Success Story

కష్టాలు..మనల్ని మరింత రాటుదేలాల చేస్తాయే తప్ప..కలలు కల్లలయ్యేలా.. ఆగిపోయేలా చేయవు అని ఇతడి కథ చెబుతోంది. ఏం జరిగినా..ఎంతటి కఠిన పరిస్థితులు ఎదురైనా.. తలొంచక కృషి చేస్తే..కచ్చితంగా విజయం నీకు దాసోహం అని చెబుతోంది ఇతడి విజయగాథ. ఒకవైపు ఆర్థిక కష్టాలు, మరోవైపు జైలు పాలవ్వడం, ఇవన్నీ చాలవన్నట్లు మలేరియా, టైఫాయిడ్‌ రూపంలో వ్యాధులు దాడి చేసినా.. చెక్కు చెదరని ఆత్మవిశ్వాసంతో ముందుకు సాగి సక్సెస్‌ అందుకున్నాడు. అతడే జైనేంద్ర​ కుమార్‌ నిగమ్‌. మధ్యప్రదేశ్‌లోని భింద్ జిల్లాకు చెందిన వ్యవసాయం కుటుంబంలో జన్మించాడు. చదువు కొనసాగించడానికి ఎన్ని కష్టాలు పడ్డాడంటే..పగవాడు కూడా పడనన్ని కష్టాలు ఎదుర్కొన్నాడు. తండ్రి కేశవ్‌ కుమార్‌ ఒక రైతు కాగా, తల్లి కుసుమ్‌ దేవి గృహిణి. కేశవ్‌ రాష్ట్ర సివిల్‌ సర్వీస్‌ పరీక్షలో ఉత్తీర్ణత సాధించాలని ఆకాంక్షించాడు. కానీ ఆర్థిక ఇబ్బందులు, కుటుంబ బాధ్యతల కారణంగా తన కలను నెరవేర్చలేకపోయాడు. అందుకే తన కుమారుడిని జైనేంద్ర కుమార్‌ని ప్రోత్సహించేవాడు. అప్పుడే డీఎస్పీ కావాలనే లక్ష్యాన్ని ఏర్పరచుకున్నాడు. సరిగ్గా ఇండోర్‌ పరీక్షలకు సిద్ధమవుతున్న సమయంలో భూవివాదాల కారణంగా జైనేంద్ర కుటుంబంపై కేసులు మోపారు. దాంతో జైనేంద్ర జైలు పాలవ్వాల్సి వచ్చింది. ఈ కష్టాలు ఆయన మానసిక ఆరోగ్యంపై తీవ్ర ప్రభావం చూపాయి. అయినప్పటికీ తన తల్లికి డీఎస్సీగా తిరిగొస్తానని చెప్పిన మాటలకు కట్టుబడి ఉండి..జైలుపాలైన చదవడం ఆపలేదు. ఎంపీపీఎస్సీ ప్రిలిమినరీ పరీక్ష సమయంలో, జైనేంద్ర జైలులో ఉన్నాడు. పరీక్ష రోజున, పోలీసులు అతనికి సంకెళ్లు వేసి పరీక్షా కేంద్రానికి తీసుకువచ్చారు. ఒక చేతిలో పెన్ను పట్టుకుని, మరో చేతికి సంకెళ్లు వేసుకోవడం అతనికి అత్యంత సవాలుతో కూడిన అనుభవంగా చెప్పొచ్చు. అయినా ఇంతటి స్థితిలోనూ తన కలను వదులుకోలేదు. ఆ తర్వాత బెయిల్‌పై విడుదల అయిన వెంటనే..ఇండోర్‌ వెళ్లి చదువుని తిరిగి ప్రారంభించి..రైటింగ్‌ స్కిల్స్‌ పెంచుకున్నాడు. అక్కడే అనేక మాక్‌ టెస్ట్‌ సిరీస్‌లు పూర్తి చేసి తనను తాను మెరుగుపరుచుకున్నాడు. అలా జైనేంద్ర కానిస్టేబుల్‌, మధ్యప్రదేశ్‌ పోలీస్‌ సబ్‌ ఇన్‌స్పెక్టర్‌ ఎడ్యుకేషన్ క్లాస్-1 వంటి పలు పరీక్షలలో విజయం సాధించారు. అయితే డీఎస్పీ కావడం తన లక్ష్యం కాబట్టి..నైబ్ తహసీల్దార్‌గా తన వృత్తిని ప్రారంభించినప్పటికీ, ఆయన తన లక్ష్యం కోసం నిరంతరం సిద్ధమవుతూనే వచ్చారు. చివరికి 2024లో తనపై ఉన్న అన్ని కేసుల నుంచి విముక్తి లభించింది. ఆ తర్వాత మధ్యప్రదేశ్‌ పబ్లిక్ సర్వీస్ కమిషన్ (MPPSC) పరీక్షా ఫలితాల్లో 12వ ర్యాంకును సాధించి, డీఎస్పీ కావాలనే తన కలను నిజం చేసుకున్నారు. అతడి కథ కష్టంలో కూడా పట్టుదలతో ప్రయత్నిస్తే అనుకున్నది సాధించగలమని చెబుతోంది. నేటి యువతకు తప్పక తెలుసుకోవాల్సిన విజయగాథ ఇది. ఇదీ చదవండి: మొట్టమొదటి సింగిల్‌ మదర్‌ ‘సీతమ్మే’..! ఆ బంధం..

అమెరికా 22026 మధ్యంతర ఎన్నికల (Midterm Elections) తొలి ఫలితాల్లో డెమోక్రాట్లు కాంగ్రెస్‌పై పట్టు సాధించడం వార్తల్లో నిలవగా, మరోవైపు అమెరికా అంతటా కాంగ్రెస్‌తో పాటు రాష్ట్ర స్థాయి ఎన్నికల్లో భారతీయ-అమెరికన్ అభ్యర్థులు కీలక విజయాలు సాధించడం మరో ప్రత్యేక ఆకర్షణగా మారింది. ఫెడరల్ స్థాయి నుంచి స్థానిక పాలనా వ్యవస్థల వరకు పలువురు భారతీయ అమెరికన్లు విజయాన్ని నమోదు చేసి తమ ముద్ర వేశారు.ముఖ్యంగా ఈ ఎన్నికల్లో అత్యంత చారిత్రాత్మక విజయం 39 ఏళ్ల పియా దండియాది. ఫ్లోరిడా 22వ నియోజకవర్గం నుంచి అమెరికా ప్రతినిధుల సభకు ఎన్నికైన ఆమె, ఫ్లోరిడా రాష్ట్రం నుంచి కాంగ్రెస్‌కు ఎన్నికైన తొలి భారతీయ అమెరికన్‌గా చరిత్ర సృష్టించారు. అమెరికా రాజకీయాల్లో భారతీయ సమాజం పెరుగుతున్న ప్రభావానికి ఇది కీలక గుర్తింపుగా భావిస్తున్నారు.జార్జియాలో జ్యోత్ సింగ్ విజయంతో మరో చరిత్ర నమోదైంది. ఆయన జార్జియా రాష్ట్ర శాసనసభకు ఎన్నికై, ఆ రాష్ట్ర అసెంబ్లీలోకి ఎన్నికైన తొలి సిక్కు-అమెరికన్గా నిలిచారు. దక్షిణ అమెరికాలో భారతీయ వలసదారుల రాజకీయ ప్రాతినిధ్యం విస్తరిస్తోందనే సంకేతంగా ఈ విజయం కనిపిస్తోంది.వాషింగ్టన్ డీసీలో అపర్ణ రాజ్ సిటీ కౌన్సిల్‌లోని వార్డ్-1 స్థానాన్ని గెలుచుకుని స్థానిక పాలనలో భారతీయుల ప్రాతినిధ్యాన్ని మరింత బలోపేతం చేశారు. ఇక ఇప్పటికే జాతీయ స్థాయిలో గుర్తింపు పొందిన సుహాస్ సుబ్రమణ్యం, రోఖన్నా, ప్రమిలా జయపాల్, అమీ బేరా తమ తమ కాంగ్రెస్ స్థానాలను తిరిగి కైవసం చేసుకొని భారతీయ అమెరికన్ల బలమైన రాజకీయ ఉనికిని కొనసాగించారు.మేరీల్యాండ్ లెఫ్టినెంట్ గవర్నర్ అరుణా మిల్లర్, విస్కాన్సిన్ అటార్నీ జనరల్ జోష్ కౌల్ కూడా మరోసారి విజయం సాధించి భారతీయ మూలాలున్న నాయకులు కేవలం శాసనసభలకే పరిమితంకాదు, రాష్ట్రాల పాలనా వ్యవస్థల్లోనూ కీలక పాత్ర పోషిస్తున్నారని నిరూపించారు.ఈ ఎన్నికల్లో భారతీయ అమెరికన్లు అమెరికా సెనేట్‌ను గెలుచుకోకపోయినా, కాంగ్రెస్, రాష్ట్ర శాసనసభలు, కార్యనిర్వాహక పదవులు , స్థానిక సంస్థల్లో నమోదైన విజయాలు అమెరికాలో భారతీయ వలసదారుల కమ్యూనిటీ రాజకీయ పరిపక్వతకు, పెరుగుతున్న ప్రభావానికి మరో మైలురాయిగా నిలిచాయి. భారత సంతతి అమెరికన్లు ఇక అమెరికా రాజకీయాల్లో ప్రభావవంతమైన రాజకీయ శక్తిగా ఎదుగుతున్నారనే సందేశాన్ని చెప్పకనే చెబుతున్నాయి.సత్తా చాటిన భారతీయ అమెరికన్లు పియా దండియా - ఫ్లోరిడా నుంచి కాంగ్రెస్‌కు ఎన్నికైన తొలి భారతీయ అమెరికన్జ్యోత్ సింగ్ - జార్జియా అసెంబ్లీలో తొలి సిక్కు-అమెరికన్అపర్ణ రాజ్ - వాషింగ్టన్ డీసీ సిటీ కౌన్సిల్ సభ్యురాలుఅరుణా మిల్లర్, జోష్ కౌల్ - రాష్ట్ర స్థాయి కీలక పదవుల్లో తిరిగి విజయంరోఖన్నా, ప్రమిలా జయపాల్, సుహాస్ సుబ్రమణ్యం, అమీ బేరా - కాంగ్రెస్‌లో భారతీయ అమెరికన్ ప్రాతినిధ్యాన్ని కొనసాగించారు.

కొందరు అచ్చం సినిమాల్లో చూపించే పోలీసుల మాదిరి వీరోచితంగా విధులు నిర్వర్తిస్తుంటారు. ఎ‍న్నో అసాధారణ కేసులను చేధించి..అందరూ మెచ్చుకునేలా ప్రజాసేవ చేస్తుంటారు. అలాంటి కోవకు చెందింది లేడీసింగం. ప్రతిష్టాత్మకమైన నాసా రీసెర్చ్‌ని కాదని దేశ సేవే మిన్న అంటూ ఐపీఎస్‌ అయ్యి యువతకు స్ఫూర్తిని కలిగించడమే కాకుండా డ్యూటీలో బెబ్బులిలా క్రిమినల్స్‌ ఆటకట్టిస్తూ..లేడీ సింగం అని పేరు తెచ్చుకుంది.ఆ ధీరవనితే ఉత్తరప్రదేశ్‌కి చెందిని ఐపీఎస్‌ అధికారిణి అనుకృతి శర్మ. ఆమె పోలీస్‌ సేవలో చేరడానికి ముందు ఆమె ఒక సైంటిస్ట్‌. అనుకుృతి విద్యా నేపథ్యం వచ్చేసి..ఆమె జైపూర్‌లోని ఇండో-భారత్ ఇంటర్నేషనల్ స్కూల్‌లో తన ప్రాథమిక విద్యను పూర్తి చేసింది. ఆ తర్వాత కోల్‌కతాలోని ఇండియన్‌ ఇన్‌స్టిట్యూట్‌ ఆఫ్‌ సైన్స్ ఎడ్యుకేషన్ అండ్ రీసెర్చ్ (IISER) బీఎస్‌-ఎంఎస్‌ డిగ్రీని పూర్తి చేసింది. ఆ తర్వాత 2012లో టెక్సాస్‌లోని హ్యూస్టన్‌లో ఉన్న రైస్ యూనివర్సిటీలో పీహెచ్‌డీ ప్రోగ్రామ్‌లో ప్రవేశం పొందారు. ఆమె పరిశోధనలో అగ్నిపర్వతాలకు సంబంధించి ఒక ప్రాజెక్టు కూడా ఉంది. తన డాక్టరేట్‌ అధ్యయనాల సమయంలో అమెరికా అంతరిక్ష సంస్థ నాసాతో కలిసి పనిచేసే అవకాశం లభించింది. అక్కడ పనిచేస్తున్నప్పుడే అనుకృతి రూ. 2 లక్షల వేతనం అందుకునేవారు. అయితే శాస్త్రీయ పరిశోధనలో వృత్తిని కాదని..సివిల్‌ సర్వీసెస్‌ ద్వారా సేవ చేసేందుకే మొగ్గు చూపింది. అలా 2014లో యూనియన్ పబ్లిక్ సర్వీస్ కమిషన్ (యూపీఎస్సీ) పరీక్షకు సిద్ధమవ్వడం ప్రారంభించి, 2015లో మొదటిసారి హాజరైంది. అయితే ఆమె తొలి ప్రయత్నంలోనే ప్రిలిమినరీ పరీక్షలో ఉత్తీర్ణత సాధించినా..మెయిన్స్‌లో అర్హత సాధించలేకపోయారు. అయితే రెండో, మూడో ప్రయత్నాల్లో సైతం ఓటమినే ఎదుర్కొన్నారామె. చివరికి నాల్గో ప్రయత్నంలోనే అఖిల భారత స్థాయిలో 355వ ర్యాంకును (AIR 355) సాధించి, ఇండియన్ రెవెన్యూ సర్వీస్ (IRS)కు ఎంపికయ్యారు. అయితే ఆమె లక్ష్యం ఐపీఎస్‌ అధికారి కావడం. అందువల్ల ఆ సర్వీస్‌లో చేరలేదు. ఆ తర్వాత 2020లో మళ్లీ యూపీఎస్సీ పరీక్షలకు హాజరై 138వ ర్యాంకును (AIR 138) సాధించడం ద్వారా ఇండియన్‌ పోలీస్‌ సర్వీస్‌లో చేరాలనే తన కలను సాకారం చేసుకున్నారామె. ఆ తర్వాత ఐపీఎస్‌ అధికారిణిగా ఎన్నో కేసులను అత్యంత చాకచ​​క్యంతో చేధించి..క్రిమినల్స్‌ ఆటకట్టించింది. నేరస్తులు గుండెల్లో భయం తెప్పించే లేడి శివంగిలా మారి ఎన్నో నేరాలకు అడ్డకట్ట వేసిన అధికారిగా మంచి పేరుతెచ్చుకుంది. ముఖ్యంగా రూ. 100 కోట్ల ఇన్సురెన్స్‌ స్కామ్‌ చేధనలో ఓవర్‌నైట్‌ స్టార్‌లా ఆమె పేరు మారుమ్రేగిపోయింది. సంభాల్ జిల్లాలో జరిగిన ఈ ఘటన దేశవ్యాప్తంగా సంచలనం సృష్టించింది. ఈ కేసు చేధనలో శివంగిలా ఆమె కనబర్చిన అసామాన్య ధైర్య సాహసాలకు గానూ ఈ ఏడాది ప్రతిష్టాత్మక హోం మంత్రి దక్షత మెడల్‌కు ఎంపిక చేసి గౌరవించింది కేంద్ర హోం మంత్రిత్వ శాఖ.ఇదీ చదవండి: మాటలతో కాదు చేతలతో అంటే ఇదే కదా! గొప్ప పేరెంటింగ్‌ పాఠం..

కాలేజ్‌ చదువు అనగానే యువత భవిష్యత్తులో ఏమవుదాం అనే దానిపై కసరత్తులు చేస్తుంటారు. డిగ్రీ పూర్తి చేసి..ఆపై ఎలాంటి కోర్సులు చేద్దాం లేక ఏదైనా బిజినెస్‌? లేక ఉద్యోగమా? అన్న హడావిడిలో ఉంటారు. కానీ ఈ అమ్మాయి డిగ్రీ ఫైనలియర్‌ చదవుతూ కేఫ్‌ ప్రారంభించింది. నిజానికి చివరి ఏడాది అంటే ఏ రేంజ్‌లో యువత బిజీగా ఉంటుందో చెప్పాల్సిన పనిలేదు. అలాంటిది ఆమె మాత్రం చకచక కేఫ్‌ ప్రారంభించడమే కాకుండా..తక్కువ టైంలోనే ఏ రేంజ్‌లో లాభాలు అందుకుందో తెలిస్తే కంగుతింటారు.ఆ అమ్మాయే గురుగ్రామ్‌కి చెందిన అనన్య అగర్వాల్‌. ఈ 21 ఏళ్ల యువతి డిగ్రీ ఫైనలియర్‌లో ఉంది. కాలేజ్‌లో ఉండే అన్నీ సవాళ్లను సమతుల్యం చేస్తూనే తన సొంత కేఫ్‌ని ప్రారంభించింది. ఆ కేఫ్‌ పేరు 'లూమ్ అండ్‌ లైమ్'. ఇది జస్ట్‌ 50 రోజుల్లనే రూ. 15 లక్షలు సంపాదించింది. మేనేజ్‌మెంట్‌ స్టడీస్‌లో ఫైనలియర్‌ బ్యాచిలర్‌ డిగ్రీ ఒక పక్క మరోవైపు రెస్టారెంట్‌ సహా వ్యవస్థాపకురాలు ,సీఈవోగా బాధ్యతలు నిర్వర్తించడం అనేది అంత ఈజీ కాదు. కానీ ఆమె ఈ రెండింటికి సమయం కేటాయించుకుంటూ ముందుకు సాగుతోంది. ఒకపక్క తన గ్రేడ్‌లు కాపాడుకుంటూనే..ప్రాజెక్టుల్లో కూడా భాగమవ్వాల్సి ఉంటుంది. మరోవైపు రెస్టారెంట్లో అన్ని సజావుగా జరిగేలా చూసుకోవాలి. అయినప్పటికీ ఆమె ఈ జర్నీలో అన్నీ నేర్చుకుంటూనే..సీఈవోగా ఈ కేఫ్‌ని సమర్థవంతంగా రన్‌ చేయడం విశేషం. తన కేఫ్‌ని ప్రత్యేకంగా నిలబట్టే వాటి గురించి కూడా మాట్లాడింది అనన్య. భారత్‌లో మనం ఇటాలియన్‌, మెడిటరేనియన్‌ లేదా మెక్సికన్‌ వంటకాలకు మన రుచిని జోడించే ప్రయత్నంలో ఎక్కువ మసాలాలు కలిపేస్తుంటామని, దాంతో టేస్ట్‌ పాడవుతుందని చెబుతోంది. అందుకే అసలు రుచి పాడవ్వకుండా.. టేస్టీగా సర్వ్‌ చేయడమే తన రెస్టారెంట్‌ స్పెషాల్టీ అని పేర్కొందామె. తమది శాకాహారుల కోసమే వివిధ రుచులను ఆప్యాయంగా అందించే కేఫ్‌ అని చెబుతోంది. వీటితోపాటు ప్రత్యేక కాఫీ, ఇతర డెజర్ట్‌లను కూడా సర్వ్‌ చేస్తుందని తెలిపింది. నాన్‌వెజ్‌కి ధీటుగా వీగన్‌లో ఎలాంటి ఆస్వాదించొచ్చో మా మెనూనే చెప్పేస్తుందని నవ్వుతూ చెబుతోంది అనన్య. ఆ కారణంగానే తన కేఫ్‌ ప్రారంభించిన 50 రోజులకే రూ. 15 లక్షలు ఆర్జించిందని చెప్పుకొచ్చింది. అంతేగాదు ప్రత్యేకమైన బ్రెడ్‌లు, చేతితో తయారు చేసిన పాస్తాలు, వివిధ రకాల ఫ్రైస్‌లు దొరుకుతాయని చెబుతోంది. చదవుతూనే పార్ట్‌టైం ఉద్యోగాలు చేయడం చూశాం గానీ ఒక వ్యవస్థాపకురాలిగా మారి ఓ వ్యాపారాన్ని నిర్మిస్తూనే మరోవైపు నిరాటంకంగా స్టడీస్‌ కొనసాగిస్తూ..యువతకు స్ఫూర్తిగా నిలిచింది. పైగా ఔత్సాహిక యువ పారిశ్రామిక వేత్తలకు ఆమె కథ ప్రేరణ కూడా. View this post on Instagram A post shared by Lume and Lime (@lumeandlimeofficial) ఇదీ చదవండి: ఒత్తిడి నిండిన ఐటీ ఉద్యోగంలోనూ.. జుట్టును ఆరోగ్యంగా ఉంచుకోండిలా!

మనం అనుకున్న కలను ఒక్కోసారి సాకారం చేసుకోలేకపోతుంటాం. విజయం పదే పదే దోబుచులాడుతూ..వైఫల్యమే వెంటాడుతుంటుంది. కానీ ఓపికతో మరో మార్గంలో సక్సెస్‌ని వెతికే ఆలోచన చేస్తే..ఎంత పెద్ద సక్సెస్‌ని అందుకోగలమో ఊహకే అందదు. అదే నిరూపించి..తనలా సివిల్స్‌లో విఫలమై కుంగిపోతున్న యువతకు స్ఫూర్తిగా నిలిచాడు. బహుశా కేవలం అందులోనే నీకు సక్సెస్‌ రానివ్వకుండా ఆపగలదేమో..ప్రతిదానిలో కాదు అని చెంపపగిలిలే కనువిప్పు కలిగించే విజయగాథ ఇది. అతడే సందీప్‌ జంగాలా. అతడికి ఐఏఎస్‌ అవ్వాలనేది డ్రీమ​. కానీ సివిల్స్‌లో మంచి ర్యాంకు సాధించ లేకపోయాడు. పోనీ స్టార్టప్‌తోనైనా నిలదొక్కునే ప్రయత్నం చూద్దామంటే..తన మొదలుపెట్టిన తొలి టెక్‌స్టార్టప్‌ సైతం వెక్కిరిస్తూ..వైఫల్యాన్నే అందించింది. అయినా సరే సందీప్‌ చతికిలపడిపోలేదు..తన సక్సెస్‌ని మరో మార్గంలో వెతుక్కేనే ప్రయత్నం చేస్తూనే ఉన్నాడు. అలా అతడు తన భార్య సోనియా లంబాతో కలిసి 2022లో ‘యమ్మీ బీ’ అనే ఫుడ్‌ బిజినెస్‌ని ప్రారంభించాడు. తన కుమార్తె కోసం ఆరోగ్యకరమైన స్వీట్ల తయారీ కోసం అన్వేషిస్తున్న క్రమంలోనే ఈ ఆలోచన వచ్చింది అతడికి. సందీప్‌ సాధారణంగా తన కూతురు పుట్టని రోజు కోసం ఇంట్లో తయారు చేసే వంటకాలకే ప్రాధాన్యత ఇచ్చేవాడు. కనీసం కేక్‌ ఇవ్వాలనుకున్నా..అది కూడా ప్రిజర్వేటివ్‌లను వాడకుండా ఇచ్చేందుకే తాపత్రయపడేవాడు. అసలు ఈ ఆరోగ్యకరమైన వంటకాలనే వ్యాపారంగా మారిస్తే ఎలా ఉంటుందని అనుకున్నాడు. అలా ప్రజలకు ఆరోగ్యకరమైన డెజర్ట్‌లు అందించే ‘యమ్మ బీ’ అనే ఫుడ్‌ బిజినెస్‌ని పెద్ద కేఫ్‌లా కాకుండా చిన్నగా ప్రారంభించి..క్లిక్‌ అవుతుందో లేదో చూసే ప్రయత్నం చేశాడు. అందుకని దీన్ని కేఫ్‌ మాదిరిగా కాకుండా చిన్న క్లౌడ్‌ కిచెన్‌గా ప్రారంభించాడు. అయితే దానికి ఊహించని రేంజ్‌లో స్పందన వచ్చింది. అలా సందీప్‌ తన వ్యాపారాన్ని మరింత ముందుకు తీసుకెళ్లేలా హైదరాబాద్‌లోనే తన తొలి స్టోర్‌ని ప్రారంభించాడు. దీనికి సెలబ్రిటీల నుంచి విశేష ఆదరణ లబించింది. ఆ గుర్తింపు సందీప్‌, అతడి భార్య సోనియాలను తమ వ్యాపారం మరింత వృద్ధి చెందిలే చేసేందుకు దోహదపడింది. హైదరాబాద్‌లో లభించిన స్పందన చూసి బెంగళూరులో మరో అవుట్‌లెట్‌ తెరవాలని అనుకున్నారు. అయితే వంటగది ఒకటే అయ్యి ఉండాలని అనుకున్నారు. రెండు నగరాల్లో తన రెసిపీలు అందించేలా ఒకే వంట గది కేంద్రంగా అక్కడే తయారు అయ్యేలా కేర్‌ తీసుకున్నారు. ఆ నిమిత్తం వంటగదిలో మరిన్ని సౌకర్యాలు ఏర్పాటు చేయడం కోసం సుమారు రూ. 1 కోటి ఖర్చు చేశారు. అలా ‘యమ్మీ బీ’ 2025-26 ఆర్థిక సంవత్సరంలో సుమారు రూ. 23 కోట్ల ఆదాయాన్ని ఆర్జించింది. ప్రస్తుతం ఈ కంపెనీ విలువ సుమారు రూ. 130 కోట్లుగా ఉంది. View this post on Instagram A post shared by Yummy Bee (@yummybee.eat.guiltfree) ఇదీ చదవండి: తండ్రి కల కోసం..ఆమె 59 ఏళ్ల వయసులో బస్సు కండక్టర్‌గా!

పెద్ద పెద్ద వ్యాపార సామ్రాజ్యాల్లో చాలా మటుకు అట్టడుగు నుంచి ‍ప్రారంభమైనవే. అలా చిన్న స్వీట్‌ షాపుతో మొదలైన ప్రయాణం.. నేడు దేశవిదేశాల్లో 185కి పైగా ఔట్‌లెట్లతో విస్తరించిన వ్యాపారంగా ఎదిగింది. వ్యవసాయంలో ఎదురైన నష్టాలను అధిగమించి, పట్టుదలతో ఆహార రంగంలో తనదైన గుర్తింపు సంపాదించిన కె.ఎస్‌. తిరుపతి రాజా కథ ఇది. నేడు ఆయన స్థాపించిన అడయార్‌ ఆనంద భవన్‌ (A2B) దక్షిణ భారతదేశంలో ప్రముఖ స్వీట్లు, స్నాక్స్‌, శాకాహార రెస్టారెంట్‌ బ్రాండ్‌గా ఎదిగింది.వ్యవసాయంలో ఎదురైన నష్టాలు..తమిళనాడులోని రాజపాళయానికి చెందిన తిరుపతి రాజా.. చెన్నై, ముంబైల్లో టేబుల్‌ క్లీనర్‌గా పనిచేస్తూ ఆహార తయారీలో అనుభవం సంపాదించారు. అనంతరం స్వీట్లు తయారు చేయడం నేర్చుకుని స్వగ్రామానికి తిరిగొచ్చారు. పూర్వీకుల భూమిలో వ్యవసాయం చేపట్టి, అప్పులు చేసి మరిన్ని పొలాలను లీజుకు తీసుకున్నారు. అయితే దుమ్ము తుఫాను పంటలను నాశనం చేయడంతో భారీ నష్టాలు ఎదురయ్యాయి.దీంతో వ్యవసాయాన్ని వదిలి 1960లో రాజపాళయంలో ‘గురు స్వీట్స్‌’ పేరుతో చిన్న దుకాణాన్ని ప్రారంభించారు. తర్వాత 1970ల మధ్యలో కుటుంబంతో కలిసి బెంగళూరుకు వెళ్లి ‘శ్రీనివాస స్వీట్స్‌’ను నడిపారు. భార్య, కుమారులు కె.టి. వెంకటేశన్‌, కె.టి. శ్రీనివాస రాజా వ్యాపారంలో తోడ్పడ్డారు.చెన్నైలో బ్రాండ్‌ ఆవిర్భావంతిరుపతి రాజా కుటుంబం 1979లో చెన్నైలోని వాషర్‌మన్‌పేటలో ‘శ్రీ ఆనంద భవన్‌’ను ప్రారంభించింది. అనంతరం అడయార్‌లో మరో దుకాణం ఏర్పాటు చేశారు. ఆ ప్రాంతంలో ఉన్న ప్రసిద్ధ మర్రిచెట్టు నుంచి ప్రేరణ పొంది, 1980లలో ‘అడయార్‌ ఆనంద భవన్‌’గా పేరు మార్చుకున్నట్లు సంస్థ చరిత్ర చెబుతోంది.తొలుత స్వీట్లు, కారాలు, స్నాక్స్‌ విక్రయాలపై దృష్టి పెట్టిన సంస్థ.. క్రమంగా ఇతర ప్రాంతాల వంటకాలను కూడా పరిచయం చేసింది. 2005లో A2B బ్రాండ్‌తో శాకాహార రెస్టారెంట్‌ వ్యాపారంలోకి ప్రవేశించింది. దీంతో ప్యాకేజ్డ్‌ స్వీట్లు, స్నాక్స్‌ విక్రయాలతో పాటు రోజువారీ భోజన సేవలూ అందించే స్థాయికి ఎదిగింది.విదేశాలకూ విస్తరణ.. ఆన్‌లైన్‌ సేవలుతమిళనాడు నుంచి ఇతర భారతీయ నగరాలకు విస్తరించిన A2B.. అమెరికా, సింగపూర్‌, మలేషియా, ఆస్ట్రేలియా, కెనడా, బ్రిటన్‌ వంటి దేశాల్లోనూ కార్యకలాపాలు ప్రారంభించింది. 2018లో సొంత డెలివరీ యాప్‌ను ప్రవేశపెట్టి ఆన్‌లైన్‌ ఆర్డర్లపై దృష్టి పెట్టింది. ప్రస్తుతం స్వీట్లు, స్నాక్స్‌, బేకరీ ఉత్పత్తులు, గిఫ్ట్‌ హ్యాంపర్లు, రెస్టారెంట్లతో పాటు ఆతిథ్య రంగంలోనూ సేవలు అందిస్తోంది.2001లో తిరుపతి రాజా మరణించిన తర్వాత ఆయన కుమారులు వెంకటేశన్‌, శ్రీనివాస రాజా వ్యాపార బాధ్యతలను చేపట్టారు.రూ.1,700 కోట్లకు చేరిన ఆదాయంవ్యాపార విస్తరణతో పాటు సంస్థ ఆదాయమూ పెరిగింది. ట్రాక్సన్‌ సమాచారం ప్రకారం, 2015 ఆర్థిక సంవత్సరంలో సుమారు రూ.571 కోట్లుగా ఉన్న ఆదాయం 2020 ఆర్థిక సంవత్సరానికి రూ.861 కోట్లకు చేరింది. అయితే కరోనా ప్రభావంతో 2021లో రూ.516 కోట్లకు పడిపోయింది. ఆ తర్వాత వేగంగా కోలుకుని 2023లో రూ.1,200 కోట్ల మార్కును దాటింది.కంపెనీ ఆర్థిక వివరాల ప్రకారం, 2024 ఆర్థిక సంవత్సరంలో రూ.1,406 కోట్లుగా ఉన్న ఆదాయం.. 2025లో సుమారు రూ.1,502 కోట్లకు చేరింది. అదే ఏడాది నికర లాభం రూ.36 కోట్లకు పైగా నమోదైంది.ప్రస్తుతం ప్రపంచవ్యాప్తంగా 185కి పైగా ఔట్‌లెట్లు, 12,000 మందికి పైగా ఉద్యోగులు, రూ.1,700 కోట్లకు మించిన టర్నోవర్‌ ఉన్నట్లు సంస్థ వెబ్‌సైట్‌ పేర్కొంటోంది. అయితే ఈ టర్నోవర్‌ సంస్థ వెల్లడించిన ప్రస్తుత గణాంకం కాగా, అందుబాటులో ఉన్న తాజా ఆర్థిక నివేదికలు 2025 ఆర్థిక సంవత్సరానికి సంబంధించినవి.వ్యవసాయంలో ఎదురైన భారీ నష్టాన్ని మరో వ్యాపారానికి పునాదిగా మార్చుకున్న తిరుపతి రాజా.. కుటుంబం కలిసికట్టుగా పనిచేస్తే చిన్న దుకాణాన్ని అంతర్జాతీయ బ్రాండ్‌గా తీర్చిదిద్దవచ్చని నిరూపించారు.

Hurun Richest Women in China 2026 : ఆమె చిన్నతనంలోనే చదువుకు స్వస్తి చెప్పి, రోజుకు కేవలం రూ.100 కూలీ నుంచి . చైనాలో అత్యంత ధనవంతురాలైన మహిళా వ్యాపారవేత్తగా ఎదిగింది. నేడు లక్షల కోట్ల సామ్రాజ్యానికి అధిపతిగా తన ప్రత్యేకతను చాటుకుంటోంది. ఫ్యాక్టరీ కార్మికురాలిగా జీవితాన్ని ప్రారంభించి, ఆ తర్వాత పారిశ్రామికవేత్తగా మారిన 56 ఏళ్ల జౌ ఖున్‌ఫీ (Zhou Qunfei) సక్సెస్‌ స్టోరీ ఏంటో తెలుసుకుందాం.చైనాకు చెందిన జౌ అత్యంత సాధారణ స్థితినుంచి అపార సంపదతో రిచెస్ట్‌ విమెన్‌గా నిలిచిన తీరు స్ఫూర్తిదాయకంగా నిలుస్తోంది. 1970లో హునాన్ ప్రాంతంలో జన్మించిన జౌ కుటుంబ పరిస్థితుల కారణంగా టీనేజ్‌లోనే బడి వదిలేయాల్సి వచ్చింది. అనంతరం షెన్‌జెన్‌లోని ఒక వాచ్‌గ్లాస్ తయారీ కర్మాగారంలో రోజుకు సుమారు రూ. 114 వేతనానికి కార్మికురాలిగా పనిచేసేవారు.'లెన్స్ టెక్నాలజీ' స్థాపనఅక్కడ సాధించిన అనుభవంతో 23 ఏళ్ల వయస్సులో అడ్వాన్స్‌డ్‌ స్క్రీన్-ప్రింటింగ్, కర్వ్డ్-గ్లాస్ తయారీ మెళకువలు నేర్చుకుని సొంతంగా గ్లాస్ ప్రాసెసింగ్ వర్క్‌షాప్‌ను ప్రారంభించారు. సొంతంగా ఒక చిన్న గ్లాస్ ప్రాసెసింగ్ వర్క్‌షాప్‌ను ప్రారంభించారు. తరువాతి క్రమంలో ఆ చిన్న వర్క్‌షాపే 'లెన్స్ టెక్నాలజీ'గా మారింది. స్మార్ట్‌ఫోన్ స్క్రీన్ గ్లాస్ తయారీలో తన ప్రతిభను చాటుకుంటూ టాప్‌ ప్లేస్‌లోకి దూసుకొచ్చింది. ముఖ్యంగా 2007లో ఐఫోన్ల మొదటి మోడల్ కోసం ప్రొటెక్టివ్ గ్లాస్ కవర్లు అందించే పెద్ద కాంట్రాక్ట్ లభించడమే ఈమె వ్యాపార జీవితంలో అతిపెద్ద మలుపు. అక్కడి నుంచి వ్యాపారం అనూహ్యంగా పుంజుకుంది. 'లెన్స్ టెక్నాలజీ' సంస్థ స్మార్ట్‌ఫోన్ గ్లాస్ స్క్రీన్‌లను తయారు చేసే అగ్రగామి సంస్థలలో ఒకటిగా ఎదిగింది.తాజాగా లెన్స్ టెక్నాలజీ వ్యవస్థాపకురాలైన జౌ ఖున్‌ఫీ, సుమారు 127 బిలియన్ యువాన్ల (సుమారు రూ.1.80 లక్షల కోట్లు) సంపదతో మళ్లీ చైనాలో అత్యంత ధనవంతురాలిగా అగ్రస్థానాన్ని దక్కించుకున్నారు. 2015 మార్చిలో షెన్‌జెన్ స్టాక్ మార్కెట్‌లో లెన్స్ టెక్నాలజీ లిస్టింగ్‌ తరువాత జౌ ఖున్‌ఫై తొలిసారి చైనాలోనే అత్యంత ధనిక మహిళగా నిలిచారు.2018లో యూఎస్-చైనా వాణిజ్య యుద్ధం, యాపిల్ విక్రయాల మందగమనం వల్ల కంపెనీ షేర్ల ధరలు బాగా పడిపోయాయి. వ్యాపార విస్తరణ నిధుల కోసం హాంకాంగ్ స్టాక్ ఎక్స్చేంజ్‌లో 2025లో రెండోసారి లిస్టింగ్ సాధించారు. అలాగే తన వ్యాపారిన్ని కేవలం స్మార్ట్‌ఫోన్లకే పరిమితం కాకుండా ఎలక్ట్రిక్ వాహనాలు (EVs), ఆర్టిఫిషియల్ ఇంటెలిజెన్స్ (AI) హార్డ్‌వేర్, రోబోటిక్స్ రంగానికి విస్తరించారు.గ్లోబల్‌ గుర్తింపు బీజింగ్‌లో అమెరికా అధ్యక్షుడు డోనాల్డ్ ట్రంప్‌ కోసం చైనా అధ్యక్షుడు షీ జిన్‌పింగ్ ఏర్పాటు చేసిన అధికారిక విందులో జౌ ఖున్‌ఫైకి ప్రత్యేక ప్రాధాన్యత లభించింది. ఈ విందులో ఆమె యాపిల్ సీఈఓ టిమ్ కుక్ మరియు టెస్లా సీఈఓ ఎలాన్ మస్క్‌ల మధ్య కూర్చున్నారు.'ది ఇండిపెండెంట్' నివేదిక ప్రకారం, అక్టోబర్ 28న విడుదలైన 'హురున్ చైనా రిచెస్ట్ ఉమెన్' (Hurun Richest Women in China) జాబితాలో, గత ఏడాదితో పోలిస్తే ఆమె సంపద 15 శాతం పెరిగింది. హాన్‌సో ఫార్మాస్యూటికల్ వ్యవస్థాపకురాలు జంగ్ హుయిజువాన్‌ను అధిగమించి, చైనాలోనే అత్యంత సంపన్నురాలైన మహిళగా జౌ ఖున్‌ఫీ నిలిచారు. హురున్ నివేదిక ప్రకారం చైనాలోని టాప్ 50 ధనిక మహిళల్లో దాదాపు 65శాతం మంది స్వయంకృషితో పైకి వచ్చిన వారే కావడం గమనార్హం.ఇదీ చదవండి: 5 స్టార్‌ హోటల్‌ స్విమ్మింగ్‌ పూల్‌లో షాక్‌ : ఇద్దరు విదేశీయులు దుర్మరణం

విలాసవంతమైన జీవితం, సౌకర్యవంతమైన ఉద్యోగం. మంచి జీతం. ఒక సగటు జీవికి ఇంతకంటే ఏం కావాలి? అనుకుంటాం కదా! కానీ ఆ ఉద్యోగాలు వదిలేయాలని ఇద్దరు దంపతులు నిర్ణయించుకున్నారు. తమ డ్రీమ్ జాబ్ వదిలేసి మరీ పర్వతాల మధ్య ప్రశాంతమైన జీవితాన్ని గడపాలని దిప్తీ నాయర్, ధనంజయ్ మోరే అనే టెకీ జంట నిశ్చయించుకుంది. తర్వాత ఏం జరిగింది? ఈ కథనంలో తెలుసుకుందాం.కాంక్రీట్‌ జంగిల్‌ వాతావరణం కార్పొరేట్ జీవితానికి దూరంగా కొండా, కోనల్లా నివసించాలని ప్రతి ఒక్కరూ కలలు కంటారు. కానీ నిజంగా సాహసం చేసి తమ ఉద్యోగాలను వదిలి ప్రశాంతమైన జీవితాన్ని నడపగలుతారా అంటే అవును అనేందుకు కెనడాలో నివసించిన ఒక భారతీయ జంటే అందుకు గొప్ప ఉదాహర . దీప్తి నాయర్ ధనంజయ్ మోర్ జంట కెనడాలోని టొరంటోలో స్థిరపడ్డారు. ద్దరూ కలిసి సంవత్సరానికి సుమారు రూ. 1.3 కోట్ల ఆదాయం సంపాదిస్తున్నారు. అయినప్పటికీ, వారు ఒక విభిన్నమైన జీవితానికి ఆకర్షితులై, తమ మనసు చెప్పినట్లు విని హిమాచల్ ప్రదేశ్ వెళ్లాలని నిర్ణయించు కున్నారు. View this post on Instagram A post shared by Dipti Nair (@dipti.nair.stories)హిమాచల్‌లో హోమ్‌స్టేఅలా హిమాచల్ ప్రదేశ్‌లోని బీర్ (Bir) గ్రామానికి మారారు. కెనడాలో 4 ఏళ్ల పాటు సంపాదించిన సొమ్ముతో రూ. 22 లక్షలు ఒక నిధిగా ఏర్పరుచు కున్నారు. వారు తాము నివసించడానికి వీలుగా ఉంటూనే, గెస్ట్‌లకు కూడా అద్భుతమైన పర్వత దృశ్యాలను అందించే ఒక ప్రదేశం కోసం వెతికారు. చివరకు, ప్రతి గది నుండి సుందరమైన దృశ్యాలు కనిపించే ఒక ఇంటిని కనుగొని, దానికి 'ఆహిస్తా స్టేస్' (Aahista Stays) అని పేరు పెట్టారు. దాదానె రూ. 10 లక్షలు అనే హోమ్‌స్టేకి పెట్టుబడి పెట్టారు. దీని ద్వారా 6 నెలల్లో రూ. 7 లక్షల ఆదాయం సాధించారు.రాబోయే 1.5 సంవత్సరాల ఖర్చుల కోసం ఇంకా రూ. 12 లక్షల పొదుపు సొమ్ము మిగిలి ఉంది. భారత్‌కు తిరిగి రావడానికి కారణం ముఖ్య కారణం ఏమిటంటే మనలో చాలా మంది నిజానికి కలలు కనేది ఏమిటంటే, మనం ప్రేమించే వారితో ఎక్కువ సమయం గడపడం, ప్రపంచాన్ని మరింతగా చూడటం, మనం ఇష్టపడే దానిలో పూర్తిగా లీనమైపోవడం, లేదా ఎక్కడికీ వెళ్లాల్సిన పని లేకుండా ఒక మామూలు మంగళవారం మధ్యాహ్నం గడపడం అంటారు ఈ జంట. దీనికితోడు ముంబైలో ఉన్న దిప్తి తల్లిదండ్రులు వయసు పైబడినవారు కావడంతో వారికి దగ్గరగా ఉండాలనే కోరిక. అలాగే 9-5 జాబ్‌ కాకుండా సొంత వ్యాపారం ప్రారంభించాలనుకున్నారు. ఈ జంట ఆతిథ్య రంగంలోకి అడుగుపెట్టి, ఒక హోమ్‌స్టేను ప్రారంభించారు.బీర్‌లో తక్కువ ఖర్చులతో పాటు హిమాలయ అందాల నడుమ ప్రశాంతమైన జీవితం లభిస్తోందని ఈ జంట చెబుతున్నారు. ప్రస్తుతం ధనంజయ్ ఒక అమెరికన్ కంపెనీకి ఫ్రీలాన్సర్‌గా రిమోట్ వర్క్ చేస్తున్నారు. దిప్తి కంటెంట్ క్రియేటర్‌గా రాణిస్తోంది.. ఏప్రిల్ నాటికి ఇది సరిగ్గా కుదరకపోతే, మళ్లీ కార్పొరేట్ ఉద్యోగంలో చేరే అవకాశాలు (బ్యాకప్ ప్లాన్స్) ఉన్నాయని తెలిపారు.దీప్తి ప్రకారం, బీర్‌లో నెలవారీ ఖర్చులు, అద్దె, కిరాణా సామాగ్రి, జిమ్ సభ్యత్వం, ఇంటి పనివాళ్ళు, వై-ఫై, బయట భోజనం, ఇంధనం మరియు ఇతర ఖర్చులతో కలిపి సుమారు రూ. 38వేలు అవుతాయి.అంతేకాదు తాము తీసుకున్న ఈ నిర్ణయం అందరికీ వర్తించే ఒక ఆదర్శవంతమైన మార్గం కాకపోవచ్చు. ఇలాంటి నిర్ణయాలు ఎవరికి వారికే ప్రత్యేకం అని కూడా దీప్తి స్పష్టం చేశారు.

ఓ సాధారణ గృహిణి తలుచుకుంటే అద్భుతాలు చేయగలదు. అంతేగాదు కోట్లలో ఆర్జించే వ్యాపార సామ్రాజ్యాన్ని సైతం సునాయాసంగా సృష్టించిగలదు. అదే చేసి చూపించి స్ఫూర్తిదాయకంగా నిలిచింది ఈ గృహిణి. ఆ మహిళే ఉత్తరాఖండ్‌కు చెందిన శశి బహుగుణ. సంప్రదాయ రుచులను సజీవంగా ఉంచడం కోసం సాంప్రదాయ రాతి ఉప్పుతో అద్భుతాలు చేసింది. ఆ ఉప్పుని రుబ్బరోలులో నూరి, దానికి కొన్ని మసాలాలు జోడించి అద్భుతమైన 'పిస్యు లూన్' అనే రుచికరమైన సాల్ట్‌ని తయారు చేసింది. ఆ ఉప్పుతో వంటకు వచ్చే రుచి అంత ఇంత కాదు. అందుకే ‘నమక్వాలి’ అనే పేరుతో వ్యాపారం ప్రారంభించింది. దీంతో స్థానిక మహిళలకు ఉపాధి కల్పించాలన్నది ఆమె ధ్యేయం. మొదట్లో ముగ్గురు మహిళలతో కలిసి చేసింది. ఆ తర్వాత ఆమె ఉత్పత్తుకు డిమాండ్‌ పెరగడంతో పనిచేసి మహిళల సంఖ్య కూడా పెరిగింది. ఆర్డర్లు ఊపందుకోవడంతో తల్లిపడుతున్న శ్రమకు తన వంతుగా సాయం అందించాలని భావించాడు సువేందు రతూరి. ఎక్కువ మంది వినియోగదారులు కొనేలా ఉత్పత్తుల వివరాలను ఆన్‌లైన్‌లో పొందుపర్చాడు. అలా అతను పూర్తి స్థాయిలో వ్యాపారంలో చేరి..దానిని రూ. 5 కోట్ల వ్యాపార సామ్రాజ్యంగా మార్చాడు. ఆమె 52 ఏళ్ల వయసులో జస్ట్‌ రూ. వెయ్యిలతో ప్రారంభించింది ఈ వ్యాపారాన్ని. అప్పుడు ఆమె ఒకే ఒక్క సహాయకురాలు సాయంతో కొన్ని కాగితపు ప్యాకెట్లలో అందించేది ఉత్పత్తులను. ఎప్పుడైతే ఆమె కుమారుడు సోషల్‌ మీడియా సాయంతో ఉత్పుత్లను ప్రచారం చేయడం ప్రారంభించాడో అప్పుడు వ్యాపారం మంచి ఊపందుకుంది. నిజానికి మొదట్లో ఆమె వ్యాపారంపై అంతగా ఎవ్వరికీ నమ్మకం కలగలేదు. కానీ అవేమి పట్టించుకోకుండా తన లక్ష్యంతో ముందుకు సాగింది. అలాగే ముడిసరుకుల కోసం సుదూర ప్రాంతాలకు నడిచి వెళ్లేది, తనతో కలిసి పనిచేయమని మహిళలను ప్రోత్సహించేది కూడా. అలా నెమ్మదిగా ఇన్‌స్టాగ్రామ్‌లో ఆమె ఉత్పత్తులకు ఆదరణ పెరిగి ఎక్కువమంది కస్టమర్లను చేరుకోవడం ప్రారంభించింది. ఆ తర్వాత ఆమె ఒక వెబ్‌సైట్‌ని ప్రారంభించి భారత్‌లోని వివిధ ప్రాంతాల నుంచి ఆర్డర్లను స్వీకరించడం మొదలుపెట్టింది. అలా ఆమె వ్యాపారం 35 మంది మహిళలకు ఉపాధి కల్పించడం తోపాటు దాదాపు 500 మంది రైతులకు అండగా నిలుస్తోంది. ఆ తర్వాత శశి బహుగుణ, ఆమె కుమారుడు సువేందు షార్క్‌ ట్యాంక్‌ మూడవ సీజన్‌ షోలో పాల్గొన్నారు. అక్కడ జడ్జిగా వచ్చినా..'కార్‌దేఖో' (CarDekho) వ్యవస్థాపకుడు అమిత్‌ జైన్‌ వీరి ఉత్పత్తుల పట్ల ఆసక్తితో రూ. 5 లక్షల పెట్టుబడిని అందించి ప్రోత్సహించారు. అలా తన వ్యాపారాన్ని విస్తరించడానికి, మరింత మంది వినియోగదారులను చేరుకోవడానికి ఆయన వారికి మద్దతిచ్చారు. దాంతో చిన్నగా మొదలైన వ్యాపారం కాస్తా రూ. 5 కోట్ల వ్యాపార సామ్రాజ్యంగా విస్తరించింది. View this post on Instagram A post shared by Pooja Jhunjhunwala (@theglobalvegetarian) ఇదీ చదవండి: డిస్నీ వరల్డ్‌లో దీపావళి ధమకా..భారతీయ నృత్యాలతో మెరిసిన సిండ్రెల్లా కోట

భారతీయ వ్యాపార, పారిశ్రామిక రంగాల్లో శతాబ్దపు చరిత్ర కలిగిన దిగ్గజ బజాజ్ గ్రూప్ వ్యవస్థాపకుడు, మహాత్మా గాంధీ అంతరంగికుడిగా గుర్తింపు పొందిన జమనాలాల్‌ బజాజ్ జీవితం, ఆయన వ్యాపార దృక్పథం దేశ పారిశ్రామిక రంగానికి దిక్సూచిగా నిలుస్తున్నాయి. రాజస్థాన్‌లోని సికార్ సమీపంలోని ‘కాశీ కా బాస్’ గ్రామంలో జన్మించిన జమనాలాల్‌ బజాజ్ తన వ్యాపార నైపుణ్యాలతో, దేశ స్వాతంత్ర్య ఉద్యమానికి ఆయన అందించిన ఆర్థిక వెన్నుదండతో భారత చరిత్రలో చెరగని ముద్ర వేసుకున్నారు.వ్యాపార ప్రస్థానం1926లో రూపుదిద్దుకున్న బజాజ్ గ్రూప్, నాటి కాటన్ ట్రేడింగ్ (పత్తి వ్యాపారం) నుంచి ప్రారంభమై నేడు రూ.14 లక్షల కోట్ల రూపాయల భారీ వ్యాపార సామ్రాజ్యంగా ఎదిగింది. వర్ధా కేంద్రంగా ప్రారంభమైన ఈ సంస్థ కాలక్రమేణా చక్కెర, స్టీల్, ఆటోమొబైల్స్ రంగాల్లోకి విస్తరించింది. 1939లో లాహోర్‌లోని ముకంద్ ఐరన్ అండ్ స్టీల్ వర్క్స్ స్వాధీనంతో భారీ పరిశ్రమల రంగంలోకి అడుగుపెట్టిన బజాజ్ గ్రూప్ దశాబ్దాల పాటు భారతీయుల దైనందిన జీవితంలో భాగమైంది. ముఖ్యంగా ‘హమారా బజాజ్’ నినాదంతో మధ్యతరగతి ప్రజలకు ద్విచక్ర వాహనాలను అందించిన బజాజ్ ఆటో దేశ ఆర్థిక వ్యవస్థలో కీలక పాత్ర పోషించింది.మహాత్మా గాంధీ ‘ఐదో కుమారుడు’దక్షిణాఫ్రికా నుంచి మహాత్మా గాంధీ భారతదేశానికి తిరిగొచ్చిన తర్వాత జమనాలాల్‌ బజాజ్ ఆయన సిద్ధాంతాలకు పూర్తిగా ఆకర్షితులయ్యారు. వర్ధాలోని తన ఆవాసాన్ని, భూమిని స్వాతంత్ర్య ఉద్యమ కార్యకలాపాల కోసం అప్పగించారు. గాంధీజీ చేపట్టిన ప్రతీ సృజనాత్మక కార్యక్రమానికి తన తనువు, మనసు, ధనంతో సంపూర్ణ సహకారం అందించిన జమనాలాల్‌ను మహాత్మా గాంధీ ఎంతో ప్రేమగా తన ‘ఐదో కుమారుడిగా’ ప్రకటించారు. దాదాపు రెండు దశాబ్దాల పాటు భారత జాతీయ కాంగ్రెస్‌కు ప్రధాన ఫైనాన్షియర్‌గా వ్యవహరిస్తూ స్వాతంత్ర్య పోరాటాన్ని ఆర్థికంగా నిలబెట్టారు.సామాజిక సంస్కరణలుఅపారమైన సంపద ఉన్నప్పటికీ అత్యంత సాదాసీదా జీవితాన్ని గడిపిన జమనాలాల్‌ బజాజ్ గాంధీజీ ప్రతిపాదించిన ‘ట్రస్టీషిప్’ సిద్ధాంతాన్ని పాటించారు. సంపద అనేది వ్యక్తిగత భోగభాగ్యాల కోసం కాకుండా సమాజ శ్రేయస్సు కోసం ఒక ట్రస్ట్‌లా నిర్వహించాలనే ఆయన నమ్మకం వ్యాపార వర్గాల్లో నైతిక విలువలకు పునాది వేసింది. అంతేకాకుండా, 1928లోనే తన కుటుంబానికి చెందిన వర్ధాలోని లక్ష్మీనారాయణ్ మందిరాన్ని దళితుల కోసం తెరిచి సమాజంలో వేళ్లూనుకున్న అంటరానితనాన్ని ఎదిరించిన సాహసోపేత సంస్కర్త ఆయన.‍ప్రస్తుతం రూ.14 లక్షల కోట్ల గ్రూప్‌గా..1942 ఫిబ్రవరి 11న ఆయన తుదిశ్వాస విడిచినప్పటికీ ఆయన స్థాపించిన విలువల పునాదులపైనే నేడు రూ.14 లక్షల కోట్ల మార్కెట్ క్యాపిటలైజేషన్‌తో బజాజ్ గ్రూప్ విస్తరించింది. ఆయన జ్ఞాపకార్థం ఏర్పాటు చేసిన ‘జమునాలాల్‌ బజాజ్ ఫౌండేషన్’ ద్వారా ఏటా అందించే జాతీయ, అంతర్జాతీయ అవార్డులు సమాజ సేవకులకు గొప్ప ప్రోత్సాహంగా నిలుస్తున్నాయి. వ్యాపారాన్ని దేశభక్తితో, నైతిక విలువలతో ఎలా అనుసంధానించవచ్చో నిరూపించిన జమనాలాల్‌ బజాజ్ జీవితం ఎప్పటికీ ఆదర్శప్రాయమే.ఇదీ చదవండి: రోగుల ప్రాణాలతో రాబందుల వ్యాపారం

ఒక పాట హిట్‌ అయితే చాలు.. ప్రపంచవ్యాప్తంగా గుర్తింపు తెచ్చుకోవచ్చు! కానీ, ఆ గుర్తింపును నిలబెట్టుకుంటూ తనదైన సంగీతంతో అభిమానులను అలరించడం అంత సులభం కాదు. ఇదే బాటలో సాగుతున్న ఐర్లాండ్‌ సింగర్‌, డీజే జాజీ ఇప్పుడు తన తొలి ఆల్బమ్‌తో సంగీత ప్రియుల ముందుకు వస్తోంది.30 ఏళ్ల జాజీ అసలు పేరు యాస్మిన్‌ బైరన్‌. ఆమె పాటలు ఇప్పటికే ప్రపంచవ్యాప్తంగా వందల కోట్ల మంది సంగీత ప్రియులను అలరించాయి. అయితే, ప్రముఖ సంగీత కళాకారుడు కాల్విన్‌ హారిస్‌తో కలిసి పనిచేసిన ఆమె.. ఇప్పటివరకు ఎన్నో పాటలను ఒక్కొక్కటిగా విడుదల చేసింది. ఇప్పుడు ‘పీస్‌ అండ్‌ పేషెన్స్‌’ పేరుతో తన తొలి పూర్తి స్థాయి ఆల్బమ్‌ను విడుదల చేయనుంది.ప్రస్తుతం యువతలో డాన్స్‌ మ్యూజిక్‌కు ఆదరణ పెరుగుతోంది. 2020 నుంచి ప్రపంచవ్యాప్తంగా 25 ఏళ్లలోపు వారు ఈ తరహా సంగీతాన్ని వినడం 73 శాతానికి పైగా పెరిగినట్లు స్పాటిఫై గతంలో తెలిపింది. అయితే, చాలామంది కళాకారులు పూర్తి ఆల్బమ్‌ల కంటే సింగిల్స్‌, చిన్న ఆల్బమ్‌లకే ప్రాధాన్యమిస్తున్నారు. అయినా, పాటలు వైరల్‌ కావడం కంటే నాణ్యమైన సంగీతాన్ని అందించడమే తనకు ముఖ్యమని జాజీ చెబుతోంది.సంగీత ప్రపంచంలో ఎదగాలంటే ఆన్‌లైన్‌లో గుర్తింపు రావడమే కాదు.. ప్రత్యక్షంగా ప్రదర్శనలు ఇచ్చే అవకాశాలు కూడా అవసరమే. అయితే, అనేక నైట్‌ క్లబ్‌లు మూతపడుతుండటంతో కొత్త కళాకారులకు అవకాశాలు తగ్గుతున్నాయని జాజీ ఆవేదన వ్యక్తం చేసింది. కరోనా తర్వాత బ్రిటన్‌లో రాత్రి వేళల్లో కార్యకలాపాలు నిర్వహించే రంగం కూడా దెబ్బతిన్నట్లు గణాంకాలు సూచిస్తున్నాయి. దీంతో క్లబ్‌ కల్చర్‌ను కాపాడుకోవాల్సిన అవసరం ఉందని ఆమె అభిప్రాయపడింది.మరోవైపు, తన తొలి ఆల్బమ్‌తో వచ్చే నెల నుంచి బ్రిటన్‌ అంతటా పర్యటించేందుకు జాజీ సిద్ధమవుతున్నట్లుగా తెలుస్తోంది. అంతకంటే ముందు డబ్లిన్‌లోని అరేనాలో భారీ సంగీత కార్యక్రమంలో జాజీ పాల్గొననుంది. 'కోచెల్లా సంగీత ఉత్సవంలో ప్రదర్శన ఇవ్వడంతో పాటు కాల్విన్‌ హారిస్‌కు సహాయక కళాకారిణిగా పనిచేసిన నాకు.. స్వస్థలంలో అభిమానుల ముందు ప్రదర్శన ఇవ్వడం నా కెరీర్‌లో ప్రత్యేకమైన మైలురాయి' అని జాజీ అభిమానులతో ఆనందాన్ని పంచుకుంది.ఈ ఆల్బమ్‌లో ఉత్సాహభరితమైన పాటలతో పాటు తన వ్యక్తిగత అనుభవాలనూ జాజీ పంచుకోనుంది. ముఖ్యంగా ‘ఇన్విజిబుల్‌’ పాట సంగీత పరిశ్రమలో తనకు ఎదురైన చేదు అనుభవాన్ని ప్రతిబింబిస్తున్నట్లుగా, అభిమానులు తన గురించి మరింత తెలుసుకోవాలన్నదే ఈ ఆల్బమ్‌ వెనుక ఉన్న ఉద్దేశమని ఆమె చెబుతోంది. ప్రతి పాటలోనూ తన జీవితానికి సంబంధించిన ఓ సందేశం ఉంటుందని పేర్కొంది. ఇలా తన జీవితంలో ఎదురైన అనుభవాలను పాటల ద్వారా అభిమానులతో పంచుకుంటూ, తన పాటలతో వారిని మరింతగా ఆకట్టుకోవాలని జాజీ భావిస్తున్నట్లుగా తెలిపింది.ఇదీ చదవండి: 'వేర్‌ ఈజ్‌ మై హజ్బెండ్‌?' సంగీత ప్రపంచంలో సరికొత్త రికార్డు!

పాటతో మనసును తాకడం ఒక ఎత్తు.. అదే పాటతో ప్రపంచవ్యాప్తంగా గుర్తింపు తెచ్చుకోవడం మరో ఎత్తు! ఇప్పుడు ఈ రెండింటినీ సాధించి సంగీత ప్రియులను ఆకట్టుకుంటోంది ప్రముఖ పాప్‌ సింగర్‌ రాచల్‌ అగాథా కీన్‌ (రేయ్‌). తన రెండో ఆల్బమ్‌ ‘దిస్‌ మ్యూజిక్‌ మే కంటెయిన్‌ హోప్‌’తో 2026 మెర్క్యురీ ప్రైజ్‌ను గెలుచుకుంది. అంతేకాదు.. ఈ ప్రతిష్టాత్మక పురస్కారాన్ని అందుకున్న తొలి పాప్‌ ఆల్బమ్‌గా రికార్డు సృష్టించింది. ఈ విజయంతో ఆమెకు 25 వేల పౌండ్ల నగదు బహుమతి కూడా దక్కింది.హాలీవుడ్‌ స్వర్ణయుగపు వైభవాన్ని గుర్తు చేసే సంగీతం.. భావోద్వేగాలతో సాగే కథనం ఈ ఆల్బమ్‌కు ప్రత్యేక ఆకర్షణగా నిలిచాయి. మొత్తం 17 పాటలు.. 73 నిమిషాల నిడివితో రూపొందిన ఈ ఆల్బమ్‌లో ప్రేమ, విరహం, బాధను అధిగమించి మళ్లీ జీవితాన్ని కొత్తగా ప్రారంభించే ప్రయాణాన్ని అద్భుతంగా ఆవిష్కరించింది. అలాగే, ఇందులోని ‘వేర్‌ ఈజ్‌ మై హజ్బెండ్‌?’ పాట ప్రపంచవ్యాప్తంగా ప్రేక్షకులను ఆకట్టుకుంది. నాలుగు ఆర్కెస్ట్రాలు, 100 మందికి పైగా సంగీత కళాకారులు ఈ ఆల్బమ్‌ కోసం పనిచేయడం మరో విశేషం.అయితే, ఈ విజయానికి ముందు తాను ఎన్నో ఇబ్బందులు దాటాల్సి వచ్చిందని చెప్పింది. రెండేళ్ల క్రితం 'నా కారు దొంగతనానికి గురైంది. అందులో పాటలు రాసుకునే నోట్‌బుక్‌లు, డెమో రికార్డింగ్‌లు కూడా ఉండటంతో ఆల్బమ్‌ పనులు దాదాపు ఏడాది ఆలస్యమయ్యాయి. ఆ సమయంలో నేను తీవ్ర ఆందోళనకు గురైనప్పటికీ.. ఆ అనుభవాలే నా ప్రయాణంలో భాగమని ఇప్పుడు భావిస్తున్నాను. వాణిజ్య విజయాన్ని మాత్రమే లక్ష్యంగా పెట్టుకోకుండా, మనసుకు నచ్చినట్లు పాటలను రూపొందించానని' రేయ్‌ తన ఆనందాన్ని పంచుకుంది.మార్చిలో విడుదలైన ఈ ఆల్బమ్‌ బ్రిటన్‌ మ్యూజిక్‌ చార్టుల్లో అగ్రస్థానానికి చేరుకోవడంతో పాటు విమర్శకుల ప్రశంసలు అందుకుంది. సర్‌ పాల్‌ మెక్‌కార్ట్నీ, ఒలివియా డీన్‌, జేడ్‌ వంటి ప్రముఖుల ఆల్బమ్‌లతో పోటీపడి మెర్క్యురీ ప్రైజ్‌ను సొంతం చేసుకుంది. అలాగే, 1992 నుంచి అందిస్తున్న ఈ అవార్డు.. బ్రిటన్‌, ఐర్లాండ్‌ సంగీత కళాకారుల ఉత్తమ ఆల్బమ్‌లకు గుర్తింపుగా నిలుస్తోంది. ఈ ఏడాది ఒలివియా డీన్‌, కొజీ రాడికల్‌, నాట్స్‌, జేడ్‌ వంటి కళాకారులు కూడా పోటీలో నిలిచారు.రేయ్‌ అవార్డు అందుకున్న సందర్భంగా ఆనందంతో భావోద్వేగానికి గురైంది. 'నా కష్టానికి దక్కిన గుర్తింపుగా ఈ విజయాన్ని భావిస్తున్నాను. అలాగే, నా జీవితంలో ఎదురయ్యే ప్రతి చిన్న సంఘటన, ఊహించని మలుపు మన ప్రయాణాన్ని కొత్త దిశగా నడిపిస్తాయని ఆమె చెప్పుకొచ్చింది. ఒకప్పుడు కన్నీళ్లు తెప్పించిన అనుభవాలనే నేడు అద్భుతమైన సంగీతంగా మలిచి.. ప్రపంచ వేదికపై సత్తా చాటిన రేయ్‌ ప్రయాణం నిజంగా ప్రతి ఒక్కరికి స్ఫూర్తిదాయకమనే చెప్పవచ్చు.ఇదీ చదవండి: థర్మాకోల్ బాక్స్‌తో ఏసీ..! ఆ స్టూడెంట్‌ ఆవిష్కరణకు హర్ష్ గోయెంకా ఫిదా!

ఒక భారతీయ మహిళ దుబాయ్‌ వెళ్లి డెంటిస్ట్‌గా సెటిల్‌ అవ్వాలనుకుంది. అనుకోకుండా ఆ లక్ష్యం యూటర్న్‌ తీసుకుని ఆమెను మరో కెరీర్‌ని ఎంచుకునేలా చేసి..ఏకంగా నెలకు రూ. 11 లక్షలు ఆర్జించే రేంజ్‌కు చేరుకుంది. నిజానికి ఆమె అస్సలు ఆ కెరీర్‌ని ఎంచుకోవాలని ఎన్నడూ అనుకోలేదు. సరదాగా నేర్చుకుందామని వెళ్లి అదే తన కెరీర్‌గా మారి లక్షలు సంపాదించేలా చేసింది.ఆ మహిళే మోనికా సింగ్‌. దుబాయ్‌లో డెంటిస్ట్‌గా పనిచేయాలని 12 ఏళ్ల క్రితం దుబాయ్‌ హెల్త్‌ అథారిటీ(డీహెచ్‌ఏ) లైసెన్సింగ్‌ పరీక్షలు కూడా రాసింది. యూఏఈలో డెంటిస్ట్‌గా ప్రాక్టీస్‌ చేయాలని కూడా ప్లాన్‌ చేసింది. అయితే లైసెన్సింగ్‌ పరీక్షలకు సన్నద్దమవుతుండగా గ్రూప్‌ వర్కౌట్‌ క్లాసులకు హాజరుకావడం ప్రారంభించింది. అలా ఆమెకు డ్యాన్స్‌ ఫిట్‌నెస్‌పై ఆసక్తి మొదలై దాన్నే వృత్తిగా ఎంచుకునే రేంజ్‌కు తీసుకువెళ్లింది. అలా ఆమె దుబాయ్‌లోని స్టూడియోలలో గ్రూప్‌ వ్యాయామా తరగతులను బోధించడం ప్రారంభించింది. ఫిట్‌నెస్‌ కోచ్‌గా చిన్నగా మొదలైన ప్రస్థానం కాస్తా..సొంతంగా కోచింగ్‌ సెంటర్‌ని నడిపే అనుభవాన్ని అందించాయి. ఆ విషయాన్నే తన భర్తకు చెప్పడంతో అతడిచ్చిన సపోర్టుతో సొంతంగా ఫిట్‌నెస్‌ సెంటర్‌ని ఏర్పాటు చేసింది. అలా మధ్య వయసు మహిళలను మంచి ఫిట్‌నెస్‌ ట్రైనింగ్‌ ఇచ్చే కోచ్‌గా పేరుతెచ్చుకుంది. ఆమె అధిక శారీరక ఒత్తడి పడకుండా ఆరోగ్య లక్ష్యాలను చేరుకోవడంలో క్లయింట్లకు సహాయం చేస్తుంది. ఇలా ఫిట్‌నెస్‌ కోచ్‌గా విజయవంతంగా రాణించడానికి తన వైద్య నేపథ్యమే హెల్ఫ్‌ అయిందని అంటోందామె. ప్రస్తుతం ఆమె దుబాయ్‌లో సుమారు 23 మందికి శిక్షణ ఇస్తోంది. అంతేగాదు ఆమె నెలవారి ఆదాయం దాదాపు రూ. 11 లక్షలు పైనే ఉంటుందట. మంచి ఆదాయం ఆర్జిస్తున్నా ఇంకా ఎలాంటి పెట్టుబడులు పెట్టలేదని పేర్కొంది. ప్రస్తుతం తన వెల్నెస్‌ వ్యాపారం కోసం ఆన్‌లైన్‌ పోర్టల్‌, యాప్‌ను ప్రారంభించడమే తన ప్రధాన లక్ష్యమని పేర్కొంది. దీని అభివృద్ధికి చాలా ఖర్చు అవుతుందని, అందుకే డబ్బును పొదుపు చేసే పనిలో ఉన్నానని అంటోంది మోనికా సింగ్‌. అన్నీ మనం అనుకున్నట్లు జరగకపోయినా..మన అభిరుచిని గుర్తించి మరింత కృషి చేస్తే విజయవంతమైన వ్యాపారాన్ని నిర్మించడం పెద్ద కష్టమేమి కాదని మోనిక్‌ సింగ్‌ కథ చెబుతోంది కదూ..!.ఇదీ చదవండి: అత్తారింటికి విమానంలో..! అరుదైన వివాహ వేడుక

డ్రాగన్‌ ఫ్రూట్‌లో ఎన్ని ఆరోగ్య లాభాలు ఉన్నాయో తెలిసిందే. ఇటీవల కాలంలో ఈ పండుకి మంచి గిరాకీ ఉంది. చాలామంది రైతులు ఈ పంటను వేసేందుకే మొగ్గు చూపుతున్నారు, పైగా లాభలు గడిస్తున్నారు కూడా. అయితే ఈ చదువుకున్న రైతు మాత్రం పంటనే వ్యాపారంగా మార్చుకుని ఏకంగా కోట్లలో ఆదాయం ఆర్జించి స్ఫూర్తిగా నిలిచాడు. అతడే మహారాష్ట్రకు చెందిన మహేష్‌ అసబే. అతడు రైతు కుటుంబానికి చెందినవాడు. ఆ నేపథ్యంలోనే అగ్రీకల్చర్‌ ఇంజనీరింగ్‌లో బిటెక్‌ పూర్తిచేసి, అ‍గ్రికల్చర్‌ ఇంజనీరింగ్‌ అండ్‌ ఫుడ్‌ ప్రాసెసింగ్‌లో ఎంటెక్‌ పూర్తి చేశాడు. అతడి కుటుంబం సంప్రదాయ పంటలనే పండించేది. 2013-14 ఆ సమయంలో మహేష్‌ తండ్రి డ్రాగన్‌ ఫ్రూట్‌ సాగును గురించి తెలుసుకుని అది సాగు చేసేందుకు రెడి అయ్యాడు. దీనికి తక్కువ నీరు, పొడి ప్రాంతాలు అనువైనవని తెలుసుకుని డ్రాగన్‌ఫ్రూట్‌ని సాగు చేయాలని డిసైడ్‌ అయ్యాడు. అందులో భాగంగా సుమారు 9 వేల మొక్కలను తెప్పిచుకుంది మహేష్‌ కుటుంబం. అందుకోసం ప్రారంభ పెట్టుబడి సుమారు రూ. 9.9 లక్షలు ఖర్చు అయ్యింది. అలా డ్రాగన్‌ ఫ్రూట్‌ని పండించిన తొలి రైతు కుటుంబాలలో ఒకటిగా మహేష్‌ ఫ్యామిలీ నిలిచింది 2015-16 టైంలో తొలి డ్రాగన్‌ పంటను కోయగా, మూడు ఎకరాల పొలానికి సుమారు ఐదు టన్నుల దిగుబడి రావడం విశేషం. ఆ పంటను విక్రయించడం ద్వారా సుమారు రూ. 5 లక్షలు దాక సంపాదించారు. అప్పుడు కిలో రూ. 33 అమ్మకం ధర. అది కాస్తా 2017 నాటికల్లా కిలోకు సుమారు రూ. 150 నుంచి రూ. 250 వరకు విక్రయించడం మొదలైంది. ఆ టైంలోనే మహేష్‌ తన చదువులో భాగంగా 45 రోజుల శిక్షణ కార్యక్రమం కోసం ఇజ్రాయల్‌ వెళ్లాడు. అక్కడ నీటి నిర్వహణ, ఆధునిక వ్యవసాయ పద్ధతులు, పంట ఉత్పత్తిని పెంచేలా సాంకేతిక పరిజ్ఞానాన్ని ఉపయోగించడంపై తర్ఫీదు తీసుకున్నాడు. అంతేగాదు డ్రాగన్‌ ఫ్రూట్‌ సాగు పద్ధతులను అధ్యయనం చేసేందుకు 2018లో వియత్నాం కూడా వెళ్లొచ్చాడు. అలా తను నేర్చుకున్న జ్ఞానాన్ని ఆచరణలో పెడుతూ..ఒక్కో ఎకరం విస్తీర్ణంలో ప్రదర్శన క్షేత్రాలు ఏర్పాటు చేశాడు. ఆ తర్వాత బిందు సేద్యం, చెరువుల ద్వారా సాగు క్షేత్రాలను ఏర్పాటు చేశాడు. కలుపు తీయడడం, వంటి కార్యకలాపాలను యంత్రాల సాయం తీసుకుని ఆ డ్రాగన్‌ పంటను కాస్తా మహేష్ రుక్మిణి ఫార్మ్స్‌ పేరుతో వ్యాపారంగా మార్చాడు. అలా దానిమ్మ, సీతాఫలం, జామపండ్లు వంటి ఇతర పండ్లను కూడా పండించడం ప్రారంభించాడు. అలా మూడు ఎకరాలతో ప్రారంభించి వ్యవసాయం కాస్తా.. ఇవాళ ఏకంగా 60 ఎకరాలకు విస్తరించాడు. ఏడాదికి 200 టన్నుల డ్రాగన్‌ ఫ్రూట్‌ సాగుతోటే కోటికి పైగా ఆర్జించగా, ఇతర పండ్లతో కలిపి సుమారు రూ. 2 కోట్లు పైనే ఆర్జించడం విశేషం. వ్యసాయానికి సాంకేతికతను, ఆధునిక పద్ధతులను జోడిస్తే..కోట్లు గడించొచ్చని చెబుతోంది ఈ రైతు మహేష్‌ అసబే స్టోరీ. View this post on Instagram A post shared by Startup Pedia (@startup.pedia) ఇదీ చదవండి: ఇంద్రధనస్సు, పచ్చదనం మెరుపుల్‌..! నీతా అంబానీ, రాధికా మర్చంట్‌ల ట్రెడిషనల్‌ లుక్‌!

కుటుంబ సంప్రదాయంగా వచ్చిన ఓ బిర్యానీ రెసిపీని వ్యాపార అవకాశంగా మార్చుకుని కోట్ల రూపాయల టర్నోవర్‌ సాధిస్తున్నారు బెంగళూరుకు చెందిన ఇద్దరు అక్కాచెల్లెళ్లు. రమ్య రవి, శ్వేతా రవి 2020లో కేవలం రూ.5 లక్షల పెట్టుబడితో ప్రారంభించిన ఆర్‌ఎన్‌ఆర్‌ (RNR) దొన్నె బిర్యానీ ప్రస్తుతం సుమారు రూ.10 కోట్ల టర్నోవర్‌ సాధించే స్థాయికి ఎదిగింది.చిన్న క్లౌడ్‌ కిచెన్‌తో ప్రారంభంతమ బామ్మ తయారు చేసే సంప్రదాయ కర్ణాటక శైలి దొన్నె బిర్యానీ రుచిని మరింత మందికి పరిచయం చేయాలనే ఆలోచనతో సోదరీమణులు ఈ వ్యాపారాన్ని ప్రారంభించారు. కరోనా మహమ్మారి సమయంలో నవంబర్‌ 2020లో బెంగళూరులో కేవలం 200 చదరపు అడుగుల క్లౌడ్‌ కిచెన్‌ను ఏర్పాటు చేశారు. ఒక వంటమనిషి, ఇద్దరు సహాయకులతో మొదలైన ఈ వ్యాపారం తొలి నెలలోనే 10,000కు పైగా ఆర్డర్లను అందుకుంది.ప్రత్యేకమైన ప్యాకేజింగ్‌తో గుర్తింపుఖరీదైన రెస్టారెంట్‌ ఏర్పాటు చేయడానికి బదులుగా, ఆహారాన్ని ఇంటికే అందించే విధానంపై సోదరీమణులు దృష్టి పెట్టారు. అరటి ఆకులో బిర్యానీని చుట్టి, ప్రత్యేకమైన టిన్‌ బాక్సుల్లో అందించడం ద్వారా తమ బ్రాండ్‌కు ప్రత్యేక గుర్తింపును తీసుకొచ్చారు. నాణ్యత, పరిశుభ్రత, రుచిలో స్థిరత్వానికి ప్రాధాన్యమిస్తూ వ్యాపారాన్ని క్రమంగా విస్తరించారు.ప్రస్తుతం ఆర్‌ఎన్‌ఆర్‌ దొన్నె బిర్యానీకి బెంగళూరులో 14 క్లౌడ్‌ కిచెన్లతో పాటు ఒక ప్రత్యేక రెస్టారెంట్‌ ఉన్నట్లు మీడియా కథనాలు పేర్కొంటున్నాయి. బిర్యానీతో పాటు చికెన్‌ నెయ్యి రోస్ట్‌, మటన్‌ బోన్‌ సూప్‌, ఎల్నీరు (కొబ్బరి నీళ్లు) పాయసం వంటి వంటకాలనూ అందిస్తున్నారు. కేవలం రూ.5 లక్షల పెట్టుబడితో మొదలైన ఈ ప్రయాణం, కుటుంబ వంటకానికి సరైన వ్యాపార నమూనా, నాణ్యత, వినియోగదారుల అభిరుచిని జోడిస్తే ఎంతటి అవకాశాలు సృష్టించవచ్చో చూపిస్తోంది.ఇదీ చదవండి: బెంగళూరులో ఇల్లు అద్దెకు తీసుకోవడమే పాపమా?

ఒక ఇంటిలోని వంటగదిలో జస్ట్‌ రూ. 2 వేలుతో ప్రారంభమై ఏకంగా కోట్ల విలువ చేసే బ్రాండ్‌ రేంజ్‌కు చేరుకుంది. స్నాక్స్, స్వీట్స్‌ తయారు చేస్తూ..ఫిల్టర్‌ కాఫీ రుచుల వరకు వివిధ రకాల తినుబండరాలను అందిస్తూ నెంబర్‌ వన్‌ బ్రాండ్‌గా పేరు తెచుకుంది. కస్టమర్‌ అభిరుచి ఆధారంగానే వంటకాలు అందించి సక్సెస్ అయిన ఫుడ్‌ బిజినెస్‌.అదే స్వీట్‌ కరం కాఫీ అనే విలువైన స్నాక్‌ బ్రాండ్‌. దీన్ని చెన్నైకి చెందని నళిని పార్థిబన్‌, ఆమె భర్త ఆనంద్‌ భరద్వాజ్‌, కజిన్స్‌ వీర రాఘవన్‌, శ్రీవత్సవ్‌ సుందరరామన్‌ స్థాపించారు. జస్ట్‌ తమ ఇంటి గదిలో రూ. 2000తో ప్రారంభమైన వ్యాపారం ఇది. అమ్మమ్మ అందించే రుచికరమైన స్నాక్స్‌ జ్ఞాపకాలతో మొదలైన వ్యాపారం అని తెలిపారు. చిన్నప్పుడు తన అమ్మమ్మ శ్రద్దగా తయారు చేసే మైసూర్‌పాక్‌, జాంగ్రీలు వంటి వంటకాల రుచి ఇప్పుడు దొరకడం లేదని భావించి..ఆమె జ్ఞాపకాలను స్మరించుకుంటూ ఈ వ్యాపారం ప్రారంభించినట్లు తెలిపారు నళిని. జస్ట్‌ కరపత్రాలతో మొదలుపెట్టిన వ్యాపారం ఎందరినో ప్రభావితం చేసి చాలామంది మహిళలకు దారి చూపిందన్నారు. తమ వ్యాపారంతోనే చాలామంది మహిళలు క్లౌడ్‌ కిచెన్‌ వంటి వ్యాపారాలు చేసేందుకు ముందుకొచ్చారని చెప్పుకొచ్చారు. కాగా, తాము మురుకులు, మిక్చర్‌, బనానా చిప్ప్‌, మైసూర్‌ పాక్‌, లడ్డూలు, దక్షిణ భారత ఫిల్టర్‌ కాఫీ వంటి వాటిని ఎలాంటి ప్రిజర్వేటివ్‌లు, కృత్రిమ రంగులు ఉపయోగించకుండా తయారు చేస్తామని చెప్పారు. అదే కస్టమర్ల మనసుని గెలుచుకునేందుకు దారితీసిందన్నారు.ఒక్కసారి తమ వద్ద ఉత్పత్తులు కొన్నవారు మరోసారి వచ్చి కొనితీరుతారని నిర్వాహకులు చెబుతున్నారు. అలాగే తమ ఉత్పత్తులు తాజాగా ఉండేలా ప్యాకింగ్‌ చాలా కీలకపాత్ర వహిస్తుందని అన్నారు. తమ కంపెనీ ప్రత్యేక ప్యాకింగ్‌ని వినియోగిస్తుందని చెప్పారు. స్వచ్ఛమైన, ఆరోగ్యకరమైన విధంగా ఇంట్లో తయారు చేసే రుచితో కూడిన పిండివంటలు అందిస్తామని చెప్పారు. దక్షిణ భారతదేశపు పిండివంటల రుచిని ఎక్కువ మందికి పరిచయం చేయాలని ప్రారంభించి..ఇవాళ ఈ స్థాయిలో లాభాలు గడిస్తున్నట్లు చెప్పుకొచ్చారు. అలాగే తమ ఉత్పత్తులను భారతదేశం అంతటా విక్రయిస్తున్నట్లు పేర్కొంది. ఈ కామర్స్‌తో సహా అన్ని చోట్ల తమ ఉత్పత్తులు విక్రయిస్తామని అన్నారు. ఇక అంతర్జాతీయ వినియోగదారుల కోసం ప్రత్యేక వెబ్‌సైట్‌ కూడా మెయింటైన్‌ చేస్తున్నట్లు తెలిపారు. ఆన్‌లైన్‌లో మార్కెట్‌ప్లేస్‌లో 55% ఆదాయం, ఆఫ్‌లైన్‌ అమ్మకాల్లో దాదాపు 10% వాటాతో ఏడాదికి ఏకంగా రూ. 580 కోట్లు ఆర్జిస్తున్నట్లు పేర్కొన్నారు. ఇదీ చదవండి: ఉన్నది ఒక్కటే లైఫ్‌..ప్లీజ్‌ క్లిష్టంగా మార్చుకోకండి..! టెక్‌ గురు మోహనదాస్‌ జీవన సూత్రాలివే

ఏ స్టార్టప్‌లు అయినా పెట్టుబడుదారుల కోసం వెతికితే..కేరళకు చెందిన దనేసా రఘులాల్‌ మాత్రం ఎలాంటి వెంచర్‌ క్యాపిటల్‌ లేకుండా రూ. 822 కోట్ల వ్యాపార సామ్రాజ్యాన్ని నిర్మించిన స్ఫూర్తిదాయక కథనం. వటుడింతై అన్నట్లు బ్రెడ్‌, రస్క్‌తో మొదలు పెట్టి వివిధ బేకరి ఉత్పత్తులతో అంతర్జాతీయ స్థాయిలో వ్యాపార సామ్రాజ్యాన్ని నిర్మిచిన స్టోరీ. ఔత్సాహిక పారిశ్రామిక వేత్తలకు గొప్ప బిజినెస్‌ పాఠం ఇది.కస్టమర్‌ కోరుకుంటోంది ఏంటో తెలుసుకుని ఆ దిశగా ఆహర ఉత్పత్తులను అందిస్తే విజయవంతమైన వ్యాపార సామ్రాజ్యాన్ని నిర్మించొచ్చని నిరూపించింది ఈ మహిళ. కనీసం ఎలాంటి వెంచర్‌ క్యాపిటల్‌ లేకుండా విజయవంతమైన వ్యాపారం నిర్మించి ఔత్సాహిక పారిశ్రామికవేత్తలకు స్ఫూర్తిగా నిలిచింది. అంతేగాదు దేశీయంగానే కాకుండా అంతర్జాతీయ స్థాయిలో విజయవంతమైన వ్యాపారాన్ని నిర్మించింది. అదికూడా సాధారణ బ్రెడ్‌తో మొదలై..ఏకంగా కోట్ల వ్యాపార సామ్రాజ్యాన్ని నిర్మించే రేంజ్‌కి వెళ్లడం విశేషం. ​భారతదేశంలో నాణ్యమైన బ్రెడ్‌ దొరకడం లేదని దాన్ని అందించాలనే ఉద్దేశ్యంతో మొదలైన వ్యాపారం కేరళకు చెందిన ఎలైట్‌ ఫుడ్స్‌ ప్రైవేట్‌ లిమెట్‌. దీన్ని 1986లో స్థాపించారు. కేరళకు చెందిన టి ఆర్‌ రఘులాల్‌ భారత్‌లో అందరూ బ్రెడ్‌ని ఆస్వాదించడం గమనించారు. కానీ అంత నాణ్యవంతంగా లేకపోవడంతో అదే తాను తీసుకురావాలని అనుకున్నారు. అందుకోసం అమెరికాలో సుదీర్ఘకాలం గడిపి తర్వాత భారత్‌లో అందుబాటులో లేని యంత్రాలను దిగుమతి చేసుకుని మరి బ్రెడ్‌ వ్యాపారంలోకి దిగారు. మొదట ఆయన బేకరీ బ్రెడ్‌, రస్క్‌లు అందించేది. అలాగే దీనికి సాంకేతికతను కూడా జోడించారు. ఆ తర్వాత ఆయన కుమార్తె దనేసా రఘులాల్‌ దీన్ని మరింత విస్తరించేలా చేశారు. ఆమె బ్రెడ్‌ తయారీకి కావల్సిన పిండి మిల్లుని కూడా ఏర్పాటు చేశారు. ఆ తర్వాత కేకులు తయారీలోకి ప్రవేశించి మరింత లాభాల బాట పట్టేలా చేశారు. అలాగే తన తండ్రి వ్యవస్థలు, ప్రక్రియలు సజావుగా సాగితేనే వ్యాపారం విజయవంతమవుతుందనే తన తండ్రి నమ్మకాన్నే తాను విశ్వసిస్తానని అన్నారు. అదే తన బ్రాండ్‌ సక్సెస్‌కి ప్రధాన సీక్రెట్‌ అని నవ్వుతూ చెప్పారామె. తాను ఉత్పత్తిని మార్కెటింగ్‌ చేయడంపై దృష్టిపెట్టి మరిన్ని ఆవిష్కరణలు చేసి మరిన్ని ఆహార ఉత్పత్తులు అందించేలా చేశానని చెప్పారు. పండుగలను కేకులతో సెలబ్రేట్‌ చేసుకునేలా తీసుకురావడానికి చాలా కష్టపడ్డానని అన్నారు. అలాగే తమ ఉత్పత్తులు ప్రతి పిల్లవాడికి సురక్షితంగా ఉండేలా కేర్‌ తీసుకున్నామని. అది కూడా తమ బ్రాండ్‌ విజయవంతమవ్వడానికి ప్రధాన కారణమని అన్నారామె. అలాగే తమ ఫుడ్డింగ్‌ కేక్‌ ఎలా కిక్‌ అయ్యిందో కూడా వివరించారు. తాము చేసే ప్లంకేక్‌ కంటే దీనినే రోజు తినడానికి ఆసక్తి చూపిస్తామని చెప్పడంతో మరిన్ని మార్పులు చేసుకొచ్చామని అన్నారు. అందుకే పండుగలకు అనుగుణమైన ప్లం కేక్‌లు అందించామని చెప్పుకొచ్చారామె. తాను ఎగ్జిక్యూటివ్‌ డైరెక్టర్‌గా దనేసా మార్కెటింగ్‌, ఫైనాన్సింగ్‌పై ఎక్కువ దృష్టిపెడతానని అన్నారు. ప్రస్తుతం తమ బ్రాండ్‌ తమిళనాడు, ఆంధ్రప్రదేశ్‌, తెలంగాణ రాష్ట్రాల తోపాటు మధ్యప్రాచ్యం, యూఎస్‌ఏ, యూకే, యూరప్‌, కెనడా, ఆస్ట్రేలియా, సింగపూర్‌, దక్షిణాఫ్రికా, ఆగ్నేయాసియాల వరకు తమ బ్రాండ్‌కి మార్కెట్‌ ఉనికి ఉందని చెప్పారు. తమకు భారతదేశం అంతటా తొమ్మిది ఫ్యాక్టరీలు ఉన్నాయన్నారు. ప్రస్తుతం ఎలైట్‌ బ్రాండ్‌ 150కి పైగా ఉత్పత్తులను విక్రయిస్తూ..ఏడాదికి సుమారు ఫైలింగ్‌ల ప్రకారం, రూ. 822 కోట్ల నిర్వహణ ఆదాయాన్ని ఆర్జిస్తోందని సమాచారం. ఇదీ చదవండి: "ఆమె నా కూతురు": తండ్రిగా గర్వించే క్షణం..!

ఒక చిన్న పట్టణానికి చెందిన సాధారణ వ్యక్తి తన అసాధారణ తెలివి తేటలతో అంతర్జాతీయంగా ఖ్యాతి సాధించి, వేలకోట్ల సామ్రాజ్యాన్ని సృష్టించ గలడని ఎవరైన ఊహించగలరా? సాంప్రదాయ బంగాళాదుంపల వ్యాపారాన్ని ఆధునిక ఫ్రోజెన్ ఫుడ్ సామ్రాజ్యంగా మార్చిన ఒక పారిశ్రామికవేత్త నేటి స్ఫూర్తిదాయకమైన కథ గురించి తెలుసుకుందాం. రూ. 1500 కోట్ల టర్నోవర్‌తో సాగుతున్న అహ్మదాబాద్‌కు చెందిన హాయ్‌ఫన్ ఫుడ్స్ (HyFun Foods) హరేష్ కరంచందానీ కథ ఇది. హరేష్ కరంచందానీ గుజరాత్‌లోని మెహసానాలో ఒక సాధారణ వ్యాపార కుటుంబంలో జన్మించారు. బాల్యం చాలా సాధారణంగా గడిచినా, అతని ఆలోచనా విధానం ఎప్పుడూ ప్రత్యేకంగా ఉండేది. చిన్న వయసులోనే, కుటుంబ వ్యాపారానికి దూరంగా చదువుపై దృష్టి పెట్టేందుకు అతన్ని హాస్టల్‌కు పంపించారు. అలా హాస్టల్‌లో నివసిస్తున్నప్పుడు, హరేష్ ప్రతీ విషయాన్ని జాగ్రత్తగా గమనించే అలవాటును పెంచుకున్నారు. అంతేకాదు ఆ హాస్టల్ జీవితం ఎన్నో పాఠాలు నేర్పింది. భవిష్యత్తుకు బంగారు బాటలు వేసింది.హాయ్‌ఫన్ ఫుడ్స్ మూలాలు 1962 నాటివని చెప్పొచ్చు. హరేష్ కుటుంబం చాలా ఏళ్లు బంగాళాదుంపల వ్యాపారంలో ఉంది. ఆసాందాస్ కంచందాని 'ఆసాందాస్ అండ్ సన్స్' అనే కుటుంబ వ్యాపారం ద్వారా బంగాళాదుంపలు, ఉల్లిపాయల వ్యాపారాన్ని చేశారు. ఆసాందాస్ పెద్ద కుమారుడు జైరాజ్ ఆసాందాస్ కంచందాని 1976లో ఈ వ్యాపారంలో చేరగా, ఆ తర్వాత చిన్న కుమారుడు కిషన్‌చంద్ ఆసాందాస్ కంచందాని 1985లో చేరారు.మూడవ తరానికి ప్రతినిధి హరేష్ కంచందాని (Haresh Karamchandani) 1999లో కుటుంబ వ్యాపారంలో చేరారు. తమ్ముడు ధీరజ్ 2002లో, బంధువు కమలేష్ 2008లో చేరారు. ఈ వ్యాపారం స్థిరంగా ఉన్నప్పటికీ, దాని గుర్తింపుకు కొన్ని పరిమితులుండేవి. కొంతకాలం తర్వాత, కేవలం వ్యాపారం ద్వారా మాత్రమే వ్యాపారాన్ని ముందుకు తీసుకెళ్లడం అంత సులభం కాదని హరేష్ అర్థం చేసుకోవడం ప్రారంభించారు. అందుకు కొత్త మార్గాన్ని అన్వేషించారు.క్రమంగా, అతని ఆలోచన ఫ్రోజెన్ ఫుడ్ వ్యాపారం వైపు మళ్లింది. ఆ సమయంలో, భారతదేశంలో ఫ్రోజెన్ ఫుడ్‌ను ఒక పరిశ్రమగా పరిగణించలేదు. అనారోగ్యకరమైన లేదా తక్కువ-నాణ్యత గల ఆహారంగా భావించేవారు. ఈ రంగాన్నిప్రమాదకరమైనదిగా జనం భావించినప్పటికీ, హరేష్ దానిలో భవిష్యత్తును చూశారు. ఈ క్రమంలో ఒక్క పక్క తీవ్రమైన పోటీ, మరోపక్క మార్కెట్ హెచ్చు తగ్గులు, పరిమిత లాభాలు ఇలాంటి సవాళ్లు తప్పలేదు. దీనికి తోడు తయారీ రంగంలో అనుభవం లేకపోవడం అతిపెద్ద సమస్య. పైగా అతని ట్రేడింగ్ వ్యాపారం అప్పటికే స్థిరంగా నడుస్తుండటంతో, మొదట్లో అతని కుటుంబం ఈ నిర్ణయం పట్ల సంకోచించింది. ఇదీ చదవండి : ప్రభుత్వ ఉద్యోగం వద్దని నెలకు రూ. లక్ష సంపాదిస్తున్న బార్బర్‌2010లో ఒక బహుళజాతి కంపెనీని సందర్శించినప్పుడు, విదేశాలలో హరేష్ ఫ్రోజెన్ ఫుడ్ పరిశ్రమను నిశితంగా పరిశీలించారు. అది లాభవంతమైన సౌకర్యవంతమైందే, కానీ ఇండియా పరిస్థితి భిన్నం అయినా హరేష్ రిస్క్ తీసుకోవాలని నిర్ణయించుకున్నారు. దానికనుగుణంగా తన వ్యాపారాన్ని మలుచుకున్నారు. మొదట్లోనే ఊహించని దెబ్బబంగాళాదుంపలను ప్రాసెస్ చేసి ఫ్రోజెన్ ఫ్రెంచ్ ఫ్రైస్, బర్గర్ ప్యాటీలు, పొటాటో వెడ్జెస్, రెస్టారెంట్లు, ఫుడ్‌సర్వీస్ కంపెనీలు ఉపయోగించే ఇతర ఉత్పత్తులుగా తయారు చేయాలనేది ఈ ఆలోచన. ప్రాసెసింగ్‌కు తగిన బంగాళాదుంపల సాగుకు ఉత్తర గుజరాత్‌లో ఉన్న అవకాశాలు ఈ ప్రణాళికకు గట్టి పునాదిగా మారాయి. ఇందుకోసం నెదర్లాండ్స్ నుండి యంత్రాలను దిగుమతి చేసుకున్నారు. కానీ ఇక్కడే అనూహ్యంగా పెద్ద పెద్ద ఎదురుదెబ్బ తగిలింది. సరఫరా కంపెనీ అకస్మాత్తుగా దివాళా తీయడంతో, సుమారు రూ.3 కోట్ల ష్టం వాటిల్లింది. ఆ రోజుల్లో మూడుకోట్ల రూపాయల నష్టం ఎవరికైనా పెద్ద దెబ్బే. కానీ హరేష్ నిరాశ చెందకుండా, కొత్తగా ప్రారంభించాలని నిర్ణయించుకున్నాడు. ఎంతో కృషి తరువాత 2015లో హైఫన్ ఫుడ్స్ లాంచ్‌ అయింది. ఎన్నో సవాళ్ళొచ్చినా నాణ్యత విషయంలో రాజీ పడలేదు. తన ఉత్పత్తుల నాణ్యతను మెరుగుపరచడానికి రేయింబవళ్లు అవిశ్రాంతంగా పనిచేశారు. ఫలితంగా ప్రజల్లో బ్రాండ్‌పై నమ్మకం పెరిగింది.ఇదీ చ‌ద‌వండి: జేబులో రూ.100 అకౌంట్‌లో రూ. లక్ష : స్టాండప్‌ కమెడియన్ సక్సెస్‌ స్టోరీతొలి విజయంతొలి ఏడాదిలోనే 2016లో, హై ఫన్ ఫుడ్స్ బర్గర్ కింగ్ నుండి సరఫరా కాంట్రాక్టు లభించింది. అది కంపెనీ దిశను పూర్తి మార్చివేసింది. బ్రాండ్‌ నాణ్యత గ్లోబల్‌ స్థాయికి చేరింది. అంతర్జాతీయ మార్కెట్‌లో గుర్తింపు లభించింది. హైఫన్ ఫుడ్స్ ప్రపంచ మార్కెట్‌లో తనకంటూ ఒక గుర్తింపును ఏర్పరచుకొని అంతర్జాతీయ ఫుడ్ బ్రాండ్‌గా ఎదిగింది. నేడు 40కి పైగా దేశాలకు ఉత్పత్తులను అందిస్తోంది. రూ. 150 కోట్లకు పైగా టర్నోవర్ సాధిస్తోంది. 7500కి పైగా రైతుతో బలమైన నెటవరర్క్‌తో1000కి పైగా ఉద్యోగులతో తన ప్రత్యేకతను చాటుకుంటోంది.

ఒక వ్యాపార ఆలోచన విఫలమైతే..మరో వ్యాపారం చేయాలంటే భయమేస్తుంది. ముఖ్యంగా పెట్టుబడి ఎలా అనేది ప్రశ్న..మళ్లీ ఫెయిలైతే పరిస్థితి ఏంటని భయం వెంటాడుతుంటాయి. కానీ కొందరు ఏం జరిగినా తగ్గేదే..లే.. అంటూ మొండి ధైర్యంతో మరోసారి వ్యాపారంలో తమ అదృష్టాన్ని పరీక్షించుకుని మరి సక్సెస్‌ అందుకుంటారు. అలాంటి కోవకు చెందినవాడే ఈ 21 ఏళ్ల యువకుడు. ముంబైకి చెందిన 21 ఏళ్ల యశ్‌కల్రా మొదటి వ్యాపార ఆలోచనే దారుణంగా వైఫల్యం చెందింది. అయినా సరే ఎలాగైన తనను తాను ప్రూవ్‌ చేసుకోవాలంటూ.మరో వ్యాపార ప్రయత్నాలు మొదలుపెట్టాడు. అందులోనూ ముంబైలో ఆరోగ్యకరమైన ఆహారం అన్నది అత్యంత ఖరీదైనది. అందులోనూ అందరివి ఉరుకుల పరుగుల జీవితాలు. అలాంటప్పుడు పోషకవంతమైన ఆహారం అంటే..ఎవ్వరికీ సాధ్యమయ్యే పని కాదు. అందుకే యశ్‌ ఆ దిశగా అడుగులు వేస్తూ పోషకవంతమైన ఓట్స్‌ని ఎంచుకున్నారు. భారతీయ రుచులకు సరిపోయేలా వివిధ ఫ్లేవర్‌లతో.. అధిక ప్రోటీన్‌ భోజనంగా మార్చాడు. అది కూడా 30 సెకన్లలో చకచక తయారు చేసుకునేలా సిద్ధం చేశారు. ముఖ్యంగా శుద్ధి చేసిన చక్కెర లేకుండా గోల్‌లైఫ్‌ అనే ఓట్‌మీల్‌ బ్రాండ్‌ని అందించాడు. అయితే అంతలా కష్టపడ్డా సక్సెస్‌ ఏమి సులభంగా ఒళ్లోకి వచ్చి వాల్లేదు. మొదట్లో కేవలం 50 ప్యాక్‌లు మాత్రమే అమ్మేవాడు. ఆ తర్వాత తన ఉత్పత్తిని మెరుగుపర్చే క్రమంలో ఏకంగా రెండువేల గిన్నెల ఓట్‌మీల్‌ తినాల్సి వచ్చింది. పైగా తన ఆలోచనను షార్క్‌ ట్యాంక్‌ ఐడియాలో పంచుకునేందుకు నాలుగేళ్లుగా దరఖాస్తు చేయగా..చివరకు ఐదో సీజన్‌లో తన ఒప్పందాన్ని కుదుర్చుకున్నాడు. అయితే యష్‌కల్రా తన ఓట్‌మీల్‌ బ్రాండ్‌ గోట్‌లైఫ్‌లో 1% యాజమాన్యానికి బదులుగా రూ. 36 లక్షల పెట్టుబడిని ఆశిస్తూ షార్క్‌ ట్యాంక్‌ ఇండియాకు వచ్చాడు. అతని ప్రతిపాదన రితేష్‌ అగర్వాల్‌, అమిత్‌జైన్‌, నమిత థాపర్‌, అమన్‌గుప్తా, అనుపమ్‌ మిట్టల్‌తో సహా పలువురు షార్క్‌ల దృష్టిని ఆకర్షించింది. దీనిపై పలు దఫాలు చర్చలు అనంతరం..రితేష్‌ అగర్వాల్‌, అమిత్‌జైన్‌ కంపెనీలో 8% వాటా కోసం రూ. 2 కోట్లు ఆఫర్ చేశారు. అమన్‌ గుప్తా, అనుపమ మిట్టల్‌ కూడా ఇదే ఆఫర్‌ ఇవ్వడం విశేషం. ఒకరకంగా ఆ షో వల్ల యశ్‌కల్రా వ్యాపారం మరింత మందికి చేరువై నెలకు కోటి రూపాయలు ఆర్జించే బ్రాండ్‌గా మారింది. అంతేగాదు సోషల్‌మీడియాలో యశ్‌కు సందేశాలు వెల్లువెత్తాయి. తన వ్యాపారం పట్ల ఇంతమంది ఆసక్తి చూపడం యశ్‌కి చాలా సంతోషాన్ని ఇచ్చింది అయినాసరే ఆ షో గుర్తింపు పైనే ఆధారపడకుండా మరింతగా వృద్ధి చేయడమే లక్ష్యంగా ముందుకు సాగుతున్నాడు యశ్‌కల్రా. ఇతడి స్టోరీ కష్టపడేవాడు కేవలం మద్దతునే కాదు, తన కష్టాన్ని కూడా వదులుకోడు అని చెబుతోంది కదూ.! View this post on Instagram A post shared by GOAT LIFE (@goatlife.co)ఇదీ చదవండి: చీరలో కూడా స్మార్టే..! నిజానికి అవి రెండు వేర్వేరు: సుధామూర్తి)

హైదరాబాద్: ఆర్టిఫిషియల్ ఇంటెలిజెన్స్ ప్రపంచవ్యాప్తంగా వ్యాపార వ్యవస్థలను మార్చుతున్న తరుణంలో, AIకి అవసరమైన విశ్వసనీయమైన డేటా వ్యవస్థలను నిర్మించడం అత్యంత కీలకంగా మారింది. ఈ విభాగంలో తనదైన సాంకేతిక నైపుణ్యాన్ని చాటుకుంటూ ముందుకు సాగుతున్నారు AI Data Engineer రోహిత్ మాంచి. Data Engineering, Artificial Intelligence, Enterprise Analytics, Cloud Technologies రంగాల్లో ఐదేళ్లకు పైగా అనుభవం కలిగిన ఆయన ప్రస్తుతం అమెరికాలో enterprise AI systemsకు అవసరమైన next-generation data infrastructureపై పనిచేస్తున్నారు.ప్రస్తుతం Paycom Payroll LLCలో AI Data Solutions Engineerగా పనిచేస్తున్న రోహిత్, Large Language Modelsకు సంస్థలోని knowledge, business dataను విశ్వసనీయంగా అందించే Retrieval-Augmented Generation (RAG) pipelines, AI agents ఉపయోగించగల datasets, Model Context Protocol (MCP) integrations వంటి ఆధునిక AI infrastructure solutions అభివృద్ధిలో భాగస్వామిగా ఉన్నారు. ఆయన రూపొందిస్తున్న RAG systems sales, support, operations విభాగాల్లోని 500 మందికి పైగా internal usersకు ఉపయోగపడుతున్నాయిరోజుకు 10 వేలకుపైగా AI QueriesAI applications కేవలం సమాధానాలు ఇవ్వడం కాకుండా, సరైన enterprise information ఆధారంగా ఖచ్చితమైన responses ఇవ్వడం ఇప్పుడు పెద్ద సవాలుగా మారింది. ఈ సమస్య పరిష్కారంలో రోహిత్ చేస్తున్న పని ప్రత్యేక ప్రాధాన్యతను సంతరించుకుంది.ClickHouse ఆధారిత reusable datasets, MCP integrations ద్వారా AI agentsకు enterprise informationను అందించే infrastructureను అభివృద్ధి చేసిన ఆయన systems ప్రస్తుతం రోజుకు 10,000కు పైగా queriesను handle చేస్తున్నాయి. AI systemsలో మరో కీలక సమస్య ‘hallucination’ లేదా సరైన ఆధారాలు లేకుండా తప్పు సమాచారం రావడం. దీనిని తగ్గించడానికి chunking, embeddings, retrieval evaluation strategiesపై పనిచేసిన రోహిత్, RAGAS evaluation framework ద్వారా grounded-answer qualityను కొలిచే విధానాన్ని అమలు చేశారు. ఈ ప్రయత్నాలతో offline evaluationsలో grounded-answer rateను 72 శాతం నుంచి 91 శాతానికి పెంచగలిగారురోజుకు 800 GBకు పైగా డేటా ప్రాసెసింగ్AI రంగంలోకి అడుగుపెట్టకముందే enterprise-scale Data Engineeringలో రోహిత్ గణనీయమైన అనుభవాన్ని సంపాదించారు. Paycomలో BI & Data Engineerగా పనిచేసిన సమయంలో Python, SQL, Airflow ఆధారంగా ingestion, transformation pipelinesను అభివృద్ధి చేసి 60కి పైగా enterprise clients కోసం రోజుకు 800 GBకు పైగా data processing జరిగే వ్యవస్థలపై పనిచేశారుGreenplum నుంచి ClickHouseకు data infrastructure modernizationలోనూ కీలకంగా పనిచేశారు. Client-specific schemas, composite ordering keys, parallel data loads వంటి సాంకేతిక విధానాలను ఉపయోగించడం ద్వారా nightly data load timeను 55 శాతం తగ్గించినట్లు ఆయన ప్రొఫైల్ వెల్లడిస్తోంది.Data Engineering అంటే కేవలం భారీ మొత్తంలో సమాచారాన్ని process చేయడం మాత్రమే కాదు; ఆ dataలో పొరపాట్లు వ్యాపార నిర్ణయాలపై చూపే ప్రభావాన్ని ముందుగానే గుర్తించడం కూడా అత్యంత కీలకం. రోహిత్ రూపొందించిన Booked Sales ingestion workflowsలో validation mechanisms, Splunk alerts అమలు చేయడం ద్వారా quarterly close cyclesలో 2 లక్షల అమెరికన్ డాలర్లకు పైగా reporting discrepanciesను గుర్తించినట్లు ఆయన professional record పేర్కొంటోందిఅదేవిధంగా Jira API ఆధారిత operational automation ద్వారా service-desk assignment, SLA recalculation వంటి processesను automate చేసి సుమారు వారానికి ఎనిమిది గంటల manual coordinationను తగ్గించారు.Amazonలో Software Engineering అనుభవంరోహిత్ కెరీర్‌లో Amazon అనుభవం మరో ముఖ్యమైన మైలురాయి. Software Development Engineerగా పనిచేసిన సమయంలో internal finance applications కోసం Java backend APIs, AWS integrationsను అభివృద్ధి చేశారు. ఆయన పనిచేసిన applicationsను 2,000 మందికి పైగా staff ఉపయోగించగా, Lambda, API Gateway, S3, DynamoDB ఆధారిత systems ద్వారా నెలకు లక్షకు పైగా transactionsను process చేసే infrastructureపై పనిచేశారు.Secure file-processing workflowsలో భాగంగా S3 presigned URLsను ఉపయోగించి నెలకు 10,000కు పైగా secure uploads నిర్వహించే వ్యవస్థలను రూపొందించడంలో భాగమయ్యారు. DynamoDB Streams, Lambda, SNS ఆధారిత event-driven architecture ద్వారా రోజుకు వేల సంఖ్యలో system eventsను process చేసే integrationsపైనా పనిచేశారు.Software reliabilityకు ప్రాధాన్యతనిస్తూ 150కి పైగా unit, integration tests రాసి 85 శాతానికి పైగా code coverage నిర్వహించినట్లు ఆయన ప్రొఫైల్ పేర్కొంటోంది. Amazonలో మూడు engineering teamsతో కలిసి requirements, implementation, debugging, documentation ప్రక్రియల్లో పనిచేశారు.Accenture నుంచి Enterprise AI వరకురోహిత్ టెక్నాలజీ ప్రయాణం ఒక్కరోజులో ఏర్పడింది కాదు. Accentureలో Associate Software Developerగా ఉన్న సమయంలో enterprise Tableau infrastructureను support చేశారు. ఆ infrastructureను 400 మందికి పైగా business users ఉపయోగించగా, reporting availabilityను 99 శాతానికి పైగా కొనసాగించడంలో ఆయన భాగస్వామిగా ఉన్నారు. Tableau server migration సమయంలో 200కి పైగా workbooksను validate చేసి reporting downtime లేకుండా cutover పూర్తి చేయడంలోనూ పనిచేశారుఅంతకుముందు Tata Institute of Fundamental Research (TIFR) లో Web Developer Internగా JavaScript, HTML, CSS, Java, MySQL technologiesపై పనిచేయడం ద్వారా తన software careerకు పునాది వేసుకున్నారు.AI ఏజెంట్ల కోసం స్వతంత్ర ప్రాజెక్టులుఉద్యోగ బాధ్యతలకే పరిమితం కాకుండా, AI Data Engineeringపై స్వతంత్రంగా కూడా రోహిత్ ప్రయోగాలు చేస్తున్నారు.తాను రూపొందించిన Enterprise Support Q&A Agentలో 12,000కు పైగా technical support articlesను ఉపయోగించి end-to-end RAG pipelineను నిర్మించారు. LangGraph, pgvector, OpenAI embeddings, RAGAS evaluation ఉపయోగించిన ఈ prototypeలో 89 శాతం grounded-answer rate సాధించినట్లు ఆయన పేర్కొన్నారు.మరో MCP Data Explorer ప్రాజెక్టులో Python ఆధారంగా MCP serverను నిర్మించి PostgreSQL analytics warehouseను AI agents ఉపయోగించగల toolsగా మార్చారు. Connection pooling, query guardrails, caching వంటి mechanismsను ఉపయోగిస్తూ 40కి పైగా database tablesపై natural-language-to-SQL functionalityను ప్రదర్శించారు.హైదరాబాద్ విద్యార్థి నుంచి అమెరికాలో AI Data Engineer వరకురోహిత్ Osmania University నుంచి Information Technologyలో Bachelor of Engineering పూర్తి చేసి, అనంతరం అమెరికాలోని University of North Texas నుంచి Business Analyticsలో Master of Science పూర్తి చేశారు. Software development నుంచి analytics, enterprise data engineering, అక్కడి నుంచి AI-ready infrastructure వరకు తన careerను దశలవారీగా అభివృద్ధి చేసుకున్నారుఇప్పుడు ప్రపంచవ్యాప్తంగా Generative AI విస్తరిస్తున్న నేపథ్యంలో, పెద్ద సంస్థలకు సవాలు AI modelను ఉపయోగించడం మాత్రమే కాదు; ఆ modelకు సరైన data, trusted knowledge, security, retrieval architecture, real-time enterprise access అందించడం. ఈ సమస్యల మధ్యలోనే Rohit Manchi వంటి AI Data Engineers పాత్ర మరింత కీలకంగా మారుతోంది.Software Development నుంచి Data Engineeringకు, అక్కడి నుంచి RAG, AI Agents, MCP, Enterprise LLM Infrastructure వరకు తన expertiseను విస్తరించుకుంటూ సాగుతున్న రోహిత్ ప్రయాణం, కొత్త తరానికి చెందిన భారతీయ technology professionals ప్రపంచస్థాయి AI transformationలో ఎలాంటి పాత్ర పోషించగలరో చూపిస్తోంది.

