వరగా పరిష్కరించేలా చూడాలని సూచించా రు. సమావేశంలో ఏఎస్పీ శంకర్‌, డీఎస్పీ మొగిల య్య, సీఐలు శ్రీను, ప్రదీప్‌కుమార్‌ పాల్గొన్నారు.

మహబూబ్‌నగర్‌ క్రీడలు: జడ్చర్ల మండలంలోని పెద్ద ఆదిరాల జిల్లా పరిషత్‌ ఉన్నత పాఠశాలలో ఈనెల 12వ తేదీన ఉదయం 10 గంటలకు రాష్ట్రస్థాయి ఖేలో ఇండియాలో పాల్గొనే ఉమ్మడి జిల్లా ఖోఖో క్రీడాకారుల ఎంపికలు నిర్వహిస్తున్నట్లు ఉమ్మడి జిల్లా ఖోఖో సంఘం అధ్యక్ష, కార్యదర్శులు ఉబేదుల్లా కొత్వాల్‌, జీఏ విలియం గురువారం ఓ ప్రకటనలో తెలిపారు. ఎంపికల్లో పాల్గొనే క్రీడాకారులు 01.01.2008 తర్వాత జన్మించిన వారై ఉండాలని పేర్కొన్నారు. క్రీడాకారులు జనన ధ్రువీ కరణ పత్రం, పదోతరగతి మెమో, ఆధార్‌కార్డుతో ఎంపికలకు హాజరుకావాలని, మిగతా వివరాల కోసం 99853 75737 నంబర్‌ను సంప్రదించాలని సూచించారు. ఎంపికయ్యే క్రీడాకారులు సరూర్‌నగర్‌ ఇండోర్‌ స్టేడియంలో ఈనెల 16న (బాలురు), 17న (బాలికలు) జరిగే రాష్ట్రస్థాయి సెలక్షన్స్‌లో పాల్గొనాల్సి ఉంటుందని పేర్కొన్నారు.

రాజోళి: అసలే కరువు పరిస్థితులు.. ఆపై తీవ్రమైన కరెంట్‌ కోతలతో అరకొరగా సాగు చేసిన పంటలు ఎండిపోతున్నా అధికారులకు పట్టడం లేదని రైతులు ఆగ్రహం వ్యక్తం చేశారు. మండలంలోని మాన్‌దొడ్డి, నసనూరు, చిన్నధన్వాడ, పెద్దధన్వాడ, నౌరోజీ క్యాంపు తదితర గ్రామాల రైతులు గురువారం ఉదయం మాన్‌దొడ్డి సబ్‌స్టేషన్‌ వద్దకు చేరు కుని నిరసన తెలిపారు. రోజులో ఎన్నిసార్లు కరెంట్‌ తీస్తున్నారో తెలియక సతమతమవుతున్నామని, వ్యవసాయానికి ఇచ్చే సరఫరాలో నిత్యం కోతలే ఉండటంతో పంటలకు తడులు అందించలేపోతున్నామని వాపోయారు. ఇప్పటికే పంటలు ఎండు దశకు చేరిన క్రమంలో వాటిని కాపాడుకునేందుకు నానా తంటాలు పడుతున్నామని, కరెంట్‌ అధికారులకు మాత్రం అది పట్టడం లేదన్నారు. ప్రస్తుతం తడులు అందితే పంటలకు బలమని చెప్పినా కరెంట్‌ కోతలు మాత్రం ఆగడం లేదని వాపోయారు. ఏ సమయంలో సప్లయ్‌ ఉంటుంది.. ఎప్పుడు కట్‌ చేస్తారు.. మళ్లీ ఎప్పుడు వస్తుందో చెప్పే వరకు ఆందోళన కొనసాగిస్తామని హెచ్చరించారు. అధికారుల తీరు ఇలాగే కొనసాగితే గ్రామ గ్రామాన రైతులు విద్యుత్‌ కార్యాలయాలను ముట్టడిస్తారని, రైతుల ఇబ్బందులను దృష్టిలో పెట్టుకుని కోతలు తగ్గించి సక్రమంగా సరఫరా చేయాలని కోరారు.

అలంపూర్‌: ఆర్టీసీ మినీ బస్‌ డిపో నిర్మించాలని హైదరాబాద్‌లో రాష్ట్ర రవాణా శాఖ మంత్రి పొన్నం ప్రభాకర్‌ను ఎమ్మెల్యే విజయుడు గురువారం కలిసి కోరారు. అలంపూర్‌ నియోజకవర్గంలో రవాణ సౌకర్యం మెరుగుపర్చాలని వినతిపత్రం అందజేసినట్లు తెలిపారు. అలంపూర్‌ చౌరస్తాలో మినీ ఆర్టీసీ బస్‌ డిపో ఏర్పాటు చేయాలని వినతిలో పేర్కొన్నారు. డిపో పరిధిలోనే ప్రభుత్వ ఆధ్వర్యంలో పెట్రోల్‌ పంపును ఏర్పాటు చేయాలని, భవిష్యత్‌ అవసరాలను దృష్టిలో ఉంచుకొని ఎలక్ట్రికల్‌ వాహనాలను, చార్జీంగ్‌ స్టేన్‌ నిర్మించాలని, అయిజ బస్‌ టెర్మినల్‌ అభివృద్ధి పనులు వేగవంతంగా చేయాలని, అలంపూర్‌ నియోజకవర్గంలో బస్సుల సంఖ్య పెంచి ప్రతి గ్రామానికి బస్సు సౌకర్యం కల్పించాలని పేర్కొన్నారు. గ్రామీణ ప్రాంత ప్రజలు, రైతులు, విద్యార్థులకు సమయానుకూలంగా బస్సు సర్వీసులు నడిపించాలని విన్నవించగా.. మంత్రి సానుకులంగా స్పందించినట్లు వివరించారు. అనంతరం రాష్ట్ర నీటి పారుదల శాఖ మంత్రి ఉత్తమ్‌కుమార్‌రెడ్డిని కలిసి సాగునీటి సమస్యలను పరిష్కరించాలని వినతిపత్రం అందజేసినట్లు తెలిపారు.

నాగర్‌కర్నూల్‌: కరెంట్‌ కష్టాలు రైతులకే కాదు.. ఏకంగా సాగునీరు అందించే కల్వకుర్తి ఎత్తిపోతల పథకానికి సైతం మొదలయ్యాయి. రాత్రివేళ మూడు రిజర్వాయర్ల వద్ద నీటిని ఎత్తిపోసే పంపుసెట్లు ఆపేయాలని.. ఉదయం వేళ నడపాలని ఎస్‌ఎల్‌డీసీ (స్టేట్‌ లోడ్‌ డిస్పాచ్‌ సెంటర్‌) నుంచి ఎప్పటికప్పుడు సూచనలు వస్తున్నాయి. ఈ మేరకు తప్పని పరిస్థితుల్లో కొన్ని రిజర్వాయర్ల వద్ద రాత్రివేళ పంపులను ఆపేసి.. మరికొన్ని చోట్ల ఒక పంపుసెట్‌ నడుపుతున్నారు. పరిస్థితి ఇలాగే కొనసాగితే సాగు, తాగునీటి సరఫరాపై తీవ్ర ప్రభావం చూపే అవకాశం ఉంది. ఫలితంగా కాల్వల నీటిని నమ్ముకొని పంటలు సాగు చేసిన రైతుల పరిస్థితి అగమ్యగోచరంగా మారనుంది. మూడు రిజర్వాయర్లు.. కేఎల్‌ఐ పరిధిలో నాలుగు రిజర్వాయర్లు ఉన్నాయి. ముందుగా శ్రీశైలం ప్రాజెక్టు నుంచి రేగుమాన్‌గడ్డ వద్ద ఎల్లూరు రిజర్వాయర్‌కు నీరు ఎత్తిపోస్తారు. అక్కడ ఐదు పంపుసెట్లకు గాను ప్రస్తుతం రెండు మరమ్మతుకు గురవగా మూడు నడుస్తున్నాయి. ఎల్లూరు నుంచి సింగోటం గ్రావిటీ మీదుగా జొన్నలబొగుడకు ఎత్తిపోయాల్సి ఉంటుంది. ఇక్కడ ఐదు పంపులు ఉండగా మూడే నడుపుతున్నారు. గుడిపల్లి రిజర్వాయర్‌ నుంచి కేఎల్‌ఐ కాల్వలకు వదులుతారు. గ్రావిటీ మీద నీరు పారుతుండగా ప్రధాన కాల్వ 160 కి.మీ., కల్వకుర్తి మండలం జంగారెడ్డిపల్లి నుంచి మరో 60 కి.మీ., మాడ్గుల మండలం నాగిళ్ల వరకు టెలెండ్‌ కాల్వ వెళ్తుంది. 13 గంటలకు కుదింపు.. ప్రస్తుతం విద్యుత్‌ సమస్య తీవ్రమైంది. ఇప్పటికే వ్యవసాయ రంగానికి 18 నుంచి 13 గంటలకు కుదించారు. అయితే వాస్తవ పరిస్థితి మరింత అధ్వానంగా ఉంది. పది గంటలే సరఫరా అవుతుందని రైతులు తీవ్ర ఆందోళన వ్యక్తం చేస్తున్నారు. కరెంట్‌ సమస్య కేఎల్‌ఐ పంపుసెట్లకు తాకడం ఆందోళనకరం. ఎస్‌ఎల్‌డీసీ (లోడ్‌ డిస్పాచ్‌ సెంటర్‌) విద్యుత్‌ వాడకంపై నియంత్రణ విధిస్తున్నారు. మూడు రోజుల నుంచి కేఎల్‌ఐ పంపుసెట్ల విద్యుత్‌ వాడకంపై నియంత్రణ చేయాలని, రాత్రివేళ నిలిపివేయాలని సూచిస్తున్నారు. సాయంత్రం 7 నుంచి ఉదయం 8 గంటల వరకు నిలిపివేస్తే లోడ్‌ కంట్రోల్‌ చేయవచ్చని ట్రాన్స్‌కో అధికారులు చెబుతున్నారు. కాగా.. ఈ ఏడాది ఎల్‌నినో ప్రభావంతో లోటు వర్షపాతం నమోదైంది. వరిసాగు వద్దని, ఆరుతడి పంటలు వేసుకోవాలని అధికారులు విస్తృత ప్రచారం చేసినా.. కేఎల్‌ఐ సాగునీరు విడుదలతో రైతులు వరిసాగుకే మొగ్గుచూపారు. ప్రస్తుతం కేఎల్‌ఐ కాల్వలో పూర్తిస్థాయిలో నీరు రావడం లేదు. అది కూడా ఎప్పుడు ఆగిపోతాయోనని, చివరికి పంటలు చేతికి వస్తాయో.. లేదోనని రైతులు ఆందోళన చెందుతున్నారు. తీవ్రమైన విద్యుత్‌ కోతలతో కేఎల్‌ఐ పంపింగ్‌కు ఆటంకాలు జొన్నలబొగుడ, గుడిపల్లి రిజర్వాయర్ల వద్ద మోటార్ల నిలిపివేత ఎస్‌ఎల్‌డీసీ సూచన మేరకు రాత్రివేళ నిలుపుదల సాగు, తాగునీటి సరఫరాపై ప్రభావం చూపే అవకాశం

