East Godavari District News

● హైదరాబాద్‌ నుంచి వచ్చిన భక్తుల వాహనంలో గుర్తింపు ● మద్యాన్ని పారబోయించి కొండపైకి పంపిన భద్రతా సిబ్బంది అన్నవరం: రత్నగిరిపై సత్యదేవుని దర్శనానికి వెళ్తున్న వాహనంలో పెద్ద సంఖ్యలో మద్యాన్ని ఆదివారం టోల్‌గేట్‌ వద్ద స్వాధీనం చేసుకున్నారు. వివరాల్లోకి వెడితే హైదరాబాద్‌కు చెందిన భక్తుల బృందం టెంపోలో సత్యదేవుని దర్శనానికి వచ్చారు. టోల్‌గేట్‌ వద్ద వారి వాహనాన్ని పరిశీలించిన భద్రతా సిబ్బంది తనిఖీ చేసి ప్రయాణికుల సీట్ల కింద దాచి ఉంచిన నాలుగు ఫుల్‌ బాటిల్‌ మద్యం సీసాలను గుర్తించారు. సీసాల్లోని మద్యాన్ని అక్కడి టబ్‌లో పారబోయాలని సూచించగా వారు సిబ్బందితో వాగ్వాదానికి దిగి సీసాలను స్వాధీనం చేసుకోండి తిరిగి వెళ్లేటపుడు తీసుకువెళ్తామని చెప్పారు. దీనికి సిబ్బంది అభ్యంతరం చెప్పగా తప్పని పరిస్థితుల్లో మద్యాన్ని పారబోసి రత్నగిరికి వెళ్లారు. వారు యానాంలో రూ.8 వేలకు ఆ మద్యాన్ని కొనుగోలు ట్రాన్స్‌పోర్టు విభాగం సూపరింటెండెంట్‌ రమణ తెలిపారు.

సాక్షి, రాజమహేంద్రవరం/ రాజమహేంద్రవరం రూరల్‌/ ధవళేశ్వరం: ఎప్పటికీ బీసీల ఆత్మ బంధువు మాజీ సీఎం వైఎస్‌ జగన్‌మోహన్‌రెడ్డేనని బీసీ నేతలు ముక్తకంఠంతో చెప్పారు. గత ఎన్నికల సమయంలో చంద్రబాబు మాయమాటలు చెప్పి అధికారంలోకి వచ్చారన్నారు. దగా చేసిన వెన్నుపోటు పార్టీ వంచనపై బీసీలు గర్జించారు. జనాభాలో సగం కంటే ఎక్కువగా బీసీలు ఉన్నప్పటికీ నేటికీ కులవృత్తిదారులుగానే చంద్రబాబు చూస్తున్నాడని ధ్వజమెత్తారు. ఓటు బ్యాంకుగా వాడుకుంటూ రాజకీయ ప్రాతినిధ్యం కల్పించకుండా చిన్నచూపు చూస్తున్నాడని మండిపడ్డారు. సంక్షేమ పథకాలు అమలు చేయకపోవడంతో పాటు ఫీజు రీయింబర్స్‌మెంట్‌ బకాయిలు పేరుకుపోవడంతో ఎక్కువగా బీసీ, ఎస్సీ, ఎస్టీ, మైనార్టీ విద్యార్థులే ఆర్థికంగా నష్టపోతున్నారని ఆవేదన వ్యక్తం చేశారు. జ్యోతీరావు ఫూలే ఆశయాలను ఆచరణలో అమలు చేసి బలహీన వర్గాలకు మేలు చేసింది దివంగత మహానేత వైఎస్సార్‌, ఆయన తనయుడు వైఎస్సార్‌ సీపీ అధినేత వైఎస్‌ జగన్‌మోహన్‌రెడ్డి అని అన్నారు. నా బీసీలు అని చెప్పే దమ్మున్న జగన్‌ మళ్లీ గెలిస్తేనే బీసీలకు మంచి రోజులొస్తాయని.. దీనికోసం అంతా ఐక్యంగా ముందుకు సాగుదామని ప్రతినబూనారు. వెన్నుపోటు పార్టీ వంచనపై బీసీల గర్జన సదస్సు మాజీ మంత్రి, వైఎస్సార్‌ సీపీ తూర్పు గోదావరి జిల్లా అధ్యక్షుడు, రాజమహేంద్రవరం రూరల్‌ నియోజకవర్గ ఇన్‌చార్జి చెల్లుబోయిన వేణుగోపాలకృష్ణ అధ్యక్షతన కాతేరులో ఆదివారం జరిగింది. ముందుగా జ్యోతీరావు ఫూలే, దివంగత మహానేత వైఎస్సార్‌ విగ్రహాలకు నివాళులర్పించారు. అనంతరం మాజీ మంత్రులు బొత్స సత్యనారాయణ, సీదిరి అప్పలరాజు, ధర్మాన కృష్ణదాస్‌, బూడి ముత్యాలనాయుడు, విడదల రజని, జోగి రమేష్‌, మాజీ స్పీకర్‌ తమ్మినేని సీతారాం, ఎమ్మెల్సీ రమేష్‌యాదవ్‌ మాట్లాడుతూ చంద్రబాబు పాలన తీరును ఎండగట్టారు. తొలుత ఇటీవల మృతి చెందిన వైఎస్సార్‌ సీపీ ప్రచార కమిటీ రాష్ట్ర అధ్యక్షుడు దివంగత కాకుమాను రాజశేఖర్‌ చిత్రపటం వద్ద నివాళులర్పించారు. నియోజకవర్గాల కోఆర్డినేటర్లు పిల్లి సూర్యప్రకాష్‌, గుడాల గోపి, వివిధ విభాగాల కార్పొరేషన్ల మాజీ చైర్మన్లు మామిడి శ్రీకాంత్‌, గుబ్బల తమ్మయ్య, సంకిస భవానీప్రియ, పార్టీ రాష్ట్ర కార్యదర్శులు గుబ్బల తులసీకుమార్‌, చెల్లుబోయిన శ్రీనివాస్‌, ఒమ్మి రఘురామ్‌, పాటి శివకుమార్‌, వాసిరెడ్డి జమీల్‌, వివిధ జిల్లాల బీసీ సెల్‌ అధ్యక్షులు అల్లి రాజబాబు, మట్టపర్తి నాగేంద్ర, నెరుసు చిరంజీవులు, శివకుమార్‌ గౌడ్‌, చిప్పడ నరసింహారావు, మానికొండ వెంకటేశ్వరరావు, దార్ల పాపయ్య, కాకినాడ మాజీ మేయర్‌ పి.సరోజ, ఏఎంసీ మాజీ చైర్మన్లు, వైఎస్సార్‌ సీపీ బీసీ మహిళా విభాగం జిల్లా అధ్యక్షురాలు మార్తి లక్ష్మి తదితరులు పాల్గొన్నారు. రాష్ట్ర ప్రచార కమిటీ అధ్యక్షుడు దివంగత కాకుమాను రాజశేఖర్‌ చిత్రపటానికి నివాళులర్పిస్తున్న తమ్మినేని, బొత్స సత్యనారాయణ, వేణు, భరత్‌రామ్‌ తదితరులుబీసీ గర్జనకు హాజరైన నేతలు రిజర్వేషన్ల పేరిట డ్రామా.. స్థానిక సంస్థల ఎన్నికలు సమీపిస్తుండడంతో 34 శాతం రిజర్వేషన్ల పేరిట డ్రామాకు చంద్రబాబు తెరతీశాడు. వాస్తవానికి బీసీలకు మేలు చేయాలనే చిత్తశుద్ధి వెన్నుపోటు పార్టీ నాయకుడికి లేదు. రాజకీయ ప్రాతినిధ్యం కల్పించే ఉద్దేశమే ఉంటే పవన్‌ కళ్యాణ్‌ పక్కన కూర్చునే అర్హత ఉన్న ఒక్క బీసీ ఎమ్మెల్యే దొరకలేదా..? వైఎస్‌ జగన్‌ ముగ్గురు బీసీలను ఉప ముఖ్యమంత్రులను చేస్తే వెన్నుపోటు పార్టీ నాయకుడు ఒక్కరినీ డిప్యూటీ సీఎంను చేయలేదు. ప్రతి మహిళకు నెలకు రూ.1,500 ఇస్తామని మోసం చేశారు. రూ.9 వేల కోట్ల ఫీజు రీయింబర్స్‌మెంట్‌ బకాయిలు చెల్లించకపోవడంతో బీసీ విద్యార్థులే నష్టపోతున్నారు. బీసీ రక్షణ చట్టం తీసుకొస్తామని కాలయాపన చేస్తున్నారు. బలహీనవర్గాల గొంతుకగా వైఎస్సార్‌ సీపీ పోరాడుతుంది. వైఎస్‌ జగన్‌ సీఎం అయితేనే బలహీన వర్గాలకు ప్రాధాన్యం దక్కుతుంది. – చెల్లుబోయిన వేణుగోపాలకృష్ణ, మాజీ మంత్రి, వైఎస్సార్‌ సీపీ జిల్లా అధ్యక్షుడు ఫ వైఎస్‌ జగన్‌తోనే బలహీన వర్గాల సంక్షేమం ఫ చంద్రబాబు పాలనలో వెన్నుపోటు, దగా ఫ ఎన్నికల వేళ ఓట్ల కోసం మళ్లీ ఎత్తుగడలు ఫ రాజకీయ ప్రాతినిధ్యం కల్పించడంలో చిన్నచూపు ఫ రెండున్నరేళ్లలో బలహీన వర్గాలకు చేసిందేమీ లేదు ఫ వెన్నుపోటు పార్టీ వంచనపై బీసీ గర్జనలో వైఎస్సార్‌ సీపీ నేతలు బీసీ గర్జనలో చేసిన తీర్మానాలుఫ బీసీలకు 34 శాతం రిజర్వేషన్‌ కల్పించేందుకు చట్టం చేయాలి. ఫ తక్షణమే ఉప ముఖ్యమంత్రి పదవి బీసీలకు ఇవ్వాలి. ఫ ఆదరణ పథకం పేరుతో బడ్జెట్‌లలో కేటాయించిన రూ.3 వేల కోట్లతో తక్షణమే పనిముట్లు ఇవ్వాలి. ఫ 50 సంవత్సరాలు నిండిన బీసీలకు రూ.4 వేల చొప్పున పింఛన్‌ మంజూరు చేయాలి. ఫ ఫీజు రీయింబర్స్‌మెంట్‌ బకాయిలు రూ.9 వేల కోట్లు విడుదల చేయాలి. ఫ రైతులకు ఉచిత పంటల బీమా పథకం అమలుకు చర్యలు తీసుకోవాలి. ఫ 18 నుంచి 60 ఏళ్ల మధ్య మహిళలకు నెలకు రూ.1,500 ఇస్తామన్న హామీ వెంటనే ఆచరణలో పెట్టాలి. ఫ ఆరోగ్యశ్రీ పథకాన్ని పూర్తి స్థాయిలో అమలు చేసి పేదల ఆరోగ్యానికి బాసటగా నిలవాలి. ఫ బీసీ నేతలపై కేసులు, వేధింపులు తక్షణమే ఆపాలి. ఫ బీసీలకు 150 రోజుల పాటు ఉపాధి హామీ పథకం అమలు చేయాలి. ఫ చట్టసభల్లో రాజ్యాధికారం కోసం బీసీ రిజర్వేషన్‌ బిల్లు ఆమోదించేలా కేంద్ర ప్రభుత్వంపై ఒత్తిడి తీసుకురావాలి. ఫ బీసీ కార్పొరేషన్‌ రుణాల కోసం 3 లక్షల అప్లికేషన్లు రాగా, వారికి తక్షణమే రుణాలు మంజూరు చేయాలి.

● పోలీసుల అదుపులో వ్యాపారి ● దొంగనోట్లకు బదులు టాయ్‌ కరెన్సీ ఇచ్చాడని ఘాతుకం ● యలమంచిలి సీఐ ధనుంజయ్‌ వెల్లడి అమలాపురం టౌన్‌: కిడ్నాప్‌నకు గురైన అనకాపల్లి జిల్లా యలమంచిలికి చెందిన కర్రి వర ప్రకాష్‌ది హత్యేనని అక్కడి సీఐ ధనుంజయ్‌ ఆదివారం వెల్లడించారు. దర్యాప్తు నిమిత్తం అమలాపురం వచ్చిన ఆయన మాట్లాడుతూ కోనసీమ జిల్లా అమలాపురం శ్రీరామపురం సెంటర్‌లో షణ్ముఖ సాయి జనరల్‌ స్టోర్స్‌ నిర్వహిస్తున్న వ్యాపారి కేదారశెట్టి నాగ విజయ్‌ గణేష్‌ ఈ హత్య కేసులో ప్రధాన నిందితుడు కాగా, రెండో నిందితుడు ముమ్మిడివరం మండలం మహిపాలచెరువు గ్రామానికి చెందిన ఆటో డ్రైవర్‌ రామాంజనేయులని ఆయన తెలిపారు. దొంగనోట్ల మార్పిడిలో జరిగిన మోసమే ప్రకాష్‌ హత్యకు దారి తీసినట్టు ఆయన అన్నారు. ఇక్కడి వ్యాపారి నాగ విజయ్‌ గణేష్‌ ఇంటికి వెళ్లి అతడిని అదుపులోకి తీసుకుని వరప్రకాష్‌ను హత్య చేసిన అల్లవరం మండలం గోడిలంక శ్మశానానికి వెళ్లి దర్యాప్తు చేశారు. కాగా రెండో నిందితుడు రామాంజనేయులు పరారీలో ఉన్నట్టు ఆయన తెలిపారు. హత్య జరిగిందిలా.. అమలాపురం వ్యాపారి నాగ విజయ్‌ గణేష్‌, అతడికి పరిచయస్తుడైన రామాంజనేయులు అక్రమ సంపాదనలో భాగంగా యలమంచిలికి చెందిన రమేష్‌, మరో ఇద్దరు వ్యక్తులకు అసలు నగదు ఇస్తే వారు బ్లాక్‌ మనీ ఇస్తారని తెలిపాడు. దీంతో వారిద్దరూ ఈ నెల 18న యలమంచిలికి చెందిన ముగ్గురినీ రాజమహేంద్రవరంలో కలుసుకున్నారు. వచ్చిన ముగ్గురూ ఒకే రకమైన బ్యాగ్‌లు తీసుకురాగా గణేష్‌, రామాంజనేయులు వారి వద్ద ఉన్న రూ.10 లక్షల అసలునోట్లు ఇచ్చి దొంగనోట్లను తీసుకున్నారు. ఇంతలో చిన్న పని ఉందని నమ్మించి రమేష్‌ అసలు నోట్లు పట్టుకుని అక్కడి నుంచి జారుకున్నాడు. మిగిలిన వారు కూడా వెళ్లిపోబోతుండగా రమేష్‌ వచ్చేవరకు ఉండాలని ఆదేశించాడు. అతడు ఎంతకీ రాకపోవడంతో అనుమానం వచ్చి బ్యాగ్‌లు తెరిచి చూడగా దొంగనోట్లు కాకుండా చిన్నపిల్లలు ఆడుకునే టాయ్‌ కరెన్సీ ఉన్నట్టు వ్యాపారి గుర్తించాడు. దీంతో వారిని పట్టుకోబోతుండగా వారు పలుగు పెట్టారు. ఈ క్రమంలో వ్యాపారికి వర ప్రకాష్‌ దొరికిపోయాడు. దీంతో వ్యాపారితో పాటు రామాంజనేయులు అతడిని కారులో అమలాపురం తీసుకువచ్చి గోడిలంక శ్మశానంలో గట్టిగా కొట్టారు. దీంతో అతడు చనిపోయాడు. ఎవరికీ అనుమానం రాకుండా ఆ మృతదేహాన్ని అర్ధరాత్రి వేళ ధవళేశ్వరం బ్యారేజీ వద్దకు తీసుకువచ్చి గోదావరిలో విసిరేశారు. 18వ తేదీ తెల్లవారు జామున వారు ఆ మృతదేహాన్ని గోదావరిలో పడేసినట్లు యలమంచిలి పోలీసులు తమ విచారణలో గుర్తించారు.

● బెండపూడి రోడ్డు ప్రమాదంలో ఇద్దరి మృతి ● యూట్యూబర్‌ రాజు, శివాజీగా గుర్తింపు ● వెనుక నుంచి ట్రాలీ లారీ ఢీకొని ప్రమాదం అన్నవరం/శంఖవరం: వారిద్దరూ చిన్ననాటి స్నేహితులు. ఒకటే ఊరు. ఏం చేసినా ఇద్దరూ కలిసే చేసేవారు. ఎన్ని జన్మల స్నేహమో ఈ జన్మలోనూ జతగా వెళ్లిపోయారు. వివరాల్లోకి వెళితే.. బెండపూడి వద్ద జాతీయ రహదారిపై శనివారం రాత్రి జరిగిన రోడ్డు ప్రమాదంలో శంఖవరం మండలం కొత్తూరు గ్రామానికి చెందిన పలివెల వెంకట జవహర్‌లాల్‌ కుమార్‌ రాజు (రాజు) (41), కర్రి శివ గణేష్‌ (శివాజీ) (41) మృతి చెందారు. రాత్రి 10.30 గంటల సమయంలో హైవేపై బైక్‌ మీద వెళ్తూ బెండపూడికి వెళ్లేందుకు కుడివైపునకు తరగ్గా అదే సమయంలో వెనుకనుంచి వస్తున్న ట్రాలీ లారీ వీరిని బలంగా ఢీకొనడంతో వారి తలలకు తీవ్ర గాయాలై అక్కడికక్కడే మృతి చెందారు. వారి బైక్‌ను లారీ కొంత దూరం లాక్కుపోయింది. ట్రాలీకి సపోర్టుగా అమర్చిన రాడ్లు రాజును రోడ్డు మీద లాక్కునిపోవడంతో అతడి శరీరం ఛిద్రమైంది. ఇద్దరి శరీరాల మీదుగా ట్రాలీ టైర్లు ఎక్కడం శరీరాలు నుజ్జయ్యాయి. రాజు ఆర్‌ఆర్‌ న్యూస్‌ యూట్యూబ్‌ ఛానల్‌ నడుపుతూ అనేక సామాజిక అంశాలపై వార్తలు ప్రసారం చేస్తూ గుర్తింపు పొందాడు. తొండంగి పోలీసులు కేసు నమోదు చేసి దర్యాప్తు చేస్తున్నారు. కొంతంగి కొత్తూరులో విషాదఛాయలు మృతి చెందిన ప్రాణ స్నేహితులూ పలివల రాజా, కర్రి శివాజీ శంఖవరం మండలం కొంతంగి కొత్తూరు గ్రామానికి చెందిన వారు కావడంతో ఆ గ్రామంలో విషాద ఛాయలు అలముకున్నాయి. పలివల రాజా యూట్యూబ్‌ చానల్‌ రిపోర్టర్‌గా, శివాజీ సామాజిక సేవల్లో చురుగ్గా పాల్గొనేవాడని గ్రామస్తులు తెలిపారు. రాజా వివాహమై కుమార్తె, కుమారుడు ఉండగా, శివాజీకి కుమారుడు ఉన్నాడు. వారిద్దరి మృతితో ఆ రెండు కుటుంబాలూ రోడ్డునపడ్డాయి. వారి మృతితో వారిళ్ల వద్ద కుటుంబ సభ్యుల రోదనలు మిన్నంటాయి. వారిద్దరి కుటుంబాలను స్థానిక ఎమ్మెల్యే వరుపుల సత్యప్రభ పరామర్శించి విచారం వ్యక్తం చేశారు.

● గ్యాస్‌ కిక్‌లకు గురవుతున్న బావులు ● ఓఎన్‌జీసీకి సవాలుగా మారుతున్న వైనం ● నాడు మోరి–7లో.. మొన్న కరవాక –27లో ప్రొడక్షన్‌ టెస్టింగ్‌లలో తప్పిన బ్లో అవుట్లు ● ఓఎన్జీసీకి సవాల్‌గా మారిన డ్రిల్లింగ్‌లు మలికిపురం: అది 1995వ సంవత్సరం. కేజీ బేసిన్‌లో రాజోలు దీవిలోని కేజీ బేసిన్‌లో ఓఎన్జీసీ కార్యకలాపాలు ముమ్మరంగా జరుగుతున్న రోజులు. ఆ ఏడాది మార్చి నెలలో మండలం చింతలమోరిలో మోరి వెస్ట్‌–7 బావిలో సుమారు రెండు నెలల పాటు 2,700 మీటర్ల లోతుకు ఓఎన్‌జీసీ విజయవంతంగా డ్రిల్లింగ్‌ నిర్వహించింది. ఈ బావిలో అపార చమురు, గ్యాస్‌ నిక్షేపాలు ఉన్నాయని గుర్తించిన సిబ్బంది ఆనందోత్సాహాలతో ఉత్పత్తి పరీక్షలకు శ్రీకారం చుట్టారు. పరీక్షలు ప్రశాంతంగా సాగుతున్న సమయంలో ఒక్కసారిగా గ్యాస్‌ ఎగజిమ్మింది. ఈ హఠాత్‌ పరిణామంతో షాక్‌ తిన్న అధికారులు, ఈ బావిలో బ్లో–అవుట్‌ ప్రమాదం ఉందని గుర్తించి ఉన్నతాధికారులకు పరిస్థితి వివరించారు. నిక్షేపాలు పుష్కలంగా ఉండడంతో ఈ బావిని వదులు కోలేని ఓఎన్జీసీ అప్పటి అధునాత సాంకేతిక పరికరాలతో సుమారు మరో రెండు నెలల పాటు శ్రమించినప్పటికీ ఫలితం లేదు. వెల్‌ నుంచి బారీగా గ్యాస్‌కిక్‌లు వచ్చాయి. దీంతో చేసేది లేక అధికారులు ఆ బావిని మూసేశారు. అనంతరం ఇక్కడి డ్రిల్లింగులలో పలు బావులో ఇబ్బందులు ఏర్పడినప్పటికీ అదే పాయింట్‌లో మరో వెల్‌ ఏర్పాటు చేసి విజయం సాధించారు. అయితే మోరి–7 బావి ఇప్పటికీ తెరవ లేక మొత్తం సైట్‌ మూసేశారు. సుమారు 15 ఏళ్ల అనంతరం కాట్రేనిపాడులోని కరవాక–27 బావిలో ఓఎన్‌జీసీకి మోరి–7 బావికి మించిన తీవ్ర సమస్య ఎదురైంది. 2011 ఏప్రిల్‌ నెలలో ఈ బావిలో డ్రిల్లింగ్‌ ప్రారంభించారు. ఆ ఏడాది సెప్టెంబరు వరకూ సుమారు 3200 మీటర్ల లోతు డ్రిల్లింగ్‌ చేసి అపార చమురు, గ్యాస్‌ నిక్షేపాలు ఉన్నట్టు గుర్తించారు. ప్రొడక్షన్‌ టెస్టింగ్‌ పనుల్లో ఇబ్బందులు ఏర్పడి అప్పట్లో బ్లో–అవుట్‌ ప్రమాదం తప్పింది. ఆ వెల్‌ను మూసివేసిన అదికారులు అక్టోబరు నెలలో పక్కనే మరో బావి వేసి డ్రిల్లింగ్‌ ప్రారంభించారు. మరో మూడు నెలలపాటు శ్రమించిన సిబ్బంది ప్రస్తుతం 3,886 మీటర్ల లోతు డ్రిల్లింగ్‌ చేశారు. మళ్లీ అదే పరిస్థితి పునరావృతం అయింది. ప్రొడక్షన్‌ టెస్టింగ్‌ చేపట్టిన ఈ బావి నుంచి రెండు రోజుల పాటు ముడి చమురు, గ్యాస్‌ ఎగజిమ్మాయి. ఈ బావిలో సెకనుకు 7 వేల క్యూబిక్‌ మీటర్ల పీడనం నమోదైంది. సాధారణ స్థాయి మూడు వేలకు పీడనం దిగితే ఈ బావిని వినియోగించవచ్చని భావించారు. కానీ ఈ బావిని కూడా అప్పట్లో మూసేశారు. అదే పరిస్థితి ఈ ఏడాది జనవరి నెల ఐదో తేదీన మలికిపురం మండలంలోని ఇరుసుమండ గ్రామంలో మోరి–5 బావిలో ఎదురైంది. ఇటీవల ఇలాంటి మూతపడిన బావులను పునరుద్ధరించి ఉత్పత్తి ప్రారంభించే పనులలో బాగంగా డీప్‌ సంస్థ డ్రిలింగ్‌ ప్రారంభించింది. ఈ బావిని కూడా మోరి–7, కరవాక–27 బావుల మాదిరిగానే 2012 సంవత్సరంలో అనేక ఇబ్బందులు పడి బ్లో అవుట్‌ ప్రమాదం పొంచి ఉండడంతో మూసేశారు. డీప్‌ సంస్థ గత జనవరి నెలలో దీనిని ప్రారంభించి భారీగా ఉన్న గ్యాస్‌ నిల్వలను అదుపు చేయలేకపోవడంతో బోఅవుట్‌ సంభవించింది. వారం తరువాత ఉన్నత స్థాయి అధికారుల జోక్యంతో దానిని అదుపు లోనికి తెచ్చేందుకు చర్యలు తీసుకున్నారు. అయితే బావిలోనే ఏర్పడిన మార్పులతో దానికదే మూసుకుపోయి బ్లోఅవుట్‌ అదుపులోకి వచ్చింది. ప్రస్తుతం ఇలాంటి బావులను తెరిచే పనులలో ఇక్కడ గుత్తేదారు సంస్థలు నిమగ్నమయ్యాయి. సముద్ర తీరంలోని కరవాక, తూర్పుపాలెం గ్రామాలలోని సుమారు పది బావులను ప్రస్తుతం డ్రిల్లింగ్‌ చేస్తున్నారు. అలాగే ప్రస్తుతం సముద్ర తీరంలో ఇటీవల ఉత్పత్తిలో ఉన్న బావుల నుంచి సైతం గ్యాస్‌ కిక్‌లు రావడంతో మరమ్మతులు చేయడం, అతి కష్టం మీద అదుపు చేస్తున్న సంఘటనలు ఇక్కడ చోటు చేసుకున్నాయి. తూర్పుపాలెంలోని కేఎస్‌పీ–46 బావి సైతం తరచూ మొరాయిస్తూ సిబ్బందికి సవాలు విసురుతోంది. రాజోలు మండలం పొన్నమండ చమురు బావిలో గ్యాస్‌ లీకేజీని నియంత్రిస్తున్న సిబ్బందిగత జనవరిలో ఇరుసుమండలోని మోరి–5 బావిలో సంభవించిన బ్లో అవుట్‌

దేవరపల్లి: 2025–26 పంట కాలంలో రాష్ట్రంలో రైతులు అనధికారిక, అదనంగా పండించిన ఫ్ల క్యూర్డ్‌ వర్జీనియా (ఎఫ్‌సీవీ) పొగాకు విక్రయాలకు కేంద్రం వెసులుబాటు కల్పించింది. ఈ మేరకు గెజిట్‌ నోటిఫికేషన్లు జారీ చేసింది. నమోదిత రైతులు ఉత్పత్తి చేసిన అధికారిక, నమోదిత రైతులు ఉత్పత్తి చేసిన అదనపు పొగాకును పొగాకు బోర్డు అధీకృత వేలం కేంద్రాల ద్వారా విక్రయించేందుకు కేంద్రం అనుమతి ఇచ్చినట్టు అధికారులు తెలిపారు. ప్రజా ప్రయోజనాలను దృష్టిలో ఉంచుకుని కేంద్ర వాణిజ్య మంత్రిత్వ శాఖ పొగాకు బోర్డు చట్టం, 1975లోని సంబంధిత నిబంధనలను సడలిస్తూ ఈ నిర్ణయం తీసుకున్నట్టు ఉత్తర్వుల్లో పేర్కొన్నారు. దీంతో సాధారణ అనుమతికి మించి ఉత్పత్తి చేసిన నమోదిత రైతులు, అలాగే నమోదు కాని రైతులు ఉత్పత్తి చేసిన అనధికారిక ఎఫ్‌సీవీ పొగాకును బోర్డు అనుమతించిన వేలం వేదికలపై విక్రయించేందుకు అవకాశం ఏర్పడింది. తద్వారా అదనపు ఉత్పత్తి కారణంగా మార్కెటింగ్‌ సమస్యలు ఎదుర్కొంటున్న రైతులకు తమ పంటను చట్టబద్ధమైన వేలం ప్రక్రియ ద్వారా విక్రయించేందుకు మార్గం సుగమమైంది. అదేవిధంగా పొగాకు బోర్డులో నమోదైన వ్యాపారులు, డీలర్లు ఈ పొగాకును కొనుగోలు చేసేందుకు అవసరమైన ప్రక్రియకు కేంద్ర అనుమతి కల్పించింది. రాష్ట్రంలో 53,263 మంది నమోదిత రైతులు, మరికొంత మంది అనధికారిక రైతులకు మేలు చేకూరుతుంది.

తల్లి ఫిర్యాదుతో కేసు నమోదు తాళ్లపూడి: మండలం మలకపల్లి గ్రామంలో ఆదివారం తెల్లవారుజామున ఒక యువకుడు అనుమానాస్పద స్థితిలో మృతి చెందడం స్థానికంగా కలకలం రేపింది. ఎస్సై టి.రామకృష్ణ తెలిపిన వివరాల మేరకు మలకపల్లికి చెందిన డ్రైవర్‌ బొబ్బరాడ శివప్రసాద్‌ (31)కు నాలుగేళ్ల క్రితం వివాహమైనప్పటికీ కుటుంబ కలహాలతో భార్య నుంచి విడిగా ఉంటున్నాడు. కొంత కాలంగా స్థానిక మహిళ ఆళ్ల జ్యోతి అతడితో తరచుగా ఫోన్‌లో మాట్లాడుతుండడంతో అతడి తల్లి ముత్యాలమ్మ మందలించేది. ఈ నేపథ్యంలో శనివారం రాత్రి 10 గంటల సమయంలో జ్యోతి ఫోన్‌ చేయగా అతడు తీయకపోవడంతో అతడి తల్లికి పలుమార్లు ఫోన్‌ చేసింది. ఆ సమయంలో శివప్రసాద్‌ తన తల్లితో జ్యోతి తనను తరచూ ఫోన్‌ చేసి ఇబ్బంది పెడుతోందని చెప్పాడు. అనంతరం కొద్దిసేపటికి తల్లీకొడుకు ఇద్దరూ ఇంటి బయట నిద్రించగా సుమారు 3 గంటల ప్రాంతంలో ఏదో పడినట్టు శబ్దం వచ్చి ముత్యాలమ్మ లేచి చూడగా జ్యోతి మాటలు వినిపించాయని, అక్కడ తన కుమారులు లేకపోవడంతో చుట్టుపక్కల వెతికారు. ఉదయం 7 గంటల సమయంలో బంధువులతో పాటు వెదికించగా గ్రామ పంచాయతీ గోడ పక్కన ఉన్న మురుగు కాలువలో శివప్రసాద్‌ విగత జీవిగా పడి ఉన్నట్టు కనుగొన్నారు. తన కుమారుడి మృతిపై జ్యోతి, ఆమె కుటుంబ సభ్యుపై తనకు అనుమానం ఉందని ఫిర్యాదు చేసిన మేరకు పోలీసులు కేసు నమోదు చేశారు. మృతదేహాన్ని పోస్టుమార్టంకు తరలించి దర్యాప్తు చేస్తున్నారు. కొవ్వూరు డీఎస్పీ జి.దేవకుమార్‌, రూరల్‌ సీఐ కె.విజయబాబు పర్యవేక్షణలో కేసు దర్యాప్తు చేస్తున్నారు.

అనపర్తి: రంగంపేట మండలం దొంతమూరు క్వారీ వ్యవహారంలో ఎమ్మెల్యే నల్లమిల్లి రామకృష్ణారెడ్డికి డబ్బులు ఇచ్చానని ప్రమాణానికి సిద్ధం కావాలని క్వారీ కాంట్రాక్టర్‌ సవాల్‌ విసిరి ఏడేళ్లు కావొస్తుందని, దానిపై ఇప్పటి వరకు మౌనం వహించడం అంగీకారమా అని మాజీ ఎమ్మెల్యే, వైఎస్సార్‌ సీపీ అనపర్తి నియోజకవర్గ సమన్వయకర్త డాక్టర్‌ సత్తి సూర్యనారాయణరెడ్డి ప్రశ్నించారు. ఆదివారం అనపర్తి పార్టీ కార్యాలయంలో ఆయన మాట్లాడారు. క్వారీ యజమాని అప్పట్లో బహిరంగంగా చేసిన సవాల్‌కు సమాధానం చెప్పకుండా, ఇప్పుడు తనపై ఆరోపణలు చేయడం ఏంటని అన్నారు. ఇటీవల దొంతమూరులో వైఎస్సార్‌ సీపీ ప్రభుత్వ హయాంలో తాను క్వారీకి అనుమతులు ఇప్పించడం వల్ల మట్టి తరలింపుతో రహదారులు ధ్వంసమయ్యాయని ఎమ్మెల్యే ఆరోపించడాన్ని సూర్యనారాయణరెడ్డి ఖండించారు. తనపై ఆరోపణలు చేసే ముందు గతంలో క్వారీ యజమాని చేసిన ఆరోపణలకు సమాధానం చెప్పాలని డిమాండ్‌ చేశారు. క్వారీకి ఎన్‌ఓసీ ఇప్పించే విషయంలో అప్పటి ఎమ్మెల్యే రామకృష్ణారెడ్డి అనుచరుల ద్వారా రూ.18 లక్షలు తీసుకున్నారని క్వారీ యజమాని గతంలో మీడియా వద్ద చెప్పిన మాటలు రికార్డు అయ్యి ఉన్నాయన్నారు. ఆ ఆరోపణలు అబద్ధమైతే బిక్కవోలు వినాయకుని ఆలయం వద్ద ప్రమాణానికి రావాలని, ఇచ్చినట్టు తాను ప్రమాణం చేస్తానని క్వారీ యజమాని అప్పట్లోనే ఆయనకు సవాల్‌ విసిరారని గుర్తుచేశారు. ఈ వ్యవహారం జరిగి దాదాపు ఏడేళ్లు గడిచినా సవాల్‌ను స్వీకరించకపోవడం, ఆరోపణలపై వివరణ ఇవ్వకపోవడం చూస్తుంటేనే అసలు విషయం అర్థమవుతుందన్నారు. క్వారీ యజమాని మాట్లాడిన పాత వీడియోను ప్రజల ముందుకు తీసుకొస్తున్నామని, నియోజకవర్గ ప్రజలు వాస్తవాలను తెలుసుకోవాలనే ఉద్దేశంతోనే ఈ వీడియోను విడుదల చేస్తున్నామని డాక్టర్‌ సూర్యనారాయణరెడ్డి అన్నారు. తనపై ఆధారాలు లేకుండా ఆరోపణలు చేయడం మానుకోవాలని హితవు పలికారు. ఫ సవాల్‌కు ఎమ్మెల్యే సమాధానం ఏదీ? ఫ మాజీ ఎమ్మెల్యే డాక్టర్‌ సూర్యనారాయణరెడ్డి ప్రశ్న

● కుక్క కాటును నిర్లక్ష్యం చేస్తే ప్రమాదం ● సత్ఫలితాలివ్వని ఏబీసీ శస్త్ర చికిత్సలు ● నేడు ప్రపంచ ర్యాబిస్‌ నివారణ దినం అందుబాటులో ఏఆర్‌వీ జిల్లాలోని అన్ని ప్రభుత్వ ఆస్పత్రుల్లో యాంటీ రేబిస్‌ వ్యాక్సిన్లు (ఏఆర్‌వీ) అందుబాటులో ఉన్నాయి. కుక్క కరిచిన వెంటనే అధైర్య పడకుండా సమీప ఆస్పత్రికి వెళ్లి చికిత్స చేయించుకోవాలి. – ఎం.సుమలత, జిల్లా కన్వీనర్‌, ఆర్‌బీఎస్‌కే, అమలాపురం ఆలమూరు: కేవలం కుక్కల వల్లే కాకుండా పిల్లి, నక్క, డేగ వంటి జంతువుల వల్ల కూడా రేబిస్‌ వ్యాధి వచ్చే ప్రమాదం ఉన్నప్పటికీ ఇంటా బయటా ఎక్కువగా ప్రజలు కుక్క కాట్లకే త్వరగా గాయపడి ఈ వ్యాధి బారిన పడుతుంటారు. వీధి కుక్కల సంతతి అంతకంతకూ పెరిగిపోతున్న నేపథ్యంలో తగిన జాగ్రత్తలు తీసుకోవలసిన అవసరం మనపైనే ఉంది. యాంటీ బర్త్‌ కంట్రోల్‌ (ఏబీసీ) శస్త్ర చికిత్సల వల్ల అంతగా ప్రయోజనం కనిపించడం లేదన్నది నిర్వివాదాంశం. 2024లో పశుసంవర్థక శాఖ గణాంకాల ప్రకారం ఉమ్మడి తూర్పుగోదావరి జిల్లాలో 95,571 కుక్కలు ఉన్నాయి. కాగా 2025–26 మధ్య కాలంలో సుమారు 16 వేల మంది కుక్క కాట్లకు గురయ్యారు. 2030 చివరి నాటికి ర్యాబిస్‌ రహిత దేశంగా అవ్వాలన్న కేంద్ర ప్రభుత్వ లక్ష్యం కనుచూపు మేరలో కనపడడం లేదు. రేబిస్‌ నిరోధక టీకాను కనుగొన్న లూయీ పాశ్చర్‌ వర్ధంతిని పురస్కరించుకుని ఏటా సెప్టెంబర్‌ 28న ర్యాబిస్‌ నివారణ దినోత్సవాన్ని నిర్వహిస్తున్న నేపథ్యంలో కుక్కకాటు వల్ల ఎదురయ్యే దుష్పరిణామాల గురించి చర్చించుకోవడం అవసరం. రేబిస్‌ వ్యాధి లక్షణాలు ● రేబిస్‌ సోకిన రోగికి గొంతు మింగుడు పడదు. ● ఆహారం తినలేక ఆరోగ్యం క్షీణిస్తుంది. ● నీళ్లను చూస్తే భయపడుతుంటారు. ● వ్యాధి తీవ్రత పెరిగే కొద్దీ మందబుద్ధులవుతారు.

● గోదావరి పొదల్లో అపస్మారక స్థితిలో గుర్తింపు ● ప్రథమ చికిత్స అనంతరం మెరుగైన చికిత్సకు రాజమహేంద్రవరం జీజీహెచ్‌కు తరలింపు ఆత్రేయపురం: స్థానిక గౌతమి గోదావరిలో మునిగి గల్లంతైన చిట్టిబాబు ఆదివారం మృత్యుంజయుడిగా బయటపడ్డాడు. వివరాల్లోకి వెళితే గ్రామానికి చెందిన పందిరి నాగమణి మృతి చెందడంతో ఆమె అంతిమ సంస్కారాల నిమిత్తం తాపేశ్వరానికి చెందిన తన అల్లుడు కాకిలేటి చిట్టిబాబు వచ్చి స్నానాల కోసం బంధువులతో పాటు పుష్కరఘాట్‌లో దిగగా నీటి ప్రవాహానికి గల్లంతైన విషయం తెలిసిందే. శనివారం అర్ధరాత్రి వరకూ గాలించినా ఫలితం లేకపోయింది. దీంతో చిట్టిబాబు కుమారుడు కాకిలేటి రాహుల్‌కుమార్‌ ఎస్సై రాము, తహసీల్దార్‌ ఆర్‌.డి.రామచంద్రమూర్తి, వీఆర్వో జ్యోతికి ఫిర్యాదు చేశారు. కాగా ఆదివారం తెల్లవారుజాము నుంచి అతడి బంధుమిత్రులు మళ్లీ గాలింపు మొదలుపెట్టగా నది గట్టున పొదలలో అపస్మారక స్థితిలో ఉన్న అతడిని వారు గుర్తించారు. వెంటనే అతడిని స్థానిక పీహెచ్‌సీకి తరలించి ప్రాథమిక చికిత్స చేసి మెరుగైన చికిత్స నిమిత్తం రాజమహేంద్రవరం జీజీహెచ్‌కు తరలించారు. చిట్టిబాబు ఆరోగ్యంగా ఉండడంతో తాపేశ్వరంలోని బంధుమిత్రులు ఊపిరి పీల్చుకున్నారు.

గత వైఎస్సార్‌ సీపీ ప్రభుత్వంలోనే చేనేత కుటుంబాలకు మేలు జరిగింది. ప్రతి చేనేత కార్మికుడికి ఏడాదికి రూ.24 వేలు అందజేసి వారిని ఆదుకున్నారు. కూటమి ప్రభుత్వంలో చేనేత కార్మికులకు తీవ్ర అన్యాయం జరుగుతోంది. బీసీలకు న్యాయం జరగాలంటే 2029లో వైఎస్‌ జగన్‌మోహన్‌రెడ్డిని ముఖ్యమంత్రిగా గెలిపించుకోవాలి. – చందన నాగేశ్వర్‌, ఏపీ గ్రీనింగ్‌ అండ్‌ బ్యూటిఫికేషన్‌ కార్పొరేషన్‌ మాజీ చైర్మన్‌ నాడు మామకు.. నేడు బీసీలకు బలహీన వర్గాలకు వైఎస్సార్‌ ఎంతో అండగా నిలిచారు. తూర్పు కాపులకు బీసీ సర్టిఫికెట్ల మంజూరులో ఎదురవుతున్న సమస్యను వైఎస్‌ రాజశేఖర్‌రెడ్డి వద్దకు తీసుకెళ్లగానే పరిష్కరించారు. దేశంలో నా బీసీలు, నా ఎస్సీలు, నా ఎస్టీలు అన్న దమ్మున్న నాయకుడు వైఎస్‌ జగన్‌ ఒక్కరే. నాడు మామ ఎన్టీఆర్‌కు వెన్నుపోటు పొడిచిన చంద్రబాబు... ఇప్పుడు బీసీలకు సైతం వెన్నుపోటు పొడిచారు. – రౌతు సూర్యప్రకాశరావు, మాజీ ఎమ్మెల్యే, రాజమహేంద్రవరం వ్యతిరేకతను ఓట్లుగా మలుచుకోవాలి వెన్నుపోటు పార్టీపై ఈ రెండున్నరేళ్లలో ప్రజల్లో తీవ్ర వ్యతిరేకత వచ్చింది. ఆ వ్యతిరేకతను ఓట్లుగా మలుచుకునేందుకు నేతలంతా దిశానిర్దేశం చేయాలి. గతంతో పోల్చితే వైఎస్సార్‌ సీపీ ఓట్లు షేర్‌ శాతం గణనీయంగా పెరగడంతో విజయం తథ్యం. 139 బీసీ కులాల మధ్య సమన్వయం సాధించాలి. వైఎస్‌ జగన్‌ బీసీలకు చేసిన మేలును ప్రజల్లోకి తీసుకువెళ్లాలి. – గూడూరు శ్రీనివాస్‌, పార్లమెంటు కో ఆర్డినేటర్‌, రాజమహేంద్రవరం అన్ని కులాలకూ సంక్షేమ పథకాలు మత్స్యకారులకు వైఎస్‌ జగన్‌ పాలనలో మేలు జరిగింది. వారి జీవనోపాధిని మెరుగుపరిచేందుకు రూ.3 వేల కోట్లతో 11 హార్బర్ల నిర్మాణం ప్రారంభించారు. అన్ని కులాల సంక్షేమానికి అనేక పథకాలు అమలు చేశారు. బీసీ సంఘాలను, నాయకులను చైతన్యపరిచి వైఎస్‌ జగన్‌మోహన్‌రెడ్డిని మరోసారి ముఖ్యమంత్రిని చేసేందుకు అంతా కృషి చేయాలి. –పొన్నాడ సతీష్‌, మాజీ ఎమ్మెల్యే, ముమ్మిడివరం వెన్నుపోటు పార్టీకి బుద్ధి చెప్పాలి చంద్రబాబు అధికారంలోకి వచ్చి బీసీలకు వెన్నుపోటు పొడిచారు. బీసీ రుణాలు మంజూరు చేయకుండా, సంక్షేమ పథకాలు అమలు చేయకుండా అన్నివిధాలా మోసం చేశారు. వెన్నుపోటు పార్టీకి ఓటుతో బుద్ధి చెప్పే సమయం ఆసన్నమైంది. రాబోయే స్థానిక సంస్థల ఎన్నికల్లో వైఎస్సార్‌ సీపీ అభ్యర్థుల విజయానికి ఐక్యంగా కృషి చేయాలి. – ఆవాల లక్ష్మీనారాయణ, పెరిక సామాజికవర్గ రాష్ట్ర అధ్యక్షుడు, కాకినాడ చరమగీతం పాడే సమయం వచ్చింది రాష్ట్రంలో బీసీలకు మేలు జరిగేది వైఎస్‌ జగన్‌మోహన్‌రెడ్డితోనే. గత ప్రభుత్వంలో అనేక సంక్షేమ పథకాలను అమలు చేశారు. వెన్నుపోటు పార్టీ ఎన్నికల్లో ఇచ్చిన ఏ ఒక్క హామీని అమలు చేయకుండా బీసీలకు వెన్నుపోటు పొడిచింది. బీసీలంతా చంద్రబాబు పాలనకు చరమగీతం పాడే సమయం దగ్గరపడింది. – కొండపల్లి దుర్గారావు, వైఎస్సార్‌ సీపీ జిల్లా బీసీ సెల్‌ అధ్యక్షుడు, తూర్పు గోదావరి

ధవళేశ్వరం: స్థానిక కాటన్‌ బ్యారేజ్‌ వద్ద గోదావరి పరవళ్లు తొక్కుతుంది. గోదావరి పరీవాహక ప్రాంతాల్లో విస్తారంగా కురిసిన వర్షాలతో బ్యారేజ్‌ వద్దకు భారీగా వరద నీరు వచ్చి చేరుతుంది. దీంతో ఎప్పటికప్పుడు మిగులు జలాలను సముద్రంలోకి విడుదల చేస్తున్నారు. సోమవారం రాత్రి నుంచి ధవళేశ్వరం వద్ద నీటి ఉధృతి తగ్గే అవకాశం ఉందని ఇరిగేషన్‌ అధికారులు అంచనా వేస్తున్నారు. బ్యారేజ్‌ వద్ద 9.80 అడుగులకు నీటిమట్టం చేరింది. వరద ఉధృతి నేపథ్యంలో ధవళేశ్వరం ఫ్లడ్‌ కంట్రోల్‌ రూమ్‌ నుంచి ఇరిగేషన్‌ అధికారులు ఎప్పటికప్పుడు పరిస్థితిని సమీక్షిస్తున్నారు. ఎగువ ప్రాంతానికి సంబంధించి భద్రాచలం వద్ద 43.10 అడుగులకు నీటిమట్టం చేరింది. వీఆర్‌ఏల అర్ధనగ్న ప్రదర్శన రాయవరం: న్యాయమైన డిమాండ్ల సాధనకు గ్రామ రెవెన్యూ సహాయకులు చేస్తున్న నిరవధిక సమ్మె ఆదివారం 12వ రోజుకు చేరుకుంది. రాజమహేంద్రవరం డివిజన్‌ అధ్యక్షుడు ఖండవిల్లి రవిబాబు, రాయవరం మండల వీఆర్‌ఏ అసోసియేషన్‌ అధ్యక్ష, ప్రధాన కార్యదర్శులు చంద్రమళ్ల దుర్గారావు, వేమగిరి విక్కీల ఆధ్వర్యంలో రాయవరంలో వీఆర్‌ఏలు అర్ధనగ్న ప్రదర్శన చేశారు. ఈ సందర్భంగా రవిబాబు, దుర్గారావు, విక్కీలు మాట్లాడుతూ 12 రోజులుగా నిరవధిక సమ్మె చేస్తున్నా, ప్రభుత్వం పట్టించుకోకపోవడం బాధాకరమన్నారు. పలుమార్లు వినతిపత్రాలు ఇచ్చిన తర్వాతే తప్పని పరిస్థితుల్లో నిరవధిక సమ్మెకు పూనుకున్నట్లు తెలిపారు. కేవలం రూ.10,500తో కుటుంబాలను ఎలా నెట్టుకొస్తామన్నారు. వీఆర్‌ఏలకు పే స్కేల్‌ ఇవ్వాలని, పదోన్నతులు కల్పించాలని, నామినీగా పనిచేస్తున్న వారిని వీఆర్‌ఏలుగా ప్రమోట్‌ చేయాలనే డిమాండ్లతో నినాదాలు చేశారు. అనంతరం స్థానిక మండల పరిషత్‌ కార్యాలయ ఆవరణలో అంబేడ్కర్‌ విగ్రహానికి వారంతా వినతిపత్రం అందజేశారు. కేదార్‌నాఽథ్‌లో చిక్కుకున్న రాయవరం వాసులు రాయవరం: గ్రామానికి చెందిన పీవీ కృష్ణారెడ్డి, రిమ్మలపూడి సుబ్బారావుచౌదరి కేదార్‌నాథ్‌ యాత్ర నుంచి తిరిగి వస్తుండగా, మార్గం మధ్యలో చిక్కుకున్నారు. కేదార్‌నాథ్‌ యాత్ర మార్గం మధ్యలో కొండచరియలు విరిగి పడడంతో వేలాది మంది యాత్రికులు చిక్కుకున్నట్లు సోషల్‌ మీడియాలో హల్‌చల్‌ చేస్తుంది. రాయవరం గ్రామానికి చెందిన పీవీ కృష్ణారెడ్డి ఈ విషయాన్ని ఫోన్‌లో స్థానిక విలేకరులకు తెలిపారు. ఈ నెల 19న హైదరాబాద్‌ నుంచి ఓ ప్రైవేట్‌ ట్రావెలర్స్‌లో 45 మంది బృందంతో కేదార్‌నాథ్‌ యాత్రకు వెళ్లినట్లు వివరించారు. 26న కేదార్‌నాఽథ్‌లో దర్శనం ముగించుకుని డోలిలో తిరుగు ప్రయాణం చేస్తుండగా, ఆదివారం సాయంత్రానికి గౌరీకుంద్‌ అనే ప్రాంతానికి చేరుకోవాల్సి ఉందన్నారు. రెండు కిలోమీటర్ల దూరంలో గమ్యస్థానం చేరుకోవాల్సిన సమయంలో కొండచరియలు విరిగి పడడంతో మార్గం మూసుకుని పోయినట్లు తెలిపారు. రత్నగిరి.. భక్తజనఝరి అన్నవరం: అన్నవరం సత్యదేవుని ఆలయానికి ఆదివారం పెద్ద సంఖ్యలో భక్తులు తరలివచ్చారు. సాధారణంగా భాద్రపద మాసంలో పెద్దగా భక్తులు రారు. దీనికితోడు ఆర్నాబ్‌ తుపాను ప్రభావంతో మంగళవారం నుంచి శుక్రవారం వరకు జిల్లా వ్యాప్తంగా భారీ వర్షాలు కురియడంతో భక్తులు నామమాత్రంగా వచ్చారు. శనివారం నుంచి వర్షాలు తగ్గడంతో ఆలయానికి భక్తులు పెద్ద సంఖ్యలో విచ్చేసి సత్యదేవుడిని దర్శిస్తున్నారు. ఆదివారం పెద్ద సంఖ్యలో భక్తులు రత్నగిరికి తరలివచ్చారు. దీంతో స్వామివారి ఆలయం, క్యూ లైన్లు, వ్రత మండపాలు అన్నీ భక్తులతో నిండిపోయాయి. సుమారు 25 వేల మంది భక్తులు స్వామివారిని దర్శించుకొని పూజలు చేశారని అధికారులు తెలిపారు. 1500 వ్రతాలు జరిగాయని, అన్ని విభాగాల ద్వారా దేవస్థానానికి రూ.30 లక్షలు ఆదాయం వచ్చిందని తెలిపారు. సత్యదేవుని అన్నప్రసాదం ఐదువేల మంది స్వీకరించారని అధికారులు చెప్పారు.

రాయవరం: మండలంలోని సోమేశ్వరం శివారు నాగవంశీయులపేట వద్ద ఆదివారం మధ్యాహ్నం రెండు వాహనాలు ఢీకొని ముగ్గురు గాయపడ్డారు. స్థానికులు తెలిపిన వివరాల ప్రకారం రామచంద్రపురం నుంచి మోటార్‌ సైకిల్‌పై ఇద్దరు వస్తుండగా, రాయవరం వైపు నుంచి మోటార్‌ సైకిల్‌ను నడిపించుకుంటూ మరో వ్యక్తి వస్తున్నాడు. ఆగి ఉన్న లారీని దాటే క్రమంలో ఆ ఇద్దరు వ్యక్తులు వాహనాన్ని నడిపిస్తూ వస్తున్న వ్యక్తిని ఢీకొట్టారు. దీంతో ముగ్గురికీ గాయాలయ్యాయి. క్షతగాత్రులను ఆస్పత్రికి తరలించారు. ఎస్సై డి.సురేష్‌బాబును వివరణ కోరగా తమకు ఎటువంటి ఫిర్యాదు అందలేదని తెలిపారు. చికిత్స పొందుతూ యువకుడి మృతి అనపర్తి: మోటార్‌ బైక్‌ జారిపడి గాయాలపాలైన వ్యక్తి చికిత్స పొందుతూ మృతి చెందాడు. బిక్కవోలు పోలీసులు, స్థానికులు తెలిపిన వివరాల ప్రకారం బిక్కవోలు గ్రామం కొత్తపేటకు చెందిన కల్లేపల్లి శివరామకృష్ణ (26) తాపీ పనితో పాటు శుభకార్యాలకు వంటలు కూడా చేస్తుంటాడు. ఈ నెల 21న గోకవరంలో శుభకార్యానికి వంట పనికి వెళ్లి 23వ తేదీ రాత్రి తిరిగి వస్తుండగా బలభద్రపురం కానేడు రోడ్‌ వద్ద పెట్రోలు బంకు సమీపంలో వర్షం వల్ల రోడ్డు కనపడక వాహనం అదుపుతప్పి పడిపోయాడు. ఈ ప్రమాదంలో అతడి తలకు తీవ్ర గాయం కావడంతో అటుగా వెళ్తున్న వారు 108 అంబులెన్సుకు సమాచారం ఇచ్చి అనపర్తి ఏరియా ఆస్పత్రికి ప్రధమ చికిత్స నిమిత్తం తరలించారు. అనంతరం మెరుగైన చికిత్సకు కాకినాడ జీజీహెచ్‌కు తరలించగా అక్కడ చికిత్స పొందుతూ ఆదివారం ఉదయం 10.45 గంటలకు మృతి చెందాడు. శివరామకృష్ణ తండ్రి ఫిర్యాదు మేరకు ఎస్సై రవిచంద్రకుమార్‌ కేసు దర్యాప్తు చేస్తున్నారు.

రాజమహేంద్రవరం సిటీ: గ్రామ, వార్డు సచివాలయ ఉద్యోగులు తమ డిమాండ్ల సాధన కోసం శాంతియుతంగా నిరసన చేపడుతుంటే, వారిపై లాఠీచార్జి చేయడం, అరెస్టులకు పాల్పడటం దుర్మార్గమని వైఎస్సార్‌ సీపీ యువజన విభాగం రాష్ట్ర అధ్యక్షుడు, మాజీ ఎమ్మెల్యే జక్కంపూడి రాజా ఆగ్రహం వ్యక్తం చేశారు. ఆదివారం రాజమహేంద్రవరంలో విలేకరులతో మాట్లాడుతూ తమ డిమాండ్ల సాధన కోసం చలో విజయవాడ కార్యక్రమానికి బయలుదేరిన గ్రామ, వార్డు సచివాలయ ఉద్యోగులను అడుగడుగునా అడ్డుకుని అరెస్టు చేయడం సరికాదన్నారు. ప్రభుత్వం పోలీసులను అడ్డుపెట్టుకుని ఎన్ని ఆంక్షలు విధించినా వేలాది మంది ఉద్యోగులు విజయవాడకు తరలివచ్చారన్నారు. సచివాలయ వ్యవస్థకు వెన్నెముకగా ఉన్న గ్రామ, వార్డు సచివాలయ ఉద్యోగులు అనేక సమస్యలతో ఇబ్బందులు ఎదుర్కొంటున్నారన్నారు. ఉద్యోగ భద్రత కల్పించడం, ప్రొబేషన్‌ డిక్లేర్‌ చేయడం, వేతన సవరణ చేపట్టడం, బదిలీల్లో అక్రమాలను అరికట్టడం, అదనపు పని భారాన్ని తగ్గించడం, సర్వీస్‌ రూల్స్‌ను అమలు చేయడం వంటి 9 ప్రధాన డిమాండ్లను ప్రభుత్వం పరిష్కరించాలని ఉద్యోగులు కోరుతున్నారన్నారు. ఉద్యోగుల న్యాయమైన డిమాండ్లను పరిష్కరించడంలో ప్రభుత్వం నిర్లక్ష్యం చేస్తే, రానున్న రోజుల్లో కూటమి ప్రభుత్వానికి తగిన గుణపాఠం చెబుతారని జక్కంపూడి రాజా హెచ్చరించారు. వైఎస్సార్‌ సీపీ యువజన విభాగం రాష్ట్ర అధ్యక్షుడు జక్కంపూడి రాజా

చంద్రబాబు బీసీలను ఓటు బ్యాంకుగా వినియోగించుకుని, అధికారంలోకి వచ్చిన తర్వాత వెన్నుపోటు పొడవడం పరిపాటిగా మారింది. ఇప్పుడు ఓట్లు వేసిన బీసీలంతా చంద్రబాబు పాలనను చూసి కన్నీళ్లు తెచ్చుకుంటున్నారు. 2029లో వైఎస్‌ జగన్‌మోహన్‌రెడ్డిని ముఖ్యమంత్రిని చేసేందుకు బీసీలంతా తమ సత్తా చాటాలి. – నవుడు వెంకటరమణ, రాష్ట్ర బీసీ సెల్‌ వర్కింగ్‌ ప్రెసిడెంట్‌ ఉప ముఖ్యమంత్రిగా బీసీలు పనికిరారా! కూటమి ప్రభుత్వంలో బీసీలకు ఉప ముఖ్యమంత్రి పదవి ఇవ్వలేదు. బీసీలు ఉప ముఖ్యమంత్రిగా పనికిరారా..??. బీసీలకు స్థానిక సంస్థల ఎన్నికల్లో 34 శాతం రిజర్వేషన్‌ ఇస్తామని చంద్రబాబు జీఓ ఇచ్చారు. నాలుక గీసుకోవడానికి కూడా జీఓలు పనికిరావు. చంద్రబాబు బీసీలను వాడుకుంటున్నారు. బీసీలకు మంచి చేయాలనే ఉద్దేశం వైఎస్‌ జగన్‌మోహన్‌రెడ్డికి మాత్రమే ఉంది. రానున్న స్థానిక సంస్థల ఎన్నికలు మన ఆత్మగౌరవానికి సంబంధించినవి. ఆ సెమీ ఫైనల్స్‌లో వైఎస్సార్‌ సీపీ విజయం సాధిస్తేనే చంద్రబాబుకు బుద్ధి వస్తుంది. – మార్గాని భరత్‌రామ్‌, మాజీ ఎంపీ, వైఎస్సార్‌ సీపీ జాతీయ అధికార ప్రతినిధి డీఎస్సీ అక్రమాలపై జైలుకెళ్లడం ఖాయం వైఎస్‌ జగన్‌మోహన్‌రెడ్డి ప్రభుత్వంలో రాష్ట్రంలో బీసీలకు నామినేటెడ్‌ పదవులతో పాటు సంక్షేమ పథకాలు అందించారు. డీఎస్సీ స్పోర్ట్స్‌ కోటా అక్రమాలపై చంద్రబాబు, లోకేశ్‌ జైలుకెళ్లడం ఖాయం. స్థానిక సంస్థల ఎన్నికల్లో బీసీల్లో చిన్నస్థాయి కులాలకు సైతం ప్రాధాన్యం కల్పించి వారిని రాజకీయంగా ప్రోత్సహించాలి. 2029 ఎన్నికల్లో వైఎస్‌ జగన్‌ను ముఖ్యమంత్రిని చేసేందుకు బీసీలంతా ఐక్యంగా కృషి చేయాలి. – కుడుపూడి సూర్యనారాయణరావు, ఎమ్మెల్సీ రాజకీయ ప్రాధాన్యం కల్పించారు గత ప్రభుత్వంలో శాలివాహన (కుమ్మరి) కులస్తులకు రాజకీయ ప్రాధాన్యం కల్పించారు. నా భార్య మోహినికి మండల పరిషత్‌ అధ్యక్షురాలిగా అవకాశం కల్పించారు. ప్రతి గ్రామంలో మహాత్మ జ్యోతిరావు ఫూలే విగ్రహాలను వైఎస్సార్‌ సీపీ తరుఫున ఏర్పాటు చేయాల్సిన అవసరం ఉంది. వైఎస్‌ జగన్‌ సీఎం అయితేనే బీసీలకు న్యాయం జరుగుతుంది. – బొండాడ వెంకన్నబాబు, వైఎస్సార్‌ సీపీ జిల్లా ఉపాధ్యక్షుడు, తూర్పుగోదావరి 50 ఏళ్లకే పింఛన్‌ ఏదీ? అధికారంలోకి రాగానే బీసీలకు 50 ఏళ్లకే పింఛన్‌ ఇస్తానన్న చంద్రబాబు 27 నెలలు గడిచినా అందించడం లేదు. రాష్ట్రంలో విశ్వ బ్రాహ్మణులు 20 లక్షల మంది ఉన్నారు. వారికి వెన్నుపోటు పార్టీ న్యాయం చేయలేదు. 2029లో వైఎస్‌ జగన్‌ సీఎం కావడం ఖాయం. – పాపయ్యచారి, విశ్వబ్రాహ్మణ కార్పొరేషన్‌ మాజీ చైర్మన్‌

● జిల్లా వ్యాప్తంగా 19 ఏళ్లలోపు పిల్లలకు ఆల్బెండజోల్‌ పంపిణీ ● నేడు జాతీయ నులిపురుగుల నిర్మూలన కార్యక్రమం రాజమహేంద్రవరం రూరల్‌: పిల్లల ఎదుగుదలకు అవరోధంగా నిలుస్తున్న నులిపురుగుల నివారణకు సోమవారం జిల్లా వ్యాప్తంగా అధికారులు ఆల్బెండజోల్‌ మాత్రలను పంపిణీ చేసి జాతీయ నులి పురుగుల నిర్మూలన కార్యక్రమం నిర్వహిస్తున్నారు. నులి పురుగుల వల్ల కడుపులో నొప్పి, మంట, వికారం వంటి వాటితో అవస్థ పడుతూ పిల్లలు నీరసపడతారు. ఏడాది నుంచి 19 ఏళ్లలోపు పిల్లల్లో ఈ ఎదుగుదల, నులిపురుగుల సమస్య ఎక్కువగా ఉంటుంది. అపరిశుభ్రతే కారణం.. అపరిశుభ్రత వల్లే నులి పురుగులు ఎక్కువగా వ్యాపిస్తాయి. పరిసరాలు, వ్యక్తిగత పరిశుభ్రత పాటించని పిల్లలకు ఈ సమస్య ఎక్కువగా ఉంటుంది. కలుషిత నీరు, బహిరంగ ప్రదేశాల్లో మల విసర్జన వల్ల, కూరగాయలు శుభ్రం చేయకుండా వండడం, ఆహార పదార్థాలపై మూతలు లేకపోవడం వల్ల ఈ సమస్య ఉత్పన్నమవుతుంది. ఏడాది నుంచి రెండేళ్ల లోపు చిన్నారులకు అల్బెండజోల్‌ సగం మాత్ర (200 మిల్లీగ్రాములు) నీళ్లలో కలిపి పట్టించాలి. 2 నుంచి 19 ఏళ్లలోపు పిల్లలు 400 మిల్లీ గ్రాముల మాత్రను మధ్యాహ్నాం భోజనమయ్యాక చప్పరించేలా చేడాలి. జిల్లాలో 4,46,865 మందికి ఆల్బెండజోల్‌ మాత్రలు పంపిణీ చేయనున్నారు. సోమవారం వేయించుకోని వారికి వచ్చేనెల ఐదున మాత్రలను ఇవ్వనున్నారు. జిల్లాలో అంగన్‌వాడీ కేంద్రాలు, ప్రభుత్వ, ప్రైవేటు పాఠశాలలు, జూనియర్‌, పాలిటెక్నిక్‌ కళాశాలల్లో, బడి బయట పిల్లలకు ఈ మాత్రలు పంపిణీ చేయనున్నారు. స్కూల్‌ హెల్త్‌ ప్రోగ్రాంలో భాగంగా రాష్ట్రీయ బాల స్వాస్థ్య ఆరోగ్య మిషన్‌ ఆధ్వర్యంలో స్కూల్‌ హెల్త్‌ ప్రోగ్రామ్‌లో భాగంగా అల్బెండజోల్‌ మాత్రల పంపిణీ చేస్తున్నాం. కలెక్టర్‌ ఆదేశాలు మేరకు ఈ కార్యక్రమాన్ని విజయవంతం చేస్తాం. – డా.పి.కోమల, డీఎంహెచ్‌వో, తూర్పుగోదావరి జిల్లా

ఫ బయటకు వెళ్లిన అంగన్‌వాడీ సిబ్బంది ఫ భయాందోళన చెందిన చిన్నారులు సీతానగరం: పసి పిల్లలకు రక్షణగా నిలవాల్సిన అంగన్‌వాడీ కేంద్రం నిర్లక్ష్యానికి నిలువెత్తు నిదర్శనంగా మారింది. సీతానగరం అంగన్‌వాడీ సెంటర్‌– 4లో చిన్నారుల ప్రాణాలను గాలికి వదిలేసి, సిబ్బంది ప్రవర్తించిన తీరు స్థానికులను తీవ్ర ఆందోళనకు గురిచేసింది. ఈ ఘటన సీతానగరం దేవాంగుల వీధిలోని అంగన్‌వాడీ కేంద్రంలో శనివారం జరిగింది. అంగన్‌వాడీ టీచర్‌, ఆయా ఇద్దరూ కలసి కేంద్రంలోని చిన్నారులను సమీపంలో జరుగుతున్న ఒక అన్నదాన కార్యక్రమానికి తీసుకువెళ్లారు. అక్కడ పిల్లలకు భోజనాలు పెట్టించిన అనంతరం తిరిగి కేంద్రానికి తీసుకొచ్చారు. అయితే, అక్కడితో తమ పని అయిపోయిందన్నట్టుగా, పసి పిల్లలను కేంద్రం లోపల ఉంచి బయట ఇనుప గేటుకు గడియ పెట్టి సిబ్బంది ఇద్దరూ అక్కడి నుంచి భోజనాలు చేయడానికి తిరిగి అన్నదాన కార్యక్రమానికి వెళ్లిపోయారు. బోనులో బంధించినట్టు.. బోనులో బంధించిన పక్షుల్లా పసిపిల్లలు ఇనుప చువ్వల మధ్య నుంచి ఆవేదనతో బయటకు చూస్తున్న చూపులు ప్రతి ఒక్కరి గుండెలనూ పిండేశాయి. అన్నదాన వద్ద భోజనం చేశామని, టీచరు గారు తీసుకువెళ్లారని, వారే లోపల ఉంచారని పిల్లలు చెప్పడం గమనార్హం. లోపల ఉన్న సమయంలో అనుకోకుండా ఏదైనా ప్రమాదం సంభవిస్తే ఆ పసి పిల్లల పరిస్థితి ఏంటని స్థానికులు ప్రశ్నిస్తున్నారు. అత్యవసర పరిస్థితి వస్తే లోపల ఉన్న పిల్లలు బయటకు ఎలా రాగలుగుతారనే కనీస స్పృహ కూడా లేకుండా ప్రవర్తించిన అంగన్‌వాడీ టీచర్‌, ఆయాల వైఖరిని తప్పుపడుతున్నారు. ఐసీడీఎస్‌ సీడీపీఓ సంధ్యారాణి విలేకరులతో మాట్లాడుతూ పిల్లలను బయట భోజనాలకు తీసుకువెళ్లరాదని, పిల్లలను లోపల ఉంచి గడియ పెట్టిన వీడియో ఆధారంగా చేసుకుని, పీడీ దృష్టిలో ఉంచి అంగన్‌వాడీ టీచర్‌కు షోకాజ్‌ నోటీసు ఇచ్చామని తెలిపారు.

ఫోన్‌లో పరామర్శించిన మాజీ సీఎం వైఎస్‌ జగన్‌ ప్రత్తిపాడు రూరల్‌: వైఎస్సార్‌ సీపీ రాష్ట్ర అధికార ప్రతినిధి, నరసాపురం పార్లమెంటరీ పరిశీలకుడు ముదునూరి మురళీకృష్ణంరాజుకు పితృవియోగం కలిగింది. ధర్మవరంలోని ఆయన స్వగృహంలో ఆయన తండ్రి ముదునూరి రామరాజు (87) శనివారం ఉదయం మృతి చెందారు. ఈ విషయం తెలుసుకున్న పార్టీ నాయకులు, కార్యకర్తలు, అభిమానులు వచ్చి రామరాజు భౌతిక కాయాన్ని సందర్శించి, కుటుంబ సభ్యులను పరామర్శించారు. రామరాజుకు భార్య, ఇద్దరు కుమారులు, ఐదుగురు కుమార్తెలు ఉన్నారు. ఫోన్‌లో వైఎస్‌ జగన్‌ పరామర్శ మురళీకృష్ణంరాజు తండ్రి మృతి విషయం తెలుసుకున్న వైఎస్సార్‌ సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి ఫోన్‌లో ఆయన్ని పరామర్శించి విచారం వ్యక్తం చేశారు. ఆయన మృతికి కారణాలను అడిగి తెలుసుకుని కుటుంబ సభ్యులకు సానుభూతి తెలిపారు.

అమలాపురం టౌన్‌: వేదం ఏం చేయాలో చెబితే స్మార్తం ఎలా చేయాలో చెబుతుందని తిరుపతి శ్రీవెంకటేశ్వర వేద విశ్వ విద్యాలయం డీన్‌ డాక్టర్‌ ముష్టి వేంకట నాగ పవనకుమార శర్మ అన్నారు. స్థానిక సత్యసాయి కళ్యాణ మండపంలో ఆపస్తంబ పురోహిత పరిషత్‌ 26వ వార్షికోత్సవం సందర్భంగా స్మార్త పర విద్వత్సభను నిర్వహించారు. తిరుపతి విద్యాలయం డీన్‌ డాక్టర్‌ దూవ్వూరి ఫణియజ్ఞేశ్వర ఘనపాఠి అధ్యక్షతన జరిగిన సభకు పవన కుమార శర్మ ముఖ్య అతిథి గా పలువురు పురోహితులు స్మార్తం విశిష్టతను వివరించారు. అమలాపురంలో ఉచిత స్మార్త, అపస్తంబ విద్యా పాఠశాలను ప్రారంభించినట్టు ఆకొండి పవన్‌ తెలిపారు. పరిషత్‌ అధ్యక్షుడు గొర్తి వెంకట కృష్ణ సత్యసాయి పాల్గొన్నారు. బస్సు ఢీకొని మహిళ దుర్మరణం అమలాపురం టౌన్‌: విశాఖ మద్దిలపాలెం డిపో నుంచి అమలాపురం వస్తున్న ఆర్టీసీ సర్వీసు శనివారం కోనసీమ జిల్లా అమలాపురంలోని బుద్ధ విహార్‌ వద్ద మెయిన్‌ రోడ్డుపై చెత్త కాగితాలు ఏరుకుంటున్న కావూరి పుష్ప (25)ను ఢీకొనడంతో ఆమె అక్కడికక్కడే మృతి చెందింది. పశ్చిమ గోదావరి జిల్లా భీమవరానికి చెందిన పుష్ప తన అన్నయ్య కావూరి చిన్నతో కలిసి ఆరు నెలల కిందట అమలాపురం వచ్చి చెత్త కాగితాలు ఏరుకుంటూ ఉపాధి పొందుతోంది. పుష్పకు వివాహం కాగా భర్తతో విడిపోయి అన్నయ్యతో ఉంటోంది. చెల్లెలు మృతదేహంపై పడి రోదిస్తున్న తీరు స్థానికులను కలచివేసింది. అతడి ఫిర్యాదు మేరకు ఎస్సై ఎన్‌ఆర్‌ కిశోర్‌బాబు కేసు నమోదు చేసి దర్యాప్తు చేస్తున్నారు. హోంగార్డు అనుమానాస్పద మృతి నిడదవోలు: రాజమహేంద్రవరం టు టౌన్‌ పోలీస్‌స్టేషన్‌లో హోంగార్డుగా పనిచేస్తున్న వేముల నాగార్జునుడు (39) స్థానిక పోలీస్‌స్టేషన్‌ సమీపంలో శుక్రవారం సాయంత్రం రైల్వేట్రాక్‌ వద్ద ఆత్మహత్యకు పాల్పడ్డాడు. మృతునికి భార్య రత్నకుమారితో పాటు 12 ఏళ్ల కుమార్తె ఉంది. కొవ్వూరు మండలం ధర్మవరం గ్రామానికి చెందిన నాగార్జునుడు 2007లో హోంగార్డుగా చేరగా, భార్య రత్నకుమారి దుబాయ్‌లో ఉంటున్నారు. నాగార్జునుడును హత్య చేసి రైల్వే ట్రాక్‌పై పడేశారని బంధువులు, స్నేహితులు అనుమానిస్తున్నారు. రైల్వే ఇన్‌ఛార్జి ఎస్సై సుబ్రహ్మణ్యం అనుమానస్పద మృతిగా కేసు నమోదు చేసి దర్యాప్తు చేస్తున్నారు. మృతదేహన్ని నిడదవోలు ప్రభుత్వ ఆసుపత్రికి తరలించారు. కాగా ఆస్పత్రి వద్ద నాగార్జునుడి బంధువులు అతడిది ఆత్మహత్య కాదని, హత్య అని ఆరోపిస్తూ ఆందోళన చేశారు. అతడి భార్య వచ్చే వరకు పోస్టుమార్టం చేయవద్దని, నిందితులను అరెస్టు చేయాలని వారు భీష్మించారు. ఎస్సై శ్రీహరి వారితో మాట్లాడి అతడి భార్య వర్చాక పోస్టుమార్టం చేస్తామని చెప్పడంతో వారు ఆందోళన విరమించారు.

కంబాలచెరువు (రాజమహేంద్రవరం): రాజమహేంద్రవరంలోని ప్రత్యేక మహిళా కారాగారాన్ని బోర్డు ఆఫ్‌ విజిటర్స్‌ శనివారం సందర్శించారు. ఖైదీల సంక్షేమం, ఆహారం, వైద్య సదుపాయాలు, పరిశుభ్రతపై పరిశీలనలో భాగంగా జిల్లా ప్రధాన న్యాయమూర్తి జునైద్‌ అహ్మద్‌ మౌలానా, కలెక్టర్‌ కీర్తి చేకూరి, ఎస్పీ డి.నరసింహ కిశోర్‌, జిల్లా న్యాయ సేవాధికార సంస్థ కార్యదర్శి శ్రీలక్ష్మి, డీఎంఅండ్‌హెచ్‌వో డాక్టర్‌ పి.కోమలి ఈ కార్యక్రమంలో పాల్గొన్నారు. ఖైదీలతో మాట్లాడి అక్కడి వసతులపై ఆరా తీశారు. కార్యక్రమంలో జైలు పర్యవేక్షణాధికారిణి సీహెచ్‌ వసంతకుమారి, వైద్యాధికారిణి డాక్టర్‌ ఇందిరా భారతి రాయ్‌, జైలర్‌ పి.పావని, డిప్యూటీ జైలర్లు కారు సుభాషిణి, బి.నాగమణి, ఇతర జైలు సిబ్బంది పాల్గొన్నారు.

