Eluru District News

తణుకు అర్బన్‌: ఏపీఎస్‌ ఆర్టీసీ క్రెడిట్‌ కోఆపరేటివ్‌ సొసైటీ (సీసీఎస్‌) ఎన్నికల్లో ఎంప్లాయీస్‌ యూనియన్‌ (ఈయూ) బలపర్చిన అభ్యర్థుల గెలుపే ధ్యేయంగా ఉద్యోగులంతా ఐక్యంగా పనిచేయాలని ఈయూ రాష్ట్ర అధ్యక్షుడు పలిశెట్టి దామోదరరావు పిలుపునిచ్చారు. శనివారం తణుకులో తణుకు, తాడేపల్లిగూడెం డిపోల ఈయూ ఉమ్మడి జనరల్‌ బాడీ సమావేశం నిర్వహించారు. ముఖ్య అతిథిగా పాల్గొన్న దామోదరరావు మాట్లాడుతూ.. ఉద్యోగుల ఆర్థిక ప్రయోజనాలు, భవిష్యత్తుకు సీసీఎస్‌ ఎన్నికలు కీలకమని పేర్కొన్నారు. వేతన సవరణలు, డీఏ బకాయిలు, పీఎఫ్‌, అధిక పెన్షన్‌, కారుణ్య నియామకాలు, ఉద్యోగ భద్రత వంటి సమస్యల పరిష్కారం కోసం ఈయూ నిరంతరం పోరాడుతోందని గుర్తుచేశారు. విద్యుత్‌ బస్సుల పేరుతో ఆర్టీసీని ప్రైవేటీకరించే విధానాలను ఉద్యోగులు వ్యతిరేకిస్తున్నారని, బస్సులను సంస్థే కొనుగోలు చేసి ఉద్యోగుల ద్వారానే నిర్వహించాలని ఆయన డిమాండ్‌ చేశారు. ఈ సమావేశంలో రాష్ట్ర కార్యదర్శి జీఎస్‌ నారాయణ, జోనల్‌ అధ్యక్ష, కార్యదర్శులు జి. చిరంజీవి, వై.శ్రీనివాసరావు, కేజీఎస్‌ శేఖర్‌, జిల్లా అధ్యక్ష, కార్యదర్శులు కేఎస్‌ రాజు, అల్లం సత్యనారాయణ, సీనియర్‌ నాయకులు కె. విజయ్‌ ప్రతాప్‌, వివిధ డిపోల నేతలు పాల్గొన్నారు.

తణుకు అర్బన్‌: వివాహేతర సంబంధం నేపథ్యంలో ఒక మహిళ చేతిలో వ్యక్తి హత్యకు గురికావడంతో రెండు కుటుంబాలు చిన్నాభిన్నమయ్యాయి. తణుకు మండలం కొమరవరం గ్రామంలో శుక్రవారం రాత్రి ఈ ఘటన జరగగా.. పాల నాగరాజు (44) తణుకులోని ఒక ప్రైవేటు ఆసుపత్రిలో చికిత్స పొందుతూ శనివారం మృతి చెందాడు. పోలీసులు, కుటుంబ సభ్యులు తెలిపిన వివరాల ప్రకారం.. గ్రామానికి చెందిన పాల నాగరాజు, పాల శిరీష ఎదురెదురు ఇళ్లలో నివాసం ఉంటున్నారు. నాగరాజు భార్య మణి, శిరీష భర్త దుర్గాప్రసాద్‌ ఇద్దరూ ఉపాధి నిమిత్తం మస్కట్‌లో ఉంటున్నారు. ఈ క్రమంలో శిరీష, నాగరాజు చనువుగా ఉంటున్న వ్యవహారం బయటకు పొక్కడంతో ఇరు కుటుంబాల మధ్య మనస్పర్ధలు తలెత్తాయి. దీనిలో భాగంగా శుక్రవారం రాత్రి ఇద్దరి మధ్య ఘర్షణ నెలకొంది. ఆగ్రహంతో శిరీష.. నాగరాజు ఇంటిలోకి చొరబడి సామాగ్రిని ధ్వంసం చేసింది. అనంతరం రోడ్డుపై ఉన్న నాగరాజు వద్దకు వెళ్లి చాకుతో దాడి చేయడంతో మణికట్టు భాగంలో తీవ్ర గాయమైంది. కుటుంబ సభ్యులు వెంటనే అతడిని తణుకు జిల్లా కేంద్ర ఆసుపత్రికి తరలించి ప్రాథమిక చికిత్స అందించారు. మెరుగైన వైద్యం కోసం తణుకులోని ఒక ప్రైవేటు ఆసుపత్రికి తరలించగా, అక్కడ చికిత్స పొందుతూ శనివారం మధ్యాహ్నం నాగరాజు మృతి చెందాడు. ఇద్దరి మధ్య ఉన్న చనువుతో పాటు, ఇరు కుటుంబాల మధ్య ఆర్థిక లావాదేవీలు ఉన్నట్లు తెలుస్తోంది. నిందితురాలు శిరీష గతంలోనూ ఇదే తరహాలో ఒక బంధువుపై చాకుతో దాడి చేసి గాయపరిచినట్లు బాధితులు చెబుతున్నారు. తణుకు రూరల్‌ ఎస్సై నాళం శ్రీనివాసరావు కేసు నమోదు చేసి దర్యాప్తు చేస్తున్నారు. మృతుడు నాగరాజు ఆటో నడుపుతూ, పెయింటర్‌గా పనిచేస్తూ కుటుంబాన్ని పోషిస్తున్నాడు. ఆయనకు కుమారుడు లీలాసాయి దుర్గాప్రసన్నకుమార్‌, కుమార్తె అక్షయరాణి ఉన్నారు. పోస్టుమార్టం నిమిత్తం నాగరాజు మృతదేహాన్ని తణుకు జిల్లా కేంద్ర ప్రభుత్వ ఆసుపత్రికి తరలించారు. ఆసుపత్రిలో ఘర్షణ వాతావరణం పోస్టుమార్టం నిమిత్తం నాగరాజు మృతదేహాన్ని తణుకు జిల్లా కేంద్ర ఆసుపత్రికి తరలించగా, మృతుడి కుటుంబ సభ్యులు పెద్ద సంఖ్యలో అక్కడకు చేరుకున్నారు. నిందితురాలు, మృతుడు ఒకే బంధువర్గానికి చెందినవారు కావడంతో.. ఇరువర్గాల మధ్య ఘర్షణ చెలరేగింది. అంతేకాకుండా శిరీషను తమకు అప్పగించాలంటూ వారు పోలీసులతో వాగ్వాదానికి దిగారు. దీంతో కొద్దిసేపు ఆసుపత్రి ఆవరణలో తీవ్ర ఉద్రిక్తత నెలకొంది. అక్కడే ఉన్న రూరల్‌ సీఐ దేశంశెట్టి వెంకటేశ్వరరావు, పట్టణ సీఐ జేవీ రమణ అప్రమత్తమై పరిస్థితిని అదుపులోకి తెచ్చారు. చాకుతో దాడి చేసిన మహిళ.. వ్యక్తి మృతి

ఏలూరు (ఆర్‌ఆర్‌పేట): కూటమి ప్రభుత్వం ప్రభుత్వ ఉద్యోగులను, ఉపాధ్యాయులను తీవ్ర వేధింపులకు గురిచేస్తోందనే విమర్శలు వెల్లువెత్తుతున్నాయి. ఇప్పటికే నిరంతర బోధనేతర పనులతో సతమతమవుతున్న ఉపాధ్యాయులను స్థానిక సంస్థల ఎన్నికల విధులలోనూ దారుణంగా అవమానించడమే కాకుండా, తీవ్ర గందరగోళానికి గురిచేస్తున్నారు. ఏలూరు నగరపాలక సంస్థతో పాటు జంగారెడ్డిగూడెం, నూజివీడు మున్సిపాలిటీల్లో నిర్వహించే స్థానిక ఎన్నికల విధులకు సంబంధించి ఉపాధ్యాయులకు నగరంలోని సీఆర్‌ఆర్‌ అటానమస్‌ కళాశాలలో ఇటీవల శిక్షణ పూర్తిచేశారు. ఆ తర్వాత స్థానిక స్థాయిల్లోనూ శిక్షణ ఇచ్చారు. అయితే ఈ విధుల కేటాయింపులో తీవ్ర వ్యత్యాసాలు చోటుచేసుకున్నాయి. సర్వీసులో సీనియర్లయిన స్కూల్‌ అసిస్టెంట్లకు అదర్‌ పోలింగ్‌ ఆఫీసర్లు (ఓపీఓ)గా సాధారణ పనులు కేటాయించి.. వారి కంటే జూనియర్లయిన సెకండరీ గ్రేడ్‌ ఉపాధ్యాయులకు (ఎస్జీటీ) పోలింగ్‌ ఆఫీసర్‌ (పీఓ), అసిస్టెంట్‌ పోలింగ్‌ ఆఫీసర్‌ (ఏపీఓ) బాధ్యతలు అప్పగించారు. జూనియర్ల పర్యవేక్షణలో తమను పనిచేయమనడం తమను తీవ్రంగా అవమానించడమేనని సీనియర్‌ ఉపాధ్యాయులు ఆవేదన వ్యక్తం చేస్తున్నారు. చివరి నిమిషంలో డ్యూటీ మార్పుల ప్రకంపనలు నిబంధనల ప్రకారం సొంత ఓటు ఉన్న ప్రాంతాల్లో కాకుండా ఏలూరు, నూజివీడు, జంగారెడ్డిగూడెం ప్రాంతాల మధ్య ఉపాధ్యాయులను మార్చి విధులు కేటాయించారు. అయితే ర్యాండమైజేషన్‌ లోపాలు ఆలస్యంగా వెలుగులోకి రావడంతో, శనివారం ఉదయం 7 గంటల కల్లా నిర్ణీత స్థానాల్లో రిపోర్ట్‌ చేయాల్సిన సమయానికి జిల్లా విద్యాశాఖాధికారి వాట్సాప్‌ గ్రూపుల్లో నూతన మార్పుల జాబితాను పోస్ట్‌ చేశారు. అప్పటికే దూర ప్రాంతాల నుంచి వచ్చి లాడ్జీలు, బంధువుల ఇళ్లలో బస చేసిన వారు, ఉదయాన్నే ప్రయాణమైన వారు రిపోర్టింగ్‌ సమయానికి ఈ జాబితా చూసి తీవ్ర గందరగోళానికి గురయ్యారు. ఉదయాన్నే మరో ప్రాంతానికి అప్పటికప్పుడు చేరుకోవడం ఎలా సాధ్యమవుతుందని ప్రశ్నించారు. పాఠశాలల నుంచి మళ్లీ పిలుపు మరోవైపు శిక్షణ పొందాక విధులు లేవని శుక్రవారమే చెప్పడంతో పాఠశాలలకు వెళ్లిన ఉపాధ్యాయులకు సైతం శనివారం ఉదయం అధికారులు అత్యవసరంగా ఫోన్లు చేశారు. తరగతి గదుల్లో బోధనలో ఉన్న ఉపాధ్యాయులు బోధనను మధ్యలోనే నిలిపివేసి విధులకు పరుగులు తీయాల్సి వచ్చింది. గతంలో తాము అనేక ఎన్నికల్లో విధులు నిర్వహించామని, కానీ అధికారుల పర్యవేక్షణా రాహిత్యం కారణంగా ఇలాంటి దుస్థితిని ఎప్పుడూ చూడలేదని ఉపాధ్యాయ సంఘాలు తీవ్ర ఆగ్రహం వ్యక్తం చేస్తున్నాయి.డ్యూటీలు మారిపోయాయి త్వరగా వచ్చేయండని మెసేజ్‌ (ఏఐ సృష్టించిన చిత్రం)

ఏలూరు టౌన్‌: ఏలూరు సత్రంపాడులోని ఎన్‌టీఆర్‌ విగ్రహం ప్రాంతంలో శనివారం మధ్యాహ్నం సుమారు 2 గంటల సమయంలో ఒక బాలుడు ఒంటరిగా తిరుగుతూ కనిపించాడు. కుటుంబ సభ్యులు ఎవరూ లేకపోవటంతో స్థానికులు ఏలూరు త్రీటౌన్‌ పోలీసులకు సమాచారం అందించారు. దీంతో ఏలూరు త్రీటౌన్‌ సీఐ కోటేశ్వరరావు ఆధ్వర్యంలో ఎస్సై రాంబాబు తక్షణమే స్పందించి బాలుడిని పోలీస్‌స్టేషన్‌కు తీసుకువచ్చారు. త్రీటౌన్‌ పోలీస్‌స్టేషన్‌ మహిళా పోలీసుల సహకారంతో బాలుడి తల్లిదండ్రుల వివరాలు సేకరించేందుకు చర్యలు చేపట్టారు. పోలీసుల కృషితో బాలుడి తల్లిదండ్రులను గుర్తించి, చిన్నారిని వారి తల్లికి సురక్షితంగా అప్పగించారు. తమ బిడ్డను క్షేమంగా అప్పగించడంతో కుటుంబ సభ్యులు సంతోషం వ్యక్తం చేస్తూ పోలీస్‌ సిబ్బందికి కృతజ్ఞతలు తెలిపారు.

ఏలూరు టౌన్‌: ఏలూరు నగర ప్రజలు ప్రశాంతమైన జీవనాన్ని, ఆహ్లాదకర వాతావరణాన్ని, పరిపూర్ణ ప్రజాభద్రతను కోరుకుంటున్నారని, ఇవే ప్రధాన ఎజెండాగా తాము ఎన్నికల బరిలోకి దిగామని ఏలూరు వైఎస్సార్‌కాంగ్రెస్‌ పార్టీ మేయర్‌ అభ్యర్థి గంటా మోహనరావు (జీఎంఆర్‌) స్పష్టం చేశారు. స్వచ్ఛమైన తాగునీరు, గుంతలు లేని రహదారులు, అవినీతి రహిత పాలన లక్ష్యంగా ఎన్నికల ప్రచారం నిర్వహించినట్లు తెలిపారు. ప్రజల మద్దతుతో నగరపాలక సంస్థపై వైఎస్సార్‌సీపీ జెండా ఎగరేస్తామని ధీమా వ్యక్తం చేశారు. శనివారం ఆయన ‘సాక్షి’కి ప్రత్యేక ఇంటర్వ్యూ ఇచ్చారు. ప్రశ్న: ఈ ఎన్నికల్లో నగర ప్రజల ముందుకు మీరు తీసుకెళ్లిన ప్రధాన అంశాలేమిటి? జవాబు: ప్రశాంత ఏలూరు నగర నిర్మాణమే మా ముఖ్య ఉద్దేశం. నిరంతరం స్వచ్ఛమైన తాగునీరు అందించడం, గుంతలు లేని రహదారులు నిర్మించడం, ప్రజలు సేదతీరేలా ఆహ్లాదకర వాతావరణాన్ని కల్పించడమే ప్రధాన ఎజెండాగా గడపగడపకూ తిరిగాం. నగర ప్రజల నుంచి అద్భుతమైన స్పందన లభించింది. ప్రస్తుత కూటమి పాలనలో రెండున్నరేళ్లలో ఏ ఒక్కరికీ మేలు జరగకపోగా, ప్రజల ఇబ్బందులు మరింత పెరిగాయి. ప్రశ్న: నగరంలో ప్రజాభద్రత, అసాంఘిక శక్తుల అరికట్టేందుకు ఎలాంటి చర్యలు తీసుకుంటారు? జవాబు: మేము ప్రజాభద్రత, మెరుగైన ప్రజా రవాణాకు తొలి ప్రాధాన్యమిస్తాం. రాష్ట్రవ్యాప్తంగా గంజాయి సంస్కృతి పెరిగిపోతోంది. నగరంలో దౌర్జన్యాలు, అసాంఘిక శక్తుల ఆగడాలకు అడ్డుకట్ట వేయడానికి ప్రత్యేక చర్యలు చేపడతాం. నగరపాలక సంస్థ పరిధిలో ప్రతి వీధిలో సీసీ కెమెరాలు ఏర్పాటు చేసి, ప్రత్యేక మానిటరింగ్‌ కంట్రోల్‌ రూమ్‌ను క్రియేట్‌ చేస్తాం. సమస్యలను వెంటనే గుర్తించి పోలీసులతో పాటు సంబంధిత శాఖలతో సమన్వయం చేసుకుంటూ నిఘా పెంచుతాం. ప్రశ్న: కార్పొరేషన్‌లో అవినీతి నిర్మూలనకు మీ వద్ద ఉన్న ప్రణాళిక ఏంటి? జవాబు: పౌర సేవల కోసం ప్రభుత్వం నిర్దేశించిన అధికారిక రుసుము మాత్రమే తీసుకునేలా పారదర్శక వ్యవస్థను ఏర్పాటు చేస్తాం. ప్రస్తుతం టౌన్‌ ప్లానింగ్‌, ఇంజనీరింగ్‌, పబ్లిక్‌ హెల్త్‌ విభాగాలను కొందరు అవినీతి కేంద్రాలుగా మార్చి ప్రజలను పీడిస్తున్నారు. ఈ పరిస్థితిని శాశ్వతంగా నిర్మూలిస్తాం. ఎవరైనా లంచం డిమాండ్‌ చేస్తే తక్షణమే ఫిర్యాదు చేసి తీవ్రమైన చర్యలు తీసుకునేలా పటిష్టమైన ప్రజా ఫిర్యాదుల యంత్రాంగాన్ని సృష్టిస్తాం. ప్రశ్న: నగరంలో నిరుపయోగంగా ఉన్న కృష్ణా కాలువ ఆధునికీకరణపై మీ ఆలోచన ఏమిటి? జవాబు: నగరంలో 4 కిలోమీటర్ల మేర విస్తరించి ఉన్న కృష్ణా కాలువ ప్రస్తుతం మురుగు కాలువలా మారింది. అధికారంలోకి రాగానే పూర్తిస్థాయిలో పూడిక తొలగించి ఆధునికీకరిస్తాం. కాలువకు ఇరువైపులా 4 కిలోమీటర్ల మేర ఆహ్లాదకరమైన వాకింగ్‌ ట్రాక్‌లతో కూడిన పార్కులను నిర్మిస్తాం. నగరంలో ప్రజలు సమయం గడిపేందుకు తగిన కేంద్రాలు లేవు, అందుకే పరిమిత నిధులతోనే నూతన పార్కుల అభివృద్ధికి ప్రాధాన్యమిస్తాం. ప్రశ్న: ప్రజలకు చేరువయ్యేందుకు, యువతను భాగస్వాములను చేసేందుకు ఎలాంటి కార్యక్రమాలు చేపడతారు? జవాబు: ప్రతిరోజూ ఉదయం 6 నుంచి 8 గంటల వరకు ‘మార్నింగ్‌ వాక్‌ విత్‌ మేయర్‌’ కార్యక్రమాన్ని నిర్వహిస్తా. స్వయంగా కాలనీల్లో పర్యటించి, ప్రజల సమస్యలు తెలుసుకుని అక్కడికక్కడే పరిష్కారానికి కృషి చేస్తా. శ్రీజెన్‌–జీశ్రీ యువత ఆలోచనలకు పెద్దపీట వేస్తూ నగర అభివృద్ధిలో వారికి క్రియాశీలక భాగస్వామ్యం కల్పిస్తాం. ప్రశ్న: కూటమి ప్రభుత్వ వైఫల్యాలపై మీ పోరాటం ఎలా ఉండబోతోంది? జవాబు: కూటమి ప్రభుత్వం ఇచ్చిన సూపర్‌సిక్స్‌ హామీలు, ఆడబిడ్డ నిధి, నిరుద్యోగ భృతి, గ్యాస్‌ బండ సబ్సిడీ వంటి దేనినీ నెరవేర్చలేదు. పెరిగిన నిత్యావసరాల ధరలతో సామాన్యుడు అల్లాడుతున్నాడు. ఎన్నికల తర్వాత ప్రజలతో కలిసి, ఈ హామీలను తక్షణమే అమలు చేయాలంటూ ప్రభుత్వంపై ఒత్తిడి తెచ్చేందుకు వైఎస్సార్‌సీపీ తరఫున ప్రజాపోరాటాలు నిర్వహిస్తాం. అవినీతి రహిత పాలనే లక్ష్యం యంగ్‌ జనరేషన్‌ ఆలోచనలకు ప్రాధాన్యం ‘సాక్షి’ ప్రత్యేక ఇంటర్వ్యూలో వైఎస్సార్‌సీపీ మేయర్‌ అభ్యర్థి గంటా మోహనరావు

ఆగిరిపల్లి: ఎస్‌ఏపేటలో బీర్ల లోడుతో వెళ్తున్న లారీ బోల్తా పడి, దాని కింద చిక్కుకుని ఓ వ్యక్తి ప్రాణాలు కోల్పో యాడు. మృతుని భార్య ఇచ్చిన ఫిర్యాదు మేరకు వివరాలు ఇలా ఉన్నాయి: శోభనాపురం గ్రామానికి చెందిన దాసరి గోపికృష్ణ (38) విజయవాడలోని ఓ గ్యాస్‌ కంపెనీలో పనిచేస్తున్నాడు. ఎప్పట్లాగే గురువారం విధులకు వెళ్లిన ఆయన, రాత్రి అయినప్పటికీ ఇంటికి తిరిగి రాలేదు. కుటుంబ సభ్యులు ఫోన్‌ చేయగా స్విచ్‌ ఆఫ్‌ వచ్చింది. దీంతో ఆందోళనకు గురైన వారు గోపికృష్ణ కోసం గాలించగా.. శనివారం ఉదయం ఎస్‌ఏపేట సమీపంలో బీర్ల లారీ బోల్తా పడిన ప్రాంతంలో ఆయన హెల్మెట్‌ కనిపించింది. వెంటనే పోలీసులకు సమాచారం అందించారు. ఎస్సై సురేష్‌ ఆధ్వర్యంలో జేసీబీ సాయంతో లారీని పైకి లేపగా.. దాని కింద ద్విచక్ర వాహనంతో పాటు గోపికృష్ణ మృతదేహం లభ్యమైంది. పోలీసులు మృతదేహాన్ని బయటికి తీశారు. లారీ డ్రైవర్‌ నిర్లక్ష్యం వల్లే తన భర్త మృతి చెందాడని మృతుడి భార్య దాసరి పావని ఇచ్చిన ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. గోపికృష్ణ అకస్మిక మృతితో భార్య, ఇద్దరు పిల్లలు రోడ్డున పడ్డారు. నిడమర్రు: వెంకటాపురంలోని అలివేలుమంగ, గోదాదేవి సహిత శ్రీ బాలవెంకటేశ్వరస్వామి ఆలయ అభివృద్ధికి అడవికొలనుకు చెందిన పోశింశెట్టి కుటుంబ సభ్యులు రూ.10 లక్షల విరాళం ప్రకటించారు. ఆలయ పూర్వ చైర్మన్‌ పోశింశెట్టి రామమూర్తి జ్ఞాపకార్థం ఆయన కుమారుడు రంగారావు, మనవళ్లు నరసింహరావు, శేషగిరిరావు, నారాయణరావు, రామమూర్తి, కృష్ణ శనివారం ఈ మొత్తాన్ని ధర్మకర్త నాయుడు దొరబాబుకు అందజేశారు. ఈ నిధులను ఆలయ యాగశాల నిర్మాణానికి కేటాయించనున్నట్లు తెలిపారు. దాతలకు అర్చకులు ప్రత్యేక పూజలు నిర్వహించారు. కార్యక్రమంలో కమిటీ సభ్యులు పాల్గొన్నారు.

స్థానిక ఎన్నికల ప్రచార హోరు గ్రామాల్లో ఊపందుకుంది. సమయం లేదు మిత్రమా అంటూ పోటీపడి మైకులతో చేస్తున్న ప్రచారాలు చెవుడు తెప్పించేలా తయారయ్యాయి. భార్యల తరఫున భర్తలు, భర్తల తరఫున భార్యలు, పిల్లలు సైతం తెగ ప్రచారం చేస్తున్నారు. పల్లెల్లో వెంకన్న సుప్రభాతం మోగకముందే అభ్యర్థుల ప్రచారాల హోరు మొదలవుతోంది. ఈ నేపథ్యంలో నలుగురు మహిళల ముచ్చటించుకుంటున్న సంభాషణ ఇది. సుందరి: ఏమే రామలక్ష్మీ! స్టార్‌ మాలో నిన్న కార్తీకదీపం సీరియల్‌లో మిస్‌ హైదరాబాదుగా వెలిగిన జ్యోత్స్న.. రోడ్డుపై టిఫిన్‌ బండి వద్ద గిన్నెలు తోముకోవడం ఏమిటో! సూరజ్‌ కారు కింద పడిన పారిజాతం పరిస్థితి ఎలా ఉందో! రామలక్ష్మీ: అక్కా సుందరీ! ఇంకా సీరియల్‌ ఎందుకు? మన ఊరిలో ఎన్నికల సిత్రాలు సీరియల్‌ను మించిపోతున్నాయి. ఓటు కోసం వచ్చే నాయకుల నటన ముందు మన సీరియల్‌ నటులు ఏమాత్రం సరిపోరు! గీతా: ఏంటీ అక్కాచెల్లెళ్లు తెగ గుసగుసలాడేసుకుంటున్నారు? కాస్త మాక్కూడా చెప్పండి, నాకు తోచిన మాట సాయం చేస్తాను. సుందరి: అదేం లేదు గీతా.. ఎన్నికల గురించి మాట్లాడుకుంటున్నాం. అవునుకానీ, మీ ఇంటికేంటి? ఎప్పుడూ రాని మీ మావయ్య సుబ్బారావు పది మందిని తీసుకుని హడావిడి చేశాడు. ఏదైనా విశేషమా చెప్పు? గీతా: ఓ అదా! ఎంపీటీసీ ఎన్నికల్లో మా మామయ్య కొడుకు రామకృష్ణ పోటీ చేస్తున్నాడు. ఐదేళ్లుగా మా ముఖం చూడని మావయ్యకు ఇప్పుడు చుట్టాలు గుర్తొచ్చారు. మా ఇంట్లో ఒక పది ఓట్లు ఉన్నాయిగా.. దీనికోసం ఎప్పుడూ చూపని ప్రేమను ఒలకబోస్తున్నాడు. ఎన్నికలంటే అంతే మరి! సుల్తానా బేగం: (చేటలో బియ్యాన్ని ఎగరవేస్తూ) ఏంటి గీతా బేటీ.. ఏదో సీరియస్‌గా మాట్లాడుతున్నారు? ఇరుగుపొరుగు వాళ్లమయ్యాక ప్రేమలు, మాటలు పంచుకోవాలి కదా! అల్లా దయ వల్ల అందరికీ మంచే జరగాలి. అవును, అటుగా వస్తోంది మన మరియమ్మ కాదా? దిగాలుగా ఉంది, ఇటు పిలువు. గీతా: (పరుగున వెళ్లి) ఇదిగో మరియమ్మ.. మీ ఫ్రెండ్‌ సుల్తానా పిలుస్తోంది, రా! సుల్తానా బేగం: మరియమ్మ ఏంటి? ముఖం అలా పెట్టావు? చేతిలో చిన్న సంచి ఉంది, ఏం ఉంది అందులో? మరియమ్మ: ఏం చెప్పను సుల్తానా నా ఇబ్బందులు! మాది పెద్ద కుటుంబం నీకు తెలుసు కదా. కూలి పనులకు వెళితే కానీ ఆ రోజు కుండ వెలగని పరిస్థితి మాది. ఇప్పుడు బియ్యం బస్తా ఏకంగా రెండు వేలు దాటింది. నూనె ప్యాకెట్‌ రూ. 165, చివరికి పంచదార కూడా రూ. 65, ఉల్లిపాయలు కేజీ రూ. 80 పలుకుతున్నాయి. నేను రూ. 2000 తీసుకెళితే ఇదిగో చూడు ఎన్ని సరుకులు వచ్చాయో! సుందరి: (పక్కింటి ఆవిడ) మరియమ్మ! నిత్యావసర ధరల వల్ల కేవలం మీ కుటుంబమే కాదు, రాష్ట్రంలో ప్రతి మధ్యతరగతి ప్రజలూ ఇబ్బంది పడుతున్నారు. అంతెందుకు, నేను రోజువారీ లీటరు పాలను తగ్గించి పావు లీటరుతో సరిపెడుతున్నాను. ఇంతటి నిత్యావసరాల పెరుగుదల ఎప్పుడూ చూడలేదు! దుర్గ: (దండెంపై బట్టలు ఆరవేస్తూ) ఒక్క నిత్యావసర ధరల పెరుగుదలేనా? మన ఊరి రోడ్లు చూశావా ఎలా ఉన్నాయో! మొన్న అర్నబ్‌ తుపానుకు అవి మరింతగా పాడయ్యాయి. మా పెద్దోడు బండి మీద పచ్చగడ్డి తెస్తుంటే అమాంతం గుంతలో పడిపోయాడు. ఆసుపత్రిలో చేర్చాల్సి వచ్చింది. మరియమ్మ: దుర్గమ్మా! బాగా చెప్పావు. ఇదిగో, ఓట్ల కోసం వస్తారుగా, అప్పుడు రోడ్లు బాగు చేయాలని నిలదీద్దాం. ఏమైనా సరే, ఓటుకు డబ్బులు తీసుకోకూడదు. అప్పుడే నాయకులను సమస్యలపై గట్టిగా నిలదీయగలం. హేమ: (గీతా కూతురు) అమ్మా! అర్నబ్‌ తుపాను మాదిరిగానే ఇంకో తుపాను వస్తోందంట. మేడపై బట్టలు ఆరేశాం, చినుకులు పడుతున్నాయి, బేగా రా అనగానే అందరూ రేపు మాట్లాడుకుందాం అంటూ ఇళ్లలోకి పరుగులు పెట్టారు. – కై కలూరు

ద్వారకాతిరుమల: స్థానిక ఎన్నికల ప్రభావం చినవెంకన్న క్షేత్రంపై కనిపిస్తోంది. సాధారణంగా ప్రతి శనివారం వేలాది మంది భక్తులతో సందడిగా ఉండే ద్వారకాతిరుమల శ్రీవారి దివ్యక్షేత్రానికి ఈ వారం భక్తుల రాక తగ్గింది. దీంతో ఆలయ పరిసరాలు కొంత వెలవెలబోయాయి. మరోవైపు, ప్రతి వారం 100కు పైగా జంటలతో నిర్వహించే స్వామివారి నిత్య కల్యాణంలో ఈసారి కేవలం 65 జంటలే పాల్గొన్నారు. ఎన్నికల నేపథ్యంలో భక్తుల సంఖ్య తగ్గినట్లు ఆలయ వర్గాలు భావిస్తున్నాయి. ఆదివారం కూడా రద్దీ తక్కువగా ఉండొచ్చని అంచనా వేస్తున్నారు. జంగారెడ్డిగూడెం (బుట్టాయగూడెం): జంగారెడ్డిగూడెం గోకుల తిరుమల పారిజాతగిరి వేంకటేశ్వరస్వామి దేవస్థానంలో అర్చకులు నల్లూరి రవికుమార్‌ ఆచార్యులు ఆధ్వర్యంలో శనివారం విశేష పూజలు నిర్వహించారు. ఉదయం 6 గంటల నుంచి ఆలయ గార్డెన్‌ మార్గమధ్యంలో భూవరాహ స్వామి దర్శనం అనంతరం భక్తులు కంకణధారణతో గిరి ప్రదక్షిణ చేపట్టారు. అధిక సంఖ్యలో తరలివచ్చిన అయ్యప్ప, గోవింద, భవానీ మాలధారులు స్వామికి ప్రత్యేక పూజలు చేశారు. భక్తులకు ఉచిత దర్శనం, ప్రసాద వితరణ, అన్నప్రసాద ఏర్పాట్లను ఆలయ ధర్మకర్త మండలి చైర్మన్‌ అల్లూరి రామకృష్ణ, ధర్మకర్తలు, ఆలయ కార్యనిర్వహణాధికారి మానికల రాంబాబు పర్యవేక్షించారు. పూజా టికెట్లు, ప్రసాదాలు, విరాళాల ద్వారా మొత్తం రూ.1,69,900 ఆదాయం సమకూరినట్లు ఈవో రాంబాబు వెల్లడించారు. కరెంట్‌ షాక్‌తో యువకుడి మృతి పాలకొల్లు సెంట్రల్‌: తుపాను ప్రభావంతో దెబ్బతిన్న విద్యుత్‌ సరఫరాను పునరుద్ధరిస్తున్న సమయంలో జరిగిన ప్రమాదంలో కరెంట్‌ షాక్‌ తగిలి పలివెల కిషోర్‌కుమార్‌ (38) అనే యువకుడు మృతి చెందాడు. ఈ విషాదకర ఘటన పట్టణంలో తీవ్ర కలకలం రేపింది. స్థానికులు తెలిపిన వివరాల ప్రకారం.. శనివారం స్థానిక 10వ వార్డు ఎంబెరుమన్నార్‌ పేటలో విద్యుత్‌ సిబ్బంది పునరుద్ధరణ పనులు చేస్తుండగా, కిషోర్‌ వారికి సహాయపడేందుకు వెళ్లాడు. ఈ క్రమంలో విద్యుత్‌ పోల్‌ను ఎత్తుతుండగా, పైన ఉన్న 11 కేవీ విద్యుత్‌ తీగలు పోల్‌కు తగిలాయి. దీంతో కిషోర్‌కు తీవ్ర విద్యుత్‌ షాక్‌ తగలగా, పోల్‌పై ఉన్న మరో వ్యక్తి కిందపడిపోయాడు. వెంటనే స్పందించిన స్థానికులు ఇద్దరినీ చికిత్స నిమిత్తం ఒక ప్రైవేటు ఆసుపత్రికి తరలించగా, అప్పటికే కిషోర్‌ మృతి చెందినట్లు వైద్యులు నిర్ధారించారు. కిషోర్‌కు ఇటీవలె వివాహం కాగా, ఆయన భార్య ఉద్యోగరీత్యా హైదరాబాద్‌లో ఉంటున్నారు. డ్రైవర్‌గా పని చేస్తూ జీవనం సాగిస్తున్న కిషోర్‌.. వ్యక్తిగత పని మీద పాలకొల్లు వచ్చినట్లు తెలిపారు. బుట్టాయగూడెం: మండలంలోని పైదావారిగూడెం గ్రామానికి చెందిన పైదా నాగార్జున (36) శనివారం విద్యుత్‌ షాక్‌తో మృతి చెందాడు. స్థానికులు తెలిపిన వివరాల ప్రకారం.. నాగార్జున తన పొలం నుంచి పాత ఇనుప పైపును భుజంపై వేసుకొని వస్తున్న సమయంలో, పొలంలో వేలాడుతున్న విద్యుత్‌ తీగలకు ఇనుప రాడ్డు తగిలింది. హైటెన్షన్‌ విద్యుత్‌ తీగలు కావడంతో అతడు అక్కడికక్కడే మృతి చెందాడు. సమాచారం అందుకున్న ఎస్సై చెన్నారావు ఘటనా స్థలానికి చేరుకుని, కుటుంబ సభ్యుల ద్వారా వివరాలు అడిగి తెలుసుకున్నారు. మృతునికి భార్య, ముగ్గురు కుమార్తెలు ఉన్నారు. ఈ ఘటనపై కేసు నమోదు చేసి దర్యాప్తు చేస్తున్నట్లు ఎస్సై తెలిపారు. ఆర్టీసీ డిపో, బస్టాండ్‌ తనిఖీ ఏలూరు (ఆర్‌ఆర్‌పేట): ఏలూరు ఆర్టీసీ డిపో గ్యారేజ్‌, కొత్త బస్టాండును జిల్లా ప్రజా రవాణా అధికారి షేక్‌ షబ్నం శనివారం తనిఖీ చేశారు. గ్యారేజ్‌లో టైర్‌ సెక్షన్‌ను పరిశీలించి, మైలేజీ పెంచాలని, ఇంధనాన్ని సద్వినియోగం చేసుకోవాలని ఆదేశించారు. వివిధ బస్సులను పరిశీలించి, లోపాలను వెంటనే సరిదిద్దాలని సూచించారు. కొత్త బస్టాండ్‌లో నిలిచిన వర్షపు నీటిని తొలగించి, పరిసరాలను పరిశుభ్రంగా ఉంచాలని హెచ్చరించారు. బస్టాండ్‌లోని దుకాణాలను తనిఖీ చేసి, ఎంఆర్‌పీ కంటే అధిక ధరలకు అమ్మితే టెండర్లు రద్దు చేస్తామని స్పష్టం చేశారు. డిపో మేనేజర్‌ బి. వాణి పాల్గొన్నారు.

ఆరోగ్యశ్రీ నిర్వీర్యం చంద్రబాబు ప్రభుత్వం ఆసుపత్రులకు బిల్లులు చెల్లించకుండా ఆరోగ్యశ్రీ పథకాన్ని నిర్వీర్యం చేసిందని పోలవరం మాజీ ఎమ్మెల్యే తెల్లం బాలరాజు విమర్శించారు. 8లో uనూజివీడు/ఏలూరు (ఆర్‌ఆర్‌ పేట): జిల్లాలోని ఏలూరు నగరపాలక సంస్థతో పాటు నూజివీడు, జంగారెడ్డిగూడెం పురపాలక సంఘాలలో ఆదివారం జరగనున్న ఎన్నికలకు అన్ని ఏర్పాట్లు పూర్తి చేసినట్లు జిల్లా కలెక్టర్‌ కె.వెట్రిసెల్వి, ఎస్పీ కొమ్మి ప్రతాప శివకిశోర్‌ తెలిపారు. ఈ మూడు ప్రాంతాల్లోని 130 వార్డులు/డివిజన్లలో కౌన్సిలర్లు, కార్పొరేటర్లు, చైర్‌పర్సన్లు, మేయర్‌ ఎన్నిక నిమిత్తం మొత్తం 3,28,671 మంది ఓటర్లు తమ ఓటు హక్కును వినియోగించుకోనున్నారు. శనివారం ఏలూరులోని సీఆర్‌ఆర్‌ పబ్లిక్‌ స్కూల్‌లో జాయింట్‌ కలెక్టర్‌ ఎంజే అభిషేక్‌ గౌడతో కలిసి, నూజివీడులోని సారధి ఇంజనీరింగ్‌ కాలేజీలో నిర్వహించిన పోలింగ్‌ సామాగ్రి పంపిణీ కేంద్రాలను ఎస్పీతో కలిసి కలెక్టర్‌ పరిశీలించారు. అనంతరం నూజివీడు జెడ్పీ బాలికల హైస్కూల్‌లోని పోలింగ్‌ కేంద్రాన్ని, స్ట్రాంగ్‌ రూములు, కౌంటింగ్‌ హాళ్లను తనిఖీ చేశారు. ఉదయం 7 గంటల నుంచి సాయంత్రం 5 గంటల వరకు పోలింగ్‌ జరగనుంది. సిబ్బంది ఉదయం 6 గంటలకే పోలింగ్‌ కేంద్రాలను సిద్ధం చేయాలని, ఎన్నికల కమిషన్‌ నిబంధనల ప్రకారం పారదర్శకంగా, పక్షపాతం లేకుండా విధులు నిర్వర్తించాలని కలెక్టర్‌ స్పష్టం చేశారు. అలసత్వం వహిస్తే కఠిన చర్యలు ఉంటాయని హెచ్చరించారు. జిల్లావ్యాప్తంగా ఏర్పాటు చేసిన 376 పోలింగ్‌ స్టేషన్లలో 99 కేంద్రాలను సమస్యాత్మక, అత్యంత సమస్యాత్మకమైనవిగా గుర్తించి అదనపు బలగాలను మోహరించినట్లు ఎస్పీ తెలిపారు. 11 మంది జోనల్‌ అధికారులు, 31 మంది రూట్‌ ఆఫీసర్లు నిరంతరం పర్యవేక్షిస్తారని ఎస్పీ తెలిపారు. అలాగే పోలింగ్‌ కేంద్రాల వద్ద 144 సెక్షన్‌ అమలులో ఉంటుందని, ఓటర్లు, అధికారిక పాస్‌లు ఉన్న ఏజెంట్లు మినహా అనధికార వ్యక్తులను అనుమతించవద్దని ఎస్పీ ఆదేశించారు. కౌంటింగ్‌ కేంద్రాల వద్ద రెండంచెల భద్రత ఏర్పాటు చేశారు. ప్రజలు ఎటువంటి ప్రలోభాలకు గురికాకుండా, ప్రశాంత వాతావరణంలో తమ విలువైన ఓటు హక్కును స్వేచ్ఛగా వినియోగించుకోవాలని కలెక్టర్‌ వెట్రిసెల్వి విజ్ఞప్తి చేశారు. ఆయా కార్యక్రమాల్లో సబ్‌ కలెక్టర్‌ బొల్లిపల్లి వినూత్న, అసిస్టెంట్‌ కలెక్టర్‌ సీహెచ్‌. శ్రావణ్‌ కుమార్‌ రెడ్డి, ఆర్డీఓలక్ష్మీప్రసన్న, మున్సిపల్‌ కమిషనర్లు ఎ. భానుప్రతాప్‌, కొరపాటి పీరయ్య, డీఎస్పీలు శ్రావణ్‌ కుమార్‌, కేవీవీఎన్వీ ప్రసాదరావు పాల్గొన్నారు.

కై కలూరు: కొల్లేరు ప్రజలకు అమలుకాని హామీలిచ్చి కూటమి నాయకులు మరోసారి మోసం చేస్తున్నారని వైఎస్సార్‌సీపీ జిల్లా అధ్యక్షుడు, మాజీ ఎమ్మెల్యే దూలం నాగేశ్వరరావు (డీఎన్నార్‌) ఆరోపించారు. కై కలూరు మండలం కొల్లేరు గ్రామాల్లో జడ్పీటీసీ అభ్యర్థి జయమంగళ కాసులు, ఎంపీటీసీ అభ్యర్థుల విజయం కోరుతూ పెంచికలమర్రు, గుమ్మళ్ళపాడు, కొట్టాడ, వడ్లకూటితిప్ప, శృంగవరప్పాడు, గోకర్ణపురం, లక్ష్మీపురం, కొల్లేటికోట గ్రామాల్లో శనివారం ఆయన విస్తృత ప్రచారం నిర్వహించారు. ఆయా గ్రామాల్లో మహిళలు ఘన స్వాగతం పలికారు. ఈ సందర్భంగా జరిగిన సమావేశాల్లో డీఎన్నార్‌ మాట్లాడుతూ కూటమి ప్రభుత్వ నిర్లక్ష్యం వల్ల సర్కారు కాలువపై సిమెంటు వంతెన మూలనపడిందని, గతంలో వైఎస్సార్‌సీపీ హయాంలోనే పాత బకాయిలు చెల్లించి ఆ వంతెనను పూర్తి చేశామన్నారు. అలాగే కొల్లేటికోట పెద్దింట్లమ్మ దేవస్థానం వద్ద అతిపెద్ద అనివేటి మండపాన్ని దాతల సహకారంతో నిర్మించి భక్తులకు అందుబాటులోకి తెచ్చామన్నారు. కొల్లేరు ప్రాంత అభివృద్ధికి తమ ప్రభుత్వం అనేక రోడ్లు, రింగురోడ్లు నిర్మించిందని గుర్తుచేశారు. కొల్లేరు గ్రామానికి చెందిన బిడ్డ, జడ్పీటీసీ అభ్యర్థి జయమంగళ కాసులును భారీ మెజారిటీతో గెలిపించాలని కోరారు. రూ.6 కోట్ల అవకతవకలపై విచారణ: పందిరిపల్లిగూడెంలో గ్రామ అభివృద్ధి నిధులకు సంబంధించి రూ. 6 కోట్లు దుర్వినియోగం అయ్యాయని, చెరువుల మీద వచ్చే డబ్బులకు లెక్కలు చెప్పకుండా కొంతమంది కాపాడుతున్నారని గ్రామస్తులు ఫిర్యాదు చేశారు. దీనిపై స్పందించిన డీఎన్నార్‌ వైఎస్సార్‌సీపీ ప్రభుత్వం అధికారంలోకి రాగానే దీనిపై ప్రత్యేక విచారణ కమిటీ వేస్తామని హామీ ఇచ్చారు. ఈ ప్రచారంలో ఎంపీటీసీ అభ్యర్థులు సింహద్రి గురుమూర్తులు, చిన్నం స్రవంతి, పడమటి శేషావాతరం, ముంగర పెద్దింట్లమ్మ తదితరులు పాల్గొన్నారు. వైఎస్సార్‌సీపీ జిల్లా అధ్యక్షుడు డీఎన్నార్‌

తణుకు అర్బన్‌: ద్విచక్ర వాహనాన్ని తప్పించబోయి అదుపుతప్పిన కారు డివైడర్‌పైకి దూసుకెళ్లిన ఘటన తణుకు జాతీయ రహదారిపై చోటుచేసుకుంది. ఈ ప్రమాదంలో కారులో ఉన్న మహిళతోపాటు మరొకరు స్వల్ప గాయాలతో బయటపడ్డారు. విజయవాడకు చెందిన విద్యుత్‌ శాఖ ఇంజనీరు కుటుంబ సభ్యులు.. శ్రీవేంకటేశ్వరస్వామి దర్శనం కోసం వాడపల్లికి బయలుదేరారు. వారు ప్రయాణిస్తున్న కారు తణుకు సమీపంలోని పాత టోల్‌గేట్‌ ప్రాంతానికి చేరుకోగానే, ఎదురుగా రాంగ్‌రూట్‌లో వస్తున్న ద్విచక్ర వాహనాన్ని తప్పించబోయి అదుపుతప్పి డివైడర్‌పైకి దూసుకెళ్లింది. ప్రమాద సమయంలో కారు డివైడర్‌ ఎక్కి అక్కడే ఉన్న ఇనుప స్తంభాన్ని ఢీకొనడంతో ఆగిపోయిందని, దీనివల్ల పెనుప్రమాదం తప్పిందని స్థానికులు తెలిపారు. లేనిపక్షంలో.. పెరవలి వైపు నుంచి తణుకు వచ్చే వాహనాలపైకి కారు దూసుకెళ్లి ఉండేదని, అప్పుడు మరింత ప్రాణనష్టం జరిగేదని వారు పేర్కొన్నారు.

పెనుగొండ: పెనుగొండ మండల వైఎస్సార్‌సీపీ జడ్పీటీసీ అభ్యర్థి పిల్లి శ్రీ వెంకట సుధాకర్‌ విద్యుత్‌ షాక్‌కు గురై త్రుటిలో ప్రమాదం నుంచి బయటపడ్డారు. శుక్రవారం రాత్రి పెనుగొండ మండలంలో ప్రచారం ముగించుకొని ఇంటికి చేరుకున్న అనంతరం మైకు, ఇతర విద్యుత్‌ సామగ్రిని తనిఖీ చేస్తుండగా ఆయనకు షాక్‌ తగిలింది. స్పృహ తప్పి పడిపోయిన ఆయన్ను వెంటనే తణుకు ఆసుపత్రికి తరలించారు. తీవ్రంగా గాయపడడంతో వారం రోజుల పాటు విశ్రాంతి తీసుకోవాలని వైద్యులు సూచించారు. అయినప్పటికీ, ఎన్నికలు సమీపిస్తుండడంతో నీరసంగా ఉన్నప్పటికీ ప్రచారంలో పాల్గొంటున్నట్లు తెలిపారు. వైద్యులు సూచించిన విధంగా తగిన మందులు ఇస్తే చాలంటూ శనివారం తిరిగి ప్రచారంలోకి దిగారు. మాజీ మంత్రి చెరుకువాడ శ్రీరంగనాథరాజు జెడ్పీటీసీ అభ్యర్థి పిల్లి శ్రీనును పరామర్శించి, ఆరోగ్యంపై ప్రత్యేక శ్రద్ధ తీసుకోవాలని సూచించారు. మరో రెండు రోజులు మాత్రమే ప్రచారం ఉండడంతో, ఈ తక్కువ సమయంలోనూ ప్రచారంలో పాల్గొంటానని శ్రీను తెలిపారు. జెడ్పీటీసీ అభ్యర్థికి విద్యుత్‌ షాక్‌ తగిలిందన్న సమాచారం మండలంలో తెలియడంతో వైఎస్సార్‌సీపీ నాయకులు, కార్యకర్తలు దిగ్భ్రాంతికి గురయ్యారు.

టి.నరసాపురం: చంద్రబాబు ప్రభుత్వం ఆసుపత్రులకు బిల్లులు చెల్లించకుండా ఆరోగ్యశ్రీ పథకాన్ని నిర్వీర్యం చేసిందని పోలవరం మాజీ ఎమ్మెల్యే తెల్లం బాలరాజు విమర్శించారు. మండలంలోని బండివారిగూడెం, అప్పలరాజుగూడెం, మక్కినవారిగూడెం పంచాయతీలలో శనివారం ఎంపీటీసీ అభ్యర్థుల తరఫున ఆయన ఎన్నికల ప్రచారం నిర్వహించారు. ఈ సందర్భంగా బండివారిగూడెం ఎంపీటీసీ అభ్యర్థి తాళ్ళ రాంబాబు, అప్పలరాజుగూడెం ఎంపీటీసీ అభ్యర్థి గెల్ల సుచరిత, మక్కినవారిగూడెం ఎంపీటీసీ అభ్యర్థి పెనుబోయిన కుమారి, టి.నరసాపురం జెడ్పీటీసీ అభ్యర్థి గుండె హరీషలకు ఫ్యాన్‌ గుర్తుపై ఓటేసి, అత్యధిక మెజార్టీతో గెలిపించాలని ఆయన కోరారు. పచ్చ చొక్కాలకే పథకాలు ఆయా గ్రామాల్లో మాజీ ఎమ్మెల్యే తెల్లం బాలరాజు మాట్లాడుతూ... కూటమి ప్రభుత్వం ఆసుపత్రులకు బిల్లులు చెల్లించని కారణంగా సరైన వైద్యం అందక, ఆపరేషన్లు జరగక ప్రజలు ప్రాణాలు కోల్పోతున్నారని ఆందోళన వ్యక్తం చేశారు. చంద్రబాబు ప్రభుత్వం రైతు భరోసా కేంద్రాలను నిర్వీర్యం చేసిందని విమర్శించారు. వైఎస్‌. జగన్‌మోహన్‌రెడ్డి అమలు చేసిన సంక్షేమ పథకాలు గడపగడపకూ చేరాయని, ఒక్కో కుటుంబానికి రూ.2 లక్షల నుంచి రూ.3 లక్షల వరకు లబ్ధి చేకూరిందని గుర్తుచేశారు. ప్రస్తుత ప్రభుత్వ హయాంలో సంక్షేమ పథకాలు అమలు కావడం లేదని, కేవలం పచ్చ చొక్కాలకే పథకాలు పరిమితమయ్యాయని దుయ్యబట్టారు. ఈ ప్రచార కార్యక్రమంలో భాగంగా బండివారిగూడెంలో 10 కుటుంబాలు వైఎస్సార్‌సీపీలో చేరాయి. వారికి మాజీ ఎమ్మెల్యే బాలరాజు పార్టీ కండువాలు కప్పి సాదరంగా ఆహ్వానించారు. బండివారిగూడెంలో జరిగిన ప్రచారంలో బాలరాజుతో పాటు దాసరి రాంబాబు, దాసరి కాశీ వరప్రసాద్‌, దేవానందం, ముత్తంశెట్టి లక్ష్మణరావు, చింతం ఆనందరావు, గుర్రం నాగేశ్వరరావు, గంగుల సుబ్బారావు పాల్గొన్నారు. అలాగే మక్కినవారిగూడెంలో పిన్నమనేని చక్రవర్తి, మందలపు మూర్తి, అప్పలరాజుగూడెంలో మాజీ సర్పంచ్‌ జల్లా మూర్తి తదితర వైఎస్సార్‌సీపీ నాయకులు, కార్యకర్తలు పాల్గొన్నారు. మాజీ ఎమ్మెల్యే తెల్లం బాలరాజు విమర్శ

వేలేరుపాడు: స్థానిక సంస్థల ఎన్నికల్లో రిటర్నింగ్‌ అధికారులు (ఆర్‌ఓలు) అధికారంలో ఉన్న తెలుగుదేశం పార్టీ ఏజెంట్లుగా వ్యవహరిస్తూ ప్రజాస్వామ్యాన్ని ఖూనీ చేస్తున్నారని సీపీఐ(ఎంఎల్‌) మాస్‌ లైన్‌ జిల్లా కమిటీ కార్యదర్శి ఎస్కే గౌస్‌, వైఎస్సార్‌సీపీ మండల నాయకులు కవులూరి సత్తిరాజు, మాస్‌ లైన్‌ జిల్లా నాయకులు సిరికొండ రామారావు విమర్శించారు. శనివారం వేలేరుపాడు మండలంలోని మేడేపల్లిలో జరిగిన విలేకరుల సమావేశంలో ఎంపీటీసీ అభ్యర్థిని చిచ్చడి జ్యోతితో కలిసి వారు మాట్లాడారు. నవంబరు 5న జరగనున్న వేలేరుపాడు మండల పరిషత్‌ ఎన్నికలకు సంబంధించి మేడేపల్లి, రామవరం, నార్లవరం ఎంపీటీసీ స్థానాలకు సీపీఐ(ఎంఎల్‌) మాస్‌ లైన్‌ అభ్యర్థులుగా చిచ్చడి జ్యోతి, కారం కావ్య, కరటం రత్తమ్మ అక్టోబరు 21, 22 తేదీలలో నామినేషన్లు వేశారని తెలిపారు. అక్టోబరు 24, 25, 26 తేదీల్లో జరిగిన స్క్రూటినీలో ఎటువంటి అభ్యంతరాలు రాలేదని, ఎవరూ అప్పీలు కూడా చేయలేదని వెల్లడించారు. అక్టోబరు 27న రిటర్నింగ్‌ అధికారి తమ అభ్యర్థులకు ‘కత్తెర’ గుర్తు కేటాయించి, ఎంపీడీఓ కార్యాలయ నోటీస్‌ బోర్డులో ఫామ్‌–9 విడుదల చేశారన్నారు. ప్రచారానికి మైక్‌ పర్మిషన్‌ కూడా ఇవ్వడంతో అభ్యర్థులు గ్రామాల్లో ప్రచారం చేసుకుంటున్నారని పేర్కొన్నారు. అయితే అభ్యర్థులు దాఖలు చేసిన రెండు సెట్ల నామినేషన్లలో ఒక సెట్‌ను విత్‌డ్రా చేసుకోమని ఆర్‌ఓ చెప్పడంతో ఒక్కో సెట్‌ వెనక్కి తీసుకున్నట్లు వివరించారు. అధికార పార్టీ ఒత్తిళ్లతో తొలగింపు ఈ క్రమంలో అక్టోబరు 29న జిల్లా కలెక్టర్‌కు సీపీఐ పార్టీ జిల్లా కమిటీ ఇచ్చిన వినతిపత్రాన్ని నెపంగా చూపి, అధికార టీడీపీ నేతల రాజకీయ ఒత్తిళ్లతో వేలేరుపాడు ఆర్‌ఓ శేఖర్‌ దొర తమ అభ్యర్థులను పోటీ నుంచి అక్రమంగా తొలగించారని మండిపడ్డారు. 30న ఫామ్‌–10 ద్వారా సీపీఐ అభ్యర్థులు ఏకగ్రీవమైనట్లు ప్రకటించి, నోటీస్‌ బోర్డులోని తమ అభ్యర్థుల పేర్లు, గుర్తులను తొలగించడం అధికారుల అక్రమాలకు అద్దం పడుతోందన్నారు. నిబంధనల ప్రకారం ఒక్కసారి గుర్తులు కేటాయించాక అభ్యర్థులను రద్దు చేసే అధికారం ఆర్‌ఓకు లేదన్నారు. అక్రమాలకు ఒడిగట్టిన అధికారులపై కఠిన చర్యలు తీసుకోవాలని డిమాండ్‌ చేస్తూ, దీనిపై న్యాయపోరాటం చేస్తామని స్పష్టం చేశారు. అవకాశవాద రాజకీయాలను ప్రజాస్వామికవాదులు ఖండించాలని కోరారు. ఈ సమావేశంలో గడ్డాల ముత్యాలరావు, మాజీ సర్పంచ్‌ కట్టం రాంబాబు, వైఎస్సార్‌సీపీ నాయకులు కుంజ శ్రీరాములు, మహేశ్వరరావు, రామకృష్ణ పాల్గొన్నారు.

ఓటు వజ్రాయుధం స్థానిక ఎన్నికల ప్రచార హోరు గ్రామాల్లో ఊపందుకుంది. పల్లెల్లో వెంకన్న సుప్రభాతం మోగకముందే అభ్యర్థుల ప్రచారాల హోరు మొదలవుతోంది. 8లో uఆదివారం శ్రీ 1 శ్రీ నవంబర్‌ శ్రీ 2026సాక్షి ప్రతినిధి, ఏలూరు: స్థానిక సంస్థల తొలిపోరుకు సర్వం సన్నద్ధమైంది. ఆదివారం జిల్లాలోని ఏలూరు నగరపాలక సంస్థతో సహా రెండు మున్సిపాల్టీల్లో ఎన్నికలు నిర్వహించనున్నారు. జిల్లా వ్యాప్తంగా మూడు మున్సిపాల్టీల్లో పోలింగ్‌ ప్రక్రియకు సంబంధించి అన్ని ఏర్పాట్లు పూర్తి చేశారు. ఏలూరు నగరపాలక సంస్థ, జంగారెడ్డిగూడెం, నూజివీడు మున్సిపాల్టీల్లో మూడు స్థానాల్లో కలిపి 3,28,671 మంది ఓటర్లు తమ ఓటు హక్కును వినియోగించుకోనున్నారు. ఉదయం 7 గంటల నుంచి సాయంత్రం 5 గంటల వరకు పోలింగ్‌ ప్రక్రియ జరుగుతుంది. 376 పోలింగ్‌ కేంద్రాలు స్థానిక సంస్థల ఎన్నికల్లో భాగంగా జిల్లాలో ఏలూరు, నూజివీడు, జంగారెడ్డిగూడెం మున్సిపాల్టీల్లో ఆదివారం ఎన్నికల నిర్వహణకు వీలుగా సర్వం సన్నద్ధం చేశారు. మూడు కేంద్రాల్లో 376 పోలింగ్‌ కేంద్రాల్లో 130 వార్డులు, డివిజన్లల్లో కార్పొరేటర్లు, కౌన్సిలర్లు, చైర్‌పర్సన్లు, మేయర్‌కు సంబంధించి ఓటర్లు రెండు ఓట్లు బ్యాలెట్‌ వినియోగించుకోనున్నారు. మరోవైపు జిల్లా ఎన్నికల అధికారిగా వ్యవహరిస్తున్న కలెక్టర్‌ కె.వెట్రిసెల్వి నేతృత్వంలో అన్ని ఏర్పాట్లు పూర్తి చేశారు. శనివారం ఉదయం సర్‌ సీఆర్‌రెడ్డి పబ్లిక్‌ స్కూల్‌లో ప్రత్యేకంగా 376 పోలింగ్‌ కేంద్రాలకు సంబంధించి ఎన్నికల సామాగ్రిని, సిబ్బంది విధుల కేటాయింపు ప్రక్రియ పూర్తి చేశారు. అలాగే పోలీస్‌ సిబ్బందికి కూడా బందోబస్తు డ్యూటీలు కేటాయించారు. పోలింగ్‌ నేపథ్యంలో 11 మంది జోనల్‌ అధికారులు, 31 మంది రూట్‌ ఆఫీసర్లను నియమించారు. మూడు చోట్ల 99 సమస్యాత్మక, అత్యంత సమస్యాత్మక ప్రాంతాలను గుర్తించి అదనపు బలగాలను భద్రత కోసం ఏర్పాటు చేస్తున్నారు. ప్రతి పోలింగ్‌ కేంద్రంలో ప్రీసైడింగ్‌ అధికారి, అదనపు ప్రీసైడింగ్‌ అధికారి, ముగ్గురు పోలింగ్‌సిబ్బంది, ఒక మైక్రో అబ్జర్వర్‌ను నియమించారు. అలాగే సిబ్బందికి పూర్తి స్థాయిలో శిక్షణ ప్రక్రియ ముగించి రూట్‌ అధికారి నేతృత్వంలో పోలింగ్‌ మెటిరీయల్‌ను పోలింగ్‌ స్టేషన్‌కు పంపేలా ఏర్పాట్లు చేశారు. ఆదివారం ఉదయం 6 గంటకల్లా పోలింగ్‌ కేంద్రాలు అన్ని ఏర్పాట్లతో సిద్ధంగా ఉంచాలని ఆదేశించారు. ఏలూరు నగరపాలక సంస్థలో వైఎస్సార్‌ కాంగ్రెస్‌ పార్టీ మేయర్‌ అభ్యర్థిగా గంటా మోహనరావు (జీఎంఆర్‌), కూటమి అభ్యర్థిగా జనసేన నేత రెడ్డి అప్పలనాయుడు పోటీలో ఉన్నారు. 62 డివిజన్లల్లో వైఎస్సార్‌ కాంగ్రెస్‌పార్టీ అభ్యర్థులు, కూటమి నేతలు బరిలో నిలిచారు. ఏలూరు నగరంలో మొత్తం 255 పోలింగ్‌ బూత్‌ల్లో 2,37,256 మంది ఓటర్లు ఉండగా మహిళలు అత్యధికంగా 1,23,873, పురుషులు 1,13,332, ఇతరులు 51 ఓట్లు ఉన్నాయి. నూజివీడు వైఎస్సార్‌ కాంగ్రెస్‌ పార్టీ మున్సిపల్‌ చైర్మన్‌ అభ్యర్థి కంచర్ల లవకుమార్‌, టీడీపీ అభ్యర్థిగా బర్రె ఇళయరాజాలు పోటీలో నిలిచారు. 36 వార్డుల్లో 57 పోలింగ్‌బూత్‌ల్లో 42,952 మంది ఓటు హక్కు వినియోగించుకోనున్నారు. వీరిలో 20,521 మంది పురుషులు, 22,425 మంది మహిళలు, ఆరుగురు ఇతరులున్నారు. జంగారెడ్డిగూడెం వైఎస్సార్‌కాంగ్రెస్‌ పార్టీ మున్సిపల్‌ చైర్‌పర్సన్‌ అభ్యర్థిగా మేక సత్యవతి, టీడీపీ అభ్యర్థిగా రొంగల అనూషలు పోటీలో ఉన్నారు. 32 వార్డుల పరిధిలో 64 పోలింగ్‌కేంద్రాల్లో 48,463 మంది ఓటు హక్కు వినియోగించుకోనున్నారు. వీరిలో 23,409 మంది పురుషులు, 25,025 మంది మహిళలు, 29 మంది ఇతరులున్నారు. ఓటుకు వేళాయే జిల్లాలో మూడు మున్సిపాల్టీల్లో 3.28 లక్షల మంది ఓటర్లు ఏలూరులో 255 కేంద్రాల్లో 2.35 లక్షల మంది ఓటర్లు జంగారెడ్డిగూడెంలో 64 పోలింగ్‌ బూత్‌ల్లో 48 వేల మంది ఓటర్లు నూజివీడులో 57 పోలింగ్‌ బూత్‌ల్లో 42 వేల మంది ఓటర్లు ఎన్నికల సామాగ్రి పంపిణీ ప్రక్రియ పూర్తి ఉదయం 7 గంటల నుంచి సాయంత్రం 5 గంటల వరకు పోలింగ్‌ 3న సీఆర్‌రెడ్డి ఇంజినీరింగ్‌ కళాశాలలో కౌంటింగ్‌

కై కలూరు: మనవడిని స్కూటీపై పాఠశాలకు తీసుకెళ్తున్న తాత లారీ చక్రాల కింద పడి మృతి చెందిన దారుణ ఘటన కై కలూరులోని నిమ్మగడ్డ నాగభూషణం ఉన్నత పాఠశాల సమీపంలో శుక్రవారం చోటు చేసుకుంది. పోలీసుల వివరాల ప్రకారం ఏలూరు రూరల్‌ మండలం కోమటిలంకకు చెందిన ముంగర దుర్గాప్రసాద్‌ (60) కై కలూరు మండలం ఆటపాకలో స్థిరపడ్డారు. ఆయన కుమార్తె కుమారుడైన నాలుగేళ్ల మోక్షిత్‌ పవన్‌ను పాఠశాలలో దింపేందుకు దుర్గాప్రసాద్‌ స్కూటీపై బయలుదేరారు. పాఠశాల సమీపంలో ఎదురుగా వస్తున్న వాహనాన్ని తప్పించే క్రమంలో స్కూటీ అదుపుతప్పి కిందపడింది. ఈ ప్రమాదంలో మనవడు ఒకవైపు పడిపోగా, రోడ్డుపై పడిన దుర్గాప్రసాద్‌ తలపై నుంచి ఎదురుగా వస్తున్న టిప్పర్‌ లారీ వెళ్లడంతో ఆయన అక్కడికక్కడే దుర్మరణం చెందాడు. ప్రమాదం అనంతరం డ్రైవర్‌ లారీని వదిలి పరారయ్యాడు. చిన్నారి మోక్షిత్‌కు స్వల్ప గాయాలు కావడంతో చికిత్స నిమిత్తం ప్రభుత్వ ఆసుపత్రికి తరలించారు. మృతుడి కుమారుడు కిషోర్‌ ఫిర్యాదు మేరకు కై కలూరు టౌన్‌ సీఐ ఏవీఎస్‌ రామకృష్ణ కేసు నమోదు చేసి మృతదేహాన్ని పోస్టుమార్టానికి తరలించారు. దేవరపల్లి: నల్లజర్ల మండలంలోని దూబచర్ల వద్ద కూలీలతో వెళ్తున్న వ్యాన్‌ అదుపుతప్పి బోల్తా పడిన ఘటనలో ముగ్గురు తీవ్రంగా గాయపడ్డారు. పోలీసుల కథనం ప్రకారం కొయ్యలగూడెం మండలం పొంగుటూరుకు చెందిన శీలం వీర్రాజు, శీలం వెంకటేశ్వరరావు, శీలం ప్రసాద్‌ శుక్రవారం పనుల నిమిత్తం దూబచర్లకు వచ్చారు. సాయంత్రం తిరిగి వ్యాన్‌పై స్వగ్రామం వెళ్తుండగా, మార్గమధ్యంలో వ్యాన్‌ టైర్‌ ఫంక్చర్‌ కావడంతో వాహనం అదుపుతప్పి బోల్తా పడింది. ఈ ప్రమాదంలో ముగ్గురికీ తీవ్ర గాయాలవ్వడంతో చికిత్స నిమిత్తం తాడేపల్లిగూడెం ప్రభుత్వ ఆసుపత్రికి తరలించారు. పోలీసులు కేసు నమోదు చేసి దర్యాప్తు చేస్తున్నారు..

● నగరంలో ముగిసిన ప్రచారం ● 62 డివిజన్లలో ఇంటింటా ఓట్ల అభ్యర్థనఏలూరు 19వ డివిజన్‌లో మేయర్‌ అభ్యర్థి జీఎంఆర్‌, కార్పొరేటర్‌ అభ్యర్థి రమేష్‌ ఎన్నికల ప్రచారంలో సమన్వయకర్త జయప్రకాష్‌ ఏలూరు 24వ డివిజన్‌లో భారీ ర్యాలీలో మేయర్‌ అభ్యర్థి జీఎంఆర్‌, కార్పొరేటర్‌ అభ్యర్థి సూర్యప్రకాష్‌, సమన్వయకర్త జేపీ ఏలూరు టౌన్‌: ఏలూరు నగర మేయర్‌ పీఠాన్ని కై వసం చేసుకుంటామనే ధీమాతో వైఎస్సార్‌సీపీ నేతలు ఉన్నారు. వైఎస్సార్‌సీపీ బలపర్చిన మేయర్‌ అభ్యర్థి గంటా మోహనరావు (జీఎంఆర్‌) గెలుపు ఖాయమనే రీతిలో వైఎస్సార్‌సీపీ నాయకులు, కార్యకర్తలు ప్రచారం చేశారు. ఇక 62 డివిజన్లలోనూ వైఎస్సార్‌సీపీ కార్పొరేటర్‌ అభ్యర్థులు టీడీపీ కూటమికి గట్టి పోటీ ఇస్తున్నారు. ఏలూరు జనసేన అభ్యర్థి రెడ్డి అప్పలనాయుడు గెలుపు టీడీపీ నాయకులు, కార్యకర్తల దయాదాక్షిణ్యాలపై ఆధారపడి ఉండటంతో ఏం జరుగుతుందనేది ప్రశ్నార్థకంగా మారింది. ఇక 37, 38 డివిజన్లలో టీడీపీ అభ్యర్థులు ఓటమి భయంతో వైఎస్సార్‌సీపీ నాయకులు యక్కల నాని, అనిల్‌కుమార్‌పై దాడులకు తెగబడటం వారిలో భయానికి నిదర్శనం అని పలువురు అంటున్నారు. హోరెత్తిన ప్రచారం : వైఎస్సార్‌సీపీ నియోజకవర్గ సమన్వయకర్త మామిళ్లపల్లి జయప్రకాష్‌ నాయకత్వంలో నగరంలోని మేయర్‌ అభ్యర్థి గంటా మోహనరావు, 62 డివిజన్లలోని కార్పొరేటర్‌ అభ్యర్థులు చివరి రోజు శుక్రవారం ఎన్నికల ప్రచారం జోరుగా సాగింది. ఇంటింటా తిరుగుతూ ఓటర్లతో మమేకం అవుతూ ఓట్లు అభ్యర్థించారు. వైఎస్సార్‌సీపీ విజ యం సాధిస్తేనే ఏలూరు నగరంలో అభివృద్ధి సాధ్యమనీ, ప్రజలు ప్రశాంతంగా జీవించే అవకాశం ఉంటుందని ప్రజలకు వివరించారు. 24వ డివిజన్‌ అభ్యర్థి గేదెల సూర్యప్రకాష్‌తో భారీ ర్యాలీ చేపట్టగా, 30వ డివిజన్‌ అభ్యర్థి మందపాటి కిషోర్‌ ఆధ్వర్యంలో భారీ మోటారు సైకిల్‌ ర్యాలీ నిర్వహించారు. 25వ డివిజన్‌ అభ్యర్థి భోగిశెట్టి పార్వతి, మేయర్‌ అభ్యర్థి జీఎంఆర్‌తో ఎన్నికల ప్రచారంలో సమన్వయకర్త జయప్రకాష్‌ పాల్గొన్నారు. 22వ డివిజన్‌ అభ్యర్థి గొల్ల సుమశ్రీ ఇంటింటా ప్రచారం చేశారు. 19వ డివిజన్‌ అభ్యర్థి దాసరి రమేష్‌, 62వ డివిజన్‌ అభ్యర్థి పల్లా రమణ ఆధ్వర్యంలో ఎన్నికల ప్రచారంలో సమన్వయకర్త జేపీ పాల్గొని ప్రజలను ఓట్లు అభ్యర్థించారు. 32వ డివిజన్‌లో వైఎస్సార్‌సీపీ కార్పొరేటర్‌ అభ్యర్థి జక్కుల రవికుమార్‌ (బెనర్జీ) ఇంటింటా ప్రచారం చేశారు.

ఏలూరు (టూటౌన్‌): పారాలీగల్‌ వలంటీర్లు స్వచ్ఛందంగా ప్రజాసేవ చేయడానికి ఎంచుకున్న మార్గం ఉత్తమమైందని ఉమ్మడి పశ్చిమగోదావరి జిల్లా న్యాయసేవాధికార సంస్థ చైర్‌పర్సన్‌ ఎస్‌.శ్రీదేవి అన్నారు. శుక్రవారం జిల్లా న్యాయసేవాధికార సంస్థ భవనంలో పారాలీగల్‌ వలంటీర్లకు శిక్షణ కార్యక్రమాన్ని నిర్వహించారు. ఈ సందర్భంగా ఆమె మాట్లాడుతూ పారా లీగల్‌ వలంటీర్లు ప్రతిఫలాపేక్ష లేకుండా సేవామార్గాన్ని ఎంచుకోవడం అభినందనీయమన్నారు. న్యాయ సహాయం కోసం వచ్చే కక్షిదారులకు న్యాయసేవాధికార సంస్థలు ద్వారా న్యాయ సహాయాన్ని అందించాలన్నారు. జిల్లా న్యాయ సేవాధికారసంస్థ కార్యదర్శి ఎన్‌.శ్రీలక్ష్మి, శాశ్వత లోక్‌ అదాలత్‌ చైర్‌పర్సన్‌ ఎ.మేరీగ్రేస్‌ కుమారి, రీసోర్స్‌ పర్సన్‌ బి.శ్రీలక్ష్మి, కునా కృష్ణారావు, కోనె సీతారాం, కె.శివప్రసాద్‌, డీసీపీఓ సీహెచ్‌ సూర్యచక్రవేణి తదితరులు పాల్గొన్నారు.