ఇటిక్యాల: రైతులు పంట మార్పిడి విధానం చేపట్టి అధిక దిగుబడులు సాధించాలని జిల్లా వ్యవసాయ శాఖ అధికారి వీరప్ప అన్నారు. గురువారం ఆయన మండలంలోని సాతర్ల గ్రామ రైతువేదికలో వ్యవసాయ సాంకేతిక యాజమాన్య సంస్థ ఆధ్వర్యంలో ఏర్పాటు చేసిన అన్నదాతల అవగాహన శిక్షణ కార్యక్రమానికి హాజరై మాట్లాడారు. రైతులు తక్కువ కాలవ్యవధిలో పండే పంటలు, కూరగాయల ను సాగు చేయాలని, నాణ్యమైన విత్తనాలు మాత్రమే కొనుగోలు చేయాలన్నారు. రైతులు విచక్షణ రహితంగా ఎరువులు వాడటం వలన నేల గుళ్లుబారి దిగుబడి తగ్గడమే కాక పెట్టుబడి పెరిగి నేలలు నిస్సారంగా మారుతాయని పేర్కొన్నారు. సేంద్రియ ఎరువులు వాడాలని అవసరం మేరకు మాత్రమే ఎరువులు ఉపయోగించాలని, నానో యూరియా, నానో డీఏపీ వాడాలని సూచించారు. పల్లీ @ రూ.7,811 గద్వాల వ్యవసాయం: జిల్లాకేంద్రంలోని వ్యవ సాయ మార్కెట్‌కు గురువారం 95 క్వింటాళ్ల వేరుశనగ అమ్మకానికి వచ్చింది. క్వింటాల్‌ గరిష్టంగా రూ.7,811, కనిష్టంగా రూ.4,770, సరాసరిగా రూ.6,070 ధరలు లభించాయి. ఎయిడ్స్‌పై అవగాహన తప్పనిసరి కందనూలు: ఎయిడ్స్‌పై ప్రతిఒక్కరూ అవగాహన తప్పనిసరిగా ఉండాలని డీఎంహెచ్‌ఓ కృష్ణ అన్నారు. గురువారం జిల్లాకేంద్రంలోని ఆయన కార్యాలయంలో నాగర్‌కర్నూల్‌, గద్వాల, వనపర్తి జిల్లాల ఐసీటీసీ కౌన్సిలర్లు, స్వచ్ఛంద సంస్థల నిర్వాహకులతో జాతీయ ఎయిడ్స్‌ నియంత్రణ కార్యక్రమం అమలుపై సమీక్ష సమావేశం నిర్వహించారు. ఈ సందర్భంగా డీఎంహెచ్‌ఓ మాట్లాడుతూ ప్రతి గర్భవతికి హెచ్‌ఐవీ స్క్రీనింగ్‌ పరీక్షలు నిర్వహించాలని, పాజిటివ్‌ వచ్చిన వారికి క్రమం తప్పకుండా ఏఆర్‌టీ మందుల వాడకంపై అవగాహన కల్పించాలని చెప్పారు. తల్లి నుంచి పుట్టబోయే బిడ్డకు హెచ్‌ఐవీ సోకకుండా సిబ్బంది కృషిచేయాలని సూచించారు. హైరిస్క్‌ గ్రూపులైన ఆటో, లారీ, ట్రక్‌ డ్రైవర్లు, ఇతర రాష్ట్రాల నుంచి వలస వచ్చిన కుటుంబాలకు ప్రత్యేక అవగాహన కార్యక్రమాలు నిర్వహించాలని, వ్యక్తిగతంగా కౌన్సెలింగ్‌ ఇవ్వాలని, అవసరమైన వారికి హెచ్‌ఐవీ స్క్రీనింగ్‌ పరీక్షలు చేయాలని ఆదేశించారు. 13న ‘కబడ్డీ’ జట్టు ఎంపిక మహబూబ్‌నగర్‌ క్రీడలు: జిల్లాకేంద్రంలోని ఇండోర్‌ స్టేడియంలో ఈనెల 13వ తేదీన ఉదయం 9.30 గంటలకు జిల్లాస్థాయి జూనియర్‌ బాలు ర, సబ్‌ జూనియర్‌ బాలికల జట్ల ఎంపికలు నిర్వహించనున్నట్లు జిల్లా కబడ్డీ అసోసియేషన్‌ అధ్యక్షుడు బి.శాంతికుమార్‌, ప్రధాన కార్యదర్శి కురుమూర్తిగౌడ్‌ గురువారం ఓ ప్రకటనలో తెలిపారు. ఎంపికలకు వచ్చే జూనియర్‌ బాలురు 05.11.2006 తర్వాత పుట్టినవారై 75 కేజీల లోపు బరువు ఉండాలని, సబ్‌ జూనియర్‌ బాలికలు 13.12.2010 తర్వాత పుట్టిన వారై 55కేజీల లోపు బరువు ఉండాలని పేర్కొ న్నారు. క్రీడాకారులు ఆధార్‌కార్డు, ఎస్‌ఎస్‌సీ ఒరిజనల్‌ మెమో, జనన ధ్రువీకరణ, బోనఫైడ్‌ సర్టిఫికెట్లతో ఎంపికలకు హాజరుకావాలని కోరారు. రాజన్నసిరిసిల్ల జిల్లాలోని వేములవాడలో ఈనెల 26 నుంచి 29 వరకు జూనియర్‌ బాలురు, సబ్‌ జూనియర్‌ బాలికల రాష్ట్రస్థాయి కబడ్డీ పోటీలు ఉంటాయని తెలిపారు. గిరిజన నిరుద్యోగులకు ఉపాధి కల్పించాలి మహబూబ్‌నగర్‌ మున్సిపాలిటీ: గిరిజన నిరుద్యోగ యువత కోసం బ్యాక్‌లాగ్‌ పోస్టుల్లో ఉన్న ఖాళీలన్నీ వెంటనే భర్తీ చేయాలని గిరిజన సంఘం రాష్ట్ర అధ్యక్షుడు ధర్మనాయక్‌ కో రా రు. గురువారం జిల్లా గిరిజన సంఘం కార్యాలయంలో జరిగిన మహాసభలో ఆయన మా ట్లాడారు. ఏటా విద్యార్థులు విద్యను ముగించు కుని బయటకు వస్తున్నా ఉపాధి అవకాశాలు లేక తీవ్ర ఇబ్బందులు ఎదుర్కొంటున్నారన్నారు. అనేక ప్రైవేట్‌ కంపెనీలు వెలుస్తున్నా రిజర్వేషన్లు లేకపోవడంతో స్థానికంగా ఉపాధి దొరకక ఇతర ప్రాంతాలకు వలసలు వెళ్లాల్సి వస్తోందన్నారు. ప్రైవేట్‌ రంగంలోనూ స్థానికంగా రిజర్వేషన్లు వర్తింపజేయాలని కోరారు.

గద్వాల: ఉమ్మడి జిల్లాలోని సాగునీటి ప్రాజెక్టుల కింద 9 లక్షల ఎకరాలు ఆయకట్టు ఉంది. ఏటా వానాకాలం ఖరీఫ్‌ సీజన్‌లో ఆయా ప్రాజెక్టుల కింద సాగయ్యే ఆయకట్టుకు ఎలాంటి నీటి ఇబ్బందులు తలెత్తవు. కానీ, ఇదే ప్రాజెక్టుల కింద యాసంగి సీజన్‌లో మాత్రం నీటి కష్టాలు ఎదురవుతున్నాయి. ఈ నేపథ్యంలో నెట్టెంపాడు ప్రాజెక్టు పరిధిలోని గుడ్డెందొడ్డి రిజర్వాయర్‌ సామర్థ్యాన్ని 15 టీఎంసీలకు పెంచేందుకు ప్రభుత్వం సన్నాహాలు చేస్తోంది. ఇందుకు సంబంధించిన సర్వే పనులు ముమ్మరంగా కొనసాగుతుండగా.. ఈ నెలాఖరుకు డీపీఆర్‌ సిద్ధం చేసి ప్రభుత్వానికి పంపనున్నారు. తాజాగా భూ సేకరణకు సంబంధించి ప్రభుత్వం రూ.169 కోట్లు విడుదల చేయడంతో ఆయా పనులు మరింత ఊపందుకోనున్నాయి. 120 రోజులపాటు వరద.. గుడ్డెందొడ్డి రిజర్వాయర్‌ ప్రస్తుత సామర్థ్యం 1.19 టీఎంసీలు కాగా.. 15 టీఎంసీలకు పెంచేందుకు ప్రభుత్వం నిర్ణయించింది. ఈ నేపథ్యంలో జూరాల ప్రాజెక్టుకు వరద వచ్చే సమయంలో ప్రతిరోజు అర టీఎంసీ నీటిని ఎత్తిపోసేలా అధికారులు డిజైన్‌ చేస్తున్నారు. జూరాలకు వానాకాలంలో సుమారు 120 రోజులపాటు వరద వస్తుంది. అయితే ఇక్కడ రోజుకు అర టీఎంసీ ఎత్తిపోయడం వల్ల కేవలం 30 రోజుల్లోనే రిజర్వాయర్‌కు పూర్తిస్థాయి సామర్థ్యంతో నీటిని నింపుకొనే వెసులుబాట లభిస్తుంది. కృష్ణా బేసిన్‌ పరిధిలో.. కృష్ణా బేసిన్‌ పరిధిలో నెట్టెంపాడు ప్రాజెక్టు కింద 2 లక్షలు, భీమా 2 లక్షలు, కల్వకుర్తి 3.65 లక్షలు, కోయిల్‌సాగర్‌ 30 వేలు, జూరాల 1.09 లక్షల ఎకరాలు కలుపుకొని మొత్తం 9 లక్షల ఎకరాల ఆయకట్టు ఉంది. అయితే ఏటా సుమారు 6.50– 7 లక్షల ఎకరాల వరకు సాగవుతుంది. ఇందులో 7 లక్షల ఎకరాల ఆయకట్టుకు ఖరీఫ్‌ సీజన్‌లో సాగునీటికి ఎలాంటి ఢోకా లేదు. కానీ, యాసంగి సీజన్‌లో మాత్రం అన్ని ప్రాజెక్టుల కింద ఆయకట్టుకు సాగునీటి కష్టాలు ఎదురవుతున్నాయి. కొన్ని సందర్భాల్లో ఏకంగా ఆయా ప్రాజెక్టుల కింద క్రాప్‌ హాలిడే సైతం ప్రకటించే పరిస్థితి నెలకొంటుంది. ఇందుకు ఈసారి రబీలో జూరాల కింద ఎడమ కాల్వ పరిధిలోని క్రాప్‌ హాలిడే ప్రకటించడమే నిదర్శనం. గుడ్డెందొడ్డి రిజర్వాయర్‌ తొలి ప్రాజెక్టు జూరాలే.. కృష్ణా బేసిన్‌లో తెలంగాణ– ఆంధ్రప్రదేశ్‌ రాష్ట్రాల్లోనే తొలి ప్రాజెక్టు ఇందిరా ప్రియదర్శిని జూరాల. వానాకాలంలో కృష్ణానదికి పెద్దఎత్తున వరద రావడం, ఉమ్మడి జిల్లాలోని ప్రాజెక్టులకు నీటిని ఎత్తిపోసుకోవడం వంటివి సాధారణంగా జరుగుతున్న ప్రక్రియ. అయినప్పటికీ ఏటా వేలాది టీఎంసీల నీరు సముద్రంలో కలిసిపోతుంది. ఫలితంగా రబీ సీజన్‌లో ఆయకట్టుకు సాగునీటి కష్టాలతోపాటు వేసవిలో తాగునీటికి సైతం ఇబ్బందులు తలెత్తుతాయి. ఈ నేపథ్యంలో నెట్టెంపాడు ప్రాజెక్టు పరిధిలో గుడ్డెందొడ్డి రిజర్వాయర్‌ సామర్థ్యాన్ని 1.19 నుంచి 15 టీఎంసీలకు పెంచేందుకు ప్రభుత్వం నిర్ణయించింది. ఇందుకు సంబంధించి సర్వే పనులు సైతం పనులు మొదలయ్యాయి. నిధులు వచ్చాయి.. గుడ్డెందొడ్డి రిజర్వాయర్‌ సామర్థ్యం 15 టీఎంసీలకు పెంచేందుకు ప్రభుత్వం అనుమతులు ఇచ్చింది. ఈ నేపథ్యంలో రూ.165 కోట్లు విడుదల చేయగా.. రూ.15 కోట్లతో ఇన్వెస్టిగేషన్‌, డీపీఆర్‌ తయారీ, మిగిలిన రూ.150 కోట్లతో భూసేకరణ చేపట్టనున్నాం. డీపీఆర్‌ తుది నివేదిక ప్రభుత్వానికి సమర్పించిన అనంతరం క్షేత్రస్థాయిలో భూ సేకరణ ప్రక్రియను వేగవంతంగా చేసి నిర్మాణ పనులు చేపడుతాం. – కేశవరావు, ఎస్‌ఈ, జూరాల రిజర్వాయర్‌ సామర్థ్యంపెంపునకు ప్రభుత్వం గ్రీన్‌సిగ్నల్‌ ఈ నెలాఖరుకు డీపీఆర్‌ రూపొందించేలా చర్యలు ముమ్మరంగా కొనసాగుతున్న సర్వే సవరణ పనులు తాజాగా భూ సేకరణ కోసం రూ.169 కోట్లు విడుదల ఉమ్మడి జిల్లాలోని ప్రాజెక్టులకు తీరనున్న సాగునీటి కష్టాలు

గద్వాల క్రైం: మార్క్‌ఫెడ్‌ అనుమతి లేకుండా గురువారం ఉదయం రెండు డీసీఎంలలో మొక్కజొన్న సంచులను తరలించడం కలకలం రేపింది. ఈ ఘటనకు సంబంధించి వివరాలిలా.. గద్వాల మండలంలోని కొండపల్లి శివారు కేంద్ర ప్రభుత్వ వ్యవసాయ గిడ్డంగుల గోద్దాం నుంచి మార్క్‌ఫెడ్‌ అనుమతి లేకుండా మొక్కజొన్నను తరలిస్తున్నారని లారీ అసోసియేషన్‌ డ్రైవర్లు గుర్తించి అడ్డుకున్నారు. విషయం తెలుసుకున్న పోలీసులు అక్కడికి చేరుకుని విచారణ చేపట్టారు. అయితే కొన్ని రోజుల నుంచి గోదాం మేనేజర్‌, సిబ్బంది కలిసి ఎలాంటి అనుమతి పత్రాలు లేకుండా బ్లాక్‌ మార్కెట్‌కు తరలించి విక్రయిస్తున్నారని స్థానిక డ్రైవర్లు ఆరోపించారు. అధికారులు మాత్రం అనుమతి మేరకు మొక్కజొన్నను గూడ్స్‌ వాహనాల్లో తరలిస్తున్నామని చెబుతున్నారు. ఈ విషయమై గద్వాల మార్క్‌ఫెడ్‌ అధికారి చంద్రమౌలిని ‘సాక్షి’ వివరణ కోరగా దీనిపై పూర్తిస్థాయిలో విచారణ చేపట్టి ఆ తర్వాత వివరాలు వెల్లడిస్తామన్నారు. ఇదిలా ఉండగా గతంలోనూ ఇదే గోదాం వద్ద రెండు లారీల యూరియా సైతం చోరీకి గురైనట్లు అధికారులు పోలీసులకు ఫిర్యాదు చేయడం గమనార్హం.

