Karimnagar District News

జిల్లావ్యాప్తంగా శుక్రవారం గాంధీజయంతి వేడుకలు ఘనంగా నిర్వహించారు. మహాత్ముడి విగ్రహాలు, చిత్రపటాలకు పూలమాల వేసి నివాళి అర్పించారు. ప్రతీ ఒక్కరు బాపూజీ అడుగుజాడల్లో నడవాలని అధికారులు, ప్రజాప్రతినిధులు కోరారు. కలెక్టరేట్‌లో మాజీ ప్రధాని లాలాబహదూర్‌ శ్రాస్త్రి జయంతి నిర్వహించారు. ఆయాప్రాంతాల్లో జరిగిన కార్యక్రమాల్లో కేంద్ర హోంశాఖ సహాయ మంత్రి బండి సంజయ్‌, కలెక్టర్‌ చిత్రామిశ్రా, సీపీ గౌస్‌ ఆలం, నగరపాలక సంస్థ కమిషనర్‌ ప్రఫుల్‌ దేశాయ్‌, అడిషనల్‌ కలెక్టర్లు అశ్విని తానాజీ వాకడే, శ్రీనివాస్‌రెడ్డి, డీసీసీ అధ్యక్షుడు మేడిపల్లి సత్యం, మేయర్‌ కొలగాని శ్రీనివాస్‌, డిప్యూటీ మేయర్‌, యాదగిరి సునీల్‌ రావు, బీజేపీ జిల్లా అధ్యక్షుడు సాయిని మల్లేశం, ఆర్‌ఐ జానిమియా, సుడా మాజీ చైర్మన్‌ కోమటిరెడ్డి నరేందర్‌రెడ్డి, మాజీ ఎమ్మెల్యే ఆరెపల్లి మోహన్‌, ఏఎంసీ చైర్మన్‌ ఆకుల నర్సయ్య, పురుమల్ల శ్రీనివాస్‌, కోమటిరెడ్డి పద్మాకర్‌రెడ్డి, వరాల నర్సింగం, మల్లికార్జున రాజేందర్‌, గడ్డం విలాస్‌రెడ్డి, కర్ర సత్యప్రసన్నరెడ్డి, పురం రాజేశ్‌, లింగంపల్లి బాబు, కర్ర రాజశేఖర్‌, వెన్న రాజమల్లయ్య తదితరులు పాల్గొన్నారు. – కరీంనగర్‌/కరీంనగర్‌ అర్బన్‌/కరీంనగర్‌ కార్పొరేషన్‌/కరీంనగర్‌ క్రైం‘మహా’ నివాళితెలంగాణ ఎక్స్‌ప్రెస్‌..50 ఏళ్ల మజిలీజమ్మికుంట: గాంధీ జీవితాంతం రామనామమే జపించిన మహానీయుడని, హిందూ సనాతన ధర్మాన్ని ఆచరించారని, రామరాజ్యాన్ని అచరణలో చూపుతోంది మోడీ, బీజేపీయేనని కేంద్రహోంశాఖ సహాయ మంత్రి బండి సంజయ్‌కుమార్‌ అన్నారు. శుక్రవారం జమ్మికుంటలో నిర్వహించిన గాంధీ జయంతి వేడుకలకు కేంద్ర మంత్రి బండి సంజయ్‌ హాజరై గాంధీ చౌక వద్ద విగ్రహానికి పూలమాల వేసి నివాళి ఆర్పించారు. శ్రీరాముడు సంపన్నుల దేవుడని సీఎం అంటున్నాడని, మరి జీవితాంతం కటిక నేలపై నిద్రించి, నిత్యం రామ నామం జపించిన గాంధీ సంపన్నుడా అని ప్రశ్నించారు. నేటి కాంగ్రెస్‌ మాత్రం ఇటలీ నేషనల్‌ కాంగ్రెస్‌గా మారి వారసత్వ , అవినీతి రాజకీయాలు చేస్తోందని విమర్శించారు. కేసీఆర్‌ ఏనాడు ప్రజలను పట్టిచుకున్న దాఖలాల్లేవని, గాంధీ, అబేంద్కర్‌ వంటి మహనీయుల జయంతి, వర్ధంతి రోజు బయటకు రాకుండా ఎన్నికల సమయంలో వస్తాడన్నారు.

కరీంనగర్‌క్రైౖం: జైలు జీవితం శిక్షకు మాత్రమే పరిమితం కాకుండా జీవితంలో మార్పునకు నాంది కావాలని జిల్లా జడ్జి ఎస్‌.శివకుమార్‌ అన్నారు. మహాత్మా గాంధీ జయంతిని పురస్కరించుకొని జిల్లా జైలులో శుక్రవారం ఖైదీల సంక్షేమ దినోత్సవం నిర్వహించారు. కార్యక్రమానికి ఎస్‌.శివకుమార్‌ అధ్యక్షత వహించగా.. కలెక్టర్‌ చిత్రా మిశ్రా, పోలీస్‌ కమిషనర్‌ గౌస్‌ ఆలం, జిల్లా న్యాయ సేవాధికార సంస్థ కార్యదర్శి, సీనియర్‌ సివిల్‌ జడ్జి యశ్వంత్‌సింగ్‌ తదితరులు పాల్గొన్నారు. మహాత్మా గాంధీ చిత్రపటానికి పూలమాలలు వేసి జ్యోతి ప్రజ్వలనతో కార్యక్రమాన్ని ప్రారంభించారు. జైలు పర్యవేక్షణాధికారి జి.విజయ డేని వార్షిక నివేదికను సమర్పించారు. జడ్జి ఎస్‌.శివకుమార్‌ మాట్లాడుతూ.. గాంధీజీ, లాల్‌ బహదూర్‌ శాస్త్రి చూపిన సత్యం, సరళత, నిష్కపటత వంటి విలువలను ప్రతి ఒక్కరూ ఆచరించాలని సూచించారు. కలెక్టర్‌ మాట్లాడుతూ.. ఖైదీల్లో పరివర్తన తీసుకురావడానికి జైలు సిబ్బంది చేస్తున్న కృషి అభినందనీయమన్నారు. సీపీ మాట్లాడుతూ.. ఖైదీల సంస్కరణ కోసం జైళ్ల శాఖ అనేక కార్యక్రమాలు చేపడుతోందన్నారు. సీనియర్‌ సివిల్‌ జడ్జి మాట్లాడుతూ.. తప్పుల నుంచి పాఠాలు నేర్చుకొని జీవితాన్ని మార్చుకోవాలని సూచించారు. జైలు వైద్యాధికారి డాక్టర్‌ కె.వేణుగోపాల్‌, నాన్‌ అఫిషియల్‌ విజిటర్స్‌, న్యాయ సేవా ప్రతినిధులు, జైలర్లు జి.లక్ష్మీనారాయణ, బి.రమేశ్‌, డిప్యూటీ జైలర్లు ఎస్‌.సుధాకర్‌రెడ్డి, కె.అనిల్‌కుమార్‌, ఎస్‌.అజయ్‌చారి పాల్గొన్నారు.

కరీంనగర్‌ అంబేద్కర్‌ స్టేడియంలో కళాశాలల క్రీడా సమాఖ్య ఆధ్వర్యంలో నిర్వహించిన ఉమ్మడి జిల్లా అండర్‌–19 బాలికల క్రికెట్‌ జట్టు ఎంపిక పోటీలు నారీ శక్తికి అద్ధం పట్టాయి. ఉమ్మడి జిల్లా నలుమూలల నుంచి తరలివచ్చిన బాలికలతో మైదానం పచ్చటి వేదికలా మారింది. ఒకవైపు బుల్లెట్‌ వేగంతో దూసుకొచ్చే బంతులను దీటుగా ఎదుర్కొంటూ అదిరిపోయే బ్యాటింగ్‌, మరోవైపు వికెట్లను ముద్దాడుతూ అద్భుతమైన బౌలింగ్‌ విన్యాసాలు.. చూసే కళ్లకు క్రీడా పండుగను పంచాయి. పోటీలను అండర్‌ 19 జిల్లా కళాశాలల క్రీడా సమాఖ్య కార్యదర్శి ఎల్‌ బన్సిలాల్‌ పర్యవేక్షించి ఉత్తమ జట్టును ఎంపిక చేశారు. – కరీంనగర్‌స్పోర్ట్స్‌

● పట్టుబడితే రూ.10వేల జరిమానా ● జూబ్లీనగర్‌ పంచాయతీ పాలకవర్గం నిర్ణయం కరీంనగర్‌రూరల్‌: కరీంనగర్‌ మండలం జూబ్లీనగర్‌ గ్రామపంచాయతీ పాలకవర్గం గాంధీజయంతి రోజు నుంచి గ్రామంలో బహిరంగంగా మద్యం తాగడంపై నిషేధం విధిస్తూ నిర్ణయం తీసుకుంది. శుక్రవారం గాంధీజయంతి సందర్భంగా ఇందుకు సంబంధించిన పోస్టర్లను సర్పంచ్‌ సుద్దాల కమలాకర్‌గౌడ్‌, వార్డుసభ్యులతో కలిసి ఆవిష్కరించారు. బహిరంగంగా మద్యం తాగితే రూ.10వేల జరిమానా చెల్లించాలని, వారి ఫొటో తీసి, సమాచారం అందించినవారికి రూ.500 నగదు బహుమతి ఇస్తామని ప్రకటించారు. గ్రామంలో బహిరంగ మద్యపానం నిషేధం అంటూ ఫ్లెక్సీలను ఏర్పాటు చేశారు. కరీంనగర్‌: కరీంనగర్‌లోని ప్రముఖ వ్యాపార, వాణిజ్య కూడలి అయిన టవర్‌ సర్కిల్‌లో టవర్‌ సర్కిల్‌ ఫ్రెండ్స్‌ అసోసియేషన్‌ ఆధ్వర్యంలో శుక్రవారం నగరంలోనే మొట్టమొదటిసారిగా పూర్తిస్థాయి వందేమాతరం గీతాలాపన కార్యక్రమం ప్రారంభమైంది. బీజేపీ రాష్ట్ర అధికార ప్రతినిధి, డిప్యూటీ మేయర్‌, మాజీ మేయర్‌ యాదగిరి సునీల్‌రావు హాజరై ప్రతిరోజూ ఉదయం 8 గంటలకు ప్రసారమయ్యే ఈ పూర్తిస్థాయి వందేమాతర గీతాలాపనను ప్రారంభించారు. యాదగిరి సునీల్‌రావు మాట్లాడుతూ.. భారత స్వాతంత్య్ర సంగ్రామంలో వందేమాతరం నినాదం కోట్లాది మంది త్యాగధనుల్లో దేశభక్తి ఉప్పొంగేలా చేసిందని, నేటి తరం యువత, నగర పౌరుల్లో అదే జాతీయ స్ఫూర్తిని నింపడానికి ఈ కార్యక్రమం ఎంతగానో దోహదపడుతుందన్నారు. ఉదయం 8 గంటలకు ఈ గీతం ప్రారంభమైనప్పుడు నగర పౌరులు, వ్యాపారులు, వాహనదారులు ఎక్కడికక్కడ గౌరవ సూచకంగా నిలబడి జాతీయ భావాన్ని చాటా లని కోరారు. కార్పొరేటర్లు వంగల పవన్‌, రామన్‌, టవర్‌ సర్కిల్‌ ఫ్రెండ్స్‌ అసోసియేషన్‌ నిర్వాహకులు, టవర్‌ సర్కిల్‌ ప్రాంతానికి చెందిన వ్యాపారులు పాల్గొన్నారు.

కరీంనగర్‌ కార్పొరేషన్‌: నగర ప్రజలు పర్యావరణ హితమైన సోలార్‌ విద్యుత్‌ను ఉపయోగించుకోవాలని మేయర్‌ కొలగాని శ్రీనివాస్‌ అన్నారు. శుక్రవారం నగరపాలక సంస్థ కార్యాలయంలో సూర్యఘర్‌ ముఫ్త్‌ బిజిలి యోజన సోరాల్‌ రూఫ్‌టాప్‌ ఎక్స్‌ఫ్లోను ప్రారంభించారు. ఇంటిపై సోలార్‌ ప్యానెళ్లు అమర్చుకోవడం వల్ల ఉచిత విద్యుత్‌ను పొందడమే కాకుండా మిగులు విద్యుత్‌ను విక్రయించుకోవచ్చన్నారు. ప్రధాన మంత్రి సూర్యఘర్‌ స్కీంను నగర ప్రజలు వినియోగించుకోవాలని సూచించారు. ఈ కార్యక్రమంలో డిప్యూటీ మేయర్‌ సునీల్‌రావు, నగరపాలకసంస్థ కమిషనర్‌ ప్రపుల్‌దేశాయ్‌, అదనపు కమిషనర్‌ ఆయాజ్‌, డిప్యూటీ కమిషనర్‌లు ఖాదర్‌ మొహియొద్దిన్‌, వేణుమాధవ్‌ తదితరులు పాల్గొన్నారు. పవర్‌ కట్‌ ప్రాంతాలుకొత్తపల్లి: డీటీఆర్‌ నిర్వహణ, లైన్‌ పనుల కారణంగా శనివారం ఉదయం 8 నుంచి 11.30 గంటల వరకు 11 కేవీ గంజ్‌ ఫీడర్‌ పరిధిలో అన్నపూర్ణ కాంప్లెక్స్‌, మార్కెట్‌ ఏరియా, గంజ్‌ ప్రాంతాలు, ఉదయం 10 నుంచి మధ్యాహ్నం ఒంటి గంట వరకు 11 కేవీ కాపువాడ ఫీడర్‌లో మీరా హాస్పిటల్‌ ఏరియా, గౌరిశెట్టి కాంప్లెక్స్‌, బొమ్మ వెంకన్న బిల్డింగ్‌, అహ్మద్‌పురా, సహజ, జేఎన్‌, కన్యకా పరమేశ్వరి బాంకెట్‌ హాళ్ల పరిసరాలు, మధ్యాహ్నం 3 నుంచి 4 గంటల వరకు కొత్త 11 కేవీలైన్‌ ఏర్పాటు పనుల కారణంగా కట్టరాంపూర్‌ మెయిన్‌ రోడ్డు, తిరుమలనగర్‌, శ్రేయం అపార్ట్‌మెంట్‌, రెడ్డికాలనీ, విజేత అపార్ట్‌మెంట్‌, మైనార్టీ స్కూల్‌, హనుమాన్‌నగర్‌, మౌలిక చంద్ర అపార్ట్‌మెంట్‌, స్కైలైన్‌ అపార్ట్‌మెంట్‌ పరిసరాల్లో విద్యుత్‌ సరఫరా నిలిపేస్తున్నట్లు టౌన్‌ 1, 2 ఏడీఈలు పి.శ్రీనివాస్‌గౌడ్‌, ఎం.లావణ్య తెలిపారు.

వేములవాడ: రాజన్న సిరిసిల్ల జిల్లా వేములవాడలో 52వ రాష్ట్రస్థాయి బాలుర కబడ్డీ పోటీలు, 36వ రాష్ట్రస్థాయి బాలికల కబడ్డీ పోటీలు శుక్రవారం అట్టహాసంగా ప్రారంభమయ్యాయి. నాలుగురోజుల పాటు జరిగే పోటీలను ప్రభుత్వ జూనియర్‌ కళాశాల మైదానంలో ఒలింపిక్స్‌ జెండాను ప్రభుత్వవిప్‌ ఆది శ్రీనివాస్‌, ఎస్పీ మహేశ్‌ బీ గీతే ఆవిష్కరించి టార్చ్‌ ర్యాలీ నిర్వహించారు. రాష్ట్రవ్యాప్తంగా వివిధ జిల్లాల నుంచి సుమారు 68 జట్లకు చెందిన 1,300 మందికి పైగా క్రీడాకారులు, కోచ్‌లు, మేనేజర్లు, పీఈటీలు, పీడీలు హాజరయ్యారు. యువత మైదానాల్లో ఉండాలి యువత మైదానాల్లో ఉండాలని, మత్తులో కాదనీ, గ్రామీణ క్రీడాకారులను ప్రోత్సహించడమే ప్రభుత్వ లక్ష్యమని విప్‌ ఆది శ్రీనివాస్‌ అన్నారు. రాష్ట్రస్థాయి కబడ్డీ పోటీలు ప్రారంభించిన అనంతరం మాట్లాడారు. క్రీడాకారులకు వసతి, భోజన సదుపాయాలు కల్పించినట్లు పేర్కొన్నారు. సీఎం రేవంత్‌ రెడ్డి నేతృత్వంలోని ప్రజాప్రభుత్వం యువతను క్రీడల వైపు ప్రోత్సహించేందుకు ప్రత్యేక చర్యలు చేపడుతోందన్నారు. వేములవాడ ప్రాంతానికి కబడ్డీ, వాలీబాల్‌, ఖోఖో వంటి గ్రామీణ క్రీడలతో ప్రత్యేక అనుబంధం ఉందన్నారు. తాను విద్యార్థి దశలో ఉన్నప్పటి నుంచే క్రీడలపై ఆసక్తి ఉందని, ఎమ్మెల్యేగా ఎన్నికై న తర్వాత స్థానిక క్రీడాకారులను ప్రోత్సహించాలనే ఉద్దేశంతో గతేడాది వేములవాడలో రాష్ట్రస్థాయి వాలీబాల్‌ పోటీలు నిర్వహించినట్లు గుర్తుచేశారు. అదే స్ఫూర్తితో ఈసారి కబడ్డీ పోటీలు నిర్వహిస్తున్నట్లు తెలిపారు. పోటీల నిర్వహణకు సహకరించిన జిల్లా కబడ్డీ అసోసియేషన్‌ ప్రతినిధులు, ప్రజాప్రతినిధులు, అధికారులకు అభినందనలు తెలిపారు. విద్యార్థుల సాంస్కృతిక ప్రదర్శనలు అలరించాయి. మున్సిపల్‌ చైర్మన్‌ పుల్కం రాజు, వైస్‌చైర్మన్‌ నరాల శేఖర్‌, కబడ్డీ అసోసియేషన్‌ రాష్ట్ర, జిల్లా స్థాయి ప్రతినిధులు తదితరులు పాల్గొన్నారు.

కరీంనగర్‌క్రైం: కేంద్ర హోం శాఖ మంత్రి అమిత్‌షా కరీంనగర్‌ పర్యటన నేపథ్యంలో పోలీస్‌ యంత్రాంగం అప్రమత్తమైంది. అక్టోబర్‌ 4న ప్రతిమ ఇన్‌స్టిట్యూట్‌ ఆఫ్‌ మెడికల్‌ సైన్సెస్‌లో నిర్వహించనున్న సిల్వర్‌ జూబ్లీ వేడుకలకు అమిత్‌షా హాజరు కానున్న నేపథ్యంలో అడ్వాన్స్‌ సెక్యూరిటీ లైజన్‌(ఏఎస్‌ఎల్‌) సమావేశాన్ని నిర్వహించారు. కరీంనగర్‌ పోలీస్‌ కమిషనర్‌ గౌస్‌ ఆలం ఆధ్వర్యంలో జరిగిన సమావేశంలో హోం మంత్రి పర్యటనకు సంబంధించిన భద్రతా ఏర్పాట్లను సమీక్షించారు. హెలిప్యాడ్‌, సభావేదిక, పార్కింగ్‌ ప్రాంతాలు, ప్రవేశ, నిష్క్రమణ మార్గాలు, కార్యక్రమ ప్రదేశాల వద్ద భద్రత తదితర అంశాలపై అధికారులతో చర్చించారు. భద్రతా విధుల్లో పాల్గొనే అధికారులు, సిబ్బంది సమన్వయంతో పని చేయాలని సీపీ సూచించారు. ప్రతీ ప్రాంతాన్ని ముందుగానే సమగ్రంగా పరిశీలించి, ఎలాంటి లోటుపాట్లకు తావు లేకుండా అవసరమైన చర్యలు చేపట్టాలని ఆదేశించారు. ప్రతిమ మెడికల్‌ కాలేజీ సిల్వర్‌ జూబ్లీ వేడుకలతోపాటు ప్రతిమ డీమ్డ్‌ యూనివర్సిటీ భవన నిర్మాణానికి శంకుస్థాపన, సిల్వర్‌ జూబ్లీ పైలాన్‌ ఆవిష్కరణ, ఫొటో ఎగ్జిబిషన్‌, విద్యార్థులతో ముఖాముఖి కార్యక్రమాలు నిర్వహించనున్నట్లు అధికారులు తెలిపారు. పోలీసు శాఖ ఉన్నతాధికారులు, వివిధ విభాగాల అధికారులు, ప్రతిమ మెడికల్‌ సైన్సెస్‌ ప్రతినిధులు పాల్గొన్నారు.

గోదావరిఖనిటౌన్‌: పెద్దపల్లి జిల్లా గోదావరిఖని యూనివర్సిటీ పీజీ కళాశాలలో ఇటీవల ఎంబీఏ పూర్తి చేసిన విద్యార్థి అలుగువెల్లి ఉభయరెడ్డి ‘నౌ యువర్‌ లీడర్‌’ అంశంపై ఢిల్లీలో ప్రసంగించి జాతీయస్థాయి లో ప్రతిభ చాటాడు. జాతీయ నేతల జయంతి సందర్భంగా వారిని స్మరించుకోవడం కోసం కేంద్ర క్రీడలు, యువజన శాఖ ఈ కార్యక్రమం నిర్వహించింది. మాజీ ప్రధాని లాల్‌ బహు దూర్‌ శాస్త్రి సేవలు, పాటించిన విలువల గురించి ఉభయరెడ్డి ప్రసంగించి ప్రతిభ కనబరిచాడు. తెలంగాణ నుంచి ఇతడొక్కడే ప్రాతినిధ్యం వహించడం విశేషం. భారత్‌ యూత్‌ పార్లమెంట్‌–2026లో రాష్ట్రస్థాయిలోనూ ఐదో స్థానం సాధించాడు. జాతీయ స్థాయిలో గుర్తింపు పొందడంపై ఇన్‌చార్జి ప్రిన్సిపల్‌ డాక్టర్‌ వై.ప్రసాద్‌, అధ్యాపకులు రవి, అంబిక, రఘుపతి, సుధా, అనిల్‌, రవీందర్‌, శ్యాంప్రసాద్‌, సతీశ్‌, జ్యోతి, విద్యార్థులు అభినందించారు. ఫొటోగ్రాఫర్‌కు జాతీయ అవార్డు ఓదెల: పెద్దపల్లి జిల్లా ఓదెల మండలం కొలనూర్‌ గ్రామానికి చెందిన ఉప్పు ముత్యం హైదరాబాద్‌ ఫొటో ఎక్స్‌, సిగ్మా అకాడమీ ఆఫ్‌ ఫొటోగ్రఫీ నిర్వహించిన జాతీయస్థాయి వెడ్డింగ్‌ పోటీల్లో అవార్డు అందుకున్నారు. దేశవ్యాప్తంగా 99మంది పోటీలకు హాజరవగా.. ముత్యం తీసిన చిత్రాలు అవార్డుకు ఎంపికయ్యాయి. శంషాబాద్‌లో శుక్రవారం ఎంపీ శేఖర్‌ నుంచి అవార్డు అందుకున్నారు. ఆయనను కొలనూరు గ్రామస్తులు అభినందించారు. గుర్తు తెలియని వ్యక్తి మృతిధర్మపురి: జగిత్యాల ప్రభుత్వ ఆస్పత్రిలో గుర్తు తెలియని వ్యక్తి(60) చికిత్స పొందుతూ శుక్రవారం మృతి చెందినట్లు ఎస్సై సధాకర్‌ తెలిపారు. పట్టణంలో కొంతకాలంగా భిక్షాటన చేస్తూ జీవిస్తున్నాడు. శుక్రవారం అస్వస్థతకు గురయ్యాడు. చికిత్స నిమిత్తం జగిత్యాలలోని ప్రభుత్వ ఆస్పత్రికి తరలించగా.. మృతి చెందాడు. ఎవరికై న ఆచూకీ తెలిస్తే 8712656824 నంబర్‌కు సమాచారం ఇవ్వాలని ఎస్సై సూచించారు. వాటర్‌ ట్యాంకర్‌ను ఢీకొన్న బైక్‌● చికిత్స పొందుతూ విద్యార్థి మృతి జగిత్యాలక్రైం: బీర్‌పూర్‌ మండలం తాళ్ల ధర్మారం గ్రామంలో రోడ్డు పక్కన నిలిపి ఉన్న గ్రామ పంచాయతీ వాటర్‌ ట్యాంకర్‌ను ద్విచక్రవాహ నం ఢీకొంది. ఈ ప్రమాదంలో పదో తరగతి విద్యార్థి చికిత్స పొందుతూ శుక్రవారం చెందాడు. బీర్‌పూర్‌ మండలంలోని తాళ్ల ధర్మారంకు చెందిన బర్ల దినేశ్‌ (15) కొల్వాయి ప్రభుత్వ పాఠశాలలో పదోతరగతి చదువుతున్నాడు. గురువారం సాయంత్రం బైక్‌పై బయటకు వెళ్లాడు. ఎంపీయూపీ పాఠశాల వద్ద బైక్‌ను వేగంగా నడుపుతూ అదుపు తప్పి, రోడ్డు పక్కన ఆగి ఉన్న వాటర్‌ ట్యాంకర్‌ వెనుక నుంచి బలంగా ఢీకొట్టాడు. దినేష్‌ ముఖం, కుడి కన్ను, ఛాతీపై తీవ్ర గాయాయ్యాయి. గ్రామస్తులు చికిత్స కోసం 108 ద్వారా జగిత్యాల ప్రభుత్వ ఆస్పత్రికి తరలించగా చికిత్స పొందుతూ శుక్రవారం మృతి చెందాడు. మృతుడి తండ్రి బర్ల రాజేశం ఫిర్యాదు మేరకు కేసు నమోదు చేసి దర్యాఫ్తు చేస్తున్నట్లు బీర్‌పూర్‌ ఎస్సై రాజు తెలిపారు.

● సీఎం సభ డబ్బుల పంచాయితీ ● నాయకులపై ఆగ్రహం వ్యక్తం చేసిన మహిళలు ● ఒప్పుకున్న ప్రకారం డబ్బులు ఇవ్వాలని డిమాండ్‌ ● రాజన్న సిరిసిల్ల జిల్లాలో మహిళల ఆందోళన ● డబ్బుల కోసం నాయకుల నిలదీతఎల్లారెడ్డిపేట(సిరిసిల్ల): రాజన్న సిరిసిల్ల జిల్లా కేంద్రంలో సీఎం రేవంత్‌రెడ్డి సభకు రావాలని కోరుతూ గ్రామంలో కాంగ్రెస్‌ నాయకులు సభకు వచ్చిన మహిళలకు డబ్బులు పంపిణీ చేశారు. ఇందులో కొంతమందికి డబ్బులు రాకపోవడం పైసల పంచాయితీకి దారితీసింది. దీంతో సదరు మహిళలు శుక్రవారం ఆందోళనకు దిగారు. తమకు డబ్బులు ఇవ్వని వారు నాశనమైపోతారని శాపనార్థాలు పెట్టారు. డబ్బుల కోసం స్థానిక నాయకులను నిలదీశారు. వివరాలు ఇలా ఉన్నాయి.. రాజన్న సిరిసిల్ల జిల్లా ఎల్లారెడ్డిపేట మండలం రాచర్లతిమ్మాపూర్‌ గ్రామంలో సీఎం మీటింగ్‌కు వచ్చిన మహిళలకు రూ.500 చొప్పున డబ్బులు ఇస్తామని కాంగ్రెస్‌ నాయకులు చెప్పారు. నాయకుల మాటలు నమ్మిన మహిళలు కూలీ పనులు వదులుకొని సభకు తరలివెళ్లారు. సభకు వెళ్లినవారిలో సగం మందికి రూ.500 చొప్పున డబ్బు ఇవ్వగా, మరికొంతమందికి డబ్బులు అందకపోవడంతో నాయకులపై తీవ్ర ఆగ్రహం వ్యక్తం చేశారు. తమ పనులు వదులుకొని సభకు వస్తే డబ్బులు ఇవ్వకుండా ఇబ్బందులకు గురి చేయడం దారుణమని వాపోయారు. డబ్బులు ఏగ్గొట్టిన నాయకులతోపాటు సీఎంపై మన్ను ఎత్తిపోయడం విశేషం. పైనుంచి డబ్బులు వచ్చినా స్థానిక కాంగ్రెస్‌ నాయకులు కాజేశారని మహిళలు ఆరోపించారు. రోజంతా తిండి లేకుండా పనులు వదులుకొని సభకు వెళ్లిన తమను మోసం చేసిన నాయకులు నాశనమైపోతారని శాపనార్థాలు పెట్టారు. ఈ ఘటన జిల్లాలో కలకలం రేపగా, స్థానికంగా నాయకుల తీరు చర్చనీయాంశంగా మారింది.

కరీంనగర్‌స్పోర్ట్స్‌: కరీంనగర్‌లోని పీఎం శ్రీ కేంద్రీయ విద్యాలయ సంఘటన్‌ విద్యార్థుల హాకీ జట్టు జాతీయ స్థాయిలో ప్రతిభ కనబరిచి కాంస్య పతకాన్ని కై వసం చేసుకుంది. హైదరాబాద్‌ రీజియన్‌ (తెలంగాణ, ఆంధ్రప్రదేశ్‌) తరఫున ప్రాతినిధ్యం వహించిన కరీంనగర్‌ కేంద్రీయ విద్యాలయ అండర్‌–14 హాకీ జట్టు ఢిల్లీలో జరిగిన ప్రతిష్టాత్మక జాతీయ స్థాయి క్రీడా పోటీల్లో అద్భుత ప్రదర్శన కనబర్చింది. నేషనల్‌ స్పోర్ట్స్‌ మీట్‌లో లీగ్‌ మ్యాచ్‌ల నుంచి సెమీఫైనల్‌ వరకు అజేయంగా కొనసాగిన జట్టు ఉత్కంఠభరితంగా సాగిన పోరులో జైపూర్‌ రీజియన్‌ జట్టుపై విజయం సాధించి కాంస్య పతకంతో పాటు కప్‌ను కై వసం చేసుకుంది. జట్టు క్రీడాకారులను పాఠశాల ప్రిన్సిపాల్‌ పంకజ్‌ కుమార్‌, పీఈటీ వివేక్‌ రన్వాల్‌ తో పాటు ఉపాధ్యాయులు, విద్యార్థులు అభినందించారు. రేపు ఉమ్మడి జిల్లా జూనియర్‌ ఖోఖో జట్ల ఎంపికకరీంనగర్‌స్పోర్ట్స్‌: కరీంనగర్‌లోని అంబేడ్కర్‌ స్టేడియంలో ఈనెల 4న కరీంనగర్‌ జిల్లా ఖోఖో అసోసియేషన్‌ ఆధ్వర్యంలో ఉమ్మడి కరీంనగర్‌ జిల్లా (పెద్దపల్లి జిల్లా మినహా) జూనియర్‌ ఖోఖో జట్ల ఎంపిక పోటీలు నిర్వహిస్తున్నట్లు ఖోఖో అసోసియేషన్‌ జిల్లా అధ్యక్ష కార్యదర్శులు సుడా మాజీ చైర్మన్‌ కోమటిరెడ్డి నరేందర్‌రెడ్డి, వై.మహేందర్‌రావు తెలిపారు. జిల్లాలోని ప్రతిభ గల 18ఏళ్ల లోపు బాలబాలికలు ఈ పోటీల్లో పాల్గొనుటకు అర్హులని అన్నారు. ఈ పోటీల్లో ప్రతిభచాటే క్రీడాకారులను ఈనెల 14 నుంచి 17 వరకు హైదరాబాద్‌లోని సరూర్‌నగర్‌ ఇండోర్‌ స్టేడియంలో నిర్వహించనున్న రాష్ట్రస్థాయి జూనియర్స్‌ ఖోఖో పోటీలకు ఎంపిక చేయనున్నామని తెలిపారు. ఎంపికయ్యే ప్రాబబుల్స్‌కు పది రోజులపాటు శిక్షణ శిబిరం ఉంటుందని, ఈ శిబిరంలో తుది జట్టును ఎంపిక చేస్తారని పేర్కొన్నారు. క్రీడాకారులు ఆధార్‌ కార్డు జిరాక్స్‌, ఎస్సెస్సీ మెమో తో హాజరుకావాలని కోరారు.

గంభీరావుపేట(సిరిసిల్ల): పొలం పనుల్లో ఎప్పుడూ కలిసే అడుగులు.. చివరకు అదే పొలంలో కలిసి ‘పోయాయి’. పచ్చని పొలంలో ఆ దంపతుల జీవి త ప్రయాణం విద్యుత్‌ షాక్‌తో విషాదాంతమైంది. కుటుంబాన్ని పోషించుకునేందుకు కష్టపడుతూ.. పొలం పనుల్లో ఎప్పుడూ ఒకరినొకరు తోడుగా నిలిచిన భార్యాభర్తలు.. అదే పొలంలో విద్యుత్‌ షాక్‌తో విగతజీవులుగా మారారు. ఈ విషాదకర ఘటన రాజన్న సిరిసిల్ల జిల్లా గంభీరావుపేట మండలకేంద్రంలో జరిగింది. పోలీసులు, స్థానికుల వివరాలు.. మండలకేంద్రానికి చెందిన గంట దేవయ్య (65), అతడి భార్య లక్ష్మి (58) స్థానికంగా అర ఎకరం పొలం కౌలుకు తీసుకొని వరి సాగు చేస్తున్నారు. రోజూ భార్యాభర్తలు వ్యవసాయ పనుల్లో కలిసి నిమగ్నమయ్యేవారు. వరి పంటకు అడవిజంతువుల బెడద తీవ్రమైంది. ఈ క్రమంలో పంట రక్షణకు స్టార్టర్‌ డబ్బా నుంచి విద్యుత్‌ వైరు తీసి పొలం చుట్టూ వైరు ఏర్పాటు చేసుకున్నట్లు తెలుస్తోంది. గురువారం సాయంత్రం ఇద్దరూ రోజువారీ మాదిరి గా పొలం వద్దకు వెళ్లారు. అడవి జంతువులు పొలా నికి రాకుండా ఏర్పాటు చేసుకున్న విద్యుత్‌ వైరే వారి పాలిట మృత్యుపాశమైంది. ప్రమాదవశాత్తు ఆ వైరుకు తగిలి ఆ పచ్చని పంట పొలంలోనే దంపతులిద్దరూ తుదిశ్వాస విడిచారు. ఘటన స్థలాన్ని చూసి కుటుంబ సభ్యులు, బంధువులు, గ్రామస్తులు కంటతడి పెట్టారు. ఈ దంపతులకు ఇద్దరు కూతుళ్లు. కష్టపడి పెళ్లిళ్లు చేశారు. పిల్లల జీవితాలను కొలిక్కి తెచ్చిన వారు.. శేష జీవితాన్ని వ్యవసాయంపై ఆధారపడి గడుపుతున్న సమయంలో ఒక్కసారిగా ఇద్దరు ప్రాణాలు కోల్పోవడం కుటుంబ సభ్యులను తీవ్ర విషాదంలోకి నెట్టింది. కేసు దర్యాప్తు చేస్తున్నట్లు పోలీసులు తెలిపారు. కన్నీటి వీడ్కోలు దంపతుల మృతదేహాలను పోస్టుమార్టం నిమిత్తం ఆసుపత్రికి తీసుకెళ్లి.. శుక్రవారం గ్రామానికి తీసుకురాగానే విషాద వాతావరణం నెలకొంది. అంతిమయాత్రలో పెద్ద సంఖ్యలో గ్రామస్తులు పాల్గొన్నా రు. ఒకే కుటుంబానికి చెందిన ఇద్దరు మృత్యువాత పడడంతో పలువురు కన్నీటి పర్యంతమయ్యారు. ఎప్పుడూ కలిసి కనిపించే దంపతులు ఇక లేరన్న నిజాన్ని జీర్ణించుకోలేక కుటుంబ సభ్యులు, బంధువులు కన్నీరుమున్నీరవుతున్నారు. కూతుళ్ల చేతుల మీదుగా దహన సంస్కారాలు నిర్వహించారు. కలిసే బతికారు.. కన్నుమూశారు పంటను కాపాడే ప్రయత్నంలో రైతు దంపతులను మింగేసిన ‘కరెంట్‌ షాక్‌’ గంభీరావుపేటలో విషాదం

కాల్వశ్రీరాంపూర్‌: అనారోగ్యంతో అనంత లోకాలకు వెళ్లిన భర్త.. శిథిలమైన ఇల్లు.. భవిష్యత్‌పై బెంగతో ఆవేదన వ్యక్తం చేస్తోందని పెద్దపల్లి జిల్లా కాల్వశ్రీరాంపూర్‌ మండల కేంద్రానికి చెందిన పిల్లలమర్రి సునీత. ఆమె భర్త పిల్లలమర్రి సదానందం(40) అనారోగ్యంతో ఇటీవల మృతి చెందాడు. భార్య సునీత రోజూవారి కూలీ పనులు చేస్తూ తన కూతురు మృదుల(8)ను సాకుతోంది. సదానందం అంత్యక్రియలు, కర్మకాండలకు కులసంఘం నుంచి సాయం అందించారు. ఇటీవల కురిసిన వర్షాలతో గూనపెంకుల ఇంటి గోడలు కూలిపోయాయి. శిథిలమైన ఆ ఇంట్లోనే కూతరుతో కలిసి ఉంటున్న ఆమె.. భయంభయంగా బతుకుతోంది. పాములు, తేళ్లు, పురుగుపుట్రా వస్తున్నాయని కన్నీటిపర్యంతమవుతోంది. నాలుగో తరగతి చదువుతున్న కూతురు చదువు, పొట్టకూటికోసం, ఇంటిని చక్కదిద్దుకునేందుకు చేతిలో చిల్లిగవ్వకూండా లేదని చెబుతోంది. ప్రభుత్వం, దాతలు ముందుకు వచ్చి తమను ఆదుకోవాలని వేడుకుంటోంది. దాతలు సంప్రదించాల్సిన నంబరు : 93818 52496 శిథిలమైన ఇంట్లోనే అభాగ్యురాలి జీవనం పొట్టకూటికోసం అనేక తిప్పలు

కరీంనగర్‌కల్చరల్‌: పునాది సాంస్కృతిక నేపథ్యం, సామాజిక తాత్త్వికత నుంచి కందుకూరి అంజయ్య కవిత్వ సంపుటి అదనపు కణజాలం పురుడు పోసుకుందని ప్రముఖ జానపద సాహిత్య పరిశోధకుడు ఆచార్య జయధీర్‌ తిరుమలరావు అన్నారు. తెలంగాణ రచయితల వేదిక జిల్లా శాఖ, కరీంనగర్‌ ఫిలిం సొసైటీ, అంబేడ్కర్‌–ఫూలే–పెరియార్‌ అధ్యయన వేదికల సంయుక్త ఆధ్వర్యంలో శుక్రవారం కరీంనగర్‌లోని ఫిలిం సొసైటీ భవన్‌లో నిర్వహించిన కార్యక్రమంలో అదనపు కణజాలం కవితా సంపుటిని ఆవిష్కరించారు. ఈ సందర్భంగా జయధీర్‌ తిరుమలరావు మాట్లాడుతూ సాంస్కృతిక మూలాల నుంచి సృజన చేసే కవులే సాహిత్య చరిత్రలో నిలి చిపోతారని అన్నారు. కవిత్వ సంపుటి సమీక్షకుడు కూకట్ల తిరుపతి మాట్లాడుతూ అదనపు కణజాలంలో ఆధిపత్య ప్రతిఘటనవాదం, ఉపసమూహాల ఉద్యమవాదం ప్రధానంగా కనిపిస్తాయని అన్నారు. తెరవే అధ్యక్షుడు సీవీ కుమార్‌ అధ్యక్షతన జరిగిన కార్యక్రమంలో రాష్ట్ర అధ్యక్షుడు కొండి మల్లారెడ్డి, కార్యదర్శి బూర్ల వెంకటేశ్వర్లు, తోట నిర్మలారాణి, పండుగ రత్నయ్య తదితరులు ప్రసంగించారు. కందుకూరి అంజయ్య ఈ పుస్తకాన్ని ప్రముఖ చలనచిత్ర విమర్శకుడు పొన్నం రవిచంద్రకు అంకితం చేశారు. కార్యక్రమంలో నలిమెల భాస్కర్‌, మచ్చ హరిదాసు, జూకంటి జగన్నాథం, దేవి యాదగిరి, అన్నవరం దేవేందర్‌, పీఎస్‌ రవీంద్ర, ఎర్రోజు వెంకటేశ్వర్లు, మహమూద్‌ పాషా, మాడిశెట్టి గోపాల్‌, సంకెపల్లి నాగేంద్రశర్మ, గుండు రమణయ్య, బాలసాని కొమురయ్య, తడిగొప్పుల కుమారస్వామి, కనకం శ్రీనివాస్‌, నెరువట్ల చైతన్య, కందుకూరి సహచరి సుహాసిని పాల్గొన్నారు.

వేములవాడ: వేములవాడ ప్రభుత్వ జూనియర్‌ కళాశాల మైదానంలో శుక్రవారం రాష్ట్ర స్థాయి కబడ్డీ పోటీలు అత్యంత వైభవంగా ప్రారంభమయ్యాయి. రాష్ట్ర వ్యాప్తంగా వివిధ జిల్లాల నుంచి తరలివచ్చిన క్రీడాకారులతో మైదానమంతా కోలాహలంగా మారింది. ఈ పోటీల్లో ప్రభుత్వ విప్‌ ఆది శ్రీనివాస్‌ ఆలోచనతో కొత్త సంప్రదాయానికి తెరలేపారు. మైదానంలోకి అడుగుపెడుతున్న క్రీడాకారులకు నిర్వాహకులు ఎంతో ఆత్మీయంగా స్వాగతం పలి కారు. బాలికా క్రీడాకారులకు బొట్టు పెట్టి, గులాబీ పూలు అందించి ఆత్మీయంగా ఆహ్వానించారు. క్రీడాకారులు, కోచ్‌ల ప్రశంసలు జాతీయ, రాష్ట్ర స్థాయి పోటీల్లో పాల్గొన్న అనుభవం ఉన్న కోచ్‌లు, క్రీడాకారులు ఈ స్వాగతాన్ని చూసి ఎంతో మురిసిపోయారు. దేశంలోనే మునుపెన్నడూ లేని విధంగా క్రీడాకారులకు ఇలాంటి గౌరవం, ఆత్మీయత లభించడం ఇక్కడే చూస్తున్నామని ప్రశంసించారు. ఈ రకమైన స్వాగతం తమలో సరికొత్త ధైర్యాన్ని, క్రీడా ఉత్సాహాన్ని నింపిందని క్రీడాకారులు హర్షం వ్యక్తం చేశారు. అసలైన గౌరవం ఆటగాళ్లకు గెలుపోటముల కంటే గుర్తింపు, గౌరవం చాలా ముఖ్యం. వేములవాడ గడ్డపై అడుగుపెట్టగానే మాకు లభించిన ఈ స్వాగతం మేము కబడ్డీ ప్లేయర్లుగా మారినందుకు ఎంతో గర్వపడేలా చేసింది. ప్రతీ పోటీలోనూ ఇలాంటి సంప్రదాయం వస్తే క్రీడాకారులకు ఎంతో ప్రోత్సాహకరంగా ఉంటుంది. – వైష్ణవి, సంజన, వరంగల్‌ జట్టు అన్ని ఏర్పాట్లు చేశాం బొట్టు పెట్టి, పూలతో క్రీడాకారులను స్వాగతించడం ఆనందంగా ఉంది. తెలంగాణలోని వివిధ జిల్లాల నుంచి వచ్చిన క్రీడాకారులను మన సొంత పిల్లలుగా భావించి, వారికి ఎలాంటి అసౌకర్యం కలగకుండా వేములవాడ మున్సిపాలిటీ తరఫున అన్ని రకాల ఏర్పాట్లు పూర్తి చేశాం. – పుల్కం రాజు–శ్రీలక్ష్మి దంపతులు, వేములవాడ మున్సిపల్‌ చైర్మన్‌ స్టేట్‌ మీట్‌లో నేషనల్‌ లెవెల్‌ ఆతిథ్యం ఆటగాళ్లలో రెట్టింపైన ఉత్సాహం వేములవాడలో కబడ్డీ సమరానికి ఘన ఆరంభం

కొడిమ్యాల: ప్రమాదవశాత్తు విద్యుత్‌షాకు గురై మహిళ మృతి చెందింది. ఈ ఘటన కొడిమ్యాలలో శుక్రవారం చోటు చేసుకుంది. స్థానికుల కథనం ప్రకారం.. గ్రామానికి చెందిన జనగం రూప(34) ఉదయాన్నే ఇంటి పనుల్లో నిమగ్నమైంది. బట్టలు ఉతికి, ఆరేసే సమయంలో లూజ్‌ వైరు తగిలి షాక్‌కు గురైంది. అక్కడికక్కడే కుప్పకూలిపోయింది. కుటుంబ సభ్యులు వెంటనే జిల్లా ప్రభుత్వ ఆస్పత్రికి తరలించగా అప్పటికే మృతి చెందినట్లు వైద్యులు ధృవీకరించారు. రూప భర్త నరేశ్‌ ఉపాధి నిమిత్తం దుబాయ్‌ వెళ్లాడు. వీరికి 6,7 ఏళ్ల వయసున్న ఇద్దరు కొడుకులున్నారు. పోలీసులు కేసు నమోదు చేసుకుని దర్యాప్తు ప్రారంభించారు.

చిగురుమామిడి: కొత్తపల్లి నుంచి చిగురుమామిడి ద్వారా హుస్నాబాద్‌కు వెళ్లే ఫోర్‌లేన్‌ రహదారి విస్తరణలో ఇళ్లు కోల్పోతున్న వారికి పునరావాసం కల్పించడంతో పాటు తగిన నష్టపరిహారం ఇవ్వాలని సీపీఐ సీనియర్‌ నేత, మాజీ ఎమ్మెల్యే చాడ వెంకట్‌రెడ్డి డిమాండ్‌ చేశారు. శుక్రవారం చిగురుమామిడిలో బాధితులు చేపట్టిన రిలేనిరాహార దీక్షా శిబిరాన్ని సందర్శించారు. రహదారి నిర్మాణానికి తాము వ్యతిరేకం కాదని, కానీ ఇళ్లు కూల్చినష్టపరిహారం ఇవ్వకపోవడం దుర్మార్గమన్నారు. బాధితుల సమస్యను సీఎం రేవంత్‌రెడ్డి దృష్టికి తీసుకెళ్తానని తెలిపారు. కార్యక్రమంలో సీపీఐ రాష్ట్ర కౌన్సిల్‌ సభ్యులు అందె స్వామి, మండల కార్యదర్శి నాగెల్లి లక్ష్మారెడ్డి, జిల్లా కౌన్సిల్‌ సభ్యులు అందె చిన్నస్వామి, తేరాల సత్యనారాయణ, మాజీ సర్పంచ్‌ గోలి బాపురెడ్డి తదితరులున్నారు. కాగా ఈ దీక్షా శిబిరాన్ని బీజేపీ రాష్ట్ర నాయకులు, మాజీ సింగిల్‌విండో చైర్మన్‌ కోమటిరెడ్డి రాంగోపాల్‌రెడ్డి సందర్శించి సంఘీభావం తెలిపారు. ఆయన వెంట మండల అధ్యక్షుడు పోలోజు సంతోష్‌కుమార్‌, గునుకులపల్లె సర్పంచ్‌ గునుకుల మధుసూదన్‌రెడ్డి, మాజీ జిల్లా అధికార ప్రతినిధి పొన్నం శ్రీనివాస్‌ ఉన్నారు.

మేము ఇప్పటివరకు ఎన్నో నేషనల్స్‌, స్టేట్‌ లెవెల్‌ పోటీల్లో పాల్గొన్నాం. కానీ, మైదానంలోకి రాగానే అక్కయ్యలు, అమ్మలు బొట్టు పెట్టి, గులాబీ పూలు ఇచ్చి ఆత్మీయంగా ఆహ్వానించడం మా జీవితంలోనే మొదటిసారి చూస్తున్నాము. ఇది చూసి మాకు కళ్లు చెమర్చాయి. వేములవాడ ఆతిథ్యం ఎప్పటికీ మరచిపోం. – లహరి, శ్రీవిద్య, రాజన్న సిరిసిల్ల జట్టు ధైర్యం, ఉత్సాహం నింపారు మ్యాచ్‌ ఉందంటే కాస్త ఒత్తిడి, భయం ఉంటాయి. ఇక్కడి నిర్వాహకులు కల్పించిన ఈ వాతావరణం మాలోని ఒత్తిడినంతా పోగొట్టింది. సొంత ఊరు, కుటుంబ సభ్యుల మధ్య ఆడుతున్నట్లే అనిపిస్తోంది. ఈ గౌరవం మాలో మరింత గెలవా లనే పట్టుదల, కొత్త ఉత్సాహాన్ని నింపింది. – శాన్వీ, తన్వీ, యశస్విని, జగిత్యాల జట్టు

పెద్దపల్లిరూరల్‌: రెక్కాడితేనే గానీ డొక్కాడని ఆ పేద కుటుంబాన్ని విధి పగబట్టింది. భార్యాభర్తలు కూలీ పనులు చేసుకుని పొట్ట పోసుకుంటున్న తరుణంలో ప్రాణాంతక వ్యాధి వ్యాపించింది. ఊపిరితిత్తుల వ్యాధితో కరీంనగర్‌ ఆస్పత్రిలో చావుబతుకుల నడుమ పెద్దపల్లి మండలం పెద్దబొంకూర్‌ గ్రామానికి చెందిన కోట గౌరమ్మ పోరాడుతోంది. గౌరమ్మ వ్యవసాయ పనులకు వెళుతుండగా భర్త శ్రీనివాస్‌ తాటికల్లు అమ్మడం ద్వారా వచ్చే అరకొర ఆదాయంతో కుటుంబం వెళ్లదీస్తున్నారు. వీరికి ఇద్దరు కూ తుళ్లు సంతానం. ఇద్దరికీ వివాహాలు అయ్యాయి. ఊపిరితిత్తుల సంబంధిత వ్యాధిబారిన పడి 15రోజులుగా చికిత్స పొందుతుండగా ఇప్పటికే రూ.5లక్షల దాకా అప్పులు వెచ్చించారు. దాతలు దయచూపితేనే.. రోజూ వైద్యం ఖర్చులు, మందుల కోసం రూ. వేలు అవసరమవుతుండడంతో ఏం చేయాలో పాలుపోని స్థితిలో దాతలు ఇచ్చే ఆపన్నహస్తం కోసం దీనంగా ఎదురుచూస్తున్నారు. తన భార్య గౌరమ్మను బతికించుకోవాలనే ఆశతో తన శాయశక్తులా ప్రయత్నించి అక్కడ, ఇక్కడ తెచ్చి న డబ్బంతా ఖర్చు చేశానని శ్రీని వాస్‌ వాపోయాడు. ఇప్పుడు చేతిలో పైసా లేదని, ఏం చేయాలో తెలియదని కన్నీటి పర్యంతమయ్యాడు. చావుబతుకుల నడుమ పోరాడుతున్న గౌరమ్మ వైద్యం కోసం దాతలు, స్వచ్ఛంద సంస్థ లు, ప్రజాప్రతినిధులు, అధికారులు తమవంతు సహకారం అందించాలని వేడుకుంటున్నారు. దాతలు సంప్రదించాల్సిన ఫోన్‌ నంబర్లు: 80082 34112, 93816 60378 దాతలు ఆదుకుంటేనే ఆ పేద కుటుంబానికి ఆసరా చికిత్స కోసం ఇప్పటికే రూ.5లక్షలదాకా ఖర్చు ఆపన్నహస్తం కోసం ఎదురు చూస్తున్న గౌరమ్మ కుటుంబం

రామగుండం: భారతదేశంలో ఉత్తర, దక్షిణ ప్రాంతాలను కలుపుతూ రాకపోకలు సాగించే హిమసాగర్‌ రైలు ప్రయాణం 42 వసంతాలకు చేరింది. కన్యాకుమారి–జమ్ముతావి మధ్య(16317/16318) ప్రయాణికులను గమ్యస్థానాలకు చేర్చే ఈ రైలు 1984 అక్టోబర్‌ 3న ప్రారంభమైంది. ఆ పేరు ఎందుకు వచ్చిందంటే.. హిమం అంటే మంచుకొండలు, సాగర్‌ అంటే సముద్రతీరం. అందుకే ఈ రైలుకు హిమసాగర్‌ అనినామకరణం చేసినట్లు రైల్వే అధికారులు తెలిపారు. హిమాలయాల మంచుపర్వతాలకు సమీపంగా వెళ్లి.. అక్కడి నుంచి దక్షిణం వైపు కన్యాకుమారి సమీప హిందూ మహాసముద్రం వరకు రాకపోకలు సాగిస్తోంది. అత్యధిక దూరం.. భారతరైల్వేలో అత్యధిక దూరం రాకపోకలు సాగించే రైళ్లు కొన్నే ఉండగా, ఇందులో హిమసాగర్‌ మూడోస్థానంలో ఉంటుంది. వివేక్‌ ఎక్స్‌ప్రెస్‌(22503/04): దిబ్రూగఢ్‌(అసోం)–కన్యాకుమారి(తమిళనాడు) మధ్య 4,154 కి.మీ. ప్రయాణిస్తుంది. అరోనాయ్‌ ఎక్స్‌ప్రెస్‌ : సిల్చార్‌(అసోం) – తిరువనంతపురం సెంట్రల్‌(తమిళనాడు) మధ్య 3,915 కి.మీ. రాకపోకలు సాగిస్తుంది. హిమసాగర్‌ ఎక్స్‌ప్రెస్‌ : కన్యాకుమారి(తమిళనాడు) – జమ్ముతావి(జమ్మూ) మధ్య 3,790 కి.మీ. ప్రయాణం చేస్తుంది. నవయుగ్‌ ఎక్స్‌ప్రెస్‌(16687/88) : మంగళూర్‌ సెంట్రల్‌ (కర్ణాటక) – శ్రీమాతావైష్ణోదేవి కట్రా (జమ్మూ) మధ్య 3,607 కి.మీ. ప్రయాణిస్తుంది. 12 రాష్ట్రాల మీదుగా రాకపోకలు హిమసాగర్‌ మనదేశంలోని పన్నెండు రాష్ట్రాల మీదుగా రాకపోకలు సాగిస్తుంది. ఇందులో జమ్మూకశ్మీర్‌, పంజాబ్‌, హరియాణా, ఢిల్లీ, ఉత్తరప్రదేశ్‌, రాజస్థాన్‌, మధ్యప్రదేశ్‌, మహారాష్ట్ర, తెలంగాణ, ఆంధ్రప్రదేశ్‌, కేరళ, తమిళనాడు రాష్ట్రాలున్నాయి. ఇది ఎక్కువగా ఆధ్యాత్మిక, పర్యాటక ప్రాంతాల మీదుగా ప్రయాణం చేస్తుంది. దీంతో అత్యధిక ప్రయాణికులు పుణ్యక్షేత్రాల సందర్శనకు వెళ్తుంటారు. పన్నెండు రాష్ట్రాల్లో దీనికి 73 ప్రధాన రైల్వేస్టేషన్లలోనే హాల్టింగ్‌ సౌకర్యం కల్పించారు. సదరన్‌ రైల్వేజోన్‌ అధికారులు పర్యవేక్షిస్తున్నారు. తెలుగు రాష్ట్రాల్లో హాల్టింగ్‌లు, కోచ్‌లు.. ఉమ్మడి తెలుగు రాష్ట్రాల్లోని రామగుండం, వరంగల్‌, ఖమ్మం, విజయవాడ, తెనాలి, ఒంగోలు, నెల్లూరు, రేణిగుంట తదితర ప్రధాన రైల్వేస్టేషన్లలోనే హిమసాగర్‌ రైలుకు హాల్టింగ్‌ సౌకర్యం కల్పించారు. దీనికి ఏసీ–2టైర్‌, ఏసీ త్రీటైర్‌, స్లీపర్‌క్లాస్‌, జనరల్‌ కోచ్‌లు ఉన్నాయి. హిమపాతం నుంచి సాగరతీరం వరకు పరుగులు హిమసాగర్‌ ఎక్స్‌ప్రెస్‌ రైలు ప్రత్యేకత ఇది

కరీంనగర్‌రూరల్‌: కరీంనగర్‌ నగరాన్ని మోడల్‌ సిటీగా తీర్చిదిద్దుతామని కేంద్ర హోంశాఖ సహాయమంత్రి బండి సంజయ్‌కుమార్‌ అన్నారు. తీగలగుట్టపల్లి పరిధిలోని రెండో డివిజన్‌ చంద్రపురికాలనీలో యూఐడీఎఫ్‌ నిధులు రూ.65.30లక్షలతో చేపట్టనున్న డ్రైనేజీ పైప్‌లైన్‌, సీసీరోడ్డు పనులకు మేయర్‌ కొలగాని శ్రీనివాస్‌, డిప్యూటీ మేయర్‌ యాదగిరి సునీల్‌రావుతో కలిసి గురువారం భూమిపూజ చేశారు. ఈ సందర్భంగా ఆయన మాట్లాడుతూ.. కేంద్రం నిధులతో అన్ని డివిజన్‌లలో వసతులు కల్పిస్తున్నట్లు తెలిపారు. చంద్రపురికాలనీలో మరో రూ.30 కోట్లతో పనులు చేపడతామన్నారు. అనంతరం జెడ్పీ పాఠశాలలో స్మార్ట్‌సిటీ నిధులు రూ.1.05 కోట్లతో ఆధునీకరించిన డైనింగ్‌హాల్‌, స్టేజీ సౌకర్యాలను ప్రారంభించారు. అంగన్‌వాడీ మిలన్‌ సేవా సందడి తీగలగుట్టపల్లి అంగన్‌వాడీ కేంద్రంలో సంకల్ప అభియాన్‌లో భాగంగా నిర్వహించిన అంగన్‌వాడీ మిలన్‌ సేవా కార్యక్రమంలో సంజయ్‌ పాల్గొన్నారు. పోషకాహార స్టాళ్లను పరిశీలించారు. సేవలో ప్రతిభను కనపరిచిన అంగన్‌వాడీ టీచర్లు, ఆశావర్కర్లను సన్మానించారు. ఆసరా ప్రాణదాతల అవార్డులను ప్రదానం చేశారు. మున్సిపల్‌ కమిషనర్‌ ప్రఫుల్‌ దేశాయ్‌, జిల్లా మహిళా సంక్షేమ అధికారి సరస్వతి, సీడీపీవో కవిత, బీజేపీ జిల్లా అధ్యక్ష, ప్రధాన కార్యదర్శులు సాయిని మల్లేశం, తాళ్లపల్లి శ్రీనివాస్‌గౌడ్‌, కార్పొరేటర్లు వీపీఎన్‌ చంద్ర, సాదినేని లావణ్య, బోయినపల్లి ప్రవీణ్‌రావు, భూపతి రవీందర్‌, ఎన్నం లక్ష్మి, గాజ రమ, గణేశ్‌, బారి జితేందర్‌ తదితరులు పాల్గొన్నారు.

కరీంనగర్‌టౌన్‌: విద్యార్థుల జవాబుపత్రాల మూల్యాంకనంలో పాఠశాల విద్యాశాఖ కీలక మార్పులు చేపట్టింది. విద్యార్థులు చదివే పాఠశాలలోనే వారి పరీక్ష పత్రాలను ఉపాధ్యాయులు దిద్దే విధానానికి స్వస్తి పలికి.. ఇతర పాఠశాలల ఉపాధ్యాయులతో క్రాస్‌ వాల్యుయేషన్‌ చేయించనున్నారు. మార్కుల కేటాయింపులో ఏకరీతి, పారదర్శకత, నిష్పాక్షికతను పెంచడమే లక్ష్యంగా ఈ విధానాన్ని 2026–27 విద్యాసంవత్సరం నుంచే అమలు చేయనున్నారు. పదోతరగతి వార్షిక పరీక్షల తరహాలోనే 1 నుంచి 9వతరగతి విద్యార్థులకు ఎస్‌ఏ–1, ఎస్‌ఏ–2, పదోతరగతి విద్యార్థులకు ఎస్‌ఏ–1 పరీక్షల జవాబు పత్రాలను ఇతర పాఠశాలల ఉపాధ్యాయులతో మూల్యాంకనం చేయించనున్నారు. కొత్త విధానంపై జిల్లాలోని ఉపాధ్యాయ వర్గాల్లో భిన్నాభిప్రాయాలు వ్యక్తమవుతున్నాయి. పరీక్షలు నిర్ణీత షెడ్యూల్‌ ప్రకారమే నిర్వహిస్తారు. ఆయా సబ్జెక్టుల పరీక్షలు పూర్తయిన రోజే ప్రధానోపాధ్యాయులు జవాబు పత్రాలను సేకరించి సీల్‌ చేసి ఎమ్మార్సీలకు అప్పగిస్తారు. మండలంలోని ఇతర పాఠశాలల ఉపాధ్యాయులకు వాటిని కేటాయించి మూల్యాంకనం చేయిస్తారు. ఈ ప్రక్రియను 3 నుంచి 5 రోజుల్లో పూర్తి చేసి.. మార్కులను ఆన్‌లైన్‌లో నమోదు చేయాల్సి ఉంటుంది. మూల్యాంకనానికి ఉపాధ్యాయులను ఎంఈవోలు కేటాయించడంతోపాటు కేంద్రాల నిర్వహణ, పర్యవేక్షణ బాధ్యతలు చేపడతారు. మూల్యాంకన కేంద్రాల నిర్వహణ కోసం ఒక్కో మండలానికి రూ.10వేల చొప్పున నిధులు కేటాయించనున్నారు. మూల్యాంకనం చేసే ఉపాధ్యాయులకు ప్రాథమిక స్థాయిలో ఒక్కో పేపర్‌కు రూ.2, ఉన్నత పాఠశాల స్థాయిలో రూ.3 చొప్పున పారితోషికం ఇవ్వనున్నారు. మొత్తం ప్రక్రియను జిల్లా విద్యాశాఖాధికారి పర్యవేక్షించనున్నారు. ఇతర పాఠశాలల ఉపాధ్యాయులతో జవాబు పత్రాలను మూల్యాంకనం చేయిస్తే.. వ్యక్తిగత అభిప్రాయాల ప్రభావం తగ్గి మార్కుల కేటాయింపులో ఏకరీతి వస్తుందని విద్యాశాఖ భావిస్తోంది. వివిధ పాఠశాలల విద్యార్థుల జవాబు పత్రాలను పరిశీలించడం ద్వారా వారి అభ్యసన స్థాయి, సాధారణంగా ఎదురవుతున్న సమస్యలపై ఉపాధ్యాయులకు అవగాహన కలుగుతుందని చెబుతున్నారు.

● సభ్యులుగా అదనపు కలెక్టర్‌, డీసీవో ● ఉత్తర్వులు జారీచేసిన ప్రభుత్వం కరీంనగర్‌ అర్బన్‌: కేడీసీసీబీకి పర్సన్‌ ఇన్‌చార్జిగా కలెక్టర్‌ చిత్రామిశ్రాను నియమిస్తూ ప్రభుత్వం ఉత్తర్వులు జారీ చేసింది. ప్రాథమిక సహకార సంఘాలకు పెద్దన్నగా వ్యవహరించే కేడీసీసీబీలో చైర్మన్‌లేక గత కొన్ని నెలలుగా రుణాల మంజూరుకు బ్రేక్‌ పడింది. రూ.10 లక్షలకు మించి ఇచ్చే రుణాలకు పాలకవర్గం ఆమోదం తప్పనిసరి. గత జూన్‌ నుంచి చైర్మన్‌ లేదా పర్సన్‌ ఇన్‌చార్జిలేక పోటీ బ్యాంకులకు దీటుగా సేవలందించలేకపోతుంది. కేడీసీసీబీ పరిధిలో ఉమ్మడి జిల్లాలో 131 ప్రాథమిక సహకార సంఘాలుండగా ఇప్పటివరకు 30 సంఘాలకు నామినేటెడ్‌ తరహాలో చైర్మన్‌, వైస్‌ చైర్మన్‌, డైరెక్టర్లను నియమించారు. అన్ని సంఘాలకు పాలకవర్గాలను ప్రకటించకపోగా కేడీసీసీబీ చైర్మన్‌ ఎన్నిక ఆలస్యమవుతోంది. ఈ నేపథ్యంలో ప్రభుత్వం ముగ్గురు సభ్యులతో కూడిన పర్సన్‌ ఇన్‌చార్జి కమిటీని నియమించగా పర్సన్‌ ఇన్‌చార్జి (ఛైర్మన్‌)గా కలెక్టర్‌ను నియమించింది. అలాగే కమిటీ సభ్యులుగా అదనపు కలెక్టర్‌ (రెవెన్యూ) శ్రీనివాస్‌రెడ్డి, డీసీవో రాజామానుజాచార్యులును నియమించింది. తదుపరి ఉత్తర్వులు వెలువడే వరకు ఇదేవిధా నం అమలులో ఉంటుందని ప్రభుత్వం స్పష్టంచేసింది. బ్యాంకు రోజువారీ వ్యవహారాలు నిర్వహించడంతో పాటు గతంలో ఉన్న మేనేజింగ్‌ కమిటీకి సంబంధించిన పరిపాలనా.. ఆర్థిక అధికారాలను వినియోగిస్తుంది. బ్యాంకు చట్టబద్ధమైన నిబంధనలు, నియంత్రణ సంస్థల నిబంధనలు పాటించేలా చూస్తుంది. అమరవీరులకు పిండ ప్రదానం కరీంనగర్‌ టౌన్‌: పితృ అమావాస్య పురస్కరించుకుని కరీంనగర్‌లోని అమరవీరుల స్తూపం వద్ద తెలంగాణ ఉద్యమకారుల ఫోరం ఆధ్వర్యంలో నివాళి అర్పించారు. జిల్లా అధ్యక్షుడు కనకం కుమారస్వామి నాయకత్వంలో ఉద్యమకారులు అమరవీరులకు బియ్యం సమర్పించి, వారి ప్రాణత్యాగాలను స్మరించుకున్నారు. రాష్ట్ర సాధన కోసం ప్రాణాలర్పించిన అమరుల ఆశయాల సాధనకు ప్రతీ ఒక్కరూ ఐక్యంగా కృషి చేయాలని కోరారు.