మంచి లగ్జరీయస్‌ ఉద్యోగంలో స్థిరపడి బిందాస్‌గా లైప్‌ని లీడ్‌ చేస్తున్నాడు. అయినా ఎందుకో ఒకరికింద పనిచేయడం రుచించలేదు. తనే వ్యవస్థాపకుడిగా ఎందుకు మారకూడదనుకున్నాడు. అలా అని అనాలోచితంగా నిర్ణయం తీసుకోవాలని కూడా అనుకోలేదు. ఏం వ్యాపారం బెటర్‌, దానికి మార్కెట్‌ ఉంటుందా..తదితరాలన్ని బేరీజు వేసుకుని..రాజీపడకుండా పెట్టబడులు పెట్టి.. కోట్లు గడించే రేంజ్‌కు చేరుకున్నాడు. ఆ క్రమంలో ఎన్నో కష్టాలు, ఎదురుదెబ్బలు ఎదుర్కొన్నాక గానీ కోట్లు కొలగొట్టే స్థాయికి చేరుకోలేదు. మరి అతడి ప్రస్థానం ఎలా మొదలైందో సవివరంగా తెలుసుకుందామా..!.అతడే ముంబైకి చెందిన యశ్వంత్‌ నాగ్‌ మోచర్ల. అతడు 2012లో భువనేశ్వర్‌లో జేవియర్‌ ఇన్‌స్టిట్యూట్‌ ఆఫ్‌ మేనేజ్‌మెంట్‌ నుంచి ఎంబీఏ పూర్తి చేసి, టీసీఎస్‌లో బిజినెస్‌ అనలిస్ట్‌గా పనిచేస్తున్నాడు. ఆసమయంలోనే ఆహారానికి సంబంధించిన రిటైల్‌ వ్యాపారాల గురించి తెలుసుకుంటుండేవాడు. అయితే నాగ్‌ 2011లో యూరప్‌కి చేసిన బ్యాక్‌ప్యాకింగ్‌ యాత్రలో మిల్క్‌షేక్‌ వ్యాపార ఆలోచన వచ్చింది. అయితే కార్యరూపం దాల్చడానికి చాలా సమయం తీసుకున్నాడు. బెల్జియం ఉష్ణోగ్రతలు గడ్డకట్టే స్థాయికి దగ్గరగా ఉన్నప్పుడూ అందరూ ఇష్టంగా ఆస్వాదించే మిల్క్‌ షేక్‌లు భారత్‌లో కూడా ప్రజలు ఇష్టపడతారా అన్న ఆలోచన తళుక్కుమంది యశ్వంత్‌ మనసులో. అయితే అది వెంటనే వ్యాపారంగా కార్యరూపంలోకి రాలేదు. తొలుత తన కార్పొరేట్‌ ఉద్యోగాన్ని కొనసాగిస్తూ..తన చుట్టూ ఉన్న వినియోగదారుల వ్యాపారాలను అధ్యయనం చేయడం ప్రారంభించారు. ముంబైలో పనిచేస్తున్నప్పుడే ఆహార, రిటైల్‌ వ్యాపారాలు ఎలా నిర్మించబడ్డాయో గమనించి భారతదేశ వ్యవస్థీకృత పానీయాల మార్కెట్‌లో ఉన్న లోటు పాటుల గురించి క్షణ్ణంగా తెలుసుకున్నారు. మిల్క్‌షేక్‌లు ప్రతిచోటా అందుబాటులో ఉండేవి, కానీ వాటిపై ప్రత్యేకంగా దృష్టి సారించే బ్రాండ్ ఏదీ లేదు అని గుర్తించి దాన్నే స్పెషల్‌గా అందురు మెచ్చే ఒక బ్రాండెడ్‌ మిల్క్‌షేక్‌ తీసుకురావాలని నిర్ణయించుకున్నాడు. మెక్‌డొనాల్డ్‌, డొమినెస్‌ వంటి పెద్ద ఫుడ్‌ చైన్‌ల మంచి గుర్తింపు రావాలని భావించాడు. ఆ నేపథ్యంలోనే 2013లో తన ఉద్యోగానికి రిజైన్‌ చేసి తన సోదరుడు అశ్విన్‌ మోచర్లతో కలిసి హైదరాబాద్‌లో 'ది థిక్‌షేక్ ఫ్యాక్టరీ'ని ప్రారంభించారు. అశ్విన్‌ జేఎన్‌టీయూ హైదరాబాద్‌ నుంచి బీటెక్‌, గోవా ఇన్‌స్టిట్యూట్‌ ఆఫ్‌ మేనేజ్‌మెంట్‌ ఎంబీఏ గ్రాడ్యుయేషన్‌ చేసిన వ్యక్తి. తన ఇంజనీరింగ్‌ అండ్‌ మేనేమెంట్‌ నేపథ్యాన్ని ఈ సంస్థ అందించారు. అంతేగాదు సంస్థాగత ఈక్విటీ నిధులపై ఆధారపడకుండా తమ సొంత నిధులతోనే వ్యాపారాన్ని ప్రారంభించారు. తమ సొంత ఐస్‌క్రీమ్‌ బేస్‌ని అభివృద్ధి చేసి, దానని ఒక బ్రాండ్‌గా తీసుకురావాలనుకున్నారు. అంటే తమ బ్రాండ్‌ అని అనిపించేలా సరికొత్త ఐస్‌క్రీం రెసిపీని సృష్టించుకున్నారు. అలా అక్టోబర్‌ 2016లో పబ్లిక్‌ లిమిటెడ్‌ కంపెనీగా ప్రారంభించారు. ఆ తర్వాత ఈ కంపెనీ హైదరాబాద్‌ దాటి బెంగళూరు, ముంబై వంటి మార్కెట్లకు విస్తరించింది. ఆ తర్వాత 2018 నాటికి దేశవ్యాప్తంగా విస్తరించే యోచనకు సిద్ధమవుతుండగా కరోనా మహమ్మారి దెబ్బకొట్టింది. ఒక్కసారిగా నష్టాలు చుట్టుముట్టడం మొదలయ్యాయి. దాంతో ఆహర్నిశలు శ్రమించి మళ్లీ ఇదివరకిటిలా ఊపందుకునేలా కృషి చేశారు.అలా 2022లో రూ. 12 కోట్లు నికర లాభం అందుకుంది. అలా లాభాలబాట పట్టడం మొదలై..2024 కల్లా ఈ కంపెనీ ఆధాయం రూ. 21.18 కోట్లు టర్నోవర్‌ అందుకుంది. గతేడాదితో పోలిస్తే రూ. 3 కోట్లు అదనం. అలా వ్యాపారం మంచి ఊపందుకోవడమే గాక తమ బిజినెస్‌ విస్తరించే పనిలో కూడా నిమగ్నమయ్యారు. ప్రస్తుతం థిక్‌షేక్ ఫ్యాక్టరీ వ్యాపారం 15 నగరాలకు విస్తరించడమే కాకుండా రెండు దేశాలలో సుమారు 85కి పైగా అవుట్‌లెట్‌లకు విస్తరించి..20 కోట్లు టర్నోవర్‌ చేసే లభదాయక వ్యాపారంగా మారింది. ఇదీ చదవండి: ఆ తల్లి.. రియల్‌ వారియర్‌! కంటతడి పెట్టించే దృశ్యం..)

ఎలాగైనా ప్రభుత్వ ఉద్యోగం సంపాదించాలి.. జీవితంలోసెటిల్‌ అవ్వాలనేది సగటు భారతీయ యువకుడి కల. కానీ ముంబైకి చెందిన ఒక వృత్తి కార్మికుడు (బార్బర్‌) ఆలోచన మాత్రం మరోలా ఉంది. ఒక ఎంట్రీ-లెవల్ ప్రభుత్వ ఉద్యోగం వచ్చినా కూడా, తన వృత్తిని కొనసాగించ డానికే ఇష్టపడతానని చెబుతున్న వైనం ఆసక్తికరంగా మారింది. ముంబైకి చెందిన ఒక సెలూన్ బార్బర్ గురించి, ఫండ్ మేనేజర్ హర్ష్ గుప్తా మధుసూదన్ ఎక్స్‌ వేదికగా పంచుకున్న ఆసక్తికరమైన కథనం నెట్టింట ఆసక్తికరంగా మారింది.ఉత్తరప్రదేశ్‌లోని ఆజమ్‌గఢ్‌కు చెందిన ఈ బార్బర్ ముంబైలో 'అర్బన్' (Urban) సంస్థ ద్వారా డోర్‌స్టెప్ సేవలు అందిస్తూ, ప్రయాణ ఖర్చులు పోను నెలకు దాదాపు రూ. 1 లక్ష వరకు ఆర్జిస్తున్నారు. వారానికి ఆరు రోజులు, ఉదయం నుండి రాత్రి వరకు కష్టపడి పని చేస్తారాయన.ప్రభుత్వ ఉద్యోగం వద్దుప్రభుత్వ ఉద్యోగం కన్నా తన వృత్తిలో ఉండే స్వాతంత్ర్యాన్నే ఎక్కువ ఇష్టపడతానని చెప్పారు. ఒక వేళ ఎంట్రీ లెవల్‌ ప్రభుత్వ ఉద్యోగం ఇచ్చినా తాను తీసుకోనని స్పష్టం చేశారు. కష్టపడి పనిచేసే వారికి దేశంలో తగినన్ని అవకాశాలున్నాయనే విశ్వాసాన్ని వ్యక్తం చేయడం విశేషం. యూపీలోని తన స్వగ్రామం గురించి మాట్లాడుతూ, గతంలో లక్నో వెళ్లడానికి 7-8 గంటలు పట్టేదని, కానీ ఇప్పుడు అభివృద్ది చెందిన హైవేల కారణంగా లంచ్‌, టీ తాగుతూ ప్రయాణించినా అదే సమయంలో రాకపోకలు (రౌండ్ ట్రిప్) సాధ్యమవుతున్నాయని సంతోషం వ్యక్తం చేశారు.ఇదీ చదవండి: 5 కాసుల గోల్డ్‌ చైన్‌ కొట్టేసింది : యూట్యూబర్‌ మధుమితపై కేసు Got a hair cut via Urban today morning. The barber has been in Mumbai for sometime but is from Azamgarh. Works six days a week, morning to night and earns around a lakh rupees per month after his basic travel expenses. Said there is no dearth of opportunity or jobs, just need to work hard. Said wouldn’t take an entry level government job even if offered as he likes his work and autonomy. I asked him about UP. He said earlier it took 7-8 hours to go from his village to Lucknow. Now you can do a round trip in that time while stopping for lunch and tea. Added that your glass of tea is unlikely to spill on the highways - they are so good. Was very happy with the development work in the country. Said in the village his family got some scheme benefits but not in the city. Told me TDS is deducted so he proudly files his returns and often gets refunds. Has one son who he sends to a private pre-school and wife earned extra but is currently on break given the kid is small. I felt like telling him that he must let go of this toxic positivity about India and his life, and he must pronto create an account on X and Instagram to receive the “correct” opinions about our ostensibly ‘failed’ nation - but I didn’t have the heart to say that to him! ;)— Harsh Gupta Madhusudan (@harshmadhusudan) October 7, 2026ఇదీ చదవండి: నానా పటేకర్‌ లాస్ట్‌ మెసేజ్‌, చివరి ప్రసంగం: కన్నీళ్లు రాక మానవు!అంతేకాదు ఆయన క్రమం తప్పకుండా ఆదాయపన్ను రిటర్న్స్‌ దాఖలు చేస్తారు. ఇది తనకు చాలా గర్వకారణమని కూడా చెప్తారు. ఆయనకు ఒక చిన్న కుమారుడు ఉన్నాడు. అతన్ని ఒక ప్రైవేట్ ప్రీ-స్కూల్‌లో చదివిస్తున్నారు. ఆయన భార్య కూడా గతంలో సంపాదించేవారట, ప్రస్తుతం పాపాయిని చూసుకోవడానికి ఆమె ఉద్యోగానికి కొంత విరామం ఇచ్చారు.సోషల్ మీడియాలో స్పందనఈ పోస్ట్ నెటిజన్ల మధ్య పెద్ద చర్చకే దారితీసింది: కొందరు ఈ బార్బర్ కష్టాన్ని, గిగ్ వర్క్ (Gig work) ద్వారా ఆయన సాధించిన విజయాన్ని ప్రశంసించారు. మరికొందరు మాత్రం నెలకు రూ. 1 లక్ష సంపాదించడం చాలా అరుదైన విషయమని అందరికీ ఇది సాధ్యం కాకపోవచ్చని అభిప్రాయపడ్డారు. దేశంలో STEM (సైన్స్, టెక్నాలజీ, ఇంజనీరింగ్, మ్యాథ్స్) రంగ చదువులు పూర్తి చేసిన ఎంతో మందికి సరైన ఉద్యోగాలు లేవని, ఈ ఒక్క ఉదాహరణతో దేశంలోని మొత్తం ఉపాధి పరిస్థితిని అంచనా వేయలేమని కొంతమంది వాదించారు.ఇదీ చదవండి: పాములు పట్టేవాడు.. పాముకాటుకు బలైపోయాడు!

కాలేజ్‌ రోజుల్లో సరదాగా చేసిన వ్యాపారమే తనకు జీవనోపాధిగా మారుతుందని అస్సలు ఊహించలేదామె. ఓ హాబీలా చేసిందే..వ్యాపారంగా మారి కోట్లు కొల్లగొట్టే రేంజ్‌కి తీసుకువెళ్లింది. ఇదంతా రాత్రికి రాత్రికి సాధించిన విజయం కాదు. వ్యాపారం మొదలు పెట్టగానే ఆమెకు వచ్చిన అవరోధాలు అన్నీ ఇన్నీ కావు. నిలదొక్కుకుంది అనేలోపు ఏదో ఒక దెబ్బ తగులుతూనే ఉండేది. ఎంతలా అంటే వద్దురా వ్యాపారం అని దుకాణం సర్దుసుకుని పోదాం అనేలా వచ్చిపడ్డాయి. అయినాసరే ఉక్కుసంకల్పంతో ముందుకు సాగి విజయం సాధించింది ఈ వనిత. ఆ అమ్మాయే బెంగళూరుకి చెందిన మేఘనా జైన్‌. ఆమెకు బేకింగ్‌కి సంబంధించిన వంటకాలు చేయడం ఓ హాబీ. ఆమె ఒకప్పుడు యూనివర్సిటీలో సరదాగా కప్‌కేక్‌లు, ఇతర వస్తువులు తయారు చేసి అమ్ముతుండేది. అప్పుడామెకు 18 ఏళ్లు. తన విరామ సమయాల్లో ఇలా డెజర్ట్‌లను కాలేజ్‌కి తీసుకువచ్చి అమ్ముతుండేది. వాటిని ఫ్రాస్టింగ్‌తో అలంకరించి తినాలనిపించేలా అందంగా సర్వ్‌ చేసేది. ఇలా కప్‌కేక్‌లు కాలేజ్‌కి తీసుకువచ్చి అమ్మడాన్ని ఒక ప్రొఫెసర్‌ వ్యతిరేకించినప్పటికీ..తన క్లాస్‌మేట్స్‌ వ్యాపారానికి ఎంతగానో మద్దతిచ్చినట్లు తెలిపింది. అయితే మేఘనాకి ఇతర ప్రొఫసర్‌లు దీన్నే సొంతం వ్యాపారంగా ప్రారంభించమని ప్రోత్సహించారు. దాంతో కాలేజ్‌ చదువు అనంతరం ఇన్నర్‌చెఫ్‌ కేక్‌వాలాలో పనిచేసి కొంత అనుభవం గడించింది. ఆ తర్వాత బేకింగ్‌పై ఉన్న అభిరుచితో 2018లో డ్రీమ్‌ ఎ డజన్‌ను ప్రారంభించాలని నిర్ణయించుకుంది. ఆదిలోనే చాలా అడ్డంకులు..మొదట వ్యాపారం పెడుతున్న బిల్డింగ్‌ యజమాని నానా ఇబ్బందులకు గురిచేశాడు. దాంతో తక్షణమే మరో ప్రదేశానికి మారింది. ఆ తర్వాతే మహమ్మారి వచ్చింది. దాంతో డ్రీమ్‌ ఎ డజన్‌ షాప్‌ని ఆరు వారాల పాటు మూసివేయక తప్పలేదు. ఆ తర్వాత ఆన్‌లైన్‌ విధానానికి మారింది. ఇక లాభం లేదనుకుని దీపావళికి ముందు భారతదేశం అంతటా తమ వినియోగదారులకు, సిబ్బందికి బహుమతిగా స్వీట్‌ బాక్స్‌లు పంపించే కార్పొరేట్‌లను సంప్రదించింది. అలా ప్యాకేజింగ్‌ డెలివరీ ప్రక్రియలను త్వరగా అర్థం చేసుకుని సుమారు 1500 గిఫ్ట్‌ బాక్సులను డెలివరీ చేసి నష్టాలను పూడ్చుకునే ప్రయత్నం చేసింది. గతంలో వచ్చిన నష్టాలకు రెట్టింపు లాభాలు వచ్చేలా తర్వాత ఏడాది ఎక్కువ అమ్మకాలు దక్కించుకుంది మేఘన. దాంతో మేఘన వెంచర్‌ త్వరలోనే యాహు! యాక్సెంచర్‌లను క్లయింట్లుగా చేర్చుకుంది. ఆ తర్వాత 20021లో మేఘన ఐఐఎం బెంగళూరులో గోల్డ్‌మన్ సాక్స్ స్పాన్సర్ చేసిన 'పదివేల ఉమెన్ ఎంటర్‌ప్రెన్యూర్' ప్రోగ్రామ్‌ను పూర్తి చేసింది. అలా తన వెంచర్‌ని మంచి లాభాల బాట పట్టేలా అన్ని విధాలుగా కృషి చేసింది. దాంతో ఇవాళ అది ఏడాదికి రూ. 1.2 కోట్ల ఆదాయన్ని ఆర్జించే రేంజ్‌కి చేరుకుంది. జస్ట్‌ రూ. 5 వేలుతో మొదలు పెట్టి కోట్లు ఆదాయన్ని ఆర్జించే స్థాయికి చేరుకుంది మేఘన. అంతేగాదు ఆమె బ్రాండ్‌ కుకీలు, గౌర్మెట్‌ టీలు, క్రాకర్లు, వివిధ గిఫ్ట్‌ హ్యాంపర్లను విక్రయిస్తుంది. ఆమె కథ వ్యాపారం మొదలు పెట్టడమే కాదు..ఆర్డర్లు ఎలా సంపాదించుకుని బిజినెస్‌ని నిలుపుకోవాలో వివిరించే గొప్ప బిజినెస్‌ పాఠం కదూ..!.ఇదీ చదవండి: శాకాహరం అందించే కేఎఫ్‌సీ గురించి తెలుసా..!

ప్రపంచం వేగంగా డిజిటల్ వైపు అడుగులు వేస్తున్న ఈ కాలంలో ప్రతి సంస్థకు డేటా ఒక కీలక వనరుగా మారింది. అయితే డేటా ఉండటం ఒక్కటే సరిపోదు. లక్షలాది, కోట్లాది records‌ను సురక్షితంగా సేకరించడం, శుద్ధి చేయడం, సరైన వ్యవస్థల్లో నిల్వ చేయడం, వాటిని వేగంగా విశ్లేషణకు సిద్ధం చేయడం, అవసరమైన సమయంలో decision-makers‌కు ఉపయోగపడే insights‌గా మార్చడం—ఇవన్నీ ఆధునిక Data Engineering‌లో అత్యంత కీలకమైన అంశాలు. ఈ విభాగంలో తన సాంకేతిక నైపుణ్యం, measurable outcomes‌తో ప్రత్యేక గుర్తింపును ఏర్పరుచుకుంటున్న యువ నిపుణుల్లో Sai Charan Reddy Pati ఒకరు.Data Engineer‌గా మూడు సంవత్సరాలకు పైగా అనుభవం కలిగిన సాయి చరణ్, cloud infrastructure, data pipelines, enterprise data warehouses, real-time analytics, data quality, governance వంటి విభాగాల్లో పనిచేశారు. Python, SQL, AWS, Apache Spark, Hadoop, Kafka వంటి technologies‌పై ఆయనకు ప్రావీణ్యం ఉంది. వివిధ enterprise sources నుంచి data integration, ETL automation, storage optimization, real-time processing వంటి సంక్లిష్టమైన సమస్యలను పరిష్కరించే దిశగా ఆయన పనిచేశారు.ప్రస్తుతం అమెరికాలోని Abbott Laboratoriesలో Data Engineer‌గా పనిచేస్తున్న సాయి చరణ్, 20కిపైగా data sources‌ను Amazon Redshift‌తో integrate చేసి data accessibility, analysis speed‌ను 40 శాతం వరకు మెరుగుపరిచినట్లు ఆయన professional profile పేర్కొంటోంది. అదే విధంగా data-quality checks ద్వారా errors‌ను 25 శాతం వరకు తగ్గించడం, AWS S3లో partitioning మరియు lifecycle-management techniques ద్వారా storage costs‌ను 20 శాతం వరకు తగ్గించడం వంటి measurable improvements సాధించారు.ప్రత్యేకంగా large-scale data processing విషయంలో ఆయన చేసిన పని గమనించదగ్గది. Apache Spark, Hadoop ఉపయోగించి రోజుకు 5TBకు పైగా data processing చేయగల scalable pipelines‌ను రూపొందించడం, processing speeds‌ను సుమారు 30 శాతం మెరుగుపరచడం వంటి బాధ్యతలను నిర్వర్తించారు. Apache Airflow ద్వారా monitoring, alerting processes‌ను automate చేయడం ద్వారా downtime‌ను 50 శాతం వరకు తగ్గించినట్లు ఆయన experience వివరాలు సూచిస్తున్నాయి.ఆధునిక సంస్థల్లో data speed ఎంత ముఖ్యమో, data reliability కూడా అంతే కీలకం. ఈ రెండింటినీ సమన్వయం చేసే దిశగా Sai Charan real-time data-processing architectures‌పై కూడా పనిచేశారు. Apache Kafka మరియు AWS Lambda ఆధారంగా event-streaming architecture‌ను రూపొందించి, under-one-second latencyతో fraud-detection use cases‌ను support చేసినట్లు ఆయన professional record చెబుతోంది. అలాగే 15కిపైగా data-quality workflows‌ను Airflow, Python scripts‌తో automate చేసి manual intervention‌ను తగ్గించడంలో పాత్ర పోషించారు.Healthcare మరియు enterprise environments‌లో data security ఒక అత్యంత కీలక అంశం. AWS IAM, KMS encryption వంటి security controls‌ను implement చేసి compliance requirements‌కు అనుగుణంగా systems‌ను రూపొందించడంలో ఆయన పనిచేశారు. HIPAA-related data environments‌లో dbt testing frameworks, access-control mechanisms, automated validation processes‌ను ఉపయోగించడం ద్వారా secure మరియు reliable analytics infrastructure‌ను నిర్మించడంలో భాగస్వామ్యమయ్యారు.Sai Charan కెరీర్‌లో మరో ముఖ్యమైన దశ HCL Technologiesలో Data Engineer‌గా చేసిన పని. అక్కడ AWS Redshift ఆధారంగా retail analytics warehouse‌ను నిర్మించి ఒక మిలియన్‌కు పైగా transactions‌ను process చేయగల architecture‌ను రూపొందించారు. Query performance‌ను 40 శాతం వరకు మెరుగుపరచడంతో పాటు Kafka, Apache Flink ఆధారంగా real-time processing system‌ను అభివృద్ధి చేసి 500,000కిపైగా events per second throughput‌ను sub-second latencyతో నిర్వహించినట్లు ఆయన profile పేర్కొంటోంది.Big-data analytics విషయంలో కూడా ఆయనకు విస్తృత అనుభవం ఉంది. Hadoop, Spark ఆధారంగా 10 millionకు పైగా social-media records‌పై analytics, sentiment-analysis workflows‌ను రూపొందించడం, Python మరియు Spark pipelines ద్వారా processing time‌ను 50 శాతం వరకు తగ్గించడం వంటి projects‌పై పనిచేశారు. Business stakeholders కోసం Tableau dashboards, sales analytics, customer-segmentation visualizations‌ను రూపొందించడం ద్వారా raw dataను actionable business intelligence‌గా మార్చే ప్రక్రియలోనూ ఆయన పాత్ర ఉంది.ఇప్పటి AI యుగంలో Data Engineering ప్రాధాన్యం మరింత పెరుగుతోంది. Generative AI, predictive analytics, automation, machine learning వంటి technologies ఎంత advanced అయినా, వాటి వెనుక reliable, clean, governed, scalable data infrastructure ఉండాల్సిందే. అందుకే data engineers కేవలం backend systems‌ను నిర్వహించే professionals‌గా కాకుండా, సంస్థల AI మరియు digital-transformation strategies‌కు foundational contributors‌గా మారుతున్నారు.Sai Charan ప్రయాణం కూడా ఇదే మార్పును ప్రతిబింబిస్తోంది. Traditional ETL systems నుంచి cloud-native data platforms వరకు, batch processing నుంచి real-time streaming వరకు, dashboards నుంచి enterprise governance వరకు విస్తరించిన ఆయన skill set, modern data ecosystem‌లో ఒక multidisciplinary approach‌ను చూపిస్తుంది.సాంకేతిక నైపుణ్యంతో పాటు విద్యాపరమైన పునాది కూడా ఆయన కెరీర్‌కు బలాన్నిస్తోంది. University of Arkansas at Little Rock నుంచి Information Qualityలో Master of Science పూర్తి చేసిన ఆయన, Jawaharlal Nehru Technological University backgroundతో technology రంగంలో ముందుకు సాగారు. Microsoft Azure, Google Data Analytics certifications కూడా ఆయన professional development‌లో భాగంగా ఉన్నాయి.అదేవిధంగా University of Arkansas at Little Rockలో Graduate Student Assemblyతో Student Mentor, Volunteer‌గా పనిచేయడం ద్వారా academic community engagementలోనూ భాగస్వామ్యమయ్యారు.Sai Charan కెరీర్‌లో ప్రత్యేకంగా కనిపించే అంశం technologyను కేవలం implementation స్థాయిలో కాకుండా, measurable business impact దిశగా ఉపయోగించడం. Data processing వేగాన్ని పెంచడం, system downtimeను తగ్గించడం, data errors‌ను తగ్గించడం, storage costsను optimize చేయడం, real-time decision-makingకు infrastructure సిద్ధం చేయడం వంటి outcomes ఆయన పనిని సంఖ్యల్లో చూపిస్తున్నాయి.ప్రపంచవ్యాప్తంగా organizations AI-first, cloud-first models వైపు మారుతున్న సమయంలో scalable data infrastructureను నిర్మించగల engineers‌కు డిమాండ్ మరింత పెరుగుతోంది. ఈ నేపథ్యంలో Sai Charan Reddy Pati వంటి professionals, data engineeringను ఒక support function నుంచి strategic business capabilityగా మార్చుతున్న కొత్త తరాన్ని ప్రతినిధ్యం వహిస్తున్నారు.ప్రత్యేకంగా healthcare, retail, enterprise analytics వంటి data-intensive sectors‌లో high-volume, high-speed, secure data systems‌ను నిర్మించే అనుభవం ఆయనకు భవిష్యత్తులో మరింత advanced data architecture, AI infrastructure, governance leadership వంటి రంగాల్లో అవకాశాలను విస్తరించే సామర్థ్యాన్ని ఇస్తోంది.Dataను కేవలం నిల్వ చేసే resource‌గా కాకుండా, వేగవంతమైన నిర్ణయాలు, automation, innovationకు ఉపయోగపడే strategic asset‌గా మార్చడమే modern Data Engineering యొక్క అసలు విలువ. Sai Charan Reddy Pati కెరీర్ ప్రయాణం ఆ మార్పుకు ఒక ప్రాయోగిక ఉదాహరణగా నిలుస్తోంది.

వ్యవస్థాపకులుగా మారడం అంటే..మాములు ఒత్తిడిని ఉండదు. పారిశ్రామికవేత్తలుగా మారాలని కలలు కనే యువత అంతా ఈ భయానక ఒత్తిడి, టెన్షన్లను ఎదుర్కొంటుంటారు. ఆ క్రమంలో కొందరు ఆరోగ్యాన్ని మొత్తం నాశనం చేసుకుంటుంటే..ఒక్కరే ఇద్దరే ముందుగా మేల్కోని ఆరోగ్యవంతంగా వ్యాపార సామ్రాజ్యాన్ని నిర్మించుకునే ప్రయత్నం చేస్తున్నారు. కెరీర్‌లో ఎదుగుదల మాత్రమే కాదు ఆరోగ్యం కూడా ప్రధానమే అంటూ ఈ పారిశ్రామికవేత్త తన అనుభవాన్ని పంచుకున్నారు ఇలా. ఆయనే భారత సంతతికి చెందిన పారిశ్రామికవేత్త రాహుల్‌ వోహ్రా. ఇంగ్లాండ్‌లో బర్మింగ్‌హామ్‌లో పెరిగిన వోహ్రా 2009లో రాపోర్టివ్‌ సహ స్థాపించారు. ఈ కంపెనీ ఈమెయిల్‌ కాంటాక్ట్‌ల గురించి సమాచారాన్ని జోడించి బ్రౌజర్‌ ప్లగ్‌ ఇన్‌ను అభివృద్ది చేసింది. దీన్ని ఫిబ్రవరి 2012లో లింక్డ్‌ఇన్‌ కొనుగోలు చేసింది. ఈ కొనుగోలు నిజంగా అతడి కెరీర్‌కి పెద్ద విజయమే. ఎందుకంటే తీంతో అతడు 27 ఏళ్లకే కోటీశ్వరుడయ్యాడు. కానీ ఆ కొనుగోలు అతడి ఆరోగ్యంపై తీవ్ర ప్రభావాన్ని చూపింది. అనారోగ్యకరమైన ఆహారం తీసుకుంటూ దాదాపు వ్యాయామం చేయకుండా ఒక స్టార్టప్‌ను నడపడంలో మునిగిపోయి..తీవ్రమైన ఒత్తిడిని ఏళ్ల తరబడి ఎదుర్కొన్నారు. అయితే తాను ఒత్తిడికి గురవ్వుతున్నాననే విషయాన్ని గమనించకుండా అలానే వర్క్‌ చేసుకుంటూ పోవడంతో ఉన్నట్టుండి వికారం, అసౌకర్యానికి గురయ్యాడు. అలా మధ్యాహ్న భోజన సమయానికి ఈ వికారం, అసౌకర్యం మరింత తీవ్రతరం దాల్చి..ఒక్కసారిగా కుప్పకూలిపోయాడు. ఒక సహ వ్యవస్థాపకుడు సకాలంలో అసౌకర్యాన్ని తగ్గించే మందులు ఇచ్చి సహాయం చేశారు. ఆ తర్వాత అతను యథవిధిగా పనిని కొనసాగించాడు. అయితే ఆ మరుసటి రోజుకి వోహ్రా ఆస్పత్రికి వెళ్లి పరీక్షలు చేయించుకుంటే..దీర్ఘకాలిక ఒత్తిడి బారినపడ్డట్లు నిర్థారించారు. అందుకు తన అస్తవ్యస్థమైన జీవనశైలి అలవాట్లే కారణమని వైద్యులు చెప్పడంతోనే తనకు కనువిప్పు కలిగిందన్నారు. తనలా 20 ఏళ్ల వయసులో ఉన్న వ్యవస్థాపకులంతా ఎక్కువ పనిగంటలతో ఆరోగ్యం పాడు చేసుకుంటున్నారంటూ ఆవేదన వ్యక్తం చేశారు. పైగా దాన్ని గౌరవ చిహ్నంగా చూస్తున్నారని అన్నారు. వోహ్రా సుమారు వారం రోజులు ఆస్పత్రిలో చికిత్స తీసుకుని, ఆ తర్వాత పూర్తిగా కోలుకునేలా కుటుంబంతోనే గడిపారు. ఆ సమయంలోనే ఆరోగ్యాన్ని పణంగా పెట్టకుండా కంపెనీలను ఎలా నిర్మించాలనే దానిపై ఆలోచంచడం ప్రారంభించారు. ఆ క్రమంలో వచ్చిన ప్రధాన మార్పు ధ్యానం. ఆయన రాజ్‌ సంప్రదాయం ద్వారా ధ్యానాన్ని అభ్యసించడం ప్రారంభించి, దాన్ని తన దినచర్యలో ఒక భాగం చేసుకున్నారు. ఆయన ఇప్పుడు తన ఉదయాన్ని 30 నిమిషాల ధ్యానంతో ప్రారంభిస్తారు. అలాగే పని సమయంలో విరామం తీసుకుంటుంటారు. అలా చివరకు తన పనిలోకి తిరిగి వచ్చి..తనను ఎంతగానో ఇబ్బందిపెట్టే వెంచర్‌ క్యాపిటలిస్టుల(వీసీలు)తో చర్చించడం మానుకుని..కొత్తశక్తితో ముందుకు వచ్చినందుకు కృతజ్ఞతగా ఉండటం ప్రారంభించారు. అయితే తనను మళ్లీ వ్యవస్థాపకుడిగా మారకుండా మాత్రం ఈ అనారోగ్య భయం ఆపలేకపోయిందన్నారు. అలా 2014లో కాన్రాడ్ ఇర్విన్, వివేక్‌ సోడెరాలతో కలిసి 'సూపర్‌హ్యూమన్'ను సహ-స్థాపించి, ఈమెయిల్ సాఫ్ట్‌వేర్ రంగంలోకి తిరిగి వచ్చారు. సూపర్‌హ్యూమన్ భారీ విజయాన్ని సాధించి, 2021లో ఏకంగా రూ. 8 వేల కోట్లకు అమ్ముడుపోయింది. దీన్ని గ్రామర్లీ ఈ కంపెనీ కొనుగోలు చేసింది. కానీ ఈసారి మాత్రం ఈ కంపెనీ కొనుగోలులో ఒత్తిడి ఎదుర్కొనలేదు, అనారోగ్యం బారినపడలేదు. ఎందుకంటే తన ఆహారపు అలవాట్లను మార్చుకోవడమే కాదు క్రమం తప్పకుండా వ్యాయామం చేశారు. ధ్యానం కోసం సమయం కేటాయించారు. అలాగే పోషకాహార నిపుణులు, కోచ్‌లు ఇతర నిపుణుల నుంచి సలహాలు, సూచనలు తీసుకున్నారు. ఇక ఆయన స్థాపించి తొలి స్టార్టప్‌ రాపోర్టివ్‌తో పోలిస్తే..సూపర్‌హ్యుమన్‌కు గణనీయంగా ఎక్కువ ఆర్థిక స్థిరత్వం ఉంది. ఈ కంపెని పెట్టుబడిదారుల నుంచి దాదాపు రూ. 900 కోట్లకు పైగా నిధులను సమీకరించింది. తొలి విజయంలో ఆరోగ్యాన్ని పాడుచేసుకోవడం అనే మూల్యం చెల్లిస్తే..ఆ తర్వాత అంతే శక్తిమంతంగా తిరిగొచ్చి ఫిట్‌గా ఉంటూనే వ్యవస్థాపకుడి ఎలా పనిచేయొచ్చే చూపించి స్ఫూర్తిగా నిలిచారు పారిశ్రామికవేత్త వోహ్రా.ఇదీ చదవండి: చాయ్‌ వ్యాపారంతో అన్ని కోట్లా..!ఆ ముగ్గురు కుర్రాళ్ల ఐడియా..)

ముగ్గురు స్నేహితులు సివిల్స్‌కి సన్నద్ధమవ్వడమో, ప్రైవేట్‌ ఉద్యోగం చేయడమో ఎంచుకోకుండా..వ్యాపారానికి సై అన్నారు. ఆ ముగ్గురు ఎంచుకుంది చాయ్‌ వ్యాపారాన్ని. అందరికి తెలిసిన సాధారణ వ్యాపారాన్ని ఎంత క్రేజీ వ్యాపారంగా మార్చారంటే..జస్ట్‌ పేరుతోనే వైబ్స్‌ తెప్పించి క్రేజ్‌ వచ్చేలా చేశారు. దాంతో అది ప్రస్తుతం పెద్ద వ్యాపార సామ్రాజ్యంలా విస్తరించి ఎన్ని కోట్లు ఆర్జిస్తుందో తెలిస్తే విస్తుపోవడం ఖాయం. వాళ్లే ఇండోర్‌కి చెందిన స్నేహితులు అనుభవ్‌ దుబే, ఆనంద్‌ నాయక్‌, రాహుల్‌ పాటిదార్‌లు. భారత్‌లో టీకి ఉన్న క్రేజ్‌ ఏంటో తెలిసిందే. ఆ నేపథ్యంలోనే భీ ముగ్గురు టీకొట్టుతోనే వ్యాపారం చేయడం ప్రారంభించారు. అందరిలా చిన్న కొట్టు పెట్టేసుకుంటే ఏం క్రేజ్‌ ఉంటుంది. అందుకని చాలా వినూత్నంగా ఆలోచించి 2016లో చాయ్‌ సుట్టా బార్‌ని స్థాపించారు. జస్ట్‌ రూ. 3 లక్షలతో ప్రారంభించారు. అయితే ఆ చాయ్‌ని సరసమైన ధరల్లో అందించారు. దీంతోపాటు బర్గర్లు, నూడుల్స్‌, పాస్త వంటి ఆహారాలను కూడా సర్వ్‌ చేశారు. ఆ చౌక ధరల కారణంగానే అనతికాలంలోఏ అతి పెద్ద వ్యాపార బ్రాండ్‌ అవతరించి బ్రాంచ్‌లుగా విస్తరించింది. అలా ఈ బ్రాండ్‌కి సుమారు 650కి పైగా ఔట్‌లెట్‌లు ఉండటం విశేషం. ఇక్కడ చాయ్‌ ధర రూ. 15 రూలు. కాఫీ ధర రూ. 20లు, కోల్డ్‌ కాఫీ, షేక్‌ల ధర కేవలం రూ. 70లే. ఈ చాయ్‌ బ్రాండ్‌ అందించే వాటిలో అత్యంత విశేషమైనది కుల్హడ్ చాయ్. దీన్ని మట్టి కప్పుల్లో అందిస్తారు. అంతేగాదు ఇక్కడ అందించే చాయ్‌​ మెనూలో అల్లం టీ, తులసీ, కేసర్‌ వంటి ప్లేవర్‌లు అందుబాటు ధరల్లో ఉంటాయి. ఈ బాండ్‌ ఫ్రాంచైజీ పద్ధతిలో పనిచేస్తుంటుంది. అందుకే తన ప్రాంచైంజీని ప్రారంభించే ముందు 15 రోజుల శిక్షణ కూడా ఇస్తారట. ప్రస్తుతం ఇది సుమారు రూ. 100 కోట్ల పైనే ఆదాయాన్ని ఆర్జిస్తోంది. ఈ బ్రాండ్‌ ఇటీవలే నేపాల్‌, యునైటెడ్‌ అరబ్‌ ఎమిరేట్స్‌ వంటి దేశాల్లో తన బ్రాండ్‌ కార్యకలాపాలను ప్రారంభించింది కూడా. View this post on Instagram A post shared by Chai Sutta Bar® (@chaisuttabarindia)ఇదీ చదవండి: కొడుకుని మార్చబోయి.. ఆమెనే గేమింగ్‌ క్వీన్‌గా! వైరల్‌గా 60 ఏళ్ల ఆంటీ స్టోరీ

ఆమె కష్టాలు వింటే కళ్లల్లో నీళ్లు సుడితిరిగుతాయ్‌. నిలదొక్కుకునే అవకాశం లేకుండా అవమానాలు, కుంగదీసే కష్టాలే..అయినా సరే వెనక్కి తగ్గకుండా ముందుకు సాగినా విధి ఒప్పుకోలేదు. ముప్పతిప్పలు పెట్టింది. మళ్లీ చదివి ప్రభుత్వ ఉద్యోగం సాధించుకుందామని 15 ఏళ్ల విరామం అనంతర పుస్తకాలతో కుస్తీ పడుతుంటే..కన్నపేగుని దూరం చేసి మెల్లిపెట్టింది. పట్టి బిగువున దిగమింగి పరీక్షకు ప్రిపేరవుదామంటే పరీక్షకు రెండు రోజుల ముందు ఘోర ప్రమాదం బారినపడింది. అది కూడా కంటికే గాయలు..కళ్లు విప్పి చూడలేని స్థితిలో పరీక్షకు హాజరై రాసింది. మరి గెలిచిందా అంటే..ఆ ధీర మహిళే రోహిణి గుర్జర్‌. రాజస్థాన్‌కి చెందిన రోహిణి 2006లో తన ఘుఘ్రా గ్రామం నుంచి బీఏ చేసి తొలి అమ్మాయి. తండ్రి సైన్యంలో ఉండటంతో వివిధ ప్రదేశాల్లో చదువుకోవాల్సి వచ్చింది. ఆమె గ్రాడ్యుయేషన్‌ తర్వాత చదువు మానేసి ఒక ప్రైవేటు పాఠశాలలో ఉపాధ్యాయురాలిగా పనిచేయడం ప్రారంభించింది. ఆ తర్వాత 2011లో వివాహం జరగడం 2013లో తల్లి అవ్వడం అన్నీ చకచక జరిగిపోయాయి. అలా హాయిగా సాగిపోతుండగా భర్తకు గుండెపోటు రావడం..ఆరోగ్య క్షీణించడం మొదలైంది. సుమారు రెండునెలల పాటు చికిత్స పొందుతూ ఫిబ్రవరి 18, 2021న మరణించారు. దాంతో ఒక్కసారిగా ఆమె జీవితం తలకిందులైపోయింది. ఆమెకు ఇద్దరూ ఆడపిల్లలు కావడంతో అత్తమామల ఆదరణ కొరవడింది. మరోవైపు సమాజం నుంచి నిందలు, ఛీత్కారాలతో కుంగిపోయింది. ఆమెనొక దురదృష్టవంతురాలిగా ముద్రవేసి చూడటం మొదలుపెట్టడంతో సుమారు ఆరెనెలల పాటు తీవ్ర డిప్రెషన్‌కి గురయ్యింది. అకస్మాత్తుగా మారిపోయిన ఈ జీవితాన్ని ఎలా లీడ్‌ చేయాలో తోచక కన్నీళ్లు వచ్చేసివి రోహిణికి. అయితే ఆ క్రమంలో సోదరుడు నరేంద్ర గుర్జర్‌, అత్తగారి తల్లి పుష్పాదేవి ఆమెకు అండగా నిలిచారు. 95 ఏళ్ల వయసున్న పుష్పాదేవి కనీస విద్యను కూడా అభ్యసించకపోయినప్పటికీ..రోహిణిని మళ్లీ పుస్తకాలు తీసి చదువు సాగించి తన కాళ్లమీద తాను నిలబడమని ప్రోత్సహించింది. దాదాపు 15 ఏళ్ల విరామం తర్వాత రోహిణి 2021 చివరలో తిరిగి చదువు ప్రారంభించి..పోటీ పరీక్షలకు సన్నద్ధమవ్వడం ప్రారంభించింది. అలా రాజస్థాన్‌ పబ్లిక్‌ సర్వీస్‌ కమిషన్‌ ఆర్‌ఏఎస్‌ 2024కి సన్నద్ధమైంది. తొలి ప్రయత్నంలో ప్రిలిమ్స్‌లో ఉత్తీర్ణత సాధించినా..మెయిన్స్‌లో కటాప్‌ 10 మార్కులు కోల్పోయింది. మళ్లీ 2023లో ఆ పరీక్షకు సన్నద్ధమవ్వగా ఈసారి పరీక్షకు కొన్ని రోజుల ముందు పుష్పాదేవి మరణించింది. అదృష్టవశాత్తు పరీక్ష కూడా జులైకి వాయిదా పడటంతో ఆ బాధ నుంచి కోలుకుని ప్రిపేరయ్యేందుకు సమయం దొరికింది. ఇంతలో ఈ మరో తీవ్రమైన విషాదం గుక్కతిప్పుకోని బాధలోకి కూరుకుపోయేలా చేసింది. ఈసారి జూన్‌ 29, 2024న తన పెద్ద కుమార్తె అకస్మాత్తుగా అనారోగ్యానికి గురై మరణించింది. ఈ బాధను అంత తేలిగ్గా దిగమింగుకోలేకపోయింది రోహణి. అస్సలు పరీక్షకే హాజరు కాకూడదని అనుకుంది. ఆ తర్వాత తన సోదరుడితో కలిసి పుట్టింటికి వచ్చింది. ఆ వెంటనే వదినతో కలసి బయటకు వెళ్లగా రోడ్డు ప్రమాదం బారినపడింది. ఆ ఘటనలో రోహిణి ముఖం, కళ్లకు తీవ్ర గాయాలై ఐదు రోజుల పాటు ఆస్పత్రిలో చికిత్స పొందాల్సి వచ్చింది. ఆస్పత్రి నుంచి డిశ్చార్జ్‌ అయిన తర్వాత కనీసం పరీక్షకైనా హాజరుకమ్మని ప్రోత్సహించారు. ఇక తన చిన్న కూతురు భూమి గురించి ఆలోచింది రాసేందుకు మొగ్గుచూపింది. అలా ఒంటి కన్నుతోనే తప్పని పరిస్థితుల్లో రాసిన ఆర్‌ఏసీ పరీక్షలో ఉత్తీర్ణత సాధించి..ఎంబీఎస్‌ వితంతువుల కోటాలో రెండో ర్యాంకును దక్కించుకుని రాజస్థాన్‌ అకౌంట్స్‌ సర్వీస్‌లో ఉద్యోగం పొందింది. ప్రస్తుతం ఆమె తన చిన్న కూతురుతో కలిసి జీవిస్తోంది. ఆవేళ​ అత్యంత కష్ట సమయంలో తనను ఆదుకున్న సోదరుడికి, దివంగత పుష్పా దేవికి చాలా కృతజ్ఞతలని గద్గద హృదయంతో చెబుతోంది. ఇక్కడ రోహిణి విజయం..ఇంతలా సాంకేతిక అభివృద్ధి చెందుతున్న..మహిళల పట్ల సమాజ దృక్పథం మారలేదనే విషయాన్ని తెలియజేయడమే గాక, ఆ అడ్డంకుల చేధనకు చదువు ఒక్కటే మార్గమని నొక్కి చెప్పింది. పైగా బాలికలకు చదువు ఎందుకు అవసరం అనే ప్రాముఖ్యతను హైలెట్‌ చేసింది ఆమె ఉదంతం. View this post on Instagram A post shared by Abu's Blueprint (@trends__now__trends) ఇదీ చదవండి: కొడుకుని మార్చబోయి.. ఆమెనే గేమింగ్‌ క్వీన్‌గా! వైరల్‌గా 60 ఏళ్ల ఆంటీ స్టోరీ)

తమ కలలను సాకారం చేసుకునేందుకు ప్రతీ ఏడాది ఎంతోమంది యువతీ యువకులు సిటీ ఆఫ్‌ డ్రీమ్స్‌ ముంబైకి క్యూ కడతారు. కానీ ఆ కలలను సాకారం చేసుకుని, ప్రతిభతో సక్సెస్‌ అయ్యేది మాత్రం కొందరే ఉంటారు. అలాంటి వారిలో ఒకరు స్టాండప్‌ కమెడియన్ షారన్ వర్మ (Sharon Verma) ఒకరు. ముంబై మహా నగరానికి తాను ఎలా వచ్చిందీ, గత నాలుగేళ్లలో జరిగిన విషయాలన్నింటినీ ఆమె ఇటీవల ఇన్‌స్టాగ్రామ్ ద్వారా పంచుకున్నారు."ఖచ్చితంగా నాలుగేళ్ల క్రితం, హాట్‌స్టార్‌లో రైటింగ్ ఉద్యోగం రావడంతో నేను ముంబైకి వచ్చాను. నా జేబులో కేవలం రూ. 100 మాత్రమే ఉండేవి, మిగిలిన రూ. 1.2 లక్షలు బ్యాంకు ఖాతాలో పొదుపుగా ఉండేవి," అని ఆమె తన పోస్ట్‌లో రాసుకొచ్చారు. View this post on Instagram A post shared by prime video IN (@primevideoin) నాలుగు సంవత్సరాల క్రితం హాట్‌స్టార్‌లో రైటింగ్ ఉద్యోగం రావడంతో షారన్ ముంబైకి వెళ్లారు. అప్పుడు ఆమె దగ్గర జేబులో కేవలం రూ. 100, బ్యాంకు ఖాతాలో రూ. 1.2 లక్షల పొదుపు మాత్రమే ఉన్నాయి. తన కరియర్‌ ప్రారంభంలో ముంబైలో రణబీర్ కపూర్, విక్కీ కౌశల్, నవాజుద్దీన్ సిద్ధిఖీ, రవీనా టాండన్ వంటి ప్రముఖ నటుల కోసం ఆమె పనిచేశారు. లోకల్ రైలు ప్రయాణాలు తనకు ఇబ్బందిగా అనిపించినప్పటికీ, ఆఫీసు నుండి కనిపించే ముంబై స్కైలైన్ దృశ్యాలు ఆ కష్టాన్ని మరిపించేవట. అంతేకాదు విద్యా బాలన్ తన పట్ల ఎంతో దయతో ఉండేవారని కూడా ఆమె పేర్కొన్నారు. ప్రస్తుతం స్టాండప్‌ కమెడియన్‌గా తనను తాను నిరూపించుకుంటోంది. ఇదీ చదవండి: కస్టడీ పోరు : నాలుగేళ్లపాపను కాల్చి చంపి, ఆత్మహత్యస్టాండప్ కామెడియన్‌గా2024లో ఓపెన్-మైక్ షోలలో ప్రదర్శనలు ఇవ్వడం ప్రారంభించిన ఆమె, ఫిబ్రవరి 2025 నాటికి ఫుల్ టైమ్ ఉద్యోగాన్ని వదిలేసి పూర్తిస్థాయిలో స్టాండప్ కామెడీపై దృష్టి పెట్టారు. సమయ్ రైనా హోస్ట్ చేసిన 'ఇండియాస్ గాట్ లేటెంట్' సీజన్ 1లో వీక్‌ ఇండిపెండెంట్‌ విమెన్‌ అంటూవ్యాఖ్యలు సోషల్ మీడియాలో విపరీతంగా వైరల్ అయ్యాయి. ఆమె ఈ షోలో న్యాయనిర్ణేతలలో ఒకరిగా కనిపించారు. ఈ షో తరువాత షారన్ గణనీయమైన ప్రజాదరణ పొందింది. "బలహీనమైన స్వతంత్ర మహిళ"గా ఆమె షోస్‌ ఆకట్టుకున్నాయి. జనాల్ని కట్టిపడేసేలా సమయస్ఫూర్తి, హాస్య చతురత, ఆమె పంచ్‌ డైలాగ్స్‌, స్మార్ట్‌నెస్ ఉండేవి. షారన్ వర్మ 1998 ఏప్రిల్ 8, 1998న బిహార్‌లోని పాట్నాలో జన్మించింది. ప్రాథమిక విద్యను పాట్నాలోని ఢిల్లీ పబ్లిక్ స్కూల్‌లో అభ్యసించింది. పాఠశాల రోజుల్లోనే రచనపై ఆసక్తి ఉండేది. తరువాత షారన్ ఢిల్లీ విశ్వవిద్యాలయం పరిధిలోని హన్స్‌రాజ్ కళాశాలలో ఆంగ్ల సాహిత్యాన్ని అభ్యసించింది. ఇదీ చదవండి: 12 ఏళ్ల కొడుకు గొంతు నులిమి? కష్టాల్లో ప్రముఖ నటి

సుధ అంటే అమృతం. ఆమె పేరులోని అమృతం ఆమె గొంతులో ప్రవహిస్తే... ఆ స్వర సమ్మోహనంలో తేలియాడిన శ్రోతలకు స్వర్గంలో విహరించినట్టు ఉంటుందనడంలో అతిశయోక్తి లేదు. భగవంతుడిచ్చిన వరమో, గురువుల ఆశీర్వాదమో, తల్లిదండ్రుల ఆశీస్సుల ఫలితమో ఆమె పాడుతుంటే మనసు మరోలోకంలో విహరిస్తుంది. అది శాస్త్రీయ సంగీతమైనా, మరే భారతీయ సంప్రదాయ సంగీతమైనా ఆ గానమాధుర్యానికి మైమరచిపోవలసిందే. ఆనంద డోలికలలో ఓలలాడాల్సిందే. విజయవాడ నగరానికి చెందిన చిముడూరి సుధా శ్రీనివాస్‌ ఈ తరంలో ప్రముఖ శాస్త్రీయ సంగీత విద్వాంసులలో ఒకరిగా భాసిస్తున్నారు. సుధాశ్రీనివాస్‌ తల్లిదండ్రులు కొల్లంకోడు గిరిజ, రామచంద్రన్‌. సుధ ఏడేళ్ల వయసులో సంగీతం అభ్యసించడం ప్రారంభించారు.సద్గురువుల శిక్షణలో... విఖ్యాత సంగీత విద్వాంసులు అన్నవరపు రామస్వామి, అంపోలు మురళీకృష్ణ, పెమ్మరాజు సూర్యారావుల వద్ద శాస్త్రీయ సంగీతంతో పాటు, లలిత సంగీతం, జానపద సంగీతం, భారతీయ సంగీతంలో వివిధ ప్రక్రియలలో పరిణితి సాధించారు.ప్రముఖ నాట్యాచార్యులతో... కూచిపూడి నాట్యాచార్యుడు వెంపటి చినసత్యంతో పాటు రాధారెడ్డి, రాజారెడ్డి, స్వప్న సుందరి, శోభానాయుడు, జయరామారావు, మంజూభార్గవి లాంటి దిగ్గజాలతో సుధా శ్రీనివాస్‌ వేదిక పంచుకున్నారు. వారి నాట్య భంగిమలకు ఆమె గాత్రంతో ఆ ప్రదర్శనలను రంజింపజేశారు.లైవ్‌ కార్యక్రమంలో సుధాశ్రీనివాస్‌(ఫైల్‌)అంతర్జాతీయ సంగీత ప్రస్థానం...ఇండియన్‌ కౌన్సిల్‌ ఫర్‌ కల్చరల్‌ రిలేషన్స్‌ (ఐసీసీఆర్‌), ఇతర సాంస్కృతిక సంస్థల ఆహ్వానం మేరకు సుధాశ్రీనివాస్‌ అంతర్జాతీయ వేదికలపై తన ప్రతిభను చాటుకుంటున్నారు. ఇటలీ, దుబాయి, అమెరికా, యూనివర్సిటీ ఆఫ్‌ ఫిలడెలి్ఫయా, టొరెంటో, కెనడా తదితర దేశాలలో నృత్య కార్యక్రమాలకు తన గాత్ర మాధుర్యాన్ని పంచారు.దేశ విదేశాలలో... ఇప్పటివరకు దేశ విదేశాలలో 2800 పైగా ప్రదర్శనలు, 42 నృత్య రూపకాలకు, 500కు పైగా లలిత జానపద గీతాలకు, సోలో గీతాలకు ఆమె గాత్రాన్ని అందించారు.పురస్కారాలు, సత్కారాలు..సుధా శ్రీనివాస్‌ ఉగాది పురస్కారం, రాగమాధురి, గాన లహరి, రోటరీ యువ పురస్కారం, యంగ్‌ అచీవర్స్, యువ పురస్కారం పొందారు. ఉభయ తెలుగు రాష్ట్రాలలో ప్రభుత్వాలు నిర్వహించిన అనేక సాంస్కృతిక కార్యక్రమాలలో పాల్గొన్నారు. సినీ నేపథ్యగాయనిచిత్రనుంచి అభినందనలు అందుకున్నారు.గురుముఖంగా సాధన చేయాలి..''సంగీతమైనా, నృత్యమైనా గురుముఖంగా సాధన చేయాలి. సంగీతం ఓ తపస్సులా భావించాలి. సంగీత సరస్వతికి అర్చనలా భావించాలి. అంకిత భావం, చిత్తశుద్ధి ఏకాగ్రత అవసరం. నిరంతరం సాధన చేయాలి.''– సుధాశ్రీనివాస్‌ఇదీ చదవండి: ఐటీ ఉద్యోగం వదలి ఆటో డ్రైవర్‌గా మహిళా టెకీ..!

వైఫల్యాన్ని విజయానికి సోఫానంగా మలుచుకోవడం అంటే మాటల్లో చెప్పినంత సులవు కాదు. ఆ ఓటమి పెద్ద ఎదురదెబ్బలా ప్రతి నిమిషం ఆత్మవిశ్వాసం సన్నగిల్లేలా భయపెట్టేస్తున్నా..దాన్ని దిగమించి మందుకు సాగడంలోంచే గెలుపు మొదలైనట్లు అని అంటారు మానసి నిపుణులు. ఇక్కడ ఈ వ్యక్తి కుటుంబ వ్యాపారంలో వెళ్లేలా అర్హతలు దక్కించుకుని మరి సక్సెస్‌ని అందుకుని విభిన్నంగా రెస్టారెంట్‌కి మళ్లడమే ఓటమికి దారితీసింది. అది కూడా కోలుకుని తిరిగి లేచి నిలబడలేనంతగా నష్టాల్లోకి కూరుకుపోయేలా చేసింది. అయినా సరే తట్టుకుని..మళ్లీ రివ్వున అంతకుమించిన రేంజ్‌లో సక్సెస్‌ని ఒడిసిపట్టి కోట్లాధికారిగా మారాడు.అతడే వీబా ఫుడ్స్‌ వ్యవస్థాపకుడు విరాజ్‌ బహల్‌. అతని వ్యాపారంతో అనుభవం చిన్నతనంలోనే మొదలైంది. ఆయన తరుచుగా తన తండ్రి రాజీవ్‌ బహల్‌ ఫ్యాక్టరీని సందర్శించేవారు. ఆ తర్వాత ఢిల్లీలోని ఆహార్‌లో కుటుంబానికి చెందిన ఫన్‌ ఫుడ్స్ స్టాల్‌లో పనిచేశాడు. ఆ తర్వాత కుటుంబ వ్యాపారంలో చేరాలనుకున్నారు కానీ, తండ్రి ఒక షరతు పెట్టారు. ప్రస్తుతం పెరిగిన జీవన ప్రమాణాలకు అనుగుణంగా కుటుంబాన్ని పోషించగలను అనేలా సంపాదించగలను అని నిరూపించుకోవాలని అన్నారు. ఆ సవాలును బహల్‌ స్వీకరించారు. అలా సింగపూర్‌ పాలిటెక్నిక్‌లో మెరైన్ ఇంజనీరింగ్ చదివి, సింగపూర్‌కు చెందిన ఒక మర్చంట్ నేవీ కంపెనీలో చేరారు. ఫెర్రీలు, ట్యాంకర్లు, కంటైనర్లపై పనిచేస్తూనే..కరస్పాండెన్స్‌ కోర్సుల ద్వారా తన విద్యను కొనసాగించారు. అలాగే తన చదవుకు స్వయంగా నిధులు సమకూర్చుకున్నారు.2002 నాటికి తన అద్భుతమైన పనితీరుతో ప్రమోషన్ల అదుకుని నెలకు రూ. 3 లక్షలు సంపాదించే రేంజ్‌కు చేరుకున్నారు. అలా 22 ఏళ్ల వయసులో 1983లో స్థాపించిన తన కుటుంబ వ్యాపారమైన ఫన్‌ ఫుడ్స్‌లో చేరారు. ఈ కంపెనీ మయోన్నైస్, పిజ్జా టాపింగ్స్, ఓరియంటల్ సలాడ్లు,మసాలా దినుసులతో సహా ప్రాసెస్‌ చేసిన ఆహార ఉత్పత్తులను తయారు చేసి విక్రయించేది. అలా రాబోయే కొన్నేళ్లలోనే ఈ వ్యాపారం వేగంగా వృద్ధి చెందింది. అయితే అప్పుడే మంచి ఆఫర్‌ వచ్చింది. 2008లో, జర్మన్ ప్యాకేజ్డ్-ఫుడ్ కంపెనీ డాక్టర్ ఓట్కర్, ఫన్ ఫుడ్స్‌ను రూ. 110 కోట్లకు కొనుగోలు చేసేందుకు ముందుకొచ్చింది. బహల్‌ దంపతులు రూ. 28 కోట్ల పెట్టుబడితో ప్రారంభమైన ఈ కంపెనీ గణనీయమైన రాబడిని సంపాదించే పెట్టేది. అయితే దీన్ని అమ్మడానికి ఇష్టం లేకపోయినా..అమ్మక తప్పలేదు. అలా ఫన్‌ ఫుడ్స్‌ నుంచి నిష్క్రమించిన తర్వాత బహల్‌ రెస్టారెంట్‌ వ్యాపారంలో ప్రవేశించి పాకెట్ ఫుల్‌ను ప్రారంభించారు. కానీ ఆ వ్యాపారం అనుకున్న విధంగా సాగలేదు. 2013 వరకు నాలుగేళ్లకు పైగా పోరాడిన ఫలితం శూన్యం. పైగా తన ఆరు అవుట్‌లెట్‌లన్నింటిని మూసేశారు. ఆ వైఫల్యం బహల్‌కి పెద్ద ఎదురుదెబ్బలానే మారింది. ఎందుకంటే ఆ తర్వాత మరో వ్యాపారం ప్రారంభించడానికి ఉన్ని ఇంటిని అమ్మకతప్పలేదు. అలా బహల్‌ గురుగ్రామ్‌లో శిల్పా మదన్‌తో కలిసి 2013లో వీబాను స్థాపించారు. ఈ కంపెనీ ప్రారంభంలో సాస్‌లు, డిప్‌లు, కాండిమెంట్‌లపై దృష్టి సారించింది. ఆ ఉత్పత్తులను రిటైల్‌ వినియోగదారులకు, రెస్టారెంట్లు, కాఫీ చైన్‌ల వంటి సంస్థాగత కస్టమర్లకు సరఫరా చేసింది. అలా రెస్టారెంట్‌ వ్యాపారానికి భిన్నంగా ఆహార తయారీ రంగంలో తనకున్న అనుభవంతో వీబాను నిర్మించారు. ఈ కంపెనీ విస్తరిస్తున్న కొద్ది పెట్టుబడుదారులను విపరీతంగా ఆకర్షించింది. అలా ప్రసిద్ధ పెట్టుబడిదారులే ఉన్నారు ఈ కంపెనీకి. దాంతో వీబా ఆదాయం 2014లలో రూ. 5.41 కోట్లుగా ఉండగా, 2026కి అది కాస్తా రూ. 1051.60 కోట్లకు పెరిగింది. నిజానికి వీబా వృద్ధి అనుకున్నంత త్వరిగతిన రాలేదు. మొదట్లో కంపెనీ బ్రాండ్‌ తన కార్యకలాపాలను విస్తరించడంలో పెట్టబడులు పెట్టడంతో నష్టాలు వచ్చాయి. అయతే 2020 నుంచి ఊపందుకుని లాభాలు అందుకోవడం ప్రారంభించి..వెనుతిరిగి చూడనంతగా మంచి లాభాలతో ముందుకు సాగడం విశేషం. అలాగే కంపెనీ ఉద్యోగుల సంఖ్య కూడా పెరిగింది. అలా బహల్‌ వైఫ్యలాన్ని అధిగమంచి ఎవర్‌గ్రీన్‌ సక్సెస్‌ అందుకుని ఎక్స్‌ప్రెస్‌ ట్రైన్‌లా దూసుకుపోతుండటం విశేషం.ఇదీ చదవండి: "సెక్యూరిటీ గార్డు నుంచి పరాటా కింగ్‌ వరకు"

మన నేపథ్యం ఎలాంటిదైనా..చక్కటి జీవితాన్ని నిర్మించుకోవచ్చు అని చెప్పే కథ ఇది. తన మూలాలు ఎలాంటివైన తన సక్సెస్‌తో యావత్తు ప్రపంచాన్ని తనవైపుకి తిరిగి చూసేలా చేశాడు. యువతకు ఆదర్శంగా నిలిచాడు. Dev Prabhakar Singh Tomar Success Story: అతడే దేవ్‌ ప్రభాకర్‌ సింగ్‌ తోమర్‌. మధ్యప్రదేశ్‌లోని గాల్వియర్‌కు చెందిన వ్యక్తి. ఆయన తాత ఒకప్పుడు చంబల్‌లో బందిపోటు. చంబల్ లోయలు ఒకప్పుడు సాయుధ బందిపోట్లకు నిలయంగా ఉండేవి. అయితే ప్రస్తుతం వాళ్లంతా లొంగిపోయి శిక్షలు అనుభవించి..గ్రామపెద్దలుగా ప్రశాంత జీవితం గడుపుతున్నారు. మరి దేవ్‌ ప్రభాకర్‌ సింగ్‌ ఆ నేఫథ్యాన్ని ఎలా అధిగమించగలిగాడంటే అందుకు ఆయన తండ్రే కారణం. ఆయన తండ్రి దేవ్‌ తాతగారి ఇష్టానికి వ్యతిరేకంగా గాల్వియర్‌కి వచ్చేసి చదువుపై ఫోకస్‌ పెట్టి ప్రిన్సిపాల్‌ అయ్యారు.అలా దేవ్‌ ప్రభాకర్‌పై ఆ ప్రభావం పడకుండా ఉజ్వల భవిష్యత్తుని ఏర్పరచుకునేందుకు దోహదపడింది. ఇక్కడ కేవలం వారసత్వ నేపథ్యం అడ్డంకి మాత్రమే కాదు..ఆ తర్వాత చదువులో ఎదురైనా ప్రతి అడ్డంకిని ఓర్పుతో అధిగమిస్తూ ముందుకు సాగడం విశేషం. ఆరో తరగతిలో సీబీఎస్‌ఈ పాఠశాలకు మారడంతో ఎన్నో ఇబ్బందులు పడ్డాడు. ఆ తర్వాత ఎలాంటి కోచింగ్‌లు తీసుకోకుండా ఐఐటీ ప్రవేశం పొంది, కెరీర్‌ని ఉన్నతంగా తీర్చిదిద్దుకున్నాడు. అక్కడితో తన విజయ ప్రస్థానం ఆగిపోలేదు. తన సొంత ప్రతిభతోనే ఫిలిప్స్‌లో ఉద్యోగం సంపాదించి, చివరికి ఆమ్‌స్టర్‌డామ్ సమీపంలోని ఆ కంపెనీ ప్రధాన కార్యాలయంలో పనిచేసే స్థాయికి చేరాడు. అయితే ఆ విలాసవంతమైన జీవితం వద్దని స్వదేశానికి వచ్చి యూపీఎస్సీకి సన్నద్ధమయ్యాడు. కానీ ఆ కఠిన పరీక్షలో ఒకటి కాదు రెండు కాదు ఏకంగా మూడుసార్లు ఓటమిని చవిచూసి.. నాల్గోప్రయత్నంలో విజయం అందుకున్నాడు. అలా 2023లో 'ఇండియన్ రైల్వే ట్రాఫిక్ సర్వీస్' (IRTS) అధికారిగా నియామకం అందుకున్నారు. ప్రస్తుతం ఆయన రైల్వే మంత్రిత్వ శాఖలో విధులు నిర్వర్తిస్తున్నారు. పుట్టుక మన చేతుల్లో ఉండకపోయినా..జీవితాన్ని అందంగా మలుచుకోవడం మన చేతల్లోనే ఉందనే విషయం దేవ్‌ ప్రభాకర్‌ సింగ్‌ తన సక్సెస్‌తో చాటిచెప్పాడు.ఇదీ చదవండి: "సెక్యూరిటీ గార్డు నుంచి పరాటా కింగ్‌ వరకు")

ఓ వ్యక్తి రోజువారీ కూలీగా, సెక్యూరిటీ గార్డుగా పనిచేస్తూ..ఓ పెద్ద ఫుడ్‌ బ్రాండ్‌ని నిర్మించి వ్యవస్థాపకుడిగా మారాడు. అంతేగాదు నెలకు రూ. 50 లక్షలు ఆర్జించే స్థాయికి చేరుకుని యువతకు స్ఫూర్తిగా నిలిచాడు. ఈ రేంజ్‌లో సక్సెస్‌ని అందుకునే క్రమంలో ఆ వ్యక్తి ఎన్ని ఒడిదొడుకులు ఎదర్కొన్నాడంటే..ఏకంగా కరెంట్‌ షాక్‌ బారిన పడి పక్షపాతానికి గురై కూడా లేచి నిలబడే ప్రయత్నం చేసి ఆకాశమంత సక్సెస్‌ అందుకున్నాడు. అతడే అస్సాంకు చెందిన పారిశ్రామిక వేత్త దిగంత దాస్‌. అతడ 2001లో పది పూర్తి అయిన వెంటనే అరుణాచల్‌ ప్రదేశ్‌ సరిహద్దు సమీపంలో బోర్డర్‌ రోడ్స్‌ ఆర్గనైజేషన్‌(బీఆర్‌ఓ)లో నిర్మాణ కార్మికుడిగా పనిచేయడం ప్రారంభించాడు. ఆ సమయంలోనే అతడు నెలకు సుమారు రూ. 1200లు సంపాదించేవాడు. ఆ తర్వాత సిక్కిం వెళ్లి అక్కడ కూడా నిర్మాణ కార్మికుడిగా పని కొనసాగించాడు. 2011లో బెంగళూరుకి మారి అక్కడ నెలకు సుమారు రూ. 4500 జీతంతో సెక్యూరిటీగార్డుగా పనిచేశాడు. అక్కడే హోటల్‌ రూమ్‌ సర్వీస్‌ అటెండెంట్‌గా కూడా పనిచేశాడు. అయితే తక్కువ జీతాలు, ఆలస్యంగా చెల్లింపులుతో విసిగిపోయి ఆ ఉద్యోగాన్ని వదిలేశాడు.పరాటాల చేయడం ఎలా నేర్చుకున్నాడంటే..2012లో దాస్‌ బెంగళూరులోని హోస్కోట్‌ ఉన్న ఐడీ ఫ్రెష్‌ఫుడ్‌లో చేరి వంటవాడిగా పనిచేయడం మొదలుపెట్టాడు. అక్కడ ఆహార పరిశ్రమలో అనుభవం అతనికి పెద్ద ఎత్తున్న ఆహార ఉత్పత్తిని పరిచయం చేసింది. అలా అక్కడే బహుళ పొరలతో ఉండే పరోటాలను ఎలా తయారు చేయాలో నేర్చుకున్నాడు. ఆ తర్వాత దాస్‌కి పరోటా తయారీదారాడిగా పనిచేసే అవకాశం లభించింది. అలా పరాటాలు చేసే పాకనిపుణుడి చక్కటి అనుభవం గడించాడు. సరిగ్గా ఆటైంలో 2017లో హైవోల్టేజ్‌ విద్యుత్‌ కేబుల్‌ పడటంతో అతని ప్రయాణానికి సడెన్‌ బ్రేక్‌పడింది. పాపం దాస్‌ పక్షవాతానికి గురై కోలుకోవడానికే రెండేళ్లు పట్టింది. ఇక పూర్తిగా కోలుకున్నాక అప్పటికే పరోటా వ్యాపారంలో ఉన్న ఒక స్నేహితుడుని అస్సాంలో ఒక తయారీ యూనిట్‌ని స్థాపించడంలో తనకు సహాయం చేయమని కోరాడు. అలా 2022లో అస్సాంలో డీఎఫ్‌ఎఫ్‌(డైలీ ఫ్రెష్ ఫుడ్) అనే పేరుతో ఫ్రోజెన్‌ మలబార్‌ పరోటా వ్యాపారాన్ని ప్రారంభించాడు. అతని స్నేహితుడు యంత్రసామాగ్రిని ఏర్పాటు చేయడంలో సహాయం చేయగా, తన జీవిత పొదుపు నుంచి రూ. 7 లక్షలను వ్యాపారంలో పెట్టుబడిగా పెట్టాడు. అతను తన పరోటాలను సమీపంలోని దుకాణాలను సరఫరా చేయడం ప్రారంభించాడు. అలాగే స్థిరమైన రుచి, పరిశుభ్రత ప్రమాణాల విషయంలో రాజీపడకుండా అందించేవాడు. చివరికి అతని కృషి ఫలించి మృదువైన కరకరలాడే పరోటాలకు తక్కువ కాలంలోనే మంచి ప్రజాదరణ లభించింది. దాంతో ఒక్క ఏడాదిలోనే తన వ్యాపారాన్ని చాల సునాయాసంగా విస్తరించాడు. ప్రస్తుతం, డిఎఫ్‌ఎఫ్-(డైలీ ఫ్రెష్ ఫుడ్) ప్రతిరోజూ 20,వేలకు పైగా పరోటాలను ఉత్పత్తి చేస్తూ.. అస్సాంలోనే ప్రముఖ ఫ్రోజెన్ ఫుడ్ వ్యాపారాలలో ఒకటిగా నిలిచింది. అంతేగాదు ఈ వ్యాపారంతో దాస్‌ నెలకు రూ. 50 లక్షలకు పైగా సంపాదిస్తుండటం విశేషం.ఇదీ చదవండి: దేశంలోనే తొలి ట్రాన్స్‌జెండర్‌ ఐఏఎస్‌..!)

ట్రాన్స్‌జెండర్స్‌ సమాజంలో ఎలాంటి వివక్ష ఎదుర్కొంటున్నారో తెలిసిందే. కొందరు తమకంటూ గుర్తింపు కోసం ఆరాటపడుతూ..మంచి ఉద్యోగాల్లో స్థిరపడి ఆదర్శంగా నిలుస్తున్నారు. అలా డాక్టర్‌, లాయర్‌ వంటి పలు వృత్తులను చేపట్టారు. కానీ అత్యున్నత ఐఏఎస్‌ పదవిని మాత్రం ఓ ట్రాన్స్‌జెండర్‌ అలంకరించి..తనలాంటి ఎందరికో ప్రేరణగా నిలిచింది. ఆమె కూడా చిన్నప్పటి నుంచి వివక్ష ఎదుర్కోని ఎన్నో కష్టాలు పడి ఆ స్థాయికి చేరుకుందామె. ఆ మహిళే ఐశ్వర్య రుతుపర్ణ ప్రధాన్‌. ఒడిశాలోని చిన్నగ్రామానికి చెందిన ఆమె కంధమాల్‌ జిల్లాలో రతికాంత్‌గా జన్మించింది. పుట్టుకతో అబ్బాలయిగా ఉన్నా ఆ అమ్మాయి ఎదిగే కొద్ది..తనలోని మార్పులతో అమ్మాయిలే ప్రవర్తించేవాడు. దాంతో చిన్నతనం నుంచి లింగ వివక్షను ఎదుర్కొంది. పాఠశాల రోజుల నుంచి ఉపాధ్యాయులు, చుట్టుపక్కల వారి సూటిపోటి మాటలు ఆమె చదువుని సజావుగా సాగనివ్వకుండా చేశాయి. అయినా సరే ఆమె చదువుపైనే దృష్టి పెట్టేది. ఉన్నత విధ్య కోసం భువనేశ్వర్‌కు వెళ్లి..అక్కడ పబ్లిక్‌ అడ్మినిస్ట్రేషన్‌లో పోస్ట్‌ గ్రాడ్యుయేట్‌ చదువులు పూర్తి చేసి, ఆ తర్వాత ఇండియన్ ఇన్‌స్టిట్యూట్ ఆఫ్ మాస్ కమ్యూనికేషన్ (IIMC)లో ఇంగ్లీష్ జర్నలిజం అభ్యసించింది. అలాగే కళాశాల హాస్టల్‌ల్లో కూడా తన గుర్తింపు కారణంగా వసతి విషయమై చాలా ఇబ్బందులు ఎదుర్కొంది. అయినప్పటికీ తన చదువుని కొనసాగించి..ప్రజా సేవలో తన వృత్తి నిర్మిచుకోవడానికి కృషి చేసింది. అంతేగాదు తన గుర్తింపుని అంగీకరించేందుకు సిద్ధపడి అమ్మాయిలా ఉండటం మొదలు పెట్టింది. అందుకు తల్లి, చెల్లి మద్దతు ఇచ్చారు. అలాగే 2014లో భారత సుప్రీంకోర్టు ట్రాన్స్‌జెండర్ వ్యక్తులను మూడవ లింగంగా గుర్తించడంతో..ధైర్యంగా తన గుర్తింపును బహిర్గతం చేసింది ఐశ్వర్య. అంతేగాదు 2010లో ఒడిశా ఫైనాన్షియల్‌ సర్వీస్‌ పరీక్షలో ఉత్తీర్ణత సాధించి కమర్షియల్‌ ట్యాక్స్‌ ఆఫీసర్‌గా ఎంపికైంది. అక్కడితో ఆగిపోకుండా ప్రతిష్టాత్మకైన సివిల్‌ సర్వీస్‌కు సన్నద్ధమై గెలిచి ఐఏఎస్‌ ఆఫీసర్‌ అయ్యింది. అయినప్పటికీ తన సహోద్యోగుల నుంచి అవమానాలు ఎదుర్కొంటూనే ఉంది. కానీ వాటిని ఆమె బేఖాతారు చేస్తూ ట్రాన్స్‌జెండర్ల హక్కుల కోసం పోరాడుతూ వారి గళం వినపించేలా ప్రచారకర్తగా మారిందామె. అంతేగాదు తన కమ్యూనిటీ సమాజానికి స్ఫూర్తిగా నిలిచింది. ఐశ్వర్య కథ గెలిచినోడి వైపు యావత్తు ప్రపంచం చూస్తుంది, అతడి బాధ వింటుంది మార్పుకి నాంది పలుకుతుంది అనేందుకు నిదర్శనం కదూ..!.ఇదీ చదవండి: ఎట్టకేలకు 59 ఏళ్ల వయసులో టీచర్‌ ఉద్యోగం..! ఏకంగా 27 ప్రయత్నాల తర్వాత..)

తాము చదువుకోలేక ఎదుర్కొన్న కష్టాలు తమ బిడ్డ పడకూడదని ఆ తల్లిదండ్రులు అనుకున్నారు. తాము చిందించిన ప్రతీ చెమట చుక్కను కూతుళ్ల భవిష్యత్తుకు పునాదిగా మార్చారు. మరికొందరు తల్లిదండ్రులు కొడుకు లేడని బాధపడలేదు. కూతుళ్లనే కుమారులుగా భావిస్తూ ఉన్నతస్థానాలకు వెళ్లాలని ఆశపడ్డారు. వారి నమ్మకాన్ని కూతుళ్లు నిలబెట్టారు. ఉన్నతస్థానాలకు ఎదిగి తల్లిదండ్రుల పేరు నిలబెట్టారు. నేడు (ఆదివారం) కూతుళ్ల దినోత్సవం (డాటర్స్‌ డే) సందర్భంగా ఉమ్మడి వరంగల్‌ జిల్లాలో తల్లిదండ్రుల కల నెరవేర్చిన కూతుళ్లు, కూతుళ్ల కోసం కష్టపడిన తల్లిదండ్రులపై ప్రత్యేక కథనాలు. కమర్షియల్‌ టాక్స్‌లో అసిస్టెంట్‌ కమిషనర్‌గా..హన్మకొండ: జిల్లాలోని నర్మెట మండలం బొమ్మకూర్‌ తండాకు చెందిన గిరిజన రైతు నున్సావత్‌ హరిసింగ్‌–లత దంపతుల కుమార్తె దివ్య తన తండ్రి కోరికను నెరవేర్చారు. పూటగడవని పరిస్థితుల్లో తాను ఉన్నత స్థితికి చేరుకోవాలనే ఆశ నెరవేరలేదని కాంట్రాక్ట్‌ ఉద్యోగిగా పనిచేస్తున్నట్లు తరచూ తన కుమార్తెకు హరిసింగ్‌ చెబుతుండేవాడు. దీంతో తండ్రి ఆశయాలను నెరవేర్చాలనే దృఢ సంకల్పంతో కూతురు దివ్య గత ఏడాది గ్రూప్‌–1లో ర్యాంక్‌ సాధించి ప్రస్తుతం కమర్షియల్‌ టాక్స్‌ విభాగంలో అసిస్టెంట్‌ కమిషనర్‌గా హైదరాబాద్‌ మియాపూర్‌లో విధులు నిర్వహిస్తున్నారు ఆమె. దీంతో తల్లితండ్రులు తమ కూతురు సాధించిన విజయం చూసి గర్వపడుతున్నారు. కూతురును చూసి గర్వపడుతున్నాం..హన్మకొండ : నిన్నుచూసి మేము తల్లిదండ్రులుగా ఎంతో గర్వపడుతున్నాం. కూతురు సహనా రెడ్డి చిన్ననాటి జ్ఞాపకాలను నెమరు వేసుకుంటూ ఆనందం పొందుతున్నాం. విద్య అనేది భవిష్యత్‌ను మార్చే శక్తి అని ధృడంగా నమ్మి మా కూతురును చదివించాం. కాకతీయ యూనివర్సిటీలో బీటెక్‌ పూర్తి చేసి, ఇండియన్‌ స్కూల్‌ ఆఫ్‌ బిజినెస్‌ స్కూల్‌ ఎంబీఏ పూర్తి చేసింది. మా ఆనందం.. ఆశలకు ప్రతీక అయిన నీవు. భవిష్యత్‌లో మరిన్ని ఉన్నత శిఖరాలను అధిరోహించాలని, నేటి సమాజానికి మార్గదర్శకురాలిగా నిలవాలని కోరుకుంటున్నాం.– గోపు రేణుక–సమ్మిరెడ్డి, హనుమకొండ

ప్రపంచంలోనే అత్యంత ఖరీదైన నగరాల్లో ఒకటైన దుబాయ్‌. అలాంటి నగరానికి చేతిలో చిల్లి గవ్వ లేకుండా, ఉద్యోగం లేకుండా వెళ్లడం అంటే సాహసమే. అలా వెళ్లి ఒక్కపూట తిండితో సరిపెట్టుకుని, అనేక కష్టాలు పడి, చివరికి విజయవంతమైన వ్యాపారవేత్తగా, కంటెంట్ క్రియేటర్‌గా ఎదిగిన ఆలియా లాలా సక్సెస్‌ స్టోరీ చాలా స్ఫూర్తిదాయకం. సొంతంగా ఒక కెరీర్‌ను నిర్మించు కోవాలనే దృఢ సంకల్పం ఉంటే సక్సెస్‌ వెదుక్కుంటూ వస్తుందని నిరూపించారు.అబుదాబికి చెందిన ఆలియా లాలా తండ్రి సివిల్ ఇంజనీర్, ప్రాజెక్ట్ మేనేజర్. తండ్రి డబ్బులు అడగడం ఇష్టం ఉండేది కాదు. ఏదైనా సాధించాలనే తపనతో ఉద్యోగం, పొదుపు లేకుండానే దుబాయ్‌కు వెళ్లిపోయింది. ఒక పూట భోజనం కోసం డబ్బు సంపాదించుకోవడం నుంచి మొదలు చివరికి 14 సంవత్సరాలకు పైగా సాగుతున్న ఒక కెరీర్‌కు నాంది పలికింది. కష్టాల కొలిమి, టిప్సే ఆధారందుబాయ్‌లో మొదట స్నేహితురాలితో కలిసి షేరింగ్ స్పేస్‌లో ఉండేది. ఆమె రూమ్‌మేట్ రష్యన్. రూమ్‌మేట్స్ కోసం వాటర్ బాటిళ్లు తెచ్చిపెట్టడం ద్వారా వచ్చే రూ. 130-150 తో ఒక నెల గడిచింది. అలా ఉద్యోగం దొరికే వరకు రోజుకు ఒక షవర్మా మాత్రమే ఆమె ఆహారం. అయినా ఎక్కడా నిరాశ పడలేదు. View this post on Instagram A post shared by Aaliya Lala - Dodo - Gulf Girl 🇦🇪 (@aaliyalala)చిన్న చిన్న పనులు చేస్తూ మొదలుపెట్టిన ఆమె ప్రయాణం 14 ఏళ్లు దాటాయి. ప్రస్తుతం ఆమె యూఏఈ-లైసెన్స్ పొందిన ట్రావెల్ అండ్ లైఫ్‌స్టైల్ కంటెంట్ క్రియేటర్. అంతర్జాతీయ బ్రాండ్లు, లగ్జరీ హోటళ్లు, టూరిజం బోర్డులతో కలిసి పనిచేస్తుంది. కేవలం కంటెంట్ క్రియేషనే కాకుండా, ఇన్‌ఫ్లుయెన్సర్‌లను బ్రాండ్లు, ట్రావెల్ ఏజెన్సీలతో అనుసంధానించే ఒక మీడియా హౌస్‌ను నడుపుతున్నారు. దీనితో పాటు యూఏఈ రియల్ ఎస్టేట్, ఆర్థిక మార్కెట్లలో పెట్టుబడులు పెడుతోంది. ఇదీ చదవండి: యూనివర్శిటీ విద్యార్థిని మృతి, లవ్‌ జిహాద్‌ ఆరోపణలు కలకలంవార్షిక సంపాదనప్రస్తుతం ఆమె సరాసరి వార్షిక సంపాదన దాదాపు 300,000 నుండి 400,000 దిర్హామ్‌లు (సుమారు రూ. 78.2 లక్షల నుండి రూ. 1.04 కోట్ల వరకు) ఉంది. తన కెరీర్‌ను మోడలింగ్‌తో ప్రారంభించి, ఆ తర్వాత ఫోటోగ్రాఫర్‌గా కూడా పనిచేశానని, కాబట్టి కెమెరా వెనుక, కెమెరా ముందు ఉండటం ఎలా ఉంటుందో తనకు తెలుసునని ఇటీవల ఒక ఇంటర్వ్యూలో చెప్పిందామె. తన సోషల్ మీడియా పేజీలను రెండుసార్లు కోల్పోయాను, మళ్లీ మళ్లీ మొదటి నుండి ప్రారంభించాల్సి వచ్చిందన్నారు. భవిష్యత్తులో బహుళ ఆదాయ మార్గాల ద్వారా దీర్ఘకాలిక సంపదను సృష్టించడమే ఆశయంగా సాగుతోంది. తన వ్యాపారాలను విస్తరించడం, విలువైన ఆస్తులను కూడబెట్టడం,అంతర్జాతీయంగా తన పనిని విస్తరించడం ద్వారా ఆర్థిక స్వాతంత్ర్యం సాధించడమే ఆమె లక్ష్యం. ఇదీ చదవండి: రూ. 2.87 లక్షల కోట్ల డీల్‌ : చైనా-అమెరికా కీలక ఒప్పందం

ఒక వ్యక్తి చిన్న ఉపాధితో కెరీర్‌ని ప్రారంభించి.. అనూహ్యంగా వేరే రంగంలోకి యూటర్న్‌ తీసుకుని అనితర సాధ్యమైన సక్సెస్‌ని అందుకుని యువతకు స్ఫూర్తిగా మారాడు. కొత్తగా నేర్చుకోవాల్సి వచ్చినా సంశయం వద్దు..ధైర్యంగా ముందుకు సాగు, కష్టాన్ని నమ్ముకున్నవాడికి ఓటమి ఉండదు అని చాటి చెబుతున్నాడు. అంతేగాదు విజయానికి సరికొత్త నిర్వచనం ఇచ్చాడు. తెలియని విభిన్న రంగంలో కూడా అంచలంచెలుగా ఎలా ఎదగొచ్చో చూపించి ప్రేరణగా మారాడు. అతడే ఆండీ అలెన్‌ మాస్టర్‌ చెప్‌. ఆస్ట్రేలియాకు చెందిన అతడి కెరీర్‌ ప్రయాణం 23 ఏళ్ల వయసు నుంచి ప్రారంభమైంది. ఆ సమయంలో అతనికేమి పాకశాస్త్రంలో నైపుణ్యం లేదు. పైగా అతడు న్యూకాజిల్‌ అనే గ్రామంలో ఎలక్టీషియన్‌గా కెరీర్‌ ప్రారంభించాడు. ఆ తర్వాత అనుకోకుండా ఆస్ట్రేలియా టెలివిజన్‌ కుకింగ్‌ షోకి అప్లై చేశాడు. పోనీ అలెన్‌ వంటకాలు చేయడంలో దిట్ట కూడా కాదు. కనీసం అనుభం కూడా లేదు. పైగా యువకుడిగా ఆ షోలో పాల్గొన్నాడు. అందులో ఉన్నవాళ్లందరికంటే తనేమి బాగా వండలేనన్న విషయం తెలుసు కాబట్టి ప్రతీ వంటకం గురించి క్షుణ్ణంగా నేర్చుకుంటూ తన వంటకాలన్నింటినీ ప్రెజెంట్ చేసేవాడు. అదీగాక మిగతా పోటీదారులంతా ఎలాగో సిద్ధహస్తులు కాబట్టి చాలా కేర్‌ఫుల్‌గా ఉంటూ..పోటీలో ఉండే ఒత్తిడిని అధిగమిస్తూ ముందుకు సాగినట్లు తెలిపాడు. కట్‌చేస్తే అతడే మాస్టర్‌చెఫ్‌గా ఆ షో విజేతగా నిలిచాడు. ఆ తర్వాత మాస్టర్‌ చెఫ్‌గా కొద్ది రోజులకే తనకు అవకాశాలు తగ్గిపోవడం మొదలైంది. అలాగే ఈలోగా కొత్త మాస్టర్‌ చెఫ్‌గా మరో విజేత రావడం మళ్లీ పరిస్థితి మొదటికొచ్చేసింది అలెన్‌కి. దాంతో మళ్లీ ఎలక్ట్రిషియన్‌గా కొనసాగుదాం అనుకున్న టైంలోనే..ఆహారం గురించి మరింతగా తెలుసుకోవాలనుకుంటూ.. త్రీ బ్లూ డక్స్ రెస్టారెంట్‌లో చేరాడు. ఆ రెస్టారెంట్ గ్రూప్ వ్యవస్థాపకులు తను పాల్గొన్న షోకి గెస్ట్‌ చెఫ్‌లుగా రావడంతో వాళ్ల నుంచి మరిన్ని వంటకాల గురించి తెలుసుకునే వీలు ఉంటుంది, అలాగే వాళ్ల పనితీరు కూడా ఆకట్టుకునేలా ఉండటంతో ఈ నిర్ణయం తీసుకున్నాడు. రెండు వారాల పని అనుభవం కోసం అలెన్‌ వెళ్తే..అది కాస్తా పూర్తికాల ఉద్యోగంగా మారింది. కొన్ని నెలల తర్వాత, రోజ్‌బెరీలోని 230-సీట్ల త్రీ బ్లూ డక్స్ రెస్టారెంట్‌కి హెడ్ చెఫ్ అయ్యాడు . ఇది ఆ గ్రూప్ 50-సీట్ల సముద్రతీర కేఫ్ నుంచి ఒక పెద్ద ముందడుగు. అయితే ఈ పదోన్నతి అలెన్‌ని విపరీతమైన ఆందోళనకు గురిచేసింది. అయినప్పటికీ..ఎప్పటిలానే తన పనితీరుతో ఆకర్షించుకోవాల్సిందే అంటూ ముందుకు సాగాడు. అలా 2015లో అధికారికంగా ఆ రెస్టారెంట్‌ గ్రూప్‌లో భాగమయ్యాడు. అదీగాక ప్రస్తుతం త్రీ బ్లూ డక్స్ ఒక బహుళ-వేదికల రెస్టారెంట్ గ్రూప్‌గా ఎదిగింది. ఇప్పుడతని తాజా ప్రాజెక్ట్, 'త్రీ బ్లూ డక్స్ ఎట్ బురాడూ'. ఇది తాజాగా పండిన వ్యవసాయ ఉత్పత్తులతో కూడిన ఏడు మెనూలను అందిస్తుంది. అంతేగాదు ఆ రోజు ఏం ఆహారాలు పండాయో దాని ఆధారంగా మెనూ సిద్ధమవుతుంది. అలా అలెన్‌ ఆ రెస్టారెంట్‌ గ్రూప్‌కి సహా యజమాని స్థాయికి చేరుకున్నాడు. అతడి ధ్యాసంతా ఆ రెస్టారెంట్‌ని మరింత వృద్ధిలోకి తీసుకురావడమే. అలాగే ఈ రెస్టారెంట్‌కి మరిన్ని రెస్టారెంట్ల బ్రాంచ్‌లని జోడించి.. ప్రారంభించే ప్రయత్నంలో ఉన్నాడు. అంతేగాదు తాను పాల్గొన్న అదే కుకింగ్‌ షోకి న్యాయనిర్ణేతగా వ్యహరించే స్థాయికి చేరాడు. అంతేగాదు పోటీదారుడికి ఎంత ఒత్తిడి ఉంటుందో అలెన్‌కి బాగా తెలుసు, అలాగే జడ్డిగా తన తీసుకున్న నిర్ణయం పోటీదారుడి భవితవ్యంపై ఎలాంటి ప్రభావం చూపిస్తుందో కూడా బాగా తెలుసు. అందుకే పోటీదారుల పట్ల ఉన్న అభిప్రాయాలను పక్కన పెట్టి కేవలం రెసిపీలనే పక్కనే పెట్టే ప్రయత్నం చేస్తూ జడ్జిమెంట్‌ ఇస్తాడట. అంతేగాదు పోటీదారుడిగా, న్యాయనిర్ణేత వ్యవహరించడం వల్ల వంటకాల గురించి మరింత లోతుగా తెలుసుకోగలిగానని, అది తన రెస్టారెంట్లను మరింత విజయవంతంగా రన్‌ చేసేందుకు దోహదపడిందని చెబుతున్నాడు అలెన్‌. ఇతడి కథ ప్రతి ఒక్కరికి కెరీర్‌ గొప్ప మలుపు తిరిగి సక్సెస్‌ తలుపు తట్టినా..అవకాశాలు రావు, కానీ మనమే దాన్ని అందిపుచ్చుకుంటే..గెలుపు సదా మన వెంట ఉండి తీరుతుందని అలెన్‌ కథ చెబుతోంది కదూ..!.ఇదీ చదవండి: బొటిక్‌ వ్యాపారం చేస్తున్న మాజీ ఐఏఎఫ్‌ అధికారిణి!)

ఆమె చదువుకోలేదు. కానీ చదువు విలువ తెలుసు. అందుకే అష్టకష్టాలకోర్చి మరీ పిల్లల్ని చదివించింది. ఆర్థిక కష్టాలు, ఆకలి, నిద్రలేని రాత్రులు, ప్రమాదాలు అనారోగ్యం, ఇలా విధి ఎన్ని పరీక్షలు పెట్టినా ఆ తల్లి ఎక్కడా తలొగ్గలేదు. పిల్లల చదువును కొనసాగించేందుకు ఆమె పడిన కష్టాలు అన్నీ ఇన్నీ కావు. అందుకే తన ఉన్నతికి పాటుపడిన ఆ తల్లి త్యాగాలను ఆ కొడుకు స్మరించుకున్నారు. తన తల్లి ఏళ్ల తరబడి చేసిన త్యాగాలకు దక్కిన తొలి ప్రతిఫలం ఈ కుర్చీ అంటూ ఆయన భావోద్వేగానికి గురయ్యారు.కూలీగా, చెత్త ఏరుకునే మనిషిగా పనిచేస్తూ తన కుమారుడిని ఐఐటీ (IIT) చదివించి, ఐఎఫ్‌ఎస్ (IFS) అధికారినే చేసిన ఒక తల్లి విజయగాథ నెట్టింట వైరల్‌గా మారింది. మహారాష్ట్రకు చెందిన సాఖుబాయి పదిభార్ చదువుకోకపోయినా చదువు అంటే ప్రాణం. కుటుంబ పోషణ కోసం గ్రామంలో రోజువారీ కూలీగా, ఆ తర్వాత ముంబైలోని మురికివాడల్లో చెత్త ఏరుకునే వ్యక్తిగా (Ragpicker) పనిచేశారు.ఇన్నీ కష్టాల మధ్య కొడుకును ఉన్నత చదువు చదించారు. ఆమె చేసిన త్యాగాలు,ఆమె కుమారుడు ఐఐటి మద్రాస్‌లో చదువుకుని, ఆ తర్వాత ఇండియన్ ఫారెస్ట్ సర్వీస్‌లో చేరిన ఆమె కుమారుడు గౌతమ్ పడిభర్ ప్రస్థానంలో కీలక పాత్ర పోషించాయి. View this post on Instagram A post shared by Gautam Padibhar IFS (@gautam_ifs) ఇదీ చదవండి: పక్కింటి వైఫై సాయం : స్లమ్‌ నుంచి ఢిల్లీ ఐఐటీ దాకా ఎవరీ అభిషేక్‌సాఖుబాయి కుమారుడు గౌతమ్ పదిభార్ మహారాష్ట్రలోని జల్నాలో ఉన్న జవహర్ నవోదయ విద్యాలయంలో చదువుకున్నారు. ఎలాంటి అధికారిక కోచింగ్ లేకుండానే జేఈఈ (JEE) పరీక్షలో ఉత్తీర్ణత సాధించి, ఐఐటీ మద్రాస్‌లో బీటెక్ పూర్తి చేశారు. ఇంజనీరింగ్ తర్వాత యూపీఎస్సీ (UPSC) ఇండియన్ ఫారెస్ట్ సర్వీస్ (IFS) పరీక్ష-2022లో ఆల్ ఇండియా ర్యాంక్ 139 సాధించారు. 2023 ఛత్తీస్‌గఢ్ కేడర్ ఐఎఫ్‌ఎస్ అధికారిగా ఎంపికయ్యారు. ప్రస్తుతం ఆయన ఛత్తీస్‌గఢ్‌లోని కాంగర్ వ్యాలీ నేషనల్ పార్క్ డైరెక్టర్‌గా బాధ్యతలు నిర్వర్తిస్తున్నారు.ఇదీ చదవండి: 23 ఏళ్ల తరువాత అమెరికా డ్రీమ్స్‌ వదిలి ‘అమ్మ’దగ్గరికిభావోద్వేగ క్షణంగౌతమ్ ఇటీవల తన తల్లికి సంబంధించిన ఒక భావోద్వేగ క్షణాన్ని ఇన్‌స్టాగ్రామ్‌లో పంచుకున్నారు. ఇటీవల తన తల్లి సాఖుబాయిని తన ఆఫీస్‌కు ఆహ్వానించిన గౌతమ్, ఆమెను తన అధికారిక కుర్చీలో కూర్చోబెట్టారు. "నా జీవితంలో నేను సాధించిన ప్రతిదానికీ నా అమ్మే కారణం. పోరాట పటిష్టతను, కష్టపడే తత్త్వాన్ని, పెద్ద కలలు కనే స్వేచ్ఛను నాకిచ్చింది అమ్మే" అంటూ ఆమె ప్రయాణాన్ని గుర్తు చేసుకొని గౌతమ్ ఎమోషనల్‌ అయ్యారు.ఇదీ చదవండి: లండన్‌ - ఢిల్లీ ఇండిగో విమానంలో పొగలు, ఎమర్జెన్సీ ల్యాండింగ్‌

చిన్న వయసులోనే వ్యాపారంపై ఆసక్తి.. చదువుకుంటూనే తొలి అడుగులు.. అమెరికాలో ఉన్నత విద్య.. ఆ తర్వాత వివిధ రంగాల్లో వ్యాపార ప్రస్థానం. తెలంగాణకు చెందిన యువ పారిశ్రామికవేత్త భరత్ కక్కిరేణి ప్రయాణం యువతకు స్ఫూర్తినిచ్చేలా సాగుతోంది. ఉద్యోగ అవకాశాల కోసం ఎదురుచూడకుండా, ఉద్యోగాలను సృష్టించుకోవాలనే ఆలోచనతో ముందుకు సాగిన ఆయన.. భారత్ నుంచి అమెరికా వరకు తనకంటూ ప్రత్యేక గుర్తింపు సాధించే దిశగా ప్రయాణిస్తున్నారు.తెలంగాణలోని నల్గొండ పట్టణానికి చెందిన కక్కిరేణి భరత్ కుమార్ చిన్న వయసు నుంచే వ్యాపారం, టెక్నాలజీ రంగాలపై ఆసక్తి పెంచుకున్నారు. హైదరాబాద్లోని నిజాం కాలేజీలో గ్రాడ్యుయేషన్ పూర్తి చేసిన ఆయన, విద్యార్థి దశలోనే ఐటీ రంగంలో తన వ్యాపార ప్రయాణానికి పునాది వేశారు.ఉన్నత చదువుల కోసం 'యుఎస్' బాట..గ్రాడ్యుయేషన్ తర్వాత తన కెరీర్ను మరింత విస్తరించుకోవాలనే లక్ష్యంతో భరత్ కుమార్ అమెరికాకు వెళ్లి ఉన్నత విద్యను అభ్యసించారు. కొత్త దేశం, కొత్త వాతావరణం, విభిన్నమైన వ్యాపార పరిస్థితులను అర్థం చేసుకుంటూ అక్కడ తన ప్రొఫెషనల్ లైఫ్ కొనసాగించారు. చదువు పూర్తయ్యాక కేవలం ఉద్యోగ సాధనకే పరిమితం కాకుండా వ్యాపార అవకాశాలను గుర్తించడం, కొత్త సంస్థలను నిర్మించడం, వివిధ రంగాల్లో కార్యకలాపాలను విస్తరించడం పట్ల దృష్టిసారించారు.టెక్ ప్రపంచం నుంచి.. బ్యూటీ సామ్రాజ్యం దాకా!సాఫ్ట్ వేర్ రంగంలో విశేష పరిజ్ఞానం సంపాదించిన భరత్ కుమార్ మొదట కేబీకే బిజినెస్ సోల్యూషన్స్ పేరుతో ఐటీ కంపెనీ స్థాపించారు. అనతి కాలంలోనే డిజిటల్ మార్కెటింగ్, రియల్ ఎస్టేట్, హెల్త్ కేర్, బ్యూటీ రంగాల్లో తన కంపెనీలు విస్తరించి కేబీకే గ్రూప్ గా రూపాంతరం చెందించారు. ప్రస్తుతం కేబీకే గ్రూప్ ఆధ్వర్యంలో ఈక్వినాక్స్ ఐటీ సొల్యూషన్స్, కేబీకే బిజినెస్ సొల్యూషన్స్, కేబీకే రియల్టర్స్, కేబీకే హాస్పిటల్, బ్యూటీ బే లాంజ్, గ్లోబల్ పల్స్, కేబీకే ప్రొడక్షన్స్ అనే కంపెనీలు విజయవంతంగా కొనసాగుతున్నాయి. ఇలా కేవలం ఒక్క రంగానికే పరిమితం కాకుండా ప్రస్తుత సమాజానికి అవసరం అయ్యే ప్రతి విభాగంలో సేవలు అందిస్తోంది కేబీకే గ్రూప్. అంతర్జాతీయ వేదికపై తెలుగు విద్యార్థులకు దిక్సూచిగా..అమెరికాలో తన వ్యాపార కార్యకలాపాల విస్తరణతో పాటు ఏటా అక్కడికి వెళ్లే భారతీయులు, ముఖ్యంగా తెలుగు విద్యార్థులకు తన వంతు సహకారం అందిస్తున్నారు భరత్ కుమార్. కొత్తగా అమెరికాకు వెళ్లే విద్యార్థులకు అక్కడి పరిస్థితులను అర్థం చేసుకోవడంలో సహాయం చేయడంతోపాటు ఉపాధి, ఉద్యోగాన్వేషణలాంటి అవసరమైన సందర్భాల్లో మార్గనిర్దేశం చేస్తున్నారు.సేవారంగంలోనూ తనదైన ముద్ర..కేబీకే గ్రూప్ ద్వారా వ్యాపార కార్యకలాపాలతో బిజీగా ఉండే భరత్ కుమార్ సామాజిక సేవకు కూడా తగిన ప్రాధాన్యం ఇస్తున్నారు. కేబీకే వెల్ఫేర్ అసోసియేషన్ అనే స్వచ్ఛంద సంస్థ ద్వారా నిరుపేద విద్యార్థులకు చదువు నిమిత్తం ధన, వస్తు రూపేణా ఆర్థిక సహాయం అందిస్తున్నారు. తెలుగు రాష్ట్రాల్లోని పలు అనాథ, వృద్ధాశ్రమాల్లో తరచూ అన్నదానం వంటి సేవా కార్యక్రమాలు కొనసాగిస్తున్నారు. అమెరికా నేలపై ఆధ్యాత్మిక సేవ..వ్యాపారం, సామాజిక సేవతో పాటు భారతీయ సంస్కృతి, ఆధ్యాత్మిక విలువలను విదేశాల్లోనూ కొనసాగించాలనే ఉద్దేశంతో కీలక ముందడుగు వేశారు భరత్ కుమార్. టెక్సాస్లోని ఆస్టిన్–జార్జ్ టౌన్ ప్రాంతంలో హరిహర క్షేత్రం పేరుతో ఓ ఆలయ నిర్మాణానికి పూనుకున్నారు. అమెరికాలో నివసిస్తున్న భారతీయ సమాజానికి ఆధ్యాత్మిక, సాంస్కృతిక వేదికగా దీనిని అభివృద్ధి చేస్తున్నారు.సాధించిన విజయాలకు వరించిన అవార్డులు..వ్యాపార, సామాజిక కార్యక్రమాలకు సంబంధించి భరత్ కుమార్ పలు విశిష్ట పురస్కారాలు అందుకున్నారు. ఆయా రంగాల్లో అందించిన విశేష సేవలకు గుర్తింపుగా తెలంగాణ ప్రభుత్వం, వందే భారత్ ఫౌండేషన్ సౌజన్యంతో 'సంజీవ రత్న పురస్కార్', 'రాష్ట్రీయ గౌరవ్ పురస్కార్' అందుకొన్నారు. అంతర్జాతీయ వ్యాపార దిగ్గజ మ్యాగజైన్ 'ఫోర్బ్స్ బిజినెస్ కౌన్సిల్ 2024' ప్రాతినిధ్య జాబితాలో స్థానం సంపాదించారు. అయితే ఈ అవార్డులు, గుర్తింపుల కంటే తాను నిర్మించే సంస్థలు, వాటి ద్వారా సృష్టించే అవకాశాలు, సమాజానికి అందించే సేవే తన ప్రయాణంలో ముఖ్యమనే దృక్పథంతో ఆయన ముందుకు సాగుతున్నారు.యువతకు మార్గదర్శిగా.. భావితరాలకు దిక్సూచిగా..చిన్న పట్టణం లేదా సాధారణ నేపథ్యం మన లక్ష్యాలకు ఏమాత్రం పరిమితి కావని నిరూపించారు ఈ యువ ఆంత్రప్రెన్యూర్ భరత్ కుమార్. విద్యార్థి దశలో మొదలైన వ్యాపార ఆసక్తిని అంతర్జాతీయ స్థాయిలో వివిధ రంగాలకు విస్తరించేందుకు చేసిన భరత్ కక్కిరేణి ప్రయత్నం యువ వ్యాపారవేత్తలకు ఆదర్శంగా నిలుస్తోంది.తెలంగాణ నుంచి అమెరికా వరకు సాగిన ఆయన ప్రయాణం కేవలం ఒక వ్యాపారవేత్త కథగా కాకుండా.. అవకాశాలను వెతుక్కుంటూ ముందుకు వెళ్లాలనుకునే యువతకు ఒక స్ఫూర్తిదాయకంగా నిలుస్తోంది. మారుతున్న టెక్నాలజీ, వ్యాపార ప్రపంచంలో కొత్త అవకాశాలను అందిపుచ్చుకుంటూ, భారత్–అమెరికా మధ్య తన వ్యాపార, సామాజిక కార్యక్రమాలను మరింత విస్తరించాలనే లక్ష్యంతో ముందుకు సాగుతున్నారు భరత్ కుమార్ కక్కిరేణి.ఇదీ చదవండి: పరుగులు తీస్తున్న బంగారం ధరలు.. ఈరోజు రేటు ఎంతంటే..