గద్వాల: భూమి కోసం– భుక్తికోసం భూస్వామ్య వ్యవస్థకు వ్యతిరేకంగా పోరాడిన చాకలి ఐలమ్మ స్ఫూర్తిని కొనసాగించడమే ఆమెకు నిజమైన నివాళి అని కలెక్టర్‌ రిజ్వాన్‌బాషా షేక్‌ అన్నారు. గురువారం వీరనారి చాకలి ఐలమ్మ వర్ధంతిని పురస్కరించుకొని కలెక్టరేట్‌ వద్ద బీసీ అభివృద్ధి శాఖ ఆధ్వర్యంలో ఏర్పాటు చేసిన చాకలి ఐలమ్మ చిత్రపటానికి పూలమాల వేసి ఘనంగా నివాళులర్పించారు. ఈ సందర్భంగా కలెక్టర్‌ మాట్లాడుతూ తెలంగాణలో జరిగిన సాయుధ పోరాటంలో ఐలమ్మ ధైర్యసాహసాలు ప్రతి ఒక్కరికీ స్ఫూర్తిదాయకం అన్నారు. అప్పుడు పోరాటం చేసిన వారిలో ఐలమ్మ లాంటి చాలా కొద్ది మంది మహిళలు ఉన్నప్పటికీ ఆర్మీ లాంటి గెరిల్లా దళాలను ఏర్పాటు చేసి దోపిడి వ్యవస్ధకు వ్యతిరేకంగా పనిచేశారన్నారు. ఐలమ్మ జీవిత చరిత్ర భవిష్యత్‌ తరాలకు కూడా స్ఫూర్తిగా నిలవాలనే ఉద్దేశంతో ప్రభుత్వం ఆమె జయంతి వర్ధంతి కార్యక్రమాలు అధికారికంగా నిర్వహించడం జరుగుతుందన్నారు. కార్యక్రమంలో అదనపు కలెక్టర్‌ మధుమోహన్‌, నర్సింగరావు, ట్రెయినీ కలెక్టర్‌ మనోజ్‌కుమార్‌ రెడ్డి, అక్బర్‌బాషా, రజక సంఘాల నాయకులు పాల్గొన్నారు. జ్ఞాన భారత్‌ మిషన్‌కు సహకరించాలి గద్వాల న్యూటౌన్‌: జ్ఞాన భారత్‌ మిషన్‌లో భాగంగా జిల్లాలోని పురాతన ఆలయాల చరిత్ర, ఈ ప్రాంత సంస్కృతి, ప్రాచీన సాహిత్యాలను డిజిటలైజేషన్‌ చేసేందుకు వివిధ రంగాల వ్యక్తులు, పరిశోధకులు సహకరించాలని కలెక్టర్‌ ఒక ప్రకటనలో కోరారు. పర్యాటక జిల్లాలోని ప్రాచీన కట్టడాలకు సంబంధించిన సమాచారం, ప్రముఖ సాహితీవేత్తల రచనలు, శాసనాలు, తాళపత్ర గ్రంథాలు ఎవరి వద్దనైనా ఉంటే శుక్రవారం మధ్యాహ్నం 3 గంటలకు ప్రభుత్వ ఎంఏఎల్‌డీ డిగ్రీ కళాశాలలో నిర్వహించే సమావేశంలో తెలియజేయాల్సిందిగా కోరారు.

గద్వాల న్యూటౌన్‌: స్వయం సహాయక సంఘాల నిర్వహణలో పారదర్శకత.. అక్రమాలకు అడ్డుకట్ట వేయడం.. జవాబుదారీతనం, నిధుల సద్వినియోగం కోసం సామాజిక తనిఖీలు నిర్వహించాలని రాష్ట్ర పేదరిక నిర్మూలన సంస్థ (సెర్ప్‌) నిర్ణయించింది. వీబీ–జీ రామ్‌జీ సామాజిక తనిఖీ బృందాలకు ఈ బాధ్యతలు అప్పగిస్తూ ఆదేశాలు జారీ అయ్యాయి. 10 నుంచి 15 మంది మహిళలతో స్వయం సహాయక సంఘాలు (ఎస్‌హెచ్‌జీ) ఉన్నాయి. ఇలా ఉన్న 20 నుంచి 25 గ్రూపులు గ్రామైక్య సంఘాలుగా ఏర్పడగా.. సహకార చట్టం ప్రకారం వీటికి కార్యవర్గాలు, మండల, జిల్లా మహిళా సమాఖ్యలు ఉన్నాయి. రూ.కోట్ల్లలో ఆర్థిక లావాదేవీలు.. బ్యాంకు లింకేజీ కింద ఎస్‌హెచ్‌జీలకు సీనియార్టీ ప్రాతిపదికన రూ.3 లక్షల నుంచి రూ.20 లక్షల వరకు బ్యాంకులు రుణాలను అందిస్తున్నాయి. వీటితో పాటు సభ్యులు ప్రతినెలా రూ. 200 నుంచి రూ.500 పొదుపు చేసుకుంటూ అంతర్గతంగా అప్పులు ఇస్తున్నారు. జిల్లాకు సంబంధించి ప్రతి ఆర్థిక సంవత్సంలో రూ.230 కోట్ల వరకు బ్యాంకు ద్వారా రుణాలు అందిస్తున్నారు. వీటితో పాటు సభ్యురాలికి వ్యక్తిగతంగా సీ్త్రనిధి నుంచి రూ.లక్ష నుంచి రూ.3 లక్షల వరకు ఏటా రూ.30 కోట్ల వరకు రుణాలు అందుతున్నాయి. వరిధాన్యం కొనుగోళ్లు, ఎస్‌హెచ్‌జీల పొదుపులు, అమ్మ ఆదర్శ పాఠశాలల నిర్వహణ, కొన్ని రకాల వ్యాపారాలు, స్కూల్‌ యూనిఫారాల కుట్టుపని తదితర ఆర్థిక కార్యకలాపాల నిర్వహణ గ్రామైక్య సంఘాలకు ఉంటుంది. ఇక మండల, జిల్లా మహిళా సమాఖ్యలు గ్రామైక్య సంఘాల పొదుపులు, అద్దె బస్సులు, పెట్రోల్‌ బంక్‌లు, క్యాంటీన్లు, కొన్ని రకాల వ్యాపారాల నిర్వహణ చూస్తున్నాయి. ఇలా ఎస్‌హెచ్‌జీ మొదలుకొని జెడ్‌ఎంఎస్‌ వరకు పలు ఆర్థిక కార్యక లాపాలు ఏడాది పొడవునా కొనసాగుతున్నాయి. జవాబుదారీతనం కోసం.. ఎస్‌హెచ్‌జీల్లో అంతర్గత జమ, ఖర్చులు మినహా ఆడిటింగ్‌ లేదు. దీన్ని సాకుగా తీసుకొని కొన్నిచోట్ల నగదు దుర్వినియోగం, సొంతానికి నిధులు వాడుకోవడం వంటివి జరుగుతున్నాయి. ఇక గ్రామైక్య సంఘాలు, మండల, జిల్లా మహిళా సమాఖ్యలకు సంబంధించి ఎంపిక చేసిన ఆడిటర్లు ఆడిటింగ్‌ నిర్వహిస్తున్నప్పటికీ పూర్తి వివరాలు సభ్యులందరికీ తెలియడం లేదు. కొన్ని విషయాల్లో అవకతవకలు జరిగినట్లు గుర్తించినా.. రికవరీ కావడం లేదు. నిధులు పక్కదారి పట్టినా విచారణ పేరుతో కాలయాపన చేస్తున్నారే తప్ప చర్యలు తీసుకోవం లేదనే విమర్శలు ఉన్నాయి. వీటన్నింటిని అధిగమించాలనే ఉద్దేశంతోనే వీబీ–జీ రామ్‌జీ బృందాలతో సామాజిక తనిఖీ చేపట్టాలని ప్రభుత్వం నిర్ణయించింది. అందులో భాగంగా పలు జిల్లాల్లోని కొన్ని సంఘాలను పైలెట్‌ ప్రాజెక్ట్‌లుగా ఎంపిక చేశారు. కొన్ని నెలల తర్వాత రాష్ట్రవ్యాప్తంగా అమలు చేయనున్నారు. చిరుతల అలజడి గండేడ్‌ మండలంలో చిరుతల సంచారం అధికమైంది. ఆగస్టులోనే ఐదు పశువులను పొట్టన పెట్టుకున్నాయి. –8లో uస్వయం సహాయక సంఘాలపై సామాజిక తనిఖీ వీబీ–జీ రామ్‌జీ బృందాలకు బాధ్యతలు నిధుల వినియోగంలో అవకతవకలు జరగకుండా చర్యలు సంఘాల నిర్వహణలో పెరగనున్న పారదర్శకత

పాన్‌గల్‌: సీఎంఆర్‌ బకాయిలున్న మండల కేంద్రంలోని శ్రీ వెంకటరమణ రైస్‌మిల్లును అధికారులు బుధవారం సీజ్‌ చేశారు. ఆర్‌ఐ మహేష్‌ కథనం మేరకు.. రైస్‌మిల్లుకు 2023–24 సంవత్సరంలో వరి ధాన్యం కేటాయించగా ఇందుకు సంబంధించిన సీఎంఆర్‌ ప్ర భుత్వానికి అందించకుండా బకాయి పడ్డారు. బకాయిపడ్డ ధాన్యం విలువ రూ.6.93 కోట్లని.. చెల్లించకపోవడంతో ఆర్‌ఆర్‌ యాక్ట్‌ ప్రకారం మిల్లును తహసీల్దార్‌ కార్తీక్‌రావు, ఎస్‌ఐ కుర్మయ్య పర్యవేక్షణలో సీజ్‌ చేసి నట్లు ఆర్‌ఐ వివరించారు. గ్రామపంచాయతీ కార్య దర్శి నరేష్‌గౌడ్‌, జీపీఓ రాధ, మల్లేష్‌ పాల్గొన్నారు.