నూజివీడు: భార్యాభర్తల మధ్య జరిగిన వివాదం చివరకు హత్యకు దారితీసిన విషాద సంఘటన నూజివీడు మండలం మీర్జాపురం గ్రామంలో చోటుచేసుకుంది. పోలీసుల కథనం ప్రకారం జంగారెడ్డిగూడేనికి చెందిన శివరాత్రి దుర్గాప్రసాద్‌, జ్యోతి దంపతులు బంధువుల ఇంట్లో వివాహ వేడుక కోసం వారం రోజుల క్రితం మీర్జాపురం వచ్చారు. ఈ నెల 28న వివాహం, 29న రిసెప్షన్‌ పూర్తయ్యాయి. శుక్రవారం ఉదయం కొందరు బంధువులు వెళ్లిపోగా, అనారోగ్యంతో ఉన్న మరొక బంధువును పరామర్శించేందుకు కుటుంబసభ్యులంతా వేరే ఊరు వెళ్లారు. దీంతో ఇంట్లో దుర్గాప్రసాద్‌, జ్యోతి మాత్రమే ఉన్నారు. ఈ క్రమంలో ఉదయం ఇద్దరి మధ్య ఏ విషయంపై మనస్పర్థలు వచ్చాయో తెలియదు కానీ తీవ్ర గొడవ జరిగింది. ఆవేశానికి గురైన దుర్గాప్రసాద్‌ భార్య జ్యోతి చెంపలపై బాదుతూ, మోకాలితో గుండెలపై దారుణంగా దాడి చేశాడు. ఆమె కేకలు విని కాపాడేందుకు చుట్టుపక్కల వారు పరుగెత్తుకొచ్చినప్పటికీ అతడు ఆగకుండా కొట్టడంతో జ్యోతి స్పృహతప్పి కిందపడిపోయింది. తీవ్రంగా గాయపడి కదలకుండా ఉన్న ఆమెను వెంటనే సమీపంలోని ఆర్‌ఎంపీ వైద్యుడి వద్దకు తరలించగా, అప్పటికే మృతి చెందినట్లు నిర్ధారించారు. స్థానికులు 112కు సమాచారం అందించడంతో నూజివీడు రూరల్‌ సీఐ ఐవీ నాగేంద్రకుమార్‌, రూరల్‌ ఎస్సై జి.జ్యోతీబసు సిబ్బందితో ఘటనా స్థలానికి చేరుకుని వివరాలు సేకరించారు. మృతదేహాన్ని పోస్టుమార్టం నిమిత్తం నూజివీడు ఏరియా ఆసుపత్రికి తరలించి, కేసు నమోదు చేసి దర్యాప్తు చేస్తున్నారు.

ఏలూరు టౌన్‌: రాష్ట్రవ్యాప్తంగా సాగుతున్న టీడీపీ శ్రేణుల దౌర్జన్యాలు ఇప్పుడు ఏలూరు నగరానికీ పాకాయి. టూటౌన్‌ పరిధిలోని పత్తేబాదలో వైఎస్సార్‌ కాంగ్రెస్‌ పార్టీ నాయకులపై టీడీపీ నాయకుడి అనుచరులు దారుణంగా దాడి చేశారు. ఎన్నికల్లో ఓటమి భయంతోనే తమ పార్టీ నాయకులపై దాడులకు తెగబడుతున్నారని, సంబంధిత అధికారులు తక్షణమే స్పందించి చర్యలు తీసుకోవాలని వైఎస్సార్‌సీపీ నేతలు డిమాండ్‌ చేస్తున్నారు. ఏలూరు కార్పొరేషన్‌ ఎన్నికల నేపథ్యంలో ఏలూరు నగరంలోని వైఎస్సార్‌ కాంగ్రెస్‌పార్టీ నాయకులు యక్కల నాని టూటౌన్‌ ప్రాంతంలోని 37, 38, 43 డివిజన్లకు వైఎస్సార్‌సీపీ ఇన్‌చార్జ్‌గా వ్యవహరిస్తున్నారు. ముఖ్యంగా 37, 38 డివిజన్లలో టీడీపీ అభ్యర్థులకు ఓటమి భయంతో వైఎస్సార్‌సీపీ నాయకులను బెదిరించే ప్రయత్నం చేస్తున్నారు. టీడీపీ మేయర్‌ అభ్యర్థిగా ప్రచారం చేసుకుంటూ తిరిగిన నాయకుడు తీరా కార్పొరేటర్‌ సీటులో పోటీ చేయాల్సిన దుస్థితి నెలకొంది. అతని కుటుంబ సభ్యులు టీడీపీ నుంచి కార్పొరేటర్‌గా పోటీలో ఉండగా, ఎన్నికల పోలింగ్‌ సమీపిస్తున్న తరుణంలో ఎదురుగాలి వీస్తుండటంతో ఓటమి భయంతో వైఎస్సార్‌సీపీ నాయకులను భయబ్రాంతులకు గురిచేసేందుకు దాడులకు తెగబడ్డారని అంటున్నారు. టీడీపీ కార్యకర్తల దాడులు ఏలూరు కార్పొరేషన్‌ ఎన్నికల ప్రచారాలు శుక్రవారంతో ముగియడంతో పత్తేబాద శివాలయం వద్ద వైఎస్సార్‌సీపీ నాయకుడు యక్కల నాని కార్యకర్తలతో మాట్లాడుతున్నారు. ఇదే సమయంలో టీడీపీ నాయకుడి అనుచరులు, కార్యకర్తలు యక్కల నానిపై దాడికి పాల్పడ్డారు. రోడ్డుపై కొట్టుకుంటూ టీడీపీ నాయకుడి ఇంటి సమీపానికి తీసుకెళ్లి అతని సమక్షంలోనే మరోసారి తీవ్రస్థాయిలో దాడికి పాల్పడ్డారు. ఇదే తరహాలో 38వ డివిజన్‌ వైఎస్సార్‌సీపీ కార్పొరేటర్‌ అభ్యర్థి ద్రాక్షారపు రీనావతి భర్త అనిల్‌కుమార్‌పైనా టీడీపీకి చెందిన రౌడీలు దాడులు చేశారు. రక్తం వచ్చేలా కొట్టి బెదిరింపులకు గురిచేశారని బాధితులు చెబుతున్నారు. ఏలూరు జీజీహెచ్‌లో ఇద్దరికీ వైద్యులు చికిత్స అందిస్తున్నారు. ఏలూరు జీజీహెచ్‌లో యక్కల నానిని దాడిపై ఆరా తీస్తున్న పార్టీ నగర అధ్యక్షుడు శ్రీనివాస్‌, మేయర్‌ అభ్యర్థి జీఎంఆర్‌, జిల్లా అధికారప్రతినిధి జాన్‌, చిరంజీవి టీడీపీ కార్యకర్తల దాడిలో గాయాలైన కార్పొరేటర్‌ అభ్యర్థి భర్త అనిల్‌కుమార్‌ను పరామర్శిస్తున్న పార్టీ నగర అధ్యక్షుడు గుడిదేశి, పార్టీ నేతలు ఏలూరులో ప్రశాంతతను భగ్నం చేస్తున్న టీడీపీ వైఎస్సార్‌సీపీ నాయకులపై దాడులు యక్కల నాని, అనిల్‌కుమార్‌పై దాడి చేసిన వైనం ఏలూరు జీజీహెచ్‌లో వైద్య చికిత్స పొందుతున్న వైఎస్సార్‌సీపీ నాయకులు యక్కల నాని, అనిల్‌కుమార్‌ను వైఎస్సార్‌ కాంగ్రెస్‌పార్టీ ఏలూరు నగర అధ్యక్షుడు గుడిదేశి శ్రీనివాసరావు, మేయర్‌ అభ్యర్థి గంటా మోహనరావు, జిల్లా అధికార ప్రతినిధి మున్నుల జాన్‌గురునాథ్‌, బీసీసెల్‌ జిల్లా అధ్యక్షులు నెరుసు చిరంజీవి, నగర బీసీసెల్‌ అధ్యక్షులు కిలాడి దుర్గారావు, ముస్లిం మైనార్టీ రాష్ట్ర కార్యదర్శి గాజుల బాజీ తదితరులు పరామర్శించారు. టీడీపీ దాడులతో గాయాలపాలైన పార్టీ నాయకులను కలిసి అండగా నిలబడ్డారు. మెరుగైన వైద్య సేవలు అందించాలని వైద్యులను కోరారు. ఈ సందర్భంగా పార్టీ నగర అధ్యక్షుడు గుడిదేశి శ్రీనివాసరావు మాట్లాడుతూ ప్రశాంతంగా ఉండే ఏలూరు నగరంలోనూ టీడీపీ నాయకులు దాడులు, దౌర్జన్యాలకు పాల్పడటం, విష సంస్కృతిని తీసుకురావటం పట్ల విచారం వ్యక్తం చేశారు. ప్రజాస్వామ్య విధానంలో ఎన్నికలు జరిగేలా చేసి ..ప్రజా మద్దతుతో ఎన్నికల్లో గెలవాలనీ, ఇలాంటి దాడులు చేయటం సిగ్గుచేటన్నారు. ఓటమి భయంతోనే టీడీపీ నాయకులు దాడులు చేయిస్తున్నారని ఆరోపించారు. ఏలూరులో వైఎస్సార్‌సీపీ అభ్యర్థులు గెలుపు ఖాయమనీ ధీమా వ్యక్తం చేశారు.

ద్వారకాతిరుమల: దేవస్థానం ట్రస్ట్‌బోర్డులో పదవి అంటే భక్తులకు సేవ చేసే ఓ బాధ్యత. కానీ ద్వారకాతిరుమల శ్రీవారి దేవస్థానం ట్రస్ట్‌బోర్డులోని ఓ ప్రత్యేక ఆహ్వానితుడి వ్యవహారశైలి ఇందుకు భిన్నంగా ఉందన్న విమర్శలు వినిపిస్తున్నాయి. ఆలయ అభివృద్ధి, భక్తుల సౌకర్యాలపై దృష్టి పెట్టాల్సిన ఆయన.. వ్యక్తిగత అవసరాల కోసం సిబ్బందిని హింసిస్తున్నారన్న ఆరోపణలు వెల్లువెత్తుతున్నాయి. అడిగిన సౌకర్యాలు సకాలంలో కల్పించకపోతే అధికారులకు ఫిర్యాదులు చేయడం, నచ్చని ఉద్యోగుల విధుల మార్పునకు ఒత్తిడి తెస్తున్నారన్న విమర్శలు దేవస్థానంలో చర్చనీయాంశమయ్యాయి. సిక్స్‌ లడ్డూ బాక్స్‌.. తప్పనిసరా? ఆయన క్షేత్రానికి వచ్చిన ప్రతిసారీ సిక్స్‌ లడ్డూ (ఆరు లడ్డూల) బాక్స్‌ ఇవ్వాల్సిందేనని సిబ్బంది చెబుతున్నారు. తన వెంట ఎంతమంది వచ్చినా దర్శనాలకు ఆటంకం ఉండకూడదని, వారందరికీ కండువాలు వేయిస్తూ ప్రత్యేక మర్యాదలు చేయిస్తున్నారని ఆరోపిస్తున్నారు. అంతేకాకుండా సుప్రభాత సేవకు సైతం టికెట్లు లేకుండా తనవెంట వచ్చేవారిని ఉచితంగా తీసుకెళ్తున్నారన్న విమర్శలు ఉన్నాయి. అయితే ఆరు లడ్డూల బాక్స్‌ విషయంలో మాత్రం తగ్గట్లేదని సిబ్బంది ఆయనకు శ్రీసిక్స్‌ లడ్డూ బాక్స్‌శ్రీ అని పేరు పెట్టుకున్నారు. బస్సు దిగింది మొదలు.. తిరిగెళ్లే వరకు ఆయన క్షేత్రానికి చేరుకోగానే ఓ ఉద్యోగి బైక్‌పై కొండపైకి తీసుకెళ్లాలి. ఉచిత వసతి గదిలో ఏర్పాట్లు చేయడంతోపాటు, కోరిన సమయానికి టిఫిన్లు, కాఫీలు, భోజనాలు అందించాలి. వివిధ ఉపాలయాలు, దత్తత ఆలయాలకు సైతం అదే ఉద్యోగి తన బైక్‌పై తిప్పాలి. ఇందుకు అయ్యే ఖర్చులను కూడా తామే సొంతంగా భరించాల్సి వస్తోందని సిబ్బంది ఆవేదన వ్యక్తం చేస్తున్నారు. ఏర్పాట్లలో కాస్త ఆలస్యమైతే చాలు ఆయన ఆగ్రహానికి గురికావాల్సి వస్తోందని వాపోతున్నారు. ఇన్ని సేవలు చేసినా ఏదో ఒక వంకతో అధికారులకు ఫిర్యాదులు చేస్తున్నారని, తనకు నచ్చని ఉద్యోగులను మరో విభాగానికి మార్చడం లేదా విధుల నుంచి తాత్కాలికంగా తప్పించే వరకు అధికారులపై ఒత్తిడి తెస్తున్నారన్న ఆరోపణలు ఉన్నాయి. దీంతో ఆయన వచ్చిన ప్రతిసారీ తమకు ఎలాంటి ఇబ్బందులు ఎదురవుతాయోనని ఉద్యోగులు ఆందోళన చెందుతున్నారు. సౌకర్యాలన్నీ ఉచితమేనా? ట్రస్ట్‌బోర్డు సమావేశాలకు హాజరయ్యే సమయంలో సభ్యులందరికీ నిబంధనల ప్రకారం వసతి, ప్రసాదాలు, దర్శన సౌకర్యాలు కల్పిస్తారు. అయితే సదరు ప్రత్యేక ఆహ్వానితుడు నెలలో సగానికి పైగా రోజులు క్షేత్రంలోనే ఉంటూ సకల సౌకర్యాలు పొందుతున్నారన్నది ప్రధాన ఆరోపణ. ఆయనతో పాటు ఆయన వెంట వచ్చేవారికి టిఫిన్లు, కాఫీలు, భోజనాలు అన్నీ అందిస్తూ రాచమర్యాదలు చేయాల్సి వస్తోందని, ఆలయ ఛైర్మన్‌ కూడా ఇన్ని సౌకర్యాలు పొందడం లేదని అంటున్నారు. తిరుగు ప్రయాణంలో తన వెంట వచ్చిన వారికి సైతం ఉచితంగా ప్రసాదాల సెట్లు తీసుకెళ్తున్నారన్న చర్చ ఉద్యోగ వర్గాల్లో జోరుగా సాగుతోంది. వ్యక్తిగత పనులకే ప్రాధాన్యం ట్రస్ట్‌బోర్డు సభ్యులు ఆలయ అభివృద్ధి, భక్తులకు మెరుగైన సౌకర్యాలు, సమస్యలపై దృష్టి పెట్టాలి. కానీ సదరు ప్రత్యేక ఆహ్వానితుడు ఎప్పుడూ తనకు సహాయకుడి ఏర్పాటు, దర్శనాలు, వ్యక్తిగత అవసరాలకే ప్రాధాన్యమిస్తున్నారన్న విమర్శలు వినిపిస్తున్నాయి. ఈ నేపథ్యంలో సదరు ప్రత్యేక ఆహ్వానితుడికి, సేవాదళ సభ్యులకు మధ్య వ్యత్యాసంపై అంతా చర్చించుకుంటున్నారు. రాజకీయ నేపథ్యంతోనే మౌనమా? ఆయన నియామకం కూటమి ప్రభుత్వ పెద్దల ద్వారా జరగడంతో అధికారులు సైతం ఆయన వ్యవహారశైలిపై బహిరంగంగా స్పందించలేక పోతున్నారన్న విమర్శలు వినిపిస్తున్నాయి. గతంలో గాని, ప్రస్తుత ట్రస్టుబోర్డులో గానీ ఏ సభ్యుడి నుంచి ఎదురవని సమస్యలు ఈ ప్రత్యేక ఆహ్వానితుడి ద్వారా ఎదురవుతున్నాయని సిబ్బంది చర్చించుకుంటున్నారు. దేవుడి సన్నిధిలో పదవులు వ్యక్తిగత సౌకర్యాల కోసం కాదని, భక్తులకు సేవలందించేందుకేనని ఉద్యోగ వర్గాలు అభిప్రాయపడుతున్నాయి. ఇప్పటికై నా ఆయనతీరు మారేలా అధికారులు తగు చర్యలు తీసుకోవాలని పలువురు కోరుతున్నారు. ద్వారకాతిరుమల దేవస్థానం ట్రస్ట్‌బోర్డులో ఓ ప్రత్యేక ఆహ్వానితుడి వ్యవహారశైలిపై ఆరోపణలు నెలలో సగానికి పైగా రోజులు క్షేత్రంలోనే మకాం వసతి ఉచితమే.. టిఫిన్‌ ఇతర ఖర్చులు మాత్రం సిబ్బందివే సేవలు పొందాక సిబ్బందిపైనే ఫిర్యాదులు

ఏలూరు (ఆర్‌ఆర్‌పేట): 2028లో అమెరికాలో జరిగే పారా ఒలింపిక్స్‌లో పతకమే తన లక్ష్యమని పారా స్విమ్మర్‌ బుడిగిన రవి కార్తీక్‌ అన్నారు. జపాన్‌ లో జరిగిన పారా ఆసియా గేమ్స్‌లో రెండు రజత, ఒక క్యాంస పతకం సాధించిన కార్తీక్‌ను శుక్రవారం స్థానిక చొదిమెళ్లలో సత్కరించారు. ఈ సందర్భంగా కార్తీక్‌ మాట్లాడుతూ 2027లో మెక్సికోలో జరిగే ప్ర పంచ చాంపియన్‌షిప్‌లో కొత్త రికార్డులు లక్ష్యంగా సాధన చేస్తున్నానన్నారు. ఇందుకోసం అత్యుత్తమ శిక్షణ తీసుకోవాలని, ఈ మేరకు ప్రభుత్వం భరోసా అందించాలని కోరారు. కార్తీక్‌ తండ్రి, న్యాయవాది నాగేంద్రకుమార్‌ మాట్లాడుతూ కార్తీక్‌ 2021 నుంచి ఇప్పటివరకు 6 నేషనల్స్‌లో 3 చొప్పున 18 బంగారు పతకాలను గెలుచుకున్నాని దేశంలోనే పారా స్విమ్మింగ్‌లో అగ్రస్థానానికి చేరుకున్నాడన్నారు. 2025 డిసెంబర్‌లో దుబాయ్‌లో జరిగిన యూత్‌ ఏషియన్‌ పారా గేమ్స్‌లో మూడు బంగారు, మూ డు రజత పతకాలు సాధించి దేశానికి ఎక్కువ పతకాలు సాధించిన ఏకై క అథ్లెట్‌గా నిలిచాడన్నారు. ముందుగా ఆసియా క్రీడల్లో పతకాలు సాధించి నగరానికి వచ్చిన కార్తీక్‌కు చొదిమెళ్లవాసులు ఘన స్వాగతం పలికారు.

భర్త చేతిలో హతం భార్యాభర్తల మధ్య జరిగిన వివాదం చివరకు హత్యకు దారితీసిన విషాద ఘటన నూజివీడు మండలం మీర్జాపురంలో చోటుచేసుకుంది. 8లో uప్రిన్సిపల్‌ సెక్రటరీ ముఖేష్‌కుమార్‌ మీనా ఏలూరు టౌన్‌: ఏలూరు, పశ్చిమగోదావరి జిల్లాల్లో స్థానిక సంస్థల ఎన్నికల నేపథ్యంలో మద్యం విక్రయాలు, సరఫరాపై మరింత పటిష్ట నిఘా ఉంచాలనీ, ఎన్నికల ప్రవర్తనా నియమావళి ఉల్లంఘించేలా వ్యవహరిస్తే చర్యలు తప్పవని రెవెన్యూ, ఎకై ్సజ్‌ ప్రిన్సిపల్‌ సెక్రటరీ ముఖేష్‌కుమార్‌ మీనా హెచ్చరించారు. స్థానిక అబ్కారీ మద్య నియంత్రణ డిప్యూటీ కమిషనర్‌ కార్యాలయంలో ఉమ్మడి పశ్చిమగోదావరి జిల్లా ఎకై ్సజ్‌ అధికారులతో శుక్రవారం ఆయన కమిషనర్‌ చామకుర్తి శ్రీధర్‌, ఎన్‌ఫోర్స్‌మెంట్‌ డైరెక్టర్‌ రాహుల్‌దేశ్‌ శర్మతో కలిసి సమీక్షించారు. అక్రమ మద్యం, సారా నియంత్రణకు చేపట్టిన చర్యలపై ఆ రా తీశారు. ముఖ్యంగా ఏజెన్సీ ప్రాంతాల్లో సారా త యారీ, విక్రయాలపై అధికారులను అడిగి తెలుసు కున్నారు. జిల్లాలో సారాపై ఉక్కుపాదం మోపాలని ఆదేశించారు. ప్రజల ఆరోగ్యంతో చెలగాటమాడే మత్తు పదార్థాలు, సారా తయారీని నిరోధించాలని చెప్పారు. మద్యం విక్రయాలపై పటిష్ట చర్యలు చేపట్టాల న్నారు. ఎన్నికలు పూర్తయ్యేవరకూ మద్యం దుకాణాలను మూసివేయించాలనీ, కోడ్‌ పాటించా లని ఆదేశించారు. డి ప్యూటీ కమిషనర్‌ బి.శ్రీలత, అసిస్టెంట్‌ కమిషనర్‌ ప్రభుకుమార్‌, జిల్లా ఎకై ్సజ్‌ అధికారి ఎ.అవులయ్య పాల్గొన్నారు.

శనివారం శ్రీ 31 శ్రీ అక్టోబర్‌ శ్రీ 2026సాక్షి ప్రతినిధి, ఏలూరు: పుర పోరులో తొలి అంకానికి సర్వం సన్నద్ధమైంది. రాజకీయ పార్టీల హోరాహోరీ ఎన్నికల ప్రచారానికి శుక్రవారం సాయంత్రంతో తెరపడింది. ఏలూరు జిల్లాలో ఏలూరు నగరపాలక సంస్థ, నూజివీడు, జంగారెడ్డిగూడెం మున్సిపాలిటీలకు, పశ్చిమగోదావరి జిల్లాలో నరసాపురం మున్సిపాలిటీ, ఆకివీడు నగర పంచాయతీలకు ఆదివారం ఎన్నికల పోలింగ్‌ జరుగనుంది. దీంతో ఆయా ప్రాంతాల్లో మద్యం విక్రయాలు నిలిపివేయడం, స్థానికేతరులను పంపించడం, పోలింగ్‌ కేంద్రాల వద్ద ఆది వారం సెక్షన్‌ 144 అమలు చేసేలా ఆదేశాలు ఇవ్వడం, పోలింగ్‌ సిబ్బందికి విధులు కేటాయింపు, పోలీసులకు బందోబస్తు ఏర్పాట్లు ఇలా అన్నింటినీ ఆయా జిల్లాల అధికారులు పూర్తి చేశారు. ఏలూరులో 62 డివిజన్లు, జంగారెడ్డిగూడెంలో 32 వార్డులు, నూజివీడులో 36 వార్డులు, నరసాపురంలో 36 వార్డులు, ఆకివీడులో 28 వార్డులో పోలింగ్‌ జరుగనుంది. ఈ మేరకు ఆయా పోలింగ్‌ కేంద్రాల్లో ఏర్పాట్లు పూర్తి చేశారు. ఆదివారం ఉదయం 7 గంటల నుంచి సాయంత్రం 5 గంటల వరకు పోలింగ్‌ నిర్వహించి 3న కౌంటింగ్‌ జరిపేలా షెడ్యూల్‌ ప్రకించారు. శనివారం ఏలూరు జిల్లాలో రెండు మున్సిపాల్టీలు, ఏలూరు నగరపాలక సంస్థ ఎన్నికల అధికారులకు పోలింగ్‌ సామగ్రిని అందచేసి పోలీస్‌ బందోబస్తు నడుమ పోలింగ్‌ కేంద్రాలకు తరలించేలా ఏర్పాట్లు చేశారు. ఉదయం అన్ని పోలింగ్‌ కేంద్రాలను తనిఖీ చేయాలని ఆదేశాల నేపథ్యంలో ఈ మేరకు ఏర్పాట్లు చేశారు. పట్టణం డివిజన్‌/ పోలింగ్‌ వార్డులు కేంద్రాలు ఏలూరు 62 255 జంగారెడ్డిగూడెం 32 64 నూజివీడు 36 57 నరసాపురం 36 71 ఆకివీడు 28 32 ఏఐ సృష్టించిన చిత్రం మైకులు మూగబోయాయ్‌ ముగిసిన మున్సిపల్‌ ఎన్నికల ప్రచారం రేపు ఏలూరు, జంగారెడ్డిగూడెం, నూజివీడు, నరసాపురం, ఆకివీడులో పోలింగ్‌ 3న కౌంటింగ్‌ ఆయా ప్రాంతాల్లో మద్యం విక్రయాలు బంద్‌ నేడు పోలింగ్‌ సామగ్రి తరలింపు

ఉంగుటూరు: మండలంలోని గోపీనాథపట్నం గ్రామానికి చెందిన టీడీపీ గ్రామ అధ్యక్షుడు బీరా పెద్దిరాజు ఆ పార్టీని వీడి శుక్రవారం వైఎస్సార్‌ కాంగ్రెస్‌ పార్టీలో చేరారు. నియోజకవర్గ కన్వీనర్‌, మాజీ ఎమ్మెల్యే పుప్పాల వాసుబాబు సమక్షంలో ఆయన పార్టీలోకి చేరారు. పెద్దిరాజుతో పాటు గ్రామానికి చెందిన సుమారు 30 మంది కార్యకర్తలకు వాసుబాబు పార్టీ కండువాలు కప్పి సాదరంగా ఆహ్వానించారు. అనంతరం గ్రామంలో భారీ ర్యాలీ నిర్వహించి, ఎంపీటీసీ, జెడ్పీటీసీ అభ్యర్థుల విజయాన్ని కాంక్షిస్తూ ప్రచారం నిర్వహించారు. ఈ కార్యక్రమంలో వైఎస్సార్‌సీపీ నాయకులు చెరుకూరి రాజు, మాజీ ఎంపీపీ గంటా శ్రీలక్ష్మి, తాజా మాజీ సర్పంచ్‌ పుచ్చకాయల విష్ణుమూర్తి, మండల అధ్యక్షుడు మరడ మంగారావు, జెడ్పీటీసీ అభ్యర్థి ఎలిశెట్టి పాపారావు (బాబ్జీ), ఎంపీటీసీ అభ్యర్థి పేరూరి దుర్గా భవాని తదితరులు పాల్గొన్నారు.

నూజివీడు: మున్సిపల్‌ ఎన్నికలలో భాగంగా వైఎస్సార్‌సీపీ ఆధ్వర్యంలో చైర్మన్‌ అభ్యర్థి కంచర్ల లవకుమార్‌, 36 వార్డులకు చెందిన కౌన్సిలర్‌ అభ్యర్థుల విజయాన్ని కాంక్షిస్తూ నూజివీడులో శుక్రవారం మాజీ ఎమ్మెల్యే మేకా వెంకట ప్రతాప్‌ అప్పారావు ఆధ్వర్యంలో భారీ బైక్‌ ర్యాలీ నిర్వహించారు. ప్రతాప్‌ అప్పారావుతో పాటు చైర్మన్‌ అభ్యర్థి లవకుమార్‌, వార్డు అభ్యర్థులు ప్రచారం వాహనంపై ర్యాలీలో పాల్గొనగా స్థానిక వైఎస్సార్‌సీపీ నియోజకవర్గ కార్యాలయం ఉన్న ద్వారకా ఎస్టేట్‌ వద్ద నుంచి ర్యాలీ ప్రారంభమైంది. ర్యాలీ పొడవునా ఫ్యాన్‌ గుర్తుపై ఓటేసి వైఎస్సార్‌సీపీ చైర్మన్‌ అభ్యర్థి లవకుమార్‌, వార్డు సభ్యులను గెలిపించాలని కార్యకర్తలు చేసిన నినాదాలతో పట్టణ పురవీధులు దద్దరిల్లా యి. ర్యాలీలో పెద్ద ఎత్తున నాయకులు, కార్యకర్తలు పాల్గొనడంతో వైఎస్సార్‌సీపీ అభ్యర్థులకు మంచి ఊపు వచ్చినట్లయ్యింది. ఎకరా భూమి 99 పైసలకు.. బియ్యం మాత్రం రూ.100 నూజివీడులో అవినీతిరహిత నాణ్యమైన అభివృద్ధి వైఎస్సార్‌సీపీతోనే సాధ్యమని మాజీ ఎమ్మెల్యే మేకా వెంకట ప్రతాప్‌ అప్పారావు అన్నారు. ర్యాలీ లో ఆయన మాట్లాడుతూ వైఎస్సార్‌సీపీ అభ్యర్థులను గెలిపించడం ద్వారా ప్రజల కష్టార్జితంతో చెల్లించిన టాక్స్‌లతో రోడ్లపై రోడ్లు వేయాల్సిన పనిఉండదన్నారు. ఎకరా భూమిని 99 పైసలకు ఇచ్చేస్తున్న రాష్ట్రంలో కిలో బియ్యం మాత్రం రూ.100 లకు చేరిందన్నారు. నిత్యావసర వస్తువుల ధరలు ఆకాశాన్నంటుతున్నా ప్రభుత్వానికి చీమకుట్టినట్లుగా కూడా లేదని ధ్వజమెత్తారు. కూటమి ప్రభు త్వం 28 నెలల కాలంలో నూతనంగా ఒక్క వితంతు, వృద్ధాప్య, దివ్యాంగ పింఛన్‌ను మంజూరు చేయలేదని, ఎన్నికలు వస్తుండటంతో దరఖాస్తుల స్వీకరణ పేరుతో డ్రామాలాడిందని దుయ్యబట్టారు. మహిళలకు నెలకు రూ.1,500, నిరుద్యో గులకు రూ.3 వేల భృతి చెల్లించలేదన్నారు. ఎన్నికల సమయంలో 130 హామీలిచ్చి వాటిని అమలు చేయకుండా తుంగలో తొక్కిన ప్రభుత్వ పాలనలో రాష్ట్రంలోని ప్రజలు నిత్యం అష్టకష్టాలు పడుతున్నారన్నారు. మున్సిపల్‌ ఎన్నికలలో వైఎస్సార్‌సీపీ అభ్యర్థులను గెలిపించడం ద్వారా రాష్ట్ర ప్రభుత్వానికి బుద్ధి చెప్పాలన్నారు. నూజివీడులో భారీ బైక్‌ ర్యాలీ

జంగారెడ్డిగూడెంలో వైఎస్సార్‌సీపీ అభ్యర్థుల ప్రమాణం జంగారెడ్డిగూడెం(బుట్టాయగూడెం): తాము అధికారంలోకి వస్తే ప్రజలకు ఎల్లవేళలా అందుబాటులో ఉంటూ నీతివంతమైన పాలన అందిస్తామంటూ జంగారెడ్డిగూడెంలో వైఎస్సార్‌సీపీ అభ్యర్థులు ప్రమాణం చేశారు. శుక్రవారం స్థానిక పార్టీ కార్యాలయంలో నియోజకవర్గ ఇన్‌చార్జి కంభం విజయరాజు, పార్టీ రాష్ట్ర కార్యదర్శి, మచిలిపట్నం పార్లమెంట్‌ పరిశీలకుడు జెట్టి గురునాథరావు సమక్షంలో మున్సిపల్‌ చైర్‌పర్సన్‌ అభ్యర్థి మేక సత్యవతితో పాటు 32 మంది కౌన్సిలర్‌ అభ్యర్థులు ప్రమాణం చేశారు. జవాబుదారీగా ఉంటాం కంభం విజయరాజు, జెట్టి గురునాథరావు మాట్లాడుతూ.. మున్సిపల్‌ ఎన్నికల్లో వైఎస్సార్‌సీపీ తరఫున పోటీ చేస్తున్న చైర్‌పర్సన్‌ అభ్యర్థితో పాటు 32 మంది అభ్యర్థులు ప్రజలకు నిత్యం అందుబాటులో ఉంటూ పారదర్శకమైన, నీతివంతమైన పాలన అందిస్తామని హామీ ఇచ్చారన్నారు. సమస్యలను చైర్‌పర్సన్‌ దృష్టికి తీసుకెళ్లి పరిష్కారానికి తాము కూడా కృషి చేస్తానని భరోసా ఇచ్చారు. కౌన్సిలర్లు అంతా ప్రజలు ఫోన్‌ చేసినా తక్షణమే స్పందిస్తారని, ఏ సమస్య గురించి అయినా నిర్భయంగా చెప్పవచ్చన్నారు. తాము జవాబుదారీగా ఉంటూ చైర్‌పర్సన్‌, కౌన్సిలర్‌లతో పనిచేయిస్తామన్నారు. అలా గే పట్టణంలో ప్రజల సమస్యలు పరిష్కారం కోసం వైఎస్సార్‌సీపీ పట్టణాధ్యక్షుడు ఆధ్వర్యంలో టోల్‌ఫ్రీ నంబర్‌ కూడా అందుబాటులో ఉంచుతున్నట్టు గురునాథరావు తెలిపారు. తాను కూడా ఎల్లవేళలా ప్రజలకు అందుబాటులో ఉంటానన్నారు. పార్టీ పట్టణాధ్యక్షుడు కర్పూరం గవరయ్య గుప్త, యువ నాయకులు జెట్టి సత్య ఆదిత్య, బీవీఆర్‌ చౌదరి, ముప్పిడి శ్రీనివాసరావు, ముప్పిడి అంజి, నేకూరి కిషోర్‌, మేకా సింహాద్రి, చిటికెల అచ్యుతరామయ్య, వందనపు వెంకటేశ్వరరావు, వెంప ఐజీ తదితరులు పాల్గొన్నారు.

ఉంగుటూరు : మండలంలోని చేబ్రోలు–దూబచర్ల రహదారిలోని గొల్లగూడెం వద్ద జరిగిన రోడ్డు ప్రమాదంలో గోపినాథపట్నం కాలనీకి చెందిన ఆకుల ఏడుకొండలు (50) అక్కడికక్కడే మృతి చెందాడు. శుక్రవారం గొల్లగూడెంలో కిరాణా సరుకులు కొనుగోలు చేసుకుని సైకిల్‌పై తిరిగి స్వగ్రామానికి వస్తుండగా, అతివేగంగా వచ్చిన లారీ హారన్‌ కొట్టకుండా నిర్లక్ష్యంగా వచ్చి ఆయనను ఢీకొట్టింది. ఈ ప్రమాదంలో ఏడుకొండలు తలకు తీవ్ర గాయమై అధిక రక్తస్రావమైంది. గమనించిన స్థానికులు 108 అంబులెన్సులో తాడేపల్లిగూడెం ఏరియా ఆసుపత్రికి తరలించగా, పరీక్షించిన వైద్యులు ఆయన అప్పటికే మృతి చెందినట్లు ధ్రువీకరించారు. చేబ్రోలు ఎస్సై సూర్యభగవాన్‌ కేసు నమోదు చేసి దర్యాప్తు చేస్తున్నారు. భీమడోలు: స్థానిక వేంకటేశ్వర జూనియర్‌ కళాశాలలో చదువుతున్న ఇంటర్‌ (బైపీసీ) ప్రథమ సంవత్సరం విద్యార్థిని హాస్టల్‌ నుంచి అదృశ్యమైంది. కృష్ణా జిల్లా బంటుమిల్లికి చెందిన ఈ విద్యార్థిని కళాశాల హాస్టల్‌లోనే ఉంటూ చదువుకుంటోంది. గురువారం సాయంత్రం హాస్టల్‌ సిబ్బందికి చెప్పకుండా బయటకు వెళ్లి తిరిగి రాలేదు. దీంతో హాస్టల్‌ వార్డెన్‌ బాలిక కుటుంబ సభ్యులకు సమాచారం అందించారు. ఆమె తల్లి నల్లమోతు మరియమ్మ శుక్రవారం ఇచ్చిన ఫిర్యాదు మేరకు భీమడోలు పోలీసులు కేసు నమోదు చేసి గాలింపు చర్యలు చేపట్టారు. అశ్వారావుపేటరూరల్‌: డ్రంక్‌ అండ్‌ డ్రైవ్‌ కేసులో పట్టుబడిన ఇద్దరు వ్యక్తులకు జైలుశిక్ష, మరో ఇద్దరికి జరిమానా విధించారు. తెలంగాణలోని భద్రాద్రి కొత్తగూడెం జిల్లా జూలూరుపాడు ఎస్సై సాయికిశోర్‌ రెడ్డి తెలిపిన వివరాల ప్రకారం ఏలూరు జిల్లా జీలుగుమల్లి మండలం రామన్నపాలేనికి చెందిన కన్నమాల సాయిబాబా, గోపాలపురానికి చెందిన కుర్సం వెంకటేష్‌ మద్యం తాగి బైక్‌ నడుపుతూ కొద్ది రోజుల క్రితం అశ్వారావుపేటలో పట్టుబడ్డారు. వీరిని శుక్రవారం దమ్మపేట కోర్టులో హాజరుపర్చగా రెండు రోజుల జైలు శిక్ష విధిస్తూ న్యాయమూర్తి డాక్టర్‌ బి.భవాని తీర్పు చెప్పారు. అలాగే మద్యం తాగి వాహనం నడిపిన మరో ఇద్దరికి రూ.2 వేలు జరిమానా విధించారు. కర్వాచౌత్‌ పూజలు కొయ్యలగూడెం: గ్రామ దేవత శ్రీ చింతాలమ్మ అమ్మవారి ఆలయం వద్ద శుక్రవారం మార్వాడి మహిళలు కర్వా చౌత్‌ పూజలు భక్తిశ్రద్ధలతో నిర్వహించారు. భర్తల ఆరోగ్యం, దీర్ఘాయువు కోసం భార్యలు కార్వాచౌత్‌ పూజలు చేయడం ఉత్తరాది రాష్ట్రాల్లో ఆనవాయితీగా వస్తుందని పేర్కొన్నారు. శివపార్వతులకు, వారి కుమారులైన గణపతి కార్తికేయులకు, పూజల నిర్వహిస్తామని సాయంత్రం చంద్ర దర్శనం, అనంతరం ఉపవాసం ముగిస్తామన్నారు.

నూజివీడు: మండల మానవత స్వచ్ఛంద సేవా సంస్థకు కృష్ణా జిల్లా బొమ్ములూరులోని దీపక్‌ నెక్స్‌జెన్‌ ఫీడ్స్‌ ప్రైవేట్‌ లిమిటెడ్‌ ఎండీ అడుసుమిల్లి వెంకట సుబ్రహ్మణ్యం రూ. 5 లక్షల విలువైన శాంతి రథాన్ని అందించారు. సంస్థ ఆవరణలో శుక్రవారం జరిగిన కార్యక్రమంలో ఈ వాహనాన్ని ఆయన ప్రతినిధులకు అందజేశారు. ఈ సందర్భంగా ఎండీ సుబ్రహ్మణ్యం మాట్లాడుతూఅంత్యక్రియల సమయంలో వాహనం దొరక్క తీవ్ర ఇబ్బందులు పడుతున్నారనే విషయ తెలుసుకుని, మానవత సంస్థ రాష్ట్ర కన్వీనర్‌ మారుబోయిన కోటేశ్వరరావు కోరిక మేరకు ఈ సాయం అందించినట్లు తెలిపారు. కోటేశ్వరరావు దాత సుబ్రహ్మణ్యానికి ప్రత్యేక కృతజ్ఞతలు తెలిపారు. ఈ కార్యక్రమంలో ఉమ్మడి కృష్ణా జిల్లా అభివృద్ధి కమిటీ చైర్మన్‌, నెక్స్‌జెన్‌ డైరెక్టర్‌ కొండ్రెడ్డి సత్యనారాయణ, ఏలూరు రెడ్‌క్రాస్‌ మేనేజింగ్‌ కమిటీ సభ్యురాలు అడుసుమిల్లి నిర్మల, కై కలూరు మానవత డైరెక్టర్‌ కొండ్రెడ్డి చిట్టెమ్మ, హేలాపురి బాలోత్సవ్‌ ప్రతినిధులు కూచిపూడి సత్యనారాయణ, గుడిపాటి వెంకట లక్ష్మీనరసింహారావు, దేవరకొండ వెంకటేశ్వరరావు, నూజివీడు మానవత చైర్మన్‌ పురాణం కృష్ణప్రసాద్‌ తదితరులు పాల్గొన్నారు.

ఏలూరు (టూటౌన్‌): జిల్లాలో నగరపాలక, పురపాలక సంఘాల పోలింగ్‌ ప్రక్రియకు ఏర్పాట్లు పూర్తి చేశామని జిల్లా సాధారణ ఎన్నికల పరిశీలకుడు ఎం.వెంకట శేషగిరిబాబు రాష్ట్ర ఎన్నికల కమిషనర్‌ అనిల్‌ చంద్ర పునేఠాకు తెలిపారు. రాష్ట్ర సచివాలయం నుంచి శుక్రవారం కమిషనర్‌ పునేఠా కలెక్టర్లు, ఎన్నికల పరిశీలకులతో జూమ్‌ కాన్ఫరెన్స్‌ ద్వారా సమీక్షించారు. ఏలూరు కలెక్టరేట్‌ నుంచి శేషగిరిబాబు మాట్లాడుతూ జిల్లాలో ఎన్నికలను ప్రశాంత వాతావరణంలో నిర్వహించేలా పటిష్ట చర్యలు తీసుకున్నామన్నారు. ఎటువంటి అవాంఛనీయ సంఘటనలు జరగకుండా సమస్యాత్మక, అతి సమస్యాత్మక ప్రాంతాలను ముందుగానే గుర్తించి అదనపు బలగాలతో పటిష్ట భద్రతా ఏర్పాట్లు చేశామన్నారు. శనివారం ఉదయం నుంచి సిబ్బందికి పోలింగ్‌ మెటీరియల్‌ అందించి ఆయా కేంద్రాలకు తరలించే ప్రక్రియ చేపడతామన్నారు. కలెక్టర్‌ కె.వెట్రిసెల్వి, జేసీ ఎంజే అభిషేక్‌ గౌడ, అసిస్టెంట్‌ కలెక్టర్‌ సీహెచ్‌ శ్రావణ్‌కుమార్‌రెడ్డి పాల్గొన్నారు. కోడ్‌ తప్పనిసరి : ఎన్నికల్లో ఎన్నికల ప్రవర్తనా నియమావళి కచ్చితంగా అమలు చేయాలని కలెక్టర్‌ కె.వెట్రిసెల్వి అన్నారు. నగరపాలక, పురపాలక సంఘాల ఎన్నికల పోలింగ్‌ నిమిత్తం పోలింగ్‌ మెటీరియల్‌ సరఫరాపై అధికారులతో సమీక్షించారు. ప్రతి పోలింగ్‌ కేంద్రంలో భౌతిక తనిఖీలను శనివారం ఉదయం 10 గంటలలోపు పూర్తి చేసి లోపాలను సరిచేయాలన్నారు. నిరంతర విద్యుత్‌ సరఫరా ఉండేలా చర్యలు తీసుకోవాలన్నారు.

ఏలూరు (ఆర్‌ఆర్‌పేట)/ఏలూరు టౌన్‌: ఎల్‌నినో నెపంతో నిత్యావసర సరుకులను అధిక ధరలకు విక్రయిస్తున్న వ్యాపారులపై విజిలెన్స్‌, తూనికలు–కొలతల శాఖ అధికారులు కఠిన చర్యలు చేపట్టారు. రీజినల్‌ విజిలెన్స్‌, ఎన్‌ఫోర్స్‌మెంట్‌ అధికారి కె. నాగేశ్వరరావు ఆధ్వర్యంలో శుక్రవారం ఏలూరు నగరంలో ఆకస్మిక తనిఖీలు నిర్వహించి 5 దుకాణాలపై కేసులు నమోదు చేశారు. నగరంలోని శ్రీ వెంకటరమణ ట్రేడర్స్‌, రమేష్‌ రైస్‌ అండ్‌ జనరల్‌ స్టోర్స్‌, సోమశేఖర రైస్‌ అండ్‌ జనరల్‌ స్టోర్స్‌, సౌజన్య వెంకట నాగ లక్ష్మీ దుర్గ రైస్‌ స్టోర్స్‌, తనూజ రైస్‌ అండ్‌ జనరల్‌ స్టోర్స్‌లలో బియ్యం, పప్పులను అధిక ధరలకు విక్రయిస్తున్నట్లు గుర్తించారు. ఈ సందర్భంగా నాగేశ్వరరావు మాట్లాడుతూ బియ్యం, పప్పులు, నూనెలు, కూరగాయలు వంటి నిత్యావసరాలను ఎక్కువ ధరలకు అమ్మాతే చట్టరీత్యా చర్యలు తప్పవని హెచ్చరించారు. ఈ తనిఖీల్లో విజిలెన్స్‌ డీఎస్పీ సింగులూరి వెంకటేశ్వరరావు, ఏఓ జీ. మీరయ్య, తూనికల కొలతల అధికారి జీ. వెంకట ప్రసాద్‌, సీఎస్‌ డీటీ రమేష్‌ పాల్గొన్నారు. రూ. 20 లక్షల నష్టం ఆగిరిపల్లి : మండలంలోని ఎస్‌ఏ పేట సమీపంలో గురువారం రాత్రి బీరు లోడుతో వెళ్తున్న లారీ అదుపుతప్పి బోల్తా పడింది. తూర్పుగోదావరి జిల్లా తుపాకులగూడెం కింగ్‌ఫిషర్‌ కంపెనీ నుంచి 1,900 బీరు కేసులతో కడప ఎకై ్సజ్‌ డిపోకు వెళ్తుండగా ఈ ప్రమాదం జరిగింది. లారీ బోల్తా పడటంతో సీసాలన్నీ రోడ్డుపై పడి పగిలిపోయాయి. ఈ ప్రమాదంలో సుమారు రూ. 20 లక్షల మేర నష్టం వాటిల్లినట్లు అంచనా వేస్తుండగా, డ్రైవర్‌ స్వల్ప గాయాలతో బయటపడ్డాడు. సమాచారం అందుకున్న ఎస్‌ఐ సురేష్‌ ఘటనా స్థలానికి చేరుకుని, రోడ్డుకు అడ్డంగా పడిపోయిన లారీని తొలగించి రాకపోకలను పునరుద్ధరించారు. కాగా, రోడ్డుపై చెల్లాచెదురుగా పడిన బీరు సీసాలను చుట్టుపక్కల ప్రజలు తీసుకెళ్లినట్లు సమాచారం. పెంటపాడు: మండలంలోని బోడపాడు గ్రామంలో విషాదం చోటుచేసుకుంది. గ్రామానికి చెందిన వ్యవసాయ కూలీ ఆలా రాంబాబు (55) శుక్రవారం మధ్యాహ్నం పొలం పనులు ముగించుకుని ఇంటికి వస్తుండగా, భారీ వర్షంతో పాటు సమీపంలో పడిన పిడుగు ధాటికి భయంతో గుండె ఆగి అక్కడికక్కడే కుప్పకూలాడు. గమనించిన తోటి రైతులు ఆయనను వెంటనే తాడేపల్లిగూడెం ఏరియా ఆసుపత్రికి తరలించగా, అప్పటికే మృతి చెందినట్లు వైద్యులు తెలిపారు. రాంబాబుకు ఇద్దరు కుమార్తెలు, ఒక కుమారుడు కాగా.. ఒక కుమార్తె గతంలోనే మృతి చెందింది.

పెదపాడు: ఏలూరు నగరపాలక సంస్థ ఎన్నికల ఓట్ల లెక్కింపు పక్కాగా నిర్వహించేలా సిబ్బందికి శిక్షణ అందించాలని కలెక్టర్‌ వెట్రిసెల్వి ఆదేశించారు. స్థానిక సీఆర్‌ఆర్‌ ఇంజనీరింగ్‌ కళాశాలలో శుక్రవారం కౌంటింగ్‌ సూపర్‌వైజర్లు, సి బ్బందికి అవగాహన కల్పించారు. ఏజెంట్ల సమక్షంలో బ్యాలెట్‌ సీల్‌ తీయడం, ఓట్ల లెక్కింపు, ఓట్ల చెల్లుబాటు పరిశీలన తదితర అంశాలపై వివరించారు. ఈ సందర్భంగా కలెక్టర్‌ మాట్లాడుతూ ఓట్ల లెక్కింపు కార్యక్రమాన్ని పారదర్శకంగా, పకడ్బందీగా నిర్వహించాలని సిబ్బంది అందరూ మాస్టర్‌ ట్రైనర్లు అందించే శిక్షణను క్షుణ్ణంగా అర్థం చేసుకుని ఎక్కడా చిన్న పొరపాటుకు తావివ్వకుండా కౌంటింగ్‌ ప్రక్రియ నిర్వహించాలన్నారు. ప్రతి అంశాన్ని కౌంటింగ్‌ ఏజెంట్లు పరిశీలించేలా చర్యలు తీసుకోవాలన్నారు. ముందుగా పోస్టల్‌ బ్యాలెట్లు, తర్వాత బ్యాలెట్‌ బాక్సుల్లో ఓట్లు లెక్కిస్తారన్నారు. స్ట్రాంగ్‌ రూమ్‌ భద్రత, కౌంటింగ్‌ కేంద్రాల్లో ఏర్పాట్ల విషయంలో లోపాలు ఉండకూడదన్నారు. కౌంటింగ్‌ హాల్స్‌ టేబుల్స్‌ ఏర్పాటు తదితర ఏర్పాట్లను ఆమె పరిశీలించారు. భీమడోలు: తుపాను ప్రభావంతో జిల్లాలో 40 వేల ఎకరాల్లో వరి పంటకు నష్టం వాటిల్లినట్టు జిల్లా వ్యవసాయాధికారి డాక్టర్‌ హబీబ్‌ బాషా అన్నారు. సూరప్పగూడెంలో దెబ్బతిన్న పంటను శుక్రవారం ఏఓ ఎస్‌పీవీ ఉషారాణితో కలిసి ఆయన పరిశీలించారు. జిల్లాలో వ్యవసాయశాఖ సిబ్బంది పంట నష్టం అంచనాలను రూపొందించే పనిలో ఉందన్నారు. రైతులకు పరిహారం అందేలా చూస్తామన్నారు. పాలు పోసుకునే దశలో ఉన్న పొలాలకు పొడ తెగులు సోకే అవకాశం ఉందని, ప్రోపికోనజోల్‌ మందును ఎకరాకు 200 మిల్లీలీటర్ల చొప్పున పిచికారీ చేయాలని సూచించారు. అలాగే ఐదు శాతం ఉప్పు ద్రావణాన్ని పిచికారీ చేయాలన్నారు. భీమడోలు మండలంలో 12,850 ఎకరాల్లో వరి సాగు చేయగా సుమారు 2 వేల ఎకరాల్లో పంట తీవ్రంగా నష్టపోయిందన్నారు. ఏలూరు (ఆర్‌ఆర్‌పేట): జిల్లాస్థాయి రోల్‌ప్లే, ఫోక్‌ డ్యాన్స్‌ పోటీలు దూబచర్ల డైట్‌ కాలేజీలో శుక్రవారం నిర్వహించినట్టు ఆ కళాశాల ప్రిన్సిపాల్‌ ఎం.కమలకుమారి ఏలూరులో విడుదల చేసిన ప్రకటనలో తెలిపారు. రోల్‌ప్లే పోటీల్లో భీమడోలు జెడ్పీ హైస్కూల్‌, నాగిరెడ్డిగూడెం ఏపీ రెసిడెన్షియల్‌ స్కూల్‌, పెదనిండ్రకొలను జెడ్పీ హైస్కూల్‌ మొదటి మూడు స్థానాల్లో దెందులూరు జెడ్పీ హైస్కూల్‌ విద్యార్థులు కన్సొలేషన్‌ బహుమతులు గెలుచుకున్నారు. ఫోక్‌ డాన్స్‌ పోటీల్లో పంగిడిగూడెం జెడ్పీ హైస్కూల్‌, భీమడోలు జెడ్పీ హైస్కూల్‌, లక్కవరం జెడ్పీ హైస్కూల్‌ మొదటి మూడు స్థానాల్లో, ఏపీ రెసిడెన్షియల్‌ స్కూల్‌ విద్యార్థులు కన్సొలేషన్‌ బహుమతులు గెలుచుకున్నారు. వీరంతా వచ్చేనెలలో జరిగే రాష్ట్రస్థాయి పోటీల్లో పాల్గొంటారు. జిల్లా నోడల్‌ అధికారి కేఎస్‌వీకే రాజకుమార్‌ పర్యవేక్షించారు. ద్వారకాతిరుమల: స్థానిక చెరువు వీధిలో టీడీపీ జెడ్పీటీసీ, ఎంపీటీసీ అభ్యర్థుల తరఫున శుక్రవారం సాయంత్రం ఓట్లు అడిగేందుకు వెళ్లిన కూటమి నేతలకు చేదు అనుభవం ఎదురైంది. నెలల తరబడి డ్రైనేజీలు శుభ్రం చేయకపోవడంతో దుర్వాసన, దోమల బెడదతో ఇబ్బందులు పడుతున్నామని గంగాధరరావు అనే యువకుడు నాయకులను నిలదీశాడు. చెరువు వద్ద మలుపులో రోడ్డు దెబ్బతిని ఏళ్లు గడుస్తున్నా పట్టించుకునే నాథుడే లేడని ఆగ్రహం వ్యక్తం చేశాడు. ప్రజా సమస్యలను పట్టించుకోని నాయకులు ఎన్నికలు రాగానే ఓట్ల కోసం ఎలా వస్తారని ప్రశ్నించాడు. దీంతో ఒక్కసారిగా కంగుతిన్న నేతలు.. సమస్యల పరిష్కార బాధ్యతను పంచాయతీ కార్యదర్శిపై నెట్టేసి, గంగాధరరావును బుజ్జగించి అక్కడి నుంచి మెల్లగా జారుకున్నారు.

నూజివీడు: మున్సిపల్‌ ఎన్నికల్లో వైఎస్సార్‌సీపీకి ఓటు వేస్తే పింఛన్లు తొలగిస్తామని, చిరు వ్యాపారుల దుకాణాలు కూల్చివేస్తామని, ఉద్యోగాలు ఊడగొడతామని బెదిరిస్తున్నారని... ఇలాంటి కక్ష సాధింపు చర్యలకు పాల్పడితే సహించేది లేదని నూజివీడు మాజీ ఎమ్మెల్యే మేకా వెంకట ప్రతాప్‌ అప్పారావు హెచ్చరించారు. గురువారం నూజివీడులోని పార్టీ కార్యాలయంలో నిర్వహించిన విలేకరుల సమావేశంలో ఆయన మాట్లాడారు. నూజివీడు నియోజకవర్గంలో గతంలో ఎన్నడూ లేని విధంగా ఓటర్లను బెదిరించే ప్రయత్నాలు జరుగుతున్నాయని ప్రతాప్‌ అప్పారావు ఆరోపించారు. మంత్రి కొలుసు పార్థసారథి స్వయంగా బెదిరింపులకు పాల్పడుతుండగా... పెనమలూరుకు చెందిన ఆయన అనుచరులు ఫోన్‌ చేసి, వైఎస్సార్‌సీపీ సానుభూతిపరులు, చిరు వ్యాపారులు, ఉద్యోగులను బెదిరిస్తూ కక్ష సాధింపు చర్యలకు పాల్పడుతున్నారని విమర్శించారు. ఇటువంటి చర్యలపై జిల్లా కలెక్టర్‌, ఎన్నికల కమిషన్‌కు ఫిర్యాదు చేస్తామని స్పష్టం చేశారు. బెదిరింపులకు పాల్పడితే తెలియజేయండి పెనమలూరుకు చెందిన మంత్రి అనుచరుల బెదిరింపులకు నూజివీడు ప్రజలు భయపడాల్సిన అవసరం లేదని, ఎవరైనా బెదిరింపులకు పాల్పడితే తన దృష్టికి తీసుకురావాలని ఆయన కోరారు. ప్రజాస్వామ్యంలో తమకు నచ్చిన అభ్యర్థికి ఓటు వేసే హక్కు ప్రతి ఒక్కరికీ ఉందని, ఆ హక్కును అడ్డుకునే ప్రయత్నాలను సహించబోమని అన్నారు. ఎన్నికల సమయంలో ప్రజలను బెదిరించడం మానేసి, అధికారంలోకి వచ్చినప్పుడు ఇచ్చిన హామీలను అమలు చేయడంపై ప్రభుత్వం దృష్టి పెట్టాలని సూచించారు. నిత్యావసర వస్తువుల ధరలు విపరీతంగా పెరగడంతో పేద, మధ్యతరగతి ప్రజలు తీవ్ర ఇబ్బందులు ఎదుర్కొంటున్నారని ఆవేదన వ్యక్తం చేశారు. బియ్యం బస్తా ధర రూ.2 వేలకు, నూనె ప్యాకెట్‌ ధర రూ.200కు చేరితే సామాన్యులు ఎలా జీవించాలని ప్రశ్నించారు. ఓట్ల కోసం సామాన్యులపై ఒత్తిడి తీసుకురావడం కాకుండా, ధరలు తగ్గించి ప్రజలకు ఉపశమనం కల్పించాలని మంత్రి పార్థసారథికి హితవు పలికారు. నూజివీడు పట్టణ ప్రజలు ఎలాంటి బెదిరింపులకూ భయపడకుండా స్వేచ్ఛగా తమ ఓటు హక్కును వినియోగించుకోవాలని, వైఎస్సార్‌సీపీ అభ్యర్థులను అత్యధిక మెజార్టీతో గెలిపించాలని ప్రతాప్‌ అప్పారావు విజ్ఞప్తి చేశారు. మాజీ ఎమ్మెల్యే మేకా వెంకట ప్రతాప్‌ అప్పారావు

కై కలూరు : వైఎస్సార్‌సీపీ రాష్ట్ర అధ్యక్షుడు, మాజీ సీఎం వైఎస్‌ జగన్‌ మోహన్‌రెడ్డిపై నమ్మకంతో అనేక మంది టీడీపీ నాయకులు వైఎస్సార్‌సీపీలో చేరుతున్నారు. కై కలూరు ఎన్నికల్లో కీలకమైన వెలంపేటలో మాజీ ఎంపీటీసీ సభ్యులు డోకల శ్రీనివాసరావు, అతనితో పాటు వడ్డాది రాజు, గునుపూడి శ్యామలరావు, సాధనాల చిన్ని, బోరా సూరి కై కలూరు వైఎస్సార్‌సీపీ కార్యాలయంలో పార్టీలో చేరారు. జిల్లా పార్టీ అధ్యక్షుడు డీఎన్నార్‌ వీరికి పార్టీ కండవాలు కప్పి ఆహ్వానించారు. పార్టీ విజయానికి కృషి చేయాలని కోరారు.

● తణుకులో సంచనలం ● ప్రమాదమా.. హత్యా? అనే కోణంలో పోలీసుల దర్యాప్తు తణుకు అర్బన్‌: మద్యం దుకాణంలో ఓ వృద్ధుడు సజీవ దహనమైన ఘటన తణుకు పట్టణంలో సంచలనం సృష్టించింది. స్థానిక అగ్నిమాపక కేంద్రం పరిధిలోని ‘అమర్‌ వైన్స్‌’ మద్యం దుకాణంలో గురువారం ఉదయం ఈ ఘటన వెలుగుచూసింది. మృతిచెందిన వ్యక్తిని శీలం వీరన్న (62)గా గుర్తించారు. పోలీసులు, స్థానికులు తెలిపిన వివరాల ప్రకారం.. తణుకు పట్టణానికి చెందిన వీరన్న ఇటీవల కాలంలో తూర్పుగోదావరి జిల్లా వేమగిరిలో ఇల్లు నిర్మించుకుని నివసిస్తున్నారు. అయితే, మద్యం దుకాణం వెనుక భాగంలో నైట్‌ పాయింట్‌ పేరిట నిర్వహిస్తున్న గదిలో ఉంటున్న జక్కంశెట్టి దానవేంద్రరావు అలియాస్‌ జాంపండుతో ఉన్న స్నేహం కారణంగా ఆయన తరచూ తణుకు వస్తుండేవారు. ఈ క్రమంలో బుధవారం అర్ధరాత్రి వరకు వీరన్న, జాంపండు ఆ గదిలో ఉన్నారు. అర్థరాత్రి దాటిన తర్వాత జాంపండు.. వీరన్నను అక్కడే ఉంచి బయటికి వెళ్లిపో యారు. ఆ గదిలో ఉన్న మద్యం నిల్వల కారణంగా, నిద్రించే సమయంలో ఎవరూ లోపలికి రాకుండా బయటి నుంచి తాళం వేసి వెళ్లారు. తుపాను కారణంగా విద్యుత్‌ సరఫరా నిలిచిపోవడంతో వీరన్న కొవ్వొత్తి వెలిగించి నిద్రపోయి ఉండవచ్చని, ప్రమాదవశాత్తు మంటలు వ్యాపించి ఉంటాయని పోలీసులు ప్రాథమికంగా అంచనా వేస్తున్నారు. తెల్లవారుజామున దట్టమైన పొగలు గురువారం తెల్లవారుజామున సుమారు 4 గంటల సమయంలో మద్యం దుకాణం నుంచి విపరీతమైన పొగలు రావడాన్ని గమనించిన స్థానికులు సమీపంలోని అగ్నిమాపక కేంద్రానికి సమాచారం అందించారు. అగ్నిమాపక సిబ్బంది వెంటనే అక్కడికి చేరుకుని మంటలను అదుపులోకి తీసుకొచ్చారు. అప్పటికే వీరన్న పూర్తిగా కాలిపోయి మృతిచెందారు. సమాచారం అందుకున్న పట్టణ సీఐ జేవీ రమణ, ఎస్సై సీహెచ్‌ సత్యనారాయణ సంఘటనా స్థలానికి చేరుకుని వివరాలు సేకరించారు. కుమారుడు మురళీకృష్ణ ఇచ్చిన ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. మృతదేహానికి తణుకు ప్రభుత్వ ఆసుపత్రిలో పోస్టుమార్టం నిర్వహించి కుటుంబ సభ్యులకు అప్పగించారు. ప్రమాదమా? మరేదైనా కారణమా? మద్యం దుకాణంలో అగ్నికి ఆహుతై మరణించిన ఈ ఘటన అనుమానాస్పదంగా మారింది. అసలు ఇది ప్రమాదమా? లేక మరేదైనా జరిగిందా? అనే కోణంలోనూ పోలీసులు విచారణ చేస్తున్నారు. వేమగిరిలో ఉంటున్న వీరన్న తణుకు ఎందుకు వచ్చారు? సొంత సోదరుడు ఉన్నప్పటికీ, మద్యం దుకాణంలో ఎందుకు నిద్రించారు? అనే విషయాలు పలు అనుమానాలకు తావిస్తున్నాయి. మృతుడు గతంలో తణుకులోని ఒక ఫ్యాక్టరీలో పనిచేసి రిటైర్‌ కాగా, ఆయన భార్య పదేళ్ల క్రితమే మరణించారు. పెద్ద కుమారుడు మల్లేశ్వరరావు దుబాయిలో స్థిరపడగా, చిన్న కుమారుడు మురళీకృష్ణ తన కుటుంబంతో కలిసి తునిలో నివసిస్తున్నారు. కాలిపోయిన వీరన్న మృతదేహం, శీలం వీరన్న (ఫైల్‌)

ద్వారకాతిరుమల: స్థానిక ఎన్నికల ప్రచారం సందర్భంగా గురువారం రాత్రి మండలంలోని వెంకటకృష్ణాపురంలో టీడీపీ, వైఎస్సార్‌సీపీ శ్రేణుల మధ్య ఘర్షణ చోటుచేసుకుంది. రామాలయం వద్ద రోడ్డుపై బైక్‌ నిలిపి ఉంచిన విషయమై జరిగిన గొడవలో వైఎస్సార్‌ సీపీ కార్యకర్తపై టీడీపీ కార్యకర్త దాడి చేశాడు. అనంతరం పోలీస్టేషన్‌లో ఎదురుకేసు పెట్టాడు. స్థానికుల కథనం ప్రకారం.. గ్రామంలో ఎన్నికల ప్రచారానికి వెళ్లే ముందు వైస్సార్‌ సీపీ కార్యకర్త అంజిబాబు తన బైక్‌ను స్థానిక రామాలయం వద్ద రోడ్డుపై నిలిపి ఉంచాడు. తిరిగి అతడు ప్రచారంతో రామాలయం వద్దకు చేరుకోగా, అదే సమయంలో టీడీపీ శ్రేణుల ప్రచారం ఎదురుపడింది. ఆ సమయంలో రోడ్డుపై బైక్‌ ఎవరు పెట్టారంటూ ముమ్మారెడ్డి నాగరాజు దూషించినట్టు స్థానికులు చెబుతున్నారు. ఇంతలో వైఎస్సార్‌సీపీ కార్యకర్త ములకాల వెంకటేశ్వరరావు బైక్‌ను పక్కకు తీశాడు. బైక్‌ రోడ్డుపై ఉన్నంత మాత్రాన దూషించడం ఏమిటని అంజిబాబు ప్రశ్నించడంతో నాగరాజు అతడిపై దాడికి పాల్పడినట్టు చెబుతున్నారు. అయితే అంజిబాబు ప్రతిఘటించే క్రమంలో నాగరాజు పెదవికి గాయమైంది. దీంతో నాగరాజు స్థానిక పోలీస్టేషన్‌లో అంజిబాబు, అతడి అన్నయ్య బుసనబోయిన నాగరాజుపై ఫిర్యాదు చేశాడు. ఈ ఘటనతో గ్రామంలో ఉద్రిక్తత నెలకొంది. ఇదిలా ఉంటే ఈ దాడిలో గాయపడిన అంజిబాబును కుటుంబ సభ్యులు తొలుత 108లో ద్వారకాతిరుమల పీహెచ్‌సీకి తరలించి ప్రథమ చికిత్స చేయించారు. అనంతరం మెరుగైన చికిత్స నిమిత్తం ఏలూరు ప్రభుత్వాస్పత్రికి తరలించినట్టు సమాచారం.

భీమవరం : జిల్లాలో అర్నబ్‌ తుపాను రొయ్యల రైతులను తీవ్రంగా నష్టపరిచింది. ఆక్సిజన్‌ అందక రొయ్యలు మృత్యువాత పడుతుండడంతో రైతులు హుటాహుటిన పట్టుబడులు పట్టే పనిలో నిమగ్నమయ్యారు. భీకర గాలుల కారణంగా చెట్లు, పెద్ద సంఖ్యలో విద్యుత్‌ స్తంభాలు కూలిపోవడంతో జిల్లావ్యాప్తంగా గత మూడు రోజులుగా విద్యుత్‌ సరఫరా నిలిచిపోయింది. కరెంట్‌ లేకపోవడంతో చెరువుల్లో ఆక్సిజన్‌ అందించే ఏరియేటర్లు పనిచేయక, రొయ్యలు చనిపోతుండడం రైతులను కలవరపెడుతోంది. ఒకేసారి ఎక్కువ మంది రైతులు పట్టుబడులకు పూనుకోవడాన్ని ఆసరాగా చేసుకుని, రొయ్యల వ్యాపారులు ధరలు తగ్గించి కొనుగోలు చేస్తున్నారని రైతులు ఆందోళన వ్యక్తం చేస్తున్నారు. దీనికితోడు పట్టుబడి పట్టే కార్మికుల కొరత వేధిస్తోందని, ఐస్‌ లభ్యం కాకపోవడం వల్ల పట్టుబడికి భారీగా పెట్టుబడి పెట్టాల్సి వస్తోందని వాపోతున్నారు. ఒకవేళ పట్టుబడి పట్టకపోతే చెరువుల్లోనే రొయ్యలు చనిపోయి సర్వస్వం కోల్పోతామని ఆవేదన వ్యక్తం చేస్తున్నారు. తప్పని కష్టాలు కూటమి ప్రభుత్వం అధికారంలోకి వచ్చిన నాటి నుంచి రొయ్యల రైతులకు కష్టాలు ఎక్కువయ్యాయని రైతులు మండిపడుతున్నారు. ఫీడ్‌ ధరలు గణనీయంగా పెరగడం, అధికారంలోకి వచ్చిన వెంటనే సబ్సిడీ విద్యుత్‌ ఇస్తామన్న ప్రభుత్వం రెండున్నరేళ్ల తర్వాత అమలు చేయడం, తెగుళ్ల బెడద, ధరలు అనుకూలంగా లేకపోవడం వంటి వరుస ఘటనలతో తీవ్రంగా నష్టపోతున్నామని తెలిపారు. రొయ్యల చెరువులకు త్వరితగతిన విద్యుత్‌ సరఫరా పునరుద్ధరించేలా ప్రభుత్వం తక్షణ చర్యలు తీసుకోవాలని వారు కోరుతున్నారు. పెరిగిన పాల ప్యాకెట్లు, నిత్యావసరాల ధరలు అర్నబ్‌ తుపాను ప్రభావంతో గత మూడు రోజులుగా పట్టణాలు, గ్రామాల్లో విద్యుత్‌ సరఫరా నిలిచిపోవడంతో ప్రజలు తీవ్ర ఇబ్బందులు పడుతున్నారు. విద్యుత్‌ లేక అనేక చోట్ల భోజన శాలలు, హోటళ్లు మూతపడ్డాయి. భీమవరం, తాడేపల్లిగూడెం, తణుకు, పాలకొల్లు, నరసాపురం తదితర పట్టణాలతో పాటు మండల కేంద్రాల్లోనూ బుధ, గురువారాల్లో చాలా హోటళ్లు తెరుచుకోలేదు. పిండి రుబ్బడానికి, చట్నీలు, మసాలాలు తయారు చేయడానికి అవసరమైన మిక్సీలు, గ్రైండర్లు పనిచేయకపోవడంతో టిఫిన్లు, భోజనాల తయారీని నిలిపివేశారు. కొన్ని హోటళ్లు కేవలం బిర్యానీ, నూడిల్స్‌ వంటివే విక్రయిస్తూ అధిక ధరలు వసూలు చేస్తున్నారని వినియోగదారులు ఆందోళన వ్యక్తం చేస్తున్నారు. విద్యుత్‌ లేక ఆక్సిజన్‌ అందక చనిపోతున్న రొయ్యలు పెద్ద సంఖ్యలో చెరువుల్లో పట్టుబడులు తగ్గిన ధరలు, పెరిగిన ఖర్చులతో రైతుల విలవిల దూర ప్రాంతాల నుంచి వివిధ పనుల మీద పట్టణాలకు వచ్చేవారు తిండి కోసం నానా ఇబ్బందులు పడుతున్నారు. ఎక్కువ డబ్బులు చెల్లించినా భోజనం దొరకని పరిస్థితి నెలకొంది. మరోవైపు, విద్యుత్‌ సరఫరా లేకపోవడంతో పాల ప్యాకెట్లు నిల్వ ఉంచుకునే అవకాశం కరవైంది. ఉన్న కొద్దిపాటి ప్యాకెట్లను సైతం అక్రమంగా అధిక ధరకు విక్రయిస్తున్నారు. రూ. 32ల విలువైన అరలీటర్‌ పాల ప్యాకెట్‌ను రూ. 50లకు అమ్ముతున్నారని, అడిగినన్ని కూడా ఇవ్వకుండా అరకొరగానే ఇస్తున్నారని ప్రజలు వాపోతున్నారు. మొత్తానికి, అర్నబ్‌ తుపాను ప్రభావం వల్ల ప్రజలకు మరో రెండు మూడు రోజులు తిప్పలు తప్పేలా లేవు.

