viral video

విలాసవంతమైన సౌకర్యాలు, సదుపాయాలకోసం లగ్జరీ అపార్ట్‌మెంట్‌ కొనుగోలు చేసిన వ్యక్తికి తీరని నిరాశ ఎదురైంది. గురుగ్రామ్‌లోని అత్యంత విలాసవంతమైన ‘ట్రంప్ టవర్స్’ హౌసింగ్ ప్రాజెక్ట్‌లో (Sector 65) లో రూ. 6.68 కోట్లకు అపార్ట్‌మెంట్ కొన్న వరుణ్ సుహాగ్ (42)కు షాకింగ్‌ అనుభవం ఎదురైంది. దీనికి సంబంధించి ఒక వీడియోతో పాటు, M3M ప్రమోటర్ అండ్‌ డైరెక్టర్ పంకజ్ బన్సల్‌కు తాను పంపిన టెక్స్ట్ స్క్రీన్‌షాట్ షేర్‌ చేయడంతో ఇది నెట్టింట వైరల్‌గా మారింది.వరుణ్ ఎక్స్‌లో ఫోటోలతో సహా తనకెదురైన అనుభవాన్ని పంచుకున్నాడు. లిఫ్ట్‌ లేక, సరియైన కర్టెన్లు లేక నానా యాతన పడ్డామంటూ ఆవేదన వ్యక్తం చేశాడు. బిల్డర్‌పై ఆరోపణలు గుప్పించాడు. దీంతో బిల్డర్‌ దిగి రావడం విశేషం. ఇదీ చదవండి: 15 లక్షల మంది, రూ. 1200 కోట్లు : డిజిటల్ యాప్‌ స్కాం సంచలనం I the owner of Apartment number 36C, Trump Towers Delhi NCR, Sector 65, Gurugram have been put under house arrest by the builder M3M and management, Mr. Pankaj Bansal. https://t.co/uOntihr8Cw— varun suhag (@varunsuhag) November 1, 2026 సుహాగ్ షేర్‌ చేసిన వివరాల ప్రకారం దుబాయ్‌లో ఉన్నప్పుడు 2018లో రూ. 6.68 కోట్లకు ప్లాట్ బుక్ చేసుకుని, 2025లో పేమెంట్ పూర్తి చేశాడు. తమకు బిడ్డ పుట్టబోతున్న తరుణంలో, తల్లిదండ్రుల సాయం కూడా ఉంటుందనే ఉద్దేశంతో గురుగ్రామ్‌కు మారాలని ఆయన ప్లాన్‌. కానీ ఈ ప్రాజెక్ట్ ఏడాదిన్నర ఆలస్యం అవడంతో బిల్డర్‌చుట్టూ తిరిగి అలసిపోయి రియల్ ఎస్టేట్ రెగ్యులేటరీ అథారిటీ (RERA)లో కేసు కూడా దాఖలు చేశాడు.చివరకు ఆగస్టు 27న అపార్ట్‌మెంట్‌ను అప్పగించినప్పుడు ఆయనకు మరో షాక్‌ ఎదురైంది. ఇంటి నిర్మాణం సరిగ్గా లేదు. ఫాల్స్ సీలింగ్ లేదు. ఆ ఇల్లు నివాసయోగ్యంగా లేదు. దీంతో దాన్ని బాగు చేయడానికి మరో పది లక్షల రూపాయలు ఖర్చు పెట్టాల్సి వచ్చింది. వాళ్లకు ఆక్యుపెన్సీ సర్టిఫికేట్ ఎలా వచ్చిందో తెలియదంటూ వాపోయాడు.లిఫ్ట్ నిలిపేశారని ఆరోపించారు. దీనివల్ల ప్రతిసారీ లిఫ్ట్ ఉపయోగించాల్సి వచ్చినప్పుడు బిల్డింగ్ హెల్ప్‌డెస్క్‌కు ఫోన్ చేసి, 30 నుండి 40 నిమిషాల పాటు వేచి ఉండాల్సి వస్తోందని తెలిపారు. అలాగే ఇంటికి వచ్చే డెలివరీ ఏజెంట్లను, సందర్శకులను అడ్డుకుంటున్నారని, ఫర్నిచర్ లారీని లోపలికి అనుమతించకపోవడంతో సోఫాపై పడుకోవాల్సి వచ్చిందని, అలాగే కర్టెన్లు వేసే పనివారిని రానీయకపోవడంతో గ్లాస్ కిటికీల వల్ల గోప్యత లేకుండా పోయిందని ఆరోపించాడు. దీంతో బాత్‌ రూంలో స్నానం చేయడం చాలా ఇబ్బందిగా మారిందని చెప్పుకొచ్చాడు. పై అంతస్తులో ప్లాట్ ఉన్న తన సోదరి కూడా ఇలాంటి సమస్యలే ఎదుర్కొంటోందని తెలిపాడు. అంతేకాదు బిల్డర్ అక్రమ నిర్మాణాలు చేపట్టారని కూడా ఆయన ఆరోపించారు.ఇదీ చదవండి: పెళ్లికి ఆహ్వానించిన యువకుడు : బెంజ్‌కార్‌ గిఫ్ట్‌, నెటిజన్లు క్యూ!ఈ పోస్ట్ వైరల్ కావడంతో నెటిజన్ల నుంచి భిన్నమైన స్పందనలు వచ్చాయి. పోలీసులకు ఎందుకు ఫిర్యాదు చేయలేదని కొందరడిగితే, ఒక బిల్డర్ తన ప్రతిష్టను పణంగా పెట్టి, కస్టమర్‌తో ఇలా ఎందుకు ప్రవర్తిస్తాడు? పంకజ్ బన్సాల్‌తో వ్యక్తిగత శత్రుత్వం ఉందా?" అని మరొకరు సందేహాన్ని వ్యక్తం చేశారు. పోలీసులకు ఫిర్యాదుచేసినా తామేమీ చేయలేమన్నారని, తమ మధ్య వైరం ఏమీ లేదని సుహాగ్‌ స్పష్టం చేశారు.సోషల్ మీడియా : దెబ్బకి దిగొచ్చిన బిల్డర్‌ సుహాగ్‌ పోస్ట్ వైరల్ బాగా అయింది. 19 లక్షలకు పైగా వ్యూస్‌ రావడంతో బిల్డర్‌ స్పందించారు. సోమవారానికి లిఫ్ట్ అందుబాటులోకి వచ్చిందని స్వయంగా సుహాగ్‌ పేర్కొన్నారు. ఈ సందర్భంగా తనకు లభించిన మద్దతుపై సంతోషం ప్రకటించారు.

‘దిక్కు లేని వాడికి దేవుడే దిక్కు’ తనకు ఎవరూ లేరు, దిక్కులేని వాడిని బాధపడేవారిని ఓదార్చేందుకు పెద్దలు చెప్పే మాట ఇది. చైనాకు చెందిన 24 ఏళ్ల అనాథ యువకుడు షియావో షియావో షు (Xiao Xiao Xu) కథ నెట్టింట పలువురి హృదయాలను హత్తుకుంది. తన పెళ్లికి ఏ బంధువులూ రారేమోనన్న భయంతో, అతడు సోషల్ మీడియా ద్వారా నెటిజన్లను తన పెళ్లికి ఆహ్వానించాడు. వచ్చిన మంచి మనసున్న అతిథులను చూసి షాకయ్యాడు. అంతేనా అతనికి భారీ సర్‌ప్రైజ్‌ కూడా ఇచ్చారు. ఏం జరిగింది అంటే..యున్నాన్ ప్రావిన్స్‌లోని జావోటాంగ్ ప్రాంతానికి చెందిన షియావో షు మూడేళ్ల వయసులోనే తండ్రిని కోల్పోయాడు. తల్లి వేరే వివాహం చేసుకోవడంతో అతడు, అతని అన్నయ్య కలిసి పెరిగారు. పెళ్లి కోసం డబ్బులు దాచుకున్నప్పటికీ, శుభకార్యానికి బంధువులెవరూ వచ్చే అవకాశం లేకపోవడంతో ఆన్‌లైన్‌లో ఆహ్వానం పంపాడు.ఇదీ చదవండి: రూ. 114 కూలీ : ఇపుడు రూ.1.80 లక్షల కోట్ల కంపెనీ He had no family to invite to his wedding. Orphan Xiao Xu from Yunnan invited strangers online, worried his wedding would be empty. Thousands traveled to his village. Sat together. Ate together. Made him family. Humanity is still alive ❤️ Would you go to a stranger's wedding? https://t.co/ts3o1yG6lL— Dr. Subhash (@Subhash_LiveS) November 1, 2026అంతే నెటిజన్లు నుంచి అనూహ్య స్పందన లభించింది. ఉచితంగా విందు భోజనాలు వండటానికి కొంతమంది షెఫ్‌లు వచ్చారు, పెళ్లి బారాత్‌కు భారీ కార్లతో కాన్వాయ్ ఏర్పాటైంది. ఇంటి డెకరేషన్‌ నుంచి వంటకాలకు కావలసిన దినుసులు దాకా, స్వీట్లు,పళ్లు, పూలు, ఒకటీ రెండూ కాదు సర్వహంగులతో ఊరంతా, అపరిచితులంతా కలిసి సహాయం చేశారు.నెటిజనుల గొప్ప మనసు, వైభవంగా పెళ్లి, ఆ యువకుని చిన్న ఆహ్వానంతో ఆ గ్రామంలో ఇది ఒక పెద్ద పండగలా మారిపోయింది. కనీవినీ ఎరుగని రీతిలో వారి పెళ్లి 'శతాబ్దపు వివాహం'గా మారింది. మొత్తం వివాహ వేడుకను కలిసికట్టుగా అంగరంగ వైభవంగా జరిపించారు. ఓ అతిథి అయితే ఏకంగా బెంజ్ కారు గిఫ్ట్‌ ఇచ్చి మరింత సర్‌ప్రైజ్‌ చేయడం విశేషం. దీనికి సంబంధించిన వీడియో వైరల్‌గా మారింది. కొత్త దంపతులకు జీవితంలో ఎప్పటికీ మర్చిపోలేని మధురానుభుతులను మిగిల్చారు. నెటిజన్ల స్పందన"మానవత్వం అంటే ఇది," "సోషల్ మీడియాను ఇలాంటి మంచి పనులకే ఉపయోగించాలి" అంటూ నెటిజన్లు ఆ కొత్త జంటకు శుభాకాంక్షలు తెలుపుతూ కామెంట్లు చేశారు.

50 ప్లస్‌ అనగానే కాస్త చేయగలిగే పనులే చేస్తుంటారు. చాలామటుకు రెస్ట్‌ తీసుకునే వయసులో రిస్క్‌ చేయడానికి ఆసక్తి చూపరు. అయితే ఆ మహిళ మాత్రం తండ్రి కల కోసం పురుషాధిక్యత ఉన్న రంగంలోకి వచ్చింది. కష్టాలు, సవాళ్లు ఎదురైనా.. వెనుదిరగలేదు. తన తండ్రి ఈ భూమ్మీద లేకపోయినా..ఆయనికిచ్చిన మాట కోసం ఆ మహిళ కట్టుబడి ఉండటమే గాక స్త్రీ శక్తికి నిర్వచనంగా మారింది. ఆ ధీర వనితే డాలీరాణా. పశ్చిమ బెంగాల్‌లోని హౌరాలో నివశిస్తున్న రాణా భుజానికి టికెట్ల సంచిని తగిలించుకుని ప్రయాణికులకు బస్టాప్‌లు తెలియజేస్తుంటుంది. చూసేవాళ్లకు అది సాధారణ బస్‌ కండక్టర్‌ ఉద్యోగమే అయినా..అది ఆమె తండ్రి ఆశయం..ఏళ్లనాటి జ్ఞాపకాల కల. ఆమె తండ్రికి రవాణా రంగంలో పనిచేయాలని కోరిక ప్రబలంగా ఉండేది. తనకు సొంతంగా బస్సు ఉండాలని అనుకునేవారు. ఆ కల నెరవేరకుండానే ఆయన చనిపోయారు. ఆయన కలను నిజం చేయాలని రాణా అప్పులు చేసి మరి 2017లో ఒక బస్సు కొనుగోలు చేసింది. మొదట్లో డ్రైవర్‌ను, కండక్టర్‌ను నియమిచుకుని వ్యాపారాన్ని పర్యవేక్షించిందామె. కేవలం తన తండ్రి కల, ఆశయం కోసం అంతపెద్ద ఆర్థిక బాధ్యతను తన భుజాలపై వేసుకుని మరి నిర్వర్తించింది. అంతలో కరోనా మహమ్మారి రావడంతో రవాణా రంగంలో చాలా వ్యాపారాల మాదిరిగానే ఆమె వ్యాపారం కూడా తీవ్రంగా దెబ్బతింది. 2021లో సరిగ్గా తన బస్సు కండక్టర్‌ ఉద్యోగం వదిలి వెళ్లిపోయాడు. దాంతో నష్టాలు, కష్టాలు మరింత ఎక్కువయ్యాయి. అప్పుడు రాణా వద్ద రెండే రెండు మార్గాలున్నాయి. వ్యాపారాన్ని వదిలేయడమో లేదా కొనసాగించడమో తప్ప మరో మార్గం లేదు. అయితే రాణా కొనసాగించేందుకు మొగ్గు చూపి..అలా 54 ఏళ్ల వయసులో కండక్టర్‌గా మారిందామె. ఆమె నేరుగా విధుల్లోకి వెళ్లి పని నేర్చుకుంది. రద్దీగా ఉండే బస్సులో ఎక్కడం, దిగడం, టికెట్లు జారీ చేయడం, ఏదైనా గొడవ జరిగినప్పుడు జోక్యం చేసుకోవడం వంటివి చేస్తుండేది. అయితే ప్రయాణికులు చాలామంది ఈ పని ఏంటని ప్రశ్నిస్తుంటారు. ఎందుకంటే ఒక మహిళగా ప్రైవేట్‌ బస్సులో కండక్టర్‌ ఉద్యోగం చేయడం కష్టమే, పైగా వేధింపులు కూడా ఎదుర్కొంది. అయినప్పటికీ ప్రతి ఉదయం విధులకు హాజరవుతూనే కండక్టర్‌గా కొనసాగుతూనే ఉంది. ఆమె బస్సు బెల్గాచియా, హౌరా మధ్య నడుస్తుంది. ప్రయాణికులు ఆమెను ముద్దుగా డాల్‌ దీ అనిపిలుస్తారు. ఆ బస్సు ఆమెకు జీవనాధారం, భారం కూడా అయ్యింది. ఎందుకంటే నిర్వహణ ఖర్చులు, మరమ్మతులు ఖరీదైనవిగా మారి రుణ చెల్లింపులు ఒత్తిడిని పెంచింది. అదే సమయంలో ఎలక్ట్రిక్‌ ఈ రిక్షాల పెరుగుదల కూడా ఆమె ఆదాయంపై తీవ్ర ప్రభావం చూపాయి కూడా. అయితే రాణాకి బస్సుని వదులుకోవడం అంటే జీవనాధారం కోల్పోవడం మాత్రమే కాదు..తనకు ప్రాణమైన తండ్రి కలను కూడా వదులకోవడం కింద లెక్క. అందుకే ఆమె వ్యాపారాన్ని మళ్లీ లాభదాయకంగా మార్చుకోవడం కోసం కొత్త రూట్‌ పర్మిషన్‌ కోసం ఎదురుచూస్తోంది. అయితే ఆమె కథ నెట్టింట వైరల్‌ అవడంతో ఏకంగా ఆ రాష్ట్ర రవాణ యంత్రంగమే కదిలొచ్చి కొత్త రూట్‌ కోసం ఆమె చేసిన అభ్యర్థనను ఆమోదించింది. ఈ అవకాశం ఆమెకు ఈ రిక్షాల పోటీని ఎదుర్కొనేందుకు దొరికిన గోల్డెన్‌ ఛాన్స్‌. అంతేగాదు రాణా ఇది తనకు పెద్ద ఊరటనిచ్చే విజయం అని ఆనందంగా చెబుతోంది. ఇక్కడ ఆమె కథ మహిళ బస్‌ కండక్టర్‌ కావడం వల్ల సన్సెషన్‌ కాదు..తండ్రి కల కోసం ఒక కుమార్తె ఆ వయసులో రిస్క్‌ తీసుకోవడమే కాకుండా ఒక మగాడిలా కండక్టర్‌గా ఒక ప్రైవేటు బస్సులో విధుల నిర్వర్తించడం, బస్సుని నిర్వహించడం మాటలు కాదు. పైగా ఆడవాళ్లు బలహీనులు అన్న మాటను తిరగరాసేలా స్ఫూర్తినిస్తుంది రాణా కథ. View this post on Instagram A post shared by thebetterindia.bangla (@thebetterindia.bangla) ఇదీ చదవండి: రీడింగ్ ఛాలెంజ్‌లో సంచలనం..60 పుస్తకాలు చదివి కోట్లు గడించిన చిన్నారి!

నటి శ్రద్ధా కపూర్‌ మరో ఆసక్తికరమైన సినిమాతో బాలీవుడ్‌ ప్రేక్షకుల ముందుకు రాబోతున్నారు. ఇప్పటివరకు గ్లామర్‌ పాత్రలు, వైవిధ్యమైన కథలతో అలరించిన ఆమె.. ఇప్పుడు మహారాష్ట్ర సంప్రదాయ నృత్యకళ లావణి నేపథ్యంలో తెరకెక్కుతున్న ‘ఈథా’ అనే బాలీవుడ్‌ సినిమాలో నటిస్తున్నారు. తాజాగా ఈ సినిమా ట్రైలర్‌ను మేకర్స్‌ విడుదల చేశారు. ఈ సందర్భంగా ఏర్పాటు చేసిన ఓ కార్యక్రమంలో అక్కడే ఉన్న కళాకారులతో తమదైన స్టెప్పులతో అదరగొట్టారు. ఇప్పుడీ వీడియో వైరల్‌ అవుతోంది.సినిమా విషయానికి వస్తే.. దర్శకుడు లక్ష్మణ్‌ ఉటేకర్‌ తెరకెక్కిస్తున్న ఈ చిత్రాన్ని మద్దాక్‌ ఫిల్మ్స్‌, కత్పుత్లీ క్రియేషన్స్‌ సంయుక్తంగా నిర్మిస్తున్నాయి. మహారాష్ట్రకు చెందిన ప్రముఖ లావణి, తమాషా కళాకారిణి విఠాబాయి భౌ మాంగ్‌ నారాయణ్‌గావ్కర్‌ జీవితం నుంచి స్ఫూర్తి పొంది ఈ సినిమాను రూపొందించారు. ఇందులో శ్రద్ధా కపూర్‌ ‘ఈథా బాయి’ పాత్రలో కనిపించి ఆకట్టుకున్నారు. ఈ చిత్రంలో దివంగత నటుడు నానా పటేకర్‌ కూడా కీలక పాత్రలో కనిపించనున్నారు. ఆయన నటించిన చివరి చిత్రాల్లో ఇదొకటిగా నిలవనుంది. కాగా శ్రద్ధా కపూర్‌ తెలుగులోనూ పలు చిత్రాల్లో నటించారు. ప్రభాస్‌ హీరోగా తెరకెక్కించిన ‘సాహో’(2019) సినిమాలోనూ కనిపించారు. (ఇదీ చదవండి: ప్రెగ్నెన్సీతో సమంత.. తొమ్మిది నెలల వీడియో చూశారా?) #ShraddhaKapoor gives #Eetha vibe!! Sets the floor on fire with #Lavani https://t.co/VNZyqZt4US— Bollywood Helpline (@BollywoodH) October 30, 2026

విశ్రాంతి తీసుకునే వయసులో ఓ బామ్మ వయసునే దిక్కరించేలా సాహసాలు చేస్తూ అందర్నీ విస్తుపోయేలా చేస్తోంది. అంతేగాదు వయసు ఒక సంఖ్య మాత్రమే..అభిరుచి ముందు అదే మంత సమస్య కాదని నిరూపించింది ఈ సూపర్‌ బామ్మ.ఆ బామ్మే హర్యానాలోని రోహ్తక్‌ జిల్లా సుందనా గ్రామానికి చెందిన 82 ఏళ్ల సుఖ్మా. ఆమె కొత్త విషయాలను ప్రయత్నిస్తూ..ఆనందాన్ని పొందుతోంది. 74 ఏళ్ల వయసులో ద్విచక్ర వాహనాలు నేర్చుకుంటూ ..వయసుకి ఏ మాత్రం సంబంధం లేని సాహసాలు చేస్తోంది. ఏదో మనవడు సరదాగా అన్నమాటను ఆమె సీరియస్‌ తీసుకుని నేర్చుకోవడం మొదలుపెట్టి..అందర్నీ ఆశ్చర్యపోయేలా బైక్‌లు, ట్రాక్టర్‌ నడిపేస్తోందామె. ఒకరోజు ఆమె మనవడు మోటార్‌ సైకిల్‌ నడపడం నేర్చుకుంటున్నాడు. ఒక సందర్భంలో సరదాగా ఆమెతో బామ్మ మీరు కూడా బైక్‌ నడపడం నేర్చుకోండి అని అన్నాడు. సరదాగా అన్న ఆ మనవడి మాట ఆమెలో తెలియకుండానే ఆసక్తిని రేకెత్తించి మోటార్‌సైకిల్‌ని నడిపేందుకు దారితీసింది. అలా మనవడితో కలిసే బైక్‌ నడపడం నేర్చుకుంది. క్రమంగా బ్యాలెన్స్‌ చేయడం, యాక్సిలరేటర్‌ ఇవ్వడం, బ్రేకులు వేయడం అన్ని నేర్చుకుంది. అలా నిరంతర సాధనతో ఎవరి సహాయం లేకుండానే స్వయంగా బైక్‌ నడిపేంత ఆత్మవిశ్వాసాన్ని సొంతం చేసుకుంది. అలా అని అక్కడితో ఆగిపోలేదు ఈ బామ్మ సఖ్మా. ట్రాక్టర్‌లు నడపడంపై ఫోకస్‌ పెట్టి సవాలుగా తీసుకుని మరి నేర్చుకుంది. అందుకు సంబంధించిన వీడియోలు నెట్టింట వైరల్‌గా మారాయి. అంతేగాదు అంతా ఈ బామ్మను అత్యంత కూల్‌ బామ్మ అని, వయసు కేవలం అంకె మాత్రమే అని భలే నిరూపించింది అంటూ ప్రశంసిస్తూ పోస్టులు పెట్టారు. కాగా ఈ బామ్మ మాత్రం తనకు ఈ వయసులో బైక్‌లు నడపడమా అన్నా భయం కలగలేదని అంటోంది. కొత్త అనుభవాల్లో దాగున్న ఆనందం ఏంటో తెలుసుకున్నానని అంటోంది ఈ బామ్మ. ఏదైనా నేర్చుకోవడానికి వయసు ఎప్పుడు అడ్డంకి కాదని సవాలుగా తీసుకుంటే..అద్భుతాలు చేయొచ్చని అంటోందామె. అలాగే వయసు పైబడటం అంటే కొత్త అనుభవాలను వదులుకోవడం కాదు అని అంటోంది. కొన్నిసార్లు కొత్త సాహసం..చిన్న జోక్‌తో మొదలవుతుందని సుఖ్మా ఉదంత తెలుపుతోంది కదూ..!. View this post on Instagram A post shared by Dhaka Harsh (@harsh_dhaka139) ఇదీ చదవండి: సొంతూరిలో పల్లెటూరి పిల్లలా..ఫ్యాషన్‌ వేదికపై మోడల్స్‌గా మెరుపుల్‌..!

పెళ్లికి ముందు అందమైన ఫొటోలు దిగాలనుకుంది. అందుకోసం భారీ బెలూన్లతో ప్రత్యేకంగా ముస్తాబైంది. సముద్ర తీరంలో ఫొటోషూట్‌ ప్రారంభించింది. కానీ అంతలోనే ఒక్కసారిగా బలంగా వీచిన గాలులు ఆమెను భయపెట్టాయి. చేతిలో ఉన్న భారీ బెలూన్లు గాలికి ఎగరడంతో.. వాటి వెంట వధువు కూడా గాల్లోకి లేచే పరిస్థితి ఏర్పడింది. చివరకు ఫొటోగ్రాఫర్‌ చాకచక్యంగా స్పందించడంతో పెను ప్రమాదం తప్పింది. టర్కీలోని ఇస్తాంబుల్‌లో ఈ ఘటన చోటుచేసుకుంది. దీనికి సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది.ఈ ఘటనకు సంబంధించిన వివరాలు ఇలా ఉన్నాయి. బోస్ఫరస్‌ జలసంధి తీరంలో ఓ యువతి తన పెళ్లికి ముందు ఫొటోషూట్‌ కోసం వెళ్లింది. ఫొటోలు అందంగా రావాలనే ఉద్దేశంతో పెద్ద సైజులో ఉన్న లేత గోధుమ రంగు బెలూన్లను చేతిలో పట్టుకుని కెమెరాకు పోజులిచ్చింది. అయితే అదే సమయంలో బలమైన గాలులు వీయడంతో బెలూన్లు ఒక్కసారిగా పైకి లేచాయి. వాటిని పట్టుకున్న వధువు గాలికి నిలబడలేక ఇబ్బంది పడింది. ఓ బలమైన గాలి తాకిడికి బెలూన్లు ఆమెను సమీపంలోని సముద్రపు గోడ వైపు లాగాయి. దీంతో ఆమె దాదాపు నేలపై నుంచి పైకి లేచే పరిస్థితి ఏర్పడింది. She was supposed to float down the aisle, not float away before the wedding even started. A bride-to-be was posing for photos by the water, holding a big bunch of balloons, when a gust of wind hit them head-on. Suddenly she was being dragged toward the seawall, and for a second, it looked like she might actually lift off the ground. Her photographer jumped in and grabbed her right before she slammed into a building. And like a true champ, she shook it off and finished the whole photoshoot. That photographer deserves a tip and a seat at the head table. Would you have let go of the balloons, or held on for the perfect shot?— Tony Lane 🇺🇸 (@TonyLaneNV) October 30, 2026సమీపంలోని బ్రిడ్జీని ఢీకొట్టే ప్రమాదం కనిపించడంతో ఫొటోగ్రాఫర్‌ వెంటనే అప్రమత్తమయ్యాడు. ఆమెను గట్టిగా పట్టుకుని కిందకు లాగడంతో ప్రమాదం తప్పింది. ఈ ఘటనకు సంబంధించిన వీడియో సోషల్‌ మీడియాలో వైరల్‌గా మారింది. పెళ్లి ఫొటోషూట్‌లో అందమైన జ్ఞాపకాలు మిగులుతాయని భావిస్తే.. జీవితాంతం గుర్తుండిపోయే భయానక అనుభవం ఎదురైందంటూ నెటిజన్లు వ్యాఖ్యానిస్తున్నారు. ఈ వీడియోపై ఫన్నీ కామెంట్స్‌ చేస్తున్నారు.ఇదీ చదవండి: ఇజ్రాయెల్‌లో హై టెన్షన్‌.. నెతన్యాహు ఇంటి వద్ద ఉద్రిక్తత

దుబాయ్‌కి చెందిన ఒక రియల్ ఎస్టేట్ సంస్థ తమ కంపెనీలో అద్భుతమైన ప్రతిభ కనబరిచిన టాప్ ఎంప్లాయ్‌కి ఏకంగా లంబోర్గిని ఉరుస్ (Lamborghini Urus) కారును బహుమతిగా ఇవ్వడం నెట్టింట తెగ హల్‌ చల్‌ చేస్తోంది. దీనికి సంబంధించిన ఆసక్తికర వివరాలు తెలుసుకుందాం పదండి!రిచ్‌కీ ప్రాపర్టీస్ (Richkey Properties) వ్యవస్థాపకుడు సీఈఓ దాబన్ ఓత్మాన్ (Daban Othman). రెండేళ్లలో 500 మిలియన్ డాలర్లకు పైగా అమ్మకాలను పూర్తి చేసిన రియల్ ఎస్టేట్ సూపర్‌ ఏజెంట్‌ నటాలియా చావెజ్ (Natalia Chavez)కు ఈ విలాసవంతమైన కారును బహుమతిగా ఇచ్చారు. కేవలం ఒక అవార్డును మాత్రమే ఆశించిన చావెజ్‌ను ఓత్మాన్ ఈ సర్‌ప్రైజ్‌తో ఉబ్బితబ్బిబ్బైపోయింది. View this post on Instagram A post shared by RichKey Properties (@richkey_properties)"> కంపెనీ మూడోవార్షికోత్సవ గాలా, అవార్డుల ప్రదానోత్సవంలో రిచ్‌కీ ప్రాపర్టీస్ కంపెనీలో రియల్ ఎస్టేట్ సూపర్ ఏజెంట్ నటాలియాకు ఈ కారును బహుకరించారు. 'టాప్ పెర్ఫార్మర్ ఆఫ్ 2026'గా ప్రకటించి, కంపెనీ సీఈఓ చేతుల మీదుగా ట్రోఫీని అందించారు. ఆమె అవార్డు తీసుకుని తిరిగి తన సీటు వద్దకు వెళ్తుండగా సీఈఓ దాబన్ ఒత్మాన్ ఆపి, "ఇక్కడితో ముగిసిపోలేదు, మీకు ఇంకో గిఫ్ట్‌ కూడా ఉంది" అని చెప్పారు. ఆ తరువాత కౌంట్‌డౌన్ వేసి, రిబ్బన్ కట్ చేసి ఒక బ్లూ కలర్ లంబోర్గిని కారును ఆమెకు సర్‌ప్రైజ్ గిఫ్ట్‌గా అందించారు. ఈ వేడుకలో ఆమె మొత్తం 4 ప్రధాన అవార్డులతో పాటు ఈ లగ్జరీ కారును గెలుచుకుంది. దీనికి సంబంధించిన వీడియో సోషల్ మీడియాలో వైరల్‌గా మారింది.ఇదీ చదవండి: 15 అడుగుల గోతిలో 3 బ్లూ డమ్ముల్లో కోట్ల కొద్దీ డబ్బునటాలియా గత రెండేళ్లలో దాదాపు 500 మిలియన్ డాలర్లకు (సుమారు రూ. 4,100 కోట్లు) పైగా రియల్ ఎస్టేట్ విక్రయాలు జరిపి రికార్డు సృష్టించింది.దుబాయ్‌లో లంబోర్గిని ఉరుస్ కారు ధర 9 లక్షల AED నుండి 15.5 లక్షల AED వరకు ఉంటుంది. భారతీయ కరెన్సీలో దీని విలువ దాదాపు రూ. 2.3 కోట్ల నుండి రూ. 4 కోట్లు ఉంటుంది.ఇదీ చదవండి: షాకిచ్చిన కర్ణాటక : లీటరు పాల ధర రూ. 8 పెంపు

ఛత్తీస్‌గఢ్‌లోని కొన్ని ప్రాంతాల్లో ఆకాశం ఎర్రగా మారినట్లు కనిపిస్తున్న వీడియోలు సామాజిక మాధ్యమాల్లో వైరల్‌గా మారాయి. దంతేవాడ, కిరండూల్‌ ప్రాంతాలకు చెందినవిగా చెబుతున్న ఈ దృశ్యాలను ‘అర్నబ్‌’ తుపాన్‌ ప్రభావంతో ఆకాశం రంగు మారిందంటూ పలువురు షేర్‌ చేస్తున్నారు. అయితే, ఛత్తీస్‌గఢ్‌లో ఆకాశం ఎర్రగా మారడానికి తుపానే కారణమని నిపుణులు స్వతంత్రంగా నిర్ధారించలేదు.తుపాన్ల సమయంలో బలమైన గాలులు దుమ్ము, ఇసుక, ఇనుము అధికంగా ఉండే ఎర్రటి మట్టిని పెద్ద మొత్తంలో పైకి ఎగదోసి వాతావరణంలోకి తీసుకెళ్లే అవకాశం ఉందని నిపుణులు వివరించారు. ఇలాంటి పరిస్థితుల్లో ఆకాశం ఎరుపు రంగులో కనిపించవచ్చని తెలిపారు. అయితే, ఛత్తీస్‌గఢ్‌లో ప్రస్తుతం కనిపిస్తున్న దృశ్యాలకు ఇదే కారణమని నిర్ధారణ కాలేదు.ఈ దృశ్యాలు సామాజిక మాధ్యమాల్లో పలువురి దృష్టిని ఆకర్షించాయి. కొందరు ప్రముఖ వెబ్‌ సిరీస్‌ ‘స్ట్రేంజర్‌ థింగ్స్‌’తో పోలుస్తూ వ్యాఖ్యలు చేశారు. ఒకరు ‘తలకిందులైందా?’ అని ప్రశ్నించగా, మరొకరు ‘వెక్నా వస్తున్నాడు’ అని పేర్కొన్నారు. ఇంకొందరు ‘ఈవిల్‌ డెడ్‌’ సినిమా నేపథ్యాన్ని గుర్తుచేసుకున్నారు. ఆకాశం రంగు మారడం ప్రమాదకరమై ఉండవచ్చని కొందరు ప్రజలను అప్రమత్తంగా ఉండాలని కోరారు.ఆస్ట్రేలియాలోనూ ఇలాంటి దృశ్యాలుఈ ఏడాది మేలో ఆస్ట్రేలియా పశ్చిమ ప్రాంతంలోని డెన్హామ్‌ను ‘నారెల్‌’ తుఫాన్‌ తాకిన సమయంలోనూ ఆకాశం ఇలాగే ఎర్రగా కనిపించింది. అమెరికాలోని జాతీయ పర్యావరణ ఉపగ్రహాలు, సమాచారం, విశ్లేషణ విభాగం ప్రకారం.. ఆ ప్రాంతంలోని మట్టిలో ఇనుము అధికంగా ఉంటుంది. తుపాను పరిస్థితుల్లో ఈ మట్టి వేగంగా కదలడం, గాలిలోకి ఎగరడం వల్ల ఆకాశం అంగారక గ్రహంపై ఉన్నట్లుగా కనిపించవచ్చు.అర్నబ్‌ తుపాన్‌ ప్రభావంఅర్నబ్‌ తుఫాన్‌ అక్టోబర్‌ 28న ఆంధ్రప్రదేశ్‌ తీరాన్ని తాకింది. గంటకు 130 కిలోమీటర్ల వేగంతో నిరంతర గాలులు వీచాయి. భారత వాతావరణ విభాగం ఈ తుఫాన్‌ను ‘అత్యంత తీవ్ర తుపాన్‌’గా వర్గీకరించింది. దీని ప్రభావంతో చెట్లు నేలకూలడం, పంటలు, ఇళ్లు నీటమునగడం, చేపల వేటకు ఆటంకం కలగడం, రవాణా, విద్యుత్‌ వ్యవస్థలకు అంతరాయం ఏర్పడటం వంటి నష్టాలు సంభవించాయి.ఇదీ చదవండి: సైకిల్‌ను తుక్కు తుక్కుగా ఓడించాలి: ఆర్కే రోజాతుపాన్‌ ప్రభావాలు అక్టోబర్‌ 31 వరకు కొనసాగే అవకాశం ఉన్నాయని అంచనా. ఆంధ్రప్రదేశ్‌ నుంచి బిహార్‌ వరకు పలు రాష్ట్ర ప్రభుత్వాలు తుఫాన్‌ ప్రభావిత ప్రాంతాల్లో సహాయక, రక్షణ చర్యలకు ఏర్పాట్లు చేశాయి. ఛత్తీస్‌గఢ్‌లో ఎర్రటి ఆకాశం వెనుక అసలు కారణం ఏమిటన్నది తేలాలంటే స్వతంత్ర వాతావరణ పరిశీలనలు, నిపుణుల నిర్ధారణ అవసరం. View this post on Instagram A post shared by pankaj Bhardwaj (@pankaj1012bhardwaj)

దోసె, ఫిల్టర్‌ కాఫీ ఈ కాంబో అంటే ఎవ్వరికి మాత్రం ఇష్టం ఉండదు. ఇక దక్షిణాది ఆహార ప్రియులకైతే ఫిల్టర్‌ కాఫీ లేనిదే రోజు గడవదు అంటే అతిశయోక్తి కాదు. కానీ దోసె, ఫిల్టర్ కాఫీకి ఒక జర్మన్ యువకుడు, కంటెంట్ క్రియేటర్ ఫిదా కావడం విశేషం. ఈ రెండూ తనకు ఎంత ఇష్టమో సొంత ఇంట్లో ఉన్న ఫీలింగ్‌ అంటూ వీడియోను సోషల్ మీడియాలో పంచుకున్నాడు.కొత్త దేశానికి వెళ్లినప్పుడు తరచుగా అక్కడి విభిన్న ఆహారానికి అలవాటు పడాల్సి వస్తుంది. కానీ కొన్ని వంటకాలు నెమ్మదిగా మనకు ఇష్టమైనవిగా మారిపోతాయి. అచ్చం ఇలాగే బెంగళూరులో నివసిస్తున్న 'మ్యాడ్స్' (Mads) అనే జర్మన్ కంటెంట్ క్రియేటర్ దక్షిణ భారతదేశంలో అత్యంత ఇష్టపడే భోజనాలలో ఒకటైన దోసె ఫిల్టర్ కాఫీని తాను ఇప్పుడు ఎంతగా ఆస్వాదిస్తున్నాడో పంచుకున్నాడు. జయానగర్‌లోని హోటల్‌లో (Dakshin Thindi) దోసె,ఫిల్టర్ కాఫీని ఆస్వాదిస్తున్న వీడియోను సోషల్ మీడియాలో పంచు కున్నాడు. కాలేజీ ముగిసిన తర్వాత జయానగర్‌లో దోసె, కాఫీ తాగడం తనకు స్వదేశంలో ఉన్నంత సొంత అనుభూతిని ఇస్తోందని పేర్కొన్నాడు.నెటిజన్ల కామెంట్లుఈ పోస్ట్‌పై స్పందిస్తూ, ఒక యూజర్, “మరి నేను ఇక్కడ జర్మనీలో డోనర్ తింటున్నాను” అని రాశారు. ఈ వీడియోను చూసిన నెటిజన్లు "దోశ తిని సగం భారతీయుడిగా మారిపోయాడు", "అతనికి అధికారికంగా ఆధార్ కార్డ్ మంజూరు చేయవచ్చు", "ఇకపై అతను జయానగర్ లోకల్" అంటూ ఫన్నీ కామెంట్లు వెల్లువెత్తాయి. మరొకరు, దోసె తిన్న తర్వాత కాఫీ తాగితే ఆ అనుభూతే వేరు అని పేర్కొన్నారు.. “బ్రోకి ఎదురుగా కాలిఫోర్నియా బురిటో ఉన్నా, అతను మాత్రం దక్షిణ తిండినే ఎంచుకున్నాడు. సంస్కృతిని గౌరవించడం అంటే ఇదే.” కదా ఇంకొకరు వ్యాఖ్యానించారు. < View this post on Instagram A post shared by Mads (@mads.farwick)ఇదీ చదవండి: రూ. 20 కచోరి తిందామని ఆగితే.. రూ. 20 లక్షలు మాయం! మరో విశేషం ఏమిటంటే..డెన్మార్క్‌కు చెందిన పీటర్ (Peter Kjærgaard Christensen) అనే వ్యక్తి బెంగళూరులో 6 నెలలు నివసించిన తర్వాత అతని రుచులు ఎలా మారాయో ఒక వీడియో ద్వారా పంచుకున్నాడు. మొదట్లో మసాలా దోసె కారంగా అనిపించి, స్పూన్ , ఫోర్క్‌తో తినడం కష్టంగా అనిపించేదట. అదే పీటర్‌ ఆరు నెలల తర్వాత చేత్తో తినడమే కాకుండా, ఇంకా కాస్త ఎక్కువ కారం వేయమని అడిగే స్థాయికి మారి పోవడం విశేషమే మరి. ఇదీ చదవండి: బౌద్ధసన్యాసికి భిక్షవేసి కాళ్లు మొక్కిన యాచకుడు : వీడియో వైరల్‌

కోల్‌కతాలోఒక అమానుష ఘటన చోటు చేసుకుంది. ఈ ఘటనకు సంబంధించిన సీసీటీవీ (CCTV) ఫుటేజ్ సోషల్ మీడియాలో వైరల్‌గా మారింది. సంజయ్ కపూర్ అనే ఎక్స్ (X) వినియోగదారుడు ఈ ఫుటేజ్‌ను సోషల్ మీడియాలో షేర్ చేశారు.నిందితుడి పేరు ప్రకాష్ బచావత్ అని, బాధితురాలు దీపికా జైన్ అని ఆ పోస్టులో పేర్కొన్నారు. దీని ప్రకారం ఒక అపార్ట్‌మెంట్ లాబీలో ఒక వ్యక్తి మహిళపై దాడి చేశాడు. బాధితురాలు లేచి అక్కడి నుంచి వెళ్లి పోవడానికి ప్రయత్నించగా, ఆమెను చెంపదెబ్బ కొట్టి మరీ జుట్టు పట్టుకుని లాబీ బయటకు ఈడ్చుకెళ్లాడు. కింద పడేసి దాడి చేశాడు. ఆ సమయంలో అక్కడే ఉన్న సెక్యూరిటీ గార్డు చూస్తూ ఉండిపోయాడు.ఈ ఘటన అక్టోబర్ 10న జరిగినట్లు తెలుస్తోంది. సీసీటీవీలో రికార్డైన ఈ దృశ్యాలు నెటిజన్లలో తీవ్ర ఆగ్రహాన్ని కలిగిస్తున్నాయి. కోల్‌కతా పోలీసులు దీనిపై విచారణ జరిపి చర్యలు తీసుకోవాలని కోరారు. Horrific CCTV footage is circulating from Kolkata. The heartless and ruthless perpetrator reportedly is apparently some Prakash Bachawat and the victim is some Dipika Jain, or names to that effect. @KolkataPolice, please verify the footage, investigate this alleged criminal behaviour, and take strict action in accordance with the law. @SuvenduWB @BJP4Bengal @KPDetectiveDept— Sanjay Kapur (@sanjay1193) October 26, 2026 ఇదీ చదవండి: 15 ఏళ్లలో 38 మందిని చంపి తిన్న సీరియల్‌ కిల్లర్‌ అరెస్ట్‌ ఈ ఘటనపై కఠిన చర్యలు తీసుకోవాలని కోరుతూ సంజయ్ కపూర్ కోల్‌కతా పోలీస్, పశ్చిమ బెంగాల్ ముఖ్యమంత్రి, బీజేపీ విభాగం ,అదనపు పోలీస్ కమిషనర్ల అధికారిక ఖాతాలను ట్యాగ్ చేశారు.ఇదీ చదవండి: కర్ణాటకలో ఎస్‌ఐఆర్‌ కలకలం : సుమారు కోటి మందికి భారీ షాక్‌!అయితే ఈ ఘటనపై కోల్‌కతా పోలీసులు ఇంకా అధికారికంగా ఎలాంటి ప్రకటన విడుదల చేయలేదు. వీడియోలో ఉన్నది ఎవరు?, ఈ దాడికి గల కారణాలు ఏంటి అనేదానిపై అధికారిక నిర్ధారణ ఏదీ ఇంకా వెలువడ లేదు.

ప్రజాస్వామ్యానికి పట్టుకొమ్మలైన ఓటర్ల గుర్తింపు కార్డులే నది ఒడ్డున గుట్టలుగా కనిపిస్తే? ఓటు హక్కు భద్రతపై అనుమానాలు రేకెత్తితే? మధ్యప్రదేశ్‌లో వెలుగుచూసిన ఈ ఘటన ఇప్పుడు రాజకీయ దుమారం రేపుతోంది. నర్మదా నది ఒడ్డున వేలాది ఓటర్‌ ఐడీ కార్డులు బయటపడటంతో తీవ్ర కలకలం చెలరేగింది. అసలు ఆ కార్డులు అక్కడికి ఎలా చేరాయి? ఎవరు పడేశారు? ఓటర్ల హక్కులతో ఎవరైనా ఆటలాడారా? కాంగ్రెస్‌ తీవ్ర ఆరోపణలు చేస్తూ ఎఫ్‌ఐఆర్‌కు డిమాండ్‌ చేస్తుండగా.. అధికారులు విచారణకు ఆదేశించారు. దీనికి సంబంధించిన వీడియో సోషల్‌ మీడియాలో చక్కర్లు కొడుతోంది.వివరాల మేరకు.. మధ్యప్రదేశ్‌లోని ఖర్గోన్‌ జిల్లాలో మండ్లేశ్వర్‌ వద్ద నర్మదా ఘాట్‌ సమీపంలో ఓటర్‌ ఐడీ కార్డులు చెల్లాచెదురుగా పడి ఉండటాన్ని ఆదివారం ఉదయం పారిశుద్ధ్య కార్యక్రమంలో పాల్గొన్న నిస్వార్థ సేవా సమితి సభ్యులు గుర్తించారు. దీనికి సంబంధించిన వీడియో సామాజిక మాధ్యమాల్లో వైరల్‌ కావడంతో అధికారులు అప్రమత్తమయ్యారు. రెవెన్యూ అధికారులు, పోలీసులు ఘటనా స్థలానికి చేరుకుని కార్డులను స్వాధీనం చేసుకున్నారు. వాటి వివరాలను నమోదు చేసి దర్యాప్తు ప్రారంభించారు.ఇండోర్‌ ఓటర్ల కార్డులేనా?ఈ ఘటనలో బయటపడిన కార్డుల్లో ఎక్కువ భాగం ఇండోర్‌లోని రావు అసెంబ్లీ నియోజకవర్గ ఓటర్లకు చెందినవిగా భావిస్తున్నారు. అయితే, ఈ కార్డులు అక్కడికి ఎలా వచ్చాయి? ఎప్పటి నుంచి అక్కడ ఉన్నాయి? ఎవరైనా ఉద్దేశపూర్వకంగా పడేశారా? అన్న ప్రశ్నలకు ఇంకా సమాధానాలు లేవు. అసలు ఎన్ని కార్డులు లభించాయన్నది కూడా అధికారులు నిర్ధారించాల్సి ఉంది.Voter ID Cards Allegedly Found Dumped Along The Banks Of Narmada In MP's Khargone District #Khargone #VoterIDCards #Narmada https://t.co/JFOQMcMESU— Abhishek Tiwari (@ABHISHEKishere) October 25, 2026కాంగ్రెస్‌ ఆగ్రహం..ఈ ఘటనపై కాంగ్రెస్‌ కార్యకర్తలు మండ్లేశ్వర్‌ పోలీస్‌ స్టేషన్‌ ఎదుట నిరసనకు దిగారు. స్వాధీనం చేసుకున్న కార్డుల్లో కొన్నింటిని పోలీసు అధికారులకు అందజేసి, కేసు నమోదు చేయాలని కోరారు. ఖర్గోన్‌ జిల్లా కాంగ్రెస్‌ అధ్యక్షుడు రవి నాయక్‌ మాట్లాడుతూ, ఇంత పెద్ద సంఖ్యలో ఓటర్‌ ఐడీ కార్డులు నది ఒడ్డున కనిపించడం అనేక అనుమానాలకు తావిస్తోందని ఆరోపించారు. ఎన్నికల అక్రమాలు జరిగాయా అనే కోణంలోనూ నిష్పక్షపాతంగా విచారణ జరపాలని డిమాండ్‌ చేశారు. మరోవైపు.. మహేశ్వర్‌ సబ్‌ డివిజనల్‌ మేజిస్ట్రేట్‌ పూర్వ మండ్లోయ్‌ ఈ ఘటనను ధ్రువీకరించారు. విచారణ కోసం తహసీల్దార్‌ను పంపినట్లు తెలిపారు. పోలీసులకు కూడా లిఖితపూర్వక ఫిర్యాదు అందిందని, దాని ఆధారంగా విచారణ కొనసాగుతోందని అధికారులు వెల్లడించారు. కార్డులు ఎక్కడి నుంచి వచ్చాయి, వాటిని ఎవరు అక్కడ పడేశారు, వాటి వెనుక నిర్లక్ష్యం ఉందా? లేక ఉద్దేశపూర్వక చర్య ఉందా? అన్నది దర్యాప్తులో తేలాల్సి ఉంది.ఓటు హక్కుకు భద్రత ఉందా?ఓటర్‌ ఐడీ కార్డులు పెద్ద సంఖ్యలో ఒకేచోట బయటపడటం ఆందోళన కలిగించే విషయమే. కార్డుల యజమానులు, వాటి స్థితి, ఎన్నికల రికార్డులతో వాటి సంబంధం వంటి అంశాలపై విచారణ పూర్తయితేనే వాస్తవాలు వెలుగులోకి వస్తాయి. ఇప్పుడు అందరి దృష్టి దర్యాప్తుపైనే ఉంది. నర్మదా నది ఒడ్డున ఓటర్‌ ఐడీ కార్డులు ఎందుకు కనిపించాయి? ఇది సాధారణ నిర్లక్ష్యమా? లేక దీని వెనుక మరేదైనా కారణం ఉందా? అనేది తేలాల్సి ఉంది. ఇదీ చదవండి: అంకితా భండారీ కేసులో మరో ట్విస్ట్‌.. నటి ఉర్మిళ అరెస్ట్‌

ఫ్రాన్స్‌లో నిరసనల సెగ రోజురోజుకూ పెరుగుతోంది. ఓ వైపు పోలీసుల బాష్ప వాయు ప్రయోగాలు, వాటర్‌ క్యానన్లతో ఆందోళనకారులను చెదరగొట్టే ప్రయత్నాలు జరుగుతుండగా.. మరో వైపు నిరసనల్లోకి సూపర్‌ హీరోలు కూడా ఎంట్రీ ఇచ్చారు. బ్లాక్‌ పాంథర్‌, కెప్టెన్‌ అమెరికా, స్పైడర్‌మ్యాన్‌, సూపర్‌మ్యాన్‌, డెడ్‌పూల్‌ వంటి సూపర్‌హీరోల వేషధారణలో ఆందోళనల్లో పాల్గొని ప్రత్యేక ఆకర్షణగా నిలుస్తున్నారు. ఇందుకు సంబంధించిన వీడియోలు సోషల్‌ మీడియాలో వైరల్‌గా మారాయి. తాజాగా పారిస్‌లో జరిగిన నిరసనల్లో బ్లాక్‌ పాంథర్‌, కెప్టెన్‌ అమెరికా వేషధారణలో ఉన్న ఇద్దరు వ్యక్తులు సందడి చేశారు. వారు తమదైన శైలిలో విన్యాసాలు చేస్తుండగా.. చుట్టూ ఉన్న ఆందోళనకారులు వారితో ఫొటోలు దిగారు. అనంతరం వారిద్దరూ నిరసనకారులతో కలిసి నినాదాలు చేస్తూ ఉత్సాహాన్ని నింపే ప్రయత్నం చేశారు. మరో వైపు భద్రతా సిబ్బంది బారికేడ్లతో ఆ ప్రాంతాన్ని కాపలా కాస్తున్న దృశ్యాలు వీడియోలో కనిపించాయి.నిరసనల్లో పాల్గొంటున్నవారు పోలీసుల చర్యలను ఎదుర్కొనేందుకు ప్రత్యేక జాగ్రత్తలు తీసుకుంటున్నారు. చాలామంది ముఖాలకు మాస్కులు ధరించడంతో పాటు కళ్లకు రక్షణ కళ్లద్దాలు పెట్టుకుంటున్నారు. దాదాపు అందరూ హెల్మెట్లు ధరించి కనిపిస్తున్నారు. పోలీసులు లాఠీచార్జి చేసినా, బాష్పవాయు గోళాలు ప్రయోగించినా వాటి ప్రభావం తగ్గించుకునేందుకు ఈ ఏర్పాట్లు చేసుకుంటున్నారు.ఫ్రాన్స్‌లో జీవన వ్యయం పెరగడం, విద్యా రంగానికి నిధులు తగ్గడం వంటి అంశాలపై ప్రజలు ఆందోళనకు దిగుతున్నారు. దేశవ్యాప్తంగా వివిధ నగరాల్లో నిరసనలు హింసాత్మకంగా మారాయి. దాదాపు నాలుగు లక్షల మంది వీధుల్లోకి రావడంతో ప్రభుత్వం భద్రతా బలగాలను భారీగా మోహరించింది. ఈ క్రమంలో దాదాపు వెయ్యి మందిని అరెస్ట్‌ చేసినట్లు అక్కడి మీడియా కథనాలు వెల్లడించాయి.ఫ్రాన్స్‌ అంతర్గత వ్యవహారాల మంత్రి లారెంట్‌ నూనెజ్‌ కీలక వ్యాఖ్యలు చేస్తూ.. దేశంలోని పలు ప్రాంతాల్లో జరిగిన దోపిడీలు, హింసను నియంత్రించడం పోలీసులకు కష్టంగా మారిందని ఆయన పేర్కొన్నారు. తన పదవికి రాజీనామా చేసేందుకు కూడా ఆయన ముందుకొచ్చినట్లు వార్తలు వచ్చాయి. అయితే అధ్యక్షుడు ఇమ్మాన్యుయేల్‌ మాక్రాన్‌ అందుకు అంగీకరించలేదని సమాచారం.Matter so serious even Captain America, Darth Vader, Napoleon, and Pigeon Doctor joined the French protest🤣 🇫🇷 https://t.co/MmBirO5fTs— Max (@max4geopolitics) October 18, 2026ఇదీ చదవండి: బతకడం కోసం కాలునే కోసుకున్నాడు!