గద్వాల క్రైం: తన రచనల ద్వారా ప్రజలను చైతన్యం చేసిన ప్రజాకవి కాళోజీ నారాయణరావు జీవితం అందరికీ స్ఫూర్తిదాయకమని ఎస్పీ శ్రీనివాసరావు అన్నారు. బుధవారం జిల్లా పోలీసు కార్యాలయంలో ప్రజాకవి కాళోజీ జయంతిని ఘనంగా నిర్వహించారు. ఈ సందర్భంగా ఆయన చిత్రపటానికి పూలమాలలు వేసి నివాళులర్పించారు. అనంతరం ఎస్పీ మాట్లాడుతూ.. తెలంగాణ భాషా సంస్కృతులు, ప్రజా చైతన్యానికి కాళోజీ అందించిన సేవలు చిరస్మరణీయమన్నారు. తన కవితలు, రచనల ద్వారా ప్రజల్లో ఉద్యమ స్ఫూర్తిని నింపారని కొనియాడారు. కార్యక్రమంలో ఏఎస్పీ శంకర్‌ పాల్గొన్నారు. ఆయన ఆశయాలు కొనసాగిద్దాం ఎర్రవల్లి: తెలంగాణ రాష్ట్ర సాధన కోసం తన కవితలతో నిరంతరం శ్రమించిన కాళోజీ నారాయణరావు ఆశయాలను ప్రతి ఒక్కరూ కొనసాగించాలని పదవ పటాలం ఇన్‌చార్జి కమాండెంట్‌ ఆదినారాయణ అన్నారు. బీచుపల్లి పదవ పటాలంలో కాళోజీ చిత్రపటానికి పూలమాలలు వేసి ఘనంగా నివాళులర్పించారు. ఈ సందర్భంగా ఆయన మాట్లాడుతూ.. తన కవితలతో ప్రజల్లో ఉద్యమ భావాజాలాన్ని వ్యాప్తి చేస్తూ, రాష్ట్ర సాధన కోసం పోరాడిన యోధుడు కాళోజీ అని కొనియాడారు. కార్యక్రమంలో అసిస్టెంట్‌ కమాండెంట్లు పార్థసారధిరెడ్డి, వెంకటరమణ, ఆర్‌ఐలు నిరంజన్‌రెడ్డి, భార్గవరెడ్డి, ప్రసన్న, తిరుపతి పాల్గొన్నారు.

అలంపూర్‌ రూరల్‌: ఐదవ శక్తిపీఠం, నవబ్రహ్మాలయాల దివ్యధామ అలంపూర్‌ క్షేత్రాన్ని బుధవారం రాష్ట్ర దేవాదాయశాఖ కమిషనర్‌ హనుమంతరావు సతీ సమేతంగా దర్శించుకున్నారు. ముందుగా కమిషనర్‌కు ఆలయ ఈఓ దీప్తి, అర్చకులు పూర్ణకుంభంతో స్వాగతం పలికారు. అనంతరం బాలబ్రహ్మేశ్వరస్వామి, జోగుళాంబదేవి ఆలయాల్లో ఆయన ప్రత్యేక పూజలు చేశారు. ఆలయ అర్చకులు తీర్థప్రసాదాలను అందజేసి, శేషవస్త్రాలతో సత్కరించారు. కాగా, అలంపూర్‌ క్షేత్రంలో నెలకొన్న సమస్యలను పరిష్కరించాలని మున్సిపల్‌ చైర్మన్‌ జయరాముడు, కౌన్సిల్‌ సభ్యులు కమిషనర్‌కు వినతిపత్రం అందజేశారు. కార్యక్రమంలో మున్సిపల్‌ వైస్‌చైర్మన్‌ విక్రం, కౌన్సిలర్లు మోహన్‌రెడ్డి, జమ్మన్న, కోఆప్షన్‌ సభ్యులు కృష్ణమూర్తి, ముజీప్‌, నాయకులు వెంకట్రామయ్యశెట్టి, చిన్న య్య, సురేశ్‌, రజినిబాబు, సుందర్‌రాజ్‌, మద్దిలేటి తదితరులు పాల్గొన్నారు. బీచుపల్లి సందర్శన.. ఎర్రవల్లి: బీచుపల్లి పుణ్యక్షేత్రంలో అభయాంజనేయస్వామిని దేవాదాయశాఖ కమిషనర్‌ హనుమంతరావు దర్శించుకుని ప్రత్యేక పూజలు చేశారు. అంతకు ముందు ఆలయ ఈఓ పురేందర్‌ కుమార్‌, సిబ్బంది పూర్ణకుంభంతో ఆయనకు ఘన స్వాగతం పలికి శేషవస్త్రాలతో సత్కరించారు.

అలంపూర్‌: గ్రామ పంచాయతీల జాయింట్‌ చెక్‌ పవర్‌ను రద్దు చేయాలని సర్పంచుల సంఘం జిల్లా అధ్యక్షుడు గొంగోళ్ల ఈశ్వర్‌ కోరారు. ఈ మేరకు బుధవారం జిల్లాలోని సర్పంచులతో కలిసి కలెక్టరేట్‌లో కలెక్టర్‌ రిజ్వాన్‌ బాషా షేక్‌కు వినతిపత్రం అందజేశారు. ఈ సందర్భంగా ఆయన మాట్లాడుతూ.. గ్రామాల అభివృద్ధికి సర్పంచులు అప్పులుచేసి మరీ పనులు చేస్తున్నారన్నారు. అయితే జాయింట్‌ చెక్‌పవర్‌తో బిల్లులు సకాలంలో అందక తీవ్ర ఇబ్బందులు పడుతున్నట్లు పేర్కొన్నారు. సర్పంచులు ఇప్పటికే చేసిన పనులకు తక్షణమే ఎంబీలు చేసి, జాప్యం లేకుండా బిల్లులు అందించాలని విజ్ఞప్తి చేశారు. గ్రామ ప్రజల అవసరాల నిమిత్తం ఎర్రమట్టి, ఇసుక అందుబాటులో ఉండే విధంగా చర్యలు తీసుకోవాలని కోరారు. ప్రతి గ్రామానికి ఆర్‌ఓ ప్లాంట్‌ మంజూరు చేయాలన్నారు. కార్యక్రమంలో సర్పంచులు మద్దిలేటి, మహ్మద్‌ రఫీ, అడివప్ప, మోహన్‌గౌడ్‌, హరికృష్ణ, శ్రీనివాసులు, మహేశ్వర్‌రెడ్డి, విక్రమ్‌ పాల్గొన్నారు. పెండింగ్‌ ప్రాజెక్టులు సత్వరమే పూర్తిచేయాలి గద్వాలన్యూటౌన్‌: ఉమ్మడి జిల్లాలోని పెండింగ్‌ ప్రాజెక్టులను సత్వరమే పూర్తి చేయాలని ఉమ్మడి జిల్లా పెండింగ్‌ ప్రాజెక్టుల సాధన జేఏసీ చైర్మన్‌ వీరభద్రప్ప, కన్వీనర్‌ ఆలూరు ప్రకాష్‌గౌడ్‌ డిమాండ్‌ చేశారు. బుదవారం కాళోజీ జయంతి సందర్భంగా స్థానిక పాత బస్టాండ్‌ ప్రాంతంలో పాలమూరు జలసాధన దీక్ష చేపట్టారు. ఈ సందర్భంగా వారు మాట్లాడుతూ.. ఆర్డీఎస్‌ను ఆధునికకీరించడంతో పాటు తుమ్మిళ్ల లిఫ్ట్‌ ఇరిగేషన్‌లో భాగంగా ప్రతిపాదిత రిజర్వాయర్లను వెంటనే నిర్మించాలని డిమాండ్‌ చేశారు. గట్టు ఎత్తిపోతల సామర్థ్యం పెంచి, సత్వరమే పూర్తి చేయాలన్నారు. నెట్టెంపాడు ప్రాజెక్టు రిజర్వాయర్ల నుంచి కాల్వలను ఏర్పాటుచేసి, పొలాలకు నేరుగా సాగునీరు అందేలా చూడాలన్నారు. జూరాల ప్రాజెక్టులో సిల్ట్‌ తొలగించి, నీటి నిల్వ సామర్థ్యాన్ని పెంచాలని కోరారు. డిండి లిఫ్ట్‌ పేరుతో జరుగుతున్న జలదోపిడీని అరికట్టాలన్నారు. కార్యక్రమంలో జేఏసీ నాయకులు నాగర్‌దొడ్డి వెంకట్రాములు, మధుసూదన్‌ బాబు, అతికూర్‌ రహమాన్‌, రహమతుల్లా, మోహన్‌, శంకర ప్రభాకర్‌, తాహెర్‌, ఆనంద్‌, నాగార్జున గౌడ్‌, భీమన్న, కృష్ణయ్య పాల్గొన్నారు. విధి నిర్వహణలో నిర్లక్ష్యం ● ఎంఈఓపై సస్పెన్షన్‌ వేటు రాజోళి: విధి నిర్వహణలో నిర్లక్ష్యంగా వ్యవహరించిన ఎంఈఓ నర్సింహులును సస్పెన్షన్‌ చేసినట్లు డీఈఓ విజయలక్ష్మి బుధవారం తెలిపారు. వడ్డేపల్లి మండలం రామాపురంలోని విజ్ఞాన్‌ కాన్సెప్ట్‌ స్కూల్‌ అనుమతి రద్దయినా విద్యార్థుల వివరాలు, తదితర రికార్డులు స్వాధీనం చేసుకోలేదని.. ఈ విషయంపై ట్రెయినీ కలెక్టర్లతో కలిసి గ్రామంలో విచారణ చేశామన్నారు. మరో ప్రైవేటు పాఠశాల కూడా అనుమతి లేకుండా నడుస్తుందన్నారు. ఈ నేపథ్యంలో విధుల్లో నిర్లక్ష్యంగా వ్యవహరించిన ఎంఈఓ నర్సింహులును సస్పెన్షన్‌ చేసినట్లు డీఈఓ తెలిపారు.

మానవపాడు: మండలంలోని చెన్నిపాడులో ఉన్న పురాతన గ్రంథాలయం, పలు ఆలయాలను బుధవారం జెడ్పీ సీఈఓ నర్సింగ్‌రావు పరిశీలించారు. ఇలాంటి గ్రంథాలయాన్ని యు వకులు, విద్యార్థులు సద్వినియోగం చేసుకోవా లని సూచించారు. ఈ సందర్భంగా గ్రంథాలయాన్ని అభివృద్ధి చేసేందుకు నిధులు విడుదల చేయాలని, చెన్నకేశవస్వామి, సత్యనారాయణ స్వామి ఆలయాలను అభివృద్ధి చేయాలని గ్రామస్తులు సీఈఓను కోరారు. కార్యక్రమంలో సీతారామిరెడ్డి, తిరుమల్‌ర్డెడి, పుల్లారెడ్డి, సర్పంచ్‌ రత్నకుమార్‌ పాల్గొన్నారు. మహాధర్నా వాయిదా జెడ్పీసెంటర్‌ (మహబూబ్‌నగర్‌): ఉద్యోగుల డిమాండ్ల సాధన కోసం ఈనెల 10న హైదరాబాద్‌లో నిర్వహించతలపెట్టిన మహాధర్నాను వాయిదా వేసినట్లు ఉద్యోగ సంఘాల జేఏసీ జిల్లా చైర్మన్‌ రాజీవ్‌రెడ్డి బుధవారం తెలిపారు. ఉద్యోగ సంఘాలతో చర్చలకు ప్రభుత్వం సిద్ధంగా ఉన్నందున ఈనెల 18న సీఎం రేవంత్‌రెడ్డితో నాయకులు భేటీ కానున్నట్లు పేర్కొన్నారు. ఉద్యోగుల న్యాయమైన డిమాండ్లను ప్రభుత్వం దృష్టికి తీసుకెళ్తామని తెలిపారు.

● ఐదు జిల్లాలకు అధ్యక్షుల నియామకం స్టేషన్‌ మహబూబ్‌నగర్‌: నేషనల్‌ స్టూడెంట్స్‌ యూనియన్‌ ఆఫ్‌ ఇండియా (ఎన్‌ఎస్‌యూఐ) జిల్లాలకు కొత్త అధ్యక్షులను నియమించింది. ఎన్‌ఎస్‌యూఐ రాష్ట్ర అధ్యక్షుడు యాదవల్లి వెంకటస్వామి ఈ మేరకు బుధవారం నియామక ఉత్తర్వులు జారీ చేశారు. మహబూబ్‌నగర్‌ జిల్లా ఽఅధ్యక్షుడిగా ఎ.శేఖర్‌, నాగర్‌కర్నూల్‌ జిల్లా అధ్యక్షుడిగా నల్లవెల్లి యశ్వంత్‌, వనపర్తి జిల్లా అధ్యక్షుడిగా బి.శ్రీకాంత్‌, గద్వాల జిల్లా అధ్యక్షుడిగా అవినాష్‌ యాదవ్‌, నారాయణపేట జిల్లా అధ్యక్షుడిగా ఎండీ అఫ్రోజ్‌ను నియమించారు. ఎన్‌ఎస్‌యూఐను క్షేత్రస్థాయిలో బలోపేతం చేయాలని ఈ సందర్భంగా రాష్ట్ర అధ్యక్షుడుసూచించారు.