సాధారణ ఇంజినీరింగ్ కెరీర్‌తో మొదలైన ప్రయాణం.. ప్రపంచస్థాయి టెక్నాలజీ సంస్థల్లో కీలక బాధ్యతలు నిర్వర్తించే స్థాయికి ఎదగడం.. ఉద్యోగంతోనే ఆగిపోకుండా పరిశోధన, అంతర్జాతీయ సదస్సులు, రీసెర్చ్ పేపర్ రివ్యూలు, సాంకేతిక రచనల వరకు తన పరిధిని విస్తరించడం.. ఇదీ భారతీయ టెక్నాలజీ నిపుణుడు అవినాష్ ఖండేరి విజయ ప్రయాణం. డేటా ఇంజినీరింగ్, క్లౌడ్ కంప్యూటింగ్, బిగ్ డేటా, AIOps వంటి రంగాల్లో ఎనిమిదేళ్లకు పైగా అనుభవం సంపాదించిన అవినాష్.. Amazon, IBM, Visa, Walmart వంటి ప్రపంచవ్యాప్తంగా గుర్తింపు పొందిన సంస్థల్లో పనిచేశారు. ప్రస్తుతం అమెరికాలోని Salesforceలో Senior Member of Technical Staffగా కొనసాగుతున్నారు.ఆయన ప్రొఫెషనల్ ప్రొఫైల్ ప్రకారం enterprise data platforms, reliable data pipelines, data transformation, data quality, analytics, AIOps వంటి విభాగాల్లో విస్తృత అనుభవం ఉంది.Amazonతో మొదలైన టెక్ ప్రయాణం2018లో Amazon Indiaలో Associate Data Engineerగా అవినాష్ తన ప్రొఫెషనల్ ప్రయాణాన్ని ప్రారంభించారు. SQL, Oracle, Python, Tableau, data processing, analytics వంటి విభాగాల్లో పనిచేస్తూ డేటా ప్రపంచంలో తన పునాదిని బలోపేతం చేసుకున్నారు.ఆ తర్వాత హైదరాబాద్‌లో IBMలో Big Data Analystగా పనిచేశారు. Hadoop, Spark, Hive, MapReduce, Kafka వంటి Big Data technologiesపై పనిచేయడం ఆయన కెరీర్‌ను మరింత విస్తరించింది. IBMలో భారీ datasetsను process చేయడం, SQL queriesను optimize చేయడం, analytical datasetsను సిద్ధం చేయడం వంటి బాధ్యతలు నిర్వర్తించినట్లు ఆయన ప్రొఫైల్ పేర్కొంటోంది.అనంతరం యునైటెడ్ కింగ్‌డమ్‌లో Tech Plus Solutionsలో Data Engineerగా పనిచేసిన అవినాష్.. Python, PySpark, Hadoop, AWS, Redshift, Informatica వంటి టెక్నాలజీలతో enterprise-scale data workflowsపై అనుభవాన్ని పెంచుకున్నారు.Visa, Walmartతో మరింత పెద్ద బాధ్యతలుఅవినాష్ కెరీర్‌లో అమెరికా ప్రయాణం మరో కీలక మలుపు. 2022 నుంచి 2024 వరకు Visaలో Senior Data Engineer – Cloud Data Infrastructureగా పనిచేశారు. అక్కడ cloud-based data pipelines, Databricks, Kafka, Airflow, AWS Glue, Azure Data Factory వంటి టెక్నాలజీలతో భారీ స్థాయి డేటా వ్యవస్థలపై పనిచేశారు.ఆయన ప్రొఫైల్ ప్రకారం Visaలో నెలకు 100 మిలియన్లకు పైగా recordsను process చేసే cloud pipelinesతో పాటు, 8TBకు పైగా datasets, 20కి పైగా source systemsకు సంబంధించిన data workflowsపై పనిచేశారు.తర్వాత Walmartలో Senior Data Engineerగా చేరి retail transaction data, analytical datasets, Databricks, PySpark, Delta Lake, Azure Data Factory, Synapse Analytics వంటి technologiesతో enterprise data processingపై పనిచేశారు. ఈ ప్రయాణమే ఆయనను మరింత పెద్ద టెక్నాలజీ బాధ్యతల వైపు తీసుకెళ్లింది. Salesforceలో కొత్త అధ్యాయం2026లో Salesforceలో చేరడం అవినాష్ కెరీర్‌లో మరో ముఖ్యమైన మైలురాయి. ప్రస్తుతం enterprise data engineeringతో పాటు AIOps—Artificial Intelligence for IT Operationsకు సంబంధించిన data systemsపైనా ఆయన పనిచేస్తున్నారు.ఆయన ప్రొఫెషనల్ ప్రొఫైల్ ప్రకారం Salesforceలో 200 మిలియన్లకు పైగా recordsను handle చేసే cloud data pipelines, 15TBకు పైగా structured, semi-structured datasetsకు సంబంధించిన workflowsపై పనిచేశారు. Data quality validation, metadata management, operational monitoring, anomaly detection, Salesforce Data Cloud, Data 360 వంటి విభాగాలు కూడా ఆయన ప్రస్తుత పని పరిధిలో ఉన్నాయి.Data Engineering నుంచి AIOps వరకు జరిగిన ఈ పరిణామం భవిష్యత్ enterprise technology ఎలా మారబోతోందో సూచిస్తుందని అవినాష్ అభిప్రాయపడుతున్నారు.“భవిష్యత్తులో డేటా వ్యవస్థలు కేవలం సమాచారాన్ని process చేయడం వరకే పరిమితం కావు. AI సహాయంతో సమస్యలను ముందుగానే గుర్తించడం, operational patternsను అర్థం చేసుకోవడం, engineering teams వేగంగా నిర్ణయాలు తీసుకునేలా చేయడం కీలకంగా మారుతుంది” అని అవినాష్ పేర్కొన్నారు.అంతర్జాతీయ వేదికలపై స్పీకర్‌గా గుర్తింపుకార్పొరేట్ కెరీర్‌తోనే పరిమితం కాకుండా తన సాంకేతిక అనుభవాన్ని అంతర్జాతీయ వేదికలపై పంచుకోవడంపైనా అవినాష్ దృష్టి పెట్టారు.International Conference on Advances in Computer Engineering and Communication Systems (ICACECS)లో ఆయనకు speaker, session-level participation లభించింది. ICACECS అధికారిక వెబ్‌సైట్‌లో Salesforceకు చెందిన Senior Member of Technical Staffగా అవినాష్‌ను Special Invitee/Session Chair/Speakerగా పేర్కొంటూ, “AI-Driven Innovation: Transforming Industries Through Intelligent Technologies” అనే అంశాన్ని ఆయన ప్రసంగ విషయంగా ప్రకటించారు.ICACECS-2025లోనూ అవినాష్ పేరు Walmart USA Senior Data Engineerగా conference committee listingలో నమోదైంది. ఈ conference Artificial Intelligence, Machine Learning, Big Data, Data Engineering, Cloud, IoT తదితర రంగాల్లో పరిశోధనలకు వేదికగా నిర్వహించబడింది.IC3T అంతర్జాతీయ వేదికలోనూ బాధ్యతలుఅవినాష్ అంతర్జాతీయ academic engagementలో International Conference on Computer and Communication Technologies (IC3T) కూడా మరో ముఖ్యమైన వేదిక.IC3T-2026 అధికారిక వెబ్‌సైట్‌లో “Avinash Khanderi, Senior Member of Technical Staff, Salesforce, California, USA” అని International Advisory Committeeలో ఆయన పేరు నమోదైంది. 8వ IC3T సదస్సు 2026 అక్టోబర్ 13 నుంచి 15 వరకు ఇండోనేషియాలోని బాలిలో జరగనుంది.ఇలాంటి అంతర్జాతీయ వేదికల ద్వారా పరిశోధకులు, అధ్యాపకులు, పరిశ్రమ నిపుణులతో కలిసి emerging technologiesపై చర్చల్లో భాగస్వామ్యం కావడం తనకు నిరంతర అభ్యాసంలో భాగమని అవినాష్ భావిస్తున్నారు.100కు పైగా పరిశోధనా పత్రాలకు రివ్యూయర్‌గా..స్పీకర్‌గా తన అనుభవాన్ని పంచుకోవడంతో పాటు research reviewerగా కూడా అవినాష్ పనిచేస్తున్నారు. ఆయన అందించిన వివరాల ప్రకారం వివిధ పరిశోధనా, conference వేదికల్లో ఇప్పటివరకు 100కు పైగా research papersను review చేశారు.Research paper review అనేది కేవలం ఒక పరిశోధనా వ్యాసాన్ని చదవడం మాత్రమే కాదు. పరిశోధనలో originality, methodology, technical depth, results, relevance, presentation వంటి అంశాలను విశ్లేషించి academic standardsకు అనుగుణంగా ఉందా లేదా పరిశీలించాల్సిన బాధ్యత.ICACECS వంటి అంతర్జాతీయ conferencesలో submitted papers originality, innovation, technical/research depth, correctness, relevance, contribution, readability వంటి ప్రమాణాల ఆధారంగా peer reviewకు లోనవుతాయని conference guidelines పేర్కొంటున్నాయి.ఈ తరహా peer-review ecosystemలో భాగస్వామ్యం కావడం ద్వారా కొత్త పరిశోధనలను దగ్గరగా పరిశీలించే అవకాశం తనకు లభిస్తోందని అవినాష్ చెబుతున్నారు.22+ రీసెర్చ్ పేపర్లు.. టెక్నికల్ బుక్.. పేటెంట్ఇతర పరిశోధకుల పనిని సమీక్షించడమే కాకుండా అవినాష్ స్వయంగా కూడా research, technical writingలో తన ప్రయాణాన్ని కొనసాగిస్తున్నారు. ఆయన ప్రొఫెషనల్ ప్రొఫైల్ ప్రకారం ఇప్పటివరకు 22కు పైగా peer-reviewed research papers, ఒక technical book, ఏడు book chapters, ఒక patent ఆయన professional contributionsలో ఉన్నాయి.పరిశ్రమలో పనిచేస్తూనే పరిశోధన రంగంతో సంబంధాన్ని కొనసాగించడం వల్ల real-world technology challengesను academic researchతో అనుసంధానించే అవకాశం లభిస్తుందని ఆయన భావిస్తున్నారు.IEEE Active Memberగా టెక్ కమ్యూనిటీలో భాగస్వామ్యంటెక్నాలజీ ప్రొఫెషనల్ కమ్యూనిటీల్లోనూ అవినాష్ చురుగ్గా పాల్గొంటున్నారు. IEEE Active Memberగా వివిధ professional, technical activitiesలో భాగస్వామ్యం అవుతున్నారు.అదే సమయంలో తన సాంకేతిక పరిజ్ఞానాన్ని నిరంతరం మెరుగుపరుచుకుంటూ Salesforce Certified Platform Developer, Confluent Certified Developer for Apache Kafka, Microsoft Certified Azure AI Fundamentals, Microsoft Certified Azure Data Engineer Associate, Snowflake SnowPro Core వంటి certificationsను సాధించారు.Green AI వైపు మరో అడుగుArtificial Intelligence వేగంగా విస్తరిస్తున్న సమయంలో AI capabilitiesతో పాటు వాటిని నడిపించే భారీ computing infrastructure, energy requirements, sustainability వంటి అంశాలపైనా ప్రపంచవ్యాప్తంగా చర్చ జరుగుతోంది. ఈ నేపథ్యంలో అవినాష్ The Green AI Initiativeను స్థాపించినట్లు ఆయన ప్రొఫెషనల్ ప్రొఫైల్ పేర్కొంటోంది.AI systemsను మరింత efficientగా నిర్మించడం, computing resourcesను బాధ్యతాయుతంగా వినియోగించడం, technology innovationతో sustainabilityని అనుసంధానించడం వంటి అంశాలను ముందుకు తీసుకెళ్లడం ఈ ఆలోచన వెనుక ఉన్న దృక్పథం.“AI ఎంత శక్తివంతంగా మారుతుందన్నదే భవిష్యత్తును నిర్ణయించదు. దాన్ని ఎంత సమర్థవంతంగా, బాధ్యతాయుతంగా, sustainableగా నిర్మిస్తున్నామన్నది కూడా అంతే ముఖ్యం. Innovation, efficiency, sustainability కలిసి ముందుకు వెళ్లాలి” అని అవినాష్ అభిప్రాయపడుతున్నారు.యువ ఇంజినీర్లకు స్ఫూర్తినిచ్చే ప్రయాణంAmazonలో Associate Data Engineerగా ప్రారంభమైన కెరీర్.. IBMలో Big Data.. UKలో Data Engineering.. Visaలో Cloud Data Infrastructure.. Walmartలో enterprise-scale retail data systems.. ఇప్పుడు Salesforceలో Data Engineering, AIOps.ఈ కార్పొరేట్ ప్రయాణానికి సమాంతరంగా research publications, technical book, book chapters, patent, international conference participation, research-paper reviewing, IEEE involvement, Green AI Initiative వంటి professional contributionsను కూడా అవినాష్ కొనసాగిస్తున్నారు. ఈ ప్రయాణంలో తనకు నేర్పిన అతిపెద్ద పాఠం continuous learning అని ఆయన చెబుతున్నారు.“మొదటి ఉద్యోగం లేదా మొదటి జీతం మన కెరీర్‌ను నిర్ణయించవు. మనం ఎంత నిరంతరంగా నేర్చుకుంటున్నాం, ఎంత క్లిష్టమైన సమస్యలను పరిష్కరిస్తున్నాం, మన జ్ఞానంతో ఎంత విలువ సృష్టిస్తున్నాం అన్నదే దీర్ఘకాలిక విజయాన్ని నిర్ణయిస్తుంది” అని యువతకు అవినాష్ సూచిస్తున్నారు.భారత్ నుంచి గ్లోబల్ టెక్ ఎకోసిస్టమ్ వరకు..అవినాష్ ఖండేరి కథను కేవలం ఒక ఉద్యోగ విజయగాథగా చూడలేం. ఇంజినీర్‌గా enterprise systems నిర్మించడం.. పరిశోధకుడిగా కొత్త అంశాలను అధ్యయనం చేయడం.. రివ్యూయర్‌గా పరిశోధనా పత్రాలను సమీక్షించడం.. అంతర్జాతీయ వేదికలపై స్పీకర్‌గా జ్ఞానాన్ని పంచుకోవడం.. professional communitiesలో చురుగ్గా పాల్గొనడం.. Green AI ద్వారా sustainable technologyపై దృష్టి పెట్టడం—ఈ విభిన్న కోణాలే ఆయన ప్రయాణాన్ని ప్రత్యేకంగా నిలబెడుతున్నాయి.భారత్‌లో ప్రారంభమైన ఆ ప్రయాణం నేడు అమెరికాలోని ప్రపంచస్థాయి టెక్నాలజీ ఎకోసిస్టమ్ వరకు చేరింది.అయితే అవినాష్ దృష్టిలో ఇది గమ్యం కాదు.. మరో కొత్త అధ్యాయానికి ప్రారంభం మాత్రమే.AI, Cloud Computing, Data Engineering, AIOps రంగాలు వేగంగా మారుతున్న వేళ.. ప్రపంచానికి ఉపయోగపడే, నమ్మదగిన, సమర్థవంతమైన, బాధ్యతాయుతమైన టెక్నాలజీ వ్యవస్థలను నిర్మించడమే తన తదుపరి ప్రయాణమని అవినాష్ ఖండేరి చెబుతున్నారు.ఎక్కడ ప్రారంభించామన్నది కాదు.. ఎంత దూరం నేర్చుకుంటూ ప్రయాణించామన్నదే విజయానికి అసలైన కొలమానం అని ఆయన ప్రయాణం చెబుతోంది.

Abhishek Sujit Sharma Success story పట్టుదల, కృషి ఉండాలేగానీ అడ్డంకులన్నీ విజయానికి బాటలు వేస్తాయి. ముంబైలోని ఒక మురికివాడ నుంచి ఐఐటీ ఢిల్లీ దాకాఎదిగిన వైనం స్ఫూర్తి దాయకం. జేఈఈ అడ్వాన్స్‌డ్‌లో 199 మార్కులు సాధించి, OBC-NCL కేటగిరీలో 415 ర్యాంక్ (All India Rank 2,456) సాధించాడు. దీని ద్వారా ఐఐటీ ఢిల్లీలో సీటు సంపాదించి, తన కమ్యూనిటీ నుంచి తొలి ఐఐటీయన్‌గా నిలిచిన అభిషేక్ సుజిత్ శర్మ సక్సెస్‌ స్టోరీ ఇది.ముంబైలోని లోకమాన్య తిలక్ నగర్‌లోని హరద్ ఛావుల్‌లో ఒక చిన్న అద్దె గదిలో (నెలకు రూ. 3,000) నలుగురు సభ్యుల కుటుంబంతో అభిషేక్ నివసించేవాడు. అతని తండ్రి ఒక స్టీల్ ఫ్యాబ్రికేషన్ కంపెనీలో కార్మికుడిగా ఉన్నారు. కనీస వసతులు కూడా లేక, అనేక ఆర్థిక ఇబ్బందుల మధ్య అభిషేక్‌ చదువు సాగేది. దీంతో ఖరీదైన కోచింగ్‌లు అన్న ప్రశ్నేలేదు. ఆన్‌లైన్ క్లాసులపైనే ఆధారపడేవాడు. ఇదీ చదవండి: రోజుకు రూ. 50 వేలు : ఈమె వ్యాపారం ఏంటో తెలుసా?మొబైల్ డేటా అయిపోయిన ప్రతిసారీ, పక్కింటి వారి వైఫై (Wi-Fi) కనెక్షన్‌ని ఉపయోగించుకోవడానికి అతను తన ఇంటి టెర్రస్ పైకి ఎక్కేవాడు. ఆ టెర్రసే కొంతకాలం అతనికి క్లాస్‌రూమ్‌లా మార్చుకుని జేఈఈ అడ్వాన్స్‌డ్ (JEE Advanced) ప్రిపేర్‌ అయ్యేవాడు. అభిషేక్‌కు సౌకర్యంగా ఉండాలని అతని తల్లిదండ్రులు నేలపై పడుకుని మంచాన్ని అతనికి కేటాయించారు. చివరికి జేఈఈ అడ్వాన్స్‌డ్‌లో 199 మార్కులు సాధించి, ఓబీసీ-ఎన్‌సీఎల్ విభాగంలో 415వ ర్యాంకును పొందారు. తొలి ఐఐటియన్‌గా తన కుటుంబానికి గర్వంగా నిలవడమే కాడు, తనలాంటి ఎంతోమంది స్ఫూర్తిగా నిలిచాడు.ఇదీ చదవండి: రూ. 2 లక్షల కోట్లు : జపాన్‌కు ధీటుగా హై-స్పీడ్ బుల్లెట్ రైలు

క్యాప్సికమ్‌ ఎంత టేస్టీగా ఉంటుందో తెలిసిందే. కడాయి పనీర్‌ నుంచి ఫ్రైడ్‌ రైస్‌ వరకు విభిన్న వంటకాల్లో దీని డిమాండ్‌ వేరేలెవెల్‌. అలాంటి క్యాప్సికమ్‌ని ఎలా సాగు చేస్తారో తెలుసా..మాములు కూరగాయలు పండించినట్లుగా మాత్రం కాదు. దీని గురించి పూర్తిగా తెలుసకునే ఈ సాగుకి దిగాలి. కానీ ఓ ఎంబీఏ గ్రాడ్యుయేట్‌ ఆ సాహసం చేసి కోట్లు లబ్ధి పొందుతోంది. మరి ఆమె ఎలా ఈ వ్యసాయం రంగాన్ని ఎంచుకుని లాభాలు గడిస్తుందో చూద్దామా..!.ఆ యువతే మహారాష్ట్రలోని జున్నార్‌లో ఒక వ్యవసాయ కుటుంబానికి చెందింది ప్రణితి వామన్‌. ఎంబిఏ గ్రాడ్యుయేట్‌ అయిన ప్రణిత కార్పొరేట్‌ ఉద్యోగాల వైపుకి మళ్లకుండా..నేల తల్లి వైపే అడుగులు వేసింది. అంతేగాదు టాటా ఇన్‌స్టిట్యూట్‌ ఆఫ్‌ సోషల్‌ సైన్సెస్‌ నుంచి ఎంబీఏ చేసిన వెంటనే ఫుడ్‌ప్రాసెసింగ్‌ కంపెనీలో ఇంటర్న్‌షిప్‌ చేసింది. అయినా కూడా కార్పొరేట్‌ ఉద్యోగం వద్దనుకుని వ్యవసాయం రంగంలోకి వెళ్లేందుకే మొగ్గు చూపింది. తన ఇంటర్న్‌షిప్‌ సమయంలోనే వ్యవసాయ-పారిశ్రామికవేత్తగా మారాని భావించిందట. అదే తన లక్ష్యంగా ఏర్పరుచుకుని మరి ఈ ఫీల్డ్‌లోని వచ్చింది ప్రణిత. ఆమె హై-టెక్ వ్యవసాయంలోని సామర్థ్యాన్ని గుర్తించి..2020లో కేవలం ఒక ఎకరం భూమిలో పాలీహౌస్‌లో క్యాప్సికమ్‌ సాగుని ప్రారంభించింది. ఫాలీహౌస్‌ సాగులో ఉష్ణోగ్రత, తేమ, ఇతర అంశాలను నియంత్రించడం ద్వారా పంటలకు అనుకూలమైన వాతావరణాన్ని కల్పిస్తారు. ఈ పద్ధతి కొన్ని పంటలను ఏడాది పొడవున పండించేందుకు వీలు కల్పిస్తుందట. అలా ఆమె బ్రోకలీ, లెట్యూస్‌ వంటి కూరగాయలను పరిశీలించి ఆ తర్వాతే క్యాప్సికమ్‌ పండించాలని నిర్ణయించుకుందట. రెస్టారెంట్‌, హోటళ్లలో దీని డిమాండ్‌ చూసి ప్రణితి ఈ కూరగాయను సాగు చేయాలని నిర్ణయించుకుందామె. లాక్‌డౌన్‌కి కొద్ది రోజుల ముందు నుంచి మార్చి 2020లో క్యాప్సికమ్‌ సాగుని ప్రారంభించింది. నీటి పారుదల వ్యవస్థను ఏర్పాటు చేయడానికి విత్తనాలు కొనడానికి ఇతర అవసరాల కోసం సుమారు రూ. 20 లక్షలు పెట్టుబడి పెట్టింది. తన వ్యాపార ఆలోచనను ప్రారంభించేందుకు అవసరమైన మిగిలిన మొత్తాన్ని సబ్సిడీ రూపంలో పొందింది ప్రణిత. ఇంత కష్టపడితే..సరిగ్గా పంట కోత సమయానికి లాక్‌డౌన్‌ రావడంతో హోల్‌సేల్‌ కూరగాయల వ్యాపారుల గురించి తెలుసుకోవడం కష్టమైపోయింది. ఆ సమయంలో రైతులంతా సాగుని నిలిపేయడంతో కూరగాయలను కొనుగోలు చేసే వ్యాపారిని గుర్తించడానికి ఎన్నో పాట్లు పడింది. చివరికి ఎంతో శ్రమించి ఒక వ్యాపారిని గుర్తించి తన పంటను అమ్మే ప్రయత్నాలు చేసింది. అలా ఆమెకు మొదటి పంటలో 40 టన్నుల క్యాప్సికమ్ దిగుబడి రాగా, రూ. 32 లక్షల టర్నోవర్‌ ఆర్జించింది. ప్రస్తుతం ఆమె ఈ పంటతో ఏడాదికి రూ. 4 కోట్లు టర్నోవర్‌ ఆర్జిస్తోంది. దానిలో రూ. 2.25 కోట్లకు పైగా లాభాలను అందుకోవడం విశేషం. ఇక ప్రణిత తన ఉత్పత్తులను నాసిక్‌, దాదర్‌, జైపూర్‌ తదితర ఇతర ప్రాంతాల్లోని టోకు వ్యాపారులకు నేరుగా విక్రయిస్తోంది.ఇదీ చదవండి: ఆ రెస్టారెంట్‌లో మెనూనే ఉండదట..! ఫుడ్‌ ఎలా ఆర్డర్‌ చేస్తారంటే..)

అతను ఒకప్పుడు లారీ డ్రైవర్‌. కుటుంబాన్ని పోషించుకునేందుకు తనవాళ్లకు దూరంగా దాదాపు రెండు దశబ్దాలు పాటు దేశమంతా తిరిగాడు. దిల్‌ ఉన్నోడు దునియాను ఏలతాడు అన్నట్టు రోడ్డుపై సాధారణ డ్రైవర్‌గా ప్రయాణాన్ని ప్రారంభించిన ఆయనే నేడు దేశంలోని ప్రముఖ డిజిటల్ క్రియేటర్లలో ఒకరిగా పేరు తెచ్చుకున్నారు. యూట్యూబ్‌ స్టార్‌ ఎదిగిన వైనం నెట్టింట విశేషంలో నిలుస్తోంది. పదండి మరి ఆ విశేషాలేంటో తెలుసుకుందాం.జార్ఖండ్‌లోని జమ్తారా జిల్లాకు చెందిన రాజేష్ రవాణి సక్సెస్‌ స్టోరీ ఇది. హైవేపై సాధారణ వంటలు చేయడం నుండి తన సొంత తన కలల ప్రాజెక్ట్‌ 'లగ్జరీ ట్రక్'ను డిజైన్ చేసుకునే వరకు ఆయన ప్రయాణం కోట్లాది మందిని ఆకట్టుకుంది. రాజేష్ రవాణి 25 ఏళ్లుగా లారీ డ్రైవర్‌గా పని చేస్తూ, సుదీర్ఘ ప్రయాణాల్లో రోడ్డు పక్కనే మటన్, చికెన్, ఫిష్, పన్నీర్ వంటి రుచికరమైన వంటలు చేసేవారు. అదే ఇపుడు అనేక లక్షల ఆదాయాన్ని తెచ్చిపెడుతోంది. ఇదీ చదవండి: పెళ్లైన 17 రోజులకే అమెరికాలో హైదరాబాదీ అనుమానాస్పద మృతియూట్యూబ్ స్టార్‌గాతన కుమారుడు సాగర్ రవాణి ప్రోత్సాహంతో 2021లో 'ఆర్ రాజేష్ వ్లాగ్స్' (R Rajesh Vlogs) పేరుతో యూట్యూబ్ ఛానెల్‌ను ప్రారంభించారు. ఫేస్-రివీల్ వీడియో తర్వాత ఈ ఛానెల్‌కు ఒక్కసారిగా విపరీతమైన ఆదరణ లభించింది. ఒకప్పుడు డ్రైవింగ్ ద్వారా నెలకు రూ. 25 వేల నుంచి రూ. 30 వేల సంపాదించిన ఆయన, యూట్యూబ్ ద్వారా నెలకు రూ. 4 లక్షల నుండి రూ. 5 లక్షలు, కొన్నిసార్లు రూ. 18 లక్షల వరకు సంపాదిస్తూ ఆర్థికంగా బలపడ్డారు. అంతేనా తనకోసం ఒక స్పెషల్‌ ట్రక్‌ను కూడా డిజైన్‌ చేసుకున్నారు. ఒక సందర్భంలో ప్రముఖ పారిశ్రామికవేత్త ఆనంద్ మహీంద్రా కూడా ఆయన పట్టుదలను ప్రశంసించడం విశేషం. View this post on Instagram A post shared by Rajesh Rawani (@r_rajesh_07)ఇదీ చదవండి: రూ. 500 కోట్ల నోటీసు : దిశా కేసులో ఆదిత్య ఠాకరేకు మరో షాక్‌స్పెషల్ లగ్జరీ ట్రక్తన డిజిటల్ సంపాదనతో రోడ్డుపై జీవనానికే అనువుగా పూర్తి ఏసీ, కస్టమ్-బిల్ట్ స్టోరేజ్ క్యాబినెట్లు, ఆధునిక వంటగది సదుపాయాలతో కూడిన 'భారతదేశపు అత్యంత విలాసవంతమైన ట్రక్'ను డిజైన్ చేసుకున్నారు. ప్రస్తుతం ఈ ఛానెల్‌కు యూట్యూబ్‌లో దాదాపు 3 మిలియన్ల మంది సబ్‌స్క్రైబర్లు, బిలియన్‌కు పైగా వ్యూస్‌తో పాటు ఇన్‌స్టాగ్రామ్‌లో 2 మిలియన్ల ఫాలోవర్లు ఉన్నారు.ఇదీ చదవండి: లవర్‌ను పెళ్లాడి బిహార్‌కు, ఇన్‌స్టాలో అమెరికా అమ్మడు సందడి

పెళ్లిళ్లలోనూ,పండగల్లోనూ, ఉత్సవాల్లోనూ, దేవాలయల్లోనూ అలంకరణకు క్వింటాళ్ల కొద్దీ పువ్వులతోమండపాలను, దేవుళ్లను అలంకరించడం సర్వ సాధారణం. ఆ తరువాత ఈ పూలన్నీ ఎక్కడికి పోతున్నాయి. ఎపుడైనా ఆలోచించారా? మరీ ముఖ్యంగా గణేశ్‌, దేవీ నవరాత్రి ఉత్సవాలు, నిమజ్జనాల తరువాత పుణ్య నదుల్లో, కాల్వల్లో కలిసిపోవే పువ్వుల గురించి ఆలోచించారా? అలా 2015లో, అంకిత్ అగర్వాల్ కాన్పూర్‌లోని గంగా నది ఒడ్డున నిలబడి, మామూలుగా కనిపించిన ఒక దృశ్యం అతన్ని ఆగి ఆలోచించేలా చేసింది. ఆ ఆలోచనే రూ. 200 కోట్ల కంపెనీకి పునాది పడింది.అది మకర సంక్రాంతి రోజు.. భక్తులు పవిత్ర స్నానాలు ఆచరిస్తుండగా, ఆలయాల్లో సమర్పించిన పూలను సేకరించి అదే నదిలో పడేస్తున్నారు. చాలామందికి అవి వ్యర్థాలు మాత్రమే, కానీ అంకిత్ అగర్వాల్‌కు మాత్రం అది ఒక పెద్ద సమస్యలా కనిపించింది. ఇది తీవ్ర సమస్యగా మారకూడదు అనే తపన మొదలైంది.పురుగుమందులు,రసాయన రంగులు, ఇతర పదార్థాలతో ఆ పువ్వులు, దేవాలయాలలో సమర్పించిన తర్వాత నదిలో కలిసి పోతున్నాయని కలత చెందారు. నది కలుషితం అవ్వడాన్ని ఆపడానికి ఈ పూలను రీసైకిల్ చేయాలని నిర్ణయించుకున్నారు. ఆలయాల నుంచి సేకరించిన వ్యర్థ పువ్వులతో నది కాలుష్యం బారిన పడకుండా ఉండాలనే ఆలోచన మొదలైంది.ఆటోమేషన్ సైన్స్‌లో నేపథ్యం ఉండి, సోషల్ ఇన్నోవేషన్‌లో ఫుల్‌బ్రైట్ ఫెలోషిప్ తర్వాత భారతదేశానికి తిరిగి వచ్చిన అంకిత్ ఏదైనా చేయాలనుకున్నాడు.అంకిత్ తన చిన్ననాటి స్నేహితుడైన, పర్యావరణ ఇంజనీర్ ప్రతీక్ కుమార్‌ సంప్రదించాడు. ఇద్దరూ పారేసిన పువ్వులను సేకరించి, వాటిని ప్రాసెస్ చేసే మార్గాలను పరీక్షించడం ప్రారంభించారు. వారి ప్రారంభ ఆలోచన కంపోస్టింగ్, కానీ ప్రయోగాలు అనుకున్నట్లుగా జరగలేదు. ఆలయ వ్యర్థాలలో ఉండే పసుపు, కుంకుమ వంటి పదార్థాలు ఈ ప్రక్రియలో సమస్యలను సృష్టించాయి. కానీ ఎక్కడా తగ్గలేదు.ప్రయోగాలు చేస్తూనే ఉన్నారు. చివరికి, వారు పూల వ్యర్థాలను అగరబత్తి ఉత్పత్తులకు ముడి పదార్థంగా మార్చే మార్గాన్ని కనుగొన్నారు. వ్యర్థాల సమస్యను పరిష్కరించే ప్రయత్నంగా ప్రారంభమైనది నెమ్మదిగా ఒక వ్యాపార నమూనాగా మారింది.2017లో 'ఫూల్' (Phool.co) వెనుక ఉన్న కంపెనీ అయిన కాన్పూర్ ఫ్లవర్‌సైక్లింగ్ ప్రైవేట్ లిమిటెడ్‌ను స్థాపించారు. ప్రారంభంలో ఈ పువ్వులతో అగర్బత్తీలు, ధూప్ కోన్‌లు, పర్యావరణహిత రంగులను తయారు చేశారు. ఆ తర్వాత ఈ వ్యాపారాన్ని మరింతగా విస్తరించారు. View this post on Instagram A post shared by PHOOL (@phool.co)అంతేకాదు ఈ ప్రాజెక్ట్ ద్వారా అట్టడుగు వర్గాలకు చెందిన మహిళలకు, ముఖ్యంగా ప్రమాదకరమైన ట్యానిరీ పనుల్లో పనిచేసిన వారికి ఉపాధి కల్పించారు. ప్రాసెసింగ్ సమయంలో మిగిలిపోయిన పూల పదార్థంతో ఏమి చేయవచ్చో ఆ బృందం పరిశోధించడం ప్రారంభించింది. ఆ పరిశోధన చివరికి అది మరో కంపెనీకి దారి తీసింది. ఇదీ చదవండి: లవర్‌ను పెళ్లాడి బిహార్‌కు, ఇన్‌స్టాలో అమెరికా అమ్మడు సందడిఫ్లెదర్ -వీగన్ లెదర్(Fleather) ఆవిష్కరణ: కేవలం పూల వ్యర్థాలతో ఆగకుండా, ఆ అవశేషాల నుంచి జంతువుల చర్మానికి ప్రత్యామ్నాయంగా 'ఫ్లెదర్' అనే బయోమెటీరియల్‌ను అభివృద్ధి చేశారు. ఇది ఫ్యాషన్ పరిశ్రమను ఎంతగానో ఆకర్షించింది. 2017లో సీడ్ ఫండింగ్ ప్రారంభం కాగా, ఏప్రిల్ 2022 నాటికి సిరీస్-ఎ రౌండ్‌లో బాలీవుడ్ నటి ఆలియా భట్ తదితరుల పెట్టుబడితో సుమారు రూ. 95 కోట్ల ఈక్విటీ ఫండింగ్‌ను సాధించింది. FY25 నాటికి ఫూల్ ఆపరేటింగ్ రెవెన్యూ సుమారు రూ. 77 కోట్లకు చేరగా, సంస్థ విలువ రూ. 200 కోట్లకు పైగా ఉంది. జూన్ 2026లో ఎన్‌సీఎల్‌టీ (NCLT) అలహాబాద్ బెంచ్ 'ఫ్లెదర్' వ్యాపారాన్ని ప్రత్యేక కంపెనీగా డీమెర్జ్ చేసేందుకు అనుమతించింది.ఇదీ చదవండి: పెళ్లైన 17 రోజులకే అమెరికాలో హైదరాబాదీ అనుమానాస్పద మృతి

ఏ వ్యాపారంలోనైనా ఒక్కసారి ఘోరమైన నష్టం చవిచూస్తే..మళ్లీ దానివైపుకి కన్నెత్తి చూసే సాహసం చేయం. అసలు ఆ కష్టం నుంచి కోలుకోవడమే చాలా కష్టం. కానీ ఈ మహిళ వ్యాపారంలో ఎంత ఘోరమైన నష్టాలు చూసిందంటే..చేతిలో వంద రూపాయలతో రోడ్డుపైకి వచ్చేసింది. కానీ ఆ వంద కంటే తక్కువ మొత్తంతోనే మళ్లీ వ్యాపారం ప్రారంభించి.. ఇవాళ ఏ రేంజ్‌కి చేరుకుందో తెలిస్తే విస్తుపోతారు. నష్టాలనేవి నట్టేట ముంచేవి కాదు..నింగికేగేసేలా చేసే పాఠాలని చెబుతోంది ఆమె సక్సెస్‌ స్టోరీ. ఆ శక్తిమంతమైన మహిళే ఇలావరసి జయకాంత్‌. తమిళనాడులోని ఉసిలంపట్టికి చెందిన ఆమె కుటుంబం కేరళలోని త్రిస్సూర్ జిల్లాకు వలస వచ్చింది. ఆమె తల్లిదండ్రులు జీవనోపాధి కోసం స్వీట్స్‌, స్నాక్స్‌ తయారు చేసి విక్రయిస్తుండేవారు. అలా ఆమెకు చిన్ననాటి నుంచి ఉత్పత్తులను చుట్టపక్కల వాళ్లకు అమ్మడంలో పేరెంట్స్‌ సహాయం చేస్తుండేది. పెళ్లి తర్వాత కూడా జయకాంత్‌ తన కుటుంబ సంప్రదాయన్ని కొనసాగిస్తూ.. ఆమె కూడా ఇంట్లోనే స్వీట్లు, స్నాక్స్‌ తయారు చేసి, సమీపంలో ఇళ్లలో ఉత్పత్తులనను అమ్ముతుండేది. దీనికి చుట్టపక్కల వాళ్లు, బంధువుల నుంచి అనూహ్య స్పందన రావడంతో పెద్ద వ్యాపారంగా మార్చాలని నిర్ణయించుకుంది. అలా తన వద్ద ఉన్న పొదుపు, బ్యాంకు రుణాలు, కొంత బయట నుంచి తెచ్చిన అప్పుతో సహా మొత్తం రూ. 50 లక్షలతో సూపర్‌మార్కెట్‌ను ప్రారంభించింది. దాంట్లోనే పండ్లు, కూరగాయలతో చేసిన హల్వా, చిప్స్‌, కేకులు, స్వీట్లు, స్నాక్స్‌ వంటి వస్తువులను విక్రయించడం ప్రారంభించింది. అంతేగాదు 50 మందిదాక ఉపాధి కల్పించింది. సరిగ్గా 2011లో సూపర్‌ మార్కెట్‌ దొంగతనానికి గురవ్వడంతో తీవ్రమైన నష్టాలను ఎదుర్కొంది. ఎంతలా అంటే వ్యాపారంలో మొత్తం డబ్బునిపోగొట్టుకుని చేతిలో కేవలం వంద రూపాలయతో రోడ్డు మీదకు వచ్చేసింది. ఆ నష్టం ఆమె మానసిక ఆరోగ్యంపై తీవ్ర ప్రభావం చూపి ఆస్పత్రి పాలు చేసింది. కానీ ఆమెకు విరామం తీసుకునే వ్యవధి లేనంతగా బ్యాంకు నుంచి అప్పులవాళ్ల నుంచి ఒత్తిడి పెరిగిపోయింది. దీంతో ఆమె వెంటనే మళ్లీ.. మరో వ్యాపారం చేసి నిలదొక్కుకుంటే పరిస్థతి చక్కబడేలే లేదని గ్రహించి చివరకు చేతిలో ఉన్న కొద్ది మొత్తంతోనే త్రిస్సూర్ రైల్వే స్టేషన్ సమీపంలో 'అశ్వతి హాట్ చిప్స్' అనే ఒక చిన్న హాట్-చిప్స్ స్టాల్‌ను ప్రారంభించింది. వంద రూపాయల కన్నా తక్కువ పెట్టుబడితో ప్రారంభించిన ఈ వ్యాపారం కాస్తా అమ్మకాలు ఊపందుకుని తక్కువ సమయంలోనే మంచి పేరు తెచ్చుకుంది. అలా చిప్స్‌ తోపాటు వడలు వంటి వాటిని జోడించి వ్యాపారాన్ని విస్తరించింది. అలా తొలి వ్యాపారంలో ఎదురైన అప్పులన్నిటినీ తీర్చేసింది. అంతేగాదు ఆ చిన్న స్టాల్‌లోనే ఏకంగా కేకులు, స్వీట్లు, ఊరగాయలు కూడా చేర్చింది. అలా కొద్దికాలంలోనే ఆ వ్యాపారం ఇలావరసి ఫుడ్స్ ప్రైవేట్ లిమిటెడ్‌గా నమోదై అతిపెద్ద సంస్థగా అవతరించింది. ఇవాళ ఏకంగా రెండు కోట్లు టర్నోవర్‌ చేసే వ్యాపార సామ్రాజ్యంగా మారింది. అలాగే ఈమె కథ పెద్ధ పెట్టుబడులతోనే విజయం రాదని, కష్టించేతత్వం ఉంటే చిన్న మొత్తంతో ఊహకందని సక్సెస్‌ని ఒడిసిపట్టుకోవచ్చని నిరూపిస్తోంది కదూ..(చదవండి: సాధారణ ఫుడ్‌ డెలివరీ కాస్తా..ఫ్లైట్‌లో ఇంటికి వెళ్లేలా..!)

గ్లోబల్‌ టెక్‌ కంపెనీ ఒరాకిల్‌(Oracle)లో ఉద్యోగాల కోత ప్రకంపనలు రేపుతున్న వేళ, ఆ సంస్థ మాజీ ఉద్యోగి సక్సెస్‌ స్టోరీ నెట్టింట సందడిగా మారింది. లక్షల జీతం వదులుకొని ఫలూదా బిజినెస్‌ మొదలు పెట్టి రూ. 9 కోట్ల ఆదాయాన్ని ఆర్జిస్తుండటం విశేషంగా నిలుస్తోంది. తనలాంటి ఎంతోమందికి స్ఫూర్తిగా నిలుస్తున్నారు.2019లో ప్రదీప్ కన్నన్ (Pradeep Kannan) నెలకు లక్ష రూపాయలు ఆర్జిస్తున్న సమయంలో తన స్థిరమైన కార్పొరేట్ ఉద్యోగాన్ని వదిలేయాలని నిర్ణయించుకున్నాడు. తనకంటూ ఒక సొంత వ్యాపారాన్ని మొదలు పెట్టాలని ఆయన ప్రణాళిక. ఈ మాట వినగానే లక్షల జీతం వదులుకొని ఐస్ క్రీం షాపులేంటి?అని అందరూ ఎగతాళి చేశారట. కానీ కల సాకారం కోసం 33 ఏళ్ల వయసులో బెంగళూరు వదిలి తన సొంత ఊరు కరూర్ (తమిళనాడు) వెళ్ళి 'ది ఫలూదా షాప్' (The Falooda Shop) ప్రారంభించారు.నిజానికి ఒరాకిల్‌కు ముందే ఆయన 'లెట్స్ కుల్ఫీ' (Lets Kulfi) పేరిట ఒక కుల్ఫీ వ్యాపారాన్ని ప్రారంభించి విఫలమయ్యారు. అయితే ఆ వైఫల్యం ద్వారా వ్యాపార మెళకువలు, కస్టమర్ల అభిరుచులు , నిర్వహణలో ఉండే సవాళ్లను బాగా అర్థం చేసుకున్నారు. ఈ సారి ఎలాగైనా విజయం సాధించాలనే పట్టుదలతో అడుగు ముందుకేశారు. కేవలం రూ. 6 లక్షల పొదుపు , కుటుంబ ఆస్తులతో కరూర్‌లో 10x10 అడుగుల చిన్న కియోస్క్‌తో ఈ వ్యాపారాన్ని ప్రారంభించారు. అంతే ఒక వెనుదిరిగి చూసింది లేదు. కాలక్రమేణా వ్యాపారం దేశవ్యాప్తంగా విస్తరించింది. దుబాయ్‌లో కలిపి 20కి పైగా అవుట్‌లెట్‌లతో ప్రముఖ డెజర్ట్ బ్రాండ్‌గా అవతరించింది. వివిధ నివేదికల ప్రకారం ఈ వ్యాపార విలువ సుమారు రూ. 9 కోట్లుగా ఉంది. ఇదీ చదవండి: ఒరాకిల్‌ వెతలు : పండగా పబ్బం లేకుండా 12 ఏళ్లు చాకిరి.. చివరికి!ఉత్పత్తుల్లో నాణ్యత, రుచి ఎక్కడా మారకుండా ప్రామాణిక పద్ధతులను అనుసరిస్తూ ఎన్నోజాగ్రత్తలు పాటించారు. కస్టమర్లే స్వయంగా ఫ్రాంచైజీల కోసం ముందుకు రావడంతో ఈ బ్రాండ్ వేగంగా విస్తరించింది. ప్రస్తుతం సాంప్రదాయ ఫలూదాతో పాటు, డబ్బాలో లభించే (ready-to-eat) క్యాన్ ఫలూదాలను కూడా మార్కెట్లోకి తీసుకువచ్చారు.ఇదీ చదవండి:

ధనవంతుల కుటుంబంలో పిల్లలు ఉన్నత చదువులు చదువుతున్నారంటే..వాళ్లకు అన్ని వెసులబాటులు, సౌకర్యాలు ఉంటాయి. అదేమంత కష్టం కాదు వారి పరపతికి. అదే కడు పేద కుటుంబ నేపథ్యం నుంచి వచ్చిన పిల్లలు ఉన్నత చదువు అందుకున్నారంటే అది మాములు విషయం కాదు. కానీ అదే పేద కుటుంబంలోని తోబుట్టువులంతా ప్రభుత్వ కాలేజ్‌లో మెడికల్‌ సీట్లు సాధించారంటే..అది అలాంటి ఇలాంటి సక్సెస్‌ కాదు.కటిక పేదరికం నుంచి ఆ స్థాయికి చేరుకోవడం అంటే దాని వెనుక ఎంత కష్టం, ఎన్ని కన్నీటి పరిస్థితులను జయించి అక్కడిదాక చేరుకున్నారో ప్రత్యేకంగా చెప్పాల్సిన పనిలేదు. ఆ సక్సెస్‌నే అందుకుంది ఒడిస్సాలో కాంధమాల్‌కి చెందిన ఓ పేద కుటుంబం. మరి ఆ కుటుంబంలోని ఐదుగురు ఇంత పెద్ద విజయాన్ని ఎలా అందుకున్నారో తెలుసుకుందామా..!.ఆ పేద దంపుతులే బుర్సి(73), అనసూయ ప్రధాన్ (62)లు. ఇరువురు దినసరి కూలీలు. వారి నలుగురు పిల్లలు, తమ్ముడి కూతురు ఒడిశాలోని ప్రభుత్వ వైద్య కళాశాలలో ఎంబీబీఎస్‌ చదువుతున్నారు. ఈ దంపుతుల పెద్ద కుమారుడు బిభిసాన్‌ ప్రధాన్‌ 2021లో కోరాపుట్‌లోని శ్రీ లక్ష్మణ నాయక్‌ మెడికల్‌ కాలేజ్‌ అండ్‌ హాస్పిటల్‌లో చదువుతున్నాడు. గతేడాది వారి కుమార్తె మోనాలిసా అదే కళాశాలలో ప్రవేశం పొందింది.ఈ ఏడాది కుమారుడు భవానిపట్నంలోని షహీద్ రిండో మాఝీ మెడికల్ కాలేజ్ అండ్ హాస్పిటల్‌లో చేరగా, కుమార్తె సునేమి బలాంగిర్‌లోని భీమ భోయ్ మెడికల్ కాలేజ్ అండ్ హాస్పిటల్‌లో సీటు పొందింది. అలాగే అదే ఇంట్లో నివశిస్తున్న బర్సి తమ్ముడి కూతురు మీనాక్షి ప్రధాన్ కూడా ఈ ఏడాది NEET పరీక్షలో ఉత్తీర్ణత సాధించి, పూరీలోని శ్రీ జగన్నాథ్ మెడికల్ కాలేజ్ అండ్ హాస్పిటల్‌లో సీటు పొందింది. ఏడుగురు పిల్లలున్న బుర్సి తన కుటుంబాన్ని పోషించడానికి, పిల్లల చదువుల కోసం కేరళలో ఏళ్ల తరబడి కూలీగా పనిచేశారు.అనారోగ్య కారణాల రీత్యా ఇంటికి తిరిగి వచ్చేశారు. ప్రస్తుతం కుటుంబం పరిమిత ఆర్థిక వనరులతో గడుపుతోంది. వాళ్లంతా ఏమంతా సులభంగా వైద్య కళాశాలలో సీటు పొందలేదు. కుమార్తె మోనాలిసా నీట్‌కి సన్నద్ధమవుతూనే బెర్హంపూర్‌లోని ఒక వస్త్ర దుకాణంలో పనిచేసేది. అలాగే తన అన్నయ్య చదువుకి సహాయపడింది. ఇక ఆమె బెర్హంపూర్‌లోని MKCG మెడికల్ కాలేజ్ అండ్ హాస్పిటల్‌కు చెందిన ఒక వైద్యుని ఆర్థిక సహాయంతో, గతేడాది మెడికల్‌ సీటు సాధించి, తన కృషికి తగిని ఫలితాన్ని అందుకుంది. తన అక్కా అన్నయ్యల స్ఫూర్తితోనే అసరియా, సునేమి, ఇంటర్‌ పూర్తి అయిన వెంటనే నీట్‌కి సన్నద్ధమయ్యారు.వారు బెర్హంపూర్‌లో ఒక చిన్న ఇంటిని అద్దెకు తీసుకుని కలిసి చదువుకున్నారు. విశేషమేమిటంటే, ఎటువంటి కోచింగ్ లేకుండానే వారిద్దరూ అత్యంత పోటీతో కూడిన నీట్‌ పరీక్షలో ఉత్తీర్ణులయ్యారు. ఇదంతా తన అన్నయ్య, అక్కల క్రెడిట్‌ అని, వాళ్లే మాకు మార్గనిర్దేశం చేశారని చెబుతున్నారు. ఈ ఇద్దరూ కూడా తొలి ప్రయత్నంలోనే నీట్‌ సాధించారు. పేదరికం నుంచి వచ్చి పిల్లలంతా ఎంబీబీఎస్‌ సీటు ప్రభుత్వ కాలేజ్‌లోనే పొందడం మాములు విషయం కాదు, మొత్తం ఆ కుటుంబానికే గర్వకారణం ఇది. అయితే ఆ కుటుంబానికి ఇది సంతోషంగా ఉన్నా..రాబోయే ఏళ్లలో వాళ్ల చదువుకి ఎలా తోడ్సాడలన్నేది ఆ పేద తల్లిదండ్రుల ముందు కదలాడుతున్న ప్రశ్న.కాలేజ్‌ ప్రవేశ రుసుము అయినా సంపాదించగలనో లేదో అని తల్లి అనుసయ దిగులు వ్యక్తం చేసింది. అయితే ఇంటర్న్‌షిప్‌పూర్తి చేస్తున్న పెద్ద కుమారుడు తన తమ్ముడు, చెల్లెలు చదువుకి సహాయపడతానని తల్లిదండ్రులకు భరోసా ఇవ్వడం విశేషం. ఆ కుటుంబంలో లక్ష్మీదేవి కటాక్షం లేదేమో కానీ సరస్వతీ దేవి కటాక్షం మెండుగా ఉంది కదూ. తల్లిదండ్రుల రెక్కల ముక్కల కష్టాన్ని అర్థం చేసుకుని ఈ స్థాయిలో చదువుతున్న ఆ పిల్లలు నిజంగా యువతకు స్ఫూర్తి. ఇదీ చదవండి: కాళ్లే చేతులుగా.. పాఠాలు బోధించే మాష్టారు..!)

ఒక్కోసారి ఎప్పుడు సాగుచేసే పంటను సాగు చేసినా..ఊహించని విధంగా విపరీతమైన నష్టాలు చవిచూస్తుంటాం. అధిక దిగుబడి వల్ల గిట్టుబాటు ధర లేకోవడమో లేక ఇతర కారణాల వల్లే విపరీతమైన నష్టాలను చవిచూస్తుంటాం. అలాంటప్పడు సరైన నిర్ణయం తీసుకుని..కాస్త తెలివిగా వ్యవహరిస్తే..కనక వర్షం కురిసేలా లాభాలు కూడా పొందొచ్చు. అదే చేసి చూపించాడు ఈ యువ రైతు. అతడే మహారాష్ట్రకు చెందిన అర్జున్‌ సబాలే. అతడి కుటుంబం బంతి, చామంతి పువ్వులను సాగు చేసి, వాటి అమ్మకం కోసం ముంబై తీసుకువెళ్లేవారు. అయితే ధరలు పడిపోవడం, పోటీ పెరడగం వంటి కారణాలతో నష్టాలు రావడం మొదలైంది. తమ కుటంబ పొలం లాభదాయకంగా మార్చడానికి ఏం చేయాలో తోచేది కాదు. ఏం చేద్దాం అని సబాలే ఆలోచిస్తున్న తరుణంలో సురక్షిత వ్యవసాయం వైపుకి అడుగులు వేశాడు. సుమారు పావు ఏకరం భూమిలో ఈసారి గులాబీలు పెంచి చూడాలని అనుకున్నాడు. ఏదో చిన్న ప్రయోగంగా మొదలైన పూల పెంపకం కాస్తా ఏడాది పొడవునా ఆదాయన్ని అందించే పూల వ్యాపారంగా అభివృద్ది చెందింది. బీఏస్సీ అగ్రీకల్చర్‌ చదువుతున్నప్పుడే..వివిధ పంటలను అధ్యయనం చేయడానికి పొలాలను సందర్శించడం ప్రారంభించాడు. అక్కడ పాలీహౌస్‌ సాగును చూసి రక్షిత పూల సాగువైపుకి అడుగుపెట్టాడు. ఆ సమయంలోనే గులాబీల సాగుని క్షుణ్ణంగా గమనించాడు సబాలే. అలా బెంగుళూరుకి చెందిన ఒక రైతు నుంచి గులాబీ కాండాలను ఒక్కొక్కటి రూ. 12ల చొప్పున కావల్సినన్ని మొక్కలు కొని పావు ఎకరం భూమిలో నాటాడు. అందుకోసం సుమారు రూ. 8000లు వరకు పెట్టుబడి పెట్టాడు. జస్ట్‌ పదివేల చదరుపు అడుగుల భూమిలో గులాబీలు ప్రారంభించి, క్రమంగా విస్తరించాడు. ఆ తోటలో సుమారు 500 గులాబీలు పైనే పూసేవి, వాటిని ఒక్కోక్కటి కనీసం రూ. 5లకు చొప్పున అమ్మిన రోజుకు దాదాపు రూ. 25000/- దాక సంపాదించేవాడు. ఈ రాబడితో అతడు తోటను విస్తరించడమే గాక జెర్బెరా వంటి డెకరేటెడ్‌ పూల మొక్కలను కూడా పెంచడం ప్రారంభించాడు. అలా పావు ఎకరం నుంచి ఎకరం భూమిలో ఒక్కో రకం 16,000 మొక్కలతో గులాబీలు, జెర్బెరాలను పండించడం ప్రారంభించాడు. అలా సబాలే తన వ్యవసాయ క్షేత్రంలో ప్రతిరోజూ సుమారు వెయ్యి గులాబీలు, రెండు వేల జెర్బారాలు పూస్తున్నాయి. ఒక్కో గులాబీకి రూ. 5లు, ఒక్కో జెర్బెరా కాడకు రూ. 4 లు చొప్పున రోజుకు రూ. 5వేల నుంచి రూ. 8 వేల దాక ఆదాయం వస్తోంది. అంటే నెల వచ్చేటప్పటికీ రూ. 3.5 లక్షల టర్నోవర్‌ని ఆర్జిస్తున్నాడు. అంటే నికర లాభం రూ. 2.5 లక్షలు ఉంటుంది. సబాలే గులాబీలు, జెర్బెరాలను సహజసిద్ధమైన వెంటిలేషన్‌ ఉన్న పాలీహౌస్‌లో పెంచుతాడు. గాలి ప్రసరణ కోసం పవర్డ్‌ కూలింగ్‌ ఫ్యాన్‌లకు బదులుగా రూఫ్‌ వెంట్లు, సైడ్‌ కర్టెన్లను ఉపయోగిస్తారు. ఆయన పావు ఎకరంలో ప్రారంభించినప్పుడు వీటన్నింటిని ఏర్పాటు చేయడానికి దాదాపు రూ. 3 లక్షలు దాక ఖర్చయింది. అయితే ఈ మొక్కలు ఐదు నుంచి ఏడేండ్ల వరకు దిగుబడి ఇస్తూనే ఉంటాయి కాబట్టి పెట్టుబడిని చాలా ఏళ్లు పాటు విస్తరించుకోవచ్చు అని అంటున్నాడు సబాలే. అలాగే తన పువ్వులను నేరుగా స్టాల్స్‌, హోల్‌సెల్‌ మార్కెట్లకు అమ్ముతుంటాడు. అయితే డిమాండ్‌ని బట్టి పువ్వులను బెంగళూరు, వడోదర, అహ్మదాబాద్‌, హైదరాబాద్‌, ముంబైలకు సరఫరా చేస్తుంటానని చెబుతున్నాడు సబాలే.ఇదీ చదవండి: అది మన డీఎన్‌ఏలోనే ఉంది ..! మాధవన్‌ కుమారుడు వేదాంత్‌

ఇంతవరకు చాలామంది ఒత్తిడితో కూడిన కార్పొరేట్‌ ఫీల్డ్‌ వద్దని ప్రశాంతమైన ఉద్యోగమో లేక అభిరుచినే వ్యాపారంగానో మలిచి సక్సెస్‌ అందుకున్నవాళ్లను చూశాం. కానీ ఈమె నచ్చిన ఉద్యోగం లేదా అభిరుచి కోసం మంచి జాబ్‌ని వదులుకోకూడదని, ఆ రెండిటిని బ్యాలెన్స్‌ చేసుకుంటూ..అధిక ఆధాయ మార్గంగా మార్చుకోవచ్చని చెబుతోంది. పైగా సంప్రదాయ వృత్తి విజయాన్ని బేఖాతారు చేస్తూ..తనకున్న నైపుణ్యాలన్నింటితో ఆదాయం ఆర్జిస్తూ ఒత్తిడే తనముందు చిత్తు అని చూపిస్తోంది ఈ పవర్‌ఫుల్‌ లేడీ. ఆ అమ్మాయే అదితి మిశ్రా. కార్పొరేట్‌ ఉద్యోగమా, వ్యాపారమా అనే కన్ఫ్యూజన్‌ వద్దు. ‘నైపుణ్యాలు అందిపుచ్చుకో..సంపాదనగా మార్చుకో’ అనే నినాదంతో దూసుకుపోతోంది లండన్‌లో నివశిస్తున్న అధితి. ఆమె ఒకటి రెండు కాదు, ఎన్ని విధాలుగా ఆదాయలు ఆర్జిస్తోందో వింటే షాకవ్వుతారు. తన పూర్తికాలపు కార్పొరేట్‌ జాబ్‌ తోపాటు నిర్మించుకున్న నైపుణ్యాల నుంచి పలువిధాలా ఆధాయమార్గాలను సృష్టించిందామె. ఆమె ముందుగా 2017లో భారతదేశం నుంచి యూరప్‌కు వెళ్లి అక్కడ వృత్తిని నిర్మించుకున్నారు. యూరోపియన్‌ ఫిన్‌టెక్‌ రంగంలోకి ప్రవేశించడానికి ముందు లింక్డ్‌ఇన్‌ నియమాకాలు, కెరీర్‌ సంబంధిత ఉత్పత్తులపై పనిచేస్తూ ఐదేళ్లు గడిపింది. ప్రస్తుతం ఆమె లండన్‌లోని ఒక ఫిన్‌టెక్‌ కంపెనీలో సీనియర్‌ హోదాలో పనిచేస్తూ ..పార్ట్‌టైం కంటెంట్‌ క్రియేటర్‌గా పనిచేస్తుంది. సింపుల్‌గా చెప్పాలంటే ఫుల్-టైమ్ కార్పొరేట్ కమ్‌ పార్ట్‌​ టైం కంటెంట్‌ క్రియేటర్‌. కంటెంట్‌ క్రియేటర్‌గా లింక్డ్‌ఇన్‌, సబ్‌స్టాక్‌లలో ఏకంగా 3 లక్షల మంది ఫాలోవర్లను సంపాదించుకుంది. కెరీర్‌లో విజయం అంటే సంప్రదాయ నిచ్చెన కాదు..ఆధునికతకు అనుగుణమైన హైటెక్‌ మార్పు అని అంటోంది అదితి. ఆమె తన కార్పొరేట్‌ ఉద్యోగంలో వారానికి 60 గంటలు పైగా పనిచేస్తూ..ఇవి కూడా చేస్తోందామె. తనకి ఉన్న నైపుణ్యాలే ఆమె సంపాదన మార్గాలని చెప్పొచ్చు. అఫిలియేట్ మార్కెటింగ్, కన్సల్టింగ్, పెయిడ్ న్యూస్‌లెటర్లు, పబ్లిక్ స్పీకింగ్, వర్క్‌షాప్‌లు, యూజీసీ కంటెంట్ అండ్‌ బ్రాండ్‌ సహకారాలు తదతరాలతో ఆదాయం గడిస్తోంది. ఉన్నాయి. ఆమె ఆ ఒక్కోక్కదానితో సంపాదించే ఆదాయ వివరాలు.. అఫిలియేట్ మార్కెటింగ్ ద్వారా కేవలం రూ. 1548/- కన్సల్టింగ్ ద్వారా సుమారు రూ. 6,45,323/-బ్రాండ్ డీల్స్ ద్వారా రూ. 32,39,767.04/-ప్రజా ప్రసంగాల ద్వారా రూ. 12,26,113/-యూజీసీ పనుల ద్వారా రూ. 12,90,646/-అలా మొత్తం నెల తిరిగేటప్పటికీ ఆర్జించే ఆదాయం రూ. 63 లక్షలు పైనే వస్తుందామెకు. ఇక్కడ అదితి చెబుతోంది ఒక్కటే ఉద్యగోం కోసం నేర్చుకున్న నైపుణ్యాలు మనకు ఉద్యోగం వెలుపల ఆదాయంగా మారతాయని అవి మనం గమనించమని చెబుతోంది. అంటే..కమ్యూనికేషన్ నైపుణ్యాలు పబ్లిక్ స్పీకింగ్‌గా మారవచ్చు. వృత్తిపరమైన జ్ఞానం కన్సల్టింగ్‌గా మారవచ్చు. రచన ఒక న్యూస్‌లెటర్‌గా మారవచ్చు. సోషల్ మీడియా పరిజ్ఞానం యూజీసీ (UGC) లేదా బ్రాండ్ భాగస్వామ్యాలుగా మారవచ్చు. వాటిని మనం గమనించకుండా మొదటి నుంచి ప్రారంభించేందుకు ప్రయత్నిస్తామని అంటోంది. అంతేగాదు కంటెంట్‌ క్రియేటర్‌ మారాలంటే చేస్తున్న ఉద్యోగం వదిలేయాల్సిన పనిలేదు. ఆ రెండింటిని ఎంచుకుంటూ సాగొచ్చని అంటోంది. ఇక్కడ అదితి ఉన్నత కార్పొరేట్‌ పదవి తోపాటు, వ్యక్తిగత బ్రాండ్‌గా మారింది. ఇక్కడ సోషల్‌మీడియా సాయంతో తన వృత్తిగత జర్నీని వివరిస్తూ ఉద్యోగానికి సంబంధించి ప్రమోషన్‌ ఇచ్చుకుంటూనే..మరోవైపు ఫాలోవర్ల సాయంతో, అడ్వర్టైస్‌మెంట్‌ దక్కించుకుని ఆదాయ మార్గాలను సృష్టించుకుంటూ పోయింది. తన ఉద్యోగం ఎదుగుదలకు సంపాదించుకున్న నైపుణ్యాలనే సంపాదన మార్గాలుగా మార్చి..అసాధారణమైన రీతీలో డబ్బు గడిస్తోంది. ఇ‍క్కడ అభిరుచిని, ఆనందాన్ని వెతుక్కుంటూనే అధిక ఆదాయన్ని కూడా ఆర్జించొచ్చు అనే చెప్పే స్ఫూర్తిదాయక కథ ఆమెది. అదితి అసాధారణ ఆధాయ మార్గాల సక్సెస్‌ స్టోరీ ప్రస్తుతం నెట్టింట అందర్నీ అమితంగా ఆకర్షిస్తోంది. View this post on Instagram A post shared by Aditi Mishra (@byaditimishra) (చదవండి: యూట్యూబ్‌ సాయంతో శాండ్‌విచ్‌ తయారీ..ఇవాళ ఏకంగా..!)

వ్యాపారంలో ఎదురు దెబ్బలు తగలగానే మనకు ఇది సూట్‌ కాదని వదిలేస్తాం. కొందరు వైఫల్యం, ఎదురుదెబ్బల్ని..గొప్ప సక్సెస్‌ని అందించే పాఠాలుగా తీసుకుంటారు. అలా సానూకూల దృక్పథంతో ముందుకు సాగి ఆహార వ్యాపారంలో లక్షల్లో డబ్బుని ఆర్జిస్తూ శెభాష్‌ అనిపించుకుంటున్నాడు ఈ యువకుడు.అతడే అభిషేక్‌ సాహు. ఈ యువకుడు వైఫల్యాన్ని వ్యాపార ప్రస్థానానికి ముగింపు కాదని నమ్మాడు. చివరికి అతడి నమ్మకమే నిజమైంది. నిజానికి సాహు 15 ఏళ్ల క్రితం భోపాల్‌ వెళ్లి ఇంటర్నెట్‌ కేఫ్‌ని ప్రారంభించాడు. అయితే ఆ వ్యాపారం ఏడాదిలోపే మూతపడింది. అయితే సాహు వ్యాపారం తన వల్ల కాదని అగిపోకోకుండా మరో వ్యాపార ప్రయత్నం ప్రారంభించాడు. మరోసారి తన అదృష్టం పరీక్షించుకోవాలన్న కృత నిశ్చయంతో ఈ సారి రూ. 30 వే పెట్టుబడితో చిన్న శాండ్‌విచ్‌ బండిని ప్రారంభించాడు. నిజానికి ఆహార వ్యాపారంలో అనుభవము లేదు ..ఆ వంటకం తయారీ కూడా రాదు. అయితే సాహు యూట్యూబ్‌ సాయంతో శాండ్‌ విచ్‌ తయారీల గురించి తెలుసుకుని మరి ఈ వ్యాపారం ప్రారంభించాడు. హరిహర్‌ శాండ్‌విచ్‌ అనే పేరుతో బిజినెస్‌ ప్రారంభించాడు. క్రమంగా పుంజుకుంటూ లాభాల బాట పట్టడం మొదలైంది. ఇవాళ ఆ వ్యాపారం వారాపు రోజుల్లో దాదాపు 600 శాండ్‌విచ్‌లు అమ్ముతుండగా, వారాంతాల్లో ఏకంగా వెయ్యికి పైగా శాండ్‌విచ్‌లు అమ్ముడవ్వడం విశేషం. ఈ వ్యాపారం నెలకు సుమారు రూ. 25 లక్షలు టర్నోవర్‌ ఆర్జిస్తోంది. విఫలమైన ఇంటర్నెట్‌ కేఫ్‌ నుంచి ఏకంగా రూ. 25 లక్షలు ఆర్జించే స్ట్రీట్‌ ఫుడ్‌ వ్యాపారం నడిపే రేంజ్‌కి అంటే ఇది నిజంగా స్ఫూర్తిదాయకమైన విజయం కదూ. అయోధ్య బైపాస్‌ రోడ్డులోని మినాల్‌ రెసిడెన్సీ వద్ద ఉన్న ఈ పిజ్జా బండి వద్దకు పెద్ద సంఖ్యలో జనాలు వస్తుంటారు. సందర్శకులు కనీసం 30 నుంచి 50 నిమిషాలు వెచ్చించి మరి వాటి రుచి కోసం వెయిట్‌ చేస్తుంటారంటే..ఎంతగా సాహు వ్యాపారం పేరుగాంచిందో తెలుస్తోంది కదూ. అంతేగాదు అతని సోదరుడు దీపక్‌ సాహు కూడా ఈ వ్యాపారంలో సాయం అందిస్తుంటాడట. ఈ ప్రేరణాత్మక స్టోరీని ప్రథమ్‌ అనే యూజర్‌ సోషల్‌ మీడియా వేదకగా షేర్‌ చేయడంతో నెట్టింట వైరల్‌గా మారింది. This is Abhishek Sahu.15 years ago, he moved to Bhopal and started an internet café. It shut down within a year.He then took a ₹30,000 loan and started a small sandwich cart after learning recipes on YouTube.Today, Hari Har Sandwich sells:⁰• 600+ sandwiches on weekdays… pic.twitter.com/mwjGaaChuU— Pratham (@CapitalLens_) September 1, 2026 (చదవండి: అర ఎకరం..ఏడాదికి రూ. 80 లక్షలు!)

పదహారేళ్ల వయసులో సకమ్మకు పెళ్లి జరిగింది. పెళ్లయిన కొద్దికాలానికే ఆమె భర్త మరణించారు. ఇల్లు దాటి బయటకు అడుగు పెట్టడానికి మహిళలు సంకోచించే కాలంలో, ఉద్యోగం చేయాలనే ఆలోచన ఊహకు కూడా రాని కాలంలో ఒంటరి ప్రయాణం మొదలు పెట్టారు సకమ్మ. ‘నేను ఒంటరి కాదు. నా వెనక వేలాది సకమ్మలు ఉన్నారు’ అనుకొని వ్యాపార ప్రస్థానం ప్రారంభించారు. కాఫీతోటల యజమానురాలిగా, ప్రసిద్ధ ‘సకమ్మ కాఫీ వర్క్స్‌’ బ్రాండ్‌ సృష్టికర్తగా, సామాజిక సేవకురాలిగా చరిత్ర పుటల్లో నిలిచారు..బెంగళూరు సంస్కృతిలో కాఫీ విడదీయరాని భాగం. బెంగళూరు వాసుల కాఫీ ప్రేమకు పునాది వేసిన వారిలో ఒకరు... దొడ్డమనే సకమ్మ. ఆ పేరు చెబితే ఆమె ఎవరికీ తెలియదు కానీ ‘కాఫీ పొడి సకమ్మ’ అంటే వెంటనే గుర్తుపడతారు. సకమ్మ కాఫీతోటల యజమానురాలు మాత్రమే కాదు పరోపకారి కూడా. వ్యాపరరంగంలో మహిళలకు అవకాశాలు పరిమితంగా ఉన్న కాలంలో విజయవంతమైన కాఫీ సామ్రాజ్యాన్ని నిర్మించారు.వెనకడుగు వేయకుండా! కర్నాటక తుమకూరు జిల్లాలోని బిదరే గ్రామంలో 1880లో జన్మించారు సకమ్మ. చిన్న వయసులోనే చదువు ప్రాముఖ్యతను గుర్తించారు. మైసూరు సంస్థానంలో విద్యావంతులైన కొద్దిమంది యువతులలో ఆమె ఒకరు. పదహారేళ్ల వయసులో కూర్గు ప్రాంతానికి చెందిన కాఫీ తోటల యజమాని చిక్కబసప్ప శెట్టితో సకమ్మ వివాహం జరిగింది. అయితే, వివాహమైన కొద్దికాలానికే భర్త మరణించడంతో కుటుంబానికి చెందిన కాఫీ తోటలను నిర్వహించే భారీ బాధ్యత సకమ్మపై పడింది. ఆ కాలంలో మహిళలపై సామాజిక ఆంక్షలు ఉన్నప్పటికీ ఆమె వెనకడుగు వేయలేదు. తన ఊరు నుంచి బెంగళూరు వెళ్లారు. ఎంటర్‌ప్రెన్యూర్‌గా తొలి అడుగులు వేశారు.సకమ్మ కాఫీ వర్క్స్‌... సూపర్‌ హిట్‌! బసవగుడిలోని బుల్‌టెంపుల్‌ సమీపంలో ‘కాఫీ క్యూరింగ్‌ అండ్‌ పౌడరింగ్‌ యూనిట్‌’ను స్థాపించారు సకమ్మ. ఆ సమయంలో కాఫీ ప్రాసెసింగ్‌కు అవసరమైన ఎన్నో యంత్రాలను దిగుమతి చేసుకోవాల్సి వచ్చింది. కాఫీ గింజలను వేయించడానికి, పౌడర్‌ చేయడానికి, ప్యాకింగ్‌ చేయడానికి ఆనాటి ఆధునికత సాంకేతికత పరికరాలపై ఆధారపడ్డారు.కాఫీ ప్రాసెసింగ్‌ను వినియోగదారులకు మరింత చేరువ చేయాలనే సకమ్మ లక్ష్యం ఆమె వ్యాపార ప్రస్థానంలో మైలురాయిగా మారింది. సకమ్మ కాఫీ పొడి ‘సకమ్మ కాఫీ వర్క్స్‌ బ్రాండ్‌’తో మార్కెట్‌లోకి వచ్చింది. రుచి, నాణ్యత కారణంగా ‘సకమ్మ కాఫీ వర్క్స్‌’ ఇంటింటా సుపరిచితమైంది. నగరంలోని వివిధ ప్రాంతాలలో అమ్మకపు కేంద్రాలను ప్రారంభించి, కాఫీ పొడిని వినియోగదారులకు మరింత అందుబాటులోకి తెచ్చారు. మాస్తి వెంకటేశ అయ్యంగార్, డి.వి.గుండప్పలాంటి ప్రఖ్యాత కన్నడ సాహితివేత్తల రచనలో సకమ్మ బ్రాండ్‌ కనిపించేది.లోకసేవ పరాయణే... ఆమె సాధించిన విజయాలు కాఫీ వ్యారానికే పరిమితం కాలేదు. సామాజిక సేవా రంగంలో కూడా చురుగ్గా పాల్గొన్నారు. మహిళా సంక్షేమం, విద్య, సామాజిక అభివృద్ధికి కృషి చేశారు. బసవగుడిలో ఒక వసతిగృహాన్ని, ప్రయాణికుల కోసం విశ్రాంతి గృహాన్ని నిర్మించారు. సకమ్మ సాధించిన వ్యాపార విజయాలు, సామాజిక సేవకు గుర్తింపుగా మైసూర్‌ దర్బార్‌ ఆమెకు ‘లోకసేవ పరయణే’ అనే బిరుదును ప్రదానం చేసింది. మైసూర్‌ ప్రతినిధి సభలో సభ్యురాలిగా కూడా సకమ్మ పనిచేశారు. కూర్గ్‌లోని సోమవార్‌పేటలో ఉన్న సకమ్మ బంగ్లా, బెంగళూరులోని సకమ్మ గార్డెన్‌ ఆమె విజయగాథను మౌనంగా చెబుతుంటాయి. ఎంతోమందికి స్ఫూర్తిని ఇస్తుంటాయి. (చదవండి: క్యాట్‌లో మంచి స్కోర్‌ చేసినా..సైన్యంలోకి! కానీ చివరికి..)

ఎక్కడో పుట్టి మరో దేశంలో వెయిటర్‌ స్థాయి నుంచి సముద్ర టూరిజాన్నే శాసించే స్థాయికి చేరుకోవడం అంటే మాములు విషయం కాదు. పైగా ఆ దేశ సంస్కృతిని మెచ్చి వారిలా జీవించడం మరింత విశేషం. అయినప్పటికీ తను ఎక్కడ నుంచి వచ్చాను అన్న మూలాన్ని మర్చిపోకుండా ఆదర్శంగా జీవిస్తూ యువతకు స్ఫూర్తిగా నిలిచాడు ఈ వ్యక్తి. అతడే ప్రముఖ లగ్జరీ క్రూయిజ్‌ అధినేత జుర్గెన్‌ బైలోమ్‌(Jurgen Bailom). కంటెంట్‌ క్రియేటర్‌ నవన్ జైస్వాల్‌ అతడితో జరిపిన సంభాషణలో తన ప్రస్థానం గురించి వివరించాడు. అందకు సంబంధించిన విషయం నెట్టింట షేర్‌ చేయడంతో బైలోమ్‌ కథ వైరల్‌గా మారింది. ఆ సంభాషణలో బైలోమ్‌ భారతదేశంలో తన జీవితం గురించి పలు ఆసక్తికర విషయాలు కూడా పంచుకున్నారు. జుర్గెన్‌ బైలోమ్‌ తాను ఒక ఓడలో వెయిటర్‌గా జీవితాన్ని ప్రారంభించినట్లు తెలిపారు. శక్తిమంతంగా పనిచేస్తూ పరిస్థితులకు అనుగుణంగా తనను తాను మార్చుకుంటూ ఈ స్థాయికి చేరుకున్నట్లు తెలిపారు. అయినా ఈ రేంజ్‌కి ఎలా చేరుకోగలిగారు అని జైస్వాల్‌ ప్రశ్నించగా..చేయగలనన్న దృక్పథంతో చకచక నేర్చుకోవడం, మార్కెట్‌ని, ప్రజలను, సంస్కృతిని అర్థం చేసుకోవడం వల్లే ఇదంతా సాధ్యమైందన్నారు. అలాగే ఆర్థికంగా విజయం సాధించడం గురించి కూడా మాట్లాడారు. "అవసరం లేకపోతే ఖర్చు చేయవద్దు." అనే విషయాన్ని బలంగా నమ్ముతానని చెప్పారు. అప్పుడు డబ్బు కోసం పరిగెత్తాల్సిన అవసరం లేదు, అలాగే ఏం చేయాలనే దానిపై అవగాహన ఉంటే.. డబ్బే మీ వెంట పడుతుంది." అని బైలోమ్‌ నొక్కి చెబుతున్నారు. ఆస్ట్రియాలో జన్మించిన ఆయన హాస్పిటాలిటీ పరిశ్రమలోకి ఒక వెయిటర్‌గా భారత్‌లో అడుగుపెట్టానంటూ తన 40 ఏళ్ల ప్రస్థానాన్ని గుర్తుచేసుకున్నారు. అలా కార్డెలియో అనే ప్రముఖ లగ్జరీ క్రూయిజ్‌ సంస్థని పర్యవేక్షించే స్థాయికి చేరుకున్నట్లు తెలిపారు. ఈ కంపెనీకి ప్రెసిడెంట్‌, చీఫ్‌ ఎగ్జిక్యూటివ్‌ ఆఫీసర్‌ కూడా. ఇది భారత సముద్ర పర్యాటక రంగంలో తన ఆధిపత్యాన్ని స్థాపించుకుందని చెప్పారు. తన బ్రాండ్‌ భారత క్రూయిజ్‌ వ్యాపారంలో 99% మార్కెట్ వాటాను కలిగి ఉందని తెలిపారు. అలాగే తన వ్యాపారం రూ. 8 వేలు కోట్లు టర్నోవర్‌ ఆర్జిస్తుందని చెప్పారు.ప్రస్తుతం తాను ఒకే నౌకను నడుపుతున్నప్పటికీ..ఇది ఏడాదికి సుమారు 600 నుంచి 700 కోట్ల టర్నోవర్‌ చేస్తుందని అన్నారు. తాను భారతదేశానికి చెందనప్పటికీ..ఇక్కడ ప్రపంచ స్థాయి క్రూయిజ్‌ లైన్‌ నిర్మించగలిగే విస్తారమైన తీరప్రాంతాన్ని గుర్తించానని అన్నారు. ఇక్కడ క్రూయిజ్‌ వ్యాపారం చేయడం గురించి పెద్దగా ఆలోచించాల్సిన పనిలేదంటున్నారాయన. ఇది ప్రపంచంలోని మూడో అతిపెద్ద తీరం అని అన్నారు. తాను 2018లో భారత్‌కి వచ్చినట్లు తెలిపారు. అలాగే ఇక్కడ సంస్కృతి నచ్చిందన్నారు. ముంబైలో ప్రతి ఒక్కరు కష్టపడతారని, ఉపాధి కోసం నిత్యం ఏదో ఒక పనిచేస్తుంటారని కొనియాడారు. భారతీయుల సంప్రదాయాలు, సెంటిమెంట్లపై అవగాహన ఉందని, తను కూడా వాటిని అనుసరిస్తానని చెప్పారు. తన ఆఫీసులో కూడా క్రమం తప్పకుండా పూజలు నిర్వహిస్తామని, ఫర్నీచర్‌ వంటి తదితరాలు వాస్తుపరంగా ఉండాల్సిన దిశలో ఉండేలా చూసుకుంటానని చెప్పారు. ఆర్థికంగా బాగానే ఉన్నామా అని పర్యవేక్షిస్తుంటానని, ఒకవేళ ఆధ్యాత్మిక పరంగా ఏవైన మార్పులు, చేర్పులు ఉంటే చేస్తానని కూడా చెప్పారు బైలోమ్‌. View this post on Instagram A post shared by Navan Jaiswal (@navan.jaiswal) (చదవండి: ప్రిన్సిపాల్‌ ఉద్యోగాన్ని వదిలి మరి మిల్లెట్‌ వ్యాపారం! ఇవాళ ఏకంగా..)

కొందరు దుర్మార్గుల వికృత ప్రేమకు ఎందరో అమ్మాయిలు జీవితాలు బలైన ఉదంతాలు చూశాం. కొందరు వాటిని తట్టుకుని తమ సత్తా ఏంటో చూపించి స్ఫూర్తిగా నిలవడమే కాదు, యావత్తు దేశం తమలాంటి వాళ్లవైపు తిరిగి చూసేలా చేస్తున్నారు. అలాంటి కోవకు చెందిందే ఈ కాజల్‌ ప్రజాపతి. ప్రేమ పేరుతో వెంటపడే ఓ వ్యక్తి దుశ్చర్యకు రూపాన్ని పోగోట్టుకుని, వికలాంగురాలిగా మారిన అమ్మాయి కథ.అహ్మదాబాద్‌లోని మెహసానాలోని రామోసానా గ్రామానికి చెందిన అమ్మాయే కాజల్‌ ప్రజాపతి. రిక్షా డ్రైవర్‌ కుమార్తె. బికాం మొదటి సంవత్సరం చదువుతున్నప్పుడు 2016లో ఓ దుర్మార్గుడి యాసిడ్‌ దాడికి బలైంది. ఆ వ్యక్తి ప్రేమను కాదన్నందుకు..ఫలితంగా ఘెరమైన నరకయాతనను చవిచూసింది. ఆ యాసిడ్‌ దాడిలో ఒక కన్ను పూర్తిగా కోల్పోగా, మరో కన్ను పాక్షికంగా చూపుని కోల్పోయింది. బయటకు తలెత్తుకోని తిరగలేని విధంగా జీవితాన్ని కోల్పోయింది. తన ముఖాన్ని తానే చూసుకోలేక, బయటకు వెళ్లలేక ఎంతో బాధను, వేదనను చవిచూసింది. హాయిగా చదువుకోవాల్సిన ఆ టీనేజ్‌ వయసు మొత్తం సర్జరీలకే జీవితం అంకితమైపోయింది. అలా ఆమె అప్పటికే 20కి పైగా సర్జరీలు చేయించుకోవాల్సి వచ్చింది. అయినా సరే తనెందుకు బిక్కుబిక్కుమంటూ బతకాలి, తానేం ఏ నేరం చేశా, అన్న ఆలోచన కాజల్‌ని ఒక పట్టాన నిలువనిచ్చేది కాదు. ఈ సమాజంలో అందరిలా ధైర్యంగా బయట తిరగాలి, తన కాళ్లమీద తాను నిలబడేలా గౌరవంగా బతకాలి అన్న కోరికతో పోటీ పరీక్షల వైపు దృష్టిసారించింది. అస్సలు తనకు కావాల్సింది జాలి చూపులు కాదు..తను మీలాంటి మనిషి అని గుర్తించే మనసే కావలంటూ ధైర్యంగా ముందుకు సాగింది. నిజానికి కాజల్‌ డ్రీమ్‌ పోలీస్ సబ్-ఇన్‌స్పెక్టర్ అవ్వడం కానీ కంటి చూపు కారణంగా ఆ అవకాశం దూరమైంది. దాంతో రెవెన్యూ శాఖ ఉద్యోగాలపై ఫోకస్‌ పెట్టి ఆయా పోటీ పరీక్షలకు సన్నద్ధమైంది. అలా ఆమె ఈ ఏడాది ఒకటి కాదు ఏకంగా రెండు ప్రభుత్వోద్యోగాలు దక్కించుకుని అందర్నీ ఆశ్చర్యపోయేలా చేసింది. మొదటిది గ్రామీణ పరిపాలనా కార్యదర్శి ఉద్యోగం కాగా, మరోకటి రెవెన్యూ విభాగంలో కీలకమైన డిప్యూటీ తహసీల్దార్‌ ఉద్యోగం. అయితే కాజల్‌ రెండోదే ఎంచుకుంది. డిప్యూటీ తహసీల్దార్‌ ఉద్యోగమే ప్రతిష్టాత్మకమైనదని అదే ఎంచుకున్నట్లు ఆమె పేర్కొంది. ఈ నెల సెప్టెంబర్‌ 17న డాక్యుమెంట్‌ వెరిఫికేషన్‌కు హాజరుకానుంది. అంటే యాసిడ్‌ దాడి జరిగిన పదేళ్లకు తిరిగి తన గుర్తింపుని దక్కించుకునేలా ప్రభుత్వోద్యోగాలను సాధించింది. అంతేగాదు ఆమె నెల జీతం రూ. రూ. 49,600 దాక ఉంటుంది. కాగా, ఈ స్థాయికి చేరుకునేందుకు తాను ఎన్నో కష్టాలు ఎదుర్కొని ఈ కొత్త అధ్యాయాన్ని ప్రారంభించబోతున్నా అని ఆనందంగా చెబుతోంది కాజల్‌. అలాగే తాను ఈ పరీక్షలకు సన్నద్ధమవ్వడం అంటే.. అందరికీ ఉన్నన్ని కాకపోయినా కనీస వెసులుబాటు కూడా ఏమి లేదని అంటోంది. తన ఆర్థిక పరిస్థితి కారణంగా ప్రిపరేషన్‌కి ఎలాంటి కోచింగ్‌ తీసుకోలేదని, కేవలం ప్రభుత్వ లైబ్రరీపై ఆధారపడి చదువుకున్నట్లు తెలిపింది. కానీ ఆ లైబ్రరీ కోసం బయటకు వెళ్తే..తన రూపు చూసి జాలిపడే చూపులను ఎదుర్కొనాల్సిన ఉంటుంది. అయినప్పటికీ ధైర్యం చేశా, కానీ ఏ రోజు తన ముఖాన్ని దాచుకోలేదని అంటోంది కాజల్‌. ఎందుకంటే ఉద్యోగం చేసేటప్పుడు కూడా అందరితో కలవాలంటే ముందు ఈ పరిస్థితిని తాను అధిగమించాల్సి ఉంటుంది కాబట్టే ఇలా చేసినట్లు తెలిపింది. అంతేగాదు ఇక తాను ఎలాంటి శస్త్ర చికిత్సలు చేయించుకోనని, తాను ఎలా ఉన్నానో అలాగే అంగీకరించాలని ఆశిస్తోంది. ఈ గెలుపు ప్రయాణంలో ముందుగా తనకు అతిపెద్ద బలం తన అన్నయ్యేనని అంటుంది. తను నా చెల్లి అని గర్వంగా చెప్పడమే కాదు, తానెంతో ధైర్యవంతురాలిని అని చెప్పే మాటలే ధైర్యంగా ముందుకు సాగేలా చేశాయని అంటోంది. అలాగే నిర్భయంగా బయటకు రాగాలిగానంటే అందుకు తన స్నేహితురాలే కారణమని అంటోంది. ఆమె పదే పదే నువ్వు బయటకు రావాలి, ఈ సమాజంంలో నీ స్థానాన్ని తిరిగి పొందాలని చెబుతుండేది, అవి నాకు కొండంత ధైర్యాన్ని ఆశను అందించాయని చెబుతోంది. అలాగే తనకు శస్త్ర చికిత్స చేసిన వైద్యులకు ధన్యవాదాలు చెబుతోంది. ఎందుకంటే తన ఆర్థిక పరిస్థితిని అర్థం చేసుకుని చాలామటుకు చికిత్సలో రాయితీ అందించారని చెప్పుకొచ్చింది. ఇవాళ ఇలా గెలుపుతో నిలదొక్కుకున్నానంటే..అందుకు వాళ్లందరూ అందించిన సహాయసహకారాలే కారణమని సగర్వంగా చెబుతోంది కాజల్‌.(చదవండి: కుల మతాలకు అతీతంగా సరికొత్త చరిత్ర సృష్టించిన న్యాయవాది..!

చాలామందికి కార్పొరేట్‌ జీవితంలో లక్షల్లో జీతం ఆర్జించాలన్నది డ్రీమ్‌. అందుకోసం ఎంతలానో కష్టపడుతుంటారు. కానీ కొందరు అంత లగ్జరీ లైఫ్‌ని సునాయాసంగా కాదనుకుని వ్యవసాయం వైపుగా అడుగులు వేసి రైతులనకు అండగా నిలుస్తుంటారు. ఆ క్రమంలో కొందరు భారీ లాభాలతో వ్యాపార సామ్రాజ్యాన్ని నిర్మించి పారిశ్రామికవేత్తలుగా మారుతున్నారు. అలాంటి కోవకు చెందినవాడే చత్తీశ్‌గఢ్‌కు చెందిన మోహిత్‌ నిఝూవన్‌ కూడా. అతడు ఏ పది, ఇరవై లక్షల జీతం కూడా ఏ రేంజ్‌ కార్పొరేట్‌ జీతాన్ని కాదనుకున్నాడో వింటే నోటమాటరాదు. మరి ఆ వ్యక్తి అంత లగ్జరీ లైఫ్‌ వదులుకుని అంతకుమించిన సక్సెస్‌ని ఎలా అందుకున్నాడో తెలుసుకుందామా..!.చత్తీశ్‌గఢ్‌కు చెందిన మోహిత్‌ నిఝూవన్‌ బీటెక్‌ కంప్యూటర్‌ సైన్స్‌ పూర్తి చేసి మంచి మల్టీనేషనల్‌ కంపెనీలో ఉద్యోగం సంపాదించాడు. హాయిగా బిందాస్‌లా సాగిపోతున్నా లైఫ్‌కి సడెన్‌ బ్రేక్‌లు వేసి..అగ్రికల్చర్‌ రంగం వైపుకి అడుగులు వేశాడు. అది కూడా ఎలాంటి వ్యవసాయం ఎంచుకుంటే బెస్ట్‌ అని కూలంకషంగా తెలుసుకునేందుకు 2020లో తన ఉద్యోగానికి రిజైన్‌ చేసేశాడు. నియంత్రిత వాతావరణంలో పెంచగలిగే పోషకాలు అధికంగా ఉండే మొక్కతోట కూరలైన మైక్రోగ్రీన్‌ అనే ఇండో ఫార్మింగ్‌ ప్రారంభిస్తే ఎలా ఉంటుందని అనుకున్నాడు. అనుకున్నదే తడుపుగా వ్యాపారం మొదలు పెట్టాలనుకున్నాడు గానీ..పెద్దమొత్తంలో పెట్టుబడి పెట్టడం కంటే..తక్కువ మొత్తంలో పెట్టి అదృష్టం పరీక్షించుకోవాలనుకున్నాడు మోహిత్‌. అందుకే కేవలం రూ. 30 వేలతో చండీగఢ్‌లోని తన ఇంటి రెండో అంతస్థులో వంద చదరపు అడుగుల స్థలంలో మైక్రోగ్రీన్స్‌ని పెంచడం ప్రారంభించాడు. తొలినాళ్లలో సాగు, ఉత్పత్తి, వినియోగదారులు కొనుగోలు చేసేలా వ్యాపార నమునాని నిర్మించడం వంటి వాటి గురించి క్షుణ్ణంగా నేర్చుకున్నాడు. ఒక చిన్న ప్రయోగంగా మొదలుపెట్టి క్రమంగా ఎవర్‌గ్రీన్‌ మైక్రోగ్రీన్‌గా ఎదగడం ప్రారంభించింది. అలా చిన్న ర్యాక్‌ కాస్తా మూడు ర్యాక్లు, ట్రేలుగా వర్టికల్‌ ఇండోర్‌ఫామ్‌ని స్థాపించాడు. ప్రారంభంలో 21 సేంద్రీయా రకాలపై దృష్టిసారించి రసాయనాలు వినియోగించకుండా సాగు చేస్తే గణనీయమైన ఫలితం వచ్చింది. దాంతో నెమ్మదిగా తన ఫామ్‌ని 500 చదరపు అడుగులకు విస్తరించేలా సొంతంగా ఫామ్‌ని ఏర్పాటు చేశాడు. అది కాస్తా విస్తరించి ఏకంగా 12 వేల ట్రైలు ఉత్పత్తి చేయగల సామర్థ్యానికి చేరుకుంది. అలా ప్రస్తుతం అతను నెలకు 12 లక్షల ఆదాయం చొప్పున ఏడాదికి ఏకంగా 1.44 కోట్లకు పైనే ఆర్జిస్తున్నాడు. కేవలం చిన్న వ్యాపార ప్రయోగంగా మొదలు పెట్టి..కోట్ల ఆదాయానికి చేరుకున్నాడు. అంతేగాదు ఇంటి మిద్దె నుంచి మొదలై..సొంతంగా ఫామ్‌ని నిర్మించుకునే రేంజ్‌కి వెళ్లాడు. అలాగే ఈ మైక్రోగ్రీన్స్‌ వ్యాపారంలోకి రావాలనుకునే రైతులకు, ఔత్సాహిక పారిశ్రామికవేత్తలకు శిక్షణ కూడా ఇస్తున్నాడు. ఇ​క్కడ సాగు తోపాటు వాణిజ్యపరమైన అంశాలపై పట్టు సాధించడంతో విజయం సాధించగలిగాడు. అందుకని రైతులకు కూడా ఈ అంశాల్లో తర్ఫీదు పొందేలా సాయం చేస్తుంటాడు. ​కాగా మోహిత్‌ తన మైక్రోగ్రీన్‌ వ్యాపార సక్సెస్‌ జర్నీని నెట్టింట షేర్‌ చేసుకోవడంతో గొప్ప ప్రయాణం మిత్రమా..నిజంగా స్ఫూర్తిదాయకం అని ప్రశంసిస్తూ పోస్టులు పెట్టారు నెటిజన్లు.Meet Mohit Nijhawan, a https://t.co/BC6fLkcQNf Computer Science graduate. This guy left his 90 LPA corporate career to grow tiny greens. Today, he has built https://t.co/7yvufGmkSg, a ₹1.44 crore business with approximately ₹60 lakhs in profit annually.He walked away from a… pic.twitter.com/HI4OPKOm7l— Vikas Alwys (@VikasAlwys) September 5, 2026 (చదవండి: మేనకోడలు చిరుకోరికను తీర్చడం కోసం ఆ మామ ఏం చేశాడంటే..!)

ప్రముఖ గ్లోబల్‌ టెక్‌ కంపెనీలో ఉద్యోగం. లక్షల్లొ జీతం. సౌకర్యవంతమైన జీవితం. సాధారణంగా చాలా మంది నిపుణులు తమ కెరీర్‌లో ఒక మైలురాయిగా భావిస్తారు. కానీ లక్నోకు చెందిన 27 ఏళ్ల శారదేందు తివారీ తీసుకున్న నిర్ణయం ఇపుడు దేశవ్యాప్తంగా చర్చనీయాంశంగా నిలుస్తోంది. తండ్రిని ప్రేరణగా తీసుకొని మరీ తీసుకున్న తివారి సంచనల నిర్ణయం గురించి తెలుసుకోవాలంటే ఈ కథనాన్ని పూర్తిగా చదవాల్సిందే.శారదేందు తివారీ అమెజాన్‌లో క్లౌడ్ ఇంజినీర్‌గా ఏడాదికి సుమారు రూ.46 లక్షల ప్యాకేజీతో పనిచేసేవారు. అయితే చాలా సౌకర్యవంతమైన కార్పొరేట్ జీతాన్ని వదులుకుని త్వరలో భారత ఆర్మీలో ఆఫీసర్‌గా బాధ్యతలు స్వీకరించనున్నారు. శనివారం గయలోని ఆఫీసర్స్ ట్రైనింగ్ అకాడమీ (OTA)లో పాసింగ్ అవుట్ పరేడ్ తన ప్రతిభను చాటుకున్నారు.అత్యంత ప్రతిష్టాత్మకమైన పదవులలో ఒకటైన సీనియర్ అండర్ ఆఫీసర్ (SUO)గా ఎంపికయ్యారు.ఏరోస్పేస్ దిగ్గజం ఎయిర్‌బస్‌లోనూ పనిచేసే అవకాశం వచ్చినప్పటికీ , చిన్ననాటి నుంచి ఉన్న సైన్యంలో చేరాలన్న కలను నెరవేర్చుకునేందుకు చేస్తున్న ఉద్యోగాన్ని వదులుకున్నారట తివారీ. శర్దేందు తివారీ ఆర్మీ యూనిఫామ్ ధరించాలనే నిర్ణయానికి ఆయన కుటుంబ నేపథ్యమే కారణం. తండ్రి రాజ్ కుమార్ తివారీ ఆర్మీ సర్వీస్ కార్ప్స్‌లో ఆనరరీ కెప్టెన్‌గా 36 ఏళ్ల పాటు దేశసేవ చేసి రిటైర్ అయ్యారు. తండ్రి సేవలను చిన్నప్పటి నుంచి చూసిన శారదేందుకు మిలిటరీలో చేరాలనే బలమైన కోరిక ఉండేది.శారదేందు తివారీది ఉత్తరప్రదేశ్‌లోని సుల్తాన్‌పూర్ జిల్లాలోని పిపర్‌గావ్. అయితే వారి కుటుంబం లక్నోలోని నీల్‌మథ ప్రాంతంలో స్థిరపడింది. పంజాబ్ ఇంజినీరింగ్ కాలేజ్ (చండీగఢ్) నుంచి ఐటీలో ఇంజనీరింగ్‌, కంప్యూటర్ సైన్స్ అండ్ ఇన్ఫర్మేషన్ సెక్యూరిటీలో ఎం.టెక్ పూర్తి చేశారు. క్యాంపస్ ప్లేస్‌మెంట్ తర్వాత, రూ. 46 లక్షల వార్షిక ప్యాకేజీతో అమెజాన్‌లో క్లౌడ్ ఇంజనీర్‌గా చేరారు. కానీ ఆర్మీలో చేరాలన్న కోరిక మాత్రం నిరంతరం మదిలో మెదులుతూనే ఉండది. ఫలితంగా ఆర్మీ సెలెక్షన్ ప్రక్రియ కోసం ఆయన 8 సార్లు ప్రయత్నించారు. ఓటమికి కుంగిపోకుండా పట్టుదలతో శ్రమించి 'టెక్నికల్ రూట్' ద్వారా ఆర్మీకి సేవల చేయాలన్న కలను సాకారం చేసుకున్నారు. ఆర్మీ ఇచ్చే సాహసం, నాయకత్వ లక్షణాలు, దేశసేవ చేసే అవకాశం తనను ఆకర్షించాయనిశారదేందు తెలిపారు.ఇదీ చదవండి: రూ. 6వేలతో మొదలై, రూ.1400 కోట్ల సామ్రాజ్యాన్ని సృష్టించాడుషార్ట్ సర్వీస్ కమిషన్ (టెక్నికల్) శిక్షణ పూర్తి చేసిన తర్వాత, 219 మంది పురుషులు,35 మంది మహిళలతో సహా మొత్తం 254 మంది క్యాడెట్లు కమిషన్ పొందనున్నారు. వియత్నాం పీపుల్స్ ఆర్మీకి చెందిన లెఫ్టినెంట్ జనరల్ లే వాన్ హోయాంగ్ ముఖ్య అతిథిగా హాజరు కానున్నారు.ఇదీ చదవండి: వామ్మో, టూటీ ఫ్రూటీ ఇలా తయారుచేస్తారా? వైరల్‌ వీడియో

G R Balasubramaniam success journey తమిళనాడులోని ఒక చిన్న గ్రామంలో పుట్టాడు. తండ్రి చిన్న రైతు , వ్యవసాయ ఉత్పత్తులను విక్రయించే వ్యాపారి. ఆరుగురు పిల్లలున్న కుటుంబంలో కడుపు నిండా తిండి తినడానికి ఎన్నో కష్టాలు. అందుకే 13 ఏళ్ల వయసులో బడి మానేసి బెంగళూరులో పనికి కుదిరాడు. కట్‌ చేస్తే..రూ. 1400 కోట్లకు పైగా టర్నోవర్ సాధించే స్థాయికి ఎదిగిన 'జి.ఆర్.బి డెయిరీ ఫుడ్స్' (GRB Dairy Foods) ఫౌండర్‌ అయ్యాడు. బెంగళూరులోని ఒక చిన్న వెన్న వ్యాపారంగా మొదలైన రూ. 1400 కోట్లకు పైగా ఆదాయం కలిగిన ప్యాకేజ్డ్-ఫుడ్స్ కంపెనీగా ఎదిగింది. ఎంతో స్ఫూర్తిదాయక మైన జీఆర్‌ బాలసుబ్రహ్మణ్యమ్ విజయప్రస్థానం గురించి తెలుసుకుందాం ఈ కథనంలో.కుగ్రామం నుంచి ప్రారంభమైతమిళనాడులోని పళని సమీపంలోని చిన్న కరాట్టుపట్టి అనే కుగ్రామంలో పుట్టారు బాలసుబ్రహ్మణ్యం. ఆ ఊరి జనాభా కేవలం 300 మంది. సరైన విద్యుత్, రవాణా, నీటి సదుపాయాలు లేవు. తండ్రి పప్పుధాన్యాలు , ఇతర వ్యవసాయ ఉత్పత్తులను కూడా వ్యాపారం చేసేవారు. ఆయన సైకిల్‌పై ఊరూరా తిరుగుతూ, పంటను కొని సమీప పట్టణాలలో అమ్మేవారు. ఆ ఆదాయంతో ఎనిమిది మంది సభ్యులున్నకుటుంబాన్ని పోషించాల్సి ఉండేది. దీంతో 8వ తరగతి చదువుతున్న సమయంలోనే, కుటుంబానికి అండగా ఉండేందుకు బెంగళూరుకు బయలుదేరాడు. అక్కడ అక్క బావలకు చేస్తున్న వ్యాపారానికి తోడుగా నిలిచాడు. దాదాపు అతనికి 13 ఏళ్ల వయసున్నప్పుడు ఇంటింటికీ తిరిగి వెన్న అమ్మడం మొదలుపెట్టాడు. అలా 14 ఏళ్ల పాటు వెన్న వ్యాపారంలో మెళకువలను నేర్చుకున్నాడు. గ్రామాల నుంచి వెన్న సేకరించడం, ఇళ్లకు సరఫరా చేయడం, ఖాతాలు నిర్వహించడం, నెయ్యి తయారీ ప్రక్రియలను క్షుణ్ణంగా నేర్చుకున్నాడు. 1984లో 28 ఏళ్ల వయసులో ఉద్యోగాన్ని వదిలేశారు. సొంతంగా ఏదైనా చేయాలన్నా కుటుంబం ఆర్థికంగా సహాయపడే స్థితిలో లేదు, పైగా సరైన విద్యార్హతలు లేదా వృత్తిపరమైన అర్హతలు లేకపోవడంతో సాధారణ ఉద్యోగం దొరకడం కూడా కష్టంగా ఉండేది. తన వద్ద ఉన్న కేవలం రూ. 6,000 పొదుపు మొత్తంతో వ్యాపారాన్ని ప్రారంభించాలని ఆలోచన. ఇందులో రూ. 3,000 అద్దెకే పోయాయి. ఎలాంటి బ్యాంక్ రుణాలు లేకుండానే పరిచయస్తులతో ఒక 'చిట్ ఫండ్' సంస్థను ప్రారంభించారు. ఆయన బావగారు గతంలో ఇలాంటి పథకాన్ని నిర్వహించేవారు, కాబట్టి బాలసుబ్రహ్మణ్యంకు ఆ విధానంపై అవగాహన ఉండేది.అలా రెండో నెలలోనే రూ. 50,000 చేతికి వచ్చింది. ఆ డబ్బుతో మొదటిసారి వెన్నను కొనుగోలు చేసి, నెలకు 75 కిలోల చొప్పున డోర్-టు-డోర్ డెలివరీ చేయడం ప్రారంభించారు. అయితే ఈ సమయంతో తాను సరఫరా చేసిన వెన్న త్వరగా పాడైపోతుందని, హోటళ్లు/స్వీట్ షాపులు దీనిని నెయ్యిగా మార్చు కోవడంలో ఇబ్బంది పడుతున్నారని గుర్తించారు. అందుకే వెన్న అమ్మడం కంటే, తానే నెయ్యి కాచి, నాణ్యమైన నెయ్యిని తయారుచేసి ప్యాక్ చేసి అమ్మడం లాభదాయకమని భావించాడు. పెద్ద పెద్ద డైరీ బ్రాండ్లు మార్కెట్‌ను శాసిస్తున్న 80వ దశకంలో డెయిరీ మార్కెట్లోకి ఎంట్రీ ఇచ్చి పెద్ద సాహసమే చేశాడు. ఏడాదిలోనే వారి నెల ఆదాయం రూ. 25వేలకి పెరిగింది. షాపును అద్దెకు తీసుకుని, సిబ్బందిని నియమించుకున్నారు.ఇదీ చదవండి: వామ్మో, టూటీ ఫ్రూటీ ఇలా తయారుచేస్తారా? వైరల్‌ వీడియోతొలి ఫ్యాక్టరీ1991లో బెంగళూరులో తొలి ఫ్యాక్టరీని ప్రారంభించారు. తరువాత దిండిగల్, హోసూరు (1999)లలో ప్లాంట్లను ఏర్పాటు చేశారు. మెల్లిగా తన వ్యాపారాన్ని తమిళనాడు, కర్ణాటక, ఆంధ్రప్రదేశ్ సహా దక్షిణ భారతదేశం అంతటా విస్తరించారు. వ్యాపారం వృద్ధి చెందుతున్న క్రమంలో కేవలం డెయిరీ ఉత్పత్తులకే పరిమితం కాకుండా మసాలా మిక్స్‌లు, ఇన్‌స్టంట్ మిక్స్‌లు, స్వీట్లు, స్నాక్స్, ఐస్‌క్రీమ్‌ల వ్యాపారంలోకి కూడా అడుగుపెట్టారు.బయటినుంచి ఎలాంటి భారీ పెట్టుబడులు లేకుండానే కేవలం తాను సాధించిన లాభాలను తిరిగి వ్యాపారంలో పెట్టుబడి పెడుతూ సంస్థ లాభాలను భారీ స్థాయిలో పెంచుకుంటూ వచ్చారు. అనేక దశాబ్దాల పాటు, జీఆర్‌బీ ఒక ప్రైవేట్ యాజమాన్యం లోని, చాలా వరకు సొంత నిధులతోనే నడిచే వ్యాపారంగా కొనసాగింది. రూ. వెయ్యి కోట్ల క్లబ్‌లోకి ఎంట్రీ2014లో రూ. 4.25 కోట్ల నికర లాభాన్ని ఆర్జించిన సంస్థ 2021 నాటికి రూ. 76.67 కోట్ల లాభాన్ని కళ్ల జూసింది. 2024నాటి రూ. 1,011.12 కోట్ల రాబడితో వెయ్యి కోట్ల క్లబ్‌లో చేరింది. 2025 నాటికి రాబడి రూ. 1,084.47 కోట్లకు చేరగా, నికర లాభం రూ. 75.45 కోట్లుగా నమోదైంది. పట్టుదల, ఆత్మవిశ్వాసంతో 'GRB డైరీ ఫుడ్స్ ప్రైవేట్ లిమిటెడ్' బ్రాండ్ 40కి పైగా దేశాల్లో విస్తరించి, ప్రస్తుతం రూ.1,400 కోట్లకు పైగా టర్నోవర్‌ను సాధించింది.ఎంబీఏలు ఐఐటీలు లాంటి చదువు లేకపోయినా, వ్యాపారంలో సంపాదించిన ఆచరణాత్మక అనుభవం, మార్కెట్ అవసరాలను గుర్తించే చాకచక్యంతో జీఆర్‌ బాలసుబ్రహ్మణ్యం GRB బ్రాండ్‌ను భారతదేశంలోనే అగ్రగామి ప్యాకేజ్డ్ ఫుడ్ కంపెనీలలో ఒకటిగా నిలపడం విశేషం. ఉత్పత్తి నాణ్యత విషయంలో రాజీ పడటం కంటే వ్యాపారాన్ని వదులుకోవడానికే ఆయన మొగ్గు చూపేవారు. ఇది కేవలం ఒక విధానం కాదు, ఆయన దృఢమైన నమ్మకం.,500 మందికి పైగా ఉద్యోగులకు నాయకత్వం వహిస్తున్నారు. పట్టుదలతో, నిబద్ధత ఉంటే విజయతీరాలకు చేరడం సాధ్యమేనని నిరూపించి , తనలాంటి ఎంతోమందికి ప్రేరణగా నిలిచారు.

ఎయిర్‌హోస్టెస్‌గా ఉద్యోగం.. మంచి జీతం. తన తల్లి కల కోసం సినిమాలవైపు వచ్చింది. నటనపై ఉన్న మక్కువతో ఉద్యోగాన్ని వదిలి హైదరాబాద్‌కు వచ్చింది యువ హీరోయిన్‌ రాశీ సింగ్‌. ‘శశి’తో తెలుగు ప్రేక్షకులకు దగ్గరయ్యింది. ప్రస్తుతం ‘రంభ ఊర్వశి మేనక’ సినిమాతో మరోసారి వెండి తెరపై కనిపించింది. ఛత్తీస్‌గడ్‌కు చెందిన ఈ భామ తన కెరీర్‌ విశేషాలను వెల్లడించింది. తన మాటల్లోనే..‘చిన్నప్పటి నుంచి నటిని కావాలని నిర్ణయించుకున్నా. నిజానికి మా అమ్మకు కూడా నటి కావాలనే కోరిక ఉండేది. కానీ కొన్ని కారణాల కాలేకపోయారు. ఆమె కల కోసం నన్ను ఇలా ప్రోత్సాహించారు. ఇప్పుడు నాలో ఆమెను చూసుకుంటున్నారు.గతంలో ఓ ప్రైవేట్‌ ఎయిర్‌లైన్స్‌లో ఎయిర్‌హోస్ట్‌గా పనిచేశా. ఆ ఉద్యోగం బాగానే ఉన్నప్పటికీ నా మనసంతా సినిమాల పైనే ఉండేది. అందుకే ఉద్యోగాన్ని వదిలేశా. తర్వాత మోడలింగ్‌ చేయడంతో పాటు కొన్ని ప్రకటనల్లో నటించా. గాడ్‌ఫాదర్‌ లేకపోవడంతో చాలా విషయాల్లో కష్టపడాల్సి వచ్చేది. అయితే ఆ శ్రమకు ఇప్పుడు ప్రతిఫలం దక్కింది.ఇదీ చదవండి: ‘ఓటీటీలు సోమరిపోతుల కోసమే’నాకు కెమెరా అంటే భయం ఉండేది కాదు. షూటిం​గ్‌ టైమ్‌లో నటనకు సంబంధించిన కొన్ని విషయాలు నేర్చుకున్నా. యాడ్స్‌లో పనిచేయడం కూడా కలిసొచ్చింది. మోడలింగ్‌ ద్వారా చాలామందిని కలుసుకునే అవకాశం వచ్చింది. ఆ తర్వాత సినిమాలకు ఆడిషన్స్‌ ఇవ్వడం మొదలు పెట్టా.ఎక్కువ మంది చదివింది: రూ.100 కోట్లు ఇస్తా.. సినిమా నాతోనే చేయాలి​ : అల్లరి నరేష్‌సినిమాలో నేను పోషించిన పాత్రల ద్వారా ప్రేక్షకుల నన్ను గుర్తుపట్టుకోవాలి. అందుకే తొందరపడకుండా కథలను జాగ్రత్తగా ఎంచుకుంటున్నా. కథ విన్నాకే నిర్ణయం తీసుకుంటా. పరిశ్రమలో గుర్తుండుపోయే పాత్రలు చేయాలనేదే నా కోరిక’ అని రాశి సింగ్‌ ఓ ఇంటర్వ్యులో వెల్లడించారు. ఇదీ చదవండి: బిగ్‌బాస్‌ 9 సీజన్లు..9మంది విజేతలు.. ఇప్పుడు ఏం చేస్తున్నారు?