న్యూజిలాండ్‌తో జ‌రిగిన రెండో టీ20లో టీమిండియా 4 వికెట్ల తేడాతో విజ‌యం సాధించిన సంగ‌తి తెలిసిందే. తెలుగు క్రికెట‌ర్లు తిల‌క్ వ‌ర్మ (26 బంతుల్లో 51 నాటౌట్‌; 6 ఫోర్లు, ఒక సిక్స‌ర్‌), నితీశ్‌కుమార్ రెడ్డి (13 బంతుల్లో 26 నాటౌట్‌) ఆఖ‌రిదాకా నిలిచి జ‌ట్టును గెలిపించారు. ఈ నేప‌థ్యంలో ఈ జోడీ ఏడో వికెట్‌కు అజేయంగా 69 ప‌రుగులు జోడించ‌డం విశేషం. అయితే వీరిద్ద‌రు క‌లిసి బ్యాటింగ్ ఆడుతున్న స‌మ‌యంలో ప‌ర‌స్ప‌రం తెలుగులో మాట్లాడుకోవ‌డం ప్ర‌స్తుతం సోష‌ల్ మీడియాలో వైర‌ల్‌గా మారింది. ఇద్ద‌రు తెలుగువాళ్లే కావ‌డంతో స్థానిక భాష మాట్లాడ‌డం పెద్ద‌గా ఆశ్చ‌ర్యప‌ర‌చ‌న‌ప్పటికీ, ఒక అంత‌ర్జాతీయ మ్యాచ్‌లో.. అందునా విదేశీ గ‌డ్డ‌పై నితీశ్ రెడ్డి, తిల‌క్ వ‌ర్మ తెలంగాణ యాస‌లో మాట్లాడ‌డం అంద‌రి దృష్టిని ఆక‌ర్షించింది. ఇన్నింగ్స్ 17వ ఓవ‌ర్ తొలి బంతి త‌ర్వాత ఈ ఘ‌ట‌న చోటుచేసుకుంది. స్ట్రైక్‌లో ఉన్న తిల‌క్ వ‌ర్మ మాట్లాడుతూ..‘‘నువ్వు కాల్ ఇవ్వ‌లేదు..’’ అన‌గానే, నాన్‌స్ట్రైక్ ఎండ్‌లో ఉన్న నితీశ్ రెడ్డి వెంట‌నే.. ‘‘నువ్వు వ‌చ్చేసేయ్‌.. నేను వ‌చ్చేస్తా ఆరాంసే’’ అని తెలిపాడు. దీనికి తిల‌క్.. ‘‘రేయ్ రెండు అని చెప్పురా పోనీ.. నేను ముందొచ్చి వెయిట్ చేస్తున్నా నీకోసం’’ అని గ‌ట్టిగా అరుస్తూ చెప్ప‌డం క‌నిపించింది. వీరిద్ద‌రి మ‌ధ్య జ‌రిగిన సంభాష‌ణ మైక్ స్టంప్‌లో రికార్డ‌ర‌వ్వడంతో మాట‌లు వెలుగులోకి వ‌చ్చాయి.మ్యాచ్ విష‌యానికొస్తే.. తొలుత బ్యాటింగ్ చేసిన న్యూజిలాండ్‌ నిర్ణీత 20 ఓవర్లలో ఐదు వికెట్ల నష్టానికి 180 పరుగులు సాధించింది. టాపార్డర్‌లో ఓపెనర్లు టిమ్‌ సీఫర్ట్‌ (7), ఫిన్‌ అలెన్‌ (16)... డారిల్‌ మిచెల్‌ (6) విఫలమైనా.. గ్లెన్‌ ఫిలిప్స్‌, బేవాన్‌ జేకబ్స్‌ అర్ధ శతకాలతో అదరగొట్టారు. టీమిండియా బౌలర్లలో అర్ష్‌దీప్‌ సింగ్‌ రెండు వికెట్లు కూల్చగా.. భువనేశ్వర్‌ కుమార్‌, ప్రిన్స్‌ యాదవ్‌, నితీశ్‌ రెడ్డి తలా ఒక వికెట్‌ తీశారు. అనంత‌రం బ్యాటింగ్‌కు దిగిన టీమిండియాకు ఆదిలోనే ఎదురుదెబ్బలు తగిలాయి. ఓపెనర్లు సంజూ శాంసన్‌ (17 బంతుల్లో 14), అభిషేక్‌ శర్మ (21 బంతుల్లో 27) నిరాశపరిచారు. ఈ తరుణంలో వైస్‌ కెప్టెన్‌ తిలక్‌ వర్మకు తోడైన ఆల్‌రౌండర్‌ నమన్‌ ధీర్‌ మెరుపు ఇన్నింగ్స్‌ (17 బంతుల్లో 31) ఆడాడు. తిలక్‌ వర్మ 25 బంతుల్లో అర్ధ శతకం పూర్తి చేసుకోగా.. నితీశ్‌ రెడ్డి 13 బంతుల్లో ఒక ఫోర్‌, ఒక సిక్సర్‌ బాది 26 పరుగులతో అజేయంగా నిలిచాడు. కివీస్‌ బౌలర్లలో కెప్టెన్‌ మిచెల్‌ సాంట్నర్‌ నాలుగు వికెట్లు తీశాడు.Andhra vs Telangana ❌ Seeing our Telugu boys Nitish Kumar Reddy and Tilak Varma stand up for India at the international level and Speaking in Native Language♥️♥️💪 https://t.co/OM5LkwVCzc— పోరా కుయ్యా (@karthik14321) October 24, 2026తిలక్ - నువ్వు కాల్ ఇవ్వలేదు నితీష్ - నువ్వు వచ్చేసేయ్ నేను వచ్చేస్తా ఆరాంసే తిలక్ - రేయ్ రెండు అని చెప్పురా పోనీ ఎంత బాగుందో ఇంటర్నేషనల్ మ్యాచ్ లో తెలుగులో మాట్లాడుకుంటుంటే 😍 https://t.co/pkhzaiWJXZ— పల్నాడు పెద్దిరెడ్డి (@MrHyperReddy) October 24, 2026 THE BOYS FROM HYDERABAD - Tilak & Nitish 🥹❤️ https://t.co/kDqJwfFmjV— Johns. (@CricCrazyJohns) October 24, 2026 Stood out when it mattered the most 🇮🇳 Stay tuned for a special chat coming soon on https://t.co/DTi7UzPc4R ⏳ #TeamIndia | #INDvNZ | @TilakV9 | @NKReddy07 https://t.co/6maSFMr34h— BCCI (@BCCI) October 24, 2026ఇదీ చదవండి: జోరు సాగనీ...నాలుగో స్థానంతో ముగించిన భారత్‌

ఆస్ట్రేలియాతో రెండో టెస్టు మ్యాచ్‌లో సౌతాఫ్రికా కెప్టెన్‌ తెంబా బవుమా అదరగొట్టాడు. టాపార్డర్‌ విఫలమైన వేళ భారీ శతకం (334 బంతుల్లో 179)తో దుమ్ములేపాడు. అతడికి తోడుగా మార్కో యాన్సన్‌ (85), సైమన్‌ హార్మర్‌ (82) అర్ధ శతకాలతో రాణించగా.. తొలి ఇన్నింగ్స్‌లో సౌతాఫ్రికా భారీ స్కోరు (425-9 డిక్లేర్డ్‌) సాధించగలిగింది.ఆసక్తికర ఘటన ఆ తర్వాత ఆసీస్‌ను స్వల్ప స్కోర్లకే ఆలౌట్‌ చేసి ఇన్నింగ్స్‌ 31 పరుగుల తేడాతో ఓడించి.. ఘన విజయం సాధించింది. అయితే, ఈ మ్యాచ్‌ సందర్భంగా ఓ ఆసక్తికర ఘటన చోటు చేసుకుంది. ఆసీస్‌ రెండో ఇన్నింగ్స్‌లో కగిసో రబడ బౌలింగ్‌లో స్టీవ్‌ స్మిత్‌ (3) ఇచ్చిన క్యాచ్‌ను అందుకునే క్రమంలో తడబడిన మాథ్యూ బ్రీట్జ్కే.. ఎట్టకేలకు పనిపూర్తి చేశాడు.అయితే, ఆ సమయంలో బ్రీట్జ్కేకు సమీపంలో ఫీల్డింగ్‌ చేస్తున్న బవుమా క్యాచ్‌ అందుకోవడాన్ని చూడకుండా.. మొహం తిప్పేసుకుని.. ప్రేక్షకుల వైపు చూస్తూ ఉండిపోయాడు. ఇందుకు సంబంధించిన వీడియో వైరల్‌ కాగా.. బవుమా తీరుపై జోకులు, సెటైర్లు పేలాయి. View this post on Instagram A post shared by SuperSport (@supersporttv)హై క్యాచెస్‌ అందుకోవడం చాలా కష్టంఈ ఘటనపై బవుమా స్పందించాడు. తాను వెనక్కి తిరగడానికి గల కారణాన్ని మీడియాకు వెల్లడించాడు. ‘‘ఆ సమయంలో నేను చాలా ఆందోళనగా ఉన్నాను. సెయింట్‌ జార్జ్‌ మైదానంలో హై క్యాచెస్‌ అందుకోవడం చాలా కష్టం. ముఖ్యంగా గాలి వీస్తున్నప్పుడు క్యాచ్‌ పట్టడం అంటే మామూలు విషయం కాదు.అందుకే వెనక్కి తిరిగానుఅప్పుడు ఎవరు క్యాచ్‌ పడుతున్నారో నేను చూడనేలేదు. కాబట్టి సదరు ఆటగాడి మీద నాకు నమ్మకం లేకే పక్కకు తిరిగాననుకోవడం పొరపాటు. నిజానికి మ్యాచ్‌కు అదే మలుపు లాంటిది. స్టీవ్‌ స్మిత్‌ వంటి కీలక ఆటగాడిని అవుట్‌ చేయడం పెద్ద విషయం. ఆ సమయంలో ఏమాత్రం పొరపాటు జరిగినా కష్టంగా ఉండేది. నేను నా భావోద్వేగాలను కాస్త అదుపు చేసుకోవాల్సింది’’ అని బవుమా చెప్పుకొచ్చాడు.మ్యాచ్‌ విషయానికొస్తే.. ఎబెహా వేదికగా కట్టుదిట్టమైన బౌలింగ్‌తో మెరిపించిన దక్షిణాఫ్రికా జట్టు రెండో టెస్టులో ఆసీస్‌పై ఇన్నింగ్స్‌ 31 పరుగుల తేడాతో గెలిచింది. ఫాలోఆన్‌ ఆడుతూ ఓవర్‌నైట్‌ స్కోరు 156/4తో చివరిరోజు గురువారం రెండో ఇన్నింగ్స్‌ కొనసాగించిన కంగారూ జట్టు.. 107.1 ఓవర్లలో 295 పరుగులకు ఆలౌటైంది. వర్షం కారణంగా తొలి సెషన్‌లో ఆట సాధ్యం కాకపోయినా... లంచ్‌ తర్వాత ఆట ప్రారంభంకాగా... టీ విరామానికి ఆ్రస్టేలియా 253/6తో నిలిచింది. టీ విరామం తర్వాత దక్షిణాఫ్రికా బౌలర్ల ధాటికి ఆ్రస్టేలియా మరో 42 పరుగులు జోడించి మిగతా 4 వికెట్లు కోల్పోయి ఓడిపోయింది. ఆసీస్‌ ఓపెనర్‌ ట్రావిస్‌ హెడ్‌ (190 బంతుల్లో 121; 15 ఫోర్లు) సెంచరీ పూర్తి చేసుకున్నాడు. నైట్‌ వాచ్‌మన్‌ బోలాండ్‌ (166 బంతుల్లో 40; 6 ఫోర్లు), అలెక్స్‌ కేరీ (69 బంతుల్లో 37 నాటౌట్‌; 4 ఫోర్లు) పోరాడినా ఆసీస్‌ను గట్టెక్కించలేకపోయారు. దక్షిణాఫ్రికా బౌలర్లలో రబాడ 4 వికెట్లు, ముల్డర్‌ 3 వికెట్లు, హార్మర్‌ 2 వికెట్లు తీశారు. దక్షిణాఫ్రికా కెప్టెన్‌ బవూమాకు ‘ప్లేయర్‌ ఆఫ్‌ ద మ్యాచ్‌’ అవార్డు లభించింది. మూడు టెస్టుల సిరీస్‌లో రెండు జట్లు చెరో మ్యాచ్‌లో గెలిచి 1–1తో సమంగా ఉన్నాయి. చివరిదైన మూడో టెస్టు ఈనెల 27 నుంచి మొదలుకానుండగా.. ఇందుకు కేప్‌టౌన్‌ వేదిక.చదవండి: కేఎల్‌ రాహుల్‌ అవుట్‌!.. భారత జట్టులో అతడికి చోటుTemba Bavuma talks about the reason why he turn around when the fielder was taking the catch of Steve Smith 😂 https://t.co/iSjTqHFaXO— Johns. (@CricCrazyJohns) October 23, 2026

ఉత్తరాఖండ్‌లోని చక్రాత ప్రాంతంలో మౌలిక వసతుల లేమిని, అక్కడి ప్రజలు ఎదుర్కొంటున్న కష్టాలను తెలియజేస్తూ ఒక వధువు చేసిన వీడియో వైరల్‌గా మారింది. పెళ్లి ముస్తాబు, దుస్తుల్లోనే సుమారు 18 కిలోమీటర్ల దూరం కఠినమైన బాటలో నడవాల్సి వచ్చిందట. తన పెళ్లి ప్రయాణం గురించి ఉత్తరాఖండ్ ముఖ్యమంత్రి పుష్కర్ సింగ్ ధామీకి చేసిన విజ్ఞప్తి నెట్టింట సందడి చేస్తోంది.उत्तराखंड के देहरादून स्थित चकराता के उदावा गांव की एक अनोखी शादी का वीडियो सोशल मीडिया पर तहलका मचा रहा है, जिसने परंपरा और विकास की पोल दोनों एक साथ खोल दी हैं! यहाँ 'जोजोड़' नाम की एक ऐसी अद्भुत परंपरा है, जिसमें दूल्हा नहीं बल्कि दुल्हन खुद अपने घर से बारात लेकर दूल्हे के द्वार जाती है! इसी सदियों पुरानी प्रथा को निभाते हुए बुल्हाड़ गांव की शर्मिला ने उदावा गांव के अनिल के साथ सात फेरे लिए, लेकिन इस शादी की चर्चा की दूसरी सबसे बड़ी वजह है गांव में सड़क का न होना! मोटर रोड न होने के कारण दुल्हन और पूरी बारात को दूल्हे के घर तक पहुंचने के लिए करीब 8 किलोमीटर का सफर ढाई घंटे में पैदल तय करना पड़ा! यही वह रास्ता है, जिससे गांव वाले किसी के बीमार पड़ने पर या बाजार जाने के लिए आज भी संघर्ष करने को मजबूर हैं! इस वायरल वीडियो ने एक तरफ जहां जौनसार-बावर की अनूठी संस्कृति की खूबसूरती दिखाई है, वहीं दूसरी तरफ बुनियादी सुविधाओं से कोसों दूर पहाड़ों के दर्द को उजागर कर दिया है! अब दुल्हन शर्मिला ने सीधे सीएम पुष्कर सिंह धामी से गुहार लगाई है कि वे उदावा गांव तक सड़क बनवाएं, ताकि भविष्य में किसी बेटी या ग्रामीण को ऐसा दर्दनाक संघर्ष न करना पड़े !!— MANOJ SHARMA LUCKNOW UP🇮🇳🇮🇳🇮🇳 (@ManojSh28986262) October 22, 2026 తమ గ్రామానికి రోడ్లు లేకపోవడం వల్ల కేవలం పెళ్లిళ్లు లాంటి శుభకార్యాలప్పుడు మాత్రమే కాదు, అత్యవసర వైద్య సహాయం కోసం వృద్ధులు, గర్భిణులు, రోగులు ఆసుపత్రులకు వెళ్లడం తీవ్రంగా ఇబ్బందికరంగా మారిందని వధువు షర్మిల తన వీడియోలో చెప్పకనే చెప్పింది. బుల్హార్ గ్రామం నుండి పెళ్లికూతురు షర్మిల బరాత్‌తో కలిసి వాహనంలో లోఖండీ వరకు చేరుకుంది. అక్కడి నుండి డెహ్రాడూన్ సమీపంలోని మారుమూల ప్రాంతమైన ఉండావాకు సరైన రోడ్డు కనెక్టివిటీ లేకపోవడంతో సుమారు 18 కిలోమీటర్లు కొండ దారిని ఆమె నడుచుకుంటూ వెళ్లాల్సి వచ్చింది. గృహప్రవేశానికి సంబంధించిన శుభ ముహూర్తం సమయం దాటిపోకూడదనే ఆరాటంతో, ఆమె తాను ధరించిన బరువైన పెళ్లి లెహంగా, నగలతోనే ఆ కఠినమైన కొండ మార్గంలో దాదాపు 4 గంటల పాటు వేగంగా నడుస్తూ, కొన్ని చోట్ల పరుగెడుతూ కనిపించింది. ఇదీ చదవండి: రూ.800కి సేల్స్‌మేన్‌ ‌: క్లీనర్‌కి లంబోర్ఘిని ఇచ్చి, హైదరాబాదీ గొప్ప మనసుగ్రామస్థులు తీసిన వీడియో ద్వారా, స్వాతంత్ర్యం వచ్చి దశాబ్దాలు గడుస్తున్నా తమ గ్రామాలకు కనీస రోడ్డు సదుపాయం, వైద్య సదుపాయాలు లేవని, వెంటనే రహదారి నిర్మించాలని ఉత్తరాఖండ్ ముఖ్యమంత్రి పుష్కర్ సింగ్ ధామికి విజ్ఞప్తి చేసింది. కాగా షర్మిల ఉదావా గ్రామానికి చెందిన అనిల్ చౌహాన్‌తో వివాహం జరిగింది. ఇక్కడి జౌన్సారీ కమ్యూనిటీ ఆచారం ప్రకారం, పెళ్లికూతురే బరాత్ ద్వారా వరుడి ఇంటికి వెళ్తుంది. ఈ సాంప్రదాయాన్ని స్థానికంగా 'జోజోడే'అని పిలుస్తారు.

ప్రసవం జరిగిన ఆరువారాలకే విక్టోరీయా సీక్రెట్‌ రన్‌వేపై నడిచింది హంగేరియన్‌కి చెందిన మోడల్‌ బార్బరా పాల్విన్‌. పైగా ర్యాంప్‌పై సర్వాంగ సుందరీలా తళుక్కుమంది. ప్రసవమైన కొద్దిరోజులకే ఇలా ఎలా వచ్చిందని అందరు ఒకటే చర్చించుకుంటున్నారు. చెప్పాలంటే ఆ అంతర్జాతీయ ఫ్యాషన్‌ షోలో ఆమె ఒక చర్చనీయాంశంగా మారింది. పైగా అంతా ఆమె మాతృత్వపు గ్లామర్‌ వెనుకున్న సీక్రెట్‌ ఏంటి అని చర్చించడం మొదలుపెట్టారు నెట్టింట. కానీ ఈ 33 ఏళ్ల సూపర్‌ మోడల్‌ పాల్విన్‌ మాత్రం ప్రసవానంతరం ఇలా తిరిగి రన్‌వేపైకి రావడం పట్ల గర్విస్తున్నాని పేర్కొంది. తనకు కుమార్తె సిల్వీ సెప్టెంబర్‌ 7, 2026న పుట్టిట్లు వెల్లడించింది. అంటే కేవలం ఆరు వారాలకే ప్రపంచంలోని అతిపెద్ద లోదుస్తుల బ్రాండ్‌లలో ఒకటైన విక్టోరియాస్ సీక్రెట్ కోసం ర్యాంప్‌పై నడిచి అందర్నీ విస్తుపోయేలా చేసింది. ఇలా ఆరువారాల తర్వాత పనికి వెళ్లడం అమెరికాలో ఇదేమంత పెద్ద విషయం కాదని కొట్టిపారేస్తోందామె. పైగా తాను హెల్దీగానే ఉన్నానని అంటోందామె. విక్టోరియాస్ సీక్రెట్ బృందం తనని షోకి ఆహ్వానించడంతో ఇలా ర్యాంప్‌పై మెరిశానని పేర్కొంది. ఇదొకరకంగా మహిళలకు మద్దతు ఇచ్చినట్లు అవ్వడమే కాకుండా స్ఫూర్తినిస్తుందని చెబుతోంది పాల్విన్‌. జస్ట్‌ ఆరువారాలకే రీ ఇంట్రీ ఇచ్చినప్పటికీ..తను అంత ఆకర్షణీయంగా కనిపించడం వెనుక ఉన్న మాతృత్వపు గ్లామర్‌ రహస్యం గురించి కూడా మాట్లాడింది.ఒక పని జరగాలంటే అందరి సహకారం కావాలి. అలాగు తను ఇంత ధైర్యంగా ర్యాంప్‌పై ఆత్మవిశ్వాసంగా రీ ఇంట్రీ ఇవ్వగలిగానంటే అందుకు తన కుటుంబం, స్నేహితులే కారణమని సగర్వంగా చెప్పింది. వాళ్లు లేకపోతే ఇంత అద్భుతంగా చేయగలిగేదాన్ని కాదంటోంది. ఆ సహాయాన్ని ఎన్నటికీ మరువనని భావోద్వేగంగా చెప్పింది పాల్విన్‌. ప్రసవానంతరం తన పరిస్థితిని అర్థం చేసుకుని తనను అందంగా ఆత్మవిశ్వాసంతో ఉండేలా చేసిన సదరు ఫ్యాషన్‌ షో విక్టోరియస్‌ సీక్రెట్‌కు కూడా ధన్యవాదాలు తెలిపింది పాల్విన్‌. ఆరువారాలకే రావడానికి రీజన్‌..ఇది తను అదృష్టవశాత్తు తీసుకున్న నిర్ణయమని అంటోంది ఈ మోడల్‌. ఈ అవకాశానికి కృతజ్ఞతలు చెప్పుకోవడమే గాక తనలాంటి అవకాశం రాని తల్లుల గురించి కూడా ఆలోచిస్తున్నానని పేర్కొంది. అందుకే ఆ క్షణం తనకెంతో గర్వకారణమని అంటోంది. అయితే అమెరికాలో మాత్రం ఇది సర్వసాధారణమని తేలిగ్గా కొట్టిపారేస్తోంది. అయితే మాతృత్వం అనేది కష్టతరమైనది, గందరగోళానికి గురి చేసిది, భావోద్వేగాలతో కూడుకున్నది అయినప్పటికీ ఇది అత్యంత విలువైనది అని అభివర్ణించింది. మనం తల్లులుగా ఎన్నో నిద్రలేని రాత్రులు గడుపుతూ మళ్లీ తిరిగి ఉద్యోగంలోకి రావడం అన్నది మాములు విషయం కాదు అత్యద్భుతమైనది అని భావోద్వేగంగా చెబుతూ తన సంభాషణను ముగించింది . View this post on Instagram A post shared by Victoria's Secret (@victoriassecret)ఇదీ చదవండి: థర్మాకోల్ బాక్స్‌తో ఏసీ..! ఆ స్టూడెంట్‌ ఆవిష్కరణకు హర్ష్ గోయెంకా ఫిదా!

దసరా వేడుకల్లో ఆయుధ పూజ తర్వాత ఏకే-47తో కాల్పులు జరిపిన ఓ మహిళా ఐపీఎస్‌ అధికారికి చిక్కులు ఎదురయ్యాయి. ఆమె కాల్పులు జరుపుతున్న వీడియో సోషల్‌ మీడియాలో వైరల్‌గా మారి విమర్శలకు దారితీయడంతో ఛత్తీస్‌గఢ్‌ పోలీస్‌ శాఖ స్పందించింది. ఆయుధాల వినియోగంలో భద్రతా నిబంధనలు ఉల్లంఘించారన్న అభ్యంతరాలతో రజ్‌నంద్‌గావ్‌ ఎస్పీ అంకితా శర్మకు షోకాజ్‌ నోటీసులు జారీ చేసింది.అక్టోబర్‌ 20న పోలీస్‌ లైన్స్‌లో సంప్రదాయ ఆయుధ పూజ నిర్వహించిన అనంతరం అంకితా శర్మ ఏకే-47తో పలుమార్లు కాల్పులు జరిపారు. ఇందుకు సంబంధించిన వీడియో ఇన్‌స్టాగ్రామ్‌లో వైరల్‌గా మారింది. ఈ ఘటనపై భిన్నాభిప్రాయాలు వ్యక్తమయ్యాయి. కొందరు ఆమె చర్యను సమర్థించగా.. మరికొందరు ఆయుధాల వినియోగంలో భద్రతా ప్రమాణాలు పాటించలేదని విమర్శించారు. వీడియోపై వచ్చిన ప్రతికూల స్పందన పోలీసు శాఖ గౌరవానికి భంగం కలిగించిందని పోలీస్‌ ప్రధాన కార్యాలయం ఆందోళన వ్యక్తం చేసింది. భద్రతా నియమాలను ఎందుకు పాటించలేదో వివరణ ఇవ్వాలని అంకితా శర్మను ఆదేశించింది. ఆమె సమాధానం అందిన తర్వాత తన అభిప్రాయాలను నమోదు చేసి పోలీస్‌ ప్రధాన కార్యాలయానికి పంపుతానని రజ్‌నంద్‌గావ్‌ రేంజ్‌ ఐజీ అజయ్‌ యాదవ్‌ తెలిపారు. అక్కడి నుంచి వచ్చే ఆదేశాల ప్రకారం తదుపరి చర్యలు తీసుకుంటామని వెల్లడించారు.CHHATTISGARH WOMAN IPS OFFICER'S AK-47 FIRING AT DUSSEHRA RITUAL SPARKS SAFETY DEBATE.SP Ankita Sharma, saying she was merely following a tradition, others criticised her handling of the weapon.A traditional 'Shastra Puja' (weapon worship) ritual was performed at Police Lines. https://t.co/3qvkVcQZLo— Preeti Sompura (@sompura_preeti) October 22, 2026మరోవైపు.. రిటైర్డ్‌ ఐపీఎస్‌ అధికారి ఆర్‌.కే. విజ్‌ మాట్లాడుతూ.. ఆయుధ పూజలో భాగంగా కాల్పులు జరపాల్సిన అవసరం లేదని అభిప్రాయపడ్డారు. ఇలాంటి చర్యలతో ప్రమాదాలు జరిగే అవకాశం ఉందని హెచ్చరించారు. అలాగే, ఛత్తీస్‌గఢ్‌లో ఆయుధ పూజ సందర్భంగా ఖాళీ తూటాలతో కాల్పులు జరపడం సంప్రదాయంలో భాగమని ఓ ఐపీఎస్‌ అధికారి పేర్కొన్నట్లు పీటీఐ తెలిపింది. అయితే, గాల్లోకి కాల్చిన తూటాలు తిరిగి కిందపడినప్పుడు సమీపంలోని వారికి గాయాలయ్యే ప్రమాదం ఉందని ఆయన హెచ్చరించారు.మాజీ సైనికాధికారి కేజే ధిల్లాన్‌ కూడా వీడియోలో కనిపించిన ఆయుధ వినియోగంపై అభ్యంతరం వ్యక్తం చేశారు. ఆయుధాన్ని వివిధ దిశల్లో గురిపెట్టడం, వెనుక ప్రజలు ఉండటం వంటి అంశాలు ప్రమాదకరమని పేర్కొన్నారు. అయితే, కొందరు సోషల్‌ మీడియా వినియోగదారులు అంకితా శర్మకు మద్దతుగా నిలిచారు. ఆయుధ వినియోగంలో లోపాలు ఉంటే సరిదిద్దాలని, వాటి ఆధారంగా ఆమె వృత్తిపరమైన సేవలను తక్కువ చేసి చూడకూడదని అభిప్రాయపడ్డారు.ఇదిలా ఉండగా, అంకితా శర్మతో పాటు అదనపు ఎస్పీ కీర్తన్‌ రాథోడ్‌ కూడా ఏకే-47తో కాల్పులు జరిపినట్లు మరో వీడియో వెలుగులోకి వచ్చింది. రాయ్‌పూర్‌, బిలాస్‌పూర్‌, రాయ్‌గఢ్‌, దుర్గ్‌, కబీర్‌ధామ్‌, బస్తర్‌ జిల్లాల్లోనూ ఆయుధ పూజ అనంతరం పోలీసులు కాల్పులు జరిపిన వీడియోలు సోషల్‌ మీడియాలో కనిపించాయి. దీంతో ఉత్సవాల సమయంలో ఆయుధాల వినియోగం, భద్రతా ప్రమాణాల అమలుపై చర్చ మొదలైంది.ఇదీ చదవండి: ఈసీలో అంతర్గత పోరు.. కమిషనర్ల ఫిర్యాదుపై కేంద్రం వెనకడుగు!

కుమార్తె పెళ్లిలో వధువు లేదా వరుడు సెంటర్‌ ఆఫ్‌ అట్రాక్షన్‌గా ఉంటారు. కానీ ఇక్కడ వధువు తండ్రే సెన్సెషన్‌గా మారాడు. పెళ్లికి వచ్చిన వాళ్లంతా కొత్త జంట గురించి కాకుండా అందరూ ఆ నాన్న గురించి మాట్లాడుకుంటున్నారు. అతడు నిజంగా తండ్రేనా అంటూ ఒకటే గుసగుసలు. పాపం ఆ అమ్మాయి భర్త సైతం మామాగారిని చూసి షాక్‌ అయ్యాడు. అసలేం జరిగిందంటే..ఈ వింత ఘటన చైనాలో చోటు చేసుకుంది. 41 ఏళ్ల జెంగ్‌ అనే తండ్రి తన 21 ఏళ్ల కూతురు పెళ్లిలో సెంటర్‌ ఆప్‌ ఎట్రాక్షన్‌గా నిలిచాడు. అందరూ అతడి గురించే మాట్లాడుకోవడం ప్రారంభించారు. అందుకు సంబంధించిన వీడియో నెట్టింట వైరల్‌ అవడంతో రాత్రికి రాత్రే సెన్సెషన్‌ స్టార్‌గా మారిపోయాడు. ఎందుకంటే అతడు తన కూతురు పక్కన నిలబడగానే అందరూ అతడిని అన్నయ్యేమో అనుకున్నారు. అతడు వధువు తండ్రిని అని తెలుసుకుని ఒక్కసారిగా విస్తుపోయారు. ఆఖరికి కాబోయే అల్లుడు సైతం మామగారి గ్లామర్‌కి ఫిదా అయిపోయాడు. అయితే జెంగ్‌ మాత్రం ఇది తనకు అలవాటైపోయిందని తేలిగ్గా కొట్టిపారేశాడు. అంతేగాదు తన కూతురితో బయటకు వెళ్తే చాలాసార్లు ఇలాంటి అనుభవం ఎదురైందని చెప్పుకొచ్చాడు. కొందరేమో తనను అన్నయ్య అనుకునేవారని, మరికొందరు బాయ్‌ఫ్రెండ్‌ అని పొరపడిన సందర్భాలు ఉన్నాయని అంటున్నాడు. తనకిదంతే మాములే అని తేలిగ్గా అనేస్తున్నాడు జెంగ్‌. నిజానికి అతడు చూస్తే 41 ఏళ్ల వ్యక్తి అని మాత్రం అనుకోరు. 20 ఏళ్ల కుర్రాడిలా ఉన్న అతడి ఆహార్యానికి ఎవ్వరైనా ఫిదా అవ్వాల్సిందే.అతడి యంగ్‌ లుక్‌ సీక్రెట్‌ ఏంటంటే..మరి ఇంతలా యంగ్‌ లుక్‌లో ఎలా కనిపిస్తున్నారని జెంగ్‌ని అడిగితే..చాలామంది తను కఠిన వ్యాయామాలు చేస్తుంటానని, ఏదో ప్రత్యేకమైన ఆహారం లాగించేస్తానని, ఏవేవో చర్మ సంరక్షణ పద్ధతు పాటిస్తున్నాని అనుకుంటారు. కానీ తను అవేమి పాటించనని అన్నారు. ఆయన చాలా సింపుల్‌గా ఆ మూడు అలవాట్ల వల్లే ఇలా కనిపిస్తున్నానని అన్నారు. వేళకు నిద్రపోవడం, క్రమం తప్పకుండా వ్యాయామం చేయడం, ‍ప్రశాంతంగా ఉండటం. ఇవే తన యంగ్‌ లుక్‌ సీక్రెట్‌ అని నవ్వుతూ చెబుతున్నాడు జెంగ్‌. ఆయన ఎట్టిపరిస్థితుల్లోనూ కోపం తెచ్చుకోకుండా ప్రశాంతంగా ఉండేందుకే ప్రయత్నిస్తానని అన్నారు. అలాగే రోజూ సుమారు పది నుంచి 12 గంటలు హాయిగా నిద్రపోతానన్నారు. వారానికి మూడు నుంచి నాలుగు సార్లు బ్యాడ్మింటన్‌ తప్పకుండా ఆడతానని అన్నారు.ఇక్కడ జెంగ్‌ చెప్పే మూడు అలవాట్లు ఆరోగ్యకరమైన జీవన విధానానికి అత్యంత ముఖ్యమైనవి. అలాగే ఆరోగ్య నిపుణులు సైతం హెల్దీ లైఫ్‌ కోసం నొక్కి చెప్పేవే. అయితే యంగ్‌ లుక్‌లో కనిపించడం మాత్రం తీసుకునే ఆహారం, ఆయా వాతావరణం, శారీర పరిస్థితులు తదితర అంశాలన్ని ముడిపడి ఉంటాయని చెబుతున్నారు. View this post on Instagram A post shared by AsianFeed (@asianfeed) ఇదీ చదవండి: కేరళ గ్రామం నుంచి లాస్ ఏంజిల్స్‌ వరకు..! ఎవరీ రవ్లీన్ వర్గీస్?

జిమ్‌లో పనిచేసే ఒక వ్యక్తి, కోట్ల రూపాయల విలువ చేసే లగ్జరీ లంబోర్ఘిని (Lamborghini) కారును ఎంతో ఆసక్తిగా గమనిస్తుండటాన్ని గమనించిన కారు యజమాని స్పందించిన తీరు నెట్టింట విశేషంగా నిలుస్తోంది. హైదరాబాద్‌కు చెందిన పారిశ్రామికవేత్త కురపాటి నాగ వెంకట రాకేష్ కుమార్ తీసుకున్న ఒక ఆసక్తికర నిర్ణయం నెటిజనులను ఆలోచింప చేస్తోంది. ఈ సంఘటనకు సంబంధించిన వీడియోను స్వయంగా రాకేష్‌ ఇన్‌స్టాగ్రామ్‌లో పంచుకున్నారు. ఈ వీడియోకు 2.7 కోట్లకు పైగా వ్యూస్ రావడం విశేషం. అసలేం జరిగిందంటే..జిమ్‌లో ప్రతిరోజూ జరిగే ఒక సాధారణ సందర్భాన్ని, క్లీనర్‌గా పనిచేస్తున్న వ్యక్తికి జీవితాంతం గుర్తుంచుకోదగ్గ మధుర జ్ఞాపకంగా ఎందుకు మార్చాలనుకున్నారో రాకేష్‌ తన పోస్ట్‌లో వివరించారు. రోజూ జిమ్‌లో తన లంబోర్గిని సూపర్‌కారును ఆరాధనగా చూసే జిమ్‌ క్లీనర్‌ను గమనించారు. తన రాగానే సంతోషంగా తనవైపు చూడటంతోపాటు, ఒకరోజు దానితో ఫోటోలు దిగడం రాకేష్‌ కంట పడింది. ఈ సందర్బంగా ఒకప్పుడు సేల్స్‌మన్‌గా పనిచేస్తూ కేవలం 800 రూపాయల వేతనం పొందుతున్న రోజులను రాకేష్ కుమార్ గుర్తు చేసుకున్నారు. తాను కూడా ఒక సూపర్ కార్ సొంతం చేసుకోవాలని కలలు కన్న జ్ఞాపకాలు మనసులో కదలాడాయి. అందుకే అతని మనుసులోని కోరికను అర్థం చేసుకున్నారు. అందుకే తనకి ఒక మధురమైన అనుభూతిని మిగల్చాలనుకుని బహుశా క్లీనర్‌ ఎప్పుడూ ఊహించని పని చేశారు. తన కారు తాళాలు అతని చేతికిచ్చి డ్రైవర్ సీట్లో కూర్చోబెట్టి కారులో కూర్చునే అవకాశం కల్పించారు. ఫలితంగా ఆ క్లీనర్ కళ్లలో కనిపించిన ఆనందాన్ని ఆస్వాదించారు. ఈ ఆనందాన్ని తన ఫాలోయర్లతో కూడా పంచుకోవాలని భావించారు.ఇదీ చదవండి: ఆయుధపూజలో ఏకే-47తో ‘లేడీ సింగం’ వీడియో వైరల్‌గతంలో తాను రూ. 800 జీతానికి సేల్స్‌మన్‌గా పనిచేసే రోజుల్లో సూపర్‌కార్ల యజమానులను చూసి ముచ్చటపడేవాడినని,కానీ అప్పట్లో యజమానులు తన్ను పట్టించుకోలేదని, భవిష్యత్తులో తాను విజయవంతమైతే ఎవరినీ అలా నిర్లక్ష్యం చేయకూడదని నిర్ణయించుకున్నట్లు రాకేష్‌ వెల్లడించారు. ఈ హృదయపూర్వక సంఘటనకు సంబంధించిన వీడియో సోషల్ మీడియాలో షేర్‌ చేయడంతో అది విపరీతంగా వైరల్ అయింది. నెటిజన్లుఆ వ్యాపారవేత్త వినయవిధేయతను, మంచి మనసును ప్రశంసించారు.ఎంత ఎత్తుకు ఎదిగినా తాము నడిచి వచ్చిన దారిని మర్చిపోకూడదని, హోదా పెరిగినా పాత రోజులను మర్చిపోకుండా వినయం, మానవత్వంతో వ్యవహరించిన వ్యాపారవేత్తపై సోషల్ మీడియాలో ప్రశంసల వర్షం కురుస్తోంది.ఇదీ చదవండి: కన్నతల్లి చేతిలో చిన్నారి హత్య : కన్నీరుమున్నీరవుతున్న తండ్రి View this post on Instagram A post shared by Kurapati Naga Venkata Rakesh Kumar (@rakesh_knv)

చెన్నైలో జరిగిన రామాయణ మూవీ ప్రమోషన్స్‌లో నటి సాయిపల్లవి అందరి దృష్టిని అమితంగా ఆకర్షించింది. ఆ కార్యక్రమంలో సాయిపల్లవి నేవి బ్లూ బనారసీ పట్టు చీరలో తళుక్కుమన్నారు. సింప్లిసిటీకి కేరాఫ్‌గా నిలిచే ఈ బ్యూటీ..ముదురు నీలం రంగు చీరలో అచ్చం సీతమ్మలా అద్భుతంగా కనపించింది. చేనేత వారసత్వాన్ని చాటి చెప్పేలా బనారసి పట్టు చీరలో మెరిసిందామె. అంతేగాదు కాలాతీ సౌందర్యానికి ప్రతిరూపంగా నిలిచింది. చీర మిగిలిన భాగంలో వెండి బుటీలు, మోచేతుల వకు ఉన్న బ్లౌజ్‌తో అందర్నీ కట్టిపడేసింది. క్లాసిక్‌ ఓపెన్ పల్లు, దానిపై చక్కగా అలంకరించిన కుచ్చలతో ముగ్ధమనోహరంగా ఉందా ఆ చీర. ఎరుపు, ఆకుపచ్చ రాళ్లు, ముత్యాలతో కలగలసిన కంఠాభరణం ఆమె లుక్‌ని మరింత అందంగా కనిపించేలా చేసింది. చెప్పాలంటే పర్ఫెక్ట్‌ ట్రెడిషనల్‌ ఫ్యాష్యన్‌ లుక్‌గా పేర్కొనచ్చు. అలాగే కురులను రింగురింగులుగా వదులుగా వదిలేసిందామె. అలాగే ఎప్పటిలానే నేచరుల్‌గా కనిపించేలా తేలికైన మేకప్‌తో సహజసిద్ధమైన ఆహార్యంతో ఆకట్టుకుంది. కాగా, నమిత్ మల్హోత్రా దర్శకత్వంలో రెండు భాగాలుగా తెరకెక్కుతున్న రామాయణ చిత్రంలో సీతగా సాయి పల్లవి, రాముడిగా రణబీర్ కపూర్, లక్ష్మణుడిగా రవి దూబే, హనుమంతుడిగా సన్నీ డియోల్, మంథరగా షీబా చద్దా, రావణుడిగా యశ్, మండోదరిగా కాజల్ అగర్వాల్, కైకేయిగా లారా దత్తా, శూర్పణఖగా రకుల్ ప్రీత్ సింగ్ తదితరులు నటిస్తున్నారు. View this post on Instagram A post shared by Sai Pallavi (@pallavi_alwayz) ఇదీ చదవండి: రూ. 3 లక్షల అనార్కలీ డ్రెస్‌లో కరిష్మా రాయల్‌ లుక్‌..!

ఇటీవల చాలామంది కంటెంట్‌ క్రియేటర్లుగా మారి ఎక్కువ మొత్తంలో సంపాదించడం మొదలుపెట్టారు. అయితే అందరూ క్లిక్‌ అయ్యినట్లు కొందరికీ సాధ్యం కాకపోవచ్చు. అంతలా వ్యూస్‌ సంపాదించుకోలేకపోవచ్చు. స్థిరమైన ఉద్యోగాన్ని వదులుకుని మరి కంటెంట్‌ క్రియేటర్లుగా మారే వాళ్లు తప్పక ఈ విషయాలు గుర్తించుకోవాలి. లేదంటే ఇబ్బందులు పడతారని చెబుతున్నాడు ఈ కంటెంట్‌ క్రియేటర్‌ శుభ్‌ శారంగ్‌. అంతేగాదు ఈ ఆర్థిక పాఠాలు గుర్తించుకుని మరి దిగండి అని పిలుపున్నాడు. ముంబైకి చెందిన కంటెంట్‌ క్రియేటర్‌ శుభ్‌ శారంగ్ ఒకప్పుడు కార్పొరేట్‌ ఉద్యోగం చేస్తుండేవాడు. అలా జాబ్‌ చేస్తూనే విరామ సమయంలో మంచి కంటెంట్‌ని క్రియేట్‌ చేసి సోషల్‌ మీడియాలో అప్‌లోడ్‌ చేస్తుండేవాడు. ఇలా ఒకవైపు ఉద్యోగం ఇంకోవైపు కంటెంట్‌ క్రియేటర్‌గా పని చేస్తుండటంతో కంటినిండా నిద్ర లేక ఆఫీస్‌లో నిద్రపోతుండేవాడు. పోనీ ఉద్యోగం వదిలేద్దామంటే..స్థిరమైన ఆదాయాన్ని కోల్పోయి ఇబ్బంది పడతానేమో అన్న భయంతో రిస్క్‌ తీసుకునేవాడు కాదు. ఒకరోజు తన కంటెంట్‌కి ఊహించని విధంగా ఎక్కువ ‍వ్యూస్‌ రావడం, లక్షకు పైగా ఆదాయం వచ్చింది. దాంతో తనపై తనకు నమ్మకం పెరిగి ధైర్యంగా ఉద్యోగానికి ఉద్వాసన పలికాడు. ఎందుకంటే ఎప్పుడు పదివేలకు మించి రాని వ్యూస్‌ అనూహ్యంగా లక్షల్లో వ్యూస్‌, ఫాలోవర్లు రావడం మొదలైంది. ఆ నేపథ్యంలోనే ధీమాగా ఉద్యోగం వదిలేసి పూర్తికాల కంటెంట్‌ క్రియేటర్‌గా పనిచేస్తూ..హాయిగా నెలకు రూ. 2.5 లక్షలుపైనే ఆర్జించడం మొదలుపెట్టాడు. ప్రస్తుతం నాకు ఎలాంటి మెంటల్‌ టెన్షన్‌లు లేవు. నెలవారి ఈఎంఐలు గురించి ఎలాంటి చింత లేకుండా ధైర్యంగా లైఫ్‌ని లీడ్‌ చేస్తున్నా అంటున్నాడు. అయితే తనలా అంతపెద్ద రిస్క్‌ మాత్రం తీసుకోవద్దని కూడా హెచ్చరిస్తున్నాడు శారంగ్‌. ఎందుకంటే ఈ రంగంలో స్థిరమైన ఆదాయం ఉండదు. ఒక్కోసారి కంటెంట్‌ బాగా క్లిక్‌ అయితే పెద్ద మొత్తంలో ఆదాయం వస్తుంది. ఒక్కోసారి మొత్తానికి పడిపోవచ్చు లేదా రెండు లేదా మూడు నెలల వరకు ఎలాంటి ఆదాయం రాకపోవచ్చు. అందుకే ఇలాంటి రంగంలోకి వచ్చే వాళ్లు కనీసం 12 నెలలకు సరిపడా పొదుపు ఉండి ఉంటేనే ధైర్యంగా స్థిరమైన ఆదాయాన్ని పొందే ఉద్యోగాన్ని వదలేయండి..లేదంటే రిస్క్‌ మాత్రం చేయొద్దంటూ ఆర్థిక పాఠాలు చెబుతున్నాడు. తను లక్షల్లో ఆదాయం ఆర్జిస్తున్నప్పటికీ.. ఇందులో ఉండే లోటుపాట్లు కూడా ముందుగా బేరీజు వేసుకుని మాత్రమే అడుగుపెట్టండంటూ హితవు పలకడం విశేషం. View this post on Instagram A post shared by Shubh Sarang (@shubbhhhhh) ఇదీ చదవండి: స్టేజ్‌ 4 నోటి కేన్సర్‌ నుంచి 80 కేజీల బరువు ఎత్తే వరకు..! ఆ కొడుకు ప్రేమే..

దక్షిణ కొరియాలోని బుసాన్‌ నగరంలో ఎత్తైన భవనాలు, రైల్వే స్టేషన్‌కు సమీపంలో ఉన్న ఓ కాలువలోకి సెప్టెంబర్‌ 18న అనూహ్యంగా ఒక షార్క్‌ చేప ప్రవేశించింది. సముద్రంలో స్వేచ్ఛగా తిరగాల్సిన ఆ జీవి.. కాలువలోనే చిక్కుకుపోయింది. బయటకు వెళ్లే దారి దొరకక అక్కడే తిరుగుతూ ఉండిపోయింది. దాని పరిస్థితిని గమనించిన స్థానికులు మొదట ఆశ్చర్యపోయారు. ఆ తర్వాత ఆ సొరచేపపై జాలి చూపించారు. రోజులు గడిచేకొద్దీ దాన్ని చూసేందుకు జనం పెద్ద సంఖ్యలో తరలివచ్చారు. చివరకు ఆ సొరచేప ఓ నగరానికే ప్రత్యేక ఆకర్షణగా మారిపోయింది.ఆ సొరచేపకు స్థానికులు పెట్టుకున్న ముద్దుపేరు ‘బుకాంగ్‌-ఐ’. బుసాన్‌ నగరంలోని నార్త్‌ పోర్ట్‌ పేరుతో దానికి ఈ పేరు పెట్టారు. సుమారు 3 మీటర్ల పొడవున్న ఆడ డస్కీ సొరచేప అది. అంతరించిపోయే ప్రమాదం ఉన్న జాతికి చెందిన ఈ జీవి కాలువలో చిక్కుకుపోవడం అధికారులకు కొత్త సవాలుగా మారింది.సొరచేపను చూసేందుకు లక్షల మందిసాధారణంగా వారాంతాల్లో సుమారు 2,000 మంది సందర్శకులు వచ్చే వాటర్‌ఫ్రంట్‌ పార్కుకు, బుకాంగ్‌-ఐ రాకతో జనం పోటెత్తారు. అక్టోబర్‌ 20 నాటికి 16 లక్షల మందికిపైగా దాన్ని చూసేందుకు వచ్చినట్లు అధికారులు తెలిపారు. దాని చుట్టూ వీడియోలు తీసేవారు, ఫొటోలు దిగేవారు, ప్రత్యక్ష ప్రసారాలు చేసేవారు కనిపించేవారు. బుసాన్‌ నగరానికి అది ఓ ప్రముఖ ఆకర్షణగా మారిపోయింది.అయితే, ఈ సందడి సొరచేపకు ఇబ్బందిగా మారింది. కొందరు సందర్శకులు టార్చిలైట్లు, లేజర్‌ కాంతులను నీటిపై పడేలా చేయడం ప్రారంభించారు. దీంతో సొరచేప భయపడి వేగంగా కదిలేది. ఒకసారి కాంతిని తప్పించుకునేందుకు మలుపు తిరిగిన సమయంలో కాలువ గోడను ఢీకొట్టిన దృశ్యాలు వీడియోలో నమోదయ్యాయి. దాని ముక్కుపై గాయమైనట్లు జాతీయ మత్స్య పరిశోధనా సంస్థ గుర్తించింది.రాత్రివేళల్లో యూట్యూబర్ల కాపలాఈ పరిస్థితిని చూసిన కొందరు యూట్యూబర్లు సొరచేపను కాపాడాలని నిర్ణయించుకున్నారు. దక్షిణ కొరియాలో ఇటువంటి స్వచ్ఛంద పర్యవేక్షక బృందాలను ‘జాగ్యోంగ్‌డాన్‌’ అని పిలుస్తారు. వారు రాత్రివేళల్లో హై-విజిబిలిటీ జాకెట్లు ధరించి, సెల్ఫీ స్టిక్‌లు, కెమెరాలతో కాలువ పరిసరాల్లో కాపలా కాసేవారు.ఎవరైనా టార్చిలైట్లు లేదా లేజర్‌ కాంతులను నీటిపై పడేలా చేస్తే వెంటనే హెచ్చరించేవారు. సొరచేపకు ఇబ్బంది కలిగించవద్దని సందర్శకులకు నచ్చజెప్పేవారు. తమ పర్యవేక్షణను యూట్యూబ్‌లో ప్రత్యక్ష ప్రసారం చేసేవారు. దీంతో వారి వీడియోలకు లక్షలాది వీక్షణలు వచ్చాయి.చోయ్‌ వోన్‌-జిన్‌, నా టే-సూ వంటి యూట్యూబర్లు ఈ కార్యక్రమంలో చురుగ్గా పాల్గొన్నారు. రాత్రి వేళల్లో సొరచేపకు విశ్రాంతి అవసరమని, దాన్ని కాంతులతో భయపెట్టవద్దని వారు కోరారు. పార్కులోకి అర్ధరాత్రి నుంచి తెల్లవారుజామున 5 గంటల వరకు సందర్శకుల ప్రవేశంపై ఆంక్షలు ఉన్నప్పటికీ, వాటిని అమలు చేయడం కష్టమని వారు చెప్పారు.మరోవైపు, బుకాంగ్‌-ఐ స్థానికుల అభిమానాన్ని కూడా సంపాదించుకుంది. దాని పేరుతో జ్ఞాపికలు తయారయ్యాయి. బుసాన్‌ నగరం దానికి గౌరవ ప్రచార రాయబారి హోదా ఇచ్చింది. దాన్ని చూసేందుకు జనం రావడంతో పరిసరాల్లోని దుకాణాల అమ్మకాలు కూడా పెరిగాయి. దక్షిణ కొరియా అధ్యక్షుడు లీ జే-మ్యుంగ్‌ సైతం అక్టోబర్‌ మధ్యలో కాలువను సందర్శించారు.రెండు ప్రయత్నాలు విఫలం.. చల్లబడుతున్న నీటితో ఆందోళనబుకాంగ్‌-ఐని సముద్రంలోకి పంపేందుకు అధికారులు సెప్టెంబర్‌ 29న తొలిసారి ప్రయత్నించారు. పడవల నుంచి నీటిని బలంగా చిమ్ముతూ దాన్ని కాలువ బయటకు నడిపించాలని చూశారు. కానీ అది తప్పించుకుని తిరిగి కాలువలోకి వెళ్లిపోయింది. అక్టోబర్‌ 2న వలల సాయంతో చేసిన రెండో ప్రయత్నం కూడా విఫలమైంది. సొరచేప వలపై నుంచి దూకి తిరిగి కాలువలోకి చేరింది.అధికారులు దాన్ని బలవంతంగా బయటకు పంపేందుకు ప్రయత్నిస్తే మరింత ప్రమాదం ఎదురవుతుందని నిపుణులు హెచ్చరించారు. దీంతో కొంతకాలం అది తనంతట తానే సముద్రంలోకి వెళ్లిపోతుందని ఎదురుచూశారు. అయితే, కాలువలో ఉండటంతో అది సరిగ్గా ఆహారం తీసుకుంటున్నట్లు కనిపించకపోవడం, నీటి ఉష్ణోగ్రతలు తగ్గుతుండటం ఆందోళన కలిగించాయి.నిపుణుల ప్రకారం, నీటి ఉష్ణోగ్రతలు 15 డిగ్రీల సెల్సియస్‌ కంటే తక్కువకు పడిపోతే ఈ సొరచేపల శరీర విధులపై ప్రభావం పడవచ్చు. సుమారు 11 డిగ్రీల వద్ద వాటి మనుగడ ప్రమాదంలో పడే అవకాశం ఉంది. ఈ కారణాలతో అధికారులు మూడో ప్రయత్నానికి సిద్ధమయ్యారు.మూడో ప్రయత్నంలో విజయం.. సముద్రంలోకి బుకాంగ్‌-ఐఅక్టోబర్‌ 21న అధికారులు, కోస్ట్‌గార్డ్‌ సిబ్బంది కలిసి మూడోసారి రక్షణ చర్యలు చేపట్టారు. తేలియాడే వేదికకు వలను అమర్చి, దాని సాయంతో సొరచేపను కాలువ ముఖద్వారం వైపు నడిపించారు. వేదికను ముందుకు కదిలించేందుకు ఇరువైపులా ఉన్న సిబ్బంది తాళ్లను లాగారు. సొరచేప తిరిగి కాలువలోకి వెళ్లకుండా అదనపు వలలను కూడా ఏర్పాటు చేశారు.ఉదయం ప్రారంభమైన ఈ ప్రయత్నం గంటలపాటు కొనసాగింది. మొదట సొరచేప కాలువ ముఖద్వారం వద్దే ఉండిపోయినా, చివరకు బయటకు వెళ్లింది. దాన్ని సముద్రంలోకి పంపడంలో మూడో ప్రయత్నం విజయవంతమైందని దక్షిణ కొరియా సముద్ర వ్యవహారాల మంత్రిత్వ శాఖ తెలిపింది.బుకాంగ్‌-ఐ కథ అక్కడితో ముగిసినా, అది లేవనెత్తిన ప్రశ్నలు మాత్రం కొనసాగుతాయి. సముద్ర జలాలు వేడెక్కడం వల్ల సొరచేపలు తీర ప్రాంతాలకు ఎక్కువగా వస్తున్నాయా అనే అంశంపై నిపుణులు దృష్టి సారిస్తున్నారు. ఈ ఏడాది తొలి ఆరు నెలల్లో దక్షిణ కొరియా తూర్పు తీరంలో 46 పెద్ద సొరచేపలు కనిపించాయి. గత ఏడాది ఇదే కాలంలో నమోదైన 12 ఘటనలతో పోలిస్తే ఇది భారీ పెరుగుదల. బుకాంగ్‌-ఐ ఘటన ఓ సముద్ర జీవిని కాపాడేందుకు సామాన్యులు, సామాజిక మాధ్యమాల వేదికలు ఎలా కలిసివచ్చాయో చూపించింది.

చైనాలోని ఫుజియాన్‌ ప్రావిన్స్‌లో 12వ అంతస్తు కిటికీ గ్రిల్‌కు చిక్కుకుని బయట వేలాడుతున్న మూడేళ్ల బాలికను స్థానికులు, భద్రతా సిబ్బంది సమయస్ఫూర్తితో కాపాడారు. బాలిక కింద పడిపోకుండా ఆమె శరీరానికి కింద స్టూల్‌ను అడ్డుగా పెట్టి అగ్నిమాపక సిబ్బంది వచ్చే వరకు ఆసరాగా నిలిచారు. అనంతరం అగ్నిమాపక సిబ్బంది బాలికను సురక్షితంగా బయటకు తీసుకొచ్చారు. ఈ ఘటనకు సంబంధించిన వీడియో సామాజిక మాధ్యమాల్లో వైరల్‌గా మారింది.చైనాలోని జాంగ్‌పింగ్‌ నగరంలో అక్టోబర్‌ 17న ఉదయం 7.48 గంటల సమయంలో ఈ ఘటన చోటుచేసుకుంది. బాలిక ఇంట్లో ఒంటరిగా ఉన్న సమయంలో కిటికీకి ఏర్పాటు చేసిన భద్రతా గ్రిల్‌ నుంచి బయటకు వెళ్లినట్లు తెలుస్తోంది. ఈ క్రమంలో ఆమె తల లోహపు కడ్డీల మధ్య ఇరుక్కుపోయింది. దీంతో బాలిక శరీరం కిటికీ బయట వేలాడుతూ ప్రమాదకర పరిస్థితి ఏర్పడింది.బాలిక తండ్రి పనికి వెళ్లగా, తల్లి ఆమె నిద్రపోతోందని భావించి నిత్యావసర వస్తువులు కొనుగోలు చేసేందుకు బయటకు వెళ్లింది. ఈ సమయంలో బాలిక కిటికీ వద్దకు వెళ్లినట్లు సమాచారం. బాలిక ప్రమాదకర స్థితిలో వేలాడుతుండటాన్ని గమనించిన ఓ స్థానికుడు వెంటనే అప్రమత్తమయ్యాడు. ఘటనకు సంబంధించిన చిత్రాలను నివాస సముదాయంలోని సామాజిక మాధ్యమాల బృందంలో పంచుకుని సాయం కోరాడు. దీంతో భద్రతా సిబ్బంది, భవన నిర్వహణ సిబ్బంది వెంటనే అక్కడికి చేరుకున్నారు.బాలిక ఉంటున్న ఇంటికి కింద అంతస్తులోని ఫ్లాట్‌లోకి వెళ్లిన ఇద్దరు వ్యక్తులు వేర్వేరు కిటికీల నుంచి బయటకు వంగి, బాలిక శరీరానికి కింద స్టూల్‌ను పట్టుకున్నారు. దీంతో ఆమె పూర్తిగా గాల్లో వేలాడకుండా కొంత ఆసరా లభించింది. అగ్నిమాపక సిబ్బంది వచ్చే వరకు వారు బాలికను కింద పడిపోకుండా కాపాడేందుకు ప్రయత్నించారు.అనంతరం అక్కడికి చేరుకున్న అగ్నిమాపక సిబ్బంది బాలిక ఇంటి తలుపును బలవంతంగా తెరిచి లోపలికి వెళ్లారు. కిటికీ గ్రిల్‌కు చిక్కుకున్న బాలికను విడిపించి సురక్షితంగా బయటకు తీసుకొచ్చారు. ఆమెను వైద్య పరీక్షల కోసం ఆసుపత్రికి తరలించారు. బాలికకు ఎలాంటి గాయాలు కాలేదు. ఈ ఘటనలో స్థానికులు, భద్రతా సిబ్బంది చూపిన సమయస్ఫూర్తి బాలిక ప్రాణాలను కాపాడటంలో కీలకమైంది. ఎత్తైన భవనాల్లో చిన్నపిల్లలను ఒంటరిగా వదిలివేయకుండా చూడటం, కిటికీలు, బాల్కనీల వద్ద తగిన భద్రతా ఏర్పాట్లు చేయడం ఎంత ముఖ్యమో ఈ ఘటన మరోసారి గుర్తుచేస్తోంది. 太惊险了😱爸爸去上班，妈妈早起去买菜，一岁多的孩子被挂16楼阳台。 后续被众人合力救下🙏 https://t.co/2cMDzwVuIc— 小牛 (@Xiaoniu6161) October 17, 2026

మహారాష్ట్రలోని ఒక కొండపై నుంచి దూకి, గుజరాత్‌కు చెందిన వ్యక్తి ఒకరు ఆత్మహత్య చేసుకున్న ఘటన కలకలం రేపింది. కుటుంబ కలహాలు, తన భార్య,ఆమె కుటుంబ సభ్యుల వల్ల తాను వేధింపులు, ఒత్తిడిని తట్టుకోలేక తాను చనిపోతున్నానని 13 నిమిషాల పాటు ఒక వీడియోను రికార్డు చేశారు. ఆ ఒ. అంతేకాకుండా, ఇటువంటి కేసులకు సంబంధించిన చట్టాలలో మార్పులు తీసుకురావాలని కోరడం నెట్టింట చర్చకు దారి తీసింది."ఈరోజు నేను ఈ లోయలోకి దూకి నా జీవితాన్ని ముగించుకోబోతున్నాను. జీవితంలో ఎటువంటి ఆశ కనిపించనప్పుడు, మనిషి అంతరాత్మ విచ్ఛిన్న మవుతుంది. వివాహం అనేది అనేక జన్మల వరకు కొనసాగాల్సిన పవిత్ర బంధమని మనం చెబుతుంటాం. ఇవన్నీ మాటల్లో, రాతల్లో వినడానికి బాగుంటాయి. కానీ నేటి కాలంలో, ఇద్దరు వ్యక్తుల అభిప్రాయాలు, స్వభావాలు, అలవాట్లు కలవనప్పుడు , గొడవలు తలెత్తినప్పుడు, వారు విడాకులు తీసుకుంటారు." అంటూ ఆత్మహత్యకు పాల్పడిన ఘటన అతని కుటుంబ సభ్యులను తీవ్ర దిగ్భ్రాంతికి గురిచేసింది.ఇదీ చదవండి: నర్సు దారుణ హత్య : సీఎం విజయ్‌పై స్టాలిన్‌ మండిపాటు⚠️ DISTURBING CONTENT WARNING ⚠️ Vishwarajsinh Mayursinh Gohil, a resident of Chitra in #Bhavnagar (#Gujarat), died by suicide after jumping from the Konkankada cliff into a 1,700-foot-deep gorge at Harishchandragad in #Maharashtra's Ahmednagar district. In this final 13-minute video, he says false #498A cases take lives. Pleading for justice, he says, "I fall at your feet".— League of India - The INDIC POST Of The World (@league_of_india) October 18, 2026టైమ్స్‌ ఆఫ్‌ ఇండియా కథనం ప్రకారం గుజరాత్‌లోని పోస్టల్ శాఖలో పనిచేసే విశ్వరాజ్ గోహిల్అక్టోబర్ 12న మహారాష్ట్రలోని హరిశ్చంద్రగఢ్‌లో ఉన్న కొంకణ్‌కడ కొండ నుంచి దాదాపు 1,700 అడుగుల లోతైన లోయలోకి దూకి ప్రాణాలు తీసుకున్నారు. మరణానికి ముందు, తీసుకున్న సెల్ఫీ వీడియోలో సంచలన ఆరోపణలు చేశారు. తన వైవాహిక జీవితంలో విభేదాలు, గృహహింస ఆరోపణలు తనను తీవ్ర మానసిక క్షోభకు గురిచేశాయని, తన కుటుంబంపై తప్పుడు ఆరోపణలు మోపారని గోహిల్ ఆ వీడియోలో ఆవేదన వ్యక్తం చేశారు. అలాగే సయోధ్య చర్చలు, ఆభరణాల వివాదానికి సంబంధించిన ఆందోళనలను కూడా ప్రస్తావించారు. అంతేకాదు గృహహింస, వివాహ వివాదాలకు సంబంధించిన చట్టాలను సమీక్షించాలని అధికారులను కోరారు, వాటి అమలులో మార్పులు తీసుకురావాలంటూ చాలా ఆవేదన వ్యక్తంచేశారు. అయితే ఆయన చేసిన ఆరోపణలపై ఎలాంటి ధృవీకరణలేదు.<blockquote class="twitter-tweet"><p lang="en" dir="ltr">⚠️ DISTURBING CONTENT WARNING ⚠️ Vishwarajsinh Mayursinh Gohil, a resident of Chitra in #Bhavnagar (#Gujarat), died by suicide after jumping from the Konkankada cliff into a 1,700-foot-deep gorge at jexe Harishchandragad in #Maharashtra's Ahmednagar district. In this final 13-minute video, he says false #498A cases take lives. Pleading for justice, he says, "I fall at your feet".</p>— League of India - The INDIC POST Of The World (@league_of_india) <a href="https://x.com/league_of_india/status/2111827780036186583?ref_src=twsrc%5Etfw">October 18, 2026</a></blockquote> <script async src="https://platform.x.com/widgets.js" charset="utf-బాడీకోసం గంటల తరబడి, రెస్క్యూ ఆపరేషన్కొండ సమీపంలో ఒక మోటార్ సైకిల్, మొబైల్ ఫోన్ పడి ఉండటాన్ని గమనించిన స్థానికులు అహిల్యానగర్ జిల్లా రాజూర్ పోలీసులకు సమాచారం అందించారు. పోలీసులు గోహిల్ కుటుంబాన్ని సంప్రదించగా, తమకు అందిన వీడియో గురించి వారు పోలీసులకు తెలిపారు. లోయ లోతు ఎక్కువగా ఉండటంతో పోలీసులు డ్రోన్ కెమెరా సహాయంతో మృతదేహం ఉన్న ప్రదేశాన్ని గుర్తించారు. పర్వతారోహకుల (మౌంటెనీర్స్) సహాయంతో శుక్రవారం రెస్క్యూ ఆపరేషన్ నిర్వహించి, దాదాపు 24 గంటల తర్వాత మృతదేహాన్ని వెలికితీశారు. అనంతరం మృతదేహాన్ని భావ్‌నగర్‌కు తరలించారు. ఇదీ చదవండి: హాట్‌ టాపిక్‌ : ధనుష్‌ పొలిటికల్‌ ఎంట్రీపై టీవీకే స్పందనమృతదేహం లభ్యమైన ప్రాంతం థానే రూరల్ పరిధిలోని టోకావాడే పోలీస్ స్టేషన్ పరిధిలోకి వస్తుండటంతో అక్కడ కేసు నమోదు చేశారు. ఈ కేసుకు సంబంధించి ఏడీఆర్ నమోదు చేశాం. కుటుంబ సభ్యుల వాంగ్మూలాలు, మరణానికి ముందు ఆయన రికార్డు చేసిన వీడియోతో సహా విచారణ నివేదిక ఆధారంగా తదుపరి చర్యలు తీసుకుంటామని టోకావాడే పోలీస్ స్టేషన్ అసిస్టెంట్ ఇన్‌స్పెక్టర్ శీతల్‌కుమార్ నాయక్ తెలిపారు.కాగా విశ్వరాజ్ గోహిల్‌కు ఈ ఏడాది ఫిబ్రవరి 8న ధారబా అజయ్‌సింహ్ సర్వైయాతో వివాహం జరిగింది. అయితే సెప్టెంబర్ 12న వారి మధ్య వివాదం తలెత్తడంతో, తనను గృహహింసకు గురిచేశారంటూ భార్య పోలీసులకు ఫిర్యాదు చేసింది. దీనిపై విచారణ కూడా సాగుతోంది. ఈ కేసుకు సంబంధించి అక్టోబర్ 9న గోహిల్ కోర్టుకు కూడా హాజరయ్యారు.ఇదీ చదవండి: టైగర్ ష్రాఫ్‌పై కాల్పులు రూ. 50 వేలు అడ్వాన్స్‌ : గుర్తు పట్టకూడదని గుండు

ఉద్యోగం కోసం ఇంటర్వ్యూకు వెళ్తే చదువు, అనుభవం, నైపుణ్యాల గురించి అడుగుతారు. కానీ పెళ్లయిందని, పిల్లలను ఎప్పుడు కంటారని అడిగితే ఎలా ఉంటుంది? ఓ మహిళకు ఎదురైన ఇలాంటి అనుభవం ఇప్పుడు సోషల్ మీడియాలో చర్చనీయాంశంగా మారింది.ఇన్‌స్టాగ్రామ్‌లో శతాక్షి ద్వివేది అనే మహిళ తన ఇంటర్వ్యూ అనుభవాన్ని పంచుకున్నారు. మొదట హెచ్‌ఆర్‌ ఆమె ఎక్కడ ఉంటారు? ఆఫీసుకు రాకపోకలు ఇబ్బందిగా ఉంటాయా? అని అడిగారు. తన భర్త కూడా అదే ప్రాంతంలో పనిచేస్తున్నారని, ఆయనతో కలిసి ఆఫీసుకు రావచ్చని ఆమె సమాధానమిచ్చారు.అయితే, తనకు ఇటీవలే పెళ్లయిందని చెప్పగానే హెచ్‌ఆర్‌ ప్రశ్నలు మారిపోయాయని శతాక్షి తెలిపారు. త్వరలోనే పిల్లలను కనాలని ఏమైనా ప్లాన్‌ చేస్తున్నారా? అని అడగడంతో తాను అసౌకర్యానికి గురైనట్లు చెప్పారు. మహిళలకు సమాన అవకాశాలు కల్పిస్తామని చెప్పే సంస్థలు.. ఇంటర్వ్యూలలో ఇలాంటి వ్యక్తిగత ప్రశ్నలు అడగడం ఎంతవరకు సమంజసమని ఆమె ప్రశ్నించారు.ఈ వీడియోపై నెటిజన్లు స్పందిస్తూ తమకు ఎదురైన అనుభవాలను కూడా పంచుకుంటున్నారు. పెళ్లికాని మహిళలను ఎప్పుడు పెళ్లి చేసుకుంటారని, పెళ్లయిన వారిని పిల్లలను ఎప్పుడు కంటారని అడుగుతున్నారని పేర్కొంటున్నారు. తల్లులైన మహిళలను ఉద్యోగం, పిల్లల బాధ్యతలను ఎలా నిర్వహిస్తారని ప్రశ్నిస్తున్నారని తెలిపారు.అయితే, శతాక్షి ఇంటర్వ్యూకు హాజరైన సంస్థ పేరు వెల్లడించలేదు. అభ్యర్థుల వ్యక్తిగత జీవితానికి బదులు వారి అర్హతలు, నైపుణ్యాల ఆధారంగా ఉద్యోగ అవకాశాలు కల్పించాలనే అభిప్రాయం ఈ ఘటనతో మరోసారి చర్చకు వచ్చింది.ఇదీ చదవండి: ఫ్యాషన్ ప్రపంచంలో సరికొత్త చరిత్ర! రూ.420 కోట్ల వజ్రాల అలంకరణ.. View this post on Instagram A post shared by Shatakshi Dwivedi (@sha.ttack)