రూ.30 లక్షల విలువైన సొత్తు స్వాధీనం పెద్దాపురం: స్థానిక ఆర్డీవో పి.కృష్ణమూర్తి ఇంటిలో చోరీకి పాల్పడిన నిందితుడిని పోలీసులు అరెస్టు చేశారు. కాకినాడ జిల్లా పోలీసు కార్యాలయంలో ఎస్పీ బిందుమాధవ్‌ శనివారం వెల్లడించిన వివరాలు ఇలా ఉన్నాయి. జూలై 25 వ తేదీన పెద్దాపురం రామారావుపేటలోని ఆర్డీవో పి.కృష్ణమూర్తి ఇంటి వెనక కేవలం మెష్‌డోర్‌ మాత్రమే ఉండడంతో దాని గడియ తొలగించి లోపలికి ప్రవేశించిన అడ్డతీగల మండలం కొత్తపాలెం గ్రామానికి చెందిన మామిడి శివకుమార్‌ ఇంటి రెండో గదిలోని కబోర్డులోని తాళం తీసుకుని అల్మరా తెరచి అందులోని 276 గ్రాముల బంగారం, 48 గ్రాముల వెండి, రూ.75 వేల నగదును దోచుకుని పోయాడు. సాంకేతిక సహకారంతో నిందితుడిని స్థానిక వడ్లమూరు గ్రామ శివారులో అరెస్టు చేసినట్టు తెలిపారు. ఏఎస్పీ డాక్టర్‌ మహంతి కిషోర్‌కుమార్‌, పెద్దాపురం డీఎస్పీ ఏబీజీ తిలక్‌ ఆధ్వర్యంలో సీఐ వైఆర్‌కే శ్రీనివాస్‌, సీసీఎస్‌ సీఐ అంకబాబు, ఎస్సై యు.పాపారావు కేసు దర్యాప్తు చేశారన్నారు. నిందితుడి నుంచి రూ.15 లక్షల నగదును, 105.4 గ్రాముల బంగారాన్ని స్వాధీనం చేసుకున్నామన్నారు. మరో రూ.2 లక్షల చోరీ సొత్తు రికవరీ చేయాల్సి ఉందని ఎస్పీ తెలిపారు.

ఆదివాసీ ప్రాంతం పాడేరుకు చెందిన చిట్టపులి జీవన తండ్రి మార్గదర్శకంలో నార్త్‌జోన్‌ డీఎస్పీగా కోరుకొండ సబ్‌ డివిజన్‌లో బాధ్యతలు నిర్వహిస్తున్నారు. తండ్రి రాజు ఉపాధ్యా య వృత్తిలో ఉండగా, తల్లి రమ గృహిణి. తండ్రికి సహకారంగా, పోలీసు అధికారిగా సమాజ సేవ చేయాలన్న లక్ష్యంతో అనుకున్నది సాధించి అందరి మన్ననలు అందుకుంటున్నారు. తండ్రి పెంపకంలో మెళకువలు తనకు స్ఫూర్తిదాయకమని ఆమె చెప్తున్నారు. చిట్టపులి జీవన, నార్త్‌జోన్‌ డీఎస్పీ, కోరుకొండ

కాతేరులో ఏర్పాట్లను పరిశీలించిన చెల్లుబోయిన, రమేష్‌యాదవ్‌ రాజమహేంద్రవరం రూరల్‌: వెన్నుపోటు పార్టీ వంచనపై బీసీ గర్జన జోన్‌–2 ఉమ్మడి తూర్పు, పశ్చిమగోదావరి జిల్లాల బీసీ నాయకుల సమావేశం కాతేరులోని వెంకటాద్రి గార్డెన్స్‌లో ఆదివారం ఉదయం 9.30 గంటలకు జరుగుతుందని మాజీ మంత్రి, వైఎస్సార్‌ సీపీ జిల్లా అధ్యక్షుడు చెల్లుబోయిన శ్రీనివాస వేణుగోపాలకృష్ణ, పార్టీ రాష్ట్ర బీసీ సెల్‌ అధ్యక్షుడు, ఎమ్మెల్సీ రాచపల్లి రమేష్‌యాదవ్‌ తెలిపారు. శనివారం కాతేరులోని వెంకటాద్రి గార్డెన్స్‌లో ఏర్పాట్లను వారు ఎమ్మెల్సీ కవురు శ్రీనివాస్‌, రాష్ట్ర బీసీ సెల్‌ వర్కింగ్‌ ప్రెసిడెంట్‌ నవుడూరి వెంకటరమణ, పార్టీ రాజమహేంద్రవరం పార్లమెంటరీ పరిశీలకుడు గూడూరి శ్రీనివాస్‌, ఏపీ గ్రీనింగ్‌ అండ్‌ బ్యూటీఫికేషన్‌ కార్పొరేషన్‌ మాజీ చైర్మన్‌, పార్టీ రాష్ట్ర కార్యదర్శి చందన నాగేశ్వర్‌ తదితరులు పరిశీలించారు. ఈ సందర్భంగా చెల్లుబోయిన వేణుగోపాలకృష్ణ, రమేష్‌యాదవ్‌ మాట్లాడుతూ బీసీలను చంద్రబాబు ఓటు బ్యాంకుగా మాత్రమే చూస్తూ వారికి వెన్నుపోటు పొడుస్తున్నారన్నారు. బీసీలకు పెద్దపీట వేసిన ఘనత మాజీ సీఎం జగన్‌మోహన్‌రెడ్డికే దక్కుతుందన్నారు. చంద్రబాబు ప్రభుత్వం బీసీలకు పదవుల్లో, పథకాల్లో తీవ్ర అన్యాయం చేస్తుందన్నారు. రెండున్నరేళ్లుగా కూటమి ప్రభుత్వం చేస్తున్న మోసాన్ని ప్రతి బీసీ సామాజిక వర్గీయుడికి అర్థమయ్యే రీతిలో అవగాహన కల్పించేందుకు కార్యాచరణ రూపొందించామన్నారు. ఈ సమావేశానికి రాష్ట్ర మాజీ మంత్రులు, శాసనసభ్యులు, శాసనమండలి సభ్యులు, మాజీ ప్రజాప్రతినిధులు హాజరవుతారన్నారు. మేధావులు, న్యాయవాదులు, వైద్యులు, బీసీ నేతలంతా హాజరై విజయవంతం చేయాలని చెల్లుబోయిన వేణు, రాచపల్లి రమేష్‌ యాదవ్‌ పిలుపునిచ్చారు. కార్యక్రమంలో పార్టీ నాయకులు గొందేశి శ్రీనివాసులరెడ్డి, ఒమ్మి రఘురామ్‌, చెల్లుబోయిన శ్రీనివాస్‌, కొండపల్లి దుర్గారావు తదితరులు పాల్గొన్నారు.

ఎన్నికల వేళ వరాల జల్లు గత ఎన్నికల సమయంలో చంద్రబాబు అండ్‌ కో బీసీలపైనా వరాల జల్లు కురిపించారు. తీరా ఎన్నికలయ్యాక ఆ హామీల అమలునే మరిచిపోయారు. వాటిని పరిశీలిస్తే... ● బీసీలకు 50 ఏళ్లకే నెలకు రూ.4 వేల పింఛన్‌. ● బీసీల రక్షణ కోసం ప్రత్యేక చట్టం. ● బీసీ సబ్‌ ప్లాన్‌ ద్వారా ఐదేళ్లలో లక్షన్నర కోట్ల రూపాయల ఖర్చు. ● స్థానిక సంస్థలు, నామినేటెడ్‌ పదవుల్లో 34 శాతం రిజర్వేషన్‌. ● చట్టసభల్లో బీసీలకు 33 శాతం రిజర్వేషన్‌ కోసం తీర్మానం చేసి కేంద్ర ప్రభుత్వానికి పంపించడం. ● తక్కువ జనాభా ఉండడంతో ఎన్నికల్లో పోటీ చేయలేని వర్గాలకు నామినేషన్‌ ద్వారా రాజకీయ భాగస్వామ్యం కల్పించడం. ● దామాషా ప్రకారం బీసీ కార్పొరేషన్లకు నిధులివ్వడంతో పాటు స్వయం ఉపాధికి ఐదేళ్లలో రూ.10 వేల కోట్ల ఖర్చు. ● రూ.5 వేల కోట్లతో ఆదరణ పథకం పునరుద్ధరిస్తామని హామీ. ● గొర్రెల పెంపకం యూనిట్లకు రాయితీలివ్వడంతో పాటు వాటికి బీమా సౌకర్యం కల్పించడం. ● పవర్‌లూమ్‌లకు 500 యూనిట్లు, హ్యాండ్లూమ్‌లకు 200 యూనిట్ల ఉచిత విద్యుత్‌ సౌకర్యం కల్పించడం. ● దేవాలయాల్లో పనిచేసే నాయీ బ్రాహ్మణులకు రూ.25 వేల గౌరవ వేతనమివ్వడంతో పాటు వారి షాపులకు 200 యూనిట్ల వరకూ ఉచిత విద్యుత్‌ కల్పించడం. ఓటు బ్యాంకు అన్నారు.. వెనక్కి నెట్టేశారు. బీసీలకు ప్రాధాన్యమన్నారు.. పక్కనబెట్టేశారు.. బూటకపు హామీలతో వెన్నుపోటు పొడిచారు. గత ఎన్నికల సమయంలో బీసీ డిక్లరేషన్‌ అంటూ హడావుడి చేసిన చంద్రబాబు ముఖ్యమంత్రి అయ్యాక పూర్తిగా విస్మరించారు. ఈ నేపథ్యంలో నిలువునా దగాకు గురవుతున్న బీసీలు అంతా ఒక్కటయ్యారు.. వెన్నుపోటు పార్టీ వంచనపై బీసీలు గర్జనకు సిద్ధమయ్యారు.. ఆదివారం జరిగే ఈ కార్యక్రమానికి రాజమహేంద్రవరం రూరల్‌ కాతేరు గ్రామంలోని వెంకటాద్రి గార్డెన్స్‌ వేదిక కానుంది. వైఎస్సార్‌ సీపీ ఉమ్మడి తూర్పు, పశ్చిమ గోదావరి జిల్లాల బీసీ నాయకులు హాజరుకానున్నారు. సాక్షి, రాజమహేంద్రవరం: చంద్రబాబు బీసీలకు వెన్నుపోటు పొడిచాడని ఆయా వర్గాలు మండిపడుతున్నాయి. ఒక్క బీసీ ఎమ్మెల్యేను కూడా ఉప ముఖ్యమంత్రిని చేసి తమ పక్కన కూర్చోబెట్టుకునేందుకు ఇష్టపడడం లేదని, బలహీన వర్గాల విషయంలో చంద్రబాబు అనుసరించే ద్వంద్వ వైఖరికి ఇదే నిదర్శనమని అంతా అంటున్నారు. సంక్షేమ పథకాలు అందించడంలోనూ, రాజకీయ ప్రాతినిధ్యం కల్పించడంలోనూ పూర్తిగా మోసం చేశారని ఆవేదన వ్యక్తం చేస్తున్నారు. కూటమి ప్రభుత్వం అధికారంలోకి వచ్చి 27 నెలలు గడిచిన నేపథ్యంలో బీసీలకు ఇచ్చిన హామీల అమలుపై ప్రశ్నలు సంధిస్తున్నారు. పింఛన్లు, మహిళలకు ఆర్థిక సాయం, స్థానిక సంస్థల్లో రిజర్వేషన్లు, మంత్రివర్గంలో ప్రాతినిధ్యం వంటి అంశాలపై బీసీ సంఘాలు తమ అసంతృప్తిని వ్యక్తం చేస్తున్నాయి. మమ అని‘పింఛన్‌’.. 50 ఏళ్ల వయసు దాటిన బీసీలకు పింఛన్‌ అందిస్తామని ఎన్నికల సమయంలో చంద్రబాబు ఇచ్చిన హామీపై నేటికీ కార్యాచరణ ప్రారంభం కాలేదు. అధికారం చేపట్టాక ఒక్కరికీ కొత్తగా పింఛన్‌ ఇవ్వని చంద్రబాబు స్థానిక సంస్థల ఎన్నికలు సమీపిస్తుండడంతో పింఛన్ల డ్రామాకు తెరతీశారు. ఇప్పుడు కూడా బీసీలకు భరోసా దక్కకపోవడంతో ఆయా వర్గాలు పెదవి విరుస్తున్నాయి. తూర్పుగోదావరి జిల్లాలో సుమారు 1.2 లక్షల మంది అర్హులు పింఛన్ల కోసం ఆశగా ఎదురుచూస్తున్నారు. వృద్ధాప్యానికి చేరువవుతున్న బీసీ కార్మికులు, చిరు వ్యాపారులు, అసంఘటిత రంగాల్లో పనిచేసే వారికి నెలవారీ ఆర్థిక భరోసా ఎంతో అవసరమని పలువురు పేర్కొంటున్నారు. మహిళలకు రూ.1,500 సాయం ఊసేలేదు మహిళలకు ఆర్థిక భరోసా కల్పిస్తామని కూటమి ఎన్నికల సమయంలో ఇచ్చిన హామీ కూడా అమలుకు నోచుకోలేదు. గత వైఎస్సార్‌ సీపీ ప్రభుత్వంలో బీసీ నేస్తం పథకం ద్వారా అర్హులైన బీసీ మహిళలకు ఏడాదికి రూ.18 వేల చొప్పున ఆర్థిక సాయం అందించేవారు. కూటమి ప్రభుత్వం ఎన్నికల సమయంలో 18 నుంచి 60 ఏళ్ల మధ్య వయసున్న మహిళలకు నెలకు రూ.1,500 చొప్పున ఇస్తామని హామీ ఇచ్చి ఓట్లు వేయించుకుంది. దీనికోసం తూర్పుగోదావరి జిల్లాలో 2.3 లక్షల మందికి పైగా బీసీ మహిళలు ఆశగా ఎదురు చూస్తున్నారు. ఉప ముఖ్యమంత్రిగా నో చాన్స్‌ బీసీలకు రాజకీయ ప్రాతినిధ్యం కల్పించడంలో చంద్రబాబు పూర్తిగా మోసం చేశారని బలహీన వర్గాల ప్రతినిధులు ఆరోపిస్తున్నారు. ఉప ముఖ్యమంత్రి పదవి చేపట్టేందుకు ఒక్క బీసీ ఎమ్మెల్యే కూడా దొరకలేదా అని ఆయా వర్గాలు ప్రశ్నిస్తున్నాయి. గత వైఎస్సార్‌ సీపీ ప్రభుత్వంలో ముగ్గురు బీసీ ఎమ్మెల్యేలకు ఉప ముఖ్యమంత్రి పదవులు ఇచ్చారని ఆ పార్టీ వర్గాలు గుర్తుచేస్తున్నాయి. ప్రస్తుత ప్రభుత్వంలో ఒక్క బీసీ ఎమ్మెల్యేకు కూడా ఉప ముఖ్యమంత్రి పదవి ఇవ్వలేదని విమర్శిస్తున్నాయి. ఫ బీసీలకు చంద్రబాబు దగా ఫ పింఛన్ల నుంచి రాజకీయ ప్రాతినిధ్యం వరకూ మోసమే ఫ బీసీ డిక్లరేషన్‌ పేరిట ఎన్నికల వేళ బూటకపు ప్రచారం ఫ 27 నెలలు గడిచినా అందని 50 ఏళ్లకే పింఛన్‌ ఫ జిల్లాలో 1.2 లక్షల మంది బీసీల ఎదురుచూపులు ఫ నెలకు రూ.1,500 హామీకీ మంగళం పాడేసిన బాబు ఫ వెన్నుపోటు పార్టీ వంచనపై బీసీల గర్జన నేడు ఫ హాజరుకానున్న వైఎస్సార్‌ సీపీ ఉమ్మడి తూర్పు, పశ్చిమ గోదావరి జిల్లాల నాయకులు బీసీలకు 45 శాతం సీట్లిచ్చిన జగన్‌ గత వైఎస్సార్‌ సీపీ ప్రభుత్వంలో స్థానిక సంస్థల ఎన్నికల్లో బీసీలకు 45 శాతం మేర సీట్లు వైఎస్‌ జగన్‌మోహన్‌రెడ్డి కేటాయించారని ఆ పార్టీ వర్గాలు, బీసీ సంఘాల ప్రతినిధులు గుర్తు చేసుకుంటున్నారు. నామినేటెడ్‌ పదవుల్లోనూ సామాన్యులను కూర్చోబెట్టిన మనసున్న నాయకుడని కొనియాడుతున్నారు. అప్పట్లోనే 34 శాతం రిజర్వేషన్ల అమలుకు ప్రయత్నిస్తే, నాడు ప్రతిపక్షంలో ఉన్న చంద్రబాబు న్యాయపరమైన చిక్కులు సృష్టించారని ఆరోపిస్తున్నారు. ప్రస్తుతం స్థానిక సంస్థల ఎన్నికలు సమీపిస్తుండడం వల్లే బీసీలకు 34 శాతం రిజర్వేషన్ల డ్రామాకు చంద్రబాబు తెరతీశారనే ఆరోపణలు వినిపిస్తున్నాయి.

కంబాలచెరువు (రాజమహేంద్రవరం): ఈ నెల 27న గ్రామ, వార్డు సచివాలయ ఉద్యోగుల చలో విజయవాడ కార్యక్రమానికి తరలివెళ్లేందుకు ఎలాంటి అనుమతులూ లేవని జిల్లా ఎస్పీ డి.నరసింహ కిశోర్‌ తెలిపారు. ఈ మేరకు శనివారం ఆయన విలేకరులతో మాట్లాడారు. విజయవాడ నగరంలో శాంతిభద్రతల పరిరక్షణ దృష్ట్యా సెక్షన్‌ 163, పోలీస్‌ యాక్ట్‌ సెక్షన్‌ 30 ప్రకారం నిషేధాజ్ఞలు అమలులో ఉన్నాయన్నారు. ప్రస్తుతం కురుస్తున్న వర్షాల కారణంగా అత్యవసర పరిస్థితులు నెలకొన్నాయని చెప్పారు. జిల్లా పరిధిలో ఉద్యోగులను సమీకరించడం, వాహనాలు ఏర్పాటు చేయడం, ప్రయాణాలకు పురికొల్పడం, శాంతిభద్రతలకు విఘాతం కలిగించే చట్టవ్యతిరేక కార్యకలాపాలకు పాల్పడటం నిషిద్ధమన్నారు. ప్రభుత్వ ఉత్తర్వులను ఉల్లంఘించి తరలివెళ్లినా, ర్యాలీలు నిర్వహించినా చట్టప్రకారం చర్యలు తీసుకుంటామని హెచ్చరించారు. నేడు రాజమహేంద్రవరంలో పర్యాటక దినోత్సవం మంత్రి కందుల దుర్గేష్‌ రాజమహేంద్రవరం రూరల్‌: తొలిసారిగా రాజమహేంద్రవరం వేదికగా ప్రపంచ పర్యాటక దినోత్సవం అత్యంత వైభవంగా నిర్వహిస్తున్నట్టు రాష్ట్ర పర్యాటక, సాంస్కృతిక, సినిమాటోగ్రఫీ శాఖ మంత్రి కందుల దుర్గేష్‌ తెలిపారు. ఆదివారం స్థానిక తన క్యాంపు కార్యాలయంలో నిర్వహించిన విలేకరుల సమావేశంలో ఆయన మాట్లాడారు. రాష్ట్రంలోని ప్రతి జిల్లా కేంద్రంలోనూ ఈ వేడుకలను అధికారికంగా నిర్వహిస్తున్నట్టు తెలిపారు. పర్యాటక రంగానికి సంబంధించి కొత్త కార్యాచరణతో ’రాజమండ్రి డిక్లరేషన్‌’ను ప్రకటిస్తున్నట్టు చెప్పారు. సోషల్‌ మీడియా ఇన్‌ఫ్లుయెన్సర్లు, క్రియేటర్లతో ఏపీ టూరిజంపై ప్రచారం చేస్తామన్నారు. పుష్కరాలకు ముందస్తు ఏర్పాట్లు : జేసీ సీటీఆర్‌ఐ (రాజమహేంద్రవరం): రానున్న గోదావరి పుష్కరాలను దృష్టిలో ఉంచుకుని జిల్లా పరిధిలోని హోటళ్లలో భక్తులు, ప్రముఖులు, అధికారులు, సిబ్బందికి అవసరమైన వసతి సౌకర్యాలను ముందుగానే సిద్ధం చేయడానికి చర్యలు చేపడుతున్నట్టు జాయింట్‌ కలెక్టర్‌ వై.మేఘ స్వరూప్‌ తెలిపారు. శనివారం కలెక్టరేట్‌లోని పీజీఆర్‌ఎస్‌ సమావేశ మందిరంలో హోటళ్ల నిర్వాహకులు, అసోసియేషన్‌ ప్రతినిధులతో పుష్కరాల ముందస్తు ఏర్పాట్లపై తొలి సమావేశం నిర్వహించారు. జేసీ మాట్లాడుతూ పుష్కరాల సమయంలో అవసరాన్ని బట్టి హోటళ్లలోని సుమారు 50 నుంచి 60 శాతం గదులను ప్రభుత్వ అధికారులు, సిబ్బంది, ప్రముఖుల కోసం ముందస్తుగా కేటాయించి ఉంచే అంశంపై చర్చించామన్నారు. ఈ సమావేశంలో ఆర్డీవోలు ఆర్‌.శివరాముడు, కె.ఆనందరావు, పుష్కర స్పెషల్‌ డిప్యూటీ కలెక్టర్లు మనోజ్‌, మహేష్‌ తదితరులు పాల్గొన్నారు. ఉరకలేస్తున్న గోదావరి కడలిలోకి 5.18 లక్షల క్యూసెక్కుల నీరు ధవళేశ్వరం: గోదావరి ఉరకలేస్తుంది. ఎగువ నుంచి భారీగా వచ్చి చేరుతున్న మిగులు జలాలను ఎప్పటికప్పుడు దిగువకు విడుదల చేయాల్సి వస్తోంది. గోదావరి పరీవాహక ప్రాంతాల్లో కురుస్తున్న వర్షాలతో వరద ఉధృతి పెరిగింది. కాటన్‌ బ్యారేజ్‌ వద్ద ఆదివారం నీటి ఉధృతి మరింత పెరిగి, అనంతరం తగ్గే అవకాశం ఉందని ఇరిగేషన్‌ అధికారులు అంచనా వేస్తున్నారు. సుమారు 9 లక్షల క్యూసెక్కుల నీరు కాటన్‌ బ్యారేజ్‌కు వచ్చి చేరే అవకాశం ఉందని పేర్కొంటున్నారు. గోదావరి ఉపనదులైన శబరి, ఇంద్రావతి పరీవాహక ప్రాంతాల్లో విస్తారంగా కురిసిన వర్షాలతో వరద పెరుగుతుంది. ఎగువ ప్రాంతానికి సంబంధించి భద్రాచలం వద్ద శనివారం సాయంత్రం 29 అడుగులకు నీటిమట్టం చేరింది. ధవళేశ్వరం వద్ద నీటి ఉధృతి పెరుగుతుండటంతో ఇరిగేషన్‌ యంత్రాంగం అప్రమత్తమైంది. ధవళేశ్వరంలోని ఫ్లడ్‌ కంట్రోల్‌ రూమ్‌ నుంచి ఎప్పటికప్పుడు పరిస్థితిని సమీక్షిస్తున్నారు.

రాజమహేంద్రవరం సిటీ: ఫస్ట్‌ ఎవర్‌ ఫ్యాక్టరీ ఔట్లెట్‌గా తెలుగు రాష్ట్రాల్లో సంచలనం సృష్టించిన ముకుంద జ్యువెలరీ 13వ షోరూం శనివారం స్థానిక తిలక్‌రోడ్‌లో ప్రారంభమెంది. ఎమ్మెల్యే ఆదిరెడ్డి శ్రీనివాస్‌ దీనిని ప్రారంభించారు. సంస్థ చైర్మన్‌ బత్తి నరసింహారెడ్డి, డైరెక్టర్లు డాక్టర్‌ నికితరెడ్డి, దాచేపల్లి కృష్ణ మాట్లాడుతూ బంగారు ఆభరణాలపై ఉన్న తరుగు కేవలం 6.99 శాతం మాత్రమే కస్టమర్ల కి అందిస్తున్నామన్నారు. ఈ ఆఫర్‌ ఈ నెల 26 నుంచి అక్టోబర్‌ 4 వరకు మాత్రమే అందుబాటులో ఉంటుందన్నారు. కూకట్‌పల్లి, ఖమ్మం, కొత్తపేట, సోమాజిగూడ, హన్మకొండ, సుచిత్ర, చందనగర్‌, జూబ్లీహిల్స్‌, విశాఖపట్నం, బెంగళూరు (జయనగర్‌) , రాజమహేంద్రవరం షోరూమ్‌లలో నాణ్యమైన బంగారు, వజ్రాల వసు్‌ుత్వలు అందజేస్తున్నామన్నారు

నా కూతురే నా సంపద నా ఏకై క కుమార్తె రామ హంసిక. పిఠాపురం, మండపేట, యానాంలో జరిగిన రాష్ట్రస్థాయి తైక్వాండో పోటీల్లో స్వర్ణ పతకాలు సాధించడం తమకు గర్వకారణం. ఇంట్లో వారు నవ్వులు చిందిస్తు తిరుగుతుంటే కొన్ని కోట్ల ఆస్తులతో సమానం. – పసుపులేటి సురేష్‌కుమార్‌ కూచిపూడిలో కీర్తి కిరీటం తమ కుమార్తె బేబీ సత్యవాణి. కూచిపూడి నృత్యకారిణి. దేశవ్యాప్తంగా ఎన్నో ప్రదర్శనలిచ్చింది. తన ఆరో ఏట నుంచే టీవీలో సంప్రదాయ నృత్యం చేస్తూ కూచిపూడిపై ఆసక్తి పెంచుకుంది. రాజమహేంద్రవరం శ్రీ విజయ శంకర సంగీత, నృత్య కళాశాల ప్రిన్సిపాల్‌ డాక్టర్‌ పసుమర్తి శ్రీనివాసశర్మ వద్ద నృత్యాన్ని అభ్యసించింది. బీకాం కంప్యూటర్స్‌ చదువుతూనే కూచిపూడిలో డిప్లమో చేసింది. 2019 నుంచి ఉభయ తెలుగు రాష్ట్రాలతో పాటు, దేశ వ్యాప్తంగా 956 ప్రదర్శనలు ఇచ్చి 62 అవార్డులు పొందింది. కొత్తపేటలో శారదా కళాక్షేత్ర స్థాపించి 600 మందికి నాట్యంలో శిక్షణ ఇస్తోంది. ఆమె కీర్తి ప్రతిష్టలు తనకెంతో గర్వకారణం. – రిటైర్డ్‌ ఉపాధ్యాయుడు రావి సోమయాజులు, కొత్తపేట అమ్మ ఆశలు నెరవేర్చారు తమ ఇద్దరు కుమార్తెలలో పెద్దమ్మాయి జయలక్ష్మి పటవల ఉన్నత పాఠశాలలో ఉపాధ్యాయినిగా, చిన్న కుమార్తె ధనలక్ష్మి కందులపాలెం సచివాలయంలో ఏఎన్‌ఎంగా పనిచేస్తున్నారు. పిల్లలిద్దరినీ ప్రయోజకులుగా చూడాలని తపించే వారి తల్లి సత్యవతి 2010లో క్యాన్సర్‌తో మృతి చెందారు. అమ్మ కలలను నెరవేర్చాలన్న ఆశయంతో 2012లో జయలక్ష్మి టీచర్‌గా, 2019లో ఏఎన్‌ఎంగా వారు ప్రభుత్వ ఉద్యోగాలు సాధించారు. వారి విజయం తనకెంతో ఆనందం. – సత్యనారాయణ, దంగేరు, కె.గంగవరం మండలం ఇద్దరుకూతుర్లూ కానిస్టేబుళ్ళు.. తన ఇద్దరు కుమార్తెలు స్వాతి కల్యాణి, కుమారి 2017లో సివిల్‌ కానిస్టేబుళ్లుగా ఎంపికై తన ఆశలు తీర్చారు. టైలరింగ్‌ చేస్తూ తన కుమార్తెలను ప్రయోజకులను చేయడానికి కష్టపడ్డాను. వారి ప్రతిభపై తనకెంతో నమ్మకం. తన కష్టాలు వారికి రాకూడదు. ఆ అక్క చెల్లెళ్లు సైతం వారు సాధించిన ప్రతిదీ తనదేనని చెప్తుంటారు. వారి నాన్న దూరం కావడంతో తన కష్టాన్ని అర్ధం చేసుకుని లక్ష్యాలను సాధించారు. తననెంతో ప్రేమగా చూసుకుంటారు. – కుమార్తెలతో తల్లి పద్మ, అంగర, కపిలేశ్వరపురం నా కూతురు బంగారం తమకు ఒక పాప, ఒక బాబు, పాప జస్విక 4వ తరగతి చదువుతోంది. మండపేటలో ఇటీవల జరిగిన రాష్ట్రస్థాయి తైక్వాండో పోటీల్లో రజతం, యానాంలో జరిగిన రాష్ట్రస్థాయి పోటీల్లో స్వర్ణ పతకం సాధించి తమకు ఎంతో గుర్తింపు తెచ్చింది. – అశోక్‌, మణి కుటుంబానికి వన్నె తెస్తున్నారు తమ ఇద్దరు కుమార్తెలు బాక్సింగ్‌లో రాష్ట్రస్థాయి పతకాలు ఎన్నో సాధించారు. పెద్దమ్మాయి హరిణి, చిన్నమ్మాయి హర్షిణి జాతీయస్థాయి పోటీల్లో పాల్గొనడం కన్నా తండ్రిగా ఆనందం ఏముంటుంది. క్రీడలతో తమ కుటుంబానికి వన్నెతెస్తున్న బంగారాలు నా పిల్లలు. – కె.చిన్నబ్బాయి

● మాటల్లోనే పర్యాటక ప్రాంతాల అభివృద్ధి ● గోదావరి రివర్‌ఫ్రంట్‌ పనుల్లో తీవ్ర జాప్యం ● నేటికీ 40 శాతం కూడా పూర్తికాని పరిస్థితి ● ప్రతిపాదనల్లోనే పర్యాటక ప్రాజెక్టులు ● పర్యాటకులకు మౌలిక వసతుల కల్పన ఏదీ? ● జిల్లా మంత్రే ప్రాతినిధ్యం వహిస్తున్నా ప్రయోజనం శూన్యం సాక్షి, రాజమహేంద్రవరం: చారిత్రక నేపథ్యం.. గోదావరి అందాలు.. ప్రకృతి రమణీయత.. పూల సోయగాల కడియం.. ఇలా పర్యాటకాభివృద్ధికి అపార అవకాశాలున్న ప్రాంతం తూర్పు గోదావరి జిల్లా. ఈ ప్రాంతాన్ని పర్యాటకంగా తీర్చిదిద్దుతామని ప్రభుత్వం గొప్పలు చెబుతున్నా క్షేత్రస్థాయిలో పరిస్థితి అందుకు భిన్నంగా ఉంది. ముఖ్యంగా జిల్లా నుంచే రాష్ట్ర పర్యాటక శాఖ మంత్రిగా ప్రాతినిధ్యం వహిస్తున్న కందుల దుర్గేశ్‌ సైతం ప్రకటనలు ఘనంగా చేస్తున్నా.. అభివృద్ధి అధమంగా ఉందన్న విమర్శలు వినిపిస్తున్నాయి. గోదావరి రివర్‌ ఫ్రంట్‌ పనులే నత్తనడకన సాగుతుండగా, కొత్త ప్రాజెక్టులపై ప్రకటనలు ప్రతిపాదనల స్థాయిని దాటడం లేదన్న విమర్శలున్నాయి. ఈ నేపథ్యంలో సెప్టెంబర్‌ 27న రాజమహేంద్రవరంలో ప్రపంచ పర్యాటక దినోత్సవాలకు ఏర్పాట్లు చేస్తుండటం చర్చనీయాంశంగా మారింది. వేడుకల హడావుడి కంటే పర్యాటక ప్రాంతాల అభివృద్ధిపై దృష్టి పెట్టాలన్న డిమాండ్‌ బలంగా వినిపిస్తోంది. బోటు షికారు గాలి మాటే రాజమహేంద్రవరంతో పాటు జిల్లాలోని వివిధ పర్యాటక ప్రాంతాలను అభివృద్ధి చేస్తామని ప్రభుత్వం చెబుతున్నా కార్యరూపం దాల్చడం లేదు. గోదావరి తీరంలో పర్యాటకులకు మెరుగైన వసతులు, కొత్త పర్యాటక ప్యాకేజీలు, టెంట్‌ సిటీలు, హోమ్‌ స్టేలు, ప్రచార కార్యక్రమాలపై ప్రణాళికలు రూపొందిస్తున్నట్టు చెబుతున్నా అవి ప్రకటనలకే పరిమితమవుతున్నాయి. ● ముఖ్యంగా ధవళేశ్వరం – కడియపులంక మధ్య గోదావరి కెనాల్‌కు ఇరువైపులా కడియం నర్సరీ స్టాళ్లు ఏర్పాటు చేస్తామని ప్రతిపాదించారు. కెనాల్‌ మధ్య బోటు షికారు ఏర్పాటు చేయడంతో పాటు పర్యాటకులకు ఫుడ్‌ కోర్టులు, ఇతర మౌలిక వసతులు కల్పిస్తామని గొప్పగా ప్రకటించారు. అదేదీ కార్యరూపం దాల్చనే లేదు. ● అదే సమయంలో నర్సరీ స్టాళ్లు ఏర్పాటు చేసుకునేందుకు ఆసక్తి ఉన్నవారు దరఖాస్తు చేసుకోవాలని చెప్పడంతో కొంతమంది ఆశగా దరఖాస్తు చేసుకున్నారు. వాటికి నేటికీ అతీగతీ లేదు. వాటి ప్రస్తుత స్టేటస్‌ ఏమిటో పాలకులకు, అధికారులకే తెలియదంటే అతిశయోక్తి కాదు. ● కాటన్‌ మ్యూజియం అభివృద్ధికి నిధులిస్తామని చంద్రబాబు ప్రభుత్వం గొప్పగా చెప్పినా పైసా విదల్చలేదు. ప్రజాప్రతినిధులు, అధికారులు అటువైపే చూడలేదు. ప్రపంచ పర్యాటక దినోత్సవాన్ని రాజమహేంద్రవరంలో నిర్వహించడం వల్ల పర్యాటక రంగానికి ప్రయోజనం చేకూరదని, పర్యాటకుల సంఖ్య పెరగాలంటే అందుకు తగిన వసతులు, అభివృద్ధి చేయాలని జిల్లా ప్రజలు కోరుతున్నారు. గోదావరి ఒడ్డున అభివృద్ధి శూన్యం రాజమహేంద్రవరంలో పర్యాటక రంగానికి గోదావరి నది ప్రధాన ఆకర్ష్షణ. పుష్కర ఘాట్లు, గోదావరి గట్టు, నదిపై వంతెనలు, పరిసర పార్కులు నగరానికి ప్రత్యేక గుర్తింపును తీసుకొస్తాయి. ఈ ప్రాంతాన్ని మరింత ఆకర్షణీయంగా తీర్చిదిద్దేందుకు అఖండ గోదావరి ప్రాజెక్టులో భాగంగా రాజమహేంద్రవరం శారదామఠం ఎదురుగా పద్మావతి ఘాట్‌ సమీపంలో చేపట్టిన రివర్‌ఫ్రంట్‌ అభివృద్ధి, ఆధునికీకరణ పనులు నత్తనడకన సాగుతున్నాయి. సుమారు రూ.24 కోట్ల అంచనా వ్యయంతో చేపట్టిన పనుల్లో ఇప్పటివరకు 40 శాతమే పూర్తయ్యాయి. మరోవైపు ఇక్కడి పనుల కోసం కొన్ని స్నాన ఘాట్లు, కాంక్రీట్‌ రివెట్‌మెంట్‌ భాగాలను తొలగించడంతో నది గట్టు భద్రత పైనా ఆందోళనలు వ్యక్తమయ్యాయి. ఇటీవల గోదావరికి ఎగువ ప్రాంతాల నుంచి వరద నీటి ప్రవాహం పెరగడంతో గట్టు కోతకు గురవుతుందేమోనన్న ఆందోళన వ్యక్తమైంది. ఇక్కడ చేపట్టే పనుల విషయంలో మంత్రికి, స్థానిక ప్రజాప్రతినిధికి మధ్య సమన్వయం లేదని, ఈ పనుల పరిశీలనకు కూడా సదరు ప్రజాప్రతినిధి హాజరుకావడం లేదనే విమర్శలు వినిపిస్తున్నాయి. మంత్రి తన సన్నిహితులకు కాంట్రాక్ట్‌ ఇప్పించుకోవడంతో స్థానిక ప్రజాప్రతినిధి ముఖం చాటేస్తున్నారని రాజమహేంద్రవరం నగరవాసులు చర్చించుకుంటున్నారు. మరోవైపు గోదావరి పుష్కర ఘాట్‌ వద్ద చేపట్టిన హేవలాక్‌ బ్రిడ్జి పనులు కూడా ఒక అడుగు ముందుకు.. రెండడుగులు వెనక్కి అన్నట్టు నత్తనడకన సాగుతున్నాయి.

రాజానగరం: చదువుతో పాటు పరిశ్రమలకు అవసరమైన నైపుణ్యాలను పెంపొందించుకుంటేనే మంచి ఉద్యోగావకాశాలను పొందగలుగుతారని రాజానగరం సమీపంలోని గోదావరి గ్లోబల్‌ యూనివర్సిటీ (జీజీయూ) చానల్సర్‌ కేవీవీ సత్యనారాయణరాజు (చైతన్యరాజు) అన్నారు. క్యాంపస్‌లో శుక్రవారం జరిగిన హెచ్‌ఆర్‌ సదస్సులో ఆయన మాట్లాడుతూ విద్యార్థులకు ఉజ్వలమైన భవిష్యత్తును అందించుటలో ఇటువంటి సదస్సులు ఎంతగానో తోడ్పడతాయన్నారు. కార్యక్రమంలో వీసీ డాక్టర్‌ యు.చంద్రశేఖర్‌, ప్రొ.వీసీ డాక్టర్‌ కేవీబీ రాజు, రిజిస్ట్రార్‌ డాక్టర్‌ పీఎంఎంఎస్‌ శర్మ, వివిధ సాఫ్ట్‌వేర్‌ సంస్థలకు చెందిన హెచ్‌ఆర్‌ నిపుణులు, అధ్యాపకులు, విద్యార్థులు పాల్గొన్నారు. దారి తప్పి వచ్చిన జింకపై కుక్కల దాడి దేవరపల్లి: రెండు రోజుల పాటు కురిసిన భారీ వర్షాలకు దారి తప్పిన ఓ చుక్కల జింక.. పొలాల్లోని మేకల మందతో కలిసి దేవరపల్లి మండలం యాదవోలుకు చేరుకుంది. దానిపై కుక్కలు శుక్రవారం దాడికి పాల్పడటంతో స్థానికులు గమనించి, ఆ జింకను కాపాడి, ప్రథమ చికిత్స అందించారు. అనంతరం అటవీ అధికారులకు సమాచారం ఇచ్చారు. అటవీ అధికారులు వచ్చి, ఆ జింకను స్వాధీనం చేసుకుని తీసుకు వెళ్లారు. ఆ జింక చూలుతో ఉన్నట్లు సమాచారం.

ఆల్కాట్‌తోట (రాజమహేంద్రవరం రూరల్‌): మద్యం షాపుల్లో ఎంఆర్‌పీ కంటే అధిక ధరలకు విక్రయిస్తే, కేసులు నమోదు చేస్తామని, దీనిపై ఫిర్యాదు చేసినా వెంటనే చర్యలు తీసుకుంటామని జిల్లా ప్రొహిబిషన్‌, ఎకై ్సజ్‌ అధికారి వై.శ్రీలత అన్నారు. రాజమహేంద్రవరంలోని తన కార్యాలయంలో శుక్రవారం ఏర్పాటు చేసిన విలేకర్ల సమావేశంలో ఆమె మాట్లాడారు. జిల్లాలో 159 మద్యం షాపులకు గాను 2026–27 సంవత్సరానికి 155 షాపుల యజమానులు లైసెన్సు రెన్యువల్‌ చేయించుకున్నారని చెప్పారు. తద్వారా రూ.34.73 కోట్ల ఆదాయం వచ్చిందన్నారు. బిక్కవోలు, కడియం, కొవ్వూరు, మండపేట రూరల్‌ షాపులకు దరఖాస్తులు ఆహ్వానిస్తున్నామన్నారు. దరఖాస్తు రుసుం రూ.3 లక్షలు, ప్రొసెసింగ్‌ ఫీజు రూ.1,000 చెల్లించాలన్నారు. ఆన్‌లైన్‌, ఆఫ్‌లైన్‌ ద్వారా వచ్చే నెల ఒకటో తేదీ రాత్రి 12 గంటల్లోగా దరఖాస్తు చేసుకోవచ్చన్నారు. ప్రతి షాపునకు 4 దరఖాస్తులు అందితేనే ఎంపిక ప్రక్రియ నిర్వహిస్తామని చెప్పారు. అక్టోబర్‌ 5న రాజమహేంద్రవరం సబ్‌ కలెక్టర్‌ కార్యాలయంలో లాటరీ ద్వారా ఎంపిక ప్రక్రియ జరుగుతుందని శ్రీలత తెలిపారు.

ఫ కడియపులంక పంచాయతీలో నిధుల దుర్వినియోగంపై కలెక్టర్‌కు ఫిర్యాదు ఫ రోజుల తరబడి విచారణ ఫ ఇప్పటికీ బయటకు రాని నివేదిక ఫ అక్రమార్కులను కాపాడేందుకేనని అనుమానాలు సాక్షి టాస్క్‌ఫోర్స్‌: పరిపాలనలో పారదర్శకతతో పాటు, జవాబుదారీతనం ఉందంటూ డబ్బా కొట్టుకోవడంలో కూటమి నాయకులు ఎప్పుడూ ముందుంటారు. కానీ, ఓ గ్రామ పంచాయతీ నిధులు పక్కదారి పట్టాయంటూ అదే గ్రామానికి చెందిన వ్యక్తి నేరుగా కలెక్టర్‌కు ఫిర్యాదు చేసినప్పటికీ, దానిపై విచారణకే నెలలు గడిపేశారు. తీరా విచారణ పూర్తయ్యాక, అక్రమాలు నిగ్గు తేల్చడంలో ఇంకా మీనమేషాలు లెక్కిస్తున్నారు. ఇదంతా కావాలనే కాలయాపన చేస్తున్నట్లుగా ఉందని గ్రామస్తులు బాహాటంగా విమర్శిస్తున్నారు. ఏం జరిగిందంటే.. తూర్పు గోదావరి జిల్లా కలెక్టరేట్‌కు కూతవేటు దూరంలో ఉన్న కడియం మండలంలోని కడియపులంక పంచాయతీలో.. నిబంధనలకు విరుద్ధంగా 15వ ఆర్థిక సంఘం నిధులు దాదాపు రూ.25 లక్షల వరకు ఖర్చు చేసినట్లు చూపారంటూ గత ఆగస్టులో ఆ గ్రామానికి చెందిన ఓ వ్యక్తి కలెక్టర్‌కు ఫిర్యాదు చేశారు. అలాగే డీజిల్‌, బ్లీచింగ్‌, తాగునీరు, పన్నుల విధింపు వ్యవహారాల్లో సైతం భారీగా నిధులు పక్కదారి పట్టించి, ప్రభుత్వ ఆదాయానికి గండి కొట్టారని ఆరోపించారు. ఒక్కో ఖర్చుకు రెండుసార్లు బిల్లులు చెల్లించడం, చేయని పనులకు చేసినట్లుగా బిల్లులు పెట్టడం, ఎం.బుక్‌లో నమోదు చేయకుండానే ఖర్చులు చూపడం.. ఇలా అనేక అక్రమాలు దాదాపు ఏడాదిన్నరగా జరిగినట్లు ఆరోపణలు వెల్లువెత్తాయి. దీనిపై డీఎల్‌పీఓ నాగలత ఆధ్వర్యాన నలుగురు పంచాయతీ కార్యదర్శులతో విచారణ కమిటీ ఏర్పాటు చేశారు. వారు దాదాపు నెల రోజుల పాటు విచారణ జరిపి, ఉన్నతాధికారులకు పది రోజుల కిందట నివేదిక అందజేశారు. అయితే, అక్రమాలు జరిగాయా? లేదా? జరిగితే ఎంత సొమ్ము పక్కదారి పట్టింది? నిధుల దుర్వినియోగం జరిగితే పంచాయతీ కార్యదర్శిపై ఏం చర్యలు తీసుకుంటున్నారనే ప్రశ్నలకు అధికారులు ఇప్పటి వరకూ ఎటువంటి వివరాలూ వెల్లడించలేదు. అక్రమాలు నిజమని తేలితే సంబంధిత సిబ్బందిని సస్పెండో, బదిలీయో చేసి, మరింత లోతుగా విచారణ జరపడంతో పాటు, సదరు సొమ్ము రికవరీకి చర్యలు చేపట్టాలి. కానీ, కడియపులక పంచాయతీ వ్యవహారంలో అటువంటిదేమీ జరగకపోవడం విడ్డూరంగా ఉందని గ్రామస్తులు విమర్శిస్తున్నారు. మండలంలోని పలు పంచాయతీల్లో కూడా బిల్లు కలెక్టర్లు వసూలు చేసిన పన్నులను పక్కదారి పట్టించిన ఘటనలున్నాయని, అయితే అవి బయటకు రాకుండా సంబంధిత అధికారులకు ‘తాయిలాలు’ అందజేసి మాఫీ చేసుకుంటున్నారనే ఆరోపణలు కూడా వస్తున్నాయి. దోచింది కొండంత.. వెలుగు చూసేది గోరంత పన్ను వసూళ్ల వ్యవహారాల్లో అనేక అక్రమాలు చోటు చేసుకుంటాయన్నది బహిరంగ రహస్యం. ఇలా అక్రమాలకు పాల్పడే వారిని కొంత మంది ఉన్నతాధికారులతో సహా వాటాలు పంచుకుని కాపాడుతున్నారన్న ఆరోపణలున్నాయి. దీనికి తగినట్టుగానే అధికారుల తీరు కూడా ఉంటోందని పలువురు విమర్శిస్తున్నారు. ఎంత సొమ్ము పక్కదారి పట్టినప్పటికీ.. అధికారికంగా కొంత మాత్రమే చూపిస్తున్నారని, తద్వారా ఆ సొమ్ము వెనక్కు చెల్లించేసి, తరువాత కూడా ఆ ఉద్యోగిని అదే స్థానంలో కొనసాగిస్తున్నారని చెబుతున్నారు. అందువల్లనే కొందరు కింది స్థాయి ఉద్యోగులు ఎటువంటి జంకూ లేకుండా నిధుల దుర్వినియోగానికి, అక్రమాలకు పాల్పడుతున్నారని అంటున్నారు. కడియపులంక పంచాయతీలో జరిగిన అవకతవకల ఆరోపణలపై విచారణ చేపట్టిన అధికారులు, డీఎల్‌పనోను సంప్రదించేందుకు ప్రయత్నించగా స్పందించలేదు.

ఫ కూటమి నేతల మధ్య స్థల సర్వే వివాదం ఫ సమిశ్రగూడెంలో పడగ విప్పిన ఆధిపత్య పోరు ఫ మంత్రి దుర్గేష్‌కు పరస్పర ఫిర్యాదులు ఫ చెరువు సుందరీకరణ పనులకు ఆటంకం నిడదవోలు రూరల్‌: కూటమి నాయకుల మధ్య అంతర్గత విభేదాలు, ఆధిపత్య పోరుతో నిడదవోలు మండలం సమిశ్రగూడెంలో అభివృద్ధి పనులకు తీవ్ర ఆ టంకం ఏర్పడింది. స్వార్థ ప్రయోజనాల కోసం స్థానిక నేతలు ఒత్తిడి తేవడంతో.. అటు పనులు సాగించలేక, ఇటు నిర్ణయాలు తీసుకోలేక అధికారులు నలిగిపోతున్నారు. ఒకవైపు ప్రభుత్వ భూమిని ఆక్రమించి, సొంత అవసరాలకు రోడ్డు వేసుకునేందుకు కూటమిలోని జనసేన నేత ఒకరు ప్రయత్నిస్తూంటే.. దానిని అడ్డుకుంటూ అదే కూటమిలోని టీడీపీ నాయకుడు ఒకరు ఏకంగా మంత్రి కందుల దుర్గేష్‌కు ఫిర్యాదు చేయడం స్థానికంగా తీవ్ర సంచలనం సృష్టించింది. వివరాలివీ.. సమిశ్రగూడెంలో ప్రధాన చెరువును అభివృద్ధి చేయడంతో పాటు చుట్టూ వాకింగ్‌ ట్రాక్‌, చిల్ట్రన్‌ పార్క్‌, ఓపెన్‌ జిమ్‌ ఏర్పాటుకు రూ.50 లక్షలతో పనులు చేపట్టారు. చిల్ట్రన్‌ పార్కు ఏర్పాటు చేసే ప్రభుత్వ స్థలం జనసేన నాయకుడి స్థలం పక్కనే ఉంది. ఈ నేపథ్యంలో ఆ స్థలాన్ని సర్వే చేయాలంటూ టీడీపీ గ్రామ కమిటీ అధ్యక్షుడు రెవెన్యూ, గ్రామ పంచాయతీ అధికారుల దృష్టికి తీసుకువెళ్లాడు. దీనిపై మంత్రి దుర్గేష్‌కు సైతం ఫిర్యాదు చేశాడు. ఈ నేపథ్యంలో సర్వే చేసేందుకు వచ్చిన అధికారులను జనసేన నేత అడ్డుకుని వెనక్కి పంపించేశాడు. అక్కడితో ఆగకుండా ప్రభుత్వాసుపత్రి వెనుక నుంచి తన కల్యాణ మండపానికి వెళ్లేందుకు సొంత స్థలంలో రోడ్డు నిర్మించాలంటూ అధికారులపై ఒత్తిడి తీసుకురావడంతో ఈ వ్యవహారం మరింత వివాదాస్పదంగా మారింది. నలిగిపోతున్న అధికారులు ఒకవైపు ఆక్రమణలు, చెరువు సుందరీకరణ పనులకు అడ్డంకులు, మరోవైపు కూటమి పార్టీల నేతల మధ్య ఫిర్యాదుల పర్వంతో స్థానిక పంచాయతీ, రెవెన్యూ అధికారులు తీవ్ర ఒత్తిడికి గురవుతున్నారు. ఆక్రమణలను నిర్ధారించడానికి, సరిహద్దులను గుర్తించడానికి సర్వేకు సిద్ధమైన అధికారులను జనసేన నాయకుడు తన రాజకీయ బలంతో అడ్డుకున్నారని, నిబంధనల ప్రకారం పని చేద్దామంటే అధికార కూటమి నేతలు బెదిరింపులకు దిగుతున్నారని, దీంతో ఎటు తేల్చుకోలేక తాము ఇబ్బందులు పడుతున్నామని అధికారులు వాపోతున్నారు. కూటమి నేతలు తక్షణం వర్గ పోరుకు స్వస్తి పలికి, చెరువు అభివృద్ధి పనులను వేగవంతం చేయడంతో పాటు పంచాయతీ స్థలాన్ని కాపాడాలని గ్రామస్తులు డిమాండ్‌ చేస్తున్నారు.

వై.రామవరం: మండలంలోని చింతలపూడి పంచాయతీ బంగారుబందలు గ్రామానికి చెందిన బలిజె సుబ్బమ్మ (56) ప్రమాదవశాత్తూ కొండవాగులో జారి పడి మృతి చెందింది. గ్రామస్తుల కథనం ప్రకారం.. గ్రామ శివారులోని కొండవాగుకు గురువారం ఉదయం బహిర్భూమికి వెళ్లిన ఆమె ఎంతకూ తిరిగి రాలేదు. కుటుంబ సభ్యులు, స్థానికులు వాగు పరిసరాల్లో గాలించినా సాయంత్రం వరకు జాడ తెలియరాలేదు. లోతట్టు గ్రామం కావడం, మార్గం మధ్యలో కొండ వాగులు ఉధృతంగా పొంగి పొర్లుతూండటం, విద్యుత్‌ సరఫరా లేక, సెల్‌ టవర్లు పని చేయక ఈ సమాచారం శుక్రవారం ఉదయం ఆలస్యంగా వెలుగులోకి వచ్చింది. వెంటనే తహసీల్దార్‌ శ్రీరాములుదొర, ఎంపీడీఓ బాపన్నదొర, ఎస్సై పృథ్వీయాదవ్‌, డిప్యూటీ ఎంపీడీఓ శ్రీనివాసరాజులు ఆ గ్రామానికి అగ్నిమాపక శకటాన్ని, సిబ్బందిని తీసుకుని వెళ్లారు. వాగు కాస్త శాంతించడంతో గ్రామస్తుల సహకారంతో సంఘటన స్థలం వద్ద గాలించగా.. సుబ్బమ్మ మృతదేహం కొండవాగులో శుక్రవారం మధ్యాహ్నం లభ్యమైంది. ఆమె మృతదేహాన్ని గ్రామస్తులు జోలి కట్టుకుని అక్కడి నుంచి గ్రామంలోకి తీసుకొచ్చారు. కొండవాగులు పొంగుతూండటంతో మృతదేహాన్ని పోస్టుమార్టం నిమిత్తం ఆసుపత్రికి తరలించేందుకు ఆటంకం ఏర్పడింది.

● మౌలిక వసతులు లేకుండానే జెడ్పీ కార్యాలయం ఏర్పాటు రాజమహేంద్రవరం రూరల్‌: సాధారణంగా జిల్లాకు ముఖ్య కార్యాలయం ఏర్పాటు చేస్తున్నప్పుడు అక్కడ అవసరమైన మౌలిక వసతులను ముందుగానే కల్పించడం పరిపాటి. కానీ, శుక్రవారం ప్రారంభమైన తూర్పు గోదావరి జిల్లా పరిషత్‌ కార్యాలయంలో అటువంటి ఏర్పాట్లేవీ కానరాకపోవడంతో, విధుల్లో చేరేందుకు వచ్చిన సిబ్బంది దిక్కులు చూడాల్సి వచ్చింది. హుకుంపేటలోని రూరల్‌ మండల పరిషత్‌ కార్యాలయంలో ఏర్పాటు చేసిన నూతన జెడ్పీ కార్యాలయం వద్దకు వివిధ స్థాయిల సిబ్బంది 13 మంది వచ్చారు. అప్పటికే ముంపు నీటితో నిండిపోయిన కార్యాలయం ఆవరణ వారికి స్వాగతం పలికింది. ఏదో ఒక విధంగా కార్యాలయం లోపలికి చేరుకోగా.. ఒక హాలులో రెండు టేబుల్స్‌ దగ్గరగా వేసి, దానికి ఇరువైపులా కుర్చీలు మాత్రమే వేసి ఉంచారు. వచ్చిన వారందరూ ఆ టేబుల్‌కు ఇరువైపులా కూర్చుని పిచ్చాపాటీ మాట్లాడుకుని కార్యాలయం సమయం ముగిసిన తరువాత సాయంత్రం వెళ్లిపోయారు. ఇతర జెడ్పీ కార్యాలయాలకు మౌలిక వసతులు ముందుగానే కల్పించారు. ఇక్కడ మాత్రం ఎటువంటి సదుపాయం లేకపోవడంతో ఉద్యోగుల్లో అయోమయం నెలకొంది. ఉద్యోగులకు సరిపడా కుర్చీలు, టేబుళ్లు, కంప్యూటర్లు తదితర వసతులు కూడా లేకుండానే జెడ్పీ కార్యాలయాన్ని ప్రకటించడంపై సర్వత్రా విస్మయం వ్యక్తమవుతోంది. జెడ్పీ కార్యాలయానికి మొత్తం 44 మంది ఉద్యోగులను వివిధ ప్రాంతాల నుంచి కేటాయించారు. వీరందరూ విధులు నిర్వహించేందుకు అవసరమైన గదులు కానీ, ఇతర సదుపాయాలు కానీ అక్కడ లేకపోవడం గమనార్హం.

ఫ వైఎస్సార్‌ సీపీ జిల్లా అధ్యక్షుడు చెల్లుబోయిన వేణు ఫ వెన్నుపోటు పార్టీ వంచనపై రేపు బీసీ గర్జన ఫ 34 నియోజకవర్గాల ప్రతినిధులతో కాతేరులో నిర్వహణ ఫ ఉమ్మడి ఉభయ గోదావరి జిల్లాల నుంచి హాజరు కానున్న నేతలు రాజమహేంద్రవరం రూరల్‌: కూటమి ప్రభుత్వ పాలనలో బీసీలకు జరుగుతున్న ద్రోహంపై చర్చించేందుకు ఉమ్మడి తూర్పు, ఉమ్మడి పశ్చిమ గోదావరి జిల్లాల పరిధిలోని 34 నియోజకవర్గాలకు చెందిన బీసీ ప్రజాప్రతినిధులు, మాజీ ప్రజాప్రతినిధులు, నాయకులు, విద్యాధికులతో ఆదివారం సమావేశం నిర్వహిస్తున్నారు. ‘వెన్నుపోటు పార్టీ వంచనపై బీసీ గర్జన’ పేరిట నిర్వహిస్తున్న రాజమహేంద్రవరం రూరల్‌ కాతేరులోని వెంకటాద్రి గార్డెన్స్‌లో ఆ రోజు ఉదయం 10 గంటలకు నిర్వహిస్తున్నారు. వైఎస్సార్‌ సీపీ జిల్లా అధ్యక్షుడు, మాజీ మంత్రి చెల్లుబోయిన శ్రీనివాస వేణుగోపాలకృష్ణ ఈ వివరాలు తెలిపారు. గర్జన ఏర్పాట్లను ఆయన, ఎమ్మెల్సీ కవురు శ్రీనివాస్‌, పార్టీ బీసీ విభాగం రాష్ట్ర వర్కింగ్‌ ప్రెసిడెంట్‌, జోన్‌–2 కో ఆర్డినేటర్‌ నవుడు వెంకట రమణ, ఏపీ గ్రీనింగ్‌ అండ్‌ బ్యూటీఫికేషన్‌ కార్పొరేషన్‌ మాజీ చైర్మన్‌, పార్టీ రాష్ట్ర కార్యదర్శి చందన నాగేశ్వర్‌ తదితరులు శుక్రవారం పరిశీలించారు. బీసీలకు వెన్నుపోటు పార్టీ ద్రోహం ఈ సందర్భంగా వేణు విలేకర్లతో మాట్లాడుతూ, బీసీలకు గత వైఎస్‌ జగన్‌ ప్రభుత్వం ఎంతో ప్రాధాన్యం ఇచ్చిందని అన్నారు. కానీ, పదవులు, పథకాల్లో బీసీలకు వెన్నుపోటు పార్టీ ప్రభుత్వం దారుణమైన ద్రోహం చేస్తోందని ధ్వజమెత్తారు. ప్రచారం తప్పతే బీసీలకు ఈ ప్రభుత్వం చేసిందేమీ లేదన్నారు. దాదాపు రెండున్నరేళ్లుగా కూటమి ప్రభుత్వం చేస్తున్న మోసాన్ని ప్రతి బీసీ సామాజిక వర్గీయుడికీ అర్థమయ్యే రీతిలో కార్యాచరణ రూపొందించామని చెప్పారు. ఈ దిశగా కాతేరులో నిర్వహిస్తున్న గర్జన సమావేశానికి బీసీ ప్రజాప్రతినిధులు, నామినేటెడ్‌ పదవులు నిర్వహించిన నాయకులు, డాక్టర్లు, లాయర్లు తదితర విద్యాధికులు హాజరు కావాలని చేశారు. పార్టీ ప్రముఖులు బొత్స సత్యనారాయణ, ధర్మాన ప్రసాదరావు, ధర్మాన కృష్ణదాసు, పిల్లి సుభాష్‌చంద్రబోస్‌, సీదిరి అప్పలరాజు, తమ్మినేని సీతారాం, బూడి ముత్యాలనాయుడు, విడదల రజని, అనిల్‌ కుమార్‌ యాదవ్‌, జోగి రమేష్‌, ఎమ్మెల్సీ కుడుపూడి సూర్యనారాయణరావు తదితరులు ఈ సమావేశానికి హాజరవుతారని తెలిపారు. బీసీలు వెన్నెముక అని చెబుతూనే ఆ వర్గాలకు కూటమి ప్రభుత్వం ఏవిధంగా ద్రోహం చేస్తోందో ప్రపంచానికి తెలియజేయాలన్న అజెండాతోనే ఈ సమావేశం ఏర్పాటు చేస్తున్నామని వేణు చెప్పారు. ఎమ్మెల్సీ కవురు శ్రీనివాస్‌ మాట్లాడుతూ, వెన్నుపోటు పార్టీ మోసాలపై జరిగే ఈ సమావేశం బీసీలకు అత్యంత కీలకమని అన్నారు. దీనికి అందరూ తరలివచ్చి బీసీలకు జరుగుతున్న మోసంపై గళమెత్తాలని కోరారు. వైఎస్సార్‌, వైఎస్‌ జగన్‌ చేసిన మేలును కూడా తెలియజేస్తామని చెప్పారు. నవుడు వెంకట రమణ మాట్లాడుతూ, మాజీ మంత్రి చెల్లుబోయిన వేణు ఆధ్వర్యంలో జరిగే ఈ సభను విజయవంతం చేసేందుకు కార్యాచరణ రూపొందించామని, అన్ని ఏర్పాట్లూ పూర్తి చేశామని చెప్పారు. బీసీలందరూ ఈ సమావేశానికి హాజరు కావాలని కోరారు. చందన నాగేశ్వర్‌ మాట్లాడుతూ, వైఎస్‌ జగన్‌ హయంలో బీసీలకు ఎంతో మేలు చేసారని, కూటమి ప్రభుత్వం తీవ్ర అన్యాయం చేస్తోందని అన్నారు. బీసీలకు జరుగుతున్న అన్యాయాన్ని కాతేరు సదస్సు వేదికగా ప్రపంచం ముందుకు తీసుకెళ్లాలని కోరారు. బీసీ విభాగం జిల్లా అధ్యక్షుడు కొండపల్లి దుర్గారావు మాట్లాడుతూ, కూటమి ప్రభుత్వం బీసీలకు మనుగడ లేకుండా చేస్తోందని విమర్శించారు. కార్యక్రమంలో పార్టీ నాయకులు రుఖియా సయ్యద్‌, చాపా రాజా, యెజ్జు వాసు, ఆచంట కల్యాణ్‌, వాసంశెట్టి శ్రీనివాస్‌, కొల్లి నాని తదితరులు పాల్గొన్నారు.

ఐ.పోలవరం: కేంద్ర పాలిత ప్రాంతం పుదుచ్చేరి పరిధిలోని యానాం నుంచి కృష్ణా జిల్లాకు అక్రమంగా తరలిస్తున్న మద్యాన్ని ఐ.పోలవరం పోలీసులు పట్టుకున్నారు. ఎస్సై ఎంవీవీ రవీంద్రబాబు కథనం ప్రకారం.. ఐ.పోలవరం మండలంలోని పాత ఇంజరం పోలీస్‌ స్టేషన్‌ పరిధిలో పోలీసులు శుక్రవారం మధ్యాహ్నం వాహనాలు తనిఖీ చేస్తున్నారు. ఆ సమయంలో యానాం వైపు నుంచి వస్తున్న ఏపీ 39 టీయూ 1898 నంబర్‌ కారును ఆపి తనిఖీ చేశారు. అందులో ఏడు బాక్సుల్లో ఉన్న వివిధ రకాల 36 మద్యం బాటిళ్లను గుర్తించారు. కారులో ఉన్న కృష్ణా జిల్లా గుడ్లవల్లేరుకు చెందిన ముగ్గురిని అదుపులోకి తీసుకుని, మద్యం, కారును స్వాధీనం చేసుకున్నారు. దీనిపై కేసు నమోదు చేసి, దర్యాప్తు చేస్తున్నారు. పట్టివేత వెనుక మరో కోణం! ఈ మద్యం పట్టివేత వెనుక మరో కోణం ఉందని స్థానికులు అంటున్నారు. ఓవర్‌టేక్‌ విషయంలో మద్యం తరలిస్తున్న కారును మరో కారు యజమాని అడ్డుకుని మురమళ్ల సమీపంలో వాగ్వాదానికి దిగినట్లు వారు చెబుతున్నారు. ఈ క్రమంలో జరిగిన ఘర్షణలో మద్యం తరలిస్తున్న కారు అద్దాలు పగిలాయి. అదే సమయంలో అటుగా వెళుతున్న ముమ్మిడివరం సీఐ మోహన్‌ కుమార్‌ వారి వద్దకు వెళ్లారు. ఈ క్రమంలో ఆ కారులో మద్యం బాటిళ్లున్న విషయం గుర్తించారని, దీనిపై సమాచారం అందడంతో పోలీసులు ఆ మద్యం స్వాధీనం చేసుకున్నారని అంటున్నారు. అసలు ఏం జరిగిందనే విషయం పోలీసులు నిర్ధారించాల్సి ఉంది.

అనపర్తి: ఇటీవల విడుదలైన నీట్‌ పీజీ ప్రవేశ పరీక్షల్లో అనపర్తికి చెందిన చిన్నం గంగాధర్‌రెడ్డి, లక్ష్మీతులసి దంపతుల కుమారుడు, యువ వైద్యుడు అజయ్‌ కుమార్‌ రెడ్డి ఆలిండియా 274వ ర్యాంక్‌ సాధించారు. తమ కుమారుడు శ్రీకాకుళం జిల్లా గ్రేట్‌ ఈస్ట్రన్‌ మెడికల్‌ కళాశాలలో ఎంబీబీఎస్‌లో గోల్డ్‌ మెడల్‌ కూడా సాధించినట్టు గంగాధరరెడ్డి తెలిపారు. వైద్య విద్యలో వివిధ విభాగాల్లో ప్రతిభ చూపి, 13 బంగారు పతకాలు సాధించారని చెప్పారు. డాక్టర్‌ అజయ్‌ కుమార్‌ రెడ్డి సోదరి లక్ష్మీదీప్తి జీఎస్‌ఎల్‌ మెడికల్‌ కళాశాలలో ఎంబీబీఎస్‌లో గోల్డ్‌ మెడల్‌ సాధించారు. వైద్య విద్యలో అక్కా తమ్ముళ్లు రికార్డ్‌ సృష్టించడం విశేషం. పలువురు ప్రముఖులు అజయ్‌ను అభినందించారు.

ధవళేశ్వరం: కాటన్‌ బ్యారేజీ నుంచి శుక్రవారం 4,10,245 క్యూసెక్కుల గోదావరి మిగులు జలాలను సముద్రంలోకి విడిచిపెట్టారు. బ్యారేజీ వద్ద నీటిమట్టం 9.10 అడుగులకు చేరుకుంది. గోదావరి పరీవాహక ప్రాంతాల్లో కురుస్తున్న వర్షాలతో కాటన్‌ బ్యారేజీ వద్ద నీటి ఉధృతి క్రమేపీ పెరుగుతోంది. దీంతో, శుక్రవారం సాయంత్రం మిగులు జలాల విడుదలను పెంచారు. ఎగువన భద్రాచలంలో 20.20 అడుగుల వద్ద నీటిమట్టం కొనసాగుతుంది. ధవళేశ్వరం వద్ద నీటి ఉధృతి శనివారం మరింత పెరిగే అవకాశం ఉందని ఇరిగేషన్‌ అధికారులు అంచనా వేస్తున్నారు. కాటన్‌ బ్యారేజీ వద్దకు సుమారు 7 లక్షల క్యూసెక్కుల మిగులు జలాలు వచ్చి చేరే అవకాశం ఉందని అంచనా వేస్తున్నారు. ఒకటో తేదీన పింఛన్ల పంపిణీ సీటీఆర్‌ఐ (రాజమహేంద్రవరం): ఈ నెల 28, 29, 30 తేదీల్లో బ్యాంకుల సమ్మె నేపథ్యంలో సెప్టెంబర్‌ నెల ఎన్టీఆర్‌ భరోసా సామాజిక భద్రతా పింఛన్లను అక్టోబర్‌ ఒకటో తేదీ మధ్యాహ్నం పంపిణీ చేస్తామని కలెక్టర్‌ కీర్తి చేకూరి శుక్రవారం ఒక ప్రకటనలో తెలిపారు. జిల్లాలోని 2,65,945 మంది లబ్ధిదారులకు రూ.117.19 కోట్లు పంపిణీ చేస్తామని పేర్కొన్నారు. అక్టోబర్‌ ఒకటో తదేఈ ఉదయం బ్యాంకుల నుంచి నగదు సమకూర్చుకుని, మధ్యాహ్నం నుంచి లబ్ధిదారులకు ఇళ్ల వద్దే పెన్షన్లు పంపిణీ చేయాలని అధికారులను ఆదేశించారు. పెన్షన్‌ సమయం మార్పును లబ్ధిదారులకు ముందుగానే తెలియజేసి, పంపిణీ సజావుగా జరిగేలా చర్యలు తీసుకోవాలని కలెక్టర్‌ సూచించారు.