‘దురద ఒకడికి అయితే, గోకుడు ఇంకొకడికా?’ అనేది ఒక వ్యంగ్య సామెత. అంటే ఎవరి సమస్యను వారి తీర్చుకోవాలి అని అర్థం. కానీ చిన్నపుడు దురద పుట్టే మన వీపును అమ్మమ్మనో, తాతయ్యనో మృదువుగా అలా గోకుతుంటూ ఆహా..అనిపించిన అనుభవం గుర్తుందా? ఈ ఫీలింగ్‌ ఆధారంగా చేసుకునే గంటకు రూ. 4,200 వసూలు చేస్తున్నాడు. ఇదేంటి విచిత్రంగా ఉంది థాయ్‌ మసాజ్‌లు, ఆయిల్‌ మసాజ్‌ల గురించి విన్నాం గానీ, ఈ 'ఇచ్-స్క్రాచింగ్' బిజినెస్‌ ఏంటీ అనుకుంటున్నారా.. పదండి మరి ఆ వివరాలేంటో తెలుసుకుందాం.షెన్‌జెన్‌కు చెందిన 32 ఏళ్ల జాంగు షియావోకియావో అనే చైనీస్ వ్యాపారవేత్త శరీర దురదను గోకే (itch-scratching) వినూత్న సేవలను ఒక వ్యాపారంగా మార్చి, రెండు అవుట్‌లెట్ల ద్వారా నెలకు రూ. 14 లక్షలు (1,00,000 యువాన్లు) ఆర్జిస్తున్నాడు. సుమా (Suma) అనే బ్రాండ్‌ నేమ్‌తో షెన్‌జెన్‌లోని బావోవాన్, ఫుటియాన్ జిల్లాల్లో రెండు స్టోర్లు నడుస్తున్నాయి. అంతేకాదు తన ఈ వ్యాపారాన్ని చైనా వ్యాప్తంగా 100 అవుట్‌లెట్లకు విస్తరించాలని ప్లాన్‌ చేస్తున్నాడు.ఇదీ చదవండి: నో ఫుడ్‌, నో మనీ : కట్‌ చేస్తే కంపెనీ సీఈవోగావినియోగదారులు హాయిగా విశ్రాంతి పొంది, బాగా నిద్రపోవడానికి సహాయపడే ఈ సేవ కోసం గంటకు సుమారు 300 యువాన్లు చెల్లిస్తారు. తన కస్టమర్లలో 70 శాతం మంది పురుషులేనని ఝాంగ్ చెబుతున్నారు. 30 శాతం మహిళా వినియోగ దారులుంటారని చెప్పాడు. మసాజ్ కంటే కూడా ఇది ఎక్కువ విశ్రాంతినిస్తుందని కొంతమంది కస్టమర్లు చెప్పానీ ఫలితంగా దీనివల్ల తమకు రిపీటెడ్‌ క్లయింట్లు ఎక్కవని కూడా చెప్పుకొచ్చాడు. ఇదీ చదవండి: వారెవ్వా.. డ్రాగన్‌ ఫ్రూట్‌సాగుతో నెలకు రూ. 4 లక్షలు ఎలా ఉంటుందీ సర్వీస్‌వినియోగదారులు మసాజ్ సెంటర్లలో లాగా బెడ్‌పై పడుకుంటారు. ప్రత్యేకంగా రూపొందించిన పదునైన గోళ్లతో అక్కడున్న సిబ్బంది శరీర భాగాలను సున్నితంగా గోకుతారు. ఇది కస్టమర్ల మానసిక ఒత్తిడిని తగ్గించి, మంచి నిద్ర పట్టడానికి సహాయ పడుతుందని చెబుతున్నాడు. సోషల్ మీడియాలో ఒక మహిళ తన భర్త వెన్ను గోకుతున్న వీడియో , చిన్నతనంలో తన తండ్రి తనకు గోకిన అనుభూతిని గుర్తుచేసుకుని ఝాంగ్ ఈ వ్యాపార ఆలోచనను ప్రారంభించారు.

రిటైర్‌ అయిన తరువాత ఏం చేయాలి? కాలక్షేపం ఎలా? మరీ ముఖ్యంగా డబ్బులు ఎలా మధనపడే వారికి కేరళకు చెందిన రిటైర్డ్‌ టీచర్‌ రేమాబాయి జీవితం స్ఫూర్తినిస్తుంది. ఇంతకీ ఆమె చేశారు? తెలుసుకుందాం ఈ కథనంలో.కేరళలోని కొల్లమ్‌కు చెందిన రేమాబాయి జువాలజీ టీచర్‌గా,హెడ్‌మిస్ట్రెస్‌గా 30 ఏళ్ల పాటు విద్యారంగంలో సేవలందించారు. 2022 మే 31న ఆమె పదవీ విరమణ చేశారు. ఆమె భర్త, ఒక రిటైర్డ్ సీనియర్ బ్యాంక్ మేనేజర్. అలాగే సర్జన్లైన ఆమె కుమారుడు, కోడలు ఢిల్లీలో పనిచేస్తున్నారు. అయితే అదే ఏడాది తల్లి మరణం, ఒంటరితనం వల్ల ఏర్పడిన మానసిక వేదనను జయించడానికి ఆమె తన ఇంటి పెరటి స్థలంలో మొక్కల పెంపకం ప్రారంభించారు. అలా డ్రాగన్ ఫ్రూట్ సాగును చేపట్టారు. దీని మీద బాగా పరిశోధించి 'మలేషియన్ కింగ్' (Malaysian King) రకానికి చెందిన రెడ్ డ్రాగన్ ఫ్రూట్‌ను ఎంచుకున్నారు. కేవలం 1,750 చదరపు అడుగుల పెరటి స్థలంలో 90 కాంక్రీట్ స్తంభాలు, పాత టైర్ల సాయంతో 360 మొక్కలతో సాగు ప్రారంభించారు. ప్రారంభంలో 360 మొక్కలు నెలకు రూ. 50వేలకు మించి ఆదాయాన్ని అందించగా,ఆ తరువాత ఆదాయం సుమారు రూ. 1.5 లక్షలకు పెరిగింది. ఈ ఫలితాలు, మరింత భూమి కొనకుండానే తన సాగును విస్తరించడానికి ఆమెను ప్రోత్సహించాయి. ఫలితంగా నెలకు రూ. 4 లక్షలు ఆర్జించేస్థాయికి చేరుకున్నారు. అంతేకాదు ‘జెసీ వరల్డ్‌’ అనే యూట్యూబ్‌ ఛానల్‌ ద్వారా డ్రాగన్‌ ఫ్రూట్‌ సాగులో తన అనుభవాలను పంచుకుంటూ ఉంటారు. డ్రాగన్ ఫ్రూట్ -మిద్దెతోట మిద్దెపై మట్టిలేని సాగు (Soil-less Cultivation): పెరట్లోనే కాకుండా తన ఇంటి మిద్దెపై (Terrace) బరువు కాకుండా ఉండటానికి మట్టికి బదులుగా ఇంట్లోనే తయారు చేసిన కంపోస్ట్, ఆవు పేడను డ్రమ్ములు/బారెళ్లలో నింపి మొక్కలను పెంచడం ప్రారంభించారు. సేంద్రీయ పద్ధదితో ఆమె సక్సెస్‌ను అందుకోవడం విశేషం. పాత వంటగది వ్యర్థాలు, ఆకులు, కొబ్బరి/పనస వ్యర్థాలు మరియు చేపల వ్యర్థాలతో ఫ్రిష్ అమినో యాసిడ్స్ వంటి 15 రకాల ద్రవ ఎరువులను తయారు చేసి పంటకు అందించారు. దీనివల్ల సాధారణంగా 5-6 నెలలు మాత్రమే వచ్చే దిగుబడి, ఆమె వద్ద ఏడాదికి 10 నెలల పాటు నిరంతరాయంగా వస్తోంది.ఇదీ చదవండి: ఎర్రకోట పేలుడుకు నిధులిచ్చారంటూ రూ. 30 లక్షలు దోచేశారుపెరడు, మిద్దె సాగు ద్వారా నెలకు సగటున 750 కేజీల పండ్ల ఉత్పత్తి లభిస్తుంది. హోల్‌సేలర్లు, ఆర్గానిక్ స్టోర్లు కేజీ రూ. 175 చొప్పున ఆమె ఇంటి నుంచే కొనుగోలు చేస్తారు. పండ్ల అమ్మకాలతో పాటు డ్రాగన్ ఫ్రూట్ మొక్కల కొమ్మలను (Stem Cuttings) ఒక్కోటి రూ. 70 చొప్పున విక్రయిస్తున్నారు. భారత్‌తో పాటు మాల్దీవులు, శ్రీలంకలోని 2,500 మందికి పైగా కస్టమర్లకు వీటిని విక్రయించారు. (తెలంగాణకు ఒకే రోజులో 5,500 కొమ్మలు సరఫరా చేశారు). అటు పండ్ల విక్రయం, ఇటు కొమ్మల అమ్మకాల ద్వారా ప్రస్తుతం ఆమె నెలకు దాదాపు రూ. 4 లక్షల వరకు ఆదాయం పొందుతున్నారు. ఇదీ చదవండి: న్యూయార్క్‌ టైమ్స్‌ స్క్వేర్‌ కత్తిపోట్లు, సంచలన విషయాలు

Abhishek Agarwal Success story ముంబైకి చెందిన స్టార్టప్ వ్యవస్థాపకుడు అభిషేక్ అగర్వాల్ జీవితంలో ఎదుర్కొన్న తీవ్రమైన ఆర్థిక ఇబ్బందులు, అనుభవించిన కష్టాల గురించి పంచుకున్న వివరాలు నెట్టింట ఆసక్తికరంగా మారాయి.ప్రతీ మనిషి జీవితంలో కష్టాలు అనుభవించి తీరాలనీ, కడుపు మాడే కష్టాల్లోంచే ఎదగాలనే కసి పుట్టుకొస్తుందని, జీవితంలో అట్టడుగు స్థాయికి పడిపోయినప్పుడు మాత్రమే ఒక రకమైన ధైర్యం వస్తుందన్న ఆయన వ్యాఖ్యలు పలువుర్ని ఆలోచింప చేస్తున్నాయి.అభిషేక్ అగర్వాల్ లింక్డ్‌ఇన్ (LinkedIn) పోస్ట్‌లో షేర్‌ చేసిన వివరాల ప్రకారం ఆయన 18 ఏళ్ల వయసులో ఉన్నప్పుడు వరుసగా 7 రోజుల పాటు కనీసం తినడానికి తిండికి డబ్బులు లేని పరిస్థితిని ఎదుర్కొన్నారు. ఆ రోజుల్లో కేవలం బ్రెడ్ తింటూ, నీళ్లు తాగుతూ పొట్ట నింపుకున్న వైనాన్నిగురించి వివరించారు. ప్రతి ఒక్కరూ తమ జీవితంలో కనీసం ఒక్కసారైనా చేతిలో చిల్లిగవ్వలేని పరిస్థితిని ఎదుర్కోవాల్ని ఆయన అభిప్రాయపడ్డారు. ఇక్కడ డబ్బుల్లేకపోవడం అంటే సరదాగా టూర్లకు వెళ్లకపోవడం లేదా షాపింగ్ చేయకపోవడం కాదనీ కనీసతినడానికి కూడా డబ్బులు లేని పేదరికమని స్పష్టం చేశారు.కాలే కడుపు నేర్పిన పాఠంఆ 7 రోజుల ఆకలి కంటే, ఆ సమయంలో కలిగిన 'నిస్సహాయత' తన మనసుపై తీవ్రమైన ముద్ర వేసిందని చెప్పారు. ఒకప్పుడు అత్యంత కష్టకాలంగా భావించిన ఆ రోజులు, ఇప్పుడు వెనక్కి తిరిగి చూసుకుంటే, జీవితం పట్ల తన దృక్పథాన్ని తీర్చిదిద్దిన అనుభవాలలో ఒకటిగా మారాయన్నారు. అయితే జీవితంలో అత్యంత దిగువ స్థాయికి పడిపోయినా, తాను దానిని తట్టుకుని బ్రతకగలననే నమ్మకం, ధైర్యం తనకు ఆ సందర్భంలోనే పుట్టిందన్నారు.ఇదీ చదవండి: ఎర్రకోట పేలుడుకు నిధులిచ్చారంటూ రూ. 30 లక్షలు దోచేశారుఅంతేకాదు ఆ అనుభవం ఇచ్చిన ధైర్యమే ఆ తర్వాత వ్యాపారంలో ఎదురైన నష్టాలు, రిస్కులు, ఓటములను ధైర్యంగా ఎదుర్కొనేలా చేసిందని తెలిపారు. అయితే, కష్టాల నుండి స్థైర్యాన్ని నేర్చుకోవడానికి, పేదరికాన్ని ఆదర్శంగా భావించడానికి మధ్య ఉన్న వ్యత్యాసాన్ని కూడా ఆయన వివరించారు.పేదరికాన్ని లేదా బాధలను గొప్పగా చూపించడం తన ఉద్దేశం కాదని, కానీ జీవితంలో ఎదురయ్యే అతిపెద్ద సవాళ్లను తట్టుకునే శక్తి మనకు ఉందనే విషయం అట్టడుగుకి పడిపోయినప్పుడే తెలుస్తుందని వివరించారు.ఇదీ చదవండి: వారెవ్వా.. డ్రాగన్‌ ఫ్రూట్‌సాగుతో నెలకు రూ. 4 లక్షలునెటిజన్ల స్పందనఅగర్వాల్ పోస్ట్‌పై అనేకమంది నెటిజన్లు స్పందించారు. గొప్ప పోస్ట్. కొన్నిసార్లు అత్యంత కఠినమైన క్షణాలు, విజయం ఎప్పటికీ నేర్పలేని ఒక విషయాన్ని మనకు నేర్పిస్తాయి: మనం అనుకున్నదానికంటే చాలా ఎక్కువ తట్టుకోగలమని ఒకరు, తమ జీవితాల్లో కూడా ఇలాంటి కష్ట సమయాలను ఎదుర్కొన్నామని, ఆ రోజులు ఇచ్చిన ధైర్యమే తమను ఇప్పుడు ఏ సమస్యనైనా ఎదుర్కొనేలా చేస్తోందని మరొకరు కామెంట్స్‌ చేశారు.'దివాలా' అనే పదానికి నిర్వచనాన్ని స్పష్టం చేసినందుకు ధన్యవాదాలు అంటూ మరికొందరు ఫన్నీగా స్పందించారు.ఇదీ చదవండి: సుశాంత్‌ సింగ్‌ మాజీ మేనేజర్‌ దిశ కేసు : సీబీఐకి బాంబే హైకోర్టు ఆదేశాలు

ఏ వ్యాపారమైన మొదలుపెట్టగానే వెంటనే సక్సెస్‌ అందుకోలేం. పక్కా ప్లాన్‌తో వచ్చినవాళ్లు చిన్నగా పుంజుకోగలరేమో గానీ..చాలామంది మొదట్లో నష్టాలే చవిచూస్తారు. ఆ తర్వాత రానురాను అందులో ఎదురవుతున్న సవాళ్లను అధిగమిస్తూ..మంచి విజయంతో నిలదొక్కుకుని అతిపెద్ద వ్యాపార సామ్రాజ్యాన్ని నిర్మించే ప్రయత్నం చేస్తుంటారు. అచ్చం అలాంటి కోవకు చెందన వాళ్లే ఈ బెంగుళూరు దంపతులు. వాళ్లు ఏ వ్యాపారంలో అయితే తీవ్ర నష్టాలు ఎదుర్కొన్నారే దానికే చిన్ని మార్పులు జోడించి ఏ రేంజ్‌లో లాభాలు అందుకున్నారో తెలిస్తే..ఆశ్చర్యపోవడం ఖాయం. ఆ జంటే బెంగుళూరుకి చెందిన కుశాల్‌ రెడ్డి, చాహక్‌ జైన్‌లు. వాళ్ల వ్యాపారం ప్రయాణం చిన్న క్లౌడ్‌ కిచెన్‌తో ప్రారంభమైంది. అయితే దీని ప్రారంభ పెట్టుబడి రూ. 4 లక్షలతో మొదలైంది. అయితే ఈ వ్యాపారానికి తగినన్ని ఆర్డర్లు సంపాదించుకోవడంలో విఫలమయ్యారు. ఫలితంగా ఫుడ్‌ డెలివరీ ఫ్లాట్‌ఫామ్‌లు వసూలు చేసే అధిక కమీషన్లు, ప్రకటనల ఖర్చులు, ప్రత్యక్ష ఆర్డర్‌ కొరత వంటివి సంస్థపై ఒత్తిడి పెంచాయి. దాంతో ఆ దంపతులు దాన్ని మూసేయాల్సిన పరిస్థితి వచ్చింది. కానీ ఈ జంట వెనక్కి తగ్గకుండా ఎక్కడైతే నష్టపోయామో అక్కడే తిరిగి సక్సెస్‌ సాధించి లాభం పొందాలని గట్టిగా అనుకుని ఈ సారి వంటగదిని, మార్కెటింగ్‌ చేసే విధానాన్నే మార్చారు. ఈసారి ఫుడ్‌ ట్రక్‌తో బెంగళూరులోని జేపీ నగర్‌లో ఎంట్రీ ఇచ్చారు. దానికి క్రీడ్‌ అనే ఫ్రైడ్‌ ఫుడ్‌ బ్రాండ్‌గా నామకరణం చేసి వ్యాపారం ప్రారంభించారు. అలాగే తాము మొదలుపెట్టబోయే ఫుడ్‌ ట్రక్‌ వ్యాపారం గురించి ముందుగానే సోషల్‌ మీడియాలో వెల్లడించి..దాని నమునా తాలుకా వీడియోని కూడా షేర్‌ చేశారు. దాంతో తమ వ్యాపారంలోని మొదటి బర్గర్‌ సేల్‌ అవ్వక మునుపే యూజర్ల నుంచి అనూహ్యమైన స్పందన వచ్చింది. అంటే ఆ జంట వ్యాపార క్రీడ్‌ ఇన్‌స్టాగ్రామ్‌ ఖాతాకు ఏకంగా ఐదువేలకు పైగా ఫాలోవర్లు ఉండటం విశేషం. అలా ఆ జంట ఆ వ్యాపారాన్ని సెప్టెంబర్‌ 2025లో ప్రారంభించారు. తొలిరోజే వందమందికి పైగా కస్టమర్లు వచ్చారట. ఈ వ్యాపారం మొదటి మూడు రోజుల్లోనే ఏకంగా ముప్పై వేల అమ్మకాలు జరిగాయట. ఆ ఊపు ఇప్పటికీ అలానే కొనసాగుతూ రోజుకి సుమారు 350 నుంచి 450 మంది కస్టమర్లకు సేవలు అందిస్తూ..రోజుకి దాదాపు రూ. 1 లక్ష పైగానే ఆర్జిస్తున్నట్లు ఆ దంపతులే స్వయంగా సోషల్‌ మీడియాలో వెల్లడించారు. పైగా తమ మెనూలో ఫ్రైడ్ చికెన్, పనీర్ బర్గర్‌లతో పాటు, చికెన్ పాప్‌కార్న్, స్ట్రిప్స్, ఫ్రైస్ వంటి ఐటమ్స్‌ని కూడా అందిస్తున్నారు. అంతేగాదు ఆ దంపతులు విఫలమన క్లౌడ్‌ కిచెన్‌కు లాభలా బాటలో నడుస్తున్న క్రీడ్‌ వ్యాపారంల మధ్య ఉన్న వ్యత్యాసాన్ని చూపుతు ప్రథమ్‌ అనే యూజర్‌ ఎక్స్‌పోస్ట్‌లో వివరించారు. ఈ పోస్ట్‌ నెటిజన్లును అమితంగా ఆకర్షించింది. పైగా పోస్ట్‌ ప్రకారం..ఆ క్రీడ్‌ వ్యాపారం రూ. 4 లక్షల పెట్టుబడితో ప్రారంభిస్తే..కేవలం పది నెలల్లో సుమారు రూ. 2 కోట్ల ఆదాయాన్ని ఆర్జించడం విశేషం. ఇది చిన్న ఆహార వ్యాపారాలకు ఒక గొప్ప ఆర్థిక పాఠంగా మారింది. అంతేగాదు సోషల్‌ మీడియాను వ్యాపార ప్రచారానికి ఎలా ఉపయోగించుకోవచ్చో తెలియజేసింది కూడా. అంతేకాదండోయ్‌ ఈ దంపతులు రెడ్డి-జైన్‌లు తమ ఫుడ్‌ ట్రక్‌ మోడల్‌ నుంచి ఒక పెద్ద సెంట్రల్ కిచెన్, ఫాస్ట్-క్యాజువల్ రెస్టారెంట్ అవుట్‌లెట్‌గా తమ వ్యాపారాన్ని విస్తరించే ప్లాన్‌లో ఉన్నారట. ఈ జంట కథ..ఓడిపోయిన చోటే గెలుపుని వెతుక్కోవాలే తప్ప వెనక్కి రాకూడదని చెబుతోంది. అలాగే ఓటమికి గల కారణాలను విశ్లేషించి..ఆ తప్పులకు తావివక్కుండా మంచి ప్రారంభంతో ముందుకు రావాలని చెబుతోంది కదూ..!.Meet Kushal Reddy & Chahak Jain.They invested ₹4 lakh into a cloud kitchen in Bengaluru.It failed.Zomato/Swiggy commissions, expensive ads and low direct orders killed the business.So they started again.They launched Kried, a fried-chicken burger food truck.Before… pic.twitter.com/e3jevufBVn— Pratham (@CapitalLens_) September 1, 2026 (చదవండి: Miss World 2026: సర్వాంగ సుందరీ మాత్రమేకాదు..అద్భుతమైన నటి..! మిస్‌ ఇండియా సైతం..)

పాతికేళ్ల వయసులో జాబ్ చేస్తూ బాగా సంపాదించాలని అందరూ అనుకుంటారు. కానీ 23 ఏళ్ల వయసులో బ్యాంకింగ్ ఉద్యోగాన్ని వదిలి తనకు ఇష్టమైన కొండలు, అడవులు, ట్రెక్కింగ్‌ వైపు అడుగులు వేసాడు విజయ్ ప్రతాప్ సింగ్. అదే అతన్ని సక్సెస్ వైపు తీసుకెళ్లింది, కోట్ల రూపాయల ఆదాయం గడించేలా చేసింది.ఉత్తరప్రదేశ్‌లోని బులంద్‌షహర్‌కు చెందిన విజయ్ చదువుల కోసం డెహ్రాడూన్‌కు వెళ్లిన తర్వాత ప్రకృతికి చాలా దగ్గరయ్యాడు. ఖాళీ సమయం దొరికినప్పుడల్లా అడవులు, కొండల్లో తిరిగేవాడు. అదే ఆసక్తి తర్వాత సొంత వ్యాపారం పెట్టాలనే ఆలోచనకు దారితీసింది.ట్రెక్కింగ్‌తో సొంత కంపెనీవిజయ్ అడ్వెంచర్ ట్రావెల్ కంపెనీని ప్రారంభించాడు. ట్రెక్కింగ్ ట్రిప్స్‌, అవుట్‌డోర్ కార్యక్రమాలను నిర్వహించడం ద్వారా కంపెనీని క్రమంగా అభివృద్ధి చేశాడు. ఉద్యోగం వదిలే ముందే కంపెనీని ఎలా నడపాలనే దానిపై ప్లాన్ చేసుకున్నాడు. స్నేహితుల సహాయంతో వెబ్‌సైట్‌, సోషల్ మీడియా పేజీలు ఏర్పాటు చేసి ట్రెక్కింగ్ బుకింగ్స్‌ ప్రారంభించాడు. 2016లో 12 మంది విద్యార్థులను చోప్టా-తుంగ్‌నాథ్ ట్రెక్‌కు తీసుకెళ్లడంతో అతని ట్రెక్ లీడర్ ప్రయాణం మొదలైంది.శిక్షణతో బలమైన టీమ్ట్రెక్కింగ్‌పై ఆసక్తి ఒక్కటే మాత్రమే సరిపోదని విజయ్‌ అర్థం చేసుకున్నాడు. కొండల్లో భద్రత చాలా ముఖ్యమని భావించి నెహ్రూ ఇన్‌స్టిట్యూట్ ఆఫ్ మౌంటెనీరింగ్‌లో ప్రత్యేక శిక్షణ తీసుకున్నాడు. తర్వాత శిక్షణ పొందిన ట్రెక్ లీడర్లతో 10 మంది సభ్యుల టీమ్‌ను ఏర్పాటు చేశాడు. వీరిలో కొందరికి మౌంటెనీరింగ్‌, సెర్చ్ అండ్ రెస్క్యూ, ఫస్ట్ ఎయిడ్‌లో శిక్షణ ఉంది. ట్రెక్కింగ్‌కు వచ్చే వారి ఆరోగ్య పరిస్థితిని కూడా ముందుగానే పరిశీలిస్తారు.రూ.10 కోట్ల వరకు ఆదాయంగత ఎనిమిదేళ్లలో తన అడ్వెంచర్ ట్రావెల్ కంపెనీ ద్వారా లడఖ్‌, హిమాచల్ ప్రదేశ్‌, ఉత్తరాఖండ్‌, సిక్కిం, నేపాల్ వంటి ప్రాంతాలకు ట్రెక్కింగ్ ట్రిప్స్ నిర్వహించారు. ఈ కంపెనీ ఇప్పటివరకు సుమారు రూ.10 కోట్ల ఆదాయం పొందినట్లు సమాచారం. అయితే.. ఎక్కువ ట్రెక్కులు నిర్వహించడం కంటే.. ప్రతి గ్రూప్‌కు మంచి అనుభవం ఇవ్వడానికే విజయ్‌ ప్రాధాన్యం ఇస్తున్నాడు. అందుకే ఏడాదికి 10 నుంచి 20 ట్రెక్కులు మాత్రమే నిర్వహిస్తున్నారు. భవిష్యత్తులో ఎవరికీ పెద్దగా తెలియని కొత్త ట్రెక్కింగ్ మార్గాలను గుర్తించి, వాటిని అభివృద్ధి చేయాలనేది తన లక్ష్యమని విజయ్‌ పేర్కొన్నారు.ఇదీ చదవండి: ఖాతాదారులకు అలర్ట్.. ఈ తేదీల్లో బ్యాంకులు బంద్!

జీవితంలో ఏ దశలో ఉన్నా సరే కొత్తగా ఏదైనా చేయాలనే సంకల్పం ఉంటే..ఏవిధంగానైనా ముందుకు సాగిపోగలం అనే మాటకు నిలువెత్తు నిదర్శనం ఆమె. శరీరానికి వయసు తప్ప మనసుకి కాదు..యువకులకు తీసిపోని విధంగా కష్టపడగలమని నిరూపించి సంశయంతో కాలక్షేపం చేస్తున్న తన ఏజ్‌వాళ్లకు, యువతకు స్ఫూర్తిగా నిలిచింది. వాస్తవంగా ఆరుపదుల వయసులో కాళ్ల నొప్పులు, చేతుల నొప్పులు అని బాధపడుతుంటారు. కానీ ఆ వయసులో తనకంటూ ఓ గుర్తింపు కోసం ఆరాటపడుతూ..చిన్నాగా ఏదైనా చేయాలనుకోవడమే విశేషం అనుకుంటే..ఏకంగా శారీరక శ్రమతో కూడిన ఆహార వ్యాపారం చేయాలనుకోవడం అతిపెద్ద సాహసం. నీ వల్ల కాదు అన్న వాళ్లే విస్తుపోయేలా సక్సెస్‌ అందుకుని ముందుకు సాగిపోతోంది ఈ బామ్మ. ఆ బామ్మే పాట్నాకు చెందిన దేవ్నీ దేవి. 65 ఏళ్ల వయస్సులో తనకంటూ గుర్తింపు వచ్చేలా ఏదైనా చేయాలని అనిపించిందామెకు. బాధ్యతలు తీరిన సమయంలో కాయకష్టం చేసే పనివైపుకి మళ్లిందామె. చిన్న ఆలోచనతో మొదలైన చిన్న స్టార్లప్‌ లాంటి వ్యాపారం ఆమెది. ముందుగా ఇంట్లో వండిన సాధారణ భోజనాన్ని రూ. 20లకే విక్రయించే చిన్న టిఫిన్‌ ​సెంటర్‌ పెట్టుకుంది. చిన్నగా ప్రారంభమైన ఆమె టిఫిన్‌ సెంటర్‌ కాస్తా..అనతి కాలంలోనే విశేష ఆధరణ లభించి, ఎక్కువ ఆర్డర్లు రావడం మొదలైంది. అంతేగాదు ఆమె చేతి రుచి భోజనప్రియుల మనసుని గెలుచుకుంది. దాంతో చూస్తుండగానే చిన్న వ్యాపారం కాస్తా..రుచికి నమ్మకమైన పేరుగా గుర్తింపు తెచ్చుకుని రూ. 2.5 కోట్ల ఆహార వ్యాపారంగా మారింది. దేవ్నీ దేవి ఈ వ్యాపారం చేయాలనుకునే నిర్ణయానికి కుటుంబం నుంచి, బంధువుల నుంచి ఎలాంటి మద్దతు లేకపోయినా..కఠిన శ్రమ, ఓర్పుతో విజయం సాధించి చూపారామె. నాణ్యత, రుచిలో రాజీపడకుండా ఎంతో శ్రద్ధతో తాజగా వండిన భోజనం అందించి కార్మికులు, విద్యార్థులు, కుటుంబాల నమ్మకాన్ని గెలుచుకుంది. అది కూడా సరసమైన ధరలో మంచి భోజనం అందించే టిపిన్‌ సెంటర్‌గా పేరుతెచ్చుకునేలా కష్టపడింది. ఆ శ్రమకు తగిన గుర్తింపు లభించేలా పెద్ద ఆహార వ్యాపారంగా విస్తరించింది. అంతేగాదు క్యాటరింగ్‌ సేవలను ప్రారంభించి, ఎక్కువమందికి తన సర్వీస్‌ని అందించేలా రెస్టారెంట్‌ను కూడా తెరిచారామె. ఆరోజు ఈ వయసులోనా అని ముఖం చిట్లించిన వాళ్లే సిగ్గుపడేలా ఉవ్వెత్తున ఎగిసిపడేలా అందనంత ఎత్తుకు ఎదిగింది. కొత్తగా ఏ పని చేయాలన్న లేదా ప్రారంభించి విజయం సాధించడానికి వయసు ఎప్పటికీ అడ్డంకి కాదు..అది మీ మనస్సులోని సంకల్పం ముందు నిలువదు అని చెప్పే స్ఫూర్తిదాయక కథ. దైర్యం, ఓర్పు, నిరంత కృషి ఉన్నవాళ్లకి అపజయం అన్నదే కలగదు అనే మాటకు దేవ్నీ దేవి కథే ఓ ఉదాహరణ. View this post on Instagram A post shared by startup universe (@startup_universe) (చదవండి: అక్కడ సుబ్రహ్మణ్య స్వామికి నైవేద్యంగా చాక్లెట్లు..!)

మన చుట్టూ, రోజువారీగా ఎదురవ్వుతున్నా సమస్య, అందరూ అంతగ పట్టించుకోని దానిపై చేసిన ఆవిష్కరణ..ఆమెను యావత్తు ప్రపంచానికి తెలియజేసేలా చేసింది. ఓ మారుమూల గ్రామంలో కిరోసిన్‌ దీపం కింది చదువుకునే ఓ పల్లెటూరి అమ్మాయి టాలెంట్‌ ఏంటో ప్రపంచానికి అర్థమయ్యేలా చేసి గ్రామంలోని స్టూడెంట్స్‌ ప్రతిభవైపు తిరిగి చూసేలా చేసింది. అంతేగాదు ఏకంగా అంతర్జాతీయ వేదికపై మెరిసి తన ఆలోచనలను పంచుకునే అవకాశం దక్కించుకుంది. అంతేగాదు ఆ చిన్న ఆవిష్కరణ ఆమెను ఎంత పెద్ద లక్ష్యానికి పురిగొల్పిందో వింటే విస్తుపోతారు.ఆ అమ్మాయే ఉత్తరప్రదేశ్‌లోని బారాబంకి జిల్లాలోని ఓ మారుమూల గ్రామానికి చెందిన పూజాపాల్‌. ఆమె చేసిన ఆవిష్కరణ ఏమి ప్రయోగాసాలల్లో, ఖరీదైన పరికరాలతో ప్రారంభ కాలేదు. ఆమె రోజు చూసే ఒక సమస్యతో మొదలైంది. అందరూ అంతగా పట్టించుకోకుండా తేలిగ్గా వదిలేసిన సమస్యను ఆమె మదిని తొలిచి ఆవిష్కరణకు నాంది పలికింది. పైగా ఆమె సాధారణ ఆర్థిక పరిస్థితి నేపథ్యం ఉన్న కుటుంబం నుంచి వచ్చింది. ఆమె తండ్రి పుట్టిలాల్‌ రోజువారీ కూలీగా పనిచేస్తుండగా, తల్లి సునీలా దేవి ప్రభుత్వ పాఠశాలలో వంటమనిషిగా పనిచేస్తోంది. మట్టి ఇంటిలో నివసించేది ఆమె కుటంబం. కనీసం విద్యుత్‌ సౌకర్యం కూడా లేదు. కిరోసిన్‌ దీపం కింద చదువుకునే ఆ అమ్మాయికి ఎనిమిదో తరగతిలో ఉండగా ధాన్యం నూర్పిడిలో ఉండే ఇబ్బందులను కళ్లారా చూసింది. ఆ ధాన్యం మార్పిడి కారణంగా వచ్చే దుమ్మ వల్ల పిల్లలు, పెద్దలు దగ్గుతో ఇబ్బంది పడుతుండటం గమనిస్తుంది. ఈ సమస్యకు పరిష్కారం పెట్టడం ఎలా అని రోజు ఆలోచిస్తూ ఉండేది. ఇంట్లో ఆర్థిక పరిస్థితి అంతంత మాత్రం. చాలిచాలని భోజనంతో ఆహారం ముగించే తాను ఇది తనవల్ల ఎలా సాధ్యం అని అనుకోలేదు. ఎలాగైనా ఈ సమస్యకు పరిష్కారం చూపాలన్నదే తన ఆశయం అన్నట్లుగా పూజా పలు ప్రయత్నాలు చేస్తుండేది. ఆ దుమ్ము కారణంగా కలిగే ఇబ్బంది అంత ఇంత కాదు..అందుకే పూజా దీనిన ఎలా పరిష్కరించాలి అని పరిపరి విధాలుగా ఆలోచించడం మొదలుపెట్టింది. అసలు గ్రామం దాటి వెళ్లడం ఎరుగని అమ్మాయి మొదటి సారి జిల్లా వరకు ప్రయాణించి తన సైన్స్‌ టీచర్‌ మార్గదర్శకంలో ఒక వెల్డర్‌ సహాయంతో ఈ సమస్యకు చెక్‌పెట్టే నమునాను తయారుచేసింది. అదే దుమ్ము రహిత త్రెషర్‌ నమునా. గాలిలో ఎగిరే ధాన్యం పొట్టును వేరుచేసే నమునా ఇది. ఇందులో టిన్‌, ఫ్యాన్‌ వంటి ఉండవు, దుమ్ము రూపంలో ఉండే పొట్టుని వేరుచేస్తుంది. ఇందుకోసం పూజాకు అయ్యింది రూ, 3 వేలు మాత్రమే. కానీ అది ఆమె కుటుంబం పరంగా పెద్దమొత్తమే. ఈ నమునాను తయారు చేసేటప్పడు స్థానిక ప్రజలు పెద్ద సైంటిస్ట్‌ లెక్క ఏదో చేసేస్తుంది అని ఎగతాళి చేసేవారని, కానీ అవేమి పట్టించుకోకుండా ముందుకు సాగినట్లు చెబుతోంది పూజా. అయితే ఆమె పాఠశాల ఉపాధ్యాయుడు మాత్రం దీన్ని ఒక పాఠశాల స్థాయి ప్రయోగానికి మించిన ఆవిష్కరణగా ఆయన గుర్తించారు. అంతేగాదు రోజువారీ సమస్యలకు వినూత్న పరిష్కారాలను అభివృద్ధి చేయడానికి పాఠశాల విద్యార్థులను ప్రోత్సహించే 'ఇన్‌స్పైర్-మానక్' కార్యక్రమంలో పూజాను పాల్గొనేలా చేసి తన నమునాను సమర్పించేలా ప్రోత్సహించారు ఆయన. ఆ ప్రాజెక్ట్‌కి రాష్ట్ర స్థాయిల నుంచి జాతీయ గుర్తింపుకి దారితీసే జాతీయ సైన్స్‌ప్రదర్శనలో తన ఆవిష్కరణను ప్రదర్శించే అవకాశం కూడా దక్కించుకుందామె. అక్కడితే పూజా ప్రస్థానం ఆగిపోలేదు..సైన్స్‌ కార్యక్రమాల్లో భాగంగా జపాన్‌కు వెళ్లే ఛాన్స్‌ వచ్చింది. ఆ ఏడాది సకురా సైన్స్ హై స్కూల్ ప్రోగ్రామ్ కోసం ఎంపికైన 54 మంది భారతీయ విద్యార్థులలో ఉత్తర ప్రదేశ్ నుంచి ఎంపికైన ఏకైక విద్యార్థిని పూజా. ఒకప్పుడు బారాబంకి చేరుకోవడమే పెద్ద గగనంగా ఉండేది, అలాంటిది విదేశంలోకి అడుగుపెట్టే రేంజ్‌కి రావడం అంటే..ఆశ్చర్యం, గర్వం ఒకేసారి కలిగాయని అంటోంది పూజా. ఆ జపాన్‌ పర్యటనలో చిన్ని చిన్న విషయాలు కూడా ఎంతో ఆశ్చర్యానికి గురి చేశాయని అంటోంది. అది తనకు చాలా గౌరవప్రదమైన టూర్‌ అని గర్వంగా చెబుతోంది. పొందిన రివార్డులు, సత్కారాలు..అంతేగాదు ప్రధానమంత్రి నరేంద్ర మోదీపై రూపొందించిన 'కర్మయోగ: ఏక్ అనంత యాత్ర' అనే డాక్యుమెంటరీలో పూజ ప్రస్థానాని చూపించడంతో సెప్టెంబర్ 2025లో ఆమె కథకు మరోసారి జాతీయ స్థాయిలో గుర్తింపు లభించింది. నిజానికి 'బేటీ బచావో, బేటీ పఢావో' ప్రచారంలో భాగంగా విద్యతో ఆమె తన జీవితాన్ని ఎలా మార్చుకుందో ఉదాహరణగా పూజాను చూపించారు. అలా ఆమెకు గుర్తింపు పెరుగుతూనే ఉంది. అంతేగాదు సైన్స్‌లో ఆవిష్కరణలు చేసినందుకు గానూ డిసెంబర్ 2025లో రాష్ట్రపతి ద్రౌపది ముర్ము చేతుల మీదుగా ప్రధానమంత్రి రాష్ట్రీయ బాల పురస్కారం అందుకుంది. అంతేగాదు ఆమె ఉత్తరప్రదేశ్‌లోని మిషన్ శక్తి రోల్ మోడల్‌గా కూడా గుర్తింపు పొందింది. అంతేగాదు రాష్ట్ర గృహనిర్మాణ పథకంలో ఆమె కుటుంబానికి నివాస వసతి సైతం కల్పించింది రాష్ట్ర ప్రభుత్వం. ప్రస్తుతం పూజా ఇంటర్‌ చదువు కోసం నిధులు సమకూర్చుకోవడానికి, అలాగే పేరెంట్స్‌కి ఆర్థికంగా సహాయపడటానికి ఒక చిన్ని వ్యాపారాన్ని ప్రారంభించాలనుకుంటున్నట్లు వెల్లడించింది. అంతేగాదు ఒకప్పుడూ మమ్మల్ని చిన్నచూపు చూసిన వాళ్లు మమ్మల్ని చూసి ఆశ్చర్యపోయేంతగా ఎదగాలన్నదే తన ధ్యేయం అని ఆత్మవిశ్వాసంగా చెబుతోంది పూజాపాల్‌. పూజా కథ ఒక పల్లెటూరి అమ్మాయి తన అపారమైన ప్రతిభతో, ఎంత దూరమైన ప్రయాణించగలదని చూపడమే గాక, విద్య, చిన్న చిన్న సమస్యల పట్ల నిశితమైన పరిశీలన మనలోని టాలెంట్‌ని వెలికితీసి ఆవిష్కరణలకు దారితీస్తుందని చాటి చెప్పింది. అంతేగాదు మనకు సాధించాలనే ఆకాంక్ష, పట్టుదల ముందు పరిమిత వనరులు అడ్డంకి కావని పూజపాల్‌ కథ చెబుతోంది.(చదవండి: 16 ఏళ్ల స్టూడెంట్‌ ఘనత..! తండ్రికే జీతం ఇస్తున్న తనయుడు..)

చాలామంది పెద్ద పెద్ద రిస్క్‌లు తీసుకుని అలవోకగా విజయాలందుకుంటుంటారు. హాయిగా మంచి పొజిషనల్‌ ఉన్న లైఫ్‌ని కొందరు కిక్‌ కోసం.. కష్టాల్లోకి వెళ్లి మరి.. సక్సెస్‌ని పట్టుకునేందుకు వెంపర్లాడుతుంటారు. అయితే ఆ క్రమంలో వచ్చే అపజయాలకు ఆగిపోకుండా ధైర్యంతో ముందుకు సాగితేనే గెలుపు పిలుపు వినిపిస్తుంది. అచ్చం అలానే చేశాడు ఈ వ్యక్తి. ఒకటి, రెండు సార్లు కాదు..ఏకంగా ఎన్నిసార్లు ఓటమి పలకరించి భయపెట్టిందో తెలిస్తే విస్తుపోతారు. మరి చివరికి సక్సెస్‌ అందుకున్నాడా అంటే..అతడే శశికుమార్‌ అనే పారిశ్రామికవేత్త. అతడి స్ఫూర్తిదాయక కథ నిజంగా యువతకు పెద్ద పాఠం, కనువిప్పు కలిగించే స్టోరీ కూడా. ఈ టెకీ అమెరికాలోని విప్రోలో హాయిగా ఐటీ ఉద్యోగిగా బిందాస్‌ లైఫ్‌ని లీడ్‌ చేస్తున్నాడు. అయినా సరే ఏదో వెలితి వెంటాడుతూ ఉండటంతో..ఉన్న సౌకర్యవంతమైన ఉద్యోగాన్ని కాదని వ్యవసాయం చేయాలని అగ్రికల్చర్‌ రంగంలోకి దిగాడు. ఇది అలాంటి ఇలాంటి భారీ రిస్క్‌ కాదు. ఎందుకుంటే ప్రస్తుతం వ్యవసాయం ఏ పరిస్థితుల్లో ఉందో తెలియంది కాదు. పంటలు పండినా..గిట్టుబాటు ధరలేక విలవిలలాడుతున్నారు రైతన్నలు. అలాంటి టైంలో ఈ టెకీ అతిపెద్ద సాహసం చేసి మరి వ్యవసాయంలోకి దిగాడు. తను తీసుకున్న ఈ అనుహ్య నిర్ణయం ఎన్నిసార్లు అగ్నిపరీక్ష పెట్టిందో తెలిస్తే కంగుతింటారు. మొదట్లో రైతులకు తన వంతుగా సాయం చేద్దామని అక్షయకల్ప పేరుతో వ్యవసాయానికి సంబంధించిన వ్యాపారాన్ని ప్రారంభించాడు. అందుకోసం కార్పొరేట్‌ జీవితానికి స్వస్తి పలికి మరి పూర్తిస్థాయిలో ఇందులో కొనసాగాలని భావించాడు. అయితే శశికుమార్‌ ఒకటి కాదు, రెండు కాదు ఏకంగా పదిసార్లు దివాళ పరిస్థితికి వచ్చేశాడు. మరొకరు ఎవరైనా తక్షణమే ఇది తనకు సరైనది కాదని వెనుదిరిగేవారేమో..కానీ శశి కుమార్‌ అదుకు ససేమిరా అంటూ మొండిగా ముందుకుసాగాడు. భార్య అండ దండతో ఆమె దాచిన రూ. 30 లక్ష పొదుపు సాయంతో కష్టాల్లో ఉన్న కంపెనీనిని నిలదొక్కుకునేలా చేసుకుంటూ ముందుకు సాగుతూ ఉండేవాడు. అతడు స్థాపించిన అక్షయకల్ప అనేది సర్టిఫైడ్‌ ఆర్గానిక్‌ డైరీ సంస్థ. రసాయనాలు లేని పాలు, పాల ఉత్పత్తులు, ఆర్గానిక్‌ ఆహారాలను అందించే సంస్థ. అయితే అతడు చివరికి చాలా కష్టాలు పడి విజయవంతంగా తన వ్యాపార సామ్రాజ్యాన్ని నడపడం ప్రారంభించాడు. అంతేగాదు రైతులకు ప్రతి నెలరూ. 1.28 లక్షలు చొప్పున వార్షికంగా రూ. 480 కోట్లు పైనే చెల్లిస్తున్నాడు. ఈ రోజు అక్షయకల్పలో 2800 మంది రైతులు ఉన్నారు. అంతేగాదు ఈ కంపెనీ ప్రతి నెల ఏకంగా రూ. 60 కోట్ల లాభం చొప్పున ఏడాదికి దాదాపుగా రూ. 600 కోట్లుపైనే ఆర్జిస్తుండటం విశేషం. అంతేగాదు అతడు తీసుకున్న నిర్ణయాన్ని తండ్రి గట్టిగా వ్యతిరేకించాడట కూడా. పైగా తాను చేసిన వ్యవసాయ కష్టాన్నే తన కొడుకు ఎంచుకోవడం అస్సలు నచ్చలేదట. అమెరికాలో మంచి ఉద్యోగాన్ని కాదనుకున్నాడనే కోపంతో కుమారుడితో దాదాపు ఎనిమిదేళ్లు మాట్లాడటమే మానేశాడట. చివరికి స్వయంగా తండ్రే మెచ్చుకునేలా వ్యాపార సామ్రాజ్యాన్ని నిర్మించాడు..రైతులకు అండదండగా నిలిచాడు. నెటిజన్లు అతడి అపారమైన పట్టుదలకు పిదా అవ్వుతూ గ్రేట్‌ సార్‌ మీరు, తమిళనాడు, ఆంధ్రప్రదేశ్‌లలో కూడా దీన్ని ప్రారంభించొచ్చు కదా అంటూ పోస్టులు పెట్టారు. (చదవండి: 16 ఏళ్ల స్టూడెంట్‌ ఘనత..! తండ్రికే జీతం ఇస్తున్న తనయుడు..)

ఆర్థిక పరిస్థితులు ఉన్నత విద్యను అందుకోవడానికి అడ్డంకి కావని ఎందరో నిరూపిస్తున్నారు. అది కూడా అసామాన్య పరిస్థితి నుంచి విదేశీ యూనివర్సిటీల్లో చదివే అవకాశం పొందే రేంజ్‌కి వెళ్తుండటం విశేషం. అచ్చం అలాంటి నేపథ్యం నుంచి వచ్చి ఈ వక్తి ఏకంగా సింగపూర్‌లోని ప్రతిష్టాత్మక కాలేజ్‌లో పీహెచ్‌డీ చేసే స్థాయికి చేరుకున్నాడు. పైగా పరిస్థితులు మన ఆశయాలను అడియాశలు చేసేవి కావు, సదా చదువుపై ఫోకస్‌ పెట్టేలా చేసే ఆయుధాలని అంటుండటం విశేషం.అతడే ఆంధ్రప్రదేశ్‌లోని మధ్యతరగతి కుటుంబానికి చెందిన రామ్‌తుల్లా షేక్‌(Ramthulla Shaikh). అతడు తన విద్యా ప్రస్థానం, సాధించిన విజయాల గురించి ఇన్‌స్టాగ్రామ్‌లో షేర్‌ చేయడంతో ఈ విషయం వెలుగులోకి వచ్చింది. తాను ఒకప్పుడు రోజు కూలీగా రూ. 300లు సంపాదిస్తుండే వాడినని చెప్పుకొచ్చారు. తన ప్రాథమిక విద్యనంత జిల్లా పరిషిత్‌ ఉన్నత పాఠశాలలో పూర్తి చేసినట్లు తెలిపాడు. ఆ తర్వాత శశికాంత రెడ్డి జూనియర్ కాలేజీలో ఎంపీసీ పూర్తి చేసినట్లు వెల్లడించాడు. అయితే తన విద్యా ప్రయాణంలో చాలా ఆర్థిక సమస్యలు ఎదురయ్యేవని, అందుకోసం సెలవుల్లో కూలీ పనులకు వెళ్లి డబ్బుని కూడబెట్టి చదువుకుంటుండే వాడినని తెలిపారు. ఆ తర్వాత 2021లో ఎలక్ట్రికల్ అండ్ ఎలక్ట్రానిక్స్ ఇంజనీరింగ్‌లో BTech పూర్తి చేసి, మల్టీనేషనల్‌ కంపెనీలో సిస్టమ్‌ ఇంజనీర్‌గా పనిచేయడం ప్రారంభించినట్లు తెలిపారు. అయితే ఆ సమయంలోనూ రామ్‌తుల్లా తన చదువుని ఆపలేదు. పూర్తికాలం పనిచేస్తూనే గేట్‌కి సన్నద్ధమైనట్లు తెలిపారు. అతడి కృషి పలితంగా 2024లో ఎలక్ట్రికల్ ఇంజనీరింగ్‌లో 809వ ఆల్ ఇండియా ర్యాంకు సాధించాడు. దాని ఫలితంగా ప్రతిష్టాత్మక బెంగళూరూ ఇండియన్ ఇన్‌స్టిట్యూట్ ఆఫ్ సైన్స్‌లో ఎలక్ట్రికల్ ఇంజనీరింగ్‌లో ఎం.టెక్‌ చేసే అవకాశం దక్కింది. జూన్‌ 2026కల్లా ఎంటెక్‌ పూర్తి చేసి ప్రభుత్వ రంగ కంపెనీల్లో వార్షిక వేతనం రూ. 15 లక్షలు అందించే ఆఫర్లు వచ్చినా..పరిశోధన చేసేందుకు మొగ్గు చూపి.. ఆగష్టు 2026లో, తాను నేషనల్ యూనివర్శిటీ ఆఫ్ సింగపూర్‌లో పవర్ ఎలక్ట్రానిక్స్‌లో పీహెచ్‌డీ చేయడం ప్రారంభించినట్లు తెలిపారు. అలాగే తాను తన విజయాలను ప్రదర్శించడం కోసం ఇలా సోషల్‌మీడియాలో పోస్ట్‌ చేయలేదన్నారు. ఇది కేవలం మీ నేపథ్యం, ప్రారంభస్థానం మన గమ్యాన్ని ఎన్నటికీ నిర్దేశించదని చెప్పడానికి తన విద్యా విజయాల గురించి వివరించినట్లు తెలిపాడు. ఓర్పు, నిలకడ, నిరంత కృషితో మారుమూల గ్రామ నేపథ్యం నుంచి వచ్చిన తానే సాధించినప్పుడూ..మీరెందుకు సాధించలేరంటూ ఆలోచింపచేస్తున్నాడు. తనలాగా ప్రభుత్వ పాఠశాలలో చదువుకున్న విద్యార్థులు తమపై తాము నమ్మకం ఉంచి ముందుగకు సాగాలని ప్రోత్సహించేందుకే తన విద్యా ప్రస్థానాన్ని షేర్‌ చేస్తున్నట్లు వెల్లడించాడు. చివరగా ఆయన క్రమశిక్షణకు పట్టుదల తోడైతే సాధించలేని పెద్ద కల అంటూ ఉండదు అని లింక్డ్‌ఇన్‌ పోస్ట్‌లో రాసుకొచ్చారు రామ్‌తుల్లా.(చదవండి: ఒకప్పుడు బాలీవుడ్‌ పనిచేసేదామె..సడెన్‌గా 29 ఏళ్లకే రిటైర్మెంట్‌! ఎందుకో తెలుసా..)

శ్రమను మించిన దైవం లేదని, చేసే వృత్తి ఏదైనా దానికి ఇచ్చే గౌరవం ఒక్కటేనని నిరూపించారు. ఒక సాధారణ పారిశుద్ధ్య కార్మికుడు. కష్టపడే మనస్తత్వం, శ్రమకు ఇచ్చే గౌరవం మనిషి హోదాను ఎలా పెంచుతుంది అనడానికి ఆయన జీవితమే గొప్ప ఉదాహరణ. ఎంత ఎదిగినా ఒదిగా ఉండే లక్షణం ఆయనకు ఆభరణం. లక్షల విలువైన ఫార్చ్యూనర్ (Fortuner) కారులో వచ్చి, రోడ్లను ఊడ్చి తాపీగా వెళ్లిపోతుంటారు. పదండి కర్ణాటకలోని దక్షిణ కన్నడ జిల్లా, బిస్రోడికి చెందిన శేషప్ప (Sesappa) అనే పారిశుద్ధ్య కార్మికుడి స్ఫూర్తిదాయక జర్నీ గురించి తెలుసుకుంది.ప్రతిరోజూ ఉదయం, శేషప్ప అందరి దృష్టిని ఆకర్షించే 'టయోటా ఫార్చ్యూనర్' వాహనంలో తన పనికి చేరుకుంటారు. కానీ అక్కడికి రాగానే, ఆయనలో ఎలాంటి హోదా లేదా ప్రత్యేక అధికారాల ప్రదర్శన ఉండదు. వాహనం దిగి, చీపురు పట్టుకుని రోడ్లను ఊడ్చడం ప్రారంభిస్తారు.మంగళూరు శివార్లలోని బంట్వాల్ తాలూకాలో ఉన్న నావూర్ గ్రామానికి చెందిన శేషప్ప జీవితం పూల పాన్పేమీ కాదు. ఎన్నో కష్టాలు, ఎదురుదెబ్బలు, మద్యం మత్తు,పరివర్తన ఇలా అనేక బాధల భావోద్వేగాల అవిశ్రాంత శ్రమల కలయిక.1996లో శేషప్ప ప్రభుత్వ సేవలో చేరారు. రోజుకు కేవలం రూ.50 జీతంతో శేషప్ప తన ఉద్యోగాన్ని ప్రారంభించారు. ఆర్థిక సమస్యలు, కష్టాల వల్ల ఒక దశలో మద్యపానానికి బానిసయ్యారు. 2005లో ఆయన జీవితంలో ఒక కీలక మలుపు వచ్చింది. అప్పటి బంట్వాళ్ సబ్-ఇన్‌స్పెక్టర్ బెల్లియప్ప మాటలు ఆయనను తీవ్రంగా ఆలోచింపజేశాయి. దాంతో మద్యం పూర్తిగా మానేసి, క్రమశిక్షణతో జీవితాన్ని మళ్లీ ప్రారంభించారు.తండ్రి అంత్యక్రియలకు డబ్బుల్లేకతండ్రి చనిపోయినప్పుడు అంత్యక్రియలు నిర్వహించడానికి కూడా శేషప్ప వద్ద డబ్బులు లేవు. ఎవరూ సహాయం చేయకపోవడంతో, తండ్రి మృతదేహాన్ని నెత్రావతి నది ఒడ్డుకు తీసుకెళ్లి స్వయంగా దహన సంస్కారాలు చేశారు. ఈ ఘటనే ఆయనను ఆర్థికంగా స్వయంసమృద్ధి సాధించేలా పట్టుదలను పెంచింది.ఆయన దృష్టిలో ఏ పనీ చిన్నది కాదు. అది నిజాయితీతో కూడిన పని అయితే చాలు, చేయడానికి ఆయన సిద్ధంగా ఉండేవారు.ఇదీ చదవండి: మిస్ యూనివర్స్ ఇండియా 2026 విజేత : ఎవరీ కేరళ బ్యూటీఉదయం 5 గంటల నుండి మధ్యాహ్నం వరకు వీధులు ఊడ్చడం, చెత్త తరలించే వాహనాన్ని నడపడం వంటి పనులు చేస్తారు. మధ్యాహ్నం తర్వాత వ్యవసాయం, పాడి పరిశ్రమ (డైరీ ఫార్మింగ్) , ఇతర కూలీ పనులు చేస్తూ ఆర్థిక స్థితిని మెరుగు పరుచుకున్నారు. ఇలా ఎక్కువ పనిగంటలు పనిచేయడం ద్వారా నెలకు మరో రూ.40వేలు ఆర్జించేవారు. తన కష్టార్జితంతో తొలుత ఆల్టో కారు కొన్నారు. పారిశుధ్య కార్మికుడికి కారా అని చాలామంది ఎగతాళి చేశారు. అయినా పట్టించుకోలేదు. ఆ తరువాత కొన్నాళ్లకు స్పార్పియో కొన్నారు. పాత కారును విక్రయించి మళ్లీ లోన్‌ తీసుకుని కొత్త కారు కొనడం అలవాటుగా మారింది. అలా ఎన్నో అవమానాలు, అవహేళనలు, క్రమం కఠోర శ్రమ తరువాత ఆయన ఫార్చ్యూనర్ కారును కొనుగోలు చేసే స్థాయికి అతని జీవితం ఆర్థిక పరిణతిని సాధించింది.పనే దైవం (Work is Worship)ఎంతటి ఖరీదైన కారు ఉన్నప్పటికీ, శేషప్ప తన మూలాలను మర్చిపోలేదు. 'ఫార్చ్యూనర్' కారులో రాగలిగే సామర్థ్యం ఉన్నప్పటికీ, అతను స్వయంగా చీపురు పట్టి వీధులను శుభ్రం చేయడానికే మొగ్గు చూపుతారు. రోజూ ఫార్చ్యూనర్ కారులో వచ్చి, తన చేతితో చీపురు పట్టి వీధులను శుభ్రం చేస్తూనే ఉన్నారు. అతను ఇప్పటికీ వీధులను ఊడ్చుతారు.అతను ఇప్పటికీ చెత్తను తరలించే వాహనాన్ని నడుపుతారు అంతేనా ఇప్పటికీ వ్యవసాయం మరియు పాడి పరిశ్రమ పనుల్లో నిమగ్నమై ఉంటారు.ఇదీ చదవండి: బిడ్డకు మేనమామ ఉంగరం : బిడ్డింగ్‌ దక్కించుకున్న జ్యుయల్లర్స్‌ ఇవే!

Miss Universe India 2026 ఒకప్పుడు తన ముఖాన్ని, తన ఫోటోలను చూసుకోవడానికి కూడా ఇబ్బంది పడిన ఒక యువతి ఆత్మవిశ్వాసంతో ఎదిగి అందాల రాణిగా తనను తాను చాటుకుంది. ఆగస్టు 23న జైపూర్‌లో జరిగిన ‘మిస్ యూనివర్స్ ఇండియా 2026’ గ్రాండ్ ఫినాలేలో 52 మంది పోటీదారులను వెనక్కి నెట్టి కాజియా లిజ్ మెజో (Kaziah Liz Mejo) విజేతగా నిలిచారు. సుమారు 9వేల మంది దరఖాస్తుదారుల నుండి ప్రాంతీయ పోటీలు, ఆడిషన్లు , వైల్డ్‌కార్డ్ ఎంట్రీల ద్వారా ఆమెను ఎంపిక చేశారు. ఈ విజయంతో, నవంబర్‌లో పోర్టో రికోలో జరగనున్న 75వ మిస్ యూనివర్స్ పోటీల్లో కాజియా భారతదేశం తరఫున పోటీ పడనున్నారు. మిస్ యూనివర్స్ ఇండియా ఫినాలే ఈవెంట్‌కు సుస్మితా సేన్ (1994 మిస్ యూనివర్స్), సెలీనా జైట్లీ, ఊర్వశి రౌతేలా, రియా సింహా (మిస్ యూనివర్స్ ఇండియా 2024), ఫిల్మ్ ప్రొడ్యూసర్ ప్రగ్యా కపూర్, డెర్మటాలజిస్ట్ డాక్టర్ స్తుతి ఖారే శుక్లా న్యాయనిర్ణేతలుగా వ్యవహరించడం విశేషం. కేవలం ఏడాది క్రితం టీన్-టైటిల్‌లో రన్నర్-అప్‌గా తన అందాల పోటీ ప్రయాణాన్ని ప్రారంభించిన ఒక యువతి ఇండియా మిస్ యూనివర్స్ కిరీటాన్ని గెలుచుకోవడం, ప్యూర్టో రికోలో ప్రపంచ వేదికపై పోటీపడే అవకాశం లభించడం స్ఫూర్తిదాయకంగా నిలుస్తోంది.ఇదీ చదవండి: బిడ్డకు మేనమామ ఉంగరం : బిడ్డింగ్‌ దక్కించుకున్న జ్యుయల్లర్స్‌ ఇవే!ఎవరీ కాజియా లిజ్ మెజో?అబుదాబిలో పెరిగిన కేరళ అమ్మాయి మెజో (Mejo) 2007లో జన్మించింది. మావెలిక్కరకు చెందిన మెజో అబ్రహం సుజా మెజోల కుమార్తె అయిన ఆమె, ప్రస్తుతం కొచ్చిలో ఉంటూ బెంగళూరులో న్యాయశాస్త్రం (లా) చదువుతోంది. అంతుకుముందు ఆమె అబుదాబిలోని ఎమిరేట్స్ నేషనల్ స్కూల్, సెయింట్ జోసెఫ్స్ స్కూల్, అబుదాబి ఇండియన్ స్కూల్‌లో తన పాఠశాల విద్యను పూర్తి చేసింది. చిన్న వయసులోనే ఆమెకు వేదికపై ప్రదర్శనలు ఇచ్చే అవకాశం లభించింది. 2012లో అబుదాబిలో శాస్త్రీయ నృత్య శిక్షణ ప్రారంభించిన ఆమె, ఆ తర్వాత అనేక సృజనాత్మక రంగాలలో నైపుణ్యాలను పెంపొందించుకుంది. 2024లో అందాల పోటీలలో పాల్గొనడం ప్రారంభించింది . 'మిస్ టీన్ ఇంటర్నేషనల్ 2025' పోటీలో భారతదేశానికి ప్రాతినిధ్యం వహించి, 'ఫస్ట్ రన్నరప్'గా నిలిచింది. కొన్ని నెలల తర్వాత, ఆమె ఉన్నత స్థాయి పోటీకి (కేటగిరీకి) మారి, రాష్ట్ర స్థాయి టైటిల్‌ను గెలుచుకోవడం ద్వారా జాతీయ స్థాయిలో గుర్తింపు పొందింది. కొచ్చిలో జరిగిన పోటీలో మాళవిక రాజేంద్రన్ దేవ్ , లిజ్ జైమోన్ జాకబ్‌లను ఓడించి, ఆమె 'బీనా కన్నన్ కౌచర్ మిస్ యూనివర్స్ కేరళ 2026' కిరీటాన్ని గెలుచుకుంది. View this post on Instagram A post shared by PAGEANTS UNIVERSE (@pageants_universe)ఈ సందర్భం గత కొన్నేళ్లు తాను అనుభవించిన ఆత్మన్యూనత గురించి గా మెజో వివరించింది. చాలా కాలందాకా తన రూపం వ్యక్తిత్వం పట్ల తనకు ఆత్మవిశ్వాసం ఉండేది కాదని ఆమె చెప్పింది. fake it till you make it అనే దృక్పథం తనలో మార్పు తెచ్చిందని ఆమె పేర్కొంది. వేదికపైకి వెళ్లే ముందు కూడా, అత్యంత ఆత్మవిశ్వాసం కలిగిన వ్యక్తిని తానేనని తనకు తాను చెప్పకునే దాన్నని ఆమె చెప్పింది.ఇదీ చదవండి: రోజు రూ. 50లే, ఇపుడు ఫార్చ్యూనర్ కారు : స్వీపర్‌ సక్సెస్‌ స్టోరీ వైరల్‌అలాగే అందాల పోటీల పట్ల ఆమెకు ఆసక్తి కలగడానికి టీవీలో చూసిన ఒక సంఘటనే కారణమని చెప్పుకొచ్చింది. 2021లో హర్నాజ్ సంధు 'మిస్ యూనివర్స్' కిరీటాన్ని గెలుచుకోవడం చూసిన తర్వాత తనకు అందాల పోటీలపై ఆసక్తి కలిగిందని మెజో చెప్పింది. ఎన్నాళ్లో ఎదురు చూసి, చివరికి ఆమె టైటిల్‌ దక్కించుకోవడం తనకు స్ఫూర్తినిచ్చిందని ఆమె పేర్కొంది.

అధిక బరువుతో ఆరోగ్య కష్టాలు మాత్రమే కాదు, సామాజికంగా నిందలు అవమానాలు ఎదుర్కోవాల్సి వస్తుంది. ఇక అమ్మాయిలైతే ఇక చెప్పేదేముంది. సన్నబడితే జీవితం అన్నంతగా పరిస్థితి మారిపోతుంది. ఇవి చాలదన్నట్టు ఈ పరిస్థితి నుంచి ఎలా బయటపడాలో తెలియక, అనేక మానసిక ఆరోగ్య సమస్యలు కూడా చేరతాయి. అవమానాలు, శారీరక, మానసిక సంఘర్షణను తట్టుకోలేక బేరియాట్రిక్ శస్త్రచికిత్స (Bariatric Surgery) తో శారీరకంగా ఎంతో చిత్రవధ అనుభవించినప్పటికీ, అంత తీవ్ర ఒత్తిడి నుంచి బయట పడి ఒక యువతి ఆసక్తికరమైన వెయిట్‌ లాస్‌ జర్నీ గురించి తెలుసుకుందాం.1996లో పుట్టిన నిధి చిన్నతనం నుంబే బొద్దుగా ఉండటంతో మూడేళ్ల వయసు నుంచే వేధింపులు, హింస మొదలయ్యాయి. ఆమెను బాడీనే మొదటగా అందరూ గమనించి కామెంట్స్‌ చేసేవారు. గేలి చేసేవారు. చివరికి ఆమె ఆత్మవిశ్వాసం దెబ్బతింది. టీనేజ్‌లో ఎంతో ఉత్సాహంగా ధృడంగా, కల్చరల్‌గా యాక్టివ్‌గా ఉండే అమ్మాయి కాస్తా, మౌనంగా, బేలగా మారిపోయింది. 2018లో ఒక క్లినికల్ న్యూట్రిషనిస్ట్ సహాయంతో, సుమారు 35 కిలోల బరువు తగ్గినా, మళ్లీ పాత అలవాట్లతో తగ్గిన బరువంతా మళ్లీ వచ్చేసింది. 2019లో కాలేజీ తరువాత వ్యాపారాన్ని ప్రారంభించినా అది సక్సెస్‌ కాకపోవడంతో తీవ్రమైన డిప్రెషన్, ఆందోళన చుట్టుముట్టింది. చివరికి ఊరిలోని ఒక సైకియాట్రిస్ట్‌ను కలిసినపుడు ఆమెకు బోర్డర్‌లైన్ పర్సనాలిటీ డిజార్డర్ ఉన్నట్లు నిర్ధారణ అయింది. అటు ఉద్యోగం లేక, ఇటు అనారోగ్యంతో తీవ్రమైన భావోద్వేగాల మధ్య రెండేళ్ల పాటు చికిత్స తీసుకుంది.2022 నాటి, 26 ఏళ్లకే, బరువు 120 కిలోలకు చేరింది. అందరూ సోమరి అని గేలి చేసేవారు తప్పితే ఆ బరువు వెనుకున్న విషయం గురించి ఆలోంచేవారు కాదు. ఇలా ఏళ్ల తరబడి శారీరక, మానసిక వేధింపులు, తీవ్రమైన డిప్రెషన్, ఆందోళన, చికిత్స చేయని మానసిక ఆరోగ్య సమస్యతో జీవిస్తూ, వీటిన నుంచి ఎలా తప్పించుకోవాలో తెలియని అనేక అస్తవ్యస్తమైన ఆహారపు అలవాట్లతో జీవితం దుర్భరంగా మారింది. మానసిక అనారోగ్యం, ఈటింగ్ డిజార్డర్స్‌తో తిండే ఒక ఆసరాగా (Coping mechanism) మారి పోయింది.ఇదీ చదవండి: 16 ఏళ్లకే 275 కిలోలు బరువు : రెండు నెలల్లో 50 కిలోలు తగ్గాడుబేరియాట్రిక్ సర్జరీ- నరకంసాంప్రదాయ మార్వాడీ కుటుంబానికి చెందిన ఆమె, సన్నబడితేనే వివాహం, ఉద్యోగం, సమాజంలో గుర్తింపు లభిస్తాయని నమ్మింది. బంధువుల్లో ఒకరు సర్జరీ చేయించుకుని పెళ్లి చేసుకోవడం చూసి ఆమె కూడా ఆ దారి ఎంచుకోవాల్సి వచ్చింది. పెళ్లి అవ్వాలంటే బరువు తగ్గాలనే ఒత్తిడి మధ్య బేరియాటిక్‌ సర్జరీ ద్వారా బరువు తగ్గాలని నిర్ణయించుకుంది.ఎందుకుంటే కఠినమైన డైట్‌ చేసి, పోషకాహార సహాయంతో అప్పటికే 35 కిలోలు తగ్గినా మళ్లీ 120 కిలోలకు చేరింది. ఇక డైట్‌లతో పనికాదని అర్థం చేసుకుంది. సర్జరీ తరువాత బరువు తగ్గినప్పటికీ నరకం చూసింది.బేరియాట్రిక్ శస్త్రచికిత్స తర్వాత నిధి అగర్వాల్ ఎదుర్కొన్న తీవ్రమైన శారీరక, మానసిక సవాళ్లు ఎదుర్కొంది. అలాగే సర్జరీకి ముందు తాను వాడుతున్న మానసిక ఆరోగ్య మందులను ఒక్కసారిగా ఆపేయడంతో ఆమె తీవ్ర ఆందోళన, భయానికి గురయ్యారు. సర్జరీ గురించి ఎవరికీ చెప్పకూడదని, వ్యాయామం, ఆహార నియమాల వల్లే బరువు తగ్గినట్లు చెప్పాలని కుటుంబం ఒత్తిడి తీసుకొచ్చింది. 120 కిలోల నుండి 50 కిలోలకు తగ్గిన క్రమంలో ముప్పావు వంతు జుట్టు రాలిపోయింది. నీరసం, కండరాల క్షీణత, ఎసిడిటీ, అల్సర్లు, డంపింగ్ సిండ్రోమ్ లాంటి సమస్యలు. 2025లో గాల్ బ్లాడర్ తొలగింపు సర్జరీ కూడా చేయించు కోవాల్సి వచ్చింది.ఇదీ చదవండి: పెళ్లై మూడేళ్లు, ముత్యాల్లాంటి కవలలు : అల్లుడ్ని కొట్టి చంపేశారుఎట్టకేలకు సానుకూల మార్పులు:120 కిలోల బరువు ఉన్నప్పుడు ఆయాసపడే ఆమె, ఇప్పుడు ఆయాసం లేకుండా సులభంగా మూడు అంతస్తులు ఎక్క కలుగుతోంది. ఆహారంపై నియంత్రణ సాధించి, ఆరోగ్యకర ఆహార అలవాట్లను పెంపొందించు కుంది. 2023లో థెరపిస్ట్ సహాయంతో, 2026 నాటికి న్యూట్రిషనిస్ట్ మార్గదర్శకత్వంలో శారీరక దృఢత్వాన్ని తిరిగి నిర్మించుకుంటూ, తనను తాను ప్రేమించుకుంటూ తన జీవితాన్ని తన చేతుల్లోకి తెచ్చుకుంది.నోట్‌: మనిషి విలువ, లభించే గౌరవం అనేది శరీరం బరువుపై ఆధారపడి ఉండదు. అయితే అధిక బరువును తగ్గించుకోవడం అనేది నిపుణుల సాయంతో, ఆరోగ్య అంచనాలతో స్థిరంగా సాగాల్సిన ప్రక్రియ. కానీ విపరీతంగా పెరిగిన శారీరక బరువు, అనారోగ్య సమస్యలతో బాధపడుతున్నవారికి బారియాట్రిక్ సర్జరీ జీవితాన్ని మారుస్తుంది, కానీ అది మానసిక ఆరోగ్య సమస్యలను లేదా ఆలోచనా విధానాన్ని దానంతట అదే మార్చలేదు. దీనికి ఎంతో నిబ్బరం, సహనం, కుటుంబ సభ్యులు తోడ్పాటు ఎంతో అవసరం. సర్జరీ అనేది నిపుణులైన వైద్యుల పర్యవేక్షణలో చివరి మార్గం మాత్రమే అనేది గమనించాలి.

రాజస్థాన్‌లోని చూరూ జిల్లా సుజాన్‌గఢ్ ప్రాంతానికి చెందిన చురియాన్‌ అనే చిన్న గ్రామానికి చెందిన 14 ఏళ్ల మోతీ (మోతీలాల్) అనే కుర్రాడు ప్రస్తుతం సోషల్ మీడియాలో ‘ఏలియన్ స్టార్’ (Alien Star) పేరుతో సంచలనం సృష్టిస్తున్నాడు. స్వాతంత్ర్య దినోత్సవం (ఆగస్టు 15) సందర్భంగా పాఠశాలలో పిల్లలకు పంచే 'లడ్డూల' ప్రాముఖ్యతపై మోతీ చేసిన ఒక కామిక్ రీల్‌ రికార్డు స్థాయిలో 18.3 కోట్లకు (183 Million) పైగా వ్యూస్ సాధించింది. అంతేకాదు ఇంత చిన్న వయసులోనే అతనుసాధించిన పరిణతి, యాటిట్యూడ్‌, స్కిల్స్‌ చూసి అంతా మురిసిపోతున్నారు. అసలేంటీ ఏలియన్‌ స్టార్‌ కథ తెలుసుకుందాం. 2012 మార్చి 10న సాధారణ రైతు దంపతులు నెమరాం, మునిదేవిలకు దంపతులకు జన్మించారు మోతీ. గ్రామంలోని ప్రభుత్వ పాఠశాలలో 7వ తరగతి చదువుతున్నాడు. మోతీలాల్ మేఘవాల్ జీవితం, ఆత్మవిశ్వాసానికి, విజయానికి అద్భుత నిదర్శనం. ఎందుకంటే తన విభిన్నమైన శారీరక రూపం, ముఖ కవళికల (కనుబొమ్మల మీద కొద్దిగా వెంట్రుకలు లేకుండా విచిత్రమైన అమరిక, కొంచెం ముందుకొచ్చిన పళ్లు,మూతి, చూడ్డానికి అవతార్‌ మూవీలోని క్యారెక్టర్‌లా) కారణంగా చిన్నప్పటి నుంచీ మోతీలాల్ ఎన్నో హేళనలు, ఎకసెక్కాలు ఎదుర్కొన్నాడు. తోటి పిల్లలు, చుట్టుపక్కల వారు అతనిని గేలి చేస్తూ ‘ఏలియన్’ అని పిలిచేవారు. ఆ మాటలు అతడిని మానసికంగా ఎంతో బాధపెట్టినప్పటికీ, మోతీ అధైర్యపడ లేదు.తనలోని విలక్షణ లక్షణాలనే, బలంగా మలుచుకోవాలని నిర్ణయించుకున్నాడు. తనకెదురైన అవమాననాలనే ఒక్కో మెట్టుగా పేర్చుకున్నాడు. ఒకపుడు ఎగతాళి చేయడానికి వాడిన 'ఏలియన్' అనే పదాన్నే తన సోషల్ మీడియా ఐడెంటిటీగా మార్చుకుని, దాదాపు ఏడాది క్రితం, 'Alien Star'అనే పేరుతో కామెడీ రీల్స్, ఎక్స్‌ప్రెసివ్ డ్యాన్స్ వీడియోలు చేయడం ప్రారంభించాడు తనలోని నటన, అమాయకత్వంతో కూడిన హాస్యం (Desi Comedy), ఆకర్షణీయమైన ఎక్స్‌ప్రెషన్స్‌తో రీల్స్ చేస్తూ నెటిజన్లను విశేషంగా ఆకట్టుకున్నాడు.> ప్రతి వీడియోకు మిలియన్ల కొద్దీ వ్యూస్, లైక్స్ వర్షం కురిపిస్తోంది. దీంతో సోషల్ మీడియా సెన్సేషన్‌గా మారిపోయాడు. ఇన్‌స్టా, యూట్యూబ్‌లలో లక్షలాది మంది ఫాలోవర్లతో రాజస్థాన్‌లోనే అత్యంత ప్రజాదరణ పొందిన చైల్డ్ డిజిటల్ క్రియేటర్లలో ఒకరిగా నిలిచాడు. ఒక పెర్ల్ రీల్ 18.3 కోట్లకు పైగా వీక్షణలను సంపాదించడం విశేషం. ఒకప్పుడు ఏ రూపం ఆధారంగా ఐతే సమాజం అతడిని ఎగతాళి చేసిందో, అదే రూపం , తనలోని ప్రతిభతో కోట్ల మంది అభిమానాన్ని గెలుచుకుని నిజమైన "స్టార్"గా మారాడు మోతీలాల్ మేఘవాల్.మరీ ముఖ్యంగా మోతీ చెప్పే "కొందరు నువ్వు ఏమీ చేయలేవు అంటారు, మరికొందరు చాలా ఎత్తుకు ఎదుగుతావు అంటారు.. మరి నేను ముందుకెళ్లనా?" అనే డైలాగ్ సోషల్ మీడియాలో బాగా పాపులర్ అయింది.అంతేకాదు విదేశాల నుండి కూడా మోతీకి అభిమానులు ఏర్పడ్డారు. బడా బడా సోషల్ మీడియా ఇన్ఫ్లుయెన్సర్లు మోతీని ఇంటర్వ్యూ చేసేందుకు క్యూ కడుతున్నారు. చదువుతో పాటు నటన, కామెడీ, క్రికెట్ పట్ల ఆసక్తి ఉన్న మోతీ, భవిష్యత్తులో పూర్తిస్థాయి నటుడిగా స్థిరపడాలని కోరుకుంటున్నాడు. ఫాలోయర్ల ప్రేమ, మద్దతు తనకు కొండంత బలమని అదే తనన ముందుకు సాగడానికి తనను ప్రేరేపిస్తుందని భవిష్యత్తులో అదే విధంగా అలరించాలని కోరుకుంటున్నట్లు మోటి చెప్పారు.ఇదీ చదవండి: ఇన్‌స్టామార్ట్‌లో బొద్దింక : ఎఫ్‌డీఏ తుకారాంకు హీరోయిన్‌ విజ్ఞప్తిగ్రామస్తుల సంతోషంమోతీకి లభించిన ప్రజాదరణతో చరియాన్ గ్రామం కూడా 'ఎలియన్ స్టార్ కి విలేజ్' గా పేరొందింది అంటూ కొలాసర్ రిటైర్డ్ నైబ్ సుబేదార్ రామ్ నివాస్ టెటార్వాల్ సంతోషం ప్రకటించారు.ఇది గ్రామానికి గర్వకారణం అని అన్నారు. గ్రామంలో చాలా మంది ప్రతిభ ఉందని, సరైన వేదికను పొందాల్సిన అవసరం ఉందని ఆయన అన్నారు.ఇదీ చదవండి: 14 ఏళ్ల ఐటీ జాబ్‌ వదిలి వ్యాపారం : ఇపుడు కోట్లలో ఆదాయం

కోటి రూపాయల వేతనం అందుకునే మంచి ఉద్యోగాన్ని కాలదన్నుకోవడం అంటే అలాంటి ఇలాంటి సాహసం కాదు. సొంతంగా వ్యాపారం చేయాలనే ధ్యేయంతో అంత పెద్ద నిర్ణయం తీసుకోవడమే కాకుండా సక్సెస్‌ అయ్యి యువతకు ప్రేరణగా నిలిచింది ఈ 28 ఏళ్ల వివియన్‌ వాంగ్‌. మరి అంత డేరింగ్‌ నిర్ణయం తీసుకుని ఈ వనిత వ్యాపారంలో ఎలా నిలదొక్కుకుందో తెలుసుకుందామా..!తండ్రి అనారోగ్యంతో కీలక నిర్ణయం..చిన్నప్పటి నుంచే తండ్రి బేకరీలో పనులు చేస్తూ పెరిగిన వివియన్‌కు సొంతంగా వ్యాపారం చేయాలనే కోరిక ఉండేది. అయితే తండ్రికి క్యాన్సర్‌ నిర్ధారణ కావడంతో ఇక వ్యాపారాన్ని వాయిదా వేయకూడదని నిర్ణయించుకుంది. దీంతో ఉద్యోగానికి రాజీనామా చేసి సోదరుడితో కలిసి వ్యాపారాన్ని ప్రారంభించింది.బియ్యంతో తయారు చేసిన మెత్తటి పిండిలో ఐస్‌క్రీమ్‌ను నింపి మోచి ఐస్‌క్రీమ్‌ బంతులను తయారు చేశారు. తొలి ఐదేళ్ల పాటు రెస్టారెంట్లు, సినిమా థియేటర్లకు విక్రయించారు. వచ్చిన లాభాలను తిరిగి వ్యాపారంలోనే పెట్టుబడిగా పెట్టారు.అన్నీ పర్ఫెక్ట్‌ అయ్యే ఇబ్బందులను ఎదుర్కోవాల్సిందే..వ్యాపారం ప్రారంభించిన రోజుల్లో ఖర్చులు తగ్గించుకునేందుకు ఎన్నో వ్యక్తిగత సౌకర్యాలను వదులుకుంది. కంపెనీ ఖాతాలను ఆదివారాల్లో స్వయంగా నిర్వహించడంతో పాటు ఐటీ, యంత్రాలు, ఉత్పత్తి అభివృద్ధి, సిబ్బంది నిర్వహణ వంటి ఎన్నో విషయాలను స్వయంగా నేర్చుకుంది వివియన్‌ వాంగ్‌.వ్యాపారం ప్రారంభించాలనుకునేవారు ప్రతిదీ పరిపూర్ణంగా సిద్ధమయ్యే వరకు ఎదురుచూడకూడదు. 80 శాతం ఉత్పత్తి సిద్ధమైన వెంటనే మార్కెట్‌లోకి తీసుకెళ్లి.. వినియోగదారుల స్పందన ఆధారంగా మిగిలిన 20 శాతాన్ని మెరుగుపరచాలి.ప్రతి అవకాశానికీ ‘అవును’ అని చెప్పకూడదు. బ్రాండ్‌ విలువలు, లక్ష్యాలు స్పష్టంగా ఉంటే ఏ ట్రెండ్‌ను అనుసరించాలో, దేనికి దూరంగా ఉండాలో నిర్ణయించుకోవచ్చు అనే అంశాలు సక్సెస్‌కి ఎంతో కీలకం.నిపుణులు ఇచ్చే సలహాలను కూడా గుడ్డిగా పాటించకూడదు. ఒక వ్యాపారానికి సరిపోయే సలహా.. మరో వ్యాపారానికి సరిపోకపోవచ్చని, పరిస్థితులకు అనుగుణంగా ఆలోచించి నిర్ణయం తీసుకోవాలి.సోదరుడితో కలిసి పనిచేయడం తమకు బలంగా మారినా, ఇద్దరి మధ్య ఎన్నో వాదనలు జరిగేవని, ఒకరు రిస్క్‌ తీసుకోవాలని భావిస్తే.. మరొకరు జాగ్రత్తగా ఆలోచించేవారని వివియన్‌ తన అనుభవాన్ని పంచుకుంటోంది. ఈ భిన్నమైన అభిప్రాయాలే చివరకు మెరుగైన నిర్ణయాలు తీసుకునేందుకు సహాయపడ్డాయని చెబుతుందామె.టిక్‌టాక్‌లో వైరల్‌.. కానీ 12 ఏళ్ల కష్టం!కరోనా సమయంలో ‘లిటిల్‌ మూన్స్‌’ టిక్‌టాక్‌లో వైరల్‌ కావడంతో ఒక్కసారిగా ప్రపంచవ్యాప్తంగా గుర్తింపు వచ్చింది. దీంతో చాలామంది అది రాత్రికి రాత్రే సాధించిన విజయమని భావించారు. కానీ వాస్తవానికి ఆ విజయానికి ముందు సంస్థ 12 ఏళ్ల పాటు ఎన్నో కష్టాలు పడింది. ఉత్పత్తి, సిబ్బంది శిక్షణ, ఎగుమతులు, పెద్ద రిటైలర్లకు సరఫరా వంటి అంశాల్లో ఏళ్ల పాటు అనుభవం సంపాదించింది. ఆ పునాది బలంగా ఉండటమే వైరల్‌ అయిన సమయంలో పెరిగిన డిమాండ్‌ను ఎదుర్కోవడానికి ఉపయోగపడింది.‘ఓవర్‌నైట్‌ సక్సెస్‌ అనేది 12 ఏళ్ల కష్టానికి కనిపించే ఒక్క క్షణం మాత్రమే’ అనేది వివియన్‌ చెప్పే ముఖ్యమైన పాఠం. సొంత వ్యాపారం చేయాలనుకునేవారు సరైన సమయం కోసం ఎదురుచూడకుండా చిన్నగా ప్రారంభించి.. చేస్తూ నేర్చుకుంటూ ముందుకు సాగాలని ఆమె సూచిస్తోంది.

సాక్షి, ముంబై: బాక్సాఫీస్ వద్ద సంచలనం సృష్టిస్తున్న 'ఆవారాపన్ 2' మూవీతో ఒక్కసారిగా వార్తల్లో నిలుస్తున్న నటుడు సువిందర్ విక్కీ( Suvinder Vicky). బాలీవుడ్ నటుడు ఇమ్రాన్ హష్మీ ప్రధాన పాత్రలో నితిన్ కక్కర్ దర్శకత్వంలో తెరకెక్కిన తాజా చిత్రం 'ఆవారాపన్ 2' లో అద్భుత నటనతో గుర్తింపు పొంది, అందరి దృష్టిని ఆకర్షిస్తున్నారు. పదండి ఆయన బాలీవుడ్‌ జర్నీ ఎలాసాగింది, ఇంత సక్సెస్‌ ఎలా వచ్చింది ఆ వివరాలు తెలుసుకుందాం.సినీ రంగంలో రాణించాలంటే నటన మీద ఆసక్తి ఉన్నంతనే సరిపోదు. ఎన్నో కష్ట నష్టాలు, అవమానాలు భరించాల్సి ఉంటుంది. అలా ఎంతోమంది నటులు ఏళ్ల తరబడి పోరాటం తరువాత రాణించినవారే. సువిందర్ విక్కీ సక్సెస్‌ స్టోరీ కూడా అలాంటిదే. ఆయన వెండితెర ఎంట్రీ అంత ఆషామాషీగా జరగలేదు. ఆరంభంలో పొట్టనింపుకోవడానికి చాలా కష్టపడ్డారు. ఇదీ చదవండి : టీఎంసీ ఎంపీ మహువా మొయిత్రాకు బెంగాల్‌ కోర్టు షాక్‌పంజాబ్‌కు చెందిన సువిందర్ విక్కీ సినీ నేపథ్యం లేని కుటుంబం నుండి వచ్చిన ప్పటికీ చిన్న వయసులోనే సినిమాలపై ఆసక్తి కలిగింది.పంజాబీ విశ్వవిద్యాలయం (పాటియాలా)నుంచి థియేటర్ మరియు టెలివిజన్‌లో ఎంఏ పూర్తి చేశారు. నటనపై ఉన్న ఆసక్తితో కేవలం రూ.5,000 చేతిలో పెట్టుకుని ముంబైకి వచ్చారు. అయితే నెల రోజుల్లోనే ఆ డబ్బులు అయిపోవడంతో తీవ్ర ఆర్థిక ఇబ్బందులు ఎదుర్కొని తిరిగి పంజాబ్ వెళ్లాల్సి వచ్చింది. ముంబైలో ఉన్నప్పుడు కనీసం ఒక పూట భోజనానికి కూడా డబ్బు లేని క్లిష్ట పరిస్థితులను కూడా ఆయన గుర్తుచేసుకున్నారు. ఈ సందర్భంగా వచ్చే డబ్బులు సరిపోకపోవడంతో, పొట్టకూటి కోసం ఆయన కొంతకాలం ఇన్సూరెన్స్ ఏజెంట్‌గా కూడా పాలసీలు విక్రయించారు. తిరిగి చాలాకాలానికి 50 ఏళ్ల వయసులో స్టార్‌డమ్‌ను సాధించారు.నటనలో అరంగేట్రంపంజాబ్‌కు తిరిగి వచ్చిన తర్వాత, సువిందర్ సినిమాల్లో చిన్న చిన్న పాత్రలు చేయడం ప్రారంభించారు. 2004లో 'దేస్ హోయా పర్దేస్' అనే పంజాబీ చిత్రంతో అరంగేట్రం చేశారు. తర్వాత 'ఉడ్తా పంజాబ్', అక్షయ్ కుమార్ నటించిన 'కేసరి' వంటి చిత్రాల్లో చిన్న పాత్రలు పోషించారు. 50 ఏళ్ల వయస్సులో నెట్‌ఫ్లిక్స్ లో వచ్చిన 'కోహ్రా' (Kohrra) వెబ్ సిరీస్‌తో ఆయనకు నటుడిగా గుర్తింపు లభించింది. ఇందులో ఆయన నటనను సినీ ప్రముఖులు ఎంతగానో ప్రశంసించారు. ఇదీ చదవండి: 14 మిలియన్ల ఫాలోవర్లు : కానీ యష్‌ ఫాలో అయ్యేది ఆమె ఒక్కర్నే!ఆ తర్వాత ఆయన రణ్‌వీర్ సింగ్ చిత్రం 'ధురంధర్: ది రివేంజ్', దిల్జీత్ దోసాంజ్ చిత్రం 'సట్లజ్', మూవీల్లో నటించారు. ముఘ్యంగా 'ధురందర్: ది రివెంజ్'లో చిన్నదైనా ముఖ్యమైన పాత్రను పోషించారు. ఇందులో ఆయన అర్జున్ రాంపాల్ పోషించిన మేజర్ ఇక్బాల్ పాత్ర తండ్రిగా నటించారు. తెరపై తక్కువ సమయం కనిపించినప్పటికీ, ఎంతో మంది సూపర్‌స్టార్స్‌ కనిపించిన ఈ చిత్రంలో తనదైన ముద్ర వేయగలిగారు. ప్రస్తుతం 'అవారపన్ 2' బాక్సాఫీస్ వద్ద భారీ విజయాన్ని సాధించడం సువిందర్ విక్కీ జీవితంలో మరో ముఖ్యమైన మైలురాయిగా నిలుస్తోంది. ఇదీ చదవండి: 14 ఏళ్ల ఐటీ జాబ్‌ వదిలి వ్యాపారం : ఇపుడు కోట్లలో ఆదాయం

మహమ్మారి లాంటి కేన్సర్‌ వ్యాధులు మనుషులకు ఎలాంటి ఛాలెంజ్‌లు విసురుతాయంటే..తట్టుకుని నిలబడనివ్వకుండా ఏడిపించేస్తాయ్‌. ఒక్కోసారి ఆ క్రమంలో అవయవాలను కోల్పోయేలా చేసి వికృతంగా నవ్వుతుంది. అయినా సరే లేచి నిలబడి బతికి చూపించే వారియర్లు కొందరే. అలాంటి ధీర వనితే ఈ అమ్మాయి. ఆ మహమ్మారి కేన్సర్‌ ఆమె జీవితాన్ని అంధకారం చేసినా..మనసుతో రంగులను సృష్టించి ప్రపంచమే నివ్వెరపోయేలా ఫ్యాషన్‌ రంగంలో సత్తా చాటుతోంది. ఆ అమ్మాయే ఛత్తీశ్‌గఢ్‌లోని రాయ్‌పూర్‌కి చెందిన ఆష్కా సునీల్‌ గోయల్‌. ఐదోతరగతి చదువున్నప్పుడు.. ఒకరోజు పాఠశాలలో పరీక్ష రాస్తుండగా అత్యంత భయంకరగా అనిపించి వాష్‌రూమ్‌కి పరుగెత్తింది. అంతే సింక్‌ దగ్గరకు కూడా రాకమునుపు రక్తపు వాంతులు దాంతో టీచర్లు ఆమె తల్లిదండ్రులకు తెలియజేయడమే గాక తక్షణమే ఆమెను ఆస్పత్రికి తరలించారు. అక్కడ వైద్యులు పరీక్షలు చేసి.. ఆమె నాసికా కుహరంలో ఒక అరుదైన ట్యూమర్‌ (కేన్సర్‌)ను గుర్తించారు. ఇది చివరిదశ కేన్సర్‌ అని, ఆమె ఎక్కువ రోజులు బతకదని తేల్చి చెప్పేశారు. ఆ తర్వాత ఆ ట్యూమర్‌ క్రమంగా ఆమె కంటి నరాలను దెబ్బతీయడం ప్రారంభించింది.చికిత్స కోసం ముంబై వెళ్తుండగా..చికిత్స కోసం ఆష్కా కుటుంబం రాయ్‌పూర్‌ నుంచి చెన్నై, ముంబై నగరాలలోని ఆస్పత్రులు చుట్టూ తిరిగింది. ఎక్కడికి వెళ్లినా చాలా కష్టం, సర్జరీ చేయడం సాధ్యం కాదు అని చేతులెత్తేసేవారు వైద్యులు. ఇక చేసేదేమి లేక ముంబై నుంచి తిరిగి విమానంలో వస్తుండగా నాన్న నాకేం కనిపించడం లేదు అంత చీకటిగా ఉంది అని చెప్పింది ఆష్కా. అంతే చూస్తుండగానే ఆమె రెండు కళ్లు చూపుని కోల్పోయాయి. ప్రశాంతంగా చనిపోనివ్వండి.. ఆష్కా బతికే అవకాశాలు తక్కువగా ఉండటంతో ‘ఆమె ఎలాగూ బతకదు, ఎందుకు డబ్బులు ఖర్చు పెట్టడం దండగా అంటూ బంధువులంతా సలహాలివ్వడం మొదలు పెట్టారు ఆష్కా తల్లిదండ్రులకు. ఆమెను ప్రశాంతంగా చనిపోనివ్వండి ఇలా చికిత్సలతో కష్టపెట్టొద్దని చెప్పేవారు. అయితే ఆమె మామయ్య మాత్రం చాలు ఆపండి, ఆమెను ఎలాగైనా.. బతికించుకుంటాం అందుకోసం ఏమైనా చేస్తాం అంటూ అందరిలో స్థైర్యాన్ని నింపాడు. అలా ఆయన ఇచ్చిన ధైర్యంతో ఆమె కేన్సర్‌ చికిత్స మొదలైంది. కానీ కీమోథెరపీ రేడియేషన్‌ వల్ల ఆమె నోరు, గొంతు దెబ్బతిన్నాయి.కనీసం చుక్క నీరు తాగలేక విలవిల్లాడేది. పొడవైన జుట్టంత రాలిపోతుండేది ఆమెకు. అద్భుతం చేసినట్లు బతికిబట్టకట్టింది..చివరకు డాక్టర్లు ధైర్యం చేసి శస్త్ర చికిత్స చేసి ఆ కణితిని తొలగించారు. అయితే ఆష్కాకు చూపు మాత్రం రాలేదు. అలా రెండేళ్లు చికిత్సల కోసం ఆస్పత్రలు చుట్టూ తిరగడంతో..మళ్లీ పుస్తకాలు చేతపట్టి చదువే సరస్వంగా అహర్నిశలు కష్టపడి చదివింది. అలాగే కంటి చూపుని కోల్పోవడంతో టెక్నాలజీ వైపుకి వెళ్లగలనా అనుకుంది. కానీ అవి కూడా చాకచక్యంగా చేసే సామర్థ్యాన్ని అందిపుచ్చుకుంది. అందుకు కారణం తన తల్లిదండ్రులేనని సగర్వంగా చెబుతోంది. తన తల్లి నువ్వు భిన్నంగా ఒక పనిచేయగలవు అంటూ ఇచ్చిన ప్రోత్సహంతోనే ఇదంతా సాధ్యమైందని అంటోంది. అదీగాక తన పేరెంట్స్‌ తాము పెద్ద చదువులు ఎలాగో చదువకోలేకపోయాం, అందువల్ల నువ్వు బాగా చదువుకోవాలని చెబుతుండేవారు. అదే తనను చదువుపై ఫోకస్‌ పెట్టేలా చేసిందని చెప్పుకొచ్చింది. అయితే ష్యాషన్‌ రంగంలోకి వెళ్లాలనుకున్నానని చెప్పగానే..చూపేలేని నీవు ఫ్యాషన్‌లో ఎలా రాణించగలవు అంటూ మళ్లీ ప్రశ్నలు ఎదురయ్యాయి ఆష్కాకి. మనసుతో రంగుల ప్రపంచాన్ని సృష్టించింది..ఫ్యాషన్‌ అంటే కేవలం కళ్లతో చూసే రంగులు మాత్రమే కాదు.. అది స్పర్శ, అనుభూతి అని ఆష్కా నమ్మింది. వస్త్రధారణ, బట్టల నిర్మాణం ఆధారంగా డిజైన్లను అర్థం చేసుకోవడం ప్రారంభించింది. బట్టలపై గుర్తులు పెట్టడానికి ప్రత్యేక మార్కర్లు, సేఫ్టీపిన్‌లను ఉపయోగించే సరికొత్త పద్ధతులను కనిపెట్టింది. ప్రపంచంలోనే అత్యుత్తమ సంస్థ అయిన ‘లండన్‌ కాలేజ్‌ ఆఫ్‌ ఫ్యాషన్‌’లో చదవాలనేది ఆమె కల. అయితే తల్లిదండ్రలు ఎవరిపై ఆధారపడకుండా స్వతంత్రంగా బతకడం నేర్చుకుంటే పంపిస్తామని షరతు పెట్టారు. అలా ఆమె ముంబై నగరం వెళ్లి అక్కడ చేతికర్ర సాయంతో ఒంటిరిగా బతికి చూపించి..లండన్‌ వెళ్లి ఫ్యాషన్‌ కోర్సు చదవాలనే కలను నెరవేర్చుకుంది.ప్రపంచమే నివ్వెరపోయేలా..ర్యాంప్‌ వాక్‌ చేసింది.. అలా ఆమె 22 ఏళ్ల వయసులోనే ఆష్కా ‘లండన్‌ కాలేజ్‌ ఆఫ్‌ ఫ్యాషన్‌’లో సీటు సాధించి.. బీఎస్సీ ఆనర్స్ ఫ్యాషన్ మేనేజ్‌మెంట్ పూర్తి చేసింది. అంతేగాదు తన సొంత ఫ్యాషన్‌ బ్రాండ్‌ను ప్రారంభించి.. ప్రపంచ ప్రఖ్యాత ‘లండన్‌ ఫ్యాషన్‌ వీక్‌’ వేదికపై తన డిజైన్లను ప్రదర్శించడమే కాకుండా సగర్వంగా ర్యాంప్‌వాక్‌ చేసింది. దిగ్గజ క్రికెటర్‌ కపిల్‌దేవ్‌ చేతుల మీదుగా ‘ఇన్విన్సిబుల్‌ స్పిరిట్‌ అవార్డు’, బ్రిటన్‌ పార్లమెంటులో ‘ఇన్‌స్పైరింగ్‌ యంగ్‌ టాలెంట్‌ అవార్డు’ అందుకుని దేశకీర్తిని పెంచింది.పైగా తనను ఒక స్ఫూర్తిదాయకమైన వ్యక్తిగా చూడొద్దని అంటున్నారు. తను ఎవరినో ప్రభావితం చేయడానికి కాదని ప్రపంచ దృక్పథాన్ని మార్చడానికి ఉన్నానంటోంది. అంతేగాదు చూపులేని అమ్మాయిని ఎవరు పెళ్లి చేసుకుంటారు అనే మాటలు వద్దు..అంతకుమించి సమస్యలు ఈ ప్రపంచంలో ఉన్నాయని మర్చిపోకండని అంటోంది ఆష్కా. తనలాంటి దివ్యాంగులు అన్ని చేయగలరు అని విశ్వసించండి తప్ప తేలిక చసి చూడొద్దు అని గట్టి వార్నింగ్‌ ఇస్తోంది ఆష్కా. (చదవండి: రెండుసార్లు జేఈఈ ఫెయిల్‌..కానీ ఇవాళ నెలకు రూ. 2 లక్షలు)

ఐటీ రంగంలో సుదీర్ఘ కరియర్‌ వదిలేసి పెద్ద సాహసమే చేశాడు. కార్పొరేట్ ఉద్యోగాన్ని వదిలి సొంతూరికి వచ్చి కేవలం తన కోసమే కాకుండా, తన గ్రామస్తులకి ఉపాధి కల్పించాలనే లక్ష్యంతో మొదలు పెట్టిన ప్రస్థానం గ్రాండ్‌ సక్సెస్‌ అయింది. కోట్లలో ఆదాయాన్ని సంపాదిస్తుండటమే కాదు 24 మంది స్థానికులకు ఉపాధి కల్పిస్తున్నారు. ఒడిశాకు చెందిన విక్రమ్‌దేవ్ మహాపాత్ర సక్సెస్‌ స్టోరీ తెలుసుకుందాం. ఐటీ రంగంలో 14 ఏళ్ల కరియర్‌ను వదిలి విక్రమ్‌దేవ్ మహాపాత్ర సొంతూరైన నబరంగ్‌పూర్‌లో 'గంగా భూమి మష్రూమ్స్' పేరిట భారీ వాణిజ్య పుట్టగొడుగుల (Mushroom) ఫారమ్‌ను ప్రారంభించారు. వ్యాపారంలో మెళకువలను అవగాహన చేసుకొని, విజయవంతంగా పుట్టగొడుగు సాగును, మార్కెటింగ్‌ను విజయవంతం నిర్వహించారు. ఇప్పుడు కోట్లలో వ్యాపారం చేస్తూ స్థానికులకు ఉపాధి కల్పిస్తున్నారు.'గంగా భూమి మష్రూమ్స్ సక్సెస్‌ ఎలా సాగిందంటే..'గంగా భూమి మష్రూమ్స్', రోజుకు 500-600 కిలోల పుట్టగొడుగులను ఉత్పత్తి చేస్తోంది. అంటే నెలకు 15-18 టన్నులు. నివేదికల ప్రకారం నెలవారీ ఆదాయం రూ. 16-19 లక్షలు కాగా, ఈ వ్యాపారం స్థానికులు 24 మందికి ఉపాధి కల్పిస్తోంది. ఇందులో 18 మంది మహిళలు, ఆరుగురు పురుషులు ఉండటం విశేషం. తద్వారా నెలవారీ ఆదాయం రూ. 16-19 లక్షలు (కిలో సగటున రూ. 100-110) ఆర్జిస్తున్నారు. ఈ ప్రాజెక్ట్ వ్యయం సుమారు రూ. 2.56 కోట్లు. ఇందులో ప్రభుత్వ సబ్సిడీ రూ. 97 లక్షలు 'ముఖ్యమంత్రి కృషి ఉద్యోగ్ యోజన' కింద లోను తీసుకున్నారు. మొత్తంగా నిర్వహణ ఖర్చులు పోగా, ఈ వ్యాపారం నెలకు రూ. 10 లక్షలకు పైగా సంపాదిస్తున్నట్లు సమాచారం. ఇదీ చదవండి: 14 మిలియన్ల ఫాలోవర్లు : కానీ యష్‌ ఫాలో అయ్యేది ఆమె ఒక్కర్నే!బీటెక్ నుండి పుట్టగొడుగుల సాగు వరకువిక్రమ్‌దేవ్ 2012లో ఒడిశాలోని బిజు పట్నాయక్ యూనివర్శిటీ ఆఫ్ టెక్నాలజీ నుండి ఎలక్ట్రానిక్స్ అండ్ కమ్యూనికేషన్స్ ఇంజనీరింగ్‌లో బీటెక్ పూర్తి చేశారు.ఆ తర్వాత ఐటీలోకి ప్రవేశించి, డిస్కవర్చర్ సొల్యూషన్స్, మైండ్‌ట్రీ, సెరోల్ టెక్నాలజీస్ మరియు ఎల్‌టిఐ మైండ్‌ట్రీ లాంటి కంపెనీల్లో పనిచేశారు. అలా సాఫ్ట్‌వేర్ ఇంజనీర్, మాడ్యూల్ లీడ్, టెక్నికల్ లీడ్, ప్యాకేజీ ఇంప్లిమెంటేషన్‌లో సీనియర్ స్పెషలిస్ట్ వంటి వివిధ పాత్రలను పోషించారు. టెక్నికల్ లీడ్‌గా పనిచేసిన అనుభవం, నేర్చుకున్న ప్రాజెక్ట్ ప్లానింగ్, సిస్టమ్స్ మేనేజ్‌మెంట్ ,లాజిస్టిక్స్ నైపుణ్యాలను వ్యవసాయ రంగంలో ఉపయోగించి ఈ ఫారమ్‌ను అభివృద్ధి చేశారు. ఇక్కడ పండిన పుట్టగొడుగులను ఏడాది పొడవునా బ్రహ్మపూర్ , భువనేశ్వర్ మార్కెట్లకు నిరంతరాయంగా సరఫరా చేస్తూ ముందుకు సాగుతున్నారు. ఇదీ చదవండి: త్విషా శర్మ మృతి కేసులో ట్విస్ట్‌ : మాజీ జడ్జికి షాక్‌!ఇదీ చదవండి: 24 గంటల్లో 1.6 లక్షల ఫాలోవర్స్‌ : సీజేపీ తరహాలో డీజేపీ సంచలనం

కటిక పేదరికం అందమైన బాల్యం దూరంచేసి చదువు దారిదాపుల్లోకి రానివ్వకుండా చేసింది. కానీ అతడి ఎదుగుదలను ఆపలేకపోయింది. చదువు లేకపోయినా..బతక నేర్చిన తెలివితేటలనే పెట్టుబడిగా పెట్టి..అంట్లు తోమే స్థాయి నుంచి వ్యవస్థాపకుడిగా మారి ​ఏకంగా 160 కోట్లు విలువ చేసే కంపెనీని నిర్మించే స్థాయికి చేరుకుని యువతకు ఆదర్శంగా నిలిచాడు. అంతేగాదు జీవితం అన్ని ఇవ్వకపోయినా..కష్టపడి సాధించుకుంటే అందులో ఉండే ఆనందమే వేరు అని చూపించాడు.ఆ వ్యక్తే రాజస్థాన్‌కు చెందిన విజయ్‌ వర్మ. రాజస్థాన్‌లోని ఝున్‌ఝును జిల్లా, బిసౌ గ్రామంలో అక్టోబర్ 1978లో జన్మించిన ఆయన బాల్యం కటిక దారిద్యంలో గడించింది. అతనికి పదేళ్లు వచ్చేసరికి తాతయ్య, నానమ్మ ఇద్దరూ చనిపోయారు. ఏడాదిలోపే తండ్రి కూడా చనిపోయారు. మిగిలింది తల్లి ఒక్కత్తే..ఆమెనే ఆరుగురు పిల్లలను పోషించాల్సి ఉంది. అయితే అక్కడ మహిళలు ఎప్పుడూ పొడవాటి ఘూంఘట్‌లతో గడప దాటి బయటకు రావడం చాలా అరుదు. అందువల్ల నాటి సమాజ ఆంక్షలను ధిక్కరించే అవకాశం లేక అతడి తల్లి ఆరుగురు పిల్లలను పోషించేందుకు ప్రతి రోజు సూర్యోదయానికి ముందే ఇంటి వెనుక ఉన్న అడవిలోకి వెళ్లి ఎండిన ఆకులు, పేడను సేకరించి బదులుగా 30-40 కిలోల పిండిని తెచ్చుకునేదని చెప్పుకొచ్చారు విజయ్‌ వర్మ. ఇంతలో అన్నయ్య అమ్మకు సాయంగా ఆస్పత్రిలో రెండు రూపాయల జీతానికి కార్మికుల భోజన పెట్టెలు మోసుకెళ్లే పనిలో చేరాడని అన్నారు. అంతా బాగానే సాగుతుంది అనుకుంటుండగా..ఒక ఏడాది తర్వాత మళ్లీ చేతిలో పనుల్లు లేక ఇబ్బందిపడాల్సి వచ్చింది. అప్పుడే తమ కుటుంబానికి తెలిసిన సీతారాం భాయ్ అనే వ్యక్తి మా అన్యయ్యను ముంబై తీసుకువెళ్లి నెలకు రూ. 500లు ఇప్పిస్తానని చెప్పారు. ఆరో తరగతిలో ఉన్నా తాను ఆ మాటలు విని పట్టుబట్టి మరి అన్యయ్య తోపాటు ముంబై వెళ్లినట్లు తెలిపారు. అయితే అక్కడ మురుగు కాలువ దుర్గంధం, దోమల బెడద తట్టుకోలే నరకం చూసి, ఇంటికి వెనుదిరిగి వెళ్లిపోదాం అనుకున్న తరుణంలో పూణే వెళ్లి పరిశుభ్రమైన వాతావరణ చూడమని సలహా ఇవ్వడంతో అక్కడికి పయనమైనట్లు తెలిపారు. అయితే తమకు సంరక్షకుడిగా ఉన్న వ్యక్తి రూ. 200లు ఇవ్వడంతో ఆ డబ్బులతో తాము రైలు ఎక్కి పూణేకి చేరుకున్నట్లు తెలిపారు. రైలు టికెట్‌ రూ. 20లు పోగా మిగిలినడబ్బుని ఎవరో ఎత్తుకుపోయిన ఘటన అస్సలు మరవనన్నారు. ఆ సమయంలో టాయిలెట్లు క్లీన్‌ చేసే ఒక అపరిచితుడు మమ్మల్ని చూసి జాలిపడి మాకు మూడు రోజులు అన్నం పెట్టి..టాయిలెట్‌ వాడుకునేందుఉ అనుమతించాడని అన్నారు. ఆ తర్వాత తాము అతడి వద్దే 18 రోరజు ఉండి వడా పావ్ అమ్మేవారికి గిన్నెలు కడుగుతూ రూ. 3లు సంపాదించినట్లు తెలిపారు. సరిగ్గా ఆ సమయంలోనిరాధర్ అనే రాజస్థానీ కాంట్రాక్టర్, వర్మ తనసోదరుడికి మంగళా థియేటర్‌లో రోజుకు రూ. 18 చొప్పున పునరుద్ధరణ పనులు చేసే పనులు అప్పగించడంతో తమ రాత మారినట్లు తెలిపాడు. అయితే విజయ్‌కి పనిచేసే వయసు తక్కువగా ఉండటంతో ఒక వృద్ధురాలికి ఇసుక జల్లించడంలో సాయం చేయమని చెప్పారు. అయితే ఆమె కంటే మూడు రెట్లు వేగంగా పనిచేయడంతో ఆశ్చర్యపోయిన కాంట్రాక్టర్‌ తనకు రోజుకు రూ. 8లు చెల్లించినట్లు తెలిపారు. ఆ తర్వాత నెలలో ఒక గదికి మారి రూ. 2లకు ఒక సైకిల్‌ని అద్దెకు తీసుకుని ఒక భవన నిర్మాణానికి సంబంధించి.. టైల్ ఫ్లోరింగ్ నుంచి ప్లాస్టరింగ్‌, ఆర్‌సీసీ వరకు ప్రతి అంశంలో నైపుణ్యం సాధించినట్లు తెలిపారు. ప్రతి నెల 25వ తేదీకి రూ. 90 నుంచి 170 వరకు మనీ ఆర్డర్లను పంపేవాళ్లమని అన్నారు. ఒక ఏడాది తర్వాత టిఫిన్ బాక్సులలో రూ. 65,000 నగదును దాచి మా ఊరికి వెళ్లి..మా ఇంటి వెనుకు ఉన్న పొదలను తొలగించి ఒక గోడను నిర్మించుకోగలిగామని గర్వంగా చెప్పారు.అన్నింటినీ మార్చేసిన ఆ అవకాశందానితో ధైర్యం తెచ్చుకున్న ఆ సోదరులు, సొంతంగా కాంట్రాక్టర్లుగా ఎదగాలని లక్ష్యంగా పెట్టుకున్నట్లు వెల్లడించారు విజయ్‌. ఇందుకోసం తమ గ్రామం నుంచి ఆరుగురు అబ్బాయిలను శిక్షణ కోసం చేర్చుకున్నామని అన్నారు. వారు విమల్ కుమార్ జైన్ అనే ఒక ప్రసిద్ధ బిల్డర్ వద్ద పని చేయాలని ఆశపడ్డారు. మూడు నెలల పాటు, ఆ బిల్డర్ వారిని "కేవలం పిల్లలు" అని కొట్టిపారేశాడు. చివరకు విజయ్‌ తాము, టైలింగ్, కిచెన్ ప్లాట్‌ఫారమ్‌లు, ఆర్‌సిసి, ప్లాస్టరింగ్‌ వంటి వాటిలో తనకు నైపుణ్యం ఉందని వాదించి మరి అవకాశం ఇవ్వమని అర్థించాడు. దాంతో ఆ బిల్డర్‌ 15 రోజుల్లో పూర్తి చేయాల్సిన ఒక శాంపిల్ ఫ్లాట్‌ను కేవలం ఎనిమిది రోజుల్లోనే పూర్తి చేయాలనే అసాధ్యమైన గడువు ఇచ్చాడు, అంతేగాదు పని పూర్తి చేయకపోతే జీతం కూడా ఉండదని హెచ్చరించాడు. కానీ విజయ్‌ బృందం ఏ మాత్రం వెనక్కి తగ్గకుండా రేయింబవళ్లు పనిచేసి మూడు రోజుల్లోనే ఆ పనినని పూర్తి చేసి ఆశ్చర్యపోయేలా చేశారు. వారి వేగం, నాణ్యత చూసి ఆ ఇంజనీర్‌ కాంట్రాక్టర్‌ ఏకంగా రూ. 5100 అందజేశారు. అదే తమనుఅన్న పేరుమీద శ్యామ్‌సుందర్ చీరంజీవ్‌లాల్‌జీ కన్‌స్ట్రక్షన్ అనే కంపెనీని పెట్టే స్ధాయికి తీసుకెళ్లిందని చెప్పుకొచ్చారు. కొద్దిమంది కార్మికులతో మొదలైన ఆ కంపెనీ..చూస్తుండగానే ఏకంగా 350 మందికి పెరిగింది.ఆ తర్వాత కాంట్రాక్టర్ నుంచి వ్యవస్థాపకుడిగా1998 నాటికి, ఆ సంస్థలో సుమారు 850 మంది కార్మికులు పనిచేసేవారు, పైగా రూ. 8 కోట్ల వార్షిక టర్నోవర్‌ను నమోదు చేసేదని వెల్లడించారు. అయితే ఈ సంఖ్య పెరుగుతూనే ఉండి, 2004-05 నాటికి రూ. 20 కోట్లకు చేరుకుందని చెప్పారు. ఫైవ్-స్టార్ హోటళ్ల లాబీల నుంచి ఫామ్‌హౌస్‌ల వరకు, తాము అస్సలు వెనుతిరిగి చూడలేదని తెలిపారు. ఆ తర్వాత ఆయన 2008లో,సొంతంగా సాయి విజయ్ కన్‌స్ట్రక్షన్‌ను స్థాపించి, 2011లో దానిని LLPగా లాంఛనప్రాయంగా మార్చారు. 2017లో, ఆ కంపెనీ ఆదాయపు పన్ను విచారణను కూడా ఎదుర్కొన్నప్పటికీ, ఎటువంటి నష్టం లేకుండా బయటపడిందన్నారు. తమ రికార్డులు ఎంత పకడ్బందీగా ఉండేవంటే, దర్యాప్తు అధికారులు కనీసం రూ. 5,000 వ్యత్యాసాలను కూడా కనిపెట్టలేకపోయేవారని గర్వంగా చెప్పారు. ఈనాడు, ఆ కంపెనీ విలువ సుమారు రూ. 160 కోట్లు అని చెప్పుకొచ్చారు. ప్రస్తుతం ఆయనకు పూణేలో నాలుగు ఇళ్లు, ఒక ఫామ్‌ హౌస్‌ ఉన్నట్లు తెలిపారు. అంతేగాదు ఒమన్‌, యెమెన్‌ వంటి దేశాల్లో ఏకంగా రూ. 730 కోట్ల అంతర్జాతీయ ప్రాజెక్టులు కూడా ఉన్నాయని అన్నారు. అలాగే తన వద్ద శిక్షణ తీసుకున్న కార్మికులే కొందరు సొంతంగా వ్యాపారాలు కూడా చేస్తున్నట్లు వెల్లడించారు. అలాగే ఆర్థికపరిస్థితుల దృష్ట్యా కోల్పోయిన చదువుని తిరిగిపోందడం కోసం..30వ ఏట ఓపెన్‌ స్కూలింగ్‌ సాయంతో పది పూర్తి చేసి, సివిల్‌ ఇంజనీరింగ్‌ డిప్లొమా, పీహచ్‌డీ పూర్తి చేసినట్లు తెలిపారు. అంతేగాదు ఆయన ఇప్పుడు ఇంజనీరింగ్‌ విద్యార్థులకు వ్యక్తిత్వ వికాస పాఠాలను చెబుతున్నారు. అరగంటగా మొదలయ్యే తన ప్రసంగాలు విద్యార్థుల ప్రోత్సాహంతో రెండు మూడు గంటల వరకు సాగుతాయని చెప్పుకొచ్చారు. అంతేగాదు విజయ్‌ వర్మ కుమారుడు కంప్యూటర్‌ ఇంజనీరింగ్‌ చదువుతున్నట్లు తెలిపారు.ఆయన చెప్పే జీవిత పాఠాలు..తనలాంటి జీవితాన్ని నిర్మించుకోవడానికి ఏం కావాలని అడిగితే, నిజాయితీ, కఠోర శ్రమ, పట్టుదల అని తడుముకోకుండా చెప్పేస్తారు. అంతేగాదు తాము ఎదిగే క్రమంలో ఒక రాత్రి పోలీసులో దాడిలో తీవ్రంగా గాయపడ్డమని అన్నారు. దాంతో తన అన్నయ ఆస్పత్రి పాలవ్వాల్సి వచ్చిందని అన్నారు. ఆ ఘటన తనకు గౌరవనీయమైన వ్యక్తులతో సత్ససంబంధాలు ఏర్పరుచుకోవడం అత్యంత ముఖ్యమని తెలిసొచ్చిందన్నారు. అంతేగాదు విజయ్‌ అందమైన జీవితాన్ని నిర్మించుకోవడమే కాదు, బాల్యంలో మిస్సైన అభిరుచుల వైపుకి మళ్లుతూ పియానో, మార్వాడీ జానపద గీతాలు వంటివి కూడా నేర్చుకుంటూ..తన బాల్యన్ని తిరిగి పొందే ప్రయత్నం చేస్తుంటానని అన్నారు.(చదవండి: చేతితో చిత్రించిన పటచిత్ర చీరలో నీతా అంబానీ అద్భుతమైన లుక్‌..!)