భారత మాజీ క్రికెట‌ర్ సంజ‌య్ బంగ‌ర్ కుమార్తె అన‌యా బంగ‌ర్ మ‌రోసారి వార్త‌ల్లో నిలిచింది. అయితే ఈసారి ఏ పోరాటంతోనో లేక మ్యాచ్‌ ఆడడం వల్లో కాదు. ఆమెను అడిగిన ఒక ఫ‌న్నీ ప్ర‌శ్న‌కు అదిరిపోయే జ‌వాబుతో అన‌యా పేరు సోష‌ల్ మీడియాలో ట్రెండింగ్‌లో నిలిచింది. ఇటీవ‌ల కృష్ణంక్ ఆత్రే యూట్యూబ్ చానెల్‌కు అన‌యా బంగ‌ర్ ఇంట‌ర్య్వూ ఇచ్చింది. ఈ నేప‌థ్యంలో ఆ ఇంట‌ర్వ్యూలో భార‌త క్రికెట‌ర్లు శుబ్‌మ‌న్ గిల్‌, శ్రేయ‌స్ అయ్య‌ర్‌, అభిషేక్ శ‌ర్మ‌ల‌ను ఆప్ష‌న్లుగా ఇచ్చి.. 'కిల్, మ్యారీ, హుకప్‌' అనే ఆట ఆడాల‌ని అడిగారు. దీంతో అన‌యా వెంట‌నే ఏం ఆలోచించకుండా.. శ్రేయ‌స్‌ను చంపి, అభిషేక్ శ‌ర్మ‌ను పెళ్లి చేసుకొని, గిల్‌తో జ‌త క‌డుతా అని ఫ‌న్నీగా స‌మాధాన‌మిచ్చింది. దీనికి సంబంధించిన వీడియో సోష‌ల్ మీడియాలో వైర‌ల్‌గా మారింది.ఇక అన‌యా బంగ‌ర్ 2022లో లింగ‌మార్పిడి ఆప‌రేష‌న్ చేయించుకొని అమ్మాయిగా మారింది. జెండ‌ర్ ఆప‌రేష‌న్‌కు ముందు అన‌యా ముంబై త‌ర‌ఫున పురుషుల క్రికెట్ ఆడింది. భార‌త్‌లో ట్రాన్స్‌జెండ‌ర్ల‌కు క్రికెట్ ఆడే అవ‌కాశం లేక‌పోవ‌డంతో లింగ నిర్ధార‌ణ శ‌స్త్ర చికిత్స చేయించుకున్న త‌ర్వాత క్రికెట్ కెరీర్‌ను ప్రారంభించేందుకు ఆస్ట్రేలియాను ఎంచుకుంది. ఆస్ట్రేలియా క్రికెట్ ట్రాన్స్ జెండ‌ర్ క్రీడాకారిణులు పోటీ ప‌డేందుకు వీలుగా ఒక మార్గాన్ని ప్ర‌వేశపెట్ట‌డంతో అన‌యా మొద‌ట తాను భార‌త్‌లో ఆడేందుకు అనుమ‌తి ఇవ్వాల‌ని బీసీసీఐని కోరింది. కానీ బీసీసీఐ అనుమ‌తి నిరాక‌రించ‌డంతో క్రికెట్ ఆస్ట్రేలియాకు ప్రాతినిధ్యం వ‌హించాల‌ని నిర్ణ‌యం తీసుకుంది. వ‌చ్చే బిగ్‌బాష్ మ‌హిళ‌ల లీగ్‌లో అన‌యా బ‌రిలోకి దిగే అవ‌కాశ‌ముంది.🔴 ANAYA BANGAR WANTS TO MARRY ABHISHEK SHARMA🤯 Q🎙️: Kill, Marry, Hookup - Abhishek Sharma, Shubman Gill, and Shreyas Iyer? Anaya🎙️: - Marry Abhishek Sharma ❤️ - Hookup with Shubman Gill😍 - Kill Shreyas Iyer.😭 https://t.co/GjY1neIjGl— Sam (@cricsam02) October 18, 2026ఇదీ చదవండి: టీమిండియా ఓపెనర్‌ ప్రపంచ రికార్డు.. తొలి ప్లేయర్‌గాసిమన్స్ విధ్వంసం.. ఫైనల్లో ఇంగ్లండ్‌ను చిత్తు చేసిన వెస్టిండీస్‌

నటి, బీజేపీ ఎంపీ కంగనా రనౌత్‌ ఫ్యాషన్‌కే ఐకాన్‌గా ట్రెండ్‌ సెట్‌ చేస్తుంటుందామె. ఎప్పుడూ విలక్షణమైన ఆహార్యంతో తనదైన స్టైల్‌తో ఆకట్టుకుంటారమే. వేడుకకు, సందర్భానికి అనుగుణంగా దుస్తులు ధరించడంలో కంగానకు సాటిరారెవ్వరూ. ఈసారి ఈ నవరాత్రుల పండుగకు కూడా అదే తరహాలో అత్యద్భుతమైన లుక్‌తో అందర్నీ ఆశ్చర్యపర్చింది. మన దేశ సాంస్కృతికి వారసత్వాన్ని, పండుగ శోభను అందించేలా చక్కటి డిజైనర్‌వేర్‌లో మెరిసింది. ఆమె ధరించిన డ్రెస్‌లో ఎన్ని విశేషాలు దాగున్నాయో తెలుసా..!.నటి కంగనా రనౌత్‌ టోరాని డిజైనర్‌ లేబుల్‌కి చెందిన అద్భుతమైన సిల్క్‌ లెహంగాలో మెరిసిందామె. ఈ లెహంగా సెట్‌lr సింధులోయ సంచార సంస్కృతుల వారసత్వాన్ని గుర్తు చేసేలా డిజైన్‌ చేశారు. దీనిపైన ఉన్న కిట్చీ డిజైన్‌ శైలి రంగుల గొప్పతనాన్ని ఆవిష్కరించింది. ఈ విశాలమైన, ఫ్లేర్డ్ లెహంగా స్కర్ట్‌ను క్లిష్టమైన ఎంబ్రాయిడరీతో కూడిన చోళీతో జత చేశారు. క్రాస్‌క్రాస్ టైస్ స్టేట్‌మెంట్ టాసెల్స్‌తో కూడిన లేస్-అప్ బ్యాక్ డిజైన్‌తో బ్లౌజ్ ప్రత్యేకంగా నిలిచింది. కంగనా భుజంపై మ్యాచింగ్ ప్రింటెడ్ దుపట్టా నవరాత్రి లుక్‌ని అందించి ఆకర్షణీయంగా కనిపించేలా చేసింది. అందుకు అనుగుణంగా భారీ ఆక్సిడైజ్డ్ సిల్వర్ ఆభరణాలతో నిండుగా కనిపించింది. ఆమె లావుపాటి నెక్లెస్‌లు, వెడల్పాటి బాహుబంధాలు, అలంకరించిన ఉంగరాలను పొరలుగా ధరించి, గుండ్రని మాంగ్ టికా పెట్టుకుంది. అలాగే కురులను చక్కటి హెయిర్‌ యాక్సెసరీస్‌తో అందమైన జడలా వేశారు. నేచరుల్‌గా కనిపించేలా తేలికపాటి మేకప్‌నే ఎంచుకుందామె. మోదీ అన్నట్లుగా బంగారం కొనడం తగ్గించండి అన్నపిలుపుకి అనుగుణంగా వెండి ఆభరణాలతో మెరిసిందామె. అంతేగాదు వెండి కూడా ఆభరణమే ధైర్యంగా ధరించండి అని చెబుతున్నట్లుగా ఉంది ఆమె అలంకారం. అలాగే భారతీయ వారసత్వాన్ని చాటిచెప్పేలా పండుగ రూపాన్ని ప్రదర్శించేలా కనుబొమ్మలు, గడ్డం వద్ద సున్నితమైన ఐలైనర్‌ చుక్కలను జోడించింది కంగనా. అందుకు సంబంధించిన ఫోటోలను ఇన్‌స్టాగ్రామ్‌లో షేర్‌ చేస్తూ..‘ధోలిదా 2026’ అనే క్యాప్షన్‌ జోడించి మరి పోస్ట్‌ చేశారు. అలాగే పోస్ట్‌లో నవరాత్రి స్త్రీత్వపు వేడుక. గర్భా నృత్య మేళ. వీటన్నింటిలో దేవిక శక్తి ఉంటుంది. అందరికీ నవరాత్రి శుభాకాంక్షలు. ఇలా అమ్మవారి పండుగలో స్వదేశీ సాంప్రదాయ కళ, సాంస్కృతిక వారసత్వానని ధరించడం చాలా ఆనందంగా ఉందని చెబుతోందామె. ఈ వేడుక కోసం చత్తీస్‌గఢలో ఉండటం చాలా సంతోషంగా ఉందని పేర్కొంది. ఇంతకీ కంగనా ధరించిన ఆ లెహంగా ధర ఎంతంటే..అక్షరాలు రూ. రూ. 2.1 లక్షలు పలుకుతుందట. View this post on Instagram A post shared by Kangana Ranaut (@kanganaranaut) ఇదీ చదవండి: Sai Pallavi: గులాబీ చీరలో ‘సీతమ్మలా’ సాయిపల్లవి ట్రెడిషనల్‌ లుక్‌!

బిహార్‌లోని దర్భంగా మెడికల్ కాలేజ్ అండ్ హాస్పిటల్ (DMCH) సర్జికల్ విభాగం భవనంలో ముగ్గురు మహిళలు, ఒక పురుషుడు మద్యం సేవించడం నెట్టింట చర్చకు దారాతీసింది. దీనికి సంబంధించి సీసీటీవీ వీడియో ఫుటేజ్‌ సోషల్ మీడియాలో వైరల్ కావడం తీవ్ర కలకలం రేపింది. ప్రభుత్వ ఆసుపత్రిలో చోటుచేసుకున్న ఈ ఘటనపై పోలీసులు విచారణకు ఆదేశించారు.మద్యనిషేధం అమలులో ఉన్న బిహార్‌లో, ప్రభుత్వ ఆసుపత్రిలో ఈ ఘటన జరగడం దుమారాన్ని రాజేసింది. ప్రభుత్వ ఆసుపత్రి భద్రత, వర్క్‌ప్లేస్‌లో క్రమశిక్షణపై ఆందోళనలను రేకెత్తించింది. వైరల్‌ వీడియో ప్రకారం ఆసుపత్రి భవనం మెట్ల వద్ద నలుగురు వ్యక్తులు మద్యం సేవిస్తున్నట్లు కనిపించింది. మహిళలు బ్యాగ్ నుండి స్నాక్స్, ప్లాస్టిక్ గ్లాసులు తీస్తుండగా, ఒక వ్యక్తి తన నడుము వద్ద దాచుకున్న లిక్కర్ టెట్రా ప్యాకెట్‌ను తీసి వారికి ఇస్తున్నట్లు ఇందులో రికార్డైంది.మద్యం సేవిస్తున్న మహిళలు ఆసుపత్రిలోని పారిశుధ్య కార్మికులని కావచ్చని, పురుషుడు ట్రాలీ వర్కర్ అని ప్రచారం జరుగుతోంది. అయితే వారు ఎవరు అనే వివరాలను అధికారులు ఇంకా అధికారికంగా ధృవీకరించలేదు. ఈ అంశాన్ని తీవ్రంగా పరిగణించిన దర్భంగా ఎస్పీ (SSP) జగన్నాథ్ రెడ్డి జలరెడ్డి, బెంటా పోలీస్ స్టేషన్ ఇన్‌ఛార్జ్‌ను సమగ్ర విచారణ జరిపించాలని ఆదేశించారు.After a viral video allegedly showed three female sanitation workers and one trolley worker consuming alcohol at Darbhanga Medical College & Hospital (DMCH) in Bihar, police registered an FIR at Benta Police Station. Can’t women also drink alcohol? The misogynistic policeman should be suspended immediately. 😐😐 https://t.co/0bNwCyIsgG— JusticeForMen (@Mr_Prajapat551) October 16, 2026 ఇదీ చదవండి: 39 గంటల రెస్క్యూ ఆపరేషన్ : 9 ఏళ్ల బాలుడి విషాదాంతంమరోవైపు ఇది పాతవీడియో అనే అనుమానాలుఉన్నాయి. దర్భంగా జిల్లా మేజిస్ట్రేట్ ఆదేశాల మేరకు విచారణ చేపట్టినట్లు DMCH సూపరింటెండెంట్ డాక్టర్ జగదీష్ చంద్ర తెలిపారు. అయితే, ఆసుపత్రి సెక్యూరిటీ ఇన్‌ఛార్జ్ మాత్రం ఈ వీడియో దాదాపు ఆరు నెలల క్రితం నాటిదని పేర్కొంటున్నారు. ఈ ఘటన ఎప్పుడు, ఎక్కడ జరిగింది , వీడియోలో ఉన్నవారు నిజంగానే ఆసుపత్రి ఉద్యోగులా లేక అవుట్‌సోర్సింగ్ సిబ్బందా అనే అంశాలపై పోలీసులు దర్యాప్తు చేస్తున్నారు. ఇదీ చదవండి: భార్యకు సింపుల్‌ గిఫ్ట్‌ : రూ. 5 కోట్ల సర్‌ప్రైజ్‌

జలపాతం అందాలను ఆస్వాదిస్తూ సరదాగా గడుపుతున్న ఓ యువతికి ఊహించని ప్రమాదం ఎదురైంది. నీటిలో స్నానం చేస్తుండగా ప్రమాదవశాత్తూ జారిపడి ఎత్తు నుంచి కిందపడటంతో ప్రాణాలు కోల్పోయింది. ఆమె కళ్లముందే జరిగిన ప్రమాదాన్ని చూసిన స్నేహితులు కాపాడేందుకు ప్రయత్నించినా ఫలితం లేకపోయింది. ఈ విషాద ఘటనకు సంబంధించిన వీడియో సోషల్‌ మీడియాలో వైరల్‌గా మారింది.ఇండోనేషియాలోని పశ్చిమ సుమత్రా ప్రావిన్స్‌ లిమాపులుహ్‌ కోటా ప్రాంతంలోని రోబో హరౌ జలపాతం వద్ద ఈ ఘటన జరిగింది. పదంగ్‌ పరియామన్‌కు చెందిన విండీ రహ్మా పుత్రి (25) గురువారం (అక్టోబర్‌ 15) మధ్యాహ్నం జలపాతం వద్ద స్నానం చేస్తుండగా ప్రమాదవశాత్తూ జారిపడి ఎత్తు నుంచి కిందపడింది. ఆమెను కాపాడేందుకు ఓ స్నేహితురాలు ప్రయత్నించినప్పటికీ.. చేతులు పట్టు తప్పి ఆమె కిందకు జారిపోయింది. సాయంత్రం నుంచి గాలింపుగురువారం మధ్యాహ్నా సమయంలో ప్రమాదం జరిగింది. అయితే తోటి స్నేహితుల ఆందోళనల నడుమ.. సాయంత్రం 5.27 గంటలకు అధికారులకు సమాచారం అందడంతో సహాయక బృందాలు రంగంలోకి దిగాయి. బాధితురాలి కోసం సుమారు 570 మీటర్ల పరిధిలో గాలింపు చేపట్టాయి. చివరకు శుక్రవారం (అక్టోబర్‌ 16) ఉదయం 10.45 గంటలకు ఆమె మృతదేహాన్ని గుర్తించి వెలికితీశాయి. ఈ విషయాన్ని పదంగ్‌ క్లాస్‌-ఏ సెర్చ్‌ అండ్‌ రెస్క్యూ కార్యాలయ అధిపతి అబ్దుల్‌ మాలిక్‌ ధ్రువీకరించినట్లు స్థానిక మీడియా వెల్లడించింది.🇮🇩 A 25-year-old woman fell to her DEATH while bathing at a waterfall in Indonesia 😨 Windy Rahma Putri was enjoying the water at Robo Waterfall when she suddenly lost her footing and was swept down the rocky falls. Writer: Sol https://t.co/wbHX0LDsZh— Mario Nawfal (@MarioNawfal) October 17, 2026వైరల్‌గా ప్రమాద దృశ్యాలు..యువతి జారిపడి కిందకు పడిపోతున్న దృశ్యాలు సోషల్‌ మీడియాలో వైరల్‌ అవుతున్నాయి. వీడియో చూసిన నెటిజన్లు తీవ్ర దిగ్భ్రాంతి వ్యక్తం చేస్తున్నారు. ప్రమాదాన్ని ప్రత్యక్షంగా చూసిన ఆమె స్నేహితుల పరిస్థితిని ఊహించలేకపోతున్నామని పలువురు వ్యాఖ్యానించారు. యువతి కుటుంబానికి సంతాపం తెలిపారు.25-Year-Old Woman Swept Away by Strong Currents at Indonesian Waterfall What began as a visit to the scenic Robo Harau Waterfall in West Sumatra, Indonesia, ended in tragedy. Windy Rahma Putri, 25, slipped and was swept away by powerful currents. After a desperate search, her body was found the following morning, according to local media.— The News Drill™ (@thenewsdrill) October 17, 2026జలపాతాల వద్ద అందమైన దృశ్యాల కోసం వెళ్లినప్పుడు అప్రమత్తంగా ఉండాల్సిన అవసరాన్ని ఈ ఘటన మరోసారి గుర్తుచేస్తోంది. నిటారుగా ఉండే కొండ అంచులు, జారుడుగా ఉండే రాళ్లు, నీటి ప్రవాహాల సమీపంలో చిన్న పొరపాటు కూడా ప్రాణాంతకంగా మారవచ్చు. ఇదీ చదవండి: ఇరాన్‌పై అత్యంత భారీ బాంబు

దోసెలంటే ఇష్టపడని వారెవరు ఉంటారు. అయితే వాటిని హడావిడిగా తినేలేం. చక్కగా ప్లేటులో నెమ్మదిగా తింటూనే ఆస్వాదించాలి. కాబట్టి ‍ప్రయాణాల్లో శాండ్‌విచ్‌, బర్గర్‌లతో సరిపెట్టేస్తాం. ఇష్టం లేకున్నా అవే తింటాం. ఎందుకంటే సౌకర్యవంతంగా ఇబ్బంది లేకుండా తినాలంటే అవే బెటర్‌. మరి దోసెని కూడా అలానే అందిస్తే..! అదెలా సాధ్యం అనకండి సామీ. ఎందుకంటే దాన్ని సాధ్యచేసి చూపింది మన రామేశ్వరం కేఫ్‌. ఎలాగో తెలుసా..!.చక్కగా అప్పుడే తయారు చేసిన దోసెను చక్కగా ర్యాప్‌గా మార్చేశారు. అదెలా అంటే..ప్రయాణంలో ఇబ్బంది లేకుండా ఈ సంప్రదాయ వంటకాన్ని ఆస్వాదించేలా ఒక మార్గాన్ని అందించింది బెంగళూరు విమానాశ్రయంలోని 'ది రామేశ్వరం కేఫ్'. వంటగదిలో అప్పుడే తయారుచేసిన ఫ్రెష్‌ దోసలో ఆలూ మసాలా పొరలుగా వేసి, చట్నీతో వడ్డిస్తారు. ఆ తర్వాత దాన్ని జాగ్రత్తగా ర్యాప్‌గా చుట్టి అరటి ఆకులు, ఫాయిల్‌ పేపర్‌లో చుట్టి ప్యాక్‌ చేస్తారు. దీని ఫలితంగా ప్రయాణికులు ప్లేట్‌, చెంచాలు, ఫోర్కులు వంటివి అవసరం లేకుండా దోసెను హాయిగా ఆస్వాదిస్తారు. విమానం ఎక్కడానికి హడావిడిగా ఉండే ప్రయాణికులకు సౌకర్యవంతంగా ఉండేలా మార్చింది. దీని వల్ల ఎయిర్‌పోర్ట్‌లో దొరికే శాండ్‌విచ్‌లు, ప్యాక్‌ చేసే స్నాక్స్‌కు బదులుగా ఈ కమ్మటి దోసె ర్యాప్‌ చక్కటి ప్రత్యామ్నాయం. చాలామంది నెటిజన్లు దీన్ని ప్రయత్నించి ఈ దోసె ర్యాంప్‌ చాలా బాగుంది, మంచి ఆలోచన అంటూ ప్రశంసల వర్షం కురిపించారు. View this post on Instagram A post shared by Dharak Shah | Food & Travel | Bengaluru (@foodietraveller_dharak) ఇదీ చదవండి: గర్బా నృత్యంలో అడుగులు కదిపిన ఐఏఎఫ్‌ చీఫ్‌

గుజరాత్‌లోని వడోదరలో నవరాత్రి వేడుకలో జరిగే గర్బా నృత్యంలో ఐఏఎస్‌ చీప్‌ ఏపీ సింగ్‌ అడుగులు కదిపారు. వడోదరలో ప్రసిద్ధి చెందిన 'యునైటెడ్ వే ఆఫ్ బరోడా నవరాత్రి గర్బా మహోత్సవ్ 2026 మూడవ రోజు ముఖ్య అతిధిగా హజరయ్యారు ఏపి సింగ్‌. ఆయన ముదురు నీలం రంగు కుర్తా, మ్యాచింగ్‌ తలపాగా, దుపట్టా వంటి సంప్రదాయ దుస్తులు ధరించి మరి ఈ నృత్యంలో పాల్గొన్నారు. అక్కడ ఇతర నృత్యకారుల తోపాటు లయబద్ధంగా డ్యాన్స్‌ చేశారు. అక్కడి ఆనందరకర వాతావరణాన్ని ఆస్వాదిస్తూ..ఉత్సాహంగా గడిపారు. ఆయన చుట్టూ ఉన్న ప్రజలు ఆయన తోపాట ఆనందంగా అడుగులు కదిపారు. అత్యంత కూల్‌గా పేరుగాంచిన ఐఏఎఫ్‌ చీఫ్‌ నిర్వాహక కమిటీ సభ్యుడు, ఒక భద్రతా సిబ్బందితో కలిసి ఐఏఎఫ్‌ చీఫ్‌ ఈ వేడుకలో పాల్గొన్నారు. అంతేగాదు సాంప్రదాయ 'తీన్ తాల్' గర్బా నృత్య రీతుల్లో కొన్ని అడుగులు వేసి అక్కడి వారిని ఆకట్టుకున్నారు కూడా. అలాగే పండుగ సాంప్రదాయల్ని గౌరవిస్తూ..ఇతర రక్షణ శాఖ ఉన్నతాధికారులతో కలిసి ఆయన 'మా చంద్రఘంట దేవి ఆరతి' కార్యక్రమంలో భక్తిశ్రద్ధలతో పాల్గొన్నారు కూడా. ఆయన తీరు యుద్ధవిమానాలను నడపడంలోనే కాదు..డ్యాన్స్‌లో కింగే అని తన నృత్య ప్రదర్శనతో చూపించారు. సింగ్ దళాధిపతిగా తన పదవీకాలాన్ని ముగించడానికి సిద్ధమవుతున్న తరుణంలో ఇది ఒక ముఖ్యమైన ఘట్టంగా నిలిచింది. మరోవైపు, నవరాత్రి వేడుకల్లో ఆయన కనిపించడం, కాక్‌పిట్ అధికారిక విధులకు దూరంగా ఒక చిన్నపాటి అందమైన క్షణంగా మారింది. అందుకు సంబంధించిన వీడియో నెట్టింట వైరల్‌గా మారింది. కాగా, ఎయిర్ చీఫ్ మార్షల్ ఏపీ సింగ్ అక్టోబర్ 31న పదవీ విరమణ చేయనున్నారు. View this post on Instagram A post shared by Joohi K Patel | Food, Travel, Lifestyle Blogger (@joohiie) ఇదీ చదవండి: ఇది కదా మహిళా శక్తి! 350 మంది మహిళల వీర గర్బా..వీడియో వైరల్‌

ఉప్పల్ వేదికగా భారత్‌, వెస్టిండీస్ మధ్య జరిగిన నాలుగో టీ20లో అభిషేక్ శర్మ, విండీస్ బౌలర్ కీమో పాల్ మధ్య జరిగిన మాటల యుద్ధం ఆలస్యంగా వెలుగులోకి వచ్చింది. మ్యాచ్ ముగిసిన అనంతరం ఇరుజట్ల ఆటగాళ్ల కరచాలనం సందర్భంగా సైగలతో కవ్వింపు చర్యలకు పాల్పడ్డ విండీస్ బౌలర్‌కు అభిషేక్ మాస్ వార్నింగ్ ఇవ్వడం వైరల్‌గా మారింది. కరచాలనం చేసుకునే సమయంలో కీమో పాల్ వైఖరి పట్ల ఆగ్రహం వ్యక్తం చేసిన అభిషేక్‌.. ఇది మంచి పద్దతి కాదంటూ సీరియస్‌గా అక్కడి నుంచి వెళ్లిపోవడం కెమెరా కంటికి చిక్కింది. ఇద్దరి మధ్య మాటల యుద్ధం నడుస్తున్న సమయంలోనే అక్కడికి చేరుకున్న ఆటగాళ్లు, అంపైర్ వారిని విడదీశారు. దీనికి సంబంధించిన వీడియో ప్రస్తుతం సోషల్ మీడియాలో ట్రెండింగ్‌లో నిలిచింది.మ్యాచ్ సమయంలో 5 వికెట్ల ప్రదర్శన నమోదు చేసిన కీమో పాల్.. వికెట్ తీసిన ప్రతీసారి కాస్త అగ్రెసివ్‌గా ప్రవర్తించాడు. తన వెలికి చేష్టలతో టీమిండియా బ్యాటర్లకు సైగలు చేశాడు. అయితే అభిషేక్ శర్మ ఔటైన సమయంలోనూ కీమో పాల్ వెటకారంగా సైగలు చేశాడు. అతడి చర్యలతో సుర్రుమన్న అభిషేక్.. కీమో పాల్‌తో మాటల యుద్ధానికి దిగాడు. అయితే అంపైర్లు, ఇత‌ర ఆట‌గాళ్లు జోక్యం చేసుకొని అభిషేక్‌ను పంపించారు. అయితే కీమో పాల్ ప్ర‌వ‌ర్త‌న‌ను రుచించని అభిషేక్ శర్మ మ్యాచ్ అనంతరం షేక్ హ్యాండ్ ఇచ్చే స‌మ‌యంలో కీమో పాల్ వ‌ద్ద‌కు రాగానే.. ఇలాంటి పనులు చేయొద్దని, హుందాగా ప్రవరిస్తే బాగుంటుందని పాల్‌కు మాస్ వార్నింగ్ ఇవ్వ‌డం క‌నిపించింది.మ్యాచ్‌లో తొలుత బ్యాటింగ్ చేసిన వెస్టిండీస్ 20 ఓవ‌ర్ల‌లో మూడు వికెట్ల న‌ష్టానికి 247 ప‌రుగులు చేసింది. షై హోప్ (50 బంతుల్లో 102 నాటౌట్‌) అజేయ సెంచ‌రీ సాధించ‌గా, రూథ‌ర్‌ఫోర్డ్ (49 నాటౌట్‌) మెరిశాడు. అనంత‌రం భార‌త్ 19.3 ఓవ‌ర్ల‌లో (223-9) ప‌రుగుల‌కు ఆలౌటైంది( అర్ష‌దీప్ సింగ్ రిటైర్డ్ హ‌ర్ట్‌). ఓపెన‌ర్ సంజూ సామ్స‌న్ (56), తిల‌క్ వ‌ర్మ (43), నితీశ్‌రెడ్డి (41) మిన‌హా మిగ‌తావాళ్లు విఫ‌ల‌మ‌య్యారు. ఐదు మ్యాచ్‌ల టీ20 సిరీస్‌లు ఇరుజ‌ట్లు 2-2తో స‌మంగా ఉన్నాయి. రేపు బెంగ‌ళూరు వేదిక‌గా భార‌త్‌, వెస్టిండీస్‌లు చివ‌రి టీ20 మ్యాచ్ ఆడ‌నున్నాయి.Abhishek Sharma was not happy with the send off by Keema Paul during the 3rd T20i 🫪 #indvwi https://t.co/TYTMQYjjv8— Nibraz Ramzan (@nibraz88cricket) October 15, 2026ఇదీ చదవండి: ప్రధాన సమస్య అదే.. ఐపీఎల్ స్టార్లంతా ఎక్క‌డికి పోయారు?చేజింగ్ అంటేనే అత‌డి వెన్నులో వ‌ణుకు!

ఆమెకు 30 ఏళ్లు. అతనికి 75 ఏ‍ళ్లు. ఇద్దరూ ఏడాది క్రితం ప్రేమలో పడ్డారు. ఈ దసరా నవరాత్రి ఉత్సవాల తరువాత ఇద్దరూ వివాహబంధంలోకి అడుగుపెట్టబోతున్నారు. అంతేకాదు వీరిద్దరూ ఘనంగా ఎంగేజ్‌మెంట్‌ చేసుకున్నారు. ఇరు కుటుంబాల ఆనందోత్సాహాల మధ్య జరిగిన ఈ నిశ్చితార్థం వేడుకకు సంబంధించిన వీడియో నెట్టింట తెగ చక్కర్లు కొడుతోంది. పెళ్లి కాని ప్రసాదుల గుండెల్లో గునపాలు దించుతున్న ఈ వీరి ప్రేమకథ వివరాలేంటో తెలుసుకుందామా.ఉత్తరప్రదేశ్‌లోని ఔరైయా జిల్లాకు చెందిన 75 ఏళ్ల రామ్‌షుగర్ (Ramsugar),30 ఏళ్ల రాణి రాజ్‌పుత్ (Rani Rajput) త్వరలోనే పెళ్లి పీటలెక్క బోతున్నారు. దాదాపు 45 ఏళ్ల గ్యాప్‌ ఉన్నా వీరి మధ్య చిగురించిన ప్రేమ, పెళ్లి సోషల్ మీడియాలో చర్చనీయాంశంగా మారింది. ఏడాది క్రితం వీరి ఎలా మొదలైందీ అంటేఇన్‌స్టాగ్రామ్‌లో రీల్స్ చేసే రాణి రాజ్‌పుత్, రామ్‌షుగర్ కుమార్తెను కలవడానికి తరచుగా ఆయన ఇంటికి వెళ్లేది. ఆ సమయంలో వారి మధ్య ఏర్పడిన పరిచయం, స్నేహంగా మారి ఆ తర్వాత ప్రేమగా చిగురించింది. వీరిద్దరికీ నిశ్చితార్థం కాగా, నవరాత్రుల అనంతరం వివాహం జరగనుంది. వీరి నిశ్చితార్థానికి సంబంధించిన వీడియో సోషల్ మీడియాలో విపరీతంగా వైరల్ అయింది. ఇందులో కుటుంబ సభ్యులు ఆప్తుల సమక్షంలో వీరిద్దరూ ఎంతో సంతోషంగా కనిపించారు.75 साल के रामसुगर 30 साल की रानी राजपूत से दिल लगा बैठे। दोनों की सगाई और हल्दी,मेंहदी की रस्म भी हो गई। जल्द ही दोनों शादी के बंधन में बंधेंगे। 📍 औरैया, उत्तर प्रदेश। https://t.co/dZ8sP3nNEr— Zuber Akhtar (@Zuber_Akhtar1) October 15, 2026 ఇదీ చదవండి: చికాగోలో సామూహిక అత్యాచారం కలకలం : ‘నా టర్న్’ఎపుడు‌ అంటూ రచ్చ?!నెటిజన్ల రియాక్షన్స్‌ఈ జంట పెళ్లి వార్త ఎక్స్‌లో వైరలవుతోంది. కొందరు వీరికి శుభాకాంక్షలు తెలుపుతోంటే, "రామ్‌షుగర్ వెర్సస్‌ షుగర్ డాడీ " అంటూ సరదాగా కామెంట్లు చేశారు. మరికొందరు ప్రేమ గుడ్డిదని ఈ రోజు మరోసారి రుజువైంది భయ్యా అంటూ ఫన్నీ కామెంట్స్‌ చేశారు. అంతేకాదు, "యువత పరిస్థితి ఏంటి భయ్యా?" అని ఒకరు, అసలే యువకులకు పెళ్లిళ్లు కావడం లేదని బాధపడుతోంటే, ఇక మాలాంటి వాళ్ల పరిస్థితేంటి బాబోయ్‌ అని మరొక నెటిజన్ కామెంట్ చేశారు. ‘‘ఇంతకీ ఆ 70 ఏళ్ల పెద్దాయన పేరిట ఉన్న ఆస్తి విలువ ఎంత ఉందో?" అంటూ ఇంకొకరు చమత్కరించారు. వీరిద్దరి మధ్య ఉన్న భారీ వయస్సు వ్యత్యాసం కారణంగా ఈ వీడియో నెటిజన్ల దృష్టిని ఆకర్షించింది.ఇదీ చదవండి: జియో అలా పుట్టింది : ఇషా అంబానీ చెప్పిన ఇంట్రస్టింగ్‌ స్టోరీ

రాజస్థాన్‌లోని చురూ జిల్లా, సర్దార్‌షహర్‌లో విషాదం చోటు చేసుకుంది. జిమ్‌లోని ట్రెడ్‌మిల్‌పై పరుగెడుతుండగా ప్రిన్సిపాల్ బీర్బల్‌ రామ్ మేఘ్వాల్‌ (49) కుప్పకూలిపోయారు. ఆస్పల్సర్‌లోని సీనియర్ సెకండరీ పాఠశాలకు ప్రధానోపాధ్యాయుడిగా పనిచేస్తున్న బీర్బల్‌ గుండెపోటు కారణంగా మరణించినట్టు ప్రాథమికంగా అంచనా వేస్తున్నారు. ఆయన అకాల మరణం ఇటు కుటుంబ సభ్యులతో పాటు, ఇటు విద్యార్థులు తోటి విద్యార్థులు కూడా విషాదంలో మునిగిపోయారు. ఈ ఘటనకుసంబంధించిన సీసీటీవీ ఫుటేజ్ సోషల్ మీడియా వైరల్‌ కావడంతో యూజర్లలో దిగ్భ్రాంతి, భయాందోళనలు నెలకొన్నాయి.మంగళవారం సాయంత్రం 6 గంటలకు తన చిన్న కూతురు కవితతో కలిసి జిమ్‌కు వెళ్లారు. సాయంత్రం 7 గంటల సమయంలో ట్రెడ్‌మిల్ మీద పరిగెడుతుండగా ఒక్కసారిగా కిందపడి స్పృహ కోల్పోయారు. జిమ్ నిర్వాహకుడు వెంటనే స్పందించి సుమారు రెండు నిమిషాల పాటు సీపీఆర్ చేశారు. పరిస్థితిలో మార్పు రాకపోవడంతో సమీపంలోని ప్రైవేట్ ఆసుపత్రికి తరలించారు. కానీ అప్పటికే ప్రాణం పోయినట్టు వైద్యులు ధ్రువీకరించారు. కుటుంబ సభ్యుల సమక్షంలో పోస్టుమార్టం నిర్వహించి మృతదేహాన్ని వారికి అప్పగించారు.Rajasthan: A 49-year-old government school principal d!ed after suddenly collapsing while running on a treadmill at a gym in Sardarshahar, Churu district. CCTV footage of the incident has surfaced. https://t.co/Ytl6y2DSOT— Deadly Kalesh (@Deadlykalesh) October 14, 2026ఇదీ చదవండి: జర్మనీలో అగ్నిప్రమాదం : ముగ్గురు భారతీయులు సజీవ దహనం బీర్బల్‌ గత 20 సంవత్సరాలుగా ఉపాధ్యాయ వృత్తిలో సేవలందిస్తున్నారు. 2006లో లెక్చరర్‌గా తన ప్రయాణాన్ని ప్రారంభించి, 2018లో ప్రిన్సిపాల్‌గా పదోన్నతి పొందారు. ఆయనకు భార్య, ఇద్దరు కుమార్తెలు (రితిక, కవిత) ఉన్నారు.

ప్రధాని నరేంద్ర మోదీపై తరచూ విమర్శలు చేసే ఎంఐఎం అధినేత అసదుద్దీన్‌ ఓవైసీ పొలిటికల్‌ సర్‌ప్రైజ్‌ ఇచ్చారు. ఎలాన్‌ మస్క్‌ విషయంలో మాత్రం దేశ సార్వభౌమాధికారాన్ని ముందుకు తెచ్చారు. భారత్‌ ప్రధాని గురించి మాట్లాడే హక్కు.. ఇక్కడి వ్యవహారాల్లో జోక్యం చేసుకునే అధికారం మస్క్‌కు ఎవరిచ్చారని ప్రశ్నించారు. ఇందుకు సంబంధించిన ఓ వీడియో ఇప్పుడు నెట్టింట వైరల్‌ అవుతోంది.భారత్‌లో స్టార్‌లింక్‌ సేవల ప్రారంభానికి అనుమతులు ఆలస్యమవుతున్నాయంటూ మస్క్‌ చేసిన వ్యాఖ్యల నేపథ్యంలో.. దేశ వనరుల్ని ఎలా వినియోగించుకోవాలో నిర్ణయించేది భారతదేశమేనని ఒవైసీ కుండబద్ధలు కొట్టారు. విదేశీయులు వచ్చి ఆదేశాలు ఇచ్చే పరిస్థితి ఉండకూడదని వ్యాఖ్యానించారు. ప్రధాని మోదీతో తనకు అనేక అంశాల్లో విభేదాలు ఉన్నప్పటికీ, ప్రధాని స్థానాన్ని అగౌరవపర్చడం, దేశ గౌరవానికి భంగం కలిగితే మాత్రం సహించబోనని అన్నారు.అంతేకాదు.. ప్రపంచంలోనే చౌక ధరకు ఇంటర్నెట్‌ లభించేది భారత్‌లోనని గుర్తు చేశారాయన. దేశంలో టెలికాం రంగానికి సంబంధించిన నిర్ణయాలు భారత ప్రయోజనాలను దృష్టిలో పెట్టుకుని తీసుకోవాలని, విదేశీ వ్యాపారవేత్తల ఒత్తిడికి తలొగ్గకూడదని ఆయన అభిప్రాయపడ్డారు. అలాగే భారత్‌ను రష్యా చమురు కొనొద్దని చెబుతున్న అమెరికా.. అక్కడి నుంచి డీజిల్‌ కొంటున్న విషయాన్ని ప్రస్తావించారు. భారత్‌ కూడా తన ప్రయోజనాలే ముఖ్యంగా భావించాల్సి ఉంటుందని వ్యాఖ్యానించారు. Owaisi slams Elon Musk for insulting PM Modi ji. Agree or not, he is a more loyal Indian than undignified Rahul Gandhi. https://t.co/1FUJKwKalK— Alpakanya (@Alpakanya) October 14, 2026భారతదేశ వనరులను ఎలా వినియోగించుకోవాలో నిర్ణయించేది ఈ దేశమేనని.. విదేశీ పారిశ్రామికవేత్తలు భారత్‌ విధానాలను శాసించే పరిస్థితి ఉండకూడదని అన్నారాయన. రాజకీయ విభేదాలు ఉన్నా దేశ గౌరవం, రాజ్యాంగబద్ధమైన పదవుల విషయంలో రాజీ పడకూడదన్న ఆయన వైఖరి ఇప్పుడు చర్చనీయాంశంగా మారింది.అంతకు ముందు.. అమెరికా అధ్యక్షుడు డొనాల్డ్‌ ట్రంప్‌ నుంచి ఎలాన్‌ మస్క్‌ వరకు.. విదేశీ ప్రముఖుల వ్యాఖ్యలపై ఇక్కడి రాజకీయ నేతలు గట్టిగా స్పందించడం లేదని నిలదీశారు. మస్క్‌ను ఉద్దేశించి ‘గోరా చమ్‌డీ వాలా’ (తెల్లతోలు వ్యక్తి) అంటూ మండిపడ్డారు.ఎలాన్‌ మస్క్‌కు చెందిన స్పేస్‌ఎక్స్‌ సంస్థ స్టార్‌లింక్‌ ద్వారా ఉపగ్రహ ఆధారిత ఇంటర్నెట్‌ సేవలను భారత్‌లో ప్రారంభించేందుకు ప్రయత్నిస్తోంది. అయితే సేవలను వాణిజ్యపరంగా ప్రారంభించడానికి అవసరమైన అనుమతుల ప్రక్రియ పూర్తికాలేదు. ఈ జాప్యంపై మస్క్‌ అసంతృప్తి వ్యక్తం చేస్తూ, భారత టెలికాం మార్కెట్‌లోని శక్తిమంతమైన వ్యాపార వర్గాలు స్టార్‌లింక్‌ ప్రవేశాన్ని అడ్డుకుంటున్నాయని ఆరోపించారు. రిలయన్స్‌ అధినేత ముకేశ్‌ అంబానీని ఉద్దేశించి వ్యంగ్యంగా పోస్టులు కూడా చేశారు.అయితే కేంద్ర ప్రభుత్వం ఈ ఆరోపణలను తోసిపుచ్చింది. స్టార్‌లింక్‌తో పాటు ఇతర శాటిలైట్‌ కమ్యూనికేషన్‌ సంస్థలకూ భద్రతాపరమైన పరిశీలనలు, నిబంధనల అమలు అవసరమని స్పష్టం చేసింది. అనుమతుల ప్రక్రియలో పక్షపాతం చూపుతున్నారన్న ఆరోపణలను ప్రభుత్వం ఖండించింది. ఈ వివాదం నేపథ్యంలో రాహుల్‌ గాంధీ కూడా మస్క్‌ పోస్టుకు స్పందించడంతో రాజకీయ చర్చ మొదలైంది. ఇప్పుడు ఒవైసీ వ్యాఖ్యలు ఈ అంశానికి మరో కోణాన్ని జోడించాయి. విదేశీ సంస్థలకు భారత్‌లో వ్యాపారం చేసే అవకాశం ఉండొచ్చు.. కానీ దేశ చట్టాలు, నిబంధనలు, నిర్ణయాధికారాన్ని గౌరవించాల్సిందేనన్నది మజ్లిస్‌ అధినేత వైఖరిగా ఆ వైరల్‌ వీడియోతో కనిపిస్తోంది.ఇదీ చదవండి: సీజేపీ నిరసనల ఎఫెక్ట్‌.. దేశ బహిష్కరణ నోటీసులు!

ఏదైనా దేశంలో పర్యటించాలంటే బైక్‌ లేదా కారులోనో రైడ్‌ చేస్తాం. ఇది సర్వసాధారణం. కానీ ఆటోలో పర్యటించడం గురించి విన్నారా. అదికూడా ఓ దేశంలోని నగర మేయర్‌ త్రీవీలర్‌లో వెళ్లడం అంటే నమ్ముతారా. ఇప్పుడు ఈ కథనం చదివాక కచ్చితంగా విస్తుపోతారు. నార్వేకు చెందిన మేయర్‌ ఆయన మేనల్లుడు మెరైన్‌ ఇంజనీర్‌ ఇద్దరు కలిసి ఆటోలో భారత్‌ని చుట్టోచ్చారు. అదేంటి ఆటోనా అని ఆశ్చర్యపోకండి. ఎందుకంటే ఆ టూర్‌ అంతా 'రిక్షా రన్' (Rickshaw Run) అనే అంతర్జాతీయ ఈవెంట్‌లో భాగంగా జరిగింది. నార్వే ఉత్తరప్రాంతంలోని గడ్డకట్టే ఆర్కిటిక్‌ జలాల్లో ప్రయాణించే ఓయివిండ్‌ హెస్జెవిక్‌, ఆయన మేనమామ పోర్సాంగర్‌ మున్సిపాలిటి మేయర్‌ జో ఇంగే హెస్జెవిక్‌ భారత్‌లో విలక్షణమైన రోడ్డు ట్రిప్‌ చేపట్టారు. రాజస్థాన్‌లోని జైసల్మేర్‌ నుంచి కేరళలోని కొచ్చి వరకు 13 రోజుల పాటు సాగే సుదీర్ఘ ప్రయానం. 'ది అడ్వెంచరిస్ట్స్' (The Adventurists) సంస్థ నిర్వహించే ఈ సవాలులో పాల్గొనేందుకు అంతర్జాతీయ డ్రైవింగ్ లైసెన్స్, ప్రవేశ రుసుము చెల్లించాల్సి ఉంటుంది. ఈ ఈవెంట్‌ నియమాల ప్రకారం..ఇందులో పాల్గొనేవారు ఒక్కో రిక్షాకు సుమారు రూ. 3 లక్షలు వరకు చెల్లించాల్సి ఉంటుంది. ఈ కార్యక్రమం సెప్టెంబర్‌ 23తో ప్రారంభమై అక్టోబర్‌ 09తో ముగిసింది. ఇక భారత్‌ టూర్‌కి ఆటోనే ఎంచుకోవడానికి కారణం కూడా తెలిపారు. ఇది నెమ్మదిగా వెళ్లే వాహనం. దీనిలో వెళ్తే ప్రజలతో సులభంగా కనెక్ట్‌ అవ్వోచ్చు అని అన్నారు. అలాగే మన పర్యటిస్తున్న దేశంతో సులభంగా సంబంధం ఏర్పరుచకోవడాని ఈ వాహనమే బెస్ట్‌ అని అన్నారు. తమ ప్రయాణానికి రోజుకి సుమారు రూ. 10 వేలు వరకు ఖర్చు పెట్టినట్లు తెలిపారు. దీంతోపాటు అంతర్జాతీయ విమాన ప్రయాణ ఖర్చులు, ఈవెంట్‌లో పాల్గొనే రుసుము తదితరాలు కూడా ఉంటాయన్నారు. ఈ జర్నీ ఒక చోట మాత్రం ఇబ్బందిపడినట్లు తెలిపారు. తాము తొలిరోజు పాకిస్థాన్‌ సరిహద్దుకు చాలా దగ్గరగా ఉన్నట్లు తమకు తెలియదని చెప్పారు. అయితే సూర్యాస్తమయం తర్వాత, సరిహద్దుకు సుమారు ఐదు కిలోమీటర్ల దూరంలో ఉన్న ఒక పట్టణంలోని హోటల్‌లో బస చేయడానికి ప్రయత్నించాం. కానీ, సరిహద్దుకు ఇంత దగ్గరగా ఉన్న హోటళ్లలో విదేశీయులకు అనుమతి లేదని తెలిసింది. దాంతో చీకట్లోనే ఆటో నడుపుకుంటూ పోవాల్సి వచ్చినట్లు తెలిపారు. ఆ క్రమంలో ఎదురుగా వచ్చే వాహనాల హెడ్‌లైట్ల వెలుతురుతో చాలా ఇబ్బంది పడ్డట్లు వివరించారు. అలా ఆ రాత్రిపూట రెండు గంటలపాటు ప్రయాణించి ఇబ్బందిపడ్డామని, కానీ చివరకు సురక్షితంగా తమ జర్నీని పూర్తి చేశామని చెప్పుకొచ్చారు. తమకు ముంబైలోని కొండ ప్రాంతాల్లో వర్షారణ్యాల మధ్య పైకి, కిందకు ప్రయాణిస్తున్నప్పుడు... అక్కడ ప్రకృతి దృశ్యాలు చాలా అందంగా, పరిశుభ్రంగా ఉన్నాయని చెప్పారు. భారతదేశంలో ఇలాంటి అద్భుతమైన ప్రకృతి ప్రాంతం ఒకటి ఉందని మాకు అంతకుముందు తెలియదని అన్నారు. ఆ ప్రాంతంలో ఉండటం మాకు ఒక గొప్ప అనుభూతిని ఇచ్చిందని చెప్పారు. అక్కడ ట్రాఫిక్ కూడా చాలా తక్కువగా ఉండటంతో, ప్రయాణం చాలా సురక్షితంగా, ఎంతో అందంగా అనిపించిందన్నారు. ఇక ఓయివిండ్‌ తాను మెరైన్ ఇంజనీర్‌ అని, ఆర్కిటిక్ ప్రాంతంలో సొంతంగా ఒక కమర్షియల్ ఫిషింగ్ బోటును నడుపుతుంటానని చెప్పారు. తన మామయ్య స్థానిక పట్టణానికి మేయర్‌గా పనిచేస్తున్నట్లు తెలిపారు. ఈ ఇద్దరు నార్వే దేశీయలు ఒక భారతీయుడితో సంభాషించడంతో నెట్టింట వైరల్‌ అయ్యారు. ఆ భారత వ్యక్తి మేయర్‌ జో ఇంగే హెస్‌జెవిక్‌ని అభినందించారు. ఎందుకంటే పట్టణ మేయర్‌ అయ్యుండి ఆటోలో భారదేశంలో పర్యటించడం అన్నది మాములు విషయం కాదని అన్నారు. View this post on Instagram A post shared by Chintan Matiya (@chintan__matiya) ఇదీ చదవండి: ఉన్నది ఒక్కటే లైఫ్‌..ప్లీజ్‌ క్లిష్టంగా మార్చుకోకండి..! టెక్‌ గురు మోహనదాస్‌ జీవన సూత్రాలివే

రష్యాలో ఉద్యోగం చేస్తున్న సమయంలో ఓ యువతిని ప్రేమించిన పేదింటి భారతీయుడు.. స్వదేశానికి తిరిగొచ్చాడు. అతడి ఆచూకీ తెలుసుకుని ఆమె ఏకంగా బిహార్‌కు వచ్చింది. ఎలాగైతేనేం ఆ ఎక్‌ ప్రేమ్‌ కహానీకి శుభం కార్డు పడింది!. నవంబర్‌లో వీరిద్దరికీ పెళ్లి జరగనుందని, ఇరు కుటుంబాలూ ఇందుకు అంగీకరించాయి. ఈ కథ తెలిసి చాలామంది ఆశ్చర్యపోయారు. కానీ, ఈ స్క్రిప్ట్‌లో విస్తుపోయే విషయం బయటపడింది ఇప్పుడు. వైరల్‌ కథనం ప్రకారం.. బిహార్‌లోని భాగల్‌పూర్‌కు చెందిన రాహుల్‌ యాదవ్‌ పని కోసం రష్యాకు వెళ్లాడు. అక్కడ జూలీ అనే యువతితో ప్రేమలో పడ్డాడు. అనంతరం రాహుల్‌ స్వదేశానికి తిరిగిరాగా, అతడిని వెతుక్కుంటూ జూలీ బిహార్‌కు వచ్చింది. పెద్దలను ఒప్పించి పెళ్లికి సిద్ధమైంది. దీంతో మాములు ప్రేమ కథ కాదంటూ తెగ ప్రచారం జరిగింది.అయితే, ఓ జాతీయ మీడియా జరిపిన ఫ్యాక్ట్‌ చెక్‌లో అసలు మోసం బయటపడింది. వీడియోలో కనిపించిన యువకుడి అసలు పేరు నమిత్‌. అతడు భాగల్‌పూర్‌కు చెందినవాడు కాదు.. బిహార్‌లోని పూర్ణియా జిల్లాకు చెందినవాడు. ఇక యువతి పేరు జూలీ కాదు. ఆమె ఆండ్రియా కొనాలి. అంతేకాదు.. ఆమె రష్యాకు చెందిన యువతి కూడా కాదు.వైరల్‌ వీడియోలో కనిపించిన యువతీ యువకులు ప్రేమికులు కారని, ప్రచారంలో చెప్పిన వివరాలన్నీ అవాస్తవాలని ఆ మీడియా సంస్థ ఫ్యాక్ట్‌ చెక్‌ తేల్చింది.🚨 BHAGALPUR, BIHAR : A man from Bihar reportedly travelled to Russia for work, where he fell in love with a Russian woman. The couple has now arrived in India and is reportedly planning to get married in November, with the woman willing to live in his village. https://t.co/kR0xgFdUHw— indiainlast24hr (@indiain24hr) October 14, 2026ఎన్‌జీవో కార్యక్రమం కోసం..ఆండ్రియా కొనాలి బ్రిటన్‌కు చెందిన శివియా అనే స్వచ్ఛంద సంస్థతో కలిసి పనిచేస్తున్నారు. మహిళలు స్వయం ఉపాధి ద్వారా ఆర్థికంగా ఎదిగేందుకు చేపడుతున్న కార్యక్రమాలపై అవగాహన, క్షేత్రస్థాయి పరిశీలనలో భాగంగా ఆమె బిహార్‌లో పర్యటించారు. స్థానికంగా పనిచేస్తున్న సాథి అనే సంస్థతో కలిసి కార్యక్రమాలు నిర్వహించారు. ఈ క్రమంలో అక్టోబర్‌ 7, 8 తేదీల్లో ఆరుగురు మహిళల బృందం పూర్ణియా జిల్లాకు వచ్చింది. ఆ బృందంలో ఆండ్రియా కూడా ఉన్నారు.గ్రామాల్లో మహిళలతో సమావేశాలు నిర్వహించడంతోపాటు, వారు చేపడుతున్న కార్యక్రమాలను పరిశీలించారు. ఈ సందర్భంగా స్థానిక మహిళలు విదేశీ అతిథులకు గులాబీల బొకేతో స్వాగతం పలికారు. ఆండ్రియా కొన్ని ఇళ్లను కూడా సందర్శించారు. విదేశీ మహిళలు గ్రామంలో తిరుగుతుండటంతో వారిని చూసేందుకు స్థానికులు పెద్ద సంఖ్యలో గుమిగూడారు. ఆ సమయంలో అక్కడికి వచ్చిన నమిత్‌ కూడా ఆ గుంపులో ఉన్నాడు. పాపం ఆండ్రియా..వైరల్‌ వీడియోలో ఆండ్రియా చేతిలో కనిపించిన పూల బొకేను చూపిస్తూ, యువతి తన ప్రియుడి ఇంటికి వచ్చిందని ప్రచారం చేశారు. కానీ వాస్తవం వేరే. గ్రామానికి వచ్చిన అతిథులకు స్వాగతం పలికే క్రమంలో స్థానిక మహిళలు ఆ బొకేను అందించారు. ఆ కార్యక్రమానికి సంబంధించిన దృశ్యాలనే వక్రీకరించి ప్రేమకథగా చిత్రీకరించారు. దీంతో వృత్తిపరమైన కార్యక్రమంలో భాగంగా గ్రామానికి వచ్చిన యువతి వ్యక్తిగత జీవితంపై తప్పుడు ప్రచారం మొదలైంది.నమిత్‌ రష్యాకు వెళ్లి అక్కడ యువతితో ప్రేమలో పడ్డాడన్న ప్రచారాన్ని స్థానికులు ఖండించారు. అతడు ఎప్పుడూ విదేశాలకు వెళ్లలేదని మీడియాకు తెలిపారు. విదేశీ మహిళలు గ్రామానికి వచ్చారని తెలిసి పక్క గ్రామానికి వెళ్లాడని వివరించారు. మరోవైపు.. ఆ జాతీయ మీడియా సంస్థ నమిత్‌ను నేరుగా సంప్రదించేందుకు ప్రయత్నించింది. అయితే, వారు వెళ్లిన సమయంలో అతడు ఇంట్లో లేడు. అతడి మొబైల్‌ ఫోన్‌ కూడా స్విచ్ఛాఫ్‌లో ఉంది. దీంతో ఈ వ్యవహారంపై అతడి వివరణను తెలుసుకోవడం సాధ్యం కాలేదు.వీడియోను మొదట ఎవరు చిత్రీకరించారు? దానికి తప్పుడు ప్రేమకథను జోడించి ఎవరు వైరల్‌ చేశారు? ఇందులో నమిత్‌కు ఏమైనా సంబంధం ఉందా? అనే విషయాలు ఇంకా స్పష్టంగా తెలియలేదు. ఒకవేళ చట్టపరమైన చర్యలు ప్రారంభిస్తే, ఈ వ్యవహారంలో నమిత్‌ పాత్రపై కూడా ప్రశ్నలు తలెత్తే అవకాశం ఉందని సాథి సంస్థ నిర్వాహకులు తెలిపారు.లీగల్‌ చర్యల దిశగా సాథి సంస్థ..ఈ ఘటనపై సాథి సంస్థ సమన్వయకర్త అభిషేక్‌ కుమార్‌ సింగ్‌ తీవ్ర అభ్యంతరం వ్యక్తం చేశారు. తమ సంస్థకు అతిథులుగా వచ్చిన మహిళల వీడియోలను తప్పుడు కథనాలతో ప్రచారం చేయడం సరికాదన్నారు. ఈ వ్యవహారంలో చట్టపరమైన చర్యలు తీసుకునే అంశాన్ని పరిశీలిస్తున్నట్లు తెలిపారు. వాస్తవాలను నిర్ధారించుకోకుండా పెద్ద, చిన్న మీడియా సంస్థలు సైతం ఈ కథనాన్ని ప్రచురించడంపై అసంతృప్తి వ్యక్తం చేశారు. ఇలాంటి తప్పుడు ప్రచారం సంస్థల ప్రతిష్ఠకే కాకుండా, దేశం గురించి ఇతరులకు వెళ్లే సందేశంపైనా ప్రభావం చూపుతుందని అభిప్రాయపడ్డారు.ఇదీ చదవండి: స్వీట్స్‌ అడిగాడు.. ఊరే వదిలి పారిపోయేలా చేశారు

నవరాత్రుల వేడుకల్లో నార్త్‌ ఇండియాలో దాండియా, గర్బా వంటి నృత్య ప్రదర్శనలతో కోలహాలంగా ఉంటాయి. అయితే ఈసారి ఉత్తరప్రదేశ్‌లోని బుందేల్‌ ఖండ్‌లో జరిగిన గర్భా అందరి దృష్టిని అమితంగా ఆకర్షించింది. వీరనారుల్లా మహిళలు చేసిన గర్బా నృత్య ప్రదర్శన భక్తిభావం తోపాటు చక్కటి సందేశాన్ని కూడా ఇవ్వడం విశేషం. మొత్తం 15 మంది మహిళలతో కూడిన 'మా చండికా ఉత్సవ్ సమితి' నిర్వహించిన ఈ కార్యక్రమంలో సుమారు 350 మందిదాక మహిళలు, చిన్నారులు పాల్గొని కత్తులతో అద్భుతంగా గర్బా నృత్యం చేశారు. వాళ్లంతా భక్తిభావం, మహిళా సాధికారత, ఆత్మరక్షణ వంటి శక్తిమంతమైన సందేశాలతో నృత్య ప్రదర్శన ఇచ్చారు. సింపుల్‌గా చెప్పాలంటే రాణి లక్ష్మీబాయి ధైర్యసాహసాలను ప్రదర్శించారు ఆ నృత్యంలో. ముఖ్యంగా కత్తిసాము ప్రధాన ఆకర్షణగా నిలిచింది. ఈ మహిళలు తమ ప్రదర్శన ద్వారా స్త్రీత్వాన్ని ప్రదర్శిస్తూనే అనుచితన ప్రవర్తనను ఎదురించగలమని, అలాగే అవసరమైనప్పుడు తమను తాము రక్షించుకోగలమని బలమైన సందేశాన్ని ఇచ్చారు. అక్కడ వరుసగా తొమ్మిదో ఏట జరుగుతన్న ఈ గర్భా నృత్యం కోసం వాళ్లంతా పది రోజుల పాటు శిక్షణ తీసుకుని మరి పాల్గొనడం విశేషం. కాగా, పెద్దపెద్ద​ నగరాలకే పరిమితమైన ఈ నృత్యాన్ని గ్రామీణ ప్రాంతాలకు చేరువ చేయడమే లక్ష్యంగా ఈ ప్రదర్శన నిర్వహించినట్లు నిర్వాహకులు తెలిపారు. అందుకు సంబంధించిన వీడియో నెట్టింట వైరల్‌గా మారింది. #WATCH | 350+ Women Perform Garba With Swords In Uttar Pradesh's Mahoba, Send Message Of Empowerment #garba #uttarpradesh https://t.co/OAACBLgFtR— NDTV (@ndtv) October 14, 2026 ఇదీ చదవండి: ఒళ్లు గగుర్పొడిచే భక్తి విన్యాసం..! ఏకంగా 2,516 పదునైన మేకులపై పడుకుని..