సాక్షి, రాజమహేంద్రవరం: సార్వత్రిక ఎన్నికల వేళ ప్రజలకిచ్చిన హామీల అమలును గాలికొదిలేసిన చంద్రబాబు ప్రభుత్వం.. సొంత డబ్బా కొట్టుకోవడానికి మాత్ర ప్రజల డబ్బును పప్పుబెల్లాల్లా ఖర్చు పెట్టేసేందుకు సిద్ధమవుతోంది. ఇందుకోసం సోషల్‌ మీడియా ఇన్‌ఫ్లుయెన్సర్లను ప్రభుత్వ ప్రచారానికి వినియోగించుకోవాలనే ఒక విచిత్రమైన విధానానికి రాష్ట్ర మంత్రివర్గం బుధవారం ఆమోదం తెలిపింది. తద్వారా ఒక్కొక్కరికీ లక్షలాది రూపాయలు ముట్టజెప్పేందుకు కూటమి పెద్దలు స్కెచ్‌ వేశారు. టీడీపీ కార్యకర్తలకు లబ్ధే లక్ష్యంగా... ప్రభుత్వ పథకాలు, అభివృద్ధి కార్యక్రమాలను ప్రజల్లోకి తీసుకెళ్లేందుకు సోషల్‌ మీడియా ఇన్‌ఫ్లుయెన్సర్లను ఉపయోగించుకోవడమే ఈ పాలసీ ఉద్దేశమని ప్రభుత్వం చెబుతోంది. అయితే, సోషల్‌ మీడియా ఇన్‌ఫ్లుయెన్సర్ల ముసుగులో టీడీపీ కార్యకర్తలకు, ఐటీడీపీ సభ్యులకు ఆర్థిక లబ్ధి చేకూర్చడమే చంద్రబాబు లక్ష్యమని పలువురు విమర్శిస్తున్నారు. ఇన్‌ఫ్లుయెన్సర్లకు ఫేస్‌బుక్‌, ఇన్‌స్ట్రాగామ్‌, యూట్యూబ్‌, ఎక్స్‌లో ఉన్న ఫాలోవర్లు, రీచ్‌ తదితర అంశాల ఆధారంగా పారితోషికం చెల్లిస్తారు. లక్షకు పైగా ఫాలోవర్లుంటే ఎ–కేటగిరీ కింద, 50 వేల నుంచి లక్ష మధ్య ఉంటే బి–కేటగిరీ, 25 వేల నుంచి 50 వేల మధ్య సి–కేటగిరీ, 10 వేల నుంచి 25 వేల మధ్య ఫాలోవర్లుంటే డి–కేటగిరీగా నిర్ణయించారు. ఈ మేరకు సోషల్‌ మీడియా ఇన్‌ఫ్లుయెన్సర్ల ఎంప్యానెల్‌మెంట్‌ పాలసీకి మంత్రివర్గం ఆమోదం తెలిపింది. దీని ప్రకారం ఇన్‌ఫ్లుయెన్సర్లకు గరిష్టంగా రూ.1.5 లక్షల వరకూ చెల్లించేందుకు చంద్రబాబు సర్కారు సిద్ధమైంది. అయితే, తుది చెల్లింపు విధానం, అర్హత ప్రమాణాలు, ఎంపిక ప్రక్రియ వంటి వాటిపై పూర్తి స్పష్టత ఇవ్వాల్సి ఉంది. హామీలను విస్మరించి.. గత ముఖ్యమంత్రి వైఎస్‌ జగన్‌మోహన్‌రెడ్డి తన ఐదేళ్ల పాలనలో ఇంటింటికీ సంక్షేమ పథకాలు అందించిన విషయం తెలిసిందే. అయితే, అంతకంటే ఎక్కువ పథకాలు అమలు చేస్తామంటూ నోటికొచ్చిన హామీలిచ్చి, గత సార్వత్రిక ఎన్నికల్లో చంద్రబాబు అధికారంలోకి వచ్చారు. అప్పటి నుంచీ ఆ పథకాల అమలును తుంగలో తొక్కారు. ● 18 నుంచి 60 ఏళ్ల మధ్య వయసున్న మహిళలకు ఆడబిడ్డ నిధి పేరిట ప్రతి నెలా రూ.1,500 చొప్పున చెల్లిస్తామని చంద్రబాబు గొప్పగా హామీ ఇచ్చారు. జిల్లావ్యాప్తంగా ఆ వయస్సు మహిళలు ఎంతో ఆశగా ఎదురు చూస్తున్నప్పటికీ చంద్రబాబు ఈ పథకం అమలు చేయడం లేదు. ● 50 ఏళ్లు దాటిన బీసీ, ఎస్సీ, ఎస్టీలందరికీ పింఛన్లు ఇస్తామని చంద్రబాబు చెప్పిన మాట కూడా గాల్లో కలిసిపోయింది. ఈ పథకానికి అర్హులు జిల్లావ్యాప్తంగా సుమారు 1.2 లక్షల మంది ఉంటారని అంచనా. 27 నెలల పాలనలో ఇప్పటి వరకూ ఒక్క పింఛను కూడా ఇవ్వకుండా.. స్థానిక ఎన్నికలు సమీపిస్తున్న వేళ.. పింఛన్ల డ్రామాకు తెర తీసిన చంద్రబాబు సర్కారు.. ఇప్పుడు కూడా 50 ఏళ్లు దాటిన బీసీ, ఎస్సీ, ఎస్టీలకు భరోసా ఇవ్వకపోవడం గమనార్హం. ● 20 లక్షల ఉద్యోగాలు ఇస్తామని, అప్పటి వరకూ ప్రతి నిరుద్యోగికీ నెలకు రూ.3 వేల చొప్పున భృతి చెల్లిస్తామని ఎన్నికల్లో చంద్రబాబు ఇచ్చిన హామీ కూడా అమలుకు నోచలేదు. ఆ హామీ ప్రకారం జిల్లాలోని ప్రతి నిరుద్యోగికి ఇప్పటి వరకు రూ.81 వేల చొప్పున చెల్లించాలి. ఇప్పటికై నా ఈ పథకం అమలు చేయాలని జిల్లాలోని 2.3 లక్షల మందికి పైగా ఉన్న నిరుద్యోగులు చంద్రబాబును డిమాండ్‌ చేస్తున్నారు. ● ఈవిధంగా గత ఎన్నికల్లో ఇచ్చిన అనేక హామీలు అమలు చేయకుండా.. ప్రజాధనంతో సొంత డబ్బా కొట్టుకునేందుకు సిద్ధమవడం సిగ్గుచేటని విపక్ష నాయకులు దుమ్మెత్తి పోస్తున్నారు. ఆ హామీల గురించి ప్రశ్నిస్తే ఖజానా ఖాళీ అయిపోయిందని ఓవైపు చెబుతూ.. ఇలా దుబారా ఖర్చుకు పూనుకోవడం దారుణమని మండిపడుతున్నారు. చాలా దారుణం కూటమి పార్టీల నాయకులు ఎన్నికల సమయంలో యువత, విద్యార్థులు, మహిళలు, ఎస్సీ, ఎస్టీ, బీసీ, మైనారిటీలకు అనేక హామీలిచ్చారు. అధికారంలోకి వచ్చిన తర్వాత వాటి అమలును గాలికొదిలేశారు. నిరుద్యోగ భృతి ఊసే మరిచిపోయారు. ఈ హామీలు అమలు చేయకుండా సోషల్‌ మీడియాలో ప్రభుత్వ ప్రచారానికి చంద్రబాబు ప్రభుత్వం ప్రత్యేక పాలసీ తీసుకురావడం, అధికార పార్టీకి అనుకూలమైన సోషల్‌ మీడియా నెట్‌వర్క్‌ను నిర్మించేందుకు ప్రజాధనం వినియోగించడం చాలా దారుణం. – ఎస్‌.కిరణ్‌ కుమార్‌, పీడీఎస్‌యూ రాష్ట్ర ప్రధాన కార్యదర్శి ప్రశ్నిస్తే కేసులు.. ప్రచారం చేస్తే డబ్బులా? చంద్రబాబు ప్రభుత్వాన్ని ప్రశ్నిస్తున్న సోషల్‌ మీడియా ఇన్‌ఫ్లుయెన్సర్లపై కేసులు పెడుతున్నారు. అదే వారికి అనుకూలంగా ప్రచారం చేస్తే డబ్బులివ్వడానికి సిద్ధపడుతున్నారు. ఎన్నికల సమయంలో నిరుద్యోగ భృతి ఇస్తామన్నారు. ఒక్కరికీ ఇవ్వలేదు. ఆడబిడ్డ నిధి పథకానికి దిక్కే లేదు. ఎస్సీ, ఎస్టీ, బీసీ వర్గాలకు 50 సంవత్సరాలు దాటితే పింఛన్‌ ఇస్తామని హామీలు గుప్పించారు. ఇంతవరకు అమలు చేయలేదు. వాటికి నిధుల్లేవు కానీ సోషల్‌ మీడియా ఇన్‌ఫ్లుయెన్సర్లకు మాత్రం డబ్బులు ఎక్కడ నుంచి వస్తున్నాయి? పథకాలకు డబ్బులు లేవంటూ ఇలా దుబారా చేయడం దారుణం. – టి.విజయ్‌ కుమార్‌, ఏఎస్‌ఎఫ్‌ రాష్ట్ర అధ్యక్షుడు హామీలు అమలు చేయాలి గత వైఎస్సార్‌ సీపీ ప్రభుత్వ సంక్షేమ పథకాలను ముందుకు తీసుకువెళ్లడం తప్ప, ఎన్నికల ముందు హామీ ఇచ్చిన సూపర్‌ సిక్స్‌ పథకాలను కూటమి ప్రభుత్వం గాలికొదిలేసింది. ముఖ్యంగా నిరుద్యోగ భృతి ఊసే లేదు. ఇళ్లు లేని పేదలకు పట్టణ ప్రాంతంలో 2 సెంట్లు, గ్రామీణ ప్రాంతంలో 3 సెంట్ల చొప్పున భూమి ఇస్తామన్నారు. రెండేళ్లు దాటినా ఇప్పటి వరకూ పేదలకు స్థలాలు ఇవ్వలేదు. కూటమి ప్రభుత్వం వారి పార్టీ కార్యాలయాలకు మాత్రం స్థలాలు కేటాయించుకుంటోంది. ఇప్పటికై నా హామీలు అమలు చేసేందుకు చర్యలు చేపట్టాలి. – తాటిపాక మధు, సీపీఐ రాష్ట్ర కార్యదర్శివర్గ సభ్యుడు ప్రజల సొమ్ము.. పార్టీ ప్రచారానికా? ఎన్నికల సమయంలో ఆడబిడ్డ నిధి, ఎస్సీ, ఎస్టీ, మైనార్టీ వర్గాలకు 50 సంవత్సరాలు దాటితే పింఛన్‌ ఇస్తానని చెప్పిన చంద్రబాబు వాటిని అమలు చేయడం లేదు. రాష్ట్రంలో మహిళలకు ఇస్తానన్న పథకాలు అమలు కాలేదు. వీటికి నిధుల్లేవని చెప్పి, తప్పించుకునే ప్రయత్నం చేస్తున్నారు. నిజంగా మహిళల పట్ల చిత్తశుద్ధి ఉంటే ఇచ్చిన హామీలు నెరవేర్చేవారు. ప్రభుత్వం పథకాలకు ఖర్చు చేయకుండా సోషల్‌ మీడియా ఇన్‌ఫ్లుయెన్సర్లకు ఖర్చు పెట్టడానికి సిద్ధం కావడం సరికాదు. ప్రజల సొమ్ము ప్రజలకే చేరాలి. అంతే కానీ పార్టీ ప్రచారానికి వాడటమేమిటి? హామీలు అమలు చేయకుండా నచ్చినట్లు ప్రచారం చేయడానికి సోషల్‌ మీడియాను వాడుకుంటారా? అదే సోషల్‌ మీడియాలో ప్రశ్నిస్తున్న వారిపై కేసులు పెట్టడం ఎంత వరకు కరెక్ట్‌? – తులసి, అఖిల భారత ప్రజాతంత్ర మహిళా సంఘం (ఐద్వా) జిల్లా కార్యదర్శి టీడీపీ కార్యకర్తలకు దోచిపెట్టేందుకే.. సోషల్‌ మీడియా ఇన్‌ఫ్లుయెన్సర్ల పేరిట ప్రజాధనాన్ని టీడీపీ కార్యకర్తలకు దోచిపెట్టేందుకు తీసుకున్న నిర్ణయం దారుణం. దీనిపై రాష్ట్ర ప్రజలందరూ తిరుగుబాటు చేయాలి. ఎన్నికల హామీలను అమలు చేయకుండా ప్రజలను చంద్రబాబు మోసం చేశారు. – టీకే విశ్వేశ్వర రెడ్డి, కాంగ్రెస్‌ పార్టీ రాజమహేంద్రవరం పార్లమెంటరీ కన్వీనర్‌ ప్రభుత్వ ప్రచారానికి సోషల్‌ మీడియా ఇన్‌ఫ్లుయెన్సర్ల సేవలు రూ.25 వేల నుంచి రూ.1.5 లక్షల వరకూ చెల్లించేందుకు సిద్ధం విచిత్ర విధానానికి రాష్ట్ర మంత్రివర్గం ఆమోదం ఐటీడీపీ సభ్యులకు లబ్ధి చేకూర్చే ఎత్తుగడ చంద్రబాబు తీరుపై మండిపడుతున్న మేధావులు, విపక్షాలు

● ఎడతెరిపిలేని వర్షానికి ఎట్టకేలకు బ్రేక్‌ ● ఇంకా జలదిగ్బంధంలోనే పలు ప్రాంతాలు ● 2 వేల ఎకరాల్లో నీట మునిగిన పంటలు ● చెరువులకు గండ్లు ● ఛిద్రమైన రహదారులు ● ఇంకా రోడ్ల పైనే ప్రవాహాలు ● రాకపోకలకు తప్పని ఇబ్బందులుసాక్షి, రాజమహేంద్రవరం: వరుణుడు శాంతించాడు. నిరవధికంగా కురిపించిన చినుకుల శరపరంపరను ఆపాడు. ఎన్నడూ లేని విధంగా దాదాపు 60 గంటల పాటు క్షణం కూడా తెరిపి లేకుండా కురిసిన భారీ వర్షానికి ఎట్టకేలకు శుక్రవారం వేకువజామున బ్రేక్‌ పడింది. బంగాళాఖాతంలో ఏర్పడిన తీవ్ర వాయుగుండం గురువారం రాత్రి తీరం దాటిన తర్వాత కూడా కొన్ని గంటల పాటు భారీ వర్షం జిల్లాను ముంచెత్తింది. శుక్రవారం ఉదయం లేచి చూసేసరికి చినుకులు ఆగడంతో ప్రజలకు కాస్త ఉపశమనం లభించింది. వాన తగ్గినా జిల్లాలోని పలు ప్రాంతాలను ఇంకా ముంపు వీడలేదు. ఈ వర్షాలకు జిల్లావ్యాప్తంగా 2 వేల ఎకరాల్లో వివిధ పంటలు నీట మునిగాయి. దీంతో, ఖరీఫ్‌ గట్టెక్కుతుందో లేదోనని రైతులు ఆందోళన చెందుతున్నారు. వాన ధాటికి జిల్లాలో పలు రోడ్లు దారుణంగా ఛిద్రమయ్యాయి. ● రాజమహేంద్రవరం నగరంలో వర్షం తగ్గినప్పటికీ పలు లోతట్టు ప్రాంతాలు ఇంకా ముంపులోనే ఉన్నాయి. హుకుంపేట సావిత్రి నగర్‌లోని పలు వీధులను ముంపు నీరు వీడలేదు. ● కోరుకొండ మండలం గాదరాడ – కణుపూరు మధ్య చింతల గండి కాలువ వరద ఉధృతికి గురువారం రాత్రి ఓ కారు కొట్టుకుపోయింది. అందులోని నలుగురు ప్రాణాపాయం నుంచి బయటపడ్డారు. ఇక్కడి కాలువపై కల్వర్టు నిర్మించాలని వైఎస్సార్‌ సీపీ నాయకులు శుక్రవారం ధర్నా చేశారు. కాలువ ఉధృతంగా ప్రవహించే సమయంలో పొలాలకు వెళ్లేందుకు నరకయాతన అనుభవిస్తున్నామని అన్నదాతలు ఆవేదన వ్యక్తం చేశారు. కణుపూరు, కలవచర్ల, సీతారాంపురం, గాదరాడ గ్రామాల ప్రజలు ఈ మార్గంలో రాకపోకలు సాగిస్తూంటారు. కోరుకొండ మండలం నర్సాపురం పెద్ద చెరువు, శ్రీరంగపట్నం బురద కాలువకు గండ్లు పడ్డాయి. సూరంపాలెం ప్రాజెక్టు నుంచి అధిక మొత్తంలో నీటిని విడిచిపెట్టడంతో ఈ పరిస్థితి తలెత్తింది. మధురపూడి విమానాశ్రయం రోడ్డులోని పొన్నాలమ్మ గుడి సమీపాన వర్షం నీరు నిలిచిపోవడంతో వాహనాల రాకపోకలకు కొద్దిసేపు అంతరాయం కలిగింది. ● నిడదవోలు పట్టణంలో రోడ్లు జలమయం కావడంతో శుక్రవారం కూడా ప్రజలు రాకపోకలకు తీవ్ర ఇబ్బందులు పడ్డారు. ● పెరవలి మండలంలో సుమారు 650 ఎకరాల వరి పంట ముంపునకు గురైంది. 150 ఎకరాల్లో కూరగాయల పంటలు కూడా నీట మునిగాయి. పొలాల్లో ఇంకా నీరు నిలిచి ఉండటంతో నష్టం తీవ్రత ఎక్కువగానే ఉంటుందని అన్నదాతలు ఆందోళన చెందుతున్నారు. ● దేవరపల్లి మండలంలో 400 ఎకరాలు, గోపాలపురం మండలంలో 900 ఎకరాల్లో వరి పంట నీట మునిగింది. దేవరపల్లి మండలంలో గండి చెరువు పొంగి ప్రవహిస్తోంది. ● అనపర్తి మండలం దుప్పలపూడి ఇంకా ముంపులోనే ఉంది. ● సీతానగరం మండలం చినకొండేపూడి – చీపురుపల్లి మధ్య లో కల్వర్టుపై వరద నీరు ఉధృతంగా ప్రవహిస్తోంది. ● తాళ్లపూడి మండలం అన్నదేవరపేట – చిట్యాల రోడ్డు, చాగల్లు మండలం నందమూరు – కొవ్వూరు మధ్య రోడ్డుపై నీరు ఉధృతంగా ప్రవహిస్తూండటంతో వాహనదారులు రాకపోకలకు తీవ్ర ఇబ్బంది పడుతున్నారు. కొవ్వూరు వైఎస్సార్‌ కాలనీ కూడా ఇంకా ముంపులోనే ఉంది.

● జి.దొంతమూరులో కూటమి నాయకుల దురాగతం ● వైఎస్సార్‌ సీపీ నాయకుడు, సోదరుడు, వదినపై తెగబడిన వైనం ● తండ్రి ఇంటిని ధ్వంసం చేశారంటూ బాధితుల ఆవేదన అనపర్తి: రంగంపేట మండలం జి.దొంతమూరు గ్రామంలో కూటమి నాయకులు రాక్షస దాడికి ఒడిగట్టారు. వైఎస్సార్‌ సీపీ నాయకుడు ముత్యం వీరబాబు, ఆయన సోదరుడు సత్యనారాయణమూర్తి, సూర్యవేణి దంపతులపై కర్రలు, గునపాలు, ఇటుకలతో దాడికి తెగబడ్డారు. ఈ ఘటనలో ముగ్గురూ తీవ్రంగా గాయపడ్డారు. వారిని అనపర్తి ఏరియా ఆసుపత్రికి తరలించి, చికిత్స అందిస్తున్నారు. బాధితుల కథనం ప్రకారం.. కూటమి నాయకులు దుర్ఘన పుల్లారావు, దుర్ఘన త్రిమూర్తులు, దుర్ఘన అన్నవరం తదితరులతో పాటు సుమారు 60 నుంచి 70 మంది ముత్యం వీరబాబు తండ్రి రామచంద్రయ్య ఇంటిని ధ్వంసం చేసేందుకు శుక్రవారం సాయంత్రం వెళ్లారు. విషయం తెలుసుకున్న వీరబాబు, ఆయన కుటుంబ సభ్యులు అక్కడికి వెళ్లి అడ్డుకునేందుకు ప్రయత్నించారు. అయితే, ముందే వేసుకున్న పథకం ప్రకారం వారిపై కూటమి నాయకులు మూకుమ్మడిగా దాడికి పాల్పడ్డారు. కోర్టు అనుకూలంగా తీర్పు ఇచ్చినా.. తన తండ్రి ముత్యం రామచంద్రయ్యకు, దుర్ఘన పుల్లారావుకు మధ్య కొంత కాలంగా ఇంటి వివాదం ఉందని వీరబాబు చెప్పారు. ఈ వివాదంలో కోర్టు తమ తండ్రికి అనుకూలంగా తీర్పు ఇచ్చిందని తెలిపారు. కూటమి ప్రభుత్వం అధికారంలోకి వచ్చిన తర్వాత తమను ఇంటి నుంచి వెళ్లగొడతామని, ఇంటిని కూల్చేస్తామని, అడ్డు వస్తే చంపేస్తామని బెదిరింపులు వచ్చాయని చెప్పారు. పోలీసులకు ముందే సమాచారం ఇచ్చినా.. తమపై దాడికి కుట్ర జరుగుతోందన్న సమాచారం ఉందంటూ మూడు నాలుగు రోజులుగా రంగంపేట ఎస్సై దృష్టికి తీసుకెళ్లినా సకాలంలో స్పందించలేదని వీరబాబు ఆరోపించారు. గురువారం రాత్రి టోల్‌ ఫ్రీ నంబరు 100కు ఫోన్‌ చేసి పరిస్థితిని వివరించగా, శుక్రవారం ఉదయం పోలీసులు తన తండ్రి వద్దకు వచ్చి వివరాలు తెలుసుకున్నారని చెప్పారు. పోలీసులు అక్కడి నుంచి వెళ్లిన కొద్దిసేపటికే పెద్ద సంఖ్యలో వ్యక్తులు వచ్చి తమపై దాడి చేసి, ఇంటిని ధ్వంసం చేశారని తెలిపారు. పోలీసులు ముందుగా స్పందించి, తగిన భద్రత కల్పించి ఉంటే ఈ దారుణం జరిగేది కాదని ఆవేదన వ్యక్తం చేశారు. డాక్టర్‌ సూర్యనారాయణరెడ్డి పరామర్శ దాడిలో గాయపడిన ముత్యం వీరబాబు, ముత్యం సత్యనారాయణమూర్తి, ముత్యం సూర్యవేణిని వైఎస్సార్‌ సీపీ అనపర్తి నియోజకవర్గ కో ఆర్డినేటర్‌, మాజీ ఎమ్మెల్యే డాక్టర్‌ సత్తి సూర్యనారాయణరెడ్డి శుక్రవారం రాత్రి అనపర్తి ఏరియా ఆసుపత్రిలో పరామర్శించారు. వైద్యులను అడిగి వారి ఆరోగ్య పరిస్థితి తెలుసుకున్నారు. కుటుంబ సభ్యులకు ధైర్యం చెప్పారు. స్థానిక బీజేపీ ఎమ్మెల్యే నల్లమిల్లి రామకృష్ణారెడ్డి ప్రోద్బలంతోనే ఈ దాడి జరిగిందని ఆయన తీవ్ర స్థాయిలో ధ్వజమెత్తారు. ఈ ఘటనపై పోలీసులు సమగ్ర దర్యాప్తు చేసి, అసలు కారణాలను, దాడికి పాల్పడిన వారి పాత్రను, ఇంటి ధ్వంసానికి సంబంధించిన అంశాలను నిష్పక్షపాతంగా తేల్చి, నిందితులపై చర్యలు తీసుకోవాలని డిమాండ్‌ చేశారు. క్షతగాత్రులను పరామర్శించిన వారిలో అనపర్తి వ్యవసాయ మార్కెట్‌ కమిటీ మాజీ చైర్మన్‌, వైఎస్సార్‌ సీపీ జిల్లా అధికార ప్రతినిధి సబ్బెళ్ల కృష్ణారెడ్డి, రంగంపేట మండల ఇన్‌చార్జి నల్లమిల్లి మురళీమోహన బాలకృష్ణారెడ్డి తదితరులున్నారు.

అనపర్తి: బాలుడి అదృశ్యంపై అనపర్తి పోలీసులు గురువారం కేసు నమోదు చేశారు. ఎస్సై బి.వినయ్‌ ప్రతాప్‌ కథనం ప్రకారం.. సంచార జాతులకు చెందిన రాచూరి పద్మ, బ్రహ్మరాజు దంపతులకు ఇద్దరు కుమార్తెలు, కుమారుడు ఉన్నారు. స్థానిక లారీ యూనియన్‌ ఆఫీసు వద్ద తాత్కాలిక టెంట్‌ వేసుకుని నివాసం ఉంటున్న ఆ దంపతులు చుట్టుపక్కల ఎలుకలను పట్టుకునే వృత్తిపై ఆధారపడి జీవనం సాగిస్తున్నారు. తాము ఏర్పాటు చేసుకున్న మకాం వద్ద పిల్లలనుంచి బుధవారం తెల్లవారుజామున కొప్పవరంలో ఎలుకలు పట్టడానికి వెళ్లారు. తిరిగి వచ్చేసరికి వారి ఆరేళ్ల కుమారుడు కృష్ణ కనిపించలేదు. అతడి కోసం బ్రహ్మరాజు దంపతులు చుట్టుపక్కల ప్రాంతాలు, సమీప గ్రామాల్లో వెతికినా ఆచూకీ లభించలేదు. దీంతో పోలీసులను ఆశ్రయించారు. బాలుడి తల్లి పద్మ ఫిర్యాదు మేరకు పోలీసులు కేసు నమోదు చేసి, దర్యాప్తు చేస్తున్నారు.

కొబ్బరి రకం ధర (రూ.) కొత్త కొబ్బరి (క్వింటాల్‌) 16,000 – 17,000 కొత్త కొబ్బరి (రెండో రకం) 15,000 – 16,000 కురిడీ కొబ్బరి (పాతవి) గండేరా (వెయ్యి) 26,500 గటగట (వెయ్యి) 23,500 కురిడీ కొబ్బరి (కొత్తవి) గండేరా (వెయ్యి) 25,500 గటగట (వెయ్యి) 22,500 నీటికాయ పాత (ముక్కుడు) కాయ (వెయ్యి) 21,000 – 22,000 కొత్త (పచ్చి) కాయ (వెయ్యి) 21,000 – 22,000 కొబ్బరి నూనె (15 కిలోలు) 5,000 కిలో 350

సాంకేతిక లోపాలతోనే.. సదరం సర్టిఫికెట్లలో అర్హులకు అనర్హత వస్తోందనే విషయంలో కొంత నిజం ఉంది. దీనిని సాంకేతిక లోపంగా గుర్తించాం. ఈవిధంగా ఇటీవల నా వద్దకు ఇద్దరు వచ్చారు. అర్హులైనప్పటికీ అనర్హులుగా వైకల్యం శాతం రావడంతో.. సంబంధిత వైద్యునితో మాట్లాడి, సదరం సర్టిఫికెట్‌లో వచ్చిన శాతాన్ని పోల్చి, తిరిగి వారికి అర్హులుగా ధ్రువపత్రం ఇచ్చాం. దీనిపై కలెక్టర్‌తో మాట్లాడతాను. ఈవిధంగా ఎవరికై నా జరిగితే.. మా వద్దకు వస్తే రికార్డులు సరిచూసి, సమస్య పరిష్కరిస్తాం. సదరం సర్టిఫికెట్ల జారీలో వైకల్యం శాతాన్ని సరిగ్గా చూడకుండా, సొమ్ముకు కక్కుర్తి పడి ఇష్టారాజ్యంగా ఎవరైనా వ్యవహరిస్తే చర్యలు తీసుకుంటాం. దీనిపై సమాచారం ఉంటే వెంటనే మాకు ఫిర్యాదు చేయండి. – డాక్టర్‌ సోఫియా, సూపరిండెంటెంట్‌, జిల్లా ప్రభుత్వాసుపత్రి, రాజమహేంద్రవరం కంబాలచెరువు (రాజమహేంద్రవరం): దివ్యాంగుల జీవితాలకు భరోసా అందించేందుకు సదరం సర్టిఫికెట్‌ అత్యంత కీలకం. ప్రభుత్వం అందించే పింఛన్‌, వివిధ సంక్షేమ పథకాలు, విద్య, ఉపాధి, రాయితీలు తదితర ప్రయోజనాలకు సదరం సర్టిఫికెట్‌లో పేర్కొన్న వైకల్యం శాతం ఆధారంగానే అర్హత నిర్ణయిస్తారు. అలాంటి కీలక ధ్రువపత్రం కోసం వచ్చే దివ్యాంగులకు రాజమహేంద్రవరం ప్రభుత్వాసుపత్రి(జీజీహెచ్‌)లో విచిత్రమైన అనుభవాలు ఎదురవుతున్నాయి. ఇక్కడ ప్రతి మంగళవారం సదరం శిబిరం నిర్వహిస్తారు. దీనికి అధిక సంఖ్యలో దివ్యాంగులు వస్తూంటారు. అయితే, వీరికి అక్కడి వైద్యులు ఇస్తున్న ధ్రువపత్రంలో పేర్కొంటున్న వైకల్యం శాతానికి, నిజజీవితంలో వారికున్న వైకల్యానికి పొంతన ఉండటం లేదు. శాతం ఎక్కడ మారుతోంది? సదరం ప్రక్రియలో వైద్యులు, సంబంధిత నిపుణులు నిర్వహించే పరీక్షలే ప్రాథమిక ఆధారం కావాలి. పరీక్షల సమయంలో ఒక స్థాయి వైకల్యం నమోదవుతున్నా.. తుది సర్టిఫికెట్‌ ఇచ్చేసరికి ఆ శాతం తగ్గిపోతోందని బాధితులు ఆవేదన వ్యక్తం చేస్తున్నారు. ఒకవేళ తొలిసారి నిర్వహించిన పరీక్షా ఫలితాలకు, తుది ధ్రువపత్రంలోని శాతానికి తేడా ఉంటే దానికి కారణాలేమిటి, ఏదైనా నిర్ణీత ఫార్ములా ప్రకారం లెక్కిస్తున్నారా, ఏదైనా ఇతర వైద్య పరీక్షను కూడా పరిగణనలోకి తీసుకుంటున్నారా వంటి విషయాలను అభ్యర్థులకు స్పష్టంగా తెలియజేయాల్సిన అవసరం ఉంది. బాధితుడికి వివరించే వ్యవస్థ ఏదీ? సదరం ధ్రువీకరణకు ఆసుపత్రికి వస్తున్న దివ్యాంగులు గంటల తరబడి వేచి ఉంటారు. వివిధ విభాగాల్లో పరీక్షలు చేయించుకుంటారు. అవసరమైన పత్రాలన్నీ సమర్పిస్తారు. చివరకు వారికిచ్చే ధ్రువపత్రంలో తన వైకల్య శాతం ఎంత, ఎందుకు అలా నిర్ధారించారనే విషయాలు మాత్రమే కాకుండా ఆ శాతం ఎలా వచ్చిందో తెలుసుకునే హక్కు కూడా ఉండాలి. ఈ ప్రక్రియలో స్పష్టత లేకపోతే బాధితుడు ఎవరిని ఆశ్రయించాలి, తన పరీక్షా నివేదికపై అభ్యంతరం ఉంటే ఎవరికి ఎలా అప్పీల్‌ చేయాలి, వైకల్య శాతం తప్పుగా నమోదైందని భావిస్తే పునఃపరీక్షకు అవకాశం ఉందా, దీనంతటికీ ఎవరు బాధ్యత వహిస్తారనే విషయాలను అధికార యంత్రాంగం స్పష్టం చేయాలి. దళారుల దందా సదరం ధ్రువీకరణకు వస్తున్న దివ్యాంగుల అమాయకత్వాన్ని అవకాశంగా తీసుకుని ఆసుపత్రి పరిసరాల్లో కొందరు దళారులు సహాయం పేరుతో దందా సాగిస్తున్నారు. పరీక్షలు త్వరగా పూర్తి చేయిస్తామని, ఈ మొత్తం ప్రక్రియలో సహకరిస్తామని దివ్యాంగులను నమ్మిస్తున్నారు. సర్టిఫికెట్‌ విషయంలో హామీలు ఇస్తున్నారని, ధ్రువపత్రం జారీ చేసే వైద్యులతో మంతనాలు జరుపుతున్నారనే ఆరోపణలు కూడా వస్తున్నాయి. ఇటువంటి వ్యవహారాలపై అధికారులు దృష్టి పెట్టాల్సి ఉంది. పాపం వెంకటేశ్వరరావు రాజమహేంద్రవరం నగరానికి చెందిన ఎలుబండి మోహన వెంకటేశ్వరరావు అనే వ్యక్తికి ఎడమ చెవి పూర్తిగా వినిపించదు. కుడి చెవి చాలా కొద్దిగా మాత్రమే, అదీ చాలా గట్టిగా అరిస్తేనే వినిపిస్తుంది. వినికిడికి సంబంధించి అతని వైకల్యం 70 శాతం పైగా ఉంటుంది. కానీ, సదరం శిబిరంలో వైద్యులు జారీ చేసిన ధ్రువపత్రంలో కేవలం 17 శాతమే వైకల్యమున్నట్లు పేర్కొన్నారు. అయితే, అదే వెంకటేశ్వరరావుకు రాజమహేంద్రవరం ప్రభుత్వాసుపత్రిలో అంతకుముందు ఓ ఆడియాలజీ పరీక్ష నిర్వహించారు. ఆ పరీక్ష నివేదిక ప్రకారం అతడి కుడి చెవికి ప్యూర్‌ టోన్‌ యావరేజ్‌ (పీటీఏ) 91 డెసిబుల్స్‌, ఎడమ చెవికి పీటీఏ 56 డెసిబుల్స్‌గా నమోదు చేశారు. కుడి చెవికి హియరింగ్‌ లాస్‌, ఎడమ చెవికి కాస్త తీవ్రంగాను వినికిడి లోపం ఉన్నట్లు నమోదు చేశారు. ఎడమ చెవికి హియరింగ్‌ ఎయిడ్‌ ఉపయోగించాలని కూడా సిఫారసు చేశారు. కానీ, చివరకు సదరం ధ్రువపత్రంలో మాత్రం వైకల్యం 17 శాతమే ఉన్నట్లు ఏవిధంగా నిర్ధారించారో ఎవ్వరికీ అర్థం కాని పరిస్థితి. ఒక్క వెంకటేశ్వరరావుకే కాదు.. ఇదే సమస్యను పలువురు దివ్యాంగులు ఎదుర్కొంటున్నారు. కొంత మంది వైద్యులు లేదా సిబ్బంది కాసులకు కక్కుర్తి పడి సదరం శిబిరంలో ఈవిధంగా సర్టిఫికెట్లు ఇస్తున్నారనే ఆరోపణలు వస్తున్నాయి. దీనివలన ఎంతో మంది దివ్యాంగులు అర్హులైనప్పటికీ అనర్హులుగానే మిగిలిపోతూ, ప్రభుత్వ పథకాలకు దూరమవుతున్నారు. దివ్యాంగుల బతుకులతో చెలగాటం సర్టిఫికెట్ల జారీలో వింతలు అసలు వైకల్యానికి.. వైద్యుల ధ్రువీకరణకు ఆమడ దూరం ప్రభుత్వాసుపత్రిలో అర్హులకు అన్యాయం!

● ఊపందుకున్న ఊహాగానాలు ● కార్తికమాసం నాటికి నియమిస్తారంటూ ప్రచారంఅన్నవరం: ప్రముఖ పుణ్యక్షేత్రమైన అన్నవరంలోని వీర వెంకట సత్యనారాయణస్వామివారి దేవస్థానానికి త్వరలోనే కొత్త ఈఓ వస్తారంటూ జోరుగా ప్రచారం సాగుతోంది. రెవెన్యూ విభాగానికి చెందిన ఒక మహిళా అధికారి డైరెక్ట్‌గా రాష్ట్ర ప్రభుత్వంలోని చినబాబు అండతో ప్రయత్నాలు చేస్తుండగా, పాత ఈఓ ఒకరు మళ్లీ ఇక్కడకు వచ్చేందుకు ఆసక్తి చూపుతున్నారన్న ప్రచారం జరుగుతోంది. దేవదాయశాఖ ఉన్నతాధికారులు మాత్రం రెవెన్యూ విభాగ అధికారి కన్నా దేవదాయశాఖ అధికారినే నియమించాలనే ఆలోచనలో ఉన్నట్టు సమాచారం. అన్నవరం దేవస్థానం ఇన్‌చార్జి ఈవోగా కోనసీమలోని వాడపల్లి దేవస్థానం ఈఓ నల్లం సూర్యచక్రధరరావు ఆరు నెలలుగా బాధ్యతలు నిర్వహిస్తున్న విషయం తెలిసిందే. అయితే తలుపులమ్మ దేవస్థానం ఈఓ విశ్వనాథరాజును వాడపల్లికి నియమించి, సూర్యచక్రధరరావును అన్నవరానికి రెగ్యులర్‌గా, తలుపులమ్మ దేవస్థానానికి ఇన్‌చార్జిగా నియమిస్తారనే ప్రచారం సాగుతోంది. కార్తికమాసం లోపు ఈ మార్పులు జరగవచ్చని సమాచారం. వారానికి మూడు రోజులు ప్రస్తుతం ఇన్‌చార్జి ఈవోగా పనిచేస్తున్న సూర్యచక్రధరరావు అన్నవరంలో మూడు రోజులు, వాడపల్లి దేవస్థానంలో నాలుగు రోజులు పనిచేస్తున్నారు. వాడపల్లికి ఇటీవల కాలంలో భక్తుల రాక బాగా పెరిగింది. శనివారం రోజు సుమారు లక్షకు పైగా వస్తుండడంతో ఈవో శుక్రవారం నుంచి అక్కడే ఉండి ఏర్పాట్లు పర్యవేక్షిస్తున్నారు. మళ్లీ ఆదివారం మధ్యాహ్నం నుంచి మూడు రోజుల పాటు అన్నవరం దేవస్థానంలో ఉంటున్నారు. మధ్యలో క్యాంపులు, వాడపల్లిలో ఇతర కార్యక్రమాలకు హాజరు కావాల్సి వస్తోంది. వాస్తవానికి వాడపల్లి అంత కాకపోయినా శని, ఆదివారాలలో సత్యదేవుని ఆలయానికి కూడా భక్తులు పోటెత్తుతారు. శనివారం పూర్తిగా, ఆదివారం మధ్యాహ్నం వరకు ఈఓ అన్నవరం దేవస్థానంలో ఉండకపోవడం సమస్యగా మారింది. అయితే ఈవో లేని రోజుల్లో మిగిలిన ఉద్యోగుల పర్యవేక్షణ ఉండడం లేదనే విమర్శలు వస్తున్నాయి.

గోపాలపట్నం: విశాఖ నగరంలో చైన్‌ స్నాచింగ్‌లకు పాల్పడుతున్న అంతర్రాష్ట్ర ముఠాను ఎయిర్‌పోర్టు క్రైమ్‌ పోలీసులు అరెస్టు చేశారు. ఎయిర్‌పోర్టు క్రైమ్‌ పోలీస్‌ స్టేషన్‌లో గురువారం నిర్వహించిన విలేకర్ల సమావేశంలో క్రైమ్‌ ఏసీపీ ఎ.వెంకటరావు, వెస్ట్‌ సబ్‌ డివిజన్‌ క్రైమ్‌ సీఐ తిరుమలరావు ఈ వివరాలు వెల్లడించారు. వారి కథనం ప్రకారం.. నగరంలోని మురళీనగర్‌, మాధవధార ప్రాంతాల్లో ఆగస్టు 17న ఇందన సుశీల, ఉషారాణిల మెడలో బంగారు గొలుసులు, పుస్తెలతాళ్లు అపహరించిన ఘటనలపై పోలీసులు కేసులు నమోదు చేసి, దర్యాప్తు చేపట్టారు. సీసీ కెమెరా ఫుటేజీలు, సాంకేతిక ఆధారాలతో నిందితులను గుర్తించిన పోలీసులు ఎస్సై కె.రవికిషోర్‌ ఆధ్వర్యాన ఆరు ప్రత్యేక బృందాలతో గాలింపు చేపట్టి, అరెస్టు చేశారు. ప్రధాన నిందితుడు మహేంద్ర సింగ్‌ ర్యాపిడో బైక్‌ రైడర్‌గా పని చేస్తూ మధురవాడ వద్ద చంద్రంపాలెంలో నివసిస్తున్నాడు. రాజస్థాన్‌లోని పాగౌర్‌ జిల్లా పంచవటి గ్రామానికి చెందిన అతడిపై ఆంధ్రప్రదేశ్‌, తెలంగాణ రాష్ట్రాల్లో సుమారు 40 చైన్‌ స్నాచింగ్‌ కేసులున్నాయి. 2012–15 మధ్య హైదరాబాద్‌ జీడిమెట్ల, కూకట్‌పల్లి, కేపీహెచ్‌బీ కాలనీ, బాలానగర్‌, సనత్‌నగర్‌, బహీర్‌బాద్‌, మియాపూర్‌, అల్వాల్‌, 2024లో బాచుపల్లి, జగద్గిరిగుట్ట, అంధ్రప్రదేశ్‌లోని చేబ్రోలు ప్రాంతాల్లో చైన్‌ స్నాచింగ్‌లకు పాల్పడ్డాడు. 2025–26 మధ్య రాజమహేంద్రవరం ప్రకాష్‌ నగర్‌లో 2, శ్రీకాకుళం 2, ఖాజీపేట 2, అనకాపల్లి 2, కాకినాడ సర్పవరం 2, నెల్లూరు బాలాజీనగర్‌ 2, విశాఖలో 2 చోట్ల దొంగతనాలకు పాల్పడ్డాడు. దొంగిలించిన బంగారాన్ని కొమ్మాది జంక్షన్‌కు చెందిన మండ్రు లతా రత్నాకర్‌ సహకారంతో అనకాపల్లి గోల్డ్‌ మార్కెట్‌లో విక్రయించేవాడు. నిందితుల నుంచి 65 గ్రాముల బంగారం, రూ.5.55 లక్షల నగదును పోలీసులు స్వాధీనం చేసుకున్నారు. నిందితులను రిమాండ్‌కు తరలించారు. రాత్రి వేళ ఒంటరిగా ప్రయాణించేటప్పుడు విలువైన ఆభరణాలు ధరించవద్దని, అనుమానాస్పద వ్యక్తులు కనిపించినా, దాడి చేసినా వెంటనే 112కు లేదా సమీప పోలీస్‌ స్టేషన్‌కు సమాచారం ఇవ్వాలని పోలీసులు సూచించారు.

● పోలీసు వాహనం కూడా ధ్వంసం ● రాంగ్‌ రూట్‌లో అతి వేగంగా డ్రైవింగ్‌ ● కటకటాల్లోకి నిందితుడు అమలాపురం టౌన్‌: నైట్‌ పెట్రోలింగ్‌ విధులు నిర్వహిస్తున్న ఓ ఎస్సై పైకే ఓ ప్రబుద్ధుడు కారుతో దూసుకెళ్లాడు. వివరాలివీ.. స్థానిక కొంకాపల్లికి చెందిన చల్లా ఫణికుమార్‌ (ఫణి) తన కారు(ఏపీ 04 ఆర్‌ 1111)తో అమలాపురం ఆర్టీసీ బస్‌ స్టేషన్‌ రోడ్డులో బుధవారం అర్ధరాత్రి రాంగ్‌ రూట్‌లో, అతి వేగంగా దూసుకొస్తున్నాడు. ఆ సమయంలో అక్కడ పట్టణ ఎస్సై ఎన్‌ఆర్‌ కిషోర్‌బాబు నైట్‌ పెట్రోలింగ్‌లో ఉన్నారు. ఫణి తన కారు నిర్లక్ష్యంగా నడుపుతూ ఆయన పైకి దూసుకొచ్చి ఢీకొట్టాడు. అక్కడితో ఆగకుండా అక్కడే ఆగి ఉన్న పోలీసు వాహనాన్ని కూడా ఢీకొని, అక్కడి నుంచి పరారయ్యాడు. అతడి కారు చక్రం మీద నుంచి దూసుకుపోవడంతో ఎస్సై కిషోర్‌బాబు ఎడమ పాదానికి తీవ్ర గాయమైంది. ఆయనను పోలీసు సిబ్బంది తక్షణం ఆస్పత్రికి తరలించారు. మరికొంత మంది పోలీసులు ఫణి కారును వెంబడించి, అతడిని పట్టుకునేందుకు ప్రయత్నించారు. ఈ క్రమంలో ఫణి ఈదరపల్లి గ్రామం మీదుగా ఉన్న కొంకాపల్లి బైపాస్‌ రోడ్డులో కలెక్టర్‌ బంగ్లాకు వెళ్లే రోడ్డు వద్ద కారుతో పొదల్లోకి దూసుకుపోయాడు. అనంతరం, ఆ కారును అక్కడే వదిలేసి పరారయ్యాడు. ప్రభుత్వ అధికారిని గాయపరచడంతో పాటు పోలీసు వాహనంపై దాడికి విఫలయత్నం చేసిన ఫణి ఆచూకీ కోసం పోలీసులు గాలించి, గురువారం ఉదయం పట్టుకున్నారు. అతడిపై కేసు నమోదు చేసి, అరెస్టు చేసినట్లు పట్టణ సీఐ పి.వీరబాబు తెలిపారు. నిందితుడిని కోర్టులో హాజరు పరిచి, కేసు దర్యాప్తు చేస్తున్నామని చెప్పారు. కారు బీభత్సం కొత్తపేట: స్థానిక సంత మార్కెట్‌ సెంటర్‌లోని వినాయకుడి ఆలయం ఎదురుగా బుధవారం తెల్లవారుజామున సుమారు 4 గంటల సమయంలో ఓ కారు అదుపు తప్పి బీభత్సం సృష్టించింది. ఒక్కసారిగా షాపుల వైపు దూసుకొచ్చి, మెట్లను, అక్కడే ఉన్న ఐరన్‌ స్టాండ్లను ధ్వంసం చేసింది. కారు కూడా నుజ్జయ్యింది. కారులో డ్రైవర్‌తో పాటు మరొకరున్నారు. స్వల్ప గాయాలతో వారు పెను ప్రమాదం నుంచి తప్పించుకున్నారని స్థానికులు తెలిపారు. టైరు పంక్చర్‌ కావడం వల్లే కారు అదుపు తప్పినట్లు డ్రైవర్‌ చెప్పారు. పోలీసుల జోక్యం లేకుండా ఇరు పక్షాలూ రాజీ పడినట్టు సమాచారం.

నైరుతి రుతుపవనాలు ప్రవేశించింది మొదలు.. ఎల్‌నినో ధాటికి తల వంచిన వరుణుడు దాదాపు ముఖం చాటేశాడు. మూడున్నర నెలలుగా కరువుతీరా వాన కురిసిందే లేదు. అటువంటిది.. ఇప్పుడు బంగాళాఖాతంలో ఏర్పడిన తీవ్ర వాయుగుండం తోడుగా.. వరుణ దేవుడు కొత్త శక్తిని పుంజుకున్నట్టున్నాడు. ఇన్నాళ్లుగా కురిపించని వానను ఒక్కసారిగా కుండపోతగా కుమ్మరిస్తున్నాడు. ఆకాశానికి చిల్లు పడినట్టు.. మంగళవారం సాయంత్రం నుంచి ఒక్క క్షణం కూడా తెరిపి లేకుండా కురుస్తున్న భారీ వర్షాలతో జనజీవనం అస్తవ్యస్తమైంది.● ఆకాశానికి చిల్లు పడినట్టు ఏకధాటిగా వర్షం ● వాయుగుండం ప్రభావంతో రెండు రోజులుగా తెరిపివ్వని వాన ● పొంగి పొర్లుతున్న వాగులు ● ఏరుల్లా మారిన రహదారులు ● లోతట్టు ప్రాంతాలు జలమయం ● జనజీవనం అస్తవ్యస్తం ● నీట మునిగిన పంట చేలు ● జిల్లావ్యాప్తంగా 121 మిల్లీమీటర్ల వర్షపాతంకంట్రోల్‌ రూముల ఏర్పాటు అధిక వర్షాల నేపథ్యంలో జిల్లా యంత్రాంగం అప్రమత్తంగా ఉందని కలెక్టర్‌ కీర్తి చేకూరి తెలిపారు. జిల్లాలోని రెవెన్యూ డివిజన్‌, మండల స్థాయిల్లో ఏర్పాటు చేసిన కంట్రోల్‌ రూములను 24 గంటలూ అందుబాటులో ఉంచాలని గురువారం ఒక ప్రకటనలో ఆమె స్పష్టం చేశారు. వివిధ ప్రాంతాల్లో ఏర్పాటు చేసిన కంట్రోల్‌ రూముల ఫోన్‌ నంబర్లు... కలెక్టరేట్‌ 0883–2944455 రాజమహేంద్రవరం ఆర్‌డీఓ 0883–2442344 రాజమహేంద్రవరం నగరం 63030 24240 రాజమహేంద్రవరం గ్రామీణం 99660 58666 కడియం 94908 84561 రాజానగరం 90301 02674 సీతానగరం 70323 10130 కోరుకొండ 91544 74851 అనపర్తి 94413 86920 బిక్కవోలు 77020 66689 గోకవరం 94913 85060 మండపేట 99896 26869 కపిలేశ్వరపురం 88552 25457 రాయవరం 96180 06344 కొవ్వూరు ఆర్‌డీఓ 08813–231488 కొవ్వూరు 94910 41468 చాగల్లు 94412 93856 తాళ్లపూడి 94910 41469 దేవరపల్లి 94910 41478 గోపాలపురం 94910 41484 నల్లజర్ల 94910 41451 నిడదవోలు 94910 41470 పెరవలి 94910 41473 ఉండ్రాజవరం 94910 41474 సాక్షి, రాజమహేంద్రవరం: తీవ్ర వాయుగుండం ప్రభావంతో మంగళవారం రాత్రి నుంచి ఎడతెరిపి లేకుండా దంచి కొడుతున్న వర్షాలతో జిల్లా తడిసి ముద్దయ్యింది. ఏకధాటిగా కురుస్తున్న భారీ వర్షాలకు జనజీవనం స్తంభించిపోయింది. ఎక్కడికక్కడ వాన నీరు ఏరుల్లా ప్రవహించడంతో లోతట్టు ప్రాంతాలు జలమయమయ్యాయి. కొన్ని ప్రాంతాల్లో పంట చేలు ముంపునకు గురయ్యాయి. తెరిపివ్వకుండా వర్షం కురుస్తూండటంతో ప్రజలు నిత్యావసరాలకు సైతం బయటకు రావడానికి వెనుకంజ వేశారు. తప్పనిసరి పరిస్థితుల్లో బయటకు వచ్చిన వారు అనేక ఇబ్బందులు ఎదుర్కొన్నారు. ముఖ్యంగా పలు ప్రాంతాల్లో రహదారులపై వాన నీరు ఏరులా ప్రవహించడంతో ద్విచక్ర వాహన చోదకులు నానా అవస్థలూ పడ్డారు. రెండు రోజులుగా కురుస్తున్న వర్షానికి చారిత్రక నగరం రాజమహేంద్రవరం జలమయమైంది. నగరంలోని పలు ప్రాంతాల్లో మోకాలు లోతు నీరు చేరింది. కాలువలు, డ్రెయిన్లు రోడ్ల పైకి పొంగి ప్రవహించడంతో ప్రజలు అనేక అగచాట్లు ఎదుర్కొన్నారు. ముఖ్యంగా కంబాల చెరువు హైటెక్‌ బస్టాండ్‌ ప్రాంతం, రైల్వే స్టేషన్‌ తదితర ప్రాంతాల్లో పరవళ్లు తొక్కుతూ ప్రవహించిన వాన నీటితో రహదారులు గోదారిని తలపించాయి. ఆర్యాపురం, వీరభద్రపురం, సీతంపేట, కోటిలింగాలపేట తదితర లోతట్టు ప్రాంతాలు జలమయమయ్యాయి. అభివృద్ధి పనుల పేరుతో నగరంలోని రోడ్లను అధికారులు ఇరువైపులా తవ్వేసి, ఆ గోతులను సరిగ్గా పూడ్చకపోవడంతో అవి బురదమయమై, ప్రజలు నరకయాతన అనుభవించారు. వరుణుడు తెరిపివ్వకపోవడంతో చిరు వ్యాపారులు ఇబ్బందులు పడ్డారు. రాజమహేంద్రవరం రూరల్‌ రాజవోలులో రెండు చెరువులు పొంగి పొర్లడంతో పంటచేలు ముంపు బారిన పడుతున్నాయి. నగర పాలక సంస్థ పరిధిలోని రైల్వే స్టేషన్‌ రోడ్డు, శ్యామలా సెంటర్‌ ప్రాంతాలు మూడు రోజులుగా ముంపులోనే ఉన్నాయి. ఆర్టీసీ బస్సులు రోజూ మాదిరిగా ధవళేశ్వరం వైపు కాకుండా మోరంపూడి జాతీయ రహదారిపై నుంచి వేమగిరికి వెళ్తున్నాయి. కడియం మండలం వేమగిరి, దేవి జనార్దన్‌ నగర్‌, కోకాకోలా ఫ్యాక్టరీ వెనుక వైపు ఉన్న రోడ్లన్నీ నీట మునగడంతో జనం రాకపోకలకు ఇబ్బంది ఏర్పడింది. అనపర్తి మండలంలో దుప్పలపూడి గ్రామం నీట మునిగింది. పలు ఎస్సీ, బీసీ కాలనీల్లోని పేదల ఇళ్లల్లోకి మోకాలి లోతుకు పైగా నీరు చేరింది. మధ్యాహ్నం నుంచి వరద నీరు ఇళ్లలోకి నీరు చేరడంతో ప్రజలు వంట వండుకోవడానికి కూడా తీవ్ర అవస్థలు పడుతున్నారు. పాత ఇళ్లు ఎప్పుడు కూలిపోతాయోనని ఆందోళన చెందుతున్నారు. అధికారులు తక్షణం స్పందించి, పునరావాసం కల్పించి ఆహారం, ఇతర సహాయక చర్యలు అందించాలని కోరుతున్నారు. అనపర్తి ఎర్ర కాలువ వంతెన వద్ద భారీ వృక్షం రోడ్డుకు అడ్డంగా పడిపోవడంతో ట్రాఫిక్‌కు అంతరాయం ఏర్పడింది. ఎగువనున్న రాజానగరం నియోజకవర్గం ప్రాంతం నుంచి పెద్ద ఎత్తున నీరు వచ్చి చేరుతూండటంతో మండపేట మండలం కేశవరంలోని పోతురాజు చెరువు పొంగి పొర్లుతోంది. 130 ఎకరాల విస్తీర్ణంగల ఈ చెరువు నిండిపోయి కాజ్‌వేపై నుంచి నీరు ప్రవహిస్తూండటంతో కేశవరం – రాజమహేంద్రవరం రహదారి నీట మునిగింది. ఈ రహదారి నుంచి ప్రవహిస్తున్న నీరు ధవళేశ్వరం – సామర్లకోట కాలువలో కలుస్తుంది. మండపేట పట్టణంతో పాటు మండపేట రూరల్‌, రాయవరం, కపిలేశ్వరపురం మండలాల్లోని పలు గ్రామాల్లోని లోతట్టు ప్రాంతాలు కూడా ముంపుబారిన పడ్డాయి. రాయవరం మండలంలో తుల్యభాగ, టేకి వంటి మేజర్‌ డ్రైన్లతో పాటుగా కాలేరు, అనపాలమ్మ, చెల్లూరు తదితర మైనర్‌ డ్రైన్లు పొంగి ప్రవహిస్తున్నాయి. మరో రెండు రోజులు ఇదే విధంగా వర్షాలు కురిస్తే పల్లపు ప్రాంతాలు, డ్రైన్ల వెంబడి ఉన్న పంట పొలాలు పూర్తిగా నీట మునిగే అవకాశం ఉంది. పెదపూడి మండలంలో 14 విద్యుత్‌ స్తంభాలు, 10 చెట్లు కూలిపోయాయి. పిడుగులు పడటంతో మూడు, స్తంభాలు, కాలువలోకి జారిపోవడంతో రెండు ట్రాన్స్‌ఫార్మర్లు పాడయ్యాయి. పశ్చిమ ఏలేరు కాలువ ఉధృతి పెరిగింది. సీతానగరం శెట్టిబలిజపేట, పురుషోత్తపట్నం కొత్త కాలనీ, ఇనుగంటివారిపేటలోని ఎస్సీ పేటతో పాటు కూనవరంలో లోతట్టు ప్రాంతాలు ముంపు బారిన పడ్డాయి. నిడదవోలు మండలంలో ఎర్రకాలువ ఉగ్రరూపం దాల్చడంతో కంసాలిపాలెం – మాధవరం మధ్య రాకపోకలు నిలిచిపోయాయి. తాళ్లపాలెం రైల్వే అండర్‌ పాస్‌ వద్ద నీరు నిలిచిపోవడంతో నిడదవోలు – తాడేపల్లిగూడెం మధ్య రాకపోకలకు ప్రజలు తీవ్ర ఇబ్బందులు పడుతున్నారు. తిమ్మరాజుపాలెంలో పల్లపు ప్రాంతాలు నీట మునిగాయి. ఇక్కడి కోటసత్తెమ్మ ఆలయ ప్రాంగణంలోకి వాన నీరు చేరడంతో దర్శనాలను నిలిపివేశారు. తాళ్లపూడి మండలం కొవ్వాడ కాలువ ఉధృతంగా ప్రవహిస్తూండటంతో పోచవరం పరిధిలోని రాగోలపల్లి నుంచి తాడిపూడి, గూటాల వెళ్లే రోడ్డుతో పాటు, అన్నదేవరపేట నుంచి వేగేశ్వరపురం, వెంకటాయపాలెం వెళ్లే రహదారులపై రాకపోకలకు తీవ్ర అంతరాయం ఏర్పడింది. పలు గ్రామాల్లో జనజీవనం పూర్తిగా స్తంభించిపోయింది పెరవలి మండలంలో 450 ఎకరాల్లో వరి చేలు ముంపునకు గురయ్యాయి. 150 ఎకరాల్లో ఉద్యాన పంటలు, కూరగాయల పంటలు కూడా ముంపు బారిన పడ్డాయి.

కంబాలచెరువు (రాజమహేంద్రవరం): భారీ వర్షాల కారణంగా అన్ని పాఠశాలలకూ శుక్రవారం కూడా సెలవు ప్రకటించారు. జిల్లా విద్యాశాఖాధికారి కె.వాసుదేవరావు గురువారం ఒక ప్రకటనలో ఈ విషయం తెలిపారు. గోదావరికి వరద పోటు ధవళేశ్వరం: పరీవాహక ప్రాంతాల్లో రెండు రోజులుగా ఎడతెరిపి లేకుండా కురుస్తున్న భారీ వర్షాలతో గోదావరికి వరద పోటెత్తుతోంది. ధవళేశ్వరంలోని సర్‌ ఆర్థర్‌ కాటన్‌ బ్యారేజీ నుంచి బుధవారం 85,019 క్యూసెక్కుల మిగులు జలాలను మాత్రమే సముద్రంలోకి విడిచిపెట్టగా.. గురువారం అది 2,40,464 క్యూసెక్కులకు పెరిగింది. భద్రాచలం వద్ద గురువారం సాయంత్రం గోదావరి నీటిమట్టం 16.80 అడుగులుగా నమో దైంది. గోదావరి నీటిమట్టం పెరిగే అవకాశం ఉందన్న హెచ్చరికల నేపథ్యంలో ధవళేశ్వరం వద్ద ఇరిగేషన్‌ యంత్రాంగం అప్రమత్తమైంది. 8, 9 తేదీల్లో అంతరిక్ష అవగాహన కార్యక్రమాలు రాజమహేంద్రవరం సిటీ: ప్రపంచ అంతరిక్ష వారోత్సవాల్లో భాగంగా భారత అంతరిక్ష పరిశోధన సంస్థ (ఇస్రో) ఆధ్వర్యాన వచ్చే నెల 8, 9 తేదీల్లో నగరంలోని శ్రీ వెంకటేశ్వర ఆనం కళాకేంద్రంలో ప్రత్యేక అవగాహన కార్యక్రమాలు నిర్వహిస్తున్నారు. రాజమహేంద్రవరం నగర పాలక సంస్థ కమిషనర్‌ రాహుల్‌ మీనాను ఆయన చాంబర్‌లో ఇస్రో సివిల్‌ డివిజన్‌ హెడ్‌ వి.లక్ష్మణ సతీష్‌, సీనియర్‌ శాస్త్రవేత్త కె.అశ్విని గురువారం కలిశారు. ఈ సందర్భంగా కమిషనర్‌ మాట్లాడుతూ, ఇస్రో ప్రయోగాల రాకెట్‌ నమూనాలను ఈ సందర్భంగా ప్రదర్శిస్తారన్నారు. ఆరో తరగతి నుంచి డిగ్రీ వరకూ విద్యార్థులకు క్విజ్‌, డ్రాయింగ్‌, స్పాట్‌ క్విజ్‌, స్పాట్‌ ఫొటోగ్రఫీ పోటీలు నిర్వహిస్తారని వివరించారు. ఈ కార్యక్రమాలకు సంబంధించిన టీజర్‌ను కమిషనర్‌ ఆవిష్కరించారు. పట్టుదలతో చదివి, ఉన్నత లక్ష్యాలు సాధించాలి సీటీఆర్‌ఐ (రాజమహేంద్రవరం): పట్టుదలతో చదివి, ఉన్నత లక్ష్యాలు సాధించాలని కలెక్టర్‌ కీర్తి చేకూరి అన్నారు. జిల్లా బాలల పరిరక్షణ విభాగం ఆధ్వర్యాన స్పాన్సర్‌షిప్‌, పీఎం కేర్స్‌ పథకాల ద్వారా ప్రయోజనం పొందుతున్న పిల్లలు, వారి సంరక్షకులతో కలెక్టరేట్‌లో గురువారం నిర్వహించిన ముఖాముఖిలో ఆమె మాట్లాడారు. ప్రతి ఒక్కరికీ జీవితంలో ఏదో ఒక దశలో కష్టాలు, ప్రతికూల పరిస్థితులు ఎదురవుతాయని, చిన్న వయస్సులోనే తల్లిదండ్రులను కోల్పోవడం వంటి పరిస్థితులను ధైర్యంగా అధిగమించాలని సూచించారు. మొత్తం 660 మంది పీఎం కేర్స్‌, స్పాన్సర్‌షిప్‌ పథకం ద్వారా ప్రయోజనం పొందుతున్నారని జిల్లా బాలల పరిరక్షణ విభాగం సీడీపీఓ శ్రీదేవి తెలిపారు. 2 ఇసుక ర్యాంపులకు అనుమతి పెరవలి: మండలంలోని తీపర్రు వద్ద వశిష్ట గోదావరిలో రెండు ఓపెన్‌ ఇసుక ర్యాంపుల ఏర్పాటుకు ప్రభుత్వం అనుమతి ఇచ్చిందని కొవ్వూరు ఆర్‌డీఓ కె.ఆనందరావు తెలిపారు. తీపర్రు సచివాలయలంలో గురువారం నిర్వహించిన గ్రామసభలో ఆయన మాట్లాడారు. ఒక ర్యాంపులో 8.888 హెక్టార్లు, మరో ర్యాంపులో 16.286 హెక్టార్లలో తవ్వకాలకు పర్యావరణ అనుమతులు వచ్చాయన్నారు. గ్రామానికి దూరంగా ర్యాంపులు ఏర్పాటు చేసి, నిబంధనలకు అనుగుణంగా తవ్వకాలు చేపట్టేలా చర్యలు తీసుకోవాలని గ్రామస్తులు కోరారు. 4 మద్యం షాపులకు దరఖాస్తుల ఆహ్వానం రాజమహేంద్రవరం రూరల్‌: బిక్కవోలు, కడియం, కొవ్వూరు, మండపేట రూరల్‌ మండలాల్లో 2026–27 సంవత్సరానికి గాను ఒక్కో మద్యం షాపు లైసెన్సు మంజూరుకు దరఖాస్తులు ఆహ్వానిస్తున్నట్లు జిల్లా ప్రొహిబిషన్‌, ఎౖక్సై జ్‌ అధికారి వై.శ్రీలత గురువారం ఒక ప్రకటనలో తెలిపారు. దరఖాస్తు రుసుం రూ.3 లక్షలు(తిరిగి చెల్లించరు), ప్రాసెసింగ్‌ ఫీజు రూ.1,000 చెల్లించాలన్నారు. ఆసక్తి ఉన్నవారు ఆన్‌లైన్‌ లేదా ఆఫ్‌లైన్‌లో వచ్చే నెల ఒకటో తేదీ రాత్రి 12 గంటల్లోగా దరఖాస్తు చేసుకోవాలని శ్రీలత పేర్కొన్నారు.

సాక్షి, రాజమహేంద్రవరం: ఉమ్మడి తూర్పు గోదావరి జిల్లా పరిషత్‌ పాలనకు తెర పడింది. సుదీర్ఘ చరిత్రకు తెర దించుతూ కొత్త జిల్లాల ప్రాతిపదికన జెడ్పీలను ప్రభుత్వం ఏర్పాటు చేసింది. ఉమ్మడి ‘తూర్పు’లోని 12, ఉమ్మడి పశ్చిమ గోదావరిలో 9 కలిపి మొత్తం 21 మండలాలతో తూర్పు గోదావరి జిల్లా పరిషత్‌ ఇకపై ప్రత్యేకంగా కార్యకలాపాలు నిర్వహించనుంది. ఇందుకు సంబంధించిన పరిపాలనా ఏర్పాట్లు పూర్తి కావడంతో శుక్రవారం నుంచి సిబ్బంది కార్యకలాపాలు ప్రారంభించనున్నారు. సంక్షేమ పథకాల పర్యవేక్షణ, గ్రామీణ ప్రాంతాల అభివృద్ధికి సంబంధించిన జిల్లా పరిషత్‌ పరిపాలన ఇకపై కొత్త జిల్లా ప్రాతిపదికనే సాగనుంది. తాత్కాలికంగా రూరల్‌ ఎంపీడీఓ కార్యాలయంలో.. కొత్త జెడ్పీకి శాశ్వత కార్యాలయ భవనం ఇంకా సిద్ధం కాలేదు. ప్రస్తుతానికి హుకుంపేటలోని రాజమహేంద్రవరం రూరల్‌ ఎంపీడీఓ కార్యాలయాన్ని తాత్కాలిక కార్యాలయంగా కేటాయించారు. అక్కడి నుంచే జెడ్పీకి సంబంధించిన పరిపాలనా కార్యకలాపాలను సిబ్బంది నిర్వహిస్తారు. అవసరమైన ఫర్నిచర్‌, రికార్డులు, కార్యాలయ సామగ్రి తదితర ఏర్పాట్లు కూడా చేపట్టనున్నారు. కొత్త జెడ్పీ ఏర్పాటు నేపథ్యంలో ఉద్యోగులు, సిబ్బంది విభజన ప్రక్రియ ఇప్పటికే పూర్తయింది. ఉమ్మడి జెడ్పీ పరిధిలో పని చేస్తున్న సిబ్బందిని కొత్త జిల్లాల వారీగా విభజించి విధులు కేటాయించారు. దీంతో, కొత్త కార్యాలయంలో ఎవరు ఏ బాధ్యతలు నిర్వహించాలనే దానిపై స్పష్టత వచ్చింది. ఉమ్మడి జెడ్పీ సీఈఓగా ఉన్న లక్ష్మణ్‌ ఇక్కడ ఆ బాధ్యతలు నిర్వహిస్తారు. తూర్పు గోదావరి జెడ్పీకి ఇద్దరు పరిపాలనా అధికారులు, ఐదుగురు సీనియర్‌ అసిస్టెంట్లు, ఎనిమిది మంది జూనియర్‌ అసిస్టెంట్లు, ఇద్దరు టైపిస్టులు, ముగ్గురు ఆఫీస్‌ సబార్డినేట్లను కేటాయించారు. అలాగే, డ్రైవర్లు, రికార్డు అసిస్టెంట్లు, క్లాస్‌–4 సిబ్బందిని కూడా నియమించారు. అయితే, యూడీ స్టెనో, ఎల్‌డీ స్టెనో, ల్యాబ్‌ అసిస్టెంట్‌ పోస్టులు ఖాళీగా ఉన్నట్లు ఉన్నతాధికారులు తెలిపారు. కలెక్టరేట్‌ సమీపాన కొత్త భవనం తాత్కాలిక కార్యాలయంతో కార్యకలాపాలు ప్రారంభమైనప్పటికీ, భవిష్యత్తులో జెడ్పీకి శాశ్వత భవనం నిర్మించనున్నారు. బొమ్మూరులోని కలెక్టరేట్‌ సమీపంలో కొత్త జెడ్పీ కార్యాలయ భవనం నిర్మించేందుకు ఏర్పాట్లు జరుగుతున్నాయి. స్థలం, నిర్మాణానికి సంబంధించిన ప్రక్రియ పూర్తయిన తర్వాత భవన నిర్మాణ పనులు ప్రారంభమయ్యే అవకాశం ఉంది. జిల్లాల పునర్విభజన తర్వాత పరిపాలనా వ్యవస్థను కొత్త జిల్లాల అవసరాలకు అనుగుణంగా మార్చే క్రమంలో.. జెడ్పీ విభజన కీలకమైన అడుగుగా అధికారులు భావిస్తున్నారు. ఇప్పటి వరకు ఉమ్మడి జిల్లాగా కొనసాగిన కార్యకలాపాలు ఇకపై తూర్పు గోదావరి జిల్లా పరిధిలో ప్రత్యేకంగా సాగనున్నాయి. తెరమరుగైన ఉమ్మడి జిల్లా పరిషత్‌ 21 మండలాలతో తూర్పు గోదావరి జెడ్పీ ఏర్పాటు నేటి నుంచి కార్యకలాపాలు ఇప్పటికే ఉద్యోగులు, సిబ్బంది విభజన పూర్తి

● అధికారులు సమన్వయంతో చర్యలు చేపట్టాలి ● కలెక్టర్‌ కీర్తి చేకూరి సీటీఆర్‌ఐ (రాజమహేంద్రవరం): గంజాయి, మత్తు పదార్థాల అక్రమ రవాణా, వినియోగంపై ఉక్కుపాదం మోపాలని అధికారులను కలెక్టర్‌ కీర్తి చేకూరి ఆదేశించారు. కలెక్టర్‌ క్యాంపు కార్యాలయంలో బుధవారం జరిగిన జిల్లా స్థాయి సమావేశంలో ఆమె మాట్లాడుతూ మత్తు పదార్థాల వినియోగం వల్ల యువత భవిష్యత్తు నాశనం కావడంతో పాటు సమాజంలో నేర ప్రవృత్తి పెరిగే అవకాశం ఉందన్నారు. ఏజెన్సీ ప్రాంతాల నుంచి గంజాయి అక్రమ రవాణా జరిగే కీలక మార్గాలను గుర్తించి పోలీస్‌, ఎకై ్సజ్‌, అటవీ, రవాణా శాఖల సమన్వయంతో సమగ్ర తనిఖీ కేంద్రాలను ఏర్పాటు చేయాలని ఆదేశించారు. సీసీ కెమెరాల నిఘాను విస్తృతం చేయడంతో పాటు అనుమానిత వాహనాలను క్షుణ్ణంగా తనిఖీ చేయాలని సూచించారు. జిల్లాలోని అన్ని విద్యాసంస్థల్లో విద్యార్థులు మత్తు పదార్థాల బారిన పడకుండా ఉపాధ్యాయులు, ప్రధానోపాధ్యాయులు, కళాశాలల ప్రిన్సిపాళ్లు ప్రత్యేక నిఘా ఉంచాలని కలెక్టర్‌ తెలిపారు. అనుమానిత విద్యార్థులను గుర్తించిన వెంటనే వారిపై ప్రతికూలంగా వ్యవహరించకుండా కౌన్సిలింగ్‌, అవసరమైన వైద్య సహాయం అందించేలా చర్యలు తీసుకోవాలన్నారు. పాఠశాల విద్య, ఇంటర్మీడియట్‌, ఉన్నత విద్యాశాఖ అధికారులు తమ పరిధిలోని విద్యాసంస్థల యాజమాన్యాలతో సమావేశాలు నిర్వహించి మత్తు పదార్థాల దుష్పరిణామాలపై అవగాహన కార్యక్రమాలకు స్పష్టమైన మార్గదర్శకాలు ఇవ్వాలన్నారు. గత పదేళ్లలో చదువును మధ్యలో నిలిపివేసిన విద్యార్థుల వివరాలను సేకరించి, వారి ప్రస్తుత పరిస్థితిపై అధ్యయనం చేసి అవసరమైన అవగాహన, కౌన్సిలింగ్‌, నైపుణ్యాభివృద్ధి కార్యక్రమాలను అమలు చేయాలని జిల్లా విద్యాశాఖ అధికారిని ఆదేశించారు. జిల్లా ఎస్పీ డి.నరసింహ కిశోర్‌ మాట్లాడుతూ డీ అడిక్షన్‌ కేంద్రాల సేవలను నగర ప్రాంతాలకే పరిమితం చేయకుండా గ్రామీణ ప్రాంతాలకు విస్తరించాలని సూచించారు. ప్రాథమిక ఆరోగ్య కేంద్రాల్లో వారానికి ఒకసారి ప్రత్యేక కౌన్సెలింగ్‌, వైద్య శిబిరాలు నిర్వహిస్తే మంచి ఫలితాలు సాధించవచ్చన్నారు. విద్యార్థుల భద్రతకు ప్రాధాన్యం ఇస్తూ ప్రభుత్వ, ప్రైవేటు పాఠశాలలు, ఇంజినీరింగ్‌ కళాశాలల బస్సు డ్రైవర్లతో పాటు ఆటో డ్రైవర్లకు నెలకోసారి లేదా రెండు నెలలకోసారి మత్తు పదార్థాలు, మద్యం వినియోగంపై పరీక్షలు నిర్వహించాలని సూచించారు. విద్యాసంస్థల యాజమాన్యాలు ఈ పరీక్షలను నిర్వహించి సంబంధిత అధికారులకు నివేదికలు సమర్పించాలని తెలిపారు.

రాజమహేంద్రవరం రూరల్‌: మోటార్‌ సైకిల్‌ను లారీ ఢీకొన్న ఘటనలో పిడింగొయ్యి గ్రామ పంచాయతీ పరిధి బుచ్చియ్య నగర్‌కు చెందిన భీశెట్టి సోమేశ్వరరావు (44) మృతి చెందాడు. పోలీసులు కథనం ప్రకారం.. తాపీమేస్త్రి అయిన సోమేశ్వరరావు తన బావతో కలిసి బుధవా రం మధ్యాహ్నం మోరంపూడి సెంటర్‌లోని ఓ షాపులో స్టీలు కొనుగోలు చేసి ఆటోలో పుణ్యక్షేత్రం పంపించారు. సోమేశ్వరరావు, అతడి బావ ఆ ఆటో వెనుకే వేర్వేరు మోటార్‌ సైకిళ్లపై బయలుదేరారు. శాటిలైట్‌సిటీ నుంచి పుణ్యక్షేత్రానికి వెళ్లే దారిలో పరుపుల ఫ్యాక్టరీ సమీపంలో సోమేశ్వరరావు మోటార్‌ సైకిల్‌ను వెనుక నుంచి లారీ వేగంగా ఢీకొంది. ఈ ఘటనలో రోడ్డుపై పడిపోయిన సోమేశ్వరరావుకు తీవ్ర గాయాలు కావడంతో వీఎల్‌ పురంలోని ఓ ప్రైవేటు ఆస్పత్రికి చికిత్స కోసం తరలించారు. అక్కడ చికిత్స పొందుతూ సోమేశ్వరరావు మృతి చెందాడు. మృతుడి సోదరుడు నాగరాజు ఫిర్యాదు మేరకు బొమ్మూరు ఎస్సై కేవీ నాగార్జున కేసు నమోదు చేసి దర్యాప్తు చేస్తున్నారు. సోమేశ్వరరావుకు భార్య, ఇద్దరు కుమారులు ఉన్నారు. సోమేశ్వరరావు (ఫైల్‌)

రాజమహేంద్రవరం సిటీ: వాయుగుండం ప్రభావంతో కురుస్తున్న వర్షాల కారణంగా జిల్లాలోని అన్ని పాఠశాలలు, అంగన్‌వాడీ కేంద్రాలకు గురువారం సెలవు ప్రకటించినట్లు కలెక్టర్‌ కీర్తి చేకూరి తెలిపారు. సంబంధిత శాఖల అధికారులు ఈ ఆదేశాలను కచ్చితంగా అమలు చేయాలన్నారు. వర్షాల నేపథ్యంలో ప్రజలు అప్రమత్తంగా ఉండాలని, అత్యవసర పరిస్థితుల్లో తప్ప బయటకు వెళ్లవద్దని, జిల్లా యంత్రాంగం చేసే సూచనలు, ఆదేశాలను తప్పనిసరిగా పాటించాలన్నారు. జిల్లా కంట్రోల్‌ రూమ్‌ నంబర్‌ బదులు ప్రస్తుతం తాత్కాలికంగా 91771 43999 నంబర్‌ను సంప్రదించవచ్చన్నారు. భారీ వర్షాలు, వరదలు, ఇతర అత్యవసర పరిస్థితులకు సంబంధించి కాల్‌ చేయాలని కోరారు. రోడ్డు ప్రమాదాల నివారణకు పటిష్ట చర్యలు సీటీఆర్‌ఐ (రాజమహేంద్రవరం): జిల్లాలో రోడ్డు ప్రమాదాల నివారణకు కట్టుదిట్టమైన చర్యలు చేపట్టడంతో పాటు, అన్ని శాఖల అధికారులు సమన్వయంతో పనిచేయాలని కలెక్టర్‌ కీర్తి చేకూరి ఆదేశించారు. రాజమహేంద్రవరంలోని కలెక్టర్‌ క్యాంపు కార్యాలయంలో బుధవారం రవాణా శాఖ ఆధ్వర్యంలో జిల్లా స్థాయి రహదారి భద్రత కమిటీ సమావేశం నిర్వహించారు. జిల్లాలోని జాతీయ రహదారులు, ప్రధాన రహదారులపై ప్రమాదాల నివారణ, లైటింగ్‌ ఏర్పాట్లు, బ్లాక్‌ స్పాట్లలో చేపట్టిన పనులు తదితర అంశాలపై సమీక్షించారు. రహదారి ప్రమాదాలు, పోలీస్‌ స్టేషన్ల వారీగా నమోదైన కేసులు, రహదారి భద్రత చర్యలు, ఐరాడ్‌ దరఖాస్తులో ప్రమాదాల వివరాల నమోదు, హిట్‌ అండ్‌ రన్‌ కేసులు, బ్లాక్‌ స్పాట్లను అధికారులు ప్రజెంటేషన్‌ ద్వారా వివరించారు. జిల్లాలో 31 బ్లాక్‌ స్పాట్లు కలెక్టర్‌ కీర్తి చేకూరి మాట్లాడుతూ జిల్లాలో 31 బ్లాక్‌ స్పాట్లు, 12 అధిక ప్రమాద ప్రాంతాలను గుర్తించామన్నారు. అక్కడ ప్రమాదాలకు దారి తీస్తున్న కారణాలను క్షేత్రస్థాయిలో విశ్లేషించి, అవసరమైన భద్రతా చర్యలను తక్షణమే చేపట్టాలన్నారు. ఏడీబీ రోడ్డు జంక్షన్‌లో రాత్రి వేళ తగినంత వెలుతురు లేక ప్రమాదాలు జరుగుతున్న నేపథ్యంలో అక్కడ తక్షణమే తాత్కాలిక లైటింగ్‌ ఏర్పాటు చేయాలని ఆర్‌అండ్‌బీ అధికారులను కలెక్టర్‌ ఆదేశించారు. గామన్‌ బ్రిడ్జి నుంచి కేశవరం, జీరో పాయింట్‌ వరకు ఉన్న బ్లాక్‌ స్పాట్లలో లైటింగ్‌, రహదారి గుర్తుల ఏర్పాటు పనులను వేగవంతం చేయాలని సూచించారు. లాలాచెరువు, బొమ్మూరు, వేమగిరి వంటి కీలక ప్రాంతాల్లో లైటింగ్‌ పనులను నిర్దేశిత గడువులోగా పూర్తి చేయాలని స్పష్టం చేశారు. ఎస్పీ డి.నరసింహ కిషోర్‌ మాట్లాడుతూ జాతీయ రహదారులపై బొమ్మూరు, రాజానగరం, దేవరపల్లి, కడి యం, నల్లజర్ల, రంగంపేట మండలాల పరిధిలో ప్రమాదాలు అధికంగా జరుగుతున్నాయన్నారు. లైటింగ్‌ లోపం, సూచిక బోర్డుల కొరత, అప్రోచ్‌ రోడ్ల వద్ద వేగ నియంత్రణ ఏర్పాట్లు లేకపోవడం, హెల్మెట్‌ వినియోగించకపోవడం వంటి అంశా లు ప్రమాదాలకు కారణమవుతున్నాయన్నారు. గోదావరి పుష్కరాల ప్రత్యేకాధికారిగా గంగాధర్‌ కంబాలచెరువు (రాజమహేంద్రవరం): వచ్చే ఏడాది జరగనున్న గోదావరి పుష్కరాల నిర్వహణకు ప్రత్యేక అధికారిగా సీఐడీ సూపరింటెండెంట్‌ ఆఫ్‌ పోలీస్‌ రెడ్డి గంగాధర్‌ నియమితులయ్యారు. ఈ మేరకు సాధారణ పరిపాలన శాఖ బుధవారం ఉత్తర్వులు జారీ చేసింది. డీజీపీ సమర్పించిన నివేదికను పరిగణనలోకి తీసుకుని ప్రభుత్వం ఈ నియామకాన్ని చేపట్టింది. పుష్కరాల నిర్వహణకు సంబంధించిన ఏర్పాట్లను ప్రత్యేక అధికారిగా రెడ్డి గంగాధర్‌ పర్యవేక్షించి, సమన్వయం చేసి, నిరంతరం పర్యవేక్షించనున్నారు. పుష్కరాలు సురక్షితంగా, సజావుగా, విజయవంతంగా నిర్వహించేందుకు వివిధ ప్రభుత్వ శాఖల మధ్య సమన్వయం కల్పించాల్సి ఉంటుంది. భద్రతా ఏర్పాట్లు, జనసమూహ నియంత్రణ, సీసీ కెమెరాల నిఘా, అత్యవసర సేవలు తదితర అంశాలపై సంబంధిత శాఖలు, పోలీసు అధికారులతో ప్రత్యేక అధికారి సమన్వయం చేయాలని ప్రభుత్వం ఉత్తర్వుల్లో పేర్కొంది. సీఆర్పీఎఫ్‌ సిబ్బంది రక్తదానం వై.రామవరం: స్థానిక సీహెచ్‌సీలో బుధవారం ఏర్పాటు చేసిన రక్తదాన శిబిరంలో స్థానిక పోలీసుస్టేషన్‌లో ఉన్న సీఆర్పీఎఫ్‌ జీ42 బెటాలియన్‌ అదనపు బలగాలు 16 మంది సిబ్బంది రక్తదానం చేశారు. ఈ శిబిరాన్ని రంపచోడవరం ఏరియా ఆసుపత్రి ఆధ్వర్యంలో నిర్వహించారు. రక్తదాతలకు పాలు, పండ్లు అందించి, ధ్రువీకరణ పత్రాలు అందజేశారు.ఇన్‌స్పెక్టర్‌ ఎస్‌.వాడ్కర్‌, ఎస్సై ఏసుపాదం పాల్గొన్నారు.