ఒక సాదాసీదా దోశ వ్యాపారాన్ని కోట్ల రూపాయల స్థాయికి చేర్చడం అంటే సామాన్యమైన విషయం కాదు. ఫుడ్‌ బిజినెస్‌లో కోట్ల రూపాయలు సంపాదించాలంటే కోట్ల రూపాయలు పెట్టుబడి పెట్టాల్సిన అవసరం లేదు. వడ్డించే వంటకాన్ని సరిగ్గా, పరిశుభ్రంగా అందిస్తే వ్యాపారం విజయవంతం కావచ్చని ముంబైలోని బెన్నె దోస రెస్టారెంట్ నిరూపించిందని పారిశ్రామికవేత్త హర్ష గోయెంకా అంటున్నారు. బెన్నె దోశ లేదా వెన్న దోశ విజయ రహస్యాన్ని విశ్లేషిస్తూ దాని సక్సెస్‌ స్టోరీని సోషల్‌ మీడియాలో షేర్‌ చేయడంతో ఇది నెటిజనులను బాగా ఆకట్టుకుంటోంది.ముంబైలోని బాంద్రాలో కేవలం 12 సీట్ల సామర్థ్యంతో ప్రారంభమైన ‘బెన్నె’ (Benne) దోశ కేఫ్, ప్రస్తుతం రూ. 350 కోట్ల విలువైన బ్రాండ్‌గా ఎదిగి సరికొత్త రికార్డు సృష్టించింది. ఇదే ప్రముఖ పారిశ్రామికవేత్త హర్ష్ గోయెంకాను ఆకర్షించింది. ప్రముఖ దోశల చైన్ అయిన 'బెన్నె' ఇంత భారీ విజయం సాధించడానికి కారణమని తాను నమ్మే విషయాలను గోయెంకా విశ్లేషించారు. ఒక నిర్దిష్టమైన మెనూ, తెలివైన నిర్వహణ, అందుబాటు ధరలు, అన్నింటికన్నా ముఖ్యంగా, ఆ బ్రాండ్ చుట్టూ అల్లుకున్న ఎమోషన్‌ లాంటి అంశాలను ఆయన పేర్కొన్నారు.దావణగెరె-శైలి బెన్నె (వెన్న) దోశ స్పెషల్‌ : చాలా మందికి అలవాటైన పెద్ద, పలుచని, కరకరలాడే దోశలలా కాకుండా, ఈ కర్ణాటక స్టైల్‌ దోశ విభిన్నంగా ఉంటుంది. చిన్నగా, లోపల మెత్తగా ఉండి, వెన్నతో నిండుగా ఉంటుంది. ఈ విలక్షణమైన శైలే బెన్నెకు ఒక ప్రత్యేక గుర్తింపును ఇచ్చింది.Why has ‘Benne’ succeeded so spectacularly?- One hero product: Davangere-style butter dosa- Small menu, easy to perfect and replicate- Electronic self order + self service creates engagement - Affordable enough to become a habit- Long queues created social media buzz-… pic.twitter.com/VcpMCEX2lB— Harsh Goenka (@hvgoenka) August 9, 2026 అఖిల్ అయ్యర్, శ్రియా నారాయణ్ అనే భార్యాభర్తలు ప్రారంభించిన ఈ స్టార్టప్, దేశంలోని ప్రముఖ క్విక్ సర్వీస్ రెస్టారెంట్ (QSR) బ్రాండ్‌లకు గట్టి పోటీనిస్తోంది. ముంబైలో అథెంటిక్ కర్ణాటక/బెంగళూరు శైలి దావణగెరె బెన్నె దోశ దొరకకపోవడంతో, ఈ రుచిని అందరికీ అందించాలనే ఆశయంతో ఈ జంట స్వయంగా కేఫ్ పెట్టాలనుకున్నారు. 2024 లో ముంబైలోని బాంద్రాలో కేవలం 12 మంది కూర్చునే చిన్న అవుట్‌లెట్‌తో ప్రయాణం మొదలైంది. సాంప్రదాయ దక్షిణ భారత శైలి హోటల్ అయిన దానికి వారు 'బటర్' అని పేరు పెట్టారు.ఇదీ చదవండి: 10 ఏళ్లకు స్లైల్‌ మార్చిన ఇన్‌స్టా, నెటిజన్ల స్పందన వైరల్ దీని విజయానికి గల ప్రధాన కారణాలలో ఒకటి, వారు దావణగెరె శైలి వెన్న దోశను తమ కాన్సెప్ట్‌గా చేసుకోవడమే అంటారు హర్ష గోయెంకా. సాధారణ రెస్టారెంట్లలా వంద రకాల మెనూ కాకుండా, కేవలం 'దావణగెరె స్టైల్ బెన్నె దోశ'పైనే పూర్తి ఫోకస్ పెట్టారు. అంతేకాదు సరైన చట్నీ రుచి కోసం ఎన్నో ప్రయోగాలు చేశారు, సాంప్రదాయ రుచి కోసం ప్రత్యేకంగా కర్ణాటక నుండి కాస్ట్ ఐరన్ పెనాలను తెప్పించారు. సిబ్బందికి శిక్షణ ఇవ్వడం, వ్యాపారం పెరిగేకొద్దీ అదే పద్ధతిని, రుచిని అందించేలా జాగ్రత్త వహించారు. క్విక్-సర్వీస్ రెస్టారెంట్‌కు, ఆ సరళత మరో పెద్ద ప్రయోజనం. ఫలితం ఈ కేఫ్ రోజుకు 800 పైగా దోసలు విక్రయిస్తూ, నెలకు రూ.1 కోటి రాబడిని అందుకుంటోంది.ఇక బెన్నే ఎలక్ట్రానిక్ సెల్ఫ్-ఆర్డరింగ్, సెల్ఫ్-సర్వీస్‌ను ఉపయోగిస్తుంది, దీనివల్ల విస్తృతమైన టేబుల్ సర్వీస్ అవసరం తగ్గడమే కాకుండా, కస్టమర్లను కూడా ఈ ప్రక్రియలో పాలుపంచుకునేలా చేస్తుంది. తద్వారా క్యూలో నిల్చునే కష్టాలు లేకుండా, రెస్టారెంట్‌కు ప్రజలకు త్వరగా సేవ చేయడానికి కూడా వీలు కల్పిస్తుంది. అయినా ఈ రెస్టారెంట్‌ వద్ద ఆహార ప్రియులు బారులు తీరిన వైనం ఈ వెన్న దోశ క్రేజ్‌కు అద్దం పట్టాయి. అంతేనా దీపికా పడుకోన్, రణవీర్ సింగ్ వంటి సెలబ్రిటీలు రెస్టారెంట్‌ను సందర్శించడం, సోషల్ మీడియా పోస్టులు ఆసక్తిని మరింత పెంచాయి. ఇపుడీ బెన్నె దోశ ఖ్యాతి ముంబైలో అనేక శాఖలతో పాటు, ఢిల్లీలోని బ్రాంచ్‌లో కూడా వెలుగొందుతోంది.

చదువుకోవాలి, కొత్త విషయాలు నేర్చుకోవాలనే తపన ఉన్నవారికి వయసు ఎన్నడూ అడ్డంకి కాదని పలువురు నిరూపిస్తున్న ఘట్టాలు చూశాం. అంతేగాదు క్షణికావేశంలో కోరుకున్న కోర్సు చదవలేకపోయామనో, అనుకున్నది సాధించలేకపోయామనో జీవితాలను అంతం చేసుకునే యువతకు కనవిప్పు కలిగించేలా స్ఫూర్తిగా నిలుస్తున్నారు. తాజాగా అలాంటి కోవలోకి చెన్నైవాసి చేరారు. పైగా ఆయన దివ్యాంగుడు, చక్కగా మరో రంగంలో కెరీర్‌ నిర్మించుకుని రిటైర్మెంట్‌ తీసుకునే వయసుకి వచ్చేశారు. అయినా తన చిరకాల కోరికను నెరవేర్చుకునే దిశగా అడుగులు వేస్తూ..యువతకు స్ఫూర్తిని రగిల్చారు. ఆయనే చెన్నైకి చెందిన 51 ఏళ్ల సురేష్‌ కుమార్‌. తమిళనాడులోని నాగపట్నం జిల్లా వేలంకన్ని నివాసి అయిన సురేష్‌ 1992లో 12వ తరగతి పూర్తి చేశారు . అప్పటి నుంచి ఆయనకు మెడిసిన్‌ చదవాలనే కోరిక ప్రబలంగా ఉండేది. అయితే అప్పట్లో మెడిసిన్‌ సీటు దక్కించుకోలేకపోయాడు. అదీగా కుటుంబ ఆర్థిక పరిస్థితి రీత్యా ఫార్మకాలజీలో పోస్ట్‌ గ్రాడ్యుయేట్‌ డిగ్రీని పూర్తిచేశాడు. ఆ తర్వాత ఎంబీఏ, రెండు పీహెచ్చ్‌డీలు పూర్తిచేసి డాక్టరేట్‌ అందుకున్నారు. ప్రస్తుతం ఆయన డయాగ్నోస్టిక్స్‌ పరిశ్రమలో పనిచేస్తున్నారు. నీట్‌లో సీటు సాధించాడు ఇలా..2022లో, సుప్రీంకోర్టు మెడికల్ అడ్మిషన్ల వయోపరిమితిని తొలగించిన తర్వాత కుమార్ నీట్‌ యూజీ పరీక్షకు హాజరయ్యాడు. కానీ దానిని చేధించలేకపోయాడు. అయితే 2026లో 18 నెలల ప్రిపరేషన్‌ తర్వాత మళ్లీ మెడికల్‌ ప్రవేశ పరీక్షకు ప్రయత్నించాడు. ఈసారి 192 మార్కుల సాధించి పీడబ్ల్యూడీ కోటా కింద చెన్నైలో నాగపట్నం ప్రభుత్వ వైద్య కళాశాలలో సీటు సాధించాడు. పూర్తి సమయం పని చేస్తూనే, సురేష్ కుమార్ మెడికల్ ప్రవేశ పరీక్షకు ప్రిపరేషన్ కొనసాగించాడు. అతను తరచుగా రాత్రి 10 గంటల నుంచి అర్థరాత్రి వరకు ప్రిపరేషన్‌ సాగించినట్లు తెలిపాడు. తనకు అర్థంకానీ జీవశాస్త్రాన్ని కొడుకు అర్థమయ్యేలా బోధించినట్లు వివరించారు. అలాగే గత ప్రశ్నపత్రాలను ప్రాక్టీస్‌ చేసి తన ప్రిపరేషన్‌ సామర్థ్యాన్ని ట్రాక్‌ చేసుకున్నట్లు వెల్లడించారు. తనకు జరిగిన రోడ్డు ప్రమాదం కారణంగానే వైద్య విద్య అభ్యసించాలనే కోరిక మరింత పెరిగిందని అన్నారు. పదవీవిరమణ వయసులో ఇలా కాలేజ్‌కి వెళ్లి చదువుకోవాలన్న తన ఆశయానికి భార్య దుర్గ, కుటుంబం పూర్తి మద్దతు ఇచ్చిందని చెప్పారు. తన భార్య ఉపాధ్యాయురాలని చెప్పారు. ఇక తనకు ఎనిమిది, పది చదువుతున్న ఇద్దరు పిల్లలు ఉన్నట్లు తెలిపారు. ప్రస్తుతం తాను తన 72 ఏళ్ల తల్లితో కలిసి జీవించాలని యోచిస్తున్నట్లు తెలిపారు. తనకు సీటు కేటాయించిన మెడికల్‌ కాలేజ్‌ ఏడు కి.మీల దూరంలో ఉందని అందుకని సైకిల్‌పై వెళ్లాలని భావిస్తున్నట్లు తెలిపారు. కాగా, తమిళనాడు ప్రభుత్వం చెన్నైలోని మల్టీ సూపర్ స్పెషాలిటీ హాస్పిటల్‌లో స్పెషల్ కేటగిరీ అభ్యర్థులకు ఆఫ్‌లైన్ కౌన్సెలింగ్ నిర్వహించింది. అందులో స్పోర్ట్స్ కేటగిరీ కింద 15 సీట్లు, మాజీ సైనికుల పిల్లలకు 11, పీడబ్ల్యూడీ కేటగిరీ కింద 224, ప్రభుత్వ పాఠశాల విద్యార్థులకు 7.5% కోటా కింద 614 సీట్లతో ఆఫ్‌లైన్ కౌన్సెలింగ్ ప్రారంభమైంది.(చదవండి: పాట పాడినందుకు విధుల నుంచి తొలగించారు..! ఇవాళ ఏకంగా..)

ప్రముఖ ఐటీ సేవల సంస్థ హిందూస్థాన్ కంప్యూటర్స్ లిమిటెడ్ ( HCL) ఐదు దశాబ్దాలు పూర్తి చేసుకున్న సందర్భంగా, ఆ సంస్థ సహ వ్యవస్థాపకుడు అజయ్ చౌదరి 1976 నాటి ప్రారంభ రోజులను గుర్తు చేసుకుంటూ ఎక్స్‌ వేదికగా పంచుకున్న విషయాలు నెట్టింట విశేషంగా మారాయి.భారతదేశంలో ఆధునిక కంప్యూటింగ్ విప్లవానికి ఇది ఒక పునాదిగా, ఒక సాహసోపేత నిర్ణయంగా నిలిచిన సంస్థ ఆవిర్బావం నాటి 1976 నాటి రోజులను అజయ్‌ చౌదరి గుర్తు చేసుకున్నారు. చేస్తున్న ఉద్యోగాలు వదిలేసి, చివరికి కారు కూడా విక్రయించి, 1976 ఆగస్టు 11న శివ్ నాడార్‌, మరో ఐదుగురు భాగస్వాములు కలిసి ఢిల్లీలో ఒక చిన్న గ్యారేజ్ స్టార్టప్‌గా ప్రారంభించిన వైనాన్ని ఆయన వివరించారు. దేశంలో కంప్యూటర్ల భావన ఇంకా కొత్తగా ఉన్న సమయంలో, ఆరుగురు రూ. 1.87 లక్షలు పోగుచేసి, ఢిల్లీలో ఒక చిన్న కార్యాలయాన్ని ఏర్పాటు చేసి, ఒక భారతీయ కంప్యూటర్‌ను నిర్మించడానికి ఎలా ప్రయత్నించారో ఆయన సోషల్‌ మీడియా ద్వారా షేర్‌ చేశారు.స్టార్టప్‌లు, వెంచర్ క్యాపిటల్స్ లేని ఆ రోజుల్లో శివ్ నాడార్, అర్జున్ మల్హోత్రా, యోగేష్ వైద్య, సుభాష్ అరోరా, DS పురి, అజయ్ చౌదరి అనే ఆరుగురు యువకులు తమ ఉద్యోగాలను వదిలి HCL‌ను ప్రారంభించారు. తమ పొదుపు మొత్తం, అప్పులు, చివరికి ఒక కారు కూడా అమ్మి రూ. 1.87 లక్షల పెట్టుబడిని సమకూర్చుకున్నారు. ఢిల్లీలోని గోల్ఫ్ లింక్స్‌లో ఒక చిన్న రూఫ్‌టాప్ (బర్సాతీ) ఆఫీస్‌లో 'మైక్రోకాంప్' పేరుతో ప్రయాణం మొదలైంది. ఇదీ చదవండి: భర్తను వదిలి లవర్‌తో పారిపోయి, చివరికి శవమై సూట్‌కేసులోఅయితే అమ్మకాలు ప్రారంభించడానికి అన్నీ సిద్ధమయ్యే వరకు వేచి ఉండలేదు. ఇంకా రూపకల్పన దశలో ఉన్న కంప్యూటర్‌ను అమ్మడం ప్రారంభించామని చౌదరి గుర్తుచేసుకున్నారు. తమ వద్ద ఒక బ్రోచర్ ,ఆ యంత్రం నమూనానాల తోనే సేల్స్ బృందాలు దేశవ్యాప్తంగా పర్యటించి, అంతకుముందు చాలామంది ఎన్నడూ ఉపయోగించని ఒక సాంకేతికతలో పెట్టుబడి పెట్టేలా వ్యాపార సంస్థలను ఒప్పించాయి. మొదటి ఆర్డర్లు ఐఐటి ఖరగ్‌పూర్ , ఐఐటి మద్రాస్ నుండి వచ్చాయన్నారు. అలా కోయంబత్తూరులోని 'ప్రీమియర్ మిల్స్' వద్ద తమ కంటే పెద్ద కంపెనీ అయిన DCM DPని దాటుకుని HCL మొదటి ఆర్డర్ దక్కించుకుంది. ఈ ఒక్క విజయం తర్వాత మరిన్ని ఆర్డర్లు వెల్లువెత్తాయి. ఆ ఒక్క ఆర్డర్ మరో ఐదు, ఆపై పది ఆర్డర్లకు దారితీసింది. డీసీఎం బృందం తమ ప్రెజెంటేషన్ ఇస్తుండగా ప్రీమియర్ మిల్స్ రిసెప్షన్ ఏరియాలో కూర్చున్నది నాకు ఇప్పటికీ గుర్తుంది. మేము రెండోసారి వెళ్ళాం గెలుపుసాధించాం," అంటూ ఆయన తమ సక్సెస్‌ స్టోరీ గురించి రాసుకొచ్చారు. ప్రారంభంలో ఎదురైన అడ్డంకులను అధిగమిస్తూ, భారతదేశపు తొలి స్వదేశీ కంప్యూటర్లను తయారు చేయడమే కాకుండా, ప్రారంభించిన నాలుగేళ్లలోనే సింగపూర్‌కు కూడా విస్తరించారు. ఐటీ సేవలు, సైబర్ సెక్యూరిటీ, క్లౌడ్ కంప్యూటింగ్, ఆర్టిఫిషియల్ ఇంటెలిజెన్స్ (AI), ఇంజనీరింగ్ రంగాలలో ప్రపంచవ్యాప్త క్లయింట్లకు సేవలను అందిస్తోంది కంపెనీ. ప్రస్తుతం ప్రపంచవ్యాప్తంగా 60కి పైగా దేశాలలో విస్తరించి, 2,23,000 కంటే ఎక్కువ ఉద్యోగులతో పనిచేస్తోంది. అనేక నూతన సాంకేతికఆవిష్కరణలతో అత్యంత వేగంగా అభివృద్ధి చెందుతున్న సంస్థగా గుర్తింపు పొందింది.హ్యాకింగ్‌ ఆరోపణల కలకలంమరోవైపు హెచ్‌సీఎల్‌ టెక్ ఉద్యోగి సంబంధిత డేటా బహిర్గతమైందని ఒక హ్యాకర్ గ్రూప్ ఆరోపించింది. అయితే తమ సిస్టమ్‌లు లేదా క్లయింట్ ఎన్విరాన్‌మెంట్‌లు హ్యాకింగ్‌కు గురైనట్లు ఎటువంటి ఆధారాలు లభించలేదని హెచ్‌సీఎల్‌టెక్ ప్రకటించింది. ఉద్యోగుల సమాచారం బహిర్గతమయ్యే అవకాశం ఉందని తమకు థ్రెట్-ఇంటెలిజెన్స్ హెచ్చరికలు అందినట్లు ప్రత్యర్థి ఐటీ దిగ్గజం టాటా కన్సల్టెన్సీ సర్వీసెస్ (టీసీఎస్) వెల్లడించిన తర్వాత హెచ్‌సీఎల్‌నుంచి కూడా ఈ వివరణ వెలువడింది.

కొత్తగా పనిలో చేరిన సావిత్రి మాటతీరు చూసిన రేవతి ‘‘దీనికి ఎంత తెలివో?’’ బుగ్గలు నొక్కుకుంటూ ఆశ్చర్యపోయింది. ఆమె తెలివైన మాటల వెనుక జీవితాన్ని తీర్చిదిద్దుకునే ధ్యాస తప్ప మరో ఆలోచన కనబడలేదు రేవతికి. పనిలో చలాకీతనం, శ్రద్ధ చూసి ముచ్చట వేసింది. కోనసీమలో ఒక పల్లెటూరు నుండి హైదరాబాద్‌ అపార్టుమెంటు కాపలాపనికి మొగుడు సూరిబాబుని తీసుకుని రావడమే తరవాయి, ఫ్లాట్స్‌ అన్నీ తిరిగి తనని పనిలో పెట్టుకొమ్మని కోరింది సావిత్రి.అశోకా పౌడర్‌ ముఖానికి రాసుకుని, ముప్పేట కొబ్బరికాయలా ఉన్న తలకు కొబ్బరినూనె పాముకుని, తలలో మందార పువ్వు పెట్టుకుని, నుదుట సన్నని తిలకం దిద్దుకుని, పొట్టిగా, సన్నగా, శుభ్రంగా ఉన్న సావిత్రి మొదటి చూపులోనే నచ్చేసింది రేవతికి.‘‘చక్కని గాలి, బోల్డు నీళ్ళు, పచ్చని వరిచేలతో కోనసీమ బావుంటుంది కదే అక్కడే సుఖంగా ఉండక, సామాన్యుడు బతకలేని ఈ మహానగరానికి ఎందుకు వచ్చావు?’’ అడిగింది ఆరాగా.‘‘మా వూళ్ళో పనులేం ఉండడం లేదమ్మా. ఈ మధ్య పొలం పనులు కూడా బాగా తగ్గిపోయాయి. సేలన్నీ రొయ్యల సెరువులవడంతో సానా కట్టంగా ఉంది పని దొరకడం. దానికి తోడు మా వోడు బద్ధకస్తుడు, అన్నీ ఒళ్ళోకి వచ్చి వాలాలను కుంటాడు. మగాడని గోరోజనం. మా వూళ్ళో ఉంటే కట్టబడి కూడబెట్టిన డబ్బులతో తాగడం తిరగడం తప్ప, పిల్లల ఆలనా పాలనా సూడడం లేదు. దొరికిన ఈ కాపలా పనైనా జాగ్రత్తగా సేసుకోమని బతిమాలి ఇక్కడకు లాక్కొచ్చాను, పిల్లల్ని కూడా సక్కని బళ్ళో ఎయ్యొచ్చు కదమ్మా,’’ మంచి భవిష్యత్తు ఊహిస్తూ చెప్పింది.‘‘అమ్మా! సెల్లి కొడతందే’’ అంటూ కీచులాడుకొంటూ ఏడుస్తున్న పిల్లల చేతుల్లో బిస్కెట్లు పెట్టి ఊరుకోబెట్టింది రేవతి. సావిత్రి రాకతో రేవతికి ఇంటి పని చాలా తగ్గింది. రోజూ రేవతి ఆ చిరు కుటుంబం కోసం తమతో పాటే కాసిని బియ్యం పోసి అన్నంతో పాటు కాస్త కూర, పచ్చడి లాంటివి ఇవ్వడంతో, రేవతి పట్ల సావిత్రి మనసు కృతజ్ఞతతో నిండిపోయింది.∙∙ అపార్ట్‌మెంట్‌లో పనులన్నీ అయిపోయాక, విశ్రాంతి తీసుకోకుండా ఏదో పని చేసి డబ్బులు సంపాదించడం అలవాటుగా మారింది సావిత్రికి. ‘‘వయసున్నప్పుడే ఒళ్ళొంచి పనిచెయ్యాలి, నాలుగు డబ్బులు కూడబెట్టుకోవాలే సాయిత్రి!’’.. అమ్మ రాజేశ్వరి మాటలు ఆమె మస్తిష్కంలో ఇంకా సజీవంగా ఉన్నాయి.సావిత్రి పుట్టుక ఒక విషాదం. రాజేశ్వరి వయసులో ఉన్నప్పుడు ఆమె ఎంతగానో నమ్మిన మగాడు మోజు తీరిపోయాక తల్లినీ, పసిగుడ్డుగా ఉన్న సావిత్రినీ వదిలేసి వెళ్ళిపోయాడు. ఊళ్ళో బంధువులు ఎన్ని సూటిపోటి మాటలన్నా, కన్నకూతుర్ని ఎంతో ధైర్యంతో పెంచిన తన తల్లి మనోబలమే సావిత్రికి ఆమె నుంచి వచ్చిన ఆస్తి. తన కంటే పెద్దదైన కూతురున్న వాడిని మారుమనువాడింది తల్లి. పెంపుడు తండ్రి ప్రేమ పొందకపోయినా, సవతి అక్క, బావ ఆమెను బానే చూసుకోవడం కాస్త ఊరట.ఇద్దరు కూతుళ్ళకు ఏదో రకంగా సాయపడవచ్చని, వాళ్లకు భారం కాకూడదని నడి వయస్సులో ‘కొయిటా’ వెళ్ళిన తల్లి మరికాస్త ఆలంబన సావిత్రికి. ఇళ్ళల్లో పనులన్నీ గబా గబా అవగొట్టుకుని, చాప పరుచుకుని, జనుముతో తయారుచేసిన పేపర్లతో వంద కవర్లు పూర్తి అయ్యాక వాటిని ఎండలో ఆరబెట్టి, గదిలోకి వెళ్లి గోధుమ పిండి, పెనం, స్టవ్వు, గిన్నెలు సర్దుకుంది. సాయంత్రం నాలుగు గంటలు అయ్యింది. ఇంతలో స్కూల్‌ నుంచి పిల్లలు రావడంతో వాళ్ళకు స్నానాలు చేయిస్తాడేమోనని ఆశతో సూరిబాబు కేసి చూసింది. బయట కుర్చీలో దర్జాగా కూర్చుని ఆమెకేసి తల కూడా తిప్పకుండా మొబైల్‌లో ఆన్‌లైన్‌ గేమ్స్‌ ఆడుకుంటూ కూర్చొన్నాడు.‘‘పిల్లల్ని దగ్గరకు తీసుకుని, తానం సేయిద్దారని కూడా లేదు’’ ఉసూరుమంటూ, వాళ్ళకి నీళ్ళు పోసి, ఉతికిన బట్టలు వేసి, చేతుల్లో చిరుతిళ్ళు పెట్టింది. కాస్త చీకటి పడగానే, గోధుమపిండి, సామాన్లు, సంచిలో పెట్టుకుని కాలనీలో నాలుగు రోడ్ల జంక్షన్‌ వద్దకు బయలుదేరడానికి సిద్ధం అయ్యింది. ఆమె వైపు తల కూడా తిప్పకుండా మొబైల్‌ చూసుకుంటున్న మొగుడిని చూడగానే ఆమెకు చిర్రెత్తు కొచ్చింది.‘‘ఎప్పుడు సూసినా పోనట్టుకుని ఆడుకోడమేనా, కాంత సాయం సెయ్యలేవా’’ అతని చేతిలో ఫోన్‌ లాక్కోడానికి ప్రయత్నం చేసింది. ఆమెని పక్కకు తోసేసి, ‘‘ఉండేహే ఆట మంచి రంజుగా ఉంది, నీ పని నువ్వు సూసుకో, మద్దెలో అడ్డం రాకు! ఎన్నాళ్ళు ఈ సిన్నా సితకా పనులు సేత్తాం డబ్బుల కోసం? కొట్టేదేదో గట్టిగా కొట్టాలి’’ అంటూ బెట్టింగ్‌ గేమ్స్‌లో దూరిపోయాడు. ఉసూరుమంటూ సంచీని మోసుకుని వెళ్లి, నాలుగు రోడ్ల జంక్షన్‌లో ఒక పక్కగా సామాను చేర్చి గోధుమ రొట్టెలు కాల్చి అమ్మడం మొదలుపెట్టింది. అలా రాత్రి తొమ్మిది వరకూ అమ్ముకుంది. ఇంతలో సూరిబాబు నుంచి ఫోన్‌ రాగానే, ‘‘అయిపోయింది వత్తన్నా!’’ అంటూ అన్నీ సర్దుకుని ఇంటికి బయలుదేరింది. తనకున్న చిన్నపాటి తెలివితో, చిరు సంపాదనకి చిన్న చిన్న మార్గాలు వెతకడం, ఎంత చిన్న ఆలోచన వచ్చినా దాన్ని అమలుపరచడం నిరంతరం చేసేదామే. పండగలు వస్తే వినాయక చవితికి మట్టి వినాయక బొమ్మలు, దీపావళికి మతాబులు చేసి అమ్ముకునేది.∙∙ ఒకరోజు ఆమె చేసిన కవర్లు తీసుకువెళ్ళడానికి వచ్చినతను, ‘‘సాయిత్రి! మా సేటుకి యాపారం మంచిగ లేదుట, ఆయన దుకాన్‌ బంద్‌ జేస్తుండు, ఇంగ కవర్లు వద్దుట, నీకివ్వలసిన పైసల్‌ తీసుకో’’.. చేతిలో పెట్టి స్కూటర్‌ మీద వెళ్ళిపోయాడు.హఠాత్తుగా ఆధరువు పోవడం ఆమె చిన్న జీవితానికి తగిలిన పెద్ద దెబ్బ. దాన్ని తట్టుకునే లోపు మరో దెబ్బ ఆమె జీవనానికి మరింత గట్టిగా తగిలింది. రోడ్డుపక్కన రొట్టెలు అమ్ముకునే ప్రదేశంలో కంకర గుట్టలు పోసేశారు. అక్కడ ఆకాశ హర్మ్యం నిర్మాణం మొదలైంది. ఆమె ఆశల భవంతి కూలిపోయింది. ఎక్కడైనా ఖాళీ ఉన్న చోటు దొరికితే, అమ్ముకుందామని తిరిగి తిరిగి ఎక్కడా దొరక్క, దిగాలుగా ఇంటికి తిరిగి వచ్చింది. సూరిబాబు ఆమెను చూసి, ‘‘అప్పుడే వచ్చేశావే, ఎంత గిరాకి అయ్యింది ఇయ్యాల’’ వెటకారంగా అన్నాడు నవ్వుతూ. రోడ్డు మీద కంకర పోశారనే విషయం తెలిసి కూడా చెప్పలేదని, కోపంగా చూసింది అతనికేసి. అతను నిర్లక్ష్యంగా తల విసిరి, కంచంలో అన్నం కలుపుకుంటూ, పక్కనున్న మొబైల్‌ చూసుకుంటున్నాడు. నిద్రపోతున్న పిల్లల్ని లేపి, అన్నాలు పెట్టే పనిలో పడింది సావిత్రి.మర్నాడు ఉదయం అన్యమనస్కంగా పనిచేస్తున్న సావిత్రిని గమనించిన రేవతి, ‘‘ఏంటే ఇవ్వాళ నీరసంగా ఉన్నావు? టీ తాగుతావా?’’ అడిగింది. చేస్తున్న రెండు పనుల ప్రవాహానికి గండి పడిందని నిరాశగా చెప్పింది.‘‘అయ్యో! బాధపడకు. నువ్వు తెలివైనదానివి, వేరే ఏదైనా దొరుకుతుందిలే, కష్టించి పని చేసేవాళ్ళకు ఎదో కొత్త దారి దొరుకుతూనే ఉంటుందిలే’’ ఓదార్చింది.ఖాళీగా ఉండడం అంటే సావిత్రికి భయం. తమ ఊళ్ళో ఏ పనీ చేయకుండా కాళ్ళ దాకా వచ్చింది, నోటి దాకా రాకుండా పోతుందా అనే ధీమాతో బతికేస్తూండే చాలామందిని చూస్తే చాలా భయం. కాళ్ళదాకా వచ్చేది హఠాత్తుగా ఆగిపోతే భవిషత్తులో ఎలా జీవించాలో అనే భీతి లేకుండా బ్రతికేవాళ్ళని చూస్తే మరీ భయం. భర్తను చూశాక, ఆ భయం మరీ ఎక్కువైంది. అతని సోమరితనం, జీవితం పట్ల నిర్లక్ష్యం చూసి, అతనంటే అసహ్యం మరింత పెరిగింది. ఎవ్వరిమీద ఆధారపడకుండా, తన కష్టాన్ని నమ్ముకుని పైకి రావాలనే తపన ఆమెను మరిన్ని కొత్త ఆలోచనలకు పురికొల్పుతూ ఉంటుంది.∙∙ ధనుర్మాసం వచ్చింది. కాలనీలో ఉండే వెంకటేశ్వరస్వామి గుడిలో తిరుప్పావై వైభవంగా జరుగుతోంది. గుడి ప్రాంగణంలో ప్రవచనం వినడానికి రేవతి సావిత్రిని కూడా తీసుకుని వెళ్ళింది. ప్రవచనకర్త చెప్పిన ఆధ్యాత్మిక విషయాలు సావిత్రికి అర్థం కాలేదు. కానీ ఆయన చెప్తున్న ఉపన్యాసంలో జీవితాన్ని ఎలా సరిదిద్దుకోవాలో, కష్టాలని ఎలా అధిగమించాలో, ఎలా పోరాడాలో చెప్పడం మాత్రం ఆమెకు బాగా నచ్చింది. ఇంతలో ఆయన ధనుర్మాసం అంతరార్థం చెప్తూ, రాబోయే పండుగలు చాలా విశిష్టమైనవని, ఇంటి ముందు ముగ్గులు వెయ్యడం శరీరానికి మంచి వ్యాయామం అని, ఆవు పేడతో గొబ్బెమ్మలు పెట్టడం వలన లక్ష్మీదేవి ఇంటిలో కొలువై ఉంటుంది అని భక్తిని మేళవించి చెప్పడం వలన ఆ కాలనీ వాసుల బుర్రలోకి ఆయన వాక్కులు బాగా ఎక్కాయి.కాలనీ వాసులలో పెళ్లి కాని అమ్మాయిలకు ముగ్గుల పోటీ పెట్టాలనే ఆలోచన మహిళా కార్పొరేటర్‌ బుర్రలో మొలకెత్తింది. ఆ వార్త విన్న సావిత్రి బుర్రలో రెండు కొత్త ఐడియాలు పురుడు పోసుకున్నాయి. కాలనీలో ఇంటింటికీ వెళ్లి, తనకు ముగ్గులు వేయడం బాగా వచ్చని, ముగ్గు చేతకాని ఆడపిల్లలకు నేర్పి కొన్ని డబ్బులు సంపాదించింది. అలాగే గుడి పక్క గోశాలకు వెళ్లి ఆవు పేడ తెచ్చుకుని, గొబ్బెమ్మలు చేసి, అందంగా బంతి పూలు అమర్చి అమ్మింది. కనుమ పండుగ నాడు ముగ్గుల పోటీలో బహుమతి వచ్చిన అమ్మాయి, సావిత్రి కష్టానికి జాలిపడి, తనకి వచ్చిన క్యాష్‌ బహుమతిలో కొంత ఇచ్చేసింది. ఆ డబ్బులు కూతురి భవిష్యత్తుకు ఉపయోగపడుతుందని బ్యాంకులో డిపాజిట్‌ వేసింది. ఆ విషయం తెలిసిన రేవతి సావిత్రిని అభినందిస్తూ, ‘‘చూశావా సావిత్రి! దేనికీ నిస్పృహ చెందకుండా కాస్త ఆలోచిస్తే ఇలాంటి పనులు సంవత్సరమంతా ఏవో ఒకటి దొరుకుతూనే ఉంటాయి’’ అంది రేవతి.‘‘అవును అమ్మగారు!’’ ఆనందం వ్యక్తపరచింది. ఇలాగే డబ్బులు సంపాదిస్తున్న సావిత్రి ముందు ముందు తనని లెక్కచేయదేమోననే అనుమానం జెర్రిగొడ్డులా సూరిబాబు మనసులో ప్రవేశించింది.∙∙ వేసవికాలంలో అక్క, బావలతో కలిసి తిరుపతి మొక్కు తీర్చుకుందామని వెళ్ళింది సావిత్రి. తిరుపతి నుంచి సావిత్రి తిరిగి రాగానే, సూరిబాబు, ‘‘మా యమ్మకి సానా తేడా సేసిందంట, మనం కొన్ని రోజులు అక్కడే ఉండాలి’’ స్వంతవూరికి బయలుదేరదీశాడు. అత్తకి సుస్తీ అన్నది అబద్ధం, అతనికి పనిచేయడం ఇష్టం లేదు అన్నది నిజమని తెలుసుకున్న సావిత్రి అతన్ని నిలదీస్తే, ఆమె కంఠ శోష గోదావరి రైలు వంతెన ఘోషలో కలిసిపోయింది. సావిత్రి కష్టపడి కూడబెట్టిన డబ్బులన్నీ సూరిబాబు చేతిలో పడి బెట్టింగ్‌ పాలైపోయాయి. సావిత్రికి గుండె మండిపోయింది. గట్టిగా నిలదీస్తే, ‘‘దర్జాగా హైడ్రాబాడ్‌ లో తిరుగుదారని అనుకుంటున్నావేమో! మనతో కుదరదు, సిటీ ఓళ్ళ మాటలు బాగా సెవికెక్కి నన్ను పట్టించుకోవడమే మానేహావు’’ అంటూ ప్రతీరోజూ మాటలతో మానసికంగా హింసించేవాడు. పెల్లుబుకుతున్న కన్నీటి గోదారిని అదుపుచేసుకుంటూ..‘నానేం తప్పు సెయ్యలేదే, నానెందుకు ఏడవాలి? సదువు సంజలులేని మొరటోడు, జీవితం ఇలువ తెలియని సన్నాసి ఆడేదో అన్నాడని ఏడవడం ఏంటి? నాను సావిత్రి! ఐదో కలాసు. ఆడు నిసానీ గాడు’ మనసుకు నచ్చ చెప్పుకుంది. అలా అనుకోవడమే తడవుగా గుండెల్లో కలిగిన బాధ మటుమాయం అయ్యింది. గబ గబా అన్నం వండి పిల్లలలకి పెట్టి, నాలుగు మెతుకులు నోట్లో వేసుకుని, కొబ్బరిచెట్టు కింద నులకమంచం వాల్చుకుని, పక్కలో పిల్లల్ని వేసుకుని ఆలోచిస్తూ నడుం వాల్చింది. కొబ్బరి ఆకుల మీద నుంచి ఆమెపై పడుతున్న కొబ్బరి పువ్వుల్లా ఆలోచనలకు రూపం వచ్చి ఒక్కటి ఒక్కటీ ఆమె ముందు సాక్షాత్కారిస్తున్నాయి.‘అవును ఆ పని చేస్తాను, కొబ్బరిసెట్టులా నిబ్బరంగా నిలబడతాను’ మనస్సుకి ధైర్యం చెప్పుకుని, నెమ్మదిగా నిద్రలోకి జారుకుంది. మధ్యరాత్రి వేళ హఠాత్తుగా వచ్చిన అంతు తెలియని కడుపు నొప్పి తీవ్రమై సొమ్మసిల్లి పడిపోయింది. ఆసుపత్రిలో జాయిన్‌ చేశారు సావిత్రి అక్క, బావ. చేతిలో ఒక్క పైసా కూడా లేని సూరిబాబు చేతులు నలుపుకుంటూ బయట కూర్చున్నాడు. జీవితంలో ఎంతో పైకి ఎదుగుదామనుకున్న సావిత్రికి, ఆమె కడుపులోని చేదుకట్టుకి వచ్చిన రోగం యముడిలా ఆమె ఆశలకు అడ్డుకట్టు వేసింది. ఆపరేషన్‌ చేసి చేదుకట్టు తొలగిస్తే గాని బతకదని డాక్టర్‌ చెప్పాడు. చావు బతుకుల మధ్య ఊగిసలాడుతోంది సావిత్రి.సావిత్రి ఎందుకు తిరిగి రాలేదో కనుక్కోవడానికి రేవతి ఫోన్‌ చేసింది. సావిత్రి బావ ఫోన్‌ ఎత్తి, ‘‘సావిత్రికి సానా తేడా సేసింది ఆపరేసన్‌ సేసి సేదుకట్టు తీసేశారు’’ అన్నాడు. ‘‘చేదుకట్టు అంటే’’ అడిగింది ? అదేనమ్మ గాల్‌... గాల్‌ అని తడుముకుంటుంటే, గాల్‌ బ్లేడరా ? ‘‘అవునమ్మా అదే’’ అన్నాడు. చాలా బాధపడింది రేవతి. కొంత డబ్బు పంపించింది.శల్యం మీద కోత వలన పార్వతి చిక్కి శల్యమయ్యింది. బలం పుంజుకొని తన పని తాను చేసుకోవడానికి మూడు నెలలు పట్టింది. రోజు రోజుకి ఇంట్లో పరిస్థితులు దిగజారుతున్నాయి. దాచిన డబ్బులన్నీ అనారోగ్యానికి, ఇల్లు గడవడానికి ఖర్చు అయిపోయాయి. తల్లి, బావ చాలారోజులు సాయం చేసి, ఇంక మీ బాధలు ఏవో మీరే పడండని వదిలేసారు. పిల్లలకి కడుపునిండా అన్నం పెట్టలేకపోతోంది. అయినా సూరిబాబు ధోరణి మారలేదు. కష్టమైన పనైనా, కొబ్బరి వలుపు తీసే కొట్లో చేరింది. రోజంతా పని ఉండడం వలన శరీరం కష్టపడుతున్నా, మనసు మటుకు హాయిగా ఉంది. పనంతా చక్కబెట్టి, ఇంటికి వచ్చి పెరట్లో బట్టలు ఆరేస్తూ ఆలోచనలో పడింది. ఇంతలో ఇంటి గోడను వొరుసుకుంటూ వడివడిగా ప్రవహిస్తూ వెడుతున్న గోదావరిలో పయనిస్తున్న పడవను చూశాకా, రేవతి చెప్పిన మాటలు గుర్తుకు వచ్చాయి. ‘నది ప్రయాణంలో నావకు తగులుతున్న నీటి దెబ్బలను, ఒడిదుడుకులు చూస్తే అవతలి ఒడ్డుకి చేరగలదా అని మొదట కంగారు పడతాం. కానీ అది చేరుకున్నాక, ఇంతేనా అనిపిస్తుంది. జీవితం కూడా అంతే!’ ఆ మాటలు తలుచుకోగానే ఉత్సాహం వచ్చింది. మెదడులో మరో కొత్త ఆలోచన ఉదయించింది.∙∙ నిన్ను ఈ స్థాయిలో చూస్తుంటే చాలా గర్వంగా ఉందే సావిత్రి! అంటూ ఆప్యాయంగా దగ్గరకు తీసుకుంది రేవతి.‘‘ఆ రోజు మీరన్న మాటలే నన్ను కట్టంలో కూడా దైర్యంగా నిలబడమని సెప్పేయమ్మా! లోకంలో పనికిరాని వస్తువంటూ ఏదీ లేదు, ప్రతీది మనకి ఉపయోగ పడేదే అని గుడిలో ఆ రోజు గురువుగారు సెప్పిన మాటలు నన్ను ఈ యాపారం సెయ్యమని సెప్పినట్టు అనిపించి ధైర్యంగా దిగిపోయాను.’’ అంది వినయంగా...‘‘అది సర్లే గానీ, కొబ్బరి పెంకులతో, పీచుతో చేసిన బొమ్మలు, గ్రామీణ ఉత్పత్తుల మార్కెటింగ్‌ మటుకు భలే కొత్త తరహాలో యూట్యూబ్, ఇన్‌స్టాగ్రాంలో నీ పిల్లలతో చేయిస్తున్నావు చూడూ! అదీ నీ తెలివి. భలేగా ఉందే నీ ఐడియా’’ అంటూ అభినందించింది రేవతి.‘‘మీరు ఇచ్చిన పాత ఫోన్‌లో అయన్నీ నేర్సుకున్నాను అమ్మా’’ చెప్పింది వినయంగా.ఇంతలో శిల్పారామం దర్శించడానికి వచ్చిన వాళ్ళు సావిత్రి, పిల్లలను గుర్తుపట్టి ఫొటోలు తీయించుకుంటున్నారు.‘‘నాకు కూడా ఒక సెల్ఫీ ఇవ్వవే నువ్వు ఇంకా పైకి ఎదిగిపోతే మాకు దొరకవు కూడానూ’’ నవ్వుతూ అంది రేవతి . ‘‘అయ్యో అమ్మగారు! మిమ్మల్ని మర్చిపోవడమా, ధైర్యంగా బతకడం ఎలాగో నేర్పినది మీరే.’’ అంటూ ఇద్దరినీ ఫ్రేములోకి బిగించి క్లిక్‌మనిపించింది. సావిత్రి మొహంలో చిరుగర్వం, ఆత్మవిశ్వాసం.. ఎదురుదెబ్బలెన్ని తగిలినా, గండాలు వచ్చినా స్థిరంగా తన కాళ్ల మీద నిలబడగలిగాననే చిరుగర్వం! రేవతి మొహంలో సంతృప్తి... తన కళ్లెదుటే మారాకు తొడిగిన మొక్క, మహావృక్షంగా ఎదిగిన క్రమంలో తాను కూడా కొంత చేదోడు కాగలిగాననే సంతృప్తి! ఆ ఆనందసమయంలో సూరిబాబు గురించి అడగలేకపోయింది రేవతి.పని చేయలేని అశక్తుడితో, చేతకానివాడితో సర్దుకుపోవచ్చు. పని చేయదలచుకోని వాడితో ఎంతకాలం సర్దుకుపోగలం?బాధ్యత తెలియని వాడితో సర్దుకుపోవచ్చు. బాధ్యతల నుంచి తప్పించుకోవాలని చూసేవాడితో ఎలా సర్దుకుపోవడం?సుఖపడేవాళ్లను చూసి ఓర్వలేని వాడి నైచ్యం అర్థం చేసుకోవచ్చు. కానీ కష్టపడేవాళ్లని చూసి కూడా ఓర్వలేని వాడిని ఎలా సహించడం? ఆస్పత్రి పాల్జేసి మంచం పట్టించిన అనారోగ్యం సావిత్రికి ఓ బతుకుపాఠం నేర్పింది! చేదుకట్టు దేహానికి అవసరమే! అది ఎందుకూ కొరగాకుండా పోయినప్పుడు, ఉపేక్ష కూడా కూడా ప్రమాదమే... కత్తిరించి తీసేయడమే దేహానికి రక్ష! బతికినంత కాలమూ కొన్ని జాగ్రత్తలు తప్పవు. నిజమే, తాళికట్టిన పెనిమిటే. జీవితానికి అవసరమే. కాని, ఒక నిర్ణయానికి వచ్చింది సావిత్రి. సావిత్రి చేసింది తప్పో ఒప్పో ఎవరు చెప్పగలరు? ఆమె అనుభవించిన ఆనందమైనా, బాధైనా ఆమె స్వంతం కదా మరి.- చాగంటి ప్రసాద్‌

జీవితంలో ఎదురయ్యే తిరస్కరణలు ప్రయాణానికి ముగింపు కాదని, అవి మహోన్నత విజయానికి బాటలు వేసే గుణపాఠాలని నిరూపించారు చెన్నైకి చెందిన 32 ఏళ్ల టెక్ వ్యవస్థాపకుడు, పర్‌ప్లెక్సిటీ ఏఐ సహ వ్యవస్థాపకుడు, సీఈఓ అరవింద్ శ్రీనివాస్. నేడు ప్రపంచ కృత్రిమ మేధ రంగాన్ని శాసిస్తున్న పర్‌ప్లెక్సిటీ వెనుక ఉన్న ఆయన ప్రయాణం.. వరుస వైఫల్యాలను దాటుకుని శిఖరాగ్రానికి చేరుకున్న ఒక అసాధారణ పోరాటం.ఐఐటీ నుంచి ఎంఐటీ వరకు.. వరుస నిరాశలే!చిన్నప్పటి నుంచీ కంప్యూటర్ సైన్స్‌పై మక్కువ ఉన్న అరవింద్‌కు ఐఐటీ మద్రాస్‌లో సీఎస్ సీటు లభించలేదు. దీంతో ఆయన డ్యూయల్ డిగ్రీ ఎలక్ట్రికల్ ఇంజినీరింగ్‌లో చేరాల్సి వచ్చింది. మొదటి సంవత్సరం ప్రతిభ ఆధారంగా బ్రాంచ్ మార్చుకునే అవకాశం ఉన్నప్పటికీ కేవలం 0.01 సీజీపీఏ (CGPA) స్వల్ప తేడాతో ఆ అవకాశం చేజారింది. ఆపై ఎలక్ట్రికల్ విద్యార్థిననే కారణంతో మెషిన్ లెర్నింగ్ కోర్సులో చేరేందుకు కూడా మొదట్లో ప్రొఫెసర్ల నుంచి నిరాకరణ ఎదురైంది. ఐఐటీ పూర్తయ్యాక పీహెచ్‌డీ కోసం ప్రపంచ ప్రఖ్యాత మాసాచుసెట్స్ ఇన్‌స్టిట్యూట్ ఆఫ్ టెక్నాలజీ (ఎంఐటీ)కి దరఖాస్తు చేయగా అక్కడా తిరస్కరణే లభించింది.వైఫల్యమే విజయ సూత్రమై..ఈ తిరస్కరణలకు కుంగిపోకుండా యూసీ బార్కిలీలో పీహెచ్‌డీ పూర్తి చేసిన అరవింద్.. ఓపెన్ ఏఐ, గూగుల్, డీప్‌మైండ్‌లలో పరిశోధకుడిగా తన ప్రతిభను చాటుకున్నారు. అనంతరం సొంతంగా ప్రారంభించిన తొలి స్టార్టప్ (ఎక్స్‌ ఆధారిత సెర్చ్ టూల్) ప్లాట్‌ఫామ్ ఏపీఐ మార్పుల వల్ల విఫలమైంది. అయినప్పటికీ వెనకడుగు వేయకుండా 2022 మధ్యలో డెనిస్ యారట్స్, జానీ హో, ఆండీ కాన్విన్స్కీలతో కలిసి పర్‌ప్లెక్సిటీ ఏఐకి శ్రీకారం చుట్టారు.ప్రపంచ స్థాయిలో సంచలనంసాంప్రదాయ సెర్చ్ ఇంజిన్లకు భిన్నంగా యూజర్ల ప్రశ్నలకు సమాధానాలు వెతికి ఇచ్చే ఆన్సరింగ్‌ టూల్‌గా పర్‌ప్లెక్సిటీ ప్రపంచ టెక్ రంగంలో సంచలనం సృష్టించింది. అమెజాన్ అధినేత జెఫ్ బెజోస్ వంటి దిగ్గజాల పెట్టుబడులతో కోట్లాది డాలర్ల మూలధనాన్ని సమకూర్చుకున్న ఈ సంస్థ బిలియన్ డాలర్ల వాల్యుయేషన్‌కు చేరుకుంది. ఈ ఘనతతో అరవింద్ శ్రీనివాస్ హురున్ ఇండియా రిచ్ లిస్ట్‌లో చోటు దక్కించుకుని భారత్‌లోనే అతి పిన్న వయస్కుడైన బిలియనీర్లలో ఒకరిగా నిలిచారు.ఇదీ చదవండి: పెట్రోల్ వెనుక ఉన్న అసలు నిజాలు

కొన్ని సక్సెస్‌లు అనూహ్యంగా రావచ్చు. కానీవిజయాలన్నీ ఎవ్వరూ ఊహించని కష్టాల నుండే సాధ్యమవుతాయి. ఆ విజయానికి కన్నీళ్లు, సవాళ్లే శక్తివంతమైన సోపానాలుగా మారతాయి. ప్రతీ ఎదురు దెబ్బ ఒక్కో మెట్టుగా అసాధారణ విజయానికి పునాది అవుతుంది. అలా కష్టాల నుంచి కోట్లతో వ్యాపార సామ్రాజ్యాన్ని ష్టించిన అభిషేక్ కుమార్ , మోహిత్ కుమార్ సక్సెస్‌ స్టోరీ గురించి తెలిస్తే ఈ మాటలు అక్షర సత్యాలనిపిస్తాయి.'వేల్‌స్టేస్' (ValeStays) వ్యవస్థాపకుల స్ఫూర్తిదాయక కథ ఇదీ. హిందూస్థాన్‌టైమ్స్.కామ్‌ కథనం ప్రకారం ఎన్నో కఠిన సవాళ్లనెదుర్కొని, అపజయాలను అధిగమించిన ఇద్దరు యువకులు 'వేల్‌స్టేస్' అనే మల్టీ-కోర్ల సర్వీస్డ్ అపార్ట్‌మెంట్ వ్యాపారాన్ని విస్తరించారు అభిషేక్ కుమార్, మోహిత్ కుమార్‌ ద్వయం. వీరిద్దరుకో పౌండర్లుగా అవతరించకముందు డబుల్ షిఫ్టులు చేశారు. ఎన్నో ఆర్థిక నష్టాలను తట్టుకున్నారు.అభిషేక్ కుమార్: బిహార్‌లోని భాగల్పూర్ జిల్లా నౌగాచియాకు చెందిన అభిషేక్, ఢిల్లీ యూనివర్సిటీలో డిగ్రీ పూర్తి చేశారు. ఉదయం 7:45 నుంచి సాయంత్రం 5 గంటల వరకు కార్పొరేట్ ఉద్యోగం. రాత్రి వేళల్లో అర్ధరాత్రి వరకు ఓలా క్యాబ్/బైక్ డ్రైవర్‌గా పనిచేసేవారు. ఇలా రోజంతా కష్టపడినా వచ్చేది కేవలం రూ. 400 నుంచి రూ. 1,100 మాత్రమే. కొన్నిసార్లు పెట్రోల్ ఖర్చులు పోను ఏమీ మిగిలేది కాదట.మోహిత్ కుమార్: ఉత్తరప్రదేశ్, మైన్‌పురికి చెందిన మోహిత్, 10వ తరగతి తర్వాత ఢిల్లీ వచ్చారు. 16-17 ఏళ్ల వయస్సులోనే (11వ తరగతి చదువుతున్నప్పటి నుంచి) నెలకు రూ. 1,000 ఫీజుతో ఇంటింటికీ హోం ట్యూషన్స్‌ చెప్పేవారు.వెళ్లి ట్యూషన్లు చెప్పేవారు. ఐదేళ్ల పాటు దాదాపు 60 మంది విద్యార్థులకు పాఠాలు చెప్పి, ఒక్కో రూపాయి కూడబెట్టి రూ. 20 లక్షల పొదుపు చేశారు. ఆ డబ్బుతో సొంతంగా రెడీమేడ్ దుస్తుల దుకాణం ప్రారంభించాడు. కరోనా మహమ్మారి, లాక్‌డౌన్‌ కారణంగా ఆ వ్యాపారం ఘోరంగా దెబ్బతింది. సంపాదనంతా తుడిచిపెట్టుకుపోయింది.వేల్‌స్టేస్ పుట్టుక ఎలా అంటే..2022 నాటికి అభిషేక్ కుమార్, మోహిత్ కుమార్‌ ఇద్దరూ షేర్డ్‌ ఇంట్లో అద్దెకు ఉండేవారు.ఇద్దరూ ఆర్థికంగా దెబ్బతిని కష్టాల్లో ఉన్నారు. దీంతో తమ వద్ద ఉన్న కొద్దిపాటి వనరులతో ఏదైనా కొత్తది ప్రారంభించాలని నిర్ణయించుకున్నారు.తొలి అడుగుఎవరు తీసుకోని ఒక పాత ప్లాట్‌ను అద్దెకు తీసుకున్నారు. OLX లో సెకండ్ హ్యాండ్ ఫర్నిచర్ కొనుగోలు చేశారు.వాటిని స్వయంగా బాగుచేసి, శుభ్రం చేసి, సర్వీస్డ్ అపార్ట్‌మెంట్‌గా మార్చారు. కొన్ని రోజుల్లోనే మొదటి బుకింగ్ వచ్చింది. అలాఒక ఫ్లాట్‌తో ప్రారంభమైన వీరి ప్రయాణం, ఏడాదికి 18 ఫ్లాట్లకు, నాలుగేళ్లలో ఢిల్లీ-NCR వ్యాప్తంగా 72 సర్వీస్డ్ అపార్ట్‌మెంట్లకు విస్తరించింది. ప్రస్తుతం కోట్లాది రూపాయల టర్నోవర్ చేసే వ్యాపారంగా మారింది. ఈ వ్యాపార బాధ్యతల నిర్వహణలో అభిషేక్ కుమార్, మోహిత్ కుమార్‌ బాద్యతలను పంచుకుని మరీ విజయవంతంగా వ్యాపారాన్ని ముందుకు తీసుకెళ్తున్నారు.ఇదీ చదవండి: ఢిల్లీ అమ్మాయి, జాంబియా సుప్రీంకోర్టు తొలి మహిళా జడ్జ్‌గా ఘనతగెస్ట్ మేనేజ్‌మెంట్, సేల్స్, వ్యాపార విస్తరణ బాధ్యతలను అభిషేక్‌ చూసుకుంటారు. ఇక హౌస్ కీపింగ్, వెండార్స్ మేనేజ్‌మెంట్, రోజువారీ క్షేత్రస్థాయి (Ground-level) పనుల పర్యవేక్షణ మోహిత్‌ పని.సౌకర్యవంతమైన జీవితానికి అలవాటుపడితే సరికొత్తగా ఏదీ సాధించలేమని, ఒడిదొడుకులు ఎదురైనా ప్రయత్నాన్ని ఆపకూడదని అభిషేక్ తన లాంటివారికి సూచిస్తోంటే, వ్యాపారంలో నమ్మకమైన భాగస్వామి దొరకడం అన్నింటికంటే గొప్ప ఆస్తి అని మోహిత్‌ సంతోషం వ్యక్తం చేయడం విశేషం. ఇదీ చదవండి: పాపులర్‌ క్రైమ్‌ సిరీస్‌ ప్రేరణతో భార్య హత్య, రూ. 13 లక్షలతో పరార్‌

యూపీఎస్సీ సివిల్‌ సర్వీస్‌ పరీక్ష భారతదేశంలోని అత్యంత కఠినమైన పరీక్షలలో ఒకటి. ప్రతి ఏడాది వేలాదిమంది సివిల్‌ సర్వెంట్‌ కావాలని ఆకాంక్షించినప్పటికీ..కొందరే సక్సెస్‌ అవ్వగలరు. కానీ ఇప్పుడు చెప్పుకోబోయే వ్యక్తి ఒకటి రెండు కాదు ఎన్ని పోటీ పరీక్షల్లో విజయం సాధించాడో తెలిస్తే విస్తుపోతారు. అక్కడితో ఆగిపోకుండా అత్యంత కఠినతరమైన పరీక్షలో సైతం సత్తా చాటి శెభాష్‌ అనిపించుకున్నాడు. ఎవ్వరైన ఓ నాలుగు ప్రభుత్వ ఉద్యోగాల్లో సాధించగానే కాలర్‌ ఎగరేస్తారు..కానీ ఈ వ్యక్తి మాత్రం తన సక్సెస్‌కి స్టాప్‌ ఉండదు అన్నట్లుగా సాగి..కొండలాంటి సివిల్స్‌నే ఢీ కొట్టి..యువతకు ప్రేరణగా మారారు. అతడే రైతు కుటుంబానికి చెందిన ప్రేమ్ సుఖ్ దేలు. రాజస్థాన్‌లో బికనీర్‌ జిల్లాలోని రైసర్‌ గ్రామానికి చెందిన ‍ప్రేమ సుఖ్‌దేలు..చిన్న నాటి నుంచి ఇంట్లో ఆర్థిక ఇబ్బందులు చూస్తూ పెరిగారు. తండ్రి కుటుంబాన్ని పోషించడానికి రైతుగా పనిచేస్తూనే, ఒంటెల బండిని కూడా నడిపేవారు. ఆయనకు చేదోడు వాదోడుగా ఉండేందుకు ప్రేమ్‌ కూడా ఒక పక్క పాఠశాలలో చదువు సాగిస్తూనే..పశువులు మేపడం, వంటి ఇంటి పనుల్లో కూడా సహాయం చేసేవాడు. పేదరికాన్ని ప్రత్యక్షంగా చూడటం వల్ల, మంచి భవిష్యత్తుకు చదువే ఏకైక మార్గమని అతను నమ్మాడు. అందుకే అతడు ఎంతలా కష్టపడి చదివేవాడంటే..మాస్టర్‌ డిగ్రీలో గోల్డ్‌ మెడల్‌ని దక్కించుకున్నాడు. ఆ తర్వాత రెవెన్యూ అధికారిగా ఉద్యోగం సంపాదించాడు. అలా ఒకపక్క పట్వారీగా పనిచేస్తూనే వివిధ పోటీ పరీక్షలకు సన్నద్ధమయ్యేవాడు. చివరికి అతని కఠోర శ్రమించి..జస్ట్‌ ఆరేళ్ల వ్యవధిలోనే ఏకం 12 ప్రభుత్వ ఉద్యోగాలను సంపాదించాడు. ఆ తర్వాత రాజస్థాన్ గ్రామ సేవక్ పరీక్షలో రెండవ ర్యాంకు సాధించి, రాజస్థాన్ పోలీస్ సబ్-ఇన్‌స్పెక్టర్ పోస్టుకు అర్హత సాధించాడు. ఆ తర్వాత రాజస్థాన్‌ అసిస్టెంట్‌ జైలర్‌ పరీక్షలో సైతం ఉత్తీర్ణుడయ్యాడు. పలు పదవులకు ఎంపికైనప్పటికీ, సివిల్ సర్వీసెస్‌లో చేరాలనే తన పెద్ద ఆశయాన్ని అతను కొనసాగించాడు. అయితే అతడు రెండో ప్రయత్నంలో యూపీఎస్సీ సివిల్స్‌లో ఆల్‌ ఇండియా 170వ ర్యాంకు సాధించి..ఇండియన్ పోలీస్ సర్వీస్‌లో స్థానం పొందాడు. అత్యంత క్లిష్టమైన పరిస్థితులను కూడా పట్టుదల, దృఢచిత్తంతో అధిగమించి ఉన్నత స్థానాన్ని చేరుకోగలమని చాటిచెప్పి యువతకు స్ఫూర్తిదాయకంగా నిలిచారు ప్రేమ్‌ సుఖ్‌ దేలు.(చదవండి: సైన్యంలోకి డెన్మార్క్‌ యువరాణి!)

స్విట్జర్లాండ్‌లో చేస్తున్న కార్పొరేట్‌ ఉద్యోగాన్ని, ఆర్థిక భద్రతను, సకల సౌకర్యాలనూ వదిలి ఇండియాను వెదుక్కుంటూ వచ్చిన సాండ్రా లావి గోజ్కోవిచ్‌ ఇక్కడ ఎన్నో సేవాకార్యక్రమాలు చేపడుతోంది. ‘ఇండియాలో నేను ఇలా చేయాలనుకుంటున్నాను’ అని లావి ఒక ప్రణాళిక వేసుకొని రాలేదు. ఇక్కడ ఆమె అడుగు పెట్టిన తరువాత ఊహించని ప్రణాళిక పుట్టింది. ఆ ప్రణాళికలో నుంచే తన జీవిత లక్ష్యం రూపుదిద్దుకుంది..పశ్చిమబెంగాల్‌లోని ఒక గ్రామంలో ఒక స్కూల్‌ ప్రారంభించి పేద పిల్లలకు చదువు చెప్పడం మొదలుపెట్టిన లావి సాండ్రా బాల్య వివాహాల నిరోధానికి కృషి చేసింది. మానవ అక్రమరవాణ, గృహహింసకు వ్యతిరేకంగా గళం విప్పింది. తమ కుటుంబాల్లో మార్పు తెచ్చే దిశగా విద్యార్థులను తీర్చిదిద్దుతోంది.తాజా విషయానికి వస్తే...తన జీవితంలోని కొన్ని విశేషాలను ఇన్‌స్టాగ్రామ్‌లో పంచుకుంది లావి సాండ్రా. కార్పొరెట్‌ బోర్డ్‌ రూమ్‌ను వదిలి భారతదేశంలోని మారుమూల ప్రాంత స్కూల్‌ రూమ్‌లోకి ఎలా వచ్చిందో వివరించింది. గ్రామస్తుల నమ్మకాన్ని చూరగొనడం లాంటి సవాళ్లు ఎన్నో ఆమెకు ఎదురయ్యాయి.ప్రపంచంలోని అత్యంత సంపన్న నగరాలలో ఒకటైన జ్యూరీచ్‌లో పెరిగిన లావి తన బాల్యం చాలా సంతోషంగా గడిచింది అని చెబుతుంటుంది. తల్లిదండ్రులు ఏది కాదనకుండా ఇచ్చారు. అందులో ఒకటి... ప్రపంచాన్ని చూసే అవకాశం.‘ప్రయాణాల వల్ల ఎన్నో సంస్కృతులను చూసే అవకాశం వచ్చింది. తల్లిదండ్రులు నాకు ఇచ్చిన విలువైన బహుమానం... ప్రయాణించే అవకాశం’ అంటుంది లావి. ఆ ప్రయాణాలలో ఒక జ్ఞాపకం ఆమె మదిలో స్థిరంగా నిలిచిపోయింది. చెప్పులు లేకుండా నడిచి వెళుతున్న ఒక పేద బాలికను చూసి బాధ పడిన లావి తన బూట్లను ఆ అమ్మాయికి ఇచ్చేసింది.‘పంచడంలోని ఆనందం నాకు తొలిసారిగా తెలిసొచ్చిన క్షణం అది’ అని గుర్తు తెచ్చుకుంటుంది లావి.‘ఎంతోమందికి కనీస సౌకర్యాలు లేవు. నాలాంటివారికి చాలా సౌకర్యాలు ఉన్నాయి. ఎందుకు ఇలా?’ అనే ప్రశ్న ఆమెను వెంటాడింది. సామాజిక సేవ రూపంలో కొత్త మార్గాన్ని చూపింది.‘కెరీర్‌కు సంబంధించిన విజయం నాకు ఆర్థిక సౌకర్యం ఇచ్చింది కానీ, లక్ష్యాన్ని మాత్రం ఇవ్వలేదు అనే విషయాన్ని గ్రహించాను. ఈ క్రమంలోనే నా గురించి కాదు సమాజం గురించి ఎంతో కొంత పని చేయాలనుకున్నాను. అందుకే చేస్తున్న ఉద్యోగానికి రాజీనామా చేసి రెండు చొక్కాలు, రెండు ప్యాంట్‌లు సర్దుకొని ఇండియాకు వన్‌–వే టికెట్‌ కొనుక్కున్నాను’ అంటోంది లావీ.

ఎడతెగని వైఫల్యాలు మరింత బలోపేతం కావడానికే...పదేపదే ఓటమి పలకరిస్తోందంటే ఎవ్వరూ ఊహించనంత ఎవరెస్ట్‌ అంత ఎత్తుకు వెళ్తున్నామని అర్థం... ఇక్కడ కావాల్సింది ఒక్కటే బలహీనమవుతున్న మనసుని స్ట్రాంగ్‌గా మార్చుకుని ధైర్యంగా ముందుకు సాగడం. అది తెలిసినవాడిని ఓటమి మట్టికరింపించలేదు..ఎందుకంటే అచంచలమైన పట్టుదల ముందు ఆకాశమంత గెలుపుని తలవంచాల్సిందే. అందుకు ఉదాహరణ ఈ మహిళ. ఆమె తాను ఎదుర్కొన్న సవాళ్లను, కష్టాలను ఎంతో నిజాయితిగా సోషల్‌మీడియా పోస్ట్‌లో వివరించి, నెటిజన్ల మనసును దోచడమే కాదు..గెలుపు పోరాటంపై అద్భుతమైన పాఠం నేర్పించింది.ఆ మహిళే సింగపూర్‌కి చెందిన పారిశ్రామికవేత్త మిజా నజిలి. ఆమె సోషల్‌మీడియా వేదకగా వ్యాపార ప్రయాణంలో ఎదుర్కొన్న సవాళ్లు, కష్టాల గురించి వివరించి వైరల్‌గా మారింది. ఆమె ఆ పోస్ట్‌లో ప్రస్తుతం అందరూ తన సక్సెస్‌ని మాత్రమే చూస్తారు తప్ప ఆ మార్గంలో తనకు ఎదురైన ఎదురుదెబ్బలు, త్యాగాలు పెద్దగా ఎవ్వరూ గమనించారు అంటూ తన సక్సెస్‌ జర్నీని వివరించింది ఇలా. ఒకప్పుడు తాను పూర్తికాలపు ఉద్యోగం నుంచి తొలగించబడినట్లు తెలిపారు. ఆ తర్వాత చేసిన మూడు వ్యాపారాల్లోనూ తీవ్ర నష్టం చవిచూసినట్లు వెల్లడించింది. ఒకానొక సమయంలో బ్యాంక్‌ బ్యాలెన్స్‌ సైతం రూ. 2 వేలుకి మించి లేదని ఆవేదనగా చెప్పారు. అంతేగాదు వ్యాపారాల్లో నష్టం కారణంగా సుమారు రూ. 70 లక్షలదాక అప్పులుపాలైనట్లు తెలిపారు. తన వ్యాపారం ప్రారంభ దశలో మెరుగైన లాజిస్టిక్స్ మద్దతును పొందలేకపోయినందున, సరుకును తీసుకెళ్లడానికి దాదాపు ప్రతిరోజూ జోహోర్ బహ్రూకు ప్రయాణించాల్సి వచ్చిందని చెప్పుకొచ్చారు. ఆ తర్వాత రిటైల్ అవకాశాలను పొందడానికి ప్రయత్నించినప్పుడు మరో సవాలు ఎదురైందంటూ ఆ ఘటనను గుర్తు చేసుకున్నారు. ఒక ప్రముఖ రిటైలర్‌కు తన ఉత్పత్తులను మొదటిసారిగా అందించినప్పుడు, ఎలా తిరస్కరించారో ఇప్పటికీ మర్చిపోనన్నారు. కానీ ఇవాళ తన ప్రొడక్ట్స్‌ వందకు పైగా వాట్సన్స్ స్టోర్లలో అందుబాటులో ఉన్నాయని గర్వంగా చెప్పారామె. కేవలం పట్టువదలని ప్రయత్నంతో తన వ్యాపారాన్ని నిలబెట్టినట్లు తెలిపారు. ప్రస్తుతం ఆమె పోర్ట్‌ఫోలియోలో 5 వివిధ బ్రాండ్లు ఉన్నాయని, వాటి నుంచి ఏడాదికి ఏకంగా దాదాపు రూ. 100 కోట్లుపైనే ఆర్జిస్తానని చెప్పారు. అంతేగాదు రెండు భవనాల్లో ఆరు అంతస్థుల ప్రధాన కార్యాలయాన్ని నిర్మించానని కూడా అన్నారు. అలాగే ఇటీవలే తానొక కొత్త పోర్షే కారుని కొనుగోలు చేసినట్లు వెల్లడించారు. ప్రస్తుతం తనను అందరూ బహుళ బ్రాండ్‌లను నడుపుతున్న ఒక చీఫ్ ఎగ్జిక్యూటివ్‌గా చూస్తున్నారని, ఒకప్పుడు తల్లిదండ్రులు సైతం చిరాకుపడ్డ అమ్మాయిగా కానీ, చదువు మధ్యలోనే మానేసిన మొద్దుదానిలా గానీ చూడరని చెప్పుకొచ్చింది. ఇదంతా గెలుపు గొప్పతనం అంటూ తన పోస్ట్‌ని ముగించింది. అంతేగాదు ఆమె ప్రతి ఒక్కరిని ఇతరుల విజయాలతో పోల్చుకుని అస్సలు చూసుకోవద్దని అది మనల్ని వెనక్కి లాగేస్తుందని అన్నారు. అలాగే తాను ఇన్ని ఎడతెగని ఓటములు చవిచూసినా ఎన్నడూ భయపడలేదని, ఎందుకంటే ఓటమి భయం కంటే పేదరికంలో ఉండిపోతానన్న భయమే ఎక్కువ అంటూ సరికొత్త గెలుపు పాఠాన్ని చెప్పింది మిజా నజిలి. View this post on Instagram A post shared by Miza Nazili (@mizanazili) (చదవండి: నో ఐఐటీ/ఎన్‌ఐటీ, 27 యూనివర్సిటీల నుంచి తిరస్కరణ..కట్‌చేస్తే..)

Satyanarayan Nuwal Success Story అత్యంత తక్కువ పెట్టుబడితో వ్యాపారం ప్రారంభించి, విజయం సాధించి బిలియనీర్‌గా అవతరించిన వ్యాపారవేత్తల విజయగాథల గురించి చాలానే విన్నాం. అయితే జీవితంలో ఎన్నో కష్టాలను ఎదుర్కొన్నా, ఎన్న సవాళ్లు ఎదురైనా వాటిని అధిగమించి ఏకంగా రూ.72000 కోట్ల ఆస్తికి యజమాని అయిన సక్సెస్‌ స్టోరీ విన్నారా? చేతిలో చిల్లి గవ్వ లేని స్థితి నుండి.. రైల్వే ప్లాట్‌ఫారమ్‌పై పడుకునే స్థాయి నుండి మొదలై.. పట్టుదలతో దేశంలోనే అత్యంత విజయవంతమైన పారిశ్రామికవేత్తలలో ఒకరిగా నిలిచిన సత్యనారాయణ్ నువాల్ జీవితం ప్రతి ఒక్కరికీ స్పూర్తిదాయకం. పదండి ఈ వివరాలేంటో తెలుసుకుందాం.రాజస్థాన్‌లోని భిల్వారా జిల్లాలో ఒక సాధారణ కుటుంబంలో జన్మించిన అతని పేరే 72 ఏళ్ల సత్యనారాయణ్ నువాల్ (Satyanarayan Nuwal). సుమారు రూ. 45,650 కోట్ల నికర ఆస్తితో నాగ్‌పూర్‌లోని అత్యంత ధనవంతుడు. సత్యనారాయణ్ నువాల్ సోలార్ ఇండస్ట్రీస్ ఇండియా లిమిటెడ్ వ్యవస్థాపకుడు, ఎగ్జిక్యూటివ్ ఛైర్మన్. కుటుంబ ఆర్థిక ఇబ్బందుల వల్ల 10వ తరగతితోనే చదువు ఆపేసాడు. 18-19 ఏళ్లకే వివాహం, బాధ్యతలు నెత్తినపడ్డాయి. రాజస్థాన్‌లోని భిల్వారాలో పట్వారీగా పనిచేసిన అతని తండ్రి 1971లోనే రిటైర్ అయ్యారు. తాతగారు ఒక చిన్న కిరాణా కొట్టు నడిపేవారు, సపోర్ట్ చేయడానికి ఎలాంటి కుటుంబ వ్యాపారం లేదు. 18 ఏళ్ల వయసులో సిరా (Ink) తయారీ యూనిట్‌ను ప్రారంభించినా అది విఫలమైంది. దాంతో బతుకుదెరువు కోసం కొత్త ప్రాంతానికి వచ్చాడు.చేతిలో పైసా లేకుండా, ఎటు వెళ్లాలో తెలియని స్థితిలో చేరుకున్నాడు. 1977లో, మహారాష్ట్రలోని బల్హార్షా రైల్వే స్టేషన్‌కు చేరాడు. ఆ రాత్రి అతనికి ఆశ్రయం ఆ రైల్వే ప్లాట్‌ఫారమే అయింది. ఆ రాత్రి ప్లాట్‌ఫారమ్‌పై పడుకున్నప్పుడు, భవిష్యత్తులో తన జీవితం ఎలా మారబోతోందో అతనికి కనీసం ఊహ కూడా లేదు.ఇల్లు అద్దెకు తీసుకోవడానికి కూడా ఆయన దగ్గర తగినంత డబ్బు ఉండేది కాదు. దీంతో ఆయన చాలా రాత్రులు రైల్వే స్టేషన్‌లోనే గడపవలసి వచ్చింది. ఆ రోజుల్లో జీవనోపాధి కోసం ఆయన ఫౌంటెన్ పెన్నులు కూడా అమ్మేవారు.చిన్న అడుగుతో మొదలైన వ్యాపారంబల్హార్షాలో నువాల్‌కు అబ్దుల్ సత్తార్ అల్లాభాయ్ పరిచయమయ్యారు. ఆయన బావులు తవ్వడానికి, రోడ్లు వేయడానికి, బొగ్గు గనులకు ఉపయోగించే పేలుడు పదార్థాల (Explosives) వ్యాపారి. నువాల్ దీనిని ఒక అవకాశంగా మలుచుకున్నాడు. నెలకు వెయ్యి రూపాయల అద్దె చెల్లించి అబ్దుల్ సత్తార్ లైసెన్స్‌ను ఉపయోగించుకుని వ్యాపారం ప్రారంభించాడు. 25 కేజీల పేలుడు పదార్థాలను రూ. 250కి కొని, రూ.800కి అమ్మేవాడు. లాభాలు తక్కువే అయినా, అది నిజాయితీతో కూడిన శ్రమ.#WATCH | Solar Group Chairman Satyanarayan Nuwal receives Padma Shri award from President Droupadi Murmu for his contribution to India's defence manufacturing ecosystem pic.twitter.com/xEuTePY74k— ANI (@ANI) May 25, 2026త్వరలోనే ఆయన కష్టపడే తత్వాన్ని, నిజాయితీని బ్రిటిష్ కంపెనీ 'ఇంపీరియల్ కెమికల్ ఇండస్ట్రీస్' అధికారులు గుర్తించారు. ఇది ఆయనకు వ్యాపారంలో సరికొత్త తలుపులు తెరిచింది. ఒక చిన్న వ్యాపారిగా ఉన్న నువాల్, ఎక్స్‌ప్లోజివ్స్ బిజినెస్‌లోని మెళకువలను లోతుగా నేర్చుకున్నాడు.'సోలార్ ఇండస్ట్రీస్' అద్భుత ప్రగతి1995లో, తన 37వ ఏట నువాల్ స్టేట్ బ్యాంక్ ఆఫ్ ఇండియా నుండి రూ.60 లక్షల రుణం తీసుకుని సోలార్ ఇండస్ట్రీస్ ఇండియా (Solar Industries India) పేరుతో ఒక చిన్న తయారీ యూనిట్‌ను ప్రారంభించారు. చాలామంది ఇది పెద్ద రిస్క్ అనుకున్నారు, కానీ నువాల్ తనపై నమ్మకంతో ముందడుగు వేశారు.2006 IPOఐపీఓ (IPO)కి వెళ్లే సమయానికి రూ.78 కోట్ల టర్నోవర్, రూ.11 కోట్ల నికర లాభాన్ని సాధించింది. ఈ నిధులతో దేశవ్యాప్తంగా 13 తయారీ ప్లాంట్లను ఏర్పాటు చేసింది. ప్రస్తుతం సోలార్ ఇండస్ట్రీస్ భారతదేశంలోని 9 రాష్ట్రాల్లో, 29 నగరాల్లో తయారీ కేంద్రాలను కలిగి ఉంది. వీటితో పాటు జాంబియా, ఘనా, నైజీరియా, టర్కీ, టాంజానియా మరియు సౌత్ ఆఫ్రికాలలో 6 విదేశీ యూనిట్లను నడుపుతోంది.రక్షణ రంగంలో సరికొత్త చరిత్ర2010లో భారతదేశ రక్షణ దళాలకు (Defence Forces) వార్‌హెడ్ల కోసం పేలుడు పదార్థాలను తయారు చేసే లైసెన్స్‌ను భారత ప్రభుత్వం నుండి పొందిన మొదటి ప్రైవేట్ కంపెనీగా సోలార్ ఇండస్ట్రీస్ రికార్డు సృష్టించింది.'మేక్ ఇన్ ఇండియా' మిషన్‌లో భాగంగా కంపెనీ ఎక్స్‌ప్లోజివ్స్, ప్రొపెల్లెంట్స్, గ్రెనేడ్లు, డ్రోన్లు మరియు వార్‌హెడ్ల తయారీని ప్రారంభించింది. పినాకా (Pinaka) రాకెట్లు: ఈ రాకెట్ల కమర్షియల్ ప్రొడక్షన్ కంపెనీకి ఒక మైలురాయిగా నిలిచింది. ప్రస్తుతం రక్షణ రంగం నుంచి అంతర్జాతీయ ఆర్డర్లు భారీగా పెరుగుతున్నాయి. కంపెనీ రాబడిలో మెజారిటీ భాగం ఎగుమతుల (Exports) ద్వారానే వస్తోంది.2026 జులై నాటికి సోలార్ ఇండస్ట్రీస్ మార్కెట్ క్యాపిటలైజేషన్ దాదాపు రూ,1.69 లక్షల కోట్లకు చేరుకుంది. ఫోర్బ్స్ బిలియనీర్ల జాబితాలో స్థానం పొందిన నువాల్ ఆస్తి విలువ సుమారు రూ.7.5 బిలియన్ డాలర్లు (రూ.72,000 కోట్లకు పైగా).ఇదీ చదవండి: హెయిర్‌ ట్రాన్స్‌ప్లాంటేషన్‌ నా జీవితాన్నే మార్చేసిందిపద్మశ్రీ పురస్కారం2026, మే 25న రాష్ట్రపతి భవన్‌లో జరిగిన పౌర పురస్కారాల ప్రదానోత్సవంలో దేశ రక్షణ రంగంలో ఆత్మనిర్భరతను పెంపొందించినందుకు గాను సత్యనారాయణ్ నువాల్‌కు రాష్ట్రపతి ద్రౌపది ముర్ము 'పద్మశ్రీ' అవార్డును ప్రదానం చేశారు. ఇంతఎత్తుకు ఎదిగినా ఆయన తన మూలాలను మరచిపోలేదు. నాగ్‌పూర్ పరిసర ప్రాంతాలలో విద్య, సమాజ అభివృద్ధి, సామాజిక సంక్షేమ కార్యక్రమాలకు విస్తృతంగా విరాళాలు అందిస్తూ గొప్ప దాతగా పేరు గాంచారు.ఇదీ చదవండి: వీకెండ్‌ క్లాస్‌లో ఐఐఎం ప్రొఫెసర్‌ సర్‌ప్రైజ్‌, నెటిజన్లు ఫిదా

లాక్‌డౌన్‌ కొన్ని జీవితాలను చిన్నాభిన్నం చేసింది గానీ..వాళ్ల విజయాన్ని ఆపలేకపోయింది. బహుశా ఆ మహమ్మారి ఇంట్లోనే బంధీగా చేసిందేమో గానీ విజేత కానివ్వకుండా నిలువరించలేకపోయింది. అందుకు ఉదాహారణే రచయితగా మారిన ఈ వైద్య విద్యార్థి కథ. నిజానికి కరోనా టైంలో ఎందర్ని నిరుద్యోగులుగా చేసి రోడ్డుమీదకు తీసుకొచ్చేసంది. అప్పటిదాక సంతోషంతో ఉన్న కొందరి జీవితాలు తలకిందులైపోయాయి. అలాంటి వారిలో ఉ‍త్తరప్రదేశ్‌కు చెందిన అజిత్‌ కుమార్‌ కూడా ఒకడు. ఫరిదాబాద్‌లోని రోహ్‌తక్‌లోని మహర్షి దయానంద్‌ విశ్వవిద్యాలయంలో వైద్య విద్యార్థిగా చదువుకుంటున్న అజిత్‌ కుమార్‌ లైఫ్‌ కరోనాతో ఒక్కసారిగా యూటర్న్‌ తీసుకుంది. తన చదువు కోసం చేసిన అప్పులు ఒకవైపు..చదువు కొనసాగన్వివకుండా మహమ్మారి ఇంకోవైపు. దాంతో చదువుని మధ్యలోనే ఆపేసి ఉపాధి వెతుక్కుంటూ స్విగ్గీ డెలివరీ ఏజెంట్‌గా మారాడు. రోజుకు 16 గంటలు పనిచేస్తూ..ఏకంగా వందల కిలోమీటర్లు సైకిల్‌ తొక్కుతుండేవాడు. ఆ క్రమంలో ప్రమాదానికి గురై మంచానికే పరిమితమయ్యాడు. ఒక పక్క తీర్చాల్సిన అప్పులు నిద్రపట్టనివ్వకుండా చేస్తుండటంతో మళ్లీ ఉద్యోగాల వేట మొదలుపెట్టాడు. అప్పుడే పాకెట్ ఎఫ్ఎమ్‌లో రచయిత ఉద్యోగ ప్రకటన అతడి కంటపడింది. దాంతో అతడి పరిస్థితులన్నీ మారిపోయాయి. అనూహ్యంగా మూడు నెలల్లో అతని కథలలో ఒకటి పాకెట్‌ ఎఫ్‌ఎమ్‌ఎమ్‌ రచనల పోటీలో అగ్రస్థానంలో నిలిచింది. వెంటనే అతనికి రూ. 20 వేలు పారితోషికం లభించింది. ఆ తర్వాత రూ. 52 వేలు పారితోషకం లభించింది. అలా నెమ్మదిగా అతడికి అందే చెక్కులపై అంకెలు పెరగడం ప్రారంభించాయి. ఒక నెలలో అతనికి ఏకంగా రూ. 6.29 లక్షల పారితోషకం లభించింది. ప్రస్తుతం ఆయన పాకెట్ ఎఫ్ఎమ్ 'బ్రహ్మయోధ: ది డిస్ట్రాయర్' కార్యక్రమానికి ప్రధాన రచయితగా పనిచేస్తున్నారు. దీనికోసం ఏకంగా వెయ్యికిపైగా ఎపిసోడ్‌లు రాశారు. అలా అజిత్‌ ఇవాళ కోట్లు గడించే రచయితగా మారాడుఅతని లింక్డ్‌ఇన్ బయో ప్రకారం, 3 మిలియన్లకు పైగా వీక్షణలతో ప్రేక్షకుల ఆదరణను పొందారు. ఆ అకౌంట్‌లో అజిత్‌ కుమార్‌ తన గురించి ఇలా రాసుకొచ్చారు. "పురాణాల ఆధారిత కల్పనా కథలు రాసే చయితను. ప్రాచీన గాథలను భవిష్యత్ కాలపు మహాయోధుల ఇతివృత్తాలతో మేళవించి ఇతిహాస గాథలను రచించడం నా అభిరుచి. ప్రస్తుతం నేను బ్రహ్మయోధ: ది డిస్ట్రాయర్' అనే ఒక భారీ సీరియల్‌కి పనిచేస్తున్నాని, అది సుమారు 5 వేలకు పైగా ఎపిసోడ్‌లు కొనసాగనుందని అజిత్‌ రాసుకొచ్చారు. ఇది భారతదేశంలోని అత్యంత ప్రతిష్టాత్మక ఆడియో-ఫిక్షన్ ప్రాజెక్ట్‌లలో ఒకటిగా నిలుస్తుందని అన్నారు. అంతేగాదు తన చేతిలో ఐదు పెద్ద నవలల కూడా సిద్ధంగా ఉన్నాయని చెప్పారు. నిజంగా అజిత్‌ కుమార్‌ని చూస్తే పడిలేచిన కెరటం అనొచ్చు కదా. అందరం కెరీర్‌ నిర్మించుకునే క్రమంలో కిందపడిపోతాం, కుదేలవుతాం..కానీ తట్టుకుని తిరిగి లేచి నిలదొక్కుకున్నవాడే విజేత అని నిరూపించాడు కదూ..!.(చదవండి: మెరిసే చర్మం కోసం న్యూటెల్లా జార్‌..! ఆ నటి బ్యూటీ సీక్రెట్‌..)

అకస్మాత్తుగా అపరిచిత వ్యక్తి నుంచి కాల్‌ రావడం. బంపర్‌ ప్రైజ్‌ వచ్చిందని, మొబైల్‌కి వచ్చే ఓటీపీ నంబర్‌ చెప్తే సరిపోతుందని చెప్పి మోసం చేసిన ఘటనలు మన దేశంలోనే వేలల్లో ఉన్నాయి. వయసులో పైబడ్డవారు, టెక్నాలజీ మీద అవగాహన లేనివారే ఇలా ఆన్‌లైన్‌ స్కామర్ల చేతిలో మోసపోతుంటారు. ఇలాంటి మోసాలను అరికట్టేందుకు రూపొందించిందే షీల్డ్‌ సీనియర్స్‌ వెబ్‌సైట్‌. దీనిని రూపొందించింది అమెరికాలోని టెక్సాస్‌కు చెందిన 17 ఏళ్ల యువతి.ఆమె పేరు తేజస్వీ మనోజ్, భారతీయ సంతతికి చెందిన ఈమె రెండేళ్ల కిందట ఆన్‌లైన్‌ మోసగాళ్ల వల్ల తన తాతయ్య మోసం పోవడం గమనించింది. చిన్నప్పటి నుంచి కోడింగ్‌ మీద ఇష్టం ఉండడంతో ఆన్‌లైన్‌ స్కామర్లను అడ్డుకునేందుకు ఒక భద్రతావలయాన్ని రూపొందించాలని నిర్ణయించుకుంది. అప్పుడు వచ్చిందే ఈ షీల్డ్‌ సీనియర్‌ వెబ్‌సైట్‌. దీని ద్వారా కాల్స్, మెసేజెస్, సైట్‌ డొమైన్‌... ఇలా ప్రతి దాన్ని జల్లెడ పట్టి అసలు ఏదో నకిలీ ఏదో తెలుసుకోవచ్చు. తేజస్వీ ప్రతిభని గుర్తించిన టైమ్స్‌ మేగజైన్‌ 2025లో ‘కిడ్‌ ఆఫ్‌ ద ఇయర్‌’గా ప్రకటించింది.

బాగా చదువుకుని ఉద్యోగం చేసో, లేక వ్యాపారం చేసో డబ్బు సంపాదించాలని అనుకోవడం సహజం. కాని తాను వ్యాపారం చేస్తూనే తనతో పాటు క్లైంట్లను కూడా కోటీశ్వరులను చేసిన యువకుడి కథ ఇది. అమెరికాకి చెందిన 22 ఏళ్ల స్టీవెన్‌ ష్క్వార్జ్‌ మాత్రం చిన్న వయసులోనే వ్యాపారం గురించి ఆలోచించాడు. చిన్నప్పుడు నీటి సీసాలు అమ్ముతూ మొదలైన వ్యాపారం అతనిలో కొత్త ఆలోచనని పుట్టించింది. అదే వూప్‌(whop). ఇది ఒక ఆన్‌లైన్‌ డిజిటల్‌ మార్కెట్‌ ప్లేస్‌.ఈ ప్లాట్‌ఫాం ద్వారా కంటెంట్‌ క్రియేటర్లు, డిజిటల్‌ వ్యాపారవేత్తలు తమ ఉత్పత్తులు, సేవలను విక్రయించుకోవచ్చు. అచిర కాలంలోనే ప్రపంచవ్యాప్తంగా ప్రాచుర్యం పొందడం వల్ల అనేక మంది తమ కోట్ల డాలర్ల లావాదేవీలను వూప్‌ ద్వారా నిర్వహించారు. ఈ పరిణామంతో వూప్‌ సంస్థ బిలియన్‌ డాలర్‌ కంపెనీగా అవతరించింది. ఈ సంస్థ ద్వారా ప్రపంచవ్యాప్తంగా లావాదేవీలు సాగించే 650 మంది మిలియన్ల కొద్దీ ఆర్జించినట్టు ప్రముఖ గ్లోబల్‌ బిజినెస్‌ మేగజైన్‌ ఫార్చూన్‌ పేర్కొంది.

ఆమె చదివింది ఎలక్ట్రానిక్స్‌ అండ్‌ కమ్యూనికేషన్స్‌ ఇంజినీరింగ్‌. ఆ తర్వాత ప్రతిష్టాత్మక ప్రాజెక్టుల కోసం శాటిలైట్‌ పేలోడ్స్‌ తయారు చేసే ఏరోస్పేస్‌ సంస్థలో ఉద్యోగం. కెరీర్‌ పరంగా ఎంతో ఉన్నతమైన స్థానం. కానీ, ఆ ఏసీ ల్యాబ్‌లు, కంప్యూటర్‌ స్క్రీన్లు ఆమెకు ఏ మాత్రం తృప్తినివ్వలేదు. తన మూలాల్లోకి తిరిగి వెళ్లాలని అనుకుంది. ఉద్యోగాన్ని వదిలేసి, మట్టితో మమేకమై, పర్యావరణానికి మేలు చేసే ఒక అద్భుతమైన ‘జీరో–వేస్ట్‌ కేఫ్‌’ను ప్రారంభించింది 27 ఏళ్ల నిష్ఠా చౌహాన్‌....నిష్ఠా చౌహాన్‌ ఒక సాధారణ గుజరాతీ కుటుంబంలో పెరిగింది. ఆమె తాత చిరుధాన్యాలను పండించేవారు. అలా ఆమె తన చిన్నతనంలోనే రాగులు, జొన్నలు, సజ్జల వంటి సంప్రదాయ ఆహార ప్రాముఖ్యతను తెలుసుకుంది.అహ్మదాబాద్‌లోని ‘సెంటర్‌ ఫర్‌ ఎన్విరాన్‌మెంట్‌ ఎడ్యుకేషన్‌’ ప్రాంగణంలో నిష్ఠా మొదటి కేఫ్‌ను ప్రారంభించింది. ఈ కేఫ్‌లో మిల్లెట్‌ వంటకాలు మాత్రమే ఉంటాయి. ప్లాస్టిక్, డిస్పోజబుల్‌ వస్తువులు ఇక్కడ పూర్తిగా నిషేధం. గాజు పాత్రల్లోనే ఆహారాన్ని అందిస్తారు. పార్సిల్స్‌ కోసం అరెకా లీవ్స్, చెరకు పిప్పితో చేసే పాత్రలను వాడుతున్నారు. ఇక్కడ పర్యావరణానికి హాని చేసే ఎయిర్‌ కండిషనర్లకు బదులుగా, కేఫ్‌ను చల్లబరచడానికి వాటర్‌–కూలింగ్‌ సిస్టమ్స్, మిస్టింగ్‌ ఫ్యాన్లను ఉపయోగిస్తున్నారు.పిల్లలకు ఎకో వర్క్‌షాప్స్‌!నిష్ఠా చౌహాన్‌ పలు ఇంటర్నేషనల్‌ స్కూల్స్‌తో కలిసి 5 నుంచి 11 ఏళ్ల పిల్లల కోసం ప్రత్యేకంగా ఎకో–వర్క్‌షాప్స్‌ నిర్వహిస్తోంది. ఇందులో భాగంగా పిల్లలు నేరుగా తోటలోకి వెళ్లి మట్టిని తాకడం, మొక్కలను గుర్తించడం, కూరగాయలను స్వయంగా కోయడం నేర్చుకుంటారు. ఆపై వంటింట్లోకి వెళ్లి సొంతంగా మిల్లెట్‌ సలాడ్లు, జ్యూస్‌లు తయారు చేస్తారు. సంప్రదాయక ఆహారానికి, జంక్‌ ఫుడ్‌కి గల తేడాని గమనిస్తారు.

సాధారణ స్థితి నుంచి ఉన్నత స్థాయికి చేరుకుంటే ఆ ఫీల్‌ ఆ ఆనందం మాటలకందనిది. ఒక్కసారిగి వెనుతిరిగి చూసుకుంటే..ఇంత పెద్దస్థాయికి ఎలా చేరుకున్నాను అని ఆశ్చర్యం, గర్వం ఒకేసారి కలుగుతాయి. అంతేగాదు అందుకోసం మనవాళ్లు చేసిన త్యాగాలు కళ్లుముందు మెదలడమే కాదు..అందుకు తగ్గట్టుగా ప్రయోజకుడై వాళ్లను బాగా చూసుకుంటే..అంతకుమించిన సంతృప్తి ఇంకొకటి ఉండదు. ఆ ఆనందాన్నే ఓఎన్నారై ఇన్‌స్టాగ్రామ్‌ వేదికగా వీడియో షేర్‌ చేయడంతో నెట్టింట వైరల్‌గా మారింది.మధురకు చెందిన ఎన్నారై అమిత్‌ కశ్యప్‌ షేర్‌ చేసిన వీడియో నెట్టింట హాట్‌టాపిక్‌గా మారింది. భారతదేశంలోని సాధారణ బైక్‌ నుంచి అమెరికాలో బీఎండబ్ల్యూ కొనుగోలు చేసే రేంజ్‌కి తాను ఎలా చేరుకున్నాడో ఇన్‌స్టాగ్రామ్‌ రీల్‌లో పంచుకున్నాడు. ఒకప్పుడు భారతదేశంలో తన వద్ద ఒక బైక్‌ మాత్రమే ఉండేదని, కానీ ఈరోజు అమెరికాలో తన సొంత ఇంటి గ్యారేజ్‌లో కారుని పార్క్‌ చేస్తున్నానని అని చెప్పడం ఎంతో గర్వంగా ఉంది అన్నాడు. ఉత్తరప్రదేశ్‌లోని మధురకు చెందిన తాను ప్రస్తుతం అమెరికాలో టెక్సాస్‌లో నివశిస్తున్నట్లు పేర్కొన్నాడు. తన పేరెంట్స్‌ కోసం అమెరికాలో ఒక ఇల్లు కొన్నట్లు తెలిపాడు. అమెరికా రోడ్లపై బీఎండబ్ల్యూ కారుని నడపడమే కాదు, అందులో మా అమ్మనాన్నలతో కలిసి ప్రయాణిస్తున్నానని అన్నారు. అంతేగాదు తాను కట్టిన ఇల్లుని అమ్మకు బహుమతిగా ఇచ్చినట్లు తెలిపారు కూడా. తను ఈ రోజు ఈ ఉన్నత స్థాయిలో ఉన్నానంటే అందుకు తన పేరెంట్స్‌ చేసిన త్యాగాలేనని గుర్తుచేసుక్న్ననారు. డబ్బు ఆదా చేసేందుకు తన తల్లి మట్టిపొయ్యి మీద వంట చేయడంతో సహా, ఎన్నెన్నో త్యాగాలు చేశారు. తమ సొత ఖర్చులు తగ్గించుకుని, అప్పులు చేసి మరి మంచి స్కూల్‌కి పంపించారని, అలాగే ఇంజనీరింగ్‌ ఫీజుల కోసం ప్రతి పైసాను ఎలా కూడబెట్టేవారో తాను ఇప్పటికీ మర్చిపోనని అన్నారు. అంతేగాదు అలా మట్టిపోయ్యి మీద వండుతున్నప్పుడు ఆ పొగతో ఆమె పడ్డ బాధ ఇప్పటికీ గుర్తుందని భావోద్వేగంగా మాట్లాడారు. అంతేగాదు ఆ పరిస్థితుల్లో ఏదో ఒక రోజు మంచి స్థాయికి చేరుకుని మా కుటుంబానికి ఉన్న మధ్యతరగతి అన్న ముద్రను మార్చేయాలని ఎంత బలంగా అనుకునేవాడో నాటి సంఘటనలను గుర్తుతెచ్చుకుని మరీ కన్నీళ్లు పెట్టుకున్నారు. ఇవాళ తాను మంచిహోదాకు చేరుకుని ఆ కలను నిజం చేసుకున్నా.. అని సగర్వంగా చెబుతూ వీడియోని ముగించారు. అంతేగాదు కశ్యప్‌ సక్సెస్‌ జర్నీపై నెటిజన్ల నుంచి ప్రశంసలు వెల్లువెత్తాయి. ఓపికగా, నిలకడగా ఉంటే విజయ తథ్యం అదే కశ్యప్‌ చేసి చూపించారని పలువురు పొగడ్తల వర్షం కురిపించారు. View this post on Instagram A post shared by Amit Kashyap (@amitkashyap._) (చదవండి: రన్నింగ్‌ జస్ట్‌ ఫిట్‌నెస్‌ కాదు! అంతకుమించి..)

జీవితంలో విజయాన్ని నిర్ణయించేది కేవలం పరీక్షల్లో వచ్చిన మార్కులు మాత్రమే కాదు. ఎందుకంటే.. ఒకప్పుడు గణితంలో కేవలం 51 మార్కులు మాత్రమే సాధించిన విద్యార్థి, నేడు భారతదేశపు తొలి ప్రైవేట్ ఆర్బిటల్ రాకెట్ విక్రమ్-1ను విజయవంతంగా అంతరిక్షంలోకి పంపించి చరిత్ర సృష్టించాడు. ఇంతకీ ఈయన ఎవరు? ఈయన గురించి మరిన్ని ఆసక్తికరమైన విషయాలు ఈ కథనంలో తెలుసుకుందాం.హైదరాబాద్‌లో ఒక మధ్యతరగతి కుటుంబంలో జన్మించిన 'పవన్ కుమార్ చందన'.. చిన్నప్పటి నుంచే యంత్రాలు ఎలా పనిచేస్తాయనే విషయంపై ఎక్కువ ఆసక్తి చూపించేవాడు. అయితే.. చదువులో ముఖ్యంగా గణితంలో మాత్రం ఆశించిన ప్రతిభ కనపరచలేకపోయేవారు. ఒక పరీక్షలో ఆయనకు లెక్కల్లో కేవలం 51 మార్కులే వచ్చినట్లు సమాచారం.లెక్కల్లో తక్కువ మార్కులు వచ్చాయని.. ఎప్పుడూ నిరుత్సాహపడలేదు. తండ్రి ప్రోత్సాహంతో ఆత్మవిశ్వాసం పెంచుకున్నాడు. ఆ తరువాత మ్యాథ్స్, సైన్స్ మీద ప్రత్యేక శ్రద్ద చూపించి.. తొలి ప్రయత్నంలోనే ఐఐటీ జేఈఈలో విజయం సాధించిన ఐఐటీ ఖరగ్‌పూర్లో ఇంజినీరింగ్ చదివే అవకాశం పొందారు.ఇస్రోలో జాబ్ఐఐటీ పూర్తి చేసిన తరువాత.. చాలామంది విద్యార్థులు అధిక వేతనాలు ఇచ్చే ప్రైవేట్ కంపెనీల్లో ఉద్యోగాలు ఎంచుకున్నప్పటికీ, పవన్ కుమార్ చందన మాత్రం భారత అంతరిక్ష రంగంలో సేవ చేయాలనే లక్ష్యంతో ఇస్రోలో చేరారు. విక్రమ్ సారాభాయ్ స్పేస్ సెంటర్ (VSSC), తిరువనంతపురంలో సుమారు ఆరు సంవత్సరాలు పనిచేశారు.స్కైరూట్ ఏరోస్పేస్ఇస్రోలో పనిచేస్తున్న సమయంలో.. అత్యంత శక్తివంతమైన ప్రయోగ వాహనం జీఎస్‌ఎల్‌వీ మార్క్-III (GSLV Mk III) రూపకల్పన, అభివృద్ధిలో కీలక పాత్ర పోషించారు. ఆ తరువాత ఇస్రోలో ఉద్యోగం వదిలేసి.. భారతదేశంలో ప్రైవేట్ సంస్థలు కూడా అంతరిక్ష రంగంలో ముందుకు రావాలనే ఆలోచనతో పవన్ కుమార్ చందన, తన సహచరుడు నాగ భరత్ డాకాతో కలిసి 2018 జూన్‌లో హైదరాబాద్‌లో స్కైరూట్ ఏరోస్పేస్ స్థాపించారు.🚨 𝗟𝗶𝗳𝘁𝗼𝗳𝗳 𝗼𝗳 𝗦𝗸𝘆𝗿𝗼𝗼𝘁 𝗔𝗲𝗿𝗼𝘀𝗽𝗮𝗰𝗲'𝘀 𝗩𝗶𝗸𝗿𝗮𝗺-𝟭 𝗿𝗼𝗰𝗸𝗲𝘁 𝗮𝘁 𝟭𝟮:𝟬𝟱 𝗣𝗠 𝗜𝗦𝗧 𝗳𝗿𝗼𝗺 𝘁𝗵𝗲 𝗙𝗶𝗿𝘀𝘁 𝗟𝗮𝘂𝗻𝗰𝗵 𝗣𝗮𝗱 𝗮𝘁 𝗦𝗛𝗔𝗥! 🚀The era of commercial spaceflight has begun in India 🇮🇳#Skyroot | #Vikram1 pic.twitter.com/yba2WRW1Ck— ISRO Spaceflight (@ISROSpaceflight) July 18, 20262018లో ప్రైవేట్ స్పేస్ కంపెనీ స్థాపించడం అనేది ఒక సవాలుతో కూడుకున్న పని అనే చెప్పాలి. పెట్టుబడులు సమకూర్చడం కష్టమైంది. అయితే ఫ్లిప్‌కార్ట్ సహ వ్యవస్థాపకుడు బిన్నీ బన్సాల్ సంస్థపై నమ్మకం ఉంచి తొలి పెట్టుబడి పెట్టారు. ఆ తరువాత కరోనా మహమ్మారి కారణంగా నిధుల సేకరణ కష్టతరమైనా, గ్రీన్‌కో సంస్థ ఆర్థిక సహాయం అందించడంతో స్కైరూట్ తన ప్రయాణాన్ని విజయవంతంగా కొనసాగించింది. రూ వేలకోట్ల విలువైన కంపెనీగా అవతరించింది.స్కైరూట్ విజయాలు2020లో స్కైరూట్ భారతదేశంలో తొలిసారిగా ఒక ప్రైవేట్ సంస్థగా.. రామన్-1 రాకెట్ ఇంజిన్‌ను విజయవంతంగా పరీక్షించింది. 2021లో భారత ప్రభుత్వం అంతరిక్ష రంగాన్ని ప్రైవేట్ సంస్థలకు తెరవడంతో, ఇస్రోతో ఒప్పందం కుదుర్చుకున్న తొలి ప్రైవేట్ సంస్థగా స్కైరూట్ నిలిచింది.2022 నవంబర్ 18న స్కైరూట్ అభివృద్ధి చేసిన విక్రమ్-ఎస్ అనే భారత తొలి ప్రైవేట్ సబ్-ఆర్బిటల్ రాకెట్ విజయవంతంగా ప్రయోగించబడింది. ఈ ప్రయోగం భారత ప్రైవేట్ అంతరిక్ష రంగంలో ఒక కీలక మలుపు.ORBIT ACHIEVED. 🚀 Vikram-1 Test Flight-1 has reached orbit. India's first privately developed orbital rocket has completed its final burn and injected its payloads into a ~450 km orbit, making India the third country in the world with private orbital launch capability.…— Skyroot Aerospace (@SkyrootA) July 18, 2026విక్రమ్-1 చారిత్రక విజయంఇక నేడు (జూలై 18న) స్కైరూట్ అభివృద్ధి చేసిన విక్రమ్-1 రాకెట్ విజయవంతంగా భూమి కక్ష్యలోకి చేరి, తనతో తీసుకెళ్లిన అన్ని ఉపగ్రహాలను విజయవంతంగా కక్ష్యలో ప్రవేశపెట్టింది. దీంతో భారతదేశంలో పూర్తిగా ప్రైవేట్ సంస్థ అభివృద్ధి చేసిన తొలి ఆర్బిటల్ రాకెట్‌గా విక్రమ్-1 చరిత్ర సృష్టించింది. ఈ విజయం భారత అంతరిక్ష రంగంలో ఒక కొత్త అధ్యాయానికి నాంది పలికింది. స్వదేశీ సాంకేతికత, భారత యువత ప్రతిభ, ప్రభుత్వ సహకారం కలిసి ప్రపంచానికి భారత సామర్థ్యాన్ని చాటిచెప్పాయి.పవన్ కుమార్ చందన ప్రకారం.. విజయం సాధించడానికి కేవలం డిగ్రీలు లేదా విదేశీ విద్య మాత్రమే అవసరం కాదు. బలమైన పునాది, సరైన ఆలోచన, కృషి, పట్టుదల ఉంటే ఎవరైనా గొప్ప విజయాలను సాధించగలరు. యువతకు వ్యాపారవేత్తలుగా ఎదగాలని ఆయన చెబుతారు. అప్పుడే దేశ నిర్మాణంలో భాగస్వాములయ్యే అవకాశం లభిస్తుంది.ఇదీ చదవండి: కోర్టుకు వెళ్లేందుకు సిద్ధం.. E20 పెట్రోల్‌పై ఆందోళన!