ఏలూరు టౌన్‌ : అవినీతి రహిత సమాజ నిర్మాణమే లక్ష్యంగా ఏసీబీ పనిచేస్తోందని, ప్రజలకు అవగాహన కల్పించేందుకు విజిలెన్స్‌ వారోత్సవాలు నిర్వహిస్తున్నట్లు ఏలూరు రేంజ్‌ ఏసీబీ డీఎస్పీ జీవీ కృష్ణారావు తెలిపారు. ఏలూరులోని ఏసీబీ కార్యాలయంలో నిర్వహించిన విలేకరుల సమావేశంలో ఆయన మాట్లాడారు. సర్దార్‌ వల్లభాయ్‌ పటేల్‌ జయంతిని పురస్కరించుకుని అక్టోబర్‌ 26 నుంచి ఈ వారోత్సవాలు చేపట్టినట్లు చెప్పారు. లంచాలకు అలవాటుపడితే ఉద్యోగాలు కోల్పోవడంతో పాటు జైలు శిక్షలు తప్పవని ఆయన హెచ్చరించారు. గడిచిన 10 నెలల్లో ఉమ్మడి జిల్లాలో 8 ఏసీబీ దాడులు నిర్వహించి అవినీతి అధికారులను పట్టుకున్నట్లు వెల్లడించారు. ప్రభుత్వ ఉద్యోగులు ఎవరైనా సేవలు అందించడానికి డబ్బులు డిమాండ్‌ చేస్తే ప్రజలు 1064 టోల్‌ఫ్రీ నంబర్‌కు కాల్‌ చేసి ఫిర్యాదు చేయాలని కోరారు. ఈ సమావేశంలో ఏసీబీ సీఐలు, ఎస్సైలు, సిబ్బంది పాల్గొన్నారు. తాడేపల్లిగూడెం (టీఓసీ): అర్నబ్‌ తుపాను కారణంగా దెబ్బతిన్న ఉద్యాన పంటల పునరుద్ధరణకు డాక్టర్‌ వైఎస్సార్‌ ఉద్యాన విశ్వవిద్యాలయం చర్యలు చేపట్టింది. పంటల నష్ట తీవ్రతను తగ్గించి, సాధారణ స్థితికి తీసుకువచ్చేందుకు, రైతులకు తక్షణ సాంకేతిక సలహాలు అందించడానికి వర్సిటీ ఉపకులపతి డాక్టర్‌ కట్టుపల్లి ధనుంజయరావు ఆదేశాల మేరకు సీనియర్‌ శాస్త్రవేత్తలతో ప్రత్యేక బృందాలను నియమించారు. భారీ వర్షాలు, ఈదురు గాలుల వల్ల అరటి, కొబ్బరి, ఆయిల్‌ పామ్‌, జీడిమామిడి, పసుపు, బొప్పాయి, మిరప, కూరగాయల తోటలు దెబ్బతిన్నాయి. వీటిని కాపాడుకోవడానికి ఆయా జిల్లాల్లో శాస్త్రవేత్తల బృందాలు విస్తృతంగా పర్యటిస్తున్నాయి. ఇందులో భాగంగా పశ్చిమ గోదావరి జిల్లాలో వెంకట్రామన్నగూడెం పరిశోధన స్థాన శాస్త్రవేత్తలు (రెండు బృందాలు), ఏలూరు జిల్లాలో వెంకట్రామన్నగూడెం కృషి విజ్ఞాన కేంద్రం బృందం పర్యటించనుంది. రైతులు ఎవరూ అధైర్యపడకుండా, శాస్త్రవేత్తలు సూచించే తగిన యాజమాన్య పద్ధతులను పాటించి పంటలను కాపాడుకోవాలని ఉపకులపతి విజ్ఞప్తి చేశారు. ఉంగుటూరు: మండలంలోని గొల్లగూడెం, నల్లమాడు, గోపాలపురం ఆయకట్టు ప్రాంతాల్లో ఉద్యాన పంటలు దెబ్బతిన్నాయి. ప్రధానంగా 30 ఎకరాల్లో అరటి, 17 ఎకరాల్లో బొప్పాయి, 29 ఎకరాల్లో కూరగాయలు, 5 ఎకరాల్లో పూలు, 14 ఎకరాల్లో ఆయిల్‌ పామ్‌ దెబ్బతిన్నట్లు గుర్తించామని ఉద్యానవన మండల అధికారి అమర్‌నాథ్‌ తెలిపారు. 75 శాతం పక్వానికి వచ్చిన అరటి తోటలకు లీటరు నీటికి 3 గ్రాముల చొప్పున 13–0–45 మందును కలిపి పిచికారీ చేయాలని ఆయన సూచించారు. అలా పిచికారీ చేసిన అరటి గెలలను ఆకులతో కప్పి, 15 రోజుల తర్వాత మార్కెట్‌ చేసుకోవచ్చని తెలిపారు. అలాగే బొప్పాయిలో పండు ఈగ తెగులు వచ్చే అవకాశం ఉన్నందున, ఎకరానికి 4 చొప్పున ఈగ ట్రాపులు ఏర్పాటు చేసుకోవాలని ఉద్యానవన అధికారి అమర్‌నాథ్‌ సూచించారు.

బాధ్యతలు స్వీకరించిన డైరెక్టర్‌ తాడేపల్లిగూడెం: ఏపీ నిట్‌ డైరెక్టర్‌గా ప్రొఫెసర్‌ కేవీ కృష్ణారావు గురువారం బాధ్యతలు స్వీకరించారు. ఆయన ఇప్పటివరకు ముంబై ఐఐటీలో సివిల్‌ ఇంజనీరింగ్‌ వి భాగంలో ప్రొఫెసర్‌గా సేవలందించారు. ఆయనకు రవాణా వ్యవస్థల ఇంజనీరింగ్‌, పట్టణ రవాణా ప్రణాళిక రంగాల్లో నాలుగు దశాబ్ధాలుగా పైగా అనుభవం ఉంది. కాకినాడలోని జేఎన్‌టీయులో 1984లో సివిల్‌ ఇంజనీరింగ్‌, 1986లో మద్రాస్‌ ఐఐటీలో మాస్టర్స్‌, పీహెచ్‌డీ పూర్తిచేశారు. 1996 లో ముంబై ఐఐటీలో చేరి ప్రొఫెసర్‌గా సేవలందిస్తున్నారు. బాధ్యతలు స్వీకరించిన ఆయనకు రిజిస్ట్రార్‌ దినేష్‌ శంకరరెడ్డి, డీన్‌లు అభినందించారు.

ఉంగుటూరు: తుపానుతో నష్టపోయిన రైతులకు ఇన్‌పుట్‌ సబ్సిడీ ఇచ్చి ఆదుకోవాలని మాజీ ఎమ్మె ల్యే, వైఎస్సార్‌సీపీ నియోజకవర్గ కన్వీనర్‌ పుప్పాల వాసుబాబు డిమాండ్‌ చేశారు. ఆరుగాలం కష్టించి పండించిన పంట చేతికందకుండా తుపాను దెబ్బతీసిందన్నారు. జిల్లాలో అత్యధికంగా వరి పండించే ఉంగుటూరు మండలంలో గురువారం ఆయన ప ర్యటించారు. ఉప్పాకపాడు, బొమ్మిడి, బాదంపూ డి, నారాయణఫురం తదితర గ్రామాల్లో దెబ్బతిన్న వరి చేలను పరిశీలించి రైతులతో మాట్లాడారు. గత వైఎస్సార్‌సీపీ ప్రభుత్వంలో విపత్తులతో నష్టపోయిన రైతులను సకాలంలో ఇన్‌పుట్‌ సబ్సిడీ ఇచ్చి ఆదుకున్నామని, అయితే ప్రస్తుతం కూటమి ప్రభు త్వం ఎలాంటి సాయం అందించడం లేదని విమర్శించారు. గత ప్రభుత్వం ఉచిత పంటల బీమాతో ఆదుకోగా.. ప్రస్తుత ప్రభుత్వం ఈ పథకాన్ని రద్దు చేయడంతో చాలామంది రైతులు ఇన్సురెన్స్‌ ప్రీమి యం చెల్లించలేదన్నారు. దీంతో పంట నష్టపోతే పరిహారం అందని పరిస్థితి నెలకొందన్నారు. అలా గే కౌలు రైతులకు గత ప్రభుత్వంలో రైతు భరోసా అందిస్తే ఇప్పుడు రాకపోవడంతో వేలాది మంది ఇబ్బందులు పడుతున్నారని ఆవేదన వ్యక్తం చేశా రు. అలాంటి రైతులందరినీ ఆదుకోవాలని కోరా రు. తడిసిన ధాన్యాన్ని ప్రభుత్వమే కొనుగోలు చే యాలని డిమాండ్‌ చేశారు. గత ప్రభుత్వంలో తమ కు పలురకాలుగా మేలు జరిగిందని, ప్రస్తుత కూ టమి ప్రభుత్వం ఏమీ అందడం లేదని రైతులు వా సుబాబు దృష్టికి తీసుకువచ్చారు. వైఎస్సార్‌సీపీ జెడ్పీటీసీ అభ్యర్థి యెలిశెటి పాపారావు బాబ్జి, మండల పార్టీ అధ్యక్షుడు మరడ మంగరావు, నాయకు లు అడపా శ్రీను, బండారు నాగరాజు, పెనుగొండ బాలకృష్ణ, దాసిరి అప్పన్న తదితరులు ఉన్నారు.మాజీ ఎమ్మెల్యే పుప్పాల వాసుబాబు

ఏలూరు టౌన్‌: జిల్లాలో స్థానిక సంస్థల ఎన్నికలను ప్రశాంతంగా, పారదర్శకంగా నిర్వహించేలా అధికార యంత్రాంగం పటిష్ట భద్రతా చర్యలు చేపట్టిందనీ ఎస్పీ కేపీ శివకిషోర్‌ అన్నారు. జిల్లా పోలీస్‌ ప్రధాన కార్యాలయం నుంచి గురువారం వీడియో కాన్ఫరెన్స్‌లో ఏలూరు, జంగారెడ్డిగూడెం, పోలవరం, నూజివీడు డివిజన్ల పరిధిలో పోలీసుల అధికారులతో భద్రతా ఏర్పాట్లపై సమీక్షించారు. శాంతిభద్రతలకు విఘాతం కలిగించే అవకాశమున్న వ్యక్తులు, సమస్యాత్మక ప్రాంతాలు, సున్నితమైన పోలింగ్‌ కేంద్రాలపై ముందస్తు సమాచారాన్ని సేకరించి, భద్రతా ప్రణాళికలు రూపొందించాలని ఆదే శించారు. జిల్లాలో జరిగే ఎన్నికలు ప్రశాంత వాతావరణంలో పూర్తిచేసేలా బందోబస్తు ఏర్పాట్లతో సిద్ధంగా ఉండాలన్నారు. సమస్మాత్మక ప్రాంతాలపై ని ఘా ఉంచాలనీ, అవాంఛనీయ సంఘటనలకు తా వులేకుండా చర్యలు తీసుకోవాలన్నారు. ఎన్నికల ని యమావళిని ఉల్లంఘిస్తూ ఓటర్లను భయపెట్టడం, ప్రలోభాలకు గురిచేయటం, ఘర్షణలకు దిగటం వంటివి నిరోధించేలా జాగ్రత్తలు తీసుకోవాలని సూచించారు. ప్రజలు ఓటు హక్కును నిర్భయంగా, స్వేచ్ఛగా వినియోగించుకునేలా చూడాలన్నా రు. ఎస్‌బీ సీఐ మల్లేశ్వరరావు, డీసీఆర్‌బీ సీఐ హ బీబ్‌ బాషా, డీఎస్పీ డి.శ్రావణ్‌కుమార్‌, సీఐలు, ఎస్సైలు ఉన్నారు.

రొయ్య రైతుకు నష్టం తుపాను ప్రభావంతో విద్యుత్‌ అంతరాయాలతో ఆక్సిజన్‌ అందక చెరువుల్లో రొయ్యలు చనిపోతున్నాయి. దీంతో రైతులు హడావుడిగా పట్టుబడులు చేస్తున్నారు. 8లో uనీటి ఎద్దడి.. తెగుళ్ల బెడద.. పెరిగిన సాగు ఖర్చులు.. ఎన్నో ఆటంకాలకు ఎదురొడ్డారు.. పగలనకా, రేయనకా రెక్కలు ముక్కలు చేసుకుని సాగుచేశారు.. రెండు వారాల్లో చేతికొచ్చే పంట కోసం ఎదురుచూస్తున్న రైతుల ఆశలపై అర్నబ్‌ తుపాను నీళ్లు చల్లింది. ఈదురుగాలులు, భారీ వర్షాలతో అపార నష్టాన్ని మిగిల్చింది. జిల్లాలో తుపాను మిగిల్చిన పంట నష్టంపై ‘సాక్షి’ గ్రౌండ్‌ రిపోర్ట్‌. ● విత్తనం ప్యాకెట్‌ రూ. 600 ● నారుమడి నిమిత్తం ఐదు సెంట్ల స్థలంలో ఆకుమడి దమ్ము, విత్తనాలు చల్లేందుకు, ఎరువుకు రూ.2,000 ● నాట్లు నిమిత్తం పొలాన్ని రెండు సార్లు దమ్ము చేసేందుకు రూ.3,500 ● పట్టి తోలేందుకు రూ.600 ● గట్లు చెక్కేందుకు రెండు కూలీలు (కూలీ రూ.700 చొప్పున) రూ.1,400 ● నాట్లు వేసేందుకు కూలీలకు రూ.5,000 ● బస్తాన్నర యూరియా, ఒక డీఏపీ, 40 కేజీల పొటాష్‌లకు రూ.2,500, చల్లేందుకు కూలీ ఖర్చులు కూలీలు రూ.3,500 ● కలుపు మందులు రూ.500, పురుగు మందులు రూ.2,500, కూలీ ఖర్చులు రూ.3,500 ● పొలంలో నిలిచిన నీటిని అంతర్గత కాలువల ద్వారా తొలగించాలి. ● గింజలు రంగు మారడం, మాగుడు, మానిపండు తెగులు వ్యాపించకుండా ఎకరాకు 200 మి.లీ. ప్రోపికొనజోల్‌ పిచికారీ చేయాలి. ● వర్షాలు తగ్గిన తర్వాత బ్యాక్టీరియా ఎండాకు తెగులు కనిపిస్తే ప్లాంటోమైసిన్‌: 1 మి.లీ/లీటరు + కొసైడ్‌ (కాపర్‌ హైడ్రాకై ్సడ్‌) 2.0 గ్రా/లీటరు నీటికి కలిపి పిచికారీ చేయాలి. ● నిలిచి ఉన్న లేదా పడిపోయిన చేలలో కంకిపై గింజ మొలకెత్తకుండా ఉండటానికి 5 శాతం ఉప్పు ద్రావణం (50 గ్రాములు కల్లుప్పు / లీటరు నీటికి) కలిపి పిచికారీ చేయాలి. శురకవారం శ్రీ 30 శ్రీ అక్టోబర్‌ శ్రీ 2026మండలం నష్టపోయిన నేలవాలిన రైతులు పంట ఆచంట 4,025 4,070 ఆకివీడు 695 395 అత్తిలి 10,463 4,650 భీమవరం 2,652 2,432 గణపవరం 3,945 2,630 ఇరగవరం 4,550 4,680 కాళ్ల 1,420 1,150 మొగల్తూరు 420 263 నరసాపురం 3,546 2,210 పాలకోడేరు 4,200 4,412 పాలకొల్లు 6,205 3,745 పెంటపాడు 10,852 7,124 పెనుగొండ 4,975 4,855 పెనుమంట్ర 3,980 3,178 పోడూరు 7,500 4,251 తాడేపల్లిగూడెం 15,552 8,200 తణుకు 6,542 3,925 ఉండి 3,250 2,904 వీరవాసరం 4,912 4,534 యలమంచిలి 3,210 1,725 సాక్షి, భీమవరం : జిల్లాలోని 87 వేల హెక్టార్లలో ఖరీఫ్‌ సాగు చేశారు. సీజన్‌ ప్రారంభం నుంచి కర్షకులను కష్టాలు వెంటాడాయి. వర్షాభావ పరిస్థితులు, సాగునీటి ఎద్దడితో పలుచోట్ల నారుమడులు ఎండిపోయే పరిస్థితులు ఎదురయ్యాయి. ఒడిదుడుకులకు ఎదురొడ్డి పంటను కీలక దశకు చేర్చారు. ముందుగా నాట్లు వేసిన తాడేపల్లిగూడెం ప్రాంతంలో వరికోతలు మొదలయ్యాయి. అధిక శాతం విస్తీర్ణంలో పాలుపోసుకునే దశ నుంచి గింజ గట్టిపడే దశలో ఉంది. నవంబరు రెండో వారం నుంచి జిల్లా అంతటా వరి కోతలు మొదలుకానున్నాయి. అర్నబ్‌ జలఖడ్గం : జిల్లావ్యాప్తంగా 303 గ్రామాల పరిధిలోని 1,02,939 మంది రైతులకు చెందిన 71,333 హెక్టార్లలో వరి పంట నేలకొరిగినట్టు వ్యవ సాయశాఖ ప్రాథమిక అంచనా. తాడేపల్లిగూడెం రూరల్‌, పెంటపాడు, అత్తిలి, ఇరగవరం, పెనుగొండ మండలాల్లో నష్టం తీవ్రత ఎక్కువగా ఉంది. డ్రెయిన్లు పొంగి ప్రవహిస్తుండటంతో చాలా చోట్ల వరి పంటపై నీరు నిలిచిపోయింది. క్షేత్రస్థాయి పరిశీలనలో ఈ నష్టం మరింత పెరుగుతుందని భావిస్తున్నారు. ప్రస్తుతం పూతపై ఉన్న ఎంటీయూ 1318, పీఎల్‌ఏ 1100, తదితర రకాల్లో తాలుశాతం పెరిగి దిగుబడులు తగ్గిపోతాయని రైతులు అంటున్నారు. ఎక్కడికక్కడ రైతులు పొలాల్లో పంటను కాపాడుకునేందుకు తీవ్రంగా శ్రమిస్తూ కనిపించారు. ముంపు నీటిని బయటకు పంపేందుకు బాటలు చేసుకోవడం, నేలనంటిని చేలను పైకి నిలబెట్టి కట్టలుగా కట్టుకోవడం చేస్తున్నారు. మరికొందరు వ్యవసాయ అధికారులు వచ్చి పంట నష్టం పరిశీలించిన తర్వాత నష్టనివారణ చర్యలు చేపట్టాలని పొలాల వద్ద వేచి చూడటం కనిపించింది. పలుచోట్ల రైతు లు మాట్లాడుతూ పంట నేలనంటడంతో వరికోత యంత్రాల ద్వారా కోయడం సాధ్యం కాదని, కూ లీల ద్వారా కోయిస్తే చాలా ఖర్చవుతుందని వాపోయారు. 40 శాతం మేర దిగుబడి తగ్గిపోయి పంట పెట్టుబడులు కూడా రావని ఆవేదన వ్యక్తం చేస్తున్నారు. పంట నష్టపోయిన రైతులకు పరిహారం, ఇన్‌పుట్‌ సబ్సిడీ అందించాలని, తడిసిన, రంగు మారిన ధాన్యాన్ని మద్దతు ధరకు కొనుగోలు చేయాలని కోరుతున్నారు. తాడేపల్లిగూడెం రూరల్‌లో నేలనంటిన వరిచేలు చివరికి ఖేదం పది రోజుల్లో ఖరీఫ్‌ కోతలు చివరిలో ముంచేసిన అర్నబ్‌ ఇప్పటికే ఎకరాకు రూ.25 వేల వరకు పెట్టుబడి ప్రాథమిక అంచనా మేరకు 71,333 హెక్టార్లలో నేలకొరిగిన వరి దిగుబడులు తగ్గిపోతాయనిరైతుల ఆందోళన జిల్లాలో 87 వేల హెక్టార్లలో ఖరీఫ్‌ సాగు

మున్సిపల్‌ ఎన్నికల్లో వైఎస్సార్‌సీపీకి ఓటు వేసిన వారిపై కక్ష సాధింపు చర్యలకు పాల్పడితే సహించబోమని నూజివీడు మాజీ ఎమ్మెల్యే ప్రతాప్‌ అప్పారావు అన్నారు. 8లో uరెండు ఎకరాలు కౌలు సాగుచేస్తున్నాను. ఇప్పటికే ఎకరాకు రూ.27 వేల వరకు పెట్టుబడి ఖర్చులయ్యాయి. గతేడాది మోంథా తుపాను తీవ్ర నష్టం కలిగిస్తే ఇప్పుడు అర్నబ్‌. పంట మొత్తం నేలనంటి సర్వనాశనం అయిపోయింది. ఏం చేయాలో పాలుపోవడం లేదు. – తోట పెద్దిరాజు, కౌలు రైతు, రాయకుదురు ఐదు ఎకరాలు సాగు చేస్తున్నాను. ప్రస్తుతం పంట చిరుపొట్ట దశలో ఉంది. గోస్తనీ నది ముంపుతో గతే డాది తొలకరి నష్టపోయాం. ప్రభుత్వ పెద్దలు వచ్చి ఆదుకుంటామని రైతులకు హామీ ఇచ్చినా ఏ సాయం చేయలేదు. ఇప్పుడు పంట మొత్తం నేలనంటింది. – మారిశెట్టి శ్రీనివాస్‌, కౌలు రైతు, ఎస్‌.శిలీంద్రపర్రు ఈ ఏడాది పంట బాగా పండింది. రెండు వారాల్లో పంట చేతికొస్తుందని ఆశించాం. ఒక్కరోజులోనే వర్షం మొత్తం తుడిచిపెట్టేసింది. ఇప్పటివరకు మూడెకరాలకు రూ.లక్ష వరకు పెట్టుబడి పెట్టాను. నేలనంటిన పంటను కోస్తే కూలీ ఖర్చులు కూడా రావు. – ఎస్‌.సన్యాసిరావు, రైతు, ప్రత్తిపాడు

ముదినేపల్లి రూరల్‌: తుపానుతో నష్టపోయిన రైతులను ఆదుకునేందుకు ప్రభుత్వం తక్షణమే స్పందించాలని వైఎస్సార్‌సీపీ జిల్లా అధ్యక్షుడు, మాజీ ఎ మ్మెల్యే దూలం నాగేశ్వరరావు (డీఎన్నార్‌) డిమాండ్‌ చేశారు. తుపాను సహాయక చర్యలపై ప్రభుత్వం ఆర్భాటపు ప్రచారాలు మానుకుని నష్టపోయిన రైతులకు పరిహారం చెల్లించాలన్నారు. మండలంలోని చిగురుకోట, గంగాపురం గ్రామాల్లోని దెబ్బతిన్న వరి చేలను గురువారం నాయకులతో కలిసి ఆయన పరిశీలించారు. గతేడాది మోంథా తుపానుతో రైతులు తీవ్రంగా నష్టపోతే ప్రభుత్వం ఇప్పటికీ పరిహారం చెల్లించకుండా దగా చేసిందన్నారు. గత వైఎస్సార్‌సీపీ పాలనలో నష్టం జరిగిన నెల రో జుల్లోనే పరిహారం అందించి మాజీ ముఖ్యమంత్రి వైఎస్‌ జగన్‌మోహన్‌రెడ్డి రైతు పక్షపాతిగా నిలిచారన్నారు. అయితే కూటమి ప్రభుత్వం రైతులపై కక్ష క ట్టినట్టు వ్యవహరిస్తోందన్నారు. రైతులను ఎకరాకు రూ.20 వేల చొప్పున పరిహారం చెల్లించాలని డిమాండ్‌ ఏశారు. పార్టీ జెడ్పీటీసీ అభ్యర్థి రామిశెట్టి సత్యనారాయణ మాట్లాడుతూ ఆరుగాలం చమటోడ్చి, కష్టించి సాగుచేసిన పైరు కళ్లముందే నేల కూలి నష్టపరచడం దారుణమన్నారు. ఎల్‌నినో ప్ర భావంతో ఈ సార్వా సీజన్‌లో సాగునీరు అందక రై తులు అష్టకష్టాలు పడి ఏదో రకంగా పైరును కాపాడుకుంటే చివరి దశలో ఇలా నష్టపోవడం బాధాకరమన్నారు. మండలంలో వరి సాగు చేసిన రైతులు తీవ్రంగా నష్టపోయారని పారదర్శకంగా ఎన్యుమరేషన్‌ ప్రక్రియ పూర్తిచేసి నష్టపోయిన ప్రతి రైతుకూ పరిహారం అందేలా చర్యలు తీసుకోవాలని కోరా రు. చిగురుకోట ఎంపీటీసీ అభ్యర్థి పేరం ధర్మరాజు, పార్టీ ముదిరాజ్‌ విభాగం రాష్ట్ర అధ్యక్షుడు కోమ టి విష్ణువర్ధన్‌, నాయకులు ఉన్నారు. వైఎస్సార్‌సీపీ జిల్లా అధ్యక్షుడు డీఎన్నార్‌

● పోలవరం మాజీ ఎమ్మెల్యే తెల్లం బాలరాజు ● జోరుగా వైఎస్సార్‌ సీపీ అభ్యర్థుల ప్రచారం బుట్టాయగూడెం: కూటమి ప్రభుత్వ పాలనలో సామాన్యుడు బ్రతకలేని పరిస్థితి నెలకొందని, బియ్యం నుంచి నిత్యావసర సరుకుల ధరలు విపరీతంగా పెరగడంతో పేదలు మూడు పూటలా భోజనం చేయలేని దుస్థితి ఏర్పడిందని మాజీ ఎమ్మెల్యే తెల్లం బాలరాజు, వైఎస్సార్‌ సీపీ నియోజకవర్గ మాజీ సమన్వయకర్త తెల్లం రాజ్యలక్ష్మి ఆవేదన వ్యక్తం చేశారు. మండలంలోని మారుమూల గ్రామమైన కామయ్యకుంటలో రాజానగరం ఎంపీటీసీ అభ్యర్థి కొవ్వాసి వరలక్ష్మి, జెడ్పీటీసీ అభ్యర్థి కోర్సా బాలకృష్ణల ఎన్నికల ప్రచారాన్ని బుధవారం వారు ప్రారంభించారు. ఈ సందర్భంగా ఇంటింటికీ తిరిగి ఫ్యాన్‌ గుర్తుకు ఓటు వేసి వైఎస్సార్‌సీపీ అభ్యర్థులను భారీ మెజారిటీతో గెలిపించాలని కోరారు. అనంతరం వారు విలేకరులతో మాట్లాడుతూ.. గత వైఎస్సార్‌సీపీ ప్రభుత్వ హయాంలో నాటి ముఖ్యమంత్రి వైఎస్‌ జగన్‌మోహన్‌రెడ్డి కనీవినీ ఎరుగని రీతిలో సంక్షేమ పథకాలను అమలు చేయడంతో పాటు అభివృద్ధి పనులను పూర్తి చేసి సుపరిపాలన అందించారని గుర్తుచేశారు. అక్రమ మార్గంలో అధికారంలోకి వచ్చి, ఇచ్చిన హామీలను విస్మరించి ప్రజలను మోసం చేసిన చంద్రబాబు ప్రభుత్వానికి స్థానిక సంస్థల ఎన్నికల ద్వారా ప్రజలు తగిన గుణపాఠం చెప్పాలని పిలుపునిచ్చారు. అనంతరం నూతి రామన్నపాలెం ఎంపీటీసీ అభ్యర్థి పూనెం కుమారి ఎన్నికల ప్రచారంలోనూ వారు పాల్గొన్నారు. అలాగే మండలంలోని రాచూరులో జరిగిన ప్రచార కార్యక్రమంలో పాల్గొని, ఎంపీపీ అభ్యర్థి మడకం జంపాలును గెలిపించాలని అభ్యర్థించారు. ఉదయం నుంచి జోరున భారీ వర్షం కురుస్తున్నప్పటికీ లెక్కచేయకుండా నాయకులు ఎన్నికల ప్రచారాన్ని ముమ్మరంగా సాగించారు. ఈ కార్యక్రమంలో మండల కన్వీనర్‌ అల్లూరి రత్నాజీరావు, పార్టీ జిల్లా ప్రధాన కార్యదర్శి ఆరేటి సత్యనారాయణ, పార్టీ వాణిజ్య విభాగం జిల్లా అధ్యక్షుడు తాళ్ళూరి ప్రసాద్‌, నాయకులు నక్కా శివాజీ, కణితి దుర్గారావు, కొవ్వాసి పోసియ్య, దొండపాటి బాబు, బానోతు కృష్ణనాయక్‌తో పాటు ఆయా గ్రామాల పార్టీ నాయకులు, కార్యకర్తలు పాల్గొన్నారు.

జీలుగుమిల్లిలో వర్షంలో ఎన్నికల ప్రచారం నిర్వహిస్తున్న వైఎస్సార్‌సీపీ జెడ్పీటీసీ అభ్యర్థి కోర్స సూరమ్మ, ఎంపీటీసీ అభ్యర్థి గంగుల రమేష్‌, నాయకులు, కార్యకర్తలు లింగపాలెం మండలం కె.గోకవరంలో ప్రచారం నిర్వహిస్తున్న వైఎస్సార్‌సీపీ ఎంపీటీసీ అభ్యర్థి కందుల రాణి, పార్టీ రాష్ట్ర సంయుక్త కార్యదర్శి సొంగా సందీప్‌, నేతలు అర్నబ్‌ తుపానును సైతం లెక్కచేయకుండా వైఎస్సార్‌ సీపీ అభ్యర్థులు ప్రచార జోరు కొనసాగించారు. స్థానిక ఎన్నికల్లో వైఎస్సార్‌ సీపీ అభ్యర్థులను గెలిపించాలని ఇంటింటికి వెళ్లి ఓట్లు అభ్యర్థించారు. గత వైఎస్సార్‌ సీపీ ప్రభుత్వంలో మాజీ ముఖ్యమంత్రి వైఎస్‌ జగన్‌మోహన్‌రెడ్డి చేపట్టిన సంక్షేమ పథకాలను, ప్రస్తుతం కూటమి ప్రభుత్వం చేపడుతున్న మోసాలను ప్రజలకు వివరించారు. వైఎస్సార్‌ సీపీ అభ్యర్థులను గెలిపించి కూటమి ప్రభుత్వానికి బుద్ధి చెప్పాలని కోరారు. కొయ్యలగూడెం మండలం రాజవరంలో ప్రచారం చేస్తున్న కోన శివ సాయి ద్వారకాతిరుమల మండలం దొరసానిపాడులో ఓ ఇంటి వద్ద మహిళను ఓటు అభ్యర్థిస్తున్న వైఎస్సార్‌ సీపీ జెడ్పీటీసీ అభ్యర్థి విజయలక్ష్మి

జంగారెడ్డిగూడెం (బుట్టాయగూడెం) : ప్రపంచ పొగాకు రైతు దినోత్సవాన్ని పురస్కరించుకుని, బుధవారం జంగారెడ్డిగూడెం ప్రాంతంలోని 1, 2 బోర్డులలో ఎన్‌ఎల్‌ఎస్‌ పొగాకు రైతు సంఘాల ఆధ్వర్యంలో రైతులు ఉత్సాహంగా సమావేశమయ్యారు. కోట్లాది మంది రైతులు ఈ పంటపై ఆధారపడి జీవిస్తున్నారని, వారి కష్టాన్ని, గౌరవాన్ని గుర్తించేందుకు 2012 నుంచి ఇంటర్నేషనల్‌ టొబాకో గ్రోవర్స్‌ అసోసియేషన్‌ ప్రపంచవ్యాప్తంగా ఈ దినోత్సవాన్ని నిర్వహిస్తోందని నాయకులు తెలిపారు. ఈ సందర్భంగా పలు కీలక డిమాండ్లను వారు ప్రభుత్వాల ముందుంచారు. కోటా పెంపుదలపై విజ్ఞప్తి 2026–27 సీజన్‌కు సంబంధించి ఎన్‌ఎల్‌ఎస్‌ కోటాను 28.27 మిలియన్‌ కిలోల నుంచి, గత ఏడాది ఉన్న 49.70 మిలియన్‌ కిలోలకు పెంచాలని రైతులు కోరారు. బ్యారన్‌కు కేవలం 2,000 కిలోల కోటాతో రైతులకు కనీస పెట్టుబడి కూడా వచ్చే పరిస్థితి లేదని ఆవేదన వ్యక్తం చేశారు. అక్రమ సిగరెట్ల స్మగ్లింగ్‌ అరికట్టాలి మార్కెట్లోకి సుమారు 25 శాతం సిగరెట్లు అక్రమంగా స్మగ్లింగ్‌ ద్వారా వస్తున్నాయని, దీనివల్ల దేశీయ పొగాకుకు డిమాండ్‌ తీవ్రంగా పడిపోతోందని నాయకులు పేర్కొన్నారు. తాము చట్టబద్ధంగా పంట పండించే రైతులమని, తమ జీవనోపాధిని ప్రభావితం చేసే ప్రతి నిర్ణయంలోనూ రైతులను భాగస్వాములను చేయాలని డిమాండ్‌ చేశారు. విధాన నిర్ణయాలలో ప్రాతినిధ్యం కల్పించాలి ప్రపంచ ఆరోగ్య సంస్థ గానీ, ప్రభుత్వాలు గానీ పొగాకుపై నిబంధనలు విధించేటప్పుడు పొగాకు రైతు సంఘాలకు ప్రాతినిధ్యం కల్పించి, వారి అభిప్రాయాలను తప్పనిసరిగా పరిగణనలోకి తీసుకోవాలని కోరారు. ఈ సమావేశంలో 1వ బోర్డు నుంచి రైతు సంఘం అధ్యక్షుడు పరిమి రాంబాబు, ఉపాధ్యక్షుడు వామిశెట్టి హరిబాబు, కూచిపూడి రమేష్‌, ముదునూరి రవివర్మ, పోలిన సుబ్రహ్మణ్యం, కాకర్ల శివరామకృష్ణ, ఎం. కాంతారావు, సీవీ నారాయణ తదితరులతో పాటు వందలాది మంది రైతులు పాల్గొన్నారు. అలాగే 2వ బోర్డు నుంచి రైతు సంఘం అధ్యక్షుడు సత్రం వెంకట్రావు, ఉపాధ్యక్షుడు అట్లూరి సతీష్‌, ఎస్‌.వీర్రాజు, టెక్కం పండు, పిన్నమనేని శ్రీనివాసరావు, బిక్కిన వెంకటేశ్వరరావు, ఘంటసాల, పి.వెంకట్రావు తదితర రైతులు పెద్ద సంఖ్యలో హాజరయ్యారు. పొగాకు రైతుల విజ్ఞప్తి

భీమడోలు: అర్నబ్‌ తుపాను నేపథ్యంలో, నేలకొరిగిన, దెబ్బతిన్న పంటలను బుధవారం ఆచార్య ఎన్‌జీ రంగా వ్యవసాయ విశ్వవిద్యాలయం వైస్‌ ఛాన్సలర్‌ డాక్టర్‌ పీవీ సత్యనారాయణ నేతృత్వంలోని శాస్త్రవేత్తలు, వ్యవసాయ అధికారుల బృందం పరిశీంచింది. పూళ్ల శివారులో నీట మునిగి, నేలకొరిగిన పంటలను, కోడూరుపాడు మాజీ సర్పంచ్‌ మానుకొండ నాగేశ్వరరావు సాగు చేసిన ఎంటీయు 1318 వరి పంటను పరిశీలించింది. ఈ సందర్భంగా వైస్‌ ఛాన్సలర్‌ పీవీ సత్యనారాయణ మాట్లాడుతూ ప్రతికూల పరిస్థితులను తట్టుకునే వరి రకాలను ఎంపిక చేసుకోవడం ద్వారా రైతులు ఆర్థిక పరిపుష్టి సాధించవచ్చని అన్నారు. సార్వా (ఖరీఫ్‌) సీజన్‌లో వాతావరణ పరిస్థితులను దృష్టిలో ఉంచుకుని, తేలికగా నేలకొరిగే స్వర్ణ వంటి రకాల సాగును కట్టడి చేయాలని కోరారు. భీమడోలు సబ్‌ డివిజన్‌ పరిధిలో దెబ్బతిన్న పంటల వివరాలను భీమడోలు ఏడీఏ పి. ఉషారాజకుమారిని అడిగి తెలుసుకున్నారు. ఈ కార్యక్రమంలో యూనివర్సిటీ విస్తరణ సంచాలకులు డాక్టర్‌ జి.రామచంద్రరావు, వ్యవసాయ కళాశాల డీన్‌ డాక్టర్‌ శ్రీనివాసరావు, ఏలూరు ఏరువాక కేంద్రం సమన్వయకర్త డాక్టర్‌ ఫణికుమార్‌, విస్తరణ శాస్త్రవేత్త డాక్టర్‌ ఎన్‌. నాగేంద్రబాబు, భీమడోలు ఏడీఏ పి.ఉషారాజకుమారి, వ్యవసాయ అధికారులు (ఏవోలు) ఎస్‌పీవీ ఉషారాణి, ప్రవీణ్‌కుమార్‌, పెద్ద సంఖ్యలో రైతులు పాల్గొన్నారు.

ఆయిల్‌పామ్‌ తోట ద్వారకాతిరుమల మండలం దేవినేనివారిగూడెంలో నేలమట్టమైన అరటి తోట తాడేపల్లిగూడెం: అర్నబ్‌ తుపాను ప్రభావంతో రాష్ట్రంలోని పలు ప్రాంతాల్లో కురిసిన భారీ వర్షాలకు ఉద్యాన పంటలు తీవ్రంగా దెబ్బతిన్నాయి. ఈ నేపథ్యంలో రైతులు తక్షణమే పంటల రక్షణ, పునరుద్ధరణ చర్యలు చేపట్టాలని డా. వైఎస్‌ఆర్‌ ఉద్యాన విశ్వవిద్యాలయం ఉపకులపతి డా. కె. ధనుంజయరావు సూచించారు. ఉద్యానశాఖ ప్రాథమిక నివేదిక ప్రకారం.. రాష్ట్రంలో మొత్తం 12,899 హెక్టార్ల ఉద్యాన పంటలు దెబ్బతినగా, 26,047 మంది రైతులు నష్టపోయారు. ఇందులో అత్యధికంగా అరటి 8,471.6 హెక్టార్లలో దెబ్బతింది. వీటితో పాటు ఇతర కూరగాయలు 2,628.7 హెక్టార్లు, పసుపు 431, బొప్పాయి 376.4, కొబ్బరి 277.8 హెక్టార్లు సహా పలు పంటలు నష్టపోయినట్లు నివేదిక పేర్కొంది. తీసుకోవాల్సిన చర్యలు పొలాల్లో నీరు నిలిచివున్నప్పుడు ఎరువులు, పురుగుమందులను విచక్షణారహితంగా వినియోగించకూడదు. నీరు పూర్తిగా బయటకు వెళ్లి, మొక్కల పరిస్థితిని పరిశీలించిన తరువాతే సిఫారసు చేసిన ఎరువులు, సస్యరక్షణ మందులను ఉపయోగించాలి. పంట నష్ట వివరాలను ఫొటోలతో సహా నమోదు చేసి, సంబంధిత ఉద్యానశాఖ అధికారులకు తెలియజేయాలి. పంటల వారీగా నష్ట నివారణ చర్యలు ఇలా.. అరటి : పొలాల్లో నిలిచిన నీటిని కాలువల ద్వారా బయటకు పంపించాలి. బలమైన గాలుల వల్ల వంగిన మొక్కలకు ఆధారం కల్పించి, తీవ్రంగా దెబ్బతిన్న భాగాలను తొలగించాలి. నేల పని చేయడానికి అనుకూలంగా మారిన తరువాతే సిఫారసు చేసిన ఎరువులు వేయాలి. శిలీంధ్ర తెగుళ్ల లక్షణాలను గమనిస్తూ సస్యరక్షణ చర్యలు చేపట్టాలి. బొప్పాయి : వేర్ల చుట్టూ నిలిచిన నీటిని తొలగించి, నీటిముంపు వల్ల వేర్లకు మరింత నష్టం కలగకుండా జాగ్రత్త పడాలి. కోలుకునే అవకాశం లేని కూలిపోయిన, విరిగిన మొక్కలను తొలగించాలి. అధిక తేమ వల్ల వచ్చే కాండం అడుగు భాగం కుళ్లు, వేరు కుళ్లు తెగుళ్లను గమనించాలి. కొబ్బరి: నీరు వెళ్లే కాలువల్లో అడ్డంకులను తొలగించి, చెట్ల చుట్టూ నీరు నిల్వకుండా చూడాలి. విరిగిన ఆకులను, దెబ్బతిన్న భాగాలను సురక్షితంగా తొలగించాలి. మొగ్గ కుళ్లు తెగుళ్లను గమనిస్తూ, పొలం పరిస్థితులు అనుకూలించిన తరువాత సేంద్రియ, రసాయన ఎరువులను వేయాలి. ఆయిల్‌పామ్‌ : చెట్ల చుట్టూ, పొలంలోని నీటి కాలువల్లో సమర్థవంతమైన పారుదల ఏర్పాటు చేయాలి. వంగిన చెట్లు, విరిగిన ఆకులను పరిశీలించి అవసరమైన చోట శుభ్రం చేయాలి. అదనపు నీరు తగ్గిన తరువాత నేల పరిస్థితులను బట్టి ఎరువుల యాజమాన్యాన్ని తిరిగి ప్రారంభించాలి. ఇతర పండ్ల పంటలు వేర్ల చుట్టూ నిలిచిన నీటిని తొలగించి, విరిగిన కొమ్మలను కత్తిరించాలి. నేలపై పడిపోయిన దెబ్బతిన్న పండ్లను తొలగించాలి. మొక్కలు నీటిముంపులో ఉన్నప్పుడు అధికంగా కత్తిరించడం లేదా ఎరువులు వేయడం నివారించాలి. పండ్ల కుళ్లు, కాండం సంబంధిత తెగుళ్లను గమనించాలి. టమాటా: లోతట్టు ప్రాంతాల్లో నిలిచిన నీటిని బయటకు పంపించాలి. నేల అధికంగా తడిగా ఉన్నప్పుడు పొలాల్లో అనవసరంగా తిరగడం మానుకోవాలి. కుళ్లిన పండ్లను తొలగించి, అవసరమైన చోట మొక్కలకు కర్రల ఆధారం కల్పించాలి. బ్యాక్టీరియా, శిలీంధ్ర తెగుళ్లను నిరంతరం గమనించాలి. కూరగాయల పంటలు లోతట్టు పొలాల్లో నిలిచిన నీటిని తక్షణమే తొలగించాలి. పరిస్థితులు అనుకూలించిన వెంటనే విక్రయించదగిన కూరగాయలను కోయాలి. మొక్కల వేర్ల పరిస్థితిని పరిశీలించి, సిఫారసుల మేరకు పోషకాల భర్తీ, సస్యరక్షణ చర్యలు చేపట్టాలి. ఎర్రమిరప: వేర్ల చుట్టూ నీరు ఎక్కువకాలం నిల్వ ఉండకుండా త్వరితగతిన పారుదల కల్పించాలి. కిందపడిన, కుళ్లిన, తెగుళ్లకు గురైన కాయలను తొలగించాలి. నేలలోని అదనపు నీరు బయటకు వెళ్లిన తరువాతే ఎరువుల యాజమాన్యాన్ని తిరిగి ప్రారంభించాలి. పసుపు : పొలాల్లో నీరు త్వరగా వెళ్లేలా కాలువలను ఏర్పాటు చేయాలి. దుంపల చుట్టూ నీరు నిల్వ ఉండకుండా చూడాలి. నేల తడిగా ఉన్నప్పుడు తవ్వడం లేదా నేలను కదిలించడం నివారించాలి. నీరు బయటకు వెళ్లిన తరువాత దుంప కుళ్లు తెగుళ్లను పరిశీలించి నివారణ చర్యలు చేపట్టాలి. సుగంధ ద్రవ్య పంటలు పొలాల్లో నీటి పారుదలను మెరుగుపరచి, దెబ్బతిన్న మొక్క భాగాలను తొలగించాలి. వేరు కుళ్లు, కాండం కుళ్లు తెగుళ్లను గమనించాలి. నేలలో తేమ అనుకూల స్థాయికి చేరిన తరువాతే ఎరువులు, సస్యరక్షణ మందులను వినియోగించాలి. పూల పంటలు: నిలిచిన నీటిని తొలగించి, దెబ్బతిన్న పూలను, కుళ్లిన మొక్క భాగాలను తీసివేయాలి. అవసరమైన చోట మొక్కలకు ఆధారం కల్పించి, శిలీంధ్ర తెగుళ్లు, పూల కుళ్లును గమనించాలి. పరిస్థితులు అనుకూలించిన వెంటనే విక్రయించదగిన పూలను కోయాలి. తమలపాకు: తోటలో నిలిచిన నీటిని జాగ్రత్తగా తొలగించి, గాలి ప్రసరణ ఉండేలా చూడాలి. తెగుళ్లకు గురైన ఆకులు, దెబ్బతిన్న తీగలను తొలగించాలి. మొక్కలకు గాయాలు కలిగించే విధంగా తోటలో అనవసరంగా తిరగడం నివారించి, తగిన సస్యరక్షణ చర్యలు చేపట్టాలి.

కై కలూరు: అర్నబ్‌ పెను తుపాను నేపథ్యంలో అనవసరంగా ప్రజలు ఇళ్లు వదిలి బయటకు రావద్దని జిల్లా ఎస్పీ కేపీ శివకిషోర్‌ హెచ్చరించారు. తుపాను అత్యవరసర చర్యల పర్యవేక్షణలో భాగంగా కై కలూరు హైస్కూల్‌లో పునరావాస కేంద్రాన్ని ఆయన బుధవారం పరిశీలించారు. నిర్వాసితులకు అందుతున్న వసతులపై ఆరా తీశారు. అనంతరం సర్కిల్‌ కా ర్యాలయంలో ఎస్పీ మాట్లాడుతూ ఈదురుగాలులకు పలు మండలాల్లో చెట్లు రహదారులపై నెలకొరిగాయన్నారు. ఎన్‌డీఆర్‌ఎఫ్‌ సిబ్బందితో పాటు స్థానిక ఏపీఎస్‌ఆర్‌, పోలీసు సి బ్బంది యుద్ధప్రాతిపాదికన చెట్లును తొలగించారన్నారు. ముఖ్యంగా ఈదురుగాలుల ప్రభావరం గణపవరం, కై కలూరు ప్రాంతాల్లో కనిపించిందన్నారు. గాలులకు తెగిపడిన విద్యుత్‌ తీగలతో ప్రజలు అప్రమత్తంగా ఉండాలన్నారు. తడిచిన చెట్లు వద్ద వాహనాలను నిలిపి ప్రజలు ఉండకూడదన్నారు. జిల్లాస్థాయిలో నిర్వాసితుల కోసం ప్రత్యేక పునరావాస కేంద్రాలను ఏర్పాటు చేశారన్నారు. ప్రభుతాధికారులకు ప్రజలు పూర్తిగా సహకరించాలని కోరారు. అత్యవసరమైతే పోలీసుశాఖ 112కు సమాచారం అందించాలన్నారు. ఏలూరు డీఎస్పీ డి. శ్రావణ్‌కుమార్‌, రూరల్‌ సర్కిల్‌, టౌన్‌ సీఐలు వి.రవికుమార్‌, ఏవీఎస్‌ రామకృష్ణ, కై కలూరు టౌన్‌ ఎస్సై కె.గణేష్‌వర్మ పాల్గొన్నారు. ఏలూరు (ఆర్‌ఆర్‌పేట): జిల్లాలో అర్నాబ్‌ తుపాను కారణంగా వర్షాలు కురుస్తున్న దృష్ట్యా జిల్లాలోని అన్ని మేనేజ్‌మెంట్‌ పాఠశాలలు, కళాశాలలు, అంగన్‌వాడీ కేంద్రాలకు గురువారం కూడా సెలవు ప్రకటిస్తున్నట్టు కలెక్టర్‌ కె.వెట్రిసెల్వి ప్రకటనలో తెలిపారు. తుపాను ప్రభావం, విద్యార్థుల భద్రతను దృష్టిలో ఉంచుకుని ఈ నిర్ణయం తీసుకున్నామన్నారు. అందరూ గమనించి, సంబంధిత వి ద్యార్థులు, తల్లిదండ్రులకు సమాచారం అందించాలన్నారు. బుధవారం ఉపాధ్యాయులు తమ పాఠశాలలను పరిశీలించి, విద్యుత్‌ సరఫ రా సమస్య, భారీ వర్షాలకు పాఠశాల భవనాల స్థితిని పరిశీలించి నివేదికలు అందించాలని కలెక్టర్‌ డీఈఓని ఆదేశించారు. చింతలపూడి: రాష్ట్ర ఎన్నికల సంఘం ఆదేశాల ప్రకారం చింతలపూడి నగర పంచాయతీలో జరగబోయే సాధారణ ఎన్నికలకు సంబంధించి 23 వార్డులకు 23 పోలింగ్‌ స్టేషన్లను గుర్తించారు. జిల్లా ఎన్నికల అధికారి, కలెక్టర్‌ ఆమోదంతో ఈనెల 26న చింతలపూడి నగర పంచాయతీ కార్యాలయంతో పాటు అన్ని ప్రభు త్వ కార్యాలయాల్లో ముసాయిదా నోటిఫికేషన్‌ ప్రచురించినట్టు నగర పంచాయతీ కమిషనర్‌ ఎ.రాంబాబు తెలిపారు. సదరు నోటిఫికేషన్‌పై ఎటువంటి అభ్యంతరాలు, సలహాలు రానందున బుధవారం సాయంత్రం ఇదే తుది జాబితాగా కమిషనర్‌ ప్రకటించారు. ఏలూరు టౌన్‌: సమాజంలో అవినీతిని అరికట్టడానికి ప్రతిఒక్కరూ కృషి చేయాలని ఇన్‌చార్జి డీఆర్వో ఎం.ముక్కంటి అన్నారు. విజిలెన్స్‌ వారోత్సవాల్లో భాగవంగా కలెక్టరేట్‌లో అవినీతి నిరోధక శాఖ టోల్‌ ఫ్రీ నంబర్‌ 1064పై ప్రచురించిన వాల్‌పోస్టర్లను డీఆర్వో, అడిషినల్‌ ఎస్పీ వై.ప్రసాదరాజు ఆవిష్కరించారు. ఈ సందర్భంగా డీఆర్వో మాట్లాడుతూ ఈ టోల్‌ఫ్రీ నంబర్‌పై విస్తృత ప్రచారం కల్పించి, ప్రజల్లో అవగాహన తీసుకురావాలన్నారు. అదనపు ఎస్పీ ప్రసాదరావు మాట్లాడుతూ సమాజంలో అవినీతిరహిత వాతావరణాన్ని తీసుకురావడానికి ప్రజల్లో చైతన్యం అవసరమని పేర్కొన్నా రు. అవినీతిపై టోల్‌ఫ్రీ నంబర్‌కు ఫిర్యాదు చే యాలని, సమాచారం ఇచ్చిన వారి వివరాలు అత్యంత గోప్యంగా ఉంచుతామన్నారు. అ వినీతి నిరోధక శాఖ డీఎస్పి జీవీ కృష్ణారావు ప్రభుత్వ కార్యాలయాల్లో ఎవరైనా లంచం అడిగినా, అవినీతికి పాల్పడినా టోల్‌ఫ్రీ నంబర్‌కు ఫిర్యాదు చేయాలని, అలాగే ఏసీబీ అధికారులను ఆశ్రయించాలని సూచించారు. కలెక్టరేట్‌ పరిపాలనాధికారి నాంచారయ్య, ఏసీబీ ఇన్‌స్పెక్టర్‌ కె.శ్రీనివాస్‌, సిబ్బంది పాల్గొన్నారు.

అర్నబ్‌ తుపాను జిల్లాలో బీభత్సం సృష్టించింది.. గతంలో ఎన్నడూ లేనివిధంగా భారీ ఈదురుగాలుల ధాటికి పంట నష్టంతో పాటు వందలాది విద్యుత్‌ స్తంభాలు, హోర్డింగులు, భారీ వృక్షాలు నేలకొరిగాయి. బుధవారం జిల్లాలో పూర్తిస్థాయిలో జనజీవనం స్తంభించింది. మరోవైపు బుధవారం 1,645.8 మి.మీ వర్షపాతం నమోదు కాగా.. ఎడతెరపి లేని వర్షం కొనసాగుతోంది. ● జిల్లాలో స్తంభించిన జనజీవనం ● 17 వేల హెక్టార్లల్లో పంట నష్టం ● 5 మండలాల్లో భారీ ఈదురుగాలులతో వర్షం ● 1,645.8 మి.మీ. వర్షపాతం నమోదు ● జిల్లాలో విస్తారంగా వర్షాలు సాక్షి ప్రతినిధి, ఏలూరు: జిల్లాలో అర్నాబ్‌ తుపాను ప్రభావంతో జనజీవనం స్తంభించింది. 28 మండలాల్లోని 185 గ్రామాల్లో 16,796 హెక్టార్లల్లో పంటలు నీటమునిగాయి. భారీ ఈదురుగాలులకు పంటలు పూర్తిగా పాడయ్యాయి. ప్రధానంగా 16,796 హెక్టార్లల్లో వరి, ఇతర ప్రధాన పంటలు, అలాగే 179 హెక్టార్లల్లో వాణిజ్య పంటలకు నష్టం వాటిల్లింది. పెదవేగి, ద్వారకాతిరుమల మండలాల్లో ఆయిల్‌పామ్‌, కోకోకు నష్టం చేకూరింది. ఇంకోవైపు ఎన్నడూ లేనివిధంగా భారీ ఈదురుగాలులు మంగళవారం రాత్రి 10 గంటల నుంచి కొనసాగాయి. ఆగిరిపల్లి, నిడమర్రు, మండవల్లి, కామవరపుకోట, నూజివీడుల్లో బలమైన ఈదురుగాలులు వీచాయి. ఆగిరిపల్లిలో 41.55 కిలోమీటర్ల వేగంతో గాలులు వీచడంతో విద్యుత్‌ స్తంభాలు, భారీ వృక్షాలు నేలకొరిగాయి. జిల్లాలో 50 పునరావాస కేంద్రాలు ఏర్పాటు చేసి 1,900 మందిని పునరావాస శిబిరాలకు తరలించినట్టు జిల్లా అధికారులు ప్రకటించారు. కలెక్టర్‌ కె.వెట్రిసెల్వి కలెక్టరేట్‌లో తుపాను కంట్రోల్‌ రూమ్‌ ఏర్పాటు చేసి పరిస్థితిని సమీక్షిస్తున్నారు. జిల్లాలో 418 చెట్లు నేలకొరిగాయి. 120 విద్యుత్‌ స్తంభాలు పడిపోయాయి. 3 పశువులు, 8 ఇళ్లు దెబ్బతిన్నట్లు అధికారులు ప్రకటించారు. భారీ వర్షపాతం నమోదు జిల్లాలో 1,645.8 మిల్లీమీటర్ల వర్షపాతం నమోదైంది. అత్యధికంగా ఉంగుటూరులో 107.4 మి.మీటర్లు, ద్వారకాతిరుమలలో 89.8, కై కలూరులో 88.4, మండవల్లిలో 86.4 మిల్లీమీటర్ల వర్షం కురిసింది. అలాగే ఏలూరు డివిజన్‌లో 843, జంగారెడ్డిగూడెం డివిజన్‌లో 551.4, నూజివీడు డివిజన్‌లో 251.4 మిల్లీమీటర్ల వర్షపాతం నమోదైంది. నిలిచిన విద్యుత్‌ సరఫరా : భారీ వర్షాలకు ఏలూరు నగరంలో, జిల్లాలోని కొన్ని ప్రాంతాలు చింతలపూడి, కై కలూరు, ఏజెన్సీ ప్రాంతాల్లో విద్యుత్‌ సరఫరా నిలిచిపోయింది. ప్రధానంగా చింతలపూడి, కై కలూరులో మంగళవారం రాత్రి నుంచి వివిధ గ్రామాలు అంధకారంలో ఉన్నాయి. భారీ ఈదురుగాలులకు భీమడోలు, ఉంగుటూరు మండలాల్లో 70 శాతం వరి చేలు నేలకొరిగాయి. ఏజెన్సీ ప్రాంతంలోని పోగొండ, కొవ్వాడ, జల్లేరు రిజర్వాయర్లు, ఎర్ర కాలువల ద్వారా భారీగా వరద నీరు చేరుతుంది. ఉప్పొంగిన వాగులు : కొయ్యలగూడెం: భారీ వర్షాలకు వాగులు, వంకలు, కాలువలు ఉప్పొంగాయి. మంగళవారం రాత్రి నుంచి బైనేరు వాగు, పడమటి కాలువ, తూర్పు కాలువ, పులి వాగు, ఎర్రకాలువలో భారీ వరద నీరు చేరడంతో ఉప్పొంగుతున్నాయి. ఆయా వాగుల ప్రాంతాల్లో రాకపోకలకు పూర్తి అంతరాయం ఏర్పడింది స్తంభించిన జనజీవనం జిల్లావ్యాప్తంగా విద్యాసంస్థలు, వ్యాపార సముదాయాలకు సెలవులు ప్రకటించారు. అధిక వర్షాల కా రణంగా జిల్లాలోని మేనేజ్‌మెంట్‌ కళాశాలలు, పాఠశాలలు, అంగన్‌వాడీ కేంద్రాలకు మంగళ, బుధవారాలు సెలవు ప్రకటించారు. గురువారం కూడా కలెక్టర్‌ సెలవు ప్రకటించారు. పెనుగాలుల తీవ్రత దృష్ట్యా ఉదయం 10 గంటల నుండి రాత్రి 8 గంటల వరకు రాకపోకలపై ఆంక్షలు విధించారు. భీమడోలులో నేలకొరిగిన చెట్టు, విద్యుత్‌ తీగలుకొయ్యలగూడెం మండలం రాజవరం వద్ద ఎర్రకాలువ ఉధృతి

ఏలూరు (ఆర్‌ఆర్‌పేట): జిల్లాలో తుపాను సహాయక చర్యలు ముమ్మరంగా చే యాలని కలెక్టర్‌ కె.వెట్రిసెల్వి ఆదేశించారు. జిల్లాలో తుపాను పరిస్థితిపై కంట్రోల్‌రూమ్‌ నుంచి పర్యవేక్షించారు. జిల్లాలోని 28 మండలాల్లోని 185 గ్రామాలు తుపాను ప్రభావానికి గురయ్యాయని, ప్రాథమిక అంచనాల ప్రకారం 16,796 హెక్టార్లలోని పంటలు నీటమునిగాయన్నారు. తుపాను ప్రభావం మరో రెండు రోజులు ఉండే అవకాశం ఉందన్నారు. ముంపు ప్రాంతాల్లోని ప్రజలను పునరావాస కేంద్రాలకు చేర్చి, భోజన, వసతి సౌకర్యాలు కల్పించాలన్నారు. తాగునీరు ఉండేలా చూడాలని, విద్యుత్‌కు అంతరాయం లేకుండా జనరేటర్లు ఏర్పాటుచేయాలన్నారు. 50 పునరావాస కేంద్రాలు : జిల్లాలోని లోతట్టు ప్రాంతాల్లోని 1,900 మంది ప్రజలను 50 పునరావాస కేంద్రాలకు తరలించామని కలెక్టర్‌ తెలిపారు. జిల్లాలో ఇప్పటివరకూ 852 మి.మీ. వర్షపాతం నమోదైందన్నారు. ప్రాథమిక అంచనాల ప్రకారం మూడు పాడిపశువుల మరణించాయని, 418 చెట్లు కూలిపోయాయని, 120 విద్యుత్‌ స్తంభాలు నేలకొరగగా విద్యుత్‌ సరఫరా పునరుద్ధరించినట్టు చెప్పా రు. 18 ఇళ్లు పాక్షికంగా దెబ్బతిన్నాయన్నారు. జేసీ ఎంజే అభిషేక్‌ గౌడ, అసిస్టెంట్‌ కలెక్టర్‌ సీహెచ్‌ శ్రా వణ్‌కుమార్‌రెడ్డి, ఇన్‌చార్జి డీఆర్వో ఎం.ముక్కంటి, నూజివీడు సబ్‌ కలెక్టర్‌ బి.వినూత్న, ఆర్డీఓలు, అధికారులు పాల్గొన్నారు. కలెక్టర్‌ వెట్రిసెల్వి

నిందితుడిని అరెస్ట్‌ చేసిన పోలీసులు ఉంగుటూరు: ఉంగుటూరు బి–బ్లాక్‌ రెవెన్యూ అడవిలో రావులపర్రుకు చెందిన పలవెల సంధ్యారాణి (41)ని హత్య చేసి దహనం చేసిన కేసులో నిందితుడు గండికోట అజయ్‌కుమార్‌ను అరెస్టు చేసినట్లు ఏలూరు డీఎస్పీ డి.శ్రావణ్‌కుమార్‌ తెలిపారు. మంగళవారం చేబ్రోలులో ఏర్పాటు చేసిన విలేకరుల సమావేశంలో ఆయన కేసు వివరాలను వెల్లడించారు. ఈ సమావేశంలో నిడమర్రు సీఐ రజనీకుమార్‌, చేబ్రోలు ఎస్సై సూర్యభగవాన్‌లతో పాటు పలువురు పోలీసులు పాల్గొన్నారు. హత్య వెనుక అసలు కారణం రావులపర్రు గ్రామానికి చెందిన గండికోట అజయ్‌కుమార్‌ (20), అదే గ్రామానికి చెందిన సంధ్యారాణికి ముందస్తు పరిచయం ఉంది. వీరి మధ్య ఉన్న సంబంధం నేపథ్యంలో సంధ్యారాణి అతనితో మాట్లాడటం క్రమంగా తగ్గించింది. ఇటీవల అజయ్‌కుమార్‌కు వివాహం నిశ్చయమవడంతో, వారి మధ్య ఉన్న ఫొటోలు, వీడియోలను బయటపెట్టి తన పెళ్లికి అడ్డంకిగా మారుతుందనే కక్షతో నిందితుడు ఈ హత్యకు ప్రణాళిక వేసుకున్నాడు. హత్య జరిగిన తీరు ముందస్తు పథకం ప్రకారం.. హైదరాబాద్‌లోనే కత్తి కొనుగోలు చేసిన అజయ్‌కుమార్‌, తాడేపల్లిగూడెంలో అద్దెకు కారు తీసుకున్నాడు. సోమవారం ఉంగుటూరులో సంధ్యారాణిని కారు ఎక్కించుకుని, నిర్మానుష్యంగా ఉన్న అటవీ ప్రాంతానికి తీసుకెళ్లాడు. అక్కడ మెడపై కత్తితో పలుమార్లు పొడిచి హత్య చేశాడు. అనంతరం మృతదేహంపై పెట్రోలు పోసి నిప్పంటించి, నేరాన్ని కప్పిపుచ్చుకునేందుకు ప్రయత్నించాడు. ఆ తర్వాత ఆమె ఒంటిపై ఉన్న బంగారు ఆభరణాలు, సెల్‌ఫోన్‌ను తీసుకుని వేర్వేరు ప్రాంతాల్లో పారవేసి పరారయ్యాడు. స్వాధీనం చేసుకున్న వస్తువులు నిందితుడు అజయ్‌కుమార్‌ను సోమవారం రావులపర్రులోనే పోలీసులు అదుపులోకి తీసుకుని అరెస్టు చేశారు. అతని నుంచి మృతురాలికి చెందిన రెండు మంగళసూత్రాలు, రెండు చిన్న బంగారు పూసలు, తెగిన బంగారు తాడు, జత చెవిపోగులు, హత్యకు ఉపయోగించిన కత్తి, మృతురాలి సెల్‌ఫోన్‌తో పాటు నిందితుడి సెల్‌ఫోన్‌ను స్వాధీనం చేసుకున్నట్లు డీఎస్పీ వివరించారు. ఈ కేసును చాకచక్యంగా చేధించి నిందితుడిని పట్టుకున్న చేబ్రోలు ఎస్సై సూర్యభగవాన్‌, సీఐ రజనీకుమార్‌, గణపవరం ఎస్సై మణికుమార్‌, పోలీసు సిబ్బంది సాంబయ్య, కన్నాజి సత్యనారాయణ, బి.సతీష్‌లను ఎస్పీ ప్రతాప్‌ శివకిషోర్‌ అభినందించినట్లు డీఎస్పీ తెలిపారు. బైక్‌ ఢీకొని వృద్ధుడి మృతి ఉంగుటూరు రాచూరు గ్రామంలో మంగళవారం జరిగిన రోడ్డు ప్రమాదంలో సుంకర అచ్చయ్య (86) అనే వృద్ధుడు మృతి చెందారు. ఉండి – చేబ్రోలు ఆర్‌అండ్‌బీ రహదారిని ఆనుకుని ఉన్న తన ఇంటి ఎదుట అచ్చయ్య రోడ్డుపై నిలబడి ఉన్నారు. ఆ సమయంలో నిడమర్రుకు చెందిన ఒక వ్యక్తి మోటారు సైకిల్‌తో ఆయన్ని వేగంగా వచ్చి ఢీకొట్టడంతో తీవ్ర గాయాలై అక్కడికక్కడే మృతి చెందారు. ఈ ప్రమాదంలో మోటారు సైక్లిస్టుకు కూడా గాయాలయ్యాయి. సమాచారం అందుకున్న చేబ్రోలు ఎస్సై సూర్యభగవాన్‌ సంఘటనా స్థలానికి చేరుకుని కేసు నమోదు చేశారు. అనంతరం మృతదేహాన్ని పోస్టుమార్టం నిమిత్తం తరలించి, దర్యాప్తు చేపట్టారు.

జంగారెడ్డిగూడెం (బుట్టాయగూడెం): జంగారెడ్డిగూడెం మండలంలోని గురవాయిగూడెంలో స్వయంభూ శ్రీమద్ది ఆంజనేయస్వామి ఆలయంలో మంగళవారం విశేష పూజలు నిర్వహించారు. సుదూర ప్రాంతాల నుంచి అధిక సంఖ్యలో తరలివచ్చిన భక్తులు ఆలయం చుట్టూ 108 ప్రదక్షిణలు చేసి మొక్కుబడులు చెల్లించుకున్నారు. స్వామివారికి ప్రీతిపాత్రమైన తమలపాకులతో అష్టోత్తర పూజలు, అన్నప్రాసనలు, వాహన పూజలు నిర్వహించారు. వివిధ సేవల రూపంలో స్వామివారికి రూ.2,26,019 ఆదాయం సమకూరిందని, 2,587 మంది భక్తులకు నిత్యాన్నదాన సత్రం ద్వారా అన్నప్రసాద వితరణ చేసినట్లు ఈవో ఆర్‌వీ చందన తెలిపారు. బుట్టాయగూడెం: స్థానిక సంస్థల ఎన్నికలను ప్రశాంతంగా, స్వేచ్ఛాయుతంగా నిర్వహించేందుకు పోలీస్‌ శాఖ పటిష్టమైన ముందస్తు భద్రతా చర్యలు చేపట్టింది. ఇందులో భాగంగా సోమవారం బుట్టాయగూడెం మండలంలోని ప్రధాన ప్రాంతాల్లో సీఐ బి.యాదగిరి, ఎస్సైలు చెన్నారావు, వి.క్రాంతి కుమార్‌ల ఆధ్వర్యంలో పోలీసు బలగాలు, జిల్లా స్పెషల్‌ పార్టీ బలగాలు ఫ్లాగ్‌ మార్చ్‌ నిర్వహించాయి. గత ఎన్నికల అనుభవాలను దృష్టిలో ఉంచుకుని ఎలాంటి అశాంతికి తావులేకుండా ఈ కవాతు చేపట్టినట్లు అధికారులు తెలిపారు. ఏజెన్సీ ప్రాంతమైన ఇక్కడ, ప్రధాన రహదారులు, రద్దీ కూడళ్ల గుండా సాగిన ఈ కవాతు ప్రజలకు పూర్తి భద్రతా భావాన్ని కల్పించింది. ఎన్నికల ప్రశాంతతకు విఘాతం కలిగించే వారిపై కఠిన చర్యలు తీసుకుంటామని ఈ సందర్భంగా అధికారులు హెచ్చరించారు.

కంచికచర్ల: ముందు వెళ్తున్న లారీని నిద్రమత్తులో ఉన్న కారు డ్రైవర్‌ ఢీకొన్నాడు. ఈ ప్రమాదంలో కారులో ప్రయాణిస్తున్న మహిళ తీవ్రంగా గాయపడింది. కై కలూరు నుంచి హైదరాబాద్‌ వెళ్తున్న కారు డ్రైవర్‌ నిద్ర మత్తులో కంచికచర్ల మండలం కీసర టోల్‌ప్లాజా సమీపంలో ముందు వెళ్తున్న లారీని ఢీకొట్టాడు. ఈ ప్రమాదంలో కారు రోడ్డుపై పల్టీకొట్టింది. కారులో నలుగురు ప్రయాణిస్తుండగా వారిలో కె.గ్లోరీ తీవ్రంగా గాయపడ్డారు. ప్రమాద సమాచారం అందుకున్న నేషనల్‌ హైవే అంబులెన్స్‌ సిబ్బంది ఘటనా స్థలానికి చేరుకుని బాధితురాలికి ప్రథమ చికిత్స చేశారు. అనంతరం నందిగామ ప్రభుత్వాస్పత్రికి తరలించారు.

ధరల స్థిరీకరణపై ప్రభుత్వాలు దృష్టి సారించనంత వరకు రైతులు కొనుగోలుదారులు, మధ్యవర్తుల దోపిడీకి గురికాక తప్పదు. ఏటేటా సాగు వ్యయం పెరిగిపోతోంది. ఈమధ్య కాలంలోనే మేతల ధరలు 40 శాతం పెరిగినా, రొయ్యల ధరలు మాత్రం దారుణంగా పడిపోవడం దారుణం. ప్రభుత్వం తక్షణమే జోక్యం చేసుకుని ఆక్వా రైతులకు న్యాయం చేయాలి. – కాకర్ల వినాయక, ఆక్వా రైతు గణపవరం: లక్షల రూపాయల పెట్టుబడులతో ఆక్వా సాగు చేస్తున్న రైతులకు రొయ్య ధరలు అమాంతం పడిపోవడం తీవ్ర ఆందోళనకు గురిచేస్తోంది. ఒకవైపు మేతలు, మందుల ధరలు విపరీతంగా పెరిగిపోగా, మరోవైపు ఉన్న ధరలను వ్యాపారులు అడ్డగోలుగా తగ్గించేయడంతో రైతులు దిక్కుతోచని స్థితిలో పడ్డారు. ఫీడ్‌ కంపెనీలు విడతలవారీగా మేత ధరలను సుమారు 40 శాతం వరకు పెంచేయడంతో అసలు సాగు చేయాలా వద్దా అన్న సందేహంలో రైతులు కొట్టుమిట్టాడుతున్నారు. అడ్డగోలుగా కోత.. వారం రోజుల్లోనే భారీగా పతనం ఇలాంటి క్లిష్ట పరిస్థితుల్లో ఆక్వా రైతులకు వ్యాపారుల దోపిడీ గోరుచుట్టుపై రోకటిపోటులా మారింది. వారం రోజుల క్రితం వరకు 100 కౌంట్‌ రొయ్య ధర కిలో రూ.285 నుంచి రూ.290 వరకు ఉండగా, ప్రస్తుతం రూ.240 నుంచి రూ.245కే కొనుగోలు చేస్తున్నారు. అలాగే 50 కౌంట్‌ రొయ్య ధర రూ.390 నుంచి ఏకంగా రూ.360కి పడిపోయింది. వ్యాపారులు, కంపెనీలు సిండికేట్‌గా మారి ఇష్టారాజ్యంగా ధరలు తగ్గిస్తున్నారని రైతులు వాపోతున్నారు. కాగా, వ్యాధుల బారిన పడిన చెరువులు, మిడిల్‌ క్రాప్‌ తీయాల్సిన చెరువుల నుంచి రొయ్యలను పట్టివేయక తప్పని పరిస్థితి ఉండటంతో, వ్యాపారులు చెప్పిన తక్కువ ధరకే అమ్ముకుని తీవ్రంగా నష్టపోతున్నారు. రైతుల్లో అర్నబ్‌ ఆందోళన : ఒకవైపు వ్యాపారుల కోతలు, మరోవైపు అర్నబ్‌ తుపాను హెచ్చరికలు రొయ్య రైతులను మరింత భయాందోళనలకు గురిచేస్తున్నాయి. తుపాను తీవ్రత భారీగా ఉంటుందన్న వాతావరణ శాఖ హెచ్చరికలతో రైతులు బెంబేలెత్తిపోతున్నారు. వర్షాలు, ఈదురుగాలుల వల్ల రొయ్యలను అర్ధాంతరంగా పట్టాల్సి వస్తే, రొయ్యల కంపెనీలు ధరలను మరింతగా తగ్గించి దోచుకునే ప్రమాదం ఉందని ఆవేదన వ్యక్తం చేస్తున్నారు. దిక్కుతోచని స్థితిలో ఆక్వా రైతులు పెరిగిన మేతలు, మందుల ధరలతో తీవ్ర నష్టం సిండికేట్‌గా మారి వ్యాపారుల దోపిడీ మరోవైపు అర్నబ్‌ తుపాను భయం

వీరవాసరం: స్థానిక ఎంఆర్‌కే జిల్లా పరిషత్‌ ఉన్నత పాఠశాల క్రీడా ప్రాంగణంలో ఈ నెల 24 నుంచి 26 వరకు నిర్వహించిన 70వ రాష్ట్రస్థాయి స్కూల్‌ గేమ్స్‌ అండర్‌–14, 17, 19 బాలబాలికల మల్లఖంబ్‌ క్రీడా పోటీలు ఘనంగా ముగిశాయని టోర్నమెంట్‌ ఆర్గనైజింగ్‌ సెక్రటరీ బాజింకి వెంకట శ్రీనివాసరావు తెలిపారు. పోటీల ముగింపు కార్యక్రమంలో ఎంఆర్‌కె జిల్లా పరిషత్‌ ఉన్నత పాఠశాల హెడ్‌మాస్టర్‌ ఎస్‌వీకేఎస్‌వీ ప్రసాద్‌, పశ్చిమగోదావరి జిల్లా స్కూల్‌ గేమ్స్‌ ఆర్గనైజింగ్‌ కార్యదర్శి ఎండీ కుద్దూస్‌, అడ్మిన్‌ సెక్రటరీ జి.నర్మద, పశ్చిమగోదావరి జిల్లా వ్యాయామ ఉపాధ్యాయుల అసోసియేషన్‌ అధ్యక్షుడు ఆర్‌.రామకృష్ణ, కార్యదర్శి పీఎస్‌ఎన్‌ మల్లేశ్వరరావు తదితరులు పాల్గొని విజేతలకు బహుమతులు అందజేశారు. కార్యక్రమంలో వ్యాయామ ఉపాధ్యాయులు, క్రీడాకారులు, కోచ్‌లు, మేనేజర్లు పాల్గొన్నారు. ఓవరాల్‌ చాంపియన్‌గా పశ్చిమ జట్టు పశ్చిమ గోదావరి జిల్లా జట్టు బాలురు, బాలికల విభాగాల్లోనూ ఓవరాల్‌ చాంపియన్‌షిప్‌ సాధించి అగ్రస్థానంలో నిలిచింది. బాలుర విభాగంలో మొదటి స్థానం పశ్చిమ గోదావరి జిల్లా సాధించగా, 2వ స్థానం విశాఖపట్నం జిల్లా, 3వ స్థానం కృష్ణా జిల్లా సాధించాయి. బాలికల విభాగంలో మొదటి స్థానంలో పశ్చిమ గోదావరి జిల్లా నిలవగా 2వ స్థానంలో విశాఖపట్నం జిల్లా, 3వ స్థానం కృష్ణా జిల్లా కై వసం చేసుకున్నాయి. ఈ ఛాంపియన్‌షిప్‌లో ప్రతిభ కనబరిచిన క్రీడాకారులు అండర్‌–14, 17, 19 విభాగాలలో ఆంధ్రప్రదేశ్‌ రాష్ట్ర జట్టుకు ఎంపికయ్యారు. వీరంతా మధ్యప్రదేశ్‌లోని ఉజ్జయినిలో జరిగే 70వ జాతీయ స్థాయి ఎస్‌జీఎఫ్‌ఐ మల్లఖంబ్‌ ఛాంపియన్‌షిప్‌లో ఆంధ్రప్రదేశ్‌ తరఫున ప్రాతినిధ్యం వహించనున్నారు.