అమలాపురం టౌన్‌: జిల్లాలోని సబ్‌ జైళ్లు సౌకర్యవంతంగా లేక ఒక్కొక్కటిగా మూతపడుతున్నా కూటమి ప్రభుత్వానికి, ప్రజా ప్రతినిధులకు పట్టడం లేదు. రిమాండ్‌ ఖైదీలను తరలించడానికి పోలీసులు అష్టకష్టాలు పడుతున్నా స్పందన లేదు. కోనసీమ జిల్లాలో ఆరు చోట్ల సబ్‌ జైళ్లు ఉండగా, ప్రస్తుతం రామచంద్రపురం మినహా మిగిలిన ఐదు జైళ్లూ మూతపడ్డాయి. అవి అక్కరకు రాకపోవడంతో రిమాండ్‌ ఖైదీలను జిల్లా పోలీసులు దూరాభారం, వ్యయప్రయాసలతో రాజమహేంద్రవరం సబ్‌ జైలుకు అతికష్టంగా తరలిస్తున్నారు. ఒక్కటే మిగిలింది జిల్లాలోని అమలాపురం, ఆలమూరు, రాజోలు, కొత్తపేట, ముమ్మిడివరం, రామచంద్రపురాల్లో సబ్‌ జైళ్లు ఉన్నాయి. వీటిలో రామచంద్రపురం జైలు ఒక్కటే పనిచేస్తోంది. ముమ్మిడివరం జైలు పదేళ్లుగా, రాజోలు జైలు దాదాపు 15 ఏళ్లుగా అందుబాటులో లేదు. కొత్తపేట జైలు ఆరు నెలలుగా మూత పడింది. ఆలమూరు సబ్‌ జైలు కొన్నేళ్లుగా పనిచేయడం లేదు. ఇవన్నీ దాదాపు శిథిలమై సౌకర్యవంతంగా లేవన్న కారణంతో ఒక్కొక్క సబ్‌ జైలును క్రమేపీ మూసేశారు. ఒక్కో సబ్‌ జైలులో 15 నుంచి 40 మంది వరకూ రిమాండ్‌ ఖైదీలను ఉంచే పరిస్థితి ఉండేది. చిన్న కారణంతో? అమలాపురంలోని సబ్‌ జైలుకు రక్షణ గోడ శిథిలమైందన్న కారణంగా పటిష్టంగా ఉన్న సబ్‌ జైలును మొత్తాన్ని మూసేశారు. 2014–19 మధ్య అప్పటి రాష్ట్ర డిప్యూటీ సీఎం, హోం మంత్రి నిమ్మకాయల చినరాజప్ప అమలాపురంలో కొత్త సబ్‌ జైలు నిర్మాణానికి శంకుస్థాపన చేసినప్పటికీ అది నేటికీ కార్యరూపం దాల్చలేదు. ఆయన వేసిన శిలా ఫలకం మాత్రం నేటికీ ఎక్కడ వేసిన గొంగళి అక్కడే అన్నట్లుగా దర్శనమిస్తోంది. ప్రస్తుతం అమలాపురం సబ్‌ జైలు అడవిని తలపించేలా పిచ్చి మొక్కలు పెరిగిపోయి విష కీటకాలు, పురుగులకు నిలయంగా మారింది. రిమాండ్‌ ఖైదీల తరలింపునకు అష్టకష్టాలు జిల్లాలో పలు నేరాలకు పాల్పడిన నిందితులను పోలీసులు కోర్టులో హాజరు పరుస్తారు. వీరిలో కొందరి నిందితులకు నేర తీవ్రతను బట్టి కోర్టుల్లో న్యాయమూర్తులు రిమాండ్‌ విధిస్తారు. ఇలా రిమాండ్‌ విధించిన ఖైదీలను జిల్లాలో పైన పేర్కొన్న సబ్‌ జైళ్లు ఉన్నప్పుడు తక్షణమే వారిని అక్కడకు తరలించేవారు. ఇప్పుడు వాటిలో ఐదు పనిచేయకపోవడంతో రిమాండ్‌ ఖైదీలను పోలీస్‌ ఎస్కార్ట్‌తో రాజమహేంద్రవరం సెంట్రల్‌ జైలుకు అతి జాగ్రత్తగా, అప్రమత్తంగా పోలీసులు తరలించాల్సి వస్తోంది. పాలకుల గొప్పలు కూటమి ప్రభుత్వంలో జిల్లాకు చెందిన ఎంపీ, ఎమ్మెల్యేలు, ఎమ్మెల్సీలు అన్నింటా అభివృద్ధి సాధిస్తున్నామని పదే పదే గొప్పలు చెప్పుకోవడం తప్ప సబ్‌ జైళ్లను అందుబాటులోకి తెచ్చే ప్రయత్నాలు చేయకపోవడం గమనార్హం. అమలాపురం జైలు రెండు అంతస్తులతో బాగానే ఉండి రిమాండ్‌ ఖైదీలను ఉంచే పరిస్థితి ఉంది. బ్రిటీషు కాలంలో అంటే 1904లో నిర్మించిన ఈ సబ్‌ జైలు నేటికి చెక్కు చెదరలేదు. ముఖ్యంగా రక్షణ గోడ బాగోలేదని మొత్తం జైలునే మూత వేయడం సరికాదని పోలీసులే చెబుతున్నారు. కోనసీమ జిల్లాలో ఐదు సబ్‌ జైళ్ల మూసివేత రామచంద్రపురంలో మాత్రమే పనిచేస్తున్న వైనం పట్టించుకోని పాలకులు రాజమహేంద్రవరం సెంట్రల్‌ జైలుకు రిమాండ్‌ ఖైదీల తరలింపు అవస్థలు పడుతున్న పోలీసులు

కొబ్బరి రకం ధర (రూ.) కొత్త కొబ్బరి (క్వింటాల్‌) 16,000 – 17,000 కొత్త కొబ్బరి (రెండో రకం) 15,000 – 16,000 కురిడీ కొబ్బరి (పాతవి) గండేరా (వెయ్యి) 26,500 గటగట (వెయ్యి) 23,500 కురిడీ కొబ్బరి (కొత్తవి) గండేరా (వెయ్యి) 25,500 గటగట (వెయ్యి) 22,500 నీటికాయ పాత (ముక్కుడు) కాయ (వెయ్యి) 21,000 – 22,000 కొత్త (పచ్చి) కాయ (వెయ్యి) 21,000 – 22,000 కొబ్బరి నూనె (15 కిలోలు) 5,000 కిలో 350

● జెడ్పీ చైర్మన్‌ విప్పర్తి వేణుగోపాలరావు ● సభ్యులతో ఆత్మీయ సమావేశంబోట్‌క్లబ్‌ (కాకినాడ సిటీ): గత ఐదేళ్లుగా అందించిన పాలన తనకు ఎంతో సంతృప్తినిచ్చిందని ఉమ్మడి తూర్పు గోదావరి జిల్లా పరిషత్‌ చైర్మన్‌ విప్పర్తి వేణుగోపాలరావు అన్నారు. జెడ్పీ కార్యాలయంలో బుధవారం జరిగిన జిల్లా పరిషత్‌ సభ్యుల ఆత్మీయ సమావేశంలో ఆయన మాట్లాడారు. గత వైఎస్సార్‌ సీపీ ప్రభుత్వ కాలంలో సుమారు రెండున్నరేళ్లు, ప్రస్తుత కూటమి ప్రభుత్వ కాలంలో మరో రెండున్నర సంవత్సరాలు నిరంతరాయంగా పాలన అందించామని చెప్పారు. ఈ ఐదేళ్లలో కరోనా వంటి విపత్కర పరిస్థితులను అధిగమించి, కోవిడ్‌–19 నిబంధనలు పాటిస్తూ, పంచాయితీరాజ్‌ చట్టం నిబంధనలకు లోబడి నిర్ణీత కాల వ్యవధిలో జెడ్పీ సర్వసభ్య, స్థాయీ సంఘ సమావేశాలు సక్రమంగా నిర్వహించామని అన్నారు. సుమారుగా 1,560 తీర్మానాలు ఏకగ్రీవంగా ఆమోదించామన్నారు. జెడ్పీ సాధారణ నిధులతో గ్రామీణ ప్రాంతాల అభివృద్ధికి ప్రాధాన్యం ఇస్తూ, రహదారులు, డ్రైనేజీ, మంచినీరు, విద్య, వైద్యం, కమ్యూనిటీ వసతులు, వ్యవసాయ, మౌలిక సదుపాయాలను అభివృద్ధి చేశామని వివరించారు. ఐదేళ్లలో 1,550 అభివృద్ధి పనులు మంజూరు చేసి, ఉమ్మడి జిల్లాలోని నాలుగు జిల్లాలకు సమాన నిష్పత్తిలో నిధులు కేటాయించామని చెప్పారు. కేంద్ర ప్రభుత్వం అందించిన 14, 15వ ఆర్థిక సంఘం నిధులతో గ్రామీణ ప్రాంతాల్లో మంచినీటి సౌకర్యాల నిర్వహణకు ప్రత్యేక ప్రాధాన్యం ఇచ్చామన్నారు. సుమారు 64 పంపింగ్‌ పథకాలకు సంబంధించిన పనులకు ఐదేళ్లలో దాదాపు రూ.300 కోట్లు వినియోగించామని విప్పర్తి చెప్పారు. ఎస్సీ, ఎస్టీ కాలనీల్లో మౌలిక సదుపాయాలు కల్పించామన్నారు. ఆపదలో ఉన్న నిరుపేదలకు సంబంధిత వైద్యాధికారులతో మాట్లాడి అవసరమైన వైద్యం అందేలా కృషి చేశామని చెప్పారు. నాలుగు జిల్లాలుగా పునర్విభజన అయినప్పటికీ, ఉమ్మడి జిల్లా పరిధిలోని అన్ని ప్రాంతాలనూ సమాన దృష్టితో చూసి, అభివృద్ధి కార్యక్రమాలు కొనసాగించామని తెలిపారు. పదవి శాశ్వతం కాదని, ప్రజలకు చేసిన సేవే శాశ్వతమనే స్ఫూర్తితో ఐదేళ్ల పాటు జిల్లా ప్రజా పరిషత్‌ చైర్మన్‌గా బాధ్యతలు నిర్వహించానని ఆయన చెప్పారు. ఈ ఐదేళ్లలో 177 మందికి కారుణ్య నియామకాల కింద ఉద్యోగాలు కల్పించామన్నారు. తనకు సహకరించిన నాయకులు, అధికారులకు వేణుగోపాలరావు కృతజ్ఞతలు తెలిపారు. అనంతరం కలెక్టర్‌ ఎంఎన్‌ హరేంధిర ప్రసాద్‌, ఎమ్మెల్సీ కుడుపూడి సూర్యనారాయణరావు, ఇతర సభ్యులు జెడ్పీ చైర్మన్‌ను సత్కరించి, జ్ఞాపిక అందజేశారు. కార్యక్రమంలో జెడ్పీ సీఈఓ లక్ష్మణరావు, వివిధ మండలాలకు చెందిన జెడ్పీటీసీ సభ్యులు పాల్గొన్నారు.

గంగవరం: పెద్దపులి మళ్లీ మండలంలో పశువులపై పంజా విసిరింది. రాజవొమ్మంగి, అడ్డతీగల మండలాల్లో అటవీ ప్రాంతాల్లో సంచరించిన పులి గంగవరం మండలానికి చేరుకుంది. మంగళవారం రాత్రి ఎండపల్లి గ్రామపంచాయతీ ఇ.రామవరం శివారు అటవీ ప్రాంతంలో ఓ పశువును హతమార్చినట్లు గ్రామస్తులు చెబుతున్నారు. పెద్దపులి సంచారంతో అడ్డపల్లి, చిన్నఅడ్డపల్లి, ఇ.రామవరం, ఎండపల్లి, ఎల్లాపురం, మర్రిపాలెం, పరిసర గ్రామాల్లో ప్రజలను అటవీశాఖ సిబ్బంది అప్రమత్తం చేస్తున్నారు. ఇ.రామవరం అటవీ ప్రాంతంలో ఆవుపై దాడి చేసిన ప్రాంతాన్ని అటవీశాఖ సిబ్బంది పరిశీలించారు. పెద్దపులి పాదముద్రలను అటవీశాఖ సిబ్బంది గుర్తించారు. పెద్దపుల్లి సంచారంపై అవగాహన కల్పిస్తున్నారు. ప్రజలు అప్రమత్తంగా ఉండాలని సూచి స్తున్నారు. పెద్దపులి సంచారంపై ప్రజలు భయాందోళన చెందుతున్నారని దానిని బంధించేందుకు అధికారులు చర్యలు తీసుకోవాలని ఎండపల్లి మాజీ సర్పంచ్‌ బండారు రామలక్ష్మి అధికారులను కోరారు.

సాక్షి, రాజమహేంద్రవరం: చిన్నారులపై వైరల్‌ జ్వరాలు, జలుబు, దగ్గు, గొంతునొప్పి పంజా విసురుతున్నాయి. వాతావరణంలో చోటుచేసుకుంటున్న మార్పులు, తీవ్ర వేడిమి, వైరల్‌ ఇన్ఫెక్షన్ల ప్రభావంతో పిల్లలు అనారోగ్యానికి గురవుతున్నారు. జ్వరం, దగ్గు, ముక్కు కారడం, గొంతునొప్పితో పాటు కొందరిలో శ్వాస తీసుకోవడంలో ఇబ్బందులు కూడా కనిపిస్తున్నాయి. దీంతో తల్లిదండ్రులు ఆందోళనకు గురవుతూ ఆస్పత్రులను ఆశ్రయిస్తున్నారు. పెరుగుతున్న ఓపీ రాజమహేంద్రవరం ప్రభుత్వ జనరల్‌ ఆస్పత్రికి మూడు రోజులుగా రోజుకు వంద మందికి పైగా చిన్నారులు ఓపీకి వస్తుండటం ఈ పరిస్థితి తీవ్రతకు అద్దం పడుతోంది. జీజీహెచ్‌లో ప్రస్తుతం 23 మంది చిన్నారులు చికిత్స పొందుతున్నట్లు వైద్య వర్గాల సమాచారం. వీరిలో కొందరు జ్వరంతో బాధపడుతుండగా, మరికొందరికి జలుబు, దగ్గు, గొంతునొప్పి వంటి లక్షణాలు ఉన్నాయి. శ్వాసకోశ సంబంధిత సమస్యలతో ఆస్పత్రిలో చేరుతున్న చిన్నారుల సంఖ్య కూడా కనిపిస్తోంది. ముఖ్యంగా రంపచోడవరం ఏజెన్సీ ప్రాంతాల నుంచి శ్వాస తీసుకోవడంలో ఇబ్బందులు, జ్వరం తదితర సమస్యలతో చిన్నారులను తల్లిదండ్రులు జీజీహెచ్‌కు తీసుకొస్తున్నారు. ఒకరి నుంచి మరొకరికి.. మూడు రోజులుగా చిన్నారుల ఓపీ విభాగానికి వచ్చే వారి సంఖ్య గణనీయంగా పెరిగింది. దాదాపు వంద మందికి పైగా చిన్నారులు చికిత్స కోసం వస్తుండటంతో ఓపీ విభాగంలో రద్దీ నెలకొంటోంది. ఒకే కుటుంబంలో ఒకరికి జ్వరం వచ్చిన తర్వాత మరొకరికి కూడా లక్షణాలు కనిపిస్తున్న ఘటనలు ఉన్నాయని తల్లిదండ్రులు చెబుతున్నారు. చిన్నారులకు జ్వరం తగ్గకపోవడం, రాత్రి వేళల్లో దగ్గు తీవ్రం కావడం, తినడానికి ఇబ్బంది పడటం వంటి సమస్యలతో ఆస్పత్రులకు తీసుకొస్తున్నారు. జలుబు, దగ్గుతోపాటు కొందరు చిన్నారుల్లో శ్వాస తీసుకోవడంలో ఇబ్బందులు కనిపిస్తుండటంతో తల్లిదండ్రులు మరింత అప్రమత్తంగా ఉండాలని వైద్యులు సూచిస్తున్నారు. ముఖ్యంగా స్కూళ్లలో ఒకరి నుంచి ఒకరికి దగ్గు ద్వారా వైరల్‌ ఇన్ఫెక్షన్‌ అవుతోందని చెబుతున్నారు. ముఖ్యంగా చిన్నపిల్లలు, శిశువుల్లో శ్వాస వేగంగా తీసుకోవడం, ఛాతీ లోపలకు లాగినట్లు కనిపించడం, నిరంతర దగ్గు, నీరసం, ఆహారం తీసుకోకపోవడం వంటి లక్షణాలు కనిపిస్తే ఆలస్యం చేయకుండా ఆస్పత్రికి తీసుకురావాలని వైద్యులుసూచిస్తున్నారు. జిల్లా వ్యాప్తంగా ఇదే పరిస్థితి జిల్లా పరిధిలోని వివిధ ప్రాంతాల్లో ఇదే తరహాలో పిల్లలు జ్వరాలు, జలుబు, దగ్గు, గొంతు నొప్పితో బాధపడుతున్నట్లు తెలుస్తోంది. గ్రామీణ ప్రాంతాల్లోనూ చిన్నారులను స్థానిక ఆస్పత్రులు, పట్టణాల్లోని ప్రైవేటు క్లినిక్‌లకు తీసుకెళ్తున్నారు. రాజమహేంద్రవరం, రంపచోడవరం, అనపర్తి, నిడదవోలు, కొవ్వూరు, తదితర ప్రాంతాల్లో జ్వరాల తీవ్రత ఎక్కువగా ఉన్నట్లు సమాచారం. ఏజెన్సీ ప్రాంతాల్లో వాతావరణ పరిస్థితుల కారణంగా శ్వాసకోశ సమస్యలతో పిల్లలు ఇబ్బందులు పడుతున్నట్లు తల్లిదండ్రులు చెబుతున్నారు. ప్రస్తుతం రాజమహేంద్రవరం జీజీహెచ్‌లో చిన్నారుల ఓపీకి పెరుగుతున్న తాకిడి, ఇన్‌పేషెంట్లుగా చేరుతున్న పిల్లల సంఖ్యతో జిల్లాలో చిన్నారుల ఆరోగ్య పరిస్థితిపై వైద్యశాఖ మరింత దృష్టి సారించాల్సిన అవసరం కనిపిస్తోంది. చిన్నారుల ఉక్కిరిబిక్కిరి జలుబు, దగ్గు, గొంతునొప్పి, శ్వాసకోశ సమస్యలతో అవస్థలు జీజీహెచ్‌లో రోజుకు వందకు పైగా పిల్లల ఓపీ ప్రస్తుతం 23 మందికి చికిత్స జిల్లా వ్యాప్తంగా ఇదే పరిస్థితి రంపచోడవరం ప్రాంత పిల్లలకు శ్వాసకోశ సమస్యలు

సాక్షి, రాజమహేంద్రవరం: బంగాళాఖాతంలో ఏర్పడిన వాయుగుండం ప్రభావంతో జిల్లా వ్యాప్తంగా మంగళవారం రాత్రి నుంచి వర్షాలు కురుస్తున్నాయి. ఇన్నాళ్లూ ఎండ వేడిమితో ఉక్కిరిబిక్కిరైన ప్రజలకు ఈ వర్షాలు కొంత ఉపశమనం కలిగించాయి. పంట పొలాలకు సైతం వర్షపు నీరు ఊపిరి పోసినట్లయింది. అయితే ఒక్కసారిగా కురిసిన వర్షాలతోనే వర్షాభావ పరిస్థితులు పూర్తిగా తొలగిపోయే అవకాశం లేదని రైతులు పేర్కొంటున్నా రు. అలాగే వర్షం కారణంగా రాజమహేంద్రవరంతో పాటు పలు ప్రాంతాల జలమయ మయ్యాయి. రాకపోకలకు ప్రజలు తీవ్ర ఇబ్బందులు పడ్డారు. రోడ్లు జలమయం రాజమహేంద్రవరం మున్సిపల్‌ కార్పొరేషన్‌ అధికారుల నిర్లక్ష్యాన్ని వర్షం ఎత్తి చూపింది. కొద్దిపాటి వర్షానికే పలు ప్రాంతాలు జలమయం కావడం, డ్రెనేజీ నీరు రోడ్లపైకి రావడం, తవ్వేసి సరిగా పూడ్చని రోడ్లు బురదమయంగా మారడంతో నగరవాసులు తీవ్ర ఇబ్బందులు ఎదుర్కొన్నారు. జిల్లా వ్యాప్తంగా 49 మిల్లీ మీటర్ల సగటు వర్షపాతం నమోదైంది. గోపాలపురం, నల్లజర్ల, దేవరాపల్లి, అనపర్తి, సీతానగరం, కడియం, చాగల్లు, రాజమహేంద్రవరం సిటీ, రూరల్‌, రంగంపేటలో 50 మిల్లీ మీటర్ల కంటే ఎక్కువ వర్షపాతమే నమోదైంది. తాళ్లపూడి, గోకవరం, కొవ్వూరు, బిక్కవోలులో మోస్తారు వర్షాలు కురిశాయి. నగర వాసులకు నరక యాతనే వర్షం కురిస్తే రాజమహేంద్రవరం నగరవాసులకు ఇబ్బందులు తప్పడం లేదు. అభివృద్ధి పనుల పేరుతో రోడ్లకు ఇరువైపులా తవ్వకాలు చేపట్టి, పనులు పూర్తయిన తర్వాత సక్రమంగా మట్టితో పూడ్చకపోవడంతో పలుచోట్ల వర్షపు నీరు నిలిచిపోయింది. రోడ్లపై గుంతలు, బురదతో వాహనదారులు తీవ్ర ఇబ్బందులు పడ్డారు. ఇప్పటికే తవ్వకాల కారణంగా ఇరుకుగా మారిన రహదారులు వర్షంతో మరింత ప్రమాదకరంగా మారాయి. గుంతలు నీటితో నిండిపోవడంతో అవి ఎక్కడున్నాయో వాహనదారులకు కనిపించని పరిస్థితి నెలకొంది. ద్విచక్రవాహనదారులు జారిపడిపోతుండగా... పాదచారులు కూడా రోడ్లపై నడవడానికి ఇబ్బందులు ఎదుర్కొన్నారు. ● ఆర్ట్స్‌ కళాశాల రోడ్డులో తవ్వేసి సరిగ్గా పూడ్చని గుంతలో బుధవారం ఉదయమే ఓ కారు దిగబడిపోయింది. ● నారాయణపురం వాటర్‌ ట్యాంక్‌ నుంచి సెంట్రల్‌ జైలు, వై జంక్షన్‌, నందం గన్నిరాజు జంక్షన్‌, జాంపేట, ఆజాద్‌చౌక్‌, జెండా పంజా రోడ్డు, కందకం రోడ్డు, పుష్కరాల రేవు వరకూ అమృత్‌ – 2లో భాగంగా వాటర్‌ పైప్‌లైన్‌ కోసం తవ్వేసిన తర్వాత మట్టితో సరిగ్గా పూడ్చలేదు. ● కోటిలింగాలపేట టింబర్‌ మర్చంట్‌ వీధి మొదలు కోటిలింగాలపేట, ఈఎస్‌ఐ ఆస్పత్రి రోడ్డు, లలితా నగర్‌, కోరుకొండ రోడ్‌ జంక్షన్‌, విద్యానగర్‌ వరకూ కూడా రోడ్డు పక్కన తవ్వేసి ౖపైపెన మట్టితో కప్పేసి వదిలేశారు. దీంతో ఆయా ప్రాంతాలన్నీ బురదమయంగా మారిపోయాయి. ● గౌతమి ఘాట్‌ నుంచి గోదావరి బండ్‌ రోడ్డు, పుష్కరాల రేవు, కోటిలింగాలపేట చింతాలమ్మ ఘాట్‌ రోడ్డు వరకూ గోదావరి గట్టుపై అండర్‌గ్రౌండ్‌ విద్యుత్‌ కేబుళ్ల పనుల పేరుతో పలుచోట్ల తవ్వకాలు చేపట్టినప్పటికీ, వాటిని సక్రమంగా పూడ్చకపోవడంతో వర్షం కురిసిన తర్వాత పరిస్థితి మరింత దారుణంగా మారింది. తవ్విన ప్రాంతాల్లో నీరు చేరి బురదగా మారడంతో ప్రజలు రాకపోకలు సాగించేందుకు ఇబ్బందులు పడ్డారు. ● మరోవైపు పలు ప్రాంతాల్లో డ్రెయినేజీ వ్యవస్థ కూడా వర్షాన్ని తట్టుకోలేకపోయింది. డ్రెయినేజీల నుంచి మురుగునీరు రోడ్లపైకి ప్రవహించడంతో వాహనదారులు, పాదచారులు తీవ్ర అవస్థలు పడ్డారు. రహదారులపై వర్షపు నీరు, మురుగునీరు కలిసిపోవడంతో పారిశుధ్యం అధ్వానంగా తయారైంది. వర్షం కురిసిన ప్రతిసారీ ఇదే పరిస్థితి పునరావృతమవుతున్నా శాశ్వత పరిష్కారం దిశగా అధికారులు, ప్రజాప్రతినిధులు చర్యలు చేపట్టడం లేదని నగరవాసులు ఆవేదన వ్యక్తం చేస్తున్నారు. ఒక వైపు తవ్వకాలు చేపట్టడం.. మరోవైపు రోడ్డు పునరుద్ధరణ సరిగా జరగకపోవడం.. చివరకు వర్షం కురిసినప్పుడు ప్రజలు ఇబ్బందులు పడటం పరిపాటిగా మారిందని నగరవాసులు వాపోతున్నారు. దేవరపల్లి–పల్లంట్ల మధ్య పోలవరం కాలువ వద్ద జలమయమైన రోడ్డు నల్లజర్ల మండలం ప్రకాశరావుపాలెంలో షెడ్డుపై ఎగిరిపోయిన రేకులు వాయుగుండం ప్రభావంతో జిల్లా వ్యాప్తంగా వర్షాలు ఎండలతో అల్లాడిన జనానికి కొంత ఊరట పంట పొలాలకు జీవం.. కానీ కరువు తీరే పరిస్థితి లేదు పలు ప్రాంతాల్లో రోడ్లపైకి చేరిన డ్రైనేజీ నీరు రాజమహేంద్రవరంలో తవ్వి వదిలేసిన గోతులతో అవస్థలు

కంబాలచెరువు (రాజమహేంద్రవరం): వైద్య విద్యార్థిని డాక్టర్‌ ప్రియాంకను కారుతో ఢీకొట్టడం వెనుక మీరేనా, ఎవరైనా మీతో ఆ పని చేయించారా అని సూరరాపు ధస్వంత్‌, ఆండ్రు జోసఫ్‌ ఎడ్వర్డ్‌లను పోలీసులు ప్రశ్నించారు. డాక్టర్‌ ప్రియాంక మృతి కేసులో నిందితులైన వారిద్దరినీ బుధవారం రాజమహేంద్రవరం పోలీసులు ఒక్క రోజు కస్టడీకి తీసుకుని విచారించారు. ఉదయం 9 గంటలకు రాజమహేంద్రవరం సెంట్రల్‌ జైలు నుంచి నిందితులిద్దరినీ జిల్లా పోలీసు కార్యాలయం పక్కనే ఉన్న బొమ్మూరు పోలీస్‌ స్టేషన్‌కు తీసుకెళ్లారు. అక్కడ కేసు ప్రత్యేక విచారణాధికారి మనీష్‌ దేవరాజ్‌ పాటిల్‌ నిందితులను పలు ప్రశ్నలు అడిగారు. గతంలో అడిగిన ప్రశ్నలకు నిందితుల నుంచి సరైన సమాధానం రాకపోవడంతో వాటినే తిరిగి అడిగినట్లు సమాచారం. ప్రియాంకను హత్య చేసేందుకు కారుతో ఢీకొట్టలేదని, ప్రసాదిత్యమాల్‌ నుంచి బయటకు వస్తూ కారుకు అడ్డుగా వచ్చిన సందర్భంలోనే ఢీకొట్టామని నిందితులు పాత మాటలనే పోలీసులకు వినిపించినట్లు సమాచారం. విచారణ అనంతరం సాయంత్రం 6.30 గంటలకు తిరిగి సెంట్రల్‌ జైలుకు అప్పగించారు.ప్రాణాలు కాపాడిన తాటిచెట్టుపెరవలి: ఓ వ్యాన్‌ అదుపుతప్పి పంటబోదెలోకి దూసుకువెళ్లింది. ఈ క్రమంలో అక్కడే ఉన్న తాటిచెట్టును ఢీకొని ఆగిపోయింది. వివర్లాలోకి వెళితే.. జాతీయ రహదారిపై దొమ్మేరు నుంచి కొవ్వూరు వైపు వస్తున్న వ్యాన్‌ అదుపుతప్పి రోడ్డు మార్జిన్‌లోని పంట బోదెలోకి దూసుకుపోయింది. ఈ ఘటనలో డ్రైవర్‌ స్వల్ప గాయాలతో బయటపడ్డాడు. పంట బోదెలోని తాటిచెట్టును ఢీకొని వ్యాన్‌ ఆగిపోవడంతో ప్రమాదం తప్పింది. లేకుంటే బోదెలోకి వ్యాన్‌ దూసుకుపోయి ఎక్కువ నష్టం జరిగేదని స్థానికులు చెబుతున్నారు.

● ముగ్గురు అంతర్‌ జిల్లా దొంగల అరెస్ట్‌ ● 6.90 లక్షల విలువైన సొత్తు స్వాధీనంగణపవరం: చెడు వ్యసనాలకు బానిసలై మూడు జిల్లాల పరిధిలో దొంగతనాలకు పాల్పడుతున్న ముగ్గురు యువకులను గణపవరం పోలీసులు పట్టుకున్నారు. వారి నుంచి రూ.6.90 లక్షల విలువైన బంగారు, వెండి ఆభరణాలు, నాలుగు మోటారు సైకిళ్లను స్వాధీనం చేసుకున్నారు. గణపవరం సర్కిల్‌ కార్యాలయంలో బుధవారం సాయంత్రం ఏలూరు డీఎస్పీ డి.శ్రవణ్‌ కుమార్‌ ఈ కేసు వివరాలు వెల్లడించారు. డాక్టర్‌ బీఆర్‌ అంబేడ్కర్‌ కోనసీమ జిల్లా ఆలమూరు మండలం పెదపళ్ల గ్రామానికి చెందిన కంచర్ల జార్జి బెన్నీ (22), భీమవరం మండలం అనాకోడేరు గ్రామానికి చెందిన ఎల్లమిల్లి సతీశ్‌బాబు (23), కాకినాడకు చెందిన దేవ ప్రకాష్‌ (30) స్నేహితులు. వీరు కొంతకాలంగా చెడు వ్యసనాలకు, విపరీతమైన ఖర్చులకు అలవాటుపడి సులభంగా డబ్బు సంపాదించడం కోసం దొంగతనాలకు పాల్పడుతున్నారు. ఇప్పటి వరకు వీరిపై ఉభయ గోదావరి, కృష్ణా జిల్లాల పరిధిలోని 8 పోలీస్‌ స్టేషన్లలో 14 కేసులు నమోదయ్యాయి. పోలీసుల ముమ్మర దర్యాప్తు ఈ ఏడాది గణపవరం పోలీస్‌స్టేషన్‌ పరిధిలోని పిప్పర, అప్పనపేట గ్రామాలలో మూడు దొంగతనాలకు సంబంధించి కేసులు నమోదయ్యాయి. దీనిపై జిల్లా ఎస్పీ కె.ప్రతాప్‌ శివకిషోర్‌ ఆదేశాల మేరకు, ఏలూరు డీఎస్పీ శ్రవణ్‌ కుమార్‌ ఆధ్వర్యంలో సీఐ నక్కా రజనీ కుమార్‌, ఎస్సై ఆకుల మణికుమార్‌ తమ సిబ్బందితో కలిసి దర్యాప్తు ప్రారంభించారు. ఈ నేపథ్యంలో గణపవరం పోలీస్‌ ఐలాండ్‌ సమీపంలో అనుమానాస్పదంగా సంచరిస్తున్న ఈ ముగ్గురినీ పోలీసులు చాకచక్యంగా అదుపులోకి తీసుకుని విచారించగా, వారు చేసిన దొంగతనాల వివరాలు బయటపడ్డాయి. తాళం వేసిన ఇళ్లను లక్ష్యంగా చేసుకుని దొంగతనాలకు పాల్పడు తున్నట్టు తెలిసింది. వారి నుంచి రూ.3.45 లక్షల విలువైన నాలుగు మోటారు సైకిళ్లతో పాటు మరికొన్ని బంగారు, వెండి వస్తువులను స్వాధీనం చేసుకున్నట్లు డీఎస్పీ తెలిపారు.

రాజమహేంద్రవరం సిటీ: స్థానిక జేఎన్‌ రోడ్డులోని చెరుకూరి వీర్రాజు, సుబ్బలక్ష్మి కన్వెన్షన్‌ సెంటర్‌లో అక్టోబర్‌ 2, 3, 4 తేదీల్లో హోమ్‌ ఎక్స్‌పో నిర్వహిస్తున్నట్లు క్రెడాయ్‌ ప్రతినిధులు వెల్లడించారు. ఈ మేరకు బుధవారం స్థానిక ప్రెస్‌క్లబ్‌లో క్రెడాయ్‌ రాష్ట్ర చైర్మన్‌ బుడ్డిగ శ్రీనివాస్‌, రాజమహేంద్రవరం చాప్టర్‌ చైర్మన్‌ సూరవరపు శ్రీనివాసరావు, ప్రెసిడెంట్‌ మన్యం సంతోష్‌ ఫణికుమార్‌, జనరల్‌ సెక్రటరీ చల్లా బాల మురళీకృష్ణ, ఎన్విరాన్‌మెంట్‌ కమిటీ మెంబర్‌ కర్రి శేఖర్‌రెడ్డి విలేకరుల సమావేశం నిర్వహించారు. ఈ సందర్భంగా ఈ కార్యక్రమ బ్రోచర్‌ను ఆవిష్కరించారు. ప్రతి రెండేళ్లకు ఒకసారి ఎక్స్‌పో నిర్వహిస్తున్నామన్నారు. ఇప్పటికే నిర్వహించిన ఐదు ఎక్స్‌పోలకు మంచి స్పందన వచ్చిందన్నారు. ఈసారి 130 స్టాళ్లతో భారీగా నిర్వహిస్తున్నామని, దీనిలో రకరకాల అధునాతన ఐటమ్స్‌ ఉంటాయన్నారు. బిల్డర్లు, ఆర్కిటెక్ట్స్‌ డిజైన ర్లు ఇలా అన్ని విభాగాలను ఒకే గొడుగు కిందకు తీసుకురావడం వల్ల సొంతిల్లు సమకూర్చుకోవాలని వచ్చేవారికి వెసులుబాటు లభిస్తుందన్నారు. సమావేశంలో క్రెడాయ్‌ రాజమహేంద్రవరం ఉపాధ్యక్షుడు రెడ్డి రామకృష్ణ, కోశాధికారి టీవీఎల్‌ నరసింహారావు, కార్యవర్గ సభ్యులు యెజ్జు శ్రీనివాస కిరణ్‌, బళ్లా వర ప్రసాద్‌, రుత్తల అనిల్‌, కోన మోహనరావు పాల్గొన్నారు.

బిక్కవోలు మండలం పందలపాకలో గణపతిని నిమజ్జనం చేస్తున్న భక్తులు ప్రైవేటు ఆస్పత్రుల్లోనూ.. ప్రభుత్వ ఆస్పత్రితోపాటు రాజమహేంద్రవరంలోని ప్రైవేటు పిల్లల ఆస్పత్రులు, క్లినిక్‌లను కూడా వందల మంది తల్లిదండ్రులు ఆశ్రయిస్తున్నారు. ఉదయం నుంచి రాత్రి వరకు పిల్లలతో వచ్చే కుటుంబాలతో ప్రైవేటు ఆస్పత్రుల్లోనూ రద్దీ కనిపిస్తోంది. సాధారణ జ్వరంగా భావించి తొలుత ఇంటి వద్దే చికిత్స చేయించుకున్నప్పటికీ, జ్వరం రెండు, మూడు రోజులు కొనసాగడం లేదా దగ్గు, శ్వాస సమస్యలు కనిపించడంతో వైద్యులను సంప్రదిస్తున్న వారి సంఖ్య పెరుగుతోంది. ఇదే అదునుగా అక్కడ ఆర్థికంగా దోచేస్తున్నారనే ఆరోపణలు వినిపిస్తున్నాయి. ముఖ్యంగా రక్త పరీక్షల పేరిట భారీగా డబ్బులు గుంజేస్తున్నారని, సాధారణ చార్జీల కంటే రూ.300కు పైగా అదనంగా వసూలు చేస్తున్నారని తల్లిదండ్రులు ఆవేదన వ్యక్తం చేస్తున్నారు.

రాజమహేంద్రవరం సిటీ: నగరాలను సమగ్రంగా అభివృద్ధి చేసేందుకు చేపడుతున్న కార్యక్రమాల్లో భాగంగా హైబ్రిడ్‌ యాన్యుటీ మోడల్‌ ద్వారా రాజమహేంద్రవరం నగరపాలక సంస్థ పరిధిలో రూ.300 కోట్లతో 243 అభివృద్ధి పనులకు మంగళవారం సీఎం చంద్రబాబు వర్చువల్‌ విధానంలో శంకుస్థాపన చేశారు. ఈ సందర్భంగా ఆనం కళాకేంద్రంలో నిర్వహించిన కార్యక్రమానికి నగరపాలక సంస్థ ప్రత్యేక అధికారి, కలెక్టర్‌ కీర్తి చేకూరి, ప్రజా ప్రతినిధులు, అధికారులు హాజరయ్యారు. ఈ సందర్భంగా కలెక్టర్‌ మాట్లాడుతూ రాబోయే గోదావరి పుష్కరాలకు సుమారు ఎనిమిది నెలల సమయం మాత్రమే ఉన్నందున మంజూరైన అభివృద్ధి పనులన్నింటినీ నిర్ణీత కాలవ్యవధిలో పూర్తి చేయాలని అధికారులను ఆదేశించారు. సచివాలయ, ఇంజనీరింగ్‌, పట్టణ ప్రణాళిక తదితర విభాగాల అధికారు లు తమ పరిధిలోని పనులపై పూర్తి బాధ్యత తీసుకుని చొరవతో వ్యవహరించాలని సూచించారు. క్షేత్రస్థాయిలో ఎదురయ్యే సమస్యల పరిష్కారం కోసం పైస్థాయి సమీక్ష కోసం వేచి ఉండకుండా సంబంధిత అధికారుల దృష్టికి వెంటనే తీసుకెళ్లి పరిష్కరించుకోవాలని తెలిపారు. కార్యక్రమంలో ఎమ్మెల్యే ఆదిరెడ్డి శ్రీనివాస్‌, కమిషనర్‌ రాహుల్‌ మీనా, రుడా చైర్మన్‌ బొడ్డు వెంకటరమణ చౌదరి, సహయ కలెక్టర్‌ కె.ఆదిత్య శర్మ, అదనపు ఎస్పీ దేవరాజ్‌ మనీష్‌ పాండే, డిప్యూటీ కమిషనర్‌ ఎస్‌.వెంకటరమణ, సూపరింటెండింగ్‌ ఇంజినీర్‌ రీటా, సిటీ ప్లానర్‌ జీవీఎస్‌ఎన్‌ మూర్తి, ఈఈలు మదర్షా అలీ, మాధవి తదితరులు పాల్గొన్నారు.

అల్లవరం: మండలంలోని కొమరగిరిపట్నం సముద్ర తీర ప్రాంతం నుంచి ఎలాంటి రికార్డులు, బిల్లులు లేకుండా సముద్రపు ఇసుకను తరలిస్తున్న మూడు ఇసుక లారీలు, మెటల్‌ లోడుతో(బండరాళ్లు) ఉన్న రెండు లారీలను సీజ్‌ చేసినట్టు జిల్లా మైనింగ్‌ అధికారి అశోక్‌ మంగళవారం తెలిపారు. వివర్లాలోకి వెళితే.. ఓడలరేవు తీరంలో గ్రోయిన్స్‌ నిర్మాణాలకు తరలిస్తున్న రెండు మెటల్‌ లోడు లారీలతో పాటుగా, కొమరగిరిపట్నం తీరం నుంచి అక్రమ ఇసుక తరలిస్తుండగా మైన్స్‌ అధికారులు రాత్రి పది గంటల సమయంలో మెరుపు దాడి చేశారు. అయితే లారీల డ్రైవర్లుఽ అధికారుల కన్నుగప్పి తప్పించుకునే ప్రయత్నం చేశారు. మైన్స్‌ అధికారులు ఆ లారీల వెంట పడి వాటిని అల్లవరం పోలీస్‌ స్టేషన్‌కు తీసుకువచ్చి అప్పగించారు. రాత్రి పది గంటలకు వేట ప్రారంభిస్తే తెల్లవారుజాము 3 గంటలకు లారీలను స్వాధీనం చేసుకున్నామన్నారు. ఇసుక తరలిస్తున్న లారీలకు రికార్డులు, బిల్లులు లేవని, ఏ పాయింట్‌ నుంచి ఇసుక వస్తుందో గుర్తించి తదుపరి చర్యలు తీసుకుంటామని అశోక్‌ తెలిపారు. జిల్లా మైనింగ్‌ అధికారిగా బాధ్యతలు చేపట్టిన నాటి నుంచి ఇప్పటి వరకు రూ. 10 లక్షల వరకు అక్రమ ఇసుకపై పెనాల్టీ విధించడం జరిగిందన్నారు. రూ.4.50 లక్షలు పలికిన గణేష్‌ లడ్డూ రాజోలు: వినాయక చవితి ఉత్సవాల్లో భాగంగా గణనాథుడి చేతులో ఉంచిన 26 కేజీల లడ్డూకు వేలం పాట నిర్వహించగా రికార్డు స్థాయిలో రూ.4,50,100 పలికింది. వివరాల్లోకి వెళితే.. రాజోలు కోళ్ల వారి వీధిలో వనువులమ్మ, కనకదుర్గమ్మ యూత్‌ ఆధ్వర్యంలో భారీ గణనాథుని విగ్రహాన్ని ఏర్పాటు చేశారు. స్వామివారి చేతిలో 26 కేజీల ఆదా లడ్డూను ఉంచి పూజలు నిర్వహించారు. కమిటీ ఆధ్వర్యంలో లడ్డూకు వేలంపాట నిర్వహించగా అదే ప్రాంతానికి చెందిన యెరుబండి గణేష్‌ రూ.4,50,100కు దక్కించుకున్నారు. ఈ సందర్భంగా ఆయనను కమిటీ సభ్యులు ఘనంగా సత్కరించారు. ఏటా తమ కుటుంబ సభ్యులు లడ్డూను దక్కించుకుంటున్నారని, ఈసారి కూడా తమకే రావడం సంతోషంగా ఉందని గణేష్‌ అన్నారు. అలాగే గణనాథుడి మెడలో రూ.రెండు వేల విలువైన రూ.20 నోట్ల దండను రూ.32 వేలకు కటికిరెడ్డి శ్రీలక్ష్మి, రూ.10, రూ.5 నాణేల దండను దాసరి బాలాజీ రూ. 27 వేలకు వేలం పాటలో దక్కించుకున్నారు.

ఫ జాతీయ సాఫ్ట్‌బాల్‌ పోటీలకు దీపిక ఫ రాష్ట్రస్థాయి సైన్స్‌ సెమినార్‌కు సిద్ధార్థ కాజులూరు: మండలంలోని గొల్లపాలెం జెడ్పీ హైస్కూల్‌కు చెందిన కాకరపల్లి లోకే శ్వరి దీపిక జాతీయ స్థాయి సాప్ట్‌ బాల్‌ పోటీలకు ఎంపికై ంది. ఈ మేరకు మంగళవారం పాఠశాలలో హెచ్‌ఎం ఎస్‌ఎస్‌బీ సుశీలమణి ఆధ్వర్యంలో అభినందన సభ నిర్వహించారు. పీడీ సునీల్‌ కుమార్‌ మాట్లాడుతూ బొబ్బిలిలో ఈ నెల 11, 12, 13 తేదీల్లో రాష్ట్ర స్థాయి సబ్‌ జూనియర్‌ సాఫ్ట్‌ బాల్‌ పోటీలు జరిగాయన్నారు. ఆ పోటీల్లో ఉమ్మడి తూర్పుగోదావరి జిల్లా నుంచి పలువురు క్రీడాకారులు పాల్గొనగా, జట్టులో తమ పాఠశాల తొమ్మిదవ తరగతి విద్యార్థిని దీపిక ప్రతిభ కనపరచి, జాతీయ స్థాయి పోటీలకు ఎంపికై ందన్నారు. మహారాష్ట్రలో ఈ నెల 27 నుంచి 30వ తేదీ వరకు జరిగే 39వ జాతీయస్థాయి సాఫ్ట్‌బాల్‌ పోటీల్లో దీపిక రాష్ట్ర జట్టు తరఫున పోటీపడుతుందన్నారు. కాగా.. స్కూల్‌ కమిటీ మాజీ చైర్మన్‌ మాతా నాగరాజు, స్థానిక పీఏసీఎస్‌ డైరెక్టర్‌ బుంగ నాగేశ్వరరావు, బిరుదా సత్యనారాయణమూర్తి.. దీపికను అభినందిస్తూ కోచింగ్‌ క్యాంప్‌, ప్రయాణ ఖర్చులు నిమిత్తం ఆర్థిక సహకారం అందించారు. సీతానగరం: రాష్ట్ర స్థాయి సైన్స్‌ సెమినార్‌కు మండలంలోని రామచంద్రపురం జెడ్పీహెచ్‌ స్కూల్‌ విద్యార్థి ఎస్‌.సిద్ధార్థ ఎంపికై య్యాడు. ఇండియన్‌ ఎనర్జీ బాస్కెట్‌ 2047 ప్రపోజల్‌ అండ్‌ ఛాలెంజెస్‌ అనే అంశంపై జరిగిన పోటీలో మండల స్థాయిలో గెలిచి, మంగళవారం రాజమహేంద్రవరం ఎస్‌కేవీటీ ప్రభుత్వ పాఠశాలలో జరిగిన సెమినార్‌లో ద్వితీయ స్థానంలో నిలిచాడు. తద్వారా ఈ నెల 24న విజయవాడలో జరగబోయే రాష్ట్ర స్థాయి సెమినార్‌కు ఎంపికయ్యాడు. ఈ సందర్భంగా విద్యార్థి సిద్ధార్థ, గైడ్‌ టీచర్‌ కె.సత్యశ్రీలను జిల్లా విద్యాశాఖ అధికారి కె.వాసుదేవరావు, జిల్లా సైన్స్‌ అధికారి నెహ్రూ, మండల విద్యాశాఖ అధికారులు కె.స్వామి నాయక్‌, ఎస్‌.ఉషారాణి, పాఠశాల హెచ్‌ఎం బి.లీనా ప్రణీత కుమారి, ఉపాధ్యాయ సిబ్బంది, గ్రామస్తులు అభినందించారు.

గోదావరి ఒడ్డున ఇటు అంతర్వేది నుంచి ఎగువన ఏజెన్సీలోని దేవీపట్నం వరకు.. సాగర తీరాన అదే అంతర్వేది నుంచి ఎగువన తుని వరకు.. చారిత్రక నగరం రాజమహేంద్రవరం నుంచి విప్లవ వీరుడు అల్లూరి సీతారామరాజు నడయాడిన రాజవొమ్మంగి వరకు.. కాకినాడ నుంచి రావులపాలెం వరకు.. దట్టమైన రంపచోడవరం అడవుల నుంచి సువిశాల జలధి వరకు.. 62 మండలాల్లోని పల్లెలన్నింటినీ ఒకే గొడుగు కింద నిలిపిన పెద్ద ఇల్లు ఉమ్మడి తూర్పు గోదావరి జిల్లా పరిషత్‌. ఆ పెద్ద ఇంటితో బంధం మరో 24 గంటల్లో దూరం కానుంది. సాక్షి, అమలాపురం: గోదావరి అప్పుడప్పుడు మాత్రమే పొంగుతుంది. కానీ, గోదావరి జిల్లాల వాసుల బంధాలు.. అనుబంధాలు ఎప్పుడూ పొంగుతూనే ఉంటాయి. పరిపాలనా సౌలభ్యం కోసం మ్యాపులో గీతలు గీసి జిల్లాలను భౌగోళికంగా విభజించారు. కానీ, మానసికంగా మాత్రం ఇక్కడి ప్రజల్లో ‘ఉమ్మడి’ అనే మూడు అక్షరాల సెంటిమెంట్‌ అలాగే ఉండిపోయింది. జిల్లాల పునర్విభజన అనంతరం ఉమ్మడి తూర్పు గోదావరి జిల్లాకు చివరి గుర్తులుగా మిగిలినవి రెండే రెండు. ఒకటి డీసీసీబీ, రెండోది జిల్లా పరిషత్‌. అందులోనూ జిల్లా పరిషత్‌తో ఉన్న అనుబంధం మాటల్లో చెప్పలేనిది. పల్లె పల్లెకూ రోడ్లు వేసింది.. ప్రతి ఊరికీ బడి కట్టింది.. ఎన్నో కుటుంబాలకు ఉపాధి చూపింది జిల్లా పరిషత్తే. శతాబ్దానికి పైబడిన ప్రస్థానం పరిపాలన కోసం బ్రిటిష్‌ వాళ్లు 1917లో జిల్లా బోర్డును ఏర్పాటు చేసినప్పుడు మొదలైందీ ప్రయాణం. స్వాతంత్య్రం వచ్చాక జిల్లా పరిషత్‌గా మారి శాఖోపశాఖలుగా విస్తరించింది. 1987లో జిల్లా ప్రజా పరిషత్‌గా పేరు మార్చుకుని ప్రజాస్వామ్యానికి పట్టం కట్టింది. 109 వసంతాల మహావృక్షంగా ఎదిగిన ఈ వ్యవస్థ చరిత్రలో ఎన్నో మలుపులు చూసింది. రావు బహదూర్‌ బిరుదులు పొందిన జమీందార్ల నుంచి, పుష్కర కాలం పాటు జెడ్పీని ఏలిన ఎస్‌బీపీబీకే సత్యనారాయణరావు వరకు.. జెడ్పీ చైర్మన్‌గా మొదలై ఢిల్లీలో లోక్‌సభ స్పీకర్‌ స్థాయికి ఎదిగిన కోనసీమ బిడ్డ దివంగత జీఎంసీ బాలయోగి వరకు.. తొలి మహిళా చైర్‌పర్సన్‌గా చరిత్ర సృష్టించిన వంగా గీతా విశ్వనాథ్‌ నుంచి.. ఇరిగేషన్‌ శాఖలో ఏఈ నుంచి ఎస్‌ఈ వరకు విధులు నిర్వహించి, చివరి ఉమ్మడి జెడ్పీ చైర్మన్‌గా నిలిచిన విప్పర్తి వేణుగోపాలరావు వరకు.. మొత్తం 23 మంది ఎన్నికై న చైర్మన్లు ఈ వేదిక మీద నుంచే ప్రజలకు సేవలందించారు. జెడ్పీ చైర్మన్‌ నుంచి ఉన్నత పదవులకు.. ఉమ్మడి జెడ్పీ చైర్మన్‌గా పని చేసిన వారు ఆ తరువాత రాజకీయంగా ఉన్నత స్థానాలకు వెళ్లడం ఆనవాయితీగా మారింది. ఒకరిద్దరు మినహా చాలా మంది ఉన్నత పదవులు పొందారు. పంతం పద్మనాభం రాష్ట్ర మంత్రిగా పని చేయగా, ఎస్‌బీపీబీకే సత్యనారాయణరావు కేంద్ర మంత్రి అయ్యారు. బొడ్డు భాస్కర రామారావు రాష్ట్ర ప్రణాళికా బోర్డు వైస్‌ చైర్మన్‌గా క్యాబినెట్‌ హోదాలో పని చేశారు. జీఎంసీ బాలయోగి రాష్ట్ర మంత్రిగానే కాకుండా ఏకంగా లోక్‌సభ స్పీకర్‌ సైతం అయ్యారు. వంగా గీతా విశ్వనాథ్‌ ఎమ్మెల్యేగా, లోక్‌సభ, రాజ్యసభ సభ్యురాలిగా సేవలందించారు. చెల్లుబోయిన శ్రీనివాస వేణుగోపాలకృష్ణ రాష్ట్ర మంత్రిగా పని చేశారు. నేడు ఆత్మీయ వీడ్కోలు ఇంతటి ప్రాధాన్యం ఉన్న ఉమ్మడి తూర్పు గోదావరి జిల్లా పరిషత్‌ చరిత్రకు గురువారంతో తెర పడనుంది. ప్రస్తుత పాలకవర్గం పదవీ కాలం ఆ రోజుతో ముగియనుంది. ఈ సందర్భంగా కాకినాడలోని జెడ్పీ కార్యాలయంలో జెడ్పీటీసీలు, ఎంపీపీలు, అధికారులు, సిబ్బంది చివరిసారిగా బుధవారం ఆత్మీయంగా కలుసుకోనున్నారు. ఒకరినొకరు పలకరించుకుంటూ, పాత జ్ఞాపకాలను నెమరు వేసుకుంటూ ఉమ్మడి జెడ్పీకి ఘనంగా వీడ్కోలు పలకనున్నారు. నాలుగు పరిషత్తులుగా.. ఉమ్మడి తూర్పు గోదావరి జిల్లా పరిషత్‌ ఈ నెల 25న నాలుగింటిగా విడిపోనుంది. జీఓ నంబర్లు 115, 116 ప్రకారం 21 మండలాలతో తూర్పు గోదావరి, 20 మండలాలతో కాకినాడ, 19 మండలాలతో డాక్టర్‌ బీఆర్‌ అంబేడ్కర్‌ కోనసీమ, 12 మండలాలతో పోలవరం జిల్లాలకు కొత్తగా పరిషత్‌లు ఏర్పడనున్నాయి.ఇప్పటి వరకు ఎన్నికై న చైర్మన్లు వీరే.. జిల్లా బోర్డు ఉన్న కాలంలో 10 మంది అధ్యక్షులుగా పని చేశారు. 1959లో ఉమ్మడి తూర్పు గోదావరి జిల్లా పరిషత్‌, 1987లో జిల్లా ప్రజా పరిషత్‌గా ఉన్న కాలంలో 13 మంది చైర్మన్లుగా సేవలందించారు. జెడ్పీ చైర్మన్‌ పదవీ కాలం తోట రామస్వామి 1959–64 ఎస్‌బీపీబీకే సత్యనారాయణరావు 1964–76 పంతం పద్మనాభం 1981–83 బొడ్డు భాస్కర రామారావు 1983–86 జీఎంసీ బాలయోగి 1987–91 గారపాటి గంగాధర రామారావు చౌదరి 1991–92 వంగా గీతా విశ్వనాథ్‌ 1995–2000 గుత్తుల బులిరాజు 2000 దున్నా జనార్దనరావు 2001 చెల్లుబోయిన శ్రీనివాస వేణుగోపాలకృష్ణ 2006–11 నామన రాంబాబు 2014–17 జ్యోతుల నవీన్‌ కుమార్‌ 2017–19 విప్పర్తి వేణుగోపాలరావు 2021–26 సెప్టెంబర్‌ 24 వరకుసిబ్బంది విభజనకొత్త జిల్లా పరిషత్‌ల ఏర్పాటుకు సమయం దగ్గర పడుతూండటంతో విభజన ప్రక్రియను ప్రభుత్వం వేగవంతం చేసింది. జెడ్పీ పరిధిలోని 62 మండలాలకు చెందిన ఉద్యోగులను కొత్తగా పునర్వ్యవస్థీకరించిన నాలుగు జిల్లాలకు తాత్కాలికంగా కేటాయిస్తూ పంచాయతీరాజ్‌, గ్రామీణాభివృద్ధి శాఖ కమిషనర్‌ వీఆర్‌ కృష్ణతేజ మైలవరపు ఉత్తర్వులు జారీ చేశారు. దీని ప్రకారం ఉమ్మడి జిల్లా నుంచి ఏర్పడిన కొత్త జిల్లాలకు మండలాల వారీగా ఉద్యోగులను విభజించారు. మొత్తం 106 మంది సిబ్బంది ఉండగా, వారిని మండలాల నిష్పత్తి ప్రకారం విభజించారు. జిల్లా హెడ్‌ కాకుండా మిగిలిన సిబ్బంది కేటాయింపులు ఇలా.. ఫ ఉమ్మడి జెడ్పీకి మరో 24 గంటల్లో తెర ఫ 109 ఏళ్ల ప్రస్థానానికి ముగింపు ఫ ప్రస్తుత పాలకవర్గం గడువు రేపటితో పూర్తి ఫ 25 నుంచి నాలుగు కొత్త జిల్లా పరిషత్‌లు హోదా మొత్తం జిల్లాల వారీగా కేటాయించిన సిబ్బంది పోస్టులు తూర్పు గోదావరి కాకినాడ కోనసీమ పోలవరంఅడ్మినిస్ట్రేటివ్‌ ఆఫీసర్‌ 11 2 4 3 2 సీనియర్‌ అసిస్టెంట్‌ 24 5 8 7 4 జూనియర్‌ అసిస్టెంట్‌ 42 8 14 13 7 టైపిస్ట్‌ 7 2 2 2 1 ఆఫీస్‌ సబార్డినేట్‌ 18 3 6 6 3 ఫ డ్రైవర్లు ముగ్గురు, రికార్డు అసిస్టెంట్లు ఇద్దరు, క్లాస్‌–4 సిబ్బంది నలుగురిని కూడా నిష్పత్తి వారీగా విభజించారు. యూడీ స్టెనో, ఎల్‌డీ స్టెనో, దఫేదార్‌/ల్యాబ్‌ అసిస్టెంట్‌ పోస్టులు ప్రస్తుతం ఖాళీగా ఉన్నట్లు పేర్కొన్నారు.

ఫ డి.రావులపాలెం పంచాయతీ బిల్లుల్లో అవకతవకలు ఫ జనసేన మాజీ సర్పంచ్‌పై ఫిర్యాదు ఫ ఇంటి పన్ను వసూలులోనూ కార్యదర్శి చేతివాటం అల్లవరం: లెక్కల్లో తప్పులు చూపించి, లక్షల రూపాయలను దర్జాగా నొక్కేశారు. ఆపై ఇంటి పన్నుల వసూలులోనూ చేతివాటం చూపారు. ఇలా ప్రభుత్వ సొమ్ములను తన సొంత డబ్బులా వాడుకున్నారు. అల్లవరం మండలం డి.రావులపాలెం పంచాయతీలో సిబ్బంది తప్పుడు బిల్లులతో లక్షల రూపాయల నిధుల దుర్వినియోగానికి పాల్పడ్డారు. దీనిపై ఆ గ్రామానికి చెందిన పప్పుల దుర్గాప్రసాద్‌ ఇటీవల ఉప ముఖ్యమంత్రి పవన్‌ కళ్యాణ్‌కు, పంచాయతీరాజ్‌ కమిషనర్‌కు, కలెక్టర్‌కు, డీపీఓకు ఫిర్యాదు చేశారు. 2018 నుంచి ఫిబ్రవరి 2026 వరకు సమాచార హక్కు చట్టం ద్వారా సేకరించిన పంచాయతీ జమాఖర్చుల్లో లోపాలను గుర్తించి ఫిర్యాదు చేశారు. జనసేన పార్టీకి చెందిన మాజీ సర్పంచ్‌, ఇప్పటి వరకు బాధ్యతలు చేపట్టిన కార్యదర్శులు ఈ నిధులు దుర్వినియోగానికి పాల్పడ్డారని ఫిర్యాదులో పేర్కొన్నారు. వివరాలు ఇవీ.. డి.రావులపాలెం పంచాయతీలో 2018 నుంచి 2026 ఫిబ్రవరి వరకు వివిధ పనులు చేసినట్టు బిల్లులు పెట్టి సుమారు రూ.86.17 లక్షలు తీసుకున్నారు. మొంథా తుపాను సమయంలో ప్రజలకు సరఫరా చేసిన తాగునీరు, ముగ్గు, బ్లీచింగ్‌, పారిశుధ్యానికి సంబంధించి ఖర్చు, 2024 నుంచి క్లాప్‌ మిత్రలకు ఇచ్చిన జీతాలు, ఈఓపీఆర్‌డీ కార్యాలయంలో విధులు నిర్వర్తించే కంప్యూటర్‌ ఆపరేటర్‌కు ఈ పంచాయతీ నుంచే జీతాలు చెల్లించినట్లుగా పలు బిల్లులు సృష్టించారు. వాటితో దర్జాగా డబ్బులను డ్రా చేసుకున్నారు. వాస్తవానికి ఆ డబ్బులో దాదాపు రూ.40 లక్షలు కుడా ఖర్చు చేయలేదని ఫిర్యాదుదారుడు తెలిపాడు. కార్యదర్శి దందా! ఏడాది కాలంగా విధులు నిర్వహిస్తున్న ఓ కార్యదర్శి ప్రజల నుంచి ఇంటి పన్నులు వసూలు చేసుకుని, రశీదు ఇవ్వడం లేదు. పన్ను డిమాండ్‌ నోటీసులపై ఫెయిడ్‌ అని రాసి ప్రజలకు ఇస్తున్నాడు. రశీదు కోసం నిలదీసిన వారికి మాత్రం డబ్బులను వాపస్‌ చేస్తున్నాడు. ఈ విషయంపై కూడా దుర్గా ప్రసాద్‌ అధికారులకు ఫిర్యాదు చేశాడు. కార్యదర్శిని నమ్మి ఇంటి పన్ను డబ్బులు ఇస్తే డిమాండ్‌ నోటీసులు ఇచ్చి మోసానికి పాల్పడ్డారని గ్రామస్తులు తెలిపినట్టు ఆయన చెప్పాడు. గత సర్పంచ్‌, పంచాయతీ సిబ్బంది కుమ్మకై ్క ప్రజాధనం దుర్వినియోగానికి పాల్పడ్డారని, ఉన్నతాధికారులకు ఫిర్యాదు చేస్తే ఎలాంటి స్పందన లేదని ఆరోపించాడు. ఈ అవకతవకలపై కలెక్టర్‌ స్పందించి, పూర్తి స్థాయి విచారణ చేసి బాధ్యులపై చర్యలు తీసుకోవాలని కోరాడు. ఈ విషయంపై డీఎల్‌పీఓ బొజ్జిరాజును వివరణ కోరగా ఫోన్‌ ద్వారా సమాచారం ఇచ్చారని, రాతపూర్వకంగా ఫిర్యాదు వస్తే విచారణ చేపడుతామని తెలిపారు.

కొబ్బరి రకం ధర (రూ.) కొత్త కొబ్బరి (క్వింటాల్‌) 16,000 – 17,000 కొత్త కొబ్బరి (రెండో రకం) 15,000 – 16,000 కురిడీ కొబ్బరి (పాతవి) గండేరా (వెయ్యి) 24,500 గటగట (వెయ్యి) 22,000 కురిడీ కొబ్బరి (కొత్తవి) గండేరా (వెయ్యి) 23,500 గటగట (వెయ్యి) 21,000 నీటికాయ పాత (ముక్కుడు) కాయ (వెయ్యి) 20,000 – 21,000 కొత్త (పచ్చి) కాయ (వెయ్యి) 20,000 – 21,000 కొబ్బరి నూనె (15 కిలోలు) 5,000 కిలో 350

ఫ వారిలో ఇద్దరు మైనర్‌ బాలురు ఫ పరారీలో మరో నిందితుడు ఫ ఏడు బైక్‌లు, దుస్తులు, సిగరెట్‌ ప్యాకెట్ల స్వాధీనం గోకవరం: చోరీలకు పాల్పడుతున్న నలుగురు యువకులను గోకవరం పోలీసులు అదుపులోకి తీసుకున్నారు. వారి నుంచి ఏడు బైక్‌లు, దుస్తులు, సిగరెట్‌ ప్యాకెట్లు స్వాధీనం చేసుకున్నారు. దీనికి సంబంధించిన వివరాలను మంగళవారం స్థానిక పోలీస్‌ స్టేషన్‌లో కోరుకొండ సీఐ ఎస్‌వీవీఎస్‌ మూర్తి విలేకరులకు వెల్లడించారు. మండలంలోని వీరలంకపల్లి సెంటర్‌లో ఉన్న షాపులో ఈ నెల 5వ తేదీ అర్ధరాత్రి షాపు తాళాలు పగులగొట్టి సీసీ కెమెరాను ధ్వంసం చేసి, దానిలో దుస్తులు, కళ్లజోళ్లను దొంగలు చోరీ చేశారు. దీనిపై ఎస్సై పవన్‌ కుమార్‌ కేసు నమోదు చేసి దర్యాప్తు ప్రారంభించారు. దీనిలో భాగంగా రంపచోడవరానికి చెందిన కీలు శివ, గోకవరానికి చెందిన కామాకుల వినయ్‌ (గుండు), అడ్డతీగలకు చెందిన ఇద్దరు మైనర్‌ బాలురను అదుపులోకి తీసుకుని విచారణ చేశారు. దీంతో వారు వీరలంకపల్లిలో టీ షాపులో తాళాలు పగులగొట్టి సుమారు రూ.5 వేలు నగదు, సిగరెట్లు దొంగలించామని ఒప్పుకున్నారు. అలాగే కొంతమూరు, నల్లజర్ల హైవే పరిధిలో సుమారు ఏడు బైక్‌లు చోరీ చేశారని గుర్తించి, వీరి నుంచి ఏడు బైక్‌లు, సిగరెట్లు, దుస్తులు స్వాధీనం చేసుకోవడం జరిగిందన్నారు. ఈ కేసులో మరో యువకుడు పరారీలో ఉన్నాడని సీఐ తెలిపారు. పట్టుబడిన వారిలో పలువురిపై అడ్డతీగల, రాజానగరం పోలీస్‌స్టేషన్లలో పాత కేసులు ఉన్నట్టు గుర్తించామన్నారు. నిందితులను రాజమహేంద్రవరం కోర్టులో హాజరుపరుస్తామన్నారు.

● చంద్రబాబు, పవన్‌ కల్యాణ్‌ సమాధానం చెప్పాలి ● వైఎస్సార్‌ సీపీ నాయకురాలు జక్కంపూడి విజయలక్ష్మి ● రాజానగరం వేంకటేశ్వరస్వామి ఆలయంలో పూజలు రాజానగరం: తిరుమలేశుని లడ్డూ ప్రసాదంలో జంతు కొవ్వు కలిసిందంటూ తప్పుడు ప్రచారం చేసిన సీఎం, డిప్యూటీ సీఎంలు భక్తులకు బహిరంగ క్షమాపణలు చెప్పాలని వైఎస్సార్‌ సీపీ అమలాపురం పార్లమెంటరీ నియోజకవర్గ పరిశీలకురాలు జక్కంపూడి విజయలక్ష్మి డిమాండ్‌ చేశారు. లడ్డూ ప్రసాదంలో జంతు కొవ్వు కలవలేదని ఈడీ కూడా తేల్చి చెప్పిన నేపథ్యంలో మంగళవారం రాజానగరం రావుల చెరువు గట్టున ఉన్న వేంకటేశ్వరస్వామిని పార్టీ నాయకులతో కలిసి ఆమె దర్శించుకుని, ప్రత్యేక పూజలు చేశారు. గుడి మెట్లను నీటితో కడిగి, పసుపు, కుంకుమలతో బొట్లు పెట్టారు. అనంతరం విలేకరులతో మాట్లాడుతూ కోట్లాది మంది భక్తుల మనోభావాలు తినేలా, ప్రతిపక్షాన్ని టార్గెట్‌ చేస్తూ ఆడిన లడ్డూ డ్రామాపై చంద్రబాబు, పవన్‌ కల్యాణ్‌లు ప్రజలకు సమాధానం చెప్పాలన్నారు. లడ్డూ ప్రసాదంలో కల్తీ జరిగిందని 2024లో ఈ పెద్దలు చేసిన ఆరోపణలపై సుప్రీంకోర్టు పర్యవేక్షణలో సీబీఐ ప్రత్యేక బృందం దర్యాప్తు చేపట్టిందన్నారు. తాజాగా వెలువడిన దర్యాప్తు వివరాల ప్రకారం లడ్డూ ప్రసాదంలో జంతు కొవ్వు కలవలేదని స్పష్టం చేశారన్నారు. చంద్రబాబు తన రాజకీయ స్వార్థం కోసం స్వామి వారి లడ్డూ ప్రసాదాన్ని వివాదంలోకి తీసుకువచ్చారన్నారు. పవన్‌కల్యాణ్‌ ఈ వ్యవహారంపై ఇప్పుడు ఏం సమాధానం చెబుతారని ఆమె ప్రశ్నించారు. కార్యక్రమంలో వైఎస్సార్‌ సీపీ మండల కన్వీనర్‌ దూలం పెద్ద, జెడ్పీటీసీ సభ్యుడు వాసంశెట్టి పెద వెంకన్న, సీనియర్‌ నాయకులు గంగిశెట్టి సోమేశ్వరరావు, మండారపు వీర్రాజు, పార్టీ అనుబంధ కమిటీల ప్రతినిధులు పాల్గొన్నారు.

ప్రజలకు అతి తక్కువ ధరకే సన్నబియ్యం అందిస్తామని చంద్రబాబు సర్కార్‌ గొప్పగా ప్రచారం చేసింది. మార్కెట్‌ ధర కన్నా తక్కువకు సరఫరా చేస్తామని హామీ ఇచ్చింది. ఆ మేరకు జిల్లాలో విక్రయ కేంద్రాలు ఏర్పాటు చేసి, ఆర్భాటంగా ప్రారంభించింది. కానీ ప్రజలకు ఇచ్చిన వాగ్దానాన్ని పూర్తిస్థాయిలో అమలు చేయలేక చేతులెత్తేసింది. దీంతో తక్కువ ధరకే సన్నబియ్యం పొందాలన్న ప్రజల ఆశలు సన్నగిల్లిపోయాయి.● సన్నబియ్యం అందించడంలో చంద్రబాబు విఫలం ● కాగితాల్లోనే 46 బియ్యం విక్రయ కేంద్రాలు ● క్షేత్ర స్థాయిలో సగానికి పైగా క్లోజ్‌ ● మిల్లర్ల నుంచి సరఫరా లేక మూసివేత సాక్షి, రాజమహేంద్రవరం: బహిరంగ మార్కెట్‌లో స న్నబియ్యం ధరలు మండిపోతున్నా చంద్రబాబు స ర్కార్‌ నియంత్రించలేకపోతోంది. మరో వైపు సామాన్యులకు తక్కువ ధరకు సన్నబియ్యం అందించేందుకు ఏర్పాటు చేసిన విక్రయ కేంద్రాలు కాగితాలపైనే కనిపిస్తున్నాయి. మార్కెట్‌ ఇంటర్వెన్షన్‌ ప్రోగ్రాం (ఎంఐపీ) కింద కిలో బీపీటీ స్టీమ్‌ రైస్‌ రూ.52, బీపీటీ ముడిబియ్యం రూ.50కి విక్రయించేలా పౌరసరఫరాల శాఖ జిల్లా అధికారులు ప్రకటించారు. ఈ మేరకు గత నెల 3న జిల్లాలో 46 కేంద్రాలు ఏర్పాటు చేశారు. కొన్ని కేంద్రాలను నేరుగా మిల్లుల వద్దే ఏర్పాటు చేయగా ఆ విషయం తెలియని జనాలు అక్కడ కొనుగోళ్లు చేయడమే లేదు. ఇక రాజమహేంద్రవరం నగరంలోని వీఎల్‌పురం, ఆర్ట్స్‌ కళాశాల రోడ్డులోని వై.జంక్షన్‌, గణేష్‌ చౌక్‌, క్వారీ జంక్షన్‌, ఆర్యాపురం, శంభూనగర్‌, నటరాజ్‌ సెంటర్‌, మండపేటలోని రైతుబజార్లలో సన్నబియ్యం కొనుగోలు కౌంటర్లను ఏర్పాటు చేశారు. వీటికి కొందరు మిల్లర్లను అనుసంధానించి బియ్యం సరఫరా చేసేలా ఏర్పాటు చేశారు. అయితే ఆ మిల్లర్లు సరఫరా చేసినప్పుడు ఇక్కడ విక్రయించడం, లేని రోజు దుకాణాలు మూసేసే పరిస్థితి నెలకొంది. ఈ ప్రక్రియను పౌర సరఫరాల శాఖ అధికారులు పర్యవేక్షించకపోవడంతో కొనుక్కుందామనుకునే సామాన్యులకు సన్నబియ్యం దొరకడం లేదు. ప్రారంభంలో 10 కిలోల సీలింగ్‌ పౌర సరఫరాల శాఖ ఏర్పాటు చేసిన కౌంటర్లలో ఎక్కువ మంది బీపీటీ స్టీమ్‌ రైస్‌ కొనుగోలుకే ఆసక్తి చూపిస్తున్నారు. అయితే కౌంటర్లు ఏర్పాటు చేసిన ప్రారంభంలో అధికారులు సీలింగ్‌ విధించారు. రేషన్‌, ఆధార్‌ కార్డు ఆధారంగా ఒక్కొక్కరికి రూ.10 కిలోలు మాత్రమే ఇచ్చేవారు. ఓ చిన్న కుటుంబం నెలకు 25 కిలోల వరకూ బియ్యం వినియోగిస్తుంది. దీంతో అటువంటి వారు ఇక్కడ పది కిలోలు కొనుగోలు చేసి, మిగిలినవి బహిరంగ మార్కెట్‌లో కొనుగోలు చేయలేక కౌంటర్ల వద్దకు రావడం మానేశారు. కొద్ది రోజుల నుంచి అధికారులు సీలింగ్‌ ఎత్తేసి ఒక్కొక్కరికి 25 కిలోల చొప్పున విక్రయిస్తున్నా ఈ విషయం జనానికి తెలియడం లేదు. ఇదే అదునుగా కొంత మంది కిరాణా దుకాణదారులు తమకు తెలిసిన వారి ఆధార్‌, రేషన్‌కార్డులు తీసుకొచ్చి నాలుగైదు బస్తాలు తీసుకెళ్లిపోతున్నారు. వాటిని విడిగా మళ్లీ కిలో రూ.70 లెక్కన విక్రయిస్తుండడం గమనార్హం. ప్రచారం చేయక.. జిల్లా వ్యాప్తంగా 1,018 మంది రేషన్‌ డీలర్ల పరిధిలో 6.58 లక్షల రేషన్‌ కార్డులున్నాయి. అయితే జిల్లాలో గొప్పగా ప్రారంభించిన బియ్యం కౌంటర్లలో ఇప్పటి వరకూ 12,150 మంది కార్డుదారులకే ఈ పథకం ద్వారా ప్రయోజనం చేకూరినట్లు ప్రభుత్వ గణాంకాలే చెబుతున్నాయి. అంటే మొత్తం కార్డుదారుల్లో కేవలం 2 శాతం మంది మాత్రమే కౌంటర్లలో బియ్యం కొనుగోలుకు ఆసక్తి చూపారని తెలుస్తోంది. వాస్తవానికి ఈ కేంద్రాలున్న విషయం జిల్లాలోని 95 శాతం మంది కార్డుదారులకు తెలియదు. పూర్తిస్థాయిలో ప్రచారం చేయకపోవడమే దీనికి కారణం. పర్యవేక్షణ కరువై.. మొదట్లో ఆర్భాటం చేసినప్పటికీ క్రమంగా అధికారుల పర్యవేక్షణ కొరవడడంతో విక్రయాలు అటకెక్కాయి. మరోవైపు కేంద్రాలు తెరిచినప్పటి నుంచి నేటి వరకూ 12,150 మంది రైస్‌కార్డుదారులకు 157 మెట్రిక్‌ టన్నుల బియ్యం విక్రయించినట్లు పౌరసరఫరాల శాఖ అధికారులు చెబుతున్నారు. అయితే రైతుబజార్లలో బియ్యం అందుబాటులో ఉన్నాయా, ఎన్ని కేంద్రాల్లో విక్రయాలు జరుగుతున్నాయి, ఎక్కడెక్కడ స్టాక్‌ కొరత ఉంది, సరఫరా ఎందుకు నిలిచింది అనే అంశాలపై పౌరసరఫరాల శాఖ అధికారులు నిరంతరం పర్యవేక్షించాల్సి ఉన్నా క్షేత్రస్థాయిలో అలా జరగడం లేదు. మిల్లర్లు సమయానికి బియ్యం సరఫరా చేయకున్నా అడిగేవారు లేకపోవడంతో కేంద్రాలు దిష్టిబొమ్మాలా దర్శనమిస్తున్నాయి. ముద్దగా మారిపోయి.. కౌంటర్‌లో సన్నబియ్యం విక్రయించడం లేదని, బీపీటీ ముడిబియ్యం తీసుకువెళితే వంట చేసేటప్పుడు ఏమాత్రం ఏమరపాటుగా ఉన్నా ముద్దగా మారిపోతోంది అని మహిళలు ఆవేదన వ్యక్తం చేస్తున్నారంటే పరిస్థితిని అర్థం చేసుకోవచ్చు. రైతుబజార్లలోని కౌంటర్లలో బీపీటీ ముడి బియ్యం కొనుగోలు చేసేందుకు కొనుగోలుదారులు ఇష్టపడడం లేదని నిర్వాహకులే చెబుతున్నారు. దీంతో కేంద్రాలకు వచ్చిన ఈ రకం బియ్యం అలానే స్టాక్‌ ఉండిపోతున్నాయి. మరోవైపు ఎక్కువ మంది కొనుగోలు చేసే సన్న బియ్యాన్ని మిల్లర్లు ఈ కేంద్రాలకు సరిపడా సరఫరా చేయడం లేదు.సన్నబియ్యం ధరకు రెక్కలు జిల్లాలో వేలాది కుటుంబాలు సన్నబియ్యం కోసం ఎదురు చూస్తున్నాయి. పౌర సరఫరాల శాఖ డీలర్లు ద్వారా అందించే రేషన్‌ బియ్యాన్ని మెజార్టీ కార్డుదారులు వంటకు వినియోగించడం లేదని సమాచారం. వారందరూ బహిరంగ మార్కెట్‌లోని సన్నబియ్యం కొనుగోలుకే ప్రాధాన్యమిస్తున్నారు. రెండు, మూడు నెలల క్రితం వరకు మేలు రకం సన్నబియ్యం కిలో రూ.50 నుంచి రూ.55 మధ్య లభించేవి. ప్రస్తుతం కొన్ని రకాల సన్నబియ్యం ధర రూ.70 దాటిపోయింది. అంటే కిలోపై సుమారు రూ.15 నుంచి రూ.20 వరకు అదనపు భారం పడుతోంది. నెలకు 25 నుంచి 30 కిలోల బియ్యం కొనుగోలు చేసే కుటుంబానికి రూ.500 వరకూ అదనపు ఖర్చుగా మారుతోంది. మిల్లర్లు, వ్యాపారులతో కుమ్మకై ్కన చంద్రబాబు సర్కారు ధరలు కట్టడి చేయడం లేదనే ఆరోపణలు వినిపిస్తున్నాయి. ప్రస్తుతం మార్కెట్‌లోని బియ్యం నిల్వలన్నీ గతేడాది సాగు చేసినవే అయినప్పటికీ ధరలు భారీగా పెంచేశారని కొనుగోలుదారులు ఆవేదన వ్యక్తం చేస్తున్నారు.