హలో.. నేను ఫుడ్‌ సేఫ్టీ ఆఫీసర్‌ను మాట్లాడుతున్నా.. కమాన్‌ దగ్గర బేకరీ నీదే కదా? తనిఖీలకు వస్తున్నాం. నిబంధనల ప్రకారం వ్యవహరిస్తున్నారా.. ఏవైనా లోపాలు ఉన్నాయా? అయితే మేమొచ్చామంటే నీకే ప్రాబ్లం. ఏదైనా ఉంటే వచ్చి కలువు. లేకుంటే కేసు కట్టాల్సి వస్తుంది. మాట్లాడేది రమేశేనా? మీ హోటల్లో గడువు ముగిసిన ముడిపదార్థాలు వినియోగిస్తున్నారని ఫిర్యాదు వచ్చింది. అరగంటలో దాడులుచేస్తాం. కొంత సొమ్ము మాకుపంపితే దాడులు లేకుండా వారికి సర్దిచెప్పి పంపిస్తాం అంటూ ఫుడ్‌ సేఫ్టీ అధికారి పేరిట బెదిరింపులు. కేవలం ఇవి రెండేకాదు కరీంనగర్‌ సిటీలోని పలుహోటళ్లకు, తినుబండారాల దుకాణాలకు ఫోన్‌చేసి బెదిరింపులకు షరామామూలయ్యాయి.కరీంనగర్‌ అర్బన్‌: ఆహార భద్రతశాఖ అధికారి పేరుతో జిల్లాలో సాగుతున్నదందా వ్యాపారులను బేంబేలెత్తిస్తోంది. మామూళ్లు ఇవ్వాలని లేకుంటే తనిఖీలు చేయాల్సిందేనని హుకూం జారీచేస్తున్నారు. దర్జాగా దుకాణాల్లో తనిఖీలు చేసి మరీ డబ్బులు డిమాండ్‌ చేస్తుండటం గమనార్హం. కరీంనగర్‌, హుజూరాబాద్‌, జమ్మికుంట, గంగాధర, చొప్పదండి, కొత్తపల్లి, శంకరపట్నం, తిమ్మాపూర్‌ తదితర ప్రాంతాల్లో తనిఖీ ల పేరిట మాటల గారడీతో సొమ్ముచేసుకుంటున్నారన్న ఆరోపణలు పుష్కలం. జిల్లాలో గెజిటెడ్‌ ఫుడ్‌ ఇన్‌స్పెక్టర్‌ రోహిత్‌రెడ్డి, ఫుడ్‌సేఫ్టీ ఆఫీసర్‌ అంకిత్‌రెడ్డి మాత్రమే ఉండగా స్టాఫ్‌ కొరతను ఆసరా చేసుకున్న కొందరు వ్యక్తులు వసూళ్ల దందాకు తెరలేపారని స్పష్టమవుతోంది. యథేచ్ఛగా స్వీట్‌ దుకాణాలకు, హోటళ్లకు వెళ్లి పరిశీలించడం వంటి సంఘటనలు జిల్లాలో నిత్యం అక్కడక్కడ జరుగుతున్నాయనే ఆరోపణలున్నాయి. కొంతమంది వ్యక్తులు ఆహార భద్రతా శాఖ అధికారులుగా నటిస్తూ, ఆహార వ్యాపార నిర్వాహకులు, ప్రభుత్వ వసతి గృహాల వార్డెన్లకు ఫోన్‌ చేసి డబ్బులు డిమాండ్‌ చేస్తున్నారు. వీలైన మార్గాల్లో బ్లాక్‌మెయిల్‌ చేస్తున్నారు. ఇటీవల తిమ్మాపూర్‌లోని ఒక ప్రభుత్వ వసతిగృహ వార్డెన్‌కు 7842521329 నంబర్‌ నుంచి మోసపూరిత కాల్‌ వచ్చింది. కాల్‌ చేసిన వ్యక్తి తాను ఆహార భద్రతాశాఖకు చెందినవాడినని చెప్పి డబ్బులు డిమాండ్‌ చేసినట్లు సమాచారం. బేకరీలు, రెస్టారెంట్లు, ఇతర ఆహార వ్యాపార సంస్థలను సందర్శిస్తూ, తాము ఆహార భద్రతా శాఖ ఉద్యోగులమని తప్పుడు ప్రచారం చేసుకుంటూ అనుమతి లేకుండా ప్రాంగణాల్లోకి ప్రవేశించి అనధికారికంగా ఫొటోలుతీసి ఆహార వ్యాపార నిర్వాహకుల నుంచి డబ్బులు, ఇతర ప్రయోజనాలను డిమాండ్‌ చేస్తున్నట్లు సమాచారం.మోసపూరిత వ్యక్తుల విషయంలో అప్రమత్తంగా ఉండాలి. తాము ఆహార భద్రతాశాఖ అధికారులమని తప్పుడు సమాచారమిస్తూ డబ్బులు డిమాండ్‌ చేస్తున్నారని మా దృష్టికి వచ్చింది. ఇటీవల తిమ్మాపూర్‌ వార్డెన్‌ను కూడా బెదిరించారు. ఫుడ్‌సేఫ్టీ అధికారులు, సిబ్బందిమని బెదిరిస్తే 7032087727 లేదా 9404893871 నంబర్‌కు సమాచారమివ్వండి. – రోహిత్‌రెడ్డి, గెజిటెడ్‌ ఫుడ్‌ ఇన్‌స్పెక్టర్‌

కరీంనగర్‌ జిల్లా యోగాసన క్రీడల్లో సాధిస్తున్న వరుస విజయాలు అభినందనీయం. 17వసారి చాంపియన్‌గా నిలవడం సాధారణ విషయం కాదు. క్రీడాకారుల ప్రతిభకు, క్రమశిక్షణకు ఇది నిదర్శనం. కరీంనగర్‌ నుంచి మరింత మంది క్రీడాకారులు రాష్ట్ర, జాతీయ స్థాయిలో రాణించాలని ఆకాంక్షిస్తున్నాం. – తుమ్మల రమేశ్‌ రెడ్డి, ఒలింపిక్‌ సంఘం ఉపాధ్యక్షుడు సాధనే విజయానికి బాట కరీంనగర్‌ క్రీడాకారుల విజయానికి నిరంతర సాధనే ప్రధాన కారణం. ప్రతీ క్రీడాకారుడి సామర్థ్యాన్ని గుర్తించి, వయసుకు అనుగుణంగా శిక్షణ ఇస్తున్నాం. ఆసనాల్లో ఖచ్చితత్వం, శరీర నియంత్రణ, ఏకాగ్రత, సమయపాలనపై ప్రత్యేక దృష్టి పెడుతున్నాం. భవిష్యత్‌లో మరిన్ని పతకాలు సాధించేలా శిక్షణ కొనసాగిస్తాం. – మల్లీశ్వరి, యోగా కోచ్‌ ఫస్ట్‌ టైమ్‌ నేషనల్‌కు.. 12–14 విభాగంలో స్టేట్‌ లెవల్‌లో గోల్డ్‌ మెడల్‌ సాధించా. ఫస్ట్‌ టైమ్‌ నేషనల్‌ మీట్‌కు ఎంపికయ్యా. చాలా హ్యపీ. జాతీయ పోటీల్లో పాల్గొని తెలంగాణకు బంగారు పతకం సాధించాలని ఉంది. స్టేట్‌ లెవల్‌ మీట్‌లో కరీంనగర్‌ చాంపియన్‌ షిప్‌ సాధించడంలో నేను కూడా ఉండడం ఆనందంగా ఉంది. – బి.రిషిక, బంగారు పతకం విజేత

కరీంనగర్‌ అర్బన్‌: కల్తీ రక్కసి రాజ్యమేలుతుంటే తూకంలో కోత యథేచ్చగా సాగుతోంది. నడి బజారులో తూకం దగాకు గురవుతోంది. ఏటా తనిఖీలు చేసి స్టాంపింగ్‌ వేయాల్సిన తూనికలు, కొలతలశాఖ సిబ్బంది కొరతతో మామూళ్లకే పెద్దపీట వేస్తోందన్న ఆరోపణలు వస్తున్నాయి. వ్యాపారులు కిలోకు 50–100గ్రాముల వరకు చిల్లు పెడుతున్నారు. ‘సాక్షి’ పరిశీలనలో తూకంలో డొల్లతనం బయటపడగా ఉన్నతాధికారుల పర్యవేక్షణ ఉత్తదేనని స్పష్టమవుతోంది. ప్రకాశఽం గంజ్‌, పండ్ల మార్కెట్‌, శనివారం అంగడి, కశ్మీర్‌గడ్డలో గల రైతు బజార్‌, చేపల మార్కెట్‌, ప్రముఖ సూపర్‌ మార్కెట్‌లలో పలు వస్తువులను కొనుగోలు చేసి తూకం వేయగా వ్యత్యాసమేర్పడటం విమర్శలకు తావిస్తోంది. స్టాంపింగ్‌ ఏదీ.. తనిఖీలేవీ? తూనికలు కొలతలశాఖలో ఖాళీలు వెక్కిరిస్తుండగా ఉన్న అధికారులు మొద్దునిద్ర వహిస్తున్నారు. మొక్కుబడి తనిఖీలు తప్పా కేసుల ప్రగతి కనిపించడం లేదు. రాజకీయ ఒత్తిడులు ఉన్నాయంటూ వ్యాపారులతో ఉన్న అనుబంధంతో మామూలుగా వ్యవహరిస్తున్నారన్న ఆరోపణలున్నాయి. దీంతో వ్యాపారులు ఽఅధిక ధరలకు విక్రయిస్తునే తూకంలోనూ దోచుకుంటున్నారు. నాణ్యమైన సేవలా.. అవెక్కడా? వినియోగదారులకు నాణ్యమైన సేవలందించాలన్న వ్యాపార సూత్రాన్ని తుంగలో తొక్కుతున్నారు. ఇరవై ఏళ్ల క్రితం నాణ్యతలో వ్యాపారులు పోటీపడేవారు. కానీ.. ప్రస్తుతం అనతికాలంలోనే సంపన్నులు కావాలనే దురాశతో అడ్డదారులు తొక్కుతున్నారు. వస్తువులను కల్తీ చేస్తుండగా తూకంలో దగాకు పాల్పడుతున్నారు. దీంతో కిలోకు గతంలో రూ.5–10లాభం పొందగా ప్రస్తుతం కల్తీ, తూకంలో మోసంతో కిలోకు రూ.30–45వరకు లాభాలు గడుస్తున్నారు. 20 ఏళ్ల క్రితం గ్యాస్‌ను తూకం వేసి ఇచ్చేవారు. కానీ.. నేడా పరిస్థితి లేదు. చేపల మార్కెట్‌ సమీపంలోని మార్కెట్‌లో 300 గ్రాముల మటన్‌ కొనుగోలు చేయగా మళ్లీ తూకం వేస్తే 246 గ్రాములు మాత్రమే తూగింది. కిలోకు 170గ్రాములకు పైగానే తూకంలో దోచేస్తున్నారు. ఈ లెక్కన రూ.150 నొక్కేస్తున్నారు.నగరంలోని వెంకటేశ్వర ఆలయ సమీపంలో గల మార్కెట్‌లో టమాట రెండు కిలోలు కొనుగోలు చేయగా మళ్లీ తూకం వేస్తే 1,860 గ్రాములు వచ్చింది. 140గ్రాములు తక్కువగా రావడం విశేషం.విద్యానగర్‌లోని ఓ చికెన్‌ సెంటర్‌లో 300గ్రాములు చికెన్‌ కొనుగోలు చేయగా మరో చోట తూకం వేయగా 236 గ్రాములే వచ్చింది. ఈ లెక్కన కిలోకు 190 గ్రాములకు పైగా తూకంలో దోచేస్తున్నారు.స్థానిక పండ్ల సముదాయంలో కిలో ఆపిల్‌ కొనుగోలు చేయగా వాటిని తూకం వేస్తే కేవలం 865 గ్రాములే తూగింది. 135 గ్రాములు తక్కువగా వచ్చింది.ముద్రలేవి? మేళాలతోనే ఫలితం తూకానికి వినియోగించే సామగ్రికి ముద్రలను ప్రతి ఆరునెలలు, ఏడాదికి సంబంధితశాఖ నుంచి ధ్రువీకరణ పొందాల్సి ఉంటుంది. క్షేత్రస్థాయిలో అలాంటివేమీ కనిపించడం లేదు. కాలంచెల్లిన తూకం సామగ్రిని వాడుతూ వినియోగదారులను మోసగిస్తున్నారు. ముద్రల ద్వారా జిల్లాలో రూ.40 లక్షల వరకు ఆదాయం సమకూరే వీలుంది. ఆ దిశగా చర్యలు లేకపోవడం విడ్డూరం. ఇక లీటర్ల కొద్ది విక్రయించే వాటిలోనూ మోసాలే. ప్యాకెట్లలో ద్రవ పదార్థ రూపంలో మార్కెట్లో లభించేవన్నీ దాదాపు అక్రమ విక్రయాలే. ప్రభుత్వ గుర్తింపు పొందినవి కొన్నే ఉంటాయి. లీటర్లు, కిలోల లెక్కల్లో వ్యత్యాసాలతో వినియోగదారులు నష్టపోతున్నారు. కిలో నూనె కావాలని దుకాణానికి వెళ్లిన ఓ వినియోగదారుడు లీటర్‌ లెక్కనా 100గ్రాములు తక్కువగా వచ్చింది. తూకం సామగ్రికి ముద్రలను ఏర్పాటు చేయడానికి ప్రభుత్వం మేళాలు నిర్వహిస్తే ఆదాయాన్ని పెంచుకునే వీలుంది. తద్వారా సర్కారుకు ఆదాయంతో పాటు వినియోగదారులకు తూకులో మోసపోయే అవకాశాలు చాలా వరకు తగ్గుతాయి.ఆగస్టు వరకు నమోదైన కేసులు: 152 తక్కువ తూకం కేసులు: 23 ఎమ్మార్పీ కన్నా ఎక్కువ ధరకు విక్రయించిన కేసులు: 13 రాజీ రుసుం: రూ.5.44లక్షలు ముద్ర రుసుము: రూ.11,35,242

కరీంనగర్‌రూరల్‌: కరీంనగర్‌ శివారు నగునూరులోని ప్రతిమ మెడికల్‌ కళాశాలను ప్రారంభించి 25 సంవత్సరాలు పూర్తవుతున్న సందర్భంగా ఈ నెల 4న నిర్వహించే సిల్వర్‌జూబ్లీ వేడుకలకు కేంద్ర హోంశాఖ మంత్రి అమిత్‌ షా హాజరవుతున్నారు. ప్రతిమ డీమ్డ్‌ యూనివర్సిటీ భవనానికి శంకుస్థాపన చేయనున్నారు. గురువారం ప్రతిమ మెడికల్‌ కళాశాలలో అమిత్‌షా పర్యటనకు సంబంధించిన ఏర్పాట్లను కేంద్ర హోంశాఖ సహాయమంత్రి బండి సంజయ్‌కుమార్‌ పరిశీలించారు. సీపీ గౌస్‌ అలం, కళాశాల చైర్మెన్‌ బోయినపల్లి శ్రీనివాస్‌రావు, మేయర్‌ కొలగాని శ్రీనివాస్‌, డెప్యూటీ మేయర్‌ యాదగిరి సునీల్‌రావు, బీజేపీ జిల్లా అధ్యక్షుడు సాయిని మల్లేశం, పార్లమెంట్‌ కన్వీనర్‌ బోయినపల్లి ప్రవీణ్‌రావులతో కలిసి ఏర్పాట్లపై చర్చించారు. ఈ సందర్భంగా కేంద్రమంత్రి బండి సంజయ్‌ మాట్లాడుతూ ఈ నెల 4న జరిగే సిల్వర్‌జూబ్లీ వేడుకలకు కేంద్రహోంమంత్రి అమిత్‌ షా హాజరవుతున్నారన్నారు. అమిత్‌షా ఈ నెల 3న రాత్రి 9గంటలకు హైదరాబాద్‌లోని బేగంపేట విమానాశ్రయానికి చేరుకుంటారు. మరుసటి రోజు 4న మధ్యాహ్నం 2గంటలకు హెలిక్యాప్టర్‌ ద్వారా కరీంనగర్‌లోని ప్రతిమ మెడికల్‌ కళాశాలకు చేరుకుంటారు. సిల్వర్‌ జూబ్లీ వేడుకల్లో పాల్గొని సాయంత్రం 4.30గంటలకు హైదరాబాద్‌ వెళ్తారని తెలిపారు.

● పెద్దపల్లి, రామగుండం స్టేషన్లలో హాల్టింగ్‌ రామగుండం: బతుకమ్మ, దసరా, దీపావళి, చాత్‌ పండుగల నేపథ్యంలో ప్రయాణికుల రద్దీకి అనుగుణంగా ఈనెల 4 నుంచి దక్షిణ మధ్య రైల్వే ప్రత్యేక రైళ్లు నడిపించనుంది. ఇందులో చర్లపల్లి–దానాపూర్‌(07049/50), చర్లపల్లి–ఎస్‌ఎంవీటీ బెంగళూరు(07065/66), చర్లపల్లి–సాసారం(07041/42), చర్లపల్లి–నిజాముద్దీన్‌(07021/22), చర్లపల్లి–ఢిల్లీ(07023/24) ఉన్నాయి. కాజీపేట, పెద్దపల్లి, రామగుండం, మంచిర్యాల, బెల్లంపల్లి, కాగజ్‌నగర్‌, బల్హర్షా, ఇటార్సీ, జబల్‌పూర్‌, కత్నీ, మైహర్‌, సత్నా, ప్రయాగ్‌రాజ్‌ చియోకీ, పీడీడీ ఉపాధ్యాయ, బక్సర్‌, ఎరా రైల్వేస్టేషన్లలో వీటికి హాల్టింగ్‌ సౌకర్యం కల్పించారు. అదేవిధంగా చర్లపల్లి–గోరఖ్‌పూర్‌(22075)వీక్లి అమృత్‌ భారత్‌ రైలుకు పెద్దపల్లి జంక్షన్‌లో హాల్టింగ్‌ సౌకర్యం కల్పించారు. ఇది ప్రతీ శుక్రవారం అర్ధరాత్రి 12.30(శనివారం వేకువాజమున)గంటలకు, గోరఖ్‌పూర్‌–చర్లపల్లి(22076) ప్రతీ సోమవారం మధ్యాహ్నం 12గంటలకు పెద్దపల్లి జంక్షన్‌కు చేరుకుంటాయి.

కరీంనగర్‌: జాతీయ స్వచ్ఛంద రక్తదాన దినోత్సవాన్ని పురస్కరించుకుని కరీంనగర్‌కు చెందిన ఆసరా ఫౌండేషన్‌ ఆధ్వర్యంలో గురువారం ఉమ్మడి కరీంనగర్‌ జిల్లాకు చెందిన 30 మంది రక్తదాతలను సన్మానించారు. సంస్థ వ్యవస్థాపక అధ్యక్షుడు, ఎన్‌ఎస్‌ఎస్‌ జాతీయ అవార్డు గ్రహీత డాక్టర్‌ రాపోలు గోపికృష్ణ ఆధ్వర్యంలో కరీంనగర్‌లో నిర్వహించిన కార్యక్రమానికి కేంద్ర హోంశాఖ సహాయ మంత్రి బండి సంజయ్‌కుమార్‌, మేయర్‌ కొలగాని శ్రీనివాస్‌, డిప్యూటీ మేయర్‌ వై. సునీల్‌రావు ముఖ్య అతిథులుగా హాజరయ్యారు. అత్యవసర సమయాల్లో నిస్వార్థంగా పలుమార్లు రక్తదానం చేసిన దాతలకు కేంద్ర మంత్రి బండి సంజయ్‌ చేతుల మీదుగా ఆసరా ప్రాణదాత–2026 జిల్లాస్థాయి అవార్డులు అందజేసి సత్కరించారు. రక్తదానం ద్వారా అత్యవసర పరిస్థితుల్లో ప్రాణాలు కాపాడేందుకు దాతలు చేస్తున్న సేవలు అభినందనీయమన్నారు. ఈ కార్యక్రమంలో ఫౌండేషన్‌ ప్రధాన కార్యదర్శి గొల్లె తిరుపతి, సభ్యులు ఎం. రవిచందర్‌, ఎస్‌. నిఖిల్‌, పి. సంతోష్‌, ఎస్‌. అద్వైత్‌ తదితరులు పాల్గొన్నారు.

కరీంనగర్‌: క్రమం తప్పకుండా వైద్యపరీక్షలు చేయించుకుని ఆరోగ్యంపై శ్రద్ధ వహించాలని జిల్లా న్యాయసేవాధికార సంస్థ కార్యదర్శి, సీనియర్‌ సివిల్‌ జడ్జి యశ్వంత్‌సింగ్‌ వృద్ధులకు సూచించారు. వృద్ధుల దినోత్సవం సందర్భంగా నగరంలోని ప్రభుత్వ వృద్ధులు, దివ్యాంగుల వసతి గృహంలో వైద్యపరీక్షలు నిర్వహించారు. జిల్లా ప్రధాన న్యాయమూర్తి, చైర్మన్‌ ఎస్‌.శివకుమార్‌ అనుమతితో శిబిరం చేపట్టా రు. జడ్జి యశ్వంత్‌సింగ్‌ మాట్లాడుతూ, వృద్ధు ల హక్కులు, సంక్షేమం, ఆరోగ్య పరిరక్షణకు న్యాయ సేవా సంస్థ ప్రాధాన్యత ఇస్తోందన్నా రు. అనంతరం పండ్లు పంపిణీ చేశారు. జిల్లా వైద్యాధికారి రాజగోపాల్‌రావు, న్యాయవాది కిరణ్‌కుమార్‌, ఎలుగు తణ్మయి, శ్రీపతి భావన, డాక్టర్లు విప్లవశ్రీ, ఇమ్రాన్‌ఖాన్‌, వార్డర్‌ ఎం.రాధిక, నర్సింగ్‌ ఆఫీసర్‌ తోట సృజన, వైద్యులు హారిక, మొహ్మమద్‌ ఆరీఫ్‌, టి.సాయిదీప్‌ తదితరులు పాల్గొన్నారు. నారాయణపూర్‌ ప్రజలకు న్యాయం చేస్తాంగంగాధర: మండలంలోని నారాయణపూర్‌ గ్రామస్తుల సమస్యను పరిష్కరించేందుకు పది శాఖల ఉన్నతాధికారులతో ప్రత్యేక కమిటీ ఏర్పాటు చేసి న్యాయం జరిగేలా చూస్తామని కలెక్టర్‌ చిత్రామిశ్రా తెలిపారు. నారాయణపూర్‌ గ్రామాన్ని గురువారం సందర్శించారు. గ్రామస్తులతో మాట్లాడుతూ.. ఎలాంటి అపోహ, ఆందోళనకు గురికావద్దన్నారు. రిజర్వాయర్‌ ప్రభావం, ముంపు పరిస్థితులు, భూసేకరణ, సాగుభూములు, ఇళ్లు, ప్రజాసౌకర్యాలపై పరిశీలిస్తామని తెలిపారు. సమస్యలు ఉంటే లిఖితపూర్వకంగా ఇవ్వాలని సూచించారు. సమస్యను పరిశీలించి ప్రభుత్వానికి నివేదిక అందిస్తామని స్పష్టం చేశారు. కరీంనగర్‌ కార్పొరేషన్‌: ఎస్‌ఐఆర్‌లో భాగంగా పెండింగ్‌లో ఉన్న 25వేల నోటీసులు పరిష్కరించాలని నగరపాలక సంస్థ కమిషనర్‌ ప్రఫు ల్‌ దేశాయ్‌ ఆదేశించారు. బీఎల్‌వోలు ఇంటింటికెళ్లి సర్టిఫికెట్లు సేకరించి ఆన్‌లైన్‌లో అప్‌లోడ్‌ చేయాలన్నారు. సర్‌ నోటీసుల పరిష్కార ప్రక్రియలో భాగంగా గురువారం నగరపాలకసంస్థ సమావేశ మందిరంలో బీఎల్వోలు, సూపర్‌వైజర్లతో సమావేశమయ్యారు. కరీంనగర్‌ నియోజకవర్గంలో రెండో దశ సర్‌ ప్రక్రియలో మొత్తం 93వేల నోటీసులు జారీ చేయగా.. 25వేలు హియరింగ్‌ కోసం పెండింగ్‌లో ఉన్నట్లు తెలి పారు. వీటిని వారం రోజుల్లో పూర్తి చేయాలన్నారు. ప్రతీరోజు 30 నోటీసుల డాక్యుమెంట్‌ సేకరించి, అప్‌లోడ్‌ చేయాలన్నారు. కొత్తపల్లి, రూరల్‌ మండలాల బీఎల్వోలు సంబంధిత తహసీల్దార్‌ ఆఫీస్‌లో ఆన్‌లైన్‌ నమోదు చేయించేలా చర్యలు తీసుకోవాలని సూచించారు. తహసీల్దార్లు రాజేశ్‌, నర్సింగరావు, నగరపాలకసంస్థ అదనపు కమిషనర్‌ ఆయాజ్‌, డిప్యూటీ కమిషనర్లు ఖాదర్‌ మొహియొద్దీన్‌, వేణుమాధవ్‌ తదితరులు పాల్గొన్నారు.జమ్మికుంట పత్తి మార్కెట్‌కు మూడు రోజుల సెలవు జమ్మికుంట: జమ్మికుంట వ్యవసాయ పత్తి మార్కెట్‌కు మూడు రోజుల సెలవులు ఉంటాయని చైర్‌ పర్సన్‌ పూల్లూరి స్వప్నసదానందం , కార్యదర్శులు మల్లేశం, రాజా తెలిపారు. శుక్రవారం గాంధీ జయంతి, శని ,ఆదివారం సెలవులని వివరించారు. సోమవారం యాధావిధిగా క్రయ విక్రయాలు కొనసాగాయని పేర్కొన్నారు. కాగా.. గురువారం క్వింటాల్‌ పత్తి రూ. 8,021 పలికిందని వారు తెలిపారు.

● రాష్ట్రస్థాయి పోటీల్లో వరుసగా 17వ సారి ఓవరాల్‌ చాంపియన్‌ ● రెండు దశాబ్దాలుగా తిరుగులేని ఆధిపత్యం కరీంనగర్‌స్పోర్ట్స్‌: రాష్ట్రస్థాయి యోగాసన క్రీడల్లో కరీంనగర్‌ జిల్లా మరోసారి తన ఆధిపత్యాన్ని చాటుకుంది. 13వ రాష్ట్రస్థాయి సబ్‌జూనియర్‌, జూనియర్‌ యోగాసన పోటీల్లో ప్రతిభ కనబరిచి ఓవరాల్‌ చాంపియన్‌షిప్‌ను సొంతం చేసుకొని వరుసగా 17వసారి చాంపియన్‌గా నిలిచింది. దాదాపు రెండు దశాబ్దాలుగా యోగా క్రీడల్లో తిరుగులేని శక్తిగా ఎదిగిన కరీంనగర్‌ రాష్ట్ర యోగా పటంలో తనకంటూ ప్రత్యేక ముద్ర వేసుకుంది. 2009 నుంచి విజయాల పరంపర కరీంనగర్‌ యోగా ప్రస్థానం ఒక్కరోజులో ఏర్పడింది కాదు.. సంవత్సరాల తరబడి సాగిన సాధన, క్రమశిక్షణ, శిక్షణ ఫలితంగా కరీంనగర్‌ జిల్లా రాష్ట్రంలో అగ్రస్థానానికి చేరుకుంది. 2007–08లో నిజామాబాద్‌లో జరిగిన పోటీల్లో ద్వితీయ స్థానంతో ప్రారంభమైన ప్రయాణం 2009–10లో హైదరాబాద్‌లో తొలిసారి ప్రథమ స్థానాన్ని సాధించడంతో కొత్త మలుపు తిరిగింది. ఆ తర్వాత పలు వేదికల్లో ప్రతిభను కొనసాగిస్తూ కరీంనగర్‌ వరుస విజయాలను నమోదు చేసింది. మధ్యలో 2012–13లో వర్ధన్నపేటలో జరిగిన పోటీల్లో తృతీయ స్థానానికి పరిమితమైనా, ఆ తర్వాత మరింత పట్టుదలతో పుంజుకుంది. 2013–14 నుంచి వరుసగా ప్రథమ స్థానాలను సాధిస్తూ తన ఆధిపత్యాన్ని చాటింది. తాజాగా 2026–27లోనూ చాంపియన్‌గా 17వసారి నిలిచింది. ఆతిథ్యమూ.. ఆధిపత్యమూ కరీంనగర్‌లో 1993లో జిల్లా యోగా అసోసియేషన్‌ ఏర్పాటైంది. 2004లో తొలిసారిగా రాష్ట్రస్థాయి యోగా పోటీలకు జిల్లా ఆతిథ్యమిచ్చింది. అనంతరం 2017–18, 2018–19, 2021–22, 2023–24 సంవత్సరాల్లోనూ రాష్ట్రస్థాయి పోటీలకు వేదికగా నిలిచింది. తాజాగా 2026–27లో మరోసారి రాష్ట్రస్థాయి పోటీలకు ఆతిథ్యమివ్వడంతో పాటు విజేతగా నిలవడం విశేషం. మొత్తంగా 17 సార్లు చాంపియన్‌గా, 2 సార్లు ద్వితీయ చాంపియన్‌గా, ఒకసారి తృతీయ చాంపియన్‌గా నిలిచింది. విజయ పరంపర కొనసాగిస్తాం కరీంనగర్‌ జిల్లా యోగాసన క్రీడల్లో వరుసగా 17వసారి ఓవరాల్‌ చాంపియన్‌గా నిలవడం గర్వకారణం. క్రీడాకారుల నిరంతర సాధన, కోచ్‌ల కృషి,, సంఘం ప్రణాళికాబద్ధమైన శిక్షణే ఈ విజయానికి ప్రధాన కారణం. రాష్ట్రస్థాయి విజయాలను జాతీయ, అంతర్జాతీయ స్థాయిలోనూ కొనసాగించేలా క్రీడాకారులను ప్రోత్సహిస్తాం. – నాగిరెడ్డి సిద్దారెడ్డి, యోగా సంఘం కరీంనగర్‌ జిల్లా అధ్యక్షుడు

సిరిసిల్లటౌన్‌: ముఖ్యమంత్రి రేవంత్‌రెడ్డి సభ అట్టర్‌ఫ్లాప్‌ షోగా ఉమ్మడి జిల్లా బీఆర్‌ఎస్‌ అధినాయకులు అభివర్ణించారు. సిరిసిల్ల తెలంగాణ భవన్‌లో గురువారం మాట్లాడారు. కేసీఆర్‌ హయాంలో తెచ్చిన ప్రాజెక్టులకే రిబ్బన్లు కట్‌ చేశారని, సభలో కేసీఆర్‌, కేటీఆర్‌పై చేసిన వ్యక్తిగత విమర్శలు, ఆరోపణలను బీఆర్‌ఎస్‌ నేతలు ఖండించారు. సీఎంకు ఏమాత్రం చిత్తశుద్ధి ఉన్నా సిరిసిల్ల స్ఫూర్తితో కొడంగల్‌ను అభివృద్ధి చేసి చూపాలని సవాల్‌ విసిరారు. కేసీఆర్‌ హయాంలో కరీంనగర్‌లో కేబుల్‌ బ్రిడ్జి, రివర్‌ఫ్రంట్‌ వంటి ప్రాజెక్టులు వచ్చాయని మాజీ మంత్రి, కరీంనగర్‌ ఎమ్మెల్యే గంగుల కమలాకర్‌ గుర్తుచేశారు. కలెక్టరేట్‌కు కేసీఆర్‌ ప్రభుత్వం నిధులు కేటాయించిందని, తానే భూమిపూజ చేశానని తెలిపారు. కాంగ్రెస్‌ ప్రభుత్వం మూడేళ్లలో కరీంనగర్‌కు కొత్తగా ఇచ్చిన పెద్ద ప్రాజెక్టు ఏమిటో సీఎం చెప్పాలని డిమాండ్‌ చేశారు. ఏళ్లుగా పెండింగ్‌లో ఉన్న రైల్వే బ్రిడ్జి పనులపై ఎంపీ బండి సంజయ్‌ సమక్షంలో సీఎం సమాధానం చెప్పాలన్నారు. ● బీఆర్‌ఎస్‌ ప్రధాన కార్యదర్శి, మాజీ మంత్రి జీవన్‌రెడ్డి మాట్లాడుతూ.. సిరిసిల్ల సభకు 10, 15 జిల్లాల నుంచి జనాన్ని తీసుకొచ్చారని స్థానికులు ఎవరూ లేరన్నారు. సిరిసిల్లను కేటీఆర్‌ అభివృద్ధికి నమూనాగా తీర్చిదిద్దారని అందుకే ప్రజలు అండగా నిలుస్తున్నారన్నారు. నేత కార్మికుల కోసం తీసుకొచ్చిన వర్కర్‌ టు ఓనర్‌ పథకం ఎందుకు నిలిచిపోయిందో ప్రభుత్వం సమాధానం చెప్పాలని డిమాండ్‌ చేశారు. ● మాజీ ఎంపీ బోయినపల్లి వినోద్‌కుమార్‌ మాట్లాడుతూ.. బీఆర్‌ఎస్‌ ప్రభుత్వం, ప్రజా ప్రతినిధులు చేపట్టిన ప్రాజెక్టులను కూడా కాంగ్రెస్‌ ఖాతాలో వేసుకునే ప్రయత్నం హా స్యాస్పదమన్నారు. 8వేల ఎకరాల భూముల వ్యవహారంపై సమాచారహక్కు చట్టం ద్వారా వివరాలు కోరామని తెలిపారు. ముఖ్యమంత్రి చేసిన ఆరోపణలకు ఆధారాలు ఉంటే బయటపెట్టాలని, ప్రజలకు వాస్తవాలు వివరించాలని డిమాండ్‌ చేశారు. ● మాజీ ఎమ్మెల్యే రసమయి బాలకిషన్‌ మాట్లాడుతూ.. రేవంత్‌రెడ్డి సభకు వచ్చిన జనం అభివృద్ధి కోరుకున్నారని, వ్యక్తిగత దూషణలు, రాజకీయాలను కోరుకోవడం లేదన్నారు. సిరిసిల్ల జిల్లాను ఏర్పాటు చేసింది కేసీఆర్‌ ప్రభుత్వమేనని, ఇక్కడి ప్రజల మనోభావాల ను గౌరవించకుండా కేసీఆర్‌, కేటీఆర్‌పై విమర్శలు చేయడం సరికాదన్నారు. ● హుజూరాబాద్‌ ఎమ్మెల్యే పాడి కౌశిక్‌రెడ్డి మాట్లాడుతూ.. కేసీఆర్‌ ప్రభుత్వం నిర్మించిన కట్టడాలకు రిబ్బన్లు కట్‌చేసే ప్రభుత్వంగా కాంగ్రెస్‌ పాలన మారిందని విమర్శించారు. కేసీఆర్‌ ఆనవాళ్లు లేకుండా చేస్తామన్న రేవంత్‌రెడ్డి, చివరికి కేసీఆర్‌ ప్రభుత్వం నిర్మించిన కలెక్టరేట్‌నే ప్రారంభించారన్నారు. హుజూరా బాద్‌ నియోజకవర్గానికి రెండో విడత దళితబంధు నిధులు విడుదల చేయాలని కోరారు. ఎమ్మెల్యే సంజయ్‌, మాజీ ఎమ్మెల్యేలు దాసరి మనోహర్‌రెడ్డి, రసమయి బాలకిషన్‌, సుంకె రవిశంకర్‌, పుట్ట మధు, మాజీ ఎమ్మెల్సీ నారదాసు లక్ష్మణ్‌రావు, బీఆర్‌ఎస్‌ జిల్లా అధ్యక్షుడు తోట ఆగయ్య, సిరిసిల్ల మున్సిపల్‌ చైర్‌పర్సన్‌ జిందం కళాచక్రపాణి, తుల ఉమ, న్యాలకొండ అరుణ రాఘవరెడ్డి, ద్యావ వసంత, సివిల్‌ సప్లయ్‌ కార్పొరేషన్‌ మాజీ చైర్మన్‌ రవీందర్‌సింగ్‌ తదితరులు పాల్గొన్నారు.

హుజూరాబాద్‌: పక్కా ప్లాన్‌ వేశారు.. తొలుత పరిచయం చేసుకున్నారు.. స్నేహం పెరిగాక మద్యం తాగుదామని ఆహ్వానించారు.. ఆ తర్వాత కత్తులతో పొడిచి హత్య చేశారు.. మృతదేహాన్ని ఎస్సారెస్పీ కాలువలో పడవేసి వెళ్లిపోయారు.. ఉమ్మడి వరంగల్‌ జిల్లా కమలాపూర్‌ మండలం ఉప్పల్‌పల్లి గ్రామానికి చెందిన వడిగే రాకేశ్‌(30) హత్య కేసు దర్యాప్తులో పోలీసులు తేల్చిన అంశాలు ఇవీ.. ఈ ఘటనలో నలుగురు నిందితులను అరెస్ట్‌ చేయగా, మరోఐదుగురు పరారీలు ఉన్నారు. కరీంనగర్‌ జిల్లా హుజూరాబాద్‌ పట్టణ పోలీస్‌స్టేషన్‌లో గురువారం ఏర్పాటు చేసిన విలేకరుల సమావేశంలో ఏసీపీ వాసంశెట్టి మాధవి వివరాలు వెల్లండించారు. ఉప్పల్‌పల్లికి చెందిన వడిగే రాకేశ్‌కు అదేగ్రామానికి చెందిన అమరగొండ ప్రశాంత్‌ భార్యతో వివాహేతర సంబంధం ఉందనే అనుమానాల నేపథ్యంలో ఇద్దరి మధ్య గతంలోనే వివాదాలు చోటుచేసుకున్నాయి. గ్రామ పెద్దల సమక్షంలోనూ పలుమార్లు పంచాయితీలు జరిగాయి. అయినా సమస్య సమసిపోలేదు. రాకేశ్‌ను ఎలాగైనా చంపాలని ప్రశాంత్‌ పథకం వేశాడు. రూ.4.5 లక్షలకు డీల్‌? రాకేశ్‌ హత్యకు పథకం రూపొందించిన ప్రశాంత్‌.. గతంలో తన వద్ద డ్రైవర్‌గా పనిచేసిన రాజ్‌కుమార్‌ను సంప్రదించి సహకరించాలని కోరాడు. ఇందుకోసం రిత్విక్‌, తుమ్ముల అఖిల్‌, టి.అఖిల్‌, రాహుల్‌, బి.చందు, బి.అజయ్‌, గణేశ్‌ను పథకంలో భాగం చేశాడు. ఇందుకోసం రూ.4.50 లక్షలు ఇచ్చేలా డీల్‌ కుదుర్చుకున్నాడు. మద్యం తాగుదామని రప్పించి.. డ్రైవర్‌ రాజ్‌కుమార్‌ పథకం ప్రకారం రాకేశ్‌తో పరిచయం పెంచుకున్నాడు. స్నేహం పెరిగాక మద్యం తాగుదామని చెప్పి ఎల్కతుర్తికి రప్పించాడు. ఆ తర్వాత సెప్టెంబర్‌ 27న హుజూరాబాద్‌ తీసుకెళ్లి మద్యం తాగిన తర్వాత పెద్దపాపయ్యపల్లి శివారులోని ఎస్సారెస్పీ కాలువ వద్దకు తీసుకెళ్లారు. అప్పటికే అక్కడ ప్రశాంత్‌తోపాటు మిగతా నిందితులు చేరుకున్నారు. వారిని చూసిన రాకేశ్‌ భయపడి తప్పించుకునేందుకు యత్నించాడు. అడ్డుకున్న నిందితులు కత్తులతో దాడిచేశాడు. ప్రశాంత్‌ కత్తితో గొంతుపై పొడవడంతో రాకేశ్‌ తీవ్రగాయాలతో అక్కడికక్కడే మృతి చెందాడు. ఆ తర్వాత మృతదేహాన్ని కాలువలో పడవేసి వెళ్లిపోయారు. మృతుడి తల్లి వడిగే దేవక్క ఫిర్యాదు మేరకు అన్ని కోణాలు దర్యాప్తు చేసిన పోలీసులు.. ఎల్కతుర్తిలో అదుపులోకి.. ఎల్కతుర్తిలోని అద్దె ఇంట్లో తలదాచుకున్న అమరగొండ ప్రశాంత్‌, రాజ్‌కుమార్‌, అమరగుండ రిత్విక్‌, తుమ్ముల అఖిల్‌ను గురువారం అదుపులోకి తీసుకున్నారు. వారినుంచి కత్తులు, రెండు ద్విచక్రవాహనాలు, మొబైల్‌ఫోన్లు స్వాధీనం చేసుకున్నారు. టి.అఖిల్‌, రాహుల్‌, బి.చందు, బి.అజయ్‌, గణేశ్‌ పరారీలో ఉన్నారు. సమావేశంలో టౌన్‌ సీఐ కరుణాకర్‌, ఎస్‌ఐ కె.రవి, పోలీసులు తదితరులు ఉన్నారు.

పలకరిస్తూ.. పాదయాత్ర చేస్తూ..సిరిసిల్ల: రాజన్న సిరిసిల్ల జిల్లా కేంద్రంలో బుధవారం నిర్వహించిన సీఎం రేవంత్‌రెడ్డి బహిరంగ సభ.. పాదయాత్ర కాంగ్రెస్‌ పార్టీ శ్రేణుల్లో జోష్‌ నింపింది. సిరిసిల్ల వీధుల్లో 30 నిమిషాలపాటు మూడు కిలోమీటర్లు సీఎం రేవంత్‌రెడ్డి పాదయాత్ర చేస్తూ.. దారి వెంట ఉన్న యువకులను, మహిళలను, నేతన్నలకు అభివాదం చేస్తూ ఉత్సాహం నింపారు. సీఎం ప్రసంగంలోనూ సిరిసిల్లలో మూడురంగుల జెండా ఎగురాలని, మంత్రి చాన్స్‌ వస్తుందని స్పష్టం చేశారు. మరోవైపు పద్మశాలీ బిడ్డను ఎమ్మెల్సీని చేస్తామని ప్రకటించారు. ఎవరా అభ్యర్థి.. అనే చర్చ మొదలైంది. సభలో మంత్రి తుమ్మల నాగేశ్వరరావు మాట్లాడుతూ గత పాలకులు సిరిసిల్ల నేతన్నలకు పెట్టిన రూ.350 కోట్ల బకాయిలను ప్రజా ప్రభుత్వం చెల్లించిందని తెలిపారు. కొండా లక్ష్మణ్‌ బాపూజీ జయంతి సందర్భంగా రూ.50 కోట్ల మేరకు నేతన్నల వ్యక్తిగత రుణాలు మాఫీ చేశామన్నారు. పదేళ్ల బీఆర్‌ఎస్‌ పాలనలో ప్రజలకు ఇచ్చిన హామీలను అమలు చేయలేదని రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌ బాబు విమర్శించారు. నేరెళ్ల ఘటన సమయంలో లోక్‌సభ మాజీ స్పీకర్‌ మీరాకుమారిని తీసుకొచ్చి న్యాయం చేయాలని పోరాటం చేశామని గుర్తు చేశారు. వేములవాడ రాజరాజేశ్వరస్వామి ఆలయ అభివృద్ధి పనులకు శ్రీకారం చుట్టామని తెలిపారు. 2023, డిసెంబర్‌లో ప్రజా పాలన వచ్చిన తర్వాత రైతుల సంక్షేమం, ప్రజ లకు వసతుల కల్పన, ప్రజా సంక్షేమం, నేతన్నల సంక్షేమం కోసం అనేక కార్యక్రమాలు చేపట్టా మని బీసీసంక్షేమ, రవాణాశాఖ మంత్రి పొన్నం ప్రభాకర్‌ అన్నారు. నేరెళ్ల బాధితులకు ముఖ్య మంత్రి రేవంత్‌ రెడ్డి చేతుల మీదుగా రూ.5 లక్షల పరిహారం అందిస్తున్నందుకు కృతజ్ఞతలు తెలుపుతున్నట్లు ఎస్సీ, ఎస్టీ, సంక్షేమ శాఖ మంత్రి అడ్లూరి లక్ష్మణ్‌ కుమార్‌ పేర్కొన్నారు. జిల్లాలో ముఖ్యమంత్రి మొదటి అడుగు పడిందని, రెండో అడుగు సిద్దిపేటలో, మూడో అడుగు గజ్వేల్‌లో పడుతుందని ప్రభుత్వ విప్‌ ఆది శ్రీనివాస్‌ అన్నా రు. నేరెళ్ల బాధితులకు రూ.10 లక్షల చొప్పున కొందరికి, రూ.5 లక్షల చొప్పున మరికొందరికి ఆర్థిక సహాయం చెక్కులు పంపిణీ చేశారు. శంకుస్థాపన.. ప్రారంభోత్సవాలు సిరిసిల్ల, వేములవాడల్లో యంగ్‌ ఇండియా ఇంటిగ్రేటెడ్‌ రెసిడెన్షియల్‌ స్కూళ్ల నిర్మాణాలకు రూ.200 కోట్ల చొప్పున కేటాయించారు. ఈ స్కూళ్ల నిర్మాణాలకు సీఎం శంకుస్థాపన చేశారు. వేములవాడ రాజన్న ఆలయ అభివృద్ధికి రూ.99.40 కోట్లతో చేపట్టిన పనులకు శంకుస్థాపన చేశారు. సిరిసిల్ల, వేములవాడ ఆర్డీవో ఆఫీస్‌లకు, తంగళ్లపల్లి, వీర్నపల్లి, వేములవాడ రూరల్‌, రుద్రంగి తహసీల్దార్‌ ఆఫీస్‌లకు, వేములవాడ సబ్‌ రిజిస్ట్రేషన్‌ ఆఫీస్‌కు, రుద్రంగిలో 10వేల మెట్రిక్‌ టన్నుల సామర్థ్యంతో నిర్మించే గోదాముకు సీఎం శంకుస్థాపన చేశారు. రూ.5 కోట్లతో నిర్మించిన జిల్లా సమాఖ్య భవవాన్ని ప్రారంభించారు. ఈ కార్యక్రమంలో డీసీసీ అధ్యక్షుడు సంగీతం శ్రీనివాస్‌, గ్రంథాలయ చైర్మన్‌ నాగుల సత్యనారాయణగౌడ్‌, పట్టణ అధ్యక్షుడు సూర దేవరాజు, జిల్లాలోని అన్ని మండలాల పార్టీ నాయకులు పాల్గొన్నారు.కరీంనగర్‌ అర్బన్‌: నగరంలో ముఖ్యమంత్రి రేవంత్‌రెడ్డి పర్యటనతో నయాజోష్‌ నింపింది. హెలీ క్యాప్ట ర్‌లో వచ్చిన సీఎం ప్రత్యేక పూజలు నిర్వహించి, కొత్త కలెక్టరేట్‌ ప్రారంభించారు. ఉద్యోగులు, పాలకులకు పలు అంశాలపై దిశానిర్దేశం చేశారు. ప్రతీ పేదోడికి కలెక్టరేట్‌ భరోసాగా ఉండాలని, సమస్యలను సత్వరం పరిష్కరించాలన్నారు. బుధవారం సమీకృత కార్యాలయాల జిల్లా సముదాయాన్ని షెడ్యూల్‌ ప్రకారం మధ్యాహ్నం 3గంటలకు కార్యక్రమం ప్రారంభం కావాల్సి ఉండగా అరగంట ఆలస్యంగా ప్రారంభమైంది. పీసీసీ అధ్యక్షుడు మహేశ్‌కుమార్‌ గౌడ్‌, కేంద్ర హోంశాఖ సహాయ మంత్రి బండి సంజయ్‌కుమార్‌, రాష్ట్ర మంత్రులు దుద్దిళ్ల శ్రీధర్‌బాబు, పొన్నం ప్రభాకర్‌, అడ్లూరి లక్ష్మణ్‌కుమార్‌, పొంగులేటి శ్రీనివాస్‌రెడ్డి, తుమ్మల నాగేశ్వర్‌రావులతో కలిసి తెలంగాణ తల్లి విగ్రహాన్ని ఆవిష్కరించిన అనంతరం రూ.51కోట్లతో నిర్మించిన నూతన కలెక్టరేట్‌ను ప్రారంభించారు. నూతన కలెక్టరేట్‌ భవనం పేద ప్రజలకు విశ్వాసం, భరోసా కల్పించే విధంగా ఉండాలని కేంద్ర హోంశాఖ సహాయ మంత్రి బండి సంజయ్‌కుమార్‌ అధి కారులకు సూచించారు. రాష్ట్రంలో ప్రజల ఆకాంక్షలకు అనుగుణంగా సమస్యల పరిష్కారానికి ప్రత్యేకంగా కృషి చేస్తున్నామని జిల్లా ఇన్‌చార్జి మంత్రి, వ్యవసాయ శాఖ మంత్రి తుమ్మల నాగేశ్వరరావు పేర్కొన్నారు. కాంగ్రెస్‌ ప్రభుత్వం చేపడుతున్న అభివృద్ధి, సంక్షేమ కార్యక్రమాల ఫలాలు పేదలకు అందేలా చూడాల్సిన బాధ్యత అధికారులపై ఉందని మంత్రి పొన్నం ప్రభాకర్‌ పేర్కొన్నారు. నూతన కలెక్టరేట్‌ ద్వారా జిల్లా అధికార యంత్రాంగం ప్రజలకు మరింత మంచి పరిపాలన అందించాలని మంత్రి పొంగులేటి శ్రీనివాస్‌రెడ్డి పేర్కొన్నారు. అభివృద్ధి కార్యక్రమాలను అధికారులు సమర్థవంతంగా ముందుకు తీసుకెళ్లాలని మంత్రి దుద్దిళ్ల శ్రీధర్‌బాబు పేర్కొన్నారు. మరింత బాధ్యతతో పనిచేయాలని మంత్రి అడ్లూరి లక్ష్మణ్‌కుమార్‌ సూచించారు. రాష్ట్ర మున్నూరుకాపు కార్పొరేషన్‌ ఛైర్మన్‌ బొమ్మ శ్రీరామ్‌చక్రవర్తి, మహిళా కమిషన్‌ చైర్‌పర్సన్‌ నేరెళ్ల శారద, మేయర్‌ శ్రీనివాస్‌, ఎమ్మెల్యేలు మేడిపల్లి సత్యం, కవ్వంపల్లి సత్యనారాయణ, ఎమ్మెల్సీ మల్క కొమురయ్య, కలెక్టర్‌ చిత్రామిశ్రా, సీపీ గౌస్‌ ఆలం, అదనపు కలెక్టర్లు డి.శ్రీనివాస్‌రెడ్డి, అశ్విని తానాజీ వాకడే, డిఆర్వో జె.స్వామి, గ్రంథాలయ సంస్థ చైర్మన్‌ సత్తు మల్లేశం, వ్యవసాయ మార్కెట్‌ కమిటీ ఛైర్మన్‌ ఆకుల నర్సన్న, ఆర్టీఏ మెంబర్‌ రాహూల్‌, డిప్యూటీ మేయర్‌ సునీల్‌రావు, ట్రైనీ ఐఎఎస్‌ హరిప్రసాద్‌ పాల్గొన్నారు. రూ.29.62కోట్లతో జిల్లాలో చేపడుతున్న మూడు తెలంగాణ పబ్లిక్‌ స్కూల్స్‌ నిర్మాణ పనులకు సీఎం శంకుస్థాపన చేశారు. అర్బన్‌ చాలెంజ్‌ ఫండ్‌ కింద రూ.840కోట్లతో కార్పొరేషన్‌ పరిధిలో చేపడుతున్న వివిధ అభివృద్ధి పనులకు, కేఎస్‌సీసీఎల్‌ స్పెషల్‌ గ్రాంట్స్‌ కింద రూ.21.60కోట్లతో చేపట్టిన వరద నీటి మురుగు కాల్వల నిర్మాణ పనులకు, రూ.25 కోట్లతో చేపట్టనున్న మల్టీలెవల్‌ పార్కింగ్‌ బిల్డింగ్‌ నిర్మాణ పనులకు శంకుస్థాపన చేశారు. రూ.5.70 కోట్లతో నిర్మించిన సెంట్రల్‌ లైబ్రరీ భవనాన్ని, రూ.6.50కోట్లతో నిర్మించిన కశ్మీర్‌గడ్డ సమీకృత వెజ్‌,నాన్‌వెజ్‌ మార్కెట్‌ను, రూ.16.50కోట్లతో నిర్మించిన ఇంటిగ్రేటెడ్‌ కమాండ్‌ కంట్రోల్‌ సెంటర్‌, డీఆర్‌ఎఫ్‌ కార్యాలయాలను ప్రారంభించారు. ప్రతీ ఒక్కరికి కృతజ్ఞతలుసమీకృత కలెక్టరేట్‌ భవనం ప్రారంభోత్సవంతో పాటు పలు అభివృద్ధి కార్యక్రమాల ప్రారంభానికి ముఖ్యమంత్రి ఎ.రేవంత్‌రెడ్డి జిల్లా పర్యటనకు విచ్చేసిన సందర్భంగా కార్యక్రమాలను విజయవంతంగా నిర్వహించేందుకు కృషి చేసిన ప్రతి ఒక్కరికీ కలెక్టర్‌ చిత్రా మిశ్రా కృతజ్ఞతలు తెలిపారు. మంత్రులు, ఉన్నతాధికారులు, పోలీస్‌, వివిధ శాఖల అధికారులు, ప్రొటోకాల్‌, భద్రత, పారిశుద్ధ్యం, విభాగాల సిబ్బందికి ధన్యవాదాలు తెలిపారు.మీడియా పాయింట్‌లో సంబంధం లేని వ్యక్తులుండటంతో పోలీస్‌ నిఘా విభాగం గుర్తించింది. 10 మంది వరకు మీడియాకు సంబంధం లేని వ్యక్తులుండగా వారిని అదుపులోకి తీసుకున్నారు. కార్పొరేటర్‌ భాస్కర్‌నాయక్‌, గొర్రెలు, మేకల పెంపకందారుల సహకార సంఘం జిల్లా చైర్మన్‌ బాసవేని మల్లేశం సీఎంకు చిత్రపటాలను ఇచ్చేందుకు వెళ్లగా భద్రత విభాగం నిలువరించింది. సీపీ గన్‌మెన్లనూ దూరంగా పంపించడం చర్చనీయాంశమైంది.

కరీంనగర్‌ అర్బన్‌: ఇంటిగ్రేటెడ్‌ జిల్లా కార్యాలయ సముదాయం (ఐడీవోసీ) ప్రారంభోత్సవానికి ముఖ్యమంత్రి రేవంత్‌ రెడ్డి రాగా జిల్లా ఉద్యోగ జేఏసీ ఆధ్వర్యంలో బుధవారం ఘన స్వాగతం పలికారు. రాష్ట్ర ఉద్యోగ జేఏసీ చైర్మన్‌ మారం జగదీశ్వర్‌, కరీంనగర్‌ జిల్లా ఉద్యోగ జేఏసీ చైర్మన్‌ దారం శ్రీనివాస్‌ రెడ్డి, కన్వీనర్‌ మడిపల్లి కాళిచరణ్‌ గౌడ్‌ ఆధ్వర్యంలో కరీంనగర్‌ జిల్లా ఉద్యోగులు ముఖ్యమంత్రిని కలిసి శాలువాతో సత్కరించి, జ్ఞాపికను అందజేశారు. సంగెం లక్ష్మణరావు, అరవింద్‌ రెడ్డి, ముప్పిడి కిరణ్‌ కుమార్‌ రెడ్డి, రాగి శ్రీనివాస్‌, సర్దార్‌ హర్మిందర్‌ సింగ్‌, ప్రభాకర్‌ రెడ్డి, గంగారపు రమేష్‌, ప్రసాద్‌ రెడ్డి, శారద, సరిత ఉన్నారు.

● గ్యాస్‌ లీకై వ్యాపించిన మంటలు ● సిబ్బంది అప్రమత్తతతో తప్పిన ప్రమాదం బుగ్గారం: మండలకేంద్రంలోని అంగన్‌వాడీ కేంద్రంలో బుధవారం మ ధ్యాహ్నం అగ్నిప్రమాదం చోటుచేసుకుంది. గ్రామంలోని మూడో అంగన్‌వాడీ కేంద్రంలో మొత్తం 14 మంది చిన్నారులు ఉన్నా రు. అద్దె భవనంలో కొనసాగుతున్న ఈ కేంద్రంలో ఓ చిన్న వంటగది, పిల్లలు అభ్యసించే గది ఉన్నాయి. పల్లెర్ల సరిత అంగన్‌వాడీ టీచర్‌గా విధులు నిర్వహిస్తున్నారు. మధ్యాహ్నం ఎప్పటిలాగే విద్యార్థులకు వంట చేస్తుండగా గ్యాస్‌ లీకై గది అంతా వ్యాపించాయి. వెంటనే అంగన్‌వాడీ సిబ్బంది, స్థానికులు అప్రమత్తమై విద్యార్థులను హుటాహుటిన బయటకు పంపించి మంటలను ఆర్పివేశారు. కేంద్రంలోని కొన్ని పుస్తకాలు, ఇతర సామగ్రి కాలిపోయినట్లు ఐసీడీఎస్‌ సూపర్‌వైజర్‌ నీలిమ తెలిపారు. సెక్టార్‌ సమావేశం ఉండడంతో ఇతర కేంద్రాల సిబ్బంది కూడా అక్కడే ఉండడంతో మంటలు ఆర్ప డం సులువైంది. చిన్నారులు ఉన్న కేంద్రంలో వంట చేసేందుకు ఉపయోగించే సిలిండర్‌, గ్యాస్‌పొయ్యిలను ఎప్పటికప్పుడు తనిఖీ చేయడంలో నిర్లక్ష్యంగా ఉండడంతోనే గ్యాస్‌ లీకై ప్రమా దం మంటలు వ్యాపించాయని స్థానికులు చర్చించుకుంటున్నారు.

కరీంనగర్‌ సిటీ: జిల్లా పర్యటనకు వచ్చిన ముఖ్య మంత్రి రేవంత్‌ రెడ్డిని శాతవాహన యూనివర్సిటీ వీసీ ఉమేశ్‌ కుమార్‌ మర్యాదపూర్వకంగా కలిశారు. విశ్వవిద్యాలయంలో నూతన పరిశోధనా కేంద్రం ఏర్పాటు చేయాలని వినతిపత్రం ఇచ్చారు. ఉమ్మడి జిల్లా విద్యార్థుల భవిష్యత్తును, ఉన్నత విద్యా ప్రమాణాలను దృష్టిలో ఉంచుకుని అధునాతన రీసెర్చ్‌ సెంటర్‌తో పాటు వసతుల కల్పనకు అవసరమైన నిధులు మంజూరు చేయాలని కోరారు. విశ్వవిద్యాలయాన్ని అన్ని రంగాల్లో అభివృద్ధి పరిచేందుకు సహకారం అందించాలని విజ్ఞప్తి చేశారు. విశ్వవిద్యాలయంలో పరిశోధనా వసతులు మెరుగుపడితే స్థానిక విద్యార్థులకు, యువతకు ఎంతో మేలు జరుగుతుందని వివరించారు.

గరిష్టం/కనిష్టంసంఘాల్లో చేర్పించాలి చిగురుమామిడి: మహిళలను ఎస్‌హెచ్‌జీల్లో చేర్పించాలని డీఆర్‌డీవో పీడీ గీత సూచించారు. చిగురుమామిడిలో టీసెర్ఫ్‌ కార్యాలయంలో వీవో ఎంఎస్‌ గ్రేడింగ్‌పై శిక్షణ కార్యక్రమం నిర్వహించారు.క్వింటాల్‌ పత్తి రూ.8,000జమ్మికుంట: జమ్మికుంట వ్యవసాయ పత్తి మార్కెట్‌లో బుధవారం కొత్తపత్తి క్వింటాల్‌కు రూ. 8,000 పలికింది. క్రయవిక్రయాలను కార్యదర్శులు మల్లేశం, రాజా పర్యవేక్షించారు.

ఒకప్పుడు ఇంటి వెనుక, పొలాల్లోని గడ్డివామును లక్ష్యంగా చేసుకుని బాణాలు సంధించింది. ఇప్పుడు అంతర్జాతీయ వేదికపై భారత జెండాను రెపరెపలాడిస్తోంది. ఆమే చికిత. పెద్దపల్లి జిల్లా సుల్తాన్‌పూర్‌కు ఆమె ప్రస్తానం ప్రారంభించినప్పుడు సౌకర్యాలు లేవు. ప్రత్యేక శిక్షణా కేంద్రం లేదు. ఖరీదైన పరికరాలు కొనుగోలు చేయలేదు. కూతురి కలను నెరవేర్చేందుకు తండ్రి తన శక్తిమేర అండగా నిలిచాడు. ఆ నమ్మకానికి చికిత తన బాణాలతో సమాధానం చెబుతూ వచ్చింది. కెనడాలో ప్రపంచ చాంపియన్‌షిప్‌ స్వర్ణాన్ని దాటి ఇప్పుడు ఆసియా క్రీడల స్వర్ణ శిఖరాన్ని చేరింది. – వివరాలు 8లో..

ధర్మపురి: ధర్మపురి శ్రీలక్ష్మీనృసింహస్వామి ఆలయంలో వివిధ రకాల పనుల నిమిత్తం ఉపయోగపడేలా హైదరాబాద్‌కు చెందిన దంపతులు ఆశీష్‌ కులకర్ణి, కవిత దంపతులు మారుతీ సుజుకీ వాహనాన్ని బుధవారం బహూకరించారు. కారు విలువ సుమారు 6.50లక్షలు ఉంటుందని దంపతులు తెలిపారు. ముందుగా వాహనానికి ప్రత్యేక పూజలు చేసి ప్రారంభించారు. దంపతులకు స్వామివారి శేషవస్త్రం, ప్రసాదాలు అందించారు. కార్యక్రమంలో ఆలయ ఈవో శ్రీనివాస్‌, సూపరింటెండెంట్‌ శ్రీనివాస్‌, అర్చకులు, సిబ్బంది తదితరులున్నారు. బైక్‌, కారు ఢీ.. ఒకరి దుర్మరణంమానకొండూర్‌: ఓ రైతు తన ద్విచక్రవాహనం టీవీఎస్‌ ఎక్సెల్‌పై వెళ్తుండగా.. కరీంనగర్‌ నుంచి వరంగల్‌కు వస్తు న్న కారు ఢీకొనడంతో మృతిచెందాడు. స్థానికుల వివరాల ప్రకారం.. చెంజర్ల గ్రామానికి చెందిన గొల్లెన మొండయ్య(55) అనే రైతు బుధవారం వ్యవసాయ బావి వద్దకు తన ద్విచక్ర వాహనంపై వెళ్తుండగా.. గ్రామ శివారులోని డీబీఎస్‌ కంపెనీ క్రాసింగ్‌ సమీపంలో కరీంనగర్‌ నుంచి వరంగల్‌ వైపు వెళ్తున్న కారు వెనక నుంచి ఢీకొట్టింది. తీవ్ర గాయాలైన మొండయ్య సంఘటనా స్థలంలోనె మృతిచెందాడు. గ్రామస్తుల సమాచారం మేరకు పోలీసులు చేరుకొని కేసు నమోదు చేసి పోస్టుమార్టం నిమిత్తం మృతదేహాన్ని కరీంనగర్‌ ప్రభుత్వ ఆసుపత్రికి తరలించారు. మృతుడికి భార్య, ఇద్దరు కుమారులు, ఇద్దరు కుమార్తెలున్నారు. తప్పిపోయిన బాలుడు.. తల్లిదండ్రులకు అప్పగించిన పోలీసులుతిమ్మాపూర్‌ : ఎల్‌ఎండీ పోలీస్‌ స్టేషన్‌లో తప్పిపోయిన బాలుడు ఉన్నట్లు పోలీసులు తెలిపారు. మండలంలోని రేణుకుంట టోల్‌ ప్లాజా వద్ద రాజీవ్‌ రహదారిపై నడుచుకుంటూ వెళ్తుండగా, టోల్‌ సిబ్బంది గమనించి వివరాలు అడిగారు. ఏమీ చెప్పక పోవడంతో పోలీస్‌ స్టేషన్లో అప్పగించారు. దీంతో పోలీసులు దీనిపై వివిధ పోలీస్‌ స్టేషన్లకు సమాచారం అందించారు. ఇంతలో బాలుడి తల్లిదండ్రులు తమ బాబు కోసం వెతుకుతున్నట్లు కొత్తపల్లి వాసులు గమనించారు. పోలీసులకు సమాచారం ఇచ్చారు. దీంతో వారు కొత్తపల్లికి వెళ్లి విచారణ చేశారు. ఫంక్షన్‌ హాల్‌లో పనికి వచ్చిన వారి కొడుకుగా బాలుడిని గుర్తించారు. దీంతో ఠాణాకు తీసుకువచ్చి బాలుడిని అప్పగించామని ఎస్సై అన్వర్‌ తెలిపారు.