టీడీపీ కుట్రలను తిప్పికొట్టిన వైఎస్సార్‌సీపీ చింతలపూడి: మండలంలోని నామవరం ఎంపీటీసీ స్థానం ఉపసంహరణ ప్రక్రియ మంగళవారం తీవ్ర ఉత్కంఠకు గురిచేసింది. ఈ స్థానాన్ని ఏకగ్రీవం చేసుకోవాలని అధికార టీడీపీ శ్రేణులు పన్నిన వ్యూహాలను వైఎస్సార్‌సీపీ నేతలు తిప్పికొట్టారు. ప్రలోభాలు, బెదిరింపులు, కిడ్నాప్‌ వదంతుల నడుమ చివరకు వైఎస్సార్‌సీపీ అభ్యర్థి బాణావత్‌ ఉమామహేశ్వరరావు ఎన్నికల బరిలోనే నిలిచారు. నామినేషన్ల ఉపసంహరణకు చివరి గడువైన మంగళవారం ఉమామహేశ్వరరావుపై టీడీపీ నేతలు తీవ్రస్థాయిలో ఒత్తిడి తెచ్చారని వైఎస్సార్‌సీపీ నాయకులు ఆరోపించారు. పార్టీ బీఫామ్‌ను అధికారులకు అందజేయకుండా కుటుంబ సభ్యుల ద్వారా అడ్డుకోవడంతో పాటు ప్రలోభాలకు గురిచేశారని ఆర్‌ఓకు లిఖితపూర్వకంగా ఫిర్యాదు చేశారు. ఒక దశలో ఆయనను కిడ్నాప్‌ చేశారన్న వార్తలు సోషల్‌ మీడియాలో వైరల్‌ కావడంతో ఎంపీడీఓ, ఎన్నికల రిటర్నింగ్‌ అధికారి కార్యాలయం వద్ద తీవ్ర ఉద్రిక్తత నెలకొంది. ఇరుపార్టీల శ్రేణులు పెద్ద ఎత్తున మోహరించాయి. ఈ పరిణామాల నడుమ ఉమామహేశ్వరరావు (మహేష్‌) సురక్షిత ప్రాంతం నుంచి విడుదల చేసిన సెల్ఫీ వీడియో సంచలనం సృష్టించింది. టీడీపీ నాయకులు తనను భయభ్రాంతులకు గురిచేస్తూ, బీఫామ్‌ ఇవ్వకుండా అడ్డుకుంటున్నారని, వారి ఒత్తిళ్లు తట్టుకోలేకనే తలదాచుకున్నట్లు ఆయన ఆవేదన వ్యక్తం చేశారు. గడువులోపు బీ–ఫారమ్‌ అందజేత పరిస్థితిని గమనించిన వైఎస్సార్‌సీపీ ముఖ్య నాయకులు అప్రమత్తమై, గడువు ముగిసేలోపే రిటర్నింగ్‌ అధికారి వై.సుబ్బారావుకు పార్టీ బీ–ఫారమ్‌ను అందజేశారు. దీంతో టీడీపీ ఎత్తుగడలు ఫలించలేదు. తీరా సాయంత్రం 5 గంటల సమయంలో టీడీపీ శ్రేణులు ఉమామహేశ్వరరావును వెంటబెట్టుకుని వచ్చి నామినేషన్‌ ఉపసంహరించుకుంటామని కోరగా, అప్పటికే గడువు ముగిసిందని ఎన్నికల అధికారి స్పష్టం చేశారు. దీంతో ఆయన పోటీలో ఉన్నట్లు అధికారికంగా ప్రకటించడంతో ఉదయం నుంచి సాగిన ఉత్కంఠ వీడింది. ప్రజాస్వామ్యం ఖూనీ వైఎస్సార్‌సీపీ అభ్యర్థిని ప్రలోభపెట్టి, సాధ్యం కాకపోతే కిడ్నాప్‌ చేయాలని చూసిన టీడీపీ నాయకులపై కఠిన చర్యలు తీసుకోవాలని నియోజకవర్గ వైఎస్సార్‌సీపీ ఇన్‌చార్జ్‌ కంభం విజయరాజు డిమాండ్‌ చేశారు. విలేకరులతో ఆయన మాట్లాడుతూ.. ఎన్నికల్లో నేరుగా గెలిచే ధైర్యం లేకనే టీడీపీ కుయుక్తులు పన్నుతోందని ధ్వజమెత్తారు. అభ్యర్థులను భయభ్రాంతులకు గురిచేయడం ప్రజాస్వామ్యం అనిపించుకోదని, స్థానిక సంస్థల ఎన్నికల్లో అన్ని స్థానాలను గెలుచుకుంటామని ధీమా వ్యక్తం చేశారు.

ఏం కొనేటట్లు లేదు ఇటీవల కాలంలో నిత్యావసరాల ధరలు అమాంతం పెరిగాయి. స్థానిక సంస్థల ఎన్నికల నేపథ్యంలో ధరల పెరుగుదల గురించి గ్రామ పెద్దల సంభాషణ. 8లో uరెబల్స్‌, నామినేషన్ల తిరస్కరణతో పలుచోట్ల త్రిముఖ పోరు ద్వారకాతిరుమల: మండలంలో ఎంపీటీసీ, జెడ్పీటీసీ ఎన్నికల సమీకరణాలు ఆసక్తికరంగా మారాయి. అధికార కూటమిలో పొత్తుల లెక్కలు తారుమారవ్వడం, నామినేషన్ల తిరస్కరణ మరియు రెబల్‌ అభ్యర్థులు బరిలో నిలవడంతో తీవ్ర ఉత్కంఠ నెలకొంది. పొత్తుల దెబ్బ.. స్వతంత్ర అభ్యర్థిగా దేవిశ్రీ జెడ్పీటీసీ స్థానాన్ని ఆశించిన జనసేన మండల అధ్యక్షుడు దాకారపు నరసింహమూర్తికి నిరాశే మిగిలింది. పొత్తులో భాగంగా ఈ స్థానాన్ని టీడీపీకి కేటాయించడంతో ఆయన తన భార్య దేవిశ్రీతో నామినేషన్‌ వేయించారు. అయితే చివరి క్షణంలో పార్టీ మ్యాండేట్‌ దక్కకపోవడంతో ఆమె స్వతంత్ర అభ్యర్థిగా పోటీలో నిలవాల్సి వచ్చింది. దీంతో ఇక్కడ వైఎస్సార్‌సీపీ అభ్యర్థి బుసనబోయిన విజయలక్ష్మి, టీడీపీ అభ్యర్థి కరుటూరి సత్యశ్రావణి, స్వతంత్ర అభ్యర్థి దేవిశ్రీల మధ్య త్రిముఖ పోరు నెలకొంది. ఎంపీటీసీ స్థానాల్లో తారుమారైన సమీకరణాలు ద్వారకాతిరుమల–1 స్థానాన్ని మొదట జనసేనకు కేటాయించగా, అభ్యర్థి నామినేషన్‌ తిరస్కరణకు గురైంది. దీంతో డమ్మీగా నామినేషన్‌ వేసిన టీడీపీ అభ్యర్థి బరిలో నిలవడంతో ఈ స్థానం జనసేన చేయిజారింది. ప్రత్యామ్నాయంగా పి.కన్నాపురం స్థానాన్ని జనసేనకు ఇవ్వగా, అక్కడ వైఎస్సార్‌సీపీ, జనసేన, స్వతంత్ర అభ్యర్థుల మధ్య పోటీ ఏర్పడింది. గుణ్ణంపల్లి ఎంపీటీసీ స్థానాన్ని టీడీపీకి కేటాయించినప్పటికీ, జనసేనకు చెందిన యిర్రింకి సప్తగిరి రెబల్‌గా బరిలోకి దిగారు. దీంతో వైఎస్సార్‌సీపీ, టీడీపీ, జనసేన రెబల్‌ అభ్యర్థుల నడుమ త్రిముఖ సమరం అనివార్యమైంది. పంగిడిగూడెం–1 స్థానంలో వైఎస్సార్‌సీపీ, టీడీపీ అభ్యర్థులతో పాటు కాంగ్రెస్‌ అభ్యర్థి కూడా పోటీలో ఉన్నారు.

నరసాపురం రూరల్‌: అర్నబ్‌ తుపాను తీవ్రమవుతుండటంతో జిల్లాలోని తీరప్రాంత మండలాలు అప్రమత్తమయ్యాయి. నరసాపురం, మొగల్తూరు మండలాల పరిధిలో ఎటువంటి పరిస్థితులనైనా ఎదుర్కొనేందుకు 24 పునరావాస కేంద్రాలను సిద్ధం చేసినట్లు ఆర్‌డీఓ దాసిరాజు తెలిపారు. మంగళవారం ఆయన తీర ప్రాంతాలను సందర్శించి ఏర్పాట్లను పరిశీలించారు. గర్భిణులు, బాలింతలు, చిన్నారులను సురక్షిత ప్రాంతాలకు తరలిస్తున్నామన్నారు. పునరావాస కేంద్రాల్లో ఉచిత ఆహారం, తాగునీరు అందుబాటులో ఉంచామని వివరించారు. మరోవైపు, మంగళవారం సాయంత్రం నుంచి గాలుల వేగం పెరగడంతో గ్రామీణ, పట్టణ ప్రాంతాల్లో విద్యుత్‌ సరఫరా నిలిచిపోయింది. పేరుపాలెం, పెదమైనివానిలంక, చినమైనవానిలంక తీరాల్లో సముద్రం అల్లకల్లోలంగా మారి ఉవ్వెత్తున అలలు ఎగసిపడుతున్నాయి. మత్స్యకారులు ఎవరూ వేటకు వెళ్లకూడదని అధికారులు స్పష్టం చేశారు. పడవలు, వలలను ఇప్పటికే సురక్షిత ప్రాంతాలకు చేర్చారు.

ద్వారకాతిరుమల: వేద మంత్రోచ్ఛరణలు.. పవిత్ర అభిషేకాలు.. భక్తులపై చల్లిన శ్రీచక్ర స్నాన తీర్థం.. ఇలా ద్వారకాతిరుమల క్షేత్రంలో శ్రీవారి ఆశ్వీయుజ మాస దివ్య బ్రహ్మోత్సవాల్లో ఏడో రోజైన మంగళవారం శ్రీచక్ర స్నాన వేడుకను అర్చకులు వైభవంగా నిర్వహించారు. ఉదయం ఉభయదేవేరులతో కూడిన స్వామివారు తిరువీధి వాహనంపై క్షేత్ర పురవీధుల్లో విహరించి భక్తులకు దర్శనమిచ్చారు. అనంతరం ఆలయ యాగశాలలో శ్రీవారు, అమ్మవార్లు, శ్రీచక్ర పెరుమాళ్ల ఉత్సవమూర్తులను ఒకే వేదికపై వేంచేపు చేసి పూజా కార్యక్రమాలు నిర్వహించారు. సుగంధ ద్రవ్యాలు, పంచపల్లవులు, శ్రీచందనం, పసుపు, మంత్రపూత అభిషేక తీర్థంతో శ్రీచక్ర స్వామికి విశేష అభిషేకం జరిపారు. ఆ తర్వాత శ్రీచక్ర పెరుమాళ్లతోపాటు ఉభయ నాంచారులు, శ్రీవారికి తిరుమంజనాలు నిర్వహించి హారతులిచ్చారు. అభిషేక జలాన్ని భక్తుల శిరస్సులపై చల్లి తీర్థప్రసాదాలు అందజేశారు. సాయంత్రం ఆలయంలో నిత్యహోమాలు, బలిహరణలు, పూర్ణాహుతి కార్యక్రమాలను నిర్వహించారు. అనంతరం వేద మంత్రోచ్ఛరణల నడుమ ధ్వజావరోహణ వేడుకను శాస్త్రోక్తంగా జరిపారు. ఆలయ ముఖమండపంలో స్వామివారి నవనీత కృష్ణ అలంకారం భక్తులను విశేషంగా ఆకట్టుకుంది. కాగా, రాత్రి స్వామివారికి అశ్వవాహనంపై జరగాల్సిన తిరువీధి సేవను వర్షం కారణంగా రద్దు చేశారు. బుధవారం రాత్రి నిర్వహించే శ్రీపుష్పయాగోత్సవంతో బ్రహ్మోత్సవాలు ముగుస్తాయని, గురువారం నుంచి ఆలయంలో నిత్యార్జిత కల్యాణాలు, ఆర్జిత సేవలను పునరుద్ధరించనున్నట్లు దేవస్థానం ఈఓ వేండ్ర త్రినాథరావు తెలిపారు. బ్రహ్మోత్సవాల్లో నేడు ● ఉదయం 9 గంటల నుంచి చూర్ణోత్సవం, వసంతోత్సవం. ● రాత్రి 7 గంటల నుంచి ద్వాదశ కోవెల ప్రదక్షిణలు, శ్రీపుష్పయాగం–పవళింపు సేవ. ● ప్రత్యేక అలంకారం: శయన మహావిష్ణువు. శ్రీవారి బ్రహ్మోత్సవాలలో భాగంగా రథోత్సవ మరుసటి రోజు మంగళవారం సాయంత్రం నిత్యకల్యాణ మండపంలో వేదసభను ఘనంగా నిర్వహించారు. హిందూ ధర్మ పరిరక్షణతోనే మానవ మనుగడ సాధ్యం అని అర్చకులు, పండితులు ఈ వేదికగా ఉద్బోధించారు. ఆచారంలో భాగంగా స్వామి, అమ్మవార్ల ఉత్సవ మూర్తులను తొళక్క వాహనంపై మేళతాళాల నడుమ మండపానికి చేర్చి, రజిత సింహాసనంపై విశేష పుష్పాలతో అలంకరించారు. ఆలయ ఈఓ వేండ్ర త్రినాధరావు దంపతులు సమర్పించిన ఫల, పుష్పాలను స్వామివారి ముందుంచగా, పండితులు వేద మంత్రోచ్ఛరణలతో స్వామివారి గుణగణాలను కీర్తించారు. అనంతరం హారతులు, నీరాజన మంత్రపుష్పాలు సమర్పించి, వేద పండితులను ఈఓ ఘనంగా సత్కరించారు. నేత్రపర్వంగా తొళక్క వాహనంపై తిరువీధి సేవ నేటితో క్షేత్రంలో ముగియనున్న దివ్య బ్రహ్మోత్సవాలు రేపటి నుంచి ఆలయంలో ఆర్జిత సేవల పునరుద్ధరణ

దారయ్య: అన్నాలైనాయిరా అల్లుడా? మీ పాడి బర్రెకు దిష్టి పూసలతాడే దొరకలేదా.. బుట్టయగూడెంలో శనారపు సంతకు మొన్న వెళ్లలేదా! దేవరాజు: ఏడికి వెళ్లేది మామా.. చేతిలో చిల్లిగవ్వ లేదు. మొన్న మీ మనవడికి అదేదో మాయదారి ఫ్లూ జ్వరమంటా వచ్చింది. జంగారెడ్డిగూడెం ఆస్పత్రికి తీసుకెళ్లా. పరీక్షలకని, మందులకని ఓ పాతికవేలు ఖర్చయ్యింది. దారయ్య: అయ్యో పాపం.. ఎంత కష్టమొచ్చిందిరా అల్లుడా! నీకిద్దామంటే నాకాడా ఏమీ పైసలు లేవురా! మొన్న మీ అత్త నాగులమ్మ పాత నగలు తాకట్టు పెట్టి చేసిన మొక్కజొన్న పొలం వర్షాలు లేక ఎండిపోయింది. ఓ అరవై వేలు బూడిదలో పోసిన పన్నీరుగా మారాయిరా! దేవరాజు: అందరి పరిస్థితి అలానే ఉందిలే మామా! ఆ దేవునికి మన రైతులపై దయ కలగడం లేదేంటో మరి! దారయ్య: ఆ దేవుడినెందుకురా దేవరాజూ నిందించుకోవడం. మన పాలకులకు చిత్తశుద్ధి ఉండాలి కాని, రైతులే రాజులవుతారురా.. భీమన్న: ఏంటీ మామా అల్లుళ్లు పంచాయితీ పెట్టారు.. ఏంటి విషయం? దేవరాజు: నీకు ఇది పంచాయితీలా కనిపిస్తుందా భీమన్నా.. మా కష్టాలు చెప్పుకుంటున్నాం. భీమన్న: రైతుకు కష్టాలు కాక, ఎప్పుడు సుఖాలు ఉన్నాయి దేవరాజూ? మొన్న ఎన్నికల్లో చంద్రబాబు రైతుల కోసం రూ.500 కోట్లతో ధరల స్థిరీకరణ నిధి పెట్టానన్నారు.. నీకు ఏమైనా ఇచ్చారా? దారయ్య: దేవరాజూ.. రాజకీయ నాయకుల మాటలు ఎలా ఉంటాయంటే.. లేని నదిపైన వంతెన నిర్మిస్తానన్నట్లుగా ఉంటాయి. వ్యవసాయ రంగాన్ని పూర్తిగా ఆదుకుంటామన్నారు.. అది జరిగిందా.. చెప్పు. దేవరాజు: ఇదిగో భీమన్నా.. ఆ సైకిల్‌పై వస్తుంది మన ఘంటయ్యే కాదా.. ఇటు పిలువు.. భీమన్న: వోయ్‌ ఘంటయ్యా.. ఏంటా స్పీడూ.. దేవరాజు పిలుస్తున్నాడు... సైకిల్‌ ఇటు తిప్పు. ఘంటయ్య: (రచ్చబండపై కాలి పెట్టి దిగుతూ) ఏంటీ దేవరాజు.. అందరూ ఒకచోట చేరారు.. పొలానికి వెళ్లలేదా? దేవరాజు: వర్షాలు లేవు కదా.. పొలానికి ఎందుకు వెళ్లడం! అది సరే కాని ఘంటయ్యా.. జీడిపప్పు, తునికాకు సేకరించడం మానేసి తాపీ పనికి వెళుతున్నావంటా.. అంత ఇబ్బంది ఏమొచ్చింది? ఘంటయ్య: నా బాధలు ఏం చెప్పమంటారు బాబు! మొన్న మొక్కజొన్న వేస్తే అడవి పందులు నాశనం చేశాయి. ఎన్నికల్లో చంద్రబాబు చింతలపూడి ఎత్తిపోతల పథకం ద్వారా సాగునీరు అందిస్తానన్నారు.. అది మా ప్రాంతంలో అమలు కావడం లేదు. అందుకే కూలీగా మారా. పూర్ణమ్మ: (చెంగుతో ముఖంపై కారుతున్న చెమటను తుడుచుకుంటూ వచ్చి) ఇదిగో దారయ్య మామా.. నా జీవితంలో బియ్యం బస్తా రూ.2,200కి చేరిన ఘటన ఎప్పుడూ చూడలా.. సంతకు రూ.500 తీసుకెళ్తే అరసంచి కూడా సరుకులు నిండటం లేదు.. ఇలాగైతే ఎలా బతికేది మామ? దారయ్య: (పకపక నవ్వుతూ) పూర్ణమ్మ.. మొన్న కారు డ్రైవర్‌ సుందరం భార్య లక్ష్మి ఆరుబయట కట్టెలతో వంట చేస్తోంది.. ఇదేంటమ్మా అంటే.. ఏం చెప్పను బాబాయ్‌ గారు.. గ్యాస్‌ రూ.1,000 పైకే చేరింది, పిల్లలతో కష్టమవుతోంది.. అందుకే ఇలా కట్టెలతో చేస్తున్నానని బోరుమంది. పూర్ణమ్మ: ఇదే కాదు మామా.. వంట నూనె లీటరు రూ.180 పైనే చేరింది. కందిపప్పు కూడా రూ.130 పైనే కూర్చుంది. ఇలా అన్ని నిత్యావసర ధరలు పెంచేశారు.. కూలీ డబ్బులతో ఎలా బతకాలో తలుచుకుంటే నిద్ర పట్టడం లేదు.. ఈ రోజులు ఎప్పుడు మారతాయో ఏంటో.. గుబ్బాలమ్మ (దారయ్య భార్య): ఏమయ్యో.. అదేదో అర్నబ్‌ తుపానంటా.. మనవైపే వస్తుందంటా.. మేకలన్నీ అడవిలోనే ఉన్నాయి.. బేగా రా.. రేపు మాట్లాడొదికాని! (అని చెప్పడంతో అందరూ పరుగున ఇంటి ముఖం పట్టారు.) –కైకలూరుకిరాణా కొట్టుకెళ్లి పప్పుల రేట్లు చూస్తే గుండెల్లో గుబులు.. కూరగాయల మార్కెట్‌లో ఉల్లిపాయల ధరలతో కన్నీళ్లు.. గ్యాస్‌ బండ కొనాలంటే రెండు ఐదొందల నోట్లు గల్లంతు.. ఓ బస్తా బియ్యం కొనాలంటే ఏకంగా రూ.2,200కు పైనే! ఆదాయం మూరెడు.. ఖర్చు బారెడు.. జేబులో చేయి వేస్తే చిరిగిన గుడ్డ నుంచి చిల్లర కాస్తా పారిపోయే పరిస్థితి. ఇది నేడు మధ్యతరగతి, సామాన్యులు ఎదుర్కొంటున్న దుస్థితి. ఇటువంటి నేపథ్యంలో స్థానిక సంస్థల ఎన్నికలు వచ్చిపడ్డాయి. ప్రస్తుత ఎన్నికలపై గ్రామ పెద్దల మధ్య సాగిన సంభాషణ పరిశీలిస్తే..

ఏలూరు (టూటౌన్‌): జిల్లాలో అర్నబ్‌ తుపాను కారణంగా ఎలాంటి ఆస్తి, ప్రాణ నష్టాలు కలుగకుండా సమర్థవంతంగా ఎదుర్కొనేందుకు జిల్లా యంత్రాంగం సిద్ధంగా ఉండాలని కలెక్టర్‌ కె. వెట్రిసెల్వి అధికారులను ఆదేశించారు. కలెక్టరేట్‌లో మంగళవారం అర్నబ్‌ తుపాను తీవ్రత, నష్టాలను నివారించేందుకు తీసుకోవాల్సిన ముందస్తు జాగ్రత్త చర్యలపై కలెక్టర్‌ అధికారులకు దిశా నిర్దేశం చేశారు. ఈ సందర్భంగా కలెక్టర్‌ వెట్రిసెల్వి మాట్లాడుతూ తుపాను తీరం దాటే సమయంలో గంటకు 120 కిలోమీటర్లకు పైగా వేగంతో పెనుగాలులు వీచే అవకాశం ఉన్నందున ఎటువంటి ప్రమాదాలు సంభవించకుండా చర్యలు తీసుకోవాలని, ఎత్తయిన హోర్డింగ్‌లు తొలగించాలని, శిథిల భవనాలు, రేకుల షెడ్లలోని ప్రజలను తరలించాలన్నారు. వర్షాల సమయంలో ప్రజలు బయటకు రాకుండా అప్రమత్తం చేయాలన్నారు. నదులు, చెరువులు, కాలువలలోనికి ప్రజలు వెళ్లకుండా చూడాలని, వాటికి గండ్లు పడకుండా చర్యలు తీసుకోవాలన్నారు. కంట్రోల్‌ రూమ్‌ ఏర్పాటు : ఏలూరు జిల్లా కలెక్టరేట్‌లో 18002331077, 08812–224519 , 94910 41419 ఫోన్‌ నంబర్లతో కంట్రోల్‌ రూమ్‌ ఏర్పాటు చేశామన్నారు. మండల స్థాయిలలో కూడా కంట్రోల్‌ రూమ్‌ లు ఏర్పాటు చేయాలని అధికారులను కలెక్టర్‌ ఆదేశించారు. జిల్లాలో ఎక్కడైనా విద్యుత్‌ సరఫరాలో అంతరాయం ఏర్పడితే వెంటనే విద్యుత్‌ కంట్రోల్‌ రూమ్‌లు 94409 02926, 94409 04037, 94910 30712, విద్యుత్‌ శాఖ టోల్‌ ఫ్రీ నంబర్‌ 1912లకు ఫోన్‌ చేసి సహాయం పొందవచ్చన్నారు. ఎస్పీ, జేసీలతో చర్చ వాతావరణ శాఖ హెచ్చరికలు జారీ చేసిన ప్రాంతాల మ్యాప్‌ లను పరిశీలించి, ఏ ఏ ప్రాంతంలో తుపాను తీవ్రత అధికంగా ఉంటుంది, భారీ వర్షాలు కురిసే ప్రాంతాలను గుర్తించి ఆయా ప్రాంతాలలోని ప్రజలను సురక్షిత ప్రాంతాలకు తరలించడం, కేంద్ర, రాష్ట్ర విపత్తు నివారణ దళాలు సిద్ధం చేయడం, ఎక్కడా ఎటువంటి నష్టాలు సంభవించకుండా తీసుకోవలసిన .ముందస్తు జాగ్రత్త చర్యలు, సహాయక చర్యలపై చర్చించారు. ఎస్పీ కె. ప్రతాప్‌ శివ కిషోర్‌ మాట్లాడుతూ తుపాను ప్రభావిత ప్రాంతాలలో రాష్ట్ర విపత్తు నివారణ దళం, పోలీస్‌ సిబ్బందితో సహాయక కార్యక్రమాలు చేపడతామన్నారు. సమావేశంలో జేసీ ఎంజే అభిషేక్‌ గౌడ, అసిస్టెంట్‌ కలెక్టర్‌ సిహెచ్‌. శ్రావణ్‌ కుమార్‌ రెడ్డి, ఇన్‌చార్జ్‌ డీఆర్‌ఓ ఎం. ముక్కంటి పాల్గొన్నారు.

● ఏలూరు జిల్లా జైలులో పరిచయం ● కాపర్‌వైర్‌ చోరీలే లక్ష్యం ● వివరాలు వెల్లడించిన ఎస్పీ శివకిషోర్‌ ఏలూరు టౌన్‌: జైళ్లలో పరివర్తనం చెందాల్సిన నేరస్తులు ముఠాలుగా ఏర్పడి చోరీలకు పాల్పడుతుండడం ఆందోళన కలిగిస్తోంది. ఏలూరు జైలులో పరిచయమైన దొంగలు ఒక ముఠాగా ఏర్పడి, ఏలూరు, తూర్పుగోదావరి జిల్లాల్లో వ్యవసాయ క్షేత్రాల్లోని ట్రాన్స్‌ఫార్మర్ల రాగివైరును చోరీ చేస్తూ రైతులకు కంటి మీద కునుకులేకుండా చేస్తున్నారు. ఈ ముఠాను జంగారెడ్డిగూడెం సర్కిల్‌ పరిధిలోని లక్కవరం పోలీసులు చాకచక్యంగా అరెస్ట్‌ చేసి, రూ.10 లక్షల విలువైన సొత్తును స్వాధీనం చేసుకున్నారు. ఏలూరు జిల్లా పోలీస్‌ కార్యలయంలో ఎస్పీ కొమ్మి ప్రతాప్‌ శివకిషోర్‌ విలేకరుల సమావేశంలో వివరాలు వెల్లడించారు. కేసు వివరాలు ఈ నెల 27న లక్కవరం పోలీసులు గుర్వాయిగూడెం వద్ద వాహనాలు తనిఖీ చేస్తుండగా.. అనుమానాస్పదంగా వెళ్తున్న ఒక క్రెటా కారు, మోటార్‌సైకిల్‌లో ఉన్న ఐదుగురు నిందితులు, ఒక బాలుడిని (జువైనల్‌) అదుపులోకి తీసుకున్నారు. వీరి నుంచి క్రెటా కారు, బైక్‌, 13 కేసులకు సంబంధించిన 35 ట్రాన్స్‌ఫార్మర్ల రాగివైరు (1020 కిలోలు), టూల్‌కిట్స్‌ స్వాధీనం చేసుకున్నారు. ఈ సందర్భంగా ప్రతిభ కనబరిచిన లక్కవరం ఎస్సై ఎస్‌కే జబీర్‌, సీఐ ఎంవీ సుభాష్‌లను ఎస్పీ అభినందించారు. నేర చరిత్ర ద్వారకాతిరుమల మండలం తూర్ల లక్ష్మీపురం గ్రామానికి చెందిన ప్రధాన నిందితుడు కోడూరి రవితేజపై ద్వారకాతిరుమల, జంగారెడ్డిగూడెం పీఎస్‌లలో రౌడీ, సస్పెక్ట్‌ షీట్లు ఉండగా.. హత్య, నకిలీ నోట్లు, చీటింగ్‌ వంటి సుమారు 32 కేసులు ఉన్నాయి. చింతలపూడి ఎన్‌వీఎన్‌ కాలనీకి చెందిన చుండ్రు అనిల్‌ కుమార్‌ (కాపర్‌ వైర్‌ చోరీ కేసులు), రెడ్డిగూడెం గ్రామం రాముడుకుంటకు చెందిన అన్యం లోకేష్‌, పశ్చిమ గోదావరి జిల్లా ఉండి మండలం కోలమూరుకు చెందిన దగ్గుపల్లి జోగమారేష్‌, మువ్వా జగన్‌, ఒక బాలుడు వివిధ కేసుల్లో నిందితులుగా ఉన్నారు. జైలు పరిచయాలే మూలం హత్యయత్నం కేసులో జైలులో ఉన్న రౌడీషీటర్‌ రవితేజకు.. ట్రాన్స్‌ఫార్మర్‌ చోరీ కేసులో వచ్చిన అనిల్‌కుమార్‌, గంజాయి కేసులో వచ్చిన జోగమారేష్‌తో జైలులో పరిచయం ఏర్పడింది. వీరు ముగ్గురూ 2026 జూన్‌, జూలై నెలల్లో విడుదలయ్యాక మిగతా వారితో కలిసి ముఠా కట్టారు. రాత్రివేళల్లో కారు, బైక్‌లపై తిరుగుతూ వ్యవసాయ క్షేత్రాల్లోని ట్రాన్స్‌ఫార్మర్లను ధ్వంసం చేసి, రాగివైరును అమ్ముతూ విలాసవంతమైన జీవితం గడుపుతున్నట్లు విచారణలో తేలింది.

వైభవంగా శ్రీవారి చక్రస్నానం ద్వారకాతిరుమల క్షేత్రంలో శ్రీవారి ఆశ్వీయుజ మాస దివ్య బ్రహ్మోత్సవాల్లో ఏడో రోజైన మంగళవారం శ్రీచక్ర స్నాన వేడుకను అర్చకులు వైభవంగా నిర్వహించారు. 8లో uమాజీ మంత్రి మాగంటికి పరాభవంబుధవారం శ్రీ 28 శ్రీ అక్టోబర్‌ శ్రీ 2026సాక్షి ప్రతినిధి, ఏలూరు: స్థానిక సంస్థల ఎన్నికల్లో అడ్డదారిలో గెలుపొందడానికి కూటమి తీవ్ర స్థాయిలో బెదిరింపులకు దిగింది. ఆస్థి నష్టాలు కలిగిస్తామని.. కేసులతో వేధిస్తామని రకరకాలుగా బెదిరింపులకు పాల్పడ్డారు. దారికి రాని వారిపైన కిడ్నాప్‌ యత్నాలకు ప్రయత్నించారు. మంగళవారం ఎంపీటీసీ, జెడ్పీటీసీ నామినేషన్ల ఉపసంహరణ ప్రక్రియ ముగిసింది. పెదవేగి జెడ్పీటీసీ, అలాగే 12 ఎంపీటీసీలు జిల్లాలో ఏకగ్రీవమయ్యాయి. బెదిరింపులు.. బేరసారాలు స్థానిక సంస్థల పోరు కీలకదశకు చేరుకుంది. డమ్మీలు, స్వతంత్ర అభ్యర్థులు, ఇతరులు నామినేషన్ల ఉపసంహరణ ప్రక్రియ మంగళవారం మధ్యాహ్నం 3 గంటలతో ముగిసింది. ఎంపీటీసీ, జెడ్పీటీసీ స్థానాల్లో పోటీ చేసే ప్రధాన పార్టీ అభ్యర్థులు ఖరారయ్యారు. జిల్లా వ్యాప్తంగా 454 ఎంపీటీసీ స్థానాలకు 2374 నామినేషన్లు, అలాగే 27 జెడ్పీటీసీ స్థానాలకు 224 నామినేషన్లను పరిశీలన అనంతరం ఆమోదించారు. దెందులూరు నియోజకవర్గంలోని పెదవేగి జెడ్పీటీసీ అభ్యర్థిగా ఎమ్మెల్యే చింతమనేని ప్రభాకర్‌ కుమార్తె చింతమనేని నవ్యశ్రీ ఏకగ్రీవంగా ఎన్నికై ంది. అలాగే 454 ఎంపీటీసీ స్థానాల్లో 12 ఏకగ్రీవమయ్యాయి. వీటిలో కొయ్యలగూడెం మండలం బయ్యన్నగూడెం– 1, 2 ఎంపీటీసీ స్థానాలను పెద్ద మనుషుల తీర్మానం పేరుతో టీడీపీ–1, వైఎస్సార్‌సీపీ చెరో స్థానం ఏకగ్రీవం చేశారు. అలాగే పెదవేగి మండలం కొండలరావుపాలెం ఎంపీటీసీ స్థానం వైఎస్సా ర్‌కాంగ్రెస్‌ పార్టీకి ఏకగ్రీవమైంది. కై కలూరు నియోజకవర్గంలోని కై కలూరు మండలం వేమవరప్పాడు ఎంపీటీసీ స్థానం టీడీపీకి ఏకగ్రీవమైంది. మండలంలో 22 ఎంపీటీసీ స్థానాలుండగా 21 స్థానాల్లో ఎన్నికలు జరగనున్నాయి. వేమవరప్పాడు ఎంపీటీసీ, సర్పంచ్‌ అభ్యర్థి వ్యక్తిగతంగా గ్రామాభివృద్ధికి నిధులు ఇచ్చే షరతుతో గత రెండు పర్యాయాలుగా ఏకగ్రీవాలు చేస్తున్నారు. ఈ సారి కూటమి ఏకగ్రీవంగా దక్కించుకుంది. లింగపాలెం మండలంలోని రంగాపురం ఎంపీటీసీ టీడీపీ ఏకగ్రీవం చేసుకోగా ధర్మాజీగూడెం–1 జనసేన పార్టీ ఏకగ్రీవంగా దక్కించుకుంది. ద్వారకాతిరుమల మండలంలో ఒక స్థానం, పెదవేగి మండలంలో నాలుగు ఎంపీటీసీ స్థానాలను టీడీపీ ఏకగ్రీవం చేసుకుంది. కిడ్నాప్‌ హడావుడి : చింతలపూడి మండలంలోని నామవరం ఎంపీటీసీని టీడీపీ ఏకగ్రీవం చేసుకోవడానికి తీవ్ర స్థాయిలో బెదిరింపులు ప్రలోభాలతో హడావుడి చేశారు. వైఎస్సార్‌సీపీ నుంచి అభ్యర్థిగా పోటీచేసిన బాణావత్‌ ఉమామహేశ్వరరావుపై తీవ్ర స్థాయిలో ఒత్తిడి తెచ్చారు. బీ–ఫారమ్‌ అధికారులకు అందకుండా కుటుంబ సభ్యులే ఒత్తిడి తేవడంతో ఎంపీడీఓ కార్యాలయం వద్ద ఉద్రిక్తత నెలకొంది. దీంతో టీడీపీ వేధింపులు తట్టుకోలేక అజ్ఞాతంలో ఉన్నట్లు ఉమామహేశ్వరరావు సెల్ఫీ వీడియో విడుదల చేయడం, గడువు ముగిసేలోపు బీ–ఫారమ్‌ను రిటర్నింగ్‌ అధికారికి అందించడంతో ఎన్నికల బరిలో ఉన్నట్లు ప్రకటించారు. ప్రతిపక్ష ఎంపీటీసీ అభ్యర్థులపై తీవ్ర బెదిరింపులు అనేక స్థానాల్లో ఏకగ్రీవానికి ప్రయత్నాలు 27 జెడ్పీటీసీ స్థానాల్లో ఒక స్థానం ఏకగ్రీవం 454 ఎంపీటీసీ స్థానాల్లో 12 ఏకగ్రీవం బయ్యన్నగూడెం–2, కొండలరావుపాలెం ఎంపీటీసీ స్థానాలు వైఎస్సార్‌సీపీ ఏకగ్రీవం మాజీ మంత్రి మాగంటికి తీవ్ర పరాభవం తెలుగుదేశం పార్టీలో మాజీ మంత్రి మాగంటి బాబుకు మరోసారి తీవ్ర అవమానం ఎదురైంది. కామవరపుకోట జెడ్పీటీసీ స్థానం నుంచి ఆయన సతీమణి పద్మవల్లీదేవి జెడ్పీ చైర్మన్‌ పదవి ఆశిస్తూ అట్టహాసంగా నామినేషన్‌ దాఖలు చేశారు. అయితే తెలుగుదేశం పార్టీ ఇచ్చిన బీఫారాల్లో కామవరపుకోట స్థానం మాజీ ఎమ్మెల్యే గంటా మురళీ కుమార్తె గంటా జాహ్నవికి ఖరారు చేయడంతో బాబు వర్గం కంగుతింది. విధి పరిస్ధితుల్లో నామినేషన్‌ ఉపసంహరించుకుని పోటీ నుంచి దూరమయ్యారు. గతంలో మాగంటి బాబు ప్రాతినిధ్యం వహించి అనంతరం ఇన్‌ఛార్జిగా ఉన్న ఎంపీ స్థానానికి పుట్టా మహేష్‌ యాదవ్‌కు కేటాయించి అధికారంలోకి రాగానే ప్రాధాన్యం ఇస్తామని హామీ ఇచ్చారు. పార్టీ ముఖ్యులు ఇచ్చిన హామీ మేరకే జెడ్పీ చైర్మన్‌గా పోటీ చేసి మరోసారి భంగపడ్డారు.

ఎన్నికల పరిశీలకుడు శేషగిరిబాబు ఏలూరు (టూటౌన్‌) : జిల్లాలో ఎన్నికల నేపథ్యంలో ప్రవర్తనా నియమావళి పక్కాగా అమ లు చేయాలని ఎన్నికల సాధారణ పరిశీలకుడు ఎం.వెంకట శేషగిరిబాబు ఆదేశించారు. కలెక్టరేట్‌లో సోమవారం ఎన్నికల నిర్వహణ, అభ్యర్థుల ఖర్చులపై కలెక్టర్‌ కె.వెట్రిసెల్వితో కలిసి శేషగిరిబాబు, ఎన్నికల వ్యయ పరిశీలకుడు జి.శేఖర్‌బాబు సమీక్షించారు. శేషగిరిబాబు మా ట్లాడుతూ కలెక్టరేట్‌లోని కంట్రోల్‌ రూమ్‌కు అందే ఫిర్యాదులను నమోదు చేసి, పరిష్కార ని మిత్తం సంబంధిత అధికారులకు పంపాలన్నా రు. నగరపాలక సంస్థ, పురపాలక సంఘాలు, జెడ్పీటీసీ, ఎంపీటీసీ పోలింగ్‌నకు సర్వం సిద్ధం చేయాలన్నారు. ఎలాంటి పొరపాట్లకు తావులేకుండా విధులు నిర్వర్తించేలా చూడాలన్నారు. సమస్యాత్మక, అతి సమస్యాత్మక పోలింగ్‌ కేంద్రాల వద్ద పటిష్ట భద్రతా ఏర్పాట్లు చేయాల న్నారు. వ్యయ పరిశీలకుడు శేఖర్‌బాబు మాట్లాడుతూ అభ్యర్థుల ఎన్నికల వ్యయాలను మైక్రో అబ్జర్వర్లు ఎన్నికల కమిషన్‌ నిబంధనలను అనుసరించి లెక్కించాలన్నారు. అభ్యర్థుల ప్ర చార ఖర్చులు, సభలు, సమావేశాలు నిర్వహ ణ, ఇంటింటికీ ప్రచారం, కరపత్రాలు, గోడప్రతులు తదితర ఖర్చులను అభ్యర్థుల ఎన్నికల వ్యయ ఖా తాల్లో నమోదు చేయాలన్నారు. కలెక్టర్‌ మాట్లాడుతూ 1న జరగనున్న పోలింగ్‌కు అన్ని ఏర్పా ట్లు పూర్తిచేశామన్నారు. జేసీ ఎంజే అభిషేక్‌ గౌ డ, అసిస్టెంట్‌ కలెక్టర్‌ సీహెచ్‌ శ్రావణ్‌కుమార్‌రెడ్డి, ఇన్‌చార్జి డీఆర్వో ఎం.ముక్కంటి తదితరులు పాల్గొన్నారు.

సాక్షి, భీమవరం: వరి సాగు చివరిలో అర్నబ్‌ తుపా ను రైతులకు కంటిమీద కునుకులేకుండా చేస్తుంటే.. ఇదే అదునుగా దళారులు దోపిడీకి తెరలేపే పనిలో పడ్డారు. నిన్నమొన్నటి వరకు ధాన్యం తీసుకున్న మిల్లర్లు ఒక్కసారిగా కొనుగోళ్లు నిలిపివేయడంతో రైతులు దిక్కుతోచక కొట్టుమిట్టాడుతున్నారు. వాతావరణం ఎప్పుడు ఎలా ఉంటుందోనని చేతికొచ్చిన పంటను కాపాడుకునేందుకు ఉరుకులు పరుగులు పెడుతున్నారు. చి‘వరి’లో కలవరపాటు ఉమ్మడి జిల్లాలోని 4.88 లక్షల ఎకరాల్లో రైతులు తొలకరి సాగు చేశారు. వీటిలో పశ్చిమగోదావరి జిల్లాలో దాదాపు 2.08 లక్షల ఎకరాల ఆయకట్టు ఉండగా, ఏలూరు జిల్లాలో 2.8 లక్షల ఎకరాల ఆయకట్టు ఉంది. సాగు ప్రారంభంలో నీటి ఎద్దడి ఇబ్బందులకు గురిచేస్తే చివరిలో భారీ వర్షాలు కలవరపెడుతున్నాయి. ఈనెల మొదటి వారంలో వాయుగుండం ప్రభావంతో ఎడతెరపి లేకుండా కురిసిన వర్షాలతో పశ్చిమగోదావరి జిల్లాలోని ఐదు వేల ఎకరాల్లో పంట నీట మునిగినట్టు అధికారులు ప్రాథమికంగా లెక్కలు కట్టారు. తాజాగా తుపాను బెంబేలెత్తిస్తోంది. దీని ప్రభావం వలన మంగళ, బుధవారాల్లో తీవ్రగాలులతో భారీ వర్షాలు కురుస్తాయన్న వాతావరణశాఖ హెచ్చరికలు ఆందోళనకు గురిచేస్తున్నాయి. 1,500 ఎకరాల్లో కోతలు పూర్తి నీటి ఎద్దడి సమస్యతో సాగు ఆలస్యమైన ఏలూరు జిల్లాలోని పలు ప్రాంతాల్లో ప్రస్తుతం పంట చాలాచోట్ల ఈనిక, పూత దశల్లో ఉంది. పశ్చిమలో ముందుగా నాట్లు వేసిన తాడేపల్లిగూడెం ప్రాంతంలో కొద్దిరోజుల క్రితమే మాసూళ్లు మొదల య్యాయి. సోమవారం నాటికి దాదాపు 1,500 ఎకరాల్లో వరి కోతలు పూర్తయ్యాయి. అత్తిలి, పెంటపాడు, తణుకు, ఇరగవరం, వీరవాసరం, భీమవరం, తదితర చోట్ల మరో రెండు వారాల్లో వరి కోతలు మొదలుకానున్నాయి. దోపిడీ షరా మామూలే కూటమి ప్రభుత్వ హయాంలో సాగు చివరిలో ప్రతికూల వాతావరణ పరిస్థితులను అడ్డం పెట్టుకుని దళారులు దోపిడీకి తెరలేపడం సర్వసాధారణంగా మారిందన్న విమర్శలు వినిపిస్తున్నాయి. గతంలో తేమశాతం ఎక్కువనో, తాలుగింజలు ఉన్నాయనో సాకుగా చూపించి బస్తాకు రూ.300 నుంచి రూ.400 వరకు కోత పెట్టడం తెలిసిందే. వాతావరణం ఎప్పుడెలా ఉంటుందోనన్న భయంతో చాలామంది రైతులు అయినకాడికి ధాన్యాన్ని అమ్ముకోవడం ద్వారా ఎకరాకు రూ.4 వేల నుంచి రూ.5 వేల వరకు నష్టపోయిన పరిస్థితులు ఉన్నాయి. 2026–27 సీజన్‌కు గాను క్వింటాల్‌కు కామన్‌ వైరెటీకి రూ.2,441, గ్రేడ్‌–ఏ రకానికి రూ.2,461లు కనీస మద్దతు ధరగా ప్రభు త్వం నిర్ణయించింది. నవంబరు 5న తాడేపల్లిగూడెం మండలంలో ధాన్యం కొనుగోలు కేంద్రం ప్రారంభించేందుకు సివిల్‌ సప్లయీస్‌ అధికారులు సన్నాహాలు చేస్తున్నారు. ఇదిలా ఉండగా ముందుగా వరి కోతలు మొదలైన తాడేపల్లిగూడెం రూరల్‌ ఏరియాలో మిల్లులకు ధాన్యం రవాణ చేస్తున్నట్టు స్థానిక రైతులు చెబుతున్నారు. తుపాను సాకుగా చూపించి రెండు రోజులుగా ధాన్యం తీసుకోవడం నిలిపివేశారంటున్నారు. చేతికొచ్చిన పంటను ఒబ్బిడి చేసుకుందామంటే కొనుగోలు చేసే నాథుడు లేక ఏం చేయాలో పాలుపోవడం లేదని వాపోతున్నారు. వ్యవసాయాధికారుల దృష్టికి తీసుకువెళ్లినా ఫలితం లేదని, తూర్పుగోదావరి జిల్లాలోని మిల్లులకు తరలించుకోమని సూచిస్తున్నారని చెబుతున్నారు. గత ప్రభుత్వంలో విపత్తుల సమయంలో రైతులకు అండగా త్వరితగతిన ధాన్యం కొనుగోలుకు అవసరమైన చర్యలు తీసుకునే వారని, రెండేళ్లుగా ఆ పరిస్థితి లేక తీవ్ర ఇబ్బందులు పడాల్సి వస్తుందని రైతులు అంటున్నారు. ప్రస్తుత విపత్తు నుంచి తమను గట్టెక్కించేందుకు అధికారులు అధికారులు చర్యలు తీసుకోవాలని రైతులు కోరుతున్నారు. ప్రా‘ధాన్యం’ ఏదీ? వణికిస్తున్న అర్నబ్‌ తుపాను ఉమ్మడి జిల్లాలో 4.88 ఎకరాల్లో వరి సాగు తాడేపల్లిగూడెం ప్రాంతంలోమొదలైన కోతలు రెండు రోజులుగా ధాన్యం కొనుగోళ్లు నిలిపివేత అదును చూసి మిల్లర్లు ఆపేశారని అన్నదాతల ఆవేదన జిల్లాలో తెరుచుకోని ప్రభుత్వ కొనుగోలు కేంద్రాలు మొన్నటివరకూ మా ప్రాంతంలోని మిల్లుల్లో ధాన్యం తీసుకున్నారు. తుపాను సాకుగా చూపించి ధర తగ్గించేందుకు రెండు రోజులుగా ధాన్యం తీసుకోవడం ఆపేశారు. వ్యవసాయాధికారులకు చెబితే తూర్పుగోదావరి జిల్లాలోని మిల్లులకు తరలించుకోమని చెబుతున్నారు. మిల్లర్లకు ప్రభుత్వం సబ్సిడీపై డ్రయర్లు ఎందుకు ఇచ్చినట్టు. అధికారులు స్పందించి చర్యలు తీసుకోవాలి. –ములగాల గంగారావు, రైతు, దండగర్రు

దాడి ఘటనలో నలుగురి అరెస్టు భద్రాచలం అర్బన్‌: తల్లీకూతుళ్లపై దాడి ఘటనలో నలుగురు నిందితులను తెలంగాణలోని భద్రాచలం పోలీసులు సోమవారం అరెస్టు చేశారు. దమ్మపేట మండలం మల్కారం గ్రామానికి చెందిన కొవ్వాల పద్మ తన కుమార్తె సాహిత్యతో కలిసి భద్రాచలంలోని అశోక్‌నగర్‌ కాలనీలో ఉంటోంది. సాహిత్య ఏపీలోని ఏలూరు జిల్లా కుక్కునూరుకు చెందిన రావూరి స్వామితో ఫోన్‌లో మాట్లాడుతుండగా, ఆయన భార్య లక్ష్మి అనుమానం పెంచుకుంది. గత ఆగస్టు 21న ఆమె, బంధువులు భద్రాచలం వచ్చి సాహిత్యపై రాడ్లు, కర్రలు, చీపుర్లతో దాడి చేశారు. అడ్డుకున్న తల్లిపైనా దాడి చేయడంతో ఇద్దరికి గాయాలయ్యాయి. మరుసటి రోజు పద్మ ఫిర్యాదు చేయగా, పోలీసులు కేసు నమోదు చేశారు. నిందితులు బొల్లు సంపత్‌, తెలూరి ఏడుకొండలు, బొల్లు నాగమణి, రావూరి లక్ష్మిలను సోమవారం అరెస్టు చేసి రిమాండ్‌కు తరలించారు. భీమవరం: మనస్తాపంతో ఓ విద్యార్థి ఆత్మహత్యకు పాల్పడ్డాడు. టూటౌన్‌ ఎస్సై రామారావు వివరాలు వెల్లడించారు. పల్నాడు జిల్లా పిడుగురాళ్ల మండలం సింగరాయపాలెం గ్రామానికి చెందిన బి.హరీష్‌నాయక్‌కు చదువుపట్ల మక్కువ లేకపోవడంతో కొంతకాలం ముంబైలో ఉన్నాడు. కుటుంబసభ్యులు అతడిని బలవంతంగా భీమవరంలోని ప్రైవేట్‌ ఇంజనీరింగ్‌ కళాశాలలో చేర్పించారు. మూడో సంవత్సరం చదువుతున్న హరీష్‌నాయక్‌... సోమవారం తాను ఉంటున్న ప్రైవేట్‌ హాస్టల్‌ గదిలో ఫ్యాన్‌కు టవల్‌తో ఉరివేసుకుని బలవన్మరణానికి పాల్పడ్డాడు. ఎస్సై రామారావు కేసు దర్యాప్తు చేస్తున్నారు.

ఏలూరు (టూటౌన్‌): జిల్లాలో తుపాను ప్రభావం ఎక్కువగా ఉండే అవకాశం ఉన్నందున అప్రమత్తంగా ఉండాలని కలెక్టర్‌ కె.వెట్రిసెల్వి ఆదేశించారు. కలెక్టరేట్‌లో సోమవారం తుపాను తీవ్రత, నష్ట నివారణపై అధికారులతో సమీక్షించారు. మంగళవారం సాయంత్రం నుంచి భారీవర్షాలు, పెనుగాలులు వీచే అవకాశం ఉందన్నారు. జిల్లాలో ఎటువంటి ప్రాణ, ఆస్తి నష్టాలు కలగకుండా జాగ్రత్తలు తీసుకోవాలన్నారు. కల్వర్టులు, కాజ్‌వేలను ప్రజలు దాటకుండా చూడాలన్నారు. పంటలు నష్టపోకుండా తీసుకోవాల్సిన చర్యలపై రైతులకు అవగాహన కలిగించాలన్నారు. అధికారులు ఈనెల 29 వరకు ప్రధాన కేంద్రాల్లో అందుబాటులో ఉండాలన్నారు ఏలూరు కలెక్టరేట్‌లో 18002331077, 08812– 224519, 9491041419 నంబర్లతో కంట్రోల్‌ రూమ్‌ ఏర్పాటుచేశామన్నారు. ప్రజలు అత్యవసర పరిస్థితుల్లో తప్ప బయటకు రావొద్దన్నారు. జేసీ ఎంజే అభిషేక్‌ గౌడ, అసిస్టెంట్‌ కలెక్టర్‌ సీహెచ్‌ శ్రావణ్‌కుమార్‌రెడ్డి, జెడ్పీ సీఈఓ ఎం.కృష్ణమోహన్‌ తదితరులు పాల్గొన్నారు. విద్యాసంస్థలకు సెలవు జిల్లాలో అర్నాబ్‌ తుపాను తీవ్రత దృష్ట్యా అన్ని మేనేజ్‌మెంట్‌ పాఠశాలలు, కళాశాలలు, అంగన్‌వాడీ కేంద్రాలకు మంగళ, బుధవారాలు సెలవు ప్రకటిస్తున్నట్టు కలెక్టర్‌ కె.వెట్రిసెల్వి ప్రకటనలో తెలిపారు. తుపాను ప్రభావం, విద్యార్థుల భద్రత దృష్ట్యా ఈ నిర్ణయం తీసుకున్నామన్నారు. విద్యుత్‌ కంట్రోల్‌రూమ్‌ల ఏర్పాటు ఏలూరు (ఆర్‌ఆర్‌పేట): తుపాను నేపథ్యంలో విద్యుత్‌ సరఫరాకు అంతరాయం కలగకుండా సిబ్బందిని అప్రమత్తం చేశామని ఏలూరు ఆపరేషన్‌ సర్కిల్‌ పర్యవేక్షక ఇంజనీర్‌ కేఎం అంబేద్కర్‌ తెలిపారు. 24 గంటలు పనిచేసేలా కంట్రోల్‌రూమ్‌ లు ఏర్పాటుచేశామన్నారు. ఏలూరు ఆర్‌ఆర్‌పేట లోని విద్యుత్‌ భవన్‌ 9440902926, ఏలూరు డివిజన్‌ కార్యాలయం 9440904037, జంగారెడ్డిగూడెం డివిజన్‌ కార్యాలయం 9491030712తో పాటు వి ద్యుత్‌ సంబంధిత ఫిర్యాదులను టోల్‌ఫ్రీ నంబర్‌ 1912 ద్వారా కూడా నమోదు చేయవచ్చని సూచించారు. ప్రజలు విద్యుత్‌ స్తంభాలు, విద్యుత్‌ తీగల వద్ద అప్రమత్తంగా ఉండాలన్నారు. కలెక్టర్‌ వెట్రిసెల్వి

ఏలూరు టౌన్‌: నవమాసాలు మోసి, కని, పెంచి పెద్దచేసిన తల్లిని డబ్బులు ఇవ్వలేదనే కక్షతో కొడుకు హతమార్చాడు. కన్నతల్లిని కర్కశంగా హత్య చేసిన కేసును కేవలం ఒక్కరోజులోనే ఛేదించిన ఏలూరు త్రీటౌన్‌ పోలీసులు... సోమవారం నిందితుడిని అరెస్టు చేసి రిమాండ్‌కు తరలించారు. ఏలూరు శాంతినగర్‌ 14వ రోడ్డుకు చెందిన కొమ్ము సత్యవతి భర్త మరణించడంతో ఒంటరిగా జీవిస్తోంది. స్థానికంగా పలు ఇళ్లల్లో పనులు చేసుకుంటూ జీవనం సాగిస్తున్న ఆమెకు ఇద్దరు కుమారులు, ఒక కుమార్తె ఉన్నారు. ఈమె కుమారుడు సురేష్‌ కొంతకాలంగా ఆర్థిక ఇబ్బందులతో బాధపడుతున్నాడు. తాను చేసిన అప్పులు తీర్చాలంటూ పలుమార్లు తల్లిపై ఒత్తిడి తెచ్చాడు. అయితే, సత్యవతి కష్టపడి సంపాదిస్తున్న డబ్బును కుమార్తెకి ఇస్తోందని, తనకు ఇవ్వడంలేదనే కక్ష పెంచుకున్నాడు. తాను చేసిన అప్పులు తీర్చాల్సిందేనంటూ తల్లిని నిత్యం వేధిస్తున్న సురేష్‌... ఆదివారం ఈ దారుణానికి ఒడిగట్టాడు. ఒంటరిగా ఉన్న తల్లి వద్దకు వెళ్లి ఆమెతో వాగ్వివాదానికి దిగాడు. డబ్బుల కోసం ఒత్తిడి తెచ్చినా ఆమె ఇవ్వకపోవడంతో కోపంతో రగిలిపోయిన సురేష్‌... తల్లి పీకనులిమి, తన వెంట తెచ్చుకున్న టవల్‌తో మెడకు గట్టిగా బిగించి అత్యంత కర్కశంగా హతమార్చాడు. అనంతరం ఎవరికీ అనుమానం రాకుండా అక్కడి నుంచి పరారయ్యాడు. సోమవారం సత్యవతి రోజులాగే పనులకు రాకపోవడంతో, ఆమెతోపాటు పనిచేసే సహచర యువకుడు ఇంటికి వెళ్లి చూశాడు. అప్పటికే సత్యవతి ఇంట్లో విగతజీవిగా పడి ఉండటాన్ని గమనించి పోలీసులకు సమాచారం అందించాడు. ఏలూరు త్రీటౌన్‌ పోలీసులు వెంటనే సంఘటనా స్థలానికి చేరుకుని పరిశీలించారు. కేసు నమోదు చేసి మృతదేహాన్ని పోస్టుమార్టం నిమిత్తం ఏలూరు సర్వజన ఆసుపత్రి మార్చురీకి తరలించారు. ఏలూరు త్రీటౌన్‌ సీఐ కోటేశ్వరరావు ఆధ్వర్యంలో ఎస్సై రాంబాబు దర్యాప్తు చేపట్టారు. సోమవారం సాయంత్రం నిందితుడు సురేష్‌ను అదుపులోకి తీసుకుని విచారించగా, తానే హత్య చేసినట్లు అంగీకరించడంతో అతడిని అరెస్టు చేసి రిమాండ్‌కు తరలించారు. నిందితుడిని అరెస్ట్‌ చేసిన త్రీటౌన్‌ పోలీస్‌

ద్వారకాతిరుమల: గ్రామీణ విద్యార్థులు జాతీ య స్థాయిలో వినూత్న ఆలోచనలతో రాణించడం గర్వకారణమని శ్రీవారి ఆలయ చైర్మన్‌ ఎస్వీ సుధాకరరావు అన్నారు. స్థానిక దేవస్థానం హైస్కూల్‌ విద్యార్థిని పోలుబోయిన లక్ష్మి జాతీయ స్థాయి ఇన్‌స్పైర్‌–మనక్‌ పోటీల్లో ప్రతిభ చాటి కేంద్ర ప్రభుత్వ ప్రశంసా పత్రాన్ని అందుకోవడంపై హర్షం వ్యక్తం చేశారు. ఢిల్లీలో ఈనెల 12, 13 తేదీల్లో నిర్వహించిన జాతీయస్థాయి పోటీల్లో మహిళల భద్రతపై లక్ష్మి రూ పొందించిన వినూత్న ప్రాజెక్టుకు కేంద్ర ప్రభుత్వ సైన్స్‌ అండ్‌ టెక్నాలజీ విభాగం, నేషనల్‌ ఇన్నోవేషన్‌ ఫౌండేషన్‌ ప్రశంసా పత్రాన్ని అందించాయి. విద్యార్థినిని ప్రోత్సహించినందుకు పాఠశాలకు సైతం గుర్తింపు లభించింది. ఈ సందర్భంగా విద్యార్థిని లక్ష్మిని, హెచ్‌ఎం పి.శేషుకుమార్‌, గైడ్‌ టీచర్‌ సీహెచ్‌ కాంతారావు, సైన్స్‌ ఉపాధ్యాయులను చైర్మన్‌ సుధాకరరావు, ఈఓ వేండ్ర త్రినాథరావు సోమవారం అభినందించారు. కై కలూరు: కొల్లేటికోట పెద్దింట్లమ్మ దేవస్థానంలో హుండీల ఆదాయాన్ని ఆలయ చైర్మన్‌ జ ల్లూరి వెంకన్న సమక్షంలో సోమవారం లెక్కించారు. 110 రోజులకు రూ.14,41,433 ఆదా యం లభించినట్టు ఈఓ ఈవో కూచిపూడి శ్రీనివాసు తెలిపారు. నూజివీడు: మున్సిపల్‌ ఎన్నికల్లో భాగంగా పట్టణంలోని మున్సిపల్‌ కార్యాలయంలో ఈనెల 28 నుంచి 30 వరకు పోస్టల్‌ బ్యాలెట్‌ సదుపాయ కేంద్రాన్ని ఏర్పాటు చేసినట్లు మున్సిపల్‌ కమిషనర్‌, సహాయ ఎన్నికల అధికారి కొరపాటి పీరయ్య సోమవారం ప్రకటనలో తెలిపారు. ఈ కేంద్రం ఉదయం 7 గంటల నుంచి సాయంత్రం 5 గంటల వరకు పనిచేస్తుందన్నారు. పోస్టల్‌ బ్యాలెట్‌ను వినియోగించుకునేందుకు ముందుగా అవసరమైన ఫారాలు (ఓటర్‌ ఐడీ, ఎన్నికల విధులకు సంబంధించిన ఆర్డర్‌ కాపీ)ని తీసుకుని సంబంధించిన అర్జీతో జతచేసి కౌంటర్‌ నందు ఇవ్వాలని పేర్కొన్నారు.

జంగారెడ్డిగూడెం (బుట్టాయగూడెం) : జంగారెడ్డిగూడెం మున్సిపాలిటీ ప్రభుత్వం బీసీ మహిళలకు రిజర్వ్‌ చేసింది. మున్సిపాలిటీ చైర్మన్‌ పీఠం జనరల్‌ కేటగిరికి దక్కుతుందని ఆశపడిన ఆశావహులకు రిజర్వేషన్లు నిరాశను మిగిల్చాయి. జంగారెడ్డిగూ డెం మున్సిపాలిటీ ఎన్నికలకు సంబంధించి ఇప్పటివరకూ జరిగిన ఎన్నికలను పరిశీలిస్తే.. 2014లో బీసీ మహిళ, 2021లో జనరల్‌ మహిళకు రిజర్వు అయ్యింది. మరలా మరోమారు మహిళలకు అవకాశం వచ్చింది. బరిలో 78 మంది అభ్యర్థులు మున్సిపల్‌ బరిలో 78 మంది నిలిచినట్టు కమిషనర్‌ కేవీ రమణ తెలిపారు. వీరిలో వైఎస్సార్‌సీపీ నుంచి 32, టీడీపీ నుంచి 22, బీజేపీ నుంచి 1, సీపీఐ నుంచి 1, సీపీఎం నుంచి 1, జనసేన నుంచి 9, ఇండిపెండెంట్లు 12 మంది ఉన్నారు. వైఎస్సార్‌సీపీ దూకుడు పుర పోరులో రాజకీయ పార్టీలు దూకుడు పెంచాయి. చైర్‌పర్సన్‌ పీఠంతో పాటు 32 వార్డుల్లో వైఎస్సార్‌సీపీ గెలుపే లక్ష్యంగా ముందుకు సాగుతోంది. సుమారు 21 మంది మహిళా అభ్యర్థులు ఉండటం విశేషం. వీరంతా ప్రచారంలో దూసుకుపోతూ గత ప్రభుత్వ పాలనలో ప్రజలకు చేసిన మేలును వివరిస్తూ కూటమి ప్రభుత్వ వైఫల్యాలను ప్రచారం చేస్తూ ముందుకు సాగుతున్నారు. మహిళా ఓటర్లే అధికం మున్సిపాలిటీ వార్డుల పునర్విభజనలో భాగంగా గతంలో 29 వార్డులు ఉండగా ప్రస్తుతం వాటి సంఖ్య 32కు పెంచారు. బూత్‌లు 64, మొత్తం ఓటర్లు 48,463 మంది ఉండగా వీరిలో 23,409 మంది పురుషులు, 25,025 మంది మహిళా ఓటర్లు, ఇతరులు 9 మంది ఉన్నారు. అయితే అత్యధికంగా 1,616 మంది మహిళలు ఉన్నారు. అన్ని వర్గాల్లోనూ మహిళా ఓటర్లు అధికంగా ఉన్నారు. పుర పోరులో అతివల హవా జంగారెడ్డిగూడెం చైర్‌పర్సన్‌ పదవి బీసీ మహిళకు రిజర్వ్‌ గెలుపే లక్ష్యంగా దూసుకుపోతున్న వైఎస్సార్‌సీపీ వైఎస్సార్‌సీపీ నుంచి పోటీలో 21 మంది మహిళా అభ్యర్థులు కూటమిలో జనసేన, బీజేపీకి నామమాత్రంగా వార్డుల కేటాయింపు

కలిదిండి (కైకలూరు) : అత్యధిక మెజార్టీతో ఏలూరు జిల్లా జెడ్పీ చైర్మన్‌ పీఠాన్ని కై వసం చేసుకుంటామని వైఎస్సార్‌సీపీ జిల్లా అధ్యక్షుడు, మాజీ ఎమ్మెల్యే దూలం నాగేశ్వరరావు (డీఎన్నార్‌) అన్నారు. కలిదిండి మండలంలో జెట్పీటీసీ అభ్యర్థి కూసంపూడి కనకదుర్గారాణి, ఎంపీపీ అభ్యర్థి కొల్లాటి దుర్గా ధనలక్ష్మితో కలసి పెదలంక, పెదపుట్లపూడి, మూలలంక, భాస్కరరావుపేట, సంతోషపురం, అమరావతి, గుర్వాయిపాలెం, కొండంగి, మట్టగుంట గ్రామాల్లో సోమవారం విస్తృతంగా పర్యటించారు. పలు గ్రామాల్లో డీఎన్నార్‌ మాట్లా డుతూ కై కలూరు నియోజకవర్గం నాలుగు మండలాల్లో జెట్పీటీసీ, ఎంపీపీ స్థానాల్లో పార్టీ అభ్యర్థులు గెలుస్తారని ధీమా వ్యక్తం చేశారు. ముఖ్యంగా జిల్లా జెడ్పీ పీఠాన్ని కై వసం చేసుకుంటామన్నారు. ప్రతి గ్రామంలోనూ వైఎస్సార్‌సీపీ అభ్యర్థులకు ప్రజలు ఘన స్వాగతం పలుకుతున్నారన్నారు. ప్రజా సమస్యలపై అవగాహన కలిగిన అభ్యర్థులను బరిలో దించామన్నారు. వైఎస్‌ జగన్‌మోహన్‌రెడ్డి పాలనలో జరిగిన మంచిని అందరూ గమనించారన్నారు. అ త్యధిక మెజార్టీతో జెట్పీటీసీ, ఎంపీటీసీ అభ్యర్థులకు ఓట్లు వేయాలని అభ్యర్థించారు. జెట్పీటీసీ, ఎంపీపీ అభ్యర్థులు కూసంపూడి కనకదుర్గారాణి, ఎంపీపీ అభ్యర్థి కొల్లాటి దుర్గా ధనలక్ష్మి మాట్లాడుతూ ప్రజలకు సేవ చేస్తాం.. ఓటు రూపంలో అవకాశం కల్పించాలని కోరారు. కొండంగి గ్రామం నుంచి కూటమి నాయకులు బోడిగడ్డ యోహాను, తెనాలి పండు, జంగం కిరణ్‌, జీవా, బొమ్మలూరు దేవస్వామి, అబ్రహం, శ్రీను, వినోద్‌లు వైఎస్సార్‌సీపీలో డీ ఎన్నార్‌ సమక్షంలో చేరారు. ఆయా సెగ్మెంట్ల ఎంపీటీసీ సభ్యులు పంపన భాస్కరరావు, నడకుడుతి క రుణ బాలచంద్రుడు, పల్లికొండ సంయుక్త, బొంతు కనకదుర్గా, గజ్జల చిన వెంకమ్మ, ఇమ్మానేని రమాదేవి, మాజీ ఎంపీపీ చందన ఉమామహేశ్వరరావు నాయకులు పోసిన చెంచురామారావు, చిట్టూరి మురళీ, తిరుమాని రమేష్‌, వడపు రామారావు, కొల్లాటి సత్యనారాయణ తదితరులు పాల్గొన్నారు. వైఎస్సార్‌సీపీ జిల్లా అధ్యక్షుడు డీఎన్నార్‌

చింతలపూడి: చింతలపూడి నగర పంచాయతీ పరిధిలో వార్డుల పునర్విభజన, ఓటర్ల జాబితా తయారీ ప్రక్రియలో భారీగా అవకతవకలు జరిగాయని వైఎస్సార్‌ కాంగ్రెస్‌ పార్టీ నాయకులు తీవ్రస్థాయిలో ధ్వజమెత్తారు. స్థానిక అధికారులు అధికార పార్టీ నేతలకు కొమ్ముకాస్తూ, నిబంధనలకు విరుద్ధంగా ఓటర్ల జాబితాలో మార్పులు చేశారని ఆరోపించారు. ఈ వ్యవహారంపై సమగ్ర విచారణ జరిపించి న్యాయం చేయాలని డిమాండ్‌ చేస్తూ సోమవారం నగర పంచాయతీ కమిషనర్‌ ఏ.రాంబాబుకు వినతిపత్రం సమర్పించారు. గందరగోళంగా ఓటర్ల జాబితా ఈ సందర్భంగా జిల్లా మున్సిపల్‌ విభాగం అధ్యక్షుడు బొడ్డు వెంకటేశ్వరరావు, నగర పంచాయతీ వైఎస్సార్‌సీపీ అధ్యక్షుడు కొప్పుల నాగేశ్వరరావు, మున్సిపల్‌ విభాగం రాష్ట్ర కార్యదర్శి ఆతుకూరి సుబ్బారావు విలేకరులతో మాట్లాడారు. నగర పంచాయతీలో గతంలో 20 వార్డులు ఉండగా, డీలిమిటేషన్‌ ప్రక్రియలో భాగంగా వాటిని 23 వార్డులకు పెంచుతున్నట్లు అధికారులు గతంలో తెలిపారని గుర్తుచేశారు. సర్వే నంబర్ల ప్రాతిపదికన చేపట్టిన విభజనపై తాము అభ్యంతరాలు వ్యక్తం చేసిన అనంతరం, ఇటీవల నిర్వహించిన అఖిలపక్ష సమావేశంలో వార్డుల సరిహద్దులను స్క్రీన్‌పై ప్రదర్శించి నిర్ధారించారని తెలిపారు. అయితే, తాజాగా విడుదల చేసిన వార్డుల విభజన, ఓటర్ల జాబితాలో అధికారుల మాటలకు, క్షేత్రస్థాయి వాస్తవాలకు ఎక్కడా పొంతన లేదని నేతలు మండిపడ్డారు. ఈ నెల 24న పూర్తిస్థాయి జాబితాలు ఇస్తామని చెప్పి, పట్టణంలోని ఓటర్లను ఇష్టానుసారంగా వేర్వేరు వార్డుల్లోకి మార్చి గందరగోళం సృష్టించారని విమర్శించారు. దీనిపై అధికారులను నిలదీస్తే ‘ఓటర్ల జాబితాలో ఇక ఎలాంటి మార్పులూ సాధ్యం కావు’ అంటూ ఏకపక్షంగా, బాధ్యతారాహిత్యంగా సమాధానం ఇస్తున్నారని ఆరోపించారు. ఈ అక్రమాలపై ఇప్పటికే ఏలూరు జిల్లా ఎన్నికల అబ్జర్వర్‌ మిరియాల శేషగిరిబాబుకు ఫోన్‌ ద్వారా ఫిర్యాదు చేశామని, ఆయన ఈ విషయాన్ని జిల్లా కలెక్టర్‌ దృష్టికి తీసుకెళ్లి తగిన చర్యలు తీసుకుంటామని హామీ ఇచ్చినట్లు బొడ్డు వెంకటేశ్వరరావు పేర్కొన్నారు. అవసరమైతే న్యాయపోరాటం చేయడానికి కూడా వెనుకాడబోమని హెచ్చరించారు. ఇప్పటికై నా అధికారులు నిష్పక్షపాతంగా వ్యవహరించి, లోపాలను సరిదిద్దాలని డిమాండ్‌ చేశారు. ఈ కార్యక్రమంలో వైఎస్సార్‌సీపీ నాయకులు నిమ్మగడ్డ దుర్గారావు, వెంప కృష్ణ, కన్నాబాబు, కె.మోహన్‌, బి.చెంచంరాజు, డొకల రాము, నాగేంద్ర తదితరులు పాల్గొన్నారు. హైకోర్టుకు వెళ్లాలని నిర్ణయం సమగ్ర విచారణ చేయాలని కమిషనర్‌కు వైఎస్సార్‌సీపీ నేతల వినతి

ద్వారకాతిరుమలలో వైభవంగా శ్రీవారి రథోత్సవం ద్వారకాతిరుమల: మంగళ వాయిద్యాల మధుర నాదాలు.. వేద మంత్రోచ్ఛరణలు.. భక్తుల గోవింద నామస్మరణలు.. వెరసి ద్వారకాతిరుమల క్షే త్రం భక్తిభావంతో పులకించింది. ఉభయదేవేరులతో కలసి దివ్య రథంపై కొలువుదీరిన శ్రీవారు క్షేత్ర పురవీధుల్లో విహరిస్తుండగా భక్తజనం తన్మయత్వం చెందారు. ద్వారకాతిరుమలలో శ్రీవారి ఆశ్వయుజమాస దివ్య బ్రహ్మోత్సవాల్లో భాగంగా సోమవారం రాత్రి రథోత్సవం నేత్రపర్వంగా నిర్వహించారు. ముందుగా స్వామి, అమ్మవార్లను తొళక్క వాహనంపై ఉంచి విశేష పూజలు చేశారు. అనంతరం కల్యాణమూర్తులను రథం వద్దకు తీసుకుని సింహాసనంపై ఆశీనులను చేసి హారతులిచ్చారు. అనంతరం ఆలయ చైర్మన్‌ ఎస్వీ సుధాకరరావు, ఈఓ వేండ్ర త్రినాథరావు దంపతులు పూజలు చేసి బలిహరణ సమర్పించారు. అనంతరం రథోత్సవం ప్రారంభమై క్షేత్ర పురవీధుల్లో అట్టహాసంగా సాగింది. రథాన్ని లా గుతూ భక్తులు స్వామివారికి నీరాజనాలు అర్పించారు. ఇదిలా ఉండగా ఆలయ ముఖ మండపంలో స్వామివారు పాండురంగడు అలంకారంలో భక్తులకు దర్శనమిచ్చారు. బ్రహ్మోత్సవాల్లో నేడు ● ఉదయం 10.30 గంటలకు శ్రీచక్రస్నానం ● రాత్రి 9 గంటలకు ధ్వజావరోహణ. అనంతరం అశ్వవాహనంపై గ్రామోత్సవం ● ప్రత్యేక అలంకారం: నవనీత కృష్ణ పాండురంగడు అలంకారంలో.. ఆలయ ఈఓ త్రినాథరావు దంపతులు

కై కలూరు: అధిక మేతల ధరలతో ఇప్పటికే అతలాకుతలమైన ఆక్వారంగానికి అర్నాబ్‌ తుపాను రూపంలో మరో పెద్ద ముప్పు పొంచి ఉంది. మూలిగే నక్కపై తాటికాయ పడ్డ చందంగా మా పరిస్థితి తయారైందని ఆక్వా రైతులు ఆందోళన చెందుతున్నారు. ఉమ్మడి జిల్లాలో 1.80 లక్షల ఎకరాల్లో చేపల సాగు, 1.10 లక్షల ఎకరాల్లో రొయ్యల సాగు... వెరసి 2.90 లక్షల ఎకరాల్లో ఈ సాగు జరుగుతోంది. ప్రధానంగా కొల్లేరు పరివాహక ప్రాంతాల్లో ఆక్వా సాగు విస్తీర్ణం సింహభాగం ఆక్రమించి ఉంది. ఎల్‌నినో ప్రభావం వల్ల ఈ ఏడాది ఆరంభంలో తుపాన్లు లేకపోవడంతో దీమాగా ఉన్న ఆక్వారైతన్నకు, ఇప్పుడు అర్నాబ్‌ తుపాను ముప్పు కంటిమీద కునుకు లేకుండా చేస్తోంది. తీవ్రంగా తుపాను ప్రభావం! భారత వాతావరణ శాఖ (ఐఎండీ) బులెటిన్‌ ప్రకారం.. అర్నాబ్‌ తుపాను ఈ నెల 28న బాపట్ల – విశాఖపట్నం మధ్య, యానాం సమీపంలో తీరం దాటే అవకాశం ఉందని పేర్కొంది. గతంలో ఎన్నడూ లేనివిధంగా గంటకు 115 నుంచి 140 కిలోమీటర్ల వేగంతో ఈదురుగాలులు వీచే అవకాశం ఉందని హెచ్చరించింది. ప్రధానంగా తీరానికి సమీపంలోని ఏలూరు, పశ్చిమ, తూర్పు గోదావరి జిల్లాలపై తుపాను ప్రభావం తీవ్రంగా ఉంటుందని అంచనా వేస్తున్నారు. ఇదే జరిగితే బలమైన గాలులకు విద్యుత్‌ సరఫరా నిలిచిపోయి, చెరువుల్లో ఆక్సిజన్‌ అందక రొయ్యలు మృత్యువాతపడే ప్రమాదం ఉంది. ఈ నేపథ్యంలో తుపాను సమయంలో పాటించాల్సిన జాగ్రత్తలను కై కలూరు మత్స్యశాఖ సహాయ సంచాలకులు ఎం.రవికుమార్‌ సోమవారం వివరించారు. విద్యుత్‌ పరికరాల రక్షణ ● చెరువుల వద్ద ఉండే ప్యానెల్‌ బోర్డులు, స్టార్టర్లు, విద్యుత్‌ మీటర్లపై వర్షపు నీరు పడకుండా ప్లాస్టిక్‌ షీట్లు, కవర్లతో గట్టిగా కప్పి ఉంచాలి. ● తుపాను తీవ్రత, ఈదురుగాలులతో భారీ వర్షం పడుతున్నప్పుడు చెరువుల వద్దకు వెళ్లకుండా, ముందే మెయిన్‌ స్విచ్‌లు ఆఫ్‌ చేసుకోవడం సురక్షితం. ● విద్యుత్‌ షాక్‌లు రాకుండా ఉండేందుకు అన్ని మోటార్లు, ప్యానెల్‌ బోర్డులకు సరైన ఎర్త్‌ కనెక్షన్‌ ఉందో లేదో ముందే సరిచూసుకోవాలి. ● తక్కువ ఎత్తులో ఉండి, నీటి ముంపునకు గురయ్యే అవకాశం ఉన్న పంపింగ్‌ మోటార్లను ముందే విప్పి ఎత్తైన ప్రాంతాల్లోని సురక్షిత భవనాలకు మార్చాలి. ● చెరువులలో ఉండే ఏరియేటర్లకు వెళ్లే విద్యుత్‌ వైర్లు, కేబుల్స్‌ నీటిలో మునిగిపోకుండా, గాలికి కొట్టుకుపోకుండా గట్టిగా కట్టి ఉంచాలి. ఇన్సులేషన్‌ దెబ్బతిన్న వైర్లను వెంటనే మార్చాలి. ● తుపాను సమయంలో విద్యుత్‌ సరఫరా గంటలు లేదా రోజుల తరబడి నిలిచిపోయే ప్రమాదం ఉంది. కాబట్టి చెరువుల్లో ఆక్సిజన్‌ కొరత రాకుండా ప్రత్యామ్నాయంగా డీజిల్‌ జనరేటర్లను సిద్ధంగా ఉంచుకోవాలి. ● చెరువుల చుట్టూ ఉన్న విద్యుత్‌ స్తంభాలు, వైర్లు గాలికి తెగిపడితే వాటిని ఎట్టి పరిస్థితుల్లోనూ తాకకూడదు. వెంటనే విద్యుత్‌ శాఖ అధికారులకు సమాచారం అందించాలి. చెరువు గట్లు, నీటి నిర్వహణ ● భారీ వర్షాలకు గట్లు తెగిపోకుండా, బలహీనంగా ఉన్న ప్రాంతాల్లో ముందే మట్టి బస్తాలు వేసి పటిష్టం చేసుకోవాలి. ● చెరువుల్లో నీటి మట్టం పెరిగి రొయ్యలు, చేపలు బయటకు కొట్టుకుపోకుండా ఉండేందుకు... అదనపు నీరు బయటకు వెళ్లే మార్గాలకు బలమైన వలలు (నెట్లు) ఏర్పాటు చేసుకోవాలి. ఆక్సిజన్‌, పీహెచ్‌ నిర్వహణ ● తుపాను కారణంగా కురిసే భారీ వర్షాల వల్ల చెరువు నీటిలో పీహెచ్‌, లవణీయత (సెలెనిటీ) అకస్మాత్తుగా పడిపోతాయి. దీనిని నియంత్రించడానికి సరిపడా అగ్రికల్చరల్‌ లైమ్‌ (సున్నం), డోలమైట్‌, పొటాషియం నిల్వలను ముందే సిద్ధం చేసుకోవాలి. ● విద్యుత్‌ నిలిచిపోయి ఏరియేటర్లు ఆగిపోతే, అత్యవసరంగా ఉపయోగించడానికి ఆక్సిజన్‌ పౌడర్‌ లేదా ట్యాబ్లెట్లను ఎల్లప్పుడూ అందుబాటులో ఉంచుకోవాలి.