సాయిరామ్‌ను మెరుగైన వైద్యానికి తరలింపు అమలాపురం టౌన్‌: స్థానిక మహిపాలవీఽధిలోని ఓ డాబా పైఅంతస్తులో జరిగిన విస్ఫోటంలో దెబ్బతిన్న వస్తువుల నుంచి సేకరించిన శాంపిల్స్‌ను అమలాపురం పోలీసులు రాజమహేంద్రరం ఫోరెన్సిక్‌కు ల్యాబ్‌కు పంపించారు. ఆ నివేదిక వచ్చిన తర్వాతే ఆ ఇంట్లో అసలేం జరిగిందో పూర్తి దర్యాప్తు చేస్తామని పట్టణ సీఐ పి.వీరబాబు తెలిపారు. దాని ఆధారంగానే దర్యాప్తు ఉంటుందని చెప్పారు. ప్రాథమికంగా డాబా పైఅంతస్తు టైట్‌ ప్యాకింగ్‌ మాదిరిగా ఉండడం వల్లే అందులో ఉన్న ఇన్వర్టర్‌ పేలి గ్యాస్‌ రావడం వల్లే ఈ ప్రమాదం సంభవించిందని డీఎస్పీ టీఎస్‌ఆర్‌కే ప్రసాద్‌ చెబుతున్నారు. అయితే ఇంటి యజమాని, బాధిత మున్సిపల్‌ ప్రధానోపాధ్యాయుడు మలిశెట్టి మూర్తి మాత్రం పైకారణాలతో విస్ఫోటం జరిగి ఉంటుందని చెబుతూనే, విద్యుత్‌ సరఫరా పరంగా కొన్ని లోపాలు ఉండడం వల్లే ఇలా జరిగి ఉండవచ్చని అనుమానం వ్యక్తం చేస్తున్నారు. ఇందులో విద్యుత్‌ సిబ్బంది నిర్లక్ష్యం కూడా ఉందని అంటున్నారు. మూర్తి పెద్ద కుమారుడు సాయిరామ్‌ విస్ఫోటంలో తీవ్రంగా గాయపడి ప్రాథమిక వైద్యం స్థానిక కిమ్స్‌ ఆస్పత్రిలో పొందాడు. అయితే అతనికి పరుపు నుంచి వచ్చిన మంటల వల్ల శరీరంలో పలుచోట్ల కాలిపోయి గాయాలయ్యాయి. దీంతో మెరుగైన వైద్యం కోసం కుటుంబీకులు ఆదివారం సాయంత్రం నుంచి కాకినాడలోని ఓ కార్పొరేట్‌ ఆస్పత్రికి తరలించారు. ప్రస్తుతం సాయిరామ్‌ అక్కడే చికిత్స పొందుతున్నాడు. డీఈఓ సందర్శన మున్సిపల్‌ ప్రధానోపాధ్యాయుడు మూర్తి ఇల్లు విస్ఫోటనానికి గురికావడంతో డీఈఓ డాక్టర్‌ మెహబూబ్‌ బాషా ఆ ఇంటిని సోమవారం సాయంత్రం పరిశీలించారు. మూర్తిని పరామర్శించి ధైర్యం చెప్పారు. ప్రమాదానికి దారి తీసిన కారణాలను అడిగి తెలుసుకున్నారు. డీఈఓ వెంట స్థానిక మహాత్మా గాంధీ మున్సిపల్‌ ఉన్నత పాఠశాల ప్రధానోపాధ్యాయుడు కె.ఘన సత్యనారాయణ తదితరులు పాల్గొన్నారు.

సీటీఆర్‌ఐ (రాజమహేంద్రవరం): గురజాడ ఆశయాలు నేటితరానికి స్ఫూర్తిదాయకమని కలెక్టర్‌ కీర్తి చేకూరి అన్నారు. సోమవారం స్థానిక కలెక్టరేట్‌ పీజీఆర్‌ఎస్‌ హాల్‌లో గురజాడ అప్పారావు జయంతి వేడుకలు నిర్వహించారు. తొలుత గురజాడ చిత్రపటానికి పూలమాలలు వేసి నివాళులు అర్పించారు. కలెక్టర్‌ మాట్లాడుతూ మహాకవి, సంఘ సంస్కర్త గురజాడ అప్పారావు తన సాహిత్యం ద్వారా సామాజిక చైతన్యం, సంస్కరణలకు విశేష కృషి చేశారన్నారు. కన్యాశుల్కం వంటి రచనల ద్వారా సామాజిక దురాచారాలను ప్రశ్నించారని, ‘‘దేశమంటే మట్టి కాదోయ్‌.. దేశమంటే మనుషులోయ్‌’’ అనే సందేశంతో మానవతా విలువలు చాటారని అన్నారు. యువత గురజాడ జీవితాన్ని, రచనలను స్ఫూర్తిగా తీసుకుని సామాజిక బాధ్యతతో ముందుకు సాగాలని ఆకాంక్షించారు. జాయింట్‌ కలెక్టర్‌ వై.మేఘ స్వరూప్‌ మాట్లాడుతూ సమాజంలోని లోపాలను ప్రశ్నించి, మార్పు కోసం తన కలాన్ని ఆయుధంగా మలిచిన గొప్ప సంఘ సంస్కర్త గురజాడ అని కొనియాడారు. కార్యక్రమంలో అనపర్తి ఎమ్మెల్యే నల్లమిల్లి రామకృష్ణారెడి, జిల్లా రెవెన్యూ అధికారి ఎస్‌.భాస్కర్‌రెడ్డి, ఆర్డీఓలు ఆర్‌.శివరాముడు, కె.ఆనందరావు, డీఎస్పీ ఎ.శివప్రియ తదితరులు పాల్గొన్నారు. 131 మద్యం షాపుల లైసెన్స్‌ రెన్యువల్‌ ఆల్కాట్‌తోట (రాజమహేంద్రవరం రూరల్‌): జిల్లాలోని 138 మద్యం షాపులకు గాను సోమవారం రాత్రి 8 గంటల వరకు 131 షాపులకు యజమానులు ఏడాది కాలానికి లైసెన్స్‌లను రెన్యువల్‌ చేయించుకున్నారు. మిగిలిన ఏడు షాపులకు అర్ధరాత్రి 12 గంటల వరకు సమయం ఉంది. ఒకవేళ లైసెన్స్‌ రెన్యువల్‌ చేయించుకోని పక్షంలో ఆ షాపులకు ఆక్షన్‌ నిర్వహిస్తామని జిల్లా ప్రొహిబిషన్‌ అండ్‌ ఎకై ్సజ్‌ అధికారి వై.శ్రీలత తెలిపారు. ఈ మద్యం షాపులకు అక్టోబర్‌ ఒకటి నుంచి 2027 సెప్టెంబరు 30 వరకు లైసెన్సు చెల్లుబాటు అవుతుందన్నారు. 25న నులిపురుగుల నిర్మూలన కార్యక్రమం సీటీఆర్‌ఐ (రాజమహేంద్రవరం): జాతీయ నులి పురుగుల నిర్మూలన కార్యక్రమంలో భాగంగా ఈ నెల 25న జిల్లాలోని 1–19 సంవత్సరాల పిల్లలందరికీ ఆల్బెండజోల్‌ మాత్రలు అందించనున్నట్లు కలెక్టర్‌ చేకూరి కీర్తి తెలిపారు. సోమవారం స్థానిక పీజీఆర్‌ఎస్‌ హాల్‌లో ఈ పోస్టర్‌ని ఆమె ఆవిష్కరించారు. ఈ సందర్భంగా కలెక్టర్‌ మాట్లాడుతూ ఆరు నెలలకు ఒకసారి ఆల్బెండజోల్‌ మాత్రలను తీసుకోవడం ద్వారా నులిపురుగుల వల్ల కలిగే ఇబ్బందులను నివారించడంతో పాటు పిల్లల్లో రక్తహీనతను తగ్గించవచ్చన్నారు. ఈ కార్యక్రమాన్ని విజయవంతంగా నిర్వహించేందుకు జిల్లా యంత్రాంగం అన్ని ఏర్పాట్లు చేసినట్లు తెలిపారు. జిల్లా వైద్య ఆరోగ్య శాఖాధికారి పి.కోమల మాట్లాడుతూ 4,46,865 మంది పిల్లలకు ఆల్బెండజోల్‌ మాత్రలు అందించడం లక్ష్యంగా నిర్ణయించామన్నారు. రాష్ట్రీయ బాల స్వాస్థ్య కార్యక్రమం జిల్లా ప్రోగ్రాం అధికారి డాక్టర్‌ హరిశ్చంద్ర ప్రసాద్‌ తదితరులు పాల్గొన్నారు.

బియ్యం మార్పుతో మారనున్న రుచి సత్యదేవుని నిత్యాన్నదాన పథకంలో అన్నం వండే బియ్యం అంత నాణ్యంగా లేకపోవడంతో వేడిగా ఉన్నప్పుడు అన్నం బాగానే ఉన్నా, వేడి తగ్గితే తినలేని పరిస్థితి. ఈ బియ్యం విక్రయాల్లో మంచి పేరు పొందిన ఒక సంస్థ నుంచి కొనుగోలు చేసి టెండర్‌దారుడు ఆ బియ్యాన్ని సరఫరా చేస్తున్నారు. మొదట ఆ సంస్థ బియ్యం బాగుంటుందని అందరూ అనుకున్నారు. కానీ అన్నం చల్లారితే భక్తులు తినలేకపోతున్నారు. దీనికి ప్రధాన కారణం ఆర్జెల్‌ బియ్యం సన్నబియ్యంగా మార్చి సరఫరా చేస్తున్నట్లు తేటతెల్లం అయ్యింది. సెప్టెంబర్‌ నెలాఖరుతో ఆ బియ్యం కాంట్రాక్ట్‌ ముగుస్తుండడంతో అక్టోబర్‌ ఒకటో తేదీ నుంచి బీపీటీ బియ్యం (సన్న బియ్యం) సరఫరాకు టెండర్‌ పిలిచారు. రేటు ఎక్కువైనా భక్తులకు నాణ్యమైన బియ్యంతో చేసిన అన్నంతో భోజనం పెట్టాలని ఈ నిర్ణయం తీసుకున్నారు. ఫ ఇకపై రుచికరంగా సత్యదేవుని అన్నప్రసాదం ఫ ఒకటో తేదీ నుంచి సన్న బియ్యం అమలు ఫ ఆహార పదార్థాల తయారీలోనూ మార్పులు అన్నవరం: ఇక నుంచి సత్యదేవుని అన్నప్రసాదం మరింత రుచికరం కానుంది. దీనికి దేవస్థానం చర్యలకు ఉపక్రమించింది. అన్నవరంలోని శ్రీవీర వేంకట సత్యనారాయణ స్వామివారి సన్నిధిలో నిత్యాన్నదాన పథకంలో మార్పులకు దేవస్థానం శ్రీకారం చుట్టింది. ఇందులో భాగంగా అన్నం తయారీకి ఉపయోగిస్తున్న బియ్యాన్ని మార్చడంతో పాటు కుక్‌ల నియామకానికి కూడా నోటిఫికేషన్‌ ఇచ్చింది. ఈ చర్యలన్నీ వారం, పది రోజుల్లోనే పూర్తి చేసి అన్నదానంపై భక్తులు సంతృప్తి వ్యక్తం చేసేలా చర్యలు తీసుకుంటున్నట్లు ఈఓ నల్లం సూర్యచక్రధరరావు తెలిపారు. ఒకప్పుడు స్వామివారి అన్నదానంలో భోజనం అంటే చాలా బాగుండేది. వివిధ కారణాలతో ఆ భోజనంపై భక్తులు అసంతృప్తి వ్యక్తం చేస్తున్నారు. దీనిపై గత నెల 22న ‘సాక్షి’ దినపత్రికలో ‘అన్నప్రసాదంపై భక్తుల అసంతృప్తి’ శీర్షికన కథనం ప్రచురితమైన విషయం తెలిసిందే. దీనికి స్పందించిన అధికారులు అన్నదాన పథకంలో అనేక మార్పులకు శ్రీకారం చుట్టారు. చేయి తిరిగిన పనివారి కోసం.. అన్నదాన విభాగంలో ఒకప్పుడు చేయి తిరిగిన (కుక్స్‌) వంట చేసేవారు. వారు పదవీ విరమణ చేశాక రెగ్యులర్‌ కుక్స్‌ లేరు. తాత్కాలిక పద్ధతిపై పనిచేసే వారే ఉండడం, వారికంత అనుభవం లేకపోవడం కూడా ఆహార పదార్థాల నాణ్యత తగ్గడానికి కారణంగా చెబుతున్నారు. దీంతో అనుభవం కలిగిన కుక్స్‌ నియామకం కోసం నోటిఫికేషన్‌ ఇచ్చారు. నెలకు రూ.30 వేల వరకు చెల్లించేందుకు నిర్ణయించారు. ఏడాది తరువాత ఆ మొత్తం ఇంకా పెంచనున్నారు. ప్రస్తుతం వాడపల్లి దేవస్థానం నుంచి తాత్కాలికంగా వంట వారిని తీసుకువచ్చి వంటలు చేయిస్తున్నారు. ఆ కుక్స్‌ పనితీరు బాగుంటే కొన్నాళ్లు ఇక్కడ ఉంచి ఇక్కడ పనిచేసే కుక్స్‌కు తర్ఫీదు ఇవ్వనున్నారు. పెరగనున్న భోజన వ్యయం ప్రస్తుతం ఒక భోజనం తయారీకి రూ.39 ఖర్చవుతుందని అంచనా. ఇందులో సత్యదేవుని గోధుమ నూక ప్రసాదం, పులిహోర, అన్నం, పప్పు, కూర, సాంబారు, మజ్జిగ వడ్డిస్తారు. అయితే అక్టోబర్‌ ఒకటో తేదీ నుంచి అన్నంతో పాటు పప్పులు, వంట నూనె, తదితర దినుసుల సరఫరాకు కొత్త టెండర్లు అమలులోకి రానున్నాయి. గతంలో కంటే సుమారు 15 శాతం నుంచి 20 శాతం ధరలు పెరగనున్నట్లు సమాచారం. దానివల్ల ఒక భోజనానికి అయ్యే వ్యయం రూ.45కి పెరిగే అవకాశం ఉందని అంచనా. మరింత రుచిగా ఉండేలా చర్యలు సత్యదేవుని నిత్యాన్నదాన పథకంలో మార్పులకు చర్యలు తీసుకుంటున్నాం. అక్టోబర్‌ ఒకటో తేదీ నుంచి సన్న బియ్యం సరఫరా కానుంది. అనుభవం కలిగిన వంట వారిని నియమించేందుకు నోటిఫికేషన్‌ ఇచ్చాం. ప్రస్తుతానికి వాడపల్లి నుంచి ఒక కుక్‌ వచ్చి వంటలు చేసేలా ఏర్పాటు చేశాం. అన్నదానం ఉదయం పది గంటలకే ప్రారంభమయ్యేలా చర్యలు తీసుకున్నాం. సాంబారులో కొబ్బరి కోరు వేయడానికి, కొబ్బరి పచ్చడి వేసేందుకు ప్రయత్నిస్తాం. –నల్లం సూర్య చక్రధరరావు, ఈఓ, అన్నవరం దేవస్థానం ఉదయం పది గంటల నుంచే.. గతంలో ఉదయం 10.30 గంటల నుంచి భక్తులకు అన్నదానం ప్రారంభించేవారు. అయితే చాలా మంది భక్తులు ఉదయం పది గంటలకే సత్యదేవుని వ్రతం, దర్శనం పూర్తి చేసుకుని అన్నదానంలో భోజనం చేయాలన్న తలంపుతో అక్కడే వేచి ఉంటున్నారు. ఈ విషయం గమనించి ఉదయం పది గంటల నుంచే అన్నదానం ప్రారంభించాలని ఈఓ ఆదేశించారు.

● చంద్రబాబు ప్రభుత్వంలో గడ్డు పరిస్థితులు ● ధరలు తగ్గించే వరకు ప్రజల పక్షాన పోరాటం ● జగనన్న ప్రభుత్వంలోనే రాష్ట్రం సుభిక్షం ● మాజీ ఎంపీ మార్గాని భరత్‌రామ్‌ రాజమహేంద్రవరం సిటీ: ప్రజలను మభ్యపెట్టి మోసపూరిత వాగ్దానాలతో చంద్రబాబు గద్దెనెక్కారని, ఈ రెండున్నరేళ్ల పాలనలో నిత్యావసర వస్తువుల ధరలకు అదుపు లేకుండా చేశారని వైఎస్సార్‌ సీపీ జాతీయ అధికార ప్రతినిధి, మాజీ ఎంపీ మార్గాని భరత్‌రామ్‌ ఆగ్రహం వ్యక్తం చేశారు. సోమవారం రాజమహేంద్రవరం మెయిన్‌రోడ్‌ కోటగుమ్మం సెంటర్‌లో పెరిగిన నిత్యావసర ధరలను నిరసిస్తూ వైఎస్సార్‌ సీపీ శ్రేణులతో కలసి ఆందోళన చేపట్టారు. ఈ సందర్భంగా ఆయన మాట్లాడుతూ నూనె, గ్యాస్‌, బియ్యం, ఉల్లిపాయలు, కూరగాయలు, కరెంటు బిల్లులు ఇలా అన్నింటి ధరలను అమాంతం పెంచేసి సామాన్యులను అడ్డంగా దోచేస్తున్నారని ధ్వజమెత్తారు. పార్టీ శ్రేణులతో కలసి కూరగాయలు, ఉల్లిపాయల దండలను మెడలో వేసుకుని, గ్యాస్‌ సిలిండర్లను భుజంపై మోస్తూ.. పెరిగిన వస్తువులను బండిపై పెట్టి తోసుకుంటూ మెయిన్‌ రోడ్‌ మీదుగా ప్రదర్శన నిర్వహించారు. జగనన్న ప్రభుత్వంలో ధరలకు, చంద్రబాబు ప్రభుత్వంలో ధరలకు వ్యత్యాసాన్ని చూపుతూ ఫ్లకార్డులను ప్రదర్శించారు. వైఎస్సార్‌ సీపీ ప్రభుత్వంలో సుభిక్షం.. టీడీపీ ప్రభుత్వం ఉన్నప్పుడు దుర్భిక్షంతో ప్రజలు కష్టపడుతున్నారంటూ నినాదాలు చేశారు. పస్తులుండే రోజులు తెచ్చి... గత ప్రభుత్వంలో బియ్యం బస్తా రూ.1,200 ఉంటే ఇప్పుడు రూ.1,800 ఉండడంతో పస్తులుండే రోజులు తెచ్చారని భరత్‌రామ్‌ అన్నారు. ఎన్నికల సమయంలో చంద్రబాబు రూపొందించిన మేనిఫెస్టోని కూడా పట్టుకోవడానికి ఆనాటి బీజేపీ నాయకులు నిరాకరించారని, ఇప్పుడు ఇంత దారుణంగా ధరలు పెంచి దోచేస్తుంటే ఏ విధంగా మంచి ప్రభుత్వమని చెప్పుకొంటున్నారని నిలదీశారు. ఏడాదికి మూడు ఉచిత సిలిండర్లు ఇస్తామని, ఉచిత ఇసుక అంటూ చంద్రబాబు కల్లబొల్లి మాటలు చెప్పారని ధ్వజమెత్తారు. నిత్యావసరాల ధరలు తగ్గించే వరకు వైఎస్సార్‌ సీపీ పోరాటం చేస్తుందని స్పష్టం చేశారు. స్థానిక సంస్థల ఎన్నికల్లో టీడీపీకి ఎందుకు ఓటేయాలో ప్రజలంతా ఆలోచించాలని కోరారు. త్వరలో జరిగే రాజమహేంద్రవరం కార్పొరేషన్‌ ఎన్నికల్లో వైఎస్సార్‌ సీపీ అభ్యర్థులను గెలిపించాలని అన్నారు. టీడీపీ అభ్యర్థులను గెలిపిస్తే ఎమ్మెల్యే ఆదిరెడ్డి శ్రీనివాస్‌ నిల్చోమంటే నిల్చుంటారని.. కూర్చోమంటే కూర్చుంటారని, అదే వైఎస్సార్‌ సీపీ అభ్యర్థి కార్పొరేటర్‌ అయితే కార్పొరేషన్‌లో అధికారులను నిలదీసి ప్రజల సమస్యలను పరిష్కరించేందుకు కృషి చేస్తారన్నారు. ఈ రెండున్నరేళ్లు బాధ్యతాయుతమైన ప్రతిపక్షంలో ప్రజల తరఫున నిలబడి పోరాటం చేస్తామని, కూటమి ప్రభుత్వం మెడలు వంచి ధరలు తగ్గించేలా చేస్తామన్నారు. ఎమ్మెల్యే ఆదిరెడ్డి శ్రీనివాస్‌ ప్రజల తరఫున నిలబడి పెరిగిన ధరలపై పోరాటం చేయాలని డిమాండ్‌ చేశారు. కార్యక్రమంలో ఏపీ హౌసింగ్‌ కార్పొరేషన్‌ మాజీ చైర్‌ పర్సన్‌ మేడపాటి షర్మిళారెడ్డి, వైఎస్సార్‌ సీపీ రాష్ట్ర నాయకులు వాసంశెట్టి గంగాధరరావు, రావిపాటి రామచంద్రరావు, గుర్రం గౌతమ్‌, మాజీ కార్పొరేటర్లు, పార్టీ వివిధ విభాగాల నాయకులు పెద్దఎత్తున పాల్గొన్నారు.

బోట్‌క్లబ్‌ (కాకినాడ సిటీ): కరప మండలం కొరుపల్లిలో చిక్కాల వీర వెంకట సత్యనారాయణ (దొరబాబు) సొంత నిధులతో నిర్మించిన కాశీ వారాహి అమ్మవారి ఆలయాన్ని దేవదాయ శాఖ స్వాధీనం చేసుకోవడం తగదని పేర్కొంటూ కాకినాడ సిటీ, రూరల్‌, పెదపూడి మండలాలకు చెందిన మహిళా భక్తులు కలెక్టరేట్‌ వద్ద సోమవారం ధర్నా నిర్వహించారు. ఒక అన్య మతస్తుడు ఇచ్చిన తప్పుడు ఫిర్యాదుతో ఈ ఆలయాన్ని దేవదాయ శాఖ స్వాధీనం చేసుకోవడం తగదని వారు నినాదాలు చేశారు. గత 26 ఏళ్లుగా దొరబాబు సొంత నిధులతో తన గ్రామంలో ఆలయాలు నిర్మించి, ఉత్సవాలు చేయడమే కాకుండా అన్న సమారాధనతో పాటు మహిళలకు పసుపు, కుంకుమ, చీరలు అందించారని వారు గుర్తు చేశారు. అన్య మతస్తులు ఇచ్చిన ఫిర్యాదు వెనుక ఎవరున్నారో విచారణ చేసి, ఆలయాన్ని తిరిగి దొరబాబుకు అప్పగించాలని డిమాండ్‌ చేశారు. కార్యాలయంలో కలెక్టర్‌ అందుబాటులో లేకపోవడంతో పిఠాపురంలో ఉన్న డిప్యూటీ సీఎం పవన్‌ కల్యాణ్‌ వద్దకు వెళ్లి, వినతిపత్రం ఇచ్చేందుకు వారు ప్రయత్నించారు. అయితే, వారి బస్సును పోలీసులు అడ్డుకుని పోలీస్‌ స్టేషన్‌కు తరలించారు. పోలీసుల తీరుపై ఆగ్రహం వ్యక్తం చేసిన మహిళా భక్తులు దేవదాయ శాఖ ఉప కమిషనర్‌ కార్యాలయానికి చేరుకుని ధర్నా చేశారు. అక్కడ ఎటువంటి అవాంఛనీయ సంఘటనలూ జరగకుండా పోలీసులు బందోబస్తు ఏర్పాటు చేశారు. సమస్యను తెలియజేయడానికి దేవదాయ శాఖ ఉప కమిషనర్‌ రమేష్‌బాబు వద్దకు తాము వెళ్లగా ఆయన దురుసుగా సమాధానం ఇచ్చారని దొరబాబు, భక్తులు ఆవేదన వ్యక్తం చేశారు.

పైప్‌లైన్‌ వేసేందుకు రోడ్లపై గునపం గుచ్చారు.. మొత్తం తవ్వేశారు.. చివరికి తూతూమంత్రంగా పూడ్చి ఉన్న రోడ్డును పాడుచేశారు. రాజమహేంద్రవరంలో అమృత్‌–2 పథకంలో భాగంగా మంచినీటి సరఫరా పైపులైన్లు కొత్తగా వేస్తున్నారు. కోటిలింగాల పేట, లలితానగర్‌, విద్యానగర్‌, నారాయణపురం వాటర్‌ ట్యాంకుల నుంచి ఆనంద్‌ ఏజెన్సీ, జాంపేట, జెండా పంజా రోడ్డు, కందకం రోడ్డు మీదుగా పుష్కరాల రేవు మంచినీటి సరఫరా ట్యాంకుల వరకు పైప్‌లైన్‌ వేసినందుకు బాగున్న రోడ్లను గునపాలతో తవ్వారు. పైప్‌లైన్‌ వేసిన తర్వాత తారు, సిమెంట్‌ రోడ్లపై తవ్విన చోట మట్టితో పూడ్చారు. ఎగుడుదిగుడుగా ఉండడం, సరిగ్గా పూడ్చకపోవడంతో జనం నరకం చూస్తున్నారు. – ఫొటోలు : ‘సాక్షి’ ఫొటోగ్రాఫర్‌, రాజమహేంద్రవరం

తాళ్లపూడి: మండలంలోని అన్నదేవరపేట గజ్జరం వద్ద జరిగిన రోడ్డు ప్రమాదంలో ఓ యువకుడు మృతి చెందాడు. గోపాలపురం మండలం జగన్నాథపురం గ్రామానికి చెందిన మరపట్ల రాజు ఆదివారం రాత్రి తాళ్లపూడి అపోలో మెడికల్స్‌లో పని ముగించుకుని ఇంటికి బయలుదేరాడు. ఈ క్రమంలో ద్విచక్ర వాహనం అదుపుతప్పి పడిపోవడంతో తలకు తీవ్రగాయాలై అపస్మారక స్థితిలోకి చేరుకున్నాడు. కాగా, రాజమహేంద్రవరంలోని ఓ ప్రైవేటు ఆసుపత్రిలో చికిత్స పొందుతూ సోమవారం సాయంత్రం మృతి చెందాడు. అతని తండ్రి శ్రీనివాసరావు ఇచ్చిన ఫిర్యాదు మేరకు పోలీసులు కేసు నమోదు చేశారు. విద్యుదాఘాతానికి వ్యక్తి మృతి నిడదవోలు రూరల్‌: వెల్డింగ్‌ పనులు చేస్తూ విద్యుత్‌ షాక్‌కు గురై ఓ వ్యక్తి మృతి చెందినట్లు సమిశ్రగూడెం ఎస్సై ఎల్‌.బాలాజీ సుందరరావు సోమవారం తెలిపారు. ఆయన కథనం ప్రకారం.. మండలంలోని పురుషోత్తపల్లి గ్రామానికి చెందిన కోమలి ప్రసన్నకుమార్‌ (36) కొంతకాలంగా మద్దూరు వంతెన సమీపంలో వెల్డింగ్‌ పనులు చేస్తూ జీవనోపాధి పొందుతున్నాడు. సోమవారం సాయంత్రం వెల్డింగ్‌ పనులు చేస్తుండగా విద్యుత్‌ షాక్‌కు గురవ్వడంతో నిడదవోలులోని ప్రభుత్వాసుపత్రికి తరలించారు. వైద్యులు పరిశీలించి అప్పటికే మృతి చెందినట్లు ధ్రువీకరించారు. అతని భార్య చంద్రిక ఇచ్చిన ఫిర్యాదు మేరకు కేసు నమోదు చేసి, దర్యాప్తు చేస్తున్నామని ఎస్సై తెలిపారు. మృతునికి భార్య, కుమార్తె ఉన్నారు.

చాగల్లు: కళలను, కళాకారులను గౌరవించడం అభినందనీయమని సినీనటుడు, దర్శకుడు, నిర్మాత ఆర్‌.నారాయణమూర్తి అన్నారు. చాగల్లు తెలగా సంఘం ఆధ్వర్యంలో గణపతి నవరాత్రి మహోత్సవాల్లో ఆయన హాజరయ్యారు. అనంతరం జరిగిన సభలో ఆర్‌.నారాయణమూర్తి మాట్లాడుతూ చాగల్లు అంటే షుగర్‌ ఫ్యాక్టరీ అని, అలాగే దర్శకుడు వీవీ నాయక్‌ పేరు వినగానే చాగల్లు గుర్తుకొస్తుందన్నారు. అలాగే తాను తీసిన సినిమాలోని ‘ఈ ఊరు మనదిరా.. ఈ వాడ మనదిరా..’ అంటూ పాడి సభికులను ఉత్సాహపరిచారు. గంజాయి బాట పట్టవద్దని, అది జీవితాలను నాశనం చేస్తుందని అన్నారు. ఆర్‌.నారాయణమూర్తి, మంత్రి కందుల దుర్గేష్‌, ఏపీ నాటక అకాడమీ చైర్మన్‌ గుమ్మడి గోపాలకృష్ణను దర్శకుడు వీవీ వినాయక్‌ సోదరుడు, ఉత్సవ కమిటీ అధ్యక్షుడు గండ్రోతు సురేంద్రకుమార్‌ ఆధ్వర్యంలో సత్కరించారు. మాజీ ఎమ్మెల్యే టీవీ రామారావు, రాష్ట్ర సాంస్కృతిక కళా మండలి చైర్మన్‌ బుద్దాల వెంకట రామారావు, తెలగా సంఘ సభ్యులు జుట్టా కొండలరావు, మైలవరపు ఆదేష్‌ తదితరులు పాల్గొన్నారు.

పెరవలి: తమ సమస్యల పరిష్కారం కోరుతూ వీఆర్‌ఏలు వినూత్న రీతిలో నిరసన తెలిపారు. పెరవలి తహసీల్దార్‌ కార్యాలయం వద్ద వీఆర్‌ఓల నిరసన సోమవారంతో 5వ రోజుకు చేరింది. ఈ సందర్భంగా ఆ సంఘం అధ్యక్షుడు కాకరపర్తి సత్తిపండు మాట్లాడుతూ తొమ్మిదేళ్లుగా రూ.10,500 వేతనంతో జీవనం సాగిస్తున్నామని, మార్కెట్‌లో ధరలు పెరిగిపోవడంతో ఆకలితో అలమటిస్తున్నామని అన్నారు. ప్రభుత్వాలు మారుతున్నా, తమకు న్యాయం జరగడం లేదని తెలిపారు. తమ సమస్యలపై కూటమి ప్రభుత్వం దృష్టికి పలుమార్లు తీసుకువెళ్లినా ఫలితం లేదన్నారు. అర్హులైన వీఆర్‌ఏలకు ప్రమోషన్లు ఇవ్వాలని కోరారు. కార్యక్రమంలో గంటి వెంకట దుర్గా రామకృష్ణ, చదలవాడ సురేఖ, కర్రి సుధాదేవి తదితరులు పాల్గొన్నారు.

రాజానగరం: ‘ఓపెన్‌ ఏఐ’ వ్యవస్థలను విజయవంతంగా హ్యాక్‌ చేసిన ముగ్గురు భారతీయ నిపుణుల్లో ఒకరైన మోహన్‌ శ్రీరామకృష్ణ పెదపాటి తూర్పుగోదావరి జిల్లా రాజానగరం మండలం, కొండగుంటూరుకు చెందిన యువకుడే కావడం విశేషం. సైబర్‌ సెక్యూరిటీ స్టార్టప్‌ ‘హ్యాక్‌ట్రాన్‌ ఏఐ’లో పని చేస్తున్న హర్ష్‌ జైశ్వాల్‌, రాహుల్‌ మియానీ అనే ఇద్దరు స్నేహితులతో కలిసి ‘కృత్రిమ మేథ’ ఇటీవల నిర్వహించిన ‘బంక్‌ – బౌంటీ’ ప్రోగ్రామ్‌లో భాగంగా ఈ వ్యవస్థలను హ్యాక్‌ చేసి, లోపాలను కనుగొన్నందుకు ఈ ముగ్గురూ 6,500 డాలర్లు (రూ.5.5 లక్షలు) బహుమతిగా అందుకున్నారు. ఇదిలా ఉండగా కొండగుంటూరుకు చెందిన మోహన్‌ శ్రీరామకృష్ణ పెదపాటి రైతు కుటుంబం నుంచి వచ్చారు. అతని తండ్రి పెదపాటి వెంకటరెడ్డి, తల్లి అమ్మాజీ. చెల్లెలు ప్రస్తుతం హైదరాబాద్‌లో ఫ్యాషన్‌ డిజైనర్‌ కోర్సు చేస్తుంది. ఈ యువకుడు మండలంలోని సంపత్‌నగరం జెడ్పీ ఉన్నత పాఠశాలలో 10వ తరగతి వరకు చదువుకుని, నూజివీడు ట్రిబుల్‌ ఐటీలో కంప్యూటర్‌ సైన్స్‌ పూర్తి చేశాడు. హ్యాక్‌ట్రాన్‌ ఏఐకి సహ వ్యవస్థాకుడిగా, చీఫ్‌ టెక్నాలజీ ఆఫీసర్‌ (సీటీఓ) పని చేస్తున్నారు. వెబ్‌ ఎక్స్‌ప్లాయిటేషన్‌, సోర్స్‌కోడ్‌ రివ్యూ, మొబైల్‌ అప్లికేషన్‌ సెక్యూరిటీలో నైపుణ్యం కలిగిన పరిశోధకుడు. రాజమహేంద్రవరం కేంద్రంగా పనిచేస్తున్న సెక్యూరిటీ ఆడిటింగ్‌ సంస్థ ఎలెక్ట్రోవోల్డ్‌ సెక్యూరిటీ వ్యవస్థాపకులు.

ఉమ్మడి జిల్లా వ్యాప్తంగా గణనాథుని చవితి వేడుకలను అట్టహాసంగా నిర్వహిస్తున్నారు. ఎవరికి వారే తమ ప్రత్యేకతను, భక్తిని చాటుతున్నారు. ఆదుర్రు శివారు మోరిపొలంలో 34వ గణపతి నవరాత్రి మహోత్సవాల్లో భాగంగా లంబోదరుడికి 250 రకాల ప్రసాదాలను నైవేద్యంగా సమర్పించి ఔరా అనిపించారు. తొలుత శ్రీగణేశ ఉత్సవ కమిటీ ఆధ్వర్యంలో వినాయకుడికి పూజలు చేశారు. అదే గ్రామంలోని ప్రధాన కూడలి రామాలయం వద్ద మహిళల కోలాటం ఆకట్టుకుంది. జై గణేశా.. శరణు గణేశా అంటూ గణపతిని స్తుతిస్తూ చేసిన ఈ ప్రదర్శన భక్తుల్ని మంత్రముగ్ధుల్ని చేసింది. –మామిడికుదురు

కలెక్టరేట్‌లో అర్జీలు అందించేందుకు వచ్చిన జనం ఆన్‌లైన్‌ చేయించేందుకు నిరీక్షిస్తున్న అర్జీదారులు సాక్షి, రాజమహేంద్రవరం/సీటీఆర్‌ఐ: ‘‘పింఛన్‌ వస్తే మా కుటుంబానికి ఆసరాగా ఉంటుంది.. జీవితం గాడిన పడుతుంది. రెండేళ్లుగా ఎలాగూ కొత్తగా పింఛన్లు ఇవ్వలేదు. ఇప్పుడేమో అర్హత ఉన్నా దరఖాస్తు చేసుకోలేకపోయాం. మరోసారి అవకాశం కల్పించండి బాబూ..’’ అంటూ పలువురు దరఖాస్తుదారులు అధికారులను వేడుకున్నారు. కొత్తగా పింఛన్ల కోసం ప్రభుత్వం ఆన్‌లైన్‌లో దరఖాస్తులు స్వీకరించడంతో ఎన్నో ఆశలు పెట్టుకున్న వారు.. అవసరమైన ధ్రువపత్రాల కోసం కార్యాలయాల చుట్టూ తిరిగేలోపే దరఖాస్తుల గడువు ముగిసిపోయిందని చెప్పడంతో ఆవేదన వ్యక్తం చేస్తున్నారు. పోర్టల్‌ తెరిచిన కొద్దిరోజులకే దరఖాస్తుల స్వీకరణ నిలిపివేయడంతో తమకు అన్యాయం జరిగిందని వాపోతున్నారు. పింఛన్ల కోసం దరఖాస్తులకు వివిధ ధ్రువపత్రాలు అవసరం కావడంతో... వయసు, ఆదాయం, కులం తదితర అర్హతలను నిర్ధారించే పత్రాల కోసం ముందుగానే దరఖాస్తు చేసుకున్నారు. సంబంధిత ధ్రువపత్రాలు చేతికి రావడంలో జాప్యం చోటుచేసుకోవడంతో గడువు ముగిసింది. అర్హత ఉన్నప్పటికీ దరఖాస్తు చేయలేని పరిస్థితి ఏర్పడిందని బాధితులు ఆవేదన చెందుతున్నారు. కిక్కిరిసిపోయేలా.. కొత్త పింఛన్ల కోసం ఆన్‌లైన్‌లో దరఖాస్తు చేసుకునే అవకాశం లేకపోవడంతో బాధితులు తమ సమస్యను అధికారుల దృష్టికి తీసుకెళ్లేందుకు బొమ్మూరులోని కలెక్టరేట్‌ను ఆశ్రయించారు. సోమవారం పీజీఆర్‌ఎస్‌కు పెద్ద సంఖ్యలో అర్జీదారులు తరలివచ్చారు. పింఛన్ల కోసం దరఖాస్తు చేసుకునే అవకాశం కల్పించాలని, తమ అర్జీలను పరిశీలించాలని కోరుతూ వినతిపత్రాలు అందజేశారు. వృద్ధులు, వితంతువులు, వారి కుటుంబ సభ్యులతో కలెక్టరేట్‌ కిటకిటలాడింది. అర్హుల కోసం పోర్టల్‌ను మరోసారి తెరవాలని వారు కోరారు. లేకపోతే కలెక్టరేట్‌లో నేరుగా అర్జీలు స్వీకరించి అర్హతను పరిశీలించాలని విజ్ఞప్తి చేశారు. జగన్‌ పాలనలో సువర్ణాధ్యాయం ముఖ్యమంత్రిగా వైఎస్‌ జగన్‌మోహన్‌రెడ్డి పని చేసిన 2019 నుంచి 2024 మధ్య కాలంలో పింఛన్ల కోసం అర్హులంతా నిత్యం దరఖాస్తు చేసుకునే వెసులుబాటు ఉండేది. ఆ దరఖాస్తులను పరిశీలించి అర్హులకు పింఛన్లు మంజూరు చేసి, దరఖాస్తులు తిరస్కరిస్తే అందుకు సంబంధించిన కారణాలను సచివాలయాల వద్ద అందుబాటులో ఉంచేవారు. అప్పట్లో పూర్తి పారదర్శకంగా పింఛన్ల ప్రక్రియ కొనసాగింది. చంద్రబాబు సీఎంగా బాధ్యతలు చేపట్టగానే పాత విధానానికి స్వస్తి చెప్పేశారు. రెండేళ్ల రెండు నెలల్లో కొత్తగా ఒక్క పింఛనూ మంజూరు చేయలేదంటే పేదల పట్ల పాలకుల వైఖరిని అర్థం చేసుకోవచ్చు. కొద్ది రోజుల్లో స్థానిక సంస్థల ఎన్నికల నిర్వహణకు సిద్ధమవడంతో ప్రజా వ్యతిరేకతను తగ్గించుకునేందుకు పింఛన్ల డ్రామాకు తెరలేపారు. ఈ నెల 7న ఆన్‌లైన్‌ పోర్టల్‌ తెరిచి 9 రోజుల్లో పనిచేసేలా చూసి 18న మూసేశారు. ఎవరైనా ధ్రువపత్రాల కోసం దరఖాస్తు చేసుకుని తీసుకోవాలంటేనే కనీసం 21 రోజులు పడుతుంది. అలాంటిది 9 రోజుల్లోనే ప్రక్రియ ముగించేయడంతో వేలాది మంది అర్హులు దరఖాస్తు చేసుకోలేకపోయారు. పింఛన్ల అర్జీలు లేవంట! పీజీఆర్‌ఎస్‌, రెవెన్యూ క్లినిక్‌ ద్వారా కలెక్టరేట్‌లో ప్రజల నుంచి 320 అర్జీలు స్వీకరించినట్లు కలెక్టర్‌ కీర్తి చేకూరి తెలిపారు. జిల్లా కలెక్టర్‌తో పాటు జాయింట్‌ కలెక్టర్‌ వై.మేఘా స్వరూప్‌, ఇతర అధికారులు అర్జీలను స్వీకరించారు. రెవెన్యూ 144, పంచాయతీరాజ్‌ – గ్రామీణాభివృద్ధి 64, మిగిలిన ఇతర సమస్యలపై అర్జీలు వచ్చినట్లు తెలిపారు. అయితే వందలాది మంది పింఛన్ల కోసం దరఖాస్తులు పట్టుకుని కలెక్టరేట్‌కు వచ్చినా వారి దరఖాస్తులను పీజీఆర్‌ఎస్‌ అర్జీల్లో చూపించకపోవడం గమనార్హం. దీంతో వారి దరఖాస్తులను పరిగణనలోకి తీసుకుంటారో.. లేదో అర్థం కావడం లేదు.అర్హత లేదని తిరస్కరించారు నేను అంగన్‌వాడీ సహాయకురాలిగా పనిచేస్తున్నాను. నాకు రూ.7 వేల వేతనం. నేను వితంతువుని. ఆ పింఛన్‌ కోసం దరఖాస్తు చేసుకుంటే నేను ప్రభుత్వ ఉద్యోగినని ఆన్‌లైన్‌లో చూపిస్తుందంటున్నారు. అంతేకాకుండా జీతం తీసుకున్న వారికి పింఛన్‌ వర్తించదంటున్నారు. నా జీతం ఇంటి అద్దెలకు, ఖర్చులకు సరిపోవడం లేదు. నాకు పింఛన్‌ మంజూరు చేయాలి. – బాతు సత్యవవతి, అంగన్‌వాడీ సహాయకురాలు 24 నెలలు నిరీక్షణ.. 9 రోజులే దరఖాస్తులకు గడువు ఆన్‌లైన్‌ పోర్టల్‌ ఇలా తెరిచి... అలా మూసేశారు ధ్రువపత్రాలు చేతికొచ్చేసరికి దరఖాస్తులకు దూరమైన అర్హులు మరో అవకాశం కల్పించాలని కలెక్టరేట్‌ వద్ద క్యూ మేం ఎలా బతికేది నా భార్య అంగన్‌వాడీ కార్యకర్తగా పనిచేస్తుంది. తనకి వచ్చేది నెలకు కొద్దిపాటి వేతనమే. మా ఇంట్లో ఉన్న వృద్ధులకు పింఛను రాకుండా తనని ‘గవర్నమెంట్‌ ఎంప్లాయ్‌’ అని పోర్టల్‌లో చూపిస్తే మేం ఏం చేయాలి? తన అరకొర జీతంతో వాళ్ల మందులు కూడా కొనలేకపోతున్నాం. 65 ఏళ్లు, 70 ఏళ్లు దాటినా పింఛన్లు మంజూరు చేయకపోతే మేం ఎలా బతికేది. అర్హులను గుర్తించి పింఛన్లు మంజూరు చేయాలి. – మొగసాటి రాఘవరాజు, బిక్కవోలు మరో అవకాశమివ్వాలి ఆన్‌లైన్‌ పోర్టల్‌లో ఉన్న సాంకేతిక లోపాలను సరిచేసి, గౌరవ వేతనం తీసుకునే స్కీమ్‌ వర్కర్లను సాధారణ ప్రభుత్వ ఉద్యోగుల కేటగిరీ నుంచి మినహాయించాలి. సచివాలయ సిబ్బంది ద్వారా క్షేత్రస్థాయిలో సర్వే చేయించి, ఆ కుటుంబాల ఆర్థిక పరిస్థితిని చూసి వెంటనే అర్హులైన వృద్ధులకు, వికలాంగులకు పింఛన్లు పునరుద్ధరించాలి. అర్హులంతా దరఖాస్తు చేసుకునేందుకు పోర్టల్‌ను మరోసారి తెరవాలి. – బేబీరాణి, అంగన్‌వాడీల సంఘ జిల్లా కార్యదర్శి అర్హులకు న్యాయం చేయాలి మా ఇంట్లో అర్హత కలిగిన వారికి పింఛన్‌ మంజూరు కావడం లేదు. ఎన్నిసార్లు దరఖాస్తు చేసినా ఇదే పరిస్థితి. పనులు చేసుకోలేని స్థితిలో ఉన్న నాకు పింఛన్‌ ఇవ్వకపోవడం దారుణం. ఆన్‌లైన్‌లో దరఖాస్తు చేసేందుకు ప్రయత్నిస్తే కాలేదు. ఇప్పటికై నా చంద్రబాబు ప్రభుత్వం స్పందించి అర్హులందరికీ పింఛన్లు మంజూరు చేయాలి. – దుంగ నరసింహమూర్తి, నందరాడ, రాజానగరం

కాటును గమనించకపోవడం వల్లే దుర్ఘటన ఎటపాక: పాము కాటును గమనించక పోవడంతో చికిత్స ఆలస్యమై చిన్నారి మృతి చెందిన ఘటన చింతలచెరువు గ్రామంలో విషాదాన్ని నింపింది. వివరాల్లోకి వెళితే కృష్ణవరం పంచాయతీ చింతలచెరువులో కుర్సం ధర్మరాజు, విజయ దంపతుల ఆరేళ్ల పెద్ద కుమారుడు జై ప్రణయ్‌ (6) స్థానిక పాఠశాలలో ఒకటో తరగతి చదువుతున్నాడు. శనివారం ఉదయం 11 గంటల వేళ తల్లి విజయ ఇంటి ఆవరణలోని అరటి గెల కోసి కాయలు తీస్తుండగా వాటి మధ్య ఉన్న కట్లపాము ఆమె చేతిపై పడింది. దీంతో ఆమె విదిలించుకోగా అది పక్కనే ఉన్న దుస్తులలో నక్కింది. బాలుడి పెదనాన్న వచ్చి దానిని చంపేశాడు. ఆ తరువాత తల్లి పొలం పనులకు వెళ్లిపోయింది. కాగా ఆదివారం తెల్లవారు జామున ప్రణవ్‌ నోటి నుంచి నురగలు రావడం, పాము కాటు పడిన గుర్తులు ఉండి వాపు రావడాన్ని గమనించిన తల్లిదండ్రులు హుటాహుటిన 30 కిలోమీటర్ల దూరంలో ఉన్న భద్రాచలంలోని ప్రైవేటు ఆస్పత్రికి తీసుకువెళ్లారు. అక్కడ చికిత్స అందిస్తుండగానే ఆ బాలుడు మృతి చెందాడు. చికిత్స ఆలస్యం కావడం వల్లే బాలుడు మృతి చెందాడని వైద్యులు తెలిపారు.

● ‘ఎక్స్‌’లో మంత్రి లోకేష్‌ పరోక్ష పోస్టుపై ప్రజల ఆగ్రహం ● అసహనం వ్యక్తం చేస్తున్న పోలీసు అధికారులుఅమలాపురం టౌన్‌: వినాయక నిమజ్జన ఊరేగింపుల్లో డీజే శబ్దాలకు పలువురు గెండెలు ఆగి చనిపోతున్నారు. డీజేలపై పోలీసు ఆంక్షలు ఉన్నా స్థానిక ప్రజాప్రతినిధుల అండతో కొందరు ఆకతాయిలు రెచ్చిపోతున్నారు. ఈ క్రమంలో మంత్రి నారా లోకేష్‌ ‘ఎక్స్‌’ ఖాతాలో ఊరేగింపుల్లో డీజేలకు అనుమతి కోరుతూ మెసేజీలు వస్తున్నాయని, హోం మంత్రి అనితను డీజేలకు ఓకే చెప్పాలని సూచిస్తూ పోస్టు పెట్టడంపై ప్రజల నుంచి విమర్శలు వెల్లువెత్తుతున్నాయి. గత రెండేళ్లలో ఇటువంటి ఊరేగింపుల్లో డీజేల వల్ల ఇద్దరు యువకులు ప్రాణాలు కోల్పోయారు. తాజాగా పశ్చిమ గోదావరి జిల్లా తాడేపల్లిగూడెంలో వినాయక నిమజ్జన ఊరేగింపులో డీజే అపరిమిత శబ్దం వల్ల ఓ వ్యక్తి దుర్మణం పాలైన విషయం తెలిసిందే. ఈ నేపథ్యంలో మంత్రి లోకేష్‌ పోస్టును ఉద్దేశించి ఇలాగైతే తాము డీజేలను అదుపు చేయలేమని ఓ పోలీసు అధికారి ‘సాక్షి’ వద్ద అసహనం వ్యక్తం చేయడం గమనార్హం.ఇది బాధ్యతా రాహిత్యమే డీజే శబ్దాలతో పలువురి ప్రాణాలు పోతుంటే మంత్రి లోకేష్‌ బాధ్యతారాహిత్యంగా అనుమతులు ఇవ్వడం సరికాదు. ప్రజల ఆరోగ్యాన్ని కాపాడాల్సింది పోయి ఇలా తప్పుడు పోస్టులు, ప్రకటనలు చేయడం దేనికి సంకేతం? ఓటు బ్యాంక్‌ రాజకీయాలతో మంత్రి లోకేష్‌ డీజేలకు అనుమతులు ఇవ్వాలని అభిప్రాయపడడమే కాకుండా దాని అమలుకు కసరత్తు చేయడం బాధాకరం. – కాశి రామకృష్ణ, జిల్లా అధికార ప్రతినిధి, వైఎస్సార్‌ సీపీ

కాకినాడ రూరల్‌: ఆంధ్ర కాపు సద్భావన సంఘం తాత్కాలిక నూతన అధ్యక్షుడిగా ముమ్మడి సత్యనారాయణను ఆదివారం ఏకగ్రీవంగా ఎన్నుకున్నారు. స్థానిక ఎన్‌ఎఫ్‌సీఎల్‌ రోడ్డులోని శుభం కాపు కల్యాణ మండపంలో ఈ ఎన్నిక నిర్వహించారు. సంఘ గౌరవాధ్యక్షుడు బసవ ప్రభాకరావు, చిట్నీడి శ్రీనివాస్‌, సలాది మూర్తి మాట్లాడుతూ కాపు సద్భావన సంఘం ఆంధ్ర సద్భావన సంఘంగా మారిందన్నారు. సత్యనారాయణ మాట్లాడుతూ సంఘం బలోపేతానికి కృషి చేస్తానన్నారు. కార్యక్రమంలో సభ్యులు రంగనాయకులు, రెడ్నం రాజా, కొప్పిశెట్టి శ్రీను, గంగిరెడ్డి మూర్తి, జంక్షణ బాబ్జీ, అడపా ప్రకాశరావు పాల్గొన్నారు. సౌత్‌జోన్‌ అథ్లెటిక్స్‌లో జిల్లా క్రీడాకారుల ప్రతిభనాగమల్లితోట జంక్షన్‌ (కాకినాడ సిటీ): పుదుచ్చేరిలో జరిగిన 37వ సౌత్‌జోన్‌ అథ్లెటిక్స్‌ పోటీలలో జిల్లా క్రీడాకారులు ప్రతిభను చాటారని జిల్లా అథ్లెటిక్స్‌ సంఘ అధ్యక్షుడు టీవీఎస్‌ రంగారావు ఆదివారం తెలిపారు. 400 మీటర్ల రిలేలో జిల్లా క్రీడాకారులు కాంస్య పతకం కై వసం చేసుకున్నారన్నారు. అలాగే తిరువనంతపురంలో జరిగిన 55వ కేవీఎస్‌ జాతీయస్థాయి పోటీలలో ఆర్‌.మోక్ష 100 మీటర్ల పరుగులో కాంస్య పతకం అందుకున్నట్టు తెలిపారు. వీరు అథ్లెటిక్స్‌ కోచ్‌ ప్రసాద్‌ రెడ్డి వద్ద శిక్షణ పొందుతున్నారన్నారు. విజేతలను, కోచ్‌ను అథ్లెటిక్స్‌ సంఘం సభ్యులు అభినందించారు. రోడ్డు ప్రమాదంలో వ్యక్తి మృతిప్రత్తిపాడు: జాతీయ రహదారిపై జరిగిన ప్రమాదంలో ఓ వ్యక్తి మృతి చెందాడు. ఎస్సై ఎస్‌.లక్ష్మీకాంతం కథనం ప్రకారం.. రాజమహేంద్రవరం రూరల్‌ హుకుంపేట ప్రాంతానికి చెందిన కాకర్ల శేషగిరిరావు (75) స్థానిక ఎన్‌హెచ్‌పై మినర్వా స్కూల్‌ సమీపాన రోడ్డు దాటుతుండగా, గుర్తు తెలియని వాహనం ఢీకొంది. దీంతో అతని శరీరం నుజ్జునుజ్జు కాగా, అక్కడికక్కడే మృతి చెందాడు. మృతదేహాన్ని పోస్టుమార్టం నిమిత్తం స్థానిక కమ్యూనిటీ హెల్త్‌ సెంటర్‌కు తరలించారు. మృతుడి బంధువు ఫిర్యాదు మేరకు కేసు నమోదు చేసినట్టు ఎస్సై వివరించారు. గుర్తు తెలియని మహిళ మృతదేహం లభ్యంసామర్లకోట: స్థానిక గోదావరి రైల్వే ఎల్‌సీ గేటు ఎదుట ఉన్న బ్రాహ్మణ రేవులో గుర్తు తెలియని మహిళ (50) మృతదేహాన్ని ఆదివారం స్థానికులు కనుగొన్నారు. సీఐ ఎ.కృష్ణభగవాన్‌ మాట్లాడుతూ వీఆర్వో మురళి ఫిర్యాదు మేరకు గోదావరి కాలువలో మృతదేహాన్ని బయటకు తీసి సమాచారం సేకరిస్తున్నట్లు తెలిపారు. మహిళ వద్ద ఎటువంటి ఆధారాలు లభించక పోవడంతో గుర్తు తెలియని మృతదేహంగా కేసు నమోదు చేసినట్టు తెలిపారు. మహిళకు సంబంధించిన వారు సామర్లకోట పోలీసు స్టేషన్‌, 9440796568 నంబర్‌లో సంప్రదించాలన్నారు. కేసు దర్యాప్తు చేస్తున్నారు. చిత్రాడ వంతెన కింద ఉరి వేసుకుని.. పిఠాపురం రూరల్‌: పట్టణ పోలీస్‌ స్టేషన్‌ పరిధిలోని చిత్రాడ వంతెన కింద గుర్తుతెలియని వ్యక్తి మృతదేహం లభ్యమైనట్లు ఎస్సై వి.మణికుమార్‌ ఒక ప్రకటనలో తెలిపారు. సుమారు 25 ఏళ్ల వయస్సు ఉన్న వ్యక్తి కరెంట్‌ పోల్‌కు ఉరివేసుకుని మృతి చెందిన స్థితిలో గుర్తించామన్నారు. మృతుడి కుడి చేతి పైభాగంలో ‘అమ్మ’ అనే తెలుగు అక్షరాలతో పచ్చబొట్టు ఉందని, ఎడమ చేతికి నలుపు రంగు బ్యాండ్‌ ధరించి, నలుపు రంగు నెక్‌ టీ–షర్ట్‌, సిమెంట్‌ రంగు షార్ట్‌ ధరించి ఉన్నట్లు పోలీసులు తెలిపారు. మృతుడి వద్ద ఎటువంటి గుర్తింపు పత్రాలు, ఇతర వివరాలు లభించలేదని, ఈ లక్షణాలతో ఉన్న వ్యక్తి ఎవరైనా తప్పిపోయినట్లు తెలిసినా, మృతుడిని గుర్తించినా ఎస్‌ఐని 9440796560, సీఐని 9440796523 నంబర్లలో సంప్రదించి సమాచారం అందించాలని కోరారు.

ప్రపంచ వ్యాప్తంగా ఉన్న కలియుగ దైవం శ్రీవేంకటేశ్వర స్వామి భక్తులను మనోవేదనకు గురిచేసే విధంగా మాట్లాడిన చంద్రబాబు, పవన్‌ కళ్యాణ్‌ బహిరంగ క్షమాపణ చెప్పాలి. ఎంతో భక్తిశ్రద్ధలతో పూజించే వేంకటేశ్వర స్వామి ప్రసాదంపై తప్పుడు ఆరోపణలు చేయడం సరికాదు. శ్రీవారి ప్రసాదం విషయంలో చంద్రబాబు, పవన్‌ రాజకీయ స్వార్థంతోనే తప్పుడు ఆరోపణలు చేశారు. లడ్డూ ప్రసాదంలో జంతువుల కొవ్వు ఆనవాళ్లే లేవని ఎన్‌ఫోర్స్‌మెంట్‌ డైరెక్టరేట్‌ దర్యాప్తులో వెల్లడైంది. –టీకే విశ్వేశ్వరరెడ్డి, రాజమహేంద్రవరం పార్లమెంట్‌ కాంగ్రెస్‌ కన్వీనర్‌ దేవాలయాలపై రాజకీయం తగదు తిరుమల లడ్డూలో కల్తీ జరిగిందంటూ కూటమి నాయకులు పలు రాజకీయ విమర్శలు చేశారు. భక్తుల సెంటిమెంట్‌కు సంబంధించిన ఈ వ్యవహరంలో రాజకీయాలు చేయడం సరికాదు. హిందువుల మనోభావాలు దెబ్బతీసిన వారు ఇప్పుడు ఏం సమాధానం చెప్తారు. లడ్డూ ప్రసాదం తయారీకి ఉపయోగించే నెయ్యిలో కల్తీ జరగలేదని ఈడీ స్పష్టం చేసింది. దేవాలయాలు వేరు.. రాజకీయాలు వేరు. తిరుపతి వంటి పుణ్యక్షేత్రాన్ని రాజకీయాలకు వాడుకోవడాన్ని తీవ్రంగా ఖండిస్తున్నాం. –తాటిపాక మధు, సీపీఐ రాష్ట్ర కార్యదర్శి ●

చాలా సున్నితమైన, కోట్లాది మంది భక్తుల విశ్వాసాలతో కూడిన తిరుమల శ్రీవారి ప్రసాదం విషయాన్ని రాజకీయ ప్రయోజనాల కోసం చంద్రబాబు, పవన్‌ కళ్యాణ్‌ నిస్సిగ్గుగా వాడుకున్నారు. మాజీ సీఎం వైఎస్‌ జగన్‌మోహన్‌రెడ్డిని రాజకీయంగా ఎదుర్కోలేక నిరాధార ఆరోపణలు చేశారు. తిరుమల ప్రసాదంలో ఏ విధమైన అవకతవకలు, కల్తీ జరగలేదని కలియుగ దైవం వేంకటేశ్వర స్వామి ఆశీస్సులతో ఎన్‌ఫోర్స్‌మెంట్‌ డైరెక్టరేట్‌ అధికారులు క్లీన్‌చిట్‌ ఇచ్చారు. ఇప్పటికై నా వారు బుద్ధి తెచ్చుకోవాలి. రాజకీయంగా ఎదుర్కొనే ప్రయత్నాలు చేయాలే తప్ప భక్తుల మనోభావాలు దెబ్బతీసే విధంగా తప్పుడు ఆరోపణలు చేయకూడదు. –అశోక్‌ కుమార్‌జైన్‌, ది రాజమండ్రి చాంబర్‌ ఆఫ్‌ కామర్స్‌ మాజీ అధ్యక్షుడు ●

ఎటపాక: కవి సమ్మేళనాలు తెలుగు భాష ఔన్నత్యాన్ని ప్రపంచానికి చాటి చెబుతాయని భద్రాచలం ఐటీడీఏ పీఓ రాహుల్‌ అన్నారు. ఆదివారం శ్రీకళావేదిక 176వ శతాధిక కవి సమ్మేళనం డాక్టర్‌ పాల్‌రాజ్‌ ఇంజినీరింగ్‌ కాలేజీలో ఘనంగా జరిగింది. ఈకార్యక్రమానికి ముఖ్య అతిథిగా హాజరైన పీఓ మాట్లాడుతూ..తెలుగు వారసత్వ సంపద భావితరాలకు అందించాలని సమాజాన్ని కవులు తమ కవితల ద్వారా చైతన్యపర్చాలని అన్నారు. ఇటువంటి కవి సమ్మేళనాలు నిర్వహించడం అభినందనీయమన్నారు. కార్యక్రమంలో పాల్గొన్న కవులకు అక్షర కిరీటి బిరుదును ప్రదానం చేశారు. అనంతరం కవులకు పూలదండలు వేసి శాలువాలు వేసి మెమొంటోలు ఇచ్చి సత్కరించారు. కార్యక్రమంలో తాళ్లూరి పంచాక్షరియ్య, కళావేదిక జాతీయ అధ్యక్షురాలు ఈశ్వరి భూషణం, పార్థసారథి, అజిత్‌, తోటమల్ల సురేష్‌బాబు, నజీర్‌, పూర్ణిమ, రమణ, దుర్గాప్రసాద్‌, బిక్షం తదితరులున్నారు. రెవెన్యూ ఉద్యోగుల రాష్ట్ర కౌన్సిల్‌ ఏర్పాటు రంపచోడవరం: విజయవాడలోని రెవెన్యూ భవన్‌లో రెవెన్యూ ఉద్యోగుల 18వ రాష్ట్ర కౌన్సిల్‌ సమావేశం జరిగిందని, పోలవరం జిల్లా నుంచి హడాక్‌ కమిటీ జిల్లా అధ్యక్షుడు ఎస్‌కే ఫయాజ్‌ బాషా (జిలాని) తెలిపారు. కౌన్సిల్‌లో 28 జిల్లాల అధ్యక్ష, కార్యదర్శులతో పాటు రాష్ట్ర రెవెన్యూ ఉద్యోగులతో సమావేశం జరిగిందన్నారు. అనంతరం ఏపీఆర్‌ఎస్‌ఏ ఆరో రాష్ట్ర కార్యవర్గ ఎన్నికలు కూడా జరిగాయి. పోలవరం జిల్లా నుంచి రాష్ట్ర ఆర్గనైజింగ్‌ సెక్రటరీగా షేక్‌ ఫయాజ్‌ బాషా (జిలాని)ని ఏకగ్రీవంగా ఎన్నుకున్నారని వెల్లడించారు.

అమలాపురం టౌన్‌: స్థానిక మహిపాలవీధిలోని మున్సిపల్‌ పాఠశాల హెచ్‌ఎం మలిశెట్టి మూర్తి (ఎంఎస్‌ఎన్‌ మూర్తి)కి చెందిన రెండస్తుల డాబా ఇంట్లో ఆదివారం తెల్లవారుజామున విస్ఫోటం సంభవించి ఇంటిపై అంతస్తు 50 శాతం దెబ్బతింది. ఈ ప్రమాదంలో తీవ్రంగా గాయడిన మూర్తి పెద్ద కుమారుడు సాయిరామ్‌ను వైద్యం కోసం కిమ్స్‌ ఆస్పత్రికి తరలించారు. సుమారు రూ.10 లక్షల వరకూ ఆస్తి నష్టం సంభవించినట్లు అగ్ని మాపక సిబ్బంది అంచనా వేశారు. డీఎస్పీ టీఎస్‌ఆర్‌కే ప్రసాద్‌, సీఐ పి.వీరబాబు ఘటన స్థలాన్ని, జరిగిన నష్టాన్ని పరిశీలించారు. ఈ ఘటనపై దర్యాప్తు చేస్తున్నట్టు డీఎస్పీ తెలిపారు. పై అంతస్తు గదులను పూర్తిగా మూసివేయడం వల్ల ఇంట్లోని ఇన్వెర్టర్‌ బ్యాటరీ పేలి విద్యుత్‌ షార్ట్‌ సర్క్యూట్‌ కావడం వల్ల సమీపంలో ఉన్న సగం వాడి వదిలేసిన సిలిండర్‌ నుంచి గ్యాస్‌ లీకై ఈ పేలుడు జరిగి ఉండవచ్చని అంచనా వేస్తున్నారు. ఇంటిలో పేలుడు పదార్థాలేవీ లేవని ఆయన తెలిపారు. క్లూస్‌ టీమ్‌ వచ్చి ఆధారాలు సేకరించి రాజమండ్రి రీజినల్‌ ఫోరెన్సిక్‌ ల్యాబ్‌కు తరలించారు. తెల్లవారు జాము 4.45 గంటలకు ఇంటి పై అంతస్తులో పెద్ద శబ్దం వచ్చిందని, పిడుగుపాటు వల్ల ఈ పేలుడు జరిగి ఉండవచ్చని ఇంటోని వారు చెప్తున్నారు. కానీ ఆ సమయంలో అటువంటి వాతావరణ పరిస్థితి ఏమీ లేదని పోలీసులు తెలిపారు. పరుపు నుంచి మంటలు పై అంతస్తులో మూర్తి ఇద్దరి కుమారులు నిద్రిస్తుండగా మంచంపై పరుపు నుంచి మంటలు వ్యాపించడం, శ్లాబ్‌ సీలింగ్‌ ఊడి పడడం, గోడలు, కిటికీలు, తలుపులు దెబ్బతినడండో పెద్ద కుమారుడు సాయిరామ్‌ కంగారు పడి పక్క ఇంటివైపు దూకేశాడు. దీంతో అతడు తీవ్రంగా గాయపడ్డాడు. కాగా చిన్న కుమారుడు క్షేమంగానే ఉన్నాడు. ఈ ఘటనతో విద్యుత్‌ సరఫరా నిలిచిపోవడంతో ఏం జరుగుతోందో తెలియక బాధిత కుటుంబం, ఇరుగుపొరుగువారు అయోమయానికి గురయ్యారు. సాయిరామ్‌ను ఆస్పత్రికి తరలించేందుకు 108 అంబులెన్స్‌కు ఫోన్‌ చేసినా స్పందించలేదని, ఫైర్‌ సిబ్బంది కూడా కొద్ది సేపటికి వచ్చి పరుపు నుంచి వచ్చిన మంటలను అదుపు చేశారని స్థానికులు తెలిపారు. 50 శాతం మేర దెబ్బతిన్న పై అంతస్తు రూ.10 లక్షల ఆస్తి నష్టమని అంచనా ఇన్వెర్టర్‌ బ్యాటరీ పేలడం.. విద్యుదాఘాతంతో మంటలు వ్యాపించి ఖాళీ సిలిండర్‌ సైతం పేలినట్టు చెప్తున్న బాధితులు కేసు దర్యాప్తు చేస్తున్న పోలీసులు

అమలాపురం టౌన్‌: ఉపాధ్యాయ సమస్యలపై పోరాడేందుకు తనను మరోసారి ఎన్నుకోవాలని ఎమ్మెల్సీ గోపిమూర్తి కోరారు. యూటీఎఫ్‌ జిల్లా శాఖ మధ్యంతర కౌన్సిల్‌ సమావేశం స్థానిక సంఘ కార్యాలయంలో ఆదివారం జరిగింది. ఈ సందర్భంగా గోపిమూర్తి తనకు ఎమ్మెల్సీగా మళ్లీ అవకాశమివ్వాలని కోరారు. యూటీఎఫ్‌ జిల్లా అధ్యక్షుడు జీవీ రమణ మాట్లాడుతూ ఉపాధ్యాయ ఎమ్మెల్సీగా బొర్రా గోపిమూర్తిని మళ్లీ గెలిపించాలని పిలుపునిచ్చారు. సంఘ రాష్ట్ర కార్యదర్శి జ్యోతిబసు మాట్లాడుతూ ఉపాధ్యాయులను టెట్‌ నుంచి మినహాయించాలని డిమాండ్‌ చేశారు. మాజీ ఎమ్మెల్సీ ఐవీ వెంకటేశ్వరరావు, యూటీఎఫ్‌ జిల్లా ప్రధాన కార్యదర్శి ఎంటీవీఏఎస్‌ సుబ్బారావు తదితరులు పాల్గొన్నారు. ఎమ్మెల్సీ గోపిమూర్తి

● జాతీయ స్థాయి సైన్స్‌ ఫెస్ట్‌లో రంగంపేట విద్యార్థుల ప్రతిభ ● ‘జీరో వేస్ట్‌ వెల్‌నెస్‌’ ప్రాజెక్టుకు ప్రథమ బహుమతి రంగంపేట: జాతీయ స్థాయి సైన్స్‌ పోటీల్లో అందరిలోనూ ప్రత్యేకత చాటారు. రంగంపేట జిల్లా పరిషత్‌ ఉన్నత పాఠశాల విద్యార్థులు అద్భుత ప్రతిభతో శెభాష్‌ అనిపించుకున్నారు. బెంగళూరులోని యూనివర్సల్‌ గ్రీన్‌ స్కూల్‌ వేదికగా యూనివర్సల్‌ గ్రూప్స్‌ ఆఫ్‌ ఇన్‌స్టిట్యూషన్స్‌ ఆధ్వర్యంలో ఈ నెల 19న నిర్వహించిన ఆవిష్కార నేషనల్‌ సైన్స్‌ ఫెస్ట్‌–2026లో వారు ప్రథమ బహుమతిని దక్కించుకున్నారు. దేశవ్యాప్తంగా 140 పాఠశాలలకు చెందిన 350కు పైగా సైన్స్‌ ప్రాజెక్టులు ఈ పోటీల్లో ప్రదర్శించగా.. వివిధ విభాగాల్లో ప్రథమ, ద్వితీయ, తృతీయ స్థానాలతో పాటు 12 కన్సోలేషన్‌ బహుమతులను నిర్వాహకులు అందజేశారు. ఇందులో రంగంపేట హైస్కూల్‌కు చెందిన ఎనిమిది మంది 9వ తరగతి విద్యార్థినులు నాలుగు ప్రాజెక్టులను ప్రదర్శించారు. ప్రత్యేకంగా నిలిచి.. విద్యార్థినులు టి.జ్ఞానవీరలక్ష్మి, జి.యామిని రూపొందించిన ‘జీరో వేస్ట్‌ వెల్‌నెస్‌’ ప్రాజెక్టుకు ప్రథమ బహుమతి లభించింది. వ్యర్థాల నిర్వహణ, వాటి పునర్వినియోగం, పర్యావరణ పరిరక్షణకు ఉపయోగపడే అంశాలను ప్రతిబింబించేలా ఈ ప్రాజెక్టును రూపొందించారు. దీనికి నిర్వాహకులు ప్రథమ బహుమతి అందించారు. అదేవిధంగా సీహెచ్‌ మాలతీలత, ఆర్‌.దుర్గ రూపొందించిన ‘స్మార్ట్‌ అటెండెన్స్‌ సిస్టమ్‌’ ప్రాజెక్టుకు కన్సోలేషన్‌ బహుమతి లభించింది. అలాగే రంగంపేట పాఠశాల విద్యార్థుల బృందానికి ఓవరాల్‌ టీమ్‌ ప్రథమ బహుమతి కూడా దక్కడం విశేషం. ఎంతో గర్వకారణం తమ విద్యార్థులు జాతీయ స్థాయి వేదికపై ప్రతిభ చాటడం ఎంతో గర్వకారణమని ఆ పాఠశాల హెచ్‌ఎం వి.పార్థసారథి అన్నారు. విద్యార్థుల్లో శాసీ్త్రయ దృక్పథాన్ని పెంపొందించేందుకు ఉపాధ్యాయులు నిరంతరం ప్రోత్సహిస్తున్నారని తెలిపారు. విజేత విద్యార్థులు జ్ఞానవీరలక్ష్మి, యామిని, మాలతీలత, దుర్గ, సత్యసంతోషి, లక్ష్య కార్తికేయలను హెచ్‌ఎంతో పాటు ఉపాధ్యాయ బృందం, విద్యార్థులు అభినందించారు. ప్రాజెక్టులకు మార్గదర్శకత్వం వహించిన జీవశాస్త్ర ఉపాధ్యాయిని వినుకొండ రమ్యసుధను ప్రత్యేకంగా అభినందించారు.