కరీంనగర్‌ అర్బన్‌: సర్‌ ప్రక్రియ పక్కాగా చేపడుతున్నారు. బోగస్‌ ఓటర్లకు తావు లేకుండా పరిశీలన చేపడుతున్నారు. ఎన్నికలాధికారులు ఇస్తున్న నోటీసులకు జవాబిచ్చే ముందు.. 22 ఏళ్లలోపు వయసున్న ఓటర్లు జాగ్రత్త వహించాల్సి ఉండగా స్వీయ గుర్తింపుకార్డుతో పాటు తల్లిదండ్రుల గుర్తింపుకార్డులనూ ఎన్నికల అధికారికి అందజేయాలి. అప్పుడే ఓటును తుది జాబితాకు పంపిస్తారు. లేదంటే రద్దు చేస్తారు. ఓటరు జాబితా ప్రత్యేక సమగ్ర సవరణ (సర్‌) ప్రక్రియలో భాగంగా నోటీసులందుకుంటున్న ఓటర్లు.. ఏఏ పత్రాలను అందజేయాలో తెలియక చాలామంది ఆధార్‌ కారు్‌ోడ్త వెళ్తున్నారు. ఈ క్రమంలో ఎన్నికల అధికారులు వయసుల వారీగా ఎవరెవరు, ఎన్ని గుర్తింపుకార్డులు అందజేయాలో వివరించి ఓటర్లను వెనక్కి పంపుతున్నారు. తుది దశలో పంపిణీ ఆగస్టు 17, 2026న రాష్ట్ర ఎన్నికల కమిషన్‌ ముసాయిదా జాబితా ప్రకటించింది. షెడ్యూలు ప్రకారం ఆ రోజు నుంచే నోటీసుల పంపిణీ మొదలవాల్సి ఉండగా వారం తర్వాత ప్రారంభమైంది. జిల్లాలో 1300కు పైగా పోలింగ్‌ కేంద్రాలుండగా, బూత్‌లవారీగా బీఎల్‌వోలు నోటీసులు జారీ చేస్తున్నారు. నోటీసుల ప్రక్రియ చివరి దశకు చేరుకోగా ఓటర్లు వివరాలను అందజేస్తున్నారు. నోటీసులకు బదులిచ్చే క్రమంలో కొందరు ఆధార్‌ కార్డు ఇస్తున్నారని, మరో ఆమోదిత గుర్తింపు కార్డును జత చేయాలని అధికారులు కోరుతున్నారు. కొత్త ఓటు నమోదు కోసం ఫారం–6, ఓటరు వివరాల సవరణ కోసం ఫారం–8ను సమర్పించే వారు వాటితో పాటు డిక్లరేషన్‌ ఇవ్వాల్సి ఉందని గుర్తుచేస్తున్నారు. నోటీసులు ఎవరికి? ఎన్యూమరేషన్‌ ఫారంలో 2002 జాబితా లోని తల్లిదండ్రులు లేదా వ్యక్తిగత వివరాలు నమోదు చేయకపోవడం, పేరు, పుట్టినతేదీ, లింగం, చిరునామాలో తప్పులుండటం వంటి కేటగిరీలోని వారికి నోటీసులు జారీ అందజేశారు. రెండుచోట్ల ఓటుంటే.. వేటే! ఒక వ్యక్తికి రెండు చోట్ల ఓటు ఉండటం, నివాసం మారినా పాత ఓటు తొలగించకపోవడం తదితర సమస్యలు ఎన్నికల నిర్వహణకు సవాలుగా మారాయి. దీనికి శాశ్వత పరిష్కారం చూపేందుకు ఎన్నికల సంఘం ఏఐ ఆధారిత టూల్స్‌ వినియోగిస్తోంది. ఉపాధి, ఉన్నత చదువుల కోసం వేరే ప్రాంతాలకు వెళ్లినా.. వివాహం తర్వాత నివాసం మారినా చాలా మంది పాతచోట ఓటు తొలగించకుండానే కొత్తది నమోదు చేసుకుంటున్నారు. ఓ వ్యక్తి కొత్తగా ఓటు హక్కు కోసం ఫారం–6 సమర్పించగానే ఆ వివరాలు దేశంలో వేరేచోట నమోదై ఉన్నాయా? లేదా? అనేది తక్షణమే తనిఖీ చేస్తుంది. సిస్టం అందించిన జాబితా ఆధారంగా బీఎల్వోలు నేరుగా ఓటరు ఇంటికి వెళ్లి వివరాలు ధ్రువీకరిస్తారు. డబుల్‌ ఎంట్రీలు ఉన్నట్లు తేలితే ఓటరు అనుమతితో లేదా నిబంధనల ప్రకారం ఫారం–7 ద్వారా పాత ఓట్లు తొలగించనున్నారు.

గోదావరిఖని: పెద్దపల్లి జిల్లా గోదావరిఖని వన్‌టౌన్‌ పోలీస్‌స్టేషన్‌ పరిధిలోని బస్టాండ్‌ కాలనీలో నివాసముంటున్న జీడీకే–2వ గని కార్మికుడు గోలి శ్రీనివాస్‌ ఇంట్లో బుధవారం చోరీ జరిగింది. ఇంటికి తాళం వేసి ఊరువెళ్లిన సమయంలో తాళం పగులగొట్టి దొంగలు ఇంట్లోకి చొరబడ్డారు. ఐదున్నర తులాల బంగారం, 60 తులాల వెండి, రూ.3లక్షల నగదు ఎత్తుకెళ్లినట్లు బాధితుడు పేర్కొన్నాడు. క్లూస్‌ టీంలు అక్కడకు చేసుకుని వేలిముద్రలను సేకరించారు. సీఐ ఇంద్రసేనారెడ్డి ఘటనా స్థలాన్ని పరిశీలించారు. కేసు నమోదు చేసుకున్నారు.

● కరీంనగర్‌ ఎస్‌ఈ విజేందర్‌ రెడ్డి కొత్తపల్లి(కరీంనగర్‌): వినియోగదారులకు నిరంతరం, నాణ్యమైన విద్యుత్‌ సరఫరా చేయడంతో పాటు పెరుగుతున్న విద్యుత్‌ డిమాండ్‌కు అనుగుణంగా పంపిణీ వ్యవస్థను బలోపేతం చేయడమే లక్ష్యంగా కరీంనగర్‌ విద్యుత్‌ సర్కిల్‌ పరిధిలో రెండున్నరేళ్లుగా విస్తృతంగా అభివృద్ధి చేపట్టినట్లు ఎస్‌ఈ ఏ.విజయేందర్‌రెడ్డి తెలిపారు. ఇందులో భాగంగా 12 పవర్‌ ట్రాన్స్‌ఫార్మర్ల సామర్థ్య పెంపు, 7 అదనపు పవర్‌ ట్రాన్స్‌ఫార్మర్ల ఏర్పా టు, 692 డిస్ట్రిబ్యూషన్‌ ట్రాన్స్‌ఫార్మర్ల సామర్థ్య పెంపు, 548 అదనపు డిస్ట్రిబ్యూషన్‌ ట్రాన్స్‌ఫార్మర్ల ఏర్పాటు చేశామన్నారు. విద్యుత్‌ అవసరాలు అధికంగా ఉన్న ప్రాంతాలను గుర్తించి ఆరు కొత్త 33/11 కేవీ సబ్‌స్టేషన్లు ఏర్పాటు చేసినట్లు తెలిపారు. వివిధ సబ్‌స్టేషన్లలో 109 కెపాసిటర్‌ బ్యాంకులు ఏర్పాటు చేశామన్నారు. విద్యార్థుల ప్రతిభకరీంనగర్‌టౌన్‌: జిల్లాలోని 22 పీఎం శ్రీ పాఠశాలల విద్యార్థులకు మాక్‌ పార్లమెంట్‌, స్పెల్‌–బీ, క్విజ్‌ పోటీలను జిల్లా సైన్స్‌ మ్యూజియంలో నిర్వహించారు. విద్యార్థుల్లో నాయకత్వ లక్షణాలు, సాధారణ జ్ఞానం, భాషా నైపుణ్యాలు, తార్కిక ఆలోచన, పోటీ స్ఫూర్తిని పెంపొందించే లక్ష్యంతో ఈ పోటీలు నిర్వహించినట్లు అధికారులు తెలిపారు. విద్యార్థులు ఉత్సాహంగా పాల్గొని ప్రతిభను ప్రదర్శించారు. మాక్‌ పార్లమెంట్‌లో ప్రథమ బహుమతి అలేఖ్య (టీజీఎంఎస్‌ గంగాధర), ద్వితీయ బహుమతి ఎం.చైత్రిక (టీజీఎంఎస్‌ శంకరపట్నం), తృతీయ బహుమతి వై.తేజస్విక (టీజీఎంఎస్‌ మానకొండూరు), నాలుగో బహుమతి ఎస్‌.సంజన (టీజీఎంఎస్‌ ఎలగందల్‌), ఐదో బహుమతి ఆర్‌.హారిక (జెడ్పీహెచ్‌ఎస్‌ చెల్పూర్‌) సాధించారు. స్పెల్‌–బీ పోటీల్లో ఎం.మహతి (స్కూల్‌ ఆఫ్‌ ఎక్స్‌లెన్స్‌, తిమ్మాపూర్‌), పి.శివాంజలి (టీజీఎంఎస్‌ గంగాధర), ఈ.నిహారిక (జెడ్పీహెచ్‌ఎస్‌ దుర్శేడు) విజేతలుగా నిలిచారు. క్విజ్‌లో శ్రేష్ట, సిరిచందన, రిషితారాజ్‌ (సీవోఈ అలుగునూరు) మొదటి మూడు స్థానాలు సాధించారు. జిల్లా ఇన్‌చార్జి విద్యాశాఖ అధికారి ఎన్‌.ప్రశాంత్‌రెడ్డి, అకాడమిక్‌ మానిటరింగ్‌ అధికారి కర్ర అశోక్‌రెడ్డి, జిల్లా సైన్స్‌ అధికారి జైపాల్‌రెడ్డి, రిసోర్స్‌ పర్సన్స్‌ పాల్గొన్నారు. జిల్లా ఆడిట్‌ రిజిస్ట్రార్‌గా సుబ్బలక్ష్మికరీంనగర్‌క్రైౖం: జిల్లా ఆడిట్‌ రిజిస్ట్రార్‌గా వి.సుబ్బలక్ష్మిని నియమిస్తూ రాష్ట్ర ఆడిట్‌ ప్రభుత్వం ఉత్తర్వులు జారీ చేసింది. ఇప్పటి వరకు వరంగల్‌ జిల్లా రిజిస్ట్రార్‌గా విధులు నిర్వహించిన సుబ్బలక్ష్మిని కరీంనగర్‌ ఆడిట్‌ విభాగం జిల్లా రిజిస్ట్రార్‌గా బదిలీ చేశారు. కరీంనగర్‌లో ప్రొహిబిషనరీ జిల్లా రిజిస్ట్రార్‌ (పీడీఆర్‌)గా విధులు నిర్వహిస్తున్న శాగుఫ్తా ఫిర్దోస్‌ను వరంగల్‌ జిల్లా రిజిస్ట్రార్‌గా బదిలీ చేస్తూ ప్రభుత్వం ఉత్తర్వులు జారీ చేసింది. తాజా బదిలీలతో కరీంనగర్‌ రిజిస్ట్రేషన్‌శాఖలో కీలక మార్పులు చోటుచేసుకున్నాయి.

● రాజకీయాలను గంగలో కలిపేయండి ● మల్కాజిగిరి ఎంపీ ఈటల రాజేందర్‌ జ్యోతినగర్‌: ‘రాజకీయాలను గంగలో.. గోదారిలో పడేసుకోండి.. కానీ రైతుల గోసను చూడండిశ్రీ అని మల్కాజిగిరి ఎంపీ ఈటల రాజేందర్‌ అన్నారు. బుధవారం మంచిర్యాల జిల్లాలో జరిగే రైతు ధర్నాలో పాల్గొనేందుకు వెళ్తూ పెద్దపల్లి జిల్లా రామగుండం ఎన్టీపీసీ కృష్ణానగర్‌లోని వ్యాపారి వేణు మలానిని కలుసుకున్నారు. బీజేపీ ఓబీసీ మోర్చారాష్ట్ర ఉపాధ్యక్షురాలు కందుల సంధ్యారాణి, వేణు మలాని, ప్రవీణ్‌రావు, మంగీలాల్‌, వొల్లాల సురేశ్‌ తదితరులు పూలమొక్కలు అందించి, శాలువాలతో సన్మానించారు. అనంతరం ఈటల విలేకరుల సమావేశంలో మాట్లాడారు. కాళేశ్వరం ప్రాజెక్టులో ప్రస్తుతం అందుబాటులో ఉన్న నీటిలో కనీసం 10 టీఎంసీలను విడుదల చేస్తే లక్షల ఎకరాల్లోని పంటలను కాపాడవచ్చని అన్నారు. రాష్ట్రంలో మళ్లీ విద్యుత్‌ కోతలు పెరిగిపోయాయని అన్నారు. సింగరేణి ఓపెన్‌కాస్టులన్నీ కాంట్రాక్టర్ల మయం అయ్యాయని దుయ్యబట్టారు. లాభాల వాటాను తక్షణమే ప్రకటించాలని డిమాండ్‌ చేశారు. జెన్‌కో, ట్రాన్స్‌కోలను కూడా ప్రైవేటీకరించేందుకు ప్రభుత్వం ప్రయత్నిస్తోందని ఆరోపించారు. పదేళ్లలో బీఆర్‌ఎస్‌ కూడా సింగరేణికి తీరని అన్యాయం చేసిందని విమర్శించారు. మాజీ ఎమ్మెల్యే బొడిగ శోభ పాల్గొన్నారు. డబ్బులు పంపించేందుకు సీఎం, మంత్రుల పోటీ పెద్దపల్లి: భూముల ఆక్రమణలతో వచ్చిన డబ్బును కాంగ్రెస్‌ అగ్రనేతలు సోనియాగాంధీ, రాహుల్‌గాంధీకి పంపించేందుకు సీఎం, మంత్రులు పోటీపడుతున్నారని ఎంపీ ఈటల రాజేందర్‌ ఆరోపించారు. సుల్తానాబాద్‌ సమీప సుగ్ల్లాంపల్లి విద్యుత్‌ సబ్‌స్టేషన్‌ ఎదుట బీజేపీ ఆధ్వర్యంలో ధర్నా నిర్వహిస్తుండగా.. మంచిర్యాల వెళ్తున్న ఈటల చూసి ఆగి మాట్లాడారు. ఎల్‌ఎండీ, ఎల్లంపల్లి, ఎస్సారెస్పీ నీటి లభ్యతపై ప్రజాప్రతినిధులు నోరు మెదపడం లేదని విమర్శించారు. సన్నాలకు బోనస్‌ ఎగవేతకు ప్రభుత్వం కుట్ర చేస్తోందని ఆరోపించారు. టీచర్స్‌ ఎమ్మెల్సీ మల్క కొమురయ్య, బీజేపీ జిల్లా అధ్యక్షుడు కర్రె సంజీవరెడ్డి, నాయకులు కట్కూరి సత్యనారాయణరెడ్డి, కాసగోని నిర్మల, రామగిరి అఖిల్‌, కందుల శ్రీనివాస్‌ తదితరులు పాల్గొన్నారు.

అద్భుత ప్రదర్శన ఐచి–నగోయా వేదికగా జరుగుతున్న 2026 ఆసియా క్రీడల్లో భారత జోడీ చికిత తానిపర్తి, సాహిల్‌ జాదవ్‌ అద్భుత ప్రదర్శనతో స్వర్ణ పతకం కై వసం చేసుకున్నారు. ఫైనల్‌ పోరులో కొరియాను షూట్‌–ఆఫ్‌లో చిత్తు చేసి, భారతదేశానికి బంగారు పతకాన్ని అందించారు. ఈ చరిత్రాత్మక విజయంతో 2028 లాస్‌ ఏంజెలెస్‌ ఒలింపిక్స్‌కు కాంపౌండ్‌ ఆర్చేరీ విభాగంలో భారత్‌ తరఫున తొలి అధికారిక కోటాను ఖరారు చేశారు. వ్యవసాయ కుటుంబం నుంచి.. సాధారణ వ్యవసాయ కుటుంబంలో చికిత జన్మించింది. వ్యవసాయ పొలాల్లోని గడ్డివాములనే లక్ష్యాలుగా మార్చుకుని విలువిద్యలో తొలి అడుగులు వేసింది. కూతురి ప్రతిభను గుర్తించిన తండ్రి శ్రీనివాసరావు అంతర్జాతీయ స్థాయి శిక్షణ అందించడానికి అప్పులు చేశారు. తండ్రి త్యాగాలు, కష్టాలను వృథా పోనివ్వని చికిత ఆసియా గేమ్స్‌ వేదికపై త్రివర్ణ పతాకాన్ని సగర్వంగా ఎగరేసి దేశం గర్వించేలా చేసింది. సోదరుడు యశ్వంత్‌ కూడా అక్క బాటలో నడుస్తూ జాతీయ విలువిద్య పోటీల్లో రాణిస్తుండడం విశేషం. ఒకేరోజు సరికొత్త రికార్డు ఆసియా క్రీడల్లో చికిత తనిపర్తి బుధవారం ఒకేరోజు రెండు బంగారు పతకాలతో సరికొత్త రికార్డు సృష్టించింది. మిక్స్‌డ్‌ టీమ్‌ ఈవెంట్‌కంటే ముందు జరిగిన మహిళల కాంపౌండ్‌ టీమ్‌ ఫైనల్లో జ్యోతి సురేఖ వెన్నం, ప్రీతికా ప్రదీప్‌తో కలిసి బరిలోకి దిగిన చికిత.. చైనా జట్టుపై 238–234 తేడాతో విజయం సాధించి జట్టుకు తొలిస్వర్ణాన్ని అందించింది. ఆ తర్వాత కొద్ది గంటల్లోనే సాహిల్‌ జాదవ్‌తో కలిసి మిక్స్‌డ్‌ టీమ్‌లో కొరియాపై గెలిచి డబుల్‌ గోల్డ్‌తో మెరిసింది.

రామగుండం: పెద్దపల్లి జిల్లా రామగుండంలోని జిల్లా పరిషత్‌ హైస్కూల్‌ను తెలంగాణ పబ్లిక్‌ స్కూల్‌గా పరభుత్వం గుర్తించింది. దీంతో వచ్చే విద్యా సంవత్సరం నాటికి ఆధునిక హంగులతో రూపుదిద్దుకోనుంది. రెండు రోజుల క్రితం స్కూల్‌ సమగ్ర సమాచారం ఇవ్వాలని ప్రభుత్వం సూచించింది. దీంతోపాటు హైదరాబాద్‌లో టీపీఎస్‌గా ఎంపిక చేసిన సిబ్బందితో సమావేశం నిర్వహించింది. ఇప్పటికే సదుపాయాల కల్పన, అభివృద్ధికి రూ.4.33 కోట్లు కేటాయించింది. టీపీఎస్‌ స్కూల్‌ మార్గదర్శకాలు తెలంగాణ పబ్లిక్‌ స్కూల్‌ ఆవరణలో ఐదు ఎకరాల విస్తీర్ణంలో క్రీడామైదాన స్థలం ఉండాలనే నిబంధన ఉంది. ఇందులో గరిష్టంగా 1,500 మంది విద్యార్థులు ఉండే విధంగా సమీపంలోని రెండు, మూడు ప్రభుత్వ పాఠశాలలను విలీనం చేస్తారు. బోధన ఆంగ్లమాధ్యమంలోనే ఉంటుంది. సుదూర ప్రాంతాల నుంచి వచ్చే విద్యార్థులకు ఉచిత బస్సు సౌకర్యం కల్పిస్తారు. ఉదయం అల్పాహారం, మధ్యాహ్న భోజనం, సాయంత్రం స్నాక్స్‌/అల్పాహారం అందిస్తారు. డిజిటల్‌ తరగతి గదులు, కంప్యూటర్‌, సైన్స్‌ ల్యాబ్‌లు, ఆధునిక గ్రంథాలయాలు ఏర్పాటు చేస్తారు. అంతర్జాతీయ ప్రమాణాలతో కూడిన క్రీడా మైదానాలు, బాస్కెట్‌బాల్‌, వాలీబాల్‌ కోర్టులు, ప్రీ–ప్రైమరీ వారికోసం ప్లే జోన్‌లు నిర్మిస్తారు. మూడు విభాగాల్లో బోధన టీపీఎస్‌లో మూడు విభాగాలుగా విద్యాబోధన చేపట్టేందుకు కార్యాచరణ సిద్ధం చేశారు. తొలిదశలో నర్సరీ– రెండోతరగతి, రెండో దశలో మూడు నుంచి ఎనిమిదో తరగతి, మూడో దశలో తొమ్మిది నుంచి 12వ తరగతి వరకు ఉంటుంది. వీటన్నింటికీ ప్రిన్సిపాల్‌ బాధ్యతలు నిర్వర్తిస్తారు. – జింక మల్లేశం, ఎంఈవో, రామగుండం

చికిత విజయం మా లాంటి క్రీడాకారుల్లో కొత్త ఆశలు, ఉత్సాహం నింపాయి. సౌత్‌ కొరియాను షూట్‌–ఆఫ్‌లో ఓడించవచ్చని నిరూపించింది. చికిత అక్క, ఆసియా గేమ్స్‌లో డబుల్‌గోల్డ్‌ కొట్టడం ఇన్సిపిరేషన్‌. గ్రామీణులు కూడా ఒలింపిక్‌ స్థాయి క్రీడాకారులవుతారని ఈ విజయంతో తేలిపోయింది. – జి.శ్రీమయిరెడ్డి, జాతీయ విలువిద్య క్రీడాకారిణి సువర్ణ అధ్యాయం ఆసియా క్రీడల్లో చికిత, సాహిల్‌ సాధించిన విజయం భారత విలువిద్య చరిత్రలోనే సువర్ణ అధ్యాయం. ఒకేరోజు డబుల్‌గోల్డ్‌ సాధించడమే కాకుండా, మహిళల విభాగంలో ప్రపంచరికార్డును సమం చేయడం చికిత అసాధారణ ప్రతిభకు నిదర్శనం. – నందెల్లి మహిపాల్‌, ఉమ్మడి జిల్లా ఒలింపిక్‌ సంఘం అధ్యక్షుడు చికితకు అభినందనలు సాధారణ రైతుబిడ్డ ఆసియా ఖండంలోనే అత్యుత్తమ జట్టు దక్షిణ కొరియాను మట్టికరిపించి స్వర్ణబాణం ఎక్కుపెట్టడం గర్వకారణం. ఆమె సాధించిన డబుల్‌ గోల్డ్‌ విజయం వేలాది మంది యువ క్రీడాకారులకు సరికొత్త ఊపునిస్తుంది. చికితకు అభినందనలు. – గట్టు అనిల్‌కుమార్‌గౌడ్‌, అంతర్జాతీయ రోలార్‌ స్కేటర్‌, పెద్దపల్లి అద్భుతం ఒలింపిక్స్‌లో 2028 లాస్‌ ఏంజెలెల్స్‌ క్రీడల నుంచి కాంపౌండ్‌ ఆర్చరీలో తొలిసారి చికిత ప్రవేశించడం అభినందనీయం. ఒలింపిక్స్‌ చరిత్రలో చికిత ఓ మైలురాయి. ఆసియా గేమ్స్‌తోనే భారత్‌ అర్హత సాధించడం ఒక మైలురాయిగా నిలిచింది. – ఎం.రవీందర్‌, వాలీబాల్‌ సంఘం అధ్యక్షుడు, పెద్దపల్లి

మన ఆడబిడ్డ తానిపర్తి చికిత జపాన్‌ వేదికపై అంతర్జాతీయ స్థాయిలో రెండు బంగారు పతకాలతో త్రివర్ణ పతాకాన్ని ఎగురవేయడం మనకు గర్వకారణం. గ్రామీణ ప్రాంతాల్లోని క్రీడాకారుల్లో దాగిఉన్న ప్రతిభను గుర్తించి ప్రోత్సహిస్తే అద్భుతాలు సృష్టిస్తారని నిరూపించింది. – చింతకుంట విజయరమణారావు, ప్రభుత్వ విప్‌, పెద్దపల్లి ఎమ్మెల్యే అందరికీ స్ఫూర్తి ఆసియా క్రీడల్లో సరికొత్త రికార్డులతో భారత్‌కు గర్వకారణంగా నిలిచిన చికితకు అభినందనలు. గ్రామాల నుంచి ఒలింపిక్‌ స్థాయికి ఎదిగిన చికిత ప్రయాణం స్ఫూర్తిదాయకం. ఆమె స్పూర్తితో ఎందరో మెరికల్లాంటి క్రీడాకారులు వెలుగులోకి వచ్చే అవకాశాలు ఉన్నాయి. – గసిరెడ్డి జనార్దన్‌రెడ్డి, ప్రధాన కార్యదర్శి, ఉమ్మడి కరీంనగర్‌ జిల్లా ఒలింపిక్‌ సంఘం యువ క్రీడాకారులకు ఆదర్శం ప్రపంచ చాంపియన్‌ దక్షిణ కొరియాపై చి కిత్స చూపిన సంయమనం అద్భుతం. మ హిళల టీమ్‌ విభాగంలో ప్రపంచ రికార్డును సమం చేయడం అంత సులువు కాదు. పట్టుదలతో గ్రామీణ ప్రాంత మట్టి నుంచి ఒలింపిక్‌ స్థాయికి ఎదిగిన చికిత ప్రయాణం అనేకమంది యువ అథ్లెట్లకు ఆదర్శం. – కొమురోజు శ్రీనివాస్‌, ప్రధాన కార్యదర్శి, ఉమ్మడి జిల్లా ఆర్చరీ సంఘం వ్యక్తిగత ఈవెంట్‌లోనూ పతకం ఖాయం మా అక్క అంతర్జాతీయ వేదికపై సాధించిన ఘనత మా కుటుంబానికే కాకుండా ప్రతీగ్రామీణ క్రీడాకారుకు ప్రేరణ. చిన్నప్పుడు పొలంలో వరి కోతలు అయ్యాక మిగిలిన గడ్డివాములను టార్గెట్‌గా పెట్టుకుని మేమిద్దరం ప్రాక్టీస్‌ చేసేవాళ్లం. వ్యక్తిగత ఈవెంట్‌లో కూడా పతకం సాధిస్తుంది. – తానిపర్తి యశ్వంత్‌రావు, చికిత సోదరుడు, జాతీయ విలువిద్య క్రీడాకారుడు

మంథని: ఉమ్మడి కరీంనగర్‌ జిల్లాస్థాయి పాఠశాలల క్రీడా పోటీలు పెద్దపల్లి జిల్లా మంథని ఉన్నత పాఠశాల క్రీడా మైదానంలోని సింథటిక్‌ టెన్నిస్‌ కోర్టులో బుధవారం ప్రారంభించారు. అండర్‌ 14,17 బాలబాలికల పోటీలను మంథని మున్సిపల్‌ చైర్మన్‌ ఓడ్నాల శ్రీనివాస్‌ ప్రారంభించారు. ఉమ్మడి కరీంనగర్‌ జిల్లాకు చెందిన సుమారు 50 మంది క్రీడాకారులు హాజరయ్యారు. శ్రీనివాస్‌ మాట్లాడుతూ మంత్రి దుద్దిళ్ల శ్రీధర్‌బాబు సహకారంతో నిర్మించిన సింథటిక్‌ టెన్నిస్‌ కోర్టును క్రీడాకారులు సద్వినియోగం చేసుకోవాలన్నారు. క్రీడాకారులకు అల్పాహారం అందించారు. మంథని జోన్‌ సెక్రటరీ, పెద్దపల్లి జిల్లా ఎస్‌జీఎఫ్‌ సెక్రటరీ కనకొండ లక్ష్మణ్‌, ఆర్గనైజర్‌ కొమురోజు శ్రీనివాస్‌ మాట్లాడుతూ ఎంపికై న క్రీడాకారులు ఈనెల 12న హైదరాబాద్‌లో జరిగేరాష్ట్రస్థాయి పోటీల్లో పాల్గొంటారన్నారు. రాష్ట్రస్థాయి వెయిట్‌ లిఫ్టింగ్‌లో కాంస్యం విద్యానగర్‌(కరీంనగర్‌): కరీంనగర్‌ ఆరెపల్లి జెడ్పీ హైస్కూల్‌ విద్యార్థిని ఎన్‌.సరిత హైదరాబాద్‌లో అష్మిత కేలో ఇండియా ఉమెన్స్‌ వెయిట్‌ లిఫ్టింగ్‌ రాష్ట్రస్థాయి పోటీల్లో 57 కిలోల విభాగంలో కాంస్య పతకం సాధించింది. బుధవారం ప్రధానోపాధ్యాయుడు సంగోజు శ్రీనివాస్‌, ఫిజికల్‌ ఎడ్యుకేషన్‌ టీచర్‌ జయరామ్‌, ఉపాధ్యాయులు ఆమెను అభినందించారు. డ్రైనేజీ సమీపంలో శిశువు మృతదేహం లభ్యంమానకొండూర్‌(శంకరపట్నం): కేశవపట్నం పా తవాడ కరీంపేటకు వెళ్లే మార్గంలోని డ్రైనేజీ స మీపంలో బండరాళ్ల వద్ద గుంతలో గుడ్డలతో చు ట్టిన పసికందును పూడ్చిన సంఘటన గ్రామస్తులను కలవరపెట్టింది. గ్రామంలోని వీధి కుక్కలు గుడ్డలను లాగడంతో బుధవారం శిశువు మృతదేహం బయటపడింది. స్థానికుల సమాచారంతో పోలీసులు వైద్య సిబ్బందితో సంఘటనా స్థలానికి చేరుకొని మృతదేహాన్ని పరిశీలించి ఆడ శిశువుగా గుర్తించారు. విచారణ చేపట్టారు.

సాక్షిప్రతినిధి, కరీంనగర్‌/సిరిసిల్ల: ముఖ్యమంత్రి రేవంత్‌రెడ్డి బుధవారం ఉమ్మడి కరీంనగర్‌ జిల్లాలో పర్యటించనున్నారు. కరీంనగర్‌లో నూతన కలెక్టరేట్‌ను ప్రారంభించి, సాయంత్రం సిరిసిల్ల బహిరంగ సభలో పాల్గొంటారు. రూ.840 కోట్ల యూసీఎఫ్‌ నిధులతో కరీంనగర్‌లో చేపట్టనున్న అభివృద్ధి పనులకు శ్రీకారం చుడుతారు. సిరిసిల్లలో రూ.345.78 కోట్లతో చేపట్టనున్న వివిధ అభివృద్ధి పనులకు శంకుస్థాపన చేస్తారు. సీఎం హోదాలో కరీంనగర్‌, సిరిసిల్లలకు రేవంత్‌రెడ్డి రావడం ఇదే మొదటిసారి. నూతన కలెక్టరేట్‌ ప్రారంభం సందర్భంగా అధికారులు ఏర్పాట్లు చేయగా, సిరిసిల్లలో నిర్వహించనున్న బహిరంగసభకు కాంగ్రెస్‌ పార్టీ భారీ ఎత్త్తున ఏర్పాట్లు చేసింది. మంత్రులు దుద్దిళ్ల శ్రీధర్‌బాబు, పొన్నం ప్రభాకర్‌, అడ్లూరి లక్ష్మణ్‌కుమార్‌, ప్రభుత్వ విప్‌లు ఆది శ్రీనివాస్‌, చింతకుంట విజయ రమణారావు, ఎమ్మెల్యేలు మేడిపల్లి సత్యం, కవ్వంపల్లి సత్యనారాయణ తదితరులు ఏర్పాట్లను పర్యవేక్షిస్తున్నారు.బుధవారం మధ్యాహ్నం 3గంటలకు హెలి క్యాప్టర్‌ ద్వారా సీఎం రేవంత్‌రెడ్డి కరీంనగర్‌ చేరుకుంటారు. నూతన కలెక్టరేట్‌ సముదాయాన్ని ప్రారంభిస్తారు. 3.10 నుంచి 3.40 వరకు తెలంగాణ తల్లి విగ్రహాన్ని ఆవి ష్కరిస్తారు. స్మార్ట్‌సిటీ నిధులతో నిర్మించిన ఇంటిగ్రేడెట్‌ కమాండ్‌ కంట్రోల్‌ సెంటర్‌ (ఐసీసీసీ)భవనాన్ని, డిజిటల్‌ లైబ్రరీ భవనాన్ని ప్రారంభిస్తారు. అర్బన్‌ చాలెంజ్‌ఫండ్‌ (యూసీఎఫ్‌) నిధులు రూ.840 కోట్లతో చేపట్టనున్న అభివృద్ధి పనులకు శంకుస్థాపన చేస్తారు. 3.40 నుంచి 4.25 వరకు కలెక్టరేట్‌లోని చాంబర్లను సందర్శిస్తారు. 4.30కు హెలిక్యాప్టర్‌ ద్వారా బయలుదేరి 4.45 గంటలకు సిరిసిల్ల చేరుకుంటారు. 4.50కి కాలేజీ మైదానం నుంచి కాలినడకన బయలుదేరి 5గంటలకు అంబేద్కర్‌ సర్కిల్‌ వద్దకు చేరుకుంటారు. అక్కడి నుంచి కాలినడకన పాత బస్టాండు నేతన్న చౌక్‌, చంద్రంపేట మీదుగా రగుడు బైపాస్‌ రోడ్డులోని సభాస్థలికి 6 గంటలకు చేరుకుంటా రు. 6.15 గంటల వరకు పలు అభివృద్ధి పనులకు శంకుస్థాపన, ప్రారంభోత్సవాలు చేస్తారు. 6.15 నుంచి 7.45 గంటల వరకు బహిరంగ సభలో ప్రసంగిస్తారు. 7.45కు రోడ్డు మార్గాన హైదరాబాద్‌ వెళ్తారు.

● సీఎం రేవంత్‌రెడ్డికి మాజీ మంత్రి జీవన్‌రెడ్డి లేఖ కరీంనగర్‌: జగిత్యాల జిల్లా నాచుపల్లిలోని జేఎన్‌టీయూ ఇంజినీరింగ్‌ కళాశాలను యూనివర్సిటీగా అప్‌గ్రేడ్‌ చేసే దిశగా రాష్ట్రప్రభుత్వం చర్యలు చేపట్టాలని జగిత్యాల మాజీ ఎమ్మెల్యే, మాజీ మంత్రి, బీఆర్‌ఎస్‌ రాష్ట్ర ప్రధాన కార్యదర్శి తాటిపర్తి జీవన్‌రెడ్డి కోరారు. కరీంనగర్‌ జిల్లా కేంద్రంలో నూతన కలెక్టరేట్‌ ప్రారంభోత్సవానికి బుధవారం ముఖ్యమంత్రి రేవంత్‌రెడ్డి రానున్న నేపథ్యంలో జీవన్‌రెడ్డి మంగళవారం సీఎంకు లేఖరాశారు. ఉత్తర తెలంగాణ విద్యార్థులకు సాంకేతిక విద్య, ఆధునాతన కోర్సులు, పరిశోధన, స్టార్టప్‌ అవకాశాలు అందుబాటులోకి రావాలంటే కళాశాలను యూనివర్సిటీగా అభివృద్ధి చేయాల్సిన అవసరం ఉందన్నారు. 2006లో నాచుపల్లి శివారులో సుమారు 100 ఎకరాల ప్రభుత్వ భూమిలో ఏర్పాటైన ఈ కళాశాలలో ఏటా సుమారు 1,500 మంది విద్యార్థులు విద్యనభ్యసిస్తున్నారని తెలిపారు. అధునాతన ల్యాబ్‌లు, డిజిటల్‌ లైబ్రరీ, హాస్టల్‌ సౌకర్యాలతోపాటు నాణ్యమైన విద్యాబోధన, క్యాంపస్‌ ప్లేస్‌మెంట్లతో కళాశాల మంచి గుర్తింపు పొందిందన్నారు. ప్రస్తుతం కళాశాల పరిధిలో సుమారు 200 ఎకరాల వరకు ప్రభుత్వ భూమి అందుబాటులో ఉన్నందున యూనివర్సిటీ ఏర్పాటుకు అవసరమైన మౌలిక వసతులు, పరిశోధన, అభివృద్ధి కార్యక్రమాలు చేపట్టే అవకాశం ఉందని జీవన్‌రెడ్డి పేర్కొన్నారు. జగిత్యాల జేఎన్‌టీయూను యూనివర్సిటీగా అప్‌గ్రేడ్‌ చేయడంతో ఉత్తర తెలంగాణలోని పలుజిల్లాల విద్యార్థులకు ప్రయోజనం కలుగుతుందని, ఈ దిశగా ప్రభుత్వం చర్యలు చేపట్టాలని ఆయన సీఎంను కోరారు. కరీంనగర్‌: ఉరుకులు, పరుగుల జీవితంలో ఆరోగ్యాన్ని నిర్లక్ష్యం చేస్తే గుండైపె ప్రభావం పడుతుందని, ఆరోగ్యకరమైన జీవనశైలి అలవర్చుకోవడం ద్వారా గుండెను పదిలంగా ఉంచుకోవడంతోపాటు సంతోషంగా, ఎక్కువకాలం జీవించవచ్చని కరీంనగర్‌ పోలీస్‌ కమిషనర్‌ గౌస్‌ఆలం అన్నారు. వరల్డ్‌ హార్ట్‌డేను పురస్కరించుకొని కరీంనగర్‌ మెడికవర్‌ ఆస్పత్రి ఆధ్వర్యంలో మంగళవారం 3కే వాక్‌థాన్‌ చేపట్టగా సీపీ జెండా ఊపి ప్రారంభించారు. వైద్యులు మాట్లాడుతూ.. గుండె జబ్బు లక్షణాలు కనిపించిన వెంటనే ఆస్పత్రికి వస్తే 24 గంటల్లోనే స్టంట్‌ వేసి పంపించే టెక్నాలజీ కరీంనగర్‌లో అందుబాటులోకి వచ్చిందని తెలిపారు. మెడికవర్‌ సెంటర్‌ హెడ్‌ గుర్రం కిరణ్‌ ఆధ్వర్యంలో జరిగిన ఈ వాకథాన్‌లో వైద్యులు అనీశ్‌ పబ్బ, వాసుదేవరెడ్డి, సతీశ్‌కుమార్‌, రవి కుమార్‌, వినయ్‌కుమార్‌, విష్ణువర్ధన్‌రెడ్డి, నాగరాజు, లోకేశ్‌, రాకేశ్‌, రాజీవ్‌రెడ్డి, ఉపేందర్‌రెడ్డి, అభిషేక్‌, రవిశంకర్‌, శ్రీపతినాయుడు, సిబ్బంది ప్రియాంక, గౌస్‌బాబా, కోట కరుణాకర్‌, ఈశ్వర్‌, సాయిచరణ్‌ తదితరులు పాల్గొన్నారు.

కరీంనగర్‌: లింగ నిర్ధారణ పరీక్షలు నిర్వహించడం చట్టరీత్యా నేరమని జిల్లా వైద్య ఆరోగ్యశాఖ అధికారి రాజగోపాల్‌రావు తెలిపారు. మంగళవారం పీసీ అండ్‌ పీఎన్‌డీటీ జిల్లా అడ్వైజరీ కమిటీ సమావేశం నిర్వహించారు. స్కానింగ్‌ కేంద్రాల్లో గర్భస్థ శిశువు ఆడ, మగా అనే విషయాన్ని గర్భిణి లేదా కుటుంబ సభ్యులకు వెల్లడించడం నేరమని అన్నారు. చట్టాన్ని ఉల్లంఘించే వారిపై కఠిన చర్యలు తీసుకుంటామని హెచ్చరించారు. అక్రమ లింగ నిర్ధారణకు సంబంధించిన సమాచారాన్ని డీఎంహెచ్‌వో కార్యాలయానికి తెలియజేయాలని, సమాచారదారుల వివరాలను గోప్యంగా ఉంచుతామని తెలిపారు. కేంద్రాల్లో ‘లింగ నిర్ధారణ పరీక్షలు చట్టరీత్యా నేరం’, ‘పుట్టబోయే బిడ్డ ఆడ లేదా మగ అని వెల్లడించరాదు’ అనే బోర్డులు తప్పనిసరిగా ప్రదర్శించాలని సూచించారు. సమావేశంలో వైద్యులు సనా జవేరియా, పద్మజ, కళ్యాణి, దివ్య, కమిటీ సభ్యులు పాల్గొన్నారు.

కరీంనగర్‌ అర్బన్‌: రేషన్‌ దుకాణాల్లో పంపిణీ చేస్తున్న సన్న బియ్యం బ్రాండెడ్‌ రంగులు అద్దుకుంటోంది. కార్డుదారులు, డీలర్ల నుంచి కొనుగోలు చేసిన ఽబియ్యాన్ని ఫాలిషింగ్‌ చేసి బ్రాండెడ్‌ పేరిట రంగు సంచులతో బురిడీ కొడుతున్నారు. కాదు.. కాదు.. దర్జాగా దందా చేస్తూ జనాలను పిండుతున్నారు. మంగళవారం ఏకంగా జిల్లా కేంద్రంలోని హన్‌మాన్‌ ఇండస్ట్రీస్‌ రైస్‌మిల్లులో సదరు బాగోతం వెలుగుచూడగా నిర్వాహకుడు తొడుపునూరి కరుణాకర్‌పై కేసు నమోదు చేశారు. అయితే గతంలోనే ‘సాక్షి’ మినీలో ‘రంగు సంచుల మాయ’ శీర్షికన జరుగుతున్న మోసాన్ని స్పష్టం చేసింది. బ్రాండ్ల పేరుతో సంచులను ముద్రించడం, అందులో పాలిషింగ్‌ చేసిన సన్న బియ్యాన్ని నింపి వన్‌టౌన్‌, రూరల్‌ పోలీస్‌ స్టేషన్‌ ప్రాంతాల్లోని పలు రైస్‌డిపోలకు తరలించి వినియోగదారులకు అంటగడుతున్నారు. వేల క్వింటాళ్లు సన్న బియ్యం పేరుతో విక్రయాలు సాగుతుండగా నిలువరించాల్సిన యంత్రాంగం ఏం చేస్తుందన్నది ప్రశ్నార్థకమే. అధికారిక సమాచారం ప్రకారం ఉమ్మడి జిల్లాలో హోలోగ్రామ్‌ ఉన్న బియ్యం బ్రాండ్‌ ఒక్కటీ లేదు. మార్కెట్‌లో మాత్రం వివిధ రకాల పేర్లతో కొన్ని వందల బ్రాండ్లు పుట్టుకొస్తున్నాయి. రిజిస్ట్రేషన్‌, హోలోగ్రామ్‌ లేని వారు రకరకాల పేర్లతో సంచులు తయారు చేసుకుని బియ్యాన్ని అధిక ధరకు వినియోగదారులకు అంటగడుతున్నారు. కరీంనగరంలో రెండేళ్ల కిందట 300 వరకు రైస్‌డిపోలుండేవి. కాలక్రమేణా వేయి వరకు వెలిశాయి. మాఫియాలా బియ్యం వ్యాపారం జిల్లాలో మిల్లర్లు ఆడిందే ఆటగా మారింది. ప్రభుత్వ నిబంధనల ప్రకారం సూపర్‌ఫైన్‌ క్వాలిటీ ఉండే బియ్యాన్ని కిలో రూ.30 మించి బహిరంగ మార్కెట్లో విక్రయించకూడదు. ఇది మచ్చుకై నా అమలు కావడం లేదు. రకరకాల పేర్లు పెట్టుకుని ఎవరి ఇష్టమొచ్చినట్లు వారు ధరలు నిర్ణయించుకుని అమ్మకాలు చేస్తున్నారు. ఓ పేరు మోసిన బ్రాండ్‌ కిలో బియ్యాన్ని రూ.60లకు అమ్ముతుంటే ఎటువంటి గుర్తింపు, అనుమతులు లేని మరికొంత మంది బ్రాండ్‌ అమ్మకందారులు కిలో బియ్యం రూ.55 తక్కువ కాకుండా విక్రయిస్తున్నారు. 25కిలోల బియ్యం రూ.1300 నుంచి రూ.1500 వరకు పలుకుతోంది. పంట పండించే రైతు నుంచి 75 కిలోల ధాన్యం బస్తాను రూ.1500లకు మించి కొనుగోలు చేయని వ్యాపారులు వారు తయారు చేసే బియ్యం విషయంలో మాత్రం ఇష్టారాజ్యంగా ధరలు నిర్ణయిస్తూ దోపిడీకి పాల్పడుతున్నారు. 25కిలోల బస్తా 23, 24 కిలోలే ఉంటుండగా తూనికలు కొలతల శాఖ చర్యలు మాత్రం శూన్యం మిల్లులే రంగుల సంచులకు అడ్డాలు మిల్లులే రంగు సంచులకు అడ్డాలుగా మారుతున్నాయి. వివిధ రకాల బ్రాండ్ల పేరుతో సంచులను మిల్లుల్లో నిల్వ చేసుకుని కొనుగోలు చేసిన రేషన్‌ బియ్యాన్ని పాలిషింగ్‌ చేసి వీటిలో నింపుతున్నారు. రైస్‌డిపోలతో బేరం కుదుర్చుకుని సదరు బియ్యాన్ని బ్రాండ్ల రూపంలో విపణికి వదులుతున్నారు. భువనగిరి, మిర్యాలగూడ నుంచి బియ్యం దిగుమతి చేసుకునే వ్యాపారులు ప్రభుత్వానికి శఠగోపం పెడుతున్నారు. రాత్రిళ్లు వేబిల్లు లేని వాహనాలతో బియ్యం రవాణా చేస్తున్నారు. రేషన్‌ బియ్యంతో దందా జిల్లాలో 2.70 లక్షల ఆహారభద్రత కార్డుదారుల కోసం ప్రతి నెలా ప్రభుత్వం వేల మెట్రిక్‌ టన్నుల బియ్యాన్ని కేటాయిస్తోంది. ఇందులో సుమారు 10వేల క్వింటాళ్లకు పైగా బియ్యం దళారుల ద్వారా రైస్‌మిల్లులకు చేరుతున్నాయి. గతంలో మిల్లర్లే డీలర్ల నుంచి కిలో రూ.10 చెల్లిస్తే డీలర్‌కు చేరకుండానే ఎంఎల్‌ఎస్‌ పాయింట్ల నుంచి కిలో రూ.15కు కొనుగోలు చేసేదీ. ప్రస్తుతం అడ్డుకట్ట పడటంతో పలువురి బ్రోకర్ల ద్వారా కార్డుదారుల నుంచి డీలర్ల నుంచి బియ్యాన్ని సేకరించి మిల్లులకు తరలిస్తున్నారు. ఇలా వెళ్తున్న వాటిని పునఃప్రక్రియ చేసి బ్రాండ్ల పేరుతో బహిరంగ మార్కెట్‌లోకి వదులుతున్నారు. రంగు సంచులు చూశారుగా.. ఇవే మనం దుకాణాల్లో తీసుకునే సన్న బియ్యం బస్తాలు. వివిధ రకాల బ్రాండ్ల పేరుతో ఆకర్షణీయంగా సంచులను ముద్రించడం వాటిలో బియ్యం నింపడం.. జనాలను దోచుకోవడం దర్జాగా సాగుతోంది. ఇది నగరంలోని ఓ రైస్‌మిల్లు. వివిధ రకాల ట్యాగులను తగిలించి బియ్యాన్ని నింపుతున్నారు. వివిధ బ్రాండ్లతో సంచులుండగా అందులో నింపే బియ్యం మాత్రం ఒకటే.చర్యలు చేపడతాం రేషన్‌ బియ్యంతో దందా చేసేవారిని వదలం. తనిఖీలు చేసి దొరికితే క్రిమినల్‌ కేసులు నమోదు చేస్తాం. కార్డుదారులు బియ్యాన్ని విక్రయిస్తే కార్డు రద్దు చేస్తాం. – గట్టు నర్సింగరావు, జిల్లా పౌరసరఫరాల అధికారి

కరీంనగర్‌క్రైౖం: నగరంలోని హనుమాన్‌ ఇండస్ట్రీస్‌ రైస్‌మిల్లులో కరీంనగర్‌ టూటౌన్‌, టాస్క్‌ఫోర్స్‌ పోలీసులు మంగళవారం తనిఖీలు నిర్వహించి 306.88 క్వింటాళ్ల పీడీఎస్‌ బియ్యంతో పాటు ట్రాలీ ఆటోను స్వాధీనం చేశారు. పోలీసులు తెలిపిన వివరాల ప్రకారం.. పద్మనగర్‌ ఇండస్ట్రీయల్‌ ఏరియాలోని హనుమాన్‌ ఇండస్ట్రీస్‌ రైస్‌మిల్లులో పీడీఎస్‌ బియ్యాన్ని అక్రమంగా కొనుగోలు చేసి పాలిష్‌ చేస్తున్నట్లు పోలీసులకు సమాచారం అందడంతో మంగళవారం తనిఖీలు నిర్వహించారు. 306.88 క్వింటాళ్ల రేషన్‌ బియ్యంతో పాటు రవాణాకు సిద్ధంగా ఉన్న ట్రాలీ ఆటోను స్వాధీనం చేసుకున్నారు. మిల్లు యజమాని కరుణాకర్‌తోపాటు గుమస్తా, అకౌంటెంట్‌, సప్లయర్‌, డ్రైవర్‌ సహకారంతో రేషన్‌ లబ్ధిదారుల నుంచి తక్కువ ధరకు బియ్యాన్ని సేకరిస్తున్నట్లు గుర్తించారు. ఆ బియ్యాన్ని పాలిష్‌ చేసి వివిధ తదితర బ్రాండ్ల పేర్లతో సంచుల్లో ప్యాకింగ్‌ చేసి సన్నబియ్యంగా విక్రయిస్తున్నట్లు విచారణలో వెల్లడైనట్లు పోలీసులు తెలిపారు. ఈమేరకు కేసు నమోదు చేసి దర్యాప్తు చేస్తున్నామన్నారు.

పచ్చటి పొలాల మధ్య.. సాయం సంధ్య వేళల్లో ఊరి మైదానం కిటకిటలాడిపోయేది. కబడ్డీ.. కబడ్డీ.. అంటూ ఊపిరిని నియంత్రణలో ఉంచుతూ.. ప్రత్యర్థి కోర్టులోకి వెళ్లే ఆ కూత, మట్టి వాసనతో కూడిన ఆ ఆట ప్రతి నరంలోనూ రక్తాన్ని ఉడుకెత్తించేది. నేటి డిజిటల్‌ యుగంలో స్మార్ట్‌ఫోన్‌ స్క్రీన్లకే పరిమితమవుతున్న యువతకు.. మన నేల ప్రతిభను చాటే ఈ గ్రామీణ రారాజు కబడ్డీ ప్రాముఖ్యం తెలుసుకోవడం ఎంతో అవసరం. ఒకప్పుడు మన తాతలు, తండ్రులు ఆడిన నాటి కబడ్డీకి.. నేడు మనం టీవీల్లో చూస్తున్న ప్రో కబడ్డీకి మధ్య ఆటతీరు మారినా.. దానిలోని ఆవేశం మాత్రం మారలేదని చెప్పక తప్పదు.● ఐక్యత చాటే గ్రామీణ క్రీడ ● రేపటి నుంచి 4 వరకు వేములవాడలో రాష్ట్రస్థాయి పోటీలు వేములవాడ: నాటి రోజుల్లో ఎర్రటి మట్టి, కాస్త ఇసుక చల్లిన సహజసిద్ధమైన మైదానాల్లో కాళ్లకు ఎటువంటి ప్యాడింగ్స్‌ లేకుండా ఆడేవారు. క్రీడాకారులే ఖాళీ స్థలాన్ని చదును చేసుకొని కోర్డులో పారతో లైన్లు వేసుకునేవారు. కనీసం లైన్లకు సున్నం కూడా పోసుకునే పరిస్థితి ఉండకపోయేది. నేడు మ్యాట్లు, ప్యాడ్లు, ఆధునిక రక్షణ పరికరాలతో ఇండోర్‌ స్టేడియాల్లో ఆడుతున్నారు. అప్పట్లో సమయ పరిమితి కంటే ఓర్పు, శారీరక బలానికి ప్రాధాన్యముండేది. ఇప్పుడు 30 సెకన్ల రైడ్‌ లిమిట్‌, డు ఆర్‌ డై రైడ్స్‌, సూపర్‌ టాకిల్‌ వంటి నిబంధనలతో ఆట మరింత వేగంగా, వ్యూహాత్మకంగా మారింది. నాటి ఆటలో కేవలం శారీరక బలం, స్థానిక శైలి ప్రధానంగా ఉండేవి. నేటి కబడ్డీలో బోనస్‌ పాయింట్లు, టో టచ్‌, దూకి తప్పించుకోవడం, ఫ్రాగ్‌ జంప్‌, మ్యాట్‌ పొజిషనింగ్‌ వంటి పక్కా వ్యూహాలు, వీడియో రివ్యూ సిస్టమ్స్‌ వచ్చి చేరాయి. రేపటి(గురువారం)నుంచి 4 వరకు వేములవాడ ప్రభుత్వ జూనియర్‌ కళా శాల మైదానంలో రాష్ట్రస్థాయి కబడ్డీ పోటీలు నిర్వహించనున్నారు. ప్రభుత్వ విప్‌ ఆది శ్రీని వాస్‌ దాదాపు 1,300 మంది క్రీడాకారులు, కో చ్‌లకు వసతి, భోజన సౌకర్యం కల్పిస్తున్నారు.●

బోయినపల్లి(చొప్పదండి): సీఎం రేవంత్‌రెడ్డి జిల్లా పర్యటన నేపథ్యంలో ఈ నెల 30న జరిగే సిరిసిల్ల బహిరంగ సభ వేదికగా తమ సమస్యల పరిష్కారానికి ప్రకటన చేస్తారని మిడ్‌మానేరు నిర్వాసితులు ఆశగా ఎదురుచూస్తున్నారు. రాజన్న సిరిసిల్ల జిల్లా బోయినపల్లి మండలం మిడ్‌ మానేరు ప్రాజెక్టు నిర్వాసితుల సమస్యలు పూర్తిగా పరిష్కా రం కాకపోవడంతో వారిలో ఆవేదన నెలకొంది. ఇళ్ల నిర్మాణ పరిహారం, గెజిట్‌ మిస్సింగ్‌, వృత్తిమార్పు, అడుగు జాగల పరిహారం, ఉపాధి అవకాశాలు తదితర అనేక ప్రధాన డిమాండ్లు ఏళ్ల తరబడి పెండింగ్‌లోనే ఉన్నాయి. సీఎం బహిరంగ సభ నేపథ్యంలో నిర్వాసితుల్లో మళ్లీ ఆశలు చిగురిస్తున్నాయి. రూ.5 లక్షల సాయంపైనే అందరి దృష్టి మిడ్‌మానేరు ప్రాజెక్టు నిర్మాణంలో 10,683 మందిని ప్రభుత్వం పీడీఎఫ్‌(ప్రాజెక్టు డిస్‌ప్లేస్‌డ్‌ ఫ్యామిలీస్‌)గా గుర్తించింది. ఆర్‌అండ్‌ఆర్‌ కాలనీలు ఏర్పాటు చేసి ఒక్కో నిర్వాసితునికి 242 చదరపు గజాల ఇంటిస్థలం పట్టా, ప్యాకేజీ సైతం ఇచ్చింది. నిర్వాసితుల ఇళ్ల నిర్మాణాలకు రూ. 5.04 లక్షల ప్రత్యేక ప్యాకేజీ ఇస్తామని గతంలో హామీలు ఇచ్చారు. అప్పటి నుంచి నిర్వాసితులు తమ ఇళ్ల నిర్మాణాలకు రూ.5 లక్షల ప్యాకేజీ వస్తుందని ఆశలో ఉన్నారు. చాలా మంది బ్యాంకు రుణాలు తీసుకుని ఇల్లు నిర్మాంచుకున్నారు. రుణాలు చెల్లించలేదని గతంలో బ్యాంకులు ఇళ్లు జప్తు చేసిన సంఘటనలు ఉన్నాయి. అయితే గతేడాది ఇల్లు నిర్మించుకోనివారికి ప్రభుత్వం 4,696 ఇందిరమ్మ ఇండ్లు మంజూరు చేసినా ఇప్పటికి ప్రారంభించలేదని తెలిసింది. ఇల్లు నిర్మించుకుంటున్న ప్రతీ నిర్వాసిత కుటుంబానికి రూ.5లక్షల సాయం అందించాలని బలంగా డిమాండ్‌ చేస్తున్నారు. అప్పుడు ఉద్యమ మద్దతు.. ఇప్పుడు సీఎం హోదా గతంలో మిడ్‌ మానేరు నిర్వాసితులు తమ న్యాయమైన హక్కుల కోసం చేపట్టిన ‘వంటా వార్పు’, ‘సడక్‌ బంద్‌’, ‘మహాధర్నా’ వంటి అనేక నిరసన కార్యక్రమాల్లో ఉద్యమ నాయకుడిగా రేవంత్‌ రెడ్డి స్వయంగా పాల్గొని మద్దతు తెలిపారు. ఇప్పుడు ముఖ్యమంత్రిగా స్వయంగా సిరిసిల్లకు వస్తుండటంతో తమ ఏళ్ల నాటి సమస్యలకు శాశ్వత పరిష్కారం లభిస్తుందని నిర్వాసితులు గంపెడాశలు పెట్టుకున్నారు. రూ.10 కోట్లు మంజూరు? సీఎం రేవంత్‌రెడ్డి పర్యటన నేపథ్యంలో ముంపు గ్రామాల్లో పెండింగ్‌ పరిహారాలకు సంబంధించిన సుమారు రూ. 10.25 కోట్ల మేర నిధులు మంజూ రు చేసినట్లు స్థానిక నాయకులు పేర్కొంటున్నారు. ఇందులో యువతీ, యువకుల ప్యాకేజీతో పాటు మరి కొన్ని పరిహారాలు ఉన్నట్లు చెబుతున్నారు. ఒడవని మిడ్‌మానేరు సమస్యలు మెరుగు పడని ఉపాధి అవకాశాలు సీఎం ప్రకటనపైనే ఆశలు

మెట్‌పల్లిరూరల్‌: అటవీ భూముల్లో అడుగు పెట్టాలంటే.. ఎంతటి వారైన కాస్త వెనుకాముందు ఆలోచించేవారు. అటవీ చట్టాలు కఠినంగా ఉంటాయనే భయంతో చిన్న చెట్టును కొట్టాలన్నా.. భయపడి వాటి జోలికి వెళ్లేవారు కాదు. ఇది గతం.. కానీ ప్రస్తుతం ఆ పరిస్థితి కనిపించడంలేదు. అటవీ భూములని తెలిస్తే చాలు ఆక్రమించే దుస్థితి దాపురించింది. జగిత్యాల జిల్లాలోని మెట్‌పల్లి మండలం రంగారావుపేట బీట్‌ కంపార్ట్‌మెంట్‌ పరిధిలోని పలు ప్రాంతాల్లో అటవీ భూములు అన్యాక్రాంతం అవుతున్నాయి. భూములను అడ్డగోలుగా చదును చేస్తూ తమ ఆధీనంలోకి తీసుకుంటున్నారు. ఈ నేపథ్యంలో ఆక్రమణలపై ఫిర్యాదులు కూడా పెరిగిపోతున్నాయి. ఫిర్యాదులపై విచారణ జరుపుతున్న ఉన్నతాధికారులు చర్యలకు ఉపక్రమిస్తున్నారు. 600 ఎకరాలకుపైగా అటవీ భూములు మెట్‌పల్లి మండలంలోని పలు గ్రామాల శివారు ప్రాంతాల్లో అటవీ భూములు పెద్ద ఎత్తున విస్తరించి ఉన్నాయి. దీన్ని ఆసరాగా చేసుకుంటున్న సమీప గ్రామాలకు చెందిన కొందరు ఇష్టారీతిగా భూములను ఆక్రమించి హద్దులు ఏర్పాటు చేసుకుంటున్నారు. రంగారావుపేట బీట్‌ కంపార్ట్‌మెంట్‌ పరిధిలో దాదాపు 600 ఎకరాలకు పైగా అటవీ భూమి ఉంది. ఇందులో జగ్గాసాగర్‌, రామలచ్చక్కపేట, ఆత్మనగర్‌, ఆత్మకూర్‌, మెట్లచిట్టాపూర్‌, కేసీఆర్‌తండా, పాటిమీది తండా, అల్లూరి సీతారామరాజు తండా, రంగారావుపేటతో మరికొన్ని గ్రామాల శివారు ప్రాంతాల్లో అటవీ భూమి ఉంది. ఈ ప్రాంతాల్లో కొన్నిచోట్ల అటవీ భూముల్లోకి ప్రవేశించి అర్ధరాత్రి సమయంలో జేసీబీలు, బ్లేడ్‌ ట్రాక్టర్ల సహాయంతో భూములు చదును చేస్తున్నారు. పచ్చని చెట్లు, పిచ్చి మొక్కలు, ముళ్లపొదలను తొలగిస్తూ ఆధీనంలోకి తెచ్చుకుంటున్నారు. ఆక్రమణలపై చర్యలు.. రంగారావుపేట శివారులో అటవీ భూముల ఆక్రమణలకు గురయ్యాయి. ఈ విషయంపై గ్రామస్తులు పలుమార్లు బీట్‌ అధికారి దృష్టికి తీసుకెళ్లారు. కానీ.. ఆయన పట్టించుకోలేదు. దీంతో ఇటీవల జిల్లాకేంద్రంలోని ప్రజావాణి కార్యక్రమంలో ఫిర్యాదు చేశారు. విచారణ జరిపిన అధికారులు భూములు ఆక్రమణకు గురైనట్లు తేల్చారు. ఈ వ్యవహారంలో బీట్‌ అధికారి ప్రదీప్‌ను సస్పెండ్‌ చేశారు. అటవీ భూముల ఆక్రమణను అడ్డుకోకపోవడంతోపాటు కనీసం కేసులు నమోదు చేయకుండా విధుల్లో నిర్లక్ష్యం వహించడంతో అధికారులు చర్యలు చేపట్టారు. అలాగే మెట్లచిట్టాపూర్‌ శివారులో అటవీ భూమిలో చెట్లను తొలగించి చదును చేశారు. దీనిపై గ్రామస్తులు అధికారులకు సమాచారం ఇవ్వగా ఆ ప్రాంతాన్ని పరిశీలించారు. అటవీ శాఖ 611/11 కంపార్ట్‌మెంట్‌లో 0.23 హెక్టార్లలో చదును చేసినట్లు గుర్తించారు. అటవీ భూమి చదును చేసిన వారిపై కేసు నమోదు చేశారు. రాత్రయితే చాలు.. చెట్లను కొట్టేసి చదును కనుమరుగవుతున్న అటవీ భూములు ఆక్రమణలపై గ్రామస్తుల ఫిర్యాదులు విధుల్లో నిర్లక్ష్యంపై బీట్‌ అధికారి సస్పెన్షన్‌ఆక్రమిస్తే కఠిన చర్యలు తప్పవు అటవీ భూములను ఆక్రమిస్తే చర్యలు తీసుకుంటున్నాం. ఇటీవల వచ్చిన ఫిర్యాదులపై విచారణ జరిపాం. బాధ్యులపై కేసులు నమోదు చేస్తున్నాం. అటవీ భూముల ఆక్రమణల వ్యవహారం, విధుల్లో నిర్లక్ష్యం వహించిన బీట్‌ అధికారిపై చర్యలు తీసుకున్నాం. ఎక్కడైనా అటవీ భూములు ఆక్రమిస్తే సమాచారం అందించాలి. – షౌకత్‌అలీ, అటవీశాఖ రేంజ్‌ అధికారి, మెట్‌పల్లి

వేములవాడ: వేములవాడ భీమన్నను రాష్ట్ర రవాణా, బీసీ సంక్షేమశాఖ మంత్రి పొన్నం ప్రభాకర్‌, ప్రభుత్వవిప్‌లు ఆది శ్రీనివాస్‌, చింతకుంట విజయరమణారావు, వేముల వీరేశం మంగళవారం దర్శించుకున్నారు. ముందుగా ఆలయ అర్చకులు, వేద పండితులు పూర్ణకుంభంతో స్వాగతం పలికారు. సంకష్టహర చతుర్థిని పురస్కరించుకుని ప్రత్యేక అభిషేకాలు, పూజలు చేశారు. ఈ సందర్భంగా విప్‌ ఆదిశ్రీనివాస్‌ వారికి స్వామివారి శేషవస్త్రం కప్పగా, ఆలయ ఈవో రమాదేవి స్వామివారి ప్రసాదం అందజేశారు. మున్సిపల్‌ డిఈవో ప్రతాప్‌ నవీన్‌, ఏఈవోలు జయకుమారి, నాగుల మహేశ్‌ తదితరులు పాల్గొన్నారు.

రామగుండం: మధురై–హజ్రత్‌ నిజాముద్దీన్‌ చండగఢ్‌ ఎక్స్‌ప్రెస్‌ రైలులో ఓ ప్రయాణికుడు తీవ్ర అస్వస్థతకు గురైనట్లు సోమవారం అర్ధరాత్రి ప్రభుత్వ రైల్వే పోలీసులకు సమాచారం అందింది. రైలు రామగుండం రైల్వేస్టేషన్‌ చేరుకున్న తర్వాత ప్రయాణికుడిని కిందకు దించి 108కు సమాచారం అందించారు. సిబ్బంది వెంటనే రైల్వేస్టేషన్‌ చేరుకుని పరిశీలించగా.. అప్పటికే మృతిచెందినట్లు నిర్ధారించారు. మృతుడి వద్ద లభించిన మెడికల్‌ రసీదుపై నవీదత్‌ అని రాసి ఉండగా ఇతర ఆధారాలేమీ లభ్యం కాలేదు. మృతదేహాన్ని గోదావరిఖని ప్రభుత్వ ఆస్ప త్రిలోని మార్చురీకి తరలించి కేసు దర్యాప్తు చేపడుతున్నట్లు జీఆర్పీ ఔట్‌ పోస్టు ఇన్‌చార్జి తిరుపతి మంగళవారం తెలిపారు. మృతుడి బంధువులు 99493 04574, 87126 58604 నంబర్లలో సంప్రదించాలని ఆయన కోరారు. ఒకరి అనుమానాస్పద మృతితంగళ్లపల్లి(సిరిసిల్ల): పొలం వద్దకు వెళ్లిన ఓ వ్యక్తి అనుమానాస్పద స్థితిలో మృతి చెందాడు. ఈ ఘటన తంగళ్లపల్లిలో చోటుచేసుకుంది. స్థానికులు, పోలీసుల వివరాల ప్రకారం.. గ్రామానికి చెందిన బొల్లారం శంకరయ్య (58) సోమవారం సాయంత్రం పొలం వద్దకు వెళ్లాడు. రాత్రయినా ఇంటికి రాకపోవడం, ఫోన్‌ స్విచ్ఛాఫ్‌ రావడంతో కుటుంబసభ్యులు ఆందోళన చెందారు. మంగళవారం ఉదయం భార్య ఎల్లవ్వ పొలం వద్దకు వెళ్లి చూడగా, నీళ్ల కుండి పక్కన విగతజీవిగా పడి ఉన్నాడు. గతంలో ఆయనకు గుండెపోటు వచ్చిందని, ఇప్పుడు గుండెపోటుతో మరణించాడా లేక ఇతర కారణాలు ఏమైనా ఉన్నాయా అనే కోణంలో అనుమానం వ్యక్తం చేస్తూ భార్య ఎల్లవ్వ పోలీసులకు ఫిర్యాదు చేసింది. కేసు నమోదు చేసుకుని దర్యాప్తు జరుపుతున్నట్లు ఎస్సై సిరిసిల్ల అశోక్‌ తెలిపారు. హైదరాబాద్‌–దాణాపూర్‌ రైలు గడువు పొడిగింపు రామగుండం: హైదరాబాద్‌–దాణాపూర్‌ ప్రత్యే క రైలు గడువును పెంచుతూ దక్షిణ మధ్య రైల్వే ఉత్తర్వులు జారీచేసింది. రద్దీ దృష్ట్యా ఈ నిర్ణయం తీసుకున్నట్లు వెల్లడించింది. హైదరాబాద్‌–దాణాపూర్‌(07091) మధ్య ప్రతీ శనివారం.. అక్టోబర్‌ 3 నుంచి నవంబర్‌ 28వ వర కు, దాణాపూర్‌–హైదరాబాద్‌(07092) మధ్య ప్రతీ సోమవారం.. అక్టోబర్‌ 5 నుంచి నవంబర్‌ 30వ తేదీ వరకు నడిపిస్తామని పేర్కొంది. ఆర్‌ఎఫ్‌సీఎల్‌ను నీరుగార్చితే సహించేదిలేదు ఫెర్టిలైజర్‌సిటీ: రామగుండం ఫెర్టిలైజర్స్‌ అండ్‌ కెమికల్స్‌ లిమిటెడ్‌(ఆర్‌ఎఫ్‌సీఎల్‌)ను ప్రైవేటీరించే యత్నాలు జరుగుతున్నాయని, వీటిని ఎట్టిపరిస్థితుల్లోనూ సహించేదిలేదని పెద్దపల్లి ఎంపీ గడ్డం వంశీకృష్ణ హెచ్చరించారు. ప్రాజెక్టును నీరుగార్చితే రామగుండం నుంచి ఢిల్లీ వరకు పోరాటం ఉధృతం చేస్తామని హెచ్చరించారు. ఏటా 12.7 లక్షల మెట్రిక్‌ టన్నుల యూరియా ఉత్పత్తి చేయాల్సిన ఆర్‌ఎఫ్‌సీఎల్‌ తరచూ ఎదురవుతున్న సాంకేతిక సమస్యలు, షట్‌డౌన్లతో కేవలం 7 లక్షల మెట్రిక్‌ టన్నుల నుంచి 8 లక్షల మెట్రిక్‌ టన్నులకే పరిమితమ వుతోందని ఆందోళన వ్యక్తం చేశారు. ఇందుకు కేంద్రప్రభుత్వ తీరే కారణమని ఆరోపించారు.