చింతలపూడి: చింతలపూడిలో నూతనంగా మంజూరైన 1వ అదనపు సివిల్‌ జడ్జి కోర్టు (జూనియర్‌ డివిజన్‌)–కమ్‌–1వ అదనపు జ్యుడీషియల్‌ ఫస్ట్‌ క్లాస్‌ మేజిస్ట్రేట్‌ కోర్టును ఆదివారం ప్రారంభించారు. స్థానిక సివిల్‌ జడ్జి కోర్టు ప్రాంగణంలో జరిగిన ప్రారంభోత్సవ కార్యక్రమాన్ని ఏపీ హైకోర్టు న్యాయమూర్తి జస్టిస్‌ కోనకంటి శ్రీనివాసరెడ్డి ముఖ్య అతిథిగా విచ్చేశారు. హైకోర్టు న్యాయమూర్తులు జస్టిస్‌ నినాల జయసూర్య, జస్టిస్‌ సుబ్బారెడ్డి, ఏలూ రు జిల్లా ప్రధాన న్యాయమూర్తి (పీడీజే) ఎస్‌. శ్రీదేవి అతిథులుగా హాజరయ్యారు. చింత లపూడి ప్రాంతంలో అదనపు కోర్టు అందుబా టులోకి రావడంతో కేసుల విచారణ మరింత వేగవంతమై, కక్షిదారులకు సత్వర న్యాయం జరుగుతుందని వక్తలు పేర్కొన్నారు. నూతన కోర్టు ప్రారంభంపై న్యాయవాదులు, ప్రజలు హర్షం వ్యక్తం చేశారు. జూనియర్‌ సివిల్‌ జడ్జి ఏబీ అప్పారావు, న్యాయమూర్తులు, బార్‌ అసోసియేషన్‌ అధ్యక్షుడు కె.సూరయ్య, న్యాయవాదులు, కోర్టు సిబ్బంది పాల్గొన్నారు. ఏలూరు (ఆర్‌ఆర్‌పేట) : జిల్లాలో స్థానిక సంస్థల ఎన్నికల ప్రవర్తనా నియమావళి అమలు ఉన్న కారణంగా ఎన్నికల ప్రక్రియ పూర్తయ్యే వరకు (డిసెంబర్‌ 3) పీజీఆర్‌ఎస్‌ కార్యక్రమం రద్దు చేసినట్టు కలెక్టర్‌ కె.వెట్రిసెల్వి ఆదివారం ప్రకటనలో తెలిపారు. అర్జీదారులు తమ ఫి ర్యాదులను అధికారిక వెబ్‌సైట్‌ ద్వారా కూడా నమోదు చేసుకోవచ్చని, ప్రజలు తమ ఫిర్యా దు నమోదు, ఫిర్యాదుల స్థితి తదితర సమాచారాన్ని 1100 టోల్‌ఫ్రీ నంబర్‌కు కాల్‌ చేసి తెలుసుకోవచ్చని కలెక్టర్‌ తెలిపారు. ఏలూరు (ఆర్‌ఆర్‌పేట) : తుపాను కారణంగా జిల్లాలో రానున్న మూడు రోజులపాటు భారీ వర్షాలు, తీవ్రమైన గాలులు వీస్తాయన్న వాతావరణ శాఖ హెచ్చరికల నేపథ్యంలో జిల్లా యంత్రాంగాన్ని అప్రమత్తం చేసినట్టు కలెక్టర్‌ కె.వెట్రిసెల్వి తెలిపారు. నదులు, చెరువులు, కాలువలకు గండ్లు పడకుండా చర్యలు తీసుకోవాలని ఆదేశించారు. అలాగే ఏలూరు కలెక్టరేట్‌లో 18002331077, 08812– 224519, 9491041419 నంబర్లతో కంట్రోల్‌రూమ్‌ ఏర్పాటుచేసినట్టు పేర్కొన్నారు. జి ల్లాలో ఎలాంటి ప్రాణ, ఆస్తినష్టాలు జరగకుండా ముందస్తు జాగ్రత్త చర్యలు తీసుకోవాలని సూచించారు. కై కలూరు: కొల్లేటికోట పెద్దింట్లమ్మ దేవస్థానానికి ఆదివారం భక్తులు పోటెత్తారు. సమీ ప జిల్లాల నుంచి అధిక సంఖ్యలో భక్తులు తరలివచ్చి మొక్కులు తీర్చుకున్నారు. ఉప ప్రధాన అర్చకుడు పేటేటి పరమేశ్వరశర్మ ప్రత్యేక పూజలు చేశారు. ఈఓ కూచిపూడి శ్రీనివాసు మాట్లాడుతూ ఆదివారం రోజున ప్రత్యేక, అంతరాలయ దర్శినాలు, కేశఖండన, పెద్ద, చిన్న తీర్థాలు, లడ్డు ప్రసాదం, అమ్మవారి చిత్రపఠాలు విక్రయం, వాహన పూజలు, విరాళాల ద్వారా రూ.44,580 ఆదాయం వచ్చిందని తెలిపారు. ఆలయంలో ఏర్పాట్లను ఆయన పర్యవేక్షించారు. దమ్మపేట: ఆగి ఉన్న ట్రాక్టర్‌ను వెనుక నుంచి బైక్‌తో ఢీకొట్టిన ఘటనలో ఓ యువకుడు అక్కడికక్కడే మృతి చెందిన ఘటన మండల పరిధిలోని ముష్టిబండ గ్రామంలో ఆదివారం రాత్రి జరిగింది. స్థానికుల కథనం ప్రకారం... ఏపీలోని ఏలూరు జిల్లా చింతలపూడికి చెందిన ముళ్లగిరి సుధీర్‌(18) మండలంలోని వడ్లగూడెం గ్రామానికి చెందిన తన సమీప బంధువు సుందరంతో కలిసి బైక్‌పై అదే గ్రామం నుంచి భద్రాద్రి కొత్తగూడెం జిల్లా దమ్మపేట వైపు వస్తున్నాడు. ఈ క్రమంలో ముష్టిబండలో ఆగి ఉన్న ట్రాక్టర్‌ను వెనుక నుంచి ఢీకొట్టాడు. ఈ ప్రమాదంలో సుధీర్‌ తలకు తీవ్ర గాయాలై అక్కడికక్కడే మృతి చెందాడు. సుందరం గాయపడగా చికిత్స నిమిత్తం దమ్మపేట ప్రభుత్వాస్పత్రికి తరలించారు.

● ఏలూరులో జోరుగా ఎన్నికల ప్రచారం ● ఇంటింటా ఓటర్లను కలుస్తున్న అభ్యర్థులు ● కూటమిలో విభేదాలు కలిసొచ్చే అంశం ఏలూరు టౌన్‌ : ఏలూరు నగరపాలక సంస్థ ఎన్ని కలు సమీపిస్తోన్న కొద్దీ ఉత్కంఠ నెలకొంది. కూటమిలో కుంపట్లతో మేయర్‌ కుర్చీ ఎవరికి దక్కేది క్లారిటీ లేక నేతల గుండెల్లో గుబులు.. కూటమి ధర్మాన్ని టీడీపీ పాటిస్తుందా? దొంగ దెబ్బ తప్పదా అనే సందేహాలు మేయర్‌ అభ్యర్థి వర్గాలను కలవరపెడుతున్నాయి. మరోవైపు వైఎస్సార్‌సీపీ మేయర్‌ అభ్యర్థి గంటా మోహనరావు (జీఎంఆర్‌) ప్రజల్లో తిరుగుతూ గెలుపుపై ధీమాగా ఉన్నారు. మొత్తానికి కూటమిలో ఏలూరు కార్పొ(ప)రేషాన్‌ తప్పటం లేదు. జనసేన పట్టుబట్టి మరీ ఏలూరు మేయర్‌ సీ టును సాధించుకుని, తమ పట్టు నిలుపుకోగా.. రెండు, మూడు రోజులు తొడలు కొట్టిన టీడీపీ నేతలు అధిష్టానం హెచ్చరికలతో సైలెంట్‌ అయ్యారని అంటున్నారు. ఏకంగా జనసేన నేత, మంత్రి నాదెండ్ల మనోహర్‌ రంగంలోకి దిగి కూటమి నేతలతో మంతనాలు జరిపి అసంతృప్తి నేతలను బుజ్జగించారు. దశాబ్దాలుగా టీడీపీనే నమ్ముకున్న కొందరు నేతలకు మేయర్‌ పీఠం కలలు కల్లలయ్యాయనే అసంతృప్తి తీవ్రస్థాయిలో అలాగే ఉందంటున్నారు. ఏలూరు కార్పొరేషన్‌ ఎన్నికలు సమీపిస్తోన్న వేళ కూటమి నేతలు సహకరిస్తారా? జనసేనను దెబ్బకొడతారా ? అనే అంశంపై నగరంలో తీవ్ర చర్చ సాగుతోంది. నగర మేయర్‌ పీఠాన్ని కై వసం చేసుకోవటం ఖాయమంటూ వైఎస్సార్‌సీపీ నేతలు ధీమా వ్యక్తం చేస్తున్నారు. పార్టీ ఏలూరు సమన్వయకర్త మామిళ్లపల్లి జయప్రకాష్‌ (జేపీ) నాయకత్వంలో జోరుగా నగరంలో ఎన్నికల ప్రచారం చేస్తుండగా.. పార్టీ జిల్లా అధ్యక్షుడు దూలం నా గేశ్వరరావు (డీఎన్నార్‌) సైతం నగరంలో ఇంటింటా ప్రచారంలో పాల్గొంటున్నారు. ఫ్యాన్‌ గుర్తుకు ఓటు వేయాలనీ, నగరాన్ని అభివృద్ధి చేసి చూపిస్తామంటూ హామీ ఇస్తున్నారు. కూ టమిలో కుమ్ములాటల నేపథ్యంలో మేయర్‌ సీ టు గెలుపు సాధ్యమేనని అంటున్నారు. నగరవాసులు సైతం మేయర్‌ అభ్యర్థి జీఎంఆర్‌ విజయంపై ఒక అంచనాకు వచ్చారని చెబుతున్నా రు. 62 కార్పొరేటర్‌ అభ్యర్థులను గెలిపించుకు నేందుకు పార్టీ నేతలు, క్యాడర్‌ ఉత్సాహంగా పనిచేయటం శుభపరిణామంగా ఉంది.

ద్వారకాతిరుమల: సుస్వరాల మంగళవాయిద్యాలు.. పండువెన్నెల వెలుగులు.. వేదమంత్రోచ్ఛరణలు.. గోవింద నామస్మరణలు.. భక్తజనుల జయజయధ్వానాల నడుమ ద్వారకాతిరుమల చినవెంకన్న తిరుకల్యాణోత్సవం నేత్రపర్వంగా జరిగింది. శ్రీవారి ఆశ్వయుజమాస దివ్య బ్రహ్మోత్సవాల్లో భా గంగా ఆదివారం రాత్రి ఈ వేడుక కనువిందు చేసింది. ఆలయ తూర్పు రాజగోపురం వద్ద అనివెట్టి మండపంలోని ప్రత్యేక వేదికలో రజిత సింహాసనంపై కల్యాణ మూర్తులను ఆశీనులను చేసి అర్చకులు కల్యాణ తంతు ప్రారంభించారు. శుభముహూర్తాన జీలకర్ర, బెల్లం ఘట్టం, మాంగల్యధారణ, తలంబ్రాల వేడుకలను జరిపించారు. స్వామి, అమ్మవార్లకు ఆలయ చైర్మన్‌ ఎస్వీ సుధాకరరావు, ఈఓ వేండ్ర త్రినాథరావు, దేవస్థానం అనువంశిక ధర్మకర్త ఎస్వీఎన్‌ఎన్‌ నివృతరావు పట్టువస్త్రాలను సమర్పించారు. కల్యాణోత్సవం అనంతరం స్వామివారు అమ్మవార్లతో కలిసి వెండి గరుడ వాహనంపై క్షేత్ర పురవీధుల్లో విహరించారు. ఆలయ ముఖ మండపంలో స్వామివారు మోహినీ అలంకారంలో భక్తులకు దర్శనమిచ్చారు. నేడు రథోత్సవం బ్రహ్మోత్సవాల్లో భాగంగా సోమవారం రాత్రి 7.30 గంటలకు శ్రీవారి రథోత్సవం నిర్వహించనున్నారు. ప్రత్యేక అలంకారం పాండురంగడు. అనివెట్టి మండపంలో చినవెంకన్న కల్యాణోత్సవాన్ని జరిపిస్తున్న పండితులు వేడుకలో పాల్గొన్న ఆలయ చైర్మన్‌, ఈఓ, భక్తులు ద్వారకాతిరుమలలో తిరుకల్యాణ మహోత్సవం

పార్టీ జిల్లా అధ్యక్షుడు డీఎన్నార్‌ మాట్లాడుతూ ఏలూరు నగరం అభివృద్ధి చెందాలన్నా, ప్రజలకు సంక్షేమ ఫలాలు అందాలన్నా వైఎస్సార్‌సీపీ మేయర్‌ అభ్యర్థి గంటా మోహనరావు (జీఎంఆర్‌), నగరంలోని 62 మంది కార్పొరేటర్‌ అభ్యర్థులను గెలిపించాలని కోరారు. దివంగత మహానేత డాక్టర్‌ వైఎస్‌ రాజశేఖరరెడ్డి, మాజీ ముఖ్యమంత్రి వైఎస్‌ జగన్‌మోహన్‌రెడ్డి హయాంలో మాత్రమే ఏలూరు నగరం అభివృద్ధి దిశగా అడుగులు వేసిందని గుర్తుచేశారు. ఏలూరులో తాగునీటి సమస్యకు శాశ్వత పరిష్కారం చూపించింది దివంగత వైఎస్సార్‌ అనే విషయాన్ని మర్చిపోవద్దన్నారు. ప్రస్తుత కూటమి పాలనలో గత వేసవిలో నగర ప్రజలు తాగునీటికి తీవ్ర ఇబ్బందులు ఎదుర్కొన్నారని, ఇది టీడీపీ వైఫల్యం కాదా ? అని ప్రశ్నించారు. అవినీతి, అక్రమాలు లేని పారదర్శక పాలన కోసం వైఎస్సార్‌సీపీకి పట్టం కట్టాలని డీఎన్నార్‌ కోరారు.

నూజివీడు: మున్సిపల్‌ ఎన్నికల్లో భాగంగా సోషల్‌ మీడియా ఫ్లాట్‌ఫారాలపై డిజిటల్‌ ప్రచా రం ముమ్మరంగా సాగుతోంది. అధికార, ప్రతిపక్ష పార్టీలు అభ్యర్థుల ఎంపిక పూర్తయిన దగ్గర నుంచే సోషల్‌ మీడియాలో ప్రచారాన్ని పెద్ద ఎత్తున సాగిస్తున్నారు. వార్డుల వారీగా ఓటర్ల ఫోన్‌ నంబర్లతో వాట్సాప్‌ గ్రూపులు ఏర్పాటు చేసి ప్రచారాన్ని చేస్తున్నారు. మారిన ఎన్నికల ప్రచార పంథా గతంలో పోటీ చేసిన అభ్యర్థులు ఓటర్లను ప్రత్యక్షంగా కలిసి తాము ఏమి చేయాలనుకుంటున్నారో తెలిపి వారి మద్దతు కోరేవారు. కాని ప్రస్తుతం ఎన్నికల ప్రచార పంథా పూర్తిగా మారిపోయింది. మున్సిపల్‌ ఎన్నికల పోలింగ్‌కు సమయం తక్కువగా ఉండడంతో అభ్యర్థులు సోషల్‌ మీడియాను ప్రధాన ప్రచారాస్త్రంగా మార్చుకుంటున్నారు. ఫేస్‌బుక్‌, ఇనన్‌స్ట్రాగామ్‌, వాట్సాప్‌ వంటి ప్లాట్‌ఫాంలలో తమ రోజువారీ కార్యక్రమాలను ఎప్పటికప్పుడు పోస్టు చేస్తూ ఓటర్లను ఆకర్షించే ప్రయత్నం చేస్తున్నారు. ఇందుకోసం ప్రత్యేకంగా సిబ్బందిని నియమించుకుంటున్నారు. మరికొందరు ఓటర్లను ఆకట్టుకునేలా ప్రత్యేక వీడియోలను పాటలతో కలిపి క్రియేట్‌ చేసుకొని ప్రచారం చేస్తున్నారు. రీల్స్‌ ద్వారా ఓటర్ల ఫోన్లకు వీడియో, ఆడియో రూపంలో సందేశం పంపిస్తున్నారు. ఇలా ప్రచారంలో డిజిటల్‌ ట్రెండ్‌ను అనుసరిస్తున్నారు. ప్రచార ఆయుధంగా సోషల్‌ మీడియా ఓటర్లను ఆకట్టుకునేందుకు ప్రచార ఆయుధంగా సోషల్‌ మీడియాను ఎంచుకుంటున్నారు. నో టిఫికేషన్‌కు ముందు నుంచే తమ రోజువారీ కా ర్యక్రమాలను అందులో పోస్ట్‌ చేసేందుకు ఆసక్తి చూపుతున్నారు. ప్రచారంలో భాగంగా కాలనీ పెద్దలు, అధికారులను కలవడం, సామాజిక సేవా కార్యక్రమాలు వంటి వాటిని చిత్రీకరిస్తున్నారు. ఆయా ఫొటోలు, వీడియోలతో ప్రత్యేక రీల్స్‌ రూపొందించి వాటికి ఆడియోను జతచేసి పోస్ట్‌ చేస్తున్నారు. ఇందుకోసం కంప్యూటర్‌ పరిజ్ఞానం కలిగిన యువతను ఏర్పాటుచేసుకుని సోషల్‌ మీడియాలో తమ ప్రచారాన్ని హోరెత్తించే బాధ్యతలు వారికి అప్పగించారు. వాట్సాప్‌ గ్రూప్‌లు క్రియేట్‌ చేసి.. కౌన్సిలర్‌ అభ్యర్థులు ఎన్నికల ప్రచారం కోసమే ప్రత్యేకంగా వాట్సాప్‌ గ్రూప్‌లను క్రియేట్‌ చేస్తున్నారు. అందులో కాలనీ పెద్దలు, వివిధ కుల, ప్రజా సంఘాల బాధ్యులు, విద్యావంతులు, పలుకుబడి కలిగిన వ్యక్తుల నంబర్లను సేకరించి యాడ్‌ చేస్తున్నారు. ప్రధాన రాజకీయ పార్టీల అభ్యర్థులు తమ పార్టీకి చెందిన ప్రజాప్రతినిధులు, ముఖ్య నేతల ఫొటోలతో కూడిన రీల్స్‌ను సిద్ధం చేస్తూ వాటిని ఆయా గ్రూపుల్లో షేర్‌ చేస్తున్నారు. కౌన్సిలర్‌గా తమను ఆదరించి గెలిపించాలని, ఎన్నుకుంటే తాము చేపట్టే అభివృద్ధి కార్యక్రమాలను అందులో వివరిస్తూ వీడియోలు పెడుతున్నారు. ప్రస్తుతం పట్టణంలోని అన్ని వార్డుల్లో ఇలాంటి ప్రచారాలు దర్శనమిస్తున్నాయి. సోషల్‌ మీడియా వేదికగా ఎన్నికల ప్రచారం వార్డుల వారీగా వాట్సాప్‌ గ్రూప్‌లు పోస్టింగ్‌ చేసేందుకు ప్రత్యేక టీమ్‌లు ఓటర్లను ఆకర్షించే యత్నాలు

జంగారెడ్డిగూడెం(బుట్టాయగూడెం) : జంగారెడ్డిగూడెంలో మున్సిపాలిటీ, జెడ్పీటీసీ, ఎంపీటీసీ ఎన్నికల భద్రతా ఏర్పాట్లను ఆదివారం ఏలూరు రేంజ్‌ ఐజీ జీవీజీ అశోక్‌కుమార్‌, జిల్లా ఎస్పీ కేపీ శివకిషోర్‌ పరిశీలించారు. మున్సిపాలిటీ పరిధిలోని పోలింగ్‌ కేంద్రాలను, మార్కెట్‌ యార్డ్‌, నోవా కాలేజీల వద్ద స్ట్రాంగ్‌ రూమ్‌లను ఆకస్మికంగా తనిఖీ చేశారు. ఈ సందర్భంగా వారు మాట్లాడుతూ రేంజ్‌ పరిధిలో స్థానిక సంస్థల ఎన్నికలను పూర్తి సమర్థవంతంగా, ప్రశాంత వాతావరణంలో నిర్వహిస్తామని స్పష్టం చే శారు. నామినేషన్ల ప్రక్రియ ఇప్పటికే విజయవంతంగా పూర్తయిందని, కౌంటింగ్‌, పోలింగ్‌ సమయాల్లో ఎలాంటి అవాంఛనీయ సంఘటనలు చోటుచేసుకోకుండా పటిష్ట బందోబస్తు చర్యలు చేపట్టామని వెల్లడించారు. సమస్యాత్మక ప్రాంతాల్లో ప్రత్యేక నిఘా జిల్లాలో సున్నిత, సమస్యాత్మక ప్రాంతాలను ముందస్తుగా గుర్తించి ఎలాంటి ఘర్షణలు, ఉద్రిక్తతలు తలెత్తకుండా కట్టుదిట్టమైన భద్రత కల్పిస్తున్నట్లు ఎస్పీ శివకిషోర్‌ తెలిపారు. స్ట్రాంగ్‌రూమ్‌ల వద్ద బారికేడింగ్‌, సీసీ కెమెరాల నిఘా, తుది కౌంటింగ్‌ ఏర్పాట్లపై అధికారులకు సూచనలు చేశారు. తనిఖీల అనంతరం జంగారెడ్డిగూడెం డివిజనల్‌ పోలీసు కార్యాలయంలో పోలీసు అధికారులతో ఐజీ, ఎస్పీలు ఉన్నతస్థాయి సమీక్షా సమావేశం నిర్వహించారు. ఎన్నికల బందోబస్తు ప్రణాళికలపై దిశానిర్దేశం చేశారు. జంగారెడ్డిగూడెం డీఎస్పీ డి.వెంకటేశ్వర్లు, ఇన్‌స్పెక్టర్‌ ఎంవీ సుభాష్‌, ఎస్సైలు, సిబ్బంది పాల్గొన్నారు. ఏలూరు ఐజీ అశోక్‌కుమార్‌

జంగారెడ్డిగూడెం(బుట్టాయగూడెం): జంగారెడ్డిగూడెం.. శతాబ్దాల చరిత్ర ఉన్న ప్రాంతం. కాకతీయ ప్రాంత ప్రజలు వలసలు వచ్చి స్థిరపడిన ఓ కు గ్రామం తదనంతర కాలంలో పట్టణంగా రూపాంతరం చెందింది. పదుల సంఖ్య నుంచి జనాభా సుమారు 80 వేలకు చేరింది. 13వ శతాబ్ద కాలంలో ముస్లిం దండయాత్ర ఫలితంగా కాకతీయ సామ్రాజ్యం పతనమైంది. దీంతో రాజోద్యోగులు, సైనికాధికారులు, ప్రజల బతుకుదెరువు కోసం వలసబాట పట్టారు. అప్పటి ఓరుగల్లు (వరంగల్లు), నల్గొండ ప్రాంతాలకు చెందిన ప్రజలు గుంపులుగా తూర్పువైపు వలస వచ్చి నీటి లభ్యత ఉన్న ప్రాంతాల్లో నివాసం ఏర్పరుచుకుని వ్యవసాయం, పశుపోషణతో జీవనం సాగించారు. ఇలా ప్రయాణిస్తున్న ప్ర జా గుంపు తాడువాయి రెడ్డిరాజులు నిర్మించిన పురాతన శివాలయం వద్ద పూరిళ్లు నిర్మించుకుని జీవనం సాగిస్తుండగా వరదలతో ప్రాణనష్టం కలిగింది. దీంతో ఆ ప్రాంతం సురక్షితం కాదని ప్రజాగుంపు ఆరు మైళ్లు ప్రయాణించి ఇప్పుడు జంగారెడ్డిగూడెంగా ఉన్న ప్రాంతాన్ని నివాసయోగ్యంగా గుర్తించి స్థిర నివాసాలు ఏర్పరచుకున్నారు. ఇక్కడకు వచ్చిన జన సమూహానికి జంగారెడ్డి, గంగిరెడ్డి అనే సోదరులు పెద్దలుగా ఉండేవారు. జంగారెడ్డి అనే పెద్ద ఏలిన ప్రాంతం కావడంతో కాలక్రమేణా జంగారెడ్డిగూడెంగా పేరొచ్చింది. మూడో గ్రేడ్‌ మున్సిపాలిటీ పట్టణం ప్రస్తుతం మూడో గ్రేడ్‌ మున్సిపాలిటీ స్థాయికి చేరుకుంది. పట్టణానికి తూర్పున బైనేరు వాగు, పడమర జల్లేరు వాగు, ఉత్తరాన పులివాగు, దక్షిణాన ఎర్రకాలువ ప్రవహిస్తున్నారు. నలు దిక్కు లా నీరుతో పాటు పట్టణంలో ఆలయాలతో ఆధ్యాత్మిక శోభ నెలకొంది. పట్టణ సమీపంలోని గుర్వాయిగూడెం మద్ది ఆంజనేయ క్షేత్రంగా విరాజిల్లుతోంది. అలాగే పట్టణంలో గోకుల తిరుమల పారిజాతగిరి వేంకటేశ్వరస్వామి ఆలయం మహిమ గల క్షేత్రంగా వినుతికెక్కింది. మండలంలోని తాడువాయిలో శివాలయం శైవక్షేత్రంగా పేర్గాంచింది. అలాగే పట్టణంలో పలు ఆలయాలు, చర్చిలు, మసీదులు ఆధ్యాత్మిక భావాన్ని నింపుతున్నాయి. ఎన్నికల సందడి మున్సిపల్‌ ఎన్నికల సందడితో జంగారెడ్డిగూడెం కళకళలాడుతుంది. పట్టణంలో 32 వార్డులతోపాటు చైర్‌పర్సన్‌ (బీసీ–మహిళ రిజర్వేషన్‌) స్థానాలకు ఎన్నికలు జరుగుతున్నాయి. మున్సిపల్‌ ఎన్నికల్లో సుమారు 48,463 మంది ఓటర్లు ఓటు హక్కును వినియోగించుకోనున్నారు. 13వ శతాబ్దంలో ఆవిర్భవించిన గ్రామం నలుదిక్కులా నీరు.. ఈ ఊరు కుగ్రామం నుంచి పట్టణం వరకు ప్రస్థానం ప్రకృతి ఆలవాలం.. ఆధ్యాత్మిక శోభితం తూర్పుగోదావరి జిల్లా భద్రాచలం డివిజన్‌లో పోలవరం తాలూకాలో జంగారెడ్డిగూడెం అంతర్భాగమై ఉంది. నిజాం పాలన కాలంలో దత్తు మండలం (గుంటూరు నుంచి గజం) బ్రిటిష్‌ వారి వంశమైంది. 1954 కాలంలో నూజివీడు సంస్థానం మొగల్తూరు దివానంలో కొంతకాలం ఉండేది. పోలవరం జమిందారులు మంగపతీ దేవ్‌, లక్ష్మీనారాయణదేవ్‌ల ఏలుబడిలో కొంతకాలం సాగింది. తర్వాత గూటాల జమిందారిణి మన్యం మహాలక్ష్మి ఏలుబడిలోకి వచ్చింది. తర్వాత కొచ్చర్లకోట దివానం కింద మారింది. ఆర్థికంగా బలపడటంతో జీలుగుమిల్లి నుంచి దిప్పకాయలపాడు వరకూ ఉన్న కొన్ని గ్రామాలు లక్కవరం జమిందారు మంత్రిప్రగడ మలయామార్చులు కొనుగోలు చేశారు. వారి దత్తత కుమారుడు భుజంగరావు ధర్మపాలకుడనే పేరు పొందారు. దేశానికి స్వరాజ్యం సిద్ధించి 1949లో జమిందారీ వ్యవస్థ రద్దు కాగా 1958లో రివిజన్‌ సర్వే ద్వారా భూమి యాజమాన్యం కరువైంది. ఈ ప్రాంతంలో రెడ్లు, బ్రాహ్మణులు, వైశ్యులు, కాపులు, గౌడ, సాలి, గొల్ల, తేలిక, దళిత వర్గాలు అప్పట్లో గుర్తించిన కులాలు.

నరసాపురం రూరల్‌: మొగల్తూరులోని గాంధీ బొమ్మ సెంటర్‌ ప్రాంతంలో ఆదివారం పెను ప్రమాదం తప్పింది. నిత్యం రద్దీగా ఉండే ఆ ప్రాంతంలో పండ్ల రవాణా వాహనం అదుపుతప్పి, అక్కడి మ్యాన్‌హోల్‌ను ఢీకొని నిలిచింది. ఆ సమయంలో అక్కడ ఎవరూ లేకపోవడంతో పెనుముప్పు తప్పిందని స్థానికులు ఊపిరి పీల్చుకున్నారు. ముదినేపల్లి రూరల్‌: ఇంటికి వేసిన తాళం పగులగొట్టి, విలువైన బంగారు, వెండి వస్తువులతో పాటు నగదు చోరీకి గురైన సంఘటన మండలంలోని కొరగుంటపాలెంలో జరిగింది. స్థానిక పోలీసుల కథనం ప్రకారం... గ్రామానికి చెందిన ఉమ్మడిశెట్టి సివేంద్ర, సింగరాయపాలెంలోని గ్రోవెల్‌ ఫ్యాక్టరీలో పనిచేస్తుంటాడు. అదే గ్రామంలో ఉంటున్న సివేంద్ర వదిన ఈ నెల 5న హైదరాబాద్‌ వెళ్తూ, ఇంటిని జాగ్రత్తగా చూస్తుండమని చెప్పింది. ఈ క్రమంలో ఆదివారం ఉదయం ఇంటి తాళం పగలగొట్టి ఉండటాన్ని స్థానికులు గమనించి సివేంద్రకు సమాచారం అందించారు. వెంటనే సివేంద్ర, వదిన గారి ఇంటి లోపలికి వెళ్లి చూడగా... బీరువా తాళం పగులగొట్టి, అందులోని సామాన్లన్నీ చిందరవందరగా పడవేసి ఉన్నాయి. ఈ విషయాన్ని ఆయన హైదరాబాద్‌లో ఉన్న వదినకు ఫోన్‌ ద్వారా తెలిపారు. బీరువాను పరిశీలించగా 4 కాసుల బంగారు ఆభరణాలు, 2 కిలోల వెండి వస్తువులు, రూ.10 వేల నగదు చోరీకి గురైనట్లు గుర్తించారు. బాధితుడి ఫిర్యాదు మేరకు ఎస్సై సాయిశ్రీనివాస్‌ కేసు దర్యాప్తు చేస్తున్నారు. ద్వారకాతిరుమల: శ్రీవారి దేవస్థానం కొండపైన పాత టోల్‌గేట్‌ సమీపంలోని పొదల్లో ఓ యాచకుడి మృతదేహం కుళ్లిపోయిన స్థితిలో ఉండడాన్ని ఆలయ సెక్యూరిటీ గార్డు ఆదివారం గుర్తించాడు. మృతదేహం నుంచి దుర్వాసన రావడంతో విషయం వెలుగులోకి వచ్చింది. వివరాల్లోకి వెళితే. ఘటనా స్థలానికి ఉదయం 9.45 గంటల సమయంలో వెళ్లిన సెక్యూరిటీ గార్డుకు ఈ మృతదేహం కనిపించింది. మృతుడిది తూర్పుగోదావరి జిల్లా గోకవరం మండలం ఎర్రంపాలెం గ్రామానికి చెందిన పంతం సత్యనారాయణ(65)గా గుర్తించారు. ఆయన గత 30 ఏళ్లుగా ద్వారకాతిరుమల పరిసర ప్రాంతాల్లో యాచకుడిగా జీవిస్తున్నాడు. సుమారు వారం రోజుల క్రితమే ఆయన మృతి చెంది ఉండవచ్చని దేవస్థానం సీఎస్‌ఓ ఇచ్చిన ఫిర్యాదు మేరకు ద్వారకాతిరుమల పోలీసులు కేసు నమోదు చేశారు. మృతదేహాన్ని పోస్టుమార్టం నిమిత్తం ఏలూరు ప్రభుత్వ ఆసుపత్రి మార్చురీకి తరలించారు. మృతికి గల కారణాలు తెలియాల్సి ఉంది. ఏలూరు (ఆర్‌ఆర్‌పేట): ఉమ్మడి పశ్చిమ గోదావరి జిల్లా అండర్‌–14 బాలుర క్రికెట్‌ జట్టు ఎంపికలు ఈ నెల 24, 25 తేదీల్లో నిర్వహించినట్లు జిల్లా క్రికెట్‌ అసోసియేషన్‌ అధ్యక్ష, కార్యదర్శులు జి.ఆదిత్య వర్మ, వీవీఎస్‌ఎం శ్రీనివాస రాజు తెలిపారు. ఏలూరులోని ఆశ్రం వైద్య కళాశాల క్రీడా ప్రాంగణంలో నిర్వహించిన ఈ ఎంపికల్లో మొత్తం 20 మంది క్రీడాకారులను ఎంపిక చేసినట్లు వెల్లడించారు. జట్టుకు ఎంపికై న వారిలో కె.అభిరామ్‌, వీర్‌ కొట్టు, ఐ.మోక్షిత్‌ వర్మ, సీహెచ్‌ వైకుంఠ కౌషిక్‌, కేకేఎస్‌ కార్తికేయ, టీఎస్‌ఎస్‌ సాయి మణికంఠ, పీసీహెచ్‌ నాగ గణేష్‌, డి.హేమ శరణేష్‌, పీజీ గౌతమ్‌, వి.విక్రమ్‌ నిహాల్‌ తేజ ఉన్నారు. వీరితో పాటు కె.వెంకట సాయి కృష్ణ, డి.భువన్‌ రామ్‌వర్మ, జి.పుష్పత్‌, టి.హను కీర్తన్‌, ఎస్‌.భువన్‌ కార్తీక్‌, జి.విష్ణువర్ధన్‌, ఎన్‌.కార్తీక్‌ వర్మ, ఏఎన్‌ఎస్‌.శ్రీరామ్‌ చౌదరి, కె.సాయి దీపక్‌, ఆర్‌.సందేశ్‌ కుమార్‌ ఎంపికయ్యారు. ఈ జట్టు సభ్యులు వచ్చే నవంబర్‌ 7 నుంచి 14వ తేదీ వరకు పేరేచర్ల, పిచుకలగుంటల్లో జరిగే అంతర్‌ జిల్లాల క్రికెట్‌ పోటీల్లో పాల్గొంటారని వారు తెలిపారు. సెలక్షన్‌ కమిటీ సభ్యులు బీఎస్‌.మంగేష్‌, బీహెచ్‌.అవనీష్‌ క్రీడాకారులను ఎంపిక చేసినట్లు పేర్కొన్నారు.

రాష్ట్రమంతా స్థానిక సంస్థల ఎన్నికల హడావుడి కనిపిస్తోంది. గ్రామాల్లో ఏ నలుగురు కలసినా ఎన్నికలపైనే చర్చ. పొద్దు గూకితే చాలు.. చెట్టు కింద కూర్చుని పిచ్చాపాటి మాట్లాడే పెద్దల సందడి ఆసక్తిని రేకెత్తిస్తోంది. ఎంపీటీసీ ఎన్నికల్లో కూటమికి దీటుగా వైఎస్సార్‌సీపీ నామినేషన్లు సైతం దాఖలు చేసింది. ప్రస్తుత ఎన్నికలపై గ్రామ పెద్దల మధ్య సాగిన సంభాషణను పరిశీలిస్తే.. పరంధామయ్య : ఏరా.. నాగులు ఎదో ఎలినోనా ప్రభావమంటా.. ఎండలు మండిపోతున్నాయ్‌.. మన ఊరి ఊటబావి నీరు కూడా అడుగంటింది.. ఏంట్రా ఈ పరిస్థితి? నాగులు : అవును.. మామా. ఎండలు సంగతి అటుంచు.. మన గ్రామానికి కాల్వ నీరు వచ్చి ఎన్నాళ్లయ్యింది.. నారుమడలు చచ్చిపోయాయి. ఓట్లు అడగడానికి వచ్చేటప్పుడు ఒంగి, ఒంగి దండాలు పెడతారు.. గెలిచాక మన ముఖం చూడరు.. ఈ దుస్థితి ఇంకెన్నాళ్లు.. పరంధామయ్య: అది సరేగాని నాగులు.. మన పంచాయతీ దగ్గర ప్రకటనల బోర్డులను తీసేస్తున్నారు.. ఎందుకంటావు? నాగులు : అదా.. మామ జెడ్పీటీసీ, ఎంపీటీసీ, సర్పంచుల ఎన్నికల తేదీలు ప్రకటించారుగా.. వచ్చే నెల 3న జెడ్పీటీసీ, ఎంపీటీసీలు, 29న సర్పంచ్‌ ఎన్నికలకు మనం ఓట్లు వేయబోతున్నాం.. అదిగో మన బషీరు వస్తున్నాడు.. వాడికి రాజకీయాలు బాగా తెలుసు.. ఇదిగో బషీరు.. ఇటు రా.. బషీరు : ఏంటీ.. మామా అల్లుళ్లు ఏదో సీరియస్‌ విషయం మాట్లాడుకుంటున్నారు.. కాస్త మాకు చెప్పండి వినిపెడతాం... పరంధామయ్య : అదేం లేదు... బషీరు ఈసారి ఎన్నికల్లో ఏఏ పార్టీల మధ్య పోటీ ఉంటుందంటావ్‌.. బషీరు : ఇందులో వేరా చెప్పాలా.. వైఎస్సార్‌సీపీ, కూటమి పార్టీల మధ్య ప్రధాన పోటీ ఉంటుంది.. ఈసారి స్థానిక ఎన్నికల పోరు రసపట్టుగా ఉంటుందని ఎక్కువ మంది చెబుతున్నారండీ. కొమరయ్య : (నేలపై దుమ్మును కండువాతో తుడుస్తూ..) మీరేనా.. నాకూ కొంచెం మాట్లాడే అవకాశం ఇవ్వండి.. ఇదిగో బషీరు.. అధికారంలోకి రాగానే నిరుద్యోగ భృతి నెలకు రూ.3,000 ఇస్తామని ముఖ్యమంత్రి చంద్రబాబు అన్నారు.. రెండున్నరేళ్లు అయినా అమలు లేదు.. ఇదేక్కడి న్యాయం? బషీరు : నువ్వు చెప్పింది నిజమే కొమరయ్యా.. మా అబ్బాయి డిగ్రీ పూర్తి చేసి ఖాళీగా ఉన్నాడు. ఇప్పటివరకు ప్రభుత్వం ఒక్క పైసా విదిల్చలేదు. ఇదే పరిస్థితి అన్ని చోట్లా ఉంది. ఇప్పుడు మళ్లీ స్థానిక సంస్థల ఎన్నికల్లో ఓట్లు కోసం కూటమి నేతలు వచ్చేస్తున్నారు. అందరికీ ఎన్నికల తాయిలాల ఆశ పెడుతున్నారు. కొమరయ్య: బషీరు ఇంకో విషయం చెబుతాను విను.. చంద్రబాబు ఏడాదికి 3 గ్యాస్‌ సిలిండర్లు ఇస్తామన్నారు. చాలా మందికి రాలేదు. పైగా మార్కెట్‌లో సిలిండర్‌ వెయ్యిపైనే కొనాల్సి వస్తోంది. చేసిన వాగ్దానాలు నాయకులు ఎలా మర్చిపోతారో అర్థం కావడం లేదు..! బషీరు : నిజమే కొమరయ్య.. ఎన్నికల సమయంలో సూపర్‌సిక్స్‌లంటూ పథకాలు ప్రకటించడం.. గెలిచిన తర్వాత పూర్తిగా అమలు చేయట్లేదు.. పైగా ప్రశ్నిస్తే వ్యకిగతంగా దాడులు సైతం చేస్తున్నారు.. మహానుభావుడు రాజన్న బతికున్నప్పుడు ఆ రోజులు వేరయ్యా.. మంచోళ్లను దేవుడు ముందే తీసుకుపోతాడు..! కొమరయ్య : ఇదిగో బషీరు.. కంగారుగా నిప్పు తొక్కిన కోతిలా పరిగెత్తుకెళుతోంది... మన వెంకటాద్రి కదా.. ఇటు పిలువు. బషీరు : అరే.. వెంకటాద్రి.. ఏంటా ఉరుకులు, పరుగులు.. కొమరయ్య పిలుత్తున్నాడు.. రా. వెంకటాద్రి: (ఆయాసంగా ఊగుతూ) ఏం చెప్పను కొమరయ్య మా చెల్లిని పిడుగురాళ్లకి ఇచ్చాను. మొన్న నామినేషన్‌ వేయడానికి వెళితే టీడీపీ వాళ్లంతా చేతిలో నామినేషన్‌ లాగేసికుని చించేసి గొడవకు దిగారు.. పోలీసుల ఎదుటే ఇది జరిగింది. ఆస్పత్రిలో చేర్చారంటా.. నేనూ అర్జంటుగా వెళ్లాలి. కొమరయ్య : మీ కుటుంబంలో మాత్రమే కాదు వెంకటాద్రి.. రాష్ట్రంలో ప్రొద్దుటూరు, మార్కాపురం, గిద్దలూరు ప్రాంతాల్లోనూ నామినేషన్‌ పత్రాలు చించేశారు. రెండేన్నరేళ్లు స్వర్ణయుగం అని చెప్పుకుంటున్నప్పుడు ఓట్లు దండిగా పడతాయి కదా.. వైఎస్సార్‌సీపీ అభ్యర్థుల నామినేషన్లు చించడం దేనికీ? కనకమ్మ (కొమరయ్య భార్య): ఏమయ్యో.. మీ బామర్ది కొల్లేరు నుంచి పెద్ద పెద్ద కొరమేనులు పంపాడు.. చింతపండు ఏసి పులుసెట్టాను.. వేడివేడిగా ఉంది.. పిల్లలందరం కలసి భోంచేద్దాం.. బేగా రా.. అని చెప్పగానే మిగిలిన విషయాలు రేపు మాట్లాడుకుందాం.. అంటూ రచ్చబండ నుంచి అందరూ ఇంటికి వెళ్లిపోయారు. – కై కలూరు

ఉంగుటూరు: ఉంగుటూరు మండల పరిధిలోని ఉంగుటూరు–1, గోపీనాథపట్నం ఎంపీటీసీ స్థానాల నామినేషన్ల పరిశీలనలో వైఎస్సార్‌ కాంగ్రెస్‌ పార్టీ అభ్యర్థుల నామినేషన్లు తిరస్కరణకు గురికావడంపై వివాదం చెలరేగింది. పాలకపక్ష నాయకుల ఒత్తిళ్లతోనే అధికారులను అందుబాటులో లేకుండా చేసి, తమ అభ్యర్థిత్వాలను కావాలనే తిరస్కరించేలా చేశారని వైఎస్సార్‌సీపీ నాయకులు ఆరోపించారు. ఈ నిర్ణయాన్ని సవాలు చేస్తూ వైఎస్సార్‌సీపీ అభ్యర్థులు ఆదివారం ఏలూరు ఆర్డీవో కోర్టులో అప్పీల్‌ పిటిషన్లు దాఖలు చేశారు. ఉంగుటూరు–1 స్థానం నుంచి పోటీ చేసిన రామేన వెంకట సాయిలక్ష్మి, గోపీనాథపట్నం స్థానం నుంచి పోటీ చేసిన పుచ్చకాయల శాంభవి ఆర్డీవోకు నేరుగా తమ వినతిపత్రాలను సమర్పించారు. సోమవారం ఆర్డీవో కోర్టులో ఈ పిటిషన్లపై విచారణ జరగనుంది. అభ్యర్థులు తమ తరఫున వాదనలు వినిపించనుండగా, రిటర్నింగ్‌ అధికారి కూడా హాజరై నామినేషన్ల తిరస్కరణపై వివరణ ఇవ్వనున్నారు. ఇరువర్గాల వాదనలు విన్న అనంతరం ఆర్డీవో తుది నిర్ణయం వెల్లడించనున్నారు. ఈ సందర్భంగా అభ్యర్థులతో పాటు ఆర్డీవో కోర్టుకు వెళ్లిన వారిలో మాజీ ఎంపీపీ గంటా శ్రీలక్ష్మి, సొసైటీ మాజీ అధ్యక్షుడు ఎలిశెట్టి పాపారావు (బాబ్జి), వైఎస్సార్‌సీపీ నాయకులు పుప్పాల గోపి, మరడ మంగారావు ఉన్నారు. ఆర్డీవో కోర్టులో అప్పీల్‌ చేసిన వైఎస్సార్‌సీపీ అభ్యర్థులు

● ద్విచక్ర వాహనాలు ఢీకొని ఇద్దరు మృతి ● జీలుగుమిల్లిలో ఘోర రోడ్డు ప్రమాదం బుట్టాయగూడెం: వేగం రెండు నిండు ప్రాణాలను బలిగొంది. ఎదురెదురుగా రెండు ద్విచక్రవాహనాలు ఢీకొన్న ఘటనలో ఇద్దరు దుర్మరణం పాలైన ఘటన జీలుగుమిల్లి మసీదు సెంటర్‌సమీపంలో జాతీయ రహదారిపై చోటుచేసుకుంది. రెండు ద్విచక్ర వాహనాలు వేగంగా వచ్చి బలంగా ఢీకొనడంతో ఈ దారుణం జరిగినట్లు స్థానికులు తెలిపారు. వివరాలు ఇలా ఉన్నాయి. బుట్టాయగూడెం మండలం జోడేబోడిగూడెం గ్రామానికి చెందిన పూనెం సింధూర్‌ (33) జంగారెడ్డిగూడెం నుంచి అశ్వారావుపేట వైపు ద్విచక్రవాహనంపై వెళుతుండగా, అదే సమయంలో టి.నరసాపురం మండలం కృష్ణాపురం గ్రామానికి చెందిన ధారవతు భద్రం (60) జీలుగుమిల్లి మండలంలో పొలం పనుల నిమిత్తం ద్విచక్రవాహనంపై వస్తున్నారు. జీలుగుమిల్లి మసీదు సెంటర్‌ సమీపంలో వచ్చేసరికి ఈ రెండు వాహనాలు ఎదురెదురుగా ఢీకొన్నాయి. ఈ ప్రమాదంలో సింధూర్‌తో పాటు భద్రం తలకు తీవ్ర గాయాలయ్యాయి. క్షతగాత్రులను 108లో జంగారెడ్డిగూడెం ఏరియా ఆసుపత్రికి తరలించగా అప్పటికే మృతిచెందినట్లు వైద్యులు ధ్రువీకరించారు. కాగా మృతుడు పూనెం సింధూర్‌ బుట్టాయగూడెం మండలం అంతర్వేదిగూడెంలో హిందీ ఉపాధ్యాయుడిగా పనిచేస్తున్నారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.

ద్వారకాతిరుమల: వైఎస్సార్‌సీపీ నేతపై దాడి ఘటనలో అనూహ్య పరిణామం తెరపైకి వచ్చింది. శనివారం మండల పరిషత్‌ కార్యాలయం వద్ద జరిగిన ఘటనకు సంబంధించి వైఎస్సార్‌ సీపీ నేతలపై ఫిర్యాదు చేసిన వ్యక్తి.. సొంత మండలానికి చెందిన కానిస్టేబుల్‌ కావడం చర్చనీయాంశంగా మారింది. నాలుగేళ్లుగా ద్వారకాతిరుమల పోలీస్‌స్టేషన్‌లోనే విధులు నిర్వహిస్తున్న ఆయన, ఎన్నికల నామినేషన్ల ప్రక్రియ ప్రారంభమైనప్పటి నుంచి రిటర్నింగ్‌ అధికారి (ఆర్వో) కార్యాలయం వద్ద కూడా విధులు నిర్వర్తించారు. ఈ నేపథ్యంలో ఆయన ఫిర్యాదు వెనుక ఉద్దేశాలపై వైఎస్సార్‌ సీపీ నాయకులు ప్రశ్నలు లేవనెత్తుతున్నారు. వివరాల్లోకి వెళితే.. ద్వారకాతిరుమల మండల పరిషత్‌ కార్యాలయం వద్ద శనివారం మధ్యాహ్నం వైఎస్సార్‌ సీపీ మండల కన్వీనర్‌ ప్రతాపనేని శ్రీనివాస్‌(వాసు)పై దౌర్జన్యం జరిగిన విషయం తెలిసిందే. ఈ ఘటన అనంతరం వాసుతో పాటు వైఎస్సార్‌ సీపీ తూర్పుగోదావరి జిల్లా ఉపాధ్యక్షుడు బొండాడ వెంకన్నబాబు, మరికొందరిపై స్థానిక పోలీస్‌స్టేషన్‌లో కేసు నమోదైంది. అయితే ఈ కేసుకు సంబంధించి ఫిర్యాదు చేసిన కానిస్టేబుల్‌ భాస్కరరావు(పీసీ నెంబర్‌ 2090) స్వస్థలం కూడా ద్వారకాతిరుమల మండలం బుట్టాయిగూడెం బీసీ కాలనీ కావడం ఇప్పుడు హాట్‌ టాపిక్‌గా మారింది. సొంత మండలంలోనే నాలుగేళ్లుగా.. పోలీసు సిబ్బంది విధుల నిర్వహణలో స్థానిక పరిచయాలు, వ్యక్తిగత సంబంధాలు ప్రభావం చూపకుండా ఉండేందుకు బదిలీలకు ప్రాధాన్యం ఇస్తుంటారు. ఈ నేపథ్యంలో సొంత మండలానికి చెందిన కానిస్టేబుల్‌ అదే ప్రాంతంలోని పోలీస్‌స్టేషన్‌లో నాలుగేళ్లుగా విధులు నిర్వహిస్తుండటంపై పలు అనుమానాలు వ్యక్తమవుతున్నాయి. కానిస్టేబుల్‌ భాస్కరరావు అత్తవారి ఊరు కూడా ద్వారకాతిరుమల మండలం రామన్నగూడెం కావడం, ఇతని ఇరు కుటుంబాల వారూ పూర్తిగా టీడీపీ వీరాభిమానులు కావడంతో ఆ పార్టీ నేతల డైరెక్షన్‌ మేరకు వైఎస్సార్‌ సీపీ నేతలపై ఫిర్యాదు చేశారన్న చర్చ జోరుగా సాగుతోంది. తమపై కానిస్టేబుల్‌ ఫిర్యాదు చేయడం వెనుక ఉన్న పరిస్థితులను సమగ్రంగా పరిశీలించాలని పోలీస్‌ ఉన్నతాధికారులను వైఎస్సార్‌ సీపీ నాయకులు డిమాండ్‌ చేస్తున్నారు. ఎన్నికల విధులు ఎలా కేటాయించారు? కీలకమైన స్థానిక సంస్థల ఎన్నికల నామినేషన్ల ప్రక్రియ ప్రారంభమైనప్పటి నుంచి సొంత మండలానికి చెందిన సదరు కానిస్టేబుల్‌ ఆర్వో కార్యాలయం వద్ద విధులు నిర్వర్తించడంపైనా వైఎస్సార్‌ సీపీ నాయకులు ప్రశ్నలు లేవనెత్తుతున్నారు. నామినేషన్ల స్వీకరణ, పరిశీలన సమయంలో ఆర్వో కార్యాలయం పరిసరాల్లో చోటుచేసుకున్న పరిణామాలను సీసీ కెమెరాల ఫుటేజీ ద్వారా పరిశీలించాలని కోరుతున్నారు. ఆ సమయంలో అక్కడ ఎవరు విధులు నిర్వహించారు? రాజకీయ నాయకుల రాకపోకలు, హడావుడి ఎలా సాగింది? కానిస్టేబుల్‌ వ్యవహారశైలి ఎలా ఉంది? అనే అంశాలపై స్పష్టత రావాలంటే ఫుటేజీని క్షుణ్ణంగా పరిశీలించాల్సిన అవసరం ఉందని పేర్కొంటున్నారు. స్పందించకుంటే ఎస్‌ఈసీని ఆశ్రయిస్తాం సొంత మండలానికి చెందిన కానిస్టేబుల్‌ ఫిర్యాదుతో వైఎస్సార్‌ సీపీ నేతలపై నమోదైన కేసు, ఫిర్యాదు చేసిన కానిస్టేబుల్‌ స్థానికత, ఆయన విధుల నిర్వహణ తదితర అంశాలపై జిల్లా పోలీసు ఉన్నతాధికారులు సమగ్ర విచారణ చేపట్టాలని వైఎస్సార్‌ సీపీ నాయకులు డిమాండ్‌ చేస్తున్నారు. ఘటనకు సంబంధించిన సీసీ కెమెరాల ఫుటేజీని పరిశీలించి వాస్తవాలను వెలుగులోకి తీసుకురావాలని కోరుతున్నారు. తప్పుడు ఫిర్యాదు చేసిన సదరు కానిస్టేబుల్‌పై పూర్తిస్థాయిలో విచారణ జరిపి తగిన చర్యలు తీసుకోకపోతే ఎన్నికల కమిషన్‌ను ఆశ్రయిస్తామని స్పష్టం చేస్తున్నారు. వైఎస్సార్‌సీపీ నేతలపై పోలీసుల దాడి కూటమి కనుసన్నల్లో కానిస్టేబుల్‌ ఎదురు ఫిర్యాదు ఆయన టీడీపీ వీరాభిమాని అంటూ ఆరోపణలు సొంత మండలంలోనే నాలుగేళ్లుగా విధులు సీసీ కెమెరాల ఫుటేజీ పరిశీలించి వాస్తవాలు తేల్చాలంటున్న నేతలు

కామవరపుకోట: గ్యాస్‌ సిలిండర్‌ పేలి రేకుల ఇల్లు ధ్వంసమైన ఘటన వీరిశెట్టిగూడెం గ్రామంలో చోటుచేసుకుంది. వివరాల ప్రకారం రేకుల ఇంటిలో పిల్లి లక్ష్మి అనే వృద్ధురాలు ఒంటరిగా నివసిస్తోంది. ఆదివారం ఉదయం 10 గంటల ప్రాంతంలో ఇంట్లో గ్యాస్‌ సిలిండర్‌ లీక్‌ అవ్వడాన్ని గమనించి వెంటనే అప్రమత్తమై ప్రాణభయంతో బయటకు పరుగులు తీసింది. కొద్ది సేపటికే గ్యాస్‌ సిలిండర్‌ ఒక్కసారిగా పేలిపోయి ఇల్లు పూర్తిగా ధ్వంసమై, ఇంట్లోని సామగ్రి అగ్నికి ఆహుతైంది. వృద్ధురాలు సమయస్ఫూర్తితో బయటకు రావడంతో పెద్ద ప్రమాదం తప్పింది. ప్రమాదంలో సర్వం కోల్పోయిన బాధితురాలికి వీరిశెట్టిగూడెం వైఎస్సార్‌ సీపీ నాయకులు అండగా నిలిచారు. వృద్ధురాలికి నిత్యావసర సరుకులతోపాటు రూ.3 వేలు ఆర్థిక సహాయం అందించారు. కార్యక్రమంలో వీరిశెట్టిగూడెం వైఎస్సార్‌ సీపీ ఎంపీటీసీ అభ్యర్థి భారతాల సుజాత కిషోర్‌, గుర్రాల రవికుమార్‌, పెనుమాల సంజీవరావు, గుర్రాల జీవన్‌ కుమార్‌, పెనుమాల వేణుబాబు, భారతాల ప్రసాద్‌ పాల్గొన్నారు.

కై కలూరు: ప్రపంచంలోనే అరుదైన జాతిగా భావించే నక్షత్రపు తాబేలును కై కలూరు అటవీశాఖ అధికారులు ఆదివారం స్వాధీనం చేసుకున్నారు. దీని వయసు సుమారు 9 సంవత్సరాలు ఉంటుందని గుర్తించారు. కై కలూరులో ఓ యూట్యూబర్‌కు ఇది ఆరుబయట కనిపించడంతో, ఆయన అటవీశాఖ రేంజర్‌ జి.ఉషారాణికి సమాచారం అందించారు. దీంతో ఫారెస్ట్‌ బీట్‌ ఆఫీసర్‌ రాజేష్‌ ఆ తాబేలును తన ఆధీనంలోకి తీసుకుని, ఆటపాక పక్షుల కేంద్రంలో భద్రపరిచారు. దీనిని సోమవారం విశాఖపట్నం జూ పార్క్‌కు తరలిస్తామని అటవీ సిబ్బంది తెలిపారు. కాగా, కై కలూరు పరిసర ప్రాంతాల్లో మరికొన్ని అరుదైన నక్షత్రపు తాబేళ్లు కొందరి ఇళ్లలో ఉన్నట్లు అధికారులు అనుమానిస్తున్నారు. బుట్టాయగూడెం: మండలంలోని మారుమూల అటవీ ప్రాంతమైన కామవరంలో వెలిసిన గుబ్బల మంగమ్మ గుడికి ఆదివారం భక్తులు విశేష సంఖ్యలో తరలివచ్చారు. తెల్లవారుజాము నుంచే వాహనాల్లో ఆలయానికి చేరుకున్న భక్తులు అమ్మవారిని దర్శించుకుని ప్రత్యేక పూజలు నిర్వహించి మొక్కులు చెల్లించుకున్నారు. ఉమ్మడి పశ్చిమగోదావరి జిల్లాతో పాటు తెలంగాణ రాష్ట్రంలోని పలు జిల్లాల నుంచి, అలాగే విజయవాడ తదితర ప్రాంతాల నుంచి కూడా భక్తులు పెద్ద ఎత్తున తరలివచ్చారు. ఉంగుటూరు: ఉంగుటూరు మండలం కాకర్లమూడి గ్రామంలో ఆదివారం సాయంత్రం ఒక వీధికుక్క విచక్షణా రహితంగా దాడి చేసి 11 మందిని తీవ్రంగా గాయపరిచింది. వీధిలో వెళ్తున్న వారిపై ఒక్కసారిగా పడి వరుసగా అందరినీ కరవడంతో గ్రామంలో తీవ్ర కలకలం రేగింది. గాయపడిన వారిలో రెండేళ్ల చిన్నారి కూడా ఉన్నాడు. బాధితుల్లో కొందరికి కాళ్లు, చేతుల కండలు తెగిపోయి తీవ్ర రక్తగాయాలయ్యాయి. క్షతగాత్రులను వెంటనే తాడేపల్లిగూడెం ప్రభుత్వ ఆసుపత్రికి తరలించి చికిత్స అందిస్తున్నారు. బాధితుల్లో మోటుపల్లి జ్యోతి, దంగేడి సీతామహాలక్ష్మి తదితరులు ఉన్నారు. గ్రామంలో వరుసగా అందరిపైనా దాడి చేస్తుండటంతో భయాందోళనకు గురైన స్థానికులు తీవ్ర ఆగ్రహంతో ఆ కుక్కను కర్రలతో కొట్టి హతమార్చారు. గ్రామాల్లో పెరిగిపోతున్న వీధికుక్కల బెడదపై పంచాయతీ అధికారులు వెంటనే స్పందించి, వాటిని పట్టుకుని సురక్షిత ప్రాంతాలకు తరలించాలని స్థానికులు కోరుతున్నారు.

జంగారెడ్డిగూడెం (బుట్టాయగూడెం): జంగారెడ్డిగూడెం మండలం లక్కవరం గ్రామంలో వైఎస్సార్‌సీపీ బలోపేతానికి మరో అడుగు పడింది. కూటమి ప్రభుత్వ పాలనపై వ్యక్తమవుతున్న అసంతృప్తితో లక్కవరం గ్రామానికి చెందిన 30 కుటుంబాలు వైఎస్సార్‌సీపీలో చేరాయి. పార్టీ రాష్ట్ర కార్యదర్శి జెట్టి గురునాథరావు సమక్షంలో, రాష్ట్ర కార్యవర్గ సభ్యుడు గంగా సురేష్‌ బండారు ఆధ్వర్యంలో, గ్రామ పార్టీ అధ్యక్షుడు చిర్ల దుర్గా రెడ్డి నేతృత్వంలో ఈ చేరికల కార్యక్రమం ఘనంగా నిర్వహించారు. ప్రభుత్వ ప్రజా వ్యతిరేక విధానాలను ఎండగడుతూ, సంక్షేమ పథకాల అమలు, బడుగు బలహీన వర్గాల అభ్యున్నతికి కృషి చేస్తున్న వైఎస్సార్‌సీపీ నాయకత్వంపై నమ్మకంతోనే తాము పార్టీలో చేరుతున్నట్లు నూతనంగా పార్టీలోకి వచ్చిన కుటుంబాల సభ్యులు తెలిపారు. ఈ సందర్భంగా పార్టీలోకి వచ్చిన ప్రతి ఒక్కరినీ నాయకులు సాదరంగా ఆహ్వానించి, కండువాలు కప్పారు. లక్కవరంలో వైఎస్సార్‌సీపీకి పెరుగుతున్న ప్రజాదరణకు ఈ భారీ చేరికలే నిదర్శనమని నాయకులు పేర్కొన్నారు. ఈ కార్యక్రమంలో వైఎస్సార్‌సీపీ సీనియర్‌ నాయకులు మహంకాళి రంగప్రసాద్‌, వందనపు వెంకటేశ్వరరావు, పార్టీ శ్రేణులు పాల్గొన్నారు.

ఉంగుటూరు: ఉంగుటూరు రెవెన్యూ అటవీ ప్రాంతంలో దారుణ హత్యకు గురైన సంధ్యారాణి (41) మృతదేహానికి శనివారం తాడేపల్లిగూడెం ఏరియా ప్రభుత్వ ఆసుపత్రిలో పోస్టుమార్టం పూర్తిచేశారు. చేబ్రోలు ఎస్సై సూర్యభగవాన్‌ ఆధ్వర్యంలో శవపంచనామా నిర్వహించిన అనంతరం, భౌతికకాయాన్ని బంధువులకు అప్పగించారు. ఆ తర్వాత రౌతులపర్రు గ్రామంలో కుటుంబ సభ్యులు, బంధువులు అంత్యక్రియలు నిర్వహించారు. ఈ హత్య కేసులో పోలీసులు దర్యాప్తును వేగవంతం చేశారు. మృతురాలి బంధువులు, పరిచయస్తులను విచారించి సమాచారం సేకరిస్తున్నారు. పోలీసుల ప్రాథమిక విచారణలో గండికోట అజయ్‌ అనే వ్యక్తిపై తీవ్ర అనుమానాలు వ్యక్తమవుతున్నాయి. గతంలో ఉన్న పరిచయాలు లేదా వివాహేతర సంబంధం నేపథ్యంలోనే పథకం ప్రకారం ప్రణాళిక రచించి ఈ హత్యకు పాల్పడి ఉంటారని భావిస్తున్నారు. పూర్తి వివరాలను త్వరలోనే వెల్లడిస్తామని పోలీసులు తెలిపారు. ఏం జరిగింది? నాచుగుంట పంచాయతీ పరిధిలోని ఉంగుటూరు రెవెన్యూ ఫారెస్ట్‌ బి బ్లాక్‌లో డాక్టర్‌ వైఎస్సార్‌ హార్టికల్చరల్‌ యూనివర్సిటీ వెనుక భాగంలోని అటవీ ప్రాంతంలో శుక్రవారం తెల్లవారుజామున సగం కాలిన మహిళ మృతదేహాన్ని స్థానిక రైతులు గుర్తించి చేబ్రోలు పోలీసులకు సమాచారం అందించారు. దర్యాప్తులో భాగంగా ఆ మహిళ ఉంగుటూరు మండలం రావులపర్రుకు చెందిన సంజయ సంధ్యగా గుర్తించారు. వివాహేతర సంబంధం కారణంగా ఈ హత్య జరిగిందా లేదా పథకం ప్రకారం వేరే ప్రాంతం నుంచి ఆమెను ఇక్కడికి రప్పించి ఈ అఘాయిత్యానికి పాల్పడి ఉంటారా అని పోలీసులు దర్యాప్తు చేస్తున్నారు.