● వేతనాల మంజూరులో ప్రభుత్వం నిర్లక్ష్యం ● మరో మూడు రోజుల్లో పదవీకాలం ముగింపు ● ఆవేదన వ్యక్తం చేస్తున్న ఎంపీటీసీ సభ్యులుఅంబాజీపేట: కూటమి ప్రభుత్వం అధికారం చేపట్టి రెండున్నరేళ్లు అవుతున్నా ప్రజాప్రతినిధులను అగౌరవ పరుస్తూనే ఉంది కూటమి ప్రభుత్వం. ఎంపీటీసీలకు వైఎస్సార్‌ సీపీ ప్రభుత్వ హయాంలో రెండు విడతలుగా గౌరవ చెల్లించగా, 2024 జూన్‌ నెలలో కూటమి ప్రభుత్వం ఏర్పాటైన తర్వాత వారంతా పూర్తి నిర్లక్ష్యానికి గురవుతున్నారు. జిల్లాలో అమలాపురంలో 61 మంది, పి.గన్నవరం 79, రావులపాలెం 86, ముమ్మిడివరం 52, రాజోలు 63, రామచంద్రపురం 59 మంది ఎంపీటీసీ సభ్యులు ఉన్నారు. వీరికి 32 నెలల వేతనం అందాల్సి ఉంది. ఈ నెల 23తో వారి పదవీ కాలం ముగియనుంది. పలు సమావేశాల్లో వారికి అందాల్సిన గౌరవ వేతనాల కోసం బడ్జెట్లు ప్రవేశపెట్టినా ప్రజా ప్రతినిధుల ఖాతాల్లో ఒక్క రూపాయి విదల్చడం లేదు. అధిక శాతం ఎంపీటీసీ సభ్యులు వైఎస్సార్‌ సీపీ వారు కావడం వల్లే నిధులు మంజూరు చేయడం లేదని వారు అంటున్నారు. స్థానిక ఎంపీడీఓ కార్యాలయంలో జరగనున్న మండల సర్వసభ్య సమావేశంలో సమస్యలు పరిష్కారమవుతాయని ప్రజాప్రతినిధులు ఎదురుచూస్తున్నారు. ప్రజలు నేరుగా ఎన్నుకున్న తమను పదవిని బట్టి గౌరవించడం ప్రభుత్వం బాధ్యత అని, తమకు ఇవ్వాల్సిన గౌరవ వేతనాలు బకాయి పెట్టడం ఎంతవరకు సమంజసమని వారు ఆవేదన వ్యక్తం చేస్తున్నారు. కూటమి ప్రభుత్వం ఏర్పాడిన తరువాత గత రెండున్నరేళ్లలో ఎంపీటీసీల పేరున ఒక్క అభివృద్ధి పనీ చేపట్టలేకపోయారు. గతంలో వైఎస్సార్‌ సీపీ అధికారంలో ఉండగా ఎంపీటీసీలకు ప్రాముఖ్యం ఇస్తు గ్రామాల అభివృద్ధికి నిధులు మంజూరు చేశారు. చంద్రబాబు ప్రభుత్వం వచ్చాక అభివృద్ధి పనులు సాగడం లేదు. కేవలం 85 శాతం మంది వైఎస్సార్‌ సీపీ ఎంపీటీసీలుగా ఉన్నారనే నిధులు, అభివృద్ధిని అడ్డుకున్నారని పలువురు విమర్శిస్తున్నారు.బిల్లులు పెడుతున్నా మంజూరు చేయరు ప్రభుత్వం ఎంపీటీసీ సభ్యులను చిన్నచూపు చూడడంలో ఆంతర్యమేమిటో తెలియడం లేదు. తమకు రావలసిన వేతనాలు చెల్లించడానికి ఇంత ప్రాధేయపడాలా? వేతనాల బిల్లులు పెడుతున్నా మంజూరు చేయకపోవడం దౌర్భాగ్యం. రెండు సార్లు బడ్జెట్‌ సమావేశం జరిగినా అందులోను కేటాయించలేదు. ఎంపీటీసీలపై నిర్లక్ష్యంగా వ్యహరించడం కూటమి ప్రభుత్వానికి మంచిది కాదు. – దొమ్మేటి వెంకటేశ్వరరావు, ఎంపీపీ, మాచవరం

కలియుగ ప్రత్యక్ష దైవం శ్రీవేంకటేశ్వర స్వామివారి లడ్డూ ప్రసాదం ప్రపంచ వ్యాప్తంగా ఎంతో ప్రసిద్ధి చెందింది. అటువంటి లడ్డూలో కల్తీ జరిగిందని, అది కూడా జంతువుల కొవ్వు కలిసిందని చంద్రబాబు, పవన్‌ కళ్యాణ్‌ తప్పుడు ఆరోపణలు చేయడం చాలా బాధాకరం. కల్తీ జరగలేదని ఎన్‌ఫోర్స్‌మెంట్‌ డైరెక్టరేట్‌ స్పష్టం చేసిన తర్వాత పవన్‌, చంద్రబాబు ఏం చెబుతారు. పవన్‌ ఏకంగా గుడి మెట్లు కడిగి హంగామా చేశారు. కల్తీ జరగలేదని కూటమి ప్రభత్వంలోని అధికారులే నిర్ధారించారు. ఇప్పటికై నా పవన్‌ కళ్యాణ్‌ ముక్కు నేలకు రాసుకుని వేంకటేశ్వరస్వామిని, భక్తులను క్షమించమని అడగాలి. దేవుని విషయంలో అసత్య ప్రచారాలు చేసిన వారికి శిక్ష తప్పదు. –దుర్వాసుల సత్యానారాయణ, నగర బ్రాహ్మణ సంఘం అధ్యక్షుడు

ధరల నియంత్రణలో విఫలం గతంలో ఎన్నడూ లేనంతగా బియ్యం, నిత్యావసరాల ధరలు పెరిగిపోయాయి. ధరల నియంత్రణలో చంద్రబాబు ప్రభుత్వం పూర్తిగా విఫలమైంది. పంచదార, బెల్లం పరిస్థితి మరీ దారుణంగా ఉంది. గతంలో కిలో ఎప్పుడూ రూ. 40 నుంచి రూ.45 మధ్యే ఉండేది. ప్రస్తుతం రూ.70 దాటిపోవడంతో తీపి పదార్థాలు చేసుకునేందుకు ఇబ్బంది పడుతున్నాం. –దాడి శివాజీ, శ్రీరంగపట్నం, కోరుకొండ మండలం తినడానికీ భయపడే పరిస్థితి ప్రస్తుతం బియ్యం, నూనెలు, నిత్యావసర వస్తువుల ధరలన్నీ ఆకాశాన్ని అంటాయి. ఏమీ కొనలేం, తినలేం అన్న పరిస్థితి నెలకొంది. నిత్యావసర వస్తువులు, కూరగాయల ధరలు పెరిగిపోవడంతో సామాన్య, మధ్య తరగతి ప్రజలు తినడానికి భయపడే పరిస్థితిని ప్రభుత్వం తీసుకొచ్చింది. పంచదార, బెల్లం ధరల పెరుగుదలతో టీ, కాఫీ కూడా తాగడానికి ఆలోచించాల్సి వస్తోంది. –కె.దీప్తి, గృహిణి, కోరుకొండ ధరలు తగ్గిస్తామని చెప్పి.. రాష్ట్రంలో చంద్రబాబు ప్రభుత్వంలో నెలకోసారి ధరలు పెరుగుతుంటే సామాన్యులు జీవించలేని పరిస్థితి వస్తోంది. ధరల నియంత్రణకు చర్యలు చేపడతామని ఎన్నికలకు ముందు కూటమి నేతలు ప్రచారం చేశారు. అధికారంలోకి వస్తే ధరలు తగ్గిస్తామని గొప్పగా చెప్పారు. ప్రస్తుతం ధరలను నియంత్రించలేక చేతులేత్తేశారు. –వాడ్రేపు చంద్రశేఖర్‌, దుప్పలపూడి, అనపర్తి ఏమీ కొనలేకపోతున్నాం మాలాంటి సామాన్యులు ఏ వస్తువులు కొనుక్కోవాలన్నా ధరలు భారీగా పెరిగిపోయాయి. ప్రస్తుత ప్రభుత్వంలో ధరలు ఆకాశాన్నంటుతున్నాయి. బియ్యం, నూనె, పంచదార, బెల్లం, కూరగాయలు.. ఇలా సామాన్యులకు అవసరమైన వస్తువుల ధరలన్నీ పెరిగిపోయాయి. ఏమీ కొనే పరిస్థితి లేదు. సామాన్యులు బతకడం కష్టంగా మారింది. –కోనాల పద్మలత, పీరా రామచంద్రపురం, అనపర్తి బెధరగొట్టేలా బడ్జెట్‌! కుటుంబ బడ్జెట్‌ బెదరగొడుతోంది.. సామాన్యులను ఉక్కిరిబిక్కిరి చేస్తోంది.. పప్పులు, ఉప్పులు, గ్యాస్‌ బండలు, ఇతర నిత్యావసరాల ధరల మంట అంతకంతకూ పెరుగుతోంది. సగటు జీవికి ఆక్రందన మిగులుతోంది.. చంద్రబాబు సర్కారు తీరుతో ప్రతి కుటుంబం కడుపు నిండా తినడానికీ ఆలోచించాల్సి వస్తుంది. కూడబెట్టినదంతా ఖర్చులకే సరిపోతోంది. కూలి నాలీ చేసుకునే వారి పరిస్థితి మరింత దయనీయంగా మారింది. ధరల మంటలు చల్లారేదెన్నడో అనే ప్రశ్న ప్రతి ఒక్కరి నుంచి ఉత్పన్నమవుతోంది. సాక్షి, రాజమహేంద్రవరం/ ప్రకాశంనగర్‌/ కోరుకొండ/ అనపర్తి: సామాన్య, మధ్యతరగతి ప్రజల ఇంట ధరల మంట రేగింది. ఉప్పు నుంచి పప్పు వరకు, నూనెలు, బియ్యం, కూరగాయలు, ఉల్లిపాయలు ఒకటేమిటి అన్ని ధరలూ పెరగడంతో నెలవారీ కుటుంబ బడ్జెట్‌ తారుమారవుతోంది. ఇప్పటికే విద్య, వైద్యం, ఇంటి అద్దెలు, పెట్రోల్‌ ధరల పెరుగుదలకు నిత్యావసరాల ధరలూ తోడయ్యాయి. చంద్రబాబు ప్రభుత్వంలో ధరల నియంత్రణ లేకుండా పోయింది. అన్ని వస్తువుల ధరలూ ఆకాశాన్నంటడంతో సామాన్యులు ఉక్కిరిబిక్కిరి అవుతున్నారు. మరోవైపు ఉద్దేశ పూర్వకంగానే వ్యాపారులు కృత్రిమ కొరత సృష్టించి ధరలు పెంచేస్తున్నారని... వారిపై చర్యలు తీసుకునేందుకు పౌర సరఫరాల శాఖ, మార్కెటింగ్‌ శాఖ అధికారులు వెనుకాడుతున్నారని ప్రజలు ఆరోపిస్తున్నారు. రెండు, మూడు నెలల క్రితం వరకు మేలు రకం సన్నబియ్యం కిలో రూ.50 నుంచి రూ.55 మధ్య లభించేవి. ప్రస్తుతం కొన్ని రకాల సన్న బియ్యం ధర రూ.70 దాటిపోయింది. అంటే కిలోపై సుమారు రూ.15 నుంచి రూ.20 వరకు అదనపు భారం పడుతోంది. దీంతో నెలకు 25–30 కిలోల బియ్యం కొనుగోలు చేసే కుటుంబానికి రూ.500 వరకూ అదనపు ఖర్చు అవుతోంది. మరోవైపు మిల్లర్లు, వ్యాపారులతో కుమ్మకై ్క ధరలు పెంచేస్తున్నారని ఆరోపణలు వినిపిస్తున్నాయి. ప్రస్తుతం మార్కెట్‌లో బియ్యం నిల్వలన్నీ గతేడాది సాగు చేసినవే. గత ఖరీఫ్‌, రబీలోనూ రికార్డు స్థాయిలో వరి సాగయ్యిందని ప్రభుత్వ గణాంకాలే చెబుతున్నాయి. అయినప్పటికీ బియ్యం ధరల నియంత్రణలో చంద్రబాబు సర్కార్‌ జోక్యం చేసుకోవడం లేదు. ౖపైపెకి ఉల్లి.. వెల్లుల్లి వంటింటి ఖర్చును ఉల్లి, వెల్లుల్లి ధరలు కూడా పెంచేస్తున్నాయి. ఇటీవల ఉల్లి ధర గణనీయంగా పెరిగింది. జూలైలో కిలో రూ.20–25 మధ్య ఉన్న ఉల్లి ప్రస్తుతం రైతుబజార్లలో రూ.50కు చేరిందని, బహిరంగ మార్కెట్లో ప్రాంతాన్ని బట్టి రూ.70కు పైగా విక్రయిస్తున్నారని వినియోగదారులు వాపోతున్నారు. మరోవైపు జిల్లాలోని రైతుబజార్లకు నాణ్యమైన ఉల్లి తీసుకురావడం లేదని ఆరోపిస్తున్నారు. కిలోలో 20 శాతం కుళ్లిన ఉల్లిపాయలే ఉంటున్నాయని... వాటిని తీసేసి నాణ్యమైనవి ఎంచుకునేందుకు కూడా వ్యాపారులు అవకాశమివ్వడం లేదని కొనుగోలుదారులు వాపోతున్నారు. ● రెండు నెలల క్రితం కిలో వెల్లుల్లి సుమారు రూ.140 వరకు ఉండగా, ప్రస్తుతం రూ.300కు చేరుకుంది. నాణ్యత, గ్రేడింగ్‌ ఆధారంగా కొన్ని దుకాణాల్లో రూ.300కు పైగా కూడా విక్రయిస్తున్నట్లు వినియోగదారులు చెబుతున్నారు. అలాగే కిలో ఎండుమిర్చి ధర రూ.300కు చేరింది. ● వంట నూనెల ధరల్లోనూ భారీ పెరుగుదల కనిపిస్తోంది. కొద్ది రోజుల క్రితం బ్రాండెడ్‌ వంట నూనె కిలో రూ.160 నుంచి రూ.170 మధ్య లభించగా.. ప్రస్తుతం రూ.185 దాటేసింది. నూనె వినియోగం తగ్గించే అవకాశం లేకపోవడంతో ధర పెరుగుదల నేరుగా కుటుంబ బడ్జెట్‌పై పడుతోంది. ఇంట కూర‘గాయాలే’ నిత్యావసరాల్లో కీలకమైన కూరగాయల ధరలూ భారంగా మారాయి. ముఖ్యంగా క్యారెట్‌, బీన్స్‌, గోరుచిక్కుడు వంటి కూరగాయల ధరలు గతంతో పోలిస్తే కిలోకు రూ.20కు పైగా పెరిగాయి. ఒక్కో కూరగాయపై చిన్న మొత్తంలో కనిపించే పెరుగుదల.. నెల మొత్తం లెక్కేస్తే రూ.వందల అదనపు ఖర్చు అవుతోంది. ఆదాయం పెరగకుండా నిత్యావసరాల ధరలు పెరుగుతుండటంతో కుటుంబాలు తమ ఇతర ఖర్చులను తగ్గించుకోవాల్సిన పరిస్థితి ఏర్పడుతోంది. నిత్యావసరాల ధరల నియంత్రణపై చంద్రబాబు ప్రభుత్వం, జిల్లా అధికారులు దృష్టి సారించాలని వినియోగదారులు కోరుతున్నారు. వంటింట్లో ధరల మంట హడలిపోతున్న పేద, మధ్యతరగతి వర్గాలు కిలోకు రూ.20 మేర పెరిగిన సన్న బియ్యం అదే బాటలో బెల్లం, పంచదార కొండెక్కిన ఉల్లిపాయలు పట్టించుకోని చంద్రబాబు ప్రభుత్వం పంచదార పరుగులు గణపతి నవరాత్రి సంబరాలు జరుగుతుండడం, కొద్ది రోజుల్లో శరన్నవరాత్ర ఉత్సవాలు సమీపిస్తున్న వేళ పంచదార, బెల్లం ధరలు చేదెక్కాయి. రెండు నెలల క్రితం కిలో పంచదార రూ.40 నుంచి రూ.45 మధ్య ఉంటే... ప్రస్తుతం రూ.70 నుంచి రూ.75 వరకు విక్రయిస్తున్నారు. కొందరు వ్యాపారులు నిల్వ చేసి, కృత్రిమ కొరత సృష్టిస్తున్నారని స్థానిక స్వీట్‌ షాపుల నిర్వాహకులు ఆరోపిస్తున్నారు. మరోవైపు రేషన్‌ దుకాణాల్లో రాయితీపై అందించే పంచదారను డీలర్లే బొక్కేస్తున్నారనే విమర్శలున్నాయి. యంత్రంలో శబ్ధం రాకుండా సెట్టింగ్స్‌ మార్చేసి, వేలిముద్రలు తీసుకుని పంచదార ఇచ్చినట్లు నమోదు చేసేసుకుంటున్నారని ఆరోపణలు వస్తున్నాయి. మరోవైపు బెల్లం ధర కూడా పెరిగింది. కొద్దిరోజుల క్రితం కిలో రూ.55 నుంచి రూ.60 మధ్య ఉన్న బెల్లం ప్రస్తుతం రూ.70 నుంచి రూ.80 వరకు ఉంది. ప్యాకింగ్‌ చేసిన బెల్లం దిమ్మల ధరలు కొన్నిచోట్ల కిలో రూ.90కు విక్రయిస్తున్నారు.

రాజవొమ్మంగి: పులి ప్రస్తుతం రాజవొమ్మంగి మండలం బోర్నగూడెం పరిసర అటవీప్రాంతంలో ఉన్నట్లు స్థానిక అటవీ అధికారులు ఆదివారం సాయంకాలం వెల్లడించారు. గత కొన్ని నెలలుగా జిల్లా వాసులను బెంబేలెత్తిస్తున్న బెంగాల్‌ టైగర్‌ గోదావరి నది దాటి జిల్లాను వీడి వెళ్లినట్లే వెళ్లి తిరిగి జిల్లాకు వచ్చి హల్‌ చల్‌ చేస్తున్న సంగతి తెలిసిందే. గంగవరం, ఏలేశ్వరం ఫారెస్టు రేంజ్‌ల నుంచి బుధవారం రాజవొమ్మంగి అటవీక్షేత్రంలోని పులి అడుగిడిన సంగతి కూడా తెలిసిందే. రాజవొమ్మంగి మండలంలోని అప్పలరాజుపేటలోని వట్టిగెడ్డ రిజర్వాయర్‌ పరివాహక ప్రాంతంలో రెండు రోజులు చక్కర్లు కొట్టి వాతంగి ఫారెస్టు సెక్షన్‌లోకి వెళ్లింది. ప్రస్తుతం పులి రాజవొమ్మంగి ఫారెస్టు రేంజ్‌లోనే బోర్నగూడెం అడవుల్లో ఉందని రాజవొమ్మంగి ఎఫ్‌ఆర్వో ఉషారాణి ఆదివారం ఒక ప్రకటనలో తెలిపారు. బోర్నగూడెం పరిసర ప్రాంత ప్రజలు అప్రమత్తంగా ఉండాలని కోరారు. ఫారెస్టు అధికారులు ట్రాకర్‌ ద్వారా పులి ఎక్కడ ఉన్నది తెలుసుకుంటునే, మరోవైపు తగిన జాగ్రత్తలు తీసుకుంటున్నారు. కాగా పులి రాజవొమ్మంగి అటవీక్షేత్రంలోకి వచ్చి నాలుగు రోజులు గడుస్తున్నా ఎక్కడ పశువులను హాని కలిగించలేదు. గతంలో ఇదే తీరులో సంచరించిన పులి అమ్మిరేఖల, కొమరాపురం, జి.శరభవరం తదితర గ్రామాల్లో అనేక ఆవుదూడలను మట్టుబెట్టిన సంగతి తెలిసిందే. కాగా ప్రస్తుతానికి తమ పశువులకు ఎటువంటి ప్రాణహాని జరగకపోయినా నాలుగు రోజులుగా ఆకలితో ఉన్న పులి ఎటునుంచి అయినా వచ్చి తమ పశువులను చంపేస్తుందేమోనన్న ఆందోళనలో గిరిజన రైతులు వున్నారు. ఫారెస్టు అధికారులు తగిన చర్యలు తీసుకుని తమను, తమ పాడి పశువులను కాపాడాలని కోరుతున్నారు. పులిని సాధ్యమైనంత త్వరగా సురక్షితమైన అడవులకు పంపించాలని గిరిజన ప్రతినిధులు కోరుతున్నారు.

మార్కెట్‌లో బియ్యం, పంచదార, వంట నూనె, ఉల్లిపాయల ధరలు విపరీతంగా పెరిగిపోయాయి. గతంతో పోలిస్తే ఇప్పుడు ధరల పెరుగుదల అధికంగా ఉండడంతో కుటుంబ పోషణకు అధిక శాతం ఖర్చు చేయాల్సి వస్తోంది. నెలవారీ సరకులు, ఇతర ఖర్చులు రోజురోజుకీ పెరిగిపోతున్నప్పటికి మా జీతం మాత్రం పెరగడం లేదు. –ఎస్‌కే బాషా, ప్రైవేట్‌ ఉద్యోగి, రాజమహేంద్రవరం అప్పులు చేస్తున్నాం.. బియ్యం, కూరగాయలు, నిత్యావసర వస్తువుల ధరలు గతంతో పోలిస్తే ఇప్పుడు భారీగా పెరిగాయి. నెల వారీ సరకులకు డబ్బులు ఎక్కువ ఖర్చవుతున్నాయి. కుటుంబ పోషణ, ఇంటి అద్దె, కరెంట్‌ బిల్లు, ఇతర ఖర్చుల కోసం రోజువారీ జీతాలు సరిపోక పోవడంతో అప్పులు చేయాల్సి వస్తోంది. సామాన్యులు బతకాలంటే కష్టమే. – నాగమణి, గృహిణి, రాజమహేంద్రవరం ●

● ఒడ్డున లభ్యమైన పాదరక్షలు, వస్తువులు ● కేసు దర్యాప్తు చేస్తున్న పోలీసులు తాళ్లపూడి: స్నేహితుడిని కలసి వస్తానని చెప్పి ఇంటి నుంచి వెళ్లిన సాఫ్ట్‌వేర్‌ ఇంజినీర్‌ అనుమానాస్పద స్థితిలో అదృశ్యమయ్యాడు. కుటుంబ సభ్యులు, తాళ్లపూడి పోలీసుల కథనం ప్రకారం మండలంలోని బల్లిపాడు గ్రామానికి చెందిన పెండ్యాల జ్యోతి స్వరూప్‌కుమార్‌ (25) హైదరాబాద్‌లో సాఫ్ట్‌వేర్‌ ఉద్యోగిగా పనిచేస్తున్నాడు. శనివారం సాయంత్రం వేగేశ్వరపురంలో ఉన్న తన స్నేహితుడిని కలసి వస్తానని ఇంటి నుంచి వెళ్లాడు. ఈ క్రమంలో బల్లిపాడు గోదావరి రేవు వద్ద కొద్దిసేపు గడిపిన స్వరూప్‌ గోదావరి అందాలను వీడియో తీసి, దానికి పాటను జోడించి తన వాట్సప్‌ స్టేటస్‌గా పెట్టుకున్నాడు. దానిని పలువురు స్నేహితులు సైతం వీక్షిచారు. కొద్ది సేపటికే అతని జాడ తెలియకపోవడం, ఫోన్‌ చేసినా స్పందించకపోవడంతో కుటుంబ సభ్యులు, స్నేహితులు ఆందోళనకు గురయ్యారు. వెంటనే తాళ్లపూడి పోలీసులకు సమాచారం ఇచ్చారు. ఎస్సై టి.రామకృష్ణ వెంటనే ఘటన స్థలానికి చేరుకుని అక్కడ స్వరూప్‌ వేసుకున్న చెప్పులు ఒడ్డున ఉండగా, అతని ఫోన్‌ మరో చోట ఉంచడాన్ని గుర్తించారు. ప్రమాద వశాత్తు గోదావరిలో పడి గల్లంతై ఉంటాడని పోలీసులు, ఫైర్‌ సిబ్బంది, మత్స్యకారులు గాలింపు చేపట్టారు. స్వరూప్‌ ఆ కుటుంబంలో రెండో కుమారుడు. కాగా పెద్ద కుమారుడు, కుమార్తె కూడా సాఫ్ట్‌వేర్‌ ఉద్యోగులుగానే స్థిరపడ్డారు. స్వరూప్‌ ఆచూకీ తెలియకపోవడంతో ఆ కుటుంబంలో తీవ్ర విషాదఛాయలు అలముకున్నాయి. ఘటనా ప్రదేశాన్ని తహసీల్దార్‌ లక్ష్మీ లావణ్య, రెవెన్యూ స్బింది, తాళ్లపూడి ఎస్సై టి.రామకృష్ణ పరిశీలించారు. పోలీసులు కేసు దర్యాప్తు చేస్తున్నారు.

పాము కాటు లక్షణాలు ఇవీ.. ● తీవ్రమైన జ్వరంతో పాటు రక్తపోటు రావచ్చు. ● భరించలేని నొప్పి, కనురెప్పలు మూతపడడం. ● కాటు పడిన చోట వాపు రావడం, శరీరం పాలిపోవడం.ఆలమూరు: ఉమ్మడి తూర్పుగోదావరి జిల్లా వ్యాప్తంగా గ్రామీణ ప్రాంతాలే అత్యధికంగా ఉండడంతో సహజంగానే పాముల వంటి విష కీటకాల బెడద సహజంగానే ఉంటుంది. పొలాలు, మొక్కలు, తుప్పలు పేరుకుపోయిన ప్రదేశాల్లో ఇవి ఎక్కువగా తారసపడుతుంటాయి. దీంతో ఆయా ప్రాంతాల్లో పనులు చేసుకునే వారు, పాదచారులు సహజంగానే వాటి కాట్లకు గురవుతుంటారు. కాటు వేసి తప్పించుకునే పాము ఏ స్థాయి విషపూరితమైనదో తెలియదు. అందువల్ల చిన్న పాము కాటును సైతం సంప్రదాయ చికిత్స కాకుండా సమీపంలోని ఆస్పత్రికి వెళ్లి చికిత్స తీసకోవలసిన ఆవశ్యకత ఎంతైనా ఉంది. కోనసీమ, కాకినాడ, తూర్పుగోదావరి, పోలవరం జిల్లాల వ్యాప్తంగా ఈ నెల 19 నుంచి 25వ తేదీ వరకు అంతర్జాతీయ పాముకాటు అవగాహన వారోత్సవాలు నిర్వహిస్తున్న నేపథ్యంలో వైద్యశాఖ ప్రజలను అప్రమత్తం చేస్తూ అవగాహన కల్పిస్తోంది. పాము కాట్ల నుంచి రక్షించే వ్యాక్సిన్‌ ఏఎస్‌వీ (యాంటీ స్నేక్‌ వీనమ్‌)ని 1895లో ప్రాన్స్‌కు చెందిన ఫిజీషియన్‌ ఆల్బెర్ట్‌ కాల్మెట్టే కనుగొన్నారు. ఇది దేశవ్యాప్తంగా అన్ని ఆస్పత్రుల్లో అందుబాటులో ఉంటుంది. పాముకాట్ల కేసుల్లో దేశంలో రెండో స్థానంలో ఉన్న మన రాష్ట్రంలో ఉమ్మడి తూర్పుగోదావరి జిల్లా నాలుగో స్థానంలో ఉంది. ఉమ్మడి జిల్లా వ్యాప్తంగా 23 ప్రభుత్వ, ఏరియా ఆస్పత్రులోను, 158 పట్టణ, గ్రామీణ పీహెచ్‌సీలలో దీనిని అందుబాటులో ఉంచారు. ఇటీవలి కాలంలో 108 వాహనాల్లో సైతం ఉంచుతున్నారు. ఏటా సుమారు 500 మంది వరకూ పాముకాట్లకు గురవుతుండగా సకాలంలో చికిత్స అందక సుమారు పది శాతం మంది మృత్యువాత పడుతున్నట్టు అధ్యయనాలు చెప్తున్నాయి. ఈ ఏడాది ఇప్పటి వరకూ సుమారు 350 కేసులు నమోదు కాగా, ఆరుగురు మృతి చెందారు. జాతిని బట్టి ప్రాణాపాయం సాధారణంగా కోస్తా జిల్లా పరిసరాల్లో అనేక విష సర్ప జాతులు ఉన్నా కట్లపాము, రక్త పింజర, తాచు పాము, పొడపాము కాట్ల వల్లే ఎక్కువ మరణాలు సంభవిస్తున్నట్లు వైద్యులు చెబుతున్నారు. రక్తపింజర కాటు వేస్తే రెండు గంటల తరువాత, తాచుపాము కాటు వేస్తే అరగంటలో, కట్లపాము కాటు వేస్తే నిమిషాల వ్యవధిలో విషం శరీరమంతా పాకి ప్రాణాపాయానికి అవకాశం ఉంది. ఆలస్యమైతే ప్రాణాపాయం తప్పదు సంప్రదాయ వైద్యం, చికిత్సలు వద్దు అన్ని ఆస్పత్రుల్లో అందుబాటులో ఏఎస్‌వీ ఉమ్మడి జిల్లా వ్యాప్తంగా 25వ తేదీ వరకు అంతర్జాతీయ పాముకాటు అవగాహన వారోత్సవాలువ్యాక్సిన్లు అందుబాటులో ఉన్నాయి పాముకాటుకు గురైన వ్యక్తులు మనోస్థైర్యాన్ని కోల్పోకుండా వీలైనంత త్వరగా చికిత్స అందజేయాలి. అన్ని ఆస్పత్రులలోనూ ఏఎస్‌వీ వ్యాక్సిను అందుబాటులో ఉన్నాయి. – ఎం.దుర్గారావు దొర, జిల్లా వైద్యారోగ్యశాఖ, అమలాపురంతీసుకోవలసిన జాగ్రత్తలు కాటు పడిన వెంటనే సబ్బునీటితో కడగాలి కాటు వేసిన మూడు గంటలలోపు ఏఎస్‌వీ వేయించి వైద్యం అందించాలి. వ్యవయాయ క్షేత్రాల్లో పనిచేసే వారు పాదరక్షలు ధరించాలి. పెస్ట్‌ కంట్రోల్‌ వినియోగించడం ద్వారా పాముల సంచారాన్ని అరికట్టవచ్చు.

సాక్షి, రాజమహేంద్రవరం/ రాజమహేంద్రవరం సిటీ/ సీటీఆర్‌ఐ/ ప్రకాశంనగర్‌: కోట్లాది మంది భక్తుల విశ్వాసాలతో ముడిపడిన తిరుమల శ్రీవారి పవిత్ర లడ్డూ ప్రసాదంపై చేసిన ఆరోపణలన్నీ రాజకీయ స్వార్థంతో చేసినవేనని తేలిపోయింది. లడ్డూ తయారీలో ఉపయోగించిన నెయ్యిలో జంతువుల కొవ్వు కలిపారని ముఖ్యమంత్రి చంద్రబాబు, ఉప ముఖ్యమంత్రి పవన్‌ కళ్యాణ్‌ చేసిన తప్పుడు ఆరోపణలు కోట్లాది మంది భక్తుల మనోభావాలను దెబ్బతీసిన విషయం తెలిసిందే. ఈ క్రమంలో తిరుపతి ఈస్ట్‌ పోలీస్‌ స్టేషన్‌లో నమోదైన ఎఫ్‌ఐఆర్‌ ఆధారంగా దర్యాప్తు చేపట్టిన ఎన్‌ఫోర్స్‌మెంట్‌ డైరెక్టరేట్‌ అధికారులు అసలు కల్తీనే జరగలేదని నిర్ధారించారు. ఈ మేరకు జంతువుల కొవ్వు ఆనవాళ్లే లేవని నిర్ధారిస్తూ శుక్రవారం ఓ ప్రకటన విడుదల చేశారు. ఈ నేపథ్యంలో తప్పుడు ఆరోపణలు చేసినందుకు సీఎం చంద్రబాబు, డిప్యూటీ సీఎం పవన్‌ కళ్యాణ్‌ బహిరంగ క్షమాపణలు చెప్పాలని భక్తులు డిమాండ్‌ చేస్తున్నారు. ఇలాంటి ఆరోపణులు చేయడం సరైన పద్ధతి కాదని మండిపడుతున్నారు. తిరుమల లడ్డూలో జంతువుల కొవ్వు ఆనవాళ్లే లేవు స్పష్టం చేసిన ఎన్‌ఫోర్స్‌మెంట్‌ డైరెక్టరేట్‌ అధికారులు రాజకీయ స్వార్థంతోనే పవన్‌, చంద్రబాబు ఆరోపణలు క్షమాపణలు చెప్పాల్సిందేనంటున్న శ్రీవారి భక్తులు

● ప్రిస్క్రిప్షన్‌ లేకుండానే మందుల విక్రయాలు ● మెడికల్‌ దుకాణాల్లో నిబంధనలు బేఖాతరు ● ఇష్టారీతిన అబార్షన్‌ కిట్లు, ‘ట్రమడాల్‌’ విక్రయాలు ● పూర్తిస్థాయి తనిఖీలలో అధికారులు విఫలం సాక్షి, రాజమహేంద్రవరం: మందులు కొనాలంటే వైద్యుడి సలహా, ప్రిస్క్రిప్షన్‌ ఉండాలి. ఏది పడితే అది వేసుకుంటే ఆరోగ్యానికి ముప్పు తప్పదు. అందుకే కొన్ని రకాల మందుల విక్రయాలపై కేంద్ర ప్రభుత్వం కఠిన నిబంధనలు విధించింది. అయితే జిల్లాలో కొన్ని మందుల దుకాణాల్లో ఈ నిబంధనలను బేఖాతరు చేస్తూ ఇష్టారీతిన విక్రయిస్తున్నారన్న ఆరోపణలు వినిపిస్తున్నాయి. మరికొన్ని చోట్ల నిషేధిత ట్రమడాల్‌, ఎన్‌ఆర్‌ఎక్స్‌ డ్రగ్స్‌ విక్రయాలపైనా ఫిర్యాదులు వస్తున్నాయి. ముఖ్యంగా గర్భస్రావానికి ఉపయోగించే ఔషధ కిట్లను వైద్యుల సూచన లేకుండా విక్రయిస్తున్నారన్న ఆరోపణలు ఆందోళన కలిగిస్తున్నాయి. కేంద్ర ప్రభుత్వ డ్రగ్స్‌ రూల్స్‌ ప్రకారం కొన్ని మందులను రిజిస్టర్డ్‌ మెడికల్‌ ప్రాక్టీషనర్‌ ప్రిస్క్రిప్షన్‌ మేరకు మాత్రమే రిటెయిల్‌గా విక్రయించాలి. జిల్లాలోని కొన్ని ప్రాంతాల్లో ఈ నిబంధనలు కాగితాలకే పరిమితమవుతున్నాయన్న విమర్శలు వినిపిస్తున్నాయి. ఇష్టారీతిన అబార్షన్‌ మందుల విక్రయాలు వైద్యుల పర్యవేక్షణ లేకుండా గర్భస్రావానికి సంబంధించిన మందులు వినియోగించడం వల్ల తీవ్రమైన ఆరోగ్య సమస్యలు తలెత్తే ప్రమాదం రావచ్చు. అందువల్ల ఈ మందుల విక్రయాలపై ప్రత్యేక దృష్టి పెట్టాల్సిన అవసరం ఉందని వైద్య వర్గాలు చెబుతున్నాయి. గర్భం దాల్చి ఎన్ని వారాలు, మహిళ ఆరోగ్య పరిస్థితి ఏమిటన్నది పరిగణనలోకి తీసుకోకుండా మందులు వినియోగిస్తే ప్రాణానికే ప్రమాదం రావచ్చని వైద్యులు హెచ్చరిస్తున్నారు. డ్రగ్స్‌ విభాగం తనిఖీలు జిల్లాలోని 21 మండలాలు, రాజమహేంద్రవరం నగర పరిధిలో మొత్తంగా 2,250కి పైగా మందుల దుకాణాలు ఉన్నాయి. అంటే జిల్లాలో ఏ స్థాయిలో మెడికల్‌ షాపుల వ్యాపారం సాగుతోందో అర్థం చేసుకోవచ్చు. ప్రజారోగ్యానికి సంబంధించి ఇంతటి కీలకమైన వ్యాపార నిర్వహణపై డ్రగ్స్‌ విభాగం అధికారుల పర్యవేక్షణ పూర్తిగా కొరవడిందని చెప్పక తప్పదు. అప్పుడప్పుడు తూతూమంత్రంగా తనిఖీలు నిర్వహించి చేతులు దులుపుకొంటున్నారనే ఆరోపణలు వినిపిస్తున్నాయి. ● కొన్ని మెడికల్‌ షాపుల్లో నిషేధిత మందులు సులభంగా లభిస్తున్నాయనే ఆరోపణలు అధికారుల దృష్టికి వెళ్లినప్పటికీ తనిఖీలు చేపట్టడం లేదన్న విమర్శలు వినిపిస్తున్నాయి. డ్రగ్‌ ఇన్‌స్పెక్టర్లు క్రమం తప్పకుండా తనిఖీలు నిర్వహించి, మందుల నిల్వలు, కొనుగోలు బిల్లులు, విక్రయ రికార్డులు, ప్రిస్క్రిప్షన్ల నిర్వహణ వంటి అంశాలను పరిశీలించాల్సి ఉంటుంది. ● నిబంధనల ప్రకారం డ్రగ్‌ ఇన్‌స్పెక్టర్‌ అడిగినప్పుడు లైసెన్స్‌దారులు సంబంధిత రికార్డులను తనిఖీకి సహకరించాల్సి ఉంటుంది. కానీ జిల్లాలో తనిఖీలు ఎంత మేరకు జరుగుతున్నాయి? ఎన్ని దుకాణాల్లో నిబంధనల ఉల్లంఘనలు గుర్తించారు? ఎన్ని కేసులు నమోదు చేశారు? ఎన్ని లైసెన్సులపై చర్యలు తీసుకున్నారు? అన్న వివరాలు ఏవీ ఎవరికీ తెలియడం లేదు. ● జిల్లాలోని చాలా మందుల దుకాణాల్లో బిల్‌ బుక్‌లు నిర్వహించడం లేదు. ఇష్టారీతిన హ్యాండ్‌ సేల్‌ చేస్తున్నారు. ప్రతీ నెలా బిల్‌ బుక్‌లు పరిశీలించాల్సి ఉన్నా ఆ దిశగా డ్రగ్స్‌ విభాగం అధికారులు దృష్టి సారించడం లేదు. ● గ్రామీణ ప్రాంతాల్లో ఫార్మసీ సర్టిఫికెట్‌ ఒకరి పేరు న ఉంటే వేరొకరు వ్యాపారం చేస్తుంటారు. అటు వంటి వారికి అవగాహన లేక ఇష్టారీతిన మందు లు విక్రయిస్తున్నా వారిని గుర్తించి చర్యలు తీసుకోవడంలో అధికారులు విఫలమవుతున్నారు. ● మరీ ఆందోళనకర విషయమేమిటంటే గ్రామీణ ప్రాంతాల్లోని కొంత మంది ఆర్‌ఎంపీలు కూడా మినీ మందుల షాపులే నిర్వహించేస్తున్నారు. ప్రాథమిక స్థాయిలో అవసరమైన మందులన్నీ వారే విక్రయించేస్తున్నారు. ఒక్కోసారి కాల పరిమితి దాటిన మందులను సైతం విక్రయించడం ఆందోళన కలిగిస్తోంది. ● వైద్యుల సూచన మేరకే తీసుకోవాల్సిన యాంటీబయోటిక్స్‌ను సైతం విచ్చలవిడిగా విక్రయిస్తున్నారు. ఇది ప్రజల ఆరోగ్యంపై తీవ్ర ప్రభావం చూపుతోంది. ● మెజార్టీ దుకాణాల్లో స్టాక్‌ రిజిస్టర్‌ నిర్వహించడం లేదు. ఏ ఏజెన్సీ నుంచి ఏయే మందులు ఎంత పరిమాణంలో కొనుగోలు చేశారో లెక్కాపత్రం ఉండడం లేదు. అప్పుడప్పుడు చేపట్టే అధికారుల తనిఖీల్లోనూ ఈ బిల్లులు లేని విషయం వెలుగు చూస్తున్నా కఠిన చర్యలు తీసుకోవడం లేదు. ● తాజాగా డ్రగ్స్‌ విభాగం అధికారులు చేపట్టిన తనిఖీల్లో ఎన్‌ఆర్‌ఎక్స్‌ అమ్మకాలకు సంబంధించిన బిల్లులే లభించలేదు. లాభార్జనే ధ్యేయంగా వ్యాపారం మందుల వ్యాపారం ద్వారా వచ్చే ఆదాయంపైనే కొందరు దుకాణదారులు దృష్టి పెడుతున్నారనే ఆరోపణలు ఉన్నాయి. వైద్యుడి సలహా లేకుండా మందులు అడిగిన వారికి విక్రయిస్తే కొంత వరకూ వ్యాపారం పెరగవచ్చు. కానీ దాని ప్రభావం ప్రజల ఆరోగ్యంపై పడే అవకాశం ఉంది. ముఖ్యంగా యాంటీబయాటిక్స్‌, నిద్రమాత్రలు, నొప్పి నివారణ మందులు, ఇతర నిషేధిత ఔషధాలను స్వయంగా వినియోగించడం వల్ల దుష్ప్రభావాలు, మందులపై ఆధారపడే పరిస్థితులు, యాంటీబయాటిక్‌ రెసిస్టెంన్స్‌ వంటి సమస్యలు ఏర్పడే ప్రమాదం ఉందని వైద్య నిపుణులు హెచ్చరిస్తున్నారు. జిల్లాలోని అన్ని మెడికల్‌ షాపులపై డ్రగ్‌ ఇన్‌స్పెక్టర్లు, ఉన్నతాధికారులు విస్తృత తనిఖీలు నిర్వహించి, నిబంధనలకు అనుగుణంగా విక్రయాలు జరుగుతున్నాయా లేదా పరిశీలించాల్సిన అవసరం ఉంది. జిల్లాలో నిషేధిత మందుల విక్రయాలు, తనిఖీల వివరాలు తెలుసుకునేందుకు డ్రగ్స్‌ ఏడీ నాగమణికి గడిచిన మూడు రోజులుగా ఎన్నిసార్లు ఫోన్‌ చేసినప్పటికీ స్పందించకపోవడం గమనార్హం. పక్క జిల్లాలో మందుల మాఫియా! మన సరిహద్దులోని ఏలూరు జిల్లా పరిధి జంగారెడ్డిగూడెంలో మందుల మాఫియా బాగోతాలు ఇటీవల వెలులోకి వచ్చిన విషయం తెలిసిందే. వయాగ్రా మాత్రలు, ట్రమడాల్‌ మత్తు ఇంజెక్షన్ల వ్యవహారం కొద్ది రోజుల క్రితం బయటపడింది. జంగారెడ్డిగూడెంలోని ఓ వ్యాపారి సుమారు 3,900 ట్రమడాల్‌ ఇంజెక్షన్లను తెలంగాణలోని కొందరు వ్యాపారులకు సరఫరా చేసినట్లు అక్కడి అధికారులు నిర్ధారించారు. ఈ ప్రాంతంలోనే కొన్ని ఇంజెక్షన్లు రోడ్డు పక్కన పడేయడం కూడా కలకలం రేపింది. ఈ నేపథ్యంలో పక్కనే ఉన్న తూర్పు గోదావరి జిల్లాలోని ప్రాంతాలకూ ట్రమడాల్‌ ఇంజక్షన్లు సరఫరా చేశారనే ఆరోపణలు వినిపిస్తున్నాయి. అధికారుల తనిఖీలతో ఆ విషయం వెలుగుచూసే అవకాశం ఉంది.

● 14,488 మంది వలంటీర్లు.. 39 స్వచ్ఛంద సంస్థల నమోదు ● భక్తుల భద్రత, పారిశుధ్యం, వైద్యం, అన్నదానం, సమాచార సేవలకు ప్రాధాన్యం ● కలెక్టర్‌ కీర్తి చేకూరి సీటీఆర్‌ఐ (రాజమహేంద్రవరం): రానున్న పుష్కరాలకు వచ్చే భక్తులకు మెరుగైన సేవలు అందించేందుకు స్వచ్ఛంద సంస్థలు, యువత, వలంటీర్ల సేవలను సమర్ధంగా వినియోగించుకోవాలని కలెక్టర్‌ కీర్తి చేకూరి అధికారులకు సూచించారు. పుష్కర సేవలపై జిల్లా అధికారులు, స్వచ్ఛంద సంస్థల ప్రతినిధులతో శనివారం స్థానిక క్యాంపు కార్యాలయంలో ఎస్పీ, జేసీ, మున్సిపల్‌ కమిషనర్‌, ఏఎస్పీ ఇతర ఉన్నత స్థాయి అధికారులతో కలిసి ఆమె సమీక్షించారు. ఈ సందర్భంగా కలెక్టర్‌ మాట్లాడుతూ జిల్లా వ్యాప్తంగా ఇప్పటి వరకు 39 స్వచ్ఛంద సంస్థలు నమోదు కాగా, 14,488 మంది వలంటీర్లను సేవల్లో భాగస్వాములను చేసేలా ప్రణాళిక రూపొందించినట్లు తెలిపారు. రాజమహేంద్రవరం డివిజన్‌లో 22 సంస్థలు నమోదు కాగా, 19 సంస్థల ద్వారా 11,625 మంది, కొవ్వూరు డివిజన్‌లో 17 సంస్థలు నమోదు కాగా, 11 సంస్థల ద్వారా 2,863 మంది వలంటీర్లు సేవలందించనున్నట్లు తెలిపారు. వలంటీర్ల సేవలను ప్రధానంగా ఘాట్‌ భద్రత, ట్రాఫిక్‌, రద్దీ నియంత్రణ, పారిశుధ్యం, వైద్య సహాయక సేవలు, అన్నదానం, సమాచార సేవలు అనే ఐదు విభాగాల్లో వినియోగించనున్నారు. ఘాట్లు, జంక్షన్లు, దేవాలయాలు, క్యూ లైన్ల వద్ద పోలీసు శాఖకు సహకరించడంతో పాటు, పారిశుధ్య నిర్వహణపై భక్తులకు అవగాహన కల్పించనున్నారు. ఎస్పీ డి.నరసింహ కిశోర్‌ మాట్లాడుతూ ఏబీవీపీ, రెడ్‌క్రాస్‌తో పాటు ఇతర సంస్థల యువత సేవలను వారి సామర్‌ాధ్యనికి అనుగుణంగా వినియోగించనున్నట్లు తెలిపారు. ట్రాఫిక్‌ నిర్వహణ, డ్రోన్‌ ఆపరేషన్లతో పాటు యువత నైపుణ్యం అవసరమైన విభాగాల్లో వినియోగించనున్నట్లు చెప్పారు. అవసరమైన ప్రాంతాల్లో పోలీసు శాఖ ఆధ్వర్యంలో వలంటీర్లకు ప్రత్యేక శిక్షణ ఇస్తామన్నారు. ఈ సమావేశంలో జేసీ మేఘా స్వరూప్‌, మున్సిపల్‌ కమిషనర్‌ రాహుల్‌ మీనా, అదనపు ఎస్పీ పాటిల్‌ దేవరాజ్‌ మనీష్‌, ఆర్డీవోలు కె. ఆనందరావు, ఆర్‌.శివరాముడు ఇతర జిల్లా అధికారులు పాల్గొన్నారు.నెట్‌వర్క్‌ అంతరాయాలు రానీయొద్దుపుష్కర భక్తులకు కాల్‌డ్రాప్స్‌, నెట్‌వర్క్‌ అంతరాయాలు లేకుండా కమ్యూనికేషన్‌ వ్యవస్థను పటిష్టం చేయాలని కలెక్టర్‌ టెలికం సంస్థలను ఆదేశించారు. శనివారం ఆమె ఈ మేరకు జియో, ఎయిర్‌టెల్‌, వొడాఫోన్‌, ఐడియా, బీఎస్‌ఎన్‌ఎల్‌ తదితర సంస్థల ప్రతినిధులతో ఈ మేరకు సమీక్షించారు. పుష్కరాలకు 70 లక్షల మంది వరకూ వచ్చే అవకాశం ఉన్నందున నెట్‌వర్క్‌ సామర్‌ాధ్యన్ని ఇప్పటి నుంచే పెంచేందుకు కార్యాచరణ రూపొందించాలని సూచించారు. అత్యధిక రద్దీ ఉండే 70 కీలక ప్రాంతాలను గుర్తించి ఆయా ప్రాంతాల్లో టెలికాం టవర్ల ఏర్పాటుకు జాబితాను సంస్థల ప్రతినిధులకు అందించారు. మున్సిపల్‌ కమిషనర్‌ రాహుల్‌ మీనా మాట్లాడుతూ, రహదారులపై ప్రమాదకరంగా వేలాడుతున్న కేబుళ్లను 10 రోజుల్లో తొలగించాలని టెలికాం సంస్థలను ఆదేశించారు. భూగర్భ కేబుల్‌ పనులు చేపట్టే ముందు మున్సిపల్‌ కార్పొరేషన్‌కు సమాచారం ఇచ్చి సమన్వయంతో పనులు నిర్వహించాలని సూచించారు.

మాజీ మంత్రి చెల్లుబోయిన వేణు రాజమహేంద్రవరం రూరల్‌: శ్రీవారి భక్తుల మనోభావాలను దెబ్బతీసిన సీఎం చంద్రబాబు, డిప్యూటీ సీఎం పవన్‌ కల్యాణ్‌ ప్రజలకు బహిరంగ క్షమాపణ చెప్పాలని మాజీ మంత్రి, వైఎస్సార్‌ సీపీ జిల్లా అధ్యక్షుడు చెల్లుబోయిన శ్రీనివాస వేణుగోపాలకృష్ణ డిమాండ్‌ చేశారు. శనివారం బొమ్మూరులో ఆయన మీడియాతో మాట్లాడారు. చంద్రబాబు, పవన్‌కళ్యాణ్‌ వారి రాజకీయ ప్రయోజనాల కోసం శ్రీవారి ప్రసాదం పవిత్రతపై తప్పుడు ప్రచారం చేశారని మండిపడ్డారు. ప్రసాదంలో ఎలాంటి జంతు కొవ్వులూ కలవలేదని సిట్‌ తేల్చడంతో చంద్రబాబు, పవన్‌ అబద్ధాలు చెప్పారని తేలిపోయిందన్నారు. అయినప్పటికీ టాయ్‌లెట్‌ కెమికల్స్‌ కలిశాయంటూ చంద్రబాబు మరింత దిగజారుడుగా వ్యవహరించారన్నారు. ఈ ఉదంతంపై చంద్రబాబు, ఆయన పచ్చ పత్రికలు ఇంకా భక్తుల మనోభావాలను గాయపరుస్తూనే ఉన్నాయని ఆగ్రహం వ్యక్తం చేశారు. పాము కాట్లతో అప్రమత్తం డీఎంహెచ్‌ఓ కోమల రాజమహేంద్రవరం రూరల్‌: పాముకాటుపై ప్రజలు అప్రమత్తంగా ఉండాలని డీఎంహెచ్‌ఓ పి.కోమల అన్నారు. శనివారం జిల్లా వైద్య ఆరోగ్యశాఖాధికారి కార్యాలయంలో ఆమె స్వచ్ఛాంధ్ర.. స్వర్ణాంధ్రలో భాగంగా సిబ్బందిచే మొక్కలు నాటించారు. అనంతరం అంతర్జాతీయ పాముకాటు దినం సందర్భంగా ప్రజలకు పలు జాగ్రత్తలు సూచించారు. 108 అంబులెన్సుల్లో యాంటీ స్నేక్‌ వీనమ్‌ అందుబాటులో ఉంచామని, పాముకాటు బాధితులు అత్యవసర వైద్యం పొందేందుకు ఇది ఉపయోగపడుతుందని తెలిపారు. కార్యక్రమంలో డిప్యూటీ డీఎంహెచ్‌వో డాక్టర్‌ సంధ్య, జిల్లా ఇమ్యుమైజేషన్‌ అధికారి డాక్టర్‌ బి.శ్రీదేవి, డిప్యూటీ డెమో సత్యవతి, ఏఎన్‌ఎంలు, కార్యాలయ సిబ్బంది పాల్గొన్నారు. నిత్యావసరాల ధరలు నియంత్రించాలి రేపు వైఎస్సార్‌ సీపీ ఆధ్వర్యంలో నిరసన రాజమహేంద్రవరం సిటీ: నిత్యావసర ధరల పెరుగుదలకు వ్యతిరేకంగా సోమవారం స్థానిక కోటగుమ్మం వద్ద శాంతియుత నిరసన చేపట్టనున్నట్టు వైఎస్సార్‌ సీపీ జాతీయ అధికార ప్రతినిధి, మాజీ ఎంపీ మార్గాని భరత్‌రామ్‌ పేర్కొన్నారు. ఇటీవల కాలంలో బియ్యం ధరల్లో 25 శాతం, నూనె ధరల్లో 30 శాతం, కూరగాయల ధరల్లో 20 శాతం పెరుగుదల వచ్చిందని, దీని వల్ల ప్రజలు తీవ్ర ఇబ్బందులు పడుతున్నారన్నారు. కేంద్ర, రాష్ట్ర ప్రభుత్వాలు తక్షణం ఈ ధరల నియంత్రణకు చర్యలు చేపట్టాలని డిమాండ్‌ చేశారు. బాధ్యతాయుతమైన ప్రతిపక్ష పార్టీగా ఈ నిరసన చేపట్టనున్నట్టు వివరించారు. భరత్‌ రామ్‌ ఆదేశాలతో ఈ కార్యక్రమానికి అనుమతి ఇవ్వాలని కోరుతూ పార్టీ మున్సిపల్‌ వింగ్‌ అధ్యక్షుడు మజ్జి అప్పారావు, ఎస్సీ సెల్‌ రాష్ట్ర అధికార ప్రతినిధి కా టం రజనీకాంత్‌, పార్టీ నాయకులు దూలం ప్రసా ద్‌ (శాండీ), రేగుళ్ల బాలశ్రీధర్‌, రామకృష్ణ గౌడ్‌ త్రీ టౌన్‌ పోలీసులకు లేఖ అందజేశారు. ‘ఏరువాక’ కో ఆర్డినేటర్‌గా డాక్టర్‌ మానుకొండరాజానగరం: ఆచార్య ఎన్‌జీ రంగా వ్యవసాయ విశ్వవిద్యాలయం పరిధిలో దివాన్‌చెరువులోని జిల్లా ఏరువాక కేంద్రం కో ఆర్డినేటర్‌గా శాస్త్రవేత్త డాక్టర్‌ మానుకొండ శ్రీనివాసరావు శనివారం పదవీ బాధ్యతలు స్వీకరించారు. ఇప్పటివరకు ఇక్కడ కో ఆర్డినేటర్‌గా విధులు నిర్వర్తించిన డాక్టర్‌ చల్లా వెంకట నరసింహరావును పశ్చిమ గోదావరి జిల్లా, మార్టేరులోని ప్రాంతీయ వ్యవసాయ పరిశోధన కేంద్రానికి కీటక శాస్త్ర విభాగం ప్రధాన శాస్త్రవేత్తగా బదిలీ చేశారు. డిమాండ్లు పరిష్కరించాలి వీఆర్‌ఏల నిరవధిక దీక్ష సీతానగరం: స్థానిక తహసీల్దార్‌ కార్యాలయం వద్ద మండలంలోని వీఆర్‌ఏలు సహాయ నిరాకరణ, నిరవధిక దీక్ష చేపట్టారు. శనివారం తహసీల్దార్‌ కార్యాలయం వద్ద ఏపీ రాష్ట్ర వీఆర్‌ఏల సంఘం పిలుపు మేరకు తమ న్యాయమైన డిమాండ్లను ప్రభుత్వం వెంటనే నేరవేర్చాలని కోరుతూ వారు నిరవధిక దీక్ష చేపట్టారు. మండల వీఆర్‌ఏ సంఘం సభ్యులు మాట్లాడుతూ ప్రభుత్వం ఎన్నికల ముందు ఇచ్చిన హామీలను అమలు చేయకుండా తుంగలో తొక్కుతోందని ఆవేదన వ్యక్తం చేశారు. కనీస వేతనం రూ.26 వేలుకు పెంచాలని, నామినీ వీఆర్‌ఏలను పర్మెనెంట్‌ చేయాలని తదితర డిమాండ్లు చేశారు.

సీటీఆర్‌ఐ: బేడ (బుడ్గ) జంగం క్రమసంఖ్య–9 కింద ఎస్సీ కుల ధ్రువీకరణ పత్రాలను ఆన్‌లైన్‌లో మంజూరు చేయాలని ఆ సంఘం రాష్ట్ర అధ్యక్షుడు వనం నాగేశ్వరరావు డిమాండ్‌ చేశారు. స్థానిక ప్రెస్‌క్లబ్‌లో శనివారం నిర్వహించిన సమావేశంలో ఆయన మాట్లాడుతూ రాజ్యాంగంలోని ఆర్టికల్‌ 341 ప్రకారం ఆ కులం వారికి ఎస్సీ జాబితాలో క్రమసంఖ్య–9లో ఉందన్నారు. 1950 నుంచి ఆ కులానికి ఎస్సీ గుర్తింపు ఉందని, ఆంధ్రప్రదేశ్‌తో పాటు కర్ణాటక, మహారాష్ట్ర, ఢిల్లీ తదితర రాష్ట్రాల్లోనూ ఇది అమల్లో ఉందని పేర్కొన్నారు. సంచార జాతుల జనగణన నిర్వహించి వారికి ఉద్యోగ, ఉపాధి అవకాశాలు కల్పించేందుకు కేంద్ర ప్రభుత్వం చర్యలు చేపడుతోందని గతంలో హామీలు ఇచ్చిందని ఆయన గుర్తుచేశారు. 2024 లో సీఎం చంద్రబాబు ఆదేశించినా తమను ఎస్సీలుగా గుర్తించడం లేదని, ఇటీవల కలెక్టర్ల సదస్సులో 24 గంటల్లో కుల ధ్రువీకరణ పత్రాల సమస్యను పరిష్కరిస్తామని ఆయన ఇచ్చిన హామీ మేరకు తమ కులానికి క్రమసంఖ్య–9 ఎస్సీ సర్టిఫికెట్లను ఆన్‌లైన్‌లో మంజూరు చేయాలని కోరారు. తమ న్యాయమైన డిమాండ్‌ను పరిష్కరించని పక్షంలో ఆందోళన ఉధృతం చేస్తామని హెచ్చరించారు. సోషల్‌ వెల్ఫేర్‌ శాఖ ఉన్నతాధికారులు సమస్య పరిష్కారానికి చొరవ చూపాలని విజ్ఞప్తి చేశారు. కార్యక్రమంలో అఖిల భారత రైతు కూలీ సంఘం జిల్లా ప్రధాన కార్యదర్శి పల్ల వెంకట నాయుడు, ఓబీసీ మోర్చా సంక్షేమ సంఘం నాయకుడు నరేష్‌ యాదవ్‌, బేడ (బుడ్గ) జిల్లా అధ్యక్షుడు తురపాటి వెంకటేష్‌ తదితరులు పాల్గొన్నారు.

● సేవా సంకల్ప్‌ అభియాన్‌పై విద్యార్థులకు పోటీలు ● వచ్చే నెల పదో తేదీ నుంచి నిర్వహణ ● జిల్లా విద్యాశాఖాధికారి వాసుదేవరావు కంబాలచెరువు: ఆలోచనలు, సృజనాత్మకత, ఆకాంక్షలను వ్యక్తపరచడానికి విద్యార్థులకు ఒక అవకాశాన్ని కల్పించే లక్ష్యంతో ప్రభుత్వం అక్టోబర్‌ 10వ తేదీ వరకు సేవా సంకల్ప్‌ అభియాన్‌ నిర్వహిస్తోందని జిల్లా విద్యాశాఖాధికారి కె.వాసుదేవరావు శనివారం తెలిపారు. రాష్ట్ర ప్రభుత్వ ప్రజా సేవ ప్రస్థానాన్ని వెలుగులోకి తీసుకురావడం, ప్రభుత్వం చేపట్టిన వివిధ సంక్షేమ, అభివృద్ధి కార్యక్రమాలపై విద్యార్థులలో అవగాహన కల్పించడం అభియాన్‌ ముఖ్య ఉద్దేశమన్నారు. జిల్లాలోని 6 నుంచి 12వ తరగతి వరకు గల అన్ని ప్రభుత్వ, జిల్లా పరిషత్‌, పురపాలక, ఎయిడెడ్‌, ప్రైవేట్‌, అన్‌ఎయిడెడ్‌ ఉన్నత ప్రాథమిక, ఉన్నత పాఠశాలలలో సేవా సంకల్ప్‌ అభియాన్‌ కింద విద్యార్థి కేంద్రీకృత కార్యక్రమాలు నిర్వహించనున్నట్టు తెలిపారు. దీని నిమిత్తం జిల్లాలోని అన్ని యాజమాన్య ఉన్నత ప్రాథమిక, ఉన్నత పాఠశాలల ప్రధానోపాధ్యాయులందరూ అన్ని పాఠశాలలలో ఈ నెల 22, 23 తేదీల్లో చిత్రలేఖనం, వక్తృత్వ పో టీలను నిర్వహించాలన్నారు. అలాగేే ఈనెల 26న నో బ్యాగ్‌ డేను పాఠశాల స్థాయిలో నిర్వహించి, అందులో మూడు స్థానాల్లో నిలిచిన బృందాల వివరాలను ఈ నెల 26వ తేదీ సాయంత్రం 4 గంటలలోపు సంబంధిత మండల విద్యాధికారికి సమర్పించాలన్నారు. వారు ఈనెల 28న మండల స్థాయిలో పోటీలు నిర్వహించాలని, సీనియర్‌ ప్రధానోపాధ్యాయులు, సీనియర్‌ పాఠశాల సహాయకులతో మండల జ్యూరీని ఏర్పాటు చేయాలన్నారు. చిత్రలేఖనం నుంచి ఇద్దరు, వక్తృత్వం నుంచి ముగ్గురు, 6 నుంచి 8వ తరగతి వరకు ఒకరు చొప్పున, 11, 12 నుంచి ఒకొక్కరు చొప్పున ఒక మండలం నుంచి ఐదుగురు విద్యార్థులను ఎంపిక చేసి జిల్లా పోటీలకు పంపాలన్నారు. మండలాల వారీగా నివేదికను, ఫొటోలు, వీడియోలతో పాటు ప్రతి విభాగంలో ఉత్తమ ప్రతిభ కనబరిచిన ముగ్గురి వివరాలతో కలిపి, తప్పనిసరిగా ఈ నెల 29వ తేదీ ఉదయం 10.30 గంటలలోపు కార్యాలయానికి సమర్పించాలన్నారు. జిల్లా స్థాయి పోటీలు అక్టోబర్‌ ఒకటిన రాజమహేంద్రవరంలోని ఎస్‌కేవీటీ ప్రభుత్వ ఉన్నత పాఠశాలలో నిర్వహించనున్నట్టు డీఈఓ వాసుదేవరావు తెలిపారు.

● భాగవతంలోని నరకాసురుని పాత్రతో గుర్తింపు ● ప్రముఖ సినీ నటుడు అజయ్‌ఘోష్‌ చాగల్లు: గణపతి నవరాత్ర మహోత్సవాల సందర్భంగా చాగల్లు తెలగా సంఘం వినాయకుడి గుడి వద్ద ఆ సంఘం ఆధ్వర్యంలో జరిగిన కార్యక్రమంలో సినీ నటుడు అజయ్‌ ఘోష్‌ సందడి చేశారు. స్వామివారి దర్శనం అనంతరం ఆయనను తెలగా సంఘం సభ్యులు, నిర్వాహకులు ఆయనకు స్వాగతం పలికి సత్కరించారు. రంగస్థలం’, ‘పుష్ప’, ‘మంగళవారం’ తదితర చిత్రాల్లో తన నటనతో మెప్పించిన అజయ్‌ ఘోష్‌ చాగల్లులోని వినాయకుని దర్శనానంతరం మెగా డైరెక్టర్‌ వివి వినాయక్‌ స్వగృహంలో విలేకరులతో మాట్లాడారు. భాగవతం టీవీ సీరియల్‌లో పోషించిన నరకాసురుని పాత్ర మంచి పేరు తెచ్చిపెట్టిందని, దీంతో సినిమాల్లో మంచి అవకాశాలు వచ్చాయని ఘోష్‌ పేర్కొన్నారు. తనది ప్రకాశం జిల్లా అని, చీరాల సిటీ కేబుల్‌లో న్యూస్‌ రీడర్‌గా పనిచేస్తూ, సినిమాలపై మోజుతో హైదరాబాద్‌ వెళ్లానన్నారు. దారి తప్పి వచ్చానని తెలుసుకోవడానికి మూడు నెలలు పట్టిందని, బతుకుతెరువు కోసం విజయవాడ సిటీ కేబుల్‌లో పని చేస్తూనే టీవీ సీరియళ్లలో పలు పాత్రలు చేశానని తెలిపారు. ఆ క్రమంలో తమ్మారెడ్డి భరద్వాజ రామ్మా చిలకమ్మ చిత్రంలో అవకాశం ఇచ్చినట్టు ఘోష్‌ తెలిపారు. అనంతరం దేవ కట్టా దర్శకత్వంలో వచ్చిన ప్రస్థానం, పూరి జగన్నాథ్‌ సినిమా జ్యోతిలక్ష్మి చిత్రాల్లో పాత్రలు పేరు తెచ్చాయన్నారు. తమిళ విచారణ సినిమాలో పాత్రల్లో నటన చూసి దర్శకుడు సుకుమార్‌ రంగస్థలం, పుష్ప చిత్రాల్లో పాత్రలు ఇచ్చారని, వాటిని చూసి దర్శకుడు వివి వినాయక్‌ ప్రత్యేకంగా అభినందించారని తెలిపారు. ప్రస్తుతం రాజమహేంద్రవరంలో బాలకృష్ణ హీరోగా చేస్తున్న దాదా చిత్రంలో నటిస్తున్నట్టు ఆయన తెలిపారు.

వాహనంలో కిక్కిరిసి ఎద్దుల తరలింపు గండేపల్లి: ఎద్దులను తరలిస్తున్న వ్యాన్‌ ద్విచక్ర వాహనాన్ని ఢీకొన్న ఘటనలో ఇద్దరికి గాయాలయ్యాయి. శనివారం జరిగిన ఈ ఘటనపై స్థానికుల సమాచారం మేరకు విజయనగరం జిల్లా అలమండ సంత నుంచి ఏలూరుకు 8 ఎద్దులను తరలిస్తున్న మినీ బొలేరో వ్యాన్‌ కాకినాడ జిల్లా గండేపల్లి మండలంలోని జెడ్‌ రాగంపేట సీహెచ్‌సీకి వెళ్లే మార్గంలోకి వచ్చే సరికి మోటార్‌ సైకిల్‌ను డీకొంది. ఈ ప్రమాదంలో మోటార్‌ సైకిల్‌ నడుపుతున్న తాళ్లూరుకు చెందిన సాయి తీవ్రంగా గాయపడగా, మర్రిపాక నుంచి మిరప కోతకు యల్లమిల్లి వెళుతున్న లక్ష్మి గాయపడిందన్నారు. క్షతగాత్రులను చికిత్స నిమిత్తం సీహెచ్‌సీకి తరలించగా తీవ్రంగా గాయపడిన సాయిని జగ్గంపేట ప్రైవేటు ఆస్పత్రికి తరలించినట్టు పేర్కొన్నారు. ఎద్దులను తరలిస్తున్న వ్యాన్‌ను గండేపల్లి పోలీస్‌ స్టేషన్‌కు తరలించినట్టు తెలిపారు. ఇదిలా ఉండగా వ్యాన్‌లో తరలిస్తున్న ఎద్దులకు ఎటువంటి ఆహార పానీయాలు లేకపోగా కనీసం కాలు కదపలేని స్థితిలో కిక్కిరిసిన ప్రయాణంతో వేదన పడుతున్న తీరుపై స్థానికులు ఆగ్రహం వ్యక్తం చేశారు. చేపల చెరువు లీజుదారు హత్యకేసులో కుమార్తె అరెస్టు ప్రత్తిపాడు: మండలంలోని టి.రాయవరం సమీపంలోని చేపల చెరువు లీజు దారుడి హత్య కేసులో ప్రధాన సూత్రధారి హతుని కుమార్తెను పోలీసులు శనివారం అరెస్టు చేశారు. కాకినాడ జిల్లా ప్రత్తిపాడు మండలం టి.రాయవరం గ్రామ శివారున చేపల చెరువు మకాం వద్ద ఈనెల 11 అర్ధరాత్రి ఏలూరు జిల్లా పైడి చింతపర్రుకు చెరువు లీజుదారు మోరి నరసింహారావు (70) హత్య కేసులో నిందితుడు అనకాపల్లి జిల్లా పాయకరావు పేట మండలం పడాల లక్ష్మీపురం గ్రామానికి చెందిన వేన్‌ డ్రైవర్‌ వీర్ల జయ నాగ వెంకట సత్యనారాయణ అనే జయబాబును శుక్రవారం అరెస్టు చేసిన విషయం తెలిసిందే. ఈ కేసులో వివాహేతర సంబంధానికి అడ్డుగా ఉన్న తండ్రిని పథకం ప్రకారం అతడితో హత్య చేయించిన బలే నాగలక్ష్మిని స్థానిక జాతీయ రహదారిపై పాదాలమ్మ తల్లి ఆలయం సమీపంలో అదుపులోకి తీసుకున్నట్టు ఎస్సై ఎస్‌.లక్ష్మీకాంతం తెలిపారు. వృద్ధురాలి వద్ద నగదు చోరీ కడియం: మండలం దుళ్ల గ్రామంలో ఇంట్లో ఉన్న వృద్ధురాలి నుంచి పర్సును లాక్కుని రూ.4,700 నగదును చోరీ చేశారు ఇద్దరు దుండగులు. పోలీసులు తెలిపిన వివరాల మేరకు శనివారం కుటుంబ సభ్యులు బయటకు వెళ్లిన సమయంలో డి.పార్వతి అనే మహిళ గ్యాస్‌ ఆటో కోసం ఎదురు చూస్తున్నారు. అదే సమయంలో మాస్కులు ధరించిన ఇద్దరు వ్యక్తులు గేటు నుంచి లోపలికి వచ్చి డబ్బులు ఇమ్మని బెదిరించారు. సదరు మహిళ కేకలు వేసి, చుట్టుపక్కల వారిని పిలవడంతో ఆమె పక్కనే ఉన్న పర్సులోని రూ. 4,700 నగదును లాక్కుని పారిపోయారు. కుటుంబ సభ్యులు వచ్చిన తరువాత ఆమె పోలీస్‌లకు ఫిర్యాదు చేశారు. దీంతో డీఎస్పీ శివప్రియ, కడియం ఇన్‌స్పెక్టర్‌ ఎ. వెంకటేశ్వరరావు, ఏఎస్‌ఐ సీహెచ్‌ రమణలతో కలిసి ఘటనా స్థలాన్ని పరిశీలించారు. బాధితుల నుంచి వివరాలు సేకరించి దర్యాప్తు చేస్తున్నారు.

● కులం పేరుతో దూషణ.. ● ఎస్సీ ఎస్టీ అట్రాసిటీ కేసు నమోదు ఐ.పోలవరం: ఒక వివాహితపై ఓ కుటుంబం దాడి చేసి కులం పేరుతో దూషించిన ఘటనపై పోలీసులు ఎస్సీ ఎస్టీ అట్రాసిటీ కేసు నమోదు చేశారు. పోలీసులు తెలిపిన వివరాల మేరకు మండలం పశువుల్లంక గ్రామానికి చెందిన కమిడి వెంకట సుబ్బలక్ష్మి ఇద్దరు పిల్లలతో స్థానిక బీసీ కాలనీలో ధూళిపూడి చక్రంకు చెందిన భవనంలో ఒక పోర్షన్‌లో అద్దెకు నివసిస్తోంది. అదే భవనంలోని మరో మూడు పోర్షన్లలో ఏడాదిగా పల్లం గ్రామానికి చెందిన దోమ వీరబాబు, అతని తల్లిదండ్రులు, అన్నా తమ్ముళ్లు నివసిస్తున్నారు. వీరబాబు వ్యాపారం నిమిత్తం సుబ్బలక్ష్మి వద్ద దఫదఫాలుగా సుమారు రూ.2.25 లక్షలు వడ్డీకి రుణం తీసుకున్నాడు. అయితే గత రెండు నెలలుగా వడ్డీ చెల్లించకపోవడంతో గత 16 తేదీ బుధవారం రాత్రి వీరబాబును డబ్బుల కోసం బాధిత మహిళ నిలదీసింది. దీంతో డబ్బులు ఇవ్వాల్సిన అవసరం లేదు.. దిక్కున్న చోట చెప్పుకోమంటూ కులం పేరుతో దూషించి దుర్భాషలాడారని, అంతటితో ఆగకుండా వీరబాబు, అతని తండ్రి, అతను సోదరుడు స్వామి తన ఇంటి వద్దకు వచ్చి భౌతిక దాడికి పాల్పడి గాయపరిచారని సుబ్బలక్ష్మి పేర్కొంది. అడ్డువచ్చిన తన పిల్లలపై కూడా దాడి చేశారని, గాయాల పాలైన తనను కాపవరపు వీరభద్రరావు ఆటోలో టి.కొత్తపల్లి పీహెచ్‌సీకి తీసుకువెళ్లి వైద్యం చేయించారని తెలిపింది. ఈ ఘటనపై సమాచారం తెలుసుకున్న పోలీసులు ఎస్సీ, ఎస్టీ అట్రాసిటీ కేసు నమోదు చేసినట్టు ఎస్సై ఎం.రవీంద్రబాబు తెలిపారు.

దేవరపల్లి: గోపాలపురం మండలం చిట్యాల వద్ద శనివారం తాడిపూడి ఎత్తిపోతల పథకం కాలువలో పడి యువకుడు మృతి చెందాడు. పోలీసుల కథనం ప్రకారం తాళ్లపూడి మండలం అన్నదేవరపేటకు చెందిన యువకుడు దేశాబత్తుల ప్రసాద్‌ (38) శనివారం ఉదయం గోపాలపురం మండలం పెద్దాపురంలోని బంధువుల ఇంటికి బైక్‌పై వెళ్లాడు. చిట్యాల వద్ద తాడిపూడి ఎత్తిపోతల పథకం ప్రధాన కాలువ సమీపంలో బైక్‌ అదుపు తప్పడంతో ప్రమాదవశాత్తు కాలువలో పడి నీటిలో మునిగి గల్లంతయ్యాడు. సమాచారం అందుకున్న పోలీసులు గజ ఈతగాళ్లతో కాలువలో గాలించి యువకుడి మృతదేహాన్ని బయటకు తీశారు. మృతుడు ప్రసాద్‌కు భార్య, ఇద్దరు పిల్లలు ఉన్నారు. మృతదేహాన్ని పోస్టుమార్టం నిమిత్తం గోపాలపురం ఏరియా ఆసుపత్రికి తరలించి కేసు నమోదు చేసి దర్యాప్తు చేస్తున్నట్టు ఎస్సై వి.సుబ్రహమణ్యం తెలిపారు.