కొత్తపల్లి(కరీంనగర్‌): భార్యపై అనుమానంతో పెట్రోల్‌, యాసిడ్‌ పోసి, కారప్పొడి చల్లి నిప్పంటించేందుకు భర్త యత్నించాడు. ఈ ఘటన కరీంనగర్‌ సమీపంలోని చింతకుంటలో కలకలం రేపింది. నిందితుడు మొలంగూరు ఆంజనేయులును పోలీసులు అరెస్ట్‌ చేయగా, అతడి తండ్రి మొలంగూరు లక్ష్మీనారాయణ పరారీలో ఉన్నాడు. కొత్తపల్లి ఇన్‌స్పెక్టర్‌ బిల్ల కోటేశ్వర్‌ కథనం ప్రకారం.. చింతకుంటకు చెందిన మొలంగూరు అనూషకు సుమారు 16 ఏళ్ల క్రితం ఆంజనేయులుతో వివాహం జరిగింది. వీరికి ఇద్దరు పిల్లలు. కొంతకాలంగా అనూష మరోవ్యక్తితో చనువుగా ఉంటుందనే అనుమానంతో ఆంజనేయులు తరచూ గొడవపడుతున్నాడు. ప్రస్తుతం కిసాన్‌నగర్‌లో ఉంటున్న అనూష.. మంగళవారం చింతకుంట ప్రభుత్వ పాఠశాల వద్దకు రాగా, ముందస్తు పథకం ప్రకారం ఆంజనేయులు, అతడి తండ్రి లక్ష్మీనారాయణ అక్కడికి చేరుకున్నారు. మాట్లాడాల్సి ఉందని చెప్పి పక్కకు తీసుకెళ్లి పెట్రోల్‌, యాసిడ్‌ పోసి, కారప్పొడి చల్లి అగ్గిపెట్టెతో నిప్పంటించేందుకు ప్రయత్నించారు. ఈక్రమంలో అప్రమత్తమైన అనూష గట్టిగా కేకలు వేయడంతో ఉపాధ్యాయులు బయటకు వచ్చారు. వారిని చూసి నిందితులు పరారయ్యారు. బాధితురాలి ఫిర్యాదు మేరకు హత్యాయత్నం కేసు నమోదు చేశారు. నిందితుడు ఆంజనేయులును అరెస్ట్‌ చేయగా, మరోనిందితుడు లక్ష్మీనారాయణ పరారీలో ఉన్నట్లు సీఐ తెలిపారు. ఎస్‌ఐ సాంబమూర్తి, పోలీసులు పాల్గొన్నారు. భార్యపై అనుమానంతో హత్యాయత్నం భర్తను అరెస్ట్‌ చేసిన పోలీసులు.. పరారీలో మామ

1975–76లో ఆంధ్రప్రదేశ్‌ టీంకు కెప్టెన్‌గా వ్యవహరించాను. ఢిల్లీలో పోటీలు జరిగితే మా టీం సిల్వర్‌ మెడల్‌ సంపాదించింది. 1977లో మహారాష్ట్రలోని అకోలాలో ఆల్‌ ఇండియా యూనివర్సిటీ పోటీలు, 1978లో మధ్యప్రదేశ్‌లో సీనియర్‌ నేషనల్స్‌లో కరీంనగర్‌ జిల్లా నుంచి నేనొక్కడినే ఆడాను. – కొమ్మనబోయిన మల్లయ్య అలియాస్‌ కబడ్డీ మల్లయ్య, శాబాష్‌పల్లి, వేములవాడ మా నుంచే మొదలైంది 1975 నుంచి కబడ్డీ ఆడుతున్నా. కబడ్డీ మల్లయ్య సార్‌ మాకు కోచింగ్‌ ఇచ్చారు. హైదరాబాద్‌లో ఇంటర్‌ డిస్ట్రిక్ట్‌ ఆడాను. ఖమ్మం జిల్లాలో స్టేట్‌ లెవల్‌ టోర్నమెంట్‌ ఆడాను. శాంతినగర్‌ టీం అంటేనే గ్రామీణ ప్రజలు ఆసక్తిగా మా ఆటను చూసేవారు. మా నుంచే చైన్‌ సిస్టమ్‌ మొదలైంది. – సల్మాన్‌రెడ్డి, నాంపల్లి, వేములవాడ

● పందుల పెంపకంతో మురుగు ● దుర్వాసనతో ప్రజల అవస్థలు ● బతుకమ్మ వేడుకలకూ అవరోధం రామగిరి: అది కల్వచర్ల గ్రామస్తుల జీవనంతో ముడిపడిన బొక్కలవాగు. నిత్యం ఉపయోగపడాల్సిన వాగు.. పందుల పెంపకానికి అడ్డాగా, మురుగు, దుర్వాసనకు నిలయంగా మారింది. పరిసరాల్లో అక్రమంగా షెడ్లు నిర్మించి పందుల పెంపకం చేపట్టడమే ఇందుకు కారణమని గ్రామస్తులు ఆరోపిస్తున్నారు. వాగు పక్కనే ఉన్నా.. గ్రామంలో ఎవరైనా మృతి చెందితే అంత్యక్రియల తర్వాత వాగులో స్నానం చేయడం ఆనవాయితీ. ప్రస్తుతం కలుషితమై న నీరు, దుర్వాసనతో కనీసం నీటిలో దిగలేని పరిస్థితి ఉంది. బతుకమ్మకు అవరోధం.. బతుకమ్మ వేడుకల వేళ సందడిగా కనిపించాల్సిన వాగు.. పందుల కంపుతో దర్శనమిస్తోంది. ఏటా వాగు ఒడ్డున బతుకమ్మ ఆడి, వాయినాలు ఇచ్చుకునే ప్రదేశం ఇది. ఇప్పుడు పందుల పెంపకం, మురుగు, దుర్వాసనతో అపరిశుభ్రంగా మారింది. భూమి ఆక్రమించి.. వాగు పరిసరాల్లోని పోరంబోకు భూమిని ఆక్రమించి షెడ్లు ని ర్మించడంతోపాటు, బ్రిడ్జికింద నీరు వెళ్లే తూముకు అడ్డంగా ని ర్మాణం చేపట్టారని గ్రామస్తులు ఆరోపిస్తున్నారు. అక్రమ కట్టడాలను తొలగించి, వాగు ప్రవాహానికి అడ్డంకులు తొలగించడంతోపాటు నీటికాలుష్యాన్ని అరికట్టాలని కోరుతున్నారు.

● సీపీఐ నేత చాడ వెంకట్‌రెడ్డి జగిత్యాల: ఎస్‌ఐఆర్‌ పేరుతో ఓటర్లను అయోమయానికి గురిచేస్తున్న జాతీయ ఎన్నికల కమిషన్‌ జ్ఞానేశ్వర్‌ తక్షణమే రాజీనామా చేయాలని సీపీఐ జాతీయ కార్యవర్గ సభ్యుడు చాడ వెంకటరెడ్డి అన్నారు. జగిత్యాలకు వచ్చిన ఆయన విలేకరులతో మాట్లాడారు. కేంద్రంలో బీజేపీ అధికారంలోకొచ్చినప్పటి నుంచి మోదీ అన్ని వ్యవస్థలను నాశనం చేశారని ఆరోపించారు. ప్రజాస్వామ్యానికి మూలస్తంభం అయిన ఎన్నికల కమిషన్‌ను బీజేపీ పావులుగా వాడుకుంటోందన్నారు. పశ్చిమబెంగాల్‌లో 80 లక్షల ఓట్లను తొలగించి.. బీజేపీ అధికారంలోకి వచ్చిందన్నారు. ఆయన వెంట సీపీఐ నాయకులు విశ్వనాథం, రాములు, వెన్న మహేశ్‌, లక్ష్మీ, ఉస్మాన్‌, కిరణ్‌, శ్రీనివాస్‌, శంకరయ్య పాల్గొన్నారు. దిష్టిబొమ్మ దహనం.. కానిస్టేబుల్‌కు స్వల్ప గాయాలుచందుర్తి (వేములవాడ): సీఎం దిష్టిబొమ్మ దహనాన్ని అడుకునేందుకు యత్నించిన ఓ కానిస్టేబుల్‌కు స్వల్పంగా గాయాలయ్యాయి. చందుర్తిలో బీజేపీ పార్టీ మండల అధ్యక్షుడు మెకిలే విజేందర్‌ ఆధ్వర్యంలో సీఎం రేవంత్‌రెడ్డి దిష్టిబొమ్మను దహనం చేసేందుకు సిద్ధమయ్యారు. అక్కడే ఉన్న పోలీసులు దిష్టిబొమ్మను లాక్కునే ప్రయత్నం చేశారు. ఈ క్రమంలో కానిస్టేబుల్‌ మహేశ్‌పై దిష్టిబొమ్మ అంటుకున్న నిప్పురవ్వలు పడి నిప్పు అంటుకుంది. తెరుకున్న కానిస్టేబుల్‌ పక్కనే ఉన్న బకెట్‌తో నీళ్లు ప్యాంటుపై చల్లుకోవడంతో ప్రమాదం తప్పి, స్వల్ప గాయాలయ్యాయి.

సాక్షిప్రతినిధి, కరీంనగర్‌ ●: శాతవాహన యూనివర్సిటీలో పీజీ అడ్మిషన్లు తీవ్ర నిరాశపరిచాయి. యూనివర్సిటీలోని క్యాంపస్‌లో సైతం పీజీ కోర్సుల్లో చేరేందుకు విద్యార్థులు ఆసక్తి చూపకపోవడంపై అధ్యాపకులు విస్మయం వ్యక్తంచేస్తున్నారు. 2026–27 విద్యా సంవత్సరంలో క్యాంపస్‌లో వివిధ కోర్సుల్లో అందుబాటులో ఉన్న సీట్లకు కేవలం 33 శాతం మంది విద్యార్థులే అడ్మిషన్‌ తీసుకోవడం చర్చానీయాంశంగా మారింది. పీజీ సెట్‌ కౌన్సెలింగ్‌ తొలివిడత ఈనెల 23వ తేదీతో ముగిసింది. మొత్తం సీట్లలో సగం సీట్లలోనూ విద్యార్థులు చేరనప్పుడు, సెకండ్‌, థర్డ్‌ ఫేజ్‌ల్లో మిగిలిన సీట్లు ఎలా భర్తీ అవుతాయన్న ప్రశ్న విద్యార్థులు, అధ్యాపకులలో మొదలైంది. ఫిజిక్స్‌లో ఒక్కరు.. సోషియాలజీలో ఆరుగురు ప్రస్తుతం విద్యా సంవత్సరంలో ఫిజిక్స్‌ విభాగంలో ఒకేఒక్క విద్యార్థి చేరగా, సోషియాలజీలో ఆరుగురు చేరారు. ఈ విభాగాల్లో విద్యార్థుల కన్నా అధ్యాపకుల సంఖ్య అధికం కావడం గమనార్హం. ఎంఏ ఉర్దూ, ఎంఏ ఇంగ్లిష్‌, ఎంఎస్‌డబ్లూ, ఎమ్మెస్సీ కెమిస్ట్రీ, మ్యాథ్స్‌, కంప్యూటర్‌ సైన్స్‌, ఇన్‌స్ట్రుమెంటేషన్‌ కోర్సుల్లో పదిలోపు విద్యార్థులు జాయినయ్యారు. దాదాపుగా అన్ని డిపార్ట్‌మెంట్ల పరిస్థితి ఇలాగే తయారైంది. యూనివర్సిటీలో కేటాయించిన సీట్ల కన్నా చేరిన విద్యార్థుల సంఖ్య చూసి అధ్యాపకులు ఒకరిద్దరి కోసం ఏడాది మొత్తం పాఠాలు చెప్పాలా? అని తల పట్టుకుంటున్నారు. ఈ చేరికలు వర్సిటీ ప్రతిష్టను దిగజారుస్తుందని ఆందోళన వ్యక్తం చేస్తున్నారు. దీనిపై భిన్నవాదనలు వినిపిస్తున్నాయి. ఉస్మానియా, కాకతీయలో సీటు కోసం ఎదురుచూసే విద్యార్థులంతా సెకండ్‌, థర్డ్‌ ఫేజ్‌లలో చేరే అవకాశాలున్నాయని కొందరు అధ్యాపకులు విశ్వాసం వ్యక్తం చేశారు. ఇంతటి కనిష్టస్థాయిలో విద్యార్థులు రిపోర్టు చేయడం నానాటికీ పీజీ కోర్సులకు తగ్గుతున్న ఆదరణకు నిదర్శనమని మరికొందరు వ్యాఖ్యానిస్తున్నారు. బయోమెట్రిక్‌ భయపెట్టిందా? యూనివర్సిటీలో ఆర్ట్స్‌, సైన్స్‌ కలిపి మొత్తం 18వరకు కోర్సులున్నాయి. రాష్ట్రంలో ఎక్కడా లేని విధంగా బయోమెట్రిక్‌ విధానం కారణంగానే విద్యార్థులు చేరేందుకు వెనకడుగు వేస్తున్నారన్న అపవాదును యూనివర్సిటీ మూటగట్టుకుంది. గత విద్యా సంవత్సరంలో హాజరుశాతం తక్కువగా ఉందన్న కారణంతో పలు కోర్సుల విద్యార్థులను పరీక్షలు రాయకుండా చేసిన సంఘటన ఈ విద్యా సంవత్సరంలో ప్రవేశాలపై ప్రభావం చూపిందని వర్సిటీ అధ్యాపకులు, విద్యార్థులు బహిరంగంగానే విమర్శి స్తున్నారు. వాస్తవానికి రాష్ట్రంలోని అన్ని యూని వర్సిటీలలో బయోమెట్రిక్‌ విధానం ఉన్నా.. ఇక్కడ కఠినంగా అమలవుతుందని విద్యార్థులు వాపోతున్నారు. అదే సమయంలో శాతవాహన పరిధిలోని ఏ అనుబంధ, ప్రైవేటు కాలేజీలో లేని బయోమెట్రిక్‌ అమలు కాకపోవడం ఏంటని నిలదీస్తున్నారు. పైగా పోటీ పరీక్షలకు ఎంతో ఉపయోగపడే లైబ్ర రీలో విద్యార్థులకు ఆంక్షలు విధించడం, ప్రతీ చిన్న విషయానికి పోలీసులను క్యాంపస్‌లోకి పిలి పించి విద్యార్థులపై కేసులు పెట్టిస్తామంటూ బెది రించడం కూడా వర్సిటీ ప్రవేశాలపై ప్రతికూల ప్రభా వం చూపిందని విద్యార్థులు వాపోతున్నారు. అదే సమయంలో ఎల్‌ఎల్‌బీ, పీహెచ్‌డీ విద్యార్థులకు హాస్టల్‌ సదుపాయం లేకపోవడం కూడా ప్రవేశాలు తగ్గేందుకు పరోక్ష కారణమైందని చెబుతున్నారు.శాతవాహన యూనివర్సిటీ

జిల్లా దరఖాస్తులు హాజరు అర్హత శాతం కరీంనగర్‌ 1,166 980 653 66.63 జగిత్యాల 578 486 334 68.72 పెద్దపల్లి 374 317 232 73.19 రాజన్న సిరిసిల్ల 372 314 235 74.84 మొత్తం 2,490 2,097 1,454 69.34సాక్షి పెద్దపల్లి: ఉమ్మడి కరీంనగర్‌ జిల్లాలో టీజీటెట్‌ ఇన్‌సర్వీస్‌ టీచర్స్‌–2026 ఫలితాల్లో రాజన్న సిరిసిల్ల జిల్లా అత్యధిక అర్హతశాతంతో ముందంజలో నిలిచింది. నాలుగు జిల్లాల పరిధిలో మొత్తం 2,490 మంది అభ్యర్థులు దరఖాస్తు చేసుకోగా 2,097 మంది పరీక్షకు హాజరయ్యారు. శనివారం వి డుదలైన ఫలితాల్లో 1,454 మంది అర్హత సాధించా రు. హాజరైన అభ్యర్థుల ప్రాతిపదికన మొత్తం అర్హతశాతం సుమారు 69.34 శాతంగా నమోదైంది. సిరిసిల్ల టాప్‌.. కరీంనగర్‌ లాస్ట్‌ జిల్లాల వారీగా చూస్తే సిరిసిల్ల (74.84శాతం) మొదటి స్థానంలో ఉండగా, పెద్దపల్లి (73.19శాతం) రెండో స్థానంలో నిలిచింది. జగిత్యాల 68.72 శా తంతో మూడో స్థానంలో, కరీంనగర్‌ 66.63 శాతంతో నాలుగో స్థానంలో ఉన్నాయి. అత్యధిక దరఖాస్తులు, అత్యధిక హాజరు కరీంనగర్‌ నుంచే ఉన్నప్పటికీ, అర్హత శాతంలో మాత్రం వెనుకబడింది.

కరీంనగర్‌టౌన్‌: ప్రభుత్వ పాఠశాలలు, కళాశాలలు, వసతి గృహాల్లో విద్యా ప్రమాణాలు, మౌలిక వసతుల మెరుగుదలపై ప్రత్యేక దృష్టి సారించాలని సీఎస్‌ సంజయ్‌ జాజు సూచించారు. విద్యార్థుల హాజరు, భోజనం, పారిశుధ్యం, భద్రత, ఉపాధ్యాయుల పనితీరు, లెర్నింగ్‌ ఔట్‌కమ్స్‌ను నిరంతరం పర్యవేక్షించాలని ఆదేశించారు. సోమవారం హైదరాబాద్‌ నుంచి జిల్లా కలెక్టర్లు, అధికారులతో వీడియో కాన్ఫరెన్స్‌ ద్వారా సమీక్ష నిర్వహించారు. కరీంనగర్‌ నుంచి కలెక్టర్‌ చిత్రా మిశ్రా పాల్గొన్నారు. పాఠశాలలు, కళాశాలలు, వసతి గృహాల్లో కలెక్టర్లు తరచూ ఆకస్మిక తనిఖీలు చేసి సమస్యలను వెంటనే పరిష్కరించాలని సూచించారు. కలెక్టర్‌ అధికారులతో సమీక్షించారు. పాఠశాలలు, వసతి గృహాలను తరచూ సందర్శించి విద్యార్థుల భద్రత, భోజనం, పారిశుధ్యంపై అప్రమత్తంగా ఉండాలని ఆదేశించారు. కుల వివక్షపై పోరాడిన మహాకవి జాషువాకరీంనగర్‌కల్చరల్‌: కుల వివక్ష, సామాజిక అసమానతలు, అంటరానితనంపై తన కలంతో తిరుగుబాటు చేసిన మహాకవి గుర్రం జాషువా అని తెలంగాణ సాహితీ రాష్ట్ర కార్యదర్శి మాడుగుల రాములు అన్నారు. తెలంగాణ సాహితీ ఆధ్వర్యంలో సోమవారం జాషువా జయంతి నిర్వహించారు. జాషువా కేవలం కవి మాత్రమే కాదని, అణగారిన వర్గాల ఆత్మగౌరవాన్ని తన సాహిత్యంలో ప్రతిధ్వనింపజేసిన సామాజిక చైతన్యవాదని పేర్కొన్నారు. ప్రముఖ వ్యాసకర్త సంపతి రమేశ్‌ మహారాజు మాట్లాడుతూ.. విద్య, సాహిత్యం, ఆత్మగౌరవం, సమానత్వం ద్వారా అణగారిన వర్గాలు ముందుకు రావాలనే సందేశం జాషువా రచనల్లో కనిపిస్తుందన్నారు. జిల్లా ప్రధాన కార్యదర్శి మానువాడ శంకర్‌, పుత్తూరు దేవదాస్‌, మురళీకృష్ణ, రిటైర్డ్‌ ఎస్‌ఐ మొండయ్య, మాజీ ఉప సర్పంచ్‌ దేవయ్య, బొంగని పరశురాములుగౌడ్‌, సంటి కుమార్‌, చిలుపు రాములు, జితేందర్‌ తదితరులు పాల్గొన్నారు. అనుమతించిన ఎరువులు మాత్రమే విక్రయించాలిచిగురుమామిడి: జిల్లాలో ఎరువుల డీలర్లు ప్రభుత్వం అనుమతించిన కంపెనీల ఎరువులను మాత్రమే విక్రయించాలని, అనుమతి లేని ఇతర బ్రాండ్లు, నకిలీ ఎరువులను విక్రయిస్తే చట్టపరమైన చర్యలుంటాయని జిల్లా వ్యవసాయాధికారి ఛత్రునాయక్‌ హెచ్చరించారు. సోమవారం చిగురుమామిడి మండలంలో ఎరువుల దుకాణాల్లో ఆకస్మిక తనిఖీ నిర్వహించారు. పాత స్టాక్‌, రిజిస్టర్లు, ఇతర రికార్డులను పరిశీలించారు. ప్రతీ రైతు ఫార్మర్‌ రిజిస్ట్రేషన్‌ పూర్తి చేసుకోవాలన్నారు. ఏవో పున్నం చందర్‌, చిగురుమామిడి ఎస్సై జగదీశ్వర్‌, వ్యవసాయ సిబ్బంది ఉన్నారు. తిమ్మాపూర్‌: లోయర్‌ మానేరు డ్యామ్‌ (ఎల్‌ఎండీ) నీటి మట్టం 16 టీఎంసీలకు చేరుకుంది. గత కొద్ది రోజులుగా మిడ్‌ మానేరు నుండి నీళ్లు వచ్చి చేరుతున్నాయి. మిడ్‌ మానేరు నుండి 8 వేల క్యూసెక్కులకు పైగా నీరు ఎల్‌ఎండీలోకి వస్తోంది. 24 టీఎంసీల సామర్థ్యం గల ఎల్‌ఎండీలో ప్రస్తుతం 16 టీఎంసీల నీరు ఉంది. మిడ్‌ మానేరు నుండి ఇదే ఇన్‌ఫ్లో కొనసాగితే ఎల్‌ఎండీ త్వరలో నిండుకుండలా మారే అవకాశం ఉంది. జమ్మికుంట: జమ్మికుంట వ్యవసాయ పత్తి మార్కెట్‌లో సోమవారం కొత్తపత్తి క్వింటాల్‌కు రూ.8,021 పలికింది. క్వింటాల్‌కు మోడల్‌ ధర రూ.7,750. కనిష్ట ధర రూ.6,000. పాత పత్తి 4 వాహనాల్లో 45 క్వింటాళ్లను రైతులు అమ్మకానికి తీసుకురాగా.. క్వింటాల్‌కు గరిష్ట ధర రూ.8,150, మోడల్‌ ధర రూ.8,050, కనిష్ట ధర రూ.7,800కు ప్రైవేటు వ్యాపారులు కొనుగోలు చేశారు. క్రయవిక్రయాలను గ్రేడ్‌–2 కార్యదర్శి మల్లేశం పర్యవేక్షించారు.

కరీంనగర్‌ కార్పొరేషన్‌: కేంద్ర ఎన్నికల సంఘం బీజేపీ అనుబంధ సంస్థగా మారిందని డీసీసీ అధ్యక్షుడు, చొప్పదండి ఎంఎల్‌ఏ మేడిపల్లి సత్యం ధ్వజమెత్తారు. సీఈసీ జ్ఞానేశ్‌కుమార్‌ రాజీనామా చేయాలని డిమాండ్‌ చేశారు. సీఈసీ వైఖరిని నిరసిస్తూ ఏఐసీసీ పిలుపులో భాగంగా సోమవారం నగరంలో కాంగ్రెస్‌ ఆందోళన చేపట్టింది. నగరంలోని ఇందిరాగాంధీ విగ్రహం నుంచి కలెక్టరేట్‌ వరకు ర్యాలీ నిర్వహించి.. కలెక్టరేట్‌ ముందు ధర్నా చేపట్టారు. సీఈసీ జ్ఞానేశ్‌కుమార్‌, మోదీ, అమిత్‌షా దిష్టిబొమ్మలు దహనం చేశారు. పోలీసులకు, పార్టీ శ్రేణులకు నడుమ స్వల్ప పెనుగులాట చోటుచేసుకుంది. మోదీ సర్కార్‌ వచ్చాక సీబీఐ, ఈడీ, ఐటీ లాగే ఎలక్షన్‌ కమిషన్‌ను కూడా బీజేపీకి అనుబంధ సంస్థగా మార్చారన్నారు. టీపీసీసీ ఎస్సీ సెల్‌ అధ్యక్షుడు, మానకొండూర్‌ ఎమ్మెల్యే, కవ్వంపల్లి సత్యనారాయణ, కరీంనగర్‌ కార్పొరేషన్‌ కాంగ్రెస్‌ అధ్యక్షుడు వైద్యుల అంజన్‌కుమార్‌, కరీంనగర్‌ అసెంబ్లీ కాంగ్రెస్‌ ఇన్‌చార్జి వెలిచాల రాజేందర్‌రావు, హుజూరాబాద్‌ నియోజకవర్గ కాంగ్రెస్‌ ఇన్‌చార్జి ప్రణవ్‌బాబు, ఏఎంసీ చైర్మన్‌ ఆకుల నర్సయ్య, అర్బన్‌ బ్యాంక్‌ చైర్మన్‌ గడ్డం విలాస్‌రెడ్డి, అల్ఫోర్స్‌ నరేందర్‌రెడ్డి, సుడా మాజీ చైర్మన్‌ కోమటిరెడ్డి నరేందర్‌రెడ్డి, పురుమల్ల శ్రీనివాస్‌, మాజీ ఎమ్మెల్యే ఆరెపల్లి మోహన్‌, ఆకారపు భాస్కర్‌రెడ్డి, ఉప్పల అంజనీప్రసాద్‌, రాచకొండ చక్రధర్‌రావు, నర్సాగౌడ్‌ తదితరులు పాల్గొన్నారు.

కరీంనగర్‌ అర్బన్‌: ఈనెల 30న నూతన కలెక్టరేట్‌ ప్రారంభోత్సవానికి ముఖ్యమంత్రి ఎ.రేవంత్‌రెడ్డి రానున్న నేపథ్యంలో భద్రతా ఏర్పాట్లు ముమ్మరమయ్యాయి. సీఎం పర్యటనను విజయవంతంగా నిర్వహించేందుకు జిల్లా యంత్రాంగం, పోలీస్‌ శాఖ సమన్వయంతో ఏర్పాట్లు చేస్తోంది. ఈ క్రమంలో సీఎం భద్రతా అధికారులు సోమవారం కలెక్టర్‌ చిత్రా మిశ్రా, పోలీస్‌ కమిషనర్‌ గౌస్‌ ఆలంతో కలిసి నూతన కలెక్టరేట్‌ ప్రాంగణాన్ని పరిశీలించారు. కలెక్టరేట్‌ ప్రాంగణంలోని హెలిప్యాడ్‌, తెలంగాణ తల్లి విగ్రహం, నూతన కలెక్టరేట్‌ భవనం, సమావేశ మందిరం, కలెక్టర్‌ నూతన చాంబర్‌, పరిసర ప్రాంతాలను పరిశీలించారు. అనంతరం కలెక్టరేట్‌ కాన్ఫరెన్స్‌ హాల్‌లో భద్రత, ప్రొటోకాల్‌, ఇతర ఏర్పాట్లపై సమీక్ష నిర్వహించారు. ముఖ్యమంత్రి పర్యటనకు ముందు నిర్వహించే అడ్వాన్స్‌డ్‌ సెక్యూరిటీ లైజన్‌ సమీక్షలో భద్రతా ఏర్పాట్లు, బందోబస్తు, హెలిప్యాడ్‌, సీఎం కాన్వాయ్‌ వెళ్లే మార్గం, ట్రాఫిక్‌ నియంత్రణ, పార్కింగ్‌, అత్యవసర వైద్య సేవలు, అగ్నిమాపక ఏర్పాట్లు, ప్రొటోకాల్‌ తదితర అంశాలను సమీక్షించారు. సీఎం పర్యటించే ప్రాంతాల్లో భద్రతా ప్రమాణాలను కచ్చితంగా పాటించాలని అధికారులకు సూచించారు. కలెక్టర్‌ చిత్రా మిశ్రా మాట్లాడుతూ.. సీఎం పర్యటన నేపథ్యంలో అన్ని శాఖల అధికారులు తమకు కేటాయించిన విధులను సమన్వయంతో నిర్వహించాలని ఆదేశించారు. నిర్దిష్ట సమయం లోగా ఏర్పాట్లను పూర్తిచేసి, ప్రతీ అంశాన్ని పరిశీలించి ధ్రువీకరించాలని సూచించారు. ఎలాంటి తప్పిదాలు, నిర్లక్ష్యానికి తావు లేకుండా అప్రమత్తంగా పని చేయాలని, విధుల్లో నిర్లక్ష్యం వహిస్తే కఠిన చర్యలు తీసుకుంటామని హెచ్చరించారు. పటిష్ట బందోబస్తు సీపీ గౌస్‌ ఆలం మాట్లాడుతూ పటిష్ట బందోబస్తు ఏర్పాటు చేస్తున్నట్లు తెలిపారు. ప్రతీ దశలో పోలీసులు అప్రమత్తంగా విధులు నిర్వహించాలన్నారు. సీఎం కాన్వాయ్‌, గౌరవ వందనం, భద్రతా ఏర్పాట్లపై పోలీసు అధికారులకు దిశానిర్దేశం చేశారు. మున్సిపల్‌ కమిషనర్‌ ప్రఫుల్‌ దేశాయ్‌, అదనపు కలెక్టర్‌ శ్రీనివాస్‌రెడ్డి, ఆర్డీవో షర్మిల, సీఎంవో ఇంటెలిజెన్స్‌ సెక్యూరిటీ అధికారులు ఎస్పీ రామచందర్‌రావు, డీఎస్పీలు దుర్శేటి రఘుచందర్‌, శ్యాం తదితరులు పాల్గొన్నారు.

12వ జిల్లాస్థాయి సబ్‌ జూనియర్‌, 20వ జాతీయ ఇంటర్‌ డిస్ట్రిక్ట్‌ జూనియర్‌ అథ్లెటిక్‌ మీట్‌ కరీంనగర్‌లోని ప్రాంతీయ క్రీడాపాఠశాలలో ఉత్సాహంగా సాగింది. అండర్‌–14, 16 బాలబాలికల విభాగాల్లో రన్స్‌, జంప్స్‌, త్రోస్‌ అంశాల్లో పోటీలను నిర్వహించారు. కరీంనగర్‌ ట్రాఫిక్‌ సీఐ అంజయ్య ప్రారంభించారు. గెలుపొందిన క్రీడాకారులకు రాష్ట్ర టీజీపీఈటీఏ కార్యదర్శి నాగరాజ్‌గౌడ్‌ పతకాలను ప్రదానం చేశారు. రాణించిన క్రీడాకారులను ఆసిఫాబాద్‌, హైదరాబాద్‌లలో జరగనున్న రాష్ట్రస్థాయి పోటీలకు ఎంపిక చేశారు. జిల్లా అథ్లెటిక్స్‌ సంఘం అధ్యక్ష, కార్యదర్శులు నందెల్లి మహిపాల్‌, సుమన్‌ కళ్యాణ్‌, పీడీ, పీఈటీలు బెజ్జంకి రాజగోపాల్‌, సతిని రమేశ్‌, టి.హరికిషన్‌ పాల్గొన్నారు.

అండర్‌–19 చెస్‌ విజేతలకు పతకాలు ఉమ్మడి కరీంనగర్‌ జిల్లా అండర్‌–19 ఎస్జీఎఫ్‌ చెస్‌ పోటీలు కరీంనగర్‌లోని జీనియస్‌ చెస్‌ అకాడమీలో జరిగాయి. పోటీలకు 90 మంది విద్యార్థులు హాజరయ్యారు. బాలబాలికల విభాగంలో అత్యుత్తమంగా రాణించిన ఐదుగురు విద్యార్థులను రాష్ట్రస్థాయి పోటీలకు ఎంపిక చేశారు. బాలికల విభాగంలో జి.దేవిశ్రీ హర్షిని, జె.సహస్ర, జి.హర్షిని, కె.అమూల్య, బాలుర విభాగంలో ఆర్‌.దీక్షిత్‌, ఎం.మహదేవ్‌, ఎస్‌.చరణ్‌తేజ, సీహెచ్‌ మోక్షిత్‌, బి.శరత్‌కుమార్‌ రాష్ట్రస్థాయికి ఎంపికయ్యారు. గెలుపొందిన క్రీడాకారులకు 41వ డివిజన్‌ కార్పొరేటర్‌ నాంపల్లి రేణుక శ్రీనివాస్‌, ఎస్జీఎఫ్‌ కార్యదర్శి బన్సీలాల్‌, జీనియస్‌ చెస్‌ అకాడమీ చైర్మన్‌ కంకటి కనకయ్య, సీనియర్‌ కోచ్‌, డైరెక్టర్‌ కంకటి అనూప్‌కుమార్‌ పతకాలను ప్రదానం చేశారు.

ఈనెల 30న రిటైర్డ్‌ కాబోతున్న సీనియర్‌ ఫిజికల్‌ డైరెక్టర్‌ జూడో కోచ్‌ ఎల్వీ రమణను కరీంనగర్‌ ప్రాంతీయ క్రీడా పాఠశాలలో జరిగిన అండర్‌–14, 17 ఉమ్మడి జిల్లాస్థాయి పోటీల్లో ఘనంగా సత్కరించారు. ఉమ్మడి జిల్లావ్యాప్తంగా సుమారు 150 మంది క్రీడాకారులు హాజరయ్యారు. పోటీలను డీవైఎస్‌వో శ్రీనివాస్‌గౌడ్‌ ప్రారంభించారు. ఎస్జీఎఫ్‌ కార్యదర్శి బన్సిలాల్‌, పీడీ, పీఈటీలు అంతటి శంకరయ్య, సత్యనారాయణ, సిలివేరి మహేందర్‌, గోలి సుధాకర్‌, కోచ్‌లు సాయిరాంయాదవ్‌, శ్యాంకుమార్‌ పాల్గొన్నారు.

ప్రాంతీయ క్రీడా పాఠశాలలో నిర్వహించిన అండర్‌–14, 17 బాలబాలికల రెజ్లింగ్‌ పోటీలను పోటీల కన్వీనర్‌ జిట్టబోయిన్‌ శ్రీనివాస్‌ ప్రారంభించారు. ఉమ్మడి జిల్లావ్యాప్తంగా సుమారు 100 మందికి పైగా క్రీడాకారులు హాజరయ్యారు. రాణించిన క్రీడాకారులను 70వ రాష్ట్రస్థాయి పాఠశాలల రెజ్లింగ్‌ పోటీలకు నిర్వాహకులు ఎంపిక చేశారు. ముగిసిన వాలీబాల్‌ పోటీలు అండర్‌–19 కళాశాలల బాలబాలికల వాలీబాల్‌ పోటీలు విజయవంతంగా ముగిశాయి. రేకుర్తిలోని ఢిల్లీ డిఫెన్స్‌ కళాశాలలో పోటీలు జరగగా.. సుమారు 40కి పైగా కళాశాలల నుంచి క్రీడాకారులు హాజరయ్యారు. ఎస్జీఎఫ్‌ కార్యదర్శి బన్సిలాల్‌, సతీశ్‌, బల్వీందర్‌ సింగ్‌, అశోక్‌, శ్రీనివాస్‌, సరిత తదితరులు పాల్గొన్నారు.

ధర్మారం: ఒంటరితనం.. అనారోగ్యం.. ఆర్థిక ఇబ్బందులు భరించలేక ఓ వృద్ధుడు ఇంట్లోనే పెట్రోలు పోసుకుని నిప్పంటించుకుని ప్రాణాలు తీసుకున్న సంఘటన సోమవారం పెద్దపల్లి జిల్లా ధర్మారం మండలం దొంగతుర్తి గ్రామంలో జరిగింది. గ్రామానికి చెందిన జుంజుపల్లి నారాయణ(60) కొంతకాలంగా అనారోగ్యంతో బాధపడుతున్నాడు. కుటుంబ సభ్యులు వేర్వేరు ప్రాంతాల్లో ఉండటంతో ఇంట్లో ఒంటరిగానే జీవనం సాగించేవాడు. సోమవారం ఇంట్లోనే పెట్రోలు ఒంటిపై పోసుకుని నిప్పంటించుకుని ఆత్మహత్యకు పాల్పడటంతో కుటుంబ సభ్యులు విషాదంలో మునిగిపోయారు. దూరమైన కుటుంబం.. ఒంటరి జీవితం నారాయణకు భార్య రమతోపాటు ఇద్దరు కుమారులు, కుమార్తె ఉన్నారు. పిల్లలందరికి వివాహాలు జరిగాయి. కుమార్తె అత్తగారింట్లో ఉండగా.. ఇద్దరు కుమారులు ఉద్యోగాల నిమిత్తం వేర్వేరు ప్రాంతాల్లో నివసిస్తున్నారు. భార్య కొంతకాలంగా దూరంగా ఉంటోంది. మూడు నెలల క్రితం కాలికి గాయం కావడంతో ఇన్‌పెక్షన్‌ అయి, అనారోగ్య సమస్యలను భరించలేక ఆత్మహత్య చేసుకున్నాడు. ఎస్సై శ్రీకాంత్‌ సంఘటనా స్థలానికి చేరుకుని వివరాలు సేకరించారు. మృతదేహాన్ని పోస్టుమార్టం నిమిత్తం ఆసుపత్రికి తరలించారు. మృతుడి కుమారుడు రాజ్‌కుమార్‌ ఫిర్యాదుతో కేసు నమోదు చేశారు.

ధర్మపురి: ధర్మపురి శ్రీలక్ష్మీనృసింహస్వామి అనుబంధమైన శ్రీఉగ్ర నృసింహస్వామి ఆలయ పునరుద్ధరణ పనులు శాస్త్రం, సంప్రదాయప్రకారంగానే ఉన్నాయని శృంగేరి పీఠాధిపతి జగద్గురు స్వాములు తెలిపారు. ఆలయ పునరుద్ధరణ పనుల అనుమతికి సోమవారం మంత్రి అడ్లూరి లక్ష్మణ్‌కుమార్‌, దేవాదాయశాఖ కమిషనర్‌ హన్మంతరావు, ఆలయ ఈవో శ్రీనివాస్‌, ధర్మపురి అగ్రహారం శృంగేరి పీఠాధిపతులు జగద్గురు స్వామివారిని మర్యాదపూర్వకంగా కలిశారు. ఆలయ పునర్నిర్మాణంపై వివరించారు. సంబంధిత పత్రాలు వారికి అందించారు. వాటిని పరిశీలించిన స్వాములవారు శాస్త్రం, సంప్రదాయం ప్రకారమే ఉన్నాయని చెప్పినట్లు మంత్రి తెలిపారు. పనులను గోదావరి పుష్కరాలలోపు పూర్తి చేయాలని, పుష్కరాల అనంతరం ఇదే రీతిలో యోగలక్ష్మీనృసింహస్వామి ఆలయ పునరుద్ధరణ చేపట్టాలని సూచించారని పేర్కొన్నారు. అనంతరం పీఠాధిపతికి మంత్రి స్వామివారి చిత్రపటం, తీర్థప్రసాదాలు అందించారు. వేద పండితులు బాచంపెల్లి సంతోష్‌శర్మ, ఆలయ అర్చకులు తదితరులున్నారు.

సాక్షి ప్రతినిధి, కామారెడ్డి : స్థానిక సంస్థల అదనపు కలెక్టర్లుగా తమకే అవకాశం ఇవ్వాలని జెడ్పీ సీఈవోలు, డీఆర్‌డీవోలు కోరారు. కామారెడ్డిలో సోమవారం ఉమ్మడి నిజామాబాద్‌, కరీంనగర్‌, ఆదిలాబాద్‌ జిల్లాల సమీక్ష సమావేశం నిర్వహించారు. కార్యక్రమంలో పాల్గొన్న పంచాయతీరాజ్‌, గ్రామీణాభివృద్ధి శాఖ ప్రత్యేక ప్రధాన కార్యదర్శి దాన కిషోర్‌ను పది జిల్లాల జెడ్పీ సీఈవోలు, డీఆర్‌డీవోలు కలిసి వినతిపత్రం అందించారు. పంచాయతీరాజ్‌ శాఖలో సీనియర్లుగా ఉన్న సీఈవోలు, డీఆర్‌డీవోలను కాదని, జూనియర్లుగా ఉన్న రెవెన్యూ శాఖ నుంచి స్థానిక సంస్థల అదనపు కలెక్టర్లుగా నియమించడం సరికాదన్నారు. స్థానిక సంస్థలపై పూర్తి అవగాహన ఉన్న తమకే అవకాశం ఇవ్వాలని కోరారు. ప్రస్తుతం ఖాళీగా ఉన్న, భవిష్యత్తులో ఖాళీ అయ్యే స్థానిక సంస్థల అదనపు కలెక్టర్‌ పోస్టులలో అర్హత కలిగిన జెడ్పీ సీఈవోలు, డీఆర్‌డీవోలను పదోన్నతి లేదా తగిన నియామక ప్రక్రియ ద్వారా నియమించాలని విన్నవించారు. పంచాయతీరాజ్‌ శాఖ ప్రత్యేక ప్రధాన కార్యదర్శికి జెడ్పీ సీఈవోల వినతి

కరీంనగర్‌రూరల్‌: చల్మెడ ఆనందరావు మెడికల్‌ కళాశాలకు చెందిన విద్యార్థి నాగడి పునీత్‌ వర్మ(28) ఎంబీబీఎస్‌ పరీక్షల్లో ఉత్తీర్ణత సాధించలేక మానసిక వేదనతో ఎక్కువ మోతాదులో మందులు తీసుకుని ఆత్మహత్యకు పాల్పడ్డాడు. కరీంనగర్‌రూరల్‌ సీఐ నిరంజన్‌రెడ్డి తెలిపిన వివరాల ప్రకారం.. ఏపీలోని కృష్ణా జిల్లాకు చెందిన పునీత్‌వర్మకు 2019సంవత్సరంలో కౌన్సెలింగ్‌ ద్వారా చల్మెడ ఆనందరావు మెడికల్‌ కళాశాలలో ఎంబీబీఎస్‌లో ఉచిత సీటు లభించింది. 2025లోనే ఎంబీబీఎస్‌ పూర్తి చేయాల్సి ఉండగా మానసిక, ఆరోగ్య సమస్యలతో ఉత్తీర్ణత సాధించలేకపోయాడు. కుమారుడి మానసిక పరిస్థితి దృష్ట్యా తండ్రి శంకర్‌బాబు భార్యతో కలిసి గుంటూరుపల్లిలో ఇల్లు అద్దెకు తీసుకుని ఉంటున్నారు. అయితే పరీక్షల్లో ఉత్తీర్ణత సాధించలేకపోయాననే మానసిక ఆందోళనకు గురైన పునీత్‌ సోమవారం బెంజోడియాజిపైన్‌ అనే మాత్రలను ఎక్కువ మోతాదులో తీసుకొని ఆత్మహత్యకు పాల్పడ్డాడు. తండ్రి ఫిర్యాదు మేరకు కేసు నమోదు చేసుకొని పోస్ట్‌మార్టం అనంతరం పునీత్‌ మృతదేహాన్ని అప్పగించినట్లు సీఐ నిరంజన్‌రెడ్డి తెలిపారు. ఉరేసుకొని యువకుడు..పాలకుర్తి: మండల పరిధిలోని జయ్యారం శివారులోని ఓ క్రషర్‌లో ధానేశ్వర్‌(28) అనే యువకుడు ఉరివేసుకొని ఆత్మహత్యకు పాల్పడ్డాడు. ఒడిశా రాష్ట్రానికి చెందిన ధానేశ్వర్‌ నాలుగు మాసాల క్రితమే స్థానికంగా క్రషర్‌లో ఉపాధి నిమిత్తం చేరాడు. ఆదివారం నుంచి కనిపించకుండా పోయిన ధానేశ్వర్‌ సోమవారం ఉదయం క్రషర్‌ సమీపంలో ఉరి వేసుకొని మృతిచెందినట్లు గుర్తించిన స్థానికులు పోలీసులకు సమాచారం అందించారు. మృతదేహాన్ని పోస్టుమార్టం నిమిత్తం పెద్దపల్లి ప్రభుత్వాసుపత్రికి తరలించారు. ఆత్మహత్యకు గల కారణాలపై మృతుడి బంధువులు వస్తేనే స్పష్టత వస్తుందని పోలీసులు పేర్కొన్నారు. మద్యం వద్దన్నందుకు..జగిత్యాలక్రైం: జిల్లాకేంద్రంలోని శివవీధి ప్రాంతానికి చెందిన దేవరకొండ సంతోష్‌కుమార్‌(39) ఉరేసుకుని ఆత్మహత్య చేసుకున్నట్లు పట్టణ ఎస్సై కుమారస్వామి తెలిపారు. సంతోష్‌కుమార్‌ కొన్నాళ్లుగా ఖాళీగా తిరుగుతూ.. మద్యానికి బానిసయ్యాడు. మద్యం తాగవద్దని కుటుంబ సభ్యులు కోరినా వినడం లేదు. సోమవారం ఇంట్లో ఎవరూ లేని సమయంలో ఉరేసుకున్నాడు. మృతుడి భార్య ఉమారాణి ఫిర్యాదు మేరకు కేసు నమోదు చేసినట్లు ఎస్సై తెలిపారు. అప్పు తీర్చలేక..జగిత్యాలక్రైం: జగిత్యాల అర్బన్‌ మండలం మోతె గ్రామానికి చెందిన ఇంద్రాల రాజేశ్‌ (30) అప్పులు తీర్చలేక సోమవారం ఇంట్లో ఉరేసుకొని ఆత్మహత్య చేసుకున్నాడు. ఎస్సై ఉమాసాగర్‌ కథనం ప్రకారం.. రాజేశ్‌ ఔట్‌సోర్సింగ్‌ ఉద్యోగిగా పనిచేశాడు. ఐదేళ్ల క్రితం జరిగిన రోడ్డు ప్రమాదంలో గాయపడ్డాడు. చికిత్స కోసం రూ.10లక్షల ఖర్చయ్యింది. అప్పు తీర్చలేమోననే ఆందోళనతో కొంతకాలంగా మానసికంగా కుంగిపోతున్నాడు. మనస్తాపంతో ఉరేసుకున్నాడు. రాజేశ్‌ భార్య మౌనిక ఫిర్యాదు మేరకు కేసు నమోదు చేసినట్లు ఎస్సై తెలిపారు.

కోనరావుపేట(వేములవాడ): తుల దాడిలో ఓ వృద్ధురాలు తీవ్రంగా గాయపడింది. రాజన్నసిరిసిల్ల జిల్లా కోనరావుపేట మండలం నిమ్మపల్లికి చెందిన ఎరుకల భూదవ్వ(80) ఇంటి వద్ద ఒంటరిగా ఉంటుంది. సోమవారం ఉదయం హఠాత్తుగా కోతుల గుంపు దాడి చేసింది. తీవ్ర రక్తస్రావంతో స్పృహ తప్పి పడిపోయింది. గమనించిన గ్రామస్తులు వెంటనే 108 అంబులెన్స్‌లో సిరిసిల్ల ఆస్పత్రికి తరలించారు. లారీ డ్రైవర్‌పై కేసు జ్యోతినగర్‌: ఎన్టీపీసీ పోలీస్‌ స్టేషన్‌ పరిధిలోని మేడిపల్లి సెంటర్‌లో ఆదివారం జరిగిన రోడ్డు ప్రమాదంలో చిరు వ్యాపారి అరుణ్‌కుమార్‌ మృతి చెందిన ఘటనపై పోలీసులు కేసు నమోదు చేశారు. ప్రమాదానికి కారణమైన లారీ డ్రైవర్‌ రామగుండంకు చెందిన పులి కుమార్‌పై కేసు నమోదు చేసి దర్యాప్తు చేపట్టారు. గల్ఫ్‌ దేశాల్లో ఉద్యోగావకాశాలువేములవాడ: గల్ఫ్‌ దేశాల్లో నిరుద్యోగ యువతకు ఉద్యోగావకాశాలు ఉన్నట్లు జీటీఎం ప్రతినిధి సతీశ్‌రావు తెలిపారు. ఎంపికై న అభ్యర్థులకు ఉచిత వీసా, విమాన టికెట్‌ అందిస్తారన్నారు. జీటీఎం ఇంటర్నేషనల్‌ విభాగంలో మెయింటనెన్స్‌ డివిజన్‌ ఎంఈపీ సూపర్‌వైజర్‌, ఎంఈపీ టెక్నిషియన్స్‌ పోస్టులకు ఇంటర్వ్యూలు నిర్వహిస్తున్నట్లు పేర్కొన్నారు. ఏఈడీ 1,740 నుంచి ఏఈడీ 4,500 వరకు వేతనం లభించే అవకాశం ఉందన్నారు. ఉచిత వసతి, రవాణా సౌకర్యం కల్పిస్తారని తెలిపారు. ఆసక్తి గల యువకులు అక్టోబర్‌ 6న సికింద్రాబాద్‌లో ఇంటర్వ్యూలకు హాజరుకావాలని కోరారు. వివరాలకు 040–40071515, 040–42029999, 8332052299లలో సంప్రదించాలని కోరారు.

కరీంనగర్‌రూరల్‌: కరీంనగర్‌ మండలం మొగ్ధుంపూర్‌లో సోమవారం గంజాయి విక్రయించేందుకు ప్రయత్నిస్తున్న బుర్ర వంశీ(24) అనే యువకుడిని అరెస్టు చేసినట్లు కరీంనగర్‌రూరల్‌ సీఐ నిరంజన్‌రెడ్డి తెలిపారు. విశ్వసనీయ సమాచారంతో మొగ్ధుంపూర్‌ శివారులోని మైత్రి దాబా వద్ద అనుమానాస్పదంగా తెల్లటి ప్లాస్టిక్‌ కవర్‌తో ఉన్న యువకుడిని అదుపులోకి తీసుకుని కవరు విప్పి చూడగా గంజాయి కనిపించడంతో పోలీస్‌స్టేషన్‌కు తరలించామన్నారు. నిందితుడి వద్ద నుంచి కిలో 140 గ్రాముల గంజాయి, సెల్‌ఫోన్‌ను స్వాధీనం చేసుకున్నట్లు తెలిపారు. గంజాయికి అలవాటు పడిన వంశీ సులభంగా డబ్బు సంపాదించాలనే ఉద్దేశంతో ఒడిశాకు వెళ్లి గంజాయిని తక్కువ ధరకు కొనుగోలు చేసి కరీంనగర్‌ పరిసర ప్రాంతాల్లో ఎక్కువ ధరకు విక్రయిస్తున్నాడని అన్నారు. నిందితుడు వంశీపై పెద్దపల్లి జిల్లా రామగిరి, కరీంనగర్‌రూరల్‌ పోలీస్‌స్టేషన్‌, ఒడిశా రాష్ట్రంలో గంజాయికి సంబంధించిన కేసుల్లో పలుమార్లు జైలుకు వెళ్లివచ్చాడని వివరించారు. ఈమేరకు కేసు నమోదు చేసి చట్టప్రకారమైన చర్యల నిమిత్తం కోర్టులో హాజరుపర్చినట్లు సీఐ తెలిపారు.

సిరిసిల్ల: దేశంలో బీజేపీ ముసుగులో ఆర్‌ఎస్‌ఎస్‌ పాలన సాగుతోందని ప్రభుత్వ సలహాదారు, రాజ్యసభ మాజీ సభ్యుడు వి.హన్మంతరావు ఆరోపించారు. రాజన్న సిరిసిల్ల జిల్లా కలెక్టరేట్‌ వద్ద సోమవారం భారత ఎన్నికల ప్రధాన అధికారి జ్ఞానేశ్‌కుమార్‌ దిష్టిబొమ్మను దహనం చేసి నిరసన తెలిపారు. హన్మంతరావు మాట్లాడుతూ దేశవ్యాప్తంగా జనగణన జరుగుతుండగా.. బీసీ జనాభాను లెక్కించే ప్రక్రియను చేపట్టడం లేదన్నారు. దేశవ్యాప్తంగా బీసీ జనాభా లెక్కలు తేల్చాలని డిమాండ్‌ చేశారు. కామారెడ్డి డిక్లరేషన్‌ ప్రకారం రాష్ట్రంలో బీసీ జనాభాను లెక్కించి నివేదికను గవర్నర్‌కు పంపించారన్నారు. ఏ ఆలయంలోనైనా హుండీ లెక్కలను ఎప్పటికప్పుడు ప్రకటిస్తారని, అయోధ్యలోని రామాలయం హుండీ లెక్కలను చెప్పడం లేదన్నారు. ట్రస్ట్‌బోర్డు కమిటీ సభ్యులే డబ్బులు కాజేస్తున్నారని ఆరోపించారు. 2020 నుంచి 2024 వరకు లెక్కలే లేవన్నారు. అనంతరం ఈనెల 30న జరిగే సీఎం రేవంత్‌రెడ్డి సభ ఏర్పాట్లను పరిశీలించారు. ప్రభుత్వ విప్‌ ఆది శ్రీనివాస్‌, ఎమ్మెల్సీ బల్మూరి వెంకట్‌, డీసీసీ అధ్యక్షుడు సంగీతం శ్రీనివాస్‌, సిరిసిల్ల నియోజకవర్గం ఇన్‌చార్జి కె.కె.మహేందర్‌రెడ్డి తదితరులు పాల్గొన్నారు. ఆలయ సొమ్మును స్వాహా చేస్తున్నారు ప్రభుత్వ సలహాదారు వి.హన్మంతరావు

సాక్షి ప్రతినిధి, కామారెడ్డి : గ్రామీణ ప్రాంతాల అభివృద్ధి, మౌళిక వసతుల కల్పనకు సంబంధించిన పనులను వేగవంతం చేయాలని రాష్ట్ర పంచాయతీరాజ్‌, గ్రామీణాభివృద్ధి శాఖల ప్రత్యేక ప్రధాన కార్యదర్శి దాన కిషోర్‌ అధికారులను ఆదేశించారు. కామారెడ్డి కలెక్టరేట్‌లోని సమావేశ మందిరంలో సోమవారం ఉమ్మడి నిజామాబాద్‌, కరీంనగర్‌, ఆదిలాబాద్‌ జిల్లాల పరిధిలోని పంచాయతీరాజ్‌, గ్రామీణాభివృద్ధి, గ్రామీణ నీటి సరఫరా శాఖల ఆధ్వర్యంలో అమలవుతున్న అభివృద్ధి కార్యక్రమాలపై సమీక్ష నిర్వహించారు. హ్యాంరోడ్ల పనులను వెంటనే ప్రారంభించి త్వరితగతిన పూర్తి చేయాలని ఆదేశించారు. గ్రామ సమైక్య భవనాలు, గ్రామ పంచాయతీ భవనాల నిర్మాణాలకు సంబంధించిన పనుల్లో వేగం పెరగాలన్నారు. వీబీజీ రామ్‌జీ ద్వారా లింక్‌ రోడ్ల నిర్మాణాలపై నివేదికలు ఇవ్వాలన్నారు. పరిపాలనా అనుమతులు పొంది 60 రోజుల కంటే ఎక్కువ సమయం ముగిసినా ఇంకా పనులు ప్రారంభించని అంశాలపై స్పష్టమైన నివేదిక ఇవ్వాలని ఆదేశించారు. రహదారి పనుల ప్రతిపాదనలను రెండు కేటగిరీలుగా విభజించాలని సూచించారు. అత్యంత ప్రాధాన్యత కలిగిన మట్టి, లింక్‌ రోడ్లను బీటీ రోడ్లుగా మార్చడంతోపాటు ఉపాధి హామీ కింద నిర్మించే రోడ్ల పనులుగా విభజించాలన్నారు. భూగర్భ జలాల పెంపు కోసం.. భూగర్భ జలాలను పెంచేందుకు జలసిరి కార్యక్రమాన్ని విస్తృతంగా చేపట్టాలని దానకిషోర్‌ ఆదేశించారు. ప్రతి ఇంటికీ ఇంకుడు గుంత, ప్రతి పొలానికి పంట కుంట, ప్రతి ఊరికి ఊటకుంట తప్పనిసరిగా ఉండాలన్నారు. గ్రామీణ నీటి సరఫరా పథకాల ద్వారా ప్రజలకు నిరంతరాయంగా పరిశుభ్రమైన తాగునీరు అందేలా చూడాలన్నారు. పైప్‌లైన్లు, పంపింగ్‌ వ్యవస్థల నిర్వహణపై నిరంతర పర్యవేక్షణ ఉండాలని ఆదేశించారు. సమావేశంలో పంచాయతీరాజ్‌ కమిషనర్‌ దివ్య దేవరాజన్‌, గ్రామీణాభివృద్ధి ప్రత్యేక కమిషనర్‌ శ్రీలక్ష్మి, గ్రామీణ నీటి సరఫరా శాఖ ఈఎన్సీ కృపాకర్‌రెడ్డి, పంచాయతీరాజ్‌ శాఖ ఈఎన్సీ జగదీశ్‌, కామారెడ్డి కలెక్టర్‌ ఆశిష్‌ సంగ్వాన్‌, పంచాయతీరాజ్‌, పది జిల్లాల నుంచి అదనపు కలెక్టర్లు, గ్రామీణాభివృద్ధి, గ్రామీణ నీటి సరఫర శాఖల అధికారులు పాల్గొన్నారు. భూగర్భజలాల వృద్ధికి చర్యలు చేపట్టాలి కామారెడ్డిలో పది జిల్లాల అధికారులతో సమీక్ష

● కత్తితో దాడి చేసి హత్య ● పెద్దపాపయ్యపల్లి శివారులో కలకలం హుజూరాబాద్‌రూరల్‌: సమీప బంధువును మందు తాగుదామని దావత్‌కు పిలిచి ముందుగా అనుకున్నట్లుగా కత్తితో దాడి చేసి ప్రాణం తీసిన సంఘటన కలకలం సృష్టించింది. స్థానికులు తెలిపిన వివరాలు. కరీంనగర్‌ జిల్లా హుజూరాబాద్‌ మండలం పెద్దపాపయ్యపల్లి శివారులోని ఎస్సారెస్పీ కాలువ వద్ద సోమవారం దారుణహత్య వెలుగుచూసింది. హన్మకొండ జిల్లా కమలాపూర్‌ మండలం ఉప్పలపల్లికి చెందిన వడిగే రాకేశ్‌(32)కు సమీప బంధువు అంబరకొండ ప్రశాంత్‌తో కొంతకాలంగా విభేదాలు ఉన్నాయి. రాకేశ్‌ను మట్టుబెట్టాలని రెండు నెలలుగా ప్రణాళిక రచించిన ప్రశాంత్‌.. ఈనెల 27న హుజూరాబాద్‌కు రప్పించాడు. ఇద్దరూ కలిసి పట్టణ శివారులోని ఓ దాబాలో మద్యం సేవించారు. ఆ తర్వాత కేసీ క్యాంపు మీదుగా పెద్దపాపయ్యపల్లి ఎస్సారెస్పీ కెనాల్‌ వద్దకు చేరుకుని.. నిర్మానుష్య ప్రాంతంలో రాకేశ్‌పై కత్తితో దాడి చేసి హతమార్చాడు. సోమవారం ఉదయం రక్తపు మడుగులో పడి ఉన్న మృతదేహాన్ని గమనించిన గ్రామస్తులు పోలీసులకు సమాచారం అందించారు. ప్రశాంత్‌ భార్యతో రాకేశ్‌కు వివాహేతర సంబంధం ఉండడమే హత్యకు కారణమని ప్రచారంలో ఉంది. కాగా నిందితుడు ప్రశాంత్‌ పోలీసులకు లొంగిపోయినట్లు సమాచారం. పోలీసులు క్లూస్‌ టీమ్‌తో ఆధారాలు సేకరించి, కేసు నమోదు చేసి దర్యాప్తు చేస్తున్నారు. రోడ్డు ప్రమాదంలో యువకుడి మృతి రామగిరి: ద్విచక్రవాహనం విద్యుత్‌ స్తంభాన్ని ఢీకొన్న ఘటనలో ఓ యువకుడు మృతిచెందాడు. పెద్దపల్లి జిల్లా కమాన్‌పూర్‌ మండలం గుండారం గ్రామపంచాయతీ పరిధిలోని రాజాపూర్‌కు చెందిన బిజిగిరి సంజయ్‌ కుమార్‌(22) ఆదివారం రాత్రి ద్విచక్రవాహనంపై నాగెపల్లి నుంచి కమాన్‌పూర్‌ వైపు వెళ్తున్నాడు. సెంటినరీకాలనీ సమీపంలోని పోస్టాఫీస్‌ వద్ద మంథని– పెద్దపల్లి ప్రధాన రహదారిపై వాహనం వేగంగా నడపడంతో అదుపుతప్పి విద్యుత్‌ స్తంభాన్ని ఢీకొట్టాడు. తీవ్రంగా గాయపడిన సంజయ్‌ కుమార్‌ను వెంటనే 108 అంబులెన్స్‌లో కరీంనగర్‌లోని ఓ ప్రైవేటు ఆస్పత్రికి తరలించగా.. అప్పటికే మృతిచెందినట్లు వైద్యులు నిర్ధారించారు. తండ్రి సదయ్య ఫిర్యాదు మేరకు కేసు నమోదు చేసినట్లు ఎస్సై తాడవేని శ్రీనివాస్‌ తెలిపారు. విద్యుత్‌ ఉద్యోగి..మెట్‌పల్లిరూరల్‌: రెండు ద్విచక్ర వాహనాలు ఢీకొని ఒకరు మృతి చెందినట్లు ఇబ్రహీంపట్నం ఎస్సై నవీన్‌ తెలిపారు. మెట్‌పల్లి మండలం బండలింగాపూర్‌ గ్రామానికి చెందిన విద్యుత్‌ ఉద్యోగి బోయిన్‌పల్లి అశోక్‌ (44), స్నేహితుడు శంకర్‌తో కలిసి ఆదివారం విట్టంపేట వైపు నుంచి స్వగ్రామానికి బైక్‌పై వస్తున్నారు. బండలింగాపూర్‌ శివారులో ఆత్మనగర్‌కు చెందిన శ్రీకాంత్‌ అనే వ్యక్తి బైక్‌పై ఎదురుగా వచ్చాడు. సైడ్‌ ఇచ్చే ప్రయత్నంలో శంకర్‌ బైక్‌ వెనుక కూర్చున్న అశోక్‌ కింద పడిపోవడంతో తలకు బలమైన గాయమైంది. అతడిని మెట్‌పల్లి ప్రభుత్వ ఆసుపత్రికి.. అక్కడి నుంచి నిజామాబాద్‌ ఆసుపత్రికి తరలించారు. చికిత్స పొందుతూ అశోక్‌ సోమవారం చనిపోయాడు. మృతుడి సోదరుడు శ్యామ్‌ ఫిర్యాదు మేరకు కేసు దర్యాప్తు చేస్తున్నట్లు ఎస్సై పేర్కొన్నారు. తప్పుడు పత్రాలతో భూ కబ్జా యత్నం.. ఇద్దరు అరెస్ట్‌కొత్తపల్లి(కరీంనగర్‌): తప్పుడు దస్తావేజులు సృష్టించి భూమిని కాజేయడానికి ప్రయత్నించిన ఇద్దరిని కొత్తపల్లి పోలీసులు అరెస్ట్‌ చేశారు. సీఐ బిల్లా కోటేశ్వర్‌ వివరాల మేరకు రేకుర్తి రెవెన్యూ శివారులోని సర్వే నంబర్‌ 49లో ప్లాట్‌ నంబర్లు 25,44కు సంబంధించిన మొత్తం 599 చదరపు గజాల ఖాళీ స్థలాన్ని తప్పుడు పత్రాల ద్వారా కాజేయడానికి ప్రయత్నించినట్లు అనీస్‌ అహ్మద్‌ ఖాజీ చేసిన ఫిర్యాదు మేరకు కేసు నమోదు చేశారు. ఈ కేసులో గోనె సంతోష్‌రెడ్డి, సయ్యద్‌ సాయిదుద్దీన్లను అరెస్ట్‌ చేసి రిమాండ్‌కు తరలించారు. మరికొందరు ప్రధాన నిందితులు పరారీలో ఉన్నారు. ఆలయాల్లో దొంగతనంవేములవాడరూరల్‌: వేములవాడ రూరల్‌ మండలం నూకలమర్రి, బాలరాజుపల్లి గ్రామాల్లో ఉన్న పెద్దమ్మ, ఎల్లమ్మ ఆలయాల్లో ఆదివారం రాత్రి గుర్తు తెలియని వ్యక్తులు దొంగతనానికి పాల్పడ్డారు. ఆలయాల్లో ఉన్న బంగారు ఆభరణాలు, నగదు, ఇతర విలువైన వస్తువులను దొంగిలించినట్లు పోలీసులు గుర్తించారు. ఎస్సై ప్రశాంత్‌రెడ్డి మాట్లాడుతూ ఆలయాల వద్ద సీసీ కెమెరాలు ఏర్పాటు చేసుకోవాలని సూచించారు.