లక్నో: లక్నోలోని గోమతి నగర్‌కు చెందిన డిగ్దిగా గ్రామానికి చెందిన నీలు సకాలంలో వైద్య చికిత్స అందించే స్థోమత లేకపోవడంతో చిన్నతనంలోనే తండ్రిని కోల్పోయింది..అత్యంత బాధాకరమైన ఆ క్షణమే ఆమె జీవితానికి కొత్త లక్ష్యాన్ని చూపించింది. నేషనల్ ఎలిజిబిలిటీ-కమ్-ఎంట్రన్స్ టెస్ట్ (NEET) ఉత్తీర్ణత సాధించి తన సాకారం వైపుగా తొలి అడుగు వేసింది.నీలు 8వ తరగతి చదువుతున్నప్పుడే తండ్రి మరణించడంతో వారి కుటుంబ ఆర్థికపరంగా చాలా ఇబ్బందులు పడింది. అయితే, ఈ కష్టాలు, నష్టాలు ఆమెను ఆమెను కృంగ దీయలేదు. వైద్యం అందక పేదరికం వల్ల ఎవరూ తమ ప్రియమైన వారిని కోల్పోకూడదనే లక్ష్యంతో డాక్టర్ కావాలని ఆమె నిశ్చయించుకుంది. మరోవైపు కుటుంబానికి ఏకైక సంపాదనపరురాలైన ఆమె తల్లి, ఆసుపత్రి లోనూ, ఇటు గృహ సహాకురాలిగా పనిచేస్తుంది. కూతుళ్ల చదువును మాన్పించి, వారికి పెళ్లిళ్లు చేయమని బంధువులు, ఇతరులుఎంత ఒత్తిడి చేసినా బిడ్డల్ని చదివించేందుకు నిర్ణయించుకుంది.తండ్రి మరణంతో సంకల్పంఆర్థిక ఇబ్బందుల కారణంగా తన తండ్రికి సరైన వైద్యం అందించలేకపోయామని, చివరికి అనారోగ్యంతో కన్నుమూశారని నీలు చెప్పింది. పేదరికంతో సరైన చికిత్స అందించలేక నాన్నను కోల్పోయాను. అందుకే పేదరికం వల్ల మరే కుటుంబం కూడా ఇలాంటి నష్టాన్ని అనుభవించకూడదని ఆ రోజే తాను డాక్టర్ కావాలని నిర్ణయించుకున్నాను అని నీలు తెలిపింది. అట్టడుగు వర్గాల బాలికల కోసం స్టడీ హాల్ ఎడ్యుకేషన్ ఫౌండేషన్ (SHEF) నడుపుతున్న ప్రేరణ బాలికల పాఠశాలలో నీలు తన విద్యను ప్రారంభించి, ఆ తర్వాత 11, 12 తరగతుల కోసం స్టడీ హాల్ పాఠశాలలో స్కాలర్‌షిప్ సంపాదించింది. కష్టపడి చదివి నీట్‌లో ఉత్తీర్ణత సాధించి తన కల వైపు మొదటి పెద్ద అడుగు వేసింది. పట్టుదలతో చదివి నీట్ పరీక్షను విజయవంతంగా క్లియర్ చేసింది. ఈ ఏడాది సిబిఎస్‌ఇ క్లాస్ 12 బోర్డు పరీక్షల్లో నీలు 94 శాతం మార్కులు సాధించింది. . ప్రస్తుతం ఎంబీబీఎస్ (MBBS) సీటు సాధించేందుకు సిద్ధ మవుతోంది. భవిష్యత్తులో కార్డియాలజీ (గుండె జబ్బుల విభాగం) లో స్పెషలైజేషన్ చేసి, ఆర్థికంగా వెనుకబడిన రోగులకు సరసమైన ధరకే వైద్యం అందించాలని ఆమె లక్ష్యంగా పెట్టుకుంది.నీలు అకడమిక్ ప్రతిభను గుర్తించి ఆమెకు ప్రతిష్టాత్మకమైన 'వహానీ స్కాలర్‌షిప్' లభించింది. దేశవ్యాప్తంగా వేలాది మంది దరఖాస్తు చేసుకోగా, కేవలం 50 మంది మాత్రమే ఎంపికైన తుది జాబితాలో నీలు చోటు దక్కించుకుంది. ఈ స్కాలర్‌షిప్ ఆమె వైద్య విద్యకు అయ్యే ట్యూషన్ ఫీజులు, ఇతర ఖర్చులను భరిస్తుంది.స్ఫూర్తిగా నిలిచిన నీలుస్టడీ హాల్ ఎడ్యుకేషనల్ ఫౌండేషన్ వ్యవస్థాపకురాలు డాక్టర్ ఊర్వశి సాహ్ని మాట్లాడుతూ... సరైన అవకాశాలు, సాయం లభిస్తే విద్యార్థులు తమ పూర్తి సామర్థ్యాన్ని నిరూపించుకోగలరని చెప్పడానికి నీలు విజయమే నిదర్శనమని అన్నారు. స్కూల్ ప్రిన్సిపాల్ మీనాక్షి బహదూర్ కూడా నీలును ఎంతో కష్టపడే, పట్టుదల గల విద్యార్థిగా అభివర్ణిస్తూ, ఆమె విజయం ఎంతో మంది యువతులకు స్ఫూర్తిదాయకమని కొనియాడారు.ఇదీ చదవండి: రూ. 1.4 కోట్ల జాక్‌పాట్‌ : నిద్రలేమే వరంలా మారింది

నవాదా: బీహార్‌లోని నవాదా జిల్లా, పక్రిబరావాం ప్రాంతానికి చెందిన రివ రంజన్ కుమార్ కుటుంబంలో ఆనందం వెల్లివిరిసింది. ఇటుక బట్టీలో పనిచేస్తూ, ఆర్థిక ఇబ్బందులను ఎదుర్కొంటున్నప్పటికీ, తన పిల్లలు రితేష్ కుమార్, రిచా కుమారీలను ఉన్నత చదువులు చదివించాలన్న తండ్రి పట్టుదల ఫలించింది. ఇద్దరూ ఈ ఏడాది జరిగిన ‘నీట్ యూజీ 2026’ పరీక్షలో అత్యుత్తమ ప్రతిభ కనబరిచి వైద్య విద్యకు అర్హత సాధించారు.తొలి ప్రయత్నంలో విఫలమైనా వెనకడుగు వేయకుండా, రెండో ప్రయత్నంలో కోటాలో శిక్షణ పొంది ఈ విజయాన్ని సొంతం చేసుకున్నారు. రితేష్ కుమార్ 720 మార్కులకు గానూ 655 మార్కులు సాధించి 1160 ఆల్ ఇండియా ర్యాంకును కైవసం చేసుకోగా, రిచా కుమారి 622 మార్కులతో 4685వ ర్యాంకును సాధించారు. తల్లి శోభా కుమారి ప్రోత్సాహం కూడా తోడవడంతో వారు డాక్టర్లు అయ్యేందుకు సిద్ధమయ్యారు. వీరి విజయం అందరిలో స్ఫూర్తిని నింపుతోంది. ఇదే జిల్లాకు చెందిన ఆయుష్ భలోటియా ఆల్ ఇండియా స్థాయిలో నాలుగో ర్యాంకు సాధించి బీహార్ రాష్ట్రానికి గర్వకారణంగా నిలిచారు.ఇది కూడ చదవండి: ‘మందు కొట్టి మొగుడిని చావగొడతా’

NEET UG 2026 Toppers List: ఎంబీబీఎస్, బీడీఎస్ వంటి మెడికల్‌కోర్సుల్లో ప్రవేశాలకు నిర్వహించిన నీట్‌(యూజీ) రీటెస్ట్‌ ఫలితాలు గురవారం విడుదలైన సంగతి తెలిసిందే. ఇందులో మొత్తం 11 లక్షల మందికి పైగా అర్హత సాధించారు. వారిలో మొత్తం 138 మందికి 690కి పైగా మార్కులు రాగా, 19 మంది 700పైగా మార్కులు సాధించి, గొప్ప మైలురాయిని చేరుకున్నారు. రాష్ట్రాల వారిగా చూస్తే వారిలో ఆల్‌ ఇండియా 1వ ర్యాంకుతో పంజాబ్‌కు చెందిన ఆర్యన్‌ గుప్తా టాపర్‌గా నిలిచాడు. అతడు నీట్‌ యూజీ పరీక్షలో మొత్తం 720 మార్కులకు 715 మార్కులు సాధిచడం విశేషం. ఈ మేరకు ఆర్యన్‌ మాట్లాడుతూ..నెంబర్‌ వన్‌ స్థానంలో నిలవడం చాలా సంతోషంగా ఉందన్నాడు. తన కల నిజమైనట్లుగా అనిపించిందన్నాడు. తన తల్లిదండ్రులిద్దరూ డాక్టర్లే కావడంతో ఈ సక్సెస్‌ వాళ్లకెంతో గర్వంగా ఉందన్నారు. తాను ప్రిపరేషన్‌ సమయంలో క్రమశిక్షణతో కూడిన దినచర్యను అనుసరించినట్లు తెలిపాడు. చదువకోవడానికే ఎక్కువ సమయం కేటాయించానని చెప్పాడు. రోజుకు సుమారు 16 నుంచి 17 గంటలు చదివినట్లు వెల్లడించాడు. ఒక్కోసారి అస్సలు నిద్రపట్టేది కాదని చెప్పుకొచ్చాడు. వ్యక్తిగతంగా ఒక లక్ష్యాన్ని ఏర్పరుచుకుని ఆ దిశగా ముందుకు సాగానని చెప్పాడు. ఈ విజయం తన తన చిన్ననాటి నష్టం, తన కెరీర్‌ ఆశయాలను నుంచి పుట్టుకొచ్చిందని చెప్పాడు. తాను మూడో తరగతిలో ఉండగా అమ్మమ్మ కేన్సర్‌తో చనిపోవడంతో ఈ రంగంలో పనిచేయాలని ఆ రోజే స్ట్రాంగ్‌గా నిర్ణయించుకున్నానని చెప్పాడు. ఈ సక్సెస్‌ క్రెడిట్‌ అంతా తన పేరెంట్స్‌, ఉపాధ్యాయులు, తనను నమ్మిన ప్రతిఒక్కరిదని అన్నాడు. అలాగే తాను జీవితంలో చేయాల్సింది చాలా ఉందని, ప్రస్తుతం తాను ఆంకాలజిస్ట్‌ కావలనుకుంటున్నట్లు వెల్లడించాడు. కాగా అతడి కుటుంబం ఈ విజయాన్ని ఘనంగా సెలబ్రేట్‌ చేసుకుంది. అంతేగాదు పంజాబ్‌ కాంగ్రెస్‌ అధ్యక్షుడు అమరీందర్ సింగ్ రాజా వారింగ్, శిరోమణి అకాలీ దళ్ నాయకుడు విక్రమ్ సింగ్ మజీతియాతో సహా పలువురు రాజకీయ నాయకుల నుంచి కూడా ఆర్యన్‌కి అభినందన సందేశాలు అందాయి.అలా జరగడంతో చాలా ఏడ్చా..ప్రశ్నాపత్రం లీక్ అయిందన్న ఆరోపణల నేపథ్యంలో, మొదటి పరీక్ష తర్వాత నీట్ యూజీ 2026 రద్దు కావడంతో తాను కూడా మొదట్లో తీవ్రంగా కుంగిపోయినట్లు తెలిపాడు. ఆ సమయంలో చాలా నిరుత్సాహానికి గురయ్యానని అన్నారు. ఇలా కేవలం నా ఒక్కడికే కాదని, అందరిదీ ఇదే పరిస్థితని అంగీకరించి, అధిగమించే ప్రయత్నం చేశానని అన్నాడు. అయితే తాను రెండో ప్రయత్నంలో తన ప్రతిభను మెరుగుపరుచుకుని అగ్రస్థానంలో నిలవగలిగానంటూ సంతోషం వ్యక్తం చేశాడు ఆర్యన్‌ గుప్తా. VIDEO | Ludhiana: Punjab's Aryan Gupta topped the NEET-UG for medical admissions.He says, "I secured AIR 1, I scored 715 out of 720, my father and mother are doctors... I worked hard, I would not get sleep, but it is feeling surreal now, looking like a dream, everyone is happy,… pic.twitter.com/wwsNL8QNeX— Press Trust of India (@PTI_News) July 16, 2026 (చదవండి: కుమారుడి సర్‌ప్రైజ్‌ గిఫ్ట్‌..! కన్నీటి సంద్రంలో తండ్రి)

జీవితాన్ని మార్చే కొన్ని నిర్ణయాలు తగరతి గదుల్లోనో లేక పెద్ద పెద్ద సమావేశాల్లోనో కాదు భరింపరాని దుఃఖం నుంచి మొదలవుతుంది. మనకెంతో ఇష్టమైన వ్యక్తిని కోల్పోయిన తీవ్ర దుఃఖం ఒకవైపు.. ఒక్కసారిగా మీదపడ్డ కుటుంబ బాధ్యతలు ఇంకోవైపు.. ఆ తరుణంలో తీసుకునే సరైన నిర్ణయాలే ఆ మనిషి గొప్పతనాన్ని చాటుతాయి. అందుకు నిదర్శమే ఈ గుజరాత్‌ ధీరవనిత కథ. ఆ మహిళే గుజరాత్‌లోని కచ్‌ జిల్లాలో నివశిస్తున్న శాంతాబెన్‌. భర్త మరణంతో ఒక్కసారిగా పిల్లల చదువులు, కుటుంబాన్ని పోషించడం వంటి బాధ్యతలు ఆమె మీద పడిపోయాయి. అప్పటి వరకు ఇంటి పట్టున భర్త నీడలో బతికిన ఆమెకు ఒక్కసారిగా ఏం జరుగుతోందో అర్థం కాలేదు. ఎందుకంటే వ్యవసాయ పనులు గురించి గానీ, ఎలా కుటుంబాన్ని పోషించుకోవాలన్న దానిపై గానీ ఏ మాత్రం ఆలోచన, అవగాహన లేదు. ఆ క్లిష్ట సమయంలో తనముందుకు ఉన్న ఒకే ఒక్క దారి.. కుటుంబానికి ఆధారమైన వ్యవసాయ క్షేత్రాన్ని భర్త తదనంతరం తానే స్వయంగా నిర్వహించడం ఒక్కటే. నిజానికి ఆ పనులు ఏవీ ఆమెకు తెలియదు. కనీసం వ్యవసాయ పనిముట్లు ఎలా వాడాలో కూడా తెలియదు. ప్రతీది నేర్చుకోవాల్సిందే. అయినా వెనకడుగు వేయలేదు. భావిని తవ్వడం నుంచి, ఎలాంటి ఎరువులు కొనాలి, ఎలాంటి పురుగులు మందులు ఉపయోగించాలి అన్నింటిని వేగంగా నేర్చుకుంటూ వ్యవసాయం చేయడం మొదలు పెట్టింది. అంతేగాదు ఆఖరికి 40 ఏళ్ల వయసులో ట్రాక్టర్‌ని నడపడం కూడా స్వయంగా నేర్చుకుంది. అయితే ఇంతలా కష్టపడుతున్నా.. అప్పటికే ఇంటి మీద ఉన్న అప్పులు, కారణంగా కుటుంబ నిర్వహణ మరింత కష్టంగా మారిపోయింది. చెప్పాలంటే ఆర్థిక పరిస్థితి ఘోరంగా దిగజారిపోయింది. ఇక ఉన్న ఆ ఒక్క పొలం అమ్మితే కానీ పరిస్థితి చక్కబడేట్లు కనిపించని దస్థితి. కానీ ఆమె ఆ సమయంలో ఎంతో సమన్వయంతో సాహసోపేతమైన నిర్ణయం తీసుకుంది. మొత్తం కుటుంబ సభ్యులు పొలాన్ని అమ్మేద్దామని అంటున్నా..అందుకు ఆమె నిరాకరించింది. తానే ఎలాగోలా కష్టపడి అప్పులు తీరుస్తాని హామీ ఇచ్చి మరీ.. వ్యవసాయం చేసేందుకే మొగ్గు చూపింది. అలా శాంతాబెన్‌ ఉదయం లేచిన దగ్గర నుంచి రాత్రి ఏడింటి వరకు పొలంలోనే ఉంటూ కష్టపడేది. ఆమె కష్టానికి ఫలితం లభించింది.. పొలం చక్కగా పండటం మొదలైంది. దాంతో ముందుగా ఇంటి మీద ఉన్న అప్పులు తీర్చేసి, పిల్లలను చదివించడం మొదలు పెట్టింది. అప్పటి వరకు బ్యాంకు ఖాతా తెలియని ఆమె..తనలాంటి మహిళా రైతులకు బ్యాంకులు అప్పులు ఇస్తాయని తెలుసుకుని, దాని సాయంతో మరింతగా వివిధ రకాల పంటలు వేసి పండించి ఆదాయం గడించటం మొదలు పెట్టింది. చివరికి పిల్లలను మంచి చదువులు చదివించే స్థాయికి చేరుకుని ఆదర్శంగా నిలిచింది. ఆమె కష్టానికి ఫలితంగా కుమారుడు సివిల్‌ ఇంజనీర్‌ అయ్యాడు. ఇప్పడు అతను అమ్మకు పొలంలో సహాయం చేస్తూ చేదోడు వాదోడుగా ఉన్నాడు. శూన్యం నుంచి జీవితాన్ని మొదలు పెట్టి శిఖరాగ్రానికి చేరుకునేలా జీవితాన్ని అందంగా మలుచుకుంది శాంతాబెన్‌. విషాదం అనేది తన మిగిలిన జీవితానికి ముగింపు కాదని ధైర్యంగా ముందుకు సాగితే మంచి రోజులు ఉంటాయనే చెప్పే స్ఫూర్తిదాయక కథ ఆమెది. అంతేగాదు కష్టకాలంలో తప్పుడు నిర్ణయాలు కాదు..వాటిని అధిగమించేలా ధైర్యంగా నిలబడాలని నొక్కి చెబుతోంది ఆమె కథ.(చదవండి: ఆ డీఆర్డీఓ శాస్త్రవేత్త అడిగిన ఒకే ఒక్క ప్రశ్న..లైఫ్‌నే మార్చేసింది!)

విజయానికి డిగ్రీలు అక్కర్లేదు. కేవలం పట్టుదల, వ్యాపార దార్శనికత ఉంటే చాలని నిరూపించిన పారిశ్రామికవేత్త ఆర్‌జీ చంద్రమోగన్. గణితంలో ఫెయిల్ అయి నెలకు కేవలం రూ.65 జీతానికి అప్రెంటిస్‌గా పనిచేసిన ఒక సాధారణ యువకుడు.. నేడు దేశంలో ప్రముఖ ప్రైవేట్ డెయిరీ సామ్రాజ్యానికి అధిపతిగా ఎదగడం ఒక అద్భుత ప్రయాణం. కేవలం రూ.13,000 ప్రారంభ పెట్టుబడితో మొదలైన ఆయన వ్యాపారం నేడు దాదాపు రూ.20,000 కోట్ల మార్కెట్ విలువ కలిగిన ‘హాట్సన్ ఆగ్రో ప్రొడక్ట్స్‌’గా రూపాంతరం చెందింది.వైఫల్యం నుంచి పాఠాలుతమిళనాడులోని గ్రామీణ కుటుంబంలో జన్మించిన చంద్రమోగన్ బాల్యం ఒడిదుడుకులతో సాగింది. కుటుంబ వ్యాపారం దెబ్బతినడంతో ఆర్థిక ఇబ్బందులు చుట్టుముట్టాయి. దీనికి తోడు, పాళయంకోట్టైలోని సెయింట్ జేవియర్స్ కళాశాలలో ప్రీ-యూనివర్శిటీ కోర్సు చదువుతున్న సమయంలో ఆయన గణితంలో ఫెయిలవ్వడంతో చదువు ఆగిపోయింది. ఆ తర్వాత చెన్నైకి 160 కిలోమీటర్ల దూరంలోని విలుప్పురంలోని ఒక కలప డిపోలో నెలకు రూ.65 జీతానికి అప్రెంటిస్‌గా చేరారు. అక్కడ శారీరక శ్రమ చేస్తూ ఆర్డర్లు తీసుకునే క్రమంలోనే.. సొంతంగా ఏదైనా సాధించాలనే బలమైన వ్యాపార కాంక్ష చిగురించింది.రూ.13,000తో ‘అరుణ్’ బ్రాండ్సొంత వ్యాపారం ప్రారంభించాలనే కొడుకు ఆశయానికి తండ్రి అండగా నిలిచారు. కుటుంబానికి ఉన్న పూర్వీకుల భూమిని రూ.13,000కు విక్రయించి పెట్టుబడి పెట్టారు. ఎలాంటి అధికారిక వ్యాపార ప్రణాళికలు లేదా ఇన్వెస్టర్ల సాయం లేకుండా 1970లో చెన్నైలోని రాయపురంలో 250 చదరపు అడుగుల చిన్న అద్దె గదిలో చంద్రమోగన్ తన వ్యాపార ప్రయాణాన్ని ప్రారంభించారు. నలుగురు ఉద్యోగులు, ఒక ప్రాథమిక ఐస్ తయారీ యంత్రంతో రోజుకు 10,000 ఐస్ క్రీమ్‌ల సామర్థ్యంతో ‘అరుణ్’ (Arun Icecreams) బ్రాండ్ పుట్టింది. ప్రారంభ రోజుల్లో చంద్రమోగన్ స్వయంగా చెన్నై వీధుల్లో తోపుడు బండిపై ఐస్ క్రీమ్‌లు అమ్మడం గమనార్హం.ఐస్ క్రీమ్ నుంచి డెయిరీ వైపు అడుగులుదాదాపు దశాబ్దం పాటు ఐస్ క్రీమ్ రంగంలో నిలదొక్కుకున్న చంద్రమోగన్ కేవలం సీజనల్ వ్యాపారమైన ఐస్ క్రీమ్‌ల కంటే నిత్యం డిమాండ్ ఉండే పాలు, పాల ఉత్పత్తుల రంగంలో అపారమైన అవకాశాలు ఉన్నాయని గుర్తించారు. అప్పటికే అసంఘటితంగా ఉన్న భారతీయ డెయిరీ మార్కెట్‌ను క్రమబద్ధీకరించేందుకు 1980ల్లో పాల ప్రాసెసింగ్‌లోకి అడుగుపెట్టారు.కంపెనీ క్రమంగా వెన్న, నెయ్యి, పెరుగు వంటి ఉత్పత్తులను జోడించి విస్తరించింది. వేగవంతమైన లాభాల కంటే.. నమ్మకమైన సరఫరా గొలుసు ఏర్పాటు, రైతులు, రిటైలర్లతో బలమైన సంబంధాలు, పంపిణీ నెట్‌వర్క్ బలోపేతం పైనే ఆయన దృష్టి సారించారు. ఈ దీర్ఘకాలిక వ్యూహమే ‘హాట్సన్‌ ఆగ్రో ప్రొడక్ట్స్’ను దేశంలోనే అతిపెద్ద ప్రైవేట్ రంగ డెయిరీ సంస్థగా నిలబెట్టింది.గ్లోబల్ బిలియనీర్ల జాబితాలో స్థానంఐదు దశాబ్దాల కృషి ఫలితంగా హాట్సన్ ఆగ్రో మార్కెట్ క్యాపిటలైజేషన్ రూ.20,000 కోట్ల మార్కును దాటింది. ఫోర్బ్స్ గణాంకాల ప్రకారం చంద్రమోగన్ నికర ఆస్తి విలువ 1.6 బిలియన్ డాలర్లు. ఆయన 2023లో భారత ధనవంతుల జాబితాలో 99వ స్థానంలో, 2026 నాటికి ప్రపంచ బిలియనీర్ల జాబితాలో 2,481వ స్థానంలో నిలిచారు. పాడి పరిశ్రమకు చేసిన విశేష సేవలకు గానూ 2018లో ఇండియన్ డెయిరీ అసోసియేషన్ నుంచి ‘ప్యాట్రాన్‌ అవార్డు’ (పోషక అవార్డు) అందుకున్నారు.ఇదీ చదవండి: 39 అత్యవసర ఔషధాల ధరల్లో మార్పు

విజయం సాధించాలంటే.. మంచి చదువు, ఉన్నత విద్య, ఆ తర్వాత మంచి ఉద్యోగం.. చాలామంది అనుసరించే మార్గం ఇదే. కానీ భారతదేశంలోని అతిపెద్ద రిటైల్ బ్రోకరేజ్ సంస్థ అయిన జెరోధా సహ వ్యవస్థాపకుడు నిఖిల్ కామత్ ప్రయాణం మాత్రం దీనికి పూర్తి భిన్నం. ఎందుకంటే.. పాఠశాల చదువును మధ్యలోనే నిలిపివేసిన ఆయన, ఎలాంటి డిగ్రీ లేకుండానే దేశంలోని అత్యంత విజయవంతమైన యువ పారిశ్రామికవేత్తల్లో ఒకరిగా ఎదిగారు.కోట్ల రూపాయల సంపదను సృష్టించిన నిఖిల్ కామత్ జీవితంలో అత్యంత ప్రభావం చూపిన పాఠం వ్యాపారం కాదు.. ఒక పుస్తకం అని తెలిస్తే తప్పకుండా చాలామంది ఆశ్చర్యపోతారు.సుమారు 34 ఏళ్ల వయసులో నిఖిల్ కామత్, పులిట్జర్ అవార్డు గ్రహీత ఎర్నెస్ట్ బెకర్ రచించిన 'ది డినయల్ ఆఫ్ డెత్' (The Denial of Death) పుస్తకాన్ని చదివారు. మనిషి జీవితానికి పరిమితి ఉందనే వాస్తవాన్ని మాత్రమే కాకుండా.. అతని ఆశయాలు, లక్ష్యాలు, నిర్ణయాలను ఎలా ప్రభావితం చేస్తుందో ఈ పుస్తకం వివరిస్తుంది.ఈ పుస్తకం చదివిన తరువాత నిఖిల్ కామత్ ఒక సాధారణ లెక్క వేసుకున్నారు. సగటు మనిషి ఆయుష్షును ఆధారంగా తీసుకుని తనకు ఇంకా దాదాపు 36 సంవత్సరాల జీవితం మాత్రమే మిగిలి ఉందని అంచనా వేశారు. అది డబ్బు లెక్క కాదు.. సమయం లెక్క. అదే ఆయన ఆలోచనా విధానాన్ని పూర్తిగా మార్చేసింది. "డబ్బు కంటే సమయమే జీవితంలో అత్యంత విలువైన ఆస్తి" అనే భావనను ఆయన మరింత బలంగా అర్థం చేసుకున్నారు. అప్పటి నుంచి విజయాన్ని కొలిచే విధానం, నిర్ణయాలు తీసుకునే తీరు, జీవితానికి ఇచ్చే ప్రాధాన్యత అన్నీ మారిపోయాయని ఆయన పలుమార్లు చెప్పారు.ఆలోచనా విధానాన్ని మార్చిన పుస్తకాలునిఖిల్ కామత్ అభిప్రాయం ప్రకారం, పుస్తకాలు కేవలం విజ్ఞానాన్ని మాత్రమే కాదు.. మనుషులను, సమాజాన్ని, మనల్ని మనం అర్థం చేసుకునే దృక్పథాన్ని కూడా అందిస్తాయి. ఆయన సూచించిన పుస్తకాలలో మోర్గాన్ హౌసెల్ రాసిన ది సైకాలజీ ఆఫ్ మనీ ముఖ్యమైనది. డబ్బు సంపాదించడంలో తెలివితేటల కంటే సహనం, క్రమశిక్షణ, భావోద్వేగాల నియంత్రణ ఎంతో కీలకమని ఈ పుస్తకం వివరిస్తుంది.ర్యాన్ హాలిడే రచించిన 'స్టిల్‌నెస్ ఈజ్ ది కీ' పుస్తకం.. ఒత్తిడి, అనిశ్చితి మధ్య ప్రశాంతంగా ఆలోచించే వ్యక్తులే సరైన నిర్ణయాలు తీసుకుంటారని చెబుతుంది. రిచర్డ్ డాకిన్స్ రచించిన 'ది సెల్ఫిష్ జీన్' మానవ ప్రవర్తన వెనుక ఉన్న పరిణామ సిద్ధాంతాన్ని వివరిస్తే, ఇసాబెల్ విల్కర్సన్ రచించిన 'కాస్ట్' సమాజంలో అసమానతలు, సామాజిక వ్యవస్థలపై లోతైన విశ్లేషణను అందిస్తుంది.పుస్తకాలు నేర్పే జీవిత పాఠాలుఇక్కడ అందరూ గుర్తుంచుకోవాల్సిన అంశం ఏమిటంటే.. నిఖిల్ కామత్ కథను చూసి చదువు అవసరం లేదని భావించడం సరైంది కాదు. ఆయన ప్రయాణం చెప్పే అసలు సందేశం ఏమిటంటే.. నేర్చుకోవడం అనేది పాఠశాల లేదా కళాశాలతో ముగిసిపోదు. కొత్త విషయాలు తెలుసుకోవాలనే ఆసక్తి, పుస్తకాలు చదివే అలవాటు, విభిన్న అంశాలపై అవగాహన పెంచుకోవడం వ్యక్తిగత వికాసానికి ఎంతో అవసరం. తరగతి గదిలో నేర్చుకోలేని ఎన్నో జీవన పాఠాలను పుస్తకాలు నేర్పగలవని ఆయన గట్టిగా నమ్ముతారు.డబ్బు కాదు.. సమయమే అసలు సంపదవిజయవంతమైన వ్యాపారవేత్తలను చూసినప్పుడు వారు ఎక్కడ పెట్టుబడులు పెట్టారు? ఎలా బిలియనీర్లు అయ్యారు? అనే ప్రశ్నలే ఎక్కువగా వినిపిస్తాయి. కానీ నిఖిల్ కామత్ ఎక్కువగా మాట్లాడేది మరో పెట్టుబడి గురించి.. అదే సమయం.డబ్బు కోల్పోతే తిరిగి సంపాదించవచ్చు, వ్యాపారాన్ని మళ్లీ నిర్మించవచ్చు. కానీ ఒకసారి గడిచిపోయిన సమయాన్ని మాత్రం ఎవరూ తిరిగి తీసుకురాలేరు. అందుకే జీవితంలో నిజంగా విలువైన వాటిపై దృష్టి పెట్టాలని, నిరంతరం నేర్చుకుంటూ ముందుకు సాగాలని ఆయన సూచిస్తున్నారు.ఇదీ చదవండి: మరో పవర్‌ఫుల్ AI మోడల్ వచ్చేసింది!

ఎక్కడో మారు మూలగ్రామంలో పుట్టిన ఒక సాధారణ యువకుడు రెండు ఆర్టిఫిషియల్ ఇంటెలిజెన్స్ (AI) స్టార్టప్‌ల అధినేతగా ఎదగడం అంటే మాటలు కాదు. ఈ సక్సెస్‌ వెనుక ఎంతో కఠోర శ్రమ, అంతకుమించిన పట్టుదల చాలా అవసరమని, జీవితంలో ఎదురయ్యే అడ్డంకులను దాటుకుంటూ ముందుకు సాగాలే కానీ, అనుకోని విజయాలను అందుకోవచ్చని 28 ఏళ్ల సూరజ్‌ బిస్వాస్ (Suraj Biswas) స్ఫూర్తిదాయకమైన కథ ద్వారా మనకు అవగతమవుతుంది.భారతదేశంలోని అందరికీ ఒకే విధానం అనే విద్యా వ్యవస్థపై తనకున్న తీవ్ర నిరాశే 2021లో తన స్టార్టప్‌ను నిర్మించడానికి ఎలా ప్రేరణగా నిలిచింది అంటారు. సూరజ్‌. జీవనోపాధి కోసం జొమాటో రైడర్‌గా షిఫ్టులు చేస్తూ, తన భారీ టెక్ ఆశయాలను సమతుల్యం చేసుకుంటూ, ఒక డెలివరీ బాయ్‌ని సీరియస్‌గా తీసుకోడానికి నిరాకరించిన పెట్టుబడిదారుల ముందు ఈ రోజు టెక్‌ వ్యవస్థాపకుడిగా సగర్వంగి నిలబడ్డాడు. పశ్చిమ బెంగాల్‌లోని నాదియా జిల్లాకు చెందిన చక్‌దహా అనే ఒక చిన్న పట్టణంలో సూరజ్ జన్మించారు. సాధారణంగా స్టార్టప్ వ్యవస్థాపకులు పుట్టుకొచ్చే మేజర్‌ సిటీలు లేదా నేపథ్యం తనది కాదని ఆయన గర్వంగా చెబుతారు. కోల్‌కతాలోని గురునానక్ ఇన్‌స్టిట్యూట్ ఆఫ్ ఫార్మాస్యూటికల్ సైన్స్ అండ్ టెక్నాలజీ నుండి ఆయన జెనెటిక్స్ (Genetics) లో బీఎస్సీ పూర్తి చేశారు. చిన్నప్పుడు డాక్టర్ కావాలనేది ఆయన కల, కానీ పరిస్థితుల ప్రభావంతో ఆ దారి మారింది. డిగ్రీ పూర్తయ్యాక, తన తదుపరి లక్ష్యం ఏమిటో ఆలోచించుకునే లోపు ఆర్థిక అవసరాల కోసం జొమాటోలో డెలివరీ బాయ్‌గా చేరారు.అదే పునాది నగరమంతా తిరుగుతూ ఆహారాన్ని డెలివరీ చేస్తున్న సమయంలోనే ఆయనలో ఒక ఆలోచన మొదలైంది. ప్రస్తుతం ఉన్న విద్యావ్యవస్థను గమనించినప్పుడు, వేర్వేరు సామర్థ్యాలు ఉన్న విద్యార్థులందరినీ ఒకే పద్ధతిలో చదవమని ఎలా ఒత్తిడి చేస్తారనే ప్రశ్న ఆయనలో తలెత్తింది. "వ్యవస్థ ప్రతి మనిషిని ఒకేలా చూస్తోంది. అందరికీ ఒకే కొలత (One size fits all) అన్నట్టుగా ఉంది. కానీ ఈ ప్రపంచంలో ఇద్దరు మనుషులు ఎప్పుడూ ఒకేలా ఉండరు," అంటారు సూరజ్.ఈ ఆలోచన విద్యావ్యవస్థ నుండి టెక్నాలజీ వైపు మళ్లింది. ప్రపంచంలోనే అత్యంత శక్తివంతమైన AI టెక్నాలజీ, మనుషుల నమూనాలను గుర్తిస్తుందే తప్ప ప్రతి ఒక్క వ్యక్తి ప్రత్యేకతను, వారి జీవక్రియలను ఎందుకు అర్థం చేసుకోలేకపోతోంది? అనే ప్రశ్న ఆయన మెదడులో రేగింది. దీనికి పరిష్కారంగానే 2021లో ఎలాంటి పెట్టుబడిదారులు ఆఫీస్ లేదా భాగస్వాములు, లేకుండానే 'అసెస్లీ' (Assessli) అనే స్టార్టప్‌ను స్థాపించారు. ఆ తర్వాత 'డాట్స్-ఇన్' (Dots-in) అనే మరో సంస్థను కూడా ప్రారంభించారు. ప్రస్తుతం ఆయన ఈ రెండు కంపెనీలకు వ్యవస్థాపకుడిగా , సీఈఓగా వ్యవహరిస్తున్నారు.ఎన్నో సవాళ్లుతన ఆలోచనను వ్యాపారంగా మార్చడం అంత సులువు కాలేదంటారు సూరజ్‌. ఒక చిన్న పట్టణం నుండి వచ్చి, పెద్దగా గుర్తింపు లేని కాలేజీలో చదివి, బైక్‌పై ఫుడ్ డెలివరీ చేసే వ్యక్తి చెప్పే ఐడియాలను మొదట్లో ఎవ్వరూ నమ్మలేదు, సీరియస్‌గా తీసుకోలేదు. దీనికి తోడు ఏఐ టెక్నాలజీని అభివృద్ధి చేయడానికి సంవత్సరాల పరిశోధన, మౌలిక వసతులు అవసరం. తక్షణ లాభాల కోసం ఆశపడకుండా మార్కెట్‌లో గుర్తింపు వచ్చే వరకు పట్టుదలతో నిలబడటం పెద్ద సవాలుగా మారింది.కోలుకోలేని విషాదంతన స్టార్టప్ కల సాకారమవుతున్న సమయంలోనే సూరజ్ జీవితంలో ఒక పెద్ద విషాదం చోటుచేసుకుంది. ఇళ్లల్లో రంగులు వేసే (House Painter) ఆయన తండ్రి, తన కొడుకు భవిష్యత్తు కోసం జీవితాంతం కష్టపడ్డారు. ఐఎస్ఐ కోల్‌కతా (ISI Kolkata) గ్రాంట్ ఫార్మాలిటీస్ పూర్తయిన రెండు రోజులకే, అంటే 2024,జనవరిలో ఆయన కన్నుమూశారు. ఆయన త్యాగానికి ప్రతిఫలంగా తాను అందుకున్న విజయాన్ని తండ్రికి చూపించ లేకపోయాననే బాధ సూరజ్‌ను తీవ్రంగా కలిచివేసింది. ఇందుకోసం తన తల్లిదండ్రుల విజయాన్ని చూడలేకపోయిన ప్రతీ బిడ్డ కోసం 'ఇన్‌డాట్స్' (Indots) అనే ఒక సేవా కార్యక్రమాన్ని ప్రారంభించారు.అలా తండ్రి రుణం తీర్చుకున్నట్టుగా భావిస్తున్నారు.ఇదీ చదవండి: ఉద్యోగం Vs సంసారం : సింగిల్‌ మదర్‌ సునీత సక్సెస్‌ స్టోరీలక్ష్యాలను సాధించడానికి సరైన సమయం కోసం వేచి చూడకండి. విజయం అనేది కేవలం ప్రతిభపైనే ఆధారపడి ఉండదు, సవాళ్లను ఎదుర్కొంటూ, భయాన్ని వీడి ముందుకు సాగేతత్వంలో ఉంటుంది. మనం ఎక్కడ పుట్టామనేది దాన్ని బట్టి భవిష్యత్తును నిర్ణయించలేం. చిన్న గ్రామంనుంచి వచ​ఇచనా, బైక్‌పై ఫుడ్ డెలివరీ చేసినా, అవేవీ తన ఎదుగుదలను ఆపలేక పోయాయి. పట్టుదలగా సాగితే ఆకాశమే హద్దు అంటారు సూరజ్‌ బిశ్వాస్‌. ‘‘నేను డాక్టర్ అవ్వాలనుకున్నాను. నేను జీవశాస్త్రం వైపు, శరీరం ఎలా పనిచేస్తుంది, మనసు ఎలా పనిచేస్తుంది అనే విషయాలను అర్థం చేసుకోవడం వైపు ఆకర్షితుడయ్యాను. కానీ విచిత్రంగా, ఎల్‌బిఎం (LBM) అనేది ఆ కల అత్యంత ఉన్నతమైన రూపంగా మారింది. నేను ఎప్పుడూ డాక్టర్ కాలేను, కానీ ఆరోగ్యం, ప్రవర్తన, మానవ సామర్థ్యాన్ని మానవాళి అర్థం చేసుకునే విధానాన్ని పెద్ద ఎత్తున మార్చగల విజ్ఞానాన్ని నిర్మిస్తున్నాను.” అని గర్వంగా చెబుతారు.ఇదీ చదవండి: Citizenship16 పత్రాలిచ్చినా; సిటిజెన్‌షిప్‌పై గౌహతి కోర్టు సంచలన తీర్పు

చుట్టూ చిమ్మ చీకటి..మంచి జీవితం ఎలా పొందాలో తెలియని అయోమయం. ఒకపక్క తండ్రి మరణం..చాలిచాలని ఆర్థికస్థితి ఇలాంటి పరిస్థితుల నడుమ చదవు మీద ధ్యాస పెట్టడం అంత ఈజీ కాదు. అయినా చదువు తప్ప మరేది తన జీవితాన్ని మార్చేలేదని నమ్మి..కష్టపడి చదివి చిన్న రైల్వేగేట్‌మ్యాన్‌​ ఉద్యోగం సాధించాడు. అక్కడితో ఆగిపోకుండా అత్యున్నత స్థాయి అధికారిగా ఉండాలన్న ఆకాశమంత లక్ష్యంతో ముందుకు సాగాడు..అనుకున్నట్లుగానే..డీఎస్పీ రేంజ్‌కు చేరుకుని శెభాష్‌ అనిపించుకున్నాడు. చుట్టూ ఉన్న వనరులు, పరిమితులు అచంచలమైన ఆత్మవిశ్వాసం ముందు తలవంచుతాయని నిరూపించాడు.అతడే బిహార్‌కు చెందిన రాజు కుమార్. అతనికి 12 ఏళ్ల వయసులోనే తండ్రి చనిపోయాడు. దాంతో కుటుంబం ఆర్థిక ఇబ్బందులతో సతమతమయ్యేది. చదువు కొనసాగించడం అత్యంత సవాలుగా ఉండేది. అయితే కజిన్‌ రాజేష్ కుమార్ సుమన్ అందించిన మద్దతుతో చదువుని కొనసాగించాడు. రాజేష్ రోసెరాలో ఉచిత BSS (బిహార్‌ సేవక్‌ సమాజ్‌)క్లబ్‌ను నడిపేవాడు, అక్కడ విద్యార్థులకు పోటీ పరీక్షల కోసం ఉచిత గైడెన్స్‌ ఇచ్చేవారు. ఈ మద్దతుతో రాజు చదువు కొనసాగిస్తూనే, రైల్వే గ్రూప్ డి పరీక్ష రాసి, మొదటి ప్రయత్నంలోనే విజయం సాధించాడు. అలా అతను రక్సౌల్‌లో గేట్‌మ్యాన్ పోస్టుకు ఎంపికయ్యాడు. ఈ ఉద్యోగం అతనికి ఆర్థిక స్థిరత్వాన్ని ఇచ్చి, తన కుటుంబానికి సహాయపడటానికి వీలు కల్పించింది. అక్కడితో తన జర్నీని ఆపాలనుకోలేదు..ఎలాగైన అత్యున్నతాధికారి కావాలన్న ఆకాంక్షతో రైల్వేడ్యూటీని కొనసాగిస్తూనే గ్రాడ్యుయేషన్‌లో చేరి బీహార్‌ పోలీస్‌ సర్వీస్‌ కమిషన్‌(బీపీఎస్సీ)కు సిద్ధమయ్యాడు. ఉద్యోగాన్ని, పోటీ పరీక్ష ప్రిపరేషన్‌ని సమన్వయం చేసుకోవడం సవాలుగా ఉన్నా.. సమయాన్ని జాగ్రత్తగా వాడుకుంటూ ప్రిపరేషన్‌ కొనసాగించాడు. రాజు తన 12 గంటల పని షిఫ్టులు చేస్తూనే రాత్రిపూట కూడా చదువుకుంటూ గడిపాడు. సింపుల్‌గా చెప్పాలంటే తన రోజువారీ రైల్వే ఉద్యోగంతో పాటే అతని ప్రిపరేషన్ కూడా కొనసాగింది. చివరికి అతని కష్టానికి తగిన ఫలితం దక్కింది. అలా తన తొలి ప్రయత్నంలోనే బీహార్ పోలీస్ సర్వీస్‌లో డీఎస్పీగా స్థానం సంపాదించాడు. ఈ విజయం సాధించిన తర్వాత కూడా రాజు తన ఉద్యోగ దినచర్యను కొనసాగించడం విశేషం. అతను ఫలితాలు ప్రకటించిన మరుసటి రోజు, రక్సౌల్‌లోని రైల్వే గేట్ నెం.33 వద్దకు తిరిగి వచ్చి, యధావిధిగా తన విధిని నిర్వర్తించాడు. ఇక్కడ రాజు కథ..కష్టాలనేవి అనివార్యం..వాటికి తలొగ్గక, భయపడక దొరికిన అవకాశాలను ఉపయోగించుకుంటూ అభ్యున్నతి మార్గంలో ముందుకు సాగిపోవాలనే సత్యాన్ని నేర్పిస్తోంది కదూ..!.(చదవండి: Serena Williams: చేతి ఉంగరం అన్ని కోట్లా..! ఆఖరికి నైల్స్‌కు కూడా..)

రాజస్థాన్‌లోని ఒక చిన్న గ్రామం నుండి ఆల్ ఇండియా 23వ ర్యాంకు వరకు డాక్టర్ సునీతా జాట్ జీవిత ప్రయాణం, సాధించిన అసాధారణ విజయం ఎంతోమందికి స్పూర్తిదాయకం. రాజస్థాన్‌లోని ఒక చిన్న గ్రామం నుండి UPSC CMS పరీక్షలో ఆల్ ఇండియా 23వ ర్యాంక్ సాధించే వరకు సునీత ప్రయాణం అంత ఆషామాషీగా ఏమీ సాగలేదు. వ్యక్తిగత విషాదాలు, సామాజిక ఒత్తిళ్లు, కుటుంబ సమస్యలను ఎదుర్కొని తన ఆశయాన్ని సాధించన ధీర మహిళ ఆమె.రాజస్థాన్‌లోని భిల్వారా జిల్లా ‘సువానా’ అనే చిన్న గ్రామంలో సునీత జన్మించారు. ఆడపిల్లలకు త్వరగా పెళ్లి చేసి వంటింటికే పరిమితం చేయాలనే ఆలోచనలున్న ఆ ఊరిలో, సునీత తండ్రి మాత్రం భిన్నంగా ఆలోచించారు. బంధువులు, చుట్టుపక్కల వారి మాటలను పక్కనపెట్టి, ఆయన సునీతను డాక్టర్ చదివించడం కోసం కోటా పంపారు. ఆమె మెడికల్ ఎంట్రన్స్ పాసై, BAMS (ఆయుర్వేద వైద్యం) కాలేజీలో చేరారు.కానీ దురదృష్టం ఏమిటంటే ఆమె చదువుకుంటున్న రోజుల్లోనే సునీత తండ్రి అకస్మాత్తుగా మరణించారు. ఆ వార్తతో ఆమె తీవ్రమైన మానసిక ఒత్తిడిలోకి వెళ్లిపోయారు సునీత. కానీ,అంతలోనే తేరుకుని, ధైర్యం తెచ్చుకుని, తన కోసం తండ్రి చేసిన త్యాగాలను గుర్తుచేసుకుని, డిగ్రీని విజయవంతంగా BAMS పూర్తి చేశారు. ఇదీ చదవండి: షాకింగ్‌ : భారతీయ నావికుడి బాడీలో అవయవాలన్నీ మాయం!పెళ్లి తరువాత ఒత్తిడిచదువు పూర్తయ్యాక, దేశానికి సేవ చేయాలనే తన ఆశయాన్ని పెళ్లికి ముందే భర్తకు, అత్తమామలకు స్పష్టంగా చెప్పారు. వారు మొదట ఒప్పుకున్నా, పెళ్లయ్యాక మాత్రం సునీతను ఉద్యోగం చేయనివ్వకుండా వంటింటికే పరిమితం కావాలని ఒత్తిడి తెచ్చారు. అయినే ఇంటి నుంచే పనిచేస్తూ వచ్చింది. అదే సమయంలో సునీత గర్శం దాల్చింది. దీన్నిసాకుగా చూపి సరిగ్గా ఆమె ఆరు నెలల గర్భవతిగా ఉన్నప్పుడు, ఉద్యోగమైనా వదులుకో.. లేదా సంసారమైనా వదులుకో అంటూ పెద్ద ఛాలెంజ్‌ విసిరారు అత్తింటి వారు. గర్భవతిగా ఉన్న సమయంలోనే ఒంటరిగా ఆ ఇంటి నుండి బయటకు వచ్చేశారు.ఇదీ చదవండి: కేతన్‌ హత్య కేసులో మరో ట్విస్ట్‌ : రూ. 10 కోట్ల డిఫమేషన్‌2023 ఏప్రిల్ 20న, ఆమె భర్త ఆమెను వాళ్ళ అమ్మానాన్నల ఇంటి దగ్గర దింపి వెళ్ళిపోయాడు. సునీత చెప్పిన ప్రకారం, ఆ రోజు తర్వాత అతను ఆమెను బ్లాక్ చేశాడు. ఎలాంటి కాల్స్ లేవు, మెసేజ్‌లు లేవు, ఆమె ఆరోగ్యం గురించి తెలుసుకోవడానికి ఎలాంటి ప్రయత్నం లేదు, ఏమీ లేదు. దీంతో తండ్రి, తన ఆశయ సాధన కోసం సాహసోపేత నిర్ణయం తీసుకున్నారు. సునీత తన ఆత్మగౌరవాన్ని, దేశానికి సేవచేయాలనే కల సాకారంకోసం కట్టుబడి ఉండేలా నిర్ణయించుకున్నారు. ఒంటరి తల్లిగా పోరాటంఒక పక్క విడాకుల కోసం కోర్టు చుట్టూ తిరగడం, చిన్న బిడ్డను పెంచడం, మరోపక్క సమాజం నుండి ఎదురైన సూటిపోటి మాటల వల్ల సునీత మళ్లీ తీవ్ర డిప్రెషన్‌కు లోనయ్యారు. ఆ సమయంలో ఆమె తల్లి కొండంత అండగా నిలిచారు. తల్లి బిడ్డను చూసుకుంటుంటే, సునీత రాత్రుళ్లు బాబును ఒడిలో పడుకోబెట్టుకుని గంటల తరబడి UPSC పరీక్ష కోసం చదివేవారు. ఆమె నిరంతర శ్రమకు తగ్గ ఫలితం దక్కింది. కేంద్ర ప్రభుత్వ వైద్య సేవల రిక్రూట్‌మెంట్ (UPSC CMS) ఫలితాలు వచ్చినప్పుడు ఆమె ఏకంగా ఆల్ ఇండియా 23వ ర్యాంక్ సాధించారు. ప్రస్తుతం ఆమె దేశానికి సేవలందిస్తూ మెడికల్ ఆఫీసర్‌గా పనిచేస్తున్నారు."జీవితంలో పెద్దగా ఏదైనా సాధించాలనుకుంటే, ముందు మీకంఫర్ట్ జోన్ నుండి బయటకు రావాలి. సమస్యలను చూసి భయపడితే లాభం లేదు. వాటిని ధైర్యంగా ఎదుర్కోవడం నేర్చుకోవాలి. కష్టపడితే ఎప్పటికైనా ఫలితం ఉంటుంది. దారి కష్టంగా ఉన్నా, పట్టుదల ఉంటే విజయం మీ సొంతమవుతుంది." అంటారామె.

భారతదేశంలోని ప్రతిష్టాత్మక ఇంజనీరింగ్ కళాశాలల్లో ప్రవేశానికి నిర్వహించే జాతీయ స్థాయి అర్హత పరీక్ష జేఈఈలో అతడు ఫెయిల్‌. కెమిస్ట్రీలో కేవలం ఒక్క మార్కు సంపాదించుకుని జేఈఈలో ఉ‍త్తీర్ణత సాధించలేకపోయిన వ్యక్తి. అయితేనేం..కొన్నేళ్లకు అదే పరీక్షను నిర్వహించే స్థాయికి చేరి.. ఐఐటీ మద్రాస్‌కు డైరెక్టర్‌ అయ్యారు. ఆయన కథ ప్రతిష్టాత్మక పోటీ పరీక్షల్లో విజయం సాధించలేకపోతున్నాం అని బాధపడే ఔత్సాహిక విద్యార్థులకు ఓ స్ఫూర్తి.ఆయనే ఐఐటి మద్రాస్ డైరెక్టర్‌ వి కామకోటి. ఆయన ఒకప్పుడు జేఈఈ గెలుపు కోసం ఆరాటపడ్డ విద్యార్థి. తనకు కెమిస్ట్రీలో ఒకే ఒక్క మార్కు రావడంతో జేఈఈ ఉత్తీర్ణత సాధించలేకపోయానని చెప్పారు. ఆ రోజు ఆ ఒక్క పరీక్ష తన విజయాన్ని డిసైడ్‌ చేయలేదని గట్టిగా అనుకున్నానని అన్నారు. అది తన ఇంజనీరింగ్‌ భవిష్యత్తు కాలరాయదని నమ్మారు. అదే నిజం చేశారు. ఇతర మార్గాల ద్వారా సాధారణ కాలేజ్‌లో ఇంజనీరింగ్‌ చదువుని కొనసాగించారు. ఆయన కంప్యూటర్‌ సైన్స్‌ అండ్‌ ఇంజనీరింగ్‌లో మాస్టర్స్‌ అండ్‌ పీహెచ్‌డీ రెండిటిని సంపాదించారు. అలా ఆయన 2001లో ఐఐటీ మద్రాస్‌లో అధ్యాపకుడిగా చేరారు. ఏళ్లు గడిచే కొద్దీ కంప్యూటర్‌ ఆర్కిటెక్చర్‌, వీఎల్ఎస్ఐ డిజైన్, ఎంబెడెడ్ సిస్టమ్స్, ఇన్ఫర్మేషన్ సెక్యూరిటీ రంగాలలో విశేష కృషి చేశాడు. ఎలక్ట్రానిక్స్‌ అండ్‌ ఇన్ఫర్మేషన్ టెక్నాలజీ మంత్రిత్వ శాఖ నిధులతో సహా అనేక జాతీయ ప్రాముఖ్యత కలిగిన సాంకేతిక కార్యక్రమాలకు ఆయనే స్వయంగా నాయకత్వం వహించారు. విచిత్రమేమిటంటే, ఒకప్పుడు జేఈఈలో ఉత్తీర్ణత సాధించలేకపోయిన ఆయనే ఆ తర్వాత ఐఐటి మద్రాస్‌లో జేఈఈ విభాగానికి ఛైర్మన్‌ అయ్యారు. ఒకప్పుడు తనను తిరస్కరించిన అదే పరీక్షను పర్యవేక్షించే స్థాయికి చేరుకున్నారు. పరిశోధకుడి నుంచి భారతదేశంలో అత్యంత గౌరవనీయమైన విద్యావేత్తలలో ఒకరిగా పేరు తెచ్చుకున్నారు. జనవరి 2022లో తన మాతృసంస్థ అయిన ఐఐటి మద్రాస్‌కు డైరెక్టర్‌గా బాధ్యతలు స్వీకరించారు. అప్పటికే, ఆయన ఆ సంస్థ మైక్రోప్రాసెసర్ అభివృద్ధి కార్యక్రమానికి నాయకత్వం వహించడం తోపాటుజాతీయ సమాచార భద్రతా కార్యక్రమాలకు అధిపతిగా కూడా ఉన్నారు. అంతేగాదు ఆయన ఆయన వాణిజ్య, పరిశ్రమల మంత్రిత్వ శాఖ ఏర్పాటు చేసిన ఆర్టిఫిషియల్ ఇంటెలిజెన్స్ టాస్క్ ఫోర్స్‌కు కూడా అధ్యక్షత వహించారు. ఆయన చేసిన సేవలకు గానూ, డీఆర్డీఓ అకడమిక్ ఎక్సలెన్స్ అవార్డు, ఐబీఎం ఫ్యాకల్టీ అవార్డు, వాస్విక్ ఇండస్ట్రియల్ రీసెర్చ్ అవార్డు, అబ్దుల్ కలాం టెక్నాలజీ ఇన్నోవేషన్ నేషనల్ ఫెలోషిప్, అలాగే భారతదేశ నాల్గవ అత్యున్నత పౌర పురస్కారమైన పద్మశ్రీతో సహా అనేక అత్యున్నత గౌరవాలను అందుకున్నారు. ఆయన ఎప్పుడు ర్యాకింగ్‌లు, అవార్డులకు అతీమైన విషయాలనే విద్యార్థులతో మాట్లాడుతారు. కేవలం భవిష్యత్తుకు అనుగుణంగా సిద్ధం అవ్వడమే ప్రధానమని బోధిస్తుంటారు. ఆయన దృష్టిలో ఇంజనీరింగ్‌ విద్య అంటే కేవలం పట్టభద్రులు అ‍వ్వడం కాదని నిజ జీవిత సమస్యలను పరిష్కరించగల ఆవిష్కర్తలగా మారాలని అన్నారు. ఎల్లప్పుడూ అజేయమైన విజయాలే కాదు ఇలా ఎదురుదెబ్బల నుంచి అంచెలంచెలుగా ఎదిగిన కథే అత్యంత ప్రేరణగా. ఇక్కడ కామకోటి గారి కథ ఒక పరీక్ష మనలన్ని నిర్ణయించలేదు. పరిస్థితులకు అనుగుణంగా మారుతూ.. వచ్చే ‍ప్రతి అవకాశాన్ని అందిపుచ్చుకుంటే విజయం తథ్యం అని చెబుతోంది కదూ.(చదవండి: భార్య కోసం ఉద్యోగం వదిలేసి..!)

అన్నమయ్య జిల్లా : అది జిల్లాలోనే ఒక మారుమూల గిరిజన గ్రామం. కేవలం 345 కుటుంబాలు, 1,282 జనాభా, 1,120 ఓటర్లు ఉన్న చిన్న బంజారా తండా. కానీ, నేడు ఆ ఊరు అక్షరాస్యతలో, ఉద్యోగాల సాధనలో రాష్ట్రానికే ఆదర్శంగా నిలిచింది. అదే అన్నమయ్య జిల్లా సంబేపల్లె మండల పరిధిలోని పెద్దబిడికి గ్రామం.కష్టం చిన్నది.. చదువు పెద్దదిఈ గ్రామంలోని వారంతా చిన్న, సన్నకారు గిరిజన రైతులే. రెక్కాడితే గానీ డొక్కాడని పరిస్థితి ఉన్నా, పిల్లల చదువుల కోసం ఆ తల్లిదండ్రులు పడిన శ్రమ వృధా కాలేదు. ప్రస్తుతం ఈ చిన్న ఊరి నుండి 100 మందికి పైగా ప్రభుత్వ ఉద్యోగులుగా, మరో 80 మందికి పైగా ప్రైవేటు రంగంలో ఉన్నత స్థానాల్లో స్థిరపడ్డారు. ఇక్కడి నుండి ఉద్యోగాలు సాధించిన వారంతా కలిసి పుట్టిన ఊరిని మర్చిపోకుండా, స్థానిక పాఠశాల పిల్లలకు నోటు పుస్తకాలు, బట్టలు అందిస్తూ, గ్రామాభివృద్ధికి తమ వంతు సహాయం అందిస్తూ ఆదర్శంగా నిలుస్తున్నారు. ఊరిలో ఎంతటి విద్యా చైతన్యం ఉందంటే.. ఏ ప్రభుత్వ పథకం గురించి అడిగినా ప్రజలు ఠక్కున సమాధానం చెప్పగలరు.నిబద్ధతతో ఏదైనా సాధ్యంమాది పేద కుటుంబం. తల్లిదండ్రుల కృషి, ఊరి పెద్దల సహకారంతోనే ఐఏఎస్‌ అయ్యాను. యువత నిబద్ధతతో పనిచేస్తే ఏదైనా సాధించవచ్చు.– డాక్టర్‌ హరిజవహర్‌లాల్‌ దేవదాయశాఖ కమిషనర్, ఐఏఎస్‌ఊరంటే ఎంతో గౌరవంపేదరికాన్ని దగ్గరగా చూశాను. మా తల్లిదండ్రుల కష్టం వల్లే చీఫ్‌ ఇంజినీర్‌ స్థాయికి వచ్చాను. నా ఊరంటే నాకు ఎంతో గౌరవం, వీలున్నప్పుడల్లా ఊరి అభివృద్ధిపై చర్చిస్తుంటాను.– బి.బాలునాయక్‌ ఈఎన్‌సీ, పంచాయతీరాజ్, ఏపీపేద విద్యార్థులకు ప్రోత్సాహంనాన్న ప్రోత్సాహంతోనే ఈ స్థాయికి వచ్చా. సెలవులు దొరికితే చాలు ఊరికి వచ్చి పేద విద్యార్థులకు నా వంతుగా విద్యా ప్రోత్సాహకాలు అందిస్తున్నాను. – ఎం.మునీంద్రనాయక్‌ మండల విద్యాశాఖాధికారి, కలకడఉద్యోగావకావశాలపై అవగాహననిరుపేద కుటుంబం నుండి ఎన్నో కష్టాలు పడి చదువుకున్నాను. ఇప్పుడు గ్రామంలో సేవా కార్యక్రమాలు చేస్తూ, యువతకు ఉద్యోగ అవకాశాలపై అవగాహన కలి్పస్తున్నాను. ఊరి ప్రగతికి నా వంతు సహాయం ఎప్పుడూ ఉంటుంది.– ఎం.బాలునాయక్, డెప్యూటీ కమిషనర్, కారి్మక శాఖ, కర్నూలు

నాగపూర్‌: నేటి యువత కోట్లలో ప్యాకేజీలు, విదేశీ లగ్జరీ జీవితం కోసం పరిగెడుతుంటే, ఓ యువకుడు మాత్రం తనకు వచ్చిన భారీ ఆఫర్‌ను సున్నితంగా తిరస్కరించాడు. ఐఐటీ ఢిల్లీ లాంటి ప్రతిష్టాత్మక సంస్థలో చదివి, నెలకు లక్షల్లో జీతం ఇచ్చే జపనీస్ కంపెనీ ఉద్యోగాన్ని వద్దనుకుని, దేశసేవ కోసం ఖాకీ యూనిఫామ్ ధరించాడు. ఆయనే నాగపూర్‌కు చెందిన అర్చిత్ చాండక్. తనపై తనకు ఉన్న నమ్మకమే ఆయనను ఈరోజు అకోలా జిల్లా పోలీస్ సూపరింటెండెంట్ (ఎస్‌పీ) స్థాయికి చేర్చింది. ప్రస్తుతం సోషల్ మీడియాలో వైరల్‌గా మారిన ఆయన విజయగాథ ఇదే..ఐఐటీ టాపర్ నుండి సివిల్స్ వైపుమహారాష్ట్రలోని నాగపూర్‌కు చెందిన అర్చిత్ చాండక్ చిన్నతనం నుంచే చదువులో టాపర్. 2012లో జేఈఈ పరీక్షలో అత్యధిక మార్కులు సాధించి రికార్డు సృష్టించాడు. ఆ ప్రతిభతో ఐఐటీ ఢిల్లీలో మెకానికల్ ఇంజనీరింగ్ సీటు సంపాదించాడు. 2016లో బీటెక్ పూర్తి కాగానే, ఆయన ప్రతిభను గుర్తించిన ఒక ప్రముఖ జపనీస్ సంస్థ ఏడాదికి రూ.35 లక్షల భారీ ప్యాకేజీతో ఉద్యోగం ఆఫర్ ఇచ్చింది. ఏ ఇంజనీరింగ్ విద్యార్థికైనా ఇది ఒక కలల ఉద్యోగం. కానీ, అర్చిత్ మనసు కార్పొరేట్ ప్రపంచంలో స్థిరపడటానికి ఇష్టపడలేదు.మొదటి ప్రయత్నంలోనే ఐపీఎస్ రికార్డుభారీ జీతాన్ని ఇచ్చే విదేశీ అవకాశాన్ని నిర్మొహమాటంగా తిరస్కరించి, యూపీఎస్‌సీ ప్రిపరేషన్ ప్రారంభించాడు. కేవలం డబ్బు వెనుక పరిగెత్తడం కంటే, సమాజంలో మార్పు తీసుకువచ్చే ప్రజాసేవలోనే తనకు అసలైన సంతృప్తి లభిస్తుందని నమ్మాడు. అనుకున్నదే తడవుగా పట్టుదలతో శ్రమించి, 2018 లో తన మొదటి ప్రయత్నంలోనే సివిల్ సర్వీసెస్ పరీక్షలో ఆల్ ఇండియా 184వ ర్యాంక్ సాధించి ఐపీఎస్ అధికారిగా ఎంపికయ్యాడు.సోషల్ మీడియాలో ప్రశంసల జల్లుప్రస్తుతం మహారాష్ట్రలోని అకోలా జిల్లా ఎస్పీగా బాధ్యతలు నిర్వహిస్తున్న అర్చిత్ ప్రయాణాన్ని వికాస్ అల్విస్ అనే ఎక్స్ (ట్విట్టర్) యూజర్ సోషల్ మీడియాలో పంచుకోవడంతో ఇది వైరల్‌గా మారింది. ‘నిజమైన విజయం అనేది కేవలం జీతం చూసి రాదు, మన ఆశయానికి తగ్గట్టు కెరీర్‌ను ఎంచుకున్నప్పుడే వస్తుంది’ అని నెటిజన్లు ఆయనపై ప్రశంసలు కురిపిస్తున్నారు. ఆర్థిక భద్రతను వదులుకుని దేశసేవను ఎంచుకున్న అర్చిత్ చాండక్ కథ దేశంలోని ఎంతో మందికి నిజమైన స్ఫూర్తిని అందిస్తుంది.

సాంకేతిక రంగంలో భారతీయులు సాధిస్తున్న విజయాలు ఎంతోమందికి స్ఫూర్తి అనడంలో సందేహం లేదు. అనుకున్న లక్ష్యాన్ని చేరుకోడానికి పేదింటి రైతు బిడ్డ శ్రమ, కృషి,అద్భుతమైన ప్రయాణమే ఇందుకు నిదర్శనం. బిహార్‌లోని ఒక సాధారణ రైతు కుటుంబంలో 'సత్యం కుమార్' భారతదేశంలోనే అత్యంత పిన్న వయసులోప్రతిష్టాత్మక ఐఐటీ జేఈఈ (IIT JEE) పరీక్షను పాసైన విద్యార్థిగాసత్యం కుమార్ చరిత్ర సృష్టించాడు .అంకిత భావం, ఓర్పు పట్టుదలగా ప్రయత్నించాలే గానీ అద్భుత విజయాలు, మరెన్నో రికార్డులు అతణ్ణి వరించాయి. 13 ఏళ్లకే ఐఐటీ ర్యాంక్‌ సాధించి, 13 ఏళ్లకే ఐఐటీ జేఈఈ క్రాక్, 24 ఏళ్లకే పీహెచ్‌డీ! సత్యం కుమార్ సక్సెస్‌ జర్నీ గురించి తెలుసుకుందామా!1999, జూలై 20న బీహార్‌లో ఒక రైతు కుటుంబంలో జన్మించిన సత్యం, చిన్న వయస్సు నుండే అసాధారణమైన విద్యా ప్రతిభను కనబరిచాడు. అతనిలోని తెలివితేటలను గుర్తించిన ఒక కుటుంబ స్నేహితుడు.. ఐఐటీ జేఈఈ కోచింగ్ కోసం అతడిని రాజస్థాన్‌లోని కోటాకు పంపించాల్సిందిగా తండ్రికి సలహా ఇచ్చాడు. అయితే ఒక చిన్న గ్రామం నుండి ఐఐటి వరకు, ఆపై అమెరికా వరకు సత్యం కుమార్ ప్రయాణం చాలా సాఫీగా సాగినట్లు అనిపించినా, అది అంత సులభమైనది కాదు. అతని జీవితంలో ఎన్నో ఒడి దుడుకులు ఎదురయ్యాయి. ముఖ్యంగా అతని తండ్రి రైతు కావడంతో, సత్యంను చదువుల కోసం అమెరికాకు పంపించడం వారి కుటుంబానికి ఒక సవాలుగా మారింది. ఒకానొక సమయంలో అతని తండ్రి తన పొలాన్ని, ఇంటిని కూడా తాకట్టు పెట్టవలసి వచ్చింది. సత్యం ప్రతిభ, తెలివితేటల కారణంగా, అతనికి టెక్సాస్ విశ్వవిద్యాలయంలో స్కాలర్‌షిప్ లభించింది. అలా సత్యం కుమార్ కేవలం 12 ఏళ్ల వయసులోనే మొదటిసారి ఐఐటీ జేఈఈ పరీక్షను క్లియర్ చేసి, దేశ చరిత్రలోనే అత్యంత పిన్న వయస్కుడైన ఐఐటీయన్‌గా రికార్డు సృష్టించాడు. అయితే, ఆ ఫలితంతో సంతృప్తి చెందని అతను, మరుసటి ఏడాది (2013లో) మళ్లీ పరీక్ష రాసి.. కేవలం 13 ఏళ్ల వయసులోనే ఆల్ ఇండియా 670వ ర్యాంక్ (AIR 670) సాధించి అందరినీ ఆశ్చర్యపరిచాడు.తన విజయం గురించి ఐఐటీ కాన్పూర్‌కు ఇచ్చిన ఒక ఇంటర్వ్యూలో సత్యం మాట్లాడుతూ.. "నేను జేఈఈ క్రాక్ చేసినప్పుడు నా కల నిజమైంది. దేశంలోని అత్యంత ప్రతిష్టాత్మకమైన విద్యాసంస్థల్లో ఒకదానిలో చదువుకునే అవకాశం నాకు దక్కింది" అని పేర్కొన్నాడు.ఐఐటీ కాన్పూర్‌ర్యాంక్ సాధించిన తర్వాత సత్యం కుమార్ ఐఐటీ కాన్పూర్‌లో చేరి, ఎలక్ట్రికల్ ఇంజనీరింగ్‌లో డ్యూయల్ డిగ్రీ (BTech, MTech) పూర్తి చేశాడు. ఐఐటీలో ఉన్న సమయంలోనే అతను ఆర్టిఫిషియల్ ఇంటెలిజెన్స్ (AI), మెషిన్ లెర్నింగ్ (ML) అడ్వాన్స్‌డ్ కంప్యూటింగ్‌పై పట్టు సాధించాడు. ఇది అతని భవిష్యత్తు సాంకేతిక రంగానికి బలమైన పునాదిగా మారింది.ఐఐటీ కాన్పూర్ వాతావరణం నన్ను పరిశోధనలు, ఆవిష్కరణల వైపు అడుగులు వేసేలా ప్రోత్సహించింది అంటారు సత్యం. కష్టమైన సమస్యలను కూడా ఎదుర్కొనే ఆత్మవిశ్వాసాన్ని తనకు ఇచ్చిందని గర్వంగా ప్రకటించారు.24 ఏళ్లకే పీహెచ్‌డీఆ తర్వాత సత్యం ఉన్నత చదువుల కోసం అమెరికా వెళ్లారు. కేవలం 24 ఏళ్ల వయసులోనే పీహెచ్‌డీ (PhD) పూర్తి చేశాడు. తన డాక్టరేట్ చదువు సమయంలోనే, అతను ప్రముఖ యాపిల్ (Apple) సంస్థలో మెషిన్ లెర్నింగ్ విభాగంలో ఇంటర్న్‌షిప్ చేసి, ఏఐ (AI) రీసెర్చ్‌లో మంచి అనుభవం సంపాదించాడు. ప్రస్తుతం అతను ప్రసిద్ధ 'టెక్సాస్ ఇన్‌స్ట్రుమెంట్స్' (Texas Instruments) సంస్థలో 'మెషిన్ లెర్నింగ్ సిస్టమ్స్ రీసెర్చ్ ఇంజనీర్'గా పని చేస్తున్నాడు. అక్కడ అడ్వాన్స్‌డ్ ఆర్టిఫిషియల్ ఇంటెలిజెన్స్, మెషిన్ లెర్నింగ్ టెక్నాలజీల అభివృద్ధిపై దృష్టి పెట్టాడు.నెటిజన్ల ప్రశంసలుసత్యం కుమార్ స్ఫూర్తిదాయక కథనం సోషల్ మీడియాలో వైరల్‌గా మారింది. నెటిజన్లు అతని అసాధారణ ప్రతిభను కొనియాడుతున్నారు. పల్లెటూరి బిహారీ పిల్లగాడు13 ఏళ్లకే ఐఐటీ సాధించి, ఇప్పుడు టెక్సాస్ ఇన్‌స్ట్రుమెంట్స్‌లో ఎమ్‌ఎల్ ఇంజనీర్‌గా రాణించడం అద్భుతం, ఎంతో స్ఫూర్తిదాయకమైన సంగతి అంటూ ఒకరు ప్రశంసించారు. మరొకరు.. "ఖచ్చితంగా, ఇది తరానికి ఒక్కరు మాత్రమే పుట్టే అద్భుతమైన ప్రతిభ" అని ప్రశంసించారు. అన్ని రికార్డులను, నిబంధనలను బద్దలు కొట్టిన ఒక లెజెండ్ అంటూ మరొకరు కొనియాడటం గమనార్హం. ‌

సాధరణంగా అమ్మాయిలు చక్కగా పెళ్లి చేసుకోవడం, మాతృత్వం స్వీకరించడం, ధనవంతుడైన భర్త రావడం, మంచి ఉద్యోగం సంపాదించడం తదితరాలను సక్సెస్‌గా భావిస్తారు. కానీ అది కాదు విజయం అంటూ సరికొత్త అర్థాన్ని ఇచ్చింది ఈ పోషకాహార నిపుణురాలు. ప్రతి మహిళ తనను తాను ఎలా అనుకుంటుందో..ఎప్పటి నుంచో మనపై రుద్దినట్టుగా మనం ఎలా జీవిస్తూ ఉండిపోతున్నామో సోషల్‌ మీడియా వేదికగా పంచుకున్నారామె. ఆ పోస్ట్‌ నెట్టింట వైరల్‌ అవ్వడమే కాదు అమ్మాయిల దృక్పథం ఎలా ఉండాలో అవగాహన కల్పిస్తున్నట్లుగా ఉండటంతో అందరు ప్రశంసిస్తూ పోస్టులు పెడుతుండటం విశేషం.దుబాయ్‌కు చెందిన పోషకాహార నిపుణురాలు రాశి చౌదరి ఇన్‌స్టాగ్రామ్‌లో ఆ పోస్ట్‌ని షేర్‌ చేశారు. "మనం విజయం అనగానే మంచి ఉద్యోగం, మంచి జీతం, పెళ్లి చేసుకోవడం, పిల్లల్ని కనడం వంటి ప్లాన్‌లు వేసేసుకుంటాం. కానీ జీవితం మన ప్రణాళికలను చెత్తబుట్టలో పడేసి వాస్తవ ప్రపంచాన్ని పరిచయం చేసేలా విచిత్ర మార్గాన్ని ఇస్తుంది. సరిగ్గా ఇలానే తనకు జరిగిందంటూ తన కథను పంచుకుంది. తాను 21 ఏళ్ల వయసున్నప్పుడూ ఒక ధనవంతుడిని పెళ్లి చేసుకోవాలని, అందమైన గృహిణిగా ఉండాలని, ఇద్దరు పిల్లలను కనాలని అనుకున్నాను. కానీ అవేమి జరగలేదు ప్రస్తుతం తనకు 41 ఏళ్లు అని, సుమారు 40 మందికి పైగా ఉద్యోగులతో రెండు వేర్వేరు వ్యాపారాలను నడుపుతున్నా. అయితే ఈ జర్నీలో నేనే ధనవంతురాలినయ్యానని, తన కెరీర్‌ ప్లాన్‌ ప్రకారం ఒకటి నిజమైంది. ఎందుకంటే 25 ఏళ్ల వయసు వచ్చేసరికి, ధనవంతురాలినయ్యా, అలాగే దుబాయ్‌లో ఒక అపార్ట్‌మెంట్‌ ఉంది. బంధువులకు అసూయ కలిగించే విలాసవంతమైన జీవితం నాది. అయినా ఇది నాజీవితంలో ఎందుకు అనిపించడం లేదు. అసలు నా విజయాలను నేను ఎందుకు ఆస్వాదించలేకపోతున్నా. ఎందుకంటే అందరి అమ్మాయిల్లానే నన్ను ఎవరో శక్తిమంతమైన వ్యక్తి ఎంపిక చేసుకునే వ్యక్తిగా భావించడం లేదా నాకు ఏ శక్తిమంతమైన వ్యక్తి అవసరం రానంతగా సక్సెస్‌ అదుకోవడం. అనే రెండు ఆలోచనలతో పోరాడుతూ ఉండిపోయా. ఈ సందిగ్ధంలో అస్సలు మనకేం కావాలన్నిది మర్చిపోతాం అందువల్ల మన సాధించిన విజయాలను ఆస్వాదించడం మర్చిపోతుంటాం. ఇప్పుడు సక్సెస్‌ పట్ల నా దృక్పథం మారింది. నీకు ఏం కావాలో నిర్ణయించుకునే ధైర్యం కలిగి ఉండటమే అతి పెద్ద గెలుపు. అదే స్వేచ్ఛకు అసలైన అర్థం. కేవలం కెరీర్‌లో సక్సెస్‌ లేదా డబ్బు సంపాదన విజయం కాదని, అది అసలైన స్వేచ్ఛ కూడా కాదని చెప్పుకొచ్చింది రాశి చౌదరి." నెటిజన్లు కూడా నిజం మేడం మీరు చెప్పేది ముమ్మాటికీ కరెక్ట్‌ అంటూ మద్దతిస్తూ పోస్టులు పెట్టారు. View this post on Instagram A post shared by Rashi Chowdhary (@rashichowdhary) (చదవండి: ఆమె దృఢ సంకల్పం ముందు అనారోగ్యమే చిన్నబోయింది!)

అందరికీ ఎన్నో కలలు ఉంటాయి. కానీ ఏవో కారణాలతో చేరుకోలేకపోతారు. కానీ ఈ మహిళ ఒకపక్క కుటుంబ బాధ్యతలు మరోవైపు ప్రాణాంతక వ్యాధితో పోరాడుతూ కూడా తన కలను నెరవేర్చుకునేందుకు సన్నద్ధమైంది. అనుకున్నట్లుగానే విజయం అందుకుని..అనారోగ్యం వంటి కారణాలతో కలను నిజం చేసుకోలేకపోతున్నాం అని బాధపడే వాళ్లలో స్ఫూర్తిని నింపింది. ఇలా అనారోగ్యంతో ఇలాంటి సాహసం కృత్యం చేసిన మహిళగా ఘనత సృష్టించింది. ఆ మహిళే రాజస్థాన్‌లోని జైపూర్‌కు చెందిన నీలిమ అరోరా. ఇద్దరు పిల్లల తల్లి, తలసేమియా బాధితురాలు అయినా కలల శిఖరాన్ని అధిరోహించాలనే కలను నిజం చేసుకోవాలని దృఢంగా నిశ్చయించుకుంది. సుమారు రెండున్నర సంవత్సరాల క్రితం వరకు ఆమెకు పర్వతారోహణతో ఎలాంటి సంబంధం లేదు. అప్పటి వరకు ఆమె కాలిఫోర్నియాలో సిలికాన్‌ వాలిడేషన్‌ ఇంజనీరింగ్‌ పనిచేస్తుండేది. అయితే ఆమెకు మెకాలి శస్త్ర చికిత్స​ తర్వాతనే శిఖరాలను అధిరోహించాలనే కోరిక కలగడం విశేషం. ఆ క్రమంలోనే 8,849 మీటర్ల ఎత్తైన మౌంట్ ఎవరెస్ట్‌ను అధిరోహించి నీలిమ చరిత్ర సృష్టించింది. మొత్తం కఠినమైన 50 రోజుల యాత్రో ఆమె హై-ఆల్టిట్యూడ్ పల్మనరీ ఎడెమా (HAPE) అనే ప్రాణాంతకమైన పరిస్థితిని మూడుసార్లు ఎదుర్కొంది. నిజానికి ఇది ఊపిరితిత్తులలో ద్రవం చేరే ప్రాణాంతక పరిస్థితి. ఆఖరికి గుండె జబ్బులు లేని ఆరోగ్యకరమైన వ్యక్తులలో కూడా ఆక్సిజన్ స్థాయిలు పడిపోతే ఈ పరిస్థితే ఎదురవ్వుతుంది. అలాంటి ప్రాణాంతక పరిస్థితిని ఖాతరు చేయకుండా ఎవరెస్టు అధిరోహణకు సై అందామె. ఆఖరికి వైద్యులు వద్దని వారించినా..వెనక్కి తగ్గలేదామె. మే 25, 2026న మధ్యాహ్నం సుమారు 1 గంటకు తాను ఎవరెస్ట్ శిఖరాన్ని చేరుకున్నప్పుడు, అక్కడ దాదాపు 30 నిమిషాల పాటు ఒంటరిగా ఉన్నానని నీలిమ ఆ అనుభవాన్ని పంచుకుంది. ఆ క్షణం తన జీవితంలోని అద్భుత క్షణంగా పేర్కొంది. ఇలా తలసేమియా మైనర్‌ ఉండి, ఎవరెస్టు శిఖరాన్ని అధిరోహించిన తొలి మహళగా చరిత్ర సృష్టించింది నీలిమ.ఇక నీలిమ ఎవరెస్ట్‌కు ముందు అప్పటికే మాంట్ బ్లాంక్, మాటర్‌హార్న్ (ఫ్రాన్స్), కోటోపాక్సి (ఈక్వెడార్), అకోన్‌కాగ్వా (అర్జెంటీనా), అమా దబ్లామ్ (నేపాల్) వంటి సవాలుతో కూడిన శిఖరాలను అధిరోహించింది. అంతేగాదు గతేడాది 40 ఏళ్లు పైబడిన వారిలో అమా దబ్లామ్‌ను విజయవంతంగా అధిరోహించిన మొదటి భారతీయ మహిళగా నీలిమ నిలిచింది. కాగా, తన విజయాలన్నింటికి తన గైడ్‌ గస్మాన్‌ తమాంగ్‌, తన కుటుంబమే కారణమంటూ క్రెడిట్‌ అంతా వారికే ఇచ్చేసింది.(చదవండి: అల్కా యాగ్నిక్‌కి అరుదైన వినికిడి సమస్య..ఎందువల్ల వస్తుందంటే..)

చిన్నప్పుడే కష్టాలు, ఆర్థిక కష్టాలు కొందర్ని దృఢంగా ఎదిగేలా చేస్తాయి. పైగా ఆ సవాళ్లను తమ అభ్యున్నతికి బాటలుగా మలుచుకుని అత్యున్నత స్థాయికి చేరుకుంటారు. హాయిగా చదువు సాగించిన వారికంటే..టాప్‌ పొజిషన్‌లో సెటిల్‌ అయ్యి స్ఫూర్తిగా నిలుస్తారు. అలాంటి కోవకు చెందిన వాడే క్రెడ్ వ్యవస్థాపకుడు కునాల్ షా కథ. అతడి స్టోరీ సినిమాని తలపించే కథలా ఉంటుంది. కునాల్‌ షా అరుదైన స్టార్టప్‌ వ్యవస్థాపకులలో ఒకరు. ఆయన చిన్న వయసులోనే ఉద్యోగ కెరీర్‌ని ప్రారంభించారు. తండ్రి వ్యాపారం కుప్పకూలడంతో ఒక్కసారిగా కుటుంబం రోడ్డున పడిపోయింది. దాంతో కుటుంబాన్ని పోషించుకోవడానికి అనేక చిన్నా చితక పనులు చేశారు. 16 ఏళ్ల వయసు వచ్చేసరికి డెలివరీ బాయ్‌గా, డేటా ఆపరేటర్‌గా, మెహందీ కోన్‌ల అమ్మకందారుడిగా, సైబర్ కేఫ్ ఆపరేటర్‌గా, పైరేటెడ్ సీడీల అమ్మకందారుడిగా, కంప్యూటర్ ట్యూటర్‌గా పనిచేస్తూ ఆర్థిక స్వేచ్ఛను సాధించారు. అలాగే ఆయన ఐఐటీ ఐఐఎం డిగ్రీలు లేదా కనీసం సాంకేతిక ఎడ్యుకేషన్‌ కాకుండా..ముంబైలోని విల్సన్ కాలేజీలో ఫిలాసఫీని ఎంచుకున్నారు. ఆ సబ్జెక్టుని ఆయన ఎంచుకోవడానికి రీజన్‌ ఉదయం 8 నుండి 10 గంటల వరకు మాత్రమే తరగతులు ఉండే ఏకైక కోర్సు కావడంతోటే అది ఎంచుకున్నారట కునాల్‌. మిగిలిన సమయంలో ఉపాధి చూసుకోవడం కోసం ఇలా చేశారు. ఆ తర్వాత ఎంబిఏలో చేరారు. కానీ దాన్ని పూర్తి చేయకుండానే మధ్యలోనే వదిలేశారు. అలాంటి వ్యక్తి భారతదేశపు తొలి డిజిటల్ చెల్లింపుల స్టార్టప్‌లలో ఒకటైన ఫ్రీఛార్జ్‌ను నిర్మించారు. దీనిని 2017లో యాక్సిస్ బ్యాంకుకు సుమారు $60 మిలియన్లకు(రూ.56.68 కోట్లు) విక్రయించారు. 2018లో $1 మిలియన్ (రూ. 9.46 కోట్లు) వ్యక్తిగత పెట్టుబడితో క్రెడ్‌ను ప్రారంభించారు. క్రెడ్‌కు ప్రస్తుతం నెలకు 1.7 కోట్ల మంది యాక్టివ్ యూజర్లు ఉన్నారు. కేవలం క్రెడిట్ కార్డ్ బిల్లులను సకాలంలో చెల్లించే వినియోగదారులకు రివార్డులు అందించడం కోసం మాత్రమే ఉద్దేశించిన ప్లాట్‌ఫామ్‌గా రూపొందించిన యాప్‌ ఇది. ఫేస్‌బుక్‌ వ్యవస్థాపకుడు మార్క్‌ జూకర్‌బర్గ్‌ ఈ క్రెడ్‌ కంపెనీపై ప్రశంసల వర్షం కురిపించారు. షా దీనిని భారతదేశంలోని అత్యంత ముఖ్యమైన టెక్నాలజీ కంపెనీలలో ఒకటిగా తీర్చిదిద్దారని కొనియాడారు. అంతేగాదు ప్రపంచంలోనే అతిపెద్ద మెసేజింగ్ యాప్‌ను నడపడానికి అవసరమైన నిర్మాణ దృక్పథం, ప్రపంచ దృష్టికోణాన్ని తీసుకువచ్చారని ప్రశంసించారు. క్రెడ్‌లో మెటా 20% వాటాను కొనుగోలు చేయడంతో, ఇప్పుడు ఆ కంపెనీ విలువ $4.5 బిలియన్లుగా(రూ.4 వేల కోట్లు) ఉంది. ప్రస్తుతం షా AI-ఆధారిత వినియోగదారు ఉత్పత్తులపై దృష్టి పెట్టడానికి మెటాలో ప్రస్తుత వాట్సాప్ గ్లోబల్ హెడ్ విల్ క్యాత్‌కార్ట్ స్థానంలో షా బాధ్యతలు స్వీకరించనున్నారు ఇక క్రెడ్‌లో వ్యూహం, ఆర్థిక వ్యవహారాలను పర్యవేక్షించిన మిధున్‌ సంపత్ తాత్కాలిక సీఈఓ పాత్రను చేపట్టనున్నారు. మరో ఆసక్తికరమైన విషయం ఏంటంటే..ఉద్యోగ నియామకాల సమయంలో డిగ్రీలకు ప్రాధాన్యత ఇవ్వని బహుముఖ ప్రజ్ఞాశాలి కునాల్‌. లింక్డ్‌ఇన్ (LinkedIn)లో షాను నేరుగా ట్యాగ్ చేయడం ద్వారా క్రెడ్‌లో ఇంటర్న్‌షిప్‌లు పొందిన సందర్భాలు కూడా ఉన్నాయి. అంతేగాదు తన సంస్థలో పనిచేసే ఉద్యోగులు ఎల్లప్పుడూ సీరియస్‌గా ఉండనివ్వరూ..అక్కడ అంతర్గత మీమ్‌ ఛానెల్స్‌ ఉంటాయి. వాటి సాయంతో అక్కడ షాతో సహా ఉద్యోగులు ఒకరినొకరు ఆటపట్టించుకుంటూ ఉంటారని కునాల్‌ సన్నిహితులు చెబుతున్నారు. అలాగే అక్కడ సీరియస్‌నెస్‌గా పనిచేసే వారిని కంపెనీ మెచ్చదట. కేవలం ఉద్యోగులు ఆహ్లాదభరితంగా పనిచేసే సంస్కృతికి పెద్దపీట వేయడం కునాల్‌ ప్రత్యేకతని సన్నిహిత వర్గాలు చెబుతుండటం విశేషం.(చదవండి: రాయల్ ఆస్కట్ కార్యక్రమంలో డ్రెస్‌కు బదులుగా చీర..! బ్రిటన్‌ పౌరురాలేనే ఐనా..)

‘రోలిహ్లాహ్లా మండేలా’ చిన్నప్పుడు దక్షిణాఫ్రికాలోని ‘కును’ అనే పల్లెటూరిలో పెరిగాడు. చిన్నతనంలో రోజంతా పొలాల్లో గొర్రెలను, పశువులను మేపుతూ, చెప్పులు లేకుండా ఎండలో తిరుగుతూ తోటి పిల్లలతో కలిసి మట్టితో ఆడుకునేవాడు. మండేలాకు ఏడేళ్లు వచ్చాక వాళ్ల అమ్మ స్కూల్‌కి పంపింది. అక్కడే ఒక టీచర్‌ అతనికి ‘నెల్సన్‌’ అని పేరు పెట్టారు.తొమ్మిదేళ్ల వయసులో తండ్రి చనిపోయాక, ఒక రాజప్రతినిధి ఆశ్రయంలో పెరిగి పెద్ద చదువులు చదివాడు. పశువులు కాసే రోజుల్లోనే ఆకాశం వైపు చూస్తూ ‘మా జాతి ప్రజలు ఎందుకు బానిసల్లా బతకాలి?’ అని ఆలోచించేవాడు. చిన్నప్పుడు గొర్రెల కాపరిగా ఉన్న ఆ పిల్లాడే, పెద్దయ్యాక వర్ణవివక్షపై పోరాడి 27 ఏళ్లు జైలు జీవితం గడిపాడు. ఆ తర్వాత దక్షిణాఫ్రికా మొట్టమొదటి నల్లజాతి అధ్యక్షుడై, ప్రపంచానికే ‘స్వేచ్ఛ’ అంటే ఏంటో చూపించాడు. ఆలోచన గట్టిగా ఉంటే సాధించలేనిది ఏదీ లేదని దీనిని బట్టి అర్థమవుతోంది.

అంతర్జాతీయ పాప్‌ సంగీత ప్రపంచంలో కొరియన్‌ బ్యాండ్‌ ‘బీటీఎస్‌’ మరోసారి తన సత్తా చాటుకుంది. బిల్‌బోర్డ్‌ నిర్వహించిన అత్యంత ప్రజాదరణ పొందిన కొత్త సంగీతం పోల్‌లో బీటీఎస్‌ సరికొత్త డిజిటల్‌ సింగిల్‌ ‘కమ్‌ ఓవర్‌’ భారీ మెజారిటీతో అగ్రస్థానాన్ని కైవసం చేసుకుంది.జూన్‌ 12 న పారంభమైన ఈ పోలింగ్‌లో ప్రపంచవ్యాప్తంగా ఉన్న బీటీఎస్‌ అభిమానులు భారీగా ఓట్లు వేయడంతో, ఏకంగా 86 శాతానికి పైగా ఓట్లతో ఈ పాట క్లీన్‌ స్వీప్‌ చేసింది. ఈ రేసులో హాలీవుడ్‌ పాప్‌ స్టార్‌ ఒలివియా రోడ్రిగో, జాక్‌ వైట్, బెబే రెక్సా, కాట్సే వంటి దిగ్గజ కళాకారుల కొత్త ఆల్బమ్‌లు పోటీలో ఉన్నప్పటికీ, బీటీఎస్‌ క్రేజ్‌ ముందు అవేవీ నిలవలేకపోయాయి. ఫలితంగా ‘కమ్‌ ఓవర్‌’ ఒకేపక్షంగా ల్యాండ్‌స్లైడ్‌ విజయాన్ని నమోదు చేసింది. రెండవ స్థానంలో ప్రముఖ పాప్‌ సింగర్‌ ఒలివియా రోడ్రిగో విడుదల చేసిన ‘యూ సీమ్‌ ప్రెట్టీ శాడ్‌ ఫర్‌ ఎ గర్ల్‌ సో ఇన్‌ లవ్‌’ ఆల్బమ్‌ నిలిచింది.‘కమ్‌ ఓవర్‌’ అనేది బీటీఎస్‌ గతంలో విడుదల చేసిన ‘అరిరంగ్‌’ ఆల్బమ్‌కు సంబంధించిన బోనస్‌ ట్రాక్‌. ఇప్పటివరకు కేవలం ఫిజికల్‌ డీలక్స్‌ వినైల్‌ ఎడిషన్‌ లో మాత్రమే అందుబాటులో ఉన్న ఈ సాంగ్‌ను, బీటీఎస్‌ వార్షిక వేడుక ‘ఫెస్టా’ సందర్భంగా అధికారికంగా స్ట్రీమింగ్‌ ప్లాట్‌ఫామ్స్‌లోకి విడుదల చేశారు. కొరియన్, ఇంగ్లీష్‌ భాషల కలయికతో సాగే ఈ సాంగ్‌.. దూరమైన ్రపాణస్నేహితుడిని లేదా ప్రియమైన వారిని తిరిగి కలుసుకోవాలనే ఆరాటాన్ని, పశ్చాత్తాపాన్ని ఎంతో భావోద్వేగంగా ఆవిష్కరిస్తుంది. బీటీఎస్‌ సభ్యులైన ఆర్‌ఎమ్, సుగా, జె–హోప్‌ స్వయంగా ఈ పాట నిర్మాణంలో భాగస్వాములయ్యారు. ప్రస్తుతం గ్లోబల్‌ మ్యూజిక్‌ ప్లాట్‌ఫామ్స్‌పై ‘కమ్‌ ఓవర్‌’ స్ట్రీమింగ్‌ రికార్డులను తిరగరాస్తోంది.

భారతీయ చలనచిత్ర సంగీత ప్రపంచంలో తన మధురమైన గొంతుతో కోట్లాది మంది అభిమానులను సంపాదించుకున్న ప్రముఖ సింగర్‌ శ్రేయా ఘోషల్‌ సరికొత్త రికార్డుకు సిద్ధమయ్యారు. తన సుదీర్ఘ కెరీర్‌లో మొట్టమొదటిసారిగా ఒక ‘లైవ్‌ కాన్సర్ట్‌ ఆల్బమ్‌’ను విడుదల చేయబోతున్నట్లు సోనీ మ్యూజిక్‌ ఇండియా అధికారికంగా ప్రకటించింది. ఇటీవలే ఆమె ప్రపంచవ్యాప్తంగా పూర్తి చేసిన ‘ఆల్‌ హార్ట్స్‌’మ్యూజికల్‌ టూర్‌ విశేషాలతో ఈ ఆల్బమ్‌ను రూపొందించారు.ప్రపంచవ్యాప్తంగా 44 నగరాల్లో జరిగిన ఈ మ్యూజికల్‌ టూర్‌లో.. ముంబై, లండన్, న్యూయార్క్, ఆమ్‌స్టర్‌డామ్‌ వంటి ప్రముఖ నగరాల కాన్సర్ట్‌ స్టేజీలపై శ్రేయ లైవ్‌గా పాడిన ఐకానిక్‌ సాంగ్స్‌ను ఇందులో చేర్చారు. ఈ ఆల్బమ్‌లో శ్రేయా ఘోషల్‌ కెరీర్‌లోనే బిగ్గెస్ట్‌ హిట్స్‌గా నిలిచిన బాలీవుడ్‌ పాటలు ఉండబోతున్నాయి.ఈ మ్యూజికల్‌ టూర్‌లో భాగంగా లండన్‌ లోని ప్రఖ్యాత ఓవో ఎరీనా వెంబ్లీ, కాలిఫోర్నియాలోని ఓక్‌లాండ్‌ ఎరీనాల్లో శ్రేయ ప్రదర్శనలు ఇచ్చారు. ముఖ్యంగా డెట్రాయిట్‌లోని ‘ఫాక్స్‌ థియేటర్‌’లో గానకోకిల లతా మంగేష్కర్‌ తర్వాత ప్రదర్శన ఇచ్చిన రెండో భారతీయ కళాకారిణిగా శ్రేయా ఘోషల్‌ చరిత్ర సృష్టించారు. అలాగే లాస్‌ ఏంజిల్స్‌లోని ప్రసిద్ధ డాల్బీ థియేటర్‌ స్టేజ్‌పై పెర్ఫామ్‌ చేసిన ఏకైక భారతీయ సింగర్‌గా ఆమె రికార్డు సాధించారు.

డ్యాన్స్‌ ఫ్లోర్‌ నుంచి మ్యూజిక్‌ మైక్‌ వరకు.. ఇన్‌స్టాగ్రామ్‌ రీమిక్స్‌ల నుంచి గ్లోబల్‌ గ్రామీ స్టేజ్‌ వరకు.. యశ్‌రాజ్‌ మెహ్రా ప్రస్థానం ఒక స్ఫూర్తిదాయక మారథాన్‌. హిప్‌–హాప్‌ అంటే కేవలం పాపులారిటీ మాత్రమే కాదు, గుండె లోతుల్లోంచి వచ్చే నిజాయితీ గల కథా కథనం అని నిరూపిస్తున్నాడు ముంబైకి చెందిన ఈ యంగ్‌ మ్యుజీషియన్‌. కష్టాన్నే నమ్ముకుని, కళనే శ్వాసగా మార్చుకున్న ఈ యువకుడు నేడు గ్లోబల్‌ మ్యూజిక్‌ వేదికపై భారతీయ జెండాను ఎగురవేసి దేశం గర్వించేలా చేశాడు.భారతీయ హిప్‌–హాప్‌ రంగానికి గ్లోబల్‌ గుర్తింపు తెస్తూ, యువ ర్యాపర్‌ యశ్‌రాజ్‌ మెహ్రా (Yashraj Mehra) ప్రతిష్టాత్మక గ్రామీ అవార్డు రేసులో నిలిచాడు. ‘సౌండ్స్‌ ఆఫ్‌ కుంభ’ ఆల్బమ్‌లో ఫీచర్‌ చేసిన ఆర్టిస్ట్‌గా ఆయన దక్కించుకున్న ఈ నామినేషన్, ప్రాంతీయ స్వరాలకు అంతర్జాతీయ వేదికపై దక్కిన అరుదైన గౌరవంగా నిలిచింది.డ్యాన్స్‌ ఫ్లోర్‌ నుంచి మ్యూజిక్‌ మైక్‌ వరకు..యశ్‌రాజ్‌ మెహ్రాకు తన బాల్యం నుంచే మ్యూజిక్‌పై ఆసక్తి ఉండేది. పాఠశాలలో తన స్నేహితులంతా క్రీడలలో పాల్గొంటూ, స్నేహితులతో గడుపుతుంటే, యశ్‌ మాత్రం తరగతి గదిలో ఓ మూలన కూర్చొని ర్యాప్‌ పాటలు, కవిత్వం రాసేవాడు. అలా బాల్యం నుంచే సంగీతం, పాటలపై సహజంగానే ఉన్న ఆసక్తి యశ్‌లో క్రమంగా కొనసాగుతూ వచ్చింది. ఇక తను స్థిరపడిన హిప్‌–హాప్‌ ప్రపంచం యశ్‌కు మొదట డ్యాన్స్‌ రూపంలో పరిచయమైంది. టీనేజర్‌గా ఉన్నప్పుడు మ్యూజిక్‌ బిట్స్‌కు డ్యాన్స్‌ చేయడం ్రపారంభించిన యశ్‌రాజ్, ఆ తర్వాత ఆ సంగీతం వెనుక ఉన్న పదాల లోతైన అర్థాన్ని, వాటిలోని కథా శైలిని గమనించాడు. అదే అతడిని ర్యాప్‌ వైపు నడిపించింది. మొదట్లో ఇన్‌స్టాగ్రామ్‌లో తన సొంత ర్యాప్‌ లైన్స్‌ను అప్‌లోడ్‌ చేస్తూ, పాపులర్‌ రీమిక్స్‌లతో ప్రయోగాలు చేస్తూ నెమ్మదిగా గుర్తింపు తెచ్చుకున్నాడు. తను ఎంచుకున్న రంగంపై కుటుంబం నుంచి కొంత ప్రతిఘటన ఎదురైనప్పటికీ, తల్లి ఇచ్చిన సంపూర్ణ మద్దతుతో తన సృజనాత్మక ప్రయాణాన్ని కొనసాగించాడు.యువతని ఆకట్టుకున్న యష్‌2020లో విడుదలైన ‘ఆజాద్‌ హూ మే’ అనే ఎక్స్‌టెండెడ్‌ ప్లేతో యశ్‌రాజ్‌ అధికారికంగా సంగీత ప్రపంచంలోకి అడుగుపెట్టాడు. ఆ తర్వాత విడుదలైన హౌస్లా, ధుంధాలా, గబ్బర్‌ వంటి పాటలు యువతను విశేషంగా ఆకట్టుకున్నాయి. ఈ ప్రస్థానంలో రిషి రిచ్, జేడెన్, అర్మాన్‌ మాలిక్, బాద్‌షా, రఫ్తార్‌ వంటి టాప్‌ ఆర్టిస్టులతో ఆయన స్క్రీన్‌ షేర్‌ చేసుకున్నాడు. అలాగే బాలీవుడ్‌ చిత్రాలైన ఖో గయే హమ్‌ కహా, మర్డర్‌ ముబారక్‌ సినిమాల్లోనూ తన గాత్రాన్ని అందించాడు. డివైన్, నేజీ, నాస్, జె కోల్, డ్రేక్‌ వంటి అంతర్జాతీయ కళాకారులను ఆదర్శంగా తీసుకునే యశ్‌రాజ్‌.. భారతీయ హిప్‌–హాప్‌ భవిష్యత్తు ప్రాంతీయ భాషలలోనే దాగి ఉందని బలంగా నమ్ముతాడు.గ్రామీ నామినేషన్‌తో రికార్డుయశ్‌రాజ్‌ కెరీర్‌లోనే గతేడాది ఊహించని అతిపెద్ద మలుపు. ‘సౌండ్స్‌ ఆఫ్‌ కుంభ’ ఆల్బమ్‌లో ఫీచర్‌ చేసిన ఆర్టిస్ట్‌గా యశ్‌రాజ్‌ ప్రపంచంలోనే అత్యున్నత సంగీత పురస్కారమైన ‘గ్రామీ’ నామినేషన్‌ ను దక్కించుకుని సరికొత్త రికార్డు సృష్టించాడు.జీవితం ఒక సుదీర్ఘ ప్రయాణం!జీవితాన్ని ఒక ‘స్ప్రింట్‌’ లాగా కాకుండా, ‘మారథాన్‌’ లాగా భావించే యశ్‌రాజ్‌.. నిరంతరం నేర్చుకుంటూ, ఒదిగి ఉండటమే తన విజయ రహస్యమని చెబుతాడు. తల్లిదండ్రులకు ఆర్థిక భద్రత కల్పించి, వారిని గర్వపడేలా చేయడమే తన అంతిమ లక్ష్యమని, అన్ని సమయాల్లో తన వెన్నంటే ఉండే తన టీమ్‌కు ఒక స్థిరమైన మార్గాన్ని చూపించడం తన ధ్యేయమని ఈ యువ సంచలనం స్పష్టం చేశాడు.పాఠశాల గదిలో ఒంటరిగా కూర్చుని రాసుకున్న ర్యాప్‌ అక్షరాలు.. నేడు ప్రపంచ అత్యున్నత సంగీత వేదిక ‘గ్రామీ’ నామినేషన్‌ వరకు చేరతాయని యశ్‌రాజ్‌ కూడా ఊహించి ఉండడు. ఆటంకాలు ఎన్ని ఎదురైనా పట్టువదలకుండా యశ్‌రాజ్‌ మెహ్రా సాధించిన ఈ అంతర్జాతీయ విజయం, భారతీయ సంగీత ప్రపంచంలో ఒక సరికొత్త సంచలనం.'ప్రజలు నా సంగీతాన్ని ఇష్టపడటం, అభినందించడం నాకు ఎంతో సంతోషాన్ని ఇచ్చింది. నేను ఎంచుకున్న మార్గం కేవలం నా భ్రమ కాదని, నిజమని ఆ క్షణంలో నమ్మాను. అపుడే సంగీతం కోసం నా పూర్తి సమయాన్ని కేటాయించాలని నిర్ణయించుకున్నాను. మనం నిజంగా నిజాయితీగా ఏదైనా రాస్తే, అది అత్యంత ప్రజాదరణ పొందిన సంగీత శైలి కాకపోయినా, అది ప్రతిధ్వనిస్తుందని నా సంగీత ప్రయాణంలో నేను గ్రహించాను.' – యశ్‌రాజ్‌

కొందరు సక్సెస్‌కి చిరునామాగా ఉంటారు. చాలామంది ఎంచుకున్న దాంట్లో సక్సెస్‌ అందుకోవడానికే నానా తంటాలు పడతూ ఉంటే..రాసిన అన్ని ప్రభుత్వ ఉద్యోగ నియామక పరీక్షల్లో ఉత్తీర్ణురాలవ్వడం అంటే..మాటలు కాదుకదా..!. అంత అంకితభావంతో, అంతలా ప్రిపేరవ్వడం నిజంగా మాటలు కాదు కదా..!. కానీ ఈ అమ్మాయ్‌ అలాంటి ఘనతనే సాధించింది.ఆ అమ్మాయే రాయ్‌పూర్‌కి చెందిన చారు పాండే. భారతదేశంలో ప్రభుత్వ నియామకానికి సంబంధించిన ఎన్నో కాంపిటీటివ్‌ ఎగ్జామ్స్‌ ఉన్నాయి. అందులో ఉత్తీర్ణత సాధించలేక అభ్యర్థులు ఎంతలా ఇబ్బంది పడతుంటారో తెలిసిందే. అలాంటిది..అంత కఠినతరమైన ప్రభుత్వ నియమాక పరీక్షలన్నీ సులభంగా చేధించేసిందామె ఆమె. ఒకటి, రెండు కాదు ఏకంగా 19 సెంట్రల్‌ గవర్నెమెంట్‌ పరీక్షల్లో ఉత్తీర్ణురాలవ్వడం విశేషం. జస్ట్‌ 23 ఏళ్ల వయసుకే ఈ ఘనతను సాధించిన అమ్మాయిగా రికార్డు సృష్టించి..వార్తల్లో నిలిచింది. ఆమె రైల్వే రిక్రూట్‌మెంట్ బోర్డ్ పరీక్షలు, ఎస్బీఐ, ఐబీపీఎస్‌, ఎస్‌ఎస్సీ సీజీఎల్‌, సీహెచ్‌ఎస్‌ఎల్‌, ఎంటీఎస్‌ వంటి అనేక పరీక్షల్లో రాసింది. ఆమె చేసిన నిరంతర ప్రయత్నాలు చివరకు ఫలించి ఏకంగా 19 కేంద్ర ప్రభుత్వ పరీక్షలలో ఉత్తీర్ణత సాధించడానికి దారితీసింది. ఈ మేరకు చారు పాండే మాట్లాడుతూ..19 కేంద్ర ప్రభుత్వ పరీక్షలలో ఉత్తీర్ణత సాధించినందుకు తన కుటుంబం ఎంతో సంతోషంగా ఉందని పేర్కొంది. నిజం చెప్పాలంటే ఇన్ని పరీక్షలు రాస్తానని అస్సలు అనుకోలేదని చెబుతోంది. ఒక్క ప్రభుత్వ ఉద్యోగమైనా సంపాదించగలిగితే చాలు అనుకున్నా..కానీ ఏకంగా ఇన్ని పరీక్షల్లో విజయవంతమయ్యా అంటూ సంతోషంగా చెప్పుకొచ్చింది. తన గణిత నేపథ్యం కారణంగా తన పేరెంట్స్‌ టీచర్‌ లేదా లెక్చరర్‌ రంగంలోకి వెళ్లాలని ఆశించారు. ఈ నేపథ్యంలోనే ఇలా పోటీ పరీక్షలపై దృష్టి పెట్టానని చెప్పుకొచ్చింది. అయితే నెటిజన్లు కొందరు ఆమె పట్టుదలపి, కృషిని ప్రశంసించగా, మరికొందరు ఇన్ని రాసిందంటే..ఆమెకు ఎందులోనూ సరైన అభిరుచి లేదు..పైగా ఆ రంగంలోని వాళ్ల రిజర్వేషన్‌ ఈమె కారణంగా కోల్పోతేందంటూ మండిపడుతూ పోస్టులు పెట్టారు.#WATCH | Raipur, Chhattisgarh: Charu Pandey, starting her journey at 23 with the dream of a government job, has inspired lakhs of young aspirants by clearing 19 competitive exams, says, "... My family is very happy with this achievement of mine. I am receiving an award for… pic.twitter.com/Zo21tNMxPs— ANI MP/CG/Rajasthan (@ANI_MP_CG_RJ) June 12, 2026 (చదవండి: కలలు కల్లలైనా..అతడు చూపిన చొరవకు సెల్యూట్‌!)