ఆలమూరు: మండలం పినపళ్ల నుంచి రైస్‌ మిల్లుకు వెళ్తున్న నూకల లోడు లారీ స్థానిక ఎస్సీ పేట వద్ద పచ్చని పంట పొలాల పక్కన ఉన్న గోతిలో ఒరిగిపోయి పక్కనే ఉన్న హై వోల్టేజీ విద్యుత్‌ స్తంభం వద్దకు వచ్చి ఆగిపోయింది. లారీ ఏ మాత్రం స్తంభాన్ని ఢీకొన్నా పెను ప్రమాదం జరిగి ఉండేదని స్థానికులు ఆందోళన వ్యక్తం చేస్తున్నారు. కొత్తూరు నుంచి వెదురుమూడి వెళ్లే రహదారిలో స్థానిక పశువుల ఆస్పత్రి నుంచి మురుగుకాలువ వరకూ సుమారు మూడు కిలోమీటర్ల రహదారిలో ఓఎన్జీసీ రిగ్‌, పేపర్‌ మిల్లు, రైస్‌ మిల్లులతో పాటు పలు ఇటుక బట్టీలు ఉన్నాయి. ఇన్ని పరిశ్రమలు ఈ మార్గంలో ఉన్నప్పటికీ ఈ రహదారి అభివృద్ధికి నోచుకోకపోవడం గమనార్హం. ఇప్పటికై నా తాజా, మాజీ ప్రజా ప్రతినిధులు, పారిశ్రామిక వేత్తలు, ఓఎన్జీసీ అధికారులు సత్వరం స్పందించి రహదారి అభివృద్ధికి కృషి చేయాలని ఆకాంక్షిస్తున్నారు.● హెచ్‌టీ లైన్‌ వద్దకు వచ్చి ఆగిన వాహనం ● తప్పిన పెనుప్రమాదం

కాకినాడ లీగల్‌: గత మూడు నెలలుగా జిల్లాలో నాన్‌ జ్యుడీషియల్‌, రెవెన్యూ, కోర్టు ఫీ స్టాంపుల కొరత వేధిస్తోంది. స్థానిక జిల్లా రిజిస్ట్రార్‌ కార్యాలయం ఆవరణలో ఉన్న జాయింట్‌ సబ్‌ రిజిస్ట్రార్‌ కార్యాలయంలో స్టాంపులు ఉన్నప్పటికీ వాటి నంబర్లు ఆన్‌లైన్‌లో నమోదు కాకపోవడంతో కక్షిదారులకు విక్రయించే అవకాశం లేకపోతోంది. ఇక్కడ కొరత ఉందని ఇతర సబ్‌ రిజిస్ట్రార్‌ కార్యాలయాల నుంచి కొన్నింటిని తీసుకువచ్చినా అవి కూడా స్థానిక సబ్‌ రిజిస్ట్రార్‌ కార్యాలయం నుంచి విక్రయిస్తున్నట్టుగా ఆన్‌లైన్‌లో నమోదు కాకపోవడంతో విక్రయాలు నిలిచిపోయిన పరిస్థితి నెలకొంది. దీంతో భూములు, ఆస్తుల క్రయవిక్రయాలు, వివిధ ఒప్పందాలు, అఫిడవిట్లు, ఇతర చట్టపరమైన అవసరాలకు స్టాంపులు అవసరమయ్యే ప్రజలు తీవ్ర ఇబ్బందులు ఎదుర్కొంటున్నారు. ఇతర సబ్‌రిజిస్ట్రార్లు కార్యాలయాల నుంచి వచ్చిన కాకినాడ జాయింట్‌ సబ్‌ రిజిస్ట్రార్‌ కార్యాలయంలో స్టాంపు పేపర్ల కొరత వల్ల ప్రత్తిపాడు సబ్‌ రిజిస్ట్రార్‌ కార్యాలయం నుంచి రూ.100 విలువ గల మూడు వేల నాన్‌ జ్యుడీషియల్‌ స్టాంపులను, తాళ్లరేవు సబ్‌ రిజిస్ట్రార్‌ కార్యాలయం నుంచి రూ.10 విలువ గలవి రెండు వేలు, రూ.20 విలువ గలవి ఐదు వేలు నాన్‌ జ్యుడీషియల్‌ స్టాంపులు, రూ.1 విలువైన 64 వేల రెవెన్యూ స్టాంపులను తీసుకువచ్చారు. ఇవీ తీసుకువచ్చి సుమారు మూడు నెలలు గడుస్తున్నా వాటిని ఆన్‌లైన్‌లో నమోదు చేయకపోవడంతో ప్రజలకు విక్రయించలేని పరిస్థితి నెలకొంది. అనుమతులన్నీ ఐజీ స్థాయిలోనే.. గతంలో ఒక సబ్‌ రిజిస్ట్రార్‌ కార్యాలయం నుంచి మరో కార్యాలయానికి స్టాంపులను తరలించినప్పుడు జిల్లా రిజిస్ట్రార్‌ అనుమతితో వాటిని ఆన్‌లైన్‌లో నమోదు చేసే అవకాశం ఉండేదని ఉద్యోగులు చెబుతున్నారు. ప్రస్తుతం ఆ అనుమతులు రాష్ట్ర స్టాంపులు, రిజిస్ట్రేషన్ల శాఖ ఐజీ కార్యాలయం నుంచి రావాల్సిన పరిస్థితి నెలకొనడంతో ఈ పరిస్థితి నెలకొంది. జిల్లా స్థాయి అధికారులు ఈ సమస్య పరిష్కారానికి ప్రయత్నిస్తున్నప్పటికీ రాష్ట్ర ఐజీ కార్యాలయం స్పందించకపోవడంతో ఈ సమస్య ఎదురవుతోందని సిబ్బంది చెప్తున్నారు. ప్రభుత్వ ఆదాయానికీ నష్టం? స్టాంపుల విక్రయాల ద్వారా ప్రభుత్వానికి ఆదాయం సమకూరుతుంది. అవి అందుబాటులో ఉన్నప్పటికీ సాంకేతికంగా వాటిని విక్రయించే అవకాశం లేకపోవడంతో ప్రత్యక్షంగా, లావాదేవీలు జరగక పరోక్షంగా ప్రభుత్వ ఆదాయానికి గండి పడే అవకాశం ఉందని సిబ్బంది చెప్తున్నారు. ఉన్నతాధికారులు దృష్టి సారించాలి జిల్లా ప్రధాన కేంద్రంలో నెలకొన్న ఈ సమస్యపై రాష్ట్రస్థాయిలో ఉన్నతాధికారులు తక్షణం స్పందించి ఆన్‌లైన్‌లో నమోదు చేసేలా ఐజీ కార్యాలయం అధికారులకు ఆదేశాలు ఇవ్వాల్సి ఉంది. అలాగే ఇతర సబ్‌ రిజిస్ట్రార్‌ కార్యాలయాల నుంచి సర్దుబాటు నిమిత్తం తీసుకువచ్చే స్టాంపులకు సైతం అనుమతులు జిల్లాస్థాయిలో ఇచ్చుకునేలా శాఖాపరమైన మార్పులు చేయాల్సి ఉందని పలువురు సూచిస్తున్నారు.నగదు చెల్లింపులకు ఇబ్బంది రెవెన్యూ స్టాంపులు అందుబాటులో లేకపోవడంతో నగదు లావాదేవీలు జరిగినప్పుడు ఇబ్బంది పడుతున్నాం. అన్ని నగదు లావాదేవీలపై రెవెన్యూ స్టాంపులు తప్పనిసరి. అధికారులు స్పందించి సమస్య పరిష్కరించాలి. – ఎన్‌.నగేష్‌, కాకినాడ స్టాంపులు లేక అవస్థలు ప్రభుత్వ, ప్రైవేటు సంస్థలకు సంబంధించి ఉద్యోగుల జాయినింగ్‌కు, వివిధ రకాల ఒప్పంద పత్రాలకు రూ.100 స్టాంపు పేపర్లు ఎంతో అవసరం. అలాగే రూ.10, రూ.20 విలువవైన స్టాంపులు నోటరీ అఫిడవిట్‌ కోసం, దస్తావేజు నకలు కాపీ, కోర్టు నకలు కాపీ దరఖాస్తు చేయడానికి కీలకం. స్టాంపుల ఆన్‌లైన్‌ సమస్యను సత్వరం పరిష్కరించాలి. – వీరాబత్తుల రాజు, న్యాయవాది, కాకినాడ వేధిస్తున్న నాన్‌ జ్యుడీషియల్‌, రెవెన్యూ స్టాంపుల కొరత సబ్‌ రిజిస్ట్రార్‌ కార్యాలయాల్లో లావాదేవీలకు అవస్థలు మూడు నెలలుగా ఇబ్బంది పడుతున్న కక్షిదారులు ఆన్‌లైన్‌లో నమోదుకు ఐజీ అనుమతుల కోసం ఎదురుచూపు

● గత నెల 23 కొంతమూరులో చోరీ కేసులో చిక్కిన వైనం ● నిందితుల నుంచి బంగారు, వెండి ఆభరణాలు స్వాధీనం రాజానగరం: స్థానిక పోలీసు స్టేషను పరిధిలోని కోలమూరులో ఇద్దరు అంతర్‌ జిల్లా దొంగలు పోలీసులకు చిక్కారు. సీఐ వీరయ్యగౌడ్‌ శనివారం ఇక్కడ మీడియాకు తెలిపిన వివరాలిలావున్నాయి. గత నెల 23న కొంతమూరులోని ఓ ఇంటిలో జరిగిన చోరీపై దర్యాప్తు చేపట్టిన పోలీసులకు అనుమానాస్పదంగా సంచరిస్తున్న ఇద్దరిని అదుపులోకి తీసుకుని విచారించారు. ఉభయ గోదావరి జిల్లాలతో పాటు విశాఖ, అనకాపల్లి, ఏలూరు జిల్లాలో వారిపై పలు కేసులు నమోదైన విషయం బయటపడింది. ఏలూరుకు చెందిన తురకా దుర్గారావు, విశాఖపట్నంలోని కంచరపాలేనికి చెందిన గుడిబోయిన ఉదయ్‌కిరణ్‌ కొంతమూరులో జరిగిన చోరీతో పాటు అనకాపల్లి మండలం గవరపాలెంలో మరో ఇంటిలో తాళాలు పగులగొట్టి దొంగతానికి పాల్పడ్డారు. వారి నుంచి 40 గ్రాముల బంగారం, 500 గ్రాముల వెండి వస్తువులతో పాటు రెండు సెల్‌ఫోన్లు, రెండు వాచీలు, ఒక బైకును స్వాధీనం చేసుకున్నారు. దుర్గారావుపై ఏలూరు, కొయ్యలగూడెం, గాజువాక, విజయనగరం, విశాఖ–1 పోలీసు స్టేషన్లలో 13 కేసులు, ఉదయ్‌కిరణ్‌పై కంచరపాలెం పీఎస్‌లో రౌడీ షీడ్‌ ఉండటమే కాకుండా ఆ పీఎస్‌తో పాటు, గాజువాక, విశాఖ ప్రాంతాల్లో 8 కేసులు నమోదై ఉన్నాయి. పగలంతా రెక్కీ నిర్వహించి, రాత్రి వేళలలో ఇళ్లలో దొంగతనాలు చేస్తుంటారన్నారు. నిందితులిద్దరినీ రిమాండ్‌కు పంపించామని సీఐ తెలిపారు. సమావేశంలో ఎస్సై ప్రియకుమార్‌, కానిస్టేబుళ్లు పాల్గొన్నారు.

ఽభర్తే హత్యచేశాడని బంధువుల ఆరోపణ ఏలేశ్వరం: మండలంలోని పెద్దనాపల్లి గ్రామంలో శనివారం వివాహిత బేరా అనిత (38) అనుమానాస్పదంగా మృతి చెందింది. పోలీసులు తెలిపిన వివరాల మేరకు కాకినాడ రూరల్‌ మండలం సర్పవరం గ్రామానికి చెందిన సాలూరి సత్తిరాజు కుమారై అనితను పెద్దనాపల్లికి చెందిన బేరా సురేష్‌కుమార్‌కు ఇచ్చి 2006లో వివాహం చేశారు. వీరికి ఇంటర్‌ చదువుతున్న రోహిణీ కీర్తి, 8వ తరగతి చదువుతున్న హేమ ఉన్నారు. సురేష్‌కుమార్‌ మద్యానికి బానిసై భార్యతో తరచూ గొడవ పడేవాడు. ఈ క్రమంలో శనివారం ఉదయం ఇద్దరు పిల్లలు కళాశాలకు, స్కూల్‌కు వెళ్లిపోయారు. అనిత బయటకు రాకపోవడంతో అనుమానం వచ్చిన చట్టు పక్కల వారు వచ్చి చూడగా ఫ్యాన్‌కు ఉరివేసుకుని ఉన్నట్టు గుర్తించి గ్రామ పెద్దలకు తెలిపారు. వారి సమాచారంతో వచ్చిన ఎస్సై రామలింగేశ్వరరావు కేసు నమోదు చేసి దర్యాప్తు ప్రారంభించారు. తల్లి మృతితో పిల్లలు అనాథలైపోయారని ఆమె బంధువులు కన్నీరు మున్నీరయ్యారు. భర్తే నిదింతుడు! తన చెల్లి అనితను ఆమె భర్తే హత్య చేశాడని అనిత అన్న సాలూరి మురళీకృష్ణ పోలీసులకు ఫిర్యాదు చేశాడు. భర్త సురేష్‌కుమార్‌ మద్యం తాగి తన చెల్లిని నిత్యం వేధించేవాడని అతడే ఆమెను ఉరివేసి చంపాడని మురళీకృష్ణ పోలీసులకు ఇచ్చిన ఫిర్యాదులో పేర్కొన్నాడు. దీంతో పోలీసులు అనుమానాస్పద కేసుగా నమోదు చేశారు.

సామర్లకోట: కూటమి ప్రభుత్వం అధికారంలో ఉండగా జనసేన పార్టీకి చెందిన 10 కుటుంబాలు శనివారం వైఎస్సార్‌ సీపీలో చేరారు. వేట్లపాలెం గ్రామానికి చెందిన నిడదవోలు సురేష్‌ చౌదరి, రాంబాబు ఆధ్వర్యంలో వారంతా వైఎస్సార్‌ సీపీలో చేరడానికి ముందుకు వచ్చారు. స్థానిక వైఎస్సార్‌ సీపీ కార్యాలయంలో వారికి నియోజకవర్గ కో ఆర్డినేటర్‌ దవులూరి దొరబాబు పార్డీ కండువాలు వేసి పార్టీలోకి ఆహ్వానించారు. పార్టీ విధానాలు, ప్రజా సమస్యలపై పార్టీ చేస్తున్న పోరాటాలకు ఆకర్షితులై పార్టీలో చేరుతున్నట్లు వారు ప్రకటించారు. పార్టీలో చేరిన వేట్లపాలెం గ్రామానికి చెందిన వేగుళ్ల వెంకట రమణ, మాకిరెడ్డి రాంబాబు, చిట్టూరి శ్రీను, థామస్‌ తదితరులను దొరబాబు అభినందించారు.

● చేపల చెరువు లీజుదారుని హత్య కేసులో వీడిన మిస్టరీ ● నిందితుడు జయబాబు అరెస్టు ప్రత్తిపాడు: కాకినాడ జిల్లా ప్రత్తిపాడు మండలం టి.రాయవరం సమీపంలో చేపల చెరువు లీజుదారు హత్య కేసులో మిస్టరీని పోలీసులు ఛేదించారు. వివాహేతర సంబంధంపై తండ్రి మందలించాడని అతడి కుమార్తె నాగలక్ష్మి తన ప్రియుడు వ్యాన్‌ డ్రైవర్‌ జయబాబుతో కలసి ఈ పథకం పన్నినట్టు పోలీసులు తెలిపి నిందితుడిని అరెస్టు చేశారు. ఏలూరు జిల్లా పైడి చింతపర్రు గ్రామానికి చెందిన మోరి నరసింహారావు (70) ఈ నెల 11వ తేదీ అర్ధరాత్రి హత్యకు గురైన విషయం తెలిసిందే. ఈ ఘటనపై పెద్దాపురం డీఎస్పీ ఏబీజీ తిలక్‌ స్థానిక పోలీసు స్టేషన్‌లో శుక్రవారం తెలిపిన వివరాలు ఇలా ఉన్నాయి. వితంతువైన చేపల చెరువు లీజుదారు కుమార్తె బలే నాగలక్ష్మి చేపల ఎరువు, మేత తదితరాలతో తరచూ వచ్చే వ్యాన్‌ డ్రైవర్‌ జయబాబుతో ఆరు నెలలుగా వివాహేతర సంబంధం సాగిస్తోంది. ఈ విషయం తెలిసి తండ్రి నరసింహారావు ఆమెను మందలించడంతో ప్రియుడు జయబాబుతో కలిసి తండ్రి హత్యకు కుట్ర పన్నింది. హత్య చేస్తే డీజే సౌండ్‌ సిస్టమ్‌ కొని ఇస్తానని, కొంత నగదు ముట్టజెప్పింది. ఇందులో భాగంగా హత్యకు వారం రోజుల ముందే ఆమె తన పింఛను నిమిత్తం స్వగ్రామం కొవ్వాడలంకకు వెళ్లినట్టు కథ అల్లింది. ఆ రోజు అర్ధరాత్రి జయబాబు టి.రాయవరం వచ్చి నరసింహారావును హత్య చేసి రెండు వేలు నగదు, రోల్డుగోల్డు నగలు దోచుకుపోయాడు. అనంతరం వచ్చిన నాగలక్ష్మి రూ.2 లక్షల నగదు, పది గ్రాముల బంగారం చోరీకి గురైనట్టు పోలీసులకు ఇచ్చిన ఫిర్యాదులో పేర్కొంది. ఈ ఘటనపై సీఐ సూర్య అప్పారావు పర్యవేక్షణలో ప్రత్తిపాడు, అన్నవరం, రౌతులపూడి ఎస్సైలతో మూడు బృందాలుగా దర్యాప్తు ముమ్మరం చేసి సీసీ ఫుటేజీలు, డాగ్‌ స్క్వాడ్‌, క్లూస్‌ టీం, సెల్‌ఫోన్‌ కాల్‌ డేటా ఆధారంగా కేసును చాకచక్యంగా ఛేదించి అనకాపల్లి జిల్లా పాయకరావు పేట మండలం పడాల లక్ష్మీపురం గ్రామానికి చెందిన వ్యాన్‌ డ్రైవర్‌ వీర్ల జయ నాగ వెంకట సత్యనారాయణ అలియాస్‌ జయబాబును ధర్మవరం నుండి వెల్దుర్తి రోడ్డులో శుక్రవారం అరెస్టు చేశారు. నాగలక్ష్మిని అరెస్టు చేయాల్సి ఉంది. కేసు ఛేదనలో చాకచక్యంగా వ్యవహరించిన పోలీస్‌ సిబ్బందిని ఎస్పీ జి.బింధుమాదవ్‌ అభినందిస్తూ, ప్రకటించిన ప్రోత్సాహక నగదు బహుమతిని పెద్దాపురం డీఎస్పీ ఏబీజీ తిలక్‌కు అందజేశారు.

గోకవరం: మండలం కామరాజుపేట శివారులో ఆర్టీసీ బస్సు బైక్‌ను ఢీకొన్న ఘటనలో యువకుడు మృతి చెందాడు. పోలీసులు తెలిపిన వివరాల ప్రకారం గోకవరం ఆర్టీసీ డిపోకు చెందిన బస్సు శుక్రవారం ప్రయాణీకులతో అడ్డతీగల వెళ్తోంది. కామరాజుపేట శివారు వచ్చే సరికి ఎదురుగా వస్తున్న బైక్‌ను ఢీకొట్టింది. ఈ ప్రమాదంలో జగ్గంపేటకు చెందిన వామిశెట్టి ఆనంద్‌కుమార్‌ (26) తలకు తీవ్ర గాయమై అక్కడికక్కడే మృతి చెందాడు. వ్యాపారం నిమిత్తం నెల్లిపూడికి వెళ్లి వస్తుండగా ఈ ప్రమాదం జరిగినట్టు పోలీసులు భావిస్తున్నారు. విషయం తెలుసుకున్న ఎస్సై పవన్‌కుమార్‌ ఘటన స్థలానికి చేరుకుని పరిశీలించారు. మృతదేహాన్ని పోస్టుమార్టం నిమిత్తం గోకవరం ప్రభుత్వాస్పత్రికి తరలించి కేసు నమోదు చేసి దర్యాప్తు చేస్తున్నారు.

● ప్రముఖ నటుడు గౌతం రాజు ● సందడిగా ‘అనగనగా తూర్పులంకలో’ చిత్రీకరణ మామిడికుదురు: గ్రామీణ వాతావరణం నేపథ్యంలో తెరకెక్కుతున్న ‘అనగనగా తూర్పులంకలో’ చిత్రం సన్నివేశాలను మండలంలోని నగరంలో శుక్రవారం చిత్రీకరించారు. చిత్ర కథానాయకుడు రాజు, ప్రముఖ నటుడు గౌతం రాజు తదితరులపై దర్శకుడు పవర్‌ వినయ్‌ చిత్రీకరిస్తున్న సన్నివేశాలను చూసేందుకు స్థానికులు రావడంతో కోలాహలం నెలకొంది. చిత్ర దర్శకుడు పవర్‌ వినయ్‌ మాట్లాడుతూ గ్రామీణ వాతావరణంలో సాగుతున్న ఈ చిత్రంలో నాలుగు పాటలు ఉంటాయని తెలిపారు. చిత్రం షూటింగ్‌ శరవేగంగా సాగుతోందని ఎగ్జిక్యూటివ్‌ ప్రొడ్యూసర్‌ వీవీ రాంబాబు తెలిపారు. చిన్న చిత్రాలతోనే పరిశ్రమకు పూర్వ వైభవం: గౌతం రాజు చిత్రీకరణలో పాల్గొన్న సీనియర్‌ నటుడు గౌతం రాజు మీడియాతో మాట్లాడుతూ ఆంధ్రప్రదేశ్‌ చిత్ర పరిశ్రమకు పెట్టింది పేరని, ఇక్కడే సినీ ఇండస్ట్రీ పుట్టి పెరిగిందని గుర్తుచేశారు. చిన్న చిత్రాలను ఆదరించాల్సిన ఆవశ్యకత ఎంతైనా ఉందన్నారు. తద్వారా ఎందరో ప్రతిభావంతులైన కళాకారులకు ఉపాధి లభిస్తుందని ఆయన ఆశాభావం వ్యక్తం చేశారు. ఈ చిత్రం ప్రతి ఒక్కరినీ ఆకట్టుకుంటుందని ఆయన అన్నారు.

తుని: భర్త వేధింపులు తట్టుకోలేక ఇద్దరు పిల్లలతో ఆత్మహత్యకు యత్నించిన తల్లిని స్థానిక జీఆర్పీ సిబ్బంది రక్షించారు. గురువారం రాత్రి జరిగిన ఈ ఘటనకు సంబంధించి పోలీసులు తెలిపిన వివరాలు ఇలా ఉన్నాయి. తొండంగి మండలం ఎల్లయ్యపేట గ్రామానికి చెందిన వరికుంట్ల వరలక్ష్మి గురువారం స్కూల్లో చదువుతున్న తన ఇద్దరు పిల్లలను తీసుకుని తుని రైల్వేస్టేషన్‌కు వచ్చింది. స్కూల్‌ యూనిఫాంతో ఉన్న నా చిన్నారులతో కలిసి ట్రాక్‌పైకి వచ్చి ఆత్మహత్యకు యత్నిస్తున్న సమయంలో విధి నిర్వహణలో ఉన్న హెడ్‌ కానిస్టేబుల్‌ శ్రీనివాసరావు, కానిస్టేబుళ్లు శివ, సురేష్‌, నాగరాజు, ఆర్పీఎఫ్‌ సిబ్బంది వారిని అక్కడి నుంచి పోలీస్‌స్టేషన్‌కు తీసుకువచ్చారు. అక్కడ వారు ఆ తల్లిని ఆత్మహత్యా యత్నానికి దారి తీసిన కారణాలపై ప్రశ్నించారు. ఆమె భర్త రమేష్‌ ఇంట్లో ఉన్న డబ్బులతో పాటు కాఫీ హోటల్‌లో సంపాదించిన సొమ్ము తీసుకుని ఇంటి నుంచి వెళ్లిపోయాడని, సొమ్ము ఖర్చు చేసి వచ్చిన రమేష్‌ నీది దిక్కులేని పరిస్థితి, ఎక్కడి కై నా వెళ్లిపో, లేదా చచ్చిపో అంటున్నాడని ఆమె చెప్పింది. భర్త వేధింపులతో మనస్తాపానికి గురై ఆమె తన ఇద్దరు పిలలతో ఆత్మహత్యకు ప్రయత్నించినట్టు పోలీసులు తెలిపారు. వరలక్ష్మి తల్లిదండ్రులకు సమాచారం ఇచ్చి పిల్లలు, తల్లిని అప్పగించారు. ఈ విషయాన్ని తొండంగి పోలీస్‌స్టేషన్‌ ఎస్సైకు రైల్వే పోలీసులు తెలియజేశారు. బాధతరాలిని పోలీస్‌స్టేషన్‌కు పిలిపించి విచారణ జరిపి తగిన చర్యలు తీసుకుంటామని చెప్పారన్నారు. సకాలంలో స్పందించిన జీఆర్పీ సిబ్బందిని ఉన్నతాధికారులు అభినందించారు. భర్త వేధిస్తున్నాడని మనస్తాపంతో నిర్ణయం తుని రైల్వే ట్రాక్‌పై ఉండగా రక్షించిన జీఆర్పీ సిబ్బంది పిల్లలతో సహా ఆమె తల్లిదండ్రులకు అప్పగింత

చింతూరు: మండలంలోని లక్కవరం ఏకలవ్య పాఠశాలకు చెందిన ఇంటర్‌ ఫస్టియర్‌ విద్యార్థిని ఫినాయిల్‌ తాగినట్లు తెలిసింది. పాఠశాలలో గురువారం జరిగిన ఘటన శుక్రవారం వెలుగులోకి వచ్చింది. గురువారం ఉదయం ఆమె తండ్రితో కలసి పాఠశాలకు రాగా తండ్రి వెళ్లిన కొద్దిసేపటికి ఆమె డార్మెటరీలో వున్న ఫినాయిల్‌ తాగినట్టు సమాచారం. ఈ విషయాన్ని గమనించిన పాఠశాల సిబ్బంది ఆమెను తొలుత సమీపంలోని తులసిపాక పీహెచ్‌సీకి, అక్కడి నుంచి చింతూరు సీహెచ్‌సీకి తరలించి వైద్యం అందించినట్లు సమాచారం. మెరుగైన వైద్యం నిమిత్తం భద్రాచలం ఆసుపత్రికి తరలించగా ఆమె కోలుకున్నట్లు తెలిసింది. కాగా ఆమె ఫినాయిల్‌ తాగడానికి కారణాలు తెలియరాలేదు. పాఠశాల ప్రిన్సిపాల్‌ దిలీప్‌సింగ్‌ను వివరణ కోరగా తాను ప్రస్తుతం అరకులో వున్నానని, పాఠశాలకు వచ్చిన అనంతరం ఈ ఘటనపై సమాచారం సేకరిస్తానని తెలిపారు. కోలుకుంటున్న క్షతగాత్రులు తుని రూరల్‌: బస్‌ ప్రమాదంలో తీవ్రంగా గాయపడిన పెళ్లి బృందం సభ్యులు కాకినాడలో వివిధ ప్రైవేట్‌ ఆస్పత్రులలో కోలుకుంటున్నారు. గురువారం తుని మండలం తేటగుంట శివారు రాజుల కొత్తూరు వద్ద ఉప్పాడ కొత్తపల్లి మండలం ఉప్పాడకు వెళ్తున్న పెళ్లి బృందం బస్సును కంటైనర్‌ డీకొనడంతో జరిగిన ప్రమాదంలో 43 మందికి గాయపడగా 108 అంబులెన్సుల్లో తుని ఏరియా ఆస్పత్రికి తరలించగా, ప్రాథమిక చికిత్స అనంతరం తీవ్రంగా గాయపడిన వారు మెరుగైన చికిత్స నిమిత్తం కాకినాడలోని పలు ప్రైవేటు ఆస్పత్రులలో చేరారు. స్వల్పంగా గాయపడిన వారు వారి వారి ఇళ్లకు వెళ్లిపోయారు. ఈ సంఘటనలో ఎవరికీ ప్రాణాపాయం జరగకపోవడంతో పెళ్లి బృందం ఊపిరి పీల్చుకుంది. విద్యుదాఘాతంతో వివాహిత మృతి తొండంగి: మండలంలోని బెండపూడిలో విద్యుత్‌షాక్‌ గురై వివాహిత మృతి చెందింది. పోలీసులు తెలిపిన వివరాల ప్రకారం రౌతులపూడి మండలం గిడజాం గ్రామానికి చెందిన యర్రా శివాజి, యర్రా జ్యోతి (32) దంపతులు వీరికి 13 ఏళ్ల కుమార్తె సత్య, తొమ్మిదేళ్ల కుమారుడు అనిరుధ్‌ ఉన్నారు. జ్యోతి స్వగ్రామమైన బెండపూడిలో ఐదేళ్లుగా అద్దె ఇంట్లో నివసిస్తోంది. శివయ్య స్థానికంగా దాబాలో పనిచేస్తుండగా జ్యోతి బెండపూడి వైజంక్షన్‌ వద్ద ఓ ప్రైవేటు బేకరీ షాపులో పనిచేస్తోంది. శుక్రవారం ఇంట్లో బట్టలు ఉతుకుతూ ఆ తడి చేతులతో విద్యుత్‌ మీటర్‌ వద్ద స్విచ్‌ ఆన్‌ చేయగా షాక్‌కు గురై పక్కనే ఉన్న ఇనుప గేటుకు తగిలింది. దీంతో ఆమె అక్కడికక్కడే మృతి చెందింది. జ్యోతి తల్లి సమాచారం మేరకు శివయ్య ఇచ్చిన ఫిర్యాదుతో పోలీసులు కేసు దర్యాప్తు చేస్తున్నారు. రైలు ఢీకొని గుర్తు తెలియని వ్యక్తి మృతి రాజమహేంద్రవరం సిటీ: గోదావరి రోడ్‌ కమ్‌ రైల్వే బ్రిడ్జిపై రైలు ఢీకొనడంతో శుక్రవారం సుమారు 50 ఏళ్ల వ్యక్తి మృతి చెందాడని జీఆర్పీ ఎస్‌ఐ జె.సతీష్‌ తెలిపారు. మృతుని వద్ద ఏ విధమైన అధారాలు లభించలేదని, ఈ ఘటనపై కేసు నమోదు చేసి మృతదేహాన్ని పోస్ట్‌మార్టమ్‌ నిమిత్తం ప్రభుత్వాసుపత్రికి తరలించినట్లు తెలిపారు. మృతుని ఆచూకీ తెలిసిన వారు 95534 53333, 0883 2442821 నంబర్లకు వివరాలు తెలియజేయాలన్నారు.

పిఠాపురం: ఉష్ణోగ్రతల్లో అస్తవ్యస్త మార్పులకు పట్టు రైతులు తీవ్రంగా నష్టపోతున్నారు. రేయింబవళ్లు కష్టపడి పెంచిన పట్టు పురుగులు గూళ్లు అల్లుకునే నాలుగు, ఐదు దశల్లో చనిపోతుండడంతో కనీస పెట్టుబడులు రాక రూ.కోట్లలో నష్టపోతున్నారు. వాతావరణంలో విపరీత మార్పుల వల్ల ‘ప్రాచీన్‌’, ’గ్రాసరీ’ వంటి వైరల్‌ వ్యాధులు వ్యాపించి గూడు పెట్టే దశలో పురుగులు చనిపోతుండడం ఒక కారణమైతే, ప్రభుత్వ, ప్రైవేటు చాకీ సెంటర్ల నుంచి సరఫరా అయ్యే గుడ్లు, పురుగులలో నాణ్యతా లోపం మరో కారణమని రైతులు అంటున్నారు. లక్షల్లో పెట్టుబడి ఎకరం మల్బరీ తోట నిర్వహణకు ప్రతి విడతకూ రూ.70 వేల నుంచి రూ.లక్ష వ్యయమవుతుంది. పురుగులు గూళ్లు అల్లే చివరి నాలుగు, ఐదు దశల్లో ఉష్ణోగ్రతల్లో విపరీత మార్పుల వల్ల అవి చనిపోతుండడంతో పెట్టుబడులు, కష్టం వృథాపోతున్నాయి. ప్రభుత్వం, పట్టు పరిశ్రమల శాఖ తక్షణం స్పందించి ఆదుకోవాలని రైతులు ఆందోళన వ్యక్తం చేస్తున్నారు. ఉమ్మడి జిల్లాలో సాగు ఇలా.. రాష్ట్రంలో పలమనేరు, హిందూపురంతో పాటు జిల్లాలో గొల్లప్రోలు మండలం చేబ్రోలులో పట్టుగూళ్ల కొనుగోలు కేంద్రాలు ఉన్నాయి. ఉమ్మడి జిల్లాలో కోనసీమలోని అమలాపురం, రాజమహేంద్రవరం మినహా ఎజన్సీలో 5, పెద్దాపురం డివిజన్‌లో 12, కాకినాడ డివిజన్‌లో 2 మండలాల్లో 4500 ఎకరాల్లో 1100 మంది రైతులు మల్బరీ సాగు చేసేవారు. ఇలా రోజుకు ఐదు టన్నుల పట్టుగూళ్లు దిగుబడి ఉండేది. ప్రభుత్వ ప్రోత్సాహం కరువు గతంలో జిల్లాలో పండించిన పట్టుగూళ్లకు కేజీ రూ.550 వరకు ధర పలకగా ప్రస్తుతం రూ.250 కూడా పలకక రైతులు నష్టపోతున్నారు. ప్రభుత్వం ఇవ్వాల్సిన ఇన్సెంటివ్‌ సైతం రూ.4 కోట్ల మేర బకాయి పెట్టింది. షెడ్ల నిర్మాణానికి ప్రోత్సాహకాలు లేవు. వీటన్నింటికీ తోడు తెగుళ్ల బెడదతో పురుగులు గూళ్ల కట్టని పరిస్థితి నెలకొంది. పక్క పొలాల్లో పురుగు మందుల వల్లే.. రైతుల విజ్ఞప్తితో మల్బరీ పంటలను పరిశీలించిన శాస్త్రవేత్తలు సమీప పొలాల్లో పిచికారీ చేస్తున్న పురుగు మందుల వల్లే పట్టు పురుగులు చనిపోతున్నాయని చెప్తున్నారు. పంట నష్టాలకు కారణమవుతున్న తెగుళ్ల నివారణ చర్యలను ఇప్పటికీ అధికారులు చెప్పకపోవడంతో అసలు సాగుకు దూరమయ్యే పరిస్థితి నెలకొందని రైతులు అంటున్నారు. చేబ్రోలులో పట్టు పురుగుల పెంపకం షెడ్‌ కనుమరుగవ్వనున్న చేబ్రోలులో మల్బరీ తోటలు పట్టించుకునే వారు లేరు పంటలు నష్టపోతున్నా అధికారులు పట్టనట్టు వ్యవహరిస్తున్నారు. చేబ్రోలులో ఇప్పటికే 50 మంది వరకు రైతులు తీవ్ర నష్టాల పాలయ్యారు. కలెక్టర్‌ మా సమస్యను పరిశీలించి ఆదుకోవాలి. – వులవకాయల రాంబాబు, పట్టు రైతు, చేబ్రోలు, గొల్లప్రోలు మండలం సాగంటేనే భయమేస్తోంది గతంలో పట్టు సాగంటే పరుగులు తీసే రైతులు నేడు భయపడుతున్నారు. ఇప్పటికే చాలా మంది పంటకు దూరమయ్యారు. మండలంలో పట్టు సాగు లేకుండా పోయే పరిస్థితి ఎదురవుతోంది. పట్టు పురుగు గూడు ఎందుకు కట్టడం లేదో శాస్త్రవేత్తలు పరిశోధించి నివారణ చర్యలు సూచించాలి. – ఓరుగంటి రామారావు, పట్టు రైతు, చేబ్రోలు, గొల్లప్రోలు మండలం గూళ్లు కట్టే వేళ చనిపోతున్న పట్టు పురుగులు ఉష్ణోగ్రతల్లో తీవ్ర మార్పులతో వైపరీత్యం రూ.లక్షల్లో ఖర్చుచేసి నష్టపోతున్న రైతులు మూడు వేల నుంచి 300 వందల ఎకరాలకు పడిపోయిన మల్బరీ సాగు

చింతూరు: మండలంలో శుక్రవారం జరిగిన రెండు వేర్వేరు ప్రమాదాల్లో ఆరుగురికి గాయాలయ్యాయి. వీరిలో నలుగురి పరిస్థితి విషమంగా వుండడంతో మెరుగైన చికిత్స నిమిత్తం భద్రాచలం తరలించారు. చింతూరు శబరినది వంతెన వద్ద ఎదురెదురుగా వస్తున్న రెండు బైక్‌, స్కూటీలు ఢీకొన్నాయి. ఈ ఘటనలో బైక్‌ నడుపుతున్న ఏజీ కొడేరుకు చెందిన సున్నం ప్రసాద్‌కు తీవ్రగాయాలయ్యాయి. స్కూటీపై భద్రాచలం నుంచి ఒడిశా వెళ్తున్న దంపతుల్లో భర్త గౌరవ్‌మండల్‌కు తీవ్రగాయాలు కాగా భార్య ఆసిబా బిశ్వాస్‌కు రెండేళ్ల ధిర్తి మండల్‌కు స్వల్ప గాయాలయ్యాయి. ప్రమాదం జరిగిన సమయంలో చిన్నారి ధిర్తి బలంగా రహదారిపై పడుతున్న సమయంలో తల్లి ఆసిబా సమయస్ఫూర్తితో చెయ్యి అడ్డుపెట్టడంతో ఆమె సురక్షితంగా బైటపడింది. తీవ్రంగా గాయపడిన గౌరవ్‌మండల్‌, ప్రసాద్‌లను భద్రాచలం ఆస్పత్రికి రిఫర్‌ చేశారు. సరివెల విద్యుత్‌ సబ్‌స్టేషన్‌ వద్ద జాతీయ రహదారి–30పై జరిగిన మరో ప్రమాదంలో ఇద్దరికి తీవ్ర గాయాలయ్యాయి. కారు, బైక్‌ ఢీకొన్న ఘటనలో బైక్‌పై వున్న ఛత్తీస్‌గఢ్‌కు చెందిన పద్దం మల్లయ్య, తెలంగాణకు చెందిన గణేష్‌కు తీవ్ర గాయాలయ్యాయి. వీరికి చింతూరు ఆసుపత్రిలో ప్రాథమిక చికిత్స అనంతరం భద్రాచలం తరలించారు.

కొబ్బరి రకం ధర (రూ.) కొత్త కొబ్బరి (క్వింటాల్‌) 16,000 – 17,000 కొత్త కొబ్బరి (రెండో రకం) 15,000 – 16,000 కురిడీ కొబ్బరి (పాతవి) గండేరా (వెయ్యి) 24,500 గటగట (వెయ్యి) 22,000 కురిడీ కొబ్బరి (కొత్తవి) గండేరా (వెయ్యి) 23,500 గటగట (వెయ్యి) 21,000 నీటికాయ పాత (ముక్కుడు) కాయ (వెయ్యి) 20,000 – 21,000 కొత్త (పచ్చి) కాయ (వెయ్యి) 20,000 – 21,000 కొబ్బరి నూనె (15 కిలోలు) 5,000 కిలో 350

● రూ.1,39,100 అపరాధ రుసుం వసూలు ● డీటీవో శ్రీనివాసరావు అమలాపురం రూరల్‌: వినాయక చవితి పండుగ సెలవుల రద్దీని దృష్టిలో ఉంచుకుని గత వారం రోజులుగా జిల్లాలో ప్రైవేట్‌ ట్రావెల్స్‌ బస్సులపై ప్రత్యేక తనిఖీలు నిర్వహించినట్టు డీటీవో దేవిశెట్టి శ్రీనివాసరావు తెలిపారు. 193 బస్సులను తనిఖీ చేసి 61 బస్సులపై కేసులు నమోదు చేశామని, రూ.1,39,100 అపరాధ రుసుం విధించామని ఆయన శుక్రవారం పేర్కొన్నారు. ముమ్మిడివరం అన్నంపల్లి టోల్‌ ప్లాజా, రావులపాలెం ఈతకోట టోల్‌ ప్లాజాల వద్ద ఈ తనిఖీలు చేశామన్నారు. తనిఖీల్లో ఎంవీఐలు రాజేంద్ర ప్రసాద్‌, రవికుమార్‌, ఓలేటి శ్రీనివాస్‌, సురేష్‌ కుమార్‌, షణ్ముఖ్‌ శ్రీనివాస్‌, కౌశిక్‌, వరప్రసాద్‌ పాల్గొన్నారు. తల్లిదండ్రులకు బాలిక అప్పగింత తుని: ఇంటిలో ఎవరికీ చెప్పకుండా రైలులో వచ్చిన విజయనగరం జిల్లా మెంటాడ మండలం చల్లపల్లి గ్రామానికి చెందిన ఏడిబిల్లి భానును తుని జీఆర్పీ సిబ్బంది ఆమె తల్లిదండ్రులకు అప్పగించారు. శుక్రవారం జీఆర్పీ హెడ్‌ కానిస్టేబుల్‌ శ్రీనివాసరావు తెలిపిన వివరాల మేరకు భాను విజయనగరం నుంచి విశాఖ రైల్వేస్టేషన్‌కు చేరుకుని అక్కడ కడప వెళ్లే తిరుమల ఎక్స్‌ప్రెస్‌ ఎక్కి జనరల్‌ భోగీలో కూర్చుంది. బెదురు చూపులు చూస్తున్న ఆమె గురించి ప్రయాణికులు రైల్వే పోలీసులకు సమాచారం ఇచ్చారు. ఈ మేరకు ఆమెను కాకినాడ జిల్లా తునిలో దించి రైల్వే పోలీసు స్టేషన్‌కు తీసుకువెళ్లి సమాచారం సేకరించారు. బాలిక తల్లి జానకి ఏఎన్‌ఎంగా పని చేస్తున్నట్టు గుర్తించి ఆండ్ర పోలీస్‌స్టేషన్‌కు సమాచారం ఇచ్చి తుని వచ్చిన తల్లిదండ్రులు, బంధువుల సమక్షంలో బాలికను అప్పగించారు.

సీటీఆర్‌ఐ (రాజమహేంద్రవరం): జిల్లాలో రైతులు పండించిన ధాన్యాన్ని ఎటువంటి ఇబ్బందులు లేకుండా, పారదర్శకంగా, సకాలంలో కొనుగోలు చేసేలా పటిష్టమైన చర్యలు చేపట్టాలని కలెక్టర్‌ కీర్తి చేకూరి అధికారులను ఆదేశించారు. శుక్రవారం స్థానిక జిల్లా కలెక్టర్‌ క్యాంపు కార్యాలయంలో 2026–27 ఖరీఫ్‌ ధాన్యం కొనుగోలు, సేకరణకు సంబంధించిన డీపీసీ సమావేశం నిర్వహించారు. ఈ సందర్భంగా ధాన్యం సేకరణకు చేసిన ఏర్పాట్లు, కొనుగోలు కేంద్రాలు, గోనె సంచుల లభ్యత, ధాన్యం రవాణా, మిల్లులకు తరలింపు తదితర అంశాలను సమీక్షించారు. కలెక్టర్‌ మాట్లాడుతూ రైతులకు కేంద్ర ప్రభుత్వం నిర్దేశించిన కనీస మద్దతు ధర అందేలా ఆంధ్రప్రదేశ్‌ ప్రభుత్వం తరఫున ఏపీఎస్‌సీఎస్‌సీఎల్‌ నేరుగా ఆర్‌ఎస్‌కేల ద్వారా రైతు పొలం వద్ద ధాన్యాన్ని కొనుగోలు చేయనుందన్నారు. ఎల్‌నినో ప్రభావంతో ఈ సీజన్‌లో దిగుబడుల్లో మార్పులు ఉండే అవకాశం ఉన్నందున, వాస్తవంగా వచ్చే దిగుబడులు, మార్కెట్‌కు వచ్చే ధాన్యం పరిమాణాన్ని నిరంతరం అంచనా వేస్తూ రైతులకు పూర్తి ప్రయోజనం కలిగేలా చూడాలని అధికారులను ఆదేశించారు. వ్యవసాయ శాఖ అంచనాల ప్రకారం జిల్లాలో 96,266 హెక్టార్లలో వరి సాగు జరుగుతుండగా, వరి కోతలు అక్టోబర్‌ మూడో వారంలో ప్రారంభమయ్యే అవకాశం ఉందన్నారు. దానికి అనుగుణంగా కొనుగోలు ఏర్పాట్లు చేయాలని కలెక్టర్‌ సూచించారు. జిల్లాలోని 254 రైతు సేవా కేంద్రాల్లో పీపీసీలు ఏర్పాటు చేస్తున్నట్లు జాయింట్‌ కలెక్టర్‌ మేఘ స్వరూప్‌ తెలిపారు.

ఎండ దెబ్బకు రత్నగిరి భక్తుల వెతలుఅన్నవరం: అసలే వేసవిని తలపిస్తున్న ఎండలు.. ఆపై సిమెంటు ఫ్లోరింగ్‌పై నడక.. సత్యదేవుని దర్శించుకునేందుకు శుక్రవారం రత్నగిరికి విచ్చేసిన భక్తులకు నరకప్రాయంగా మారింది. దేవస్థానానికి విచ్చేసే భక్తులకు ఎండ నుంచి ఉపశమనం లభించక తీవ్ర ఇబ్బంది పడుతున్నారు. ప్రతి రోజూ ఉదయం పది గంటల నుంచి మధ్యాహ్నం వరకు 30 డిగ్రీల పైబడి ఎండలు కాస్తుండడంతో స్వామివారి సన్నిధికి విచ్చేసే భక్తులు అల్లాడిపోతున్నారు. స్వామివారి దర్శనం అయ్యాక అన్నదానం హాలు వద్దకు వెళ్లేందుకు, పశ్చిమ రాజగోపురం ఎదురుగా గల విశ్రాంతి షెడ్డు వద్దకు వెళ్లేందుకు సిమెంట్‌ రోడ్డుపై నడుస్తుంటే కాళ్లు కాలి ఇబ్బంది పడుతున్నారు. పశ్చిమ రాజగోపురం వద్ద గల చెట్టు వద్ద సేదతీరుతున్నారు. ఆలయ అధికారులు కనీసం షామియానాలు కూడా వేయించకపోవడం, సిమెంటు రోడ్డుపై నడిచేందుకు వీలుగా కార్పెట్‌ ఏర్పాటు చేయకపోవడం, రోడ్డును నీటితో తడపకపోవడంపై విమర్శలు వ్యక్తమవుతున్నాయి. ఇప్పటికై నా భక్తుల ఇబ్బందులను గుర్తించి అధికారులు చర్యలు తీసుకోవాలని కోరుతున్నారు.

తూతూమంత్రంగా ఏరివేతకు షురూ.. సుమారు రెండున్నరేళ్ల తర్వాత కొత్త పింఛన్లకు అవకాశం రావడంతో తూర్పు గోదావరి జిల్లాలో 53,470 వరకూ దరఖాస్తులు వచ్చాయి. భారీగా దరఖాస్తులు రావడంతో నిబంధనల కొర్రీలతో స్క్రూట్నీ చేసి అర్హులనూ ఏరివేసేందుకు సన్నాహాలు చేస్తున్నట్లు సమాచారం. ముఖ్యంగా విద్యుత్‌ బిల్లులను బూచిగా చూపించి చాలా దరఖాస్తులు తిరస్కరించేందుకు సిద్ధమవుతున్నారని తెలుస్తోంది. హామీలివ్వడం ఆనక వదిలేయడం చంద్రబాబుకు కొత్తేమీ కాదు.. రెండున్నరేళ్లుగా కొత్త పింఛన్ల ఊసులేదు.. అడిగినా అధికారులు, ప్రజాప్రతినిధులు పట్టించుకోలేదు.. స్థానిక ఎన్నికల వేళ మళ్లీ పింఛన్ల మాట వచ్చింది.. పది రోజుల్లో హడావుడిగా దరఖాస్తులు స్వీకరించేశారు.. ఇక్కడి వరకు ఓకే. మరి నిబంధనల కొర్రీతో ఎంతమందిని అనర్హులుగా మార్చుతారో? అసలు మంజూరు చేస్తారా? లేక ఇదంతా ఎన్నికల స్టంటా అనేది లబ్ధిదారులకు అర్థం కాక ఆందోళన చెందుతున్నారు. సాక్షి, రాజమహేంద్రవరం: బూటకపు హామీలతో చంద్రబాబు ప్రభుత్వం రెండున్నరేళ్ల కిందట అధికార పగ్గాలు చేపట్టింది. అప్పటి నుంచి ఏ ఒక్కరికీ కొత్తగా పింఛన్లు మంజూరు చేయలేదు. గత వైఎస్సార్‌ సీపీ ప్రభుత్వంలో 2019 నుంచి 2024 మధ్య ఎప్పటికప్పుడు అర్హులకు పింఛన్లు మంజూరు చేసేవారు. ఫలితంగా అర్హులకు ఆర్థిక భరోసా దక్కేది. ఆ విధానానికి చంద్రబాబు ప్రభుత్వం స్వస్తి పలికింది. ప్రస్తుతం స్థానిక సంస్థల ఎన్నికలు సమీపిస్తుండడంతో ప్రజా వ్యతిరేకత నుంచి తప్పించుకునేందుకు కొత్తగా ఎన్టీఆర్‌ భరోసా పథకం కింద పింఛన్ల డ్రామాకు తెరలేపింది. కొత్తగా సామాజిక భద్రతా పింఛన్లు మంజూరు చేస్తారన్న సమాచారంతో ఈ నెల 7 నుంచి అర్హులు ఆన్‌లైన్‌లో దరఖాస్తు చేసుకున్నారు. ఇందులో వృద్ధులు, వితంతువులు, ఒంటరి మహిళలు, దివ్యాంగులు తదితర వర్గాలు ఉన్నాయి. అయితే దరఖాస్తు చేసుకున్న ప్రతి ఒక్కరికీ పింఛన్‌ మంజూరవుతుందా? అర్హత పరిశీలనలో ఎంత మంది గట్టెక్కుతారు? నిబంధనల పేరుతో ఎంత మంది దరఖాస్తులు తిరస్కరణకు గురవుతాయి? అనేది చర్చనీయాంశంగా మారింది. ఇన్నాళ్లూ ఆ ఊసేలేదు మాజీ సీఎం వైఎస్‌ జగన్‌మోహన్‌రెడ్డి అమలు చేసిన సంక్షేమ పథకాల కంటే మరింత ఎక్కువగా అమలు చేస్తామని ఎన్నికల సమయంలో చంద్రబాబు అండ్‌ కో గొప్పగా ప్రకటించారు. అబద్ధపు హామీలతో ప్రజలను నమ్మించారు. అధికారంలోకి వచ్చిన తర్వాత కొత్త పింఛన్ల ఊసే మరిచిపోయారు. ఇప్పుడు స్థానిక సంస్థలకు ఎన్నికలు నిర్వహించాలని కసరత్తు ప్రారంభించారు. ఈ నేపథ్యంలో చంద్రబాబు చేయించిన అన్ని సర్వేల్లోనూ ప్రభుత్వ పనితీరుపై అన్ని వర్గాలు తీవ్ర అసంతృప్తితో ఉన్నారని తేలింది. ముఖ్యంగా పథకాల అమలులో జనం నుంచి వ్యతిరేకత వస్తుందనేది తెలిసిందే. ఇటువంటి సమయంలో స్థానిక సంస్థల ఎన్నికలకు వెళ్తే ఓటర్లు బుద్ధి చెబుతారని చంద్రబాబుకు అర్థమైపోయిందని, అందువల్లే ప్రజల దృష్టి మళ్లించేందుకు పింఛన్ల డ్రామాకు తెరతీశారనే వాదన వినిపిస్తోంది. ఈ నేపథ్యంలో బీసీ, ఎస్సీ, ఎస్టీలకు 50 ఏళ్లకే పింఛన్‌ ఇస్తానన్న హామీని అమలు చేయడం లేదని ఆయా వర్గాలు ఆవేదన చెందుతున్నాయి. ఆశలు కల్పించి.. దోచేసి రాష్ట్ర ప్రభుత్వం కొత్త పింఛన్లకు దరఖాస్తులు స్వీకరిస్తుందన్న విషయం తెలియగానే దళారులు రంగంలో దిగారు. పింఛన్లు ఇప్పిస్తామని ఆశ కల్పించి అందినకాడికి దోచుకున్నారనే ఆరోపణలు వినిపిస్తున్నాయి. కొంత మంది నుంచి రూ.30 వేల నుంచి రూ.50 వేల వరకూ వసూలు చేశారని తెలుస్తోంది. మరోవైపు పింఛన్‌ దరఖాస్తుల మాటున మీ సేవ కేంద్రాల నిర్వాహకులు మామూళ్ల దందా సాగించినట్లు సమాచారం. ఆదాయ, కుల ధ్రువపత్రాల మంజూరుకు కొందరు రెవెన్యూ సిబ్బందితో కలసి కథ నడిపించారని.. దరఖాస్తు చేసేందుకు గడువు ముగుస్తుండడంతో వారు అడిగినంత దరఖాస్తుదారులు సమర్పించుకున్నారని తెలుస్తోంది. ఈ వసూళ్ల బాగోతం జిల్లా అంతటా సాగింది. వాస్తవానికి ఆదాయ కుల ధ్రువీకరణ పత్రాల మంజూరుకు రూ.125 చెల్లించాలి. కానీ రెవెన్యూ అధికారులతో మాట్లాడి వెంటనే పత్రాలు ఇప్పిస్తామని రూ.600 వరకు కొందరు వసూలు చేశారు. కొన్నిచోట్ల దరఖాస్తు ఆన్‌లైన్‌ చేసేందుకు రూ.300 వరకు తీసుకున్నారు. చర్మకారులు, డప్పు కళాకారులు తప్పనిసరిగా నోటరీ (సెల్ఫ్‌ డిక్లరేషన్‌) చేయించి దరఖాస్తు చేయాలి. ఆ నోటరీ కోసం కూడా దళారులు రూ.300 వసూలు చేశారు. శనివారం శ్రీ 19 శ్రీ సెప్టెంబర్‌ శ్రీ 2026ఫ స్థానిక ఎన్నికల వేళ కొత్త పింఛన్లంటూ హడావుడి ఫ 27 నెలలుగా లబ్ధిదారుల ఎదురుచూపులు ఫ 7 నుంచి 18 వరకు 53,470 దరఖాస్తుల స్వీకరణ ఫ నిబంధనల కొర్రీతో దరఖాస్తుదారుల్లో అనుమానాలు ఫ మంజూరు అయ్యేవరకూ నమ్మలేదంటున్న అర్హులు ఇదో ఎత్తుగడ మరోవైపు 80 శాతం వికలాంగత్వం ఉన్నవారికి రూ.15 వేల పింఛన్‌ ఇస్తామని కూటమి నేతలు ఎన్నికల ముందు ప్రకటించారు. ఇప్పుడు ఇస్తున్న రూ.6 వేలకు బదులు రూ.15 వేలు ఇస్తామని చెబుతూనే.. సదరం సర్టిఫికెట్‌ కొత్తగా తెచ్చుకోమని అధికారులు చెబుతున్నారు. సదరం శిబిరాల్లో మాత్రం గతంలో 80 శాతం వికలాంగత్వం ఉన్నట్టు సర్టిఫికెట్‌ ఇచ్చినా, ఇప్పుడు దాన్ని తగ్గించేసి ఇస్తున్నారు. ఇదేంటని వైద్యులను అడుగుతుంటే పైనుంచి వచ్చిన ఆదేశాలంటూ చెబుతుండడం గమనార్హం. దివ్యాంగులకు పింఛన్ల సొమ్ము పెంచకుండా ఉండేందుకు ప్రభుత్వం అనధికార ఆదేశాలు ఇచ్చిందనే విషయం స్పష్టమవుతోంది. దరఖాస్తులు చేసుకోలేక.. చేనేత కార్మికులు రెండేళ్లకు సంబంధించిన జీఎస్టీ బిల్లులు సమర్పించాలనే నిబంధనతో క్షేత్రస్థాయిలో నేతన్నలకు ఇబ్బందులు ఎదురయ్యాయి. ఫలితంగా చాలామంది దరఖాస్తు చేసుకోలేకపోయారని తెలుస్తోంది. వాస్తవానికి ప్రభుత్వం రాష్ట్ర వ్యాప్తంగా 2 లక్షల పింఛన్లు ఇచ్చేందుకు సిద్ధమైందని తెలుస్తోంది. ఆ లెక్కన ఒక్కో జిల్లాకు పది వేలకు మించి రావు. తూర్పు గోదావరి జిల్లాకేమో ఆఖరి రోజుతో 53,470 దరఖాస్తులు వచ్చాయి. ఈ పరిస్థితుల్లో వీలైనంత వరకూ నిబంధనల పేరుతో దరఖాస్తులు తిరస్కరించాలని ప్రభుత్వ పెద్దల నుంచి అధికారులకు అనధికార ఆదేశాలు వచ్చాయని తెలుస్తోంది.

స్థానిక ఎన్నికల్లో గట్టెక్కడానికే కుట్ర స్థానిక సంస్థల ఎన్నికల్లో గట్టెక్కేందుకే ఎమ్మెల్యే నల్లమిల్లి రామకృష్ణారెడ్డి కుట్రలకు పాల్పడుతున్నారు. అనపర్తి, రామవరం, కుతుకులూరు, మహేంద్రవాడ, పొలమూరు, కొప్పవరం గ్రామాల్లో వ్యాపారం చేసుకునేవారున్నారు. వారు బతుకుతెరువు కోసం వారానికి నాలుగైదు రోజులు, లేదా నెలలో కొద్ది రోజులు ఇతర ప్రాంతాలకు వెళ్లి మళ్లీ ఇళ్లకు వస్తుంటారు. వారి కుటుంబాలు గ్రామాల్లోనే ఉన్నప్పటికీ ఓట్ల తొలగింపునకు ఫారం – 7 దరఖాస్తులు ఇప్పించడం హేయమైన చర్య. ఈ అక్రమాలపై ఎన్నికల సంఘానికి ఫిర్యాదు చేస్తా. అర్హులందరికీ తుది జాబితాలో ఓటు కల్పించే వరకూ వైఎస్సార్‌ సీపీ తరఫున పోరాడుతాం. నియోజకవర్గంలో రెడ్‌బుక్‌ రాజ్యాంగం అమలు చేస్తున్న నాయకులకు త్వరలోనే ఓటర్లు బుద్ధి చెబుతారు. –సత్తి సూర్యనారాయణ రెడ్డి, మాజీ ఎమ్మెల్యే, వైఎస్సార్‌ సీపీ అనపర్తి నియోజకవర్గ ఇన్‌చార్జి ఫ వైఎస్సార్‌ సీపీ ఓట్లపై కూటమి కుయుక్తులు ఫ అనపర్తిలో 1,200కు పైగా ఫారం–7 దరఖాస్తులు ఫ ‘శాశ్వత వలస’ పేరుతో ఓట్ల తొలగింపునకు కుట్ర ఫ సంతకాలు ఫోర్జరీ చేసి గుంపగుత్తుగా దరఖాస్తులు సాక్షి, రాజమహేంద్రవరం: స్థానిక సంస్థల ఎన్నికల్లో కూటమికి ఓటమి భయం పట్టుకుంది.. దీంతో వైఎస్సార్‌ సీపీ సానుభూతిపరుల ఓట్లు తొలగించేందుకు కుయుక్తులు పన్నుతోంది. స్పెషల్‌ ఇంటెన్సివ్‌ రివిజన్‌ (సర్‌)లో భాగంగా ఇంటింటా సర్వే నిర్వహించి ముసాయిదా ఓటర్ల జాబితా విడుదల చేసిన తర్వాత కూడా భారీ సంఖ్యలో ఫారం–7 దరఖాస్తులు సమర్పించడమే ఇందుకు నిదర్శనం. టీడీపీ మాజీ నాయకుడు, బీజేపీ ఎమ్మెల్యే నల్లమిల్లి రామకృష్ణారెడ్డి ప్రాతినిధ్యం వహిస్తున్న తూర్పుగోదావరి జిల్లా అనపర్తిలో ఈ దురాగతానికి పూనుకున్నారు. నియోజకవర్గంలోని పలు ప్రాంతాల నుంచి ‘శాశ్వతంగా వలస వెళ్లారు’ అనే కారణంతో సుమారు 1,200కు పైగా ఓట్ల తొలగింపునకు కూటమి నాయకులు దరఖాస్తులు చేశారంటే, పరిస్థితి తీవ్రత ఏ స్థాయిలో ఉందో అర్థం చేసుకోవచ్చు. ఒక వ్యక్తి ఐదుగురి ఓట్లకు సంబంధించి మాత్రమే ఫారం– 7 సమర్పించే అవకాశం ఉంది. దీంతో కూటమి నాయకులు మరింత బరితెగించి వివిధ సందర్భాల్లో తమ పార్టీల కార్యకర్తలు అందజేసిన ఆధార్‌, ఓటరు కార్డులను ఉపయోగించి సంతకాలు ఫోర్జరీ చేసి గుంపగుత్తగా ఫారం– 7 దరఖాస్తులను అధికారులకు అందించారు. దీంతో క్లెయిమ్‌లపై విచారణ సమయంలో ఆక్షేపణదారులు రాకపోవడంతో ఈ బాగోతం బట్టబయలవుతోంది. తమ పేరు మీద ఎవరో దరఖాస్తు చేశారని, తమకు సంబంధం లేదని కొందరు ఆక్షేపణదారులు విచారణ సమయంలో అధికారులకు స్పష్టం చేస్తుండడం గమనార్హం. ఇంతలోనే శాశ్వత వలస ఎలా? ‘సర్‌’ ప్రక్రియలో భాగంగా 2026 జూన్‌ 15 నుంచి జూలై 14 వరకు బీఎల్వోలు ఇంటింటికీ వెళ్లి ఓటర్ల వివరాలు సేకరించారు. అనంతరం జూలై 31న ముసాయిదా ఓటర్ల జాబితా విడుదల చేశారు. అప్పటికే 21 వేలకు పైగా ఓట్లను వివిధ కారణాలతో అధికారులు తొలగించారు. ఇంత విస్తృతంగా ఇంటింటా సర్వే చేపట్టిన కొద్ది నెలల్లోనే అనపర్తి మండలంలోని పలు గ్రామాల్లో ‘శాశ్వత వలస’ పేరుతో పెద్ద సంఖ్యలో ఫారం–7లు సమర్పించడం గమనార్హం. ఇటీవలే బీఎల్వోలు ఇంటింటికీ వెళ్లి పరిశీలించి వివరాలు సేకరించినప్పుడు స్థానికంగా ఉన్న ఓటర్లు ఇప్పుడు ఇంత తక్కువ వ్యవధిలో ఎలా ‘శాశ్వత వలసదారులు’గా మారారు? అని వైఎస్సార్‌ సీపీ ప్రశ్నిస్తోంది. ప్రత్యేకంగా అనపర్తి మండలంలోని కొన్ని గ్రామాల్లో ఫైనాన్స్‌, వ్యాపారం, విద్య, ఉద్యోగాల కోసం తాత్కాలికంగా ఇతర ప్రాంతాలకు వెళ్లే కుటుంబాలు పెద్ద సంఖ్యలో ఉన్నాయి. పని నిమిత్తం కొంత కాలం మరో ప్రాంతంలో ఉండటం మాత్రమే శాశ్వత నివాసం మారినట్టు భావించేందుకు సరిపోదు. ఎన్నికల సంఘం కూడా ఓటరు అర్హతకు ‘ఆర్డినరీ రెసిడెన్స్‌’ను ప్రామాణికంగా తీసుకుంటుంది. ఉద్యోగం, విద్య తదితర కారణాలతో సాధారణ నివాసం నుంచి దూరంగా ఉన్న భారతీయ పౌరుడికి నిబంధనలకు లోబడి, తన సాధారణ నివాస నియోజకవర్గంలో ఓటు హక్కు ఉండవచ్చని ఈసీ నిబంధనలు స్పష్టం చేస్తున్నాయి. కుట్రలో భాగంగానే.. బూటకపు హామీలతో అధికారం చేపట్టిన చంద్రబాబు అండ్‌ కోపై ప్రజల్లో తీవ్ర వ్యతిరేకత వ్యక్తమవుతోంది. ఈ విషయం సీఎం చంద్రబాబు చేపట్టిన సర్వేల్లోనూ వెల్లడైంది. మరీ ముఖ్యంగా కూటమి ప్రభుత్వం వచ్చినప్పటి నుంచి అనపర్తి నియోజకవర్గంలో రెడ్‌బుక్‌ రాజ్యాంగమే అమలు చేస్తున్నారు. భౌతిక దాడులకు పాల్పడడం, ఆస్తుల విధ్వంసానికి పూనుకోవడంతో ప్రజల్లో తీవ్ర వ్యతిరేకత నెలకొంది. ఈ పరిస్థితుల్లో స్థానిక ఎన్నికల్లో ఓటమి ఖాయమనే భావన కూటమి నాయకుల్లో నెలకొంది. ముఖ్యంగా ఎమ్మెల్యే బీజేపీ తరఫున ప్రాతినిధ్యం వహిస్తున్నప్పటికీ అతని కుమారుడు ఈ నియోజకవర్గ టీడీపీ ఇన్‌చార్జిగా వ్యవహరిస్తున్నారు. అందువల్ల ఎలాగైనా స్థానిక ఎన్నికల్లో గెలవాలనే ఉద్దేశంతోనే అనపర్తి నియోజకవర్గంలోని పలు గ్రామాల నుంచి సుమారు 1,200కు పైగా ఫారం–7 దరఖాస్తులు తమ అనుచరులతో ఇప్పించారనే విమర్శలు వినిపిస్తున్నాయి. విచారణ గదుల్లోనూ కూటమి నాయకులే ఫారం–7లపై విచారణకు హాజరయ్యే ఓటర్ల వద్దకు కూటమి నాయకులు, కార్యకర్తలు చేరుకుని విచారణపై ప్రభావం చూపుతున్నారు. ఓటరు తన స్థానికతకు సంబంధించిన పత్రాలను సమర్పించే సమయంలో రాజకీయ జోక్యం ఉంటే స్వేచ్ఛాయుత విచారణ సాధ్యం కాదు. అనపర్తిలో మాత్రం ఓటరు తన ధ్రువీకరణ పత్రాలను అధికారులకు చూపిస్తుంటే.. కూటమి నాయకులు జోక్యం చేసుకుని.. మీరు ఇక్కడ ఉండడం లేదు కదా అంటూ బెదిరింపు ధోరణితో మాట్లాడుతున్నారు. కొన్ని సందర్భాల్లోనైతే పోలీస్‌ స్టేషన్లలో తప్పుడు ఫిర్యాదులు చేసి.. ఓటరు విచారణకు రాకుండా పోలీసుల సాయంతో బెదిరిస్తున్నారు. ఇంత పెద్ద సంఖ్యలో ‘శాశ్వత వలస’ దరఖాస్తులు రావడంపై సమగ్ర విచారణ జరపాల్సిన అవసరం ఉంది.

ఫ జిల్లాపై భానుడి ప్రతాపం ఫ శుక్రవారం 37 డిగ్రీల ఉష్ణోగ్రత నమోదు ఫ సాధారణం కంటే 4, 5 డిగ్రీలు అధికం ఫ రోడ్లపైకి రావాలంటేనే హడలిపోతున్న జనం సాక్షి, రాజమహేంద్రవరం: ఎండ సుర్రుమంటోంది.. జనం బయటకు రాలేనంతగా ఉంటోంది.. కొద్దిరోజులుగా జిల్లా ఉక్కబోతతో అల్లాడుతోంది.. వానాకాలం కాస్త వేసవిని తలపిస్తోంది. పగలు, రాత్రి అనే తేడా లేకుండా సాధారణం కంటే అత్యధిక ఉష్ణోగ్రతలు నమోదవుతున్నాయి. పగలు ఎండ చెమటలు కక్కిస్తుంటే.. రాత్రిళ్లు ఉక్కబోత, దోమల దండయాత్రతో జనం అల్లాడిపోతున్నారు. వేసవి మాదిరిగా ఉదయం 8 గంటల నుంచే భానుడు తన ప్రతాపం చూపిస్తున్నాడు. శుక్రవారం జిల్లాలో గరిష్టంగా 37 డిగ్రీల ఉష్ణోగ్రత నమోదైంది. ఇది సాధారణ కంటే 5 డిగ్రీలు ఎక్కువ కావడం ఆందోళనకరం. జిల్లాలో ప్రజలు అధిక ఉష్ణోగ్రతలతో రాత్రి వేళ కూడా ఎక్కువగా ఇబ్బంది పడుతున్నారు. గురువారం రాత్రి 27 డిగ్రీలు, శుక్రవారం రాత్రి 27.5 డిగ్రీల ఉష్ణోగ్రత నమోదైంది. ఫలితంగా వేడితో పాటు ఉక్కబోత కారణంగా చిన్నపిల్లలు, వృద్ధులు తీవ్ర ఇబ్బందులు పడుతున్నారు. ఇది చాలదన్నట్లు ఎమర్జెన్సీ లోడ్‌ రిలీఫ్‌ పేరిట విద్యుత్‌ శాఖ అధికారులు ఇష్టారాజ్యంగా కోతలు విధిస్తున్నారు. విద్యుత్‌ సరఫరా లేక ఫ్యాన్లు, ఏసీలు పనిచేయక జనం అల్లాడిపోతున్నారు. చాలాచోట్ల రాత్రి 7 నుంచి అర్ధరాత్రి 12 గంటల మధ్య విద్యుత్‌ సరఫరా నిలిపేస్తుండడంతో దోమలతో సహవాసం చేయాల్సి వస్తోందని ప్రజలు ఆవేదన వ్యక్తం చేస్తున్నారు. పగలంతా ఎండ వేడిమితో అల్లాడిపోతుంటే.. రాత్రి వేళ విద్యుత్‌ కోతలతో నరకయాతన అనుభవిస్తున్నామని వాపోతున్నారు. ఇప్పటికై నా ప్రభుత్వం, అధికారులు స్పందించి రాత్రి వేళ విద్యుత్‌ కోతలకు స్వస్తి చెప్పాలని కోరుతున్నారు. రోడ్లన్నీ నిర్మానుష్యంగా.. ఈ ఎండలకు మధ్యాహ్నం 12 గంటల నుంచి రోడ్లన్నీ నిర్మానుష్యంగా మారుతున్నారు. రోడ్లపై వ్యాపారులు ఎండకు తాళలేక వ్యాపారాలను వదులుకుంటున్నారు. సాయంత్రం వేళలోనే అయినకాడకు వ్యాపారాలు చేసుకుంటున్నారు. విద్యుత్‌ కోతల కారణంగా వివిధ వ్యాపార వర్గాలు ఇబ్బంది పడుతున్నాయి. ఇలాంటి ఎండలు ఎప్పుడూ చూడలేదని జనం నిట్టూర్పు వదులుతున్నారు.

కపిలేశ్వరపురం: తమ డిమాండ్ల పరిష్కారం కోరుతూ కపిలేశ్వరపురం తహసీల్దార్‌ కార్యాలయం వద్ద రాష్ట్ర గ్రామ రెవెన్యూ సహాయకుల సంఘం ఆధ్వర్యంలో చేపట్టిన నిరవధిక సమ్మె మూడో రోజుకు చేరుకుంది. వీఆర్‌ఏల సంఘ నాయకులు మాట్లాడుతూ దీర్ఘకాలంగా పెండింగ్‌లో ఉన్న తమ న్యాయమైన డిమాండ్లను పరిష్కరించడంలో ప్రభుత్వం నిర్లక్ష్యంగా వ్యవహరిస్తోందన్నారు. మొబైల్‌ ఫోరెన్సిక్‌ వాహనం ప్రారంభం కాకినాడ క్రైం: కాకినాడ జిల్లాకు మంజూరైన మొబైల్‌ ఫోరెన్సిక్‌ వాహనాన్ని జిల్లా ఎస్పీ జి.బిందు మాధవ్‌ జిల్లా పోలీసు కార్యాలయంలో శుక్రవారం ప్రారంభించారు. నేర పరిశోధనలో శాసీ్త్రయ ఆధారాల సేకరణను మరింత వేగవంతం చేయడానికి వాహనంలో అందుబాటులో ఉంచిన సాంకేతికత ఎంతో తోడ్పడుతుందని ఈ సందర్భంగా ఆయన చెప్పారు. నేరం జరిగిన స్థలానికి చేరుకుని ఆధారాలు సేకరించడం, డాక్యుమెంటేషన్‌ చేయడం, భద్రపరచడం, ప్రాథమికంగా పరిశీలించడం వంటి సేవలు ఈ వాహ నం ద్వారా అందుబాటులోకి వస్తాయన్నారు. జీజీహెచ్‌లో త్వరలో ‘హేల’ సేవలు కాకినాడ క్రైం: కేన్సర్‌ వైద్యసేవల్లో వినియోగించే అత్యాధునిక లీనియర్‌ యాక్సిలరేటర్‌ (హేల) సేవలు త్వరలో అందుబాటులోకి రానున్నాయని జీజీహెచ్‌ అధికారులు తెలిపారు. ఈ మేరకు సత్యకుమార్‌ యాదవ్‌ ఆదేశించారన్నారు. ఓఎన్‌జీసీ సహకారంతో రూ.36.65 కోట్ల అధునాతన చికిత్సా పరికరాలు కాకినాడ జీజీహెచ్‌లో కేన్సర్‌ వైద్య పరీక్షల కోసం కేటాయించినట్టు చెప్పారు. హేల యంత్రం ద్వారా రేడియేషన్‌ చికిత్స ప్రారంభించేముందు నూతనంగా అందుబాటులోకి వచ్చిన సీటీ స్కాన్‌ యంత్రంతో రోజూ పరీక్షలు జరిపి మూడు కోణాల నుంచి కేన్సర్‌ కణితి ఉన్న ప్రదేశాన్ని నిర్దిష్టంగా గుర్తించవచ్చన్నారు. పరికరాల నిర్వహణకు నూతనంగా నిర్మితమవుతున్న ప్రభుత్వ ఐటీఐ సమీపంలో కేన్సర్‌ సేవల భవంతిలో రూ.7 కోట్ల వ్యయంతో బంకర్లను ఏర్పాటు చేసినట్టు తెలిపారు. కార్మికుల సొమ్ము పథకాలకు మళ్లిస్తారా? ఏఐటీయూసీ రాష్ట్ర ప్రధాన కార్యదర్శి ఆగ్రహం బోట్‌క్లబ్‌ (కాకినాడ సిటీ): రాష్ట్రంలోని భవన నిర్మాణ కార్మికుల సంక్షేమం కోసం ఏర్పాటు చేసిన సంక్షేమ బోర్డు నిధులను ఇతర అవసరాలకు మళ్లించడంపై ఏఐటీయూసీ రాష్ట్ర ప్రధాన కార్యదర్శి ఎస్‌ వెంకట సుబ్బయ్య ఆగ్రహం వ్యక్తం చేశారు. స్థానిక పీఆర్‌ భవన్‌లో శుక్రవారం ఉదయం ఏపీ బిల్డింగ్‌, కన్‌స్ట్రక్షన్‌ వర్కర్స్‌ యూనియన్‌ రాష్ట్ర 6వ మహాసభల ఆహ్వాన సంఘ సమావేశం జిల్లా అధ్యక్షుడు తాటిపాక మధు అధ్యక్షతన జరిగింది. ముఖ్య అతిథిగా హాజరైన వెంకట సుబ్బయ్య మాట్లాడుతూ రాష్ట్రంలో భవన నిర్మాణ కార్మికుల సంక్షేమ బోర్డులో సుమారు 22 లక్షల మంది కార్మికులు ఉన్నారని, వారి సంక్షేమం కోసం కార్మికుల నుంచి సమకూరిన నిధులను ఇతర అవసరాలకు మళ్లించడం దారుణమన్నారు. రూ.6 వేల కోట్ల నిధులపై ప్రభుత్వం శ్వేతపత్రం విడుదల చేయాలని డిమాండ్‌ చేశారు. సంక్షేమ బోర్డు కార్యకలాపాలు సక్రమంగా కొనసాగకపోవడంతో కార్మికులు అనేక సంక్షేమ ప్రయోజనాలకు దూరమయ్యారన్నారు. భవన నిర్మాణ కార్మికుల సంక్షేమ బోర్డు నిధులను ‘తల్లికి వందనం’ వంటి ప్రభుత్వ పథకాలకు వినియోగించడం సరికాదన్నారు. కార్మికుల చెమటతో సమకూరిన ప్రతి రూపాయీ కార్మిక కుటుంబాల సంక్షేమానికే ఉపయోగపడాలని, ఇతర పథకాలకు నిధులను మళ్లించకుండా ప్రభుత్వం చర్యలు తీసుకోవాలన్నారు. ఏఐటీయూసీ రాష్ట్ర ఉపాధ్యక్షుడు డి.సోమసుందర్‌, భవన నిర్మాణ కార్మిక సంఘం రాష్ట్ర అధ్యక్షుడు పి.సత్యనారాయణ మాట్లాడుతూ మరణించిన, ప్రమాదాలకు గురైన కార్మికుల కుటుంబాలకు సంక్షేమ బోర్డు ద్వారా అందాల్సిన పరిహారం, ఇతర ప్రయోజనాలను ఎలాంటి జాప్యం లేకుండా అందించాలని డిమాండ్‌ చేశారు. ఈ సమావేశంలో సంఘ నేతలు పాల్గొన్నారు.