● సిరిసిల్లలో వేగవంతం ● కరీంనగర్‌లో గైర్హాజరు హీట్‌ ● నోటీసుల డెలివరీ జోరుసాక్షి, పెద్దపల్లి: ఓటరు జాబితా సవరణ ప్రక్రియ ఉమ్మడి కరీంనగర్‌ జిల్లాలో వేగంగా కొనసాగుతోంది. నోటీసుల జారీ, డెలివరీ, విచారణ ప్రక్రియ కూడా పూర్తి కావస్తోంది. సోమవారం వరకు కరీంనగర్‌, పెద్దపల్లి, జగిత్యాల, సిరిసిల్ల జిల్లాల్లో కలిపి 6,94,517 నోటీసులు జనరేట్‌ కాగా.. 6,81,934 నోటీసులు డెలివరీ అయ్యాయి. ఇంకా 12,583 నోటీసులు డెలివరీ చేయాల్సి ఉంది. నోటీసుల డెలివరీలో సిరిసిల్ల జిల్లా ముందంజలో ఉంది. అక్కడ 83,846 నోటీసులు జనరేట్‌ కాగా 83,835 డెలివరీ అయ్యాయి. కేవలం 11 మాత్రమే పెండింగ్‌లో ఉన్నాయి. పెద్దపల్లిలో 2,210, జగిత్యాలలో 4,448, కరీంనగర్‌లో 5,914 నోటీసులు డెలివరీ కావాల్సి ఉంది. డెలివరీ పెండింగ్‌లో జగిత్యాల రెండోస్థానంలో ఉంది. కరీంనగర్‌లో ఎక్కువగా ఉన్నాయి. 4.35 లక్షల కేసులకు పరిష్కారం నోటీసులు అందుకున్న ఓటర్ల విచారణలో భాగంగా సరైన ఓటర్లుగా డీఈవోలు (జిల్లా ఎన్నికల అధికారి) గుర్తించినవారు కరీంనగర్‌లో 1,73,173, జగిత్యాలలో 1,19,456, పెద్దపల్లిలో 76,418, సిరిసిల్లలో 65,978 మంది ఉన్నారు. నాలుగు జిల్లాల్లో కలిపి సుమారు 4.35 లక్షల కేసులు పరిష్కారమయ్యాయి. వీరిని తుది ఓటరు జాబితాలో చేర్చనున్నారు. వెరిఫికేషన్‌ పెండింగ్‌లో ఉన్న కేసులు పెద్దపల్లిలో 55, సిరిసిల్లలో 2, కరీంనగర్‌, జగిత్యాలలో ఒకటి చొప్పున మాత్రమే ఉన్నాయి. విచారణలో అనర్హులుగా తేలినవారిలో పెద్దపల్లి 402 మందితో ముందుంది. జగిత్యాలలో 155, సిరిసిల్లలో 121, కరీంనగర్‌లో 22 మంది ఉన్నారు. గైర్హాజరులో కరీంనగర్‌ ముందంజ విచారణకు గైర్హాజరైన ఓటర్ల సంఖ్యలో కరీంనగర్‌ జిల్లాదే అత్యధికం. అక్కడ 67,550 మంది విచారణకు హాజరుకాలేదు. జగిత్యాలలో 60,274, పెద్దపల్లిలో 50,916, సిరిసిల్లలో 13,867 మంది గైర్హాజరయ్యారు. రీషెడ్యూల్‌ చేసిన తేదీల్లోనూ హాజరుకాని కేసులు పెద్దపల్లిలో 252, సిరిసిల్లలో 157, జగిత్యాలలో 42, కరీంనగర్‌లో ఒక్కటి ఉన్నాయి. వివరాలు కరీంనగర్‌ పెద్దపల్లి జగిత్యాల సిరిసిల్ల నోటీసులు జనరేట్‌ 2,70,190 1,47,518 1,92,963 83,846 నోటీసులు డెలివరీ 2,64,276 1,45,308 1,88,515 83,835 డెలివరీ పెండింగ్‌ 5,914 2,210 4,448 11 విచారణ పూర్తి 1,97,104 87,407 1,29,730 68,982 విచారణ గైర్హాజరు 67,550 50,916 60,274 13,867

పిల్లలు, పెద్దలు ఎవరికై నా జ్వరం వస్తే భయపడాల్సిన పనిలేదు. వెంటనే ప్రభుత్వాసుపత్రికి వచ్చి చికిత్స పొందాలి. 24 గంటలు డాక్టర్లు, సిబ్బంది, మందులు అందుబాటులో ఉంటాయి. అవసరమైతే ఇన్‌పేషెంట్‌గా తీసుకొని వైద్యం అందిస్తారు. నిర్లక్ష్యం మాత్రం చేయకూడదు. డెంగీ, మలేరియా కేసులు ప్రస్తుతం నమోదు కాలేదు. జ్వర లక్షణాలను గమనిస్తూ తగిన సమయంలో వైద్యులను సంప్రదించడం, పరిశుభ్రత పాటించడం, తగినంత నీరు తీసుకోవడం ద్వారా సీజనల్‌ వ్యాధుల ప్రభావాన్ని తగ్గించుకోవచ్చు. – డాక్టర్‌ వీరారెడ్డి, జీజీహెచ్‌ సూపరింటెండెంట్‌

కరీంనగర్‌/కరీంనగర్‌ రూరల్‌: జిల్లాలో సీజన ల్‌ వ్యాధులు విజృంభిస్తున్నాయి. జ్వరం, జలు బు, దగ్గు, ఒళ్లు నొప్పులతో ఆస్పత్రులకు వచ్చేవారి సంఖ్య పెరుగుతోంది. కరీంనగర్‌ ప్రభు త్వ జనరల్‌ ఆస్పత్రి(జీజీహెచ్‌)లో ప్రతిరోజూ 1,000 నుంచి 1,300మంది వరకు ఓపీకి వస్తుండగా.. వీరిలో జ్వరపీడితులు ఎక్కువగా ఉంటున్నారు. ప్రభుత్వాస్పత్రితో పాటు పీహెచ్‌సీలు, యూపీహెచ్‌సీలు, ప్రైవేటు ఆసుపత్రుల్లోనూ రోగుల రద్దీ కనిపిస్తోంది. చిన్నారులే ఎక్కువ ప్రస్తుత సీజన్‌లో చిన్నారులే ఎక్కువగా వైరల్‌ ఫీవర్ల బారిన పడుతున్నారు. జ్వరంతో పాటు వాంతులు, విరేచనాలు, జలుబు, దగ్గు, శ్వాసకోశ ఇబ్బందులు కనిపిస్తున్నాయి. పిల్లలకు జ్వరం వచ్చిన వెంటనే తమ సూచన మేరకే మందులు వాడాలని వైద్యులు చెబుతున్నారు. వాంతులు, విరేచనాలు ఉంటే శరీరంలో నీరు, లవణాలు తగ్గకుండా ఓఆర్‌ఎస్‌ ఇవ్వాలని సూచిస్తున్నారు. జ్వరం ఎక్కువగా ఉండటం, నిరంతర వాంతులు, శ్వాస ఇబ్బంది, మూ త్రం తగ్గడం వంటి లక్షణాలు కనిపిస్తే ఆస్పత్రికి తీసుకెళ్లాలని పేర్కొంటున్నారు. పడేసిన పల్లెలు గ్రామాల్లోనూ జ్వర బాధితులు పెరుగుతున్నారు. జ్వరంతోపాటు ఒళ్లునొప్పులు, దగ్గు,జలుబు లక్షణాలతో బాధపడుతున్నారు. చిన్నారులు, మహిళలు ఎక్కువగా జ్వరాల బారినపడుతున్నారు. చికిత్స కోసం వస్తున్న రోగులతో సబ్‌సెంటర్లు కిటకిటలాడుతున్నాయి. జిల్లా వైద్య, ఆరోగ్యశాఖ ఆదేశాల మేరకు పీహెచ్‌సీల్లో ప్రత్యేక వైద్యశిబిరాలు నిర్వహిస్తున్నారు. కరీంనగర్‌ రూరల్‌ పరిధి లోని తాహెర్‌కొండాపూర్‌లో జ్వరాలు ఎక్కువగా వస్తున్నాయని సర్పంచు ఆకుల గిరి సమాచారం ఇవ్వడంతో వైద్యశిబిరం నిర్వహించారు. చామనపల్లి, చెర్లభూత్కూర్‌, దుర్శేడ్‌, గోపాల్‌పూర్‌, చామనపల్లి, నగునూరు సబ్‌సెంటర్లలోనూ జ్వరబాధితులకు వైద్యం అందిస్తున్నామని డాక్టర్‌ మనోహర్‌ తెలిపారు. పదిరోజుల నుంచి పీహెచ్‌సీల్లో ఓపీ పెరిగిందని వివరించారు.

కరీంనగర్‌ కార్పొరేషన్‌: నగరానికి రాచపుండులా మారిన డంప్‌యార్డ్‌ ప్రక్షాళనకు అడుగులు పడుతున్నాయి. చెత్తగుట్టను కరిగించే క్రమంలో బయోమైనింగ్‌ చేసేందుకు రూ.16 కోట్లతో తాజాగా బల్దియా టెండర్‌ ప్రక్రియ చేపట్టింది. శాశ్వత పరిష్కారం కోసం ప్రాసెసింగ్‌ యూనిట్‌ నెలకొల్పేందుకు సన్నాహాలు చేస్తోంది. ప్రతిపాదనలు, బయోమైనింగ్‌, ప్రాసెసింగ్‌ పకడ్బందీగా ఆచరణకు నోచుకుంటే నగరానికి డంప్‌యార్డ్‌ సమస్య శాశ్వతంగా దూరం కానుంది. రూ.16 కోట్లతో బయోమైనింగ్‌ స్వచ్ఛ భారత్‌ మిషన్‌ నిధులు రూ.16 కోట్లతో డంప్‌యార్డ్‌లో చెత్తను బయోమైనింగ్‌ చేసేందుకు నగరపాలకసంస్థ టెండర్‌ ప్రక్రియ మొదలు పెట్టింది. 2.60లక్షల మెట్రిక్‌ టన్నుల చెత్తను బయోమైనింగ్‌ ద్వారా కరిగించనున్నారు. మరో పది రోజుల్లో టెండర్‌ పూర్తి చేసేందుకు అధికారులు కసరత్తు చేస్తున్నారు. టెండర్‌ దక్కించుకునే కాంట్రాక్ట్‌ ఏజెన్సీ పూర్తిస్థాయిలో బయోమైనింగ్‌ చేస్తేనే తప్ప అనుకున్న లక్ష్యం నెరవేరదు. రూ.106 కోట్లతో ప్రాసెసింగ్‌ యూనిట్‌ డంప్‌యార్డ్‌లో చెత్తను బయోమైనింగ్‌ చేయడంతో పాటు ప్రాసెసింగ్‌ యూనిట్‌ను నెలకొల్పేందుకు బల్దియా ప్రతిపాదనలు సిద్ధం చేసింది. యూసీఎఫ్‌, స్వచ్ఛభారత్‌ మిషన్‌ నిధులతో చేపట్టనున్న ఈ ప్రాసెసింగ్‌ యూనిట్‌ పూర్తిస్థాయిలో వినియోగంలోకి వస్తే మానేరు ఒడ్డున ఉన్న డంప్‌యార్డ్‌ మాయమవుతుంది. రూ.106 కోట్ల నిధులతో ప్రాసెసింగ్‌ యూనిట్‌తో పాటు, ఎలక్ట్రిక్‌ స్వచ్ఛ ఆటోలు, భారీ ట్రక్కులు కొనుగోలు చేయనున్నారు. ప్రాసెసింగ్‌ యూనిట్‌ నెలకొల్పిన తరువాత, స్వచ్ఛ ఆటోల ద్వారా కాకుండా భారీట్రక్కుల ద్వారా చెత్తను తరలించనున్నారు. బయోమైనింగ్‌లో జాప్యం 2021లో స్మార్ట్‌సిటీ నిధులు రూ.16.50 కోట్లతో బయోమైనింగ్‌కు టెండర్‌ నిర్వహించారు. కాంట్రాక్ట్‌ దక్కించుకొన్న ఏజెన్సీ అప్పుడున్న పరిణామం మేరకు డంప్‌యార్డ్‌లోని రెండు లక్షల మెట్రిక్‌ టన్నుల చెత్తను బయోమైనింగ్‌ చేయాల్సి ఉంది. విపరీతమైన జాప్యంతో ఏజెన్సీకి గడువు పలుమార్లు పొడిగించినా, వందశాతం లక్ష్యం చేరుకోలేదు. నాలుగైదేళ్ల గడువు పొడిగిస్తే లక్షా 50 వేల మెట్రిక్‌టన్నుల చెత్తను బయోమైనింగ్‌ చేయగలిగారు. ఇంకా 50వేల మెట్రిక్‌ టన్నుల చెత్త మిగిలిపోయింది. ఈ లోగా ప్రతి రోజు టన్నుల కొద్ది చెత్త వచ్చి డంప్‌యార్డ్‌లో చేరడంతో మొత్తం చెత్త 3.50లక్షల మెట్రిక్‌ టన్నులకు చేరింది. దీనితో చెత్త తరగడం అనేది పోయి గుట్టలుగా పేరుకుపోయింది. మొదటి ఏజెన్సీ చేతులెత్తేయడంతో స్వచ్ఛభారత్‌ మిషన్‌ ద్వారా రూ.2 కోట్లతో గతేడాది 30 వేల మెట్రిక్‌టన్నుల చెత్తను బయోమైనింగ్‌ చేసేందుకు టెండర్‌ పిలిచారు. సదరు ఏజెన్సీ ఇప్పటివరకు 29 వేల మెట్రిక్‌టన్నుల చెత్తను బయోమైనింగ్‌ చేసింది. స్వచ్ఛభారత్‌ మిషన్‌లో నిధులు ప్రత్యేకంగా కేటాయించబడి ఉండడంతో తాజాగా రూ.16 కోట్ల నిధులతో 2.60 లక్షల మెట్రిక్‌టన్నుల చెత్తను బయోమైనింగ్‌ చేసేందుకు టెండర్‌ ప్రక్రియ చేపట్టారు. ప్రతిపాదనలు ఆచరణకు నోచుకొంటేనే... బయోమైనింగ్‌ ద్వారా చెత్త లేకుండా చేసేందుకు నగరపాలకసంస్థ రూపొందించిన ప్రతిపాదనలు వందశాతం ఆచరణకు నోచుకుంటేనే డంప్‌యార్డ్‌ సమస్యకు శాశ్వత పరిష్కారం లభించనుంది. రూ.16 కోట్లతో చేపట్టనున్న బయోమైనింగ్‌ను నిర్ణీత కాలపరిమితిలో పూర్తి చేస్తేనే, చెత్త గుట్ట తగ్గుతుంది. ఆ తరువాత మిగిలిన చెత్తను బయోమైనింగ్‌ చేయాల్సి ఉంటుంది. భారీస్థాయిలో నెలకొల్ప నున్న ప్రాసెసింగ్‌ యూనిట్‌ ఏర్పాటు, ప్రారంభానికి ఎలాంటి అడ్డంకులు లేకపోతే, డంప్‌యార్డ్‌ సమస్యకు శాశ్వత ముగింపు లభించినట్లే. లేనట్లయితే డంప్‌యార్డ్‌ సమస్య మళ్లీ మొదటికొచ్చినట్లే.నగర శివారులోని డంపింగ్‌ యార్డుసంవత్సరం 2025–26 టెండర్‌ రూ.2 కోట్లు (స్వచ్ఛభారత్‌మిషన్‌) బయోమైనింగ్‌ చేయాల్సిన చెత్త 30 వేల మెట్రిక్‌ టన్నులు బయోమైనింగ్‌ చేసిన చెత్త 29 వేల మెట్రిక్‌ టన్నులు చేయాల్సిన చెత్త– టన్నుసంవత్సరం 2026, సెప్టెంబర్‌/అక్టోబర్‌ టెండర్‌ రూ.16 కోట్లు(స్వచ్ఛ భారత్‌ మిషన్‌) బయోమైనింగ్‌ చేయాల్సిన చెత్త 2.60 లక్షల మెట్రిక్‌టన్నులు (ప్రస్తుతం టెండర్‌ ప్రక్రియ దశలో ఉంది)నగరపాలకసంస్థ డివిజన్లు66 నగర జనాభా దాదాపు 4 లక్షలు డంప్‌యార్డ్‌లో నిల్వఉన్న చెత్త 3.50 లక్షల మెట్రిక్‌ టన్నులు ప్రతిరోజు ఉత్పత్తి అవుతున్న చెత్త 140 నుంచి 150 మెట్రిక్‌ టన్నులుబయోమైనింగ్‌ చరిత్ర సంవత్సరం 2021 టెండర్‌రూ.16.50 కోట్లు (స్మార్ట్‌సిటీ) బయోమైనింగ్‌ చేయాల్సిన చెత్త 2 లక్షల మెట్రిక్‌ టన్నులు బయోమైనింగ్‌ చేసిన చెత్త దాదాపు 1.50 లక్షల మెట్రిక్‌ టన్నులు వదిలేసిన చెత్త 50 వేల మెట్రిక్‌ టన్నులుప్రాసెసింగ్‌ యూనిట్‌ (ప్రతిపాదన) అంచనా వ్యయం రూ.106 కోట్లు నిధులు ఎస్‌బీఎం రూ.16 కోట్లు, యూసీఎఫ్‌ రూ.90 కోట్లు కొనుగోలు: ఎలక్ట్రిక్‌ స్వచ్ఛ ఆటోలు, భారీ ట్రక్కులు ప్రాసెసింగ్‌: తడి, పొడి చెత్త వేరు చేయడం, తడిచెత్తతో కంపోస్ట్‌ తయారు చేయడం

కరీంనగర్‌ కల్చరల్‌: చారిత్రక ప్రదేశాలను ప్ర త్యక్షంగా సందర్శించినప్పుడే వాటి చరిత్ర, సంస్కృతి, అప్పటి ప్రజల జీవన విధానం మరింత స్పష్టంగా అర్థమవుతుందని అదనపు కలెక్టర్‌ శ్రీనివాస్‌రెడ్డి అన్నారు. ప్రపంచ పర్యాటక దినోత్సవం సందర్భంగా శనివారం కరీంనగర్‌లో నిర్వహించిన 2కే రన్‌, తెలంగాణ దర్శిని కార్యక్రమాలను డీఎఫ్‌వో సత్యనారాయణతో కలిసి ప్రారంభించారు. క్రీడా పాఠశాల విద్యార్థులు డీర్‌పార్క్‌, పురావస్తు మ్యూజియం సందర్శించారు. పర్యాటక అధికారి శ్రీనివాస్‌, స్కైలైన్‌ గోపి, శ్రీవాస్తవ, స్పోర్ట్స్‌ అసిస్టెంట్‌ మేనేజర్‌ రమేశ్‌ పాల్గొన్నారు. అర్బన్‌ బ్యాంకు సమావేశంకరీంనగర్‌ అర్బన్‌: అర్బన్‌ బ్యాంకు నిర్వహణకు ఎజెండా ఆమోదం తీసుకోవడం జరిగిందని కరీంనగర్‌ సహకార అర్బన్‌ బ్యాంక్‌ పీఐసీ చైర్మన్‌ గడ్డం విలాస్‌రెడ్డి అన్నారు. ఆదివారం స్థానిక రెవెన్యూ గార్డెన్‌లో అర్బన్‌ బ్యాంక్‌ పీఐసీ చైర్మన్‌ విలాస్‌రెడ్డి అధ్యక్షతన సర్వసభ్య సమావేశం నిర్వహించారు. 13న సమావేశం కోరం లేక నిర్వహించలేకపోయామన్నారు. సభ్యుల ఏకగ్రీవ ఆమోదంతో ఎజెండా అమలు కానుందన్నారు. మడుపు మోహన్‌, ముక్క భాస్కర్‌, ముద్దసాని క్రాంతి, మూల లక్ష్మి, లక్ష్మణరాజు, విద్యాసాగర్‌, సందీప్‌, షాముద్దీన్‌, రవీందర్‌, సతీశ్‌, రాజు, బ్యాంక్‌ సీఈవో నునుగొండ శ్రీనివాస్‌ పాల్గొన్నారు. బకాయిల సాధనకు పోరుకరీంనగర్‌ టౌన్‌: రిటైర్డ్‌ ఉద్యోగుల పెండింగ్‌ బకాయిల సాధనకు సంఘటితంగా ఉద్యమించాలని రిటైర్డ్‌ ఎంప్లాయీస్‌ అసోసియేషన్‌ నిర్ణయించింది. సంఘం ఏర్పడి ఏడాది పూర్తయిన సందర్భంగా తొలి వార్షికోత్సవ సమావేశాన్ని ఆదివారం కరీంనగర్‌లోని ఫిల్మ్‌ భవన్‌లో ఉమ్మడి జిల్లా ప్రధాన కార్యదర్శి సుంకిశేల ప్రభాకర్‌రావు ఆధ్వర్యంలో నిర్వహించారు. ‘రిటైర్డ్‌ ఎంప్లాయీస్‌ వెల్ఫేర్‌ అసోసియేషన్‌’ పేరుతో రాష్ట్రవ్యాప్తంగా కమిటీలు ఏర్పాటు చేసి, ‘రిటైర్డ్‌ ఎంప్లాయీస్‌ అసోసియేషన్‌– తెలంగాణ’గా నామకరణం చేసి రిజిస్ట్రేషన్‌ చేశారు. రాష్ట్ర అధ్యక్షుడు కోహెడ చంద్రమౌళి, ఉమ్మడి కరీంనగర్‌ జిల్లా ఆర్థిక కార్యదర్శి కనపర్తి దివాకర్‌, ఆర్గనైజింగ్‌ సెక్రటరీ నరహరి సత్యనారాయణరెడ్డి పాల్గొన్నారు. పవర్‌కట్‌ ప్రాంతాలుకొత్తపల్లి: విద్యుత్‌ తీగలకు అడ్డుగా ఉన్న చెట్ల కొమ్మల తొలగింపు పనుల నేపథ్యంలో సోమవారం ఉదయం 9 నుంచి 12గంటల వరకు 11 కె.వీ.ఐబీ ఫీడర్‌ పరిధిలోని కోర్టు చౌరస్తా, వన్‌ హాస్పిటల్‌, పాత డీఐజీ బంగ్లా, ఐబీ చౌరస్తా, సర్కస్‌ మైదానం, పద్మనాయక కల్యాణమండపం ప్రాంతాలు, ఉదయం 10 నుంచి 12 గంటల వరకు 11 కె.వీ.శివనగర్‌, గీతాభవన్‌, రాంనగర్‌ ఫీడర్ల పరిధిలోని సప్తగిరికాలనీ, శివనగర్‌, టెలిఫోన్‌ క్వార్టర్స్‌, ప్రగతినగర్‌, హస్నాపూర్‌కాలనీ, రాంనగర్‌, మంకమ్మతోట, పద్మనగర్‌, చేపల మార్కెట్‌, సత్యనారాయణ స్వా మి ఆలయం, సిద్ధార్థ స్కూల్‌, వాసరా హాస్పిటల్‌, రాజీవ్‌ పార్కు, మార్క్‌ఫెడ్‌, లేబర్‌ అడ్డ ప్రాంతాలతో పాటు ఉదయం 10 నుంచి 11 గంటల వరకు 11 కె.వీ.గంజ్‌, డీఎఫ్‌ఓ ఫీడర్ల పరిధిలోని అన్నపూర్ణ కాంప్లెక్స్‌, సిఖ్‌వాడ, బోయవాడ, మార్కెట్‌, గంజ్‌, అజ్మత్‌పుర, ఉస్మాన్‌పుర, సవరన్‌ స్ట్రీట్‌. శ్రీదేవి హాస్పిటల్‌, మంచిర్యాల చౌరస్తా ప్రాంతాల్లో విద్యుత్‌ సరఫరా నిలిపివేస్తున్నట్లు టౌన్‌ 2, 1 ఏడీఈలు ఎం.లావణ్య, పి.శ్రీనివాస్‌గౌడ్‌ తెలిపారు. ఉల్లాస్‌ పరీక్షకు 13,177 మంది హాజరుకరీంనగర్‌ కార్పొరేషన్‌: ఉల్లాస్‌ పరీక్షకు జిల్లావ్యాప్తంగా 13,177 మంది హాజరయ్యారని మెప్మా పీడీ స్వరూపరాణి తెలిపారు. కరీంనగర్‌, హుజూరాబాద్‌, జమ్మికుంట, చొప్పదండి పట్టణాల్లో స్వశక్తి సభ్యులకు 81 పరీక్ష కేంద్రాలు ఏర్పాటు చేసి, 14,459 మంది అభ్యాసకులను పరీక్షకు హాజరయ్యేలా లక్ష్యంగా నిర్దేశించారు. వారిలో 13,177 మంది పరీక్షకు హాజరయ్యారు. 1,282 మంది గైర్హాజరయ్యారు. మొత్తంగా 91.13 శాతం హాజరు నమోదైనట్లు స్వరూపరాణి తెలిపారు.

● రన్‌ను ప్రారంభించిన హైకోర్టు న్యాయమూర్తి వేణు గోపాల్‌ ● 5,500 మందికి పైగా హాజరుకరీంనగర్‌స్పోర్ట్స్‌: రన్‌ ఫర్‌ హెల్త్‌ సే నో టు డ్రగ్స్‌ సందేశంతో కరీంనగర్‌ ఆదివారం పరుగుల సంద్రంగా మారింది. కరీంనగర్‌ రన్నర్స్‌ అండ్‌ సైక్లిస్ట్‌ అసోసియేషన్‌ ఆధ్వర్యంలో నిర్వహించిన 4వ ఎడిషన్‌ కరీంనగర్‌ మారథాన్‌–2026 ఆదివారం ఉత్సాహంగా సాగింది. మారథాన్‌ను అంబేద్కర్‌స్టేడియంలో హైకోర్టు జడ్జి వేణుగోపాల్‌, పెద్దపల్లి కలెక్టర్‌ కోయ శ్రీహర్ష జెండా ఊపి ప్రారంభించారు. కరీంనగర్‌ రన్నర్స్‌ అండ్‌ సైక్లిస్ట్‌ అసోసియేషన్‌ అధ్యక్షుడు పసుల మహేశ్‌, సిద్ధార్థ పాఠశాలల చైర్మన్‌ దాసరి శ్రీపాల్‌రెడ్డి, సతీశ్‌రావు, ప్రతాప్‌, ఉపేందర్‌ పాల్గొన్నారు. ఉత్సాహంగా సాగిన రన్‌ ఆదివారం వేకువజామున 5 గంటలకే అంబేద్కర్‌ స్టేడియం సందడిగా మారింది. సంగీతం, కేరింతలు, ఉత్సాహ నినాదాలతో పండుగ వాతావరణం నెలకొంది. ముందస్తుగా నమోదు చేసుకున్న సుమారు 5,500 మందికి పైగా రన్నర్లు మారథాన్‌లో పాల్గొన్నారు. 3,5,10, 21కిలో మీటర్ల రన్‌ భగత్‌నగర్‌, కలెక్టరేట్‌, ప్రతిమ మల్టీఫ్లెక్స్‌, తెలంగాణచౌక్‌, మంకమ్మతోట, రాంనగర్‌, పద్మనగర్‌ చౌరస్తా, డ్యాం మీదుగా తిరిగి అంబేద్కర్‌ స్టేడియం వరకు ఉత్సాహంగా సాగింది. అనంతరం మారథాన్‌లో పాల్గొన్న ప్రతి ఒక్కరితో నో టు డ్రగ్స్‌ ప్రతిజ్ఞ చేయించారు.

భీమన్నకు మొక్కులు వేములవాడ: భీమన్నను ఆదివారం 20 వేల మంది భక్తులు దర్శించుకున్నారు. అభిషే కాలు, అన్నపూజలు, కోడె మొక్కులు, కల్యాణం మొక్కులు చెల్లించుకున్నారు. బద్దిపోచమ్మకు బోనం వేములవాడ: భక్తులు బద్దిపోచమ్మకు బోనం మొక్కులు చెల్లించుకున్నారు. భీమేశ్వరస్వామిని దర్శించుకున్న భక్తులు నైవేద్యం వండి బద్దిపోచమ్మకు బోనం తీశారు.సోమవారం శ్రీ 28 శ్రీ సెప్టెంబర్‌ శ్రీ 2026సాక్షి ప్రతినిధి, కరీంనగర్‌: కరీంనగర్‌ కాంగ్రెస్‌ పార్టీలో అంతర్గత కలహాలు కొనసాగుతున్నాయి. అసెంబ్లీ నియోజకవర్గ ఇన్‌చార్జిగా ఉన్న వెలిచాల రాజేందర్‌ రావుకు పార్టీలో పెద్దగా ప్రాధాన్యం దక్కకపోవడంపై ఆయన వర్గం తీవ్ర నైరాశ్యంలో మునిగిపోయింది. పేరుకు తాను అసెంబ్లీ నియోజకవర్గ ఇన్‌చార్జిగా ఉన్నప్పటికీ.. పదవుల కేటాయింపులో తన మాటలు, అభిప్రాయాలు, సూచనలకు ప్రాధాన్యం దక్కకపోవడంతో ఆయన వర్గంలో అసంతృప్తి రోజురోజుకు పెరిగిపోతోంది. మొన్న మున్సిపల్‌ ఎన్నికల సమయంలో నగరంలోని 66 డివిజన్‌ ఇన్‌చార్జుల నియామయంలో వెలిచాల మాటను అధిష్టానం పట్టించుకోలేదు. అయినా, ఆ సమయంలో వెలిచాల వర్గం మౌనంగానే ఉండిపోయింది. 66 డివిజన్లలో టికెట్ల కేటాయింపులోనూ పూర్తిస్థాయిలో తమకు స్వేచ్ఛ ఇవ్వలేదని వెలిచాల వర్గం బహిరంగంగానే అసంతప్తి వ్యక్తంచేసింది. ఆ ఎన్నికల్లో కాంగ్రెస్‌ అనుకున్న స్థాయిలో సీట్లు గెలవలేకపోయింది. ఫలితంగా బీజేపీ మేయర్‌ సీటు కై వసం చేసుకుంది. త్వరలో సీఎంకు ఫిర్యాదు తాజాగా నియోజకవర్గంలో ఉన్న రెండు మండలాలకు అధ్యక్షుల కేటాయింపు విషయం తెరపైకి వచ్చింది. ఇప్పుడు కూడా వెలిచాల కరీంనగర్‌ రూరల్‌, కొత్తపల్లి మండలాలకు తన అనుచరుల్లో ఇద్దరిని ఎంపిక చేసి, వారి పేర్లు అధిష్టానానికి పంపారు. వెలిచాల సూచించిన పేర్ల కాకుండా, ఇతరులు సూచించిన పేర్లు ఖరారవుతున్నట్లుగా సమాచారం అందడంతో వెలిచాల వర్గం మరింత నైరాశ్యంలోకి జారిపోయింది. తాను పార్లమెంటు ఎన్నికల్లో పోటీ చేసిన సమయంలోనూ ఆఖరి నిమిషంలో టికెట్‌ ఇచ్చినా.. రెండో స్థానంలో నిలిచి విశేషస్థాయిలో ఓట్లు తెచ్చానని, తరువాత కూడా పార్టీ కార్యకలాపాలకు ఆర్థికంగా అండదండలు అందిస్తున్నా.. తన మాట చెల్లుబాటు కాకపోవడం ఏంటని వెలిచాల రాజేందర్‌ రావు విస్తుపోతున్నారు. పంచాయతీ ఎన్నికల్లో కొత్తపల్లి, కరీంనగర్‌ రూరల్‌ మండలాల్లో కాంగ్రెస్‌ పార్టీకి 11 మంది సర్పంచులు గెలిపించుకున్నానని గుర్తు చేస్తున్నారు. తాను ఇన్‌చార్జిగా ఉన్న నియోజకవర్గంలో ఇతరుల పెత్తనంపై తీవ్ర నిరాశలో కూరుకుపోయారు. ఇక తనకు ఈ పదవి ఇచ్చి లాభం ఏంటని వాపోతున్నారు. ఈ విషయంపై సీఎం సన్నిహితుల వద్ద వెలిచాల తన ఆవేదన వ్యక్తం చేసినా పరిస్థితుల్లో మార్పు కనిపించలేదని, అందుకే ఈ నెల 30న కరీంనగర్‌కు వస్తున్న సీఎం రేవంత్‌ రెడ్డిని కలిసి నియోజకవర్గంలో పార్టీ పరంగా తనకు ఎదురవుతున్న ప్రతికూలతలను వివరించేందుకు యత్నిస్తున్నారని తెలిసింది.

కాల్వశ్రీరాంపూర్‌: పెద్దపల్లి జిల్లా కాల్వశ్రీరాంపూర్‌ మండలం మంగపేట గ్రామానికి చెందిన న్యాల రాజయ్య(65) కడుపు నొప్పి బాధ భరించలేక ఆదివారం పురుగులమందు తాగి ఆత్మహత్య చేసుకున్నాడు. పోలీసుల కథనం ప్రకారం.. రాజయ్య కొంతకాలంగా హెర్నియా సమస్యతో బాధపడుతున్నాడు. ఈక్రమంలో నొప్పితీవ్రతరం కావడంతో తాళలేక పురుగులమందు తాగాడు. పనిమీద వేరే ప్రాంతానికి వెళ్లిన బంధువులకు విషయాన్ని ఫోన్‌చేసి చెప్పాడు. కుటుంబ సభ్యులు వెంటనే పెద్దపల్లి ప్రభుత్వ ఆస్పత్రికి తరలించారు. ప్రథమ చికిత్స తర్వాత కరీంనగర్‌ తీసుకెళ్లగా.. పరీక్షించిన వైద్యులు అప్పటికే మృతి చెందినట్లు నిర్ధారించారు. ఈమేరకు కేసు నమోదు చేసుకున్నట్లు ఎస్సై సుధాకర్‌ తెలిపారు. ఉరేసుకుని యువకుడి..మల్యాల: కడుపు నొప్పితో యువకుడు ఉరేసుకుని ఆత్మహత్య చేసుకున్న ఘటన మండలంలోని బల్వంతాపూర్‌లో చోటుచేసుకుంది. ఎస్సై సందీప్‌ కథనం ప్రకారం.. ఆంధ్రప్రదేశ్‌లోని దొరపల్లి గ్రామానికి చెందిన రాచూటి అద్దాలఎల్లయ్య కుటుంబంతోపాటు వచ్చి బట్టల వ్యాపారం చేసుకుంటూ జగిత్యాల రూరల్‌ మండలం నర్సింగాపూర్‌లో నివాసముంటున్నారు. కుమారుడు చరణ్‌ (24) కొద్దికాలంగా కడుపు నొప్పితో బాధపడుతున్నాడు. ఆదివారం బట్టల వ్యాపారం కో సం కొండగట్టుకు వెళ్లి.. తిరిగి రాలేదు. ఫోన్‌ స్వి చ్ఛాప్‌ రావడంతో పరిసర గ్రామాల్లో వెదకగా.. బల్వంతాపూర్‌ శివారులో చెట్టుకు ఉరేసుకుని కనిపించాడు. చరణ్‌ తండ్రి ఎల్లయ్య ఫిర్యా దు మేరకు కేసు దర్యాప్తు చేస్తున్నట్లు ఎస్సై తెలిపారు. సెల్‌ఫోన్‌ కొనివ్వలేదని బాలుడి ఆత్మహత్యపెగడపల్లి: సెల్‌ఫోన్‌ కొనివ్వలేది గడ్డి మందు తాగిన ఓ బాలుడు ఆత్మహత్యాయత్నం చేసి.. చికిత్స పొందుతూ మృతిచెందిన ఘటన మండలంలోని రాజరాంపల్లితండాలో చోటుచేసుకుంది. ఎస్సై కిరణ్‌కుమార్‌ కథనం ప్రకారం.. తండాకు చెందిన ఇస్లావత్‌ నరేశ్‌నాయక్‌, జయ దంపతులకు ఇద్దరు కుమారులు. పెద్ద కుమారుడుగణేశ్‌నాయక్‌ (14) రామడుగు మండలం గోపాల్‌రావుపేటలోని ఓ ప్రైవేటు పాఠశాలలో 9వ తరగతి చదువుతున్నాడు. సెల్‌ఫోన్‌ కొనివ్వాలని తల్లిదండ్రులను కోరుతున్నాడు. వద్దని మందలించగా.. మనస్తాపానికి గురై ఈనెల 15న ఇంటి వద్ద గడ్డి మందు తాగాడు. వెంటనే కుటుంబ సభ్యులు కరీంనగర్‌ ఆసుపత్రికి తరలించారు. వైద్యులు ప్రయత్నించినా ఫలితం కనిపించలేదు. నరేశ్‌నాయక్‌ ఫిర్యాదు మేరకు కేసు దర్యాప్తు చేస్తున్నట్లు ఎస్సై వివరించారు. 30న ఉమ్మడి జిల్లా సీనియర్‌ ఖోఖో జట్ల ఎంపికకరీంనగర్‌స్పోర్ట్స్‌: కరీంనగర్‌ జిల్లా ఖోఖో అసోసియేషన్‌ ఆధ్వర్యంలో ఉమ్మడి కరీంనగర్‌ జిల్లా (పెద్దపల్లి జిల్లా మినహా) సీనియర్‌ ఖోఖో జట్ల ఎంపిక పోటీలను ఈనెల 30న నిర్వహించనున్నారు. మహిళలు, పురుషుల విభాగాలలో ఈ పోటీలను జిల్లా కేంద్రంలోని అంబేద్కర్‌ స్టేడియంలో ఉదయం 9 గంటల నుంచి నిర్వహించనున్నామని జిల్లా ఖోఖో అసోసియేషన్‌ అధ్యక్ష కార్యదర్శులు కోమటిరెడ్డి నరేందర్‌రెడ్డి, వై.మహేందర్‌ రావు తెలిపారు. ప్రతిభ గల 14ఏళ్లు నిండిన బాలికలు, 16ఏళ్లు నిండిన బాలురు ఈ పోటీలలో పాల్గొనుటకు అర్హులని తెలిపారు. ప్రతిభ చాటే క్రీడాకారులను అక్టోబర్‌లో నల్గొండలో నిర్వహించనున్న 59వ సీనియర్స్‌ రాష్ట్రస్థాయి పోటీలకు ఎంపిక చేయనున్నామని పేర్కొన్నారు. క్రీడాకారులు ఆధార్‌కార్డు జిరాక్స్‌తో హాజరుకావాలని కోరారు.

జ్యోతినగర్‌: పొట్టకూటి కోసం సొంతూరును వదిలి వచ్చి.. చిరు వ్యాపారం చేసుకుంటూ జీవనం సాగిస్తున్న ఓ వ్యక్తిని రోడ్డు ప్రమాదం బలితీసుకుంది. రెక్కాడితే గానీ డొక్కాడని బతుకుల్లో తనకంటూ ఓ దారిని వెతుక్కుంటున్న ఉత్తరప్రదేశ్‌కు చెందిన అరుణ్‌ కుమార్‌ పెద్దపల్లి జిల్లా ఎన్టీపీసీ మేడిపల్లి సెంటర్‌లో ఆదివారం జరిగిన ఘోర రోడ్డు ప్రమాదంలో మృత్యువాతపడ్డాడు. మంచిర్యాలలోని సున్నంబట్టి ప్రాంతంలో నివాసం ఉంటున్న అరుణ్‌కుమార్‌(49) వారసంతల్లో చిరు వ్యాపారం చేసుకుంటూ జీవిస్తున్నాడు. ఆదివారం ఉదయం ఎన్టీపీసీ మేడిపల్లి సెంటర్‌లో టీవీఎస్‌ ఎక్సెల్‌ వాహనంపై వెళ్తున్నాడు. ఈ క్రమంలో వెనకాల వచ్చిన లారీ ఢీకొట్టింది. అరుణ్‌కుమార్‌ లారీకి చిక్కుకోగా సుమారు కిలోమీటరు దూరం వరకు ఈడ్చుకెళ్లింది. దీంతో అతడు ప్రాణాలు కోల్పోయాడు. లారీ డ్రైవర్‌ పరారయ్యాడు. కుటుంబానికి అండగా నిలవాల్సిన అరుణ్‌కుమార్‌ దుర్మరణం చెందడం విషాదాన్ని నింపింది. సమాచారం అందుకున్న ఎస్సై ఉదయ్‌కిరణ్‌ సంఘటనా స్థలాన్ని పరిశీలించారు. లారీ ముందు భాగంలో చిక్కుకున్న మృతదేహాన్ని క్రేన్‌ సాయంతో బయటకు తీశారు. పోస్టుమార్టం నిమిత్తం గోదావరిఖని ప్రభుత్వ ఆస్పత్రికి తరలించారు. మృతుడి కుటుంబానికి చెందిన రామ్‌ త్రిపాల్‌ గోస్వామి పోలీసులకు ఫిర్యాదు చేశాడు. చిరువ్యాపారిని ఢీకొట్టిన లారీ ఉత్తరప్రదేశ్‌వాసి అరుణ్‌ కుమార్‌ దుర్మరణం

వేములవాడ: వేములవాడలోని బద్దిపోచమ్మ ఆలయ పునరుద్ధరణ పనులు మొదలయ్యాయి. రూ.10కోట్లతో ఈ పనులు చేపట్టారు. భవిష్యత్‌లో భక్తుల రద్దీకి అనుగుణంగా సౌకర్యాలు కల్పించేందుకు అధికారులు ప్రణాళికతో ముందడుగు వేస్తున్నారు. ఇప్పటి వరకు కేవలం రెండు గుంటల విస్తీర్ణంలోనే ఉన్న బద్దిపోచమ్మ గుడిని 38 గుంటల్లో పునర్‌ నిర్మించేందుకు చర్యలు చేపట్టారు. 85 శాతం పూర్తయిన పనులు బద్దిపోచమ్మ ప్రధాన భాగం మినహా మిగతా 85 శాతం పనులు పూర్తయ్యాయి. అత్యాధునిక సౌకర్యాలతో షాపింగ్‌ కాంప్లెక్స్‌, బోనాల సమర్పణకు ప్రత్యేక మండపం, పట్నాలు వేసే స్థలం, భక్తుల కోసం విశాలమైన క్యూలైన్లు వేగంగా రూపుదిద్దుకుంటున్నాయి. కూల్చివేతలు ప్రారంభం ఆలయ పునరుద్ధరణ పనుల నేపథ్యంలో భక్తుల దర్శనాలకు ఇబ్బంది కలగకుండా ప్రత్యేక ఏర్పాట్లు చేశారు. అమ్మవారి ప్రధాన ఆలయం వద్ద రెండు వైపులా భద్రత గోడలు నిర్మించి, క్యూలైన్‌ ద్వారా భక్తులకు దర్శనం కల్పిస్తున్నారు. అమ్మవారు కొలువై ఉన్న ప్రధాన భాగం మినహా మిగిలిన పాత నిర్మాణాల కూల్చివేత పనులు మొదలయ్యాయి. భక్తులకు ఇబ్బందులు కలుగనివ్వం భక్తులకు ఇబ్బందులు కలుగకుండా జాగ్రత్తగా పనులు చేపడుతున్నాం. శుక్రవారం నుంచే పనులు ప్రారంభించాం. అమ్మవారు కొలువై ఉన్న ప్రాంతాన్ని వదిలేసి మిగతా ప్రాంతాన్ని జాగ్రత్తగా కూల్చి వేస్తున్నాం. పనులు త్వరగా పూర్తి చేసేందుకు కసరత్తు చేస్తున్నాం. – రఘునందన్‌, డీఈ ప్రధాన ఆలయం కూల్చివేతలు మొదలు ఇప్పటి వరకు రెండు గుంటల్లోనే గుడి ప్రస్తుతం 38 గుంటల్లో నిర్మాణం

● భర్త ఇంటి ఎదుట మొదటి భార్య ధర్నా ● మొదటి పెళ్లి చేసిన పెద్దలే రెండో పెళ్లికీ సూత్రధారులు గొల్లపల్లి: ఒకామెను ప్రేమించి పెళ్లి చేసుకున్నాడు.. ఏడడుగులు నడిచి నూరేళ్లు తోడుంటానని బాస చేశాడు. ఆమె తల్లిదండ్రుల నుంచి కట్నకానుకలు తీసుకుని.. కొన్నాళ్ల క్రితం మరో యువతి మోజులో పడ్డాడు. గుట్టుచప్పుడు కాకుండా రెండో పెళ్లి చేసుకుని తమకు రక్షణ కల్పించాలని పోలీసులను ఆశ్రయించాడు. దీంతో లబోదిబోమన్న మొదటి భార్య భర్త ఇంటి ముందు ఆందోళనకు దిగింది. ఈ సంఘటన ఆదివారం మండలకేంద్రంలో వెలుగుచూసింది. బాధితురాలి కథనం ప్రకారం.. గొల్లపల్లి మండలకేంద్రానికి చెందిన ఆవుల రాజయ్య, జమున దంపతులు కుమారుడు శ్రీనివాస్‌ గుంజపడుగు గ్రామానికి చెందిన అనూషను 2022 డిసెంబర్‌ 10న పెద్దలను ఒప్పించి పెళ్లి చేసుకున్నాడు. ఆ సమయంలో రూ.10 లక్షలు, 10 తులాల బంగారం కట్నంగా తీసుకున్నాడు. కాపురం సాఫీగా సాగుతున్న వీరి కాపురంలో కొన్నిరోజులుగా కలహాలు మొదలయ్యాయి. శ్రీనివాస్‌ మల్యాల మండలం రామన్నపేటకు చెందిన ఓ యువతితో పరిచయం పెంచుకుని ప్రేమాయణం మొదలుపెట్టి అనూషను అదనంగా మరో రూ.5 లక్షల కట్నం తేవాలంటూ వేధిస్తున్నాడు. భర్త తీరును నిలదీసినందుకు అనూషపై అత్తమామ జమున, రాజయ్య, ఆడబిడ్డలూ వేధింపులకు గురిచేస్తున్నారు. దీంతో మనస్తాపం చెందిన అనూష ఈ ఏడాది జనవరి 25న నిద్రమాత్రలు మింగి ఆత్మహత్యాయత్నానికి పాల్పడింది. ఆమె కుటుంబ సభ్యులు పోలీసులను ఆశ్రయించాగా.. శ్రీనివాస్‌, అతడి కుటుంబ సభ్యులపై 498 సెక్షన్‌ కింద కేసు నమోదు చేశారు. పంచాయితీలో మాట ఇచ్చి.. హైదరాబాద్‌లో రెండో పెళ్లి కేసు నమోదు కావడంతో దిగొచ్చిన శ్రీనివాస్‌.. పెద్దమనుషుల సమక్షంలో పంచాయితీ పెట్టించాడు. ఇకపై సదరు యువతి జోలికి వెళ్లబోనని, అనూషతోనే ఉంటానని ఒప్పుకున్నాడు. ఇంతలోనే హైదరాబాద్‌లోని తుక్కుగూడ శివాలయంలో సదరు ముస్లిం యువతిని రెండో వివాహం చేసుకున్నాడు. అనంతరం రక్షణ క ల్పించాలని ఇబ్రహీంపట్నం పోలీస్‌స్టేషన్‌ను ఆశ్రయించాడు. ఈ వ్యవహారంలో విస్మయం గొలిపే అంశం ఏంటంటే.. అనూషతో శ్రీనివాస్‌కు తొలి వివాహం జరి పించిన ఇద్దరు పెద్దమనుషులే.. అతడి రెండో పెళ్లిని దగ్గరుండి జరిపించారు. ఈ క్రమంలో తనకు న్యాయం చేయాలంటూ అనూష భర్త ఇంటి ఎదుట ఆందోళనకు దిగింది. రెండో పెళ్లి చేసుకున్న యువతి వద్ద తాను బ్యాచిలర్‌నని, ఇంకా పెళ్లి కాలేదని శ్రీనివాస్‌ నమ్మించి మోసం చేసినట్లు తెలిసింది. శ్రీనివాస్‌కు ఇప్పటికే పెళ్లయిందన్న విషయం తెలిసి రెండో యువతి కుటుంబ సభ్యులు ఆగ్రహంతో ఉన్నట్లు సమాచారం.

కొండగట్టు ‘పర్యాటకం’పై మల్యాల: ప్రకృతి ఒడిలో విరాజిల్లుతున్న కొండగట్టును పర్యాటక ప్రాంతంగా అభివృద్ధి చేయాలనే భక్తుల విన్నపాలు అరణ్య రోధనగా మారుతున్నాయి. మెట్లదారి వెంట రోప్‌వే నిర్మాణం చేపట్టేందుకు దశాబ్దం క్రితం పదెకరాల స్థలం కేటాయించినా.. ఇప్పటివరకు అడుగు ముందుకు పడలేదు. కేంద్రప్రభుత్వ ‘ప్రసాదం’ పథకంలో కొండగట్టు ఆలయానికి చోటు లభించినా.. పర్యాటక ప్రాంతంగా తీర్చిదిద్దేందుకు అధికారులు చొరవ చూపడం లేదు. కొండగట్టు అంజన్న ఆలయం భక్తుల కోరికలు తీర్చే కొంగు బంగారంగా విలసిల్లుతోంది. చుట్టూ గుట్టలు.. ఎత్తైన చెట్లు.. కనుచూపు మేర ప్రకృతి సోయగాలతో మైమరిపించే ఆహ్లాదకర వాతావరణం ఈ క్షేత్రం సొంతం. అంజన్నను దర్శించుకునేందుకు వివిధ రాష్ట్రాల నుంచి భక్తులు అధిక సంఖ్యలో తరలివస్తుంటారు. నిర్మల్‌ కొయ్య బొమ్మల తయారికి వినియోగించే కలప ఇక్కడి గుట్టల్లో పెరుగుతుంటాయి. ఆలయానికి 370 ఎకరాల రెవెన్యూ భూమి కొండగట్టు ఆలయ అభివృద్ధికి రెవెన్యూకు చెందిన సుమారు 370 ఎకరాల భూమి దశాబ్దకాలం క్రితం అప్పగించారు. కొండగట్టు ఆలయ పరిసరాలు చదును భూమి కేవలం 60 ఎకరాలు మాత్రమే ఉండగా.. గుట్టలు, అటవీశాఖ భూమి ఉండడంతో సరిహద్దు వివాదం తలెత్తింది. అయితే అటవీ శాఖకు ప్రత్యామ్నయంగా ఆలయానికి చెందిన భూమి కేటాయించాలనే ప్రతిపాదనలతో ఆ వివాదం సద్దుమణిగింది. రోప్‌వే ప్రతిపాదన.. ఆలయాన్ని పర్యాటక ప్రాంతంగా తీర్చిదిద్దేందుకు రోప్‌ వే నిర్మాణం చేపట్టాలని దశాబ్దకాలం క్రితం ప్రతిపాదనలు తయారు చేశారు. మెట్లదారి నుంచి హరిత హోటల్‌ వరకు రోప్‌ వే నిర్మాణం చేపట్టాలనే ప్రతిపాదన మేరకు పర్యాటక శాఖకు 10 ఎకరాలు కూడా కేటాయించారు. కానీ ఇప్పటివరకు అడుగు ముందుకుపడలేదు. ప్రస్తుతం అధికారులు మెట్లదారి వెంట పారిశుధ్యం చేపట్టకపోవడంతో ఆ దారిమీదుగా వెళ్లాలంటేనే భక్తులు ఇబ్బంది పడుతున్నారు. నీతిఅయోగ్‌లో కొండగట్టుకు స్థానం.. దేశశంలోని దర్శనీయ స్థలాల దివ్యభారత్‌ జాబితాలో కొండగట్టు ఆంజనేయస్వామి ఆలయానికీ చోటు దక్కింది. అయినప్పటికీ భక్తులకు కనీస వసతులు కరువయ్యాయి. భక్తుల వాహనాలకు కనీసం పార్కింగ్‌ సౌకర్యం లేక ఇబ్బంది పడాల్సి వస్తోంది. రోప్‌వే నిర్మాణానికి దశాబ్దం క్రితం ప్రతిపాదనలు పదెకరాల స్థలం కేటాయింపు అయినా ముందుకు పడని అడుగు

● మూడు నెలల క్రితమే తల్లి మృతి వేములవాడరూరల్‌: రాజన్న సిరిసిల్ల జిల్లా వేములవాడ రూరల్‌ మండలం వట్టెంల గ్రామానికి చెందిన కాసారపు నరేందర్‌(26) మూడు రోజుల క్రితం గల్ఫ్‌లో గుండెపోటుతో మృతిచెందాడు. గ్రామస్తులు తెలిపిన వివరాలు. కాసారపు నారాయణ–వెంకటవ్వ దంపతులకు కుమారుడు, కూతురు. వెంకటవ్వ మూడు నెలల క్రితం అనారోగ్యంతో మృతిచెందింది. తల్లి మృతి చెందిన వార్త తెలుసుకున్న కుమారుడు గల్ఫ్‌ నుంచి వచ్చి అంత్యక్రియలు నిర్వహించి తిరిగి వెళ్లాడు. కంపెనీలో పనిచేస్తుండగా గుండెపోటుతో మరణించినట్లు అతని స్నేహితులు తెలిపారు. మూడు నెలల వ్యవధిలో తల్లీకొడుకులు మృతిచెందడంతో సోదరి, తండ్రి అనాథలయ్యారు. నరేందర్‌ మృతదేహాన్ని స్వదేశానికి రప్పించడానికి స్నేహితులు ప్రయత్నం చేస్తున్నారు. ఇండియన్‌ ఎంబసీకి ప్రభుత్వ విప్‌ లేఖ నరేందర్‌ మృతదేహాన్ని స్వగ్రామానికి తెప్పించేందుకు ప్రభుత్వ విప్‌, వేములవాడ ఎమ్మెల్యే ఆది శ్రీనివాస్‌ ఇండియన్‌ ఎంబసీకి లేఖ రాశారు. ఉసిరికాయల కోసం చెట్టెక్కి.. ● అదుపుతప్పి కార్మికుడి మృతి యైటింక్లయిన్‌కాలనీ: పెద్దపల్లి జిల్లా గోదావరిఖని టూటౌన్‌ పోలీస్‌స్టేషన్‌ పరిధిలోని పోతనకాలనీ–77 బ్లాక్‌–1071క్వార్టర్‌లో నివాసం ఉంటూ ఏఎల్‌పీ గనిలో కార్మికుడిగా పనిచేస్తున్న వేముల రాజేందర్‌ (55) ఆదివారం ఉసిరిచెట్టు పైనుంచి పడి మృతి చెందాడు. స్థానికులు, పోలీసుల కథనం ప్రకారం.. రాజేందర్‌ తను నివాసం ఉంటున్న భవనం మొదటి అంతస్తు ఎక్కి ఉసిరికాయలు తెంపుతున్నాడు. ప్రమాదవశాత్తు కాలు జారిపడి చెట్టు పైనుంచి కింద పడిపోయాడు. తలకు తీవ్రగాయాలు కావడంతో కుటుంబ సభ్యులు, స్థానికులు గోదావరిఖని సింగరేణి ఏరియా ఆస్పత్రికి తరలించారు. వైద్యులు పరీక్షించి అప్పటికే మృతి చెందినట్లు నిర్ధారించారు. మృతుడి భార్య సత్తమ్మ ఫిర్యాదు మేరకు పోలీసులు కేసు నమోదు చేసుకొన్నారు. మృతుడికి భార్య, ఒక కుమార్తె ఉన్నారు. రాజేందర్‌ మృతితో పోతనకాలనీలో విషాద చాయలు నెలకోన్నాయి. కాగా, సదాశయ ఫౌండేషన్‌ చొరవతో మృతుడి నేత్రాలను కుటుంబ సభ్యులు దానం చేశారు.

చందుర్తి(వేములవాడ): అంబేడ్కర్‌పై అనుచిత వ్యాఖ్యలు చేసిన కాంగ్రెస్‌ పార్టీ జిల్లా ప్రధాన కార్యదర్శి చింతపంటి రామస్వామిని అరెస్టు చేయాలని కోరుతూ రాజన్నసిరిసిల్ల జిల్లా చందుర్తి మండల కేంద్రంలో ఆదివారం దళిత సంఘాల నాయకులు ధర్నా చేశారు. విషయం తెలుసుకున్న పోలీసులు అక్కడికి చేరుకొని ధర్నా విరమింపజేశారు. దళితసంఘాల నాయకులు మాట్లాడుతూ.. దళితులను దుర్భాషలాడుతూ అంబేడ్కర్‌పై దుర్భాషలాడిన రామస్వామిపై ఎస్సీ, ఎస్టీ అట్రాసిటీ కేసు నమోదు చేయాలని చందుర్తి ఎస్సైకి ఫిర్యాదు చేశారు. ధర్నాలో అంబేడ్కర్‌ డివిజన్‌ సంఘం అధ్యక్షుడు దుమ్ము ఆనంద్‌, మాలమహానాడు జిల్లా అధ్యక్షుడు నీరటి శ్రీనివాస్‌, డివిజన్‌ అధ్యక్షుడు బత్తుల కమలాకర్‌, ఎమ్మార్పీఎస్‌ రాష్ట్ర నాయకుడు ఆవునూర్‌ ప్రభాకర్‌, జిల్లా కన్వీనర్‌ భిక్షపతి, బార్‌ అసోషియేషన్‌ మాజీ అధ్యక్షుడు గుడిసే సదానందం, అనిల్‌కుమార్‌, రుద్రంగి మార్కెట్‌ కమిటీ మాజీ అధ్యక్షుడు దప్పుల అశోక్‌, తిమ్మాపూర్‌ సర్పంచ్‌ కాపిల్ల శంకర్‌, దళిత శక్తి ప్రోగ్రాం నాయకులు ప్రకాశ్‌, జింక శ్రీధర్‌, మనోజ్‌కుమార్‌, కటుకూర్‌ ప్రశాంత్‌, ఎస్‌.కుమార్‌ తదితరులు పాల్గొన్నారు. చందుర్తిలో దళిత సంఘాల ధర్నా

కరీంనగర్‌రూరల్‌: వ్యవసాయ భూమి విక్రయం పేరుతో తహసీల్దార్‌ కార్యాలయంలో రిజిస్ట్రేషన్‌ నాటకమాడి మోసం చేసిన ఉదంతం ఆలస్యంగా వెలుగుచూసింది. బాధితులు రషీదా తబుస్సమ్‌, షకీల్‌ అహ్మద్‌ ఆదివారం కరీంనగర్‌లో తమకు జరిగిన అన్యాయాన్ని వివరించారు. కరీంనగర్‌ కార్పొరేషన్‌ విలీనగ్రామం బొమ్మకల్‌ రజ్వీచమన్‌కు చెందిన రషీదా తబుస్సమ్‌ వ్యవసాయ భూమి కొనుగోలు చేసేందుకు కృష్ణానగర్‌కు చెందిన అలీమ్‌, జబ్బార్‌లను సంప్రదించింది. బెజ్జంకి మండలం శనిగరంలో 7గుంటల భూమి ఉందని చెప్పడంతో గతేడాది డిసెంబరులో రూ.5లక్షలు అడ్వాన్స్‌గా చెల్లించింది. భూమి రిజిస్ట్రేషన్‌ చేయకుండా జాప్యం చేస్తుండటంతో తబుస్సమ్‌ గట్టిగా నిలదీసింది. బెజ్జంకి తహసీల్దార్‌ కార్యాలయంలో రెవెన్యూ సిబ్బందితో కుమ్మకై ్కన అలీమ్‌, జబ్బార్‌ భూమి రిజిస్ట్రేషన్‌ పేరిట నాటకమాడారు. జూలైలో తబుస్సమ్‌ వద్ద నుంచి మిగితా డబ్బులు రూ.24లక్షలు తీసుకుని తబుస్సమ్‌ ఫొటోలు, వేలిముద్రలను సేకరించి రిజిస్ట్రేషన్‌ పూర్తయిందని, వారం రోజుల్లో డాక్యుమెంట్‌ వస్తుందని నమ్మించారు. పదిరోజులు గడిచినా డాక్యుమెంట్‌ రాకపోవడంతో ఆన్‌లైన్‌లో పరిశీలించగా వివరాలు కనిపించలేదు. మోసపోయినట్లు గుర్తించి అలీం, జబ్బార్‌పై శనివారం కరీంనగర్‌రూరల్‌ పోలీస్‌స్టేషన్‌లో బాధితురాలు ఫిర్యాదు చేయగా కేసు నమోదు చేశారు. తహసీల్దార్‌ కార్యాలయ సిబ్బంది కుమ్మక్కు నకిలీ భూమి రిజిస్ట్రేషన్‌ వ్యవహారంలో బెజ్జంకి తహసీల్దార్‌ కార్యాలయ సిబ్బంది అలీంతో కుమ్మకై ్క నాటకమాడినట్లు తబుస్సమ్‌ ఆరోపిస్తోంది. పట్టాదారుగా జబ్బార్‌ వ్యవహరించి సంతకాలు చేశాడని, తహసీల్దార్‌ కార్యాలయంలో ఓ తాత్కాలిక ఉద్యోగి రిజిస్ట్రేషన్‌ వ్యవహారంలో కీలకపాత్ర పోషించాడని వివరించింది. ఈ వ్యవహారంపై కలెక్టర్‌ సమగ్ర విచారణ జరిపించి తగిన న్యాయం చేయాలని కోరారు. సిద్దిపేట జిల్లా బెజ్జంకి తహసీల్దార్‌ కార్యాలయంలో రిజిస్ట్రేషన్‌ నాటకం కరీంనగర్‌ రూరల్‌ పోలీస్‌స్టేషన్‌లో కేసు నమోదు

తంగళ్లపల్లి(సిరిసిల్ల): వ్యవసాయ కళాశాల కోసం భూములు తీసుకొని.. ప్రత్యామ్నాయ భూమి కేటాయింపులో అన్యాయం చేశారంటూ ఓ దళిత రైతు ఆదివారం ఆత్మహత్యాయత్నానికి పాల్పడిన ఘటన రాజన్నసిరిసిల్ల జిల్లా తంగళ్లపల్లి మండలం జిల్లెల్ల గ్రామంలో ఉద్రిక్తతకు దారితీసింది. గ్రామస్తులు, రైతులు తెలిపిన వివరాలు. వ్యవసాయ కాలేజీ నిర్మాణానికి ప్రభుత్వం 40 ఎకరాలు సేకరించింది. కొందరికి ప్రత్యామ్నాయ భూములు కేటాయిస్తామని హామీ ఇచ్చినప్పటికీ, పట్టాలు, క్షేత్రస్థాయిలో పొజిషన్‌ అప్పగించడం లేదు. ఏళ్లుగా అధికారుల చుట్టూ తిరుగుతున్నా ఎవరూ పట్టించుకోవడం లేదని రైతులు ఆవేదన వ్యక్తం చేశారు. ఈక్రమంలో తీవ్ర మనస్తాపానికి గురైన రైతు చెల్లం వినోద్‌ ఒంటిపై పెట్రోల్‌ పోసుకుని నిప్పంటించుకునేందుకు ప్రయత్నించాడు. అక్కడే ఉన్న తోటి రైతులు, స్థానికులు అప్రమత్తమై పెట్రోల్‌ బాటిల్‌ను లాక్కోవడంతో ప్రమాదం తప్పింది. ‘నా భూమి నాకిప్పించండి’ సర్వే నంబర్‌ 662లోని మూడెకరాలు లావణి పట్టా భూమిని అధికారులు ఇతరులకు కేటాయించారని బాధిత రైతు వినోద్‌ ఆరోపించారు. ఆ సర్వే నంబర్‌లో మిగిలిన నాలుగెకరాల నుంచి తనకు ఎకరంన్నర నుండి రెండు ఎకరాల వరకు కేటాయించాలని పదేళ్లుగా కలెక్టర్‌, తహసీల్దార్‌ కార్యాలయాల చుట్టూ తిరుగుతున్నా పట్టించుకోవడం లేదన్నారు. ఆ మిగులు భూమిని కూడా ఇతరులు కబ్జా చేసి, తనను సాగు చేసుకోకుండా బెదిరింపులకు దిగుతున్నారని వాపోయారు. ఎవరూ పట్టించుకోవడం లేదని.. విధిలేని పరిస్థితుల్లోనే ఆత్మహత్యకు యత్నించాల్సి వచ్చిందని కన్నీటిపర్యంతమయ్యారు. వ్యవసాయ కళాశాలకు భూములు తీసుకుని అన్యాయం చేశారని ఆవేదన

జ్యోతినగర్‌: విద్యుదుత్పత్తి రంగంలో మరో కీలక మైలురాయిని అధిగమించే దిశగా పెద్దపల్లి జిల్లా రామగుండంలోని ఎన్టీపీసీ ముందడుగు వేస్తోంది. తెలంగాణ సూపర్‌ థర్మల్‌ పవర్‌ ప్రాజెక్టు(టీఎస్‌టీపీపీ) స్టేజ్‌–2లో 2,400 మెగావాట్ల అదనపు విద్యుదుత్పత్తి సామర్థ్యాన్ని అందుబాటులోకి తీసుకురావడానికి పనులు వేగం పుంజుకుంటున్నాయి. ఇందు కోసం యూనిట్‌–3 ప్రధాన ప్లాంట్‌ నిర్మాణానికి భూమిపూజ చేశారు. సివిల్‌ పనులకు శ్రీకారం చుట్టారు. ఒక్కొక్కటి 800 మెగావాట్ల సామర్థ్యంతో మూడు సూపర్‌ క్రిటికల్‌ యూనిట్లను నిర్మించనున్నారు. స్టేజ్‌–2తో 4వేల మెగావాట్లకు విద్యుత్‌ ఉత్పత్తి ప్రాజెక్టు స్టేజ్‌–1లో ఇప్పటికే రెండు 800 మెగావాట్ల యూనిట్లు విద్యుదుత్పత్తి చేస్తున్నాయి. వీటిసామర్థ్యం 1,600 మెగావాట్లు. స్టేజ్‌–2లో మరోమూడు యూనిట్ల నిర్మాణం పూర్తయితే సామర్థ్యం 4 వేల మెగావాట్లకు చేరనుంది. రూ.29,344 కోట్లతో నిర్మాణం స్టేజ్‌–2 నిర్మాణానికి ఎన్టీపీసీ బోర్డు 2024 నవంబర్‌లో రూ.29,344.85 కోట్ల పెట్టుబడికి ఆమోదం తెలిపింది. ప్రధాన ప్లాంట్‌ ఈపీసీ ప్యాకేజీని బీహెచ్‌ఈఎల్‌కు అప్పగించారు. ఈనెల 26న నిర్వహించిన భూమిపూజతో యూనిట్‌–3 సివిల్‌ పనులు ప్రారంభమయ్యాయి. స్టేజ్‌–2లో ఎయిర్‌ కూల్డ్‌ కండెన్సర్‌ (ఏసీసీ) సాంకేతికతను వినియోగించనున్నారు. ఈ విధానం ద్వారా ప్రధాన ప్లాంట్‌లో నీటి వినియోగాన్ని గణనీయంగా తగ్గించవచ్చని అధికార వర్గాలు భావిస్తున్నాయి. స్థానికులకు ఉపాధి అవకాశాలు ప్రాజెక్టు నిర్మాణ సమయంలో సివిల్‌ పనులు, మెటీరియల్‌ నిర్వహణ, ఇతర కార్యకలాపాల్లో స్థానికులకు ప్రాధాన్యం ఇవ్వనున్నట్లు కేంద్ర విద్యుత్‌ శాఖ పార్లమెంటుకు తెలిపింది. స్థానిక యువత ఉపాధి అవకాశాలను పెంచేందుకు నైపుణ్యాభివృద్ధి కార్యక్రమాలను కూడా చేపడుతున్నట్లు వెల్లడించింది. 2030 సెప్టెంబర్‌ నాటికి లక్ష్యం స్టేజ్‌–2లోని మూడు యూనిట్లను దశలవారీగా ప్రారంభించేందుకు ప్రణాళిక రూపొందించారు. 2030 సెప్టెంబర్‌ నాటికి యూనిట్లను ప్రారంభించాలని లక్ష్యంగా పెట్టుకున్నారు. ఈ విస్తరణ పూర్తయితే తెలంగాణ సూపర్‌ థర్మల్‌ పవర్‌ ప్రాజెక్టు 4 వేల మెగావాట్ల స్థాపిత సామర్థ్యంతో విద్యుదుత్పత్తి చేయనుంది. 2,400 మెగావాట్ల స్టేజ్‌–2కు శ్రీకారం

మెట్‌పల్లి: మెట్‌పల్లికి చెందిన వేముల శ్రీనివాస్‌ తన కుమార్తెలు శరణ్య, హర్షితను చిన్నప్పటి నుంచి చదువులో ప్రోత్సహిస్తూ వచ్చారు. వారు పీహెచ్‌డీలు పూర్తి చేసి ప్రభుత్వ గురుకుల డిగ్రీ కళాశాలల్లో లెక్చరర్లుగా ఉద్యోగాలు సాధించారు. శ్రీనివాస్‌ మెట్‌పల్లిలో హోమియోపతి వైద్యుడు. ఇద్దరు కూతుళ్లను ధర్మపురి సంస్కృత కళాశాలలో తెలుగు సాహిత్యంలో డిగ్రీ.. పీజీ నుంచి పీహెచ్‌డీ వరకు హైదరాబాద్‌లోని సెంట్రల్‌ యూనివర్సిటీలో చదివించారు. శరణ్య మొత్తం ఆరు గోల్డ్‌ మెడల్స్‌, హర్షిత మూడు గోల్డ్‌ మెడల్స్‌ సాధించారు. ఇద్దరూ ఒకే రోజున గవర్నర్‌ చేతులమీదుగా పీహెచ్‌డీ పట్టాలు అందుకున్నారు. 2019లో ఇద్దరు ప్రభుత్వ గురుకుల డిగ్రీ కళాశాలలో లెక్చరర్‌ ఉద్యోగాలకు ఎంపికయ్యారు.