మహబూబ్‌నగర్‌ ఎడ్యుకేషన్‌: చదువు వ్యక్తి జీవితాన్ని మార్చే శక్తివంతమైన సాధనం. అక్షరాస్యతతో సమాజంపై అవగాహన పెరగడంతో పాటు హక్కులు, బాధ్యతలపై చైతన్యం వస్తుంది. అయినా ఉమ్మడి పాలమూరు జిల్లాలో నిరక్షరాస్యత సమస్య పూర్తిగా తొలగలేదు. వయోజనులను అక్షరాస్యులుగా మార్చేందుకు గతంలో ‘సాక్షర భారత్‌’ వంటి కార్యక్రమాలు అమలు చేసినా.. ప్రస్తుతం అవి అంతగా కనిపించడం లేదు. ‘అమ్మకు అక్షరమాల’ పేరుతో కొత్త కార్యక్రమాన్ని అమలు చేస్తున్న ప్రభుత్వం.. ప్రధానంగా మహిళా సంఘాల సభ్యులకే అక్షరాలు నేర్పించడంపై దృష్టి సారిస్తోంది. దీంతో నిరక్షరాస్యులుగా ఉన్న పురుషుల పరిస్థితి ఏంటన్న ప్రశ్న తలెత్తుతోంది. మంగళవారం అంతర్జాతీయ అక్షరాస్యత దినోత్సవం సందర్భంగా ‘సాక్షి’ ప్రత్యేక కథనం.. ప్రస్తుతం ‘అమ్మకు అక్షరమాల’ వయోజనులను అక్షరాస్యులుగా తీర్చిదిద్దేందుకు గత ఏడాది నుంచి ప్రభుత్వం ‘అమ్మకు అక్షరమాల’ కార్యక్రమాన్ని అమలు చేస్తోంది. సెర్ప్‌, డీఆర్‌డీఏ ఆధ్వర్యంలో పనిచేస్తున్న మహిళా సంఘాల్లో 7 నుంచి 10వ తరగతి వరకు చదువుకున్న సభ్యులను గుర్తించి.. చదువు రాని ఇతర సభ్యులకు బోధించేలా కార్యక్రమాన్ని రూపొందించారు. ఇలా ఒక మహిళ మరో మహిళకు చదువు చెప్పే విధానంలో అక్షరాస్యతను పెంచేందుకు ప్రయత్నిస్తున్నారు.ఈ కార్యక్రమంలో భాగంగా ఫౌండేషన్‌ లిటరసీ అండ్‌ న్యూమరసీ అసెస్‌మెంట్‌ టెస్ట్‌ (ఎఫ్‌ఎల్‌ఎన్‌ఏటీ)ను ప్రతి మార్చి, ఆగస్టు నెలల్లో నిర్వహించనున్నారు. పరీక్షలో ఉత్తీర్ణత సాధించిన వారికి మూడో తరగతి ఉత్తీర్ణతకు సమానమైన ధ్రువీకరణ పత్రం అందజేస్తున్నారు. ఈ విద్యా సంవత్సరంలో ఉమ్మడి జిల్లాలో 1,63,607 మంది మహిళా సంఘాల సభ్యులను అక్షరాస్యులుగా మార్చేందుకు లక్ష్యంగా పెట్టుకున్నారు. 7.78 లక్షల మంది నిరక్షరాస్యులు ఉమ్మడి మహబూబ్‌నగర్‌ జిల్లాలో మొత్తం 7,78,142 మంది నిరక్షరాస్యులు ఉన్నారు. ఇందులో 2,99,907 మంది పురుషులు, 4,78,235 మంది మహిళలు ఉన్నారు. అంటే పురుషుల కంటే మహిళా నిరక్షరాస్యుల సంఖ్య 1,78,328 అధికం. జిల్లా వారీగా చూస్తే గద్వాల జిల్లాలో అత్యధికంగా 70,619 మంది పురుషులు నిరక్షరాస్యులుగా ఉన్నారు. నారాయణపేటలో అత్యల్పంగా 37,461 మంది ఉన్నారు. అయితే ‘అమ్మకు అక్షరమాల’ కార్యక్రమం మహిళా సంఘాల సభ్యులకే పరిమితం కావడంతో.. నిరక్షరాస్యులుగా ఉన్న పురుషులను అక్షరాస్యులుగా మార్చేందుకు ప్రత్యేక కార్యాచరణ లేకపోవడం గమనార్హం. సమాజంలో నిరక్షరాస్యత పూర్తిగా నిర్మూలించాలంటే మహిళలతో పాటు పురుషులపైనా సమానంగా దృష్టి పెట్టాల్సిన అవసరం ఉంది. పర్యవేక్షణలోనూ ఇబ్బందులు మహిళా సంఘాల సభ్యులకు అక్షరాస్యత బోధన, పర్యవేక్షణ బాధ్యతలను డీఆర్‌డీఏ ఆధ్వర్యంలోని సిబ్బందే చూస్తున్నారు. గ్రామస్థాయిలో వీఓఏలు కార్యక్రమాన్ని పర్యవేక్షిస్తుండగా.. మండల స్థాయి లో ఏపీఎంలు, క్లస్టర్‌ స్థాయిలో క్లస్టర్‌ కోఆర్డినేటర్లు పర్యవేక్షిస్తున్నారు. మహిళా సంఘాల కార్యకలాపా లతో పాటు అక్షరాస్యత కార్యక్రమాన్ని కూడా వీరే చూడాల్సి రావడంతో పర్యవేక్షణపై ప్రశ్నలు తలెత్తుతున్నాయి. ముఖ్యంగా ఉమ్మడి జిల్లాకు ఒకే కోఆర్డినేటర్‌ ఉండటంతో ఐదు జిల్లాల కార్యక్రమాలను పర్యవేక్షించడం కష్టంగా మారిందనే అభిప్రాయాలు వ్యక్తమవుతున్నాయి. గతంలో ప్రతి గ్రామంలో వయోజన విద్యా కేంద్రాలు, ప్రత్యేక బోధనా సిబ్బంది ఉండేవారు. ప్రస్తుతం ప్రత్యేక వ్యవస్థ లేకపోవడం, పరిమిత నిధులతో కార్యక్రమాలు కొనసాగుతుండటంతో ఆశించిన స్థాయిలో ఫలితాలు రావడం లేదనే విమర్శలు ఉన్నాయి. ఉమ్మడి జిల్లాలో పూర్తిగా తొలగని నిరక్షరాస్యత ‘సాక్షర భారత్‌’కు బదులు ‘అమ్మకు అక్షరమాల’ మహిళా సంఘాల సభ్యులకే పరిమితమైన అక్షరాస్యత కార్యక్రమం ఉమ్మడి జిల్లాలో 7.78 లక్షల మంది నిరక్షరాస్యులు.. ఇందులో 2.99 లక్షల మంది పురుషులు నేడు అంతర్జాతీయ అక్షరాస్యత దినోత్సవం

మహబూబ్‌నగర్‌ ఎడ్యుకేషన్‌: ప్రభుత్వ పాఠశాలల్లో కార్పొరేట్‌ స్థాయి వసతులు.. నర్సరీ నుంచి ఇంటర్‌ వరకు ఒకే క్యాంపస్‌లో విద్య.. పేద, మధ్యతరగతి విద్యార్థులకు నాణ్యమైన విద్య అందించడమే లక్ష్యంగా ప్రభుత్వం తెలంగాణ పబ్లిక్‌ స్కూల్స్‌కు శ్రీకారం చుడుతోంది. ప్రస్తుతం కొనసాగుతున్న ప్రభుత్వ పాఠశాలల్లోనే ఎంపిక చేసిన వాటిని పబ్లిక్‌ స్కూల్స్‌గా అప్‌గ్రేడ్‌ చేయనుంది. ఉమ్మడి మహబూబ్‌నగర్‌ జిల్లాలో 14 అసెంబ్లీ నియోజకవర్గాలు ఉండగా.. తొలిదశలో 8 నియోజకవర్గాల్లోని పాఠశాలలకు ప్రభుత్వం రూ.87 కోట్ల నిధులు విడుదల చేసింది. ఈ మేరకు పరిపాలనాపరమైన ఉత్తర్వులు జారీ చేస్తూ జీఓ నంబర్‌ 164ను విడుదల చేసింది. స్థలం ఉన్న బడులకే ప్రాధాన్యం ఉమ్మడి జిల్లాలో మొత్తం 14 నియోజకవర్గాలు ఉండగా.. ప్రస్తుతం 8 నియోజకవర్గాల్లోని పాఠశాలలకు మాత్రమే నిధులు విడుదలయ్యాయి. మరో ఆరు నియోజకవర్గాలకు నిధులు మంజూరు కావాల్సి ఉంది. కొన్ని ప్రాంతాల్లో పాఠశాల లేదా స్థలం ఎంపిక ప్రక్రియ పూర్తికాకపోవడంతో నిధుల విడుదలలో జాప్యం జరుగుతున్నట్లు తెలుస్తోంది. పబ్లిక్‌ స్కూల్స్‌ ఏర్పాటుకు ప్రధానంగా ఇప్పటికే స్థలం, భవనాలు అందుబాటులో ఉన్న జెడ్పీహెచ్‌ఎస్‌ పాఠశాలలను ఎంపిక చేస్తున్నారు. అయితే మహబూబ్‌నగర్‌లో మాత్రం మార్కెట్‌ రోడ్డులోని బాలికల పాఠశాలకు సొంత భవనం లేకపోవడంతో ప్రత్యేక ప్రతిపాదన చేశారు. ఈ పాఠశాలను ఎంవీఎస్‌ జూనియర్‌ కళాశాల ప్రాంగణానికి తరలించి.. అక్కడ పబ్లిక్‌ స్కూల్‌ భవనం నిర్మించేందుకు ప్రతిపాదనలు సిద్ధం చేశారు. నియోజకవర్గానికి ఒకటి చొప్పున తెలంగాణ పబ్లిక్‌ స్కూల్స్‌ ఉమ్మడి జిల్లాలో 8 పాఠశాలలకు రూ.87 కోట్ల నిధులు నర్సరీ నుంచి ఇంటర్‌ వరకుఒకే క్యాంపస్‌లో విద్య తరగతి గదులు, ల్యాబ్స్‌, గ్రౌండ్‌, మరుగుదొడ్లతో ఆధునిక వసతులు

తెలంగాణ పబ్లిక్‌ స్కూల్స్‌తో ప్రభుత్వ విద్యాస్వరూపం మారుతుంది. ఒకే క్యాంపస్‌లో ఎల్‌కేజీ నుంచి ఇంటర్‌ వరకు అన్ని వసతులతో విద్య అందించే అవకాశం ఉంటుంది. తరగతి గదులు, ల్యాబ్స్‌, క్రీడా మైదానం, బస్సు తదితర సౌకర్యాలు కల్పించనున్నారు. నారాయణపేట జిల్లాలో మక్తల్‌, కోటకొండ జెడ్పీహెచ్‌ఎస్‌లను పబ్లిక్‌ స్కూల్స్‌గా అభివృద్ధి చేయనున్నారు. ఒక్కో పాఠశాలకు సుమారు రూ.10 కోట్లతో అభివృద్ధి పనులు చేపట్టనున్నారు. పేద విద్యార్థులకు కార్పొరేట్‌ స్థాయి విద్య అందించేందుకు ఇది మంచి అవకాశం. – గోవిందరాజులు, డీఈఓ, నారాయణపేట ●