సోషల్‌ మీడియాలో పాపులారిటీ కోసం చేసిన చిలిపి పని మదురైకి చెందిన ఇన్‌స్టాగ్రామ్ ఇన్‌ఫ్లుయెన్సర్ వీరమణికి చుక్కలు చూపించారు నెటిజన్లు. దీపావళి సందర్భంగా స్వీట్లు వస్తాయని ఆశించి తన చిరునామాను ఆన్‌లైన్‌లో షేర్‌ చేశాడు. అదే అతనికి భారీ తలనొప్పులు తెచ్చిపెట్టింది. దెబ్బకి ఊరు వదిలి పారిపోవాలని నిర్ణయించుకున్నాడు. తనకెదైన వింత అనుభవాన్ని, గోడును వెళ్లబోసుకుంటూ సోషల్‌ మీడియాలోపోస్ట్‌ చేసిన వీడియోలు వైరల్‌గా మారాయి.రానున్న దీపావళి పండుగ సందర్భంగా, తనకు ఎవరైనా సరే ఒక స్వీట్ బాక్స్ పంపాలని కోరుతూ వీరమణి ఇటీవల ఇన్‌స్టాగ్రామ్‌లో ఒక వీడియో పోస్ట్ చేశారు. పంపుతారనే ఆశతో వీరమణి తన ఫోన్ నంబర్, ఇంటి చిరునామాను సోషల్ మీడియాలో షేర్ చేయడం. ఇక అంతే ఆయన పేరు మీద నకిలీ 'క్యాష్-ఆన్-డెలివరీ' (COD) ఆర్డర్ల వెల్లువ మొదలైంది. ఇందులో టెలివిజన్లు, రెఫ్రిజిరేటర్లు, వాషింగ్ మెషీన్లు, ఇతర గృహోపకరణాలు ఉన్నట్లు సమాచారం. ఒక టెలివిజన్ ఆర్డర్ విలువ రూ. 1.69 లక్షలు ఉంటుందని తెలిపారు. అంతేకాదు రూ. 70 కోట్ల విలువైన T-90 మిలిటరీ ట్యాంక్, అంబులెన్స్, రాకెట్ కోసం కూడా సీవోడీ రావడంతో వీరమణి బెంబేలెత్తిపోయాడు. ఇక ఆపండిరా బాబోయ్‌ అంటూ ఆయన మొత్తు కున్నాడు.

అత్యంత నిర్లక్ష్యంగా ఆటో నడుపుతున్న ఆటో డ్రైవర్‌పై హైదరాబాద్ సిటీ పోలీస్ కమిషనర్ వీసీ సజ్జనార్‌ తీవ్ర ఆగ్రహం వ్యక్తం చేశారు. ఈ ఘటనకు సంబంధించిన వీడియోను ఎక్స్‌లో షేర్‌ చేసిన ఆయన సదరు ఆటో డ్రైవర్‌ను గుర్తించి, చట్ట ప్రకారం కఠిన చర్యలు తీసుకోవాలని ట్రాఫిక్ పోలీసులను ఆదేశించారు. ఈ వీడియో సోషల్ మీడియాలో చర్చనీయాంశంగా మారింది. విషయం ఏమిటంటే.. ఈ వైరల్ వీడియోలో ఆటో డ్రైవర్ ఒక ఫోన్‌లో డెస్టినేషన్‌లో వెళ్లే నావిగేషన్ రూట్ ఉండగా, మరో మొబైల్‌లో దర్జాగా సినిమా చూస్తున్నాడు. అంతేకాకుండా చెవులకు హెడ్‌ఫోన్లు పెట్టుకున్నాడు. రోడ్డుమీద డ్రైవింగ్‌పై దృష్టిపెట్టాల్సిన డ్రైవర్‌ అలా మొబైల్‌ ఫోన్లలో మునిగిపోవడం తీవ్ర ఆందోళనకు దారి తీసింది. ట్రాఫిక్‌ నిబంధనల విషయంలో ఇప్పటికే చాలా సార్లు స్పందించిన సజ్జనార్‌ ఈ ఉదంతంపై మరింత సీరియస్‌ అయ్యారు. ఇతనిపై చర్య తీసుకోవాలని సంబంధిత అధికారులను కోరుతూ తన ట్విట్‌లో రాసుకొచ్చారు. మరోవైపు ఇది చాలా ప్రమాదకరమని నెటిజన్లు మండిపడుతున్నారు. ఇది ఆటోలో ప్రయాణిస్తున్న వారికే కాదు, మిగిలిన వాహన చోదకుల ప్రాణలమీదకి తెలుస్తుందనే ఆందోళన వ్యక్తమవుతోంది.ఇదీ చదవండి: బీజేపీ నేతను బంధించి మరీ రూ. 50 లక్షలు చోరీ.. కలకలం <blockquote class="twitter-tweet"><p lang="te" dir="ltr">రెండు కళ్లకు ఎదురుగా రెండు ఫోన్లు.. ఒకదాంట్లో గమ్యం చూపించే నేవిగేషన్ రూట్, మరోదాంట్లో నాన్‌స్టాప్ వినోదాన్ని పంచే సినిమా! ఇక చెవులకేమో బాహ్య ప్రపంచంతో సంబంధం లేకుండా రంగురంగుల లైట్లు వెలిగే పెద్ద హెడ్‌ఫోన్లు! ఇది ఒక ఆటో డ్రైవర్ అధునాతన సెటప్. ఒక నెటిజన్ సోషల్ మీడియా ద్వారా ఈ వీడియోను నాకు పంపించారు. చూడటానికి ఇది మల్టీ-స్క్రీన్ గేమింగ్ విన్యాసంలా అనిపించినా, వెనుక కూర్చున్న ప్రయాణికుల పాలిట మాత్రం ఇది నడుస్తున్న మృత్యుశకటం. డ్రైవింగ్ చేస్తున్నప్పుడు దృష్టి క్షణకాలం రోడ్డుపై నుంచి పక్కకు మళ్లినా ఘోర ప్రమాదాలు ముంచుకొస్తాయి. అలాంటిది నేరుగా సినిమా చూస్తూ, చెవుల్లో హెడ్‌ఫోన్లు పెట్టుకుని వాహనం నడపడం కేవలం నిర్లక్ష్యం మాత్రమే కాదు.. క్షమించరాని నేరం. ఎంవీ యాక్ట్ ప్రకారం ఇది డేంజరస్ డ్రైవింగ్ కిందకు వస్తుంది. దీనికి భారీ జరిమానాతో పాటు డ్రైవింగ్ లైసెన్స్ రద్దయ్యే అవకాశమూ ఉంది. వినోదం కోసం ప్రయాణికుల ప్రాణాలను పణంగా పెట్టడం భావ్యం కాదు. ఆటోను థియేటర్‌గా మార్చి జీవితాలకు ది ఎండ్ కార్డు వేయొద్దని గుర్తుంచుకోవాలి. వాహనం ఏదైనా.. టూవీలర్, కారు, ఆటో, బస్, లారీ.. డ్రైవింగ్ సమయంలో మొబైల్, హెడ్ ఫోన్స్, ఇయర్ బడ్స్ వాడకం ప్రాణాంతకం. ఈ క్రమంలో ప్రయాణం ఆటో అయినా, కారు అయినా, బస్సు అయినా ప్రయాణికులు కూడా ఎల్లప్పుడూ అప్రమత్తంగా ఉండాలి. డ్రైవర్ ఫోన్ చూస్తున్నా, చెవుల్లో హెడ్‌ఫోన్లు లేదా ఇయర్‌బడ్స్ పెట్టుకున్నా చూస్తూ మౌనంగా ఉండిపోకండి. అది ప్రాణాలకే ప్రమాదమని వెంటనే ప్రశ్నించండి, వారించండి. ఒకవేళ వారు వినకపోతే ఏమాత్రం నిర్లక్ష్యం చేయకుండా వెంటనే డయల్ 112కు కాల్ చేసి పోలీసులకు సమాచారం అందించండి. ప్రయాణంలో మీ నిర్లక్ష్యం మీ ప్రాణాలకే ముప్పు తెస్తుంది.. అదే సమయంలో మీ అప్రమత్తత మీతో పాటు ఎందరో అమాయకుల ప్రాణాలను కాపాడుతుందని గ్రహించాలి.రెండు కళ్లకు ఎదురుగా రెండు ఫోన్లు.. ఒకదాంట్లో గమ్యం చూపించే నేవిగేషన్ రూట్, మరోదాంట్లో నాన్‌స్టాప్ వినోదాన్ని పంచే సినిమా! ఇక చెవులకేమో బాహ్య ప్రపంచంతో సంబంధం లేకుండా రంగురంగుల లైట్లు వెలిగే పెద్ద హెడ్‌ఫోన్లు! ఇది ఒక ఆటో డ్రైవర్ అధునాతన సెటప్. ఒక నెటిజన్ సోషల్ మీడియా ద్వారా ఈ వీడియోను నాకు పంపించారు. చూడటానికి ఇది మల్టీ-స్క్రీన్ గేమింగ్ విన్యాసంలా అనిపించినా, వెనుక కూర్చున్న ప్రయాణికుల పాలిట మాత్రం ఇది నడుస్తున్న మృత్యుశకటం. డ్రైవింగ్ చేస్తున్నప్పుడు దృష్టి క్షణకాలం రోడ్డుపై నుంచి పక్కకు మళ్లినా ఘోర ప్రమాదాలు ముంచుకొస్తాయి. అలాంటిది నేరుగా సినిమా చూస్తూ, చెవుల్లో హెడ్‌ఫోన్లు పెట్టుకుని వాహనం నడపడం కేవలం నిర్లక్ష్యం మాత్రమే కాదు.. క్షమించరాని నేరం. ఎంవీ యాక్ట్ ప్రకారం ఇది డేంజరస్ డ్రైవింగ్ కిందకు వస్తుంది. దీనికి భారీ జరిమానాతో పాటు డ్రైవింగ్ లైసెన్స్ రద్దయ్యే అవకాశమూ ఉంది. వినోదం కోసం ప్రయాణికుల ప్రాణాలను పణంగా పెట్టడం భావ్యం కాదు. ఆటోను థియేటర్‌గా మార్చి జీవితాలకు ది ఎండ్ కార్డు వేయొద్దని గుర్తుంచుకోవాలి. వాహనం ఏదైనా.. టూవీలర్, కారు, ఆటో, బస్, లారీ.. డ్రైవింగ్ సమయంలో మొబైల్, హెడ్ ఫోన్స్, ఇయర్ బడ్స్ వాడకం ప్రాణాంతకం. ఈ క్రమంలో ప్రయాణం ఆటో అయినా, కారు అయినా, బస్సు అయినా ప్రయాణికులు కూడా ఎల్లప్పుడూ అప్రమత్తంగా ఉండాలి. డ్రైవర్ ఫోన్ చూస్తున్నా, చెవుల్లో హెడ్‌ఫోన్లు లేదా ఇయర్‌బడ్స్ పెట్టుకున్నా చూస్తూ మౌనంగా ఉండిపోకండి. అది ప్రాణాలకే ప్రమాదమని వెంటనే ప్రశ్నించండి, వారించండి. ఒకవేళ వారు వినకపోతే ఏమాత్రం నిర్లక్ష్యం చేయకుండా వెంటనే డయల్ 112కు కాల్ చేసి పోలీసులకు సమాచారం అందించండి. ప్రయాణంలో మీ నిర్లక్ష్యం మీ ప్రాణాలకే ముప్పు తెస్తుంది.. అదే సమయంలో మీ అప్రమత్తత మీతో పాటు ఎందరో అమాయకుల ప్రాణాలను కాపాడుతుందని గ్రహించాలి. Instructed @HYDTP to trace the auto (TG15U2657) driver and take stringent legal action as per the law. #RoadSafety #HyderabadTraffic #PassengerSafety #Dial112 #DriveSafe— V.C. Sajjanar, IPS (@SajjanarVC_IPS) October 14, 2026

ఎనిమిది నెలల పాటు చెమటోడ్చాడు.. టన్నుల కొద్దీ చెత్తను ఒక్కడే తొలగించాడు.. నదికి కొత్త రూపు తెచ్చాడు! కానీ, అతడి కష్టం మూణ్నాళ్ల ముచ్చటే అయింది. కొద్ది వారాలకే నది మళ్లీ చెత్తకుప్పగా మారింది. తన శ్రమంతా వృథా కావడంతో గుండె పగిలినా.. 20 ఏళ్ల బిట్టూ తబాహీ వెనక్కి తగ్గలేదు. ఈత కూడా రాని ఆ యువకుడు మరోసారి నదిలోకి దిగి చెత్తను ఏరివేయడం మొదలుపెట్టాడు.మధ్యప్రదేశ్‌లోని అజ్నార్‌ నది వద్ద ఈ హృదయవిదారక దృశ్యం కనిపించింది. సురేంద్ర సింగ్‌ చౌధరీ అలియాస్‌ బిట్టూ తబాహీ.. ఎనిమిది నెలల పాటు ఒంటరిగా శ్రమించి నదిలోని టన్నుల కొద్దీ వ్యర్థాలను తొలగించాడు. కానీ, ప్రజలు మళ్లీ చెత్త వేయడంతో కొద్ది వారాల్లోనే నది పాత స్థితికి చేరింది. ఈ పరిస్థితిపై తీవ్ర నిరాశ వ్యక్తం చేస్తూ సోషల్‌ మీడియాలో వీడియోను పంచుకున్నాడు. అయినా, నిరుత్సాహంతో ఆగిపోలేదు. ఈత రాకపోయినా నదిలోకి దిగి మరోసారి చెత్తను తొలగించడం ప్రారంభించాడు. తక్కువ సమయంలో ఎక్కువ వ్యర్థాలను తొలగించేందుకు మార్గాలు సూచించాలని తన ఫాలోవర్లను కోరాడు.అలా ఫేమస్‌ అయ్యి..బిట్టూ తబాహీ.. స్థానికంగా ఓ ఆలయం సమీపంలోని చెరువు చెత్తతో నిండిపోవడం చూసి శుభ్రం చేయాలని నిర్ణయించుకున్నాడు. ఆ తర్వాత అజ్నార్‌ నదిపై దృష్టి పెట్టాడు. 2026 జనవరి 26న మొదలుపెట్టిన ఈ కార్యక్రమంలో తొలుత కొందరు స్నేహితులు తోడైనా.. ఎక్కువ భాగం పనిని ఒక్కడే చేశాడు. తన సొంత డబ్బును ఖర్చు చేస్తూ, ప్రత్యేక పరికరాలు లేకుండానే ప్లాస్టిక్‌ సంచులు, సీసాలు, బురద, ఇతర వ్యర్థాలను తొలగించాడు. ఈ క్రమంలో చర్మ సమస్యలు, ఇన్ఫెక్షన్లు వంటి ఇబ్బందులనూ ఎదుర్కొన్నాడు.బిట్టూ శ్రమకు సంబంధించిన వీడియోలు వైరల్‌ కావడంతో పారిశ్రామికవేత్త ఆనంద్‌ మహీంద్రా సహా పలువురు ప్రముఖులు ప్రశంసించారు. మధ్యప్రదేశ్‌ ముఖ్యమంత్రి మోహన్‌ యాదవ్‌ కూడా అతడి కృషిని అభినందించారు. ఆ తర్వాత బెంగళూరులోని తురహళ్లి అడవిని 100 మందితో కలిసి శుభ్రం చేశాడు. ఢిల్లీ, గురుగ్రామ్‌, నోయిడాలోనూ శుభ్రతా కార్యక్రమాలు చేపట్టి గురుగ్రామ్‌లో యుమనా నది నుంచి ఏకంగా 2,435 కిలోల వ్యర్థాలను తొలగించాడు.ఒక్కడి బాధ్యతేనా?నదిని శుభ్రం చేయడం ఎంత ముఖ్యమో.. మళ్లీ చెత్త వేయకుండా చూడటం కూడా అంతే అవసరం. బిట్టూ ప్రయత్నాలకు సోషల్‌ మీడియాలో పలువురు మద్దతు తెలిపారు. నెదర్లాండ్స్‌కు చెందిన పర్యావరణ సంస్థ ‘ది ఓషన్‌ క్లీనప్‌’ వ్యవస్థాపకుడు బోయన్‌ స్లాట్‌ నుంచి ఉద్యోగ అవకాశం కూడా వచ్చింది. అయినప్పటికీ, ఇక్కడే ఉండి తన స్వచ్ఛ్‌ భారత్‌ను కొనసాగిస్తున్నాడు.Bittu who single handedly cleaned the river for eight months was shocked to see it polluted again within a month by the locals. https://t.co/XdcHw2qhQ0— 🚨Indian Gems (@IndianGems_) October 13, 2026ఇదీ చదవండి: శివయ్యా.. ఏంటయ్యా ఈ ఘోరం!

ఆ బాలికకు పదేళ్లే.. శివాలయానికి వెళ్లి భక్తితో స్వామివారికి మొక్కుకుంది. పూజ ముగించుకుని చేతులు జోడించి ప్రార్థిస్తున్న ఆ చిన్నారిపై ఓ కామాంధుడు కన్నేశాడు. ఆలయంలో ఎవరూ లేరని గమనించి ఆమెను బలవంతంగా పట్టుకుని లైంగిక దాడికి యత్నించాడు. ఈ దారుణ ఘటన ఆలయంలోని సీసీటీవీ కెమెరాల్లో ఈ ఘోరం రికార్డవడంతో స్థానికంగా తీవ్ర ఆగ్రహం వ్యక్తమవుతోంది.శివాలయానికి బాలిక ఒంటరిగా వెళ్లి పూజలు చేసింది. అనంతరం లింగానికి మొక్కుకుని చేతులు జోడించి ప్రార్థిస్తున్న సమయంలో ఓ వ్యక్తి అక్కడికి వచ్చాడు. ఆలయం బయట ఉన్న ట్యాంకు నుంచి నీళ్లు తీసుకునేందుకు వచ్చిన అతడు.. లోపల బాలిక ఒక్కతే ఉండటాన్ని గమనించాడు. ఆలయంలోకి ప్రవేశించి చిన్నారిని చేతులతో బలవంతంగా పట్టుకుని, ఆమె ఇష్టానికి వ్యతిరేకంగా కౌగిలించుకునేందుకు ప్రయత్నించాడు. దీంతో భయపడిపోయిన బాలిక గట్టిగా కేకలు వేయడంతో నిందితుడు అక్కడి నుంచి పారిపోయాడు. మహారాష్ట్ర పుణెలోని నిగ్డీ ప్రాంతంలో ఉన్న శివాలయంలో ఈ దారుణం జరిగింది.కుటుంబానికి చెప్పడంతో వెలుగులోకి..నిందితుడు వెళ్లిపోయిన తర్వాత బాలిక కన్నీటిపర్యంతమైంది. అనంతరం కుటుంబ సభ్యులకు జరిగిన విషయాన్ని వివరించింది. దీంతో వారు నిగ్డీ పోలీస్‌ స్టేషన్‌లో ఫిర్యాదు చేశారు. వెంటనే స్పందించిన పోలీసులు.. సీసీటీవీ ఫుటేజీల ఆధారంగా నిందితుడు విశాల్‌ సింగ్‌ను అరెస్ట్‌ చేశారు. అతడు ఉత్తరప్రదేశ్‌కు చెందిన వ్యక్తిగా, మెట్రో కాంట్రాక్టర్‌ వద్ద కూలీగా పనిచేస్తున్నట్లు ప్రాథమిక సమాచారం. సీనియర్‌ పోలీస్‌ ఇన్‌స్పెక్టర్‌ మహేశ్‌ బన్సోడే పర్యవేక్షణలో పోలీసులు కేసు దర్యాప్తు చేస్తున్నారు.చిన్నారుల భద్రతపై ఈ ఘటన మరోసారి ఆందోళన రేకెత్తించింది. దేవుడిని ప్రార్థించేందుకు వెళ్లిన బాలికకు ఆలయంలోనే ఇలాంటి అనుభవం ఎదురవడంపై స్థానికులు ఆగ్రహం వ్యక్తం చేస్తున్నారు.Shocking: Vishal Singh, a Metro construction contract worker, arrested for sexually assaulting a minor girl inside a temple in Nigdi’s Yamuna Nagar, Pune on Oct 11. CCTV captured the incident. Police booked him under BNS & POCSO. #Pune #Nigdi https://t.co/WB5Tnxf8mD— Amar Singh Chouhan (@amar_4inc) October 12, 2026

టీమిండియా దిగ్గజ కెప్టెన్‌ రోహిత్‌ శర్మ మైదానం వెలుపల ఎంత సరదాగా ఉంటాడో క్రికెట్‌ ప్రేమికులకు ప్రత్యేకంగా చెప్పాల్సిన పనిలేదు. పరిస్థితులకు తగ్గట్లు పంచులు, జోకులు వేస్తూ చుట్టూ ఉన్న వారిని నవ్వించడం.. ఛలోక్తులు విసరడం హిట్‌మ్యాన్‌కు అలవాటు.తాజాగా ఓ ‘షో’లో రోహిత్‌ శర్మ తనదైన శైలిలో నవ్వులు పూయించాడు. ‘ఫ్యామిలీ ఫుల్‌ హౌజ్‌ విత్‌ రోహిత్‌ శర్మ’ షోలో భాగంగా పెళ్లి నాటి బహుమతుల గురించి హిట్‌మ్యాన్‌కు ప్రశ్న ఎదురైంది. ‘మా మామగారు.. గొప్ప బహుమతి ఇచ్చారు‘మీ వివాహంలో మీకు లభించిన అత్యంత అందమైన, గుర్తుండిపోయే బహుమతి ఏది?’’ అని రోహిత్‌ను అడగగా.. ‘‘మా మామగారు.. నా చేతిలో నా భార్య చేయి పెట్టారు. అదే గుర్తుండిపోయే గిఫ్ట్‌’’ అని హిట్‌మ్యాన్‌ క్లాసిక్‌ పంచ్‌లైన్‌తో ఆకట్టుకున్నాడు. క్రికెటర్లు బాగా సంపాదిస్తారు.. నా ఫ్రెండ్స్‌ మాత్రం పిసినారోళ్లుఇక ప్రేక్షకుల నుంచి మరో వ్యక్తి పెళ్లి బహుమతుల గురించి మరోసారి ప్రశ్న అడుగగా.. ‘‘నా స్నేహితులంతా వట్టి కంజూస్‌గాళ్లు. ఉట్టి చేతులతో ఊపుకుంటూ పెళ్లికి వచ్చారు. క్రికెటర్లు బాగా సంపాదిస్తారు.. కానీ నా ఫ్రెండ్స్‌ మాత్రం పిసినారోళ్లు’’ అంటూ రోహిత్‌ శర్మ నవ్వులు పూయించాడు. ఇందుకు సంబంధించిన వీడియో సోషల్‌ మీడియాలో వైరల్‌ అవుతోంది. View this post on Instagram A post shared by Krushna Abhishek (@krushna30)రెండు ఐసీసీ టైటిళ్లు అందించిన సారథికాగా కెప్టెన్‌గా టీమిండియాకు టీ20 ప్రపంచకప్‌-2024, ఐసీసీ చాంపియన్స్‌ ట్రోఫీ-2025 టైటిళ్లు అందించిన రోహిత్‌ శర్మ.. అంతర్జాతీయ టీ20, టెస్టులకు వీడ్కోలు పలికాడు. ప్రస్తుతం వన్డేల్లో కొనసాగుతున్న హిట్‌మ్యాన్‌.. ప్రపంచకప్‌-2027 తర్వాత రిటైర్మెంట్‌ ప్రకటించే అవకాశం ఉంది. ఇటీవల వెస్టిండీస్‌తో రెండో వన్డేలో రోహిత్‌ శర్మ (75 బంతుల్లో 101) శతక్కొట్టాడు.రితికాతో వివాహంఇక వ్యక్తిగత జీవితం విషయానికొస్తే.. స్పోర్ట్స్‌ మేనేజర్‌ రితికా సజ్దేతో ప్రేమలో పడ్డ రోహిత్‌ శర్మ 2015లో ఆమెను పెళ్లి చేసుకున్నాడు. ఈ జంటకు కుమార్తె సమైరా శర్మ, కుమారుడు అహాన్‌ శర్మ సంతానం. వీలు దొరికినపుడల్లా కుటుంబంతో కలిసి రోహిత్‌ విహార యాత్రలు చేస్తూ ఉంటాడు. ఇదిలా ఉంటే.. రోహిత్‌ శర్మ నికర ఆస్తుల విలువ రూ. 250- 300 ​కోట్ల వరకు ఉంటుందని అంచనా. ఇక రోహిత్‌ సహచర ఆటగాడు, రన్‌మెషీన్‌ విరాట్‌ కోహ్లి నెట్‌వర్త్‌ రూ. వెయ్యి కోట్లకు పైమాటే అని భోగట్టా! చదవండి: జట్టును వీడిపోండి.. లేదంటే రిటైర్‌ అవ్వండి: యువీ, గంభీర్‌ కెరీర్లు అలా ఖతంఇదీ చదవండి: అప్పుడు ఐదెకరాల భూమి.. ఇప్పుడు 3 అపార్టుమెంట్లు కొన్న విరుష్క

పారిశ్రామిక దిగ్గజం హర్ష్‌ గోయెంక్‌ సోషల్‌ మీడియాలో యాక్టివ్‌గా ఉంటూ ఎప్పటికపపుడూ ఆసక్తికరమైన, స్ఫూర్తిదాయక విషయాలను పంచుకుంటుంటారు. అలానే తాజాగా మరో ఆసక్తికరమైన వీడియోతో ముందుకు వచ్చారు. అది తండ్రి కూతుళ్లకు సంబంధించిన వీడియో అది. తల్లిదండ్రులకు ఇంతకు మించి కావాల్సింది ఏమంది అంటూ హర్ష్‌ గోయెంకా తన అభిప్రాయాన్ని కూడా పంచుకున్నారు పోస్ట్‌లో. ఇంతకీ ఆ వీడియోలో ఏముందంటే..ఒక సౌత్‌ వెస్‌ ఎయిర్‌లైన్స్‌ పైలట్‌ ఒకరు విమాన ప్రయాణానికి ముందు ప్రయాణికులను ఉద్దేశించి ప్రసంగిస్తూ కనిపిస్తారు వీడియోలో. ఆయన తనకు ఈ రోజు వ్యక్తిగతంగా చాలా ప్రత్యేకమైనదని చెబుతూ తన ఎయిర్‌లైన్‌ పైలట్‌ బృందంలో కొత్తగా చేరిన సభ్యురాలిని పరిచయం చేస్తారు. ఆమె ఇప్పుడే తన శిక్షణను పూర్తి చేసుకుందని చెబుతూ..సౌత్‌వెస్ట్‌ ఎయిర్‌లైన్స్‌లో విమానాన్ని నడపడం ఆమెకు ఇదే తొలిరోజు అని వివరిస్తారు. ఆ తర్వాత ఆ పైలట్‌ ప్రయాణికులతో ఇలా అంటారు. ఆమె ఎవరో కాదు తన ప్రాణమైన కుమార్తె అని గర్వంగా చెబుతారు. అంతేగాదు ఈ ప్రత్యేక సందర్భాన్ని మీతో పంచుకునే అవకాశం ఇచ్చినందుకు ధన్యవాదాలు అని తన సంభాషణను ముగించారు. ఈ ప్రకటన కొత్తగా ఆ పైలట్‌ విమానాయన సంస్థలోకి చేరడం గురించే కాదు, ఒక తండ్రి తన కూతురితో ఒక ముఖ్యమైన మైలురాయిని పంచుకోవడం గురించి కూడా. నిజంగా ఆ సందర్భం ఆ పైలట్‌ తండ్రికి గర్వించే క్షణం కదూ అంటూ హర్ష్‌ గోయెంకా ఆ సంభాషణలో చివరి వాక్యం నాకు బాగా నచ్చింది అని క్యాప్షన్‌ జోడించి మరి ఈ వీడియోని పంచుకున్నారు. నెటిజన్లు కూడా ఒక తండ్రికి ఇంతకంటే గర్వించదగిన క్షణం మరొకటి ఉండదు అని ప్రశంసిస్తూ పోస్టులు పెట్టారు. Loved the last line 🥰 https://t.co/OQ4GQn4sTm— Harsh Goenka (@hvgoenka) October 12, 2026 ఇదీ చదవండి: ఫ్యాషనే ఆయుధంగా.. స్టైల్‌గా నిరసన! నేహా బోరా వన్‌ పీస్‌ టీ షర్టు దుమారం..

భార‌త్‌, వెస్టిండీస్ మ‌ధ్య జ‌రిగిన మూడో టీ20లో వైస్ కెప్టెన్ తిల‌క్ వ‌ర్మ వివాదాస్ప‌ద రీతిలో ర‌నౌట్ అయిన సంగ‌తి తెలిసిందే. అక్ష‌ర్ ప‌టేల్ కొట్టిన బంతి బౌండ‌రీ వెళ్లింద‌ని భావించిన తిల‌క్ వ‌ర్మ ప‌రిగెత్త‌కుండా నింపాదిగా పిచ్‌పై న‌డుచుకుంటూ వెళ్లాడు. అయితే ఇక్క‌డే బుర్ర‌కు ప‌దును పెట్టిన విండీస్ ఆట‌గాళ్లు తెలివిగా తిల‌క్ వ‌ర్మ క్రీజులోకి రాక‌ముందే బెయిల్స్‌ను ఎగుర‌గొట్టారు. దీంతో తిల‌క్ వ‌ర్మ అనూహ్య ర‌నౌట్‌గా వెనుదిరిగాల్సి వ‌చ్చింది. దీనికి సంబంధించిన వీడియో సోష‌ల్ మీడియాలో వైర‌ల్‌గా మారింది.తాజాగా తిల‌క్ వ‌ర్మ ర‌నౌట్‌పై భార‌త దిగ్గ‌జం సునీల్ గావ‌స్క‌ర్ త‌న‌దైన శైలిలో చుర‌క‌లు అంటించారు. ఆడుతుంది అంత‌ర్జాతీయ మ్యాచ్ అన్న విష‌యం మ‌రిచిన‌ తిల‌క్ వ‌ర్మ స్కూల్‌కు వెళ్లే పిల్లాడిలా ప్ర‌వ‌ర్తించాడ‌ని ఎద్దేవా చేశాడు. అక్షర్ పటేల్ ఆడిన షాట్ బౌండరీకి వెళ్లిందని భావించి, మధ్యలోనే కలుసుకుని గ్లౌస్ పంచ్ ఇచ్చుకున్నారని, కనీసం క్రీజులో బ్యాట్ పెట్టాలని చూడకుండా మైదానంలో నిద్రపోయాడని గవాస్కర్ విమర్శించారు. అంతర్జాతీయ స్థాయిలో ఇలాంటి చిన్న తప్పులు మ్యాచ్ ఫలితాలను మార్చేస్తాయని, ఇది కేవలం 'స్కూల్ బాయ్ స్టఫ్' (చిన్నపిల్లల ఆటలాంటిది) అని తప్పుబట్టారు. క్రీజులో బ్యాట్ పెట్టాలని తెలివి లేదా? బౌండరీలు గురించి తర్వాత ఆలోచించాలి. ముందు క్రీజులో బ్యాట్ పెట్టాలని చురకలు అంటించారు. ఆ మాత్రం తెలుసుకోకుండా తిలక్ వర్మ మైదానంలోనే నిద్రపోయాడంటూ ఆగ్రహం వ్యక్తం చేశాడు. ఇలాంటి చిన్న తప్పిదాలే, మ్యాచ్ ఫలితాలను మార్చేస్తాయని ఆగ్రహించారు. మ‌రోసారి ఇలాంటి సీన్‌లు రిపీట్ కావొద్దని తిల‌క్ వ‌ర్మ‌కు హిత‌వు ప‌లికారు.𝐖𝐀𝐈𝐓, 𝐖𝐇𝐀𝐓 𝐉𝐔𝐒𝐓 𝐇𝐀𝐏𝐏𝐄𝐍𝐄𝐃?! 🤯 A near-boundary save turns into a run-out as the West Indies catch Tilak Varma short of his crease! #INDvWI 3rd T20I | LIVE NOW 👉 https://t.co/GmwwFjql5J https://t.co/plCeyKV5SE— Star Sports (@StarSportsIndia) October 11, 2026ఇదీ చదవండి: టీ20 చ‌రిత్ర‌లో మునుపెన్న‌డూ చూడ‌ని ర‌నౌట్‌!

ఇండోర్ వేదిక‌గా వెస్టిండీస్‌తో జ‌రిగిన మూడో టీ20 మ్యాచ్‌లో టీమిండియా బ్యాట‌ర్ తిల‌క్ వ‌ర్మ ఔటైన విధానం చ‌ర్చ‌నీయాంశంగా మారింది. తిల‌క్ వ‌ర్మ ర‌నౌటైన తీరు చూస్తే అది అత‌డి నిర్ల‌క్ష్య వైఖ‌రి అనాలా? లేక బ్యాడ్‌ల‌క్ అనాలా అర్థం కావ‌డం లేదు. విష‌యంలోకి వెళితే.. విండీస్ బౌల‌ర్ గుడకేశ్ మోటీ వేసిన 17వ ఓవ‌ర్లో స్ట్రైక్‌లో ఉన్న అక్ష‌ర్ ప‌టేల్ డీప్ మిడ్ వికెట్ మీదుగా బంతిని బౌండ‌రీ త‌ర‌లించాడు. అయితే అక్క‌డే ఉన్న ఫీల్డ‌ర్ క‌మిల్ పూర‌న్ బంతి రోప్‌ను తాక‌కుండా అడ్డుకునే ప్ర‌య‌త్నంలో డైవ్ చేశాడు. అయితే బంతిని ఆపే ప్ర‌య‌త్నంలో పూర‌న్ బౌండ‌రీ తాడును తాకాడ‌ని, అందువ‌ల్ల అది ఫోర్ అని తిల‌క్‌, అక్ష‌ర్ ప‌టేల్ భావించారు. ఫోర్ వ‌చ్చింద‌న్న భ్ర‌మ‌లో సింగిల్ పూర్తి చేసిన అనంత‌రం ఇద్ద‌రు త‌మ వైపున‌కు నింపాదిగా న‌డుచుకుంటూ వెళ్లారు. అంత‌లోనే పూర‌న్ నుంచి బంతి అందుకున్న షెయ్ హోప్ బెయిల్స్ ఎగుర‌గొట్టే ప్ర‌య‌త్నం చేయ‌గా, అక్ష‌ర్ అప్ప‌టికే క్రీజులోకి చేరుకున్నాడు. దీంతో హోప్ బంతిని నాన్‌స్ట్రైక్ ఎండ్‌వైపు ఉన్న మోటీ వైపునకు విసిరాడు. అయితే అప్ప‌టికీ తిల‌క్ వ‌ర్మ క్రీజులోకి రాక‌పోవ‌డాన్ని గ‌మ‌నించిన మోటీ బంతితో వికెట్ల‌ను గిరాటేశాడు. బౌండ‌రీ ఇవ్వాలా వ‌ద్దా అని నిర్ణ‌యించడానికి థర్డ్ అంపైర్ రివ్యూ కోర‌గా, పూర‌న్ అసాధార‌ణ ఫీల్డింగ్‌తో బౌండ‌రీ రాక‌పోగా తిల‌క్ వ‌ర్మ రనౌట్ అయిన‌ట్లు డిస్‌ప్లేపై క‌నిపించింది. దీంతో తిల‌క్ వ‌ర్మ షాక్‌కు గుర‌య్యాడు. కానీ రూల్స్ ప్ర‌కారం తాను ఇంకా క్రీజులోకి రాక‌పోవ‌డంతో ఏమీ చేయ‌లేక నిరాశ‌తో తిల‌క్‌ పెవిలియ‌న్ బాట ప‌ట్టాడు. దీంతో భార‌త్‌కు బౌండ‌రీ రావాల్సిన చోట ఫీల్డ‌ర్ చేసిన పనికి విండీస్‌కు వికెట్ ల‌భించిన‌ట్ల‌యింది. తిల‌క్ వ‌ర్మ ఔట‌య్యే స‌మ‌యానికి 16 బంతుల్లో 28 ప‌రుగుల‌తో ఆడుతున్నాడు. అత‌డు ఔట్ కాక‌పోయుంటే భార‌త్ స్కోరు 250 క‌చ్చితంగా దాటేదేమోన‌ని అభిమానులు త‌మ అభిప్రాయం వ్య‌క్తం చేశారు. బౌండ‌రీ వ‌స్తుంద‌నుకుంటే ఎవ‌రూ ఊహించ‌ని విధంగా తిల‌క్ వ‌ర్మ ర‌నౌట్ కావ‌డం గ‌మ‌నార్హం. దీనికి సంబంధించిన వీడియో సోష‌ల్ మీడియాలో వైర‌ల్‌గా మారింది. మ్యాచ్ విష‌యానికొస్తే అభిషేక్ శ‌ర్మ (69), ఇషాన్ కిష‌న్ మెరుపుల‌తో తొలుత బ్యాటింగ్ చేసిన టీమిండియా 223 ప‌రుగుల‌కు ఆలౌటైంది. అనంత‌రం వెస్టిండీస్ ల‌క్ష్య ఛేద‌న‌లో 14 ప‌రుగుల దూరంలో ఆగిపోవ‌డంతో భార‌త్ విజ‌యాన్ని అందుకుంది. దీంతో ఐదు మ్యాచ్‌ల టీ20 సిరీస్‌లో టీమిండియా 2-1తో ఆధిక్యంలోకి దూసుకెళ్లింది. ఇరుజ‌ట్ల మ‌ధ్య నాలుగో టీ20 హైద‌రాబాద్ వేదిక‌గా బుధ‌వారం జ‌ర‌గ‌నుంది.𝐖𝐀𝐈𝐓, 𝐖𝐇𝐀𝐓 𝐉𝐔𝐒𝐓 𝐇𝐀𝐏𝐏𝐄𝐍𝐄𝐃?! 🤯 A near-boundary save turns into a run-out as the West Indies catch Tilak Varma short of his crease! #INDvWI 3rd T20I | LIVE NOW 👉 https://t.co/GmwwFjql5J https://t.co/plCeyKV5SE— Star Sports (@StarSportsIndia) October 11, 2026ఇదీ చ‌ద‌వండి:శ్రేయ‌స్‌, హెట్‌మైర్‌ గొడవ; ఒళ్లు మండిన న‌మ‌న్‌ధీర్ ఏం చేశాడంటే?అందుకే ఓడిపోయాము.. క్రెడిట్‌ మొత్తం వాళ్లకే దక్కాలి: విండీస్‌ కెప్టెన్‌

ఇండోర్ వేదిక‌గా వెస్టిండీస్‌తో జ‌రిగిన మూడో టీ20 మ్యాచ్‌లో టీమిండియా 14 ప‌రుగుల తేడాతో విజ‌యాన్ని అందుకున్న సంగ‌తి తెలిసిందే. మ్యాచ్ అనంత‌రం శ్రేయ‌స్ అయ్య‌ర్‌, ఇయాన్ బిష‌ప్ మ‌ధ్య ఆస‌క్తిక‌ర సంభాష‌ణ న‌డిచింది. ఇయాన్ బిష‌ప్ అడిగిన ప్ర‌శ్న‌కు అయ్య‌ర్ అదిరిపోయే రిప్లై ఇచ్చాడు. తొలి టీ20లో సెంచ‌రీతో జ‌ట్టును గెలిపించిన శ్రేయ‌స్ అయ్య‌ర్‌.. రెండో టీ20 మ్యాచ్‌లోనూ 40 ప‌రుగుల కీల‌క ఇన్నింగ్స్ ఆడాడు. అయితే మూడో టీ20లో మాత్రం ఒక్క ప‌రుగు మాత్ర‌మే చేసి రోస్ట‌న్ చేజ్ బౌలింగ్‌లో ఎల్బీగా వెనుదిరిగాడు. దీంతో అయ్య‌ర్‌ ఆట‌ను చూసేందుకు వ‌చ్చిన ఒక వీరాభిమాని త‌న ఫెవ‌రెట్ ప్లేయ‌ర్ ఔట‌వ్వ‌డంతో బోరుమ‌ని ఏడ్చింది. ఆమె ఏడుస్తున్న దృష్ట్యాలు కెమెరాల్లో రికార్డ‌య్యియి. ఇది గ‌మ‌నించిన ఇయాన్ బిష‌ప్ మ్యాచ్ అనంత‌రం శ్రేయ‌స్‌తో మాట్లాడుతూ ఫ్యాన్ గ‌ర్ల్ ఏడ్చిన విష‌యాన్ని ప్ర‌స్తావించాడు. ''శ్రేయాస్ నువ్వు తొంద‌ర‌గా ఔట‌వ్వ‌డంతో, ఈరోజు మ్యాచ్‌కు వ‌చ్చిన వారిలో మీ వీరాభిమాని ఒక‌రు స్టాండ్స్‌లో బోరున ఏడ్వ‌డం గ‌మ‌నించాను. నాకు తెలిసి ఆ అమ్మాయి నీకు పెద్ద ఫ్యాన్ అనుకుంటా. ఈ విష‌యంపై నీ స్పంద‌న ఏంటి'' అని అడిగాడు. దీనికి అయ్య‌ర్ న‌వ్వుతూ..''నేను ఎప్పుడు టీమ్‌కు బెస్ట్ ఇవ్వ‌డానికే ప్ర‌య‌త్నిస్తాను. కానీ దుర‌దృష్ట‌వ‌శాత్తూ ఇవాళ తొంద‌ర‌గా ఔట‌య్యాను. నా ఆట‌ను చూసేందుకు వ‌చ్చిన వీరాభిమానిని పూర్తిగా నిరాశ‌ప‌రిచాను. పెద్ద స్కోరు చేయ‌క‌పోవ‌డంపై క్ష‌మాప‌ణ అడుగుతున్నా. ఆ అమ్మాయికి మాటిస్తున్నా.. క‌చ్చితంగా త‌ర్వాతి మ్యాచ్‌లో బెస్ట్ ఇన్నింగ్స్ ఆడి ఆమె మొహంలో సంతోషాన్ని తిరిగి తెస్తాను'' అని పేర్కొన్నాడు. అయ్య‌ర్ వ్యాఖ్య‌లు విన్న స‌ద‌రు ఫ్యాన్ గ‌ర్ల్ స్టాండ్స్‌లోనే ఎగిరి గంతేయ‌డం విశేషం. ప్ర‌స్తుతం బిష‌ప్‌, అయ్య‌ర్ మ‌ధ్య సంభాష‌ణ వైర‌ల్‌గా మారింది. టీమిండియా కెప్టెన్‌గానే గాక త‌న అభిమాని మొహంలో సంతోషం చూడ‌డం కోసం మాట్లాడిన అయ్య‌ర్ ఒక మెట్టు పైకి ఎక్కేశాడు అని చెవులు కొరుక్కుంటున్నారు.🚨 INDIAN GIRL BREAKS DOWN IN TEARS AFTER SHREYAS IYER'S EARLY DISMISSAL! 💔 A young Indian girl couldn't control her emotions after her favourite cricketer, Shreyas Iyer, was dismissed for just 1 run. She started crying in the stands, and despite her boyfriend's repeated attempts to console her, she couldn't stop her tears. Even legendary Sunil Gavaskar praised the young fan for her emotional attachment and unconditional love for Shreyas Iyer. This is what being a true fan looks like! ❤️🥹— Central Cricket (@arshdeep3444) October 11, 2026ఇదీ చ‌దవండి:జయం మనదేమరోసారి విజృంభించిన షమీ.. ఎంత చేసి ఏం ప్రయోజనం..?

ప్రశాంతంగా టీ తాగుతున్నాడు.. చుట్టూ అంతా మామూలుగానే ఉంది.. ఇంతలోనే ఒక్కసారిగా దూసుకొచ్చిన కారు అక్కడి పరిస్థితిని తలకిందులు చేసింది. రెప్పపాటులో అతడిని ఢీకొట్టింది. ఏం జరిగిందో తెలుసుకునేలోపే ప్రమాదం జరిగిపోయింది. ఈ భయానక ఘటనకు సంబంధించిన సీసీటీవీ దృశ్యాలు ఇప్పుడు కలకలం రేపుతున్నాయి.తమిళనాడులోని తూత్తుకుడి జిల్లాలో సాత్తాన్‌కుళం సమీపంలో ఈ ఘటన చోటుచేసుకుంది. ఓ టీ దుకాణం బయట టీ తాగుతున్న వ్యక్తిని కారు ఢీకొట్టింది. సాధారణంగా కనిపించిన ఆ క్షణాలు.. ఒక్కసారిగా ప్రమాదకరంగా మారిపోయాయి. ఈ ఘటనకు సంబంధించిన దృశ్యాలు సీసీటీవీ కెమెరాలో రికార్డయ్యాయి. కాసేపు ఆగి టీ తాగుతున్న వ్యక్తికి ఇలాంటి ప్రమాదం ఎదురవుతుందని ఎవరూ ఊహించలేదు. అయితే ప్రమాదంలో అతడికి ఎటువంటి గాయాలు కాకపోవడంతో అందరూ ఊపిరి పీల్చుకున్నారు. ప్రమాద సమయంలో కారు వేగం చూసి అక్కడున్న వారంతా ఒక్కసారిగా ఖంగితిని షాక్‌ కొట్టిన విధంగా చూస్తూ ఉండిపోయారు. எங்கடா இங்க இருந்த பைக்-அ காணோம்..! அதிவேகத்தில் வந்த காரால் நடந்த விபத்து... நூலிழையில் உயிர் தப்பிய இளைஞர்... பதறவைக்கு சிசிடிவி காட்சி #Tuticorin | #Accident | #CCTV | #PolimerNews https://t.co/PTRfvKu0Mo— Polimer News (@polimernews) October 11, 2026Video credit.. Polimer News

సాక్షి, తెలంగాణ: సిద్దిపేట జిల్లా గజ్వేల్‌ తహసీల్దార్‌ స్వామి ఓ రైతును హేళన చేస్తూ చేసిన వ్యాఖ్యలు శనివారం సోషల్‌ మీడియాలో వైరల్‌గా మారాయి. గజ్వేల్‌ మండలం మక్తమాసాన్‌పల్లి గ్రామానికి చెందిన రైతు ఏసు, అతని బంధువుల భూములను ట్రిపుల్‌ఆర్‌ (రీజినల్‌ రింగు రోడ్డు) నిర్మాణంలో ప్రభుత్వం సేకరించింది. నష్టపరిహారం వాటాల పంపిణీ అంశంలో ఏసుకు అతని బంధువుల మధ్య వివాదం తలెత్తింది.ఈ విషయమై గత కొన్ని నెలల క్రితం బాధిత రైతు ఏసు గజ్వేల్‌ తహసీల్దార్‌ స్వామి వద్దకు వచ్చి తన సమస్య పరిష్కరించాలని కోరాడు. ఈ సందర్భంగా తహసీల్దార్‌ ‘హేయ్‌...బతికే ఉన్నవా? ఎప్పుడూ పురుగు మందు తాగుతా అంటవ్‌ కదా.... పురుగుల మందు తాగలే? అంటూ అవమానకరంగా వ్యాఖ్యలు చేశారు. ఈ వీడియో శనివారం సోషల్‌ మీడియాలో వైరల్‌గా మారింది. ఈ సందర్భంలో బాధిత రైతు ‘సచి్చపోతున్నం...అట్లెట్ట.. మా సమస్యంటే నవ్వొస్తుందా?’అంటూ బదులిచ్చారు.ఈ వీడియో సోషల్‌మీడియాలో వైరల్‌గా మారడంతో తహసీల్దార్‌ తీరుపై తీవ్ర విమర్శలు వెల్లువెత్తాయి. రైతుల జీవితాలంటే ఇంత చిన్నచూపా? అంటూ పలువురు మండిపడ్డారు. తహసీల్దార్‌పై తక్షణమే చర్యలు తీసుకోవాలని సోషల్‌ మీడియా వేదికగా డిమాండ్‌ చేశారు. ఇదే సమయంలో బాధిత రైతు తమ సమస్య పరిష్కారమైందంటూ చేసిన మాటల వీడియో సైతం శనివారం నాడే సోషల్‌ మీడియాలో చక్కర్లు కొట్టింది. కాగా, రెండు వీడియోలు శనివారం రోజే వైరల్‌ కావడం గమనార్హం. అయితే, బాధిత రైతు ఏసు అప్పట్లో తన సమస్య పరిష్కారం కోసం సుమారు 10–15 పర్యాయాలు తహసీల్దార్‌ వద్దకు వెళ్లినట్లు తెలిసింది.రైతును హేళన చేయలేదు : తహసీల్దార్‌ఈ అంశంపై గజ్వేల్‌ తహసీల్దార్‌ వివరణ ఇస్తూ... రైతు ఏసును కావాలని తాను హేళన చేయలేదని, సరదాగా అలా మాట్లాడానని తెలిపారు. బాధిత రైతు సమస్యను తాను దగ్గరుండి పరిష్కరించానని చెప్పారు. ఈ సంఘటన అయిదారు నెలల క్రితం జరిగిందని, ఇప్పుడు ఎందుకు వైరల్‌ చేస్తున్నారో అర్థం కావడం లేదన్నారు.పురుగు మందు తాగి చావలేదా అని అంటారా?: కేటీఆర్‌రైతుల సమస్యలను పరిష్కరించి అండగా నిలవాల్సిన అధికారులే వారిని అవమానించేలా వ్యవహరించడం దారుణమని బీఆర్‌ఎస్‌ కార్యనిర్వాహక అధ్యక్షుడు కేటీఆర్‌ మండిపడ్డారు. తన వ్యవసాయ భూమిని, జీవనాధారాన్ని కాపాడుకోవాలని గజ్వేల్‌ ఎమ్మార్వో కార్యాలయానికి వెళ్లిన రైతును అధికారి కించపరిచిన తీరు సిగ్గుచేటని ఆగ్రహం వ్యక్తం చేశారు. తన భూమిని కాపాడుకునేందుకు సాయం కోరిన రైతుతో అధికారి మాట్లాడిన తీరు ఏమాత్రం ఆమోదయోగ్యం కాదని కేటీఆర్‌ పేర్కొన్నారు. ఈ ఘటనపై తెలంగాణ ప్రభుత్వ ప్రధాన కార్యదర్శి తక్షణమే స్పందించాలని కేటీఆర్‌ డిమాండ్‌ చేశారు. రైతును అవమానించిన గజ్వేల్‌ ఎమ్మార్వోపై చర్యలు తీసుకోవాలని కోరారు.ఇదీ చదవండి: ‘రేడియల్‌’ టెండర్లు రద్దు చేయాలి

బాలీవుడ్‌ సూపర్‌స్టార్ హీరో రణ్‌వీర్ సింగ్ (Ranveer Singh) కలల కార్ల జాబితాలోకి మరో సరికొత్త లగ్జరీ కారు వచ్చి చేరింది. ఇటీవల రెండో బిడ్డకు స్వాగతించిన రణ్‌వీర్‌ , దీపికా పడుకోన్‌ దంపతులు ప్రముఖ జర్మన్ ఆటోమొబైల్ దిగ్గజం BMW విడుదల చేసిన సరికొత్త BMW i7 ఎలక్ట్రిక్ సెడాన్‌ను ఆయన కొనుగోలు చేశారు.సరికొత్త BMW i7 కారును డెలివరీ తీసుకుంటున్న వీడియోలు సోషల్ మీడియాలో వెలుగులోకి వచ్చాయి. రూ. 1.95 కోట్లకు పైగా (ఎక్స్-షోరూమ్) విలువైన ఈ ఎలక్ట్రిక్ కారును కొనుగోలు చేసినట్లు తెలుస్తోంది. ఇటీవలే బీఎండబ్ల్యూ ఇండియా సంస్థ తమ కొత్త 7-సిరీస్ , ఎలక్ట్రిక్ కార్ల లాంచ్ కోసం రణ్‌వీర్ సింగ్‌ను బ్రాండ్ అంబాసిడర్‌గా ప్రకటించింది. View this post on Instagram A post shared by Pankaj Jadhav (@vee16.in) రణ్‌వీర్ సింగ్ షోరూమ్‌కు వెళ్లి తన సరికొత్త BMW i7 కారును డెలివరీ తీసుకుంటున్న వీడియోలు ప్రస్తుతం సోషల్ మీడియాలో వైరల్ అవుతున్నాయి. ఇది పవర్‌ఫుల్‌ ఫీచర్లు, అద్భుతమైన డ్రైవింగ్ రేంజ్ , అత్యాధునిక టెక్నాలజీతో లాంచ్‌ అయింది కాగా ఇప్పటికే రణ్‌వీర్ సింగ్ గ్యారేజ్‌లో ఇప్పటికే పలు హై-ఎండ్ లగ్జరీ కార్లు ఉన్నాయి. ముఖ్యంగా GMC హమ్మర్ EV (Hummer EV) ,లంబోర్గిని ఉరస్ (Lamborghini Urus)మెర్సిడెస్-మేబ్యాచ్ GLS 600,రేంజ్ రోవర్ (Range Rover) ,ఆస్టన్ మార్టిన్ రాపిడ్ ఎస్ లాంటివి రణ్‌వీర్‌ సొంతం.

ప్రేమకు హోదా, డబ్బుతో సంబంధం లేదని నిరూపించే ఓ అందమైన దృశ్యం సామాజిక మాధ్యమాల్లో వైరల్‌గా మారింది. రాత్రి వేళ బ్యాంకులో విధులు నిర్వహిస్తున్న భర్తకు ఇంట్లో వండిన భోజనాన్ని తీసుకొచ్చిన భార్య.. అతడితో కలిసి అక్కడే కూర్చొని భోజనం చేసింది. పని ఒత్తిడి మధ్య కూడా భర్తతో కొంత సమయం గడపాలన్న ఆమె ప్రయత్నం నెటిజన్ల మనసులను గెలుచుకుంటోంది. మధ్యలో షట్టర్‌ మూసి ఉన్న బ్యాంకు.. బయట చిన్న బల్ల.. దానిపై భోజనం చేస్తున్న దంపతులు.. ఈ సాధారణ దృశ్యమే ఇప్పుడు ఎంతోమందిని ఆకట్టుకుంటోంది. ఈ వీడియోలో కనిపిస్తున్న వ్యక్తి హెచ్‌డీఎఫ్‌సీ బ్యాంకు శాఖలో భద్రతా సిబ్బందిగా పనిచేస్తున్నాడు. అతడు రాత్రి విధుల్లో ఉండగా, అతడి భార్య ఇంట్లో వండిన భోజనాన్ని తీసుకొచ్చింది.బ్యాంకు ప్రవేశ ద్వారం బయట ఉన్న ఎత్తైన వేదికపై చిన్న బల్ల దగ్గర ఇద్దరూ కూర్చున్నారు. ప్రశాంతమైన వాతావరణంలో భోజనం చేస్తూ మాట్లాడుకున్నారు. కేవలం 20 సెకన్ల నిడివి ఉన్న ఈ వీడియోలో.. భార్యాభర్తలు ఒకరితో ఒకరు సమయం గడుపుతున్న దృశ్యాలు కనిపించాయి.‘సంతోషంలో తోడుండకపోవచ్చు.. కష్టాల్లో మాత్రం ఎప్పుడూ ఉంటా’ అని రాసి ఈ వీడియోను జ్ఞానద్ భట్ అనే ఎక్స్‌ యూజర్‌ పోస్ట్‌ చేశాడు. దానిపై “In your highs, maybe. In your lows, always” అనే వాక్యం కనిపిస్తుంది. అంటే.. జీవితంలో సంతోషంగా ఉన్నప్పుడు తోడుండకపోవచ్చు.. కష్టాల్లో మాత్రం ఎప్పుడూ అండగా ఉంటాననే భావం దీనిలో ఉంది.కెరీర్‌, హోదా, డబ్బుకే ప్రాధాన్యం పెరుగుతున్న ఈ రోజుల్లో.. సమాజం దృష్టిలో పెద్దగా ఏమీ లేని వ్యక్తికి కూడా జీవితంలో అత్యంత విలువైనది ఉండవచ్చని జ్ఞానద్ భట్ తన పోస్టులో పేర్కొన్నారు. కొన్ని బంధాలు భూమిపై ఏర్పడేవి కావని, స్వర్గంలోనే నిర్ణయమవుతాయన్న భావనను కూడా వ్యక్తం చేశారు.ఇదీ చదవండి: అందుకే జంతర్‌ మంతర్‌ వద్ద ఆందోళనలు: నితిన్‌ నబీన్‌నెటిజన్ల ప్రశంసలుఈ వీడియోపై పలువురు నెటిజన్లు స్పందించారు. వంట చేయడం, ఇంటిని చూసుకోవడం, కుటుంబానికి అండగా నిలవడం వంటి పనులను కేవలం బాధ్యతలుగా కాకుండా ప్రేమను వ్యక్తం చేసే మార్గాలుగా చూడాలని ఓ యూజర్‌ అభిప్రాయపడ్డారు.So much beauty in this simple gesture. ❤️ A wife bringing dinner to her husband, a bank “security guard”, just so they can share a meal and the little time they have together. Aaj ke zamaane mein, where relationships are measured by career, status and money, this man may have little by the world’s standards, but perhaps he has everything that truly matters in life. Some bonds aren’t made on Earth; they’re written in heaven. 🥹❤️ Touchwood 💙— Gnyanad Bhatt (@Asset_Architect) October 9, 2026

ముంబై: మహారాష్ట్రలోని అహిల్యానగర్‌ లో జరిగిన ఒక భయానక రోడ్డు ప్రమాదంలో ఒక యువతి అనూహ్యంగా ప్రాణాలతో బయటపడింది. సీసీటీవీలో రికార్డైన ఈ ఘటన దృశ్యాలుచూస్తే వెన్నులో వణుకు పుట్టాల్సిందే. అంతటి ప్రమాద క్షణాల్లో కూడా ఆమె స్పందించిన తీరు నెట్టింట వైరల్‌గా మారింది.అహిల్యానగర్‌లోని బేలాపూర్ రోడ్డులో ఇసుకతో వెళ్తున్న ఒక ఇసుకలారీ వేగంగా వచ్చి, అకస్మాత్తుగా కుడివైపునకు తిరిగింది. సిగ్నల్ ఇవ్వకుండా, హారన్ కొట్టకుండా, వేగం తగ్గించకుండా విచక్షణా రహితంగా ఎదురుగా దూసుకొచ్చిన లారి స్కూటర్‌ను ఢీకొట్టింది. లారీ ఢీకొట్టిన వెంటనే ఆమె ఎగిరి పడింది. ఇక్కడే ఆమె బుర్ర చాలాచురుగ్గా పనిచేసింది. ఇదీ చదవండి : ప్రభుత్వ ఉద్యోగం వద్దని నెలకు రూ. లక్ష సంపాదిస్తున్న బార్బర్‌ A terrifying CCTV video from Shrirampur shows a girl narrowly escaping death after a sand-laden truck hit her scooter on Belapur Road. She grabbed the truck’s front bumper to avoid being run over. The driver allegedly argued with her instead of helping and fled after bystanders arrived. #Shrirampur #Maharashtra #CCTVFootage #NarrowEscape— Whats In The News (@_whatsinthenews) October 10, 2026ఆ యువతి ఏ మాత్రం భయపడిపోకుండా, అత్యంత చాకచక్యంగా లారీ బంపర్‌ను గట్టిగా పట్టుకుంది. దీనివల్ల ఆమె లారీ కింద పడిపోవడం, బలంగా నేల మీద పడి, తీవ్ర మైన గాయాల పాలుగాకుండా ప్రాణాలుదక్కించుకోగలిగింది.ప్రమాదం నుండి తేరుకున్న ఆ యువతి లేచి పక్కకు నడిచివెళ్లగా, స్థానికులు అక్కడికి చేరుకున్నారు. లారీ డ్రైవర్ బయటకు వచ్చి స్కూటర్‌ను పరిశీలించి, అక్కడివారితో వాగ్వాదానికి దిగాడు. అయితే ప్రజలు గుమిగూడటంతో డ్రైవర్ అక్కడి నుండి పరారయ్యాడు.స్పందించిన స్థానికులుఈ లారీకి నంబర్ ప్లేట్ లేదని, ఇది వైజాపూర్‌లోని మహల్‌గావ్ ఇసుక వేలానికి సంబంధించినదిగా ప్రత్యక్ష సాక్షులు తెలిపారు.నిబంధనలకు విరుద్ధంగా, ఎలాంటి పర్మిట్లు లేకుండా తిరుగుతున్న ఈ ఇసుక లారీల వేగం వల్ల తరచూ ప్రమాదాలు జరుగుతున్నాయని, దీనిపై కఠినమైన పోలీసు చర్యలు తీసుకోవాలని స్థానికులు డిమాండ్ చేస్తున్నారు.