కరీంనగర్‌ కల్చరల్‌: కోటలున్నాయి.. కాకతీయులు నడయాడిన ఆనవాళ్లు ఉన్నాయి... శాతవాహనుల పురావస్తు సంపద ఉంది. చారిత్రక ఆలయాలు, బౌద్ధ స్తూపాలు, జలపాతాలు, గోదావరి తీరం సాక్ష్యంగా నిలుస్తున్నాయి. అయినా పర్యాటక పటంలో ఉమ్మడి కరీంనగర్‌కు దక్కాల్సిన ప్రాధాన్యం కనిపించడం లేదు. టూరిజం శాఖకు దిక్కులేదు టూరిజంశాఖకు జిల్లాలో ప్రత్యేక కార్యాలయం లేకపోవడం శోచనీయం. రెండేళ్లుగా డిస్ట్రిక్ట్‌ టూరిజం ఆఫీసర్‌ పోస్టు ఖాళీగా ఉండటంతో శాఖ కార్యకలాపాలు కుంటుపడుతున్నాయి. కొత్త కలెక్టరేట్‌లోనైనా టూరిజంశాఖకు ఒక ఆఫీస్‌ కేటాయించాలని జిల్లా ప్రజలు కోరుతున్నారు. ముందుకు సాగని రివర్‌ఫ్రంట్‌ దిగువ మానేరు తీరాన రివర్‌ఫ్రంట్‌ ఏళ్లుగా ప్రకటనలకే పరిమితమైంది. గతంలో ప్రకటించిన రూ.100 కోట్ల నిధుల జీవో గడువు ముగియడంతో ఇప్పుడు ఒక ఆర్థిక సంవత్సరానికి రూ.10 కోట్లతో విడతల వారీగా అభివృద్ధి చేయాలనే ప్రతిపాదన సిద్ధమైంది. ఇరిగేషన్‌ పనులు పూర్తయితేనే టూరి జం పనులు చేపడతామని అధికారులు చెబుతుండటంతో రివర్‌ఫ్రంట్‌ మరింత జాప్యం తప్పదా? అన్న సందేహాలు వ్యక్తమవుతున్నాయి. ఎలగందుల కోట వద్ద హరిత హోటల్‌, బొమ్మలమ్మగుట్ట త్రిభాష శాసనం వద్ద వాచ్‌మన్‌ వంటి డిమాండ్లూ పెండింగ్‌లోనే ఉన్నాయి. శిథిలావస్థకు చేరిన మ్యూజియం కరీంనగర్‌లోని ప్రభుత్వ పురావస్తు మ్యూజియాన్ని పునర్‌ నిర్మించాల్సిన అవసరం ఉంది. 1969లో మంత్రి పీవీ నరసింహారావు చొరవతో ఏర్పాటైన ఈ మ్యూజియానికి కొత్త భవనం నిర్మించి ఆధునీకరించాలనే డిమాండ్‌ ఉంది. నగరంలో నక్షత్రశాల ఏర్పాటుకు చర్యలు తీసుకోవాలని ప్రజలు కోరుతున్నారు. దారం నాగభూషణం సేకరించిన ప్రైవేట్‌ పురావస్తు సంపదను ఆయన వారసులు కోరిక మేరకు పురావస్తుశాఖ అధ్వర్యంలో నిర్వహించాల న్న డిమాండ్‌ వినిపిస్తోంది. నగునూరు, కొత్తపల్లి హవేలి త్రికూట ఆలయాలు, ఎలగందుల, మొలంగూర్‌ కోటలకు సమగ్ర అభివృద్ధి అవసరం. ఎలగందుల కోటలో నిలిచిపోయిన సౌండ్‌ అండ్‌ లైటింగ్‌ ప్రాజెక్టును పునరుద్ధరించాలని, శాతవాహన యూనివర్సిటీలో శాతవాహనుడి భారీ విగ్రహంతో పాటు టూరిజం చరిత్రపై పీజీ, పరిశోధన కోర్సులు ప్రారంభించాలన్న డిమాండ్‌ ఉంది. గుట్టల విధ్వంసంతో వారసత్వానికి ముప్పు ఎలగందుల ఖిలా సమీపంలో గుట్టలు ధ్వంసమవుతున్నాయన్న ఆరోపణలపై చర్యలు తీసుకోవాలని పర్యావరణవేత్తలు కోరుతున్నారు. సైదాపూర్‌ స ర్వాయి పాపన్న గుట్ట అభివృద్ధికి మంజూరైన రూ. 4.07కోట్ల పనులను పూర్తి చేసి, మరో రూ.5 కోట్లు ప్రతిపాదన పంపినట్లు అధికారులు తెలిపారు.

కరీంనగర్‌: ఐలమ్మ జయంతి వేడుకలు రాజకీయ వివాదంతో రసాభాసగా మారాయి. ప్రతిమ చౌరస్తాలో శనివారం ప్రభుత్వం అధికారికంగా నిర్వహించిన జయంతి కార్యక్రమంలో ఐలమ్మ విగ్రహం సాక్షిగా బీజేపీ, కాంగ్రెస్‌ నాయకుల మధ్య ఘ ర్షణతో ఉద్రిక్త పరిస్థితి నెలకొంది. మంత్రి పొన్నం ప్రభాకర్‌ పాల్గొన్న కార్యక్రమంలోనే ఈ ఘటన చోటుచేసుకోవడం చర్చనీయాంశంగా మారింది. మంత్రి పొన్నం ప్రభాకర్‌ హాజరై ఐలమ్మకు నివాళి అర్పించి తిరిగి వెలుతున్న క్రమంలో బీజేపీ నాయకులు చేసిన వ్యాఖ్యలు ఇరువర్గాల మధ్య ఘర్షణకు దారితీశాయి. జయంతి వేడుకల ఏర్పాట్లలో టెంట్లు, కుర్చీలు, మంచినీటి సౌకర్యాలు కల్పించలేదని అప్పటికే అసంతృప్తిగా ఉన్న బీజేపీ, రజక సంఘం నాయకులు, మంత్రి వచ్చి దండలు వేసి నివాళులర్పించి ఎలాంటి ప్రసంగం చేయకుండా వెళ్లిపోతున్నారంటూ వ్యాఖ్యానించారు. దీనిపై స్పందించిన కాంగ్రెస్‌ కార్యకర్త ‘మంత్రి ఏం మాట్లాడాలి’ అంటూ ప్రశ్నించడంతో బీజేపీ నాయకులు తీవ్రంగా అభ్యంతరం వ్యక్తం చేసినట్లు సమాచారం. దీంతో ఇరువర్గాల మధ్య మాటామాటా పెరిగి ఘర్షణతో పాటు తోపులాటకు దారితీసింది. పోలీసులు, ఇతర నాయకులు జోక్యం చేసుకుని ఇరువర్గాలను శాంతింపజేశారు. కొత్తపల్లికి చెందిన జెరిపోతుల వాసు ఫిర్యాదు మేరకు ఈశనపల్లి మహేశ్‌, ఉప్పరపెల్లి శ్రీనివాస్‌, మరికొందరిపై వన్‌టౌన్‌ పోలీసుస్టేషన్‌లో ఎస్సీ, ఎస్టీ అట్రాసిటీ కేసు నమోదు చేశారు.

గరిష్టం/కనిష్టం33.0/25.0మిడ్‌మానేరులో 24 టీఎంసీలు బోయినపల్లి: మిడ్‌మానేరులో నీటిమట్టం శనివారం 24.214 టీఎంసీలకు చేరింది. ఎల్లంపల్లి ద్వారా 12,600, మరో 318 క్యూసెక్కులు వస్తోంది. 7చెరువులో వ్యర్థాల తొలగింపు మానకొండూర్‌: మానకొండూర్‌ చెరువులో వినాయక నిమజ్జనం ముగిసింది. విగ్రహాల వ్యర్థాలను కరీంనగర్‌ మున్సిపాలిటీ అధికారులు శనివారం యంత్రం సాయంతో తొలగించారు.ఆదివారం శ్రీ 27 శ్రీ సెప్టెంబర్‌ శ్రీ 2026

కరీంనగర్‌ కార్పొరేషన్‌: కేంద్ర హోంశాఖ సహా య మంత్రి బండి సంజయ్‌ సహకారంతో ప్రత్యేకంగా నిధులు తీసుకువచ్చి నగరాన్ని అభివృద్ధి చేస్తున్నట్లు మేయర్‌ కొలగాని శ్రీని వాస్‌ తెలిపారు. శనివారం నగరపాలకసంస్థ 21వ డివిజన్‌ విద్యానగర్‌లో యూఐడీఎఫ్‌ నిధులు రూ.70 లక్షలతో చేపట్టనున్న సీసీ రోడ్డు నిర్మాణానికి స్థానిక కార్పొరేటర్‌ వరాల నర్సింగంతో కలిసి శంకుస్థాపన చేశారు. పనులను నిర్ణీత గడువులోగా పూర్తి చేయాలని అధికారులు, కాంట్రాక్టర్లను ఆదేశించారు. కరీంనగర్‌ కార్పొరేషన్‌: చేయూత పింఛన్లు, ఇందిరమ్మ ఇండ్ల పథకాల్లో అసలైనవారినే ఎంపిక చేయాలని నగరపాలకసంస్థ కమిషనర్‌ ప్రఫుల్‌దేశాయ్‌ అధికారులను ఆదేశించారు. శనివారం నగరపాలకసంస్థ కార్యాలయంలో ఇందిరమ్మ గెజిటెడ్‌ అధికారులు, పెన్షన్‌ వెరిఫికేషన్‌ అధికారులతో సమీక్ష నిర్వహించారు.ఇందిరమ్మ ఇండ్ల మంజూరు, చేయూత పెన్షన్ల దరఖాస్తుల పరిశీలనలో ఎటువంటి లోపాలు లేకుండా చూసుకోవాలన్నారు. పరిశీలనలో నిజమైన అర్హులను మాత్రమే లబ్ధిదారులుగా ఎంపిక చేయాలని స్పష్టం చేశారు. వెరిఫికేషన్‌కు వచ్చే అధికారులు అడిగే ధ్రువపత్రాలను సిద్ధంగా ఉంచుకొని, అడిగినప్పుడు చూపించాలన్నారు. అధికారుల అడ్డగింతగంగాధర: గంగాధర మండలం నారాయణపూ ర్‌ గ్రామానికి సర్వే చేయడానికి వచ్చిన భూ గర్భ జలశాఖ అధికారులను గ్రామస్తులు అడ్డుకున్నారు. ఊరు మొత్తాన్ని ముంపు గ్రామంగా ప్రకటించాలని డిమాండ్‌ చేశారు. గ్రామస్తులపై నమోదు చేసిన కేసులు ఎత్తి వేయాలని కోరారు. రిజర్వాయర్‌ పనులు ప్రారంభం కాకముందే, చెరువు నిండకుండానే ఊరు జాలు వారుతోందని పేర్కొన్నారు. అధికారులు సర్వే చేయడానికి గ్రామస్తులు ఒప్పుకోకపోవడంతో వెనుతిరిగారు. మంత్రుల ఇళ్లు ముట్టడిస్తాం గంగాధర: మండలంలోని నారాయణపూర్‌ను ముంపు గ్రామంగా ప్రకటించి పరిహారం అందించాలని, లేనిపక్షంలో గ్రామస్తులతో కలిసి మంత్రుల ఇండ్లు ముట్టడిస్తామని బీఆర్‌ఎస్‌ నాయకుడు కొత్త జయపాల్‌రెడ్డి హెచ్చరించారు. యాబై రోజులుగా గ్రామస్తులు చేపట్టిన నిరహార దీక్ష శిబిరాన్ని సందర్శించి సంఘీభావం తెలిపారు. ఈ సందర్భంగా ఆయన మాట్లాడుతూ యాబై రోజులుగా నిరాహార దీక్షలు చేస్తున్నా ప్రభుత్వం గాని, ప్రజా ప్రతినిధులు గాని పట్టించుకోవడం లేదని విమర్శించారు. ప్రశ్నించిన వారిపై అక్రమ కేసులు పెట్టి వేధిస్తున్నారని, సమస్యపై ప్రశ్నించే అర్హత కూడా లేదా అని ప్రశ్నించారు. ప్రభుత్వం వద్ద నిధులు లేకుంటే ముంపుగ్రామంగా అవార్డు చేసి నిధులు ఉన్నప్పుడే ఇవ్వండని కోరుతున్నా పట్టించు కోవడం లేదన్నారు. చిగురుమామిడి: చిగురుమామిడి మండలం చిన్నముల్కనూర్‌ శివారులో పీఎం కుసుం పథకం కింద ఏర్పాటు చేసిన 2.5 మెగావాట్ల సోలార్‌ విద్యుత్‌ను శనివారం గ్రిడ్‌కు అనుసంధానం చేశారు. కరీంనగర్‌ ఎస్‌ఈ విజయేందర్‌రెడ్డి స్విచ్ఛాన్‌ చేశారు. రైతులకు ఈ సోలార్‌ విద్యుత్‌తో ఇబ్బందులు కొంత వరకు తగ్గుతాయన్నారు. రైతులు, వినియోగదారులకు నాణ్యమైన విద్యుత్‌ సరఫరా చేయాలని ఆదేశించారు. ఎన్‌పీడీసీఎల్‌ నుంచి సోలార్‌ విద్యుత్‌ను గ్రిడ్‌కు అందించిన వారికి ప్రతి యూని ట్‌కు రూ.3 సంస్థ చెల్లిస్తుందన్నారు. ఆపరేషన్‌ డీఈ ఎం.తిరుపతి, ఎంఆర్‌టీ డీ.ఈ.చంద్రమౌళి, ఏడీఈ నరేందర్‌, ఎంఆర్‌టీ ఏడీఈ సుధీర్‌కుమార్‌, చిగురుమామిడి ఏఈ చంద్రశేఖర్‌, సబ్‌ ఇంజినీర్‌ దేవయాని పాల్గొన్నారు.

డాక్టర్‌ ఫ్యామిలీ వేములవాడ: వేములవాడకు చెందిన వైద్య దంపతులు నాగమల్ల శ్రీనివాస్‌, పద్మలత దంపతుల ఇద్దరు కూతుళ్లు తేజశ్రీ, ఉషశ్రీ వైద్యశాస్త్రం పూర్తి చేసుకుని ఒకే ఇంట్లో నలుగురూ డాక్టర్లుగా సేవలందిస్తున్నారు. ప్రోత్సాహం, ఉన్నత విద్యనందిస్తే ఆడపిల్లలు కుటుంబానికే కాకుండా దేశానికే గర్వకారణంగా మారతారని ఈ ‘డాక్టర్స్‌ ఫ్యామిలీ’ నిరూపిస్తోంది. ఇద్దరూ వైద్యవృత్తిలోనే.. కథలాపూర్‌(వేములవాడ): కథలాపూర్‌ మండలం భూషణరావుపేట గ్రామానికి చెందిన మామిడిపెల్లి శ్రీనివాస్‌రెడ్డి, లావణ్య దంపతులకు ఇద్దరు కూతుళ్లు, ఒక కుమారుడు. శ్రీనివాస్‌రెడ్డి ప్రభుత్వ ఉపాధ్యాయుడు, లావణ్య వ్యవసాయం చేస్తున్నారు. పెద్ద కూతురు వర్షిణి ఎంబీబీఎస్‌, డీఎన్‌బీ(పీడియాట్రిక్‌) పూర్తి చేసింది. చిన్న కూతురు అద్వైత ఎంబీబీఎస్‌ చదువుతోంది. ఇద్దరు కూతుళ్లు వైద్యవృత్తిలో ఉండటం సంతోషంగా ఉందంటున్నారు ఆ తల్లిదండ్రులు.

వేములవాడ: వేములవాడకు చెందిన వైద్యులు అనిల్‌, దీప్తి దంపతులకు ఇద్దరు కూతుళ్లు అన్విక, దీథా. తల్లి మనసులోని కళాతృష్ణను చూసి పెరిగిన ఆ కూతుళ్లు తల్లిబాటలోనే పయనిస్తున్నారు. తల్లితో కలిసి డాన్స్‌ ప్రాక్టీస్‌ చేస్తూ ఆకట్టుకుంటున్నారు. వృత్తిని, కళను సమన్వయం చేసుకుంటూ కూతుళ్లకు చిన్నతనం నుంచే భారతీయ సంస్కృతి, కళలపై అనురాగాన్ని పెంచుతున్నారు. కూతురే.. కొడుకుగా పాలకుర్తి: పెద్దపల్లి జిల్లా పాలకుర్తి మండలం కన్నాల గ్రామ పంచాయతీ పరిధిలోని బోడగుట్టపల్లి గ్రామానికి చెందిన మల్క రామస్వామి, చంద్రకళ దంపతుల కూతురు శ్వేత 2014లో చల్మెడ మెడికల్‌ కళాశాలలో సీటు సాధించి ఎంబీబీఎస్‌ పూర్తి చేసింది. పీజీ పూర్తిచేసి సిద్దిపేటలోని ఓ ప్రైవేటు నర్సింగ్‌హోంలో గైనకాలజిస్టుగా పనిచేశారు. 15 రోజుల క్రితం మంచిర్యాల జిల్లా కేంద్రంలో భర్త బండారి తిరుపతితో కలిసి సొంత ఆస్పత్రి ప్రారంభించారు.తల్లిదండ్రులు మల్క రామస్వామి– చంద్రకళతో కూతురు శ్వేత

● ‘కరీంనగర్‌కు చెందిన రమేశ్‌ ఆటో నడుపుతూ జీవనం సాగిస్తున్నాడు. డ్రైవింగ్‌లో ఫోన్‌ మాట్లాడుతూ ఆటో అదుపు తప్పి చొప్పదండి రోడ్‌లో డివైడర్‌కు ఢీకొట్టాడు. అందులో ప్రయాణిస్తున్న వారికి ప్రమాదం తప్పగా, రమేశ్‌ స్వల్ప గాయాలతో బయటపడ్డారు. ఆటో ముందు భాగం పూర్తిగా దెబ్బతింది.’ ● ‘జిల్లా కేంద్రంలో ప్రైవేటు ఉద్యోగం చేసే శ్రీకాంత్‌ అనే 32 ఏళ్ల యువకుడు తీరిక దొరికి సమయంలో సెల్‌ఫోన్‌ గేమ్‌లు అధికంగా ఆడుతూ అధిక రక్తపోటు బారినపడ్డాడు. ఒక రోజు మెడలు నొప్పులు వస్తున్నాయని ఆసుపత్రికి వెళ్తే వైద్యులు పరీక్షించి టెక్‌నెక్‌ గురయ్యావని, సెల్‌ఫోన్‌ చూడడం తగ్గించాలని సూచించారు’కరీంనగర్‌/గొల్లపల్లి/వీర్నపల్లి: ఉదయం నిద్రలేచింది మొదలు రాత్రి పడుకునే వరకు.. చేతిలో సెల్‌ఫోన్‌ ఉండాల్సిందే. నిద్ర లేచిన వెంటనే నోటిఫికేషన్లు చూడటం.. ఖాళీ దొరికితే సోషల్‌ మీడియా.. భోజ నం చేస్తూ వీడియోలు.. ప్రయాణంలో గేమ్స్‌.. నిద్ర కు ముందు గంటల తరబడి రీల్స్‌... అవసరాన్ని మించి అరచేతిలోని సెల్‌కు బానిసలుగా మారుతున్న తీరు ఆందోళన కలిగిస్తోంది. వినోదం, సమాచారంతో పాటు అత్యవసర సేవలకు ఉపయోగపడే సెల్‌ఫోన్‌.. పరిమితి దాటితే ఆరోగ్యానికి చేటు చేస్తో ంది. ఇప్పటికే దీర్ఘకాలం స్క్రీన్‌ చూస్తున్న వారిలో కంటి సమస్యలు, మెడ, భుజాల నొప్పులు, నిద్రలేమి, ఒత్తిడి వంటి ఇబ్బందులు కనిపిస్తున్నాయి. కళ్లపై పడుతున్న స్క్రీన్‌ భారం సెల్‌ఫోన్‌ను దగ్గరగా పెట్టుకుని ఎక్కువసేపు చూడటం వల్ల కళ్లపై ఒత్తిడి పెరుగుతుంది. కళ్లు పొడిబారడం, మంట, నీరు కారడం, తలనొప్పి, చూపు మసకబారడం వంటి సమస్యలు తలెత్తవచ్చు. ముఖ్యంగా చీకటి గదిలో పడుకుని ఫోన్‌ చూడటం మరింత ఇబ్బందులకు కారణమవుతుంది. స్క్రీన్‌ను చూస్తున్నప్పుడు రెప్పలు తక్కువగా కొట్టడం వల్ల కళ్లలో తేమ తగ్గుతుంది. దీంతో కొంతమందిలో కంటి అలసట పెరుగుతుంది. నిద్రకు సెల్‌ఫోన్‌ గండి. పడుకునే ముందు మొబైల్‌ చేతిలోకి తీసుకోవడం చాలామందికి అలవాటుగా మారింది. ఒక వీడియో తర్వాత మరో వీడియో.. ఒక మెసేజ్‌ తర్వాత మరో చాట్‌.. ఇలా సమయం తెలియక రాత్రి వేళల్లో మెలకువగా ఉండిపోతున్నారు. స్క్రీన్‌ వెలుతురు, ముఖ్యంగా నిద్రకు ముందు అధిక స్క్రీన్‌ వినియోగం, నిద్ర సమయాన్ని ఆలస్యం చేయడంతో పాటు నిద్ర నాణ్యతను ప్రభావితం చేయవచ్చు. ఫలితంగా ఉదయం అలసట, చిరాకు, ఏకాగ్రత లోపం కనిపించే అవకాశం ఉంది. ఎక్కువసేపు ఫోన్‌ చూస్తే తలను వంచడం వల్ల ‘టెక్‌ నెక్‌’, మెడ–భుజాలు–వెన్నునొప్పి వంటి సమస్యలు రావచ్చు. శారీరక చురుకుదనం తగ్గి అధిక బరువు, ఊబకాయం ముప్పు పెరగవచ్చు. ముఖ్యంగా వాహనం నడుపుతూ లేదా రోడ్డు దాటుతూ ఫోన్‌ మాట్లాడడం, చూడటం ప్రమాదకరం. పిల్లల్లో ప్రభావం మరింత ఎక్కువ పిల్లలను ప్రశాంతంగా ఉంచేందుకు మొబైల్‌ అలవాటు చేయడం వల్ల కార్టూన్లు, గేమ్స్‌, సోషల్‌ మీడియో అంటూ స్క్రీన్‌ టైమ్‌ క్రమంగా పెరుగుతోంది. అధిక వినియోగం చదువుపై ఏకాగ్రత, పనులు పూర్తి చేసే సామర్థ్యం, నిద్ర వేళలను ప్రభావితం చేయవచ్చు. బయట ఆడటం, శారీరక శ్రమ, స్నేహితులతో కలవడం తగ్గడం వల్ల ఫిట్‌నెస్‌ దెబ్బతిని అధిక బరువు సమస్యలు రావచ్చు. మెడ, వెన్ను, కంటి సమస్యలతో పాటు మాట్లాడటం, చదవటం, రాయటం, కుటుంబంతో కలిసిమెలిసి ఉండటం వంటి సహజ కార్యకలాపాలకు సమయం తగ్గితే సామాజిక, ప్రవర్తనా అభివృద్ధిపైనా ప్రభావం పడవచ్చు. అందుకే పిల్లల స్క్రీన్‌ వినియోగాన్ని తల్లిదండ్రులు పరిమితం చేసి, వయసుకు తగిన కంటెంట్‌ మాత్రమే అందేలా పర్యవేక్షించాలి. అధిక స్క్రీన్‌ టైమ్‌తో శారీరక, మానసిక సమస్యలు పిల్లల్లో చదువు, శారీరక ఎదుగుదలపై ప్రభావం పెద్దల్లో మెడ నరాలు, జీవనశైలి వ్యాధులకు బాట అప్రమత్తతే అసలైన రక్షణంటున్న వైద్యులు మత్తు కన్నా ప్రమాదకరం మత్తు పదార్థాలు మనుషులను ఏ విధంగా ఆకర్షించి వారి జీవితాలను నాశనం చేస్తాయో, సెల్‌ఫోన్‌ కూడా చిన్నారుల పాలిట యమపాశంగా మారుతోంది. చిన్నతనంలోనే సెల్‌కు అలవాటు పడటం వల్ల పిల్లల శారీరక, మానసిక ఆరోగ్యం పూర్తిగా దెబ్బతింటుంది. సెల్‌ఫోన్ల అతివాడకం వల్ల పిల్లల్లో కంటిచూపు మందగించడంతో పాటు, మెడ నరాలు బలహీనపడుతున్నాయి. – గుండ్లూరి సురేందర్‌ బాబు, చిన్నపిల్లల వైద్య నిపుణుడు, సిరిసిల్ల స్క్రీన్‌ టైమ్‌ అడిక్షన్‌ తగ్గాలి స్మార్ట్‌ఫోన్లు మెదడులో డోపమైన్‌ అనే రసాయనాన్ని విడుదల చేస్తాయి. ఇది తాత్కాలిక సంతోషాన్ని ఇచ్చి దానికి బానిసలుగా మారుస్తుంది. ప్రతి ఒక్కరూ రోజులో కనీసం 2 గంటల పాటు సాంకేతికతకు దూరంగా ఉంటూ, ప్రకృతితో, కుటుంబ సభ్యులతో గడపడం చాలా అవసరం. – సాకేత్‌, సీనియర్‌ న్యూరో సైక్యాట్రిస్ట్‌కోపం, చిరాకు పెరుగుతాయి... సెల్‌ఫోన్‌ ఎక్కువ సేపు చూసే వారిలో, మాట్లాడే వారిలో ఒత్తిడి, ఆందోళన కారణంగా నిద్రిలేమి సమస్యతో మానసిక ఒత్తిళ్లు పెరుగుతాయి. కోపం, చిరాకు, అసహనం పెరిగిపోతాయి. ఏకాగ్రత ఉండదు. జ్ఞాపకశక్తి తగ్గిపోతుంది. రేడియేషన్‌ ప్రభావం వల్ల నరాల సమతుల్యత దెబ్బతిని, దీర్ఘకాలంలో బ్రెయిన్‌ ట్యూమర్లు వచ్చే అవకాశం ఉంది. వ్యక్తిగత ప్రవర్థనలోనూ మార్పు వస్తుంది. ఇంట్లో వారిపైన, పనిచేసేచోట సహచర సిబ్బందిపైనా అరవడం చేస్తుంటారు. అసలు ఆహారం తీసుకోకపోవడం, లేదంటే ఎక్కువ ఆహారం తీసుకోవడం వంటి సమస్యలు తలెత్తుతాయి. ఇలాంటి లక్షణాలు గుర్తిస్తే వెంటనే వైద్యులను సంప్రదించి తగిన సూచనలు పాటించాలి. – ప్రీతి, మానసిక వైద్యురాలు మార్పు దిశగా... పరిష్కార మార్గాలు డిజిటల్‌ డిటాక్స్‌ డే: వారానికి ఒకరోజు సోషల్‌ మీడియాకు పూర్తి దూరంగా ఉండాలి. డైనింగ్‌ టేబుల్‌ రూల్‌: భోజనం చేసేటప్పుడు ఫోన్లను పక్కన పెట్టే అలవాటు చేసుకోవాలి. స్క్రీన్‌ ఫ్రీ బెడ్‌రూమ్‌: పడుకునే ముందు కనీసం ఒక గంట ముందే ఫోన్‌ను దూరంగా ఉంచాలి. నిజమైన సంభాషణలు: మెసేజ్‌లు, ఎమోజీల కన్నా ప్రత్యక్షంగా కలవడానికి ప్రాధాన్యం ఇవ్వాలి.

రామగుండం: పెద్దపల్లి జిల్లా అంతర్గాం మండలంలోని బద్రిపల్లి గ్రామస్తులు ఎదుర్కొంటున్న గూడ్సు రైళ్ల సమస్యపై కేంద్ర రైల్వేశాఖ స్పందించింది. ‘గూడ్సు రైళ్లతో పల్లెవాసులకు ప్రాణగండం’ శీర్షికన ‘సాక్షి’లో శనివారం కథనం ప్రచురితం కావడంతో గ్రామానికి చెందిన ఎన్‌ఆర్‌ఐ చింతల సుమన్‌.. రైల్వేశాఖ మంత్రి అశ్వినీ వైష్ణవ్‌ ఎక్స్‌ ఖాతాకు ‘సాక్షి’ కథనాన్ని జోడిస్తూ పోస్టు చేశారు. గంట వ్యవధిలోనే మంత్రిత్వశాఖ పేషీ స్పందించింది. సమస్యను క్షేత్రస్థాయిలో పరిశీలించి పరిష్కారం చూపించాలని సికింద్రాబాద్‌ డివిజనల్‌ రైల్వే మేనేజర్‌ కార్యాలయానికి ఆదేశాలు జారీచేశారు. కేంద్రమంత్రిత్వశాఖ స్పందించడంపై గ్రామస్తులు, స్థానికులు కృతజ్ఞతలు తెలిపారు. సాక్షి కథనంపై స్పందించిన కేంద్ర మంత్రిత్వశాఖ పేషీ

జ్యోతినగర్‌: రాష్ట్రప్రభుత్వం ప్రతిష్టాత్మకంగా చేపట్టిన ఫ్యామిలీ రిజిస్టర్‌ సర్టిఫికెట్‌లో రేషన్‌కార్డులోని సమాచారం ఆధారంగానే వివరాలు నమోదు చేస్తున్నారు. తద్వారా కుటుంబ సభ్యుల వయసు, పుట్టిన తేదీ విషయంలో గందరగోళం నెలకొంది. రేషన్‌కార్డు నంబరే గుర్తింపు ప్రభుత్వం జారీచేసిన జీవో నంబర్‌:172 (జూలై 25, 2026) ప్రకారం ఫ్యామిలీ రిజిస్టర్‌ గుర్తింపు సంఖ్య రేషన్‌కార్డు నంబరే. కుటుంబ సభ్యుల పేర్లు, బంధుత్వం, వయసు, పుట్టిన తేదీ, లింగం, ఆధార్‌ తదితర వివరాలను పౌర సరఫరాల శాఖ నిర్వహిస్తున్న ఫుడ్‌ సెక్యూరిటీకార్డు (రేషన్‌కార్డు) డేటాబేస్‌ నుంచి ఆటోమేటిక్‌గా తీసుకునే విధానం అమలు చేస్తున్నారు. పదేళ్ల క్రితం వివరాలే రేషన్‌కార్డుల్లో ఏళ్లక్రితం నమోదైన వయసు లేదా పుట్టిన తేదీ వివరాలు ఇప్పటికీ సవరించకుండా ఉంటే, అవేవివరాలు ఫ్యామిలీ రిజిస్టర్‌లోనూ నమోదయ్యే అవకాశం ఉంది. ప్రస్తుతం వయసు పెరిగినా సర్టిఫికెట్‌లో పాత వయసే కనిపిస్తోందని కొందరు కార్డుదారులు చెబుతున్నారు. ముఖ్యంగా వయసు ఆధారంగా అవసరమయ్యే ప్రభుత్వ సేవలు, విద్య, ఉద్యోగం, సంక్షేమ పథకాల దరఖాస్తుల సమయంలో ఇలాంటి వివరాల వ్యత్యాసాలు ఇబ్బందులకు దారితీసే అవకాశం ఉంది. డేటా సవరణపై స్పష్టత అవసరం ఫ్యామిలీ రిజిస్టర్‌ అనేది మూల డేటాబేస్‌లోని కుటుంబ కూర్పును ప్రతిబింబించే రికార్డు మాత్రమే. ఇది స్వయంగా వారసత్వ హక్కును నిర్ణయించదు, ఆస్తిపై హక్కును కల్పించదు. అలాగే ఏదైనా ప్రభుత్వ పథకానికి అర్హతను స్వయంగా నిర్ధారించదని యంత్రాంగం చెబుతోంది. 2024లోనూ ఇదే పద్ధతిన.. 2024లో ఫ్యామిలీ డిజిటల్‌ కార్డుల పైలెట్‌ ప్రక్రియ సందర్భంగా కూడా అందుబాటులో ఉన్న రేషన్‌కార్డు తదితర డేటాను ఆధారంగా తీసుకుని కుటుంబ సభ్యుల వివరాలను నిర్ధారించాలని, కొత్త సభ్యులను చేర్చడం, మరణించిన వారిపేర్లను తొలగించడం వంటి మార్పులు చేపట్టాలని ప్రభుత్వం సూచించింది. పొరపాట్లకు తావివ్వకుండా జాగ్రత్తలు తీసుకోవాలని ఆదేశించింది. ఇబ్బందులు లేకుండా సవరణలు రేషన్‌కార్డులో పాత వయసు లేదా పుట్టిన తేదీ నమోదై ఉన్న కుటుంబాలకు ఫ్యామిలీ రిజిస్టర్‌ సర్టిఫికెట్‌లోనూ అవే వివరాలు వస్తే.. సంబంధిత శాఖలు సమస్యను పరిశీలించాలని ఆదేశాలు ఉన్నాయి. ముఖ్యంగా రేషన్‌కార్డు డేటా సవరణ అనంతరం ఫ్యామిలీ రిజిస్టర్‌లో వివరాలు ఎలా, ఎంత సమయంలో నవీకరించారనే దానిపై ప్రజలకు స్పష్టత ఇవ్వాల్సి ఉంది. ఫ్యామిలీ రిజిస్టర్‌లో పాత సమాచారమే వయసు, పుట్టినతేదీ వివరాల్లో గందరగోళం సవరించాలని పెరుగుతున్న డిమాండ్‌ ఆన్‌లైన్‌ ద్వారా వివరాలు ఫ్యామిలీ రిజిస్టర్‌ సర్టిఫికెట్‌లో ప్రస్తుతం ఆన్‌లైన్‌ డేటాబేస్‌లోని రేషన్‌కార్డు వివరాలే వస్తున్నాయి. గతంలో నమోదైన వయసు, ఇతర వివరాలు సవరించకపోతే అవే కనిపిస్తాయి. ఫ్యామిలీ రిజిస్టర్‌లో ప్రత్యేకంగా పాత వయసును నమోదు చేయడం లేదు. రేషన్‌కార్డులో వివరాలు తప్పుగా ఉంటే ఆధారాలతో సవరణ కోసం దరఖాస్తు చేసుకోవాలి. డేటా సరిచేసిన అనంతరం ఆన్‌లైన్‌ రికార్డులో నవీకరించిన వివరాలు కనిపిస్తాయి. – కె.రవీందర్‌రావు, తహసీల్దార్‌, రామగుండం

● ఫ్యాక్షన్‌ తరహాలో కర్రలు, బండరాళ్లతో ఇరువర్గాల ఘర్షణ ● ఆరెపల్లిలో గంటపాటు ఉద్రిక్తత కరీంనగర్‌రూరల్‌: కరీంనగర్‌ శివారు ఆరెపల్లిలో వివాహేతర సంబంధం విషయమై దంపతుల మధ్య నెలకొన్న వివాదం ఇరువర్గాల మధ్య తీవ్ర ఉద్రిక్తతకు దారి తీసింది. ఫ్యాక్షన్‌ తరహాలో కర్రలు, బండరాళ్లతో ఒకరిపై ఒకరు దాడులు చేసుకున్నారు. కరీంనగర్‌రూరల్‌ పోలీస్‌స్టేషన్‌లో ఇరువర్గాల పరస్పర ఫిర్యాదులతో 15మందిపై కేసు నమోదైంది. పోలీసులు, స్థానికుల కథనం ప్రకారం.. ఆరెపల్లి హన్మాన్‌నగర్‌లో రాజు– లావణ్య దంపతులు నివాసముంటున్నారు. రాజుకు ఓ మహిళతో వివాహేతర సంబంధం ఉందనే కారణంతో లావణ్య రెండునెలలక్రితం పుట్టింటికి వెళ్లింది. భార్యను బాగా చూసుకుంటానని చెప్పి ఇటీవల ఇంటికి తీసుకొచ్చిన రాజు, మళ్లీ వేధించడంతో కుటుంబసభ్యులకు చెప్పింది. శనివారం హన్మాన్‌నగర్‌కు వచ్చిన లావణ్య కుటుంబసభ్యులతో రాజు కుటుంబసభ్యులు గొడవపడ్డారు. ఇరువర్గాల నడుమ వివాదం పెరిగి కర్రలు, బండరాళ్లతో ఒకరిపై ఒకరు దాడులు చేసుకునే వరకు వెళ్లింది. గంటపాటు ఉద్రిక్తత నెలకొంది. ఈ దాడుల్లో ఆరుగురు గాయపడగా లావణ్య తల్లి తల పగిలి పోయింది. తండ్రి, సోదరులకు తీవ్ర గాయాలయ్యాయి. ఇరువర్గాల పరస్పర ఫిర్యాదులతో 15మందిపై కేసు నమోదు చేశామని సీఐ నిరంజన్‌రెడ్డి తెలిపారు. ఖోఖో విజేత మేడిపల్లికరీంనగర్‌స్పోర్ట్స్‌: ఉమ్మడి జిల్లా కళాశాలల అండర్‌–19 బాలికల ఖోఖో జట్టు విజేతగా టీజీఎంఎస్‌ మేడిపల్లి, రన్నర్‌గా టీజీఎంఎస్‌ నూకపల్లి జట్లు నిలిచాయి. కరీంనగర్‌ అంబేద్కర్‌ స్టేడియంలో శనివారం అండర్‌–19 ఉమ్మడి జిల్లాస్థాయి బాలికల ఖోఖో పోటీలు నిర్వహించారు. పోటీలను జిల్లా డీసీఈబీ కార్యదర్శి భగవంతయ్య ప్రారంభించారు. అండర్‌–19 జిల్లా కార్యదర్శి ఎల్‌.బన్సీలాల్‌, పీడీలు బి.వేణుగోపాల్‌, సరిత, ప్రసాద్‌, అశోక్‌, రాజశేఖర్‌, బానోత్‌ రాజు, అజీమ్‌, రమేశ్‌, లావణ్య, శ్రీనివాసు, లీలారాణి, పవన్‌, ప్రణీత, శ్రీవిద్య, స్వర్ణలత పాల్గొన్నారు.

విద్యార్థుల్లో పరిశోధన దృక్పథాన్ని పెంపొందించేలా జిజ్ఞాస దోహదపడుతోంది. మారుమూల ప్రాంతం నుంచి ఆసక్తికర స్టడీ ప్రాజెక్టులతో విద్యార్థులు రాష్ట్రస్థాయిలో ప్రదర్శనలు ఇచ్చారు. వరుసగా మూడుసార్లు రాష్ట్రస్థాయి ప్రదర్శనలో పాల్గొన్నారు. – ఆంజనేయులు, ఇంగ్లిష్‌ లెక్చరర్‌, ప్రభుత్వ డిగ్రీ కళాశాల, గంభీరావుపేట అధ్యాపకుల ప్రోత్సాహం బాగుంది జిజ్ఞాస స్టడీ ప్రాజెక్టు రూపకల్పనలో అధ్యాపకుల ప్రోత్సాహం బాగుంది. వారి మార్గదర్శకత్వంలో ఎంచుకున్న అంశంపై క్షేత్రస్థాయిలో పరిశీలన చేసి ప్రాజెక్టు రూపొందించాం. రాష్ట్రస్థాయి ప్రదర్శనలో పాల్గొనడం ఆనందంగా ఉంది. – అనిల్‌, డిగ్రీ ఫైనలియర్‌, గంభీరావుపేట ప్రతిభను వెలికితీస్తున్నం గ్రామీణ విద్యార్థుల్లో దాగి ఉన్న ప్రతిభను వెలికి తీసేలా కృషిచేస్తున్నాం. జిజ్ఞాసతో విద్యార్థుల్లో పరిశోధన నైపుణ్యం పెరుగుతుంది. ఇక్కడి నుంచి రాష్ట్రస్థాయి ప్రదర్శనలో పాల్గొనడం అభినందనీయం. భవిష్యత్‌లో మరిన్ని స్టడీ ప్రాజెక్టులు రూపొందించి విద్యార్థులు అందరి మన్నననలు అందుకునేలా కార్యాచరణ రూపొందిస్తున్నాం. – విజయలక్ష్మి, ప్రిన్సిపాల్‌, ప్రభుత్వ డిగ్రీ, పీజీ కళాశాల, గంభీరావుపేట

గంభీరావుపేట(సిరిసిల్ల): డిగ్రీ విద్యార్థులు పుస్తక పరిజ్ఞానానికే పరిమితం కాకుండా నిత్యజీవితంలో ఎదురయ్యే సమస్యలను గుర్తించి పరిష్కార మార్గాలను అన్వేషించేలా ‘జిజ్ఞాస’ దోహదపడుతోంది. డిగ్రీ విద్యార్థుల్లో పరిశోధన దృక్పథాన్ని పెంపొందించడంతోపాటు సృజనాత్మకత, పరిశీలనాసక్తి, విశ్లేషణాత్మక ఆలోచనలు పెంపొందించేందుకు స్టడీ ప్రాజెక్టుల రూపకల్పనకు ‘జిజ్ఞాస’ అవకాశం కల్పిస్తోంది. గంభీరావుపేట ప్రభుత్వ డిగ్రీ కళాశాలలో ‘జిజ్ఞాస’లో భాగంగా విద్యార్థులు వివిధ అంశాలపై స్టడీ ప్రాజెక్టులు రూపొందిస్తున్నారు. బోటనీ, కెమిస్ట్రీ, ఆంగ్లం సబ్జెక్టుల్లో విద్యార్థులు రూపొందించిన ప్రాజెక్టులు రాష్ట్రస్థాయి ప్రదర్శనలకు ఎంపికయ్యాయి. తరగతి గదిలో నేర్చుకున్న అంశాలను క్షేత్రస్థాయిలో పరిశీలిస్తూ, సమస్యను గుర్తించడం నుంచి అధ్యయనం, విశ్లేషణ, పరిష్కారమార్గాల అన్వేషణ వరకు విద్యార్థులు భాగస్వాములయ్యారు. గంభీరావుపేట కాలేజీ నుంచి ఆంగ్ల, కెమిస్ట్రీ, బోటనీ ప్రాజెక్టుల్లో విద్యార్థులు వరుసగా మూడోసారి రాష్ట్రస్థాయి ప్రదర్శనలో పాల్గొన్నారు. ‘రైజింగ్‌ తెలంగాణలో ఏఐ పాత్ర’ గంభీరావుపేట ప్రభుత్వ డిగ్రీ కళాశాల నుంచి ఆరుగురు విద్యార్థులు ఆంగ్లం సబ్జెక్టులో స్టడీ ప్రాజెక్టు రూపొందించి రాష్ట్రస్థాయిలో పాల్గొన్నారు. ఆంగ్ల సబ్జెక్టు అధ్యాపకడు ఆంజనేయులు మార్గదర్శకత్వంలో ‘రైజింగ్‌ తెలంగాణలో ఏఐ పాత్ర’, ‘ఉద్యోగానికి సిద్ధంగా ఉండే కమ్యూనికేషన్‌ స్కిల్స్‌’ అనే అంశాలపై ప్రాజెక్టులు రూపొందించారు. చదువు కు, పరిశ్రమకు మధ్య ఉన్న గ్యాప్‌ను ఏఐ తగ్గించి విద్యార్థులకు ఉద్యోగాలు వచ్చే కమ్యూనికేషన్‌ స్కిల్స్‌ నేర్పించడంపై ప్రాజెక్టు రూపొందించారు. ఉన్నతాధికారుల నుంచి ప్రశంసాపత్రాలు అందుకున్నారు. ‘బయోచార్‌’ తయారీ.. భూసారం పెంపుదల ‘వ్యవసాయ వ్యర్థాల నుంచి బయోచార్‌ తయారీ, పంట దిగుబడి పెంపుదల’ అంశంపై బోటనీ విద్యార్థులు స్టడీ ప్రాజెక్టు రూపొందించి రాష్ట్రస్థాయిలో ప్రదర్శించారు. బోటనీ లెక్చరర్‌ సుచరణ్‌ సలహాలతో వరిగడ్డి, పత్తి కర్రలు, మొక్కజొన్న కాడలు వంటి వ్యర్థాలతో కాలుష్యం, భూసారనష్టం తగ్గించడం, ఆ వ్యర్థాలతో బయోచార్‌ తయారు చేసి భూమికి సారం అందించే ప్రయత్నంతో ఆరుగురు విద్యార్థులు స్టడీ ప్రాజెక్టు తయారు చేశారు. భూసార పరీక్ష.. ఫలితాలు అధిక రసాయన ఎరువుల వాడకం, ఏక పంట విధానంతో భూసారం రోజురోజుకు తగ్గిపోతోంది. అందుకే స్థిరమైన పంట దిగుబడి కోసం నేలలో ఏముంది.. ఏం లోపించింది..అనే అంశాలపై గంభీరావుపేట, సిరిసిల్ల, వీర్నపల్లి, ఎల్లారెడ్డిపేట మండలాల్లో గంభీరావుపేట బోటనీ విద్యార్థులు లెక్చరర్‌ వాణి ఆధ్వర్యంలో పరిశీలించి ప్రాజెక్టు రూపొందించారు.

● కరీంనగర్‌ నుంచి ఇంటికి.. ● ప్రాణముందని తెలిసి వేములవాడకు.. ● ప్రైవేట్‌ ఆస్పత్రిలో చికిత్స పొందుతున్న వృద్ధుడు చందుర్తి(వేములవాడ): కరీంనగర్‌లోని ఓ ప్రైవేట్‌ ఆస్పత్రి వైద్యులు ఓ రోగిని బతికుండగానే చంపేశారు. వైద్యుల మాటలు నమ్మి ఇంటికి తీసుకెళ్లిన కుటుంబ సభ్యులకు వృద్ధుడిలో ప్రాణముందని తెలుసుకొని వెంటనే వేములవాడకు తరలించి చికిత్స అందిస్తున్నారు. వివరాలు ఇలా ఉన్నాయి. రాజన్నసిరిసిల్ల జిల్లా చందుర్తి మండలం సనుగులకు ఓ 75 ఏళ్ల వృద్ధుడికి ఊపీరి తీసుకోవడంలో ఇబ్బందిగా ఉండడంతో గురువారం కరీంనగర్‌లోని ప్రైవేట్‌ ఆస్పత్రికి తీసుకెళ్లారు. అక్కడి 24 గంటలకు పైగా చికిత్స చేసిన వైద్యులు.. వృద్ధుడు మృతిచెందాడని శుక్రవారం సాయంత్రం తెలపడంతో స్వగ్రామానికి తీసుకొస్తుండగా మార్గమధ్యలో కదలికలు కనిపించాయి. స్వగ్రామం సనుగులకు చేరుకోగానే అంబులెన్స్‌లో లేచి కూర్చున్నాడు. అయితే వృద్ధుడు చనిపోయాడని ఇంటి వద్ద టెంట్లు వేయించిన కుటుంబ సభ్యులు వృద్ధుడు బతికున్నాడని తెలుసుకొని సంతోషించారు. శనివారం ఉదయం వరకు ఇంటి వద్దే వేచి ఉన్న వారు వేములవాడలోని ప్రైవేట్‌ ఆస్పత్రికి తీసుకెళ్లి చికిత్స చేయిస్తున్నారు. తండ్రి పరిస్థితి విషమంగా ఉందని తెలుసుకున్న దుబాయ్‌లో ఉన్న ఇద్దరు కొడుకులు హుటాహుటిన స్వగ్రామానికి చేరుకున్నారు. దుబాయ్‌లో ఉద్యోగావకాశాలు● ఫ్రీ రిక్రూట్‌మెంట్‌ ● 28న క్లయింట్‌ ఇంటర్వ్యూలు వేములవాడ: యునైటెడ్‌ అరబ్‌ ఎమిరేట్స్‌లోని ఏడీఎన్‌హెచ్‌ సంస్థలో గార్డెనర్‌ పోస్టుల భర్తీకి ఇంటర్వ్యూలు నిర్వహిస్తున్నట్లు జీటీఎం ఇంటర్నేషనల్‌ రిక్రూట్‌మెంట్‌ ఏజెన్సీ ప్రతినిధి చీటి సతీష్‌రావు తెలిపారు. గార్డెనర్‌కు నెలకు 1,200 ఏఈడీ, ఉచిత భోజనం, ఉచిత వీసా, ఉచిత విమాన టికెట్‌, ఉచిత వసతితోపాటు ఉచిత రవాణా సౌకర్యం కల్పిస్తారని వివరించారు. 21 నుంచి 40 ఏళ్ల వారు అర్హులని పేర్కొన్నారు. ఆసక్తి గల అభ్యర్థులకు ఈనెల 28న ఉదయం 11 గంటలకు క్లయింట్‌ ఇంటర్వ్యూలు నిర్వహిస్తారు. అభ్యర్థులు తమ బయోడేటాను జ ఠ జ్జౌ ఛటజ్టఝఃజఝ్చజీ .ఛిౌఝ కు ఈమెయిల్‌ చేయవచ్చు లేదా వాట్సాప్‌ నంబర్‌ 8332016999 కు పంపవచ్చని తెలిపారు. వివరాలకు నిజామాబాద్‌ 8686860999, ఆర్మూర్‌ 8332015999, జగిత్యాల 8332014999, సిరిసిల్ల 9347661522, సికింద్రాబాద్‌ 8332052299 నంబర్లపై సంప్రదించాలని సతీష్‌రావు తెలిపారు. మూడో విడత వేదపరీక్షలపై సమీక్షవేములవాడ: రాజరాజేశ్వరస్వామి దేవస్థానం ఆధ్వర్యంలో అఖిల భారత వేదశాస్త్ర స్మార్త ఆగమ విద్వత్‌ సదస్సు, పరీక్షల నిర్వహణపై ఈవో రమాదేవితో వేదపండితులు శనివారం సమీక్షించారు. వేదపరీక్షల సన్నాహాలు, విధానం, సిలబస్‌పై చర్చించారు. తిరుపతి వేంకటేశ్వర వేద విశ్వవిద్యాలయానికి చెందిన పండితులను ఒకే వేదికపైకి తీసుకొచ్చి పరీక్షల నిర్వహణ, పాఠ్యాంశాలపై సలహాలు, సూచనలు స్వీకరించారు. డీఈవో ప్రతాప నవీన్‌, వివిధ రాష్ట్రాలకు చెందిన వేద పండితులు అన్నవరపు సూర్యనారాయణశాస్త్రి, కూచిభట్ల తారకరామ శర్మ, ఆనంద శుక్ల ఘనపాఠి, ఆరాధ్యుల బాలకృష్ణ ఘనపాటి, ఖాగరాజు ఘనపాఠి, ఖగరాజ సప్కోట ఘనపాఠి, వి.కృష్ణతేజ, రాజగోపాలాచారి, శైలేషన్‌ శ్రౌతి పాల్గొన్నారు. శతాధిక వృద్దుడి కన్నుమూత రామగుండం: పెద్దపల్లి జిల్లా అంతర్గాం మండలం బ్రాహ్మణపల్లి గ్రామానికి చెందిన మడ్డి గౌరయ్య (110) శుక్రవారం రాత్రి వయోభారంతో కన్నుమూశాడు. ఆయన కుటుంబ సభ్యులు మొత్తం సుమా రు వంద మందికి పైగా ఉన్నారు.

రామగిరి: కుటుంబాన్ని పోషించే భర్తే మంచానికే పరిమితమయ్యాడు.. పిల్లల భవిష్యత్‌ భారంగా మారింది.. చికిత్స కోసం చేసిన అప్పులు ఓ వైపు.. ఇంటి ఖర్చులు మరోవైపు.. ఏం చేయాలో తెలియక ఆ గృహిణి అధికారుల ఎదుట కన్నీటి పర్యంతమైంది. పెద్దపల్లి జిల్లా రామగిరి మండలం రత్నాపూర్‌ గ్రామానికి చెందిన మెట్టు రవి గ్రామపంచాయతీ పనుల్లో భాగంగా విద్యుత్‌ స్తంభాలకు దీపాలు అమర్చుతుండగా ప్రమాదవశాత్తు కిందపడి తీవ్రంగా గాయపడ్డాడు. అప్పటినుంచి నిస్సహాయస్థితిలో ఉన్నాడు. చికిత్స కోసం అప్పులు చేయాల్సి వచ్చిందని రవి భార్య సంధ్య వాపోయింది. ప్రస్తుతం భర్తకు ఉపాధి లేక కుటుంబ పోషణ భారమైందని ఆవేదన వ్యక్తం చేసింది. శనివారం కుమారుడు సిద్ధుతో కలిసి రత్నాపూర్‌ గ్రామపంచాయతీ కార్యాలయం ఎదుట కూర్చొని తమ కుటుంబాన్ని ఆదుకోవాలని వేడుకుంది. భర్త పని చేయలేని పరిస్థితిలో ఉన్నాడని, తన పిల్లలను ఎలా పోషించాలని కన్నీటిపర్యంతమైంది. ప్రమాదానికి సంబంధించిన అంశాలపై విచారణ జరిపి, రవికి తగిన సహాయం అందించి కుటుంబానికి అండగా నిలవాలని సంధ్య కోరింది. ప్రమాదానికి కారణం, బాధ్యత ఎవరిదన్నది విచారణలో తేలాల్సి ఉన్నా.. తప్పు ఎవరిదైనా దాని భారాన్ని తమ కుటుంబమే మోయాల్సి వస్తోందని పేర్కొంది. అధికారులు క్షేత్రస్థాయిలో పరిస్థితిని పరిశీలించి బాధిత కుటుంబానికి తగిన సహాయం అందించాలని స్థానికులు కోరుతున్నారు. ప్రమాదంలో మంచానికే పరిమితమైన భర్త కుటుంబ పోషణ కష్టమవుతోందని భార్య అవేదన రత్నాపూర్‌ గ్రామపంచాయతీ కార్యాలయం ఎదుట భైఠాయింపు

గంభీరావుపేట(సిరిసిల్ల): విద్యార్థుల్లో నాయకత్వ లక్షణాలు.. సేవాభావం పెంపే స్కౌట్స్‌ లక్ష్యం. స్కౌట్స్‌ అండ్‌ గైడ్స్‌ను బలోపేతం చేసేందుకు సమగ్రశిక్ష ద్వారా పాఠశాల విద్యాశాఖ చర్యలు చేపడుతోంది. ఇందులో భాగంగా స్కౌట్స్‌ అండ్‌ గైడ్స్‌ శిక్షణకు ఉమ్మడి జిల్లా వ్యాప్తంగా 79 పాఠశాలలను ఎంపిక చేశారు. ఎంపికై న ఒక్కో పాఠశాలకు శిక్షణ, అవసరమైన సామగ్రి, యూనిఫాం తదితరాల కోసం రూ.69 వేల చొప్పున మంజూరు చేశారు. ఆయా పాఠశాలల్లో 16 మంది బాలురు, 16 మంది బాలికలను ఎంపిక చేయనున్నారు. శిక్షణ పొందిన ఉపాధ్యాయులు విద్యార్థులకు ట్రెయినింగ్‌ ఇవ్వనున్నారు. క్రమశిక్షణ.. సేవాభావం స్కౌట్స్‌ అండ్‌ గైడ్స్‌ ద్వారా విద్యార్థుల్లో క్రమశిక్షణ, సేవాభావం పెంచడమే లక్ష్యంగా కార్యక్రమాలు నిర్వహించనున్నారు. పాఠశాల స్థాయిలో స్కౌట్స్‌ అండ్‌ గైడ్స్‌ ఉద్యమాన్ని విస్తరించడం ద్వారా భవిష్యత్‌ తరాల్లో సేవా స్ఫూర్తిని పెంపొందించవచ్చని విద్యాశాఖ అధికారులు భావిస్తున్నారు. ఎంపికై న విద్యార్థులు శిక్షణలో ప్రతిభ చాటితే రాజ్య పురస్కార్‌ లేదా రాష్ట్రపతి అవార్డులు సొంతం చేసుకోవచ్చు. ఆయా విద్యార్థులకు ఉన్నత విద్యా ప్రవేశాలు, ప్రభుత్వ ఉద్యోగ నియామకాల్లో ప్రత్యేక ప్రాధాన్యత కల్పిస్తారు.ఉమ్మడి జిల్లా వివరాలు ‘భారత్‌ స్కౌట్‌ అండ్‌ గైడ్స్‌’కు బలం ఉమ్మడి జిల్లాలో 79 పాఠశాలలు ఎంపిక ఒక్కో పాఠశాలకు రూ.69వేలు సమగ్రశిక్ష నిధులుజిల్లా ఎంపికై న పాఠశాలలు నిధులు(రూ.లలో) రాజన్న సిరిసిల్ల 21 రూ. 14,49,000 పెద్దపల్లి 9 రూ.6,21,000 జగిత్యాల 31 రూ.21,39,000 కరీంనగర్‌ 18 రూ.12,42,000

కొత్తపల్లి(కరీంనగర్‌): బంగాళాఖాతంలో కొనసాగుతున్న తీవ్ర వాయుగుండం ప్రభావంతో రాష్ట్రంలో రానున్న మూడు రోజుల పాటు మోస్తరు నుంచి భారీ, కొన్ని ప్రాంతాల్లో అతి భారీ వర్షాలు కురిసే అవకాశం ఉన్న నేపథ్యంలో విద్యుత్‌ శాఖ అప్రమత్తమైంది. వర్షాలతో విద్యుత్‌ అంతరాయాలు, ప్రమాదాలు చోటుచేసుకోకుండా ఉత్తర విద్యుత్‌ పంపిణీ సంస్థ (టీజీఎన్పీడీసీఎల్‌) కరీంనగర్‌ సర్కిల్‌ పూర్తి స్థాయిలో సన్నద్ధమైందని ఎస్‌ఈ ఏ.విజేందర్‌రెడ్డి తెలిపారు. 24/7 కంట్రోల్‌ రూమ్‌ ఏర్పాటు విద్యుత్‌ సంబంధిత సమస్యలు తలెత్తిన వెంటనే స్పందించేందుకు 24/7 కంట్రోల్‌ రూమ్‌ ఏర్పాటు చేసినట్లు ఎస్‌ఈ తెలిపారు. వినియోగదారులు 8712488004 లేదా టోల్‌ఫ్రీ 1912కు ఫిర్యాదు చేయాలని సూచించారు. క్షేత్రస్థాయిలో విద్యుత్‌ సిబ్బంది అందుబాటులో ఉండాలని, సరఫరా పరిస్థితిని నిరంతరం పర్యవేక్షించాలని అధికారులను ఆదేశించినట్లు తెలిపారు. వర్షాల కారణంగా చెట్లు విరిగిపడి విద్యుత్‌ తీగలు తెగిపోయే పరిస్థితులను దృష్టిలో ఉంచుకుని అవసరమైన విద్యుత్‌ స్తంభాలు, ఇతర సామగ్రిని సిద్ధంగా ఉంచినట్లు పేర్కొన్నారు. తడిసిన విద్యుత్‌ స్తంభాలు, స్టే వైర్లు, ట్రాన్స్‌ఫార్మర్లు, విద్యుత్‌ పరికరాలు, తడి గోడలకు ఆనుకుని ఉన్న ఉపకరణాలను తాకవద్దని ఎస్‌ఈ హెచ్చరించారు. గృహ వినియోగదారులు తడి చేతులతో స్విచ్‌లు, ప్లగ్‌లు, మీటర్‌ బోర్డులు, మోటార్లు, గీజర్లు, కూలర్లు, వాటర్‌ హీటర్లు తదితరాలను తాకరాదన్నారు. వ్యవసాయ మోటార్లు, స్టార్టర్లు, పంపుసెట్లు, జిఐ పైపులు తదితరాలకు సరైన ఎర్తింగ్‌ ఉండేలా చూసుకోవాలని సూచించారు. ట్రాన్స్‌ఫార్మర్ల వద్ద ఫ్యూజులు మార్చడం, ఏబీ స్విచ్‌లు ఆపరేట్‌ చేయడం, కాలిన తీగలను సరిచేయడం వంటి పనులను స్వయంగా చేయరాదన్నారు. పిల్లలను విద్యుత్‌ స్తంభాలు, ట్రాన్స్‌ఫార్మర్లు, మీటర్‌ బోర్డుల వద్ద ఆడనివ్వకూడదన్నారు. పశువులను విద్యుత్‌ స్తంభాలు, ట్రాన్స్‌ఫార్మర్లకు కట్టవద్దని పశువుల కాపరులకు సూచించారు. వినియోగదారులు అప్రమత్తంగా ఉండాలి కరీంనగర్‌ సర్కిల్‌ ఎస్‌ఈ ఏ.విజేందర్‌రెడ్డి

రామగుండం: ‘ఉడాన్‌’ కింద రాబోయే పదేళ్లలో దేశవ్యాప్తంగా వంద విమానాశ్రయాలు నిర్మించనున్నట్లు విమానయానశాఖ మంత్రి రామ్మోహన్‌నాయుడు వెల్లడించిన విషయం తెలిసిందే. ప్రతీ ఎయిర్‌పోర్ట్‌ స్థాపనను పనులు ప్రారంభించిన 18 నెలల్లోనే అందుబాటులోకి తీసుకురావాలని నిర్ణయించారు. ఇందులో భాగంగా 21 రాష్ట్రాల్లో పరస్పర ఒప్పందం (ఎంవోయూ) కుదుర్చుకున్నారు. తెలంగాణలో ఆదిలాబాద్‌, కొత్తగూడెం, మామునూర్‌(వరంగల్‌) మాదిరిగానే అంతర్గాంలోనూ ఉడాన్‌లో భాగంగా గ్రీన్‌ఫీల్డ్‌ ఎయిర్‌పోర్టుల ఏర్పాటుకు శ్రీకారం చుట్టిన విషయం తెలిసిందే. అయితే, అంతర్గాం మినహా మిగతావాటి అభివృద్ధి పనులు ప్రారంభం కావడం, నిధులను కేటాయించడం, ప్రత్యేకాధికారుల నియామకం ప్రక్రియ పూర్తి కావడం పూర్తయ్యాయి. అయినా అంతర్గాం విషయంలో ముందడుగు పడలేదు. దీనిపై సర్వత్రా ఆసక్తి నెలకొంది. గతేడాది నవంబర్‌లో.. గతేడాది నవంబర్‌లో అంతర్గాం, బసంత్‌నగర్‌లో భూ సర్వే, ఇతరత్రా సాంకేతిక అంశాలపై ప్రీ ఫిజిబిలిటీ అధ్యయన నివేదిక తయారీకి రాష్ట్ర ప్రభుత్వం రూ.40.53 లక్షల ఫీజును ఎయిర్‌పోర్ట్స్‌ అథారిటీ ఆఫ్‌ ఇండియా (ఏఏఐ)కు అందజేసింది. డిసెంబర్‌ మొదటివారంలో ఏఏఐ ఉన్నతాధికారులు సాధ్యాసాధ్యాల ప్రాథమిక నివేదికను సిద్ధం చేసి ఏప్రిల్‌లో రాష్ట్ర ప్రభుత్వానికి అందజేసినట్లు తెలిసింది. తొలుత బసంత్‌నగర్‌ ఎయిర్‌స్ట్రిప్‌ను అభివృద్ధి చేయాలని నిర్ణయించినా భౌగోళికంగా, సాంకేతికంగా, ఆర్థికంగా అనుకూలం కాకపోవడంతో అంతర్గాంలోని 591.24 ఎకరాల ప్రభుత్వ భూమిని వినియోగించుకోవచ్చని సూచిస్తూ ప్రభుత్వానికి నివేదించింది. బహుళ అవసరాల వినియోగానికి నిర్ణయం? అంతర్గాంలో నిర్మించే ఎయిర్‌పోర్ట్‌లో డొమెస్టిక్‌ విమానాలతోపాటు ఇండియన్‌ ఎయిర్‌ ఫోర్స్‌ (ఐఏఎఫ్‌) రక్షణ అవసరాలకు ఉపయోగపడేలా మరో 400 ఎకరాలు సేకరించాలని నిర్ణయించినట్లు సమాచారం. ఫలితంగా ఎయిర్‌బస్‌ ఏ320 వాణిజ్య, ప్యాసింజర్‌ విమానాలు ల్యాండ్‌ కావడానికి వీలవుతుండడంతో రామగుండం, పెద్దపల్లి, మంచిర్యాల జిల్లాలతో పాటు పారిశ్రామిక ప్రాంతాలకు విమాన కనెక్టివిటీ భారీగా పెరగనుంది. అనుమతుల ప్రక్రియపైనే జాప్యం గ్రీన్‌ఫీల్డ్‌ ఎయిర్‌పోర్ట్‌ పాలసీ ప్రకారం.. అంతర్గాం ప్రాజెక్టుకు ముందడుగు పడాలంటే సైట్‌ క్లియరెన్స్‌, రక్షణశాఖ అనుమతి పొందాల్సి ఉంటుంది. తొలుత అంతర్గాంలో ఎయిర్‌పోర్ట్‌కే ప్రతిపాదించినా.. తర్వాత ద్వంద్వ అవసరాలకు ఉపయోగపడేలా ప్రాజెక్టు చేపట్టాలని నిర్ణయించినట్లు సమాచారం. రామగుండంలో పర్యావరణ క్లియరెన్స్‌లు రావడం కొంత జాప్యం జరిగే అవకాశం ఉంటుందని తెలిసింది. ఆరు నెలల క్రితమే ఫిజిబిలిటీ నివేదిక ప్రభుత్వ నిర్ణయంపైనే సర్వత్రా ఉత్కంఠ

రసాయన ఎరువుల ధరలు రెండింతలయ్యాయి. మళ్లీ ఎరువుల ధరలు పెరిగితే వ్యవసాయం చేయడం ఇక కష్టమే. ప్రభుత్వం రైతు శ్రేయస్సు దృష్ట్యా సబ్సిడీని ఎప్పటి మాదిరిగానే ఎరువులకు వర్తింపజేయాలి. – బందెల మల్లయ్య, చల్‌గల్‌ ధరలు పెరిగే అవకాశముంది రసాయన ఎరువుల తయారీకి ఉపయోగించే ముడిపదార్థాల ధరలు యుద్ధంతో పెరుగుతుండడంతోపాటు రష్యా, చైనా లాంటి దేశాలు ఎగుమతులను పూర్తిగా నిలిపేశాయి. సల్ఫర్‌కు డిమాండ్‌ ఏర్పడి ఎస్‌ఎస్‌పీ రేట్లు కొంతమేర పెరిగే అవకాశాలు కనబడుతున్నాయి. – అయిండ్ల రాజిరెడ్డి, ఫర్టిలైజర్‌ వ్యాపారి, జగిత్యాల

● బంకు నిర్వాహకులపై వాహనదారుల ఆగ్రహంతంగళ్లపల్లి(సిరిసిల్ల): రాజన్న సిరిసిల్ల జిల్లా తంగళ్లపల్లి మండలం పద్మనగర్‌లోని హెచ్‌పీ పెట్రోల్‌ బంకులో శుక్రవారం పెట్రోల్‌కు బదులు నీళ్లు పోశారని వాహనదారులు ఆగ్రహం వ్యక్తం చేశారు. బాధితుడు తెలిపిన వివరాలు. అఖిల్‌ అనే యువకుడు తన బైక్‌లో రూ.200 విలువైన పెట్రోల్‌ను పోయించుకున్నాడు. బంకు నుంచి బయలుదేరిన కొద్దిసేపటికే వాహనం ఆగిపోయింది. అనుమానం వచ్చిన వాహనదారుడు ట్యాంక్‌లోని ఇంధనాన్ని బాటిళ్లలోకి తీసి చూడగా అందులో సగానికి పైగా నీరు కలిసి ఉండటం కనిపించింది. వెంటనే అతడు బంకు వద్దకు చేరుకుని నిర్వాహకులను నిలదీశాడు. అక్కడికి చేరుకున్న ఇతర వినియోగదారులు కూడా బంకు యాజమాన్యం నిర్లక్ష్యంపై మండిపడ్డారు. కల్తీ పెట్రోల్‌ కారణంగా తమ వాహనాలు దెబ్బతింటున్నాయని, అధికారులు వెంటనే స్పందించి ఇలాంటి బంకులపై చర్యలు తీసుకోవాలని డిమాండ్‌ చేశారు. రోడ్డు ప్రమాదంలో కానిస్టేబుళ్లకు గాయాలుకరీంనగర్‌క్రైం: గణేశ్‌ నిమజ్జనం బందోబస్తు విధుల్లో ఉన్న ఇద్దరు పోలీస్‌ కానిస్టేబుళ్లను కారు ఢీకొనడంతో గాయపడ్డారు. పోలీసుల వివరాల ప్రకారం.. గురువారం అర్ధరాత్రి తర్వాత సుమారు 2 గంటల సమయంలో ఆదర్శనగర్‌ బోర్డు వద్ద నిమజ్జనం సందర్భంగా ట్రాఫిక్‌ మళ్లింపు విధులు నిర్వహిస్తున్న కరీంనగర్‌ త్రీటౌన్‌ పోలీస్‌ స్టేషన్‌కు చెందిన కానిస్టేబుళ్లు శివకుమార్‌, రాజరత్నం ద్విచక్ర వాహనంపై వెళ్తున్నారు. చొప్పదండి వైపు వెళ్తున్న క్రెటా కారు వారిని ఢీకొట్టింది. కారు డ్రైవర్‌ గాసికంటి అరవింద్‌ నిర్లక్ష్యంతో ఈ ప్రమాదం జరిగినట్లు పోలీసులు తెలిపారు. శివకుమార్‌, రాజరత్నం తల, కాళ్లకు గాయాలయ్యాయి. చికిత్స కోసం ఆసుపత్రికి తరలించారు. డ్రంకెన్‌డ్రైవ్‌ పరీక్షలో డ్రైవర్‌ మద్యం తాగినట్లు తేలిందని పోలీసులు నిర్ధారించారు. టౌన్‌ ఏసీపీ వెంటకస్వామి, సీఐ తిరుమల్‌ పరామర్శించారు.