గద్వాల క్రైం: జిల్లా పోలీసు కార్యాలయంలో సోమవారం నిర్వహించిన గ్రీవెన్స్‌ కార్యక్రమంలో వివిధ గ్రామాలకు చెందిన 17 మంది అర్జీదారులు తమ సమస్యలను ఎస్పీ శ్రీనివాసరావు దృష్టికి తీసుకొచ్చారు. ఈ సందర్భంగా వారి సమస్యలపై విచారణ చేపట్టి తగు చర్యలు తీసుకుంటామని ఎస్పీ అర్జీదారులకు హామీ ఇచ్చారు. సివిల్‌ సమస్యలు కోర్టు ద్వారా పరిష్కరించుకోవాలని సూచించారు. విద్యుత్‌ కోతలను నిరసిస్తూ సబ్‌స్టేషన్‌ ముట్టడి ధరూరు: ఎలాంటి ముందస్తు సమాచారం లేకుండా విధిస్తున్న అప్రకటిత విద్యుత్‌ కోతలను నిరసిస్తూ రైతులు సబ్‌స్టేషన్‌ను ముట్టడించారు. విద్యుత్‌ కోతలతో కళ్ల ముందే పంటలు ఎండుముఖం పడుతుండడంతో రైతులు మండలంలోని ద్యాగదొడ్డి సబ్‌స్టేషన్‌ ఎదుట సోమవారం నిరసన వ్యక్తం చేశారు. పంటలకు సాగు నీరందక ఇబ్బందులు పడుతున్నామని, గంటల తరబడి విద్యుత్‌ కోతలు విధిస్తున్నారని ఆ శాఖ అధికారులపై ఆగ్రహం వ్యక్తం చేశారు. రైతులకు 24 గంటల ఉచిత విద్యుత్‌ ఇస్తామని హామీ ఇచ్చిన కాంగ్రెస్‌ రైతులకు కరెంటు ఇవ్వడంలో విఫలమైందని దుయ్యబట్టారు. నిరంతరం విద్యుత్‌ సరఫరా చేయాలని రైతులు డిమాండ్‌ చేశారు. వేరుశనగ @ రూ.8,410 గద్వాల వ్యవసాయం: జిల్లా కేంద్రంలోని మార్కెట్‌ యార్డుకు సోమవారం 369 క్వింటాళ్ల వేరుశనగ అమ్మకానికి వచ్చింది. క్వింటాకు గరిష్టం రూ.8,410, కనిష్టం రూ.4,619, సరాసరి రూ.6,549 ధరలు లభించాయి. నేడు మార్కెట్‌ యార్డు బంద్‌ గద్వాల వ్యవసాయ మార్కెట్‌ యార్డు మంగళవారం బంద్‌ ఉంటుంది. సమస్యల పరిష్కారం కోసం దడవాయిలు మంగళవారం హైదరాబాద్‌లోని రవీంద్రభారతిలో నిర్వహించే రాష్ట్ర సదస్సుకు హాజరుకానున్నారు. ఇందుకోసం సెలవు ప్రకటించాలని ఉమ్మడి మహబూబ్‌నగర్‌ జిల్లా దడవాయిల సంఘం నాయకులు స్థానిక అధికారులకు విన్నవించారు. ఇందుకు అధికారులు సమ్మతించారు. దీంతో యార్డుకు ఎలాంటి పంట ఉత్పత్తులు తీసుకురావద్దని దడవాయి సంఘం అధ్యక్షుడు తిరుపతి రైతులను కోరారు. గ్రామాల అభివృద్ధికి అధిక ప్రాధాన్యం గట్టు: మండలంలోని బస్వాపురం నుంచి తుమ్మలచెర్వు స్టేజీ వరకు రూ.1.50 కోట్ల వ్యయంతో కొత్త బీటీ రోడ్డు నిర్మాణానికి ఎమ్మెల్యే బండ్ల కృష్ణమోహన్‌రెడ్డి భూమిపూజ చేశారు. ఈ సందర్భంగా ఎమ్మెల్యే మాట్లాడుతూ.. రాష్ట్ర ప్రభుత్వం గ్రామాల అభివృద్ధికి అధిక ప్రాధాన్యతనిస్తోందని, ప్రతి గ్రామంలోనూ మౌలిక సదుపాయాలు కల్పిస్తూ అన్ని రంగాల్లో అభివృద్ధి సాధించేలా కృషి చేస్తున్నట్లు తెలిపారు. కార్యకమంలో వ్యవసాయ మార్కెట్‌ యార్డ్‌ చైర్మన్‌ హనుమంతు, మాజీ ఎంపీపీ విజయ్‌కుమార్‌, సర్పంచు శ్రీరాములుగౌడ్‌, వైస్‌ఎంపీపీ సుదర్శన్‌రెడ్డి, ఆనంద్‌గౌడు తదితరులు ఉన్నారు. విద్యార్థుల కోసం పోరాటం చేస్తే అరెస్టులా? అయిజ: పేద విద్యార్థుల పెండింగ్‌ ఫీజులను చెల్లించాలని పోరాటం చేస్తే అరెస్టులు చేస్తారా అని బీజేపీ రాష్ట్ర కార్యవర్గ సభ్యుడు రామచంద్రారెడ్డి అన్నారు. బీజేపీ రాష్ట్ర అధ్యక్షుడు రాంచందర్‌రావు పిలుపు మేరకు అసెంబ్లీ ముట్టడికి వెళ్తున్న నాయకులను సోమవారం పోలీసులు ముందస్తు అరెస్ట్‌ చేసి పోలీస్‌స్టేషన్‌కు తరలించారు. పోలీస్‌ స్టేషన్‌లో కాంగ్రెస్‌ ప్రభుత్వానికి వ్యతిరేకంగా నినాదాలు చేస్తూ, నిరసన తెలిపారు. కార్యక్రమంలో నరసింహ, భీంసేన్‌రావు, ప్రదీప్‌ కుమార్‌, భగత్‌రెడ్డి, వెంకటేష్‌, రాజేశేఖర్‌, భీమన్న, శ్రీకాంత్‌, వీరేష్‌ తదితరులు పాల్గొన్నారు.

ఎర్రవల్లి: శ్రీరాముడి జన్మనక్షత్రమైన పునర్వసు నక్షత్రాన్ని పురస్కరించుకొని బీచుపల్లి పుణ్యక్షేత్రంలోని కోదండరామస్వామి ఆలయంలో సోమవారం సీతారాముల కల్యాణ తంతను అంగరంగ వైభవంగా నిర్వహించారు. ఈ సంద ర్భంగా ఆలయ ప్రధాన అర్చకులు సీతారాములను అపురూపంగా ముస్తాబు చేసి వేదమంత్రాల నడుమ వైభవంగా కల్యాణాన్ని జరిపారు. కార్యక్రమాన్ని తిలకించేందుకు ఆలయ చుట్టుపక్కల ప్రాంతాల నుంచి భక్తులు అధిక సంఖ్యలో బీచుపల్లికి చేరుకొని పవిత్ర కష్ణానదిలో పుణ్యస్నానాలను ఆచరించారు. అనంతరం భక్తిశ్రద్ధలతో సీతారాముల కల్యాణంలో పాల్గొని కనులారా తిలకించారు. కల్యాణానికి హాజరైన భక్తులకు ఆలయ పాలక మండలి ఆధ్వర్యంలో అన్నదాన కార్యక్రమం నిర్వహించారు. కార్యక్రమంలో ఆలయ మేనేజర్‌ సురేందర్‌రాజు, అర్చకులు భువనచంద్ర, దత్తుస్వా మి, భానుమూర్తి, పాలక మండలి సభ్యులు, భక్తులు తదితరులు పాల్గొన్నారు.

గద్వాల న్యూటౌన్‌: నడిగడ్డ ఇలవేల్పు జములమ్మ అమ్మవారి కల్యాణ మహోత్సవాలు సోమవారం కనులపండువగా ప్రారంభమయ్యాయి. ఈ సందర్భంగా ధ్వజారోణం, గణపతి పూజ చేశారు. సాయంత్రం చేపట్టిన ఎదుర్కోళ్ల ఉత్సవం వైభవంగా సాగింది. అమ్మవారిని, స్వామివారి ఉత్సవమూర్తులను అలంకరించి, జమ్మిచేడులోని ఆంజనేయస్వామి ఆలయంలో సాంప్రదాయబద్ధంగా ఎదుర్కోళ్లు నిర్వహించారు. అక్కడి నుంచి ఉత్సవమూర్తులను పల్లకీలో ఊరేగిస్తు ఆలయానికి తీసుకొచ్చారు. పోతురాజుల విన్యాసాలు, కళాకారుల నృత్యాలతో సందడి నెలకొంది. ఆలయ ఈఓ పురందర్‌కుమార్‌, మాజీ చైర్మన్లు సతీష్‌, వెంకట్రాములు ప్రత్యేక పూజలు చేశారు. నేడు కల్యాణ మహోత్సవం ఏటా శ్రావణ మాసంలో చివరి మంగళవారం అంగరంగ వైభవంగా అమ్మవారి కల్యాణ మహోత్సవం నిర్వహిస్తారు. ఇందుకోసం అధికారులు అన్ని ఏర్పాట్లు పూర్తి చేశారు. ఆలయాన్ని సర్వాంగ సుందరంగా రకరకాల పుష్పాలు, విద్యుద్దీపాలతో అలంకరించారు. భారీ కల్యాణ వేదిక, భక్తులు అమ్మవారిని దర్శించుకునేందుకు ప్రత్యేక క్యూలైన్‌ ఏర్పాటు చేశారు. మధ్యాహ్నం 12:15 గంటలకు జరిగే కల్యాణోత్సవానికి ఎమ్మెల్యే కృష్ణమోహన్‌రెడ్డి దంపతులు ముత్యాల తలంబ్రాలు, పట్టువస్త్రాలు తీసుకురానున్నారు. మున్సిపల్‌ చైర్మన్‌ తుమ్మల జయలక్ష్మితో పాటు జిల్లాలోని ప్రముఖులు హాజరవుతారని నిర్వాహకులు తెలిపారు.

● బాక్సింగ్‌లో సత్తా చాటుతున్న ఉమ్మడి జిల్లా క్రీడాకారులు ● పంచ్‌ పవర్‌తో పతకాలు సాధిస్తున్న నలుగురు బాక్సర్లు బాక్సింగ్‌ రింగ్‌లో ఉమ్మడి పాలమూరు జిల్లా క్రీడాకారులు పంచ్‌ పవర్‌ చూపించారు. హైదరాబాద్‌లో శని, ఆదివారం జరిగిన రాష్ట్రస్థాయి బాక్సింగ్‌ పోటీల్లో నలుగురు క్రీడాకారులు సత్తాచాటి పతకాలు సాధించారు. పెబ్బేర్‌ మండలం శాగాపూర్‌కు చెందిన శ్రీలేఖ స్వర్ణ పతకం సాధించి దక్షిణ భారత చాంపియన్‌షిప్‌కు ఎంపిక కాగా.. మహబూబ్‌నగర్‌కు చెందిన ఎం.రాజు, నాగర్‌కర్నూల్‌ జిల్లా శశికాంత్‌ రజత పతకాలు, గండేడ్‌కు చెందిన జె.రాకేష్‌ కాంస్య పతకం సాధించారు. వరుస విజయాలతో జిల్లాలో బాక్సింగ్‌పై ఆసక్తి పెరుగుతోంది. శ్రీలేఖ.. స్వర్ణ పంచ్‌ వనపర్తి జిల్లా పెబ్బేర్‌ మండలం శాగాపూర్‌కు చెందిన శ్రీలేఖ ఏడేళ్లుగా బాక్సింగ్‌లో శిక్షణ పొందుతూ అంచెలంచెలుగా ఎదుగుతోంది. ఇప్పటికే ఐదుసార్లు జాతీయస్థాయి పోటీల్లో రాష్ట్రానికి ప్రాతినిధ్యం వహించింది. తొమ్మిదిసార్లు రాష్ట్రస్థాయి పోటీల్లో పాల్గొని ఏడు స్వర్ణాలు, రెండు కాంస్య పతకాలు సాధించింది. జిల్లాస్థాయిలో మూడు స్వర్ణాలు, ఒక రజతం ఆమె ఖాతాలో ఉన్నాయి. హైదరాబాద్‌లో జరిగిన రాష్ట్రస్థాయి పోటీల్లో 48–51 కిలోల విభాగంలో స్వర్ణ పతకం సాధించిన శ్రీలేఖ.. ఈనెల 16 నుంచి 19 వరకు బెంగళూరులో జరిగే ఎలైట్‌ పురుషుల, మహిళల సౌత్‌ ఇండియా బాక్సింగ్‌ చాంపియన్‌షిప్‌కు ఎంపికై ంది. భవిష్యత్‌లో ఒలింపిక్స్‌లో దేశానికి ప్రాతినిధ్యం వహించడమే తన లక్ష్యమని చెబుతోంది. – మహబూబ్‌నగర్‌ క్రీడలు