ఏలూరు టౌన్‌: తల్లి మందలించిందనే కోపంతో తొమ్మిదేళ్ల బాలుడు ఇంట్లో నుంచి బయటకు వెళ్లిపోయాడు. ఎంతసేపటికీ తిరిగి రాకపోవడంతో కంగారుపడిన తల్లిదండ్రులు ఏలూరు వన్‌టౌన్‌ పోలీసులను ఆశ్రయించారు. ఏలూరు వన్‌టౌన్‌ ప్రాంతానికి చెందిన చింతల కార్తికేయ (3వ తరగతి)ని తల్లి మందలించడంతో మనస్తాపం చెంది ఇంటి నుంచి వెళ్లిపోయాడు. బాలుడు ఎంతకీ ఇంటికి రాకపోవడంతో ఆందోళన చెంది పోలీసులను సంప్రదించారు. దీనిపై ఏలూరు వన్‌టౌన్‌ సీఐ కే. రామకృష్ణ వెంటనే స్పందించారు. ఆయన పర్యవేక్షణలో స్మార్ట్‌ పోలీస్‌ బృందాన్ని రంగంలోకి దించి, గాలింపు చర్యలు చేపట్టారు. కేవలం గంట వ్యవధిలోనే చిన్నారి ఆచూకీ గుర్తించి, క్షేమంగా తల్లిదండ్రుల చెంతకు చేర్చారు. అనంతరం బాలుడికి ప్రత్యేకంగా కౌన్సెలింగ్‌ నిర్వహించి ఇంటికి పంపారు.

తణుకు ఎన్టీఆర్‌ పార్కు ముఖద్వారంపై ఇలా..వ్యవసాయ శాఖ కార్యాలయం ఎదురుగా.. అధికార యంత్రాంగం ఎన్నికల కోడ్‌ నిబంధనలను సక్రమంగా అమలు చేయకపోవడంపై విమర్శలు వ్యక్తమవుతున్నాయి. స్థానిక సంస్థల ఎన్నికల ప్రక్రియలో భాగంగా ఈనెల 14వ తేదీ నుంచి రాష్ట్రవ్యాప్తంగా ఎన్నికల కోడ్‌ అమలులోకి వచ్చినప్పటికీ నేటికీ తణుకు పట్టణ పరిధిలో కూటమి నేతల ఫ్లెక్సీలు జెండాలు పలు రహదారుల్లో దర్శనమిస్తున్నాయి. తణుకు రాష్ట్రపతి రోడ్డు, ఉండ్రాజవరం రోడ్డు, సజ్జాపురం తదితర ప్రాంతాల్లో కూటమి నేతల ఫ్లెక్సీలు తొలగించకపోవడం చర్చనీయాంశంగా మారింది. అధికారుల నిర్లక్ష్య ధోరణా లేక కూటమి నేతల మెప్పు కోసం ఎన్నికల కోడ్‌ నిబంధనలకు పాతరేస్తున్నారా అని ప్రజానీకం చర్చించుకుంటున్నారు. – తణుకు అర్బన్‌

ద్వారకాతిరుమల: శ్రీవారి ఆశ్వీయుజమాస దివ్య బ్రహ్మోత్సవాల్లో నాల్గవ రోజు శనివారం రాత్రి నిత్య కల్యాణ మండపంలో జరిగిన ఎదుర్కోలు వేడుక భక్తులకు నేత్రపర్వమైంది. బ్రహ్మోత్సవాల్లో అత్యంత ప్రాధాన్యత ఉన్న ఈ వేడుకను శ్రీవారి కల్యాణానికి ముందురోజు జరపడం సంప్రదాయంగా వస్తోంది. ముందుగా స్వామి, అమ్మవార్లను మేళతాళాలు, మంగళ వాయిద్యాలు, అర్చకులు, పండితులు, ఆగమ విద్యార్థుల వేద మంత్రోచ్ఛరణల నడుమ ఆలయం నుంచి తొళక్క వాహనంపై పడమర రాజగోపురం మీదుగా నిత్య కల్యాణ మండపం వద్దకు అట్టహాసంగా తీసుకెళ్లారు. అక్కడ విశేషంగా అలంకరించిన వెండి శేష వాహనంపై కల్యాణ మూర్తులను ఉంచి, హారతులిచ్చారు. అనంతరం ఎదుర్కోలు ఉత్సవాన్ని ప్రారంభించారు. ఈ సందర్భంగా ఆలయ అధికారులు, అర్చకులు, పండితులు, భక్తులు రెండు జట్లుగా విడిపోయి ఒక జట్టు శ్రీవారి గుణగణాలను, ఆయన విశిష్టతను, రెండో జట్టు అమ్మవార్ల గుణగణాలను కొనియాడారు. వివాహానికి ముందురోజు వధూవరుల తరపు బంధువులు శుభలేఖను పఠించేందుకు జరిపే కార్యక్రమమే ఈ ఎదుర్కోలు ఉత్సవమని పండితులు తెలిపారు. ఉదయం హనుమద్వాహనంపై, రాత్రి వెండి శేషవాహనంపై జరిగిన శ్రీవారి తిరువీధి సేవలు భక్తులకు నేత్రపర్వమయ్యాయి. ఆలయ ముఖ మండపంలో శ్రీరామ పాదుకా సమేత భరతుడి అలంకారంలో ఉన్న శ్రీవారిని అధిక సంఖ్యలో భక్తులు దర్శించారు. శ్రీహరి కళాతోరణ వేదికపై జరిగిన పలు సాంస్కృతిక కార్యక్రమాలు చూపరులను అలరించాయి. ఇదిలా ఉంటే ఆదివారం రాత్రి ఆలయ తూర్పురాజగోపుర ప్రాంతంలో జరిగే శ్రీవారి తిరుకల్యాణ మహోత్సవానికి అన్ని ఏర్పాట్లు పూర్తయ్యాయి. బ్రహ్మోత్సవాల్లో నేడు ● ఉదయం 7 గంటలకు – సింహ వాహనంపై తిరువీధి సేవ ● రాత్రి 8.30 గంటలకు– శ్రీవారి తిరుకల్యాణ మహోత్సవం, అనంతరం వెండి గరుడ వాహన సేవ ● శ్రీవారి ప్రత్యేక అలంకారం – మోహిని నేటిరాత్రి చినవెంకన్న తిరుకల్యాణం

టీడీపీ, జనసేనల నుంచి చేరికలుబుట్టాయగూడెం: స్థానిక సంస్థల ఎన్నికల వేళ తెలుగుదేశం పార్టీకి గట్టి ఎదురుదెబ్బ తగిలింది. గురుగుమిల్లి గ్రామానికి చెందిన 10 టీడీపీ కుటుంబాలు శనివారం ఆ పార్టీని వీడి, వైఎస్సార్‌సీపీలో చేరాయి. మండలంలోని దుద్దుకూరులో నిర్వహించిన కార్యక్రమంలో వైఎస్సార్‌సీపీ పోలవరం నియోజకవర్గ సమన్వయకర్త, మాజీ ఎమ్మెల్యే తెల్లం బాలరాజు, పార్టీ నియోజకవర్గ మాజీ సమన్వయకర్త తెల్లం రాజ్యలక్ష్మి... కొత్తగా పార్టీలో చేరిన వారికి కండువాలు కప్పి సాదరంగా ఆహ్వానించారు. ఈ సందర్భంగా మాజీ ఎమ్మెల్యే తెల్లం బాలరాజు మాట్లాడుతూ.. రాష్ట్రంలోని కూటమి పాలనపై విసుగుచెందిన పలువురు నేతలు, కార్యకర్తలు వైఎస్సార్‌సీపీ వైపు చూస్తున్నారని తెలిపారు. త్వరలో జరగనున్న స్థానిక సంస్థల ఎన్నికల్లో పార్టీ అభ్యర్థుల విజయం కోసం అందరూ ఐక్యంగా కృషి చేయాలని పిలుపునిచ్చారు. ఈ కార్యక్రమంలో స్థానిక నాయకులు సోయం వెంకటరామయ్య, పార్టీ జిల్లా ప్రధాన కార్యదర్శి ఆరేటి సత్యనారాయణ, నాయకులు బానోతు కృష్ణనాయక్‌, నక్కా శివాజీ, సీతప్పగూడెం ఎంపీటీసీ అభ్యర్థి మడకం జంపాలు, మాజీ ఎంపీటీసీ సభ్యురాలు వెట్టి పెంటమ్మ తదితరులు పాల్గొన్నారు. జంగారెడ్డిగూడెం (బుట్టాయగూడెం) : కూటమి ప్రభుత్వ తీరుపై అసంతృప్తితో జంగారెడ్డిగూడెం మండలం మైసన్నగూడెం గ్రామంలో శనివారం టీడీపీ, జనసేన పార్టీలకు చెందిన సుమారు 50 కుటుంబాలు వైఎస్సార్‌సీపీలో చేరాయి. వైఎస్సార్‌సీపీ రాష్ట్ర బీసీ సెల్‌ కార్యదర్శి కుక్కల ధర్మరాజు, పార్టీ మండల అధ్యక్షుడు ఒరుగుంటి నాగేంద్ర సమక్షంలో నూతనంగా పార్టీలో చేరిన వారికి పార్టీ రాష్ట్ర కార్యదర్శి, మచిలీపట్నం పార్లమెంట్‌ పరిశీలకుడు జెట్టి గురునాథరావు పార్టీ కండువాలు కప్పి సాదరంగా ఆహ్వానించారు. టీడీపీ నుంచి కుక్కల సీతారామరాజు, నందిపాం సత్యేశ్వరరావు, తాడి నాగరాజు, సోపేటి రమేష్‌, పులపాకులు మధుబాబు, లింగగిరి సత్యబాబు, బుద్దాటి అశోక్‌, జుత్తుక నరసింహ, లింగగిరి గంగరాజు, జుత్తుక గంగరాజు, గంటా గంగరాజు, తలారి రాము, తలారి రామకృష్ణ, తలారి అర్జున్‌; జనసేన పార్టీ నుంచి నేలప్రోలు వంశీకృష్ణ, ఆరేటి యోహన్‌ తదితరులు వైఎస్సార్‌సీపీ తీర్థం పుచ్చుకున్నారు. ఈ సందర్భంగా జెట్టి గురునాథరావు మాట్లాడుతూ.. మైసన్నగూడెం గ్రామం వైఎస్సార్‌సీపీకి పట్టుకొమ్మని, ఇక్కడ ఎంతో క్రమశిక్షణ గల ప్రజలు ఉన్నారని కొనియాడారు. కూటమి ప్రభుత్వ ప్రజా వ్యతిరేక విధానాలపై తీవ్ర స్థాయిలో మండిపడ్డారు. తెలుగుదేశం, జనసేన పార్టీలకు చెందిన ముఖ్య నాయకులు కొక్కల సీతారాం, సోమరాజు, ఇరూరి సర్వేశ్వరరావు, జనసేన నాయకులు వంశీకృష్ణ, నాగరాజులతో పాటు సుమారు 50 కుటుంబాలు వైఎస్సార్‌సీపీలోకి రావడం పార్టీని మరింత బలోపేతం చేస్తుందని తెలిపారు. ఈ కార్యక్రమంలో ఉభయ గోదావరి జిల్లాల బూత్‌ కమిటీల కన్వీనర్‌ బీవీఆర్‌ చౌదరి, జెట్టి సత్య ఆదిత్య, వైఎస్సార్‌సీపీ నాయకులు పంతగాని వెంకన్న, చీమకుర్తి శ్రీనివాసరావు, కుర్రు రవి, సోమేశ్వరరావు తదితరులు పాల్గొన్నారు. మైసన్నగూడెంలో వైఎస్సార్‌ సీపీ కండువాలు కప్పి ఆహ్వానిస్తున్న జెట్టి గురునాథరావు, ఒరుగుంటి నాగేంద్ర, కుక్కల ధర్మరాజు తదితరులు దుద్దుకూరులో వైఎస్సార్‌సీపీలో చేరిన టీడీపీ నేతలకు కండువాలు వేసి ఆహ్వానిస్తున్న మాజీ ఎమ్మెల్యే తెల్లం బాలరాజు

రూ.1.9 కోట్ల విలువైన చోరీ సొత్తు స్వాధీనం భీమవరం: పట్టణంలోని నర్సయ్య అగ్రహారంలో అపార్ట్‌మెంట్‌లో జరిగిన దొంగతనం కేసులో నిందితుడి మహ్మద్‌ బాషాని శుక్రవారం అరెస్ట్‌ చేసినట్లు అడిషనల్‌ ఎస్పీ బి. విశ్వనాథ్‌, భీమవరం డీఎస్పీ రఘువీర్‌ విష్ణు తెలిపారు. స్థానిక వన్‌టౌన్‌ పోలీస్‌ స్టేషన్‌లో శనివారం ఏర్పాటు చేసిన విలేకరుల సమావేశంలో వారు వివరాలు వెల్లడించారు. నర్సయ్య అగ్రహారంలోని శ్రీనిధి అపార్ట్‌మెంట్‌ ప్లాట్‌ నెం. 303లో నివాసం ఉంటున్న మహ్మద్‌ బాషా అదే అపార్ట్‌మెంట్‌లో ఉంటున్న శీలమంతుల కనకమహాలక్ష్మి ఇంట్లో చోరీకి పాల్పడ్డాడు. ఆ ఇంట్లో ఎవరూ లేని సమయం చూసి, ప్రధాన ద్వారం తాళాలు పగులగొట్టి బీరువాలోని సొత్తును అపహరించాడు. చోరీపై బాధితురాలు పోలీసులకు ఫిర్యాదు చేశారు. కేసు నమోదు చేసి దర్యాప్తు చేపట్టిన పోలీసులు, సాంకేతిక ఆధారాల సహాయంతో అదే అపార్ట్‌మెంట్‌లో నివసించే మహ్మద్‌ బాషాను నిందితుడిగా గుర్తించారు. శుక్రవారం పట్టణంలోని జంక్షన్‌ రైల్వేస్టేషన్‌ ప్రాంతంలో అతడిని అదుపులోకి తీసుకుని అరెస్ట్‌ చేసినట్లు పోలీసులు తెలిపారు. నిందితుడి నుంచి సుమారు రూ. 1.9 కోట్ల విలువైన 800 గ్రాముల బంగారం, రెండున్నర కిలోల వెండి ఆభరణాలు, రూ. 50 వేల నగదును స్వాధీనం చేసుకున్నట్లు వెల్లడించారు. పెనమలూరు: తాడిగడపలో అత్తింటికి వచ్చిన వ్యక్తి అదృశ్యమైన ఘటనపై పోలీసులు శనివారం కేసు నమోదు చేశారు. ఎస్సై రమేష్‌ తెలిపిన వివరాల ప్రకారం ఏలూరు జిల్లా పెదపాడు గ్రామానికి చెందిన బెహరా కోటిరాజు (28) రెండు రోజుల క్రితం భార్య ఉషతో కలిసి తాడిగడప దళితవాడలో ఉన్న అత్తింటికి వచ్చాడు. అతను విజయవాడలోని ఓ ట్రాన్స్‌పోర్టులో లారీ డ్రైవర్‌గా పనిచేస్తున్నాడు. అయితే అదే రోజు రాత్రి అతను ఆటోనగర్‌లో ట్రాన్స్‌పోర్టు యజమానిని కలవాలని ఇంటి నుంచి వెళ్లాడు. తిరిగి ఇంటికి రాకపోవడంతో కోటిరాజు కుటుంబ సభ్యులు పలు ప్రాంతాల్లో వెతికారు. అతని జాడ తెలియక పోవడంతో భార్య ఉష పోలీసులను ఆశ్రయించి ఫిర్యాదు చేయటంతో మిస్సింగ్‌ కేసు నమోదు చేశారు. భీమవరం : భీమవరం పట్టణంలోని యనమదుర్రు డ్రెయిన్‌పైగల కాలిబాట వంతెనపై జరిగిన లారీ ప్రమాదంలో పలువురు త్రుటిలో ప్రాణాపాయం నుంచి తప్పించుకున్నారు. భీమవరం పట్టణంలోని టూటౌన్‌ పోలీసుస్టేషన్‌ రోడ్డు వైపు నుంచి శనివారం ఒక లారీ గొల్లవానితిప్ప వైపు వెళ్తోంది. ఈ క్రమంలో కాలిబాట వంతెన అప్రోచ్‌ రోడ్డు ఎక్కుతుండగా లారీకి ఒక్కసారిగా బ్రేక్‌ ఫెయిల్‌ కావడంతో వెనుకకు జారింది. ఈ సమయంలో లారీ వెనుక వస్తున్న మోటార్‌ సైకిళ్లపైకి అది దూసుకురావడంతో.. నాలుగు బైక్‌లు లారీ కిందకు వెళ్లిపోయాయి. ఈ ప్రమాదంలో కొందరికి గాయాలవగా, వెంటనే వారిని ఆసుపత్రికి తరలించినట్లు సమాచారం.

జంగారెడ్డిగూడెం (బుట్టాయగూడెం): జపాన్‌లో ఈ నెల 19 నుంచి 23 వరకు జరిగిన 5వ ఆసియన్‌ పారా గేమ్స్‌ – 2026 స్విమ్మింగ్‌ విభాగంలో జంగారెడ్డిగూడెంకు చెందిన యువ ఈతగాడు బుడిగిన రవికార్తీక్‌ అద్భుత ప్రతిభ కనబరిచి దేశానికి కీర్తిప్రతిష్టలు తెచ్చారు. ఈ పోటీల్లో ఆయన 2 రజత, 1 కాంస్య పతకం సాధించి, భారత్‌ తరఫున ఒకే క్రీడాకారుడిగా అత్యధిక పతకాలు సాధించిన వ్యక్తిగా సరికొత్త రికార్డు సృష్టించారు. 18 ఏళ్ల చిన్న వయసులోనే అంతర్జాతీయ స్థాయిలో పతకాలు సాధించడం పట్ల ఆయన తండ్రి, న్యాయవాది బుడిగిన నాగేంద్రకుమార్‌ హర్షం వ్యక్తం చేశారు. పోటీల్లో రవికార్తీక్‌ 100 మీటర్ల ఫ్రీస్టైల్‌, 100 మీటర్ల బ్యాక్‌స్ట్రోక్‌ విభాగాల్లో రెండు రజత పతకాలు, 50 మీటర్ల ఫ్రీస్టైల్‌ విభాగంలో కాంస్య పతకం కైవసం చేసుకున్నారు. ఈ విజయంతో ఆయన 2027లో మెక్సికోలో వరల్డ్‌ ఛాంపియన్‌షిప్‌తో పాటు, 2028లో అమెరికాలోని లాస్‌ఏంజెల్స్‌లో జరిగే పారా ఒలింపిక్స్‌లో భారత్‌ తరఫున పాల్గొనేందుకు అర్హత సాధించారు. వీరవాసరం: స్థానిక ఎంఆర్‌కే జిల్లా పరిషత్‌ ఉన్నత పాఠశాల క్రీడా ప్రాంగణంలో 70వ రాష్ట్రస్థాయి స్కూల్‌ గేమ్స్‌ అండర్‌ 14, 17, 19 బాల బాలికల మాల్‌ఖంబ్‌ క్రీడా పోటీలు శనివారం అట్టహాసంగా ప్రారంభమయ్యాయి. ఈ పోటీలను జిల్లా విద్యాశాఖ అధికారి ఓవీఎస్‌ అనిల్‌ కుమార్‌ ప్రారంభించారు. ఈ సందర్భంగా ఆయన మాట్లాడుతూ క్రీడాకారులు రాష్ట్రస్థాయి పోటీలతోపాటు జాతీయ స్థాయి పోటీల్లో ప్రతిభ కనబరచాలని ఆకాంక్షించారు. పోటీల్లో 12 జిల్లాల క్రీడాకారులు, కోచ్‌ మేనేజర్లు 300 మంది పాల్గొన్నారని ఆర్గనైజింగ్‌ సెక్రటరీ బాజీంకి వెంకట శ్రీనివాస్‌ తెలిపారు. పోటీలు 26వ తేదీ వరకు కొనసాగుతాయని చెప్పారు. ఏలూరు (ఆర్‌ఆర్‌పేట): స్కూల్‌గేమ్స్‌ ఫెడరేషన్‌ ఆధ్వర్యంలో త్వరలో జరుగనున్న రాష్ట్ర స్థాయి పోటీలకు సంబంధించి నిర్వహించనున్న వివిధ క్రీడల జట్ల ఎంపికల తేదీల్లో మరోసారి మార్పులు జరిగినట్టు జిల్లా విద్యాశాఖాధికారి ఎం.వెంకట లక్ష్మమ్మ ఒక ప్రకటనలో తెలిపారు. స్క్వాష్‌ క్రీడకు సంబంధించి అండర్‌ 14, 17 జట్ల ఎంపికలు ఈనెల 27న లింగపాలెం మండలం కలరాయనగూడెం జిల్లా పరిషత్‌ ఉన్నత పాఠశాల ప్రాంగణంలో, సాఫ్ట్‌ టెన్నిస్‌ జట్ల ఎంపికలు 27న రంగాపురం జిల్లా పరిషత్‌ ఉన్నత పాఠశాల ప్రాంగణంలో జరుగుతాయని తెలిపారు. అండర్‌ 17 బాలుర క్రికెట్‌ జట్టు ఎంపిక ఈ నెల 28వ తేదీన వంగూరులోని ఏఎన్‌ఎం క్రికెట్‌ అకాడమీలో జరుగుతాయన్నారు. 28వ తేదీన కరాటే అండర్‌ 14, 17 బాలబాలికల జట్ల ఎంపికలు ఏలూరులోని కాస్మోపాలిటన్‌ క్లబ్‌ ప్రాంగణంలో జరుగుతాయని తెలిపారు. 28వ తేదీన బాస్కెట్‌బాల్‌, వాలీబాల్‌, కబడ్డీ, చెస్‌, యోగా అండర్‌ 17, 14 బాలబాలికల జట్ల ఎంపికలు ఉంగుటూరు మండలం నారాయణపురం జిల్లా పరిషత్‌ ఉన్నత పాఠశాల ప్రాంగణంలో జరుగుతాయన్నారు. ఈ నెల 29వ తేదీన అండర్‌ 14 ,17 స్విమ్మింగ్‌ జట్ల ఎంపికలు ఏలూరులోని అల్లూరి సీతారామరాజు స్టేడియం వద్ద ఉన్న స్విమ్మింగ్‌ పూల్‌లో, అలాగే ఈ నెల 29వ తేదీన అండర్‌ 14 అథ్లెటిక్స్‌ బాలబాలికల జట్ల ఎంపికలు, ఖోఖో అండర్‌ 17, 14 బాలబాలికల జట్ల ఎంపికలు భీమడోలు జిల్లా పరిషత్‌ ఉన్నత పాఠశాల ప్రాంగణంలో జరుగుతాయన్నారు.

ఏలూరు (ఆర్‌ఆర్‌పేట) : కార్తీక మాసం సందర్భంగా వివిధ పుణ్యక్షేత్రాలను సందర్శించే భక్తుల సౌకర్యార్థం ప్రత్యేక బస్సు సర్వీసులు అందుబాటులోకి తెచ్చినట్లు ఏలూరు జిల్లా ప్రజా రవాణా అధికారి షేక్‌ షబ్నం తెలిపారు. శనివారం స్థానిక జిల్లా ప్రజా రవాణా అధికారి కార్యాలయంలో ప్రత్యేక బస్సు సర్వీసులకు సంబంధించిన వాల్‌పోస్టర్లు, కరపత్రాలు, స్టిక్కర్లను ఆమె విడుదల చేశారు. ఈ సందర్భంగా ఆమె మాట్లాడుతూ.. కార్తీక మాసంలో శబరిమలై వెళ్లే అయ్యప్ప మాలధారుల సౌలభ్యం కోసం ప్రత్యేక సర్వీసులు ఏర్పాటు చేసినట్లు తెలిపారు. కేరళ, తమిళనాడులోని వివిధ పుణ్యక్షేత్రాలను సందర్శించేలా ఈ టూర్లను రూపొందించామన్నారు. ప్రయాణ కాలం ఆధారంగా చార్జీలను నిర్ణయించామని, 4 రోజుల ప్రయాణానికి రూ.5,200, 6 రోజులకు రూ.6,000, 10 రోజులకు రూ.9,000గా ధరలు ఖరారు చేసినట్లు వెల్లడించారు. అలాగే, రాష్ట్రంలోని ప్రఖ్యాత పంచారామ క్షేత్రాలను ఒకేసారి దర్శించుకునేలా పంచారామ క్షేత్ర దర్శిని పేరుతో ప్రత్యేక సర్వీసులు నడుపుతున్నట్లు చెప్పారు. అల్ట్రా డీలక్స్‌ బస్సుకు రూ.1,100, సూపర్‌ లగ్జరీ బస్సుకు రూ.1,200గా టికెట్‌ ధరలు నిర్ణయించినట్లు తెలిపారు. ఈ పంచారామ క్షేత్ర దర్శిని సర్వీసులు కార్తీక మాసంలోని ప్రతి ఆదివారం (నవంబర్‌ 15, 22, 29, డిసెంబర్‌ 6 తేదీల్లో) రాత్రి 8 గంటలకు బయలుదేరి, తిరిగి సోమవారం సాయంత్రానికి ఏలూరు చేరుకుంటాయని వివరించారు. ఈ కార్యక్రమంలో డిపో మేనేజర్‌ బి. వాణి, ఆర్టీసీ కార్గో ఏటీఎం జీఎల్‌పీవీ సుబ్బారావు తదితరులు పాల్గొన్నారు.

కాళ్ల: స్థానిక సంస్థల ఎన్నికల నేపథ్యంలో అక్రమ మద్యం సరఫరా, నాటుసారా విక్రయాలను అరికట్టేందుకు తనిఖీలు ముమ్మరం చేసినట్లు ఆకివీడు ప్రొహిబిషన్‌ – ఎకై ్సజ్‌ ఇన్‌స్పెక్టర్‌ ఎ.వాసువేణి తెలిపారు. మండలంలో అక్రమ మద్యం విక్రయాలకు పాల్పడుతున్న ముగ్గురిని అదుపులోకి తీసుకుని, వారిని కాళ్ల తహసీల్దార్‌ జి.సుందర్‌ సింగ్‌ ఎదుట హాజరుపరిచినట్లు పేర్కొన్నారు. రూ.1.50 లక్షల సొంత పూచీకత్తుపై వారిని బైండోవర్‌ చేసినట్లు స్పష్టం చేశారు. జిల్లా వ్యాప్తంగా తనిఖీలు కొనసాగుతాయని, అక్రమాలకు పాల్పడితే కఠిన చర్యలు తప్పవని హెచ్చరించారు. తణుకు అర్బన్‌: ఏపీఎస్‌ఆర్టీసీ తణుకు కార్గో (పార్సిల్‌) విభాగంలో వినియోగదారుల సౌకర్యార్థం నూతనంగా క్యూఆర్‌ కోడ్‌ విధానాన్ని ప్రవేశపెట్టినట్లు డిపో మేనేజర్‌ ఏడీఎల్‌ సుధారాణి తెలిపారు. తణుకు బస్టాండ్‌లోని కార్గో సెంటర్‌లో శుక్రవారం ఆమె క్యూఆర్‌ కోడ్‌ స్కాన్‌ పోస్టర్లను ఆవిష్కరించారు. ఈ సందర్భంగా డీఎం మాట్లాడుతూ వినియోగదారులు క్యూఆర్‌ కోడ్‌ను స్కాన్‌ చేసి వివరాలు నమోదు చేస్తే శ్రీఫ్రీ బుకింగ్‌ నంబర్‌శ్రీ వస్తుందన్నారు. ఆ నంబరును ఆపరేటర్‌కు తెలిపితే డేటా నేరుగా సిస్టమ్‌లోకి వచ్చి బుకింగ్‌ సమయం ఆదా అవుతుందని వివరించారు. వినియోగదారుల సేవలను మరింత విస్తృతం చేసేందుకు ప్రతిరోజూ మధ్యాహ్నం 2 గంటల నుంచి రెండో బుకింగ్‌ కౌంటర్‌ అందుబాటులో ఉంచుతున్నట్లు చెప్పారు. సందేహాలుంటే కార్గో డీఎమ్‌ఈ 98491 69396 నంబరుకు ఫోన్‌ చేయాలని కోరారు. జంగారెడ్డిగూడెం(బుట్టాయగూడెం): జంగారెడ్డిగూడెం మండలం గుర్వాయిగూడెంలోని ప్రసిద్ధ పుణ్యక్షేత్రం శ్రీ మద్ది ఆంజనేయస్వామి ఆలయంలో శుక్రవారం శ్రీ సువర్చలా హనుమద్‌ కల్యాణ మహోత్సవం వైభవంగా నిర్వహించారు. స్వామివారి జన్మ నక్షత్రమైన పూర్వాభాద్రను పురస్కరించుకుని ఉదయం 9 గంటలకు అర్చకులు, వేద పండితుల మంత్రోచ్ఛారణల నడుమ కల్యాణ ఘట్టాన్ని కన్నులపండువగా నిర్వహించారు. ఈ సందర్భంగా భక్తులు విశేష సంఖ్యలో పాల్గొని కల్యాణాన్ని తిలకించి, తీర్థప్రసాదాలు స్వీకరించినట్లు ఆలయ అసిస్టెంట్‌ కమిషనర్‌ ఆర్‌.వి.చందన తెలిపారు. భక్తుల హనుమన్నామ స్మరణతో ఆలయ ప్రాంగణం మారుమోగింది. ఏలూరు (ఆర్‌ఆర్‌పేట ) : త్వరలో జరగనున్న రాష్ట్రస్థాయి సివిల్‌ సర్వీసెస్‌ క్రీడా పోటీల జిల్లా స్థాయి ఎంపికలను వాయిదా వేసినట్లు జిల్లా క్రీడాభివృద్ధి అధికారి ఎస్‌ఏ అజీజ్‌ శుక్రవారం ఒక ప్రకటనలో తెలిపారు. శాప్‌ ఆదేశాల మేరకు ఈ నెల 23, 24 తేదీలలో నిర్వహించాల్సిన ఎంపికలను స్థానిక సంస్థల ఎన్నికల నేపథ్యంలో వాయిదా వేసినట్లు వివరించారు. శుక్రవారం రోజున నిర్వహించిన ఫుట్‌బాల్‌ ఎంపికలతో పాటు, మిగిలిన క్రీడల ఎంపిక తేదీలను నవంబరు 10వ తేదీ లోపు ప్రకటిస్తామని తెలిపారు. తదుపరి నిర్వహించే జిల్లా స్థాయి ఎంపికల్లో ఫుట్‌బాల్‌ క్రీడాకారులకు కూడా మరొక అవకాశం ఉంటుందని, ఉద్యోగులు ఈ మార్పును గమనించాలని సూచించారు. పెదవేగి: స్థానిక డాక్టర్‌ బి.ఆర్‌. అంబేద్కర్‌ గురుకులంలో శుక్రవారం అండర్‌–19 బాలబాలికల అథ్లెటిక్స్‌ జిల్లా జట్ల ఎంపికలు ప్రారంభమైనట్లు ఏలూరు జిల్లా స్కూల్‌ గేమ్స్‌ అసోసియేషన్‌ ప్రధాన కార్యదర్శి కె. జయరాజు తెలిపారు. జిల్లా నలుమూలల నుంచి దాదాపు 300 మందికి పైగా బాలబాలికలు ఈ ఎంపికల్లో ఉత్సాహంగా పాల్గొన్నారు.

భీమవరం (ప్రకాశంచౌక్‌): మాదకద్రవ్యాల దుష్ప్రభావాలపై అవగాహన కల్పించేందుకు 62 ఏళ్ల వయసులో న్యూఢిల్లీ వరకు సైకిల్‌ యాత్ర చేపట్టిన ఇందుకూరి విజయలక్ష్మిని కలెక్టర్‌ చదలవాడ నాగరాణి అభినందించారు. నషా ముక్త్‌ భారత్‌ ప్రచారంలో భాగంగా విజయలక్ష్మి అక్టోబర్‌ 22న భీమవరంలోని అల్లూరి సీతారామరాజు విగ్రహం వద్ద నుంచి తన యాత్రను ప్రారంభించారు. భీమవరం నుంచి న్యూఢిల్లీ వరకు సుమారు 3,000 కిలోమీటర్లు ప్రయాణిస్తూ, మార్గమధ్యంలో కళాశాలలను సందర్శించి లక్ష మంది విద్యార్థులకు డ్రగ్స్‌ వల్ల కలిగే అనర్థాలపై అవగాహన కల్పించనున్నారు. ఈ యాత్ర డిసెంబర్‌ 10న న్యూఢిల్లీలో ముగియనుంది. శుక్రవారం కలెక్టర్‌ను కలిసిన విజయలక్ష్మి, యాత్ర వివరాలను వెల్లడించారు. ఈ సందర్భంగా కలెక్టర్‌ మాట్లాడుతూ సమాజ శ్రేయస్సు కోసం ఆమె చేపట్టిన ఈ యాత్ర స్ఫూర్తిదాయకమని, డ్రగ్స్‌ రహిత సమాజ నిర్మాణం ప్రతి ఒక్కరి బాధ్యత అని పేర్కొన్నారు. టి.నరసాపురం: రాష్ట్రస్థాయిలో నిర్వహించిన రగ్బీ, కబడ్డీ పోటీల్లో ఏలూరు జిల్లా టి.నరసాపురం జడ్పీ ఉన్నత పాఠశాల విద్యార్థులు ప్రతిభ చాటారని ప్రధానోపాధ్యాయుడు బి. లింగస్వామి శుక్రవారం తెలిపారు. ఈ నెల 9, 10 తేదీల్లో అన్నమయ్య జిల్లాలో జరిగిన 70వ ఎస్జీఎఫ్‌ రాష్ట్రస్థాయి రగ్బీ పోటీల్లో బొమ్మగాని సాయి పండు, మారుమూడి వరుణ్‌ ఉత్తమ ప్రతిభ కనబరిచారు. అలాగే కాకినాడలో జరిగిన అండర్‌–17 విభాగం రాష్ట్రస్థాయి రగ్బీ పోటీల్లో ఎస్‌.కె. నసీమా, ఆంధ్రప్రదేశ్‌ కబడ్డీ అసోసియేషన్‌ ఆధ్వర్యంలో నూజివీడులో జరిగిన 36వ సబ్‌ జూనియర్‌ రాష్ట్రస్థాయి కబడ్డీ పోటీల్లో ఆర్‌.నాగరాణి అద్భుత ప్రతిభ చాటారు. ప్రతిభ కనబరిచిన విద్యార్థులతో పాటు, శిక్షణ అందించిన పీఈటీ అడపా రామకృష్ణను ఉపాధ్యాయులు, స్థానికులు అభినందించారు. పెడన: కృష్ణా జిల్లా పెడన మండలం లంకలకలవగుంటలో దసరా మహోత్సవాలను పురస్కరించుకుని ఈ నెల 12 నుంచి నిర్వహించిన రాష్ట్రస్థాయి చెడుగుడు పోటీలు శుక్రవారంతో ముగిశాయి. రాష్ట్రంలోని వివిధ ప్రాంతాల నుంచి 25 జట్లు ఈ పోటీల్లో ఉత్సాహంగా పాల్గొన్నాయి. కృష్ణా, గుంటూరు, నెల్లూరు, బాపట్ల, పశ్చిమగోదావరి, ఏలూరు తదితర జిల్లాల నుంచి క్రీడాకారులు హాజరయ్యారు. శుక్రవారం వేకువజామున జరిగిన ఫైనల్స్‌లో చినగంజాం, నెల్లూరు జట్లు తలపడగా.. చినగంజాం జట్టు విజయం సాధించింది. నెల్లూరు రెండో స్థానంలో, స్టూవర్టుపురం మూడో స్థానంలో, ఏలూరు జిల్లా వేమవరప్పాడు జట్టు నాలుగో స్థానంలో నిలిచాయి. విజేతలకు నిర్వాహకులు బహుమతులు అందజేశారు. కొయ్యలగూడెం: గ్రామంలోని కొవ్వూరు రోడ్డులో ఉన్న జయప్రద హాస్పిటల్‌ సమీప జాతీయ రహదారిపై శుక్రవారం తెల్లవారుజామున చోటు చేసుకున్న రోడ్డు ప్రమాదంలో ఓ వ్యక్తి ప్రాణాలు కోల్పోగా, మరొకరు తీవ్రంగా గాయపడ్డారు. ఎస్సై వి.చంద్రశేఖర్‌ తెలిపిన వివరాల ప్రకారం కొయ్యలగూడెంలో కమ్మరి వృత్తి చేసుకునే ఈదరాడ కనక సుందరం (48) అనే వ్యక్తి ముప్పిడి వెంకటేష్‌ అనే రిక్షా పుల్లర్‌ రిక్షాలో కొయ్యలగూడెం సెంటర్‌ నుంచి కొవ్వూరు వైపు వెళ్తున్నారు. ఆ సమయంలో వెనుక నుంచి వేగంగా వచ్చిన కారు రిక్షాను ఢీకొట్టింది. ఈ ప్రమాదంలో కనక సుందరం తలకు తీవ్ర గాయమవ్వగా, రిక్షా పుల్లర్‌ వెంకటేష్‌ కూడా తీవ్రంగా గాయపడ్డాడు. గమనించిన స్థానికులు ఇద్దరినీ ప్రభుత్వ ఆసుపత్రికి తరలించారు. అయితే కనక సుందరం అప్పటికే మృతి చెందినట్లు వైద్యులు నిర్ధారించారు. మృతుడి కుమారుడు బాల హరిచంద్ర ప్రసాద్‌ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పేర్కొన్నారు.

● సూర్య, చంద్రప్రభ వాహనాలపై విహారం ● ఆకట్టుకున్న శకటాసుర వధ అలంకారం ● నేడు స్వామివారికి ఎదుర్కోలు ఉత్సవం ద్వారకాతిరుమల: ఆశ్వయుజమాస దివ్య బ్రహ్మోత్సవాల్లో భాగంగా చిన్నతిరుపతిలో శ్రీవారు శుక్రవారం సూర్యప్రభ, చంద్రప్రభ వాహనాలపై విహరిస్తూ భక్తులకు దివ్యమంగళ రూపంలో దర్శనమిచ్చారు. శుక్రవారం ఉదయం పంచాయుధధారిగా, నారాయణమూర్తి అలంకరణలో సర్వాలంకార భూషితుడైన శ్రీవారు సూర్యప్రభ వాహనంపై విరాజిల్లారు. విశేష పుష్పాలంకరణలో దేదీప్యమానంగా వెలుగొందిన స్వామివారికి అర్చకులు పూజలు నిర్వహించి హారతులిచ్చారు. మేళతాళాలు, మంగళవాయిద్యాల నడుమ గ్రామోత్సవం వైభవంగా సాగింది. ఈ సేవలో స్వామివారిని దర్శించుకుంటే విద్య, ఆరోగ్యం, అష్టైశ్వర్యాలు సిద్ధిస్తాయని పండితులు తెలిపారు. చంద్రప్రభపై చల్లని వెన్నెల వెలుగుల్లో రాత్రి ఉభయ దేవేరులతో కలిసి శ్రీవారు చంద్రప్రభ వాహనంపై కొలువుదీరి భక్తులకు అభయమిచ్చారు. వెన్నెల వెలుగులను తలపించే ఈ వాహనంపై స్వామివారి దివ్యమంగళ రూపం భక్తులను పరవశింపజేసింది. వేదమంత్రోచ్ఛరణలు, మంగళవాయిద్యాల నడుమ సాగిన గ్రామోత్సవంలో గజ, అశ్వ సేవలు ఉత్సవ వైభవాన్ని మరింత పెంచాయి. చల్లని చిరుగాలుల మధ్య స్వామివారిని దర్శించుకుని భక్తులు పులకించిపోయారు. మరోవైపు, శ్రీహరి కళాతోరణ వేదికపై నిర్వహించిన సాంస్కృతిక కార్యక్రమాలు అలరించాయి. ఆకట్టుకున్న శకటాసుర వధ అలంకారం బ్రహ్మోత్సవాల్లో భాగంగా ఆలయ ముఖమండపంలో ఏర్పాటు చేసిన శకటాసుర వధ అలంకారం భక్తులను విశేషంగా ఆకట్టుకుంది. బాలకృష్ణుడు బండి రూపంలో వచ్చిన శకటాసురుడిని తన పాదంతో తన్ని సంహరించిన ఘట్టానికి ఇది ప్రతీక. దుష్టశక్తులపై దైవశక్తి విజయాన్ని, శిష్టరక్షణ.. దుష్టశిక్షణ తత్వాన్ని ఈ అలంకారం చాటిచెప్పింది. నేటి బ్రహ్మోత్సవ కార్యక్రమాలు ఉదయం 7:00 గంటలకు : హనుమద్వాహనంపై గ్రామోత్సవం రాత్రి 7:00 గంటలకు : ఎదుర్కోలు ఉత్సవం, అనంతరం వెండి శేష వాహన సేవ ప్రత్యేక అలంకారం : శ్రీరామ పాదుకా సమేత భరతుడు

నూజివీడు: మండల కేంద్రమైన ముసునూరులోని ముసునూరు–2 ఎంపీటీసీ స్థానానికి వైఎస్సార్‌సీపీ అభ్యర్థిగా కంభంపాటి సునీత వేసిన నామినేషన్‌ను పెండింగ్‌లో పెట్టడంపై ఆ పార్టీ నాయకులు తీవ్ర అభ్యంతరం వ్యక్తం చేశారు. నామినేషన్‌ను తిరస్కరించేందుకు రిటర్నింగ్‌ అధికారి ఎం.పి.ఎన్‌. సుందరి ప్రయత్నిస్తున్నారని వారు విమర్శిస్తున్నారు. ఎంపీటీసీ ఎన్నికల ఓటర్ల జాబితాలో సునీతకు ఓటు హక్కు ఉన్నప్పటికీ.. గ్రామ పంచాయతీ ఓటర్ల తొలగింపు జాబితాలో ఆమె పేరు ఉందనే కారణంతోనే నామినేషన్‌ను పెండింగ్‌లో ఉంచానని ప్రశ్నించిన నాయకులకు ఆర్వో సుందరి సమాధానమిచ్చారు. దీనిపై ఎన్నికల సంఘం ఏమైనా ఉత్తర్వులు జారీ చేసిందా? అని వైఎస్సార్‌సీపీ నాయకులు ప్రశ్నించగా, అలాంటిదేమీ లేదని ఆర్వో స్పష్టం చేశారు. కలెక్టర్‌ చెప్పారంటున్న ఆర్‌ఓ ఎన్నికల సంఘం ఉత్తర్వులు లేనప్పుడు నామినేషన్‌ను ఎందుకు పెండింగ్‌లో ఉంచుతారని నాయకులు నిలదీయగా.. జిల్లా కలెక్టర్‌ మౌఖికంగా ఆదేశించారని ఆర్‌ఓ తెలిపారు. ఎన్నికల నిర్వహణలో రాతపూర్వక నిబంధనలకే విలువ ఉంటుందని, మౌఖిక ఆదేశాలను ఎలా పరిగణనలోకి తీసుకుంటారని వారు ప్రశ్నించారు. ఎంపీటీసీ ఓటర్ల జాబితాలో పేరు స్పష్టంగా ఉన్నప్పుడు, పంచాయతీ ఓటర్ల జాబితాతో ముడిపెట్టి అభ్యంతరం వ్యక్తం చేయడం సరికాదని మండిపడ్డారు. కొన్ని చోట్ల రెండు పంచాయతీలు కలిసి ఒక ఎంపీటీసీగా ఉంటాయని, అలాంటప్పుడు పంచాయతీ ఓటర్ల జాబితాను ఎలా ప్రామాణికంగా తీసుకుంటారని నిలదీశారు. రిటర్నింగ్‌ అధికారి వైఖరిపై కోర్టును ఆశ్రయించేందుకు వైఎస్సార్‌సీపీ నాయకులు సిద్ధమవుతున్నారు.

ద్వారకాతిరుమల: పొత్తులో భాగంగా కేటాయించిన ఎంపీటీసీ స్థానంలో పోటీ చేసేందుకు బీజేపీకి స్థానిక అభ్యర్థి కరువయ్యారు. దీంతో టీడీపీ నుంచి ఒక నేతను పార్టీలోకి ఆహ్వానించి, కమలం గుర్తుపై బరిలోకి దింపేందుకు కూటమి నాయకులు నిర్ణయించారు. ద్వారకాతిరుమల మండలం ఐ.ఎస్‌. రాఘవాపురంలో ఈ ఆసక్తికర రాజకీయ పరిణామం చోటుచేసుకుంది.పొత్తులో భాగంగా ద్వారకాతిరుమల మండలంలో 7 ఎంపీటీసీ స్థానాలతో పాటు, నియోజకవర్గంలోని నాలుగు మండలాల్లో ఒక జెడ్పీటీసీ స్థానాన్ని తమకు కేటాయించాలని బీజేపీ నేతలు తొలుత కోరారు. అయితే అన్ని స్థానాలు కేటాయించడం సాధ్యం కాదని గోపాలపురం ఎమ్మెల్యే మద్దిపాటి వెంకటరాజు స్పష్టం చేయడంతో, కనీసం మూడు ఎంపీటీసీ స్థానాలైనా ఇవ్వాలని కోరారు. చివరకు ద్వారకాతిరుమల మండలంలో ఐ.ఎస్‌. రాఘవాపురం స్థానానికే పరిమితమయ్యారు. గోపాలపురం మండలంలోని చిట్యాల, దేవరపల్లి మండలంలోని దుద్దుకూరు, నల్లజర్ల మండలంలోని అనంతపల్లి ఎంపీటీసీ స్థానాలను కూడా బీజేపీకి కేటాయించినట్లు ఆ పార్టీ నాయకులు తెలిపారు. ఐ.ఎస్‌. రాఘవాపురంలో సీటు దక్కినా, సొంత పార్టీ అభ్యర్థి లేకపోవడంతో టీడీపీ నేతను బరిలోకి దించడం స్థానికంగా చర్చనీయాంశమైంది. కూటమిలో రెబల్స్‌ బెడద మరోవైపు సీట్ల సర్దుబాటు కొలిక్కి వచ్చినప్పటికీ, రెబల్స్‌ నామినేషన్లు కూటమికి తలనొప్పిగా మారాయి. దొరసానిపాడులో టీడీపీ అధికారిక అభ్యర్థికి పోటీగా అదే పార్టీకి చెందిన మరో నాయకుడు శుక్రవారం రెబల్‌గా నామినేషన్‌ దాఖలు చేశారు. అలాగే పి.కన్నాపురం, గుణ్ణంపల్లిలోనూ టీడీపీ అభ్యర్థులకు పోటీగా జనసేనకు చెందిన రెబల్స్‌ నామినేషన్లు వేశారు. మరికొన్ని చోట్ల ఇదే పరిస్థితి నెలకొని ఉంది. ఈ నెల 27న జరిగే నామినేషన్ల ఉపసంహరణ ప్రక్రియతో రెబల్స్‌ భవితవ్యం తేలనుంది.

ఉంగుటూరు: మండలంలో తీవ్ర సంచలనం సృష్టించిన ఘటన వెలుగు చూసింది. ఉంగుటూరు రెవెన్యూ అటవీ ప్రాంతంలో 35 నుంచి 40 సంవత్సరాల వయసున్న ఓ మహిళను దుండగులు అత్యంత దారుణంగా హత్య చేసి, ఆపై మృతదేహాన్ని దహనం చేశారు. ఈ ఘటన స్థానికంగా తీవ్ర భయభ్రాంతులకు గురిచేసింది. వివరాల ప్రకారం మండలంలోని నాచుగుంట పంచాయతీ పరిధిలోని ఉంగుటూరు రెవెన్యూ ఫారెస్ట్‌ బి బ్లాక్‌లో డాక్టర్‌ వైఎస్సార్‌ ఆర్టికల్చరల్‌ యూనివర్సిటీ వెనుక భాగంలోని అటవీ ప్రాంతంలో ఈ ఘటన చోటు చేసుకుంది. శుక్రవారం తెల్లవారుజామున సగం కాలిన మహిళ మృతదేహాన్ని స్థానిక రైతులు గుర్తించి చేబ్రోలు పోలీసులకు సమాచారం అందించారు. ఎస్సై సూర్యభగవాన్‌ సిబ్బందితో కలిసి ఘటనా స్థలానికి చేరుకుని పరిశీలించారు. అనంతరం గణపవరం సీఐ రజనీకుమార్‌ పరిస్థితిని సమీక్షించారు. అటవీ బీట్‌ ఆఫీసర్‌ రాజేష్‌ ఇచ్చిన ఫిర్యాదు మేరకు పోలీసులు కేసు నమోదు చేసి దర్యాప్తు ప్రారంభించారు. మృతురాలు సంధ్యగా గుర్తింపు? దుండగులు కాల్చివేసిన మహిళ మృతదేహం ఉంగుటూరు మండలం రావులపర్రుకు చెందిన సంజయ సంధ్యదిగా కుటుంబ సభ్యులు భావిస్తున్నారు. సంధ్య శుక్రవారం ఉదయం 10 గంటలకు రావులపర్రు నుంచి తన కుమారుడి మోటార్‌సైకిల్‌పై ఉంగుటూరు సెంటర్‌కు చేరుకున్నారు. అక్కడి నుంచి ఆమె తాడేపల్లిగూడెం వైపు వెళ్లినట్లు సమాచారం. ఆమె భర్త శివప్రసాద్‌ రాజమండ్రి ఆసుపత్రిలో చికిత్స పొందుతున్నారు. ఈ నేపథ్యంలో ఉదయం 10.30 గంటల తర్వాత ఆమె సెల్‌ఫోన్‌ స్విచ్‌ ఆఫ్‌ అయ్యింది. ఆచూకీ లభించకపోవడంతో కుటుంబ సభ్యులు గాలింపు చేపట్టారు. ఈ క్రమంలో ఉంగుటూరు అటవీ ప్రాంతంలో మహిళను హత్య చేసి కాల్చివేశారన్న సమాచారం తెలుసుకుని సంఘటనా స్థలానికి చేరుకున్నారు. అక్కడ లభించిన ఆనవాళ్ల ఆధారంగా ఆ మృతదేహం సంధ్యదేనని వారు సందేహం వ్యక్తం చేస్తున్నారు. కుటుంబ సభ్యుల ఇచ్చిన సమాచారం ఆధారంగా పోలీసులు ఆ దిశగా దర్యాప్తును వేగవంతం చేశారు. మహిళ మృతదేహం నడుము భాగం మినహా మిగతా శరీరం పూర్తిగా కాలిపోయి గుర్తుపట్టలేని విధంగా ఉంది. దుండగులు ఇక్కడే హత్య చేసి దహనం చేశారా? లేక వేరే ప్రాంతంలో హత్య చేసి ఇక్కడికి తీసుకొచ్చి తగులబెట్టారా? అనే కోణంలో పోలీసులు కూపీ లాగుతున్నారు. వివాహేతర సంబంధం కారణంగా ఈ హత్య జరిగి ఉండొచ్చని, లేదా కావాలనే పథకం ప్రకారం వేరే ప్రాంతం నుంచి ఇక్కడికి రప్పించి ఈ అఘాయిత్యానికి పాల్పడి ఉంటారని స్థానికంగా చర్చ నడుస్తోంది. ఈ అటవీ ప్రాంతం జనసంచారం లేకుండా నిశ్శబ్దంగా ఉండటంతో కొందరు ఇలాంటి అసాంఘిక కార్యకలాపాలకు పాల్పడుతున్నారని, ప్రభుత్వపరంగా భద్రతా చర్యలు కరవయ్యాయని ప్రజలు ఆందోళన వ్యక్తం చేస్తున్నారు. మృతదేహం వద్ద లభించిన ఆధారాలు, క్లూస్‌ టీమ్స్‌ సేకరించిన నమూనాల ఆధారంగా పోలీసులు అన్ని కోణాల్లోనూ దర్యాప్తు చేస్తున్నారు.

బుట్టాయగూడెం: నాణ్యమైన విత్తనాలను మాత్రమే రైతులకు విక్రయించాలని జిల్లా వ్యవసాయ శాఖ అధికారి (జేడీఏ) ఎస్‌కే మహబూబ్‌ బాషా విత్తన డీలర్లకు సూచించారు. గురువారం బుట్టాయగూడెం మండలంలోని ఎరువులు, పురుగు మందులు, విత్తనాల దుకాణాలను ఆయన తనిఖీ చేశారు. ఈ సందర్భంగా మాట్లాడుతూ మొక్కజొన్న సీడ్‌ ప్రొడక్షన్‌ వేస్తున్న రైతులు తప్పనిసరిగా కంపెనీ అగ్రిమెంట్‌ పేపర్లు పొందాలని స్పష్టం చేశారు. రాబోయే రబీ సీజన్‌కు సరిపడా ఎరువుల నిల్వలు సిద్ధంగా ఉన్నాయని, రైతులు ఎరువుల కొరతపై ఎలాంటి ఆందోళన చెందాల్సిన అవసరం లేదన్నారు. తొలుత ఆయన రాజానగరం గ్రామంలోని వరి పొలాలను పరిశీలించారు. మండల వ్యవసాయాధికారి ఎంఆర్‌పీ ప్రియాంక, ఆర్‌ఎస్‌కే ఇన్‌చార్జులు, రైతులు పాల్గొన్నారు. బుట్టాయగూడెం: స్థానిక సంస్థల ఎన్నికల నేపథ్యంలో ఏలూరు జిల్లా జీలుగుమిల్లి మండలం తాటియాకులగూడెం వద్ద గల ఆంధ్ర–తెలంగాణ సరిహద్దు చెక్‌పోస్ట్‌ వద్ద పోలీసులు, ఎకై ్సజ్‌ శాఖ అధికారులు సంయుక్తంగా విస్తృత తనిఖీలు చేపట్టారు. జీలుగుమిల్లి ఎస్సై వి. క్రాంతి కుమార్‌ ఆధ్వర్యంలో గురువారం ఈ తనిఖీ కార్యక్రమం నిర్వహించారు. తెలంగాణ నుంచి ఆంధ్రప్రదేశ్‌లోకి అక్రమంగా మద్యం సీసాలు తరలించకుండా, ఎన్నికల ప్రవర్తనా నియమావళికి విరుద్ధంగా అనుమతి లేని నగదు రవాణా చేయకుండా ఉండేందుకు చెక్‌పోస్ట్‌ వద్ద కట్టుదిట్టమైన నిఘా ఏర్పాటు చేసినట్లు అధికారులు వెల్లడించారు. సరిహద్దు మీదుగా రాకపోకలు సాగిస్తున్న కార్లు, ద్విచక్ర వాహనాలు, ఇతర రవాణా వాహనాల డిక్కీలను, అనుమానాస్పద సామాగ్రిని అధికారులు క్షుణ్ణంగా తనిఖీ చేశారు. తనిఖీల్లో పోలీస్‌, ఎకై ్సజ్‌ శాఖల సిబ్బంది పాల్గొన్నారు. అత్తిలి: రోడ్డు ప్రమాదంలో మహిళ మృతి చెందిన ఘటనపై కేసు నమోదు చేసినట్లు హెడ్‌కానిస్టేబుల్‌ పి. శ్రీనివాస్‌ గురువారం తెలిపారు. తణుకు రోడ్డులోని వైన్‌షాప్‌ ఎదురుగా ఉన్న నివాస గృహం నుంచి, రోడ్డు అవతలి వైపునకు దాటుతున్న వెలగల సత్యవతి (56)ని అత్తిలి నుంచి తణుకు వైపు బైక్‌పై వెళ్తున్న వ్యక్తి వేగంగా వచ్చి ఢీకొనడంతో ఆమె అక్కడికక్కడే మృతి చెందారు. కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేపట్టినట్లు హెచ్‌సీ శ్రీనివాస్‌ వెల్లడించారు. పాత కక్షలతో వ్యక్తిపై దాడి తాడేపల్లిగూడెం రూరల్‌: జగన్నాధపురంలో పాత కక్షల నేపథ్యంలో ఓ వ్యక్తిపై దాడి చేసి బెదిరింపులకు పాల్పడిన ఘటన చోటుచేసుకుంది. గ్రామానికి చెందిన గడల నాగేశ్వరరావు, అదే గ్రామానికి చెందిన బాలం రాజేష్‌ మధ్య కొంతకాలంగా వివాదాలున్నాయి. ఈ నేపథ్యంలో గురువారం మధ్యాహ్నం రాజేష్‌, నాగేశ్వరరావు ఇంట్లోకి అక్రమంగా చొరబడి ఆయనపై దాడి చేశాడు. అసభ్య పదజాలంతో దూషిస్తూ, ప్రాణాలు తీస్తానని బెదిరింపులకు పాల్పడ్డాడు. బాధితుడు సాయంత్రం రూరల్‌ పోలీస్‌ స్టేషన్‌లో ఫిర్యాదు చేయగా, ఎస్సై రవికుమార్‌ కేసు నమోదు చేసి దర్యాప్తు చేస్తున్నారు.

పాలకొల్లు సెంట్రల్‌: స్థానిక కాస్మో కాంప్లెక్స్‌లో ఈ నెల 16న ప్రారంభించిన సీహెచ్‌ బుద్దావతారం రాజు మెమోరియల్‌ ఆల్‌ ఇండియా సీనియర్‌ ర్యాంకింగ్‌ టెన్నిస్‌ టోర్నమెంట్‌ పోటీలు గురువారంతో ముగిశాయి. ఈ సందర్భంగా విజేతలకు బహుమతులు అందజేశారు. కాంప్లెక్స్‌ అధ్యక్షుడు గొట్టుముక్కల గాంధీభగవాన్‌ రాజు మాట్లాడుతూ కాస్మో కల్చరల్‌ స్పోర్ట్స్‌ కాంప్లెక్స్‌ ద్వారా క్రీడాకారులను తీర్చిదిద్దేందుకు కృషి చేస్తున్నామన్నారు. ఈ కార్యక్రమంలో స్పోర్ట్స్‌ సెక్రటరీ జి. బూన్‌రాజు, వీవీ సోమరాజు, అరిటాకుల రాంబాబు, అంపైర్లుగా వినుకొండ దినేష్‌, పి.వరప్రసాద్‌రాజు, గజేంద్ర నాయుడు, సారిక రామచంద్రరావు పాల్గొన్నారు.

ఏలూరు (ఆర్‌ఆర్‌పేట) : హేలాపురి బాలోత్సవం పిల్లల సంబరాలు ఏడు సంవత్సరాలుగా నిర్వహించడం అభినందనీయమని జిల్లా విద్యాశాఖ అధికారి ఎం. వెంకట లక్ష్మమ్మ అన్నారు. గురువారం తన కార్యాలయంలో బాలోత్సవ కరపత్రాలను ఆమె ఆవిష్కరించారు. నవంబర్‌ 1న కేపీడీటీ హైస్కూల్‌లో నర్సరీ నుంచి మెడికల్‌ కాలేజీ విద్యార్థుల వరకు 12 అంశాలలో ప్రతిభా ప్రదర్శనలు, డిసెంబర్‌ 5, 6 తేదీల్లో సురేష్‌ చంద్ర బహుగుణ స్కూల్‌లో పాఠశాల విద్యార్థుల కోసం 40 అంశాల్లో పోటీలు నిర్వహిస్తామని ఆహ్వాన సంఘ అధ్యక్షుడు కూచిపూడి సత్యనారాయణ వివరించారు. ఏలూరు జిల్లాలోని పాఠశాలలు, కళాశాలల నుంచి విద్యార్థులు దరఖాస్తు చేసుకోవచ్చని ఆహ్వాన సంఘం చైర్మన్‌ అడుసుమిల్లి నిర్మల తెలిపారు. ఈ కార్యక్రమంలో ఆహ్వాన సంఘ అధ్యక్షుడు కూచిపూడి సత్యనారాయణ, విద్యాశాఖ జిల్లా ఏడీ ఎం. వెంకట అవధాని, ప్రధాన కార్యదర్శి దేవరకొండ వెంకటేశ్వర్లు, సమన్వయ కార్యదర్శి గుడిపాటి నరసింహారావు, వర్కింగ్‌ ప్రెసిడెంట్లు తదితరులు పాల్గొన్నారు.

ద్వారకాతిరుమల: స్థానిక సంస్థల ఎన్నికల కోడ్‌ అమల్లో ఉండగా ద్వారకాతిరుమలలో రాజకీయ ఫ్లెక్సీ దర్శనమివ్వడం తీవ్ర దుమారం రేపుతోంది. భీమడోలు–ద్వారకాతిరుమల ప్రధాన రహదారి పక్కన నిమ్మకాయల మార్కెట్‌ యార్డు వద్ద సీఎం చంద్రబాబు, మంత్రి నారా లోకేశ్‌, గోపాలపురం ఎమ్మెల్యే మద్దిపాటి వెంకటరాజు చిత్రాలతో కూడిన గ్రామ స్వరాజ్యం సంకల్ప పాదయాత్ర ఫ్లెక్సీని ఇటీవల ఓ టీడీపీ నాయకుడు ఏర్పాటు చేశారు. ఎన్నికల కోడ్‌ అమల్లో ఉన్న సమయంలో రాజకీయ ప్రచార ఫ్లెక్సీలపై నిషేధం ఉన్నప్పటికీ.. ఇది ప్రధాన రహదారి పక్కనే దర్శనమిస్తున్నా పట్టించుకునే నాథుడే కరువయ్యాడు. ఇప్పటికై నా సంబంధిత అధికారులు స్పందించి, ఆ ఫ్లెక్సీని తొలగించడంతో పాటు ఎన్నికల నియమావళిని పకడ్బందీగా అమలు చేయాలని స్థానికులు కోరుతున్నారు.

● ద్విచక్ర వాహనాన్ని ఢీకొట్టిన కారు ● ప్రమాదంలో ఒకరి మృతి, మరొకరికి గాయాలు తణుకు అర్బన్‌: ద్విచక్ర వాహనాన్ని వెనుకనుంచి కారు ఢీకొట్టిన ఘటనలో ఓ వ్యక్తి మృతి చెందగా మరొకరికి గాయాలయ్యాయి. ఈ ఘటన తణుకు మండలం దువ్వ గ్రామ జాతీయరహదారిపై చోటుచేసుకుంది. తణుకు రూరల్‌ ఎస్సై నాళం శ్రీనివాసరావు తెలిపిన వివరాల ప్రకారం ఇరగవరం మండలం రేలంగి గ్రామానికి చెందిన బండారు మెంటయ్య (50), మామిడిచెట్టి సత్యనారాయణ ఇద్దరూ కూలి పనుల నిమిత్తం గురువారం నల్లజర్ల మండలం ఆవుపాడుకు ద్విచక్ర వాహనంపై వెళ్లి తిరిగి ఇంటికి వస్తున్నారు. దువ్వ గ్రామం దాటిన తరువాత పెట్రోలు బంకు సమీపానికి రాగానే వెనుక నుంచి కారు వేగంగా వచ్చి ద్విచక్ర వాహనాన్ని ఢీకొట్టింది. ప్రమాదంలో తీవ్రంగా గాయపడిన మెంటయ్యను 108 వాహనం ద్వారా ప్రైవేటు ఆస్పత్రిలో చేర్చగా చికిత్స పొందుతూ మృతిచెందారు, సత్యనారాయణ తణుకు జిల్లా కేంద్ర ఆస్పత్రిలో చికిత్స పొందుతున్నారు. బాధితుడి ఫిర్యాదు మేరకు కేసు నమోదు చేసినట్లు ఎస్సై తెలిపారు. ద్వారకాతిరుమల: శ్రీవారి దర్శనానికి వచ్చిన తునికి చెందిన భక్తురాలు డి.నాగలక్ష్మి గురువారం నిత్యాన్నదాన భవనంలో తన పర్సును పోగొట్టుకున్నారు. అందులో నగదు, సెల్‌ఫోన్‌ ఉన్నాయి. అన్నదాన సదనంలో పనిచేసే కార్మికులకు పర్సు దొరకడంతో డొనేషన్‌ కౌంటర్‌ సిబ్బందికి అప్పగించారు. వారు బాధితురాలికి పర్సును అందజేశారు. సిబ్బంది నిజాయతీని పలువురు అభినందించారు.

కుక్కునూరు : వేలేరు ఎంపీటీసీ స్థానాన్ని ఏకగ్రీవం చేయాలన్న కూటమి నాయకుల ప్రయత్నాలకు గండికొడుతూ, ఓ సామాన్య ట్రాలీ ఆటో డ్రైవర్‌ వైఎస్సార్‌సీపీ తరఫున ఎన్నికల బరిలో నిలవడం మండల రాజకీయాల్లో చర్చనీయాంశమైంది. రాజకీయ అండదండలు, ఆర్థిక బలం లేకపోయినా వెనుకడుగు వేయకుండా నామినేషన్‌ దాఖలు చేసిన పంజాల శ్రీనివాస్‌ గౌడ్‌ ధైర్యం స్థానికంగా తీవ్ర ఆసక్తిని రేకెత్తిస్తోంది. వైఎస్సార్‌సీపీ అధికారంలో ఉన్నప్పుడు పదవులు అనుభవించిన కొందరు నాయకులు ఇప్పుడు కూటమి వైపు మొగ్గుచూపుతూ వారికి తలొగ్గిన నేపథ్యంలో కిరాయి నిమిత్తం కరీంనగర్‌ వెళ్లిన శ్రీనివాస్‌ గౌడ్‌ ఈ విషయం తెలుసుకొని హుటాహుటిన అక్కడినుంచి వచ్చారు. కార్యకర్తలే అసలైన బలమని నమ్మే వైఎస్‌ జగన్‌మోహన్‌రెడ్డి మాటలను నిజం చేసేలా గురువారం ఆయన ఎంపీటీసీ స్థానానికి నామినేషన్‌ దాఖలు చేశారు. వేలేరు పంచాయతీలో ఆర్థిక, రాజకీయ పలుకుబడితో ఆధిపత్యం చెలాయిస్తున్న నాయకులను ఎదుర్కొనేందుకు ఆయన సిద్ధమయ్యారు. ఏకగ్రీవాల కంటే ప్రజాస్వామ్యబద్ధమైన పోటీ ముఖ్యమని భావించి, ఓడినా పర్వాలేదు కానీ ఎన్నికల బరిలో నిలవాలన్న సంకల్పంతో నామినేషన్‌ దాఖలు చేసినట్లు ఆయన వైఖరి స్పష్టం చేస్తోంది. శ్రీనివాస్‌ గౌడ్‌ ధైర్యసాహసాలకు వైఎస్సార్‌సీపీ నాయకులు, కార్యకర్తలు హ్యాట్సాఫ్‌ చెబుతున్నారు.

పెనుగొండ: కూటమి ప్రభుత్వ అక్రమాలను, ఇసుక అక్రమ తవ్వకాలను అడుగడుగునా ప్రశ్నిస్తూ అడ్డంకిగా మారిన ఆచంట మండలం కొడమంచిలికి చెందిన మాజీ సర్పంచ్‌, వైఎస్సార్‌సీపీ ఎస్సీ సెల్‌ రాష్ట్ర కార్యదర్శి సుంకర సీతారామ్‌ను ఆచంట పోలీసులు మరోసారి అరెస్ట్‌ చేశారు. గురువారం పోలీసులు సీతారామ్‌ను భీమవరంలో అదుపులోకి తీసుకున్నారు. వైఎస్సార్‌సీపీ ప్రభుత్వంలో సీతారామ్‌ నకిలీ పట్టాలకు పాల్పడ్డారంటూ కేసు బనాయించి, స్థానిక ఎన్నికల వేళ వైఎస్సార్‌సీపీ నాయకులను, కార్యకర్తలను భయబ్రాంతులకు గురిచేయడానికి మరోసారి రెడ్‌ బుక్‌ రాజ్యాంగం అమలు చేస్తున్నారని సర్వత్రా విమర్శలు వెల్లువెత్తుతున్నాయి. సీఆర్‌జెడ్‌ పరిధిలో నిషేధం ఉన్నా అక్రమ తవ్వకాలు యథేచ్ఛగా కొనసాగిస్తుండడంతో, ఆయన పదేపదే అడ్డుతగులుతూ చివరకు హైకోర్టును సైతం ఆశ్రయించి ప్రత్యేక ఉత్తర్వులు (ఆర్డర్‌) తెచ్చుకున్నందుకే అక్రమ అరెస్ట్‌ చేశారంటూ వైఎస్సార్‌సీపీ శ్రేణులు మండిపడుతున్నాయి. స్థానిక ఎన్నికల నేపథ్యంలో... ఆచంట మండలంలో కూటమి ప్రభుత్వ అక్రమాలకు అడ్డుగా నిలుస్తున్నందునే, స్థానిక ఎన్నికల్లో సీతారామ్‌ ఇబ్బందికరంగా మారుతారనే భయంతోనే మరోసారి అరెస్ట్‌ చేశారంటూ ఆరోపణలు వెల్లువెత్తుతున్నాయి. పక్కా ప్రణాళిక ప్రకారమే స్థానిక ఎన్నికలను దృష్టిలో ఉంచుకుని, నెల రోజుల ముందే కేసు నమోదు చేసి ఎన్నికలకు ముందు అరెస్ట్‌ చేశారని వైఎస్సార్‌సీపీ నాయకులు విమర్శించారు. సీతారామ్‌ అరెస్ట్‌ను వారు తీవ్రంగా ఖండించారు.

యలమంచిలి: ఏనుగువానిలంక గ్రామానికి చెందిన జనసేన, తెలుగుదేశం పార్టీల నాయకులు గురువారం వైఎస్సార్‌సీపీలో చేరారు. వారందరికీ ఆ పార్టీ పాలకొల్లు నియోజకవర్గ ఇన్‌చార్జి గుడాల శ్రీహరి గోపాలరావు (గోపి), పార్టీ సీఈసీ సభ్యుడు గుణ్ణం నాగబాబు కండువాలు కప్పి పార్టీలోకి సాదరంగా ఆహ్వానించారు. ఈ సందర్భంగా గోపి మాట్లాడుతూ.. అధికార పార్టీ వైఫల్యాలను ప్రజలకు వివరించి, స్థానిక సంస్థల ఎన్నికల్లో మన పార్టీ అభ్యర్థులు జయభేరి మోగించడానికి అందరూ కృషి చేయాలని కోరారు. నాగబాబు మాట్లాడుతూ ఈ చేరికలు కేవలం ప్రారంభం మాత్రమేనని, రాబోయే రోజుల్లో మరింత మంది వైఎస్సార్‌సీపీలో చేరతారన్నారు. పార్టీలో చేరిన వారిలో జనసేన నుంచి నారిన వెంకటేశ్వరరావు, మారిశెట్టి వెంకట నారాయణ (శ్రీను), మారిశెట్టి నారాయణరావు (చిన్న), దేవరపు రామాంజనేయులు, తెలుగుదేశం నుంచి నారిన హరికుమార్‌ ఉన్నారు. ఈ నాయకులతో పాటు వారి బంధువులకు చెందిన సుమారు 50 కుటుంబాలు పార్టీకి మద్దతు తెలిపాయి. ఈ కార్యక్రమంలో వైఎస్సార్‌సీపీ మండల కన్వీనర్‌ ఉచ్చుల స్టాలిన్‌బాబు, గ్రామ అధ్యక్షులు మల్లుల కొండ, ఉల్లంపర్తి జాన్‌, నాయకులు ఇనుకొండ రవికుమార్‌, వీరా ఉమాశంకర్‌, పాలపర్తి సందీప్‌, దిడ్ల రాజబాబు తదితరులు పాల్గొన్నారు.