కొత్తపల్లి(కరీంనగర్‌): కొత్తపల్లి మండలం బద్దిపల్లి గ్రామానికి చెందిన తాండ్ర అహాన్‌చంద్ర (16) గురువారం వేకువజామున వినాయక నిమజ్జన వేడుకల సందర్భంగా ప్రమాదవశాత్తు మల్కాపూర్‌ ఎస్సారెస్పీ కాలువలో పడి గల్లంతుకాగా.. బాలుడి మృతదేహాన్ని శుక్రవారం కొత్తపల్లి పోలీసులు చింతకుంట శివారులోని మానేరు డ్యాంలో గుర్తించారు. బాలుడి తల్లి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు కొత్తపల్లి సీఐ బిల్లా కోటేశ్వర్‌ తెలిపారు. కేంద్ర మంత్రి ఆర్థికసాయం అహాన్‌రుద్ర కుటుంబాన్ని అన్ని విధాలా ఆదుకోవాలని కేంద్ర హోంశాఖ సహాయ మంత్రి బండి సంజయ్‌ కుమార్‌ శుక్రవారం కలెక్టర్‌ చిత్రా మిశ్రాను ఫోన్‌లో కోరారు. బాలుడి అంత్యక్రియల కోసం తక్షణ సాయంగా రూ.25 వేలు ఆయన కుటుంబ సభ్యులకు పంపించారు. బాలుడి మృతదేహం లభించిన ప్రాంతానికి మేయర్‌ కొలగాని శ్రీనివాస్‌, డిప్యూటీ మేయర్‌ వై.సునీల్‌ రావు, బీజేపీ జిల్లా అధ్యక్షుడు సాయిని మల్లేశం వెళ్లారు. ఎస్సై సాంబమూర్తి సిబ్బందితో కలిసి మృతదేహాన్ని వెలికితీసి పోస్టుమార్టం నిమిత్తం ప్రభుత్వ ఆస్పత్రికి తరలించారు.

జగిత్యాలఅగ్రికల్చర్‌: పశ్చిమాసియాలో నెలకొన్న యుద్ధ వాతావరణం జిల్లా రైతులపై తీవ్ర ప్రభావం చూపుతున్నాయి. ఇప్పటికే యుద్ధం ప్రారంభం నుంచి రెండింతలు పెరిగిన రసాయన ఎరువుల ధరలు.. యాసంగి సీజన్‌ నాటికి మరింతగా ఎగబాకే అవకాశాలు కనబడుతున్నాయి. ముఖ్యంగా పంటల కీలక దశలో వాడే సింగిల్‌ సూపర్‌ ఫాస్ఫేట్‌ తయారీకి అవసరమైన ముడి పదార్థాలు విదేశాల నుంచి దిగుమతి కావడం, ఆ మేరకు ధరలు పెరుగుతుండడంతో.. కంపెనీలు రేట్ల పెంపునకు ప్రయత్నాలు చేస్తుండడం రైతులకు కంటగింపుగా మారాయి. వానాకాలంతోపాటు యాసంగిలోనూ వరి గింజ గట్టిదనానికి వరిలో చివరి డోసుగా సింగిల్‌ సూపర్‌ ఫాస్ఫేట్‌ను రైతులు వాడుతుంటారు. 3,500 మె.ట. ఎస్‌ఎస్‌పీ జిల్లాలో కనీసం ఒక్క సీజన్‌కు 3,500 మె.ట సింగిల్‌ సూపర్‌ ఫాస్ఫేట్‌ వినియోగిస్తారు. సింగిల్‌ సూపర్‌ ఫాస్ఫేట్‌ తయారీకి ప్రధానంగా సల్ఫర్‌ను వాడతారు. రసాయన ఎరువుల్లో నత్రజని, భాస్వరం, పోటాష్‌ తర్వాత సల్ఫర్‌ అతి ముఖ్య పోషకం. సల్ఫర్‌ ధరలు అంతర్జాతీయంగా మండిపోతున్నాయి. దాదాపు 84 శాతం సల్ఫర్‌ ఓమెన్‌, యూఏఈ, ఖతార్‌, సౌదీ అరెబియా, కువైట్‌ వంటి పశ్చిమాసియా దేశాల నుంచి దిగుమతి అవుతుండడం, ఆ దేశాల్లో యుద్ధ వాతావరణంతో అంతర్జాతీయ సరఫరా గొలుసు పూర్తిగా దెబ్బతిని రేట్లు పెరుగుతున్నాయి. సీజన్‌ ప్రారంభంతో పోల్చితే సల్ఫర్‌ ధరలు రెట్టింపయ్యాయి. ప్రస్తుతానికి రైతులే సీజన్‌ ప్రారంభంలో 50 కిలోల బస్తాను రూ.560కు కొనుగోలు చేయగా.. ప్రస్తుతం రూ.780 పెట్టి కొనుగోలు చేయాల్సిన పరిస్థితి ఏర్పడింది. రైతులు పంటలకు ఉపయోగించే అమ్మోనియం సల్ఫేట్‌లో 24 శాతం, సింగిల్‌ సూపర్‌ ఫాస్ఫేట్‌లో 14 శాతం, పోటాషియం సల్ఫేట్‌లో 18 శాతం, 20–20–15 కాంప్లెక్స్‌ ఎరువులో 15 శాతం సల్ఫర్‌ ఉంటుంది. ఇవే కాకుండా జింక్‌ సల్ఫేట్‌, మెగ్నిషియం సల్ఫేట్‌, జిప్సంలో కూడా దాదాపు 15 శాతం వరకు సల్ఫర్‌ ఉంటుంది. మరింత డిమాండ్‌ జిల్లాలో యాసంగి సీజన్‌లో ఎల్‌నినో నేపథ్యంలో వరిని పూర్తిగా తగ్గించి ఆరుతడి పంటలు వేయాలని ప్రభుత్వం రైతులపై ఒత్తిడి తెస్తోంది. ఈ నేపథ్యంలో జిల్లాలో దాదాపు 3లక్షల ఎకరాల వరకు వేరుశనగ, నువ్వులు, కంది వంటి పంటలు సాగు చేసే అవకాశముంది. ఈ పంటల్లో మొక్కల పెరుగుదలకు, మొక్కల్లో పత్రహరితం ఏర్పడి కిరణ జన్య సంయోగ క్రియ జరిగేందుకు, నూనె, పప్పు గింజల పంటల్లో గింజ బలపడి నూనె, పప్పుల శాతం పెరిగేందుకు సల్ఫర్‌ ఉన్న ఎస్‌ఎస్‌పీని ఎక్కువగా ఉపయోగిస్తారు. సల్ఫర్‌ కొరత, ధరల పెరుగుదల వల్ల ఎరువుల తయారీ కంపెనీలపై భారీగా వ్యయం పడుతుండడంతో.. ఆ ఖర్చును రైతులపై మోపే అవకాశం మెండుగా ఉంది. ప్రభుత్వం ఎరువుల ధరలను నియంత్రిస్తున్నా.. ఎరువుల తయారీకి ఉపయోగించే పోషకాల రేట్లు పెరిగినప్పుడు పెంచే పరిస్థితి తప్పకపోవచ్చు. పశ్చిమాసియాలో నెలకొన్న పరిస్థితుల ప్రభావం ఇప్పటికే రెండింతలు పెరిగిన రసాయన ఎరువుల ధరలు

పట్టాల అవతలి వైపు మా ఊరుంది. అత్యవసర పని పడుతుందనే ఉద్దేశంతో పట్టాలకు బయటే ద్విచక్ర వాహనం, ట్రాక్టర్లు నిలిపి ఉంచుతాం. – వొడ్నాల శ్రీశైలం, గ్రామస్తుడు, బద్రిపల్లి బ్రిడ్జి నిర్మించడంలేదు మాది బద్రిపల్లి. మా నాన్న తీవ్రంగా గాయపడి నేటికీ కోలుకోవడం లేదు. భూగర్భ వంతెన, హైలెవల్‌ రెయిలింగ్‌ వంతెన నిర్మించకపోవడం బాధాకరం. – అర్కుటి కొమురయ్య యాదవ్‌, సర్పంచ్‌, కుందనపల్లి హైలెవల్‌ వంతెన అవసరం దక్షిణ మధ్య రైల్వే జీఎం సంజయ్‌కుమార్‌ శ్రీవాస్తవను కలిశా. సత్వరమే వంతెన నిర్మించాలని డిమాండ్‌ చేశా. ఆయన సానుకూలంగా స్పందించారు. – గడ్డం వంశీకృష్ణ, ఎంపీ, పెద్దపల్లి

రామగుండం: సింగరేణి గనుల నుంచి రామగుండం ద్వారా బొగ్గు తరలించేందుకు కుందనపల్లి అనుబంధ బద్రిపల్లి, 25వ డివిజన్‌లోని మల్యాలపల్లి నుంచి గూడ్సు కోసం రైల్వేలైన్‌ ఉంది. ప్రాణాలు వదిలిన అమ్మమ్మ.. గణపతి నిమజ్జనం సందర్భంగా ఇద్దరు మనువరాళ్లతో కలిసి అమ్మ మ్మ నాంసాని లక్ష్మి బద్రిపల్లిలోని మండపానికి రైల్వేలైన్‌ దాటి వెళ్లింది. దర్శనం చేసుకొని తిరిగి వస్తుండగా ఆగిఉన్న గూడ్సు కింద నుంచి మనుమరాళ్లను ట్రాక్‌ దాటించింది. ఆ తర్వాత లక్ష్మి దాటుతుండగా గూడ్సు కదిలి చీరెకొంగు వ్యాగన్‌ కింద ఇనుప చువ్వకు తట్టుకుంది. లోపలికి లాగడంతో ఆమె పట్టాలపై పడిపోయింది. గూడ్సు ఆమైపె వెళ్లడమే కాకుండా రామగుండం రైల్వేయార్డు వరకూ సుమారు రెండు కి.మీ. వరకు ఈడ్చుకెళ్లింది. మాంసం ముద్దలు అక్కడక్కడా పడడం గ్రామస్తులను కంటతడి పెట్టించింది. ఇరవై ఏళ్ల క్రితం ఆమె భర్త అంజయ్య సైతం గూడ్సు కిందినుంచి వెళ్తుండగా కాలు తెగిపోయింది. ఇప్పుడు దుర్భర జీవితం గడుపుతున్నాడు. ఏటా గూడ్సుకు బలి గత పదేళ్లలో బద్రిపల్లి, మల్యాలపల్లిలకు చెందిన పదుల సంఖ్యలో ప్రజలు గూడ్సు ప్రమాద బాధిత కుటుంబాలున్నాయి. కుందనపల్లి సర్పంచ్‌ అర్కుటి కొమురయ్యయాదవ్‌ స్వగ్రామం బద్రిపల్లి. ఆయన తల్లి పదేళ్ల క్రితం గూడ్సు కింద నుంచి వస్తూ రైలు కదలడంతో వెంటనే పట్టాల మధ్య పడుకున్నాడు. ఈక్రమంలో తీవ్రగాయాలై ప్రాణాలతో బయటపడ్డాడు. కానీ, మానసికంగా మార్పు వచ్చి అనారోగ్యం బారిన పడినట్లు కుమారుడు కొమురయ్య తెలిపాడు. అదేవిధంగా దాసరి సురేందర్‌ మృతి, చింతల రాజయ్య కాలు తెగిపోవడం, మర్రి రాజలింగు తీవ్రగాయాలై మృతి చెందడం, చింతల శైలజ తృటిలో ప్రాణపాయం నుంచి బయటపడడం లాంటి ఘటనలు చోటుచేసుకున్నాయి. మల్యాలపల్లికి చెందిన ఈర్ల నారాయణ వాహనాన్ని పూజకు తీసుకెళ్తుండగా గూడ్సు ఢీకొని రెండు కాళ్లు తెగిపోయాయి. మరో ఘటనలో అంతటి పోశెట్టి తీవ్రగాయాల పాలయ్యాడు. ప్రత్యామ్నాయం.. దూరభారం బద్రిపల్లి – మల్యాలపల్లి మధ్య రైల్వేట్రాక్‌కు సమాంతరంగా సీసీ రోడ్డు నిర్మించారు. బద్రిపల్లి ట్రాక్‌పై గూడ్సు నిలిచి ఉంటే మల్యాలపల్లి వరకు వెళ్లి పట్టాలు దాటి మళ్లీ వెనక్కిరావాలి. ఇందు కోసం ఇరువైపులా కనీసం మూడు కి.మీ. అదనంగా ప్రయాణించాలి. అందూరం దూరం వెళ్లలేక రైలు అక్కడినుంచి వెళ్లేవరకూ గ్రామస్తులు నిరీక్షిస్తున్నారు. ఈ రెండు ప్రాంతాల్లో గేట్లు ఏర్పాటు చేయకుండా ఓ వ్యక్తిని కాపాలాగా ఉంచి రైళ్ల రాకపోకలపై ఫోన్‌ ద్వారా గ్రామస్తులు సమాచారం సేకరించి పట్టాలకు అడ్డుగా చైన్‌ కడుతున్నారు. 15రోజుల్లోనే తోటికోడళ్లు మృతి 15రోజుల క్రితం ఇందిరమ్మకాలనీ నుంచి బద్రిపల్లికి వస్తూ రోడ్డు దాటుతుండగా వాహనం ఢీకొని నాంసాని భూమమ్మ దుర్మరణం చెందింది. ఆమె తోటికోడలు నాంసాని లక్ష్మి గూడ్సు రైలు ప్రమాదంలో చనిపోవడం, 15రోజుల్లోనే తోటికోడళ్లు మృతి చెందడం కలకలం రేపింది. విస్తరిస్తున్న ట్రాక్‌లతో మరింత ప్రమాదం ఇప్పటికే అందుబాటులో మూడు రైల్వేలైన్లు మరోరైల్వేలైన్‌ నిర్మాణానికి అధికారుల సన్నాహాలు

వేములవాడరూరల్‌: వేములవాడ స్టేషన్‌ ఫైర్‌ ఆఫీసర్‌ నాగు అనిల్‌కుమార్‌ శుక్రవారం గుండెపోటుతో హైదరాబాద్‌లో మృతిచెందాడు. అనిల్‌కుమార్‌ స్వగ్రామం యాదాద్రిభువనగిరి జిల్లా రామన్నపేట మండలం తుమ్మలగూడెం. ప్రస్తుతం హైదరాబాద్‌లో నివసిస్తున్నారు. 2008 బ్యాచ్‌కు చెందిన అనిల్‌కుమార్‌ డ్రైవర్‌గా విధుల్లో చేరి స్టేషన్‌ ఫైర్‌ ఆఫీసర్‌గా ఎది గారు. గత రెండేళ్లుగా వేములవాడ అగ్నిమాపక అధికారిగా విధులు నిర్వహిస్తున్నారు. అనారోగ్యం భరించలేక మహిళ ఆత్మహత్యకరీంనగర్‌క్రైౖం: అనారోగ్య సమస్యలతో బాధపడుతూ ఓ మహిళ ఉరేసుకొని ఆత్మహత్యకు పాల్పడింది. టూ టౌన్‌ పోలీసుల వివరాల ప్రకారం.. రాంనగర్‌కు చెందిన విశ్రాంత ఏఆర్‌ ఎస్‌ఐ కొడిముంజ శంకరయ్య భార్య లింగవ్వ(61) పదేళ్లుగా మధుమేహం, గుండె సంబంధిత సమస్యలు, అర్షమొలలతో బాధపడుతోంది. ఇటీవల గుండె పరీక్షలు చేయించుకోగా.. బ్లాకులున్నట్లు వైద్యులు నిర్ధారించి మందులు సూచించారు. అనారోగ్య సమస్యలతో ఆమె కొంతకాలంగా మానసికంగా ఆందోళనకు గురవుతున్నట్లు కుటుంబ సభ్యులు తెలిపారు. శుక్రవారం ఉదయం భర్త శంకరయ్య పాల కోసం బయటకు వెళ్లి తిరిగి వచ్చేసరికి లింగవ్వ ఇంట్లోని ఇనుప పైపునకు ఉరేసుకొని కనిపించింది. కుటుంబ సభ్యులకు సమాచారమందించడంతోపాటు పోలీసులకు తెలిపి ప్రభుత్వ ఆసుపత్రికి తరలించారు. అప్పటికే మృతిచెందినట్లు వైద్యులు నిర్ధారించారు. శంకరయ్య ఫిర్యాదు మేరకు టూటౌన్‌ పోలీసులు కేసు నమోదు చేసి దర్యాప్తు చేస్తున్నారు. 2న అథ్లెటిక్స్‌ పోటీలుసిరిసిల్ల అర్బన్‌: జిల్లా అథ్లెటిక్స్‌ అసోసియేషన్‌ ఆధ్వర్యంలో అక్టోబర్‌ 2న సిరిసిల్ల మినీ స్టేడియంలో నేషనల్‌ ఇంటర్‌ డిస్ట్రిక్ట్‌ జూనియర్‌ అథ్లెటిక్స్‌ మీట్‌ పోటీలు నిర్వహించనున్నట్లు జిల్లా ప్రధాన కార్యదర్శి బొజ్జ చంద్రశేఖర్‌ తెలిపారు. అండర్‌ 14, 16 బాల, బాలికలు పాల్గొనవచ్చన్నారు. ఉదయం 9 గంటలకు సర్టిఫికెట్ల పరిశీలన, 10 గంటలకు పోటీలు ప్రారంభమవుతాయని వివరించారు. ప్రతిభ కనపరిచిన క్రీడాకారులకు మెరిట్‌ సర్టిఫికెట్‌, పతకాలు అందజేయడంతోపాటు, జాతీయస్థాయి పోటీలకు ఎంపిక చేస్తామని తెలిపారు. ఆసక్తిగల వారు ఒరిజినల్‌ జనన ధ్రువీకరణపత్రం, 10వ తరగతి సర్టిఫికెట్‌, తీసుకురావాలన్నారు. వివరాలకు 79014 64456లో సంప్రదించాలని కోరారు. ఎల్‌ఎండీకి నీటి విడుదలబోయినపల్లి(చొప్పదండి): మిడ్‌మానేరు నుంచి ఎల్‌ఎండీకి శుక్రవారం 8వేల క్యూసెక్కుల నీరు విడుదల చేశారు. ప్రాజెక్టులోకి ఎల్లంపల్లి నుంచి వరదకాలువ ద్వారా 9,450, మానేరు, మూలవాగుల నుంచి 2,300 క్యూసెక్కుల మేర వరద ఇన్‌ఫ్లో వస్తోంది. ప్రాజెక్టులో నీటిమట్టం 24.52 టీఎంసీలకు చేరింది.

కరీంనగర్‌క్రైం: జిల్లా కోర్టు ఆవరణలో కరీంనగర్‌ బార్‌ అసోసియేషన్‌ న్యాయవాదుల పరస్పర సహకార పొదుపు పరపతి సొసైటీ నూతన కార్యాలయాన్ని జిల్లా జడ్జి ఎస్‌. శివకుమార్‌ శుక్రవారం ప్రారంభించారు. న్యాయవాదుల సంక్షేమం కోసం ఏర్పాటు చేసిన ఈ సొసైటీ ఎంతో ఉపయోగపడుతుందని తెలిపారు. సొసైటీ ద్వారా న్యాయవాదులకు లభించే సేవలు దినదినాభివృద్ధి చెందాలని బార్‌ అసోసియేషన్‌ అధ్యక్షులు, సొసైటీ చైర్మన్‌ గడ్డం లక్ష్మణ్‌ ఆశాభావం వ్యక్తం చేశారు. సొసైటీ ఉపాధ్యక్షుడు సీహెచ్‌.కిరణ్‌ కుమార్‌, కార్యదర్శి బెజ్జంకి శ్రీకాంత్‌, సంయుక్త కార్యదర్శి బొడ్ల గీతారాణి, కోశాధికారి సుంకె దేవికిషన్‌, బోర్డ్‌ సభ్యులు ఎం.మదన్‌బాబు, బి.శివకుమార్‌, ఎం.అనురాధ, బి.స్వామి, భూమాచారి, కరుణశ్రీ, శాంతికుమార్‌ పాల్గొన్నారు.

సాక్షిప్రతినిధి, కరీంనగర్‌: ఇటీవల తనపై అనుచిత వ్యాఖ్యలు చేయడమే కాకుండా దూషించిన ఘటనను తీవ్రంగా పరిగణించిన కరీంనగర్‌ ఎమ్మెల్యే, మాజీ మంత్రి గంగుల కమలాకర్‌ చట్టపరమైన చర్యలకు ఉపక్రమించారు. ఈ క్రమంలో బీజేపీ కార్పొరేటర్‌ బండారి వేణుకు లీగల్‌ నోటీసులు పంపిన ఆయన, హైదరాబాద్‌లోని సిటీ సివిల్‌ కోర్టులో దావా వేశారు. ఈ అంశంపై దాఖలైన పిటిషన్‌ (ఓఎస్‌/342/2026) ను విచారించిన హైదరాబాద్‌లోని 11వ అడిషనల్‌ చీఫ్‌ జడ్జి (చార్మినార్‌, సిటీ సివిల్‌ కోర్టు) న్యాయస్థానం, బీజేపీ కార్పొరేటర్‌ బండారి వేణుకు సమన్లు జారీ చేసింది. అక్టోబరు 27, 2026 న ఉదయం 11 గంటలకు వేణు స్వయంగా కోర్టుకు హాజరై తనపై వచ్చిన ఆరోపణలు, క్లెయిమ్‌కు వివరణ ఇవ్వాలని న్యాయస్థానం స్పష్టం చేసింది. తన వాదనకు మద్దతుగా అవసరమైన అన్ని పత్రాలు, ఆధారాలను ఆ రోజే కోర్టులో ప్రవేశపెట్టాలని ఆదేశించింది. నిర్ణీత తేదీన (అక్టోబరు 27న) కోర్టుకు హాజరుకావడంలో విఫలమైతే, సదరు ప్రతివాది (బండారి వేణు) లేకుండగానే విచారణ పూర్తిచేసి తీర్పు వెలువరించడం జరుగుతుందని న్యాయస్థానం హెచ్చరించింది. ఎమ్మెల్యే గంగుల కమలాకర్‌ తీసుకున్న ఈ చట్టపరమైన నిర్ణయం, కోర్టు నేరుగా సమన్లు పంపడం స్థానిక రాజకీయ వర్గాల్లో తీవ్ర కలకలం రేపింది. రాజకీయాల్లో వ్యక్తిగత విమర్శలు, దూషణలకు దిగితే తీవ్ర పరిణామాలు ఎదుర్కోవాల్సి వస్తుందనడానికి ఈ ఘటనే నిదర్శనమని బీఆర్‌ఎస్‌ వర్గాలు పేర్కొంటుండగా, ఈ కోర్టు విచారణపై సర్వత్రా ఆసక్తి నెలకొంది. సోషల్‌ మీడియా వార్‌ నుంచి కోర్టు వరకు.. సోషల్‌ మీడియా వేదికగా మొదలైన మాజీ మంత్రి, బీఆర్‌ఎస్‌ ఎమ్మెల్యే గంగుల కమలాకర్‌, బీజేపీ కార్పొరేటర్‌ బండారి వేణు మధ్య వివాదం ఇప్పుడు న్యాయస్థానం వరకు చేరింది. ఆగస్టులో వీరిద్దరి మధ్య సోషల్‌ మీడియా వేదికగా తీవ్ర స్థాయిలో ఆరోపణలు, ప్రత్యారోపణలు చోటుచేసుకున్నాయి. మొదట బండారి వేణు, ఆయన సంబంధీకులకు చెందినదిగా ప్రచారంలోకి వచ్చిన ఫోన్‌ సంభాషనను బండి సంజయ్‌ ఫోటోతో క్లిప్‌ తయారుచేసి బూతు పురాణం అంటూ కేటీఆర్‌ ఫ్యాన్స్‌ ఆర్మీ పేరిట సోషల్‌ మీడియాలో వైరల్‌గా మారింది. ఈ వ్యవహారంపై కార్పొరేటర్‌ బండారి వేణు ఘాటుగా స్పందించారు. తనపై ఎమ్మెల్యే గంగుల కమలాకర్‌ వర్గం దుష్ప్రచారం చేస్తుందని ఆరోపిస్తూ.. ఎమ్మెల్యేకు సంబంధించిన గతంలోని కొన్ని అభ్యంతర క్లిప్‌లను జతచేసి పరుషపదజాలంతో రూపొందించిన వీడియోను సోషల్‌ మీడియాలో పోస్టుచేశారు. తదనంతరం బండారి వేణు చేసిన వ్యాఖ్యలపై బీఆర్‌ఎస్‌ శ్రేణులు అభ్యంతరం వ్యక్తం చేయడంతో కరీంనగర్‌లో ఉద్రిక్త పరిస్థితులు నెలకొన్నాయి. బీఆర్‌ఎస్‌ నేతలు వేణు నివాసం వద్దకు చేరుకోవడంతో పోలీసులు భారీ బందోబస్తు నిర్వహించి ఎలాంటి ఘటనలు చోటుచేసుకోకుండా పరిస్థితిని అదుపులోకి తెచ్చారు. ఈ పరిణామాల నేపథ్యంలో గంగుల కమలాకర్‌ సివిల్‌ కేసు దాఖలు చేయడం, తాజాగా కోర్టు సమన్లు జారీ చేయడం ప్రాధాన్యం సంతరించుకుంది. రాజకీయంగా పరస్పర విమర్శలతో ప్రారంభమైన వ్యవహారం ఇప్పుడు న్యాయపరమైన వివాదంగా మారింది. అక్టోబర్‌ 27న జరిగే విచారణలో బండారి వేణు హాజరు, ఆయన సమర్పించే పత్రాలు, కోర్టు తదుపరి చర్యలపై ఆసక్తి నెలకొంది.

హుజూరాబాద్‌ రూరల్‌: హుజూరాబాద్‌ మండలం జూపాక గ్రామంలోని మైసమ్మ చెరువులో మొసలి ప్రత్యక్షం కావడం కలకలం రేపుతోంది. శుక్రవారం పశువులను మేపేందుకు చెరువు సమీపానికి వెళ్లిన కాపరులకు.. నీటిలోని తా మర తుప్పల మధ్య భారీ మొసలి కనిపించింది. భయాందోళనకు గురైన వారు గ్రామంలోకి వెళ్లి విషయం చెప్పారు. రెండు రోజులుగా చెరువులో మొసలి ఉందన్న ప్రచారం జరుగుతోంది. కొందరు చెరువు పరిసరాల్లో గాలించినప్పటికీ ఆచూకీ దొరకలేదు. తాజాగా పశువుల కాపరులు కళ్లారా చూడడంతో ప్రచారం కాస్త నిజమని తేలింది. అటవీశాఖ అధికారులు తక్షణమే స్పందించి, మొసలిని బంధించి, జనావాసాలకు దూరంగా విడిచిపెట్టాలని గ్రామస్తులు కోరుతున్నారు. ఫార్మసిస్టుల పాత్ర కీలకంకరీంనగర్‌: వైద్య రంగంలో ఫార్మసిస్టుల పాత్ర కీలకమని జిల్లా వైద్యాధికారి డాక్టర్‌ రాజగోపాల్‌రావు అన్నారు. ఫార్మసిస్టుల దినోత్సవం సందర్భంగా డీఎంహెచ్‌వో తన ఆఫీస్‌లో ఫార్మసీ అధికారులు, సిబ్బందితో కలిసి కేక్‌కట్‌ చేశారు. కరీంనగర్‌ అర్బన్‌: ఉద్యోగుల సమస్యల పరిష్కారానికి ప్రభుత్వం సానుకూలంగా స్పందించిందని రాష్ట్ర ఎంప్లాయీస్‌ జేఏసీ ఛైర్మన్‌ మారం జగదీశ్వర్‌ అన్నారు. స్థానిక టీఎన్జీవో భవన్‌లో మాట్లాడుతూ డీఏ బకాయిలపై ప్రభుత్వం స్పష్టతనిచ్చిందని, దసరాకు రెండు డీఏల విడుదల, సంక్రాంతి నాటికి మరో డీఏ ను విడుదల చేయడానికి హామీ ఇచ్చిందని వివరించారు. ఈ నెల 30న ముఖ్యమంత్రి కరీంనగర్‌ జిల్లా కలెక్టరేట్‌ కార్యాలయ ఆవిష్కరణ కార్యక్రమానికి రానున్నందున ఉద్యోగుల పక్షాన స్వాగతం పలకాలని కోరారు. ఎంప్లాయిస్‌ జేఏసీ చైర్మన్‌ దారం శ్రీనివాస్‌ రెడ్డి, కన్వీనర్‌ మడిపల్లి కాళిచరణ్‌, టీఎన్జీవోల సంఘం జిల్లా కార్యదర్శి సంగేం లక్ష్మణ్‌ రావు, కో శాధికారి కిరణ్‌ కుమార్‌ రెడ్డి, గెజిటెడ్‌ అధి కారుల సంఘం జిల్లా కార్యదర్శి డాక్టర్‌ అరవింద్‌ రెడ్డి, పెన్షనర్ల సంఘం నాయకులు పెండ్యాల కేశవరెడ్డి, ప్రభాకర్‌రావు పాల్గొన్నారు. ప్రత్యామ్నాయ మార్గాలు అనుసరించండికరీంనగర్‌ అర్బన్‌: ఐదు పని దినాల బ్యాంకింగ్‌ విధానం అమలు చేయాలనే డిమాండ్‌తో బ్యాంకర్లు సమ్మెకు దిగుతున్నారు. ఈ నెల 28నుంచి 30వరకు దేశవ్యాప్త సమ్మెలో భాగంగా జిల్లాలో అన్ని బ్యాంకులకు మూతపడనున్నాయి. యునైటెడ్‌ ఫోరమ్‌ ఆఫ్‌ బ్యాంక్‌ యూనియన్‌ (యూఎఫ్‌బీయూ) పిలుపు మేరకు వివిధ కార్యక్రమాలను నిర్వహించనున్నారు. ఈ క్రమంలో కస్టమర్లు ప్రత్యామ్నాయాలను అనుసరించాలని సూచిస్తున్నారు. మూడు రోజులు బ్యాంకు సేవలకు అంతరాయం కలగనున్న నేపథ్యంలో ఎటీఎం, కస్టమర్‌ సర్వీస్‌ పాయింట్స్‌, ఇంటర్నెట్‌ బ్యాంకింగ్‌, యోనో, మొబైల్‌ బ్యాంకింగ్‌, యూపీఐ వంటి డిజిటల్‌ సేవలను ఉపయోగించుకోవాలని సూచిస్తున్నారు. అటవీ భూముల రక్షణకు చర్యలుకరీంనగర్‌ అర్బన్‌: జిల్లాలోని అటవీ భూముల పరిరక్షణకు పకడ్బందీ చర్యలు తీసుకోవాలని అదనపు కలెక్టర్‌ అశ్విని తానాజీ వాకడే సంబంధిత ఆదేశించారు. శుక్రవారం కలెక్టరేట్‌లో అటవీశాఖ, వన్యప్రాణుల ప్రొటెక్షన్‌ కమిటీ సమావేశాన్ని అదనపు కలెక్టర్‌ (రెవెన్యూ) శ్రీనివాస్‌రెడ్డి, అటవీ శాఖ అధికారులతో కలిసి నిర్వహించారు. జిల్లాలో తక్కువ విస్తీర్ణంలో అటవీ భూములున్నాయని, సరిహద్దులు ఏర్పాటు చేయాలన్నారు. డీఎఫ్‌ఓ సత్యనారా యణ ఆధ్వర్యంలో క్షేత్రస్థాయిలో పర్యటించి.. రెవెన్యూ, అటవీశాఖ అధికారులు సమన్వయంతో ముందుకు సాగాలని సూచించారు. జిల్లాకేంద్రంలోని బైపాస్‌ వద్ద ఎన్టీఆర్‌ బొమ్మ సమీపంలో అటవీశాఖ చెక్‌పోస్ట్‌ ఏర్పాటుకు ప్రతిపాదనలు సిద్ధం చేయాలని ఆదేశించారు. సైదాపూర్‌ మండలం రాయికల్‌ వాటర్‌ ఫాల్స్‌కు జన సందడి పెరుగుతున్నందున బందోబస్తు ఏర్పాటు చేయాలని కోరారు. ఎఫ్‌ఆర్‌వోలు షోకత్‌ హుస్సేన్‌, లత పాల్గొన్నారు.

కరీంనగర్‌ పరిధిలోని కొత్తపల్లి మండలంలో ఉన్న ఓ ప్రైవేట్‌ పాఠశాలలో చదువుతున్న బాలిక(12)తో ఓ ఉపాధ్యాయుడు అసభ్యకరంగా ప్రవర్తించడంతో ఆమె తండ్రి పోలీసులకు ఫిర్యాదు చేశాడు. కేసు నమోదు చేసిన పోలీసులు చార్జీషీట్‌ దాఖలు చేశారు. కరీంనగర్‌ కోర్టు అతనికి ఐదేళ్ల జైలుశిక్ష, రూ.2 వేల జరిమానా విధిస్తూ తీర్పునిచ్చింది. జగిత్యాల జిల్లాకు చెందిన ఓ ప్రభుత్వ ఉపాధ్యాయురాలిని కరీంనగర్‌లోని తీగలగుట్టపల్లికి చెందిన మరో ప్రభుత్వ ఉపాధ్యాయుడు వేధించాడు. దీంతో జగిత్యాల పోలీసులు కేసు నమోదు చేశారు. విద్యాశాఖ అధికారులు సస్పెండ్‌ చేశారు. అయినప్పటికీ అతని ప్రవర్తనలో మార్పు రాకపోవడంతో ఇటీవల మరోసారి జగిత్యాల పోలీసులు కేసు నమోదు చేశారు. జగిత్యాల జిల్లా కథలాపూర్‌ మండలంలో పనిచేసే ఓ ఉపాధ్యాయుడు అదే పాఠశాలలో చదివే ఓ విద్యార్థి తల్లికి అసభ్యకరమైన మెసేజ్‌లు పంపిస్తూ వేధింపులకు గురిచేయడంతో గత నెలలో ఉన్నతాధికారులు విచారణ జరిపి సస్పెండ్‌ చేశారు.

● ప్రొటోకాల్‌ తప్పనిసరిగా పాటించాలి ● కలెక్టర్‌ చిత్రా మిశ్రా కరీంనగర్‌అర్బన్‌: ఈ నెల 30న ముఖ్యమంత్రి రేవంత్‌ రెడ్డి చేతుల మీదుగా జరగనున్న నూతన కలెక్టరేట్‌ ప్రారంభోత్సవానికి అన్ని ఏర్పాట్లు పకడ్బందీగా చేపట్టాలని కలెక్టర్‌ చిత్రామిశ్రా అధికారులను ఆదేశించారు. శుక్రవారం రాత్రి నూతన భవనాన్ని అదనపు కలెక్టర్‌ డి.శ్రీనివాస్‌రెడ్డితో కలిసి పరిశీలించారు. భవనాన్ని సుందరంగా అలంకరించాలని, ప్రారంభోత్సవ కార్యక్రమం పండుగ వాతావరణంలో జరిగేలా ఏర్పాట్లు చేయాలని సూచించారు. ముఖ్యమంత్రి రేవంత్‌ రెడ్డి, మంత్రులు, రాష్ట్ర ప్రభుత్వ ప్రధాన కార్యదర్శి, పోలీసు అధికారులు, ఇతర ఉన్నతాధికారుల పర్యటన నేపథ్యంలో ప్రొటోకాల్‌ పాటించాలని ఆదేశించారు. సమావేశ మందిరంలో మంత్రులు, ఎమ్మెల్యేలు, రాష్ట్ర, జిల్లా స్థాయి అధికారులు కూర్చునే విధంగా సీటింగ్‌ ఏర్పాట్లు చేయాలని సూచించారు. డీఆర్వో స్వామి, ఆర్డీవో షర్మిల, ఏవో సుధాకర్‌ పాల్గొన్నారు.

ఎడాపెడా ఆపరేషన్లు!కరీంనగర్‌ రైల్వే స్టేషన్‌ వెళ్లే దారిలో ఉన్న ఓ ప్రైవేటు ఆసుపత్రిలో అనారోగ్యంతో ఓ వ్యక్తి చేరాడు. అతడికి బీమా ఉందని తెలుసుకున్న ఆసుపత్రి సిబ్బంది గుండె నొప్పి అని హడావుడి చేసి అడ్మిట్‌ చేసుకుంది. బీమా గరిష్ట పరిమితి క్లయిమ్‌ చేసి గ్యాస్‌ ట్రబుల్‌ అంటూ డిశ్చార్జి చేశారు.మంచిర్యాల చౌరస్తాలోని మరో ఆసుపత్రిలో శ్వాస సమస్యతో వచ్చిన వ్యక్తికి టీబీ ఉందని హడావుడి చేసి ఐసీయూలో చేర్చారు. 3 రోజులకు అతడు కోలుకున్నాక రూ.1.50లక్షల బిల్లేసి టీబీ లేదని చెప్పి ఇంటికి పంపారు.సాక్షిప్రతినిధి, కరీంనగర్‌: వైద్యో నారాయణో హరిః.. ప్రాణాలు కాపాడే వైద్యుడిని దేవుడితో సమానంగా చూస్తారు రోగులు. కానీ, కరీంనగర్‌ జిల్లాలో కొందరు ప్రైవేటు ఆసుపత్రుల నిర్వాహకులకు మాత్రం రోగులు మనుషుల్లా కాకుండా కాసులు కురిపించే యంత్రాలుగా కనిపిస్తున్నారు. ఇటీవలి కాలంలో జిల్లావ్యాప్తంగా కార్పొరేట్‌, ప్రైవేటు ఆసుపత్రులు పుట్టగొడుగుల్లా పుట్టుకొచ్చాయి. పోటీ విపరీతంగా పెరగడం, ప్రజల్లో చైతన్యం రావడంతో చాలా ప్రైవేటు ఆసుపత్రుల ఆదాయం గణనీయంగా పడిపోయింది. పడిపోయిన తమ ఆదాయాన్ని తిరిగి పెంచుకునేందుకు కొందరు ఆసుపత్రుల నిర్వాహకులు రోగుల ప్రాణాలతో చెలగాటమమాడుతూ దందాకు తెరలేపారు. చిన్నపాటి అనారోగ్య సమస్యతో వస్తే చాలు.. ఏదో ఒక నెపం చెప్పి అనవసర ఆపరేషన్లతో పేదలను బెంబేలెత్తిస్తున్నారు. పొరపాటున బీమా ఉంటే అంతే సంగతులు. గరిష్ట పరిమితి వరకు కట్టించుకొని గానీ వదలట్లేదు. చిన్న కారణాలకే సర్జరీలు సాధారణంగా మందులతో నయమయ్యే చిన్నపాటి కడుపు నొప్పి లేదా ఇతర సాధారణ శారీరక నొప్పులకు కూడా ఆపరేషన్లు అవసరమంటూ రోగులను భయబ్రాంతులకు గురి చేస్తున్నారు. ముఖ్యంగా మహిళల బలహీనతలను ఆసరాగా చేసుకొని కొద్దిపాటి గర్భాశయ సమస్యలున్నా సరే.. భవిష్యత్తులో క్యాన్సర్‌ వస్తుందంటూ భయపెట్టి గర్భాశయాల తొలగింపు(హిస్టరెక్టమీ) శస్త్రచికిత్సలు కానిచ్చేస్తున్నారు. ఇక యువతలో వచ్చే చిన్నపాటి కడుపు నొప్పికి సైతం అపెండిసైటిస్‌ ముదిరిపోయిందని, వెంటనే ఆపరేషన్‌ చేయకపోతే ప్రాణాలకే ప్రమాదమని నమ్మించి రూ.వేలల్లో వసూలు చేస్తున్నారు. ఇవన్నీ వైద్య శాస్త్ర నియమాలకు విరుద్ధంగా, కేవలం ఆసుపత్రి గల్లా పెట్టెలు నింపుకోవడానికే చేస్తున్నారనే విమర్శలు బలంగా వినిపిస్తున్నాయి. పురుగుల మందు తాగితే చాలు.. కుటుంబ కలహాలు లేదా ఇతర కారణాలతో ఎవరైనా ఆవేశంలో పురుగుల మందు తాగి ప్రైవేటు ఆసుపత్రి గడప తొక్కితే.. అక్కడి నిర్వాహకులకు జాక్‌పాట్‌ దొరికినట్లే భావిస్తున్నారు. ఐసీయూ బెడ్లు, వెంటిలేటర్‌ సపోర్ట్‌, అత్యవసర మందులు, ప్రత్యేక పరీక్షల పేరిట ఇష్టానుసారంగా బిల్లులు వేస్తున్నారు. కేవలం ప్రథమ చికిత్స లేదా ప్రాథమిక వైద్యంతో నయమయ్యే కేసులకు సైతం రోజుల తరబడి ఐసీయూలో ఉంచి రూ.లక్షల బిల్లులు వేస్తున్నారు. డిశ్చార్జ్‌ అయ్యే సమయానికి సదరు పేద కుటుంబాలు తమకున్న ఇళ్లు, ఆస్తులు అమ్ముకోవడమో లేదా అప్పులపాలు కావడమో జరుగుతోంది. ప్రాణం దక్కితే చాలనే కుటుంబ సభ్యుల భయమే వీరికి పెట్టుబడిగా మారుతోంది. అకారణంగా సిజేరియన్లు.. యాంజియోగ్రామ్‌లు గతంలో ఎప్పుడూ లేని విధంగా జిల్లాలో సిజేరియన్ల సంఖ్య విపరీతంగా పెరిగిపోయింది. సాధారణ ప్రసవమయ్యే అవకాశమున్నా.. ముహూర్తాల పేరిటో లేదా నొప్పుల భయం చూపో గర్భిణులను సిజేరియన్ల వైపు మళ్లిస్తున్నారు. మరోవైపు స్వల్ప గుండె నొప్పి లేదా గ్యాస్‌ సమస్యతో ఆసుపత్రికి వచ్చే మధ్య వయస్కులను టార్గెట్‌ చేసి.. గుండెలో బ్లాక్స్‌ ఉన్నాయంటూ భయపెట్టి వెంటనే యాంజియోగ్రామ్‌, యాంజియోప్లాస్టీ వంటి ఖరీదైన శస్త్రచికిత్సలను నెత్తిన రుద్దుతున్నారు. ఓపీ కోసం రోజుకు వంద మంది రావాల్సిన అవసరం లేదని, ఒక్క ఇన్‌ పేషెంట్‌(ఐపీ) దొరికితే చాలు.. రూ.లక్షలు గుంజొచ్చనే దారుణమైన ధోరణి కొందరు ప్రైవేటు నిర్వాహకుల్లో స్పష్టంగా కనిపిస్తోంది. అకారణంగా శస్త్రచికిత్సలు వాంఛనీయం కాదు. ఈ వ్యవహారంలో ప్రైవేటు ఆసుపత్రులపై ఇప్పటివరకు మాకు ఫిర్యాదులు అందలేదు. ఫిర్యాదులు వస్తే తప్పకుండా చర్యలు చేపడతాం. లాభాపేక్షతో చేసే అలాంటి పనులను ఉపేక్షించేది లేదు. – రాజగోపాలరావు, డీఎంహెచ్‌వో

కోల్‌సిటీ(రామగుండం): వైద్యుడు రోగాన్ని గుర్తిస్తే.. ఫార్మసిస్ట్‌ ఆ రోగికి అందే ఔషధం ఇస్తూనే .. ఏమంది.. ఎంత మోతాదులో వేసుకోవాలో అవగాహన కల్పిస్తారు. తెరవెనుక సేవలందించే ఫార్మసిస్టులను గుర్తుచేసుకునేందుకు ప్రతీ సంవత్సరం సెప్టెంబర్‌ 25న ‘ప్రపంచ ఫార్మాసిస్టుల దినోత్సవం’గా నిర్వహిస్తున్నారు. ఈ ఏడాది నినాదం ‘ఆరోగ్యకరమైన భవిష్యత్‌ కోసం ఫార్మసిస్ట్‌లను సాధికారత చేయడం’. ఔషధం.. సాధారణ వస్తువు కాదు ఔషధం సాధారణ వస్తువు కాదు. సరైన మందు సరైన వ్యక్తికి, సరైన మోతాదులో, సరైన విధంగా అందితేనే ఆశించిన ప్రయోజనం కలుగుతుంది. ఔషధాల నిల్వ, నాణ్యత, గడువు తేదీలు, మోతాదు, వినియోగం వంటి అంశాల్లో ఫార్మసిస్టుల అప్రమత్తత అవసరం. నాణ్యతపై రాజీ వద్దు కల్తీ, నకిలీ లేదా అనుమానాస్పద ఔషధాల నియంత్రణలోనూ ఫార్మసిస్టులు కీలక భాగస్వాములు. ఔషధాలను కొనుగోలు చేసేటప్పుడు తయారీదారు వివరాలు, సరఫరా సంస్థ, బిల్లులు, బ్యాచ్‌ నంబరు, తయారీ, గడువు తేదీలు వంటి అంశాలను పరిశీలించడం అవసరం. కేవలం అధిక డిస్కౌంట్‌ లేదా తక్కువ ధర ఆధారంగా ఔషధాలను ఎంపిక చేయకుండా వాటి నాణ్యత, చట్టబద్ధమైన సరఫరాకు ప్రాధాన్యం ఇవ్వాలి. మాత్రకు.. మాటకు మధ్య వారధి చాలామంది రోగులు వైద్యుడి సూచనతో మందులు తీసుకున్నా.. వాటి వినియోగంపై సందేహాలు వచ్చినప్పుడు ముందుగా ఫార్మసిస్ట్‌ను సంప్రదిస్తుంటారు. మందు ఎలా భద్రపరచాలి? భోజనానికి ముందు తీసుకోవాలా.. తర్వాతా? మోతాదు మరిచిపోతే ఏం చేయాలి? వంటి సాధారణ సందేహాలకు సరైన మార్గదర్శకత్వం ఇవ్వడం ద్వారా చికిత్సను సురక్షితంగా కొనసాగించేందుకు రోగులకు ఫార్మసిస్టులు వారిధిగా సహకరిస్తారు. ఉమ్మడి జిల్లాలో.. ఉమ్మడి కరీంనగర్‌ జిల్లాలో సుమారు 4వేలకు పైగా రిటైల్‌ మెడికల్‌ షాపులు ఉన్నాయి. మొత్తం సుమారు ఐదు వేల నుంచి ఆరు వేల వరకు ఫార్మాసిస్టులు సేవలందిస్తున్నారు. నిరంతరం డ్రగ్‌ ఇన్‌స్పెక్టర్ల తనిఖీలు ఉమ్మడి జిల్లాలో డ్రగ్‌ ఇన్స్‌స్పెక్టర్లు మెడికల్‌షాపుల లైసెన్స్‌, రెన్యువల్స్‌ జారీ చేయడంతోపాటు దుకాణాల తనిఖీలు, మందుల నాణ్యతను పరిశీలిస్తున్నారు. అనుమానం వచ్చిన మందులను ల్యాబోరేటరికి పరిశీలనకు పంపిస్తున్నారు. నాణ్యతలో లోపం ఉంటే సంబంధిత విక్రయదారుడు, తయారీదారులపై చర్యలు తీసుకోవడంతోపాటు కేసులు కూడా నమోదు చేస్తున్నారు. రోగి ఆరోగ్యానికి ఫార్మసిస్టే భరోసా మందుల ఎంపిక నుంచి వినియోగం వరకు కీలక పాత్ర ఉమ్మడి జిల్లాలో 5 వేల మంది ఫార్మసిస్టులు నేడు వరల్డ్‌ ఫార్మసిస్ట్‌ డే

మందులు కొనుగోలు చేసేటప్పుడు బిల్లు తీసుకోవడం వినియోగదారుడి హక్కు. బిల్లు ఇవ్వడం మెడికల్‌ షాపు నిర్వాహకుల బాధ్యత. ఫార్మసీ విద్యార్హత ఉన్నవారు తమ సర్టిఫికెట్లను ఇతరుల వ్యాపారం కోసం ఇవ్వకూడదు. రోగులకు మందుల వినియోగంపై సరైన అవగాహన కల్పించడం ఫార్మసిస్టుల బాధ్యత. పెద్దపల్లి, కరీంనగర్‌ జిల్లాల్లో డ్రగ్‌ ఇన్‌స్పెక్టర్‌గా పని చేస్తూనే, ప్రతి నెలా ఆకస్మిక తనిఖీలు నిర్వహించి, నెలకు సుమారు 15 దుకాణాలను సీజ్‌ చేస్తున్న. ప్రజల ఆరోగ్యంతో చెలగాటం ఆడితే చర్యలు తప్పవు. – పిట్ట శ్రావణ్‌, డ్రగ్‌ ఇన్‌స్పెక్టర్‌

జ్యోతినగర్‌: మంచిర్యాల జిల్లా ఇందారం వద్ద గురువారం రాత్రి జరిగిన రోడ్డు ప్రమాదంలో ఎన్టీపీసీ కృష్ణానగర్‌కు చెందిన అనురాధ త్రివేది మృతి చెందారు. ఇందారం ఓఎల్‌వీఏ కార్యాలయం నుంచి గోదావరిఖని వైపు వస్తుండగా ఆమె ప్రయాణిస్తున్న వాహనాన్ని లారీ ఢీకొనడంతో ప్రమాదం జరిగినట్లు సమాచారం. తీవ్ర గాయాలతో అనురాధ త్రివేది ప్రమాద స్థలంలోనే మృతి చెందింది. ఆమె భర్త వేణుగోపాల్‌ త్రివేది ఎన్టీపీసీ కృష్ణానగర్‌లో నివాసం ఉంటూ లయన్స్‌ క్లబ్‌లో ప్రముఖుడిగా కొనసాగుతున్నారు. అనురాధ మృతితో ఎన్టీపీసీ ప్రాంతంలో విషాదఛాయలు అలుముకున్నాయి.

కొత్తపల్లి(కరీంనగర్‌): వినాయక నిమజ్జనం వేడుకల్లో విషాదం చోటుచేసుకుంది. కరీంనగర్‌ జిల్లా కొత్తపల్లి మండలం బద్ధిపల్లి గ్రామానికి చెందిన తాండ్ర అహన్‌రుద్ర (16) ప్రమాదవశాత్తు మల్కాపూర్‌ ఎస్సారెస్పీ కాలువలో పడి గల్లంతయ్యాడు. గురువారం వేకువజామున చోటుచేసుకున్న ఈ ఘటనతో గ్రామంలో విషాదఛాయలు అలుముకున్నాయి. పోలీసుల కథనం ప్రకారం.. వినాయక ప్రతిమను నిమజ్జనం చేసేందుకు బద్ధిపల్లి గ్రామస్తులు ఎస్సారెస్పీ కాలువ వద్దకు చేరుకున్నారు. ట్రాక్టర్‌ ట్రాలీ డోర్‌ తీస్తున్న క్రమంలో అహన్‌రుద్ర ప్రమాదవశాత్తు కాలువలో జారిపడ్డాడు. నీటి ప్రవాహం ఉధృతి అధికంగా ఉండడంతో నీటిలో కొట్టుకుపోయాడు. బాలుడి ఆచూకీ కోసం గాలింపు చర్యలు ప్రారంభించారు. కరీంనగర్‌ పోలీసు కమిషనర్‌ గౌస్‌ ఆలం, ఏసీపీ విజయ్‌కుమార్‌, ఇన్‌స్పెక్టర్‌ బిల్లా కోటేశ్వర్‌ ఘటనా స్థలాన్ని పరిశీలించారు. అహన్‌రుద్ర ఇంటర్‌ సెకండియర్‌ చదువుతున్నాడు. నిమజ్జన వేడుకల్లో ఉత్సాహంగా పాల్గొన్న బాలుడు గల్లంతవడంతో కుటుంబ సభ్యులు కన్నీరుమున్నీరుగా విలపిస్తున్నారు. ఎండపల్లిలో కరెంట్‌ షాక్‌తో... వెల్గటూర్‌: విద్యుత్‌ షాక్‌తో యువకుడు మృతిచెందిన సంఘటన ఎండపల్లి మండలం కొత్తపేటలో చోటుచేసుకుంది. పోలీసుల కథనం ప్రకారం.. గ్రామానికి చెందిన కొప్పుల రాజశేఖర్‌ (23) బుధవారం రాత్రి గణేశ్‌ నిమజ్జనం వేడుకల్లో భాగంగా సౌండ్‌ బాక్స్‌లకు విద్యుత్‌ సరఫరా చేసే మెయిన్‌ వైర్లను కర్రతో సరిచేస్తుండగా విద్యుత్‌ షాక్‌కు గురై మృతి చెందాడు. మృతుడి తల్లి కొప్పుల నీల ఫిర్యాదు మేరకు కేసు దర్యాప్తు చేస్తున్నట్లు ఎస్సై ఉదయ్‌ కుమార్‌ తెలిపారు. కేసు భయం.. వ్యక్తి ఆత్మహత్యాయత్నం కాల్వశ్రీరాంపూర్‌: మండలంలోని మల్యాలకు చెందిన పొన్నం అంజయ్యగౌడ్‌(40) గురువారం ఆత్మహత్య చేసుకున్నాడు. వివరాలు ఇలా ఉన్నాయి. గ్రామానికి చెందిన అంజయ్య కాల్వశ్రీరాంపూర్‌లో ఆవులు దొంగతనం చేసినట్లు బాధితులు కాల్వశ్రీరాంపూర్‌ పోలీస్‌ స్టేషన్‌లో ఈనెల 14న ఫిర్యాదు చేశారు. దీంతో పోలీసులు కేసు నమోదు చేసి విచారణ చేపట్టారు. గ్రామానికి పోలీసులు వచ్చిన విషయం తెలుసుకున్న అంజయ్యగౌడ్‌ పురుగుల మందు చెవిలో పోసుకున్నాడు. గమనించిన కుటుంబ సభ్యులు కాల్వశ్రీరాంపూర్‌ ప్రభుత్వ ఆసుపత్రికి తీసుకెళ్లారు. అక్కడి నుంచి పెద్దపల్లి ప్రభుత్వాసుపత్రికి తరలించారు. ఈ విషయమై ఎస్సై గట్ల సుధాకర్‌ను వివరణ కోరగా అంజయ్యగౌడ్‌ ఆవులు దొంగతనం చేసినట్లు ఫిర్యాదు రాగా కేసు నమోదు చేసుకుని విచారణ చేపట్టామని, ఇంట్లోనే ఉండి తలుపులు వేసుకుని ఫోన్‌ స్విచాఫ్‌ పెట్టుకున్నాడని, పోలీసులు వేధిస్తున్నారంటూ తప్పుడు ఆరోపణలు చేస్తున్నాడని పేర్కొన్నారు. బాధితుడు ఆత్మహత్యాయత్నానికి పాల్పడ్డాడని, ఆసుపత్రిలో చికిత్స పొందుతున్నాడని ఎస్సై తెలిపారు. అహన్‌రుద్ర(ఫైల్‌) రాజశేఖర్‌(ఫైల్‌)

కొత్తపల్లి(కరీంనగర్‌): విద్యుత్‌ను పొదుపుగా వినియోగించడం ద్వారా విద్యుత్‌ బిల్లు తగ్గించుకోవడమే కాకుండా కుటుంబ ఆర్థిక స్థితికి మేలు జరుగుతుందని టీజీఎన్పీడీసీఎల్‌ కరీంనగర్‌ సర్కిల్‌ ఎస్‌ఈ ఏ.విజేందర్‌రెడ్డి తెలిపారు. పొదుపు చేసిన ప్రతీ యూనిట్‌ విలువైనదని ఆయన ఒక ప్రకటన విడుదల చేశారు. ప్రతీ ఇంట్లో అనవసర విద్యుత్‌ వినియోగాన్ని కొంత మేర తగ్గించినా, లక్షలాది కుటుంబాలు అదే విధానాన్ని పాటిస్తే మొత్తం విద్యుత్‌ డిమాండ్‌పై గణనీయమైన ప్రభావం ఉంటుందన్నారు. విద్యుత్‌ పొదుపు అంటే కేవలం బిల్లు తగ్గించుకోవడం కాదు.. భవిష్యత్‌ విద్యుత్‌ అవసరాలకు సిద్ధం కావడం అని తెలిపారు. ఒక కుటుంబం రోజుకు కొద్దిగా విద్యుత్‌ పొదుపు చేయడం చిన్న విషయంగా కనిపించవచ్చు. కానీ అదే అలవాటును లక్షలాది కుటుంబాలు పాటిస్తే మొత్తం విద్యుత్‌ డిమాండ్‌పై గణనీయమైన ప్రభావం ఉంటుందని అన్నారు. విద్యుత్‌ పొదుపును ఒకరోజు కార్యక్రమంగా కాకుండా రోజువారీ జీవనశైలిలో భాగంగా చేసుకోవాలని, విద్యుత్‌ను పొదుపుగా వినియోగించడం ప్రతీ వినియోగదారుడి బాధ్యత అని సూచించారు. ● రోజుకు రెండు యూనిట్లు ఆదా చేస్తే.. ఒక కుటుంబం రోజుకు రెండు యూనిట్ల విద్యుత్‌ను పొదుపు చేస్తే నెలకు సుమారు 60 యూనిట్లు, సంవత్సరానికి సుమారు 730 యూనిట్ల వరకు ఆదా చేయవచ్చని ఎస్‌ఈ వివరించారు. అయితే దీనివల్ల కలిగే నగదు ఆదా వినియోగదారుడి టారిఫ్‌, స్లాబ్‌, వినియోగ విధానం, పరికరాల సామర్థ్యం తదితర అంశాలపై ఆధారపడి ఉంటుందని తెలిపారు. ● ఏసీ వినియోగంలో ప్రత్యేక శ్రద్ధ ఇళ్లలో విద్యుత్‌ వినియోగంలో ఏసీలు ప్రధాన భాగమని, వాటిని అవసరానికి మించి తక్కువ ఉష్ణోగ్రత వద్ద నడపకుండా 24 డిగ్రీల సెల్సియస్‌ లేదా అంతకంటే ఎక్కువ ఉష్ణోగ్రత వద్ద వినియోగించడం ద్వారా విద్యుత్‌ వినియోగాన్ని తగ్గించే అవకాశం ఉంటుందని అన్నారు. ఏసీ ఫిల్టర్లను క్రమం తప్పకుండా శుభ్రం చేయడం, తలుపులు, కిటికీలు మూసి ఉంచడం, గది ఖాళీగా ఉన్నప్పుడు ఏసీని ఆపివేయడం వంటి చర్యలు కూడా విద్యుత్‌ పొదుపుకు దోహదపడతాయని తెలిపారు. ● రోజువారీ అలవాట్లతోనే పొదుపు అవసరం లేని లైట్లు, ఫ్యాన్లను వెంటనే ఆఫ్‌ చేయాలని, ఖాళీ గదుల్లో విద్యుత్‌ పరికరాలను నడపకూడదని సూచించారు. గీజర్లు, వాటర్‌ హీటర్లు, ఇసీ్త్ర పెట్టెలు వంటి అధిక విద్యుత్‌ వినియోగ పరికరాలను అవసరమైన సమయంలో మాత్రమే ఉపయోగించాలన్నారు. కొత్త విద్యుత్‌ పరికరాలు కొనుగోలు చేసేటప్పుడు బీఈఈ స్టార్‌ రేటింగ్‌ను పరిశీలించాలని, పగటిపూట సాధ్యమైనంత వరకు సహజ కాంతిని వినియోగించాలని, ఇళ్లలో సహజ గాలి ప్రసరణకు ప్రాధాన్యం ఇవ్వాలని ఎస్‌ఈ సూచించారు. ● విద్యుత్‌ వ్యవస్థపై ఒత్తిడి తగ్గుతుంది ప్రతీ కుటుంబం కొంత విద్యుత్‌ను పొదుపు చేయడం ద్వారా మొత్తం విద్యుత్‌ డిమాండ్‌ను నియంత్రించడంలో సహకరించవచ్చన్నారు. ముఖ్యంగా అధిక డిమాండ్‌ ఉన్న పీక్‌ సమయాల్లో అనవసర విద్యుత్‌ వినియోగాన్ని తగ్గించడం ద్వారా విద్యుత్‌ ఉత్పత్తి, ప్రసారం, పంపిణీ వ్యవస్థలపై ఒత్తిడిని తగ్గించవచ్చని తెలిపారు. ● భవిష్యత్‌ తరాలకు బాధ్యత విద్యుత్‌ను అవసరమైనంత మాత్రమే వినియోగించడం ద్వారా సహజ వనరులను బాధ్యతాయుతంగా వినియోగించినట్లవుతుందని, భవిష్యత్‌ తరాల విద్యుత్‌ అవసరాలకు ఇది దోహదపడుతుందని చెప్పారు. విద్యుత్‌ అవసరాన్ని సమర్థవంతంగా నిర్వహించడం ద్వారా ఇంధన వనరులపై ఒత్తిడిని తగ్గించి పర్యావరణ పరిరక్షణలో ప్రతి వినియోగదారుడు తన వంతు పాత్ర పోషించవచ్చన్నారు. సరైన విధంగా, అవసరమైన సమయంలోనే విద్యుత్‌ పరికరాలను వినియోగించడం, వాటిని క్రమం తప్పకుండా నిర్వహించడం వల్ల పరికరాల పనితీరు మెరుగుపడి వాటి జీవితకాలం పెరిగే అవకాశం ఉందన్నారు. జీవనశైలిలో పొదుపు భాగంగా తీసుకోవాలి టీజీఎన్పీడీసీఎల్‌ కరీంనగర్‌ సర్కిల్‌ ఎస్‌ఈ విజేందర్‌ రెడ్డి

జమ్మికుంట: 9.5 సెం.మీలు కరీంనగర్‌ అర్బన్‌: 4.3 సెం.మీలు ఇల్లందకుంట: 4.0 సెం.మీలు కరీంనగర్‌ రూరల్‌: 3.0 సెం.మీలు గన్నేరువరం: 2.8 సెం.మీలు తిమ్మాపూర్‌: 2.4 సెం.మీలు కొత్తపల్లి: 2.3 సెం.మీలు మానకొండూరు: 2.2 సెం.మీలు సైదాపూర్‌: 2.0 సెం.మీలుకరీంనగర్‌ అర్బన్‌: ఎడతెరిపి లేని వాన తటాకాలను మరిపించింది. పల్లె, పట్నం తేడా లేకుండా ఎటూ చూసినా జలమయమే. గత రెండు రోజులుగా జిల్లావ్యాప్తంగా వర్షం దంచి కొడుతుండగా చెరువులు జలకళను సంతరించుకోగా వాగులు పొంగి పొర్లుతున్నాయి. దిగువ మానేరు, ఇతర జలాశయాలు ఆశాజనకంగా మారాయి. అత్యధికంగా జమ్మికు ంట,చొప్పదండి మండలాల్లో 9.5 సెం.మీల వర్షపా తం నమోదైంది. కరీంనగర్‌ అర్బన్‌, ఇల్లందకుంట, కరీంనగర్‌ రూరల్‌, గన్నేరువరం, హుజూరాబా ద్‌, శంకరపట్నం, మానకొండూరు, తిమ్మాపూర్‌ మండలాల్లో 6 సెం.మీలకు పైగా వర్షపాతం నమోదైంది. నిండిన చెరువులు.. ఆశాజనకంగా జలాశయాలు జిల్లావ్యాప్తంగా కరీంనగర్‌, హుజూరాబాద్‌ రెవెన్యూ డివిజన్లుండగా 1,376 చెరువులున్నాయి. దిగువ మానేరు జలాశయం, శనిగరం ప్రాజెక్టు, మధ్యమానేరు జలాశయాల్లో ఆశాజనకంగా నీరు చేరగా భారీగా వస్తున్న వరద నీటితో చెరువులు, కుంటలు నిండడంతో యాసంగి పంటలకు ఢోకా లేదని అన్నదాతలు హర్షం వ్యక్తం చేస్తున్నారు. కాకతీయ కెనాల్‌, వరదనీటి కాలువ ద్వారా ఉమ్మడి కరీంనగర్‌ జిల్లాకు నీరందించే శ్రీరాంసాగర్‌ ప్రాజెక్టు నిండుకునే దశకు చేరింది. ఏటా పత్తికి తీవ్ర నష్టం.. వరికి భరోసా తెల్లబంగారాన్ని పండించే రైతులకు ఈ సారి గడ్డురోజులేనని స్పష్టమవుతోంది. అవసరమైన సమయంలో కాకుండా అకాలంలో తెరిపిలేకుండా కురుస్తున్న వర్షాల వల్ల పంటపై తెగుళ్లు దాడి చేయనుండగా పైరు ఎదుగుదలపై ప్రభావం పడుతోంది. జిల్లాలో రెండే ప్రధాన పంటలు వరి, పత్తి కాగా పత్తి పూతకు రాగా పూత రాలిపోతుంది. 60వేల ఎకరాల్లో పత్తి సాగు కాగా నల్లరేగడి నేలలో పంట ఎదగలేదు. చెలక, నల్లరేగడి భూముల్లో మొక్కలు ఎర్రబడ్డాయి. అంతేకాకుండా గడ్డి విపరీతంగా పెరిగిపోవడం, మొక్కలకు వేరు తెగులు, పూత, కాత రాలిపోవడం వంటి తెగుళ్లు ఉధృతమయ్యాయి. సాగైన పంటలో 45శాతం వరకు తెగుళ్లు వ్యాప్తి చెందినట్లు అధికారులు చెబుతున్నారు. పైరు ఎదుగుదల లేకపోవడం, పూత రాలిపోతుండటంతో దిగుబడులు సగానికి తక్కువగా వచ్చే అవకాశముంది. ఇక అపరాలది అదే పరిస్థితి. వరి పంటకు సమృద్ధిగా నీరు లభించినట్లయింది. రెండ్రోజులుగా కురుస్తున్న వర్షంతో భుగర్భ జలమట్టం పెరిగింది.