జీరో నుంచి మొదలు పెట్టి కోట్లు గడించే రేంజ్‌కి చేరుకున్నాడు. అదికూడా తన చుట్టు ఉన్న అవసరాలే వ్యాపారంగా మలిచాడు. ఆఖరికి విలాసవంతమైన కారు కొన్నా..అది తన స్థాయి చూపించుకోవడానికి కాకుండా..సొంతూరు గర్వించే స్థాయిలో ఉన్నాను అని చూపేందుకు అని చెబుతుంటాడు. గెలుపుకి పెద్ద పెద్ద డిగ్రీలు, బ్యాగ్రౌండ్‌తో పనిలేదని చాటిచెప్పే అసామాన్యుడి కథ ఇది. సాధారణ ఆటో రిక్షా డ్రైవర్‌గా మొదలైన జీవితం ఏకంగా రూ. 900 కోట్లు టర్నోవర్‌ చేసే కంపెనీకి యజమానిగా మారి యవతకు ప్రేరణగా నిలిచిన విజయగాథ ఇది. అతడే కర్ణాటకలోని బళ్లారికి చెందిన సత్య శంకర్‌. అతడు ఇంటర్‌ డ్రాపౌట్‌. తండ్రి సాధారణ పూజరి, ఇంట్లో ఆర్థిక పరిస్థితులు అంతంతమాత్రమే కావడంతో చదువుకి మధ్యలోనే స్వస్తి చెప్పాల్సి వచ్చింది. దాంతో కుటుంబ పోషణ కోసం కష్టపడి డ్రైవింగ్‌ లైసెన్స్‌ సంపాదించి..ఆటో రిక్షా నడుపుతుండే వాడు. ఆ తర్వాత ప్రభుత్వ పథకం కింద రుణంపై సొంతంగా ఆటో కొనుక్కుని నడపడం మొదలు పెట్టాడు. కొన్నాళ్లకు ఆ రుణాన్ని తీర్చేసి..వెంటనే తన ఆటోని కారుగా మార్చాడు.ట్యాక్సీ ‍డ్రైవర్‌గా తనుండే జిల్లా చుట్టూనే కాకుండా రాష్ట్ర సరిహద్దులు దాటి ముందుకెళ్లాడు. ఆ క్రమంలో తరచుగా విదేశీ పర్యాటకులను తన వాహనంలో తీసుకువెళ్లేవాడు. వాళ్లంతా ఎక్కడ నుంచి వచ్చినా..మొదటగా కొనేది ప్యాక్‌ చేసిన మంచినీటి సీసానే అని గమనించాడు శంకర్‌. తాను రోడ్డుపై దృష్టిపెడితే..విదేశీ పర్యాటకులంతా ఆరోగ్యంపై దృష్టి పెట్టి ఇలా చేస్తున్నారని గ్రహించాడు. అప్పుడే ఇదేదో పనికొచ్చే బిజినెస్‌లా ఉందే అని అతడి బుర్రలో ఒక ఆలోచన తళుక్కుమంది కానీ ఆచరణలోకి తీసుకురాలేదు. ఆ తర్వాత కారు నడపడం కంటే..కారు విడిభాగాలను అమ్మే వ్యాపారమే బెటర్‌ అని గ్రహించి ఆటోమొబైల్‌ వ్యాపారం ప్రారంభించాడు. విడిభాగాలు కొనే ప్రతి కస్టమర్‌కు టైర్‌ కూడా అవసరం అని గ్రహించి టైర్ల దుకాణాన్ని కూడా తెరిచాడు. అంతేగాదు తన వద్ద రైతులు, స్థానికులు అరువుపై వస్తువులు కొనుగోలు చేసేవారు. చిన్న చిన్న వాయిదాలలో తిరిగి చెల్లించేవారు. దాంతో తను కూడా బ్యాంకుకు విడతల వారీగా డబ్బు చెల్లించొచ్చని తెలుసుకున్నాడు శంకర్‌. అలా 1994లో ప్రవీణ్ క్యాపిటల్ అనే ఫైనాన్స్ కంపెనీని ప్రారంభించాడు. ఇతర ఫైనాన్షియర్లు పాత వాహనాలను పట్టించుకోనప్పటికీ, శంకర్ సెకండ్ హ్యాండ్ ఆటోలు,కార్లకు రుణాలు ఇచ్చాడు. అతను కూడా ఒక కష్టపడే డ్రైవరే కాబట్టి, కష్టాల్లో ఉన్న డ్రైవర్‌ను పరిస్థితిని అర్థం చేసుకుని ఈ సాహసానికి పూనుకున్నాడు. ఇక ఆ తర్వాత తనలో ఆనాడు విదేశీ పర్యాటకుల కారణంగా తన బ్రెయిన్‌లో తట్టిన ఆ వ్యాపార ఆలోచనను ఆచరణలో పెట్టే ప్రయత్నం చేశాడు. భారీ వర్షాలు కురిసే పుత్తూరు సమీపంలోని నరిమొగేరు అనే గ్రామంలో అతను మంచినీటి ఫ్యాక్టరీని స్థాపించాడు. అతను ఆ బ్రాండ్‌కు బిందు (‘కన్నడలో చుక్క’) అని పెట్టారు. అక్కడితో తన వ్యాపార సామ్రాజ్యాన్ని ఆపలేదు. శంకర్‌ ఉత్తర్‌ భారత దేశ పర్యటనలో ఓ చిన్న సోడా దుకాణం వద్దకు వచ్చాడు. అక్కడ సర్వ్‌ చేసిన సోడా పానీయం అతడికి మరో వ్యాపారాన్ని నిర్మించేదుకు దారితీసింది. అలా తన సొంతూరు పుత్తూరులో బిందు ఫిజ్‌ జీరా మసాల అనే కూల్‌డ్రింక్‌ వ్యాపారాన్ని మొదలు పెట్టాడు. మొదట్లో వంద సేల్‌ అవ్వడమే కష్టంగా ఉండేది. అయితే దేశీ రుచి కచ్చితంగా విజయవంతమవ్వుతుందన్న ఆశతో వెనక్కి తగ్గకుండా హైవేలపై ఉండే గోడలనే ప్రచార బోర్డులుగా మార్చి ఆ డ్రింక్‌ ప్రకటనలను ఇచ్చేవాడు. నోటి మాటతో దాని రుచి ప్రజలకు చేరువయ్యేలా చేశాడు. దాంతో గ్రామీణ శైలి ఆహారంతో ప్రజలు కోరుకునే పానీయంగా ప్రజల మదిలో నిలిచే చల్లని పానీయంగా బిందు ఫిజ్‌ని స్థిరపడేలా చేశాడు. మార్చి 2025 నాటికి 60 ఏళ్లు శంకర్‌కి. కానీ ఆయన వ్యాపార విస్తరణ ఆగలేదు. ఇప్పటికీ అంతే ఉత్సాహంతో సాగిపోతున్నాడయన. అంతేగాదు ఆయన ఎస్జీ కార్పొరేట్స్, ఇప్పుడు రూ. 900 కోట్ల టర్నోవర్‌ ఆర్జిస్తుండగా, హౌస్ ఆఫ్ బిందు (పానీయాలు , స్నాక్స్) రూ. 570 కోట్ల ఆదాయం, ప్రవీణ్ క్యాపిటల్ (ఫైనాన్స్ విభాగం) రూ. 330 కోట్లను ఆర్జిస్తోంది. ఆయన ప్రసిద్ధ జీరా మసాలా నుంచి మామిడి రసాలు, స్నాక్స్ వరకు 55 రకాల ఉత్పత్తులను అమ్ముతారు. ఆయనకు తెలంగాణ, కర్ణాటకలో కూడా ఫ్యాక్టరీలు ఉన్నాయి. పైగా ఆంధ్రలో కొత్తవి రానున్నాయి కూడా. ఆయన వద్ద ప్రస్తుతం రోల్స్‌ రాయిస్‌ కారు కూడా ఉంది. అది తన స్టేటస్‌ ఆఫ్‌ సింబల్‌ కోసం కాదని, బళ్లారికి చెందిన వ్యక్తి ఎంత దూరం వెళ్లగలడు అని చెప్పడానికని గర్వంగా అంటాడు శంకర్‌. తన వ్యాపారాలన్నీ..సామాన్య ప్రజలు కోరుకునేది, వారి అవసరాల దృష్టి నుంచి మొదలైనవేనని, అదే తన సక్సెస్‌మంత్ర అని అంటాడాయన. అంతేగాదు అంతా ఇంగ్లీష్‌ పానియాలతో వ్యాపారం చేస్తే..స్థానిక భాషకు ప్రాధాన్యత ఇచ్చి..దేశీ రుచిని అందించే పానీయాలను తీసుకొచ్చారు. ఓపిక, నిశిత పరిశీలన ఉంటే..ఎప్పటికైనా గెలుపు తథ్యం అంటాడు కర్ణాటకకు చెందిన సత్య శంకర్‌.(చదవండి: అమ్మ కలను నెరవేర్చిన కూతురు..! 73 ఏళ్ల​ వయసులో ఆమె ..)

దృఢ సంకల్పానికి, స్ఫూర్తికి ప్రతీక ఆమె కథ. జీవితంలో అడుగడుగునా కష్టాలే అయినా పట్టుదలతో అద్భుతమైన విజయం సాధించింది. అచంచల కృషితో తన జీవితాన్ని మార్చుకోవడం మాత్రమే కాదు, తన తోటివారికి స్వీయ సాధికారత స్ఫూర్తి నందించిన మహిళ. కేవలం రూ. 500 పెట్టుబడితో ప్రారంభమైన ఆమె వ్యాపారం నేడు ఏటా రూ.75 లక్షల టర్నోవర్‌ సాధించే స్థాయికి చేరింది.ఎవరా మహిళ? ఆమె విజయ రహస్యం ఏంటి? తెలుసుకుందాం ఈ కథనంలోఅస్సాంలోని నల్బారి జిల్లాకు చెందిన కనికా తాలూక్దార్ కథ ఒక అద్భుతమైన స్ఫూర్తిదాయక ప్రయాణం. 27 ఏళ్ల వయసులోనే 2008లో ఒక రోడ్డు ప్రమాదంలో తన భర్తను కోల్పోయినప్పుడు ఆమె ప్రపంచం ఒక్కసారిగా కూలిపోయింది. చేతిలో చిల్లి గవ్వలేదు.ఉన్నత చదువులు లేవు, స్థిరమైన ఆదాయం లేదు. ఉన్నదల్లా నాలుగు నెలల కూతురు, అత్తామామలను పోషించేబాధ్యత. కానీ, ఆమె అధైర్యపడకుండా ఎదురొడ్డి నిలబడాలని నిర్ణయించుకుంది.ఆమె చదివింది కేవలం 10వ తరగతి మాత్రమే. 2014లో ఆమె తీసుకున్న నిర్ణయం ఆమె భవిష్యత్తుకు బంగారు బాట వేసింది. స్థానిక స్వయం సహాయక సంఘం (SHG)లో చేరారు. అక్కడ 'జీవిక సఖి'గా బాధ్యతలు చేపట్టడం వల్ల పొదుపు, బృందకృషి, చిన్న తరహా వ్యాపారాలపై ఆమెకు అవగాహన వచ్చింది.రూ.500 పెట్టుబడితో ప్రయోగంనల్బారిలోని కృషి విజ్ఞాన కేంద్రంలో డాక్టర్ మనోషి చక్రవర్తి ఇచ్చిన వర్మీకంపోస్ట్ (వానపాముల ఎరువు) తయారీ శిక్షణ కనికను ఎంతగానో ఆకర్షించింది. దీనికి ఎక్కువ పెట్టుబడి అవసరం లేదని గ్రహించిన ఆమె, కేవలం రూ. 500లతో తన తల్లిదండ్రుల ఇంటి పెరట్లో ఒక కిలో వానపాములతో వర్మీ కంపోస్ట్‌ వ్యాపార ప్రపంచంలోకి అడుగుపెట్టింది. పట్టుదల, నేర్చుకోవాలనే తపనతో, ఆమె తన వ్యాపారాన్ని ప్రారంభించడానికి ఆవు పేడ ,ఆకుల వంటి స్థానికంగా లభించే వనరులను ఉపయోగించుకుంటూ, వర్మీకంపోస్టింగ్‌ తయారీ పనిని స్వీకరించింది.మొదట్లో అనేక సవాళ్లు, ఆర్థిక ఇబ్బందులు ఎదురైనప్పటికీ, కనిక పట్టుదల ఫలించింది. కొనేందుకు డబ్బుల్లేక చుట్టుపక్కల లభించే కూరగాయల వ్యర్థాలు, ఎండిన ఆకులను సేకరించి మొదటి బ్యాచ్ ఎరువును సిద్ధం చేసేది. ఇదే 'జయతు ఆర్గానిక్ ప్రొడక్ట్స్' సంస్థకు పునాది. రసాయన ఎరువులకు అలవాటు పడిన స్థానిక రైతులు మొదట్లో ఆమె సేంద్రియ ఎరువును కొనేందుకు అస్సలు ఆసక్తి చూపలేదు. కానీ కనిక వెనకడుగు వేయలేదు.2018 నుండి ఆమె స్వయంగా రైతులను కలిసి, చిన్న చిన్న సంఘాలను ఏర్పాటు చేసి వర్మీకంపోస్ట్ వల్ల నేల తల్లికి జరిగే మేలును వివరించడంతో పాటు, స్థానిక రేడియో ఛానళ్ల ద్వారా కూడా దీనిపై అవగాహన కల్పించేది. ఆమె పట్టుదలకు ఫలితంగా మెల్లమెల్లగా రైతులు ఆమె ఉత్పత్తులను నమ్మడం, కొనడం ప్రారంభించారు. సంవత్సరాలు గడిచేకొద్దీ, ఆమె తన నైపుణ్యాలను మెరుగుపరుచుకుంది, తన కార్యకలాపాలను విస్తరించింది. తన ఉత్పత్తులను వైవిధ్యపరిచింది. వర్మీకంపోస్ట్ వ్యాపారం నెలకు రూ. 3.5 లక్షల ఆదాయాన్ని ఆర్జించే స్థాయికి ఎదిగింది. అలా 2017లో 'జయతు ఆర్గానిక్ ప్రొడక్ట్స్' బ్రాండ్‌ను అధికారికంగా రిజిస్టర్ చేశారు. 2019లో జిల్లా పరిశ్రమల కేంద్రం (DIC) మద్దతుతో ఆమె తన ఉత్పత్తులను Amazon, Flipkart , ప్రభుత్వ రంగ పోర్టల్ GeM (Government e-Marketplace) లలో విక్రయించడం ప్రారంభించింది. GeM పోర్టల్ ద్వారా ప్రభుత్వ శాఖల నుండి పెద్ద మొత్తంలో వార్షిక కాంట్రాక్టులు రావడంతో వ్యాపారం స్థిరపడింది.ఇదీ చదవండి : పిల్లనిచ్చిన అత్తతో అల్లుడి ప్రేమ, పెళ్లి వీడియో వైరల్అస్సాం అగ్రికల్చరల్ యూనివర్సిటీ (NeedHub), IIM కలకత్తా, NRETP ల నుండి ఆమెకు రూ. 27.50 లక్షల బిజినెస్ గ్రాంట్లు లభించాయి. ఈ నిధులతో ఆమె మౌలిక సదుపాయాలను పెంచుకున్నారు. కేవలం ఒకటిన్నర బిఘాల సొంత స్థలం నుంచే ఈ వ్యాపారాన్ని నడుపుతుండటం విశేషం.ఇదీ చదవండి: ప్రియుడితో వధువు పరార్‌, చెల్లితో పెళ్లి ఫిక్స్‌, మళ్లీ ప్రియుడి లొల్లి!నెలకు ఏకంగా 70 టన్నుల వర్మీకంపోస్ట్‌ను ఉత్పతి చేస్తూ, ఈ విక్రయాల ద్వారా ఆమె ఏడాదికి రూ. 70 లక్షల నుండి రూ.75 లక్షల ఆదాయాన్ని గడిస్తోంది. వర్మీకంపోస్ట్‌తో పాటు ఆర్గానిక్ పురుగుమందులు, ఆవు పేడతో చేసిన ధూప్ స్టిక్స్ (గోమయ అగర్‌బత్తి) కూడా తయారు చేస్తున్నారు. దీనికిగానూ 2019లో ICAR నుంచి జాతీయ అవార్డు కూడా అందుకున్నారు.భవిష్యత్తులో దేశవ్యాప్తంగా తన ఆన్‌లైన్ వ్యాపారాన్ని మరింత విస్తరించాలని, అలాగే తనలాంటి ఎంతోమంది గ్రామీణ మహిళలకు ఉపాధి కల్పించి, రసాయన రహిత స్థిరమైన వ్యవసాయాన్ని ప్రోత్సహించాలని కనిక లక్ష్యంగా పెట్టుకున్నారు. ఒక సాధారణ మహిళ అనుకుంటే జీరో నుంచే తన వ్యాపార సామ్రాజ్యాన్ని నిర్మించుకోగలదు అనేందుకు కనికా తాలూక్దార్ జీవితమే ఒక సజీవ సాక్ష్యం.ఇదీ చదవండి: రూ. 2 లక్షల జీతం, అయినా తిప్పలే : ఎలా ఈ సంసారం!

ఒక సాధారణ నైపుణ్యంతో విజయవంతమైన వ్యాపారవేత్తగా మారి ఎంతో మంది మహిళలకు స్ఫూర్తిగా నిలిచిందామె. పరిమిత వనరులతో ప్రారంభించిన వ్యాపారం..చూస్తుండగానే నెమ్మదిగా వృద్ధి చెందడం ఒక ఎత్తైతే..ప్రముఖ బ్రాండెడ్‌ కంపెనీలే వచ్చి కొనుగోలు చేసేలా పేరుగాంచడం మాములు విషయం కాదు. కేవలం ఎనిమిదో తరగతితోనే చదువు ఆపేసిన ఆమె చిన్న సాధారణ నైపుణ్యంతో ఉపాధి ఏర్పరుచుకుని ఉన్నతస్థాయికి ఎదగడమే గాక ఇతర మహిళలకు కూడా ఉపాధి అవకాశాలు కల్పించడం విశేషం. మరి ఆ మహిళ స్ఫూర్తిదాయక కథేంటో చూద్దామా..!.ఆ మహిళే లూధియానాలోని సమ్రాలా సమీపంలో ఉన్న భగవాన్‌పురా గ్రామానికి చెందిన 54 ఏళ్ల చరణ్‌జిత్ కౌర్. పుట్టిన దగ్గర నుంచి పేదరికంలో పెరిగిన ఆమెకు డబ్బు విలువ గురించి బాగా తెలుసు. ముఖ్యంగా ఉపాధి విలువేంటో బాగా తెలుసామెకు. తన కుటుంబాన్ని పోషించుకునేందుకు ఏదో ఒకటి చేయాలనుకుంది. అందుకోసం జనపనార సంచులను తయారు చేయడం నేర్చుకోవాలని అనుకుంది. మొదట్లో చరణ్‌జిత్‌కు మద్దతు లభించలేదు. అయినా సరే ఎలాగైనా నేర్చుకుని తీరాలన్న పట్టుదలతో కృషి విజ్ఞాన్ కేంద్ర (KVK) కేంద్రాలలో శిక్షణా కార్యక్రమాలలో చేరింది. అది ఆమెకు నైపుణ్యాలను మెరుగుపరుచుకోవడానికే కాకుండా వ్యాపారం గురించి మరింతగా అవగాహన ఏర్పరుచుకోవడాని వీలు కల్పించింది. అలా చిన్నగా వ్యాపారం ప్రారంభించింది. అయితే మొదట్లో చాలా ఒడిదుడుకులు ఎదురయ్యాయి. కొన్నిసార్లు ఆర్డర్లు రాక ఇబ్బందిపడ్డది కూడా. అలా నెమ్మదిగా ఆర్డర్లు దక్కించుకుంటూ చిన్నగా మొదలైన వ్యాపారం కాస్తా సంస్థగా మారింది. అంతేగదు ఏకంగా టాటా, జోంటీ ఆగ్రో వంటి కంపెనీలు నుంచి ఆర్డర్లు అందుకునేలా పేరు సంపాదించించుకుంది. అలా తన వ్యాపారం ద్వారా నెలకు దగ్గర దగ్గర రూ. 50 వేలు వరకు సంపాదించుకునే రేంజ్‌కి వచ్చింది. సాధారణ ప్రజలు కూడా కొనుగోలు చేసే ధర, అనుకున్న సమయానికి ఆర్డర్‌ ఇచ్చేలా ఆమె నిబద్ధత వ్యాపారానికి కీలకంగా మారి ప్రముఖ కంపెనీల నుంచి ఆర్డర్లు అందుకునేందుకు దారితీసింది. మరోవైపు ఆమె తన ఆదాయంతో కుటుంబ పరిస్థితిని మెరుగుపరుచుకోవడమే కాకుండా ఇతర మహిళలకు ఉపాధి అవకాశాలు ఇచ్చే స్థాయికి వచ్చారామె. అంతేగాదు ఆమె జనపనారతో సంచులు ఎలా తయారు చేయాలో చెబుతూ..స్వయంగా డబ్బులు సంపాదించుకునే మార్గాల గురించి ఇతర మహిళలకు వివరిస్తుంటుంది. విదేశాల నుంచి వచ్చి మరి ఆమె తయారు చేసే జనపనార సంచులను కొనుగోలు చేస్తుంటారట. మన్నిక, వినియోగం ఆధారంగా కొన్ని జనపనార సంచులు అధిక ధర పలుకుతాయని చెప్పుకొచ్చింది చరణ్‌జిత్‌ కౌర్‌. ఈ కథలో ఆర్థిక ఇబ్బందులు, చదువు లేకపోవడం వంటి సమస్యలు ‍ప్రతిబంధకం కాదు..తనపై తనకు నమ్మకం ఉంటే..చిన్న నైపుణ్యంతో విజయం సాధించొచ్చు, కలలు నిజం చేసుకోవచ్చని నిరూపించింది చణ్‌జిత్‌ కౌర్‌.(చదవండి: ఐదేళ్ల చిన్నారి 'హ్యాపీ స్లీప్'ఆవిష్కరణ..! అనారోగ్యంతో బాధపడే పిల్లలకు..)

చిన్నపాటి స్టోర్‌ మాదిరి రెస్టారెంట్‌ నుంచి ఏకంగా లగ్జరీ రెస్టారెంట్ల రేంజ్‌కి చేరుకోవడం అంత ఈజీకాదు. పైగా ఆతిథ్య రంగంలో తనకంటూ గర్తింపు తెచ్చుకుని ప్రసిద్ధ బాండ్‌ రెస్టారెంట్‌లతో కోట్లలలో ఆదాయాన్ని ఆర్జించే స్థాయికి చేరుకున్నాడు. అతడు ఈ సక్సెస్‌ని ఎలా అందుకున్నాడో తెలిస్తే ఆశ్చర్యపోతారు. ఒక పారిశ్రామికవేత్తకు ఉండాల్సిన ముఖ్య లక్షణమేంటో తప్పక తెలుస్తుందని అంటున్నారు వ్యాపార నిపుణులు. అతడే ఇంప్రెసారియో ఎంటర్‌టైన్‌మెంట్ అండ్‌ హాస్పిటాలిటీ సంస్థకు వ్యవస్థాపకుడు రియాజ్ ఆమ్లానీ. అతడు చిన్నగా మొదలు పెట్టిన రెస్టారెంట్‌ వ్యాపారం అనతికాలంలోనే సోషల్, స్మోక్ హౌస్ డెలి, పృథ్వీ కేఫ్, స్లింక్ అండ్‌ బార్డోట్ వంటి అనేక ప్రసిద్ధ బ్రాండ్‌ల రెస్టారెంట్లు రన్‌ చేసే రేంజ్‌కిచేరుకున్నాడు. అంతేగాదు భారతదేశ ఆహార, పానీయాల పరిశ్రమలో తన పేరుని నిలిచేలా చేసుకున్నాడు. తన బ్రాండ్‌ల వెనుకు ఉన్న తన ఫుడ్‌ బేవరేజ్‌ సంస్థ ఇంప్రెసారియో ఎంటర్‌టైన్‌మెంట్ అండ్‌ హాస్పిటాలిటీ సంస్థ సీఈవో రియాజ్‌ ఎలాంటి సక్సెస్‌ సూత్ర పాటించి ఈ రేంజ్‌కి వచ్చాడంటే..ప్రజల ఫీడ్‌బ్యాక్‌ని ఆధారంగా అని చెబుతున్నారు. ప్రజలు ఏం కోరుకుంటున్నారు, వాళ్లు ఇష్టపడే ప్రదేశాలు వంటి వాటిపై చర్చించి ఆ దిశగా తన రెస్టారెంట్‌లలో అవి ఉండేలా ఏర్పాట్లు చేశాడట. ముంబైకి చెందిన ఈ వ్యాపారవేత తన 35 ఏళ్ల వ్యాపార జీవితంలో నేర్చుకున్న పాఠాలు ఇవేనని, అదే తన విజయ రహస్యమని అంటున్నారు. ప్రజలు ఆనందించగల ప్రదేశాలనే నిర్మిస్తా..అదే తన రెస్టారెంట్లను విజయవంతంగా నడిపిస్తుందని అంటున్నారు. ఆయన తన రెస్టారెంట్ల వ్యాపారం నుంచి దాదాపు రూ. 900 కోట్లు వరకు ఆర్జిస్తాడట. మన కళ్ల ముందే చాలా కంపెనీలు ఆతిథ్య రంగంలోకి వచ్చి ఇబ్బంది పడ్డాయి. తీవ్రమైన పోటీ ఉండే ఈ రంగంలో తను నిలదొక్కుకోవడానికి కీలకం కస్టమర్లే అంటాడు. మొదట కస్టమర్ల ప్రాధాన్యత, ఆ తర్వాత అవి అమలు చేయడంలో కలిగే సానుకూల, ‍ప్రతికూల అంశాలను క్షుణ్ణంగా పరిశీలించి అమలు చేస్తానని అంటున్నాడు. తన కుటుంబ వ్యాపారమైన బెర్రీస్‌ రెస్టారెంట్‌ నుంచి మొదలైందట. అక్కడ నుంచే మొరాకో-శైలి కేఫ్ అయిన 'మోచా' ద్వారా ఆతిథ్య వ్యాపారంలోకి వచ్చినట్లు తెలిపారు. అలా తన కుటుంబ వ్యాపారం అంచలంచెలుగా విస్తరించి ఆతిథ్య సంస్థగా ఎదిగిందన్నారు. చివరగా ఆయన ఎదగడానికి రెండు మార్గాలున్నాయన్నారు. మొదటిది విశ్రాంతి తీసుకుంటూ వర్క్‌ లైఫ్‌ బ్యాలెన్స​ చేసి ఎదగొచ్చు , రెండు పూర్తిగా పనికే ప్రాధాన్యత ఇచ్చి కెరీర్‌పై దృష్టి పెట్టొచ్చు. ఆ విధంగా నిబద్ధతతో దేనికి ప్రాధాన్యత ఇవ్వాలనే దానిపై అటెన్షన్‌ పెడితే విజయం తథ్యం అని అన్నారు. (చదవండి: సినిమా సీన్‌ని తలపించేలా.. ఆర్మీ పైలట్‌ లవ్‌ ప్రపోజ్‌!)

ప్రతి వ్యక్తి కెరీర్‌లైఫ్‌లో కొన్ని ఒడిదుడుకులు ఎదుర్కోవడం సహజం. ఏదీ అంత ఈజీగా దొరికేయదు కూడా. అలానే ఈ ఐఐటీ గ్రాడ్యుయేట్‌ కూడా చదువు అవ్వంగానే క్యాంపస్‌ ప్లేస్‌మెంట్‌లోనే మంచి జాబ్‌ కొట్టేశాడు. కానీ అది వద్దనుకుని ప్రజలకు సేవ చేస్తా అంటూ సివిల్స్‌ వైపుకి వచ్చాడు. అందులో వరుసపెట్టి వైఫల్యాలే, మధ్యలో వ్యక్తిగత జీవితంలో లవ్‌ బ్రేకప్‌ ఇలా.. వరుసపెట్టి ఎదురుదెబ్బలు ఒకదాని తర్వాత ఒకటి పలకరిస్తూనే ఉన్నాయి అతడిని. కానీ చివరికి వాటన్నింటిని ఓర్చుకుంటూనే సక్సెస్‌ అందుకున్నాడు. చేతులెత్తేయకుండా చివరి వరకు పోరాడటం అంటే ఇదే కదా అనిపిస్తుంది ఈ వ్యక్తి స్ఫూర్తిదాయక కథ వింటుంటే. హైదరాబాద్‌కు చెందిన సాఫ్ట్‌వేర్ ఇంజనీర్ వికాస్ అల్విస్ ఐఐటి మద్రాస్ గ్రాడ్యుయేట్ అయిన తన ఫాట్‌మేట్‌ గురించి పెట్టిన పోస్ట్‌ నెట్టింట వైరల్‌గా మారింది. ఆ పోస్ట్‌లో వికాస్‌..తన ఫ్లాట్‌మేట్ 2012లో ఐఐటి మద్రాస్ నుండి కెమికల్ ఇంజనీరింగ్‌లో బీ.టెక్ పూర్తి చేసి, రూ. 10 లక్షల వార్షిక ప్యాకేజీతో క్యాంపస్ ప్లేస్‌మెంట్ ఆఫర్‌ను అందుకున్నాడు. తొందరగానే సెటిల్‌ అయిపోయాడు. కానీ అతడు దాన్ని వద్దనుకుని మరీ యూపీఎస్సీకి సన్నద్ధమయ్యాడు. తొలి ప్రయత్నంలో ప్రిలిమ్స్‌ క్లియర్‌ చేయలేకపోయాడు. రెండో సారి మెయిన్స్‌లో తప్పింది. ఇక ఈ రెండు వైఫల్యాలు కారణంగా కాస్త విరామం తీసుకుని తనకిష్టమైన బ్యాడ్మింటన్‌పై దృష్టిసారించాడు. జిల్లా, రాష్ట్ర స్ధాయిలో ఆడటం ప్రారంభించాడు. అయితే మైదానంలో చాలా రాజకీయాలు ఉండేవి వాటిని చూసి విసుగొచ్చి బ్యాడ్మింటన్‌ వదిలేసి మరో ఏడాది వృధా చేసుకున్నాడు. మళ్లీ యూపీఎస్సీకి ప్రిపేరవ్వడం ప్రారంభించాడు. ఆ టైంలోనే ప్రేమలో పడ్డాడు. దాంతో మూడోసారి ప్రయత్నంపై ఎఫెక్ట్‌ పడి సక్సెస్‌ అందుకోలేకపోయాడు. ఇక నాల్గో ప్రయత్నంలో లవ్‌ బ్రేకప్‌ అతడిని మరింత కుంగదీసింది. ఇక ఐదు, ఆరో ప్రయత్నాల్లో అంత సీరియస్‌నెస్‌తో ప్రిపేర్‌ కాలేక ఓటమిని చవిచూశాడు. అలా మొత్తం 12 ఏళ్లు చేజేతులారా వృధా చేసుకున్నాడు. అప్పటికీ అతనికి 35 ఏళ్లు, ఇంకా పెళ్లి కాలేదు, ఉద్యోగం కూడా లేదు. ఐఐటీ గ్రాడ్యుయేట్‌ అయిన అతడు జీవితంలో పదే పదే ఎడతెగని వైఫల్యాలను చవిచూసినప్పటికీ..చివరికి అనూహ్యంగా యూటర్న్‌ తీసుకుంది. అతడు ఆన్‌లైన్‌ సాయంతో ట్రేడింగ్‌ నేర్చుకుని..ఏకంగా సెబీ సలహాదారుడుగా మారాడు. పైగా ట్రేడింగ్‌ ద్వారా నెలకు ఏకంగా రూ. 2 లక్షలు సంపాదిస్తున్నాడు. ఇటీవలే అతను పెళ్లి కూడా చేసుకున్నాడని చెప్పుకొచ్చాడు టెకీ వికాస్‌. నిజం చెప్పాలంటే అతడు ఈ స్థాయికి చేరకుంటాడని ఊహించలేదు కానీ చాలా సంతోషంగా ఉందంటూ తన పోస్ట్‌ని ముగించాడు టెకీ. ఈ కథ ఓటములు పలకరిస్తూనే ఉన్నా..గివ్‌ అప్‌ ఇవ్వకూడదని చెబుతోంది కదూ..!.There is a guy in my flat who completed his https://t.co/Ws1j7hoGgc in Chemical Engineering from IIT Madras in 2012. After graduation, he got a campus placement offer of 10 LPA, but he rejected it and started preparing for UPSC. He belongs to the general category.In the first…— Vikas Alwys (@VikasAlwys) May 27, 2026 (చదవండి: ఇంత పక్కా రిటైర్మెంట్‌ ప్లానా!? 30 ఏళ్లకే రూ. 19 కోట్లు..)

ఒక వ్యక్తి ఒకానొక టైంలో చదువుని మధ్యలోనే ఆపేసినా..పరిస్థితులు, కష్టాలు, అసామాన్య ప్రతిభను వెలికితీస్తాయి అనేందుకు ఈ కథే ఉదాహరణ. ఆర్థిక కష్టాలు పదోతరగతికి మించి ఉన్నత చదువుని అందుకునే పరిస్థితి కల్పించికపోతేనేం..అచంచలమైన దృఢ సంకల్పంతో ఒక్కోమెట్టు ఎక్కుతూ.. వ్యవస్థాపకుడిగా మారాడు. అక్కడ నుంచి దేశమే గర్వించేలా రక్షణవ్యవస్థ సామర్ధ్యాన్ని బలోపతేం చేసే పేలుడు పదార్థాలు, డ్రోన్‌ సాంకేతికత అందించే కంపెనీని రన్‌ చేసే స్థాయికి చేరుకున్నాడు.అతడే రాజస్థాన్‌కి చెందిన సత్యనారాయణ్‌ నువాల్‌. రాజస్థాన్‌లోని భిల్వారా గ్రామానికి చెందిన మధ్యతరగతి కుటుంబంలో జన్మించారు. ఆయన తండ్రి ప్రభుత్వ రెవెన్యూ అధికారిగా పనిచేసేవారు. తండ్రి పదవీ విరమణతో తీవ్ర ఆర్థిక ఇబ్బందులు చుట్టుముట్టడంతో పదితోనే చదువు ఆపేయాల్సిన వచ్చింది. దాంతో 1970వ దశకంలో నువాల్‌ జీవనోపాధి కోసం మహారాష్ట్రలోని చంద్రాపూర్ జిల్లాలో ఉన్న బల్హర్షాకు వెళ్లారు. కనీస వసతి లేక ఆయన రాత్రుళ్లు రైల్వే స్టేషన్ ప్లాట్‌ఫాంలపైనే నిద్రించాల్సిన పరిస్థితి ఏర్పడింది. ఆ తర్వాత అనేక చిన్న చిన్న వ్యాపారాలు ప్రయత్నించారు. 18 ఏళ్ల వయసులో ప్రారంభించిన ఫౌంటెన్-పెన్ ఇంక్ తయారీలో నష్టం రావడం వంటి పలు ఎదురుదెబ్బలు ఎదుర్కొన్నాడు. అయినా సరే వెనక్కి తగ్గక.. గెలుపు పిలుపు వినిపించ్చేదాక ఏదో ఒక చిన్న వ్యాపార ప్రయత్నం చేస్తూనే ఉండేవారు. ఆ క్రమంలోనే పేలుడు పదార్థాల వ్యాపారి అబ్దుల్ సత్తార్ అల్లాభాయ్‌ని కలిశారు. అదే ఆయన జీవితాన్ని మలుపుతిప్పింది. వెయ్యితో మొదలై..కోట్లకు విస్తరించేలా..ఆ వ్యాపారితో కలిసి పనిచేయడం ప్రారంభించాడు. ఆయన వద్ద నుంచి లైసెన్సు, నిల్వ సౌకర్యాలను ఉపయోగించుకోవడానికి నెలకు రూ. 1,000 చెల్లిస్తూ వ్యాపారం మెదలుపెట్టాడు. ఆయన రూ. 250లకు పేలుడు పదార్థాలు కొని వాటిని రూ. 800లకు అమ్మే వ్యాపార చతురత నువాల్‌లని ఎంతగానో ఆకర్షించింది. అలా ఆయన బ్రిటిష్ సంస్థ ఇంపీరియల్ కెమికల్ ఇండస్ట్రీస్ (ICI)లో పంపిణీదారుడిగా నియామకం పొంది కీలకమైన పరిశ్రమ అనుభవాన్ని సంపాదించుకుని ఆర్థిక స్థిరత్వాన్ని పొందాడు. ఆ విధంగా 1995లో రూ. 60 లక్షల రుణంతో నువాల్ నాగ్‌పూర్‌లో సోలార్ ఇండస్ట్రీస్ ఇండియా లిమిటెడ్‌ను స్థాపించారు. ఈ సంస్థ 1996లో ప్యాకేజ్డ్ పేలుడు పదార్థాలు, బల్క్ పేలుడు పదార్థాలు, డిటోనేటర్ల తయారీతో కార్యకలాపాలను ప్రారంభించింది. మొదట చిన్న తరహా సంస్థగా ప్రారంభమైన..కొద్ది కాలంలోనే విస్తరించి భారతదేశంలోనే అతి పెద్ద పేలుడు పదార్థాల ఉత్పత్తిదారుల్లో ఒకటిగా ఈ సంస్థ ఎదిగింది. రక్షణ వ్యవస్థ కోసం పనిచేయడం..నాగస్త్రకు అనుబంధంగా భార్గవస్త్ర అనే ఒక అధునాతన కౌంటర్-డ్రోన్ (C-UAS) వ్యవస్థ ఉంది. ఈ మైక్రో-క్షిపణి ఒకేసారి 60 లక్ష్యాల వరకు ఛేదించగలదు. ఈ సామర్థ్యం ఇతర దేశాలు మోహరించిన వ్యవస్థలను మించిపోయింది. మాములుగా ఇవి సాధారణంగా ఒకేసారి నాలుగు ప్రయోగాలను మాత్రమే నిర్వహించగలుగుతాయి. దీంతో 2010 నాటికి సోలార్ ఇండస్ట్రీస్ ఒక చారిత్రాత్మక మైలురాయిని సాధించింది. అలా రక్షణ దళాల కోసం పేలుడు పదార్థాలను తయారు చేయడానికి భారత ప్రభుత్వం నుంచి లైసెన్స్‌ పొందిన తొలి ప్రైవేట్‌ భారతీయ సంస్థగా ఇది నిలిచింది. ఆ లైసెన్స్‌ కాస్తా పేలుడు పదార్థాల నుంచి అత్యాధునిక సాంకేతిక రక్షణ వ్యవస్థల వైపు మళ్లడానికి నాంది పలికింది. ఆ విధంగా నువాల్‌ నాయకత్వంలో సంస్థ అనూహ్యంగా వృద్ధి చెంది ఇప్పుడు భారతదేశం అంతటా 27 తయారీ కేంద్రాలను నిర్వహిస్తోంది. అంతేగాదు ఎనిమిది దేశాల్లో ఉత్పత్తి యూనిట్లను కలిగి ఉండటమే గాక సుమారు 75 నుంచి 90 దేశాలకు ఎగుమతి చేస్తోంది కూడా. 2023 నాటికి, సోలార్ ఇండస్ట్రీస్ ఏకంగా రూ. 8వే కోట్లు ఆదాయంతో ప్రపంచంలోనే ఐదు అగ్ర పేలుడు పదార్థాల తయారీలో ఒకటిగా నిలిచింది. దీని మార్కెట్ క్యాపిటలైజేషన్ రూ. 1 లక్ష కోట్లను దాటి, దాదాపు రూ. 1.54 లక్షల కోట్ల గరిష్ట స్థాయికి చేరుకుంది. ఇందులో నువాల్‌ సుమారు 70 శాతం ఈక్విటీని కలిగి ఉన్నారు.ప్రధాని నరేంద్ర మోదీ, రక్షణ మంత్రి రాజ్‌నాథ్ సింగ్ కూడా ఈ సదుపాయాలను సందర్శించి, కంపెనీ సాంకేతిక పురోగతిని ప్రశంసించారు. అలా నువాల్‌ కంపెనీ రక్షణ వ్యవస్థ కోసం పనిచేయడం ప్రారంభించింది. అంతేగాదు ఆపరేషన్‌ సింధూర్‌లో సైతం నాగాస్త్రంతో ఒక నిర్ణయాత్మక పోషించారు. అందుకుగాను భారత ప్రభుత్వం జనవరి 26, 2026న పద్మశ్రీ పురస్కారంతో సత్కరించి గౌరవించింది. ఒకప్పుడు చదువు మధ్యలో ఆపేసిన వ్యక్తి భారతదేశ రక్షణ ఉత్పాదక విప్లవంలో అగ్రగామిగా ఉన​ కంపెనీకి సారథ్యం వహించే స్థాయికి చేరడం నిజంగా స్ఫూర్తిదాయకం కదూ..!.(చదవండి: మురికి వాడ నుంచి ఏఐ ఎక్స్‌పర్ట్‌ రేంజ్‌కి..! పేదింటి అమ్మాయి విజయగాథ)

జీవితం ఎలాంటిదంటే... ‘ఏమీ లేదు’ అని నిరాశతో అనుకుంటే... ఏమీ ఉండదు! ‘చాలా ఉంది’ అని ఆశాభావంతో అనుకుంటే... చాలా ఉంటుంది!! పగవాడికి కూడా ఇలాంటి పేదరికం వద్దు అనుకునే కటిక పేదరికంలో పుట్టిన షహీనా అత్తర్‌వాలా ఎప్పుడూ ఆశాభావంతో ఉండేది. ఆ ఆశాభావమే ఆమెకు కొత్త జీవితాన్ని ఇచ్చింది. మురికివాడ నుంచి ప్రసిద్ధ కంపెనీలలో ఏఐ ఎక్స్‌పర్ట్‌గా పనిచేసే స్థాయికి తీసుకెళ్లింది. పేదింటి అమ్మాయిల చదువు కోసం వివిధ రూపాల్లో తన వంతుగా కృషి చేస్తోంది.ఉత్తర్‌ప్రదేశ్‌లోని ఒక మారుమూల గ్రామంలో జన్మించింది షహీనా అత్తర్‌వాలా. ఆమె కుటుంబం బతుకుదెరువు కోసం ముంబైకి వచ్చింది. షహీనా తండ్రి చదువుకోలేదు. చిన్నాచితకా పనులు చేస్తూ బతుకుబండిని నడిపేవాడు. షహీన కుటుంబం ముంబైలోని దర్గా గల్లీ మురికి వాడలోని ఒక గుడిసెలో నివసించేది. దురదృష్టవశాత్తు ఆ గుడిసె కొన్నిరోజులకు అగ్ని ప్రమాదానికి గురైంది. సామాన్లు, ఉన్న కాస్తో కూస్తో డబ్బూ బూడిదయ్యాయి. ఆ తరువాత షన కుటుంబం ఒకచోటు నుంచి మరోచోటుకు మారుతూ ఇతరుల దయాదాక్షిణ్యాల మీద బతికేది.ఒక కల అలా మొదలైంది...పేదరికం ఎన్ని రకాలుగా ఇబ్బంది పెట్టినా కుమార్తె చదువు విషయంలో తండ్రి నిర్లక్ష్యం వహించేవాడు కాదు. షహీనాను సెయింట్‌ జోసెఫ్‌ కాన్వెంట్‌లో చేర్పించాడు. పదవ తరగతి వరకు అక్కడే చదువుకుంది. తన ఇంటి చుట్టుపక్కల ఎంతోమంది మహిళలు నిస్సహాయంగా పురుషులపై ఆధారపడడాన్ని షన గమనించేది. ఆమె దృష్టిలో వారు బతుకుతున్నారు. అంతే! వారిలా తాను ఇతరులపై ఆధారపడకుండా స్వంత కాళ్లపై నిలబడాలంటే బాగా చదువుకోవాలనుకుంది.అప్పు చేసి కంప్యూటర్‌ కోర్స్‌లో...సెయింట్‌ జోసెఫ్‌లో నీడిల్‌ వర్క్‌ లేదా కంప్యూటర్‌ ఆప్షన్‌ ఉండేది. షహీనాకు కంప్యూటర్‌లపై ఆసక్తి. అయితే తగిన మార్కులు లేకపోవడంతో ఆమె దరఖాస్తు తిరస్కరణకు గురైంది. ఆ నిరాశలో... ‘ఇంటర్మీడియెట్‌ తరువాత కంప్యూటర్‌ కోర్స్‌లో చేరవచ్చా?’ అని ఎవరినో అడిగితే... ‘చేరవచ్చు’ అన్నారు. ‘అప్పటి వరకు ఓపిక పట్టాలి. తప్పదు’ అని తనకు తాను చెప్పుకుంది.షహీనాను కంప్యూటర్‌ కోర్సులో చేర్పించడానికి తండ్రి అప్పు చేశాడు. కంప్యూటర్‌ కోర్స్‌ పూర్తి చేసిన తరువాత ఆ ఇన్‌స్టిట్యూట్‌లోనే ఇన్‌స్ట్రక్టర్‌గా పనిచేసింది షన. ఆ తరువాత... బుక్‌మై షో, షాదీ.కామ్, విగ్జో, జూమ్‌కార్‌లలో పనిచేసింది. 2020 సంవత్సరం షన ఉద్యోగ జీవితంలో కీలక మలుపు. ఆ సంవత్సరం మైక్రోసాఫ్ట్‌ డిజైన్‌ టీమ్‌లో చేరింది. డిజైన్‌ మేనేజర్‌ స్థాయికి చేరింది. డిజైన్‌ మేనేజర్‌గా ఎమర్జింగ్‌ మార్కెట్‌ టీమ్‌ కోసం డిజైన్‌ అండ్‌ రీసెర్చ్‌కు నాయకత్వం వహించింది. కొంత కాలం తరువాత ‘సేల్స్‌ఫోర్స్‌’లో ప్రిన్సిపల్‌ డిజైనర్‌గా చేరింది. సేల్స్‌ క్లౌడ్‌ కోసం జెన్‌–ఏఐప్రాజెక్ట్‌లకు నాయకత్వం వహించింది. అలా పని చేస్తూనే కామర్స్‌లో డిగ్రీ చేసింది. ఆ తరువాత లా చేసింది.మురికివాడ వదిలి...2021లో ముంబైలో తాను ఉంటున్న మురికివాడను వదిలి సొంత అపార్ట్‌మెంట్‌లోకి మారింది షన. నెట్‌ఫ్లిక్స్‌ సిరీస్‌ ‘బ్యాడ్‌ బాయ్‌ బిలియనీర్స్‌ ఇండియా’లో తాను చాలాకాలం పాటు నివసించిన దర్గా గల్లీ మురికి వాడను చూసింది. ఆ సిరీస్‌లో చూపించిన ఇళ్లలో ఒకటి తనదేనని సోషల్‌ మీడియాలో ΄ోస్ట్‌ చేసింది. తాము అక్కడ నివసించే రోజుల్లో పబ్లిక్‌ టాయిలెట్లు అత్యంత మురికిగా ఉండేవని, ఆ అపరిశుభ్రమైన టాయిలెట్లకు వెళ్లకుండా ఉండేందుకు చెత్తకుప్పలను బహిరంగ మలవిసర్జన కోసం ఉపయోగించేవారని, ఈ మురికివాడ నుంచి సౌకర్యవంతమైన జీవితంలోకి రావడానికి తన కఠిన శ్రమ, పట్టుదల కారణం అయ్యా యంటూ తన ΄ోస్ట్‌లో తెలియజేసింది. తన గెలుపు పాఠమే... వారికి పాఠం‘కష్టపడ్డాను. జీవితంలో పైకి వచ్చాను. ఇక చాలు’ అనుకోలేదు షన. పేద పిల్లలు ఎంతోమంది ఉన్నారు. వారికి నా వంతుగా ఏదైనా చేయాలనుకుంది. నిరుపేద బాలికలకు చదువుప్రాముఖ్యతను తెలియజేస్తోంది. తన గెలుపు పాఠాన్నే వారికి పాఠంలా చెబుతోంది. సాంకేతిక విషయాలపై వారికి శిక్షణ ఇస్తోంది. బాలికల విద్యకు సంబంధించి స్వచ్ఛంద సంస్థలతో కలిసి పనిచేస్తోంది. బెంగళూరుకు చెందిన ఒక బాలిక చదువు కోసం క్రౌడ్‌ఫండింగ్‌ ద్వారా సహాయం చేసింది. ఆమె సహాయం చేసిన బాలిక ఇప్పుడు ఫోరెన్సిక్‌ సైన్సెస్‌ చదువుతోంది.ఇప్పటికీ భయంగా, బాధగా ఉంటుంది!ముంబై మురికివాడలో మేము నివసించిన పరిస్థితులను గుర్తు తెచ్చుకుంటే ఇప్పటికీ భయంగా, బాధగా ఉంటుంది. అది అత్యంత కఠినమైన జీవితం. లింగ వివక్ష నుంచి లైంగిక వేధింపుల వరకు ఎన్నో చూశాను. ఈ నేపథ్యంలో నేను ఒక కొత్తజీవితం కోసం కల కన్నాను. ఆ కలను నిజం చేసుకోవడానికి కష్టపడ్డాను. అడుగడుగునా తల్లిదండ్రులు నాకు అండగా నిలవడం నా అదృష్టం. – షహీనా అత్తర్‌వాలా

ఇవాళ భారతదేశంలో కాంపీటీటివ్‌ ఎగ్జామ్స్‌ సంస్కృతి ఏవిధంగా ఉందో ప్రత్యేకంగా చెప్పాల్సిన పనిలేదు. తల్లిదండ్రులు, యువతకు అదే జీవిత పరమావధి అన్నంతగా మారిపోయాయి పరిస్థితులు. ఒకవేళ అది ఫెయిలైతే జీవితం అయిపోయినట్లుగా లేదా ముగిసిపోయినట్లుగా భావిస్తారు. మరికొందరు ఎన్నటికీ విజయాన్ని అందుకోలేని పరాజితులుగా ముద్ర వేసుకుంటారు. ఇంకో రంగంలో లేదా మరేదైన అభిరుచినో ఎంచుకుని గమ్యం చేరుకునే యత్నం చేయరు. కానీ ఈ కంటెంట్‌ క్రియేటర్‌ తన సక్సెస్‌ స్టోరీతో ఆ ఆలోచన విధానమే తప్పు అని నొక్కి చెప్పింది. ఆ ఒక్క కాంపిటీటివ్‌ ఎగ్జామ్స్‌ మన జీవితాన్ని, సక్సెస్‌ని నిర్ణయించదని తన గెలుపుతో నిరూపించింది ఈ భారత సంతతి మహిళ. ఎవరంటే ఆమె..? అమెరికాలో నివసిస్తున్న భారతీయ కంటెంట్ క్రియేటర్ ప్రజ్ఞాగుప్తా. దాదాపు దశాబ్దం క్రితం నీట్‌ పరీక్షల్లో విఫలమవ్వడం ఆమెను ఊహించని విధంగా ఐవీ లీగ్‌ విద్యవైపు అడుగులు వేసి ఎలా బయోటెక్నాలజీ పరిశ్రమలో కెరీర్‌ నిర్మించుకునేలా చేసిందో సోషల్‌ మీడియా వేదికగా షేర్‌ చేసుకోవడంతో ఆమె కథ నెట్టింట వైరల్‌గా మారింది. ముఖ్యంగా భారతదేశంలో పోటీ ప్రవేశ పరీక్షల చుట్టూ ఉన్న తీవ్రమైన ఒత్తిడిని ఎదుర్కొంటున్న విద్యార్థులకు ఆమె కథ ఆలోచింపచేసేలా ఆకర్షించింది. నిజానికి ప్రజ్ఞ 2016లో 17 ఏళ్ల వయసులో నేషనల్ ఎలిజిబిలిటీ కమ్ ఎంట్రన్స్ టెస్ట్ (నీట్) రాసింది, కానీ మెడికల్ లేదా డెంటల్ కళాశాలలో ప్రవేశం పొందడంలో విఫలమైంది. భారతదేశంలోని అత్యంత పోటీతత్వ విద్యా వాతావరణంలో పెరిగిన ప్రజ్ఞ కూడా చాలా మంది విద్యార్థుల మాదిరిగానే, ఈ ఎదురుదెబ్బ బయాలజీ, హెల్త్‌కేర్ రంగాలలో తన కెరీర్ ఆశయాలను ముగించిందని చాలా బాధపడింది. ఆమె ఓటమి తన కుటుంబాన్ని సైతం తీవ్రగా ప్రభావితం చేసింది. సైన్స్‌ చదివే విద్యార్థులు నీట్‌ పరీక్షని అత్యంత కీలకమైన వైద్య ప్రవేశ పరీక్షగా భావిస్తారు. అయితే ప్రజ్ఞ ఆ పరీక్షను మరోసారి ప్రయత్నించి చూడటం వంటి వాటికి బదులుగా జీవశాస్త్రంపై ఉన్న ఆసక్తికి సంబంధించిన ప్రత్యామ్నాయాలను అన్వేషించింది. ఆ క్రమంలోనే విదేశాల్లో ఉన్నత విద్యను అభ్యసించాలనే ఉద్దేశ్యంతో అమెరికాకు పయనమైంది. అక్కడ ప్రముఖ ఐవీ లీగ్ సంస్థలలో ఒకటైన కొలంబియా విశ్వవిద్యాలయం నుంచి పట్టభద్రురాలైంది.ప్రస్తుతం ఆమె అమెరికాలోని కార్పొరేట్ బయోటెక్నాలజీ పరిశ్రమలో నిపుణురాలిగా పనిచేస్తోంది. అందరిలానే పాఠశాల విద్య తర్వాత డాక్టర్‌ అయ్యే సంప్రదాయ నీట్‌ ప్రవేశపరీక్ష వైపుకు వెళ్లింది..కానీ అనుకోని ఓటమి ఆ దారిని క్లోజ్‌ చేసింది. ఆ ఎదురుదెబ్బ తన జీవితాన్ని గొప్ప యూటర్న్‌ తిప్పే ప్రత్యామ్నాయం వైపు ఫోకస్‌ పెట్టింది. అలాగే తాను కోరుకున్నట్లుగానే ఆరోగ్య సంరక్షణ రంగంలోనే కెరీర్‌ని నిర్మించుకుంది. ఒక విద్యా పరీక్షలో వైఫల్యం ఒక వ్యక్తి భవిష్యత్తు విజయాన్ని లేదా ఆనందాన్ని నిర్ణయించదనే వాస్తవాన్ని తన గెలుపుతో చాటిచెప్పిందామె. కాగా, అత్యంత పోటీతత్వ, ప్రతిష్టాత్మకమైన ఈ ఎగ్జామ్‌లో ఫెయిల్‌ అవ్వడం వల్ల కలిగిన మానసిక వేదన..దాన్నుంచి ప్రత్యామ్నాయ మార్గాలను అన్వేషించి డ్రీమ్‌ కెరీర్‌ని చేరుకోవడం వరకు సాగిన ఆమె కెరీర్‌ జర్నీ విద్యార్థులకు భరోసా ఇచ్చేలా ఉందంటూ నెటిజన్లు ప్రజ్ఞను ప్రశంసిస్తూ పోస్టులు పెట్టారు. అంతేగాదు సైన్స్, హెల్త్‌కేర్, బయోటెక్నాలజీ రంగాలలో కెరీర్లు కేవలం నీట్ ద్వారా డాక్టర్ అవ్వడం వరకే పరిమితం కావు అనే విషయాన్ని అందరూ గ్రహించాలి. View this post on Instagram A post shared by Pragya Gupta (@pragya.gupta) (చదవండి: చెట్లు నాటడానికి రూ. 4.8 లక్షల విరాళం..! హృదయాన్ని కదిలించే స్టోరీ)

ఫుడ్‌తో కొంగొత్త పరిచయాలే కాదు..ఓ దేశాన్నే మైమరిపించొచ్చు. ఎంతటి శత్రుత్వాలు, కోపతాపలు..ఒక్క విందుతో సమసిపోతాయి. అలాంటి టేస్టీ ఫుడ్‌తో ఇతర దేశాల మనసును దోచుకుని కోట్లు ఆర్జించడం మాటలు కాదుకదా. అలాంటి ఘన విజయాన్నే అందుకుంది ఈ భారత సంతతి మహిళ. మన భారతీయ రుచులను జోడించి తయారు చేసిన ఐస్‌క్రీమ్‌ బ్రాండ్‌తో దూసుకుపోతూ..శెభాష్‌ అనిపించుకుంటోంది పూజా బావిషి. ఎవరామె అంటే..భారత సంతతికి చెందిన వ్యాపారవేత్త పూజా బావిషి, 'మలై' అనే ఐస్ క్రీమ్ బ్రాండ్‌తో అమెరికన్లను ఆకట్టుకుంటోంది. ఇది ఏడాదికి రూ. రెండు వేల కోట్లు టర్నోవర్‌ని ఆర్జిస్తోంది. ప్రస్తుతం ఇద హోల్సేల్‌ ఈ కామర్స్‌ వ్యాపారంగా మారింది. 46 ఏళ్ల వ్యవస్థాపకురాలు, సీఈఓ 2015లొ ఈ మలైని ప్రారంభించారు. ఈ వ్యాపారం న్యూయార్క్‌, ఫిలడెల్ఫియా, వాషింగ్టన్‌ డీసీలలో నాలుగు దుకాణాలను నిర్వహిస్తోంది. చాలామటుకు ఐస్‌క్రీమ్‌లలో చాక్లెట్‌, వెనిలా వంటి ఫ్లేవర్‌లు చూశాం. కానీ అంతకుమించిన రుచి కోసం మలై వంటి వెరైటీ టేస్ట్‌ని పరిచయం చేశారు. దీని తయారీలో ఉపయోగించిన యాలకులు, గులాబీ, కుంకుమపువ్వు, జాజికాయ వంటి రుచులను జోడించడంతో అమెరికా వాసుల మనసులను దోచుకుంది ఈ మలై ఐస్‌ క్రీమ్‌. ఈ కంపెనీ 2025లోనే సుమారు రూ. రెండు వేల కోట్లు పైనే ఆర్జించేలా అమ్మకాలు ఊపందుకున్నాయి. అంతకుముందు ఏడాది 2024, 2025 సంత్సరాలలో సంస్థ లాభదాయకంగా సాగింది. ఇక పూజా విద్యా నేపథ్యం వచ్చేసి..బావిషి లండన్ స్కూల్ ఆఫ్ ఎకనామిక్స్ నుంచి అర్బన్‌ ప్లానింగ్‌లో డిగ్రీ పూర్తి చేశారు. అలాగే ఆమె ఆమె వాషింగ్టన్ డిసి-ఆధారిత లాభాపేక్షలేని సంస్థ అయిన ఈక్వల్ రైట్స్ సెంటర్‌లో పౌర హక్కుల ప్రాజెక్ట్ కోఆర్డినేటర్‌గా పనిచేశారు.వ్యాపారం చేయాలన్న ఆలోచన వచ్చిందిలా..స్నేహితులకు ఇంట్లో తయారు చేసిన ఐస్‌క్రీంల రుచి చూపించినప్పుడు వ్యాపారం చేయాలనే ఆలోచనకు అంకురార్పణ చేసినట్లు గుర్తు చేసుకుంది. అల్లం-స్టార్ సోంపు ఐస్ క్రీమ్ - ఒక డిన్నర్ పార్టీలో తక్షణమే అందర్నీ ఆకట్టు కోవడంతో..ఇలాంటి టేస్టే టేస్టీ ఐస్‌క్రీం షాపు పెట్టాలని భావించారట ఆమె. అయితే తన ఉత్పత్తులు మార్కెట్లో క్లిక్‌ అవుతాయో లేతో అన్న సందేహం మాత్రం బాగా ఉండేదని చెప్పుకొచ్చారామె. అయితే తన షాపుకు వచ్చే కస్టమర్‌ ఎలాంటి ఫ్లేవర్‌ కోరుకుంటున్నారు అనేది నిశితంగా గమనిస్తూ..టేస్టీ, టేస్టీ..మలై ఐస్‌క్రీమ్‌ని తీసుకొచ్చినట్లు తెలిపారు. అలాగే తన షాపు కి వచ్చే కస్టమర్‌ ఎవరు?, వాళ్లకేం కావాలన్నదే పూర్తిగా అవగాహన ఉండాలని, లేదంటే వ్యాపారం లాభదాయకంగా ఉండదని అంటోంది. అలాగే తాను కేవలం లాభాల మీదే గాక, వ్యాపార విస్తరణపై కూడా దృష్టిపెట్టానని అన్నారు. అలాగే తాను వ్యాపారాన్ని చిన్న మొత్తంలో పెట్టుబడి పెట్టి..అన్ని విధాల క్లిక​ అవుతుందని నమ్మకం కొనసాగేక ముందుకు తీసుకెళ్లానని అన్నారు. అలాగే భారతీయ రుచులు ప్రయోగాత్మకమైనవి కావు, ఈ రుచులను ప్రపంచవ్యాప్తంగా బిలియన్ల మంది ప్రజలు ఎంతో ఇష్టంగా ఆస్వాదిం​చడం విశేషం. పైగా మార్కెట్‌ పరంగా అగ్రస్థానంలో ఉంది. అందుకు చాలా గర్వకారణంగా ఉందంటోంది పూజ. View this post on Instagram A post shared by Malai (@malai_icecream) (చదవండి: సూటు వేసుకుని వంట..! నెలకు ఏకంగా రూ. 7 లక్షలు..)

జీవితమంతా వైఫల్యాలు అడగడుగున పలికరిస్తూనే ఉన్నా వదలిపెట్టని ధీరుడి కథ. అదేంటి అన్ని పెయిల్యూర్స్‌ ఎదుర్కొటే ధీరుడు, శూరుడు అంటారేంటి అనుకోకండి. ఎందుకంటే గెలిస్తే వాట్‌ నెక్స్ట్‌ అంటూ సాగిపోతావు..అదే ఆపకుండా ఓటమి హగ్‌ ఇస్తూ ఉంటే..పట్టు వదలని విక్రమార్కుడిలా పోరాడాలంటే అజేయమైన ఓర్పు, ఆత్మ విశ్వాసం కావాలి. ముఖ్యంగా చుట్టూ ఉన్నవాళ్లలో కొందరు జాలిచూపులతో సానుభూతి చూపితే, మరికొందరు నీ వల్ల కాదు అన్న విమర్శల బాణాలు.. అయినా సరే డోంట్‌ కేర్‌ అంటూ ముందుకు సాగాలంటే ఆకాశమంత ధైర్యం కావలి. అందుకు ఉదాహరణ ఈ టెకీ. అతడి కథ వింటే..ఫెయిల్యూర్‌లు, రిజెక్ట్‌లు చూసినోళ్లే గొప్పోళ్లు అని కచ్చితంగా అంటారు. మరి అతడి కథేంటో చకచక చదివేద్దామా..!.చాలామంది విద్యార్థులకు పోటీ పరీక్షలు ప్రారంభ విద్యా మైలురాళ్లలా విజయానికి అంతిమ కొలమానంగా ఉంటే..హర్యానాలోని రోహ్‌తక్‌కు చెందిన రిజుల్ సింగ్ మాలిక్‌ విషయంలో మాత్రం అలా కాదు. ఎడతెగని ఎదురుదెబ్బలు, వైఫల్యాలతో అందుకున్న గొప్ప గెలుపు రికార్డు అతడిది. అతడు పుట్టి పెరిగింది ఢిల్లీలోనే. రిజుల్ తన పాఠశాల విద్యను ఢిల్లీ పబ్లిక్ స్కూల్, వసంత్ కుంజ్‌లో పూర్తి చేశాడు.ఆ తర్వాత అందరిలానే ఇంటర్‌ పూర్తి అయిన తర్వాత ఐఐటీ జేఈఈకి ప్రిపేరయ్యాడు. మొదటిసారి ఓటమి ఎదుర్కొనడంతో మరోసారి ప్రయత్నించాడు. ఈ సారి హోమ్‌ ట్యూటర్‌, ఒక ఏడాది వృధా చేసుకుని లాంగ్‌టర్మ్‌ కోచింగ్‌ తీసుకుని మరి ప్రిపేరయ్యాడు. అయినప్పటికీ ఓటమిని ఎదుర్కొనక తప్పలేదు. కానీ ఇంతలా ప్రిపేరైనా..కనీసం కటాఫ్‌ మార్కులు కూడా సాధించలేకపోయాడు రిజుల్‌. పైగా ఒక ఏడాది వృధా చేసుకోవడం బంధువులు, మిత్రులు అంతా ఒకటే విమర్శించడం ప్రారంభించారు. పాపం రిజుల్‌ ఆ అవమానం తట్టుకోవడం సాధ్యం కాక డిప్రెషన్‌లోకి వెళ్లిపోయాడు కూడా. అయితే 18 ఏళ్ల వయసులో రాసే ప్రవేశ పరీక్ష కెరీర్‌లో రాబోయే 40 ఏళ్లను నిర్దేశించదని గ్రహించి బీటెక్‌ ఐటీ చేరి విజయవంతంగా పూర్తి చేశాడు. అయినప్పటికీ ఆ జేఈఈ ఫెయిల్యూర్‌ తలుచుకున్నప్పుడల్లా అతడిని బాగా మెలిపెడుతుండేది. ప్రతీదాంట్లో.. రెండు మూడు సార్లు వైఫల్యమేఅయితే 2019లో జరిగిన బర్కిలీ సమ్మర్ స్కూల్ అతని జీవితంలో ఒక ప్రధాన మలుపు. అక్కడ అతనికి డేటా సైన్స్‌తో మొదటిసారిగా గట్టి పరిచయం ఏర్పడింది. అలా యూనివర్సిటీ ఆఫ్ కాలిఫోర్నియా, ఇర్విన్ (UC Irvine లేదా UCI)అమెరికాలో అకడమిక్ ప్రొబేషన్) ప్రవేశం పొందడం అతడి లక్ష్యంగా మారింది. అందుకోసం జీఆర్‌ఈఈకి సన్నద్ధమయ్యాడు. అయితే అది కూడా రిజుల్‌కు చుక్కలు చూపించింది. ఒకటి కాదు రెండు కాదు నాలుగు సార్లు ఆ పరీక్షనురాశాడు. మొదటి ప్రయత్నంలో 303, రెండవ ప్రయత్నంలో 305, మూడవ ప్రయత్నంలో 307 దాటి, చివరకు నాల్గవ ప్రయత్నంలో 308 స్కోర్ చేశాడు. అన్నిసార్లు రాయడంతో మరోసారి జీఆర్‌ఈకి రెడీ అవుతున్నా అని చెప్పాలంటే భయపడేవాడు. అయితే అనుకోకుండా యూసీ ఇర్విన్ నుండి అంగీకారం రావడంతో ఇది నిజమేనా అని నమ్మలేకపోయాడు. అయితే అక్కడి అధికారి స్కోరు నిజమైన విజయం కాదని, నువ్వు పట్టువదలకుండా రాయడమే అసలైన గెలుపు అని బదులిచ్చాడు. పాపం యూసీ ఇర్విన్‌లోని ఎంఎస్ ప్రోగ్రామ్ నుంచి కూడా మళ్లీ సవాళ్లు మొదలయ్యాయి. సరిగ్గా అమ్మ పుట్టిన రోజు అని భారత్‌కు వస్తే..తన GPA (Grade Point Average) అకడమిక్‌ ప్రతిభ 2.8కి పడిపోవడంతో, ఆ అకడమిక్ ప్రొబేషన్‌లో ఉంచేశామని, మెరుగుపడకపోతే తదుపరి చర్యలు ఎదుర్కొనక తప్పదని మెయిల్‌ వచ్చింది. దాంతో ఆనందంగా గడుపుదామని వచ్చిన ఉత్సాహం కాస్తా ఉసురుమంది గదిలోకి వెళ్లి వెక్కి వెక్కి ఏడ్చా అటూ నాటి ఘటనను గుర్తు చేసుకున్నాడు. పైగా అందరు ఉత్తీర్ణులయ్యారు, తానొక్కడినే పరాజితుడిగా ఉండిపోయానంటూ నాటి సంఘటనను తలుచుకుంటూ ఆవేదన వ్యక్తం చేశాడు. అదీగాక అమెరికాలో జాతివివక్ష వంటి పలు సవాళ్లు కూడా తోడవ్వడంతో తనపై ఒత్తిడి ఎక్కువగా ఉండేదని చెప్పుకొచ్చారు. చివరికి తన జీపీఏను మెరుగుపరుచుకుని విజయవంతంగా తన అకడమిక్‌ని పూర్తి చేశాడు. ఇక తక్షణమే ఉద్యోగ వేట అందరి కంటే ముందు మొదలు పెట్టాను గానీ, ప్రతిది రిజెక్ట్‌ అయ్యేదని చెప్పుకొచ్చారు. ఎంతో కష్టపడగా చివరికి ఓ ఇంటర్న్‌షిప్‌కి అర్హత లబించినట్లు తెలిపాడు. అలా ఈవై, వాల్‌మార్కట్‌ కంపెనీల్లో పనిచేశాడు. అక్కడ పనిసంస్కృతి గొప్ప పాఠాలే నేర్పాయి. తన సహోద్యోగులు, మేనేజర్‌ నుంచి చాలా తక్కవుమద్దతే లభించేదని పేర్కొన్నాడు. ఒక సందర్భంలో, తాను సహాయం కోసం ఒక సీనియర్‌ను సంప్రదించగా, ఆ విషయాన్ని తన మేనేజర్ వరకు తీసుకెళ్లి చివాట్లు, నిందలు పడేలా చేశాడంటూ నాటి పరిస్థితిని గుర్తు చేసుకున్నారు. గూగుల్‌లో జాబ్‌ కొట్టడం కోసం..ఆ అనుభవం భవిష్యత్ కార్యాలయాల పట్ల ఎలా ఉంటే బెస్ట్‌ అనేది తెలుసుకోగలిగానని న్నారు. దాంతో మంచి పనిసంస్కృతి ఉండే ఉద్యోగ కోసం అన్వేషించే పనిలో పడ్డట్లు తెలిపాడు. ఆ క్రమంలోనే గూగుల్‌లో జాబ్‌ కొట్టాలని లక్ష్యం పెట్టుకున్నాడట అందుకోసం ఏ పదో, 20 కాదు ఏకంగా 520 సార్లకు పైగా తిరస్కరణలు ఎదుర్కొన్నాడు. అయితే ఆ సమయంలో తనని ప్రోత్సహించింది మాత్రం తన కాబోయే ప్రియురాలు, తల్లిదండ్రులేని అంటున్నాడు. వాళ్లిచ్చిన అండదండలతో వెనక్కి తగ్గకుండా గుగుల్‌లో ఉద్యోగం కోసం ప్రయత్నించినట్లు వివరించాడు. అలా ఓ రోజు మధ్యాహ్నం సుమారు 2:30 గంటల సమయంలో, తన వాల్‌మార్ట్ ఆఫీస్ నుంచి బయటకు వస్తుండగా ఆఫర్ లెటర్ పంపబడుతోందని ఫోన్ కాల్‌ వచ్చిందని చెప్పుకొచ్చాడు. దాంతో తన ఆనందానికి పట్టపగ్గాలు లేకుండా పోయిందని చెప్పుకొచ్చాడు. గూగుల్‌లో జాబ్‌ రాగానే తన కాబోయే భార్య ఖుషీకే ఫోన్‌ చేశానని, ఆ తర్వాత అమ్మనాన్నలకు చేసినట్లు తెలిపాడు. ఎందుకంటే అన్ని రిజెక్షన్‌లు రావడంతో నాకే ఎందుకు జరుగుతోందంటూ కన్నీళ్లు పెట్టుకుంటుంటే రిజుల్‌ ప్రియురాలు ఏంకాదు, కచ్చితంగా గెలుస్తావ్‌, ఆఫర్‌ లెటర్‌ అందుకుంటావ్‌ అంటూ ధైర్యం చెబుతూనే ఉండేది, ఒక్కసారి కూడా పోనీలే వదిలేయ్‌ అన్న మాట తన నోటినుంచి రాలేదంటూ భావోద్వేగంగా చెప్పుకొచ్చాడు. ఇతడి కథ చూస్తుంటే హాలీవుడ్‌ మూవీలోని ఒక కొటేషన్‌ గుర్తొస్తోంది. జీవితం అంటే "ఎంత బలంగా కొట్టావన్నది కాదు, ఎన్ని ఎదురదెబ్బలు తగలినా వెనకడుగు వేయకుండా ముందుకు సాగడమే" అన్న వాక్యానికి నిలువెత్తు నిదర్శనం కదూ. ఎన్ని వైఫల్యాలు రానీ పట్టుదలతో సాగేవాడి ఎదురేలేదు, పైగా ఏదో ఒకనాటికి విజయం తథ్యం అనేది జగమెరిగిన సత్యం. View this post on Instagram A post shared by Rijul (@rijulsinghmalik_) (చదవండి: కోటి రూపాయలు శాలరీ నుంచి ఫ్లాట్లు శుభ్రం చేసే స్థాయికి..!)

కాలేజ్‌ డ్రాపౌట్‌ కాలిఫోర్నియాలో శాన్‌హౌస్‌ కేంద్రంగా పనిచేసే ఒక అమెరికన్ బహుళజాతి ఇ-కామర్స్ సంస్థ కొనడానికి ప్రయత్నించడంతో ఒక్కసారిగా అతడిపేరు హాట్‌టాపిక్‌గా మారింది. ఎవ్వరూ కొనమని కోరకపోయినా..నేరుగా బిడ్‌ వేయడంతో ఒక్కసారిగా ఈ అంశం చర్చనీయాంశంగా మారింది. ఇంతకీ అతనెవరంటే..గేమ్‌స్టాప్ సీఈఓ ర్యాన్‌ కోహెన్‌ ఏకంగా 56 బిలియన్ డాలర్లు(రూ. 5 లక్షల కోట్లుపైనే) విలువ చేసే ఈబేను కొనడానికి బిట్‌ వేసి అందర్నీ ఆశ్చర్యపరిచాడు. నగదు, స్టాక్‌ల 50-50 నిష్పత్తిలతో కలిపి ఒక్కో షేరుకు రూ. 11 వేలు చెల్లించేలా బంపర్‌ ఆఫర్‌ ఇస్తానంటూ ఈబే బోర్డుకు లేఖ రాశారు. దాంతో ఇంత పెద్ద సాహసోపేతమైన నిర్ణయం తీసుకున్న కాలేజ్‌ డ్రాపౌట్‌ బిలియనీర్‌ ఎవరా అంటూ అంత చర్చించుకోవడం మొదలుపెట్టారు. ర్యాన్‌ కోహెన్ ఎవరంటే..ఆయన స్వస్థలం కెనడాలోని మాంట్రియల్. ప్రస్తుతం సుమారు 4.2 బిలియన్ డాలర్లు(రూ. 39 వేల కోట్లు) సంపద కలిగిన 40 ఏళ్ల పారిశ్రామికవేత్త. కాలేజీ చదువును పూర్తిగా వదిలేసి, ఒక అసాధారణ మార్గంలో బోర్డు స్థాయికి చేరుకున్నారు. ఆయన రోవన్ యూనివర్సిటీలో ఒక సెమిస్టర్ తర్వాత చదువు మానేశారు. డిగ్రీకి బదులుగా, అతను చ్యూయీని నిర్మించి, 2017లో దానిని పెట్‌స్మార్ట్‌కు 3.35 బిలియన్ డాలర్లు(రూ. 31 వేల కోట్లు)కు విక్రయించాడు. ఆ తర్వాత అతను గేమ్‌స్టాప్ మీమ్-స్టాక్ పునరుద్ధరణలో కీలకంగా మారారు. ఆయన నాయకత్వంలోనే గేమ్‌స్టాఫ్‌ రూ. 3 వేల కోట్ల నష్టం నుంచి రూ 4 వేల కోట్లకు పుంజుకుందని న్యూయార్క్‌ టైమ్స్‌ పేర్కొంది. ఈ కంపెనీ 2026 ప్రారంభంలో మొత్తం 470 యూఎస్ స్టోర్లను కలిగి ఉంది. దాంతో ఇప్పుడు అతను గేమ్‌స్టాప్ కంటే నాలుగు రెట్లు పెద్దదైన ఈబే కంపెనీని నడపాలని, దానిని అమెజాన్‌కు సరైన పోటీదారుగా మార్చాలని కోరుకుంటున్నట్లు అధికారిక వర్గాల సమాచారం.అంతేగాదు కోహెన్‌ తాను రాబోయే కొన్నేళ్లపాటు, గేమ్‌స్టాప్ పునరుద్ధరణలో ఎంతగా దృష్టి పెట్టానో, అలాగే ఈబేపై కూడా దృష్టి పెడతానుని అన్నారు. తాను ఈబేను వందల బిలియన్ల డాలర్ల విలువైన సంస్థగా మార్చాలని చూస్తున్నా అని చెప్పారు. ఇదిలా ఉండగా, ఈబే బోర్డు సోమవారం ఈ ఆఫర్‌ను సమీక్షిస్తానని తెలిపింది. ఇక కోహెన్‌ మాత్రం ఈబేను తాను ఇంటి నుంచి కూడా నడపగలనని ధీమా వ్యక్తం చేయడం విశేషం. అది 1995లో ఎలా ఉందో ఇప్పుడూ అలాగే కనిపిస్తుందని విమర్శించారు. తాను మార్కెటింగ్, ఉత్పత్తి అభివృద్ధి, ఇతర నిర్వహణ ఖర్చులను తగ్గించి లాభాల బాట పట్టించగలనని చెబుతుండటం విశేషం. (చదవండి: 35 ఏళ్లకే 11 ఏళ్ల కార్పొరేట్ కెరీర్‌కు ముగింపు..! ఆ కారణంతోనే..)

కొందరు ఎలాంటి శారీరక లోపం లేకుండా, సమస్త సౌకర్యాలు ఉండి విద్యలో పెద్దగా రాణించలేక చతికిలపడుతుంటారు. ట్యూషన్‌లని, స్పెషల్‌ క్లాస్‌లని చెప్పించినా.. కొందరికి వచ్చే మార్కులు అంతంత మాత్రమే. కానీ ఈ కుర్రాడు. సెరిబ్రల్ పాల్సీతో పోరాడుతూ..మొత్తం శరీరం తనకు సహకరించే పరిస్థితి లేకున్నా కూడా పదోతరగతి పరీక్షల్లో అగ్రస్థానంలో నిలిచి అందర్నీ విస్తుపోయేలా చేశాడు. పైగా తనకు ఈ పరిస్థితి లేకుంటే ఇంకా ఎక్కువ మార్కులు తెచ్చుకునే వాడిని అని చెబుతుండటం విశేషం. ఆ విద్యార్థే జార్ఖండ్‌లోని గొడ్డాకు చెందిన ఫైజాన్. తీవ్రమైన సెరిబ్రల్ పాల్సీ ఉన్నప్పటికీ, 10వ తరగతి బోర్డు పరీక్షల్లో 93.8 శాతం మార్కులు సాధించి, దివ్యాంగుల విభాగంలో అగ్రస్థానంలో నిలిచాడు. శరీర కదలికల సవాళ్లను అధిగమించి, నోటితో పెన్ను పట్టుకుని రాసి ఇన్ని మార్కులు తెచ్చుకోవడం విశేషం. తన అనారోగ్య పరిస్థితి వల్లే ఇంతకు మించి సాధించలేకపోయానని, లేదంటే ఇంకా ఎక్కువ మార్కులే వచ్చేవని అంటున్నాడు. అంతేగాదు ఫైజాన్‌ చేతితో రాసే విధానానికి సంబంధించిన వీడియోని షేర్‌ చేస్తూ ఫైజాన్‌ గురించి వివరించారు. ఇక ఫైజాన్‌ తాను కొన్ని పరీక్షల్లో బొమ్మలు గీయలేకపోయానని, ముఖ్యంగా రేఖచిత్రాలు నోటితో స్పష్టంగా గీయడంలో కాస్త తడబడ్డట్లు వెల్లడించాడు. కాగా, జార్ఖండ్ అకాడమిక్ కౌన్సిల్ (JAC) గురువారం 10వ తరగతి (మెట్రిక్యులేషన్) పరీక్ష ఫలితాలను ప్రకటించింది, మొత్తం ఉత్తీర్ణత శాతం 95.27గా నమోదైంది.సెరిబ్రల్ పాల్సీ అంటే..నేషనల్ ఇన్‌స్టిట్యూట్ ఆఫ్ న్యూరోలాజికల్ డిజార్డర్స్ అండ్ స్ట్రోక్స్ ప్రకారం, సెరిబ్రల్ పాల్సీ అనేది శిశువుగా ఉన్నప్పుడు లేదా చిన్నతనంలోనే కనిపించే ఒక మెదడు రుగ్మత. ఇది శరీర కదలికలు, కండరాల సమన్వయంపై శాశ్వతంగా ప్రభావం చూపుతుంది. ఈ పరిస్థితి కదలికలను నియంత్రించే, శరీర భంగిమ సమతుల్యతను కాపాడే మెదడు సామర్థ్యానికి అంతరాయం కలిగిస్తుంది.VIDEO | Jharkhand boy overcomes cerebral palsy to top Jharkhand Class 10 boards. Holding a pen in his mouth, Faizan has overcome challenges that many regular physically able students would find difficult.He has topped the Class 10 board examinations in Jharkhand under the… pic.twitter.com/WXrfElGdCL— Press Trust of India (@PTI_News) April 24, 2026 (చదవండి: చిన్నారుల కోసం అపర'కాళి'లా ఆ శునకం!)

మురికివాడల్లో పెరిగే నిరుపేద బాలబాలికల్లో అపారమైనే తెలివితేటలు ఉంటాయనేందుకు మరో నిదర్శనం ఇది. కనీస అవసరాలు కూడా తీర్చుకోలేని దుర్భర పరిస్థితుల్లో బతుకుతూ..ఊహకే అందని విధంగా బోర్డు ఎగ్జామ్‌లో టాపర్‌గా నిలవడం మామాలు విషయం కాదు కదా. బహుశా ఈ అమ్మాయి భవిష్యత్తులో మరో స్లమ్‌డాగ్‌ మిలియనీర్‌గా అవతరిస్తుందేమో..!. ఇంతకీ ఎవరా ఆ అమ్మాయ్‌ అంటే..బోఫాల్‌లోని భీమ్ నగర్‌ అనే ఒక మురికవాడకు చెందిన అమ్మాయి 18 ఏళ్ల చాందిని విశ్వకర్మ. మధ్యప్రదేశ్‌ బోర్డు ఎగ్జామ్‌2026లో కామర్స్‌ విభాగంలో ఆమెకు వచ్చిన మార్కులు తెలిస్తే విస్తుపోతారు. ఆ అమ్మాయి మురికివాడలకు చెందిందేనా అనే అనుమానం వస్తుంది. కటిక దారిద్య్రం మధ్య కష్టపడి చదివి విజయం సాధించిన ఆమె కథ ప్రతిఒక్కరికి స్ఫూర్తి. చాందిని తండ్రి రోజువారీ కూలీ. వడ్రంగి పనిచేస్తూ..కుటుంబాన్ని పోషిస్తున్నాడు. ఆయన సంపాదన అరకొరగానే సరిపోతుంది ఇంటికి. చెప్పాలంటే కొద్దిపాటి అవసరాలకు కూడా అక్కరకు రాదు అతడి సంపాదన. ఇంట్లో ఇంతటి ఆర్థిక బాధలు ఉన్నా.. చదువుపైనే అచంచలంగా దృష్టి సారించింది. ఇంటర్‌లో విద్యార్థులంతా వివిధ కోచింగ్‌ సెంటర్లు, ఇతర వనరులపై ఆధారపడగా, ఆమె మాత్రం నిరుపేద పిల్లల కోసం ఉద్దేశించిన ఉచిత పాఠశాల అయిన గురుదేవగుప్త శిక్షా కేంద్రం చదువుకుంది. ఆమె అధ్వాన్నమైన జీవన పరిస్థితులు కారణంగా మిణుకుమిణుకుమనే వీధి దీపాలు, దోమల బెడద మధ్య అహర్నిశలు కష్టపడి చదివింది. ఆ కష్టమే ఆమెను మధ్యప్రదేశ్‌ ఇంటర్‌ బోర్డు ఎగ్జామ్‌లో 98.8% మార్కులతో టాపర్‌గా నిలిచేలా చేసింది. ఆమె కామర్స్‌ విభాగంలో 500 మార్కులకు 494 మార్కులతో (98.8%) అసాధారణమైన స్కోరు సాధించి అందర్నీ ఆశ్చర్యపోయేలా చేసింది. ఆమె గెలుపు అసాధారణమైనది. పెద్దపెద్ద కాలేజీల్లో చదువుకునే విద్యార్థులందర్ని వెనక్కి నెట్టి మూరిక వాడల నేపథ్యం నుంచి వచ్చిన నిరుపేద అమ్మాయి అగ్రస్థానంలో నిలవడం మాటలకందని విజయం కదూ..!.(చదవండి: ఇద్దరు పిల్లలతో నిస్సహాయ స్థితి నుంచి మున్సిపల్‌ కమిషనర్‌గా..!)

వైవాహిక జీవితంలో ముసిరిన చీకట్లు ఊపిరి సలపనివ్వలేదు. పోనీ పిల్లలు పుట్టాకన్నా.. తన స్థితి మారుతుందనుకుంటే మరింత నరకప్రాయమైంది. చేతిలో ఇద్దరు పిల్లలతో అక్కడే ఉండాలా? బయటకు వచ్చేయాలా? అన్న మీమాంస..ఇక తప్పని స్థితిలో ఇంటి నుంచి ఒంటరిగా ఇద్దరి పిల్లలతో బయటపడింది. అలా అనాడు నిస్సహాయ స్థితిలో అందరి జాలి చూపులతో కనిపించిన ఆ అభాగ్యురాలు.. ఇవాళ అందరు చేతులెత్తి సలాం కొట్టే పొజిషన్‌కి చేరుకుంది. ఓ జిల్లాకే అధికారిగా పాలన చేస్తూ..స్ఫూర్తిగా నిలిచారామె. పరిస్థితులు మన జీవితాన్ని తలకిందులు చేస్తాయేమో..కానీ మన మనః స్థితిని కాదు అని అంటారామె.ఆ అసామన్య ధీరురాలే సవితా ప్రధాన్‌. మధ్యప్రదేశ్‌లోని నర్మదాపురం జిల్లా మడై గ్రామంలో ఓ ఆదివాసి కుటుంబంలో పెరిగారు. తండ్రి వరి కోయడం, బీడి ఆకులు ఏరడం, మహువా పువ్వులు సేకరించడం వంటి పనులు చేస్తుంటాడు. ఓ పల్లెటూరి అమ్మాయిలా పెరిగినా సవితా ఇంటర్‌ పూర్తి చేసిన కొద్ది రోజులకే 16వ ఏటనే పెళ్లి చేశారు. అది కూడా తన కంటే పదకొండేళ్లు పెద్దవాడైన వ్యక్తితో వివాహం చేశారు. అయితే అత్తగారింట్లో ఆమె జీవితం నరకప్రాయంగా ఉండేది. భర్త, అత్తమామలు, ఆడపడచు వేధింపులకు తాళ్లలేకపోయింది. పిల్లలు పుడితే అంతా సర్దుకుంటుందని నచ్చచెప్పేవారు తల్లిదండ్రులు. ఇద్దరు కుమారులు అథర్వ, యూజుస్‌లు పుట్టాక కూడా పరిస్థితిలో మార్పు రాకపోగా, మరింత దిగజారింది. ఇక తన వల్ల కాదంటూ ఇద్దరు పిల్లలతో బయటకొచ్చేసింది. చాలా తక్కువ వస్తువులతో బయటకొచ్చిన ఆమె ఒక బంధువు ఇంట్లో చేరి స్థానిక బ్యూటీపార్లర్‌లో పనిచేసింది. అంతటి నిస్సహాయ స్థితిలో ఉన్న సవితకు ఎలాంటి భరోసా లేదు. కనీసం ఆర్థిక సాయం కూడా లేదు. పైగా ముందుకు సాగడానికి స్పష్టమైన మార్గం కూడా లేదు. తనకు తన పిల్లలకు ఒక మంచి జీవితాన్ని నిర్మించుకోవాలనే అచంచలమైన సంకల్పం మాత్రమే ఉంది. అదే ఆమెను ధైర్యంగా నడిపించేది. ఇంటర్‌తో ఆపిన చదువుని మళ్లీ కొనసాగించాలని నిశ్చయించుకుంది. ఎక్కువ గంటలు పనిచేస్తూ..మరోవైపు తన కుమారులను ఒంటరిగా పెంచుతూ చదువు కొనసాగించింది. మధ్యప్రదేశ్‌ రాష్ట్ర స్థాయి ప్రతిష్టాత్మకమైన పరీక్ష అయినా మధ్యప్రదేశ్ పబ్లిక్ సర్వీస్ కమిషన్ పరీక్షకు ప్రిపేరవ్వడం ప్రారంభించింది. అయితే ఎలాంటి కోచింగ్‌లు లేవు, కనీసం విద్యాపరమైన మద్దతు కూడా లేదు. తీరిక సమయంలోనే చదువుకోవడం ఒక్కటే తప్ప ఇంకే వెసులుబాటు లేదు. అయినప్పటికీ 2005 ఎంపీపీఎస్సీ పరీక్ష రాసి తొలి ప్రయత్నంలోనే ఉత్తీర్ణత సాధించారామె. అప్పుడామెకు పోలీస్‌ సర్వీస్‌ స్థానంలో పోస్ట్‌ వచ్చింది. అయితే సవితకు పరిపాలన సేవ చేయడమే ఇష్టం అందుకని మరోసారి 2006లో ఎంపీపీఎస్సీ పరీక్ష రాసి తను కోరుకున్న పోస్ట్‌ని సాధించారు. రాష్ట్రవ్యాప్తంగా 83వ ర్యాంకు సాధించి మధ్యప్రదేశ్‌ పరిపాలన సర్వీస్‌ అధికారిణిగా స్థానం పొందారు. ఆమె తన వృత్తి జీవితాన్ని నరసింగ్‌పూర్ జిల్లాలోని గోటేగావ్ మున్సిపల్ కౌన్సిల్‌లో ప్రారంభించారు. ఆ తర్వాత గ్వాలియర్‌లోని పట్టణ పరిపాలన అభివృద్ధి శాఖలో జాయింట్‌ డైరెక్టర్‌గా పనిచేశారు. ప్రస్తుతం ఆమె సింగ్రౌలి మున్సిపల్ కార్పొరేషన్ కమిషనర్‌గా విధులు నిర్వర్తిస్తున్నారు.ఆమె ఐఏఎస్‌ కాదు..అయితే సవితా కథను పలు మీడియాల్లో ఐఏఎస్‌గా అభివర్ణించాయి. ఆ విషయాన్ని స్పష్టంగా చేసేందుకు మళ్లీ ఇవాళ​ మీడియా ముందుకొచ్చారు. తాను మధ్యప్రదేశ్ పరిపాలనా సేవా అధికారిణి అయిన PCS అధికారిణిని మాత్రమేనని, భారత పరిపాలనా సేవ (IAS) సభ్యురాలిని కాదని స్పష్టం చేశారు. PCS అంటే ప్రధానంగా ప్రావిన్షియల్ సివిల్ సర్వీస్ (Provincial Civil Service) అని అర్థం. ఇది రాష్ట్ర ప్రభుత్వాల పరిధిలో నిర్వహించే అడ్మినిస్ట్రేటివ్‌ సర్వీస్‌. ఇక సవితా భవిష్యత్తులో ఐఏఎస్‌గా పదోన్నతి పొందే అవకాశం ఉన్నప్పటికీ..ప్రస్తుతానికి తాను ఏ హోదాలో ఉన్నానో దానికే గర్విస్తున్నానని క్లియర్‌గా చెప్పారు. అయితే పలు మీడియా కథనాల్లో తనను ఐఏఎస్‌ అధికారిగా చెబుతూ ఏవేవో రాసేశారని, అదంతా కరెక్ట్‌ కాదంటూ తన స్టోరీని చెప్పుకొచ్చారామె. ఇక సవితా ప్రధాన్‌ కథ అసంతృప్తికరమైన వైవాహిక బంధం, చేతిలో ఇద్దరి పిల్లల బాధ్యత అయినా జీవితంపై ఆశ వదులుకునేందుకు ఇష్టపడ లేదు. తనకెదురైన కష్టాలకు ఎదురెళ్లి మరీ..శివంగిలా పోరాడింది. పోనీ పుట్టింట వాళ్లు సైతం ఆదుకోలోని పరిస్థితే అయినా..తన తలరాతను చూసి తిట్టుకుంటూ కూర్చోలేదు. ఎలాగైన తన జీవితాన్ని కన్నీళ్లమయంగా కాదు కాంతిమయం మార్చుకోవాలి, ఆనందకరంగా జీవించాలి అని అనుకుంది. కోరుకున్నట్లుగానే సాధించింది, "దటీజ్‌ సవితా" అని అనిపించుకున్నారామె.(చదవండి: తొలి అంధ బధిర న్యాయవాది..! చిమ్మ చీకటి నుంచే సక్సెస్‌ అందుకుంది..!)

ఏ వ్యాపారమైన ప్రారంభంలో ఒడిదుడుకులు సాధారణం. ఇక్కడ వాటిని అధిగమిస్తు ముందుకు సాగేవారు ఏదో ఒకరోజు తప్పక గెలుస్తారు. అందుకు ఉదాహరణ ఈ వ్యక్తి. ఒకప్పుడు సాదాసీదా తోపుడు బండిపై పండ్ల వ్యాపారం. ఒక్కోసారి ఒక్కటి కూడా అమ్ముడు అవ్వక వద్దురా ఈ వ్యాపారం అనేలా నిరాశను కలుగజేసింది. అయినా ఎలాగైనా ఏదో సాధించాలన్న కసి, పట్టుదల మళ్లీ మళ్లీ అదే వ్యాపారం చేసి నిలదొక్కుకోవడమే గాక పదిమందికి ఉపాధి ఇచ్చే స్థాయికి చేరాడు, పైగా కోట్లలో లాభాలు ఆర్జించడం మొదలైంది. ఎలా ఆ వ్యక్తి ఆ స్థాయిలో పండ్ల వ్యాపారంలో సక్సెస్‌ని అందుకున్నాడంటే..ఆ వ్యక్తే మధ్యప్రదేశ్‌లోని బుర్హాన్‌పూర్‌కి చెందిన అబ్దుల్‌ రైస్‌. దాదాపు 30 ఏళ్ల క్రితం అత్యంత క్లిష్ట పరిస్థితుల్లో ఒక సాధారణ బండిపై పండ్లు అమ్ముతూ తన ప్రయాణాన్ని ప్రారంభించారు. ప్రారంభరోజుల్లో అతడి వ్యాపారం ఎంత దారుణంగా ఉండేదంటే..సరిగా అమ్మకాలు సాగాక రోజంతా వేచి చూడాల్సి వచ్చేది. ఆ తోపుడు బండి వ్యాపారం ద్వారా వచ్చే ఆదాయం కుటుంబ అవసరాలకు సరిపోక ఇక వదిలేద్దాం రా బాబు అని అనుకునేవాడు. మరోవైపు వర్షాకాలంలో ఆ కొద్దిపాటి అమ్మకాలు పూర్తిగా నిలిచిపోయేవి. ఈ ఇబ్బందులతో ఆయన ఛీ ఈ వ్యాపారం నాకొద్దు అంటూ విలపించేవాడు. అయితే బంధువులు, కుటుంబ సభ్యుల మద్దతుతో అబ్దుల్‌ సుమారు రూ. 5 లక్షల రుణం తీసుకుని మళ్లీ అదే వ్యాపారం ప్రారంభించారు. ఈసారి ఆయనకు గతంలో చూసిన సవాళ్లు అన్ని పాఠాలుగా మారి, ఎలా వ్యాపారం నిర్వహించాలో తెలిసొచ్చింది. నిరంతర శ్రమ, పట్టుదలతో లాభాల పట్టేంచేలా అమ్మకాలు ఊపందుకున్నాయి. ఆ చిన్న వ్యాపారం కాస్త కోట్ల రూపాయల వ్యాపారంగా మారింది. కాలక్రమేణ తన చిన్న తోపుడు బండి వ్యాపారం ఒక అభివృద్ధి చెందుతున్న సంస్థగా మారింది. అలా అతని సంస్థ ఏకంగా రూ. 3 కోట్ల వార్షిక టర్నోవర్‌తో దూసుకుపోవడమే గాక దాదాపు 15 మందికి ఉపాధి కల్పిస్తున్నాడు. ఒకప్పుడు మనుగడ కోసం పడిన పోరాటం ఇప్పుడు చాలామందికి ఉపాధి అందించే రేంజ్‌కు చేరడం విశేషం. అతడి సంస్థ బుర్హాన్‌పూర్‌లో నీలం ఫ్రూట్’గా ప్రసిద్ధి చెందింది. నాణ్యత, విశ్వసనీయతకు మారుపేరుగా నిలిచి అక్కడందరి మన్ననలకు అందుకుంది. అతడి దుకాణం నుంచి పండ్లు కొనడానికి సుదూర ప్రాంతాల నుంచి కూడా రావడం గమనార్షం. అతడి సంస్థ వద్దకు సుమారు రెండు నుంచి మూడు వాహానాలు వస్తాయట. చిల్లర వినియోగదారులే కాకుండా, చాలా మంది చిరు వ్యాపారులు కూడా అతని వద్ద పండ్లు కొని స్థానిక మార్కెట్లలో అమ్ముతారు. తద్వారా అతడి వ్యాపార విస్తరణ మరింత పెరుగుతూ వచ్చింది. పట్లుదల, నిరంతర కృషి ఉంటే ఎంతటి భయాంకరమైన సవాళ్లనైనా దాటగలుగతాం, విజయం సాధించగలం అని అబ్దుల్‌ రైస్‌.(చదవండి: కామాఖ్య ఆలయాన్ని సందర్శించిన నీతా..! గులాబీ కుర్తా..)

సకల సౌకర్యాలతో ఎటువంటి వైకల్యం లేకుండా సాధించిన విజయాలను ఎన్నో చూసి ఉంటాం. కానీ కడు పేదరికం, ఓ పక్క వైకల్యంతో సతతమతమై చిన్నారులు..ఏదో సాదించాలన్న ఆశతో బతుకుతున్న వైనం మనల్ని ఎంతగానో కదలిస్తుంది. పైగా అలాంటి వాళ్లు సాధించి విజయాలు అత్యంత స్ఫూర్తిదాయకమైనవి, ప్రశంసనీయమైనవి కూడా. అలాంటి వ్యక్తులు అసామాన్య ధైర్యానికి, తిరుగలేని శక్తికి అర్థాన్నిచ్చేలా నిలబడతారు, గెలుస్తారు అని చెబుతున్నారు పారిశ్రామిక దిగ్గజం ఆనంద్‌ మహీంద్రా.ఎప్పటికప్పుడు సోషల్‌ మీడియాలో యాక్టివ్‌గా ఉంటూ ప్రేరణాత్మక కథలను షేర్‌ చేసే ఆనంద్‌ మహీంద్రా ఈసారి కూడా మనసుని తాకే సరికొత్త స్ఫూర్తిదాయకమైన కథతో మన ముందుకొచ్చారు. తనకు నిరాశనిస్ప్రుహలు కలిగినప్పుడల్లా అలాంటి మహోన్నత వ్యక్తుల వైపుకి చూస్తానంటూ ఒడిశాకు చెందిన పాయల్ నాగ్‌ అనే పారా ఆర్చరీ కథను సోషల్‌ మీడియా ఎక్స్‌లో షేర్‌ చేశారు. ఆ పోస్ట్‌లో ఆనంద్‌ మహీంద్రా ఇలా రాసుకొచ్చారు. రోజువారీ కూలీ అయిన ఒక మేస్త్రీ కుటుంబంలో జన్మించిన పాయల్ బాల్యం అంతా కష్టాలతో నిండిపోయింది. కేవలం ఎనిమిదేళ్ల వయసులో, విద్యుదాఘాతానికి గురై తన నాలుగు అవయవాలనూ కోల్పోయింది. నిజానికి ఆమె ఎదుర్కొన్న ప్రమాదం జీవితానికి ముగింపు పలికేలా చేసే దారుణమైన ఘటన. అయితే పాయల్‌ తన పరిస్థితిని ధిక్కరించేలా అద్భుతమైన ఆరంభానికి నాంది పలకడం విశేషం. ఆమె నేరుగా ఈ విలువిద్య శిక్షణలోకి రాలేదు. ఆమె మొదటగా తన ఐడెంటీటిని చిత్రీకరణతో తెచ్చుకుంది. అవయవాలు లేకపోయినా..పట్టుదలతో చిత్రాలు గీయాలన్న ఆమె తాపత్రయం అందర్నీ కట్టిపడేసేది. ఆ విలక్షణ ప్రతిభను శీతల్‌ దేవికి శిక్షణ ఇచ్చిన కుల్దీప్‌ వేద్వాన్‌ గుర్తించారు. ఆమె పట్టుదల, స్ఫూర్తిని గుర్తించి, పారా ఆర్చరీ శిక్షణతో ప్రపంచంలోకి అడుగుపెట్టడానికి మార్గనిర్దేశం చేశారు. అలా అలుపెరగని పట్టుదలతో పాయల్‌ తన పరిస్థితులకు అనుగుణంగా శిక్షణ పొందింది. కాలక్రమేణ నైపుణ్యం, ఆత్మవిశ్వాసం రెండిటిని పెంపొందించుకుంటూ..ఉన్నత స్థాయికి ఎదిగింది. ఆమె సామర్థ్యాలు ప్రపంచానికే తెలిసేల చేసిన కీలక మలుపు ఏప్రిల్‌ 2026లో బ్యాంకాక్‌లో జరిగిన వరల్డ్‌ పారా ఆర్చరీ సిరీస్‌. ఆ పోటీల్లో ఫైనల్‌కు చేరుకుని తన ఆరాధ్య దేవత అయిన శీతల్‌ దేవిని ఎదుర్కొని, ఓడించింది. అలా ఆ పోటీల్లో పాయల్‌ స్వర్ణం సాధించి ప్రపంచ వేదికపైకి అద్భుతంగా అడుగుపెట్టింది. Here is that moment!! Payal Nag receives her GOLD medal at Bangkok and the national anthem plays.And right beside her, Sheetal - gracefully helping move her wheelchair.Two champions. One podium. One unforgettable frame.Pure inspiration. ❤️ pic.twitter.com/wrobtOCSIL— Manas Muduli (@manas_muduli) April 6, 2026 అంతేగాదు ప్రపంచంలోనే అవయవాలు లేని తొలి ఆర్చర్‌గా ఘనత అందుకుంది పాయల్‌. ఇది ఆమె పట్టుదలకు నిదర్శనం. ఇక్కడ కోచ్‌ కుల్దీప్ వేద్వాన్ ఆమె ప్రయాణంలో కీలక పాత్ర పోషించారు. ఆమె కృత్రిమ కాళ్లతో ఆపరేట్ చేయడానికి వీలుగా ఒక ప్రత్యేకమైన విల్లును తయారుచేశారు. ఇందులో భాగంగా, విల్లును పైకి ఎత్తడంలో సహాయపడటానికి ఆమె కుడి కృత్రిమ కాలుపై ప్రత్యేకంగా రూపొందించిన ఉక్కు పరికరాన్ని, అలాగే శీతల్ మాదిరిగానే ఛాతీ నుంచి విల్లును విడుదల చేసే యంత్రాంగాన్ని కూడా అమర్చారు. ఆమెను ఆ పరికరాలకు అలవాటు చేయడానికి సుమారు మూడు నెలల సమయం పట్టిందని వేద్వాన్ వెల్లడించారు. పాయల్‌ కేవలం 2023లో శిక్షణ ప్రారంభించి..జస్ట్‌ మూడేళ్లలోనే ప్రపంచంలోని అత్యుత్తమ క్రీడాకారులతో పోటీపడే స్థాయికి ఎదిగి, విజయకేతనం ఎగరవేసింది. అని పోస్ట్‌లో రాసుకొచ్చారు ఆనంద్‌ మహీంద్రా. అంతేగాదు తనకు ఎప్పుడైనా నిరాశగా లేదా నిరుత్సాహంగా అనిపించినప్పుడు నిలదొక్కుకోవడానికి, సరైన దృక్పథాన్ని పొందడానికి పాయల్‌, శీతల్‌ సక్సెస్‌ జర్నీల వైపు చూస్తానని అన్నారు. వీళ్లు ఒక్కరోజుకే పరిమితమై స్ఫూర్తిప్రదాతలు కాదని, అసాధారణమైన అడ్డంకులను చేధించిన మహోన్నతమైన క్రీడాకారిణులని, ఎప్పటికీ స్ఫూర్తిగా నిలుస్తారని ప్రశంసించారు మహీంద్రా.Payal Nag.Daughter of a daily-wage mason from Odisha. Electrocuted at the age of eight. Lost all four limbs.And then, found a bow.Spotted through her paintings by coach Kuldeep Vedwan, the same man who shaped world champion Sheetal Devi. Defeated her idol Sheetal Devi at… pic.twitter.com/KdWGcuAJ9X— anand mahindra (@anandmahindra) April 6, 2026 (చదవండి: ఆ సమయంలో కూడా కూతురిపై ప్రేమ తగ్గదు..!)