–8లో uగద్వాల క్రైం: సీఎమ్మార్‌ (కస్టమ్‌ మిల్లింగ్‌ రైస్‌)కు జిల్లాలోని కొందరు రైస్‌ మిల్లు నిర్వాహకులు కష్ట పడ్డాకుండా సొమ్ము రాబట్టాలి (సీఎమ్మార్‌) అనే కొత్త నిర్వచనం చెప్తున్నారు. జిల్లాలోని మిల్లు యాజమానులు చేస్తున్న ధన.. ధాన్యం దందాలపై ఇటీవల పోలీసుశాఖ పూర్తి స్థాయిలో నిఘా ఏర్పాటు చే సింది. వానాకాలం, యాసంగి సీజన్లలో ప్రభుత్వం నుంచి రైస్‌మిల్లుల యజమానులు సేకరించి గడువులోగా ప్రభుత్వానికి బియ్యం సరఫరా చేయాల్సి ఉంటుంది. కానీ వ్యాపారులు ధాన్యాన్ని బ్లాక్‌ మార్కెట్‌ లో విక్రయించి భారీ మొత్తంలో ప్రభుత్వ ఖజానాకు గండి కొడుతున్నారు. గద్వాల, అలంపూర్‌ సెగ్మెంట్లలో 63కు పైగా రైస్‌ మిల్లులో ఇదే తరహా దందా కొనసాగుతుందనే ఆరోపణలు వినిపిస్తున్నాయి. ఇప్పటి వరకు నమోదైన కేసులు ● కేటీదొడ్డి మండలానికి చెందిన కమ్మిడిస్వామి రైస్‌ మిల్లు నిర్వాహకుడు 12,643 మెట్రిక్‌ టన్నుల ధాన్యానికి సంబంధించి రూ.4.70 కోట్లు స్వాహా చేసిన ఘటన వెలుగులోకి రాగా నిర్వాహకుడు కుర్వ వీరన్నను ఆగస్టు 27న పోలీసులు అరెస్టు చేసి రిమాండ్‌కు తరలించారు. ● సూర్య ట్రేడర్స్‌లో 11,580 మెట్రిక్‌ టన్నుల ధాన్యం స్వాహా చేశారు. విలువ రూ.3.50 కోట్లు కాగా శాంతినగర్‌ పోలీసులు కేసు నమోదు చేశారు. ● అన్నపూర్ణ రైస్‌ మిల్లులో 24,369 మెట్రిక్‌ టన్నుల ధాన్యం మాయం కాగా వీటి విలువ రూ.8.21 కో ట్లు.దీనిపై అయిజ పోలీసులు కేసు నమోదు చేశారు. ● శ్రీకృష్ణ రైస్‌ మిల్లులో 10.132 మెట్రిక్‌ టన్నుల ధాన్యం స్వాహా చేయగా.. విలువ రూ.3.76 కోట్లు. గద్వాల రూరల్‌ పోలీసులు కేసు నమోదు చేశారు. ● శ్రీరామ రైస్‌ మిల్లులో 10,496 మెట్రిక్‌ టన్నుల ధాన్యం స్వాహా చేయగా.. విలువ రూ. 2.88 కోట్లు. గద్వాల రూరల్‌ పోలీసులు కేసు నమోదు చేశారు. అధికారులపై విచారణ.. అక్రమార్కులకు సహకరించిన అధికారులపై విచా రణ చేయాల్సిందిగా ప్రభుత్వం నుంచి పోలీసుశాఖకు స్పష్టమైన ఆదేశాలు జారీ అయ్యాయి. ఇప్పటి కే జిల్లా సివిల్‌ సప్‌లై శాఖలోని ముగ్గురు అధికారులను విచారించారు. త్వరలో మరి కొంతమందిని విచారించే అవకాశం ఉంది. రైస్‌ మిల్లర్ల అక్రమ వ్యాపారాలపై నిఘా కరువు మామూళ్ల మత్తులో కేటాయింపులు! అధికారుల పాత్రపై విచారణ తప్పించుకునేందుకు వ్యూహం తాజాగా 12,643 మెట్రిక్‌ టన్నుల ధాన్యం స్వాహా

గద్వాల న్యూటౌన్‌: భక్తుల కొంగుబంగారంగా విరాజిల్లుతున్న ప్రముఖ జములమ్మ, పరశురామ స్వామివారి సన్నిధిలో శ్రీజమదగ్ని, శ్రీజములమ్మ అమ్మవారి 6వ వార్షిక కల్యాణ మహోత్సవానికి అన్ని ఏర్పాట్లు పూర్తి చేసినట్లు నిర్వాహకులు తెలిపారు. సోమవారం ఉదయం 8 గంటలకు ధ్వజారోహణం, సాయంత్రం 5గంటలకు ఎదుర్కోళ్లు, మంగళవారం మధ్యాహ్నం 12:15 గంటలకు అభిజిత్‌ లగ్నంనందు శ్రీజమదగ్ని, శ్రీజములమ్మ అమ్మవారి కల్యాణమహోత్సవం, అనంతరం పల్లకీసేవ నిర్వహించనున్నారు. 9వ తేదీ బుధవారం ఉదయం 8గంటలకు ధ్వజావరోహణం ఉంటుంది. ఎమ్మెల్యే బండ్ల కృష్ణమోహన్‌రెడ్డి, మున్సిపల్‌ చైర్‌పర్సన్‌ తుమ్మల జయలక్ష్మి ముఖ్య అతిథులుగా హాజరుకానున్నారు. ఇందులో భాగంగా ముఖద్వారం నుంచి ఆలయం వరకు రంగురంగుల విద్యుద్దీపాలు, పుష్పాలతో అలంకరించారు. సుమారు 10వేల మంది భక్తులు కల్యాణ మహోత్సవానికి హాజరయ్యే అవకాశం ఉండడంతో వారి సౌకర్యార్థం టెంట్లు, కుర్చీలు, తాగునీటి, భోజన వసతి కల్పించినట్లు ఈఓ పురందర్‌కుమార్‌ తెలిపారు.

మక్తల్‌: ఓటరు జాబితా ప్రత్యేక సమగ్ర సవరణ (సర్‌)పై కాంగ్రెస్‌ శ్రేణులు అప్రమత్తంగా ఉండాలని.. అర్హుల ఓటు హక్కును కాపాడే బాధ్యత కార్యకర్తలదేనని రాష్ట్ర పశుసంవర్ధకశాఖ మంత్రి వాకిటి శ్రీహరి అన్నారు. ఆదివారం పట్టణంలోని ఓ ఫంక్షన్‌ హాల్‌లో నియోజకవర్గ పరిధిలోని బీఎల్‌ఏలు, సూపర్‌వైజర్లతో ప్రత్యేక సమావేశం నిర్వహించి మాట్లాడారు. నియోజకవర్గంలో సుమారు 36 వేల ఓట్లు తొలగించబడ్డాయని.. తాజాగా 76 వేల మంది ఓటర్లకు నోటీసులు జారీ చేసినట్లు చెప్పారు. అర్హులైన ప్రతి ఒక్కరూ తమ ఓటు హక్కు కోల్పోకుండా చూసుకోవాలన్నారు. ఎస్‌ఐఆర్‌లో సర్పంచులు, వార్డు సభ్యులు, చైర్‌పర్సన్‌లు, కార్యకర్తలు భాగస్వాములు కావాలని కోరారు. పేద కుటుంబాలకు సరైన న్యాయం అందాలంటే మరోమారు కాంగ్రెస్‌ ప్రభుత్వం ఏర్పడాలన్నారు. నియోజకవర్గ అభివృద్ధికి అన్నివిదాలుగా కృషి చేస్తానని తెలిపారు. అనంతరం ఈ నెల 10న మక్తల్‌లో ఆవిష్కరించనున్న చాకలి ఐలమ్మ విగ్రహ ఏర్పాటు వాల్‌పోస్టర్లను మంత్రి ఆవిష్కరించారు. కార్యక్రమంలో డీసీసీ అధ్యక్షుడు ప్రశాంత్‌కుమార్‌రెడ్డి, పార్లమెంటరీ సర్‌ ఇన్‌చార్జ్‌ రేణుకగౌడ్‌, మక్తల్‌ నియోజకవర్గ ఇన్‌చార్జ్‌ గుత్తా అమిత్‌, పుర చైర్‌పర్సన్‌ వాకిటి మానస, మండల అధ్యక్షుడు శ్రీనివాస్‌గౌడ్‌, పట్టణ అధ్యక్షుడు రవికుమార్‌, మార్కెట్‌ వైస్‌ చైర్మన్‌ గణేష్‌కుమార్‌, డైరెక్టర్లు విష్ణువర్ధన్‌రెడ్డి, ఫయాజ్‌, ఆంజనేయులు తదితరులు పాల్గొన్నారు.

మహబూబ్‌నగర్‌–హైదరాబాద్‌–రంగారెడ్డి గ్రాడ్యుయేట్‌ ఎమ్మెల్సీ స్థానంలో ఇప్పటివరకు నాలుగు పర్యాయాలు ఎన్నికలు జరిగాయి. 2007, 2009లో ఎమ్మెల్సీగా ప్రొఫెసర్‌ నాగేశ్వర్‌ (స్వతంత్ర అభ్యర్థి), 2015లో రాంచందర్‌రావు (బీజేపీ), 2021లో సురభి వాణీదేవి (బీఆర్‌ఎస్‌ అప్పటి టీఆర్‌ఎస్‌) గెలుపొందారు. ఇప్పటివరకు ఈ స్థానానికి జరిగిన ఎన్నికల్లో కాంగ్రెస్‌కు పరాభవమే ఎదురైంది. ప్రస్తుతం అధికారంలో ఉండడంతో ఈ స్థానంలో విజయమే లక్ష్యంగా ఆ పార్టీ పెద్దలు పక్కా ప్రణాళికలతో వ్యూహాత్మకంగా అడుగులు వేస్తున్నారు. ముందుస్తు కార్యాచరణతో బలమైన అభ్యర్థిని ఎంపిక చేసే ప్రక్రియకు శ్రీకారం చుట్టారు.

శిలాఫలకం ప్రారంభిస్తున్న ఎమ్మెల్యే కృష్ణమోహన్‌రెడ్డి గద్వాల క్రైం: జిల్లా ప్రభుత్వాస్పత్రి ఆవరణలో ఆదివారం సీసీ రోడ్డు నిర్మాణ పనుల కోసం స్థానిక ఎమ్మెల్యే కృష్ణమోహన్‌రెడ్డి భూమిపూజ చేశారు. ఈ సందర్భంగా ఆయన మాట్లాడుతూ.. ఆస్పత్రి అభివృద్ధికి తనవంతు కృషి చేస్తానన్నారు. వివిధ సమస్యలతో ఆస్పత్రికి వచ్చే రోగులు పడుతున్న ఇబ్బందులను గుర్తించి రూ.10 లక్షల వ్యయంతో రోడ్డు ప నులు చేపట్టామన్నారు. ఆస్పత్రిలోని మౌలిక వసుతులు, సదుపాయాల కొరత లేకుండా చర్యలు తీసుకుంటామన్నారు. కార్యక్రమంలో ఆసుపత్రి సూపరింటెండెంట్‌ ఝాన్సీలక్ష్మి, మున్సిపల్‌ చైర్‌పర్సన్‌ జయలక్ష్మి తదితరులు ఉన్నారు.