● శ్రీవారి ఆలయంలో వైభవంగా ధ్వజారోహణ వేడుక ● హంస వాహనంపై తిరువీధుల్లో స్వామివారి విహారం ద్వారకాతిరుమల: చరాచర సృష్టిని బ్రహ్మోత్సవాలకు ఆహ్వానిస్తూ.. శ్రీవారి ఆలయంలో గురువారం రాత్రి ధ్వజారోహణ వేడుకను వైభవంగా నిర్వహించారు. మంగళవాయిద్యాలు, వేదమంత్రోచ్ఛరణల నడుమ అర్చకులు గరుడపటాన్ని ధ్వజస్తంభంపై ఎగురవేసి జరిపిన ఈ వేడుక భక్తజనకోటికి కనువిందు చేసింది. వైఖానస ఆగమ సంప్రదాయం ప్రకారం ఇంద్రాది అష్టదిక్పాలకులు, దేవగణాలు, సప్త అధోలోక జీవులను ఆహ్వానిస్తూ ఈ వేడుకను జరిపారు. ఉదయం ఆలయంలో నిత్యహోమాలు, బలిహరణలు, వేదస్వస్తి.. సాయంత్రం రుత్విగ్వరణ, మృద్గ్రహణ, అంకురార్పణ కార్యక్రమాలు శాస్త్రోక్తంగా జరిగాయి. రాత్రి హంస వాహనంపై స్వామివారి గ్రామోత్సవం నేత్రపర్వంగా సాగింది. ఆలయ ముఖమండపంలో స్వామివారి కాళీయమర్దనం అలంకారం ప్రత్యేక ఆకర్షణగా నిలవగా, శ్రీహరి కళాతోరణ వేదికపై సాంస్కృతిక కార్యక్రమాలు అలరించాయి. శాస్త్రోక్తంగా అంకురార్పణ తొలుత విష్వక్సేనుడిని ప్రత్యేకంగా అలంకరించి ఊరేగించారు. అనంతరం అర్చకులు పుట్టమన్నును తెచ్చి ఆలయ ఆవరణలో ఏర్పాటు చేసిన పాలికల్లో ఉంచి, వేదమంత్రాల నడుమ నవధాన్యాలను వాటిలో పోశారు. ఆపై సర్వదేవతలను బ్రహ్మోత్సవాలకు ఆహ్వానిస్తూ ధ్వజారోహణ నిర్వహించారు. ఈ సందర్భంగా పంపిణీ చేసిన గరుడ ప్రసాదాన్ని సంతానం లేని మహిళలు స్వీకరించారు. ఈ ప్రసాదం తింటే సంతానం కలుగుతుందన్నది భక్తుల విశ్వాసం. ఉదయం 7 గంటలకు – సూర్యప్రభ వాహన సేవ రాత్రి 7 గంటలకు – చంద్రప్రభ వాహన సేవ ప్రత్యేక అలంకారం : శకటాసుర వధ

భీమవరం (ప్రకాశం చౌక్‌): కూటమి ప్రభుత్వం ఏర్పడి రెండున్నర ఏళ్లు గడుస్తున్నా, జిల్లాలోని ఆరు మున్సిపాలిటీల్లో చెప్పుకోదగ్గ స్థాయిలో అభివృద్ధి పనులు జరగలేదు. మొదటి ఏడాదిన్నర పాటు ఇసుక కొరత, కాంట్రాక్టర్లకు బిల్లులు చెల్లించకపోవడం వంటి కారణాలతో పనులు నిలిచిపోయాయి. ఆ తర్వాత కూడా పనులు చేపట్టలేదు. ఇప్పుడు స్థానిక సంస్థల ఎన్నికలు వస్తున్నాయనే నెపంతో, గత ఐదు నెలలుగా నామమాత్రపు పనులు చేసి అవే అభివృద్ధి పనులంటూ ప్రజాప్రతినిధులు గొప్పలు చెప్పుకునే ప్రయత్నం చేస్తున్నారు. అధ్వాన స్థితిలో మునిసిపాలిటీలు జిల్లాలోని ఆకివీడు, నర్సాపురం, భీమవరం, తాడేపల్లిగూడెం, పాలకొల్లు, తణుకు మున్సిపాలిటీల్లో రోడ్లు, డ్రెయినేజీలు పూర్తిగా క్షీణించాయి. వీధుల్లో రోడ్లన్నీ గోతులమయంగా మారగా, పూడికతీత లేక డ్రెయిన్లు నిండిపోయాయి. చిన్నపాటి వర్షానికే రోడ్లు ముంపునకు గురవుతుండటంతో పారిశుద్ధ్యం మరింత దిగజారిపోతోంది. ఆయా పట్టణాల్లో మురుగునీరు సాఫీగా పారక, రోజుల తరబడి నిలిచిపోవడంతో తీవ్రమైన దుర్గంధం వెదజల్లుతోంది. రోడ్డు గోతుల్లో వర్షపు నీరు చేరి ప్రయాణాలు ప్రజలకు ప్రాణసంకటంగా మారుతున్నాయి. పారిశుద్ధ్య నిర్వహణ లోపించడం వల్ల చెత్త సమస్య విపరీతంగా పెరిగింది. ఫలితంగా పట్టణ ప్రజలు దోమల కాటుకు గురై రోగాలపాలవుతున్నారు. కొన్ని పట్టణాల్లో కనీస దోమల నివారణ చర్యలు కూడా చేపట్టకపోవడం గమనార్హం. నిధుల మళ్లింపుతో పనులు శూన్యం జిల్లాలోని ఆరు పట్టణాల్లో సాధారణ నిధులు, కొన్ని మున్సిపాలిటీలకు వచ్చిన ఆర్థిక సంఘం నిధులను కూటమి ప్రభుత్వం ఇతర అవసరాలకు మళ్లించడంతో పట్టణాభివృద్ధికి అవకాశం లేకుండా పోతుంది. దీంతో పట్టణంలోని, మౌలిక వసతుల కల్పనకు సైతం నిదులు ఖర్చు చేసే అవకాశం లేక అధికారులు మౌనం వహిస్తున్నారు. వర్షాకాలం దృష్ట్యా ముందస్తు ప్రణాళికలతో రోడ్లు, డ్రెయినేజీల నిర్మాణాలు, సిల్ట్‌ తొలగింపు చర్యలు సైతం చేపట్టలేదు. అక్కడక్కడా తూతూమంత్రంగా పనులు చేసి చేతులు దులుపుకున్నారు. డంపింగ్‌ యార్డులు, తాగునీటి సమస్యలు జిల్లాలోని భీమవరం, పాలకొల్లు, నర్సాపురం, ఆకివీడు మున్సిపాలిటీల్లో డంపింగ్‌ యార్డుల సమస్య తీవ్రంగా వేధిస్తోంది. తాగునీటి సరఫరా సరిగా లేక ప్రజలు అల్లాడిపోతున్నారు. మిగతా మున్సిపాలిటీల్లోనూ ఇదే పరిస్థితి నెలకొని ఉంది. పట్టణాల చివరి ప్రాంతాలకు మంచినీరు అందక ప్రజలు పడుతున్న ఇబ్బందులు అన్నీఇన్నీ కావు. ఇక పట్టణాల్లోని జగనన్న కాలనీల్లో అయితే కనీస వసతులు కూడా లేక నివాసితులు తీవ్ర అవస్థలు ఎదుర్కొంటున్నారు. నెరవేరని పవన్‌ కల్యాణ్‌ హామీ భీమవరంలో డంపింగ్‌ యార్డు సమస్యను పరిష్కరిస్తానని ఎన్నికల సమయంలో డిప్యూటీ సీఎం పవన్‌ కల్యాణ్‌ ఇచ్చిన హామీ రెండేళ్లు దాటినా నేటికీ నెరవేరలేదు. భీమవరం పట్టణంలో పారిశుద్ధ్యం అధ్వానంగా మారి ప్రజలు తీవ్ర ఇబ్బందులు పడుతున్నారు. పాలకొల్లులో రెండు డంపింగ్‌ యార్డులు ఉండగా, గత ప్రభుత్వ హయాంలో ఒకదాని సమస్యను 90 శాతం మేర రీసైక్లింగ్‌ విధానంలో పరిష్కరించారు. రెండో డంపింగ్‌ యార్డు సమస్యపై దృష్టి పెట్టేలోపే ప్రభుత్వం మారడంతో ఆ సమస్య అలాగే నిలిచిపోయింది. ప్రస్తుత కూటమి ప్రభుత్వం దీనిని పట్టించుకోకపోవడంతో చెత్త సమస్య మళ్లీ మొదటికి వచ్చింది. నిలదీయడానికి సిద్ధంగా ఉన్న ప్రజలు పట్టణ ప్రజల సమస్యలు తీర్చకుండా, అభివృద్ధి పనులు చేయకుండా ఇప్పుడు మున్సిపల్‌ ఎన్నికల్లో ఓట్లు అడగడానికి వచ్చే కూటమి ప్రజాప్రతినిధులను, నాయకులను నిలదీసేందుకు ప్రజలు సిద్ధంగా ఉన్నారు. తాగునీరు, పారిశుద్ధ్యం, రోడ్లు, డ్రెయినేజీల సమస్యలపై నేరుగా ప్రశ్నించనున్నారు. గతంలో మాదిరిగా ప్రశ్నించిన వారిపై దాడులు, దౌర్జన్యాలు చేసే కూటమి నాయకుల బెదిరింపులకు నేడు ప్రజలు భయపడే స్థితిలో లేరు. సోషల్‌ మీడియా వేదికగా సమస్యలపై గళం విప్పడం, కలెక్టరేట్‌లో జరిగే పీజీఆర్‌ఎస్‌కు నేరుగా వచ్చి ఫిర్యాదు చేయడం ఇందుకు నిదర్శనంగా నిలుస్తోంది. గత వైఎస్సార్‌సీపీ ప్రభుత్వ హయాంలో తొలి ఏడాది నుంచే జిల్లాలోని ఆరు పట్టణాల్లో క్రమం తప్పకుండా అభివృద్ధి పనులు జరిగాయి. రోడ్లు, డ్రెయినేజీలు, భవనాల నిర్మాణాలు ముమ్మరంగా సాగాయి. ఆయా పట్టణాల్లో మొదటి రెండేళ్లలోనే రూ.50 కోట్ల నుంచి రూ.80 కోట్ల మేర పనులు పూర్తయ్యాయి. భీమవరంలో రూ.80 కోట్లు, తణుకులో రూ.60 కోట్లు, తాడేపల్లిగూడెంలో రూ.60 కోట్లు, పాలకొల్లులో రూ.40 కోట్లు, నర్సాపురంలో రూ.30 కోట్లు, ఆకివీడులో రూ.30 కోట్ల చొప్పున నిధులు వెచ్చించి పనులు చేశారు. అలాగే జిల్లాలోని నర్సాపురం, పాలకొల్లు, భీమవరంలో ప్రభుత్వ ఆస్పత్రులను 50 పడకల నుంచి 100 పడకలకు అప్‌గ్రేడ్‌ చేశారు. భీమవరంలో 100 పడకల ఆస్పతికి దాదాపు రూ 38 కోట్లుతో నిర్మాణ పనులు చేపట్టారు. పట్టణంలో మూడు అర్బన్‌ పీహెచ్‌సీలకు పక్కా భవనాలు నిర్మాణం చేశారు. మూడు హెడ్‌ వాటర్‌ ట్యాంకులు నిర్మించారు. నరసాపురం, పాలకొల్లు 100 పడకల ఆస్పత్రిగా సేవలు అందిస్తున్నాయి. కానీ ప్రస్తుత కూటమి ప్రభుత్వం ఆయా మున్సిపాలిటీల్లో కనీసం రూ.10 కోట్ల నుంచి రూ.20 కోట్ల మేర పనులు కూడా చేయలేకపోయింది. కూటమి ప్రభుత్వంలో పట్టణాల్లో అభివృద్ధి నిల్‌ మునిసిపాలిటీల్లో అధ్వానంగా రోడ్లు, డ్రెయినేజీలు శివారు ప్రాంతాల్లో వేధిస్తున్న తాగునీటి సమస్య ఓట్లు అడగడానికి వచ్చే కూటమి నేతలను నిలదీసేందుకు ప్రజలు రెడీ

ఏలూరు టౌన్‌/దెందులూరు: రాష్ట్రంలో దాడులు, దౌర్జన్యాలు, అల్లర్లు, అరాచకాలతో స్థానిక సంస్థల ఎన్నికలను రక్తసిక్తం చేస్తున్నారనీ... ప్రజాస్వామ్యాన్ని ఖూనీ చేస్తూ ఎన్నికల వ్యవస్థను అపహాస్యం చేసేలా టీడీపీ కూటమి నేతలు వ్యవహరిస్తున్నారని వైఎస్సార్‌సీపీ దెందులూరు సమన్వయకర్త, మాజీ ఎమ్మెల్యే కొఠారు అబ్బయ్యచౌదరి విమర్శించారు. ఎంపీటీసీ నామినేషన్ల నేపథ్యంలో పెదవేగి ఎంపీడీఓ కార్యాలయం వద్ద టీడీపీ కార్యకర్తల దాడిలో తీవ్రంగా గాయపడి ఏలూరు జీజీహెచ్‌లో చికిత్స పొందుతున్న వైఎస్సార్‌సీపీ కార్యకర్త చేపల దుర్గారావును ఆయన పరామర్శించారు. ఆరోగ్య పరిస్థితిని వైద్యులను అడిగి తెలుసుకుని, మెరుగైన చికిత్స అందించాలని సూచించారు. అండగా ఉంటామనీ అధైర్యపడొద్దని దుర్గారావుకు అభయమిచ్చారు. అనంతరం అబ్బయ్య మాట్లాడుతూ వైఎస్సార్‌సీపీ నేతలు నామినేషన్లు వేయ కుండా టీడీపీ నాయకుల కనుసన్నల్లోనే ఆ పార్టీ కార్యకర్తలు అడ్డుకునే ప్రయత్నం చేస్తున్నారనీ, దుర్గారావుపై దాడి చేయటంతో తీవ్ర గాయాల య్యాయన్నారు. ఓటమి భయంతో దాడులు చే యటం, నామినేషన్లను అడ్డుకోవటం సిగ్గుచేటన్నా రు. జిల్లా యువజన విభాగ అధ్యక్షుడు కామిరెడ్డి నాని, పార్టీ నాయకులు ఉన్నారు.

ఏలూరు (టూటౌన్‌): జెడ్పీటీసీ, ఎంపీటీసీ ఎన్నికల నామినేషన్ల స్వీ కరణ ప్రక్రియలో ఎక్క డా శాంతిభద్రతల సమ స్య తలెత్తకూడదని కలెక్టర్‌ కె.వెట్రిసెల్వి ఆదేశించారు. గురువారం టెలీ కాన్ఫరెన్స్‌ ద్వారా ఆమె సమీక్షించారు. నామినేషన్ల స్వీకరణలో ఎన్నికల కమిషన్‌ మార్గదర్శకాలను తప్పనిసరిగా పాటించాలన్నారు. శుక్రవారం అధిక సంఖ్యలో నామినేషన్లు దాఖలయ్యే అవకాశం ఉందని, ఆయా కేంద్రాల వద్ద పటిష్ట బందోబస్తు ఏర్పాట్లు చేయాలన్నారు. పోలీసులు డ్రోన్‌ కెమెరాలతో నిఘా పెట్టాలన్నారు. రిటర్నింగ్‌, సహాయ రిటర్నింగ్‌ అధికారులు పూర్తిస్థాయి అవగాహన కలిగి ఉండాలని, ఎక్కడైనా పొరపాటు చేస్తే కఠిన చర్యలు తప్పవని హెచ్చరించారు. జేసీ ఎంజే అభిషేక్‌ గౌడ, నూజివీడు సబ్‌ కలెక్టర్‌ బి.వినూత్న, అసిస్టెంట్‌ కలెక్టర్‌ సీహెచ్‌ శ్రావణ్‌కుమార్‌రెడ్డి, జెడ్పీ సీఈఓ ఎం.కృష్ణమోహన్‌, ఆర్డీఓలు పాల్గొన్నారు. కౌంటింగ్‌ కేంద్రాల వద్ద.. పరిషత్‌ ఎన్నికలకు సంబంధించి స్ట్రాంగ్‌ రూంలు, కౌంటింగ్‌ కేంద్రాల వద్ద పక్కా ఏర్పాట్లు చేయాలని కలెక్టర్‌ ఆదేశించారు. స్ట్రాంగ్‌ రూంలు, కౌంటింగ్‌ ఏర్పాట్లపై జూమ్‌ కాన్ఫరెన్స్‌ ద్వారా సమీక్షించారు. ఏలూరు టౌన్‌/దెందులూరు: జిల్లాలో ప్రశాంతంగా జెడ్పీటీసీ, ఎంపీటీసీ ఎన్నికల నామినేషన్‌ ప్రక్రియ చేపట్టేలా పటిష్ట భద్రతా చర్యలు చేపట్టామనీ జిల్లా ఎస్పీ కేపీ శివకిషోర్‌ చెప్పారు. గురువారం నామినేషన్‌ కేంద్రాలను ఆయన తనిఖీ చేశారు. అవాంఛనీయ సంఘటనలకు తావులేకుండా చర్యలు చేపట్టాలన్నారు. అభ్యర్థులు స్వేచ్ఛగా నామినేషన్లు సమర్పించాలని, ఎవరైనా బెదిరింపులు, దాడులు, ఇబ్బందులకు గురిచేస్తే పోలీస్‌ కంట్రోల్‌ రూమ్‌ను సంప్రదించాలని సూచించారు. సీఐ ఎం. సుబ్బారావు ఇన్‌చార్జిగా ఉంటారని, సెల్‌ 9550351100కు లేదా 112కు కాల్‌ చేయవచ్చన్నారు. ప్రజాస్వామ్య విధానంలో నామినేషన్ల ప్రక్రియ సాగేలా రాజకీయ నేతలు సహకరించాలని కోరారు. జిల్లాలో ఏడు ఫిర్యాదులు అందాయనీ, తక్షణమే అప్రమత్తమైన శాంతిభద్రతల పరిరక్షణకు చర్యలు చేపట్టారని చెప్పారు. అడ్డంకులు సృష్టిస్తే చర్యలు ఎన్నికల నేపథ్యంలో ఎవరైనా చట్టాన్ని చేతుల్లోకి తీసుకోవాలని ప్రయత్నించినా, నామినేషన్లకు అడ్డంకులు సృష్టించినా ఉపేక్షించబోమని ఎస్పీ హెచ్చరించారు. ఏలూరులో, దెందులూరు, పెదవేగి ఎంపీడీఓ కార్యాలయాల్లో నామినేషన్ల కేంద్రాలను పరిశీలించారు. డీఎస్పీ డి.శ్రావణ్‌కుమార్‌, త్రీటౌన్‌ సీఐ కోటేశ్వరరావు ఉన్నారు. ద్వారకాతిరుమల: శ్రీవారి శాశ్వత నిత్యాన్నదాన ట్రస్టుకు ఓ భక్తురాలి కుటుంబం గురువారం రూ.3 లక్షలను విరాళంగా అందించారు. జంగారెడ్డిగూడేనికి చెందిన విష్ణుభట్ల అనసూయ ముందుగా కుటుంబ సమేతంగా స్వామి, అమ్మవార్లను దర్శించుకున్నారు. అనంతరం ఈ విరాళాన్ని ఆలయ కార్యాలయంలో జమ చేశారు. దాత కుటుంబానికి ఈఓ వేండ్ర త్రినాథరావు విరాళం బాండ్‌ అందజేశారు. ఏలూరు (ఆర్‌ఆర్‌పేట): ఏలూరుకు చెందిన జనసేన నాయకుడు రెడ్డి అప్పలనాయుడు ఆర్టీసీ విజయవాడ జోనల్‌ చైర్మన్‌ పదవికి రాజీనామా చేశారు. ఆయన మున్సిపల్‌ ఎన్నికల్లో ఏలూరు మేయర్‌ స్థానానికి జనసేన అభ్యర్థిగా పోటీ చేస్తున్నారు. ఈ కారణంగా ఆయన తన పదవికి రాజీనామా చేస్తున్నట్టు రాజీనామా లేఖను ప్రభుత్వానికి పంపారు. ఆయన రాజీనామాను ఆమోదిస్తూ ప్రభుత్వ కార్యదర్శి కోన శశిధర్‌ ప్రజారవాణా శాఖ అధికారులు తదుపరి చర్యలు చేపట్టాలని ఆదేశాలు జారీ చేశారు.

సకల దేవతలకు ఆహ్వానం చరాచర సృష్టిని బ్రహ్మోత్సవాలకు ఆహ్వానిస్తూ.. చినవెంకన్న ఆలయంలో ధ్వజారోహణ వేడుకను వైభవంగా నిర్వహించారు. IIలో uద్విచక్ర వాహనాన్ని వెనుకనుంచి కారు ఢీకొట్టిన ఘటనలో ఓ వ్యక్తి మృతి చెందగా మరొకరికి గాయాలయ్యాయి. IIలో uశుక్రవారం శ్రీ 23 శ్రీ అక్టోబర్‌ శ్రీ 2026సాక్షి ప్రతినిధి,ఏలూరు: దెందులూరులో పచ్చమూక బరితెగించింది. స్థానిక సంస్థల ఎన్నికల్లో అడ్డదారిలో గెలుపే లక్ష్యంగా దాడులు, దౌర్జన్యాలకు తెగబడింది. ఏకంగా నామినేషన్‌ కేంద్రాన్ని ఆక్రమించి ప్రతిపక్ష పార్టీ అభ్యర్థులను నామినేషన్‌ వేయకుండా అడ్డుకోవడం, ర్యాలీ నిర్వహిస్తున్న వైఎస్సార్‌ సీపీ శ్రేణులపై కర్రలతో దాడి చేయడం, నామినేషన్‌ పత్రాలు లాక్కుని చించివేయడం.. చివరికి ఎ మ్మెల్యే చింతమనేని ప్రభాకర్‌ దెందులూరు ‘సాక్షి’ టీవీ కంట్రిబ్యూటర్‌పై దాడి చేసి సెల్‌ఫోన్‌ లాక్కుని బరితెగింపు రాజకీయాలకు తెరదీశారు. తెగబడిన పచ్చమూకలు స్థానిక సంస్థల ఎన్నికల్లో తెలుగుదేశం పార్టీ దాష్టీకానికి తెగబడింది. దెందులూరు నియోజకవర్గంలో హింసా రాజకీయాలకు ఎంపీటీసీ, జెడ్పీటీసీ ఎన్నికల నామినేషన్ల స్వీకరణ ఘట్టం వేదికగా మారింది. గురువారం నామినేషన్లల్లో ఉద్రిక్త వాతావరణం కొనసాగింది. దెందులూరు ఎంపీడీఓ కార్యాలయాన్ని టీడీపీ కార్యకర్తలు పూర్తిస్థాయిలో ఆధీనంలోకి తీసుకుని వైఎస్సార్‌సీపీ ఎంపీటీసీ అభ్యర్థులు నామినేషన్‌ దాఖలు చేయకుండా అడ్డుకున్నారు. మధ్యాహ్నం 3 గంటల వరకు ఈ పరిస్థితి కొనసాగింది. నామినేషన్‌ దాఖలు చేస్తే అంతుచూస్తామని హెచ్చరిస్తూ టీడీపీ శ్రేణులు దెందులూరు ఎంపీడీఓ కార్యాలయం వద్ద హల్‌చల్‌ చేశారు. ఈ క్రమంలో దెందులూరు వైఎస్సార్‌సీపీ నియోజకవర్గ ఇన్‌చార్జి కొఠారు అబ్బయ్యచౌదరి కలెక్టర్‌ వెట్రిసెల్విని కలిసి దెందులూరుతో పాటు నియోజకవర్గ పరిస్థితులపై రాతపూర్వకంగా ఫిర్యాదులు చేశారు. ఈ క్రమంలో మధ్యాహ్నం 3 గంటలు తరువాత భారీ పోలీస్‌ బందోస్తు నడుమ 19 ఎంపీటీసీ స్థానాలకుగాను 17 స్థానాల్లో వైఎస్సార్‌సీపీ అభ్యర్థులు నామినేషన్లు దాఖలు చేశారు. ఇంకోవైపు దెందులూరులో ఎమ్మెల్యే చింతమనేని ప్రభాకర్‌ నామినేషన్‌ కేంద్రం వద్ద హడావుడి చేశారు. సాక్షి టీవీ కంట్రిబ్యూటర్‌ ప్రసాద్‌ వీడియో తీస్తుండగా ఆయనపై దాడి చేసి మొబైల్‌ లాక్కున్నారు. పెదవేగి మండలంలో వైఎస్సార్‌సీపీ కార్యకర్త తల పగలకొట్టి.. టీడీపీ మూకలు పెదవేగి మండలంలో దాడులకు తెగబడి తలలు పగలకొట్టారు. పెదవేగి మండలంలో నామినేషన్‌కు ర్యాలీగా వైఎస్సార్‌సీపీ శ్రేణులు వస్తుండగా టీడీపీ శ్రేణులు అడ్డుకుని కర్రలతో దా డులకు దిగారు. ఈ ఘటనలో వైఎస్సార్‌సీపీ కార్యకర్త చాపల దుర్గారావు తలపగిలి చికిత్స పొందుతున్నాడు. అలాగే న్యాయంపల్లి గ్రామానికి చెందిన బలుసు సాయిపై దాడికి దిగి చొక్కా చించేశా రు. దీంతో పార్టీ కార్యకర్తలతో కలిసి కొంతసేపు ఆయన ఆందోళన నిర్వహించారు. అలాగే ఏలూరు జిల్లాపరిషత్‌ కార్యాలయంలోని ఏలూరు రూరల్‌ మండల కార్యాలయం వద్ద టీడీపీ శ్రేణులు రెచ్చిపోయారు. రూరల్‌ మండలంలోని కలకుర్రు ఎంపీటీసీ స్థానానికి వైఎస్సార్‌సీపీ అభ్యర్థి మద్దుల రత్తయ్య నామినేషన్‌ దాఖలు చేయడానికి వెళ్తుండగా టీడీపీ కార్యకర్తలు జాన్‌, జోషి పోలీసుల సమక్షంలోనే నామినేషన్‌ పత్రాలు లాక్కుని చించి పారిపోతుండగా పోలీసులు వారిని అదుపులోకి తీసుకున్నారు. టీడీపీ అరాచకపర్వం పచ్చమూకల బరితెగింపు పెదవేగిలో వైఎస్సార్‌సీపీ కార్యకర్తలపై దాడి నామినేషన్‌ ర్యాలీని అడ్డగించిన పచ్చ శ్రేణులు దెందులూరులో నామినేషన్‌ కేంద్రాన్ని ఆధీనంలోకి తీసుకున్న ఎమ్మెల్యే వర్గం ‘సాక్షి’ టీవీ కంట్రిబ్యూటర్‌పై దాడి చేసిన ఎమ్మెల్యే చింతమనేని వైఎస్సార్‌సీపీ కలకుర్రు ఎంపీటీసీ అభ్యర్థి నామినేషన్లు చించివేత ఏలూరు (టూటౌన్‌): దెందులూరు నియోజకవర్గంలో నామినేషన్ల సందర్భంగా జరుగుతున్న తాజా పరిణామాలు, అరాచకాలపై మాజీ ఎమ్మెల్యే కొఠారు అబ్బయ్యచౌదరి పార్టీ నాయకులతో కలిసి కలెక్టర్‌, జిల్లా ఎన్నికల అధికారి కె.వెట్రిసెల్విని గురువారం కలిసి వినతిపత్రం అందజేశారు. పెదవేగి, పెదపాడు, దెందులూరు, ఏలూరు రూరల్‌ మండలాల్లో వైఎస్సార్‌సీపీ అభ్యర్థులు నామినేషన్లు దాఖలు చేసేందుకు వెళ్తుండగా అడ్డుకుంటున్నారని, కొన్ని ప్రాంతాల్లో అభ్యర్థుల నామినేషన్‌ పత్రాలను బలవంతంగా తీసుకొని ధ్వంసం చేసినట్టు ఫిర్యాదులు అందుతున్నాయని కలెక్టర్‌ దృష్టికి తీసుకెళ్లారు. నామినేషన్‌ కేంద్రాల వద్ద అభ్యర్థులకు పూర్తిస్థాయి పోలీసు భద్రత కల్పించాలని, నిర్ణీత గడువులోగా నామినేషన్లు దాఖలు చేసేలా చర్యలు తీ సుకోవాలని కోరారు. అభ్యర్థులను అడ్డుకోవడం, బెదిరించడం, నా మినేషన్‌ పత్రాలను లాక్కోవడం లేదా ధ్వంసం చేయడం వంటి ఘటనలపై నిష్పక్షపాతంగా విచారణ జరిపి, బాధ్యులపె చర్యలు తీసుకోవాలని విజ్ఞప్తి చేశారు. అలాగే ఘటనలకు సంబంధించిన ఫిర్యాదు లు, సాక్షుల వివరాలు, అందుబాటులో ఉన్న సీసీటీవీ ఫుటేజ్‌ తదితర ఆధారాలను భద్రపరచాలని కోరారు. పెదవేగి, పెదపాడు, దెందు లూరు,ఏలూరు రూరల్‌ మండలాల్లో అవసరమైన అదనపు పోలీసు బలగాలను ఏర్పాటు చేసి, ప్రతి అభ్యర్థి తన నామినేషన్‌ను స్వేచ్ఛగా దాఖలు చేసేలా తక్షణ చర్యలు చేపట్టాలని కోరారు.

జిల్లాలో మున్సిపల్‌ ఎన్నికల సందర్భంగా వైఎస్సార్‌సీపీ అభ్యర్థులు ప్రచారం జోరుగా సాగిస్తున్నారు. ఇంటింటా ఓటర్లను కలిసి ఓట్లు అభ్యర్థిస్తున్నారు. ఏలూరు కార్పొరేషన్‌ తో పాటు జంగారెడ్డిగూడెం, నూజివీడు మున్సిపాలిటీల్లో ప్రచారంలో ముందున్నారు. – సాక్షి నెట్‌వర్క్‌ ఏలూరులో ఓట్లు అభ్యర్థిస్తున్న మేయర్‌ అభ్యర్థి జీఎంఆర్‌, కార్పొరేటర్‌ అభ్యర్థిని రీనావతి, సమన్వయకర్త జయప్రకాష్‌ జంగారెడ్డిగూడెంలో ప్రచారంలో పాల్గొన్న చైర్‌పర్సన్‌ అభ్యర్థి సత్యవతి, సమన్వయకర్త విజయరాజు, గురునాథరావు

నలుగురు మాజీ కౌన్సిలర్లు బరిలో.. నూజివీడు: నూజివీడు మున్సిపాలిటీలో టీడీపీకి రెబల్స్‌ సెగ తగిలింది. మంత్రి సీట్లు కేటాయించకపోవడంతో నలుగురు మాజీ కౌన్సిలర్లు స్వతంత్ర అభ్యర్థులుగా బరిలోకి దిగారు. ఈ నలుగురిలో ఇద్దరు తాజా మాజీలు కాగా, మరో ఇద్దరు గతంలో కౌన్సిలర్లు పనిచేసిన వారు. వీరు బరిలోకి దిగడంతో టీడీపీ వార్డు అభ్యర్థుల విజయంపై తీవ్ర ప్రభావం చూపే అవకాశాలు ఉన్నాయి. మున్సిపాలిటీలో 36 వార్డులుండగా జనసేన 7 వార్డుల్లోను, బీజేపీ 1 వార్డులోను, టీడీపీ 28 వార్డుల్లో పోటీ చేస్తోంది. 36వ వార్డు నుంచి టీడీపీ రెబల్‌ అభ్యర్థి గొల్లు దుర్గాదేవి ప్రచారంలో దూసుకెళ్తోంది. ఆమె గతంలో రెండుసార్లు కౌన్సిలర్‌గా పనిచేశారు. ప్రజలకు అందుబాటులో ఉంటున్న ఆమెకు టికెట్‌ కేటాయించకపోవడతో ఎలాగైనా టీడీపీ అభ్యర్థిని ఓడించాలని ఆమె ప్రయత్నిస్తున్నారు. దీనిలో భాగంగా వార్డులో ఎన్నికల కార్యాలయాన్ని సైతం ప్రారంభించారు. అలాగే తాజా మాజీ కౌన్సిలర్‌ నడకుదురు గిరీష్‌కుమార్‌కు కూడా సీటు ఇవ్వకపోవడంతో 34వ వార్డు నుంచి, మరో తాజీ మాజీ కౌన్సిలర్‌ కొమ్మని విజయ ఆశించిన 24వ వార్డును జనసేనకు కేటాయించడంపై ఆమె తీవ్ర అసంతృప్తికి గురై అదే వార్డు నుంచి టీడీపీ రెబల్స్‌గా దిగారు. ఈమె ప్రభావం వల్ల జనసేన అభ్యర్థిలకు గండి పడుతుందని రాజకీయ వర్గాల్లో ప్రచారం జరుగుతోంది. అలాగే 31వ వార్డు నుంచి టీడీపీకి చెందిన మాజీ కౌన్సిలర్‌ రిమ్మనపూడి నాగమణి రెబల్‌గా బరిలో నిలిచారు.

ఏలూరు (టూటౌన్‌): జిల్లాలో జెడ్పీటీసీ, ఎంపీటీసీల నామినేషన్ల ప్రక్రియ గురువారం రెండో రోజూ కొనసాగింది. అధికార, ప్రతిపక్ష పార్టీల అభ్యర్థులు పెద్ద సంఖ్యలో నామినేషన్లు దాఖలు చేశారు. ఏలూరు జిల్లా పరిషత్‌ కార్యాలయంలో 27 జెడ్పీటీసీ స్థానాలకు గాను 78 నామినేషన్లు దాఖలయ్యాయి. తొలి రోజు 8 నామినేషన్లు దాఖలు కాగా.. మొత్తంగా 86 నామినేషన్లను అధికారులు స్వీకరించారు. జిల్లాలోని నూజివీడు, టి.నర్సాపురం, లింగపాలెం మండలాల నుంచి ఏ ఒక్కరూ నామినేషన్‌ దాఖలు చేయలేదు. ద్వారకాతిరుమల, జంగారెడ్డిగూడెం, నిడమర్రు, పెదవేగి మండలాల నుంచి ఒక్కో నామినేషన్‌ దాఖలు కాగా.. అత్యధికంగా ముదినేపల్లి నుంచి ఏడుగురు, ఏలూరు, కై కలూరు, కామవరపుకోట, కొయ్యలగూడెం, మండవల్లి నుంచి ఆరుగురు చొప్పున నామినేషన్లు దాఖలు చేశారు. అలాగే జిల్లాలోని 454 ఎంపీటీసీ స్థానాలకు మొదటిరోజు 222 నామినేషన్లు దాఖలయ్యాయి. గురువారం కూడా భారీ నామినేషన్లు దాఖలు అయ్యాయి. పశ్చిమలో.. భీమవరం: పశ్చిమగోదావరి జిల్లాలోని 20 జెడ్పీటీసీ స్థానాలకు గాను ఎన్నికల నామినేషన్లు రెండో రోజు జోరందుకున్నాయి. స్థానిక జిల్లా ప్రజాపరిషత్‌ కార్యాలయం వద్ద అభ్యర్థులతో సందడి నెలకొంది. గురువారం 66 మంది అభ్యర్థులు నామినేషన్లు వేశారు. తొలిరోజు 10 నామినేషన్లతో కలిపి మొత్తంగా 76 నామినేషన్లు దాఖలయ్యాయి. మండలాల వారీగా.. జెడ్పీటీసీ స్థానాలకు మండలాల వారీగా ఆచంట 5, ఆకివీడు 4, అత్తిలి 4, భీమవరం 1, యలమంచిలి 2, గణపవరం 3, ఇరగవరం 2, కాళ్ల 5, మొగల్తూరు 4 నామినేషన్లు దాఖలయ్యాయి. అలాగే నరసాపురం 3, పాలకొల్లు 4, పాలకోడేరు 2, పెంటపాడు 5, పెనుగొండ 4, పెనుమంట్ర 3, పోడూరు 5, తాడేపల్లిగూడెం 8, తణుకు 4, ఉండి 4, వీరవాసరం 4 నామినేషన్లు దాఖలయ్యాయి. 371 ఎంపీటీసీ స్థానాలకు.. జిల్లాలోని 371 ఎంపీటీసీ స్థానాలకు గురువారం 850 నామినేషన్లు దాఖలయ్యాయి. మొత్తంగా రెండు రోజుల్లో 1,042 నామినేషన్లు దాఖలైనట్టు జిల్లా ముఖ్య ఎన్నికల అధికారి తెలిపారు. వీటిలో వైఎస్సార్‌సీపీ నుంచి 431, టీడీపీ నుంచి 365, జనసేన నుంచి 180, బీజేపీ నుంచి 22, సీపీఎం నుంచి 6, బీఎస్పీ నుంచి 6, కాంగ్రెస్‌ నుంచి 3, స్వతంత్ర అభ్యర్థులు 25 మంది నామినేషన్లు వేశారు. జీలుగుమిల్లి జెడ్పీటీసీ అభ్యర్థిని కోరస సూరమ్మను నామినేషన్‌ వేసేందుకు తీసుకువస్తున్న ఎమ్మెల్సీ వంక రవీంద్రనాథ్‌, తెల్లం రాజ్యలక్ష్మి ఏలూరులో జెడ్పీ కార్యాలయం వద్ద భారీగా మోహరించిన పోలీసులు

బీచ్‌రోడ్డు: ఆర్కే బీచ్‌లో ఆత్మహత్యకు యత్నించిన ఓ మహిళను పోలీసులు, జీవీఎంసీ స్విమ్మర్‌ చాకచక్యంగా కాపాడారు. పశ్చిమ గోదావరి జిల్లా తాడేపల్లిగూడేనికి చెందిన పి.పావని బుధవారం ఉదయం సుమారు 11 గంటల సమయంలో ఆర్కే బీచ్‌కు వచ్చారు. ఆత్మహత్యాయత్నానికి ప్రయత్నిస్తుండగా అదే సమయంలో బీట్‌ డ్యూటీలో ఉన్న పోర్ట్‌ పోలీస్‌ స్టేషన్‌ కానిస్టేబుల్‌ ఎస్‌ఎంఎస్‌వీ శ్రీనివాస్‌, జీవీఎంసీ స్విమ్మర్‌ ఆనంద్‌ వెంటనే అప్రమత్తమై ఆమెను కాపాడి, సురక్షిత ప్రాంతానికి తరలించారు. దీనిపై డయల్‌ 112కు సమాచారం అందించడంతో పాటు త్రీ టౌన్‌ పోలీస్‌ స్టేషనన్‌కు నివేదించినట్టు పోర్ట్‌ పోలీస్‌స్టేషన్‌ ఎస్‌హెచ్‌వో చెప్పారు. మానసిక ఆందోళన కారణంగా ఆమె ఆత్మహత్యాయత్నానికి పాల్పడినట్లు పోలీసులు తెలిపారు. ఖిలా వరంగల్‌: దసరా ఉత్సవాలకు వెళ్లి వస్తానని ఇంట్లో చెప్పి బయటకు వచ్చిన వృద్ధుడు అదృశ్యమయ్యాడు. ఏలూరు కలిదండి మండలం పెదలంకకు చెందిన పోకల సూర్యనారాయణ దసరా ఉత్సవాలకు ఇటీవల వరంగల్‌ నగరంలోని రంగశాయిపేటలో ఉంటున్న కొడుకు దగ్గరకు వచ్చాడు. మంగళవారం మహకాంళి ఆలయ ప్రాంగణంలో జరిగిన ఉత్సవాలను వీక్షించేందుకు కొడుకు ఇంటి నుంచి బయయల్దేరాడు. రాత్రి కూడా తిరిగి ఇంటికి రాలేదు. దీంతో రోజంతా చుట్టు పక్కల బస్టాండ్‌, రైల్వే స్టేషన్లలో వెతికినా ఆచూకీ లభించలేదు. సూర్యనారాయణ మనవరాలు రంగశాయిపేటకు చెందిన దుగ్గిరాల శ్రీవిద్య ఫిర్యాదు మేరకు మిస్సింగ్‌ కేసు నమోదు చేసి పోలీసులు దర్యాప్తు చేస్తున్నారు.

పెనుగొండ : స్థానిక ఎన్నికల వేళ అధికార టీడీపీకి ఆపార్టీ నాయకులు ఝలక్‌ ఇచ్చారు. బుధవారం రాత్రి పెనుగొండ దొంగ గూడెంలో టీడీపీ నాయకులు మూకుమ్మడిగా మాజీ ఎంపీపీ పూతినీడి వెంకటేశ్వరరావు(పెద్ద) సమక్షంలో వైఎస్సార్‌ సీపీ తీర్థం పుచ్చుకొన్నారు. వైఎస్సార్‌ సీపీలో చేరిన వారిలో టీడీపీ నాయకులు దంపనబోయిన దుర్గారావు, దంపనబోయిన లీలావతి, పూతినీడి దుర్గారావు, పూతినీడి సోమేశ్వరరావు, పూతినీడి సత్తిరాజు, ఆది, పూతినీడి సోమేశ్వరరావు(ఆంజనేయులు), పూతినీడి నరేష్‌, పూతినీడి హరిబాబు, పూతినీడి పేర్రాజు, పూతినీడి సత్తికొండ, పూతినీడి సత్యనారాయణ, పూతినీడి రామకృష్ణ, బాలం సత్యనారాయణ, విత్తనాల ఏసు, పూతినీడి గోవింద, పూతినీడి నాగిశెట్టి, పూతినీడి భాస్కరావు, పూతినీడి రుద్రాంజనేయులు ఉన్నారు. కార్యక్రమంలో పంచాయతీ మాజీ సభ్యులు పిల్లి చాముండి, పూతినీడి శ్రీను, వెలగల శ్రీనివాస రెడ్డి, ఎస్సీ సెల్‌ కన్వీనరు పలివెల శ్రీను, పార్టీ నాయకులు సుంకర నాగబాబు,గుడాల ఏసు, నాగిశెట్టి నరసింహరావు, నాగిశెట్టి , బళ్ల పోలరాజు, నరేంద్ర, బాలం సత్తిపండు,బాబీలు పాల్గొన్నారు.

ఈవీఎం గోడౌన్‌ తనిఖీ ఏలూరు (ఆర్‌ఆర్‌పేట): కలెక్టరేట్‌లోని ఈవీఎం గోడౌన్‌ను బుధవారం కలెక్టర్‌ తనిఖీ చేశారు. భదత్రా ఏర్పాట్లను పరిశీలించారు. ఇన్‌చార్జి డీఆర్వో ఎం.ముక్కంటి ఉన్నారు. ద్వారకాతిరుమల: ఎన్నికల నామినేషన్ల తొలిరోజే అధికార పార్టీ నేతల అత్యుత్సాహం చర్చనీయాంశమైంది. పోలీసులపై కొందరు తెలుగు తమ్ముళ్లు వాగ్వాదానికి దిగారు. వైఎస్సార్‌సీపీ అభ్యర్థులతో ప్రతిపాదకులు వెళ్లడంపై అభ్యంతరం వ్యక్తం చేయడమే కాకుండా.. పోలీసులు వివరంగా చెబుతున్నా పట్టించుకోకుండా రగడ చేశారు. అదే సమయంలో వారితో వచ్చిన ఇద్దరు మహిళలు పోలీసులను నెట్టుకుంటూ ముందుకు వెళ్లేందుకు ప్రయత్నించడం అక్కడి పరిస్థితిని మరింత వేడెక్కించింది. వివరాల్లోకి వెళితే. ఎంపీటీసీ నామినేషన్ల నేపథ్యంలో ద్వారకాతిరుమల ఎంపీడీఓ కార్యాలయం వద్ద పోలీసులు బందోబస్తు ఏర్పాటు చేశారు. కార్యాలయానికి సుమారు 100 అడుగుల దూరంలో పోలీస్‌స్టేషన్‌ సమీపాన రహదారిపై బారికేడ్లు పెట్టారు. ఎస్సై టి.సుధీర్‌ సిబ్బందితో పర్యవేక్షణ చేపట్టారు. నామినేషన్‌ వేసే అభ్యర్థులు, వారి ఇద్దరు ప్రతిపాదకులు, డమ్మీ అభ్యర్థులను మాత్రమే లోపలికి అనుమతించారు. ఈ క్రమంలో పంగిడిగూడెం నుంచి వైఎస్సార్‌సీపీ శ్రేణులు భారీగా బైక్‌ ర్యాలీగా చేరుకున్నారు. దీంతో అక్కడికి వచ్చిన కొందరు తెలుగు తమ్ముళ్లు వైఎస్సార్‌సీపీ అభ్యర్థులతో పాటు మాజీ ఎంపీపీ, మరో బీసీ సామాజికవర్గ నాయకుడిని ఎలా అనుమతించారంటూ పోలీసులను నిలదీశారు. వారు అభ్యర్థుల ప్రతిపాదకులని ఎస్సై, సి బ్బంది స్పష్టం చేసినా వాగ్వాదానికి దిగారు. ఎన్నికల నిబంధనల అమలులో భాగంగా పోలీసులు తీసుకున్న చర్యలపై ఇలా అభ్యంతరం వ్యక్తం చేయడం అక్కడున్నవారిని విస్మయానికి గురిచేసింది. అధికారం ఉందన్న అహంతోనే వారు ఇలా వ్యవహరించారని పలువురు మండిపడ్డారు.

● రాత్రి 9 గంటలకు ధ్వజారోహణ, అనంతరం హంసవాహన సేవ. ● ప్రత్యేక అలంకారం : కాళీయమర్దనం.ద్వారకాతిరుమల: కలియుగ వైకుంఠనాధుడు కొలువైన చిన్నతిరుపతి క్షేత్రంలో శ్రీవారి ఆశ్వీయుజమాస దివ్య బ్రహ్మోత్సవాలు బుధవారం వైభవంగా ప్రారంభమయ్యాయి. తొలిరోజు స్వామి, అమ్మవార్లను పెండ్లి కుమారుడు, పెండ్లి కుమార్తెలను చేయు వేడుక అట్టహాసంగా జరిగింది. సర్వాభరణ శోభితుడై.. నుదుట కల్యాణ తిలకం, బుగ్గన చుక్కతో.. దివ్యమంగళ స్వరూపుడైన శ్రీవారు పెండ్లి కుమారుడిగా, పద్మావతి, ఆండాళ్‌ అమ్మవార్లు పెండ్లి కుమార్తెలుగా శోభిల్లారు. తొలుత స్వామి, అమ్మవార్ల ఉత్సవ మూర్తులను ఆలయం నుంచి అర్చకులు తొళక్క వాహనంపై మేళతాళాలు, మంగళ వాయిద్యాల నడుమ నిత్య కల్యాణ మండపం వద్దకు అట్టహాసంగా తీసుకువచ్చారు. అక్కడ పుష్పమాలికలతో సర్వాంగ సుందరంగా అలంకరించిన వేదికపై ఏర్పాటు చేసిన స్వర్ణ సింహాసనంపై ఉభయ దేవేరులతో శ్రీవారిని వేంచేపు చేసి విశేషంగా అలంకరించారు. అనంతరం అర్చకులు, పండితులు, ఆగమ విద్యార్థుల వేద మంత్రోచ్ఛరణలు.. మంగళ వాయిద్యాల నడుమ పెండ్లి కుమారుడు, పెండ్లి కుమార్తెలను చేసే వేడుకను నేత్రపర్వంగా నిర్వహించారు. ఆలయ ఈఓ సతీమణి భాగ్యలక్ష్మి స్వామి, అమ్మవార్లకు పూలు, పండ్లు సమర్పించారు. ఆ తరువాత అర్చకులు, పండితులకు నూతన వస్త్రాలను అందజేశారు. భక్తుల గోవింద నామస్మరణల నడుమ సాగిన ఈ వేడుక భక్తకోటికి కనువిందు చేసింది. మరోవైపు శ్రీహరి కళాతోరణ వేదికపై నిర్వహించిన పలు సాంస్కృతిక కార్యక్రమాలు భక్తులను అలరించాయి. రాత్రి గజవాహనంపై స్వామివారి తిరువీధి సేవ అంగరంగ వైభవంగా సాగింది. ఆలయ ముఖ మండపంలో స్వామివారు శ్రీ భూ సమేత మహావిష్ణువు అలంకారంలో భక్తులకు దర్శనమిచ్చారు. దేవస్థానం డీఈఓ వై.భద్రాజీ, ఏఈఓ పి.నటరాజారావు ఏర్పాట్లను పర్యవేక్షించారు. చిన్నతిరుపతిలో ప్రారంభమైన దివ్య బ్రహ్మోత్సవాలు పెండ్లి కుమారుడిగా శ్రీవారు, పెండ్లి కుమార్తెలుగా అమ్మవార్లు ముస్తాబు గజ వాహనంపై గోవిందుడి విహారం

● నామినేషన్ల ఉపసంహరణ పూర్తి ● కూటమిలో ముగిసిన బుజ్జగింపులు, ఉపసంహరణలు సాక్షి ప్రతినిధి,ఏలూరు: మున్సిపల్‌ ఎన్నికల నామినేషన్ల ఉపసంహరణ ప్రక్రియ ముగియడంతో తుది జాబితా సన్నద్ధమైంది. కూటమి పార్టీలో పొత్తుల పేరుతో సీట్ల సర్దుబాట్లు, రెబల్స్‌ను బుజ్జిగింపు పర్వాలు, తాయిలాల హామీలతో కూటమి సర్దుబాటు పూర్తికాగా ప్రతిపక్ష వైఎస్సార్‌సీపీ స్థానిక సంస్థల్లో అన్ని స్థానాల్లో పోటీకి సన్నద్ధమైంది. ఏలూరు జిల్లాలో ఏలూరు నగరపాలక సంస్థ, నూజివీడు, జంగారెడ్డిగూడెం మున్సిపాల్టీలు, పశ్చిమగోదావరి జిల్లాలోని నరసాపురం మున్సిపాలిటీ, ఆకివీడు నగర పంచాయతీల్లో అభ్యర్థుల లెక్కలు తేల్చి తుది జాబితాను ఎన్నికల రిటర్నింగ్‌ అధికారులు ప్రకటించారు. ఏలూరు మేయర్‌ బరిలో 9 మంది.. ఏలూరు నగరపాలక సంస్థలో మేయర్‌ స్థానానికి వైఎస్సార్‌సీపీ అభ్యర్థి గంటా మోహనరావు, కూటమి అభ్యర్థి, జనసేన నేత రెడ్డి అప్పలనాయుడుతో పాటు స్వతంత్ర అభ్యర్థులతో కలిసి 9 మంది బరిలో నిలిచారు. అలాగే 62 డివిజన్లకు సంబంధించి 164 మంది అభ్యర్థులు బరిలో కొనసాగుతున్నారు. 334 నామినేషన్లలో 169 నామినేషన్ల ఉపసంహరణ, ఒక నామినేషన్‌ అనర్హత వేటుకు గురైంది. ● నూజివీడులో.. నూజివీడు మున్సిపాల్టీలో వైఎస్సార్‌సీపీ చైర్‌పర్సన్‌ అభ్యర్థిగా కంచమర్ల లవకుమార్‌, టీడీపీ అభ్యర్థి బర్రె ఇళయరాజాతో పాటు కాంగ్రెస్‌ అభ్యర్థి పోటీలో నిలిచారు. ఇక 36 డివిజన్లల్లో 81 మంది కౌన్సిలర్‌ అభ్యర్థులు పోటీలో ఉన్నారు. ● జంగారెడ్డిగూడెంలో.. జంగారెడ్డిగూడెం ము న్సిపాల్టీలో వైఎస్సార్‌సీపీ చైర్‌పర్సన్‌ అభ్యర్థిగా మేకా సత్యవతి, టీడీపీ అభ్యర్థిగా రొంగల అనూషతో పాటు మరో ఇద్దరు బరిలో నిలిచారు. 32 వార్డులకు 78 మంది బరిలో ఉండగా 32 వార్డుల్లో వైఎస్సార్‌సీపీ, 22 వార్డుల్లో టీడీపీ, 9 వార్డుల్లో జనసేన, ఒక వార్డు బీజేపీ, 12 మంది స్వతంత్ర అభ్యర్థులు పోటీలో ఉన్నారు. ● నరసాపురంలో.. నరసాపురం మున్సిపల్‌ చైర్‌పర్సన్‌ అభ్యర్థులుగా వైఎస్సార్‌సీపీ నుంచి కావలి రామసీత, కూటమి నుంచి కొత్తపల్లి శైలజతో పాటు మరొకరు బరిలో నిలిచారు. 36 వార్డులకు 91 మంది పోటీలో నిలిచారు. వైఎస్సార్‌సీపీ 36 వార్డుల్లో, జనసేన 17 వార్డులు, టీడీపీ 17, బీజేపీ రెండు స్థానాల్లో పోటీల్లో నిలిచింది. ● ఆకివీడులో.. ఆకివీడు నగర పంచాయతీలో వైఎస్సార్‌సీపీ నుంచి చైర్‌పర్సన్‌ అభ్యర్థిగా మన్నే లలితాదేవి, కూటమి నుంచి ఎండీ నిలోఫర్‌, కాంగ్రెస్‌ నుంచి గంధం పార్వతి పోటీలో నిలిచారు. 28 వార్డులకు 64 మంది కౌన్సిలర్‌ అభ్యర్థులు తుది జాబితాలో ఖరారై బరిలో నిలిచారు.

ఆకివీడు: ఆకివీడు నగర పంచాయతీ ఎన్నికల్లో చైర్‌పర్సన్‌, వార్డు అభ్యర్థులు అధిక స్థానాల్ని వైఎస్సార్‌సీపీ గెలుచుకుంటుందని పార్టీ జిల్లా అధ్యక్షుడు ముదునూరి ప్రసాదరాజు, నరసాపురం పార్లమెంట్‌ పరిశీలకుడు ముదునూరి మురళీ కృష్ణంరాజు, నియోజకవర్గ ఇన్‌చార్జి మంతెన యోగీంద్రకుమార్‌ తెలిపారు. స్థానిక పార్టీ ఎన్నికల కార్యాలయంలో బుధవారం కార్యకర్తలు, నాయకులు, అభ్యర్థులతో సమీక్షా సమావేశం నిర్వహించారు. అధికార పార్టీ ధన బలం, అంగబలంతో వైఎస్సార్‌సీపీ అభ్యర్థుల్ని బెదిరించినా, ఒత్తిళ్లకు గురిచేసినా అధిక శాతం మంది పోటీలో నిలబడ్డారన్నారు. ప్రతి అభ్యర్థి విజయానికి శక్తివంచన లేకుండా కృషి చేస్తామని చెప్పారు. నగర పంచాయతీ కార్యాలయంపై రెండోసారి వైఎస్సార్‌సీపీ జెండా ఎగురవేస్తామన్నారు. అధికార పార్టీ ఎన్ని అరాచకాలు చేసినా అంకితభావంతో నాయకులు ముందుకు నడవాలని పిలుపునిచ్చారు. రానున్నది జగనన్న ప్రభుత్వమేనని ప్రజలకు చెప్పాలన్నారు. నరసాపురం పార్లమెంట్‌ ఇన్‌చార్జి గూడూరి ఉమాబాల, వైఎస్సార్‌సీపీ చైర్‌పర్సన్‌ అభ్యర్థిని మన్నే లలితాదేవి, నగర పంచాయతీ మాజీ చైర్‌పర్సన్‌ జామి హైమావతి, ఎండీ మస్తాన్‌ వలీ, జగ్గురోతు విజయ్‌కుమార్‌, మోరా జ్యోతిరెడ్డి, శ్రీనివాసరెడ్డి, షేక్‌ హుస్సేన్‌, పార్టీ మండల, పట్టణ అధ్యక్షులు నంద్యాల సీతారామయ్య, అంబటి రమేష్‌, అట్లూరి రంగారావు, పడాల శ్రీనివాసరెడ్డి తదితరులు పాల్గొన్నారు.

కూటమి అరాచక పర్వం ● ప్రశాంత పశ్చిమలో బెదిరింపుల సంస్కృతి ● ఉండి నియోజకవర్గంలో కూటమి దౌర్జన్యకాండ ● ఆకివీడు నగర పంచాయతీ అభ్యర్థులకు బెదిరింపులు ● వ్యాపారాలను విధ్వంసం చేస్తామని హెచ్చరికలు ● ఊళ్లో తిరగనీయమంటూ కూటమి నేతల హడావుడి ● 8 మంది వైఎస్సార్‌సీపీ కౌన్సిలర్‌ అభ్యర్థుల ఉపసంహరణ గురువారం శ్రీ 22 శ్రీ అక్టోబర్‌ శ్రీ 2026సాక్షి ప్రతినిధి, ఏలూరు: ప్రశాంత పశ్చిమలో కొత్త సంస్కృతికి తెలుగుదేశం పార్టీ బీజం వేసింది. ఇప్పటివరకు ఎక్కడా బెదిరింపులు, దౌర్జన్యాలు, దాడులు జిల్లాలో లేవు. ఏళ్ల తరబడి పార్టీలకు అతీతంగా అందరూ ఉంటూ, హుందాగా రాజకీయాలు చేస్తున్న పరిస్థితి. అయితే ఉండి నియోజకవర్గంలో తెలుగుదేశం పార్టీ కొత్త సంస్కృతికి తెరతీసింది. డిప్యూటీ స్పీకర్‌, ఎమ్మెల్యే రఘురామకృష్ణంరాజు ఆదేశాలతో టీడీపీ నేతలు ఆకివీడు నగర పంచాయతీ అభ్యర్థులపై బెదిరింపులకు దిగారు. వ్యక్తిగత ఆస్తినష్టాలు మొదలు, వ్యాపారాల విధ్వంసాల వరకు పలు రకాలుగా ఫోన్లల్లో భయపెట్టి, వ్యక్తిగతం కలిసి హెచ్చరించి నామినేషన్లు ఉపసంహరించుకునేలా చేయడం జిల్లాలో చర్చనీయాంశంగా మారింది. ఆకివీడులో హైడ్రామా మున్సిపల్‌ ఎన్నికలకు సంబంధించి నామినేషన్ల ఉపసంహరణ ప్రక్రియ బుధవారం పూర్తయింది. ఈ క్రమంలో ఉదయం నుంచి ఆకివీడులో హైడ్రామా కొనసాగింది. ప్రధానంగా వైఎస్సార్‌సీపీ ఆకివీడు నగర పంచాయతీ చైర్‌పర్సన్‌ అభ్యర్థి మన్నే లలితాదేవిని మొదలు కౌన్సిలర్‌ అభ్యర్థుల వరకు అందరినీ బెదిరించారు. అంతటితో ఆగకుండా టీడీపీ నేతలు వెంటపడి వేధించిన తరహాలో ఫాలోఅప్‌ చేసి మరీ నామినేషన్లు ఉపసంహరించుకునేలా చేశారు. మూడు రోజుల క్రితమే ఉండి వైఎస్సార్‌సీపీ నేత వేగేశ్న వెంకటరాజును వ్యాపారం కోణంలో బెదిరించి పార్టీకి రాజీనామా చేయించారు. ఇక తాజాగా ఆకివీడు 2వ వార్డు అభ్యర్థిని మొటుపల్లి రామాంజనేయులు, 4వ వార్డు అభ్యర్థి పైడి రాజేష్‌, 7వ వార్డు అభ్యర్థి కె.శ్రీనివాసరావు, 8వ వార్డు అభ్యర్థి నిమ్మల ద్వారాకనాథ్‌, 12వ వార్డు అభ్యర్థి గుండుగొలను సావిత్రి, 18వ వార్డు అభ్యర్థి కె.సుజాత, 20వ వార్డు అభ్యర్థి జిల్లా పెద్దిరాజు, 5వ వార్డు అభ్యర్థి తిప్పా దుర్గాభవానీ తదితరులను బెదిరించి కొన్ని గంటల పాటు నిరంతరం వేధించి నామినేషన్లు ఉపసంహరించుకునేలా చేశారు. 18వ వార్డుకు చెందిన కె.సుజాత చేపల మార్కెట్‌లో వ్యాపారం చేస్తుండగా.. షాపు లేకుండా చేస్తామని ఆమెను బెదిరించారు. 8వ వార్డు అభ్యర్థి భీమవరంలో చేసే వ్యాపారాన్ని దెబ్బతీస్తామని హెచ్చరించారు. ఇక 20 వార్డు అభ్యర్థి పెద్దిరాజు మాంసం దుకాణం నిర్వహిస్తుండగా.. ఉదయం నుండి ఆయన్ను తీవ్రస్థాయిలో వేధించి ఉపసంహరించుకునేలా చేశారు. విష సంస్కృతికి బీజం ప్రశాంత, హుందా రాజకీయాలకు పశ్చిమగోదావరి పెట్టింది పేరు. జిల్లాలో అనేక సార్వత్రిక ఎన్నికల్లో ఎక్కడా ఈ తరహా దౌర్జన్యాలు, బెదిరింపులు లేవు. కూటమి ప్రభుత్వం కొలువు తీరిన తరువాతే పశ్చిమలో విష సంస్కృతికి బీజం వేశారు. గతేడాది అత్తిలి ఉప ఎన్నికల సందర్భంగా మాజీ మంత్రి కారుమూరి నాగేశ్వరరావు నివాసంపైకి టీడీపీ శ్రేణులు దూసుకువచ్చే ప్రయత్నం చేసి నానారచ్చ చేశారు. స్థానిక సంస్థల ఎన్నికల్లో ఇప్పటివరకు అన్నిచోట్లా, అన్ని పార్టీలు ప్రశాంత వాతావరణంలో ఎన్నికల ప్రక్రియలో ఉండగా ఉండిలో మాత్రమే ఈ తరహా దౌర్జన్యకాండను టీడీపీ నేతలు కొనసాగిస్తున్నారు.

నూజివీడు: పరిషత్‌ ఎన్నికల్లో భాగంగా నూజి వీడు మండల పరిషత్‌ కార్యాలయంలో నామినేషన్ల నిమిత్తం చేసిన ఏర్పాట్లపై సబ్‌ కలెక్టర్‌ బొల్లిపల్లి వినూత్న తీవ్ర అసంతప్తి వ్యక్తం చేశారు. 20 ఎంపీటీసీ స్థానాలకు కేవలం మూడు కౌంటర్లను అదీ ఇరుకు గదుల్లో ఏర్పాటు చేయడంపై రిటర్నింగ్‌ అధికారి రవికుమార్‌పై ఆగ్రహం వ్యక్తం చేశారు. నామినేషన్లు స్వీకరించేందుకు అన్ని ఏర్పాట్లు పూర్తి చేసి సిద్ధంగా ఉండాల్సి ఉండగా 11 గంటల తర్వాత ఏర్పాట్లు చేయడం ఏంటని ప్రశ్నించారు. అభ్యర్థులకు ఎలాంటి అ సౌకర్యం కలగకుండా ఏర్పాట్లు చేయాలని ఆదేశించారు. అయినా కూర్చోవడానికి కూడా సరిపడా కుర్చీలు ఏర్పాటు చేయకపోవడంపై అ భ్యర్థులు సైతం అసంతృప్తి వ్యక్తం చేశారు. జంగారెడ్డిగూడెం(చింతలపూడి): స్థానిక మార్కెట్‌ యార్డు ఆవరణలో ఏర్పాటు చేసిన ఎన్నికల డిస్ట్రిబ్యూషన్‌, రిసెప్షన్‌ కేంద్రాలతో పాటు స్ట్రాంగ్‌ రూమ్‌లను ఆర్డీఓ రమణ బుధవారం పరిశీలించారు. ఎన్నికలకు పటిష్ట ఏర్పాట్లు చేయాలన్నారు. ఎన్నికల విధుల్లో పాల్గొనే ఉద్యోగులు, సిబ్బందికి ఎలాంటి అసౌకర్యం కలగకుండా వసతులు కల్పిస్తున్నామన్నారు. భారీ బందోబస్తు నడుమ పారదర్శకంగా, సజావుగా, ప్రశాంత వాతావరణంలో ఎన్నికల ప్రక్రియ చర్యలు చేపట్టామన్నారు. భద్రతా ఏర్పాట్లను పరిశీలించారు. తహసీల్దార్‌ స్లీవ జోజి, మున్సిపల్‌ కమిషనర్‌ వెంకటరమణ ఉన్నారు. ఏలూరు (ఆర్‌ఆర్‌పేట): నగరపాలక, పురపాలక సంఘాల ఎన్నికలకు సర్వం సిద్ధం చేయాలని జిల్లా ఎన్నికల సాధారణ పరిశీలకుడు మిరియాల వెంకట శేషగిరిబాబు ఆదేశించారు. నగరపాలక, పురపాలక సంఘాల పోలింగ్‌, కౌంటింగ్‌, జెడ్‌పీటీసీ, ఎంపీటీసీ ఎన్నికల నామినేషన్ల స్వీకరణ, పోలింగ్‌, కౌంటింగ్‌ ప్రక్రియల సంసిద్ధతపై కలెక్టర్‌ కె.వెట్రిసెల్వి, ఎస్పీ కె.ప్రతాప్‌ శివకిశోర్‌, ఆర్‌ఓలు, ఏఆర్‌ఓలు, ఎన్నికల అధికారులు, సిబ్బందితో బుధవారం సాయంత్రం జూమ్‌ కాన్ఫరెన్స్‌లో ఆయన సమీక్షించారు. ఈనెల 28న ఏలూరు నగరపాలక సంస్థ, నూజివీడు, జంగారెడ్డిగూడెం పురపాలక సంఘాలకు ఎన్నికల పోలింగ్‌ జరగనున్న దృష్ట్యా బాలెట్‌ పత్రాల ముద్రణకు చర్యలు తీసుకోవాలని, పోలింగ్‌కు సంబంధించి పోలింగ్‌ అధికారులు, సిబ్బందికి శిక్షణ కార్యక్రమాలు నిర్వహించాలన్నారు. పోలింగ్‌ కేంద్రాలలో విద్యుత్‌, ఇంటర్నెట్‌, సీసీ కెమెరాలు వంటి ప్రాథమిక కనీస సౌకర్యాలు ఏర్పాటు చేయాలన్నారు. పోలింగ్‌కు ముందురోజు పోలింగ్‌ సామాగ్రి అందించేందుకు పంపిణీ కేంద్రాలు సిద్ధం చేయాలనీ, పోలింగ్‌ సామాగ్రి, సిబ్బందిని పోలింగ్‌ స్టేషన్లకు తర లించేందుకు వాహనాలు ఏర్పాటు, వాటికి సంబంధించిన రూట్‌ మ్యాప్‌ని సిద్ధం చేసుకోవాలన్నారు. ఎటువంటి అవాంఛనీయ సంఘటనలు జరగకుండా పటిష్టమైన బందోబస్త్‌, భద్రతా ఏర్పాట్లు చేయాలన్నారు. తాడేపల్లిగూడెం (టీఓసీ): జిల్లా వైద్యారోగ్య శాఖ అధికారి రవిబాబు బుధవారం పట్టణంలోని ప్రైవేట్‌, వైద్య నిర్ధారణ కేంద్రాలను ఆకస్మికంగా తనిఖీలు చేశారు. కావ్య డయోగ్నోస్టిక్స్‌, దొరశ్రీ ఫిజియోథెరపి క్లినిక్‌లను పరిశీలించి కేంద్రాల రిజిస్ట్రేషన్‌, అనుమతి పత్రాలు, సిబ్బంది అర్హతలు, నిబంధనలు తదితరాలు తనిఖీ చేశారు. ఈ సందర్భంగా ఆయన మాట్లా డుతూ నిబంధనలకు విరుద్ధంగా నడిచే క్లినిక్‌లు, డయోగ్నోస్టిక్స్‌ సెంటర్లపై చర్యలు తప్పవని హెచ్చరించారు. ప్రజారోగ్యంతో చెలగాటమాడితే సహించేది లేదన్నారు. అర్హత కలిగిన టెక్నీషియన్లు, నిపుణులు సమక్షంలోనే పరీక్షలు, చికిత్సలు జరగాలన్నారు. జిల్లావ్యాప్తంగా మరిన్ని సోదాలు చేస్తామన్నారు.

ఏలూరు జెడ్పీ కార్యాలయం వద్ద పోలీసు బందోబస్తు, ముదినేపల్లి జెడ్పీటీసీగా నామినేషన్‌ వేసేందుకు వచ్చిన వైఎస్సార్‌సీపీ అభ్యర్థి రామిశెట్టి వీరవెంకట సత్యనారాయణ సాక్షి ప్రతినిధి,ఏలూరు: జిల్లాలో పరిషత్‌ పోరు షురూ అయింది. ఎంపీటీసీ, జెడ్పీటీసీ నామినేషన్ల ప్రక్రియ బుధవారం ఏలూరు, పశ్చిమగోదావరి జిల్లాల్లో ప్రారంభమైంది. జిల్లాపరిషత్‌ కార్యాలయాల్లో జెడ్పీటీసీలు, మండల కేంద్రాల్లో ఎంపీటీసీల నామినేషన్లను స్వీకరిస్తున్నారు. మొత్తంగా రెండు జిల్లాల్లో 47 జెడ్పీటీసీ స్థానాలకు 18 నామినేషన్లు, 825 ఎంపీటీసీ స్థానాలకు 414 నామినేషన్లు దాఖలు అయ్యాయి. ఏలూరు జిల్లాలో.. ఏలూరు జిల్లాలో 454 ఎంపీటీసీ స్థానాలకు 222 నామినేషన్లు దాఖలయ్యాయి. వైఎస్సార్‌సీపీ అభ్యర్థులు 86 మంది, టీడీపీ నుంచి 92 మంది, జనసేన నుంచి 23 మంది, బీజేపీ నుంచి ఐదుగురు, సీపీఎం నుంచి ఒకరు, కాంగ్రెస్‌ నుంచి ఇద్దరు, 13 మంది స్వతంత్ర అభ్యర్థులు నామినేషన్‌ దాఖలు చేశారు. అలాగే జిల్లాలోని 27 జెడ్పీటీసీ స్థానాలకుగాను తొలిరోజు 8 నామినేషన్లు దాఖలయ్యాయి. వీటిలో వైఎస్సార్‌సీపీ అభ్యర్థులు 3, టీడీపీ నుంచి 3, సీపీఎం నుంచి ఒకరు, స్వతంత్ర అభ్యర్థి ఒకరు నామినేషన్‌ దాఖలు చేశారు. పశ్చిమలో.. పశ్చిమగోదావరి జిల్లాలో 20 జెడ్పీటీసీ స్థానాలకు 10 నామినేషన్లు దాఖలుకాగా వైఎస్సార్‌సీపీ నుంచి ఇద్దరు అభ్యర్థులు నాలుగు సెట్లు, టీడీపీ నుంచి ఒకరు, జనసేన నుంచి ఒకరు, కాంగ్రెస్‌ నుంచి ఒకరు నామినేషన్‌ దాఖలు చేశారు. అ లాగే జిల్లాలో 371 ఎంపీటీసీ స్థానాలకు 192 నామినేషన్లు దాఖలయ్యాయి. వీటిలో వైఎస్సార్‌సీపీ నుంచి 95, టీడీపీ నుంచి 52, జనసేన నుంచి 32, బీ జేపీ నుంచి 4, బీఎస్‌పీ నుంచి 2, ఏడుగురు స్వతంత్ర అభ్యర్థులు నామినేషన్లు దాఖలు చేశారు. ఎంపీటీసీ, జెడ్పీటీసీల నామినేషన్ల స్వీకరణ ఏలూరులో 454 ఎంపీటీసీ స్థానాలకు 222 నామినేషన్లు 27 జెడ్పీటీసీ స్థానాలకు 8 నామినేషన్లు పశ్చిమలో 371 ఎంపీటీసీ స్థానాలకు 192 నామినేషన్లు 20 జెడ్పీటీసీ స్థానాలకు 10 నామినేషన్లు

తణుకు అర్బన్‌ : తణుకు రైల్వేస్టేషన్‌లో లిఫ్టు నిర్మాణ పనులు పూర్తిచేయాలని కోరుతూ సీనియర్‌ సిటిజన్స్‌, శ్రీచిట్టూరి ఇంద్రయ్య డిగ్రీ కళాశాల క్రీడా ప్రాంగణ వాకర్స్‌ నాయకులు బుధవారం ఎలక్ట్రికల్‌ లోకో షెడ్‌ విజయవాడ సీనియర్‌ డివిజనల్‌ ఎలక్ట్రికల్‌ ఇంజనీరు శ్రీనివాస్‌కు వినతిపత్రం అందజేశారు. తణుకు రైల్వేస్టేషన్‌లో బుధవారం నిర్వహించిన రైల్‌ జన్‌ సమ్‌వాద్‌ కార్యక్రమానికి హాజరైన ఆయనను కలిసి వినతిపత్రం ఇచ్చినట్లు వాకర్స్‌ నాయకుడు కోడూరి ఆంజనేయులు తెలిపారు. లిఫ్టు నిర్మాణ పనులు సగంలోనే నిలిచిపోవడంతో వృద్ధులు, దివ్యాంగులు, మహిళలు ఇబ్బందులు పడుతున్నారని తక్షణమే లిఫ్టు పనులు పునఃప్రారంభించేలా చర్యలు తీసుకోవాలని కోరినట్లు చెప్పారు. అలాగే పైడిపర్రువైపు నుంచి తణుకు రైల్వే స్టేషన్‌ వరకు ఫుట్‌ ఓవర్‌ బ్రిడ్జి మంజూరుచేయాలని, రెండో ఫ్లాట్‌ఫామ్‌పై వాష్‌రూమ్‌, వెయిటింగ్‌ హాలు, తాగునీరు ఏర్పాటుచేయాలని, సంబల్పూర్‌ టు ఈరోడ్‌, విశాఖ జంక్షన్‌ నుంచి సికింద్రాబాద్‌ జంక్షన్‌ వెళ్లే ప్రత్యేక రైళ్లను తణుకు స్టేషన్‌న్‌లో హాల్ట్‌ ఇవ్వాలని కోరారు. భీమవరం అడిషినల్‌ డివిజనల్‌ ఇంజనీర్‌ ఆర్‌.శంకరరావు, సీనియర్‌ సిటిజన్స్‌ రాష్ట్ర ఎగ్జిక్యూటివ్‌ మెంబరు వడ్లమాని పార్వతి తదితరులు పాల్గొన్నారు.