కోరుకొండ: స్థల వివాదంలో ఓ వ్యక్తి హత్యాయత్నానికి ఇద్దరిపై హత్యాయత్నానికి పాల్పడిన సంఘటన కోరుకొండలో జరిగింది. ఎస్సై ఆర్‌.శివాజీ కథనం ప్రకారం.. స్థానిక సాంబశివరావు కాలనీకి చెందిన గోపిశెట్టి శ్రీనివాస్‌, అతడి తల్లి సూర్యకాంతానికి, శ్రీరంగపట్నానికి చెందిన దొడ్డి కొండయ్య కుటుంబాల మధ్య కాలనీలోని ఓ స్థలం విషయంలో కొన్నాళ్లుగా గొడవలు జరుగుతున్నాయి. ఈ నేపథ్యంలో ముందుగా వేసుకున్న పథకం ప్రకారం కొండయ్య గురువారం శ్రీనివాస్‌ ఇంటికి వెళ్లి కత్తితో దాడి చేశాడు. కత్తితో నరకడంతో పొట్టపై తీవ్ర గాయమైంది. అతడి తల్లి సూర్యకాంతంపై కూడా కొండయ్య దాడి చేయడంతో ఆమె తలపై తీవ్ర గాయమైంది. తల్లీకొడుకులిద్దరూ అపస్మారక స్థితికి చేరుకున్నారు. సమాచారం అందుకున్న సీఐ ఎస్‌వీవీఎస్‌ మూర్తి, ఎస్సై శివాజీలు హుటాహుటిన సంఘటన స్థలానికి చేరుకున్నారు. బాధితులిద్దరినీ తొలుత పీహెచ్‌సీకి, అక్కడి నుంచి అత్యవసర చికిత్స నిమిత్తం రాజమహేంద్రవరం ప్రభుత్వాస్పత్రికి తరలించారు. హత్యాయత్నానికి పాల్పడిన కొండయ్యను అదుపులోకి తీసుకున్నారు. ఈ సంఘటనపై కేసు నమోదు చేసి, దర్యాప్తు చేస్తున్నామని ఎస్సై శివాజీ తెలిపారు. ● కత్తితో దాడి ● ఇద్దరికి తీవ్ర గాయాలు

సాక్షి, అమలాపురం: రాష్ట్రంలో జిల్లాల పునర్వ్యవస్థీకరణకు అనుగుణంగా జిల్లా ప్రజా పరిషత్తుల (జెడ్పీ) పునర్వ్యవస్థీకరణ వేగం అందుకుంది. ఉమ్మడి తూర్పు గోదావరి జిల్లా పరిషత్‌ను నాలుగు జిల్లా పరిషత్‌లుగా పునర్విభజించనున్నారు. దీనికి సంబంధించి ఈ నెల ఐదో తేదీన ఆదేశాలిచ్చిన ప్రభుత్వం, ఈ నెల 25 నుంచి కొత్త జెడ్పీల కార్యకలాపాలు ప్రారంభించాలని తాజాగా ఉత్తర్వులు జారీ చేసింది. ఈ నెల 24లోగా ప్రస్తుత పరిషత్తుల విభజన ప్రక్రియను పూర్తి చేయాలని ఆదేశించింది. ఇక చరిత్రగా మారనున్న ఉమ్మడి జెడ్పీ ప్రజలకు పరిపాలనను చేరువ చేయాలనే లక్ష్యంతో గత వైఎస్సార్‌ సీపీ ప్రభుత్వం చిన్న జిల్లాలను ఏర్పాటు చేసింది. దీనివల్ల కలెక్టరేట్‌తో పాటు అన్ని ప్రభుత్వ శాఖల కార్యాలయాలను జిల్లా కేంద్రాల్లోను, వాటి సమీప ప్రాంతాల్లోను ఏర్పాటు చేశారు. దీంతో, ప్రజలకు ఏ అవసరం వచ్చినా సుదూర ప్రాంతాలకు వెళ్లాల్సిన అవసరం తప్పింది. జిల్లాల విభజనలకు కొనసాగింపుగా ప్రభుత్వం ఇప్పుడు జెడ్పీల విభజనకు సిద్ధమైంది. ప్రస్తుత ఉమ్మడి జెడ్పీ పదవీ కాలం ముగుస్తూండటంతో దీనిని విభజించాలని నిర్ణయించింది. ఈ మేరకు ప్రభుత్వం ఈ నెల ఐదో తేదీన ఇచ్చిన 115, 116 జీవోల ఆధారంగా పంచాయతీరాజ్‌ శాఖ ఉన్నతాధికారులు తాజాగా మార్గదర్శకాలు జారీ చేశారు. ఈ నెల 25 నుంచి కొత్త జిల్లా ప్రజా పరిషత్తులు అమల్లోకి రానున్నాయి. ఇందుకు సంబంధించి పంచాయతీరాజ్‌ విభాగం ఈ నెల 16న సర్క్యులర్‌ మెమో జారీ చేసింది. దీని ప్రకారం కొత్త జెడ్పీల ఏర్పాటులో ఫైళ్లు, రికార్డుల విభజనపై ప్రభుత్వం ప్రత్యేక దృష్టి పెట్టింది. పాత జిల్లా పరిషత్‌ కార్యాలయాల్లోని ఈ–ఫైళ్లు, మాన్యువల్‌ ఫైళ్లు, రికార్డు గదుల్లోని మూసివేసిన ఫైళ్లతో పాటు పరిపాలన, ఆస్తులు, సర్వీసు వ్యవహారాలు, ఎన్నికలు, కోర్టు కేసులకు సంబంధించిన రిజిస్టర్లను గుర్తించి, పూర్తి జాబితా సిద్ధం చేయాలని ఆదేశించింది. ఉమ్మడి తూర్పు గోదావరి జెడ్పీ పరిధిలో దశాబ్దాలుగా కొనసాగిన పరిపాలనా వ్యవస్థకు ముగింపు పలికి నాలుగు కొత్త వ్యవస్థలు అందుబాటులోకి రానున్నాయి. ఇకపై కాకినాడ, డాక్టర్‌ బీఆర్‌ అంబేడ్కర్‌ కోనసీమ, తూర్పు గోదావరి, పోలవరం జిల్లాలకు నాలుగు ప్రత్యేక జిల్లా ప్రజా పరిషత్తులు ఏర్పడనున్నాయి. కాకినాడ జెడ్పీ 20 మండలాలు, డాక్టర్‌ బీఆర్‌ అంబేడ్కర్‌ కోనసీమ జెడ్పీ 19, తూర్పు గోదావరి జెడ్పీ 22 మండలాలు, పోలవరం జెడ్పీ 11 మండలాలతో ఏర్పాటు కానున్నాయి. 25న కొత్త సీఈవోల బాధ్యతల స్వీకరణ కొత్త జిల్లా పరిషత్తులకు ముఖ్య కార్యనిర్వహణ అధికారులు (సీఈవోలు), ఉప ముఖ్య కార్యనిర్వహణ అధికారుల (డిప్యూటీసీఈవోలు) నియామకానికి ప్రతిపాదనలు పంపాలని ప్రభుత్వం ఆదేశించింది. కొత్త సీఈవోలు ఈ నెల 25న బాధ్యతలు స్వీకరిస్తారు. ఆ వెంటనే పాత పరిషత్‌ అధికారులతో సమన్వయం చేసుకుని రికార్డులు, ఫైళ్లు, ఇతర పరిపాలనా వ్యవహారాలను స్వాధీనం చేసుకునేలా చర్యలు చేపట్టనున్నారు. ఉమ్మడి జిల్లాలో కొత్తగా ఏర్పడనున్న 3 జిల్లా ప్రజా పరిషత్తులకు అధికారులు, సిబ్బందిని కేటాయించనున్నారు. ప్రస్తుత సిబ్బందిని తాత్కాలికంగా కొత్త పరిషత్తులకు సర్దుబాటు చేయనున్నారు. తుది సిబ్బంది కేటాయింపు రాష్ట్రపతి ఉత్తర్వులు–2025 ప్రకారం చేపట్టనున్నట్టు ప్రభుత్వం స్పష్టం చేసింది. ఆస్తులు, నిధులపైనా త్వరలో స్పష్టత జెడ్పీల విభజనలో ఫైళ్లు, రికార్డులే కాకుండా ఆస్తులు, నిధులు, అప్పులు, మౌలిక సదుపాయాల పంపిణీ కూడా కీలకం కానుంది. వీటిపై ప్రత్యేకంగా ఉత్తర్వులు జారీ చేయనున్నట్టు అధికారులు తెలిపారు. ఈ నెల 25లోగా బదిలీకి సంబంధించిన రికార్డులన్నింటినీ సిద్ధం చేయాలని జిల్లా కలెక్టర్లు, జిల్లా పరిషత్‌ ముఖ్య కార్యనిర్వహణ అధికారులకు పంచాయతీరాజ్‌ శాఖ కమిషనర్‌ వీఆర్‌కే తేజ మైలవరపు ఆదేశాలు జారీ చేశారు. 25 నుంచి కొత్త జిల్లా పరిషత్తులు ఉమ్మడి జెడ్పీకి ఈ నెల 24 చివరి రోజు ఫైళ్లు, రికార్డుల విభజన పూర్తి చేయాలని ప్రభుత్వం ఉత్తర్వులు ఉమ్మడి తూర్పు గోదావరి జిల్లా పరిషత్‌ నాలుగుగా విభజన తూర్పు గోదావరి, కాకినాడ, కోనసీమ, పోలవరం జెడ్పీలుగా ఏర్పాటు కొత్త పరిషత్తులకు సీఈవో, డిప్యూటీ సీఈవోల పోస్టింగ్‌కు కసరత్తు సిబ్బంది తాత్కాలిక కేటాయింపునకు ప్రతిపాదనలు

● లొల్ల లాకుల వద్ద దాడి ● ఎనిమిది మందికి గాయాలు ● వీరిలో ఒకరి మృతి ఆత్రేయపురం: తేనెటీగలు ఓ వ్యక్తి ఉసురు తీశాయి. వివరాలివీ.. ఆత్రేయపురం మండలం లొల్ల లాకుల వద్ద పలువురు కూలీలు బుధవారం వీబీజీరాంజీ (ఉపాధి హామీ పథకం) పనులు చేస్తున్నారు. వారిపై ఉదయం 11 గంటల సమయంలో తేనెటీగలు ఆకస్మికంగా దాడి చేశాయి. ఈ దాడిలో ఆత్రేయపురం మాదిగపేటకు చెందిన యార్లగడ్డ సత్యానందం (71), కాకిలేటి చంద్రరావు, కె.లక్ష్మి, ఎస్‌.జ్యోతికుమారి, యు.పరంజ్యోతి, కె.భవాని, కె.చంద్రకళ, కె.బుజ్జి గాయపడ్డారు. వారిని వీబీజీరాంజీ ఏపీఓ విజయారెడ్డి, ఇతర సిబ్బంది వెంటనే స్థానిక పీహెచ్‌సీకి తీసుకెళ్లారు. చికిత్స అనంతరం, ఇంటికి తరలించారు. వీరిలో సత్యానందం రాత్రి ఇంటి వద్ద విశ్రాంతి తీసుకుంటూ మృతి చెందాడు. ఈ సంఘటన గురువారం ఆలస్యంగా వెలుగులోకి వచ్చింది.

నిడదవోలు: తమ న్యాయమైన సమస్యలు పరిష్కరించాలనే డిమాండుతో ఉండ్రాజవరం తహసీల్దార్‌ కార్యాలయం వద్ద గ్రామ రెవెన్యూ సహాయకులు (వీఆర్‌ఏ) మోకాళ్లపై నిలబడి గురువారం వినూత్న రీతిలో నిరసన తెలిపారు. ఏళ్ల తరబడి పని చేస్తున్న తమకు పదోన్నతులు కల్పించాలని, జీతభత్యాలు పెంచాలని, నామినీలను వీఆర్‌ఏలుగా గుర్తించాలని పెద్ద పెట్టున నినదించారు. అనంతరం, తహసీల్దార్‌ పీఎన్‌డీ ప్రసాద్‌కు వినతిపత్రం సమర్పించారు. ఈ సందర్భంగా వీఆర్‌ఏల సంఘం మండల శాఖ అధ్యక్షుడు తణుకు శంకరం మాట్లాడుతూ, తమ సమస్యలు పరిష్కరించేంత వరకు పోరాటం కొనసాగిస్తామని అన్నారు. వీఆర్‌ఏల నిరసనకు వివిధ ప్రజా సంఘాల నాయకులు మద్దతు తెలిపారు. కార్యక్రమంలో వీఆర్‌ఏల సంఘం మండల ప్రధాన కార్యదర్శి తీపర్తి నాగాంజనేయులు, కార్యదర్శి కె.రమేష్‌, నాయకులు పాల్గొన్నారు. ఓటర్ల జాబితా తుది ప్రచురణకు పక్కా ఏర్పాట్లు రాజమహేంద్రవరం సిటీ: ఓటర్ల జాబితా తుది ప్రచురణకు పక్కా ఏర్పాట్లు చేస్తున్నామని కలెక్టర్‌ కీర్తి చేకూరి అన్నారు. ఓటర్ల జాబితా ప్రత్యేక సమగ్ర సవరణ (సర్‌), క్లెయిములు, అభ్యంతరాల పరిష్కారం తదితర అంశాలపై రాష్ట్ర ప్రధాన ఎన్నికల అధికారి వివేక్‌ యాదవ్‌ జిల్లాల ఎన్నికల అధికారులైన కలెక్టర్లతో గురువారం వీడియో కాన్ఫరెన్స్‌ నిర్వహించారు. ఇందులో కలెక్టరేట్‌ నుంచి పాల్గొన్న కలెక్టర్‌ కీర్తి మాట్లాడుతూ, జిల్లాలో 86,959 మంది ఓటర్లకు నోటీసులు అందించగా.. ఇందులో 86,250 మందికి సంబంధించిన విచారణలు పూర్తయ్యాయని తెలిపారు. ఇంకా 709 కేసులు మాత్రమే విచారణకు పెండింగ్‌లో ఉన్నాయన్నారు. 81,735 మంది వివరాలను తుది ప్రచురణకు సిద్ధం చేశామన్నారు. జిల్లాలో మొత్తం 15,78,753 ఓటర్ల వివరాలు పరిశీలించగా, 13,84,978 వివరాలు తుది ప్రచురణకు సిద్ధం చేశామని తెలిపారు. పెండింగ్‌ దరఖాస్తులను పరిశీలించి, అర్హత కలిగిన ప్రతి ఓటరుకూ న్యాయం జరిగేలా చర్యలు తీసుకుంటున్నామని కలెక్టర్‌ చెప్పారు. వీడియో కాన్ఫరెన్స్‌లో ఇన్‌చార్జి డీఆర్‌ఓ ఎస్‌.భాస్కర్‌రెడ్డి కూడా పాల్గొన్నారు. పింఛన్లకు 52,574 దరఖాస్తులు నేటితో ముగియనున్న గడువు సీటీఆర్‌ఐ (రాజమహేంద్రవరం): ఎన్టీఆర్‌ భరోసా పెన్షన్‌ పథకంలో భాగంగా కొత్త పింఛన్ల కోసం జిల్లాలో ఇప్పటి వరకూ 52,574 దరఖాస్తులు వచ్చినట్లు కలెక్టర్‌ కీర్తి చేకూరి గురువారం ఒక ప్రకటనలో తెలిపారు. దరఖాస్తు గడువు శుక్రవారంతో ముగియనుందని పేర్కొన్నారు. జిల్లావ్యాప్తంగా సామాజిక భద్రతా పింఛన్లకు అర్హులైన వృద్ధులు, వితంతువులు, ఒంటరి మహిళలు, దివ్యాంగులు, చేనేత, కల్లుగీత కార్మికులు, మత్స్యకారులు, డప్పు కళాకారులు తదితరులందరూ తమకు వర్తించే కేటగిరీ కింద దరఖాస్తు చేసుకోవాలని సూచించారు. అర్హులైన ప్రతి వారి నుంచీ గ్రామ, వార్డు సచివాలయాల డిజిటల్‌ అసిస్టెంట్లు దరఖాస్తు స్వీకరించాలని, అవసరమైన ధ్రువపత్రాలు అందుబాటులో లేవనే కారణంతో తిరస్కరించరాదని ఆదేశించారు. దరఖాస్తుదారులు అందజేసిన వివరాలను సంబంధిత అధికారులు ప్రభుత్వ మార్గదర్శకాలకు అనుగుణంగా పరిశీలించి, అర్హతను నిర్ధారిస్తారని తెలిపారు. సర్వేల భారాన్ని తొలగించండి అడ్డతీగల: అటు ప్రజలకు ఇటు తమకు ఇబ్బందిగా మారిన సర్వేల్లో కొన్ని మార్పులు చేయాలని డిమాండ్‌ చేస్తూ ఎల్లవరం పీహెచ్‌సీ ఎదుట వైద్య ఉద్యోగులు గురువారం నల్ల బ్యాడ్జీలు ధరించి నిరసన తెలిపారు. యునైటెడ్‌ మెడికల్‌ అండ్‌ హెల్త్‌ ఎంప్లాయీస్‌ యూనియన్‌ జిల్లా అధ్యక్షురాలు పి.సత్యవతి మాట్లాడుతూ, ప్రభుత్వం కొత్తగా ప్రవేశపెట్టిన ఎన్‌ఎల్‌ఈపీ సర్వే వల్ల ప్రజలు, మహిళా ఉద్యోగులు తీవ్ర ఇబ్బందులు పడుతున్నారని అన్నారు. ఓటీపీ, వేలిముద్ర విషయంలో సాంకేతిక సమస్యల వల్ల సర్వే ముందుకు సాగడం లేదన్నారు. ఈ రెండు ఆప్షన్లను ప్రభుత్వం తొలగిస్తే సర్వే సులువవుతుందని చెప్పారు. లేదా రోజువారీ ఐదారుగురిని మాత్రమే సర్వే చేసేలా వెసులుబాటు కల్పించాలని కోరారు. నిరసన అనంతరం సంబంధిత వైద్యాధికారులకు వినతిపత్రం అందజేశారు.

తుని రూరల్‌: వి.కొత్తూరులోని డాక్టర్‌ బీఆర్‌ అంబేడ్కర్‌ గురుకుల బాలికల పాఠశాల విద్యార్థినులు జాతీయ స్థాయి పోటీలకు ఎంపికయ్యారు. ప్రిన్సిపాల్‌ డి.ప్రసన్నరాణి గురువారం ఈ వివరాలు తెలిపారు. ఈ నెల 12 నుంచి 14వ తేదీ వరకూ కర్నూలులో జరిగిన సీనియర్‌ రాష్ట్ర స్థాయి ఆట్యాపాట్యా పోటీల్లో 13 మంది విద్యార్థినులు పాల్గొన్నారు. వీరిలో డి.దీప్తి, కె.గీత, టి.శివరమ్య, ఎం.ప్రవల్లిక, కె.లోహిత, వై.దుర్గాభవాని, డి.కీర్తి, ఎ.నూతన ప్రియదర్శిని, ఎం.సంజన ఈ పోటీల్లో నాలుగో స్థానంలో నిలిచారు. వీరిలో మంచి ప్రతిభ చూపిన దీప్తి, గీత, శివరమ్యలు జాతీయ స్థాయి ఆట్యాపాట్యా పోటీలకు అర్హత సాధించారు. వీరు వచ్చే నెల 1 నుంచి 5వ తేదీ వరకూ హైదరాబాద్‌లో జరిగే జాతీయ స్థాయి ఆట్యాపాట్యా పోటీల్లో పాల్గొంటారు. అలాగే, జాతీయ స్థాయి సైకిల్‌ పోలోకు కూడా ఐదుగురు విద్యార్థినులు ఎంపికయ్యారు. ఈ నెల 12, 13 తేదీల్లో నెల్లూరు జిల్లా కావలిలో జరిగిన రాష్ట్ర స్థాయి పోటీల్లో గురుకుల విద్యార్థినులు ఆర్‌.భవిత శివకుమారి, పి.స్వరూప, జి.సుస్మిత, జె.సుజిత్రి, పి.హర్షిణి తృతీయ స్థానం సాధించారు. వీరిలో మంచి ప్రతిభ చూపిన భవిత శివకుమారి, సుస్మిత జాతీయ స్థాయి సైకిల్‌ పోలో పోటీలకు ఎంపికయ్యారు. డిసెంబర్‌లో జమ్మూ కశ్మీర్‌లో జరగనున్న జాతీయ స్థాయి పోటీల్లో వీరు పాల్గొంటారు. జాతీయ స్థాయి పోటీలకు ఎంపికై న విద్యార్థినులను ప్రిన్సిపాల్‌ ప్రసన్నరాణి, ఫిజికల్‌ డైరెక్టర్‌ ఆర్‌.జయలక్ష్మి, పీఈటీ జి.సుజాత, అసోసియేషన్‌ ప్రతినిధులు అభినందించారు. జాతీయ స్థాయిలో సైతం వీరు విజేతలుగా నిలవాలని ఆకాంక్షించారు.

సాక్షి, రాజమహేంద్రవరం/పెరవలి/నిడదవోలు రూరల్‌/కపిలేశ్వరపురం: వేసవిని తలపించేలా ఎండలు మండిపోతున్న ప్రస్తుత తరుణంలో చంద్రబాబు సర్కార్‌ జనానికి విద్యుత్‌ కోతల షాక్‌ ఇస్తోంది. సమయం సందర్భం లేని కరెంటు కోతలతో ప్రజలు, రైతులు తీవ్ర ఇబ్బందులు పడుతున్నారు. సాయంత్రం 6 నుంచి రాత్రి 11 గంటల మధ్య రోజూ రెండు గంటల పాటు విద్యుత్‌ సరఫరా నిలిపివేస్తున్నారు. ముఖ్యంగా పల్లెల్లో విద్యుత్‌ కోతలు ఎక్కువగా ఉన్నాయి. మరోవైపు కొన్ని ప్రాంతాల్లో వ్యవసాయానికీ కోతలు విధిస్తున్నారు. గతంలో వ్యవసాయానికి 9 గంటల పాటు నిరంతరాయంగా విద్యుత్‌ సరఫరా చేసేవారు. దీనిని చంద్రబాబు సర్కారు ప్రస్తుతం 7 గంటలకు తగ్గించేయడంతో అన్నదాతలు లబోదిబోమంటున్నారు. ఎల్‌నినో ప్రభావంతో ఎండల వేడికి తోడు కరెంటు కోతలతో ఆక్వా రంగం పైనా ప్రభావం పడుతోంది. ఈఎల్‌ఆర్‌ పేరిట.. జిల్లాలోని అన్ని ప్రాంతాల్లోనూ అధికారులు ఎమర్జెన్సీ లోడ్‌ రిలీఫ్‌ (ఈఎల్‌ఆర్‌) అమలు చేస్తున్నారు. ఫలితంగా పల్లెలు అంధకారంలో మగ్గిపోతున్నాయి. పగలంతా వేసవిని తలపించే ఎండతో అవస్థలు పడుతున్న చిన్న పిల్లలు, వృద్ధులు.. రాత్రి వేళ కరెంటు సరఫరా నిలిచిపోవడంతో ఉక్కిరిబిక్కిరవుతున్నారు. ఉక్కపోత, దోమల మోతతో తీవ్ర అవస్థలు పడుతున్నారు. మరోవైపు విద్యార్థులకు సైతం చదువుకునేందుకు ఇబ్బందులు తప్పడం లేదు. విజయవాడలోని విద్యుత్‌ సౌధ అధికారుల ఆదేశాల మేరకే ఈఎల్‌ఆర్‌ అమలు చేస్తున్నామని క్షేత్ర స్థాయి సిబ్బంది చెబుతున్నారు. ● నిడదవోలు రూరల్‌ మండలంలోని చాలా పల్లెల్లో రోజూ రాత్రి 7 నుంచి 9 గంటల వరకూ విద్యుత్‌ సరఫరా నిలిపివేస్తున్నారు. ● కపిలేశ్వరపురం మండలంలో రోజూ కనీసం ఒక గంటపాటు ఈఎల్‌ఆర్‌ అమలు చేస్తున్నారు. రాత్రి 8 నుంచి అర్ధరాత్రి మధ్య కీలక సమయంలో కరెంట్‌ పోతూండటంతో స్థానికులు అల్లాడిపోతున్నారు. ● తాళ్లపూడి మండలంలో మంగళవారం రాత్రి 10 నుంచి 11.30 గంటల వరకూ కరెంట్‌ సరఫరా నిలిపివేశారు. దీంతో, చిమ్మచీకట్లో దోమలతో సావాసం చేయాల్సి వచ్చిందని స్థానికులు వాపోయారు. ఒక్కో రోజు ఒక్కో సమయంలో విద్యుత్‌ సరఫరా నిలిపివేస్తున్నారని వారు ఆవేదన వ్యక్తం చేస్తున్నారు. ● తమ గ్రామాల్లో రోజూ రెండు గంటలపాటు ఈఎల్‌ఆర్‌ అమలు చేస్తున్నారని రాయవరం మండల ప్రజలు చెబుతున్నారు. ● సీతానగరం మండలంలోని అనే గ్రామాల్లో సైతం రోజూ ఓ గంట పాటు అంధకారం రాజ్యమేలుతోంది. ● పెరవలి మండలంలోని పలు గ్రామాల్లో సాయంత్రం నుంచి రాత్రి 11 గంటల మధ్య విద్యుత్‌ సరఫరా నిలిపివేస్తున్నారు.పెరవలి మండలం అన్నవరప్పాడులో అలముకున్న అంధకారం ఎడాపెడా విద్యుత్‌ సరఫరా నిలిపివేత సాయంత్రం 6 నుంచి రాత్రి 11 గంటల మధ్యలో 2 గంటల పవర్‌ కట్‌ జిల్లాలోని పల్లెలు, పట్టణాల్లో అంధకారం కీలక సమయంలో కరెంట్‌ లేక ఇబ్బందులు దోమల దండుతో జనానికి నరకయాతనఅల్లాడిపోతున్నాం కొద్ది రోజులుగా రాత్రి వేళల్లో సుమారు గంట నుంచి రెండు గంటల పాటు విద్యుత్‌ సరఫరా నిలిపివేస్తున్నారు. ఒకవైపు ఎండ వేడి, ఉక్కపోతతో అల్లాడుతూంటే ప్రభుత్వం కరెంటు కోతలతో మరింతగా ఇబ్బంది పెడుతోంది. ముఖ్యంగా దళిత వాడల్లో ఎవ్వరికీ ఇన్వర్టర్లు లేక దోమలతో సావాసం చేయాల్సి వస్తోంది. చిన్న పిల్లలు, వృద్ధులు నరకయాతన పడుతున్నారు. – పలివెల మధు, అచ్చుతాపురం, కపిలేశ్వరపురం మండలం నరకయాతన వేళాపాళా లేని విద్యుత్‌ కోతలతో నరకయాతన అనుభవిస్తున్నాం. కొద్ది రోజులుగా రాత్రి వేళ కనీసం రెండు గంటల పాటు విద్యుత్‌ సరఫరా నిలిపేస్తున్నారు. పగలు ఎండ వేడి, రాత్రి ఉక్కపోతతో తీవ్ర ఇబ్బందులు పడుతున్నాం. విద్యుత్‌ కోతలు లేకుండా చూస్తామని ఎన్నికల సమయంలో ఇచ్చిన హామీకి చంద్రబాబు ప్రభుత్వం తూట్లు పొడిచింది. – పల్లాటి రవి, ఖండవల్లి, పెరవలి మండలం రాత్రి వేళ కోతలు ఆపాలి వేసవిని తలపిస్తున్న ఎండలతో పగలంతా తీవ్ర ఇబ్బంది పడుతున్నాం. రాత్రి వేళ ఉక్కపోతతో అల్లాడిపోతున్నాం. ఇలాంటి సమయంలో పవర్‌ కట్‌లతో నరకం చూస్తున్నాం. ఇప్పటికైనా ప్రభుత్వం, అధికారులు స్పందించి రాత్రి వేళల్లో నిరంతరాయంగా విద్యుత్‌ సరఫరాకు అవసరమైన చర్యలు చేపట్టాలి. అవసరమైతే విద్యుత్‌ కొనుగోలు చేసి, సరఫరా చేయాలి. – బి.సురేష్‌, తాళ్లపాలెం, నిడదవోలు మండలం

అప్పలరాజుపేట పరిసరాల్లో హై అలర్ట్‌ రాజవొమ్మంగి: కొన్ని నెలలుగా ఏజెన్సీలో సంచరిస్తున్న పెద్ద పులి ప్రస్తుతం రాజవొమ్మంగి మండలం అప్పలరాజుపేటలోని వట్టిగెడ్డ రిజర్వాయర్‌ వద్దకు వచ్చినట్లు అటవీ అధికారులు గురువారం ప్రకటించారు. ఈ మేరకు మెగా ఫోన్‌తో స్థానికులను అప్రమత్తం చేశారు. వట్టిగెడ్డ రిజర్వాయర్‌ పరీవాహక ప్రాంతంలో పులి సంచరిస్తున్నట్లు స్పష్టంగా తెలుసుకున్న రాజవొమ్మంగి ఫారెస్టు రేంజి అధికారి (ఎఫ్‌ఆర్‌ఓ) ఉషారాణి తన సిబ్బందితో ఆ ప్రాంతానికి వెళ్లి ట్రాకర్‌ ద్వారా పులి ఎక్కడ ఉందో మరోసారి పరిశీలించారు. అనంతరం అప్పలరాజుపేట గిరిజనులతో సమావేశం ఏర్పాటు చేసి, తీసుకోవాల్సిన జాగ్రత్తలు వివరించారు. పశువులను మేత కోసం అడవి వైపు విడిచి పెట్టవద్దని కోరారు. అలాగే ఒంటరిగా సంచరించవద్దని, పెద్దపెద్ద శబ్దాలు చేస్తూ నిత్యం అప్రమత్తంగా ఉండాలని కోరారు. కొండపోడు భూములకు వెళ్లే వారు తదుపరి ఆదేశాలు జారీ అయ్యే వరకూ అడవిలోకి వెళ్లరాదని సూచించారు. ఇదిలా ఉండగా గురువారం అడవికి వెళ్లిన గిరిజన మహిళ కేదారి సత్యవతి తనకు చాలా దగ్గరలో పులి గాండ్రింపు వినిపించిందని, దీంతో వడివడిగా ఇంటికి చేరానని ‘సాక్షి’కి తెలిపింది. పులి సంచారంపై ఈ ప్రాంత రైతులు ఆందోళన చెందుతున్నారు. సంబంధిత అధికారులు తగిన రక్షణ చర్యలు చేపట్టాలని గిరిజనులు కోరుతున్నారు. ఎఫ్‌ఎస్‌ఓ భవాని, ఎఫ్‌బీఓ సూర్యప్రసాద్‌, బేస్‌ క్యాంపు సిబ్బంది పాల్గొన్నారు.

గణేశ నవరాత్ర ఉత్సవాల్లో భాగంగా రాజమహేంద్రవరం రూరల్‌ బొమ్మూరులోని వెంకటగిరి కొండపై వేంచేసియున్న శ్రీ వరసిద్ధి వినాయక ఆలయం దేదీప్యమానంగా ప్రకాశించింది. ఆలయంలో మహిళా భక్తులు గురువారం రాత్రి దీపాలంకరణ వైభవంగా నిర్వహించారు. శివలింగం, ఓం, వినాయకుడు, స్వస్తిక్‌ ఆకృతుల్లో దీపాలు వెలిగించారు. ఈ దీపాలంకరణను అధిక సంఖ్యలో భక్తులు తిలకించి, స్వామివారిని దర్శించుకుని తీర్ధప్రసాదాలు స్వీకరించారు. – రాజమహేంద్రవరం రూరల్‌

పెద్దాపురం: స్థానిక మున్సిపల్‌ కమిషనర్‌ పేరుతో నకిలీ ఫోన్‌ కాల్స్‌ రావడం కలకలం రేపింది. కొన్ని రోజులుగా గుర్తు తెలియని వ్యక్తులు కొందరు 9440 20 6790 నంబర్‌ నుంచి ఫోన్‌ చేసి, తన పేరు చెప్పి, ట్రేడ్‌ లైసెన్స్‌ బకాయి ఉందని, వెంటనే డబ్బులు ఫోన్‌పే, గూగూల్‌ పే చేయాలంటూ ప్రజలను, వ్యాపారులను బెదిరిస్తున్నారని పెద్దాపురం మున్సిపల్‌ కమిషనర్‌ శ్రీకాంత్‌రెడ్డి గురువారం ఒక ప్రకటనలో తెలిపారు. ఈ మోసాలపై ప్రతి ఒక్కరూ అప్రమత్తంగా ఉండాలని, సైబర్‌ నేరగాళ్ల పట్ల జాగ్రత్తగా వ్యవహరించాలని కమిషనర్‌ విజ్ఞప్తి చేశారు. ఫోన్‌పే, గూగుల్‌ పే ద్వారా ట్రేడ్‌ లైసెన్స్‌ ఫీజు చెల్లించాలంటూ మున్సిపల్‌ కార్యాలయం నుంచి ఎవ్వరూ ఫోన్‌ చేయరని స్పష్టం చేశారు. ఎవ్వరూ ఆన్‌లైన్‌లో డబ్బులు చెల్లించి మోసపోవద్దని ప్రజలకు సూచించారు. బకాయిలుంటే నేరుగా మున్సిపల్‌ కార్యాలయానికి వచ్చి నగదు చెల్లించి, రశీదు పొందాలని ఆయన ప్రజలకు విజ్ఞప్తి చేశారు. 10 మోటారు సైకిళ్లకు రేపు వేలం అమలాపురం టౌన్‌: పలు కేసుల్లో స్వాధీనం చేసుకున్న గుర్తు తెలియని 10 మోటార్‌ సైకిళ్లకు శనివారం పట్టణ పోలీస్‌ స్టేషన్‌ వద్ద వేలం నిర్వహిస్తున్నట్లు సీఐ పి.వీరబాబు గురువారం ఒక ప్రకటనలో తెలిపారు. ఆ రోజు ఉదయం 10 గంటలకు జరిగే ఈ వేలం పాటలో ఆసక్తి ఉన్న వారు పాల్గొనవచ్చని సూచించారు. ● పెద్దాపురం కమిషనర్‌ పేరుతో ఫోన్‌ కాల్స్‌ ● అప్రమత్తమైన మున్సిపల్‌ యంత్రాంగం

● విచ్చలవిడిగా యాంటీబయాటిక్స్‌ వినియోగం ● తగదంటున్న వైద్యులు ఆలమూరు: సీజనల్‌ మార్పులు.. ప్రభుత్వ నిర్లక్ష్యంతో పట్టణాలు, పల్లెల్లో పారిశుధ్య నిర్వహణ లోపించడం వంటి కారణాలతో పలు ప్రాంతాల్లో సీజనల్‌, అంటువ్యాధులు వ్యాప్తి చెందుతున్నాయి. ప్రభుత్వ, ప్రైవేటు ఆస్పత్రుల్లో రోగుల రద్దీ అధికంగా ఉంటోంది. ఇదే సమయంలో కొంతమంది రోగులు వ్యాధులు త్వరగా తగ్గాలనే ఉద్దేశంతో వైద్యుల సలహా లేకుండా యాంటీబయాటిక్‌ మందులు ఇష్టానుసారం వాడేస్తున్నారు. ఈ ధోరణి ప్రమాదకరమని వైద్యులు అంటున్నారు. ఉమ్మడి తూర్పు గోదావరి జిల్లాలో 162 ప్రాథమిక ఆరోగ్య కేంద్రాలు, 12 సామాజిక ఆరోగ్య పోషక కేంద్రాలు, ఏడు ఏరియా ఆస్పత్రులు, 500 వరకూ ప్రైవేటు ఆస్పత్రులు ఉన్నాయి. ప్రతి ప్రభుత్వ ఆస్పత్రిలోనూ రోజుకు 30 నుంచి 50 వరకూ సీజనల్‌ వ్యాధుల కేసులు నమోదవుతున్నాయి. ప్రైవేటు ఆస్పత్రులకు కూడా నిత్యం పెద్ద సంఖ్యలో రోగులు వస్తున్నారు. అయితే, కొంతమంది జ్వరాల బారిన పడుతున్నప్పుడు వైద్యుల్ని సంప్రందించకుండా నేరుగా మెడికల్‌ షాపులకు వెళ్లి యాంటీబయాటిక్స్‌ కొనుగోలు చేసి వాడుతున్నారు. ఇవీ దుష్పరిణామాలు విచ్చలవిడిగా యాంటీబయాటిక్స్‌ వాడటం వల్ల జీర్ణ వ్యవస్థపై తీవ్రంగా ప్రభావం పడుతుంది. వ్యాధి నిరోధక శక్తి నశించిపోయి, చిన్న చిన్న రోగాలను సైతం తట్టుకునే శక్తిని శరీరం కోల్పోతుంది. అలాగే, జ్వరాలు, దగ్గు, జలుబుకు సైతం యాంటీబయాటిక్స్‌ వాడటం వల్ల పేగుల్లోని శరీరానికి మేలు చేసే మంచి బ్యాక్టీరియా నశించిపోతుంది. దీనివలన ఎప్పుడైనా బ్యాక్టీరియల్‌ ఇన్‌ఫెక్షన్‌ వస్తే అప్పుడు వాడే మందులు శరీరంపై పని చేయవని వైద్యులు చెబుతున్నారు. చిన్నారులు, వృద్ధులు, బాలింతలు, గర్భిణులు, దీర్ఘకాలిక వ్యాఽధిగ్రస్తులతో పాటు ప్రతి ఒక్కరూ తమ సలహా లేనిదే యాంటీబయాటిక్స్‌ వినియోగించరాదని వైద్యులు సూచిస్తున్నారు. వైద్యులు చెప్తేనే వాడాలి సీజనల్‌ వ్యాధుల బారిన పడిన రోగి కచ్చితంగా సమీప ఆస్పత్రికి వెళ్లి వ్యాధి నిర్ధారణ చేయించుకోవాలి. వైద్యుల సలహాకు అనుగుణంగా మందులు వాడాలి. వారి సూచనలు లేకుండా యాంటీబయాటిక్స్‌ వినియోగించరారు. – ఎం.సుమలత, నోడల్‌ అధికారి, రాష్ట్రీయ బాల స్వాస్థ్య కార్యక్రమ్‌, అమలాపురం

● నలుగురి అరెస్టు ● రూ.71 లక్షల సొత్తు స్వాధీనం తుని: నలుగురు వ్యక్తులను అరెస్టు చేసి, 125 కేజీల గంజాయి, భారీగా సొత్తు స్వాధీనం చేసుకున్నట్లు పెద్దాపురం డీఎస్పీ ఏబీజీ తిలక్‌ తెలిపారు. ఆయన కథనం ప్రకారం.. స్థానిక సీతారామపురంలోని ఓ పాత పెంకుటింట్లో గంజాయి నిల్వ చేసి విక్రయిస్తున్నారంటూ తుని టౌన్‌ పోలీసులు, ఏపీ ఈగల్‌ టీముకు సమాచారం అందింది. ఈ మేరకు గురువారం దాడి చేసి, గంజాయి విక్రయం, రవాణా చేస్తున్న అనకాపల్లి జిల్లా నక్కపల్లి మండలం ఉద్దండపురానికి చెందిన బొండాడ కోదండరామ్‌, పాయకరావుపేటకు చెందిన పులిబంటి వెంకట ప్రసాద్‌, అల్లూరి సీతారామరాజు జిల్లా కేడీ పేటకు చెందిన ఇంటి సంతోష్‌, కాకినాడ జిల్లా రౌతులపూడి మండలం పైడిపాలకు చెందిన పేరూరి శ్రీనులను అరెస్టు చేశారు. వారి నుంచి రూ.62 లక్షల విలువైన 125 కేజీల గంజాయి, కారు, ప్యాసింజర్‌ ఆటో, స్కూటీ, పల్సర్‌ బైక్‌, 5 సెల్‌ఫోన్లు, రూ.3.41 లక్షల నగదు కలిపి మొత్తం రూ.71 లక్షల విలువైన సొత్తును స్వాధీనం చేసుకున్నారు. నిందితులు అల్లూరి జిల్లా ఏజెన్సీలో గంజాయి కొనుగోలు చేసి, ఇక్కడి పెంకుటింట్లో నిల్వ చేసి, హైవేపై లారీలు, ప్రైవేటు బస్సులు, ఇతర ప్రైవేటు వాహనాల్లో బట్టల బ్యాగులు, పండ్ల బాక్సుల రూపంలో ప్యాక్‌ చేసి తమిళనాడు తదితర ప్రాంతాలకు తరలిస్తున్నారు. వీరు వివిధ కేసుల్లో నేరస్తులుగా ఉండి, బెయిల్‌పై బయట తిరుగుతున్నారు. ఈ కేసును ఛేదించిన పట్టణ సీఐ గీతా రామకృష్ణ, ఎస్సై, రావూరి వెంకటరత్నం, ఇతర సిబ్బందిని ఎస్పీ బిందుమాదవ్‌, డీఎస్పీ తిలక్‌ అభినందించారు.

అన్నవరం: సత్యదేవుని సన్నిధిలోని గిరి ప్రదక్షిణ రోడ్డులో ఉన్న కొండల నుంచి గ్రావెల్‌ను అక్రమంగా తరలించారంటూ వచ్చిన ఫిర్యాదులపై లోకాయుక్త డిప్యూటీ డైరెక్టర్‌ గోవిందరాజులు గురువారం విచారణ జరిపారు. వివరాలివీ.. గిరి ప్రదక్షిణ రోడ్డులోని కొండల నుంచి పెద్ద మొత్తంలో గ్రావెల్‌ను సత్యగిరి పక్కనే పార్కింగ్‌ స్థలం అభివృద్ధికి గత ఏడాది మూడు రోజుల పాటు లారీలతో తరలించారు. ఈ గ్రావెల్‌లో కొంత దేవస్థానానికి చెందిన స్థలంలోనిది కాగా, మిగిలినది ఇరిగేషన్‌ స్థలంలోనిదని, దానికి ఆ శాఖతో పాటు మైన్స్‌ అధికారుల అనుమతి లేదని పేర్కొంటూ జి.మహేష్‌ అనే వ్యక్తి లోకాయుక్తకు ఫిర్యాదు చేశారు. తరలించిన గ్రావెల్‌కు ట్రిప్పునకు రూ.10 వేల చొప్పున బిల్లులు పెట్టుకున్నారని పేర్కొన్నారు. దీనిపై పూర్తి స్థాయి విచారణ జరిపి, దేవస్థానం అధికారులపై చర్యలు తీసుకోవాలని కోరారు. ఈ నేపథ్యంలో లోకాయుక్త డీడీ గోవిందరాజులు గిరి ప్రదక్షిణ రోడ్డులో గ్రావెల్‌ తవ్విన ప్రాంతాలను పరిశీలించారు. దేవస్థానం ఈఓ నల్లం సూర్యచక్రధరరావు, ఈఈ రామకృష్ణ, ఇతర అధికారులు కూడా దీనికి హాజరయ్యారు. ఈ గ్రావెల్‌ను దేవస్థానం అవసరాలకే ఉపయోగించామని అధికారులు తెలిపారు. ఇందులో కొంత దేవస్థానం స్థలంలోనిదేనని, కొంత ఇరిగేషన్‌కు చెందిన స్థలం ఉంటే ఉండవచ్చునని చెప్పారు. దేవస్థానం అవసరాలకు తరలిస్తున్నందున ఇరిగేషన్‌ అధికారులు అభ్యంతరం చెప్పలేదని తెలిపారు. అనంతరం, ఫిర్యాదీ మహేష్‌ అభ్యంతరాలపై గోవిందరాజులు ప్రశ్నించారు. గతంలో కూడా తాను పలు అంశాలపై లోకాయుక్తకు ఫిర్యాదు చేశానని, ఇది కూడా ప్రజాప్రయోజనాల నేపథ్యంలోనే ఫిర్యాదు చేశానని ఆయన చెప్పారు. దీనిపై తగు చర్యలు తీసుకుంటామని లోకాయుక్త అధికారులు తెలిపారు. ఏఈఓ అనకాపల్లి ప్రసాద్‌, డీఈలు ఈ విచారణలో పాల్గొన్నారు.

నెయ్యి శాంపిల్స్‌ సేకరణ ఆత్రేయపురం: స్థానిక పూతరేకులు, స్వీట్‌ స్టాల్స్‌పై ఆహార భద్రత (ఫుడ్‌ సేఫ్టీ) అధికారులు గురువారం ఆకస్మిక దాడులు చేశారు. ఆయా స్టాల్స్‌లో నెయ్యి వాడే పదార్థాల శాంపిల్స్‌ తీసుకుని పరీక్షల నిమిత్తం ల్యాబ్‌లకు పంపారు. ప్రధానంగా పూతరేకులలో వాడే నెయ్యిని క్షుణ్ణంగా పరిశీలించారు. ఇంతవరకూ 21 శాంపిల్స్‌ సేకరించగా పరీక్షల అనంతరం కల్తీ జరిగినట్లు నిర్ధారణ అయ్యిందని తెలిపారు. నిందితులపై కఠిన చర్యలు తీసుకుంటామని హెచ్చరించారు. ఈ ప్రాంతంలో పూతరేకులు ప్రపంచవ్యాప్తంగా జియోగ్రాఫికల్‌ గుర్తింపు పొంది, ప్రజాదరణ పొందాయని, కాబట్టి తయారీదారులు బ్రాండెడ్‌ నెయ్యి, నాణ్యమైన పదార్థాలు మాత్రమే వినియోగించాలని హెచ్చరించారు. ఈ దాడులు గురువారం రాత్రి వరకూ కొనసాగాయి. జిల్లా ఫుడ్‌ సేఫ్టీ అధికారులు ఎన్‌.రమేష్‌బాబు, వై.రాములయ్య తదితరులు పాల్గొన్నారు. అధికారులకు అందిన ఫిర్యాదులపై ఈ దాడులు నిర్వహించినట్లు తెలుస్తోంది. జాతీయ స్థాయి విలువిద్య పోటీలు ప్రారంభం రాజమహేంద్రవరం రూరల్‌: క్రీడా స్ఫూర్తిని పెంపొందించేందుకు జాతీయ స్థాయి విలువిద్య పోటీలు దోహదం చేస్తాయని ప్రముఖ ఆడిటర్‌, పూర్వపు రోటరీ క్లబ్‌ గవర్నర్‌ భాస్కర్‌రామ్‌ అన్నారు. కవలగొయ్యిలోని ది ఫ్యూచర్‌ కిడ్స్‌ గ్లోబల్‌ స్కూలు ఆవరణలో సీఐఎస్‌సీఈ జాతీయ స్థాయి బాలికల విలువిద్య (ఆర్చరీ) పోటీలను ఆంధ్ర – తెలంగాణ రీజియన్‌ స్పోర్ట్స్‌ కో ఆర్డినేటర్‌, హైదరాబాద్‌ సెయింట్‌ జోసఫ్‌ స్కూల్‌ ప్రిన్సిపాల్‌ థెరిసాతో కలసి గురువారం ఆయన ప్రారంభించారు. ఈ పోటీల్లో క్రీడాకారిణులు నేషనల్‌, రీకర్వ్‌, ఇండియన్‌ వంటి రౌండ్లలో మంచి ప్రతిభ కనబరిచారు. ఈ పోటీలు మూడు రోజుల పాటు జరుగుతాయని పాఠశాల ప్రిన్సిపాల్‌, స్పోర్ట్స్‌ జాయింట్‌ సెక్రటరీ ఎం.శేషగిరిధర్‌ తెలిపారు. తొలుత పాఠశాల విద్యార్థినులు ప్రదర్శించిన సాంస్కృతిక కార్యక్రమాలు అందరినీ అలరించాయి. దేశవ్యాప్తంగా వివిధ రాష్ట్రాల నుంచి సుమారు 350 మంది విలు విద్య క్రీడాకారిణులు ఈ పోటీలకు హాజరయ్యారు. కార్యక్రమంలో జిల్లా క్రీడల అభివృద్ధి అధికారి ఎం.శేషగిరి, పాఠశాల డైరెక్టర్‌ రవిబాబు యేలేటి, చైర్‌పర్సన్‌ విజయ యేలేటి, సీఈఓ మహాస్వి యేలేటి, డీన్‌ హర్షిణి తదితరులు పాల్గొన్నారు.

అమలాపురం టౌన్‌: పట్టణంలోని అశ్వని పిల్లల ఆస్పత్రిలో ఓ బాలింత పొగొట్టుకున్న 12 గ్రాముల బంగారు పుస్తెలతాడును పట్టణ పోలీసులు 48 గంటల్లో రికవరీ చేశారు. వివరాలివీ.. అయినవిల్లి మండలం అయినవిల్లి లంక గ్రామానికి చెందిన బాలింత పొలినాటి నందిని తన ఐదు నెలల బిడ్డకు ఒంట్లో బాగోలేకపోతే ఆస్పత్రిలో చేరింది. డిశ్చార్జి అయ్యే ముందు స్నానం చేస్తూ మంగళవారం తన మెడలోని బంగారు పుస్తెలతాడును తీసి, ఆస్పత్రి బాత్‌ రూములో పెట్టి, మరచిపోయింది. సొంతూరు వెళ్లిన తరువాత పుస్తెలతాడు మరచిపోయిన విషయాన్ని గుర్తించి, వెంటనే అమలాపురం పట్టణ పోలీస్‌ స్టేషన్‌కు చేరుకుని, పట్టణ సీఐ పి.వీరబాబుకు ఫిర్యాదు చేసింది. ఆస్పత్రి సీసీ ఫుటేజీలను పరిశీలించి, సాంకేతికత ఆధారంగా పోలీసులు దర్యాప్తు చేపట్టారు. ఆస్పత్రికి వచ్చిన మరో రోగి బాత్‌ రూముకు వెళ్లిన సమయంలో ఆ పుస్తెలతాడును గుర్తించి, ఎవ్వరికీ చెప్పకుండా దాచేసుకుంది. సీఐ వీరబాబు, క్రైమ్‌ ఎస్సై అయితాబత్తుల బాలకృష్ణ విచారణ జరిపి, దాదాపు రూ.లక్ష విలువైన ఆ బంగారు పుస్తెలతాడును ఆ రోగి నుంచి స్వాధీనం చేసుకున్నారు. పట్టణ పోలీసు స్టేషన్‌లో బాధిత మహిళ నందినికి సీఐ వీరబాబు గురువారం ఆ పుస్తెలతాడు అందజేశారు.

● గొల్లపాలెం డీసీసీబీ ఏటీఎంకే కన్నం వేసిన నిందితుడి అరెస్టు ● బైక్‌ల దొంగగా గుర్తించిన పోలీసులు ● రూ.2.96 లక్షల స్వాధీనం కాకినాడ రూరల్‌: చెడు వ్యసనాలకు బానిసయ్యాడు. ఆపై ఇంటి నిర్మాణానికి అప్పులు చేశాడు. ఈ నేపథ్యంలో సులువుగా డబ్బు సంపాదించాలనే ఆశతో ఏకంగా ఏటీఎంకే కన్నం వేశాడు. చివరకు పోలీసులకు పట్టుబడ్డాడు. కాజులూరు మండలం గొల్లపాలెంలోని జిల్లా కేంద్ర సహకార బ్యాంకు (డీసీసీబీ) ఏటీఎం చోరీ మిస్టరీని పోలీసులు ఎట్టకేలకు ఛేదించారు. కాకినాడ రూరల్‌ సర్కిల్‌ స్టేషన్‌లో గురువారం ఏర్పాటు చేసిన మీడియా సమావేశంలో సీఐ చైతన్యకృష్ణ ఈ వివరాలు వెల్లడించారు. ఆయన కథనం ప్రకారం.. గొల్లపాలెంలోని డీసీసీబీ ఏటీఎంలో ఈ నెల 6న చోరీ జరిగింది. గుర్తు తెలియని దుండగులు ఏటీఎంను బద్దలుగొట్టి అందులోని రూ.4.35 లక్షల నగదుతో పాటు, బ్యాంకులోకి ప్రవేశించి సెల్‌ఫోన్‌ చోరీ చేశారంటూ గొల్లపాలెం పోలీసులకు ఆ బ్యాంకు మేనేజర్‌ ఈ నెల 7న ఫిర్యాదు చేశారు. దీనిపై పోలీసులు వెంటనే కేసు నమోదు చేసి, దర్యాప్తు ప్రారంభించారు. సీఐ చైతన్యకృష్ణ పర్యవేక్షణలో రెండు పోలీసు బృందాలు నిందితుల కోసం గాలింపు చర్యలు చేపట్టారు. సాంకేతిక ఆధారాలు సేకరించారు. పాత నేరస్తులను విచారించారు. చివరకు గొల్లపాలేనికి 8 కిలోమీటర్ల దూరాన కాజులూరు మండలం అండ్రంగి గ్రామానికి పాత నేరస్తుడు సమనాసి గొల్లయ్య ఈ చోరీకి పాల్పడినట్లు నిర్ధారించుకున్నారు. నిందితుడిని అరెస్టు చేసి, రూ.2.96 లక్షల నగదు, సెల్‌ఫోన్‌, నేరానికి వినియోగించిన గునపాన్ని స్వాధీనం చేసుకున్నారు. బైక్‌ల చోరీలతో మొదలుపెట్టి.. నిందితుడు గొల్లయ్య 2009 నుంచి దొంగతనాలు ప్రారంభించాడు. తొలుత చిన్న చిన్న బైక్‌లు దొంగిలించేవాడు. ఇప్పటికే 13 కేసుల్లో అతడిని పోలీసులు అరెస్టు చేశారు. ఐదు కేసుల్లో శిక్ష కూడా అనుభవించాడు. అయినప్పటికీ అతడి బుద్ధి మారలేదు. ఇటీవల స్వగ్రామం అండ్రంగిలో గొల్లయ్య ఇల్లు నిర్మించుకున్నాడు. దీనికోసం రూ.8 లక్షల వరకూ అప్పుల పాలయ్యాడు. దీనికి తోడు మద్యం, పేకాట వంటి వ్యసనాలకు బానిసయ్యాడు. ఈ నేపథ్యంలో సులభంగా డబ్బు సంపాదించాలనే ఆశతో ఏటీఎంపై కన్ను వేశాడు. ఆ ఏటీఎంను పొడవాటి గునపంతో బద్దలుగొట్టి నగదుతో పాటు, బ్యాంకులోని మొబైల్‌ ఫోన్‌ను దొంగిలించాడు. నిందితుడిని బుధవారం అతడి ఇంటి వద్దనే పోలీసులు అరెస్టు చేసి, గురువారం కోర్టులో హాజరు పరిచారు. గొల్లయ్యకు మెజిస్ట్రేట్‌ రిమాండ్‌ విధించారు. నిందితుడిని అరెస్టు చేసి, చోరీ సొత్తు స్వాధీనం చేసుకున్న సీఐ చైతన్యకృష్ణ, క్రైం సీఐ వెంకట త్రినాథ్‌, ఫింగర్‌ ప్రింట్‌ సీఐ పి.శ్రీనివాసరావు, గొల్లపాలెం ఎస్సై ఆర్‌వీఎన్‌ మూర్తి, ఏఎస్సైలు బ్రహ్మాజీ, గోవిందు, ప్రసాద్‌, హెడ్‌ కానిస్టేబుల్‌ నారాయణరెడ్డి, కానిస్టేబుళ్లు ఫణీంద్ర, చంద్రశేఖర్‌, శివప్రసాద్‌, వెంకటరత్నం తదితరులను ఎస్పీ బిందుమాధవ్‌, అడిషనల్‌ ఎస్పీ మహంతి కిశోర్‌ కుమార్‌ అభినందించారు.

కొబ్బరి రకం ధర (రూ.) కొత్త కొబ్బరి (క్వింటాల్‌) 16,000 – 17,000 కొత్త కొబ్బరి (రెండో రకం) 15,000 – 16,000 కురిడీ కొబ్బరి (పాతవి) గండేరా (వెయ్యి) 24,500 గటగట (వెయ్యి) 22,000 కురిడీ కొబ్బరి (కొత్తవి) గండేరా (వెయ్యి) 23,500 గటగట (వెయ్యి) 21,000 నీటికాయ పాత (ముక్కుడు) కాయ (వెయ్యి) 20,000 – 21,000 కొత్త (పచ్చి) కాయ (వెయ్యి) 20,000 – 21,000 కొబ్బరి నూనె (15 కిలోలు) 5,000 కిలో 350

కొబ్బరి రకం ధర (రూ.) కొత్త కొబ్బరి (క్వింటాల్‌) 16,000 – 17,000 కొత్త కొబ్బరి (రెండో రకం) 15,000 – 16,000 కురిడీ కొబ్బరి (పాతవి) గండేరా (వెయ్యి) 24,500 గటగట (వెయ్యి) 22,000 కురిడీ కొబ్బరి (కొత్తవి) గండేరా (వెయ్యి) 23,500 గటగట (వెయ్యి) 21,000 నీటికాయ పాత (ముక్కుడు) కాయ (వెయ్యి) 20,000 – 21,000 కొత్త (పచ్చి) కాయ (వెయ్యి) 20,000 – 21,000 కొబ్బరి నూనె (15 కిలోలు) 5,000 కిలో 350

● చంద్రబాబుపై వైఎస్సార్‌ సీపీ జిల్లా అధ్యక్షుడు చెల్లుబోయిన ధ్వజం ● మునికూడలిలో మాజీ సర్పంచ్‌తో పాటు 70 మంది పార్టీలో చేరిక సీతానగరం: ఎన్నికల్లో రైతుల రుణమాఫీ చేస్తానని నమ్మించి 2014లో అధికారం చేపట్టిన చంద్రబాబు... కోటయ్య కమిటీ వేసి కోత కోశారని, ఈ దఫా కూడా ఇచ్చిన హామీలు అమలు చేయకుండా రాష్ట్ర ప్రజలను మోసం చేస్తున్నారని వైఎస్సార్‌ సీపీ జిల్లా అధ్యక్షుడు, మాజీ మంత్రి చెల్లుబోయిన శ్రీనివాస వేణుగోపాల కృష్ణ కూటమి ప్రభుత్వంపై విరుచుకుపడ్డారు. బుధవారం మండలం మునికూడలిలో మాజీ సర్పంచ్‌ బండి హరిబాబుతో పాటు వివిధ పార్టీల నుంచి వచ్చిన 30 మందికి ఆయనతో పాటు, మాజీ ఎమ్మెల్యే జక్కంపూడి రాజా వైఎస్సార్‌ సీపీ కండువా వేసి పార్టీలోకి ఆహ్వానించారు. ఈ సందర్భంగా మాజీ మంత్రి వేణు మాట్లాడుతూ నిబద్ధత కలిగిన వ్యక్తులు పార్టీలోకి రావడం శుభ పరిణామని తెలిపారు. ప్రజల కోసం రాజకీయం చేసే జక్కంపూడి రాజాను మళ్లీ ఎమ్మెల్యేగా గెలిపించుకోవాలని కార్యకర్తలను కోరారు. వైఎస్సార్‌ సీపీ పాలనలో ఉచిత విద్యుత్‌, జలయజ్ఞంతో రాష్ట్రం సుభిక్షంగా ఉందని, చంద్రబాబు పాలనలో ధరలు పెరిగి ప్రజా వ్యతిరేకత పెరిగిందని, రానున్న స్థానిక సంస్థల ఎన్నికల్లో ప్రజలు గుణపాఠం చెపుతారని వేణు హెచ్చరించారు. అభివృద్ధి, సంక్షేమాన్ని విస్మరించారు : మాజీ ఎమ్మెల్యే జక్కంపూడి రాజా గడచిన రెండేళ్లలో కూటమి ప్రభుత్వం అభివృద్ధిని సంక్షేమాన్ని విస్మరించిందని వైఎస్సార్‌ సీపీ యువజన విభాగం రాష్ట్ర అధ్యక్షుడు, మాజీ ఎమ్మెల్యే జక్కంపూడి రాజా పేర్కొన్నారు. నాలుగు లైన్ల స్టేట్‌ హైవే తన హయాంలో పూర్తి చేయడం సంతృప్తి ఇచ్చిందన్నారు. బొబ్బిలంకలో రూ.38 కోట్లతో బ్రిడ్జి నిర్మాణ పనులు ప్రారంభించామన్నారు. ఈ ప్రభుత్వ రెండున్నరేళ్లలో దానిని పూర్తిచేయలేకపోయారని అన్నారు. రఘుదేవపురంలోని 30 పడకల ఆసుపత్రి నిర్మాణానికి తమ హయాంలో శంకుస్థాపన చేస్తే, దానిని పూర్తి చేయడానికి నేటికీ కూటమి ప్రభుత్వం ప్రయత్నించడం లేదన్నారు. 100 కోట్ల వ్యయంతో రివర్స్‌ పంపింగ్‌ స్కీం ద్వారా 25 వేల ఎకరాల పంట భూమిని ముంపు బారి నుంచి రక్షించాలని ప్రయత్నించామన్నారు. 230 కోట్లతో గోదావరి జలాలను శుద్ధిచేసే తాగునీటి ప్రాజెక్టును తీసుకువచ్చామన్నారు. నియోజకవర్గంలో 20వేల మందికి ఇళ్ల పట్టాలు ఇచ్చామన్నారు. ఈ ప్రభుత్వ కాలంలో ఎవరికీ సెంటు భూమి కానీ, పింఛన్లు కానీ ఇవ్వలేదన్నారు. కరోనా విపత్తులో సైతం అన్ని పథకాలను కొనసాగించిన ఘనత మాజీ సీఎం జగన్‌దేనన్నారు. నియోజకవర్గంలో ఇసుక, మట్టి దోపిడీతో పాటు రేషన్‌ బియ్యాన్ని అమ్ముకునే స్థాయికి స్థానిక ఎమ్మెల్యే దిగజారారన్నారు. రానున్న రోజుల్లో హరిబాబుకు సముచితస్థానం కల్పిస్తామన్నారు. తమ పార్టీ అధికారంలోకి వచ్చాక పురుషోత్తపట్నం నుంచి బొబ్బిలంక వరకు ఏటిగట్టుకు అవసరమైన ప్రాంతాల్లో రక్షణ గోడ నిర్మింస్తామని రాజా ప్రకటించారు. పార్టీ మండల కన్వీనర్‌ గంటా శ్రీనివాస్‌, కో కన్వీనర్‌ కరుటూరి శ్రీహరిబాబు, పెందుర్తి దేవదాసు, ముత్యాలు, కవల కృష్ణమూర్తి, అంబటి రాజు, కొంచ చంద్రభాస్కర్‌, పిచ్చుకుల విజయ్‌ కుమార్‌లు ప్రసంగించారు. అనంతరం హరిబాబుతో పాటుగా బండి శ్రీను, మల్లి శ్రీను, బండి బ్రహ్మాజీ, బండి బుజ్జి, పాత్రగడ వెంకటలక్ష్మి, గంగరాజుల నాగేశ్వరరావు, పాత్రగడ రామారావు, రేలంగి వెంకన్న, ఇండుగుమిల్లి రాజారావు, కొల్లి అబ్బురావులతోపాటుగా మరో 40 మందికి పార్టీ కండువా వేసి సాదరంగా ఆహ్వానించారు. ఈ కార్యక్రమంలో ఎంపీపీ గుర్రాల జ్యోత్స్న, పార్టీ నాయకులు వాలంటీర్ల విభాగం రాష్ట్ర జనరల్‌ సెక్రటరి పెదపాటి డాక్టర్‌బాబు, రైతు విభాగం రాష్ట్ర కార్యదర్శి వలవల వెంకట్రాజు, చల్లమళ్ల సుజీరాజు, ఆకుల సత్యనారాయణ, కవల దుర్గం, ఎల్‌ఐసీ ఏసు తదితరులు పాల్గొన్నారు.

సాక్షి, రాజమహేంద్రవరం: చంద్రబాబు ప్రభుత్వంలో పథకం ఏదైనా అందినకాడికి దోచుకోవడమే లక్ష్యంగా అక్రమార్కులు చెలరేగిపోతున్నారు. అంగన్‌వాడీ కార్యకర్తలు, హెల్పర్లకు ఇటీవల పంపిణీ చేసిన యూనిఫామ్‌ చీరలే ఇందుకు నిదర్శనం. ఒకటి రెండు సార్లు ఉతికితే చీకిపోయి, చిరిగిపోయి మరోసారి కట్టుకోవడానికి వీలు లేనంతగా తయారవుతుండడంతో సిబ్బంది తీవ్ర అసంతృప్తి వ్యక్తం చేస్తున్నారు. రూ.100 కూడా విలువ చేయని చీరను సుమారు రూ.500కు ఐసీడీఎస్‌కు కట్టబెట్టేశారని... కాంట్రాక్టర్‌ రూ.200 మిగుల్చుకుంటే, మిగిలిన రూ.200 అనుయాయుల జేబుల్లోకి వెళ్లిపోయాయనే విమర్శలు వ్యక్తమవుతున్నాయి. ఒక్క ఉతుక్కే రంగు వెలిసిపోయేలా.. జిల్లాలోని 8 ఐసీడీఎస్‌ ప్రాజెక్టుల పరిధిలో 1,798 అంగన్‌వాడీ కేంద్రాలున్నాయి. వీటిలో పనిచేసే కార్యకర్తలు, హెల్పర్లకు ఒక్కొక్కరికి రెండేసి చొప్పున మొత్తం 7,192 చీరలు పంపిణీ చేశారు. వాస్తవానికి ఇవన్నీ మూడు నెలల క్రితమే జిల్లాకు వచ్చాయి. అయితే ఇవి నాసిరకంగా ఉండడంతో వాటిని తీసుకునేందుకు సిబ్బంది నిరాకరించడంతో కొద్ది రోజులు గొడౌన్లలోనే మూలిగాయి. ఉన్నతాధికారులు ఒత్తిడి చేయడంతో తప్పనిసరి పరిస్థితుల్లో తీసుకున్న చీరలను కొద్ది మంది ధరించినప్పటికీ తీవ్ర ఇబ్బంది పడ్డారు. చాలా పలుచగా ఉండడంతో పాటు ఒక్క ఉతుక్కే రంగు మొత్తం వెలిసిపోవడంతో ఇబ్బందికరంగా ఉంటోందని చెబుతున్నారు. ప్రస్తుతం వీటిని పక్కన పెట్టేసి సాధారణ దుస్తుల్లోనే ఆయా కేంద్రాల్లో విధులకు హాజరవుతున్నారు. కాంట్రాక్టర్‌కు అండదండలు ఐసీడీఎస్‌ ప్రాజెక్టు డైరెక్టర్లతో విజయవాడలో ఇటీవల నిర్వహించిన సమావేశంలో ఈ నాణ్యత లేని చీరల అంశం ప్రస్తావనకు వచ్చినట్లు తెలుస్తోంది. చాలా నాసిరకంగా ఉన్నాయన్న విమర్శలు రావడంతో వాటి పంపిణీని నిలిపివేయాలని, ఇప్పటికే పంపిణీ చేసిన వాటిని వెనక్కు తీసుకోవాలని ఉన్నతాధికారులు చెప్పినట్లు తెలిసింది. అయితే రాష్ట్రవ్యాప్తంగా లక్షలాది మందికి పంపిణీ చేసే యూనిఫామ్‌ను కూడా పరిశీలించే తీరిక పాలకులకు, ఆ శాఖ ఉన్నతాధికారులకు లేదా అన్న సందేహం అందరిలోనూ వ్యక్తమవుతోంది. ఉద్యోగులకు పంపిణీ చేసే చీరల్లోనూ కక్కుర్తిపడిన కాంట్రాక్టర్‌ను కూటమి ప్రభుత్వంలోని కీలక వ్యక్తులే వెనకేసుకొస్తున్నారనే విమర్శలు వినిపిస్తున్నాయి. ఇప్పటికై నా పాలకులు స్పందించి కాంట్రాక్టర్‌పై చర్యలు తీసుకోవడంతో పాటు నాణ్యమైన చీరలు పంపిణీ చేయాలని అంగన్‌వాడీ కార్యకర్తలు, సహాయకుల సంఘం నాయకులు కోరుతున్నారు. ఆ చీరలు కట్టుకోవద్దని చెప్పాం అంగన్‌వాడీ కార్యకర్తలు, హెల్పర్లకు పంపిణీ చేసిన చీరలను కట్టుకోవద్దని సూచించాం. వీటి నాణ్యతను పరిశీలించాల్సి ఉందని ఉన్నతాధికారులు చెప్పారు. ఇందుకోసం కొన్ని చీరలను అమరావతి పంపించాం. ఇప్పటికే పంపిణీ చేసిన వాటిని వెనక్కు తీసుకోవాలని సీడీపీవోలను ఆదేశించాం. – శ్రీదేవి, పీడీ, ఐసీడీఎస్‌ జిల్లాలోని అంగన్‌వాడీల వివరాలు ఇవీ..ప్రాజెక్టు కేంద్రాలు సిబ్బంది గోపాలపురం 234 468 కొవ్వూరు 223 446 కోరుకొండ 228 456 మండపేట 242 484 పెరవలి 211 422 రాజమహేంద్రవరం 165 330 రాజానగరం 311 622 రంగంపేట 184 368 మొత్తం 1,798 3,596 అంగన్‌వాడీ కేంద్రాల సిబ్బందికి నాసిరకం యూనిఫాం నాణ్యత లేని చీరలతో అవస్థలు రూ.వంద చీరకు రూ.500 వెచ్చింపు ఒక్క ఉతుక్కే చీకిపోతున్న వైనం జిల్లాలో 7,192 మందికి పంపిణీ నాణ్యత పరిశీలించకుండా వాడొద్దని సిబ్బందికి అధికారుల సూచన

పెరవలి: కంద రైతులు గత వైఎస్సార్‌ సీపీ ప్రభుత్వంలో లాభాల బాట పడితే నేటి కూటమి ప్రభుత్వంలో కనీస గిట్టుబాటు ధర రాక నష్టాల ఊబిలో కూరుకుపోతున్నారు. ప్రస్తుతం మార్కెట్‌లో పుట్టు కంద ధర రూ.3,800 పలకడంతో దిగుబడి బట్టి ఎకరానికి రూ.2.05 లక్షల నుంచి రూ.2.45 లక్షలు నష్టపోవలసి వస్తోంది. గత వైఎస్సార్‌ సీపీ ప్రభుత్వంలో పుట్టు కంద ధర రూ.11 వేలు ఉండగా నేడు అదే రూ.3800కి పడిపోయింది. గత ఏడాది కంటే ఈ ఏడాది కూడా దిగుబడి తగ్గటంతో పాటు ధరలు పతనం కావడంతో పెట్టుబడి కూడ రావడం లేదని రైతులు గగ్గోలు పెడుతున్నారు. ప్రస్తుతం ఎకరానికి 50 నుండి 60 పుట్టులు దిగుబడి రావడంతో రైతులు నష్టాలు పాలై ఆర్థికంగా నలిగిపోతున్నారు. ఎకరం కంద చేను తవ్వితే 50 నుంచి 60 పుట్టులు దిగుబడి వస్తోందని, దీని వల్ల రైతులకు ఎకరానికి రూ.2.05 లక్షల నుంచి రూ.2.45 లక్షల వరకు నష్టం రావడంతో రైతులు అల్లాడుతున్నారు. జిల్లాలో సాగు విస్తీర్ణం ఇలా.. కంద పంట గత ఏడాది కంటే ఎక్కువ మొత్తంలో సాగవుతోంది. డివిజన్‌లో పెరవలి, ఉండ్రాజవరం, నిడదవోలు, కొవ్వూరు, చాగల్లు, తాళ్లపూడి, అనపర్తి గోపాలపురం, దేవరపల్లి, కడియం, రాజానగరం మండలాల్లో 1450 హెక్టార్లలో సాగు చేస్తున్నారు. లాభాల నుంచి నష్టాలకు కంద సాగు చేసినప్పుడు పుట్టు విత్తనం కంద రూ.8 వేలకు కోనుగోలు చేయగా ఇప్పుడు మార్కెట్‌లో పుట్టు ధర రూ.3,800 ఉండటం, దానికి తోడు దిగుబడి తగ్గడంతో రైతులకు తీవ్రంగా నష్టపోతున్నారు. ప్రస్తుత మార్కెట్టులో లభిస్తున్న ధర ప్రకారం 50 పుట్లకు రూ.1.9 లక్షలు, 60 పుట్లకు రూ.2.28 లక్షలు వస్తుంటే ఖర్చు రూ.4.35 లక్షలు ఒక ఎకరానికి అయ్యిందని దీనితో దిగుబడి బట్టి ఎకరానికి రూ.2.05 లక్షల నుంచి రూ.2.45 లక్షలు నష్టపోవలసి వస్తోంది. పెట్టుబడి ఎకరం కంద పంట వేయాలంటే 30 పుట్టుల విత్తనం వేయాలని అందుకు గత ఏడాది విత్తనం ధర పుట్టు రూ.8 వేలు చొప్పున 30 పుట్టులకు రూ.2.4 లక్షలు, దుక్కు దున్నటానికి, కంద నాటడానికి, బోదెలు తవ్వటానికి కూలీలకు రూ.లక్ష అవుతోందని, పెంట వేయటానికి రూ.30 వేలు, ఎరువులు పురుగుమందులకు రూ.40 వేలు, నీటి తడులు, కలుపు తీతకు రూ.25 వేలు అవుతుందని మొత్తం ఖర్చు రూ.4.35 లక్షలు అవుతోంది.ధరలు ఇలా కంద ధరలు ఊహించని విధంగా ఈ ఏడాది పుట్టు (232 కిలోలు) రూ.6 వేల నుంచి ప్రారంభమై ప్రస్తుతం రూ.3,800 వద్ద స్థిరంగా ఉంది. గత ఏడాది ఇదే సమయంలో పుట్ట ధర రూ.7 వేలు ఉండగా నేడు రూ.3800 వేలుకు పడిపోవటంతో అయోమయంలో ఉన్నారు. సగానికి సగం పడిపోయిన ధరలు మార్కెట్‌లో పుట్టు ధర రూ.3,800 గత ప్రభుత్వంలో రూ.11 వేలు ఉండగా గత ఏడాది రూ.7 వేలు ఆందోళన వ్యక్తం చేస్తున్న రైతులు అప్పు ఎలా తీర్చాలో.. మూడు ఎకరాలలో కంద పంట వేశాను. గత నష్టాలను పూడ్చుకుందామనుకుంటే ఈ ఏడాది మరింత ధర తగ్గిపోయింది. దీనితో మూడు ఎకరాలకు సుమారుగా రూ.6 లక్షలు నష్టపోయాను. అప్పు ఎలా తీర్చాలో తెలియటం లేదు. – బొలిశెట్టి శ్రీనివాస్‌, రైతు, మల్లేశ్వరం ధర లేక నష్టపోతున్నాం ఆరుగాలం శ్రమించి పండించిన పంటకు గిట్టుబాటు ధర లభించకపోవటంతో నేడు నష్టాలు పాలవుతున్నాం. ఎకరానికి పెట్టుబడి పోను రూ.లక్షపైనే మిగులు వస్తోందనుకుంటే నేడు ఒక ఎకరానికి రూ.2.45 లక్షలు నష్టపోయాం. వైఎస్సార్‌ సీపీ ప్రభుత్వంలో పుట్టు కంద ధర రూ.11 వేలు పలికితే నేడు రూ.5 వేలు పలుకుతోంది. – రాయుడు లీలా బాబు, రైతు, ఖండవల్లి