ఎన్నికల సంఘానికి వ్యతిరేకంగా ఢిల్లీలో సాగుతున్న నిరసనలు ఉద్రిక్తంగా మారిన వేళ.. ఓ మహిళా ఐపీఎస్‌ అధికారి అందరి దృష్టిని ఆకర్షించారు. జెన్‌జీ యువత ఆవేశం, నినాదాలతో అశోక్‌ రోడ్డు హోరెత్తిన సమయంలో.. ఆందోళనకారులతో నేరుగా మాట్లాడి పరిస్థితిని అదుపులో ఉంచేందుకు ప్రయత్నించారు. నిరసనల మధ్య ఆమె సంయమనంతో వ్యవహరించిన తీరు, ఆందోళనకారులతో మాట్లాడిన వీడియోలు సోషల్‌ మీడియాలో వైరల్‌గా మారాయి. దీంతో నెటిజన్లు ఆమెను లాఠీ ఝళిపించని ‘లేడీ సింగం’ అంటూ ప్రశంసిస్తున్నారు.ఆ ఐపీఎస్‌ పేరు ఐశ్వర్య సింగ్‌. వయసు 31 సంవత్సరాలు. 2022 బ్యాచ్‌కు చెందిన ఐపీఎస్‌ అధికారి. ప్రస్తుతం ఢిల్లీ పోలీసు విభాగంలో దక్షిణ ఢిల్లీ అదనపు డిప్యూటీ కమిషనర్‌ ఆఫ్‌ పోలీస్‌ (ఏడీసీపీ)గా విధులు నిర్వర్తిస్తున్నారు. ఆమె తండ్రి జ్ఞానేంద్ర ప్రతాప్‌ సింగ్‌ కూడా సీనియర్‌ ఐపీఎస్‌ అధికారి కావడం విశేషం.జెన్‌జీ ఆవేశం నడుమ ఆమె..అక్టోబర్‌ 8న ఢిల్లీలో ఎన్నికల సంఘం ప్రధాన కమిషనర్‌ జ్ఞానేశ్‌ కుమార్‌కు వ్యతిరేకంగా నిరసనలు జరిగాయి. ఎన్నికల ప్రక్రియ, ఎన్నికల సంఘం తీరుపై అసంతృప్తితో ఆందోళనకు దిగిన నిరసనకారులు నినాదాలతో హోరెత్తించారు. ఈ క్రమంలో అశోక్‌ రోడ్డులో పరిస్థితులు ఉద్రిక్తంగా మారాయి. యువత ఆవేశం, నిరసనల తీవ్రత మధ్య పోలీసులు పరిస్థితిని అదుపులోకి తీసుకొచ్చేందుకు ప్రయత్నించారు.లాఠీకి బదులు మాటలతో..ఈ సమయంలో ఐశ్వర్య సింగ్‌ ఆందోళనకారులను అడ్డుకున్నారు. నేరుగా మాట్లాడిన తీరు ప్రత్యేకంగా నిలిచింది. పరిస్థితి మరింత ఉద్రిక్తం కాకుండా చూడటంతోపాటు, నిరసనకారులను అదుపు చేసేందుకు ఆమె ప్రయత్నించిన దృశ్యాలు సోషల్‌ మీడియాలో విస్తృతంగా షేర్‌ అయ్యాయి. ఆవేశంతో ఉన్న నిరసనకారుల మధ్య ఆమె చూపిన ఆత్మవిశ్వాసం, సంయమనం నెటిజన్ల ప్రశంసలు అందుకున్నాయి. అందుకే ఆమెను ‘లేడీ సింగం’ అంటూ పలువురు అభివర్ణిస్తున్నారు.Kudos to @aishwarya_ips for displaying tremendous courage, restraint and leadership amidst immense pressure https://t.co/qUCf1LhXww— Sameer (@BesuraTaansane) October 8, 2026ఇరువైపులా ఆరోపణలుఅయితే ఈ నిరసనల సందర్భంగా పోలీసులపై దాడులు జరిగాయని అధికారులు ఆరోపించగా, కొందరు ఆందోళనకారులు పోలీసులు తమ పట్ల దురుసుగా వ్యవహరించారని విమర్శించారు. ఇలాంటి పరస్పర ఆరోపణల మధ్య ఐశ్వర్య సింగ్‌ వ్యవహారశైలి చర్చనీయాంశంగా మారింది. నిరసనల సమయంలో పోలీసుల బాధ్యత కేవలం గుంపును చెదరగొట్టడమే కాకుండా, పరిస్థితులు అదుపు తప్పకుండా చూడటం కూడా. ఈ నేపథ్యంలో ‘జెన్‌జీ’ ఐశ్వర్య సింగ్‌ వీడియోలు వైరల్‌ కావడం, ఆమెకు ప్రశంసలు రావడం ఆసక్తికరంగా మారింది.ఇదీ చదవండి: కటకటాల్లోకి జైలర్‌ దివ్య

ఒక్కోసారి సాధారణ క్షణంగా మొదలైన వైరల్‌ వీడియో..తర్వాత ఊహించని విధంగా ఎందరో మనసుల్ని కదిలిస్తుంది. బహుశా వాళ్లకు కూడా తెలియదేమో తమ కథ ఇంతమంది హృదయల్ని కదిలిస్తుందని. ఇదంతా ఎందుకంటే ఓ ఒంటిరి తల్లి పోరాటం నెట్టింట ఎంత సంచలనంగా మారి ఎందరి నెటిజన్ల మనసుని దోచుకుందో తెలిస్తే విస్తుపోతారు. దయకు ఇంకా చోటు ఉందననిపిస్తుంది. View this post on Instagram A post shared by Yanka Pardesi (@priyankasmiles) అసలేం జరిగిందంటే..లడఖ్‌లోని ఒక పెట్రోల్‌ బంక్‌లో ఒక మహిళ తన చిన్న బిడ్డను వీపుకి కట్టుకుని పనిచేస్తుంటుంది. అక్కడకు తన భర్తతో వచ్చిన మరో మహిళ దీన్ని రికార్డు చేసి నెట్టింట షేర్‌ చేయడంతో ఆ దృశ్యం వైరల్‌గా మారింది. ఆ వీడియోకి "నా జీవితంలో అత్యంత క్లిష్ట పరిస్థితుల్లో ఉన్నప్పుడు నన్ను ఇక్కడే చూడగలరు" అనే క్యాప్షన్‌ జోడించి మరి పోస్ట్‌ చేసిందా యూజర్‌. అత్యంత సర్వసాధరణమైన దృశ్యమే అయినా వీక్షకులను ఎందుకనో బాగా ఆకట్టుకుంది. పనిచేస్తూనే బిడ్డను చూసుకుంటుందంటే ఎంత కష్టంలో ఉందో అర్థమవుతుందంటూ నెటిజన్లు స్పందించడమే కాదు..ఆమెకు తమవంతుగా సాయం చేస్తామంటూ..ఆ వీడియోని పోస్ట్‌ చేసిన మహిళను సంప్రదించారట కూడా. అసలు వీడియోలో కనిపిస్తున్న తల్లికి కూడా తెలియదు తన పట్ల ఇంతమంది ఆదరాభిమానాలు చూపిస్తారని, నిజంగా మన సమాజంలో దయ ఇంకా బతికే ఉంది అంటూ భావోద్వేగంగా సోషల్‌ మీడియా పోస్ట్‌లో రాసుకొచ్చింది. అంతేగాదు మరికొందరు ఆమె కోసం కొంత సొమ్ము కలెక్ట్‌ చేశామని ఆమె బిడ్డ భవిష్యత్తుగా వినియోగించాల్సింది కోరారని కూడా చెప్పారు. అంతేగాదు ఆ వీడియోని షేర్‌ చేసిన సదరు మహిళ ఆ ఒంటిరి తల్లికి నెటిజన్ల అభినందనలు, ఆకాంక్షలను కూడా తెలియజేయడం విశేషం. అందుకు ప్రతిగా ఆతల్లి వాళ్లందరికి కృతజ్ఞతలు తెలిపింది కూడా. కాగా, నెటిజన్లంత ఆమెను ఆధునిక ఝాన్సీ లక్ష్మీబాయి అని కీర్తిస్తుండటం విశేషం. View this post on Instagram A post shared by Yanka Pardesi (@priyankasmiles) < ఇదీ చదవండి: శాకాహరం అందించే కేఎఫ్‌సీ గురించి తెలుసా..!

ఎలాంటి అవకాశాలులేని చోట కూడా గొప్పగా లైఫ్‌ని మలుచుకోవచ్చు అని చూపించాడు ఈ యువకుడు. అందరు ఎన్నో అనుకుంటారు. అనుకున్నవి కాలేదని జీవితం ఆగిపోదు అన్న నానుడి మాదిరిగా ఈ యువ రైతు తన లైఫ్‌ని మలుచుక్ను విధానం ఈ తరానికి ఆదర్శం. అంతేగాదు బాలీవుడ్‌ సైతం అతడి క్రియేటివిటీకి దాసోహం అంటోంది. ఒకచిన్న ఐడియా జీవితాన్నే మార్చేస్తుంది అనేందుకు జార్ఖండ్‌కి చెందిన ఈ 24 ఏళ్ల నిశాంత్‌ అనే రైతు ఓ ఉదాహరణ. అతడు స్వతహాగా వైల్డ్‌ లైఫ్‌ ఫోటోగ్రాఫర్‌ కావాలని కలలు కన్నాడు. కానీ జీవితం మరోలా తీసుకుపోయింది. నిశాంత్‌ తన తల్లిదండ్రులు నలుగురు అన్నలతో కలిసి జీవిస్తున్నాడు. కుటుంబంలో నిశాంత్‌ అందరికంటే చిన్నవాడు. అతడి కుటుంబం వరి, రాగి, మినుములు, వివిధ కాలనుగుణ కూరగాయలు పండిస్తూ జీవినోపాధి పొందుతోంది. ప్రస్తుతం అతడి అన్నదమ్ములు ఉద్యోగ అవకాశాల కోసం రాంచీలో ఉన్నారు. ఇక నిశాంత్‌ లైప్‌ ఎప్పుడు సాఫీగా సాగలేదు. కుటుంబం కోసం వ్యవసాయం చేయడం నుంచి సైకిళ్లను బాగు చేయడం వంటి చిన్న చితకా పనులు చేయాల్సి వచ్చేది. అయితే చిన్నప్పుడు బ్రెయిన్‌లో జరిగిన రక్తస్రావం కారణంగా అతని శరీరం ఒకవైపు పక్షవాతానికి గురైంది కూడా. అయినా తన చదువుని ఆసక్తులను వదిలేయలేదు. అలా గ్రాడ్యుయేషన్‌ పూర్తి చేస్తూనే గ్రామంలోని వ్యవసాయ క్షేత్రాన్ని చూసుకునేవాడు. అయితే నిశాంత్‌కు క్రియేటివిటీ రంగంపై చాలా ఆసక్తి ఉండేది. అందుకే కాలేజ్‌లో నృత్యం, ఫుట్‌బాల్‌, వాలీబాల్‌, పరుగు, వాలీబాల్‌, ఫోటోగ్రఫీ వంటి వాటిని బాగా ఆస్వాదించేవాడు. అందుకే గోవాలో హౌస్‌కీపింగ్‌ ఉద్యోగం చేస్తూనే వన్యప్రాణి ఫోటోగ్రఫికోర్సులో చేరాడు. అలాగే ఆర్థిక స్థిరత్వం కోసం అతను తన కజిన్‌తో కలిసి రాంచీలో ఒక చిన్న కిరాణా దుకాణాన్ని కూడా తెరిచాడు. అయితే ఒక రోజు తన బట్టల అరను సద్దుతుండగా బుర్రల్లో తళుక్కమన్న ఆలోచన అతడి లైఫ్‌ని యూటర్న్‌ తిప్పింది. తాను కష్టపడి సంపాదించిన డబ్బుతో కొన్న బట్టలను చూసి..తానే వాటిని స్టైల్‌ చేసి ట్రెండ్‌కి అనుగుణంగా ధరించి వీడియోలు తీస్తే ఎలా ఉంటుందని అనుకున్నాడు. ఇలా అనుకున్నాడో లేదా దాన్ని కార్యరూపంలోకి తీసుకువచ్చి..వీడియోలు పోస్ట్‌ చేస్తుండేవాడు. వాటికి నెటిజన్ల నుంచి భారీ రెస్పాన్స్‌ రావడం మొదలైంది. అవి కూడా తన పొలంలో కండలను ప్రదర్శిస్తూ పనులు చేసుకుంటున్నట్లు తీసిన వీడీయో ఫ్యాషన్-ఫార్వర్డ్ స్టైల్స్‌కి కెరాఫ్‌గా మారింది. ఆ తర్వాత వదులుగా ఉండే షర్టులతో బ్యాగీ ఫ్యాంట్లు, ఫార్మల్‌ షర్టులతో జీన్స్‌, టై, పొడవాటి కోట్లు, స్కార్ఫ్‌లు క్యాజువల్స్‌ ఇంకా మరెన్నో ఫ్యాషన్‌ వేర్‌ వీడియోలతో నెటిజన్లను ఆకట్టుకోవడమే కాదు గ్రామీణ కుర్రాళ్లలో ఇంత టాలెంట్‌ ఉంటుందా అని ఆశ్చర్యపోయేలా చేశాడు. ముఖ్యంగా అతని ఫేస్‌ మోడల్‌గా అదనపు ఆకర్షణ అని చెప్పొచ్చు. అంతేగాదు అతని వీడియోలు బాలీవుడ్‌ ప్రముఖుల వరకు చేరి భూమి పడ్నేకర్‌, అనూషా దండేకర్‌ వంటి నటులు వావ్‌ అద్భుతం అని అతడిపై ప్రశంసల జల్లు కురిపించారు. ఒకపక్క తండ్రి అనారోగ్య సమస్యలు, తన ఆరోగ్య సమస్యలు, ఆర్థిక పరిస్థితి ఇవేమి అతడి కలను ఆపలేకపోయాయి కదూ..! మనసుంటే మార్గం ఉందన్నట్లుగా గ్రామీణ వాతావరణాన్ని ప్యాషన్‌కి వేదికగా ములుచుకుని ఫ్యాషన్‌ రీల్స్‌ చేయడం నిజంగా అద్భుతమే కదూ..!. View this post on Instagram A post shared by Nishant Kerketta (@nishant_kerketta_1) ఇదీ చదవండి: వైద్యురాలి నుంచి యోధురాలిగా..! అచ్చం సినిమాని తలపించే జీవితం ఆమెది..

నిరసనకారులను అదుపులోకి తీసుకునే క్రమంలో పోలీసులు దూకుడుగా వ్యవహరించే దృశ్యాలు తరచూ కనిపిస్తుంటాయి. అంతెందుకు మన దేశంలోనూ మొన్నీమధ్య సీజేపీ, నిన్న ఈసీ వ్యతిరేక ఆందోళనల్లోనూ పోలీసులు–నిరసనకారుల మధ్య ఉద్రిక్తతలు చోటుచేసుకున్నాయి. ఇలాంటి సమయంలో ఫ్రాన్స్‌లో చోటుచేసుకున్న ఓ ఘటన ఇప్పుడు సోషల్‌ మీడియాలో వైరల్‌గా మారింది.ఫ్రాన్స్‌లో విద్యార్థుల ఆందోళనలు ఉధృతమవుతున్న వేళ.. సెయింట్‌-డెనిస్‌ మేయర్‌ బల్లి బగయోకో పోలీసులకు, విద్యార్థులకు మధ్యలో నిలబడ్డారు. మంగళవారం పారిస్‌లో జరిగిన మార్చ్‌లో పోలీసులు విద్యార్థులపైకి దూసుకెళ్లేందుకు ప్రయత్నించగా.. ఆయన వారిని అడ్డుకుంటూ ‘స్టాప్‌.. స్టాప్‌’ అంటూ గట్టిగా అరిచారు. విద్యార్థులకు రక్షణగా నిలిచిన ఆయన దృశ్యాలు సోషల్‌ మీడియాలో వైరల్‌గా మారాయి.‘నా పిల్లల లాంటివాళ్లు’తాను విద్యార్థులకు మద్దతుగా నిలవడం తన బాధ్యతగా భావించానని బగయోకో చెప్పారు. “వీధుల్లో ఉన్న హైస్కూల్‌ విద్యార్థులు నా పిల్లల లాంటివాళ్లు. వారి పక్షాన నిలబడటం నా బాధ్యత” అని పేర్కొన్నారు. పోలీసులు విద్యార్థులపైకి దూసుకెళ్లాలని నిర్ణయించుకున్నారని.. వారిలో చాలామంది పోలీసులపై ఎలాంటి దూకుడు ప్రదర్శించలేదని ఆయన అన్నారు. చివరకు పోలీసులు విద్యార్థులతో పాటు తనపైనా టియర్‌ గ్యాస్‌ ప్రయోగించారని తెలిపారు.This has to be the video of the year. Bally Bagayoko who is the mayor of French city Saint-Denis shouts at police to “Stop!” and protects the student protesters. https://t.co/XyXc7AUz6d— Power to the People ☭🕊 (@ProudSocialist) October 6, 2026అయితే పోలీసులు శాంతిభద్రతల పరిరక్షణ కోసం పనిచేస్తుంటారని.. నిరసనకారులను నియంత్రించడం కూడా వారి విధుల్లో భాగమేననే అభిప్రాయాలు వ్యక్తమవుతున్నాయి. ఈ క్రమంలో పోలీసులు తమ విధులు నిర్వర్తించకుండా అడ్డుకోవడం కూడా సరైన విధానం కాదనే చర్చ సాగుతోంది. మేయర్‌ ఉద్దేశం విద్యార్థులకు రక్షణ కల్పించడమే అయినప్పటికీ.. పోలీసుల విధుల్లో జోక్యం చేసుకోవడంపై భిన్నాభిప్రాయాలు వ్యక్తమవుతున్నాయి.బల్లి బగయోకో ఎవరు?బల్లి బగయోకో (52) మాలీ మూలాలున్న కుటుంబంలో జన్మించి సెయింట్‌-డెనిస్‌లో పెరిగారు. రవాణా సంస్థ ఆర్‌ఏటీపీలో ఉద్యోగిగా పనిచేస్తూనే.. బాస్కెట్‌బాల్‌ కోచ్‌గా, సామాజిక కార్యకర్తగా స్థానికంగా గుర్తింపు తెచ్చుకున్నారు. 2001లో రాజకీయాల్లోకి వచ్చిన ఆయన.. డిప్యూటీ మేయర్‌, ప్రాంతీయ రాజకీయ నేతగా పనిచేశారు. 2026 మార్చిలో జరిగిన మున్సిపల్‌ ఎన్నికల్లో 50.77 శాతం ఓట్లతో సెయింట్‌-డెనిస్‌ మేయర్‌గా ఎన్నికయ్యారు. వామపక్ష పార్టీ ‘లా ఫ్రాన్స్‌ ఇన్‌సూమిస్‌’ (LFI)కు చెందిన బగయోకో.. విద్య, సామాజిక సమానత్వం వంటి అంశాలపై గళమెత్తుతున్నారు. ఆయనకు నలుగురు పిల్లలు.రెండు వారాలుగా ఆందోళనలుఫ్రాన్స్‌లో రెండు వారాలకు పైగా విద్యార్థుల నిరసనలు కొనసాగుతున్నాయి. కిక్కిరిసిన, సౌకర్యాలు లేని తరగతి గదులు, ఉపాధ్యాయుల కొరత, విద్యలో అసమాన అవకాశాలను నిరసిస్తూ విద్యార్థులు ఆందోళనకు దిగారు. ఈ నిరసనలు పలు ప్రాంతాలకు విస్తరించడంతో వేలాది మందిని పోలీసులు అరెస్టు చేశారు. మరోవైపు పాఠశాలల ధ్వంసం, పోలీసులపై దాడుల వంటి ఘటనలు కూడా చోటుచేసుకున్నాయని అధికారులు చెబుతున్నారు.15 ఏళ్ల విద్యార్థి చేయి పోవడంతో..నిరసనల సమయంలో 15 ఏళ్ల విద్యార్థి చేయి కోల్పోయిన ఘటన పోలీసుల చర్యలపై తీవ్ర విమర్శలకు దారితీసింది. లెన్స్‌ నగరంలో పోలీసుల గ్రెనేడ్‌ పేలడంతో బాలుడి చేయి తెగిపోయింది. దీంతో విద్యార్థుల నిరసనల్లో స్టన్‌ గ్రెనేడ్ల వినియోగాన్ని ఫ్రాన్స్‌ ప్రభుత్వం తాత్కాలికంగా నిలిపివేసింది. ఈ ఘటనపై పోలీసుల దర్యాప్తు కూడా కొనసాగుతోంది.డిమాండ్లపై ప్రభుత్వం స్పందనమరోవైపు విద్యార్థుల డిమాండ్లను పరిశీలించి అక్టోబర్‌ చివరినాటికి ప్రతిపాదనలు వెల్లడిస్తామని ఫ్రాన్స్‌ ప్రధాని సెబాస్టియన్‌ లెకోర్ను తెలిపారు. అయితే నిరసనలు మాత్రం కొనసాగుతున్నాయి. విద్యార్థులకు మద్దతుగా నిలిచిన మేయర్‌ బగయోకో వీడియో ఇప్పుడు ఈ ఆందోళనల్లో పోలీసుల తీరుపై జరుగుతున్న చర్చకు మరింత ప్రాధాన్యం తెచ్చింది.ఇదీ చదవండి: రాహుల్‌ గాంధీ ధర్నాలో పోలీసులపై దాడి!

బెంగళూరులో తనను ఓ వ్యక్తి ఇంటి వరకు వెంబడించడంతో భయాందోళనకు గురైన ఓ మహిళ.. ఇప్పుడు ప్రయాణ సమయంలో భద్రత కోసం హెల్మెట్‌కు కెమెరా అమర్చుకున్నారు. దీనికి సంబంధించిన వీడియో సామాజిక మాధ్యమాల్లో వైరల్‌గా మారింది.బెంగళూరు రహదారిపై ట్రాఫిక్‌లో ప్రయాణిస్తున్న సమయంలో కంటెంట్ క్రియేటర్ లోకేశ్ సోలో రైడర్ ఆ మహిళను గమనించారు. ఆమె హెల్మెట్‌కు ప్రత్యేక పరికరం అమర్చి ఉండటాన్ని చూసి దాని గురించి అడిగారు. అది కెమెరా అని ఆమె చెప్పారు. దాని ధర సుమారు రూ.3,000 అని తెలిపారు. తనకు ఎదురైన అనుభవం కారణంగానే కెమెరాను ఏర్పాటు చేసుకున్నట్లు ఆమె వివరించారు. ఓ వ్యక్తి తనను అనుసరిస్తూ ఇంటి వరకు వచ్చాడని, ఆ ఘటన తర్వాత ప్రయాణ సమయంలో తన చుట్టూ జరిగే విషయాలను రికార్డు చేసుకునేందుకు ఈ కెమెరాను ఉపయోగిస్తున్నట్లు ఆమె వెల్లడించారు. ఈ వీడియోలో ఆమె చెప్పిన అనుభవం మహిళల వ్యక్తిగత భద్రతపై మరోసారి చర్చకు దారితీసింది.సామాజిక మాధ్యమాల్లో వీడియో వైరల్ కావడంతో పలువురు ఆమె తీసుకున్న ముందు జాగ్రత్తను ప్రశంసించారు. మహిళలు ప్రయాణించే సమయంలో ఎదురయ్యే వేధింపులు, వెంబడింపుల వంటి ఘటనలకు ఆధారాలను భద్రపరచుకోవడం అవసరమనే అభిప్రాయాలు వ్యక్తమయ్యాయి. ఈ కెమెరా మోడల్‌ గురించి కూడా కొందరు ప్రశ్నించగా, అది ‘క్యూబో బైక్ డ్యాష్‌క్యామ్’గా కొందరు పేర్కొన్నారు.బెంగళూరులో గతంలోనూ మహిళలను వెంబడించడం, రహదారులపై వేధింపులకు సంబంధించిన ఘటనలు వెలుగులోకి వచ్చాయి. 2025లో ఓ మహిళను స్కూటర్‌పై కొంత దూరం వెంబడించిన ముగ్గురు వ్యక్తుల ఘటనపై పోలీసులు స్పందించి, వాహనం యజమానిని గుర్తించినట్లు కూడా వార్తలు వచ్చాయి.ఈ నేపథ్యంలో మహిళల భద్రత కోసం సాంకేతిక పరికరాలను ఉపయోగించుకోవడంపై ఈ ఘటన కొత్త చర్చకు తెరతీసింది. అయితే ఇలాంటి పరికరాలు భద్రతకు అదనపు సహాయంగా మాత్రమే ఉపయోగపడతాయని, ప్రమాదం ఎదురైనప్పుడు పోలీసులను సంప్రదించడం కీలకమని గుర్తుంచుకోవాలి. View this post on Instagram A post shared by Lokesh Solo Rider | Gear/Tech Reviews (@throttle_d390)

న్యూఢిల్లీలో ‘పితృస్వామ్యం వర్ధిల్లాలి’ అనే నినాదంతో జరిగిన ఓ నిరసన కార్యక్రమం సామాజిక మాధ్యమాల్లో తీవ్ర చర్చకు దారితీసింది. పురుషుల హక్కుల కోసం పనిచేస్తున్న ‘ఎన్‌సీఎం ఇండియా కౌన్సిల్ ఫర్ మెన్ అఫైర్స్’ ఈ కార్యక్రమాన్ని నిర్వహించినట్లు జాతీయ మీడియా కథనాల్లో పేర్కొన్నారు. పురుషులు, మహిళలకు సమానంగా వర్తించే చట్టాలు, పురుషుల కోసం జాతీయ కమిషన్ ఏర్పాటు చేయాలనే డిమాండ్లను ఈ సంస్థ ముందుకు తెచ్చినట్లు సమాచారం.నిరసనలో ఏర్పాటు చేసిన బ్యానర్‌పై ‘‘పితృస్వామ్యం మహిళలు, పిల్లలు, వృద్ధులు, కుటుంబం, సమాజం, దేశాన్ని రక్షిస్తుంది’’ అనే సందేశం కనిపించింది. ఈ నినాదం, బ్యానర్‌లోని వ్యాఖ్యలు సామాజిక మాధ్యమాల్లో విస్తృతంగా చర్చకు కారణమయ్యాయి. నిరసనకు సంబంధించిన ఓ వీడియోలో ఓ మహిళ మాట్లాడిన దృశ్యాలు కూడా వైరల్‌గా మారాయి. సమానత్వం పేరుతో కొందరు మహిళలు ఇంటి బాధ్యతల నుంచి తప్పించుకోవాలని చూస్తున్నారని ఆమె అభిప్రాయపడినట్లు వీడియోలో కనిపించింది. కుటుంబాన్ని రక్షించే బాధ్యత పురుషులదేనని ఆమె పేర్కొంది.ఈ వీడియోపై సామాజిక మాధ్యమాల్లో భిన్న స్పందనలు వచ్చాయి. కొందరు తీవ్రంగా విమర్శించగా, మరికొందరు సమానత్వం, కుటుంబ బాధ్యతలు, పురుషుల పాత్రపై చర్చకు దారితీసే అంశంగా దీనిని చూశారు. ఇదే సమయంలో ఢిల్లీలో మహిళల భద్రత, లైంగిక హింసకు వ్యతిరేకంగా మరోవైపు మహిళలు నిరసనలు నిర్వహిస్తున్నారు. ఈ నేపథ్యంలో ‘పితృస్వామ్యం వర్ధిల్లాలి’ అనే నినాదంతో జరిగిన కార్యక్రమం లింగ సమానత్వం, మహిళల స్వేచ్ఛ, పురుషుల హక్కుల అంశాలను మళ్లీ తెరపైకి తీసుకొచ్చింది. View this post on Instagram A post shared by NCMIndia Council For Men Affairs (@ncmindiaa) View this post on Instagram A post shared by Saloni Yadav (@saloniyadavv)

తమిళనాడులో కర్ణాటక సరిహద్దుకు సమీపంలోని అసనూర్‌ వద్ద కదులుతున్న కారుపైకి అడవి ఏనుగు ఎక్కడంతో అందులోని ప్రయాణికులు తీవ్ర భయాందోళనకు గురయ్యారు. బెంగళూరు-దిండిగల్‌ జాతీయ రహదారిపై ఈ ఘటన చోటుచేసుకుంది. మైసూరు నుంచి కోయంబత్తూరుకు వెళ్తున్న కారు వద్దకు ఓ ఏనుగు అకస్మాత్తుగా వచ్చి, దానిపై కాలును పెట్టింది. కిటికీ వైపు తొండాన్ని చాచింది. ఏనుగు వాహనం పక్కనే ఉన్న సమయంలో కారులోని ప్రయాణికులు కదలకుండా ఉండిపోయారు. వారు హారన్‌ మోగించడం లేదా ఒక్కసారిగా వాహనాన్ని కదిలించడం చేయలేదు.వెనుక నుంచి మరో వాహనంలో వస్తున్న వ్యక్తి ఈ ఘటనను వీడియోలో చిత్రీకరించారు. కొద్దిసేపటి తర్వాత ఏనుగు తన కాలును కిందకు దించి కారు వెనుక వైపు నుంచి వెళ్లి రహదారిని దాటింది. అనంతరం తిరిగి అడవిలోకి వెళ్లిపోయింది. ఈ ఘటనలో ప్రయాణికులకు ఎలాంటి గాయాలు కాలేదు. ఏనుగు కారు పక్క అద్దాన్ని మాత్రం దెబ్బతీసినట్లు సమాచారం. వాహనానికి పెద్దగా నష్టం జరగలేదు. ఈ ఘటనలో ప్రయాణికులు ఎలాంటి గాయాలు లేకుండా బయటపడ్డారు.అసనూర్‌ ప్రాంతం అడవులతో కూడిన రహదారి మార్గంలో ఉంది. ఈ ప్రాంతం ఏనుగుల సంచారానికి కీలకమైన మార్గాల్లో ఒకటిగా ఉంది. సమీపంలోని చామరాజనగర్‌ అడవులు, బందీపూర్‌ పులుల అభయారణ్యం వైపు కూడా ఏనుగులు సంచరిస్తుంటాయి. దీంతో ఈ రహదారిపై వాహనదారులకు తరచూ వన్యప్రాణులు ఎదురయ్యే పరిస్థితులు ఉంటాయి.అడవి ప్రాంతాల గుండా ప్రయాణించే వాహనదారులు వన్యప్రాణులు కనిపించినప్పుడు వాహనంలోనే ఉండి, సురక్షిత దూరాన్ని పాటించాలని అటవీ అధికారులు సూచిస్తున్నారు. ఏనుగులకు ఆహారం ఇవ్వడం, వాటి దగ్గర వాహనాలను ఆపడం, హారన్‌ మోగించడం లేదా ఆకస్మిక కదలికలు చేయడం ప్రమాదాన్ని పెంచుతుందని హెచ్చరిస్తున్నారు. ఇదీ చదవండి: భూకంపం తర్వాత రాజకీయ భూకంపం.. మోదీ సీఎం ఎలా అయ్యారు?

బెంగళూరులో ఓ స్కూటర్‌ రైడర్‌ రోడ్డుపై వాహనాల రాకపోకలకు స్థలం ఉన్నప్పటికీ ఫుట్‌పాత్‌పై వేగంగా ప్రయాణించిన దృశ్యాలు సామాజిక మాధ్యమాల్లో వైరల్‌గా మారాయి. పాదచారుల కోసం ఉద్దేశించిన మార్గాన్ని వాహనదారులు షార్ట్‌కట్‌గా ఉపయోగించడంపై ఈ వీడియో మరోసారి చర్చకు దారితీసింది.సనాతన అనే ఎక్స్‌ ఖాతాలో ఈ వీడియోను షేర్‌ చేశారు. ఈ వీడియోలో రోడ్డుపై ప్రయాణిస్తున్న ఓ వ్యక్తి స్కూటర్‌పై వెళ్తున్న రైడర్‌ను చిత్రీకరించినట్లు కనిపిస్తోంది. పక్కనే ఉన్న ప్రధాన రహదారి దాదాపు ఖాళీగా కనిపిస్తున్నప్పటికీ, స్కూటర్‌ రైడర్‌ ఫుట్‌పాత్‌పైనే ముందుకు సాగాడు. మార్గంలో ఉన్న మొక్కలు, ఇతర అడ్డంకుల మధ్య నుంచి అతడు స్కూటర్‌ను నడిపాడు.ఓ దశలో అతడు బస్‌స్టాప్‌ గుండా కూడా స్కూటర్‌ను నడుపుతూ కనిపించాడు. వేగాన్ని తగ్గించకుండానే ముందుకు వెళ్లాడు. పక్కనే ఖాళీగా ఉన్న రోడ్డుపైకి వెళ్లేందుకు ప్రయత్నించినట్లు కూడా వీడియోలో కనిపించలేదు. వీడియో తీస్తున్న వ్యక్తిని పట్టించుకోకుండా అతడు ప్రయాణం కొనసాగించాడు.బెంగళూరు పోలీసులను ట్యాగ్‌ చేస్తూ, రహదారి ఖాళీగా ఉన్నప్పటికీ వాహనదారులు ఫుట్‌పాత్‌లను ఎందుకు ఉపయోగిస్తున్నారని ఎక్స్‌లో ప్రశ్నించారు. పాదచారుల కోసం కేటాయించిన మార్గాల్లో వాహనాలు నడపడం వల్ల నడిచేవారికి ప్రమాదం ఏర్పడుతుందని, ఇది ప్రజా భద్రత, బాధ్యత, పౌరబాధ్యతకు సంబంధించిన అంశమని పోస్టులో పేర్కొన్నారు.ఈ ఘటనపై సామాజిక మాధ్యమాల్లో పలువురు విమర్శలు చేశారు. కొందరు ట్రాఫిక్‌ నిబంధనలను పట్టించుకోని ధోరణిపై ఆందోళన వ్యక్తం చేయగా, మరికొందరు డెలివరీ రైడర్లు ఫుట్‌పాత్‌లపై ప్రయాణించడం, రోడ్డుకు వ్యతిరేక దిశలో వెళ్లడం సాధారణంగా మారిందని ఆరోపించారు. ఇలాంటి చర్యలను ప్రశ్నించకుండా వదిలేస్తే అవి అలవాటుగా మారే అవకాశం ఉందని మరికొందరు అభిప్రాయపడ్డారు. Why the obsession with riding on the footpath even when the road is empty? Reckless riding on footpaths is dangerous and puts pedestrians at risk. This is about civic sense, responsibility and public safety. 📍 NGEF Signal KA03KY1913 Kindly take necessary action. @blrcitytraffic— ಸನಾತನ (सनातन) (@sanatan_kannada) October 5, 2026

అర్జెంటీనా ఫుట్‌బాల్ దిగ్గజం లియోనెల్ మెస్సీ బుధవారం తన చివరి అంతర్జాతీయ మ్యాచ్ ఆడాడు. బెనిన్‌తో జరిగిన ఫేర్‌వెల్ మ్యాచ్‌లో అర్జెంటీనా 3-0తో విజయాన్ని అందుకుంది. మ్యాచ్‌లో మెస్సీ ఒక గోల్ చేయడంతో పాటు రెండు కీలక అసిస్ట్‌లు కూడా అందించాడు. మ్యాచ్ అనంతరం తనను చూసేందుకు వచ్చిన అభిమానులనుద్దేశించి సుదీర్ఘమైన వీడ్కోలు ప్రసంగం ఇచ్చాడు. ఈ సందర్భంగా భావోద్వేగానికి లోనవుతూనే సంచలన వ్యాఖ్యలు చేశాడు. 2026 ఫిఫా ప్రపంచకప్ గెలవడం మన దేశంలోనే కొందరికి ఇష్టం లేదని, ఇది రాబోయే తరానికి ఒక హెచ్చరిక లాంటిదని పేర్కొన్నాడు.Photo Credit: Twitter‘అర్జెంటీనా సహా ప్రపంచవ్యాప్తంగా ఉన్న ప్రతి అభిమానికీ ధన్యవాదాలు. ఇన్నేళ్లుగా మీరు నాపై చూపించిన ప్రేమ, గౌరవం, మద్దతును జీవితాంతం నా హృదయంలో దాచుకుంటాను. నిజం చెప్పాలంటే.. నేను ఇంత ఎక్కువగా మాట్లాడటం ఇదే తొలిసారి. ఎందుకంటే నేను ఇక్కడి నుంచి వెళ్లాలని అనుకోవడం లేదు. జీవితాంతం ఇక్కడే, ఈ జెర్సీతోనే మీ ముందు ఆడాలని ఉంది. కానీ కాలం ఎవరి కోసం ఆగదు. నా జీవితంలో నెరవేరాల్సిన కలలు పూర్తయ్యాయి. ప్రపంచకప్‌ గెలవాలన్న నా కల, మొత్తం దేశం కల నెరవేరింది. చివరి ప్రపంచకప్‌లో మేం ఛాంపియన్లుగా నిలవడానికి చాలా దగ్గరగా వెళ్లాం. దాని కోసం మా శక్తినంతా ఉపయోగించాం. నా సహచరులంతా చివరి వరకు పోరాడారు. కానీ విజయం దక్కలేదు. అయినప్పటికీ అర్జెంటీనా తరఫున ఆడిన ప్రతి మ్యాచ్ ప్రాణం పెట్టి ఆడాను’ వివరించాడు.గెలవడం కొందరికి ఇష్టం లేదు‘మీ మద్దతు లేకుండా కల సాకారం అయ్యేది కాదేమో. ప్రపంచకప్‌ సహా ఏ టోర్నీలో ఆడినా మీరు మాకు అండగా నిలిచారు. అర్జెంటీనా తరఫున మైదానంలోకి దిగడం నాకు దక్కిన గొప్ప గౌరవం. ఇది నా జీవితంలో, నా కెరీర్‌లో అత్యంత బాధాకరమైన రోజు ఇదే. ఇదే నా చివరి అంతర్జాతీయ మ్యాచ్ కావడంతో రేపటి నుంచి మిమ్మల్ని చాలా మిస్‌ అవుతా. Photo Credit: Twitterకానీ మన జట్టు యువ ఆటగాళ్లకు ఎప్పుడూ అండగా ఉంటా. మనం ఎప్పటికీ ఒక్కటిగానే ఉంటాం. మనం ఐక్యంగా ఉన్నప్పుడే ఏదైనా సాధ్యమవుతుంది. అత్యున్నత లక్ష్యాలను సాధించాలంటే మనం కలిసే ఉండాలి. ఈ జాతీయ జట్టు గెలవడం కొందరికి ఇష్టం లేదు. అలాంటి వారిని ఎదుర్కోవాలంటే మనం మరింత ఐక్యంగా ఉండాలి. ఒక బలమైన సమూహం లేకపోతే ఏదైనా సాధించడం చాలా కష్టం. మా జట్టు ఎప్పుడూ ఒక కుటుంబంలా ఉంది. అందుకే ఇన్ని విజయాలు సాధించగలిగాం.నేను ఇక్కడి నుంచి వెళ్లాలని అనుకోవడం లేదు. ఈ మైదానాన్ని వదిలి వెళ్లాలని లేదు. నేను మిమ్మల్ని ప్రేమిస్తున్నానని మాత్రమే చెప్పాలనుకుంటున్నా. మిమ్మల్ని చాలా మిస్‌ అవుతా. నేను ఎప్పటికీ అర్జెంటీనికు చెందిన వాడిగానే ఉంటాను. మీ అందరితో కలిసి నా కలను నెరవేర్చుకున్నందుకు ఎంతో గర్వంగా ఉంది’ అంటూ మెస్సీ తన ప్రసంగాన్ని ముగించాడు.Photo Credit: Twitterవెక్కి ఏడ్చిన మెస్సీ కుటుంబం..కాగా మెస్సీ వీడ్కోలు మ్యాచ్‌కు అతడి కుటుంబం తరలివచ్చింది. మెస్సీ భార్య అంటోనెలా రోకుజ్జో, పిల్లలు వాళ్ల‌కు కేటాయించిన ప్ర‌త్యేక స్టాండ్ నుంచి వీక్షించారు. మెస్సీ గోల్ కొట్టిన సంద‌ర్భంలో కుటుంబం మొత్తం ఎగిరి గంతేశారు. ఇక మెస్సీ ప్ర‌సంగం స‌మ‌యంలో భార్య అంటోనెలా స‌హా పిల్ల‌లు క‌న్నీటిప‌ర్యంత‌మ‌య్యారు.ఇక మ్యాచ్ ప్రారంభానికి ముందు అర్జెంటీనా కోచ్ లియోనెల్ స్క‌లోని.. మెస్సీతో క‌లిసి జాతీయ గీతం పాడుతూ ఎమోష‌న‌ల‌వ్వ‌డం కెమెరాల‌కు చిక్కింది. మ్యాచ్ ముగిసిన క్ష‌ణంలోనూ మెస్సీ.. ఉబికి వ‌స్తున్న కన్నీళ్ల‌ను ఆపుకునే ప్ర‌య‌త్నం చేయ‌గా స‌హ‌చ‌రులు అత‌డిని ఓదార్చ‌డం స్టాండ్స్‌లోని అభిమానుల‌ను కంట‌త‌డి పెట్టేలా చేసింది.🚨🎙️| Messi: “I don’t want to leave. I will miss you all. I’m thankful to God for being Argentine and proud to be Argentine, and to have accomplished this dream with you all.” 🩵🩵 https://t.co/owyywWWSHA— Kalshi FC (@KalshiFC) October 7, 2026ఇదీ చదవండి: ఫేర్‌వెల్ మ్యాచ్‌.. వెక్కివెక్కి ఏడ్చిన మెస్సీ

ఎస్‌ఐఆర్ (SIR), కేంద్ర ఎన్నికల ప్రధాన కమిషనర్ జ్ఞానేశ్ కుమార్‌కు వ్యతిరేకంగా కాంగ్రెస్‌ నిరసనలు చేపట్టింది. ఢిల్లీ సహా పలు చోట్ల నిరసనల్లో స్పీడ్‌ పెంచింది. కాగా, మంగళవారం ఢిల్లీలో కాంగ్రెస్‌ చేపట్టిన ఈ నిరసనలో ఆసక్తికర సన్నివేశం చోటుచేసుకుంది. ఎండలో గంటల తరబడి ఆందోళనలో కూర్చున్న కాంగ్రెస్ అగ్రనేత రాహుల్ గాంధీ కొద్దిగా అలసిపోవడంతో ‘స్టింగ్’ ఎనర్జీ డ్రింక్‌ను తాగారు. అనంతరం అదే బాటిల్‌ను తన సోదరి, వయనాడ్ కాంగ్రెస్ ఎంపీ ప్రియాంక గాంధీ వాద్రాకు ఇచ్చారు.ఈ క్రమంలో సింగ్‌ బాటిల్‌ను ప్రియాంక తీసుకునే ముందు వద్దు.. వద్దు అంటూ తిరస్కరించారు. అనంతరం ప్రియాంక ఆ డ్రింక్‌ను తీసుకుని వాసన చూసి.. ఒక సిప్‌ తీసుకుని మళ్లీ రాహుల్‌కు ఇచ్చేశారు. ఈ సరదా సన్నివేశానికి సంబంధించిన వీడియో సోషల్ మీడియాలో వైరల్‌గా మారింది. రాహుల్ గాంధీ రూ.20 ‘స్టింగ్’ తాగడాన్ని కొందరు ఆయన సామాన్య ప్రజలతో మమేకం కావాలనే ప్రయత్నానికి ప్రతీకగా అభివర్ణించారు. మరికొందరు ఇద్దరి మధ్య ఉన్న సోదరసోదరీ అనుబంధాన్ని ప్రస్తావించారు. కొందరు మాత్రం రాజకీయ వ్యంగ్యానికి ఉపయోగించుకున్నారు.ఇదిలా ఉండగా.. ఇక్కడే ఈ ఘటనకు మరో ఆసక్తికరమైన అంశం ఉంది. రాహుల్‌, ప్రియాంకలు ‘స్టింగ్‌’ తాగుతున్న సమయంలోనే.. పెప్సీకో ఢిల్లీ హైకోర్టులో ‘ఎనర్జీ డ్రింక్‌’ అనే పదాన్ని తమ ఉత్పత్తులపై ఉపయోగించడంపై జరుగుతున్న కేసులో పోరాడుతోంది. పెప్సీకో ఉత్పత్తులపై ‘ఎనర్జీ డ్రింక్‌’ అనే పదాన్ని ఉపయోగించడాన్ని ఫుడ్‌ సేఫ్టీ అండ్‌ స్టాండర్డ్స్‌ అథారిటీ ఆఫ్‌ ఇండియా (FSSAI) వ్యతిరేకించింది. ఆ పదాన్ని ఉత్పత్తుల లేబుళ్ల నుంచి తొలగించాలని కంపెనీని ఆదేశించింది. అలాగే ఆ లేబుల్‌తో ఉన్న ఉత్పత్తులను స్వాధీనం చేసుకోవాలని దేశవ్యాప్తంగా ఆహార భద్రతా అధికారులకు సూచించింది.कोई राहुल गांधी को शहजादा बोलता है कोई जमीनी नेता ,पर सच तो यह है यह बंदा आम आदमी की तरह जीवन जीने से कतई परहेज नहीं करता ! LOP होने के बावजूद भी सिंपलीसिटी लाइफस्टाइल में सामान्य रहना कोई राहुल गांधी से सीखे बरहाल Sting energy को फ्री में प्रमोशन मिल गया @RahulGandhi @INCIndia https://t.co/cYIAZiS1iS— Rahul Kumar (@NewsRahulkumar) October 7, 2026దీంతో పెప్సీకో ఢిల్లీ హైకోర్టును ఆశ్రయించింది. ఈ కేసులో మంగళవారం కోర్టు కంపెనీకి మధ్యంతర ఊరట ఇచ్చింది. ఇప్పటికే తయారై మార్కెట్‌లో ఉన్న ‘ఎనర్జీ డ్రింక్‌’ లేబుల్‌ ఉన్న స్టాక్‌ను విక్రయించుకోవచ్చని కోర్టు తెలిపింది. అయితే కేసు తుది నిర్ణయం వచ్చే వరకు అదే వివాదాస్పద లేబుల్‌తో కొత్త ఉత్పత్తులను తయారు చేయకూడదని స్పష్టం చేసింది. మరోవైపు ‘ఎనర్జీ డ్రింక్‌’ అనే పదాన్ని ఎందుకు వ్యతిరేకిస్తున్నారనే దానిపై ప్రభుత్వ వర్గాలు వివరణ ఇచ్చాయి. కెఫీన్‌ ఉన్న పానీయాలను ‘ఎనర్జీ డ్రింక్‌’గా పిలవడం వల్ల అవి శరీరానికి పోషక శక్తిని లేదా అదనపు శక్తిని అందిస్తాయనే అభిప్రాయం వినియోగదారుల్లో కలగవచ్చని పేర్కొన్నాయి.కెఫీన్‌ ప్రధానంగా శరీరాన్ని ఉత్తేజపరిచే పదార్థంగా పనిచేస్తుంది. ఇది కొంతసేపు అప్రమత్తతను పెంచి, అలసట అనిపించడాన్ని తగ్గించవచ్చు. అయితే కెఫీన్‌ స్వయంగా శరీరానికి పోషక శక్తి లేదా క్యాలరీలను అందించదని ప్రభుత్వ వర్గాలు తెలిపాయి. అధిక కెఫీన్‌, అదనపు చక్కెర ఉన్న పానీయాలను యువత, క్రీడాకారులు, ఆరోగ్యంపై శ్రద్ధ చూపేవారిని లక్ష్యంగా చేసుకుని ప్రచారం చేయడం వల్ల వినియోగదారుల ఆరోగ్యంపై ఆందోళనలు తలెత్తుతున్నాయని అధికారులు పేర్కొన్నారు. అలా ఢిల్లీలో ఒకవైపు నిరసనలో రాహుల్‌ గాంధీ చేతిలో కనిపించిన ‘స్టింగ్‌’ ఆసక్తిని రేపగా.. మరోవైపు అదే సమయంలో ‘ఎనర్జీ డ్రింక్‌’ అనే పదంపై పెప్సీకో కోర్టులో న్యాయపోరాటం చేస్తోంది.ఇదీ చదవండి: జ్ఞానేశ్‌ కుమార్‌ టూర్‌కు మళ్లీ బ్రేక్‌!

ఏఐ ఏం చేస్తోంది?వ్యక్తిగత స్వేచ్ఛ, గౌరవంగా బతికే అవకాశం పౌరులకు రాజ్యాంగం కల్పించిన హక్కు. దురదృష్టవశాత్తు ఆ గౌరవాన్ని మంటగలిపేలా ఏఐ మాయాజాలంతో తెరముందు, తెర వెనుక ప్రయత్నాలు జరుగుతున్నాయి.తాజాగా... ‘చుట్టమల్లే పాట వీడియోలో కొందరు ఏఐతో అసభ్యకర హావభావాలు, సన్నివేశాలు చేర్చడం ఆందోళన కలిగించింది. ఏఐ విశ్వసనీయత, ప్రతికూలతలపై మరోసారి చర్చను రేకెత్తించింది...‘దేవర’ సినిమా కోసం అనిరుథ్‌ రవిచంద్రన్‌ సంగీతం సమకూర్చిన ‘చుట్టమల్లే’ పాట సూపర్‌హిట్‌ పాటగా నిలిచింది. అలాంటి పాటపై నయా వంచకుల దృష్టి పడింది. ఏఐతో రూపొందించిన ఈ పాట అసభ్య నకిలీ వీడియో ఈ నెల ప్రారంభంలో సోషల్‌ మీడియాలోకి వచ్చింది. ఈ వీడియో క్లిప్‌లు వేగంగా ఒకరి నుంచి ఒకరికి షేర్‌ అయ్యాయని సమాచారం.మార్ఫింగ్‌ చేసిన ఈ క్లిప్‌ను తొలగించినప్పటికీ, ఒకసారి సోషల్‌ మీడియా నెట్‌వర్క్‌లోకి ప్రవేశించిన తరువాత, అనుమతి లేని సింథటిక్‌ కంటెంట్‌ ఎంత వేగంగా వ్యాప్తి చెందుతుందనే దానికి ‘చుట్టమల్లే’ ఫేక్‌ వీడియోనే నిదర్శనం.మౌనాన్ని వీడి...‘అసహ్యకరమైనది, రోత పుట్టించేది, సిగ్గుమాలినది’గా ఈ ఫేక్‌ వీడియో క్రియేటర్స్‌ గురించి జూనియర్‌ ఎన్టీఆర్‌ స్పందించారు. దానిని రూపొందించిన వారిపై, వ్యాప్తి చేస్తున్న వారిపై కఠిన చర్యలు తీసుకుంటామని చె΄్పారు. ఇలాంటి కంటెంట్‌ చూడవద్దని, డౌన్‌లోడ్‌ చేయవద్దని, షేర్‌ చేయవద్దని విజ్ఞప్తి చేశారు. ఏఐ దుర్వినియోగానికి వ్యతిరేకంగా కఠినమైన నిబంధనలను ప్రవేశపెట్టాలని ప్రభుత్వానికి విజ్ఞప్తి చేశారు. నకిలీ వీడియోపై జాన్వీ కపూర్‌ తన మౌనాన్ని వీడారు. కల్పిత కంటెంట్‌ను ప్రచారం చేయడాన్ని తీవ్రంగా ఖండించారు. ‘చిత్రపరిశ్రమలోని ప్రతి మహిళకూ ఏదో ఒక రకంగా ఇలాంటి పరిస్థితి ఎదురవుతోంది. ఈ సమస్య కేవలం ఒక వీడియోకు మాత్రమే పరిమితమైనది కాదు’ అన్నారు జాన్వీ.కోర్టు సహాయంతో...వ్యక్తిత్వ హక్కులను (పర్సనాలిటీ రైట్స్‌) కొన్నిసార్లు ప్రచార హక్కులు(పబ్లిసిటీ రైట్స్‌) అని కూడా పిలుస్తారు. ఇవి ఒక వ్యక్తి గుర్తింపుకు అగౌరవం, నష్టం రాకుండా రక్షణగా నిలుస్తాయి. రాజ్యాంగంలోని ఆర్టికల్‌ 21 జీవించే హక్కు, వ్యక్తిగత స్వేచ్ఛకు హామీ ఇస్తుంది. దీన్ని దృష్టిలో పెట్టుకొని తమ వ్యక్తిగత గౌరవాన్ని రక్షించుకోవడానికి న్యాయస్థానాలను ఆశ్రయిస్తున్నారు సినీ ప్రముఖులు.ఏఐ జనరేటెడ్‌ డీప్‌ఫేక్‌లు, మార్ఫింగ్‌ చేసిన కంటెంట్‌కు సంబంధించి తన పేరు, ఫొటో, స్వరంతో పాటు గుర్తింపునకు సంబంధించిన ఇతర అంశాలను ఉపయోగించకుండా ఉండేలా సమంత రూత్‌ ప్రభుకు న్యాయస్థానం అండగా నిలిచింది. ఆర్టికల్‌ 21ని కోర్టు పరిగణనలోకి తీసుకుంది. కాపీరైట్‌ చట్టంలోని ఆర్టికల్‌ 19 (1) (ఎ), సెక్షన్‌ 38 (బి)లను కోర్టు ప్రస్తావించింది.తమ పేర్లు, ఫొటోలు, వాయిస్‌... మొదలైన వాటిని ఏ.ఐ ద్వారా దుర్వినియోగం చేయకుండా ఉండే ఉత్తర్వులను కోర్టు ద్వారా పొందారు హృతిక్‌ రోషన్, అక్షయ్‌ కుమార్, సునీల్‌ షెట్టి. ఏఐ జనరేటివ్, ఏఐ మెషిన్‌ లెర్నింగ్, డీప్‌ఫేక్, ఫేస్‌మార్ఫింగ్‌లాంటి సాంకేతికత ద్వారా అభిషేక్‌ బచ్చన్‌ పేరు, ఫొటో, వాయిస్‌... మొదలైన వాటిని అనధికారికంగా ఉపయోగించడాన్ని దిల్లీ హైకోర్టు నిషేధించింది.తన అనుమతి లేకుండా తన ఫొటోలను ఏఐతో మెరుగులు దిద్దడం, మార్చడం లాంటివి చేయవద్దని ప్రముఖ నటి యామీ గౌతమ్‌ మీడియా సంస్థలకు విజ్ఞప్తి చేశారు.జాన్వీ కపూర్‌ డీప్‌ఫేక్‌ వీడియో విషయానికి వస్తే... డీప్‌ఫేక్‌ వల్ల కలిగే నష్టం కేవలం వాణిజ్యపరమైన దోపిడీ(కమర్షియల్‌ ఎక్స్‌΄్లాయిటేషన్‌)కి మాత్రమే పరిమితం కాదు. ఇది ఒక వ్యక్తికి సంబంధించిన గుర్తింపు, గౌరవంపై కూడా ప్రభావం చూపగలదు.ఔరా... హాలీవుడ్‌లో కూడా!టాలీవుడ్, బాలీవుడ్‌ మాత్రమే కాదు హాలీవుడ్‌ కూడా డీప్‌ఫేక్, మార్ఫింగ్‌ బాధితురాలే! స్క్రీన్‌ యాక్టర్స్‌ గిల్డ్, రైటర్స్‌ గిల్డ్‌ ఆఫ్‌ అమెరికా... డిజిటల్‌ రెప్లికా, పెర్‌ఫార్మెన్స్‌ క్లోనింగ్, ఏఐ–జనరేటెడ్‌ స్క్రిప్ట్‌ రైటింగ్‌కు వ్యతిరేకంగా ఉద్యమించాయి. దీని ద్వారా కొన్ని హక్కులు సాధించుకోగలిగాయి. తాజానిబంధనల ప్రకారం... నటులకు సంబంధించి డిజిటల్‌ డబుల్, వాయిస్, రెప్లికా... మొదలైన వాటిని ప్రోడక్షన్‌లలో ఉపయోగించినప్పుడు ఆ విషయాన్ని తెలియజేసేలా స్పష్టమైన సమాచారంతో కూడిన అనుమతి అవసరం.బెవర్లీ హిల్స్‌ ఏజెన్సీ... విలియం మోరిస్‌ ఎండీవర్‌(డబ్ల్యూఎంఇ) చికాగోకు చెందిన ‘వెర్మిలియో’ అనే కంపెనీతో భాగస్వామ్య ఒప్పందం కుదుర్చుకుంది. ‘కళా కారులకు సంబంధించి సృజనాత్మకతను పరిరక్షిస్తూనే వారికి సాధికారత కల్పించడానికి ఏర్పాటైన మొట్టమొదటి ఏఐ జనరేటివ్‌ ప్లాట్‌ఫామ్‌’ అని తనను తాను పరిచయం చేసుకుంది వెర్మిలియో.‘ట్రేస్‌ ఐడీ’ అనే సాధనాన్ని ఉపయోగిస్తోంది వెర్మిలియో. ‘ట్రేస్‌ ఐడీ’ అనేది డిజిటల్‌ ఫింగర్‌ ప్రింట్‌లాంటిది. ఒకరి చిత్రాన్ని అనుమతి లేకుండా ఉపయోగించినట్లయితే ‘ట్రేస్‌ ఐడీ’ ఆటోమేటిక్‌గా దాన్ని గుర్తించడంలో సహాయపడుతుంది. అప్పుడు ఆ ఫొటోను తొలగించమని నోటీస్‌ జారీ చేయవచ్చు.సవరణలుఎలక్ట్రానిక్స్‌–ఇన్‌ఫర్‌మేషన్‌ టెక్నాలజీ మంత్రిత్వశాఖ ఇన్‌ఫర్‌మేషన్‌ టెక్నాలజీ రూల్స్‌ 2021 సవరణలపై దృష్టి పెట్టింది. కొత్త నిబంధనల ప్రకారం ఏఐతో సృష్టించిన హానికరమైన కంటెంట్‌ను అప్‌లోడ్‌ చేయడం, షేర్‌ చేయడాన్ని చట్టవిరుద్ధంగా పరిగణిస్తారు. నిబంధనలను ఉల్లంఘించిన వారు భారతీయ న్యాయసంహిత(2023)తో సహా ఇప్పటికే ఉన్న చట్టాల ప్రకారం క్రిమినల్‌ చర్యలను ఎదుర్కోవాల్సి రావచ్చు. జవాబుదారీతనం నుండి తప్పించుకోవడానికి, సాంకేతికతను రక్షణ కవచంగా ఉపయోగించకుండా, చట్టవిరుద్ధమైన ఆన్‌లైన్‌ కంటెంట్‌ మాదిరిగానే ఏఐ–సృష్టించిన హానికరమైన కంటెంట్‌ను నియంత్రించేలా చూడడమే సవరణల లక్ష్యం అని ప్రభుత్వం తెలియజేసింది. 2026లో చేసిన సవరణలు ప్రధానంగా సింథటికల్లీ జనరేటెడ్‌ ఇన్‌ఫర్‌మేషన్‌(ఎస్‌జీఐ)పై ప్రత్యేకంగా దృష్టి పెట్టాయి. ‘ఎస్‌జీఐ’ లో డీప్‌ఫేక్‌ వీడియోలు, క్రియేట్‌ చేసిన, మార్చిన ఫొటోలు, క్లోన్‌ చేసిన లేదా కృత్రిమ వాయిస్‌ రికార్డింగ్‌లు ఉన్నాయి. – యాకుబ్‌ పాషా కొత్త రూల్స్‌కొత్త నిబంధనల ప్రకారం... యూజర్‌లు తప్పుదారి పట్టకుండా ఉండేందుకు చట్టబద్ధమైన ఏఐ జనరేటెడ్‌ కంటెంట్‌పై స్పష్టమైన లేబులింగ్‌ ఉండాలి. ‘సింథటిక్‌గా రూపొందించబడింది’ అని పేర్కొంటూ కంటెంట్‌లో లేబుల్‌ ప్రదర్శించాలి. ‘డీప్‌ఫేక్‌లు, అనుమతి లేకుండా తీసిన ఫొటోలతో సహా చట్టవిరుద్ధమైన కంటెంట్‌ను షేర్‌ చేయడం వల్ల చట్టపరమైన చర్యలను ఎదుర్కోవలసి వస్తుంది’ అని ప్రతి మూడు నెలలకు ఒకసారి సోషల్‌ మీడియా ప్లాట్‌ఫామ్‌లు యూజర్‌లను హెచ్చరించాలి.సింథటిక్‌ కంటెంట్‌ను క్రియేట్‌ చేసే, వాటిని షేర్‌ చేసే ప్లాట్‌ఫామ్‌లు యూజర్‌లను చేర్చుకునే సమయంలో, ఆ తరువాత ప్రత్యేక హెచ్చరికలు జారీ చేయాలి. కంటెంట్‌ను దుర్వినియోగం చేయకుండా వారిని హెచ్చరిస్తూ, జరిమానాల గురించి వివరించాలి. చట్టవిరుద్ధమైన కంటెంట్‌ను తొలగించడానికి గడువును గణనీయంగా తగ్గించారు. గతంలో ఆ గడువు 36 గంటలు ఉంటే ఇప్పుడు మాత్రం ప్రభుత్వం నుండి నోటీసు అందిన మూడు గంటల లోపు చట్టవిరుద్ధమైన కంటెంట్‌ను తొలగించాలి. లైంగిక కంటెంట్, మార్ఫింగ్‌ చేసిన ఫొటోలు, నకిలీ గుర్తింపుకు సంబంధించిన కేసులలో వేగంగా చర్యలు తీసుకోవాల్సి ఉంటుంది.