మహబూబ్‌నగర్‌ మున్సిపాలిటీ: పాలమూరు యూనివర్సిటీలో ఈనెల 24న తెలంగాణ ఉ ద్యమకారుల సమ్మేళనం ఉంటుందని పీయూ ఉద్యమకారుల కమిటీ సభ్యులు అన్వర్‌, రా ము తెలిపారు. ఈ మేరకు ఆదివారం పీయూ ఆవరణలో సమ్మేళనం వాల్‌పోస్టర్లను ఆవిష్కరించారు. ఈ సందర్భంగా వారు మాట్లాడుతూ అన్ని కళాశాలల ఉద్యమకారులు ఆ రోజు జరిగే సమ్మేళనంలో పాల్గొని విజయవంతం చేయాలన్నారు. దీనికి ముఖ్య అతిథులుగా మంత్రులు జూపల్లి కృష్ణారావు, వాకిటి శ్రీహరి, ప్రభుత్వ విప్‌, ఎమ్మెల్యే యెన్నం శ్రీనివాస్‌రెడ్డి, ఎస్సీ కార్పొరేషన్‌ మాజీ చైర్మన్‌ పిడమర్తి రవి పలువురు హాజరవుతారన్నారు. కార్యక్రమంలో కమిటీ సభ్యులు బ్రహ్మం, శివ, కొండా గణేష్‌, చంద్రకాంత్‌గౌడ్‌, ప్రొఫెసర్‌ భూమయ్య, గోపాల్‌, సుగుణాకర్‌రెడ్డి తదితరులు పాల్గొన్నారు. రెండు యూనిట్లలో విద్యుదుత్పత్తి ఆత్మకూర్‌: ప్రియదర్శిని జూరాల జలాశయం దిగువ, ఎగువ జల విద్యుత్‌ కేంద్రాల్లో ఉత్పత్తి కొనసాగుతోంది. ఆదివారం ఎగువన 1 యూనిట్‌ నుంచి 39 మెగావాట్లు, 102.058 మి.యూ., దిగువన ఒక యూనిట్‌ నుంచి 40 మెగావాట్లు, 88.010 మిలియన్‌ యూనిట్ల విద్యుదుత్పత్తి చేపట్టినట్లు ఎస్‌ఈ శ్రీధర్‌ తెలిపారు. ఇప్పటి వరకు ఎగువ, దిగువ జలవిద్యుత్‌ కేంద్రాల్లో 190.068 మిలియన్‌ యూనిట్ల విద్యుదుత్పత్తిని విజయవంతంగా పూర్తి చేసినట్లు చెప్పారు. కేఎస్పీలో 20.6 అడుగులకు నీటిమట్టం దేవరకద్ర: కోయిల్‌సాగర్‌ ప్రాజెక్టు(కేఎస్పీ)లో నీటిమట్టం క్రమంగా పెరుగుతోంది. ఆదివారం సాయంత్రానికి 20.6 అడుగులకు చేరింది. గత నెల 19న కుడి, ఎడమ కాల్వల ద్వారా నీటిని విడుదల చేసి రెండు వారాల పాటు కొన సాగించారు. ఐదు రోజుల క్రితం విడుదల నిలిపివేసి ప్రాజెక్టును నింపేందుకు జూరాల వద్ద రెండు పంపులను నడుపుతూ ఎత్తిపోతల ద్వా రా నీటిని తరలిస్తున్నారు. నీటి విడుదలకు ముందు 18 అడుగులుగా ఉన్న మట్టం ప్రసు ్తతం 20.6 అడుగులకు చేరింది. ప్రాజెక్టు పూర్తిస్థాయి నీటిమట్టం 32.6 అడుగులు కాగా.. మరో 12 అడుగుల నీరు చేరాల్సి ఉంది.

గద్వాల న్యూటౌన్‌: తెలంగాణ ఉద్యమకారులను పారదర్శకంగా గుర్తించాలని ఆ సంఘం ఉమ్మడి జిల్లా కన్వీనర్‌ షేక్‌ ఫరూఖ్‌ హుస్సేన్‌ అన్నారు. శనివారం స్థానిక హరిత హోటల్‌లో ఏర్పాటు చేసిన ఉద్యమకారుల సమావేశంలో ఆయన మాట్లాడుతూ.. తెలంగాణ ఉద్యమకారులను గుర్తించేందుకు ప్రభుత్వం ఎమ్మెల్సీ కోదండరాం అధ్యక్షతన కమిటీ వేయడం హర్షణీయమన్నారు. ఈ కమిటీ ఉద్యమకారులందరికీ న్యాయం చేసే దిశగా పనిచేయాలని కోరారు. నామినేటెడ్‌ పోస్టుల్లో ఉద్యమకారులకు ప్రాధాన్యం ఇవ్వాలన్నారు. అమరవీరుల కుటుంబాల్లో ఒకరికి ప్రభుత్వ ఉద్యోగం, 250 గజాల ఇంటి స్థలంతో పాటు నిర్మాణానికి రూ.25 లక్షలు ఇవ్వాలన్నారు. ఉద్యమకారులకు రూ.25 వేల పెన్షన్‌ అందించాలన్నారు. అనంతరం కమిటీ జిల్లా అధ్యక్షుడిగా అతికూర్‌ రహమాన్‌, ప్రధానకార్యదర్శిగా ప్రభాకర్‌ను నియమించారు. సమావేశంలో నాయకులు నాగర్‌దొడ్డి వెంకట్రాములు, భీంసేన్‌రావు, అబ్దుల్‌ రవూఫ్‌, అచ్చన్నగౌడ్‌, ఆంజనేయులు, తాహేర్‌, వినోద్‌, మహమ్మద్‌ రహమతుల్లా, మక్బుల్‌, గోపాల్‌యాదవ్‌ తదితరులు పాల్గొన్నారు.

జాతర మైదానంలోని విద్యుత్‌ సబ్‌స్టేషన్‌ నుంచి గుట్టపై ఉన్న ప్రధాన ఆలయం వరకు ఎలివేటెడ్‌ కారిడార్‌ నిర్మిస్తున్నారు. ఇందుకోసం 20 పిల్లర్లు ఏర్పాటు చేయాల్సి ఉండగా.. ఇప్పటికే 10 పిల్లర్లకు ఫౌండేషన్‌ పనులు పూర్తయ్యాయి. పిల్లర్ల నిర్మాణానికి కాంక్రీట్‌ పనులు కొనసాగుతున్నాయి. అమ్మాపురం సమీపం నుంచి కురుమూర్తి గుట్ట వెనుక భాగం మీదుగా ప్రధాన ఆలయం వరకు చేపడుతున్న ఘాట్‌రోడ్డు పనులు కూడా తుది దశకు చేరుకున్నాయి. రహదారిని చదును చేసి కంకర పరచారు. బీటీ వేసేందుకు సిద్ధం చేస్తున్నారు.

గద్వాల: ఆధార్‌ కేంద్రాల్లో వినియోగదారుల నుంచి ఎవరైనా అదనపు వసూళ్లు చేస్తే చర్యలు తప్పవని ఈడీఏ శివ హెచ్చరించారు. ఆధార్‌ కేంద్రాల్లో అదనపు రుసుంల వసూలు ఆరోపణల నేపథ్యంలో శనివారం ఈ–డిస్ట్రిక్ట్‌ మేనేజర్‌ శివ జిల్లా కేంద్రంలోని 5 ఆధార్‌ కేంద్రాలను ఆకస్మికంగా తనిఖీ చేశారు. ఈ సందర్భంగా ఆయన కేంద్రాలకు వచ్చిన ప్రజలతో నేరుగా మాట్లాడి, నిర్ణీత రుసుం కంటే అదనంగా ఎవరైనా డబ్బులు వసూలు చేస్తున్నారా అనే విషయాన్ని ఆరా తీశారు. తనిఖీ సమయంలో ఎవరూ అదనపు మొత్తాన్ని చెల్లించినట్లు ఫిర్యాదు చేయలేదని, సెంటర్‌లో అందుతున్న సేవలపై ప్రజలు సంతృప్తి వ్యక్తం చేసినట్లు ఆయన తెలిపారు. ఈ సందర్భంగా మాట్లాడుతూ.. ప్రజలు ఎవరూ మధ్యవర్తులను నమ్మకుండా నేరుగా ఆధార్‌ కేంద్రాలను సందర్శించి సేవలు పొందాలని సూచించారు. నిర్వాహకులు నిర్ణీత రుసుం కంటే అధికంగా డబ్బులు వసూలు చేసినట్లయితే వెంటనే 1947కు కాల్‌ చేసి ఫిర్యాదు చేయాలన్నారు. కార్యక్రమంలో డీఎం సుధాకర్‌, ఆధార్‌ కేంద్రం నిర్వాహకులు తదితరులు ఉన్నారు.

గ్రంథాలయాలు కేవలం పుస్తకాల నిల్వ స్థలాలు కాదు. అవి పేద విద్యార్థులు, నిరుద్యోగులకు ఉపయోగపడాలి. జిల్లా విద్యారంగంలో వెనుకబాటు ఉన్న నేపథ్యంలో గ్రంథాలయాలను బలోపేతం చేయడం చాలా అవసరం. – యువతేజేశ్వర్‌ రెడ్డి, గుడిదొడ్డి పాలకులు దృష్టిపెట్టాలి ప్రభుత్వం, జిల్లా పరిపాలన, స్థానిక ప్రజాప్రతినిధులు ఈ సమస్యపై దృష్టిపెట్టాలి. గ్రంథాలయాల అభివృద్ధి చెందేందుకు తవమంతు కృషి చేయాలి. అప్పుడే విద్యార్థులు, నిరుద్యోగులకు గ్రంథాలయాలు ఉపయోగపడుతాయి. – మహ్మద్‌, అయిజ నివేదిక అందజేస్తాం గ్రంథాలయాల్లో ఉన్న సమస్యల గురించి ప్రతి సంవత్సరం ఉన్నతాధికారులకు తెలియజేస్తున్నాం. జిల్లా మెత్తానికి రూ.30 వేలు పుస్తకాల కోసం ఖర్చు చేయాల్సి ఉంటుంది. ఇక్కడున్న వనరులు, సదుపాయాలు, అవసరమయ్యే వస్తువులు, నిర్మాణాల గురించి ఉన్నతాధికారులకు నివేదిక అందజేస్తాం. – మనోజ్‌ కుమార్‌, ఇంచార్జ్‌ కార్యదర్శి ●

ధరూరు: మండలంలోని పెద్ద చింతరేవుల శ్రీఆంజనేయస్వామి ఆలయాన్ని జిల్లా ప్రధాన న్యాయమూర్తి కళ్యాణ్‌ చక్రవర్తి దర్శించుకున్నారు. శ్రావణ శనివారం పురస్కరించుకొని ఆలయానికి చేరుకున్న ఆయన ప్రత్యేక పూజ లు చేశారు. ఈ సందర్భంగా ఆలయ అర్చకులు కిష్టాచార్యులు, మద్వాచార్యులు, ఈఓ రాజేశ్వర శర్మ, చైర్మన్‌ గిరిరావు పూర్ణ కుంభంతో స్వాగతం పలికారు. అనంతరం స్వామి వారి శేష వస్త్రంతో సత్కరించి, తీర్థ ప్రసాదాలను అందజేశారు. కార్యక్రమంలో న్యాయ వాది భీంసేన్‌రావు తదితరులు పాల్గొన్నారు. మెరుగైన పశువైద్య సేవలు అందించాలి గద్వాల వ్యవసాయం: పశువైద్య సిబ్బంది నిత్యం పాడి రైతులకు అందుబాటులో ఉంటూ, పశువులకు మెరుగైన వైద్య సేవలు అందించాలని జిల్లా పశువైద్య, పశుసంవర్ధక శాఖాధికారి డాక్టర్‌ వెంకటనారాయణ అన్నారు. శనివారం జిల్లా పశుసంవర్ధకశాఖ కార్యాలయంలో మండల పశువైద్యాధికారులు, ప్యారవేట్లతో నిర్వహించిన సమీక్షలో ఆయన మాట్లాడుతూ కేంద్ర, రాష్ట్ర ప్రభుత్వాలు నిర్వహించే కార్యక్రమాలకు సంబంధించి వ్యాక్సినేషన్‌, ఫిజికల్‌ వ్యాక్సినేషన్‌ పూర్తైన వెంటనే ఆన్‌లైన్‌లో అప్‌డేషన్‌ చేయాలన్నారు. ప్రతి ప్రాంతీయ, ఉప ప్రాంతీయ వైద్యశాలల్లో ఫేషియల్‌ రికగ్నైజేషన్‌ అటెండెన్స్‌ నిబంధనలు అమలు చేయాలన్నారు. జలసాధన దీక్ష వాల్‌పోస్టర్‌ విడుదల గద్వాల న్యూటౌన్‌: కాళోజీ నారాయణరావు జయంతిని పురస్కరించుకొని ఈనెల 9న ఉమ్మడి పాలమూరు జిల్లా ప్రాజెక్ట్‌ల సాధన కోసం జలసాధన దీక్షా దినంగా నిర్వహిద్దామని పెండింగ్‌ ప్రాజెక్ట్‌ల సాధన జేఏసీ కమిటీ పిలుపునిచ్చింది. శనివారం టీజేఎస్‌ కార్యాలయంలో జరిగిన సమావేశంలో కమిటీ చైర్మన్‌ వీరభద్రప్ప మాట్లాడుతూ.. కాళోజీ జయంతి రోజున గద్వాల పాత బస్టాండ్‌ ప్రాంతంలో పెండింగ్‌ ప్రాజెక్ట్‌ల సాధన కోసం జల సాధన దీక్ష నిర్వహించనున్నట్లు తెలిపారు. అనంతరం ఇతర నాయకులతో కలిసి దీక్ష కరపత్రాలు విడుదల చేశారు. కార్యక్రమంలో కమిటీ కన్వీనర్‌ ఆలూరి ప్రకాష్‌గౌడ్‌, కోఆర్డినేటర్‌ మధుసూదన్‌ బాబు, సభ్యులు శంకర ప్రభాకర్‌, సుభాన్‌, వాల్మీకి, వినోద్‌, కోళ్ల హుస్సేన్‌, భద్రప్ప, పల్లయ్య పాల్గొన్నారు.