ఐఐటీ జేఈఈలో ఫెయిల్‌ అయ్యి యూట్యూబ్‌లో ఉ‍ద్యోగం సంపాదించే రేంజ్‌కు చేరుకున్న జర్నీని సోషల్‌ మీడియా వేదిక షేర్‌ చేసుకున్నాడు ఓ భారత సంతత వ్యక్తి. అందుకు ఇద్దరు మహిళలు కారణమంటూ తన కథను పంచుకున్నాడు. అతడి కథ ప్రతిఒక్కరిని కదలించింది. హ్యూమన్స్ ఆఫ్ బాంబే' అనే ఇన్‌స్టాగ్రామ్ ఖాతాలో షేర్‌ చేసుకున్న పోస్ట్‌లో అభిజయ్‌ అరోరా అనే వ్యక్తి తన కథను షేర్‌ చేసుకున్నారు. తన తల్లి ప్రభుత్వ ఉద్యోగిగా నగరాలు మారుతూ..తనను, తన చెల్లిని ఎలా పెంచిందో గుర్తుచేసుకున్నారు. సింగిల్‌ మదర్‌గా ఆమె పడ్డ కష్టం మర్చిపోలేనంటున్నాడు. కేజీ తరగతుల నుంచి ఐఐటీ ప్రవేశ పరీక్ష వరకు ప్రతి దశలోనూ తన తల్లి తనకు ఎలా సహాయం చేసిందో గుర్తు చేసుకున్నాడు. జేఈఈ టైంలో తెల్లవారుజామున నాలుగు గంటలకు లేచి టీ పెట్టి ఇచ్చేదని అన్నారు. అంతలా ఆమె కష్టపడ్డా..ఫెయిల్‌ అవ్వడంతో తన ఆశయాలన్నీ నీరుగారిపోయాయని బాధగా చెప్పుకొచ్చాడు. నిజానికి ఆ ఓటమి అమ్మ త్యాగాలకి చేసిన ద్రోహంగా అనిపించేది, అందుకే మరో మార్గంలో ఎలాగైన సక్సెస్‌ అందుకోవాలని స్ట్రాంగ్‌గా డిసైడ్‌ అయ్యానని రాసుకొచ్చాడు పోస్ట్‌లో. ఐఐటీ బెంగళూరులో హ్యాకథాన్‌లో గెలిచి మలేషియాలో ఉద్యోగం సంపాదించినట్లు చెప్పుకొచ్చాడు. బాగా సంపాదిస్తున్నప్పటికీ అదంత సంతృప్తినివ్వకపోవడంతో గూగుల్‌లో పనిచేయాలని లక్ష్యంగా పెట్టుకున్నట్లు ఆరోరా పంచుకున్నాడు. తన అవకాశాలను మెరుపరుచుకోవడానికి ఐవీ లీగ్ ఎంబీఏ చేయాలని లక్ష్యంగా పెట్టుకున్నట్లు తెలిపాడు. ఐఐటి నేపథ్యం లేకుండా హార్వర్డ్ అసాధ్యమని కన్సల్టెంట్లు నవ్వారని నాటి పరిస్థితిని జ్ఞప్తికి తెచ్చుకున్నాడు. ఆ సందేహాలన్నింటిని పక్కనపెట్టి తన కలను సాకారం చేసుకోవడానికి రూ. కోటి రూపాలయ రుణం తీసుకున్నాడు. గ్రాడ్యుయేషన్‌ తర్వాత ఉద్యోగం కోసం పెద్ద పోరాటమే చేశానంటున్నాడు. ఉద్యోగం సంపాదించడానికి, దేశం విడిచి వెళ్లిపోవడానికి తన వద్ద 90 రోజుల సమయమే ఉన్న క్లిష్టతరమైన ఉద్యోగ మార్కెట్‌ని ఎదుర్కొన్నట్లు తెలిపాడు. తాను వారానికి వంద ఉద్యోగాలకు దరఖాస్తు చేసినా..జాబ్‌ సంపాదించలేకపోయానని చెప్పుకొచ్చాడు. అప్పుడే తన జీవితానికి రెండో ఆధారంగా తన భార్య రంగప్రవేశం చేసిందని చెప్పుకొచ్చాడు. తనను నిరుద్యోగిగా ఉన్నప్పుడే పెళ్లి చేసుకుని, కొండంత తిరస్కరణల నడుమ అండగా నిలబడి తన కుటుంబాన్ని ఒంటరిగా పోషించిందని రాసుకొచ్చాడు పోస్ట్‌లో. ఆమెకు తనపై ఉన్న నమ్మకమే తనను ఆవిష్కరణలు చేసేలా పురికొల్పిందని పేర్కొన్నాడు. అంతేగాదు అరోరా తన రెజ్యూమ్‌ని మెరుగుపరుచుకోవడానికి ఒక ఏఐ ఆధారిత సాధానాన్ని రూపొందించి ఉద్యోగ దరఖాస్తులకు సంబంధించిన కంటెంట్‌ను పంచుకోవడం ప్రారంభించారు. చివరికి అరోరా చేసిన పని గూగుల్ దృష్టిని ఆకర్షించింది. అలా ఆయన గూగుల్‌లో​ యూట్యూబ్‌లో ప్రొడక్ట్‌ మేనేజర్‌ జాబ్‌ పొందారు. ఆ ఫ్లాట్‌ఫాంలో ఆరు లక్షలకు పైగా ఫాలోవర్లతో ఒక కమ్యూనిటీనే ఏర్పరుచుకున్నట్లు వెల్లడించారు. ఆయన ఏఐ రంగంలోని సిలికాన్ వ్యాలీ నాయకులతో ఒక పాడ్‌కాస్ట్‌ను కూడా నిర్వహిస్తున్నట్లు తెలిపారు. అంతేగాదు తన తల్లిన కూడా గూగుల్‌ కార్యాలయానికి తీసుకువెళ్లానని పంచుకున్నారు. తన డెస్క్‌ గోడలపై యూట్యూబ్‌ లోగోని కన్నీళ్లతో అమ్మ తన వంక గర్వంగా చూసిన క్షణం మర్చిపోలేనంటూ భావోద్వేగంగా రాసుకొచ్చాడు. ఆ క్షణంలో తాను ఎదుర్కొన్న తిరస్కారాలు, నిద్రలేని రాత్రల కష్టం ఫలించదన్న ఆనందం కలిగిందన్నారు. తన విజయవంతమైన జర్నీని వివరిస్తూ..ప్రతి విజయవంతమైన పురుషుడి వెనుక ఒక మహిళ ఉంటుందని అంటుంటారు. కానీ తనకు ఇద్దరు మహిళలు ఉండటం అదృష్టం అని రాసుకొచ్చాడు. తనకు ఆరంబాన్ని ఇవ్వడం కోసం సర్వ త్యాగం చేసిన తల్లి, అలాగే తన ప్రస్థానాన్ని పూర్తి చేయడానికి సర్వ పణంగా పెట్టిన భార్య, ఈ ఇద్దరు లేకపోతే తాను లేనని అన్నారు. "ఈ కథ హృదయానికి హత్తుకునేలా ఉంది. నిజానికి విజయం కష్టానికి ప్రతిఫలమే అయినా..దాని వెనుకు మన ప్రియమైన వ్యక్తుల నిశబ్ద బలం, త్యాగం, ప్రోత్సహం కచ్చితంగా ఉంటాయన్నది మీ కథ నొక్కి చెబుతోంది అని కామెంట్‌ చేస్తూ పోస్టులు పెట్టారు". నెటిజన్లు. View this post on Instagram A post shared by Humans of Bombay (@officialhumansofbombay) (చదవండి: నొప్పులు పడుతూ కోర్టుకి హాజరు..! కారణం తెలిస్తే షాకవ్వుతారు)

ఏదైన శుభకార్యానికి వెళ్లొస్తే మొదటగా అందరూ మాట్లాడుకునేది వడ్డించిన వంటల గురించే.. వెజ్‌ అయినా.. నాన్‌వెజ్‌ అయినా.. వంటకం ఎలా ఉంది..? ఎన్ని రకాలు వడ్డించారు? ఇలా ఓ చర్చే జరుగుతుంది. అయితే ఈ వంటలక్క చేయి పడితే రుచి చూడడం అవసరం లేదు. నాన్‌వెజ్‌లో బగారా, చికెన్, మటన్, ఫిష్, తలకాయ, బోటీతో పాటు వెజ్‌లో పచ్చిపులుసు, భక్షాలు, పప్పుచారు, పులిహోరాతో పాటు పంచభక్ష పరమాన్నాలు లొట్టలేసుకుని తింటారు. సాక్షాత్తు దేశ ప్రధాని నరేంద్ర మోదీతో శభాష్‌ అనిపించుకున్న కరీంనగర్‌లోని సప్తగిరికాలనీకి చెందిన ప్రముఖ క్యాటరింగ్‌ నిర్వాహకురాలు గూళ్ల యాదమ్మ చేతి వంటను రాష్ట్రంలోని ప్రముఖ రాజకీయ నాయకులందరూ రుచిచూశారు. ఒకప్పుడు రూ.15కు దినసరి కూలీగా చేసి, ప్రస్తుతం వందల మందికి ఉపాధి కల్పిస్తున్న యాదమ్మ చేతివంటపై సండే స్పెషల్‌..!!విద్యానగర్‌(కరీంనగర్‌): యాదమ్మది సిద్దిపేట జిల్లా హుస్నాబాద్‌ మండలం గౌరవెల్లి. చిగురుమామిడి మండలం కొండాపూర్‌కు చెందిన చంద్రయ్యతో పదిహేనేళ్ల వయసులోనే వివాహమైంది. కొడుకు పుట్టిన మూడు నెలలకే చంద్రయ్య ఓ ప్రమాదంలో మరణించాడు. దీంతో కొడుకును తీసుకుని కరీంనగర్‌కు వలసొచ్చారు. కొన్ని రోజులు స్కూల్‌లో ఆయాగా పని చేశారు. తరువాత మంకమ్మతోటకు చెందిన వెంకన్న వద్ద వంటపనిలో హెల్పర్‌గా చేరారు. అందుకు రోజూ రూ.15 కూలీ తీసుకునేవారు. కాలక్రమేణ చిన్నచిన్న ఫంక్షన్లలో వంటచేస్తూ మన్ననలు పొందారు. క్రమేనా పెద్దపెద్ద ఫంక్షన్లకు క్యాటరింగ్‌ నిర్వహిస్తున్నారు. ఇప్పుడు 50 వేల మందికైనా ఒంటిచేత్తో వంటచేసేలా ప్రావీణ్యం సంపాదించారు.మోదీ మెచ్చిన వంటలు2022లో హైదరాబాద్‌లో జరిగిన బీజేపీ జాతీయ కార్యవర్గ సమావేశాల్లో ప్రధాని మోదీతో పాటు పాల్గొన్న వందలాది మంది ప్రముఖులకు యాదమ్మ తన చేతి వంటలు రుచి చూపించి శభాష్‌ అనిపించుకున్నారు. హైదరాబాద్‌లోని నోవాటెల్‌ హోటల్‌లో జరిగిన కార్యక్రమంలో తెలంగాణ వంటలు రుచిచూసిన ప్రధాని యాదమ్మను ప్రత్యేకంగా అభినందించారు. మాజీ ముఖ్యమంత్రి కేసీఆర్‌ సైతం పలుమార్లు యాదమ్మ వంటలను మెచ్చుకున్నారు. కేటీఆర్‌ నిర్వహించిన మూడు బహిరంగసభలు, వేములవాడ శివరాత్రి ఉత్సవాలు, కొండగట్టు హనుమాన్‌ జయంతి, గోదావరి పుష్కరాల్లో వేలాది మందికి వంటలు చేశారు. ప్రస్తుత కాంగ్రెస్‌ మంత్రి పొంగులేటి శ్రీనివాస్‌ రెడ్డి కూతురు పెళ్లిలో 30వేల మందికి, కరీంనగర్‌ తీగల వంతెన ప్రారంభం అప్పుడు 20వేల మందికి వంటలు చేశారు. కేంద్రమంత్రి బండి సంజయ్, కరీంనగర్‌ ఎమ్మెల్యే గంగుల కమలాకర్‌ నివాసాల్లో జరిగిన ఫంక్షన్లకూ యాదమ్మ క్యాటరింగ్‌ చేశారు. గతనెల 27న కరీంనగర్‌లోని మహాశక్తి ఆలయంలో జరిగిన శ్రీరామనవమి వేడుకల్లో 25వేల మందికి రుచికరమైన వంటకాలు చేసిపెట్టారు.వందలాది మందికి ఉపాధికిరాయి పెంకుటిళ్లు నుంచి ఇప్పుడు సప్తగిరికాలనీలో తనకంటూ ఒక మంచి సొంతిళ్లు నిర్మించుకుని దుర్గా నిలయంగా పేరు పెట్టుకున్నారు. ఒక్కగానొక్క కొడుకును చదివించి రూ.12 లక్షలు ఖర్చు చేసి అమెరికా పంపింపారు. అక్కడి వాతావరణం పడక అనారోగ్యం పాలు కావడంతో స్వదేశానికి వచ్చి అతనూ క్యాటరింగ్‌ చేస్తున్నాడు. యాదమ్మ వద్ద దాదాపు 200 మంది వంటలు నేర్చుకుని సొంతంగా క్యాటరింగ్‌లు నిర్వహిస్తున్నారు. మీర్జాపూర్‌కు చెందిన 20 మంది మహిళలు వంటలు నేర్చుకుని స్వయం ఉపాధి పొందుతున్నారు. సీజన్‌లో 200మందికి ఉపాధి కల్పిస్తున్నారు. మిగతా రోజుల్లో నిత్యం 10 నుంచి 20 మంది యాదమ్మ వంటకు సాయంగా ఉంటారు.ఈ జన్మలో కలిగిన భాగ్యంకరీంనగర్‌లోని మారుమూల పల్లెలో పుట్టిన నేను ఈ దేశ ప్రధానికి నా చేతి వంట రుచి చూపిస్తానని కలలో కూడ అనుకోలేదు. శాకాహారమే కాకుండా నాన్‌ వెజ్‌ వంటకాలు కూడా బాగా చేస్తాను. గంగుల కమలాకర్, బండి సంజయ్‌లు నన్ను బాగా ప్రోత్సహిస్తున్నారు. వారి ఇంట్లో, రాజకీయ పార్టీలకు, కాలేజీ ఫంక్షన్లకు, రాజకీయ సభలకు దాదాపు 20 నుంచి 30వేల మందికి వంట చేయగలను. నా వద్ద ప్రస్తుతం 40మంది వరకు పని చేస్తారు. నా దగ్గర పని నేర్చుకున్న వారు స్వయంగా క్యాటరింగ్‌ నిర్వహిస్తున్నారు. వారి పిల్లలను అమెరికా సైతం పంపించారు. – గూళ్ల యాదమ్మ

‘హాయిగా గడిచిపోతుంది కదా...రిస్క్‌ ఎందుకు!’ అనుకునే వాళ్లకు రిస్క్‌తోపాటు సక్సెస్‌ కూడా దూరంగానే ఉంటుంది! ‘సక్సెస్‌ దక్కాలంటే రిస్క్‌ చేయాల్సిందే’ అనుకునేవాళ్లే విజేతలవుతారు. రోహిత్‌ రేజి కొన్ని స్టార్టప్‌లలో ఉద్యోగాలు చేశాడు. ‘నేనే ఒక స్టార్టప్‌ ఎందుకు మొదలు పెట్టకూడదు’ అనే ఆలోచనతో నియోక్రెడ్‌ టెక్నాలజీస్‌ మొదలు పెట్టి అద్భుత విజయం సాధించాడు... బ్యాంకులు, ఆర్థిక సంస్థలు తమ వినియోగదారులకు మెరుగైన సేవలను అందించేలా చూసే సాంకేతికతను, సమస్యల పరిష్కారాలను ‘నియోక్రెడ్‌ టెక్నాలజీస్‌’ రూపొందించింది. ఇది బి2బి2సి స్టార్టప్‌. నియోక్రెడ్‌ అనేది డిజిటల్‌ పబ్లిక్‌ ఇన్‌ఫ్రాస్ట్రక్చర్‌ రంగంలో పనిచేసే సంస్థ. మన దేశంలోని అగ్రశేణి బ్యాంకులు, ప్రభుత్వరంగ సంస్థలు, రేజర్‌పే, పేటీఎం వంటి ఫిన్‌టెక్‌లు ‘నియోక్రెడ్‌’ కస్టమర్‌లు.అసలైన సామర్థ్యం అదే!‘ఏఆర్‌ఎం ఇన్‌స్టిట్యూట్‌ ఆఫ్‌ సైన్స్‌ అండ్‌ టెక్నాలజీ’ నుండి బీకామ్‌ పూర్తి చేసిన తరువాత ‘ఎక్స్‌పెడైట్‌’ అనే స్టార్టప్‌లో నాలుగు సంవత్సరాలు పనిచేశాడు రోహిత్‌. ‘లార్సెన్‌ అండ్‌ టర్బో (ఎల్‌ అండ్‌ టి)’లో కొంతకాలం పనిచేసిన తరువాత టెడ్‌ఎక్స్‌ టాక్‌ షోలను నిర్వహించడానికి ఉద్యోగాన్ని వదులుకున్నాడు. ఆ తరువాత బెంగళూరులో ‘ఎంఎస్‌ఎస్‌’ పేమెంట్స్‌ అనే స్టార్టప్‌లో చేరాడు. అక్కడ పనిచేస్తున్న సమయంలోనే సొంత స్టార్టప్‌ గురించి ఆలోచించాడు.‘ఓపెన్‌ బ్యాంకింగ్‌ రంగంలో పరిష్కారాలను రూపొందించడంలోనే అసలైన సామర్థ్యం ఉందని గ్రహించాను’ అంటున్న రోహిత్‌ ఆ సమస్యల పరిష్కార వేదికగా ‘నియోక్రెడ్‌ టెక్నాలజీస్‌’కు శ్రీకారం చుట్టాడు. ఓపెన్‌ బ్యాంకింగ్‌ అనేది సురక్షితమైన ఏపీఐలను ఉపయోగించే ఒక వ్యవస్థ. దీనిద్వారా అధీకృత థర్డ్‌–పార్టీ ప్రొవైడర్‌లు(ఫిన్‌టెక్‌ల వంటివి) కస్టమర్‌ల బ్యాంక్‌ డేటాను వారి అంగీకారంతో యాక్సెస్‌ చేస్తాయి.నమ్మకం ప్లస్‌ గుర్తింపుయెస్‌ బ్యాంక్‌తో కలిసి 2018–19లలో ప్రీపెయిడ్‌ కార్డులను ప్రారంభించింది నియోక్రెడ్‌. కోవిడ్‌ కల్లోల కాలం తరువాత ‘రూపే ఆన్‌ ది గో’ అనే పైలట్‌ భాగస్వామ్య కార్యక్రమంలో భాగంగా ఎన్‌పీసీఐ(నేషనల్‌ పేమెంట్స్‌ కార్పోరేషన్స్‌ ఆఫ్‌ ఇండియా)తో కలిసి సహ–భాగస్వామ్యం కుదుర్చుకుంది. ‘ఇది మాకు నమ్మకాన్ని, గుర్తింపు రెండిటినీ ఇచ్చింది’ అంటాడు రోహిత్‌. కొన్ని సంవత్సరాల క్రితం రోహిత్‌ స్టార్టప్‌కు విరెంక్సియా, ఏంజెల్‌ ఇన్వెస్టర్‌ రాజేష్‌ జైన్‌ నుంచి ఎనిమిది కోట్ల సీడ్‌ ఫండింగ్‌ వచ్చింది. ప్రొడక్ట్స్‌లైన్స్‌ నియోక్రెడ్‌కు మూడు ఉత్పత్తి శ్రేణులు(ప్రొడక్ట్‌ లైన్స్‌) ఉన్నాయి. ఐడెంటీ మెనేజ్‌మెంట్‌ (ప్రొఫైల్‌ ఎక్స్‌), ప్రైవసీ(బ్లూటిక్‌), పేమెంట్స్‌ (కలెక్ట్‌ బాట్‌)‘నియోక్రెడ్‌’ను ప్రపంచవ్యాప్తంగా విస్తరించే ప్రయత్నంలో ఉన్నాడు రోహిత్‌ రెజి,‘ఇతర దేశాలలో ఐడెంటిటీ ప్రొఫైలింగ్, ప్రైవసీ, పేమెంట్స్‌ ఫ్లాట్‌ఫామ్‌లను నిర్మించాలనుకుంటున్నాం. మౌలిక సదుపాయాలకు సంబంధించి స్థానిక అవసరాలు తీర్చాలనుకుంటున్నాం’ అంటున్నాడు రోహిత్‌. దీనికి సంబంధించి సింగపూర్, దుబాయ్‌లోని పార్టీలతో ప్రాథమిక చర్చలు జరుపుతున్నాడు. ‘నియోక్రెడ్‌’లో ప్రస్తుతం 140 మందికి పైగా ఉద్యోగులు ఉన్నారు. వీరిలో సగం మంది టెక్‌ నిపుణులు. ‘తమ లక్ష్యం గురించి నిరంతరాయంగా కష్టపడడం, నిబద్ధత నియోక్రెడ్‌ విజయానికి కారణం’ అంటున్నారు ‘అల్వారెజ్‌ అండ్‌ మార్సల్‌’ గ్లోబల్‌ ట్రాన్సాక్షన్‌ అడ్వైజరీ గ్రూప్‌ మేనేజింగ్‌ డైరెక్టర్‌ భావిక్‌ హతి. సక్సెస్‌ అనేది కంఫర్ట్‌ జోన్‌ నుంచి రాదు. సవాళ్లను అధిగమించే శక్తి నుంచి వస్తుంది.'– రోహిత్‌ రెజి(చదవండి: 14 ఏళ్లకే స్కూల్‌ డ్రాపౌట్‌..కానీ ఆ ఆవిష్కరణ..!)

మన చుట్టూ ఉన్న పరిస్థితులు ఎంత కఠినంగా ఉన్నా.. మన లక్ష్యం దృఢంగా ఉండాలి. ఎంతలా పరిస్థితులు కుంగదీస్తున్నా..మన ధ్యేయం గురితప్పకూడదు. కష్టమే కష్టపెట్టలేక విసిగిపోయేలా..గెలుపు తీరాలని అందుకుని స్ఫూర్తిగా నిలవాలి. అందుకు నిలువెత్తు నిదర్శనం ఈ అన్షుమాన్ రాజ్.బిహార్‌కి చెందిన అన్షుమాన్‌ రాజ్‌ బాల్యం మొత్తం బక్సర్‌జిల్లా నవానగర్‌ బ్లాక్‌లో సాగింది. తండ్రి రైస్‌మిల్లు వ్యాపారం నష్టాల్లోకి వెళ్లడంతో కుటుంబం ఆర్థిక ఇబ్బందుల్లోకి కూరుకుపోయింది. దాంతో కనీసం ఇంట్లో విద్యుత్‌ సౌకర్యం లేక ఇక్కట్లు పడుతుండేది. అయితే ప్రభుత్వ పాఠశాల ఉపాధ్యాయురాలైన అతడి తల్లి ఒక్కరే కుటుంబానికి ఆధారంగా మారింది. ఇన్ని సవాళ్లు ఉన్నప్పటికీ ఎంతో పట్టుదలతో చదువుకునేవాడు. నవోదయ విద్యాలయంలో పాఠశాల విద్యను ప్రారంభించి అక్కడే తన ప్రాథమిక విద్యను పూర్తి చేశాడు. మెట్రిక్యులేషన్ తర్వాత, అతను జవహర్‌లాల్ నవోదయ విద్యాలయంలో తన చదువును కొనసాగించి, 12వ తరగతిని పూర్తి చేశాడు. ఆ తర్వాత అదే సంస్థ నుంచి బ్యాచిలర్‌ డిగ్రీ పూర్తి చేశాడు. అప్పుడే యూపీఎస్సీ సివిల్‌ సర్వీసెస్‌కు సన్నద్ధం కావాలని స్ట్రాంగ్‌గా నిర్ణయించుకున్నాడు. అన్షుమాన్‌ తన అచంచలమైన పట్టుదలతో తొలి ప్రయత్నంలోనే ప్రిలిమ్స్‌ క్లియర్‌ చేయగలిగాడు గానీ మెయిన్స్‌లో సక్సెస్‌ కాలేకపోయాడు. ఆ ఎదురుదెబ్బకు నిరుత్సాహపడకుండా మరోసారి పయత్నించేందుకు ఢిల్లీకి మకాం మార్చాడు. రెండో ప్రయత్నంలో కూడా రాత పరీక్షలో విజయవంతంగా ఉత్తీర్ణుడయ్యాడు కానీ పర్సనాలిటీ టెస్ట్‌లో పాస్‌ కాలేకపోయాడు. దాంతో ముచ్చటగా మూడోసారి పరీక్ష రాశారు. ఆ ప్రయత్నంలో మొత్తం మూడు దశలనూ విజయవంతంగా పూర్తి చేసినప్పటికీ ఐఏఎస్‌కు కాకుండా ఇండియన్‌ రెవెన్యూ సర్వీస్‌ పోస్ట్‌ పొందాడు. కానీ అన్షుమాన్‌ తన డ్రీమ్‌ని వదులుకోవడానికి ఇష్టపడక.. మరోసారి అకుంఠిత దీక్షతో సివిల్స్‌కు సన్నద్ధమై 2019 నాల్గో ప్రయంత్నంలో తన ఆకాంక్షను నెరవేర్చుకున్నాడు. 107 ఆల్‌ ఇండియా ర్యాంకుతో ఉత్తీర్ణత సాధించి ఐఏఎస్‌ అధికారి అయ్యాడు. అతడి కథ..అకస్మాత్తుగా వచ్చిపడే కష్టాలకు లక్ష్యాన్ని త్యాగం చేయాల్సిన పనిలేదని తెలుపుతోంది. ఎన్ని కష్టాలు వెంటాడినా..వెనక్కి తగ్గకుండా ప్రయత్నిస్తే..కచ్చితంగా ఏదో ఒకరోజు విజయం పాదాక్రాంతం అవుతుందని ఐఏఎస్‌ అన్షుమాన్‌ కథ చెప్పకనే చెబుతోంది కదూ..!. (చదవండి: నాడు కాలేజ్‌ డ్రాపౌట్‌..ఇవాళ ఏకంగా ఫోర్బ్స్‌ బిలియనీర్ల జాబితాలో చోటు..!)

మన చుట్టూనే ఎందరో కష్టజీవులు ఉ‍న్నారు. తమ కష్టంతో తలరాతలనే మార్చుకుని అద్భుతాలు సృష్టిస్తున్నావారెందరో ఉన్నారు. అలాంటి కోవకు చెందినవాడే ఈ యువకుడు. సోషల్‌ మీడియా ఎక్స్‌ పోస్ట్‌లో పాడ్‌కాస్టర్‌ కుశల్‌ షేర్‌ చేసిన ఆ యవకుడి కథ నెటిజన్లను అమితంగా ఆకర్షించడమే కాదు, స్ఫూర్తిదాయకమైన కథ అని ప్రశంసిస్తూ పోస్టులు పెట్టడం విశేషం. చుట్టూ పరిమిత వనరులు..నిరంతర శ్రమతో కూడిన జీవితం నుంచి పైకొచ్చిన యువకడి స్టోరీ ఇది.!.ఆ అబ్బాయే ముంబైకి చెందిన అభిషేక్‌ ఆర్‌ వైశ్య. టీనేజ్‌ వయసు నుంచే వృత్తి జీవితం మొదలైంది. సుమారు 13 నుంచి 20 సంవత్సరాల వయసులో అతను ముంబైలోని అత్యంత రద్దీప్రాంతమైన దాదర్‌లో కూరగాయలు అమ్ముతూ తండ్రికి చేదుడువాదోడుగా ఉండేవాడు. ప్రతిరోజు అతడి దినచర్య సూర్యోదయానికి ముందే ప్రారంభమయ్యేది. ఉదయం 4 నుంచి 6 గంటల మధ్య కూరగాయల అమ్మకాలు చూసుకునేవాడు. ఆ తర్వాత ఏ మాత్రం విరామం లేకుండా సీఏ కోచింగ్‌ క్లాసులకు వెళ్లిపోయేవాడు. అలా ఉదయం ఏడు గంటల నుంచి పది గంటల వరకు క్లాసులతో సరిపోయేది. ఆ క్లాసులు ముగిశాక, అతను రోజంతా ఆర్టికల్‌ షిప్‌ శిక్షణకు కేటాయించుకునేవాడు. సీఏ కోర్సులో భాగంగా ప్రాక్టీకల్‌ అనుభవం కోసం చేసే సీనియర్‌ సీఏ వద్ద చేసే ట్రైనింగ్‌ ఈ ఆర్టికల్‌ షిప్‌. ఇక రాత్రి 11 గంటల టైంకి ఫ్రీ టైం దొరుకుతుంది. ఇక ఆ సమయంలో చదువుకోవడానికి సమయం కేటాయించుకునేవాడు. పైగా ఉండే గది కూడా కేవలం 150 చదరపు అడుగుల చిన్న గది. పరిమిత స్థలం, పరిమిత వనురులే అయినప్పటికీ..ఎదగాలన్న తాపత్రయం, కసి పుష్కలంగా ఉండేవి. అవి అతడిని..అంత కష్టాన్ని భరించే శక్తిని ఇచ్చేవి. అలా అతడు సీఏ ఉత్తీర్ణుడై..విదేశాలకు వెళ్లాడు. అలా ఒమన్‌కు వెళ్లి అక్కడ ఆరేళ్లు పనిచేసి, వృత్తిపరమైన అనుభవాన్ని పొందాడు. చివరికి వ్యవస్థాపకరంగంలోకి అడుగుపెట్టి.. సొంత వ్యాపారాలతో సంపదను పెంచుకున్నాడు. మంచి స్థాయిలోకి వచ్చాక చేసిన మొదటి పని తండ్రిని ఆ కూరగాయలు అమ్మే పని నుంచి మానిపించేయడం. ఆ తర్వాత భారత్‌, దుబాయ్‌, ఒమన్‌ వంటి చోట్ల మొత్త ఐదు ఫ్లాట్‌లు కొనుగులు చేశాడు. పైగా బీఎండబ్ల్యూ, మెర్సిడెస్‌ వంటి విలాసవంతమైన కార్ల తోపాటు ఒమన్‌లో అతడికి అత్యంత ప్రజాదరణ పొందిన క్లౌడ్‌కిచెన్‌ వ్యాపారాన్ని కూడా రన్‌ చేస్తుండటం విశేషం. పట్టుదలతో చక్కగా కెరీర్‌ని తీర్చిదిద్దుకున్న అతడి కథను వివరిస్తూ..పాడ్‌కాస్టర్‌ కుశల్‌ ఇలా అన్నారు. అభిషేక్‌ను వ్యక్తిగతంగా కలవడం తనపై చెరగని ముద్ర వేసిందన్నారు. అతనిపై మరింత గౌరవం పెరిగిందని చెప్పారు. మనం కోరుకున్న లక్ష్యంవైపుకి వెళ్లడం కోసం ఎంతలా కష్టపడాలి, ఎంతటి పట్టుదల ఉండాలో తెలిసి వచ్చిందని కుశాల్‌లోధా అన్నారు. అతడితో సంభాషణ స్ఫూర్తిదాయకంగానే కాదు పట్టుదలతో ప్రయత్నిస్తే ఎంతటి ఆశయాన్ని అయినా పాదాక్రాంతం చేసుకోవచ్చనే నమ్మకాన్ని ఇచ్చిందన్నారు.He used to sell vegetables at Dadar with his father from age 13-20.He used to sell vegetables early in the morning from 4 to 6 AM, then go for his CA Final classes from 7-10 AM, then go for articleship from 10 AM – 9 PM, study for a bit, and then sleep by 11 PM.He used to… pic.twitter.com/ihRK4OG39g— Kushal Lodha (@kushallodha548) March 19, 2026 (చదవండి: ఐదుగురు పిల్లల తల్లి!.. ఏకంగా 67 కిలోల బరువు తగ్గి ఇలా..)

ప్రతిష్టాత్మకమైన సివిల్స్‌లో సత్తా చాటి ఐఏఎస్‌ అవ్వాలనేది ఎందరో యువత డ్రీమ్‌. అత్యంత కఠినతరమైన ఎగ్జామ్‌లో గెలుపుని అందుకోవడమే తమ ధ్యేయంగా ఎంతలా కష్టపడుతుంటారో తెలిసిందే. అంత కష్టమైన ఎగ్జామ్‌లో తొలిప్రయత్నంలోనే అవలీలగా విజయఢంకా మోగించి అందరిచేత శెభాష్‌ అనిపించుకున్నాడు ఈ యువకుడు. ఇతడి గెలుపు 'ధురందర్ 2'మూవీ నటుడిని సైతం ఆకట్టుకుంది. అతడు మాములు స్ఫూర్తి కాదంటూ ఆకాశానికి ఎత్తేశాడు. ఇంతకీ ఎవరా వ్యక్తి అంటే..సోషల్‌ మీడియాలో యాక్టివ్‌గా ఉంటూ మంచి మంచి వీడియోలను షేర్‌ చేస్తూ.. అభిమానులకు ఖుషీ చేసే హీరో మాధవన్‌ ఈసారి కూడా అలానే మంచి స్ఫూర్తిదాయకమైన వీడియోను షేర్‌ చేశారు. ఇటీవల యూపీఎస్సీ సివిల్స్‌ పరీక్షలో సత్తా చాటి సుబ్రమణ్య భారతి వీడియోని రీషేర్‌ చేస్తూ..ఆ యువకుడి అజేయమైన సక్సెస్‌ జర్నీని మెచ్చుకున్నారు. అందుకు సహకరించిన అతని తల్లిదండ్రులు, అతడికి లభించిన మద్దతు తదితరాలన్ని తనను ఎంతగానో కదిలించాయని, పైగా స్ఫూర్తిని పొందానని పేర్కొన్నారు. పట్టుదల, సరైన మార్గదర్శకత్వం ఎలా మార్పు తీసుకురాగలవో అనేందుకు ఆ యువకుడు సుబ్రమణ్య భారతినే ఉదాహరణ అంటూ పోస్ట్‌ని ముగించారు మాధవన్‌. హీరో మాధవన్‌ షేర్‌ చేసిన వీడియోలో దినసరి కూలీ కుమారుడైన సుబ్రమణ్య భారతి ఉన్నారు. ఆయన తమిళనాడు ప్రభుత్వ 'నాన్ ముదల్వన్' పథకం సహాయంతో ఈ అధ్భుతమైన ఘనతను సాధించాడు. భారతి తొలి ప్రయత్నంలోనే సివిల్స్‌లో విజయం సాధించడం విశేషం.తన సక్సెస్ జర్నీ అసాధారణమైనది అభివర్ణించాడు సుబ్రమణ్య భారతి. తాను క్షేత్రస్థాయిలో సమాజానికి సేవ చేయాలనే ఉద్దేశ్యంతోనే తాను సివిల్ సర్వీసెస్‌ను ఎంచుకున్నానని చెప్పారు. తొలి ప్రయత్నంలోనే ఈ ఘనత సాధించడానికి, ఈ పథకం, కోచింగ్‌ వంటి మద్దతే కారణమని పేర్కొన్నారు. తాను కేవలం 18 ఏళ్ల వయసులో, ఎలాంటి మార్గదర్శకత్వం లేకుండా ఈ సివిల్స్‌ ప్రయాణం ప్రారంభించినట్లు తెలిపాడు. అందుకు తల్లిదండ్రులే స్ఫూర్తి అని, ఎందుకంటే వాళ్లు దేశానికి సాధ్యమైనంత ఉత్తమ రీతిలో సేవ చేసేలా వాళ్లు సదా ప్రోత్సహించారని చెప్పుకొచ్చాడు. కాగా, భారతి తండ్రి మరియప్పన్ మాట్లాడుతూ.. తమ కుటుంబం పేద కుటుంబమని, ఇటుకల తయారీ యూనిట్‌లో రోజువారీ కూలీగా పనిచేస్తుంటానని చెప్పారు. ఇంట్లో ఆర్థిక ఇబ్బందులు ఉన్నప్పటికీ, తన కుమారుడు ఈ ప్రతిష్టాత్మకమైన సివిల్‌ సర్వీస్‌కు సన్నద్ధమయ్యాడని అన్నారు. అందులో విజయం సాధించడానికి తమిళనాడు ప్రభుత్వ నాన్ ముదల్వన్ పథకం ఎంతగానో సహాయపడిందని అన్నారు. నాన్ ముదల్వన్ (Naan Mudhalvan) పథకం:తమిళనాడు ప్రభుత్వం ప్రారంభించిన నాన్ ముదల్వన్ (Naan Mudhalvan) పథకం ద్వారా యువతకు నైపుణ్యాభివృద్ధి (Skill Development), ఉపాధి అవకాశాలను పెంచే ఒక ప్రతిష్టాత్మక కార్యక్రమం. ఇది 18-35 ఏళ్ల యువతకు, ముఖ్యంగా కళాశాల విద్యార్థులకు టెక్నాలజీ, భాషా నైపుణ్యాలు, ఇండస్ట్రీ-రెడీ కోర్సులలో శిక్షణ ఇస్తూ, ఉచిత కోచింగ్, స్కాలర్‌షిప్‌లను అందిస్తుంది. View this post on Instagram A post shared by Asian News International (@ani_trending)(చదవండి: మా మాష్టారే పేషెంట్‌గా..!)

ఇంగ్లీష్‌ అనేది హిందూ మహాసముద్రమంత పెద్దది. ఎంత నేర్చుకున్నా.... నేర్చుకోవాల్సింది మిగిలే ఉంటుంది. కొద్దిమందికి ఇంగ్లీష్‌ బాగానే అర్థం అవుతుంది. కాని రెండు మూడు వాక్యాలు కూడా ధైర్యంగా మాట్లాడలేరు. కొందరు ఏదో రకంగా ఇంగ్లీష్‌ మాట్లాడతారుగానీ, ఆ భాషకు సంబంధించిన జ్ఞానం అంతంత మాత్రంగా ఉంటుంది. ఈ పరిస్థితిని దృష్టిలో పెట్టుకొని అర్పిత్‌ మిట్టల్‌ ‘స్పేస్‌ఎక్స్‌.ఏఐ’కి రూపకల్పన చేశాడు. తొలి అడుగుతోనే ఆదరణను సొంతం చేసుకున్నాడు...‘స్పేస్‌ఎక్స్‌.ఏఐ’కి రెండు లక్షల సంఖ్యలో మంత్లీ యూజర్‌లు ఉన్నారు. వీరిలో ఎక్కువమంది చిన్న చిన్న పట్టణాలకు చెందినవారే. గూగుల్‌ ప్లేలో ఈ యాప్‌ డౌన్‌లోడ్‌లు కోటి దాటాయి. ‘స్పేస్‌ఎక్స్‌.ఏఐ’ ఫౌండర్‌ హోదాలో దిల్లీలో జరిగిన ఇండియా ఏఐ ఇంపాక్ట్‌ సమ్మిట్‌లో పాల్గొన్నాడు అర్పిత్‌.‘ఎడ్‌టెక్‌ ప్లాట్‌ఫామ్‌లు ఏఐని ఫీచర్‌లా ఉపయోగిస్తున్నాయి. మా ప్లాట్‌ఫామ్‌ విషయానికి వస్తే ఏఐ అనేది యాంత్రికంగా ఉండదు. టీచర్‌లాగే వ్యవహరిస్తుంది’ అంటాడు అర్పిత్‌ మిట్టల్‌.ప్రాక్టికల్‌గా మాట్లాడేలా...యాప్‌ ఓపెన్‌ చేయగానే సుదీర్ఘమైన గ్రామర్‌ పాఠాలు వినిపించవు. ఇతరులతో సహజంగా మాట్లాడుతున్నట్లుగానే ఉంటుంది. సంక్లిష్టమైన గ్రామర్‌ పాఠాలతో కాకుండా ప్రాక్టికల్‌గా, సులభంగా ఇంగ్లీష్‌ మాట్లాడేలా చేస్తుంది. ప్రాక్టికల్‌ సిచ్యుయేషన్స్, వర్క్‌ప్లేస్‌ డిస్కషన్స్, కస్టమర్‌ కాల్‌...మొదలైన వాటి ద్వారా ఇంగ్లీష్‌ మాట్లాడడం ప్రాక్టీస్‌ చేయిస్తాం. ఏ రకంగా చూసినా గురువుకు ఏఐ ప్రత్యామ్నాయం కాదు. అయితే ప్రాక్టిస్‌ టైమ్‌పై పరిమితిని తొలగించడం ద్వారా గుడ్‌ టీచింగ్‌కు ఇది సరిౖయెన వేదిక అవుతుంది’ అంటున్నాడు అర్పిత్‌. అందరికి ఒకేలా అని కాకుండా ప్రతి సెషన్‌ పర్సనల్‌ యూజర్‌లకు అనుగుణంగా ఉంటుంది. ఈ లెర్నింగ్‌ యాప్‌ కోర్‌ లాజిక్‌ విషయానికి వస్తే....‘రిపిటీషన్‌ ద్వారా మాట్లాడడం అనేది మెరుగుపడుతుంటే, రిపిటేషన్‌లు కొనసాగనివ్వండి’ మరొకటి...‘ప్రతి లెర్నర్‌కు అపరిమితంగా మాట్లాడే సమయాన్ని ఇవ్వడం ద్వారా ప్రాక్టిస్‌ గ్యాప్‌ లేకుండా చూడడం’ఏ యాసలో మాట్లాడినా సరే!→ మన దేశంలో ఇంగ్లీష్‌ నేర్చుకునేవారు చాలా పెద్ద సంఖ్యలో ఉన్నారు. రెండు మూడు మాటలు ఇంగ్లీష్‌లో మాట్లాడలేని వారి నుంచి, అనర్గళంగా మాట్లాడుతూ కొత్త విషయాలు నేర్చుకోవాలనుకునే వారు ఇందులో ఉన్నారు. ఈ నేపథ్యంలో అభ్యాసకుల స్థాయికి అనుగుణంగా మా జనరేటివ్‌ ఏఐ తనను తాను సర్దుబాటు చేసుకుంటుంది. శ్రద్ధగా నేర్చుకునేలా చేస్తుంది. వారు మాట్లాడే విధానం, ఉచ్చారణ, ఉపయోగించే పదాలు...మొదలైన వాటిని విశ్లేషిస్తుంది. ఉదాహరణకు... ఒక లెర్నర్‌ ప్రాథమిక వాక్యాలను సులభంగా చెప్పగలుగుతుంటే కొత్త పదాలు, జాతీయాలను ఉపయోగించి సంక్లిష్టమైన వాక్యాలు రాయడానికి ప్రయత్నించమని ఏఐ వారికి సలహా ఇస్తుంది. మన దేశంలో అనేక రకాల యాసలు ఉన్నాయి. అవి ఒకే రాష్ట్రంలో కూడా విభిన్నంగా ఉంటాయి. దీన్ని దృష్టిలో పెట్టుకొని ఉత్తర, దక్షిణ, తూర్పు, పశ్చిమ ప్రాంతాల నుండి సేకరించిన నిజమైన స్వరాలతో సిస్టమ్‌కు శిక్షణ ఇచ్చాం. దీనివల్ల లెర్నర్స్‌ పంజాబీ, బెంగాలీ, తమిళం, మరాఠీ... ఏ యాసలో మాట్లాడినా సరే, అది అర్థం చేసుకొని కచ్చితమైన ఫీడ్‌బ్యాక్‌ను అందిస్తుంది.→ పది మిలియన్‌ల డౌన్‌లోడ్‌ల స్థాయికి చేరుకోవడం రాత్రికి రాత్రి జరగలేదు. ఒకే ఒక్క చానెల్‌ ద్వారా సాధ్యపడలేదు. దీని వెనుక ఎంతో కృషి ఉంది. ఇంగ్లీష్‌ నేర్చుకోవడానికి సంబంధించి లెర్నర్‌లు ఎదుర్కొంటున్న సమస్యలను 360 డిగ్రీల కోణంలో అర్థం చేసుకొని, విశ్లేషించుకొని ప్లాట్‌ఫామ్‌కు రూపకల్పన చేశాం. భయంభయంగా కాకుండా ఆత్మవిశ్వాసంతో ఇంగ్లీష్‌ మాట్లాడేలా చేశాం. మన దేశంలో స్పోకెన్‌ ఇంగ్లీష్‌ సాధనాలకు భారీ డిమాండ్‌ ఉంది. అయితే ఎంత ఎక్కువమందికి చేరువ అవుతామనేదే అసలు సిసలు విజయం. మౌత్‌టాక్‌ మా విజయానికి ప్రధాన కారణం.→ మేము కేవలం కొన్ని భాషలను నేర్పించడానికో లేదా ప్రజలను ఇంటర్నేషనల్‌ ఇంగ్లీష్‌ లాంగ్వేజ్‌ టెస్టింగ్‌ సిస్టం కోసం సిద్ధం చేయడానికో ప్రయత్నించడం లేదు. నిజజీవిత సంభాషణలపై ప్రత్యేక దృష్టి పెట్టాం. ఉదాహరణకు ఆఫీసులో మేనేజర్‌తో ఎలా మాట్లాడాలి, డాక్టర్‌కు అనారోగ్య లక్షణాలను ఎలా వివరించాలి, ఇంటర్వ్యూలలో ఆత్మవిశ్వాసంతో తమను తాము ఎలా పరిచయం చేసుకోవాలి...మొదలైనవి. నిజజీవిత సందర్భాలను దృష్టిలో పెట్టుకొని పాఠాలను డిజైన్‌ చేయడం వల్ల లెర్నర్‌లు తమకు అలవాటైన వాతావరణంలో ఉన్నట్లు భావిస్తారు. దీంతో వారు ఉత్సాహంగా, వేగంగా నేర్చుకుంటారు.– అర్పిత్‌ మిట్టల్, ఫౌండర్, స్పేస్‌ఎక్స్‌.ఏఐ

మూసాపేట: మహిళలు ఆర్థికంగా ఎదిగనప్పుడే కుటుంబం, సమాజం అభివృద్ధి చెందుతుంది. ప్రస్తుత తరంలో ఎందరో మహిళలు చిన్న ఉద్యోగాల నుంచి రైలు, విమానాలు నడిపిస్తున్నారు. ఉద్యోగాలే కాకుండా వ్యాపార రంగంలోనూ దూసుకుపోతున్నారు. ప్రభుత్వాలు పేద, మద్య తరగతి మహిళలను, చదువురాని మహిళలు కూడా తమ కాళ్లపై నిలబడేవిధంగా ప్రోత్సహిస్తున్నాయి. మూసాపేట పరిసర ప్రాంతాల్లో సమైఖ్య మహిళ గ్రూపులో ఉండి బ్యాంకు లోన్లు తీసుకుని చిన్న, చిన్న వ్యాపారాలు ఎదుగుతూ తోటి వారికి ఆదర్శంగా ఉన్న పలువురి మహిళల గురించి అంతర్జాతీయ మహిళ దినోత్సవం సందర్భంగా ప్రత్యేక కథనం. లోన్‌తో మేకప్‌ టీచర్‌గా... మూసాపేటలో నివాసం ఉండే భాగ్యవతి వైష్ణవి దేవి మహిళ గ్రూపులో 10 మంది మహిళల్లో ఆమె ఒక్కరు. మూడు సంవత్సరాల క్రితం గ్రూపునకు బ్యాంక్‌ లోన్‌ మంజూరైంది. తన భాగానికి వచ్చిన రూ. 60 వేలతో మేకప్‌గా శిక్షణ తీసుకుంది. అనంతరం వాటికి మరికొంత డబ్బు జమ చేసి మేకప్‌ కిట్‌ కొనుగోలు చేసింది. అనంతరం మూసాపేట భవానీనగర్‌లో ఉన్న మేకప్‌ స్టూడియోలో 12 మందికి టీచింగ్‌ చేస్తుంది. బ్యాచ్‌కు 12 మందికి టీచింగ్‌ ఇస్తూ వారిని మేకప్‌ ఆర్టిస్టులుగా తీర్చిదిద్దుతుంది. అంతేగాక ఈవెంట్‌లు, పెళ్లిలకు మేకప్‌లు వేస్తూ నెలకు రూ.50 నుంచి 70వేల వరకు సంపాదిస్తుంది. బ్యాంక్‌ లోన్‌ తానేకడుతూ మేకప్‌లో ఇంకా ఉన్నత స్థాయికి వెళ్లేందేకు కృషి చేస్తుంది. ప్రముఖ సింగర్‌ గీత మాధురికి కూడా మేకప్‌ వేసి ఔరా అనిపించింది. గోలీసోడా వ్యాపారంలో.. గోలిసోడా కొడుతూ వ్యాపారంలో రాణిస్తుంది భరత్‌నగర్‌కాలనీకి చెందిన ఎస్‌. సంధ్య. కాలనీలోని కల్వరి మహిళ పొదుపు సంఘంలో పది మందిలో తాను ఒక్కరు. నెలన్నర క్రితం గ్రూపునకు భ్యాంక్‌ లోన్‌ రావడంతో తన భాగం రూ.1.80 లక్షలు వచ్చాయి. వాటితో కొన్ని అప్పులు తీర్చుకుని సుమారు రూ.50వేలతో ఆరెంజ్‌ గోలి సోడా షాపును ఏర్పాటు చేసుకుంది. వేసవికాలంలో గోలిసోడకు ఆదరణ ఉండటంతో వ్యాపారంలోకి అడుగుపెట్టింది. పిల్లలను స్కూల్‌కు పంపి, భర్తను ఉద్యోగానికి పంపి గోలి సోడా కొడుతుంది. ఉదయం నుంచి రాత్రి వరకు షాపు నడిపిస్తుంది. ఒక్కరి వద్ద ఉద్యోగం చేసే బదులు వ్యాపారం ఎంతో మేలు అని అంటుంది. రాజకీయాల్లో రాణిస్తూ బోటిక్‌ నడిపిస్తూ.. గృహిణిగా పిల్లలు, భర్త బాధ్యతలు చూసుకుంటూనే రాజకీయాలపై మక్కువతో బీఆర్‌ఎస్‌ మహిళ కార్యకర్తగా, సోషల్‌ మీడియా వారియర్‌గా రాణిస్తుంది మూసాపేట జనతానగర్‌కు చెందిన శిరీష. కుట్టు మిషన్స్‌ ఏర్పాటు చేసుకుని శ్రీహర్ష పేరుతో బోటిక్‌ నడిపిస్తుంది. భర్త ఇచ్చిన డబ్బులతో పాటు మూసాపేట మాజీ కార్పొరేటర్‌ తూము శ్రావణ్‌కుమార్‌ రూ. 35వేలతో కుట్టు మిషన్‌ ఇప్పించడంతో షాపును ఏర్పాటు చేసింది. షాపులో ప్రస్తుతం ముగ్గురు పనివారు, నాలుగు కుట్టు మిషన్స్‌ ఏర్పాటు చేసుకుంది. చీరలు అమ్మడంతో పాటు సంక్రాంతికి గాలి పటాలు, దీపావళికి టపాసులు, రాఖీ పౌర్ణమికి రాఖీలు విక్రయిస్తుంది.

యూపీఎస్సీ సివిల్ సర్వీసెస్ ఎగ్జామినేషన్ (CSE) 2025 ఫలితాల్లో జిన్నియా అరోరా (Zinnia Aurora) టాప్‌ టెన్‌లో స్థానం సంపాదించి ఘన విజయం సాధించింది. శుక్రవారం (మార్చి 6, 2026) విడుదలైన ఈ ఫలితాల్లో అఖిల భారత స్థాయిలో 6వ ర్యాంకు సాధించి సంచలనం సృష్టించారు. జిన్నియా అరోరా గురించి కొన్ని ముఖ్యమైన వివరాలు:UPSC పరీక్షలో ఉత్తీర్ణత సాధించడం చాలా మందికల. కానీ కొంతమంది మాత్రమే పట్టుదలతో తమ కలను సాకారం చేసుకుంటారు. తొలి ప్రయత్నంలో మెరుగైన ర్యాంక్ రాకపోవడంతో ఈ సారి ఆలిండియా 6వ ర్యాంకు (AIR 6). రోల్ నంబర్: 6410067. ఆమె గతంలో (UPSC 2024) 156వ ర్యాంకు సాధించారు. తన ర్యాంకును మెరుగుపరుచు కోవాలనే పట్టుదలతో మళ్ళీ పరీక్ష రాసి, ఈ సారి టాప్ 10లో నిలిచారు. అరోరా తన విజయం ద్వారా ఎంతో మంది సివిల్స్ ఆశావహులకు స్ఫూర్తిగా నిలిచారు.ఎవరీ జిన్నియా అరోరా జిన్నియా అరోరా హర్యానా రాష్ట్రానికి చెందినవారు. ఆమె కుటుంబం ప్రస్తుతం న్యూ ఢిల్లీలో స్థిరపడింది. ఆమె తండ్రి కేంద్ర ప్రభుత్వ సర్వీసులో ఉండటంతో ఆమె పెరిగింది, చదువుకుంది అంతా ప్రధానంగా ఢిల్లీలోనే సాగింది. తండ్రి పంకజ్ అరోరా (Pankaj Aurora), ఈయన కూడా సివిల్ సర్వెంట్. తల్లి రీతూ అరోరా (Ritu Aurora).తన తండ్రిని చూసి స్ఫూర్తి పొందిన జిన్నియా, చిన్నప్పటి నుండే ఐఏఎస్ (IAS) కావాలని లక్ష్యంగా పెట్టుకున్నారు.జిన్నియా పాఠశాల విద్య ఢిల్లీలోని ప్రతిష్టాత్మక సంస్కృతి స్కూల్ (Sanskriti School)లో పూర్తి చేశారు. 2018-19 బ్యాచ్‌కు గానూ పాఠశాల టాపర్‌గా నిలిచారు. తన గ్రాడ్యుయేషన్ పూర్తి చేసిన తర్వాత సివిల్స్ వైపు మొగ్గు చూపారు. సివిల్స్‌లో జిన్నియా తన ఎంపికగా పొలిటికల్ సైన్స్ మరియు ఇంటర్నేషనల్ రిలేషన్స్ (PSIR)ను ఎంచుకుని విజయం సాధించింది.PeaceX కో ఫౌండర్‌ జిన్నియా పీస్ఎక్స్ అనే సంస్థకు సహ వ్యవస్థాపకురాలు కూడా. 2020లో కోవిడ్ సమయంలో ఆమె PeaceX అనే స్వచ్ఛంద సంస్థ (NGO)తో కలిసి పనిచేశారు. ఇది ఐక్యరాజ్యసమితి (UN),వివిధ ప్రభుత్వాలతో కలిసి పనిచేసే సంస్థ. ఆమె తల్లిదండ్రులు కూడా ప్రభుత్వ సర్వీసులో ఉన్నారు. ఆమెకు అంతర్జాతీయ సంబంధాలు, దౌత్యం, సామాజిక మార్పులపై మంచి అవగాహన ఉంది.ఇదీ చదవండి: బాతు పొట్టలో గ్రా. 10 గోల్డ్‌ , ఉబ్బితబ్బిబ్బైన యజమాని

ఎలాంటి బ్యాగ్రౌండ్ లేకుండా.. దిగ్గజ పారిశ్రామికవేత్తల ముందు నిలబడి నా కంపెనీ విలువ రూ.300 కోట్లు అని చెప్పడం ఒక సాధారణ యువకుడికి పెద్ద సాహసమే!. డిగ్రీలు పూర్తిచేసి 30 ఏళ్ల వయసులో ఉద్యోగాలు చేస్తూ.. బరువు బాధ్యతలు మోసేవాళ్లే సమాజంలో ఎక్కువగా కనిపిస్తారు. కానీ ఎలాంటి డిగ్రీ లేకుండానే.. వందల కోట్ల వ్యాపార సామ్రాజ్యం స్థాపించండం అంటే మాటలా?, అయినా అలాంటిదే నిజం చేసి చూపించారు 'శుభం గుప్తా'. ఇంతకీ ఈయనెవరు, ఈయన స్టార్ట్ చేసిన బిజినెస్ ఏది? అనే మరిన్ని ఆసక్తికరమైన విషయాలు ఇక్కడ తెలుసుకుందాం.2011లో ముంబైలో ఏళ్ల యువకుడిగా 12వ తరగతి పూర్తి చేసిన శుభం గుప్తా.. అందరిలా డిగ్రీ చేయాలని అనుకోలేదు. ఎందుకంటే అప్పటికే ఆయన కుటుంబం ఆర్ధిక ఇబ్బందులను ఎదుర్కొంటోంది. తండ్రి బట్టల వ్యాపారం దివాళా తీసింది. కష్టాలను ఎదుర్కోవడానికి.. జీవితంలో ఎదగడానికి కంకణం కట్టుకున్న శుభం, చిన్న చిన్న పార్ట్ టైమ్ ఉద్యోగాలు చేస్తూ.. బిజినెస్ గురించి తెలుసుకోవడం మొదలుపెట్టారు.యువతలో స్టైలిష్, కూల్ టీ-షర్టులపై పెరుగుతున్న ఆసక్తిని గమనించిన శుభం గుప్తా.. కొంత డబ్బుతో అక్కడ స్థానికంగా ఉన్న మార్కెట్లలో టీ-షర్ట్స్ కొనుగోలు చేసి, విక్రయించడం మొదలుపెట్టారు. ఈ వ్యాపారం గురించి బాగా తెలుసుకోవడానికి.. నేరుగా కస్టమర్లతో మాట్లాడి వారి అభిరుచులను అర్థం చేసుకున్నాడు. ఆ తరువాత ఆన్‌లైన్ ఆర్డర్లను పంపించడం మొదలుపెట్టాడు.ఇదీ చదవండి: ఒకేరోజు 40 శాతం ఉద్యోగుల తొలగింపు!2014లో శుభం గుప్తా చేస్తున్న వ్యాపారానికి 'బాంకర్స్ కార్నర్' (Bonkers Corner) అనే పేరు పెట్టాడు. దీనిద్వారా యువత అభిరుచికి తగిన బ్రాండెడ్ స్ట్రీట్ స్టైల్ దేశీ టచ్‌తో దుస్తులు విక్రయించాడు. పెద్ద మార్కెటింగ్, పెద్ద బడ్జెట్ లేకపోయినా.. కొత్త కొత్త డిజైన్స్ పరిచయం చేసి బ్రాండ్ అంచెలంచెలుగా ఎదిగింది. కాగా ఈయన కంపెనీ విలువ ప్రస్తుతం రూ.300 కోట్లు వరకు ఉంటుందని సమాచారం.

వైఫల్యం అనగానే అవమానంగా, బాధగా అనిపిస్తుంటుంది. మనకే ఎందుకిలా జరుగుతుందని నిరాశ నిస్ప్రుహలకు లోనైపోతుంటాం. అయితే ఈ వ్యక్తి వైఫల్యాలు మీద వైఫల్యాలు పకరించినప్పుడే..విజయం చేరువవ్వుతున్నట్లు లెక్క అని అంటున్నాడు. అందుకు తన అనుభవమే ఉదాహరణ అంటూ..తన స్టోరీని సోషల్‌ మీడియాలో షేర్‌ చేశాడు. అతడే సుమిత్‌ మిట్టల్‌ తన మొత్తం సక్సెస్‌ జర్నీని సోషల్‌ మీడియా ఎక్స్‌లో షేర్‌ చేస్తూ..తాను చేసిన జీవిత పోరాటాల గురించి భావోద్వేగంగా రాసుకొచ్చాడు. తాను ఐఐటీ జేఈఈలో రెండుసార్లు ఫెయిలయ్యానని, అలాగే కెమిస్ట్రీ ప్రీ బోర్డు పరీక్షల్లో ఫెయిలైనట్లు తెలిపాడు. మరోవైపు కుటుంబం కూడా ఆర్థిక ఇబ్బందులతో సతమతమైందని వివరించాడు. దాంతో కాల్‌సెంటర్‌లో పనిచేస్తూ..ఓ మారుమూల ప్రాంతంలో బీసీఏ పూర్తి చేశానని, ఓ చిన్న గదిలో విద్యార్థులకు బోధిస్తూ సాగిన ప్రస్థానం..నిమ్‌సెట్‌లో ఆల్‌ఇండియా 4వ ర్యాంకు సాధించి ప్రతిష్టాత్మక కాలేజ్‌లో ఎంసీఏ చేసే రేంజ్‌కు చేరుకుంది. అక్కడి నుంచి వెనుతిరిగి చూడలేదని చెప్పుకొచ్చాడు. తొలుత ప్రొడక్షన్‌ కంపెనీలో పనిచేస్తూ..కంపెనీని ఏర్పాటు చేసే స్థాయికి చేరుకోవడమే గాక, విద్యార్థులకు మార్గదర్శకత్వం వహించే రేంజ్‌కు చేరుకున్నట్లు తెలిపాడు. చివరగా సుమిత్‌ పదేపదే వైఫల్యాలు పలకరిస్తున్నప్పుడు నిరాశ చెందకూడదని..ప్రతి ప్రయత్నం విజయాన్ని చేరువ చేసే మార్గంగా భావించాలని అంటున్నాడు. అలాగే జీవితం ఎప్పుడు ఒడిదుడుకులతో నిండి ఉంటుంది. వైఫల్యాలనేవి..విజయాన్ని చేరువచేసే ప్రయత్నాలుగా మలుచుకుంటే..గమ్యానికి చేరుకోగలవు..అనుకున్నది సాధించగలవు అంటూ చేసిన పోస్ట్‌ అందరి హృదయాలను తాకింది..పైగా నెటిజన్లు నిస్సహయ స్థితిలో ఉన్న వ్యక్తులకు ఈ కథ ఓ ప్రేరణ అంటూ పోస్టులు పెట్టారు.Yes, I failed IIT JEE twiceYes, I failed in chemistry pre board examYes, my family faced financial crisisYes, I worked at a call centerYes, I completed my BCA from a distant collegeYes, I just started with teaching 4 students in a very small roomBut, I got AIR 4 in NIMCET… pic.twitter.com/OOasjxAVhm— Sumit Mittal (@bigdatasumit) February 24, 2026 (చదవండి: హార్ట్‌బీట్‌ 120 దాటినప్పుడల్లా..14 సెకన్లపాటు ఆగిపోయే గుండెజబ్బు..!)

సాధించాలనే తపన, కష్టపడే మనస్తత్వం ఉంటే ఎవరైనా సక్సెస్ అవ్వొచ్చు. దీనికి నిదర్శనమే 'కున్హు మొహమ్మద్'. కేరళ నుంచి కేవలం కట్టుకున్న బట్టలతో దుబాయ్ చేరిన ఈయన, సొంతంగా కంపెనీ స్థాపించి.. వేలాది మందికి ఉద్యోగాలు కల్పిస్తున్నారు. నేడు ఎందోమందికి ఆదర్శంగా నిలిచారు. ఈయన గురించి, ఈయన సాధించిన సక్సెస్ గురించి ఇక్కడ వివరంగా తెలుసుకుందాం.కేరళకు చెందిన కున్హు మొహమ్మద్ 22 సంవత్సరాల వయసులో.. ఉన్న ఊరును వదిలి, కట్టుబట్టలతో దుబాయ్ వెళ్లడానికి సిద్ధమయ్యారు. ఖ్వాజా మొయిదీన్ అనే చెక్క పడవపై సముద్రంలో.. కొంతమందితో కలిసి 40 రోజులు ప్రయాణం చేసి, ఒమన్‌లోని దిబ్బా అల్ బయా సమీపానికి చేరుకున్నారు. తన ప్రయాణంలో ఎన్నో ఆటుపోట్లు చూసారు. అయితే దేవుడిపై భారం వేసి ప్రయాణం కొనసాగించారు.మొదటి జీతందిబ్బా అల్ బయా నుంచి ఒమన్ సరిహద్దుకు చేరుకోవడానికి తోటి ప్రయాణికులతో కలిసి గంటల తరబడి నడిచారు. ఆ తరువాత పుచ్చకాయలను తీసుకెళ్తున్న ట్రక్కులో ప్రయాణం చేసి షార్జాకు చేరుకున్నారు. కున్హు మొహమ్మద్ అక్కడే ఒక ప్లంబర్ దగ్గర అసిస్టెంట్‌గా చేరారు. అయితే అతని చేతులు చెమటలు పట్టడం వల్ల.. పనిముట్లను పట్టుకోలేకపోయారు. దీంతో కున్హు ఆ పనిచేయలేకపోయారు. అయితే అప్పటికే అక్కడ 20 రోజులు పనిచేయడం వల్ల 100 రియాల్ పొందారు. ఇదే అతని మొదటి జీతం.ఆ తరువాత కున్హు మొహమ్మద్.. ఆవులకు పాలు పితకడం, పాత్రలు శుభ్రం చేయడం, చేపల బుట్టలు తయారు చేయడం వంటి ఇతర ఉద్యోగాలను ప్రయత్నించారు. ఒకసారి.. తాను పాత్రలు శుభ్రం చేస్తున్నప్పుడు, యజమాని కారు మురికిగా ఉండటం చూసి దానిని కడిగి, పాలిష్ చేసి, లోపల బుఖూర్ (ధూపం) వేసాను. తాను చేసిన పనికి యజమాని తన జీతం 100 ఖతార్ దుబాయ్ రియాల్స్ పెంచారు.రస్ అల్-ఖైమా పాలకుడి పరిచయంకున్హు మొహమ్మద్ స్నేహితుడు ఒకరు.. అప్పటి యుఎఇ నగరమైన రస్ అల్-ఖైమా పాలకుడు షేక్ సఖ్ర్ బిన్ మొహమ్మద్ అల్ ఖాసిమికి పరిచయం చేసారు. ఇదే అతని జీవితాన్ని మలుపు తిప్పింది. ఆ తరువాత అతను షేక్ ఇంట్లో డ్రైవర్ అయ్యాడు, అక్కడే అతను నాలుగు సంవత్సరాలు పనిచేశాడు. యజమాని అతన్ని గౌరవంగా చూసుకున్నారు. యజమాని నుంచే.. నమ్మకం & బాధ్యత విలువను మొహమ్మద్ నేర్చుకున్నారు. అదే ఆ తరువాత వ్యాపారం చేయడానికి మార్గమైంది.1700 మందికి ఉపాధి1972లో కున్హు మొహమ్మద్ జలీల్ ట్రేడర్స్ కంపెనీ ప్రారంభించారు. తరువాత దానికి జలీల్ హోల్డింగ్స్ అని పేరు మార్చారు. ఈ కంపెనీ అభివృద్ధికి షేక్ సఖ్ర్ బిన్ మొహమ్మద్ అల్ ఖాసిమి ఎంతో సహకరించారని ఆయన పేర్కొన్నారు. ఒక సాధారణ ఆహార పదార్థాల వ్యాపార సంస్థగా మొదలైన కంపెనీ.. ఆ తరువాత తాజా ఉత్పత్తులు & FMCG పంపిణీని నిర్వహించే కంపెనీకి అవతరించింది. ప్రస్తుతం కున్హు మొహమ్మద్ సారథ్యంలోని కంపెనీలో సుమారు 1,700 మంది పనిచేస్తున్నట్లు సమాచారం. దీన్నిబట్టి చూస్తే ఈయన ఎంత ఎదిగిపోయారు అర్థం చేసుకోవచ్చు.ఇదీ చదవండి: అందుకేనా.. హైవేపై గ్రీన్ కలర్ బోర్డులు!

రాబర్ట్ కియోసాకి అంటే ముందుగా గుర్తొచ్చేది.. ఆయన రాసిన 'రిచ్ డాడ్ పూర్ డాడ్' పుస్తకం. ప్రపంచంలో అత్యధికంగా అమ్ముడైన ఈ బుక్.. తన జీవితాన్ని మార్చేసిందని, మిలియనీర్‌ను చేసిందని హెచ్‌బీ క్యాపిటల్ ఫౌండర్ & సీఈఓ 'హన్నా హామండ్' వెల్లడించారు. దీనికి సంబంధించిన మరిన్ని వివరాలు ఈ కథనంలో తెలుసుకుందాం.13 ఏళ్ల వయసులో నా దగ్గర రిచ్ డాడ్ పూర్ డాడ్ బుక్ ఉండేది. ఈ పుస్తకం నా జీవిత దిశనే మార్చేసింది. చిన్నప్పుడే కియోసాకి నాకు హీరో అయ్యారు, అని హన్నా హామండ్ తన సోషల్ మీడియా ఖాతాలో వెల్లడించారు. కష్టపడి పనిచేసి, ఆర్థిక జ్ఞానం పెంపొందించుకుని, క్రమశిక్షణతో ముందుకు సాగాను. దీని ఫలితంగా 25 ఏళ్లకే మిలియనీర్‌ అయ్యానని ఆమె పేర్కొంది.నా జీవితంలో నేను ఊహించని విషయం ఏమిటంటే.. నా ఫ్రెండ్ జో పోలిష్ ద్వారా రాబర్ట్ కియోసాకిని కలుసుకోవడం. ఇంకో ఆశ్చర్యకరమైన విషయం ఏమిటంటే.. ఆమె ఇంటి దగ్గరలోనే కియోసాకి నివసిస్తున్నారని నాకు అప్పటి వరకు తెలియదు.ఈ సందర్భంలో ఆమె తన జీవితాన్ని తిరిగి ఒకేసారి నెమరు వేసుకుంది. దాదాపు పదేళ్ల క్రితం జీవితం దుర్భరంగా ఉండేది.ఇప్పుడు నా బాల్యంలో ఆశను నింపిన వ్యక్తి పక్కన నిలబడి ఉన్నాను. ఆ పుస్తకంలోని మాటలు నన్ను కష్టకాలంలో నిలబెట్టాయి, ముందుకు నడిపించాయని హన్నా హామండ్ పేర్కొన్నారు. View this post on Instagram A post shared by Hannah Hammond (@hannahbhammond)

మనతోపాటు సామాన్యులుగా వచ్చి.. చూస్తుండగానే కోట్లకు పడగలెత్తి ఆదర్శంగా నిలుస్తారు కొందరు. వాళ్లు కూడా మనలానే పైకి ఎదిగే క్రమంలో పలు సవాళ్లు ఎదుర్కొంటారు కూడా. కానీ ఆ సమయంలో కూడా ఎలాంటి తడబాటుకి లోనవ్వకుండా సరైన నిర్ణయాలతో.. ఉన్నతస్థాయికి చేరుకుని స్ఫూర్తిగా నిలుస్తారు. అలాంటి కోవకు చెందిన వాడే రామచంద్ర అగర్వాల్‌. వైకల్యం శరీరానికే గానీ..మనసుకు కాదంటూ..అచంచలమైన కృషితో వస్త్రపరిశ్రమలో గొప్ప సక్సెస్‌ని అందుకుని అందరిచేత శెభాష్‌ అనిపించుకున్నారు. అయనే కొల్‌కతాకు చెందిన రామ్ చంద్ర అగర్వాల్. 1965లో ఓ సామాన్య మధ్యతరగతి కుటుంబంలో జన్మించాడు. నాలుగేళ్ల వయసులో పోలియో బారినపడి కింద శరీరం అంత చచ్చుబడిపోయింది. అయినా..అతడిలో కష్టపడేతత్వం..అత్యున్నత స్థాయికి ఎదగాలన్న ఆకాంక్ష ప్రగాఢంగా ఉన్నాయి. ఆ నేపథ్యంలోనే అధికారిక విద్యను పూర్తిచేసిన వెంటనే చిన్న జిరాక్స్‌ షాప్‌ పెట్టుకున్నాడు. దీంతో త్వరితగతిన ఉన్నతస్థాయికి చేరుకోలేమని గ్రహించి..వస్త్రపరిశ్రమ వైపుకి అడుగులు వేశాడు. అలా కోల్‌కతాలో చిన్న బట్టల దుకాణం ప్రారంభించాడు. భారతీయ ఫ్యాషన్‌ వినియోగదారుల ట్రెండ్‌ని అర్థం చేసుకుంటూ..ఈ పరిశ్రమలో విజయం సాధించడం ఎలాగో నేర్చుకోవడం ప్రారంబించాడు. అలా 2000 ప్రారంభంలో ఢిల్లీకి మకాం మార్చి..2001లో తన మొదటి విశాల్‌ మెగా మార్ట్‌ స్టోర్‌ని ప్రారంభించాడు. ఇది మధ్యతరగతి వ్యక్తులను ఎక్కువగా ఆకర్షించింది, చేరువైంది కూడా. దాంతో ఈ మార్ట్‌ కిరాణా సామాగ్రి, దుస్తులు..అనుకూలమైన ధరలకే కొనుగోలు చేసే హాట్‌స్పాట్‌గా మారింది. అలా చుట్టపక్కాల మహా నగరాల వరకు ఈ మార్ట్‌ బ్రాంచ్‌లు విస్తరించాయి. అలా తన దుకాణాన్ని విస్తరించే క్రమంలో దాదాపు భారీగా అప్పులు చేశాడు. సరిగ్గా ఆ టైంలో 2008-09లో ప్రపపంచ ఆర్థిక సంక్షోభం వచ్చింది. దాంతో అప్పు పెరిగిపోయింది, మరోవైపు కస్టమర్లు తగ్గిపోతున్నారు. చెప్పాలంటే రామ్‌చంద్రకు కఠినమైన సమయం ఇది. దాంతో 2011లో రూ. 2 వేల కోట్ల విలువైన వ్యాపారాన్ని శ్రీరామ్‌ గ్రూప్‌ అండ్‌ ప్రైవేట్‌ ఈక్విటీ కంపెనీకి దాదాపు రూ. 70 కోట్లకు అమ్మేశారు. కొత్త యజమాన్యంలోకి ఉన్నప్పటికీ విశాల్‌ బ్రాండ్‌ కొనసాగడం విశేషం. ఆ తర్వాత అగర్వాల్‌ వీ2 రిటైల్‌ లిమిటెడ్‌ రూపంలో కొత్త వెంచర్‌ ప్రారంభించాడు. మొదటి స్టోర్‌ జంషెడ్‌పూర్‌లో ప్రారంభించారు. అనతి కాలంలో వేగంగా పుంజుకుని లాభాల బాటలు పట్టింది. కొన్నేళ్లకు ఏకంగా వంద కోట్ల టర్నోవర్‌ని అందుకుంది. పైగా అనేక భారతీయ నగరాల్లో 150కి పైగా ఎక్కువ దుకాణాలను కలిగి ఉంది. అలా 2025 కల్లా వీ2 రిటైల్‌ భారతదేంలో అత్యంత వేగంగా అభివృద్ధి చెందుతున్న రిటైల్‌ బ్రాండ్‌లో ఒకటిగా ఉద్భవించింది. పైగా మార్కెట్‌ క్యాపిటలైజేషన్‌ రూ. 6వేల కోట్ల టర్నోవర్‌కు మించిపోయింది. ఇంతటి బిజీ పరిస్థితుల్లోనూ ఆనందానికి, కుటుంబానికి ప్రాధాన్యత ఇవ్వడం మర్చిపోడాయన. ఆయనకు అందమై భార్య, పిల్లలు ఉన్నారు. వాళ్ల సహాయ సహకారాలతోనే ఇంత పెద్దసక్సెస్‌ అందుకున్నానని చెబుతుంటాడు రామ్‌చంద్ర అగర్వాల్‌. View this post on Instagram A post shared by Startup | Marketing (@marketing.growmatics) (చదవండి: Parenting or Programming: మిమ్మల్ని మీరు మార్చుకోవచ్చా?)

ఎవరో వస్తారని...ఏదో చేస్తారని ఎదురుచూస్తూ కూచుంటే జీవితం ముందుకు సాగదు. అందుబాటులో ఉన్న వనరులనే ఉపయోగించుకొని అడుగు ముందుకు వేయాలి. మన ప్రయత్నాలకు అదృష్టం కూడా కలిసి వస్తే..ఇంకేముంది విజయం మనముందు సాగిల పడుతుంది. సోషల్ మీడియాలో వైరల్ అవుతున్న స్టోరీ ఈ విషయాన్నే స్పష్టం చేస్తుంది.. ఒక మధ్య తరగతి జంట ఆలోచనా దృక్పథంలో వచ్చిన మార్పు గొప్ప విజయానికి నాంది పలికింది. ఎవరా జంట? ఏమా బిజినెస్‌ తెలుసుకుందాం.నళిని ఉనగర్ అనే కంటెంట్ క్రియేటర్ 'ఎక్స్' వేదికగా తాను క్రమం తప్పకుండా సందర్శించే డ్రై-క్లీనింగ్ దుకాణం యజమానితో జరిగిన సంభాషణను వివరించారు. డ్రై క్లీనింగ్ వ్యాపారాన్ని భార్యాభర్తలిద్దరూ సంయుక్తంగా నిర్వహిస్తున్నారు. వీరికి తోడు మరో ఇద్దరు అదనపు ఉద్యోగులున్నారు. ఇండియాలో సాఫ్ట్‌వేర్ ప్రొఫెషనల్‌తో సమానమైన నెలవారీ ఆదాయాన్ని పొందుతున్నారని ఉనగర్ తన పోస్ట్‌లో పేర్కొన్నారు. దీనికి వారికి ఖర్చులన్నీ పోను నెలవారీ లాభం రూ.2.37 లక్షల లాభం వస్తుంది. సగటున, వారు ప్రతి నెలా రూ. 2 లక్షలకు పైగా సంపాదిస్తారట.Yesterday, I was talking with the dry cleaning shop owner near my house, where I regularly go. He and his wife both work together, and they have two helpers on salary. I was shocked when they said they earn around ₹2,00,000 per month, which is equal to a 10+ years experienced… pic.twitter.com/BjPddpb9Me— Nalini Unagar (@NalinisKitchen) February 9, 2026నెటిజన్ల స్పందనహైదరాబాద్‌లోని ఇడ్లీ-దోస విక్రయించే అనేకమంది విజయగాథలను చూశాను. తన ఏరియాలో అలాంటి ఒక వ్యక్తి ఇంటి ఖరీదు కోటికిపైమాటేననీ, తాను గల్ఫ్‌లో దశాబ్దాలు కష్టపడినా అద్దె ఇల్లే. స్వంత వ్యాపారం చేయడం చాలా గ్రేట్‌ అని ఒకరు వ్యాఖ్యానించారు. వైట్-కాలర్ ఉద్యోగాలు, లక్షల్లో జీతాలు అనే చట్రంలో ఇరుక్కుపోయాం. కానీ ఇలాంటి కథలు చిన్నదో పెద్దదో ఒక వ్యాపారాన్ని కలిగి ఉండటం నిజమైన సంతృప్తితోపాటు, కొన్నిసార్లు చాలా ఎక్కువ ప్రతిఫలదాయకం కూడా అని ఒకరు, ఇందులో ఆశ్చర్య పోవాల్సింది ఏముంది అనుకూలమైన వ్యాపార వాతావరణం ఉంటే చిన్న వ్యాపారమైనా, లాభాలు మెండు అని మరొకరు కామెంట్‌ చేశారు. కాగా ఈ లెక్కలపై పెదవి విరిచిన వారు లేకపోలేదు. ‘‘నేను నా ఇంటి దగ్గర దుకాణం నడుపుతున్న నా డ్రై-క్లీనింగ్ భయ్యాతో కూడా మాట్లాడాను. అతను ఆ వైరల్ పోస్ట్ పూర్తిగా తప్పుదారి పట్టించేది అని చెప్పాడు. రూ. 2.37 లక్షల లాభం గురించి కలలు కనకండి. వాస్తవానికి, అన్ని ఖర్చుల పోనూ వాస్తవ లాభం నెలకు దాదాపు రూ. 60వేలు ఉంటుందని ఒక యూజర్‌ లెక్కలు చెప్పారు.ఇదీ చదవండి: ప్రియురాలు రిజెక్ట్‌ చేసిందని..శపథం చేసి కొట్టాడు సక్సెస్‌!వైట్‌ కాలర్‌ జాబ్స్‌ అని, మంచి ఆదాయం అని మన గొప్ప వాళ్లం అని మురిసిపోవాల్సిన అవసరం లేదు. కష్టపడే తత్వం, వ్యాపార మెళకువలు ఉంటే ఏ పనైనా గౌరవప్రదమే, లాభదాయకమే. భారీ ఆదాయం మాట ఎలా ఉన్నా.. ఉద్యోగ భయం. ఆందోళన, అధికార్ల వేధింపులు. శని, ఆదివారాలు కూడా లాప్‌టాప్ ముందు కూర్చోవాల్సిన అవసరం లేదు. ఏమంటారు..!

సినిమాలకు ప్రేరణ నిజ జీవిత గాథలు. కొన్ని విజయ గాథలకు ప్రేరణ సినిమాలు. అలా అచ్చం సినిమాలా సాగిన ఒక నిరుపేద జీవితం, ఆయన సక్సెస్‌ జర్నీ ఆ తరువాత సినిమాకు ప్రేరణగా నిలిచింది. పట్టుదల , కఠిన శ్రమతో, అడ్డంకులను అధిగమించి ఉన్నత శిఖరాలకు చేరుకోవచ్చనే స్పూర్తిని రగిలించింది. మరి ఆ విజయగాథ ఏంటో తెలుసుకుందాం పదండి.బిహార్‌లోని పాట్నాలోని విశున్‌పూర్ పక్రి అనే గ్రామంలో నిరుపేద కుటుంబంలో జన్మించాడు ఆదిత్య పాండే. ముగ్గురు సోదరీమణులలో అతను చిన్నవాడు. దృఢ సంకల్పంతో UPSC పరీక్షలో ఉత్తీర్ణుడయ్యాడు. అయితే ఈ విజయం వెనుక ఒక తిరస్కారం.. ఆ తిరస్కారంనుంచే విజయాన్ని వెదుకున్న తీరు గురించి తెలుసుకుంటే హృదయం ఉప్పొంగక మానదు.ఆదిత్య 8 , 9 తరగతులలో బాగానే చదివాడు. 10వ తరగతిలో ప్రేమ మొదలైంది. ఆ మైకంలో చదువును నిర్లక్ష్యం చేశాడు. ఫలితాల్లో వెనుకబడ్డాడు. ఫలితంగా తండ్రి అతన్ని పాట్నాకు తిరిగి పంపాడు. అటు ప్రియురాలు కూడా అవమాన పర్చింది. అది అతణ్ని తీవ్ర నిరాశకు గురిచేసింది. ఈ ఎదురుదెబ్బతో తన జీవితాన్నిదిద్దుకోవడానికి వాడుకన్నాడు. ఆదిత్య తన శక్తిని కొత్త లక్ష్యం వైపు మళ్లించాలని అపుడు ప్రతిన బూనాడు. తాను కచ్చితంగా తాను ఐఏఎస్‌ చదవాలని.ఇంజనీరింగ్ నుండి IAS వరకు12వ తరగతి వరకు కేంద్రీయ విద్యాలయ కంకర్‌బాగ్‌లో విద్యను అభ్యసించాడు. ఆ తర్వాత, ఆదిత్య బాగా రాణించాడు. పంజాబ్‌లోని LPU నుండి ఎలక్ట్రానిక్స్ అండ్ కమ్యూనికేషన్‌లో డిగ్రీ పొందినప్పటికీ, తన నిజమైన అభిరుచి ఇంజనీరింగ్‌లో లేదని ఆదిత్య గ్రహించాడు. విడిపోవడం వల్ల కలిగే బాధ అతన్ని వెంటాడు తున్నప్పటికీ, తన కోరికతో 2018లో IIT రూర్కీ నుండి MBA పట్టా పొందాడు. ICICI బ్యాంక్‌లో ఉద్యోగంలో చేరాడు.2020లో బ్యాంకింగ్ ఉద్యోగాన్ని వదిలి UPSC పరీక్షకు సిద్ధమయ్యాడు. UPSC పరీక్షలో మూడుసార్లు విఫల మైనప్పటికీ, నిరాశపడలేదు. తత్వశాస్త్రం తన ఐచ్ఛిక సబ్జెక్టుగా ఉండటంతో, అతను UPSC ఫలితం 2021లో కేవలం 2.5 మార్కుల తేడాతో ఉత్తీర్ణత సాధించలేకపోయాడు. ఢిల్లీలో ఐచ్ఛిక సబ్జెక్టుల తయారీ కోసం మాత్రమే కోచింగ్‌పై ఆధారపడుతూ, ఇతర సన్నాహాల కోసం పూర్తిగా స్వీయ అధ్యయనంపై దృష్టి పెట్టాడు. అలా పూర్తి అంకితభావం, కృషి, దృఢ సంకల్పంతో తన మూడవ ప్రయత్నంలో UPSC పరీక్షలో 48వ ర్యాంకును సాధించగలిగాడు. అలా 2022లో కృషి, దృఢ సంకల్పం ఫలించింది.ఆదిత్య జీవితం స్ఫూర్తిదాయకమైన కథ. కష్టాలు,నష్టాలు ఎన్ని వచ్చినా, ఎన్ని ఎదురుదెబ్బలు, చేదు అనుభవాలు ఎదుర్కోవలసి వచ్చినా కలలను నెరవేర్చుకోవాలనే సంకల్పమే ధైర్యం. అదే గొప్ప విజయాలకు పునాదిని నిరూపించివాడు. అలాగే తన చదువుపై తండ్రికున్న ఎన్నో సందేహాలను పటా పంచలు చేసినవాడు. అంతేకాదు ఆదిత్య సీరియస్‌గా చదువితే.. మీసం గీసుకుంటానని సవాల్‌ చేసిన ఉపాద్యాయుడికి తన ఐఏఎ‍స్‌ను సగర్వంగా చూపించాడు.షాదీ మే జరూర్ ఆనా2017లో విడుదలైన షాదీ మే జరూర్ ఆనా మూవీకి ఆదిత్య కథే స్ఫూర్తి. నటుడు రాజ్‌కుమార్ రావు సత్యేంద్ర మిశ్రా (సత్తు) పాత్రను పోషించారు, ఆర్తి శుక్లా (కృతి ఖర్బంద)తో విడిపోయిన తర్వాత సివిల్ సర్వీస్ పరీక్షలో ఉత్తీర్ణత సాధించిన తర్వాత IAS అధికారి అవుతాడు.

మనం విజయం సాధించాలంటే మనమీద మనకి నమ్మకం ఉండాలి. మన పనిమీద అసరామైన నమ్మకం, కొండంత ప్రేమ ఉండాలి. ఎంతటి కష్టమైనా దూది పింజలా తేలిపోతుంది. విజయం వంగా సలాం చేస్తుంది. రాజస్థాన్‌లోని కురి అనే చిన్న గ్రామానికి చెందిన 30 ఏళ్ల కౌశల్య చౌదరి సక్సెస్‌ జర్నీ ఇలాగే మొదలైంది. తనకసలే పరిచయం లేని విషయాలపై అవగాహన పెంచుకుంది. విజయం సాధించింది. పట్టుదల, స్వయం కృషితో ఎదిగిన కౌశల్య ఏం చేసింది. తెలుసుకుందాం.ఒక మూరుమూల గ్రామం. ఆడవాళ్లు గుమ్మం దాటి కాలు బయలుపెడితేపాపం అనుకునే రోజులు. అలాంటి సమయంలో తాను సృష్టించబోయే విప్లవాన్ని స్వప్నించింది. AI టూల్స్, రింగ్ లైట్, ఖరీదైన కెమెరా , అంతరాయాలు లేని ఇంటర్నెట్‌ ఉన్న ఈ రోజుల్లో ఒక చిన్న వీడియో రికార్డు చేయాలంటే నానా కష్టాలు పడతాం. కానీ కేవలం సాధారణ స్మార్ట్‌ఫోన్, అస్తవ్యస్తమైన సిగ్నల్స్‌ మధ్య వంటకాల వీడియోతో పాపులర్‌ అయ్యిందామె. ఇక్కడే ఆమె నిబద్దతను, కృషిని అర్థం చేసుకోవవచ్చు.కౌశల్యకు వంటలంటే చాలా ఇష్టం. అలా తన వంటల్ని అందరికీ పరిచయం చేయాలనుకుంది. వంటపై అపారమైన ప్రేమతో, కౌశల్య తన గ్రామంలోని వంటగదిలో ఒక తాత్కాలిక స్టూడియోను ఏర్పాటు చేసుకుంది, చేతితో రాసుకున్న నోట్స్ ద్వారా వీడియో ఎడిటింగ్ నేర్చుకుంది. రాత్రంతా కష్టపడి, డాబాపై అష్టకష్టాలుపడి ఎ ట్టకేలకు ఒక యూట్యూబ్ వీడియోను అప్‌లోడ్ చేసింది.కేవలం స్వయంకృషితో ప్రియమైన డిజిటల్ క్రియేటర్ మాత్రమే కాదు. సాంప్రదాయరాజస్థానీ మసాలా దినుసులు,కోల్డ్-ప్రెస్డ్ నూనెలను అందించే 'సిద్ధి మార్వాడీ' అనే స్వచ్ఛమైన ఆహార బ్రాండ్ వ్యవస్థాపకురాలిగా కూడా ఎదిగింది. తన ఉత్పత్తులు ప్రపంచవ్యాప్తంగా విక్రయిస్తోంది.బాల్యం: ఒక సామాన్య రైతు కుటుంబంలోపెరిగిన కౌశల్య జీవితం గ్రామీణ భారతదేశంలోని చాలామంది అమ్మాయిల జీవితంలాగే ఉండేది. ఉదయం పాఠశాల, సాయంత్రం ఇంటి పనులు. పొలానికి వెళ్ళేది, గొడ్డూ గొదా చూసుకునేది. నలుగురు తోబుట్టువులలో పెద్దది , పైగా తల్లి పొలం పనుతో బిజీగా ఉండేది.. అందుకే వంటగదికి అంకితమైపోయేది. ముఖ్యంగా తన తల్లి పొలంలో పనిలో ఉన్నప్పుడు ఆమె ప్రేమగా వండి పెట్టేది. అదితిన్నపుడు ఆమె ముఖంలో కనిపించే ఆనందమే వంటపై ఆమెకు ప్రేమను పెంచింది. View this post on Instagram A post shared by Kaushalya Choudhary (@kaushalyaair)డాక్టర్‌ కావాలనే కలలు: డాక్టర్‌ కావాలనే కలలతోనే 12వ తరగతిలో సైన్స్ చదివింది. ఎలాగైనా కష్టపడి డాక్టర్‌ని కావాలని ఎన్నో ఆశలు పెట్టుకుంది. కానీ అనీ అనుకున్నట్టే జరగవు కదా. ఇంటర్‌ పరీక్షలు అయ్యాయో లేదో పెళ్లి చేసేశారు పెద్దలు. తన తల్లి, ఇతర ఆడాళ్లలాగానే పొలం పనులు, ఇంటిపనులు. ఇంతోటి దానికి తాను ఇంటర్‌ దాకా ఎందుకు చదువుకున్నట్టు అని తనను తాను ప్రశ్నించుకుంది. ఏదో చేయాలనే ఆలోచన మొదలైంది. కానీ తన గ్రామంలో ఉద్యోగావకాలు తక్కువ. పైగా ఆడాళ్లకి సామాజిక కట్టుబాట్లు ఉండనే ఉన్నాయి. దీనికి తోడు బైటికిపోతే, ఇంటి పనులు ఎవరు చేస్తారు? ఇంటికి వచ్చే అతిథులను ఎవరు చూసుకుంటారు? అమ్మమ్మ, అత్తగారిమాటలు. బోనులో చిక్కుకున్నట్లు ఫీలింగ్‌ కలిగేది ఆ ఇంటికి ఏకైక కోడలైన కౌసల్యకు. చిన్నప్పటి నుంచే కౌసల్య వంటగదిలోనే గడిపింది. ఈ అనుభవంతోనే నాలుగు గోడల మధ్యలోనే అయినా సరే ఏదైనా చేయాలని నిర్ణయించుకుంది. యూట్యూబ్ వరంలా దొరికిందిఐదేళ్ల చిన్నారి యూట్యూబ్‌ ద్వారా సంపాదిస్తున్నట్టు తెలుసుకుంది. అంతేక ఆలోచన తళుక్కున మెరిసింది. ఎంతో ఆశతో భర్త వీరేంద్ర కుమార్‌ను యూట్యూబ్ అంటే ఏమిటని అడిగింది. కొద్దిగా వివరాలు తెలుసుకుంది. ఆ సమయంలో ఆమె దగ్గర స్మార్ట్‌ఫోన్ కూడా లేదు. కౌసల్య మరో అడుగు ముందుకేసి మామగారిని ఫోన్ కొనివ్వమని అడిగింది. రూ 3 వేల విలువైన బటన్ ఫోన్ ఇంటికి తెచ్చి, ఇంతకంటే ఎక్కువ కొనలేనని చెప్పారట. తాను పొదుపు చేసుకున్న మూడు వేల, అమ్మ దగ్గర మూడు తీసుకుని రూ. 7500 పెట్టి శాంసంగ్ జె2ఎస్ ఫోన్ కొనుక్కుంది. 2017లో తన వంటగది నుండి వంటకాల వీడియోలను చిత్రీకరించడం ప్రారంభించింది. ట్యూటోరియల్స్‌ చూసి ఎడిటింగ్‌ నేర్చుకుంది. నేర్చుకున్నపాయింట్లను మర్చిపోకుండా ఉండేందుకు పాయింట్లు రాసుకునేది. ఇలా అన్ని అడ్డకుంలనూ అధిగమించి కౌసల్య తన యూట్యూబ్ ఛానెల్‌ను ప్రారంభించింది. బేసన్ బర్ఫీ,హల్దీ కీ సబ్జీ. తొలి వీడియో సంచలనం క్రియేట్‌ చేసింది. అష్టకష్టాలుపడి, నాణ్యమైన వంటకాల వీడియోలను పోస్ట్ చేయగలిగింది. ప్రస్తుతం ఆమె సిద్ధి మార్వాడి కిచెన్‌( Sidhi Marwadi Kitchen) అనే ఛానల్‌కు 10 లక్షలకు పైగా ఫాలోయర్లు ఉండటం విశేషం. తన సబ్‌స్క్రైబర్‌ల కోసం కంటెంట్‌ను అందిస్తూ పాపులర్‌ అయింది. మొదటి రోజులు చాలా కష్టంగా ఉండేవి. ట్రైపాడ్ లేదు, కేవలం అల్యూమినియం తీగలను వంచి తాత్కాలిక స్టాండ్‌గా ఉపయోగించేది. స్టూడియో లైట్లు లేవు, వంటగది చుట్టూ బల్బులు వేలాడ దీసేది. నెట్‌వర్క్‌ లేక వీడియోలు అప్‌లోడ్ చేయడానికి గంటల తరబడి వేచి ఉండేది. మొత్తానికి ఏడాదిన్నర తరువాత యూట్యూబ్ నుండి వచ్చిన తొలి సంపాదన రూ. 7,500. ఇక అప్పటినుంచి వెనుతిరిగి చూసింది లేదు. అంతేకాదు ఈమెపాపులారీటీ మాస్టర్ చెఫ్ ఇండియాదాకా చేరింది. 2023లో మాస్టర్ చెఫ్ ఇండియా పాల్గొని, రాజస్థాన్ నుండి 40,000 మంది పాల్గొనేవారిలో టాప్ 12లో చేరిన ఏకైక పోటీదారుగా నిలిచింది. తన YouTube ద్వారా వచ్చిన సంపాదన రూ. 20 లక్షలు పెట్టుబడి పెట్టి "సిధి మార్వారీ" అనే క్లీన్-లేబుల్ ఫుడ్ స్టార్టప్‌ను ప్రారంభించింది. స్వచ్ఛమైన మసాలాలు, కోల్డ్-ప్రెస్ ఆయిల్స్‌తో 2024లో సిద్ధి మార్వాడి( Sidhi Marwari) బ్రాండ్‌ను స్థాపించింది. తన గ్రామంలో 35మందికి పైమహిళలకు ఉపాధినిస్తోంది. ఈ స్టేజికి రావడం అంత సులభంగా జరిగిపోలేదు. ఈ పని ఆపేయమనికుటుంబ సభ్యులు చాలా ఒత్తిడి చేశారు. ఇలా వీడియోలు తీయడం, నలుగురికీ కనిపించడం మంచిది కాదని వాదించారు, భయపడ్డారు. కానీ భార్య సంపాదనతో జీవిస్తోందన్న విమర్శలు ఎదుర్కొన్న భర్త వీరేంద్ర ఆమెకు సపోర్ట్‌గా నిలవడం విశేషం. ఇపుడు ఎంతోమంది గ్రామస్తులకు ఆమె స్ఫూర్తి.

అతను చూడగానే చిన్నపిల్లాడిలా అనిపిస్తాడు. అప్పుడే వస్తున్న నూనూగు మీసాలు అతని ముఖానికి కొత్తదనాన్ని తెచ్చాయి. అయితే కనిపించే ఈ రూపానికి భిన్నంగా అతని భుజాలపై మెరిసే నక్షత్రాల బ్యాడ్జీ, హుందాగా కనిపించే యూనిఫాం... ఇదంతా గమనిస్తే ఇంతకీ ఆ పిల్లాడు ఎవరు అనే సందేహం అందరిలో మెదులుతుంది. అతనే రాజస్థాన్ క్యాడర్‌కు చెందిన ఐపీఎస్ అధికారి అభిజీత్ పాటిల్.. భారత 77వ గణతంత్ర దినోత్సవం సందర్భంగా.. దేశసేవలో భాగస్వామి అయిన ఈ 22 ఏళ్ల కుర్రాడి సక్సెస్‌ స్టోరీ..నమ్మి తీరాల్సిందే..దేశంలో అతి పిన్న వయసులో ఐపీఎస్ సాధించిన అభిజీత్ పాటిల్‌ను చూసిన వారు అతని రూపాన్ని చూసి తెగ ఆశ్చర్యపోతుంటారు. ఇంత చిన్న వయసులో శాంతిభద్రతల లాంటి క్లిష్టమైన బాధ్యతలను ఇతను నిర్వహిస్తున్నాడా? అని ముక్కున వేలేసుకుంటారు. మొదట ఎవరైనా ఇతనిని చూడగానే పోలీసు ఉన్నతాధికారి అంటే నమ్మలేరు. మహారాష్ట్రలోని థానేలో జన్మించిన అభిజీత్ 22 ఏళ్ల వయసులోనే యూపీఎస్సీ సివిల్ సర్వీసెస్ పరీక్షలో విజయం సాధించి, దేశ యువతకు స్ఫూర్తిగా నిలిచారు.తొలి ప్రయత్నంలోనే ఆల్ ఇండియా ర్యాంక్అభిజీత్ పాటిల్ విద్యాభ్యాసం ఎంతో ఆసక్తికరంగా సాగింది. 2022లో సివిల్ అండ్ ఎన్విరాన్‌మెంటల్ ఇంజనీరింగ్‌లో బీటెక్ చివరి సంవత్సరం చదువుతుండగానే అభిజీత్ యూపీఎస్సీ ప్రిపరేషన్ మొదలుపెట్టారు. ఆశ్చర్యకరంగా డిగ్రీ సర్టిఫికేట్ చేతికి రాకముందే ఆయన ప్రిలిమ్స్ పాస్ అయ్యాడు. ఆ తర్వాత మెయిన్స్ కూడా క్లియర్ చేసి, 2022 సివిల్ సర్వీసెస్ ఫలితాల్లో ఆల్ ఇండియా స్థాయిలో 470వ ర్యాంకు సాధించాడు. కోచింగ్ సెంటర్ల చుట్టూ తిరగకుండా, ఇంటి వద్దే ఉండి, ఈ అద్భుత విజయాన్ని సొంతం చేసు​కోవడం విశేషం.రోజుకు 8 గంటలు చదువుతూ..అభిజీత్ విజయ రహస్యం ఆయన సొంతంగా రూపొందించుకున్న ప్రణాళిక. లక్షల రూపాయలు వెచ్చించి, కోచింగ్ తీసుకునే స్తోమత లేని వారికి అభిజీత్ ఓ రోల్ మోడల్ అని చెప్పుకోవచ్చు. యూట్యూబ్‌లో ఒక టాపర్ వీడియో చూసి. అభిజీత్‌ తాను ఐపీఎస్ కావాలని నిర్ణయించుకున్నాడు. ఎనిమిది నెలల పక్కా ప్రణాళికతో చదివాడు. రోజుకు 8 గంటల పాటు సిలబస్‌ను క్షుణ్ణంగా అధ్యయనం చేయడం, పాత ప్రశ్నాపత్రాలను విశ్లేషించడం, మాక్ టెస్టులు రాయడం ద్వారా విజయం సాధించారు. లక్ష్యంపై స్పష్టత ఉంటే సివిల్స్ లాంటి కఠినమైన పరీక్షలను కూడా సులభంగా ఛేదించవచ్చని అభిజీత్‌ నిరూపించాడు.సామాన్యుల గుండెల్లో 'యంగ్ హీరో'ప్రస్తుతం రాజస్థాన్‌లోని చురు జిల్లా రాజ్‌గఢ్‌లో అసిస్టెంట్ సూపరింటెండెంట్ ఆఫ్ పోలీస్ (ఎఎస్‌పీ)గా అభిజీత్ విధులు నిర్వర్తిస్తున్నారు. 172 సెంటీమీటర్ల ఎత్తు ఉన్నప్పటికీ, ఆయనకున్న ‘బేబీ ఫేస్’ కారణంగా అతనిని చూసినవారంతా ఆయనను చిన్నపిల్లాడిగా పొరబడుతుంటారు. విధి నిర్వహణలో అభిజీత్‌ పనితీరు ప్రజల్లో ఆయనకు ప్రత్యేక స్థానాన్ని సంపాదించిపెట్టింది. ఇటీవల రాజ్‌గఢ్‌కు చెందిన ఒక కూలీ తన కుమారుని పుట్టినరోజు నాడు అభిజీత్ వద్దకు వచ్చి, తన కుమారుడిని ఆశీర్వదించాలని కోరడం ఆయనకున్న క్రేజ్‌కు నిదర్శనం. ఆ పిల్లాడు కూడా భవిష్యత్తులో పోలీస్ ఆఫీసర్ కావాలని కలలు కంటున్నాడని తెలుసుకున్న అభిజీత్ ఎంతో సంతోషించారు.ఇది కూడా చదవండి: 40 ఏళ్లకే రిటైర్మెంట్? వణికిస్తున్న ‘లే-ఆఫ్’లు

ప్రతిష్టాత్మక ఇండియన్ ఇన్స్టిట్యూట్ ఆఫ్ టెక్నాలజీ (IIT)ఐఐటీ కాన్పూర్‌లో చదువు, కంప్యూటర్ సైన్స్ డిగ్రీ చేతికి కాగానే భారీ ఆఫర్‌తో ఉద్యోగం ఖాయం. బీటెక్‌ ఆఖరి సంవత్సరంలోతన బ్యాచ్‌మేట్స్ అందరికి గ్లోబల్‌ దిగ్గజ సంస్థలనుంచి భారీ వేతనంతో ఉద్యోగ ఆఫర్లు అందుకున్నారు. కానీ ఒక యువకుడి ఆలోచన మాత్రం భిన్నంగా ఉంది. తన కలను సాకారం చేసుకునే ప్రయోగాల్లో బిజీగా ఉన్నాడు. ఎందరు నవ్వినా, హేళన చేసినా పట్టించుకోలేదు. ఆయనే బిలియన్ల డాలర్ల విలువైన కంపెనీకి వ్యవస్థాపకుడిగానిలిచిన అంకుష్ సచ్‌దేవా కథ సాధారణ IIT మేధావి కథ కాదు. దానికంటే కఠినమైనది, మరింత మానవీయమైనది. ఎంతో ఇష్టంగా కష్టపడిన నిలిచి గెలిచినప్రయోగశీలి కథ. పదండి కథేంటో తెలుసుకుందాం.అంకుష్ సచ్‌దేవా కాన్పూర్ నుంచి పట్టభద్రుడయ్యాక మైక్రోసాఫ్ట్ కంపెనీలో ఇంటర్న్‌గా తన వృత్తిని ప్రారంభించాడు. కార్పొరేట్ ప్రపంచం అతని అభిరుచిని మరిపించలేకపోయింది. వ్యవస్థాపకత మార్గంలో నడిచేలా చేసింది. సచ్‌దేవా తన కెరీర్ ప్రారంభ దశలో 17 విభిన్న స్టార్టప్ ప్రయత్నాల్లో వైఫల్యం చెందాడు. అవును..అతని గుండె గదుల్లోంచి ఉద్భవించిన ‍ప్రతీ ఆలోచన ఇ-కామర్స్ నుండి యుటిలిటీస్ వరకు దాదాపు అన్నీ క్రాష్. కానీ వైఫల్యాలనే తన విజయానికి మెట్లుగా వాడుకున్నాడు. ఓటమి నుంచే నేర్చుకున్నాడు. ప్రతి వైఫల్యం ఒక ముఖ్యమైన డేటాపాయింట్. కట్‌ చేస్తే.. 18వ ప్రయత్నంలో ఇద్దరు సహచరులతో కలిసి అతను అసాధారణమైన దాన్ని సాధించాడు.2015లో తన IIT కాన్పూర్ స్నేహితులు ఫరీద్ అహ్సాన్ , భాను సింగ్ లతో జతకట్టాడు. ఇంటర్నెట్‌ ప్రపంచంలో మునిగి తేలుతున్న సమయంలో ఇదొక విప్లవాత్మక ఆలోచన, స్థానికమైన భాషను మాట్లాడే సోషేల్‌ స్లేస్‌ షేర్‌చాట్‌ను నిర్మించారు. తొలుత హిందీతో ప్రారంభమైనప్పటికీ, ఆ తరువాత 15 భారతీయ భాషలలోకి వికసించింది. ఫేస్ బుక్, వాట్సాప్ కంటే కొత్త అనుభవాలను కోరుకునే వినియోగదారులకు వరంలా మారింది.ప్రాంతీయ భాషలే బలంఫేస్‌బుక్, ఇన్‌స్టాగ్రామ్ వంటివి ఇంగ్లీష్‌పై దృష్టి పెడితే, షేర్‌చాట్ మాత్రం భారతదేశంలోని ప్రాంతీయ భాషల (తెలుగు, హిందీ, తమిళం మొదలైన 15 భాషలు) వినియోగదారుల కోసం ప్రత్యేకంగా రూపొందించబడింది. "మన భాషలో మన సోషల్ మీడియా" అనే నినాదమే విజయానికి పునాది వేసింది. షేర్‌చాట్ కంటే ముందు ఎన్నో ప్రయత్నాలు చేసిన ఈ ముగ్గురు స్నేహితులు యూజర్లు ప్రాంతీయభాషల్లో కంటెంట్‌ను షేర్ చేయడానికి ఇష్టపడుతున్నారని గ్రహించారు. ఫలితంగా గ్లోబల్ కంపెనీలకు ధీటుగా సొంత ప్లాట్‌ఫారమ్‌ను నిర్మించుకోవచ్చని నిరూపించేలా షేర్‌చాట్‌ను తీసు కొచ్చారు. ప్రపంచ ఇంటర్నెట్‌కు కనిపించకుండా ఉన్న లక్షలాది మందిని, మూల మూలన ఉన్న వారిని ఏకం చేసింది. పంజాబ్‌లోని ఒక రైతును అస్సాంలోని ఒక కవితో కలిపింది. మధ్యప్రదేశ్‌లోని ఒక గృహిణి వంటకాల ఛానెల్‌ వైరల్‌ అయింది. కేవలం ఆరేళ్ళకు 2021 నాటికి, దీనికి 160 మిలియన్లకు పైగా యూజర్లు వచ్చి చేరారు. భారీ ఆదరణతో పాటు కంపెనీ విలువ కూడా పెరిగింది. షేర్‌చాట్ 2021లోనే 'యూనికార్న్' (1 బిలియన్ డాలర్ల కంటే ఎక్కువ విలువ కలిగిన కంపెనీ) క్లబ్‌లో చేరింది. 2022 నాటికి ఇది అక్షరాలా రూ. 40,000 కోట్లకు (సుమారు 5 బిలియన్లు డాలర్లకు) చేరింది.2025 ఆర్థిక సంవత్సరంలో కంపెనీ ఆదాయం సుమారు k రూ.723 కోట్లుగా నమోదైంది. ప్రస్తుతం ఇది ఏడాదికి₹1,000 కోట్ల ఆదాయ లక్ష్యం దిశగా దూసుకుపోతోంది.కేవలం సోషల్ మీడియాగానే కాకుండా, ఇప్పుడు మైక్రో డ్రామా (Micro-dramas) ,లైవ్ స్ట్రీమింగ్ ద్వారా కొత్త ఆదాయ మార్గాలను వెతుక్కుంటూ లాభాల దిశగా ప్రయాణిస్తోంది.అంకుష్ సచ్‌దేవా పేరు స్టార్టప్ పరిశ్రమలో అత్యంత స్ఫూర్తిదాయకమై పేరు. రాత్రికి రాత్రే విజయం సాధించాలనే తపనతో ఉన్న ఈ ప్రపంచంలో, ప్రతీ ప్రతికూలతనుంచి ఒక్కో ఇటుక పేర్చుకుంటూ ఎంతో శ్రద్ధగా నిర్మించుకున్న వైభవం. దాని గొప్పతనానికి నిదర్శనమైన స్ఫూర్తి.

ఎన్నో సక్సెస్‌ స్టోరీలు నెట్టింట ఆకర్షిస్తుంటాయి. అలానే ఈసారి రెడ్డిట్‌లో వైరల్‌ అవుతున్న ఈ స్టోరీ వచ్చే అవకాశాలను ఒడిసిపట్టుకుంటే..ఆకామంత గెలుపుని పాదాక్రాంతం చేసుకోవచ్చని చూపించే గాథ ఇది. కనీస అవసరాలు తీర్చుకోలేక అల్లాడుతూ చాలీచాలని జీతంతో మొదలైన అతడి జీవితం..చార్టర్‌ అకౌంటెంట్‌ని కలవగానే ఎలా మలుపు తిరిగిందో షేర్‌ చేశాడు. ఈ కథ నెటిజన్లను..అమితంగా ఆకర్షించడమే కాదు..చాలా స్ఫూర్తిదాయకమైన కథ అంటూ కితాబిచ్చేశారు కూడా.అదేంటంటే..ఒక మెకానికల్‌ ఇంజనీరింగ్‌ డిప్లొమా హోల్డర్‌ రెడ్డిట్‌లో రూ.21 వేల నుంచి ఏడాదికి రూ. ఒక కోటి నుంచి రెండు కోట్లు వరకు ఆర్జించే రేంజ్‌కి ఎలా చేరుకున్నాడో పంచుకున్నారు. జాబ్‌ కెరీర్‌లో ఇంత పెద్ద సక్సెస్‌ని ఎలా సాధించాడో సవివరంగా తెలిపి..ప్రేరణగా నిలిచాడు. మొదట్లో అందరం చిన్నాచితకా ఉద్యోగాలే సంపాదిస్తూ..అక్కడ నుంచి అవకాశాలు వెతుక్కుంటూ పోవాలి. ఆ క్రమంలో మనకు ఎదురయ్యే కష్టాలు, సవాళ్లే..గొప్ప పరిష్కారాన్ని, విజయాన్ని అందిస్తాయిని చెప్పేందుకే తన కథను షేర్‌ చేస్తున్నానంటూ తన విజయగాథను చెప్పుకొచ్చాడు. తాను పనిచేసిన తొలి ఉద్యోగాన్ని గుర్తు చేసుకుంటూ..ఒక ఆర్థిక సంస్థలో "డాక్యుమెంట్ ఎగ్జిక్యూటివ్" ఉద్యోగం సంపాదించానని, ఎందుకంటే కరోనా సమయం కావడంతో ఉద్యోగ మార్కెట్‌ సవ్యంగా లేని గడ్డుపరిస్థితుల్లో ఆ చిన్న ఉద్యోగమే తనకు ఆదారమైందని చెప్పుకొచ్చాడు.ఆ ఉద్యోగం దగ్గర దగ్గర డెలివరీ బాయ్‌లాంటిదని తెలిపాడు. అప్పుడు రూ. 18 వేలు వేతనం అందుకునేవాడినని చెప్పాడు. తన పని క్లయింట్ల నుంచి ఫైళ్లను సేకరించడం, డాక్యుమెంట్లను వెరిఫై చేసి బ్యాంకులకు సమర్పించడమని అన్నారు. తాను ఢిల్లీలో వేసవి, శీతాకాలపు పొగమంచులను లెక్కచేయకుండా పనిచేసినట్లు చెప్పుకొచ్చాడు. అంతలా నాలుగేళ్లకు పైగా కష్టపడితే తన జీతం కేవలం రూ. 2 వేలు మాత్రమే పెరిగిందని, దాంతో రూ. 21,000 వేతనం అందుకునేవాడినని వివరించాడు. ఆ క్రమంలో ఒక చార్టడ్‌ అకౌంటెంట్‌ని(సీఏ)ని కలవగా..తన లైవ్ ఊహించిన మలుపు తిరిగి ..స్వతంత్రంగా ఫంఢింగ్‌ కేసును నిర్వహించి, నెట్‌వర్క్‌ ద్వారా ప్రాసెస్‌ చేస్తూ..50 శాతం ఆదాయం పొందేలా డీల్‌ కుదుర్చుకున్నట్ల తెలిపాడు. అలా ఇవాళ వందల కోట్లు విలువైన డీల్స్‌ నిర్వహిస్తూ..ఏడాదికి ఒక కోటి నుంచి రెండు కోట్లు వరకు గడిస్తున్నట్లు తెలిపాడు. జాబ్‌ మార్కెట్‌కి మన డిగ్రీతో పనిలేదని అన్నాడు. తాను ఇంతకుమందులా డెలివరీ బాయ్‌లా ఫైళ్లను బ్యాంకులకు డెలివరీ చేయడం లేదని, పూర్తిస్థాయి ఆర్థిక సలహాదారుగా పనిచేస్తూ..కోట్లు గడిస్తున్నట్లు చెప్పుకొచ్చాడు. తాను సంక్లిష్ట రుణ సాధనాలు నిర్వహిస్తానని,ప్రాజెక్ట్‌ ఫండింగ్‌ నుంచి ఈక్విటీ ఫండింగ్‌, పెట్టుబడులు, అధిక టికెట్‌ బీ2బీ రుణాలు వంటివి నిర్వహిస్తానని పోస్ట్‌లో తెలిపాడు. ప్రస్తుతం తాను వాణిజ్య రియల్‌ ఎస్టేట్‌ నుంచి ఆతిధ్య రంగంపై ఫోకస్‌ పెట్టినట్లు తెలిపాడు. ఆ నేపథ్యంలోనే హోటళ్లు, ఆస్పత్రులు కొనుగోలు, అమ్మకాలను సులభతరం చేస్తున్నానని పోస్ట్‌లో రాసుకొచ్చాడు. నెటిజన్లు బ్రో చాలా బాగుంది మీ విజయగాధ..చాలా స్ఫూర్తిదాయకం, ప్రేరణ కూడా అంటూ పోస్టులు పెట్టారు.(చదవండి: బిర్యానీలలో హైదరాబాద్‌ బిర్యానీ రుచే వేరు..! సాక్షాత్తు జపాన్‌ రాయబారి సైతం..)

అది ప్రపంచంలోనే పేరుమోసిన ఒక బహుళజాతి కన్సల్టింగ్ సంస్థ. అక్కడ ఉద్యోగం అంటే ఎంతో ప్రతిష్టాత్మకం. కానీ, అనారోగ్యంతో బాధపడుతున్న ఒక భారతీయ మహిళను ‘నీ వల్ల కావట్లేదు’.. అంటూ ఆ సంస్థ బయటకు పంపేసింది. అవమానాన్ని భరించి మౌనంగా ఉండిపోలేదు ఆ మహిళ. ఆరేళ్లపాటు అలుపెరగని న్యాయపోరాటం చేసింది. చివరకు బ్రిటన్‌ హైకోర్టు మెట్లెక్కి.. కార్పొరేట్‌ దిగ్గజాన్ని తలవంచేలా చేసింది. ఆమే పశ్చిమ బెంగాల్ కు చెందిన ఎన్నారై ప్రొఫెషనల్‌ సంజు పాల్‌.ఏమిటా కథ?సంజు పాల్‌ ప్రముఖ సంస్థ ’యాక్సెంచర్‌’ లో మేనేజర్‌గా పనిచేసేవారు. ఆమె ఎండోమెట్రియోసిస్‌ అనే దీర్ఘకాలిక గర్భాశయ సంబంధిత సమస్యతో బాధపడుతున్నారు. దీనివల్ల తీవ్రమైన నొప్పి ఉంటుంది. అయితే, ఆమె పనితీరు బాలేదంటూ, సీనియర్‌ మేనేజర్‌గా పదోన్నతి పొందే సామర్థ్యం లేదంటూ 2019లో సంస్థ ఆమెను తొలగించింది. ‘అప్‌ ఆర్‌ ఔట్‌’పై సవాల్‌! దీనిపై ఆమె ఎంప్లాయిమెంట్‌ అప్పీల్‌ ట్రిబ్యునల్‌ (ఈఏటీ)ను ఆశ్రయించారు. బ్రిటన్‌ ఈక్వాలిటీ యాక్ట్‌ 2010 ప్రకారం, దీర్ఘకాలిక అనారోగ్యాన్ని వైకల్యంగా పరిగణించాలని, దాని ఆధారంగా వివక్ష చూపడం చట్టవిరుద్ధమని ఆమె వాదించారు. కార్పొరేట్‌ సంస్థల్లో ఒక వివాదాస్పద నిబంధన ఉంది. అదే ‘అప్‌ ఆర్‌ అవుట్‌’.. అంటే నిర్ణీత సమయంలో పదోన్నతి సాధించకపోతే ఉద్యోగం వదిలి వెళ్లాలి. దీన్ని సంజు పాల్‌ సవాలు చేశారు. అనారోగ్య సమస్య ఉన్నప్పుడు దాన్ని సాకుగా చూపి ఎలా తొలగిస్తారని ఆమె ప్రశ్నించారు. వెనక్కి తగ్గని సంజు మొదట కింది కోర్టు ఆమెకు కేవలం 4,275 పౌండ్ల నామమాత్రపు పరిహారం ఇచ్చి కేసు ముగించాలని చూసింది. కానీ సంజు పాల్‌ వెనక్కి తగ్గలేదు. దీంతో హైకోర్టు సోమవారం సంచలన తీర్పు ఇచి్చంది. ఎండోమెట్రియోసిస్‌ వ్యాధిని విస్మరించడం తప్పని కోర్టు తేల్చి చెప్పింది. గతంలో ఆమెకు వ్యతిరేకంగా వచి్చన తీర్పును ‘అసంబద్ధం’అని కొట్టివేసింది. కేసును సరికొత్త కోణంలో విచారించాలని ఆదేశించింది. న్యాయం గెలిచింది ‘నా లాంటి దీర్ఘకాలిక వ్యాధులతో బాధపడే ఉద్యోగుల హక్కుల కోసం, పని ప్రదేశాల్లో వివక్ష పోవాలనే నేను పోరాడాను. ఈ విజయం నా ఒక్కదానిదే కాదు’.. అంటూ సంజు పాల్‌ భావోద్వేగానికి లోనయ్యారు. ఆమె సేవలను గుర్తించిన బ్రిటన్‌ ప్రధాని ఇప్పటికే ఈమెను ‘పాయింట్స్‌ ఆఫ్‌ లైట్‌’పురస్కారంతో సత్కరించడం విశేషం. అనారోగ్యం బలహీనత కాదు.. పోరాడితే అది చట్టబద్ధమైన బలం అవుతుందని సంజు పాల్‌ నిరూపించారు.