నోయిడా-గ్రేటర్ నోయిడా ఎక్స్‌ప్రెస్‌వేపై భారీ ప్రమాదం తప్పింది. నోయిడా నుంచి ఆగ్రా వెళ్తున్న స్లీపర్ బస్సులో అకస్మాత్తుగా మంటలు చెలరేగాయి. దీంతో బస్సు పూర్తిగా అగ్నికి ఆహుతైంది. ప్రయాణికులందరినీ సురక్షితంగా ఉండటంతో అందరూ భారీ ఊరట చెందారు. ఈ ప్రమాదానికి సంబంధించిన వీడియో నెట్టింట వైరల్‌గా మారింది. ఈ ఘటన నాలెడ్జ్ పార్క్ పోలీస్ స్టేషన్ పరిధిలో చోటుచేసుకుంది. నోయిడా నుంచి ఆగ్రా వెళ్తున్న ఒక స్లీపర్ బస్సు గ్రేటర్ నోయిడాలోని నోయిడా-గ్రేటర్ నోయిడా ఎక్స్‌ప్రెస్‌వేపై అకస్మాత్తుగా మంటల్లో చిక్కుకుంది. అయితు మంటలు చెలరేగిన వెంటనే బస్సులోని ప్రయాణికులందరినీ సురక్షితంగా కిందకు దించారు. మంటలను ఆర్పడానికి పలు ఫైర్ ఇంజిన్లు ఘటనా స్థలానికి చేరుకున్నాయి.नोएडा-ग्रेटर नोएडा एक्सप्रेसवे पर मंगलवार शाम सेक्टर-148 के पास चलती बस में अचानक भीषण आग लग गई। बस में करीब 30 यात्री सवार थे। आग लगते ही यात्रियों में अफरा-तफरी मच गई। सभी यात्रियों को सुरक्षित बाहर निकाल लिया गया। @Uppolice @noidapolice https://t.co/9ltWpOUZsr— Devendra singh (@dev_journol) October 6, 2026ఇదీ చదవండి: నో షూస్‌, నో సూట్..1600 మీటర్ల రన్‌, అదీ చీరలోఈ ఘటనకు సంబంధించిన వీడియోలో, ఎక్స్‌ప్రెస్‌వే పక్కన బస్సు కాలిపోతుండగా, దట్టమైన పొగలు కమ్ముకోవడం, ప్రయాణికులు దాని పక్కనుంచి నడుచుకుంటూ వెళ్లడం కనిపిస్తుంది. ఆ తర్వాత అక్కడే గుమిగూడిన జనం చూస్తుండగా ఫైర్ సిబ్బంది మంటలను ఆర్పేందుకు ప్రయత్నిస్తున్న దృశ్యాలు కూడా రికార్డయ్యాయి. ఇదీ చదవండి: కుక్కర్‌, బెల్ట్‌, మొబైల్‌ చార్జర్‌ : దుబాయ్‌లో కొత్త పెళ్లికూతురికి చిత్రహింసలు కాగా వారం రోజుల క్రితం గ్రేటర్ నోయిడాలోని యమునా ఎక్స్‌ప్రెస్‌వేపై దాదాపు 30 నుంచి 35 మంది ప్రయాణికులతో వెళ్తున్న మరో స్లీపర్ బస్సు కూడా ఇలాగే దగ్ధమైంది. తాజా ఘటనలో ప్రయాణికులంతా సకాలంలో బయటపడినప్పటికీ, జరిగిన ఆ ప్రమాదంలో ఒక మహిళ సహా కనీసం తొమ్మిది మంది ప్రాణాలు కోల్పోయిన సంగతి తెలిసిందే.

తన బిడ్డలకు బంగారు భవిష్యత్తును పంచడంకోసం మాతృమూర్తులు ఎంతటి సాహసాని కైనా వెనుకాడరు. ఎన్నిక ప్రతికూల పరిస్థితులున్నా తమ లక్ష్య సాధనలో ముందడుగే వేదమంత్రం. తాజాగా జార్ఖండ్‌లోని రామ్‌గఢ్ జిల్లా దుల్మి బ్లాక్ పరిధిలోని సోసో గ్రామానికి చెందిన కవితా కుమారి కూడా ఆ కోవలోకే వస్తారు. హోంగార్డ్ నియామకాల కోసం జరుగుతున్న శారీరక దారుఢ్య పరీక్షల్లో తన సంకల్ప బలంతో అభ్యర్థులందరికీ స్ఫూర్తిగా నిలిచారు. తన పిల్లల భవిష్యత్తు కోసం ఆమె పడ్డ కష్టం .పట్టుదలకు సంబంధించిన వీడియో సోషల్ మీడియాలో వైరల్ అవుతోంది.హోంగార్డ్ నియామకాల కోసం జరుగుతున్న శారీరక దారుఢ్య పరీక్షకు గాను, రన్నింగ్ షూస్, ట్రాక్‌సూట్ గానీ ఏవీ లేకుండానే చీరలోనే ఆమె మండుతున్న ఎండలో చెప్పులు లేకుండానేపోటీలో పాల్గొన్నారు. అలా ఏకంగా 1,600 మీటర్ల పరుగు పందెంలో ఆమె పాల్గొన్నారు. అంతేకాదు నిర్దేశిత 10 నిమిషాల సమయానికి బదులుగా కేవలం ఆరు నిమిషాల్లోనే ఆమె పరుగును పూర్తి చేసి అందరిని ఆకట్టుకున్నారు. ఆమె పరుగుకు సంబంధించిన వీడియో సోషల్ మీడియాలో వైరల్ కావడంతో, ఒక స్థానిక రన్నింగ్ గ్రూప్ ఆమెను సత్కరించాలని నిర్ణయించింది. అకాడమీ సభ్యులు ఆమె ఇంటికి వెళ్లి ఆమెను సన్మానించారు.यह सुंदर तस्वीर झारखंड के रामगढ़ की है होमगार्ड बनने की उम्मीद में साड़ी पहनकर नंगे पांव दौड़ी महिला….! #jharkhand #homeguard #womenspower https://t.co/Yryuhwoelh— Mukesh singh (@Mukesh_Journo) October 6, 2026ఇదీ చదవండి: కుక్కర్‌, బెల్ట్‌, మొబైల్‌ చార్జర్‌ : దుబాయ్‌లో కొత్త పెళ్లికూతురికి చిత్రహింసలుఅయితే కవితకు భర్తలేడు. దీంతో తన ఇద్దరు చిన్న పిల్లలను, వృద్ధులైన అత్తమామలను పోషించాల్సిన బాధ్యత కవిత మీదే ఉంది. రన్నింగ్ షూస్ లేదా ట్రాక్‌సూట్ కొనుగోలు చేసే ఆర్థిక స్థోమత లేకపోవడంతో, తనకు అందుబాటులో ఉన్న ఏకైక మార్గంలో ఆమె నియామక పరీక్షకు సిద్ధమయ్యారు. ఆమె ప్రతిరోజూ ఉదయం 4 గంటలకు లేచి చీరతోనే రన్నింగ్‌ ప్రాక్టీస్‌ చేసేవారట. తన పిల్లలకు మంచి భవిష్యత్తును అందించడానికే తాను హోంగార్డ్‌లో చేరాలనుకుంటున్నట్లు కవిత చెప్పారు.కాగా రామ్‌గఢ్ జిల్లాలో 284 హోంగార్డ్ పోస్టుల భర్తీ కోసం ఈ నియామక డ్రైవ్ జరుగుతోంది. అక్టోబర్ 24 నుండి నవంబర్ 5 వరకు ఈ ప్రక్రియను షెడ్యూల్ చేశారు. ఇందులో 50శాతం పోస్టులు మహిళలకు రిజర్వ్ చేయగా, ఇందులో వితంతువులు, విడాకులు తీసుకున్న మహిళలకు అదనంగా 5శాతం రిజర్వేషన్ కల్పించారు. అందుకే ఈ ఉద్యోగాన్ని ఎలాగైనా సాధించాలనే పట్టుదలతో ఉన్నారు. మహిళా అభ్యర్థుల్లో మరికొంతమంది కూడా చీరలోనే ఈ పోటీలో పాల్గొనడం గమనార్హం.అయితే తమ లక్ష్యంకోసం చీరల్లో పరుగెత్తి తమ ప్రత్యేకతను చాటుకున్న మహిళా మణులూ గతంలో కూడా ఉన్నారు. ముఖ్యంగా కూతురి చదువు కోసం మహారాష్ట్రకు చెందిన 47 ఏళ్ల లతా భగవాన్ కరేమహిళ తన కూతురి కాలేజీ ఫీజు కట్టడం కోసం బారమతి మారథాన్‌లో నవవారీ చీర కట్టుకుని, చెప్పులు లేకుండా పరుగెత్తి గెలిచారు. అలాగే యూకేలో నివసిస్తున్న 41 ఏళ్ల ఒడిశాకు చెందిన మధుస్మిత జెనా దాస్ సంబల్‌పురి చీర కట్టుకుని 42.5 కిలోమీటర్ల మాంచెస్టర్ మారథాన్‌ను 3 గంటల 45 నిమిషాల్లో విజయవంతంగా పూర్తి చేసి రికార్డు సృష్టించింది. ముంబై మారథాన్‌లో 80 ఏళ్ల భారతి అనే వృద్ధురాలు చీర మరియు స్నీకర్స్ ధరించి, చేతిలో జాతీయ జెండాను పట్టుకుని పరుగెత్తి అందరికీ ఫిట్‌నెస్ స్ఫూర్తిగా నిలిచిన సంగతి విదితమే.ఇదీ చదవండి: హవ్వ..బీజేపీ ఎమ్మెల్యే బంగ్లా క్లీనింగ్‌కు ఫైర్‌ ఇంజీనా? వీడియో వైరల్‌

తరచుగా కొత్త నగరాలకు మారడం వల్ల కలిగే లాభాలు గురించి ఒక తెలుగమ్మాయ్‌ ఇన్‌స్టాగ్రామ్‌ వేదికగా పంచుకుంది. అలా వేర్వేరు నగరాల్లో నివశించండం వల్ల భిన్నమైన సంస్కృతులు తెలియడం తోపాటు మన లైఫ్‌ని కూడా మార్చేస్తుందట. అదెలాగో తన స్వీయ అనుభవాన్ని వివరించింది. ఆ మహిళే ఇన్‌స్టాగ్రామ్‌ క్రియేటర్‌ తేజు. తన వ్యక్తిగ వీడియోని పంచుకుంటూ కొత్త నగరాలు లైఫ్‌ని ఎలా మార్చేస్తాయో చెబుతూ తన స్వీయ అనుభవాన్ని వివరించింది. తాను ఆంధ్రప్రదేశ్‌లోని ఒక చిన్న గ్రామంలో జన్మించి తెలుగు మీడియం పాఠశాలలో చదువుకున్నట్లు తెలిపింది. పదేళ్ల వయసులో తన కుటుంబం బెంగళూరుకి మారడంతో అకస్మాత్తుగా అనేక భాషలు, సంస్కృతులు పరిచయమయ్యాయని చెప్పుకొచ్చింది. తన ప్రపంచం తన గ్రామమే అయినప్పుడూ..బెంగళూరు తనకు ఒక కొత్త ప్రపంచాన్ని చూపించిందని అన్నారు. రెండో నగరం హైదరాబాద్‌. ఇది తనకు కాలేజ్‌లో హాస్టల్‌ అనుభవం ఎప్పుడూ లేదని, అందుకనే ఉద్యోగం రావడమే అక్కడ రావడంతో వేరే నగరంలో ఎలా జీవించాలో తెలుసుకున్నానని చెప్పుకొచ్చింది. జిమ్‌లో చేరడం నుంచి తన వస్తువులు కొనుక్కోవడం నుంచి ప్రతీదీ తానే స్వయంగా చేయడం నేర్చుకున్నట్లు తెలిపింది. మూడోవ నగరం దుబాయ్‌. 31 ఏళ్ల వయసులో స్థిరమైన ఉద్యోగాన్ని వదిలిపెట్టి భర్తతో కలిసి దుబాయ్‌కి వెళ్లిపోయినట్లు వెల్లడించింది. అక్కడ జాబ్‌ పోర్టల్‌లో ప్రతి ఉద్యోగానికి దరఖాస్తు చేశానని, కానీ ఎవ్వరూ అంతగా స్పందించలేదని చెప్పుకొచ్చింది. చివరకు కొన్నేళ్ల క్రితం ఒక స్నేహితుడి ద్వారా ఉద్యోగం దొరికిందని చెప్పుకొచ్చింది. ఇలా ఈ మూడు నగరాలకు వెళ్లడం వల్ల నెట్‌వర్కింగ్‌ పవర్‌ గురించి తెలిసిందని అంటోంది. అందుకు సంబంధించిన వీడియో నెటింట తెగ వైరల్‌ అవుతోంది. View this post on Instagram A post shared by Vishal & Theju | Travel Couple (@journeyswithvisandtej) ఇదీ చదవండి: నీలి రంగు చీరలో చందమామలా నేషనల్‌ క్రష్‌..! ఆ చీర ప్రత్యేకత ఇదే..

గుజరాత్‌లోని దాహోద్ జిల్లాలో ఒక బీజేపీ నేత బంగ్లాను శుభ్రం చేయించుకునేందుకు అగ్నిమాపక శాఖ వాహనాన్ని దుర్వనియోగం చేశారన్న ఆరోపణలు సంచలనంగా మారాయి. ధన్‌పూర్ తాలూకాలోని ఎమ్మెల్యే బచుభాయ్ ఖబాద్ నివాసం వద్ద దేవ్‌గఢ్ బారియా మున్సిపాలిటీకి చెందిన ఫైర్‌ ఇంజీన్‌ బంగ్లా చుట్టూ నీటిని చల్లుతున్నవీడియో వెలుగులోకి రావడం కలకలం రేపింది. దీనికి సంబంధించిన వీడియో సోషల్ మీడియాలో వైరల్ కావడంతో చర్చకు దారి తీసింది. అత్యవసర సేవలకు సంబంధించిన అగ్నిమాపక వాహనాన్ని దుర్వినియోగం చేశారన్న ఆరోపణలు వెల్లువెత్తాయి మనుషుల్ని కాపాడటానికి వాడాల్సిన వాహనం బీజేపీ ఎమ్మెల్యే సేవలో తరిస్తోంది విమర్శలు చెలరేగాయి. అంతేకాదు ఈ వీడియో వెలుగులోకి వచ్చిన తర్వాత, ఖబాద్ నుండి రూ. 2,700 రుసుము వసూలు చేయడం గమనార్హం. అయితే దీనిపై అధికారుల వివరణ ఎలా ఉందంటే..ఈ ఘటనపై దేవ్‌గఢ్ బారియా మున్సిపల్ చైర్‌పర్సన్ ఘమేష్ కలాల్ స్పందిస్తూ అగ్నిమాపక వాహనాన్ని పంపమని కోరుతూ ఎమ్మెల్యే నుండి తనకు ఫోన్ వచ్చిందనీ , దీంతో ఏదో ప్రమాదం అనిభావించిన వెంటనే ఫైర్‌ ఇంజీన్‌ పంపానని తెలిపారు. అయితే ఎమర్జెన్సీ సేవకు గాకుండా, తమ బంగ్లాను శుభ్రం చేయమని అడుగుతున్నట్లు సిబ్బంది తమ అధికారికి సమాచారం అందించారని తెలిపారు. దీంతో ఆ పనిని చేయవద్దని అగ్నిమాపక అధికారి వెంటనే వారికి సూచించారని వెల్లడించారు. ఈ విషయాన్ని సంబంధిత అధికారి కూడా ఈ విషయాన్ని తన దృష్టికి తీసుకొచ్చారని, అలా చేయవద్దని ఆదేశించడంతోపాటు, అలాగే వాహన ప్రయాణానికి అయిన ఖర్చును వసూలు చేయాలని చెప్పానని కలాల్ తెలిపారు.ఇదీ చదవండి: ఫ్లాట్‌ఫాం టికెట్, రూ. 500 ఫైన్‌‌ : ఈ విషయం తెలుసా మీకు? #WATCH | Dahod, Gujarat: A controversy has erupted in Dahod district after an emergency fire tender was allegedly deployed to wash the bungalow of Devgadh Baria MLA and former minister Bachubhai Khabad. A video of the incident has gone viral on social media. After the matter came to light, a fee of ₹2,700 was collected from MLA Bachubhai Khabad. (05.10) (Visuals from Bachubhai Khabad's house and local fire station)— ANI (@ANI) October 6, 2026అలాగే దేవ్‌గఢ్ బారియా మున్సిపల్ కార్పొరేషన్ అగ్నిమాపక అధికారి మయూర్ సింగ్ చౌహాన్ మాట్లాడుతూ, పిపెరో గ్రామంలోని ఒక సంఘటనకు సంబంధించి తన పై అధికారి ధర్మేష్-భాయ్ , అగ్నిమాపక వాహనాన్ని అక్కడికి పంపాలని తనకు సూచించారని తెలిపారు. తీరా అక్కడికెళ్లాక ఆయన అనుచరులు ఇంటిని కడగమని మమ్మల్ని అడిగారు, ముఖ్యంగా ముందు భాగం నుండి కడగడం ప్రారంభించాలని సూచించారని చెప్పుకొచ్చారు. ఈ ఘటనపై పై అధికారులు దర్యాప్తు చేయనున్నారని తెలిపారు. ఈ మొత్తం వ్యవహారంపై సోషల్‌ మీడియాలో దుమారం రేగింది. ఫైర్‌ ఇంజన్లు ఉన్నది మనుషుల ప్రాణాలను కాపాడటానికి వినియోగించాల్సిన సేవలను, వాహనాలను ఎ‍మ్మెల్యేలకు ఊడిగం చేయడానికి ఉపయోగించడం సిగ్గు సిగ్గు అంటూ నెటిజన్లు మండిపడుతున్నారు. సంబంధిత అధికారులపై కఠిన చర్యలు తీసుకోవాలని డిమాండ్‌ చేస్తున్నారు.

ఈజిప్టులోని గిజాలో రెండవ అంతస్తు బాల్కనీ నుండి కింద పడిపోతున్న ఐదేళ్ల బాలుడిని చూసి, రెప్పపాటులో స్పందించి బాలుడ్ని అతిపెద్ద ప్రమాదం నుంచి రక్షించిన ఘటన వైరల్‌గా మారింది. దీనికి సంబంధించిన దృశ్యాలు సీసీటీవీలో రికార్డైనాయి. ఈ వీడియో నెట్టింట హల్‌చల్‌ చేస్తోంది. అత్యంత చురుగ్గా కదిలి బాలుడిని కాపాడిన యువకుడిపై ప్రశంసలు వెల్లువెత్తాయి. గల్ఫ్ న్యూస్ ప్రకారం ఈజిప్ట్‌లోని గీజా (Giza) ప్రాంతంలో ఈఘటన చోటు చేసుకుంది.గీజాలోని అర్ద్ ఎల్-లెవా (Ard El-Lewa) ప్రాంతంలో ఒక దుకాణం దగ్గర ఉన్న అహ్మద్ రగాబ్.. అకస్మాత్తుగా కేకలు, ఏడుపులు విని పైకి చూశాడు. ఆ సమయంలో ఒక బాలుడు పైనుంచి కిందకు పడిపోవడం గమనించాడు. అంతేక ఒక్క క్షణం కూడా ఆలోచించకుండా మెరుపు వేగంతో కదిలి బాలుడు కింద పడుతున్న చోటుకు పరిగెత్తుకెళ్లి అతడిని అందుకున్నాడు. అయితే, బాలుడు కిందకు పడేటప్పుడు మధ్యలో ఒక వాషింగ్ లైన్ (బట్టలు ఆరేసే తాడు) తగలడం వల్ల రగాబ్‌కు ఆ బాలుడిని అందుకోవడానికి కొద్దిగా సమయం దొరికింది. ఎలాగైతేనేం మొత్తానికి ప్రాణాపాయం తప్పింది. రగాబ్ తన చేతులతో ఆ బాలుడిని ఒడిసిపట్టుకుని, నేరుగా నేలపై పడకుండా కాపాడాడు. ఆ తర్వాత చుట్టుపక్కల గుమిగూడిన జనం రగాబ్‌ను అభినందించారు.బాలుడి ప్రాణాలను కాపాడాలనే ఆలోచనతోనే వెంటనే స్పందించానని రగాబ్ తెలిపాడు అంతా క్షణాల్లో జరిగియిందన్నాడు. బాలుడు సురక్షితంగా బయటపడిన తర్వాతే ఆ పరిస్థితి ఎంత ప్రమాదకరమైనదో తనకు అర్థమైందని, మళ్లీ అలాంటి పరిస్థితి వస్తే తాను అలా చేయగలనో లేదో చెప్పలేనని కూడా చెప్పుకొచ్చాడు.شاب ينقذ طفل في اللحظات الأخيرة بعد سقوطه من البلكونة بمنطقة أرض اللواء بالجيزة https://t.co/4eh85THMex— ‏أنا كبهير أنبهرت (@alyelbassel) October 3, 2026సోషల్ మీడియా ప్రశంసలుఈ వీడియో ఈజిప్ట్ సోషల్ మీడియాలో వైరల్ కావడంతో నెటిజన్లు రగాబ్ సమయస్ఫూర్తిని, వేగవంతమైన స్పందనను ఎంతో ప్రశంసించారు. అయితే ఈ ప్రశంసలను రగాబ్ తేలిగ్గా తీసుకుంటూ.. బాలుడు నేలపై పడకుండా ఆపడమే తన ప్రధాన ఉద్దేశమని చెప్పారు. చిన్న పిల్లల పట్ల తల్లిదండ్రులు చాలా జాగ్రత్తగా ఉండాలని, బాల్కనీలు కిటికీల దగ్గర పిల్లలు ఎక్కడానికి వీలుగా కుర్చీలు లేదా ఇతర వస్తువులను ఉంచవద్దని ఆయన విజ్ఞప్తి చేశారు.

వాంకోవర్ వేదికగా జరుగుతున్న కెనడా సూపర్ 60 క్లాష్ టోర్నీలో టొరంటో సిక్సర్స్‌, మిస్సిసాగా మాస్టర్స్ మధ్య జరిగిన సెమీఫైనల్‌-1 మ్యాచ్‌లో ఆసక్తికర ఘటన చోటుచేసుకుంది. టొరంటో సిక్సర్స్‌ ఇన్నింగ్స్ సమయంలో కీరన్ పొలార్డ్ క్రీజులో ఉన్నాడు. ఈ సమయంలో మిస్సిసాగా మాస్టర్స్ బౌలర్ అలీ ఖాన్ వేసిన బంతి అనూహ్యంగా బౌన్స్ అయ్యి పొలార్డ్ బ్యాట్‌కు తాకుకుండానే వైడ్‌లైన్ దాటి గాల్లోకి లేచి స్టాండ్స్‌లో పడింది. నిజానికి ఇది సిక్సర్‌గా పరిగణించాల్సి ఉన్నప్పటికీ, ఎంసీసీ నిబంధనల ప్రకారం బంతి పొలార్డ్ బ్యాట్‌కు తగలకుండా వెళ్లడంతో అంపైర్ వైడ్ సహా బౌండరీ ఇచ్చాడు. దీంతో సిక్సర్ కాస్తా బౌండరీగా మారిపోయింది. ఏడు పరుగులు (వైడ్ ప్లస్ సిక్సర్‌) రావాల్సిన చోట ఆరు పరుగులు (వైడ్ ప్లస్ బౌండరీ) వచ్చాయి. అంతేకాదు కేవలం 40 మీటర్ల దూరంలోనే బౌండరీ ఉండడంతో అలీ ఖాన్ వేసిన బంతి అనూహ్యంగా బౌన్స్ అయ్యి బౌండరీ అవతల పడింది. ఇది చూసిన క్రికెట్ అభిమానులు ‘చారిత్రక సిక్స్ వైడ్‌’ అంటూ ఫన్నీగా ట్రోల్స్ చేశారు. ఈ వీడియో ప్రస్తుతం సోషల్ మీడియాలో ట్రెండింగ్‌లో ఉంది.ఇక మ్యాచ్‌లో టొరంటో సిక్సర్స్‌ తొమ్మిది పరుగుల తేడాతో విజయం సాధించింది. తొలుత బ్యాటింగ్ చేసిన టొరంటో సిక్సర్స్‌ 10 ఓవర్లలో 3 వికెట్ల నష్టానికి 130 పరుగులు చేసింది. కీరన్ పొలార్డ్ (16 బంతుల్లో 40 పరుగులు), ఆండ్రీస్ గౌస్ (11 బంతుల్లో 33 నాటౌట్‌) విధ్వంసకర ఇన్నింగ్స్‌తో అలరించాడు. ఓపెనర్ ఇమాద్ వసీమ్ (26) రాణించాడు. అనంతరం బ్యాటింగ్ చేసిన మిస్సిసాగా మాస్టర్స్ 10 ఓవర్లలో 7 వికెట్ల నష్టానికి 121 పరుగులకు పరిమితమైంది. అలెక్స్ లీస్ (39) టాప్ స్కోరర్‌గా నిలవగా, జార్జ్ మున్సీ (23) రాణించాడు. టొరంటో బౌలర్లలో ఇమాద్ వసీమ్ రెండు వికెట్లు పడగొట్టాడు. అంతేకాదు కెనడా సూపర్ 60 క్లాష్ టైటిల్‌ను కూడా టొరంటో సిక్సర్స్ సొంతం చేసుకుంది. ఫైనల్లో వాంకోవర్ కింగ్స్‌పై 5 వికెట్ల తేడాతో నెగ్గిన టొరంటో సిక్సర్స్ చాంపియన్‌గా నిలిచింది.A historic wide with a six from the bowler in Canada Super60. 🤣 https://t.co/8YHNJTRs78— Mufaddal Vohra (@mufaddal_vohra) October 5, 2026ఇదీ చదవండి: కివీస్‌తో టెస్టు సిరీస్‌.. ఆ ఇద్దరు స్టార్‌ బౌలర్లకు చాన్స్‌!

పశ్చిమాసియాలో యుద్ధ మేఘాలు కమ్ముకుంటున్న వేళ.. ఇరాన్‌లో మరో కీలక పరిణామం చోటుచేసుకుంది. అమెరికా, ఇజ్రాయెల్‌తో ఉద్రిక్తతలు తీవ్రతరం అవుతున్న నేపథ్యంలో.. సామాన్య పౌరులను సైతం యుద్ధానికి సిద్ధం చేస్తోంది ఇరాన్. ఇందులో భాగంగా రాజధాని టెహ్రాన్‌లో మహిళలకు సైనిక శిక్షణ ఇచ్చారు. తుపాకులను ఎలా ఉపయోగించాలి? అత్యవసర పరిస్థితుల్లో తమను, కుటుంబాన్ని ఎలా రక్షించుకోవాలి? వంటి అంశాలపై వారికి శిక్షణ అందించారు. దీనికి సంబంధించిన వీడియోలు, ఫొటోలు సోషల్‌ మీడియాలో చక్కర్లు కొడుతున్నాయి.ఇరాన్‌ రాజధాని టెహ్రాన్‌లోని ఇమామ్ హుస్సేన్ స్క్వేర్‌లో ఏర్పాటు చేసిన సైనిక శిక్షణ కేంద్రానికి పెద్ద సంఖ్యలో మహిళలు హాజరయ్యారు. ముందుగా సైనిక అధికారులు, శిక్షకులు వారికి పలు సూచనలు చేశారు. అనంతరం హ్యాండ్‌గన్లతో సహా వివిధ ఆయుధాలను ఎలా పట్టుకోవాలి, ఎలా కాల్చాలి అనే అంశాలపై ప్రాక్టికల్‌ శిక్షణ ఇచ్చారు. ఒక రోజు ముందే హఫ్తె తిర్ స్క్వేర్‌లో మరో పౌర సైనిక శిక్షణ కేంద్రాన్ని ఇరాన్ ప్రారంభించింది. అమెరికా, ఇజ్రాయెల్ బలగాలు భూతల దాడికి దిగితే ఎదుర్కొనేందుకు పౌరులను సిద్ధం చేయడమే ఈ కేంద్రాల ఉద్దేశమని అక్కడి దృశ్యాలు, నివేదికలు సూచిస్తున్నాయి.Iran is now training women for combat duty alongside men. https://t.co/xy9mNbqecl— R-E-A-L-I-T-Y (@mihareality) October 4, 2026ఈ సందర్భంగా సైనిక శిక్షణలో పాల్గొన్న 45 ఏళ్ల రహెలె గదిరి మాట్లాడుతూ.. యుద్ధ సమయంలో తన కుటుంబాన్ని, పరిసర ప్రాంతాన్ని రక్షించుకునే సామర్థ్యం ఉంటే భయం కొంత తగ్గుతుందని చెప్పారు. అంటే.. ఈ శిక్షణలో పాల్గొంటున్న కొందరికి ప్రత్యక్ష పోరాటం కంటే, అత్యవసర పరిస్థితుల్లో కుటుంబాన్ని కాపాడుకునేందుకు సిద్ధంగా ఉండటమే ప్రధాన లక్ష్యంగా కనిపిస్తోంది.ట్రంప్‌ హెచ్చరిక.. ఇరాన్‌ కౌంటర్‌..మరోవైపు అమెరికా అధ్యక్షుడు డొనాల్డ్ ట్రంప్ చేసిన తాజా వ్యాఖ్యలు ఉద్రిక్తతలను మరింత పెంచాయి. ఇరాన్‌పై తదుపరి చర్య విషయంలో త్వరలోనే నిర్ణయం తీసుకునే అవకాశం ఉందని ఆయన సంకేతాలు ఇచ్చారు. ఇరాన్ ఇప్పటికే తీవ్రంగా దెబ్బతిన్నదని, ఇక తమ ముందున్న మార్గం సులభమైందా? లేదా కఠినమైనదా అన్నదే ప్రశ్న అని ట్రంప్ వ్యాఖ్యానించారు. అనంతరం, ట్రంప్‌ వ్యాఖ్యలకు ఇరాన్ విదేశాంగ మంత్రి అబ్బాస్ అరాఘ్చీ ఘాటుగా స్పందించారు. సైనిక చర్య లేదా కొత్త ఆంక్షలతో ఈ సంక్షోభానికి పరిష్కారం లభించదని స్పష్టం చేశారు. తమపై మరోసారి సైనిక దాడి జరిగితే.. గతం కంటే మరింత బలంగా ప్రతిస్పందిస్తామని హెచ్చరించారు. న్యాయం, సమానత్వం ఆధారంగా జరిగే చర్చల ద్వారానే సంక్షోభానికి ముగింపు పలకగలమని పేర్కొన్నారు. దీంతో ఒకవైపు అమెరికా-ఇరాన్ మధ్య దౌత్య చర్చలు నిలిచిపోగా.. మరోవైపు ఇరాన్‌లో పౌరులకు సైనిక శిక్షణ ఇవ్వడం ప్రాధాన్యం సంతరించుకుంది.Iranian women being trained in the use of firearms as part of a large-scale state program of basic military training for the population. https://t.co/AJWxWGmJtr— Truth Seeker (@mib_63) October 2, 2026నాడు నిరసనలు.. నేడు గన్స్‌.. ఇదిలా ఉండగా.. గతంలో ఇరాన్‌లోని మహిళలు ప్రభుత్వ విధానాలపై తీవ్రంగా విమర్శలు, నిరసనలు వ్యక్తం చేసిన సందర్భాలు ఉన్నాయి. ముఖ్యంగా తప్పనిసరి హిజాబ్‌ నిబంధనలు, మోరాలిటీ పోలీసింగ్‌, మహిళలపై ఆంక్షలకు వ్యతిరేకంగా “ఉమెన్‌ లైఫ్‌, ఫ్రీడమ్‌” ఉద్యమంలో పెద్ద ఎత్తున ఆందోళనలు జరిగాయి. తాజాగా కూడా టెహ్రాన్‌లోని అల్లామెహ్‌ తబాతబాయీ యూనివర్సిటీ విద్యార్థులు తప్పనిసరి హిజాబ్‌, మోరాలిటీ పోలీస్‌, రాజకీయ అణచివేతకు వ్యతిరేకంగా నినాదాలు చేశారు. అయితే ఇప్పుడు అమెరికా, ఇజ్రాయెల్‌తో యుద్ధ ఉద్రిక్తతలు పెరగడంతో.. అదే దేశంలో కొందరు మహిళలు కుటుంబాలు, పరిసరాలను రక్షించుకునేందుకు తుపాకీ శిక్షణ తీసుకోవడం ఆసక్తికర పరిణామంగా మారింది.ఇదీ చదవండి: పాకిస్తాన్‌లో హైటెన్షన్‌.. Iranian women are undergoing military training to join a volunteer force and defend their country. Hear their stories in the interviews below. 👇 https://t.co/lDPsN35nu0— The Specter (@specter_affairs) September 30, 2026

విన్యాసాల‌కు వ‌య‌సుతో సంబంధం లేద‌ని వెస్టిండీస్ మాజీ ఆల్‌రౌండ‌ర్ డ్వేన్ బ్రావో మ‌రోసారి నిరూపించాడు. వెస్టిండీస్ చాంపియ‌న్స్ త‌ర‌ఫున వ‌రల్డ్ చాంపియ‌న్‌షిప్ ఆఫ్ లీగ్ (డ‌బ్ల్యూసీఎల్ 2026)లో ఆడుతున్న బ్రావో.. సౌతాఫ్రికా చాంపియ‌న్స్‌తో జ‌రుగుతున్న మ్యాచ్‌లో క‌ళ్లు చెదిరే క్యాచ్ అందుకున్నాడు. 42 ఏళ్ల వ‌య‌సులో బ్రావో అమాంతం గాల్లోకి ఎగిరి స్ట‌న్నింగ్ క్యాచ్ తీసుకోవ‌డంతో సౌతాఫ్రికా స్టార్ ఫాప్ డుప్లెసిస్ నోరెళ్ల‌బెట్టాడు. డుప్లెసిస్ 14 ప‌రుగుల వ‌ద్ద ఉన్న‌ప్పుడు బ్రావో ఈ విన్యాసం ప్ర‌ద‌ర్శించాడు. లాంగాన్ దిశ‌గా డుప్లెసిస్ భారీ షాట్ ఆడాడు. అయితే ఆ స‌మ‌యంలో అక్క‌డే ఉన్న బ్రావో వెన‌క్కి ప‌రిగెత్తి. గాల్లోకి ఎగిరి ఒంటిచేత్తో అందుకోవ‌డం విశేషం. దీనికి సంబంధించిన వీడియో సోష‌ల్ మీడియాలో వైర‌ల్‌గా మారింది.ఇక మ్యాచ్ విష‌యానికొస్తే.. తొలుత బ్యాటింగ్ చేసిన‌ సౌతాఫ్రికా చాంపియ‌న్స్ భారీ స్కోరు సాధించింది. కెప్టెన్ ఏబీ డివిలియ‌ర్స్ (39 బంతుల్లో 70; 4 ఫోర్లు, 5 సిక్స‌ర్లు), ఓపెన‌ర్ రిచ‌ర్డ్ లెవీ (39 బంతుల్లో 87; 5 ఫోర్లు, 8 సిక్స‌ర్లు) భారీ అర్థ‌శ‌త‌కాల‌తో విధ్వంసం సృష్టించారు. వీరిద్ద‌రి బీభ‌త్సం ధాటికి సౌతాఫ్రికా చాంపియ‌న్స్ 20 ఓవ‌ర్ల‌లో 5 వికెట్ల న‌ష్టానికి 242 ప‌రుగులు చేసింది. చివ‌ర్లో సారెల్ ఎర్వీ (23) ధాటిగా ఆడాడు. వెస్టిండీస్ చాంపియ‌న్స్ బౌల‌ర్ల‌లో డేవ్ మొహ‌మ్మ‌ద్ రెండు వికెట్లు తీయ‌గా, ఫిడెల్ ఎడ్‌వ‌ర్డ్స్‌, రెయాడ్ ఎమ్రిట్‌, డ్వేన్ బ్రావో త‌లా ఒక వికెట్ తీశారు.DJ Bravo said: That one’s mine. https://t.co/X4VgRs6bZ9— World Championship Of Legends (@WclLeague) October 4, 2026ఇదీ చదవండి: కెప్టెన్‌గా రుతురాజ్‌.. మ్యాచ్ టైమింగ్స్‌, లైవ్ స్ట్రీమింగ్ ఎక్క‌డంటే?

అర్ధరాత్రి ఆడది నిర్భయంగా రోడ్డుపై ఒంటరిగా నడిచిన రోజే మన దేశానికి నిజమైన స్వాతంత్య్రం వచ్చినట్లని జాతిపిత మహాత్మా గాంధీ అన్నారు. అయితే, ఆ పరిస్థితులు నేటికీ రాలేదు. మహిళలు నిజంగా అర్ధరాత్రి ఒంటరిగా రోడ్డుపై తిరిగితే ఏమవుతుందని ఓ యూట్యూబర్‌ ప్రయోగం చేశాడు. మహిళల భద్రతపై అవగాహన కల్పించేందుకు మహిళలా వేషం వేసుకుని అతడు రాత్రివేళ బయటకు వెళ్లిన వీడియో సామాజిక మాధ్యమాల్లో వైరల్‌గా మారింది. ఈ ప్రయోగంలో తనను కొందరు వ్యక్తులు తదేకంగా చూశారని, ఓ వ్యక్తి తనను ఫాలో అయ్యాడని అతడు పేర్కొన్నాడు.వైరల్‌గా మారిన ఈ వీడియోలో.. సదరు వ్యక్తి మహిళల దుస్తులు ధరించి బయటకు వెళ్లాడు. రాత్రి సమయంలో ఒంటరిగా ప్రయాణించే మహిళలు ఎదుర్కొనే పరిస్థితులను స్వయంగా అనుభవించాలనే ఉద్దేశంతో ఈ ప్రయోగం చేసినట్లు వీడియో ద్వారా వెల్లడించాడు. బయటకు వెళ్లిన సమయంలో కొందరు తనవైపు పదేపదే చూశారని అతడు చెప్పాడు.మరో వ్యక్తి తనను వెంబడించినట్లు పేర్కొన్నాడు. ఈ పరిణామాలను వీడియోలో రికార్డు చేశాడు. సాధారణంగా రాత్రివేళ ఒంటరిగా బయటకు వెళ్లే మహిళలకు ఎదురయ్యే అసౌకర్యకర పరిస్థితులను అర్థం చేసుకునేందుకు ఈ ప్రయోగం చేసినట్లు తెలుస్తోంది. వీడియోలో కనిపించే ఘటనలు సామాజిక మాధ్యమాల్లో చర్చకు దారితీశాయి. మహిళలు రాత్రివేళ ఒంటరిగా ప్రయాణించే సమయంలో ఎదుర్కొనే భద్రతా సమస్యలపై పలువురు స్పందిస్తున్నారు.అయితే, ఈ వీడియోలో వ్యక్తి చేసిన వాదనలను ఎవరూ స్వతంత్రంగా ధ్రువీకరించినట్లు సమాచారం లేదు. అందువల్ల వీడియోలోని ఆరోపణలను ఆ వ్యక్తి వాదనలుగానే పరిగణించాలి. మహిళల భద్రతకు సంబంధించిన అంశాలు సామాజిక ప్రయోగాలు, వైరల్ వీడియోల ద్వారా తరచుగా చర్చలోకి వస్తున్నాయి. View this post on Instagram A post shared by Shivom Cheke (@unfiltered_shivaaa)

‘ప్రేమకు వయసుతో పనేముంది.. మనసులు కలిస్తే చాలు’ అన్నట్టుగా మారిన ఓ ఘటన ఉత్తరప్రదేశ్‌లోని వారణాసిలో కలకలం రేపింది. ‘ప్రేమ గుడ్డిదైతే.. లోకం ఏం చెప్పినా లెక్కే ఉండదు’ అన్నట్టుగా 40 ఏళ్ల మహిళ.. 22 ఏళ్ల యువకుడితో కలిసి వెళ్లేందుకు ప్రయత్నించడం స్థానికంగా చర్చనీయాంశమైంది. దీనికి సంబంధించిన వీడియో సోషల్‌ మీడియాలో వైరల్‌ అవుతోంది.వారణాసిలో ఈ ఘటన చోటుచేసుకున్నట్లు తెలుస్తోంది. వీడియో ప్రకారం.. ఆ మహిళ, తనకంటే చాలా చిన్న వయసున్న యువకుడితో కలిసి అక్కడి నుంచి వెళ్లేందుకు ప్రయత్నిస్తుండగా స్థానికులు గుర్తించినట్లు సమాచారం. ఇద్దరినీ ఆపడంతో అక్కడ ఒక్కసారిగా జనాలు గుమిగూడారు. ఏం జరుగుతుందోనని చుట్టుపక్కల వారు ఆసక్తిగా చూడగా.. కొందరు ఈ ఘటనను వీడియోలో చిత్రీకరించారు. అసలు ట్విస్ట్‌ అక్కడే మొదలైంది. అందరి ముందు ఆమె తన మనసులో మాటను ఎలాంటి సంకోచం లేకుండా చెప్పేసింది. అతడు లేకుండా నేను జీవించలేను అంటూ తన ప్రేమను బహిరంగంగా ప్రకటించింది. దీంతో అక్కడున్న వారంతా ఒక్కసారిగా అవాక్కయ్యారు.Social Drama: In Varanasi a married middle aged woman eloped with a 22 year old young man. Locals caught her and informed the family https://t.co/IB3bjcg0CE— Ramesh Speaks (@rameshofficial0) October 1, 2026 ‘మనసుంటే మార్గం ఉంటుంది’ అన్న సామెతను గుర్తు చేసేలా.. వయసు, సమాజం ఏమనుకుంటుందన్న విషయాల కంటే తనకు అతడితో ఉండటమే ముఖ్యమని ఆమె చెప్పినట్లు తెలుస్తోంది. ఈ సన్నివేశానికి సంబంధించిన వీడియో సోషల్ మీడియాలో వైరల్‌గా మారింది. మహిళ మాట్లాడుతున్న తీరు, తన ప్రేమపై ఆమె వ్యక్తం చేసిన నమ్మకం నెటిజన్ల దృష్టిని ఆకర్షించింది. దీంతో ఈ ఘటనపై సోషల్‌ మీడియాలో భిన్నమైన స్పందనలు వస్తున్నాయి.‘ఆమెకు దక్కని ప్రేమ, ఆప్యాయతను అతడి నుంచి పొందిందేమో’ అంటూ ఓ నెటిజన్‌ స్పందించగా.. మరో వ్యక్తి ‘వారి నిర్ణయానికి మద్దతు ఇస్తున్నా’ అని కామెంట్‌ చేశాడు. ఇంకొందరు వారి ధైర్యాన్ని ప్రశంసిస్తూ స్పందించారు. అయితే ఈ ఘటనలో పాల్గొన్న మహిళ, యువకుడి పేర్లు అధికారికంగా వెల్లడికాలేదు. స్థానికులు వారిని అడ్డుకున్న పరిస్థితులు, ఆ తర్వాత ఏం జరిగిందన్న దానిపై పూర్తి వివరాలు ఇంకా తెలియాల్సి ఉంది. View this post on Instagram A post shared by Flirting Lines (@flirting.lines)

సరిహద్దు అంటేనే ఉద్రిక్తతలు.. రెండు దేశాల సైనికులు అంటేనే అప్రమత్తత.. కానీ అదే సరిహద్దులో కెమెరాకు చిక్కిన ఓ క్షణం ఇప్పుడు సోషల్‌ మీడియాలో ప్రత్యేకంగా కనిపిస్తోంది. ఓ భారత ఆర్మీ అధికారి భార్య.. అక్కడ విధుల్లో ఉన్న పాకిస్థాన్‌ రేంజర్‌తో ఫొటో దిగాలని కోరారు. ఆమె అభ్యర్థనకు పాక్‌ రేంజర్‌ మర్యాదగా స్పందించాడు. ఎలాంటి సంకోచం లేకుండా ఫొటోకు నిలబడ్డాడు.అయితే అసలు ట్విస్ట్‌ ఆ తర్వాతే ఉంది. వారి ఫొటో పూర్తయ్యాక.. పాక్‌ రేంజర్‌ భారత ఆర్మీ అధికారి వైపు తిరిగాడు. ఒక్క క్షణం ఆగి.. గౌరవ సూచకంగా సెల్యూట్‌ చేశాడు. ఆ ఒక్క సెల్యూట్‌.. అక్కడున్న వాతావరణాన్నే మార్చేసినట్టుగా అనిపించింది. దేశాలు వేరు.. సరిహద్దులు వేరు.. యూనిఫామ్‌లు వేరు.. కానీ సైనికుడి యూనిఫామ్‌కు ఇచ్చే గౌరవం మాత్రం సరిహద్దులు దాటుతుంది.దేశం కోసం నిలబడిన భారత సైనికుడికి.. ప్రత్యర్థి దేశానికి చెందిన రేంజర్‌ సెల్యూట్‌ చేసిన ఆ దృశ్యం ఇప్పుడు నెటిజన్లను ఆకట్టుకుంటోంది. గన్‌ పట్టిన చేతే.. గౌరవం కోసం సెల్యూట్‌ చేసింది!. భారత సైనికుడి యూనిఫామ్‌ ముందు.. ఆ ఒక్క సెల్యూట్‌ చెప్పిన కథ ఇదే!. ప్రస్తుతం ఈ వీడియో సోషల్‌ మీడియాలో వైరల్‌ అవుతోంది. Wife of Indian army officer wishes to have a picture with the Pakistani Rangers Soldier. He responded courteously and at the end saluted the Indian officer. https://t.co/1KCRBqjZSh— Political Budiya 👵 (@Politicalbua) October 3, 2026 ఇదీ చదవండి: బీజేపీకి బిగ్‌ షాక్‌.. ఇది ఊహించలేదు..

ఇండిగో విమానంలో పనిచేస్తున్న సిబ్బంది ఆశు యాద్వాడే తన కెప్టెన్ చివరి విమాన ప్రయాణాన్ని ప్రత్యేకంగా గుర్తుండిపోయేలా చేశారు. విమానంలోని వంటగది భాగంలో అందుబాటులో ఉన్న బిస్కెట్లు, పాలు, చాక్లెట్లు, బాదంతో కేక్ తయారు చేసి కెప్టెన్‌కు అందించారు. ఈ ఘటనకు సంబంధించిన వీడియోను ఆమె సామాజిక మాధ్యమంలో షేర్‌ చేయడంతో ఇది వైరల్‌ అవుతోంది. విమాన ప్రయాణంలో అందుబాటులో ఉండే పరిమిత పదార్థాలతోనే ఆశు ఈ కేక్‌ను తయారు చేశారు. ముందుగా బిస్కెట్లను ప్యాకెట్ నుంచి తీసి చిన్న ముక్కలుగా చేసి, ఓవెన్‌లో పెట్టగలిగే గిన్నెలో వేశారు. మరో ప్యాకెట్ బిస్కెట్లను కూడా అదే విధంగా చేసి వాటిపై పాలు పోశారు. ఆ మిశ్రమాన్ని బాగా కలిపి చిక్కటి పిండిలా తయారు చేశారు.ఆ తర్వాత గిన్నెను విమానంలోని ఓవెన్‌లో పెట్టి కేక్‌ను కాల్చారు. కేక్ సిద్ధమయ్యే సమయంలో బాదాన్ని చిన్న ముక్కలుగా తరిగి పెట్టుకున్నారు. కేక్ బయటకు తీసిన తర్వాత వాటితో అలంకరించారు. అనంతరం కెప్టెన్ దాన్ని రుచి చూసిన దృశ్యాలను వీడియోలో చూపించారు. కేక్ తిన్న కెప్టెన్ సంతృప్తిగా కనిపిస్తూ బొటనవేలు పైకెత్తి స్పందించారు. “మా కెప్టెన్ చివరి విమాన ప్రయాణం సందర్భంగా కేక్ తయారు చేశాను. అందరూ దాన్ని ఆస్వాదించడం చూసి నా మనసు ఆనందంతో నిండిపోయింది” అని ఆశు తన సామాజిక మాధ్యమ పోస్టులో పేర్కొన్నారు. ఈ వీడియోపై స్పందించిన కొందరు ఇది కేక్ కంటే బ్రౌనీలా ఉందేమోనని వ్యాఖ్యానించారు. మరికొందరు మాత్రం కొన్ని పదార్థాలు, సౌకర్యాలతోనే ఆమె ప్రత్యేకమైనదాన్ని తయారు చేయడాన్ని అభినందించారు. View this post on Instagram A post shared by Ashu Yadwade (@ashu_yadwade12)

గుజరాత్‌లోని వడోదర జిల్లా కర్జన్ టోల్ ప్లాజా సమీపంలో కారులో సీఎన్‌జీ గ్యాస్ నింపుతుండగా ఒక్కసారిగా సిలిండర్ పేలిపోయింది. ఈ ఘటనలో సమీపంలోని రెండు వాహనాలు దెబ్బతిన్నప్పటికీ.. ఎలాంటి ప్రాణనష్టం సంభవించలేదు. పేలుడు ధాటికి వాహనదారులు, బంక్ సిబ్బంది ప్రాణ భయంతో పరుగులు తీశారు. ఈ షాకింగ్‌ దృశ్యాలు సీసీటీవీ కెమెరాలో రికార్డయ్యాయి.ఎవరికీ ఏమీ కాకపోవడంతో అందరూ ఊపిరి పీల్చుకున్నారు. ఈ ఘటన అక్టోబర్‌ 1న ఈ ఘటన మధ్యాహ్నం సమయంలో నేషనల్ హైవే-48పై జిందాల్ కంపెనీకి ఎదురుగా ఉన్న సీఎన్‌జీ స్టేషన్‌లో జరిగింది. కారులో సీఎన్‌జీ నింపుతున్న సమయంలో గ్యాస్ ట్యాంక్ అకస్మాత్తుగా పేలిపోయి.. భారీ పేలుడు సంభవించింది. పేలుడు ధాటికి కారు వెనుక భాగంలోని కొన్ని ముక్కలు, పగిలిన అద్దాలు వాహనం నుంచి కొన్ని మీటర్ల దూరం వరకు ఎగిరిపడ్డాయి.కారులో ఎవరూ లేకపోవడంతో ప్రాణనష్టం తప్పింది. అగ్నిమాపక సిబ్బంది, పోలీసులు ఘటనాస్థలికి చేరుకుని భద్రతా చర్యలు చేపట్టారు. సీఎన్‌జీ నింపే సమయంలో భద్రతా ప్రమాణాలపై ఈ ఘటన ఆందోళనలను రేకెత్తించింది. ఈ ఘటనపై పోలీసులు విచారణ చేపట్టారు. CNG Pump Blast : A major blast occurred at a CNG pump near Karjan while a vehicle was being refuelled.One person seriously injured and shifted to hospital. Two vehicles badly damaged, reportedly blown apart by the blast.Panic at the pump; CCTV footage surfaces. pic.twitter.com/xfAX0xAD7n— Dilip Kshatriya (@Kshatriyadilip) October 3, 2026

ఆసియా క్రీడలు- 2026 పురుషుల టీ20 క్రికెట్‌ టోర్నమెంట్‌ ఫైనల్లో పాకిస్తాన్‌తో మ్యాచ్‌లో టాస్‌ గెలిచిన భారత్‌ తొలుత బ్యాటింగ్‌కు దిగింది. పసిడి పతక పోరులోనూ ఓపెనర్లుగా అభిషేక్‌ శర్మ- వైభవ్‌ సూర్యవంశీ జోడీని యాజమాన్యం కొనసాగించింది.తొలి ఓవర్‌లో కష్టంగాకాగా జపాన్‌లోని నిశిన్‌ పిచ్‌పై స్పిన్‌ తీవ్ర ప్రభావం చూపుతున్న సంగతి తెలిసిందే. ఈ నేపథ్యంలో స్పిన్‌ ఆల్‌రౌండర్‌ సయీబ్‌ ఆయుబ్‌తో పాక్‌ తమ బౌలింగ్‌ ఎటాక్‌ ఆరంభించింది. ఈ క్రమంలో తొలి ఓవర్లో వైభవ్‌ రెండు సింగిల్స్‌ తీయగా.. అభిషేక్‌ ఒక్క పరుగు మాత్రమే రాబట్టాడు. వైడ్‌ రూపంలో ఒక పరుగు వచ్చింది.Vaibhav Sooryavanshi started off with a Bossy SIX 💥 Watch Pakistan vs India in the Men's Cricket Final at the 20th Asian Games Aichi-Nagoya 2026, LIVE NOW on Sony Sports Network TV channels & Sony LIV.#SonySportsNetwork #SonyLIV #AsianGames #AichiNagoya2026… pic.twitter.com/NrxD0MIGKR— Sony Sports Network (@SonySportsNetwk) October 3, 2026వరుసగా రెండు సిక్సర్లుఅయితే, రెండో ఓవర్లో వైభవ్‌ గేరు మార్చాడు. సాద్‌ మసూద్‌ బౌలింగ్‌లో రెండు, మూడు బంతుల్లో వరుసగా రెండు సిక్సర్లు బాదాడు. ఇలా భారీ షాట్లతో అలరించిన ఈ లెఫ్టాండర్‌ బ్యాటర్‌ మూడో ఓవర్లో తొలి బంతికే సయీమ్‌ ఆయుబ్‌ బౌలింగ్‌లో.. వికెట్‌ కీపర్‌ ఉస్మాన్‌ ఖాన్‌కు క్యాచ్‌ ఇచ్చి అవుటయ్యాడు.ANOTHER ONE! ⚡Vaibhav pulls it high over mid wicket giving a blazing start to India's innings. 🔥Watch Pakistan vs India in the Men's Cricket Final at the 20th Asian Games Aichi-Nagoya 2026, LIVE NOW on Sony Sports Network TV channels & Sony LIV.#SonySportsNetwork #SonyLIV… pic.twitter.com/HdMpOdL5fS— Sony Sports Network (@SonySportsNetwk) October 3, 2026 ఏంటిది వైభవ్‌?పాక్‌తో ఫైనల్లో మొత్తంగా 9 బంతులు ఎదుర్కొన్న వైభవ్‌ సూర్యవంశీ రెండు సిక్సర్ల సాయంతో 15 పరుగులు చేసి పెవిలియన్‌ చేరాడు. వైభవ్ అనవసరమైన రవర్స్‌ స్వీప్‌ షాట్‌ ఆడి‌ అవుటైన నేపథ్యంలో మరో ఓపెనర్‌ అభిషేక్‌ శర్మ తీవ్ర నిరాశకు గురయ్యాడు. ‘ఏంటిది వైభవ్‌?’ అన్నట్లుగా అతడు ఇచ్చిన రియాక్షన్‌ వైరల్‌గా మారింది.ఇక వైభవ్‌ స్థానంలో వన్‌డౌన్‌లో వచ్చిన సంజూ శాంసన్‌ (2) కూడా నిరాశపరచగా.. అభిషేక్‌ మాత్రం విధ్వంసకర ఇన్నింగ్స్‌తో పాక్‌ బౌలర్లపై విరుచుకుపడ్డాడు. ఇరవై బంతుల్లోనే హాఫ్‌ సెంచరీ సాధించిన ఈ లెఫ్టాండర్‌.. మొత్తంగా 28 బంతుల్లో 3 ఫోర్లు, 7 సిక్సర్లు బాది 61 పరుగులు సాధించాడు. అరాఫత్‌ మిన్హాస్‌ బౌలింగ్‌లో స్టంపౌట్‌గా వెనుదిరిగాడు. చదవండి: IND vs WI: శ్రేయస్‌ అయ్యర్‌దే తుది నిర్ణయం కావాలి!

కన్నడలో స్టార్ హీరోయిన్‌గా గుర్తింపు తెచ్చుకున్న రచితా రామ్.. తెలుగులోనూ 'సూపర్ మచ్చి', తమిళం 'కూలీ' తదితర సినిమాలు చేసింది. అయితే తన పుట్టినరోజైన అక్టోబర్ 03న ప్రతి ఏడాది అభిమానులని కలిసి సెల్ఫీలు ఇస్తుంటుంది. ఈసారి కూడా అలానే జరగ్గా.. ఓ అభిమాని తుంటరి పనిచేసి ఈమెకు షాకిచ్చాడు. ఇందుకు సంబంధించిన వీడియో ఇప్పుడు వైరల్ అవుతోంది.(ఇదీ చదవండి: ఓటీటీలోకి మలయాళ క్రైమ్ థ్రిల్లర్.. తెలుగులోనూ స్ట్రీమింగ్)రచిత రామ్ దగ్గరకు వచ్చిన ఓ అభిమాని.. ఆమెతో సెల్ఫీ తీసుకున్నాడు. అనంతరం షేక్ హ్యాండ్ ఇచ్చాడు. అలానే ఆమె రెండు బుగ్గలు పట్టుకుని గిల్లేసరికి ఆమె ఒకింత షాక్‌కి గురైంది. ఈ వీడియో వైరల్ కావడంతో క్యూట్ ఫ్యాన్ మూమెంట్ అని కొందరు అంటుండగా.. మరికొందరు మాత్రం సదరు అభిమాని తీరుని విమర్శిస్తున్నారు. (ఇదీ చదవండి: కలలో కూడా ఊహించలేదు.. కీర్తి సురేశ్)😄 Be honest, what kind of fan are you—playful 😜 or calm 😇?Which one are you? 👀#RachitaRam pic.twitter.com/F3A16HFc9W— Filmyyy__duniyaaa (@Filmyduniyaaa) October 3, 2026

సీఈసీ రాజీనామా చేయాలంటూ దేశవ్యాప్తంగా ఉద్యమం జరుగుతోంది. అయితే నిరసనకారుల పట్ల పోలీసులు వ్యవహరిస్తున్న తీరు ఇప్పుడు చర్చనీయాంశంగా మారింది. ఈ క్రమంలోనే.. ఓ కార్యకర్తను పోలీసులు ఏకంగా భుజాన వేసుకుని తీసుకెళ్లి అరెస్ట్‌ చేసిన వీడియో సోషల్‌ మీడియాలో వైరల్‌గా మారింది.అక్టోబర్‌ 2న గాంధీ జయంతి సందర్భంగా ఉత్తర ప్రదేశ్‌ లక్నోలో సమాజ్‌వాదీ పార్టీ కార్యకర్తలు జనపథ్‌ మార్కెట్‌ వద్ద ధర్నా చేపట్టారు. ఎన్నికల ప్రక్రియలో అవకతవకలు, ఓటర్ల జాబితాలో మార్పులపై ఆరోపణలు చేస్తూ.. ఎన్నికల సంఘానికి వ్యతిరేకంగా నినాదాలు చేశారు. ఆ సమయంలో హజ్రత్‌గంజ్‌ చౌరస్తా వద్ద పోలీసులు భారీగా మోహరించి ప్రదర్శనను అడ్డుకున్నారు. కార్యకర్త్లలో కొందరు అసెంబ్లీ వైపు వెళ్లేందుకు కార్యకర్తలు ప్రయత్నించడంతో ఇరువర్గాల మధ్య తోపులాట జరిగింది. ఆ తర్వాత పోలీసులు పలువురు నిరసనకారులను అదుపులోకి తీసుకుని ఈకో గార్డెన్‌కు తరలించారు. ఆ సమయంలోనే ఓ పోలీసు అధికారి ఓ నిరసనకారుడిని రెండు చేతులతో ఎత్తుకుని తీసుకెళ్లి పోలీసు వాహనం వద్ద దించిన దృశ్యం కెమెరాకు చిక్కింది. కొందరు ఫోన్లలో ఆ దృశ్యాన్ని బంధించగా.. అక్కడే ఉన్న మహిళా సిబ్బంది నవ్వుకున్నారు. అయితే ఆ సమయంలోనూ ఆ వ్యక్తి నినాదాలు ఆపలేదు. ఆ సమయంలోనే కొందరు ఎస్పీ కార్యకర్తలను పోలీసులు ఈడ్చుకుంటూ తీసుకెళ్లిన దృశ్యాలు కూడా కనిపించాయి. ఈ వీడియోలు సోషల్‌ మీడియాలో విస్తృతంగా వైరల్‌ అయ్యాయి.'इस्तीफा' गया 'उड़ता हुआ' रद्दी की टोकरी में .. गजबे है pic.twitter.com/rDnVSlTTsS— Sushant Sinha (@SushantBSinha) October 2, 2026పోలీసుల చర్యపై సోషల్‌ మీడియాలో భిన్న స్పందనలు వ్యక్తమవుతున్నాయి. అరెస్ట్‌ ఇలా కూడా చేస్తారా? అంటూ కొందరు వీడియోను సరదాగా మీమ్స్‌ చేస్తుండగా.. మరికొందరు పోలీసులు నిరసనను అదుపులోకి తీసుకున్న తీరును సమర్థిస్తున్నారు. ఇంకొందరు మాత్రం నిరసనకారులపై అధిక బలప్రయోగం జరిగిందని మండిపడుతున్నారు. ఇదీ చదవండి: దుబాయ్‌లో నర్సు ఉద్యోగమని తీసుకెళ్లారు! ఆపై పాపం..