ఎల్లారెడ్డిపేట(సిరిసిల్ల): లక్ష్యానికి శ్రమ తోడైతే ఏదైనా సాధించవచ్చని నమ్మిన బాలుడు తన ప్రయాణంలో ఉత్తమ స్థానానికి చేరుకున్నాడు. క్రికెట్‌పై ఉన్న ఇష్టం.. లక్ష్యాన్ని చేరుకోవాలన్న తపనతో గంటల కొద్దీ చేసిన ప్రాక్టీస్‌ ఫలితానిచ్చింది. మనది కాని దేశం.. కొత్త మనుషుల మధ్య ప్రాక్టీస్‌నే నమ్ముకొని అండర్‌–14 సీబీఎస్‌ఈ నేషనల్‌ టీమ్‌ వరకు చేరుకున్నాడు. 14 ఏళ్ల వయసులోనే క్రికెట్‌లో చిచ్చరపిడుగులా రాణిస్తున్నాడు. ఒమన్‌ అండర్‌–14 సీబీఎస్‌ఈ క్రికెట్‌ టీమ్‌కు ప్రవాసీ తెలంగాణ కుటుంబానికి చెందిన బాలుడు కొండేటి పార్థు ఎంపికయ్యాడు. అక్టోబర్‌ 24 నుంచి 31వ తేదీ వరకు ఇండియాలో జరిగే టోర్నమెంట్‌లో ఒమన్‌ దేశం తరఫున ప్రాతినిధ్యం వహించనున్నాడు. ఈ టోర్నీకి ఒమన్‌ నుంచి ఇండియాకు అక్టోబర్‌ 22న చేరుకోనున్నారు. ఈ టోర్నమెంట్‌లో ఇండియాలోని 8 జోన్ల నుంచి 8 జట్లు పాల్గొంటుండగా.. జీసీసీ(గల్ఫ్‌ కోఆపరేషన్‌ కౌన్సిల్‌) నుంచి కూడా కొన్ని జట్లు పాల్గొంటున్నాయి. కొండేటి పార్థు ఒమన్‌ అండర్‌–14 సీబీఎస్‌ఈ క్రికెట్‌ టీమ్‌ తరఫున ఆడనున్నారు. తమిళనాడు రాష్ట్రం మధురై పోటీలు జరుగనున్నాయి. నారాయణపూర్‌ నుంచి ఒమన్‌కు.. రాజన్నసిరిసిల్ల జిల్లా ఎల్లారెడ్డిపేట మండలం నారాయణపూర్‌కు చెందిన కొండేటి దేవేందర్‌–సంజన దంపతుల పెద్ద కుమారుడు కొండేటి పార్థు. 2022 నుంచి దేవేందర్‌ కుటుంబంతో సహా ఒమన్‌ దేశంలో ఉంటున్నారు. అక్కడి వాడికబీర్‌ ప్రాంతంలో నివసిస్తున్నారు. పార్థు ఇండియన్‌ స్కూల్‌ ఆఫ్‌ వాడికబీర్‌లో 7వ తరగతి చదువుతున్నాడు. 3వ తరగతి నుంచి క్రికెట్‌ ప్రాక్టీస్‌ ప్రారంభించాడు. తొలుత ఇండియన్‌ స్కూల్‌ ఆఫ్‌ వాడికబీర్‌ టీమ్‌ తరఫున ఆడి ప్రధాన బౌలర్‌గా రాణించాడు. క్రమక్రమంగా పాఠశాల టీ మ్‌ నుంచి ఒమన్‌ దేశం సీబీఎస్‌ఈ అండర్‌– 14 టీ మ్‌కు ఎంపికయ్యాడు. ఐదేళ్లుగా ఉదయం, సాయంత్రం గంటలకొద్దీ చేసిన ప్రాక్టీస్‌ ఫలితమిచ్చిందని పార్థు తండ్రి దేవేందర్‌ సంతోషం వ్యక్తం చేశారు. ఉత్తమ ప్రదర్శనే లక్ష్యం ఇన్నాళ్ల కృషి ఫలించింది. అండర్‌–14 సీబీఎస్‌ఈ నేషనల్‌ టీమ్‌కు ఎంపికవడం సంతోషంగా ఉంది. అక్టోబర్‌ 24 నుంచి మధురైలో జరిగే టోర్నమెంట్‌లో బౌలర్‌గా అత్యుత్తమ ప్రదర్శన ఇవ్వడమే లక్ష్యంగా ప్రాక్టీస్‌ చేస్తున్నా. – కొండేటి పార్థు, సీబీఎస్‌ఈ అండర్‌–14 క్రికెటర్‌ అండర్‌–14 సీబీఎస్‌ఈ క్రికెట్‌ జట్టుకు ఎంపిక ఒమన్‌ అండర్‌–14 నేషనల్‌ టీమ్‌ తరఫున ప్రాతినిధ్యం అక్కడే స్థిరపడిన కుటుంబం అక్టోబర్‌ 24 నుంచి ఇండియాలో టోర్నమెంట్‌ మధురై వేదికగా పోటీలు

సిరిసిల్ల/కరీంనగర్‌స్పోర్ట్స్‌: పట్టుదలతో ఆడి బీసీసీఐ టోర్నమెంట్‌ వరకు చేరుకుంది జిల్లాకు చెందిన పన్యాల అక్షయరెడ్డి. రాజన్న సిరిసిల్ల జిల్లా తంగళ్లపల్లి మండలం రామన్నపల్లికి చెందిన బిల్డర్‌ పన్యాల తిరుపతిరెడ్డి కూతురు. కరీంనగర్‌లోని వీజేఆర్‌ క్రికెట్‌ గ్రౌండ్‌లో ప్రాక్టీస్‌ మొదలుపెట్టింది. బీసీసీఐ టోర్నమెంట్స్‌ కోసం ప్రకటించిన 15 మంది సభ్యుల హెచ్‌సీఏ అండర్‌–19 ఉమెన్‌ జట్టులో చోటు సంపాదించుకుంది. బ్యాటర్‌గా రాణిస్తూ.. కరీంనగర్‌లో నిర్వహించిన హెచ్‌సీఏ క్రికెట్‌ ట్రయల్స్‌లో తన అసాధారణ ప్రతిభతో సెలక్టర్ల దృష్టిని ఆకర్షించింది. హైదరాబాద్‌లో జరిగిన ప్రతిష్టాత్మక లీగ్‌ బరిలోకి దిగింది. హైదరాబాద్‌లో సూపర్‌ 20 జట్ల మధ్య జరిగిన మొదటి రౌండ్‌ పోటీలలో బ్యాటర్‌గా తనదైన ముద్ర వేసుకుంది. ప్రిలిమినరీ రౌండ్లలో బ్యాట్‌తో రాణించగా సూపర్‌ 8 లీగ్‌లో ఒక జట్టుకు కెప్టెన్‌గా అక్షయను నియమించారు. అనంతరం జరిగిన సూపర్‌ 4 లీగ్‌లోనూ జట్టుకు కెప్టెన్‌గా వ్యవహరించి తన ఆట తీరుతో ఆకట్టుకుంది. అద్భుతమై ఫామ్‌లో ఉమ్మ అక్షయను ఏకంగా 15 మంది సభ్యుల హెచ్‌సీఏ స్టేట్‌ స్క్వాడ్‌లో నిలబెట్టింది. జిల్లాలోని ప్రతీ యువ క్రికెటర్‌కు ఒక గొప్ప స్ఫూర్తి అని ఆమె ప్రగతిపై కేడీసీఏ అధ్యక్ష, కార్యదర్శులు ఆగంరావు, మనోహర్‌రావు, మహేందర్‌, మురళీధర్‌రావు అభినందించారు.

చెన్నకేశవనాథ ఆలయ చరి త్రను సోషల్‌ మీడియా ద్వారా తెలుసుకొని పర్యాటకులు ఆలయాన్ని సందర్శిస్తున్నారు. ముఖ్యంగా ఆలయ చరిత్రపై యూట్యూబ్‌ల ద్వారా వీడియోలు చిత్రీకరిస్తూ ప్రచారం కల్పిస్తున్నారు. ఎంతో గొప్ప చరిత్ర ఈ ఆలయానికి ఉంది. – ఏనుగు మల్లారెడ్డి, సింగిల్‌విండో చైర్మన్‌ పర్యాటక శాఖ దృష్టి సారించాలి ఆలయ అభివృద్ధిపై దృష్టి సారిస్తే మరింత అభివృద్ధి చెందుతుంది. దేశంలోనే రెండో పంచముఖ లింగం ఇక్కడ ఉంది. ఎంతో గొప్పనైన చరిత్ర కాకతీయుల కళావైభవం ఈ ఆలయం సొంతం. ప్రభుత్వం నిధులు మంజూరు చేయాలి. – మచ్చ శ్రీధర్‌, ఉత్సవ కమిటీ చైర్మన్‌ భక్తులు పెరుగుతున్నారు చెన్నకేశవనాథ స్వామి ఆలయ చరిత్ర తెలుసుకుని రాష్ట్ర నలుమూలల నుంచి భక్తులు వస్తున్నారు. ప్రతి సోమవారం అభిషేకాలు చేస్తున్నాం. దర్శించుకుంటున్న వారిలో వీఐపీలు కూడా ఉన్నారు. వర్షం కురిస్తే ఉత్సవమూర్తులపై పడి పూజలకు ఇబ్బందిగా ఉంది. – సతీశ్‌శర్మ, అర్చకులు

త్రికూటాలయంరాయికల్‌: కాకతీయుల కళావైభవానికి ప్రత్యక్ష సాక్ష్యంగా నిలుస్తోంది రాయికల్‌ పట్టణంలోని చెన్నకేశవనాథ ఆలయం. ఇక్కడ దేశంలోనే రెండో పంచముఖ లింగం కొలువై ఉంది. ఎంతోచరిత్ర కలిగిన ఈ ఆలయంలో ఈనెల 27న ప్రపంచ పర్యాటక దినోత్సవం సందర్భంగా వేడుకలు నిర్వహించేందుకు అధికార యంత్రాంగం సన్నాహాలు చేస్తోంది. జగిత్యాల జిల్లా కేంద్రం నుంచి 25 కిలోమీటర్ల దూరంలో ఉంది. కాశీలో మాత్రమే ఉన్న పంచముఖ లింగం ఈ ఆలయంలోనూ ఉంది. ఇక్కడి శిలాశాసనాలు, అవశేషాలు, దేవనాగరి లిపితో లభించిన శాసనాలతో రావికంటి (నేడు రాయికల్‌) చరిత్ర వెలుగుచూసింది. ప్రభాకర్‌రావుపేట, గోవిందురాజుపేట, ఒద్దులాపురం, పద్మపురం, నందిపేట, రాయికంటి (రాయికల్‌), కొండాపూర్‌ గ్రామాలు కలిపి రావికంటిగా ఏర్పడినట్లు చరిత్రకారులు చెబుతుంటారు. ఇది ఆలయ చరిత్ర జైన మతం అభిమానులైన వేములవాడ చాళుక్యులు 700 ఏళ్ల క్రితం ఇక్కడ ఈ ఆలయాన్ని నిర్మించినట్లు తెలుస్తోంది. ఆర్యవైశ్య సామాజిక వర్గానికి చెందిన లకుమాదేవి బిడ్డకు పాలు ఇస్తుండగా.. ఆమె మామ ఇంట్లోకి రావడాన్ని గ్రహించలేదని, లేవకుండా కనీసం గౌరవం ఇవ్వలేదని ఆమె మామ ఆగ్రహించాడని, ఆ అవమానాన్ని తట్టుకోలేని లకుమాదేవి తన తల్లిదండ్రుల వద్దకు వెళ్లి చెరువు, ఆలయం నిర్మించినట్లు ప్రచారంలో ఉంది. నేటికీ లకుమాదేవి చెరువు కింద 1500 ఎకరాల భూమి సాగులో ఉండడం గమనార్హం. ఆలయంలో నమస్కరిస్తున్న భంగిమలో చెక్కిన ఓ సీ్త్రమూర్తి విగ్రహం ఉండడంతో అది లకుమాదేవిదే అయి ఉండవచ్చునని భావిస్తున్నారు. అభివృద్ధికి ఆమడ దూరం చెన్నకేశవనాథ ఆలయానికి ఎంతో చరిత్ర ఉన్నా.. అభివృద్ధికి ఆమడ దూరంలో ఉంది. సోషల్‌ మీడియాలో వచ్చిన కథనాల ఆధారంగా రెండేళ్ల నుంచి ఆలయానికి భక్తుల సంఖ్య పెరుగుతోంది. వర్షం కురిస్తే ఉత్సవవిగ్రహాలపై నీరు పడుతోందని అర్చకులు ఆవేదన వ్యక్తం చేస్తున్నారు. ఆలయం చుట్టూ ప్రహరీ లేకపోవడంతో పాములు, తేళ్లు సంచరిస్తున్నాయని భక్తులు చెబుతున్నారు. 27న పర్యాటక దినోత్సవం ఈనెల 27న ప్రపంచ పర్యాటక దినోత్సవం సందర్భంగా జగిత్యాల కలెక్టర్‌ సత్యప్రసాద్‌ చొరవతో చెన్నకేశవనాథ ఆలయంలో వేడుకలు నిర్వహించేందుకు సన్నాహాలు చేస్తున్నారు. అన్ని మండలాల నుంచి విద్యార్థులను తీసుకొచ్చి ఆలయ విశిష్ఠతను వివరించడంతోపాటు, సాంస్కృతిక కార్యక్రమాలు చేపట్టనున్నారు. దేశంలోనే రెండో పంచముఖ లింగం అపురూప ఆలయానికి ఆదరణ కరువు 27న ఆలయంలో పర్యాటక దినోత్సవం

కరీంనగర్‌ అర్బన్‌: ఎట్టకేలకు కలెక్టరేట్‌ ప్రారంభోత్సవానికి రంగం సిద్ధమైంది. ఆగస్టులోనే ప్రారంభోత్సవం ఉంటుందని అధికార యంత్రాంగం భావించగా.. సీఎం విదేశీ పర్యటనతో అనధికారికంగా వాయిదా పడింది. మొత్తంగా ఈనెల 30న ముఖ్యమంత్రి ఎ.రేవంత్‌రెడ్డి చేతుల మీదుగా కలెక్టరేట్‌ ప్రారంభోత్సవం ఉంటుందని మంత్రి పొన్నం ప్రభాకర్‌ వెల్లడించగా.. కలెక్టర్‌ చిత్రా మిశ్రా తదనుగుణంగా కసరత్తు చేస్తున్నారు. వాస్తవానికి ఇప్పటికే కలెక్టరేట్‌ నిర్మాణం పూర్తవగా.. చిన్నచిన్న పనులు చేస్తున్నారు. ప్రారంభోత్సవం స్పష్టత క్రమంలో రెండు, మూడు రోజుల్లో పూర్తవనున్నాయి. మంత్రి పొన్నం కలెక్టర్‌, సీపీ గౌస్‌ ఆలం, ఎమ్మెల్యేలు మేడిపల్లి సత్యం, కవ్వంపల్లి సత్యనారాయణతో కలిసి గురువారం కలెక్టరేట్‌ను పరిశీలించారు. సమీకృత జిల్లా కార్యాలయాల సముదాయం మొత్తం కలియతిరుగుతూ కలెక్టర్‌కు పలు సూచనలు చేశారు. పండుగ వాతావరణంలో ప్రారంభించేందుకు జిల్లా యంత్రాంగం పకడ్బందీ ఏర్పాట్లు చేపట్టాలని ఆదేశించారు. నూతన కలెక్టరేట్‌ ప్రారంభోత్సవం, ముఖ్యమంత్రి పర్యటన ఏర్పాట్లపై కలెక్టర్‌ చాంబర్‌లో మంత్రి సమీక్ష సమావేశం నిర్వహించారు. తెలంగాణ తల్లి విగ్రహావిష్కరణ పరిశీలన.. సమీక్ష అనంతరం మంత్రి ఎమ్మెల్యేలు, అధికారులతో కలిసి తెలంగాణ తల్లి విగ్రహావిష్కరణకు ఏర్పాటు చేస్తున్న ప్రాంగణాన్ని పరిశీలించి అధికారులకు సూచనలు చేశారు. కలెక్టర్‌ నూతన చాంబర్‌, సమావేశ మందిరంతోపాటు ముఖ్యమంత్రి పర్యటించే ప్రాంతాలు, హెలీప్యాడ్‌ను పరిశీలించారు. సీఎం హెలికాప్టర్‌లో చేరుకున్న తర్వాత కలెక్టరేట్‌ ప్రారంభోత్సవ కార్యక్రమంలో పాల్గొని కలెక్టరేట్‌లో అధికారులతో సమావేశమై దిశానిర్దేశం చేయనున్నారు. తదుపరి సీఎం రాజన్న సిరిసిల్ల జిల్లా పర్యటనకు వెళ్లనున్నారు. మున్సిపల్‌ కమిషనర్‌ ప్రఫుల్‌ దేశాయ్‌, లైబ్రరీ చైర్మన్‌ సత్తు మల్లేశ్‌, అదనపు కలెక్టర్‌(రెవెన్యూ) శ్రీనివాస్‌రెడ్డి, డీఆర్వో స్వామి, ఆర్డీవో షర్మిల తదితరులున్నారు.

గోదావరిఖని/రామగుండం: ఇంట్లో కరెంట్‌ పోవడంతో విద్యుత్‌ సరఫరా కోసం ఫిర్యాదు చేయడానికి ఆఫీస్‌కు వెళ్లి తిరిగి వస్తుండగా రోడ్డు ప్రమాదంలో టెంట్‌హౌజ్‌ వ్యాపారి మృతి చెందాడు. గురువారం స్థానిక మాతంగికాంప్లెక్స్‌ సమీపంలో జరిగిన రోడ్డు ప్రమాదంలో కాకతీయనగర్‌కు చెందిన బల్లం రాంచందర్‌(53)ను క్రేన్‌ ఢీకొనడంతో మృతి చెందాడు. కడుపుపై నుంచి క్రేన్‌టైర్లు వెళ్లడంతో పేగులు బయటకు వచ్చి తీవ్రగాయాల పాలయ్యాడు. తీవ్రంగా గాయపడిన రాంచందర్‌ను కుటుంబ సభ్యులు అంబులెన్స్‌లో ప్రభుత్వ ఏరియా ఆసుపత్రికి తరలించగా అప్పటికే మృతి చెందినట్లు వైద్యులు నిర్ధారించారు. క్రేన్‌ వాహనం డ్రైవర్‌ వాహనాన్ని అతివేగంగా, అజాగ్రత్తగా నడుపుతూ వెనుక నుంచి రాంచందర్‌ను ఢీకొట్టగా ఈ ప్రమాదం జరిగింది. వాహనం డ్రైవర్‌ కానుగంటి రమేశ్‌పై పోలీసులు కేసు నమోదు చేశారు. మృతుడి కుటుంబ సభ్యుల ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు వన్‌టౌన్‌ సీఐ ఇంద్రసేనారెడ్డి పేర్కొన్నారు. గూడ్స్‌ రైలు ఢీకొని.. అంతర్గాం మండల పరిధిలోని బద్రిపల్లికి చెందిన నాంసాని లక్ష్మి(52) బుధవారం రాత్రి గూడ్సు రైలు కింది నుంచి దాటుతుండగా రైలు కదలడంతో మృతి చెందింది. కుటుంబ సభ్యులు తెలిపిన వివరాల మేరకు.. బద్రిపల్లికి మధ్యలో నుంచి గోదావరిఖని, ఎన్టీపీసీ పరిశ్రమలకు వెళ్లే రైల్వే లైన్‌ ఉంది. లక్ష్మి గూడ్సు రైలు కింద నుంచి బయటకు వెళ్లే ప్రయత్నం చేస్తుండగా ఆమె చీర వ్యాగన్‌ కింద ఇనుప కొంకెకు తట్టుకొని లాగడంతో రైలు పట్టాలపై పడడంతో అక్కడికక్కడే దుర్మరణం చెందింది. ఆమె మృతదేహాన్ని గూడ్సు రైలు రామగుండం రైల్వేస్టేషన్‌ వరకు ఈడ్చుకెళ్లింది. మృతురాలికి భర్త అంజయ్య, ఇద్దరు కుమార్తెలు ఉన్నారు. మృతదేహాన్ని పోస్టుమార్టం నిమిత్తం గోదావరిఖని ప్రభుత్వాసుపత్రికి తరలించి కుటుంబసభ్యులకు అప్పగించారు. మృతురాలి కుటుంబసభ్యుల ఫిర్యాదు మేరకు నమోదు చేసుకొని దర్యాప్తు చేపడుతున్నామని ఎస్సై సంధ్యారాణి పేర్కొన్నారు. ఇద్దరి కళ్లతో నలుగురికి చూపు ఆప్తులను కోల్పోయి దుఃఖంలో ఉన్న ఆ కుటుంబాలు నేత్రదానానికి ముందుకొచ్చాయి. నలుగురికి చూపునిచ్చి ఆదర్శంగా నిలిచాయి. గోదావరిఖని కాకతీయనగర్‌కు చెందిన టెంట్‌హౌస్‌ నిర్వాహకుడు బొల్లం రామచందర్‌ (58) గురువారం స్థానిక మాతంగి కాంప్లెక్స్‌ ఎదుట రోడ్డుపై నడుచుకుంటూ వెళ్తుండగా క్రేన్‌ వాహనం ఢీకొనగా అక్కడిక్కడే మృతిచెందాడు. అంతర్గాం మండలం బద్రిపల్లికి చెందిన ఎన్‌.లక్ష్మి(55) గూడ్స్‌ రైలు ఢీకొనడంతో మృతిచెందింది. ఈ విషాద సమయంలోనూ రెండు కుటుంబాలు నేత్రదానానికి ముందుకు వచ్చాయి. సదాశయ ఫౌండేషన్‌, మేదరి సంఘం ప్రతినిధుల సూచన మేరకు జీజీహెచ్‌లో ఎల్వీ ప్రసాద్‌ ఐ బ్యాంక్‌ టెక్నిషియన్‌ ప్రదీప్‌ నాయక్‌ నేత్రాలు సేకరించి హైదరాబాద్‌కు తరలించారు. రెండు కుటుంబాల నిర్ణయం పలువురికి ఆదర్శమని సదాశయ ఫౌండేషన్‌ గౌరవ అధ్యక్షుడు రామకృష్ణారెడ్డి, జాతీయ అధ్యక్షుడు శ్రవణ్‌కుమార్‌, ప్రధాన కార్యదర్శి లింగమూర్తి, ప్రచార కార్యదర్శి వాసు, ప్రతినిధులు చంద్రమౌళి, భీష్మాచారి, కవిత అనంతరాములు, రాజమౌళి, లక్ష్మీనారాయణ, రాములు, అన్నపూర్ణ, శశికళ, జ్యోతి తదితరులు పేర్కొన్నారు.

కరీంనగర్‌లోని రాంనగర్‌ మట్టి గణపతి నిమజ్జన శోభాయాత్ర గురువారం సాయంత్రం అత్యంత వైభవంగా సాగింది. 32 అడుగుల వినాయక ప్రతిమ నిమజ్జనయాత్రలో డోల్‌ వాయిద్యాలు, లైటింగ్‌ ఆకర్షణగా నిలిచాయి. భక్తులు పెద్దసంఖ్యలో హాజరుకాగా.. యాత్ర నగరంలోని ప్రధాన వీధుల గుండా చింతకుంట వరకు సాగింది. – కరీంనగర్‌కల్చరల్‌కరీంనగర్‌ అర్బన్‌: జిల్లాలో వివిధ ఆర్థిక మద్దతు పథకాల కింద నిర్దేశించిన రుణ లక్ష్యాలను వంద శాతం సాధించేలా బ్యాంకర్లు, సంబంధిత శాఖల అధికారులు సమన్వయంతో పని చేయాలని జిల్లా అదనపు కలెక్టర్‌ డి.శ్రీనివాస్‌రెడ్డి ఆదేశించారు. గురువారం కలెక్టరేట్‌ సమావేశ మందిరంలో బ్యాంకర్లు, జిల్లా అధికారులతో డీసీసీ, డీఎల్‌ఆర్‌సీ సమీక్ష సమావేశం నిర్వహించగా.. 2026–27 ఆర్థిక సంవత్సరానికి రూ.14,846కోట్లతో రూపొందించిన వార్షిక రుణ ప్రణాళికను ఆవిష్కరించారు. ఇందులో వ్యవసాయ అవసరాలకు రూ.5,755కోట్లు, ఎంఎస్‌ఎంఈ రంగానికి రూ.3,583కోట్లు, విద్యా రుణాలకు రూ.53.25కోట్లు, గృహ రుణాలకు రూ.328.50కోట్లు, ఎగుమతి రంగాలకు రూ.12.80కోట్లు, సామాజిక మౌలిక సదుపాయాలకు రూ.21.61కోట్లు, పునరుత్పాదక ఇంధన రంగానికి రూ.54.97కోట్లు, ఇతర ప్రాధాన్య రంగాలకు రూ.148.41కోట్లు, ఇతర రంగాలకు రూ.4,889కోట్ల రుణాలు అందించేలా ప్రణాళిక రూపొందించినట్లు వెల్లడించారు. రైతులు, స్వయం సహాయక సంఘాలు, యువతతోపాటు వివిధ వర్గాల లబ్ధిదారులకు ఆర్థిక మద్దతు అందించడంలో బ్యాంకర్లు పూర్తిస్థాయిలో సహకరించాలని కోరారు. ఆయా పథకాల కింద పెండింగ్‌లో ఉన్న రుణ ప్రతిపాదనలను త్వరగా పరిష్కరించి అర్హులైన లబ్ధిదారులకు రుణాలు మంజూరు చేయాలని ఆదేశించారు. 2025–26 ఆర్థిక సంవత్సరంలో ఏప్రిల్‌ 2025 నుంచి మార్చి 2026 వరకు జిల్లాలో మొత్తం రూ.20,000.67కోట్ల రుణాలను మంజూరు చేసినట్లు తెలిపారు. వ్యవసాయం, వ్యవసాయ అనుబంధ రంగాలకు రూ.5,975.41కోట్లు, ఎంఎస్‌ఎంఈ రంగానికి రూ.2,768.59కోట్లు, విద్యా రుణాలకు రూ.17.31కోట్లు, గృహ రుణాలకు రూ.197.15కోట్లు, ఇతర రంగాలకు రూ.5,242కోట్ల రుణాలు మంజూరైనట్లు వివరించారు. వ్యవసాయ శాఖ అధికారులతో సమన్వయం చేసుకొని బ్యాంకర్లు క్యాంపులు నిర్వహించాలని తెలిపారు. అర్హత ఉన్న రైతుకు రుణ సదుపాయం అందేలా చర్యలు తీసుకోవాలన్నారు. ఎల్‌డీఎం ఉమాశంకర్‌ నందన, ఆర్బీఐ అధికారి యశ్వంత్‌సాయి, నాబార్డ్‌ డీడీఎం జయప్రకాశ్‌, ఎస్‌బీఐ ఏజీఎం కె.పద్మజ, యూబీఐ చీఫ్‌ మేనేజర్‌, మెప్మా పీడీ స్వరూపరాణి, జిల్లా వ్యవసాయ శాఖ అధికారి చత్రునాయక్‌, ఎస్సీ కార్పొరేషన్‌ ఈడీ తిరుపతిరావు, ఎస్‌బీఐ ఆర్‌ఎస్‌ఈటీఐ డైరెక్టర్‌, ఉద్యానవన శాఖ అధికారి, డీటీడీవో, టీజీబీ, కేడీసీసీబీ డీజీఎం, వివిధ బ్యాంకుల కంట్రోలర్లు, కోఆర్డినేటర్లు, కరీంనగర్‌ లోకల్‌ బ్రాంచ్‌ మేనేజర్లు, జిల్లా పరిశ్రమల కేంద్రం జీఎం సాల్మాన్‌ రాజు, అదనపు డీఆర్‌డీవో రాకేశ్‌కుమార్‌ తదితరులు పాల్గొన్నారు.

కరీంనగర్‌ కార్పొరేషన్‌: నగరపాలక సంస్థ పరిధిలో 2,252 వినాయక విగ్రహాలను నిమజ్జనం చేసినట్లు నగర మేయర్‌ కొలగాని శ్రీనివాస్‌ తెలిపారు. ఇందులో అత్యధికంగా మానకొండూరు చెరువులో, ఆ తరువాత చింతకుంట కెనాల్‌లో విగ్రహాలు నిమజ్జనమయ్యాయన్నారు. గురువారం తెల్లవారుజాము వరకు నిమజ్జనాన్ని పర్యవేక్షించారు. ఈ సందర్భంగా ఆయన మీడియాతో మాట్లాడుతూ వినాయక నిమజ్జనాన్ని విజయవంతంగా పూర్తి అయ్యేందుకు సహకరించిన వారందరికీ కృతజ్ఞతలు తెలిపారు. బుధవారం ప్రారంభమైన గణేశ్‌ నిమజ్జన ఉత్సవాలు గురువారం రాత్రి వరకు కొనసాగాయని తెలిపారు. నగరపాలక సంస్థ సిబ్బంది, కార్మికులు, అధికారులు భారీవర్షాన్ని లెక్కచేయకుండా సమర్థవంతంగా విధులు నిర్వహించడంపట్ల ప్రత్యేకంగా అభినందనలు తెలిపారు. కార్మికులు ఎప్పటికప్పుడు పారిశుధ్య పనులు నిర్వహించి, చెత్తను తరలించారన్నారు. నిమజ్జనం ప్రశాంతంగా, విజయవంతంగా పూర్తయ్యేందుకు సహకరించిన ప్రతీ ఒక్కరికి ధన్యవాదాలు తెలిపారు. శుక్రవారం నుంచి నిమజ్జన పాయింట్లల్లో శిథిలాల తొలగింపు చేపడుతున్నట్లు వెల్లడించారు. పాయింట్ల వారీగా నిమజ్జనం అయిన విగ్రహాల (5 ఫీట్ల పైబడి) సంఖ్య మానకొండూరు: 850 చింతకుంట: 740 కొత్తపల్లి: 550 బొమ్మకల్‌: 62 గోపాల్‌పూర్‌: 30 దుర్శేడ్‌ : 20 మొత్తం : 2,252

కరీంనగర్‌కల్చరల్‌/కరీంనగర్‌క్రైం/మానకొండూర్‌/కొత్తపల్లి: మహారాష్ట్ర బ్యాండ్ల హోరు.. డప్పుల దరువు.. ఒగ్గుడోలు విన్యాసాలు.. యువత తీన్మార్‌ స్టెప్పులు.. మహిళల కోలాటాలు.. ‘గణపతి బప్పా మోరియా’ నినాదాలతో కరీంనగరం మార్మోగింది. నవరాత్రులపాటు పూజలందుకున్న గణనాథుడికి బుధవారం భక్తులు ఘనంగా వీడ్కోలు పలికారు. జోరువానను సైతం లెక్కచేయకుండా భక్తులు శోభాయాత్రలో పాల్గొని గణపతులను నిమజ్జనానికి తరలించారు. పూణే, మహారాష్ట్ర బ్యాండ్ల బృందాల లయబద్ధమైన సంగీతం వేడుకలకు మరింత ఊపునిచ్చింది. యువత ఉత్సాహంగా నృత్యాలు చేస్తూ అలంకరించిన వాహనాలపై గణనాథులను టవర్‌సర్కిల్‌కు తీసుకొచ్చారు. అక్కడ గణేశ్‌ ఉత్సవ కమిటీ, విశ్వహిందూ పరిషత్‌ ఆధ్వర్యంలో నిమజ్జనోత్సవ పూజలు నిర్వహించారు. పాతబజార్‌లోని ఒకటో నంబర్‌ గణనాథుడికి మంత్రి పొన్నం ప్రభాకర్‌, ఎమ్మెల్యేలు కవ్వంపల్లి సత్యనారాయణ, మేడిపల్లి సత్యం, గంగుల కమలాకర్‌, కలెక్టర్‌ చిత్రామిశ్రా, సీపీ గౌస్‌ఆలం, మేయర్‌ కొలగాని శ్రీనివాస్‌, డిప్యూటీ మేయర్‌ సునీల్‌రావు, నగరపాలక సంస్థ కమిషనర్‌ ప్రఫుల్‌దేశాయ్‌ ప్రత్యేక పూజలు నిర్వహించారు. అనంతరం శోభాయాత్రను ప్రారంభించారు. అక్కడి నుంచి చింతకుంట, కొత్తపల్లి, మానకొండూర్‌ చెరువుల వైపు నిమజ్జనానికి తరలించారు. వర్షంలో తడుస్తూనే నిమజ్జన కార్యక్రమాలు కొనసాగించారు. మానకొండూర్‌లో అర్ధరాత్రి దాటినా భారీ విగ్రహాలు ఒక్కటి కూడా చెరువుకు చేరలేదు. కొత్తపల్లి చెరువు, చింతకుంట కెనాల్‌ వద్ద తెల్లవార్లూ నిమజ్జన కార్యక్రమం కొనసాగింది. రాంనగర్‌లోని రెండు భారీ వినాయకుల వద్ద సందడి నెలకొంది. పలు స్వచ్ఛంద సంస్థలు మంచినీరు, ప్రసాదాలు అందించాయి. నిమజ్జనం సందర్భంగా పోలీసులు పటిష్ట బందోబస్తు నిర్వహించారు.

కరీంనగర్‌ క్రైం: విద్యార్థులు, వయోవృద్ధులు, దివ్యాంగులకు అందుతున్న సేవలపై జిల్లా న్యాయ సేవాధికార సంస్థ కార్యదర్శి, సీనియర్‌ సివిల్‌ జడ్జి యశ్వంత్‌ సింగ్‌ బుధవారం కరీంనగర్‌లో తనిఖీలు నిర్వహించారు. రీజినల్‌ స్పోర్ట్స్‌ స్కూల్‌ను ఆకస్మికంగా సందర్శించారు. వంటశాల, స్టోర్‌రూం, వసతి గదులు, మరుగుదొడ్లు, భోజన ఏర్పాట్లు, తాగునీరు, వైద్య సేవలను పరిశీలించారు. వంటగది, మరుగుదొడ్ల అపరిశుభ్రతతో పాటు నాణ్యత లేని కూరగాయలు, ఆహార పదార్థాలను గమనించి తీవ్ర అసంతృప్తి వ్యక్తం చేశారు. కార్ఖానగడ్డలోని ప్రభుత్వ వయోవృద్ధులు, దివ్యాంగుల వసతి గృహాన్ని సందర్శించి, వసతి, భోజనం, పరిశుభ్రత, వైద్య పరీక్షలు, మందుల పంపిణీ తదితర అంశాలపై ఆరా తీశారు. డీఎల్‌ఎస్‌ఏ సభ్యులు, న్యాయవాదులు ఏ.కిరణ్‌కుమార్‌, పెరుక రంగయ్య, అసిస్టెంట్‌ లీగల్‌ ఎయిడ్‌ డిఫెన్స్‌ కౌన్సిల్‌ ఎలుగు తణ్మయి, ప్యానెల్‌ న్యాయవాది నజీమా సుల్తానా పాల్గొన్నారు. కరీంనగర్‌ కార్పొరేషన్‌: ప్రతిష్టాత్మకమైన అర్బ న్‌ చాలెంజ్‌ ఫండ్‌ (యూసీఎఫ్‌)లో భాగంగా నగరంలో చేపట్టనున్న మూడు ప్రాజెక్ట్‌లకు యూసీఎఫ్‌ స్టేట్‌ స్టీరింగ్‌ కమిటీఆమోదం తెలి పింది. దీంతో రూ.840 కోట్లతో చేపట్టనున్న మూడు ప్రాజెక్ట్‌లకు మార్గం సుగమమైంది. బుధవారం హైదరాబాద్‌ నుంచి యూసీఎఫ్‌ స్టీరింగ్‌ కమిటీ చైర్మన్‌, డీటీసీపీ దేవేందర్‌రెడ్డి వీడియో కాన్ఫరెన్స్‌ నిర్వహించారు. నగరపాలక సంస్థ కార్యాలయం నుంచి కమిషనర్‌ ప్రఫుల్‌దేశాయ్‌, అదనపు కమిషనర్‌ ఆయాజ్‌, ఎస్‌ఈ సంపత్‌ రావు, డీఈ దేవేందర్‌ రెడ్డి, ఏఈ సతీశ్‌, ఏసీపీ వేణు పాల్గొన్నారు. యూ సీఎఫ్‌ కింద ఎంపికై న నగరంలో చేపట్టనున్న మోడల్‌ రోడ్ల నిర్మాణం, స్టాం వాటర్‌ డ్రైన్లు, సాలిడ్‌ వేస్ట్‌ మేనేజ్‌మెంట్‌ ప్రాజెక్ట్‌ల ప్రతిపాదనలు, టెక్నికల్‌, డిజైన్లు, టెండర్‌, పనులు తది తర అంశాలపై చర్చించారు. ప్రాజెక్టులను నాణ్యతా ప్రమాణాలతో పూర్తి చేయడానికి అనుసరించాల్సిన భవిష్యత్తు ప్రక్రియలపై యూసీఎఫ్‌ స్టీరింగ్‌ కమిటీ చైర్మన్‌ దేవేందర్‌ రెడ్డి కీలక ఆదేశాలు జారీచేశారు. టెండర్ల ప్రక్రియ ముగిసిన వెంటనే క్షేత్రస్థాయి పనులు ప్రారంభించి, నిర్దేశిత గడువులోగా ప్రాజెక్టులను అందుబాటులోకి తేవాలని ఆదేశించారు. కరీంనగర్‌: 11వ జాతీయ ఆయుర్వేద దినోత్సవాన్ని పురస్కరించుకొని ఆయుష్‌శాఖ ఆధ్వర్యంలో నిర్వహించిన మెగా వైద్య శిభిరానికి విశేష స్పదన లభించింది. బుధవారం స్థానిక రాంనగర్‌లోని ప్రభుత్వ ఆయుష్‌ ఆస్పత్రిలో ఏర్పాటు చేసిన ఈ వైద్య శిబిరానికి ముఖ్య అతిథిగా డీఎంహెచ్‌వో రాజగోపాల్‌రావు హాజరై శిబిరాన్ని ప్రారంభించారు. ఈ సందర్భంగా డీఎంహెచ్‌వో మాట్లాడుతూ ధన్వంతరి జయంతిని పురస్కరించుకొని ప్రజలకోసం ఈ మెగా వైద్య శిబిరాన్ని నిర్వహించడం అభినందనీయమన్నారు. శిబిరంలో 500కు పైగా ఆయుర్వేద, హోమియో, యునాని వైద్య పరీక్షలు చేసి మందులు అందించారు. వైద్యులు ఆయుర్వేద ఔషధమొక్కలు నాటారు. ఆయుష్‌ జిల్లా నిర్వహణ అధికారి శేఖర్‌, ఆయుర్వేద, యునాని సీనియర్‌ వైద్యాధికారులు జంగయ్య, షఫిక్‌ అహ్మద్‌, కరీంనగర్‌ జిల్లా ఆయుష్‌ డీపీఎం ప్రవీణ్‌ కుమార్‌, ఆయుర్వేద వైద్యులు నీరజ, వెంకటేశ్వర్లు హోమియో వైద్యురాలు సంధ్య, నేచురోపతి వైద్యురాలు రజిత, యునాని వైద్యులు అప్సానా పాల్గొన్నారు. విద్యానగర్‌(కరీంనగర్‌): ఇంటర్‌ అడ్మిషన్స్‌ గడువును ఈనెల 26 వరకు 3 రోజుల పాటు పొడిగించినట్లు జిల్లా ఇంటర్మీడియట్‌ విద్యాధికారి బుధవారం ఒక ప్రకటనలో తెలిపారు. జిల్లాలోని అన్ని జూనియర్‌ కళాశాలల ప్రిన్సిపాల్స్‌, విద్యార్థులు, వారి తల్లిదండ్రులు ఈ అవకాఽశాన్ని వినియోగించుకోవాలన్నారు. ప్రతి అడ్మిషన్‌ను ఆన్‌లైన్‌లో నమోదు చేయాలని సూచించారు.

కరీంనగర్‌ అర్బన్‌: కేడీసీసీబీ పీఐసీ పోస్టు సర్వత్రా చర్చనీయాంశమవుతోంది. కొండూరు రవీందర్‌రావు ఈ నెల 21న పర్సన్‌ ఇన్‌చార్జీ(పీఐసీ)గా బాధ్యతలు స్వీకరించారు. ఎలాంటి ఉత్తర్వులు లేకుండా బాధ్యతలెలా స్వీకరిస్తారని సహకారశాఖ అధికారులు ఆగ్రహం వ్యక్తం చేస్తున్నారు. తనకు తానే బాధ్యతలు చేపట్టడం, పీఐసీగా ప్రకటించుకోవడాన్ని తప్పుబడుతున్నారు. ఈ విషయమై కలెక్టర్‌ చిత్రామిశ్రా అభ్యంతరం వ్యక్తం చేయడంతో పాటు డీసీవోను చర్యలకు ఆదేశించినట్లు సమాచారం. కేడీసీసీబీ సీఈవో సత్యనారాయణరావును పోలీస్‌ స్టేషన్‌లో ఫిర్యాదు చేయాలని డీసీవో రామానుజాచార్యులు ఆదేశించగా లిఖితపూర్వక ఆదేశాలు ఇస్తే పోలీసులకు ఫిర్యాదు చేస్తామని సీఈవో చెబుతున్నారు. అసలేం జరిగింది? బీఆర్‌ఎస్‌ ప్రభుత్వ హయంలో సహకార సంఘాలకు 2020 ఫిబ్రవరి 15న ఎన్నికలు జరిగాయి. అప్పటి నుంచి కేడీసీసీబీ చైర్మన్‌గా కొండూరు రవీందర్‌రావు కొనసాగారు. కేడీసీసీబీ పరిధిలో మొత్తం 131 ప్రాథమిక సహకార సంఘాలుండగా కరీంనగర్‌ జిల్లాలో 28, జగిత్యాల 50, పెద్దపల్లి 20, రాజన్న సిరిసిల్ల 23, సిద్దిపేట 4, వరంగల్‌ 2, భూపాలపల్లి జిల్లాలో 4 ప్యాక్స్‌లున్నాయి. కాంగ్రెస్‌ ప్రభుత్వం రావడంతో ఎన్నికలు నిర్వహించకపోగా పాలకవర్గాల పదవీకాలం 2025 ఫిబ్రవరితో ముగిసింది. ఏడాది గడువు పొడిగించగా, 2025 డిసెంబర్‌ 19న కీలక నిర్ణయం తీసుకుంటూ ప్యాక్స్‌, డీసీసీబీలకు పాలకవర్గాలను రద్దు చేసింది. ప్రభుత్వ అధికారులను పర్సన్‌ ఇన్‌చార్జీలుగా నియమించగా కేడీసీసీబీకి కలెక్టర్‌కు బాధ్యతలు అప్పగించారు. గడువు ముగియకముందే ప్రభుత్వం నిర్ణయం తీసుకోవడంపై పాలకవర్గాలు ఆగ్రహం వ్యక్తం చేశాయి. కోర్టును ఆశ్రయించడంతో న్యాయస్థానం ప్రభుత్వ ఉత్తర్వులను కొట్టివేసింది. మే 12వరకు పర్సన్‌ ఇన్‌చార్జిగా కలెక్టర్‌ కొనసాగగా అప్పటి నుంచి పాలకవర్గం లేదు. కొండూరు బాధ్యతలపై గరంగరం 2005 నుంచి వరుసగా కేడీసీసీబీ చైర్మన్‌గా ఎన్నికవుతున్న కొండూరు రవీందర్‌రావు 2025 డిసెంబర్‌ 19న జీవో 598 ప్రకారం బాధ్యతల నుంచి తప్పుకున్నారు. హైకోర్టు 598 జీవోను కొట్టివేస్తూ పాత జీవో 386 ప్రకారం పాలకవర్గాలను కొనసాగించాలని ఆదేశాలిచ్చిందని అందుకే బాధ్యతలు చేపట్టానని రవీందర్‌రావు స్పష్టం చేస్తున్నారు. రాష్ట్ర సహకారశాఖ నుంచి ఎలాంటి ఆదేశాలు లేవని జిల్లా యంత్రాంగం స్పష్టం చేస్తోంది. ఇదిలా ఉంటే కేడీసీసీబీ పరిధిలో పాత పాలకవర్గాలు తిరిగి బాధ్యతలు చేపట్టేందుకు ప్రయత్నిస్తున్నారు. మరోవైపు నామినేటెడ్‌ నియామకాలు ప్రభుత్వం నామినేటెడ్‌ పద్ధతిలో ప్రాథమిక సహకార సంఘాలకు పాలకవర్గాలను ప్రకటిస్తోంది. ఇప్పటికే ఉమ్మడి జిల్లాలో 25 సంఘాల వరకు చైర్మన్‌, వైస్‌ చైర్మన్‌లతో పాటు డైరెక్టర్లను నియమించింది. ఒక్కో సొసైటీకి 13మందితో పాలకవర్గాన్ని ప్రకటించింది. ఈ క్రమంలో కొండూరు రవీందర్‌రావు బాధ్యతలు చేపట్టడం చర్చనీయాంశంగా మారింది. అధికార ఎమ్మెల్యేలు, నియోజకవర్గ ఇన్‌చార్జీల సిఫారసుల క్రమంలో పాలకవర్గాలను ప్రకటిస్తున్నారు. కాగా కేడీసీసీబీలో మే 12 నుంచి రుణాలు మంజూరు కావడం లేదు. పాలకవర్గాలను నియమిస్తే తప్పా రూ.10లక్షలకు మించి రుణాలు మంజూరయ్యే అవకాశఽం లేదు. వ్యవసాయ, వ్యాపార, విద్య రుణాలు స్తంభించిపోయాయి.కొండూరుకు చెక్‌ – గంభీరావుపేట ప్యాక్స్‌ చైర్మన్‌గా వేషాల వెంకట్‌ కొండూరు రవీందర్‌రావుకు ప్రభుత్వం చెక్‌ పెట్టింది. నామినేటెడ్‌ పద్ధతిలో సింగిల్‌ విండో చైర్మన్లను ప్రకటిస్తుండగా తాజాగా గంభీరావుపేట ప్రాథమిక వ్యవసాయ సహకార సంఘం చైర్మన్‌గా వేషాల వెంకట్‌ను నియమిస్తూ ఉత్తర్వులు జారీ చేసింది. 13మందితో పాలకవర్గాన్ని ప్రకటించగా.. రవీందర్‌రావు ఇక కేడీసీసీబీకి దూరం కానున్నారు. కేడీసీసీబీ చైర్మన్‌ పదవి ఉండాలంటే ప్యాక్స్‌ చైర్మన్‌ పదవి ఉండాల్సిందే. ఇన్నాళ్లు గంభీరావుపేట ప్యాక్స్‌ చైర్మన్‌గా కొండూరు కొనసాగినందునే కేడీసీసీబీలో ఆ హోదా లభించగా.. తాజా ప్రభుత్వ ఉత్తర్వులతో కొండూరుకు చెక్‌ పడినట్లేనని అంతా భావిస్తున్నారు.

కరీంనగర్‌: పేదలకు అత్యవసర వైద్యం అందించేందుకు కోట్లాది రూపాయలతో జీజీహెచ్‌లో ఏర్పాటు చేసిన క్రిటికల్‌కేర్‌ యూనిట్‌ బాధితులకు బాసటగా నిలవడం లేదు. ప్రభుత్వం నిధులు విడుదల చేయకపోవడంతో నిరుపేదలు ఆపరేషన్లకు నోచుకోవడం లేదు. కాళ్లు, చేతులు విరిగి ఆపరేషన్‌ కోసం వస్తున్నవారిని చేర్చుకొని రోజుల తరబడి ఆసుపత్రిలో ఉంచి.. చివరకు సర్జరీ చేయకుండానే బయటకు పంపుతున్నారు. ఆరోగ్యశ్రీలో నిధులు విడుదల కాకపోవడం వల్లే కొన్ని ఆపరేషన్లు నిలిచిపోతున్నాయన్న ఆరోపణలు వినిపిస్తున్నా స్పష్టత ఇవ్వకపోవడంతో రోగులు అయోమయానికి గురవుతున్నారు. ఆపరేషన్‌ చేస్తామన్న ఆశతో రోజుల తరబడి ఆసుపత్రిలో ఉండి, చివరకు ప్రైవేట్‌ వైద్యులను ఆశ్రయించాల్సిన పరిస్థితి వస్తోందని వాపోతున్నారు.

మంచిర్యాల జిల్లా శ్రీరాంపూర్‌కు చెందిన కుమార్‌(45) బస్సు ప్రమాదంలో రెండు కాళ్లకు తీవ్ర గాయాలయ్యాయి. తొలుత గాంధీ ఆసుపత్రిలో చికిత్స పొందారు. ఎడమ కాలి రెండు వేళ్లు తొలగించాల్సి ఉండటంతో గాంధీ నుంచి ఇక్కడకు పంపించారు. 20 రోజుల క్రితం చేరిన కుమార్‌ను నాలుగు రోజుల క్రితం ఆపరేషన్‌ థియేటర్‌కు తీసుకెళ్లి సర్జరీ చేయకుండానే వెనక్కి పంపించారు.రామడుగు మండల పరిధిలోని షానగర్‌కు చెందిన సుగుణ(60) కాలు విరగడంతో 20రోజుల క్రితం జీజీహెచ్‌లోని క్రిటికల్‌కేర్‌లో చేరింది. ఐదు రోజుల క్రితం ఆపరేషన్‌ థియేటర్‌కు తీసుకెళ్లినా.. సర్జరీ చేయకుండానే తిరిగి వార్డుకు తీసుకొచ్చారు. టీహెచ్‌ఆర్‌ ఆరోగ్యశ్రీలో రాకపోవడంతో ఇంప్లాంట్‌ రూ.70 వేలతో కొనుగోలు చేయాలని సూచించారు. అంత మొత్తం తమవద్ద లేవని చెప్పడంతో ఎంజీఎంకు వెళ్లాలని ఒత్తిడి చేస్తున్నారని వాపోయింది.

రుద్రంగి(వేములవాడ): రాజన్నసిరిసిల్ల జిల్లా రుద్రంగికి చెందిన మోతె నితిన్‌ మంగళవారం మండల వాట్సాప్‌ గ్రూపులో రామకృష్ణ అనే కానిస్టేబుల్‌కు పోలీస్‌ ఉన్నతాధికారులను ఉద్దేశించి ఓపెన్‌ చాలెంజ్‌ చేస్తూ వాయిస్‌ రికార్డు పోస్టు చేశాడు. బుధవారం జరిగే వినాయక నిమజ్జనంలో లా ఆండ్‌ ఆర్డర్‌ ప్రాబ్లం సృష్టిస్తానని, పోలీస్‌ కానీ, ఆర్మీ కానీ వచ్చినా కంట్రోల్‌ కాకుండా చేస్తానని, తనతో గొడవ పెట్టుకున్నవారిని చంపుతానని లేదా తాను అయినా చస్తానని బెదిరింపులకు పాల్పడ్డాడు. దీనిపై కేసు నమోదు చేసిన రుద్రంగి ఎస్సై మోతీరాంనాయక్‌ విచారణ చేపట్టి.. బుధవారం మోతె నితిన్‌ను అరెస్ట్‌ చేసి.. రిమాండ్‌కు తరలించారు. చందుర్తి సీఐ రవీందర్‌ మాట్లాడుతూ వినాయక నిమజ్జనం, ఇతర పండుగల సమయంలో ప్రజలందరూ భక్తితోపాటు సామాజిక బాధ్యతతో మెలగాలని సూచించారు. సోషల్‌ మీడియా ద్వారా చట్టవ్యతిరేక కార్యకలాపాలకు పాల్పడితే చట్టపరమైన చర్యలు తప్పవని హెచ్చరించారు.

వేములవాడ: భీమేశ్వర ఆలయంలో డిజిటల్‌ కియోస్క్‌లను ఈవో రమాదేవి బుధవారం ప్రారంభించారు. భీమేశ్వర సదన్‌ వసతి గృహం సమీపంలో, ఆలయ ప్రాంగణంలో ఈ సేవలు అందుబాటులోకి వచ్చాయి. క్యూలైన్ల తిప్పలు లేకుండా వేగవంతమైన సేవలు అందించాలనే ఉద్దేశంతో డిజిటల్‌ కియోస్క్‌లను అందుబాటులోకి తెచ్చినట్లు ఈవో తెలిపారు. ఈ కియోస్క్‌ల ద్వారా లడ్డూ, పులిహోర ప్రసాదాల టికెట్లను, ఇతర పూజా టికెట్లను సులభంగా పొందే వెసులుబాటు కలిగిందన్నారు. డీఈవో నవీన్‌, పర్యవేక్షకులు శ్రీనివాస్‌శర్మ పాల్గొన్నారు. రాజన్న ట్రస్టుకు రూ.లక్ష విరాళంవేములవాడ: రాజన్న ట్రస్టుకు పట్టణానికి చెందిన వ్యాపారి నగుబోతు వీణరఘురాం దంపతులు రూ.లక్ష విరాళంగా అందజేశారు. ఆలయ ఈవో రమాదేవికి బుధవారం అందించారు. ఈ సందర్భంగా దాతలకు స్వామివారి శేషవస్త్రం, లడ్డూ ప్రసాదాన్ని అధికారులు అందించారు. బైక్‌ దొంగకు రెండేళ్ల జైలుతంగళ్లపల్లి(సిరిసిల్ల): ద్విచక్ర వాహనం చోరీ కేసులో నిందితుడికి రెండేళ్ల జైలు శిక్ష పడింది. ఈమేరకు సిరిసిల్ల రెండో అదనపు ప్రథమ శ్రేణి న్యాయమూర్తి గడ్డం మేఘన బుధవారం తీర్పునిచ్చినట్లు తంగళ్లపల్లి ఎస్సై సిరిసిల్ల అశోక్‌ తెలిపారు. గతేడాది జూన్‌ 30న బద్దెనపల్లి శివారులోని పౌల్ట్రీఫామ్‌ వద్ద జిందం రాజకుమార్‌కు చెందిన బైక్‌ చోరీకి గురైంది. బాధితుడి ఫిర్యాదుతో కేసు నమోదు చేసిన పోలీసులు, ఇల్లంతకుంటకు చెందిన దుర్మిట్ల నరేశ్‌ను అరెస్ట్‌ చేశారు. అప్పటి ఎస్సై ఉపేంద్రచారి దర్యాప్తు పూర్తి చేసి కోర్టులో చార్జిషీట్‌ దాఖలు చేశారు. ఏపీపీ సందీప్‌ ప్రాసిక్యూషన్‌ వాదనలు వినిపించగా కోర్టు మానిటరింగ్‌ అధికారులు సాక్షులను హాజరుపరిచారు. నేరం రుజువు కావడంతో మేజిస్ట్రేట్‌ నిందితుడు నరేశ్‌కు రెండేళ్ల జైలు శిక్ష విధించారు. ఇంట్లో చొరబడి.. చోరీ చేసి..తిమ్మాపూర్‌: రామకృష్ణ కాలనీ గ్రామంలో అర్ధరాత్రి దొంగలు కలకలం సృష్టించారు. గ్రామానికి చెందిన కొమ్ము రాధ మంగళవారం తన కూతుర్లతో కలిసి ఇంట్లో పడుకోగా.. అర్ధరాత్రి దాటిన తర్వాత అదే గ్రామానికి చెందిన ఐదుగురు యువకులు ఇంట్లోకి చొరబడి దొంగతనానికి పాల్పడ్డారు. గమనించిన ఆమె కేకలు వేయడంతో పరారయ్యారు. రెండు బైకులు పట్టుకుని స్థానికులు పోలీసులకు అప్పగించా రు. ఇంటి నిర్మాణం కోసం దాచుకున్న రూ.50 వేలు ఎత్తుకెళ్లారని మహిళా రోదించింది. ఎస్సై అన్వర్‌ సిబ్బందితో కలిసి వెళ్లి పరిశీలించారు. ఘటనపై ఫిర్యాదు తీసుకున్నామని, దర్యాప్తు చేస్తున్నట్లు వివరించారు.

● రక్తంతో అపురూప చిత్రాలు ● కానుకలు ఇచ్చేందుకు సిరిసిల్ల యువత ఆసక్తి సిరిసిల్ల అర్బన్‌: పెన్సిల్‌ ఆర్ట్‌.. వాటర్‌కలర్స్‌ ఆర్ట్‌.. చూశాం. కానీ సిరిసిల్లలో ఇటీవల బ్లడ్‌ ఆర్ట్‌ ఫేమస్‌ అయ్యింది. తమ ఆప్తులకు.. అత్యంత ఇష్టమైన వారి పుట్టిన రోజులు.. పెళ్లిరోజులకు కానుకలు ఇచ్చేందుకు చాలా మంది ఈ బ్లడ్‌ ఆర్ట్‌ను ఎంపిక చేసుకుంటున్నారు. సిరిసిల్లకు చెందిన వెంగళ గణేశ్‌ అనే చిత్రకారుడు సామాజిక రుగ్మతలపై అనేక చిత్రాలు గీశారు. ఎయిడ్స్‌ నిర్మూలన, కుటుంబ నియంత్రణ, బాల్య వివాహాలు, పిల్లల విక్రయాలు, నేత కార్మికుల ఆకలిచావులు, ఆత్మహత్యలు వివిధ అంశాలపై ఆలోచన రేకేత్తించే చిత్రాలు తన కలం నుంచి జాలువారాయి. ఈక్రమంలోనే కొంతకాలంగా రంగుల స్థానంలో రక్తం వచ్చింది. కొన్ని చుక్కల రక్తంతో మంచి చిత్రాన్ని గీసి ఇస్తున్నాడు. రక్తంతో చిత్రాలు తమకు ఇష్టమైన వారికి కానుక ఇచ్చేందుకు చాలా మంది ఈ రక్తంతో గీసిన(బ్లడ్‌ ఆర్ట్‌) చిత్రాలు ఇస్తున్నారు. తమ రక్తాన్ని ల్యాబరేటరీకి వెళ్లి సిరంజీలో తీసుకొని వచ్చి గణేశ్‌కు ఇస్తే.. మనం ఎవరి చిత్రం కావాలంటే వారిది గీసి.. ఫొటోఫ్రేమ్‌ చేసి ఇస్తాడు. ఇలా రెండేళ్లుగా బ్లడ్‌ ఆర్ట్‌ వేస్తున్నాడు. రెండేళ్లలో 360 వరకు చిత్రాల వేసినట్లు తెలిపాడు. రక్తం సేకరణలో భద్రతపై ఆందోళన? ప్రధానంగా 2023లో తమిళనాడులో ఈ తరహా బ్లబ్‌ ఆర్ట్‌ ప్రేమికులకు బహుమతిగా ఇవ్వడం ట్రెండ్‌గా మారింది. అయితే రక్తం సేకరణలో భద్రత ప్రమాణాలపై ఆందోళనలు వ్యక్తం కావడంతో అక్కడి ప్రభుత్వం దీనిపై చర్యలు తీసుకున్నట్లు సామాజిక మాధ్యమాల ద్వారా తెలుస్తోంది. ప్రేమ అంటే అండగా ఉండటం తల్లిదండ్రులు, ఆప్తులపై ప్రేమ ఉంటే వారితో సమయం గడపడం, వృద్ధాప్యంలో అండగా నిలవడం చేయాలని.. ఇలా రక్తంతో వేసిన చిత్రాలు అంతకంటే విలువైనవి కాదని పలువురు పేర్కొంటున్నారు. అంతేకాకుండా రక్తం సేకరణ విషయంలో శిక్షణ లేని వ్యక్తులు, అనుమతి లేని ల్యాబ్‌లకు వెళ్లడం ప్రమాదకరమని భయాందోళన వ్యక్తం చేస్తున్నారు.