తణుకు అర్బన్‌ : వెంకటరాయపురంలోని ది ఆంధ్రా సుగర్స్‌ లిమిటెడ్‌ సంస్థలో విజయదశమి వేడుకలు ఘనంగా నిర్వహించారు. సంస్థ మేనేజింగ్‌ డైరెక్టర్‌ పెండ్యాల అచ్యుతరామయ్య అధ్యక్షతన జరిగిన వేడుకల్లో సంగీత సాహిత్య వేద ప్రవీణ శ్రుతి వాగ్గేయ కళానిధి డా.యనమండ్ర శ్రీనివాసశర్మ ముఖ్య అతిథిగా హాజరై మాట్లాడారు. సమాజానికి గుర్తింపు భాష ద్వారా లభిస్తుందని, ఆంధ్ర భాష ఆంధ్రత్వం ద్వారా తెలుగువారికి ప్రపంచవ్యాప్తంగా గుర్తింపు లభించిందన్నారు. సంస్థ ఎండీ అచ్యుతరామయ్య మాట్లాడుతూ ఆర్టిఫీషియల్‌ (ఏఐ) కారణంగా ప్రస్తుతం కోల్పోతున్న ఉద్యోగావకాశాలను ఎదుర్కొనేందుకు యువత ముందుగానే సన్నద్ధం కావాలన్నారు. సమాజంలో ప్రతిఒక్కరూ పర్యావరణం కలుషితం కాకుండా జాగ్రత్తలు తీసుకోవాలని సూచించారు. అనంతరం వివిధ పోటీల్లో విజేతలకు బహుమతులు అందజేశారు. సంస్థ అడిషినల్‌ సెక్రటరీ పీవీఎస్‌ విశ్వనాథ్‌కుమార్‌, జనరల్‌ మేనేజర్‌ (హెచ్‌ఆర్‌) ఎ.సాంబశివరావు, ఉద్యోగులు, పిల్లలు పాల్గొన్నారు. కొయ్యలగూడెం: రాష్ట్రంలో నిర్వహిస్తున్న కార్పొరేషన్‌, మున్సిపాలిటీ ఎన్నికల్లో గౌడ కులస్తులకు తెలుగుదేశం పార్టీ ఒక్క మేయర్‌ లేదా మున్సిపల్‌ చైర్మన్‌ స్థానం కూడా కేటాయించకపోవడం దురదృష్టకరమని జిల్లా గౌడ సంఘం వర్కింగ్‌ ప్రెసిడెంట్‌ చిటికెన శ్రీనివాస్‌ బుధవారం ఒక ప్రకటనలో పేర్కొన్నారు. వైఎస్సార్‌సీపీ అనంతపురం కార్పొరేషన్‌ మేయర్‌గా రమేష్‌ గౌడ్‌ను, జంగారెడ్డిగూడెం మున్సిపల్‌ చైర్మన్‌గా మేక సత్యవతిని ప్రకటించి గౌడ కులస్తులకు తగిన గుర్తింపునిచ్చిందని తెలిపారు. ఈ నేపథ్యంలో గౌడ కులస్తులంతా స్థానిక ఎన్నికల్లో వైఎస్సార్‌సీపీకి మద్దతు ఇవ్వాలని ఆయన కోరారు. మున్సిపల్‌ చైర్మన్‌, మేయర్‌ అభ్యర్థులతో పాటు బీసీ వర్గానికి చెందిన ఇతర మున్సిపల్‌ చైర్మన్లు, కార్పొరేషన్‌ చైర్మన్లు, కౌన్సిలర్లు, కార్పొరేటర్లను గెలిపించేందుకు మన కమ్యూనిటీ మొత్తం వైఎస్సార్‌సీపీకి అండగా నిలవాలని శ్రీనివాస్‌ విజ్ఞప్తి చేశారు. ఉండి: ఈ నెల 15వ తేదీన జరిగిన రోడ్డు ప్రమాదంలో తీవ్రంగా గాయపడిన వ్యక్తి చికిత్స పొందుతూ మృతి చెందాడు. పోలీసులు తెలిపిన వివరాల ప్రకారం మండలంలోని చిలుకూరు గ్రామానికి చెందిన సింగారపు సత్యసాయిదుర్గప్రసాద్‌ (27) గత పదేళ్లుగా తన మేనమామ తీపర్తి శ్రీనివాస్‌ ఇంటివద్దనే ఉంటున్నాడు. ఈ నెల 15వ తేదీన ఇంట్లో సరుకులు తెచ్చేందుకు భీమవరం వెళ్లి తిరిగి వస్తుండగా మహదేవపట్నం రోడ్డులోని ఓ ఐస్‌ ఫ్యాక్టరీ వద్దకు వచ్చేసరికి ద్విచక్రవాహనం అదుపుతప్పి పడిపోవడంతో అతని తలలోపల తీవ్ర గాయమైంది. దీంతో అతడిని భీమవరంలోని ఓ పైవేటు ఆసుపత్రికి తరలించారు. పరిస్థితి విషమించడంతో గుంటూరు ప్రభుత్వాసుపత్రికి తరలించగా అక్కడ చికిత్స పొందుతూ ఈనెల 20వ తేదీ సాయంతం మృతి చెందాడు. ఆసుపత్రి నుంచి అందిన సమాచారంతో పాటు మృతుని మేనమామ శ్రీనివాస్‌ ఇచ్చిన ఫిర్యాదు మేరకు హెడ్‌ కానిస్టేబుల్‌ ఏసయ్య కేసు నమోదు చేసినట్లు పోలీసులు తెలిపారు. పెంటపాడు : పెంటపాడు కుమ్మరిపుంతలో ఓ ఇంట్లో జరిగిన దొంగతనం ఆలస్యంగా వెలుగుచూసింది. ఎస్సై కిరణ్‌కుమార్‌ తెలిపిన వివరాల ప్రకారం.. పెంటపాడుకు చెందిన వెలగల సత్యవతి, గణపతిరెడ్డి దంపతుల ఇంట్లో ఈ చోరీ జరిగింది. ఆదివారం సత్యవతి పెనుమంట్ర మండలం బ్రాహ్మణచెర్వులోని బంధువుల ఇంటికి వెళ్లారు. బుధవారం తిరిగి వచ్చి చూసేసరికి ఇంటి ప్రధాన తలుపు తాళం పగులగొట్టి ఉండటాన్ని గమనించారు. లోపలికి వెళ్లి చూడగా బీరువా తలుపులు తెరిచి, వస్తువులు చెల్లాచెదురుగా పడి ఉన్నాయి. దీంతో ఆమె బుధవారం రాత్రి పెంటపాడు పోలీసులకు ఫిర్యాదు చేశారు. ఈ ఘటనపై కేసు నమోదు చేసి దర్యాప్తు చేస్తున్నట్లు ఎస్సై తెలిపారు. కొద్దిపాటి నగదుతో పాటు సుమారు రూ. లక్ష విలువైన వస్తువులు చోరీకి గురైనట్లు ప్రాథమికంగా గుర్తించామని, బాధితురాలి నుంచి పూర్తి వివరాలు సేకరించాల్సి ఉందని ఆయన పేర్కొన్నారు. కై కలూరు : డిగ్రీ ప్రథమ సంవత్సరం చదువుతున్న కుమార్తె కనిపించడం లేదంటూ తల్లి కై కలూరు రూరల్‌ పోలీసు స్టేషన్‌లో బుధవారం ఫిర్యాదు చేసింది. పోలీసులు తెలిపిన వివరాలు ప్రకారం గోనెపాడు గ్రామానికి చెందిన ఓ మహిళ తమ కుమార్తె కనిపించడం లేదని, ఇటీవల ఇన్‌స్ట్రాగామ్‌లో పరిచమమైన కర్నూలుకు చెందిన ప్రవీణ్‌ అనే వ్యక్తితో వెళ్లిపోయినట్లు భావించి పోలీసులకు ఫిర్యాదు చేసింది. కేసు నమోదు చేసినట్లు ఎస్సై రాంబాబు చెప్పారు.

ద్వారకాతిరుమల: శ్రీవారి దివ్య క్షేత్రం బుధవారం భవానీ దీక్షాదారులతో ఎరుపెక్కింది. దేవీ శరన్నవరాత్రుల ముగింపును పురస్కరించుకుని విజయవాడ ఇంద్రకీలాద్రిపై కొలువైన కనకదుర్గమ్మ ఆలయంలో దీక్షలు విరమించిన భక్తులంతా ద్వారకాతిరుమల క్షేత్రానికి చేరుకుంటున్నారు. దీంతో ఉదయం నుంచి రాత్రి వరకు ఆలయ పరిసరాలు భవానీలు, సాధారణ భక్తులతో కిక్కిరిశాయి. దర్శనం క్యూలైన్లు, ఆలయ తూర్పు రాజగోపుర ప్రాంతం, అనివెట్టి మండపాలు, పరిసర ప్రాంతాలు, కల్యాణకట్ట తదితర విభాగాలు భక్తులతో పోటెత్తాయి. కొండపై ఎక్కడ చూసినా భవానీ దీక్షాదారులే కనిపించారు.

● 62 డివిజన్లలోనూ విజయానికి పాటుపడాలి ● వైఎస్సార్‌సీపీ జిల్లా అధ్యక్షుడు డీఎన్నార్‌ ఏలూరు టౌన్‌: ఏలూరు నగరపాలక సంస్థను వైఎస్సార్‌సీపీ కై వసం చేసుకోవటం ఖాయమనీ.. వైఎస్సార్‌సీపీ మేయర్‌ అభ్యర్థి గంటా మోహనరావు (జీఎంఆర్‌) విజయంతోపాటు, నగరంలోని 62 డివిజన్లలో కార్పొరేటర్‌ అభ్యర్థుల గెలుపునకు సైనికుల్లా పనిచేయాలని పార్టీ జిల్లా అధ్యక్షుడు దూలం నాగేశ్వరరావు పిలుపునిచ్చారు. ఏలూరు సమన్వయకర్త మామిళ్లపల్లి జయప్రకాష్‌ నాయకత్వంలో మంగళవారం పార్టీ కార్యాలయం వద్ద ఏలూరులో మేయర్‌ అభ్యర్థి, కార్పొరేటర్‌ అభ్యర్థుల పరిచయ కార్యక్రమాన్ని చేపట్టారు. పార్టీలో పనిచేసిన నాయకులు, కార్యకర్తలకు ప్రాధాన్యత ఇచ్చామనీ, కొందరికి కార్పొరేటర్‌ సీటు కేటాయించలేకపోయామనీ వారికి సముచిత స్థానం కల్పి స్తామని హామీ ఇచ్చారు. పార్టీ జిల్లా అధ్యక్షుడు డీఎన్నార్‌ మాట్లాడుతూ నగరంలో ప్రజలకు మౌలిక సదుపాయాల కల్పనకు కృషి చేస్తామనీ, తమ అధినేత వైఎస్‌ జగన్‌మోహన్‌రెడ్డి బాటలో ఆయన ఆదేశాలతోనే ప్రజలకు ఉత్తమ సేవలు అందించేందుకు మేయర్‌ అభ్యర్థి జీఎంఆర్‌, కార్పొరేటర్‌ అభ్యర్థులు కృషి చేస్తారని చెప్పారు. కూటమి పాలనలో ఈ రెండున్నరేళ్లలో కార్పొరేషన్‌లో సుమారు రూ.3 కోట్ల వరకూ అవినీతి, అక్రమాలు చోటుచేసుకున్నాయనే ఆరోపణలు ఉన్నాయన్నారు. తాము నగరంలో తాగునీరు, డ్రెయినేజీ, రోడ్లు నిర్మాణం, వంటి కీలక సమస్యల పరిష్కారానికి చిత్తశుద్ధితో పనిచేస్తామమని అన్నారు. పనిచేసే నాయకులకే ఓటేయండి ఏలూరు సమన్వయకర్త మామిళ్లపల్లి జయప్రకాష్‌ మాట్లాడుతూ నగరంలో 62 డివిజన్లలోనూ ప్రజలకు సేవ చేసే నాయకులకే సీటు ఇచ్చామని, ప్రజ లు స్వేచ్ఛగా తమ ఓటు హక్కును వినియోగించుకుంటూ పనిచేసే నాయకులకు ఓటు వేయాలని కో రారు. గత వైఎస్సార్‌సీపీ ప్రభుత్వంలో మాజీ ముఖ్యమంత్రి వైఎస్‌ జగన్‌మోహన్‌రెడ్డి అందించిన తరహాలో ప్రజా సంక్షేమం, అభివృద్ధి లక్ష్యంగా పా లన చేస్తామని హామీ ఇచ్చారు. ఏలూరు నగర అఽ ద్యక్షుడు గుడిదేశి శ్రీనివాసరావు, కై కలూరు పరిశీలకుడు నూకపెయ్యి సుధీర్‌బాబు, జిల్లా అధికార ప్రతినిధి మున్నుల జాన్‌గురునాథ్‌, బీసీ సెల్‌ జిల్లా అధ్యక్షుడు నెరుసు చిరంజీవి, నగర బీసీ సెల్‌ అధ్యక్షుడు కిలాడి దుర్గారావు, మహిళ అధ్యక్షులు జిజ్జువరపు విజయనిర్మల, రాష్ట్ర మహిళ ప్రధాన కార్యదర్శి తుమరాడ స్రవంతి, జిల్లా మహిళ ఉపాధ్యక్షురాలు డింపుల్‌జాబ్‌, 62 మంది డివిజన్‌ అభ్యర్థులు, పార్టీ నేతలు, కార్యకర్తలు ఉన్నారు.

ఏలూరు టౌన్‌: పోలీసు అమరవీరుల త్యాగాలు చిరస్మరణీయమని ఏలూరు రేంజ్‌ ఐజీ జీవీజీ అశోక్‌కుమార్‌ అన్నారు. బుధవారం పోలీసుల అమరవీరుల దినం సందర్భంగా పరేడ్‌ గ్రౌండ్స్‌లో పోలీస్‌ అమరవీరుల స్మృతివనం వద్ద కలెక్టర్‌ వెట్రిసెల్వి, ఎస్పీ కేపీ శివకిషోర్‌తో కలిసి నివాళులర్పించారు. ఈ సందర్భంగా ఆయన మాట్లాడుతూ ఈ ఏడాది దేశవ్యాప్తంగా 154 మంది పోలీసులు విధి నిర్వహణలో ప్రాణాలు కోల్పోవడం బాధాకరమన్నారు. దీర్ఘకాలిక వ్యాధులతో బాధపడే పోలీస్‌ సిబ్బందికి ఆరోగ్య పరీక్షలు చేయిస్తూ, వ్యాధి తీవ్రత ఆధారంగా బందోబస్తుల నుంచి ఉపశమనం కలిగించేలా చర్యలు చేపడుతున్నామన్నారు. పోలీస్‌ అధికారుల, సిబ్బంది సంక్షేమమే తమ ప్రధాన లక్ష్యమన్నారు. కలెక్టర్‌ వెట్రిసెల్వి మాట్లాడుతూ ఎందరో పోలీసులు తమ ప్రాణాలను పణంగా పెట్టి అసాంఘిక శక్తులతో పోరాడుతున్నారన్నారు. పోలీస్‌ అమరవీరుల కుటుంబాలకు ప్రభుత్వపరమైన సహాయ, సహకారాలకు తాను ఎల్లవేళలా సిద్ధంగా ఉంటానన్నారు. జిల్లా ఎస్పీ శివకిషోర్‌ మాట్లాడుతూ విధు ల్లో ప్రాణత్యాగాలు చేసిన పోలీస్‌ అధికారులు, సి బ్బంది కుటుంబాలకు భరోసాగా నిలుస్తామని హా మీ ఇచ్చారు. అర్హులైన కుటుంబ సభ్యులకు కలెక్టర్‌, రేంజ్‌ ఐజీ అశోక్‌కుమార్‌ సహాయ సహకారంతో కారుణ్య నియామకాలు చేపట్టేలా ప్రత్యేక శ్రద్ధ వహిస్తామని స్పష్టం చేశారు. జిల్లా అదనపు ఎస్పీ వై.ప్రసాదరావు అమరవీరుల పేర్లు చదివి శ్రద్ధాంజలి ఘటించారు. అసిస్టెంట్‌ కలెక్టర్‌ శ్రావణ్‌కుమా ర్‌ రెడ్డి, డీఎస్పీ డి.శ్రావణ్‌కుమార్‌, ఎస్‌బీ సీఐ మల్లేశ్వరరావు, వన్‌టౌన్‌ సీఐ కె.రామకృష్ణ, త్రీటౌన్‌ సీఐ కోటేశ్వరరావు, టూటౌన్‌ సీఐ అశోక్‌కుమార్‌, ట్రాఫి క్‌ సీఐ లక్ష్మణరావు, ఎస్‌ఐలు పాల్గొన్నారు.

బుట్టాయగూడెం : కూటమి ప్రభుత్వ వైఫల్యాలు, మోసపూరిత పాలనపై విసుగు చెందిన పలువురు నాయకులు, ప్రజలు వైఎస్సార్‌ కాంగ్రెస్‌ పార్టీ వైపు మొగ్గు చూపుతున్నారని వైఎస్సార్‌సీపీ నేతలు పేర్కొన్నారు. జీలుగుమిల్లి మండలం తాటియాకులగూడెం గ్రామ పార్టీ అధ్యక్షుడు నెరుసు నరేంద్ర ఆధ్వర్యంలో బుధవారం నిర్వహించిన కార్యక్రమంలో కూటమి పార్టీలకు చెందిన నాయకులు, శ్రేణులు వైఎస్సార్‌సీపీలో చేరారు. వైఎస్సార్‌సీపీ మండల పార్టీ అధ్యక్షుడు సందా ప్రసాద్‌, జిల్లా నాయకులు బోధ శ్రీనివాసరెడ్డి వారికి పార్టీ కండువాలు కప్పి సాదరంగా ఆహ్వానించారు. ఈ సందర్భంగా వైఎస్సార్‌సీపీ నేతలు మాట్లాడుతూ.. ఎన్నికల సమయంలో నూటొక్క రకాల హామీలిచ్చి గద్దెనెక్కిన కూటమి సర్కార్‌, అధికారంలోకి వచ్చాక ప్రజలను నట్టేట ముంచిందని ధ్వజమెత్తారు. హామీలను అమలు చేయకుండా సొంత ధనార్జనే ధ్యేయంగా పనిచేస్తుండటంతో పోలవరం నియోజకవర్గంలో అధికార పార్టీ నుంచి ప్రతిపక్షంలోకి ప్రజలు, నాయకులు క్యూ కడుతున్నారని తెలిపారు. వైఎస్‌ జగన్‌మోహన్‌రెడ్డి హయాంలో జరిగిన సంక్షేమం, మేలును నేడు రాష్ట్రవ్యాప్తంగా ప్రజలు గుర్తుచేసుకుంటున్నారని, జగనన్న పాలన మళ్లీ రావాలని ఆకాంక్షిస్తున్నారని పేర్కొన్నారు. వైఎస్సార్‌సీపీ సిద్ధాంతాలకు ఆకర్షితులై తాటాకులగూడెంలో ఈ భారీ చేరికలు జరిగాయని చెప్పారు. ఈ కార్యక్రమంలో స్థానిక వైఎస్సార్‌సీపీ నాయకులు, కార్యకర్తలు, అభిమానులు పెద్ద సంఖ్యలో పాల్గొన్నారు. జనసేనకు దెబ్బ జంగారెడ్డిగూడెం (బుట్టాయగూడెం): జంగారెడ్డిగూడెం మండలంలో జనసేనకు గట్టి ఎదురుదెబ్బ తగిలింది. జంగారెడ్డిగూడెం మున్సిపాలిటీ పరిధిలోని 3వ వార్డుకు చెందిన కార్తీక్‌తో పాటు కట్టవపొదలవారిగూడేనికి చెందిన గంధం కాంతారావు వైఎస్సార్‌సీపీలో చేరారు. మచిలీపట్నం పార్లమెంట్‌ పరిశీలకుడు జెట్టి గురునాథరావు వారిద్దరికీ పార్టీ కండువాలు కప్పి సాదరంగా ఆహ్వానించారు. ఈ సందర్భంగా కార్తీక్‌ మాట్లాడుతూ.. జంగారెడ్డిగూడెం మున్సిపాలిటీలో కూటమి తరఫున జనసేన నుంచి 3వ వార్డు కౌన్సిలర్‌ టికెట్‌ ఆశించి టీడీపీ కార్యాలయంలో బయోడేటా ఇచ్చినా ఎవరూ పట్టించుకోలేదన్నారు. కూటమిలో కాపులకు తగిన ప్రాధాన్యత ఇవ్వకుండా, కేవలం గొడవలు చేసేవారికే పెద్దపీట వేస్తున్నారని ఆరోపించారు. జనసేనలో కొనసాగలేక, గత వైఎస్సార్‌సీపీ ప్రభుత్వ హయాంలో తాను లబ్ధి పొందానని, పార్టీ తనకు ఎప్పుడూ అండగా ఉంటుందన్న నమ్మకంతోనే వైఎస్సార్‌సీపీలో చేరినట్లు కార్తీక్‌ స్పష్టం చేశారు. వైఎస్సార్‌సీపీ పట్టణ, మండల అధ్యక్షులు కర్పూరం గవరయ్య గుప్త, ఓరుగంటి నాగేంద్ర, ఉభయగోదావరి జిల్లాల బూత్‌ కమిటీల కన్వీనర్‌ బీవీఆర్‌ చౌదరి, నాయకులు జెట్టి సత్య ఆదిత్య, ముప్పిడి శ్రీనివాసరావు, గొలుసు ప్రసాద్‌, గోపిశెట్టి ప్రసాద్‌ పాల్గొన్నారు.

వైఎస్సార్‌సీపీలోకి రామాని సుబ్రహ్మణ్యం ఉంగుటూరు : ఉంగుటూరు మండల కేంద్రంలో జనసేన పార్టీకి గట్టి ఎదురుదెబ్బ తగిలింది. ఆ పార్టీ నేత రామాని సుబ్రహ్మణ్యం బుధవారం జనసేనకు గుడ్‌బై చెప్పి, మాజీ ఎమ్మెల్యే పుప్పాల వాసుబాబు ఆధ్వర్యంలో వైఎస్సార్‌సీపీలో చేరారు. ఈ సందర్భంగా ఆయనకు పార్టీ కండువా కప్పి వాసుబాబు ఆహ్వానించారు. గతంలో కష్టకాలంలో జనసేన తరఫున ఎంపీటీసి స్థానానికి పోటీ చేసి ఓడిపోయినప్పటికీ, పార్టీలో తగిన గుర్తింపు లభించకపోవడంతోనే తాను జనసేనను వీడినట్లు సుబ్రహ్మణ్యం తెలిపారు. ఈ కార్యక్రమంలో భాగంగా రాబోయే స్థానిక సంస్థల ఎన్నికలకు సంబంధించి వైఎస్సార్‌సీపీ అభ్యర్థులను ఖరారు చేశారు. ఉంగుటూరు–1 ఎంపీటీసీ స్థానానికి రామాని సుబ్రహ్మణ్యం భార్య వెంకట సాయిలక్ష్మిని, ఉంగుటూరు–2 ఎంపీటీసీ స్థానానికి సందడి సాయి భార్య దేవిని అభ్యర్థులుగా ఎంపిక చేసినట్లు ప్రకటించారు. ఈ కార్యక్రమంలో ఎంపీపీ గంటా శ్రీలక్ష్మి, వైఎస్సార్‌సీపీ మండల అధ్యక్షుడు మరడా మంగారావు, రాష్ట్ర కార్యదర్శి ఎలిశెట్టి పాపారావు బాబ్జీ, పంచాయతీరాజ్‌ విభాగం జిల్లా అధ్యక్షుడు పుప్పాల గోపి, గ్రామ కమిటీ అధ్యక్షుడు రంగు వెంకటేశ్వరరావు, మాజీ ఎంపీటీసి పెనుగొండ బాలకృష్ణ, సందక రాంబాబు, పత్తిపాటి దుర్గం, దోసనపూడి లక్ష్మీనారాయణ తదితరులు పాల్గొన్నారు.

కలిదిండి(కై కలూరు) : వైఎస్సార్‌సీపీ కలిదిండి మండల మాజీ ఎంపీపీ చందన ఉమామహేశ్వరరావు కోరుకొల్లు నివాస గేటు వద్ద ఈ నెల 1న పెట్రోల్‌తో నిప్పు పెట్టిన కేసులో అమెరికాలో ఉంటున్న ఆయన మేనత్త కుమారుడు సీతాల శ్రీనివాస చక్రవర్తి ప్రధాన ముద్దాయిగా తేలినట్లు పోలీసులు తెలిపారు. ఈ కేసుకు సంబంధించి ముగ్గురిని మంగళవారం అరెస్టు చేసినట్లు వెల్లడించారు. కై కలూరు స్టేషన్‌లో రూరల్‌ సర్కిల్‌ సీఐ వి.రవికుమార్‌, కలిదిండి ఎస్సై పవన్‌కుమార్‌ ఈ కేసుకు సంబంధించిన వివరాలను మీడియాకు వెల్లడించారు. ఆర్థిక లావాదేవీల విషయంలో ఉమామహేశ్వరరావు, శ్రీనివాస చక్రవర్తి మధ్య విభేదాలు ఉన్నాయి. శ్రీనివాస చక్రవర్తి అమెరికా వెళ్లకముందు కోరుకొల్లులో కొమ్మోజు రూపేష్‌కుమార్‌ అమ్మమ్మ ఇంటి సమీపంలో నివాసం ఉండేవారు. ఈ క్రమంలో ఇరువురి మధ్య స్నేహం కుదిరింది. చక్రవర్తి ఆర్థికంగా రూపేష్‌కు సహాయం చేశాడు. రూపేష్‌ ఏలూరులోని ఓ ఫైనాన్స్‌ కంపెనీలో టీమ్‌ లీడర్‌గా పనిచేశాడు; అతని వద్ద వేముల ఏసు పనిచేశాడు. ఈ క్రమంలో, చక్రవర్తి కోరుకొల్లులోని చందన ఉమామహేశ్వరరావు నివాసం వద్ద పెట్రోలు పోసి భయపెట్టాలని, ఇందుకు రూ.20,000 ఇస్తానని చెప్పడంతో.. రూపేష్‌, ఏసు, రావడ రాముతో కలిసి రెక్కి నిర్వహించారు. ఏలూరులో మూడు మంకీ మాస్క్‌లు కొనుగోలు చేశారు. ద్విచక్ర వాహనం నంబరు ప్లేటు కనిపించకుండా స్టిక్కర్‌ అంటించారు. ఎవరూ సెల్‌ఫోన్లు తీసుకెళ్లలేదు. అధునాతన సాంకేతిక సీసీ కెమెరాలు, చక్రవర్తితో రూపేష్‌ జరిపిన వాట్సాప్‌ చాటింగ్‌ల ఆధారంగా ఈ కేసును ఛేదించినట్లు సీఐ తెలిపారు. కేసును విజయవంతంగా చేధించిన ఎస్సై, సిబ్బందికి జిల్లా ఎస్పీ రివార్డులు ప్రకటించినట్లు ఆయన వెల్లడించారు.

పెనుమంట్ర: వరి పంటలో ఎండాకు తెగులు నివారణకు సత్వర చర్యలు చేపట్టాలని మార్టేరు వ్యవసాయ పరిశోధన స్థానం ఇన్‌చార్జి సహసంచాలకులు డాక్టర్‌ ఎస్‌. దయాకర్‌ సూచించారు. శనివారం మార్టేరు వ్యవసాయ పరిశోధన స్థానంలో నిర్వహించిన వ్యవసాయ శిక్షణ సందర్శన కార్యక్రమంలో ఆయన ముఖ్యఅతిథిగా పాల్గొని మాట్లాడారు. ప్రస్తుతం సార్వా వరి పంట చిరుపొట్ట దశలో ఉందని, గత నెలలో కురిసిన వర్షాల కారణంగా అక్కడక్కడా బాక్టీరియా ఆకు ఎండు తెగులు ఆశించినట్లు గుర్తించామని ఆయన తెలిపారు. అంతేకాకుండా కాండం తొలుచు పురుగు, ఆకుముడత పురుగుల ఉధృతి కూడా అక్కడక్కడా కనిపిస్తోందని, అయితే దోమ ఉధృతి మాత్రం తక్కువగానే ఉందని వెల్లడించారు. ప్రస్తుతం పంట చిరుపొట్ట నుంచి పూత దశకు చేరుకుంటోందని, ఈ సమయంలో వర్షాలు కురిస్తే కంకి చిక్కగా, గింజలు దగ్గరగా ఉండే రకాలన్నింటిలోనూ మానిపండు తెగులు ఆశించే అవకాశం ఉందన్నారు. అటువంటి వాతావరణ పరిస్థితులు ఉంటే, లీటరు నీటికి 1.0 మి.లీ ప్రొపికోనజోల్‌ లేదా 0.4 గ్రా. ట్రైఫ్లాక్సీస్ట్రోబిన్‌ + టెబుకొనజోల్‌ కలిసిన మందును చిరుపొట్ట దశలో ఒకసారి, 50 శాతం పూత దశలో మరోసారి సాయంత్రం వేళల్లో పిచికారీ చేయాలని సూచించారు. నీటి తామర కలుపు లోతట్టు ప్రాంతాల్లో సాగుచేసిన వరిలో నీటి తామర కలుపు సమస్య ఎక్కువగా ఉందని తెలిపారు. దీని నివారణకు కలుపు లేతగా ఉన్నప్పుడే పంట విత్తిన 20–25 రోజుల దశలో ఎకరాకు 400 గ్రాముల 2,4–డి సోడియం ఉప్పు లేదా 90 గ్రాముల ట్రయాఫమోన్‌ + ఎథోక్సిసల్ఫురాన్‌ మందును పిచికారీ చేయడం ద్వారా నివారించవచ్చన్నారు. శాస్త్రవేత్తలు, అధికారుల సూచనలు ప్రధాన శాస్త్రవేత్త (వరి) డా. ఎం.గిరిజా రాణి మాట్లాడుతూ ఈ సార్వా పంట కాలంలో ఎంటీయూ 1443, ఎంటీయూ 1462 వంటి రకాలను చిరుసంచుల పరిశీలనకు ఇచ్చామని తెలిపారు. మండల వ్యవసాయ అధికారులు ఆయా మండలాల్లో చిరుసంచులు సాగుచేసిన రైతుల వివరాలు అందజేస్తే, శాస్త్రవేత్తల బృందాలు నవంబర్‌ మొదటి వారం నుంచి పొలాలను సందర్శిస్తాయని పేర్కొన్నారు. నరసాపురం ఏడీఏ పీవీవీఎన్‌ఎస్‌పీ ప్రసాద్‌ మాట్లాడుతూ జిల్లాలో 88,871 హెక్టార్ల సాధారణ సాగు విస్తీర్ణానికి గాను, ప్రస్తుతం 94,360 హెక్టార్లలో వరి సాగు జరిగిందని, సుమారు ఐదు వేల హెక్టార్లలో అధికంగా సాగు విస్తారమైందని వివరించారు.

● మూడు దశల్లో ఎన్నికలు ● వచ్చేనెల 15 నుంచి నిర్వహణ ● జిల్లాలో 542 పంచాయతీలు.. 5,676 వార్డులు ఏలూరు (టూటౌన్‌): జిల్లాలోని 542 గ్రామ పంచాయతీలకు వచ్చేనెల 15 నుంచి మూడు దశల్లో ఎన్నికలు నిర్వహించనున్నట్టు కలెక్టర్‌ కె.వెట్రిసెల్వి తెలిపారు. 542 పంచాయతీల్లో సర్పంచ్‌లు, 5,676 వార్డు మెంబర్లకు ఎన్నికలు నిర్వహిస్తామన్నారు. ఈ మేరకు 5,801 పోలింగ్‌ స్టేషన్లు ఏర్పాటు చేశామన్నారు. ఎన్నికలు నిర్వహించన రోజే ఫలితాలు వెల్లడిస్తామని, అవసరమైతే తర్వాత రోజు రీ పోలింగ్‌ చేపడతామని పేర్కొన్నారు. వీడియో చిత్రీకరణ ఎన్నికల విధులను కేటాయించిన సిబ్బందికి పూర్తిస్థాయిలో శిక్షణ అందిస్తామని కలెక్టర్‌ తెలిపారు. నామినేషన్‌, పోలింగ్‌, కౌంటింగ్‌ ప్రక్రియలు వీడియోలు చిత్రీకరిస్తామని, సీసీ కెమెరాలతో పర్యవేక్షిస్తామని పేర్కొన్నారు. అలాగే పటిష్ట భద్రతా ఏర్పాట్లు చేశామని, సమస్యాత్మక, అత్యంత సమస్యాత్మక పోలింగ్‌ కేంద్రాల పరిధిలో అదనపు భద్రతా సిబ్బందిని నియమించామన్నారు.

కై కలూరు: రాష్ట్రానికి మాజీ ముఖ్యమంత్రి వైఎస్‌ జగన్‌మోహన్‌రెడ్డి చేసిన సేవలను గుర్తించి, తిరిగి ఆయన సీఎంగా రావాలనే ఉద్దేశంతో కూటమి నుంచి వైఎస్సార్‌సీపీలోకి చేరుతున్నారని పార్టీ జిల్లా అధ్యక్షుడు, కై కలూరు మాజీ ఎమ్మెల్యే దూలం నాగేశ్వరరావు (డీఎన్నార్‌) అన్నారు. కూటమికి చెందిన టీడీపీ నియోజకవర్గ ఎస్సీ సెల్‌ అధ్యక్షుడు యాళ్ల కృపావరం కై కలూరు పార్టీ కార్యాలయంలో కలిదిండి జెడ్పీటీసీ అభ్యర్థి కూసంపూడి కనకదుర్గాదేవి ఆధ్వర్యంలో డీఎన్నార్‌ సమక్షంలో శనివారం పార్టీలో చేరారు. కృపావరం కలిదిండి మండలం చినతాడినాడ సర్పంచ్‌, ఎంపీటీసీగా గతంలో పనిచేశారు. పార్టీ అభివృద్థికి శక్తివంచన లేకుండా కృషి చేస్తానని ఆయన చెప్పారు. వైఎస్సార్‌సీపీ రాష్ట్ర క్రిస్టియన్‌ మైనార్టీ విభాగ కార్యదర్శి జాన్‌విక్టర్‌, నాయకులు చిట్టూరి మురళీ, కూసంపూడి సత్యరాజు, సాగిన సుబ్బరాజు, గండికోట ఏసుబాబు, స్టివెన్‌సన్‌, సువర్ణరాజు, శేఖర్‌, బొర్రా శ్రీను, గొల్ల మరియరాజు తదితరులు పాల్గొన్నారు.

పెనుగొండ: అఖిల భారత శ్రీవాసవీ పెనుగొండ టెంపుల్‌ ట్రస్ట్‌ ఆధ్వర్యంలో ఉభయ గోదావరి జిల్లాల్లో ఆర్యవైశ్య యువతలో ప్రతిభావంతులకు ప్రతిభా సన్మాన్‌ అవార్డులను ఆదివారం బహుకరించనున్నట్లు ట్రస్ట్‌ ఉపాధ్యక్షుడు ఎస్‌ సతీష్‌ తెలిపారు. శనివారం పెనుగొండ వాసవీ శాంతిథాంలో జరిగిన విలేకర్లలో సమావేశంలో మాట్లాడుతూ విద్యా రంగం, క్రీడా రంగం, ఇతర సాంస్కృతిక కార్యక్రమాల్లో ప్రతిభ కనబరిచిన వారికి రెండేళ్లుగా అవార్డులు ఇస్తున్నట్లు వివరించారు. గతఏడాది 300కు పైగా అవార్డులు ఇవ్వడం జరిగందన్నారు. ఈ ఏడాది 850 మంది అవార్డులకు దరఖాస్తు చేసుకొన్నారని వివరించారు. వీరిలో అత్యంత ప్రతిభా వంతులైన 540 మందిని అవార్డులకు ఎంపిక చేసినట్లు తెలిపారు. ఆదివారం వాసవీ థాంలో నిర్వహించబోయే శరన్నవరాత్రి వేడుకల్లో ఆచంట ఎమ్మెల్యే పితాని సత్యనారాయణ చేతుల మీదుగా అవార్డులు ఇవ్వడం జరుగుతుందని తెలిపారు. ప్రతిభా సన్మాన్‌ అవార్డు కమిటి చైర్మన్‌ డీఎన్‌ అనిల్‌, ఈసీ సభ్యులు కే నగేష్‌ బాబు, కేవీ నాగచరణ్‌ పాల్గొన్నారు. పోలవరం రూరల్‌: గత నాలుగు రోజులుగా పోలవరం మండలంలోనే పెద్దపులి బస చేసింది. కుంకాల, ఉడతపల్లి గ్రామాల మధ్య పాపికొండల అభయారణ్య ప్రాంతంలో పెద్దపులి కదలికలను గుర్తించినట్లు అటవీశాఖ రేంజ్‌ అధికారి ఎస్‌కే వలీ తెలిపారు. పులి కదలికలపై పూణేలోని వన్యప్రాణి విభాగం నుంచి వచ్చిన నిపుణుల బృందం పరిశీలిస్తోందని, పులికి అమర్చిన రేడియో కాలర్‌ నుంచి వచ్చే సిగ్నల్స్‌ ద్వారా దాని జాడను కనిపెడుతున్నట్లు ఆయన వెల్లడించారు. ఆ ప్రాంతంలో ఆహారం, నీరు సమృద్ధిగా లభిస్తుండటంతోనే పులి అక్కడే మకాం వేసి ఉంటుందని అధికారులు అభిప్రాయపడుతున్నారు. ఇదిలాఉంటే, ఈ పెద్దపులి నాలుగు జిల్లాల్లో తిరిగి మళ్లీ పోలవరం చేరుకుంది. ఇక్కడి నుంచి అది ఎటువైపు కదులుతుందో తెలియని పరిస్థితి ఏర్పడటంతో ప్రజల్లో ఆందోళన నెలకొంది. పులి సంచరించే ప్రాంతాల ప్రజలు అప్రమత్తంగా ఉండాలని అధికార యంత్రాగం హెచ్చరించింది. పోలవరం రూరల్‌: పోలవరంలో శనివారం సాయంత్రం భారీ వర్షం కురిసింది. గత కొన్ని రోజులుగా ఎండ తీవ్రత, ఉక్కపోతతో అల్లాడుతున్న స్థానికులకు ఈ వర్షం ఉపశమనం కలిగించింది. పోలవరం ప్రాజెక్టు ప్రాంతానికి వెళ్లే రోడ్డు మార్గం నీటితో నిండిపోయింది. ఎండల తీవ్రత నుంచి ఉపశమనం కలగడంతో పాటు, ఈ వర్షం పంటలకు మేలు చేస్తుందని భావిస్తున్న రైతులు ఆనందం వ్యక్తం చేశారు.

ఆకివీడు: ఆకివీడు నగర పంచాయతీ ఎన్నికల నేపథ్యంలో స్థానిక పోలింగ్‌ కేంద్రాన్ని ఐజీ అశోక్‌కుమార్‌ శనివారం పరిశీలించారు. ఎన్నికలు సందర్భంగా ఎలాంటి అవాంఛనీయ సంఘటనలు, ఘర్షణలు జరగకుండా పోలింగ్‌ కేంద్రాల వద్ద పటిష్ట బందోబస్తు ఏర్పాటు చేయా లని ఆదేశించారు. ఆయా కేంద్రాల వద్ద సీసీ కెమెరాలు ఏర్పాటు చేయాలని సూచించారు. శాంతియుత వాతావరణంలో ఎన్నికలు జరిగేందుకు అన్ని ఏర్పాట్లు సిద్ధం చేయాలన్నారు. నామినేషన్ల ఆఖరి రోజు ఎక్కువ మంది వచ్చే అవకాశం ఉన్నందున బందోబస్తు పక్కాగా ఉండాలన్నారు. ఎస్పీ నయీం అస్మి, అదనపు ఎస్‌పీ భీమారావు, డీఎస్పీ రఘువీర్‌ విష్ణు, సీఐ కాళీచరణ్‌, ఎస్కై శుభశేఖర్‌ ఉన్నారు. ఏలూరు (టూటౌన్‌): జిల్లాలో ఏలూరు నగరపాలక సంస్థ, నూజివీడు, జంగారెడ్డిగూడెం మున్సిపల్‌ ఎన్నికలకు ఆదివారం వారం నామినేషన్లు స్వీకరిస్తామని కలెక్టర్‌, ఎన్నికల అధికారి కె.వెట్రిసెల్వి తెలిపారు. 19న నామినేషన్ల పరిశీలన, 21 వరకు నామినేషన్ల ఉపసంహరణకు గడువు ఉందని పేర్కొన్నారు. అదే రోజు సాయంత్రం తుది జాబితా విడుదల చేస్తామని, ఈనెల 28న ఎన్నికలు, 30న కౌంటింగ్‌ చేపట్టి ఫలితాలు విడుదల చేస్తామని పేర్కొన్నారు. 21 నుంచి ఎంపీటీసీ, జెడ్పీటీసీలకు.. జిల్లాలో ఎంపీటీసీ, జెడ్పీటీసీ స్థానాలకు ఈనెల 21 నుంచి 23 వరకు నామినేషన్లు స్వీకరిస్తామని కలెక్టర్‌, జిల్లా ఎన్నికల అధికారి కె.వెట్రిసెల్వి తెలిపారు. 24న నామినేషన్ల పరిశీలన, 25న తిరస్కరించిన నామినేషన్లపై అప్పీలు, 26న అప్పీళ్ల పరిష్కారం ఉంటుందన్నారు. 27 వరకు నామినేషన్ల ఉపసంహరణకు గడువు ఉందని, అదే రోజు సాయంత్రం తుది జాబితా విడుదల చేస్తామన్నారు. వచ్చేనెల 3న ఎన్నికలు, 5న కౌంటింగ్‌ చేపట్టి అదే రోజు ఫలితాలు వెల్లడిస్తామన్నారు. ఏలూరు (టూటౌన్‌): జిల్లాలో నగరపాలక సంస్థ, పురపాలక సంఘాలు, ఎంపీటీసీ, జెడ్పీటీసీ, ఎంపీపీ ఎన్నికల్లో దాఖలు చేసే అభ్యర్థులకు సంబంధించి పలు రాజకీయ పార్టీల అధినేతలు వారికి చెందిన అభ్యర్థులకు జారీ చేసే బీ–ఫారం పత్రాలను జారీ చేసే అధికారిక ప్రతినిధి లేఖలు ఫారం–ఏను ఆయా రాజకీయ పార్టీల ప్రతినిధులు శనివారం కలెక్టర్‌కు అందజేశారు. సదరు లేఖల్లో సిఫార్సు చేసిన వారి పేర్లను మాత్రమే పరిగణనలోనికి తీసుకోవాలని కోరారు. భీమవరం: స్థానిక సంస్థల ఎన్నికల్లో బీసీలకు 34 శాతం రిజర్వేషన్లు ఇస్తామని సీఎం చంద్రబాబు మోసం చేశారని బీసీ కులాల జేఏసీ మండిపడింది. స్థానిక విశ్వబ్రాహ్మణ కమ్యూనిటీ హాల్‌లో శనివారం విలేకరుల సమావేశంలో జేఏసీ నాయకులు మాట్లాడారు. బీసీ సంఘాల లీగల్‌ సలహాదారుడు, న్యాయవాది మల్లవరపు శివరామ్‌ మాట్లాడుతూ కూటమి ప్రభుత్వం బీసీలకు ఇచ్చిన హామీలు అమలు చేయకుండా మోసం చేస్తుందని దుయ్యబట్టారు. 34 శాతం రిజర్వేషన్‌పై డెడికేషన్‌ కమిషన్‌ ఇచ్చిన రిపోర్ట్‌ కోర్టుల్లో ప్రభుత్వం నిరూపించలేని కారణంగా అన్యాయం జరిగిందన్నారు. రాజీవ్‌ రంజన్‌ మిశ్రా కమిషన్‌ రిపోర్ట్‌ ప్రకారం జిల్లా, మండల, మున్సిపల్‌ ప్రాతిపదికన రిజర్వేషన్లు కల్పించాల్సి ఉన్నా దానికనుగుణంగా సీట్లు పంపకం జరగలేదన్నారు. 34 శాతం రిజర్వేషన్‌ అమలు చేయకపోగా.. సీఎం చంద్రబాబు పార్టీ తరఫున 40 శాతం సీట్లు ఇస్తామన్నది పచ్చి అబద్ధమన్నారు. బీసీ కులాల జేఏసీ రాష్ట్ర వర్కింగ్‌ ప్రెసిడెంట్‌ చింతపల్లి గురుప్రసాద్‌ మాట్లాడుతూ జిల్లాలో తణుకు, తాడేపల్లిగూడెం, భీమవరం మున్సిపాలిటీలు 25 ఏళ్లుగా వరుసగా జనరల్‌ రిజర్వు కావడం బీసీలను అణగదొక్కే రాజకీయ కుట్ర అన్నారు.

● ద్విచక్ర వాహనం అదుపు తప్పి భవానీ మాలధారి దుర్మరణం ● మరో ఇద్దరికి గాయాలు భీమడోలు: ద్వారకాతిరుమల దైవదర్శనానికి వెళ్తుండగా మోటార్‌ వాహనం అదుపుతప్పిన ఘటనలో ఓ భవానీ మాలధారి దుర్మరణం చెందగా మరో ఇద్దరు గాయపడ్డారు. శనివారం జాతీయ రహదారిపై భీమడోలు అయ్యప్ప స్వామి వారి ఆలయ సమీపంలో ఈ దుర్ఘటన చోటుచేసుకుంది. వివరాల్లోకి వెళితే.. భీమవరం నుంచి ద్వారకాతిరుమల పుణ్యక్షేత్రానికి దైవదర్శనం కోసం భవానీ మాలధారులైన ఆకుల నాగమణి, ఆమె కుమార్తె భవానీ, మనవరాలు పావని ద్విచక్ర వాహనంపై బయలుదేరారు. ఈ క్రమంలో కురెళ్లగూడెం, భీమడోలు అయ్యప్ప స్వామి ఆలయం వద్దకు వచ్చేసరికి రోడ్డు పక్కన కాలినడకన వెళ్తున్న ఇతర భవానీలను తప్పించే ప్రయత్నంలో ఒక్కసారిగా బ్రేక్‌ వేయడంతో బైక్‌ అదుపుతప్పింది. ఈ ప్రమాదంలో బైక్‌పై వెనుక కూర్చున్న ఆకుల నాగమణి (53) రోడ్డుపై పడిపోవడంతో తలకు తీవ్ర గాయమై అక్కడికక్కడే దుర్మరణం చెందారు. అదే వాహనంపై ఉన్న కుమార్తె, మనవరాలికి స్వల్ప గాయాలు కావడంతో.. భీమడోలు అంబులెన్స్‌ సిబ్బంది వారిని స్థానిక సామాజిక ఆరోగ్య కేంద్రానికి తరలించి వైద్యం అందించారు. మృతదేహాన్ని పోస్టుమార్టం నిమిత్తం ఏలూరు ప్రభుత్వ ఆసుపత్రికి తరలించారు. ఆకుల నాగమణి మృతితో ఆమె కుటుంబంలో, భీమవరంలో విషాద ఛాయలు అలుముకున్నాయి. మృతురాలి భర్త వెంకటేశ్వరరావు ఇచ్చిన ఫిర్యాదు మేరకు భీమడోలు ఎస్సై ఎస్‌.కె. మదీనా బాషా కేసు నమోదు చేసి దర్యాప్తు చేస్తున్నారు.

● మళ్లీ పెరిగిన ఫీడ్‌ ధరలు● మండిపడుతున్న ఆక్వా రైతులు ● కూటమి ప్రభుత్వ వైఖరిపై ధ్వజం ● ఆక్వా రైతు సంఘంపైనా అనుమానాలు? భీమవరం: ఆక్వా రైతుల సంక్షేమంపై కూటమి ప్రభుత్వం మోసపూరిత వైఖరి అవలంబిస్తోందని రైతుల నుంచి తీవ్ర విమర్శలు వ్యక్తమవుతున్నాయి. విపరీతంగా పెరుగుతున్న రొయ్యల మేతల ధరలను అదుపు చేయడంలో ప్రభుత్వం విఫలమవడంపై ఆక్వా రైతులు మండిపడుతున్నారు. ఇదివరకే ఇబ్బందుల్లో ఉన్న ఆక్వా రంగానికి ఫీడ్‌ కంపెనీల ధరల పెంపు నిర్ణయం శరాఘాతంగా మారింది. వెనామీ రొయ్యల ఫీడ్‌ టన్నుకు ఎమ్మార్పీపై రూ.9,350, టైగర్‌ ఫీడ్‌పై రూ.12,870 మేర పెంచడంతో శనివారం నుంచి కొత్త ధరలు అమల్లోకి వచ్చాయి. దీంతో వెనామీ ఫీడ్‌ టన్ను రూ.1.23 లక్షలకు, టైగర్‌ ఫీడ్‌ రూ.1.39 లక్షలకు చేరుకున్నాయి. అప్పుల ఊబిలో ఆక్వా రైతులు ఉమ్మడి పశ్చిమగోదావరి జిల్లాలో దాదాపు రెండు లక్షల ఎకరాల్లో రొయ్యల సాగు జరుగుతోంది. 2024 ఎన్నికల సమయంలో ఆక్వా రంగానికి జోన్స్‌ ప్రమేయం లేకుండా యూనిట్‌ విద్యుత్‌కు రూ.1.50 సబ్సిడీ ఇస్తామని కూటమి నాయకులు హామీ ఇచ్చారు. అయితే అధికారంలోకి వచ్చాక ఆ హామీని పవర్‌ఫ్యాక్టర్‌కు లింకు పెట్టి అమలు చేయడం పట్ల రైతులు ఆగ్రహం వ్యక్తం చేస్తున్నారు. మరోవైపు రొయ్యల ధరలు తగ్గడం, తెగుళ్లు సోకడంతో పాటు వరుసగా ఫీడ్‌ ధరలు పెరుగుతుండటంతో రైతులు అప్పుల ఊబిలో కూరుకుపోతున్నారు. ప్రభుత్వ కనుసన్నల్లోనే ఆక్వా సంఘాల నాయకత్వం? ఆక్వా రైతుల సంఘం రాష్ట్ర అధ్యక్షుడిగా ఉన్న టీడీపీ నాయకుడు గొట్టుముక్కల గాంధీభగవాన్‌రాజు నాయకత్వంపై తీవ్ర అనుమానాలు వ్యక్తమవుతున్నాయి. గతంలో అమలాపురంలో జరిగిన సదస్సులో సెప్టెంబర్‌ 30 లోపు ఫీడ్‌ ధరలు తగ్గించకుంటే కొనుగోలు నిలిపివేస్తామని తీర్మానించినా, ఆచరణలో ధరలు మరింత పెరగడం గమనార్హం. దాదాపు అన్ని ప్రాంతాల్లోనూ అధికార పార్టీల నాయకులే సంఘాల ప్రతినిధులుగా ఉండటంతో.. ఒకవైపు రైతులను రోడ్డెక్కిస్తూనే, మరోవైపు ప్రభుత్వ కనుసన్నల్లో ఉండి రైతులను నట్టేట ముంచుతున్నారనే విమర్శలు జోరందుకున్నాయి. అప్సడా నిబంధనలకు తూట్లు ఫీడ్‌ ధరలు పెంచాల్సి వస్తే రైతులు, కంపెనీల యజమానులు, మత్స్యశాఖ అధికారులు, ప్రభుత్వ ప్రతినిధులతో చర్చించాలనే ‘అప్సడా’ నిబంధనలను తుంగలో తొక్కి ఏకపక్షంగా ధరలు పెంచుతున్నా సంఘం నాయకులు స్పందించకపోవడంపై రైతులు మండిపడుతున్నారు. ఇప్పటికై నా ప్రభుత్వం జోక్యం చేసుకుని ఫీడ్‌ ధరలను అదుపు చేయకపోతే ఆక్వా రంగానికి క్రాప్‌ హాలిడే ప్రకటించడంతో పాటు తీవ్ర పరిణామాలు ఎదుర్కోవాల్సి వస్తుందని రైతులు హెచ్చరిస్తున్నారు.

ఏలూరు (టూటౌన్‌): జిల్లాలో స్థానిక సంస్థల ఎన్నికలను పారదర్శకంగా నిర్వహించాలని కలెక్టర్‌ కె.వెట్రిసెల్వి ఆదేశించారు. స్థానిక జిల్లాపరిషత్‌ కార్యాలయంలో శనివారం ఎంపీపీ, ఎంపీటీసీ, జెడ్పీటీసీ ఎన్నికలకు సంబంధించి రిటర్నింగ్‌ అధికారులు, సహాయ రిటర్నింగ్‌ అధికారుల శిక్షణా కార్యక్రమం నిర్వహించారు. కలెక్టర్‌ వెట్రిసెల్వి మాట్లాడుతూ ప్రతిఒక్కరూ స్వేచ్ఛగా తమ ఓటు హక్కును వినియోగించుకునేలా నిష్పక్షపాతంగా ఎన్నికలు ని ర్వహించాలన్నారు. ఎన్నికల సంఘ నిబంధనలపై అవగాహన పెంచుకోవాలన్నారు. నామినేషన్‌ దా ఖలు నుంచి నామినేషన్‌ పరిశీలన, పోలింగ్‌, కౌంటింగ్‌, ఫలితాలు వెల్లడించే ప్రక్రియ వరకు నిష్పక్షపాతంగా వ్యవహరించాలన్నారు. బ్యాలెట్‌ బాక్సు లు నాణ్యతను పరిశీలించుకోవాలన్నారు. సమస్యాత్మక, అత్యంత సమస్యాత్మక పోలింగ్‌స్టేషన్లు ఎన్నికల నిర్వహణకు సంబంధించి ప్రతి అంశం గురించి నిబంధనలను క్షుణ్ణంగా తెలుసుకోవాలన్నారు. జేసీ ఎంజే అభిషేక్‌ గౌడ, సబ్‌ కలెక్టర్‌ బి.వినూత్న, అసిస్టెంట్‌ కలెక్టర్‌ సీహెచ్‌ శ్రావణ్‌కుమార్‌రెడ్డి, జెడ్పీ సీఈఓ ఎం.కృష్ణమోహన్‌ పాల్గొన్నారు.

● ఇద్దరు పోలవరం ప్రాజెక్ట్‌ కార్మికులు దుర్మరణం ● తెలంగాణలో ఘటనపోలవరం రూరల్‌/వైరా: పొట్టకూటి కోసం పొరుగు రాష్ట్రానికి వలస వెళ్లి పనిచేస్తున్న ఆ కార్మికుల ఆశలు దసరా పండుగ వేళ అడియాసలయ్యాయి. కుటుంబ సభ్యులతో కలిసి పండుగ జరుపుకోవాలని స్వగ్రామానికి బయలుదేరిన వారు.. గమ్యం చేరకుండానే కానరాని లోకాలకు వెళ్లిపోయారు. దేవరపల్లి – ఖమ్మం గ్రీన్‌ఫీల్డ్‌ హైవేపై ఖమ్మం జిల్లా వైరా మండలం సోమవరం వద్ద శుక్రవారం అర్ధరాత్రి దాటాక ఈ ఘోర రోడ్డు ప్రమాదం చోటుచేసుకుంది. వివరాల్లోకి వెళితే.. యాదాద్రి భువనగిరి జిల్లా ఆత్మకూరు (ఎం) మండలం కామునిగూడెం గ్రామానికి చెందిన వరికుప్పల మల్లేష్‌ (40) నాలుగేళ్లుగా ఏపీలోని పోలవరం ప్రాజెక్టు వద్ద పనిచేస్తున్నారు. ఆయనతో పాటు అదే గ్రామానికి చెందిన ఉపేందర్‌ (32), అదే మండలానికి చెందిన వ్యాస వెంకటరెడ్డి కూడా అక్కడే ఉపాధి పొందుతున్నారు. ప్రస్తుతం పోలవరం ప్రాజెక్టు నిర్మాణ ప్రాంతానికి వెళ్లే రోడ్డు నిర్మాణ పనులకు సంబంధించి సబ్‌ కాంట్రాక్టర్‌ వద్ద వీరు ఎర్త్‌ వర్క్‌ పనులు చేస్తున్నారు. దసరా పండుగ సమీపించడంతో ఈ ముగ్గురు తమ కుటుంబాలతో కలిసి పండుగ జరుపుకోవడానికి స్వగ్రామానికి బయలుదేరారు. మార్గమధ్యంలో హైవేపై వీరు వెళ్తున్న టెంపో వాహనాన్ని వెనుక నుంచి వచ్చిన ఓ లారీ అతివేగంగా వచ్చి ఢీకొట్టింది. ఈ ప్రమాదంలో టెంపో వెనుక భాగంలో కూర్చున్న మల్లేష్‌, ఉపేందర్‌ ఒక్కసారిగా వాహనం నుంచి కిందపడి లారీ టైర్ల కింద నలగడంతో తీవ్రగాయాలతో అక్కడికక్కడే మృతి చెందారు. ఈ ఘటనలో వెంకటరెడ్డితో పాటు మరో ఐదుగురికి గాయాలయ్యాయి. సమాచారం అందుకున్న వైరా పోలీసులు వెంటనే ఘటనా స్థలానికి చేరుకుని క్షతగాత్రులను, మృతదేహాలను ఖమ్మం ప్రభుత్వ ఆసుపత్రికి తరలించారు. వైరా సీఐ వెంకటప్రసాద్‌, ఎస్సై పి. రామారావు కేసు నమోదు చేసి దర్యాప్తు చేపట్టారు. పండుగ వేళ వలస కార్మికులు మృత్యువాత పడడంతో వారి కుటుంబాల్లో తీవ్ర విషాదం అలుముకుంది. తణుకు అర్బన్‌: స్థానిక సంస్థల ఎన్నికల నేపథ్యంలో గతంలో మద్యం అక్రమ రవాణా, గంజాయి తదితర ఎకై ్సజ్‌ నేరాల్లో నిందితులుగా ఉన్న 29 మంది పాత నేరస్థులను తణుకు, ఇరగవరం తహసిల్దార్ల్ల ఎదుట బైండోవర్‌ చేసినట్లు తణుకు ప్రొహిబిషన్‌ అండ్‌ ఎకై ్సజ్‌ శాఖ సీఐ సత్తి మణికంఠరెడ్డి తెలిపారు. ఒక్కొక్కరికి రూ. లక్ష చొప్పన సొంత పూచీకత్తుపై విడుదల చేస్తూ ఉత్తర్వులు జారీ చేశారని వివరించారు.

యలమంచిలి: మండలంలోని ఏనుగువానిలంక గ్రామానికి చెందిన ఇనుకొండ వెంకట సత్యనారాయణ (55) చించినాడ వద్ద వశిష్ట గోదావరి నదిలో స్నానానికి దిగి ప్రమాదవశాత్తు గల్లంతయ్యాడని ఆయన భార్య మణికుమారి తెలిపారు. మృతునికి వివాహమైన ఇద్దరు కుమార్తెలు ఉన్నారు. అయితే ఈ ఘటనపై ఎటువంటి ఫిర్యాదు అందలేదని యలమంచిలి పోలీసులు తెలిపారు. యలమంచిలి: ఆల్‌ ఇండియా సీనియర్‌ ర్యాంకింగ్‌ టెన్నిస్‌ క్వాలిఫైయింగ్‌ పోటీల మెయిన్‌ డ్రాకు మొత్తం 96 మంది క్రీడాకారులు అర్హత సాధించినట్లు టోర్నమెంట్‌ ఆర్గనైజింగ్‌ సెక్రటరీ బూన్‌రాజు తెలిపారు. సీహెచ్‌ బుద్ధావతారంరాజు మెమోరియల్‌ ఆలిండియా సీనియర్‌ ర్యాంకింగ్‌ టెన్నిస్‌ క్వాలిఫైయింగ్‌ పోటీలు శుక్ర, శనివారాల్లో పాలకొల్లు కాస్మో కల్చరల్‌ స్పోర్ట్స్‌ కాంప్లెక్స్‌లో ఘనంగా జరిగాయి. ఈ టోర్నమెంట్‌ మెయిన్‌ మ్యాచ్‌లు ఈ నెల 18వ తేదీన ప్రారంభమవుతాయని ఆయన వెల్లడించారు. సింగిల్స్‌ విభాగంలో 96 మంది, డబుల్స్‌ విభాగంలో 48 మంది క్రీడాకారులు మెయిన్‌ పోటీలకు ఎంపికై నట్లు పేర్కొన్నారు. ప్రధాన పోటీలు పాలకొల్లు టౌన్‌హాల్‌తో పాటు నరసాపురం ఆఫీసర్స్‌ క్లబ్‌ టెన్నిస్‌ కోర్టులో నిర్వహించనున్నట్లు తెలిపారు. ఈ టోర్నమెంట్‌లో 45, 55, 65, 70, 75 సంవత్సరాలు దాటిన సీనియర్‌ సిటిజెన్లు సింగిల్స్‌, డబుల్స్‌ విభాగాల్లో ఉత్సాహంగా పోటీ పడతారని బూన్‌రాజు వివరించారు. కామవరపుకోట: మండలంలోని రామన్నపాలెం సమీపంలో రోడ్డు పక్కన ఉన్న ఓ రైతు పొలంలో భూగర్భంలోని బీఎస్‌ఎన్‌ఎల్‌ కేబుల్‌ వైర్లను అక్రమంగా వెలికితీస్తున్న వ్యక్తులను రైతులు పట్టుకుని పోలీసులకు అప్పగించారు. రైతులు తెలిపిన వివరాల ప్రకారం రామన్నపాలెం సమీపంలోని పొలంలో భూమిని తవ్వి బీఎస్‌ఎన్‌ఎల్‌ వైర్లను తొలగిస్తుండగా అటుగా వెళ్తున్న రైతులు గమనించారు. వారిని ప్రశ్నించగా కొందరు అక్కడి నుంచి పరారయ్యారు. మిగిలిన కొంతమందిని రైతులు పట్టుకుని పోలీసులకు సమాచారం అందించడంతో, తడికలపూడి పోలీసులు వెంటనే సంఘటనా స్థలానికి చేరుకుని వారిని అదుపులోకి తీసుకున్నారు. అయితే, ఇలాంటి సంఘటనలు గతంలోనూ చాలా జరిగాయని, ఇవి బీఎస్‌ఎన్‌ఎల్‌ అధికారుల ప్రమేయం లేదా వారికి తెలిసే జరుగుతున్నాయని రైతులు ఆరోపిస్తున్నారు. ఈ ఘటనపై తడికలపూడి పోలీసులను వివరణ కోరగా.. దీనిపై సమగ్ర విచారణ చేపడుతున్నట్లు తెలిపారు.

ఏలూరు టౌన్‌: ఏలూరులో ప్రజలకు అత్యంత ముఖ్యమైన స్వచ్ఛమైన తాగునీరు, డ్రెయినేజీ, రోడ్లు వంటి మౌలిక వసతుల కల్పనకు తొలి ప్రాధాన్యమిస్తామని వైఎస్సార్‌సీపీ జిల్లా అధ్యక్షుడు దూలం నాగేశ్వరరావు (డీఎన్నార్‌) అన్నారు. నగరపాలక సంస్థ ఎన్నికల వింగ్‌ మీడియా సమావేశ ప్రాంతంలో ఆయన మాట్లాడుతూ కార్పొరేషన్‌లోని 62 డివిజన్లలో తమ అభ్యర్థులు నామినేషన్లు వేస్తున్నారని, మేయర్‌గా గంటా మోహనరావు (జీఎంఆర్‌)విజయం తథ్యమని ధీమా వ్యక్తం చేశారు. కార్పొరేషన్‌కు అవినీతి గ్రహణం వీడాలంటే వైఎస్సార్‌సీపీ అభ్యర్థి జీఎంఆర్‌ విజయానికి ప్రతిఒక్కరూ కృషి చేయాలని విజ్ఞప్తి చేశారు. ప్రజలు విజ్ఞతతో ఓటు వేయాలని కోరారు. టీడీపీ, జనసేన, బీజేపీ కూటమి ప్రభుత్వం ప్రజలను ఎలా మోసం చేసిందో చూశామని, ఎస్సీ,ఎస్టీ, బీసీ, మైనార్టీ వర్గాలకు 50 ఏళ్లకే పింఛన్‌, ఆడబిడ్డ నిధి, నిరుద్యోగ భృతి హామీలు అమలు కాలేదన్నారు. ఇదేనా ఎన్నికల హామీలను అమలు చేయడం అని ప్రశ్నించారు. కూటమి ప్రభుత్వాన్ని కూకటివేళ్లతో పెకిలించేందుకు ఓటు అనే ఆయుధాన్ని వాడాలని నగర ప్రజలకు విజ్ఞప్తి చేశారు. నిజాయితీ గల నేత జీఎంఆర్‌ : ఏలూరు పార్లమెంట్‌ పరిశీలకుడు, ఎమ్మెల్సీ వంక రవీంద్రనాథ్‌ మాట్లాడుతూ నిబద్ధత, నిజాయితీ గల నాయకుడు గంటా మోహనరావును మేయర్‌గా గెలిపించాలని కోరారు. వైఎస్సార్‌సీపీ అభ్యర్థులను గెలిపిస్తే నగర ప్రజలకు సుపరిపాలన అందిస్తారన్నారు. ఏలూరు సమన్వయకర్త మామిళ్లపల్లి జయప్రకాష్‌ మాట్లాడుతూ మేయర్‌ పీఠాన్ని కై వసం చేసుకునేందుకు పార్టీ శ్రేణులు, అభిమానులంతా సమష్టిగా కృషి చేద్దామని పిలుపునిచ్చారు. ఏలూరు నగరపాలక సంస్థపై వైఎస్సార్‌సీపీ జెండా ఎగురవేయడమే లక్ష్యంగా సైనికుల్లా పనిచేయాలని కోరారు. చేస్తారు. సమస్యల పరిష్కారానికి కృషి మేయర్‌ అభ్యర్థి గంటా మోహనరావు మాట్లాడుతూ నగరంలో ప్రజల ప్రధాన సమస్యల పరిష్కారానికి కృషి చేస్తానన్నారు. ప్రజా సంక్షేమం ఒకవైపు మౌలిక సదుపాయాల కల్పన మరోవైపు ప్రాధ్యాన్యత ఇస్తూ ప్రజల ఆకాంక్షలకు అనుగుణంగా పనిచేస్తానన్నారు. ముఖ్యంగా పరిశుభ్రమైన తాగునీరు, వీధిలైట్లు, రోడ్లు, డ్రెయినేజీ నిర్మాణాలు ఇలా ప్రాధాన్యత క్రమంలో ప్రజలకు మంచి చేసేందుకు శాయశక్తులా కృషి చేస్తానన్నారు. అవినీతిరహిత పాలనే ప్రధాన అజెండాగా ముందుకు సాగుతామన్నారు. వైఎస్సార్‌సీపీ జిల్లా అధ్యక్షుడు దూలం నాగేశ్వరరావు

ఆదివారం శ్రీ 18 శ్రీ అక్టోబర్‌ శ్రీ 2026సాక్షిప్రతినిధి, ఏలూరు: జిల్లాలో స్థానిక సంస్థల ఎన్నికల సందడి పతాకస్థాయికి చేరింది. మంచిరోజు కావడంతో జిల్లాలోని ఏలూరు నగరపాలక సంస్థతో పాటు రెండు మున్సిపాల్టీల్లో కలిపి ఒకేరోజు 205 నామినేషన్లు దాఖలయ్యాయి. ఆదివారం మధ్యాహ్నం 3 గంటలతో నామినేషన్ల స్వీకరణ ప్రక్రియ ముగియనున్న క్రమంలో అభ్యర్థులు పార్టీలవారీగా భారీ ర్యాలీలతో నామినేషన్లు దాఖలు చేశారు. ఏలూరులో వైఎస్సార్‌సీపీ జోష్‌ ఏలూరు నగరపాలక సంస్థలో శనివారం 123 నామినేషన్లు దాఖలయ్యాయి. వైఎస్సార్‌సీపీ మేయర్‌ అభ్యర్థిగా గంటా మోహనరావు (జీఎంఆర్‌) భారీ ర్యాలీ నిర్వహించి పార్టీ జిల్లా అధ్యక్షుడు దూలం నాగేశ్వరరావు, ఎమ్మెల్సీ వంక రవీంద్రనాథ్‌, ఉంగుటూరు, ఏలూరు నియోజకవర్గ సమన్వయకర్తలు మామిళ్లపల్లి జయప్రకాష్‌, పుప్పాల వాసుబాబుతో కలిసి రిటర్నింగ్‌ అధికారికి నామినేషన్‌ పత్రాలు అందజేశారు. మేయర్‌ అభ్యర్థుల్లో జనసేన నుంచి రెడ్డి అప్పలనాయుడుతో పాటు మరో అభ్యర్థి, ఆర్‌పీఐ పార్టీ నుంచి ఒకరు నామినేషన్లు దాఖలు చేశారు. కార్పొరేటర్‌ స్థానాలకు తొలిరోజు 5 నామినేషన్లు దాఖలవ్వగా, నేడు 123 నామినేషన్లు పడ్డాయి. మొత్తంగా 62 డివిజన్లకు 128 నామినేషన్లు దాఖలయ్యాయి. పార్టీల వారీగా వైఎస్సార్‌సీపీ నుంచి 47, బీజేపీ నుంచి 2, టీడీపీ నుంచి 49, జనసేన నుంచి 13, ఆర్‌పీఐ నుంచి ఒకటి, ఇండిపెండెట్లు 16 నామినేషన్లు వేశారు. జంగారెడ్డిగూడెంలో.. జంగారెడ్డిగూడెం మున్సిపాల్టీ వైఎస్సార్‌సీపీ చైర్‌పర్సన్‌ అభ్యర్థిగా మేకా సత్యవతి నామినేషన్‌ దాఖలు చేశారు. పార్టీ నియోజకవర్గ ఇన్‌చార్జి కంభం విజయరాజు, రాష్ట్ర కార్యదర్శి జెట్టి గురునాథరావుతో కలిసి భారీ ర్యాలీగా వెళ్లి నామినేషన్‌ దాఖలు చేశారు. 32 వార్డులకు తొలిరోజు ఒక్క నామినేషన్‌ కూడా దాఖలు కాకపోగా.. రెండో రోజు ఊపందుకున్నాయి. వార్డు స్థానాలకు 31 నామినేషన్లు దాఖలయ్యాయి. వివిధ రాజకీయ పార్టీల వారీగా వైఎస్సార్‌సీపీ నుంచి 14, టీడీపీ నుంచి 13, జనసేన నుంచి 4 నామినేషన్లు దాఖలయ్యాయి. నూజివీడులో.. నూజివీడులో నామినేషన్ల ప్రక్రియ ఊపందుకుంది. 36 వార్డులకు 49 నామినేషన్లు దాఖలయ్యాయి. వైఎస్సార్‌సీపీ నుంచి 11, టీడీపీ నుంచి 32, జనసేన నుంచి 4, టీడీపీ రెబల్స్‌గా ఇద్దరు నామినేషన్లు వేశారు. అయితే చైర్‌పర్సన్‌ అభ్యర్థికి ఒక్క నామినేషన్‌ కూడా దాఖలు కాలేదు. అధికార యంత్రాంగం ఏర్పాట్లు మున్సిపల్‌ ఎన్నికల్లో విధులు నిర్వహించే సిబ్బందికి ర్యాండమైజేషన్‌ ప్రక్రియలో విధులు కేటాయించారు. శిక్షణా తరగతులు నిర్వహించి పోలింగ్‌ కేంద్రాల్లో విధులు కేటాయించేలా కసరత్తు చేస్తున్నారు. మరోవైపు పోలీస్‌ యంత్రాంగం జంగారెడ్డిగూడెం, ఏలూరు, నూజివీడులో మున్సిపల్‌ ఎన్నికల నేపథ్యంలో భారీ బందోబస్తు ఏర్పాట్లు చేస్తున్నారు. జంగారెడ్డిగూడెంలో ఫ్లగ్‌మార్చ్‌ నిర్వహించారు. ఎన్నికల కోడ్‌ ఉల్లంఘనకు పాల్పడితే చర్యలు తీసుకుంటామని హెచ్చరించారు. ఆదివారంతో నామినేషన్ల దాఖలు పూర్తి నామినేషన్ల స్వీకరణ ప్రక్రియ ఆదివారం మఽ ద్యాహ్నం 3 గంటలతో ముగియనుంది. దీంతో నా మినేషన్ల స్వీకరణకు గడువు ముగియనుంది. అట్టహాసంగా వైఎస్సార్‌సీపీ మేయర్‌ అభ్యర్థి జీఎంఆర్‌ నామినేషన్‌ దాఖలు జంగారెడ్డిగూడెం చైర్‌పర్సన్‌ అభ్యర్థిగా సత్యవతి నామినేషన్‌ రెండో రోజు వెల్లువెత్తిన నామినేషన్లు నేటితో ముగియనున్న నామినేషన్‌ స్వీకరణ ప్రక్రియ