ఓ చిన్నారి ఫ్లైట్‌ అటెండెంట్‌గా తన కోరిక నెరవేర్చుకుంది. ఇదేంటి ఇంత చిన్నవయసులో ఫ్లైట్‌ అటెండెంట్‌గా సేవలా అని విస్తుపోకండి. ఇది ఉద్యోగం కాదు..చావు అంచులదాక వెళ్లొచ్చి..అనారోగ్యాన్ని జయించినందుకు గుర్తుగా ఇలా ఫ్లైట్‌ అటెండెంట్‌గా సేవలందిస్తూ సెలబ్రేట్‌ చేసుకుంది తన పునరాగమనాన్ని. ఆమె కథ ప్రాణాంతక వ్యాధులతో పోరాడుతున్న వాళ్లకు స్ఫూర్తి. ఆ చిన్నారి కథేంటో చూసేద్దామా..!ఆ చిన్నారే 12 ఏళ్ల త్రిషా ఓంగ్‌. ఆమె ఒకరోజు పాటు క్వాంటాస్‌ ఫ్లైట్‌ అటెండెంట్‌గా మారింది. ఆమె బాల్యం అంతా అనారోగ్య సమస్యతో పోరాడటంతోనే సాగింది. ఆ చిన్నారి త్రిషా కేవలం నాలుగేళ్ల ప్రాయంలో తీవ్రమైన కిడ్నీ సమస్యలను ఎదుర్కొంది. జీవితం చాలా కష్టంగా ఉండేది. ప్రతి నిమిషం ఆస్పత్రులు, చికిత్సలు, నొప్పిలతో నరకంగా ఉండేది. అంతటి వేదనను తట్టుకోవడమే కాదు..ఇటీవలే కిడ్నీ మార్పిడి చికిత్స చేయించుకుని..ప్రాణాంత వ్యాధి నుంచి బయటపడింది. చివరకు తనకలను నేరవేర్చుకుంది. అందుకు మేక్‌ ఏ విష్‌ ఆస్ట్రేలియా అండ్‌ క్వాంటస్‌ సహకారం అందించింది. ఇంతకీ ఏంటా చిన్నారి చిరు కోరిక అంటే ఫ్లైట్‌ అటెండెంట్‌ అవ్వడం ఆమె ఆశయం. ఆ కలన నెరవేర్చుకునేలా సదరు విమానాయన సంస్థ సహకారం అందించింది. అలా ఒక్కరోజు ఫ్టైట్‌ అటెండెంట్‌గా త్రిషా ఆ విమానంలో సేవలందించింది. అందుకోసం ప్రత్యేకంగా కుట్టిన అధికారిక క్వాంటాస్ యూనిఫాంలో వచ్చి మరి శిక్షణ, అత్యవసర విధానాల నుంచి విమానం నడపడంలో నైపుణ్యం,ప్రయాణికులకు సేవ చేయడం, సహాయపడటం వరకు ప్రతీది ఆస్వాదించిందామె. ఈ మేరకు సదరు ఎయిర్‌లైన్‌ అందుకు సంబంధించిన ఫోటో తోపాటు "ఒక కోరిక. ఒక జత రెక్కలు. గుర్తుండిపోయే రోజు," అనే క్యాప్షన్‌ జోడించి మరి ఇలా రాసుకొచ్చింది. ఫ్లైట్‌ అటెండెంట్‌గా ఆమె ప్రతి క్షణాన్ని ఆస్వాదించింది. చివరి దశ కిడ్నీ వైపల్యాన్ని అధిగమించి, విజయవంతంగా అవయవ మార్పిడి చేయించుకున్న ఆ చిన్నారి బలం, సానుకూలదృక్పథం ప్రతి ఒ‍క్కరిని ప్రేరరేపించింది. ఆమె కోరికను నెరవేర్చడంలో భాగమైనందుకు మేము గర్వపడుతున్నాం". అని సదరు ఎయిర్‌లైన్‌ పేర్కొంది పోస్ట్‌లో. కాగా, చిన్నారి త్రిష అడిలైడ్‌కు వెళ్లే ఒక వాణిజ్య విమానంలో బయలుదేరడానికి ముందు, ఫ్లైట్‌అటెండెంట్‌గా నిర్వర్తించాల్సిన పనుల్లో సహాయపడటంతో పాటు, విమానం ఎక్కుతున్న ప్రయాణికులను పలకరించి, భద్రతా ప్రకటనలు చేసి, క్యాబిన్‌లో చిరుతిండి అందించడంలో కూడా సహాయపడటం విశేషం.ఇదీ చదవండి: అక్కడ దేవుడికి వ్యర్థాల నైవేద్యం..! ఆ ఆచారం వెనుకు అసలు కథ ఇదే..

టీమిండియా పేస్ బౌలర్ దీపక్ చాహర్‌కు చేదు అనుభవం ఎదురైంది. అతడికి ఎంతో ఇష్టమైన ఖరీదైన క్రికెట్ బ్యాట్లు చోరీకి గురయ్యాయి. ఈ విషయాన్ని స్వయంగా చాహర్ సోషల్ మీడియా వేదికగా పంచుకోగా, ప్రస్తుతం ఆ వీడియో నెట్టింట వైరల్‌గా మారింది. బ్యాట్లు పోయాయనే బాధలో ఉన్నప్పటికీ, ఆ విషయాన్ని అతడు వ్యంగ్యంగా వెల్ల‌డించిన‌ తీరు నెటిజన్లను ఆకట్టుకుంటోంది.వివరాల్లోకి వెళితే, ప్రాక్టీస్ గ్రౌండ్‌లో ఉంచిన దీపక్ చాహర్ బ్యాట్లు అపహరణకు గురయ్యాయి. సుమారు రూ.1.5 లక్షల విలువైన మూడు ప్లేయర్-ఎడిషన్ బ్యాట్లు కనిపించకుండా పోయాయని అతడె వెల్లడించాడు. తన ఇన్‌స్టాగ్రామ్ ఖాతాలో పోస్ట్ చేసిన వీడియోలో ఈ ఘటన గురించి వివరిస్తూనే సదరు దొంగకు తనదైన శైలిలో విజ్ఞ‌ప్తి చేశాడు."ఆ బ్యాట్లను దొంగిలించిన వ్యక్తికి బహుశా వాటి అసలు విలువ తెలియకపోవచ్చు. వాటితో అతను టెన్నిస్ బాల్ క్రికెట్ ఆడతాడో లేక మరెవరికైనా విక్రయిస్తాడో తెలీదు. అదేదో నేరుగా నా దగ్గరికే వచ్చి డబ్బులు అడిగి ఉంటే ఇచ్చేవాడిని కదా. ఇప్పుడు నేను ఏం చేయాలి? పోలీసులకు ఫిర్యాదు చేయాలా? లేక యోగి గారి దగ్గరికో, మోదీ గారి దగ్గరికో వెళ్లాలా? లేదంటే ఆ దేవుడిని వేడుకోవాలా? అదీ కాదంటే మరో రెండు, మూడు బ్యాట్లు పంపమని తయారీ కంపెనీని అడగాలా?" అంటూ వ్యంగ్యంగా ట్వీట్ చేశాడు. ప్ర‌స్తుతం అత‌డి వీడియో సోష‌ల్ మీడియాలో వైరల్‌గా మారింది. Three player-edition bats belonging to cricketer Deepak Chahar have reportedly been stolen from the Chahar Academy Ground in Shastripuram, Agra.The three bats are worth around ₹1.5 lakh.@deepak_chahar9 shared a video informing fans about the incident.Requesting… pic.twitter.com/z5LR8XfX5p— Abhishek Arjun Singh (@AbhishekArjun05) September 29, 2026ఇదీ చదవండి: స‌చిన్‌కు సాధ్యం కాలేదు.. దిగ్గ‌జం రికార్డుపై కన్నేసిన కోహ్లి

హరియాణాలోని గురుగ్రామ్‌ రోడ్లపై చెత్తను శుభ్రం చేసేందుకు ఉపయోగిస్తున్న చిన్న యంత్రానికి సంబంధించిన వీడియో సామాజిక మాధ్యమాల్లో వైరల్‌గా మారింది. స్కూటర్‌ను పోలిన ఆకారంలో ఉన్న ఈ యంత్రం రోడ్డు పక్కన పడిన కాగితాలు, ప్లాస్టిక్ ర్యాపర్లు, ఇతర చిన్న చెత్తను పీల్చుకునే గొట్టం ద్వారా లోపలికి లాగి శుభ్రం చేస్తోంది. తెలుపు రంగులో ఉన్న ఈ చిన్న యంత్రంపై గురుగ్రామ్ మున్సిపల్ కార్పొరేషన్ గుర్తు కనిపిస్తోంది. నగరంలోని రోడ్లు, బహిరంగ ప్రదేశాల శుభ్రతను మెరుగుపరిచే ప్రయత్నంలో భాగంగా దీన్ని ఉపయోగిస్తున్నారు.వీడియోలో.. ఓ వ్యక్తి యంత్రాన్ని నడుపుతూ, దానికి అనుసంధానించిన పీల్చుకునే గొట్టాన్ని చేతితో చెత్త వైపు తీసుకెళ్తున్నట్లు కనిపిస్తోంది. గొట్టాన్ని చెత్తకు దగ్గరగా తీసుకెళ్లగానే పీల్చుకునే శక్తితో కాగితాలు, ప్లాస్టిక్ ర్యాపర్లు యంత్రంలోకి వెళ్లిపోతున్నాయి. పెద్ద చెత్త వాహనాలతో పోలిస్తే రోడ్డు పక్కలు, ఫుట్‌పాత్‌ సమీపంలోని చెత్తను తొలగించేందుకు ఇది మరింత బాగా ఉపయోగపడుతోంది.ఆటోమేటిక్ మెషీనా?అయితే ఈ యంత్రాన్ని సామాజిక మాధ్యమాల్లో ‘ఆటోమేటిక్ గార్బేజ్ క్లీనింగ్ మెషీన్’గా పేర్కొనడంతో చర్చ మొదలైంది. యంత్రాన్ని నడిపేందుకు, చెత్తను పీల్చే గొట్టాన్ని నియంత్రించేందుకు సిబ్బంది అవసరం కనిపిస్తుండటంతో, దీన్ని ఏ అర్థంలో ఆటోమేటిక్ అంటున్నారంటూ కొందరు ప్రశ్నించారు.కొంతమంది సామాజిక మాధ్యమ వినియోగదారులు యంత్రం సామర్థ్యంపై కూడా సందేహాలు వ్యక్తం చేశారు. పెద్ద నగరమైన గురుగ్రామ్‌లో విస్తారమైన రోడ్లను ఇలాంటి చిన్న యంత్రాలు ఎంతవరకు శుభ్రం చేయగలవని ప్రశ్నించారు. మరోవైపు, చెత్తను రోడ్లపై పడేయకుండా ప్రజల్లో బాధ్యత పెరగాల్సిన అవసరం ఉందని మరికొందరు వ్యాఖ్యానించారు.ప్రస్తుతం ఈ యంత్రం చిన్న చెత్తను పీల్చి తొలగించేందుకు ఉపయోగిస్తున్నట్లు వీడియో ద్వారా స్పష్టమవుతోంది. గురుగ్రామ్‌ పారిశుద్ధ్య వ్యవస్థలో దీని వినియోగాన్ని ఎంత మేరకు విస్తరిస్తారు? వాస్తవంగా ఎంత ప్రభావం చూపుతుందో రానున్న రోజుల్లో తేలనుంది.🚨 Gurugram Municipality has introduced an Automatic Garbage Cleaning Machine to help keep the city’s streets clean. 🙏 https://t.co/STaFNCOBtb— Gems (@gemsofbabus_) September 28, 2026

ఒక మహిళా టెకీ యువత ఎంతో ఇష్టపడే డ్రీమ్‌ జాబ్‌ అయిన ఐటీ ఉద్యోగాన్ని వద్దనుకుని మరి రాపిడో ఆటో నడుపుతోంది. కార్పొరేట్‌ ఉద్యోగాన్నే ఇష్టపడే ఈ రోజుల్లో ఆమె ఇంత పెద్ద నిర్ణయం తీసుకోవడమే కాదు..ఇష్టపడితే ఏ పని చిన్నది కాదని అంటోంది. పైగా ఆటో డ్రైవర్‌గానే ఎక్కువ సంపాదిస్తున్నా అని చెబుతుండటం విశేషం. ఆ మహిళే బెంగళూరుకి చెందిన మాజీ ఐటీ ఉద్యోగిని. తన తండ్రి మరణంతోటే తాను కార్పొరేట్‌ ఉద్యోగాన్ని వదిలేసినట్లు తెలిపింది. నైట్‌షిప్టులు చేస్తూనే తన తల్లికి అండగా ఉండటం కష్టంగా ఉండటంతోనే ఇలా చేసినట్లు తెలిపింది. పైగా ఆటో డ్రైవర్‌గా సమయంపై నియంత్రణ తోపాటు ఇంటికి దగ్గరగా ఉండేలా చూసుకోగలుగుతున్నట్లు వెల్లడించింది. ఇలా ఆటో డ్రైవర్‌గా మారాలనే ఆలోచనను తన కుటుంబం తీవ్రంగా వ్యతిరేకించిందని, అలాగే ఇలాంటి నిర్ణయం తీసుకోవడం అంత సులభమేమి కాదని పేర్కొంది. అయితే ఆమె తన పరిస్థితులు దృష్ట్యా కుటుంబానికి ఏది ఉత్తమమో దానికే ప్రాధాన్యత ఇవ్వడం విశేషం. పైగా ఆమె ఆటోడ్రైవర్‌గానే ఎక్కువ సంపాదిస్తున్నట్లు తెలిపింది. కంటెంట్‌ క్రియేటర్‌ తన్వి సదరు మహిళతో సంభాషిస్తున్న వీడియోని నెట్టింట పంచుకోవడంతో ఈ విషయం వెలుగులోకి వచ్చింది. అంతేగాదు ఆ మాజీ టెకీ అనర్గళంగా ఇంగ్లీష్‌ మాట్లాడే వ్యక్తి ఆటో నడుపుతుండటం ఏంటని కస్టమర్లు తనను చూసి విస్తుపోతుంటారని నవ్వుతూ చెబుతోంది. "ఆమె ప్రజలు ఏమనుకుంటారు? అనే దాని గురించి పట్టించుకోకుండా స్వేచ్ఛను ఎంచుకుంది. తన జీవిత బాధ్యతను తానే తీసుకోవాలని నిర్ణయించుకున్నారు. అంతేగాదు తన జీవితానికి సమాజం అనుమతి అవసరం లేదని నిర్ణయించుకున్న బెంగళూరు అమ్మాయి. పైగా మహిళలు స్వయంగా వాహనం నడపడం (స్టీరింగ్ చేతిలోకి తీసుకోవడం) మాకు చాలా ఇష్టం. ఎందుకంటే ధైర్యంగా ఉండటం అంటే ఎప్పుడూ ఏదో అసాధారణమైన పని చేయడం మాత్రమే కాదు. కొన్నిసార్లు, 'నాకు ఇదే కావాలి, దీన్నే నేను ఎంచుకుంటున్నాను' అని చెప్పే ధైర్యం కలిగి ఉండటమే నిజమైన ధైర్యం." అని కంటెంట్‌ క్రియేటర్‌ తన్వి ఆ మాజీ టెకీపై ప్రశంసల జల్లు కురిపిస్తూ పోస్ట్‌లో రాసుకొచ్చింది. నెటిజన్లు సైతం ఆమెను చూస్తే గర్వంగా ఉంది. అలాగే తల్లిని రాత్రిపూట ఒంటరిగా వదిలిపెట్టకూడదన్న ఆమె ఆలోచన నిజంగా అభినందనీయం అని ప్రశంసిస్తూ పొస్టులు పెట్టారు. View this post on Instagram A post shared by Tanvi👑 (@the_tanvishetty) ఇదీ చదవండి: మరీ ఏడు నెలల గర్భంతోనా.. రిస్క్‌ కాదా?)

ఏడు నెలల గర్భం.. కడుపులో బిడ్డ.. అయినా పరుగులు, వెయిట్స్‌, బర్పీస్‌, స్లెడ్‌ పుష్‌.. చివరకు హైరోక్స్‌ రేస్‌ను పూర్తి చేసింది ఓ భారతీయ మహిళ. దీంతో ఆమె వీడియోలు సోషల్‌ మీడియాలో వైరల్‌గా మారాయి. కొందరు ప్రశంసలు కురిపిస్తే.. మరికొందరు గర్భంతో ఇంత కఠినమైన వ్యాయామం చేయడంపై అభ్యంతరాలు వ్యక్తం చేశారు. ఇంతకీ ఆమె ఎవరు? గర్భంతోనే ఈ రేస్‌ను ఎలా పూర్తి చేసింది?ఆమె పేరు జెన్నిఫర్‌.. ముద్దుగా జెన్నీ. వయసు 37 ఏళ్లు. కోల్‌కతాలో పుట్టి పెరిగిన ఆమె ప్రస్తుతం చైనాలోని షాంఘైలో నివసిస్తున్నారు. గత 15 ఏళ్లుగా ఫిట్‌నెస్‌ రంగంలో కొనసాగుతున్న జెన్నీ.. షాంఘైలోని HYROXworldలో పనిచేస్తున్నారు. అంతేకాదు Rises Shanghai అనే ఫిట్‌నెస్‌ సెంటర్‌కు ఫౌండర్‌, కోచ్‌గా కూడా వ్యవహరిస్తున్నారు. ఇప్పటివరకు ఐదుసార్లు HYROX రేసుల్లో పాల్గొన్నారు.హైరోక్స్‌ అంటే.. రన్నింగ్‌ రేస్‌ కాదు.. జిమ్‌ వర్కౌట్‌ కూడా కాదు. రెండింటినీ కలిపిన ఇండోర్‌ ఫిట్‌నెస్‌ పోటీ. ఇందులో పోటీదారులు 1 కి.మీ. పరుగెత్తి.. వెంటనే ఒక ఫిట్‌నెస్‌ వ్యాయామం చేయాలి. ఇలా రన్‌, వర్కౌట్‌ చొప్పున మొత్తం 8 రౌండ్లు పూర్తి చేయాలి. అంటే మొత్తం 8 కి.మీ. రన్నింగ్‌తో పాటు 8 రకాల ఫిట్‌నెస్‌ ఛాలెంజ్‌లు ఉంటాయి.వాటిలో స్లెడ్‌ను తోసడం, స్లెడ్‌ను లాగడం, రోయింగ్‌, స్కీ ఎర్గ్‌, బర్పీ బ్రాడ్‌ జంప్స్‌, బరువులు మోసుకుంటూ నడవడం, శాండ్‌బ్యాగ్‌తో లంజెస్‌, వాల్‌ బాల్స్‌ వంటి కఠినమైన వ్యాయామాలు ఉంటాయి. సింపుల్‌గా చెప్పాలంటే: “పరుగెత్తాలి.. వెంటనే బరువులతో వ్యాయామం చేయాలి.. మళ్లీ పరుగెత్తాలి.. మళ్లీ వర్కౌట్‌ చేయాలి” .గర్భంతో రెండోసారి రేస్‌..గర్భం దాల్చిన తర్వాత కూడా ఫిట్‌నెస్‌ను కొనసాగించాలని జెన్నీ నిర్ణయించుకున్నారు. ఈ ఏడాది ఆరంభంలో గర్భం దాల్చిన ఆమె.. వైద్యుల పర్యవేక్షణలో తన శిక్షణను కొనసాగించారు. గర్భం ఐదో నెలలో జపాన్‌లో జరిగిన HYROX రేసులో పాల్గొన్నారు. ఆ తర్వాత సెప్టెంబర్‌లో ముంబైలో జరిగిన మిక్స్‌డ్‌ డబుల్స్‌ రేసులో ఏడో నెల గర్భంతో బరిలోకి దిగి ఫినిషింగ్‌ లైన్‌ చేరుకున్నారు.ఎలా శిక్షణ తీసుకున్నారు?గర్భం తర్వాత తన వ్యాయామ తీవ్రతను తగ్గించినట్లు జెన్నీ తెలిపారు. వారానికి మూడు నుంచి నాలుగు సార్లు తక్కువ నుంచి మోస్తరు తీవ్రతతో రన్నింగ్‌ చేసేవారు. మరో మూడు, నాలుగు శిక్షణ సెషన్లలో కనీసం రెండు సార్లు స్ట్రెంగ్త్‌ ట్రైనింగ్‌ చేసేవారు. అయితే గర్భం తర్వాత స్ప్రింట్లు, ఇంటర్వెల్‌ రన్నింగ్‌ను పూర్తిగా ఆపేశారు. వెయిట్‌ లిఫ్టింగ్‌లోనూ తన గరిష్ఠ సామర్థ్యంలో 70 శాతానికి మించకుండా చూసుకున్నారు. బర్పీస్‌ను కూడా మోకాళ్లు నేలపై ఉంచి చేసేలా మార్చుకున్నారు.డాక్టర్‌ పర్యవేక్షణలోనే..ఇక్కడ జెన్నీ గైనకాలజిస్ట్‌ కూడా ఆమె శిక్షణ గురించి ఎప్పటికప్పుడు పర్యవేక్షించినట్లు తెలిపారు. రక్త పరీక్షలు, స్కాన్లు దాదాపు ప్రతి వారం చేయించుకున్నానని, తన ఆరోగ్య పరిస్థితి బాగుండటంతో వైద్యురాలు వ్యాయామాన్ని ఆపాలని చెప్పలేదని జెన్నీ వెల్లడించారు. అయితే ప్రతి గర్భధారణ ఒకేలా ఉండదని వైద్య నిపుణులు స్పష్టం చేస్తున్నారు. అదే సమయంలో జెన్నీ రేసు సోషల్‌ మీడియాలో వైరల్‌ కావడంతో ప్రశంసలతో పాటు విమర్శలు కూడా వెల్లువెత్తాయి.గర్భంతో ఇంత తీవ్రంగా వ్యాయామం చేయడం వల్ల బిడ్డకు ప్రమాదం కలగొచ్చని కొందరు వ్యాఖ్యానించారు. అయితే తాను తన శరీరాన్ని గమనించుకుంటూ, వైద్యుల సలహాతోనే శిక్షణ కొనసాగించానని జెన్నీ పేర్కొంది. అలాగే తల్లి కాబోయే ముందు తన భాగస్వామితో కలిసి ఒక ప్రత్యేక జ్ఞాపకాన్ని సృష్టించుకోవాలన్నదే లక్ష్యమని అందుకోసమే ఈ సాహాసానికి పూనుకున్నట్లు వెల్లడించింది. View this post on Instagram A post shared by Freedom To Feed (@freedomtofeed) ఇదీ చదవండి: చివరి ట్రైమెస్టర్‌ వరకు వర్కౌట్లు చేయొచ్చా..?! నటి సమంత కూడా..)

ఇంట్లో నుంచే ఉద్యోగులు సమయానికి పని పూర్తి చేస్తూ ఆశించిన ఫలితాలు అందిస్తున్నప్పుడు వారిని ఆఫీసుకు పిలవాల్సిన అవసరం ఏముందని ఆకేత్‌ పంచాల్‌ అనే నెటిజన్‌ ప్రశ్నించారు. కార్యాలయానికి వెళ్లేందుకు ఉద్యోగులు ప్రయాణంలో వెచ్చించే సమయం, ఉత్పాదకతపై చర్చను ఆయన ఇన్‌స్టాగ్రామ్‌ వీడియో ద్వారా తెరపైకి తీసుకొచ్చారు. పని ఎక్కడి నుంచి జరుగుతుందన్నదానికంటే ఉద్యోగి అందిస్తున్న ఫలితాలపై సంస్థలు దృష్టి పెట్టాలని పంచాల్‌ వాదించారు. “మిత్రమా, ఇంటి నుంచి పని జరుగుతుంటే ఉద్యోగి కార్యాలయంలో భౌతికంగా ఎందుకు ఉండాలి? మీకు ఉత్పాదకత కావాలి కదా? వారు దానిని అందిస్తున్నారు. తీసుకోండి మిత్రమా. కేవలం కుర్చీ ఉన్న ప్రదేశాన్ని మార్చడం వల్ల మీకు ఏం లాభం?” అని ఆయన ప్రశ్నించారు.ఉద్యోగి 8 గంటల పనిని 8 గంటల్లోనే పూర్తి చేస్తున్నప్పుడు, మరో గంటను రాకపోకల్లో ఎందుకు వెచ్చించాలంటూ ఆయన ప్రశ్నించారు. “ఒక ఉద్యోగి 8 గంటల పనిని 8 గంటల్లో పూర్తి చేస్తుంటే, అతడిని ఒక గంట ట్రాఫిక్‌లో ప్రయాణించేలా ఎందుకు చేయాలి? కార్యాలయానికి పిలిస్తే మీకు ఏం లభిస్తుంది? మారేది అతడి శరీరం ఉన్న ప్రదేశం మాత్రమే, అతడి పని ఫలితం కాదు” అని అన్నారు.ఇంటి నుంచి పని చేయడం వల్ల ఉద్యోగి సామర్థ్యం లేదా ఉత్పాదకత తప్పనిసరిగా తగ్గిపోదని పంచాల్‌ పేర్కొన్నారు. “ఉద్యోగి సమర్థంగా పనిచేస్తున్నాడు, గడువుల్లో పని పూర్తి చేస్తున్నాడు, ఉత్పాదకంగా ఉన్నాడు. తేడా ఒక్కటే.. బల్ల, కుర్చీపై కూర్చొని చేయాల్సిన పనిని సోఫాపై కూర్చొని చేస్తున్నాడు. పని మాత్రం జరుగుతోంది కదా?” అని అన్నారు. సంస్థ కార్యకలాపాలు కొనసాగడానికి, వ్యాపారం వృద్ధి చెందడానికి అవసరమైన సహకారం ఉద్యోగులు అందిస్తున్నప్పుడు వారి భౌతిక స్థానం ప్రధాన అంశం కాకూడదని ఆయన అన్నారు. “సంస్థ ప్రక్రియను కొనసాగించడానికి, వ్యాపారాన్ని అభివృద్ధి చేయడానికి కావాల్సినదంతా వారికి ఇప్పటికే లభిస్తోంది” అని పేర్కొన్నారు.ఇదీ చ‌ద‌వండి: సీఈసీ జ్ఞానేశ్ కుమార్‌కు భారతరత్న ఇవ్వాలిఈ వీడియోపై కొందరు సామాజిక మాధ్యమ యూజర్లు ఆయన వాదనతో ఏకీభవించారు. “అతను చెప్పింది సరైనదే”, “పని ఎక్కడ జరిగినా పని పనియే”, “అందుకే ప్రజలు ఇంటి నుంచి పనిని ఇష్టపడతారు”, “ప్రతి ఉద్యోగానికి కార్యాలయం అవసరం లేదు” అంటూ వ్యాఖ్యలు చేశారు. View this post on Instagram A post shared by Aaket (@aaketpanchal)

తన జీవితంలో తొలిసారి మంచంపై నిద్రపోతున్నానంటూ ఇన్‌స్టాగ్రామ్‌ యూజర్‌ విశాల్‌ స్వామి పంచుకున్న వీడియో సామాజిక మాధ్యమాల్లో అందరి దృష్టిని ఆకర్షిస్తోంది. సొంతంగా సంపాదించిన డబ్బుతో మంచం కొనుక్కున్న అనంతరం ఆయన ఈ ప్రత్యేక అనుభూతిని వీడియోలో షేర్‌ చేసుకున్నారు. విశాల్‌ స్వామి తన ఇన్‌స్టాగ్రామ్‌ ఖాతాలో ఈ వీడియోను షేర్‌ చేస్తూ.. “ఈ అనుభూతిని నేను మాటల్లో వివరించలేను” అని పేర్కొన్నారు. వీడియోలో కొత్తగా కొనుగోలు చేసిన మంచాన్ని చూపించిన ఆయన.. దానిపై కూర్చొని ఆ క్షణాన్ని ఆస్వాదిస్తున్నట్లు కనిపించారు.వీడియోలో “నా జీవితంలో తొలిసారి ఈ రాత్రి మంచంపై నిద్రపోతున్నాను. జీవితంలో ఇది ఎంతో అందమైన అనుభూతి” అనే సందేశం కనిపించింది. సాధారణంగా కనిపించే మంచం తనకు మాత్రం ఎంతో ప్రత్యేకమైనదిగా మారిందని ఈ వీడియో ద్వారా ఆయన చెప్పినట్లు తెలుస్తోంది. ఇదీ చ‌ద‌వండి: సీఈసీ జ్ఞానేశ్ కుమార్‌కు భారతరత్న ఇవ్వాలిఈ పోస్టుపై పలువురు సామాజిక మాధ్యమ యూజర్లు స్పందించారు. “దేవుడు ఇచ్చిన సౌకర్యాల విలువను అవి కోల్పోయే వరకు మనం గుర్తించం” అని ఓ వ్యక్తి కామెంట్‌ చేశారు. మరో వ్యక్తి “ఏదో ఒక రోజు మీరు ఒక భవనంలో నిద్రపోవాలని కోరుకుంటున్నాను” అని ఆకాంక్షించారు. ఇంకొకరు “అభినందనలు. పార్టీ ఎప్పుడు?” అని సరదాగా స్పందించారు. “ఏదో ఒక రోజు మీరు చాలా ధనవంతులు అవుతారని నమ్ముతున్నాను”, ‘‘సంతోషంగా ఉంది”, “మీకు అభినందనలు” అంటూ మరికొందరు కామెంట్లు చేశారు. View this post on Instagram A post shared by Vishal swami (@vishalswami.12)

స్వదేశంలో వెస్టిండీస్‌తో వన్డే సిరీస్‌లో టీమిండియా శుభారంభం అందుకుంది. తిరువనంతపురంలో ఆదివారం జరిగిన తొలి వన్డేలో విండీస్‌ జట్టును ఎనిమిది వికెట్ల తేడాతో ఓడించింది. ఫలితంగా మూడు మ్యాచ్‌ల సిరీస్‌లో శుబ్‌మన్‌ గిల్‌ సేన 1-0తో ముందంజ వేసింది.ఈ క్రమంలో సంబరాల్లో మునిగిపోయిన టీమిండియా.. బస్సులో హోటల్‌కు తిరిగి వచ్చే క్రమంలో ఓ అపశ్రుతి చోటుచేసుకుంది. భారత దిగ్గజ ఓపెనర్‌ రోహిత్‌ శర్మ బస్సు దిగుతున్నపుడు అదుపు తప్పి కిందపడిపోయాడు. ఇందుకు సంబంధించిన దృశ్యాలు వైరల్‌గా మారాయి.32 పరుగులు చేసి అవుట్‌కాగా వెస్టిండీస్‌ విధించిన 296 పరుగుల లక్ష్యాన్ని ఛేదించే క్రమంలో రోహిత్‌ శర్మ.. 35 బంతుల్లో రెండు ఫోర్లు, మూడు సిక్సర్లు బాది 32 పరుగులు మాత్రమే చేయగలిగాడు. అల్జారీ జోసెఫ్‌ బౌలింగ్‌లో జువెల్‌ ఆండ్రూకు క్యాచ్‌ ఇవ్వడంతో హిట్‌మ్యాన్‌ పెవిలియన్‌ చేరాల్సి వచ్చింది.ఇక మరో ఓపెనర్‌, కెప్టెన్‌ శుబ్‌మన్‌ గిల్‌ (108 బంతుల్లో 110), వన్‌డౌన్‌ బ్యాటర్‌ విరాట్‌ కోహ్లి (88 బంతుల్లో 139 నాటౌట్‌) శతకాల మోత మోగించి టీమిండియాను గెలిపించారు. ఇదిలా ఉంటే.. విజయం తర్వాత భారత జట్టు టీమ్‌ బస్సులో హోటల్‌కు వెళ్లింది.Moment for the history books 📖The magical feeling of scaling Mt. 1⃣5⃣0⃣0⃣0⃣ ODI runs, ft. Virat Kohli 🏔️Updates ▶️ https://t.co/O2cs86p4gq#TeamIndia | #INDvWI | @mflone_ | @imVkohli pic.twitter.com/sbqA6KtBsr— BCCI (@BCCI) September 27, 2026బస్సు నుంచి పడిపోయిన రోహిత్‌బస్సు నుంచి దిగుతున్నపుడు రోహిత్‌ పట్టు తప్పి మెట్ల మీది నుంచి కిందపడిపోయాడు. పక్కన ఉన్న వాళ్లు వచ్చి అతడికి సాయం చేసి పక్కకు తీసుకువెళ్లారు. అప్పటికే సహచర ఆటగాళ్లు ముందుకు వెళ్లగా.. కోహ్లి వెనక్కి తిరిగి రోహిత్‌ పరిస్థితి చూసి షాకయ్యాడు. అంతా బాగానే ఉంది కదా అన్నట్లుగా ఎక్స్‌ప్రెషన్‌ ఇచ్చాడు. ఈ దృశ్యాలు వైరల్‌ కాగా.. ‘రో-కో.. మైదానం లోపల, వెలుపలా.. వారి స్నేహ బంధం గొప్పది’ అంటూ అభిమానులు కామెంట్లు చేస్తున్నారు.చదవండి: IND vs WI: అతడొక అద్భుతం.. మ్యాచ్‌ నేనే ముగించాల్సిందిRohit Sharma 𝗦𝗹𝗶𝗽𝗽𝗲𝗱 from the Bus 😱While returning to the hotel after winning the first ODI against the West Indies, Rohit Sharma slipped badly on the stairs of the team bus. 😥- Everyone was celebrating India's win, but Virat Kohli was 𝘀𝘁𝘂𝗻𝗻𝗲𝗱 to see Rohit. 😭 pic.twitter.com/T01Lf4tJsb— Mukku (@Cric_Mukku) September 28, 2026

పంజాబ్‌లోని లవ్లీ ప్రొఫెషనల్‌ యూనివర్సిటీలో రేప్‌ ఆరోపణలు తీవ్ర ఉద్రిక్తతకు దారితీశాయి. ఓ విద్యార్థినిపై లైంగిక దాడి జరిగిందంటూ వచ్చిన ప్రచారంతో విద్యార్థులు ఆందోళనకు దిగారు. క్యాంపస్‌లో విధ్వంసం, పోలీసు వాహనాల ధ్వంసం, జాతీయ రహదారి దిగ్బంధంతో పరిస్థితి అదుపు తప్పింది. ఈ నేపథ్యంలో యూనివర్సిటీ ఓ వీడియో విడుదల చేసింది. అందులో సంబంధిత హాస్టల్‌ గదిలో ఉంటున్న ముగ్గురు విద్యార్థినులు.. ‘మా గదిలో అలాంటి ఘటన ఏదీ జరగలేదు’ అంటూ స్పష్టం చేశారు. అయితే ఆ వీడియో తర్వాత వెలుగులోకి వచ్చిన మరో వీడియోతో వ్యవహారం కొత్త మలుపు తిరిగింది.ఎల్పీయూ గర్ల్స్‌ హాస్టల్‌-3లోని 504వ గదిలో ఉంటున్న ముగ్గురు విద్యార్థినులను యూనివర్సిటీ రిజిస్ట్రార్‌ డాక్టర్‌ మోనికా గులాటి విడుదల చేసిన వీడియోలో చూపించారు. తమ గదిలో గత రెండు నెలలుగా ఉంటున్నామని, అక్కడ ఎలాంటి అఘాయిత్యం జరగలేదని విద్యార్థినులు తెలిపారు. పోలీసులు, ఇతర విద్యార్థులు తమను ఇబ్బంది పెట్టవద్దని కోరారు.అయితే ఆ తర్వాత అదే విద్యార్థినులు మరో వీడియోలో చేసిన వ్యాఖ్యలు కలకలం రేపాయి. యూనివర్సిటీ అధికారులు తమకు ఏం చెప్పాలో ముందుగానే సూచించారని, తాము అదే విషయాలను చెప్పామని వారు ఆరోపించారు. తమ అనుమతి లేకుండానే వీడియోలోని కొంత భాగాన్ని కట్‌ చేసి ఇన్‌స్టాగ్రామ్‌లో పోస్ట్‌ చేశారని చెప్పారు. తమ సమ్మతి తీసుకోలేదని, దాంతో ఇప్పుడు తాము అనవసరమైన వేధింపులు ఎదుర్కొంటున్నామని తెలిపారు.అసలు రచ్చ ఎక్కడ మొదలైంది?మూడు రోజుల క్రితం ఓ మహిళా విద్యార్థినిపై లైంగిక దాడి జరిగిందంటూ వచ్చిన ఆరోపణలతో గర్ల్స్‌ హాస్టల్‌-3 సమీపంలో విద్యార్థుల ఆందోళన మొదలైంది. ఓ ప్లంబర్‌ అత్యాచారానికి పాల్పడ్డాడని, హాస్టల్‌ వార్డెన్‌కు విషయం తెలిసినా చర్యలు తీసుకోలేదని విద్యార్థులు ఆరోపించారు.ఆ విద్యార్థిని అనంతరం ఇంటికి వెళ్లిపోయిందని, ఆమె రూమ్‌మేట్‌ ఇతర విద్యార్థులకు ఆమె ఆత్మహత్య చేసుకున్నట్లు చెప్పిందని కొందరు విద్యార్థులు పేర్కొన్నారు.జలంధర్‌ రేంజ్‌ డీఐజీ నవీన్‌ సింగ్లా మాట్లాడుతూ.. విద్యార్థులు చేసిన ఫిర్యాదు ఆధారంగా పోలీసులు కేసు నమోదు చేశారని తెలిపారు. ఆరోపణల్లో నిజానిజాలు తేల్చేందుకు దర్యాప్తు చేపట్టామని, ఫోరెన్సిక్‌ ఆధారాలు, సీసీటీవీ ఫుటేజీ, కాల్‌ రికార్డులను పరిశీలిస్తామని చెప్పారు.రోడ్డెక్కిన వేలాది మంది..ఆరోపణల నేపథ్యంలో ఆదివారం తెల్లవారుజామున ఆందోళనలు ప్రారంభమయ్యాయి. ఉదయం విద్యార్థులు జలంధర్‌–ఫగ్వారా జాతీయ రహదారి-44ను దిగ్బంధించారు. దీంతో భారీగా ట్రాఫిక్‌ నిలిచిపోయింది. పరిస్థితిని అదుపులోకి తీసుకొచ్చేందుకు పోలీసులు రంగంలోకి దిగడంతో ఉద్రిక్తత మరింత పెరిగింది.పోలీసుల ప్రకారం.. కొందరు ఆందోళనకారులు పోలీసులపై వాటర్‌ బాటిళ్లు విసిరారు. అనంతరం పోలీసులు స్వల్ప లాఠీచార్జి చేశారు. దీంతో ఆందోళనకారులు క్యాంపస్‌లోకి వెళ్లి పోలీసు వాహనాలపై రాళ్లు రువ్వారు. రెండు పోలీసు వాహనాలకు నిప్పంటించగా, మరో నాలుగు నుంచి ఐదు వాహనాలు ధ్వంసమయ్యాయని అధికారులు తెలిపారు. పలువురు పోలీసులకు గాయాలయ్యాయి.ఆరోపణలను ఖండించిన వర్సిటీమరోవైపు లవ్లీ ప్రొఫెషనల్‌ యూనివర్సిటీ మాత్రం క్యాంపస్‌లో రేప్‌ జరిగినట్లు వచ్చిన ఆరోపణలను ఖండించింది. సోషల్‌ మీడియాలో ప్రచారం జరుగుతున్నవన్నీ తప్పుడు, నిరాధార, కల్పిత పుకార్లని రిజిస్ట్రార్‌ మోనికా గులాటి పేర్కొన్నారు.కొంతమంది ఉద్దేశపూర్వకంగా యూనివర్సిటీ ప్రతిష్టను దెబ్బతీసేందుకు ఈ ప్రచారం చేస్తున్నారని ఆరోపించారు. విద్యార్థులు, తల్లిదండ్రులు ధృవీకరించని సమాచారాన్ని నమ్మవద్దని, ఆందోళనలకు దూరంగా ఉండాలని యూనివర్సిటీ సూచించింది.కేసు నమోదు.. SIT దర్యాప్తుఈ వ్యవహారంపై ఫిర్యాదు అందడంతో ఓ అనుమానితుడిపై ఎఫ్‌ఐఆర్‌ నమోదు చేసినట్లు పోలీసులు తెలిపారు. ప్రత్యేక దర్యాప్తు బృందాన్ని (SIT) ఏర్పాటు చేశారు. ఆరోపణలకు సంబంధించిన ఆధారాలను పరిశీలించిన తర్వాతే వాస్తవాలు వెల్లడవుతాయని అధికారులు స్పష్టం చేశారు.ఇదిలా ఉండగా.. సుమారు 15 రోజుల క్రితం తెలంగాణకు చెందిన ఓ విద్యార్థిని ఆత్మహత్య చేసుకున్నట్లు డీఐజీ వెల్లడించారు. ఈ ఘటనకు సంబంధించి విద్యార్థులు చేస్తున్న ఆరోపణల్లో వాస్తవం తేలితే చర్యలు తీసుకుంటామని పోలీసులు తెలిపారు.పది రోజులు క్లాసులు బంద్‌క్యాంపస్‌లో నెలకొన్న ఉద్రిక్త పరిస్థితుల నేపథ్యంలో సెప్టెంబర్‌ 28 నుంచి 10 రోజుల పాటు రెగ్యులర్‌ తరగతులను నిలిపివేస్తున్నట్లు వర్సిటీ ప్రకటించింది. మిడ్‌టర్మ్‌ పరీక్షలను కూడా తదుపరి ఆదేశాలు వచ్చే వరకు వాయిదా వేసింది.విద్యార్థులు తల్లిదండ్రులతో మాట్లాడి తమ స్వస్థలాలకు వెళ్లవచ్చని యూనివర్సిటీ తెలిపింది. క్యాంపస్‌లోనే ఉండేవారు హాస్టళ్లలోనే ఉండాలని, అనవసరంగా బయటకు రావద్దని సూచించింది.ఇదీ చదవండి: ఇదేం అరకోర చర్యలు సర్‌?

ముంబై: ప్రముఖ నటి మధుబాల వినాయక చవితి వేళ ముంబైలోని ప్రసిద్ధ లాల్‌బాగ్చా రాజా గణపతి మండపాన్ని సందర్శించి గణపయ్య ఆశీస్సులు తీసుకున్నారు. అయితే ఆమె దర్శనానికి సంబంధించిన ఓ వీడియో ప్రస్తుతం సోషల్ మీడియాలో వైరల్‌గా మారింది. అందులో మధు సమర్పించిన రూ.500 నోటును సమీపంలో ఉన్న ఓ వ్యక్తి తీసుకుని వస్త్రం కింద పెట్టినట్లు కనిపించడం చర్చకు దారితీసింది.గణపతికి రూ.500 సమర్పించిన మధూ షావైరల్ వీడియోలో మధు లాల్‌బాగ్చా రాజా వద్దకు వెళ్లి రూ.500 నోటును సమర్పించినట్లు కనిపిస్తోంది. అనంతరం ఆమె అభిమానుల వైపు తిరిగి చేతులు ఊపారు. అదే సమయంలో అక్కడే ఉన్న ఓ వ్యక్తి ఆ నోటును తీసుకుని, ఓ వస్త్రం కింద పెట్టినట్లు వీడియోలో కనిపించింది. ఈ దృశ్యాన్ని ఎవరో కెమెరాలో చిత్రీకరించడంతో అది సోషల్ మీడియాలో వైరల్‌గా మారింది. పలువురు సోషల్ మీడియా యూజర్స్‌ దీనిపై స్పందించారు.కొందరు ఈ ఘటనను విరాళాల విషయంలో జరుగుతున్న మోసాలతో పోల్చారు. మరికొందరు ఆలయాలు, దర్గాల్లో సమర్పించే కానుకలు ఎక్కడికి చేరుతున్నాయనే అంశంపై తమ అనుభవాలను పంచుకున్నారు. మరో నెటిజన్ ‘రామాలయంలోనే దోపిడీ జరిగింది.. ఇందులో పూజారి తప్పేముంది?’ అంటూ ప్రశ్నించారు. ఇలా వైరల్ వీడియోపై సోషల్ మీడియాలో భిన్నమైన అభిప్రాయాలు వ్యక్తమవుతున్నాయి. కాగా లాల్‌బాగ్చా రాజా దర్శనానికి సంబంధించిన ఫొటోలను మధు స్వయంగా సోషల్ మీడియాలో షేర్ చేశారు. View this post on Instagram A post shared by Batamiwala (@marathi_batamiwala)ఇదీ చదవండి: వార్తల్లో మనోజ్ తివారీ రెండో భార్య.. ఏం చేస్తుంటారంటే..

రోజూ మన కళ్లముందు కనిపించే రోడ్లు.. ట్రాఫిక్‌.. నగరాల పరిస్థితి.. ఇవన్నీ మనకు అలవాటైపోయినవే. కానీ, కొన్నిసార్లు మరో దేశంలోని నగరాలను చూసిన తర్వాత.. మన చుట్టూ ఉన్న పరిస్థితులను కొత్త కోణంలో చూడాల్సి వస్తుంది. ఓ విదేశీ పర్యటన.. తిరిగొచ్చాక చేసిన ఓ సోషల్‌ మీడియా పోస్ట్‌.. ఇప్పుడు నెటిజన్ల మధ్య పెద్ద చర్చకు దారితీసింది.‘చైనాలోని సాధారణ నగరాలను సందర్శించి తిరిగి భారత వీధుల్లోకి వస్తే.. స్థానిక ఎమ్మెల్యేలు, ఎంపీలు, ఐఏఎస్‌ అధికారులు, మొత్తం వ్యవస్థ మనల్ని ఎంతగా మోసం చేసిందో అర్థమవుతుంది’ అంటూ భారతీయ మూలాలున్న అమెరికన్‌ ప్రొఫెసర్‌ రాజేశ్వరి అయ్యర్‌ ఎక్స్‌లో పోస్టు చేశారు. ఆమె పోస్టుకు భారీగా లైక్స్‌, షేర్లు, కామెంట్లు వచ్చాయి. చైనాలోని నగరాల దృశ్యాలతో కూడిన పోస్టులు కూడా సోషల్‌ మీడియాలో విస్తృతంగా చక్కర్లు కొడుతున్నాయి.‘ఇలాంటి పోస్టులు పెడితే పరువునష్టం కేసు ఎదుర్కోవాల్సి వస్తుంది’ అని ఓ నెటిజన్‌ కామెంట్‌ చేయగా.. ‘చైనా అభివృద్ధిని మెచ్చుకునేవాళ్లు.. అక్కడి నియంత్రణల గురించి కూడా మాట్లాడాలి’ అని మరో వ్యక్తి బదులిచ్చారు. ఇంకొకరు స్పందిస్తూ.. ‘చైనాలో ఇలా బహిరంగంగా మాట్లాడితే.. ఉదయానికే కనిపించరు. భారత్‌లో మాత్రం యువత రోడ్డెక్కి నిరసనలు తెలిపేంత స్వేచ్ఛ.. ఇంత ప్రజాస్వామ్యం ఉంది’ అని వ్యాఖ్యానించారు.Once you visit random cities in China and come back to Indian streets, you realize how much you’ve been scammed by your local MLAs, MPs, IAS and the whole system. pic.twitter.com/uETFhAjSvk— Dr. Rajeshwari Iyer (@RajeshwariRW) September 25, 2026అంత దాకా ఎందుకు..అయితే ఆమె వ్యాఖ్యలకు అందరూ ఏకీభవించలేదు. కొందరు నెటిజన్లు చైనాతో భారత్‌ను పోల్చాల్సిన అవసరం లేదని.. బ్యాంకాక్‌, వియత్నాం, ఇండోనేషియా, మలేసియా వంటి దేశాల్లోని నగరాలను చూసినా భారత్‌లో మౌలిక వసతులు, పరిశుభ్రత, పౌర సదుపాయాల్లో తేడా కనిపిస్తుందని కామెంట్‌ చేశారు. ‘చైనానే కాదు.. బ్యాంకాక్‌ వెళ్లినా అభివృద్ధి, పరిశుభ్రత, పౌరస్పృహలో భారీ వ్యత్యాసం కనిపిస్తుంది’ అంటూ ఒకరు స్పందించారు. మరికొందరు వియత్నాం, ఇండోనేషియా, మలేసియాలను కూడా ప్రస్తావించారు.చైనా మోడల్‌పై మరో వాదనమరోవైపు.. చైనా నగరాల్లో కనిపించే వేగవంతమైన రహదారులు, ఎక్స్‌ప్రెస్‌వేలు, హైస్పీడ్‌ రైళ్లను ప్రశంసించిన కొందరు నెటిజన్లు.. వాటిని భారత్‌లోని ప్రజాస్వామ్య వ్యవస్థతో నేరుగా పోల్చడం సరికాదని వాదించారు. చైనాలోని వేగవంతమైన అభివృద్ధి వెనుక ఒకే పార్టీ పాలన, కేంద్రీకృత నిర్ణయ వ్యవస్థ వంటి అంశాలు ఉన్నాయని కొందరు ప్రస్తావించారు. ప్రజా పర్యవేక్షణ, రాజకీయ స్వేచ్ఛ, సోషల్‌ క్రెడిట్‌ వ్యవస్థ వంటి అంశాలను కూడా వారు చర్చలోకి తీసుకొచ్చారు.భిన్నాభిప్రాయాలుచైనా హైస్పీడ్‌ రైళ్లను మెచ్చుకున్న ఒక నెటిజన్‌.. వాటి నిర్మాణానికి తక్కువ కార్మిక వ్యయం, జపాన్‌ నుంచి వచ్చిన సాంకేతిక పరిజ్ఞానం వంటి అంశాలు కూడా కారణమని వ్యాఖ్యానించారు. రైళ్ల నిర్మాణం ఒకవైపు ఉద్యోగాల కల్పన, మరోవైపు రవాణా వ్యవస్థ అభివృద్ధి కార్యక్రమంగా సాగిందని పేర్కొన్నారు. కేవలం రైళ్ల నిర్మాణాన్ని ఆధారంగా చేసుకుని దేశాల మధ్య పోటీని అంచనా వేయడం సరైందని కాదని అభిప్రాయపడ్డారు. అదే సమయంలో.. దుబాయ్‌లాంటి చోట్ల రోడ్లు, భవనాల నిర్మాణానికి మన దేశం నుంచి కార్మికులు వెళ్తారని, వాళ్లనే ఉపయోగించి ఇక్కడ హైక్లాస్‌ రోడ్లను నిర్మించడం మన ప్రభుత్వాలకు చేత కాదా? అంటూ ఒకరు ప్రశ్నించారు.నెహ్రూ.. మోదీని మాత్రమే నిందించాలా?భారత్‌లో మౌలిక వసతుల సమస్యలకు రాజకీయ నాయకులను మాత్రమే బాధ్యులను చేయడం సరిపోదని మరో నెటిజన్‌ వ్యాఖ్యానించారు. నెహ్రూ నుంచి మోదీ వరకు ప్రభుత్వాలను నిందించడం కంటే.. దశాబ్దాలుగా కొనసాగుతున్న అధికార యంత్రాంగం, అవినీతి, జవాబుదారీతనం వంటి అంశాలపై దృష్టి పెట్టాలని పేర్కొన్నారు. భారత్‌లో మౌలిక వసతుల అభివృద్ధికి రాజకీయ సంకల్పంతో పాటు అధికార వ్యవస్థలోనూ మార్పులు అవసరమని ఆ వ్యాఖ్య సారాంశం.ఎవరీ రాజేశ్వరి అయ్యర్‌?డాక్టర్‌ రాజేశ్వరి అయ్యర్‌ సోషల్‌ మీడియాలో యాక్టివ్‌గా ఉండే భారతీయ మూలాలున్న అమెరికన్‌ ప్రొఫెసర్‌. ఆమె ఎక్స్‌ ప్రొఫైల్‌లో ఎన్‌ఐటీ పుదుచ్చేరి, ఐఐటీ బాంబే పూర్వ విద్యార్థినిగా, డైరెక్టర్‌, ప్రొఫెసర్‌గా వివరాలు ఉన్నాయి. భారత్‌లో రిజర్వేషన్లు, పన్నులు, ప్రభుత్వ వ్యవస్థ, ప్రజా మౌలిక వసతులు వంటి అంశాలపై ఆమె తరచూ పోస్టులు చేస్తుంటారు. గతంలోనూ భారత్‌ నుంచి అమెరికాకు తిరిగి వెళ్లడానికి కారణాలను వివరిస్తూ ఆమె చేసిన పోస్టులు వార్తల్లో నిలిచాయి.She is visiting the Netherlands. This is how the Netherlands looks.Hope the Bihar MLA can transform Bihar and make it look like this one day. https://t.co/VzRVQ2rmZe pic.twitter.com/8qpU7yTFMi— Dr. Rajeshwari Iyer (@RajeshwariRW) September 26, 2026చైనా పర్యటన అనుభవం నుంచి మొదలైన ఈ పోస్టు ఇప్పుడు కేవలం చైనా-భారత్‌ నగరాల పోలికకే పరిమితం కాకుండా.. మౌలిక వసతులు, పట్టణ ప్రణాళిక, అధికార యంత్రాంగం, అవినీతి, ప్రజాస్వామ్యం, జవాబుదారీతనం వంటి విస్తృత అంశాలపై సోషల్‌ మీడియా చర్చకు దారితీసింది.

యువతను ఆకట్టుకునేందుకు ప్రధాని నరేంద్ర మోదీ మరో కొత్త తరహా ప్రయత్నం చేశారు. సాధారణ రాజకీయ కార్యక్రమాలకు భిన్నంగా.. యువత ఎక్కువగా పాల్గొనే ఆధునిక భజన కార్యక్రమంలో ఆయన స్వయంగా పాల్గొని సందడి చేశారు. భజనలు వింటూ చప్పట్లు కొట్టడంతోపాటు.. చేతిలో వాయిద్యం పట్టుకుని తాళం వేస్తూ కనిపించారు.పండిట్‌ దీనదయాళ్‌ ఉపాధ్యాయ 110వ జయంతి సందర్భంగా ఢిల్లీలోని దీనదయాళ్‌ ఉపాధ్యాయ పార్క్‌లో శుక్రవారం ఈ కార్యక్రమాన్ని నిర్వహించారు. దీనికి యువత పెద్ద సంఖ్యలో హాజరయ్యారు. ముందువరుసలో కూర్చున్న మోదీ.. భజనలను ఆస్వాదిస్తూ కళాకారులతో కలిసి చప్పట్లు కొట్టారు. శ్రీరాముడిపై ఆలపించిన భజనకు ఖంజరీ తరహా వాయిద్యాన్ని వాయిస్తూ తాళం వేశారు. అనంతరం అక్కడికి వచ్చిన వారివైపు చేతులు ఊపుతూ అభివాదం చేశారు. ఢిల్లీలో భజన్‌ క్లబ్బింగ్‌.. అద్భుతం! అంటూ ఈ ఈవెంట్‌పై ఎక్స్‌ ఖాతాలో ట్వీట్‌ చేశారాయన. Bhajan Clubbing in Delhi. Spectacular! pic.twitter.com/BujBa4lzk7— Narendra Modi (@narendramodi) September 25, 2026ఏంటీ భజన క్లబ్బింగ్‌..?సంప్రదాయ భజనలను ఆధునిక సంగీత కచేరీ తరహాలో నిర్వహించే విధానమే ‘భజన క్లబ్బింగ్‌’. ఇందులో పెద్ద సంఖ్యలో యువత ఒకచోట చేరి భజనలు, ఆధ్యాత్మిక గీతాలను ఆలపిస్తూ.. చప్పట్లు కొడుతూ, సంగీతానికి అనుగుణంగా ఉత్సాహంగా పాల్గొంటారు. సంప్రదాయ భక్తి గీతాలకు ఆధునిక సంగీతం, హై ఎనర్జీ ప్రదర్శన శైలిని జోడించడం ఈ కార్యక్రమాల ప్రత్యేకత.మద్యం, ఇతర క్లబ్‌ సంస్కృతికి భిన్నంగా.. భక్తి, ఆధ్యాత్మికత కేంద్రంగా ఈ తరహా కార్యక్రమాలు నిర్వహిస్తున్నారు. దేశంలోని పలు నగరాల్లోనే కాకుండా విదేశాల్లోనూ ‘భజన క్లబ్బింగ్‌’కు ఆదరణ పెరుగుతున్నట్లు నిర్వాహకులు చెబుతున్నారు. ముఖ్యంగా జెన్‌-జెడ్‌ యువతను సంప్రదాయ భజనలకు చేరువ చేయాలన్న ఉద్దేశంతో వీటిని నిర్వహిస్తున్నారు.‘మన్‌ కీ బాత్‌’లోనూ ప్రస్తావనఈ ఏడాది జనవరిలో ‘మన్‌ కీ బాత్‌’ కార్యక్రమంలోనూ మోదీ ‘భజన క్లబ్బింగ్‌’ గురించి ప్రస్తావించారు. యువత భజనలు, భక్తి గీతాలను ఆలపిస్తూ పెద్ద సంఖ్యలో ఒకచోట చేరడం తనను ఆకట్టుకుందని చెప్పారు. భక్తి, సంస్కృతి, ఆధ్యాత్మికతకు ఆధునికతను జోడించే ప్రయత్నంగా దీనిని అభివర్ణించారు. ఇలాంటి కార్యక్రమాలు గ్లోబల్‌ కచేరీలకు ఏమాత్రం తీసిపోవని పేర్కొన్నారు.దీనదయాళ్‌ జయంతి సందర్భంగా..భారతీయ జనసంఘ్‌ కీలక నేతల్లో ఒకరైన దీనదయాళ్‌ ఉపాధ్యాయ జయంతి సందర్భంగా ఈ కార్యక్రమాన్ని నిర్వహించారు. సమాజంలోని అట్టడుగు వర్గాల సంక్షేమం, అభ్యున్నతిని లక్ష్యంగా చేసుకున్న ‘అంత్యోదయ’ సిద్ధాంతంతో ఆయనకు ప్రత్యేక అనుబంధం ఉంది. ఈ సందర్భంగా మోదీ దీనదయాళ్‌ ఉపాధ్యాయకు నివాళులర్పించారు. ఆయన ఆలోచనలు, ప్రజా సంక్షేమంపై ఆయన చూపిన మార్గం ఇప్పటికీ స్ఫూర్తిదాయకమని పేర్కొన్నారు.ఇదీ చదవండి: రిగ్గింగ్‌ జరిగితే పోటీ చేయడమెందుకు?

ఉద్యోగులకు బహుమతులు ఇచ్చే కార్యక్రమం అది. టేబుల్‌పై వరుసగా గిఫ్ట్‌ బాక్స్‌లు. ఒక్కొక్కరుగా వచ్చి తమకు నచ్చిన బాక్స్‌ తీసుకుంటున్న సిబ్బంది. ఎవరికో ఓపెన్‌ చేయగానే ఐఫోన్‌ కనిపించింది.. మరొకరి బాక్స్‌లో చాక్లెట్లు వచ్చాయి. దీంతో కొందరి ముఖాల్లో ఆనందం.. మరికొందరిలో కాస్త నిరాశ కనిపించింది. అయితే అసలు సర్‌ప్రైజ్‌ మాత్రం అప్పుడే మొదలైంది.యూఏఈకి చెందిన వరల్డ్‌ స్టార్‌ మాన్‌పవర్‌ సంస్థలో ఉద్యోగులకు ఈ వినూత్న గిఫ్ట్‌ కార్యక్రమం నిర్వహించారు. ఆ సంస్థ వ్యవస్థాపకుడు నిషాద్‌ హుస్సేన్‌, మేనేజింగ్‌ డైరెక్టర్‌ హసీనా నిషాద్‌ ఈ కార్యక్రమంలో పాల్గొన్నారు. టేబుల్‌పై ఉంచిన గిఫ్ట్‌ బాక్స్‌లలో కొన్నింటిలో ఐఫోన్లు, మరికొన్నింటిలో చాక్లెట్‌ బార్లు పెట్టారు. ఉద్యోగులు తమకు నచ్చిన బాక్స్‌ను ఎంచుకున్నారు.బాక్స్‌లు తెరిచిన తర్వాత కొందరు ఉద్యోగులకు ఐఫోన్లు దక్కడంతో వారి ఆనందానికి అవధుల్లేకుండా పోయాయి. అయితే చాక్లెట్ల బాక్స్‌ తీసుకున్నవారి పరిస్థితి మాత్రం భిన్నంగా కనిపించింది. వారు చాక్లెట్లతోనే సరిపెట్టుకోవాల్సి వస్తుందనుకున్నారు.అప్పుడే మేనేజింగ్‌ డైరెక్టర్‌ హసీనా నిషాద్‌ మరో సర్‌ప్రైజ్‌ ఇచ్చారు. చాక్లెట్ల బాక్స్‌ తీసుకున్న ఉద్యోగుల దగ్గరకు వెళ్లి.. వారికి కూడా ఐఫోన్లు బహుమతిగా ఇచ్చారు. దీంతో మొదట చాక్లెట్లు మాత్రమే వచ్చాయని భావించిన ఉద్యోగుల ముఖాల్లో ఒక్కసారిగా ఆనందం వెల్లివిరిసింది. చివరకు అందరి చేతుల్లోనూ ఐఫోన్లే కనిపించాయి.ఉద్యోగుల కష్టపడి పనిచేయడం, సానుకూల దృక్పథం, టీమ్‌గా కలిసి ముందుకు సాగడం సంస్థ విజయానికి కీలకమని హసీనా నిషాద్‌ పేర్కొన్నారు. ప్రతి ఒక్కరి ప్రయత్నం, ఆలోచన, సహకారం సంస్థ అభివృద్ధిలో ముఖ్యమైన పాత్ర పోషిస్తాయని తెలిపారు. అవకాశాలను అందిపుచ్చుకుని మరింత ఎదగాలని ఉద్యోగులను ప్రోత్సహించారు.ఈ కార్యక్రమానికి సంబంధించిన వీడియోను నిషాద్‌ హుస్సేన్‌, హసీనా నిషాద్‌ సోషల్‌ మీడియాలో షేర్‌ చేశారు. ఉద్యోగులు బాక్స్‌లు తెరిచే సమయంలో కనిపించిన ఉత్కంఠ.. చివర్లో అందరికీ ఐఫోన్లు అందడంతో వచ్చిన ఆనందం వీడియోలో ప్రత్యేక ఆకర్షణగా నిలిచింది.ఇదీ చదవండి: ఆమె నిద్ర ఖరీదు.. 10 వేల కోట్లు! View this post on Instagram A post shared by Haseena Nishad (@haseena_nishad)

ఇటీవలి కాలంలో బీహార్‌లో వరుసగా వెలుగులోకి వస్తున్న మహిళలు, బాలికలపై వేధింపుల ఘటనలు తీవ్ర కలకలం రేపుతున్నాయి. ఒక ఘటన మరవకముందే మరో వీడియో బయటపడుతోంది. తాజాగా బంకా జిల్లాలోని ప్రముఖ పర్యాటక ప్రాంతం మందార్‌ హిల్‌లో ఓ మహిళను కొందరు యువకులు వేధించి, చెప్పుతో కొట్టిన దృశ్యాలు సోషల్‌ మీడియాలో వైరల్‌గా మారాయి. ఈ వీడియోను సీరియస్‌గా తీసుకున్న పోలీసులు.. ఆరుగురు గుర్తుతెలియని యువకులపై కేసు నమోదు చేసి దర్యాప్తు ప్రారంభించారు.ఇంతకీ ఏం జరిగిందంటే.. వైరల్‌ వీడియోలో కొందరు యువకులు యువతితో అసభ్యంగా ప్రవర్తిస్తూ కనిపించారు. అంతటితో ఆగకుండా ఆమెపై చెప్పుతో దాడి చేశారు. వీడియోలో కనిపిస్తున్న టైమ్‌స్టాంప్‌ ప్రకారం ఈ ఘటన సెప్టెంబర్‌ 3న జరిగినట్లు తెలుస్తోంది. అయితే ఈ దృశ్యాలు సెప్టెంబర్‌ 22న పోలీసుల సోషల్‌ మీడియా సెల్‌ దృష్టికి వచ్చాయి. వీడియోను పరిశీలించిన పోలీసులు వెంటనే మందార్‌ హిల్‌కు చేరుకున్నారు. వీడియోలో కనిపిస్తున్న ప్రాంతం ఇదేనా అని పరిశీలించి.. ఘటన జరిగిన ప్రదేశాన్ని నిర్ధారించారు. అనంతరం అక్కడి స్థానికులు, దుకాణదారులను విచారిస్తూ వీడియోలో కనిపిస్తున్న యువకులు, మహిళ ఆచూకీ కోసం ప్రయత్నిస్తున్నారు.Jungle Raj is back in Bihar; first Jamui, then Samastipur, now Banka; cases of molestation of daughters of Bihar are not stopping.This is a video from Mandar Mountain in Banka, Bihar, where some men are molesting a woman.Honorable Chief Minister Mr. Samrat Chaudhary, you talk… pic.twitter.com/e7HrvwRJIi— Wallah Habebe (@Wallahhabebe) September 25, 2026సుమోటోగా కేసు..బాధితురాలి నుంచి ఫిర్యాదు అందకపోయినా పోలీసులు సుమోటోగా కేసు నమోదు చేశారు. మహిళపై దాడి, వేధింపులకు సంబంధించిన BNS సెక్షన్లు 74, 75, 76, 3(5)తో పాటు ఐటీ చట్టంలోని 66E, 67A సెక్షన్ల కింద కేసు నమోదైంది. వైరల్‌ వీడియోను ఆధారంగా నమోదు చేసుకున్న పోలీసులు.. దర్యాప్తు ఆధారంగా తదుపరి చర్యలు తీసుకోనున్నట్లు తెలిపారు.🚨SAMASTIPUR HORROR | After Jamui, another video of a similar incident has surfaced from Samastipur, showing a teenage girl being harassed by a group of men pic.twitter.com/GZf0bjC3YK— The Tatva (@thetatvaindia) September 24, 2026వరుస ఘటనలతో కలకలం..ఇటీవలే బీహార్‌లోని జమూయిలో కోచింగ్‌ నుంచి తిరిగి వస్తున్న బాలుడు, బాలికను కొందరు అడ్డుకుని వేధించిన ఘటనకు సంబంధించిన వీడియో వైరల్‌గా మారింది. బాలికపై లైంగిక వేధింపులకు పాల్పడటంతో పాటు ఆమె స్నేహితుడిపై దాడి చేసిన దృశ్యాలు ఆ వీడియోలో కనిపించాయి. సెప్టెంబర్‌ 19న జరిగిన ఈ ఘటనలో ప్రధాన నిందితుల్లో ఇద్దరిని పోలీసులు అదుపులోకి తీసుకున్నారు. వారిని పట్టుకునే సమయంలో జరిగిన ఎన్‌కౌంటర్‌లో ఇద్దరూ గాయపడినట్లు పోలీసులు తెలిపారు. ఈ కేసులో ఇప్పటివరకు కనీసం ఐదుగురిని అదుపులోకి తీసుకున్నట్లు వెల్లడించారు. ఇలా ఒక ఘటనకు సంబంధించిన వీడియో వైరల్‌ అవుతుండగానే మరో వేధింపుల ఘటన వెలుగులోకి వస్తుండటంతో బీహార్‌లో కలకలం కొనసాగుతోంది. వేధింపుల కారణంగా బీజేపీ ప్రభుత్వంపై విపక్షాలు తీవ్ర విమర్శలు చేస్తున్నాయి. మహిళల భద్రతపై ప్రభుత్వం ఏం చేస్తోందంటూ ప్రశ్నలు సంధిస్తున్నాయి. Salute to this Class 10 boy. He could have run away to save himself, but instead he stayed and stood between the girl and the attackers, even while being beaten and slapped. His courage and presence of mind may have prevented an even worse assault.Huge respect to him. Real… pic.twitter.com/DxUt1IfoTs— Cric Uneeb (@Cric_Uneeb) September 22, 2026A couple in Jamui, Bihar, was allegedly harassed by a group of men, and the girl was reportedly at risk of being sexually assaulted. Why do some people think they have the right to harass couples simply because they are together?Being a couple is not a crime. No one has the… pic.twitter.com/uCZBhu06Ab— Aradhya (@ItsAradhya__) September 21, 2026

అత్యున్నత అధికారిగా దేశ సేవలందించిన ఆమె అనూహ్యమైన నిర్ణయం తీసుకుంది. తనకు విరామం కావాలంటూ నచ్చిన అభిరుచి వైపుగా సాగిపోతోంది. పైగా అందరూ అంత పెద్ద హోదాలో సాగి ఇలా ఈ వ్యాపారం ఏంటి అని అడిగితే ఆమె ఇచ్చే సమాధానం ఆలోచింప చేసేలా కాదు, కుటుంబ విలువలను గుర్తు చేస్తోంది. ఎవరా మహిళా అంటే..ఆ అధికారిణే రాధికా ఆనంద్‌. ఆమె ఆర్మీలో మాజీ భారత వైమానిక దళ(ఐఏఎఫ్‌) అధికారిణి. సైనిక వృత్తిని విడిచిపెట్టి బొటిక్‌ వ్యాపారం ప్రారంభించన తన స్ఫూర్తిదాయక ప్రయాణాన్ని ఇన్‌స్టాగ్రామ్‌లో పంచుకున్నారు. తాను కేవలం కుటుంబానికి దగ్గరగా ఉండాలనే ఈ నిర్ణయం తీసుకున్నట్లు పేర్కొది. తన కస్టమర్లలో చాలామంది వైమానిక దళ అధికారిణిగా ఇలా స్టైలిష్‌ దుస్తుల బ్రాండ్‌ బొటిక్‌ని ఎలా రన్‌ చేస్తున్నారని అడుగుతుంటారని చెప్పుకొచ్చింది. తాను 14 ఏళ్ల షార్ట్‌ సర్వీస్‌ కమిషన్‌ను పూర్తి చేసిన తర్వాత సైన్యం నుంచి నిష్క్రమించడం అనేది అత్యంత సర్వసాధారణమని అన్నారామె. తన సర్వీస్‌ ముగిసిన తర్వాతే దీన్ని ఎంచుకున్నట్లు తెలిపారు. ప్రతిష్టాత్మకమైన వైమానిక దళం వృత్తి నుంచి తప్పుకోవడానికి కేవలం పిల్లలతో గడపాలని, కుటుంబంతో టైం స్పెండ్‌ చేయాలనే ఉద్దేశ్యంతోనే తప్ప పెద్ద రీజన్‌ అంటూ ఏమి లేదని తేల్చి చెప్పింది. తన సొంతూరు డెహ్రూడూన్‌లో తన కలల జీవితాన్ని నిర్మించుకోవాలనే ఉద్దేశ్యంతోనే బోటిక్‌ని పెట్టుకున్నట్టు తెలిపారు. ప్రస్తుతం తన ఇల్లు సొంతూరికి కేవలం వంద కిలోమీటలర్ల దూరంలోనే ఉందని పేర్కొంది. తనను ఎంతాగానో ప్రేమించే తల్లిదండ్రలకు, పిల్లలకు అందుబాటులో ఉండాలనే ఇలా చేశానని వెల్లడించింది. అంతేగాదు తాను పిల్లలతో ఉండాలనుకునే తల్లిని అంటూ సంభాషణను ముగించింది. అందుకు సంబంధించిన వీడియో నెట్టింట వైరల్‌ అవ్వడంతో ఇలాంటి నిర్ణయం తీసుకోవడానికి చాలా ధైర్యం కావాలి మేడమ్‌. ఐనా మన వాళ్లతో గడిపే క్షణాలను డబ్బుతో కొలవలేమంటూ భావోద్వేగంగా పోస్టులు పెట్టారు. View this post on Instagram A post shared by Call me Ashh (@thefaujifounder)ఇదీ చదవండి: snow Ganesha: శాస్త్రవేత్తల గణేశుడి పండుగ..! నిమజ్జనం ఎలా చేశారంటే..)

గణేశుడి పండుగను అందరూ ఒకలా చేసుకుంటే..భారతీయ శాస్త్రవేత్తలు వేరేలెవల్‌లో జరుపుకున్నారు. పర్యావరణ హితంగా జరిపినా..అది కూడా ఓ రేంజ్‌లో అత్యద్భుతంగా జరపుకున్నారు. భారత్‌కి వేల కిలోమీటర్ల దూరంలో ఉన్న శాస్త్రవేత్తల బృందం వినాయక చవితిని ఎంత అద్భుతంగా జరుపుకున్నారంటే.. మాటల్లేవ్‌ అంతే..!. అందుకు సంబంధించిన వీడియోని నెట్టింట షేర్‌ చేయడంతోనే ఈ ఘటన వెలుగులోకి వచ్చింది. అంటార్కిటికాలోని మైత్రి పరిశోధనా కేంద్రంలో పరిశోధకులు పూర్తిగా మంచుతో కూడిన గణేశుడిని తయారు చేసి పర్యావరణ హితంగా పండుగను జరుపుకున్నారు. ఆ కేంద్రంలో వైద్యుడిగా పనిచేస్తున్న అనిరుధ్‌ ధర్‌ ఆ పండుగకు సంబంధించిన విశేషాలను వీడియో రూపంలో ఇన్‌స్టాగ్రామ్‌లో పంచుకున్నారు. నేషనల్ సెంటర్ ఫర్ పోలార్ అండ్ ఓషన్ రీసెర్చ్ (NCPOR)కు చెందిన పరిశోధకులు మైత్రి కేంద్రంలో స్వయంగా మంచుతో గణేశుడి విగ్రహాన్ని రూపొందించి ఈ పండుగను జరుపుకున్నట్లు పోస్ట్‌లో పేర్కొన్నాడు వైద్యుడు అనిరుధ్‌. అలాగే ఆ వీడియోలో గణేశుడికి హారతి ఇచ్చి మిఠాయిలు, మోదకాలను సమర్పించడం స్పష్టంగా చూడొచ్చు. తమ మాతృభూమికి వేల కిలోమీటర్ల దూరంలో ఉన్నా..తమకు తెలిసిన ఆచారాలను పాటిస్తూ వినాయకుడి పూజ చేసుకోవడం విశేషం. ఇందులో అన్నింట్లకంటే ప్రధాన ఆకర్షణ వినాయకుని నిమజ్జనం. మంచుతో చేసిన విగ్రహాన్ని బయటకు తీసుకువెళ్లడం లేదా బహరంగంగా విసర్జించడం వంటివి కాకుండా ఇంటి లోపలే నీటి బకెట్‌లో జాగ్రత్తగా నిమజ్జనం చేశారు. దాంతో మంచు త్వరగా నీరుగా మారిపోయింది..తద్వారా పండుగ ముగింపు ..ప్రకృతిలో భాగం కావడం అనే పండుగ సదుద్దేశాన్ని తెలిపేలా పర్యావరణ హితంగా అత్యద్భుతంగా జరుపుకుంది ఆ శాస్త్రవేత్తల బృందం. నెటిజన్లు కూడా ఓరి దేవుడా ఇది మాములు అద్భుతం కాదంటూ ప్రశంసల వర్షం కురిపిస్తూ పోస్టులు పెట్టారు. View this post on Instagram A post shared by Anirudh Dhar (@anirudhdhar) ఇదీ చదవండి: ఈ అత్తమ్మ నిజంగా బంగారం..! పాపం కోడలి కోసం..)

పిల్లల పెంపకంపై ఎన్నో అనుమానాలు, సందేహాలు వచ్చేస్తుంటాయి. కానీ వాళ్లను పెంచడమే మనం అనే అంశం మర్చిపోతుంటాం. వాళ్లను వాళ్లలా కాకుండా కట్టడి చేసేలా పెంచుతుంటాం. అదికాదు అని చెప్పే గొప్ప పేరెంటింగ్‌ పాఠం గురించి ఓ ఇన్‌ఫ్లుయెన్సర్‌ 60 సెకన్ల వీడియో ద్వారా చెప్పేసింది. అందుకు తనే ఉదాహరణ అంటూ తన విజయ ప్రస్థానాల గురించి వివరించింది.ఆ అమ్మాయే ఇన్‌ఫ్లుయెన్సర్‌ మిథాలీ శర్మ. ఆమె నీట్‌ ఆల్‌ ఇండియా ర్యాంక్‌ హోల్డర్‌, డాక్టర్‌, నృత్యకారిణి, ఈత క్రీడాకారిణి, గాయని. సింపుల్‌గా చెప్పాలంటే ఆమె ఆల్‌రౌండర్‌. ఇవేమి యాదృశ్చికంగా జరగలేదంటూ తన కథను ఇన్‌స్టాగ్రామ్‌ పోస్ట్‌లో వీడియో రూపంలో షేర్‌ చేసుకుంది. తన తల్లిదండ్రలు అలా పెంచడం వల్ల ఈ విజయాలను సాధించానంటూ..అద్భుతమైన పేరెంటింగ్‌ పాఠం, గొప్ప జీవిత తత్వాన్ని చెప్పుకొచ్చింది. తన తల్లి తనను ఒక కలల ప్రాజె​క్టులా పెంచిందని అంటోంది. ప్రతి వేసవి సెలవులను ఒక మినహాయింపు కూడా లేకుండా ఒక్కో సరికొత్త నైపుణ్యాన్ని నేర్చుకునేలా కేర్‌ తీసుకుంది. సెలవులంటే కాలక్షేపంలా గడిపే విరామంగా కాకుండా..ఏదో ఒక నైపుణ్యం అందిపుచ్చుకునేలా మార్చేసిందని తెలిపింది. అంతేగాదు క్లాస్‌లు ఉన్నప్పుడు కూడా పాఠ్యేతర పోటీల్లో పాల్గొనేలా చేశారని చెప్పుకొచ్చింది. ఒక నెల డిబేట్, మరుసటి నెల ఆర్ట్ ఇలా ఏదో ఒకటి నేర్పిస్తూ ఖాళీగా టైంని గడిపనివ్వకుండా చేసేవారని ..ఇది ఒకరకంగా అన్ని నైపుణ్యాలపై అవగాహన పెంచుకునేందుకు దారితీసిందని అంటోంది.అలాగే తన తండ్రి తనను స్మిమ్మింగ్‌ క్లాస్‌కి పంపించారని, అలాగే క్లాసికల్‌ డ్యాన్స్‌ క్లాస్‌లకు వెళ్లేలా ఇద్దరూ కేర్‌ తీసుకున్నారని, అందువల్ల ఇవాళ అటు చదువు, ఇటు కళల్లో రాణించగలిగానని చెప్పుకొచ్చింది. అలాగే ఆమె ప్రతిష్టాత్మక నీట్‌లో మంచి ర్యాంకు సాధించి డాక్టర్‌ వృత్తిని చేపట్టినట్లు వెల్లడించింది. అంతేగాదు హాస్యనటుడు జాకిర్‌ ఖాన్‌ ఒక షోలో చెప్పిన డైలాగ్‌ని ప్రస్తావిస్తూ..“మీ పెంపకమే మీరు” అనే మాటతో తాను ఏకభవిస్తానని చెబుతోంది మిథాలీ. ఇది తన వ్యక్తి గత విజయాల పరంపర మాత్రమే కాదని, తల్లిదండ్రుల పెంపకశైలికి సంబంధించిందని అంటూ తన సంభాషణను ముగించింది మిథాలీ. నిజానికి ఆమెను మంచి డాక్టర్‌గా, గాయని, నృత్యకారణి, ఈత క్రీడాకారిణీగా మార్చడానికి వాళ్లు ఎలాంటి ప్రణాళికలు ఏర్పరచుకోలేదు. ఆమె తన చదువులో భాగంగా నేర్చుకోవాలనుకున్నవన్నీ నేర్చుకునే స్వేచ్ఛ ఇచ్చారు, అందులో సమస్యలు వస్తే సాయం అందించారు. అదే ఆమెను ఉన్నతంగా ఎదిగేందుకు, విజయాలు సాధించేందుకు దారితీసింది. View this post on Instagram A post shared by Mitali Sharma (@mitali.this.side) ఇదీ చదవండి: లండన్‌ ఫ్యాషన్‌ వీక్‌ రన్‌వేపై భారత్‌ ఆదర్శ బాలక్‌..!)

సర్వత్ర గణేశుడి వేడుకలతో సందడిగా ఉంది. ఒకపక్క నిమజ్జనం వేడుకలు కూడా అట్టహాసంగా ప్రారంభమయ్యాయి. ఈ నేపథ్యంలో ఒక కళాకారిణి విమానం విండోపై గీసిన గణేశ్‌ చిత్రపటం వివాదాస్పదంగా మారి నెటిజన్ల ఆగ్రహానికి దారితీసింది. మితాలి సలుంకే అనే యూజర్‌ ఇన్‌స్టాగ్రామ్‌ వేదికగా అందుకు సంబంధించిన వీడియోని పంచుకున్నారు. ఆ వీడియోలో విమానంలో ప్రయాణిస్తుండగా విండోపై చక్కగా చిత్రీకరిస్తున్న గణేశుడి చిత్రాన్ని పంచుకున్నారు. ‘ప్రయాణిస్తుండగా కొత్త కాన్వాస్‌ దొరికింది’ అని క్యాప్షన్‌ జోడించి మరి పోస్ట్‌ చేశారు. అంతే నెటిజన్లు ప్రజా ఆస్తులను దుర్వినియోగం చేయొచ్చా? అని మండిపడ్డాడరు. మరికొందరు విమానం కిటికీలపై పెయింటింగ్ వేయడం ఎందుకు భద్రతాపరమైన ఆందోళన కలిగిస్తుందో వివరిస్తూ పోస్ట్‌లు పెట్టారు. దాంతో సదరు కళాకారిణి మితాలి తాను విండోపై నేరుగా చిత్రించలేదని ట్రాన్స్‌పరెంట్‌ పేపర్‌పైనే చిత్రీకరించినట్లు వివరణ ఇచ్చింది. అందుకు రుజువుగా పెయింటింగ్‌ వేసిన పారదర్శక కాగితం ఫోటోని కూడా పంచుకుందామె. అంతేగాదు మితాలి సలుంకే,చేతన్‌ అద్విర్కర్‌ ద్వయం లైవ్‌ ఇండియన్‌ పెయింటర్స్‌. 2018లో ప్రారంభించిన లైవ్‌ వెడ్డింగ్‌ పెయింటింగ్‌కు మార్గదర్శకులు కూడా తామే అని పేర్కొంది. View this post on Instagram A post shared by 1st Indian Luxurious Live Wedding Painter (@liveindianpainter) ఇదీ చదవండి: కేబీసీ కంటెస్టెంట్‌ మాటలకు..భావోద్వేగానికి గురైన అమితాబ్‌

ఆస్ట్రేలియా వేదికగా జ‌రుగుతున్న‌ వ‌న్డే క‌ప్‌లో భాగంగా సౌత్ ఆస్ట్రేలియా, త‌స్మానియా మ‌ధ్య జ‌రుగుతున్న మ్యాచ్‌లో ఒక ఆస‌క్తిక‌ర ఘ‌ట‌న చోటుచేసుకుంది. సౌత్ ఆస్ట్రేలియా బ్యాట‌ర్ జేక్ వెద‌రాల్డ్ క‌ష్ట‌ప‌డి బౌండ‌రీ కొట్టిన‌ప్ప‌టికీ అంపైర్ ఫోర్ ఇచ్చేందుకు నిరాక‌రించాడు. ఇన్నింగ్స్ 15వ ఓవ‌ర్లో ఇది చోటుచేసుకుంది. ఓవ‌ర్‌లో ఐదో బంతిని వేసేందుకు త‌స్మానియా బౌల‌ర్ రాఫ్ మెక్‌మిల‌న్ సిద్ధ‌మ‌య్యాడు. అయితే బంతి అనూహ్యంగా అత‌డి చేతిలో నుంచి స్లిప్ అయి లెగ్‌సైడ్ దిశ‌లో పిచ్ అవ‌త‌ల ప‌డింది. బంతిని అంపైర్‌ అప్ప‌టికే నోబాల్ క‌మ్‌ డెడ్‌బాల్‌గా ప‌రిగ‌ణించాడు. అయితే జాక్ వెద‌రాల్డ్ మాత్రం స‌ర‌దాగా బంతిని డీప్ మిడ్ వికెట్ మీదుగా బౌండ‌రీ త‌ర‌లించాడు. వెద‌రాల్డ్ కొట్టిన ఫోర్‌ను కౌంట్ చేయ‌ని అంపైర్ అత‌డికి అనుకూలంగా ఫ్రీ హిట్ మాత్రం ఇచ్చాడు. రాఫ్ మెక్‌మిలన్ వేసిన ఫ్రీ హిట్‌ను వెద‌రాల్డ్ లాంగాన్ మీదుగా భారీ సిక్స‌ర్ త‌ర‌లించాడు. మ‌రి అంపైర్ దానిని నోబాల్ క‌మ్ డెడ్‌బాల్‌గా ఎందుకు ప‌రిగ‌ణించార‌నేది ఇప్పుడు తెలుసుకుందాం. ఎంసీసీ చట్టం ప్ర‌కారం బంతి పిచ్ అవ‌త‌ల బౌన్స్ కావ‌డంతో నోబాల్ ఇవ్వ‌డం జ‌రిగింది. అస‌లు పిచ్‌పై బంతి ప‌డ‌క‌పోవ‌డంతో డెడ్‌బాల్‌గా కూడా ప‌రిగ‌ణించారు. ఇక ఎంసీసీలోని 21 చ‌ట్టం ప్ర‌కారం నోబాల్ వేస్తే ఫ్రీహిట్ ఇవ్వాల్సి ఉంటుంద‌న్న సంగ‌తి తెలిసిందే.మ్యాచ్ విష‌యానికొస్తే తొలుత బ్యాటింగ్ చేసిన సౌత్ ఆస్ట్రేలియా భారీ స్కోరు చేసింది. మాథ్యూ గైక్స్ (97 నాటౌట్‌), జేక్ వెద‌రాల్డ్ (92), జేక్ ఫ్రేజ‌ర్ మెక్‌గుర్క్ (88) భారీ అర్థ‌సెంచ‌రీల‌తో రాణించ‌డంతో 50 ఓవ‌ర్ల‌లో 7 వికెట్ల న‌ష్టానికి 383 ప‌రుగులు చేసింది. త‌స్మానియా బౌల‌ర్ల‌లో మాథ్యూ కున్‌మెన్, మిచెల్ ఓవ‌న్ చెరో 2 వికెట్లు ప‌డ‌గొట్టారు. భారీ ల‌క్ష్య ఛేద‌నతో బ‌రిలోకి దిగిన త‌స్మానియా జ‌ట్టు 19 ఓవ‌ర్లు ముగిసేస‌రికి 3 వికెట్ల న‌ష్టానికి 156 ప‌రుగులు చేసింది. టిమ్ వార్డ్ (52), జోర్డాన్ సిల్క్ (48) క్రీజులో ఉన్నారు.Cricket really is a silly game #OneDayCup pic.twitter.com/l3Z7TjBCz9— cricket.com.au (@cricketcomau) September 23, 2026ఇదీ చదవండి: విండీస్‌తో తొలి వ‌న్డే.. జట్టుతో కలవనున్న రో-కో ద్వయం

అతి చేస్తే ఇబ్బందే.. అన్న సామెతను గుర్తు చేసేలా ఓ బంగ్లాదేశ్‌ కంటెంట్‌ క్రియేటర్‌ చేసిన పని ఇప్పుడు సోషల్‌ మీడియాలో హాట్‌టాపిక్‌గా మారింది. బీచ్‌లో మహిళలను వీడియో తీస్తూ.. చివరకు ఓ విదేశీ మహిళకు కావాలనే దగ్గరగా వెళ్లి ఢీకొట్టినట్లు కనిపిస్తున్న వీడియో వైరల్‌గా మారడంతో అతడిపై నెటిజన్లు మండిపడుతున్నారు. ఈ ఘటన దుబాయ్‌లోని ఓ బీచ్‌లో జరిగినట్టు తెలుస్తోంది.ఇమ్రాన్‌ హొస్సేన్‌ అనే బంగ్లాదేశ్‌ కంటెంట్‌ క్రియేటర్‌ ఇన్‌స్టాగ్రామ్‌లో ఈ వీడియోను పోస్ట్‌ చేసినట్లు సమాచారం. వీడియోలో బీచ్‌ నుంచి సముద్రంలోకి వెళ్తూ చుట్టుపక్కల ఉన్న మహిళలను కెమెరాలో బంధించాడు. ఆ తర్వాత నీటిలో ఉన్న ఓ విదేశీ మహిళకు నెమ్మదిగా దగ్గరై ఆమె కావాలనే తాకాడు. ఆమెకు చేరువగా వెళ్లి ఢీకొట్టినట్లు వీడియోలో కనిపిస్తోంది. అనుకోని ఘటనతో ఆ మహిళ ఒక్కసారిగా షాకైంది. అతడి వైపు కోపంగా చూసింది. అనంతరం, ఆమె అసౌకర్యంగా కనిపిస్తున్నప్పటికీ.. ఇమ్రాన్‌ మాత్రం కెమెరా ఆపకుండా చిత్రీకరణ కొనసాగించాడు. కాగా, మహిళల అనుమతి తీసుకున్నట్లు వీడియోలో ఎక్కడా కనిపించకపోవడం వివాదానికి కారణమైంది.খালাতো বোনের সঙ্গে মজা করে আসি বলেই বিদেশি নারীকে ধাক্কা, pic.twitter.com/tSEk4UVTRU— Monju Alom (@MonjuAlom1) September 23, 2026Video Credit: Monju Alom‘చేతిలో కెమెరా ఉంది కదా’ అని..బీచ్‌లో మహిళలను దూరం నుంచి మాత్రమే కాకుండా దగ్గరగా కూడా చిత్రీకరిస్తున్న అతడి ఇతర వీడియోలు కూడా ఇన్‌స్టాగ్రామ్‌ ప్రొఫైల్‌లో ఉన్నట్లు సమాచారం. ఈ వీడియో వైరల్‌ కావడంతో నెటిజన్లు దుబాయ్‌ పోలీసులను ట్యాగ్‌ చేస్తూ చర్యలు తీసుకోవాలని కోరుతున్నారు. అతడిపై చర్యలు తీసుకోవాలని డిమాండ్‌ చేస్తున్నారు.గోప్యతపై కఠిన నిబంధనలు..యూఏఈలో వ్యక్తిగత గోప్యతకు సంబంధించిన చట్టాలు కఠినంగా ఉంటాయి. ఇతరుల అనుమతి లేకుండా ఫొటోలు, వీడియోలు తీయడం విషయంలో నిబంధనలు ఉన్నాయి. గతంలో అబుదాబిలో ఓ మహిళను అనుమతి లేకుండా ఫొటో తీసిన వ్యక్తికి కోర్టు జరిమానా విధించిన ఘటన కూడా వెలుగులోకి వచ్చింది. అయితే వైరల్‌ వీడియోలోని ఘటనపై దుబాయ్‌ అధికారుల నుంచి ఇప్పటివరకు ఎలాంటి అధికారిక ప్రకటన వెలువడలేదు. దీంతో సోషల్‌ మీడియాలో మాత్రం ఈ వీడియోపై చర్చ కొనసాగుతోంది.Meet Emran Hussein from Bangladesh, he deliberately bumped into women while swimming…! Always a Bûll@ 🤡🤲🏻 pic.twitter.com/sF6NLPyiSo— Ravi Tiwari🇮🇳 (@Ravitiwariii_) September 23, 2026Video Credit: Ravi Tiwari ఇదీ చదవండి: నెతన్యాహు, మమ్దానీ మధ్య మాటల యుద్ధం..

ఐక్యరాజ్యసమితి వేదికగా అమెరికా అధ్యక్షుడు డొనాల్డ్‌ ట్రంప్‌ పాకిస్థాన్‌ ప్రధాని షెహబాజ్‌ షరీఫ్‌ను ‘టెర్రిఫిక్‌ మ్యాన్‌’ అంటూ ప్రశంసించడం ఇప్పుడు మరో చర్చకు దారితీసింది. అయితే ఈ ప్రశంసలు పాక్‌కు అనుకూలంగా కనిపిస్తున్న వేళ.. ఉగ్రవాదంపై షరీఫ్‌ చేసిన ఓ వ్యాఖ్య సోషల్‌ మీడియాలో మళ్లీ వైరల్‌గా మారింది. ‘‘మా ఉగ్రవాదులను నియంత్రించకపోయి ఉంటేనా..’’ అని ఆయన వ్యాఖ్యపై నెటిజన్లు భిన్నంగా స్పందిస్తున్నారు.81వ UNGAలో మంగళవారం ప్రసంగించిన ట్రంప్‌.. భారత్‌, పాకిస్థాన్‌ మధ్య 2025లో చోటుచేసుకున్న సైనిక ఉద్రిక్తతను ప్రస్తావించారు. ఆ వివాదాన్ని ఆపేందుకు తాను జోక్యం చేసుకున్నానని మరోసారి పేర్కొన్నారు. ఈ సందర్భంగా పాకిస్థాన్‌ ప్రధాని షెహబాజ్‌ షరీఫ్‌ను ‘టెర్రిఫిక్‌ మ్యాన్‌’గా అభివర్ణించారు. షరీఫ్‌ తనకు కృతజ్ఞతలు తెలిపారని, తాను 3 కోట్ల మంది ప్రాణాలను కాపాడినట్లు చెప్పారని ట్రంప్‌ పేర్కొన్నారు. అయితే భారత్‌ మాత్రం ఈ వివాదంలో మూడో పక్షం మధ్యవర్తిత్వం చేసిందన్న వాదనను గతంలో తిరస్కరించింది.వైరల్‌గా మారిన ఆ వ్యాఖ్య..ట్రంప్‌ ప్రశంసల నేపథ్యంలో షరీఫ్‌ చేసిన ఓ పాత వ్యాఖ్య ఇప్పుడు సోషల్‌ మీడియాలో వైరల్‌గా మారింది. 2025లో జరిగిన 80వ యూఎన్‌జీఏలో ఆయన పాకిస్థాన్‌ రెండు దశాబ్దాలకు పైగా ఉగ్రవాదంపై పోరాడుతోందని చెప్పారు. ఈ పోరులో 90 వేల మందికి పైగా ప్రాణాలు కోల్పోయామని, భారీ ఆర్థిక నష్టం ఎదుర్కొన్నామని పేర్కొన్నారు. అదే ప్రసంగంలో షరీఫ్‌.. పాకిస్థాన్‌ ఉగ్రవాదులను ఎదుర్కొనకపోయి ఉంటే వారు న్యూయార్క్‌, లండన్‌ వీధుల్లో తిరిగేవారని వ్యాఖ్యానించారు. ఉగ్రవాదంపై పాకిస్థాన్‌ చేస్తున్న పోరాటాన్ని ప్రపంచ భద్రతకు తన దేశం చేస్తున్న సేవగా ఆయన అభివర్ణించారు.‘If we haven't controlled our terrorists, they would be roaming on the streets of New York or London"- Pakistan PM Shehbaz Sharif at UNGA pic.twitter.com/2bHJaAKEaG— Rishi Bagree (@rishibagree) September 22, 2026ఒప్పుకున్నట్లేనా?ఈ వ్యాఖ్యల వీడియో ఇప్పుడు సోషల్‌ మీడియాలో వైరల్‌గా మారడంతో.. పాకిస్థాన్‌కు కొత్త చిక్కు ఎదురైంది. షరీఫ్‌ మాటలను పట్టుకుని కొందరు నెటిజన్లు తీవ్రంగా ప్రశ్నిస్తున్నారు. పాకిస్థాన్‌లో ఉగ్రవాద నెట్‌వర్క్‌లు ఉన్నాయన్న విషయాన్ని ఆ దేశ ప్రధానే స్వయంగా అంగీకరించినట్టుగా వారు వ్యాఖ్యానిస్తున్నారు. దీంతో ఉగ్రవాదంపై పాక్‌ వైఖరి, గతంలో ఆ దేశంపై వచ్చిన ఆరోపణలు మరోసారి చర్చకు వస్తున్నాయి.ఇక్కడే మరో కీలక విషయం ఉంది. సోషల్‌ మీడియాలో ప్రస్తుతం వైరల్‌ అవుతున్న ‘న్యూయార్క్‌, లండన్‌’ వ్యాఖ్య ఈ సమావేశాల్లో చేసిన షరీఫ్‌ చేసిన ప్రసంగానిది కాదు. షరీఫ్‌ 2026లో 81వ UNGAకి హాజరయ్యేందుకు సెప్టెంబర్‌ 21న న్యూయార్క్‌ చేరుకున్నారు. ఆయన తాజా UNGA ప్రసంగం సెప్టెంబర్‌ 25న జరగనుంది.ట్రంప్‌ నుంచి వచ్చిన బహిరంగ ప్రశంసల సమయంలోనే ఈ పాత వ్యాఖ్య మళ్లీ తెరపైకి రావడంతో.. పాకిస్థాన్‌ ఉగ్రవాదంపై తన గత వాదనలపై కొత్త చర్చ మొదలైంది. ఒకవైపు అమెరికా అధ్యక్షుడి ప్రశంసలు.. మరోవైపు షరీఫ్‌ పాత ఉగ్రవాద వ్యాఖ్య వైరల్‌ కావడం.. పాక్‌ దౌత్యానికి ఇది ఊహించని చర్చగా మారింది.ఇదీ చదవండి: ఆ టెక్నాలజీ మామూలుది కాదంటున్న ట్రంప్‌

నదీ ప్రవాహంలో కొట్టుకుపోతున్న రోజుల వయసున్న ఏనుగు పిల్లను మత్స్యకారులు ప్రాణాలకు తెగించి కాపాడారు. దాదాపు నాలుగు కిలోమీటర్లు పడవల్లో వెంబడించి.. అలసిపోయిన ఆ చిన్నారిని ఒడ్డుకు చేర్చారు. అటవీశాఖ సిబ్బంది సంరక్షణ అనంతరం రెండు గంటల పాటు గాలించి చివరకు దాని తల్లిని గుర్తించారు. నీటిలోకి వచ్చి తన బిడ్డను చేరదీసిన తల్లి ఏనుగు దృశ్యం అక్కడున్న వారిని కదిలించింది.పశ్చిమ బెంగాల్‌లోని జల్పాయిగురి జిల్లా గజోల్డోబా సమీపంలో సెప్టెంబర్‌ 21న ఈ ఘటన జరిగింది. టీస్తా నదిలో మూడు, నాలుగు రోజుల వయసున్న ఏనుగు పిల్ల ప్రవాహంలో కొట్టుకుపోతుండటాన్ని నార్త్‌ బెంగాల్‌ ఫిషర్‌మెన్‌ ఫోరం సభ్యులు గుర్తించారు. వెంటనే మిథు దాస్‌, బిశ్వనాథ్‌ దాస్‌, రాజేశ్‌ దాస్‌, గోపాల్‌ దాస్‌, బబ్లు దాస్‌ పడవల్లో దాన్ని వెంబడించారు.నాలుగు కిలోమీటర్లు వెంబడించి..తీవ్ర ప్రవాహం కారణంగా ఏనుగు పిల్లను దాదాపు నాలుగు కిలోమీటర్ల మేర నదిలో కొట్టుకుపోతూ వెళ్లింది. మత్స్యకారులు పడవలను దాని వెంట నడిపి.. ఎట్టకేలకు దాన్ని జాగ్రత్తగా పైకి ఎత్తుకుని పడవలోకి చేర్చారు. ఒడ్డుకు తీసుకొచ్చే వరకు చిన్నారిని ఓదారుస్తూ, జాగ్రత్తగా సంరక్షించారు.రెండు గంటల తర్వాత తల్లి చెంతకు..సమాచారం అందుకున్న బైకుంఠపూర్‌ అటవీశాఖ అధికారులు ఏనుగు పిల్లకు అవసరమైన సంరక్షణ అందించారు. అనంతరం తల్లి ఏనుగు కోసం గాలింపు చేపట్టారు. దాదాపు రెండు గంటల తర్వాత గుంపును గుర్తించి.. పిల్లను తల్లి దగ్గరకు చేర్చారు. తన బిడ్డను చూసిన తల్లి ఏనుగు నీటిలోకి వచ్చి దానికి పాలు ఇచ్చింది.ప్రస్తుతం ఏనుగు పిల్ల, తల్లి రెండింటినీ అటవీశాఖ అధికారులు గుంపుతో కలిసి పర్యవేక్షిస్తున్నారు. సకాలంలో స్పందించి ఏనుగు పిల్ల ప్రాణాలను కాపాడిన మత్స్యకారులపై ప్రశంసలు వెల్లువెత్తుతున్నాయి.Humanity. ❤️Fishermen rescue elephant calf from Teesta River in Gajoldoba, reunite it with mother. pic.twitter.com/uQL4EEW32L— Mayukh Biswas (@MayukhDuke) September 21, 2026

లక్నో: ఉత్తరప్రదేశ్‌లోని బలరాంపూర్‌లో గణేశ్‌ నిమజ్జన ఊరేగింపు సమయంలో వినిపించిన భారీ డీజే శబ్దం మధ్య ఓ పాఠశాల విద్యార్థిని (7) తరగతి గదిలో అకస్మాత్తుగా కుప్పకూలి మృతి చెందింది. అయితే, డీజే శబ్దమే బాలిక మృతికి ప్రత్యక్ష కారణమని ఇప్పటివరకు అధికారికంగా నిర్ధారించలేదు. పోలీసులు ఘటనపై దర్యాప్తు చేస్తున్నారు.బలరాంపూర్‌ నగరంలోని డివైన్‌ పబ్లిక్‌ స్కూల్‌లో రెండో తరగతి గదిలో ఈ ఘటన చోటుచేసుకుంది. బాలిక వైష్ణవి తరగతి గదిలో ఉండగా సమీప రహదారి నుంచి గణేశ్‌ నిమజ్జన ఊరేగింపు వెళ్లింది. ఆ సమయంలో డీజేను పెద్ద శబ్దంతో వినిపించినట్లు కుటుంబ సభ్యులు, స్థానికులు పేర్కొన్నారు. బాలిక అస్వస్థతకు గురై తరగతి గదిలోనే కుప్పకూలిన అనంతరం ఆసుపత్రికి తరలించగా మృతి చెందినట్లు సమాచారం.ఈ ఘటనకు సంబంధించిన సుమారు 3 నిమిషాల 2 సెకన్ల సీసీటీవీ దృశ్యాలు కూడా వెలుగులోకి వచ్చాయి. తరగతి గదిలో విద్యార్థులు కూర్చుని ఉండగా బయట నుంచి డీజే శబ్దం వినిపించింది. ఆ సమయంలో విద్యార్థులు బయట వైపు చూస్తున్న దృశ్యాలు కూడా ఉన్నాయి. అయితే ఈ దృశ్యాల ఆధారంగా డీజే శబ్దం, బాలిక మృతికి మధ్య వైద్యపరమైన ప్రత్యక్ష సంబంధాన్ని నిర్ధారించలేమని నివేదికలు స్పష్టం చేశాయి.సామాజిక మాధ్యమాల్లో ఘటనకు సంబంధించిన సమాచారం వెలుగులోకి రావడంతో పోలీసులు కేసును పరిశీలించడం ప్రారంభించారు. కుటుంబ సభ్యుల నుంచి ఇప్పటివరకు పోలీసులకు ఎలాంటి రాతపూర్వక లేదా మౌఖిక ఫిర్యాదు అందలేదని అధికారులు తెలిపారు. ప్రాంతీయ పోలీసు అధికారి ఆదేశాలతో ఘటనాస్థలం, పాఠశాల, నిమజ్జన ఊరేగింపు మార్గం, పరిసర ప్రాంతాల్లోని సీసీటీవీ దృశ్యాలను పరిశీలిస్తున్నారు.డీజే అధిక శబ్దంతో మోగించడంపై నిబంధనలు ఉల్లంఘించినట్లు దర్యాప్తులో తేలితే, సంబంధిత వ్యక్తులపై నిబంధనల ప్రకారం చర్యలు తీసుకుంటామని పోలీసులు తెలిపారు. బాలిక మృతికి కచ్చితమైన కారణం, డీజే శబ్దంతో దానికి ఏమైనా సంబంధం ఉందా? అనే అంశాలపై దర్యాప్తు పూర్తయిన తర్వాత స్పష్టత వచ్చే అవకాశం ఉంది. 🚨 BALRAMPUR, UP : A 7-year-old Class 2 student, Vaishnavi, died after suddenly falling ill at school while a Ganesh immersion procession with loud DJ music passed nearby. Police are investigating; a direct link between the DJ noise and her death is yet to be confirmed. pic.twitter.com/Y3Ez68l2VC— indiainlast24hr (@indiain24hr) September 22, 2026

ఇలాంటి కార్యాలయం ఉంటే ఏ ఉద్యోగి అయినా హెల్దీగా ఉంటాడు. పైగా ఆస్ప్రతుల చుట్టూ తిరిగాల్సిన అవసరం ఉండదు. ఇంటిల్లపాది ఆరోగ్యంగా ఉండి తీరుతారు. నిజంగా ఆఫీసులన్నీ ఇలానే వ్యవహరిస్తే ఎంత బాగుండునో కదా..!. అసలేంటి ఇదంతా అని కోపం తెచ్చుకోకుండా చకచక చదివేయండి అసలు మేటరేంటో. ఏం లేదండి దక్షిణ కొరియాలో ఒక ఆఫీసు తన ఉద్యోగులు హెల్త్‌పై దృష్టిపెట్టేలా ఒక వినూత్న కార్యక్రమానికి శ్రీకారం చుట్టింది. సుమారు రెండు నెలలపాలు క్రమం తప్పకుండా వ్యాయామం చేసి, దానికి ప్రూవ్‌గా తన టీమ్‌లీడర్‌ లేదా మేనేజర్‌కు రోజుకో ఫోటో లేదా వీడియోని అప్‌డేట్‌ చేసి పంపితే చాలు బోలెడన్నీ బహుమతులు పొందొచ్చు. అవేమీ చిన్నా చితక బహుమతులు కాదండోయ్‌. గూచీ, షానెల్‌, ప్రాడా, వంటి లగ్జరీయస్‌ బ్రాండెడ్‌ గిఫ్ట్‌లే బాసు. పని ఒత్తిడితో సతమతమవ్వకుండా తమ ఉద్యోగులు ఆరోగ్యంపై ఫోకస్‌ పెట్టేలా చేయడమే లక్ష్యంగా ఈ వెరైటీ కార్యక్రమాన్ని ప్రవేశపెట్టిందట కంపెనీ యాజమాన్యం. వ్యాయామం చేయడానికి ఇంతకుమించ్చిన ప్రేరణ ఏం కావాలంటూ అదే కంపెనీలోనే పనిచేస్తున్న భారత మహిళ అరోరా ఈ విచిత్రం గురించి సోషల్‌మీడిడా వేదికగా పంచుకుంది. అంతేగాదు ఆమె ‘నాక్కావాల్సింది దోరికేసింది’ అని పాట పాడేసుకుంటూ ఆనందంగా వర్కౌట్లు చేసేస్తోందామె. నెటిజన్లు గుడ్‌ ఐడియా..రెండు నెలలపాటె ఏ పని చేసినా..ఆ అలవాటు మన దినచర్యలో ఎలా భాగమవుతోంది ఈ హెల్త్‌ కార్యక్రమంతో చెప్పకనే చెప్పిసేంది అంటూ సదరు కంపెనీపై ప్రసంశల వర్షం కురిపిస్తూ పోస్టులు పెట్టారు. View this post on Instagram A post shared by Maansi Arora (@browngirlsings) ఇదీ చదవండి: ఆ రెస్టారెంట్‌లో మెనూనే ఉండదట..! ఫుడ్‌ ఎలా ఆర్డర్‌ చేస్తారంటే..)

కొత్త ఐఫోన్ 18 ప్రో మ్యాక్స్‌పై ఓ వింత పరీక్షకు సంబంధించిన వీడియో సోషల్ మీడియాలో వైరల్‌గా మారింది. మరిగే చాయ్‌లో ఐఫోన్‌ను దాదాపు మూడు నిమిషాల పాటు ఉంచారు. ఆ తర్వాత ఫోన్ పరిస్థితి ఎలా ఉందో చూపించారు. యాపిల్‌ సంస్థ ఇటీవల ఐఫోన్ 18 ప్రో సిరీస్‌ను విడుదల చేసింది. ఇందులో ఐఫోన్ 18 ప్రో, ఐఫోన్ 18 ప్రో మ్యాక్స్ మోడళ్లు ఉన్నాయి. తొలి విక్రయాలు ప్రారంభమైన సమయంలోనే ఐఫోన్ 18 ప్రో మ్యాక్స్‌కు సంబంధించిన ఈ వింత పరీక్ష వీడియో సోషల్ మీడియాలో వైరల్‌గా మారింది. This is actually WILD... Bro literally dipped the brand new iPhone 18 Pro Max into boiling hot tea.💀 https://t.co/M8FpA1WjFV— Bhuvan (@Bhuvan_RJ46) September 19, 2026వైరల్ వీడియోలో ఇద్దరు వ్యక్తులు రోడ్డుపక్కన ఉన్న చాయ్ దుకాణం వద్దకు వెళ్లారు. అక్కడ ఐఫోన్ 18 ప్రో మ్యాక్స్‌ను కెమెరా ఆన్ చేసి పరీక్షించారు. అనంతరం మరుగుతున్న చాయ్‌లో ఫోన్‌ ఉంచారు. కొత్త ఐఫోన్‌లో థర్మల్ ప్రొటెక్షన్ ఎలా పనిచేస్తుందో చూడటమే ఈ పరీక్ష ఉద్దేశమని వీడియోలో తెలిపారు. మూడు నిమిషాల అనంతరం ఫోన్‌ను బయటకు తీశారు. ఆ ఫోన్‌లోకి తేమ వెళ్లినట్లు తెలియజేశారు. ఫోన్‌ను బయటకు తీసిన తర్వాత నీటితో శుభ్రం చేసి, మళ్లీ ఉపయోగించేందుకు ప్రయత్నించారు. కెమెరాను ఆన్ చేసి ఫొటోలు, వీడియోలు రికార్డ్ చేశారు. ఈ వైరల్ వీడియోలో ఫోన్ కొంతవరకు పనిచేసినట్లు చూపించినప్పటికీ, మరిగే చాయ్‌లో స్మార్ట్‌ఫోన్‌ను ఉంచడం మంచిది కాదు. అధిక ఉష్ణోగ్రత, ద్రవం, ఆవిరి వంటి పరిస్థితులు ఎలక్ట్రానిక్ పరికరానికి నష్టం కలిగిస్తాయి.

బిహార్‌ జముయిలో మోరల్‌ పోలీసింగ్‌ పేరిట జరిగిన దారుణం.. దేశవ్యాప్తంగా చర్చనీయాంశంగా మారింది. పదో తరగతి విద్యార్థిని, ఆమె స్నేహితుడిపై ఓ గ్యాంగ్‌ దాడి చేయడం.. ఆమెను లైంగికంగా వేధించిన ఘటన దేశవ్యాప్తంగా కలకలం రేపుతోంది. ఈ దారుణంపై పోలీసుల దర్యాప్తు, వరుస అరెస్టుల మధ్యే.. బిహార్‌ మంత్రి చేసిన వ్యాఖ్యలు చర్చనీయాంశంగా మారాయి. ఘటనను ఖండించడం మాట అటుంచి. అప్పుడప్పుడు ఇలాంటివి జరుగుతుంటాయి అనడంతో రాజకీయ దుమారం రేగింది.జముయి ఘటనపై ప్రతిపక్షాలు బిహార్‌లో ‘జంగిల్‌ రాజ్‌’ నడుస్తోందంటూ ప్రభుత్వాన్ని లక్ష్యంగా చేసుకున్నాయి. దీనిపై స్పందించిన మంత్రి శ్రవణ్‌ కుమార్‌.. ‘ఇది ఓ చిన్న ఘటన. ఐసోలేటెడ్‌ ఇన్సిడెంట్స్‌ అప్పుడప్పుడు జరుగుతుంటాయి. ప్రపంచంలో నేరం పూర్తిగా అంతం కాలేదు’ అంటూ వ్యాఖ్యానించారు. అయితే ఈ వ్యాఖ్యలపై తీవ్ర విమర్శలు వెల్లువెత్తాయి. ఇంత తీవ్రమైన ఘటనను సాధారణ నేరంగా చూడకూడదని ప్రతిపక్షాలు మండిపడ్డాయి. దీంతో తన వ్యాఖ్యలను పొరపాటుగా అర్థం చేసుకున్నారని.. నిందితులపై కఠిన చర్యలు తీసుకుంటామని ఆయన చెప్పుకొచ్చారు. గతంలో నితీశ్‌కుమార్‌, ఇప్పుడు సామ్రాట్‌ చౌద్రీ ఇలా ఎవరి హయాంలో అయినా ఇలాంటివి జరిగాయి. ఆ సమయాల్లో కఠిన చర్యలు తీసుకున్నారు. ఇప్పుడు అదే పని చేస్తాం అని అన్నారాయన. అయినప్పటికీ మంత్రి తీరుపై పలువురు మండిపడుతున్నారు. मंत्री श्रवण कुमार ने जमुई घटना हुई लड़की के साथ छेड़खानी की गई है उसे पर कहा बिहार में छुटपुट घटनाएं हो रही है उसे पर हम इनकार नहीं कर सकते हैं।हम उसे दुखी हैं फिर से ऐसी घटना दोबारा ना हो कानून के हिसाब से दोषियों पर कार्रवाई की जाएगी अपराध मुक्त पूरी दुनिया भी नहीं है छिट… pic.twitter.com/IQ0TYNAsVG— Sadan Singh Rajput (@SadanJee) September 22, 2026మరోవైపు మంత్రి వ్యాఖ్యలపై జేడీయూ నేత, పార్టీ రాష్ట్ర అధ్యక్షుడు ఉమేశ్‌ కుశ్వాహా కూడా స్పందిస్తూ.. తాను, మంత్రి చేసిన వ్యాఖ్యలను నోరు జారి చేసినవిగా(స్లిప్‌ ఆఫ్‌ ది టంగ్‌)గా అభివర్ణించారు. ఇలాంటి ఘటనలకు పాల్పడిన వారిపై గతంలోనూ చర్యలు తీసుకున్నామని, ఇకపైనా ఎవరినీ వదిలిపెట్టబోమని ఆయన స్పష్టం చేశారు.అసలేం జరిగిందంటే..సెప్టెంబర్‌ 19న మడ్వా పహాడ్‌ ప్రాంతంలో కోచింగ్‌ క్లాస్‌ ముగించుకుని స్కూటర్‌పై తిరిగి వస్తున్న పదో తరగతి విద్యార్థులు.. ఓ గ్యాంగ్‌ బారినపడ్డారు. వారి వాహనాన్ని అడ్డుకున్న నిందితులు ఇద్దరినీ కిందకు దించి దాడి చేశారు. బాలుడిని కాలర్‌ పట్టుకుని లాగగా.. బాలిక రక్షించే ప్రయత్నం చేసింది. ఇంతలో ముసుగులో ఉన్న ఓ వ్యక్తి దూసుకొచ్చి బలవంతంగా ఆమెను ఎత్తుకుని పరిగెత్తే ప్రయత్నం చేశాడు. ఆ సమయంలో ఆమెను అతను అసభ్యంగా తాకాడు. అయితే ఆమె స్నేహితుడు వెంటపడి ఆమెను విడిపించగలిగాడు. ఇద్దరూ తమను వదిలేయాలని వేడుకున్నప్పటికీ గ్యాంగ్‌ కొంతసేపు వారిని వేధించారు. చివరకు.. చేతులెత్తి బతిమాలడంతో అక్కడి నుంచి వెళ్లేందుకు అనుమతింంచారు. ఈ ఘటనను గ్యాంగ్‌లోని ఒకరు వీడియో తీసి సోషల్‌ మీడియాలో పెట్టడంతో విషయం వెలుగులోకి వచ్చింది. తన స్నేహితురాలిని కాపాడుకున్న ఆ యువకుడు తెగువపై ‍ప్రశంసలు కురిశాయి.ముగ్గురు అరెస్ట్‌, ఏడుగురి గుర్తింపువీడియో వైరల్‌ కావడంతో పోలీసులు వెంటనే దర్యాప్తు చేపట్టారు. ఇప్పటివరకు ముగ్గురు నిందితులను అరెస్ట్‌ చేశారు. వీడియో, ఇతర ఆధారాల ఆధారంగా మొత్తం ఏడుగురిని గుర్తించినట్లు అధికారులు తెలిపారు. మిగిలిన వారి కోసం ప్రత్యేక దర్యాప్తు బృందం (SIT) గాలిస్తోంది. పోక్సోతో పాటు సంబంధిత బీఎన్‌ఎస్‌ సెక్షన్ల కింద కేసు నమోదు చేశారు.వీడియో షేర్‌ చేసినా చిక్కులేఘటనకు సంబంధించిన వీడియోను సోషల్‌ మీడియాలో వైరల్‌ చేసిన ఖాతాలపైనా పోలీసులు చర్యలు ప్రారంభించారు. బాలిక మైనర్‌ కావడంతో ఆమె గుర్తింపు బయటపడేలా వీడియోను ప్రసారం చేయడం చట్టరీత్యా నేరమని పోలీసులు హెచ్చరించారు. ఇప్పటివరకు 13 ఫేస్‌బుక్‌, 12 ఇన్‌స్టాగ్రామ్‌, 7 ఎక్స్‌ ఖాతాలు.. మొత్తం 32 సోషల్‌ మీడియా అకౌంట్లను గుర్తించి తొలగింపు చర్యలకు పంపినట్లు అధికారులు తెలిపారు.మహిళా కమిషన్ల జోక్యంఘటనపై జాతీయ మహిళా కమిషన్‌ సుమోటోగా స్పందించింది. నిందితులపై చట్టప్రకారం కఠిన చర్యలు తీసుకోవాలని బిహార్‌ డీజీపీని ఆదేశించి.. ఏడు రోజుల్లోగా నివేదిక ఇవ్వాలని కోరింది. రాష్ట్ర మహిళా కమిషన్‌ కూడా జిల్లా యంత్రాంగం నుంచి వివరాలు కోరింది.రాజకీయ దుమారంఈ ఘటనపై కాంగ్రెస్‌ నేత రాహుల్‌ గాంధీ తీవ్రంగా స్పందించారు. బీజేపీ పాలిత రాష్ట్రాల్లో ఘోరమైన పాలన నడుస్తోందని.. మహిళలకు రక్షణ కరువైందని ఆవేదన వ్యక్తం చేశారు. బాలిక చేతులు జోడించి వేడుకున్నప్పటికీ గ్యాంగ్‌ ఆమెను వేధించడం తీవ్ర ఆందోళనకరమని పేర్కొన్నారు. నిందితులందరినీ గుర్తించి పోక్సో చట్టం కింద కఠిన చర్యలు తీసుకోవాలని డిమాండ్‌ చేశారు. బిహార్‌ ప్రతిపక్ష నేత తేజస్వీ యాదవ్‌ కూడా ప్రభుత్వంపై విమర్శలు గుప్పించారు.మరోవైపు అధికార పక్షం మాత్రం ఘటనపై ప్రభుత్వం సీరియస్‌గా ఉందని, దోషులుగా తేలిన ఎవరినీ వదిలిపెట్టబోమని చెబుతోంది. పోలీసులు ఇప్పటికే అరెస్టులు చేపట్టడంతో పాటు మిగిలిన నిందితుల కోసం గాలిస్తున్నారు. దీంతో జముయి ఘటనలో అసలు నిందితులందరినీ ఎప్పుడు పట్టుకుంటారు? మంత్రి వ్యాఖ్యలపై తీవ్ర విమర్శల వేళ ప్రభుత్వం ఏ విధంగా స్పందిస్తుంది? అనేది ఇప్పుడు చర్చనీయాంశంగా మారింది.

ప్రముఖ ప్లేబ్యాక్‌సింగర్‌ 45 ఏళ్ల వయసులో ఒక ఇంటి వాడయ్యాడు. ఉత్తమ నేపథ్య గాయకుడిగా జాతీయ చలనచిత్ర అవార్డుఅందుకున్న నరేష్ అయ్యర్‌ వివాహ బంధంలోకి అడుగుపెట్టాడు. దీంతో హితులు, సన్నిహితులు నూతన దంపతులకు శుభాకాంక్షల అందించారు. మహారాష్ట్రలోని అయ్యప్ప విష్ణు ఆలయంలో ఈ వేడుక జరిగింది. నరేష్ , ఆయన భార్యకు అభినందనలు తెలుపుతూ ఆలయ అధికారిక పేజీలో షేర్ చేసిన పోస్ట్‌తో వీరి పెళ్లికబురు అభిమానులకు అందించారు. ఆ పోస్ట్‌లో వివాహ వేడుకకు సంబంధించిన ఫోటోలు , వీడియోలు ఉండటం విశేషం. ఈ అందమైన కొత్త అధ్యాయం మా ఆలయంలో ప్రారంభం కావడం మాకు ఎంతో గౌరవప్రదం. ఆ దేవుని దివ్య ఆశీస్సులు నూతన దంపతులకు జీవితాంతం ప్రేమ, సంతోషం, సామరస్యం, శ్రేయస్సును ప్రసాదించుగాక." అని ఆలయ బృందం తన సోషల్ మీడియా పోస్ట్‌లో ప్రకటించింది. ఇంతకుమించి వివాహానికి సంబంధించిన ఇతర వివరాలేవీ వెల్లడి కాలేదు. ద్వారా అనేకమంది అభిమానులు ఈ జంటకు శుభాకాంక్షలు తెలిపారు.“Munbe Vaa” singer Naresh Iyer gets married at 45! 💍♥️✨The voice behind one of our most-loved melodies has started a beautiful new chapter. 🥹🧿Wishing him a lifetime of happiness! 🤍 pic.twitter.com/F0F3iGpDk5— 𝑩𝒖𝒕𝒕𝒆𝒓𝒇𝒍𝒚🦋 (@buttu_iam27) September 16, 2026ఇదీ చదవండి: అయోధ్య విరాళాల గోల్‌మాల్‌, సిట్‌ సంచలన నివేదికకాగా 2006లో వచ్చిన 'రంగ్ దే బసంతి' చిత్రంలోని 'రూబరూ' (Roobaroo) పాటకు గాను నరేష్ అయ్యర్ ఉత్తమ పురుష నేపథ్య గాయకుడిగా జాతీయ అవార్డును గెలుచుకున్నారు. 'అన్వర్' చిత్రంలోని 'కన్నినిమ నీలే' (Kanninima Neelae) పాటతో మలయాళ ప్రేక్షకులలో బాగా ప్రాచుర్యం పొందారు. 'ఉస్తాద్ హోటల్'లోని 'మెల్ మెల్ మెల్' (Mel Mel Mel) , 'సెకండ్ షో'లోని 'స్వప్నం' (Swapnam) లాంటి ప్రజాదరణ పొందిన పాటలను కూడా ఆయన పాడారు. 'హార్ట్‌బీట్' (Heartbeat) చిత్రంతో నరేష్ మలయాళంలో గాయకుడిగా అరంగేట్రం చేశారు. View this post on Instagram A post shared by Ayyappa Vishnu Temple Powai (@ayyappavishnutemple)ఇదీ చదవండి: లగ్జరీ హోటల్‌లో ‘ ‘రోచీ’: పరువుపోయింది, తుకారం ముండే కాస్త చూస్తారా?